Bible

Matthew

Chapter 1NAWEWINA HI YEHU YEHU KRITU

¹Hurat wewina hi Yehu Kritu,ana Daud,anaAbraham. Hi Abraham amananya hi Ishak,hi Ishak amananya hi Yakub.Hi Yakub dunna amananya hi Yehuda jakka daanguwuana, ³ Yehuda amananya hi Peres jakka hi Zerah,nainada hi Tamar.Hi Peres amananya hi Hezron.Hezron amananya hi Ram.⁴Hi Ram amananya hi Aminadab.Hi Aminadab amananya hi Nahason.Hi Nahason amananya hi Salmon. ⁵Hi Salmon amananya hi Boas,nainnana hi Rahab.Boas amananya hi obed ,nainnana hi Rut.Obed amananya hi Isai.⁶Hi Isai jiakka naamana namatidang hi Daud. Hi Daud amananya hi Salomo, nainnana naarawei mouluna hi Uria.⁷Salomo amananya hi Rehabeam. Hi Rehabeam amananya hi Abia. hi Abia amananya hi Asa.⁸Asa amananya hi Yosafat. yosafat amananya hi Yoram. Yoram amananya hi Uzia⁹Hi Usia amananya hi Yotam.Hi Yotam amananya hi Ahas. Hi Ahas amananya hi Hizkia. ¹⁰Hizkia amananya hi Manasye. Manasye amananya hi Amon.Hi Amon amananya hi Yosia. ¹¹Hi Yosia amananya hi Yekhonya jakka daangwuana, nouyaka narahi kaihaku ta Babel.¹²Tahabalina nou ta Babel,Yekhonya amananya hi Sealtiel. Hi Seltiel amananya hi Zerubabel. ¹³Hi Zerubabel amananya hi Abihud. Abihud amananya Elyakim. Elyakim amananya hi Azor.¹⁴Hi Azor amananya hi Zadok. Hi Zadok amananya hi Akhim. Hi Akhim amananya hi Eliud.

¹⁶Hi Yakub amananya hi Yusuf,nalana hi Maria. Waling lahi Maria hina paananya hi Yehu Kritu ,nahawidang.¹⁷Jiayaka, ngaradukkada da labbi waling lahi Abraham toma lahi Daud habulu patu labbi, waling lahi Daud manga hi tomaya na kaihak ta Babel habulu patu labbi,waling noung akaihak ta Babel lappak hi tomaliya hi Kritu habulu patu labbi. Jajinaka hi Yehu Kritu.JAJINAKA HI YEHU KRITU¹⁸Ya, na lara jajina hi Yehu Kritu winna. Hi Maria na innana hi Yehu pabuhang wikidanya hi Yusuf,dadi dakka hangimanguha baddi pakabunaka namawaling ta Roh Kudus.¹⁹Jiadinguka,hi Yusuf na lana, tou murahuya hidanna buhang pa papama kiya tahaga madangu, hi Yusuf waingu haati dalunanya kakupaheawa denganya hi Maria winna naha wukkuna.²⁰Atanouana,tadalu dekinanya pangadungu,aminya na malaikat tanipina nawinnanya, ''Yusuf,naanan hi Daud,abbu mangeatmang amudekiya hi Maria amuwoluya araweimu jakajiadiya na Anana takabuna mawaling ta Roh Kudus suya.²²Ngardukkana namajaji yayi page'ananya nawinina napa paledina hi Moiri ta nabi-Na,²³Patetinyah,na lakeda mawinni buadaring jianga pakabuna manga hinna paananya na lakeada moani.Manga hida pangara-Nya Imanuel,''apakahilunya winna; ''Allah na kiddi maraida''²⁴jiayaka hi Yusuf na kiddika anna judda,hina keriya napa peakana na malaikat lahi dunna,manga hinadekiya hi Maria ,²⁵atanouana dadi naka hangi denga mahanyah lapak anajaji na anana na Lakeada moani.Mangaka,hi Yusuf napangaraNya,Yehu.

Chapter 2

¹DATOU MANYURRA DAMANUATUNYA HI YEHU

²Hidda patutur,''Bayanyak Nam, na Raja tou Yahudi namma bua jaji nut? Ya nyiama, langa itamanyaka naka pea-Na ta Timur jiaya hiamigama kamapiki manuatu-Nya wimma.''³Narangu tanounanyaha dunna hi Raja Herodes yayi,danahilu piamah napa ngadangunajiayaka hina oali bollunya na Yerusalem.⁴Manga,hinna pakeha bolluja ngaradukada da kapala imam jaka damma peangu Taurat ta tana nou.Natuturuha bayanya hi Kritu anajaji noungu.⁵ Dapagaping, ta Betlehem,ta loada Yudea,alanga tanou memanaka napa tulida da nabi; ⁶Nanni dummu Betlehem Efrata,ta loada Yehuda,damu bunimangu tapadua tou bakkul ta Yehuda,mawaling lahi ouya peala namapadedi wikkina mulagu Nyouwa, anapareahaya na Israel.⁷Tahabalina,hi Herodes kamaika hurinajaka datou manyurra, kakupeatekkanya narahi wahanguna nakapea awinna. ⁸Napalewaha ta Betlehem manga hi winnaja''Halaku jakka halidik pakalunya na Lakeada nou.Manga,ammi parega dengaka-Nyaka,peaka jellaganya dugu kakku pikki halaku jella lippi manuatu-Nya.''¹⁰Naitadanya nakapea nei,jiayak napareaha ati dengada denga tekkada.¹¹Datamaka ta umma, tomadanyaka na Lakeada regga innada hi Maria.Jiaka, karaddadanyaka adamanuatu-Nya. Mangalika, wehadajaka dapadou omah rara dapahadia-Nya hida harakanaja da omah,da kemenyan, jaka da mur.¹²Alanga panamudajaka tadalu nipida abidahilu bali lahi Herodes awinaja,adabali ta tanada hida ealungu larangi hawanguk.NAPALEAWAHA PALAI TA MESIR¹³Talidak adabali datou manyura , ittananyak na malaikat tadalu nipina hi Yusuf nam peakanya mang hi winnanya'' Kiddiya kamumarainya na Lakeada jaka na ina-Na kamipalailuruh ta Mesir.Engang nutu lau lapak huda akupeaka baligu, nei na Lakeada manyerananya hi Herodes kakuhamatiya awinna-Nya.''¹⁵mang hida engang nutu lau lapak ana mati hi Herodes keriya na winina hi Moiri napa langa papatomada da nabi; ''Kukamaikanya na Ana-Gu waling ta Mesir.''¹⁶HAMATI BOLLUDAJA NGARA DUKADA DA LAKEADA MOANI TA BETLEHEM¹⁷Jiamemayaka,napapatomana hi Nabi Yermia; ¹⁸Ranguya nam patiwung ta Rama,ana hou ta mila ati.Hi Rahel duna na houja daanana, danna weaku akali ahodaruya adahilu eijaka da anana.''NAPALEAWAHA BALI TA ISRAEL²¹Jiayaka ,kiddinanyaka hi Yusuf manga hinna maraibalinya na Lakeada jaka na ina-Na ta Israel.Mangalika,anaranguyak hi Arkhelaus namapareaha ta Yudea anaheapaya hi Herodes na amana mangeatnanya hi Yusuf pahalaku noung.Kerinanyaka napapeakadanya tanipina,jiaya hinna halaku noungu ta Galilea.²³Natomaka nou enga noung nanyaka ta Nasaret alanga tanoumemana napapatomada da nabi,''Dunna tou Nasaret widdanya.''

Chapter 3NAPANUNGANA HI YOHANES PAIHU

¹ Manga eiwalinyak hi Yohanes Pembaptis, nam papeaka panungang ta mareda kapubung Yudea. ²Winna napa tikina, ''Keriyaya nalarangi kallung, maraninanyaka naaminya hi Moiri walimg ta Surga.''³Jiaka napapanewina hi Yesaya ,''Einya nam patiwung; Wolunya larangi ta mareda kapubung hi MOIRI.Palijakunya larangi ta kapubung na Moirida jiata.'''⁴

⁵.Ngaradukana na tou Yerusalem amibolunya lahi duna, na Yudea jaka ngara dukana na loadana na Yordan. ⁶Mang jiaka hinna Ihhuha ta Sungai Yordan hida mangaku bolluja doaku jalada.⁷Mang anaittahaka hi Yohanes da tou farisi jaka da tou saduki aamija tapingi paihhu,winajak, ''Nani nyiami tou da rangu ,gearaya nam peakagimi himi palai ami paheiliya nam bani taladu nam aminya.⁸Atanoukana mipaheapanya napa ngadangumi dam kallung kammi pikikolinya napangadang nam buang, ⁹mang abihilu tikiwikikami,yanyiama amamanya hi Abraham abiwimkang,ga hi wigunougimi, kajiajellaha da watu ngodu napeangu na maraba Allah anapajajinaja anana hi Abraham!¹¹Ya nyouwa ihhu waigugimi wei nam pawarahumi,enga aminyah tahabaligu nyouwa nam reihi napeanguna, dakku hameara dengama-Nya ,jappak ta tara wihina danamoadamang akupaheilinaja jaka akuidinaja.Jiaya nam ihhu waigimi Hangahu Biaha jaka api.¹²Natippi eimemanya ta lima-Na, napa pawarahuya napingi hapeabunguna, na kehaya namaruahu pari mang hinna buriya talepit. Nakapeana damma eingu ihina taunaka api dapahilu piakungu apeddaya.¹³ HI YEHU ANAIHHUYA HI YOHANES PEMBAPTIS. ¹⁴Jakajiaka hi Yohanesdana mang hi winna-Nya,''Nyouwanguha napa ihhu-Mu, mang gawali hi Ouwali nam aming lahi nyouwa? ¹⁵Napa gaping hi Yehu winnanya, ''Atoukan yayi kerihingukadiya,tanou memanaka namajaji lahi jiata kapiki pahalakuya ngara dukana namakallung.Jiayaka dunna hi Yohanes hina keriya napa winang hi Yehu.¹⁶Anamengak paihhu hinna lohung wali tawei, ittadanyak na awang anataweha mang Dunna hinna itaya na Waddina na Maraba Allah anapurung mearana na mawurung merpati anaherang tapinu kabakki-Na.¹⁷Mang rangudanyaka namapanewi waling ta Surga , ''Nei einyaka na Ana-Gu napabuha-Gu, Jiayaka nahawai-Gu.

Chapter 4ANAGOADAYA MORITANA HI YEHU

²Na puaha patu mabulu ladu jaka patu mabulu ridung, jiaka hinna karobang.³Aminyaka na moritana analeaku-Ya mang hi winna-Nya, ''Jakka Ana Maraba Allah tekadiwu Ouwu,taiya kammupaleawah da watu hei kadda jaji roati.''⁴Jiadinguka winna anapagaping,''Einyaka nahatuli tahurat, Da tiddi jiamangu roati pamorik waina na tou rara,nawini namalohung waling ta a'an na Maraba Allah jiaya napamorik dengang hi winnanya.⁵Mang nou na moritana nam maraiwali-Nya tapadou pingi pahabayang hinna tau-Ya tapinnu kabungu Bait Allah namadokku jagaya mang hiwinna-Nya,''Jakka a'Ana tekkadinagu na Maraba Allah, leangwikkimu nei daku alangwinna mema nahatuli; Jiadiwu Ouwu , na Maraba Allah napaleawah da malaikatu-Na hidda kataku-Wu talimada abidama woahungu dawihi-Mu tawatu awina-Gu.'''⁷Napagaping hi Yehu winnanya,''mukahiludiwa hadekka,langa einyak nahatuli,Abumu kakamaya na Moirimu hi Allah nam winna.''' ⁸Mangalika,na moritana namarai jellanya hi Yesus ta tadulla nam dokkujagaya anapatekkana-Ja ngara dukana napoati jaka nadedina napinu tana, ⁹mang hi winna-Nya,''Ngara duka hei dapaita-Mu kuwoabolluguja am-Mu kahoru karadakaga nyouwa.¹⁰Napagapi muringu hi Yehu winnanya,''Helligu, Moritana! einya nahatuli 'Kahoru karada-Nya na Moiri maraba Allah jiapaya napamanuatumi amihabayang winna.'''¹¹Namengaka pawurutunya na Moritana, Amijaka da malaikat dam paa-Nya jaka dam painu-Nya.KAWUNGA PAHALAKUNANYA NAWININA HI MOIRI YEHU TA GALILEA ¹²Naranguka hi Yehu a'appaya hi Yohanes, wahiwikina-Nyak ta Galilea. ¹³ Nadijaku-Nya na Nazaret anahalaku ta Kapernaum mang hinna enga noungu, nawolu padouna wiwi tamma , nam padiranya na Zebulon jaka na Naftali,¹⁴kan piki paleti nounguya nahawinang hi Nabi Yesaya:¹⁵"Na tana Zebulon jakka na tana Naftali, na lara'ngi mananga ta habali Yordan, Galilea, da tana tou Yahudimaya, ¹⁶Damma engang tamakapetang ittangnanyaka mawahang bakkul,mang dudda dam engang ta praing mamati hungananyaka namawahang napamorik dengada.¹⁸Natomaka tawiwi mananga ta Galilea anahalaku hi Yehu, itanajaka hi Simon Petrus rega angwuada hi Andreas, ada wolaruja da jalada ta mananga alanga pakerra memadanyaka najala kaboku.¹⁹Mang winna jakka,''Maiya keriwa Nyouwa Kakku palijalagimi kammi pikki jalaya natourara .'' ²⁰Jiayak dudda hi mataja da jalada manga hidda keriya Dunna.²¹Manga waliniminak lauwu, naittaliha damma toumadua rega angwuada, hi Yakobus na anana hi Zebedeus jakka hi Yohanes na angwuana. Dudda eija ta teana hangi rega amada hi Zebedeus tanga pakallung jalada.Manga hinna kamaikaja. ²²Manga, dijakkudanyaka nateana jakka naamada hidda keriya hi Yehu.HI YEHU NAHAKOALAYA MANGA HINNA PATEGAHU NATOU DANGU ²³Mangaka, halakolinanyaka hi Yehu ananahiya na Galilea, anahakoalaha datou ta umma pingi pahabayangudda, napeakadanya namoriku malodung,mang hinna podah bolluh da panyakit jakka hinna teggahu na tou dangu.²⁴Jiaka hinna rangu bollu ngara dukkana na Siria.Mang amibollujaka lahi Yehu ngara dukkada damma kapiala,damma wutu manu,damma kalangu,jakka damma karakka hinna pategahuha.²⁵Howuna-Nyaka tou dangu namma waling ta Galilea,ta Dekapolis, ta Yerusalem, ta Yudea jakka namma waling ta habali Yordan amibollunya anna keri-Ya.

Chapter 5NAPANUNGANGUNA HI YEHU TA KARAHA NGABANG Woangu Li Kanyuru

¹Naittahakka da tou dangu,deatangnanyak hi Yehu ta majaga.²Mang na ngoduka,amijaka da muritu-Na hinna ajaruha, hi winnaja,³''Damma ri malalakangu da tou milla ati, enga jiaha damma kollinya namorikku malodung.⁴Damma rimalalakangu da tou rengu langu, enga jiaha damma kollinya na egi ati jakka na kali koku⁵Dakanyuru kanagaka dudda dam maloana atida enga patuppung dida tapinu tana.⁶Dakanyuru kanagaka dudda damakaroba madounya nawini kallung, enga binu ba'ung didda.⁷Dakanyuru kanagaka dudda damanamu oalida enga namu jelladidaja. ⁸Dakanyuru kanagaka dudda damawarah pangadanguda, enga ittadidanya na Maraba Allah.⁹Dakanyuru kanagaka dudda dam idiya nam kallung enga jiadihaka da anana na Maraba Allah. ¹⁰Dakanyuru kanagaka dudda dam mawilla denganya nawini kallung enga kolingdida padoung madehha ta Surga.¹¹Mikanyuru kanagaka dummi apajappumi jakka ahukkagimi ati, atoalagimi jakka angiki waigimi mula-Gu Nyouwa. ¹²Pahennanguya napangadangumi jakka paegiya naatimi enga kollingdimi mapatu'a ta Surga. Langa toujelladaja da nabi damamoulu ada tauha hidda mawilla mang hidda hamatiha.Na Mahing jakka na Hulu¹³Nyiami mearana na mahing,na mahing adana hillu barrukaka,gikikadanyaka?Daeamanguha gunana jiakadiyaka naleadanya mang hinna kalijjakuya tourara.¹⁴''Nyiamika hulu tapinu tana. Napadoungu nam jaga dapiakumanya akabuninya.

¹⁶Anakaya nahulu napa hamanumu kanawahang mearana nahawolumu nam kallung hidda ittaya jakka adakeriya, mang hidda wuatu hailanya na Moirimu nam einya ta Surga.''NAPALARAJA DA TAURAT JAKKA DA HURAT NABI¹⁷Abimihala pangadakangu na ammi-Ga yayi kak-Ku hellinya na Taurat jakka da Hurat Nabi dawiggumang. Jiadinguka hi ammi-Ga kak-Ku pikki palara pakalunya jakka kak-Ku patiddinya wiggu.¹⁸Kak-Ku panewi hingugiminya nam padening,lapakung anatabillu na tana jakka na awang, dajiang eimang hangi kareggat patuli ta Taurat paheling, jiadinguka ngara dukkdda papalara pakallunguha.¹⁹Jiayaka,gearaya nam helinya langa kahakudukkana na preahanahi Moiiri mang hinna peaka jellaya taoalina, dunna peala hakuddukki duman noudeaha ta Surga.Jiadinguka gearaya nam pahalaku bolluya ngara dukkana na preahana hi Moiri ,dunna jiaya peala nam kollingu mapatu'a ta Surga. ²⁰Jiaya hi wig-Gu memmagimi amipahalakuya na wini areihi dakallungkayak waling ta ahli Taurat jakka da tou parisi, dammi kolli hingu memanguha padoungu ta Surga.LARA PABANING WIKI APPA ANGU WUANGU²¹Nyiami langa ranguminyaka nahapeakadaja da boku appuda'Abimahamatimang oalimi nam winna,' mang agearakaya nam mahamati oalina napadou memanguka a'iddiya tama paadil.²²Mang wig-Gu jella gimi kageara hinguya nam baning angwuana,einya ta dalu hukkung, jakka agearakaya na baning agwuana,'makabangami nyiami nam winna,'napadoung apangoduya tahagada dam hamannuya na hukkung agama,jakka nam baning angwuana ,'nyiami tou jingami nam winna,napadoung anatama ta api neraka.²³Atonoukanaka, amiiddikahaka dam nuatungumi dapawuatu hailami ta umma pingi pahabayang, jakka aeikanyaha taatimi dadi mamurah mahagang ta anguwuami, ²⁴bijal lettukaddiha dam nuatungumi ta roangu uma pingi pahabayang, mibalilettu kammi kallu dengaja da anguwuami, amengadika nouwu mang him bali amiwuatu hailaja dam nuatungumi.²⁵Gehamiya kammi kallu dengaja da tou dam wukkung pageagimi ahadekka maraimiha ta larangi abbi dapiaku adda harakagimi ta hakim,mang da hakim abbi daharakagimi ta tou papaleawada, hidadaleami ta gallu. ²⁶Ya Ku-tikki memagiminya nam padening, dammi ittamang binnami mahagang tamakalung, adaddi nadukkaka napahukkang wikimi ati.NATOU NAM LAUNG MAWINI HAWANGUKv 27 ''Nyiami miranguyaka,'abbi laumang mawini hawanguk nam winna.'²⁸Jiadiyaka,hi Kutikkigiminya gegearakaya natou nam patetija dam winni mang hinna buhanya ta atina mearanaka analaunya.³⁰Manglika, tanou jella na lima lawanami ana irihkamika tapajala waingu,mikatupu luruhuya mang him le'aya,reihi kallunguya addaeinya hangi nalimamu danameara noumangu ngaradukkana naihimu ale'a bolluya ta neraka.NAPATA PAHEAWA³¹Langa winna memmaka yayi,gearaya nam paheawa denganya na araweina nawoanya hurat paheawa na araweina weiga.³²Atonouana wigugimi gearaya nam paheawa denganya naaraweina mulana analaungu moani hawanguku, mearanaka anapaleawa na araweina laungu moani hawanguk.Jakka,agearakayaka nam araweingu mawinni papaheaw dengangu la,dunna mearana analaungu arawei oalina.NALARA PARUNGU³⁴Jiakadiyaka, Nyouwa hi wigugimi; abijiang paruwaimaminya na surga alanga nouya namaraba Allah pingi pangoduna, ³⁵toujellana na tana alanga nouya na pingi parejjakuda da wihi-Na, toujellana na Yerusalem alanga nouya napa douna hi Ama bakul katiku jakka luar wuamata.³⁶Abiparuwaimaja dakatikumi dami peamangu hawoluya halua naloagimi, nam metting jakka nam kaka. ³⁷Jakka a'oa, oa wimmi,jakka daa'mang, daa'mang wimmi,mang kahedikaka mawaling ta moritanaya.NALARA PAGEADANYA³⁸Nyiami langa rangumikapatiki, 'wua mata paheapa waija oali wua matada jaka da wua ngidu paheapa waija oali wua ngiduda. ³⁹Jiadinguka kutikki memagimi abimigeamanya dam kallung,mang atonoukana gearaya nam kababagunya napapu lawanamu,pajima jellananya napapu laleimu⁴⁰Jakka agearakaya nam kareigunya na koapimu muwoajellakadinya ngawumu.⁴¹Mang jakka agearakaya nam paruhugu halaku hangi mil, mumarainya kamihalakunya nam duba mil marouna. ⁴²Muwoanya natou nam kareiwu abbu habali kaluamanya natou nam karei heapawu.NAMUYA NA MUHUMU⁴³Nyiami miranguyaka nawini napa peakadagimi,'Namuya na oalimu,'jakka 'Hukanya ati na muhumu,' nam winna.⁴⁴Jiadinguka Nyouwa wiggugimi, namubolluha da muhumi jakka habayaja da tou dam pamawillami, ⁴⁵Tanoumiha hinna anagimi na Amami ta Surga mang hinna pahunganya na mataladu jakka nahapurunya na urang ananamuha da tou kallung jakka dam kallung.⁴⁶Abi tidijiakaya natou nam namumi napanamumi, ganakanyaka naha kollim nyiami? Penya natou keadu datoujellamana?⁴⁷Mang aitddi jakahaka da oalijajimi dapabuhami ganakanyak napareihi kallung dengami? Mang datou dadi mapeanya nam Maraba Allah datahou jellamada? ⁴⁸Atonoukanaka,nyiami mimurahu hinguha mearangu na Amami ta Surga Jiaya nam murahu.

Chapter 6NALARA WOANGU

¹Mimaromatung amipahalakuya napakerana hi Moiri tahaga tourara,kadaitawaida abiwimikangu.Jakka atonoukamika damikollimang kaheawami waling ta Amami ta Surga. ²Jiakadiyaka, amipatamakanguka riti ta umana hi Moiri abi wolumang taduk,mearangu da tou munafik kaittawaigam awidda dahalaku tauma pingi pahabayang, jakka ta wiwi larangi.Kutikkigiminya nam padening, hei datou matoungu langa kollingu daka taguda napa hadianaja hi Moiri.³Mang anawoakanguka nalima lawanamu abinapeamanya nalima laleimu, ⁴hidda eingu maittagunya nahawoamu mang kajiakaya na Amamu nam einya tamakabuningu nam ittaguja dahawoamu mang hinna woagu tagumu.''NALARA HABAYANG⁵Mang ami habayakanguk, abimearakang ta tou dam hangaja adahabayang ta uma pingi pahabayang jakka adadedi ta wiwi larangi kanapiki ittama tou awida.Ku panewimemanya nam padening lahi nyiami,langa einyaka na taguda hei dudda.⁶Toukan nyiami habayang awimikaka, mitama ta korungumi, toadiha da bina korung, mang him habayang lahi Ama nam einya tapadoung makabuningu, nam itta bolluh dam patodang jiaya nam woagimi kanyuru tagumi.⁷Mang ami habayakanguk,abi tikki bolludiya dam padening,nam hamearang nahawoluna na tou dadi mapeanya na Maraba Allah, anadangu napatikida jiaya hinna rangudaja dahabayanguda awida.⁸Jiakadiyaka, abi kerihoumaja dudda, na Amami lang peanajaka dahawuku adadi mikarei-Ya. ⁹Amihabayakanguka wimmi noungu, 'Ama nam eingu ta Surga, Mapabiahagunya na ngara-Mu.

¹¹Woakagama nyiama, taladu yayi,paangu rekatuddana.¹²Jakka, abinamukagamaja da halama nyiama, toujellana nyiama abimanamuha da halada datou dam wolu mahala lahi nyiama. ¹³Jakka,abi irihkakima tam hadanga, palikaloagakima nyiama waling dam kallung. Alanga Oumemadingu na pingi jarra, jakka nam kullih, jakka nam deedi lapakung barobaru dam eingu dikkina. Amin¹⁴Atouna nyiami adami namudiha dahala tou hawanguku, tou jellana na Amami ta Surga dan namumagimija da halami. ¹⁵Jakka aminamu juakahaka dahala oalimi nyiami, tanou jellana na Amami danadengamaja dahalami nyiami.NAPATA PUAHA ¹⁶Jakka amipuahakaka, abikerimah datou hangaja adaheaka dangorada kaittawaigama amapuaha awida. Kutikkigiminya yanam padenig datou hei lang kolling daka taguda.¹⁷Atoukana nyiami,amipuahakaka, mikalapaha daloagimi jakka bahajellaha dangoarami ¹⁸abi naittami tou amipuaha,kajiakaya na Amami nam einya tapadoung nam kabuning namaittami.Mang na Amami namaitagimija dahawolumi jiaya nam pageagiminya.HADIANYA OMAH RARA NAMORIK TA SURGA²⁰Jiakadiyaka muhadiang wikkimu omah rara ta Surga, da wuuk jakka napateirarangu danalimah manga nam keadu danapiakumaja anaweharuha mang hinna keaduja.²¹Mang abayakaja da omah rara pingi habijalmuja mutauha taatimu.''²²Dawuamata jiahaka da hulu dapaittawaingu. Jiayaka, adakallukanguka dawuamatami, ngaradukana naihimi nawaha bollung. ²³Jiadinguka, jakka adadakallu kanguka dawuamatami, ngaradukana naihimi nakapetta bollung. Jiakadiyaka, jakka anakaptakanguka na hulumi, darekkanoumayaha nakapetangumi. ²⁴Daeimangu tou mahamoiri touma dua, atonoukana peala buhha mehananyaka nam hatouna,mang hinna pajappuya nam hatouna. Nyiami dammi piakumangu amipaata lahi Maraba Allah, jakka ami pabuatuya nadedina napinu tana.ABBI MIMOMUMANGU²⁶Taiya kammi patetija dam wurug dam peangu parawing, jiadinguka na Amami ta Surga nawoaja pa'angu.Penya nyiami dareihi padeadu managimi?Gearaya nyiami mulan namomuna nam taba hangi na larangi morikkuna? ²⁸Jakka napapakennakimika,ga himi momu? Patetijah da bunga tamareda,ga hidda tubuli,dadarawimangu, dadapaullamang wuakaba, ²⁹Jiakadiyak hiwiggugimi kagikki dehha noujellana hi Salomo napekenang ngawuna daeimang hapangu tekka mahameara denganya waling nadehada dabunga dan tubu tamareda.³⁰Jiayaka, jappa darutu duda dam morik ya laddu mang anawehang dapale'a ta api, napamanadaja na Maraba Allah, penyanyiami dareihi parurumanagimi, nani nyiami dam manni-Nya? ³¹Jiayaka atanouna, 'Gannakanyaka napa'ama?, jakka 'Gannakanyaka napainuma?',jakka 'Gannakanyaka napapakenama abbi wimmikangu?'³²Jiakadiyaka, ngara dukana natou tapinu tana jiabolluyaka napamanyerana jiadinguka na Amami ta Surga napea rehidanyaka ajiaha dahamorikwaimi, ³³Jakka atanoukana, manyerra moulunya na jarra jakka nakallungu-Na, hinna tabagimija ngara dukkada dapakareimi. ³⁴Jiaya,abbi momumangu natu'ana naladdu baruwehang, naladdu baruwehang eimemanguka taguna.Paturakanya taguna nam hangina naladdu.''

Chapter 7NALARA PAHAKKING

²Peala napahakkiwaingu oalimi jiajella napahakki waidagimi,jakka nakatutu napakatutu waimi oalimi jiajellaya napa katutuwaidagimi.Mangaka, gawali nyiami himittaliya nakaludung tawuamata oalimi, jappa napenangumi tawuamata wikimi dammi ittah? ⁴Mang gikineikami amipanewi taoalimi, 'maiya kakuheligunya nakaluduk tawuamatamu awimmi,'mang napennang tawuamata wikkimi mi'ittakadiya? ⁵Nanni nyiami tou munapik, hellimoulupanya napenang umi nam einya tawuamatami, mang him itta pakallunya amihellinya nakaluduk nam einya tawuamatana na oalimi.⁶Abbi tiddile'akaya nakatiroumi ta'ahu, mang abbi tiddile'a jellakaya na omahrara tahagana nawawi hi dana letiwainya mang hinna balli nougimi anahirra pipiami nyiami.KAREIKADINGU,MANYERRAKADINGU,MANG KATOKKADINGU⁷Kareikadingu, enga woadidagimi nyiami.Manyerrakadingu, enga kolling dimmi.Katokkadingu, enga wehadidagimi binna. ⁸Natou nam karei , jiaya naha woangu, jakka natou nam manyerang jiaya nam kolling, mang jakka natou nam katokkuya na binna jiaya napawehang binna. ⁹Geara jellaya nyiami, anakareikaka roati na anana nam woanya watu? ¹⁰Manga, geara jella dunna ana kareikaka kaboku na anana, nam woanya maddu?¹¹Atonoukanaka, jappa nyiami tou dakallung mipeangu pawoaja makallung da anami, parereihingu na Amami ta Surga reihi peanguya pawoanya makallung natou nam buhang pakarei-Ya.''NAHUKKUNG NAPAHAMOULUNG¹²''Aganakanyaka nahawukkumu taoalimu kanna pikki woaga makallung awimmukaka, tanou jellamu nyaha dunna mang hinna woajellagu makallung, alanga jiaya memayaka na ihina na taurat jakka na hurat nabi.''LARANGI NAM HAGANG TA MORIKU MALODUNGTamahingukading ta binna nam haddanga dokku luar oataya na binna nam hagangu ta kealang hamatidengang, jakka dokku dangu oataya natou nam tama noungu. ¹⁴Nahadanga tekka na binna mang kihhi oatang ta larangi nam hagangu ta umma moriku malodung, jakka hakudduki nam tamanya.''MAROMATUNG WALING TA NABI DAM WALLUK¹⁵Yayi, paatiki walingu ta nabi dam walluk dam amija lahi nyiami adapakenang koapi kallung, tahabali dahapeami nyiami nam einya ta atida hei datou mearada da ruhha karobang dam manyerang pa'angu ada'angu oali madagada mang hidda bihhu.¹⁶Waling naha woluda jiaya peala himi peaja datou hei. Penya nam na bihading natou anapupuha dawuapeala waling ta libbu ri jakka dawua kapillit waling tapingi ai mapari? ¹⁷Tanoujellada, ngaradukkada da pingi ai kallungu dakallu jellangu dawuada, mang da pingi ai dam kallung dudda, dadda kallu jellamang dawuada.¹⁸Da pingi ai kallungu enga kallunguda da wuada, mang da pingi ai da kallungu dajianga kallungmada dawuada. ¹⁹Ngaradukkada da pingi dam kallungu dawuada jiaha dahapogu mang hile'ah ta api. ²⁰Jiakadiyaka, waling tahawoluda hei datou jiayanguha himi peaja nyiami.²¹Dajiamaya natou nam paroa-Ga, Moiri, Moiri,'awinna nam tama ta Surga, jiadinguka gearaya nam pahalakuya nawini-Na na Ama-Gu, jiaya dunna nam tama ta Surga. ²²Taladdu nou peala nadangu natou ,'Moiri, Moiri, nam winna-Ga' danyiamang yannaga nam tikkigunya na ngara-Mu, mang nam peanya narahi ami-Gu, mawuruttunya na moiri tana tadalu nagara-Mu, mang himakollinya nabiahaa-Mu ta dalu ngara-Mu? ²³Mangaka, Nyouwa hiwigguja datou hei, 'Nyouwa dadi Kupeamagimiha nyiami! Mihelligimi ta haga-Gu, nanni nyiami nam wolu dam kallung.'''RANGUYA JAKKA PAHALAKUYA²⁴Atonoukanaka, ngara dukkana natou nam ranguya napatikki-Gu yayi mang hinna pahalakuya mearana natou nam malaipangadanguna nam padediya na ummana tapinu watu. ²⁵Mangaka, purungnanyak na urrang mang aminyaka na wiwa,jakka na ngillu nam kapahaya na umma weiga, jiadinguka na umma nei danna boppamang alanga padedidanya ta pinnu watu.²⁶Mangaka, ngara dukkana natou nam ranguya napatikki-Gu yayi mang hidana pahalakuya mearana natou kabanga nam padediya na ummana ta pinnu korrah. ²⁷Mang napurunguka na urrang jakka aminyaka na wiwa, mang hiamilinya nangilu nam toduya hinna boppa, mang darekka noumayah na taweharuna nei weiga na umma.²⁸Namengadika hi Yehu anatikkidanya nei weiga, nakabarra tekka na tou dangu napapeaka-Na,

Chapter 8

¹HI YEHU NAPATEGAHUHA DATOU DAM KATOBU

²Mangaka, ittadanyak natou nam katobu anatoma-Nya, mang hinna karadda tahaga-Na, mang winnak, ''Moiri,Amu weaku pakingu, Ouwu enga pategahmuga.'' ³Manga, pajoalananyaka lima-Na hi Yehu hinna jamiya, Hi winnanya, ''Kuweaku, teggahuya.'' Taladdu nou memma, pategahdajaka katobuna.⁴Mangaka, winnanyak hi Yehu, ''Pa'atikinya, abbi mutikki hingumaya tahatou tekka, halakuya patekkanyaya na ihimu ta imam, mang hailanguya manuatung keriya napareahana hi Musa kadda pikki itta hei dudda dam dangu.''NA'ATA PERWIRA ROMAWI NAPAPATEGAHU⁵Natomaka hi Yehu ta Kapernaum, hatouna na perwira nam aminya lahi Dunna, ⁶mang hiwinna, ''Moiri, na'atagu engakina anna karakka ta umma, darekka mawillamaya.'' ⁷Mang, hi Yehu winnanyaka, ''Attudi-Ga Kakkku Pateggahuya.''⁸Jiadinguka, napagaping na perwira winna, ''Moiri, nyouwa danapadoumang, akupatamagu Ouwu ta mawugu, nounamu tikki hingukadiya langka hangi kawodukana enga teggahudina na'atagu.⁹Hiwiggu noungu, nyouwakaya tou tabara wawa jellawa, oalideamaka da tentara dapapaleawugu. Jakka akku paleawakayak nam hatouna, 'Huuya awigunya.'enga atunya, mang maiya nimi hawanguk awigukajaka enga amija, mang kerranya nei awigukajaka da atagu, enga kerradanyah.'' ¹⁰Narangukiyaka hi Yehu atanouna, nahennang tekka mang winnajaka datou dam keriya, ''Nyouwa kakutikkigiminya nam padening, Nyouwa daddi kuittamanguha manning makullih toung nei tatou Israel.¹¹Kakku peaka memegimi nyiami enga doku danguya nam aminya waling ta timur jakka ta barat, dam a'dengaja hi Abraham, hi Ishak, jakka hi Yakub ta uma Amada ta Surga, ¹²jakka jiadiha ana madedi tapinu tana pale'ahaka tamakapettang nam akit. Nouhaka ada weimata dam wara ada'akitu mawilla.'' ¹³Manga,winnanyaka hi Yehu na perwira nou weiga,''Huyaya halakuya''najajika ta tu'amu agananya napa langmannimu.'' Jakka, taladdu nou jella, na atana apategahuya.NA INA EARANA HI PETRUS JAKKA NATOU DANGU APATEGAHUYA¹⁴Anatomaka hi Yehu ta umana hi Petrus, ittana-Nyaka na ina earana hi Petrus anakadauku. ¹⁵Jiayaka, hi Yehu hinna jaminanya nalimana hinna alolu tagah. Mangaka, kiddinanyaka analayanya hi Yehu.¹⁶Anatikki haridunguka, amijakka adda maraina-Ja datou dam regga moritana, mang Hinna wurutuja damoritana naha dekkapaja anakayekkah, mang ngara dukkada dam kadauku hidda tegah bollu, ¹⁷kan pikki paletingu napa lang winnangu hi Nabi Yesaya;''Dunnaka nam taggu deitudaja daloja jakka dahamawuluda mang nam tagu tidduja dapadda jakka dahidduda.''KERI NOUNYA HI YEHU¹⁸Mang nou weiga ittanajaka hi Yehu datou dangu dam kaworunya, jiayaka hinna paleawaha pala tahage'a mananga.Datomaka, amijellanya na tou peang taurat mang hi winna-Nya, ''Guru, kukeri-Wu langka baya-Gu am-Mu halaku yangu.''²⁰Mang jiayaka, winnanyaka hi Yehu,''Da'ahu omang eingu go'uda jakka dam wurung ta awang eingu hi'uda. Jiadinguka na Ana Tou Rara, pingi pakala wai'ana-Nya nakatikku-Na damalli eimangu padouna.''²¹ Einya hatou namuritu-Na nam winna-Nya, ''Moiri, pahella lettuga nyouwa kakulipitanu lettupanya na amagu nam mati. ²²Napa gaping hi Yehu winnanyak, ''Keri hinguwaya Nyouwa, mattakaja datou mati kadatanuja daoali tou matida.HI YEHU NAPAKAWANARUYA NATAHIK NAM TAUNG ²³Mang nadeatanguka hi Yehu tapinu teana, damuritu-Na amijellajaka adakeri-Ya. ²⁴Mang kiddinanyaka na ngillu bakkul jakka ittadanyaka nangalungu anataungu hinna boaninya nateanada. Jiadinguka hi Yehu juddapananya. ²⁵Mangaka nou, amijaka damurituna hi Yehu adabangi-Nya, Moiri, gatagama nyiama! matimanyaka!"²⁶Jiayaka Hi winnaja,''Ga nyiami himi mange'atoli, nanni nyiami dam maddung pangadanguna?''Manga, dedinanyaka Dunna hinna kayekkaya na ngillu hikeri kawannar hinguna. ²⁷Jiayaka, natou dangu hinna kabarra denganya mang winnak, ''Ga touyak nam nei Dunna, hinna pakawanaruya na ngillu jakka na tahik hi tiddi kerina-Nya nahatikki-Na?"TOUMADUAH DATOU GADARA DAM REGGA MORITANA²⁸Natomaka hi Yehu anapala ta Gadara, amijaka dam touma duaha dam regga moritana adda toma-Nya. Ammija walida ta rati mamati adokku ganahuha, jiaya hidda eingu tou maliya na larangi nouw. ²⁹Manga, ittadajaka dudda adda patiwung, gannanya napa maidenga-Mu Ouw lahi nyiama, nanni Ana Maraba Alla? widdak. Hi ammi-Gu nimmi kakku pikki hukkuja langka daditomakaya narahina wim-Mu gamma nyiama?''³⁰ Mang eijaka dawawi majangi talihida dam manyerangu pa'angu.³¹Jiayaka damoiritana weiga hidda karei-Ya mang hi widda-Nya, ''Jakka awurutka-Mu gammaka, paleawa nougama kamapiki tama neilauwu tawawi dangu.'' ³²Mangaka, winnajaka hi Yehu, ''Huyay halakuya!"winnaja.Jiayaka lohungdanyaka waling tatou mang hidda tama tawawi dangu, mang jiayaka dawawi hidda le'ang wikkida waling ta ngabang lapakangu ta tahik, mang hidda mati ta wei.Datou dam jawaha dawawi dangu palaidanyaka, hidda tama ta koata, mang hidda lolluk bolluya, nam jaji jakka datou dam regga moritana Anapategahuha hidda warah bali. Mang ittadanyaka ngaradukana nam einya ta koata analohubollung anaparegga denga-Nya hi Yehu. Adda ittayaka hi Yehu, kareida-Nyaka kanna pikki jijakkunya na loadama awidda.

Chapter 9

¹NAPODAHUNAJA DAHALANA MANG HINNA PATEGAHUYA HI YEHU NATOU NAM KARAKKA

² Mang ittadajak damma maraina-Nya natou nam karakka nam tiddi touna anamaturu tappa doungu.Anna ittadajaka nappangadanguda nam manning, panewi dengananyaka hi Yehu natou karakka,''Pamaddunyaya na atimu, akuana-Gu, da doaku jalamu Ku poddahgujaka winnanyak.''³Mangaka, amijaka hawanguk da ahli Taurat, ''na tou nei pakitungna-Nya widda taatida!"⁴Jiadinguka hi Yehu napeanya napangadanguda,jiaya hi winnaja,''Mang gawali nyiami him pangada dakaloling ta atimi? ⁵Beinya nam reihi dehha atikiya, da doku jalamu poddahgujaka awidda, jakka 'Kiddiyaya halakuyaya awidda? ⁶Nou nam, kammi pikki peanya atoukana ta pinnu tana na Ana Maraba Alla jiaya na eingu Kuahana anna poddahuha da doku jalada.''Mang nouwu, panewi dengananyaka hi Yehu na tou karakka,''Kiddiyaya, hadulyaya napadou juddamu, baliyaya!''winnanyak.⁷Jiayaka hinna kiddi mang hinna bali. ⁸Mangaka, natou dangu anna itayaka nam jaji, kabarra dengananyaka manga wuatu hailananyaka hi Moiri nam hapurunya na biaha-Na ta tourara.Hi Matius nam tagi hi katiku anakeriya hi Yehu.⁹Nabali wali nounaka hi Yehu, ittananyaka hi Matius naha widdang tanga ngoduna tapadou pingi papakehadaja da hi katiku. Jiayaka maiyaya ''Keriwaya Nyouwa winnanyaka.''Mangaka, kiddinanyaka hi Matius anakeriya hi Yehu.¹⁰Mang tangangoduna hi Yehu anna angu ta roangu umma, amijaka dam taggu tagi hi katiku jakka da tou dakallung, adda a,denganya hi Yehu jakka da muritun-Na. ¹¹Da,itta tanouwalidanyaka hei da tou parihi,widdalijaka da muritu-Na, Ga na gurumi hinna a,dengalija damma tagu tagi hi katiku jakka da tou dakallung?"¹²Jiadinguka anna ranguka hi Yehu, winnapang,''Natou nam sehat danna parlumang mataungu moru, nam kadauku jiaya nam parlu mataung moru. ¹³Hiwigu nougimmi, halakuyaya kammi piki peanya naha wiggu dengagimi ya,'Napa buha-Gu Nyouwa napa namung jiaya, dajiamaya gananya napawoami ammi manuatu waingu, mangali wiggu jellagimi A,amiga tapinu tana Kakku manyeraja datou warah dawiggumang, mulanaka natou majurak dam kallung nam doaku jalana.''NAPPA TUTURDANYA NAPUAHA.¹⁵Jiayaka pagaping nanyaka hi Yehu winnajakka, ''Penyanammu eijellang mahadukka atidengaja damma pa,la arraweingu adutuha apakahangija takorru ummada? Jakka anatomakayaka narahina anadekiya na moani waling talihida, jiayanguha dudda hidda puaha hidda hukung pa,angu jakka pa,inung.''¹⁶Daeimang hatou tekka nam biha anna pakka dekkanya nakaba bua jakka takaba dei, peala jiaya hinna taba majirrak nakaba bua.¹⁷Toujellana na anggur nam buangu danna bihamang aburiya ta arrung dei, atonoukanaka, doirinanyaka na arrung mang boangunanyaka na anggur,mawuwutuknanyaka na arrung. Jiayaka, na anggur nam buangu bijallu jellayaha ta arrung nam buangu mang hidda meara kallung.''HI YEHU NAPA MORIKU MAMATI JAKKA NAPA TEGGAH MAKADAUKU¹⁹Mang kiddinanyaka hi Yehu anna keriya natou weiga, jakka damuritu-Na attujelaja.²⁰Jakka itta jelladanyaka a,aminya nama winni nam kadauku boangu ra, habulu duba dounaka madeina, mang hinna lihinya hi Yehu, na jamiya na koapi-Na waling takadeanga-Na, ²¹alanga winna memma taatina anapanewi, ''Malli kujami hingunanya na koapi-Na, enga teggahugu winna.'' ²²Jiadinguka hi Yehu nagillak bali anapatetinya nama winni weiga, winnanyaka, Pamaddunya na atimu, akkuana-Gu, na manningumu napa tegahwukka winnanya. Noujella na teggah memma nam winni weiga.²³Natomaka ta umana na kapala uma habayang ittanajaka dam tabbung jakka natou dangu nama kabayak, ²⁴mang winnajaka datou dam eija, ''Huyaya halakuya,jiadiya na lakeada mawinni nei dana matimangu, judda kadinanya, winnajaka.'' Mang malikdanyaka hi Yehu.²⁵Atonounana, talida anawurutuja datou dangu,tamananyaka ta uma hi Yehu mang hinna kerranya na limmana na lakeada nam mati hinna kiddi bali anamorik. ²⁶Jiayaka hinna rangu bollu ngara dukana naloada nouw.TOU MADUAHA DAM KABOALA ANA PATEGAHUHA HI YEHU²⁸ Natamaka ta roangu uma nouwu,tomada-Nyaka dam kaboala weiga, jiayaka hinna tuturuha,''Penya mi waikadi-Ga Nyouwa akupategahumi?'' Jiayaka pagapingdanyaka, ''oa,a Moiri'' hi widda-Nya.²⁹Mang jiayaka hinna jamidaja hi Yehu da wua matada, kanajajika keriya na manningumi hi winnaja.'' ³⁰Mang alolu tawehadanyaka da wua matada. Napeaka jellajaha hi Yehu,''Mipaatiki abieimangu pingi haloluk minya nam jaji ya weiga.'' ³¹Jiadinguka dudda dalohukinguka waling nou, tikidanya nam jaji nam waling lahi Yehu,jiayaka hinna peabollung ngara dukana naloada nouwu.NA TOU KABANGA ANA PATEGAHUYA HI YEHU³³Mangaka wurutnanyaka hi Yehu na moritana, jiayaka hinna panewi nam kabanga. Natou dangu darekka kabarramaya, Dadi eimanguha paittada majaji tanouna ya ta Israel widdak.'' ³⁴Mang dudda datou parihi widdak,waingu moru waling ta moritanana-Nya anna wurutung moritana widdaka dudda.''DOKU DANGUHA DAWUANA HAKUDUKIDA DAM PUPUHA.³⁶Naittahaka da tou dangu hi Yehu, milla atidenganajaka anna dakkaha joili jakka adda tiddi kaihak mearang beabu dam eingu majawaha.³⁷Mang jiaka Hi winnaja damuritu-Na, ''Darekka dangumaha dawuana jiadinguka dam pupuha hakudukida.³⁸Jiakadiyaka kareiya hi Moiri namma pingija dapingi ai, jakka nam wuaja dawua ai, kana piki woada mapupuha dawua ai-Na.

Chapter 10

¹Mang, Dunna hi Yehu kamaikanajaka dam tou mahabulu duaha damuritu-Na anna woaja kuaha adda wurutunya na moritana jakka adda pategahu bolluya nam eingu panyakituna nam kapiala.²Eijaka ha dangarada dam touma habulu duaha da murituna weiga; Nam moulu, hi Simon na ngara heakana hi Petrus widda jellanya, mang hi Andreas na anguwuana, mang hi Yakobus na anana hi Zebedeus, mang Yohanes na anguwuana, ³hi Filipus jakka hi Bartolomeus, hi Tomas, jakka hi Matius na kapala hi katiku, mang Yakobus na na anan hi Alfeus, mang hi Tadeus, ⁴mang hi Simon nam tou Zelot, jakka hi Yudas Iskariot nam pakoung anna daga-Nya hi Yehu.⁵Anna paleawaha hi Yehu da murituna mang hinna panouha, ''Abbi kerimaya na lara ngi nam hagang ta loada tou Samaria, ⁶ mi halaku noungu tapa douda da beabu dam jalur dam ittangu larangi kallung ta padua tana Israel. ⁷Mangaka, tadalu halakumi, mi patomanya ammi tikiya, ''Maraninanyaka na aminya hi Moiri ta Surga wimmi hi winaja.⁸Pategahuha dam kadauku, pamorikuha dam mati, pawarahuha dam katobu, wurutunya na moritana.Nyiami kolli kaluang minya, peala mi woa kalua jellangu. ⁹Abbi mi iddimang omah rara, perak jakka tabaga nam eingu ta kalaru bagimi, ¹⁰tou jellana kareara tadalu halakumi, mang abbi kaduabella dingu koapimi jakka tarawihimi, tou jellana takkungumi jiadinguka nyiami napa dou memanguka ami tomang pa'angumi.¹¹Jakka ammi tomakaka beinya naloada nouw napa tamami, mihalidikiya gearaya namma pia ammi enga noungu lappakangu ami halakoli.¹²Ammi tamakaka ta umma nouwu, miwoangu limma.¹³Jakka amma luruhkayaka na uma nouwu, anakaya kammi ididanya kanyuru, jakka adanna luruhkaka, nakanyuru napaidimi nabalika lahi nyiami.¹⁴Agearakaya damma tarimami dam ranguya napa tikkimi, ammi lohukanguka waling ta uma nouwu jakka taloada nouwu, kobahuja dakubbur tabala wihimi.¹⁵Kakku tikkigiminya nam padening lahi nyiami, peala taladu rahi pahakinada, na tana Sodom reihi halealaya napa taguna walingu ta loada nouw.Dokudanguya Nam Pataukung Napa Hagada Damurit¹⁶Patetinguha, Kupaleawami nyiami mearangu beabu nam einya tapadua ahu bani. Jiakadiya nyiami mipadaga maddung jakka mipamurah mearapating. ¹⁷Mipaati jellaja hei datou dam harakagimi peala lahi Sanhedrin jakka dam koajami ta uma pingi pahabayanguda. ¹⁸Mang damaraigimi tahaga toubani nam hamannu kuaha jakka tahaga raja mula-Gu Nyouwa, adda jaji hakhi tapinu tana.¹⁹Jiadinguka, adda harakaagimi nyiami, abbi momumang agananya napa tikimi, peala atanga patomaminya nouyanguha hiwoagiminya gananya napatikimi. ²⁰Hitanouna, danyiamimang nam panewi, jiadinguka na Amami nam biaha madi nam panewi tapangadangumi nyiami.²¹Mapaangwuangu pahamati wiki, mang maanang maamang. Jakka da lakeada dudda dageaja da amada manga hidda hamatiha.²²Nyiami nahukka bollugimi ati mulana na ngara-Gu, jiapaya natou nam tarrung lappa tahupu dukkana jiapaya nam moriku malodung. ²³Adda taukamika adda pamawillami tahangi padoungu mihalaku tapa doungu hawanguku. Kakku tikkigiminya nam padeningu nanni nyiami dammi mengamaya naloada Israel amiletiya lapak hudda aami-Nya hi Moiri tapinu tana.²⁴Damurit dada reihimaya na guruda, toujellana dunna na ata danna reihimaya na moirina. ²⁵Rekkanaka na muritu anna hameara denganya na guruna, jakka na ata anna hameara denganya na moirina.Touna na moiri umma hi Beelzebul awiddakanyaka, reihi dakallung hinguyaka natou ta roangu ummana.''Mange'at Nounya Na Maraba Allah Dajiamaya Na Tourara

²⁷Gannanya napa tikki-GU lahi nyiami tam kapettang, tikki hingukadiya tam wahang. Manga, gananya napa rangumi awainya kabuttik ta wuakahilumu, eigimi tapinu kabungu umma ammi patomanya.²⁸Abbi mange'atmaja amma hamati touha, nadeawada dadapiakumanya adda hamatiya, mimange'at nou-Nya nam hamatiya natu'a tou lapakang nadeawada anna le'ada ta neraka. ²⁹ Penya nam da manginnu adagakaja da tiddi hawella riti makidda adeida? Manga,daeimang heingu tekka dudda makana'u ta tana adaha wukkunanyaka na Amami. ³⁰Lappak narou loagim taka tikumu natama bollu tayapu. ³¹Jiakadiyaka, abbi mange'atmang, nyiami reihi mangu himi waling ta manginnu dam wurung.''Pawaiya hi Yehu Tahaga Tou Hawanguk³²Atonoukana, gearaya nam pawaiwa Nyouwa tahaga tourara, peala Nyouwa Kupawai jellaya tahaga Ama-Gu nam einya ta Surga. ³³Jiadinguka, gearaya dam ihli-Ga tahaga tourara, peala Nyouwa dakku ihlijellamanya tahaga Ama-Gu ta Surga.Naha Wukkuna Hi Yehu A'ammi-Nya³⁴''A'ammi-Ga tapinu tana iddi madehhananya abbi wimmikang. Hi ammi-Ga daiddi madehhamagunya jiadinguka iddi matama-Gunya.³⁵Naha ammi denga-Ga, kakku pahikkaja dalakeada moani waling ta amada wig-Gu, jakka dalakead mawinni waling ta innada, da wiada waling ta yanuda mawinni, ³⁶mang nam hatouna namuhungu oali roangu ummana.³⁷Gearaya nam reihi buhhanya na amana jakka na innana waling lahi Nyouwa, danna kennamangu ta ati-Gu. Mang, agearakayaka nam reihi buhhaja da anada moani jakka da anada mawinni waling lahi Nyouwa danna kennamang ta ati-Gu. ³⁸Jakka agearakayaka dam jaungu wikkina mang hinna keri-Wa, danna kennamang ta ati-Gu.³⁹Gearaya nam kaleli hinguya na morrikuna enga dekidananya, mang gearaya dam hilukaleliya na morrikuna mula-Gu Nyouwa jiaya nam kollinya na morrik.''Na upa nam waling ta Maraba Alla.Gearaya nam tarimami nyiami, tarimanagaka Nyouwa. Mang agearaya nam tarimawa Nyouwa, trimanyaka Dunna nam paleawa Nyouwa. ⁴¹Gearaya nam tarimaha da nabi anapabuatadaja dangarada nakoling upana mahamearang ta nabi. Mang agearaya nam tarimaya natou nam idiya nam kallung hinna pabuatuya nangarana nakolingu upa tou kallung.⁴²Mang agearaya nam woaja wei painung langa kahatou hingukana natou milla, kahangi kaahingukakina naweimaringu anapabuat wainya na ngarada da muritu, Kutikkigiminya nam padeningu dam hillu marobamayaha na upana.''

Chapter 11

³mituturu-Ya,''Jiadiwuka Ouwu nam amming nouw, dahillu eidinguha hawanguk panadima nyaiama?"⁴Napagaping hi Yehu winnajak," Halakumi Lahi Yohanes kammi peakananya gananya naparangumi jakka napaittami, ⁵nam kaboala naitta, nam karakka nahalaku,nam katobu dawarah, dam kawanga darangu, dam mati dakiddi bali, nam milla peakanya hilu pahenang dengana.⁶Jakka nammaririkangu dunna natouwu nam keri wali ati-Wa.⁷Mang atalidaka adda halaku, panewinanyaka Hi Yehu tabinu madangu nalarana hi Yohanes, " Ganna hingunanya napalipapatetimi tapadua kapubung? Namma hapanguna na pallu nahawuda ngillu jiaya? Him halaku gananya napaittami? ⁸Nam wealah kanyabungunna? Dam wealah kanyabung dudda maeingu tapadua lennanguha.⁹Ganna hingunanya napahalaku dengami? Na nabi jiaya? Kakku tikkigiminya ya nyiami, mareihiya walingu ta nabi. ¹⁰ Langa jiamemaya napalanga tuli tahurat natu'a touna: Pateting, atunyaka nattu napapaleawa-Gu namma moulu-Gu larangi. Dunna nam bowa-Gu lara a-Mu liwaingu.¹¹Kakku tiggiminya nam padening, daeimang hatouwu tekka napa pa,anang innana hei dudda dam reihiya hi Yohanes mapaihhu. Jiadinguka nam merrahki ta Surga reihi bakkulyah waling lahi dunna. ¹²Waling a,einyah hi Yohanes mapaihu lapakung ta laddu yayi, namorik nam dehha nam waling ta surga, dahillu buhha noumanyah.natou ganah jiayaka nam heirunya naoalina anna keriya nam dehha.¹³Alanga papeamoludanyaka hei da nabi jakka na ihina na Tauratl lappak lahi Yohanes. ¹⁴Manga ami buhakanguka patarimaya, jiayaka hi Elia nam aminya. ¹⁵Gearaya nam eingu wuakahiluna, kahilu rangukadiya!¹⁶Jiadinguka ganakanyaka napa hameara waiguja datou hei? Mearada da lakeada dam lapangodu tapadoungu napa itta madangu, mang hidda kamaikaja daoalida, ¹⁷mang hiwiddalija, nyiama matodugimi katala, jiadinguka nyiami dammi neagumang. Nyiama malodu milla ati, jiadinguka nyiami dammi millamang.'¹⁸Atoukan hi Yohanes a'amminya da mangu pa'angumana, da mangu pa'inungman, mang widda jellali , regga dam kallunanya widdanya.'¹⁹Tounaka hi Moiri a'aminya, mang anna angu jakka anna inung, paneweldanyaka, Ittakiyah nam porrat jakka nam mawuk,nam oalija datou patipu jakka datou jala widdanya.Jiadinguka nam kallung jiaya nam patidinya waling napahalakuna."HILU PANOUDANYA NATOUWU DAM PARHAYA²⁰Mangaka nouwu hi Yehu pajappunaja dapadoungu da pingi woluna mujisat mulana adada rangu makallung hidada haria doakumang. ²¹Dammi marimang nyiami, Khorazim! Dammi marimang nyiami, Betsaida! Jakka adda peahingupanya nakanyuru nam puru habolung lahi nyiami, anna jaji jella ta Tirus jakka ta Sidon, rekka harian waidaka, bakalang rengu langu hingu danyaka. ²²Jiadinguka, Nyouwa wiggu memma gimmi, peala naladu rahim kahiradagimi, touna na Tirus jakka Na Sidon reihi halealaya napa deitu tidduda dajalada.²³Mang nyiami Kapernaum, deddikdagmika toma ta awang? Da'amang hawawadagimi lapak him purung ta padua tou mati, mulana nakanyuru nam puru habolung lahi nyiami, nam jaji jella ta Sodom, jiaya napa doungu nouwu eipangalanya lapak ladu yayi. ²⁴Jiadinguka, Nyouwa wiggugimi peala atomaya naladu rahim kahiradagim, na Sodom reihi halealaya anna deitu tidduja da jalana.NA LIKALOAGA NATOUWU NAM KERIYA HI YEHU²⁵Mang nou weiga winnaka Hi Yehu, "Ku wuatu hailagu Ouwu, Ama, Moiri ta pinnu awang jakabta pinnu tana, Ouwu mukabuni bolunya waling ta tou peangu, mang mupeakaya ta lakeada merrah. ²⁶Ama, langa jiamemayaka namnkennang tapak ngadanguMu.²⁷Ngaradukana yayi langa haraka bollunaganyaka lahi Nyouwa na Ama-Gu. Mang daemang hatoutekka nam peanya na Anan, jiapaya na Amana; daeimang hatoutekka nam peanya na Amana jiapaya na Anana jakka natou napapaleawana na Anana anna peakaya.²⁸Maibollu ta haga-gu,ngara dukami nam loaja hamawulu jakka nam hiddu buatu Kakku woagimi likaloaga. ²⁹Deitu tidunya nabiaha-Gu, keriya napata-Gu, nyouwa Kumareda ati, Kurengu langu, atanoukamika mikolling mamaringu ta'atim jakka na deawami. ³⁰Nabiaha nahanwoa-Gu gimmi danna hadukkamang jakka napa deitu-Gu naha leala oata."

Chapter 12HI YEHU MOIRI LADDU BIAHAYA

¹Atanga halakuna hi Yehu anna linoung ta kahibu pari mara kenaya naladdu miggu, mang karobangdanyak da murituna jiayaka hidda pupu lua pari, adda angu. ²Jiadinguka hei datou parihi adda itahaka, widda-Nyaka, "Patetijah heilau damuritu-Mu adda wollu dam kallung taladu miggu."³Jiayaka hi winnaja hi Yehu, "Daddi mibahamayah nyiami gannanya napa woluna hi Daud jakka dam keriya adda karobang, ⁴adda tama ta umma pingi pahabayang mang hidda angu roati dapapabiaha dapamanuatu waingu dappa heiru-Na hi Moiri paaja, jiapaha da imam dam piaku adda aaja da roati dam biaha.?⁵Penyanammu, daddi mibahamayah na Taurat, atomakayaka na laddu miggu, dudda da imam ta umma habayang adda hapalaaya adada hala? ⁶Atonou anna, Nyouwa wiggu gimmi, nam reihi biaha waling ta umma habayang einya yayi.⁷Jiadinguka, jakka ammi pea hingupanya nei; 'Nyouwa napa wukku hingu-Gu napa namung jiaya dajiamangu awoaga manuatung',nyiami dammi hukku oatamanya dam eingu halana. ⁸Ajiamemayaka, na Anana jiaya na Moiri laddu Miggu.''NAPA TEGAHUYA NATOU HI YEHU TA LADDU MIGGU⁹Nahalaku wali nimminaka lauwu, tomananyaka hi Yehu ta sinagoge pingi paha bayangudda. ¹⁰Ittadiya, einya na moani namma karrakka hagea nalimana. Mang tuturdanyaka hi Yehu, Dagikki kadina apategahuya ta laddu miggu widda, kamma pikki pahalaya hi Yehu awidda.¹¹Mang, Dunna winnajaka, ''Geara dunna lahi nyiami namma eingu beabun heingu, anna mana'u na beabu nam heina ta kullik tangaya na laddu miggu, penya nam danna padeahamaya waling ta kullik? ¹²Parereihingu natourara dareihi mangu hi maya waling nam heina na beabu. Jiakadiyaka, reihi dehaya awoluya nam kallung ta laddu miggu.''¹³Mang nou, winnanyaka hi Yehu nei natou weiga, ''pajoalaja da limamu winanya.''Napajoalajaka da limana jiayaka hinna pateggah bollunaja da limmana hawanguku.¹⁴Jiadinguka hei datou parihi halakudanyaka waling nouw manga hidda pakoung gikki neidanya ahelli-Nya kapikki hamati-Ya awidda.HI YEHU WIHI LIMANANYA NA MARABA ALLAH

¹⁶mang napeka memaja abbi mapea-Ga awinnaja. ¹⁷Hi winna noungu, kanna pikki paletingu gananya napa langa patomana hi Nabi Yesaya winna.¹⁸Patetinyah na Ana-Gu napa langa pedi-Gu, napa buha-Gu, lahi Dunnaya na waddi-Gu anna kadekka. Kutuna-Nya naha hangahu-Gu, jakka pea Dunna napa tekkanya namma murahhu ta ngala dukana natou tapinu tana.¹⁹Dunna danna buhamang papage'anya, danna buhha jellamang papatiwung, da'eimang hatou tekka maranguya na li'na ta lara ngi malai.²⁰Na'ai ouw nam bata danna kottahumaya, jakka na sumbu nam tikki habedda danna hamatimaya, lapak Dunna anna paluruhuya nam talu, ²¹mangaka tadalu ngara-Na, ngara dukana na touw tapinu tana nakoling mamaning.''²²NABIAHANA HI YEHU MAWALINGUYA TA HANGAHUNA NAMMA MARABA ALLAH²³Ngara dukana natouwu naka barra denganya, mang patuturda-Nyaka,''Dajiakadiya nei Dunna na Anan hi Daud?²⁴Jiadinguka, adda ranguka heidatouw parihi widdaka, ''Natouw nei danna bihamang anna wurutunya na moritana adanna oalipanya hi Beelzebul, na kapalada da moritana widali-Nyaka.'' ²⁶Mang dunna na moritana anna ge'ang moritana, enga kaihhakuna anna lawang wikkina. jakka atanoukana gikineikanaka nouw anna kullih napareahan? 27 Tounaka Nyouwa, jakka Akku wurutukanyaka na moritana wainya hi Beelzebul, mang geara naha waida da anami adda wurutung moritana? Jakka atonoukanaka jiahaka peala dam hakigi nyiami.²⁸Jakka ajiahingukadiya nahangahu-Na hi Allah, naha wai-Gu Akku wurutunya na moritana, na Weima Ringu lahi Allah aminyaka lahi nyiami.²⁹Penya nammu nouw, gikki neikang atama ta roangu umma tou kullih kadekiha daihi ummana awidanya, adda pi moulu lettu panya natou nam kullih? Mengadiyaka hapinya hi dekiha da ihi umma nouw weiga. ³⁰Kageara hinguya dam haiaku maraiga Nyouwa, jiaya nam ge'a-Ga. Jakka agearaya dam pakehadenga-Ga Nyouwa, mapa kaihhakunguya.³¹Jiakadiyaka, Nyouwa hi wiggugimi ngara da doku jala kana jakka na hilu manyarikuna na tourara taoalina biha apodahuha, jiadinguka nam hilu manyarik nam hagang ta hangahu biahana hi Moiri dapa hilu podahmahah. ³²Jakka agearakayaka dam ranguya na Anana hi Moiri podahuhah da doakuna, jiadinguka agearakayaka nam panewi manyarik wainya na biahana hi Moiri, dahillu poddah memanajah da jalana, waling anna morik tapinu tana lapak peala namorik nam aminya ta habali rati.''NAPINGI AI HIPEANYA WALINA TAWUANA³³''Jakka kallukanguka napingina, nawuana nakallu jellang. Adanna kallukanguka napingina, nawuana danna kallu jellamang. Atoukana napingina hi peanya walina tawuana. ³⁴Heh nani nyiami talidik rara keiku, gikki neikami ammi tikkiya nam kallung, jakka nam worrat taatimi ajiakayaka namma lohungu ta'aami. ³⁵Natouw nam kallung napa lohunya nam kallung nam waling tapangadang makallung, mang natouw dakallung napa lohunya nam manyarik mang hinna patekanya dam kallung.³⁶Jiadinguka Nyouwa wiguigimi waling nam hangi kawoduna na hilu kabohuk, napa palohuna waling ta'aana natouwu, peala dadeitu tiddunya atomakaya naladu rahi hukudaja. ³⁷Nahilu wikimu jiaya nam pamanagu, jakka nahilu wikijellamu nam hukkugu.NATOUW PARIHI JAKKA DA AHLI TAURAT ADDA KAREI TADAMangaka nouw amiljaka da ahli Taurat jakka datou parihi lahi Yehu, '' Guru, kamma ittaya natada waling lahi Ouw wimma awidda-Nya. ³⁹Jiadinguka hi Yehu winnajaka,''Da labbi dakallung jakka dam labbi marihhak karei oata tada ha. Mang damalli eimang tada hawoadaja, jia tekkaya natada lahi nabi Yunus. ⁴⁰Mearana hi Yunus nam einya ta kabu kaboku tadana nam tillu laddu jakka tillu ridduna, tou jellana na Ana Maraba Allah tillu laddu jakka tillu rioddu jellana atanunya ta tana.⁴¹Datou Niniwe jiaha dam dedi dengaja dalabbi dakallung hei, lapak taladdu rahi pahakking mang hi hukkuja, mang daranguyaha hi Yunus anna peaka panungaja hidda haria. Mang nam reihi buat waling lahi yunus einya yayi.Namoritana waling ta selatan nakiddi pamaraija dalabbi dakallung peala taladdu rahi pahakking mang hi hukkuja, alanga maraida waling tahuplu dukka tana kam ranguya na hilu manyakatuna hi Salomo awidda. Ittadiya , nam reihi pabakkul waling lahi Salomo einya yayi.AKITU MAWILLA DAM EINGU IHINA ⁴³'' Anna lohunguka namoritana walingu tatourara, nalinoungu tapadoungu damma eingu weina adda manyerang padou pingi pahangahuda, jiadinguka dadda kollimang. ⁴⁴Manga jiayaka hiwidda,' Nyouwa halaku baligunya ta umma padou lohhungugu. Mang natomaka nouwu, tamananyaka ta umma dam eingu madounya jakka dam eingu ihina,langa panyawidanya, manga langa warah kallunaka. ⁴⁵Jiayaka, namoritana nei halaku balinanyaka anna maraija damoritana hawanguk dam reihi jahat, hidda enga bollung taumma nouw. Jiayaka natouw nei weiga reihi akit hinguya walingu nakawungana. Toujellana nam jaji talabbi tou dakallung hei.DAOLI JAJINA JAKKA DATUTANEINA HI YEHU⁴⁶Tanga panewina hi Yehu tatou dangu, ittadajaka da inna-Na jakka da anguwua-Na adda dedi tahabali hid, kam panewi denga-Nya awidda. ⁴⁷Einya nam hatouna nam winna-Nya, ''Ittah hei lau da inna-Mu jakka da angu wua-Mu eija ta habali hiddi, kamma panewi denganya widda-Gu.''⁴⁸Jiadinguka napagapija hi Yehu winnanya nam peaka-Nya, Gearaha da inna-Gu jakka da angu wua-Gu winnak. ⁴⁹Mangaka pajoalanajaka da lima-Na tahaga damuritu-Na winnaka, ''Jiamika inna jakka nyiami jiamika angu wua-Gu winakka. ⁵⁰Gearaya nam pahalakuya naha wukuna na Ama-Gu nam einya ta Surga, jiahaka da angu wua-Gu, jiahaka da anna winni-Gu jakka na inna-Gu.''

Chapter 13HANGEARA WAINYA MAHO'ARUNG

¹Atanga lohunguna hi Yehu wali ta umma, ngodunanya wiwi tahik. ²Manga, kabuangu danyaka datou dangu lahi Dunna. Jiayaka, Dunna hinna deatang ta teana anna ngodu, mang ngara dukada datou dangu tawiwi tahik.³Mang nou, doku dangu oataya napa tikkinaja manga hinna dekidanya ngearana hi winna-Ja,''Einya nam hatouna nam halaku lapa ho'arung, ⁴mang tadalu anna ho'arungu, hawanguk nawini naka nau tawiwi larangi, amijaka dam wurung hidda anya hudda anna dukka. ⁵Hawanguku nakka nau tajoanga watu dam dangu na tanana, nageaha anna tubu alanga manipihuna na tana napa douna.⁶Ammipanyaka na mata laddu, malelinanya anna kennaya. Adda eimemanguka loluna, jiayaka weiga nawini nam tubu hinna mati.⁷Nawini hawanguk nakana'u ta libbu ri, mang natubuka nariyi, hinna kadipituya. ⁸Jiadinguka, ei jellanya nawini nam tubu ta tana nam kabokahu jiayaka nam wua kallung, einya nam pahangahu wuddang, einya nam panamumabulu wuddang mang eijellanya nam patillumabulu wuddang. ⁹Gearaya nam eingu wuakahiluna annakaya kanna rangu.''¹⁰Mang damuritunna hi Yehu amijaka adda tuturu-Ya, Gawali Ouwu himmu waiwaling hilu hangearang ammu panewi dengaja winna-Nyaka?" ¹¹Napagapija hi Yehu,''Lahi nyiami langa einyaka nakuhi naha peadengaminya na moriku malodung ta Surga, atouda hei dudda dawoamaja kuhi, winnajaka. ¹²Atonoukana, natou nam einguna jiaya naha woangu mang hitaba danguna naha kollina. Jiadinguka natou dam einguna, huka dekidananya gannanya nam einya lahi dunna.NAPA PEAKANGUNA HI YEHU ANNA WAINGU HILU HANGEARANG¹³Jiayaka hikku dekidanya ngearana,langakadda ittawakanya wuamata magga dam ittaha, langkada rangu waikanya wuakahiluda magga dam ranguha, mulana addada rangu jiayaka hidda eihingung hapeada. ¹⁴Natu'ad hei dudda, paletinoungu nanyaka napalanga winnangu hi Yesaya, 'ammi kahiluya mirangukadingu, jiadinguka dammi peadoakumanya. Mang mi ittakadiya tahagami, jiadinguka danna tamamang tapangadangumi.'¹⁵Na atida datou heiyi nam kapaluka, dawuakahilu dadda hillu rangu waimajaha, nawua matada toadidajaka. Addatanoupada, kadda ittawaingu wuamatada, kadda rangu waingu wuaka hiluda, mang hidda peanya ta atida, jiaya hidda keribali-Wa mang hipategahuha.'¹⁶Jakka atonoukanaka, dammariringu dawuamatami ammi ittawaija, jakka wuakahilumi ammi rangu waija. ¹⁷Kutikkigiminya nam padening lahi nyiami enga dokku danguha da nabi jakka datou keri makallung dam buhang paittaya agannanya napaittami, jiadingu dadda ittamaya, jakka agannanya napa rangumi dabuhang paranguya jiadinguka dadda rangumaya.''NAPALARADANYA AHANGEARANYA NAM HOARUNG

²⁰Nam kanau tajoanga watu, nei jiayaka natou nam ranguya nawini hinna tama ta atina adokku dehhaya, ²¹jiadinguka danna kullihmang ta ihina jiaya hidana tarrung mang hidanna malli madei. Jakka amminyaka nam pam nge'attuya anna heiirunya paranguya nawini, alolu kana'u tanananyaka.²²Nawini nam kanau talibbu ri dunna natou nam ranguya nawini, jiadinguka taha balina nouwu nadadar oata mang nam nge'at oata abbi najappuga hawaingu awinna, jiaya hidanna tubu nawini ta atina. ²³Jiadinguka dunna, nawini nam kennang ta tana nam kallung, jiayaka natou nam ranguya nawini napatamanya ta atina mang hinna hamannuya. Nei jiayaka nam wua padangu, einya nam hangahu wuddang, einya nam panammum buluwuddang, mang einya nam tillu mabulu wuddang.''²⁴AHANGEARANYA NALIBBU WITU JAKKA NAPARI²⁵Jiadinguka, atanga juddanna, ammijaka damuhuna adda hoarunya na walla witu ta joanga wini pari, namengaka pahoarunya na walla witu halakupananyak. ²⁶Anna tomayaka napa lua waina itta jelladanyaka na luana na witu.²⁷Jiayaka, ammijaka daatana namoiri kahibu hidda tuturuya, 'Moiri, dadonnang dinna nawini pari kallung napa hoarum takahibumu? Mang bayaka wali yana nei nawitu? ²⁸Winnaka dunna anna pagapija, 'Einya hatou namuhu nam woluya.' Mang widdanya da atana,'Muweakudingu nammu kamma piki halaku nyiama amma kangahuja?'²⁹Jiadinguka, namoiri kahibu winnaka, mattang! Ammi kangahukanya peala nawitu, biha ammi batu pamarainya tapari. ³⁰Matta kadija kadda tubu pamaraingu lapak atomaya naharobu hi hikkakah. Mangaka, atomakayaka naharobu, peala wiggukanya nam hoarung,''Kanpakehha moulunya nawitu, kanna nahiya anna pinya mang hinna tunuya. Jakka jiadiya na pari mupakehhanya kammu tauya ta leppitugu.NABIAHANA NAMARABA ALLAH DEKINYA NGEARANA NAWATU ROAWI NAM MERRAHUKI ANNA TUBUKAKA DOKKU BAKKULUYA³²Na watu roawi namerrahki waling ta roawi hawanguk, jiadinguka anna tubuka, reihi bakkuluya walingu ta roawi hawanguk, lapakang hinna jai pingi ai, amija dam wurung wali ta awang hidda wolu hi'uda takahangana nam dangu.''³³Mang nouwu natikkeldanya hi Yehu na hilu hangearang hawanguk lahi dudda,''Namorrik ta Surga mearana na ragi, napa dekida dam winni adda paha'urunya ta tepung nam tillu kiluna lapak ludda anna kenna bolluya ragi adda woluya adonan.³⁵Atonoukanaka, tomadanyaka narahina anna paletingu napapatomada da nabi,''Nyouwa Kuwehhaya na a'agu waingu hilu hangearang, Nyouwa kutikkiya nam kabuning walingu nakawunga jelli tana jakka nakka wunga jelli awang.''AHANGEARA WAINYA NA MAPU TA KAHIBU³⁷Mang winnajaka, na wini nam kallungu jiaka na Anana hi Moiri, ³⁸jakka na kahibu jiayaka napinu tana. Nawini nam kallung jiayaka na anana hi Moiri, mang na walla witu jiayaka na anana dam kallung, ³⁹jakka na muhu nam hoarung jiayaka namoritana, jakka narahi harobu jiayaka naladdu pahakking nam aminya, mang nam harobu jiahaka dam malaikat.⁴⁰Jiayaka, mearana nawitu napakangahungu mang hileaya ta api hitunuya, tonounaka peala taladdu kaweadana na tana. ⁴¹Hi Moiri peala paleawanajaka dam malaikatu-Na, mangaka dudda hidda pakehha bolluja dawatu dapahawiddang, lappakangu ngaradukada datou dam woluya nam jurrak tahaga-Na hi Moiri, ⁴²jiayaka peala hinna ta api joanga tullar.Tapadoungu nouwu jiayaka napingi paittangu mawilla dam eingu dikkina. ⁴³Mangaka nouwu, natou nam keri makallung nawahang mearana na mata laddu adda morrik ta umma Amada. Gearaya nam eingu wuaka hiluna anakaya kanna rangu.''⁴⁴NAMORRIK TA SURGA MEARANA NA OMMAH RARA NAPATANUNG⁴⁵Wiggu jellagimiha hadekka, Namorrik ta Surga mearana natou dagang nam manyerang ommah rara. ⁴⁶Anna kolikanyaka hangi na ihi ommah rara, halakunanya anna dagaja ihi roangu ummana, manga hinna hiya naihi ommah rara nei.''NAMORRIK TA SURGA MEARANA NA JALA NAM BINNU KABOKU⁴⁸Anna tomayaka nabinnuna na jala, hidda wealaya najalada takorrah mang ngodudanyaka adda hikkaha dakka boku makallung adda tauha ta kareara bakkul, mang hidda leaha dam kallung.⁴⁹Jiayaka peala nam jai taladdu nam aminya anna kaweada na tana. Dudda dam malaikat amija adda kalikiya natou jurrak walingu tatou nam kallung, ⁵⁰mang hidda leaya natou jurrak ta api. Nouhaka adda ittangu mawillada ahukkuja.⁵¹ Mang nouwu nyiami mipea bollukadinyaka nei?"Jiayaka dudda oa hiwidda-Nya.'' ⁵²Mang winna jellapah hi Yehu lahi dudda, ''Atonoukanaka, ngaradukada dam peangu taurat, jiaha dam jai murit ta morriku ta Surga, dunna peala mearana namoiri umma nam palohu bolluja daihi ummana da ommah rara dei jakka dam buangu.''HI YEHU DABUHAMANYA TAPINGI HAWALINA⁵⁴Mang anna tomaka tapingi hawali-Na, halakunanyaka ta sinagoge anna ajaruha datouw manga hidda kabarra denga-Nya hiwidda,''Bayaka anna kolli yangu natou neiyi hidokku peangu-Ya jakka mang hinna biaha tekka nahawolu-Na nei? ⁵⁵Mang nei dajiadiya nammu na anana nam taggu pogu ai? Hi Maria nahawiddang dajiadiya na in-Nan, jakka da anguwua-Na hi Yakobus, hi Yusuf, hi Simon jakka hi Yudas?⁵⁶Dajiadiha da anna wini-Na hammu dam eija lahi jiata? Bayaka wali yana na Touw nei anna kollinya nam tonoungo?''⁵⁷Mang jiayaka hiddada hukka ati denga-Nya. Jiayaka hi Yehu hiwinnaja,''Nam hatouna na nabi dalara dapa'akamadanya, jiadinguka anna bali noung tapingi hawalina jakka ta umma wikkina jia'aya.'' ⁵⁸Mang dan patekka padamanya na biaha-Na nou lauwu weiga mulana addada wainya.

Chapter 14ANNA RANGUYA HI HERODES NALARANA HI YEHU

¹Tangaya najaji rajana hi Herodes anna ranguya nalarana hi Yehu. ²Mang kamaikanajaka da atana,''Nei jiayaka hi Yohanes Mapa'ihhu. Kiddi balinanyaka walingu tatouw mati na waddi-Na hinna biaha oata.NALARA MATINA HI YOHANES MAPA'IHHU³Tomadanyaka narahina hi Herodes anna appaya hi Yohanes Mapa'ihhu, anna pinya mang hinna patamanya ta gallu mulana hi Herodias na araweina hi Filipus, na anguwuana hi Herodes. ⁴Balli anna kayekkawa hi Yohanes winna,''Dan kallu mang ouwu ammu dekiya hi Herodias winnanya.''⁵Mangaka nahawukkuna dunna kakku hamatiya hi Yohanes winna, jiadinguka nam nge'atunya nam dangu alanga peadanyaka hi Yohanes anabiya.⁶Atomaliyaka, na laddu rahi jajina hi Herodes, neagunanyaka na lakeada mawinni na anana hi Herodias tahagada, jiayaka hi hennanguya hi Herodes, ⁷hikeri parunguna langkagananya napakareina nalakeada mawinni nam neagu nei enga woahingunanya.⁸Alanga dehaknanyaka na innana nalakeada mawinni dunna, winnaka, woahinguganya yayi, nakatikkuna hi Yohanes Mapa'ihhu tapingi paneagugu hi winna.'' ⁹Namilla kadingu na atina na raja, jiadinguka langa parungunaka, mangali hei datouw dangu da oali anguna eijaka jiayaka hinna paleawa touwu kapikki hamatiya.¹⁰Jiayaka hinna paleawaha lippi hellinanya naka tikkuna hi Yohanes ta gallu. ¹¹Mang iddidanyaka naka tikkuna hi Yohanes ta pingi paneaguna nalakeada mawini, hi woananya mang hinna iddinanya na innana. ¹²Mang nouw, ammijaka damurituna hi Yohanes, hidda lappa dekinanya na ihina mang hidda tanunya. Damengaka patanunya halakudanyaka adda iddiya nawinina hi Yehu.DAM LIMADA DAKABABA JAKKA DAM DUBBADA DAKABOKU NA'AJA TOU LIMA RIBU¹³Anna rangu tanounanyaka hi Yehu, purruh wikkinanyaka wali noungu nou hinna deatang teana, hinna hagang tapadoungu nam kahika ajia meahaya. Darangyaka atanouna attolijaka datou dangu dam keri-Ya adda halaku tana tapadouda. ¹⁴Nalohunguka hi Yehu, ittanajaka datou majangi adda kabuang, jiayaka hinna milla ati dengaja, mang hinna pategahuha.¹⁵Natikki hariddunguka, ammijaka damuritu-Na adda toma-Nya hi Yehu widdak, ''Napadoungu yayi makahikaya mang riddung winnaka. Paleawa luruhuha kadda bali kadda pikki manyerang pa'angu nutuwawa taparaingu.¹⁶Napagaping hi Yehu winnaja,''Abbi pahelladija adda halaku. Nyiaminguha nam woaja pa'angu.'' ¹⁷Mang widda-Nyaka, ''Daeimang ganaananyak ya jiata, tiddi jia tekkakiha da kababa dam limmada jakka damma deida dakaboku.'' ¹⁸Iddiha himmi lahi Nyouwa, winnajaka.''¹⁹Mang nou, paleawanajaka datouwu ngodu tapinu rutu, dekinajaka dakababa dam limada jakka dakaboku dam dubbada,tangarananya ta awangu anna habayangu mang hinna bearaha weiga dakababa.Mangalika nouweiga, woanajaka tamuritu-Na, mang damuritu-Na hidda woaja datouw dangu. ²⁰Ngara dukana natou dangu na abollung hudda anna bihhu. Dakollinguka pakka ngoaliha dam reihi dakababa habulu dubba boalada. ²¹Ngaradukana nam angu eingu lima ribuya na moani , dadimaha da mawinni jakka dalakeada merrah.ANNA HALAKU TAPINNU WEI HI YEHU²²Nadehakuha damuritu-Na hi Yehu deatangu ta teana anna hamouluja adda pala tahabali nei, mang Dunna hinna paleawaya natou dangu bali. ²³Namengaka papaleawaya bali natouwu, Dunna deatananyaka tapinu tadulla ajiameah-Ya anna habayang. Gigiring hinguyaka, Dunna jiameha kiya nutu lauw. ²⁴Nei natena weiga nam rouka waling ta tana mara, aminyaka na ngalung anna toduya mang hinna ko'ittuya ngilu ta hagana.²⁵Tomayaka na jam patu rani dammu, amminyaka Dunna anna tomaja, halakunanyaka tapinu wei.²⁶Daittayaka damuritu-Na anna halaku tapinu wei, mange'at oatadanyaka jiayaka hidda patiwung, ''moritana neiye widakka.'' Mang patiwungdanyaka adda mange'atunya. ²⁷Jiayaka hi Yehu alolu panewinanyaka, winnajaka, pamadduja da atimi nei Nyouwawa, abbi mangeatmang.''²⁸Mang jiayaka dunna hi Petrus hi winna-Nya,''Moiri, jakka a'Ouw tekkadi-Wu, maiwimmuga ka'attuga lahi Ouw kakku halaku tapinu wei.'' ²⁹Jiayaka hi Yehu '' Maiyaya!'' Jiayaka hi Petrus hinna lohung waling ta teana, mang hinna halaku tapinu wei, anna tomanya hi Yehu. ³⁰Jiadinguka, naittayaka anna ngillu, mange'atnanyak mang hinna tabubal. Patiwung nanyaka anna dangu,''Moiri gataga!''³¹Jiayaka hi Yehu hinna pajoalanya limma-Na, naha mannuya hi Petrus, mang winnanyak, ''Nyiami damma maddung pangaddanguna gahimmi dokku momolim?'' ³²Datamak ta roangu teana, kawannarnanyak na ngillu. ³³Mang jiayaka hidda hali-Ya adda manuatu-Nya mang hi widda,''Napadening, Ouw jiawuka na Anana hi Allah!''ANNA PATEGAHUHA HI YEHU DATOU KADAUKU³⁴Mangaka paladanya hidda toma ta Genesaret. ³⁵Adda peanyaka datouw dam eija tapa doungu nouwu, ammijaka adda maraija ngara dukkada dam kadauk lahi Yehu. ³⁶Dapa ohha tekka-Nya hi Yehu kamma pikki kerrananya na hupu koapi-Na awidda, jakka natou dangu nam kerranya na hupu koapi-Na hi Yehu nateggah memma.

Chapter 15NAPAREAHANA NA MARABBA ALLAH JAKKA NAPATA TOURARA

¹Mang nou, ammeljaka datou parihi jakka datou peang Taurat dam waling ta Yerusalem awiddanya hi Yehu, ''Ga damuritum hidda hapalakaya napata tou moulu? Hiwimma noungu addada bahaha dalimada adda angu jiaya!'' ³Napagapija hi Yehu winnaja,''Mang nyiami ga himmi palajelakaya napareahana na maraba Allah mulana napatatourarami?⁴Nawinina na maraba Allah winna, 'Pa'akaja da amami jakka da innami winna,mangaka,Gearaya nam yuraha da amana jakka da inana, hukku hingunyaha ludda anna mati.' ⁵Jiadinguka nyiami wimmi,''Gearakaya nam winnaja da amana jakka da inana,'Aganakanaja da tagumu attujaka ta maraba Allah awoaha,'''dunna nam tanouna danna hillu pa'akamajaha da amana jakka da inana. Atonoukanaka, nyiami hikkalminya na wini maraba Allah mulana ammi keri nounya napata tourarami.⁷Nyiami tou dajinyak, nakenna memayaka nahawinnang hi Yesaya witimi nyiami; ⁸Datou hei tiddia kallungdanya ta a'ada adda deddikuga, jiadinguka na'atida danna palihimang lahi Nyouwa. ⁹Mang wolluwaingu kaddidanya adda manuatu-Ga padhalu naha woluda keridanya napareahana naoalidapa tourara.'''¹⁰Jiayaka hi Yehu kamaikanajaka datou dangu hi winnaja, ''Rangu kammi pikki peanya! ¹¹Dajiamaya napa aada nam tama ta a'ada nam manyarik, agannanya nam nam papalohuda wali ta a'ada jiaya napa manyarik dengana natou.''¹²Tahabalina nouwu, damurituna hi Yehu tuturdanyaka,''Mupeakadinya nam Ouwu datou parihi adda huddanya adda ranguya lipanoungu?'' ¹³Jiadinguka winna anna pagaping, ''Ngara dukkada dapingi ai dappa hamullana na Ama-Gu ta Surga batu bolluja lapakung ta anna loluda. ¹⁴Jemma hingukadiya hei dudda. Hei jiahaka dam ittang mawahang dam waling tam kapettang hidada itta. Mang natou kaboala jakka adda maraikanguka oali kaboalada, kana'u bolludanyaka ta kago'ak.''¹⁵Napanewi hi Petrus winna-Nya''Palarapagamanya na hilu hangearang lahi nyiama.'' ¹⁶Winnak hi Yehu,''Daddi mipea jella manyah nyiami? ¹⁷Daddi mipeamanyah nyiami agananya napa a'da anna purung ta kabuda mang hile'aya ta jamban?¹⁸Atonoukanaka, agananya napapalohung wali ta a'ada matubuyaka wali ta'atida jiayaka napa huddang tou. ¹⁹Mawaling ta atiya hinna jaji dam kallung, hipaha mati wikki, hipalaung wikki, hikana'u ta doku appa laung, akeadu, akabohhuk, jakka atta pamarihhakuya naoalida. ²⁰Nahawolu matoung nei jia hinguya napa jurraka dengangu atajaji touw.''NAM WINNI KANAAN NAHA GATANA HI YEHU ²¹Tahabalina nouw, wahhi wikkinanyaka hi Yehu hinna hagang ta Tirus jakka Siddon. ²²Mang amminyaka nam winni Kanaan nam einya tapraing nouw weiga, anna patiwug,''Millagi ati duggu Moiri, Anana hi Daud! Na anagu nalakeada mawinni regga moritanananya nam willa tekka.'' ²³Jiadinguka hi Yehu danna pagapimanya, damalli hakawodumang hilu-Na. Mang ammijaka damuritun-Na adda dehaku-Ya, widdanyaka,''Paleawaya kanna bali, patiwu pangalang nanya nim lauw taka deangada jiata.''²⁴Menga nouwu, napagaping winna, Nyouwa napa paleawadaga hadabeabu dam maroba ta Israel jiapah.'' ²⁵Jiadinguka, dunna nam winni weiga amminya anna karadda tahaga-Na hi Yehu, winnaka,''Moiri, gatakiga duggu! 26 Jiadinguka, hi Yehu anna pagapinya winnanya, Danna dehhamang dapa anguda da anagu ale'aha ta ahu.''²⁷Mang pagaping nanyak nam winni winnak, ''Malangu-Mu Moiri, toukada da ahu nading danya kamumu ouhu maka na'u waling tapinu mejana na moirida.'' ²⁸Mang jiayaka hi winnanyaka, ''Ouw nanni mawinni, nakullikh na manningumu! Kanna jajikayaya agananya naha wukkumu. Jiayaka hinna teggah memma na anana nalakeada mawinni.ANNA PATEGAHUYA NATOU DANGU HI YEHU

²⁹Wali nimminaka lauw hi Yehu nadinanya niwiwi korah ta Galilea. Natomaka tapinu tadulla, enganaka anna ngodu. ³⁰Menga nouwu, ammeljaka datou majangi lahi Dunna, maraidajaka dam karakka,dam kalikku, dam kaboala,jakka nam hiddu hawanguk. Tomak nouwu pamaturujaka hei datou hiddu ta wihina hi Yehu mangaka hinna pategahuha, ³²Mang kamaikanajak hi Yehu damuritu-Na, winnajaka,''Namilla oata na ati-Gu Akku ittaha hei datou nam tillu laddukarada adda keriwa mang daeimang pa'anguda. Nyouwa dakku weakumang apaleawaha adda bali karobbang abbi dapikki hamawul talarangi.''³³Mang jiayaka hiwidda-Nya damuritu-Na'' Bayaka waliyakanak atta kolling pa'angu dangu tapadoungu nam kahika yayi katapabihu hei datou dangu.''³⁴Tuturnajaka hi Yehu,''Pirrada da roati dam eija lahi nyiami?''Dapagapinguka,''Pituda, jakka eija pirra kidda dakaboku merrah.'' ³⁵Mang jiayaka hi Yehu paleawananyaka natou dangu ngodu ta tana.³⁶Mang dekinanyaka dunna, dam pituda da roati jakka dakaboku. Habayanajakka, hinna bearaha, mang hinna woadaja damuritu-Na, mang damuritu-Na hidda barinya natou dangu. Ngara dukana natou dangu na angu hudda anna bihu. amengaka ha angu pakehhadajaka dam reihi pitu boalada bakkuluda. ³⁸Natou nam angu patu ribu hinguya na moani, daddi yapumahaha dam winni jakka dalakeada. ³⁹Namengaka papaleawaha bali natou dangu, tama balinanyaka hi Yehu ta teana mang halakunanyaka ta Magadan'

Chapter 16DATOU PARIHI JAKKA DATOU HALADUK ADDA KAKAYA HI YEHU

Mangaka nouwu ameljaka datou parihi jakka datou Haladuk kam kakaya hi Yehu awidda. Dakareiya hi Yehu kanna patekkagama tada waling ta Surga awidda-Nya. ²Jiadinguka, hi Yehu anna pagapija winnaja,''Kakku riddung awinnakaka, wahangnanya wimmi ammi ittaya na awang anna rara.'³Mang ababaru, 'naladu yayi kiddinya na ngilu bangat kaddang na awang anna rara mang nakapettang.'Mipeanya na hadana na awang jiadinguka dammi peamanya nahadana na laddu nam aminya. ⁴Natou nam bokkal jakka nam manyarikmanyerra oatanya na tada jiadinguka daeimang mapa ittananya jiapaya na tada lahi Nabi Yunus. ''Mang jiayaka hinna halaku anna jijjakuja.ANNA PALARANYA NATU'ANA NARAGI TOU PARIHI JAKKA TOU HADUKI⁵Datomaka damurituna taha ge'a tahi tamananga dengang danyaka paiddi roati. ⁶Mang winnajaka hi Yehu, ''Kammi ranguha jakka mipa'atija datou Parihi jakka datou Haduki.''⁷Mang jiayaka hidda lollukuya nei weiga atanga jia meahaha widdak, ''Yajiata adatta iddi roati jiaya.''⁸Atonouda napeaja hi Yehu mang jiayaka hi winna, ''nanni nyiami dam kullih na manningummi, gahimmi panewi meahalinya nouwu nadaeingu roati?⁹Atonoukanaka nyiami daddi mipea jellamanyah mang dammi hillu namumayaha damma limmada daroati anna a'ja lima ribu touw, jakka dam reihi dam dokku danguh apakehhaja taboala? ¹⁰Jakka dam pituda daroati naaja tou patu ribu, mang pirra boalada dam reihi dappa pakehhami?¹¹Gikki nounaka nyiami dammi peaduaku hingukanya, Akku panewi dajiamang roati papanewi-Gu lahi nyiami? Jiadinguka kadda paatija daragida datou Parihi jakka datou Haduki wiggugimi.''¹²Awinna nounguka jiayaka hidda peanya adda jiamangu ragi roati papaatida, datou Parihi jakka datou Haduki ajiaha daha widdang.HI YEHU JIAYAKA NAMESIAS ¹³Natomaka hi Yehu ta tana Kaisarea Filipi, tuturnajaka damuritu-Na,''Gannanya winna natou ammiranguya natu'ana na Ana pahapuruna hi Moiri?'' ¹⁴Dudda dapagaping widda,''Hawanguk hi Yohanes Mapaihhuya widda, mang hawangukli hi Elia widda, jakka hawanguk jellali hi Yeremia widda, adakaka jiayaka na nabi nahawiddang.'' ¹⁵Mang natuturliha hi Yehu, atonoukanaka nyiami gearaya wimmi-Ga Nyouwa?'' ¹⁶Pagapingnanyaka hi Simon Petrus, Ouw jiawuka Mesias, na Ana pahapuru-Na hi Moiri na pingi morrik?''¹⁷Jiayaka hi winnanya hi Yehu,''mumaririkangu dummu, Simon anana hi Yunus, dam waling takatiroumamunya jakka damma waling tawei ra'mamunya nam peakagunya'ya, jaidinguka mawaling ta Ama-Gunya nam einya ta Surga. ¹⁸Mang wiggu jellagimi nyiami jiamika hi Petrus. Tapinu watu neiyi, nouya napingi papakiddigunya na jemaatu-Gu jakka jiadiya na kaleana mati danna talumangu.¹⁹Kuwoagiminyaha nyiami na kuhina nabinna tama ta Surga. Aganakananya napalanga hamaddumi tapinu tana enga maddung jellana ta Surga. Jakka ganakananya napa paloajami tapinu tana naloaja jella ta Surga. ²⁰Mangaka nou peakanajaka damuritu-Na abbi dalollukuya taha tou tekka ajiaya Dunna na Mesias.ANNA PEAKAYA NARAHI MATINA HI YEHU²¹Walinounakana hi Yehu anna peakaya ta muritu-Na, naha laku hinguha ta Yerusalem jakka nakollingu mawilla waling tatou peangu, ta imam kapala daha widdang, lappak dam peangu Taurat, daha mati-Ya mang hinna kiddi bali taladdu katilluna. ²²Jiayaka hi Petrus hinna wealaya ta karahana, natagoru-Ya awinna-Nya, Moiri, anakaya hi Allah kanna pamaroukanya waling lahi Ouw! ²³Nagilakuka hi Yehu winna-Nyaka hi Petrus,''Helling ta haga-Gu, he Moritana! Abbi mijael watu mapanyibang lahi Nyouwa, nanni ouw dammu haraimanya napa ngadangumu nou deaha nam waling lahi Allah, jiapaya napangadang nam wali tatourara napa hamannumi.²⁴Mengaka nou hi Yehu Winnajaka damuritu-Na,''Jakka aeikanguka makeriwa Nyouwa, namatta bollunyaha nahitouna, nadeituya na aiharikka, mang hinna keriwa. ²⁵Ageara nam kadawung wikkina tapinu tana enga danna luputmang. Jakka agearakayaka nam mati lumidengaga mula-Gu nyouwa jiaya nam kollingu mapatu'a. ²⁶Gannakanya napa utuwaidanya akolli bollunya naihina napinu tana, adda eikanguka padouna nadeawada? Mang gannakanyaka napa paheapa waidanya?²⁷Hiamminya tapinu tana na Anana hi Moiri, wainanya nabiahana na Ama-Na jakka dam malaikat da pamaraina-Nya, mangaka nouwu hipag'ananya hatou-hatou agananya naha woluna. ²⁸Kupanewinya nam padening lahi nyiami, eijellanya hawanguku nam einya yayi damma haria hudda mati lappakang adda ittaya na Anana hi Moiri a'ammi-Nya anna puruwaingu biaha jakka dedi-Na.''

Chapter 17ANNA PATEKKANG WIKKINA HI YEHU ADDA MARAINGU HI MUSA JAKKA HI ELIA

¹Paheling nammu laddu, hi Yehu kamaikanajaka hi Petrus, hi Yakobus, jakka hi Yohanes na anguwuana hi Yakobus, mang hinna maraija ta tadulla nam jaga hijia meahaha. ²Nouyaka hi Yehu anna paheapang nahada-Na tahagada. Nangoara-Na nabillaku mearana nawahanguna, jakka nakoapin-Na kaka kapuka tekka.³Mang ittadajaka, hi Musa jakka hi Elia adda hunga, adda panewi denganya hi Yehu. ⁴Winnanyaka hi Petrus hi Yehu, ''Moiri, Nadehha oata aeida yayi, kuwolu hinguya tillu padoung ya, hangi Ouw, hangi hi Musa, jakka hangi hi Elia.''⁵Atanga panewina hi Petrus, aminya na robbang nam wahang tatu'adda, mang einya nam panewi waling ta robbang nam winna,''Nei jiayaka na Ana-Gu napa buha-GU, lahi Duuna-Ya Akku tauya napa napangadangu-Gu. Rangu nou hingunyaya Dunna.'' ⁶Adda ranguyaka damurituna neiyi, karraddadanyaka lappak ta tanaha dangoarada mula adokku mangeatuha. ⁷Jiayaka hi amminya hi Yehu anna tuddakuha, ''Kiddiya abbi mange'atmang hi winnaja.'' ⁸Dahawellajaka dawuamatada, hidda tangaraya hi Yehu nam jiameahakiya damalli eimang oali-Na.⁹Tanga kaburrunguda waling tangabang, woanajaka hilu hi Yehu, winnaja.''Abbi lollukmaya tatouwu, kagearakaya agananya napa itami nei hudda atomaya baru anna kiddi bali na Anana hi Moiri waling tatou mati.'' ¹⁰Mang Jiayaka damuritu-Na hidda tuturu-Ya,''Mang gawali dam peangu Taurat dudda hi widdali, hi Elia jiaya nam ammi moulunya hi widdali?''¹¹Napagapingu hi Yehui winnaka,'' Hi Elia nammu ammi moulu tekkanya mang hinna patiddinya nam kaleagu. ¹²Jiadinguka Nyouwa wiggugimmi, aeianya hi Elia jiadinguka dadda peamanya manga hidda woluya jakka adda ge'anya adda keriya naha wukkuda. Tanou jellana na Ana pahapuru-Na enga mawillana ta limmada dudda.''¹³Menganouwu, damuritu-Na peadanyaka napa panewi-Na ajiaya hi Yohanes Mapaihhu.NALAKEADA NAM LUPPUT WALING TAMORITANA¹⁴Natomabalijaka hi Yehu jakka damuritu-Na datouw dangu, amilnyaka hatou namoani lahi Yehu anna karadda tahaga-Na mang hiwinna, ¹⁵''Moiri, namukiganya na anagu nam wutu manu dokku mawillakiyak. Napatutungu anna kana'u ta api jakka ta wei. ¹⁶Kumaraijellanyaka tamuritu-Mu, jiadinguka dadda bihamang adda pategahuya.''¹⁷Napagaping hi Yehu winna,''Heh, nanni nyiami labbi mamalatung jakka tou jallur! Pirra dounguha madei-Gu ammi oali-Ga? Pirra dounguha Nyouwa Akku tarrung tahagami nyiami? Marainya nimmi nalakeda ta haga-Gu.''¹⁸Jiayaka hi Yehu hinna kayekkaya namoritana hi keri lohunguna waling talakeada moani lappak hinna teggah memma nei nalakeada.¹⁹Mangaka amijaka damuritu-Na hi Yehu adda tomanya, atanga meaha dengada-Nya hidda tuturu-Ya,''Ga nyiama dam bihakang amma wurutunya namoritana nei?'' ²⁰Nahilu-Na winnaja,''Mulana ahakuddukina na manningumi jiaya. Kakku tikkigiminya nam padening lahi nyiami, na manningumi jakka ahawatu roawi hingu kaddina, langaka tiddi panewiminya, nei na ngabang kanna gehhir wali yanguya lappak neiya lauw ! awimmi enga gehhirunna. Daeimangu dappa bihami. ²¹[Atonoukanaka, nei namoritana awurutukanyaka waidanya habayang jakka puaha.'']PANEWINANYAKA HI YEHU NALARA MATINA²²Atanga pakehhangudda hi Yehu jakka damuritu-Na ta Galilea, panewina-Nyaka awinnaja,''Na Anana hi Moiri enga harakadanya ta lima tourara, ²³mang hidda hamati-Ya, nakiddi bali taladdu katilluna.''Mang jiayaka damuritu-Na hidokku millaya na'atida.NALARANA NAWOANGU HIKATIKU²⁴Datomaka ta Kapernaum, dam tagi hikatiku dam dubba dirham ammija lahi Petrus adda tuturuya,''Ga nagurumi hidanna woakang hikatiku dubba dirham? awidda'' ²⁵Napagaping hi Petrus winna, ''Oa'a'' Mang natamaka taumma, moulunanyaka hi Yehu anna panewi denganya winnanya,''Gikkinouna napangadangumu ouw Simon? Mawaling lahi gearaya nei dam tiddang tapinu tana adda karei kaheawa jakka hikatiku? Waling ta'anada penya nam waling tatou hawangukang?''²⁶Atanga pagapinguna hi Petrus waling tatou hawanguk awinna, panewi nanyaka hi Yehu winnanyaka, atanoukanaka, da'anada dadda woamang. ²⁷Nounam, abbi tawoluja huddada, huyaya ta tahik kammi le'ang kawua. Dekiyaya nakaboku napa kenna moulu kammi wehhananya na a'ana, peala mikolinya ta a'ana na ommah mang kammi dekiya nariti, kammik woaja tagu-Gu jakka tagumi dummi.''

Chapter 18

¹Mang nouweiga, ammijaka damuritu-Na hi Yehu adda tuturuya,''Geara hinguya nam reihi pabakul napa douna ta Surga?'' ²Kamaikananyaka hi Yehu nalakeada merrah, hinna tauya tapaduada, ³mang winnaka, ''Kakku tikkigiminya nam padening yayi, adammi hariakaka mang adammi hamearakaka talakeada merrah neiyi, nyiami dammi tamamang ta Surga.⁴Gearaya nam hawawawikina hinna hamearang talakeada neiyi jiadiyaka nam bakul padounguna ta Surga. ⁵Gearaya nam tarimaya nalakeada merrah neiyi tadalu ngara-Gu, jiaya nam tarimawa Nyouwa.''NAPA'ATIDANYA NAWUDDA DOAKU JALA⁶Jakka agearakayaka, nam heirunya hatou nalakeada merrah anna keri-Wa,reihi nam kallung dunna dekinya watu mabuat tearunanya tarikokuna kapikki le'adanya tatahiku majallung.⁷Marihhaknanyaka napinutana anna dounya touw manyarik! Alanga tanoumemanaka nam manyariku enga jajina, jiadinguka danna marimangu natou nam woluya. ⁸Atouda dawihimi jakka dalimami adda wolukayaka nam jala, katupuha mang him le'aha. Reihi kallunguya anna katupu nalimami jappa kadda eibolluhingukaja dam dubbada dalimami jakka dam dubbada dawihimi, malli dale'adimmi ta api nam errik pangalang.⁹Toukada dawuamatami adda patetikanguka majala, woikiya mang him le'aya nam hangina nam hala, daeijellakading gunana ammi morrik waija dam dubbada dawuamatami jakka ammi tama dengakajaka ta api neraka.''¹⁰''Pa'atinya, abbi mipaddaha hatou tekka dalakeada hei. Hi wig-Gu nougimi, eija dam malaikatudda dudda ta Surga damma patotu noujuanya nahada-Na na Ama-Gu ta Surga. ¹¹[Alanga amihingunya na Ana papabiaha-Na anna palupputuya nam jallur.]HANGEARANYA TABEABU NAM MAROBA¹²Gikkinouna napa pangadami? Aeinyaka nam mangu beabuna hangahu, manga kanna maroba nam heina, penya danna mattamaja dam hiwambulu hiwada anna halaku lipa manyeranya nam heina dam einya? ¹³Jakka anna ittabalikayaka, ya mapadeninguya Awiggugim nyiami, reihi hennang dengananya anna itta baliya nam heina nam maroba waling dam hiwambulu hiwada damma maroba. ¹⁴Tanoujellana, daha wukkumana-Nya na Amami ta Surga jakka aeikanguka langa kahatou tekkana waling talakeada merrah namma maroba.PEAKANYA NATOU NAM HALA¹⁵''Jakka anna halakaka na anguwuami, halaku kammi peakananya nahalana, jiamehakammi. Mang dunna anna rangukadimmi, nyiam kolli baliminyaka na anguwuami. ¹⁶Jiadinguka, jakka adanrangukamika, kamaikang hatou touma dua kammi maraingu, peala dahiluda dam touma dua touma tilluha da hakhi, jiahaka dahawaingu.¹⁷Jakka addada rangukahaka, tikkiya nam hamulang weiga ta jemaat. Mang addana rangu jellakayaka na jemaatu, mattakadinyaya kanna hamearang tatou hawanguku nam patipu anna tagi hikatiku.¹⁸Kutikki memagiminya dam padening lahi nyiami agananya napa piimi tapinu tana peala nam piijellang ta Surga. Mang aganakananya napawollahumi tapinu tana peala natawollah jella ta surga,''¹⁹Mang wig-Gu jellagimi, jakka ammi hapakat hingukaka nyiami nam touma duami tapinu tana ammi karei, enga jaji hinguna anna woaja noudeha na Ama-Gu nam einya ta Surga. Alang winna memma, abayaja napa douda atoumadua toumatilluha adda kabuangu mulana na ngara-Gu, Nyouwa eidiga tajoangada.HANGEARANYA DAPAKILOLU WIKI²¹Mang nouw, amminyaka hi Petrus lahi Yehu anna tuturuya, ''Moiri, babirra wudda hingukanyaka adakku kiloluya naoaligu nam woluya nam hala lahi nyouwa? Babitu wuddanya? ²²Mang jiayaka hiwinnanya hi Yehu, ''Hudda ammu babitu wuddang dawi-Gu maggu, jiadinguka pitumbulu kaliya nam pabitu wuddang.²³Jiayaka atanouna, na Kerajaan Surga hihangeara wainya na raja nam payapung ta atana. ²⁴Atangaya anna payapung, nei natou namma pa'uttang habulu talenta alolu maraidananya tahagana. ²⁵Adanna mampuka habayarungu, jiayaka na moirina dagaja regga araweida, da anada jakka ngara dukkada daihi ummada mang kadda pikki bayar waingu hi winna.²⁶jiakiyaka, nei weiga na ata karraddanyaka anna haliya na moirina, nadipakingu woakiga kaloaga manga kakku pikki bayar bolluja da uttagu lahi ouw winnanyaka. ²⁷Mang jiayaka na moirina na ata nei weiga millananyaka na atina, hinna pakaloagaya walingu ta utanguna weiga.²⁸Mangalika, nalohungu nei weiga dunna na ata paregga dengalinanyaka na oali atana nam pauttang hangahu dinar lahi dunna, jiayaka hinna appaya, habaligajaya daritigu dappa deki heapamu, hiwinnanya.' ²⁹Mang jiayaka nei na ata nam pauttang, hinna karadda anna hounya, 'Nadipaking woakiga kaloaga mang nouw kubayar bollukaki guja, hiwinnanya.'³⁰Atonouana, danna weakumang jiayaka hinna patamanya ta gallu lapak hudda anna lunnahuha dautanguna. ³¹Daittayaka nam jaji hei da ata hawanguk duda, milla oatananyaka na atida mang hi amija adda peakaya ta moirida agananya nam jaji weiga nappa ittada.³²Mangaka, na moirida kamaikananyaka na ata nam kawunga, ouwu ata jahatuwu winnanya. Kupodahu bolluguja dauttangumu mulana aku milla ati dengagu. ³³Penya danna milla hingumang na atimu taoali atamu, toungu nyouwa aku milla ati dengagu?'Jiayaka na moirina darekka noumaya anna bani,mang hinna harakanya tatou bani lappak hudda anna bayaruja da utanguna. ³⁵Na Ama-Gu ta surga toujellana anna page'agiminya adammi woakajaka kaloaga daoalimi mang adammi kilolu jala hingudiha waling ta atimi.''

Chapter 19NAPA LARADANYA APPAHEAWA APPA LA ARAWEINGU

¹Namengaka palollukuya nei weiga hi Yehu, halakuna-Nyaka waling ta Galilea hinna toma ta Yudea, tahabali Yordan. Jakka darekka dangumaya natou nam keri-Ya, mang natomaka noulau jiayaka hinna pategahuha dam kadauku.³Hawanguk datou parihi ameljaka adda tomanya hi Yehu kamma kama wainya awidda, hidda tuturu-Ya'' Penya dagikkidina jiata moani apaheawa dengaja da araweida addana patu'akaka?'' ⁴Jiayaka hiwinnaja hi Yehu,''Dammi bahhamayah touna Dunna nam woluha waling nakawungana, anna woluha damoani jakka dammawinni,⁵jakka nawinina nam winna, Jiakadiyaka alanga tonoumemanaka, moani najijakkuja da ama jakka da innana, hinna kahangi denganya na araweina, dahillu tou maduamahah jiadinguka hanginaka naihida? ⁶Jiayak hei dudda dahillu tou maduamahah, hanginaka naihida. Atonoukanaka, agannanya napa langa kahangina hi Allah, danna bihamang appa heawanya jiata tourara.''⁷Mang widda-Nyaka hi Yehu, ''Atonoukadinna , mang gawali hi Musa hinna woawaling pareaha awolu hurat paheawa dengangu arawei?'' ⁸Winnaja hi Yehu,''Mula bei atiminya, jiakadiyaka hi Musa hinna pahellagimmi ammi paheawa dengaja da araweimi. Jakka jiapananya waling naka wungana datanou memamang. ⁹Jakka Kakku tikki memmagiminya agearakaya nam pahewa denganya na araweina, adda laungu moani hawanguk kadinanya, manga kanna deki mawinni hawanguku, reihi halayak.''¹⁰Widdanyaka damuritu-Na,''Atonoukanaka, dam pa la araweingu dam langa paheawada mattanguya pahillu wolu la jakka arawei.'' ¹¹Atonouana, winna jakka hi Yehu hei dudda damurituna,''Danna tarima bollumaya napawigungu ya natou, jiapaya natou napa langa woangu kanyuru. ¹²Hiwidda noungu, einya natou dam buhang papala araweingu, alanga tanou memena waling anna jaji takabu innana, einya natou dam buhang papa la araweingu anna woluya oalina, eijelanya natou dam buhang papa la araweingu mula anna keriya nalarana na kerajaan Surga. Gearadiya nam biha patrimaya natarimakaya dunna.''AMMARAIJA DALAKEADA MERRAH LAHI YEHU¹³Manga nouwu, eija dalakeada merrah dappa maraingu lahi Yehu, hinna habayaja anna jamiha. Mangalika damuritu-Na banildajaka datou. ¹⁴Jiaya hi winna hi Yehu, ''Pahellakadija dalakeada merrah. Abbi heirudija a'amija tahagagu, datou matoungu hei jiahaka damma milikunya na kerajaan Surga.'' ¹⁵Namengaka hi Yehu pajamiha dalakeada merrah weiga, halakunanyaka Dunna waling nouw.GIKKI NOUNGU KAKOLLING MORIKKU MALODUNG¹⁶Ammilnyaka nam hatouna anna patuttur lahi Yehu,''Guru winna-Nya, giki kallung nounaka napa wolugu kakku pikki kolling morrik malodung?'' ¹⁷Jiayaka hi winnanya hi Yehu natou nei,''Gawali himmu tutturuli-Wa Nyouwa agannanya nam kallung naha wolum? Hangikadina nam kallung. Jakka ammu buhha hingudingu pamorrik malodung, mutaat bolluha dappa reaha weiga.''¹⁸Nahillu tuttur jella payaha hi Yehu nei natou weiga,''ga pareahayaka?'' winna-Nya. 'Napagaping hi Yehu winnanya, abbu hamatimang oali toumu, abbu keadumang, abbu hakhi pakitumang, mupabuatuha da amamu jakka da innamu, mang munamuya naoali touraramu mearangu amunamuya naihi wikimu.''²⁰Pagaping nanyaka nei weiga na buamoani winna-Nyak, Ngaradukada dahawi-Mung kutaat bolluhaka, mang ganna jellapanyaha nam kurang? ²¹Winnanyaka hi Yehu, kakku sempurna hingu awimmu dingu, halakuwuya kammu dagabolluja aganaja dam eingum. Manga kapikki barimuja tatou milla, jiaya himmu kollinya naihina na Surga, maiyaya keriwaya Nyouwa.'' ²²Jiadinguka, nei nabua moani dedi weiga anna rangu tanounanyaka, halakunanyaka adda rekkayaka namerrahuna na atina anna namuha daha poatina²³Mang winnajaka hi Yehu damuritu-Na, ''Nyouwa tikki-Gunya nam padening lahi nyiami, naharuwi oata natou dedi nam poati anna tama ta Surga. ²⁴Kakku tikkidigiminya hadekka, reihi piakuya nam heina na unta anna tamanya na nam bowa tapadeitu walingu natou dedi anna tamanya na kerajaan Allah.''²⁵Darangu tahoudanyaka damuritu-Na, kabarra dengadanyaka dudda, mang hiwidda,''Atonoukanaka, gearakayaka nam biha apahalamatuya?'' widdak. ²⁶Patetinajaka hi Yehu manga hinna panewi ''Tapangadang tourara, nei weiga danna jajimang, jiapaya napangadang nam wainya hi Allah nam pajajiya. ²⁷Mang nouw amminyaka hi Petrus winna-Nyaka, ''Ittadimma, nyiama matta bollumanyak naha woluma, keri noudaguka Ouwu. Atonoukanaka gannanya nappa kollima nyiama?²⁸Jiayaka hiwinnaja hi Yehu,''Nyouwa panewigunya nam padening lahi nyiami, atoukanaka nyiami ammi keriwa Nyouwa ta morriku mabuangu,pea atomakayaka na Anana hi Moiri anna ngodunya napadoungu-Na nam dedi, nyiami eijellagimi ammi ngodu tapinu gala dam habulu dubba dannida mang him hakkija dam habulu dubbada dakabihu Israel.²⁹Mang gearakaya natou nam jijjakunya naroangu ummana,da anguwuana, da annawinina, na amana, na innana, jakka da anana, tou jellada dam jijjakuja daka hibuda mulana adda keriya na Ngara-Gu enga kolinguda hangahu wuddang kanyuru tamorriku malodung. ³⁰Jiadinguka nim peala nadangu natou nam moulu muripananya, nam muri jiawaliya nam moulu.''

Chapter 20

¹Atoukana na Kerajaan Surga meara natou nam eingu kahibuna jappakaya babaru anna lipa manyerrang makerrang taka hibu angguruna.²Natomajaka datou hidda hapakatuya hadinar hangi laddu manga hinna paleawaha kerrang taka hibu angguruna.³Tomayaka nappa tillu jam waida dam moulu adda kerrangu,halaku mang hinna ittaha dam tiddi koana ta paregang.⁴Jiayaka hiwinnaja, ''Nyiami, mihalaku jella takahibu anggur kakku pikki woagimi tagumi.'' Mang jiayaka hidda halaku.⁵Hadekkalina, tomayaka nappa nammu jam waida lappak nappa hiwa jam waida, attu jellanyaha anna manyerrangu dam eingu pakerrana taparegang. ⁶Mang tomalidanyaka nappa habulu hangi waida, halakolinanyaka mang hinna tomajadam tiddi dedi hangottar hiwinna jellaja, ga nyiami hitiddi dedikaminya ammi hangottar pijang laddu? winnaja. ⁷Dapagapinguka widanya, Dadi eimanguha mawoagama pakerrang jiaya.' Winnajaka namoiri kahibu nei weiga,'Nyiami halaku jella takahibu anggurugu.'⁸Tomak mamalungu kakku riddung winnaka, namoiri kahibu anggur panewi denganajaka damanduruna, kamaikajaya datou dam kerrang kapikki woadaja dakaheawada, wali mouluja dam tama muri mang hiwoja dam tama moulu, winna. ⁹Dudda dam kerrang tomaya napa habulu hangi jam waingu, ammijaka adda tarimaha dariti dam hangi dinarudda. ¹⁰Dudda dam kerrang waling takawungana, ammija,napapa ngadada nyiama reihi kolli padanguma widda. Tikkinaka, hangi dinar jella pakolida dudda.¹¹Datrimahaka , paroatihudanyak dudda, ta namoiri kahibu. ¹²Gawali natou nam tama muri takerang nam hangi jam pana, himmu ammu woaja kaheawa himeara jelalida lahi nyiama, nam pijang laddu amadangi wikima tawajal laddu.'¹³Jiadinguka napa gapinguka namoiri kahibu, winnajaka, akku anguwuagimi daeimang halagu lahi nyiami. Penya nam dalanga akudiminya hangi dinar hangi laddu? ¹⁴Dekihaya datagumi halakuyaya, touna nyouwa kubuha oatang pawoaja hei dam tama muri takerrang, mearada lahi nyiam nam tama moulu.¹⁵Penya kuhala denganya agananya naha wukkugu akku pahalakuha dadou wikkigu? Penya nammu dadda kallu mangu dawuamatami ammi itawa akku woluya nam kallung?' 16 Jiayaka nam muri hinna moulu, mang nam moulu hinna muri.''LOLLUKNANYA HI YEHU NALARA MATINA¹⁷Anna halakuka ta Yerusalem hi Yehu, nam raija damuritu-Na dam touma habulu madua mang hidda dappa hikkangu adda halaku. Atanga halakuda talarangi, winnajaka, ''patetipang, yajiata hagangdanya ta Yerusalem nouyaka na Anana hi Moiri aharakanya ta imam kapala jakka ta ahli Taurat. Dudda jiaha dam hukku-Nya hudda anna mati. ¹⁹Mang hidda haraka-Nya tatou dappa oaling kadda pikki pawarru-Ya, akoaja-Ya lappak atearunya hipaku-Ya ta ai harikka. ''Mang tomaya naladdu katilluna, jiaya hinna kiddi bali waling tatou mati.''NAKAREIJA KANYURU NA INADA DA ANANA HI ZEBEDEUS ²⁰Mang, aminyaka na innada da anana hi Zebedeus, namaraija da anana lahi Yehu, anna karadda tahaga-Na hi Yehu anna kareija madehha da anana. ²¹Jiayaka hinna tuturuya hi Yehu ,''Gannanya nappa wukkumu? hi winnaja. Pagapingnanyak na innada, ''Pareahagaja da anagu kadda pikki ngodu ta KerajaanaMu, hatou talawana-Mu jakka hatou talalei-Mu''²²Jiadinguka, winnanya hi Yehu, ''Nyiami dammi peamanya agananya napakareimi. Penya nyiami mihanggup ammi inunya na cawan natoara painu-Gu Nyouwa?'' Dapagapinya hi Yehu, oa'a mahanggup widda-Nya.''²³Winnajaka hi Yehu, ''Tonoukadinna nam ga, mi'inung waling tacawana-Gu, jiadinguka nangodu talawana-Gu jakka talalei-Gu, daeimang hak-Kug Akku woagimi, langa einguka madumaja anna hadiaha na Ama-Gu.'' ²⁴Daranguka hei damuritu-Na dam tou habuluha, banidajaka dam toumadua da anguwuada weiga.²⁵Mang jiayaka hi Yehu hinna kamaikaja, hiwinnaja,''Nyiami mipeanyaka aeinya natou hangi tana nam pareahaha, jakka natou bakkul dunna pahalakunanyaka napareahana lahi dudda.²⁶Akerikayaka daeimang matonoung lahi nyiami, agearakayaka kakku jaji tou bakkul nam winna, dunnanguha nam layagimi nyiami. ²⁷Mangali, agearaya nam wukkung pamoulu waling lahi nyiami, dunnaha nam jaji atami nyiami. ²⁸mearang na Anana hi Moiri nam aminya da Dunnamang napa layang, jiadinguka Dunna nam layang lappak naharakanya na tu'a tou-Na anna luminya nam dangu.''DAMMA TOUMA DUAHA DAM KABOALA APPATEGGAHUHA²⁹Halaku walihoudaka ta Yerikho nakapanna tekka natou nam keri-Ya. ³⁰Mang dam touma duaha dam kaboala hei weiga eija adda ngodu tawiwi larangi, daranguyak anna lewat hi a'aminya hi Yehu, patiwung danyaka,''Moiri, na Anana hi Daud, millakigana ati nyiama! widdak. ³¹Natou dangu nakayekah kadda kawannar awidaja. Jiadinguka, hukka hawaddinguda adda patiwung,''Moiri na Anana hi Daud, millakigama ati nyiama! widda.³²Hangunanyaka hi Yehu hinna kamaikaja, Gannanya nappa wukkumi Kakku pikki woagiminya?''winaja. ³³Pagaping danyaka dudda widdak, Moiri, nyiama kamma itta wimma, widdak.''³⁴Millananyaka na atina hi Yehu, jiayaka hinna jamidaja dawuamatada, mang hidda itta memma, lappak hidda keriya hi Yehu.

Chapter 21AREGGAYA HI YEHU MEARANA NAREGA RAJA

¹Damma raninyaka na Yerusalem adda tomaka ta Betfage, ta tadulla Zaitun, paleawanajaka damuritu-Na hi Yehu dam touma duaha. ²Winnaja, halakunya nei habali naloada tahagami,kammi paregga denganya na keledai naha pingu pamaraingu anana. Wollahuja dakka larrung daha pi waidaja mang kammi iddi bolluha tahaga-Gu. ³Jakka aeikanguka tou makayekkami, hi Moiri nam wukkuja, Dunna nam pahella baliha, wimmi.''⁴Toukana ya nam jaji kanna pikki paleti kawodung nappa langa widdang da nabi widdanya. ⁵Tikkinanya na Putri Sion, patetinyah, aminyaka na Rajami lahi nyiami, namaredda ati, mang nakaletiya heingu na keledai, jakka heingu na keledai makangurrak, na anana da keledai nam buatu.⁶Attujaka damuritu-Na dakeriya napatikkinaja hi Yehu. ⁷Jiayaka dudda hidda iddinanya na keledai jakka na anana, dappa lekkaruha dakoapida tapinu kadeanga keledai, mang hinna kaleti hi Yehu anna ngodu tapinu keledai. ⁸Hawanguk natou dangu palekkarudajaka dakoapida talarangi, mang dudda hawanguku pogu kahanga rou aidanyaka adda hamawunya nalarangi.⁹Dokku dangu oataya natou nam halaku tahaga-Na mang dam keri kadeanga-Ya kayakadanya, ''Hosana na anana hi Daud! Nakanyuruka Dunna nam aminya tadalu ngarana hi Moiri.'Hosana tapa doungu majaga!'' ¹⁰Natamanyaka hi Yehu na Yerusalem, ngaradukana naloada nouwu nakka gurruk tekka. mang dudda patuturdanyaka.''Geara nammu nei?''widda-Nya. ¹¹Mang pagaping nanyaka natou dangu, Hi Nabi Yehu, nam waling ta Nasaret noulau ta Galilea widdak.''NAPA BIAHAYA HI YEHU NA BAIT ALLAH¹²Natamaka hi Yehu ta Bait Allah wurutnajaka datou dam dagawainya na Bait Allah, nawoikaha da meja jakka da bangku dappa ngodu waida adda dagang merpati. ¹³Mang jiayaka hi winnaja, ''Langa einyaka nappa tuli, 'Na'umma-Gu peala umma habayang widdanya,'jiadinguka nyiami woluminya hi'u parampuk.''' ¹⁴Toujellada dam kaboala jakka dam karakka ammija lahi Dunna ta Bait Allah mang hinna pategahuha.¹⁵Jiadinguka, hei da imam kapala jakka da ahli Taurat adda ittayaka adda ittayaka nabiaha nam waling lahi Yehu jakka dalakeada dam kayaka ta Bait Allah,''Hosana na Anana hi Daud,''awidda, jiayaka hidda bani oata hei dudda. ¹⁶Manga, tutturdanyaka hi Yehu,''Mang Muranguya nappa tikkida hei dalakeada?'' widdanyaka. Nappa gapija hi Yehu,''Oa'a, winnaja. Dadi mibahamayah nyiami,'Waling ta a'ada dalakeada huhu, Ouwu langa hadiang wikki-Muka malodu-Gu?'' ¹⁷Mang nouwu, dijjakunajaka hi Yehu lohung nanyaka waling taloada nou, hinna hagang ta Betania lappak hinna judda noungu.ANNA PATEKKANYA HI YEHU NABIAHA MANNING¹⁸Tomayaka na babaru, anna balika hi Yehu waling ta koata, jiayaka hinna karobbang.

²⁰Mang daittayaka nam jaji nei wega damuritu-Na, kabarra dengadanyaka mang hidda tutturuya,''Gikki noukana napingi kapillit hinna allolu mati pageaha hingungo?'' ²¹Pagapinajaka hi Yehu, ''Kutikki hingugiminya nam padening lahi nyiami, jakka aeihingu kadingu manningumi nounam abbi minyanga, datiddi jiamaya nappa ittami touna nam jaji ya tapingi kapillit, napareihinguha peala nyiami, mugehhir kammu kana'u tawei tahik awimmikanyaka na ngabang enga jajina gananya napatikkimi. ²²Jakka aganna hingukananya nappa kareimi tadalu habayangumi, manni hingunyaya, nyiami peala mitarimaya.''DAM PAREAHA YAHUDI DADA MANNIMANYA NA KUAHANA HI YEHU²³Natamaka hi Yehu ta Bait Allah, amijaka da imam kapala dam waling ta yahudi lahi Dunna atanga mangajar-Na, tutturdanyaka, ''Ga kuahayaka naha waimu Ouwu ammu woluya nam jaji nei? Mang, gearaya nam woagu Ouwu kuaha matoung nei?'' ²⁴ Pagapinajaka hi Yehu,''Nyouwa hangi jellana nappa tutturgugim nyiami, ammi bihadingu ammi jawapuya, Nyouwa Kupeaka jella bayaka waliyana na kuaha hinna jaji naha wolu-Gu.²⁵Bayaka waliyana napa'ihuna hi Yohanes? Walina ta surga atau walina tatourara?'' winaja. Mang jiayaka hidda pakabuttikung wikkida dudda widda, 'Walina ta surga awiddakaka, mang atonoukadina ga nyiami hidammi parhayaliya hi Yohanes?' winnadakka. ²⁶Atta pagapikanyaka, walina tatourara awiddakanyaka, Jiata tamange'atunya natou dangu damma langa peadanya hi Yohanes ajiaya na nabi.'' ²⁷Jiayaka hidda pakapinya hi Yehu,''Damma peamanya hiwidda.'' Mang winnaka hi Yehu, ''Atonoukanaka, Nyouwa dakku peaka jellamagiminya abayaka waliyana na kuaha Aku woluya nam jaji nei.''AHANGEARA WAIJA DAM TOUMA DUAHA DALAKEADA²⁹Mang hinna pagaping, oa'a ama winna, jiadinguka danna halakumangu. ³⁰Manga nou halakolinanyaka taka muri winna jellanya. Napagaping na anana, 'Dakku weakumangu winna lettu, jiadinguka nahillu manehal bali, jiaya hinna halaku.³¹Gearaya dalakeada toumadua dam wainya na amada?'' Nam kamuri widda dudda.''Winnajaka hi Yehu, ''Kupanewigiminya nam padening, peala dam tagi riti jakka damma winni keiku wawi jiaha dam tama moulu ta kerajaan Allah. ³²A'ammianya hi Yohanes lahi nyiami anna idiya nam kallungu, nyiami dammi waimanya, jiadinguka, hei dam tagi riti jakka dam winni keiku wawi daparhayaya adda wainya, Mang nyiami, mahmi ittahingudiyaka nam jaji jiadinguka dammi manehalmang, tahabalina nouwu himmi parhayaya.''HANGEARA WAINYA NAMOIRI KAHIBU ANGGUR NAM WOANGU KAHEAWA³³''Kahiluya ahangeara wainya ya. Enya nam mangu kahibu anggurunna hinna hamullanya anggur naka hibuna, nagalluya naka hibuna, nawolu pingi pageahudaja da angguru mang hinna woluya nabaga.Mang nouwu, pakaheawananyaka naka hibu angguruna tatou kerrang, mang dunna halakunanyaka ta hangi tana. ³⁴Tomayaka nadaggit wuada, paleawanajaka da atana adda tomaja datou dam kerranya nakahibu kadda dekiha dawuada awinna.³⁵Mang dudda damma kerrang takan hibu, da,appaha damma idija pa,angu dappa hidduha hawanguku, eijellaja dappa hamatida manga eijellaja dappa tauda watu. ³⁶ Manga nou ammijellajaha dappa paleawana na moiri kahibu damma reihi danguha, jiadinguka hei datou dam kerrang ta kahibu danadi jellapajaha adda hamatiha.³⁷Jiayaka hinna paleawaya na anawikina na moiri kahibu hi aminya anna tomaja anna idija pa,angu, peala daranguya adda paakanya winna nappa ngadanguna.³⁸Jiadinguka dam kerrang kahibu, da,ittakiyaka na,anana na moiri kahibu weiga, widdaka adda panewi, nei jiayaka peala nam kollija da hak warih, maiya kahamati jellaya dunna kapikki kollija da hak warihunna widdaka. ³⁹Mang appadanyaka na,anana na moiri kahibu hidda hamatiya..⁴⁰Atanonaka, a,ammikanyaka na moiri kahibu, gannanya winnaja dam kerrang kahibu? ⁴¹Widdapanyaka hei dudda, a,ami-Nya hamatinaja datou dam bokkal, manga hinna kaheawaya tatou hawanguku nakal hibuna, peala atomakayaka narahi deki ihi kahibu jiayaka hiwoaja daihi kahibuna.⁴²Winnajaka hi Yehu, " Penya nyiami daddi mibaha hingumayaha ta hurat bakul: Nawatu nappa le,ana natou nam kerrang umma jiayaka nam jaji ledi watu pamanumara dengangu. Mawalingkadiya lahi Moiri, nam biaha tahaga matada.⁴³Jiaya atanounaka,hi wi-Gugimi ,Nakanyuru nakanaga biha adeki baligunya, manga hiwoananya natou namma pahalaku pakallunya nawini deha. ⁴⁴Manga jellali, gearaya nam kana,u anna kennang tapinnu watu nei hukka pam rurugutudanya; toujellana agearaya naha pittakuna nawatu nei namimija.⁴⁵Daranguka da imam kapala jakka datou parihi na lihangearangu-Na, peadanyaka ajiaha napawinnang hi Yehu. ⁴⁶Jiadinguka adda ealunya akaluna kamma appaya hi Yehu awidda, damma ngerti,atunya natou dangu nam parhayaya hi Yehu adda wainya nawini-Na.

Chapter 22AHANGEARA WAINYA NATOU NAPA KALEIHUNGU TAMMA TUNU LILAWI

¹Panewinanyaka hi Yehu anna waingu lihangearang, winna-Ka, ²Namorrik ta Surga hangeara waidanya einya na raja namma tunu anadekinya mawini na,anan moani. ³Paleawanajaka da atana lippi namatuya natou nappa langa peakang, jiadinguka daeimang ma,amming.⁴Adda einguka ma,ammingu, napaleawaliha da,ata hawanguk,mang hiwinnaja, Peakaja datou dappa langa kaleihung da mamika dappa angu daha ottidagimi nyiami wimija .Donnang hapi bakkul dappa doru, menga boluhaka aotija.Amigimiya kapahalakuya nalilawi ya.⁵Jiadinguka hei datou dappa langa kaleihungu dada ihilinoumangu pahalaku tama tunu,hakupadanya taka hibu, ta talaka jaka lipi manyerang riti.⁶manga hawanguk dudda appadajaka da,ata dapapalewana na raja hidda hamatiha.⁷Jiayaka hinna bani na raja, napaleawaha da tentarana ,hidda padamuha heiweiga dam Hamatiha da,atana lappak hidda tunudaja dappa rainguda.⁸Mang nouwu winnajak da ata-na, ya eibollujaka ahadiaha daha waingu atunu, jiadinguka natou napa langa kaleihung danna maimak. ⁹Jakatanoukanaka, huya halakumi nuttu habali ta kabolutana agearakaya naha reggami peakanya kapikki aminya ya tatunu. ¹⁰Jiayaka hidda halaku bollu da atana, adda nadinya ta larangi ngara dukan natou naha reggada, Kajian jellaya natou dakallung kamaika jellanya awiddaja. Mang a,ammi bollujaka, binnunanyaka natou tppaa dou pingi hatunu.¹¹Tomayakma, a,amminya na raja anna tomanya naha peakangu, ittananyaka nam hatouna adanna kanyabung dam waingu koapi halaku tamatunu.¹²Winnanyaka, 'anguwua ga hittidi tamakamunya dammu halli kanyabu mannukingu?'Jiadinguka tiddi kawannarnanya.Manga jiayaka hi winnaja da atana, maiya pinaja dalimmana jakka dawihina, kammi pikki le,aya nuttu lauw tamma kapettang tahabali hiddu.Nouyaha lauw peala hinna ittang mawilla.¹⁴Hiwiggu nougimi, dokku danguya nappa kamaikang hakuudukinna nam amminya nam rangu mang hipediya."ADDA EALUNYA AKALUNA HEI DAM PAREAHA YAHUDI KAMMA PAHALAYA HI YEHU AWIDDA¹⁵Attolijaka hei datou parihi adda palollung lahi Yehu kamma pahalananya naha tikki-Na awidda. ¹⁶Dappa leawaha damuritda lahi Yehu, mang hidda maraide,angu datou Herodian.Widdak adda panewi, "Guru, nyiama mapeagu Ouwu tou jujuruw jakka nappa ajaru-Mu na lara deha nam hagang lahi Allah jiaya. Ouwu daeimang pamangeatum tourara .¹⁷Jakka atonoukanaka, tikkigamanya namma eingu tapa ngadang-Mu lahi nyiama.Penya nabenarukading abayarung hikatikku ta kaisar atau da,amang?¹⁸Jiadinguka hi Yehu napeamemajaka na atida nam jahat mang jiayaka hi winnaja, '' Ga nyiami himmi ealoliga hala-Gu.hei tou manyarik? ¹⁹Patekka pagaja da riti dappa bayar waingu hikatikku. "Mang jiayak hidda woana-Nya nam hawellana na riti bihhi.²⁰Nadekiyaka na riti winnajaka, "Geara naha tuli nei ta gambar?" ²¹Pagaping danyaka dudda, "Kaisar widdak."Mangalika winalija hi Yehu, Atanoukanaka bayarunya na taguna na Kaisar, jakka mibayar jellanya na tagu-Na hi Allah. ²²Adda ranguyaka awinna noungu, kabarra dengada-Nyaka jiayaka hidda halaku dijjakku-Nya.ADDA EALUNYA AKALUNA HEI DATOU HADUKI KAMMA PAHALAYA HI YEHU AWIDDA²³Taladdu nouwu jella weiga, datou haduki daimang laddu rahim kiddida datou mati dam widda, amijaka lahi Yehu adda tuturu-Ya. ²⁴Widdak, "Guru, winna hi Musa aeikanguka moani nam mati daddi maeingu anana, peala na anguwuana jiaya nam ealuya na araweina kapikki eingu labbina nei weiga namma mati.²⁵Ya nyiama touma pituma amma pa,anguwuangu. Nam kawunga matika daeimang anana, mang hinna ealuya anguwuana na ara weina.²⁶Walipang nam kedua mang nakawaliya nam ketiga lappak nam ketuju. ²⁷Manganou mati bolludanya jakka dunna kikka nam winni mati jellananyaka.²⁸Peala atomakayaka akiddi bali wali tatou mati, gearadikayak peala nam arweinya nei nam winni waling dam touma pituha? Alanga oali bolludanya jiaya.²⁹Nappa gapija hi Yehu winnajak, "Honnar minyaka nei nyiami, adammi peanya naihi hurat bakul jakka nabiahana hi Allah. ³⁰Atomakaya naladdu rahi kiddi bali waling ta rati, dadda hillu paoalimaha mearadaka da Malaikat ta surga.³¹Jakka atonoukanaka, natu,ana nakiddi bali waling ta rati, daddi mibaha hingu memmamayah naha tikkinagimi na maraba Allah, ³²Nyouwa jiadiwak na Allana hi Abraham, Allana hi Ishak, jakka na Allana hi Yakub? Dunna da Alla tou matimaya, jiadinguka Alla tou morrikuya. ³³Arangu tanoudanya hei datou dangu, kabarra dengadanyaka agananya napa peaka-Na.BEINYA NAPA. REAHA NAM REIHI MANNING³⁴Adda ranguka hei datou parihi, adanna hillu pahelaja datou haduki papanewi nei hi Yehu, jiayaka hidda pakehaling. ³⁵Mang aminyaka nam hatouna na ahli taurat anna hangaja tuturuya hi Yehu kakku peanya biahana awinna. ³⁶Winnanyak, Guru, beinya napa reaha. napa reihi manning nam einya ta Hukum Taurat?"³⁷Mang panewinanyaka hi Yehu winnanya, "Mubuhhanya na Moiri Allamu mawaling ta atimu, jakka mawaling ta pangadangumu. ³⁸Nei jiahinguyaka napa reaha nam reihi harrit jakka napa hamoulung.³⁹Naka dubbana winna ya, nyiami minamuya na oali touraramu mearan nanamumunya na,ihi wikkimu. ⁴⁰Ha dam dubba da pareaha jiaha napingi eija ngara dukada da Hukum Taurat jakka da huratudda da nabi."APPATUTURUNYA NA MESIAS⁴¹Tanga pakehang hingupada datou parihi, aminyaka hi Yehu anna tuturuha,⁴²Gikki nouna napangadangumi nyiami natural,ana hi Kritu? Geara Anananya Dunna?"Anananya hi Daud, hiwidda-Nya.⁴³Jiayaka hiwinnaja, atonoukanaka, jiakadiyaka hi Daud hinna paounya na ngara-Na tadalu paregga dengananya nadeawana, Moiri hiwinna-Nya',Mang hiwinali, ⁴⁴Moiri ammu woaya nawini-Mu lahi Dunna "Ngoduya ta lawana-Gu,lappak hudda Aku tauha damuhu-Mu ta bala wihi-Mu.'?⁴⁵Jakka atoukanaka hi Daud, anna paounya hi Kritu 'Moiri', awinnanya mang gikki noukanaka anananya hi Daud awidanya?'' ⁴⁶Damalli hatoumang mapagapi-Nya.Mangaka, naladu nou weiga, dahillu eimanguha matarabani-Nya ahillu tuturu-Ya.

Chapter 23

¹Manga nouwu, panewi denganajaka hi Yehu damuritu-Na, ²''Dudda da ahli Taurat jakka datou parihi ngodudanya tapinu galana hi Musa. ³Jiayaka, ngara dukana napapanewida adda leakumi jiayaka wimmi kadija nounammu abbi kerikaya naha woluda.⁴Dudda dam ealuya nam hala hidda pabuatuya mang hidda habokunya tatou hawanguk.Hitahouda abbi makerra wainya limma wikkima widda. ⁵Hiwolu tahoudanya kanna pikki ittama touw widda. Dapamalainya naha bayanguda mang hidda hidda pabakuluha dakoapi malaida.Adda tomakayaka na perjamuan ta umma habayang, tahagaha adda ngodu houngu, ⁷tau oataja hiida tapa doungu pingi papakehang madangu, manga hikamaikaja Rabi hiwinnaja natou dangu.⁸Atonouana, toukanaka nyiami, Rabi dawidda magimi alanga hatou memmapana na Gurumi, mang nyiami ngara dukami mapa anguwuangu bollumi. ⁹Abbi eimangu hatou tekka ama nahawimmingu tapinnu tana yayi, hatoupana na Amami, Dunna nam einya nou deaha ta surga.¹⁰Abbi eijellamanghu mapareaha mawinnagimi, hatoupana nam pareahami Dunna nou deaha nam eingu ta surga.¹¹Jiadinguka, agearaya napapa,akami nyiami jiadiyaka nam marommat gimmi. ¹²Gearaya nam deddikung wikkina jiaya napahawawa mang gearaya nam hawawa wikkina jiaya napadeddikungu.¹³Dammi marimang nyiami, ahli Taurat jakka tou parihi, tou munapik! Nyiamika nanni nam toadiya nabinna weima ringu ta surga abbi natama na oalima awimmi, toujellana nyiami dammi tama memmanya mangaka miheiru jellanya naoalimi kakku tama nam winna. ¹⁴Dammi marimang nyiami, ahli Taurat jakka tou parihi, tou munapik! Ammi hehiha daummada dam ngoma balu mang himmi pura-pura ammi lippi habayang adoku madei oatami. Atonoukana, nyiami jiamika nam kollingu hukkung mabuat oata. ¹⁵Dammi marimang nyiami, ahli Taurat jakka tou parihi,tou munapik! Mipaduapalaja da tahiku jakka na tana mara kanna pikki tama natou ta agamama awimmi. Manga ammi kollidinyaka himmi pajajinya tou maja,u mareihi ja,u waling lahi nyiami.¹⁶Dammi marimang nyiami, nam paongaha dam kaboala, hiwimmija,'gearaya nam paruwainya na umma maraba Alla, danna huddamang. Jakka agearakaya nam paruwainya na omma rara nam einya ta umma maraba Alla, jiaya hinna huddang. ¹⁷Beinya nam reihi pabuat, ommah rara atau umma marabba Alla nam pabiahaya ommah?¹⁸Manga, gearaya nam paruwainya na altar, naparunguna daeimang biahana. Jiadinguka, gearaya nam paruwaingu da persembahan tapinu altar, jiaya hinna biaha napa runguna.'¹⁹Heh nanni nyiami tou jiri! Beinya nam reihi pabuat, da persembahan atau na altar nam pabuatu da persembahan weiga?²⁰Jiakadiyaka, gearaya nam paruwainya na altar, paruwainya na altar jakka ngara dukada dam eija tapinuna. ²¹Mang, gearaya nam paruwainya na umma maraba Alla, paruwainya na umma marabba Alla jakka dam eija taroanguna. ²²Mang, gearaya nam paruwainya na surga, paruwainya na galana nam maraba Alla, jakka nam paruwainya Dunna nam ngodu tapinnu gala.²³Dammi marimang nyiami, he ahli Taurat jakka tou parihi, tou munapik? Nyiami miwoangu manuatungimi mawaling tama minyak, tama wou hirrit jakka tama liggih, jiadinguka dam ihilimanya napa buatu dengana na Hukum Taurat, nam lurruh, napanamung, jakka manning.Bakalang jiayah naha pahalakumi dahillu heakamayaha. ²⁴ Nanni nyiami mapareaha kaboala mata,ammi outaha daka ngo,a jakka ammi wallu habolung hapi!²⁵Dammi maimang nyiami, nanni ahli Taurat jakka tou parihi, tou munapik! Nanni nyiami tiddi warahdanya taha bali hiddu da kaa jakka da ta,ungimi, jiakayaka na taroangumi dokku porrat oataya mang buhha oatang pahehi oalimi. ²⁶Nanni nyiami, tou parihi nam kaboala wua matana! Baha pawarah lettuha daroangu kaa jakka da ta,ung, jiaya peala hidda warah jella ta habali hiddu.²⁷Dammi marimang nyiami, ahli Taurat jakka tou parihi, tou munapik! Nanni nyiami , mearana na ko,ang napa taungu cet kaka, taha bali hiddu mang aittakayaka hinna dehha oata, jiadinguka na roanguna nabinnu ri mamati jakka mamanyarik. ²⁸Tonou jellami nyiami, awaingu haittakamika magga matiddi oatami tahaga tourara. Jiadinguka na taroangumi darekka jurrakmaya ammi wolluya dam jinyak.²⁹Dammi marimang nyiami, ahli Taurat jakka tou parihi, tou munapik! Jiamika nyiami nanni, nam woluja watu rati da nabi mang himi padoawidaja watu hoadida datou dam eingu halada. ³⁰jakka hi wimmi, Amma morrik memmapang yannag aeijah da ama peanguma, datoumamah nou amma hagaungu maihhuwaingu weirada da nabi. ³¹Jakka atonoukanaka, nyiami mihakhing wikkimi anna anagimi tou maha mati nabi.³²Jiayaka, pahupuyaya napa langa rawida dabokumi. ³³Nyiami, maddu ommang, ana maleagu latta, gikki neikamika ammi luput waling ta neraka!³⁴Jiayaka, pateting, Nouwa Kupaleawaha da nabi, datou maringu ati, jakka da ahli Taurat lahi nyiami. Dam toumapirrah him peala mihamatiha mang himi harikkaha, hawangu mipaluha ta umma habayangumi, mang mipagarija ta hangi padoungo hangi padoungu, ³⁵kapikki boangu bolluda da raada datou tiddi tapinu tana mang kan pikki kerimi waling na raana hi Habel, natou nam tiddi weiga, lappak ta raana hi Zakaria, na anana hi Berekhya, napa hamatimi ta uma maraba Alla tapadua altar. ³⁶Jiaya hiwiggumemagimi, enga jaji bolunaha nei lappak adda kangetinya da anamurimi baru.AHUKKUNYA NA NA YERUSALEM³⁷''O Yerusalem, Yerusalem, nam hamatiha da nabi jakka nam kabeanaha watu dapapa leawadanya. Kuwukku hingung Nyouwa papakeha boluja da anami nyiami, mearana nabei manu anna ubbuluha da anana ta roangu kapana, jiadinguka nyiami dammi buahhamang. ³⁹Jiakadiyaka, Nyouwa hi Kutikki memma gimminya nyiami waling ya, nyiami dammi hillu ittamawaha Nyouwa lappak peala awimmi, Nakanyuruka Dunna nam amminya ta dalu ngarana hi Moiri,'''

Chapter 24

¹Nalohunguka hi Yehu wali ta uma maraba Alla, pata,ukungudanyak da muritu-Na adda patekkanaja da uma pingi pahabayang dappa papakiddi. ²Mang jiayaka, hinna tuturuha, "Dadi mi itta bollumayaha nam jaji yayi? Kutikkigiminya nam padening lahi nyiami daeimang hangi tekka watu papadedi tapinu watu hawanguk ya pamattang dahar beara."KAWUNGA PADDA ³Tanga ngodu-Na hi Yehu tapinu tadula Zaitun, amija damuritu-Na adda panewi denga meaha-Nya, peakagamanya nyiama, pirrang anna jaji mang jakka gikinouna na tadana a'amibal-Gu baru anna kaweada na tana?" ⁴Napagapija hi Yehu winnaja,"Mipa atipakalung abbi eingu touwu maleakumi takealang. Na dangu peala natou nam aminya anna leakumi, wainya na ngara-Gu mang hi widda, 'Nyouwa jiawaka hi Kritu awinna, 'jakka na daa oatangu napaleakuda takealang.⁶Nyiami enga rangumiha lii mapatau jakka napapalumina hinna patau. Jiaya kammi paatinya alanga majaji memmaya tapinu tana, atanouana daddi dukkamanah. ⁷Hangi nuha pageang hangi nuha, natou bakkul geang oali tou bakkuluna, najaji nakarobang akit tapinu tana, jakka najaji na oppunguna tapinu tana. ⁸Ngaradukana nam jaji nei ahi kawunga paddaya mearana apaddang pa'ana.⁹Nim peala, daharakagimi nyiami tappa mawilla dengangu, hi'aniayayami, hihamatimi, mang nahukka bollugimi ati ngra dukana napinu tana mulana na Ngara-Gu. ¹⁰ Nouyak peala, nadangu napa hagapit mang hiharakanya, hinna hukkanya ati oalina. ¹¹Dangu nam pakitung nabiwa awinna manga hinna pahonnaruya nam dangu.¹²Tounak na hala taba buatuna, dahillu eimanyaha napa buhang wikki. ¹³Jakka jiadinguka, natou nam tarrung lappak tahupu dukkana jiaya nam halamat. ¹⁴Manga, nawini nam waling lahi Moiri patoma bolludanyaka tapinu tana hinna haria wainya ngara dukana natou tapinu tana, manga tomadanyaka naladu rahi ammi-Nya Dunna.NAPADDA DAMMA REKKA NOUYA JAKKA DA KRITU WALLUK¹⁵Jiakadiyaka, ammi ittakahak dam jurrak jakka dam ja'u, naha winnang na Nabi Daniel, dadedi tapadoung nam biaha, agearakaya nam bahhaya mipeahingunyaha na ihina, ¹⁶jiaya atonounaka dudda dam eija ta Yudea enga palai bolludaha tapinnu tadulla. ¹⁷Gearaya nam deatang tapinu kabungu umma, abbi nahillu puru balimang anna deki hakudduk tekka maeingu ta roangu ummana. ¹⁸Agearaya nam einya takahibu, abbi nahillu balimang ta umma anna deki koapina.¹⁹Atonouana, tamma akithaka hammu damma tangaya napakabuda, jakka damma pahuhu anada taladu nim peala. ²⁰Habayanguya touna peala ammi palai abbi mikennaya narahi urrang jakka naladu miggu. ²¹Tahabalina nouwu amminya na padda jakka namawilla dam rekka nouya daddi makalli jaji waling naka wunga jeli tana lappak taladu ya, mang danna hilu padua balimanguha anna jaji. ²²Mang anna loppahukaka madeina nei laddu mawilla dengangu, daeimanguha ya nam morrik malupput. Jiadinguka alanga eija dudda daha langa pedi, jiayaka naladu nei hidanna badda madei.²³Mangali, jakka aeikanguka agearaya nam winnagu,'Pateting, hi Kritu einya ya,'atau einya nei lau awinnagimi, abbi miwaimanya. ²⁴Hiwidda houngu, da kritu walluk jakka nabi walluk hungadanyak mang hidda wolu tada napa kabarra dengang adda pajajiya dam einya, adda paleaku takealang, langka jiaha hei dudda dam keri makallun daha langa pedi. ²⁵Pa'atihingunya, Nyouwa langa tikkigugiminyaka nyiami adadi najaji'ang.²⁶Jiakadiyaka, touda hei dudda awidda kagimika, 'Pateting,'Dunna einya ta mareda kapubung, awiddakagimika abbi halakumang nuttu lau, atau Dunna einya ta korrung awidda jellakagimika abbi miparhayamah. ²⁷Ga hiwidda noungu, mearana na wahang kaballa anna kawallik waling ta timur toma ta barat, tanouna peala nimmi a'ami-Nya hi Moiri tapinu tana. ²⁸Bayanya napadoung nam eingu mamati madaga nouyaka napingi pakehhada damma wurung angu rou.''NARAHI AMMINYA NA ANANA HI MOIRI TAPINU TANA²⁹''Mang peala tahabalina na padda nei, 'Namataladdu jaji kapettangnanyak, jakka nawullang danna hillu wahamanguha, Dakapea ta awang warra-warrada adda kana'u, manga namma hamannuya na awang nakagoyak.'³⁰Manga nouwu, hungananyak natadana na Anana hi Moiri ta awang jakka nam morrik tapinu tana taweimataya. Daittaya na Anana hi Moiri a'aminya tajoanga robbang ta awang, anna wainya na kuaha jakka nabiaha damma rekkanouya. ³¹Mang hinna paleawaha dam malaikatu-Na adda patiwung waingu talali dokku hawaddinguha, hidda kehha bolluya natou naha langa pedi-Na waling nam patu padouna tapinu tana, lappak hupu dukka awang.³²Tounaka yayi, mibalajarunya aha ngeara wainya napingi kapilit anna malujakanguka naka hangana jakka anna kalungakanguk narouna, peaminyaka anna marani na mara tana. ³³Toujellana nyiami ammi itaya ngara dukana nam jaji yayi, peaminyaka maraninanyak na ami-Nya, einyaka ta lihi aibinna.³⁴Mapadeninguya, Aku peakagimi nyiami damma jaji yayi hagaunyaha na laddu nam amminya peala. ³⁵Na awang jakka na tana natabillu mang hinna mollah, jiadinguka ngara dukana nawini-Gu danna mollah mangu.''NARAHI AMMINYA NA ANANA HI MOIRI³⁶Jiadinguka, atoukana naladdu jakka narahina, daeimang hatou tekka nam peanya, dam malaikat ta surga dadda peamanya, na Anana daa jellamang, jiapaya hi Ama nam peanya.³⁷Naha meara noungu na masana hi Nuh, na amminya peala na Anana hi Moiri atomaya narahina. ³⁸Naha meara noungu adadi nadeatang na wei bah, dudda jiapaya na angu jakka na inung, nalilawi jakka nalimangoma, lappak hudda anna tama hi Nuh ta roangu teana. ³⁹Mangaka, daddi dapea jellamanyah, hudda a'amminya na wei bah anna palobbur bolluja hidda damu, toujelanaka peala na amminya na Anana hi Moiri atomakayaka narahina.⁴⁰Mang nouwu, eija dam touma duaha taka hibu; hatou dekiya mang dahillu ittamayah, hatou engana dadekimaya. ⁴¹Touma duaha dam winni dam pa'ulla kaba ta kijja, nam hatouna dekiya , nam hatouwalina da mattanya.⁴²Jiayaka atonouna, mipa'atinya dammi peamanya nyiami apirrang naladdu rahi amminya na Moirimi.⁴³Atonouana, kammi peanya namoiri umma anna peakanyaka, nariddung jiaya a'amming makeadu, dunna danna juddamang anna jaga hidanna pahellanya awehharnanya na ummana. ⁴⁴Jiakdiyaka, nyiami mirahhuk pangalang, mihadiakadingu na Anana hi Moiri ammi-Nya taladdu daha peami.NA ATA NAM MIKKU JAKKA NA ATA NAM JURRAK

⁴⁶Nakanyuru tekka na ata nei, atanga ammikanyaka namoirina, tomananyaka anna mikku marenna anna kerrang. ⁴⁷Jakka tonoukanaka, Nyouwa wiggugimi namoirina nei na ata weiga jiayaka nam hamannu bolluha daihi ummana.⁴⁸Jiadinguka, nei na ata nam jurrak winna ta kabu atina, Namoirigu daddi ammimanyaha winna.' ⁴⁹jiayaka hinna tauha daoali atana hawanguk, mang hinna angu, hinna inu dengaja dam mawuk; ⁵⁰aminyaka namoirida taladdu daha sangkada jakka narahina daha malli peada, ⁵¹hinna hamatiya anna tippiknanya naka tikuna, anna hamati maraija ngara dukada datou munapik. Tapa doungu houhaka, hidda kollinya nam akitu mawilla jakka daitta urra paddaa.

Chapter 25

¹Mangalika, na karajaan surga hameara waidanya dam touma habuluha dalakeada mawinni dam iddiha dapalitada kamma paregga denganya nalakeada moani nam aminya anna tomanya na araweina awidda.²Touma lima dabodok dam touma limaliha dapeangu. ³Amijaka dam bodok dudda adda iddiha dapalitada, jiadinguka dadda iddimang minya. ⁴Dudda dam peangu daiddi minya ta anna kuba merrah jakka hidda taujellaja ihida dapalita.⁵Mangaka,adda ammi dakajuanyaka nalakeada moani, ngara dukada dam nading judda bolludanyak. ⁶Jiadinguka, paduaka riddung yakka rangudanyaka nam patiwung,'Nalakeada moani amminyaka! Lohunguya kammi reggaya awinna!⁷Manga nouwu, ngara dukada dalakeada mawinni kiddidanya hidda ealuha dapalitada. ⁸Dudda dam bodok widdajaka dam peangu,'Woagama dumma hakudduk minyami, tikki habedda kidda nyaka dapalitama nyiama.'⁹Jiadinguka, dalakeada mawinni dam peangu dapagaping, da'amang, darekkamana peala nyiama jakka lahi nyiami. Reihi nam kallung, halaku tam dagang minya kammi hi.'¹⁰Tanga halakuda lapa hi minya dam touma limah, amminyaka nalakeada moani, mang dudda dam langa hadiada, tamadanyaka adda paregga denganya ta roangu umma pingi pahalakudanya natunu lilawi mang toadidanyaka nabinna. ¹¹Manga nouwu, amijaka dalakeada mawinni hawanguk widdak, Moiri,moiri! Wehakigama bina dumma.' ¹²Jiadinguka, napa gapija,'Mapadeninguya awigugimi nyiami, nyouwa dakku peahingu memamagimmi.' ¹³Jiakadiyaka nouwu, mipa'atinyaya dammi peanya naladu rahi amminya.''AHAMEARA WAIJA DAM TOUMA TILLUHA DAM LAYANGAtoukana na karajaan surga mearanouna einya nam hatouna nam halaku ta hangi tana, naka maikaja da atana anna haraka bolludaja dappa kerrana lahi dudda. ¹⁵Nawoa moulunya hatou lima talenta, hatouwali dubba talenta, jakka hatouwali hangi talenta. Hatou-hatou toara hamampuda. Hatou nam lima talentana attunyak anna pahalakuha, nakolli memmangu lima talenta mataaba.¹⁷Toujellana nam kolling dubba talenta, nakolli jellaja dam dubba talentalida. ¹⁸Jakka jiadinguka, natou nam kolling hangi talenta halakunanyaka, anna hakka pamajalunya tana, mang hinna kabuninya nariti naha woananya namoirina.¹⁹Madedeika, nei moirida aminyaka anna yapudaja dappa utuda. ²⁰Aminyaka nam hatouna nam kolling lima talenta anna iddinaja tahagana dam lima talentada dahautuna, mang winnak,'Moiri, ouw muwoaga lima talenta nyouwa. Kammuitaya, nyouwa kukolli jellanguha lima talenta dappa uttugu.' ²¹Jiayak hiwinnanya namoirina,'Nakallu oatang nouw, dummu ata nam mikku jakka marenna. Mumikku waling nam hakudduna, jiaya hikku woagu madangu jakka mabakkul, tamadaka kapikki meara hennang.'²²Mang dunna nam hatouna nam kolling dubba talenta aminyaka tahaga awinna,'Moiri, ouw muwuaga dubba talenta nyouwa. Kammuittaya, dubba talenta jelladaka daha kolligu akku utu.' ²³Napagaping namoirina winnanya, 'Nakallu oatang, ouw ata nam mikku jakka marenna. Mumikku waling nam hakuddukuna, jiaya hikku woagu madangu jakka mabakkul, tamadaka kapikki meara hennang.'²⁴Manganou, natou nam kolling hang talenta ammi jelanyak tahaga mang winnak,'Moiri, kupeagu ouwu dokku bani atiwu, ammu kollingu tapadoungu dappa rawimu, ammu pupuha tappa doungu dappa hammulamu. ²⁵Jiakadiyaka, atonounaka hikku mange'at mang hikku halaku akku kabunija datalentamu ta dawatana.Ittadiha, ouwu eingumuka agannanya nam eingumu.'²⁶Jiadinguka, namoirina napagapinya winnanya,'Ouwu nanni ata mamanyarik jakka majaubulliwu! Mupeakadinya akku pupuha dappa hamullagu jakka akku kehaha tapadoungu dappa hoarugu. ²⁷Jiayak atonounaka, ouwu bakalangu mubijalgajaha daritigu ta bank, baru akku balidingu, pikki kolli baliguja daritigu lappakung da bungada.²⁸Deki baliyaya natalenta nam hangina naha woadanya, kapikki woainnanya nam kolling habulu talenta yannag. ²⁹Hiwigunoung, natou nam langa einguna enga woajellanyah, mang hinna kolli padangu. Jiadinguka, natou dam einguna, hukka dekidananya agannanya nam einguna. ³⁰Patullakunya nei na ata dam eingu gohuna nou daku tapadoungu nam kapetta dingu danga. Nouyanguha peala hinna ittangu mawillana hitaweimata damawaraya.ANNA PAHAKKINGU NA ANANA HI MOIRI ³¹''Atomakayaka peala na amminya hi Moiri anna patekkanya nabiaha namadi-Na, mang hinna ngodu ta gala biaha-Na. ³²Ngara dukana natou tapinu tana hinna kehha bolluya ta haga-Na, mang hinna hikkaha hatou-hatou, mearana ahikkaha da beabu waling ta kamemi. ³³Mangaka, natauha da beabu ta lawana-Na, jakka da kamemi ta lalei-Na.³⁴Mang dunna na raja winnajaka dam eija ta lawana-Na,'Maiyaya, nyiami nahawoa-Na kanyuru na Ama-Gu, kolli pangalaminyaka na Karajaan napa hadiadagimi walingu nakawunga jeli tana. ³⁵Atangakayak Akku karobbang, nyiami miwoa-Ga ouhu. Akku madouwu nyiami mi woaga wei. A'mmi-Ga ta ummami, mikamaikaga Akku tama. ³⁶Akku kalolu mang mi pakenna-Ga koapi, Akku kadauku milappa ealu-Wa. Akku tama ta gallu ammigimi ammi keri-Wa.'³⁷Jiayaka datou dam tiddi dudda pagapida-Nyak,'Moiri, pirraka amma itta-Wu Ouwu ammu karobbang mang himma woagu ouhu, atau Ammu madou mang himma woagu wei? Pirraka amma ittawu Ouwu Ammu mai ta ummama mang hippa leawa-Wu tama taroangu umma, atau Ammu kalolu mang himma pakenna-Gu koapi? ³⁹Pirraka amma itta-Wu Ouwu Ammu kadauku atau Ammu tama ta gallu manga himma lappa ealu-Wu?' ⁴⁰Napagaping na raja winna, Nyouwa kupanewinya nam padening lahi nyiami, ammi pahalakukayak ya taoali jaji-Gu namma dokku millaya, mearadinaka a lahi Nyouwaya.'⁴¹Mang nou, winna jellaja damma eija talalei-Na,'Helling wali tahaga-Gu, nyiami makenna kuttukumi, einyaka na api nam errik pangalang napa langa hadiadaja damoritana jakka damalaikatuda noumika peala ammi tama noungu. ⁴²Hiwiggu noungu, Akku madou dammi woamaga wei Akku inung. ⁴³Akku mai ta ummami dammi kamaikamaga Akku tama ta roangu umma; Akku kalolu dammi pakennamaga koapi, Akku kadauku jakka atagallu-Wa nyiami dammi lappa ealumawa Nyouwa.'⁴⁴Mang dudda pagaping jelladanyah,'Moiri, pirrak nyiama amma itta-Wu ammu karobbang jakka ammu madou, atau ammu kadauku, ammu kalolu, jakka a tagallu-Wu hidamma lippi laya-Gu? ⁴⁵Mang jiayaka hi winnalija,''Nyouwa kutikkigiminya nam padening lahi nyiami, touna yayi adammi pahalakukayaka taoalimi nam dokku millaya nei, mearana adammi pahalakuya lahi Nyouwa.' ⁴⁶Manga nou, hei dudda jiahaka damma kollinya na hukkung dam eingu dikkina, atounaka dudda datou dam keriya nam kallung jiahaka dam kolling morriku malodung.''

Chapter 26AHIWUDANYA NAHA MATIDANYA HI YEHU

¹Namengaka papanewi bolludanya nei Yehu, winnajaka damuritu-Na, ²''Nyiami mipeanyaka dubba laddukinaka na paska, nouya peala na Anana hi Moiri aharakanya kapikki harikkaya awidda-Nya.³Manga nou, ngara dukada daimam kapala jakka dam bokul peangu pakehadajaka ta umma padouna naimam bakul hi Kayafas. ⁴Mang jiayak dudda hidda hakongkul kapikki appaya hi Yehu awidda, adda wainya napatipuda kapiaku-Nya ahamati-Ya awidda. ⁵Atonouana widda adda panewi, ''Abbi appa nouma-Nya atangaya nawolu ulla, abbi karingak peala joanga tou dangu.''NAMAWINNI NAM KALAPAYA HI YEHU⁶Tangaya aeinya hi Yehu ta Betania, taummana hi Simon nam katobu, ⁷amminya nam hatouna namawinni anna toma-Nya eimemmanya nam hangi kubana naminya nam dokku mahaluya nahiina, mang nou hinna burina-Nya taka tiku-Na hi Yehu anna kalapa waina-Nya, atanga ngodu-Na anna angu. ⁸Adda ittayaka nei weiga nam winni,dudda damurit banidanyak mang widdak, ''Gahiwoluwai hingukanya nei? ⁹Hiwidda noungu, nei naminya mapa hingu oataya adagakanyak, kapikki barija riti dam milla.''¹⁰Jiadinguka, hi Yehu, napeanya atahouda, jiayaka hiwinnaja,''Ga nyiami himmi pahahadukkaliya nei nam mawinni? Jakka jiapananya nammu nahawoluna makallu oatanguya lahi Nyouwa. ¹¹Jakka jiapananya eipangalanya natou milla talihimi, jiadinguka daddi mipatekka hingumanya nahawolumi lahi Nyouwa.¹²Anna buriya naminya nei nam winni taihi-Gu, ngara mearanaka anna tanuga Nyouwa peala. ¹³Kakku tikkigiminya nam padening nyiami, langa kabayaka baru anna tomayang na Injil appatomanya tapinu tana, jiadinguka agananya naha langa woluna nei nam winni jiaya baru napapanewi pangalang dunna.''NAWUKKUDANYA APPAKO'UNYA HI YEHU¹⁴Manganou, hatou namurit waling dam tou habulu maduaha, hi Yudas Iskariot nahawiddang, halakunanyaka ta imam kapala, 15 mang winnak,''Nyiami gannanya nahawoamiga akku harakakagiminyak Dunna talimami? Jiayak dudda hidda hapakat woagu tilumbulu bella ommah hiwiddanya. ¹⁶Jiayaka nouweiga, ealunanya nakaloaga kallung kakku pikki harakanya hi Yehu awinna.DAPPA ANGU APASKA¹⁷Tangaya naladdu kawunga angu roati dam eiongu ragi, a'ammija damuritu lahi Yehu adda patutur, awidda, Bayaka peala mang him-Mu buhang pa'angu kamma pikki hadia-Gu pa'angu paska-Mu?'' ¹⁸Nappa gaping hi Yehu winnaja, Tamaya ta praingu, lahi geara ammading, mang kapikki wimminya, winna na Guru, ''Narahi-Gu nadaggituk wimminya. Nyouwa attu-Ga ta umamu jakka damuritu-Gu kamma pikki angu paska wimma. ¹⁹Jiayaka dudda damuritu-Na hidda patoma bollunya nappa peakanaja hi Yehu, mang hidda hadia pa'angu paska.²⁰Manga tomalidanyaka nariddung, hi Yehu ngodunanyaka anna aadengaja dam toumahabulu maduah damuritu-Na.²¹Atang anguda winnak hi Yehu, ''Nyowa Kutikkiya nam padening lahi nyiami, enga eihingung hatou waling lahi nyiami nam pako'u-Ga. ²²Mang dudda dokku millaya na atida, jiayaka hatou-hatou panewidanyaka awidda-Nya, Danyouwang moiri?"²³Mangaka,Dunna pagapingnanyak, winnak,''Nei naoali baha limma-Gu tamooku, jiadiyaka peala nam pako'u-Ga. ²⁴Na Anana hi Moiri enga halaku balinaha alanga eimemanya nahatuli tu,ana Dunna. Jiadinguka, danna marimang nei natou, nam bei lau atiya anna pako,u-Nya! Reihi kallung hinguya yanaga natou nei anna mattapangu pajaji.'' ²⁵Mang jiayak hi Yudas, nam pako'unya hi Yehu winna-Nyak,''Danyouwamang Moiri?''Jiayak hiwinnanya hi Yehu,''awimmu nouding jiayak, winnanya.''²⁶Pahi atanga anguda, dekinanyaka naroati Dunna HI yehu. Mang habayananyaka anna pamarinya, hinna tippikuya mangaka hinna habaridanya damuritu-Na mang hi winna,''Dekiyaya jakka anyaya, nei jiayaka ihi tou-Gu.''²⁷Mang nouwu, nadekeliya napainung, nahabayang anna pamarinya, mang hinna habaridanya, hiwin-Na,''Ngara dukkami nyiami, inunguya ya. ²⁸Nei jiadiyaka naraa-Gu, naraa napa langa wolung rahina,aweiwarunya mulana natou nam dangu kanna pikku bahanaja dadoaku jalana awiddanya. ²⁹Ya Nyouwa Kutikkigiminya waling laddu yayi,adak-Ku hillu inung waling tapingi anggur nei, jiadinguka peala Akku inukanguka anggur mabuang inudengagugimika ta Karajaanan na Ama-Gu.''³⁰Damengaka pammanyanyi, halakudanyaka tapinu tadulla Zaitun.Hi petrus anna manyangkalunya hi Yehu³¹Manga nouwu winnajaka damuritu-Na,''Ngaradukami nyiami eingu mata'ukumi tariddung yayi mula-Gu Nyouwa.Alanga eimemanya naha tuli nam winna,'Kupaluya nam jawabeabu mang dahajawana hidda iha-ihada'.³²Jakka jiadinguka, tomakayak Akku kiddi bali, Kumoulugimi nyiami ta Galilea.''³³Panewinanyak hi Petrus awinna,''Toukada ngaradukada dudda kaeikang mata'ukuha mula-Mu ouwu, lahi nyouwa daei oatamang mapata'ukung.'' ³⁴Jiayaka hi Yehu hiwinnanya,''Ya Nyouwa wigumemag ouwu, nariddung yayi, peala dadi dapakkumah da manu, ouwu baddi manyangkalmugak Nyouwa padillu wuddang,'' ³⁵Napanewik hi Petrus winna-Nya,''Langkakku mati denga-Gu, nyouwa dajiang manyangkalma-Gug! Ngaradukada damurit hawanguk meara bolluna naha tikkida.ANNA HABAYANG HI YEHU TA GETSEMANI³⁶Mang tomadanyak ta Getsemani hi Yehu jakka damuritu-Na, tomak nou winnajak,''Ngoduya ya, Kakku halakupag nei lauw lapahabayang.'' ³⁷Namma maraija hi Petrus jakka dam toumaduaha da anana hi Zebedeus, nouyaka anna hiddu na ati-Na jakka anna milla. ³⁸Mang nouw winnajaka,''Na ati-Gu dokku hidduya, kakku mati magga wig-Gu. Eikagimi yayi kammi oali-Ga anadinya nam jaji.³⁹Mang jiayaka Hi nagehir hakuduk, anna habayang hinna karadda na ngoara-Na toma ta tana mang winnak anna habayang,''Ama-Gu, jakka atonoukanaka,nei napainung kanna mollah waling lahi Nyouwa.Kajiakaya nahawukku-Mu nam jaji abbi jiaya nahawukku-Gu Nyouwa.''Mang nou ammi-Nyaka tomanajaka damuritu-Na atanga juddada. Jiaya hiwinna-Nya hi Petrus,''Atonoukanaka, ouwu dammu hanggupmang ammu taara dengaga malli hangi jam? ⁴¹Taara mannu jakka habayang abbi mikana'u taka go'ak. Nadeawa mapakeri maiya jakka narou maloajaya.''⁴²Nahalakuli hi Yehu paduang wainanyaka anna habayang hiwi-Na,''Ama-gu, nei napainung addan dukka wikkidina, jakka Akku inukanyaka jiakadiya hinna dukka, atonoukana hawukku-Munyak nam jaji.'' ⁴³Hillu amijela-Nyah hadekka, tomanajaka adda judda adda hillu tarrujak dawuamatada adda judda geadu. ⁴⁴Jiayaka, hinna jijakolija, halaku jellana-Nyah anna lippi habayang napa papadilung waina, mang nahatikki-Na jia pangalaya waling anna habaya moulung.⁴⁵Manga nouwu, balina-Nyaka hi Yehu anna tomaja damuritu-Na hiwinnaja,''Juddayaya kammi kawannaryaya. Patetinyaya peala daggitnanyak na Anana hi Moiri aharaka-Nya talima tou doaku jakka tou jala.⁴⁶Kiddiyaya, maiyaya kahalakuda. Patetinyaya natou nam haraka-Ga Nyouwa namaranika.''NA'APPADANYA HI YEHU⁴⁷Tanga panewi hingunaha hi Yehu, hi Yudas namurit nappa touma habulu madua waiha, amminyak. Dam raina toudanguha dam mangu katopu jakka nibbuda, dam waling ta imam kapala jakka dam mabokul hawaingu damma matua pangadanguda. ⁴⁸Dunna nam haraka-Nya hi Yehu wolu tadananyaka winnak,''Gearaya peala nahangidihugu, jiayaka Nammu appahinguyaya.''⁴⁹Hi Yudas lihinanyaka hi Yehu winnak,''Halamat, Rabi winna-Nya!''Mang hi Yudas ngiddina-Nyak. ⁵⁰Jiayaka hi Yehu hi winnanya, ''Oali ati, pahalakuyaya naha ammi dengagu.''Alolu ammijaka datou dangu adda marani, adda kataku-Ya mang hidda appaya hi Yehu.⁵¹Itadanyaka nam hatouna namaraina hi Yehu, anna lihuya nakatopuna, mang hinna kahapi wuakahiluya na atana na imam. ⁵²Jiayaka, hi Yehu winnanyak, pateaku balinya nakatopumu. ⁵³Penyanam tapa ngadangumi danna mampumang anna kareiya na Ama-Na wimmi-Ga, jakka jiakayak, ya memma napaleawaha damalaikat damma habulu dubba reihi barranguya adda toma-Ga? ⁵⁴Jakka atanoukanak baru, gikkina widdadanya mang hinna paleting tahurat bakul enga jajimeman nam winna?⁵⁵Naladu nouweiga, tanga panewina hi Yehu tahaga toudangu,''Ga himaga touwaling makaleli makeadumi nyiami ammi lohuwaing katopu jakka nibbu, ammi appa-Wa Nyouwa? Wehango wehang, eipangala-Ga Akku mangajaru ta Bait Alla, dammi appa-Maw. ⁵⁶Jakka jiadinguka, ngara dukana ya najaji hinguha .''Mang peala, ngara dukada damurit, dadijak bolu-Nya adda palai.DAM PAREAHA YAHUDI ADDA PAHALAYA HI YEHU⁵⁷Manga dudda appada-Nyaka hi Yehu hidda marainya lahi Kayafas, na Imam Bakul, napingi pakehada adda kabuangu da ahli Taurat. ⁵⁸Jiayaka, hi Petrus hinna keri wali marou-Nya hi Yehu, lappak anna duki tahaga umana na imam bakul. Mang na tama jella hi Petrus, anna ngodu dengaja da pangawal kakku itaya nam jaji awinna.⁵⁹Ya atounaka, da imam kapala jakka ngaradukada da Sanhedrin jajidanyaka hakhi pakitung, kapiki piaku ahamati-Ya hi Yehu awidda. ⁶⁰Jiadinguka, atohouada dudda dadda piaku juamang langaka dokudanguha da hakhi pakitung dam ammija. Mang nou eija dam touma duaha dam widda,''Natou nei winna napanewi-Na, 'Nyouwa kumokanya Akku poppaya na Bait Alla jakka Akku pakiddi baliya tillu boladdupagunya winna.'''⁶²Mang jiayaka, na Imam Bakul kiddinanyak anna dedi awinnanya hi Yehu,''Penya Ouwu dammu peamang papagaping? Agananya napa itana yanatou nahawolu-Mu?'' ⁶³Jiadinguka, kawannar pananya hi Yehu. Mang na Imam Bakul dunna winnanyak hi Yehu,''Kuyura-Wu wainya na ngarana hi Alla napingi morrik, mang Ouwu himmu tikkiya lahi nyiama, Penya jia tekka-Wuka Ouwu na Mesias, na Ana Alla? ⁶⁴Panewinanyaka hi Yehu winnanyak,''Napapanewimi jiadiyaka. Atonouana, wigugimi nyiami waling yayi itaminyaka na Anana hi Moiri tahada tourara, anna ngodu ta kraha lawanana hi Moiri tapa doungu Majaga, mang hi ammi-Nya tajoanga robang waling ta awang.''⁶⁵Jiayaka, na Imam Bakul hinna hirraya nakoapina mang winnak,''Pamma doluwaing nanyak! Hillu gawaiwalingu hakhi? Itadiya, yaranguminyak anna pamadolu waingu. ⁶⁶Beinya napa pangadami nyiami?''Dudda dam pareaha Yahudi pagaping danyak,''Dunna napa doumemanguka ahamati-Ya widdak.''⁶⁷Mang jiayaka hidda padoinina-Nya nangoara-Na mang hidda jurra-Ya. Jakka eijellanya hawanguk nam kababa-Ya. ⁶⁸Hiwiddalkinya,''Tikkiyaya nahapea-Mu gannanya nam jaji lahi nyiama, heh Mesias; gearaha dam tauwu Ouwu?''HI PETRUS ADANNA AKUYA HI YEHU⁶⁹Atanga ngoduna hi Petrus ta taloara, aminyaka nam winni anna layang awinnanya, ''Ouwu oalide'ami hi Yehu natou Galilea nei.'' ⁷⁰Jiadinguk, hi Petrus danna akumaya tahagada ngaradukada hei dudda, winnaka, Nyouwa daku appamagiminya naha tikkimi.''Tanga lohunguna hi Petrus tabinna, ammelnyaka nam winni hatou nam layang awinnanya,''Natou nei maraide'ada hi Yehu nam waling ta Nazaret.'' ⁷²Mang jiayaka hinna parungu hi Petrus,''Nyouwa daku peamanya Natou nei awnna.''

⁷⁴Parungu nanyaka hi Petrus mang hadanni payuranaka, jiayaka winnak, ''Nyouwa dakupeamanya natou nei.''Mang pakukudanyaka damanu wolu. ⁷⁵Jiaya nouweiga, hi Petrus namunanyaka nahatikki-Na hi Yehu,''Adadi dapakuku damanu wolu, baddi padillu wuddangmuka ouwu adannu aku-Wa Nyouwa awinnanya.''Mang nouwu, lohungnanyak hi Petrus anna houw adda rekka kaballikuya na atina.

Chapter 27MARAIDANYAKA HI YEHU TAHAGANA NAGUBERNUR PILATUS

¹Tomayaka nababaru, ammi bollujaka da imam kapala tou peangu taloada nouwu, adda meara bottahuya nalara hamatida-Nya hi Yehu. ²Mang jiayaka hidda pinya hi Yehu, hidda iddinanya adda harakananya nagubernur Pilatus.ANNA HAMATI WIKINA HI YUDAS³Tounaka hi Yudas, nam harakanya hi Yehu ahamati-Ya, hillu manehalnanyak hikeri habalinaja dariti dam tillu mabulu pearakuda ta imam kapala jakka tatou matua pangadang, ⁴winnak,''Nyouwa jalagunyaka akku haraka tekkanya natou damma eingu halana.''Jiadinguka, widdanyak hi dudda,''Gannanya nahatikki dengamunya lahi nyiama?''Hapeamunyaka dummu!'' ⁵Mangaka, hi Yudas patullakunajaka hei daommah ta roangu Bait Alla. Manga nouwu halakunanyaka anna lippi tearung wikkina.⁶Jiadinguka, da imam kapala dudda dadekiha dariti mang widdak,''Danna kallumang abijjaluha dariti ta umma biaha, dariti heiyi riti hi raaha jiaya.'' ⁷Jiayaka, hidda bottahuya tapangadang hei dariti, hidda hi waija tana hiwoluwaija rati pingi patanudanya natou tama. ⁸Jiayaka nam hamulangu, na tana nou hippa ngaranya' Tana Raa' lappakung laddu ya.⁹Atonoukanaka, paleti kawodungnanyaka napawinnang hi Nabi Yeremia; ¹⁰Dawaija dariti bihi dam tilumabuluda, adda hi waija tana tamma pepi arrung, mearana napa langa pareahana hi Moiri lahi nyouwa.''5HI YEHU JAKKA NA GUBERNUR PILATUS¹¹Dedinanyaka hi Yehu tahagana na Gubernur, mang na Gubernur hinna tuturu-Ya ,''Jiawuka Ouwu na Rajana natou Yahudi?'' Napagaping hi Yehu winna, ''oa'a nahatikkimu jiayak.'' ¹²Jiadinguka, adda tuduaya adda pakituwai-Nya da imam kapala jakka mabokul pa'ati, Dunna danna malli pagapimaja. ¹³Mang hadanni winna-Nya hi Pilatus,''Touna nouwu Ouwu Dammu rangumaha damma dokku danguha dahala-Mu dapapa deituda-Gu?'' ¹⁴Jiadinguk, hi Yehu danna malli pagapimanya hi Pilatus, damalli hangimangu hatududa-Nya napa kaderi-Na jiayaka na Gubernur napa hearanan.HI PILATUS DANNA PIAKUMANG ANNA PABEABAHUYA HI YEHU

¹⁶Taladu nou weiga, einya nam dokku pangaranguya naoalida nam tahang hi Barabas nahawiddang.¹⁷Jiayaka, atanga pakehanguda datou dangu, tuturnajaka hi Pilatus dudda,''Geara hinguya nahawukkumi nyiami akku pabeabahuya, hi Barabas atau hi Yehu, napatikki jua Kritu nahawiddang?'' ¹⁸Alanga peanajaka hi Pilatus adda iri, jiayaka hidda harakanya hi Yehu lahi dunna. ¹⁹Tanga ngoduna hi Pilatus tapinu Gala pengadilan, pangiding liinanyaka na araweina lahi dunna,''Abbu jianga gikki noukamunya natou damma hala hinna, winnanyak. Langa ittangguka mawillagu ta ladu weiga tadalu nipigu mulana Dunna.''²⁰Jiadinguka, da imam kapala jakka dam bokul pa'ati hukka taba pakullihudanya nam dangu adda kareiya hi Barabas mang kahamatiya hi Yehu awidda. ²¹Patuturnanyaka na Gubernur lahi dudda,''Gearaya nahakabuatimi ha dam touma duaha kakku pabeabahuya nam hatouna? Mang dudda pagapingdanyak,''Barabas!''widdak. ²²Mang winnalijaka hi Pilatus,''Atonoukanaka, Gikkinougunya hi Yehu nahatiki jua tadalu ngarana hi Kritu?'' Ngara dukada dudda widdak, ''Harikkaya Dunna!''²³Patuturnanyaka hi Pilatus,''Ga nam? Gannanya naha wolu-Na dam kallung?''Jiadinguka, taba kadoakada, ''Harikkaya Dunna!''awidda. ²⁴Adanna hilu piakuka hi Pilatus anna bottahuya, ataba kacuhingunaka, deki weinanyaka mang hinna bahaha dalimmana tahaga tou dangu jakka panewinanyaka,''Nyouwa dakku deitumaya na raana na Touw nei. Neiyi patagu wikkiminya dummi!''²⁵Ngara dukada pagaping danyaka,''Naraa-Na madeituya nyiama jakka da anama!'' widdak. ²⁶Jiayaka, hi Pilatus hinna pabeabahuya hi Barabas mang adda mengaka pakoaja kabuya hi Yehu, hi Pilatus harakana-Nyaka adda harikkaya.'DA TENTARANA HI PILATUS ADDA OLOKUYA HI YEHU²⁷Mang nouw, maraidanyaka da tentara hi Yehu ta ummana na gubernur, hidda kabua bollung ngaradukada dapasukan Romawi adda korrunya hi Yehu. ²⁸Hidda hellinaja dakoapi-Na hi Yehu mang hidda pakena-Nya koapi ungu. ²⁹Dangananya nakadu rowa waling ta rii, dataunanya taka tikuna hi Yehu, mang datauna-Nya hapangu na ai pallu talima lawana-Na, jakka hidda karadda tahaga-Na, mang hidda jerik pipia-Ya,''Waikiyaka, na Raja tou Yahudi widda-Nyak!''³⁰Dappa doini-Ya, dadekiya na aiouw adda palu wainanya taka tiku-Na. ³¹Damengaka pajerikuya adda yeki-Ya, dahelinya nakoapi ungu waling ta ihina hi Yehu, mang hidda pakena balinanya nakoapi wiki-Na, mang maraidanyaka adda lippi harikka-Ya.YESUS DI SALIBKAN³²Dalohunguka dudda da tentara, reggadanyak hi Simon nam waling ta Kirene. Jiayaka hidda pakahuya anna deituya na ai harikka-Na hi Yehu. ³³Manga adda tomaka tapadoungu nam ngarang Golgotana,'' Padou Riimamati'' , ³⁴woadanyaka anggur na papaha'urung kapidduna anna inung, anakamanyaka, Dunna danna weakumang pa'inunya.³⁵Daharikkayaka hi Yehu, habaidanyaka nakoapi-Na adda waingu undi. ³⁶Manga nouwu, ngodudanyaka adda awahu-Ya napa doungu nouw. ³⁷Jakka tepildanyak nahatuli tapinu katiku-Na nahilu pajerik waida-Nya,nam winna''NEI JIADIYAKA HI YEHU, NA RAJA TOU YAHUDI.''³⁸Taladu nouwu eijellaja dam touma duaha datou hala dapaoalina hi Yehu aharikkaya. Hatou talawana-Na jakka hatouwu talalei-Na. ³⁹Natouw nam linoung nouwu, hukka taba yurana-Nya, hidda kaddukuja dakatikuda, ⁴⁰mang hiwidda-Nya,''Ouwu hijiakadi-Wu nam buggahuya na Bait Alla jakka nam pakiddi baliya tadalu tillu boladdu, pahalamat wikki-Muya! A'ana maraba Alla tekkadi-Wu, purunguya wali ta aiharikka nanni!''⁴¹Toujellada dudda da imam kapala jakka da ahli Taurat, dambokul pa'ati adda pamarihaku-Ya hi Yehu adda olukuya, mang hiwidda, ⁴²Natou hawanguk nabiha anna paluputtuya jiadinguka na ihi wiki-Na danna bihamang anna paluputtuya .Jakka Dunna a Raja Israel tekakayaka, kanna purunguya waling ta ai harikka mang dudda katta pikki parhayaya Dunna, widda.⁴³Dunna na parhayaya hi Alla, jemmanya ka'ittaya hi Alla anna palupputu-Ya, jakka ahawukkudina-Nya hi Alla.Dunna alanga winna wikidingu,'Nyouwa jiawaka Anana hi Alla, awinna'''. ⁴⁴Datou hala daoali harikkada-Nya da pamarihak jella-Ya.MATINANYAKA HI YEHU⁴⁵Tomayaka napa nammu jam waina, kapettang nanyaka na tana ngaradukana naloada nouw, lappak atomaya napa hiwa jam waina. ⁴⁶Napa hiwa jam waina, hi Yehu hounanyak anna patiwung,''Eli,Eli,lama sabakhtani?''Alla-Gu, Alla-Gu, ga Ouwu himmu dijjak meahakaga Nyouwa?'' winna na ihina. ⁴⁷Mang dudda hawanguk dam dedi hei lauwu, adda rangu tanoudanyaka,'' Natou nei kamaikananya hi Elia widda-Nyak.''⁴⁸Dapalli waimanyaha nam hatouna anna palai,nadekiya nawalla ai, hinna lu'urunya wei anggur manyilu, hinna pinya ta ai ouwu, mang hiwoananya hi Yehu kanna inunya awiddanya. ⁴⁹Jiadinguka hawanguk dudda widda"Maiyaya ka'ittaya a'amminya hi Elia anna palupputu-Ya." ⁵⁰Mang patiwungkina-Nyak hi Yehu anna harakanya nadeawa-Na.⁵¹Ittadanyak na toddana naroangu Bait Alla anna majirrak waling nim deaha lappakangu nuttu wawa, manga nakka goyak napinu tana, ngaradukada dawatu hoadi hidda beara. ⁵²Darati mamati datawehha, jakka dokumen dangu oataha datou mati dam keri makallungu damma kiddi bali. ⁵³Mang adda lohunguka waling taratida, anna kiddik balika hi Yehu wali ta rati, tamadanyaka tapa doungu makalung manga hidda patekkang wikkida tatou dangu.⁵⁴Jiayaka na kapala pasukan jakka damaraina patetidanyaka hi Yehu adda kerimamai-Ya, mang adda ittayaka anna dangu nam jaji jakka na oppung, mange'atdanyak manga widdak, "Mapadeninguya, Dunna jiayaka na Anana hi Alla! "⁵⁵Eija hei lau damma doku danguha damma winni adda pateti dikirou-Nya hi Yehu, walipang ta Galilea adda keri-Ya kamma woanya pa'angu jakka pa'inung awidda. ⁵⁶Eija hei dudda hi Maria Magdalena, hi Maria na Inana hi Yakobus jakka hi Yusuf, jakka na inada da lakeada da anana hi Zebedeus.ATANUNYA HI YEHU ⁵⁷Tomayaka anna ridungu na tana, aminya natou poati waling Ta Arimatea hi Yusuf nahawiddang, dunna murit jellananya hi Yehu. ⁵⁸Nahalaku lahi Pilatus anna kareiya nakamati-Na hi Yehu. Mang jiayaka hi Pilatus hinna woangu pareaha kahapurunya nakamati-Na hi Yehu kapikki woananya hi Yusuf awinna.⁵⁹Jiayaka hi Yusuf hinna dekiya nakamatina hi Yehu, napadedanya anna kaborrunya regi kaba kaka poloh, ⁶⁰mang hinna pamaturuya ta ko'a watu ta rati bua hawolu namilikuna nappa hakkana nam dokku majallunguya. Mang nouw, nadekinya na watu bakul hinna keggalunya hi Yusuf anna toadiya nabinna watu rati, mang hinna halaku.⁶¹Mang nou lauw eija hi Maria Magdalena, jakka hi Maria oali ngarana adda ngodu tahaga rati-Na hi Yehu.AJAWAYA NARATINA HI YEHU⁶²Tomayaka naladdu adda menga pahadia anadinya naladdu miggu, ngaradukada da imam kapala jakka datou parihi pakeha bolludajaka tahagana hi Pilatus. ⁶³Panewi danyak dudda widdak, Marabba, nyiama manamuyaha yanaga anna morrikuha nei hi kabohuk, winna anna panewi, atillu boladdu kaguka tarati kiddi bali-Gunyak winna.⁶⁴Atonoukanaka, woangu pareaha kapikki jawaya narati tadalu tillu boladdu, hidda ammi oataja damuritu-Na adda lappa keadu-Nya, manga kiddi balina-Nyak waling tatou mati hiwidda oata adda panewi tatou dangu. Jiayaka nei peala nam reihi marihak waling taka wungana.⁶⁵Panewinanyak hi Pilatus winnajak dudda, nyiami eingu mataggu jawa. Huyaya kammi jawaya keriya nahawimming. ⁶⁶Manga, halakudanyak adda jawaya narati hidda maraingu kalompuk matagu jawa, mang hidda pakahiluya natoadina nawatu rati.

Chapter 28

¹Loppahunyaka naladdu miggu, tanga hungana namata laddu baru, taladdu hangi namiggu nouwu, hi Maria Magdalena jakka hi Maria oali ngarana attuja adda lappa ealuya narati. ²Mang jajinanyak na oppung bakul, ittadanyak nam malaikat anna kegalunya nawatu hinna ngodu tapinuna.³Nahadana nakabillak tekka jakka koapina nakaka kapuka. ⁴Mulana adda mange'atunya, hei dudda dam jawa rati kadadak danyaka mang hidda boppa toungu mamati.⁵Mang panewi denganajaka nam malaikat hei damma winni, winnajak" Abbi mange'atmang nyouwa kupeanya hi ammigimi manyerraminya hi Yehu napa harikka. ⁶Dunna daeimanyah ya, Dunna kiddi balinanyak keriya napa langa panewi memma-Na. Maiya ealuya napingi pamaturu-Na. ⁷Huyaya halaku pagehanguya kammi peakaja damuritu-Na anna kiddi bali waling tajoanga tou mati, attu-Nya anna moulu ta Galilea.Nounguha lauwu peala him itta-Ya Dunna. Pa'atikinya, nyouwa kupeaka memmagiminyaka.⁸Mang dudda pageahang danyak adda dijakunya narati, jakka doku hennang oatah adda waingu papalai kamma peakaja damuritu-Na hi Yehu awidda. ⁹Alolu ittadanyaka hi Yehu anna reggah," waimika winnaja!" Jiayaka hidda toma-Nya hi Yehu, dakerranaja dawihi-Na, adda karadda-Nya. ¹⁰Mangaka nou winnajaka hi Yehu, "Abbi mange'atmang huyay kammi peakaja da anguwua-Gu kadda pikki halaku ta Galilea, nounguha lauw peala hidda itta-Wa."ABAYARUJA DAM JAWA RATI MANG HIDDA KABOHUK¹¹Tanga halakuda hei weiga dudda dam winni, hei hawanguk dam jawaya narati halakudanyak ta koata adda lippi peakaja da imam kapala gannanya jaji noulau tarati. ¹²Manga, pakehanadaja oali de'ada dam bokul pa'ati. Mengaka papakehangu, woadajaka riti dangu hei weiga dam tagu jawa rati, ¹³widdajaka, "Wimmi peala, Damuritu-Na hi Yehu jiaha dam ammija adda keadu-Nya atanga juddama wimmi.¹⁴Manga, jakka anna rangukaka peala na gubernur, peala nyiama namma pamanninanya na atina, touna nyimi hidammi hilu dadar." ¹⁵Jiayaka dudda dekidaja dariti mang hidda waibollunya naha peakadaja lappak taladdu ya nataboakaha nahilu nei weiga.NAPANOUNGU HARRINA HI YEHU¹⁶Mang nouwu, dam toumahabulu hangiha damuritu dahalaku ta Galilea, ta tadula napa langa papatekkanaja hi Yehu. ¹⁷Da'ittaki-Yaka, karaddada-Nyaka. Jiadinguka, hawanguku dudda daraguha.¹⁸Manga, amminyaka hi Yehu winnajak, "Ngaradukana nabiaha namadi nam einya deaha ta surga jakka tapinu tana eibollunyak lahi Nyouwa. ¹⁹Jiakadiyaka, halakuya kammi hakoala bolluya natou tapinu tana kanjaji muritu-Gu, kammi ihuha tadalu ngarana hi Ama, jakka na Anan, jakka na Hangahu Harri-Na,²⁰peakaja kadda pikki taatuya ngaradukana napa pareaha-Gu lahi nyiami; mang ittayay, Nyouwa ei-Ga Akku oaligimi, lappakang tahupuduka morrik tapinnu tana.

Mark

Chapter 1NAPAKERRANA HI YOHANES MAPA'IHU

¹Yayi jiayaka nakka wunga jellina nawini-Na hi Yehu Kritu, na Anan na Maraba Alla, ²nam einya napa langa tuli ta hurat nabi Yesaya nam winna: Ittadiya, Nyouwa Kupaleawa-Gu Ouwu mamoulu anna hadia-Gu larangi. ³Einya nam kawulang natou ta mareda kabupung: 'Hadianyaya larangi hi Moiri, paluruhuya nalarangi nam hagang lahi Dunna, winna.⁴Jiaya, hi Yohanes hinna ihhu touwu ta mareda kapubung mang napatomanya nawini na'ihu napawarah dengang waling ta doaku jala, kapikki haria waingu. ⁵Manga, ngaradukada datou Yudea Jakka datou Yerusalem ammi bolluja lahi Yohanes. Jiayak dunna hinna ihuha ta loku Yordan, nouhaka adda mangakuja da doaku jalada. ⁶Nakoapi nahawaina hi Yohanes waling tawulu untaya, mang nakalarru bagina mawaling ta kalitu untaya. Dapa anguna, kapudu jakka kaneana.⁷Hi Yohanes anna patomanya nawini winna, "Menga nyouwa amminyaha Hatou namma reihi peangu peiha. Toukan nyouwa danna moadamang akku karadda-Nya mang akku paheilina-Ja da tarawihi-Na.⁸Nyouwa ihu waigugimi wei, jiadinguka nim Dunna Nam amminya ihu wainagimi Hangahu Harri.HI YOHANIES ANNA IHUYA HI YEHU⁹Mang jajinanyaka taladdu nou, aminyaka hi Yehu waling ta Nazaret, taloada Galilea mang ihu-Nanyak hi Yohanes ta loku Yordan. ¹⁰Nakollinguk palohung wali ta weiyi, Dunna hi Yehu ittananyaka na awang anna tawehha mang na Hangahu Harri mearang mawurung merpatiya anna purungu tapinu kabakki-Na. ¹¹Mang einya nam panewi waling ta surga, "Ouwu jiadiwukka na Ana pabuha-Gu, lahi Ouw-Nguha pingi pa'ei-Ga nam winna."ANAGOADAYA MORRITANA HI YEHU¹²Mang tahabalina nouwu, halaku iddi-Nanyak waddi-Na hi Yehu ta maredda kapubung. ¹³Patumbulu laddu-Na anna engang ta kapubung hinna goada-Ya morritana. Hi Yehu einya tapadua madaga bani, jiadinguka eija dam malaikat dam lappa laya-Nya.ANAPATOMANYA HI YEHU NAWINI MARABA ALLA TA GALILEA¹⁴Natamaka ta gallu hi Yohanes, Dunna hi Yehu halaku-Nanyak ta Galilea anapatomanya nawini Maraba Alla. ¹⁵Panewi-Nanyak winna, "Tomadanyak narahina, na Karajaan Alla daggitnanyak. Hariayaya mang wainounya nawini ta hurat bakul."ANAPEDIHA DAMURITU HI YEHU¹⁶Tanga halakuna hi Yehu tawiwi tahik Galilea, itta-Najak hi Simon jakka hi Andreas na anguwuan, adda wokkaruja da jalada ta tahik. ¹⁷Mang winnajak hi Yehu, "Maiya keri-Wa Nyouwa, Kakku wolumi majala tourara." ¹⁸Jiayaka dudda hi Simon jakka hi Andreas hidda alolu mattaja da jalada mang hidda keri-Ya.¹⁹Nahalaku marouwali hakudduk, Na'ittaliha hi Yakobus, da anan hi Zebedeus, hi Yohanes, da anguwuana dam eija ta teana adda pakallung jala. ²⁰Mang nouwu, jiayaka hinna kamaikaja hi Yehu, hi ammi bolluja hidda dijjak meahanya na amada hi Zebedeus jakka daburu dappa woana kaheawa jiapahak dam engang, mang halakudanyak adda keri-Ya hi Yehu.ANNA MANGAJAR HI YEHU WAINYA NABIAHANA²¹Datomaka ta Kapernaum tangaya na laddu miggu, tamananyak hi Yehu ta umma pingi pahabayang anna mangajar. ²²Dudda dam rangu-Ya dokku hagga dengada-Nya napa ajaru-Naja anna hamearungu nahabiaha-Na natou-Na, danna hameara noumangu lahi dudda da ahli Taurat.²³Jiadinguka, ta umma pingi pahabayangu einya hatou namoani nam reggae moritana anna patiwung, ²⁴winna, Gannanya naha amidenga-Gu lahi nyiama, Ouwu Yehu waling ta Nazaret? Hi ami-Gu kakku pamohuha wi-Mugama? Nyouwa kupeagu Ouwu. Ouwu jia-Wuka namma biaha waling lahi Alla. ²⁵Jiayak, hi Yehu hinna gaggutuya, "Kawannar! Lohunguya wali tatou nei winnanyak!" ²⁶Mang jiayaka namoritana hinna kuhak pipianya natou nei, napatiwung anna kadoaka mang hinna lohung wali tatou weiga.²⁷Ngara dukana natou nam einya,winna anna patuturu-Nya, gannanyak nei nam tanouna widdaka? Einyak yayi nalarangi buang nam dokku biaha madiya! Nawurutuja damoritana, mang dakka radda-Nya."²⁸Mang jiayaka rangu bollu nanyaka ngara. dukana naloda Galilea.NA INNA EARANA HI SIMON JAKKA NATOU DANGU NAPAPATEGAHU²⁹Wali houdaka ta umma pingi pahabayang hi Yehu jakka damuritu-Na,tamadanyak ta umma lahi Simon jakka hi Andreas, maraide'ada hi Yakobus jakka hi Yohanes. ³⁰Tanga maturuna dunna na inna earana hi Simon anna kadauku, jiayaka hidda peakananya nakadaukuna lahi Yehu. ³¹Amminyaka hi Yehu hinna kerrananya nalimana anna pakiddiya mang. hinna dedi.Danna madeimang hellinanyak nakadaukuna manga jiayaka hinna layaja pa'angu.³²Tomayaka naridung, amminyak natou nam maraija dam kadauku jakka dam regga moritana.³³Ngara dukana natou nam einya takoata pakehha bollungnanyak tahaga umma nou. ³⁴Napa teggahu bolluha hi Yehu datou dam kadauku jakka dam regga moritana. Jiayaka Dunna hinna heiruja hei damoritana papnewi, alanga peada-Nyak.ANNA HABAYANGU HI YEHU JAKKA ANNA PATOMANYA NAWINI³⁵Babaru, nakapettanguha, wella-Nanyak hi Yehu anna halaku tamma kahika, nouyaka anna habayang. ³⁶Mang hi Simon jakka datou dam raina manyeradanyak hi Yehu. ³⁷Dappa regga denganyak hi Yehu, " Ngaradukana natou manyerada-Gu! widda-Nyak."³⁸Mang winnaka hi Yehu, "Madaya kahalakuda takoata hawanguk Kakku piki patoma jelladanya nawini lahi dudda. Jiamemayaka naha ammi denga-Ga. ³⁹Jiayaka hi Yehu hinna nahiya naloada Galilea. Napatomanya nawini ta ngara dukada da umma pingi pahabayang, jakka hinna wurutuja damoritana dam eija.NATOU KATOBU APATEGAHUYA⁴⁰Mang eiwalinyaka natou katobu nam aminya lahi Yehu. Napa ohang mang hinna karrada-Nya hi Yehu winna, "Anna milladingu na ati-Mu,Ouwu nabiha ammu pateggahuwa winnanya. ⁴¹Namillaka na ati-Na hi Yehu, pajoalananyak limma anna jaminanya na ihina.panewi-Nanyak,warahuya winnnanya. ⁴²Danna madeihingumang natou katobu weiga anna warahbali .⁴³Jiayaka hi Yehu hinna paleawaya bali nei natou weiga anna peaka pakallunya. ⁴⁴Winnanya, " Abbi eimangu pingi patikkimunya touna napa ittamu nei. Muhalakukadiyaya, patekakadinya na ihimu ta imam, mang muwoakadingu manuatung alanga teggahumu keriya napareaha nahapeakana hi Musa kadda pikki ittang hei dudda.⁴⁵Jiadinguka nei dunna weiga anna teggahuka, danna hilu pahunimanyaha, huka lolluk bollunanyak tamadangu. Atonounaka, hi Yehu danna piakumaha patama takoata anna pahungang wikki-Na, tiddi engnaka tahabali hiddi, tapadoungu nam kahika.Atonouana, natou nam waling ta hangi padoungu ammi jellanyah adda toma-Nya hi Yehu.

Chapter 2HI YEHU DANNA PAKILOLU MANG JAKKA NAPATEGGAHU JELAHA DAM KARAKKA

¹Madedei kudduk, anna balika ta Kapernaum hi Yehu, ranguda-Nyak a'ei-Nya ta umma. ²Dokku danguya natou nam einya anna kehha ta umma nou hinna pakihe-kihing lappak ta kaweadu umma, mang jiayaka hinna patoma-Nya nawini.³Manga, ammijak adda toma-Nya adda marai-Nanya natou nam karakka napahadduluda dam toumapatuha. ⁴Addada piakuka pa'iddiya talihi-Na hi Yehu mulana adokku danguya natou, jiayaka hidda wehhauya nakabungu umma tatu'a-Na hi Yehu.Mang jiayaka hidda hupurunya napadou maturuna nam karakka.⁵Na'itadanyak hi Yehu na atida nam maning,winnanyak nam karakka nei, "Akku ana-Gu, dadoakumu poddahgujak. ⁶Jiadinguk,dam touma pirrah da ahli taurat widda tapangadanguda,⁷"Ga natou nei hippa newi tanouwali-Na? Pajappu oali-Nanya! Gearayak dunna nam poddahuha dadoaku jalana adda jiakayaka hi Alla?"⁸Hi Yehu alolu peamemmanya nam eingu tapa ngadanguda. Jiayak hi winnaja,''Ga nyiami hipangadang tanouwalimi takabu atimi? ⁹Beinya nam reihi haleala, atikkinanya nei natou karakka, 'Dadoaku jalamu poddahgujak widdanya atau 'Kiddiyay, luninyaya natapumu mang halakuyaya widdanya'?¹⁰Atonouana, kammi peamemmanya na Ana Maraba Alla eingu biaha madi-Na anna poddahu doaku jala tapinu tana.''Winnanyak hi Yehu nei natou karakka, ¹¹''Wigug ya ouwu, kiddiya, luninya natappumu, mang baliyaya ta umamu.'' ¹²Natou karakka nei weiga dunna kiddinanyak anna dedi, naluninya natappuna hinna iddiya tahabali hiddi tahaga toudangu. Dudda ngaradukada kabarra dengadanyaka jiayaka hidda padeadu-Ya na Maraba Alla, hi widda, ''Nyiama dadi makalli ittamanguha majaji matoungu neiyi!''HI LEWI ANNA KERIYA HI YEHU¹³Attubalinyak hi Yehu tawiwi tahiku, mang ngaradukana natou napalollu tekkangu a'amminya lahi Dunna, mang jiayaka Dunna hinna ajaruha. ¹⁴Tangaya Dunna anna lewatu, itta-Nanyak hi Lewi, na anana hi Alfeus, atanga ngoduna tapadou pingi habayarung hikatiku. Mang winnanyak hi Yehu, ''Kerinou-Ga Nyouwa''Jiayaka dunna hi Lewi hinna keri-Ya¹⁵Mang atanga ngodu-Na hi Yehu anna angu ta ummana hi Lewi nei weiga, eija dokku danguha dam tagi hikatiku jakka datou dam woluya dam kallung adda a-denga-Nya hi Yehu jakka damuritu-Na, mang natou dangu nam einya nouwu jiahaka dam keri-Ya hi Yehu. ¹⁶Daittayaka hei da ahli taurat jakka datou parihi hi Yehu anna a-dengaja datou jala jakka datou dakallungu, tuttur dajaka damuritu-Na,''Ga Dunna hinna a-dengalija hei datou jala jakka dam tagi hikatiku? widda-Nya.¹⁷Naranguka hi Yehu, winnajak, Dudda dam sehatu dadda parlumang doatir, jiapaya nam kadauku nam parlu doatir. A-ammi-Ga dajiamang tou tiddi pamanyerra-Gu, jiadinguka natou jala jiaya napa manyerra-Gu.NAPA TUTURUDANYA NAPUAHA¹⁸Damurituna hi Yohanes jakka datou parihi tanga puahada. Eija datou dam ammija adda tutturu-Ya,''Ga damurituna hi Yohanes jakka damurit tou parihi hidda puahali, mang gawali damuritu-Mu hidada puahali?''widda-Nya. ¹⁹Mang hi Yehu winnajaka, ''Nabiha dam dutuya napangantin adda puaha atanga maraidanya pangantin moani? Atanga maraikadanyaka napangantin moani danna bihamang adda puaha.²⁰Jiadinguka, tomayah naladdu rahi dekidanya napangantin moani lahi dudda, jiaya peala taladu nouwu hidda puaha. ²¹Daemang touwu nam kadabaruya nakoapi deingu wainya kaba bua, atanoukanaka peala nakoapi bua na hirraya nakoapi deingu, jiayaka hitaba luaruna nam majirrak.²²Mang daeimang tou maburiya na anggur bua taka kareara kalittu nam deingu. Peala jiayaka nam hirraya naka reara kalittu hidda meara ruhak. Nam padeningu, na anggur bua buriya taka reara kalittu nam buangu.HI YEHU MOIRINANYA NALADU MIGGU²³Mang tomayaka naladu miggu, hi Yehu nalinoung taka hibu parimara, atanga halakuda , damuritu-Na dapupu maruahu pari. ²⁴Mang datou parihi widda-Nyak, ''Ittadiha gananya naha woluda daha palayaka naladu miggu?²⁵Mang winnajak, ''Daddi mibahamayah nyiami gananya nahawoluna hi Daud atanga karobanguna jakka oalina damma marainya? ²⁶Gannanya nahawoluna anna tama ta umma Maraba Alla, anna jaiha imam hi abyatar, angunanya roati biaha dataguda da imam mang hinna woaja datou dam raina.²⁷Mang nouwu winnajak hi Yehu datou parihi, naladu miggu kawolunanya natourara widdanya, natourara kawolunanya naladdu miggu dawiddamanya.''

Chapter 3ANNA PATEGGAH TOU HI YEHU TA LADDU MIGGU

¹Natamalika hi Yehu ta umma pingi pahabayang, einya natou nam karakka hakage'a nalimana. ²Dappa tetinya hi Yehu kamma pikki itta-Ya anna pateggah makadauku taladdu miggu, kamma pikki pajala-Ya awidda.³Manga winnanyak hi Yehu nei natou nam karakka hakage'a nalimana,''Kiddiya kammu dedi tapadua.'' ⁴Mang winnajak hi Yehu, penya nam woluya nam kallung atau woluya dam kallung taladu miggu? Gatanya na oali touda atau hamatiya?Jiadinguka, tiddi kawannardanya.⁵Manga nouwu, panahinajak wuamata anna pateti hukka atija hi Yehu. Nahoudalung na ati-Na hi Yehu mulada dudda adadda ranguya nam kallung. Jiayaka hiwinnanya hi Yehu nei natou nam karakka hakage'a naliman, ''Pajoalaja dalimamu. ''Mang jiayak natou nei hinna pajoalaja daliman, mang alolu teggahdanyak. ⁶Atonounaka, datou parihi halakudanyak, adda pako'ung tatou Herodian nam ge'a-Nya gikki neida-Nya ahamati-Ya nam winna.NADANGU NATOU NAM KERIYA HI YEHU⁷Jiadinguka, hi Yehu pamaroungu wikki-Nanya waling tamuritu-Na hinna hagang ta tahik, mang dokku danguha datou dam waling ta Galilea adda keri-Ya, jakka dam waling ta Yudea,⁸dam waling ta Yerusalem, ta Idumea, nam waling tahabali Yordan, jakka nam waling taloada Tirus jakka ta Sidon,nadangu natou kadang adda ranguya nam jaji naha wolu-Na hi Yehu, ammi bolluja adda toma-Nya.⁹Mulana anna danguka natou, peakanajaka damuritu-Na hi Yehu hidda hadia-Nya teana hidadda piaku padehaku-Ya. ¹⁰Alanga pategahunanyak natou dangu hi Yehu, jiayaka ngaradukana natou nam eingu panyakituna ammi pangalangnyak anna pakihe-kihingu kakku pikki hamannuya hi Yehu awinna.¹¹Mangaka, hei dawaddi tana da'ittayaka hi Yehu, dudda karaddadanyak tahaga-Na mang hidda patiwung,''Ouwu jiawuka Ana Alla! ¹²Jiadinguka hi Yehu naheiru hinguja adda peakaya Dunna.ANNA PEDIHA HI YEHU DAM TOUMA HABULU MADUAHA DAMURITUNA¹³Mang nou, deahangnanyak hi Yehu tapinu tadulla, nakamaikaja dam kenang tapangadangu-Na jiaha dappa marai-Na, jiayaka dudda hi ammija adda toma-Nya. ¹⁴Napediha dam touma habulu maduaha hidda marai-Nya mang hinna paleawaha lippi patomanya nawini, ¹⁵mang hinna woaja biaha kadda pikki wurutunya na moritana. ¹⁶Natetapuha hi Yehu dam touma habulu maduaha ;Simon ( napahilu pangara-Na hi Yehu hi Petrus) ,¹⁷Yakobus na anana hi Zebedeus, jakka hi Yohanes na anguwuana hi Yakobus, ( dappa hellu pangara-Na hi Yehu hi Boanerges awinaja, na artina" Lakeada Kayaka), ¹⁸hi Andreas, hi Filipus, hi Bartolomeus, hi Matius ,hi Tomas, hi Yakobus, na anana hi Alfeus, hi Tadeus, hi Simon natou Zelot, ¹⁹jakka hi Yudas Iskariot, nam pako'u-Nya Dunna.NABIAHANA HI YEHU MAWALING TA MARABA ALLAYA²⁰Mang nou, tamananyaka hi Yehu tahangi na umma, korrunanyaka tou dangu adda kehha-Nya, jiayaka hi Yehu jakka damuritu-Na hidda dadda piaku pa'angu. ²¹Daranguyaka daoali jaji-Na napapanewi-Na atonounaka , ammijaka kamma lappa deki baliya hi Yehu awidda, mang panewidanyaka kalangunanyak awidda-Nya. ²²Mang dudda dam peangu Taurat ammijaka waling ta Yerusalem, ''Dunna tamadinanya waddinna hi Beelzebul widda-Nya !"mang ''Dunna anna wurutuja damoritana wainanya nabiaha nam beija damoritana widda-Nya.''²³Jiayaka, hi Yehu hinna kamaikaja dudda, hi ammija tahaga-Na, hinna waingu hilu hangearangu,''Gikki noukan namoritana anna wurutung moritana? ²⁴Jakka nam hangin nakrajaan anna ka'ihhakkak kan page'ang wikkina, atonoukanak danna hillu kullimah nei nakrajaan weiga. ²⁵Mang, jakka nam hangina na roangu umma anna kaihhakkak kan page'ang wikkina, danna hillu kullihmah nei na roangu umma weiga²⁶Jakka namoritana kan kiddikaka anna page'ang wikkina mang ka'iha-iihan, danna kullihmang, jiadinguka hukka damuna. ²⁷Daeimang hatou tekka nam piaku patama anna rampukuya naroangu umma nam kullih namoiri umma, nounam napinyah natou nam kullih, manga nou hinna rampunanya na ummana.''²⁸Kakku peaka memmagiminya nam padening, ngaradukada dajalana natourara, biha apoddahuha, aganna jellakananya napatikida damma kallung. ²⁹Jakka jiakaya hi Moiri nam Biaha Madi adda panewi marihhak wainya na ngara-Na, jiaya dappa bihang apoddahuha, jiahaka dadoaku jala hudda amati idiha. ³⁰Mulana dam peangu Taurat, ''Kalanguna-Nya kennana-Nya dam kallung Dunna awidda .''DAOALI JAJI KEDDAKUNA HI YEHU³¹Mang nouwu, ammijaka da'inna-Na jakka da'anguwua-Na hi Yehu adda deddi tahabali hiddi. Paleawa toudanyak lahi Yehu adda kamaika-Nya. ³²Natou nam kabuangu anna korru-Nya hi Yehu widda-Nyak,''Patetijah da'inna-Mu jakka da'anguwua-Mu eija tahabali hiddi adda manyerra-Gu.''³³Mang napagaping hi Yehu, winnak, Gearah da'inna-Gu jakka da'anguwua-Gu? ³⁴Jiayaka nouweiga, hinna patetija datou dangu dam ngodu adda kalili-Nya, mang winnalika, Ittadiha Hei jiahak da'inna-Gu jakka da'anguwua-Gu! ³⁵Hiwiggu noungu, gearakaya nam pahalakuya nam keriya nahawukku-Na hi Alla jiayaka na'anguwua-Gu, jiayaka na'anawini-Gu jakka na'inna-Gu.''

Chapter 4AHAMEARA WAINYA NAM HO'ARRUNG

¹Manga nou, mulainanyak hi Yehu anna mangajar tawiwi tahik. Kehananyak natou dangu anna korru-Nya hi Yehu, jiayaka hinna deatangu tapinu teana anna ngodu. Nei natou nam dangu, einyah ta tana mara tawiwi tahik. ²Manga, na da'oatang napa ajarunaja anna waingu hilu hamearang. Tadalu ajarunaja winnaja,³''Kammi rangngu! Einya natou nam halaku lapaho'arrung. ⁴Natomayaka anna ho'arrungu, kana'unanyaka hawanguku tawiwi larangi, mang ammijaka dam wurrung hidda anya. ⁵Hawanguku nakana'u tana kalli watu dam dangu na'ihi tanana. Nawini danna eabamang patubu kadangu adanna makapal natana.⁶Amminyak nawajalu naladu, mamalelinanyaka natubuna kadangu adaddi napalolu, jiayaka hinna mati. ⁷Hawanguku nakana'u tapadua rii. Mang jiayaka narii anna tubuka hinna kadipituya lappak hinna mati, jiaya hidanna hillu wua.⁸Jiadinguka, hawanguku nakana'u tatana nam kallung hinna tubu, nabakul mang hinna wua, napadillu mabulu wuddang, manga napanammu mabulu wuddangu, lappak napahangahu wuddang.'' ⁹Mang nou, winnak hi Yehu,''Gearaya nam eingu wuakahiluna anna rangudingu, kanna rangnguka dunna!"¹⁰Atanga hi Yehu, datou dam eija talihi-Na jakka dam touhabulu maduaha da rasul, adda tutturnaja dahilu hamearang. ¹¹Napagapijaka Dunna winnaja,'' Narasia krajaan Alla woagiminyaka nyiami. Tatou hawanguku appatomdanya waidanya hilu hamearang, ¹²Langaka daittakaya, tiddi ittadanya, dadda peamanya; mang langa kadda rangngukangu, tiddi rangngudanya dadda taumaya ta'atida. abbi daharia kadda kiloluya na'atida.'''NAPALARADANYA TADALU HILU HAMEARANG NAM HO'ARRUNG¹³Mang nouwu hi Yehu winnajak dudda, ''Daddi mipeamanyah nyiami nahilu pahamearang neiyi? Gikki neimiha nyiami himmi peabolluja dahilu pahamearang hei? ¹⁴Nam ho'arrung neiyi, ho'arrunanya nawinina hi Moiri. ¹⁵Dudda jiahaka datou dam kana'u tawiwi larangi, napingi paho'arrudanya nawinina hi Moiri. Atanga rangudanya nawini, alolu aminyaka namoritana anna parimanya nawinina hi Moiri napapatomadaja.¹⁶Toujellada dudda, dappa ho'arrung tapinu watu jiahaka datou nam geaha oata anna rangu nawinina hi Moiri nareaha denganya. ¹⁷Jiadinguka, danna palolumang ta'atida jiaya hidanna kullih. Kollipanguka pa'amminya nahadukka jakka pamawilla dengangu mulana nawinina hi Moiri dadda tarrumanguha adda kana'u tanang.¹⁸Mang hawangukuli nakana'u taliburii. Dudda daranguya nawinina hi Moiri, ¹⁹jiadinguka dakawatir oatanya namorriku tapinu tana, jakka nakalelidanya nadedi jiaya nam toadidanya na'atida hidda denganya nawinina hi Moiri hidanna wua ta'atida. ²⁰Atouda dudda dappa ho'arrung ta tana nam kallung jiahaka dam ranguya nawinina hi Moiri, dappa tamanya ta'atida jiaya hinna wua, tilu mabulu wuddang, nammu mabulu wuddang lappak hangahu wuddang.''AHAMEARAWAINYA NAPALITA²¹Manga nou, winnajak hi Yehu, '' Penya nam napalita appa errikayaka taunoudanya talibunga atau takabu pingi pajudda? Penya nam dataunoudidanya tapadoungu majaga atearunya? ²²Atonoukanak, da'eimang pakabuning damma hunga. Toujellana da'eimangu rasia napapatoddang. ²³Jakka a'eding tou ma'eingu wuakahilun anna rangu, narangukang dunna !''²⁴Mang winalijak hi Yehu hei dudda, ''Tauyaya ta'atimi agannanya naparangumi. Nakatutu nahawaimi, jiaya napakatutu waidagimi, mang einyaha nahataba waidagiminya. ²⁵Atouna gearaya nam einguna, jiaya napahillu woawaling, jakka jiakayak damma einguna, kaganna jellana nam einya lahi dunna tiddi deki balidananya.''AHAMEARA WAINYA NAWINI²⁶Mang winnak hi Yehu, Na karajaan Alla mearana natou nam ho'arung wini ta tana. ²⁷Nam ho'arung neiyi najudda anna riddung hinna wella anna laddu jakka anna riddung, mang tubunanyak nei weiga nawini. Danna peamanya nei nam ho'arung gikki nouna napata tubuna nawini. ²⁸Walinak ta tana hinna wuawikkina. Nakawungana naho'urung, mang hinna lua, manga lappak hi'eingu maruahuna ta luana. ²⁹Nakollidinguka pa'ihi nei napari, amminyak natou anna harobuya ta rahi harobu.''AHAMEARA WAINYA NAWATU SESAWI³⁰Mang nouwu, winnalika hi Yehu, ''Gannakanyak napa hameara waidanya na Karajaan Alla ? Atau nabiha memma kadingu nam ahamearanya wainya na Karajaan Alla ? ³¹Na Karajaan Alla, meara nouna nawatu sesawi napa ho'arung ta tana, langkajiakay nam dokku merrahuya waling ngaradukada dawatu wua ai tapinu tana, ³²jiadinguka awewi ho'arukaddajak dawatuda, adda tubukaka reihi bakuluha waling ngara dukada dapingi aiyi dapahamulla takahibu, jakka dabakul oata dakahangada hikeri wolu hounguda hi'u dam wurung.''³³Nahilu hamearang nahawaina hi Yehu neiyi, patomanadanya nawini-Na agannanya napa langaranguda. ³⁴Da'eimang panewi-Na lahi dudda dappa waina hilu hamearang, jiadinguka tamuritu-Na nouya napingi papalaranaja dahilu hamearang dappatikki-Na.ANNA PAKAWANNARUYA NA NGILU KAPOATI AHU HI YEHU ³⁵Manga, taladu nouwu, tomayaka anna malungu hi Yehu peakanajak damuritu-Na, ''Maiya kapala neihabali tahage'a tahik winnajak.'' ³⁶Dajijaknyak natou dangu neiyi, maraidanyak hi Yehu hidda meara deatang tapinu teana. Mang dateana hawanguk maraide'ada-Nyak. ³⁷Jiayak nouweiga, jajinanyaka na ngillu kapoati ahu jakka dangalung tukka hinna deddikunya nateana hikeribinuna wei.³⁸Atonou'ana, hi Yehu juddapana-Nya taroangu teana anna waingu lunnang. Jiayaka, hidda bangi-Nya adda peaka-Nya, ''Guru, hawaina wimm-Muk Ouwu atta matikaka?" ³⁹Mang jiayaka, kiddinanyak hi Yehu hinna gaggutuya na ngillu, mang panewi dengananyak na tahik,''Kawannar! Hawawayay!'' winna-Nyak. Manga jiayaka, danna hillu ngillumah tiddi kawannar hingunanyak.⁴⁰Manga, jiayaka Dunna hi winnaja, ''Ga nyiami hidokku mange'atlim? Penya nyiami daddi na mannimanguha na atimi?'' ⁴¹Mang dudda hukka mange'at hingudak hipawiddang wikkida, ''Gearadikayak Dunna Neiye? Napakawannar hinguya na ngillu mang na tahik nakerinanya nahatikki-Na!''

Chapter 5NATOU GADARA NAM KALANGU ANNA REGGA MORITANA APPATEGAHUYA

¹Tomadanyak tahage'a tahiku, taloada tou Gadara. ²Napuruinguka hi Yehu wali tateana, alolu amminyaka natou walina ta rati mamati nam kalangu anna regga moritana anna tomanya hi Yehu.³Nei dunna enga noupana tajoanga rati mamati. Dae'mang hatou tekka nam hanggupuya hapiinya, tauya takogang danna hilu biha de'amah. ⁴Patutulenganguka apiinya hihangapitnaja dawihina takogang jiadinguka napiaku anna bottahuya nakalrru bihhi mang hinna pataya nakogang. Da'eimemma hingumanguha hatou tekka nam reihi kullih ahamannuya.⁵Riddung laddu, doadoana anna patiwung tajoanga rati mamati jakka tapinu tadulla mang hinna tukuwiki pipiaya na'ihina wainya watu. ⁶Na'itta dikki rouyaka natou nei hi Yehu, allolu palainanyak anna karadda-Nya.⁷Manga, kadoakananyak anna patiwungu winnak, ''Gannanya nahawuku-Mu lahi nyouwa Ouwu Yehu na Anana hi Alla tamajaga? Ohhapa-Muka Maraba Alla, abbu pamawilalikiwa!'' ⁸Hiwinna noungu, langa wurutnanyak hi Yehu, mulohung waling tatou nei nanni dum moritana marihhak!''langa winnannyak.⁹Mang jiayaka, hinna tuturuya hi Yehu nei natou weiga , ''Geara na ngaramu ouwu?'' hi winnanya. Mang pagapingnanyak dunna, ''Nangaragu hi Legionuya adokku dangu oatama jiaya.'' ¹⁰Dappa dua-duabalingu adda kareiya hi Yehu abbi nawurutgama waling tapadoung nouw awidda.¹¹Noulauw eija dawawi majangngi dam manyerrang pa'anguda takaraha ngabang. ¹²Mang jiayaka, damoritana heiyi hidda kareiya hi Yehu, widdak,wurutkaddikamaya nam nyiama kam pikki tama taroanga wawi.'' ¹³Hi Yehu nakeridanya nahatikkida. Tonounaka tamadanyaka hei damoritana ta taroanga wawi. Damma dua ribuya nadanguda dawawi palaidanyaka tawiwi kealang lappak ta tahikuha adda leijung hidda mumuh.¹⁴Mang jiayaka, hei dudda dam jawa wawi heheaka palaidanyaka adda lipatikkiya takoata jakka taparaingu. Mang datou lohung wali takoata jakka taparaing kam ittaya agannanya nam jaji awidda.

¹⁶Mang dudda dam ittayam nei nam jaji,lolludanyak tatou agananya nam jaji ta'ihina nei natou nam kalangu jakka nam jaji tawawi. ¹⁷ Atonouwalinaka, jiayaka hei datou weiga, hidda kareiya hi Yehu kanna pikki dijjakunya napadoungu nouwu awidda.¹⁸Mangalika, nadeatanguka hi Yehu tapinu teana, nei natou nam kalangu weiga kareinanyak hi kanna maraiga awinna. ¹⁹Jiadinguka, hi Yehu danna pahellamanya, mang winnanyak, ''Baliya ta anguwuamu. Lollukdanya gannanya nam jaji ta'ihimu nahawolu-Na hi Moiri natada namunagu.'' ²⁰Mang jiayaka, natou nei weiga halakunanyaka anna lipalolukudanya datou dam eija ta Dekapolis nalarana nam jaji nahawolu-Na hi Yehu lahi dunna. Ngaradukada datou dakabarra dengatekkanya.²¹Tanga palana hi Yehu anna waingu teana tahabali nei, natou dangu nakehha talihi-Na, mang dunna einya tawiwi tahik. ²²Mang amminyaka nam kapalanya na'uma pingi pahabayang hi Yairus anna ittayakka hi Yehu nakarrada-Nya anna ngidihunaja daballa wihi-Na. ²³Mang jiayak hinna pa'ohhanya anna narrunya hi Yehu, winnak, ''Na'ana merrahugu nalakeada winni kadaukuinanya tikki hamatiki. Maiki kammu padamikinanya na'ihina kanna pikki teggah.'' ²⁴Mang pamaraidanyak hi Yehu oalida hi Yairus. Nam einya natou anna keri-Ya hi Yehu darekka dangumaya jakka nam korru-Nya.²⁵Manga, einya nam winni namma boangu raa, habulu dubba dounaka. ²⁶Nadakka lengayaka mawilla anna paleawang wikkina tama taungu moru, napaduka lengahaka dangawuna, jiadinguka da'eimang larada hukka tabba mawillana. ²⁷Narangukiyaka larana hi Yehu, nei weiga nam winni amminyaka anna keri kadeangaya hi Yehu tapadua toudangu mang hinna jaminanya nakoapi-Na.²⁸Napanewi nam winni nei winna, ''Malli kujami hingunanya nakoapi-Na enga teggahugu.'' ²⁹Walinoukinguka naraana alolu kataddihnanyaka mang anna tengiya na'ihina teggah hingunanyak waling takadaukuna.³⁰Hi Yehu na'alolu peamemmanya anna lohung nawaddi-Na waling ta'ihi-Na. Jiaya hinna gillak taka deanga-Na tapadua toudangu mang winnak; ''Geara nam ngohharuganya nakoapi-Gu?'' ³¹Mang panewidanyak damuritu-Na hi Yehu widda-Nyak, ''Ouwu mu'ittayak natou dangu nam karorodu-Wu, ''Hillu geara nam jamiwa hillu wim-Muli?''' ³²Mang jiayaka hi Yehu hinna hamimiruja wuamata kakku peanya nam jami-Ganya nakoapi-Gu awinna.³³Jiadinguka, anna peanyaka nam jaji ta'ihina, nei weiga nam winni kadaddaknanyaka anna mange'at. Jiayaka hi aminya anna karadda tahaga-Na hi Yehu mang hinna tikkiya lahi Yehu ngara dukana nam jaji nalara paliina. ³⁴Mang jiayaka hiwinna hi Yehu anna panewi denganya nam winni nei, ''Akku ana-Gu, namanningumu napalupputwuka. Halakuyaya taweimarigu weimalala mang kammu teggahuya waling ta'hiddumu.''³⁵Tanga panewi-Na hi Yehu, ammijaka dam touma pirrah datou dam waling ta'umma pingi pahabayang, widdak, Na'anamu na'matika. Ga'him hillu ullanouwalinya na'Guru?''³⁶Atonou'ana, hi Yehu danna buhamang parangudanya napatikkida, jiayaka hiwinanya nam kapalanya na'umma pingi pahabayang nei, ''Abbi mang'atmang, miwaikadi-Ga.'' ³⁷Mangaka, hi Yehu danna pahaimaja adda keri-Ya hatou tekka, jiapaha hi Petrus, hi Yakobus jakka hi Yohanes na'anguwuana hi Yakobus. ³⁸Datomaka ta'umana nakapala umma pingi pahabayang nei, ittanajaka adda karawuku, dam houw jakka adda patiwung.³⁹Mang natamaka hi Yehu, winnajak hei dudda,''Ga nyiami hibadda karawukumi ammi houw? Nalakeada nei danna matimang, judda kaddinanya.'' ⁴⁰Jiadinguka dudda malik dengapadanya hi Yehu. Jiayaka, Dunna hinna paleawa bolluha lohung mang hinna kamaika meahaja da'amana jakka da'inana nei nalakeada, jakka datou damma rai-Na, mang tamadanyaka tapadouna nalakeada.⁴¹Mang hinna hamannuna-Nya nalimana nalakeda nei winnanyak, ''Talita kum!"( Na'ihina,''Lakeada mawini, Ya Nyouwa nam panewidengagu, kiddiyaya!") ⁴²Nei nalakeada mawinni, alolu kiddinanyak anna halaku, kadangu ahi habulu dubba doukina, atonounaka ngaradukana natouwu hinna kabarra denga tekkanya. ⁴³Jiayaka hi Yehu, hinna heiru hinguja da'innana jakka da'amana nalakeada nei abbi eingu hatou tekka nam peanya tu'ana ya, mang hinna paleawaha woanya pa'angu nei nalakeada.

Chapter 6

HI YEHU DA'AKUMAYA TA TANA PINGI HAWALINA ¹Mangaka, hi Yehu halaku-Nanyaka wali noung nouwu hinna toma ta tana pingi hawali-Na, jakka damuritu-Na dam keri-Ya. ²Tomayaka naladdu miggu, mangajarunanyak hi Yehu ta uma pingi pahabayang. Mang natou dangu nam ranguya dokku kabarraya, mang widdak,'' Bayaka waliyana anna kolli-Nya nam toungu nei? Ga peangu hinguyak nahawoada-Nya jakka nabiaha napakabarra denganu hi'einya tabala lima-Na? ³Dajiadiya nam natukang kahapi ai, na'anana hi Maria, jakka na'anguwuana hi Yakobus, hi Yoses, hi Yudas mang hi Simon? Da'eijelladija ham da'anna winni-Na daoalida jiata?''Mang jiayaka hidda dadda woanya kaloaga adadda aku-Ya.⁴Mang nouwu, winnajak hi Yehu hei dudda, ''Kabayayanya natou nataunya hiina na nabi, jiadinguka atatana wikkikanak dadda waimanya, tapadua oalijajina, jakka ta umma wikkina.'' ⁵Jiayaka hi Yehu hidanna patekkanya nabiaha napakabarra dengangu, jiayaka hinna tiddi tauya nalima-Na tapinu ihina natou nam kadauku mang hidda teggah. ⁶Jiayaka hinna kabangnga atidengaja adda waihingu-Nya. Walinaknouwu halakunanyaka anna nahiha daparaingu anna lippi mangajar.PALEAWANAJAKA HI YEHU DAMURITUNA ⁷Manga nouwu, kamaikanajaka hi Yehu damuritu-Na dam touma habulu maduahwali nounak napaleawaha totouma dua, kadda wurut waija damoritana dakallung. ⁸Mang jiayaka hinna peakaja hidadda iddi ganananya talarangi, tiddi jiapang takkung, damalli pa'angumadda, damalli karearamadda, damalli ritimadda takalarru baggida, ⁹jiapang tarawihi jakka mattang pakaduabellang koapi.¹⁰Mang winnajak hi Yehu hei dudda, ''Beinya na'umma napingi hatomami, mimadak nounguya lappaka ammi tomaya narahi balimi him lohu wali noungu.¹¹Mangaka, a'eikanguka tapadoungu nouwu damma tarimami jakka damma rangumi, halaku awimikaka mikobbahuja dakubbur taballa wihimi kadda pikki itta hei dudda.''¹²Jiayaka, dudda hidda halaku adda peakanya natou kanna pikki hariawaingu awidda.¹³Jiakadiyaka, hidda wurutuja damoritana majangi mang hidda karudduhanya minya nam kadauku, lappa hidda pategahuha.RANGUNANYAK HI HERODES NATU'ANA HI YEHU¹⁴Mangaka, rangunanyaka hi Raja Herodes, nangara-Na hi anna taboaka, mang winnak dunna natou, Hi Yohanes mapa'ihhu nakiddi balioka wali tajoang tou mati,jiayaka patekkananyaka nabiaha napakabarra dengangnam waling lahi Dunna.'' ¹⁵Hawanguku dudda hi Elia widda, ''mang hawangukuli dudda jiayaka na nabi mawaling ta nabi dangu.''¹⁶Jiadinguka, anna rangu tanonanyak hi Herodes, winnak dunna,''Hi Yohanes napa langa helligu nakatikuna , nakiddi balika!" winnak.AHAMATIYA HI YOHANES MAPA'IHU¹⁷Hi Herodes wikki memmaka nam paleawa tou, a'appaya hi Yohanes, apiinya ta gallu witina na'arawei anguwuana, hi Filipus, hi Herodias mulana abaddi pali'arraweinanyak hi Herodes.¹⁸Hitanouna, napa birrawudda lenganguka hi Yohanes anna tagoruya,''Danna kallu dengamanya ouwu ammu ealuya na'arrawei anguwuawikkimu,'' ¹⁹Jiayak nam hawiting, hi Herodias hinna hukanya ati hi Yohanes anna atidalunya kakku hamatiya hiwinna, jiadinguka danna piakumanya. ²⁰Hitanouna, hi Herodes mange'atunanyak hi Yohanes atou benaruya, jakka atou lurruha, mang jiayaka hi Herodes hinna tulunya. Arangu tanounanyak hi Yohanes nei hi Herodes dunna, jiayaka hinna kadua napangadanguna, atonou jella'ana hi Herodes nahennang denganya anna ranguya hi Yahanes.²¹Napahinou hindungunguka anna pakabuangu taladdu rahi jajina hi Herodes mang hinna pa'aja pa'inuja dam pareaha bakul, da perwira jakka dakapala-kapala ta Galilea. ²²Attunyaka na anana hi Herodias anna tama ta neagu, napahenang tekkaya hi Herodes jakka datou dam ngodu denganya. Mang winnaka na raja talakeada mawinni nei, ''Kareihingukading ganna nahabuhhamu kakka woagu.''²³Mang jiayaka, hi Herodes hinna parungu lahi dunna, ''Ganna hingukananya napa kareimu ouwu lahi nyouwa kuwoahingugu langka jiajellaya hage'a na'ihina nakarajaanagu.'' ²⁴Mang halakunanyaka anna tikkinanya na inana, winnanya'' Gannanya peala napakareigu?'' Napagaping uka na inana winnanyak,''Nakatikuna hi Yohanes pembaptis wimmunya,'' ²⁵Mang jiayak nou weiga, nalakeda mawinni pageahang hingunanyak anna tomanya na raja hi winnanya, ''Napakareigu nyouwa muwoamemma hinguganya yayi nakatikuna hi Yohanes mapa'ihu kammu tauganya tapinnu ta'ung.²⁶Jakka jiakayaka na raja dokku millakadiya na atina, nounammu alanga parungu tekkanaka oalida natou nam a'denganya, jiaya hidanna piaku pahikalunya nalakeada mawini nei. ²⁷Mang nou, na raja paleawananyaka hatou na algojo hinna panouya kanna pikki iddiya nakatikuna hi Yohanes awinna, jiayaka hi'attunya dunna na algojo ta gallu anna lipatippiknanya nakatikuna hi Yohanes. ²⁸Mang nou, aminyaka anna iddinanya nakatikkuna Yohanes nei nalakeada mawini, mang dunna hinnawoananya na inana. ²⁹Daranguka damurituna hi Yohanes, jiayaka dudda hidda dekiya nakanawana mang hidda tauya tako'ang.ANNA WOAJA PA'ANGU DATOU DAMMA LIMA RIBU REIHIYA³⁰Mang pakehangdanyak da rasul jakka hi Yehu hidda peakana-Nya agannanya napalanga kerada jakka adda ajaruya natou.³¹Mang winnajak hi Yehu, " Maidaya katapaheili tapadoungu nam kahika kapikki hangahu hakudduk." Hiwigunoungu, einya natou nam amminya nam atunya, damma menga ha'angu.³² Mang jiayaka, hi Yehu jakka damuritu-Na halakudanyakka adda deatang teana tapadoungu nam kahika.³³Atonouana, nadangu natou nam itaha jakka nam peaja.Jiayaka natoudangu hinna mearapalai annalinoungu ta'tana mara namma paladaggit walingu takoata, hidda duki moulu noulauwu waling lahi Yehu jakka damuritu-Na. ³⁴Tanga halaku-Na tawiwi tahik hi Yehu, ittananyaka natou nam dokku danguya, jiayaka hinna milla atidengajaka amearada dabeabu dam eingu majawaha. Jiayaka hi Yehu hinna ajaruha nam hamattu-matuna.³⁵Atomayaka anna riddung, damuritu-Na hi Yehu ammijaka lahi Yehu awidda, ''Napadoungu yayi nakahika hingung mang riddungnanyak. ³⁶Paleawahaya kadda halaku ta praingu nam eingu pa'anguna kadda pikki hi pa'angu kadda angu.''³⁷Jiadinguka winnaja hi Yehu anna pagapija,''Nyiaminguha nam, woaja pa'angu.'' Mang dudda widda-Nyak, ''Nyiama hinguha nam halaku lappa hi roati mahingu dua ngahu dinar mang himma woaja hei adda angu?'' ³⁸Winnajak hi Yehu anna tuturuha, ''Pirrada hinna daroati dam eija lahi nyiami? Huiya kammi ealuha!''Mang adda ealuhaka hidda peaja alimada daroati jakka adubbada dakaboku hidda peakana-Ja.''³⁹Mang paleawanajak hi Yehu pakaliliking adda ngodu tapinu rutu moru. ⁴⁰Natou dangu nei ngodunanyaka anna pakaliking, einya nam touhangahuya jakka einya nam toulimamabuluya. ⁴¹Mang nou, dekinajaka hi Yehu daroati dam limada jakka dakaboku dam dubbada, hinna hagang, anna karei kanyuru mang hinna bebearaha daroati, nawoaha tamuritu-Na adda barinya natou dangu. Dunna naha habarijelaja waling dam deida dakaboku ta ngaradukana natou dangu.⁴²Mang angudanyak dudda hudda adda bihhu. ⁴³Damengaka ha'angu, dekidajaka damma habulu dubbada daha haburra hidda tauwaija dam reihi daroati jakka dakaboku. ⁴⁴Tou lima ribuya namoani nam angu roati.ANNA HALAKU TAPINU WEI⁴⁵Mangaka nou, hi Yehu paleawanajaka damuritu-Na deahang tateana adda halaku moulu pala ta Betsaida, mang dunna hi Yehu palewanajak datou adda bali. ⁴⁶Napaheawa dengaja, Dunna halakuna-Nyaka tapinu lettina anna habayang. ⁴⁷Nariddunguka, einyaka tapadua tahik nateana, hi Yehu jia meaha-Ya tapinu tana mara.⁴⁸Da'ittayaka damuritu-Na waingu ma'otadanyaka adda boahingu, kadangu na ngilu anna kapahaha, ranni dammuyaka, amminyaka hi Yehu anna halaku tapinu wei anna tiddi hapalah dudda. ⁴⁹Jiadinguka, adda ittayaka hi Yehu anna halaku tapinu wei, napapangadada dudda moritanaya widda-Nya, jiayaka hidda patiwung, ⁵⁰kadangu dudda adda ittayak hi Yehu mange'atdanyak. Atohoudak jiayaka hi Yehu hinna panewidengaja mang hiwinnaja,''Kawannarkading. Nei Nyouwawa! Abbi mange'atmang.''⁵¹Mang jiayak hinna deahangu anna maraija tateana, nangillu nei weiga wajananyak jiaya hidda kabarra denganya. ⁵²Atonouana dadda paham jellamanyah ewiga nabiahana waling dam limada daroati kangu einyaha nabei'atida.NATOU DANGU NAPAPA TEGAHUNA HI YEHU⁵³Dapalaka hi Yehu anna maraija damuritu-Na, hiwidanyaka ta Genesaret. ⁵⁴Tanga purunguda waling tateana, natou alolu peamemmanya ajiaya hi Yehu, ⁵⁵palaidanyaka adda nahiya natou taparaingu nam kapiala, aparangudanya napaeidenga-Nya hi Yehu.⁵⁶Kabayayanya hi Yehu anna tamanoungu, tapa raingu , ta koata ta ngaradukana naloada nouwu, ammija adda maraija datou dam kapiala hidda pamaturuha tahaga toudangu mang dakareiya hi Yehu malli majamiya nakoapina awidda mang agearakaka nam kerranya nakoapi-Na enga tegahuna.

Chapter 7NAPAREAHANA HI MOIRI JAKKA NAPATA TOURARA

¹Mang pakehang danyaka datou parihi adda paregga denganya hi Yehu oalide'ada dam touma pirrah datou peangu Taurat dam waling ta Yerusalem.²Mangali, ittadajaka dam touma pirrah damuritu-Na hi Yehu adadda baha limma adda angu roati. ³Hitanouda, dudda datou parihi jakka ngaradukada datou Yahudi danna bihamang adda angu adaddi dabahakahak dalimma lappak tajoanga karagga limmada mulana nahamannudanya napa nam moulu waling boku ta'appuda. ⁴Jakka a'ammikajaka tamadangu, dadda a'mangu adaddi dabahakahaka dalimmada.Na da'jellanguha na patammmang daddi papahellad waling taboku ta appuda, tounaka nabaha ka-a, nabaha ta'ung jakka nabaha pajalu.⁵Mang nou, datou parihi jakka datou peangu Taurat tutturuda-Nyak hi Yehu, ''Ga damuritu-Mu hidadda kerikaya napata memmang waling taboku ta appu, hukka angukada roati adadi dabahaha dalimmada?'' widdak.⁶Napagapija hi Yehu winnaja, ''Hi Yesaya langa tikki memmananyak nam pa'ihing anna manyurragimi nyiami nam munapik, nam ha,mearang tapatuli nam winna; 'Datou hei tiddi ta a'adanya dam pabuatu-Wa, jiadinguka na'atida da'eihingu memmanya lahi Nyouwa. ⁷Wolluwaidanya adda karadda tahaga-Gu, reihi buhadanya adda ajaruya jakka adda pahalakuya napata tourara.'⁸Dammi ihilitekkamanya napareaha-Na hi Alla, napata tourara jiaya napahamannumi ammi pakullihuya.'' ⁹Mangali, winna jellapajaha hi Yehu,''Mipeaoatang pakahedinya napareaha-Na hi Alla kam piaku amma hamannuya napata tourara awimmi. ¹⁰Jakka jiapananya hi Musa napanewika awinna, Tauja hiida da amami jakka da inami, hi widda nougimi 'Gearaya nam yuraha da amana jakka da inana hamati lurruhuya winna.¹¹Jiadinguka, nyiami wimmi ta amami jakka ta innami, 'Gannakananya napakollimu waling lahi nyouwa jiahaka dam nuatung appabuatumi,'¹²mang jiayak nyiami dammi hillu woamanyah kaloaga anna pahalakuya gannanya nahawukuna ta amana jakka ta inana, ¹³atonoukamika mearanaka ammi pabataluya nawinina na Maraba Alla mulan adammi mattanya napata tourara lapak anna mure-anna muri. Mang reihi hingoliyah ammi hamannuya napata matoung nei.''¹⁴Mangalika, hi Yehu nakamaika bolluja datou hiwinnaja,''Ranguwa Nyouwa, ngaradukami nyiami, mang kammi pahamnyaya. ¹⁵Da'eimang gagangananya nam tama ta taroanga tourara nam pajurrakuya, jiadinguk agananya napapalohuna waling ta taroangana jiaya nam pajurrakuya.'' ¹⁶Jakka agearakaya nam mangu wuakahiluna anna rangu wadija naranguka!''¹⁷Mang anna tamaka ta umma hi Yehu anna jijakuja hei datou, tutturdanyak damuritu-Na na'ihina nahilu hamearang. ¹⁸Jiayak Dunna hi winnaja, Daddi mipeajellamanyah nammu nyiami? Dammi pe'amanya nyiami agannanya nam tama ta taroanga natourara adda jiaya napajurrak dengangu? ¹⁹Hiwigunoung, toukana agananya nam tama danna tomamang ta atina tiddi dikki nouna ta kabuna, mang nou hinna palohunya ta jamban.''( Mang jiayaka, hi Yehu napalaranya ngaradukada dappa angu daka'a bollu hi winna.)²⁰Mang winnalika Dunna, ''Napapalohuda ta a'adda jiaya nam pajurrakuha. ²¹Langa walimemmanak ta atida, hinna jaji napangadang jurrak, najala apalaung wikki, nakeadu, nahamati tou, ²²nalaung arawei oali jakka la'oali, naporrat akaleli dedi, na'angu oali, natipu oali, naporrat, namillung dou'oali, nangikki waingu oali, nakatadak, jakka nadapeangu balih. ²³Ngaradukada hei jiahaka damma waling tataroanga tourara mang jiahak dam pajurrakuya natou.''NA MANNINGUNA NAM WINNI SIRO-FENISIA²⁴Wali nounak nouwu, kiddinanyak hi Yehu mang hinna halaku ta Tirus jakka ta Sidon. Natama ta hangi na umma, abbi eingu hatou tekka mapeaga awinna, jiadinguk daporrahumanya wuamata. ²⁵Arangukiyak hi Yehu a'einya, einya hatou nam winni namma regga moritana anan mawini, aminya anna karadda tawihi-Na hi Yehu.

²⁷Manga, winnanya hi Yehu nei nam winni, ''Kahamoulu hei dalakeada kadda bihupang. Danna piamang adekiha dappa anguda dalakeada a'alolu le'aha' ta'ahu. ²⁸ Jiadinguka, nam winni nei winna anna pagapinya hi Yehu, ''Malangum Moiri. Atonou'ana, da'ahu dam eija takabbu meja danadinya nam kawarrak adda anya na'oali pa'ada dalakeada.''²⁹Jiayaka, winnanyak hi Yehu, ''Alanga wimmu noudingu, muhalakuyaya. Namoritana nahellinguka waling ta anamu.'' ³⁰Mang jiayaka, nam winni nei weiga balinanyak ta umma hinna tomanya na anana anna judda, kadangu anna pahellayak moritana.NAM KAWANGA APPATEGAHUYA³¹Menga nouwu, lohungnanyak hi Yehu waling ta Tirus mang lihuittungdanyak ta Sidon hidda hagang ta Galilea, taloada Dekapolis. ³²Mang ammijak datou dam marainya nam kawanga danna bihahingumah papanewi.Jiayaka hidda kareihinguya hi Yehu kanna pikki tauya nalimana tapinu ihina awidda.³³Jiayaka, mang nouwu weiga nakamaika meahanya natou nei hi Yehu waling tabinu tou dangu. Napatamaja dakaraggu limma-Na tawuaka hiluna nam kawanga, napadoiniyaka, hinna jaminanya nalemmana. ³⁴Mang hagangnanyak ta awang hi Yehu, hinna weala pamalainya nahangahu-Na, mang hinna panewi winnak, ''Efata!'', na artina ''Tawehayaya!'' ³⁵Jiayaka nou weiga tawehha memmadanyak hinna rangu, mang tawollahnanyak nalemman, mang anna panewi tiddihingunanya.³⁶Jiadinguka, hi Yehu naheiruja palolukuya tabayayaka gananya napalanga ittada nam jaji. Atonou'ana anna heiruja , dudda hukka paruhung jelladaha adda lollukuya tamadangu. ³⁷Darekkamaya nakabarra dengadanya jiayaka hiwidda,''Napahalaku-Na weiga nakallu oataking. Jappa dam kawanga darangu mang dam kabanga dapanewi.''

Chapter 8DAM PITUDA DAROATI DATANGAYA NATOU NAM PATU RIBU REIHIYA

¹Taladdu nouwu, rahi kehananya natoudangu atangaya adda eihingungu gana-gananya pa'angu, kamaikanajaka hi Yehu damuritu-Na mang winnajak, ²''Namilla oata na'atigu Akku ittaha hei datou majangi alanga marai-Guja tadalu tillu boladdu, adda eihingungu malli gana'anyak pa'anguda. ³Akku paleawakahaka adda bali ta umada atanga karobbanguda, dahamauwul larangi kadangu eikinya hawanguk nam waling tam marou.''⁴Jiayaka, hidda pagaping damuritu-Na,''Bayaka waliyanaka natou nam woaja pa'angu hidda bihu tapadoung makahika ya?⁵Mang jiayaka, hi Yehu hinna tutturuha, ''PIrrada daroati dam eija lahi nyiami? Dappa gapinguka dudda, ''Pituda daroati widda.''⁶Mang paleawanajak hi Yehu datou ngodu ta tana, nadekiha daroati dam pituda, napamarija anna habayaja, mang hinna bebearah, hinna woadaja damuritu-Na mang hidda barinya natou dangu. Jiayaka hidda habarinya natoudangu hinna angu⁷Manga, eijellaja da anna kaboku damma hakuddukuda tamuritu-Na. Namengaka pahabayaja, paleawanajaka damuritu-Na adda habarinya kaboku nam dangu. ⁸Natou nam dangu na'angu hudda anna bihhu, manga dappa angu dam reihi appa kehhaja pitu boalada. ⁹Eingu tou patu ribuya nam angu. Damengaka ha'angu paleawanajaka hi Yehu bali. ¹⁰Mang deatangdanyak hi Yehu ta teana anna maraija damuritu-Na hidda toma ta Dalmanuta.AKAREIYA TADA WALING TA SURGA HI YEHU¹¹Ammijaka datou parihi adda karingak denga-Nya hi Yehu, patekkanya na tada waling ta surga awidda-Nya adda kamawai-Nya. ¹²Wealananyak naha ngahu-Na hi Yehu anna panewi dalung na'ati-Na, winnak, ''Ga hei datou hidda kareiwali tada? Nyouwa kakku tikkiginya nam padening lahi nyiami, da'eimang hangi tekka tada papatekkadaja datou hei.'' ¹³Mang jiayak hi Yehu hinna jijakuja, hinna deata baling ta teana hidda halaku tahabali nei.NARAGI TOU PARIHI JAKKA NARAGI HERODES¹⁴ Damurit dengangdanya pa'iddi roati,tiddi hadippikkina narotida tateana. ¹⁵Panounajak hi Yehu anna peakaja dudda, ''Mipa'ati memmaja! marommatung wali taragi tou parihi jakka ragi Herodes.''¹⁶ Mang nou, bejjardanyak tu'ana natou dam eingu roatina.¹⁷Napeanyaka hi Yehu gananya nahatikida, winajak, ganyiami him baddalolukkuya nataou dam eingu roatiana? Penya nyiami daddi mipeajellmanyah? Pakawatu ati wikki memmakaminyaka?¹⁸Penya nam nyiami da'eimang wuamatami hidammi itta? Mang da'eimang wuakahilumi hidammi rangu? Dammi namuyah nam nyiami, ¹⁹yanag Akku bebearaha dam limmada daroati hinna a'ja tou lima ribu, mang pirra boalada dam reihi dapapakehami?'' Dapagapinguka, ''Habulu dubba boalada widda.''²⁰''Mangalika, dam pituda daroati dapa'angu patu ribu tou, pirra boalada dam reihi dappa pakehami?'' Dapagapingu, ''Pitu boala widda.'' ²¹Mang jiayaka hiwinnalija,''Daddi mipejellamanyaha?''ANNA PATEGAHYA HI YEHU NAM KABOALA TA BETSAIDA²²Tomalidanyak hi Yehu jakka damuritu-Na ta Betsaida. Ammijak dam touma pirraha datou dam marainya nam kaboala lahi Yehu kanna pikki kerranya awidda. ²³Jiayaka hi Yehu hinna kerrananya nalimana anna marainya ta hangi paraingu. Padoininanyaka hi Yehu ta wuamatan nam kaboala mang hinna tauya nalimma-Na tapinu wuamatana. Jiayak hinna tutturuya,''Eingu pa'ittamu?''²⁴Mang natou nei tangarananyak, winnak, ''Ku'ittah datou, magga pingi ai'ha dam halaku.'' ²⁵Mang jiayaka hi Yehu hinna hilu tau balinananya nalima-Na tapinu wuamatana, nawehahaka dawuamatana, itta kallung hingunanyaka, ngara naha'ittana nawarah hinguka. ²⁶Mang paleawananyak hi Yehu bali ta ummana winnanyak,''Abbimu tamadingu tahangi paraingu.''HI YEHU JIAYAKA HI KRITU²⁷Mang nou, halakolinanyak hi Yehu anna maraija damuritu-Na adda nahi paraingu ta Kaisarea Filipi. Toma tapadua larangi, tutturunajak hi Yehu damuritu-Na winnajaka, ''Anapanewi natou, gearawa Nyouwa?'' ²⁸Dapagaping widdak, '' Einya Hi Yohanes Mapa'ihuya nam winna, einya hi Elia nam winna, jakka hawanguk nabiya winna.''²⁹Mang natuturliha winnak, manurut nyiami nammu gearawa Nyouwa?'' Pagapinguka hi Petrus winnak, ''Ouwu jiawuka hi Kritu.'' ³⁰Mang nouwu, peakanajaka hi Yehu abbi datikkiya tatou tu'ana Dunna.RANGUDANYAKA NALARA MAWILLANA HI YEHU³¹Mang nouwu, ajarunajak damuritu-Na natu'ana na Anana hi Moiri nam liya nam dam rekkanouya, adanna akuya tou pa'ati ta Yahudi, jakka dam peangu Taurat, hidda hamati-Ya hinna kiddi bali taladdu katilluna. ³²Mang panewinanyak hi Yehu anna wehhaya. Atonounaka nei, jiayaka hi Petrus hinna wealaya takarahana anna tagoru-Ya.³³Jiadinguka, sambil anna gillak anna patetija damuritu-Na, hi Yehu natagoru hi Petrus mang winnak, ''Hellidimi waling lahi Nyouwa Moritana! Nanni nyiami dammi pangada hingumanya napawukkuna hi Alla, jiapayaka nawukkuna natourara.''³⁴Mang nouwu, kamaikanaja datou dangu jakka damuritu-Na, mang winnajak dudda, ''Agearakayak nam buhang pakeriwa Nyouwa, napa milla wikkina jakka nadeitu natiddunya narengu langu, mang hinna keri-Wa Nyouwa.³⁵Hiwigunoungu, gearaya nam kalelihinguya namorrik tapinu tana, hukka dakollinguna. Jiadinguka gearaya dam hillu kaleliya namorrik tapinu tana mula-Gu Nyouwa jakka nawini-Gu jiaya nam kolinya namorriku malodung. ³⁶Atonoukanak, gannakanyak naha'uttu dengananya dunna anna kolli bollunya na'ihina napinu tana, jakka adda kollikadinya namorriku malodung? ³⁷Gannakanyak nam nahawoana hatou-hatou kanna pikki kolinya namorriku malodung?³⁸Geara hingukaya nam makii denga-Ga jakka nawini-Gu tatou damma kadabbi-Wa jakka dam hala hei, peala Dunna na Anana hi Moiri nam makii denga jellaja datou hei a'ammikanyaka tadalu biahana na Ama-Gu adda maraingu dam malaikat dangu dam biaha.''

Chapter 9

¹Mang nou, winnajak hi Yehu, ''Nyouwa kakku tikkigiminya nam padening lahi nyiami, eija ha datou dam dedi hudda da'ittayah nabiahana na karajaan Alla mang hidda mati.''HI YEHU NAM MARAIJA HI MUSA JAKKA HI ELIA²Tomaya na nammu ladduna, hi Yehu kamaikanajak hi Petrus, hi Yakobus jakka hi Yohanes, hinna maraija tapinu letina nam jaga. Mang jiayaka, hi Yehu hinna paheapang na hada-Na tahagada. ³Nakoapi-Na alolu kabilak hingunanya mang nakaka kapuka tekka. Da'eimang mapa kaka kaba tapinu tana mahameara denganya.⁴Alolu hungadanya tahagada, hi Elia oalida hi Musa, adda panewi denganya hi Yehu. ⁵Mang nou, hi Petrus winnanyak hi Yehu, ''Guru, Dokku kallung oataya nyiama a'eigama yayi. Maidaya dudda kawoluha tillu dappa doungu, hangi Ouw nanya, hangi hi Musa,jakka hangi hi Elia.'' ⁶Hiwinna noungu hi Petrus danna pe'amanguha papagapija kadangu adda mange'at.⁷Mang amminyaka anna hunga narobbang anna hamawuja, rangudanyak nam panewi waling tarobbang nam win-Nak,''Nei jiayaka na Ana-Gu nam Tiddi. Rangukiya Dunna!'' ⁸Jiadinguka daddi madeihingumah appatetibalijak dahillu ittamahah tiddi jiakiyaka hi Yehu.⁹Tanga purunguda waling tapinu letina, peakanajak hi Yehu abbi datikkiya tatou hawanguk agananya napa ittada, lappa baru anna kiddi na Anana hi Moiri waling tatou mati. ¹⁰Jiayaka, dahamannuya nahawiddaja hidda patuto-tutur wikkimeahada gannanya gannanya najurruna nakiddi bali waling tatou mati.¹¹Mang tuturdanyak hi Yehu,''Ga dam peangu Taurat dudda hi Elia ammi moulunyah hi widdali?'' widdak. ¹²Mang jiayaka hi winnaja hi Yehu,''Tonoutekkana, hi Elia ammi moulunya anna padehaya ngaradukana nam jaji. Mang gikki nounak nahatuli tu'ana na Anana hi Moiri peala anna mawilla jakka napakihung appajapuya? ¹³Jiakadiyak hikku tikkigiminya lahi nyiami, toukana hi Elia langa amminyak, mang hei duidda hidda woluya keriya nahawuku atida, mearang nahatuli tu'ana dunna.''DAMURIT DADDA TALUMAYA NAMORITANA ADDA WURUTUNYA NAM TAMA TATOU¹⁴Mangaka, atanga balida hi Yehu, hi Petrus, hi Yakobus jakka Yohanes adda toma balija damurit, ittadanyak natou dangu adda korruja damurit hei, mang dudda dam peangu Taurat karingak dengadajak. ¹⁵Da'ittayaka hji Yehu hei datou dam pakabuangu, kapodudanyak adda itta-Ya jiayaka hidda palai adda lippi regga-Ya. ¹⁶Mangaka, jiayak hinna tutturuha hi Yehu,''Gannanya napapalumimi nyiami jakka dam peangu Taurat hei?''¹⁷Napagaping nam hatou nam einya tajoanga toudangu, winna-Nyak,''Guru, nyouwa maraigunya na anagu nalakeada moani lahi Ouwu regga moritananya hinna pakabangaganya. ¹⁸Anna kiddikaka nayorana namoritana, nawo'ah pipianya ta tana mang hinna wurra tekka na a'ana, hinna pakiggituja dawuangiduna anna tonnah. Kukakamaikaja damuritu-Mu kadda wurutunya namoritana wiggu dadda talumaya.'' ¹⁹Mang pagapinajak hi Yehu winnak, ''Hei nani tou dam kulih na manningumi!Pirra madeijellaguha Akku oaligimi nyiami? Pirra madeijellahguha Akku tarrung pa'oaligimi? Marainya nanni nalakeada lahi Nyouwa!''²⁰Jiayaka hidda marainya nalakeada nei lahi Yehu. Na'ittayak hi Yehu nei namoritana, ujjar pipiananyak nalakeada nei weiga. Mang naka na'uka ta tana nalakeada, nakabali pipiaya hinna wurra tekka na a'ana. ²¹Mang tutturunanyak hi Yehu na amana nei nalakeda, ''Nam deika nei nalakeada atonouna?''winna. Napaginguka na amana winnak, ''Waling anna merrah. ²²Jakka, nappa tutungu nei namoritana anna patullakunya ta api jakka tawei kanna pikki mollah awinna. Nounam Ouwu ammu bihading, namukima nyiama kammu gatagama.''²³Winnanyak hi Yehu,''Ouwu ammu bihading wimmu-Ga? Kagangana jellananya nabiaha atouda dudda wai-Ga.'' ²⁴Tiddi houhingunanyak na amana nei nalakeada anna patiwung, winnaka ''Kuwai-Gu? Gatagaya kakku pikki wai-Gu. ²⁵Na'ittayak hi Yehu natoudangu anna geaha anna kabuangu, jiayak hinna gaggutuya namoritana hi winnanya,'' Nyiami moritana kabanga jakka moritana kawanga, Kupaleawami nyiami lohung waling talakeada nei abbi hillu tamadinya.''²⁶Namengaka pa'ujjar pipianya nei nalakeada, patiwung nanyak mang hinna lohung. Dunna nalakeada meara atou matiya jiayaka natou dangu matinanyak hi widdanya!'' ²⁷Jiadinguka, Dunna hi Yehu naha mannuya nalimmana nalakeada neiyi hinna pakiddiya, mang nalakeada neiyi dedikinanyak.²⁸Natamaka hi Yehu taroangu umma, damuritu-Na tuttumeahada-Nyak,''Ga nyiama hidamma talukaya amma wurutunya?'' ²⁹Mangaka, winnajak hei dudda, ''Nam toungu neiyi hinna lohungu wainyaha habayang.''PANEWI JELLANANYAHA HI YEHU NALARA MATINA³⁰Wali himmida lauwu, hi Yehu jakka damuritu-Na halakudanyaka adda linoungu ta Galilea. Danna buhamang a'eingu ma'pea-Nya. ³¹Hitanouna, tangaya anna ajaruha damuritu-Na mang hiwinnaja, '' Na Anana hi Moiri haraka-Nya talima tou doaku jakka tou jala hidda hamati-Ya. Damengaka pahamati-Ya, tomaya natillu boladdu nakiddi bali waling tajoanga toumati. ³²Atonou'ana, damuritu-Na dadda pahammanya gannanya nawinnang mang da mange'at patutturu-Ya.APPALUMINYA GEARA NAM REIHI BAKUL³³Mang nouwu, tomadanyaka hi Yehu jakka damuritu-Na ta Kapernaum. Natomaka ta umma , tutturnajak, ''Gannanya napalolukumi tapadua larangi? winnaja.³⁴Jiadinguka, tiddi kawannardanya kadangu adda paluminya gearaya namma reihi pabakul awidda. ³⁵Ngodunanyak hi Yehu, mang hinna kamaikaja damuritu-Na. Mang jiayaka hiwinnaja,''Jakka anna buhakanguk hamoulu nam hatouna, napahupuya anna layaja ngaraduka.''³⁶Mang nouwu, dekinanyaka hi Yehi nalakeada merrah anna tauya tappaduada. Na'agunya nalakeada mang hinna panewi dengaja hiwinnaja, ³⁷''Kagegearaya nam padeaduya nalakeada merrah toung nei tadalu ngara-Gu, mearana anna padeadu-Wa Nyouwa. Mang gearakaya nam padeadu-Wa Nyouwa , da-Nyouwamang papadeaduna, Nammu nam paleawa-Wa Nyouwa jiaya napapa deaduna.NATOU NAM WURUTUNYA NAMORITANA NAWAINYA NA NGARANA HI YEHU³⁸Panewinanyak hi Yohanes lahi Yehu, awinna, ''Guru nyiama ma'ittaya natou anna wurrutunya namoritana wainya na Ngara-Mu, jiayaka nyiama himma heirunya kadangu adanna kerida jiata.'' ³⁹Jiadingka, winna hi Yehu, ''Abbi miheirudinya, daeimang tou nam biaha waiganya na Ngara-Gu mang nou peala anna hillu ngiki waikagaka Nyouwa.⁴⁰Hiwigu noung, gearaya dam ge'ada jiata, jiaya nam oalinouda jiata. ⁴¹Jiakadiya Nyouwa hikku tikkigiminya nam padeningu nyiami, gearakaya namwoagimi wei hangi ka-a tekka hingu, mulana ammi keriya hi Kritu, enga eingu kanyuruna.''NAKERINA NAPA HALA DENGANGU⁴²''Mang geara hinguya nam paleakunya nam hatouna nei nalakeada merrah nam langa keri-Ganya na ngara-Gu hinna woluya nam jala, reihi nam kalung natou nei dekinyaya watu mabakul katearunanya tarii kokuna mang hile'aya ta tahik. ⁴³Atoukana, dalimami ajiakahaka dappa jala dengami, katupuya nalimami nei. Reihi kallunguya ammitama tama'idiya nalimami nam katupu ta morrik malodung, meara jellakadinak a'eibolluja dalimami a ta nerakaya napadoimi ta api damma bedda, ⁴⁴napadoungu namma mangu illir damatina jakka na apina damma bedda.⁴⁵Jakka ajiakayaka dawihimi dappa jala dengami, katupuha hei dawihimi. Reihi kallunguya ammitama iddiha dawihimi damma katupu ta morriku malodung, mearajellakadina a'eibolluja dawihimi a ta nerakami, ⁴⁶napadouda da'illir damma mati, jakka api dam bedda.⁴⁷Manga, jakka ajiakahak dawuamatami dappa jala dengami, woikiha dawuamatami hei. Reihi kallunguya ammi tama iddiya nawuamatami nam hangina ta karajaan Alla meara jellakadina a'eibolluja dawuamatami damma dubbada ale'ami ta neraka, ⁴⁸nappa doungu nam eingu illir damma mati, jakka ta api damma bedda.⁴⁹Atonoukanaka , hatou-hatou appa barruya mearana na mahing napa'ottiwaingu api. ⁵⁰Na mahingu makalunguya, jakka anna manga'akaka gikki neidanya kanna barru bali,? Pabarruya na'ihi wikkimi manga mipanamu wikimi nyiami

Chapter 10NALARANA NAPAHEAWA

¹Mang najijakunyak nappa doungu nou hi Yehu, halakuna-Nyak ta Yudea ta habali loku Yordan. Jakka nakehha jella-Nyah tou dangu akka woru-Nya. Mang mearang naha langadamma-Na anna ajar juaha dudda. ²Mang nou, ammiljaka datou parihi lahi Dunna, kamma kaka-Ya awidda patutturdanyak, widdak, ''Penya nammu dagigman dam pa la-arraweingu adda paheawakaka?'' ³Napagapija hi Yehu winnajak, ''Gannanya winna hi Musa anna peakagimmi?'' ⁴Jiayaka hi widda, ''Hi Musa napahellanya namoani anna wolu hurrat paheawa mang keri paheawa dengananya na arraweina.''⁵Jiadinguka, hi Yehu winnajak, ''Mulana natautiddungumi jiakadiyaka hi Musa hinna wolugimi hurrat paheawa. ⁶Jakka jiakayak nammu, waling nakka wunga jelli tana, hi Alla anna woluha damoani jakka dam winni.⁷Jiayaka atonouna, dunna namoani nadijakuja da'amana jakka da,inana. ⁸Mang dudda atouma duaha kahangingnanyak na raa ihida. Atounak dudda dahillu toumaduamahak. ⁹Jiayaka gananya napa langa pakahangina hi Alla, abbi hilu eiding tourara mappa heawanya.''¹⁰Mang nou, toma taroangu umma, hillu patutturdanyak tu'ana nei weiga. ¹¹Jiayaka Hi winnaja, ''Gearakaya nam paheawa denganya na arraweina, hinna hillu ealungu arrawei hawangukuna, manyariknanya ta arraweina. ¹²Mang dunna nam winni anna paheawa dengakanyak na laana, kanna hillu palaa hawanguk , dunna manyariknanya.''HI YEHU ANNA WOAJA KANYURU DALAKEADA¹³Mang dudda maraidajaka dalakeada merrah lahi Yehu kanna pikki jamiha awidda, jiadinguka damuritu-Na datagouruha. ¹⁴Jiayaka anna ittahak hi Yehu, hinna banija winnajak, ''Temmakadija dalakeada merrahu ka'ammija tahaga-Gu abbi heirumaja kadangu datou matoung hei jiahaka dam dounya na Karajaan Alla,¹⁵Kakku tikkigiminya nam padening nyiami, gearaya damma pabuatu na Karajaan Alla, matoung lakeada dakoku memmakinak anna tamanya naroangu.'' ¹⁶Manga nou, agunajaka hi Yehu dalakeada, pamarinaja anna tauya na limma-Na tapinu ihida.NATOU POATI DAM BUHANG PAKERIYA HI YEHUI¹⁷Atanga hadia-Na hi Yehu kakku halaku awinna, einya nam hatouna nam lai tahaga-Na mang hhinna karadda-Na anna tutturu-Ya, ''Guru nam kalung atina, gikki nougu nyouwa kakku pikki kolinya namorriku malodung?'' ¹⁸Mang winnanyak hi Yehu, ''Ga ouwu kallung hiwimoli-Ga? Da'eihingmang hatoutekka makalung atina, jiapaya hi Alla. ¹⁹Nyiami mipeajaka da pareaha; Abbi hamatidingu tou, abbi manyarimang, abbi keaduding, abbi pako'udingu, abbi patipuding, pabuatuha da'amami jakka da'inami.''²⁰Mang natou nei winnanyak, ''Guru, kukeri bolluhaka waling abuatouwa. ²¹Atonounaka, hi Yehu patetinanyaka nabuamoani nei mang nahawangar denganya, ''Hanginah nam kurang lahi ouwu. Halaku kammu dagabolluja dahakkum, pikki barimunya nam milla, jiaya himmu kolling hakkum ta surga. Manga nouwu, maiyaya kammu Nyouwa,'' ²²Jiadinguka nahilu nei weiga nahadukka denganya mang jiayaka hinna halaku waimgu hiddu ati kadangu adokku dangu oataha dahapoatina.²³Mang patetinajak hi Yehu damma korru-Nya jakka winajak damuritu-Na, ''Naharuwi oata natou nam poati anna tama ta Karajaan Alla.'' ²⁴Damuritu-Na dakka poduk dengana-Nya nahilu-Na. Atonou'ana winna jellapajah hi Yehu, ''He lakaeada, dokku haruwi oataya atama ta karajaan Alla! ²⁵Reihi gampanguya nam heina na unta anna tama tapadeitu daripadanei natou poati naharuwi oata anna tama ta karajaan Alla.²⁶Damuritu taba kapodukdaka mang pawidang wikidak, ''Mang gearakaka nam biha apahalamatuya?'' ²⁷Patetinajaka hi Yehu mang winajak, ''Natourara anna pangadanya danna bihamang winna, jiadinguka Dunna hi Alla da'eimang dam biha. Hiwidanoungu, ngaradukana nabihabollunya hi Alla.''NAWUDDA KERIYADANYA HI YEHU²⁸Panewinanyak hi Petrus lahi Yehu, ''Ittadiya, nyiama mamattabollu hingujaka da gagananya amma keri-Wu Ouwu!''²⁹Winnak hi Yehu, ''Nyouwa kutikkigiminya nam padening lahi nyiami,da'eimang hatou tekka nam langa dijakunanya na'ummana, atau da'anguwuana, da'anawinina, da'inana atau da'amana, da'anana, jakka dakka hibuda witi-Gu Nyouwa jakka nawini-Gu,³⁰lappak laddu yayi damma kollingu anna paduadua hanguwuddang umma, jakka da'anguwua, jakka anawinni, jakka inna, jakka ana, jakka kahibu, namma mawilla taladdu nam aminya, namorrik namma lodung. ³¹Jiadinguka, nadangu natou nam moulu muripanak, mang natou nam muri jiayak nam moulu.'' HILLU LOLUKNANYAK HI YEHU NALARA MATINA³²Atanga halakuda adda kadekkal ta Yerusalem mang hi Yehu Dunna mouluna-Nya tahagada. Mang dudda, nakabarra na atida, einyaka natou nam keri-Ya nam mange'at. Mang maraibalinajak damuritu-Na hi Yehu dam touma habulu maduaha, walinoung anna peakaja agannanya nam jaji lahi Dunna. ³³Winnak, ''Ittadiya, jiata kadekkaldanya ta Yerusalem na Anana hi Moiri enga harakadanya ta kapala imam jakka tam peangu Taurat. Dahukku-Nya hudda anna mati mang hidda haraka-Nya tatou damma waling ta Yahudi. ³⁴Da pamanyariku-Ya, da padouni-Ya, da pagarri-Nya mangaka hidda hamati-Ya. Jiadinguka, tomayaka naladdu katilluna, kiddi balinanyak Dunna waling tatou mati.''NAPAKAREIDA HI YAKOBUS JAKKA HI YOHANES³⁵Mangaka, dudda hi Yakobus jakka hi Yohanes na anana hi Zebedeus amija lahi Yehu mang hi widda, ''Guru, nyiama ma buhha oatang anna moadapaking kammu kerikigamanya napakareima.'' ³⁶Mang jiayaka, winnajak hi Yehu, ''Gannanya nappa kareimi kakku kerigiminya?'' ³⁷Mang dudda widdanyak, ''Pahellakigama nyiama malli hatou kanna ngodu ta lawana-Mu, jakka hatou ta lalei-Mu, kamma marai-Gu tadalu biaha-Mu.''³⁸ Jiadinguka, hi Yehu winnajaka, ''Nyiami dammi peamanya agannanya nappa kareimi. Mihanggupkadingu nyiami ammi inunya waling tapa inu-Gu mang ammi ihu mearang na'ihu nahawai-Gu?'' ³⁹Mang dudda widda-Nyak, ''Nyiama mahanggup!'' Mang winnajaka hi Yehu, ''Napa inung naha inu-Gu mi'inukadinya nammu, mang nyiami mi'ihuna'ihu nam hamearangu na'ihu-Gu. ⁴⁰Jiadinguka , nangodu talawana-Gu jakka talalei-Gu da'eimang hakku-Gu Akku pahellagimi, kadangu napa doungu neiyi dumadanya dudda dappa langa hadiangu.''⁴¹Darangu tanoudanyak neiyi, dam touma habuluh damuritu hawanguk banidajak hi Yakobus jakka hi Yohaners. ⁴²Jiayaka, hinna kamaikaja hi Yehu mang hiwinnaja, ''Nyiami mipeajaka hei damma pareaha datou Yahudimah, ngarang mearana adda letiwaija hei dudda. Mangaka, damma tiddang hidda pahalakuya natiddanguda hei lahi dudda.⁴³Jiadinguka, da lahi nyiami hingumang. Nakabalina, Gearahingukaya nam wukkungu pakolli padangu atouna nyiami nalayahingu gimiha. 44 jakka gearakaya nam buhha hingung pamoulu atouna nyiami, jiahinguyaha nam layabollugimi. ⁴⁵Hitanouna, na Anana hi Moiri a'ammi-Nya kalayanya dawiddamanya, jiadinguka palayangnanya, mang lappakung najaunya na hangahu-Na anna luminya natou dangu.ANNA PA'ITTABALIYA HI YEHU NEI HI BARTIMEUS NAM KABOALA⁴⁶Manga nouwu, tomadanyaka ta Yerikho. Dahalakuka waling ta Yerikho hi Yehu anna maraija damuritu-Na jakka natou dangu, nei na anana hi Timeus einya anna ngodu tawiwi larangi. ⁴⁷Naranguyaka hi Yehu a'einya wali ta Nazaret, patiwugnanyaka awinna, ''Yehu, Anana hi Daud, millakiga ati nyouwa!'' ⁴⁸ Mang jiayaka, na dangu natou nam kayekkaya kawannar awiddanya. Jiadinguka, dunna hukka taba kadoakana, hiwinna, ''Anan hi Daud, millakiga ati nyouwa!''

⁵⁰Jiayak hinna hellinya nakoapina, amminyak anna dedi tahaga-Na hi Yehu.⁵¹Mang winnanyak hi Yehu dunna, ''Ga pabuhhamu Kakku pikki woagu?'' Napagaping nei natou kaboala, ''Guru, kakku itta wiggu, winnak.'' ⁵²Mangaka, winnanyak hi Yehu,''Halakuyaya winnanya. Na manningumu napategahwuka.'' Nou memma weiga alolu itta balinanyaka, jiayaka hinna keriya hi anna marainya talarangi.

Chapter 11ANNA TAMA TA YERUSALEM HI YEHU MEARANA NA RAJA

¹Mang datikki hatomak dudda ta Yerusalem, talihi Betfage jakka Betania, ta Bukit Zaitun, napaleawaha hi Yehu dam toumaduaha damuritu-Na, ²mang hinna panewi dengaja winnajak, ''Huya kammi halaku neilau taparaingu napahagami, mang peala ammi tomakaka, nyiami mi'ittaya nam heina na ana kaledai, daddi pakaleti tou. Palotanya kapikki iddiminya. ³A'eikangu tou matutturumi, mang ga him ideliya awinnakagimika?', wimmi 'Hi Moiri waina-Nya na keledai nei danna madeimang iddibalidaya wimminya.⁴Mang dahalakuka dudda, hagaudanyaka nam heina na antua keledai nahapingu tabinna, ta habali hiddi, talarangi, hidda pahelaya. ⁵Eija dam touma pirrah hei tatouwu dam tuturuha dudda,''Ga hitonoulminya nei na keledai?'' widdajak. Dapagapinguka dudda keridanyak weiga nahalanga tikkinaja hi Yehu, mang jiayak natou dunna hinna mattaja adda halaku.⁷Mang jiayak dudda iddidanyaka na keledai lahi Yehu, mang hi Yehu ngoduna-Nyak tapinu keledai. ⁸Jiayaka, nadangu natou nam palekkaruha dakoapida ta larangi, mang hawangu dawewarunya rouwu ai moru dahapoguna takahibu. ⁹Natou nam pakeri wali takadeanga hinna kayaka, ''Hosana! Nakanyuruka Dunna nam amminya tadalu ngara-Na hi Moiri widdak. ¹⁰Nakanyuruka nam amminya na karajaanan hi Daud, nabokuda jiata! Hosana, tapadoungu nammajaga!''¹¹Mang nouwu, halakuna-Nya hi Yehu ta Yerusalem mang hinna tama ta Bait Alla. Na'ittayakaka mattu-mattunaka nam jaji talihi-Na, halakuna-Nyaka ta Betania anna maraija damuritu-Na mula anna loppahukka nariddung. ANNA KUTUKKUYA HI YEHU NAPINGI KAPILLIT¹²Nawehhanguka, dabalika wali ta Betania, peddang karobbangnanyak hi Yehu.¹³Mang ittadanyak napingi kapillit waling tam marou nam bukkut tekka narouna, jiayak Hinna halaku lapa'ealuya lumpa'ei'ang wuana kapikki angu awin-Na. Natomak tapingi ai neiyi, danna malli ittamang gana'anyaka jiapaya narouna mula daddi rahi wuamannyah. ¹⁴Atonounaka, winnanyak hi Yehu nei napingi ai,''Abbi hillu eimang hatoutekka nam jianga aanagunya nawuamu lappak lodo-loduna.'' Mang hidda rangu bollu damuritu-Na.ANNA HALAKU HI YEHU TA BAIT ALLA¹⁵Mang nouwu, tomalidanyak dudda ta Yerusalem. Tamananyak hi Yehu ta Bait Alla hinna wurutuja datou dam dagang ta Bait Alla. Nawoiki pipiadaja dameja padagawaida jakka dagala dapangodu waida dam dagangu mawurung mearpati, mang jiayak Dunna hinna heiruja pa'iddi barangu adda lihoungu ta Bait Alla.¹⁷Mang nouwu, peakanajak hi Yehu anna ajaruha mang winnajak,''Dawinnading nammu nahatuli, 'Na'umma-Gu jiaya na umma pingi pahabayanguna ngaradukana natou tapinu tana? Jiadinguka, nyiami woluminyaka hi'u makeadu.'' ¹⁸Jiayaka, adda ranguka da kapala imam jakka dam peangu Tauratu hidda ealungu akkaluda nahamatida-Nya. Hitahouda mange'atda-Nya kadangu nada'oatang natou nam mari'ati denganya napapeakangu-Na jakka anna pa'ajar. ¹⁹Mang tomayak anna riddung, hi Yehu jakka damuritu-Na jijakdanyak nakoata nou.EINGUH MANNINGUMI TADALUNA NA MARABA ALLA²⁰Tanga halakuda babaru, mang dudda ittadanyak napingi kapillit nam mati lappak taloluna. ²¹Namu nounanyaka nei hi Petrus napanewina hi Yehu anna kutukuya napingi ai nei, jiayak hiwinna-Nya,''Gurru, itakiyah! Napingi kapillit napakutuku-Mu namatika!''²²Mang pagapinajak hi Yehu hei dudda, Einguh manningumi tadaluna na Maraba Alla. ²³Kakku tikkigiminya nam padening lahi nyiami, kagegearakaya nam panewi awinnanya nei na ngabang,'Madeddiknguya kammu kana'u ta tahik,'kawinnanya abbi nanyanga napa pangadanguna, na manning na atina, anna waihingunya gannanya nahawinnangu jajiya awinnanya enga jaji tekkana.²⁴Jiayak atonouna nei, Nyouwa hikku peakagimi, ganna hingukanya nappa kareimi tadalu habayangumi, ammimanikanyaka mearanaka alanga kolliminya awoagimi. ²⁵Mang atoujellakan ammi habayang, mipahoddar wikki lettumi jakka a'eikanguka ta atimi daddi madukka, touna na Amami nam einya ta surga kanna pikki poddahgimija dummi dahalami. Jakka ammi pakiloluwikkikamika, touna na Amami nam einya ta surga nikilolu jellami danna poddahmagimija dahalami.''DAM PAREAHA YAHUDI ADDA TUTTURUYA NABIAHANA HI YEHU²⁷Mang ammijak dudda hei ta Yerusalem. Tanga halaku-Na hi Yehu ta Bait Alla, dudda da kapala imam, dam peangu Taurat, jakka dam bokul pa'ati ta Yahudi ammija adda toma-Nya. ²⁸Mang dudda widda-Nyak,''Gabiahayak napahalaku-Mu Ouwu nei, Geara nam woagu-Nya nabiaha nei hinna jaji?''²⁹Winnajak hi Yehu hei dudda,''Nyowa hangina nahatutturu-Gu lahi nyiami. Mipagapi-Ga, mang Nyouwa hikku tikkigiminya gabiahayaka nahawai-Gu. ³⁰Tounak anna pa'ihu hi Yohanes mawaling ta surgaya atauw mawaling tatouraraya? Pagapi-Gayya!''³¹Pawiddang wikkidaka dudda adda bejjaruya, ''Attapagaping walin ta surga awiddakaka, 'peala ga hidammi waiwalinya?'winnada. ³²Jakka atta pagaping, walina tatourara awiddakaka?'' Jiakadiyaka hidda mange'at hei dam pareaha Yahudi, kadangu ngaradukana natou nawaibollunyaka hi Yohanes jiayaka na nabi nam patu'ang awinnanya. ³³Jiayaka dudda hidda pagapi-Nya hi Yehu, ''Nyiama dam peamanya widdak.''Mang jiayaka hiwinnaja hi Yehu, ''Touna Nyouwa Dakku peaka jellamagiminya nyiami abayaka waliyana nabiaha nahawai-Gu Akku pahalakuya nei.''

Chapter 12AHAMEARA WAINYA NAM KAHEAWAYA NAKAHIBU ANGGUR NAM JAHAT

¹Walinounaka, lolunanyaka hi Yehu napanewi-Na tadalu hilu hamearawaingu. ''Einya natou nam rawinya nakahibu anggur winna. Nakalaga leihunya anna pinya gallu, mang hidda hakkaya hangi nakaleana pingi pageahu wua anggur, jakka napadediya na'umma pingi pajawa waidanya. Manga nouwu, woanajaka kaheawa damma rawinya nakahibu hinna halaku tahangi tana. ²Tomaya narahi pupudaja, napaleawa hatou na'atana lippadekiha da'ihi kahibuna. ³Jiadinguka, hei dudda appadanyak na'ata nei weiga, hidda tauya, mangaka hidda palerawaya bali damalli eimang hawoadanya.⁴Manga nouwu, napaleawaliya hatou na'atana lahi dudda, dapalu katikuya mang hidda woluya wainya napatada napamakiidengang. ⁵Mang napalewaliya hatou a'amminya lahi dudda jiayaka napahamatida. Nei jiayaka nam jaji ta'ata hawanguk dam dokku danguha, hawangu pammawillah atauha, jakka hawanguk hihamatiha.⁶Tiddi jiakiyaka nam hatouna na anawikkina nei namoiri kanibu nam einya. Mang jiayaka hinna paleawaya na anawikkina lahi dudda, mang winnak anna panewi, 'Ajiadiya na anawikkigu datauganya hiina winna.' ⁷Jiadinguka, hei dam rawinya nakahibu papaeakang wikkidanyaka,'nei jiayaka nam kollija da hak warih widdak. Maiya kahamatiya kadekinaja da hak warihuna katta hakkuja jiata hiwidda.'⁸Mang jiayaka hidda appaya, adda hamatiya, mang hidda tanunya tahabali kahibu anggur. ⁹Gikki noukanak nei na moiri kahibu anggur dunna? Jiayaka, amminyak dunna hinna pamohu bolluha hei datou dam rawinya nakahibu anggur mang hinna woaya tatou hawanguk.¹⁰Daddi mibaha hingumayaha nammu nyiami nahurat biaha nei nam winna; Nawatu nahale'adda datukang dam wolu umma, ajiaya nawatu pamannu maradengang. ¹¹Nei jiayaka nakerranguna hi Moiri, anna wainya nabiaha-Na tahaga matada jiata?'' ¹²Manga nouwu, dudda hidda ealunya pingi hapiakudanya adda appa-Ya, jiadinguka dam nge'atunya nam dangu kadang adda peanya nahilu hamearang napapatomana hi Yehu mahagangu lahi duddaya. Mang jiayaka, halakudanyak adda jijakunya hi Yehu.NALARA BAYARUNG HIKATIKU¹³Mang nou, paleawadajak dudda lahi Yehu dam toumapirrah datou parihi jakka datou Herodian adda ealunya halana hi Yehu tadalu panewi-Na. ¹⁴Ammijaka widdanyak hi Yehu, ''Gurru, nyiama mapea-Gu Ouwu mabenaruwu hiddamu waingu pangadang touhawanguk. Ouwu dammu patetinoumanya nakallunguna natou jiadinguka ajarumunya nam luruh nalarangi lahi Alla. ¹⁵Mabayar hingunguha nyiama atau mattang pabayarrung? Jiadinguka hi Yehu, anna peajak namunapikuda, winnajak, ''Mang ga nyiami himmi kawuawaliwa Nyouwa? Idi-Ganya nim hangi dinar Kakku ealuya hiwinnaja.''¹⁶Jiayak hidda iddiya, mang hiwinnaja hi Yehu, ''Ga gambaruyak nei jakka geara nam nam tuliya?'' Dapagapi-Nyaka, Gambarnanya na kaisar widdaka.'' 17 Mang jiayaka hiwinnaja hi Yehu, ''Woanya taguna nakaisar agannaja datoara taguna na kaisar mang woanya tagu-Na hi Alla agannaja datoara tagu-Na hi Alla.''Mang jiayak dudda hidda kabarra denganya hi Yehu.NAPATUTTURUDA DATOU HADUKI ADDA LEAKUYA HI YEHU¹⁸Mangaka, datou haduki da'eimanya nakiddi bali dam widda, ammija lahi Yehu adda tutturuya,widda, ¹⁹Gurru, nahatulina hi Musa nam hagang lahi jiata winna, jakka nam hatouna anna matikaka nam eingu anguwuana, anna mati jijakunya na araweina dam pa'ana peala na'anguwuana na araweinya nei nam balu kapikki eingu labbina na anguwuana winna.²⁰Eija dam toumapituha dam pa'anguwuangu. Nam kawunga nadeki arraweina, mang anna matika, da'eimang anana kanna wulumatangu. ²¹Mang jiayaka, na'anguwuana na nakka arriba'ana, hinna ealuya anna araweinya nei nam winni balu, mang matinanyaka da'eimang anana kanna wulumatang. Toujella na'anguwuana napa toumatillu waiha. ²²Mang damalli eimang tadalu touma pituha adda pa'anguwuangu makolling anan. Lappak dunnakaya nam winni namati jella. ²³Touna baru atomakayaka naladu rahi kiddi bali, adda kiddi bali hei dudda, geam arraweinanya nei nam winni? Hiwidda noungu, nei dam toumapituh dam pa'anguwuangu langa arraweidanya nei nam winni.''²⁴Napagapijak hi Yehu winnajak, ''Dajiadihah nei nam napadeki tikkiwaimi hinna nyanga napangadangumi, mula adammi peanya nahurat bakul jakka nabiahana hi Alla? ²⁵Atoukana, atomaya peala adda kiddi bali wali tajoanga toumati, dadda hilu palaa arraweimanguha jakka dahillu palolumajaha, jiadinguka dudda mearadaka damalaikat daneija ta surga.²⁶Natu'ada datou mati dapapakiddi bali, dammi bahamaya nyiami tahuratuna hi Musa, nalarana namapu mapariingu, gikkinouna hi Alla anna panewi denganya, 'Nyouwa jiawaka na Allana hi Abraham, na Allana hi Ishak jakka na Allana hi Yakub awinnanya ? ²⁷Dunna da Alla toumatimaya, jiadinguka Dunna Alla toumorrikuya. Nyiami darekka hallurmammi!''NAPAREAHA NAPAREIHI WAINGU²⁸Mang aminyaka nam hatouna nam peangu taurat rangunajaka adda patajing. Na'ittanounyaka hi Yehu anna pagapija waija madehha, jiayak hinna patuttur lahi Yehu, ''Beinya napareaha napareihi waingu waling ngaradukada dapareaha?'' winna. ²⁹Napagaping hi Yehu, ''Napareaha napahamoulung einyah; kammi rangu nanni dummi tou Israel ! Hi Moiri Alla jiapaya na Moirida jiata. ³⁰Mang minamuya na Moirimi hi Alla, kammi harainounya na atimi, harainounya nadeawami, harainounya napangadangumi jakka kammi harainounya nakullihumi. ³¹Mang nakadubbana; Minamuya na'oalimipatou meara ammi namuya na'ihi wikkimi. Da'eimanguha pareaha mareihi buatu waling nei.³²Manga jiayaka, dudda dam peangu Taurat hei, widdanyak hi Yehu, ''Ouwu Mupadening, Gurru. Napadening Ouwu nahawimmung atoukanak Dunna hangikadina, dahillu eimanguha hawanguku jiamemmayaka Dunna. ³³Jakka anamuya nam wali ati, nam waling tapangadang, jakka ngara dukana napakullihwaing, lappak hipanamu wikki oali tourara, mearana anamuya na'ihi wikki, jiamemmayak nam reihi papabuatu walingu agannaja dahatunu dam nuatung.'' ³⁴Mang nou, anna ittahayak hi Yehu nei natou weiga anna pagaping adokku peananya, jiayaka hi winnanya, ''Ouwu dammu maroumanga waling ta Karajjan Alla winnanyak.''Mang jiayaka dahillu eimanguha tou mabrani anna tutturuya hi Yehu.HI KRITU JIAYAKA HI MOIRI³⁵Tadalu pahalakuna namangajaru-Na ta Bait Alla, hi Yehu panewinanyak awinna, ''Gikki nouda dudda dam peangu Taurat hiwiddadika atouna hi Kritu ajiaya na anana hi Daud? ³⁶Hi Daud dunna panewinanya wainya nahangahu Matuana hi Moiri nam biaha, 'Moiri winna anna panewidenga-Gu akku mawugu; Ngoduyaya talawana-Gu, lappak hudda Akku tauha damuhu-Mu taballa wihi-Mu.' ³⁷Hi Daud wikki natikkiya hi Kritu ajiaya hi Moiri. Jiakadiyaka, gikinoukana hinna hillu analinya hi Kritu?''Mang narangu bolluya natou dangu napatikki-Na jakka dokku reaha dengananya.NAPATA HAGADAJA DAM PEANGU TAURAT³⁸Tadalu pa'ajaru-Na, winna hi Yehu, ''Pa'atikija hei dam peangu Taurat, adda halakukaka dabuhha oatang pawaingu koapi malailimma jakka dokku buhhanguha adeddikuja mang ahormatuha tamadangu, ³⁹ma'eingu padoungu kallunguha adda ngodu waingu ta umma pingi pahabayang jakka padoungu mabanning atomakayaka naperjamuan. ⁴⁰Dudda jiahak dam hehiha damma ngoma balu, adda habayakanguka dokku malaiya napatikkida. Hei dudda jiahaka dam kollinya nahukkung nam buatu.''MANUATUNG NAM MURAHHU⁴¹Mang nouwu, ngodunanyak hi Yehu anna haganya na patti pingi papatamadaja da manuatung anna patetija datou dam patamang riti tapadou manuatung. Nadangu natou poati nam patama padangu. ⁴²Mang aminyaka namawinni balu dam dubba kaleagaruda dariti bihhi dahida hangi hennuda.⁴³Mang jiayaka hi Yehu hinna kamaikaja damuritu-Na hiwinnaja, ''Kakku tikki hingugiminya nam padening lahi nyiami, nei na mawinni balu jiaya nam patamang riti mareihi dangu ta patti waling ngaradukana natou hawanguk. ⁴⁴Toukana hawanguk dudda, adda patamang mareihiyaka waling agannanya nam einguda jiadinguka namawinni balu ngara dukada agannanya nam einguna jiahinguhaka dahawoana anna manuatung.

Chapter 13NAPANOUNGUNA HI YEHU TU'ANA ANNA KAWEADA NA TANA

¹Manga najijaknyak na Bait Alla hi Yehu, hatou namuritu-Na panewi dengananyaka hi Yehu winna-Nyak, ''Gurru, patetijaha hei dawatu dokku dehha tekaha jakka da umma papakiddi dokku manadanguha!'' ²Mang hi Yehu hinna pagapinya,''Penya mi'ittakadiha da'umma dam manadang hei? Da'eimang hangi tekka watu makadekka ta'oali watuna dappa wehhar.''NAKAWUNGANA NAMAWILLA³Mangaka, atanga ngoduna hi Yehu tapinu tadulla Zaitun nam hagang ta Bait Alla, hi Petrus, hi Yakobus, hi Yohanes jakka hi Andreas datutturmeahaya hi Yehu, ⁴''Peakamanya nyiama, pirranguya anna jaji, mang gikki nounaka peala natada pahupunanya?''⁵Mang mulainanyak hi Yehu anna panewi dengaja, ''Mipa'atiki abbi eingu touwu maleakumi nyiami takealang. ⁶Nadangu natou nam amming anna waiganya na Ngara-Gu, Nyouwa jiadiwak Nammu, nam winna.'Mang dudda dokku danguya natou nahaleakuda.⁷Atoukana ammirangukaka mapatau abbi mange'atmang. Nam toungu nei najaji hinguha, jiadinguka daddinatomamayah napahupunanya. ⁸Nababaling wikina oalitourarana, jakka oalitou peanguna napake'ang wikina. Najaji na'ppung ta ngaradukana napinu tana; najaji nakarobba tana. Neijiayaka namma mearana nam willa dengangu pa'ana.⁹Jiakadiyaka mimarommatung wikkimi. Jiahaka dudda hei peala damma harakagimi tamma pengadilan mang hipalumi ta'umma pingi pahabayang mang hippa dedimi tahagana hi Sanhedrin jakka tahaga da raja witi-Gu Nyouwa, kapikki peagama awidda. ¹⁰Mang na winina hi Moiri jiayaka napahamoulung appatomanya tapinu tana.¹¹Mang atomakayak nam raidagimi mang hidda harakagimi, abbi momumangu agannanya nahatikkimi, mipanewikadinya agannanya nahataudagimi tapangadangumi, atoukana ammipanewi danyiamimang nam panewi jiadinguka Hangahu Matuana-Nya nam panewi.

¹³Mang nyiami dokku hukkadagimi ati mulana na ngara-Gu Nyouwa. Jiadinguka, natou nam tarrung lappak tahupu jiaya nam mannu mara.''NAHAWOLU DAMJINYAK JIAYA NAHA'IRRAK DENGANG¹⁴Jiadinguka, ammi ittakahaka dam woluya damjinyak adda dedihoung tapadoung dappapadouda (nam bahhaya mipeanyah), dudda dam eija ta Yudea dappa lai hinguha tapinnu lettina. ¹⁵Natou nam einya tapinu kabungu abbi napurumang atau abbi natamamang ta'umma anna deki ganganananya mawaling ta ummana. ¹⁶Mang natou nam einya takahibu abbi nahillu balimang anna deki koapina.¹⁷Da'ittang mawillada dam pakabu jakka dam pahuhu anarara taladdu nouwu. ¹⁸Habayang abbi najaji noungu nei tarahi urrang. ¹⁹Jajinanyaka peala talddu nou nahadukka dam rekka nouya a'ittangu mawilla, dam kalli jaji waling nakawunga wolunanya napinu tana hi Moiri lappak ya laddu mang danna paduabalimang anna jaji. ²⁰Toukanaka hi Moiri adanna papadakukayaka naladdu nouwu, da'eimanguha hatou tekka nam lupput. Jiadinguka, langa eijaka dahapedi, dahalanga pedina Dunna, jiakadiyaka Dunna hinna papadakuya naladdu nouwu.²¹Mang nouwu, a'eikanguka mawinnagimi, 'Pateting, Hi Kritu einya yayi!' Atau, 'Pateting, Hi Kritu einya nei lauw!' Abbi miwaimanya. ²²Hiwigunougimi, dam pahadang wikkida mesias jakka dam pahadang wikkida nabi, jiahaka damma pakiddiya napakerrada adda patekkanya nabiahada nam waling tamoritana, manga hidda paleaku takealang, adda piakukaka, parereihingu natou nam iddiya nawini kallung. ²³ Pa'atinyaya! Nyouwa Kutikki memmagiminyak ngara dukana lahi nyiami adadi najaji.²⁴Jiadinguka, taladdu nouwu, anna kollinguk pajaji namwilla bakkul, 'Namataladu kapettangnanyak, mang nawullang danna hillu wahamanguha. ²⁵Dakapea warra-warrada adda kana'u wali ta'awang jakka ngara dam biaha tapinu awang koyakde'adajak.'''NA'AMMINYA NA ANANA HI MOIRI²⁶''Mang nouwu, ittadanyak dudda na Anana hi Moiri a'ammi-Nya tajoanga robbang anna wainya nabihana jakka nahada-Na nam dokku habilanguya. ²⁷Mangaka, Dunna napaleawaha dam malaikat adda kehhaya napalanga pedi waling dam patuda napingi pahagana nangillu, walipang tahupuduka tana lappakang tahupuduka awang.²⁸''Namunounyaya ahameara wainya tapingi kapillit; adda malujjakanguka dakka hangana jakka adda hellikanguka darouna, peaminyaka namaratana maraninanyaka. ²⁹Toujellana nyiami, ammi ittakayaka anna dangu nei nam jaji, peaminyaka Dunna daggit aminyaka tahaga aibinna.³⁰Kakku tikkigiminya nam padening, natourara danna dukamangu lappak hudda anna jaji nei. ³¹Na'awang jakka na tana enga dukana, jiadinguka na winina hi Moiri dajianga dukamana.''MAROMMATUN JAKKA PA'ATIKI³²''Atonou'ana, jiakayaka naladdu jakka narahina, da'eimang hatou tekka nam peanya, duddakaya dam malaikat ta surga dadda peamanya, jappa na Anana danna peamanya, jiapaya na'Amana nam peanya.³³Marommatung, pa,atiki. Dammi pe'amanya narahi amminya. ³⁴Nahamearanoungu natou nam eingu pingi pahalakuna. Najijaknyak na ummana nawoaja kuaha datouna dam jawa umma, jakka dappa kerrada hatou-hatou, mang napaleawaha dam taggu jawa binna kadda pikki pa'atiki awinna.³⁵Jiayak atonouna, pa'atiki kadang nyiami dammi peamanya apirang a'aminya namoiri umma, ammaringu laddu, aduakariddung, appa kukku manu jakka aranidammu, ³⁶hiddanatomagimi atanga juddami. ³⁷Gannanya napapanewigugimi nyiami nei, Kupanewinanya ngaradukana natou;'Marommatung pa'atiki.

Chapter 14NAWUKKUDANYA AHAMATIYA HI YEHU

¹Naladu Paska jakka naladu roati dam eingu ragina, dubba laddukinaka katomaya, da imam kapala jakka datou peangu Taurat damanyerranya pingi hapiakuna adda appa-Ya hi Yehu hidda wainya napatipuda mang hidda hamati-Ya. ²Atonou'ana widda adda panewi, ''Abbi appa noumanya taladu paska abbi najaji nakangila tatou dangu.AKALAPAYA HI YEHU WAINYA MINYA NARWASTU³Atanga einya hi Yehu ta Betania, ta umana hi Simon katobu, tanga ngodu-Na tahaga meja pingi pa'angu, amminyaka hatou nam winni nam iddiya naminya narwastu namabuatu hiina nam hangi ka'a jo'uk watuna. Manga hinna bearaya na ka'a jo'uk watu anna burinanya naminya takka tikkuna hi Yehu. ⁴Jiadinguka, einya natou namma taggu merrahu na atina, winnak''Ga hinna kamorra hingukanya naminya wouhirrit nam buatuhiina? ⁵Kadang nahiina naminya neiyi adaganya tilli ngahu dinaruna mang kapikki woadanya nato milla.'' Mang jiayaka hidda baninya nam winni nei.⁶Jiayaka winnak hi Yehu, '' Jemmakadinya dunna winna. Ga nyiami himmi pahadukkaliya? Dunna wollunanya nam kallung lahi Nyouwa. ⁷Toukana nyiami eingu toumilla talihimi, kapirrang jellaya ammi buhakanguka, nyiami mipiaku ammi woluya nam kallung lahi dudda. Jiadinguka, nyiami dammi tau hingumawa Nyouwa ta atimi. ⁸Nam winni neiyi pahalakunanya agannanya nahabihana. Kalapa moulunaganya na'ihi-Gu adadi patanung. ⁹Nyouwa kakku tikkigiminya nam padening , abayanya nawini apatomanya tapinu tana, gannanya nahalanga woluna nam winni neiyi mearanaka appa namu waidanya.''ANNA WUKKUNG PAPAKO'UNG HI YUDAS¹⁰Mang nouwu, hi Yudas Iskariot, napa toumahabulu maduawaiha damurit, atunya ta imam kapala anna daganya hi Yehu lahi dudda. ¹¹Daranguka dudda, dokku hennangu tekkaha mang hidda peakanya riti hi Yudas. Atonounaka, hi Yudas ealungnanyaka kaloaga nam kallung anna haraka-Nya.PA'ANGU PASKA¹²Nakawunga tomadanya Naladu Rahi Angu Roati Damma Eingu Ragina, tangaya adda doruya nabeabu paska, namuritu-Na hi Yehu tutturda-Nyaka widdak, ''Payanya nahawukku-Mu Ouwu kamma halaku nyiama kahadia-Gu pa'angu paska?'' ¹³Jiayaka, Dunna hinna paleawaha dam toumaduaha damuritu-Na hiwinnaja, ''Huyaya ta koata, peala einya namoani nam tanga iddi arrung ma'eingu weina jiaya nam reggami. Kerihingukadiya dunna, ¹⁴beinya napingi patamana, tikkinanya namoiri umma wimminya, 'Winna na Gurru; Beinya napadoungu pingi pa'adenga-Guja pa'angu paska damuritu-Gu?'¹⁵Peala, dunna napatekkagiminya napadoungu nam luaru ta barra deaha napalanga palekarung tappu jakka napa langa hadiangu. Hadiahaya dapa angu jakka dappa inung noulau.'' ¹⁶Mang nouwu, halakudanyak damurit hidda toma ta koata. Noulauwu, hidda tomaja tekkaja danna hillu halamaha gannanya napapanewi-Na hi Yehu lahi dudda, jiayak dudda hidda hadianya na paska.¹⁷Tomayaka anna riddungu, amminyaka hi Yehu anna maraija dam touma habulu maduaha damuritu-Na. ¹⁸Mang tanga ngoduda adda angu, hi Yehu winnak anapanewi, ''Nyouwa Kakku panewigiminya nam padening lahi nyiami, nam hatouna waling lahi nyiami, nam a'denga-Ga Nyouwa, peala enga pako'una-Ga Nyouwa.'' ¹⁹Jiayak dudda napa haduka dengada mang hiwidda-Nya hatou-hatou, ''Danyouwamango?²⁰Jiayaka hi Yehu hiwinnaja, ''Einya hatou waling tamma habulu maduaha damuritu na'oali lu'ur-Gunya naroati ta ka'a wei pa'inung. ²¹Mulana, na Anana hi Moiri anna halaku, toungu napalanga tuli larana Dunna, jiadinguka danna mariimang natou nam ealunya pingi papako'una-Nya! Reihi kallunguya natou nam tonouna nei anna matta lurruhungu pajaji.''APABUATUYA NA'IHINA JAKKA NAWEIRAANA HI KRITU²²Atanga anguda, hi Yehu nadekiya naroati, namengaka anna pamariinya, nabeara-bearaya mang hinna barija dudda, jiayaka hiwinnaja, ''Dekkiya, nei jiayaka naka tirou-Gu.'' ²³Mang nadekiya napa inung, mang hinna pamariinya. Nawoaja dudda, mang ngaradukada hidda inung. ²⁴Jiayaka hi Yehu hi winnaja, Neiyi jiayaka naweiraa-Gu, naraa panoung, nahaboangu mulana natou nam dangu. ²⁵Kakku tikkigiminya nam padening lahi nyiami, Nyouwa dakku hilu inumanguha wei anggur nam waling tapingina, lappak peala Akku inung anggur mabuangu ta Karajaan Alla.''²⁶Mengaka pamanyanyi nya nam hangina nalaguna hi Moiri, dudda halakudanyaka ta Tadulla Zaitun. DAMURITUNA HI YEHU ADDA JIJAKUNYA²⁷Manga, hi Yehu winnajaka dudda, ''Nyiami ngaradukami mijijaku-Ga Nyouwa, kadangu alanga einyaka nahatuli, 'Nyouwa Kuge'anya nam tagu jawa, mang dabeabu hi iha-ihada adda paheawa.'²⁸Jiadinguka, pealanguha Akku kiddi bali, Hikku halaku ta Galilea Akku moulugimi nyiami.'' ²⁹Jiayaka hi Petrus hiwinna-Nya, ''Toukada ngara dukada langakada jijaka-Gu, nyouwakadika dakujijakma-Gu.''³⁰Mang winnanyak hi Yehu, ''Kakku tikki gunya nam padening lahi ouwu tariddung ya, daddi dappa duamanguha damanu wolu adda takukku, ouwu baddi padillu wuddangmuka ammu pahuniga.'' ³¹Jiadinguka, hi Petrus natau tiddung anna pagaping, ''Jappa langkaku mati dengahinguka-Gu Ouwu, nyouwa dajianga pahunimagugu Ouwu! ''Manga, ngaradukada dudda mearaboluna napatikidaHI YEHU TAKAHIBU GETSEMANI³²Mang nouwu, tomadanyaka tapadoungu nam ngarang Getsemanina, panewinanyaka winnajaka damuritu-Na,''Ngoduyaya yayi Kakku habayang Nyouwa.'' ³³Manga, jiayaka hinna maraija hi Petrus, hi Yakobus jakka hi Yohanes adda oali-Nya, walinounaka anna mange'at jakka tiddi harridiana-Nya. ³⁴Jiayaka hiwinnaja, ''Napangadangu-Gu dokku hadukkaya, Kutikki hamati. Enga pangalakadingu yayi jakka marommatking.''³⁵Namarouka hakuduku, nakaradda ta tana anna habayang, walugarrapananya Kakku higganya awin-Na. ³⁶Mang jiayaka Hiwinna, ''Ama, ngaradukana Mupeabollunya. Dekiyaya nei nam einya lahi Nyouwa. Jiadinguka, abbi jiaya nawukku-Gu Nyouwa nam jaji kajiakaya nahawukku-Mu Ouwu nam jaji.''³⁷Manga nouwu, ammi bali-Nyaka tomanajaka damuritu-Na atanga juddada, mang winnanya hi Petrus, ''Simon ga himmu juddali? Danna bihahingumang ammu nam hangi jammuna? ³⁸Marommatung mang habayang abbi mikana'u talimma mapagoada. Nadeawada napakeri oata jiadinguka narouda nam lujja oatang.'' ³⁹Mang attujellapanyah anna habayang napanewina tanoujellanah.⁴⁰Mang ammi bali-Nyaka tomajellanajah adda judda kadang dokku buatu oataha dawuamatada, mang dadda hillu pea'amanguha papagapi-Nya. ⁴¹Mang nouwu, amminyaka hi Yehu nahapadillu wudda waingu-Na mang winnajaka, ''Nyiami juddaminyah ammi deki hanguhumi? Tutukka nou, tamadanyak narahina. Pateting, na Ana Maraba Alla aharakanya talima tou bokkalu jakka tou habuatung. ⁴²Kiddiyaya, maiyaya kahalakuda. Pateting, nam haraka-Ga Nyouwa lihidanyak.''APPADANYAKA HI YEHU⁴³Dapalli waihingumanya, tanga bangat panewi hingukinah hi Yehu, hi Yudas namuritu-Na napatouma habulu maduawaiha, amminya anna maraingu toudangu nam duka katopu jakka horrakuna, dapapaleawada da kapala imam jakka dam peangu Taurat datou pa'ati ta Yahudi. ⁴⁴Dunna nam haraka-Nya nawoaja tada, mang winnaka, ''Natou napangidihug peala jiadiyaka Dunna. Appaya-Ya marommatu-Nya abbi napalai. ⁴⁵Mang nadukika hi Yudas, hawingungnanyak anna lihi-Nya hi Yehu winnak, ''Gurru!'' jiayaka hinna ngidihuya hi Yehu. ⁴⁶Mang nouwu, hamannudanyak hi Yehu adda appa-Ya.⁴⁷Jiayaka, nam hatouna na'oalida nam dedi, hinna lihuya nakatopuna hinna kahapi wuakahiluya natou papaleawana na Imam Bakul. ⁴⁸Mang jiayaka hiwinnaja hi Yehu, Mohikaka nyiami hi ammigimi adokku katopu dokku nibbumi ammi appa-Wa Nyouwa toungu tou keadu? ⁴⁹Wehango-wehangu Ku-oaligimi ta umma pingi pahabayang Akku ajarumi, jiadinguka dammi appadi-Waka Nyouwa. Hikerijajina yayi, pahupudanya na'ihina nahurrat bakul.'' ⁵⁰Mang jiayaka, ngaradukada dudda hidda palai jijakku-Nya.⁵¹Einya hatou nabuamoani nam keriya hi Yehu, nam tiddi waingu regi habinnang. Mang appadanyaka dudda, ⁵²jiadinguka dunna mattananyaka naregi habinnanguna mang hinna palai kalolu.ADDA EALUNYA HALANA HI YEHU DAM PAREAHA YAHUDI⁵³Mang nouwu, maraidanyak hi Yehu ta Imam Bakul. Ngaradukada da kapala imam jakka dam peangu Taurat pakehabollung danyaka. ⁵⁴Dunna hi Petrus keri wali marounanyak hi Yehu, lappak anna toma tahaga ummana na Imam Bakul. Tomaka noulau ngodunanyaka anna dirung api.⁵⁵Dudda da Imam Bakul jakka da Mahkama Agama manyerradanyak halana hi Yehu kamma pikki hamati-Ya awidda, jiadinguka dadda reggamanya hakudduk tekka halana. ⁵⁶Kadangu anna dangu natou, nam pakitung anna ealunya halana adda ge'a-Nya, jiadinguka napahilu madou matta wikkingu napanewida.⁵⁷Mang nouwu, dam toumapirrah datou dedidanyak adda woangu hilu pakitung adda ge'a-Nya hi Yehu, mang widdak, ⁵⁸''Nyiama maranguya anna panewi awin-Na, 'Nyouwa Kuweharu hinguyaha na Bait Alla pawolu tourara, mang tadalu tillu boladdu, Kupakiddiya baliya nam heaka waling napawolu tourara.'' ⁵⁹Atonou'ana, gannanya napa langa ittawaida wuamata danna meara pareggamang adda panewinya.⁶⁰Mang jiayaka, na Imam Bakul hinna dedi tapaduada anna tutturu-Ya hi Yehu, winna-Nya,''Penya Ouwu dammu pagapimaja datou adda tutturuya napaittada lahi Ouwu adda ge'a-Gu?'' ⁶¹Jiadinguka, Dunna tiddi kawannaruna-Nya danna pagapimang. Napatuttur jellapaha na Imam Bakul lahi Yehu winna-Nyak, Penya Ouwu jiawuka Mesias, Ana Alla napahodu?'' winna-Nya. ⁶²Manga, winnaka hi Yehu, ''Nyouwa jiadiwak Dunna, touna nyiami mi'ittayaha na Anan hi Moiri anna ngodu ta karaha lawana-Na nam reihi Pakuaha mang hidda pamaraingu a'ammija tajoanga awang ta majaga.''⁶³Manga, hadanni hirrananya nakoapina, na Imam Bakul winnak, ''Mang ga jiata hi hiluwaiwaling hakhi? ⁶⁴Nyiami miranguyaka appahala-Ya. Beinya nappa bottahumi?'' Mang jiayaka dudda ngaradukada hidda bottahuya ahamati-Ya. ⁶⁵Walinounak hawanguk natou einyak nam padoini-Ya, datoadinanya nangoara-Na, hidda jurra-Ya mang widda-Nyak, Panewiya gannanya nam jaji nimmi baru!'' Dudda dapangawalu tarimada-Nyaka adda kababa-Ya.HI PETRUS ANNA HANGAJA DAPEANYA HI YEHU⁶⁶Tanga einya hi Petrus tahaga ummana na Imam Bakulu, amminyaka hatou nam winni nam kerrang ta Imam Bakul. ⁶⁷Mang jiayaka, hinna ittaya hi Petrus anna dirung api, mang nam winni weiga patetinanyak hiwinanya, ''Ouwu maraijellamunya hi Yehu, natou Nazaret nei.'' ⁶⁸Jiadinguka, hi Petrus napahuninya mang winnak,''Nyouwa dakku peamanya mang dakku appa hingumaya gannanya napapanewimu.'' Mang nouwu, hinna halaku binna lohung, jakka damanu wolu dudda pakukudanyak.⁶⁹Nam winni kerrang weiga nei na'ittajellapayaha hi Petrus jiayak hiwinnaja datou dam eija adda dedi,''Natou neiyi oali de'adaka dudda winna.''⁷⁰Jiadinguka, napahuni jellanyah Dunna. Manga, daddi nam deimaha, natou nam dedi widda jellanyaha hi Petrus,''Ukkuna ouwu nanni oalide'ami kadangu ouwu nanni touwu Galilea jellawu widdanya.''⁷¹, Jiadinguka, Napayura mang hinna parungu,''Nyouwa dakku peamanya Natou napawimming!'' ⁷²Damma deihingumaha, damanu wolu pakukudanya adda paduang, dunna hi Petrus namunanyak napalanga papanewina hi Yehu lahi dunna, ''Adaddi dapaduang damanu wolu adda pakuku, ouwu baddi padillu wuddangmuk ammu pahuni-Ga Nyouwa winnanyak.''Jiayaka, hi Petrus danna hillu tarrumanya nahouna.

Chapter 15

¹Babaru hinguka, da'kapala imam, datou pa'ati jakka dam peangu Taurat lappak ngaradukada da Sahedrin pakehangdanyak adda bejaruya. Mang jiayaka, hidda pinya hi Yehu, mang hidda haraka-Nya lahi Pilatus. ²Mang nouwu, hi Pilatus tutturna-Nyak,''Penya Ouwu Raja tou Yahudi-Wu?'' Manga, Dunna pagapingnanyak, ''Ouwu mupanewinyak.'' ³Mengalika nouwu, dakapala imam darekka noumaya napahalada-Nya hi Yehu.⁴Manga, hi Pilatus natuttur jellapa-Yaha, ''Penya dammu pagapimang? winna-Nya. Ittadiha, dokku danguha damma pahala-Wu adda ge'a-Gu.''⁵Jiadinguk atonouana, hi Yehu danna hillu pagapi jellamanguha jiayaka hi Pilatus hinna kabarra denga-Nya.HI YEHU JAKKA HI BARABAS⁶Atomakayaka na Laddu Rahi Paska, hi Pilatus enga pabeabahunaha hatou waling tatou hukkung agearaya napawukkung. ⁷Jiayaka, einya nam hatouna hi Barabas nahawiddang napahukku pamaraingu tatou keadu dam hamati oali touda. ⁸Natou dangu aminya anna kareiya hi Pilatus kanna pikki pahalakuya naha langa damang anna pahalakuya awidanya.⁹Jiayaka, hi Pilatus hinna pagapija hiwinnaja, ''Penya nam mibuhading kakku pabeabahugiminya nei na Raja tou Yahudi?'' winna. ¹⁰Hiwinna noungu, dunna napeaja toukada hei da kapala imam adda harakanya hi Yehu mulana adda kihu-Nya. ¹¹Jiadinguka, da kapala imam dahutaya natou dangu kadda kareiya hi Pilatus kanna pikki pabeabahuya hi Barabas awidda.¹²Manga , winna jellapajaha hi Pilatus, ''Atonoukanaka, gikki nouhingugunyah nei Natou na Raja tou Yahudi nahawimming?''winnaja. ¹³Mang jiayaka, hukka patiwungdaka dudda, ''Harikkaya Dunna!'' awidda.¹⁴Manga nouwu, hi Pilatus winnajaka, ''Ga hiharikkali-Ya? Gannanya dam kallung nahawolu-Na?'' Jiadinguka, taba kadoakadaka adda patiwung, ''Harikkaya Dunna!''awidda. ¹⁵Kanna pikki pijalu na atida winnaka, hi Pilatus dunna pahellananyaka hi Barabas anna pabeabahudanya, dakoajayaka hi Yehu, jiayak dunna hinna haraka-Nya aharikka-Ya.HI YEHU APAMARIHAKUYA JAKKA APAMAWILLAYA¹⁶Mang dudda da prajuritu maraida-Nyak hi Yehu adda patamanya ta istana, ta uma pingi pa'uruhu, mang hidda kamaikaja ngaradukada da pasukan adda pakehang. ¹⁷Mang nouwu, pakennada-Nyak koapi ma'ungu, jakka dangananya namahkoata nam eingu riina, hidda pakennana-Nya hi Yehu. ¹⁸Manga, woada-Nyak lii, ''Waiwuka, Raja tou Yahudi!''¹⁹Mang hidda palunanya na katiku-Na wainya ai ouw, dappa doini-Ya, mang nou hidda karadda-Nya. ²⁰Damengaka pa'olukuya hi Yehu, dahellinanya nakoapi-Na nam ungu, mang hidda pakenna balinanya nakoapi memma-Na. Menga nouwu, maraidanyak hi Yehu adda lippi harikka-Ya.HARIKKADANYAKA HI YEHU²¹Mang dudda dapakhaya natou nam tanga halaku analii noungu, hi Simon natou Kirene, walinimina taparaingu, na amada hi Aleksander jakka hi Rufus, kanna deituya na ai'harikka-Na awidanya.²²Menga nouwu, maraidanyak hi Yehu tapadoungu ta Golgota nahawiddang, mang na artina ''Padou Riimamati widdanya''. ²³Hidda woa-Nya anggur papaha'urung mur, jiadinguka Dunna danna dekimaya. ²⁴Manga, harikkadanyak Dunna, hidda hirraya nakoapi-Na mang hidda bariya lahi dudda, dale'aya nakajirrakuna adda waingu pa'undiya kapikki peanya nahakoling hatou-hatou awidda.ANNA MATI HI YEHU³³Tomayaka na jam kanammuna, jajinanyak nakapettang ngaradukana napadoungu nou lappaka ta jam nam kahiwana. ³⁴Tomayak na jam nam kahiwana, hi Yehu patiwungna-Nyak anna paroangu, nam winna ''Alla-Gu, Alla-Gu, mang ga Ouwu Himmu jijakliga Nyouwa?'' ³⁵Mang daranguyaka, datou dam dedi talihi-Na widdaka, ''Itakiyah! Dunna kamaikananya hi Elia.''²⁹Mang nouwu, dudda ngaradukada datou dam lihoungu adda halaku, da'olukuya hi Yehu adda kaddukuja daka tikuda mang hiwidda adda panewi,''Hee! Nanni Ouwu nam weharuya na Bait Alla mang Himu pakiddi baliya tadalu tillu boladdu, ³⁰pamorrik wikki-Muya Kammu pikki purung waling ta'ai harikka!''³¹Toujellada dakapala imam, jakka dam peangu Taurat, adda pamarihhakuya hi Yehu mang hipawidang wikkida, ''Natou hawangu napamorrikuya, mang na'ihi wikki-Na danna bihamang! ³²Jemmakadinya na Mesias, na Raja Israel, kanna purung waling ta'ai harikka kata'itaya mang hitta parhaya.''Dudda da'oalin hi Yehu aharikkaha toujellada adda pamarihaku-YaANNA MATI HI YEHU³³Tomayaka na jam kanammuna, jajinanyak nakapettang ngaradukana napadoungu nou lappaka ta jam nam kahiwana. ³⁴Tomayak na jam nam kahiwana, hi Yehu patiwungna-Nyak anna paroangu, nam winna ''Alla-Gu, Alla-Gu, mang ga Ouwu Himmu jijakliga Nyouwa?'' ³⁵Mang daranguyaka, datou dam dedi talihi-Na widdaka, ''Itakiyah! Dunna kamaikananya hi Elia.''³⁶Manga, einya nam hatouna amminya anna palai anna iddiya na anggur manyilu hinna tauya ta'ai ouw, napajoalanya hi Yehu kanna inunya awinna, mang hiwinna, ''Katta itaya hi Elia ammikadinya anna hapuru-Nya waling ta ai harikka Dunna.'' ³⁷Mang jiayaka, nahillu patiwunguka hi Yehu anna paroangu dukananyak nahangahu-Na. ³⁸Natoddana na Bait Alla nam jirrak parapadua wali deahang lappak nuttu wawa.³⁹Jiayaka, nakapala pasukan, nam dedi anna haganya hi Yehu, na'ittayak nahada dukkana nahangahu-Na hi Yehu, winnak, ''Padenitekkang, natou nei jiayaka na Anan hi Alla!'' ⁴⁰Noulauwu eijellaja dam winni dam pateti dikki rou-Nya, dam eija hi Maria Magdalena, hi Maria na inana hi Yakobus bua tou oalida hi Yoses, jakka hi Salome. ⁴¹Atanga einya hi Yehu ta Galilea, jiahaka damma keri-Ya adda laya-Nya. Mang noulauwu eijellaja dam dokku danguha dam winni hawanguk damma marainya hi Yehu ta Yerusalem.ATANUNYA HI YEHU⁴²Tomayak anna riddung, mulana naladu nouwu ladu hadiayaka, nanadidanya naladu miggu,amminyaka hi Yusuf natou Arimatea, dunna anggoata Majelis Bakuluya napapa'akang, dunna jiajellayaka nam nanadinya na'amminya na Karajaan Alla, danna mang'atmang nahalaku anna haganya hi Pilatus hinna kareiya nakamati-Na hi Yehu. ⁴⁴Hi Pilatus darekka kapodukmaya anna ranguya hi Yehu anna mati. Kamaikananyaka nakapala pasukan hinna tutturuya, penya namati tekkaka hi Yehu winna.⁴⁵Anna kollinguka hapeanya hi Pilatus waling ta kapala pasukan, jiayaka dunna hinna pahelanya hi Yusuf anna dekiya nakamati-Na hi Yehu. ⁴⁶Jiayaka dunna hi Yusuf hinnahii-Nya kaba lenan apadedda-Nya hi Yehu ahapuru-Nya waling ta ai harikka, hinna pamaturu-Ya tako'a watu napabua hakka tapingi hapogu watu. Manga, nakegalunya hangi nawatu tabinna ko'ang. ⁴⁷Hi Maria Magdalena jakka hi Maria na inan hi Yoses jiaha dam ittaya napingi pamaturuda-Nya hi Yehu.

Chapter 16NARANGUDANYA ANNA KIDDI BALI HI YEHU

¹Loppahudanyak naladu Miggu, hi Maria Magdalena, hi Maria ibu Yakobus, jakka hi Salome, dakollinguka minya wouhirrit adda hii, hidda halaku kamma taunya minya hi Yehu awidda. ²Babaru hinguyah, taladu hangi miggu nouwu, buahihungana na mataladu, amijak dudda ta rati.³Pawiddang wikkidak dudda, ''Gearaya nam kegalunya nawatu waling tabinna watu rati nei?'' widda. ⁴Jiadinguka, dapateti haga deahanguka, ittadanyak nawatu bakul a'eingu makegalunya.⁵Manga, datamak tarongu ko'ang, ittadanyaka nam hatouna nabuamoani nam waingu koapi kaka atanga ngoduna talawana mang jiayaka hidda kapoduk. ⁶Mang jiayak hiwinnaja,''Abbi mikapodukding, nyiami manyerraminya hi Yehu natou Nazaret napa harikka. Nakiddi balika. Dae'manyaha ya. Patetinya napingi pamaturuda-Nya. ⁷Atonoukanak mihalakuyaya, tikkidanya namuritu-Na jakka hi Petrus attunyaka anna moulugimi nyiami ta Galilea. Noulauw peala miparegga denganya Nammu, keriya napalanga tikki memmanagimi.''⁸Mang nouwu, dudda lohungdanyak adda palai waling ta rati adda kadaddak jakka adda kabarra denganya, da'eihingumang hatoutekka pingi hapeakadanya kadangu adda mange'at.[Mang napalanga tikkidaja weiga nou anna paleawaha kadda tikkinanya hi Petrus jakka da'oalina awiddaja,adda patomanya dadda tikki bollumaya. Jiaya menga nouwu, Dunna wikkika hi Yehu nam paleawaha wali noungu ta Timur lappak ta Barat, kadda peakaya nawini nam tiddi damma molahu nam hagang ta morrik malodung. Amin.]HI YEHU PATEKKANG WIKINANYAKA TAMURITUNA⁹Anna kiddi bali hi Yehu tababaru ladu hangi tadalu miggu nou, napahungang wikki mouluna lahi Maria Magdalena dapalanga hellina damoritana dam touma pituha anna wuggaha waling ta'ihina. Mang jiayaka hinna halaku anna lippi peakaja dudda damma langa keridanya, tanga hadukada adda hou. ¹¹Jakka jiadinguka dudda adda rangu'aya anna morrik bali hi Yehu, dadda waimanya.¹²Tahabalina nouwu, napahungang wikki jellapanaha anna pahadang tou hawanguk lahi dudda atanga halakuda adda hagang ta praingu. ¹³Mang jiayaka, hidda bali adda peakaja hawanguk, jiadinguka hawanguk hei dadda waijellamaja.PANEWI DENGANAJAKA HI YEHU DAMURITUNA¹⁴Menga nouwu, Dunna patekkawikkinanyak jiayaka nahada-Na tamuritu-Na dam touma habulu hangiha atanga anguda hinna ngikidengaja kadangu adaddi daparhayaya mulana nakawatu atida. Mulanaka adadda parhayaya natou nam langa ittana-Nya anna mengaka hakiddi bali hi Yehu. ¹⁵Mang Dunna winnajak, ''Halakuyaya nahi napinu tana patomanyaya nawini-Na hi Moiri ta ngara dukana nam morrik. ¹⁶Gearaya nam langa parhayana ihuyaya kapikki pamannumaraya, jiadinguka gearaya dam parhaya enga hukkudanya.¹⁷Jakka eingu tadana nam keriha dudda dam langa parhayada; Tadalu Ngara-Gu dawurutunya namoritana; dapanewi waingu hilu mabuang; ¹⁸Dakerraja da maddu waija limmada; jappa langaka da'inukang moru hamatidengangu, dadda matimangu; adda taukayak nalimmada tapinu ihina natou kadauku nateggah memma.''DEAHANG NANYAK HI YEHU TA SURGA19 Mangaka, anna mengaka papanewi dengaja hi Moiri Yehu, Dunna deahang nanyaka anna madeddikungu ta surga jakka ngodunanyak ta lawanana hi Alla. ²⁰Jiayaka tahabina nouwu, dudda halakudanyaka adda lippi papeakangu tabayayaka, jiadinguka hi Moiri nakerra maraija jakka hinna pakullihuya nawini-Na anna paledinounya ta tada biaha nam hunga marainya.

Luke

Chapter 1NAKAWUNGA PALARADANYA

¹Nadanguka natouwu nam palaranya tahurrat tu'ana nam jaji tadalu morrikuda jiata, ²nam hamearang tahurrat napapatomada jiata datou dam moulu adda ittawainya mata jakka damma patomanya nawinina hi Moiri. ³Kadangu nyouwa langa balajar bollugujakka wainya pangadang waling nakawungana, jiakadiyaka nyouwa kutuliya kakku pajurrugiminya nyiami, nanni dummu Teofilus akku deawagu, ⁴touna ouwu kammu pikki peanya nam kallung agananya napa langa peakadagu a'ajaruwu.RANGUDANYAK NAHILU TU'ANA HI YOHANES MAPA'IHU⁵Atangaya anna pareaha hi Herodes, na Raja Yudea, einya nam hatouna na imam nam ngarang Zakharia nam waling ta kalompok Abia. Na araweina mapatuu'ihinguha hi Harun, na ngarana hi Elisabet' tuya. ⁶Hi Zakharia jakka hi Elisabet jiaha dam tiddi tahagana matana hi Alla. ⁷Jiadinguka, dudda da'eimang anada mulana hi Elisabet anna wotu mang langa loppah matuadaka.⁸Tomayaka narombonganada adda tugahu,dunna hi Zakaria nakolling tugah anna jaji imam tahagana hi Alla. ⁹ Keriya napalanga damada dam jaji imam, hi Zakharia nakenna pedi awaingu undi natama ta Bait Alla anna tunuha dapama nuatu waingu. ¹⁰Atanga tunudaja dapama nuatu waingu, ngaradukana na umat habayangnanya tahabali hiddi.¹¹Dapalli waihingumanya, na malaikat anna patekkang wikkina lahi Zakharia mang dedinanyak takaraha lawana pingi patunudaja dam manuatung. ¹²Anna ittayak nei malaikat, hi Zakharia goadananyak anna mange'at. ¹³Jiadinguka nam malaikat winnanya,''Abbu mange'atmang, Zakharia, kadangu nahabayangumu rangugunyaka. Na'araweimu, hi Elisabet, enga pa'ananagu moani mang kammi pangaranya Yohanes¹⁴Mihagga ihidenganya jakka mi'egi atidenganya, mang nadaa jellang natou nam egi atidengagiminya najajina. ¹⁵Dunna jiaya nam mangu hiina tahaga-Na hi Moiri mang danna inumang anggur jakka weimawuk hawanguk. Walimemmanguka atta kabuya appabiahaya wainya na Hangahu Matua.¹⁶Jiayaka dunna peala nam patiddinya natou Israel hinna keri baliya hi Moiri, na Allada dudda. ¹⁷Jiayak nammu nam moulunya larangi hi Moiri, wainya nawaddina jakka nabiahana hi Elia, touda da atida dam bokul kadda pikki habaling adda namuha da anada. Dunna jellaka nam patiddija datou dam hillir hidda manyerra balinya nam kallung. Mang nouwu, nahadianya tou napapatidding nam keriya hi Moiri.''¹⁸Winnak hi Zakharia anna panewi denganya na malaikat nei, ''Gikkinoukaguka nyouwa kakku pikki peanya agannanya nam jaji nei? Hiwiggunoung, nyouwa kukaweadaka jakka na arraweigu naloppah jellaka nakaweadana.'' ¹⁹Pagapingnanyak nam malaikat, '' Nyouwa jiawak hi Gabriel, malaikat nam dedi tahaga-Na hi Alla. Nyouwa paleawadaga lihapanewi dengagu apatomagunya nalii kallung lahi ouwu. ²⁰Jiadinguka, ya kammu ranguyaya! Nyiami enga kabangami jakka dammi peamang papanewi lappak paeala hudda anna jaji nei mula adammi wainya nahatikkigu, namma patu'ang peala atomakayaka narahina.''²¹Jakka jiakayaka neiyi, dunna na umatu tangir nadinanyah hi Zakharia. Patuto-tuturwikidanyaka gawali hi Zakharia hidokku madei'oataya taroangu Bait Alla awidda. ²²Tomayak anna lohung, hi Zakharia kabangananyak hidanna piaku papanewi dengaja. Duddakaya dapeanya hi Zakharia langa einguka pa'ittana papatekkadanya ta Bait Alla, kadangu anna waingu pamoddukuja adanna peangu papanewi. ²³Natomaya anna pahupuya natugahuna anna jaji imam, balinanyak hi Zakharia ta ummana²⁴Tahabalinak nam jaji nei, hi Elisabet pakabunanyak mang hidanna patekkawikina tadalu lima wulang. Winnak dunna anna panewi, ²⁵''Nei jiayaka nahawolunaga hi Moiri nyouwa. Dunna napatetitekkaga jakka napoddahugaja damma marihak ta'oali nam dangu.''APARANGUNYA NATU'ANA HI YEHU KRITU²⁶Tomayaka napa nammu wulla waina anna pakabu hi Elisabet,Dunna hi Alla paleawananyaka na malaikat Gabriel tam hangina na koata nam einya ta Galilea na Nazaret nahawiddang. ²⁷Dunna paleawadanya lippi paregga denganya nam hatouna nalakeada mawinni nam bohi gaggar, mang ahi jiaya hi Yusuf nahuhuna hi Daud nam hunga kakku dekiya awinna. Nangarana hi Maria widdanya. ²⁸Mangaka, amminyak nam malaikat anna tomanya hi Maria hi winnanya, ''Waiwuka, ouwu napawoangu kanyuru! Hi Moiri na'oaligu.'' ²⁹Naranguyaka awinna noungu, hi Maria tiddi kabarra dengananyak. Gannanya ya oali napawinna dengaga winnak ta atina.³⁰Jiayak nam malaikat hi winnanya, ''Abbu mange'atmang, Maria, kadang hi Alla nawoagunyaka nabiaha madi-Na lahi ouwu. ³¹Kammu ranguyaya, ouwu mupakabu manga himmu pa'ananya hatou na Lakeada moani, mang himmu pangara-Nya Yehu. ³²Dunna jiayaka napapa'akang mang hi Ana Alla ta Padoungu Majaga widanya. Hi Moiri nawoana-Nya napadouna hi Daud, na boku-Na. ³³Dunnaka nam pareahaya dahuhu jakka dalabbina hi Yakub lappak anamuri mang na karajaan-Nan danna dukkamang.³⁴Manga, winnaka hi Maria anna panewi denganya na malaikat, ''Gikki neikana naha tiddi jaji oata, touna nyouwa daddi eikadingu laagu?'' winna. ³⁵Napagapinguka na malaikat hi winnanya, ''Nahangahu Matua aminya lahi ouwu jakka nabiahana hi Alla Tamma Jaga jiaya oaka galluwu. Jiaya atonounaka, na Lakeada nam jaji neiyi jiayaka nam biaha madi hi Ana Alla naha widdang.36 Manga, kammu pikki peamemmanya, atouna na angumahawumu hi Elisabet, pakabu kaweada jellananya. Dunna yannag mawotuyak widdang, atounak nou nammu wullanaka anna pakabu. ³⁷Hiwiggu noung, da'eimang dappa bihana hi Alla.''³⁸Mang jiayaka, hiwinna hi Maria,''Adekikayaka nam padening, Nyouwa wihi limma-Naga hi Moiri. Kanna jajika ta'ihigu agananya nahawimung.'' Mangak nouwu, halakunanyak na malaikat anna jijakunya.HI MARIA ANNA LAPPA EALUYA HI ELISABET³⁹Tomayaka naladu nou weiga, hadiananyak hi Maria kakku halaku ta praing tadulla, nam eingu koata ta Yehuda awinna. ⁴⁰Tomak noulau hinna tama ta ummana hi Zakharia mang hinna ngidihuya anna patomanya nalii lahi Elisabet. ⁴¹Naranguyaka nalii napapatomana hi Maria, na anana takabu dunna kagoyaknanyak jakka hi Elisabet dunna pabiahananyak Hangahu Matua.⁴²Mang jiayak hi Elisabet panewinanyak anna patiwung,''Mumariirikang ouwu waling ta ngaradukada dam winni, namriirikang na anamu takabumu. ⁴³Gearakiwak nyouga oali yayi hi keri ammigu ouwu na inana na Moirigu? winnak. ⁴⁴Natu'a tekkangu, akku rangukiya nalii patikkimu, nalakeada takabugu natakahuk tekka anna reaha. ⁴⁵Nakanyuruka dunna nam wainya agannanya nahatikkina hi Moiri lahi dunna enga pa'ihinguna anna pahupuya.''ANNA MANYANYI HI MARIA ANNA HALIYA HI ALLA ⁴⁶Winnak hi Maria, Na'atigu nadeadu oata lahi Alla, ⁴⁷mang napangadangugu nareaha oata lahi Alla, napingi morrikugu.⁴⁸Mulanaka, hi Alla langa kiranagaka koku nyouwa dam peangu anna wihi limmaga neiyi. Ranguyaya, waling taladu ya lappakung baroo-baru, ngaradukana nam jaji tou, waiyaka enga winnaga nyouwa. ⁴⁹Kadangu Dunna nam peangu peaha-Na langa hapurunaganyaka nam buatu lahi Nyouwa, jakka kanna biahayaya na ngara-Na.

⁵¹Dunna napatekkanyak nabiaha-Na talimma-Na. Dunna nam paka'ihakuya natou nam katadak jakka nam lojjur na atina.⁵²Nahapuru balija dam jaga nam padouda hi eija tabarra wawa, mang hinna padeataha tam jaga datou nam mareda atina. ⁵³Napabihuya natou nam karobang anna woanya madehha, jiadinguka nawurutunya natou nam dedi hinna halaku da'eingu habali idina.⁵⁴Hi Alla langa einyaka napanamunguna anna gatanya na Israel, na wihi limma-Na, kadangu anna namuya nabiaha-Na. ⁵⁵Keriya nahalanga winnaja Dunna daboku da'appuda jiata, lahi Abraham jakka dalabbina lappak anamure-anamuri.⁵⁶Manga, hi Maria enganaka anna oalinya hi Elisabet tillu wullana madeina, hinna balita ummana. JAJINANYAKA HI HI YOHANES MAPA'IHUYa tomalidanyak narahi pa'anana hi Elisabet anna pa'ananya nalakeada moani. Touda dudda da'oali lihi ummana jakka da'oali jajina daranguya alanga patekkananya nabiaha madi-Na hi Moiri lahi Elisabet, jiayak dudda hidda reaha atidenga jellanya.⁵⁹Tomayaka nawalu boladduna, ammijaka adda lappa pangaranya nalakeada. Mang hidda pangaranya Zakharia mearang nangara amana. ⁶⁰Jiadinguka, na inana winnak, ''Da'amang, pangaranya Yohanes winna.'' ⁶¹Panewidanyak datou awiddanya hi Elisabet, ''Da'eimang hatou tekka oali jajida jiata mapangarang ngara matanoung nei widdak.''⁶²Mang nouwu, waidanya tada adda kamoddukunya hi Zakharia atuturuya gearaya na ngara napabuhana appa ngaranya na anana nei. ⁶³Nakareiya hi Zakharia nakapabal patuli waingu, hinna tuliya, ''Pangaranya Yohanes'' hiwinna. Mang jiayaka ngaradukana natou hinna kabarra denganya.⁶⁴Taladdu nou jella, tawehhananyak na a'ana hi Zakharia jakka nalemmana maloayang balinanyak. Walinounaka anna panewi jiayaka hinna haliya hi Alla. ⁶⁵Ngaradukana na'oali lihi ummada habali mange'atungdanyak mang nam jaji neiyi jiayaka napapanewi waingu taloada praing tadulla ta Yudea. ⁶⁶Natou nam ranguya nam jaji neiyi waingu pa'ati dalu juananyak anna patutturunya, ''Gannadikanyak peala nahajajina nei nalakeada?'' awidda. Kadangu nalimma-Na hi Moiri jiaya nam hamannuya.HI ZAKHARIA HALINANYAKA HI ALLA⁶⁷Hi Zakharia na amana hi Yohanes, papabiaha wainguya Hangahu Matua jakka mamanyurraya, winna, ⁶⁸Roruwaiyaka hi Moiri, na Alla Israel, kadang napanamunguna hinna deki baliha da ana-Na.⁶⁹Dunna langa pakiddibalinanyak napingi ai pamannu maradengangu nam waling talabbina hi Daud, nawihi limma-Na, ⁷⁰keriya nam langa einya ta winina, awaidaja da a'ada da nabi-Na dam warah waling nakawungana ⁷¹touna jiata kapikki mannu mara waling ta muhuda, jakka waling talimmada ngaradukana natou nam hukkada ati jiata.⁷²Nahawoluna Dunna napatekkanya hinna patekkanya wainya na biaha-Na taboku ta'appuda jiata, mang kadang anna namuya nahalanga bottahui-Na nam warah, ⁷³mang alanga parungunaka Dunna taboku ta'appuda jiata, lahi Abraham, ⁷⁴atouna jiata napalikaloagada waling tamuhuda nam doku danguha, kapikki piaku atta laya-Nya hidatta mange'at., ⁷⁵tadalu makallung jakka mapadening ta haga-Na, lappak hudda pahupudanya namorikuda jiata.⁷⁶Jakka ouwu anagu nabi Alla tapadoung Majaga widdagu, mulan ouwu namma moulu ammu hadia-Nya larangi a'ammi-Nya. ⁷⁷Kammu pikki woaja pangadang kadda peanya nalarangi nam hagang ta morriku malodung, hikolinya tahikkaljah dadoaku jalada daha poddah .⁷⁸Kadangu nakanyuru jakka namilla ati-Na na Allada jiata, namataladu napawahada waling tapadou majaga ⁷⁹hinna pawahadanya dudda dam engang tam kapetang jakka dam eija ta mawu hamati dengang, hinna patiddidaja dawihida jiata hagang talarangi nam ba'ung nam gukku geila.''⁸⁰Tabananya nam tuana dunna nalakeada nei, jakka tabakullihunak napangadanguna anna kolling peangu. Enganaka taka pubung lappak hudda atomaya narahi patekkang wikina tatou Israel.

Chapter 2NASENSUS JAKKA NAJAJI HI YEHU KRITU

¹Tanga nou hingunya, hi Kaisar Agustus anna pahalakuya napareahana atulinanya na ngarana ngaradukana natou tapinu tana. ²Nei jiahinguyaka nakawunga tulidanya na ngarana natou anna jaji gubernur hi Kirenius ta Siria. Jiayaka, ngara dukana natou hinna bali ta tana wikkina anna lippi tuliha da ngarana.⁴Toujellana hi Yusuf najijakunya na Nazaret, nakoata Galilea, mang hinna halaku ta Yudea, ta koata Daud ta Betlehem, kadangu dunna alabbinanya hi Daud, ⁵hinna lippi tuliya na ngarana jakka hi Maria toara araweina, nam tanga pakabuna.⁶Adda tomak hi Yusuf jakka hi Maria ta Betlehem, tomadanyaka narahi pa'anana hi Maria. ⁷Pa'anananyaka hi Maria na ana kawungana nalakeada moani. Nakaborrunya takaba kaka jakka hinna pamaturu-Ya ta ra'a kadangu adda eingu padoungu pingi pajudada.DAM JAWA BEABU ADDA ITTAYA HI YEHU A'ANARARAYA⁸Tapadoungu nouweiga, eija dam touma pirrah dam jawa beabu anna riddung taka pubung. ⁹Dapalli waihingumanya, na malaikat a'amminya anna dedi tahagada mang nabiaha-Na hi Moiri nakabillak tekka tahagada jiayaka hidokku mange'atuha.¹⁰Jiadinguka, na malaikat winna anna panewi dengaja,''Abbi mange'atmang ranguyaya, Nyouwa patomagugiminya nalii kallung tu'ana napa reaha atidengang napawoadanya ngaradukana natou tapinu tana. ¹¹Taladu yayi, einyak anna jaji na Ledi Morrikumi nyiami, hi Kritu, hi Moiri ta koata Daud. ¹²Nei einyaka natadana lahi nyiami; Nyiama peala miparegadenga-Nya na anarara napa kaborung ta kaba kaka mang hinna maturu ta ra-a''.¹³Mangaka, alolu ittadajaka adda maraija dam malaikat dam hakabuada adoku danguha da tentara surga damma manyanyi adda haliya hi Alla mang awidda, ¹⁴''Nabiaha jakka namadi lahi Alla tapa doungu majaga manga naweimaringu tapinu tana, tapaduana natou namma kenang ta'ati-Na widda.''15 Dajijakujaka dam malaikat hei dam jawa beabu adda bali ta surga, panewidanyak appa widdang wikida oali jawa beabuda, ''Maiya kahalakuda ta Betlehem kappatetinya gannanya nam jaji noulau, napa langa peakanada hi Moiri lahi jiata.'' ¹⁶Jiayaka, hidda pageahangu adda halaku mang hidda tomaja hi Maria jakka hi Yusuf, jakka na anarara napa kugiluda ta ra-a.¹⁷Da'ittakiyak hei dam jawa beabu Dunna na anarara, lolukdanyak nam jaji napalanga peakadaja tu'ana na Lakeada nei. ¹⁸Mang ngara dukana natou nam ranguya nahatikida hei dam jawa beabu tu'ana nam jaji jiayaka hidoku kabarra dengadanya. ¹⁹Jiadinguka, hi Maria tiddi taunanya ta'atina anna pangada pangalanya. ²⁰Manga, dudda dam jawa beabu balidanyaka adda tomaja dabeabuda mang wuatu hailadanyaka jakka adda haliya hi Alla mulana alanga ittadanya agannanya napa ranguda napa langa peakadaja.²¹Manga, atomayaka nawalu boladuna apangaranya na Anarara neiyi, pangarada-Nyaka Yehu, keriya na ngara nahawoada dam malaikat waling adadi natubuha ta kabu.A'ANARARAYAHA HI YEHU AMARAINYA TA BAIT ALLA²²Amengayaka naladdu pawarahwiki keriya napareahana hi Musa, hi Maria jakka hi Yusuf maraidanyak hi Yehu ta Yerusalem aharaka-Nya lahi Moiri, 23 keriya napalanga tuli tapareaha-Na hi Moiri, Ngara dukada dalakeada moani damma kawunga papabiahaha lahi Moiri nam winna. ²⁴mang hiwoangu manuatung keriya napalanga tikina tapareaha -Na hi Moiri, damma hangi pahanguda dam wurung dara jakka dam deida damearpati daddi makaweada.''HI SIMEON JAKKA HI HANA ADDA ITTAYA HI YEHU²⁵Einya hatou moani nam ngarangu Simeon nam engang ta Yerusalem. Dunna tou kallung jakka tou tiddiya, jiaya namma nadi pangalang na'aminya napakullih dengangu ta Israel, jakka na Hangahu Matua jiaya nam halaku iddiya. ²⁶Nahangu Matua waling lahi Moiri jiaya nam peakanya touna dunna daddi namatimaha adaddi na'ittakayaka hi Kritu napapabiaha madi-Na hi Moiri.²⁷Mang jiayaka, hi Simeon hi aminya ta Bait Alla anna marainya na Hangu Matuana hi Moiri, tangaya hi Yusuf jakka hi Maria adda marainya hi Yehu na Anarara ta Bait Alla adda keriya napapareahana nam hamannuya na Taurat. ²⁸Jiayak nouwu, hi Simon hinna hoppuluya na Anarara neiyi manga hinna haliya hi Alla, hiwinna, ²⁹''Toukana ya Moiri, annakaya Ouwu takaloaga ati-Mu Kammu pahelaya yanawihi lima-Mu kanna halaku waingu weimaringu keriya nawini-Mu;³⁰kadangu ku'ittawainyaka matagu napatulungu-Mu, napa langa hadia-Mu tahagana ngaradukana nam morrik tapinu tana; ³²ya jiayak nam wahang hinna itta ngara dukana nam einya tapinu tana daddi mapea-Gu Moiri, jakka jiayak nam napabiaha dengana na huhu ana-Mu na Israel.''³³Hi Yusuf jakka hi Maria damoiri Ana hei dakabarra denganya gannanya nahatikkina nei hi Simeon tu'ana Dunna. ³⁴Manga nou, jiayaka hi Simeon hinna habayaja anna kareija weimaringu, winnanyak nei hi Maria na inana hi Yehu, ''Kammu rangu, na Lakeada nei langa pedidanyak jiaya nam pakana'uya jakka nam pakiddiya natou Israel, mang jiaya natada napahikkaluna natou dangu. ³⁵(Mang, napagadangumu nam doru) jiadinguka na atina nam dangu enga tawehana.''³⁶Noulau eijellanya na nabiah hi Hana nahawiddang, na anana hi Fanuel nam waling tasuku Asyer. Dunna dokku kaweadayak. Tiddi jiameahaha regalaada pitu douda adda menga panika, ³⁷mang tahabalina nou, jaji mawini balunanyaka lappak awalumabulu douna. Dunna dajianga jijakmananya na Bait Alla, jiadinguka nahabaya pangalang riddung laddu mang napuaha jakka anna habayang. ³⁸Tomadanyaka nouweiga, aminyaka hi Hana dunna anna wuatunya hi Alla mang hinna lollukuya natu'ana hi Yehu tatou dangu nam tanga nadinguna mapalikaloagaya na Yerusalem.HI YUSUF JAKKA HI MARIA ADDA BALI TA YERUSALEM³⁹Damengak hi Yusuf jakka hi Maria adda pahalakuya napareaha-Na hi Moiri, balidanyak dudda ta Galilea, natana pingi hawalida, ta Nazaret. ⁴⁰Nalakeada Dunna taba matua-Nak, taba kulihu-Nak mang taba peangu-Nak, jakka taba pakanyuruna-Nya hi Alla.HI YEHU TA BAIT ALLA⁴¹Hangidoungo-hangidoungu, da inana jakka da amana hi Yehu dahalaku pangalang ta Yerusalem atomakayaka na paska. ⁴²Ahabulu dubba douna hi Yehu, dahalaku pangalang nutulauwu toujuangu nahalanga damada naladu rahi keha. ⁴³Damengaka pahuharungu, balidanyak. Jiadinguka, hi Yehu engana ta Yerusalem dadda peamanya da ina-Na jakka da ama-Na. ⁴⁴Dudda napapangadada einya Dunna tajoanga toudangu nam halaku widda, jiaya hidda pangalang adda halaku tadalu nam hangina naladu. Mang jiayaka hidda manyerra-Nya ta barra oali jajida jakka nimmi natou napapeada.⁴⁵Adadda ittayaka hi Yehu, balidanyaka ta Yerusalem adda lippi manyerra-Nya. ⁴⁶Heling tillu boladduka, ittadanyak hi Yehu ta Bait Alla anna ngodu tapadua gurru agama, anna kahilu jakka anna patuttur lahi dudda. ⁴⁷Ngaradukana natou nam rangu-Ya dokku kabarra dengada-Nya napeangu-Na anna pagaping agannanya naptutturda-Nya.⁴⁸Da'ittayaka da amana Dunna, duddakaya dakka kabarra jella. Mang jiayaka, na ina-Na hinna tutturu-Ya winnak, ''Anagu, ga Ouwu hitonouwalimugama nyiama? Na ama-Mu jakka nyouwa nadadartekka na atima amma nyerra-GU.'' ⁴⁹Napagaping hi Yehu winnajaka, ''Ga himmi manyerraliga Nyouwa? Dammu peamaga nam ouwu a'eiga Nyouwa ta uma Ama-Gu?'' ⁵⁰Jiadinguka, dudda dadda peamanya agannanya na ihina napatikki-Na lahi dudda.⁵¹Mang jiayaka, hi Yehu bali marainajaka ta Nazaret. Atonou'ana, na ina-Na tiddi bijalnanya ta atina nei nam jaji. ⁵²Taba matuanayaka hi Yehu mang taba peangu jellanak. Mang Dunna taba buha-Nanya hi Alla jakka tourara.

Chapter 3NAPAHALAKUNANYA NAWINI HI YOHANES MAPA'IHU

¹Tadoungu napa habulu lima waina anna pareaha hi Kaisar Tiberius, tang jaji gubernuruna hi Pontius Pilatus ta Yudea, hi Herodes anna jaji raja Galilea; hi Filipus na anguwuana hi Herodes anna jaji raja Iturea jakka Trakhonitis; mang hi Lisanias anna jaji raja Abilene, ²hi Hanas jakka hi Kayafas adda jaji imam Agung, aminyaka nawinina na Maraba Alla lahi Yohanes, na anana hi Zakaria, nam engang tamareda kapubung.³Jiayaka, halakunanyak hi Yohanes anna nahiya ngaradukana naloadana na Yordan mang hinna patomanya nahilu larana na'ihu napaharia waingu kapikki poddahuha da doaku jala,⁴keriya napatuli ta hurat bakul Nabi Yesaya: ''Neijiayaka nalii tou nam paroangu tamareda kapubung, 'Hadiayaya nalarangi lahi Moiri, patiddinya nalarangi lahi Dunna⁵Ngaradukada dakago'aku boanija, jakka ngara nam horu hadi palijakuya. Nalarangi nam halinga paluruhuya, jakka ngaradukada dalarangi damma lijjaku kappa midaruha. ⁶Jakka, kanna pikki itayaya ngaradukana natou namorriku malodung nam waling lahi Moiri!'''⁷Mang nou, winnanyak hi Yohanes natou dangu nam amminya anna ihuya, ''He nanni nyiami ana maleagu latta! Gearaya nam peakagimi nyiami him palai waling tapamawilladengangu?⁸Atonoukanaka, patekkanya natada hariami nyiami. Abbi tiddi tikki wikkikami, hi Abraham jiaya nabokuma nyiama abbi tiddi wimmika! Wi-Gu gimi nyiami, jappa kajiahingukaha hei dawatu, hi Alla nabiha anna pajajija anana hi Abraham!Jiadinguka, waling ya nakataka langa bijjaldanyak tapinu bo'u ai. Ngaradukada dapingi ai damma kallung wuada pogu luruhuha kapikki le'aha ta api.''¹⁰Tuturdanyak datou widdanyak hi Yohanes, '' Jakka atonoukanaka, gikki noukamaka nyiama?'' ¹¹Napagapinguka dunna winna, ''Natou dam duabellada dakoapina, nawoananyah hawella natou dam einguna. Jakka natou nam eingu pa'anguna tou jellana.''¹²Amijelajaka dam touma pirraha dudda dam tagu tagi hi katiku adda ihu. Tutturdanyak hi Yohanes, ''Gurro, gikki noukamaka nyiama? ¹³Jiayak hinna peakaja hi Yohanes,''Abbi tagi pareihimang hi katiku keriha dappa langa taudagimi hiida.¹⁴Dam touma pirraha datentara datuturuya, '' Gikki noukamaka nyiama? widdanya. Gannakanyak nahawoluma?'' widdanyak. Mang winnajak hi Yohanes anna pakapija, Abbi mi pakkah maya natouwu ammi kareiya riti, jakka abbi mi pakitu waimanya kanna woawaigama awimmi.¹⁵Atangaya ngaradukana natou anna nadinya narahi amminya na Mesias, waingu pa'ati daludanyaka adda patuturunya hi Yohanes, jiayaka hi Kritu atau dajiamaya awidda. ¹⁶Napagapija hi Yohanes winnaja, ''Nyouwa ku'ihumi nyiami waigimi wei. Jiadinguka, Hatouna nam reihi pabiaha waling lahi nyouwa nam amminya. Jappa apaheilinaja datara wihi-Na dakku tomamaha limma. Dunna jiaya nam ihu waigimi nyiami Hangahu Matua jakka api.¹⁷Napa panyawi einyaka ta lima-Na napa pawarah wainanya napadoungu pingi pataudanya nam ruahu pari taleppittu-Na. Jakka jiadinguka, Dunna enga tununaja dakapeana ta api dam bedda.''¹⁸Nadangu nalii panounguna hi hawanguk, anna patomanya hi Yohanes nawini tatou dangu. HI YOHANES APPA TAMANYA TA GALLU¹⁹Jiadinguka, mulana hi Yohanes anna kayekkaya hi Herodes, na raja ta wilaya nouwu, waling nahawoluna hi Herodias, na araweina na anguwuana, jakka ngaradukana nahawoluna nam jurrak, ²⁰jiakadiyaka hi Herodes hinna taba mutunguna anna hukka atidenganya mang hikeri patamananya hi Yohanes ta gallu.A'IHUYA HI YEHU²¹Atanga ihu bolludanya natouwu, hi Yehu ihu jellada-Nya. Manga, atanga habayangu-Na Dunna, tawehananyak na awang, ²²jakka na Hangahu Matua purung nanyak lahi Dunna anna pahadang tama wurung mearpati. Mang nouwu, einya nam panewi waling ta awang nam winna, ''Ouwu jiawuka Ana-Gu napa Buha-Gu. Lahi Ouwuka Nyouwa pingi pamadaku-GU.''NAWEWI JAJINA HI YEHU²³Tillu mabulu dounaka matua-Na hi Yehu, pahalakuna-Nyaka nawini anna panunga papeakangu. Toukana dunna natou nahapeana tu'ana hi Yehu anananya hi Yusuf winna. Hi Yusuf anana hi Eli. ²⁴Hi Eli anana hi Matat. Hi Matat anana hi Lewi. Hi Lewi anana hi Malkhi. Hi Malkhi anana hi Yanai. Yanai anana hi Yusuf.²⁵Hi Yusuf anana hi Matica. Hi Matica anana hi Amos. Hi Amos anana hi Nahum. Hi Nahum anana hi Hesli. Hi Hesli anana hi Nagai. ²⁶Hi Nagai anana hi Maat. Hi Maat anana hi Matica. Hi Matica anana hi Simei. Hi Simei anana hi Yosekh. Yosekh anana hi Yoda.²⁷Hi Yoda anananya hi Yohanan. Yohanan anana hi Resa. Hi Resa anana hi Zerubabel. Hi Zerubabel anana Sealtiel. Hi Sealtiel anana hi Neri. ²⁸Hi Neri anana hi Malkhi. Hi Malkhi anana hi Adi. Hi Adi anana hi Kosam. Hi Kosam anana hi Elmadam. Hi Elmadam anana hi Er. ²⁹Hi Er anana hi Yesua. Hi Yesua anana hi Eliezer. Hi Eliezer anana hi Yorim. Hi Yorim anana hi Matat. Hi Matat anana hi Lewi.³⁰Hi Lewi anananya hi Simeon. Hi Simeon anana hi Yehuda. Hi Yehuda anana hi Yusuf. Hi Yusuf anana hi Yonam. Hi Yonam anana hi Elyakim. ³¹Elyakim anana hi Melea. Melea anana hi Mina. Hi Mina anana hi Matata. Hi Matata anana hi Natan. Hi Natan anana hi Daud. ³²Hi Daud anana hi Isai. Hi Isai anana hi Obed. Hi Obed anana hi Boas. Hi Boas anana hi Salmon. Hi Salmon anana hi Nahason.³³Hi Nahason anananya hi Aminadab. Hi Aminadab anana hi Admin. Hi anana hi Arni. Hi Arni anana hi Hezron. Hi Hezron anana hi Peres. Hi Peres anana hi Yehuda. ³⁴Hi Yehuda anana hi Yakub. Hi Yakub anana hi Ishak. Hi Ishak anana hi Abraham. Hi Abraham anana hi Terah. Hi Terah anana hi Nahor. ³⁵Hi Nahor anana hi Serug. Hi Serug anana hi Rehu. Hi Rehu anana hi Peleg. Hi Peleg anana hi Eber. Hi Eber anana hi Salmon.³⁶Hi Salmon anananya hi Kenan. Hi Kenan anana hi Arpakhsad. Hi Arpakhsad anana hi Sem. Hi Sem anana hi Nuh. Hi Nuh anana hi Lamekh. ³⁷Hi Lamekh anana hi Metusalah. Hi Metusalah anana hi Henokh. Hi Henokh anana hi Yared. Hi Yared hi Mahalaleel. Hi Mahalaleel anana hi Kenan. ³⁸Hi Kenan anana hi Enos. Hi Enos anana hi Set. Set anana hi Adam. Hi Adam jiayaka na anana hi Alla.

Chapter 4AKAKAYA HI YEHU

¹Hi Yehu nam dokku biaha waingu Hangahu Matua balinanyak waling ta Yordan. Mang nouwu, marainanyaka Hangahu Matua taka pubung ²patumbulu ladduna anna kaka-Ya Moritana. Damalli eimangu pa'a-Na da laddu dam toukaradda hei. Tomayaka naladdu napa hupudanya, jiayaka Dunna hinna karobang.³Manga, panewinanyak na Moritana lahi Dunna, ''Jakka a ana hi Alla tekkadiwu Ouwu, paleawayah nei watu kanna jaji roati winna-Nya.'' ⁴Napagaping hi Yehu winnanya, Einya naha tuli, 'Natou rara datiddi morrik waingu roatimananya win-Na.'''⁵Mang nou, na Moritana marainanyaka hi Yehu tapadoung nam dokku jagaya hinna patekka-Naja ngaradukada dapadedi dengangu tapinu tana. ⁶Manga, winnak na Moritana anna panewi denga-Nya, ''Kuwoabolu-Gunya ngara nam biaha jakka nam harri nei nam einya tapinu tana, kadangu langa woaboludagajak lahi nyouwa. Mang nyouwa kuwoanaja agearaya napa kabu atigu awoanaja. ⁷Jiakadiyak, jakka Ammu karraddadiga, ngaradukada heiyi dumma-Mujaka.''⁸Napagaping hi Yehu winna, ''Langa einyak nahatuli, 'Nyiami mikahorunya na Moiri Allami, jiapa-Ya dapingi pahamoirimi hi winnanya.'''⁹Mangaka nouwu, na Moritana dunna nam rainya hi Yehu ta Yerusalem mang hinna tau-Ya ta pinnu Bait Alla. Winnalika na Moritana lahi Yehu, ''Jakka Ana hi Alla di-Wu Ouwu, le'ang wiki-Mu wali yangu lappak nei daku, ¹⁰kadangu einya napalanga tuli, tu'a-Mu Ouwu, hi Alla napaleawaha dam malaikatu-Na adda jawa-Wu.' ¹¹Jakka, Dawai-Gu limada, adda kataku-Wu abbi dapataungu dawihi-Mu ta watu awidda-Gu.'''¹²Napagaping hi Yehu winnanya,''Einyak nahatuli, 'Abbi kakamaya na Moirimi hi Alla nam winna.''' ¹³Namengak na Moritana pakakaya hi Yehu, halaku jijaku-Nya anna ealungu binna hawanguk pingi hapiakuna-Nya.KAWUNGA KERRANGUNA HI YEHU ANNA PAHALAKUYA NAWINI¹⁴Balina-Nyak hi Yehu ta Galilea waingu Hangahu biaha, jakka dokku taboakayaka natu'a-Na Dunna ta ngara dukana naloada nouwu. ¹⁵Wali nounaka anna mangajar ta umma pingi pahabayang mang ngara dukana natou napuji oata-Ya.HI YEHU DAWAIMANYA TA TANA WIKINA¹⁶Manga, halakuna-Nyak hi Yehu ta Nazaret, natana pingi pajaji-Na. Keriya napalanga dama-Na, halakuna-Nyak hi Yehu ta umma pingi pahabayang taladu miggu hinna kiddi anna dedi kakku bahaya nahurat bakul awin-Na. ¹⁷Hiwoana-Nya nahuratuna hi Nabi Yesaya hinna wehaya anna baha-Ya nam winna,¹⁸Nahangahu-Na hi Moiri einya lahi Nyouwa winna, kadangu Nammu nam langa kalapana-Ga Nyouwa, kanna pikki patomanya nawini nam kallung ta tou milla winna-Ga. Jiaya hinna paleawawa Nyouwa kanna pikki pahellaha dam haritu, kanna woaja mawahangu dam eija tam kapetangu, kanna palikaloagaha dapaletiwaingu, ¹⁹jakka kanna pikki patomanya nhi tapinu tana nakanyuru nam aminya winna-Ga.''²⁰Toadinanyak nahurat bakul hi Yehu hinna woabaliya ta pajabat uma pingi pahabayang, mang nou Hinna ngodu. Dawuamatana natou dangu nam einya ta uma pingi pahabayangu nakeha lahi Dunna. ²¹Wali nounaka panewina-Nyak hi Yehu lahi dudda winnajak, ''Naladu yayi, paleti kawodung nanyaka nahatuli tahurat bakul napa rangumi.'' ²²Ngara dukana natouwu napamalangu-Ya, hadanni kabarra dengada-Nya gannanya napapanewi-Na nam waling ta a'a-Na nam dokku dehaya. Jiayaka hiwidda, '' Dajiadi-Ya nam nei na anana hi Yusuf?''²³Manga nou, winnajaka hi Yehu, ''Nyiami enga panewiminyaha lahi Nyouwa nahilu nei nam winna, 'Doatir, pategahu wikimu-Ya! wimmi-Ga. Nyianma maranguyaka agannanya nahalanga wolu-Mu ta Kapernaum, wolu jellayaya tapadoung ya, tatana wikki-Mu.'''²⁴Mangalika, winalika Dunna, Nyouwa Kakku tikki memmagiminya, tonoumemanaka da'emang nabi nahawaingu tatana wikkina.²⁵Nam padening, Kakku tikkigiminya lahi nyiami, dokku danguha damma ngoma balu ta Israel a'einyaha hi Elia, atangaya anna patoadi na awangu tillu dou nammu wullana madeina, atangaya na karobba tana anna jaji ta tana nou. ²⁶Jiadinguka, hi Elia dappa hagamanya tatou hawanguk jiapaya nam ngoma balu ta Sarfat napingi papaleawadanya anna paregga denganya, ta tana Sidon. ²⁷Jakka, dokka dangu jellaha dam katobu ta Israel a'einyaha hi Nabi Elisa, jianguka da'eimang hatou tekka napa pateggahu, jiakiya hi Naaman natou Siria.''²⁸Arangu tonoudanyak nei, ngara dukana natou ta uma pingi pahabayangu hukka ati bollunanyak. ²⁹Jiayaka, kiddidanyak adda douraya hi Yehu adda palohunya waling tapadoung nou, mang hidda marainya tapinu lettin napadoung bua paturra katuharu-Nya takealang awidda. ³⁰Jiadinguka, hi Yehu nahikkaluja mang hinna halaku jijakuja.NAM HATOUNA NAMOANI NAPAPA TEGGAHU WALING TAMORITANA³¹Halakuna-Nyak hi Yehu ta Kapernaum, nakoata nam einya ta Galilea, mang hin-Na ajaruya natou taladu miggu. ³²Dudda dokku hennang dengadanya napa ajaru-Naja kadangu dapatikki-Na dokku biahaha.³³Ta uma pingi pahabayangu, einya hatou namoani napa kadekka moritana dakallung. Natou nei doadoana anna patiwung, ³⁴''Mattakagama nyiama kamma meaha! Gannanya napa ulla denga-Mugama nyiama, nanni Ouwu Yehu, Tou Nazaret? Hi ammi-Gu Ouwu kakku padamuha wim-Mugama nyiama? Nyouwa kupea-Gu Oiuwu, nam Biaha madi waling lahi Alla!''³⁵Jiadinguka, hi Yehu naka yekkaya namoritana nei, win-Nanyak, ''Kawannar! Lohunguya waling tatou nei!'' Namengaka pawo'ahu pipianya natouwu ta tana tahaga tou dangu, lohungnanyak nei namoritana, danna hillu pamawilla mayaha. ³⁶Mula adda reaha ati denganya, ngara dukana natou nam einya nou weiga pawiddang wikkidaka, ''Ga hiluyaka neiye? Kadangu anna hawaddi jakka anna wainya nabiaha-Na, Dunna anna wurutuja damoritana mang hidda lohung wali tatou.'' ³⁷Manga, taboakananyaka nahilu tu'ana hi Yehu ta tana nou.NA INA EARANA HI PETRUS JAKKA NATOU DANGU APPA TEGGAHUYA³⁸Mang nouwu, lohung nanyak hi Yehu waling ta uma pingi pahabayang anna halaku ta ummana hi Simon. Taladu nou weiga, na inna earana hi Simon kadaukunanya dokku mutunguya na'ihina, jiayaka hidda kareiya hi Yehu kanna pikki pategahuya awidda. ³⁹Dedinanyaka hi Yehu talihina na inna earana hi Simon mang hinna kayekkaya nakapoari ta ihina hikeri teggahuna. Danna hillu madeihingumaha alolu teggahunanyak jiayak hinna kiddi anna woaja pa'angu.⁴⁰Natamaka na mata laddu, ngara dukana natou marainajaka da'oali jajina dam kadauku hamamattu panyakit lahi Yehu. Jiayaka hi Yehu hinna tauya nalima-Na tapinu ihida mang hatou-hatou teggahudanyak. ⁴¹Damoritana lohung danyak waling tatou hidda kadoaka adda patiwung, ''Ouwu jiawuka Anana hi Alla! Jiadinguka, hi Yehu na gaggutuha, Danna temmamaja adda panewi kadangu adda pea-Nya Dunna jiayaka hi Kritu.ANNA PANOUNGU HI YEHU TA KOATA HAWANGUK⁴²Wehang babaru hi Yehu halakuna-Nyak anna manyerrang padoungu makahika anna meaha. Tou dangu manyerra-Nya, mang datoma-Nyaka, nahawukkuda kamma heirunya abbi najijakugama widda. ⁴³Jiadinguka Dunna winnajak, ''Nyouwa Kuhalaku hinguha takoata hawanguk Akku patomanya nawini Marabba Alla, kadangu nou jellaya napingi papaleawada-Ga Nyouwa.'' ⁴⁴Jiayaka, hi Yehu hinna lippi panoungu anna papeakangu tua'ana nawini-Na hi Moiri ta uma pingi pahabayangu ta Yudea

Chapter 5AKAMAIKAJA ADDA JAJI MAJALA TOURARA

¹Tangaya anna dangu natouwu nam korru-Nya kamma ranguya nawini-Na hi Moiri awidda. Jiayaka nou weiga, hi Yehu hinna dedi ta wiwi tahik Genesaret, ²mang ittanajaka dam dubba dateana adda hiwi ta wiwi tahik, mang dudda dam jala kaboku lohung danyak waling tateana adda bahaha dajalada. ³Deatang nanyaka hi Yehu tapinu teanana hi Simon, mang hinna paleawaya hi Simon boahinya na teanana pamarounya hakuduk waling tawiwi tana mara. Mang nouwu, ngodunanyak hi Yehu anna ajaruya natou dangu tapinu teana.⁴Namengak papanewi hi Yehu, winnanyak hi Simon, ''Huyay nei lau tamma majallung kammu wollarunya najalamu kammu kollija dakaboku.'' ⁵Pagapingnanyak hi Simon winnak, ''Gurru, nyiama mapijjanguka riddung amma kawua, jiadinguka damalli eimang hakollima! Atonouana, alanga Ouwu nam paleawawa, kuwolarukadinya najalagu.'' ⁶Dawollarujaka dajalada, kolli padangudanyak kaboku lappak hidda tikki pamajirrak dajalada. ⁷Mang kawabbakdajak daoalida hawanguk hi ammija adda padeata dengadaja dakaboku. Ammijaka daoalida hidda pa'ihija kaboku dam dubbada dateana lappak hidda tikki patabubbal.⁸Na'itta tanounanyak hi Simon Petrus nam jaji nei, jiayak hinna karadda ta haga-Na hi Yehu mang hiwinna, ''Halaku jijakugaya, Moiri, nyouwa tou jalawa!'' winnak. ⁹Hipanewi tanouna hi Petrus kadangu anna kabarra dengaja dakaboku dam doku danguha dahakolida jiaya. ¹⁰Toujella hi Yakobus jakka hi Yohanes, da anana hi Zebedeus, dam oalinya hi Simon. Winnanyak hi Yehu hi Simon, ''Abbu mange'atding. Waling laddu yayi, ouwu kammu jalaya natou rara. ¹¹Damengak pawealaha dateanada ta tana mara, jijakdanyaka napakerrada keridanyak hi Yehu.NATOU KATOBUAPATEGAHUYA¹²Tomadanyaka naladu rahi einya hi Yehu tahangi padoungu ta koata. Ta koata nouwu einya natou katobu nabinnu tekka na'ihina katobu. Na'ittakiyak hi Yehu dunna natou katobu, nakaradda hudda anna toma ta tana na ngoarana anna pa'oha-Nya, ''Moiri, jakka Ammu wukkukanguka papategahuwa enga tegahugu nyouwa winnak.'' ¹³Manga, hi Yehu pajoalana-Nyak nalima-Na hinna kerrananya nalimana natou katobu. Win-Nak, '' Kuweaku, warahuya. ''Walinoukinaka, helling hingudanyak dakatobuna.¹⁴Jiadinguka, peakananyak natou nei abbi natikkiya tatou hawangu awin-Na, mang winnanyak, ''Huyaya patekkanya na'ihimu ta imam winnanya. Hailang manuatung tada tegahumu mearang napalanga papareahana hi Musa kapikki ittanguda tada hei dudda.''¹⁵Nahilu tu'ana hi Yehu tabanak anna taboaka jiaka natou dangu hi amminya anna lappa kahilu-Ya, kanna pikki pategahugamaja dapanyakituma awidda. ¹⁶Atonouana, hi Yehu nakahikkit jua tapa doungu nam kahika anna lippi habayang.NATOU NAM KARAKKA APATEGAHUYA¹⁷Atanga taladu nouwu anna mangajar hi Yehu,datou parihi jakka da ahli taurat dam ammija waling ta ngara dukada dakoata ta Galilea, Yudea, jakka nakoata Yerusalem ngodu jelladanyak nou. Nabiaha-Na hi Moiri halaku marainanyak hi Yehu jiayaka hin-Na pategahuya natou dangu nam kadauku.¹⁸Mang ammeljak datou dam deituya nam karraka tapinu rakang, hidda menyerranya akaluna adda iddiya nam karakka tahaga-Na hi Yehu. ¹⁹Jiadinguka, addada piakuka patama iddiya mulana anna dangu natou nam patoadi, deatang danyaka tapinu kabung umma hidda hapuru mangu padounya natou karakka adda tauya tapadua tahaga-Na hi Yehu²⁰Naittadajak da atida nam manning, winnak hi Yehu, ''Heh anguwua, da doakumu poddagujak winnak.'' ²¹Dam Peangu Taurat jakka datou Parihi pattuto-tuttur wikkidanya, ''Gearaya nei Natou nam madolu wainya hi Alla? widdak Mang widdalika, geara dunna nam poddahu doakun jala jiakidiya hi Alla widdak?''²²Napeadajaka hi Yehu nam eingu ta pangadanguda, jiayak Hi winnaja, ''Mang ga nyiami hipatutur tanouwalimi ta kabbu atimi? ²³Beinya nam reihi kallung, dadoaku dajalami podahuhaka awidda, atau 'Kiddiyaya jakka halakuyaya? ²⁴Atonouana, ya nyiami kammi pikki peanya touna na Anana hi Moiri jiaya nam hamannuya napingi morrik tapinu tana jakka nam poddahuha dadoaku jala,''winnanyak hi Yehu natou karakka, ''Ya Nyouwa wigug ouwu: Kiddiyaya, hadduluyaya napadou juddamu, baliyaya.'''²⁵Nou memma weiga, alolu dedinanyak tahaga tou dangu mang dekinanyak napadoung pingi pamaturuna, bali iddinanyak hinna paroruwaiya hi Moiri anna pamalanguya hi Alla.²⁶Ngaradukana natou nam einya nakabarra tekka jiayaka hi wuatu hailanya hi Moiri, widdaka, Taladdu yayi jiayaka nyiama himma ittang dadi makali jaji!''LEWI MENGIKUT YESUS²⁷Mengaka nouwu, lohunanyak hi Yehu mang ittananyak nam hatouna nam tagi hi katiku nangarana hi Lewiya atanga ngoduna tapa dou pingi patagi hi katiku. Winnanyak hi Yehu, ''Keriwaya Nyouwa.'' ²⁸Jiayaka hi Lewi hinna kiddi anna dedi, mattanajak ngaradukada dappa kerrana, mang kerinanyak hi Yehu.²⁹Mang nouwu, tununanyak ta umana anna patamanya hi Yehu. Dokku danguha dam tagi hi katiku jakka natou hawanguk nam aadengaja. ³⁰Jiadinguka, datou Parihi jakka dam peangu Taurat hadangit dengadanyaka mang widdajak damuritu-Na hi Yehu,'' Ga nyiami himmi aa'inu dengalija hei dam tagi hi katiku jakka datou dam jala?'' widdak. ³¹Pagapingnanyak hi Yehu winnajaka,''Dajiamaya natou nam sehat namma parlu doatir, natou kadauku jiaya nam parlu doatir. ³²Hi amiga Nyouwa kakku kamaikanya natou nam tiddi dawi-Gumang, jiadinguka natou nam doaku jakka nam jala jiaya kanna pikki tiddi jakka haria.''DATOU PARIHI ADDA PABANDINGUJA DAMURITUNA HI YOHANES JAKKA HI YEHU33 Widdanyak dudda hei hi Yehu, ''Damurituna hi Yohanes dapuaha jua jakka dahabayang, toujellada damurituda datou Parihi. Jiadinguka, damuritu-Mu da aapangalang jakka da inu pangalang.'' ³⁴Winnajak hi Yehu, ''Nabiha nyiami ammi paleawaha da m dutuya pangantin moani atanga maraidanya mattang ha aangu awimmija? ³⁵Atonouana, aminya naladu narahina, napangantin moani adeki balidanya, mang taladu nounguha peala dudda hidda puaha.''³⁶Natikki jelladanya hi Yehu nei nahilu hamearang lahi dudda , ''Daeimang hatou tekka nam hirraya nakaba nam buangu mang hinna kadabar wainya nakaba nam deingu. Atonoukadanyaka peala, natou paruhaknanyak nakoapi nam buangu, mang nakaba bua napa kadabar waidanya danna pahimang takoapi deingu.³⁷Toujellana daeimang hatoutekka nam buriya na wei anggur bua ta kareara katarri. Na wei anggur nam buang paeala hirrananyak nakareara katarri jiaya hinna boangu nawei anggur kadangu nakalittuna anna ma'u. ³⁸Na anggur nam buangu tauyaha taka reara nam buangu. ³⁹Daeimang hatoutekka anna menga pa'inung anggur deingu, anna hillu buhangu pa'inung anggur buangu kadangu widda peala, Na anggur deingu reihi kallunguya widda.'''

Chapter 6

¹Tangaya naladu miggu, einya nakahibu napingi palii-Na hi Yehu. Jiayak nou weiga damuritu-Na hidda pupuha dam hakudduda damma ruahu dam maruahu pari daka ruhakuha talimada mang hidda aaja. ²Dam tou mapirraha datou Parihi patuturdanyak, ''Ga nyiami himmi woluliya nam tanouna taladu miggu?'' widdak.³Pagapinajaka hi Yehu hi winnaja, ''Daddi mibahahingu mayaha gikki nouna hi Daud jakka datou dapamaraina adda karobbang, ⁴gannanya nahatama dengada ta umana hi Alla, nadekiha daroati dam biaha, hinna aaja, mang hinna woaja datou dapamaraina, jakka jiakaya dappa aabarawanangmah, jiapaha da imam dam aaja?''winnajak. ⁵Manga, winnajaka hi Yehu datou Parihi, ''Na Anana hi Moiri jiayaka na Moirina naladu miggu.''ANNA PATEGAHU TOUWU HI YEHU TALADU MIGGU⁶Tomaya naladu nam hillu aminya, hi Yehu halakunanyak ta uma pingi pahabayang anna mangajar. Tomaka nouwu einya nam hatouna nam karraka nalima lawanana. ⁷Dudda dam peangu Taurat jakka datou Parihi patetijuadanyak hi Yehu kamma pikki ittaya anna pategahu tou taladu miggu awidda, kapikki piakuma amma pahala-Ya awidda. ⁸Jiadinguka, hi Yehu napeanya nam eingu tapangadanguda. Jiayaka Hi winnanya natou nam karakka nalimana, ''Kiddi kammu dedi tapadua.'' Mang kiddinanyak hinna dedi tahagada.⁹Winnajaka hi Yehu, ''Kakku tuturumi nyiami, beihingunya napawolu taladu miggu: walu makallung atau damma kallung? Pamorrikuya naoalida atau jemanya kanna mati? ¹⁰Napatotu bollujaka dam koru-Nya, winnanyak nei nam karakka limana, '' Pajoalanya nalimamu winnanya.''Mang jiayaka, natou nei weiga hinna pajoalanya nalimana mang nalima alolu pijalnanya hinna kaguddikbali. ¹¹Atonouana, datou Parihi jakka dam peangu Taurat hukka taba hukka atidaka jiayaka hidda barunding gikki neidanya hi Yehu awidda.APEDIHA DAM TOUMA HABULU MADUAHA DARASUL¹²Taladu nou weiga, deatananyak hi Yehu tapinu letin anna habayang, noulau anna habayang lahi Alla hudda anna riddung. ¹³Baruwehang babaru, kamaikanajaka damuritu-Na mang hinna pediha dam touma habulu maduaha, dapapangara-Na rasul:¹⁴Hi Simon napapangarang ''Petrus'', hi Andreas na anguwuana hi Petrus, hi Yakobus, hi Yohanes, hi Filipus, hi Bartolomeus, ¹⁵hi Matius, hi Tomas, hi Yakobus na anana hi Alfeus, hi Simon natou Zelot napawiddang, hi Yudas na anana hi Yakobus, jakka hi Yudas Iskariot nam pako'u-Nya hi Yehu.ANNA PA'AJARU HI ¹⁷Dapuru balinguka hi Yehu anna maraija darasul, Dunna dedinanyak tapadoung nam lijak. Manga amijaka damuritu-Na jakka natou dangu nam waling ta tana Yudea, ta Yerusalem, lappak nam waling takoata ta wiwi tahik na Tirus jakka na Sidon. ¹⁸Dudda ammi boluja adda ranguya hi Yehu mang kanna pikki pategahugamaja dapa panyakituma awidda . Jakka datou dam regga moritana pateggahu jellaha. ¹⁹Ngara dukana natou nam nyerrang binnana kamma ngoharu-Ya hi Yehu awidda kadangu einya nawaddi-Na nam lohung jiaya nam pategahuha²⁰Pateti bollunajak damuritu-Na hi Yehu mang winnajak, ''Mikanyurukangu nyiami nam milla kadangu talimamunyak namorriku malodung wali lahi Alla. ²¹Mikanyurukang nyiami nam karobbang ya kadangu nyiami jiamika damma karobbang nim peala. Mikanyurukang nyiami nam wairuja daweimatami ya kadangu nyiamik peala nam gokkugeila jakka egi ati.

²³Migokku geilakadingu atomaya naladuna, mikoddulkadingu ammi hagga denganya kadangu na wudda mawillami darekka dangumaya ta Surga; kadangu tonou memmadaka daboku jakka da appuda dudda adda madoluwaija da nabi.²⁴Jiadinguka, dammi marimang nyiami nam poati kadangu nyiami langa tomangnak ammi morrik. ²⁵Dammi marimang nyiami nam ba'ung yayi kadangu peala mikaroba oatang. Dammi marimang nyiami nam malik ammi henang taladu ya kadangu peala nyiami enga kalana jakka miwairuja dawei matami.²⁶Dammi marimang nyiami jakka anna hodukamika ngaradukana natou mulan ammi kallung kadangu atonou memmanak waling taboku ta'appumi adda hodu oataha da nabi walluk.''MIBUHAKADIJA DAMUHUMI²⁷Atonouana, Wiggugimi nyiami nam rangu-Wa Nyouwa. Mibuhakadija damuhumi jakka mikallu dengakadija dam hukkagimi ati. ²⁸Kareikadinya weimaringu natou nam yurami jakka habayakadija damma taumi.²⁹Natou nam kababagunya papu, pahella jelakadinanya napapumu hage'a. Jakka, geara nam parimagunya naregimu, abbu heirumanya anna parima jellakanyaka nakoapimu. ³⁰Woakadinya natou nam kareiwu, jakka eikanguka madekiguja damilikumu, abbu karei balimaha.³¹Mipatekkanya madehha naoalimi mang kadda pikki kerijellaya adda dehha dengagimi. ³²Jakka atiddi jiakayak natou nam buhagimi nappa buhami, gannakanya napa hillu puji denganagimi? Kadangu datou doaku dudda tou jellada adda buhanya natou nam buhaja.³³Jakka atiddi jiakayak natou nam buhagimi napa buhami, nam patakading ammi kolling puji? Kadangu, natou doaku jakka natou jalakaya dunna toujellana. ³⁵Jiadinguka, mibuhakadija damuhumi jakka wolukadiya nam kallung , woakadija abbi miharapmang hiina. Mula atonoumi jiaya himmi kolling kaheawa mang nyiami enga jiamika anana nam eingu Tama Jaga, kadangu hi Alla makallung ati oataya tatou damma paroru waiya mulana adda jurrak. ³⁶Kadang atonounaka, parengu languyaya na atimi, toungu na Amami nam dokku deha atiya anna rengu langu.ABBI HAKKIMANG TOU HAWANGUK³⁷Abbi mihakimang oalimi touna dummi abbi hakijellagimi. Abbi mihukuding oalimi abbi hukku jellagimi dummi. Abbi mikilolumang oalimi abbi kilolu jellami dummi.³⁸Woangu kapikki woajellagimi dummi: nakatutu nam kallung, nam pa'ihi, napakoyakung mang hinna binnu, mang napa boadagu ta ba'amu. Kadangu nakatutu nam hameara jiaya napakatutu waidagimi.³⁹Tikkinanyak hi Yehu lahi dudda tu'ana nahilu pahamearang nei, ''Penya natou nam kaboala nabiha anna dutuya naoali kaboalana? Dadda kana'u bolluding atoumaduaha ta kago'ak? ⁴⁰Daeimang hatou tekka murit nam reihiya na gurruna. Jiadinguka, gearakayak nam langa dammanguna anna lati jiayak nam jaji guru lahi dudda.⁴¹Ga nyiami himmi ittadikaha dapennang ta wuamata daoalim, mang naka moppar nam einya ta wuamata wikkimi hidammi peawalinya? ⁴²Gikkinoukami ammi tikkinanya naoalimi, ''Anno, maiya kakku helligunya naka moppar ta wuamatamu', awimminya, jakka adammi peakanya naka moppar ta wuamata wikkimi? Hei tou munapik! Helli moulunya naka mopparu ta wuamata wikkimi. Menga nouwu, jiaya himmi itta pakallunya naka moppar nam einya ta wuamatana naoalimi.''NAPINGI AI KALLUNG DAWUANA DAKALLUNG⁴³Napingi ai kallung danna wuamang wua ai dam kallung, jakka napingi ai dam kallung danna wuamang wua ai kallung. ⁴⁴Ngara dukada dapingi ai hipeaja walinouna tawuada. Natou danna pedimang wua kapillit waling ta libbu rii, atau danna pupumang wua anggur waling ta libbu mapu.⁴⁵Natou nam kallung napalohung makallung waling ta atina nam kallung, atouna natou dam kallung napalohung dam kallung mawaling ta atina dam kallung. Gannanya nam lohung wali ta a'ana hatou-hatou mawalinguya ta atina.''DAM DUBBADA DAHAR⁴⁶''Ga nyiami himmi kamaikali-Ga Nyouwa, Moire, Moiri hi wimmili-Ga, jiadinguka dammi kerimaya napa peaka-Gugimi? ⁴⁷Nyouwa Kupatekkagiminya nyiami, gikkinoutekkana natou nam amminya lahi Nyouwa, nam ranguya napa ajaru-Gunya, lappak napahalakunanya. ⁴⁸Dunna mearana natou nam padedi umma, nahakka pamajallunya nakaleana, mang hinna tauya na pondahi tapinu watu. Tomaya a'aminya nawiwa, nakapahaya na umma nei, jiadinguka danna kagoyakmang kadangu na umma neiyi dokku kullihuya napingi papakiddidanya.⁴⁹Jiadinguka, natou nam ranguya napapeakagunya adanna kerikayak anna pahalakuya, dunna mearana natou nam padediya na ummana tapinu tana dam mangu pondahina. Amminyaka nawiwa, na umma nei boppananyak mang tawehar darekka noumayaha.''

Chapter 7ANNA PATEGAHUYA HI YEHU NAPAGAWI PARWIRA

¹Namengaka papanewi bolluja dahatikki-Na hi Yehu tahaga tou dangu, tamananyak ta Kapernaum.²Noulau einya naparwira nam eingu atana napa buha oatana. Na ata nei dunna, kadauku tikki hamatinanya. ³Naranguka naparwira tu'ana hi Yehu, paleawanajak dam bokul pa'ati ta Yahudi adda tomanya hi Yehu mang hidda karei-Ya kaaminya ta umma kanna pategahuya na atana awidda. ⁴Tanga aminya natou lahi Yehu, dudda pa'ohahinguda-Nyak. Widdanyaka, ''Natou neiyi jiaya Kammu gatahinguikinya, ⁵kadangu jiaya nam namuya natanada jiata manga dunna jella nam padediya na uma pingi pahabayanguda jiata widdanyak.''⁶Halakunanyak hi Yehu anna maraija dudda. Namma raninya na ummana na parwira nei, naparwira dunna paleawanajaka daoalina adda tikkinanya hi Yehu, ''Moiri, abbi pajoiling wikkili-Mu Ouwu a'ammi-Gu ta ummagu nyouwa kadangu danna padoumang nyouwa akku tarima-Wu ta ummagu. ⁷Jiakadiyaka weiga, nyouwa hidakku pagawikkigu a'attuga lahi Ouwu. Jiadinguka, panewikanya malli hangi kawodu, enga tegahuna na atagu. ⁸Mulanaka, toukana nyouwa tou tabarra wawa jellawa akku kapalaja daprajurit. Jakka akku panewikaka, Halaku awigukaka!', halaku awigukanyak nahalaku. Mang awiggukajak daprajurit hawanguk , Maiyaya! enga amija. Mang akku paleawakayak na atagu, Kerranya neiyi! na atagu enga kerrananya.''⁹Narangu tanounanyak hi Yehu, jiayak hinna hearan tekkanya nei parwira Romawi. Mang napateti balinyak natou dangu nam keri-Ya, winnak Dunna, ''Ya nyouwa wigugimi nyiami, jappa ta Israel daddi eimanguha hatou tekka pa'itta-Gu nam kullih manninguna matoung nei.'' ¹⁰Dabalik ta umman naparwira darombongan dapapaleawa lahi Yehu, tomadanyak na ata nei weiga anna tegah.NA ANANA NAM WINI BALU APPA MORRIK BALIYA¹¹Nawehanguka, halakunanyak hi Yehu tahangi padoung ta Nain nahawidang anna maraija damuritu-Na jakka narombongan toudangu nam keri-Ya. ¹²Natomak ta binna tama takoata, tomadanyak nam mati nalakeada moani napadeitu appalohunya wali noung. Nam mati nei anananya nam winni balu. Jakka dokku dangu jellaya natou nam waling takoata nou nam marainya nam winni balu weiga. ¹³Na'ittayak Dunna hi Moiri nei nam winni, milla atidenga-Nanyak mang panewi-Nanyak, ''Abbu houding winnanyak.'' ¹⁴Mang jiayaka, lihi-Nanyak hinna deddaya narakang napa deituwaidanya. Datou dam deituya narakang hangahudanyak. Mang nouwu, winnak hi Yehu, ''He nanni dum lakeada moani, ya wi-Gugu, Kiddiyaya!'' ¹⁵Mangaka, nam mati nei weiga, ngodunanyaka anna panewi bali. Mang jiayaka hi Yehu hinna haraka balinanya na inana.¹⁶Ngaradukana natou nam ittaya nei weiga mange'at bolludanyak jiayak walinounaka adda wuatu-Nya hi Alla mang hidda panewi, ''Einyaka na nabi tetekka nam hunga tajoangada jiata widdak!'' jakka ''hi Alla einyaka anna namatuha da umatu-Na.'' ¹⁷Mang jiayaka, natu'ana Dunna hinna taboaka tekka ta Yudea lappak tapadoung hawanguk taloada nouwu.ANNA PALEAWAHA DAMURITUNA HI YOHANES MAPA'IHU LAHI YEHU¹⁸Damurituna hi Yohanes dapatoma bollunya nam jaji napa ittada. ¹⁹Mang jiayaka, hi Yohanes hinna kamaikaja dam tou maduaha damurituna anna paleawaha lahi Yehu adda liptuturu-Ya, ''Ouw jiawuka nam amming nahawiddang? Ataunam, manadinguha hawanguk?'' ²⁰Datomanyak hi Yehu, panewidanyak widdak, ''Hi Yohanes Mapa'ihu nam paleawama nyiama hiammigama amma tutturu-Wu, ''Ouwu jiawuka nam amming nei? Atau manadinguha hawanguk?''' wimmi-Nya winnagama.²¹Tanga hinguya nou weiga anna pategahu toudangu wali tamattu-mattu mahiddu, nakapoari jakka namoritana dakallung. Nawoa jellaja Dunna kanyuru tegah dam kaboala. ²²Napagapija hi Yehu dam tou maduaha weiga, ''Halakuya kammi tikkiya lahi Yohanes agannanya napa langa ittami jakka napa langa rangumi: dam kaboala da'itta bali, dam karakka dahalaku bali, dam katobu dawarah bali dakalittuda, dam kawanga darangu bali, dam mati dakiddi bali, jakka datou milla dakolling hilu makullih. ²³Atonoukanaka, nammarii-riingu dunna damma hikkalu-Ga.''²⁴Dakollinguka habali dapapaleawana hi Yohanes, peakananyaka nam dangu hi Yehu tu'ana hi Yohanes, ''Kammi pikki ittaya penya mihalakukadingu ta kapubung? Kammi pikki ittaha da ai-ou dappa wuda ngillu? ²⁵Adatonoukanak gannanya napalapa ealumi? Natou nam mang koapi manadanguna? Ittadiya natou nam waingu koapi manadangu nam dedi anna morrik ta umma rajaya napadouna. ²⁶Atonoukanak, gannanya napalapa ealumi? Nam hatouna na nabi? Nyouwa wigugimi nyiami, nareiheliha waling ta nabi.²⁷Jiayaka dunna napalanga tuli natu'ana: 'Kammu rangu! Kupaleawaya napa'utuhu-Gu anna moulug Ouwu. Dunnaka nam hadia-Gu larangi ta haga-Mu.' ²⁸Kakku panewigiminya, ngara dukana natou nam jaji waling ta inana, daeimang hatou tekka nam reihiya hi Yohanes. Jiadinguka, nam merrahki ta Krajaan Alla, reihi bakkulyah waling lahi dunna.''²⁹Daranguka tanoudanyak datou dangu jakka dam tagu tagi hi katikku, dudda dahatuju bolluya napa adilunguna hi Alla kadangu alanga mengadaka pa'ihuha hi Yohanes. ³⁰Jiadinguka, hei datou parihi jakka dam peangu Taurat dahikkalunya nahawukku-Na hi Alla lahi dudda, kadangu dadi na'ihumahaha hi Yohanes.³¹Gannakanyak napa hameara waigu-Ja hei datou dam waling talabi matanoung nei? ³²Dudda mearanaka dalakeada merrah dam tiddi ngodu ta pahar, dam papatiwung wikkida, 'Nyiama matodugimi katala jiadinguk dammi neagumang. Nyiama malodu hawuru weangu milla jiadinguka nyiami dammi houmang.'³³Mulana, atanga aminya hi Yohanes Mapa'ihu adanna angu roati jakka adanna inung anggur, ammi panewi, Dunna rega moritanananya awimmi.' ³⁴Atonouwalinaka, atanga aminya na Anana hi Moiri na angu jakka na inung, mipanewilika, 'Ittakiyah! Dunna tou porratuya jakka tou inunguya wimmi! Oali atidanya datou tagi hi katiku jakka datou jala wimmi!' ³⁵Jiadinguka, napangadang dehha jiaya nahawaida da anada.NAM WINNI KEIKU WAWI ANNA KALAPAYA HI YEHU³⁶Einya hatou nam waling tatou parihi anna kamaikanya hi Yehu ta umana hinna aadeng-Nya. Attunyaka hi Yehu ta ummana natou Parihi anna angu. ³⁷Takoata nouwu, einya nam hatouna nam winni keiku wawi. Narangukiyak hi Yehu anna angu ta umana natou Parihi, nahiya naminya wangi nam hangi kuba watuna. ³⁸Mangaka, dedinanyak taka deangana hi Yehu, talihi wihi-Na, hinna houw anna kalapa waija weimatana dawihi-Na hi Yehu, mang hinna poahi wainaja loagina. Menga nou, nangidihunaja dawihi-Na hi Yehu hinna karudduh wainaja minya wangi.³⁹Daitta tonoudanyak hei datou Parihi dudda, widda ta atida, ''Ga natou nei a nabikadiya, Dunna enga peananya gearaya nam winni nei nam kerra-Nya jakka jiapananya nam winni neiyi mawinni marihakuya.'' ⁴⁰Napagapija hi Yehu hi winna, Simon einya nahatikkigugu.'' Napagaping hi Simon, ''Tikkiganyaya , Gurru winnak.''⁴¹Winna hi Yehu anna panewi, ''Eija damma tou maduaha dam pa'utang tatou nam pahalaku riiti, hatou lima ngahu dinaruda, mang hatouwali limambulu dinaruda. ⁴²Adadda hanggupukka habayaruja, nei nam pahalaku riiti dunna mattanajak patagiha. Atonoukanak, ha dam toumaduaha gearaya nam reihi pabuhanya nei naoada nam pahalaku riiti? ⁴³Pagaping hi Simon, winna, '' Manurut nyouwa, natou nam reihi dangu da'utan apoddahunaja.' Winnanyak hi Yehu, ''ouwu ammu nilaya nabenaru.''⁴⁴ Napatetinyak nei nam mawinni, winnanyak hi Yehu hi Simon, ''Mu'ittadiya nei nam winni? A,ammiga Nyouwa ta umamu, dammu woamaga wei Akku bahawaija dawihi-Gu, jiadinguk dunna nabahagaja dawihi-Gu waija weimatana mang hinna poahi wainaja loagina. ⁴⁵Nyiami mingidihuwa, jiadinguka dunna danna malli pahellamagaja dawihi-Gu anna ngidihugaja waling nakawunga tama-Gu.⁴⁶Nyiami dammi kalapama-Ganya nakatiku-Gu wainya minya, jiadinguka dunna nakalapa-Gaja dawihi-Gu waingu minya wangi. ⁴⁷Jiakadiyak atonouna, hiwi-Gugimi nyiami, dadoaku jalana dam dokku danguha poddahnajak kadangu dunna anna patekkanya nawali atina anna haria. Atonoukanaka, natou nam kilolu halaya naoalina dawali atitekkamana anna haria.''⁴⁸Panewi dengananyak hi Yehu nam winni nei, ''Dadoaku jalamu poddahgujaka winnanyak.'' ⁴⁹Datou dam ngodu adda aadenganya hi Yehu patuturdanyak ta ati daluda, ''Gearaya Natou nei hinna biha anna poddahuha dadoaku jala?'' widdak. ⁵⁰Winnanyak hi nei nam winni, ''Na atimu nam manning jiayaka nam pahalamatuwu, halaku waingu weimaringu.''

Chapter 8

¹Tomayak anna wehalingu, halakunanyak hi Yehu anna kaliling koata jakka deaha anna lippi patomanya nawinina hi Moiri jakka hinna peakaya aeinya na Karajaan Alla. Dam touma habulu maduaha darasul eijellaja adda marai-Nya, ²toujellada dam winni dappa langa papategahu wali tamoritana jakka panyakit hawanguk. Hei dudda hi Maria, hi Magdalena nahawiddang, jiayak napapategahuna hi Yehu waling tamoritana. ³Eijellanya hi Yohana na araweina hi Khuza nabendaharana hi Herodes, hi Susana, jakka dokku dangu jellahaha dam winni hawanguk adda waija damata hawainguda mulana adda dukungu-Nya.AHAMEARAWAINYA TU'ANA NAHO'ARUNGU⁴Dapakeha bollunguka datou dangu jakka datou dam waling ta ngara dukada dakoata lahi Yehu, jiayak Dunna hinna panewi lahi dudda waija hilu hamearang: ⁵''Einya nam kerrang talaka nam ho'arung. Anna ho'arnguka hawanguk nakana'u tawiwi larangi mang hileti pipiaya, lappak na anya mawurung. ⁶Einya hawanguk nam kana'u tapadoung nam eingu watuna, natubuka nawini dunna, malelinanyaka kadangu ada'eingu wei.⁷Eijelanya hawanguk nam kana'utalibu rii hidda tubu pamaraingu jiayaka hinna kadipituya rii. ⁸Hawanguku nakana'u ta tana nam kabokahu jiayaka nam wua oata hikeri kolling hasilu pahangahu wuddang apupu. Napahupuyaka nahilu hamearang nei hi Yehu woanajak hilu, ''Dunna nam eingu wuakahiluna parangu waina, anakaya kanna pikki rangu pakalunyaya!''⁹Mang patuturdanyak namuritu-Na hi Yehu lahi Dunna gannanya na ihina na hilu hamearang nei. ¹⁰WinnajaK Dunna, ''Lahi nyiami jiaya napingi hapeakadanya narasia Karajaan Alla, jiadinguk tatou hawanguk peakawaidanya hilu hamearang, hitanouna,'Langkad patetikangu, dadda ittamang, jakka langkad rangukang, dadda peamanya.'''ANNA PEAKADANYA HI YEHU NA IHINA NAHILU AHAMEARA WAINYA NAWINI ¹¹Nei jiayaka na ihina nahilu hamearang: Nawini dunna jiayak nawini-Na hi Alla. v 12 Nawini nam kana'u ta wiwi larangi dunna natou nam ranguya nawini-Na hi Moiri Alla. Aminyak namoritana dunna naparimanya nawini-Na hi Alla nam einya ta atida mang hi dadda hilu parhayaya hi Moiri hidadda halamat. ¹³Nam kana'u tapinu watu dunna jiayak natou nam ranguya nawini-Na hi Alla, natarimaya taegi ati, jiadinguka danna palolumang. Dudda hakuddupana namannidanya nawini-Na hi Alla, jiayaka a'aminyaka napahaduka dengangu talirudanyaka hi Alla.¹⁴Nawini nam kana'u talibu rii dunna jiayak natou nam ranguya nawini-Na hi Alla, danna madeimang anna tubu ta atida, namoulu noung adda kawatirunya namorrikuda, hamoulu houdanya napoati, jakka kalelidanya napahenang dengang jiayak hidda kolli pakalung madeha. ¹⁵Jiadinguka dunna nam tubu ta tana kabokah jiayaka natou nam ranguya nawini-Na hi Alla, hinna bijjal pakallunya ta atina, lappa nakolling madeha anna miku marenna.''PATEKKANYA NAM WAHANG NAPA HAMANNUMU¹⁶'' Daeimang hatou tekka anna paerrikayak napalita hinna toadiya mang hinna tauya takabu padoung pingi pajudda. Nam padening natauyah tam jaga anna tearunya mang hinna wahang kanna pikki itta natou nam tama ta umma. ¹⁷Kadangu daeimang damma hunga agananya napakabuning, jakka daeimang napakabuning dapapa hungang tam wahang. ¹⁸Jiayaka atonouna, mipa'ati pakalunya agananya naharangumi kadangu gearakayak nam einguna jiaya napareihi woapadangu. Jiadinguka, dam eingu memmana, hukadeki balidanya gannanya toara nam einguna.''DA TUUTANEINA HI YEHU¹⁹Mang amijaka da ina-Na jakka da anguwua-Na hi Yehu adda parega denga-Nya, jiadinguka dadda bihamang adda lihi-Nya kadangu akorru-Nya toudangu. ²⁰Atonounaka, jiayaka hipeaka-Naja, ''Da ina-Mu jakka da anguwua-Mu eija ta habalihid, kamma paregadenga-Nya widda-Gu widdanyak.'' ²¹Napagaping hi Yehu, winnajak, '' Da ina-Gu jakka da anguwua-Gu hei datou dam ranguya wini maraba Alla mang hidda pahalakuya jiaha.''ANNA PAKAWANNARUYA HI YEHU NANGILU KAPOATI AHU²²Tangaya anna deahang hi Yehu tapinu teana anna tomaja damuritu-Na, winnajak, ''Maiya kapala neihabali tahage'a.''²³ Jiayaka, atanga halakuna nateana, judda-Nanyak hi Yehu. Mang amminyak nangilu bakkul ta tahik lappak hinna tamanya wei nateana hidda tikki patabubbal.²⁴Manga, jiayak damuritu-Na hi Yehu hidda bangi-Nya widdanyak, ''Gurroo! Gurroo! Matiyak!'' Nakiddika hi Yehu gaggutnanyak na ngillu jakka na ngalung nam dokku bangatuya. Walinounak alolu kawannarnanyak na ngilu jakka na ngalung. ²⁵Jiayak hiwinnaja, ''Bayanyak namanningumi?'' Awinna nounguka, mange'atdanyak adda kabarra denganya mang pawiddang wikkidaka, ''Gearaya Natou neiye? Anna gaggutuya na ngillu jakka nawei hitiddi kawannarnanya adda keri-Ya.''NATOU GERASA NAPAPATEGAHU WALI TAMORITANA²⁶Tomadanyak hi Yehu jakka damuritu-Na ta Gerasa. ²⁷Napurunguka hi Yehu ta tana mara, amminyak namoani anna reggaya tapadoung nou nam regga moritana. Natou nei dokku madeiyak adanna waingu koapi, danna madakmang ta uma, tiddi engana ta rati mamati.²⁸Na'ittakiyak hi Yehu dunna natou nei, patiwungnanyak mang hinna karadda ta haga-Na hi Yehu. Panewinanyak anna kadoaka winnak, ''Gannanya napa ulladenga-Muga nyouwa nanni Ouwu Yehu, Anana hi Alla Tapa Doungu Majaga? Nyouwa kukarei-Wu ohapa-Muka, Abbu pamawilladikiwa nyouwa!'' ²⁹Hikeri jaji tanouna yayi mulana hi Yehu anna anna wurutunya namoritana, napaleawaya wali tatou nei weiga. Napatutulenganguk namoritana nei anna doura pipiaya natou nei lappak hikeri piadanya, hipinya galli bihhi, jiadinguka nabiha anna bottahuha dagalli bihi mang hinna marainya moritana tapadoung makahika.³⁰Mangaka, tutturnanyak hi Yehu natou nei, ''Gearaya na ngaramu?'' winnanya. Napagaping, ''Hi Legionawa winnak'' kadangu adokku danguha damoritana dam tama ta taroangana. ³¹Dudda damoritana dam eija ta taroangana kareida-Nyak abbi napaleawama takealang hamati dengang awidda.³²Tapadoung nouwu tanga eija dawawi dangu dam tanga manyerrang pa'anguda tawiwi ngabang. Damoritana dakareiya hi Yehu kanna pikki pahellagama amma tama ta wawi dangu awidda, mang hi Yehu napahellaja. ³³Lohungdanyak hei dudda dam moritana waling ta tou weiga hidda tama ta wawi dangu, jiayaka dawawi dudda hidda leijung ta kealang lappakung ta tahikuha hidda mumuh.³⁴Daittayak hei dam jawa wawi, palaidanyaka adda lippi tikkiya taparaing jakka takoata nam jaji nei. ³⁵Jiayaka, natou dangu hiamminya anna patetinya nam jaji nei. Mang ammijaka lahi Yehu hidda ittaya natou nam kalangu anna warah bali anna beabahu wali tamoritana, anna ngodu talihina hi Yehu, napakenanguk koapi, natiddika napangadanguna. Jiayaka nei nam pamange'atuha dudda.³⁶Dudda dam ittaya nam jaji neiyi, hidda tikkiya tatou hawanguk anna warahbali natou nam kalangu. ³⁷Mang jiayaka, natou nam engang ta Gerasa kareida-Nyak hi Yehu kanna halaku waling tapadoung nouw awidda mulana adokku mange'atuh. Kadang atonounaka, deatang-Nanyak hi Yehu ta teana hinna halaku bali ta Galilea.³⁸Jiadinguka, natou weiga napapategahu waling ta moritana nakareiya hi Yehu kakku maraipangalanya hi Yehu awinna. Atonouana, hi Yehu napaleawaya bali, hiwin-Nanya, '' Baliyaya ta umamu kammu pikki peakaya agannanya napalanga kerra-Na hi Alla lahi ouwu.''Halakunanyak natou neiyi hinna nahiya nakoata nou anna lippi lollukuya napawolu-Na hi Yehu ta ihina.NA ANANA HI YAIRUS APPAMORRIK BALIYA JAKKA NAM WINNI NAPAPATEGAHU⁴⁰Nabalika hi Yehu ta Galilea, toudangu nam regga-Ya kadangu ngara dukada dudda lang nadida-Nyak. ⁴¹Nou weiga einya hi Yairus nahawiddang nam aminya tahaga-Na, dunna kapalaya ta uma pingi pahabayang. Hadanni karaddanak tawihi-Na hi Yehu, anna pa'oha-Nya hi Yehu ka'amminya taumagu awinna ⁴²kadangu einya na ana kanihana nam kadauk tikki hamati, na'umuruna habulu dubba douna. Tang haga nuttungu-Na hi Yehu anna halaku, natou dangu pakihe-kihing anna pajuja wikkina adda korru-Nya hi Yehu.⁴³Nou lau eiwalinyak nam winni nam boangu raa habulu dubba dounak madeina, daeimang hatou tekka nam biha papategahuya. ⁴⁴Nam winni nei weiga nalihinya hi Yehu wali kadeanga-Nya mang hinna kerrananya na hupu koapi-Na, jiaya hinna alolu hatopnanyak naboangu raana.⁴⁵Mang winnak hi Yehu, ''Gearaya nam kerra-Ga?'' Kadang ngara dukana natou adda einguka mamangaku, winnak hi Petrus, ''Gurro, toudanguya nam korru-Gu anna patuha-tuharung wikkina anna juja-Wu.'' ⁴⁶Jiadinguka, winna hi Yehu, ''Einya hatou nam kerra-Ga kadangu karahaya nawaddi-Gu eingu malohung wali ta ihi-Gu.''⁴⁷Naraha wikkinak nei nam winni dunna adanna biha papahuninya, amminyak lahi Yehu dokku kadaddakuya mang hinna karadda ta haga-Na. Tahaga tou dangu natikkiya gannanya napa kerra dengananya hi Yehu, mang hinna lollukuya gikkinouna hinna alolu tegahu. ⁴⁸Mang jiayaka, winnanyak hi Yehu, ''Akku ana-Gu, na manningumu napategahwuka. Halakuwainguya weimaringu weimalala.''⁴⁹Tanga panewina hi Yehu, einya hatou nam waling ta umana na kapala uma pingi pahabayang aminya lahi Yairus mang winnaka, ''Na anamu mawinni namatika. Abbu hillu pareaputdi-Ya na Gurru.'' ⁵⁰Jiadinguka, Narangu tanounanyak hi Yehu winnanyak hi Yairus, ''Abbu mange'atmang. Parhayakading enga morrikuna na anamu.''⁵¹Natomaka hi Yehu ta umana hi Yairus, danna pahellamaja hatou tekka adda tama jiapaha hi Petrus, hi Yohanes, hi Yakobus, da amana jakka da inana nei nalakeada. ⁵²Ngara dukana natou nahou adda milla denganya nei nalakeada mawinni, jiayaka hi Yehu hiwinna, Abbi houding, juddananya danna matimangu.'' ⁵³Natou dangu neiweiga malikpada-Nya kadangu nahapeada dudda nalakeada mawinni nei matinanyak widda.⁵⁴Atonouana, hi Yehu nahamannunanya nalimana nalakeada nei hinna paroanya, ''Kiddiyaya, ana!'' winnanya. ⁵⁵Jiayaka, kolli balinanyak nahangahuna nei nalakeada hinna alolu dedi. Mang hi Yehu paleawanajak woanya ouhu winnajak. ⁵⁶Da amana jakka da inana nei nalakeada kabarra dengadanyak, tapi hi Yehu naheiruja abbi dapeakaya tatouwu agannanya nam jaji nei.

Chapter 9

¹Menga nou, kamaikanajak hi Yehu damuritu-Na dam touma habulu maduaha hinna woaja kuaha jakka biaha hidda reihiha damoritana, toujellana dataluya napanyakit. ²Hinna paleawaha adda lippi patomanya natu'ana na Karajaan Alla jakka kadda pikki patidding.³Winnajak hei dudda, ''Abbi iddimang gangananya talarangi ammi halaku, abbi iddimang takung, kareara, riiti, toujellana abbi kaduabellading koapi. ⁴Aga'ummaya napingi hatamami, enga nounguya hudda ammi bali walinoung.⁵Touda dudda dam tarimami, dijakunya nakoata nou mang mikobbahuja dakubbur wali tawihimi kanna pikki jaji tada lahi dudda.''⁶Walinounak halakudanyak hei darasul adda nahiha ngaradukada dadeaha hidda patomanya nawini kallung mang hidda pategahuya natou nam kadauku tahangi padoungo hangi padoungu.HI HERODES NABINGUNG DENGANYA HI HERODES⁷Hi Herodes, naraja ta wilaya nou, narangu boluyak ngara dukana nam jaji jiayaka nahabingung dengana kadangu anna dangu natou nam panewi hi Yohanes Mapa'ihu namorrik balika awidanya, ⁸hawanguk dunna hi Elia nam hunga bali winna, eijellanya hawanguk dunna nabiya nam morrik bali nam winna. ⁹Winnak hi Herodes, ''Nyouwa kutippiknanyak katopu nakatikuna hi Yohanes winna. Atonoukanak, gearaya nam Natou nuttu napalollu dakajua natu'ana Dunna jakka napawolu-Na nei?'' Jiayaka hi Herodes hinna buha oatang paparegga denga-Nya hi Yehu.-AWOAJA PA'ANGU DATOU DAM LIMA RIBUYA ¹⁰Dabalika dudda darasul, lolluk bolludanyak ngara dukana nahawoluda mang jiayak Dunna hinna waddah kahalaku meaha takoata Betsaida awinnaja. ¹¹Jiadinguka, natou dangu napeanya naha wukkuda jiayak hidda keri-Ya. Atonouana, regganajak hinna panewi dengaja tu'ana na Karajaan Alla toujelanna dudda nateggahu jiaya napamanyerrada.¹²Mamalunguka, dam touma habulu maduaha damuritu-Na ammijaka awidda-Nya hi Yehu, ''Paleawah datou hei kadda halaku tamma eingu ummana ta praingu jakka ta deaha nam eingu pingi padouda jakka pingi pa'anguda kadang ya jiata eidaka tapadoung nam kahika widdak.'' ¹³Jiadinguka, hi Yehu winnaja, ''Nyiaminguha nam woaja pa'angu.'' Dapagapinguka damuritu-Na widda, ''Dam eija lahi nyiama tiddi limakida daroati jakka deikida dakaboku, atonoukanak mahalakuha nyiama palapahii pa'angu.''¹⁴Ya nadanguna natouwu eingu lima ribuya namoani. Winnajak hi Yehu , ''Paleawahaya kadda ngodu pakalompukung, hangi kalompuku limambulu tou.''¹⁵Jiayak, hidda keriya napawinaja hi Yehu mang hidda paleawaya natou anna ngodu. ¹⁶Mang nou, hi Yehu nadekiha daroati dam limada jakka dakaboku dam deida, nahagang ta awang anna habayaja, hinna beara-bearaha, nawoadaja damuritu-Na hidda barinya natou dangu. ¹⁷Mangaka, dunna natou dangu angunanyak hudda anna bihu. Dareihi jella daroati, apakehajak dakadipikuda habulu dubba haburrada.HI PETRUS NA AKUYA HI YEHU AJIAYA HI KRITU¹⁸Einya woyayi, atanga habayang meahana hi Yehu, damuritu-Na eija anna marai-Ja. Mangaka, Dunna tutturnajak, winnajak, ''Geara-Wa Nyouwa ya winna natou dangu?'' ¹⁹Dapagaping dudda, ''Hi Yohanes Mapa,ihuya winna hawanguk, hi Elia winna hawanguk, eijelalinya nam winna Ouwu nabi makiddi bali waling ta nabi hanaduga winna.''²⁰Mang jiayaka, winnajak hi Yehu dudda, ''Atonoukanak, mawaling lahi nyiami geara-Wa Nyouwa?'' Napagaping hi Petrus, winna-Nya, ''Ouwu jia-Wuka hi Kritu mawaling lahi Alla.'' ²¹Jiadinguka, hi Yehu napa'ohha tekkaja abbi dapeakaya tatou tu'ana nei awin-Na.PEAKANANYAKA HI YEHU NAMATINA²²Manga nou, panewinanyak hi Yehu winna, ''Na Anana hi Moiri enga mawilla oatanah jakka dudda dam bokul pa'ati, da imam kapala, jakka dam peangu Taurat, dahikkalu-Nya, dahamati-Ya mang hinna kiddi bali taladu katilluna.''²³Winnajak hi Yehu ngara dukada, ''Agearakayak nam buhang pakeriwa Nyouwa, dunna najaung wikkinah, nadeituya na ai harikka wehango-wehang, mang hinna biha anna keri-Wa. ²⁴Kadangu, agearakayaka nam patarru oatanya namorrikuna, hukka damorrikuna. Jiadinguk, gearaya nam jaunya namorrikuna mula-Gu Nyouwa, jiaya nam kollinya anna pahalamatuya namorrikuna. ²⁵Gannakanyak naha utuwaidananya ageara natou nam kolli bollunya na ihina napinu tana, jakka addanna halamatkak namorrikuna?²⁶Touna dunna natou nam makiidenga-Ga Nyouwa jakka napatikki-Gu, Dunna peala na Anana hi Alla nam kiidenga jellanya natou nei tahaga-Na Ama-Na nam dedi tajoanga malaikat mabiaha. ²⁷Nyouwa ya tikki-Gunya nam padening lahi nyiami, Eija dam touma pirrah ha lahi nyiami daddi mamati hudda adda ittaya na Karajaan Alla.''HI YEHU ANNA OALIJA HI MUSA JAKKA HI ELIA²⁸Tawalu boladdu anna mengaka pamangajar hi Yehu, kamaikanajak hi Petrus, hi Yohanes, jakka hi Yakobus adda deatang tapinu ngabang lippi habayang. ²⁹Tanga habayanguna hi Yehu, nahada-Na alolu heakayak mang nakopi-Na jaji kaka kabilaknanyak.³⁰Manga, hungadanyak dam touma duaha adda panewi denga-Nya. Dam touma duaha hei dudda hi Musa jakka hi Eliaha, ³¹damma patekkang wikkida tadalu biahada mang hidda lollukuya namati-Na hi Yehu nam amminya anna jaji ta Yerusalem.³²Tanga nouweiga, hi Petrus jakka daoalina darekka judda geadumaha, tapi adda kollinguk pawella tetekka, ittadanyak nabiaha-Na hi Yehu jakka dam touma duaha adda dedi marai-Nya. ³³Adda jijaknyak hi Musa jakka hi Elia nei hi Yehu, winnak hi Petrus, ''Gurru, reihi kallunguya aeida ya. Nyiama kamma woluha tillu dakeama, hangi tagum Ouwu, hangi dunna hi Musa jakka hangi tagun dunna hi Elia.'' Awinna nouangu, hi Petrus danna peamanya agannanya nahatikkina neiyi.³⁴Atanga panewi tanouna hi Petrus, amminyak na awang anna palobburuja jiayak hi Petrus, hi Yohanes, jakka hi Yakobus hidokku mange'atuha adda tama tajoang awang nei. ³⁵Manga nouwu, rangudanyak nalii wali ta awang, ''Nei jiayaka na Ana-Gu, Dunnaka naha pedi-Gu, ranguyaya Dunna.'' ³⁶Nakawannaruka nam panewi weiga, hi Yehu tomada-Nyak ajiameaha-Ya. Dudda pahunidanyaka mang dadda malli peakamaya tahatou tekka tu'ana napa'itta hei weiga.NAM HATOUNA NALAKEADA MOANI NAPAPATEGAHU WALING TAMORITANA³⁷Nawehanguka, atanga kaburrunguda waling ta ngabang, narombongan toudangu aminyak lahi Yehu. ³⁸Hatouna wali tatou dangu nam paroang, ''Gurroo, ohhapa-Muka, patetikiganya na anagu kadangu jiameaha waikiya na anagu winna. ³⁹Patetinyah, eingu ngilu dakallung na waddi tana nam kennaya, hinna alolu patiwung. Nawaddi tana nakuhak pipianya lappak na a'ana hinna wurra, nei nawaddi tana na'ujjar pipianya dan mattamanya.'' ⁴⁰Nyouwa kukareiha damuritu-Mu kadda pikki wurutunya awigu jiadinguk dadda talumang.''⁴¹Napagaping hi Yehu, ''Heh, nyiami nanni tou damma parhaya jakka tou jallur! Pirranguha madei-Gu Nyouwa Akku oaligimi mang Akku tengimi? Marainya nimmi nei na anamu.'' ⁴²Natomak nalakeada nei talihi-Na hi Yehu, nawaddi tana dunna wo'ah pipiananyak ta tana mang hinna kuhhak pipianya. Jiadinguka, hi Yehu nagaggutuya nei dam kallung, hinna pategahuya nalakeada moani nei, mang hinna habalinya ta amana.LOLLUKNANYAK HI YEHU NAMATINA⁴³Ngara dukana natou napabuatuya nakuaha-Na hi Alla, jiadinguka atanga kabarra dengadanya ngaradukana nahawolu-Na hi Yehu, winnajak Dunna damuritu-Na, ⁴⁴''Rangu pakallunya namma winna napanewi: Na Anana hi Moiri enga harakada-Nya talima tourara.'' ⁴⁵Jiadinguka, damuritu dadda peamanya na ihina napanewi nei, kadangu nam jaji nei kabunidanyah lahi dudda jiaya hidada peanya. Atonouana, damma nge'at patutturu-Ya hi Yehu tu'ana na ihina napanewi nei.GEARAYA NAPAHAMOULUNG?

⁴⁷Atonouda, napeadanya hi Yehu agannanya nam eingu ta pangadang ngudda, mang jiayaka hinna dekiya nalakeada merrah hinna padedidaya tahagana-Na. ⁴⁸Winnajak anna panewi dengaja damurit, ''Gearaya natou nam tarimaya nalakeada merrah nei tadalu ngara-Gu, mearana anna tarima-Wa Nyouwa. Mang gearaya nam tarima-Wa Nyouwa, mearana anna tarima-Ya Dunna nam palewa-Wa Nyouwa. Kadangu, napa pajappu waling lahi nyiami , jiadiyak napahamoulung.''NAPAOALINGU NAM HAMEARA⁴⁹Pagapina-Nyak hi Yohanes winnak, ''Gurru, Einya napa ittama nam wurutunya namoritana wainya na ngara-Mu jiaya himma heirunya kadangu adda oali kalompukmadanya jiaya.'' ⁵⁰Jiadinguka, winnajak hi Yehu, ''Abbi heirumanya adanna huddadigimi, dunna oaliminyak.''HI YEHU DATARIMAMAYA TA SAMARIA⁵¹Nadaggituka narahina awuatu haila-Nya hi Yehu, Dunna napakullihuya napangadang pahagang ta Yerusalem. ⁵²Napaleawaha dawihilimana adda moulu-Nya. Mang attujaka adda halaku hidda tama tam hangina nadeaha ta tana Samaria kadda pikki hadia padoung na ami-Nya Dunna awidda. ⁵³Jiadinguka, dudda datou dam eija tapadoung hou dadda tarimama-Ya hi Yehu kadangu ahaga nuttu-Na takoata Yerusalem.⁵⁴Daitta tahoudanyak hei damuritu-Na hi Yehu, hi Yakobus jakka hi Yohanes, widdak adda panewi, ''Moiri, Mubuhadingu Ouwu nyiama kamma kamaikanya na api kanna pikki purung wali ta awang kanna pikki tunu pakerraja hei dudda?'' ⁵⁵Jiadinguka, hi Yehu nagillak taka deangana hinna kayekkahahei dudda. Mangaka, halakudanyak hi Yehu jakka damuritu-Na tadeaha hawanguk.NAM PATA'UKUNG AKERIYA HI YEHU⁵⁷Atanga halakuda talarangi, einya nam hatouna nam winna lahi hi Yehu, ''Nyouwa kakku keriya wiggu-Gu kabayajella-Gu pingi pahalaku-Mu.'' ⁵⁸Panewinanyak hi Yehu winnanya, Da ahu omang eingu go'uda pingi pa'enganguda jakka dam wurung ta ngillu eingu hi'udda. Jiadinguka na Anana hi Moiri daeimang pingi pajudda-Na.''⁵⁹Winnalinya hi Yehu nam hatouwalinna, ''Keri-Waya Nyouwa!'' Jiadinguka, natou nei winna, ''Moiri, pahella letuga kakku lippi tanupanya na amagu.'' ⁶⁰Jiayaka, hi Yehu hi winnanya, ''Mattakaja datou mati kadda patanung wikkida oali toumatida, atouna ouwu muhalaku hinguha kammu patomanya natu'ana na Karajaan Alla.''⁶¹Mang, eijellalinya hatou nam winna, ''Nyouwa keri-Gugu Ouwu Moiri, nounam kakku lippi peakalettu pakija daoaligu ta umma.'' ⁶²Winnanyak hi Yehu, ''Daeimang hatou tekka nam langa hamannu wainanya limana napakerawaingu nam hillu bali takadeangan, atonoukanak danna doumanya na Karajaan Alla.''

Chapter 10ANNA PALEAWAHA HI YEHU DAM TOUMA PITUMBULUHA DAM KERIYA

Mang nou, hi Yehu hamaddunajak dam tuoma pitumbuluha dam keriya hawanguk, napaleawaha totoumadua adda halaku moulu ta ngara dukada dakoata jakka dapadoung dapingi pahalaku-Na. ²Win-Najak hei dudda, '' Da'ihi parawing dokku dangu oataha, jiadinguk tiddi hakuddukkidda dam kerrang. Jiakadiyaka, kareiya namoirida dappa rawing kanna pikki paleawaha dam kerrang kakabuaja da'ihi parawingu-Na.''³''Huyaya! Kupaleawami mearana na ana beabu tapadua herigala. ⁴Abbi iddimang padou riti, kareara, atau tarawihi. Mang abbi mingikidengamang hatou tekka tapadu larangi.⁵Kabayaka umma jella ammi tama, mipanewi moulunya, 'Namririkang na umma ya wimmi.' ⁶Jakka adda buhhakanguk kanyuru hei datou dam eihouja, nakanyurumi naengang lahi dudda. Adaakaka, nakanyurumi nabali lahi nyiami. ⁷Enganguya ta umma nou. Angu inu noukadinguya ta uma nou kagannakananya naha woadagimi, kadangu natou nam kerrang napadou memmang anna kolling kaheawana. Abbi migehiroli hangi uma- hangi umma.⁸Tiap natomami tahangi koata mang datou adda sambutumi noulau, aaja dappa angu daha'taudagimi tahagami. ⁹Pategahuha dam kadauku dam eija houlau, peakaja, ' na Karajaan Alla nam maranik lahi nyiami wimmija.¹⁰Jiadinguka, amitamakaka tahangi deaha mang datou dam engahoung adadda sambutkamika, halakuyaya talarangi takoata nou kammi panewi, ¹¹'Lappakang nakubbur takoatami nam kadekka tawihima makobbahuja tahagami wimmija. Atonouana, minamuya nei: Na Karajaan Alla maraninanyak.' ¹²Wigugimi nyiami: atomakaya naladdu nou peala, nahataguna na Sodom reihi halealayaha waling nahataguna nakoata nou.''AWOJA PATIKKI DATOU DAM HIKKALUNYA HI YEHU¹³''Dammi marimang nyiami, Khorazim! Dammi marimang nyiami, Betsaida! Akku patekkakanyak nabiaha-Gu matoung ta Tirus jakka ta Sidon, enga haria madei-deidak hidda maregi adda kalana. ¹⁴Jiadinguka, atoma naladdu pahaking, napataguna na Tirus jakka na Sidon reihi haleaya waling nahatagumi nyiami. ¹⁵Mang dummu, Kapernaum, penya dummu deddikukadigu ta Surga? Da'amang, nyiami le'adagimi takaleana mati!¹⁶Gearakaya nam rangumi, rangudagaka Nyouwa. Jiadinguka, gearaya nam hikkalgimi,mearana anna hikkalu-Ga Nyouwa. Manga, gearaya nam hikkalu-Ga Nyouwa mearana anna hikkalu-Nya Dunna nam paleawa-Wa Nyouwa."DAMORITANA DAKARADDAJA DAMURITUNA HI YEHU¹⁷Mang nou,balidanyaka damurit dam toum pitumbuluha dokku hennanguha mang widdak adda panewi, " Moiri, damoritana dakaradda tekka lahinyiama amma wainya ngara-Mu," ¹⁸Winnajak hi Yehu heidudda, " Nyouwa Ku'ittahakka damoritana adda kana'u waling ta awang mearana nakaballa.¹⁹Kammi peanyaya yayi Kuwoagimika nyiami kuaha kammi letiha damaddu jakka datamihik, toujellana nakuaha kammi kullihu ammi lawanya namuhumi. Dajiang eimangu nam pahiddumi. ²⁰Jiadinguka,abbi mihenang dengamaja adda karaddagimi hei damoritana,mihenang denganya na ngarami atuligiminya ta surga, "ANNA HABAYANG HI YEHU TA AMANA ²¹Jiayak nouweiga, " Hinna henang hi Yehu tadalu Hangahu Matua-Na mang hi winna, " Nyouwa Kupawai-Wu Ouwu Ama,na Morina na awang jakka napinu tana,kadangu Ouwu Mukabuninya nam toungu neiyi waling tatou peangu nam wahang pangadanguna. Jiadinguka, Ouwu -Mupatekkanya talakeada ana rara. O Ama, kadangu ajiayaka nam patu'a ta haga-Mu.²²Na Ama-Gu langa haraka bollunagajakka lahi Nyouwa, mang daeimang hatou tekka nam peanya na Anana jiapaya hi Ama. Toujellana daemanggu hatou tekka nam peanya hi Ama, jiapaya na Anana jakka na tou napakabu ati-Na anna peakananya. "²³Mang jiayaka, hi Yehu hinna hagaja damuritu-Na mang hi winnaja anna panewi denga meahaja, "Damaririkangu dudda dawuamata dama ittaya napa ittami nyiami, ²⁴Gannanya hi wig-Gu nougimi nyiami: Dadangu danabi jakka daraja damma buhangu pa'ittaya napa ittami nyiami ya, jiadinguka dadda ittamaya.Mang dabuha oatangu paranguya yayi, jiadinguka dadda rangumaya."NATOU SAMARIA NAM KALLUNG ATINA ²⁵Mangaka,nam hatouna nampeangu Taurat kiddinanyaka anna kakaya hi Yehu, winnak, " Gurru, gikkineigu nyouwa kakka pikki kollinya namorriku malodung?" ²⁶Napagapinya hi Yehu winnanya, "Gannanya nahatuli tahurat Taurat?Gannanya napabahamu ta ihina nahurat?" ²⁷Natou nei pagapingnanyaka, "Minamuya hi Mouri na Allami,mawalingu takalaki atimu,mawalingu talolu pangadangumi,mawalingu takka luakullihumu jaka mawalingu ta ati peangumu.Manga munamuya naoli touraramu merangu aminamuya na ihiwikimu," ²⁸Winnanyaka hi Yehu, "napagapingumu nakenahinguyaka. Kerihinguyaya nouwu, enga morrikummu,"²⁹jiadinguka,natou nei napabenarru wikkina, jiayaka hiwinna lahi Yehu, " Mang gearayaka naoali touraragu?" ³⁰Napagapingu hi Yehu winnaka anna panewi, "Einya nam hatouna namawalingu ta Yerusalem anna hagangu ta Yerikho, hinna kenna rampuk dappa rimanaja dangawuna mang hidda paluya, mengak hapaluya mattadanyak ta larangi hinna tikki hamati.³¹Aminya na imam dunna nam linoung. Na'ittayak nei natouwu, tiddi halaku dijaknanyak annali ta larangi hawanguk. ³²Toujellana nam aminya natou Lewi dunna, na ittayak nei natouwu tiddi halaku dijjak jellana hinna linoung ta larangi hawanguk.³³Jiadinguka dunna, aminyaka natou Samaria nam tanga halakuna hinna linoung. Manga, na ittayaka nei weiga natouwu, millananyak na atina. ³⁴Jiayaka natou Samaria dunna hinna lihinya, mang nataunaja moru damma manunga. Nakarudduhnaja minya jakka anggur,mang hinna hailanya tapinu keledaina marainanyaka ta umma, hirawatuya. ³⁵Heling hangi laddu, natou Samaria weiga palohung ritinanyak dubba dinar hinna woanaja nam jawaya na umma padouna mang winnak, 'Taukinaja moru damanungana natou nei. Langa kapirra jella dappa padukkamu daritimu ammu uruhwainya, nim akku bali kuheapaguja.'''³⁶Manga, winna hi Yehu, ''Manurut ouwu, gearaya nam namu oali tourarana waling datou dam touma tilluha hei tu'ana natou nam kenna rampuk? ³⁷Napagaping nei nam peangu Taurat, ''Natou nam gatanya anna milla ati denganya jiaya, winnak.'' Mang jiayak hiwinnanya hi Yehu, ''Huyaya halakuyaya, keriyaya katoujellamu.''HI MARIA JAKKA HI MARTA³⁸Atanga halakuda hi Yehu jakka damuritu-Na, tamana-Nyak hi Yehu tadeaha nam hangina, noulau einya nam winni nam ngarang Marta na hinna regga-Ya anna marai-Nya ta ummana. ³⁹Hi Marta einya na angumahawa hi Maria ya na ngarana jiayak nam ngodu talihi wihina hi Yehu anna kahiluya nahatikkina hi Yehu.⁴⁰Jiadinguka, dunna hi Marta nahibuk tekka anna kerra bolunya napakerrang. Lihinanyak hi Yehu winnak, ''Moiri, Dammu ittamaya Ouwu nei angumahawagu anna matta meahaga akku kerra meahang? Paleawa kanna kerra dengakiga nyouwa!'' ⁴¹Jiadinguka, winnak hi Yehu anna pagapinya, ''Marta, Marta, ouwu kawatiru noumunya nam hamamatuna ammu pamawilang wikkimu. ⁴²Hangipan ya namma penting ga. Nei hi Maria mareihi kallungyaka nahapedina, mang daeimang madekinanya waling lahi dunna.''

Chapter 11ANNA PAPEAKANG HABAYANG

¹Einya nam hangina naladdu, anna habayang hi Yehu tahangi padoung. Namengaka pahabayang, hatou waling tamuritu-Na panewi dengada-Nyak widda-Nya, ''Moiri, ajaruma nyiama habayang toung hi Yohanes anna ajaruha damuritu-Na.''²Mang jiayak hi Yehu hi winnaja dudda, ''Ammi habayakanguka, wimmi noung nei: Ama ,pabiaha-Gunya na ngara-Mu. Ka'amminyaya na Karajaana-Mu.³Woakigama nyiama tutu rekka anguma taladdu ya, ⁴abbi kilolu doaku jalakama nyiama kapikki toujellama nyiama addama kilolu halaya natou nam eingu halana lahi nyiama.Mang abbi pahellakama nyiama aeingu mamageiwaigama.'''KAREIKADING, MANYERRAKADING, JAKKA KATTOKADING⁵Mang nou, winnajak hi Yehu hei dudda, ''Touna nyiami aekanguka hatou wali lahi nyiami nam oali atina mang kammi halaku ta umana ta dokku ridungu mang kawiminya, 'Oali ate, woalettupag roatimu tillu, ⁶kadangu eikinya naoaligu hatou nam eingu pingi palauna liinanya ta umagu, jiadinguk damalli gannamananya nam eingu kakku woakinya.' ⁷Napagapiding nammu wali ta umma, 'Abbi ulladiga winna! Kukuhiyak nabinna mang nyouwa juddagunya regga anama tapingi pajudda. Dakku hillu biahamaha pakiddi akku woagu gangananya.' ⁸Nyouwa wig-Gugimi, touna weiga naoalimi langkadan kiddikang addanna woagimi gannanya napakareimi ammi oali atinya, jiadinguka alanga pa'ohakaminyaka, enga kiddina anna woagimi gannanya napakareimi.⁹Jiaya, Nyouwa hi wi-Gugimi kareikading, peala nyiami enga woadagimi. Manyerrakading, peala nyiami enga kollingumi. Kattokading, nyiami peala enga wehadagimi binna. ¹⁰Kadang agearakaya nam karei enga woadanya. Kagearaya nam manerrang enga kollinguna. Mang gearaya nam kattok ai binna enga wehadanya binna.¹¹Eijellang nam lahi nyiami nam woanya maddu na anana anna kareikaka kaboku? ¹²Atau nam woanya tamihik na anana, anna kareikaka tillu manu? ¹³Jakka atouna nyiami nam jahatu ammi peakanguka pawoaja makallung da anami, reihel yaha na Amami ta surga. Nawoaja Hangahu Matua hei datou karei lahi Dunna.''HI YEHU WAINGU KUAHA ALLA NANYA¹⁴Tangaya woyaa, hi Yehu anna wurutunya namoritana wali tamoani nam kabanga. Nalohhunguka nei namoritana, panewinanyak nei weiga nam kabanga jiaka natou dangu hinna kabarra denganya. ¹⁵Jiadinguka, hawanguk datou widda, ''Dunna anna wurutunya namoritana wainanya nakuaha Beelzebul, nam kapalaja hei damoritana.''¹⁶Eija dudda hawanguk dam uji-Ya hi Yehu, hidda karei-Ya tada waling ta surga. ¹⁷Jiadinguka, hi Yehu napeadanya nam eingu ta pangadanguda mang jiayak hiwinnaja, ''Nam hangina na karajaan anna bearakaka page'ang wikkinanyak mang hinna ruhak. Toujellana, nam hangina na uma adda pamuhung wikkikadak dam paoali roangu umangu jianga maheangunah.¹⁸Atonoukanaka, damoritana adda ka'ihakukaka mang hidda page'ang wikkida, gikki neikanak na karajaanada anna kullih? Nyouwa hi wiggu noigimi mulana nyiami ammi panewi waingu kuaha Beelzsebul nanya anna wurutung moritana awimmi-Ga Nyouwa jiaya. ¹⁹Jakka Akku wurutkanguk moritana wainya nakuahana hi Beelzebul, ga kuahak hawaida da anami adda wurutuja dudda? Atonoukanak, hammuka dam jaji hakimumi. ²⁰Jiadinguka, jakka Akku waikanguka kuahana hi Alla Akku wurutung moritana, na Karajaan Alla amminyak lahi nyiami.²¹Jakka dunna natou kullih nam mangu senjata lengkapuna anna jaga na istanana, da hartana enga aman hinguda. ²²Jiadinguka, jakka eikanguka tou nam reihi kullih anna pakalakayaka, nei natou nam reihi kullih weiga dekinajak da senjata dappa kadawuna mang hinna bariha da harta dappa kollina. ²³Gearakayak dam pakeri lahi Nyouwa, dunna lawana-Ga Nyouwa. Jakka gearakayak damma pakahanging anna keri-Wa Nyouwa, jiayak dunna nam pahea'ang.''NABALINA NAWADDI TANA DAKALLUNG²⁴''Anna lohukanguk nei waddi tana dakallung wali tatou, halakunanyak anna nahiha dapadoung makadoku hinna ealung pingi pamadakuna, jiadinguk daeimang padouda. Kadang atonounaka, winnak,'Kubalikading ta umma napa langa dijakugu.' ²⁵Natoma balika, tamananyak ta umma nam doku warahuya appa nyawiya jakka nam dokku manappihuya. ²⁶Mang jiayaka, na waddi tana dakallung nei halakunanyak lippi kamaikaja dam touma pituha damoritana dam reiha jahat hidda tama ta umma jiayaka natou weiga hitaba akituna waling nakawungana.''NATOU NAM MARINGU²⁷Atanga panewi nei hi Yehu, hatou nam winni nam einya tapadua winna anna kadoaka, ''Nakanyuruka napadou lakeada takabuna nam pajaji Ouwu jakka dahuhuna nam pahuhu-Wu Ouwu.'' ²⁸Jiadinguk, hi Yehu winna, ''Namaririkang natou nam ranguya nawini-Na hi Alla jakka dam keriya.NATADA LAHI YUNUH²⁹Tangaya anna mangojuk natou ataba danguna, panewinanyak hi Yehu winnak, ''Datou hei labbi tou jahatuha, datuntut oata tada, tappi jiadinguk damalli hangimang tada papatekkadaja jiapaya natada lahi Yunuh ³⁰Matoung hi Yunuh anna jaji tadadana natou ta Niniwe, tanoukadinak peala na Anana hi Moiri anna jaji tadada datou hei.³¹''Tomakayak nakaweadana natana, namoritana kaweada wali ta Selatan nakiddi maraija dalabbi tou hei mang hihukuja kadangu naha amidengaja waling tahupu dukka tana kamma ranguya napeanguna hi Salomo widda, jakka jiapananya einyak nam hatouna nam reihi waling lahi Salomo.³²Tomakayak nakaweadana natana, natou Niniwe jiang kiddi marainguda dalabbi tou hei mang hihukuja, kadangu natou Niniwe hinna haria mulana nakhotban hi Yunuh tahagada, jakka jiapaya ya einyaka nam reihi peangu waling lahi Yunuh.DAWUAMATA JIAHAKA DAHULU TA IHIDA³³Daeimang hatou tekka namengak pakadekkanya napalita hinna tauya tamma patoddang atau takabbu padoung. Jiadinguk, datearunyah napalita tamma jaga jiaya hinna itta mawahang natou nam tama ta umma. ³⁴Dawuamata jiahak dahulu ta ihimi. Jakka adda kalluding dawuamatami, ngara dukana na ihimi nawaha bollung. Jiadinguk, jakka adda dadda kallukanguk dawuamatami, ngara dukana na ihimi nakapettang. ³⁵Mula atonounaka, maromatunya nam wahang ta ihimu abbi nahillu kapettang. ³⁶Jakka anna wahabollukanguk na ihimu abbi hillu eingu ta ihi hawangukumu makapettang, na ihimu nei enga waha bollunguna mearana nam hangina na palita anna pawahagu wainya na errikuna.ANNA TAGORUHA HI YEHU DATOUPARIHI JAKKA DAM PEANGU TAURAT³⁷Namengak hi Yehu papanewi, hatou natou Parihi nakamaika-Nya angu. Dunna ammi-Nya, hinna ngodu anna angu.

³⁹Atonounaka, winnak hi Yehu, ''Datou Parihi toung ouwu mipawarahuha dakka deanga kaa jakka da deanga ta'ung, jiadinguk dataroangami darekka millung maha ammi porrat mang himmi jahat. ⁴⁰Heh nanni tou jinga! Penya da Nammumang nawoluha dam eija tahabali hiddi jakka ta roangu? ⁴¹Mula atonouna nei, mibarimannuha agananya nam eingumi jiahaka damanuatungumi, mang himmi warah tetekka.⁴²Jiadingu atonouna, dammi marimang nyiami, tou Parihi! Kadangu ammi wuangu manuatung nam waling dappa hamullami, ngara dukada da ihi kahibumi, tappi nyiami dammi ihilinoumanya na adilu-Na jakka napanamunguna hi Alla. Akerihingukayak, nyiami mipajurru bolunyah abbi eimang pahelimi hawanguk.⁴³Dammi marimang nyiami, tou Parihi kadangu ammi ngodu tapadoung kallung ta umma pingi pahabayang mang appa'aka oatagimi ta pahar. ⁴⁴Dammi marimang nyiami kadangu peala magatoungu watu rati mamatimi nahaleti pipia tou mulan adda peanya.''⁴⁵Mang nou, nam hatouna nam peangu Taurat winnanyak hi Yehu, ''Gurru, Appa wim-Mu noungu Ammu panewi nei, Ouwu meara jellanaka ammu pajappuma nyiama.'' ⁴⁶Jiadinguk, napagaping hi Yehu winna, ''Dammi marimang nyiami, nanni nam peangu Taurat! Kadangu, nyiami mitaunya beban mabuatu natou hawanguk, mang na ihiwikimi nyiami danna buhamang padeddaya nabeban langa tiddi waiminya hangi karagu limma.Dammi marimang nyiami kadangu ammi woluja rati da nabi dappa hamatida da ama peangu. ⁴⁸Hukkawimmi jellah, nyiama mabuhanya nahawoluda da ama peanguma awimmi: hammuk damma hamatiha da nabi, mang dumma himma woluja ratida .⁴⁹Nei jiayaka nawuddana, Hi Alla ta dalu peangu-Na winna anna panewi,'Nyouwa Kupaleawaha da nabi jakka da rasul lahi dudda, jiadinguka datou dapapaleawa-Gu hawanguk dahamatiha mang hawanguk dapaluha adda pamawillaha,' ⁵⁰touda da raada da nabi, dam boang waling kawunga jelli tana, kadda tangaraha dalabbida, ⁵¹waling na raana hi Habel lappak na raana hi Zakharia, napahamati tapadua roangu uma ta Bait Alla. Jiaya, Nyouwa hikku panewigiminya dalabbi tou heika damma tagudeituya nei.⁵²Dammi marimang nyiami, he nam peangu Taurat! Kadangu nyiami nam dekiya nakuhi napapeadengang, kadangu nyiami wikki dam weaku pa tama mang himmi heirunya natou hawangu anna tama.''⁵³Nadijaknyak hi Yehu napadoung nouwu, dam peangu Taurat dudda jakka datou Parihi muhuda-Nyak mang geahuda-Nyak adda tutturu-Ya.

Chapter 12NAMUNAPIKUDA DAM PAREAHA YAHUDI

¹Taladdu nou weiga, atanga kabuangu dataou adda paleteleti wikkidda, jiayaka hi Yehu hinna panewi dengamouluja damuritu-Na, winnajak, ''Mipa'atikija daragida hei datou Parihi, namunapikuda jiaya.²Kadangu, ngaradukada dabba toadida enga wehadajah, jakka ngara dukada dappa kabuningu enga hungada. ³Kadangu agannanya napapanewimi tam kapettangu enga rangudidanya tam wahang jakka dappa kabuttikumi takorrungu ranguha lappak takabungu umma.MANGE'ATUNYA HI ALLA⁴Nyouwa Kakku tikkigiminya nyiami, Akku oali atigimi, abbi mange'atmaja hie dudda langa kamahamati touha, jiadingu tahabalinouwu dahillu eimanguha patikkida. ⁵Atonouana, Nyouwa Kupanamugiminya gearaya napamange'atumi: mange'atnyah Dunna, anna menga hamatimi mang hinna le'ami ta neraka. Oa, Dunnanguha napamange'atumi.⁶Peanya nam damma limmada dam mawurung adagakaja dubba riti bihikida? Jiadinguka, daeimang heing tekka mawurung padengngana tahagana Alla.⁷Jappa haluwa naloegimu takka tikkumu nayapuguja.Abbi mange'atdingu,nyiami rehi mangu hiimi waling tam wurung dam manginu dangu."APPANAMUDANYA DAM PAHUNINYA HI YEHU⁸Nyouwa wigugimi,geraya nam mangaku-Ga Nyouwa tahaga tou hawanguku, enga Akku mangakujellnya tahaga malaikat Alla. ⁹Jiadinguka, gearaya nam pahuni-Ga tahagana natou hawanguku Kupahunijellanya dunna tahaga malaikat Alla. ¹⁰Jakka, agerakaya nam panewi anna pakituwai-Nya na Anana hi Moiri dakilolumaya, jiadinguk agerakayak nam manyarik waingu na Hangahu Matua danna bihamemmah apoddahnaja da halana.¹¹Touna baru adda maraikagimika ta uma pingi pahabayang tahagada dakapala dam tiddang, abbi momudingu gikkina wimmakaka peala abbi wimmiding, ¹²kadangu noujella peala na Hangahu Matua anna peakagimi agannanya nahatikkimi.''AHAMEARA WAINYA NATOU POATI¹³Einya nam hatouna tajoanga toudangu nam winnanya hi Yehu, ''Gurru, paleawaha da anguwuaku kabariha da hakkuma.'' ¹⁴Jiadinguka, hi Yehu winnanyak dunna, ''Anguwua, gearaya nam haila-Ga Nyouwa Akku jaji hakim lahi nyiami nam?'' ¹⁵Mang nou, winnak hi Yehu lahi dudda, ''Marommatung jakka pa'atiki abbi harainoungu pangadangu nadedimi tapinnu tana kadangu namorrikuna hatou-hatou dawalinoumana nadanguda dahapoatina."¹⁶Manga, hi Yehu panewinanyak anna waingu hilu hamearang lahi dudda, ''Einya natana natou poati nam kollinya nahasiluna nam dokku dangu oataya. ¹⁷Jiayaka, winnak napapangadana ta atidaluna, 'Gikki noukaguka kadangu dahillu eimanguha pingi habijjalguja da'ihi pa'angugu?' ¹⁸Manga, winnak dunna, einyak nei peala nahawolugu nammu. Kuweharu bolluha taleppitugu kakku pikki wolu mareihi bakul. Nouka peala, akku bijjal nouja dappa angu jakka nam naingugu. ¹⁹Mang jiayaka, wigguka akku panewi ta atigu, 'O deawagoo, ouwu dadanguka dabarangumu dahabijjal bedou-bedouda; hangahuyaya, anguya , inunguya, mang gokku geilaya!'²⁰Atonouana, hi Alla winnanya natou nei, 'heh, tou kabanga! Nariddung yayi, nadeawamu dekidagunya waling lahi ouwu. Manga, gearakaka nam kollija anna hakkuja hei dahapoati dahabijjalum? 21 Tanounak nam jaji ta ihina natou nam bjjal hapoatina anna dedi meaha, tappi danna dedimang tahaga-Na hi Alla.''ABBI KAWATIRDING²²Panewinanyak hi Yehu awinnaja damuritu-Na, ''Kadang atonounaka nei, jiaya Nyouwa hiwi-Gugimi, abbi kawatirmanya namorrikumi, agannanya naha aami. Atau, mikawatirunya na ihimi, . agannanya naha pakennami. ²³Kadangu, namorrik reihiya penting uya waling tapa angu jakka na ihi reihi pentinguya waling tapapa kennang.²⁴Patetihouja da gaga dam wurung. Dudda dadda rawimang mang dadda pupumang, mang duddakaya daeimang gudangnguda atau leppituda, jiadinguk hi Alla nawoaja pa'angu. Nyiami reihi mangu hiimi waling ta gaga dam wurung hei. ²⁵Gearaya touna nyiami kadangu anna kawatir nam taba hakawodu ta morrikuna? ²⁶Jakka touna nyiami dammi bihakaka ammi pahalakuya napangadangumi tam merrah nei, mang ga him kawatirlinya hawanguk?²⁷Patadahoujaya dabunga bakung, gikki nouda natubuda. Hei dabunga dadda kerramang atau dadda tinnumang, jiadinguk Nyouwa wig-Gugimi nyiami, jappa hi Salomo tadalu dedina anna pakennang koapi danna hamearamang namanadanguda dabunga hei. ²⁸Touna hi Alla jakka anna pamanadakadija daruutu tama redda, dam tubu ya laddu atomaya baruwehang dahale'a ta api, penya dareihidiya anna pamanadagimi nyiami waling ta ruutu hei? Hei nanni nyiami nam kurang parhaya!²⁹Jakka atonoukanak, abbi manyerradinya agannanya naha aami atau agannanya naha iinumi, mang abbi dadar atidengadinya. ³⁰Kadangu natou tapinu tana jiabolluyak napa manyerrana, jiadinguk na Amami napeanya nahaparlumi.³¹Atonoukanak,anyerra nou moulukadinyaya na Karajaan Alla, jiaya ngara dukana nahamorrik waimi hitabagiminya.''UTUNOUNG HARTA TA SURGA³²Abbi mange'atding, hei oali milla, kadang na Amami enga woanagiminya na Karajaan nei.

³⁴Kadangu, abba yaja aeihaja dahapoatimi noujella na atimi pingi einya.''NA ATA NAM MIKKU NAKERANYA NA TUGAHUHA³⁵''Annakaya nabaggimu kammu pipangalanya jakka nahulumu kanna errik pangalangu. ³⁶Jajiyaya mearang natou nam nadinya namoirina anna balina waling tamma nika adda alollu wehanya binna, anna balikaka jakka anna katokkuya nabina.³⁷Namaririkang dudda da ata, dappa tomana namoirida dam langa hadiada, atanga amminya namoirida. Nyouwa wig-Gugimi nyiami, mapadeninguya, dunna enga pinanya nabaggina anna layaja jakka anna kamaikaja da atana adda ngodu hidda angu. ³⁸Jakka a'ammikanyak nam tiddang ta paduakariddung atau ta rani dammu mang kanna toma hei dudda toupangalada, pakanyurudajak dudda!³⁹Nounam kammi peanya, jakka dunna atouna namorri umma anna peakanyak agajammuya a'amminya namkeadda, dunna danna pahellamaya na ummana aweharnanya. ⁴⁰Jiakadiyaka, nyiami mirahhuk pangalakadingu kadangu na Anana hi Moiri a'ammi-Nya dammi peamanya na rahina.''⁴¹Menga nou, hi Petrus tuturna-Nyak, ''Moiri, penya Ouwu Ammu lollukuya nahilu hamearang nei tiddi lahi nyiamakiya atau tatou hawanguk jella?'' ⁴²Napagaping hi Moiri, ''Gearaya nam nakapala palayang nam hatia jakka nam kallung pangadanguna napa parhayana namoirina kanna pikki maromatuja da ata hawanguk, kanna woaja pa'angu kadda wingu angu? ⁴³Napakanyuruya na ata nei,mang a'amminyak namorina,natonya dunna na tanga pahalakunanya natugahuna.⁴⁴Nyouwa wigugimi nyemi,jiahinguyaka nahawukuna nei namorina kanna marommataja ngara dukkada dahakku.⁴⁵Jiadinguka,jakka anna panewikaka ta atina,nei na ata malli da'ammidinya na moirigu awinnakaka,mang hinna tauha da atana hawanguk damawini jakka damoani,mangnou hidda angu jakka inung hudda adda mawuk, ⁴⁶kollipanguka paamminya namoirida haballi dahapeada hei da ata, dorudajaka hei dudda manghitauha tapadouda datou dam hatia.⁴⁷Na ata nam peanya naha kabbu atina namoirina, jiadinguka danna kerimaya nahakabu atina namoirina jiayakka hinna pahiduya anna tauya. 48 Atounounakka, jiayakka nei na ata damma keriya nahakabbu atina namoirina anna keri nounya nahawukkuna dunna jiayakka nahakolling dengana palu,jiadinguka danna palu hawiddi manya. Gearaya natou nappa woapadangu, kareijellaya madangu. Mang dudda dappa parhaya oata jiahakka dappa karei rei dangu.HI YEHU NAPAKAHIRA⁴⁹Hi ammi-Ga Nyouwa Kakku le'anya api napinu tana wig-Gu,Napawukku hingu-Gu na api kanna errikuya! ⁵⁰JIadinguka, einyaha na ihhu nappahalaku-Gu, mang Akku rahaya daddi napiamaha lappak hudda appahupuya.⁵¹Peanya ammi pangadananya nyiami, Hi ammi-Ga Nyouwa iddi-Gu-nya na weimaringu tapinu tana? Da'amang, Nyouwa wig-Gu gimi nyiami jiadinguka pakalikki-Gugimi! ⁵²Waling ya, tou malimma waling nam hangina naroangu umma enga pakalikidaja.Touma tillu ge'ang touma dua,touma dua ge'ang touma tillu. ⁵³Dudda pahewaja; Na amana nage'anya na anana moani,jakka da lakeada moani ge'anya na amada.Na inada nage'aja da ana mawinina, jakka dalakeada mawinni dage'aja da innada. Nayanuna nage'anya nawiana, jakka nawiana na ge'anya na yanuna."AKA TUTUYA NADONGU⁵⁴Manga, winnajak hi Yehu hei datou dangu, ''Ammi ittakayak nyiami narobbang anna kehha taladdu malung, wimminya nyiami, daggitnanya anna purung na urrang,'mang na urrang napuru tekkang. ⁵⁵Atanga ammikanyaka na ngillu ammi peddanya nam waling ta selatan wimmi nyiami, 'Laddu yayi wajal oata, toutekkana anna jaji. ⁵⁶Nyiami to munapik kummi! Nyiami mipeikang ammi katutuya nahadana na awang jakka ta tana, tapi dammi bihamang ammi katutuya nadoung nei?''⁵⁷''Gawali nyiamihi dammi bihali ammi pediya nam kallung? ⁵⁸Atanga halakukamika ammi maraija damuhumi ammi haganya nam pareaha,mi'ealuya kankallu memmang talarangi kammi dami abbi nahillu toma ta hakim mang da hakim dudda abbi daharakagimi ta pangawal, mang dappa ngawal abbi dapatama gimmi ta gallu.⁵⁹Nyouwa wig-Gu gimi nyiami, dajianga lohungmami adaddi mimengakahaka da'uttangumi hudda adda dukka abbi hillu eingu hakudduk tekka.''

Chapter 13

¹Noulau eija dam tou mapiraha datou adda peaka-Nya hi Yehu tu'ana natou Galilea naraana napapa ha'uruna hi Pilatus ta raa manuatunguda. ²Napagapinguk hi Yehu winnajak, ''Penya nyiami nammu ammi pangadanya natou Galilea nei reihi danguha dahalana waling tatou Galilea hawanguk kadang dudda amawilla tohouda? ³Nyouwa wig-Gu gimmi nyiami, da'amang. Jiadinguka, jakka adammi hariakaka, ngara dukami nyiami mimati jella.⁴Atau nam datou dam touma habulu waluha adda mati, dahapittak umma jaga talihi kolam Siloam, penya ammi pangadaja dudda reihi hinguyak nahalada waling tatou nam einya ta Yerusalem? ⁵Wig-Gu gimmi nyiami, da'amang. Jiadinguka, jakka adammi hariakaka, ngara dukami nyiami mimati bollu jella!''NAPINGI KAPILITA DAMMA EINGU WUANA⁶Hi Yehu panewi jellananyah anna hameara wainya nei: ''Einya nam hatouna nam mangu pingi kapillituna napa hamullana ta kahibu angguruna. Jiadinguka, tanga amminya anna manyerrang wuana, danna ittamang. ⁷Jiayaka, hinna panewi denganya nam tagu jawaya nakahibuna, Tillu douguka ya a'ammiga akku manyerrang wuana nei naping kapillit, dakku haronguk hingumah malli hangi'ak. Pogu lurruhuya nei napingi ai! Ga hiwolu wainya nei na tana ataude'aya nei napingi ai?'Jiadinguka, nam jawa kahibu winna anna pagaping, 'Moiri, pahella lettukadinya hangi doung lumma panna wuakingu. Jemmakanya kuhowukanya tana tawiwina kakku pikki taunya pupuk, ⁹jakka anna wua'aking hadoung. Adanna hillu wua jellakaka, pogukadiya moiri.'''ANNA PATEGAHU TOU HI YEHU TALADDU MIGGU¹⁰Tomadanyaka narahi mangajaru-Na hi Yehu ta umma pingi pahabayang taladu miggu. ¹¹Einya noulau nam hatouna nam winni nam regga moritana jiayaka hinna kapiala habulu walu douna. Nakadeangana nam winni nei nalawohu hiddanna lurruh anna dedi.¹²Na'ittayak hi Yehu, kamaikananyak nei nam winni hi winnanya anna panewi denganya, ''He dum mawinni, ouwu teggahmunyak wali ta panyakitumu.'' ¹³Mang jiayak hi Yehu, hinna jamiya limma-Na nam winni nei hinna alolu lengang na panyakituna, piakunanyaka padedi luruh mang hinna wuatunya hi Alla. ¹⁴Jiadinguka, nam pimpin ta uma pingi pahabayangu nei hukka atidengana hi Yehu anna pateggah tou taladdu miggu. Winnanyak natou dangu, ''Eingu nammu laddu akerrang. Kadang atonouna, ammigimi taladdu nouwu kappategahumi da taladdu miggumang.''¹⁵Jiakadiyaka, hi Moiri hinna pagapinya natou nei, winnanyak, ''Nyiami nanni tou munapik! Penya nam nyiami dammi pahellamaha da hapimi atau da keledaimi dahapiimi ta gallu mang himmi walija adda lohung lihapa'inuja wei taladdu miggu? ¹⁶Datonou jelladina nei nam winni nammu, nalabbina hi Abraham nappa pingu moritana ahabulu walu doukaran, mang hippa hella jellaya tanga naladdu miggu?''¹⁷Tanga panewi tanouna hi Yehu, ngara dukada da ge'ana pammakiiha, jakka datou dangu dokku hennanguha adda ittaya nahawoluna nam dokku biahaya.AHAMEARAWAIJA DAWATU SESAWI JAKKA NA RAGI¹⁸Manga nouwu, winnak hi Yehu, ''Giiki neinak nam na Karajaan Alla nei? Ganna noukanyak nammu napahameaara wai-Gunya? ¹⁹Na Karajaan Alla dunna mearana na watu sesawi napadekina natou hinna hamulaya ta kahibuna; nawatuna nei hinna tubu ta kahibu hinna jaji pingi ai, mang amijaka dam wurung hidda wolu noung hi'uda ta kahangana.''²⁰Mang winna jellapaha anna panewi, ''Ganna noupanyaka napa hamearawai-Gunya na Karajaan Alla? ²¹Na Karajaan Alla dunna mearana na ragi nahadekida dam winni hidda paha'urunya tatepung nam tillu kiluna lappak ngaradukana na adonan hinna deahang anna habudu.''HAKUDDUKIDA DAPPA PAHALAMAT²²Namatnajak hi Yehu ngara dakoata jakka deah-deaha, hinna ajaruha mang hinna halaku pangalangu ta Yerusalem' ²³Mangaka, nam hatouna tutturnanyak, ''Moiri, penya hakudduk kinna natou nappa pahalamat?'' Panewinanyak hi Yehu lahi dudda ngara dukada winnajak, ²⁴''Miparuhukading kammi pikki tama ta binna nam hadanga; jiaya hiwig-Gugimi, nadangu natou nam paruhung anna tama noung, dudda dadda piakumang.²⁵Jakka dunna namori umma anna kiddikaka anna toadiya nabinna ummana, touna nyiami ammi dedikaka tahabali hiddi mang himmi todunya na aibinna, awimmi ammi panewi,'Moire, wehakigama binna nyiama. Dunna napagaping winna, 'Nyouwa dakku pe'amigim pingi hawalimi.' ²⁶Jiayak nyiami himmi pagaping, wimmi, 'Nyiama ma'aadenga-Gu jakka ma'inudenga-Gukka Ouwu. Mang Ouwu langa mangajar-Muka talarangi takoatama nyiama.' ²⁷Jiadinguk, Dunna napagaping, 'Nyouwa dakku peamagimi jakka napingi hawalimi. Huyaya halakumi wali tahaga-Gu, nanni nam woluya dam kallung!'²⁸Nyiami mihou jakka kirre-kirre wuangiddumi ammi ittakahakka hi Abraham, hi Ishak jakka hi Yakub, oalide'ada da nabi dam eija ta Karajaan Alla mang dummi tiddi kawuhuk dagimi tahabali hiddi. ²⁹Mang nouwu, ammija datou dam waling taladu baru jakka taladu malung, jakka dam waling ta utara jakka ta selatan. Dudda hei ngodudanyak adda angu jakka adda inung ta Karajaan Alla. ³⁰Napadening tekkang, natou nam muri jiawaliya nam moulu jakka natou nam moulu jiawaliya namma muri.''NAHALAKU HINGUHA HI YEHU TA YERUSALEM³¹Taladdu nouwu weiga, eija dam touma pirraha datou Parihi dam amija lahi Yehu mang hiwidda, ''Halakuwuya dijakunya nappadoung yayi kadangu hi Herodes kakkau hamatiya winna-Gu.'' ³²Napagapija hi Yehu, ''Halaku kammi panewi dengaja da ahu ommang hei, ya laddu jakka baru wehang, Kuwurutunya namoritana jakka Kupateggahuya natou taladdu katilluna, Nyouwa pahupu-Gunyaka napa kerra-Gu.' Jiadinguka, halaku pangalang-Gunya taladu yayi, baruwehang, jakka dua maddung kadang danna bihamang na nabi anna mati tahangi tana tahabali Yerusalem.³⁴Yerusalem, Yerusalem! Nyiami mimahamatiha da nabi mang mitauha watu dahapaleawa lahi nyiami! Patutuulenganguka Nyouwa Akku wukkung papakehabalija da anami, mearana nabei manu anna pakeha balija da anana ta kabbu kapana. Jiadinguka, nyiami dammi weakumang. ³⁵Tounak ya na ummamu dawolumanyah ihina mang hinna kalingat. Nyouwa wig-Gugimi nyiami, dammi hillu ittamawaha Nyouwa lappak peala atomaya narahina awimmi nyiami ammi panewi, Pakanyurukaya Dunna nam ammi-Nya tadalu ngrana hi Moiri!'''

Chapter 14

¹Tomaya naladdu miggu, amminya hi Yehu ta ummana na kapala tou Parihi, Kakku aadengaja roati awinna mang dudda ngara dukada da awahuya hi Yehu. ²Nou weiga, einya hatou namma baubiaha ta haga-Na. ³Winnajak hi Yehu datou Parihi jakka dam peangu Taurat, ''Penya pateggahukading tou taladu Miggu?''⁴Jiadinguka, dadda pagapima-Nya. Mang jiayaka, hi Yehu nahamannuya nei natou nam kadauku hinna pateggahuya, mang hinna paleawaya bali. ⁵Panewinanyak hi Yehu lahi Dudda, ''Gearaya waling lahi nyiami anna kana'ukaka na anana atau nahapi moanina ta kullik taladu miggu, damma wealaya anna padeata baliya?'' ⁶Atonounaka, dudda dadda hillu bihamah adda page'ana-Nya.NAPADOUNG PAPA'AKANG⁷Mang nouwu, hi Yehu loluknanyak hangi nahilu hamearang ta kulla napa kaleihung atanga itta-Naja adda pedi pingi pangodu mapadening talihi meja pa'angu, win-Najak dudda hei, ⁸Atoukanak ouwu akka leihugu tunu ta nika, abbu ngoduding tapadou papa'akang kadangu hidda langa eingu pakaleihuna namoiri umma mareihi papa'akang waling lahi ouwu. ⁹Manga, hi aminya namoiri umma lahi ouwu hi winnagu, 'Pahelananya hinna napadoung natou nei! Jiayaka, himmi halaku tapadoung barra wawa hidokku makiimi.¹⁰Atonoukanak, akaleihu kagimika, ngodu noung tapadoung nam einya ta kadeanga manga nam kaleihugu a'amikanyaka, winnaguka, 'Oali ati, gehir noung nei tapadoung napapa'akang.' Jakka atonoukanaka, nyiami pa'akadagimika tahagana natou nam ngodu anna aadengagu. ¹¹Kadangu, ngara dukana natou namma deddikung wikkina enga hawawadanya, jiadinguk natou namma hawawa wikkina enga deddikdanya.''KALEIHUNGU ANGU JAKKA NAHEAPADAJA¹²Manga, winnanyak hi Yehu natou napakaleihung nei, ''Atouna nyiami ammi hadiakaka pa'angu laddu jakka pa'angu riddung, abbi kaleihuding oalimi, anguwuami, oali jajimi, jakka oali lihi ummami nam poati kadangu dudda daheapaguja hidda kaleihugu kamma aadenganya awiddagu.¹³Jiadinguka, kamma tunu awimmikaka, kaleihunya natou milla, natou dapia, nam kabeaku jakka nam kaboala. ¹⁴Manga, nyiami pakanyurumi kadangu datou heiyi danna bihamang adda heapa baligimija; nyiam ammi kolibalija heapada atoma narahi kiddi balina natou nam benar.''AHAMEARA WAINYA TU'ANA NAKALEIHUNG ANGU¹⁵Eikanguka hatou nam aadeng-Nya anna ranguya napatikki-Na neiyi, enga winna natou nei lahi Dunna, ''Nakanyurukang natou nam angu roati tadalu Karajaan Alla.'' ¹⁶Jiadinguka, winnanyak hi Yehu natou nei, ''Einya hatou namma hadia pa'angu dangu anna riddung mang hinna kaleihunya natou dangu, ¹⁷mang atomayaka narahi angu, natou nei napaleawaya na atana tatou napakaleihungu, 'Maiyaya ka angu, ngara dukada dasiap bolluka.'¹⁸Jiadinguka, ngara dukada dakulla pakaleihungu wolu alasandanyak. Natou nam panewi moulu winna, 'Nyouwa bohi kollingugu kahibu akku hi jiaya kuhalakuha lapa ealuya. Ohapamuka banikaga.' ¹⁹Hatou winna, 'Nyouwa bohi hiigu hapi limma pahang jiaya kuhalakuha akku pareahaha da hapi hei. Ohapamuka banikaga.' ²⁰Manga hatouwali winna, 'Nyouwa bohi mengagu panika. Atonounaka jiaya danna bihamang a'ammiga.'²¹Jiayaka, na palayang nei balinanyaka hinna peaka bolluha ta moirina. Atonounaka, namoirina baninanyak, mang winnanyak na palayanguna, 'Hui geahaya! halakuyaya talarangi jakka ta binna koata nei. Maraigaja himmi datou milla, datou karakka, datou kabeaku, jakka datou kaboala.' ²²Mang nouwu, na palayang nei winnanyak, 'Moiri, nyouwa kukeriyaka napapaleawamuga, jiadinguk einyah napadoung damma eingu touna.²³Natou nei winnanyak na palayanguna, 'Hui halaku ta kabolu tana jakka binna tama. Kamaikanya natou nim lau ka'aminya nimmi kanna pikki binnu na ummagu. ²⁴Nyouwa wiggugimi, damalli eimang hatou tekka datou dappa kaleihu moulung damma aagaja dappa angu dappa langa hadiagu.'''NATU'ANA AKERIYA HI YEHU

²⁶'' Jakka agearakayaka nam a'ammikanyak lahi Nyouwa adanna hukkakajaka ati da amana jakka da inana, da araweina jakka da anana, da anguwuana jakka da anna winnina, lappak na ihi wikkina, danna bihamang anna jaji muritu-Gu. ²⁹Adatonoukanak, nakollipanguka papakiddiya napondahi mang kadanna hillu hanggupuya anna woluya, ngara dukana natou nam ittaya namalikunya nammu. ³⁰Datou hei dudda widdak, 'Natou neiyi napakiddiya na umma, jiadinguka danna hanggupmaya anna mengaya.'³¹Mang nam, ga rajayaka anna halakuka lippa patauw dam ngodu moulu lettu anna dekinya pangadang anna maraikanguka habulu ribu tentara nabihakading adda ge'aja damuhuda damma tou duambulu ribuya na tentara? ³²Jakka adanna bihakaka dunna anna pakalaha da raja hawanguk hei, enga paleawana hatou napa'utuh anna lipa tutturuha gannaja dappa dami waingu atanga engadaha tamma marou dage'ada. ³³Toujellana nyiami hatou-hatou, daeimang hatou tekka waling lahi nyiaminam biha pajaji muritu-Gu jakka adanna harakakajaka ngara dukada damilikuna.''NAMAHING NAM MANGA'A DAEIMANGUHA HAWAIDANYA³⁴''Namahing nei makallunguya, jiadinguka namahingu nei anna hellikanguka nabarruna, gikkinoukadanyak ahillu pabarru baliya? ³⁵Namahing nei dahillu eimemmamanguha gunnana ta kahibu atau pupuku jiayaka natou hinna le'aya. Gearaya nam eingu wuakahiluna parangu waina, annakaya dunna kanna rangngu.''

Chapter 15

¹Dam tagi hiikka tikku jakka datou hala lihidanyak hi Yehu kamma pikki rangu-Ya awidda.

³Mang jiayaka hi winnaja hi Yehu anna waingu hilu hamearang, win-Na Anna panewi, ''⁴Gearaya dunna atouna nyiami amangu beabukanak damma hangahu beida, kanna maroba nam hangina, penya danna dijakmaja dam hiwambulu hiwada mang hinna halaku tamaredda anna manyerranya hudda anna kollinya? ⁵Mang jiayaka anna ittakiyaka, hugunanyak dabeabu nei tapinu kabakki-Na adokku hennang.⁶Anna dukika ta umma, halakunanya anna lolludanya daoalina jakka lihi ummana mang winnak hei dudda, 'Meara hennang dengakiga noumioali aitta balikiyak nei nabeabugu nam maroba.' ⁷Nyouwa wig-Gugimi, tonoujellana peala atta meara hennang ta surga mulana nam hatouna natou hala anna haria waling nahawoluna dam kallung danna hameara noumang datou dam hiwambulu hiwaha damma langa keri makalung dadda hillu parlumayah napaharia waingu.AHAMEARAWAINYA NARITI NARITI BIHI NAM MAROBA⁸Atau nam beinya nam eingu riti bihina habulu bella, jakka anna marobakaka nam hawellana, dam pa'errik palita jakka damma panyawiya na ummana, mang hinna manyerranya nou nariti bihi hinna ngangari ealuya hudda anna ittaya? ⁹Manga, anna kollinguk pa'ittaya, kamaikanajak daolina jakka oali lihi ummana hi winnaja, ' Mearahenang dengakigaya noumioali akku itta baliya nariti bihhigu hawella nam maroba. ¹⁰Nyouwa wig-Gugimi nyiami, toujellana peala dam malaikat Alla dokku hennanguha mulana nam hatouna nam woluya dam kallung anna haria.''¹¹Manga nouwu, winnak hi Yehu, ''Einya nam hatouna nam eingu anana dam touma duaha dalakeada. ¹²Namma kamuri winnanyak na amana, Ama, woagajaya daharta dahamilikugu.' Atonouna na amada jiayaka hinna bagidaja dahapoatina anna woaja da anana dam touma duaha.¹³Danna madeihingu nou, nam kamuri dunna kangoalinajak da hakkuna, halakunanyak ta tana marou mang nuttu lauwu poaya-poaya waipanjak da daritina. ¹⁴Nakolling papadukka bolluhaka, jajinanyaka nakarobba tana malai ta tana nou jiayaka hinna hadukka namorrikuna.¹⁵Jiayaka, hakunanyak anna lipakerrang tatou tapadoungu nou, hinna paleawaya ta kahibu lipatauja ouhu dawawina. ¹⁶Nakarobbanguka malli kutaunya ihina nakabugu awinna nakarei dappa angu wawi dawua ai, jiadinguka daeitekkamakingu hatou tekka mawoanya.NA ANA KAMURI BALINANYA TA AMANA¹⁷Nakollinguka pasadar nei nam kamuri, winnak, 'Darekkadangu maya natou nam kerrang ta ummana na amagu nam mangu pa'angu danguna, tounak ya nyouwa tikki hamatika wewikarobbang. ¹⁸Kuhalaku baliyaya ta amagu. Kapikki wiggunya: Ama, nyouwa halagunya ta surga jakka tahagamu. ¹⁹Nyouwa danna hillu padoumanguha ammu anaga, hamearakagaya nyouwa tatou makerrang.'²⁰Jiayaka, kiddinanyak anna halaku ta amana. Jiadinguka, naitta maroukiyaka na anana, na amana dokku milla atidengakinanyak, palaihingunanyak na amana hinna agunya mang hinna ngidihuya. ²¹Mang nou, nei na anana winnak anna panewi ta amana, 'Ama, nyouwa kuhalaka ta hagana na surga jakka ta hagamu. Nyouwa danna hillu padoumanguha ammu anaga.'²²Jiadinguka, na amana winnajaka dapalayang, 'Geaha! Iddinya koapi madehha kammi pakennananya. Mitau jellanya tawuru ta limmana jakka pakennajellanya tarawihi. ²³Dekinya hapi mabakkul kammi dorunya. Maiyaya ka,aadeang kameara hennang, ²⁴kadangu na anagu nei nam mati morrik balinanyak! Dunna nam marobaka jiadinguka ya eibalikinya! 'Jiayaka dudda hennang balidanyak.''NAM KAWUNGA BANINANYAK NA AMANA²⁵Taladu nou weiga, nam kawunga enga memmana taka hibu, nabalika anna toma talihi ummana, rangunajak dalii katala jakka dam neagu. ²⁶Jiayaka, hinna kamaikanya hatou na ata, hinna tutturuya gannanya nam jaji. ²⁷Napagaping u na atana nei winnanyak, 'Na nakkamu eibalinyak, mang na amamu nadorunyak hapi bakkul, kadangu alanga aeibalikinyak.'²⁸Atonounaka, jiayak nakawunga hinna bani mang danna weakumaha patama amminyak na amana hinna hoddaruya. ²⁹Jiadinguka, winnak nam kawunga ta amana, 'Bedou-bedougu nyouwa akku kerradengagu mang dakku malatumang ammu paleawawa, jiadinguk damalli heingumangu anna kamemi ammu woaga akku doru kapikki kamaikaguja daoaligu kakku aadengaja. ³⁰Jiapayaka anna kolling habalika na anamu napadukkagujak dahapoatimu anna oali waiguja mawinni keiku wawi, ouwu mudorunya hapi mabakkul dunna.'³¹Jiayaka, na amana hinna pagapinya, 'Akku anagu, ouwu muoali pangalaga nyouwa, ngaradukada datagugu tagu bollumujak. ³²Jiakadiyaka, naladu yayi katunuda katta henang kadangu na nakkamu meara amatinanya, jiadinguk ya morrik balinanyak; dunna langa marobakinaka atonouana ya laddu eibalinya.'''

Chapter 16

¹Panewi denganajak hi Yehu damuritu-Na winnak, ''Einya natou dedi nam poati nam eingu atana. Mang einy nahilu nam toma nei tatou poati apeakananya nam kapalaja da atana anna padukkanaja dahapoatina. ²Atonounaka, natou poati neiyi nam kapalaja da atana winnanyak, 'Gannanya naharanguku tu'amu ouwu? Patekkanyaya natada natanggung jawapumu dappa pakerramu kadangu waling ya ouwu dammu hillu jajimah bendaharugu.''³Pangadang nanyak dunna kapala palayang, 'Gannakanyak naha kerragu tounak yayi namoirigu palhunagaka? Nyouwa dakku kullimang akku rawing mang kumaki jella akku karei. ⁴Nyouwa kupeanya gikki nougu langa kapalohukaga wali tabendahara,kanna pikki tarimmawa natou nam mangu pakerrana ta ummana.'⁵Manga nouwu,kamaika bollunajaka datou dam eingu utanguda ta moirina. Natou nam moulu winnanya, 'Pirada da utangumu ouwu ta moirigu?' ⁶Natou nei napagaping, 'Hangahu battuda da minya zaitun.' Manga, nakapala palayang dunna winnanyak, 'Dekiya nahurat utangumu, ngodu kammu tulha 50 bat.' ⁷Mang jiayak nakapala palayang hinna patuttur tatou hawanguk, 'Pirrada dautangum ouwu? Napaging dunna natou nei, 'Hangahu kor ihi pa'angu winna.' Mang winnalika nei nabendahara, 'Dekiya nahurat utangumu kammu tuliya walumbulu deitu.'⁸Mangalika, natou poati neiweiga napujiya nakapala palayang damma lurruh kadangu adokku halakuya na kituana. Atonoukanak, da ana makapettang reihiya adda pahalakuya nakituda taoalida danna hamearamang da ana makeri mawahang. ⁹Nyouwa wig-Gugimi nyiami, mioali atinoukadinya napinu tana nam dedi dam jinyak, adda dukadika da ihina, nyiami reggadagimika tapadoungu dam dukka.¹⁰Kagearakaya nam hatia anna lurruh waling tam merrah, jiaya nam lurruh jella tamma bakkul. Manga, kagearakaya damma lurruh waling tam merrah, dunna danna lurruh jellamang tam bakkul. ¹¹Jiakdiyaka, jakka addana bihakaka aparhayami nyiami ammi kaloalaya naharta pinu tana, gearaya nam parhayami ammi kaloalaya naharta nam padeningu? ¹²Manga, jakka nyiami adda parhayakamika ammi waingu ngawu oalimi, gearakaya namma woagimi agannanya nam jaji ammilikunya?¹³Daeimang palayang nam layangu touma dua moirina kadangu dunna peala nabuha meahanya hatou mang hinna hukkanya ati namoirina hatou. Nabiha jella anna ranguyan namoirina hatou manga danna ihilimanya nam hatouwalina. Yiami danna bihamang ammi laya-Nya hi Alla jakka na nam dedi tapinu tana.''NAPA PANAMUDAJA DATOU PARIHI ¹⁴Datou parihi, damma millung riti, darangu tohoudanyak pajappuda-Nyak hi Yehu. ¹⁵Winnaka hi Yehu lahi dudda, ''Nyiami jiamika nanni natou nam pabenaru wikkina tahaga tourara, jiadinguka hi Alla napeagiminya nam eingu ta atimi napa badda hoduna natou rara jiayaka namma manyarik tahagana hi Alla.¹⁶Nahurat Taurat jakka na huratuda da nabi jiaya napa ajauruda lappak lahi Yohanes; Nakawungana aeinya hi Yohanes, Nahilu kallung tu'ana na Karajaan Alla langa patomadanyaka jakka ngara dukana natou naparuhungu anna tamanya. ¹⁷Jiadinguk nam padening, reihi halealaya na awang jakka napinu tana anna mollahu walingu namma hangi kawoduna ta hurat Taurat ahellinya.TU'ANA NAPAHEAWA¹⁸''Ngara dukana natou mapaheawa dengangu araweina mang hinna nika dengangu mawinni hawanguk, dunna wolunanya nam marihak. Mang natou nam nika denganya nam winni napamattang laana, toujelana wolunanya nam marihak.''NATOU DEDI JAKKA HI LAZARUS¹⁹'' Einya natou dedi nam waipangalang koapa ungu jakka makabillak, mang nahenna pangalang wehango-wehangu tadalu dedina.

²¹Dunna tiddi nadingnanya kamumu ouhu makana'u waling tapinu meja anguna natou dedi nei; ammijaka da ahu adda jallinaja dappa karana.²²Tomayaka narahi matida, natou milla dunna namati ammija dam malaikat adda marainya tapinu ba'ana hi Abraham. Natou dedi dunna mati jellananyaka mang hi tanunya. ²³Tomak takaleana mati, atanga pamawilladanya, natou dedi nei tangarananyak nutudeaha hinna ittaya hi Abraham waling tama marou anna tauya tapinu ba'ana hi Lazarus.²⁴Mang dunna natou dedi paroangu nanyak, 'Ama Abraham, millakiga ati mang kammu paleawakiganya hi Lazarus kanna lu'urunya nahupu karaga limmana tawei kapikki aminya anna debbak ganya nalemmagu kadangu nyouwa dokku mawillawa ta wajal api ya.'²⁵Jiadinguka, hi Abraham winnak, 'Akku anagu, namuya ammu morrikuha, ouwu kolli bollunya nam kallung, datoumana hi Lazarus kanna kollinya nam marihak; touna yayi, yayaka hi Lazarus anna hennang, mang dummu ittang mawillamunyaka. ²⁶Helinyaka nouwu, einyaka nakealang majallung nam paheawada jiata jiakadiyak natou nam wali yangu kakku pala tapadoungumu nam winna danna piakumang anna pala, toujellana natou nam waling tapadoungumu danna piakumang anna pala tapadounguma nyiama.'²⁷Jiayaka, natou dedi hi winna, atonoukanak, ohapamuka akku Amagu, paleawaya hi Lazarus ta uma amagu, ²⁸kadangu eijaha da anguwuagu dam touma limaha. Kanna peakaja hi Lazarus abbi datama tapadoungu yayi namma wajal oata nei.'²⁹Jiadinguka, hi Abraham winna, 'Dudda dahamannuyaka nahurratuna hi Musa jakka dahurrat nabi, jemmakadija kadda pikki peanya ngara dukana nam jaji yayi. ³⁰Winna jellapaha neiyi natou dedi, 'Da'amang, Ama Abraham. Jakka hatou nam langa matina a'ammikanyaka lahi hammu jiayaha hidda haria.' ³¹Napagapingu hi Abraham winnanya natou dedi nei, 'Atouda da anguwuamu adadda rangukayak na ihina nahuratuna hi Musa jakka na ihi huratuda da nabi, dadda waijellamanya , nahiluna natou nama mati anna kiddi bali.

Chapter 17

¹Manga nou, panewi denganajaka hi Yehu damuritu-Na, ''Enga eingu mapata'ukung, jiadinguka danna marimang natou nam woluya. ²Reihi kallunguya dekinya hangi watu ngodu kapinanya ta rikokuna mang kapatullakunya ta tahik, danna meara noumang jaji paruhak talakeada merrah nei.³Pa'atiki! Touda da anguwuami adda wolukayak nahala lahi nyiami, tagoruya dunna; anna peadinya nahalana, abbi kilolumaya dunna. ⁴ Jappa langa kanna halahingukangu lahi nyiami anna pabitu wuddang tadalu hangina naladdu, mang hiammi balinya tahagami napabitu wuddang mang hinna panewi awinna, 'Nyouwa manehalgunyak, 'abbi kilolukaya dunna.''NABIAHANA NAMANNING⁵Widdak darasul dudda lahi Moiri, ''Pakullihgamanya namanninguma nyiama!'' ⁶Napagaping hi Moiri lahi dudda win-Na, ''Jakka nyiami aeihingukading manningumi malli toungu watu sesawi bakkuluna, nabiha ammi paleawaya napingi murbei nei, 'Tabatunguya wali tapinu tana mang kammu tubu ta tahik awimmi kanyaka, napingi ai nei nakeriya nahatikkimi.''NA ATA NAM KERI OATAYA NAPAREAHANA NAMOIRINA⁷''Geara wali lahi nyiami nam mangu atana, atanga karekatunguna jakka atanga jawa karbauna, nam winnanya na atanana anna balika wali ta kahibu, 'Maiya, ngoduyaya ka'angu? ⁸ Penya nammu dawinnadnyah na atana nei, hadiagaya pa'angugu jakka mupakennang koapi makallung kammu layaga akku angu jakka akku inung. Mengadika mou, himmu angu jakka himmu inung dummu?⁹Penya dunna napawaikadiya na atana nei alanga keribollunanya napapareahananya? ¹⁰Toujellana nyiami. Ammi mengakaka pakerra bollunya ngara dukana napa pareahagugimi, wimmika nyiami ammi panewi, 'Nyiama jiamaka ata damma eingu hiina. Nyiama tidda kerramanya agannanya napa paleawadagama nyiama amma kerranya.'''DAM TOUMA HABULUHA DATOU KATOBU APPATEGAHUHA ¹¹Atanga halaku-Na anna hagangu ta Yerusalem, hi Yehu nanamatuya nadirrana na Samaria jakka na Galilea. ¹²Anna tamaka ta deaha nam hangina, Dunna regganajak dam touma habuluha datou katobu damma dedi dikkirou wali tahaga-Na, ¹³mang dudda paroangudanya adda patiwung, ''Yehu, Gurru, millakigamma ati nyiama!''¹⁴Naittahaka hei dudda hi Yehu, winnajaka, ''Halakuya mang patekkajaya da ihimi ta imam.'' Mang jiayaka, atanga halakuda talarangi, warahdanyak dudda. ¹⁵Nam hatouna waling lahi dudda anna ittayak na ihin anna lengang, halaku balinanyak dunna anna wuatunya hi Alla wainya lodu, ¹⁶mang hinna karadda tahaga-Na hi Yehu anna paroru wai-Ya. Natou nei dunna tou Samariaya.¹⁷Mang jiayaka hi Yehu hiwinnanya natou nei, ''Datouma habuludimmi napapa teggah? Bahajaka hammu hawanguk dam touma hiwaha? ¹⁸Daeihingumang hei dudda nam bali adda paroruwaiya hi Alla mang tiddi jiakiya natou hangi tana nei? ¹⁹Manga, hi Yehu winnanyak, ''Kiddiyaya mang halakuyaya, ''namanningumu napahalamatwukka ouwu.''NA AMINYA NA KARAJAAN ALLA²⁰Tutturdanyak datou parihi tu'ana apirranguya na amminya na Karajaan Alla, Napagapija hi Yehu Hi winnaja, ''Na Karajaan Alla a'ammikanyaka daeimang tadana napa ittawaidanya, 21 daeimang tou mapanewi, 'Patetinya, na Karajaan Alla einya ya! atau na Karajaan Alla einya noulau nam winna!' jakka jiapananya nammu na Karajaan Alla einyaka tapaduami nyiami.²²Manga jiayaka, winnajak hi Yehu damuritu-Na, ''Enga tomadidanya narahina nyiami ammi miwukku hingunya namma hangina naladdu nam waling taladduna na Anana hi Moiri, jiadinguka nyiami dammi ittamaya. ²³Natouwu winnagimi nyiami, Patetinya, nei lau!' atau 'Patetinya, wo ya!' Langa katonoukana, mattang abbi halakuding mang abbi kerimaha datou hei.''NARAHI AMMINYA NA ANANA HI MOIRI²⁴''Kadangu mearana nakaballa nam errik anna meara paregga ta keri awang, tonounaka na Anana hi Moiri anna tomakayak narahi ammi-Nya.²⁵Jiadinguka, na Anana hi Moiri naitta moulunguha mawilla-Na mang nahikkalunya labbi tou hei. ²⁶Manga, matoungu jellaya nam langa jajina taladdu anna morrikuha hi Nuh, toujelana baru atomaya naladdu rahi ami-Nya na Anana hi Moiri. ²⁷Natou na'angu jakka na'inung, nanika mang panikaya hudda atomaya naladu rahi tamana hi Nuh taroangu teana kollinguk pa'amminya nawiwa bakul jiayaka hinna hamati bolluya natou.²⁸Matoungu jellaya taladu anna morrikuha hi Lot, taladu nouwu natou jiapaya na'uruh angu, inung, anna hii, anna dagang, anna hamulla jakka nawolu ummana. ²⁹Jiadinguka, atomayaka naladu rahi dijaknanya hi Lot na tana Sodom, na api jakka dawatu urrang dakka na'u waling ta awang hinna hamati bolluha hei dudda.³⁰Tonounaka baru nam jaji taladu rahi aminya na Anana hi Moiri. ³¹Taladdu nim peala, kageara jellaya nam einya ta umma, jakka dabaranguna damma eija ta roangu umma, abbi napurudingu anna dekiha; mang gearaya nam tanga einya takahibu, abbi nabalimang.³²Namuya nam jaji ta araweina hi Lot! 33 Gearaya nam kadwung wikkina anna marommatunya natu'a tou, hukka mollahuna natu'a touna. Mang gearaya nam natu'a touna jiaya nam palupputya.³⁴Nyouwa wig-Gugimi nyiami, tariddung nouwu eija damma touma duaha dam oali adda judda tapingi pajudda nam hangina. Jiadinguka, nam hatouna maraidanyak, mang hatou dunna mattadanyak. ³⁵Touma duaha dam winni dam bai pari. Hatou maraidanyak mang nam hatouna mattadanyak. ³⁶[Toujellada dam tou ma duaha dam kerrang ta kahibu, nam hatouna maraidanyak mang hatouna mattadanyak,'']³⁷Mang jiayak, damuritu tutturdanyak hi Yehu,''Wayaka, Moiri widda?'' Napagapijak hi Yehu winnaja, ''Bayanya namma wowwu huttu da ikkit adda kehha.''

Chapter 18AHAMEARA WAINYA NAHAKIM JAKKA NAM WINNI BALU

¹Manga nouwu,lolluknanyak hi Yehu nahilu hamearang ta muritu-Na anna peakaja kadda habaya pangalang mang abbi namerrah na atida. ²Winnajaka, ''Einya hangi nakoata, mangu hakkimmunna nam taatu-Ya hi Alla jakka namma pa'aka oatangu oalina.³Takoata nouwu, einya hatou nam winni balu nam ammi pangalanya ta hakim nei weiga hi winna anna panewi, 'Woakiga malurruh akku haganya na ge'agu,' ⁴Namma pirra laduna, nei hakim danna weakumang pagatanya. Jiadinguka, tahabalina nouwu winnak ta atina nei nahakim, 'Jappa kadakku mange'at jellaka-Nya hi Alla jakka adakku pa'akajellakangu oaligu, ⁵mulan nam winni balu nei ammi pangalanya ta ummagu, kuwoakadinya malurruh abbi hillu ullanimi juaga a'ammi pangalanya.'''⁶Mangaka, winna hi Moiri, ''Ranguyaya gannanya napawinnang nahakim damma adil nei. ⁷Penya hi Alla danna woamanya adil natou nahalanga pedi-Na nam pa'ou pangala-Nya anna laddu anna riddung? Penya nammu Dunna napamadeiya manga hinna gataja? ⁸Nyouwa wig-Gugimi nyiami, Dunna nageaha anna woaja ma'adil hei dudda. Jiadinguka, atomakayak na aminya na Anana hi Moiri, natomakading maeingu manninguna tapinu tana?''AHAMEARA WAIJA DATOU PARIHI JAKKA DAM TAGI HIKA KATIKU⁹Nahilu hamearang neiyi napatoma jelladanya hi Yehu datou damma hahi wikkida jakka damma pajappuya natou hawanguk. ¹⁰''Eija dam touma duaha dahalaku ta Bait Alla adda lippi habayang. Hatou maparihiya jakka hatou matagi hikatiku¹¹Natou parihi dunna nadedi anna habayang tu'ana na ihina winna, 'Oo, Alla, kuparoru waiwu Ouwu atouna nyouwa dakku hamearamang tatou hawanguk; toung nam inung wei kabutta oalina, nam tipu oalina, nam manyarik parereihing toung nam tagi hikatiku nei. ¹²Nyouwa kupuaha paduang hangi miggu, nyouwa kupatamang perpuluhan waling ngaradukada damma waling taweikabuttagu.'¹³Jiadinguka, dunna nam tagi hikatiku dedi marounanya, danna patetihingu memma mangu ta awang. Hukka palopalu wikelnaha anna ta'aya nakuruna hiwinna, 'Oo, Alla. Millakiga ati nyouwa, tou halawa ya.' ¹⁴Nyouwa wig-Gugimi, nam tagi hikatiku nei nabali ta ummana jiayaka nam reihi pabenar waling nei natou Parihi kadangu natou namma deddikung wikkina enga hawawadanya, jakka natou nam hawawa wikkina jiaya napadeddikungu.''HI YESUS JAKKA DALAKEADA¹⁵Manga, natou dangu marainajak da anana dalakeada merrah lahi Yehu mang Hinna kerraja. Jiadinguka, adda itta tahoudanyak hei damurit, banidanyak natou. ¹⁶Atonouana, kamaikanajak hi Yehu dalakeada hei hi ammija ta haga-Na mang winnak, ''Pahellakadija dalakeada merrah hei ka'ammija ta haga-Gu, abbi heirolija kadangu hammu jiahaka damma milikunya na Karajaan Alla.

¹⁸Einya nam hatouna nakapalada dudda nam patuttur lahi Yehu, 'Gurru nam deha ati, Gikki nouhingugu kakku pikki kollinya namoriku malodung?'' ¹⁹Pagaping hi Yehu lahi dudda winna, ''Ga nyiami deha ati hiwimmeli-Ga Nyouwa? Daeimang hatou tekka nam deha atina jiapaya hi Alla. ²⁰Nyiami mipeaja dahukum hei: 'Abbi manyarikmang, abbi pahamati wikkimammi, abbi keadumang, abbi kabohhukmang, jakka mipa'akaja da amami jakka da innami.''' Napagaping natou nei winna, ''Nyouwa kukeri bolluhaka waling abuatouwah.²²Anna ranguyaka hi Yehu, Winnanyak natou nei, ''Hangi jellanah nam kurang. Dagabolluja damilikumu kammu pikki bariha tatou milla, jiaya peala himmu kolling poati ta surga; jakka maiyaya, keriwa-Ya Nyouwa.'' ²³Narangu tonounanyak napanewi-Na hi Yehu nei natou weiga, jiayaka darekka hiddumaya anna namuha dahapoati kadangu adokku danguha.²⁵Jappa nam heina na unta nabiahaliha anna tama taroanga padeitu waling nei natou paoati anna tamanya na Karajaan Alla.''DAMMA KERIYA HI YEHU DAKOLLINYA NAMORRIK MALODUNG²⁶Natouwu nam ranguya napanewina neiyi widdak, ''Atonoukanaka, gearakayaka namma biha pahalamat? ²⁷Napagaping hi Yehu, ''Agannanya damma piaku tahaga tourara jiadinguka tahaga-Na hi Alla daeimang damma piaku.''²⁸Manga, winnak hi Petrus, ''Ittadiya, nyiama madijjak bollujak dahakkuma amma keri-Wu Ouwu." ²⁹Winnak hi Yehu lahi dudda, "Nyouwa kupanewigiminya nam padening lahi nyiami, daeimang hatou tekka nam dijjakunya na ummana, na anguwuana, na araweina, na anguwuana, na amana, atau da anana mulana na Karajaan Alla, ³⁰damma tarimaya nakanyuru nam parereihing taladu ya, jakka naladu nam amminya namorrik malodung.''APEAKAYA TU'ANA NAMATINA JAKKA NAKIDDI BALINA HI YEHU³¹Manga , pakehanajak hi Yehu damuritu-Na dam touma habulu maduaha Hi winnaja, ''Rangngu, halakuda ta yerusalem mang ngaradukada dappa langa tulida na nabi tu'ana na Anana hi Moiri appa hupuya. ³²Dunna peala haraka-Nya ta touwu damma peanya hi Alla. Dunna olukuya, pa'ittanya mawilla-Na atau-Ya, mang hippa douni-Ya. ³³Damengak pahuddu-Ya, mang hidda hamati-Ya. Jiadinguka, taladdu katilluna, Dunna nakiddi bali.''³⁴Atonounaka, damurit dadda pea'amanya namma toneina nei. Na'ihina nahapanewidaja dudda kabunidanyaha jiakadiyak hidadda appa doakuya napalanga papanewing.ANNA PATEGAHUYA HI YEHU NAMMA KABOALA³⁵Natikki hatomaka hi Yehu ta koata Yerikho, einya nam kaboala anna tawiwi larangi hinna karei-rei. ³⁶Nei natou kaboala rangunanyak natou dangu nam halaku ta larangi, jiayak dunna hinna patuttur gannanya nam jaji. ³⁷Manga, natou widdanyak, ''Hi Yehu nam waling ta Nazaret jiaya nam liyangu.''³⁸Jiayaka, patwung nanyak nei nam kaboala, ''Yehu, Anana Hi Daud, millagika ati dugoo!'' ³⁹Datou dam moulu wali ta rombongan, banidanyak nam kaboala nei hidda paleawaya kawannar. Jiadinguka, hukka taba kadoakana anna paroangu winna, ''Anana hi Daud, namukiwa nyouwa!⁴⁰Mang jiayaka hi Yehu hinna dedi anna paleawaha marainya nam kaboala ta haga-Na. Amminyak nam kaboala anna lihi-Nya, tuttur-Nanyak, ⁴¹''Gannanya nahabuhamu napawoagugu?'' Pagaping nanyak nam kaboala winnak, ''Moiri, nahabuhagu dawuamatagu kadda itta wiggu.''⁴²Winnanyak hi Yehu, ''Ittayaya, namanningumu napa teggahwuka.'' ⁴³Taladdu nou jella, alolu ittananyak walinounaka kerina-Nyak hi Yehu hinna haliya hi Alla. Nakollinguk pa'ittaya nei dunna nam dangu, dudda halijelladanyak hi Alla.

Chapter 19HI ZAKHEUS

¹Tamanyak hi Yehu takoata Yerikho. ²Noulau einya nam hatouna namoani hi Zakheus nahawiddang, dunna kapala matagi hikatikuya jakka jakka tou poati jellaya.³Dunna naberusahatekka kakka ittaya hi Yehu awinna, jiadinguka napatoddanya toudangu kadangu dunna tou paddakuya jiaya. ⁴Atonounaka, palainanyak hi Zakheus anna moulu waling tatou dangu mang hinna deatang tapingi kapillit kapikki ittagunya hi Yehu anna linoung talarangi nou awinna.⁵Natomak hi Yehu tapingi pa'einya hi Zakheus, natangaraya mang winnanyak, ''Zakheus, purunguya Nyouwa li-Gunya ta ummamu ouwu.'' ⁶Jiayaka, hi Zakheus dunna alolu purungnanyak hinna marai-Nya hi Yehu darekka hennang tekkamaya. ⁷Na'itta tanounanyak nei natou dangu dunna, hukka ati denga danyaka hi widda adda panewi, ''Dunna lippi pakullang wikki-Nanya ta umma tou hala.''⁸Mang jiayaka, hi Zakheus hinna kiddi anna dedi hiwinna lahi Moiri, ''Moiri, patetinguh, hawanguk dapoatigu kabarinaja natou milla, jakka agearakaya napa langa dekigu baranguna akku tipuya, kuhabalinaja pabatu wuddang kulappitnaja.'' ⁹Atonounaka, jiayak hi winnanya hi Yehu nei Zakheus, ''Taladu yayi, namorrik malodung jajinanyak ta umma ya kadangu natou nei dunna ana jellananya hi Abraham. ¹⁰Mulanaka, hi amminya na Anana hi Moiri anna manyerranya namma maroba.''NA ATA NAM LURRUH JAKKA NA ATA NAM PATIPU¹¹Dakka hilu bolluyak adda rangu nei, panewi pangalang Nanyak hi Yehu anna waingu hilu hamearang kadang anna maranik na Yerusalem manga kadang dudda adda pangadanya na Karajaan Alla daggitnanyak widda. ¹²Jiayak atonouna, Hi winnalija, ''Einya hatou na maraba dedi nam halaku ta habali tana apediya raja, mang nou manga hinna bali.¹³Manga nouwu, kamaikanajaka dam touma habuluha da atana hinna woaja riti Habulu mina. Winnajak dudda, 'Huya dagawaijaya hei dariti hudda akku bali baru.' ¹⁴Jiadinguka, natou oali tanana dadda buhamanya jiaya hidda paleawaha dam touma pirraha adda keriya ta hangi tana hiwidda adda panewi, 'Nyiama damma buhamanya natou nei anna jaji raja lahi nyiama widdak.' ¹⁵Mengak papediya raja, na maraba nei balinanyak woangu pareahananyak kakka maikanaja da ata dappa langa woana riti adda dagawaingu apirrada dahauttuda adda dagang.¹⁶Amminyak na ata nam moulu winnak, 'Moire, nariti nam hangi minana natabanguka oalina Habulu mina.' ¹⁷Winnak naraja nei lahi dunna, 'Nakallunguka, ouwu ata malurruh! Kadang ouwu ammu lurruh tadalu urruhmunya nam merrah, mupareahaya damma habuda dakoata.'¹⁸Na ata nam kedua ammelnyak winna, Moire, naritimu nam Hang minana natabaka Lima mina.' ¹⁹Mang winnak naraja nei ta ata, 'Pareahayaya dummu dam Limmada dakoata.'²⁰Mang nou, ammelnyak na ata hatouwali winnak, 'Moire, nei nariti nam Hangi minana nappa bijjalugu takaborrung. ²¹Mange'at gugu ouwu kadang ouwu tou baniwu. Kadang ouwu mudekiha dahabijjallumu manga mupupuha dappa hamullamu.'²²Manga, winnak naraja lahi dunna, 'Nyouwa kuadiluwu keriya nahawimmung, nanni ouwu dum ata dakallung nam jahat! Mang, mupeagaka nyouwa atou baniwa, nam dekiha dappa bijjalugu jakka nam pupuha dappa hamullagu? ²³ Atonoukanak, ga ouwu hidammu pahalakoliha dariti dahwoagug mang akku balikaka, kakku tarimah daritigu jakka dabungada?²⁴Manga, naraja dunna winnajak datou dam dedi wonou, Dekihaya damina dam eija lahi dunna kawoanaja natou nam mangu minana Habulu.' ²⁵Jiadinguka, dudda widdanyak naraja, 'Moire, na ata nei mangu Habulu minanak.'²⁶Napagaping naraja winna, 'Nyouwa wiggugimi nyiami,geara natou nam einguna jiaya nahawoa pareihingu, jiadinguk natou dam eingu hinguna, agannaja dahamilikuna dekibollunajah. ²⁷Atonouana, touda damuhugu dam weaku akku jaji raja lahi dudda, maraija himmi kapikki hamatiha tahagagu.'''AREGGA LARANGIYA HI YEHU ANNA JAJI RAJA²⁸Namengaka papanewi tonouna hi Yehu, halaku-Nanyak anna moulu hagang ta Yerusalam.²⁹Natomaka ta lihi deaha Betfage jakka Betania, talihi lettin na Tadulla Zaitun nahawiddang, Napaleawaha touma dua damuritu-Na. ³⁰Winnajaka, ''Huyaya neilau ta deaha nam einya ta hagami. Mang ammi tamakak noulau peala, mi'ittaya nam heina na ana keledai nahapingu daddi pakaleti tou. Bukaruya na ana keledai nei kammi iddiya nimmi. ³¹Jakka aeikanguk tou matutturumi, 'Ga himmi iddeliya na ana keledai nanni nam winnagimi?', wimminya: Hi Moiri namma parluya.''³²Mang jiayaka, halakudanyak damuritu-Na dapapaleawa-Na mang da'itta tekkaya napahihingung nahawin-Naja dudda. ³³Pahi atanga bukkardanya na ana keledai nei weiga, namoirina tutturnajak, ''Ga himmi bukkarliya na ana keledai nei winnaja?'' ³⁴Dapagapinya widda, ''Hi Moiri nam parluya.'' ³⁵Manga, iddidanyak na ana keledai lahi Yehu hidda haikaluja daregida tapinu kadeanga keleadai, jiayaka deatangnanyak hi Yehu. ³⁶Atanga halaku-Na hi Yehu ta larangi, natou dangu dudda palekkardajak daregida talarangi pingi hali-Na.³⁷Manga, anna tikki hatomaka hi Yehu ta Yerusalem, nalarangi nam kaburrung waling ta tadulla Zaitun, ngara dukada dam keri-Ya dahaliya hi Alla jakka dokku hennang tekkaha adda payaiwungu. Dudda dappa waitekka-Ya hi Alla mula adda ittaya nabiaha-Na. ³⁸Dudda patiwungdanyak widda, ''Nakanyuruka Dunna nam ammi-Nya anna Raja ta dalu ngara-Na hi Moiri, naweimaringu ta surga jakka naba'ung tapadoung majaghya!''³⁹Dam touma pirrah datou parihi tapadua toudangu widdanyak hi Yehu, ''Gurru, kayekkaha damuritu- Mu.'' 40 Jiadinguk winna hi Yehu, ''Nyouwa wig-Gugimi nyiami, jakka adda kawannarkaka, dawatu nei jiahak damma patiwung.''ANNA HOUDENGANYA NA YERUSALEM HI YEHU⁴¹Nalihinyak hi Yehu na Yerusalem jakka naittayaka nakaoata nei, Dunna houdenga-Nanyak. ⁴²Win-Nak, ''Anna moadapaking nyiami kammi peanya gannanya nappa kolling dengadanya naweimaringu. Jiadinguka, namma toungu yayi nakabuning ta haga matami.⁴³Kadang amminya naladdu narahida damuhumi adda ta'ukkumi hidda korrugimi mang hidda haagimi waling talaei talawana. ⁴⁴Dapaka'ihakumi, ouwu jakka da ananamu tanga eigimi taroangu umami. Mang dadda malli mattamaja hangi tekka dawatu dam langa kadekkada taoali watuda taroangu umami kadang adammi peanya narahi lippi ealunagimi hi Alla.''⁴⁵Mang nou, tamana-Nyak hi Yehu ta Bait Alla Hinna wurutuja datou dam daga noungu. ⁴⁶Winnajak, ''Einya nahatuli, Na umma-Gu jiaya uma pingi pahabayangua,' jiadinguk nyiami woluminya padouda dappa anguwawi!''⁴⁷Jiayaka, hi Yehu mangajar-Nanyak wehango wehangu. Jiadinguka, da imam kapala, dam peangu Taurat, dam pareaha tapadoung nouwu ealudanya aka napahamati dengada-Nya. ⁴⁸Atonouada, dudda dadda ittamang binnada kadang ngara dukana natou nakullih wainyaka napanewina hi Yehu.

Chapter 20

¹Atangaya anna mangajar hi Yehu ta Bait Alla jakka anna patomanya nawini kallung, da imam kapala jakka dam peangu Taurat damaraide'ang dambokul pa'ati ammija lahi Dunna: ²Panewidanyak hei dudda widda-Nyak, ''Tikkigamanya nyiama ga kuahayak nahawai-Mu Ouwu him-Mu woluya nam toung nei? Atauw, gearaya nam woagu kuaha matoung nei?³Napagapija hi Yehu win-Naja, ''Nyouwa hangi jellana napatuttur-Gugimi nyiami. Pagi-Gaya Nyowa, ⁴bayaka waliyana napa'ihuna hi Yohanes? Walin ta surga atau walin tatourara?''⁵Jiayak dudda hidda rundingunya hipawiddang wikkida, ''Jakka atta pagapi-Nya, ' walin ta surga awiddakaka, atonoukana , ga nyiami hidammi waiwalinya hi Yohanes winnada?' ⁶Toujellana, jakka atta pagapi-Nya, walin tatourara awiddakaka,' ngara dukana natou kabeananadak watu hudda atta mati kadang hei dudda dayakinnyak hi Yohanes anabiya.''⁷Atonounak, jiayak dudda hidda pagaping dam pe'amanya abayaka waliyana hiwidda. ⁸Mang nouwu, winnajak hi Yehu hei dudda, ''Toujellana Nyouwa, dakku peakamagiminya agakuahaya nahawai-Gu Akku woluya nam toung nei.''AHAMEARA WAIJA DAMMA KAHEAWAYA NA KAHIBU ANGGURManga, lollukananyak hi Yehu nahilu hamearang nei tatou dangu, ''Einya natou nam hamullanya na kahibu anggur kaheawaha dam touma pirraha da petani, mang nouwu hinna halaku marou ta hangi tana dokku madeiya. ¹⁰Atomaya narahi pupudaja dawada, napaleawaya hatou na atana halaku ta kahibu tomaja datou dam kerranya nei kadda pikki woaha hawangu da'ihi kahibu awiddaja. Jiadinguka, hei dam kerranya na kahibu datauya nei na ata hidda wurutunya mang hinna tiddi bali kalua.¹¹Mang nappa leawaliya nam hatouna na atana, jiadinguka hei dam kerrang kahibu dakka tukku pipianya, mang hidda wurutunya hitiddi balikaluananya. ¹²Mang, namoiri kahibu dunna napaleawaliya na ata napa touma tillu waiha anna tomaja dam kerrang kahibu, toujellapadanyah mang dapamanungaya hidda wurutunya hinna balikalua.¹³Namoiri kahibu dunna panewinanyak winna, 'Gannanya wiggu ikkak nyouwa? Kakku paleawayah na anagu napabuhagu, ajiakayaka biha adda pa'akanya. ¹⁴Daittaya hei dudda na anana namoiri kahibu, barundingdanyaka awidda, 'Dunna jiayaka nam hakku hingunya na kahibu anggurnei, mailuruhuya kahamatiya kapikki hakkunya jiata nei nakahibu!'¹⁵Manga nou, patullakdanya tahabali kahibu anggur hidda hamatiya. Atonounaka, gikki noukanaka nei dunna namoiri kahibu anggur lahi dudda? ¹⁶Dunna amminyaka padukkanajak anna hamatiha hei nam kerrang kahibu, jiayaka hinna woaya tatou hawanguk anna kaheawaya.'' Anna ranguyak nam dangu anna panewi waingu hilu hamearang nei, winnak , ''Abbi tomading pajaji nam toung nei!''¹⁷Jiadinguka, hi Yehu napatetijaka hiwinna, ''Atonoukanak, gannanya na ihina na ayat nei: 'Nawatu pale'ada dam wolu umma jajinanyak watu paledi waingu? ¹⁸Gearaya nam kana'u noung tapinu watu nei namma rurugut manga gearaya napapitakuna na watu nei namija-mija!'''¹⁹Dakollinguka hapeanya hei dudda dampeangu Taurat ajiaha pahameara waingu, datikki ha'appa memmaya hi Yehu taladu nou. Jiadinguka, damma nge'atunya natou dangu.APPA TUTTURUNYA TU'ANA NABAYARUNG HIKATIKU²⁰Tahabalina nou, hei dudda dam peangu Taurat manyeradanyak pingi hapiakudanya hi Yehu mang hidda paleawa tou mapatete-Nya hidda pura-pura adda oali-Nya kapikki piaku-Nya hi Yehu a'appa-Ya, akkolikanyak jala hiluna kapikki harakada-Nya tadalu kuaha jakka nahabottahuna na gubernur widda.²¹Hei datou dapapaleawa dudda tutturdanyak hi Yehu, ''Gurru, nyiama mapeanya napapanewim jakka napa ajaru-Mu Ouwu anna benar. Ouwu dammu patadamaking tou, jiadinguk ajar-Munya nalarangi lahi Alla nam benar. ²²Penya nyiama mabayarungu hikatiku ta Kaisar atau mattang?''²³Jiadinguka, hi Yehu napeadanya nahawukkuda dam jinyak mang winnajak dudda, ²⁴''Taiya kammi patekka-Ganyah hawella na dinar. Ga gambaruyak jakka geamhatulinanya nam einya ta riiti nei?'' Dapagapinguka dudda, ''Gambarnanya hi Kaisar jakka hatuli jellananya hi Kaisar.''²⁵Jiayaka, hi winnaja dudda, ''Atonoukanak, woanya na Kaisar agannaja datoara taguna na Kaisar, mang woa-Naja hi Alla agannaja datoara tagu-Na hi Alla.'' ²⁶Jiayaka atonounaka, hidadda piaku datou hei adda jebbakuya hi Yehu adda eingu hiluna majala ta haga tou dangu; jiayak hidda kabarra denga-Nya hitiddi kawannardanya.ADDA PATUTTUR DATOU HADUKI²⁷Manga nouwu, ammeljaka lahi Yehu dam touma pirraha datou Haduki, hei jiahaka dam parhayaya aeinya nakiddi bali, mang hidda tutturu-Ya, ²⁸''Gurru, Hi Musa natulidanyak jiata, jakka eikanguk hatou moani mamati, nam mangu araweina mang daeimang anana, na anguwuana nanika denganyaha nam winni balu kanna pikki kolling ana mawalinoung.²⁹Atouna, eija dam touma pituha damma pa'anguwuangu. Na anguwuana nam kawunga nanika, jiadinguk namati daeimang anana. ³⁰Manga, na anguwuana nam kedua nanika denganya nam winni nei mang namati jella daeimang anana. ³¹Mangalika, na anguwuada nam ketiga nanika nam winni nei toujella panaha lappak na anguwuada napa touma pitu waiha, damati bollu dudda jiadinguk daeibollumang anada. ³³Atonoukanaka, atomakayak naladu rahi pahakingu baru, gearakayak napawai laana nam winni kadangu atouma pituha adda pa'anguwuangu langa nikadengadanyak?''³⁴Napagapija hi Yehu winnajaka, ''Natou taladdu yayi nanika jakka hi panikaya, ³⁵jiadinguka natou nam padening anna kolling padoung ta morrik nam amminya, jakka tadalu kiddi balina waling tatou mati, danna nikamang jakka dapa panika jellamaya. ³⁶Dudda dadda hillu matimaha kadangu dudda mearadaka dam malaikat. Dudda jiahaka da anana hi Alla kadangu langa kiddi balidaka wali kaleana mati.³⁷Hi Musa langa patekkananyaka tu'ana anna kiddi bali natou mati nam einya tahurat napatuli larana nalibbu rii nam mutung. Ta'ihina nahurat nei, Hi Moiri atikki-Ya Hi Alla Abraham, Hi Alla Ishak, jakka Hi Alla Yakub widda-Nya. ' ³⁸Dunna da Alla tou matima-Ya jiadinguka Alla tou morriku-Ya, kadangu ngara dukana natou namorrik ta haga-Na.³⁹Helinyak nouwu, dam touma pirrah hei dam peangu Taurat widdak, ''Gurru, napagapingu-Mu napahi.'' ⁴⁰Manga, dahillu eimanguha tou mabarani-Nya anna tutturu-Ya.HI KRITU JIAYAKA HI MOIRI⁴¹Manga nouwu, panewi-Nanyak hi Yehu lahi dudda, ''Gikkineidanya natouwu kanna biha anna panewi atouna hi Kritu jiaya na Anana hi Daud kawinna? ⁴²Jakka jiapananya ta hurat Mazmur, hi Daud winna wikki anna panewi, 'Hi Moiri Alla napanewi ta Moirigu, ''Ngoduyaya ta karaha lawana-Gu, ⁴³lappak hudda Akku tau-Guja damuhumu ta balla wihi-Mu. ⁴⁴Jakka dunna hi Daud anna tikkiya hi Kritu ajiaya namoirina,'gikkinounak hi Kritu anananya hi Daud hi widdalinya?''ANNA PANAMUNYA KAPIKKI PA'ATIKIJA DAM PEANGU TAURAT⁴⁵Atangaya natou dangu anna kahilu, hi Yehu panewi denga-Najak awin-Naja damuritu-Na, ''Mipa'atikija hei dam peangu Taurat dam buha oatang pahalalaku adda waingu koapi malai limma, dahenang oata anna pa'akaja tou ta pahar, dam buha oatang pangodu tam jaga ta uma pingi pahabayang, jakka tapa doung papa akang tamma tunu. ⁴⁷Dahehiha da umma mawini balu mang adda habayang dapama lai oatanya kanna pikki ittama tou awidda. Datou matoungu hei enga kolinguda hukungu mareihi buatu.''

Chapter 21

¹Napatetijak hei deaha hi Yehu, jiayak Dunna hinna ittaha datou poati adda patamang riiti tapadou kalekte. ²Naitta jellaya nam mawinni balu anna patamang riiti dam duabellada dariiti bihhi. ³Winnak hi Yehu, ''Kakku tikkigiminya nam padening lahi nyiami, nam winni balu nei reihi danguha dahawoana waling tatou poati hei. ⁴Kadangu, hei datou poati adda woangu kalekte mareihiha waling tariitida, jiadinguka nei nam winni balu dunna anna woangu kalekte toara nam einya nahamorrik waina woabollunaja ta kalekte.''NATADA ANNA KAWEADA NA TANA⁶Atangaya hei damurit adda panewinya tu'ana na Bait Alla na papadoawi wainya watu napahurrat jakka napatamang kalekte, winnak hi Yehu, ''Einya narahina atomaya, ngara dukada dappa ittami anyagaruha. Daeimang hangi tekka watu nam langa kadekka taoali watuna dappa nyagar.''⁷Manga, damurit tutturda-Nyak, ''Gurru, pirangkayak neiyi anna jaji? Jakka gannanya natadana hipeanya nei anna jaji?'' ⁸Napagaping hi Yehu winna, ''Mipa'atiki abbi eingu mappa onnarumi kadangu nimmi peala dokku danguya natou nam wai-Ganya na ngara-Gu mang hiwinna, 'Nyouwa jiadiwak Nammu,' jakka 'Narahina daggitnanyak,' Abbi mikerimah hei dudda. ⁹Jiadinguka, ammi rangu'angu mapatau jakka nam pahamatiwikkina, abbi mange'atmang kadang enga jaji moulunaha, atonouana narahina daddi toma'ammayah.''¹⁰Mang jiayaka hi Yehu hiwin-Naja, ''Hangi tana hangi tana napakidding wikkina anna patau jakka na Karajaan napakidding wikina anna patau oali karajaannan. ¹¹Jainanyak na'oppung damma rekkanouya, nakarobba tana, jakka mattu-mattu panyakit tapinu tana. Hungadanya damma kalli hunga jakka datada dam biaha waling ta awang.¹²Jiadinguk, adaddi najaji bolluha nei, na appami touwu manga hinna pamawilami. Dudda enga harakadagimi ta uma pingi pahabayanguda mang hidda patamagimi ta gallu. Damma raijellagimi ta haga raja jakka gubernur mulana na ngara-Gu. ¹³Atonouana, nam jaji neiyi annakaya kammi kaloagawainya ammi panewinya witina nakerimi-Ga.¹⁴Jiakadiyak atonounak, pamaddunyaya na atimi abbi hillu eimanya tapangadangumi ammi kahedi,

¹⁶Nyiami peala dappa ko'ugimi da amami, da anguwuami, da oalijajimi, da oali atimi, mang hidda hamatiha daoalimi nyiami. ¹⁷Nyiami nahukka bollugimi ati natou mulana na ngara-Gu Nyouwa. ¹⁸Jiadinguka, dahaluamang rou loagimi makka na'u waling ta katikumi. ¹⁹Jakka ammi tarrukadingu, nyiami enga koliminya namorrikumi.''²⁰Jiadinguka, ammi ittakayaka na koata Yerusalem anna hanya tentara, peaminyak nakana'u tananguna maraninanyak. ²¹Nouyanguha peala, nei natou nam einya ta wilaya Yudea hinna noungu tapinu lettina, natou nam engang takoata nalohunguha anna palai tamma marou, jakka natou nam engang ta deaha abbi natamamang ta koata Yerusalem. ²²Jiayak neiyi naladdu rahi pahakking kappiki pahupudanya naha langa tuli.²³Matiwolluwaingu danyaka dam winni pakabu jakka dam winni pa'ana kadangu jajinanyak nappa mawilla dengang ta tana nei, jakka napa mohu dengang tapadoung nei. ²⁴Dudda peala mati dengang danya matama mang hinna hukkuja natou hangi tana. Nakoata Yerusalem ngodunanya tou hangi tana lappak hudda anna dukka na ihina natana nouwu.A'AMINYA NA ANANA HI MOIRI NAWAINYA NABIAHANA²⁵Enga einya natada ta ta mata laddu, ta wullang, jakka ta kapea. Ta pinu tana, natou hangi tana-hangi tana nammange'at tadalu hadukana napa ngadanguna kadang anna poini na tahi jakka na ngalung. ²⁶Natou tiddi boppa-boppananya mula anna mange'at jakka anna nadinya agannanya nam jaji ta pinu tana kadangu ngara dukana nakuaha ta awang naka goyakbollu.²⁷Mangaka, dudda ittadanyak na Anana hi Moiri a'ammi-Nya tajoanga awang wainya nakuaha-Na jakka nabiaha-Na nam bakkul. ²⁸Jakka anna jajikaka nam toung nei, kiddiyaya kammi padidaruha dakka tikumi kadang maraninanyak nyiami ammi likaloaga.''AHAMEARA WAINYA NAPINGI KAPILLIT²⁹Mang nouwu, hi Yehu lolluknanyak nahilu hamearang lahi dudda: ''Patetinya napingi kapillit jakka dapingi ai hawanguk. ³⁰Jakka ammi ittahak hei dapingi ai adda kamali darouda, peaminyak nyiami anna marani namara tana. ³¹Toujellana ammi ittakayak ngara dukana nam jaji, peaminyak nyiami anna marani na Karajaan Alla.³²Dapadeni tekkangu nahawi-Gung lahi nyiami, dalabbida datou heiyi daddi damatimah hudda anna jaji ngara dukana. ³³Na awang jakka na tana namollahu, jiadinguka nawini-Gu danna hellimang.'MAROMMAT PANGALANG³⁴''Marommatung abbi mitau atinounya naboagang ammi tunu, ammi mawuk, jakka ammi kawatirunya namorrikumi. Mangali, naladu atomakaya narahina mearana nakadipit. ³⁵Kadangu, aminya mattu-mattuna nam liya ngara namma einya ta pinu tana³⁷Anna laddu, hi Yehu mangajarna-Nya ta Bait Alla, mang anna riddung Dunna dijaknanyaka nakoata mang hinna dou ta Tadulla Zaitun. ³⁸Manga, babaru hinguki, ngara dukana natou aminya lahi Dunna ta roangu Bait Suci kamma kahilu-Ya awidda.

Chapter 22

¹Naladdu Roati Damma Eingu Ragina na Paska nahawiddang maraninanyak. ²Da imam kapala jakka dam peangu Taurat manyerradanyak akkal kahamati-Ya hi Yehu awidda, kadang adda mange'atunya nam dangu.ANNA PAKO'UNG HI YUDAS³Manga nouwu, tamanyak namoritan ta atina hi Yudas, hi Iskariot nahawiddang. Dunna murit-Nanya waling damma touma habulu maduah. ⁴Halakunanyak hi Yudas anna barunding dengaja daimam kapala jakka dam jawaya na Bait Alla gikki neigu-Nya akku harakadanya hi Yehu lahi dudda awinna.⁵Manga, dokku hennanguha adda hapakat kawoanya riiti awidda. ⁶Jiayaka, anna hatujuka hi Yudas hinna ealung kaloaga pingi hapiakuna anna harakadanya hi Yehu lahi dudda atangaya adda eingu tou dangu.PA,ANGU PASKA⁷Manga, tomadanyak naladu Roati Damma Eingu Ragina, taladdu nouwu jiaya natou narahi dorunaja dabeabu paska. ⁸Jiayaka hi Yehu hinna paleawaha hi Petrus jakka hi Yohanes, hi winnaja, ''Huyaya kammi hadiangu pa'angu paska kapikki aabolunguda.'' ⁹Widdanyak hi Yehu, ''Bayanya nahabuha-Mu Ouwu kamma lippi hadiaha nyiama?¹⁰Napagapinguk hi Yehu winnajak, ''Ammitamakak peala nyiami takoata, miparegga denganya namoani namma iddi arru wei: keriyaya ta uma napingi patamana, ¹¹jakka mipeakanyaya namorri umma wimminya, 'Na Gurru tutturnaggu: Beinya napingi pangoduda dakulla pingi pa'angu paska-Gu Nyouwa jakka damuriotu-Gu?¹²Jiaya dunna peala nam patekkagiminya napa doungu nam luaru ta lantai barra deaha, dam langa genakuda dam manaingu ahadiah.Hadiayaya pa'angu katta pikki angu dudda noulau peala.'' ¹³Manga, hi Petrus jakka hi Yohanes dahalakuka mang datomaka noulawu eibollujaka gannanya dappa langa tikkina hi Yehu mang jiayak dudda hadiaha dappa angu apaska.APERJAMUAN PASKA¹⁴Atomayaka narahina, hi Yehu jakka da rasul ngodudanyak adda angu ta wiwi meja. ¹⁵Mang nouwu, panewinanyak hi Yehu hiwin-Naja dudda, ''Kubuhahingungu pa'adengagimi nyiami ta paska, adaddi Kutomayaha nahamatidenga-Gu. ¹⁶Kadangu Nyouwa Kupanewi memmagiminya nyiami, atouna adak-Ku hillu adengagimi lappak appahupuya ta Karajaan Alla.''¹⁷Manga, deki-Nanyak hi Yehu nakaa cangkir nam eingu angguruna hinna habayanya jakka hinna panewi awinna, ''Dekiya nei na cangkir kammi pabaring wikkimi. ¹⁸Kadabngu, Nyouwa Kutikkigiminya nyiami waling yayi Nyouwa dakku hillu inumanyah nei na anggur lappak hudda amminya na Karajaan Alla.''¹⁹Mangalik nouwu, hi Yehu nadekiya naroati nahabayanya, Hinna beara-bearaya anna babariya lahi dudda jiayaka Hinna panewi hiwinna, ''Naroati neiyi jiayaka katirou-Gu nahawoadagimi nyiami: Keriyaya ammi pahalakuya nei tadana-Nya ammi namu-Ya Nyouwa.'' ²⁰Toujellana amengaka pa'angu, dekinanyak hi Yehu na cangkir wei anggur mang winnak, ''Na anggur naha lingidagimi jiayaka naweira-Gu nam boangu mulami nyiami.APEAKAYA TU'ANA NATOU NAM HARAKANYA HI YEHU²¹Jiadinguka, patetinyah nalimmana natou nam haraka-Ga Nyouwa einya anna oali-Ga ta meja nei. ²²Kadang, na Anana hi Moiri nahalaku keriya napa langa bottahu, jiadinguk danna marimang natou namma haraka-Nya Dunna.! ²³Damuritu-Na patutotutur wikkidanyaka gearaya ya jiata nam oali nam tonouwalina.JAJIYAYA TOU MALAYANG²⁴Najaji jella nakangilada oali rasuluda adda paluminya neiyi gearaya nam reihi buatu. ²⁵Jiadinguka, hi Yehu winnajak dudda, ''Daraja ta pinu tana dam peanya hi Moiri dakuahaya na rayatuda, jakka datou dam kuahaha daraja dudda 'Mawu Rayat widdanya.'²⁶Atonoukanak, nyiami abbi kerinouwalija hei. Akerikayak, nam reihi matua waling lahi nyiami napa jajing wikkinaha lakeada, jakka nam kapalang najajiha palayang. ²⁷Gearaya nam reihi matua, natou nam ngodu anna angu atau nam layang? Dajiadiya natou nam ngodu anna angu? Jiadinguka, Nyouwa eiga tapaduami nyiami Akku jaji palayang²⁸Nyiami jiamika tou namma oali pangalang Nyouwa, tadalu haga-Gunya natou nam manyerraga anna kaka-Wa. ²⁹Kadang atonounaka nei, Nyouwa kuwoagimi hangi karajaan, mamearang nahawoa-Naga na Ama-Gu lahi Nyouwa, ³⁰kapikki kollingumi pa'angu jakka pa'inung katta oali ta meja-Gu ta Karajaana-Gu. Manga, nyiami ngoduminyak ta pinu gala himmi pahakkinya nam habulu dubbaya naka bihu Israel.''HI PETRUS ANNA PAHUNINYA HI YEHU³¹''Simon, Simon, rangupa-Wa Nyouwa. Namoritana kollinaguka anna wonguwu mearana anna wongu pari, ³²jiadinguka Nyouwa Kuhabaya-Guka ouwu abbi namollah na manningumu. Manga, mukollidinguk paharia, pakullihuha da anguwuamu.''³³Jiadinguk, hi Petrus winnanyak hi Yehu, ''Moiri, nyouwa langkaku tama ta gallu hudda akku mati dengagu Ouwu!'' ³⁴Napagapinya hi Yehu win-Na, ''Nyouwa wig-Gugu ouwu, Petrus, naladu ya dajianga pakukkumada damanu wolu dadi mupadillu wuddamanguha ouwu ammu pahuni-Ga ammu pea-Ga Nyouwa.''MIHADIA-DIAKADIYAYA AMIHAGANYA NAM HADUKKA³⁵Manga nou, hi Yehu napatuttur tamurit, ''Atomakayak Akku paleawami nyiami addami iddi riti, tas jakka tara wihi, penya nam mijaka oatang?''Dapagapinguk dudda, ''Da'amang widda.''³⁶Panewi-Nanyak lahi dudda, ''Atonouana yayi, gearaya nam eingu riitina atau tas, iddikadiha. Jakka agearaya dam eingu katopuna, langkana daganya nakoapina kanna hii katopu.³⁷Kadangu, Nyouwa hiwig-Gu nougimi nyiami agannanya nahatuli tahurat bakul neiyi enga pahupudanyah ta ihi-Gu Nyouwa, Dunna yapu pamarainya tatou jala.' Kadangu, nahatuli tu'a-Gu Nyouwa jajinanya ya laddu.'' ³⁸Manga, dudda widdak, ''Patetijaya Moiri, ya eijak dam duabanguda dakatopu.'' Jakka, hi Yehu win-Na lahi dudda, ''Rekkadak hei.''ANNA HABAYANG HI YEHU TA KAHIBU GETSEMANI³⁹Manga nou, hi Yehu lohungnanyak jakka halaku-Nanyak matoung ta Tadulla Zaitun napalanga dammana anna pahaku-Ya; mang damuritu-Na attu jellaja adda keri-Ya. ⁴⁰Natomaka hi Yehu tapadoungu nouwu, jiayaka Hi winnaja dudda, ''Habayanguya abbi natalu nam goadami.⁴¹Mangaka, hi Yehu marou-Nanyak waling lahi dudda nam rouna hangi pakabeana watuna, mang Hinna karadda Anna Habayang, 42 ''Ama ,jakka ahawukkudi-Munya Ouwu, dekiyaya naka'a nei waling lahi Nyouwa. Jiadinguka, abbi jiadiya nahawukku-Gu nam jaji, kapikki jiakaya nahawuku-Mu.''⁴³Mang nouwu, hatou nam malaikat waling ta surga patekkang wikkinanyak lahi Dunna mang hinna pakullihu-Ya. ⁴⁴Jakka, tadalu mawilla-Na, Dunna habayang tetekka-Nanyak: Nakaparritu-Na jajinanyak wei raa anna katehik ta tana.⁴⁵Namengaka hi Yehu pahabayangu, halaku-Nanyak ta muritu-Na mang toma-Najaka dudda atanga juddada kadangu adda hiddu ati denga-Nya. ⁴⁶Win-Najak hi Yehu hei dudda, ''Ga nyiami hi juddakamminya? Kiddi jakka habayanguya abbi kana'u talimma mapagoada.''A'APAYA HI YEHU⁴⁷Tanga panewi-Naha hi Yehu, ammijaka dam hangi rombonganada datou; jakka dunna hi Yudas nahawiddang, nam hatouna wali tamuritu-Na, jiayaka nam mouluja. Manga, hi Yudas lihinanyak hi Yehu anna ngiddihu-Ya. ⁴⁸Jiadinguka, win-Nanyak hi Yehu nei dunna, ''Yudas, penya ouwu ammu haraka-Nya na Anana hi Moiri waingu hangidihumu-Nya?''⁴⁹Tanga dedida damuritu-Na adda korru-Nya adda patetinya agikkinouda-Nya, widdak dudda, ''Moiri, manadi waidija nyiama katopu nam?'' ⁵⁰Manga jiayak, hatou namurit hinna kahapinanya nawuakahilu lawanana na atana na Imam Agung. ⁵¹Jiadinguka hi Yehu winnak, ''Mattanya, tutuka!'' Manga, jami-Nanya hi Yehu nawuakahiluan na ata nei weiga hinna patuu balingu.⁵²Manga nouwu, hi Yehu winnajak da imam kapala, dakapala majawa Bait Alla, jakka dambokul-mabokul dam ammija a'apa-Ya, ''Ga nyiami hi ammi boluligimi ammi iddi katobu jakka nibbu magga toungu ma appa parampukummi? ⁵³Jakka jiakayak nammu Nyouwa mioali-Ga ta Bait Alla Wehango-wehangu, jiadingu dammi appama-Wa. Ya nammu rahinanyak, nyiami anna kuahami moritana namma pakapetagimija dapangadangumi.''HI PETRUS ANNA PAHUNINYA HI YEHU⁵⁴Damengaka ha'appa-Ya, wealada-Nyak adda doura pipia-Ya amma rai-Nya ta umana imam bakul. Jiadinguka, hi Petrus keri wali kadeanganaja anna waingu hadikki rouja. ⁵⁵Mang pou'apidanyak datou tapadua talaoara hidda ngodu denganya hi Petrus.⁵⁶Jiadinguka, hatou nam winni anna ittayak hi Petrus anna ngodu talihi api patadananyak mang hiwinnanya, ''Natou oali jellana-Nya.'' ⁵⁷Jiadinguka, hi Petrus napahuninya, winnak, ''He mawinni nanni, nyouwa dakku peamanya Dunna.'' ⁵⁸Daddi madeimah, eijelanya hatou napatetinyak winnanya, ''Oujellakika oali de'amika hei dudda!'' Jiadinguk hi Petrus winna, ''Da'amang, nyouwa dakku oalimaja!''⁵⁹Eingu hangi jammu madeina, nam hatouna winna jellapah mula anna yakinanya, ''Natou neikika oali hingu-Nanyak, kadangu dunna tou Galilea jellaya.'' ⁶⁰Jiadinguka, hi Petrus winna, ''Nyouwa dakku peahingumanya gannanya nahatikkimi nyiami!'' Noujella weiga, atanga panewina hi Petrus, berkokoklah ayam jantan.⁶¹Jiayaka, gillaknanyak hi Yehu anna patetinya hi Petrus. Atonounak namunanyak hi Petrus napanewina hi Yehu, awinnanya, ''Daddi dappa kukkumah damanu wolu ya laddu, ouwu baddi padillu wuddangmukka ammu pahuni-Ga.'' ⁶²Mang halakunanyak hi Petrus tahabali hiddi anna hou adokku millaya.DAM JAGA ADDA TAUYA HI YEHU⁶³Natou nam tahanya hi Yehu ejikdanyak mang hidda tau-Ya. ⁶⁴Datoadinaja dawuamata-Na mang hiwidda-Nya, ''Manyurraya nou! Gearaya nam paluwu Ouwu?'' ⁶⁵Nadajellangu nahilu manyarik napapalouhuda adda ge'a-Nya jakka adda pamma rihaku-Ya adda hina-Ya.HI YEHU TAHAGA MAPAREAHA YAHUDI⁶⁶Nawehanguka babaru, datou matua ta Yahudi, da imam kapala, jakka da ahli Taurat pakehang danyak mang hidda marainya hi Yehu ta Mahkama Agamada dudda. ⁶⁷Widdak adda panewi, ''Jakka Ouwu ajiadiwu Mesias, tikkigamanyaya nyiama.'' Jiadinguka hi Yehu winnaja, ''Jakka Akku peakakagiminyaka, nyiami dammi waimag Nyouwa. ⁶⁸Mang jakka Akku tutturkamika nyiami, dammi pagapimang.⁶⁹Jiadinguka, wali ya na Anana hi Moiri ngodunanyak ta lawanana hi Alla Nam Hamanu Kuaha.'' ⁷⁰Widda bolluka dudda, ''Atonoukanaka, jiawuka Ouwu Anana hi Alla? Napagaping hi Yehu, Nyiami wimmika Nyouwa jiadiwaka Dunna.'' ⁷¹Mang nou panewidanyak widdak, ''Gabuktijellapah pamanyerada? Jiata tarangu wikkidanyak nam lohung waling ta a'a-Na!''

Chapter 23HI YEHU TA HAGANA HI PILATUS

¹Manga nou, kiddinyak adda marainya hi Yehu ta hagana hi Pilatus. ²Mang dudda panewidanyak adda pakitu wainya hi Yehu widdak, ''Nyiama matomanyak nei natou anna pakatoagamanya natou ta tana nyiama jakka naheiruja datou adda bayarungu hikatiku ta Kaisar, mang winna jella Dunna jiayaka Hi Kritu na Raja.''³Hi Pilatus tutturnanyak hi Yehu, ''Mang Ouwu Raja tou Yahudiwu?'' Napagaping hi Yehu winnak, ''Jiadiyak hinna nahawimmung.'' ⁴Manga, winnak hi Pilatus anna panewi dengaja da imam kapala jakka datou dangu, ''Nyouwa dakku kollihingumanya napa halana dengana Natou nei.'' ⁵Jiadinguka, dudda datuntutuya hadanni kadoakada awidda, ''Dunna nam leakuya natouwajnya napa ajaruna ta tana Yudea waling ta Galilea lappak ya!''MARAIDANYAK HI YEHU LAHI HERODES⁶Anna ranguka hi Pilatus tu'ana neiyi, patutturnanyaka kgikkina hi Yehu natou Galilea nei. ⁷Jakka, anna peanyaka hi Yehu awalina ta tana papareahana hi Herodes, jiayaka hi Pilatus hinna pangidinya hi Yehu lahi Herodes nam tanga einya ta Yerusalem.⁸Anna ittakiyak hi Yehu nei dunna hi Herodes. Dunna dokku madeiyaka anna wukkungu paparegga denga-Nya kadangu alanga danguna nahilu naharanguna tu'ana hi Yehu jakka adda patekkanya nabiaha-Na. ⁹Mangaka hi Herodes dokku dangu hinguya napatuttur-Nya, tappi hi Yehu danna pagapimanya malli hangi kawodu. ¹⁰Da imam kapala jakka dampeangu Taurat dam dedi hei lauwu¹¹Toujellana, hi Herodes jakka da tentarana adda pamarihhaku-Ya hi Yehu. Manga nou, dappa kennanya koapi mamanadang hidda pangiddi balinya lahi Pilatus. ¹²Yanagga, hi Pilatus jakka hi Herodes dappa muhung wikkida, tomapayak nouwu paoali atipaddanyak.HI PILATUS DANNA BIHAMANG ANNA BEABAHUYA HI YEHU¹³Mang jiayaka, hi Pilatus hinna pakabuaja da imam kapala, dam pareaha Yahudi, jakka datou dangu, ¹⁴hiwinnaja dudda, ''Mimaraiganya nei natouwu mearana natou namma pajalluruya naoalina nam dangu. Jiadinguka, akku urruhuya-Ka ta hagami daeimang tadana napahala denga-Na keriya nahawimmingu ammi pahala-Ya.¹⁵Toujellana hi Herodes danna kolli jellamanya hala-Na hi Yehu hikeri pangiddi balina-Nya lahi jiata. Ittadiyak nou, Dunna daeimang halana nappa hamati dengada-Nya. ¹⁶Atonoukanak nei, akku mengakaka habani-Nya, nyouwa pahellagu-Nyak.'' ¹⁷[Tiap natomadanya naladdu Paska, hi Pilatus nappa beabahuyaha hatou natou hukkung.]¹⁸Jiadinguka, natou meara kadoakananyak anna patiwung, ''Hukku lurruhu-Nya Natou nei! Pahellagamanya hi Barabas nyiama!'' ¹⁹[Hi Barabas dunna nahatama dengana ta gallu mulana anna pagoarang ta koata jakka anna hamati tou.]²⁰Kadang hi Pilatus anna buhang papahellaya hi Yehu, nahillu hadekka jellanguha anna panewi ta tou dangu, ²¹Jiadinguka, engada adda patiwung awidda, ''Harikka-Ya Dunna! Harikka-Ya Dunna!'' ²²Napapadillu wudda wudda wainaja anna tutturuha hi Pilatus winnajak, ''Mang ga nam? Gannanya nahawolu-Na dam kallung nam nei Natou? Dunna danna halamang. Nyouwa dakku kollimanya hala-Na hakudduk tekka mang kahukku-Nya mati. Atonoukanak, Nyouwa kubani-Nya mang hikku pahella-Ya.''²³Atonouana, dudda dadda weakuamng hidda patiwung adda tuntutuya hi Yehu kaharikka-Ya awidda. Manga, duddaka dam talu. ²⁴Allinanyak, jiayak hi Pilatus hinna bottahuya anna keridanya dahawukku atida. ²⁵Dunna pabeabahunanyak natou napa kareida, nam tama ta gallu mulana anna hamati tou. Jiadinguka, haradadanyak hi Yehu keriya napawukkuda.AHARIKKAYA HI YEHU²⁶Atangaya adda halaku iddiya da tentara nei hi Yehu, tahadanyak hi Simon natou nam waling ta Kirene, nam tanga halakuna waling ta deahana. Datentara dudda padeitudananyak na ai harikka ta kabakina hinna halaku ta kadeanga-Na hi Yehu.²⁷Nadangu natou nam keri-Ya hi Yehu, mang eijelaJa dam winni keri-Ya mang hidda hou-Nya jakka dakalana denga-Nya. ²⁸Jiadinguka, nagillakujaka winnak, ''Hei anawini nam waling ta Yerusalem, abbi houma-Ga Nyouwa. Houngu wikkimi jakka da anami.²⁹Enga tomadidanya narahina anna panewi natou awinna, 'Damaririkangu dudda damawinni dam wotu, jakka nam maringu napadou lakeada ta kabuda, jakka da huhuda dappa huhu.' ³⁰Tomakayak peala widdak dudda adda panewi dengaja da tadulla, 'Tanyuggiruya kammu pittakuma nyiama!' jakka ta lettin, 'Boanigamaya nyiama!' ³¹Kadangu, dudda adda wolukayak neiyi atanga morrikunah napingi aiyi, gannanya nam jaji peala anna matikaka napingi ai nei?''³²Eijellaja dam touma duaha dam bokkal dapamaraingu aharikka pahamearaja lahi Yehu.³³Adatomaka dudda tapadoung nam ngarang ''Tengkorak.'' jiayaka hei datentara adaharikka-Ya hi Yehu apahamearaja dam touma datou bokkal, hatou ta lawana-Na jakka hatou talalei-Na. ³⁴Mang nou panewina-Nyak hi Yehu winna, ''Oo ama, Abbu kilolukaha dudda, kadangu adda peakinyaka dudda napawoluda. Mang datentara le'a undidanyak adda bariya nakoapi-Na ta hagada dudda.³⁵Natou dangu dedinanyak neilauwu anna patetinya, jiadinguk damapareaha Yahudi olukdanyak hi Yehu haddani madolu waidanya adda maliku-Nya. Mang widdaka, ''Natou hawanguk napamorrikuha, jakka ka'ittayaya anna pamorriku wikkina atouna Dunna ajia tekkadiya hi Kritu, napa langa Pedi-Na hi Alla!''³⁶Toujellada dudda datentara adda oluku-Ya, mang ammija adda iddi-Nya anggur manyilu, mang hiwidda, ''Jakka Ouwu ajiakawuka Raja tou Yahudi, Mupalupput wikki-Muya: ''NEI JIAYAK NA RAJA TOU YAHUDI.''

⁴⁰Jiadinguka, natou bokkal hatou natagoruya naoalina mang winnak, ''Dammu mange'atmanya ouwu nam hi Alla mulan ammu kollinya nahukkung nam hameara ya? ⁴¹Jiata napadoumemanguka atta kollinya nam toung yayi page'anadanyak nahawoluda, jakka jiapananya Dunna neiyi daeimang hala-Na mang danna wolumaya damma kallung.⁴²Mang jiayaka, dunna hiwinna-Nya hi Yehu, ''Oo Yehu, Namukiwa nyouwa baru Ammu tamakaka ta Karajaana-Mu.'' 43 Mang nou panewi-Nanyak hi Yehu awinnanya, ''Nyouwa Kupanewigunya nam padening, naladdu ya jella ouwu oalimu-Gaka Nyouwa ta Firdaus.''ANNA MATI HI YEHU⁴⁴Naladdu nouwu ta jam 12 tiddu laddu, nakapeta bollung naloada nou lappak hudda jam 3 maringu laddu ⁴⁵kadangu na mata laddu jajinanyak nakapettanguna jakka natodda Bait Alla nam jirrak napaheawa napaduana.⁴⁶Mana patwung-Nanyak hi Yehu anna hawadding, ''Oo Ama, ta lima-Mumanyak Akku harakanya naha hangahu-Gu.'' Namengak pawinna noungu, hi Yehu kataku-Nanyak nahangahu-Na mang hinna dukka. ⁴⁷Na'ittayak nam jaji tonouana nei dunna na kapala pasukan, jiayaka hinna wuatu haila-Nya hi Moiri mang winnak, ''Mapadeninguya, Natou neiyi danna halamang!''⁴⁹Ngara dukada dam peanya hi Yehu jakka damma touma pirrah dam winni damma keri-Ya waling ta Galilea dedi dikki roukidanyaka mang hidda itta bolluya nam jaji nei.ATANUNYA HI YEHU⁵⁰Einya namoani hi Yusuf nahawiddang, anggoata Dewan Penasihat, dunna tou kalunguya jakka malurruhuya. ⁵¹(Dunnakaya danna hatujumadanya nahabottahuda jakka nahawoluda). Hi Yusuf mawalinguya ta koata Arimatea, nakoata datou Yahudi. Dunna jiajellaya nam nade-nadinya na Karajaan Alla.⁵²Halakunanyak lahi Pilatus mang hinna kareiya nakamati-Na hi Yehu. ⁵³Jiayaka, dunna hinna hapurunya nakamati-Na hi Yehu waling ta ai harikka mang hinna padedanya kaba kaka. Mengaka nouwu, hinna pamaturuya ta ko'a watu napa pogu tapingi hapogu watu. Tako'ang nouwu daddi eimangu hatou tekka pa tanu noungu.⁵⁴Naladdu nou jiayaka naladdu rahi hadia jakka tikki hatodanyaka naladdu miggu. ⁵⁵Damawinni dam waling ta Galilea adda marai-Nya hi Yehu keridanyaka hi Yusuf. Dudda ittadanyak na watu manga nahada pamaturuda-Nya hi Yehu ta roangu watu. ⁵⁶Menga nouwu, balidanyak adda lippi hadiaha rempa jakka minya kakaruduhu-Nya na kamati-Na hi Yehu awidda. Mang ta laddu miggu dudda hangahudanyaka keriya na ihi huratuna hi Musa.

Chapter 24

¹Taladdu hangi namiggu nou, ahhi babaru hingukiya, damawini hei halakudanyak ta ratin-Na hi Yehu hidda iddiha darempa dappa langa hadiada. ²Mang hagaudanyak nawatu bakul nam geigal walingu ta rati. Jiadingguka, adda tamaka, dudda dadda ittamayaha nakamati-Na hi Yehu.⁴Tanga kabarra dengadanya mulan adadda ittaya nei, alolu eijaka datou dam touma duaha dam waingu koapi kaka habilang dam dedi ta karahada. ⁵Dawinni hei weiga darekka mange'atmah manga jiayaka hitiddi runnudanya, jiadinguka dam touma duaha datou hei widdak, ''Ga nyiami himmi manyerrali-Nya natou morrik tajoanga tou mati?⁶Hi Yehu daeimanya ya, Dunna nakiddi balika. Namunounyaya napa langa papanewi-Nagimi atanga einyaha ta Galilea. ⁷Dunna winna memma Na Anana hi Moiri enga harakada-Nya ta limma tou hala, harikkaya, mang nakiddi bali ta laddu nam ka tilluna.''⁸Jiayaka damawinni hei namudanyaka napapanewi-Na hi Yehu. ⁹Dabalika waling ta rati-Na hi Yehu, panewi bolludanyaka ngara nam jaji neiyi ta rasul dam touma habulu hangiha jakka ngara dukada dam keri-Ya hawanguk. ¹⁰ Damawinni damapeakaya tu'ana neiweiga ta rasul hi Maria Magdalena, hi Yohana, hi Maria inana hi Yakobus, jakka dam touma pirrah damawinni hawanguk.¹¹Jiadinguka, napapanewida hei damawinni wallukdanya widda da rasul jiaya hidadda waija. ¹²Atonouana, hi Petrus kiddinanyaka anna palai ta rati-Na hi Yehu. Dunna mokunanyak anna kahinnung taroanguna, tiddi jiakiya naregi kaba kaka napapadedda waida-Nya naha ittana. Mengak nouwu, hi Petrus balinanyak hidokku kabarra dengananya agannanya nam jaji.ANNA PATEKKANG WIKKINA HI YEHU TAMURITUNA TA LARANGI NAM HAGANG TA EMAUS¹³Taladdu nou weiga, dam touma duaha dam keri-Ya hi Yehu halaku tahangi deaha nam ngarang Emaus nam rouna nammu mabulu stadiana waling ta koata Yerusalem. ¹⁴Dam touma duaha hei dudda lolukdanya aganna nam jaji.¹⁵Atanga panewida adda meara patutturwikkida, hi Yehu ammi-Nya anna lihija hinna maraija adda halaku. ¹⁶Jiadinguka, eingu mapatoddadaja dawua matada jiaya hidadda tada-Ya Dunna.¹⁷Winnaja hi Yehu hei dudda, ''Gannanya nyiami touma dua napa lollukumi ammi halaku? Dam touma duaha datou hei dedidanyak adda hangahu manga nahadada tiddi malujang danya. ¹⁸Nam hatouna hi Kleopas nahiwiddang winna-Nyak, ''Penya Ouwu jiapawuka tou nam aming ta Yerusalem damma peanya agannanya nam jaji buana nei?¹⁹Winnak hi Yehu, ''Gannanya nam?'' Dudda widda-Nyak, ''Tu'ana hi Yehu nam waling ta Nazaret. Dunna jiayak nabi namma eingu kuaha-Na tadalu panewi-Na jakka nahawolu-Na ta haga-Na hi Alla jakka ta hagana natou ta tanama nyiama. ²⁰Jiadinguka, da imam kapala jakka dam pareahama nyiama harakadanyak Dunna ahamati-Ya, mang dudda hidda harikka-Ya.²¹Jakka jiapananya nyiama maharap hinguya Dunnaka namma pabeabahuya natou Israel. Atonounaka, naladdu yayi tilu boladdunak anna jaji.²²Jiadinguka, dam touma pirrah damawinni waling lahi nyiama daealuyaka napa kapoduk dengama nyiama. Atanga eija ta rati ta babaru tukka, ²³dudda dadda ittamayaha nakamatina hi Yehu. Jiayaka, hidda bali mang hidda tikkiya adda ittaha dam malaikat, damma peakaya Dunna anna morrik. ²⁴Mang nouwu, touma pirra jellah waling lahi nyiama dam halaku ta rati toujelanna napatikkida dudda damawinni. Jiadinguka, dudda dadda ittamaya hi Yehu.²⁵Mang jiayaka hi Yehu hiwinnaja hei dudda, ''Heh dokku bodukhingmi nyiam mang doku malatunguya na atimi ammi wainya napa langa papanewida da nabi. 26 Penya nammu hi Kritu danna mawilla lettudiha manga hinna tomaya nabiaha-Na,'' ²⁷Manga, hinna palaranya hi Yehu ngara dukana nahatuli ta Hurat Bakul tu'ana Dunna, waling ta Hurat Musa lappak ta Hurat Nabi.²⁸Datomaka dudda ta lihi Emaus, magga mahalaku pangalangu-Ya. ²⁹Jiayaka dudda hidda taha-Nya mang hiwidda-Nya, ''Doulettu lahi nyiama nei riddung winnak mang na mata laddu tikki hatamak.'' Tamana-Nanyak hi Yehu anna oalija dudda.³⁰Naoalijak Dunna ta meja adda angu, Hi Yehu dekinanyak naroati mang hinna habayanya. Hinna bebearaya, mang woaja dudda. ³¹Nouka weiga, dawuamatada hidda taweha mang hidda peanya hi Yehu. Jiadinguka, danna madeihingumang hi Yehu anna alolu mollah wali ta hagada. ³²Menga nouwu, panewidanyak appa widdang wikkida, ''Dadokku morrikdiya na atida jiata nam atta ittaya Dunna anna panewi dengada jiata waling talarangi jakka Anna palaranya na Hurat Bakul lahi jiata?''³³Noumemma hingung, halaku balidanyaka ta Yerusalem. Paregga dengadajaka damma touma habulu hangiha damurit jakka natou dangu nam tanga kabuangu adda ngodu dengaja. ³⁴Damurit dudda panewi dengadajaka hei dam touma maduaha, ''Hi Moiri mapadeninguya anna kiddi bali jakka napatekkang wiki-Naka lahi Simon!'' ³⁵Dam touma duaha heiyi dalolluk jellaya nam jaji adda halaku ta larangi. Lollukdanyak dudda hudda barinajaha roati hi Yehu mang hidda peanya Dunna.ANNA PATEKANG WIKKINA HI YEHU TATOU NAM KERIYA³⁶Tanga lolukdanya hei dam touma dua nam jaji nei, hi Yehu dedi-Nanyak tapaduada dudda mang winnajak, ''Mimaririkangu.'' ³⁷Jiadinguka, dudda kapoduk iddidanyak adda mange'at. Napasangkada dudda ittangu moritanamanya widda.³⁸Manga nouwu, hi Yehu winnajak dudda, ''Mang ga nyiami himmi kapodukoli mang hinna hillu nyangali na atimi? ³⁹Patetijaya dalimma-Gu jakka dawihi-Gu. Nei Nyouwa jiatekka-Wakka. Kerra-Gaya Nyouwa mang pateti-Gaya, damoritana daemang rouda jakka riida matoung ya napa ittami lahi Nyouwa.'' ⁴⁰Namengak hi Yehu pawinna houja, Dunna patekka-Najaka dalimma jakka dawihi-Na lahi dudda.⁴¹Atonouana dudda dadi dawaijellama-Nyah kadangu adda henang jakka adda kabarra denga-Nya, jiakadiyak hi Yehu hinna tutturuha hei dudda winnaja, ''Penya eingu ya nam lahi nyiami pa'angu? ⁴²Jiayak dudda hidda woana-Nya nam hadipikuna nakaboku patunu. ⁴³Dekinanyaka nakaboku Dunna hi Yehu mang hinna anya ta hagada.⁴⁴ Mang nouwu, panewinanyak hi Yehu lahi dudda winna, ''Ya einy napanewi nahapeaka-Gugimi nyiami Akku oaligimiha. Ngara dukada dahalanga tuli tu'a-g-Gu Nyouwa ta Huratuna hi Musa, ta Hurat Nabi jakka Hurat mazmur pahupuhaha.''⁴⁵Mang wehanajak dapangadanguda hidda peanya na Hurat Bakul. ⁴⁶Winna jellapajaha hi Yehu hei dudda, ''Einya nahatuli atouna hi Kritu namawillah mang nakiddi bali waling ta joanga tou mati ta laddu katilluna. ⁴⁷Manga, Napahariawaingu apoahiha dadoaku jala wainyaha na ngara-Na ta ngara dukana natou ta pinu tana waling ta Yerusalem.⁴⁸Nyiami jiamika na hakhi waling ta ngara dukana nei. ⁴⁹Kammi peamemmanya, Nyouwa Kuhapurunya nakanyuru walingu ta Ama-Gu lahi nyiami. Jiadinguka, enganounguha ta Yerusalem lappak hudda appa buatumi waigimi kuaha nam waling ta padoungu majaga .''ANNA DEATANG HI YEHU TA SURGA⁵⁰Manga nouwu, hi Yehu kamaikanajaka ngala damkeri-Ya lohung takoata hudda atoma ta Betania. Nou lauwu, nadeddikuja dalima-Na mang hinna woaja kanyuru dudda. ⁵¹ Namengak Hi Yehu anna woaja kanyuru, paheawa denganajaka mang hinna deatang ta surga.⁵²Manga, dudda karaddada-Nyak jakka balidanyaka ta Yerusalem adokku hennanguha. ⁵³Dudda eipangalajaka ta Bait Alla mang hidda wuat haila-Nya hi Alla.

John

Chapter 1

¹takan wungana jiaya Na Awini , Wininei Nama raingu jaka hi Allah jaka wininei jaka Allah. ²Nawini nekadika dama raingu hi Allah waling takan wungana.³gara naha woluna walingu Duna.Ada Dunakaka,gara dukana dama eija dana mukin mang a eija.⁴Tadalu Dunna einya na morik jaka na morik jiaya Namma wahang ta tou.⁵Na wahang neiyi na kaloluk tamma kapetang, jaka naka petang data ita bulu maya.⁶Einya hatou napa botahunna Allah,na ngarana Yohanes.⁷Jiaya a'aminya ana jadi saksi napa tomanya napa itana witina nama wahang jiaya kama waling lahi dunna gara dukada na touwu da wainya.⁸Yohanes jiaya da jiamai nama Wahang neiyi jaka jiapananya aaminya kana patomanya naha peana nei.⁹Nama wahang nama kalung,nama pawahanya gara dukana natou,kaaminya tapinu tana.¹⁰Nawahang einya tapinu tana jaka napinu tana jiaya hina pajaji-Nya,jaka napinu tana dana pema-Naya. ¹¹Jiaya ana tomaj dapa kera- Rana,jaka dapa keran-Na jaka dapa kerana- jiaha hida niekiha duna.¹²jaka dudna dama tarimaya Dun nawoa-Nya tanguna jaka kana jadi anak-anak Allah, jaka hou datou dama wainya tadalu gara-Na.¹³dudna ada jaji dama waling mah tara jaka napa buhan rou, jaka napa buhan moni-moni,atau mawaling lahi Allah .¹⁴Nawini neikadika maengayaka ta rouda jaka paha laku maraikanyaka-iata tatou nabuatuna, tama nabuatuna Na ana kamehana, napa binungu kanyuru jaka kanaga.¹⁵Yohanes ana haahinya ngerang dulu jaka anakawulangu,''Yajialikaya napa leakagumi jaka Napa kabu atigu aganananya napapa newigu 'adadi paha nyouwa,engngu omminya namma moulu waling Lahi nyouwa adadi paha nyouwa."¹⁶Alanga pinunanyaka,iata tangarana kadaengngu kadanya na wiema ringu na weima ¹⁷lala.Toma,naha wukungu Napa woananyaka Musa jininguka Nawei nama ringu jaka weima lala mawalingunya Tama Rabbal Yesus kristus,Daha ¹⁸toutekamangu nama itaya Nama Rabba Allah,jiadinguka anana kameahana hi Allah,Nama einya tababanana amana jiaya nama pekaya jaka nama Lollukuya.Napa itana hiYohanes Pembaptis (mat.3:1-12;mrk.1:2-8;Luk.3:15-17)¹⁹Yajiayaka napa itawana mata hibYohanes, Toma datou taYahudi dapa leawaha da toupamaningu tatou lewih dama wali ta Yerusalem tenang kada Tuturu hiYohanes awida, ''gerakadiya ouwu namu neiyi kawidanya widda?"²⁰jialinguka hiYohanes napeaka wikina dana kabuningu wikimana mangnga hiwin naja Nyouwa Yohenesuwa Dama Rabba Yesus Kristus mawa winnaja.''²¹Mangnga geara tekkahingwuk,nammu nangaram ou,peaanya dah Eliakadiwu? Dahi Elia.''peanya nahikidi nammu?"Da jelamanggu."²²Jaka atouna,nouwu duna dapa newi lahi duna, "Gerakau ouwu, jaka yiama mapan tuturung tatouwu napa botahuma jiama?Agananya wimunya naihimu?"²³Yohanes napagapi ja napa tikida danabi Yesaya,"Youwakadiwa touwu napawing Nabi yesaya nama berseru seru takan pubung belantara: 'paluruhunya larangi laihi moiri!"'²⁴datou- datou Yahudi napa bota huna nei jiaha datou Farisi . ²⁵Jiahahaha,duda napa newi laying Yohanes,"Jaka ouwu da mesias, dahi elia, atau danabimau nei,ga ouwu himu batis?"²⁶Yohanes napa gapija da tou,"Youwa bapti waingu wei,jaka touna nouwu mi dedi ha tou ha tou jiami dapa pemi.²⁷jiayaka nama aminya adanimah ayoa. Na weihaya nakaru sendal-Nya pun,youwa daku pantas mang."²⁸Gara dukana najaji ta Betania,tahan bali loku Yordan, napa douna Yohanes ana baptis. da ana domba Allah²⁹Baru weihangu ladu, Yohanes na itaya nama rabba Yesus aamin lahi jiata, jaka Yohanes napa newi,"Patotunya, ana domba Allah nama apuhuha da duku da jalada tapinu tana!³⁰ jiaya naha wigungu jaka youwa aku panewi, jaka nimi aamiga einya hatuwu nama reihi bakulu jaka waling lahi nyouwa jouwa alanga einyaka adapah Ayoa.' ³¹Yanaga, youwa daku peamanya jaka atuturunya jaka da tou da tou israel, jaka nyowa aku baptisuha aku waija wei."³²jaka, Yohanes napekaya,"Youwa ku itaya na Roh ana purungu waling ta awang naha mera tama wurung merpati jaka na Roh-Nya³³ nyouwa meha daku pe maja duna, jaka nouwu napa botahu ayouwa kaku baptisuha waingu weiyi napanewinya, jiaya nama nutunya deha yiami mi itanya na roh nama purung jaka naengang, jiaya nama ihu waingu Roh kudus³⁴Nyouwa jia meha aku itai ana panewi jaka nammu ananaja hi Allah."' da ana Da ana- ana Yesus nama kamoulu³⁵ jaka baru weihang,Yohanes dedi linakaka jaka namaraing toma dua anana,³⁶jaka dapa totunya yesus atagir halaku wina yohanes ana panewija Da ana Domba Allah!"³⁷Todua muritun darangunya ana panewi jiaya hida namuya Yesus.³⁸Yesus na gilak bali takan dengana na itaha duda ada keriya-nimi, jiaya hi winaja dudda"' Ganaya napa yerami?" Dudda dapa Gapinya," Rabi ( napapa jadina napaha gerana ta Arti: Guru), bayakaka amu Enga ³⁹yangu?"jiaya hi winaja lahu dudda,"Maiyi kami patotunya." himmi amija,dudda dapa totunya Napa douna pingin ha enganguna dudda da mera engangu tadu nouwu dudda waktu nouwu sekitar jam habuluh .⁴⁰Enya hatowu waling tatoma dua da anan dama ranguya napa newina Yohanes jaka nakeriya Nama rabbal Yesus jiaya Andreas, nangu wuana simon petrus. ⁴¹ adapaha Andreas waling lahi simon na agu wuana,jaka napakanya," jiama ma itaya na mesias (napaha ngerang najadi kristus')."⁴²jaka nouwu, Andreas nama rainya simon lahi Yesus.Yesus napa totunya Simon jaka winanya," jiami simon,Anak Yohanes.nyiami mai wida gimi hi kefas ( napa widang' petrus' jaka' atau 'Batu')."⁴³ta wehangun babaru,hi Yesus na wukung pahalaku ta Galilea napa rega denganya hi Filipus jaka winnanya, "keriwa nyouwa" ⁴⁴Hi Filipus ma walinguya ta Betsaida, padoungu pingin ha enganguda hi Andreas jaka hi petrus. ⁴⁵hi filipus napa rega denganya hi Natanael jaka winna nya " nyimak papa rega denganyaka napa tlihuna hi Musa tadalu Hukum Taurat jaka tangan kehada da nabi,a toukanaka hi Yesus walingu ta Nasaret anana hi Yusuf."⁴⁶Natanael na tikki na nya,"matoungu tekka kadiya nama kallung waligu ta Nazaret?" Filipus na tikinanya, "Ammigu jaka kamu itta ya."⁴⁷Yesus na ittaya hi Natanael ana mai lahi nammu jaka napa newinya na tuana hi Natanel,"kamu patetinyah,jiyaha na tou israel na patetekang,da eimanya napa lapigu tadalu lahi namu!" ⁴⁸Natanael napa tuturunya, "giki nonak hi pea ikaga?" Yesus napa gapinya,"adadi paha hi filipu ana kamaikagu,badi ittaguguka a eigimi ta mawu pingi ai kapillit."⁴⁹pagapingu hi Natanael,"Moure,ouwu ana Marabba Alla wu. ouwu Raja Tou Israel lu wulan."⁵⁰Yesus na gapi ya jaka winna lahi dunna,"Toukanaka hi wigukagu, 'langa itta guguka ta mawu pingin ai kapillit,' jaka mi waiga? mi itta yaha tangnga kehana nama reihi bakulu walingu yayi" ⁵¹mangnga, napa ngalanya,"napa teatekangu aku tikki lahi ouwu,Nyiami engajiaya ami ittaya na awangu ana taweha jaka dama laikt Alla ad deha purung ada bari ya ta ana tou rara."

Chapter 2

¹taladu katiluna ,einya nakal buangu deki mawini ta kana Galilea,jaka na inna hi Yesus eijelanya noulau.²Yesus yakan da ana-da ana juga peka jella ja tabuangu deki mawini nei.³jaka na wei aggur naduka, na inna hi Yesus napa newiNya," datou dakanaja wei aggur."⁴Yesus napa gapinya"gamawini touhonguha nama berhubung deng-gga? narahi dadi eimanyaha."⁵Na innaYesus napa newija tama bari."Ganakanya napapa newina lahi dunna,kerang nou."⁶Houlau, eija dama nammu gentongwaling ta watu, nama biasa awaija da tou Yahudi ada kabuang ada pakalung wikida heheka ada habukung dubba jaka atilu ⁷Yesus napa newi tahaga mapan layang."Tauja da gendong-gendong heiyi jaka da wei." hida,hida tauja ihida da gentong-gentong hei yakan weiyi lapak ada binu ⁸yaka ,Yesus napa newi lahi duda," yayi,medekiha hakuduk mi idiha takan pala pesta."jaka datowu⁹Yakan nakal pala tunu na kamanya na weiyi napa mengapa awoluya anggur nou,yaka jiaya dana pemanya bayaka wali yana (jiaya nakal pala pelayan nama dekiya na weiyi na penyakit)' jaka nakal pala tunu neiyi nakal maikaja membelai moni-moni, ¹⁰manga hiwinanya, " naanan noutona hawanguku napalak moulunha dapahaku mouluna da angguru dama kalungu manga hina paha laku da anggur dama kalung jidinguka ouwu, bijalmunya da anggur dama kalunguna atouna ."¹¹Tanda ajaib nama moulu nei Yesus napa lakunya ta kana,gmGallea,napa namunguna-Nya jaka da murid -damuritu Na nanamuya.¹²manga nama rabba Yesus na purung ta kapernaum maraida na inna,jaka daoli da olina, jaka da murit -murituna duda daengang holauwu selama pira ladu.Yesus ta Baik Allah¹³Naladu bakuluna natou Yehudi dagitunanya, Nama Rabbal yesus ana dehang ta yeru salem.¹⁴Taumah bihana natou nama dagang lembu, domba. jaka da merpati.jaka dama tagu tukar riti ngodu danya heilau¹⁵Yesus nawolunya na cambuk waling takan larun jaka nakaliha ngara dukada da oli jadina waling ta Bait Allah, jaka dadomba jaka da lembu duda.jiajelah nama bongu riti-riti koin waling tama tagu tukaru riti jaka nahabalija da meja-dameja duna. ¹⁶jaka dama dagang mawurungu winaja nama Rabba Yesus milohu ida boluha dapa hadangami walingu tauma yakadika pingi daumma padagangu maya jaka ada pingi¹⁷Dala keadaan paha koalana hida namuya aeinya nama winna nama namungunya naumamu merkanaka ana tunu pakeranya¹⁸mangnga hiwiddah datou yahudi adda pangapinya mangnga hida panewi gatanyaka nama buatu napapa teikamu ouwu himmu pahalakaya napa kabuatimu dama kalung maiya?"¹⁹Yesus napa gapija duda,"Muberaya na Bait Allah neyi jaka tadalu tilu ladu youwa tetap aku pakida baliya."²⁰Dana napa gapija,"perlu 46 dungu jaka kaku pakidi na Bait Allah nei,jaka dumu mupakidi baliya tadalu tillu ladi?" ²¹Jiaya,napa kabur atina Yesus aganapanya Bait Allah jiaya na ihina mehananya,²²jaka neiyi, jaka Yesus apa kidi baliya walingu tatou mati,da ana-anana danamuya napa newina nei;duda hidayat percayaya tahurat bakul nama kalung jaka napa newi napapa newina Yesus Napa tikina.²³Touma Nama Rabbal Yesus einya tayeru salem ana palainya nama buanguna,nadangu natou nama wainya nangarana alanga itananya tadalu buahana ana patekanya. ²⁴jininguka Nama Rabba Yesus witi dana buhan witi nama touma alanga peanaja.²⁵jaka dana karei mangu hatou teka kana kana peakawa awinna ngarana natou rara.

Chapter 3

¹Einya Natou parisi nama ngarangu Niko demus. jiaya nama jaji paama jaka napapa akangu tatana yahudi.²taridung nouwu aminya tama Rabba Yesus mangnga hiwinanya Ama,yiama marangu tomat ouwu jiawuka guru nama amingu nama walingu lahi Allah deimangu hatouteka nama patekanya nama peanya."³Anapaija hina,peaja nama Rabbal Yesus,jolinanyaka wigu gimi yiami toma hatau adana ada hilajuja habali. Dana dana itamaya napa doungu weimaringu Nama einya lahi Allah." ⁴ Nikodemus napa tutur,eingu hatou hatou napa hilu papa ana baling jaka ana matua?mikoli balinya ami paman balinya takabu inana mang hina paana baline?"⁵Napa gapinya nama Rabbal Yesus lahi duna,"jaka jiapanaya, jouwa ku tikiya lahi yiami,jaka eikanguka ha touwu dapapa anang waling ta wei jaka ta Roh, jiaya dana tamangu tapak dongu weima ringuna Allah.⁶Agananya nama jaji walingu taihida jia jelayaka naihida,langnga agnanya namanya jaji waling tahangahu matua.⁷Abi hilu kapoduk aku panewi laihi ouwu,jiami papa anang balimi.'⁸nangilu napa pouwu habali habali yaka aba yayaka yiami mi buhanya jaka miranguya ana kaguruku jaka jiami dami peamanya abayaka wali yana ana wurungu tou jelada gara dukada yiata taujelada yiata napapa anang waling Taroh ."⁹Nikodemus napatutur,"Giki heibulu kada kara dukada hinna jaji?"¹⁰ Yesus napa gapinya,"nyiami dajiami guru tou israel, jaka nyiami dami pemanya gara dukana nam terjadi?¹¹Yatouna,wigiminya nyiami aku panewiginya agananya napa peimi jaka napa rangumi mangnga napa itami, jialingu ka dami Rangumaya nama walingu Lahi nyiami.¹²Aku peakakaguminyaka natal nogu pinu tana adadi miwainyaha, gikinoikinaka napawai dengaminya agannanya naha wiggugimi gearana nama einya tapa Doungu weimaringu.¹³Daeimanya hatoukka nama deahangu tapa doungu weimaringu, ada jiakayaka nama purungu balingu tapa doungu weimaringu,yana ana tourara.¹⁴Naha meara noungu hi Musa ana dedikunya na maddu tabagu tama Redda ginangu, Tounou jelana Ana tourara adedikapa jaganya,¹⁵Toma Tangadukanana tou nama wainya namma engnga Kalinanya nomorikamu Loolungu.¹⁶Nama Rabba Alla nanamu oataya napinu tana,mangnga hina paleawaya na anana nama meaha limana Toma tangala dukanana tou rara nama Langu weinanya abi namoya awinna,jialinguka kana kolinya namori kama lailangu.¹⁷Namma Rabba Alla napa leawaya na anana nama meaha wihi namma meaha limana tapinu tana dawinnamangu jialinguka kanna pamannu maraya liya yana anana awinna .¹⁸Natou nama wainya danna hukumanya, jiadinguka natou dama wainya engnga kolli nanya Nahakungu toman adana wainya naana kameahana Nama Rabba Alla.¹⁹Yajiadinguka nahukungu nama wajalu, Nama wahangu einyaka tapinu tana, jialinguka natou rara rihibuahananya nama kapetangu walingu tama wahangu toma agananya napa waludu mama nyarikaya.²⁰Toma natou nama woluya nama manyariku dahukunya ati nama wahangu da ommi jella maja tama wahangu toma napa woluda jaka napa rawida dama deeliku palangu.²¹Jidinguka natou nama pahalakuya nama kalungu jaka nama einya tama wahangu engngu makalugunya naha woluda tahagana hi Alla." Yohanes Napalakuya Nama manadangu²²Namengaka nou, hi Yesus jaka da ana halakudaka tatana Yudea. Noulawu,jiya napa duka madei jaka dudda jaka ihidajaka. ²³Yohanes jella nabatis ta Ainon talihi Salim jaka dadangu na weiyi nolawu. ngara datouwu amija jjaka hi ihuha.²⁴ Jaka nou weiga, Yohanes dadi maha apa tamanya tagallu.²⁵jidinguka, heaka heakaya napa ngada ngadanya dalla keadaan paha koalana Yohanes jaka natau yahudi pawarah wikki bolludanya.²⁶mangnga hida paregga denganya hi Yohanes mangnga hiwiddanya,"Guru,natou napama raimu tahan bali loku taloku Yordan,ngerana napapakamu jaka napapa utamu tama olikadingu alangnga amibolluja."²⁷Yohanes napa gapija natourara daeimangu, pakolida ada woakayaka dudu dama walingu taawangu, ²⁸ Nyiami kadika dami peamanya aganananya napapa newigu youwa da mesiama,'jidinguka nyouwa papa lewawa huiya yuiya kamu kamu moluwu alanga wina-nya.²⁹ Na touwu nama pasanganana mawinina jaka da moni; jaka daolina namoni dadedi ada kahiluya, tariki mata jaka wala wiwiha ada rangunya nama yanyi nala kedai moni. jaka egi ati neiyi pajadi madangunya.³⁰Duna harus nabakul panglang jaka nyouwa semakin ku merah."³¹jidinguka nama wali dehangu engnga mouluna dahangya mangnga nama bakulu tapinu tana mawalingu tapinu tapinu tanaya mangnga engnga manga enga panewidanya tapinu tana jaka nama nama ominya nama walingu taawangu engnga ranguya boludanya.³²Engnga itadaya nama kalungu jaka nama manadangu manga enga padanya natouwu ana kaya nama manadangu.³³Natouwu nama kaya nama walingu engnga keridangu wingu atinama malangu tomat nama Rabba Allah nama namunya.³⁴Toma,natou napa lewana nama Rabbal Allah engnga patomananya nahiluna Hi Allah Tomat nama Rabba Allah woanada hanguhu matua.dama eingu dirana. Na Amada Nanamunya Na ³⁵ anana ana woanya gidi deituna alanga awi namunaya.³⁶Natou nama wainya naanana engnga kolinanya namouriku malodungu,mangnga touna dama wainya naanana dana itamaya nomouriku malodungu dama keri ukuya."

Chapter 4

¹mangnga namourida ana penyakit natou parisi ana ranguya ana kolingu weiihu jaka dala keadaan paha kolana Hi Yohanes ²( jidinguka Nama Rabbal Yesus Dana ihuwiki manaja), ³ mangnga hina peanguja ta Yodea mangnga hina balinya ta Galelia.⁴Duna,Nalinoungutana Samaria.⁵mangnga anatoma ta Samaria, ta kota nama ngarangu Sikharnama einya tatana yanaga napa pangarungu Yakup walingu ta anana hi Yusuf.⁶Namatawei Nama ngarang Yakupuna eijdanya mangnga Nama Rabba Yesus Namma jouli alanga halaku marouna Nangodu tawiwi mataweiyi ta jam nammu.⁷Aminya nama hatouna nama wini samaria kaku hoku weiyi. yesus napa newi lahi duna,"woaga yowa kaku inung."⁸(jaka, dala keadaan papa lewana dahalaku ta paharu ipahi paangu.)⁹Nama wini samaria napa newi lahi Yesus,"Mana mungkin Aouw, natou Yahudi,daka rei weih lahi youwa nama winni samaria?"(jaka,natou yahudi dana penewi dengamada gagerai natou samaria).¹⁰manga hina pagapingu nama Rabba Yesus hiwinanya,jaka ami peadinya nakal nyuru nama walingu tama Rabba Allah mangnga ami patetinya agearanya nama panewi muwoahingunya weiyi Toama nyimi engnga keri jelamija lahi dunna manga jelakaya engnga kolinanya na wei pingin mouriku.¹¹Nama winna nou hiwinanya mouri ouwu daeimangu kaamu amu inungu tomat namata weiyi nama jallungu mangnga bayaka wali yakaakina amu kolinya nawei moriku? ¹²peanya ouwu rehi papa akanguwu walingu ta inna weadama nyiama, hi yakup jiaya nama woluya namata weiyi hina peakagamanya jaka nama langa inunya walingu tamata weineikadika daana kadinaka jaka dapeadanya yaha ana pinus haja?"¹³Nama Rabba Yesus hipangapinya mangnga hi winanya tangala dukana natou balina, ¹⁴Natouwu nama inungu weiyi napa woaja lahi duda dana hilu madoumaha jiakadinguka nawei taihina nama nama laipangalangu lapakungu ana kolinya namoriku maludungu¹⁵Nama winni mangnga hi winanya Nama Rabba Yesus,"mouri nounammu kamu woakiga weiyi kaku inungu abi hilu kumadouwu mangnga abi hilu amiga ta mata weiyi aku lapar houku. ¹⁶Nama Rabba Yesus hiwinanya jaka nouatouna kamu baliwu kamu lahan dekiya nalamu manga kami maraingu kaami baligu¹⁷Nama winni hina pangapinya." Dadi eimakinguha lagu." mangnga hi winanya nama Rabba Yesus peanya nama daete kadingu napapa newimu, ada eitekangu lamu, ¹⁸Hiwingu noukanguka tomat ouwu badi tomat limahaka da lamu jaka selakaya nama kahangin dengdagu napapa neiwimu."¹⁹ mangnga hi winna nama winni ana pangapinya moure yaatouna youwa ku peanguka ajiawu ouwu anabi. ²⁰ Da ina weadama jaka daama peanguma nyiama daha mukulu karadanya."²¹Nama Rabba Yesus hi wimaja eiga youwa nejiami jodumi mawini nama eigimi yayi! enga dukina narahina tapinu letinyamangu jaka jelanya data yeru salem daejallamangu ada mokulu karadakunya hiama,.²² yiami ami jelguka yiama ama mokulu karadda mapeanya toma manu mara omminya nama walingu ta yehudi²³Enga dukidina narahina, yajidihaka Dama bomoku pangalangu jaka dama liya naha mangu matuayi jaka nama wahangu;Toama hi ama engnga matodinguna nama hamerangu nama bokulu karanya nammu. ²⁴Allah jiaya napingi morik natouwu nama wainya jiaya nama kolinya namorika malodungu."²⁵mangnga nama winni hi winna lahi dunna yowa kupenya tomat na Mesias aominya(yajidiyaka nama Rabba Yesus kristus) engnga ommidiya ana panewinya tangala dukana lahi yiama."²⁶Napa gapija Nama Rabba Yesus lahi duda,"Youwa, nama panewi lahi yiami jaka nammu."²⁷omiyaka dala keada paha kolana duda daka mataarata itaya nama Rabba Yesus ana panewi denganya nama winni. jidinguka ada eimangu hatouteka nama tuturuya,"ganaya napama yeramu namun widanya!"mangnga manga gahi eiyagu nama winnanya?"²⁸ jaka, nama winni neiyi najemanya na kidi weiya manga halakunanya ta paraingu jaka napa newija datou-datou houlau,²⁹"maiyi kami itaya einya natouwu nama panewi dama jiaya napaha lakugu. peanya touwu Mesias nei?"³⁰duda jela dahaku tahabali paraingu kama parega denganya nama Rabba Yesus.³¹jidinguka,dalakeada paha koalana wadaya nama Rabba Yesus adda panewinya Rabi gayi hidamu adokangu." ³²Nama Rabba Yesus napa gapija duda," yanyouwa eingu paangugu dapa peami nyiami."³³mangnga dala keadaan pahakolana hida patutur wikida,"daeikadingu nama idinya paangu daha bali peana?"³⁴Napa angugu jidiyaka nammu nama palewawa nyouwa kamu halakunya napa kerang yayi nama winaga.³⁵ peaya nyimi dawimi mangu, 'patu wulakinaka nama rara katomaya dawimmi naomangu? nouatuna kami patetinya jakawiggu jellagimi peanya da wuamatamu miitaha daka hiburan pari adda rara keiku todanya naha robu ³⁶yatouna hammu namma rawing engnga kanyuru toma deka buaja tutu taguna nama ominya dama kerangu jaka dama hoarungu tariki mata ngara dukada.³⁷jaka napapa newigu mapan ihinguya,hatouwu nama hoarunya jiaya nama kanyuru'.³⁸wiggumi ku palewami nyiami kami kolinya natagumi langnga kada kerang datou hawanguku keranguka yiami engnga eijelangumi ami kerang notou samarinda nama walingu ta kota nadanguka nama wainya nama Rabba Yesus."³⁹ Native samaria nama walingu ta kota nama wainya nama Rabba Yesus liya ana panewi nama winni liya aganananya naha itamu napeaka," bolunya napa woluna jaka dapaha lakuna." ⁴⁰ yayi, natou samaria utunyaka Tama Rabba Yesus,kammu daka reiya kama engang letungu malli pira buah ladu nama Rabba Yesus na engangu duba laduna.⁴¹Duku,Hangari elagunyan natowu Nama keriya jika nama wainya agannananya RaRa tikina Nama Rabba Yesus. ⁴²Mangnga hiwidanya nama wini, " Dahilu jiamayaka napapa newimu mangga himawainya nyiama wikiya maranguya, mapeanyaka ajiaya nama pamaraimanya yaina pini tanaNaana Tou buatu napaTegahuya (mat 8:5-13:luk 7-10)⁴³Duba ladunaka, Nama Rabba Yesus ana engangu manga hina halaku tagali lea.⁴⁴( manga hiwina Nama Rabba Yesus ana peakaya natada buatuna daeimangu hatou teka nama peakaya natou napapa akangu Tatiana wikina.)⁴⁵Ana tomaka hi Yesus ta Galilea, Tangan kehada da Tou ta Galilea da regga Ya alanga itta danyaka tangan kehana naha woluna hi Yesus,ta dalu pahalakuna naladu bakul ta Yerusalem atoukanaka duda dahar laku jellannya naladu nou.⁴⁶atonounaka, hi Yesus na mai jellapah ta Kana,Galilea tapak doungu napa langa wolu jella na wei, hina jaji wei anggur.Ta Kapernaum einya hatou napa gawi istana na anana moani nama tangiru hidduna. ⁴⁷napa pagawai istana na rugukiyaka a aminya hi Yesus walingu ta Yudea hagana ta Galilea, Na lapa parega denganya jaka nakal reiya hi Yesus ka ami gu kamu pategahu ganya na anagu,touknaka na ana na natiki hali yakan nama jala⁴⁸mangngaka, Hi Yesus winna nyaka"Atoukanaka ouwu damu itta kayaka na tada-tada nama kallungu, ouwu damu waimanya."⁴⁹pegawai istana dunna napa newi,"Moire, ammi kigu tomat dadi namati na anagu."⁵⁰Yesus napa leawaya,"baliyaya na anamu namaorrik!"na tou nei na wainya naha tikkina nya hi Yesus jaka halakunanyaka na taou nei.⁵¹tangiruna napa gawai istanamasi tarangi halalakuya, napa rega denga ja da atana jaka datikinanya atoukanaka na anana moini namorrik bali⁵²pegawai istana na tuturuha toukana na jam pirra ya na ihina na anana ana kabokah bali. jaka,da gapiya" madugana kira-kira jam kapituna na wajal ihina ana mollahu."⁵³na amanah nalakeada nei weiga na peanyaka, langa winna memanyaka hi Yesus,"na anamu na morrik ngara dukana na oliyayimu hina wainya Nama Rabba Yesus.⁵⁴jiadiyaka natada biahana nama kedua napaha lakuna nama Rabba Yesus jaka ana duki walingu ta Yudea jaka ta Galilea.

Chapter 5

¹jaka ngara dukada, einya naladu bakuluna natou Yahudi jaka nama Rabba Yusus nadehan tayerusalem.²Ta Yerusalem.talihi abina Gallu Domba einya hangi na kolam jaka tahilu Ibrani widanya Batesda .nama mangu lima kaba ringu serambi.³yakan tasa rambi neiyi. einya natou na dangu nama kadauku nama maturu: natou nama kabola, touwu timpang, jaka natouwu kabeku duda nanadinya na weiyi ta kolam neiyi nakal goyak .⁴Taladu nou-ladu pingin papa regaya,dama laikat nama Rabba Allah nimi na purun ta kolom da pakagoyakuya na weiyi. natou nama moulu ana tama ta kolom jaka na weiyi naka goyak, hipa tegahuha waling tapa yakit ganas nanya daoukuna).⁵Noulawu, einya natouwu nama langa kadaukuna selama tilumbulu walu dungu.⁶ jaka nama Rabba yesus Allah napatotunya duna ana maturu jiaya hina peanya ana madei ana kapiala nama Rabba yesus napa tuturuya,"yiami miweikukadungu aku pategahuk?"⁷Natou kadauku napa gapingu,"moure, Daemang touwu nama hapuruga nyowa ta kab kolam jaka na weiyi naka goyak, yakan nyouwa ku usaha wikigu Natuow hawanguk napurunguka molunguka."⁸Nama Rabba yesus napa newija,"midediya! dedikunya na kasurumu jaka mihalakuyah."⁹Taladu, noujellakaya wainya nama kadouku nategahu nalunija datapuna ana halaku jidinguka naladu nouwu ladu papa buatunanya jaka pawainguya.¹⁰ jaka nouwu, datou-datou yahudi dapa newi tatou napa widangu neiyi,"naladu yayi ladu bakulunanya, jiami abimidedimaja da kasurumi ."¹¹jidinguka, jaka napa gapinya,"natou nama pategahuwa nyouwa, jiaya nama panewi lahi nyouwa,muhaduluha da kasurumu jaka halakuya."'¹² duda datuturunya lahi dunna,"geraya natou nama tuturuwu,'Dedikunya nakasurumu jaka halakuya'?"¹³jidinguka, natouwu napapa tegahungu dahila peamanya ageraya Dina yaka nama Rabba Yesus sudah menyelinap walingu tatou dangu tapak dungu nou.¹⁴manga nama Rababa Yesus napa regadengaja datou hei ta Bait Allah jaka winaja,"Ranguwa,yiami mitegahuka.abi wilu wolu mangu mahala abi nahilu jaji dama kalungu lahi yiami!"¹⁵Natou naha laku naipapanewinya tatouwu-towu yahudi yakan nama Rabba Yesus nama pategahuya.¹⁶jaka nouwu, datou-datou yahudi dapa hiduya nama Rabba yesus jiaya ana palakuha gara dukana taladu nama bakulu. ¹⁷ jaka nama, Rabba Yesus napanewija lahi duda"Amagumikeraguha lapaku yayi, jaka youwa ku masi keranguha."¹⁸Napagapija heiyi nawoluha datou-datou yahudi dapa dapa rutakungu katoangu yakan kama hamatiya nama Rabba yesus, dayiapakaya nama Rabba Yesus nama hapalaya naladu bakulu, manga nouwu naregaya hi Allah ada wai Amanya mehanya, jaka nouwu napa aman wikina jaka hi Allah. Na peanguna Allah tadalu nama Rabba Yesus¹⁹jaka nouwu, nama Rabba yesus napa gapija, winanya,"jakanyiami,jakanyiami youwa kupa newigiminya lahi nyiami,lakeda dama koling pakerang ganas ganananya mehana, jaka dami itakayaka na Amam ana keranya; jaka gananya napa kerang Hi Ama, jiajelaha dapa kerana dala keada. ²⁰Napa Ama nanamuya da lakeada napa tekaja tala keadaan gara dukana napa kera mehana, jaka Jaka na Amada nouwu napatekaja lahi duda napa kerang-pakerangu nama reihi bakuluya jaka mi kulih.²¹jaka naha merah lahi Ama ana pakidi baliha da tou mati jaka nawoaja duda namorik, jakatujelana nala keada ana woanya mourik jaka geraya nama buhangu.²²Hi ama dana hukamaja ati ageraha,jaka jiaya ana woa boluja dana buaha mehamaja neiyi dala keadaan,²³ jaka gara dukana natouwu jaka kana paakaja dala keada merana duda ada paakaja Na Amad. jaka natouwu dama paakaja da amada nama utusuha.²⁴ bakalangu aku tikiya lahi nyiami,natou nama kahilujanya napanewigu jaka napercayaya duna nama botahuya aku donya namori nama kalungu, jaka dana tamamangu tapak kutuku jaka jiaya hina gehiru walingu tamati jaka na mourik.²⁵jaka jiapananya youwa kupa newi lahi yiami,narahina amidinya jaka anatoma yayi, jaka natouwu mati ana rangu hilu Anak Allah jaka natouwu nama ranguya nutup jaka namourik.²⁶lahi ama kanika nouya napingi mouriku tadalu ngarana natoujelangu ta anana eijelanya namouriku tadalu ngarana.²⁷Hi ama nawoany gidi deitu ta anana kanna paha lakuya naha kabu atina tomat alanga ana touraranya.²⁸ Abi kapodukmangu atomayaka narahina ami Rainguya nakal woakana²⁹Ada kidi bali walingu tajoanga, olitou matida toma jidikaha dama pahalakuya manganya hida kiddi bali hi kolinya yana mouriku ma ludungu nama wsinya dama kalungu jaka dama rangu nalipapa peakanguna tabalina mati.³⁰Daemangu hawolugu hakuduku.aku huka ati dajiamaya napa peawikigu napahalakugu jidinguka namawalingu lahi nammu nama palewawa jiaya naha nadigu,³¹Aku panewi kayaka naihi wikigu walingu ta ihi wikigunya nama manadangu. ³² einguha nama nama paneiwi yayi nangaranguya nama madeingu tomat nma napa newinya nangara madeingunya.³³yiami mipalewayaka hi Yohanes ana peakanya nama deha.³⁴jidinguka, nama deha napa kali damami walingu tatou raramaya. yatouna wigugimi yiami kami manu mara.³⁵Yohanes yiaya na Api pelita nama erikku nama wahang. jaka nyiami mibuhang rami tadalu wahanguna.³⁶yatouna, napa namungu nama einya lahi youwa hingu mabakuluya waling napa namungumi Yohanes.Tomas napa kerangu jaka napa deki nawoga hi ama lahi nyouwa tada panamunguna toma ama walingu lahi amanya nama palewawu.³⁷Hi,Ama nama paleawawa nawoaganya naloawikoku Jika mau ati jialinguka dami mali ragumangu alami mali tamaya nahadana.³⁸ yakan nama winna dami mali bijalumaya na tuihimi dami waimanya napapa lewagu.³⁹nyimi mitakadiya na hurat wuamaningu tada peanguda noupaminya nahurat wua maningu jiayaka hita kolinya namouriku malodungu wimmi noupangu.⁴⁰nyiami da amimagimi lahi nyouwa kapiku morikumi.⁴¹Kamang tadana walingu tatou rara. ⁴²nyouwa ku pegimi nyiami tomat napa napanamunguna hi Allah nama einya lahi nyiami.⁴³Aomiga nyouwa tadalu Ngarana na Amagu, jidinguka yiami dami buhamaga mangnga touhawanguku kayaka nama omnya lahi nyiami duku hangari buhaminya. ⁴⁴beikanyaka Rapa wai dengamanya kemana kolingu Kana pabuatuma touhawanguku dana mayeramangu pujian nama waling lahi Alla nama kalungu?⁴⁵ADami peakanyaka nyouwa kupatomanya lahi Ama jika kupatoma alanga jiaha dapa manimu.⁴⁶ Yaatouna , jika ami waidinya Hi musa,nyima kami wali jelaga nyouwa toma hi musa napa ⁴⁷peakagimi Jidiwaka nyouwa.47 adami waikagaka, aganananya napa peakanagimi Hi, musa gikineikanaka naha waidenganya?

Chapter 6

¹mangg nama, Rabba Yesus na hapalaya naluku Galilea, jaka naloku Tiberias . ² nadangu natou nama keriya dunda jaka duda da itaya na Ajaib jaka na pawoluna datou-tou kadaku. ³ jaka. nama Rabba Yesus na dehang ta pinus letina jaka ana ngodu olija dala keadaan pahakolana.⁴Toama Toamadanyaka naladu rahi inungu jaka enganina natou yahudi ⁵ana patetigu mangnga ana tayaku natou nama dangu ana lariya ,hiwinanya hi filipus," Biyakikaka ata dakinya Roh kaRiku anguna natou nama Duku hangari danguya?" ⁶hiwinaka nama Rabba yesus kaku peanya filipus ada rangunya winna toamanya peanyaka agananya napahalakuna.⁷hi Filipus napagapinya."da Roti mahinguha duangahu dinardana rekamangu awoja duda, hatou hatou langnga ka hadidipit merah kada,"⁸einya hatou nalakeada paha kolanah.hi Andreas Na anguwuana hi Simon hi Petrus hiwinanya nama Rabba Yesus. ⁹ ya einya nala keadaan namangu lima roti jaka dubbada nakal boku, gawaingu widakajaka tonaka natou nama hari duku danguya?"¹⁰Nama Rabba yesus nama newi ngara dukana,"na touwu jaka kadangodunya."napa doungu nawo nama dangu rutuna,jaka datou ada ngodunya kira- kira datoma limaribu damoni ngara dukana. ¹¹jaka nama Rabba yesus ana dekiya na roti-roti hei jaka namengaha paha bayaja, jiayaka hina bagi ha roti-roti ngara duka na na tou nama ngodu jaka jiajelaya daka boku-boku jia jelaha natou napa kabur atida.¹² jaka ngara dukanana touwu nabihuka, nama Rabba yesus napekaja da anana ngojukuja daka dipituna abi eingu palea."¹³ jaka atouna nouwu, jaka dala keada daka buangu datauja habulu dubba keranjang jaka hadipitu-hadipit wilingu talima Roti jelai napapa eangangu duda dapa mengana.¹⁴jaka datouwu-touwu ada ita yanatanda ajaib napaha lakuna hi Yesus,duda napa neiwi,"Duna jiayaka Nabi napa widang nama aminya Tapinu tana."¹⁵ jaka napenya yakan natou dangu nouwo nakabi atingu nama paksaya duna kamu jadi Raja lahi duda,Nama Rabba Yesus gehirnayaka nutup deaha Tapinu letina ajia mehaya. halaku manga naha laku tapinu weiyi¹⁶jaka naladu ana Dagit ridungu,jaka dala keadaan da purung daha gang natama ¹⁷ jaka nadahan ta tena, manga daha laku ada palanya ada hagangu ta kapernaum.naladu dagit dagit ridungu nanya, jaka nama Rabba Yesus Dadi maha amimanya ana paregadenganja duda.¹⁸ natama nakal goyak ana ngilu nama bakul ana pouya.¹⁹jaka.datou dabohing tena nama rou tiki 25 jaka 30 stadia ,duda daitaya nama Rabba Yesus berjalan tapinu tama dadehangu ada lihinya na tena jaka duda dama ngeat. ²⁰ Namun,Nama Rabba Yesus ana panewi tahagada dudda,"Neiyi Nyowa,abi mangeat!" ²¹jaka nouwu,ngara dukada kama dehang kanguka ta tena wida manga natena dagit dikinaya tama dongu pingin paha lakuna. na tou nadangu nama manyearanya nama Rabba Yesus²²madduga ladu, nadangu natouwu nama dedi talihi tamma ada patotunya natena hawanguku noulauwu,hangi panas na tena dala keadaan dapa tamana taroungu. jaka nama Rabba. Yesus dana tamamangu tarongu tena gara dukana jaka keadaan dama halaku meha.²³ amija da tena-tena hawanguk walida ta Tiberias dapa lihi dapa doungu Datou-datouwu dama agus Roti,jaka nama Rabba Allah hi winna waiwuka.²⁴ Natou dangu adada itaya nama Rabba Yesus jaka dalakeada paha kolana eija tapak dongu houwu deha balingudanyaka taumada ada halaku ta kapernaum ada manyeranya Nama RabaYesus Napingi mouri ku²⁵adaku danguyaka Natou nama Tomanya NamaRabba Yesus ta tama mangngu dapa tuturunya,"Rabi, pirakka aeigu yayi?"²⁶ napa gapinya Nama Rabba Yesus hiwinanya jaka nouatouna winggungimi atugama atauna nyiammi ami nyaraga neinyouwa dajiamaya natauda mahangu lipat manyerang.jidinguka Roti himi bihun yiayaka himu manyeraga.²⁷nyiama mayeramanya napa angung napa naha mohudengangu. jidinguka dami manyera aiminya dapa angu napa moriku malodu dengangu napa langa woami naana tourara napa kami nyiami tomat maana tourara anabihaya jaka mamaninya."²⁸Natou nadangu manga hidatuturuya tama Rabba Yesus,"ganakanyaka napa woluma jaka napakerangu walingu walingu tapak kerang napa buhana nama Rabba Allah?"²⁹Nama Rabba yesus hina pagapija yayiyaka kirangu napa kabur atina hi Allah:kami wainya nammu napapa lewana Nama Rabba Allah."³⁰Atounokanaka,"tadalu dehakanaka napaha lakumi nyiama kapiku waingu? jaka ganajelakanya napa kerangu napahalaku jellamu? ³¹Dabukuma dapa peama angnga mannadinya tapak duama reda ginangu, alanga winna nama matulingu hi Ama woananya Roti nama walingu Taaguwuana jiaka dapa adaka ."'³²Nama Rabba Yesus winna jelananya, jaka natouna,yahi musa nama woagimi Roti nama walingu taawangu,jidinguka hahiamaya nama woaja roti maningu walingu Ta surga. ³³yana, Roti nama walingu lahi Allah jiaya nama purungu walingu ta surga nama woanya moriku tapinu tana."³⁴ mangnga hiwidalinya,"mouri miwoakigama Roti nama pangalangu."³⁵Nama Rabba yesus hiwinaja,"yajidiwaka Na roti mouriku; natouwu nama omminya lahi nyowa dana hilu karobamanguha jaka natouwu nama waiga dama hilu madomaha. ³⁶ jaka nauatouna winggungimi yiami yayi miitawaka miwaipangalakadiga.³⁷Napa woanaga Na Amagu lahi nyouwa engnga aminya lahi nyouwa, jaka nama aminya lahi nyouwa daku kalelimaya.Aamiga ³⁸nyouwa walingu ta surga dapaha dapa hakungumaya napa kabu ati wikigu, jidinguka pahalagunya naha wukuna nama palewawa. ³⁹yajiayaka naha wukuna nama pa lewaya tangala dukana nahawoagigimi abi nahilu maroba kaeipangalanya lapakungu tahupu dukana.⁴⁰pawuku waidanyaka hi ama,tangala duka nama itanya naAnana jaka namawoanya namouriku malodungu jaka engnga pakidi balidanya baru ana pahupuya kayaka."⁴¹Na dangu natou Yahudi nama pangadangu gearaya nammu walingu lahi duna, Atama winni Yajidiwaka Roti nama parungu walingu ta Surga.⁴²Mangnga hida panewi, Magga jiakidiya hi Yesus na anana hi Yusuf, ala amana jaka da inana dapa peada?Giki neikanaka hi jingu pakidi nanya na hilu buatuana nyouwa mapurungu waling ta Surga hiwina nawalingu.?"⁴³Nama Rabba Yesus hinapagapija hiwinaja, ''Abitida panewimanya ami kangurukunya napa kabu atami nyiami ⁴⁴Daeimangu hatou teka nama aminya Lahi nyouwa, Jiapayahi Ama nama paleawa nama diki balinya, mangnga enga pakidigunya peala ana pahupukaya. ⁴⁵Einya nama matulingu ta hurat para nabi:'jaka,dama langu kolinya napa peakangunahi Ama.' Tanga dukunana tou nama ranguya nama walingu Ama engnga ominya Lahi nyouwa.⁴⁶Daeimangu hatouteka nama itayahi ama,toma jiapaya nama walingu Lahi Alla;nama itayahi Ama.⁴⁷Yatouna wiggimi nyiami, 'Agearakayaka natou nama wainya engngu Kolinanya namori kuma lodungu.'⁴⁸Jidiwaka roti moriku. ⁴⁹Daboku Na Apuna Daanguka manna tapa duama redu ginangu jiadinguka da mati.⁵⁰Yadikaha naroti alama walingu tasurga, Na touwu nama langu anguna dana matimangu.⁵¹Yajidiwaka Roti moriku nama walingu ta surga.Natouwu ana akanyaka naroiti yayi,engnga moriku pangalanguna;Naroti naha woagunya Roti morikuya tapinu tana jidi yakan narougu nama mija."⁵²Natou Yahudi pakai kangunanyaka karingaku hatou-hatou,wida ada panewi, "Gikineikanaka natou nei ana woaya narouna ata anya?"⁵³Nama Rabba Yesus hiwinaja, " wiggumi nyiami,jaka nou atouna adami akanyana narouna nanAna tou rara jaka adami inukanyaka narana,Nyiami dami koliminya namoriku malodungu.⁵⁴Natouwu nama aganya narougu jaka nama inugunya naragu nakolinya namorikuma lodungu, jaka engngu kidi balidina baru ana pahupukanyaka napinu tana.⁵⁵Toma naraungu peangu pabihu denganguya jaka narangu dahilu madoumaha lapakangu piango -piangu.⁵⁶Agerakayaka nama aganya rougu jaka nama inugunya naragu engngu eidinya lahi nyouwa jaka nyowa engnga eidiga lahi nammu.⁵⁷Mahamearanguya hi ama nampak lewat nyouwa,jaka nyouwa ku morik noungu lahi namun duna na aga nyouwa jaka namoriku noungu lahi nyouwa⁵⁸Yajiadiyaka na roti nama walingu ta surga, Dadahamearamangu da roti dapa ada da ina weadada jaka da ama penguda dama eingu larada,jidinguka yana roti yakidika moriku pangalangu.⁵⁹Nama Rabba Yesus ana panewi nouya ta Kapernaum ata giri hakoalana ta Sinagoge.Dadangu Dama keriya dama hilu keriya Nama Rabba Yesus.⁶⁰Adarangu yakan dapaha kalana nahiluna,wida duda,''Napa peakangu Yakadika nabuatu oata,gearakadiyaka nama hokaluya ana kaya?"⁶¹Ana peaja dama keriya adana hawali ati ada keriya,Nama Rabba Yesus winaja , "Yana hilugu jiaya napa huka ati dengamu?⁶²Atonoukanaka giki neikanaka ami itaya natou rara ana deha balingu tadou pingin hawalina?⁶³Nahangahu matiu jiaya nama woagimi moriku,jidinguka narouga daemangu larana .Yana hilu napa panewi gu lahi nyiami meara jelakadinaka nahangahu matua nama moriku.⁶⁴nyiami eijelanya dama wainya, "walingu takan wungana, Nama Rabb Yesus dapeajaka ageara dama wainya jak ageara dama hukanya ati.⁶⁵Nama Rabba Yesus hiwinna,Yajiadiyaka nyouwa hiwigugumi nyiami hatou teka daeimangu nama amminya lahi nyouwa, Adana woakanyaka kanyuru hi Ama.''⁶⁶Tangala dukada,dadangu dama keriya dama walu wikida jaka dama hilu buahangu pakeriya.⁶⁷Mangnga, Nama Rabba Yesus hiwinaja dama habulu madua dada keada pahakolana,"nyiami noutona dami buahajelamangu pakariwa?"⁶⁸Simon Petrus napa gapinya Namu, mouri lahi gearakamanyiama nammu eima pakeri noungu? mangngu hajidiwaka nampanewinya namoriku nama malodungu.⁶⁹Nyiama mawaigu jaka mapeagu ouwu,Toma ajiawu napa paleawana hi Alla.''⁷⁰Nama Rabba Yesus napagapija, ''peanya dengoumangu nama kahangi dengan gimi nyiami,aha bulu maduami? langka natou walaan,Eijellalinyaha nama hatouna walingu lahinyiami nama huka ati napa kadeka moritana naatina."⁷¹Napu kabur atina yajiyaka hi Yudas,na anana Simon Iskariot,tomat hiYudas jiaya napaha bulu maduawaiha dala keada paha koalana,Toma jiaya nama hukunya ati Nama Rabba Yesus .

Chapter 7

¹mangnga, Nama Rabba Yesus anna nahidiyaka natana Galilea.dana buahmangu pahalaku ta Yudea toma natou Yahudi dadangu dama kaba atinya kama hamatiya awida ²Ana tomayaka, na ladu biahana natou Yahudi,naladu biaha napapa buatu waidaya hi Daut,anlihinyaka.³mangnga, hiwidanya Nama Rabba Yesus da angnguwuana, "Muhalakuya waliyangu TaYudea dala keadaan pahakoalamu kada tawa agananya natada biahamu napahalakumu.⁴Daeimangu hatou teka nampahalaku kabuninya adana peakanyaka madangu,noutona ouwu ampahalakuya agananya napahalakumu,mupatekang wikimu kana itawu napinu tana.⁵Toma daangngu wuana Nama Rabba Yesus wikki dada waimanya dunna.⁶Napa gapija Nama Rabba Yesus dadi kutomayaha narahina, ''Narahimi nyiami eipangalanya.⁷Napinu tana dana hukugimi ati nyiami,Napinu tana nyouwa jiaya napa hukung ati alanga wolunya nama deaha ta pinu tana,toma naha woluna napinu tana majurakuya.⁸Mihalakukadimi nyiami tama tunu,nyouwa daku halakumangu tama tunu toma dadi natomamaha narahina.''⁹Awinanounguka, Nama Rabba Yesus engngapangalana ta Galilea¹⁰mangnga daangu wuana ada halakuka tama tunu,Nama Rabba Yesus halaku jalananya.dana peakawikimana halaku kawannarnanya.¹¹Da touwu Yahudi dama nyeranya tama tunu,mangnga hiwida, ''Biayanyaka nammu?''¹²Dadangu namma kabutiku ngarana duna,eijelaja dama panewi,Tou deha atiya dama wida. ''Eijelaja nama panewi mapan leijung tarouwakuya natou nut.'' ¹³Jiadinguka daeimangu hatou teka nama peakaya toma ada mangeatuja da tou Yahudi.Nama Rabba Yesus ana panewi taummun nama biaha hi ama.¹⁴Nama tunu adadi namengngaha Nama Rabba Yesus natama taummu biahanahi Alla anna panewi¹⁵Na touwu Yahudi hina kabaran mangnga hiwinna, "Gikinoikinaka natounei napa neangudengana lapakangu hitounouna jidinguka dana mali hakoalamangu?"¹⁶Rabba Yesus hina pagapija mangnga hiwinaja, ''Yana papa newigu dama walingumaya ta aa wikigu,jiadinguka ama walingu lahi Ama.¹⁷jaka aeikanguka hatouwu nama pahalakuya napa wukuna hiAlla,eingnga peananya agananya nahawukkugu,ama walinguya lahi Alla jaka amawalingu ya lahinyouwa.¹⁸Natou nama panewinya napanguna manyerang ngarananya katengiwa awinna,natouwu nama manyerang ngata nama panewinya nama kalungu waiga dawinamagu.¹⁹HiMusa nawoigiminyaka nalitura lijaja lahinyiami jiadinguka dahar tou tekamangu nama peanya naha bani dengangu ? mangnga gannahingngunanyaka naha wukiminyiami kaha matiya nama winagu nam?''²⁰Natou dangu napa gapinya ouwu amaga paolingu mori tanawu jiaya! mangngu gearaya kahayang matiya nama widagu nam?²¹mangnga hiwinaja,"nama Rabba yesus duda youwa pahalaku pangalagunya nama hangina napa kerangu jidinguka nyiami mika barak ²²musa naka poukimi ajaka yaka dama walingu maya lahi musa mawalinguya taboku taapuda jaka nyiami jaka nyaimi mika poki touwu taladu migu.²³jaka natou ana kapoaki kayska taladu mingu mangana nahukunguna hi musa ada hapalaya,mangnga nyiami himmi bani liga nyouwa aku patega huya na touwu taladu migu? ²⁴abi hilu panewidingu dama einguna bu ana naha itami jadinguka mipanewinya nama eingu buana naha itami nama manangu jiatekayaka nama." Rabba yesus nama damnu marada?²⁵mangnga,natouwu dama eija tayeru salem hiwida,"magang jiakadiyaka napa kabur atida kama hamatiya? ²⁶ jidingu, mipatetinya, panewi pananya dana momumangu manga duda daeimangu panewida hakuduku teka peaja dapa ama dapetekadinya ajiaya hi kristus? ²⁷jidinguka, jaka tapeanya bayaka Datouwu walihada.jidinguka,dada peamanya abayaka awaliyana."²⁸Jika nouatouna, Nama Rabba Yesus Paneiwinanya touma Biaha nahi Allah Anadou kawu languna, Nyiami Mapeaga nyouwa jika mipeaga abayaka wali yagu, Datidi atamamiga jialinguka eingu mapan lewawu dahar teimi nyiami.²⁹Nyouwa kupeanya namma Toama nyouwa alanga wali nougu. Lahi namun namuka nama paleawawa nyouwa.³⁰Duda giki neima kaapaya awida Jialinguka dahar touteka mangu nama dedaya jika nama lihinya Toama adadi natomaha narahina. nadangu ³¹natou nama wainya Nama Rabba Yesus ana panewi,'' KRistus aominya Reihu pahatakananya Natada biahana walingu Tatouneiya? Naka pala tayahudi Giki neigunya Kaku apaya Nama Rabba Yesus Awinna. ³²Natou Farisi elarangunya natou dangu ada panewinya Nama Rabba Yesus, Da mani Jika. natou paris dapa leawaya dama jawaya na umma Biaha kami apaya awidaya.³³mangnga hiwina Nama Raba Yesus ana pagapiya, Narahingu hakudupana aeiga Lahinyiami Yapeala jaka nama ominya,nyowa engnga halakugu lahi nammu toma peala wawan.³⁴nyiami engnga manyeramiga.dajiangu itamaminya aba Yaga aeinyaga, Nyiami da jinga ami magimi tapa doungu nouwu³⁵Natou yahudi hida panewi haka toungu, Biyakaka Natou neiyi ana haka yangu Manga dapa rega denganya jika hidayat itaya? dahalaku kadinanya tatou yahudi dama eija tayunani mangnga nama hakoalaha datou yunani? ³⁶Gannananya Napa kabur atina jika naha wukuna, nyiami mimanyeraga nyouwa awina, jidinguka dami parega deamaga abiyaka aeinyaga, da jinga ammigimi tapa doungu nouwa? Nama Rabba Yesus ana panewi Denganya Nahan Ngahu MAtua³⁷ jaka taladu kahupuna,jiaya napa duongu nouwu, nama Rabba Yesus nadedi jaka nakal wulang, "jaka eikanmama dowu jaka ami gimi lahi youwa kami inungu. ³⁸ Natou nama waiga jouwa,merana napa winangu tahurat bakul nama luruh walingu ta ihina naha laku ta weimorik."³⁹Jaka naha winangu nama Rabba Yesus jiaya nadawa, jaka napa kolina natouwu nama waiya duna.jaka,na deawa jiaya dadi woamanyaja nama Rabba yesus dadi. nama laimaha napa gapingna Yesus⁴⁰jaka Duda darangunya napa newina neiyi, jaka eija dama waling lahi duda nama panewi,"Natouwi nei dapa dening atouwu nabiya."⁴¹Natou nama heka napa newina,"jiaya naka kristus."jaka natouwu jelas nama heka panewi jellana,"manga nakal kristus aminya wali tagalea? ⁴²mangnga nahurat bakul nama winna jaka nakal kristus mawalingu tama memang hi Daut walina ta Betlehem, jaka hi Daud yanaga na eingang?"⁴³laka, na jadi natal weiharuna mawalingu ta touwu-touwu jiakadiha. ⁴⁴jaka tomat piraha datouwu dama waling lahi duda nama kama apaya nama Rabba yesus, jaka damali hatoumang nama tudaku-nya.Adada wainya jaka eija nama kapala ta yehudi⁴⁵ jaka nouwu, jaka dam paha koala ta Bait Allah jiaya hina bali ta dewa-dewada jaka ta touwu-parisi,nama tutu ruha lahi duda,"Gananya oili dami idikai nama Rabba Yeara?"⁴⁶jaka dama jawaya na Bait Allah neiyi napa gapingu,"damali ha toumang nama panewi-panewi nama merang touwu nei!"⁴⁷Natou Farisi hida pagapinya duda,"nyiami dalejun jelakadinyi kaelangu? ⁴⁸einya hatuwu nama peangu waling tatou Farisi nanama langa wainanya nanmu?⁴⁹jidinguka, natou dama peanya napa bani dengangu dakolinya dataguda!"napabalahuna hi Nikodemus⁵⁰jidinguka hi Nikodemus nama eijelangu lahi duda,nama langa paregga denganya nama Rabba Yesus, hiwinaja ana pangapija hammu,⁵¹penyaka naha woluda hita liya botahuda hikukadinya langka dada rangudiya napa newina mangnga adadi tatepaya naha woana namaju raku?"⁵²duda hidapangapingu,"peanya ouwu tou Galilea? mupa teti letunya mangnga kapiku itamunya toma daeimangu nabi walingu ta Galilea."⁵³Manga babalinyaka ta umada hatou -hatou

Chapter 8

¹Manga nama Rabba Yesus ha lakunanyaka tapinu letin zaitun. ²Babaru hingu ami balija hi Allah tangala duka natouwu aminya ada tomanya.ada ngodudenganya ana peakaya dama eija. ³manga da toupeangu-toupengu jaka natou parisi Dama rainya hatou nama nama winni nama woakinya dama kalungu ana olingu mouri manga ada palewayaka dadi tapadua tou dangu,⁴mangnga hiwidanya nama Rabba Yesus," Guru,nama winni neiyi oling moninanya ana pahalakuya nama manyariku. ⁵nahukunguna musa winna agerakayaka nama woluya naha woluna abi toumanya taukadiya watu winna mema naha kuna wimuja mangnga gikina widakanyaka nama winni neiyi?" ⁶Hiwidahounguka kapetekanya nama Rabba yesus aeingu kulihuna apa helaya widakadingu nama rabbal yesus nama bokulu tama waingu karagu limana, ana tuli tatana.⁷manga ada pelakayaka ada tuturunya Nama Rabba Yesus hina dedi mangnga hiwinaja duda, natou dama eingu doku jalanan walingu lahi nyiami jiaya nama kawunga hingungu ana kabenaya watu nama winni neiyi."⁸mangnga,nama Rabba yesus hiwina hamuka mangnga hina tuli tatana.⁹ada ranguyaka apa gapi tounounguna,tangala dukada walingu tama kaweda halaku halako lako hakatoung danyaka walingu tama kaweada,jiamehapakayaka nama Rabba yesus jaka nama winni nama dedi tahagana.¹⁰manga nama Rabba Yesus hina dedi hiwinanya nama winni, joma win bayakajaka yana tounama dangu? daeimangu hatouteka namahunguga"?¹¹Napa gapija nama winni neiyi ,"daeimang,marabba Allah."nama Rabba Yesus napa newi," youwa daku bisamangu aku hukugimi. mihalakuya, kami sadaruya abi hilu woluya dama kalung ." yesus napa wahanyaka napinu tana¹²manga hi wina Nama Rabba Yesus anna anapagapija natou damu wainaja nyouwa jidiwa nama wahangu tapinu tana gearakayaka nama keriwa nyouwa dama halakumangu pangalamangu tamorikuna,"¹³ jaka datou Farisi hiwidaja nama Rabba yesus ouwu mupapekakinya na ihiwikina napapa tekamu dama dehangu."¹⁴Nama Rabba Yesus napa gapija, tangala dukada,"hiwinnaja langka tounoudin aku peananya nama deha,hagea ranya taihigu napawolugu nama manadunya manga kupeangu wikugu abayaka wali yagu jaka abayaga aku hagangu. ¹⁵nyiami mi peotangu uruhaya natou keriya dahawaluna nyouwa daku horumanya hanakuna natou nama woluya naha woluna. ¹⁶Aku pakerikanyaka hanakuna natou nama woluya nama jajiyanguka taumagu eijelanya jadinguka toma alanga namun nama palewawa.¹⁷Tomat, Tawinina Nama biaha einya nama mata linga toama daha woluda damoani Toma duayi madehaya jika mama nadanguya winna memma.¹⁸aku peakanya nahiwikigu Na Amagu nama paleawawa halaku kamu peakanya nama kalungngu kamu hameara nounya tahimu winna memmaga.¹⁹mangnga duda hida tuturunya namma Biayaka, aeiyanya na Ama mu? Nama Rabba Yesus Napa gapinya, "Nyiami dami peamaga Nyouwa pareireihingu Na Amagu, Nyiami ami peakagaka Nyouwa engnga peajelladiminya naamagu."²⁰nahilu yakadika Nama Rabba Yesus ana patoamanya talihina nama tagu kerang omahu anouya ana peakaja datou tauma Biahana Namana, Daeimangu hatou teka nama jinga apaya tomat nari apananya dadi natomamaha.Nama Rabba Yesus napa Newinya ngearanana Amana²¹Mangnga Nama Rabba Yesus hiwinajelalija duda,'' nyouwa engang tella giminyiami nyiami jellakaya engnga manyeramiga nyouwa,nyiami engnga matimi keriya nahawoami dadoku jalami, Biyaga aku halaku yangu dajinga ommima - gimi ²²Na, touwu yahudi hiwinna, " kaku hamati wiku dawina kading hinna pagapi hanouga Biayaga aku,halaku yangu nyiami dami peamaga. nyiami jellakungu daomamigimi hiwinna noungu.²³nyiami wali wawami nyouwa wali dahaga nyiami walimi tapinu tana nyouwa dawalimagu tapinutana .²⁴nou atouma, nyouwa wiggugimi nyiami, nyiami engnga matimi walingu tahawoami adami waikagaka nyouwa.²⁵Mangnga hida tuturuya, noanamma gearawikigaka ouwa, Nama Rabba Yesus hina pagapija,'' nyouwa wiggugamika nyiami walipangu yanaga.²⁶nadawoatangu lahi nyiami Bakalangu napa neiwigimi gearana napa tami, jialinguka nama paleawawa nyouwa duka hangari dehaya nama walingu lahi nammu,jiayaka napapa tomagu tapinu tana.²⁷hammu dada peamanya Nama Rabba Yesus ana panewinya gearanana amana²⁸jaka nouatouna, nama Rabba yesus hina panewi,"jaka nyiami ami buahakanyaka na ana tourara,yajidiyaka jiami himmi peanya nyouwa ajiawa namun, daiemangu hawolugu nama nama walingu ta ihi wikigu toama mawalinguya lahi ama ta Amagu.²⁹jaka nama paleawa youwa einya aku halaku marainya,dana matamaga aku halaku meaha ajia mehawa toama nyouwa aku paha lakunya nama kalungu." ³⁰Nama Rabba Yesus awinaka duka daoatanguya nama keriya dala keada na anana hi Abraham jaka da ana mori tana³¹mangnga, hiwina nama Rabba Yesus anna panewi ta touwu yehudi nama langa wainanya nammu," jaka nyiami ami waipangaladinya nawini kanyuru, jidimika nyiama ana paha koalangu, ³²Ami peadinya nama deha, jaka nama deha jiayaka nama palika loagami nyiami," ³³mangnga hida pagapinya jiama jidimaka wala wuana Hi Abraham dama patekang wikina nama ta touhawanguku.mangnga gahi wimmu nouwalingu,'engnga mika lauraga hiwimulingu?"'³⁴Nama Rabba Yesus hina pagapija,"jaka nouatona,wiggugimi nyiami,tangala dukana natou nama woluya nadoku jaka najala engnga ataunya dokunjala. ³⁵Hatou napa ata daegn mana ana pakehangu ahinngina narongu umma. engnga halakuna ana jujakupangalanya ³⁶ jaka nala keada ana pakai loaga kamika nyiami,nyiami napa tetekangu nakal loagami.³⁷kupeagimi awala wuanagimi Hi Abraham,jidinguka kaha matiya wimminya napapa tomagu dana manimangu lahinyiami.³⁸Nyouwa lollukgunya naihina napa itawaingu mata nama wahingu ta Amagu, tounou jelangu nyiami pahalaku minya nama maihingu naharangumi nama walingu ta Amagu,"³⁹Dapa gapingu mangnga hiwidanya,"Abraham Ama manya nyiama."gapija nama Rabba Yesus,"jaka awala wuakanagimika Hi Abraham,nyiami mipahalakuya nama deha toungu Hi Abraham ana pahalakuya nama deha.⁴⁰jidinguka,nyiami kehamatiya wimmiga,nyouwa jidiwaka nama peagiminya nama walingu lahi Allah.Abraham dana paha lakumaya yana pahalakugu. ⁴¹paha laku paminya na Amami,duda hidayat pangapinya nyiama dama pahalakumaya nama manyariku .Tomat na Amama hatoupana yahi Allah yiapaya."⁴²Nama Rabba Yesus napa gapija ,"Ajidiyaka hi Allah na Amamu,nyiami engnga enganamuminya duna toama aomiga nyouwa mawalinguwa lahi Allah.jaka,aomingu dapa wukumangunya,jidinguka pawukunanya nama paleawawa nyouwa.⁴³Gahingu kaka hidami peanya aganananya napapa newigu? Atounoukanaka Dami Rangu memaya nawini kanyuru jaka nawini kanaga.⁴⁴nyami walingu ta Amami jiayaka nmori tana toama pahakupaminya napa kabu atimi jaka napa namumi nama hamati tou walingu takan wungana nama einya taihina.jaka ana panewi duku hangari kabohukuya,pika noutopananyaka napeanguna toama alanga toukabohukunya.ko⁴⁵jaka nouatona akupeakagiminya nama wahangu yiami,nyiami dami waimaga nyouwa.⁴⁶Gerakayaka waling lahi nyiami Namma pahalakuya dadoku jaka dajala nama winna?mangnga aku pekakagiminyaka kalungu dami waimaga? ⁴⁷Agerakayaka nama walingu lahi Allah,engnga wainanya nawini kanyuru nama walingu lahi Allah yiayaka nyaimi hidami rangunya adama walingu mimamika lahi Allah." Nama Rabba yehu napa newinya Na ihina wikina Ngerana Hi Abraham⁴⁸ Natouwu yahidi napa gapinya Nama Rabba Yesus mangnga hiwidanya,nama deangu aganananya napapa newima toma ouwu atou samaria nama pegga mori tana?" ⁴⁹Nama Rabba Yesus na gapija youwa da Regga moritana magunya jidinguka paakangunya Naamagu jidinguka nyiama dami paakamaga nyouwa.⁵⁰Daku manyeramangu noumanya kapa buatuwa awigu; jidinguka einya nama hatouna nama manyergu jaka nama peanya. ⁵¹Tangala dukana,waigimi nyiami, Natou nama keriya nawin kanyuru dams itamaya namati."⁵² Natou yahudi widanya Nama Rabba Yesus,"nouatouna peatekakadinguka ouwu aregga mori tanamunya hi Abraham jaka, da nabi tangaladukuda dama mati ka jidinguka ouwu wimmu noungu na touwu nama rangunya nawini kanyuru,dana peamanya namati.' ⁵³ouwu parehingu pa buatuwu walingu lahi Abraham na Amama nyiama,nama langa matina? da nabi da mati jelaka;lahi gerakayaka ammu hameara noungu ouwu?"⁵⁴Nama Rabba Yesus napangapija,"nyouwa aku dedikungu wikiguka;nadedikungu wikigu daeimangu hina na amakaguka nama dedikuga napa langa wimmingu."' ⁵⁵ jidinguka hakuduk teka dami peamanya;nyouwa kupaneiwalinya mangnga awimu noukaguka nyouwa daku peamanya awiggu kaka,ngara kabohukugunya,daku hameramagimi nyiami jidinguka nyouwa kupenya jaka nawini kanyuru kuwainya.⁵⁶Na amami,hi Abraham,tariki mataya toama ana itawa .kuitayaka ata wala wiwiya."⁵⁷mangnga natou yahudi hi winadanya nammu,"najajimu dadi mutomamaha 50 Doungu,mangnga hibadi italimunya hi Abraham?"⁵⁸nama Rabba Yesus napa gapija,tangala dukana nama eihingunya naha winggungu lahi yiami, hi Abraham adadi einyaha, nyouwa badi eigaka." ⁵⁹ada Hukkaka daatih kama tauya watu hiwida, nama Rabba Yesus dajujaku panja ana lohungu walingu taumana nama biaha hi Allah.

Chapter 9

¹nama Rabba Yesus atangiru halakuna, na itaya nama kaboala walingu ana jaji. ²Na ana pahakolana nama Rabba Yesus Hiwinanya,"Guru,gerakadiyaka nama woluya nadoku jaka najala,natou neiyi nama woluya manga hina kabola walingu ana jaji³nama Rabba yesus napa gapija,"Danamumangu da ina mana da amanah namma doku jaka namma jala,toama naha woluna hi Allah malangnga eingu memayaka jaka malanga jajiyaka. ⁴kata pahalaku pangalanya napa kerada nama manadangu Alanga nammu nama paleawawa nyouwa toama adadi namalu pahanguha naladu toama naridungu engnga ridungunna tangala dukana na touwu dama hilu kerimanguha toama alanga ridunguna." ⁵Ayawaha tapinu tana,nyouwa jidiwaka mahangu pinus tana."⁶Awinna nounguka,nama Rabba Yesus napa doini tatana hina urakunya ana pahaurunya tana mangnga hina doranya dawua matana, ⁷Hiwinanya, muhalakuya mu podahuyaya Na ihimu jaka kamu pawarahu wikimu tatamma siloam," halaku tekananyaka ana pawarah wikina alanga itabalinanya.⁸Daoalina tapak Raingu ada peanyaka ama kaboalaya mangnga ana hilu ita baliya,neiyi himaga jiadikaya nama ngodu tawiwi larangiya nama pahit reingu-reingu?" ⁹mangnga natou hawanguku winna,"jiatekaya nama kaboala natou hawanguku winna jella,"Dajiamaya maha meara nounguya,nama kabola wiga hina pagapija,jidikiwaka nama pahit reingu reinguna nama ita bali."¹⁰mangnga tangala dukana natouwu hidayat tuturuya gikineina himu piakulingu ama itabali geara nama tauguja moru?" ¹¹Hina pagapija, nangarana Nama Rabba yesus suya jiaya nama pahaurunya tana nawaipadonina hina dora gajadi da wuamatagu.mangnga hiwinaga,muhalakuwuya tatana siloam mubahayaya nangoramu mupawarahuyaya naihimu,kapiku hingaruda da wua matamu ka pikun ita tetekamu." ¹²mangnga hiwidanya," bayaka aeiyanya natounou?" dapa gapija,daku hilu peamajaha."¹³mangnga, tangala dukana dama ranguya nama kaboala weiga tatouwu Farisi. ¹⁴Naladu noukadika nama Rabba yesus ana paitanya nama kaboala ladu biahaya.¹⁵Natouwu, Farisi dahilu tuturuya gikineina napata itana awidanya napa gapija da duadenganya," tawua matagu, natana napapa hauruna weipa doinina mangnga hiku bahaya nangoragu hiku ita."¹⁶jaka Datou Farisi dapa neiwi," natou nei dawalimana lahi ma Rabba Allah jaka dana taattuya ladu bakulu." hawanguk dapa neiwi," jaka jiapanan giki neida datou dama doha hipa keralinya datada ajaib matounguya?" jaka,najaji nakal ngila lahi duda.¹⁷mangnga,duda hida tuturu habalinya tatouwu kabola nei," ganananya naha kolimu witi lahi dunna yaka duna naweiha dawuamatana?" jaka na touwu napa gaping," jiayaka natouwu Nabi."¹⁸Datou-datou yahudi jaka jiaya dada waimanya dunna,jaka natouwu weiga manga nakabola jaka yaatouna hina itabali lingu,tomat hidayat kamaikanya nama bokul walingu lahi duda nama ita bali,¹⁹jaka datuturuya lahi duda,"jiatekaya na anamu,napawimingu kabola walingu ana jaji? jaka atounukanaka,giki nouna hina ita?" ²⁰Na amanah napa gapija jaka winna," jiama mapeaja jaka duna aanamanya yiama jaka akabola tekananya waling ana jaji, ²¹jaka atouna nouwu giki nounaka hina ita bali,jaka ageraya nama weihanaja dama tana,jiama dama peamaja.tuturuya lahi dunna,mali nama tuadika; kaku panewinya na ihiwigu."²²Da amana dapa newinya jaka nei duda mangaatunanya ta tou- tauwu yahudi.jaka,datou-datou yahudi heiyi daka hanginya,jaka ngara dukana natouwu nama peakaya nama Rabba Yesus kristus dama winna engnga wurutudanya jaka jaka nouya ana panewi.²³jiayaka na amanah hina panewi," jiaya nama tuaka tutur kadiya dunna."²⁴Dapa, Dubba ladu waina datou yahudi daka maika balija daamana da innana nama kabola, mangnga hiwidanya,napa raiwadangu nabiahana nama Rabba Allah,nyiama naha peakama na anami nakal bola walingu ana jaji."²⁵Napa gapija,jaka aku doku aku jala nyouwa daku peagu wikki magu,naha peangu aku kaboala walingu aku jaji jiapaya naha peagu."²⁶Mangnga hiwidanya," gananya naha wolunagu? mangnga giki neina hijingu pa ita balinagu?"²⁷Napa gapi balija,weiga wiggugimika mangnga gahingu kaka yiami hidami mali Ranguwa;mangnga gayi hibada Ranguwu?kaku jaji Ana paha koalana winmu nam?"²⁸manga,duda hida kanenaruya jiaya hina panewi,"jiami jiamika ana touwu nei, jaka jiama anagama hi musa. ²⁹Nyiama mapenya jaka nama Rabba Allah napa newi lahi musa, jaka wewina natouwu nutu,nyiama dama oeamanya abayaka wali nyana!"³⁰Mangnga hidayat pagapinya hiwidaja,"nakal bangnga jella naatima adamu peanya aba yakan wali yana, jidinguka na itawu. ³¹Mapeahingunya Dana Rangumaya natou nama woluya na juraku nadoku jalanan, napa buahapana nama mangeatunya hi Allah nama geatunya jaka nama Rangya jiaya naha buhana.³²walingu yanaga lapakungu yaladu, da mali Rangumaya nama paita balinya natou nama kaboala walingu ana jaji. ³³Toama adama walingu kayaka tama Rabba Allah, daeimangu hawoluna hakuduk tekka." ³⁴Natou yahudi dapa gapinya mangnga hiwidanya,"najajimu mujaji waingu dokumen jala,abu pakai bangdima nyiama?"mangnga,hidayat kalolaya natou nouwu.³⁵Nama Rabba Yesus narangu yakan Datou yahudi ada kalolaya natou nama ita baliya; Nama Rabba yesus ana parega denganyaka,Nama Rabba yesus hiwinanya peanya ouwu muwakadinya naana tourara?"³⁶Hina pagapinya,gearakadiyaka nammu,moure, kapikuwaingunya nammu?"³⁷Nama Rabba Yesus napa gapinya." ouwu muitayaka namu. nama penewi dengangu."³⁸Napa gapinya,"moure, ku waigu kuwaigu jaka atigu!"manga,hina mokulu karadanya.³⁹Nama Rabba yesus kaku,patetinya wiggu hi ominyaka tapinu tana natou dama itawiggu,jaka nama ita kana kaboula panglangu wiggu." ⁴⁰Touma piraha datouwu Farisi dama eija talihina nama kahiluya nouwu,jaka dapa newi lahi duna,"manga jiama maka boala?" ⁴¹Nama Rabba yesus napa newi lahi duda,"jaka nyiami mika boala,jaka nyiama damangu doku;nounamu alanga panewimi,yiama ma ita', dadokumu eija."

Chapter 10

¹Yaatouna wiggugimi," nyiama tangala dukami,Natou nama tama tagalu beabu dama lita bina,nama linutungu talarangi hawanguku,natou noukadiya makeaduya mapan rampukuya.²jidinguka, natou nama lita bina,jaka dabeabu dama ranguya ana panewi mangnga hidayat maupun.³jidiyaka, nama jawa yana bina jaka namu weaha bina, jaka Dabeabu ada rangunanya nalina,naka maikaja ana tikinaja dangarana tangara, dukada mangnga hina palohuja walingu tagalu. ⁴Ana palohudiyaka walingu tagalu,naha laku ana mouluja tangala dukada Da beabu, dakeridanya nakal dengana toama ada pewalinya nalina.⁵Natou nama tida maiyi, dana keramangu toma dada peamanya jaka nawu ihina da heaka,jidinguka dabeabu palaidanya nahiluna adana hamera tama jawa juaha toama aheaka hiluya." ⁶Nalipangarangu yakadika jidiya nama Rabba Yesus jidingka dada peamanya nalipangerangu napapa newina nama Rabba Yesus lahi hammu.⁷Noutounaka, nama Rabba yesus winnalija hammu,"yaatouna wiggugimi nyiami,yadiwaka bina beabu nama toadiha jaka nama weihaja.⁸ Tangala duka natouwu nama ominya adadi omilipanya nama keadu jaka napa Rampoku, jidinguka da beabu dada Rangumangu.⁹nyouwa jidiwaka bina.jaka natouwu ana tomat analikadingu lahi nyouwa,Engnga pamanu manuma rangunya.ana lohungu jaka ana tomat mangnga engnga einguna rutu nama moaru jaka engngu ininguna weiyi nama hingaru. ¹⁰nama keadu amaminya kaku keadu.kaku hamatih, kaku padukaha; nyouwa amiga jaka duda kada koling mourik, dama kadukuku.¹¹yanyowa jidiwaka nama jawami; nama jawami nawoaya naloku hangahuna tabeabu dapa jawana. ¹²Natou nama kerang ana angu gaji,Damma pajawamanya beabu, ana itakahaka dama bani kama apaha da beabu awida,matanaja da beabu palaipananya; jidinguka dama bani da sarigala apadaja da beabu adda hira kamorikuja.¹³jiaha dapa laiyi natou napaka hewa dana ihi limaja da beabu da beabu.¹⁴Ya nyowa jidiwaka nama jawa beabu nama patekangu ku. peaja da beabu dapa jawagu jaka da beabu dapa Peagu jelagu nyowa¹⁵Naha mera noungu nyouwa ku peanya hi ama jaka hi ama; peangu nyouwa tounou jelangu nyouwa aku peaja dabeabu jaka da beabu ada peaga nyouwa. ¹⁶Eijelangu beabu hawangukugu Dama walingu meha tagalu hayi ; kumaraija,dangarangu madaganya nalingu aku jawa pangalaha alanga nyouwa nama jawaha.¹⁷ yajidiyaka hi ama hina namuwa nyouwa,alanga waingunya nalolu hangahuna engnga deki baligunya langa eingu wiggu memaka.¹⁸Daeimangu hatou teka dama dekiya nama nama walingu lahi nyouwa,nyouwa jiaya nama woananya kinya napa kabur atiwikigu.nama patangu akuwoagu nalolu hangahugu jaka nama pateka delangu aku deki baliya yajidiyaka napapa leawa dengana naga hi Ama.¹⁹eipangalanya napa heppu pangalanguna natou Yahudi walingu tahiluna nama Rabba Yesus.²⁰Nadangu nama winna rega moritananya mangnga hina kalangu, ''Gayi nyiami himmi rangu noukanya?''²¹mangnga wida dela, ''dahilumananya natou nama rega moritana nama piaku kadingu natou nama reka mori tana.ana pa ita toukabola?Nama Rabba Yesus jaka na Ama na hingngu memada²²Tarahi natou, naweimaringu na weimalala pahalaku danya ta Yerusalem naweimaringu jaka naweimalala alangnga maratana, ²³Nama Rabba Yesus tangara halakuna ta ummana nama biaha nahi Alla,tapadou ummana salomo.²⁴Na, tou Yahudi kabuangudanya adda korunya duna mangnga hiwidanya perangu kaka ammu pahi kaluaga hada dounama nyiama? toama ouwu ahika Kristusuwu, penewikigammanya lahi nyiama."²⁵Nama Rabba Yesus napa pagapija hammu, ''nyouwa wiggugimi nyiama,jidinguka nyiami dami waimaga.napa keragu napaha lakugu tadalu ngarana na Amagu, jiayaka nama peakagima nyiami agearaga nyouwa.²⁶Jidinguka, nyiami dami waimaga jaka dana hamearamangu ta Ana beabugu²⁷Da ana beabugu da rangu wa ada dedda kaganyaka naligu, nyouwa kupeaja hammu jaka duda jelakaya da peaga nyouwa.²⁸kuwuaja moriku pangalangu jaka tangala dukana dada mohumangudaha tou tekamangu nama jingu kedugaja talimugu.²⁹Na Amagu nama wougaja aku radaja, reihi bakuluha waling tangala dukada,daeimangu nama jingu deki awanaja walingu talima nahi Ama.³⁰Nyouwa jaka hi Ama hangima ama maromatuja.''³¹Na tou Yahudi tangadukada deki watudanya kama kabeana Ya Nama Rabba Yesus wida tangala dukada.Jidinguka, Nama Rabba Yesus winaja, tangaraduka da "nyouwa kupatetikanya napa kerangu nama walingu lahi Ama,beikanyaka napa kerangu napa hidu ati dengami mangnga kaha matiya hiwimiga?''³³Natou Yahudi napa gapinya, '' walingu napa geramu napa hiddu ati dengama jiaya kaha matiya hiwidagu jaka nata nogumu dama warahu napatamu dama jinyaku,hitourara kadiwu, jajiliyi ma Rabba Alla.''³⁴Nama Rabba Yesus ana pagapija, "peanya daeimanya nama matulingu tawini kanyuru liya tahurat tubakulu, 'mangnga na winina yajiawaka nyouwa Na Alla mi wina kadingu'? ³⁵jaka hi Alla ana panewi kagimika nyiami nama kaya nawini nahi 'Alla,'nawinina tahurat bakul daeimangu mataluya ,³⁶Mi peatekadinya nyiami hi Ama ana pakalugami mangnga napa palewana ta pinu tana, 'himi hukalinya ati jaka noutouna wiggu gimi nyiami tangala dukami yanyouwa jidiwaka ana na hi Alla'?³⁷Adaku paha lakukayaka napa kerangu napa wounagahi Ama,abi waidiga nyouwa.³⁸jaka nou atona, aku pahalakukaya napa kerangu, langa kadami woidingu, mowaikadinya napa kerangu napa ita waida matami nyiami kami peanya ama walinguya lahi Ama nama einya lahi nyouwa, jidiyaka nyouwa malingu lahi Amaya.''³⁹Daruhungu, kama apaya nama Rabba Yesus, awidada jidinguka daeimangu hatou teka nama toma pa apaya.⁴⁰Nama Rabba Yesus hina pala taloku Yorda ana hagangu ta padouna Yohanes kawunga hingngu nanyaka ana ihuya na tou mangnga hina eipangalangu.⁴¹Na dangu natou nama aminya mangnga hi wida, "hi Yohanes da eimangu tadana napa buatu waina jidinguka napa winangu Yohenes geara natou neikadika maihinguya.''⁴²Toama duku danguyaka na tou nawainya alanga itananya natada tada buatunu napa lakuna.

Chapter 11

Einya na buamoani nama kadauku,nangara Lasarus ya maeinguya Betania,napa raingu na Maria jaka angunamahawana hiMarta.²Hi Maria jiayaka nama winni nama kawunga ana doerinya weilengngiha na wihina Nama Rabba Yesus nama duka hangari wou hirituya hina poahi wainanya loagi nawihana,mangnga nama na ana moanina tangari kadauki nanya.³Da ana winni na alapa gidinya liyi,mouri,napa namu oatumukadauki ninya.⁴Nama Rabba Yesus ana ranguyaka,mangnga hiwinna, "naka dauku noukidika matidenganguya ,jidinguka napa namunguna hi Alla liya ta anana napa namun tetekangu.''⁵Nama Rabba Yesus nanamuya hiMarta na anawinina na hi Lazarus.⁶Nama Rabba Yesus na ranguya ana kadauku hi Lazarus, jidunguka dubada laduna ada eingu ta padoungu pingi paenganguna.⁷mangnga hiwinaja, da anana pahakolana, ''madakai kahalaku ta Yodea.''⁸Da ana pahakolana,hiwidanya, "Guru,natou Yahudi kanadinya watu widangu mangnga madaya kahalakuda hiwimu nowalingu ?"⁹Nama Rabba Yesus hi wina peanya dahar bulu dubba jammu hangina na naladu? ahalakuka ana dudaru naladu,da jingu hobbangmadalangnga wahang elina natana¹⁰Ana halaku waikanguka ridungu ana kapetangu engnga hobanguda toma adana wahadinguka na tana.¹¹Awina noujaka weiga nama Rabba Yesus, mangnga hi winaja na anguwuada hi Lazarus najudaka,jaka nou atouna madda kai kata halada ka kabanginya wiggu."¹²Da ana pahakoalana napa gapinya, ''mouri,ajuda kananyaka jaka ateggahu kananya.''¹³Nama Rabba Yesus naha wukuna hina panewi napeanyaka ana mati hiLazarus, dada peamanya da ana pahakolana napa wukuna najuda ajiaya namatina hiLazarus.¹⁴Adada peadakunyaka,nama Rabba Yesus hina peakaya duda, " Lazarus namatika hi winaja,¹⁵Tariki matawu alanga tapa wukumu,hida eikaga ka kada piaku adda wiaga wiggu.jaka,noutona madadaya kata halakuda kata tomanya aganananya nama jaji.'' ¹⁶manga hi Tomas, nama ngara pangerinya Didimus,hiwinaja da dalina "maidaya kata halaku da pikuhadeka mati pama raidanya.''¹⁷jaka nama Rabba Yesus na toma, duna na itaya Lazarus einyaka ta watu hoidi jaka ta patu boladu.¹⁸jaka nyiapananya Betania ta einya habulu lima stdia marouwu walingu ta Yerusalem.¹⁹Na dangu datou Yahudi amija da tomaja hi Maria daka hi Marta,kata reme waingu tadalu dadanamuya na ana monina.²⁰jaka naranguya Nama Rabba Yesus aaminya, hiMarta halaku daka sambutuya,jaka hi Maria engana ta ummah.²¹hiMarta winanya Nama Rabba Yesus, ''Moiri, toukanaka wuanutu ouwu amimempaggu wouyayi,anamonigu pasti dana mati mangu.²²jaka jiakayaka, tonouwu nyouwa kupeagu ouwu agananya napa kareimu lahi Alla,HiAlla akan nawougunya ouwu.''²³Nama Rabba Yesus winaja, "Na anamonimu ana kidibali.''²⁴HiMarta napa pagapinya duna, " kupeagu duna ana kidibali taladu morikuna ta hupu duka tana.''²⁵Nama Rabba Yesus napagapinya, ''jaka nyouwa dingu nama kidibali tapinu tana;gerapaya nama waiga nyouwa, duna jaka namorik walaupun na matikan,²⁶jaka na tou nama morik jaka wainya hidunna dana perna matimangu.apakah ouwu mupa waiga napa newi neyi?''²⁷Marta hiwinnanya, "Mouri, nyouwa kuwaiga ajiawa hi Kristus Ana Alla namun ommigu tapinu tana."Nama Rabba Yesus Nahouwu ²⁸Ana mengngaka papa newi, HiMarta naka maikanya hiMaria,naangu mahawana,hina kabutikunya, "Nama Rabba Yesus einyaka kaominya winagu."²⁹Ana rangngu kiyaka hiMariayi toamananyaka Nama Rabba Yesus.³⁰Tadalu nouwu,Nama Rabba Yesus dadi natoama maha tapa raingu nouyaha tapingi patomananya hiMaria ana lipa regaya.³¹Natou Yahudi dama eija toumma,ada hodaruya, daka poduka idiya ana kidi halakuya hiMaria ana lohungu alangu toumma,mangnga hida lariya jaka ahalakuananya teratina na ana moanina lipahouwa widda.³²Maria ana tomaka tapingi paeinya nama Rabba Yesus hina mokulu karadda wihina,hiwinanya ,mouri "mouri,aepanga lapogu yaiyi naana mounima dana matimangu."³³ Nama Rabba yesus ana itayaka Hi maria ana houwu, jaka tangala dukana datou yahudi awai mata kaluluha nama irihuna atina nama Rabba yesus mangnga naha mangu matuana nakal poduku.³⁴nama Rabba," yesus napa tuturungu baenya ami tanu yanya hi hi lazarus?"mangnga hidapagapinya,mouri, mayaya kamu itananya naratina."³⁵nama Rabba yesus weiwira weimatanya.³⁶natou, yahudi hi widada,"patetikinya duku ha ngari namun oatananya hi lazarus!" ³⁷mangnga, hiwida tangala dukada ada kanguruku,dana piaku hingukaka nammu toama natou boala napa ita baliya mangnga hi lazarus malli napa kiddi baliyaka?" Lazarus Nakidi Bali Walingu Tajoanga Tou Mati³⁸nama Rabba yesus,nama haleiru ana pangadanya,hina halakuya tarati. narati noukadika mearangu lianguya, ahakudukina na aana jaka hangipa watu belaru napa todi waidanya.³⁹nama Rabba yesus napa newi,"pama Rounya nawatu neiyi!" hi marta, jaka danamonina nama mati, hiwinanya," mouri, duku wuakatoayaka touna patut boladunaka." ⁴⁰Nama Rabba yesus napa gapinya hi maria langnga wiggungimika nyiami ami waidinya enga itaminya nabiahana hi Allah?"⁴¹mangnga,tangala dukada. hidapagehirunya nawatu,mangnga nama Rabba, yesus, hina wolahuja dalimana mangnga hinadedikuja nangorana hina panewi, "Ama,nyouwa kumokulu karadangu ouwu ama tomat amu rangudinganya agananya naha tikkigu."⁴²kupehingu ouwu amu ranguwa, jaka tangala dukana na tou nama koruga kapi ku itawaiga mata toama ouwu nama palewawa tapinu tana."⁴³Awinanounguka, Nama Rabba Yesus Naha wadi otangu ana kawulangu, " Lazarus,mukidi baliya walingu tarati!"⁴⁴hi Lazarus nama langa matina Apatu buahladuna nakidi bali tekka, dalimana jaka dawihina damamapingu aka buru wainya kaba kaka dama pinguha, nama Rabba yesus hiwinaja mikaborunaja dakaba ringu dakaba kaka kapiki piakuna ana halaku." kabuangudanyaka ada panewi kaha matiya nama Rabba yesus awida⁴⁵Datou Yahudi dama omija ada tomanya hi maria, daitaya nama Rabba yesus aganananya nahalakuna tangala dukada hiwainya. ⁴⁶jidinguka, eijelanya hawanguku dama kamaikaja datou Farisi ada peakaya agananya pahakuna nama Rabba yesus.⁴⁷ mangnga, Dapa ama paman datou Farisi hida waluya nakal buanguda tama kahika ada paneiwi, "nganakanyaka napa kabur atida ya touna? toma natou neiyi nadanguka napahalakuna na tadak biaha ⁴⁸Atema pangalakanyaka, tangala dukana natouwu engnga makula bakulu karadanyah, natou nama walingu ta Roma eangnga ominya ana parimadanya dapa doungu yayi jaka naolida hawangukuh."⁴⁹hiwina nama hatouna tangala dukana nama ngarangu Kayafas, nama jaji paama ta doungu nouwu,hiwinaja tangala dukada," nyiami dami peamanya hakuduk tekka, ⁵⁰mangnga dami pangdamanya,rihipakanguya ana mati nama hatouna tutu ganananya natou dangu duna,hamera noumangu ana mati bollu natou nama dukuhangari danguya."⁵¹Hakuduku teka dana peaka wikimana walingu hina, giki neikanaka dapa pa ama ada peanya, keriya nahiluna naha winangu,nyouwa angnga mati denganguya natou dangu awinna. ⁵² datidi jiamaya natouwu Yahudi jidinguka kabuangu bolunanya ana hadekangu Ana Allanya hagulu tapinu tana.⁵³jaka, noatouna yaladu,katahamatiya dunna.⁵⁴jidinguka,nama Rabba yesus dahilu eimanyaha tarongu touwu Yahudi,hskunanyaka ana kahikiru tapa dua maredanginangi tapa raingu namangarang Efraim;hidayat engangu ngala dukada da anapaha koalana.⁵⁵Tomat naladu bihana narahi inungu angguru natou yahudi dana hilu madeimaha,na dangu datouwu dama walingu tama rou tatoma rahi aminya ta Yerusalem adadi anatomapaha narahi inungu angguru wikida walingu tadoku jalada awida.⁵⁶mangnga, tangala dukada dama yerangu nama Rabba Yesus manga hida patotu wikida tahan tou hatou atanga kabuanguda toma na bihana Hi Allah,hiwida manga napa kabur atima giki neina?penyakit nahilu omimanyaha taludu biahana yayi?" ⁵⁷Dapa ama paama datou farisi dapa newi ada woaja patiki tangala dukada touwu agerakayaka nama itaya janama peanya aeinya pekagamanya nyiama nyimi kapiaku apadanya.

Chapter 12

¹Nammu bua ladu kinaka mangnga Nama Rabba Yesus halakunanyaka ta Betania,tapa douna hi Lazarus,napa pakidi balina walingu ana mati.²badi,hadiadanyaka paangu adadi nadukiha Nama Rabba Yesus HiMarta natourara dapa angu padou peangu, mangnga Lazarus ngodu dengananya tapingi pangodu juayi ana adengananya.³Atangir ngoduna maria dekinanyaka weilangngihu namu duku hangari hingaraya jaka nama buatu nahina,hina,poahinaja dawihina wainya naloagina mangnga hina,karuduhunaja weilangiru dawihina⁴Jiadinguka, Yudas Iskariot,datommahabulu madua waiha da ana pahakolana nabaninya mangnga hinanya,⁵"mangnga gawailengangu naweilengihu nama duku hangari buatu ya nahina nama toama tilingahu juta hidama daganya kamu woaga datou dama milla?"⁶Hiwina noukanguka damilla mananya da atina jidinguka eingu pawukuna,ana dagatekkanya kapiku keaduguja dariti tapak duo riti winna toama hi Yudasu malanga damanguya ka pakedu langkabahaja abijalu jaka aka bunija napea memmaja.⁷mangnga,nama Rabba yesus napa gapinya, gali himmu banilinya nama winni neiyi,naweilengngihu neikadika paha diananya tutu taguna baru aku mati kaka, ⁸Datouwu milla engnga pangalaja talihimu, jidinguka nyouwa daeipangalaga talihimu."Dapa ama tangala dukada daka hangi balingu kaha matiya hi Lazarus wida⁹duka natou Yahudi ananpeakija nama Rabba Yesus einya ta Betania,halaku boludanyaka,datidi jiamaya nama Rabba Yesus jiadinguka hiLazarus nama kidibali walingu tamati kapiku itawainya widda.¹⁰mangnga,da paama paama daka hanginya kahamatiya hiLazarus widda.¹¹Mulana hi La zarus duku danguya natou dama hilu waija hamu jidinguka kerihounaja nama Rabba Yesus.Nama Rabba Yesus ana tama ta Yerusalem mera hawingungu Raha¹²nama duba ladu waina, natou nama einya tama tunu,ana ranguyaka na omminya nama Rabba Yesus ta Yerusalem, ¹³Dekidanyaka rou aiyi madangu jaka maka bokahu ada dadi wainya adini neika katagada mangnga hiwida,mumaringu mumalala mukanyuru munga tadalu ngarana mouri."ouwu raja israel luwu nama rehi jaga!"¹⁴adakulinyaka na ana beabu nama kabokahu walingu ana jaji,hideahungu ana ngodu taka dengana, ya einya nama matulingu: ¹⁵" abi mimangeatulingu,nyiama napa pata podi nalihu nyoanga mimayaya kami itaya nama ngianga namajouli jingi jaka nama runo daha gidagimi liyaka pangodunya taka denga ana beabu nama kabokahu."¹⁶Daana pahakola na dada reagamaya atounonaja nama Rabba Yesus ada dedika pa jaganya mangnga dapa ngada habalinya na matulingu na doungu hukumada hitung noudaja jiaka nama lotaya nalolu aiharitu ta jaka nama huluya namatawei taliangu.Natou dangu dapa newinya gearaya nama Rabba yesus¹⁷ngaladukada,natou dama ranguya Nama Rabba Yesus daita ainya mata na kidi balina hiLazarus waling ta rati.¹⁸nou atona,nama dengangu natou daka radanya nama Rabba Yesus ada itawainya matana napahalakuna natada buatuna nama kabola daita bali nama mati nakidi.¹⁹na tou Farisi hiwida tangala dukada ada panewi, "gikinawidakaka,naha wukuda kaha matiya awida dama hilu piakumaha ngadukada natou haguluna nama pinu tana damokulu karada boluka kerita!'' Nama Rabba Yesus napanewinya ngearana moriku jak nama mati²⁰Tarahina nou,natou Yunani omijelaja taladu napapa buatuna kama inungu kama angu awida.²¹Dapa rega denganya Pilipus nama walingu ta Betsaida talihina Galilea, hiwida tangala dukada nyiama kama parega denganya nama Rabba Yesus wimma."²²hiFilipus peakanya hi Andreas manga hi Andreas jaka hiFalipus hida peakaya nama Rabba Yesus.²³Nama Rabba Yesus hiwinaja toamananyaka narahina na ana tourara apa buatuya jaka amokulu jaka akaradanya.²⁴jaka noutona,wiggumi nyiami tangala duka bulumi nama hangina naladi pella ana manaukaka tatana jiapangalaya ahangina tabukaka manga hinawuayi duku hangari malana kuya nawuana.²⁵natou nama namun oataya nalolu hangahuna,engnga maroabana nalolu hangahuna manga natou dama namuya nalolu hangahuna tapinu tana yayi,jiadinguka nadounya namoriku malodungu.²⁶Agearakaya nama buahaga jaka nama namuwa enga maraigunya abayaka gakan aeiyagu, jaka eipangalanya tahilugu, ana buahakaganyaka ana namun kawaka na Amagu reihingu pabuahananya nammu."Nama Rabba Yesus panewinaya ka ngearanana matina²⁷"Yatouna naihigu naha mauwulu jaka nam luya oatangu, Gikina wiggu kakiak? Ama, mapakahilu wa yatuona?' Jiaya memayaka,naha wukugu manga hiomiga.²⁸Ama,kupamalangu reihigunya nangaramu,nouwu namun kamu kawalangu walingu ta awanguma ngadu,aku pamalangu reihigunya nangaramu ya atouna.''²⁹Manga nama dangu natou nakapoduku ana itaya namerangu laikabena nama purungu walingu ta awangu, hawanguku wina malaikatuya nama panewidengana tangala duka boluda!''³⁰Nalaika bulukadika napa itawaimi mata datutu tagumaguja nyouwa jidinguka tutugumunya nyiami.³¹Reihinanya ana pahakinya na pinus tana,napa palewigimi takadenga enga akalolananya ana gehiru maruo aeipaga lakanyaka tapi tana naha jualu natou ana marainya tama kapetangu ana palijunya tarowaku majalanguka.³²Jaka, ami dedika paja dingu tapinu tana yayi ngala dukana na tou nama keriya nama kapetanga eiga ta potirupa jenganganguna."³³Nama Rabba Yesus hiwina noukanguka dagitnanyaka narahina apeanya aha matiya .³⁴Nama dangu napanewi,nyiama maitayaka nawini tahurat bakulu hi Kristus ana eingangu pangalana hiwina kadingu manga gawali hiwimmu noukalingu,na anawinnu mu ngerayaja namu ana tou rara?"³⁵Nama Rabba Yesus napa gapija dagitunanyaka nama wahangu ana halaku maraigimi nama wahangu angaepangakana nama kapetangu dana piakumaha ana iruhimi toama kapetangu,natou nama halaku tama petangu dana peamanya abayaka ana halakuyangu.³⁶Ya atouna amiitayaka nama wahangu,mienga pangalanguya tama wahangu kapiki jajimi lakeada nama wahangngu, nama Rabba Yesus halakunanya ana gehiruja."na dadelangu natou Yahudi dama waija nama Rabba Yesus.³⁷langka dadingu ana patekanya natada biahana nama Rabba Yesus jidinguka hakuduku teka daoda waipangalamanya.³⁸Hina peaa nama tulingu tanabi yesaya nama winna,"mouri Gerakayaka nama waigamanya napapa toamama yayi? mangnga lahi gerakadika mouri,ama patoama yanya?"³⁹jidikayaka himangu oliwaidanya yesaya awinna, ⁴⁰"jiakadiyaka hina peaka patekadaja dawuada hidana pawadaja da atida abi daita waija mata abi dapeawali atinya, kapiku piakuna aku pawahaja dapa ngadanguda kada kabaliku naatida winna,⁴¹Hi yesaya hi winna noukanguka alanga itananya natada biahana nama Rabba yesus alanga panewinanya nangarana. ⁴²langka tounoudina,dadanguka datou buatu namma wainya nama Rabba yesus,alangnga magafidajaka datou Farisi,hidayat panewinya napa itawada mata peala wurutuda gamaka nyiama walingu tapak raingumu wida.⁴³Toama, duda reihi buahadanya nama buatu pinus tana dada pabuatu pinus tana dada pabuatu noumanya nama Rabba Allah. Naha peakana Nama Rabba Yesus Mama Hakinguya Tatou Raramangnga,nama Rabba Yesus Hina kawulangu, hiwina, tangala dukana natou nama waiga nyouwa,Dana waimaga nyouwa,ajidiwa napapa leawana hi Alla.⁴⁶Hiommiga kaku jaji mawangu pinus tana wiggu,natou nama waingunyouwa,dana engnga mangu tama kapetangu.⁴⁷Agerakayaka nama wainganya napapa neiwigu, jidinguka dana hilu waimagaha,daku pahaki manya nammu, toama hiommi kajaka kaku pahakinya tapinu tana dawiggu mangu, Hiommi kagaka kaku pamanu maraya yana pinu tana wiggu.⁴⁸Agerakayaka dama buahaga jaka Dama rangu ganya napapa newigu,yana wini napapa toamagu jidiyaka nama pahakinya peala tahupu dukana. ⁴⁹ Aku panewi dapa kabu atimangunya, pakabu atinanya Naamagu nama pelewawanyowa nama woaya ngidih deitu ngidih tidungu manga hiku pahalakuya aku panewinya.⁵⁰kupea hingngunya hina paleawa kawaka kapiku piakuda aa kolinya namorikuma lodungu yajiakadiyaka hiku matomaguminya,aku patoamaginya naha meara jelakadingu napapa toma nahi Ama lahi nyouwa.''

Chapter 13

¹Adadi toma payaka narahi angu jaka inungu,Nama Rabba Yesus badi langu peananyaka ana dagitu narahina ada einya tapinu tana ana bali ta Amanmu,anu namukidiya napapa tagudanya tapinu tana,namun pengalaha lapakungu ana pahupuya.²Ada anguka taridungu nouwu nawadi tana natamananya naatina hiYudas Iskariot, na ana na hiSimon, kapahikinyaya Nama Rabba Yesus awinna³Nama Rabba Yesus, ana peakanya ana woungu ngidih deitu ngidih tidungu,manga ana peangu wikinaka Aana Allaya,mangnga ana bali lahi Alla,⁴Hina dadi walingu tapadou pingin paanguna hina paheiliya na kaapina manga hina dekiya nakaba ungu ana pinya tabagina.⁵Mangnga hina tounya weinaraa bakulu anna baha waidaja dawihida da anapahakoalana.⁶Ana tomanya HiSimon Petrus Nama Rabba Yesus,"mouri,gahimu bahaligaja dawihima pareirei hungu dawihigu?''⁷Napa gapija Nama Rabba Yesus manga hiwinaja,agananya napahalakugu nyiami dami peamanya yaatouna,jidinguka peala engnga peaminya."⁸Petrus winna jella,Gawali hidamu bahaliguja dawigu nyouwa,Nama Rabba Yesus napagapinya, "Adaku bahakagujaka dawihimu,damu kolimangu tagumu ouwu nama walingu lahi nyouwa.''⁹simon petrus winalinya,"jaka nou atouna mouri Abitida jiamaha dawihingu jidinguka ngala dukana na ihigu lapakunguka taka tikugu kamu ihu boluganya,"¹⁰Nama Rabba yesus hina pagapinya,"Natou nama langa ihuna jiapaka dawihina dapa bahana , toama ngala tangla dukkana na ihumu langa warahunaka jidinguka nyiami dami palakmanguka ami warahu." ¹¹Napea memajaka nama Rabba yesus dama hukanya ati jiaya hiwina nongu ana pagapija tangala dukami dami harahu bolumangu hiwidaja,"

¹³nyiamiala tikiminya Guru awimiga mangnga mouru alanga wimuga,nama pata memanguka guru awimiga, mouri awiniga. ¹⁴jakanyowa mouri nahawimi ngu mangnga guru hiwimiga. Jiakakadiyaka hiku bahagimija dawihimu, nyemi jelakaya tangala ladukami mipabaha wikimi toungu napa itami lahi nyouwa. ¹⁵Nouatouna, kapateka digiminya ku napata nama deha lahi nyiami, nyimi katou jelami ami pahalakuya Napa ita waimimata yaatouna.¹⁷Nyiami Ami paadinya walingu Tang duka boluna, mika nyuru mika nagami ami pahalakuyaka.¹⁸Daku panewi bolumangimi nyiami ku peagimika agearaya napa oalingu toama nawini napa geamemakanyaka,natou nama langa anguna paotina nama dedinguka naura dewana tahagagu¹⁹kupeakagumika nyiami,yaatouna adadi najajipaha nama jaji peala ana jingu jajikanaka nama jaji, kalangan peamoliminya ama wali ngunya lahi nyouwa. ²⁰ ku mata bolunyaka tahagama lahi nyiami, aku peakagiminya, ajingu eikanguka peala papa leawagu matakadina anyowa nama atunya jaka nama nadiya nyouwa." meara jelana ana nadinya nama paleawawa nyouwa. Nama Rabba Yesus peakana Jaka AGearaya Nama Hukanya AtiNama Rabba Yesus hiwinaja, yadatowuna namerahu naatingu naha manguna matua ana pawarahuwa,Duka bolumi ku peakagimi nyiami, einya nama hatouna walingu tangan dukami nama hukaga ati nyouwa." ²²Ana paha koalana dapa teitingu wikida tangala dukada mangnga daha ngotaru gearakayaka Nama hukanya ati hipanewi tounouna²³Nama hatouna naana paha koalana naraiyi takan runa Nama Rabba Yesus jiayaka naana paha koalana napa Reihi buhana nama Rabba Yesus .²⁴Mangnga,simon petrus hika badikunya kana tatarunya ageraya napa kabur atina. ²⁵Mangnga,naana paha koalana nam harai takuruna nama Rabba Yesus mangnga hina tuturunya, "mouri, gerakayaka nama hukagu ati?"²⁶Nama Rabba Yesus napa gapinya,"peala naha woagu Roati napapa lewagu ta weiyi jidiyaka ana kolinguka ana touya ta weiyi na" Roti, hina woananya hi yudas,nanana simon Iskariot. ²⁷Ana kayaka hi yudah nama takan hina kapakuna na Roati, nawadi tana, karangunanyaka taatina tawadi tana,kerangunanyaka ta atina.mangnga nama Rabba yesus hiwinanya,Aganakananya napa kabu atimu,mupaha lakuyaya abbu mudenganya!"²⁸Daeimangu hatou teka nama tangiru anguna nama peananya napa kabur atina nama Rabba Yesus Awinna nouanya Hi Yudas.²⁹Hawanguku Widda Da namun kadingu Nama keranya napa dou Riti Noungu Nama Rabba Yesus lahi dunna,muhiyaya tangala dukada dapa waingu Tutu Taguna,"naangu jaka nainungu hiwinna nuonya.³⁰Anakayaka, nama hadipituna Na roti,Yudas lohungunanyaka mangnga;giring jelananyaka.Nama Rabba Yesus panewinanya geara nama mati³¹Ana gehiruka hi Yudas,Nama Rabba Yesus hiwina,"Yayi Rahinanyaka Na Ana tourara Ama mokulu karadanya Jaka hi Alla Amokulu karada Jelanya. ³²Hi Alla apa buatukayaka tadalu ngarana, Hi Alla jelakaya napa napabuatuya tadali Ngarana Namu nimmi Nama omminya. ³³Aku Anagimi,Daku hilu madeimaha Aku halaku Maraingimi,nyiami angnga manyeramiga,nyouwa,Alangnga wiggu memajaka Datou Yahudi,Yaatouna Wiggu jelagimi Nyiami,'Bayanyaka aku halaku nyangu,' Jiami daomimagimi.'³⁴Einya nahilugu nama buangu napapa newigugimi nyiami, Nyiami kamu panamu wikimu, Toungu nyouwa aku namumi nyiami, tounou Jelangu nyiami ami pabuhangu wikimi.³⁵Atou nouikimika, tangala dukana nana touhina peagimi ajiami Anah pahakoalana toama ami panamu wikimi panamu Nama Rabba Yesus hi Petrus³⁶Simon Petrus nana tuturuya Nama Rabba Yesus, "mouri, bayaka amu halakuyangu ?" Nama Rabba Yesus napagapingu aba yaka aku halakuyangu, nyiami dami kerimawanyouwa, jidinguka baru engnga kerimiga." ³⁷Petrus natuturuya," mouri, gahiwimuga nyouwa jangadakerigugu? engnga mati dengangugu ngaramu ouwu ³⁸Nama Rabba Yesus napa gapinya,"Muwoa tekaya nammu naha ngahumu tutu tagugu nyowa? Jiayaka Yatouna wiggugu ouwu? Adadi data kuku paha damamu ada padillu wudangu ouwu dama hilu peamagaha nyouwa."

Chapter 14

¹"Abi namerahamangu naatimi; miwainya hiAlla,jaka kami waijelagu nyouwa.²Toutoma na Amagu duka danguha dapa doungu,Adatou noukanaka nyouwa kupekagimi nyiami hiku halakukaka kaku hadiaja padoungu wiggugimi. ³Aku halakuka aku hadiagimi padoungumi nyiami,ommi baliga aku maraigimi kami peaga aba yakan appa doungu yawa aeiga,kapiki eijelagimi nyiami.⁴Jaka, kami peajaka aba yaka tapak doungu yawa aku halaku."⁵mangnga, hiTomas hina pagapinya, ''mouri,nyiama dama peamagu jaka abayaka amu halaku yangu,giki noukanaka ama peanya jaka abayaka tapak doungu yawa?''⁶Nama Rabba Yesus hina pagapija, "Ya nyouwa jidiwaka larangi nama patetekangu jaka nama moriku,Daeimangu hatou teka nama omminya lahi Ama adana linoukanguka lahi nyouwa.⁷Ami peadigaka nyouwa mi peajelanguka nammagu yaatouna ami peadingaka naamagu Ami itadiyaka kami pangadanya.''⁸Filipus napanewi lahi duna," Mouri, patekanya hi Ama lahi nyiama, pekanaka ana itayaka, Nama Rabba Yesus napagapija." ⁹Filipus, muma deikadingu Amu maraipangalaga, gahawingungu hidamu peadokunya na Amagu manga pateganya hihiluwimulingu, agearakayaka nama itawa nyouwa mearakadina ana itaya hi Ama?'¹⁰Dami mali waimemaga nyowa jidiwaka hi Ama jidiwaka nyouwa awigu, mangnga gawali pateganya hi Ama hiwimu juawalingu. ¹¹Nouatouna miwaigaya nyouwa, yajidiwaka nyouwa na Amami ami itadiyaka napawolugu natada biahana hi Ama.¹²Tangala duka boluna,aku paneiwi digiminyaka tangaladukana na touwu nama ita wainya mata nawolugu jaka napa keragu miwaikadigaya mawalingu lahi Amaya. ¹³Agananya napaka reimi tadalu ngarangu, engnga toamana lahi Ama. ¹⁴Nangaragu ajiakayaka napalolikimi ami kareiya engnga woanagimi hi Ama Naha ngahu matuayi nalihi pangalagimi.¹⁵Ami namakawaka nyouwa, mipaha laku pangala napapanewigu.¹⁶Kuka reidingu lahi Ama, agana nama jakangu, hi Ama engines nagatadigiminya agana nama daeinya ¹⁷Naha hangahu matua nama deningu jidinguka napinu tana dana buhamanya, alanga daita wainanya mata aku marai pangalanya nyowa.¹⁸Daku mata magimi ami hamearangu dama eingu Amana jaka Inana,engnga kamarai pangala digimi nyiami. ¹⁹Dana hilu madimaka napinutana adana itawa nyouwa, jidinguka nyiami engnga ita pangalamiga.²⁰Tadalu noukadika, hi Ama ku marainya jaka nyiami jelakayaka daku dengamagimi.²¹Agearakayaka nama ranguganya napanewigu, jiaka nama namuwa nyowa." ²²Yudas, dajiaamaya Iskariot, napagapingu,"moiri, gikineikanaka amu peaka wikimu toama dama walingu tapinu tanamawu.?"²³Nama Rabba Yesus napagapija hammu,"Agearakayaka nama namuwa jaka nama pahalakuganya na winigu,na Amagu engnga namunanya jaka engnga ommigamu lahi nammu.²⁴Natouwu, dama namuwa jaka dama pahalakugunya nawinigu, jaka nawini naha rangimi engnga namu nanya hi Ama.²⁵Naha rangumi tangala dukana aku maraigimi jiayaka nama madeningu. ²⁶Nyouwa dika, nama gatagini jaka naha ngahu matuayi, nama walingu Lahi Ama. jaka lahi nyouwa, jiayaka nama.panamu pangala giminya, napapanewi juagimi. ²⁷Nakanyuru nakanaga eipangalanya lahi nyiami, jaka nawimaringu namaeinya lahi nyiami dama walingumaya tapinu tana, jaka abi mimerahu ati dengamanya .²⁸Nouatouna amirangu diganyaka napapanewigu, nyouwa dahilu eimagaha tapinu tana baligunyaka tapingi hawaligu, engnga ommi balidiga ata rikimata wala wiwimi toumu areihi buatu diahi Ama.²⁹Aku peaka boludigiminyaka ngearana nama jaji adadi najajiha, nyiami badi peaminyaka alangu waimiga.³⁰Daku bada pada panewi pada manguha ngearana napinu tana toama dareihi buatu maya walingu lahi nyouwa. ³¹Kana peanyaya tapinu tana nyouwa aku namuya hi Ama aku paha lakunanya napakerana.

Chapter 15

¹Nama Yesus winna, "Nyouwa jidiwaka pingin anggur nama padeningu jaka hi Ama jidiyaka nama karawaya jaka nama morommatunya.²Tangala dukada naka hangana dama waiya poguha,jaka dama wuayi pakaluju kada taba rajaku ada wuiyi.³Nyiami miwarahuka waingu wini dama padeningu napa langu papa newi juagugimi.⁴mikiriwaya nyouwa jaka nyiami kaka parapu pangalagimi,abimiha mearanoungu tahangu anggur dama eingu wuana.⁵Ya nyouwa jidiwaka bounana anggur jaka nyiami jidimika kahangana,tangada dukana natouwu napamaromatugu naka nyuru naka naga toama ana waidiga nyouwa.⁶Adami marommatungu wikikamika adami engnga jaka ,nguka lahi nyouwa mihameara noungu kahanga angguru dama wuaya engnga pagudagimi atougimi api.⁷Ami engnga pangaladingu Ami keridiginya napa newigu,mika reikadinga agananya napa kabu atimi,engnga kuwoadigimi.⁸Na Amagu enga tariku mata walawiwiya ami pahalakuya nama kalungu jaka ami waiganya napa newigu."Napeakaja Nama Rabba Yesus kami panamu wikimi nyiami winnaja.⁹"Toungu hi Ama ana namu wa nyouwa,jaka nyouwa aku namumi nyiami.¹⁰Ami keri pangaladinya napapa newigu,engnga hamu pangala gugumi,toungu nyouwa aku keriya napa nungu papeakanguna hi Ama jaka aku namuya.¹¹Aganannya napapa newigu lahi nyiami ami keri pangaladinya,nyouwa taegi ati tadiata kokuwa.¹²Yajiawaka hiwiggugimi nyiami kami panamu wiki pangalangumi.¹³Daeimangu paawi panamungu nama reihi kalangu jaka atajaungu wikki hinguda ata woaya nalolu hangahuda tapa namu oatada napa nama wikida naha widangu kapapa buatu wikida jaka kapamu romatungu wikida jiakadiya.¹⁴Yanyiami jidimaka angu wuangu toama ami pulakudiyaka nama kalungu.¹⁵Atugugimi nawigumangu toama naata dana peamanyu haka naruhu oatangu , hi wigu noukanguka naparangu gu nama walingu lahi Ama tomat ami rangu diya aku panewinya.¹⁶danyiamimangu nama pidiwa nyouwa,nyouwa nama pidiwa nyuga jaka nama dedi kugimi wuanammu mikareikadiya lahi Ama engnga woadinagimi. ¹⁷Ya jiadiyaka nahapekagumi nyiami kami panamu wiki pangalami Nama Rabba Yesus napanamu pangalaja daanana dahar paha koalana .¹⁸Napinu tana ana huka kagimi ati, nyiami mipeanyaka napinu tana na huka memaga ati nyoaga .¹⁹Nyiami ama walingu tapinu tana dimi,engnga buhanagimi toama alanga walinoudimi ami jaji tapinu tana.²⁰Kami namuya napa tikugu yaatouna,naata dareihi buatumaya walingu tama peangu,jidinguka dadapeanoumanya Amapeanguya.²¹Tangala dukana engnga pahalakudanya dama kalungngu witigu nyoua,dadapeanoumanya ahi Ama nama paleawawa.²²Ada omikanyakaaku panewigiminya dadoku dajalami dami peamaja jidinguka engnga ruhungumi ami woluya nadoku jaka na jala,²³Na tou nama huka ati nyouwa meara kadina ana hukanya ati na Amagu.²⁴Adaku pahalakukayaka napakerang yayi aku woluya jaka aku panewinya tomat dana wolumaya natouwu hawanguku natou rara ruhungunanya ana woluya nadoku jaka jala.²⁵Nawini nama matulingngu nanyouwa jaka hi Ama.²⁶Aomikanyaka nama pagatangu napapa leawagu nama walingu lahi Ama, jiadiaka naha mangu matuayi namawalingngu lahi namu ta Amagu. ²⁷Nyiami kaminpahalaku pangalangu nama manadangu ami patekanya, alanga marai pangalagumi walingu takan wungnga lapakungu taladu yayi toama ana pahupuya .

Chapter 16

¹Tangala duka boluna aku panewi digimika nyiami, nyiami abimika yoyakakku mangu .²Nyiami engnga wuruttu dagimi jaka ana toama kayaka narahina, natouwu nahamatimi nyiami jidinguka adapangadanya duda makalungnguya ta haganahi Allah wida houngu.³Engnga woludanya nahawoluda toama dadapeamanya hi Ama jaka nyouwa .⁴Tangala dukana kupeaka digiminyaka nyiami, ana toamakayaka narahina kapiku namuminya alanga panewi diguminyaka Napa kerana nahangahu matuahu .⁵Nou atouna halakugunyaka toama paleawawa nyouwa,daeimangu hatouteka nama tuturuwa bayaka amu halaku yangu nama winaga .⁶Nou atouna nyouwa awigu nougimika nyiami nyiami, naka kauka naatimi jaka mihouwu dalungu.⁷Jaka nou atouna, kupekagiminya nama kalungngu ,reihi napa kalunguya nyouwa aku aku halaku, jaka aku halakukaka engnga palewagugiminya nama awi nama namumi.⁸Baru, nama awi namumi aomi kanyaka nampahaka riai jaka ana pawahakanyaka napinu tana walingu tadoku jaka tajala, hilu pedanya nama kalungu jidinguka kapa hupu nanyakka.⁹Ngearada da doku jaka da jalada, dadawaemema maga nyouwa.¹⁰Alanga einyaka nama wahangngu,nyouwa hiku halaku lahi Ama jaka nyiamidami hilu ita pangala mawahang .¹¹Engnga hukunaja dama peangu tapinu tana yayi liya naha woluda engnga pahupunaja.¹²Bakalangu duku daoatanguya kaku patomadaja awiggugimi yaatouna dahilu rahimananyaha.¹³peala aomidinya naha mangu matuayi,naha mangu matuayi,naha didi naka rahadimi tama wahangu dana panewi dapa kalungumana waling tapa kabu atina,jidinguka lolukunanyaka agananya nama jaji baru.¹⁴Napa buatuwa nyouwa toama ana kadiya agananya napa kagu .¹⁵Tangala dukana napa taguna hi Ama patagudegunya nyouwa,toma naha mangu matuayi engnga woudinagimi loawi kaku mou ati alanga kadinya lahi nyouwa.''Taha duka napa tariki mata¹⁶"Dahillu madeimaha nyiama dami hillu itamayaha nyouwa jaka dediyana ata parega.''¹⁷Daana pahakolana nama Rabba Yesus hida patuturu wikid,ganananyaka napa kabu atina hina panewi tonouwalina, dedi yanaka naitananya nyouwa hi wina nouawaligu."¹⁸Dakabutikungu widaka, giki neina nahawukuna,' hakudukinaka nahaitawaimiga hiwinna nouawaligu."¹⁹Nama Rabba Yesus napeaja Ama patuturungu awida da Ana pahakoalana manga hiwinaja," gananya napakabutikumi manga na papatuturumu gearana napapa newigu weiga.²⁰Mamaihinguya agananya napapanewigu lahi nyiami, nyiami engnga taweiwira weimata ami houga jidinguka napinutana taeigiatu tadiatakokuya.nyiami engnga haduka jelami.²¹Nama wini nama hatouna kaku paana nama wina, duku hangari mawilaya toama arahinanya napadangu wikina kolinguka papaana nama wilana weiga danna hilu namumayaha, jidinguka taeigi atiya tariki mataya²²Tounou jelangu nyiami yaatouna amihaganya nama wila, peala engnga paregga denga balinanya himi hilu egi ati datakoku jaka daeimangu hatouteka nama peakagimi aka ritimata walawiwimi.²³Taladu nouwu, dami hilututurumawaha hakuduk tekka nyouwa, yaatouna jiayaka hiwigugu hiwigugimi agananya napakareimi lahi Ama liya na kerangu engapagapi pareihinagimi anawoagimi.²⁴Lapakungu yayi, nyiami dadimikareihingumaha tadalu ngaragu, mikareikadingu abi momumaga engapagapi napagapigiminya napakareimi hina mapinunguna." egiatimu. Natalu Yana pinu tana²⁵Yaatouna kupeaka boluguminyaka aku lau aku hangeara, giminya ahilu paneiwi giminya nama habari Ati Angeara nahi Ama.²⁶Taladu nouwu, mika reima Tami waiganyana ngaragu Liya Ami patoamanya nalimi Lahi ama. ²⁷Toama hiama nanamumi nyiami mangnga nyiami ami namu jeladiwa nyouwa mangnga ami peaga nyouwa ama.²⁸Nyouwa waligu Lahi Ama mangnga hiommiga tapinu tana, jiaka napinu tana Yayi engnga dujakungunya aku bali taamagu.²⁹DaAna pahakoalana hiwida Nouatouna ahi pawahapamunya amu panewinya dama hilu Lau pangara manyaha.³⁰Yaatouna Ahi peamanyaka, Tangala duka boluna ouwu amu peabolunya, Dahilu eimanguha hatou teka nama hilu tuturuwu, Nyiami mawainguka ouwu ama walinguwu lahi Allah.³¹Nama Rabba Yesus napagapija nammu, nouatouna waigimigaka.?³²Mipatetinya! dagitunanyaka narahina omminyaka narahimanyiama ammi paheawa ammi halaku tapadoumi hatou- hatou ami oilijakka meahagu nyouwa nou nam abimi dada rumagu na Amagu einya taha didingu.³³Hiwigu noungu, tenangu nyiami kami kolinya nakal nyuru jiaka naka naga jiaka kana manni pangalangu naatimu ami geanya yana pinu tana

Chapter 17

¹jiayaka napa newina Nama Rabba Yesus, mangnga, Tangara taawangu mangnga, hiwina Ama, YaYi toama nanyaka narahina, mupabuatuya naanamu jiaka naajelamu engnga pabuatu jelangngu. ²kapiku hamearanguna ammu woaga biaha jiaka patekanya tatou rara jiaka nabiaha naha woamuga tangala dakada kada kolinya yana morikuna lodungu.³jiaka namoriku malodungu naha woamaja kada peaga ajiapawu Alla nama padeningu, mangnga kada peajelaga ajiawa Yesus kristus napapa leawamu tapinu tana. ⁴Aku pabuatu diwuka yayi tapinu tana aku mangnga boludiyaka napa kerangu naha woamaga aku keriya. ⁵jiaka nouatounouna, Ama, katapeaja buatukaka tahangana natourara yata pinu tana.⁶aku peakalingunya nangaramu Tangala dukana touwu napa toumu yata pinus tana nawini kanyuru jiaka nawini nawina kanangamu engnga waidagunya.Nouatouna hammu dapeabolu nyaka naha ⁷Nouatouna nammu dapeabulumanyaka naha woalugu Ama walinguya lahi ama. ⁸Aku joaradingunyaka nawina naha woamuga Lahi hammu, hammu dakayaka jilu daranguyaka, jiaka dapeangu wiki jeladaka atagumuja.⁹Aku patoamanya naha bayangu tutuda hammu,toama datutu mananya yana pinutana,tutu tagudanya hammu dapa dapa patu pedimu jaka dapa lihunyoangumu;toama hammu atagumuja.¹⁰Napa tagugu tagumunya,jaka napa tagumu tagugunya,toama kupamu ringu pama laluyaka.¹¹Yaatouna peala dahilu tapinu tanamawaha,jidinguka hammu engngada tapinu tahayi, Ama nama buatu muma rommatu pangala kaja, kada kahangi pangalakangu tadalu ngaramu.¹²Nyouwa aku maraijaha kamu maromatuja dalalu ngaramu,toma duda daka hangingu daeimangu hatouteka nama jiri jaka nama honaru.¹³Yaatouna otuga tahagami jaka napapa newiguja yata pinus tana tenangu kada kolinya naegi ati jaka nadiata koku.¹⁴Aku patomadinyaka nawinnimu lahi hammu,jaka ngala dukana na touwu yata pinu tana kada waibolugu.¹⁵Daku kereimawu kamu dekiha awiggugu walingu tapinu tana, jidinguka kamu karawa morammutuja walingu tama kapetangu wiggu noukadingu. ¹⁶Toama hammu alangga maeinguha tapinu tana,datoumana nyouwa adama walinguwa tapinu tana.¹⁷Dama ringu dama lala dingu hammu ada pahalakugunya; nawinimu nama kalungu.¹⁸Atouna ouwu amupaleawawa ta pinu tana,tonoudelana nyouwa aku palewaha duda ta pinu tana ¹⁹Witida hammu, nyouwa hiku pawarahu wikigu jaka hammu kada warahu jelas jaka kada maringu kada malalakangu.²⁰Aku patomanya yayi naha bayangugu datagu meahamada nya hammu,jidinguka tutu tagu nanya natou dangu nama keriganya napa tikigu.²¹Tenangu tangala duka boluda hammu kada parai leiru wikikada,toungu ouwu dumu Ama,amu iru leiwura; tenangu yaina pinu tana kana mokulu kana karadagu.²²Nabiahamu napa woumuga lahi nyouwa, kuduadanyaka lahi hammu hida kahangingu,toungu hi Ouwu jaka nyouwa dumu Ama ata kahangingu.²³Nyouwa kuka hangi dengaja hammu jaka Oujelaya muka hangi dengaja,jaka kamu awi kamu namuha.daka nouwu, na pinu tana akan napeanya hi Ouwu nama palewawa, naka hi Ouwu mubuahagama duda,toungu hiOuwu ammu buahaga Nyouwa.²⁴OAma,Ku kabu ati hinguja hammu,alanga woamugaja nyouwa,aba yaka aku halaku yangu duda kaka marai pangalaja,kapiku peadanya nabiahagu napa woamuga ouwu lahi nyouwa,toama alanga namumuga nyouwa adadiha yana pinu tana.²⁵OAma nama panumungu,yana pinu tana langka dana pedigu,nyouwa kupeagu,jaka hammu jelakaya dapeagu Ouwu;nama paleawawa nyouwa.²⁶Narangumu kupeakadanya,jaka naawi nanamumuga kamu awi namu jelaha hammu tangala duka boluda.''

Chapter 18

¹Nama Rabba Yesus ana mangnga dika papa toma bolunya,halaku marainajaka dala keada paha koalana ada palunga naloku Kidron,tapa doungu nouwuduku hangari manulangunya Nama Rabba Yesus tama marainajaka dala keada paha koalana.²Jiapaya hiYudas,nama hatouwana nama hukanya ati Nama Rabba Yesus,hida halakuka tapa doungu nouwu Nama Rabba Yesus nama raipangalaja dala keada pahakoalana ³Hi Yudas,ana peakanyaka Aominya datou dama dangu jaka nama maraija datou dapapa aka papaakangu jaka Datou Farisi, tangala dukada Duku, oboruda, jaka ada idiha dama tama dahawaida.⁴Nama Rabba Yesus, langnga peananyaka agananya nama jaji hida, halaku ana toamaja mangnga hida tuturuya tangala dukada, Gearakadikayaka napama nyerami?"⁵ Hida pagapingu tangala dukada,"Nama Rabba Yesus nama walingu ta Nazaret."Nama Rabba Yesus winaja, "Nyouwa jiaya Nama Rabba Yesus." Jaka hi Yudas nakabohoku nanya nadedi denganya duda.⁶Jaka Nama Rabba Yesus napanewi, "Nyouwa jiawaka Nama Rabba Yesus," natouwu nakajulingu taka dengana hinna juaru tatana.⁷Mangnga hiwina Nama Rabba Yesus "Gearatekaya napa nyeramu?"duda napa gapinya "Nama Rabba Yesus nama walingu ta Nazaret.''⁸Nama Rabba Yesus napa gapi balija, ''Weiga wigugumika nyiami,yanyouwa jidiwaka Ma Rabba Yesus.jaka,jiamemawaka napa manyerami,yayi dala keada pahakolada kada bali." ⁹Nama hupungunanyaka napawida daka doungu Nama Rabba Yesus: ''Nyouwa kudujaku jimin nyiami awima juana."¹⁰HiSimon Petrus tangiru idina katopu hina lihuya hina lekatunanya nawuaka hilu lawanana dapapa leawada da Imam nama ngarangu Malkhus.¹¹mangnga,Nama Rabba Yesus hiwinanya hi Petrus, "Patamanya no lauwu tarabina!cawan napa wouna hi Ama lahi nyouwa,manga nyouwa harus kuinunya?" Nama Rabba Yesus Daidiya Tahagana Hi Hanas¹²Mangnga,ngala dukada da Hordadu dama duka hangari danguha jaka natou Yahudi daapaya Nama Rabba Yesus mangnga hida pinya,¹³Nama Rabba Yesus maraidanya lahi Hanas,taliana Kayafas,nama jaji kapala tadoungu nou. ¹⁴Hi Kayafas napeaka pakaluja datou Yahudi kapiki eingu hatou heapana Nama Rabba Yesus naha pahamati winna Kayafas.Petrus naka hedinya Nama Rabba Yesus.¹⁵Simon Petrus namalaria Nama Rabba Yesus.tangala dukada dala keada pahakoalana dapea boluja da Imam jiapaya Simon Petrus nama tama marainya Nama Rabba Yesus tapa douna na Imam.¹⁶Petrus tida dedipananya taha bali hidu, talihi aibina bakul.mangnga dala keada paha koalana hawanguku lohungudanyaka mangnga dama winni nama jawa bina datamapama rainya hi Petrus.¹⁷Damawini dama tagu jawa binna hidda tuturuya hiPetrus, "Hiwidanya ouwu maga oli jialamunya natou neiyi?" Napagapija hi Petrus, "Nyouwa daku peamanya!"¹⁸Ada paerikuka api aduku hangari maringu daka ngala haduka natouwu jiaka da hordadu hiPetrus eijelanya ana diringu api.Dama pareaha datuturuya Nama Rabba Yesus.¹⁹Mangnga da Imam datuturuya Nama Rabba Yesus,ngeada dala keada pahakoalana napapa toamanaja.²⁰Hinna pagapija,"Nyouwa kupanewi boludajaka nangearana yana pinutana kupeaka pagadaja langka biayaka aku marai haja parei reihinya ta ummana nahi Ama nama biaha,aku panewi ngearana naha woluna yana pinu tana daku patoda memanya.²¹Mangnga nyiami gawali himmi tuturuwa nyouwa? nouwu nama mituturu kadihaya hammu toama dapeabolunyaka napa peakuguja."²²Ana pagapi tounounguka Nama Rabba Yesus, hatou nahordadu naka babananya napa puna mangnga hiwinanya dana mapatamangu amu pagapi tounoumunya Imam.²³Apa newikagunyaka nama ma ihingu, mupeakaganya beinya nadapa maihingu dengana,jaka amama deningukayaka,mangnga gawali ouwu himu kababawaliwa nyouwa²⁴mangnga Hi Hanas hina pagidinya lahi Kayapas toama jiaya nama reihi walingu lahi namuHi Petrus nakahedi pangalanya Nama Rabba Yesus.²⁵Hi Simon Petrus eipagalana dedi ana dirungu api mangnga Hida tuturuya namu, ouwu magu lakeada pahakoala jelanagu? " Dapa gapija daku peahingu memanya.²⁶Nama hatouna nahoru daduna agugu lea ana napa lekatu huaku hilina Hi Petrus, hiwinanya "ouwu kuita jelakadiwu tapa doungu nouwu?"²⁷Napa dilu wudang hingugu hiPetrus ana kahedinya Nama Rabba Yesus damanu dapa dilu wudang jelangu ada takuk adi gitananyaka na wehangu Nama Rabba Yesus maridaya lahi Pilatus²⁸Tangala dukana maraidanyaka Nama Rabba Yesus awali nouna lahi Kayafas touma pangadila ana karagi ritangu na ladu, jidinguka dama ngeatu ada tama ta pengadilan.²⁹Hina lohungu hiPilatus,hina tuturuha tangala dukada,"mangnga nahalana na orang neiyi?"³⁰Mangnga hida pangapingu,"adana wolu kayaka naha woluna natou neiyi,dama marimanya tahagamu."³¹Pilatus hiwinaja, ''mima raibalikadinya nyiami kami hukunya keriya naha kabu atimi.'' datou Yahudi dapa gapija,daeimangu hukungu damma makenna noungu lahi nyiama napa mati dengangu.''³²Yajiaya nama jaji napa wina juangu Nama Rabba Yesus ana panewi dengaja dala keada pahakoalana.³³Manga hi Pilatus hina tama bali taumma pengadilan,hina kamaikanya Nama Rabba Yesus,hina tuturuya, ''Peanya ouwu Raja tou Yahudiwu?''³⁴Nama Rabba Yesus napa gapija, "Peanya napa tuturungumu malingu kadiya taatimu,jaka atouhawanguku angu nama panewigu ngearana lahi nyouwa?"³⁵Mangnga hiwinanya hi Pilatus, "Peanya nyouwa touwa Yahudiya wimiga?hi hammu kadingu daoli Yahudimu dama maraigu yayi.Gananya naha Wolumu?"³⁶Nama Rabba Yesus napa gapinya, "nyouwa da walimaggu ya tapinu tana jaka awalikagu ka ya tapinu tana dama raijuangu jaka datou Yahudi dada marimaga lahi ouwu.''³⁷Pilatus hiwinanya, ''mangnga,Ouwu Raja?'' Nama Rabba Yesus napa gapinya nou atouna alanggu wimmu noudiga yayi jiayaka hiku jaji tapinu tana,mangnga hi ommiga kaku panewidanya napa manu mara dengangu wiggu.³⁸Pilatus natuturuya, "Gaananya nama wahangu naha wimugu.?hiPilatus lohungunanyaka ana tomaja datou Yahudi, mangnga hiwinaja, "Yana pamaraimi daeimangu doku jalana.³⁹Peanya mubuhakadiga kaku palohigiminya yana Raja tou Yahudi?"⁴⁰Mangnga hida pagapingu ada kayaka abi pahelamaganya natou nani jidinguka pahelagamanyaka hi Barabas!"Barabas touwu keduya.

Chapter 19

¹Pilatus dama raidanya Nama Rabba Yesus kagiki neinakanapadanya hida winna.²Da hodardadu dapa dowiya naka taku walingu tariya mangnga mangnga hidda taunanya takan tikuna nama Rabba yesus,hina pekena jelananya koapi kaka alahi duna.³Duda hida pagar ada lihinya nama Rabba yesus hiwida,"Salam nou Raja tou Yahudi!"jaka,duda daka baba ngoraYa.⁴Pilatus nalohungu balingu hiwinaja ," kami itayaya! akulohu idigiminya natouwu nei namangarangu Yesus naluhungu walingu lahi dumi nnyiami nyouwa adaku perega denganya nahalagu Aganananya."⁵Marai tekanya Nama Rabba Yesus Ana lohu idinya manga hiwinja Hi Pilatus kami itaya Nou atouna natou neiyi!"⁶Dapa Ama jaka dahoru Dadu ada itaya Nama Rabba Yesus, ada lohuidiya hi Pilatus kawulang Danyaka hiwida Hari kagamanya!"Napa gapija,hi pilatus hiwinaja maraibalija kami harikawikiminya,tomat hakuduku teka daku peamanya agananya nahalana Tou nei."⁷Natou YahudiNapagapinya Pilatus,"nyiami einya Nahakuna,natouneiyi namati hawinguha tomat napeka wikini Nyouwa Ana Allawa wini."⁸Ana Rangu tounounanyaka hi Palatus kikimangpatayaka ⁹Hana hilu tama idi baliya Nama Rabba Yesus Touma pengadilana,hina tuturu baliya nama Rabba yesus,"bayakawali yatekamu?jidinguka Nama Rabba Yesus dana peimanya.pilatus hiw¹⁰Pilatus hiwinnanya,dama pemanga Anyouwa nama panewi dengangu?jaka Dama peajelanaga angyouwa nama botahuya nahakung tapak doungu Yayi nama palohunya Natouwu jaka nama botahuya ana matiya?"¹¹Nama Rabba Yesus napagapinya ouwu Daeimangu hapeiamu akuduku teka Ngerangu pawonagunya nama wali dehangu.ya jiakadiyaka tangala dukana Natouwu hina maraiga nayouwa lahi ouwu,peala naduka jakalanaka Reihingu pabakuluya."¹²Arangu tounounanya Ana pagapinya daeahunya potiringu kaka palohunya kana manu mara awinna,jidinguka natou Yahudi kawulangunanyaka,"harikagamanya Nounamu pahelagamanya hi kaisar atounounamaka ouwu damu hilu oali atimanyaka hi kaisar."¹³Jaka Pilatus ana Ranguyaka nahiluna natouwu,hina louhu idinya tapengadilan manga hina ngodu denganya tagalu Litostroto jaka tahilu Ibrani jaka widanya Gabata.¹⁴Naladu Nouwu Rahim hadiananya tomat Arahinanya duka kabuanguda narahina inungu jaka angu ana eilanyaka na jammu namuyakaPilatus hiwidaja, Datou yahudi Yaeinyaka narajamu!"¹⁵mangnga, Duda hida kawulangu,"manga duna!"Pilatus Napa newi lahi duda,"jaka nyouwa ku salipuyaka na Rajamu?"Nadeawa nadewa nakal pala napa gapinya,"jiama Daimang bohuma hanya jiapaya hi kaisar!"¹⁶Mangnga, Pilatus hina habalinya Nama Rabba Yeus lahi duda kapi hakidanya hiwina¹⁷Nama Rabba Yesus Lohungunanyaka walingu tapenga dilan ana itaya Naaiharikana ada marainya tadoungu pingin paharika touwu nama narangu Golgota."¹⁸Nuoyaka Aharika Nounya jaka eijelaja Dama toma duaha dapa harika tounaja tala leina jaka talawanana jidinguka Nama Rabba yesus Tapak duaya.¹⁹Pilatus hina tuliya na huratu nama winna."nama Rabba yesus Tou NaZaRET Raja Tou yahidiya."²⁰Duku Danguya Natouwu Yahudi Nama bahaya napa tulina hi palatus napingi napingi paha rikadanya nama Rabba Yesus Dana maroumangu walingu ta koata napa tulina hi palatus dahilu ibrani,ngunanya, jaka Yunani.²¹Dapa Ama hiwidanya nakatua tou Yahudi Napa newi lahi pilatus,"Abi tuli,' Naraja Tou Yahudi,'jaka mituliya, natou neiyi,'nyouwa Raja Touwu Raja Yahudi."'²²Napa gaping hi pilatus,"Gananya nyouwa napa langa tiligu, jaka nama tuling!"²³Da tentara tahariya nama Rabba Yesus mangnga nakopina hidadenaja hida hira bagi patunanya hida meara meara maha jarikuya.²⁴Tangala Dukana da Hordadu hiwida abi hiramananya na kopina kapiku itadanya agananya tekaya nama jaji keriya naha winanguya.mieluya nahilu hirra mileaya kana gera nama kolinya."jaka nawini yayi kana kana matuli waingunya ta hurat bakul:jaka duda dabariha da gauwu lahi duda ngara dukada jaka hida leaha."Dedi nouna da prajurit ada paha lakuya ngara dukada.²⁵ Maiwinaka nama rabba yehu jiaka naangngu mahawa innana jakka weina hi klopas,jaka hi maria magdalena dedi danya talihi rahijajinya nama Rabba yehu.²⁶Nama Rabba yehu ana hamiliru nguka wua matana itananyaka nainnana jaka dala keada paha koalana dapa duku hangari namuna adadedi hiwinanya nainnana,iana yajidiwaka anamu.²⁷Hiwinaja dala keada paha koalana dana namamu nanni jiayaka nainami,dala keada paha koalana hiwinanya nainana Nama Rabba yehu nou atouna kamu ingatuya lahi nyiami.²⁸Ana peanyaka Nama Rabba yehu Tangala dukana ana mapinunguna alanga matulinguna tahuratu bakulu,manganga hiwina madougunyaka yaatouna!" ²⁹Tapa doungu nouwu einya na aru tana nama binu angguru hida dekiya nabunga ada luurunya taangguru hida parunya rowina Nama Rabba yehu.³⁰Ada mengayaka papainunya angguru narowina,Nama Rabba yehu panewinanyaka hiwinaja,³¹Naladu noukadika ladu rahim hadiayaka tama ladu inungu jiayaka angunanya natou yahudi, Toama abi datoama aka talalu hadiayi Taladu bakulu datou dapaha rika tahingu winna, mangnga datou Yahudi halakuda Nyaka lahi pilatus kapatadaja daoalida Nama Rabba Yesus wida, jiaka daka nawala kaha purujaya walingu taaiha rika wida.³²dahoru dadu halakudanyaka ada patadanya dawihida datou dapaha rika, walingu tama walingu tama kawunga jiaka tama hatouna,datoumanyaka Nama Rabba Yesus tadanyaka ana mati.³³Hatouwu nahoru dadu dekinanyaka namibuna ana kaduhukunanya namaina.³⁴Anajananyaka, namaina Nama Rabba Yesus, natana jajarunanyaka tameina jaka jajaru jelananyaka tatana pingi paharikadanya. ³⁵Tanga tangala dukana natou wu ada atawainyaka wuamatada aganananya nama jaji,keriya naha wina juangu.³⁶Touma,tangala dukana nama jaji yayi malangu linguyaka ta Hurat Bakul: ''Toama winna daeimangu hangi teka rigu nama walingu ta rougu.'' ³⁷Jaka,eijelanya ta Hurat Bakulu nama wina, "Tangala dukana natouwu nama einya itabolunanya agananya nama jaji akoajananya naweina." Nama Rabba Yesus tanuda nyaka tatana doungunanyaka padoungu tou mati.³⁸Ana ita tekayaka ana mati Nama Rabba Yesus, hiYusuf nama walingu ta Arimatea,na ana pahakoalana Nama Rabba Yesus halakananya ka lahi Pilatus ana kareinanya naka matina Nama Rabba Yesus kaka haporunya walingu taiharika kapiku tanugunya awina,natomanyaka hiPilipus hiwinanya hiwinanya hapurukigunya naka matinu Nama Rabba Yesus walingu ta aihariga kapiku tanugunya wiggu winanya napa gapinya hiPilatus huiyaya kamu hapurunya kapiku tanumunya winanya,alanga wina nounguka hiPilatus hapuru tekananya naka matina walingu taaiha rika manga hina tanunya.³⁹Nikodemus nama langa parega denganya Nama Rabba Yesus ana rangunyaka matina omijelanya ana idiya namingu nama duka wou momerangu jaka nawei lengihu dama duka wou hirituya.⁴⁰⁴o Hapuru, dengnga yakan naka matina Nama Rabba yesus hida kaborunya kaba kaka hida karuduhunya minya jaka weilengihu,Toma Atouna memanaka napatana natou Yahudi. ⁴¹Tapak Duongu nouwu einya narati napa koaja namanga malianguya,Nouyaka atanu nounya Nama Rabba yesus. ⁴²Tadalu noukadika ladu hadiananya natou Yahudi,Napingi hatanudanya maroumangu walingu jaka doumangu ayouwa.

Chapter 20

¹Babaru wehangu taladu minggu, Maria Makdalena halaku danyaka taratina Nama Rabba Yesus Ana Tomaka itanayaka narati ana taweiha.²Balinanyaka hadini palaina hina perega dengnganya Simon Petrus jaka dala keadaan paha kolana Nama Rabba Yesus hiwinaja pegehirunaka Daeimanya naka matina Tarati abayakaka ada tauyanya."³HiPetrus jaka daolina halakudelana taratina Nama Rabba Yesus. ⁴Dalakeada pahakoalana dama douha ada ranguyaka ada einya Nama Rabba Yesus taratina, Taladanya adalaha eiluya manga duki mouluna walingu lahi Petrus tarati nou ⁵Dataouma teka tarati adada eiluya jiapa na kaba kaka napa kaboruwainya nama einya.⁶Dedieka, ommidelajaka hiSimon petrus,hawingudanyaka ada toama tarati itadelanya na kaba kaka napa kaboruwaidanya nakamatina Nama Rabba Yesus.⁷Jidinguka narouwa napa rowa waidanya daolimangu heaka padoungu jaka einya.⁸Tama bohidanyaka tarati tangala dukada ada patetinya agananya nama jaji.⁹Adadi najaji paha tangala dukada nadada peamanya agananya nama matulingu TaHurat Bakulu,ngerana nakidi balina Nama Rabba Yesus walingu tayounga toumati.Nama Rabba Yesus Patekangu wikinanyaka lahi Maria Magdalena¹⁰Tangala duka ada itayaka ada einya naka matina Nama Rabba Yesus balidanyaka taumada hatou hatou.¹¹Jidinguka, hiMaria dedinanya talihi rati ana houwu.Tadu houna halinanyaka,nangarana Nama Rabba Yesus hiwina kabuta rati rara mata weiha korudidi watu maha goaku.¹²Awina nounguka hiMaria itananyaka dama Laikat nama mangu koapikakana ada ngodu tapa douna naka matina Nama Rabba Yesus,meara ngoduda nyaka taka tikuna tawihina.¹³Dama laikat dama toama duha tuturudanya hiMaria,"Gaiyi hibada hou tonoumu amu haliya?" Napa gapinguhi Maria tama malaikat,einguka nama dekiya naka nawana namorima jaka abayaka ada pagehirunya dama hilu peamanyaha.''¹⁴Awina nounguka,hiMaria nagilaku taka dengana itananyaka Nama Rabba Yesus ana dedi,jidinguka dana peamanya ajiaya Nama Rabba Yesus.¹⁵Nama Rabba Yesus natuturuya, "Gayi hibada hou? oatamu geara napa manyeramu?" napa pagapingu HiMaria, ''Mouri,aoukika nama pagehirunya naka nawana naMourima mupeakakiganya oahaakimukayaka ama touyanya,mumaraiga kaku halaku dekiya langka jimeahawa.''¹⁶Nama Rabba Yesus hiwina "HiMaria,"HiMaria hina beili ana patetingu mangnga hina kapoduku hiwina HiMaria waingu hilu Ibrani, "Rabuni'', naha meara noungu "Mourigu".¹⁷Nama Rabba Yesus hiwinanya aba badi keramamuga noutauna toama dadika halakumaha lahi Ama.jaka nouatouna kamu peakaja,winna kawimuja baligunyaka taAmagu wina nouikangu kawimuja naAmagu winna.'''¹⁸Balitakananyaka HiMaria Makdalena ana peakaja da ana pahakoalana Nama Rabba Yesus ,nyouwa kuitayaka Nama Rabba Yesus,jaka namu nama winaga mubaliwuya kamu peakagaja da angu wuangu winaga jiaya hiku peakagimi nyiami.Nama Rabba Yesus patekangu wikinanyaka tala keada pahakoalana.¹⁹ana malunguka apa today matanyaka, ngala dukada ada kabua bolung tarongu umma manga katuadanya tatou Yahudi,Nama Rabba Yesus hina dedi tapak doungu hiwinaja mika Nyuru mika nagami!"²⁰Awina Houjak, Nama Rabba Yesus hina patekaja dawewi paku talima jiaka napa koaja nawewi nibbu tamina lahi hammu, Tangala duka boluda Houhaka taegi ati tadiata koku.²¹Ana mengaka papa newi, Nama Rabba Yesus hina dedikaja dalimana hiwinaja, nou atouna.kami kayaya naha ngahu matua tangala duka bolumu." ²²Ami pohi pahukadaja,Dadoku jalana Natouwu tadalu ngarangu, engnga mapohingu mapodahunguda, jaka eikanguka touwu dama ma pohi podahunguna dadoku jalanan dana mapodahu pangalanguha ,"Nama Rabba Yesus patekangu wiki nanyaka lahi Tomas ²³ jaka nyiami kami hanga naruja Dadoku jalama Natou jaka daduku ladada dahaga naruto jeladaja jaka dami haga naruto jellakanyaka dana haga naruto jellamangimi hina karada lahi Tomas²⁴Tomas paha puluh madungu waiha Tala keada paha koalana nangara pengeringuna Didimusya, Dana peamanya nakidi bali nama Rabba Yesus aminya.²⁵Manga, Daolina hida peakanya," jaka ama itanya Nama Rabba Allah." Napa gapinya hi Tomas adadi kuitapaha dawewi paku Talimana jaka Daweiwi Nibbu tamenga Damainanya aku palakuya Naka Ragunlimagu Tawei paku jaka Nawewi nibu hakuduk teka daku waimangimi nyiami tangala dukka bulumi."²⁶walu buridungu,walu bualadu Dala keadaan pahakolada ada kabungu pangalangu,jaka Tomas eijalayaka.ngala duka boluda nama buni Toni parapituhingudaja,Nama Rabba Yesus Aminya Ana Dedi tapak dua lahi duda,manga hiwinaja,"mimarin malalami ngara dukami!"²⁷Manga, hiwinanya hi Tomas,"mupajolaja dakaragu limamu yayi jaka mipatotugaja dalimagu jaka mupajalaja dalimamu wohimi jaka mutauha tabagigu.Abi jingu dawaimamiga,jaka miwaiga!"²⁸Hi Tomas Napagapinya Nama Rabba Yesus,"Ya,moure jaka Ama!"²⁹Nama Rabba Yesus Napa newi," gananya nyiami nou atouna miwainya yimi ami itaya?Nawoaja kanyuru kanaga Natouwu Dama Itanya,jaka Nawainya."Napa kabur atina hi Yohanes Natuliya Tahurat bakul³⁰Duku Danguya naha woluna Nama Rabba Yesus jaka Dala keadaan pahakolana,Dama matulingu Tahurat bakulu.³¹Ya atouna,ngara dukana hina matulingu kami pikun waiga pedanya peadanyaka Nama Rabba Yesus ajiaya hi Kristus,Naanana nama Rabba Allah,jaka kana wainya nawua maninguna ata wainya, hita kolinya Nama morikumalodungu Tadalu ngarana.

Chapter 21

¹manga Nama Rabba Yesus patekanguwikinayaka tala keada paha koalada, toama Tiberias.tadalu pakangwikina ²Simon Petrus,Tomas nama pangeringu didiwu nataneas nama walingu takana taGalilea jaka da anana Zebedeus, jaka dama toama duah dala keada paha koalana atangari kabuanguda.³hiwina hi Simon Petrus tangala dukada yaatouna nyouwa halakugunya aku apa kaboku." hida pagapiga tangala dukada nyiami jelayaka halaku jelamanya ama maringu awidahouguka dehangudanyaka ta teana, jidinguka taridung nou damalihimangu kaboku pakoalida.⁴anagalatuka ana wehangu babaru hawingungu Nama Rabba Yesus dedinanyaka tawiwi tamalihi pingi paka wuada, jidinguka dalakeada paha koalana dadapeamanya jiaya Nama Rabba Yesus." ⁵hiwinaja aku huhu anagimi mukalikadinguka boaja napagapija dama malingu koalingu hawigugunaya.⁶hiwinaja noutouna kami jalatatoara karaha lawana teana, peala enga koalingu padangu ." hida kerikaya,adajala takaraha lawana teana dakena teka daka boku duku danguha dadamaraimaja adapaneha natiki pamajiraku najala⁷ada koalingupangalakanguka dala keadapaha koalana dama namuya Nama Rabba Yesus hiwidanya hi Petrus, '' neatha balijiaya hi mouri!'' rangutounounaka Simon Petrus ajiayaka Nama Rabba Yesus pakenananyaka nakoapina tangiru helamemananyaka, hina leijungu tatama anayagami mangnga hina toamaya.⁸dala keadaan paha koalana hawanguku balidanyaka tateana nama binu kaboku toama damamaraimangu napa duana Nama Rabba Yesus walingu tapigi pajalada adaku halakaka tangalada tautidungu walingu tapak doungu nouwu ⁹adada toamaka tatana mara itadajaka dala waapi nama eingu kaboku patununa jaka naroati.¹⁰hi wina Nama Rabba Yesus madiyaya malipira bei kaboku pakoalimi.¹¹Simon petrus hina dehangu tatena hina welaya najala Nama binu kaboku tatana mara,Dadanguka daka bouku hangahu tilu bua ladu peala ada duka hangari danguha daka boku dajala hakudak teka dana majirakmangu.¹²Nama Rabba Yesus hi winaja,"maiya kaangu."daimang hatouwu nama tuturuya Gerakawuka nama neiyi nama winanya?"Tomat dapeanyaka ajiaya Na Mourida. ¹³Nama Rabba yesus hi liaha hina dekiha da Roti ana wouaja jaka kaboku patunu.¹⁴padilu wudang nayaka nama Rabba Yesus Ana patekang wikina tala keadaan paha koalana,langa kidi bilinaka walingu Tajoanga Toumati. Nama Rabba Yesus Naka maikanya hi Petrus kamu jawaha Da beabu Da beabuna¹⁵Adamanyaka paangu, Nama Rabba Yesus hiwinanya Simon Petrus, " Na Anana Yohanes, munamu tekakadiwa walingu tangala dukada Dama eija ?" petrus napa gapinya,"Napeatekanya mouri, ouwu mupegaka akunamuwu."manga hiwinanya nama Rabba Yesus amu namu tekawa nou atuna kama jawaha Da beabu gu !"¹⁶wina jelanajaka nama RabbaYesus napa duduangu winguna,"Simon,Anana Yohanes, munamu tekakadiwa?" hi Petrus Napa gapingu,"Napa deningu Mouri , nyouwa aku namun tekawu."Nama Rabba Yesus hi winna,jawaha Dabeabu gu !"¹⁷Nama Rabba Yesus winna jelapaha Ana padilu wudanguna,"Simon,naanana Yohanes,munamu tekadahingu Nyouwa?" hidup atinayaka hi Petrus ana padilu wudang Nama Rabba Yesus Ana tuturuya munamutekadiwa awinnanya!"Nama Rabba Yesus Napanewi,"mu jawakadiha da beabu!"¹⁸yaiyi namadeingu naha wigungu abuatumaiwuha kamupinya nabagimu Kamu halaku Napa kabuatimu Jaka nou amukeradaka hida wolarupamujaka dalimamu jaka tou hawanguka napa pinya na bagimu mangnga hina maraigu tapak doungu damali peamu.¹⁹ hiwina noukanguka Nama Rabba Yesus toma weiga aharikaya hi Petrus maga danahilupeamanyaha nama Rabba allah ana mengayaka awina noungu, hiwinanya hi Petrus maiyaya kamu keriwa?²⁰hi Petrus nagilaku taka deangana itananyaka naoalina nama duku hagari namunanya Nama Rabba Yesus alanga jiaya nama ngodu talihina ada angu roti jaka adaangu angguru ana ngadu namaya namahina memanu nama tuturuya namoari agerajiayaka nama hukungu ati walingu yaiyi nyiama tangala dukana,²¹Ana itaya hi Petrus napapa tuturunya tama Rabba Yesus," mouri gikineikanaka gearanamu?"²²Nama Rabba Yesus napagapinya lapakungu oamibalinya ganakananyaka naha peamu ouwu jaka ouwu nowuatouna kamu keriwa nyouwa!" ²³mangnga napa newina Nama Rabba Yesus rangudajaka naagu nama peabolunya tangala dukana jaka nama tulijelaya tangala duka gearananya nama matina²⁴Ya jidiyaka nahuhu jaka naana nama peabolunya tangala duka boluna jaka Nama tulijelaya tangala duka gearananya nama waigu nama deningu.²⁵duku danguyaka natou napa halakuna Nama Rabba Yesus apedikahanginya gearanaha waina yata pinus tana naha meara noungu nalila witi jaka nalipa peakangu.

Acts

Chapter 1

¹Na hurat napa tulihugu nutu ta kawunga toarana ngala napa kerrana jaka napa peakang²Lappaka atomaya na laddu a pa deahaya, na mengaha ana woangu li pareaha waingu hangahu harrina da ata papaleawana dapa langa pedina.³Lahi duda, napa tekang wikina ana koling paliya nama mawilla, dangu tada papa tekkana ana morrik bali nama nouya ta patumbulu ladu jaka ana panewi dengaja na tua.⁴Ana oali maraija, jiaya ana peakaja abi jujakkanya na Yerusalem, enga ya kami nadinya napa tagumi waling lahi Ama, "napa langa rangumi lahi nyouwa,⁵Kadang hi Yohanes nama ihu waigimi wei, jidinguka peala amminya nama ihu waigimi hangahu harri, dana hilu ma deimang." Hi Yesus nama dedikung ta awang⁶Einya tadalu ada makeha bollu, ada patutur lahi duna "Moiri, jiakaya na nahi amu pakallu balinya na tana Israel?"⁷Na pagapija agannanya napa tuturuda, "Dajiamaya napa peami a pirranguya na rahi napa tau na hi Ama ana waingu biahana.⁸Jidinguka, jimi peala mi kollinya na kuwaha peala nahangahu harri ana purung lahi ou jaka jimi jiaya nama peaga ta Yerusalem, ngala dukana na tana Yudea jaka Samaria jaka hodu toma ta hupu duka tana."⁹Jaka, ana menga patiki bolluya, madedikung nanya ta awang hodu ada hilu ittaya.¹⁰Tangir patetedanyaha ta awang ana dehang, tikkina eija dana dedi toma duaha dama waing koapi kaka nama dedi takara hada,¹¹Napa panewi winna, "Jimi tou Galilea, ga hiki dedi ami pateting ta awang? Yesus nei, nama madedikung ta awang waling ta joangami peala ammi balinya toungu napa ittami nama jaji ya ana deahang ta awang." Pedi hatou ata papaleawa ma buang¹²Mengaka nou, balidanya ngala ata papaleawa ta Yerusalem waling ta pinnu letina, nangarana letin Zaitun, nama eingu talihi Yerusalem.¹³Ada koling paduki, dehang danya tabara deha, tapingi paengada, hajiaha dama eing. Hi Petrus, hi Yohanes, hi Yakobus, hi Andreas, hi Filipus, hi Tomas Bartolomeus, hi Matius, hi Yakobus anana hi Alfeus, jaka hi Simon natou Zelot. Zelot nahawidang jiaya nakabihu Yahudi nama kullih ana geanya nama paheli na kabihu Romawi nama waingu patau ta kabu tana.¹⁴Duda ngala dukana da kahanging pangadang ada habayang oali mawinida jaka hi Maria na inana hi Yesus jaka da oali beina hi Yesus.¹⁵Ta ladu nama pajurung, amminya hi Petrus na dedi ta joanga huhu anana nama makeha, enga eingu hangahu dombulu na danguda, hi winna, ¹⁶"Nattu aku oali beigimi, na hurrat bakul napinnu yaka, napa patomana hi hangahu harri lahi Daud na witi hi Yudas nama beija da tou nama appaya hi Yesus.¹⁷Kadang yannaga payapuya waling lahi iata jaka eingu patagu na tapa ullada.¹⁸Nou atouna, hi Yudas na hika hajiwit tana waingu kanogu dama kallung, jaka hina manau na katiku na tatana, nakabuna na beara, jaka ngala na ihi kabuna hina louhungu ana maweiwarung.¹⁹Ya ngala nama jaji na pea bollunya ngala na tou nama engang ta Yerusalem jiaya na tana nou hina ngarang Hakal Dama mearangu tana wei ra.²⁰Kadang, langa tulih danya hurrat Mazmur : "Mattakanya napa douna kana kahika, mattanya abi eingu ma engang nou, jaka mattakanya napa deitu tidduna kana dekiya tou hawanguk,"²¹Ya atounaka, ka eingu hatou nama taba nama oali juagama a einyaha nama rabba Yesus,²²Waling ana ihu hi Yohanes hodu atomaya na laddu hi Yesus ana madedikung ta awang waling ta joangada, einya hatou nama wai tadana ana kiddi bali hina maraida."²³Jiaya hi tauha toma dua, hi Yusuf napa kamaikang Barsabas, anang Yustus jaka hi Matias.²⁴Manga, da habayang, "Ou, Mouri nama peagamanya na atima. Patekka gama agearaya napa pedimu tadalu toma dua,²⁵Nama kerraya na deitu tidung, napa jujak kuna hi Yudas nama jala ana woluya hina dounya napa doungu napa manyera taguma²⁶Da woluja Ka'wua dama toma dua ha hi leaya dapa waingu, watu, kaligga jaka ri'i kawodu tadalu toma duna, nama kenna jiaya hi Matias jiayaka hi taba wainya ta habulu hangi da wihi limmana.

Chapter 2

¹Atomayaka na laddu ana purung na hangahu harri ngala dukada ei bolluja ada makeha hangi padou.²Tikki naka, rangudanya nama wali ta awang, nama poini jaji ngilu bangat, nama tama bollu ta umma napa dou ngoduda.³Jaka, ittaya nama magga lamma apiya nama erik nama jollattuja duda hatou - hatou.⁴Jiayaka, tamananya na hangahu harri jaka panewidanya waingu panewi heaka, toungu napa waana na hangahu harri lahi duda hida tikkiya. Napa tikki nama waling ta hangahu harri panewi dadi pakolling.⁵Nutu yannaga, eingu ngala tou Yahudi nama engang ta Yerusalem, da tou papa akang ma waling ta hajatta pinnu tana.⁶Jaka, a rangu yaka nama poini amminyaka ngala na tou dangu ada mangodang ada ranguhaka ada panewi waingu panewi taguda.⁷Duda ngala dukana dama ngoda denganya ada ittaya agannanya nama jaji, hi winna "Dajiadiha dama panewi hei da tou Galilea?⁸Jaka, giki nou ikang iata hatou - hatou a wainya napanewi taguda? Napanewi taguda napa waida nou ta pingi hawali?⁹Iata tou Partia, tou Media, tou Elam, ngala na tou Mesopotamia, tou Yudea, tou Kapadokia, tou Pontus, tou Asia,¹⁰Tou Firgia, tou Pamfilia, tou Mesir, jaka tatua Libia talihi Kirene, jaka dama gehir wali ta Roma¹¹Ngala tou Kreta jaka tou Arab jiama maranguka ada panewi waingu hiluda witina ngala dukana napa woluna hi Allah."¹²Jaka duda ngala dukada dama ngoda denganya ada lau-lau hangotar manga wida ada patutur wiki loluda "Ganna ikanya napa tikki?"¹³Jidinguka, na tou heaka namalik denganya jaka li'i hi wida "Duda mawuk dengang anggur bua danya." Hi Petrus wina ta tou dangu¹⁴jiaya, hi Petrus hina kiddi ana dedi dengaja dana habulu hangida da tou palanga papahigil, hina kawulang awinna lahi duda, " Ngala dukami tou Yahudi jaka ngala dukami nama engang ta Yerusalem, kami piku penya mi tengiya napa tikkigu.¹⁵Ngala na tou nama eing ya dana mawuk mang toungu napa pangadami, manga bohi jam hiwaya babaru.¹⁶Ya jiaya napa winnang hi Allah napa patomana na ata papaleawa na hi Yoel :¹⁷"Jaka peala ta laddu murina einya nama jaji winna na winina hi Allah : peala nyouwa ku hapuranya na hangahu harrigu lahi jimi ngala tou rara. Manga ngala anam moani jaka anam mawini da peangu pamanyura, jaka ngala na bua tou eingu pa ittada, jaka ngala tou mamatua waling lahi ou da kolling nipi.¹⁸Lappaku, ta ata gu moani jaka mawinni ku hapuruja hangahu harrigu ta laddu nou jaka da peangu ada ittaya nama jaji ta haga.¹⁹Jaka, ku patekkaja ngala na kanyuru nama waling ta awang bara deaha, jaka nama jaji ta bara wawa tapinnu tana, na ra jaka api jaka nahibu nama kotung.²⁰Namata laddu napa heapang jaji kapetta ding - dag jaka na wulang jaji wei ra ada di amminya na laddu na rahina hi Moiri.²¹Jaka agearata nama kawulang ana tikkiya na ngarana hi Moiri jiaya nama manumara."²²"Nyimi tou Israel mi ranguya agannanya napa tikkigu hi Yesus, nama waling ta Nazaret jiaya napa langa pedina hi Allah napa langa papa ittama lahi jimi ya hi Allah waingu tada ma biaha, jaka tada napa langa patekkana hi Allah ta joangami lahi duna, toungu napa langa pea tagumi²³Hi Yesus jiaya napa pajoalang toungu napa kabuna jaka napa pangadana manga langa pea moulu nanya hi Allah, mi ha matiya jaka mi tauya ai harika hida wewi limmanya ngala da tou katadak.²⁴Jidinguka hi Allah napa kiddi baliya, jaka napa louhunya waling tama haduka mati kadang dana tujja maya a einya tapa dou tou mati.²⁵Einya hi Daud ana tikkiya na witina hi Yesus "Nyouwa ku patetenya hi Moiri, einya takaraha lawanagu jiaya nyouwa daku goada mang.²⁶Nou jiaya, hina egi na atigu, jaka waingu lammagu ku wuatu haliya. Ku harainya na ihigu aku nadinya,²⁷Kadang ou damu woamawa tapa dou tou mati, damu matta maga tou pa langa papa higilumu au liya napa mati dengang²⁸Ou mu peakaga larangi morik. Mu woaga wei maringu malala ta hagamu."²⁹Natu ngala oali beigu, nyouwa ku tikkiya agannanya napa peagu na tutuna hi Daud na Amada tou Israel, namatika jaka hi tannuya, jaka na ratina ta itta yaha hodu toma laddu hina.³⁰Ya jiaya na wihi limmana jaka na penya a jiaya hi Allah nama wolu rahi lahi duna manga napa rangu, peala einya napa pangoduna hatou na huhu ana waling lahi Daud ta padoungu pingi papa reahana.³¹Ya jiaya hi Daud langa peananya agannanya nama jaji tahaga, langa peaka nanya witina ana kiddi bali hi Kristus "Duna dapa enga manya ta padoungu tou mati, jaka na ihina dana dukamang."³²Ya hi Yesus jiayaka napa pakiddi balina hi Allah, jaka jiama jiaya nama pea bollunya.³³Nou jiaya ana kolling papa jaga waingu limma lawana na hi Allah manga na kaya napa parahina hi Ama yana hangahu harri, na boanyaka lahi duna, toungu napa itta tou jellang napa rang.³⁴Kadang hi daud dana dehamang ta awang, jidika duna wina, "Hi Moiri na peakaya na winina 'Kamu ngodu takaraha lawanagu,³⁵Hodu aku tauha ngala nama geagu kamu leti wainya wihimu."³⁶"Ya jiaya jimi ngala dukami kabihu Israel kami pea tekanya ajiaya hi Allah napa jajinya Moiri jaka Kristus, napa taumi ta ai harika nama jaji Moiri jaka Kristus.³⁷Ada ranguyaka agannanya nama jaji nama lara madoru na atida, jiaya hina patutur lahi Petrus jaka ta ana papaleawana hawanguk, "Aku oali beigimi tang bollumi, ganna kanya napa woluma anang napa keraha?"³⁸Napa gaping hi Petrus, "Kamu haria yaya jaka kamu weaku a ihuwu tangara marabba Yesus Kristus kana pohi poddah huha da doku jalamu, jaka kamu kollinya na hangahu harri.³⁹Kadang, na rahi napa woana tutu munya ou jaka ngala da anami, jaka ngala na tou nama ma rou dadi ma wainya anang dama keriya."⁴⁰Jaka, na dangu napa tikki hawanguk, hi Petrus napa louhu bollu nyaka ngala napa ittama nama patetekang jaka napeaka panungaja ngala dukada, winna, "Pamanumara ya na ihi wikimu waling tama irak!"⁴¹Ngala na tou nama kaya agannanya napa patomana hi Petrus, hi ihuha jaka waling laddu nou hida taba da tou hida toma tillu ribu tou. Pingi pakabuanguna ngala na tou nama langa keriya⁴²Duda engada pakabuangu ada kahilu rangu agannanya napa patomada napa wihi limmana jaka da kahanging, jaka da bebearaha da kababa hi angu ta Perjamuan Kudus. Langa patiki nanya hi Yesus ta huhu anana a woluya na Perjamuan Kudus, kanamu wainya duna jaka a habayang.⁴³Houha ta mange'at a ittaya ngala nama jaji napa woluda da ata papaleawana.⁴⁴Ngala tou nama keriya makeha bollu danya ada ka hanging, jaka agannanya nama einguda, patagu bolludaja.⁴⁵Da dagaja ngala ma einguda, toungu hapo ati hi ha bari bollunya na tou agearaya dama einguna hatou-hatou.⁴⁶Wehang-wehang, da kahanginya na atida ada makeha bollu ta ummana hi Allah jaka da bebeara kababa ta hangi uma - hangi uma. Hida meara angu houha ta egi ati jaka ma loayang ati.⁴⁷da wuatu haliya pangalanya hi Allah, jaka taba danguna na tou nama buhaja. Jaka wehang-wehang eingu mataba hi Moiri jiaya nama tabaha dama toma pirraha, ya jiaya ngala na tou napa manumara.

Chapter 3

¹Einya na laddu, hi Petrus jaka hi Yohanes ada halaku ta ummana hi Allah tarahi habayang, ya ta jam tillu mamalung.²Manga einya hatou na moani dama mokang waling takabu inana napa deitu. Wehang - wehang napa tau ta binna bakkul ta ummana hi Allah. Napa pangarang binna bakkul manadang. Na binna nou pingi papa nadinguya. Takarahana na umma Allah jia jellaya nama patanya nakaraha ummana ngala da tou Yahudi jaka takaraha apdou mawini dama karei hakuduk aku nama einguna ta tou nama mai ta umma Allah.³Ana itta haku hi Petrus jaka hi Yohanes kana tama awida ta umma Allah, kareinanyaka hakuduk.⁴Pateti danyaka, manga hi Petrus winnanya, "Patetigama jiama."⁵Nouna tou weiga napa tetija duda hi Petrus jaka hi Yohanes ana tegiha ana manungu ada woakinya agannanya.⁶Jidinguka, hi Petrus winna, "Nyouwa da eing magu perak anang emas, jidinguka agannanya nama eingugu ku woagunya. Tangarana hi Kristus Yesus na tou Nazaret nutu, kiddi jaka muhalaku."⁷Amminya hi Petrus na kerra nanya na limma lawanana na tou nou hina pakiddiya ana dedi. Wali nounaka ana wihina jaka na koku wihina hina kullihu.⁸Takahuk nanya ana dedi ana kamang pahalaku. Hi Yohanes ottu jellanya halaku ana takahuk nutu nei jaka hina pamalangu ya hi Allah.⁹Ngala na tou nama eingu da ittaya ana halaku jaka ana wuatu haliya hi Allah.¹⁰Hida penya ajiaya nama ei juangu ana ngodu ta binna tama ta umma Allah nama karei jua. Mangodang deadanya ada ittaya nama jaji hi Petrus panewi nanya ta tou dangu.¹¹Enga pangala naka ana kerranya hi Petrus jaka Yohanes ngala na tou nama eingu ottuja palai ada tomanya ta binna Salomo.¹²Ana ittahaka hi Petrus da tou dangu hi winnaja "Jimi ngala tou Israel, gannanya napa mangodang dengami ami ittaya nama jaji anang ga himi bada kadurama magga toungu biaha ma jiamaya hina kiddi jaka halaku yana tou?¹³Na Allah na hi Abraham jaka Ishak jaka hi Yakub na Allah na na ama peangu inna weadama napa biaha madiya na atana, hi Yesus, napa pajoalami jaka juharunya lahi Pilatus ana kolling ha bottahuya apa hellaya.¹⁴Ya jiayaka, himi juharunya napa langa papahigil jaka nama padeneng, jaka himi karei nouya na tou nama hamati oalina ana heapaya hi Yesus.¹⁵Jimi mi hamatiya nama woangu morik, na papakiddi balina hi Allah waling ta joanga tou mati. Witi yayi jiama jiama nama penya.¹⁶Jaka nama toungu namaninguda ta ngarana ya hi Yesus nama woanya kullih na moani napa langa ittami jaka nama peami nei, jaka namanning nama eingu mawaling lahi duna ya nama woangu tegah moani napa itta bollumi tahagami.¹⁷Ya atouna, aku oali beigimi, ku peagimi himi wolukayaka kadang dami penya tou jellana napa woluna ngala dam pareahami¹⁸Ya jiaya, napa patoma na hi Allah hina pali nounya napa patomada da wihi limmana a einya peala hi Kristus ana liya nama willa, napa hupuya.¹⁹Ya atounaka, haria yaya jaka habali baling lahi Allah tennag na doku jalamu kena poahi poddah huha.²⁰Na woagu kaloaga hi Moiri jaka napa leawaya hi Kristus waling ta kawungana napa pataguna gu ya jiayaka hi Yesus,²¹Nama eingu ta surga hodu atomaya ana palijak baliya ngala dukana toungu napa langa patomana hi Allah napa paledina ta ata papa leawana dapa langa papahigil nutu hanadugga.²²Hi Musa winna "Hi Allah peala napa kiddi baligunya hatou na ata papa leawana waling ta joanga oali beimu toungu nyouwa, kami ranguya agannanya napa tikkina lahi ou.²³Peala einya nama jaji, a gearakay dama ranguya na ata papalewana yayi jiaya hipa murrahuya waling ta joanga da.²⁴Jaka, ngala ata papaleawana dama langa tikkiya, waling lahi Samuel jaka eijaha hawanguk dama langa lollukuya nama jajai ta ladduya.²⁵Jimi jiamika huhu anana waling ta ata papaleawana jaka pa langa hamadduna hi Allah ta ama peangu ina weada da ana patomanya na winina lahi Abraham "Jiaya peala na huhu anamu ngala na tou ta pinnu tana hiku pamaringu malalaya.²⁶Hi Allah, ana pakiddi balinyaka na ata na hina paleawagimi nya hina pamaringu malalami, tennang jimi hatou - hatou kami malouhu waling tana jurrak."

Chapter 4

¹A einya hi Petrus jaka hi Yohanes ada woangu panewi ta tou dangu, tikkina ammi jaka da imam-imam, jaka kepala penjaga bait Allah jaka na tou Saduki,²Dama waingu bani, witina a peakanya na tou dangu apa larangi danya lahi Yesus einya na kiddi bli waling ta joanga tou mati.³Jiayaka nama hawiting hi appaha hi Petrus jaka hi Yohanes apa tomaja ta gallu hodu ana wehang mang riddung.⁴Jidinguka, na dangu na tou nama hanguya napa patomada dapa wai wihi limmana dama wainya jaka hi eingu mataba hi keri tomada lima ribu tou.⁵Tomaka wehang, ngala mapareaha Yahudi jaka dama bokkul jaka da ahli Taurat pakehang danya ta Yerusalem.⁶Einya na Ratu Bakkul Hanas jaka hi Kayafas, hi Yohanes, hi Aleksander jaka ngala na tou heaka da oali beina na Ratu Bakkul.⁷Eijaka hi Petrus jaka hi Yohanes ta joangada duda anang tahagada patuturdanyaka, "Gama biahaya napa waimi anang geara ngara nanya ami woluya ya nama toungu?"⁸Manga na pagapija hi Petrus waingu hangahu harri nama eingu lahi duna winna, " Jimi mapareaha jaka mabokkul,⁹Ami tutur kana ka laddu hina kadang napa wolumi yana tou hina tegah denganya?¹⁰Jaka nam kami pe wainya ngala dukami jaka ngala tou Israel ajiaya na ngarana hi Kristus Yesus, na tou Nazaret napa harikami, napa pakiddi balina hi Allah waling ta joanga tou mati, ya dunaka nama dedi ta arumu nouyaka ana tegah.¹¹Hi Yesus jiaya "Na watu paleayana tou nama peangu pawolu umma, ya jimi tagu nama jaji watu badil.¹²Jaka da eimang manumara ka lahi gearakaya kadang da eimang ngara heaka ta wawana na awang napa woa ta tou rara ami wainya na ngara ya himi manumara."¹³Ada ittayaka ana tara bani ya hi Petrus jaka hi Yohanes manga da penya ada tou hakoalaha dama eingu hapeana. Jiaya hida mangoda dengaja jaka hida patada ja hi peja ajiaha nama marainya hi Yesus.¹⁴Manga, ada ittayaka na tou nama tegah ana dedi takaraha hi Petrus jaka hi Yohanes, dada hilu pageamaya.¹⁵Jidinguka, paleawa daja hi Petrus jaka hi Yohanes louhung panewi meahadanya duda.¹⁶Winnaka, " Giki noungu widaja ya da tou dama toma duaha? Kadang ittayaka na tada biaha madi dama eingu mearana nama jaji napa woluda nama totak napa ittawaida mata ngala dukami jimi nama eingu ta Yerusalem, jaka data hillu patodda manya.¹⁷Nou nammu, abi ntaba luaru ana ranguya tou, mai ka heiruja abi da hilu lollukuya ta tou nangara nutu.¹⁸Tikkina, kamaikadaja hi Petrus jaka hi Yohanes, panoudaja atoma duaha abi hilu lollukuya anang peakanya aganna nanya tangarana hi Yesus.¹⁹Nou jiayaka hi Petrus jaka hi Yohanes dapa gaping, "Mi botah kadiya abeinya nama padeneng ta haga na hi Allah?²⁰Kadang jiama dana peamangu pakaburinya agannanya napa ittama jaka napa ranguma."²¹Jiayaka, engada ada pamange'atuya hi Petrus jaka hi Yohanes, manga pahella haka, hida halaku, ada einguka larangida a pahalaha jaka a hukuja, manga na dangu jellana tou nama pamalanguya hi Allah ada ittayaka tora nama jaji.²²Kadang, einya na tou nama tegah wainya napata biaha yayi na reihi patum bulu doungu ana morrikuha.²³Apa hella haka, halaku danya hi Petrus jaka hi Yohanes bali danya ta oalida mangu lolluku bolludanya agannanya napa tikkida da Ratu - Ratu Bakkul jaka dam bokul lahi duda.²⁴Ada rangu bolluyaka da oalina kamaika danya nangarana nama wolu tau hi Allah wida, "Ou Mouri, ouka nama pajajinya na awang jaka na pinnu tana, na tahik jaka ngala na ihina,²⁵Kana waingu hangahu harri, ana patomanya hi Daud na bokuma ama peanguma "Gawali naka leabu tana - kaleabu tana heaka hina tagu teada, ana ittaya dama eingu gauna?²⁶Ngala tou peangu ta pinnu tana makeha danya kana geanya hi Moiri jaka jiaya napa langa papahigil.²⁷Kadang, ta padouda eibollu jaka ada makeha kama geanya hi Yesus, na atamu, napa langa papahigil, napa langa pamari malalamu, toungu hi Herodes jaka hi Pontius Pilatus, oali deada ngala kaleabu tana, jaka ngala tou Israel.²⁸Pahalakuya ngala dukana napa peamu amu woluya waling ta kawunga adadi na jaji waingu biaha madimu.²⁹Nou atounaka, ou Moiri, ittaha ada geagama jaka woagama kullihu ama pahalakuya na winimu,³⁰Pajoalanya limma kana teggah nama kadauk jaka muwolu tada jaka agannanya nama jaji waingu biaha mu ta ngarana hi Yesus na atamu napa langa papahigilu³¹Houhaka, ada habayang, gadduk nanya napa doungu pingi pangoduda jaka tama naja hangahu harri enga taguna ada patomanya na winina hi Allah hida taba maddung.Pata morrikuna na tou nama keriya³²Ngala na tou nama keriya na kahanging na atida jaka napa ngadanguda. Daeimang hatou akka nama tikki agannanya nama einguna, patagu meaha nanya dunna, jidinguka agannanya patagu bolludanya.³³Waingu biaha madina dama keri ukuya na ata papaleawa ana patomanya agannanya napa ittana witi kiddi balina hi Moiri Yesus jaka napa awi panamu dama keri uku jellaya nama binnu lahi iata.³⁴Da eimang hatou aka nama willa napa hina lahi duda kadang ngala nama eingu talakana anang umma daganya na hina idiya.³⁵Jaka tauya ta wihina na ata papaleawana na manga hi habarija hi woanya agearaya dama einguna.³⁶Tou jellana hi Yusuf napa kamaikang, Barnabas, nama hameara lakeada pagiddak waing, tou Lewi ya walina ta Siprus.³⁷Jiaya nama dagang talaka, napa taguna hina idiha da ritti na tauya ta wihina na ata papaleawana.

Chapter 5

¹Jidinguka, einya hatou na moani nangarana hi Ananias, regga araweina, nangarana hi Safira, dagaja ngala ma einguna.² Jaka pa meara peadanya, hi Ananias na pattuha hawanguk na hi tana na tutuna duna, jaka hawanguk na idiha ana tauha ta wihina na ata papaleawana.³Nading, hi Petrus winanya, "Hi Ananias, gawali na moritana hi einya ta atimu, jiaya himu kawaluk ta hangahu harri jaka himmu patuha hawanguk na hina natanamu nou?⁴Adadi daganya, na tana nou patagumunya ou? Jaka a kolling padaganya na hina ou nama penya? Ga hi einya ta papangadamu ana woluya ta atimu? Dawaluk mamunya ta tou rara jidika lahi Allah wu."⁵Manga ana rangu yaka na hillu nou, hi Ananias boppa nanyaka jaka bottah nanyaka na hangahuna. Jiayaka, hina mange'at teka na tou nama ranguya nama jaji nou.⁶Ammi jaka nama toma pirraha da bua moani hida ubulluya manga hi hadduluya taha bali iddi manga hi tanunya.⁷Tikkina, toma tillu jam na araweina hi Ananias, da eimang hapeana agannanya nama jaji.⁸Wina hi Petrus lahi duna, "Tikkiganya nyouwa, to nou tekana na tana napa dagami?" Napagaping hi Safira, " Oa, to nou tekkana."⁹Mang hi Petrus winnanya "Gawali jimi harega lami mi kahanging ammi kamanya hi Moiri? Kamu patetinya na wewi wihina na tou nama tanu gunya na la'mu eijaha heilau ta a'a binna jaka duda jella dama deituwu taha balihidi."¹⁰Tikkina, hi Safira boppa nanyaka ta aruna hi Petrus jaka duka naka na hangahuna. Manga ammi jaka da bua moani, dapa tetinya hi Safira na matika, jiayaka hida hadduluya tahabali iddi jaka da tanunya takaraha na lana.¹¹Jiayaka napa mange'at dengana waling ngala huhu anana jaka na tou nama rangu yayi.Tada biahana hi Allah¹²Dangu tada biaha jaka dapa pea waingu nama jaji ta joanga tou dangu nama waling ta limma ata papaleawa da kahanging ada makeha ta aru umma Salomo.¹³Daeimang tou heaka nama weak papakeha dengaja jidika ngala tou pa'aka oataja.¹⁴Mang, taba dangu nanya na tou nama wainya jaka nama keriya hi Moiri, tou karana ana dangu moani jaka mawinni.¹⁵Nou jiayaka, hida toma adeituya ngala na tou kadauku toma ta larangi jaka pamaturuya ta pinnu rakang jaka ta tappu pedang tenang a ammikanya hi Petrus, malli mawu ana nama kenaya nama toma pirraha.¹⁶Jaka, na da jellang na tou nama waling ta paraingu ta lihi Yerusalem ammi bollunya ana maraingu tou kadauku jaka ngala na tou napa tamang mori tana jaka ngala dukana na tegah. Na ata papaleawa appa danya.¹⁷Jidinguka da Ratu Bakkul amminya maraija ngala nama keriya, ya jiaya na kabihu Saduki¹⁸Na appaha ngala na ata papaleawa hina patamanya ta gallu ta paraingu.¹⁹Jidika, ana ridung einya nama malaikat Allah naweha ngala na binna ta gallu hina maraija taha bali kiddi, winna,²⁰"Halakuwu, kamu dedi ta umma Allah jaka kamu patomanya ngala na winni morrik nutu ta tou dangu."²¹Ada rangu yaka, toma ana wehang tama danyaka ummana hi Allah jaka hina palaranginya nama hawiting da Ratu Bakkul jaka da pamaraina hina paleawa ta Mahkama Agama ada makeha jaka ngala Majelis Tua-Tua Israel, hina paleawaha ta gallu ana maraija da ata papaleawa ana aruja.²²Jidika, ana tomaka na tou papaleawa dana paregga denga manya na ata papaleawa ta gallu mangaka hida bali hina idi li peaka.²³Winna "Jiama ana tomaka ta gallu da binna dama kuhing jaka ngala dama tagu jawa ta a'a binna eija, jidika ana weha yaka, dama ittamang tou hatou akka ta roungu gallu."²⁴Ya nama tagu jawaya na umma Allah jaka da Imam Kapala ada ranguyaka nama idi li'i wali ta gallu, damangoda denganya nama jaji hida patuturu wiki loluda giki nou ikana nama jaji.²⁵Tikkina omminyaka hatou nama peakaja duda, "Ittaya! Huttu na tou napa patamami ta gallu eija ada dedi ta umma Allah jaga peakadanya na tou dangu."²⁶Jiaya hi ottuja nama jawa umma Allah jaka da oalina ada halaku maraija na ata papaleawa ya, da waimangu bani ada mange'at ana tauha watu na tou dangu.²⁷Ada kolling pamaraija hi Petrus jaka hi Yohanes, maraida ja lahi Sanhedrin. Manga, na Ratu Bakkul jiaya nama tuturuha.²⁸Winna "Jiama maheiru gimika waingu bani tenang abi mi hillu parangunya na ngara nou, jidinguka mi peaka bollunyaka ngala Yerusalem na wini amu tikkiya manga napa kabuni kapa deitudanya na wei ra na na tou nei lahi jiama."²⁹Jidika hi Petrus jaka na ata papaleawa hawanguk da pagaping, "Jiama reihi pa'akamanya hi Allah waling ta tou rara.³⁰Na Allah na ama peangu jiaya nama pakiddi baliya hi Yesus, napa hamatimi himi tearunya ta ai harika .³¹Hi Allah na dedikunya tama jaga ta limma lawanana hina jaji nama bara deaha jaka nama pamanumara ma na woaja harada tou Israel jaka dama poahingu da doku jala.³²Manga jiama jiamaka nama penya jaka nama itta bolluya nama jaji, tou jellana na hangahu harri napa langa woana hi Allah ngala ta tou nama pa'akanya."³³Ada ranguyaka na hilu yayi, hiddu atidanyaka jaka eingu kabuha kama hamati da ata papaleawa wida.³⁴Jidinguka einya na tou Farisi na ngarana hi Gamaliel tou papa akanguya, tou hapeanguya anang tou peanguya guru Taurat tuya, jiaya nama kiddi ana dedi ta hagana hi Sanhedrin hina paleawaha tenang yana ata papaleawaka louhu idika tahabali kiddi hakuduk.³⁵Mengaka, hi winnaja da tou Israel "Jimi tou Israel, mi pangada pakalunya agannanya napa wolumija da tou hei.³⁶Kadang, pirak nutu, einya hi Teudas, nama tikki wikina tou ta aru manga eija dama keriya tikki hatoma pata ngahu tou. Tikki pana, ha matiya jaka ngala nama keriya daka ihak bolluka hodu ada hillu eingu.³⁷Menga hika nou hi Teudas, ammi linya hi Yudas na tou Galilea nama kiddi, naoa jellang nama keriya duna hamati jellaya manga ngala nama keriya ka ihak jellaka.³⁸Ya jiaya, ta mahala ya, hiku peakagimi abi eikang hawolumi lahi duda jaka pahellaha. Ajidiya napa woluda, awali kana ta tou rara, jaka da toma maya da eimang hina.³⁹Jidinguka, awali kana lahi Allah, dami toma maya ami heirunya. Tikkipana, jimi geaminya hi Allah."⁴⁰Napa kerika agannanya napa tikkina hi Gamaliel. Manga kamaikadaja ka dama toma duaha da ata papaleawa, paludaja jaka heiruja ada tikkiya na ngarana hi Yesus, manga hipa hellaha.⁴¹Manga louhung danya hida halaku houha ta egi ati malik mata, ada kolling mawilla, bani tangarana hi Yesus.⁴²Jaka wehang - wehang engada ta umma Allah jaka da nahi umma ada halaku ada peakaya jaka ada patomanya na winina hi Yesus Kristus.

Chapter 6

¹ta ladu nutu ada taba pangalang nama kerinya,aminya ada panewi takadenga ada pangikiwingu kada napatagadu nama winni balu dengaja awoaja pa angu weahang-weahang.²Jiayaka, nama habulu duba ha na ata papaleawa dakamaikanya ngala dama keriha hi widaja, "Jiama dana kallumangu adam betikanya ka na winina tadalu awoanya pa angu tutu tou rara. Pareihing mawini balu jaka tou milla.³Ya jiayaka, aku oali beigimi, kami pedi toma pitu tou waling lahi jimi napa pemi nama kallung, nama kolling hani jaka pangadang peangu, hina pediya kana hamanuya napa kerang.⁴Manga jiama, ka engama kahuda ta habayang jaka ama pahalakuya na winina."⁵Ya napa kareina da o'anya ngala huhu anana. Jaka, hida pediya hi Stefanus, nama kullih namanninguna jaka hangahu harri. Jaka hi Filipus Prokhorus, Nikanor, Timon, Parmenas, Jaka Nikolaus, tou Porselit waling ta Antiokhia.⁶Ngala dukada hi maraija ta haga ata papaleawa, hi habayaja jaka natauya na limma na ta pinnu katikuda.⁷Nawinina hi Allah taba inaruna ana labat jaka da huhu anana ta Yerusalem taba danguka. Tou jellana danguna da Imam dama mai dana pakeri.Appadanya hi Stepanus⁸Hi Stepanus, nama kolling kanyuru kanaga jaka ku waha, ana wolu tada biaha madi ta joanga tou dangu.⁹Eija dama toma pirrah waling ta huhu ana Yahudi napa tikki huhu ana tou Liberit, nama keriya mawaling ta Kirene jaka waling lahi Aleksandria da oali jellang tou waling ta Kilikia jaka Asia kiddi ana pagea denganya hi Stepanus.¹⁰Jidinguka, dada toma mang ada geanya napa langa bottah jaka na hangahu harri hina peangu ana tikkiya.¹¹Tikki naka, peaka hawolung danya ta tou nama toma pirahha peala kami panewi, "Jiama maranguya neina oada ana ngiki wainya hi Musa jaka hi Allah!"¹²Jiayaka nama hawiting ngala dukana nama dangu hida appaya hi Stepanus ada douraya ada marainya ta hagana hi Sanhedrin.¹³Dakamaikang tou walluk wina "Na tou nei napa louhung hilu nama geanya na padoungu biaha jaka da nuku Taurat.¹⁴Kadang jiama maranguya taguya ana panewi, ya hi Yesus nama waling ta Nazaret kaku weaharuya napadoungu ya jaka kupaheapanya na nuku hara napalanga woluna hi Musa lahi iata."¹⁵Ada kolling patetinya na hadana hi Stefanus, ya ngala na tou nama ngodu lahi Sanhedrin da ittaya na hadana toungu hada malaikat.

Chapter 7

¹Mangaka, na Ratu Bakkul wina, "Penya tonou tekana?"²Hi Stefanus napa gaping, "Aku oali beigimi jaka aku ama gimi, kami ranguwa. Hi Allah nama reihi biaha madi napa tekkang wikina ta ama peanguda, hi Abraham, ana enganguha ta Mesopotamia, adadi na engang ta Haran.³Hi winanya, "Kamu louhung waling ta tanamu jaka ta joanga oali beimu, manga kamu halaku ta tana napa patekkang lahi ou.⁴Jiayaka, hi Abraham hina jujakunya na tana tou Kasdim hina engang ta Haran. Wali nou naka, ana matika na ama na, hi Allah napaleawaya gehir tapa padou pingi pa eigu ta atouna.⁵Jidika, hi Allah dana woamanya hapoati pataguna, japa hajiwit tana dawoanya, jidika eingu papeakananya yana tana jiaya napa woagu gu jaka na huhu anamu. Jiakuka dadi eimang anana nutu.⁶Jidinguka, wina nawinina, na huhu anana na jaji tou tama joanga jaka pali atanya jaka paheliya nama angu patu ngahu doung.⁷Jidinguka peala ku hukunya na kaleabu tana, nama wolu ya ata, wina na winina "Jaka menga nou hi louhung wali nou hida pakabuang ada wuatu haliwa ta padoungu ya."⁸Mangu hi Allah nawoanya rahi sunat, manga hi Abraham ei nyaka na anana hi Ishak manga na sunat ana tomaka walu laddu, jaka hi Ishak jiaya na amana hi Yakub, jaka hi Yakub napa anaja nama tom habulu duba tou dama jaji ama bokuda.⁹Kadang dana buhanya hi Yusuf, da bokuda hi daganya ta Mesir. Jidinguka, hi Allah na oali marainya hi Yusuf,¹⁰jaka napa kaloagaya waling tama ma willa, jaka nawoanya kanyuru kanaga jaka pangadang kalung ta hagana hi Firaun, na Raja Mesir, nama pangoduya hina jaji tou nama papareaha ta Mesir jaka ngala kuwahana.¹¹tikina einyaka jaji einya nakaroba tana ta tana Mesir jaka ta Kanaan, hida liya nama willa dama keri ukunya. Jiaya na ama peangu ina weada hida eingu pa'anguda.¹²Jiayaka, ana ranguka hu Yakub ta Mesir ajiaya nama eingu pa'angu jiaya hina paleawaya na bokuda nutu lau, jiaya nakawunga halakuda.¹³Napa pa duang waida ada halaku, hi Yusuf napeaka wiki na ta oali beina, jiaya na oali beina hi Yusuf hinya penya hi Firaun.¹⁴Wali nou na, hi Yusuf hina pangiding li'i ana kamaikanya hi Yakub na amana, jaka ngala na oali beina dama toma pitumbulu lima na danguda.¹⁵Jiayaka hi Yakub hi amminya ta Mesir hodu ana mati noungu, duna jaka na ama peanguda iata.¹⁶Waling nimi lau, hi gehir ta Sikhem jaka hina ma turu ta rati napa langa hina hi Abraham waingu a pirrana na ritti waling ta anana hi Hemor ta Sikhem.¹⁷Jidinguka, ana mara ranika na rahi napa wolu nou, napa langa papatoma na hi Allah lahi Abraham, na tou taba dangu na ta Mesir.¹⁸Hodu eingu raja nama buang nama pareaha ta Mesir, dama penya na pingi hawaling hi Yusuf.¹⁹Na raja ya napa hi nounya ana pahidu ha da ama peangu ma manga paleawaha le'aha da lakeada ana rara hida eingu mamorrik.²⁰Tomaka ana jaji hi Musa nama kadigil ana ittaya hi Allah da pamatuaya na amana hodu tillu wulang.²¹A kolling pa le'aya, hina ittaya na mawini Firaun hina dekiya ana pamatua ya toungu ana taguna.²²Manga hi Musa hi peakanya wainya pangadang peangu tou Mesir jaka hina peangu papanewi jaka agannanya napa woluna.²³Tikkina hi Musa ana tomaka patumbuli doungu, einyaka ta pangadanguna kaku toma ja da oali biegu, awina na walla wuana waling ta Israel.²⁴Einya ana ittaya na tou napa tau tou Mesir, amminya hi Musa ana gatanya na tou napa tauda hina hamatiya na tou Mesir nou.²⁵Tapa pangadana hi Musa jaka dapeaga da oali beigu touna hi Moiri ana gataja li lahi duna, jidinguka dada peamanya.²⁶Ana weha lingu, hi Musa amminya hina tomanya na tou Israel nama pataungu, jiaya hina uruhu ana padamija hi wina "Nam jimi da oali beidimi, gawali himi patau wikimi?"²⁷Jidinguka, yana tou nama patau weaga najuharrunya hi Musa taka rahana, manga wina, "Geara nama woluwu ou nam papareaha jaka nama uruhuma jiama?²⁸Anang kaku hamatiya wimmuga toungu nutu amu hamatiya na tou Mesir?"²⁹Naranguyaka napa tikkina, yana tou palai nanyaka hi Musa hina jaji tou patomang ta tana Midian. Nou lau hina pa anaja dama toma dua lakeada moani.³⁰Tomaka patum bulu doung, einya na malaikat nama pattekang wikina lahi Musa ta marada ginang ta leti Sinai, ta erik api nama waling ta libu ai.³¹Ana ittayaka hi Musa, mangodang nanya agannanya napa ittana. Amminya ana lihinya ana eatuya, wing amminyaka na li'ina hi Moiri,³²"Nyouwa ya Allah na ha ama peangumu, Allah Abraham, jaka Allah Ishak, jaka Allah Yakub kawiduk nanya hi Musa ana mange'at jaka dana hilu tara bari maha pa ealuya.³³Aminya na winina nama rabba Allah lahi duna "Palouhuja da tara wihimu kadang napa doungu pingi padedimu padoungu biahaya.³⁴Ku ittayaka na lara palina na huhu anagu nama eingu ta Mesir, manga kuranguha ada dangu. Jaka, ammi gaka aku purung aku palouhuja. Ya atouna mai nimmi, nyouwa ku paleawawu ta tana Mesir.³⁵Hi Musa, napa juharung manga widanya "Geara nama woluwu nama papareaha jaka nama haki ma jiama?" Duna jiaya na tou napa paleawana hi Allah nama pahalakunya nama papareaha jaka napa louhuja, napa idi malaikat napa tekkang wikina ta libu ai.³⁶ N tou nei nama palouhuja, nama wolu tada biaha ta tana Mesir ta Tahik Rara, jaka ta mareda ginang hodu toma patum bulu doung.³⁷Hi Musa jella nama panewi ta tou Israel, hi Allah napa kiddi gunya tutu tagumu hatou nabi toungu nyouwa ta joanga oali beimu.³⁸Jiaya nama eingu ta joanga huhu anana ta mareda ginang ta joanga malaikat hina panewi ta leti Sinai, jaka na ama peangu da, nama kaya na wini morrik napa patoma nada iata.³⁹Na ama peangu da dana kerimaya hi Musa, jidinguka da eimang ma weaku, nama eingu ta atida kana bali ta tana Mesir.⁴⁰Widanya hi Harun "Wolugama kahala tou nama halaku ana moulugama, kadang hi Musa yayi nama beigama ana louhung wali ta tana Mesir, dama peamanya agannanya nama jaji lahi duna.⁴¹Jiayaka nutu, hida woluya naka hala tou nama pahadang ana beabu jaka dama nuatu wainya naka hala ana beabu manga da egi denganya agannanya napa wolu taguda.⁴²Jidinguka, hi Allah dana betimaja kadeanga naja ana mattaja ada pabuatuya na bala tentara langit toungu napa tulih ta hurrat nabinabi, "Eikadinya ami idiga lahi nyouwa beabu padoru jaka manuatung hodu toma patum bulu doung ta mareda ginang, jimi tou Israel?⁴³Mi idinya na kema Molokh jaka bintang dewamu, Refan, na kahala tou napa wolumi ami karadanya, jaka nyouwa ku lipa leami ta habali Babel."⁴⁴Na ama peangu, eingu baga pingi makeha ta mareda ginna toungu napa papaleawana hi Allah lahi Musa, ka woluya toungu tahadana napa langa itta.⁴⁵Ada kolling pa kaya na baga nou, na ama peangu da na idi baliya ta tanada ta wawa pareahana hi Yosua, ada parima balinya na tarada wali ta tou heaka, napa langa pamarouna hi Allah waling ta ama peangu hodu toma ana pareaha hi Daud.⁴⁶Hi daud na kolling milla ati loyi kaku lahi Allah manga napa ohaya kana pahellanya padoungu pingi pa einya hi Allah Yakub.⁴⁷Jidinguka, hi Salomo jiaya nama padedinya padoungu tutuna hi Allah.⁴⁸Tikkina, nama pareihi jaga dana enga mang ta umma anang tapa doung pawolu tou rara, toungu na patikkina na ata papaleawana.⁴⁹"Na awang pingi padedinguya jaka na pinnu tana pingi paletigu. Ga ummaya napa wolumiga, wina na winina hi Moiri, anang gapa dounguya pingi pangodugu?⁵⁰Dajia diya nalimmagu nama peangu pawolunya ngala dukana yayi?"⁵¹Nani, jimi tou nama malatung katiku waingu ati jaka kahilu dapa kahapi, mi geanya nahangahu harri, toungu napa wolu ama peangu jaka jimi.⁵²Gegearaha na ata papaleawa dapa pahidduna na ama peangumu? Jaka hamatiya ngala na tou nama patoma moulunya nimi amminya hi Kristus, manga napa juharrumi jaka napa hamatimi.⁵³Langa peminyaka na nuku Taurat, napa langa patoma na ngala malaikat, jidingu dami waimanya!.Hamatiya hi Stepanus⁵⁴Ada ranguka agannanya nama jaji, jiaya napa wajal ati dengaja jaka hida pakigitungu ngidu.⁵⁵Jidinguka, ya hi Yohanes nama binnu hangahu harri natangara ta awang mangu na ittaya na biaha madina hi Allah jaka hi Yesus nama dedi takaraha lawana na hi Allah.⁵⁶Hi Stepanus winna, "Ranguya! Ku itta ya na awang ana taweha jaka na ana tou rara ana dedi takaraha lawanana hi Allah."⁵⁷Tikkina kawula-wulang danya waingu kadoaka manga da toaniha dakahiluda, abi marangu awida jaka hida roatinya ada apa'ya hi Stepanus.⁵⁸Manga da douraya tahabali hidi hida kabeanaya watu. Wali noungu duda dama itta mataya da deki ya na koapina ada tauya ta wihina na buamoni nama ngarang Saulus.⁵⁹Enga taguna ada kabeanaya hi Stepanus ana kamaikanya ta habayang wina "Moiri Yesus, mu kaganya na ngahugu."⁶⁰Tomaka, ana ngodu karada kawulang nanya waing kadoaka, "Moiri, abi padeitu kaja jala lahi duda!" Jaka ana mengaka papanewi matinanya.

Chapter 8

¹Hi Saulus na o'anya hi Stefanus aha matiya. Hi Saulus napa dukaya na huhu ana ta Yerusalem ana hamatiya. Ta laddu nou, dapa dukaya na tou ada tauya hida ka ihak tagu ngala tapa doungu ta Yudea jaka ta Samaria.²Ngala na tou tutu tiddi nama tanunya hi Stefanus jaka nama houkinya.³Jidiyaka engana ana manyerang larangi kaku hamati ya na huhu ana ana nahi umma. Na douraya moani jaka mawini ana woaha kapatamaja ta gallu.Hi Filipus napatomanya na winina ta Samaria.⁴Hou weiga, dama ka'ihak jiahaka dama ada patomanya na wini kallung.⁵Hi Filipus nahalaku ta padou Samaria ana tikkiya hi Kristus.⁶Ada ranguya napa tikki hi Filipus, da wainya manga napa ittaja tada.⁷Kadang, ngala napa tamang moritana da kallung da louhung waling ta tou napatamang, dakawulang jaka dangu tou kaliku jaka nama kabeaku napa pategah.⁸Jiayaka nou, hi einya na egi ati malik mata tapadoungu nou.⁹Tikkina einya nama ngarang Simon na tou kabali mata ta padoung nou nam pananganga tou Samaria, ana tikki wikina tou bakkul anang tou peang.¹⁰Ngala na tou waling tam merrah lapaka tam matua, wida, "Na tou nei jiaya na biaha hi Allah napa tikki 'bakkul'."¹¹Jiaya hi manninya, madeiyaka ana wolu pamanganga dengada ana kabali mata.¹²Jidika no atounaka keridanya hi Filipus nama patomanya na wini kallung witi Kerajaan Allah jaka nangara Maraba Yesus, daha raingu wiki da hida ihu ta moani jaka ta mawini.¹³Lapaka hi Simon na wainya jaka menga pa ihu ya, ei pangalanya ta lihi hi Filipus, manga ana ittanguka tada biaha jaka tada dapa kali itta nama jaji.¹⁴Nutu yannaga, da ata papaleawa ta Yerusalem ada rangu yaka ta Samaria da kayaka nawini nahi Allah, paleawadanya hi Petrus jaka hi Yohanes ta tou nimi lau,¹⁵da tomaka hida habayanya na tou Samaria kada kolling hangahu harri¹⁶Kadang, na hangahu harri dadi napuru mang lahi duda, kadang duda jiapaya a ihuka tangarana hi Moiri Yesus.¹⁷Hodu a pakalanya limma ta katiku hi Petrus jaka Yohanes hida kolingu hangahu harri.¹⁸Ana ittaka hi Simon na hangahu harri a woakaya waingu pakalang limma ta katikuda da huhu anana, jiaya hi Simon kaku hiya hi wina anang kaku woaja riti wina. ¹⁹Wina jella "Woajellaga tada biaha madi tenang ngala na tou napa pakalagu limma kamakuya nahangahu harri."²⁰Jidinguka, hi Petrus winanya "Annakaya na rittimu kana dukang tou jellang dumu kadang ou napa pangadang peala mu kollinya amu hi wainya ritti na kanyuru kanaga waling lahi Allah.²¹Da eimang tagumu anang hapeamu toara nama jajiya, kadang na atimu dana lurruh mang tahagana hi Allah.²²Jaka, kamu haria waing waling tama jurrak manga habayang lahi Moiri kana millagu ati a eikang jalamu.²³Kadang, ku ittaya na atimu toungu kapiddu nama piddu jaka engamu amu buhanya nama jurrak."²⁴Hi Simon napagaping wina mi habayaga lahi Moiri tenang agannanya napa tikkimu abina li'i lahi nyouwa."²⁵Ada kolling palolluk bollunya manga dapa tomanyaka ngala winina hi Moiri hida bali ta Yerusalem ada toma ta larangi dalau - lau patomanya na winina kallung a nahi paraingu ta Samaria.Filipus na ihuya na tou Etiopia²⁶Amminya nama malaikat nama wina lahi Filipus " Mukiddi kamu halaku tahabali, ta larangi, nama purung waling ta Yerusalem nama arung ta Gaza. Einya na larangi nama kahika.²⁷Manga hi ottunya hi Filipus manga ei jellanya na tou Etiopia seorang sida - sida , nama halaku ta Yerusalem lipa wuatu haliya hi Moiri.²⁸Nimi amminya ta larangi ana bali hina ngodu ta motur manga baha jellananya na hurrat Yesaya.²⁹Amminya nahangahu harri lahi Filipus, "Hui halaku jaka pakehang ta motur nou."³⁰Ottunya ka hi Filipus ana palai ta motur hina rangu ya na tou nou nama bahaya hurrat Nabi Yesaya winnanya hi Filipus ana tuturuya, "Mupeakadiya na ihina agannanya napa bahamu?"³¹Penya, nounam a eipang hatou nama peakaga?" Jiayaka hina kamaikanya hi Filipus kana dehang jaka ngodu denganya.³²Na wini napa bahana wina, "Toungu heingu bebau a' idiya ta padou pingi pa doru, jaka toungu heingu beabu adadi gutinya na wuluna adana poini dana weha a'ana³³Ana liyaka nama willa malara, dama patu'a parimadanya lahi duna. Gearakaka nama penya na pingi pa walina? Kadang na ihina waling tapinnu tana."³⁴Tikkina napagaping na sida-sida winanya hi Filipus, "Kukareiwu ou kamu palaranginya geara torananya napa tikina na ata papaleawa, witi ihi tagunanya anang witi tou heaka?"³⁵Manga hi Filipus wina waling na Hurrat Bakkul yayi witinanya hi Yesus Kristus.³⁶Engada ha talarangi ada halaku pangalang, hida tomaya na padoungu nama eing weina, mang da sida-sida wina, "Ealuyaha, einyauna wei! Gannanya nama toaniwa a' ihukaka?"³⁷Hina pagapinya, "Atouna ou amu waidinya waling ta atimu, da gikimana." Manga napagaping wina, " Nyouwa ka wainya a jiaya hi Kristus Yesus na ana Allah."³⁸Tikkina, na sida-sida napa paleawaya kana padediya na motur, manga duda toma dua purung danya ta wei, hi Filipus jaka sida-sida, manga hi Filipus hina ihuya.³⁹Ana kolling palouhung wali ta wei, nahangahuna hi Moiri napalai idiya hi Filipus jaka na sida-sida dana hilu itta maya ha. Manga pangalang nanya ana halaku nouya ta egi ati malik mata.⁴⁰Tikki panaka hi Filipus einyaka ta Asdod, analiya na padoungu nou patoma jellananya na winina ta padoungu nou hodu ana duki ta Kaisarea.

Chapter 9

¹Tikkina, hi Saulus engana ana pamange'at jaka na hamatiha ngala na huhu anana hi Moiri, manga nahaganya na Ratu Bakkul.²Manga nakarei hurrat waling lahi duna napa idita Damsyik tenang ageara nama keriya a moaniya anang ana winiya, hina piaku ana maraija ana apaha kapa tamaja ta gallu ta Yerusalem.³Nutu ta larangi ana arung ta Damsyik, tikkina dapeadenga manya a einya nama wahang nama pahulu nama wolitugama.⁴Jiaya nama mana'u tatana manga einya na li'i nama wina, "Saulus, Saulus, gawali himu hamatiwa nyouwa?"⁵Manga na tuturuya hi Paulus, "Gearawu ou, Moiri?" Manga wina, "Nyouwa jiaya hi Yesus napa hamatimu.⁶Jidinguka, kiddi jaka kamu tama ta paraingu manga peala da tikkigunya agannanya napa wolumu."⁷Ngala na tou nama marainya hi Saulus engada dedi da eimang ma panewi ada rangu yakana li'i nou, mang da eimang paita gearaya.⁸Hi Saulus kiddi nanya ana dedi waling ta tana, manga hina wallanya na matana, jidinguka dana hilu ittamangu. Manga hi kera wainya limma a tama idiya ta Damsyik.⁹Na toma tillu laddu adana itta manga dana angu jaka dana inung.¹⁰Nou weiga ta Damsyik, einya hatou nama keriya hi Moiri nangarana Anania. Winanya hi Moiri, Ana panewi denganya "Ananias!" Napa gapinya "Ya nyouwa Moiri."¹¹Winanya, "Kiddi jaka halaku ta larangi napa tikki larangi lurruh, ta ummana hi Yudas nama ha touna waling habulu duba ata papaleawa. Manyeranya na tou Tarsis nama ngarang Saulus, nou engana habayang.¹²Ta papangadana na ittaya a amminya nama ngarang Ananias ana pakalanya limma ta katikuna ajiaya hina itta bali."¹³Napa gaping hi Ananias, "Moiri, kuranguyaka waling ta tou dangu witina na tou nei, toukara na danguna napa woluna nama jurrak tahagada da huhu anamu dapa langa papahigil ta Yerusalem,¹⁴mang, ya woanya kuwaha hada ratu-ratu kepala kapiku apaha ngala na tou nama tikkigunya na ngaramu."¹⁵Jidinguka hi Moiri wina, "Halaku na tou nei jiaya napa li ledigu aku pediya kana idiganya na ngaragu ta tou heaka, jaka na raja tou jellang na tou Israel.¹⁶Jiaya ku patekka nanya nama tou karana danguna nama willa witu ngaragu."¹⁷manga, hi Ananias ottunyaka ana tama ta umma nou, manga napa kalanya na limmana ta katikuna hi Saulus, wina, "Oali beigu, Saulus, hi Moiri Yesus nama patekkang wikina lahi ou ta larangi a ammigu, jiaya nama pakawawa kamu itta balii waingu hangahu harrina."¹⁸Mang dana madeimang, maga toungu napi kaboku nama nau wali ta matana manga hina itta bali. Mangaka, kiddi nanya jaka hi ihuya. Hi Saulus patoma nanyaka nama hawiting hi Yesus¹⁹Manga, na anguka, hi Saulus kullih bali nanyaka, marainanyaka ngala na huhu anana ta Damsyik nama toma pirra laddu.²⁰Wali nounaka patomananyaka na winina hi Yesus ta Sinagoge - Sinagoge hi wina, "Hi Yesus jiaya na ana Allah."²¹Ngala na tou nama ranguya nama ngoda denganya manga wida, "Pa jiadiya nama eingu ta Yerusalem nama hamatiya na tou nama tikkiya na ngara nou manga nama amming ya kapiku apaya jaka pinya tahaga ratu-ratu kapala?"²²Jidinguka, hi Saulus taba kullihuna jaka napajiriya ngala na tou Yahudi nama engang ta Damsyik ana patekkanya hi Yesus jiaya hi Kristus.²³Na tomaka pirra laddu, ngala tou Yahudi parahing wikidanya ahamatiya hi Saulus.²⁴Jidingu napa kabu da nama jurrak napeanya hi Saulus dajakaya na bina bokkul ridung laddu kama piaku hamatiya.²⁵Jidinguka ana ridung dama keriya daha purunya li ta pinnu gallu bihi ada pajoalanya bara wawa a wainya kawukat panganang. Hi Saulus ta Yerusalem²⁶Na dukika ta Yerusalem, ottunyaka ana pakehang ta huhu anana. Jidinguka, ngala dukada da mange'at tauya dda waimanya duna a huhu anaya.²⁷Tikkina, hi Barnabas naha manuya hi Saulus hina marainya ta ata papaleawana. Manga hina lolluku bolluya ana ittaya hi Yesus ana halaku talarangi manga ana panewi denganya manga dana hilu patodanya ana tikkiya na ngarana hi Yesus ta Damsyik.²⁸Manga marai juadaka ada tama louhung waling ta Yerusalem dada hilu mange'at ada tikkiya nangarana hi Moiri²⁹Duna napanewi ana geaja da tou Helenis, jidika ealudanya bina ka hamatiya.³⁰ Ada ranguka da oali bei ta hangi manning, maraidanya purung ta Kaisarea jaka paleawaya ta Tarsus.³¹Ngala huhu ana nama eing ta Yudea,Galilea jaka Samaria houha tamaringu ati apa buhang wiki, houha tamorrik amange'atunya hi Moiri jaka na hodarruha hangahu harri, ami pangalaja ada taba dangu.Hi Petrus ta padou ta lida jaka ta Yope³²Einya nutu hi Petrus ana nahi paraingu, manga na toma jellaja ngala na tou napa langa papahigil nama eingu ta Lida.³³Toma nou lau napa rega denganya hi Eneas nama langa walu douna ana maturu kadang ana karaka.³⁴Manga winnanya, "Eneas hi Kristus Yesus napa tegahuwu. Kiddiya jaka panyinyak yaya napadou juddamu!" Dama madeimang, hi Eneas kiddinanya.³⁵Manga ngala na tou nama eingu ta Lida jaka ta Saron da ittayaka duna jiaya hida keri baliya hi Moiri.³⁶Eijellanya ta Yope, na huhu ana mawini nangarana hi tabita anang hi Dorkas. Nama buhang woluya nama kalung jaka dana kapiaha mang, nawoang oalina.³⁷Da peadenga nanya ana kadauk manga mati. Menga pa ihuya hi pamaturuya ta korung bara deaha.³⁸Na paraingu Lida dapa lihi Yope, jia hida geaha rangu hi Petrus a einya nou lau hipa leawaya toma dua lipa ealunya hi Petrus, "Peakanya ka amminya nimmi ta padouma jiama."³⁹Kiddinanya hi amminya maraija napa lipa ealuya. Na dukika maraidanya ta korrung bara deaha. Ngala mawini balu dedi takarahang hi Petrus ada hou, da patekkanya ngala napa kerana hi Dorkas ada oalinyaha ana morrik.⁴⁰Jidinguka, hi Petrus paleawaha louhung tahabali lihi, manga na ngodu ana habayang. Manga na gillakunya nama mati manga wina, " Tabita, kiddi ya," Manga ya na mawini hina hawalanya na matana hina ittaya hi Petrus ngodu nanyaka.⁴¹Manga hina pajoalanya limma ana keranya hina dedi. Kamaikanaja da tou jaka da mawini balu hina peakaya hi Tabita ana morrik.⁴²Agannanya ya nama jaji, rangu bollunanya na tou Yope manga danguka tou nama keriya hi Moiri.⁴³Jiaya hi Petrus hina enga letang nama pirra ladduna ta Yope hina engang ta oalina nama ngarang Simon nama wolu kalitu.

Chapter 10

¹Ta Kaisarea, einya nama ngarang Kornelis, nama jaji perwira, pasukan Italia,²Tou tutu tidi mange'atuya hi Allah tou jellana ngala tou nama eing ta ummana na, nawoang oalina dama kapiahamaya jaka habaya pangalang lahi Allah.³Einya mamalung, eingu jam tillu einya napa ittana nama patekkang wikina na malaikat Allah amminya manga wina, "Kornelius!"⁴Manga hina ealuya jaka ana mange'at mang winanya "Gannanya ya Moiri?" Manga na malaikat napa gapinya "Nahabayangumu, jaka nawoang oalimu nai tomaka ta awang lahi Allah, na namuwu hi Allah.⁵Nou atouna paleawaya na tou ta Yope jaka kamaikanya hatou nama ngarang Simon napa tiki Petrus,⁶Einya ana engang lahi Simon nama uruh kalitu na ummana einya ta wiwi tahik."⁷Ana balika na malaikat, kamaikananya toma dua tou atana jaka hatou palihi nama maringu atina waling ta tou nama tagu layang anang nama tagu deki agannanya napa waina.⁸Ana kolling papa larangi bolluya paleawa naja ta Yope.⁹Wehanguka a enga daha talarangi manga alihinyaka na paraing nou, toma ana didar na laddu enga ta jam habulu duba, ottunya hi Petrus ana dehang ta umma ana habayang.¹⁰Tikina, karobangnanya jaka angu wina, manga tangir ana uruh pa'angu na tou, hi Petrus eingu pa ittana napa patekkananya.¹¹Ittananya na awang ana taweha manga na purung nama magu kabu nama belar nama matearung taka bihu nama pabuda nama purung ta tana.¹²Manga ta ronguna, eingu ngala madaga nama patung wihina, manga madaga ta pinnu tana jaka ngala mawurung ta ngilu.¹³Tikina rangunanya na hi nama winanya, "Kiddinya, Petrus, kamu doruya manga anguya."¹⁴Tikkina hi Petrus na pagaping, "Da'ah, Moiri. Manga nyouwa daku amangu agannanya nama biaha anang dapa helling."¹⁵Hilu amminya na li'i ana padua waing, "Gannanya napa woana hi Allah abimu pabiamaya."¹⁶Hilu ammi jellanya ana padilung, manga dapea dengamanya madedikung nanya ta awang.¹⁷Hi Petrus engana hangotar ana pangadanya nama jaji napa ittana, tikkina itta naja da tou dapa paleawana Simon, engana ana dedi ta a'a binna bakkul.¹⁸Pakamaikang danya, ana tuturuya hi Simon anang hi Petrus einya nou lau.¹⁹Enganaha hi Petrus ana pangadanya agannanya napa ittaha, einya napa ranguna li'i nama wina, "Ammija dama toma tillunya na moani nama manyerra.²⁰Kiddi, kam purung, kam halaku maraija abi ingar kadang nyouwa nam paleawaya."²¹Manga purung nanya hi Petrus ana parega dengaja manga winaja, "Nyouwa jiawaka pamanyerami. Gannanya napa ammi denga gimi?"²²Widdanya, "Hi Kornelius na perwira, na tou patu'a nama mange'atunya hi Allah, nama kallung ati wali ngala tou Yahudi, napa panamungu malaikat a ammigu ta umma na jaka kamu ranguya napa tikkina."²³Hi Petrus na tama idiha ta umma hida dou ana wehang ada kiddika hida halaku maraing mang ei jellaja nama waling ta Yope hida marai deang.²⁴Tomaka pirra laddu, dukkidenya ta Kaisarea. Einyaka hi Kornelius nama nadija manga na kamaikaja na oali beina jaku da oalina hida makeha.²⁵Ottunya tama hi Petrus, manga hi amminya hi Koenelius nama gatanya nama hamuku ta wihina, ana karadanya hi Petrus²⁶Jidika hi Petrus na patuya winanya, "Mu kiddi, nyouwa tou rara kadiwa."²⁷Tangiruna hi Petrus ada panewi denganya hi Kornelius, ottu jellanya ana tama hina tomaja da tou dama makeha.²⁸Hi Petrus winaja, "Mi penyaka na tou Yahudi aheirunya ana oalinya na tou heaka, jidika hi Allah hapeakaga abi tikki dingu laka gearaya biaha anang paheling.²⁹Jiaya, hida ku malatung ami kamaikaga manga hi amiga. Nou atouna, kututurumi gannanya napa tikkimiga himi kamaikaga nyouwa?"³⁰Manga hi Kornelius wina, "Pattu laddu nama langa loppah, touna ya ta jam hiwa tangir habayangu ta ummagu, tikina einya nama dedi ta hagagu, nama waingu koapi nama billa - billana.³¹Manga wina, 'Kornelius, na habayangumu na ranguyaka jaka amu woangu oalimu na namuha hi Allah.³²Paleawa tou ta Yope kana lipa dekiya hi Simon anang hi Petrus. Nama dou ta oalina, nama wolu kalitu, ta wiwi tahik.'³³Jiaya, hiku paleawa tou lahi ou manga himu buhang a ammigu. Nou atouna ei bolludaka ya ta haga hi Allah kata ranguya agannanya napa papaleawana da hi Moiri."³⁴Manga wina hi Petrus, "Ya atouna, ku itta tekkaya napa woluna hi Allah ada eingu hapedi jaka pajaung.³⁵Tenang, ngala na tou nama mange'atunya jaka nama buhang woluya nama patu'a, jiaya napa buhana.³⁶Jiaya na winina napa patomana ta tou Israel nawini kallung namorrik pabuhang wiki lahi Kristus Yesus, jiaya hi Moiri waling ngala dukana tou rara.³⁷Jimi mi pea tagunya agannanya nama jaji ngala ta tana Yudea, waling ta Galilea, amenga hi Yohanes ana lollukuya na ihu,³⁸witi hi Yesus nama wali ta Nazaret, giki nouna hi Allah ana pamari-malalaya waingu hangahu harri jaka biaha madina na. Halaku ana nahi paraingu ana woluya nama kallung jaka ana pategah tou napa kamanga moritana kadang hi Allah nama hadidi karahaya.³⁹Jiama jiamaka nama itta mataya ngala napa woluna hi Yesus waling ta tana Yahudi lapaka ta Yerusalem. Duda dama hamatiya hi Yesus ada tearunya ta ai harika⁴⁰Tikkina hi Allah napa kiddi baliya ta laddu ka tillu manga napa hellanya ana patekkang wikina,⁴¹dama patekkang wiki bollu mana ta tou dangu, jidika lahi jiama nama itta mataya napa langa pedina hi Allah waling takawunga, nama angu jaka inung denganya ana kolling pakiddi bali ta joanga tou mati.⁴²Manga, nama paleawama jiama ana patomanya ta tou dangu jaka patekkanya, ajiayaka duna napa pedina hi Allah nama jaji haki ta tou morrik jaka tou mati.⁴³Lahi Duna, ngala nabi panewi ngala na tou nama wainya na ngarana na kolling ana poahiha da doku jala waingu ngarana."Hi Allah napa tekkanya ana buha bollunya na tou rara⁴⁴Tangir panewina hi Petrus nou purung nanya na hangahu harri ta tou dangu nama ranguya napa tikina nou nawinina.⁴⁵Jaka, ngala na tou nama langa keriya jaka na tou napa langa kahapi nama marainya hi Petrus dama ngoda denganya ada ittaya na hangahu harri napa boanaja, jaka ta tana hawanguk.⁴⁶Kadang ada ranguya ngala na tou ana panewi waling tanga ngala panewi ana pamalanguya hi Allah. Manga wina hi Petrus,⁴⁷"Eikang tou dama woangu wei a ihu kaka ta tou nama langa kolling hangahu harri toungu iata yayi?"⁴⁸Jiayaka, hi Petrus hina papaleawa ka ihuha tangara na hi Yesus Kristus. Tikina ngala na tou kareinanya hi Petrus kana madak leta hodu toma pirra laddu.

Chapter 11

¹Tangiruna, na ata papaleawa jaka ngala nam pa oali being hangi manninguda nama eing ta Yudea da ranguya ngala kaleabu tana da kayaka na wini morrik nama waling lahi Allah.²Jiayaka, ana toma hi Petrus ta Yerusalem, da tou nama langa wainya paka ngila denganya hi Petrus.³Widanya, "Muhalaku ta umma tou kafir jaka mu oali a dengaja."⁴Jiaya hi Petrus hina palarangidanya, wina,⁵"Nyouwa tangir habayangu gu ta Yope, manga daku pea waimanya a einya napa ittagu nama toungu hawella kaba bellar nama purung manga eija dama patuda daka bihu wali ta awang hodu ana toma ta arugu.⁶Manga ku patetinya, hiku ittaha ngala nama daga dam patung wihina tapinnu tana, da madaga maha wada, jaka dama daga ta tana jaka mawurung ta ngilu.⁷Manga einya na li'i napa rangugu, "Kiddi, Petrus kamu doru jaka kamu angu."⁸Manga wigunya, "Da ah Moiri. Kadang, daku kali amang pa angu dama murrah."⁹Tikina, na hilu pagapina ana padua waingu waling ta awang "Gannanya napa langa pamurrahuna abi hilu taunya mamanyarik!"¹⁰Napa dilung aku ittaya, manga deaha baling nanya ta awang.¹¹T ikina, eija dapa paleawa toma tilluha nama aming ta umma pingi pa eiga dama waling ta Kaisarea.¹²Manga einya na li'i nama winaga kamu halaku maraija abimu ingar ka. Ei jellaja dana toma nammuya da oaligu dana maraiga manga hima tama ta umma nou.¹³Manga, jiaya nama patomanya ana ittaya na malaikat ana dedi ta ummana manga winanya, "Paleawa tou ta Yope kana kamaikanya hi Simon anang hi Petrus ka amminya nimi.¹⁴Jiaya nama patoma giminya li'i panou manga himi kollinya na manumara, ou tagu jaka ngala na tou nama eingu ta umamu,"¹⁵Tangi panewigu, amminya na hangahu harri nama purung lahi duda, toungu takawunga nama jaji lahi iata.¹⁶Jiaya, hi keri namugunya napa tikina hi Moiri, "Hi Yohanes ana ihukaka waingu wei, jidika jimi ihumi waingu hangahu harri.¹⁷Jiaya, hi Allah na woangu kanyuru maha meara toungu lahi iata ata kolling hawainya hi Moiri Yesus Kristus, geara ikawa hiku heirunya hi Allah?"¹⁸Ada rangu bollu yaka ngala napa tikki na kalunguka ada pangadanya jiaya hida wuatu haliya hi Allah, manga wida "Atoukanaka hi Allah na woaja kaloaga jaka haria hi kollinya namorrik kalung."Na winina na tomaka ta Antiokhia¹⁹Manga, na dangu na tou nama ka ihak witi pada hidu jaka rengu-langu napa hida nama jaji ta li matina hi Stefanus, da ka ihak toma ta Fenisia, Siprus, jaka Antiokhia, da eimang matikiya na winina hi Moiri lahi geara hing jiapa ta tou Yahudi.²⁰Eija toma pirraya waling lahi duda ngala tou Siprus jaka Kirena nama aming ta Antiokhia jaka da panewi dengaja da tou Helenis dapa tomanya na winina hi Moiri Yesus.²¹Na limmana hi Moiri naha didi karahami ngala tou nama wainya bali nanya lahi Moiri.²²Napata Morrikuda napa halakuda yayi na tomaka ta Yerusalem, jiaya hipaleawaya hi Barnabas ta Antiokhia.²³Na tomaka hina ittaya namilla atina hi Allah, manga hina egi na atina napeaka bolluja kada haraingu wikida lahi Moiri wainya na atida nama maddung.²⁴Hi Barnabas tou kallung atiya, na binnunya hangahu harri jaka manning, ngala na tou dangu namarainya lahi Moiri.²⁵Tikina, hi Barnabas halakunanya ta Tarsus ana manyeranya hi Paulus.²⁶Ana kolling paparega denganya hina marainya ta Antiokhia. Hodu toma hangi doung hida parega dengaja na huhu ana manga na peakanya ngala tou dangu. Manga ta Antiokhia ngala huhu anana jiaya nakawungana Antiokhia "Tou Kristen".²⁷Tala laddu nou, eija toma pirraha da huhu anana nama waling ta Yerusalem amminya ta Antiokhia.²⁸Einya hjatou waling lahi duda nama ngarang Agabus nama kiddi ana manyura amminya na karoba tana dama keri uku nama jaji ta pinnu tana. Jaka, na jaji peala ta wawa pareahana hi Klaudius.²⁹Jiaya hi einya napa bottah ta tana ka pangiding agannanya napa kehada torra ma einguda hatou-hatou ta oali huhu ana lahi Moiri hangi manning nama eingu ta Yudea.³⁰Ya jia jellanya napa woluda, apangiding agannaya ta ratu Gereja napa patomada hi Barnabas jaka hi Saulus.

Chapter 12

¹Ta doungu nou, na Raja Herodes na dedikung limmana ana woangu pareaha kana hamatiya na tou.²Hina hamatiya hi Yakobus na anguwana hi Yohanes, waingu nibu.³Ana ittayuka napa woluna ana gidak ati denganya da tou Yahudi, hina pangalanya napa woluna hina appaya hi Petrus ana woluya. Ya nama toungu ta laddu Roti Tidak Beragi.⁴Ana appayaka hi Petrus, hina pataunya ta gallu jaka patu prajurit nama patetinya manga a menga ha Paskah kamarainya ta haga tou dangu.⁵Jiayaka hi Petrus hi taunya ta gallu manga habaya pangalanya lahi Allah na huhu anana. Aming malaikat nama palouhunya hi Petrus ta gallu.⁶Einya hangi ridung, Herodes kaku marainya tahabali hidi wina, tikina hi Petrus juda nanya ta joanga prajurit, a pi wainya duba gali bihi jaka dama jawaya na binna engada ada patetinya na gallu.⁷Tikina einyaka hatou na malaikat ta lihina hi Petrus jaka nama erik hina wahang na gallu, manga na malaikat hi tuddakuya hi Petrus ana banginya, winanya, "Kiddi pageahang!" Manga na gali bihi namanau waling ta limana.⁸Manga na malaikat winanya "Pinya nabagimu jaka waingu tara wihi." Hina keriya napa tikina. Manga, wina linya, "Pakenanya na koaja mu jaka keriwa nyouwa!"⁹Manga hina louhung ana keriya na malaikat nou dana peamanya agannanya napa jaji ta malaikat ama jaji tekkaya, napa pangadapana itta ananya nama jaji.¹⁰Ada loppahu jaka dama jaka ta bina hangi jaka bina duba hodu atoma ta bina bakkul nama arung tahabali hidi, na bina nou taweha tagunanya hida lohongu duda manga hida louhung jaka dahalaku hodu atoma tahabali hidi, tikina na malaikat nou jujakunanya hi Petrus.¹¹Ana ittayaka agannanya nama jaji ta aruna, hi wina, "Nyouwa kumanni tekkanya ajiaya hi Moiri nama paleawa malaikat ana papahigiluwa nyouwa waling ta limmana hi Herodes jaka ngala napa kabuna na tou Yahudi."¹²Ana kolling papangadang nahalaku ta ummana hi Maria na inana hi Yohanes toma nou dangu da tou dama makeha ada habayang.¹³Manga ana pangiki dengang ana kadekuk ta bina amminya hatou nama wina nama ngarang Rode ada wehanya bina.¹⁴Ana tadaya na lina hi Petrus, nouya ana girang na atina dana weha manya bina jidika palai letananya ta umma ana peakaya a einya hi Petrus ta bina.¹⁵Tikina widanya hi Rode, "Ou kalangumunya!" Jidika, hi Rode dana rangumaya, engana ana tikkiya a eitekkanya manga widanya "Nou Malaikatuya."¹⁶Tidi touna hi Petrus ana katok bina,da kolling hawehaya na bina manga hida ittaya, hangotar deadanya.¹⁷Jidika hi Petrus napa tekkaja tada waingu limmana, kada kawanar, manga hina palarangidanya agikinouna hi Moiri ana louhu idiya ta gallu. Jaka, winanya "Tikinanya hi Yakobus jaka ngala oali jaji nama wainya." Manga halakunanya tapa doungu heaka.¹⁸Tomaka ana laddu, jaji nanyaka napa kangilang ta joanga prajurit agannanya nama jaji lahi Petrus. Herodes matika¹⁹Amminyaka hi Herodes ana manyeranya hi Petrus dana ittamaya, napareahaha dana jawa bina manga nawoaja pareaha duda kahamatiha. Manga halakunanya ta Yudea ta Kaisarea manga engada hou lau.²⁰Wali noungu, Herodes nabani teteka tahaga tou Tirus jaka Sidon, manga daka hangi, ada haganya hi Herodes manga hi peakanya hi blastus nama pagennang ta umma Raja hida kareiya ka kallu denga balinya ati kadang napadouda da kolling pa angu waling lahi Herodes.²¹Tadalu napa langa woluda hi Herodes waingu koapi ma pareahana, ngodunanya ta tahta pengadilan, napatoma nya napatikina da tou dangu.²² Jaka na tou dangu nama magokat teka ana payiwungu awida, "Jiaya na li'ina hi Allah jaka da li'i tou rara naya!"²³Tikina, amminya na malaikat hi Allah nama kabu baya kadang dana pamalangumaya hi Allah mangaka hina anya boili, lapaka ana mati.²⁴Jidinguka, na winina hi Moiri nama taba ana morrik ana taba luaru ana peanya tou dangu.²⁵Hi Barnabas jaka hi Saulus ammi balija wali ta Yerusalem ada mangayaka napa kerada da pahalaku ya hida marai jellanya hi Yohanes, napa tiki Markus.

Chapter 13

¹Einya nutu, einya ta joanga huhu ana ta Antiokhia, ya da ata papaleawa jaka da guru, ya hi Barnabas, Simeon napa tiki Niger, Lukius lahi Kirene, Menahem da oalina hi Herodes jaka hi Saulus.²Tangir pakabuanguda lahi Moiri jaka ada puasa na hangahu harri winaja, "Patura gaja hi Barnabas jaka hi Saulus kada pahalakuya napa kerang napa pataguguja."³Manga ada puasa jaka habayang, jaka pakalanyaka limma lahi duda hi Barnabas jaka Saulus, paleawadajaka halaku ta paraingu Siprus.⁴Alanga papaleawa hangahu harri, hi Barnabas jaka hi Saulus purung danya ta Seleukia, jaka wali noung halakali waling teana ta Siprus.⁵Ada kolling paduki ta Salamis patomadanya nawini hi Allah ta sinagoge-sinagoge tou Yahudi, manga damarai jellanya hi Yohanes ada wai atanya.⁶Da nahi ngala paraingu hodi toma ta Pafos, manga nouka ada parega denganya nama hatouna na tou Yahudi nama ngarang Baryesus, tou manyura jaka tou walluk.⁷Duna oalinanya na Gubernur ta tana nou, hi Sargius Paulus, na tou peang, na Gubernur na kamaikanya hi Barnabas jaka hi Saulus kadang ana buhang ana rangunya na winina nama Rabba Allah.⁸Jidika, hi Elimas, na tou manyura, nama geaja hi Barnabas jaka hi Saulus, ana ealung ngarangi ana woluya na Gubernur kana denganya na manninguna wina⁹Jidika, hi Saulus napa woana hangahu harri naka duraya hi Elimas,¹⁰Mang hi winanya, "Nani jimi, tou pakitung jaka tou bokal, jimi ana moritana mi, jimi jiami geara ngala nama kallung, dami buhamang ami matang hapotirunya na larangina hi Moiri nama luruh?¹¹Ya atounaka, kami ittaya, amminya na limmana hi Moiri lahi ou jiaya himi kaboala jaka dami ittamaya na mata ladu hodu pirang." Tikina dana madeimang na robang jaka naka petang purung nanya lahi duna jaka hina nahi ana manyerang tou nama keranya na limmana.¹²Manga, na Gubernur nou wainanyaka ana ittayaka nama jaji ana kagaik ati denganya napa tikina hi Moiri. Hi Paulus jaka Barnabas halakudanya ta Antiokhia ta tana Pisidia¹³A tangaya hi Paulus jaka da tou da maraina ada halaku ta tahik waling ta pafos hodu ta Perga, ta Pamfilia, jidika hi Yohanes na jujakuya manga balinanya ta Yerusalem.¹⁴Jidinguka hi Saulus jaka hi Barnabas halaku pangalangdanya ada waling ta Perga hoda toma ta Antiokhia, Pisidia, jaka ta ladu miggu, halakudanya ta sinagoge ada ngodu hou.¹⁵Amenga habaya na nuku Taurat jaka na hurat nabi, da kapala sinagoge paleawananya tou nama panewi denganya dama toma dua ata papaleawana, "Aku oali jajigimi, a eikading hilumi nama pakullihuka da tou nei, tikkidanya."¹⁶Jiayaka, hi Paulus hina dedi na patekkang tada waing limmana hi wina, "Nani jimi tou Israel jaka nama mange'attunya hi Allah, kam rang!¹⁷Na Allah tou Israel dapediya na ama peanguda iata jaka na tauya tama jaga na tanada a engada ta tana Mesir ana waingu limmana nama kullih, ana opaha hida malouhu wali woung.¹⁸Houha ta patum bulu doung ana majil dengaja agannanya napa woluda ta mareda ginang¹⁹Manga, ana toma papadamuya nama pitu kaleabu tana na ta tana Kanaan, hi woadanya na tana nou.²⁰Ngala ya ana jaji enga na angu 450 doung. Mangaka hina, woadaja da hakim-hakim hodu toma na nabi pareahana hi Samuel.²¹Mangaka, kareidanya hatou raja, manga hi Allah hina woadanya hi Saul, na anana moani hi Kish, na tou waling takabihu Benyamin, nama angu patumbulu doung.²²Manga hi Allah napa marounya hi Saul, napa kiddiya hi Daud ana jaji raja da, yana witina duna hi Allah langka tikinanya jaka wina, "Kuparega denganyaka hi Daud, na anana moani hi Ishai, na tou nama tutu tidi ta atigu, nama pahalaku bolluya ngala napa kabu atigu."²³Waling ta lahi tou neiya, hi Allah, keriya napa langa tikina, namaraija da tou Israel hatou nama pamanumaraha, ya hi Yesus.²⁴Adadi aminya hi Yesus, hi Yohanes langa patomananya na witi ihu napa haria waing ngala ta tou Israel.²⁵Manga, tangiruna hi Yohanes ana palodeinya napa kerana, wina pangalang, "Napa pangadami gearawa ya nyouwa? Nyouwa dajiamaya duna. Jidinguka, patetinya ya, nama hatouna amminya taligu nyouwa, japa na tara wihina nyouwa dana padoumang aku paheiliya."²⁶Oali jaji buha, da huhu anana hi Abraham jaka na tou ta joanga nama mange'at hi Allah, lahi iata na wini pamanumara dengang patomanyaka.²⁷Kadang, duda dama engang ta Yerusalem jaka ngala tou peangu dama peanya duna jaka dama appaya napa tikkida ta ata papaleawa, napa baha tiap laddu miggu, da pinuyaka napa tikki ata papaleawa nei.²⁸Langka da eimang mahawiting apa mati wainya, duda enga taguda ada kareiya hi Pilatus kana hamati ya.²⁹Manga ada kolling ada itta bolluya ngala napa tulih witina duna hapurudanya waling ta ai harika manga hida pamaturuya ta rati.³⁰Jidinguka, hi Allah napa pakiddi baliya duna waling ta joanga tou mati.³¹Engana ana pira ladduna nutu ana patekang wikina ta oalina ngala nama marainya waling ta Galilea hodu duki ta Yerusalem, jiaha dama itta mataya hina penya na tana nou.³²Manga, jiama ma idigu patikki kallung witi napa panouna hi Allah ta ana peangu da iata,³³Toungu hi Allah ana tomaka hawoluya napa langa tikkina lahi iata, ngala anada, ada pakiddiyaka hi Yesus, toungu napa tulih ta hurat Mazmur duba "Ouwu Ana gugu. Ladduya, nyouwa gayi Amamuga."³⁴Toungu hi Allah nama pakiddi baliya hi Yesus waling ta joanga tou mati, dana hilu mati balimaha, hi Allah winaka, "Nyouwa kuwoaga kanyuru nama langa pahigil jaka napa waingu, napa woana lahi Daud."³⁵Jiaya nama hawiting hi wina jella ta hurat Mazmur hawanguk, ouwu dama matamanya na tou nama murrah ana ittaya napa mohu waingu.³⁶Kadang hi Daud ana peakaja dama heapaya kadang pakabu ati nanya hi Allah, manga hina mati, manga hipamaturuya ta joanga ana peang ina weada, hi nouya ana mohu.³⁷Jidinguka hi Yesus napa pakiddi balina hi Allah waling ta joanga tou mati, dana ittamaya napa mohu dengang.³⁸Hou nam, kam piki penya dum, aku oali jaji gimi, ajiaya linouya duna jiayaka hi poahi-poddah huha da doku-jala napa patoma dagu.³⁹Jaka lahi Dunaya, ngala na tou nama wainya hipa louhunya waling ngala dukana nama wali nou jellang dami louhumang ta huku Taurat Musa.⁴⁰Jiaya kam maromatung wikimu tenang napa tikki ta hurat ata papaleawa a bina jaji lahi ou.⁴¹"Ittaya, nani nama payeki! Kapoduk jaka mati yaya, kadang nyouwa pahalakugunya napa kerang ta padoungumu hangina napa kerang dapa manimi, japa langka eikang hatou nama palarangigunya ou."⁴²Tangir louhunguda hi Paulus jaka hi Barnabas, na dangu na tou nama pa ohaha tenang duda kada patomanya na wini nei ta laddu miggu nama aming.⁴³Amenguka pamakeha ta sinagoge apa hupuya, dangu na tou Yahudi jaka da too Yahudi na mange'atunya hi Allah, nama keriya hi Paulus jaka hi Barnabas, nama patomaja patikki jaka nama peaka panungaja ka engana ana awinamuya hi Allah.⁴⁴Ta laddu miggu ta haga, tikki ha ammibollunya na tou ana makeha nama kahiluya na winina hi Moiri.⁴⁵Jidinguka, ada ittanguka maraimi da tou Yahudi, houhaka ada iri jaka pangiki waing, jaka dapa ge'aya agannaya napa tikkina hi Paulus.⁴⁶Jiaya hi Paulus jaka hi barnabas da pagapinya ana haganya a wina, "Ya nama toung mang ihina ajiaya na wini hi Allah napa peakadagu takawunga. Kana jimi mi tuharunya manga mi peangu wikimi adami patu'a ami kollinya namorrik malodung, ittaya, habaling nanya ta tana heaka anang hawanguk.⁴⁷Manga tonaya hi Moiri ana mangu pareaha lahi jiama, "Nyouwa kupajajiguka wahang tutu tou heaka tenang kami piku patomanya napa manumara dengang toma ta hupu duka toma."⁴⁸Ada ranguka da tou hawanguk witina yayi, houhaka ta egi ati hida pamalanguya nawinina hi Moiri . Manga, ngala dangu nama buhang morrik malodung, dama wainya.⁴⁹Tikkina na winina hi Moiri labat nanyaka ngala tapa doung nou.⁵⁰Jidinguka da tou Yahudi uladaja da mawinni kallung ati dapa pa'akang jaka da tou ta aruha ta tana nou, manga ammija ada tauha hi Paulus jaka hi Barnabas, jaka da roatiya atoma duaha ta habali kiddi toma ta hupuna na tanada.⁵¹Manga, tangir kobah danya na kubur ta wihina pali tada nauya ta tou Yahudi abotahuya napa buhang wiki.⁵²Jaka ngala huhu anana hina binuja malik mata jaka hangahu harri.

Chapter 14

¹Einya nama jaji ta Ikonium, hi Paulus jaka hi Barnabas ada tama ta padou habayang tou Yahudi, hina panewi duka matiki hi keri danguna na tou, tou Yahudi jaka tou Yunani hida wainya anang manninya.²Jidinguka, na tou Yahudi dama wainya otuja ada ulaja da tou hawanguk anawunuya napangadang oalina ada geanya na tou nama langa wainya.³Manga engana nou lau jaka ana madeiha hina pagapi noung ana panewi tahagana hi Moiri, nama itta wainya mata hina tikkiya na kanyuru, lapaku napa tekkanya tada biaha jaka na kanyuru kanaga nama jaji waingu limmada duda.⁴Jidinguka, ngala na tou tapadoung nou nahabari-baring, hawanguk paoaling ta tou Yahudi manga hawanguk ta ata papaleawaya.⁵Einya, a eingu pakabungu, na tou hawanguk jaka na tou Yahudi jaka na tou peang, dama patau jaka daka beanaha watu da ata papaleawa.⁶Tikkina hi Paulus jaka hi Yohanes ada ranguka hida palai ta Listra jaka ta Derbe, padoungu ta Likaonia jaka ta padoungu nimu talihina.⁷manga toma nou lau patoma pangaladanya na wini morrik. Ya hi Paulus ta tana Listra jaka Derbe.⁸Nou ta Listra, einya hatou nama engana ngodu nama karaka waling ta kabu ianana manga dana halaku memang.⁹Na tou ya rangunanya hi Paulus a tangir panewina, napa tetinyaka hi Paulus manga na ittaya na tou nei eingu manninguda apa tegah wainya,¹⁰Hi Paulus napanewi hawading, "Kamu dedi didar wainya na wihimu." Manga na tou yayi takahuk nanya manga hina halaku.¹¹Ana haka na tou dangu agannaya hi Paulus napa woluna, peangu danya ada panewi waingu panewi Likaonia, "Ngala Dewa-Dewa da purunguka tapadua da iata jaka naha meara noung ta tou rara!"¹²Da tou hei datikkiya hi Barnabas jiaya hi Zeus jaka hi Paulus jiaya hi Hermes, kadang jiaya nama pa'ati tapanewi.¹³Na imam Zeus, napa douna nama eing tahabali paraing, da idiha da beabu moani jaka pirra bunga dapatau ta binna bakkul. Kamanuatu waing manuatung oalingu tou dangu ta hi Paulus jaka hi Barnabas.¹⁴Jidinguka, ada ranguka hi Paulus jaka hi Barnabas hiradaja da koapida manga hida palai ta joangada manga dakuwulang,¹⁵wida, "Oali jaji buha ga himi woluya nama toungu ya? Jiama tou rara jelama toungu jimi ma idigimi wini morrik lahi jimi kami habaling waling napawolu dama eing gauna lahi Moiri nama morrik, nama pajajinya na awang jaka na tana jaka na tahik jaka ngala dukang nama eingu ta ronguna.¹⁶Da tou hanaduga daeimang ma uruhuya ngala na tou ana woluya napa buha taguna.¹⁷Jidinguka, dana matang wikimana ada eingu ma itta mataya kadang, nawoluya nama kallung hina hapurugu urangu waling ta awang jaka na rahi wua pingi ai nama makenangu ta atimu amu angu jaka mu morrik denganya."¹⁸Langka giki noungu apanewinya nama tougu nei, da eimang binada ada heiruja da tou dangu abi woangu manuatung lahi duda.¹⁹Jidinguka, da tou Yahudi ammija waling ta Antiokhia jaka Ikonium, manga hina hodaruya na tou dangu nei, duda daka beanaya watu hi Paulus manga da wealaya tahabali kidi napa pangada da iggi mati nanyaka hi paulus wida.²⁰Jidinguka, ada kolling hawolitunya da ana papareahana duna na dedi jaka tama bali nanya ta padou nou. Taladdu baruwehang, louhung nanyaka marainya hi Barnabas ta Derbe. Balinanya ta padou Antiokhia ta padou Siria²¹Ada mengaka patomanya na winina nama wahang ta padoung nou manga na dangu natou nama pakeri, bali-bali danya ta Listra jaka ta Ikonium, jaka ta Antiokhia,²²tangir ana hamaduja na ana paparehana, na irihuha kada pajukang ada manninya, mangaka wimmi jiama matomanyaha napa douna hi Allah ka liya dangu nama willa.²³Einya hi Paulus jaka hi Barnabas ada pedi mabokul gereja ngala huhu anana, amenga pahabayang jaka a puaha, hida haraija dam bokkul gereja lahi moiri nama lahi dunanya ada langa wainya.²⁴Tikkina, da linoung ta Pisidia hodu toma Pamfilia.²⁵Manga ada kolling papatomanya na wini morrik ta Perga manga hida purung ta Atalia.²⁶Wali noung, li tahik danya ada halaku ta Antiokhia, napadou pingi patomadanya na milla atina hi Moiri tutu napa kerang napa langa mangada.²⁷Ada kolling patoma manga hida makeha bollu oali papaleawana, tikkibollu daja ngala napa wolu nahi Allah jaka duda manga agikinouna ana wehaya na pangadanguda tutu tou heaka²⁸Manga oali engadaka da ana papaleawana ada enga madeing.

Chapter 15

¹Manga nouwu, eija damma touma pirraha datou damma waling ta Yudea mang hidda peakaja da anguwuada daoali manninguda tappa doungu nouwu, ''Touna nyiami adammi sunatkakakeriya na adatuna hi Musa niami dammi kollimanya namannu mara. Datou dam waling ta Yudea heiyi jiahaka datou Kristen Yahudi damma pahalaya na gereja ta Antiokihia kadangu adadda sunat keriya na adat Yahudi. ²Mang nouwu, atanga karingakuda karingak dengadanya jakka adda hala paham denganya natou nam eingu nouwu, bottahdanyak dudda atouda hi Paulus jakka hi Barnabas, jakka datou hawanguk daoalida, dahalakuha ta Yerusalemkadda paregga dengaja da rasul jakka dambokul pa'ati kadda ealuya tu'ana nam halanei.³Jiayaka, atanga lippa taudaja dajemmatu, dudda linouda ta Fenisia jakka ta Samaria lolludanyak natou ta hangi tana-hangi tana, jiayaka nappa hennangh engada daoali jaji jakka daoali manninguda. ⁴Adda tomaka ta Yerusalem, dudda reggadajaka da jemaat, da rasul, jakka damma bokul pa'ati, mang hidda lolukuya ngara dukana nappa wolu-Na hi Alla lahi dudda.⁵Atonouana, damma touma pirrah datpu Parihi nam langa wainya dedidanyak mang hidda panewi hi widda, ''Parlu adda sunat dudda jakka paleawaha kadda keriya na Hukum Musa!'' ⁶Da rsul jakka dam bokul pa'ati pakehhang danyaka adda panwinya natu'ana nei.⁷Nakollinguka pajaiji naka ngila malai noulau, hi Petrus panewinanyak awinnaja hei dudda, ''Akku oali jajigimi, nyiami mipeanyaka waling hanaduk hi Allanawoagimika beinya nahapedimi namma waling ta a'agu, hangi tana-hangi tana kanna pikki ranguya na wini kallung mang kanna pikki parhaya. ⁸Jakka, hi Alla, nam ittadanya na atida, napa tekkanyaka nabiaha-Na hikeri woanaja Hangahu Matua hei dudda, toujellangu naha langa woanada jiata, mang Dunna danna patadamang lahi jiata jakka lahi dudda, anna mengaka papawarahdaja da'atida mulana na manninguda.¹⁰Atounak ya, ga nyiami himmi kakaliya hi Alla ammi padeituja mabuatu ta rii kokuda damurit damma, atouda da boku jakka da appuda jakka atouda jiata, addatabiha padeituya nei nam buatu? ¹¹Jiadinguka, jiata ta wainya atoukanak jiata hitta mannu mara mulana napanamungu-Na hi Moiri Yehu, meara jellana hei dudda.''¹²Mang nouwu, ngara dukada adatou damma pakehhangu kawannardanyak mang hidda kahiluha hi Barnabas jakka hi Paulus, atanga panewida adda palaranya natu'ada da tada jakka nabiahana hi Alla anna hawailedija dudda tahangi tana.¹³Damengak papanewi, pagapingnanyak hi Yakobus winna, ''Akku oalijajigimi, rangupaya nyouwa. ¹⁴Hi Simon namengak papalaranya agikki neina hi Alla waling nakka wungana anna pateti-Nya natou hangi tana-hangi tana, hinna pediha mawaling nouwu majaji ana-Na mawuatunya na ngara-Na.¹⁵Napanewida da nabi, nahatujuya, nam toungu nei nam mearana naha tuli, ¹⁶Mengakayak neiyi, Nyouwa baligunyak, mang pakiddi bali-Gunyak na Keamana hi Daud namma tawehhar. Kupakiddi baliha dam langa ka'ihhakuda, mang hik-Ku gallu baliha, ¹⁷atouna natourara na einyaha kanna pikki manyerranya hi Moiri, jakka ngara dukana natou ta pinnu tana nappa kamaika-Gu, nam pahalaku bolluya neiyi tadalu ngara-Gu, nam pahalaku bolluya nei,' na wini-Na hi Moiri, jiaya nam kerra bolluja hei, ¹⁸langa peadanyak waling hanaduga.¹⁹Jiayaka, wiggu nyouwa atouna jiata abbi paharuweliya natou hangi tana anna habling lahi Alla.²⁰Jiadinguka, ijata tatulijaha hurrat lahi dudda kadda pikki marounya damma kallung nam waling tamoritana, jakka nam waling ta doaku jala palaung wikkida, tuojella agannanya nappa hamatida adda aamangu raanya. ²¹Kadangu, da labbida dam moulu, hi Musa eingunaka, tangara dukada dakoata, touwu nam patomanya kadangu bahha pangalanya ta umma pingi pahabayang tiap laddu miggu.''NAHURAT PAPANGIDAJA DATOU PARHAYA DAMMA TOU YAHUDIHA²²Manga, dakabbu atinya hei dudda darasul, jakka dambokul pa'ati jakka ngara dukana najemaat, hidda pediya natou waling lahi dudda kauttuha ta Antiokhia kanna maraingu hi Barnabas awidda. Da'uttuha hi Yudas hi Barsabas nahawiddang, jakka hi Silas, dtou dam pimpinnanya oalijaji manninguda, ²³mang hida tulija hurat waingu limma wikkida, namwinna:²⁴Kadangu nyiama langa rangumak atouda dam touma pirrah datou waling lahi nyiama, da papaleawama, dalippa ullagimika adda wainya nahiluda namma panyagimi na atimi. ²⁵Nam toung nei, amma pangadanya nyiama makallungu wimma, akollinguka habottahuya , apediha agearaha dapapaleawa lahi nyiamia adda maraija da anguwuama dahabuhama nyiama, hi Barnabas jakka hi Paulus, ²⁶Damma jaungu wikkida adda luminya na ngara-Na hi Kritu Yehu.²⁷Mula atonounaka, nyiama jiayaka himma uttuha hi Yudas jakka hi Silas mang peadudda kadda pikki patomanya nahilu nam hameara de'a. ²⁸Atonoukanak, reihi nam kallung touna na Hangahu Matua mang atojellana nyiama ahailagimi nyiami ngiddi nam haleala waling waling nahaparlu nei, ²⁹atouna nyiami alanga maroumijaka dappa manuatu waidaja damoritana, jakka damwaling ta raa, dam mati wewi hapahhu, jakka dadoaku jala palaungu wikki.³⁰Dameara paheawaka, purungdanyak ta Antiokhia, mang dappa kehhanyak na jemaat, harakadanyak nei nahurrat. ³¹Dabahayak hei datou parhaya, jiayak hidokku hennanguha adda reaha atidenganya. ³²Hi Yudas jakka hi Silas, dudda anabihaka, dapakullihuha daoali manninguda darekka noumaya adda peakaja.³³Manga, adda enganguka huttu lau atouda madeida, datou dam parhaya pahellajak adda bali aingu maringu ati hei dudda damma langa uttuhdaja, ³⁴[Jiadinguka, datarima pakallunya hi Silas aenga pangalang nuttu lau.] ³⁵Jiadinguka, hi Paulus jakka hi Barnabas engada ta A ntiokhia, hidda mangajar jakka adda patomanya na wini-Na hi Moiri adda oalide'a natou hawanguk nam dangu.HI PAULUS JAKKA BARNABAS ADDA PAHEAWA ³⁶Heling pirra boladuka, winnak hi Paulus lahi Barnabas, ''Maiyaya kabalida kalippa ealuha daoali manninguda ta ngara dukada dakoata, napingi papatomadanya nawini-Na hi Moiri kapeaja aga'ullada.'' ³⁷Hi Barnabas nabuhha jellangu amma rainya hi Yohanes akka makaikakanyak hi Markus widdanya. ³⁸Jiadinguka, napapangadan hi Paulus danna buhamang pamarainya natounam langa dijjaknaja ta Pamfilia adadda maraija alippi patomanya nawini nei.³⁹Jiayaka, jajinanyak naheaka pangadanguda mang hikeri paheawada. Dunna hi Barnabas nam rainya hi Markus hidda pala ta wilaya Siprus, ⁴⁰Dunna hi Paulus nakamaikanya hi Silas hidda halaku, adda mengaka paharakaja hei daoali jajida tadalu kanyuru-Na hi Moiri. ⁴¹Jakka, halakudanyaka hidda linoungu ta Siria jakka ta Kilikia toma nou hidda pakullihuya najemaat.

Chapter 16HI TIMOTIUS ANNA KERIYA HI PAULUS

¹Hi Paulus namaijella ta Derde jakka ta Listra. Manga, ittadanyak nam hatouna namurit noulau, nam ngarana hi Timotis widdanya, anananya nawinni Yahudi nam langa parhaya, jiadinguk na amana tou Yunani ya. ²Dunna dapeabollunya nakallunguna daoali manningu ta Listra jakka ta Ikonium. ³Hi Paulus nabuhang pamarainya hi Timotius, jiayaka hinna waddaya mang hinna sunatuya kadangu datou Yahudi engada ta tana nou. Kadangu, dudda dapeabollunya na amana atou Yunani ya.⁴Atanga halakuda adda linoung adda nahida da koata, dappa tomanya tatou parhaya agananya napalanga bottahuda da rasul jakka dambokul pa'ati dam eija ta Yerusalem kakeri hinguya abbi hapalamaya widda. Jiayaka, dajemaat hidda pakullihudaja da manninguda hikeri taba pangalanguda wehango-wehang.HI ALLA ANNA KAMAIKANYA HI PAULUS TA MAKEDONIA⁶Mangaka, halakudanyak adda lihoungu ta wilaya Frigia jakka Galatia kadaangu aheirujakka na Hangahu Matua adda patomanya nawinni-Na ta Asia. Datahi Asia may, tappi wilaya napakuahana na Roma na ibukoatana ta Efesusuya. ⁷Adda tomakka ta Misia, da wukku jellanguha pahalaku ta Bitinia, jiadinguka na Hangahu Matua-Na hi Yehu danna pahellamaja. Jiayaka, dahigganyak na Misia, halakudanya ta Troas.⁹Kiddinanyak nanipina hi Paulus anna riddung. Einya nam hatouna na waloing ta Makedonia nam dedi anna kareiya awinna, ''Maiyaya ta Makedonia kammi pikki gatagama nyiama. '' ¹⁰Namengak pa'ittaya nei Paulus, nyiama halakumanyak ta Makdedonia, amma mengaka pabottahuya atouna hi Alla anna kamaikagamanya nyiama amma patomanya na Wini lahi dudda.ANNA KERIYA NAM MAKALLUNG HI LIDIA¹¹Atonounak nei, amma palaka waling ta Troas, pangalang manyak amma pala ta Samotrake, mang hillu wehang likka mapala ta Neapolis, ¹²mang wali noumaka hagamak ta Filipi, nakoata nambakkul ta Makedonia jakka nakoata napajajana na Roma. Nyiama engamaka ta koata nou apirra boladduma madeima. ¹³Manga, tomayak na laddu miggu, mahalaku amma lohung himma hagang ta loku, tapadoung nappa kabbu atima amma lippi habaya noungu. Jiayaka, himma ngodu amma panewi dengaja damma winni dam tanga kabuangu.¹⁴Hatou namwinni nam ngarang Lidia na, nam waliong ta koata Tiatira, nam dagang kaba ungu namma haliya hi Alla. Nawehhananya na atina hi Moiri hinna tauya ta atina nappa newina hi Paulus. ¹⁵Jakka, amengaka pa'ihuha hi Lidia jakka natou nam engang ta umana, dunna kareinagamak nyiama winnak, ''Atuna ouwu ammu pangadaga nyouwa langkulihnak namanninguna lahi Moiri awimmudiga, maiyaya ta ummagu enganounguya.'' Manga, dunna deahakuma nyiama.HI PAULUS JAKKA HI SILAS ADDA TAMA TA GALLU¹⁶Atangiruna, nyiama amma halaku tapingi pahabayang, einya nam winni na ata, namma manyurra anna paregga dengagama nyiama. Dunna na utu waipadalenganya namoirina mawaling ta manyurrana. ¹⁷Nam winni nei nakerima nyiama jakka hi Paulus hinna paroagama anna kadoaka awinna, ''Datou heiyi jiahaka dawihi limma-Na hi Alla Tamma Jaga, nam patomanya nahillu kallung napamorik dengangu lahi nyiami!'' ¹⁸Dunna winna dakajuaka tadalu pirra boladdu. Hi Paulus, kadangu anna hukkaka na atina, nagillaknyak winnanyak nei waddi manyurra ''Nyouwa kupaleawawu wainya na gara-Na Hi Moiri Yehu Kritu mulohung waling lahi dunna nei!'' Manga, nawaddi manyurra nei lohungnanyak, danna madeihingumah.¹⁹Jiadinguk, adda ittayak hei damoirina adda hillu utuwainya peala, appadajak hi Paulus jakka hi Silas, hidda wealaha adourah ta haga madangu amaraija tatou nam berkuaha. ²⁰Amengak pamaraija ta kapala hakim hei Pulus jakka hi Silas, widdak hei dudda da hakim, ''Datou hei jiahaka datou Yahudi damma pakacudanya nakoatada jiata. ²¹Datou hei amija adda idiya damma kallung lahi jiata katta pikki keriha mearang na Roma.²²Natou dangu meara kiddinanyak adda tauha hi Paulus jakka hi Silas mang dahakim dudda hidda hirradaja dakoapida, mang hidda paleawaya natou dangu adda tauha waija ai. ²³Damengak patauha adda pagarrija hi Paulus jakka hi Silas, patamadajak ta gallu hidda woaja pareaha da kapala ta Gallu kadda maromatuja hi Pulus jakka hi Silas. ²⁴Dakolling pareaha hei dudda da kapala ta Gallu, patamadajak hi Paulus jakka hi Silas ta gallu tapadoung nam majallung hidda taudaja kogang dawihida.²⁵Tomaya na duaka riddung, hi Paulus jakka hi Silas habayangdanyak jakka hidda manyanyi adda hali-Ya hi Alla, mangadam hukkung hawanguk dudda daranguha. ²⁶Mang nou, alollu jajinanyak na oppung nam dokku bakkul lappak hinna kagoyak bollu pandahina na umma ta gallu. Jakka na aibinna alolu tawehananya mang dahapingu datou alolu tabukkar wikkidanya.²⁷Nakiddika nakapa Gallu dunna, naittaha dabinna gallu adda tawehha, nalihuya nakatopuna hinna tikki pahamati wikkina kadangu napapa ngadana datou tama ta gallu palaidanyak awinna. ²⁸Jiadinguka, hi Paulus patiwungnanyak winnanyak,''Abbi hamati wikkilimu ya nyiama eibollugama!''²⁹Manga nou, nakapa gallu nei karei lampunanyak mang hinna palai anna tama, adokku goadaya, karaddananyak tahagada hi Paulus jakka hi Silas. ³⁰Jiayak nou weiga, marainajak ta habali hiddi mang winnak, ''Akku moirigimi, Gikki neigu nyouwa kakku pikki halamat?'' ³¹Manga, pagaping danyak dudda widdanya, ''Parhayaya tadalu ngara-Na hi Moiri Yehu atonounanguha himmu halamat, ouwu jakka ngara dukana natou nam eingu ta ummamu.''³²Manga nou, hi Paulus jakka hi Silas patomadanyak nawini-Na hi Moiri ta kapala gallu jakka natou nam eingu ta roangu ummana. ³³Mangaka, dunna marainajak hi Paulus jakka hi Silas, tariddung nou memma, hinna bahadaja dakatoawida, mang hinna alolu harakang wikinanya jakka ngara dukada daoali roangu ummana a'ihuha. ³⁴Manga, nakapala gallu marainajak hi Paulus jakka Silas ta ummana hinna hadianya pa'angu. Jiaka, darekka hennangmayah dunna mulana dunna jakka natou nam einya ta ummana adda parhayayak hi Alla.³⁵Jiadinguka, anna wehanguka, dudda dahakim paleawa palihidanyak, widdak adda panewi,''Palohujaya hei datou!'' ³⁶Jiayaka, nakapala gallu tikkinanya nahilu nei lahi Paulus jakka hi Silas, winnak, ''Dahakim takoata ya paleawadagaka appa lohugimi nyiami. Atonounaka, lohunguya ya huyaya halaku ya ta weimaringu!''

³⁸Jiayak dudda hei dapalihi hidda patomanya nahilu nei ta hakim. Mange'atdajak hi Paulus jakka hi Silas amma waling ta Romah. ³⁹Atonounaka, mang jiayak hi ammija adda minta maaf lahi Paulus jakka hi Silas. Dappa lohujaka hi Paulus jakka hi Silas, jiayak hidda kareiha dijjakunya nakoata nou.⁴⁰Mang jiayak, lohung danyak wali ta gallu hidda halalaku ta umman hi Lidia, hidda ittahak daoali manninguda, hi Paulus jakka hi Silas pakullidajak hei dudda, mang nouwu balidanya.

Chapter 17

¹Dakolling hapala hi Paulus jakka hi Silas adda loppahunya na Amfipolis jakka na Apolonia, tomadanya ta Tesalonika, tapadoung namma eingu uma pingi pahabayanguna na datou Yahudi. ²Manga, toung naha langa damana hi Paulus, natama ta joangada dudda, mang tillu boladduna anna panouha wainya nawini nam waling ta Hurat Bakul,hinna palaradanya jakka hinna patekkadanya natadana atouna hi Kritu anna mati mang hinna kiddi bali waling tatou mati, winnaja, '' Hi Yehu nei, napalollukugulahi nyiami , jiadiyaka hi Kritu.'' ⁴Manga, hawanguk dam langa waitekkadanya pakeridanyak lahi Paulus jakka hi Silas, oali de'ada natou Yunani nam dokudanguya nam wainya hi Alla jakka dadajelangu dudda damawinni papa'akang.⁵Jiadinguka, natou Yahudi iri dengalinanyak jiaka hidda kamaikang tou manyarik adda nonnik tahaga madangu, dapakehanya natou dangu hidda woluya dam kallung ta koata, dahanya na ummana hi Yason hidda manyeraja hi Paulus jakka hi Silas kamaraija tahaga toudangu awidda. ⁶Adadda ittahaka hi Paulus jakka hi Silas, wealadanyak hi Yason jakka dam touma pirrah jakka daoali manningunata hagada pajabat ta koata, hidda patiwung awidda, ''Datou hei jiaha damma kacuya na pinu tana, amijelajak hattu. ⁷Manga, hi Yason nahagaja, mang ngara dukada damma ge'anya na Kaisar dudda widda einya na raja heaka ya hi Yehu.''⁸Natou dangu jakka dapajabat koata jiayaka hidda haduka denganya arangu tanoudanyak nei. ⁹Jakka, dakolingu ka makawanguk waling lahi Yason jakka naoalina hawanguk, jiayaka hidda pahellaya.HI PAULUS JAKKA SILAS TA KOATA BEREA ¹⁰Dudda daoali manninguda alolu paleawadajak hi Paulus jakka hi Silas, taridung nou memma adda halaku ta Berea, mang adda tomaka, halakudanyak ta uma pingi pahabayanguna natou Yahudi. ¹¹Datou Yahudi houwu reihi kallung atiha waling datou Yahudi dam eija ta Tesalonika kadangu dudda adda kaaya nawini dokku reaha dengadanya, mang dahalidikuya na ihina na Hurat Bakul hikeri padanya nam padening. ¹²Atonounaka, jiayak hidokku danguya nam parhaya, termasuk hei damawini moani tou Yunani damma dokku dangu.¹³Jiadinguka, adda rangolika hei datou Yahudi ta Tesalonika tu'ana nawini napapatomana hi Paulus ta Berea, ammi jellajak dudda ta Berea adda lippa ullanya nam dangu. ¹⁴Manga jiayaka, dadda parahi waimanyah, dudda datou dam parhaya paleawadanyak hi Paulus halaku wiwi tahik, hi Silas jakka hi Timotius jiaha dam engang hou. ¹⁵Datou dam oalinya hi Paulus maraidanyaka lappak ta Atena, manga adda kollinguka hilu waling lahi Paulus nam hagang lahi Silas jakka hi Timotius kawingu ammija awinna, halakudanyak dudda.HI PAULUS TA ATENA¹⁶Atanga nadinaja hi Paulus ta Atena, napangadanguna darekka hadukka dengamanaja hei anna ittahaka da kahala tou dappa pamanuatuda. ¹⁷Mulana neiyi, jiayaka hinna dudengaja pangadang hei datou Yahudi ta umma pingi pahabayang jakka datou dam waling ta heaka tana dam wainya hi Alla, jakka tappa doungu madangu, wehango-wehangu, jakka natou nam tanga einya nouwu.¹⁸Dam touma pirrah datou peangu papangadang waling ta Epikorus jakka ta Stoa da dua denga jellanya pangadang. Jakka, dam touma pirrah widda, ''Gannanya napatikkina nam kabohuk nei widdanya?'' Hawanguk widdanya, ''A'ittakayak neiyi, dunna ma'iddi lii waling ta deawa hangi tana,''kadangu dunna lolluknanya hi Yehu nam kiddi bali.¹⁹Mangaka, dudda kamaikadanyak mang hidda marainya ta Areopagus, mang hiwiddali, ''Nabihading nyiama amma peanya napa ajarumu nam buang nei? ²⁰Kadangu, ouwu iddimugama nyiama nappa kabarra dengama amma ranguya. Nyiama kamma peahingunya na ihina nei naparanguma wimma.'' (Taladdu nouwu, ngara dukana natou Atena jakka natou hangi tana nam engang ta Atena langa dammang nakka anna tiddi ngodu da'eimang hakerrana jiapaya napanewidanya jakka nakahiludanya agannanya nam jaji napabuaranguda.)²²Jiayaka, hi Pauls hinna dedi tapaduana na Areopagus mang hiwinna, ''He nyiami tou Atena, nyouwa akku ittami nyiami dokku mikku marennami ammi manuatung. ²³Kadangu, atanga halakugu akku nahiya napadoungu ku ittaha dappa wolumi dahamanuatumi mang kutomajellanya nam hangina napadou nam eingu hatulina nam winna, 'HAGANG LAHI ALLA DAHAPEANGU.' Atonounaka, gannanya napamanuatumi dahapeami, ya jiayaka napatikki gugimi²⁴Hi Alla nam woluya napinu tana jakka ngara dukana na ihina, kadang Dunaka hi Moiri nam einya tapinu awang jakka tapinu tana, danna engamang ta kabellak dawolu tourara, ²⁵dahawolu waingu limma tourara jellamaya, magga toungu Dunnalika namma karei jakka jiapananya Dunnaka nam pamorikuda jiata, nam woada hangahu ngara dukada.²⁶Manga, Hinna pepiya, waling nam hatouna, jiaya ngara dukada datou tapinu tana hidda engang adda morrik, anna mengaka pawoluya narahi kadoku jakka narahi bahana na tana manga nadikki padouda adda morrik, ²⁷kadda pikki manyerranya hi Alla, mang jakka kolli hingukanguka pakerra-Nya adda paregga denga-Nya langka danna maroudingu wali lahi jiata hatou-hatou.²⁸Kadangu, lahi Dunna jiata hitta morrik, jakka hitta kaguddik. Kadang jiata jiadaka labbi-Na. ²⁹Atonoukanak, jiata lang huhu ananada hi Alla, jiata datta hameara waima-Nya hi Alla ta ommah rara, ta tabaga atau watu wainya napeanguda jakka namanyakatuda jiata tourara.³⁰Kadang atonounak nei, naloppah hinguka namma dolu waida-Nya hi Alla, jiayak yayi hinna peakanya ngara dukana natou kanna pikki haria mang kanna pikki wai-Nya, ³¹kadangu Dunna langa pamaddunanyak narahi-Na anna kahiraya napinu tana wainya na adilu-Na hinna pediya nam Hatouna, anna mengaka pawoanya tada natou dangu mang hinna pakiddi bali-Ya waling tatopu mati.''³²Manga, adda ranguka dudda tu'ana nakiddi bali waling tatou mati, dam touma pirrah datou dahejjiruya, jiadinguka hawanguk widda, ''Nyiama buhanguha paranguwu ammu tikkigamanya nei.'' ³³Jiayaka, hi Paulus hinna halaku dijjakuja dudda. ³⁴Jiadinguka, damma touma pirraha dakeriya mang hidda parhaya, eijaka hi Dionisius, na anggoata Areopagus, jakka hatou namawinni hi Damaris nahawiddang, jakka eijellajaha datou hawanguk damma maraija adda keriha.

Chapter 18HI PAULUS TA KORINTUS

¹Mang nou, hi Paulus dijaknanyakna na Atena hinna halaku ta Korintus. ²Jakka, hi Paulus paregga dengananyak hi Akwila, da labbina hi Pontus, buahinguna anna duki waling ta Italia regga araweida, hi Priskila, kadangu hi Klaudius langa woanajak pareaha ngara dukada datou Yahudi dijjakunya na Roma. Hi Paulus hi amminya lahi dudda, ³mula anna hameara napakerrada, jiayak hi Paulus hinna engang anna kerra dengaja tenda.⁴Jakka, hi Paulus naduadengaja pangadang ta umma pingi paha bayang atomaya naladu miggu mang naealuya gikkineida datou Yahudi jakka datou Yunani kadda pikki yakinanya awinna. ⁵Atonounaka, ammijaka hi Silas jakka hi Timotius wali ta Makedonia, dunna jiayak hinna madak hingung anna patomanya nawini, napanewi pangalanya nam hawali ati laran hi Moiri tatou Yahudi kadda pikki peanya hi Yehu ajiaya hi Kritu. ⁶Jiadinguka, dadda hatujumaya hidda toalanya hi Paulus, jiayak dunna hinna kobbahung wikkina mang hiwinnaja, ''Naraami einya tapinu katikku wikkimi! Nyouwa kawarah. Waling ya lappak baro-baru, halakugunyak tapa doung hawanguk.''⁷Manga, dunna dijakunanyak napadoung nou hinna halaku ta ummana hi Titius Yustus, datou Yahudi amaya nam manuatu-Nya hi Alla, na umman einya ta lihi umma pingi pahabayang. ⁸Hi Krispus, nakapala umma pingi pahabayang, parhayananyak hi Moiri jakka datou daoalina taroangu umma, mang dokku danguya natou Korintus anna ranguyak anna papeakang nam parhaya hi ihuya.⁹Manga, hi Moiri panewi dengananyak hi Paulus anna riddung magga manipiya awinnanya, ''Abbi mange'atmang, panewi pangalakading abbu kawannarmang, ¹⁰kadang Nyouwa eiga Akku oaligu mang daeimang hatou tekka mage'agu anna tauwu kadang dokku dangu oataya nahuhu ana-Gu ta koata ya.'' ¹¹Jiayaka, hi Paulus enganak nouwu hangi dou nammu wullana madeina, mang hinna patoma pangalanya nawini-Na hi Alla lahi dudda.HI PAULUS AMARAINANYA HI GALIO¹²Jiadinguka, atangaya hi Galio anna jaji tou panewina hi Akhanya, natou Yahudi dunna kahangingnanyak anna ge'anya hi Paulus mang hinna marainya ta haga pengadilan, 13 widda adda panewi, ''Natou nei tangir hinguna anna wa'ituya natou amanuatu-Nya hi Alla hi lawanya nei Na'ihi Taurat.''¹⁴Jiadinguka, kakku panewi winnak hi Paulus, panewinanyak hi Galio winnaja datou Yahudi hei, ''Jakka atouna nei ammahalakayaka atau aeikanguka pahapala jakka aeijellakanguka dam kallung nam manyarik, nanni nyiami tou Yahudi, dagikkimana nyouwa kutauya taka bakkigu. ¹⁵Adatonoukanak, ahilu hawolu wikki kamminyak, ammi po'ukuya nangara oalimi, ammi wainya napareaha wikkimi, mi'uruhwikiminya. Nyouwa dakku weakumang pajaji hakim matanoung nei.''¹⁶Jiayaka, hi Galio hinna wurutuja wali ta roangu umma pengadilan. ¹⁷Manga nouwu, dudda ngara dukada appadanyak hi Sostenes, na kapala umma habayang, mang hidda tauya ta haga pengadilan. Jiadinguka, hi Galio danna hillu pallinoumanyah nei.BALINANYAKA HI PAULUS TA KOATA ANTIOKHIA¹⁸Tahabalina nouwu, hi Paulus madakolinanyak nou apirra boladduna, hinna peakaja kakku bali awinna hei daoli manning mang hinna pala ta Siria, hidda maraingu oalida hi Priskila jakka hi Akwila. Ta Kengrea nouyak hi Paulus anna gutinya naloagina kadangu alanga einguk nazaruna. ¹⁹Manga, dudda tomadanyak ta Efesus hi Paulus dijaknajak hi Priskila oalida hi Akwila noulau, jiayak dunna hinna tama ta umma pingi pahabayang anna duadengaja pangadang hei datou Yahudi.²⁰Jiayaka hidda kareiya hi Paulus kanna madei anna madak awidda, jiadinguk hi Paulus danna weakumang, ²¹peakanajak anna bali winnajak, ''Nyouwa ammi balidiga jakka touna hi Alla anna wukkukang akku bali lahi nyiami.'' Mang, dunna halakunanyak waling ta Efesus.²²A'amminyak dunna anna purung wali ta Kaisarea, deatang nanyak mang anna woaja limma da jemmat, mang hinna purung ta Antiokia. ²³Jakka, pirra boladduk madeina noulauwu, halakunanyak anna nahiha dappa doungu ta wilaya Galatia jakka ta Frigia, hinna pakullih waijellaja damuritu.HI APOLOS TA EFESUS JAKKA TA KOATA KORINTUS²⁴Eiwalinyak nei natou Yahudi hi Apolos nahawiddang, nahuhuna hi Aleksandria, amminya ta Efesus. Dunna tou mahakoala bakuluya mang dokku mahiruya tu'ana na ihina na Hurat Bakul. ²⁵Natou langa ajarudanyak tu'ana nalara lahi Moiri jiayak hidokku hamangatuya anna pahalakuya nahawukkuna. Dunna napanewinya jakka dokku taliti oataya hinna ajaruya tu'ana hi Yehu, jiadinguka dunna jiapaya na ihhuna hi Yohanes nahapeana. ²⁶Baraninanyak anna panewi ta umma pingi pahabayang, hi Priskila jakka hi Akwila adda ranguyaka, wealadanyak ta karahada mang hidda palara pakallunanya tu'ana nalarangi nam hagang lahi Alla.²⁷Jiayaka, anna kabu atinguka pahalaku ta Akhaya, daoali manninguna hidda pakullihuya jakka hidda tulija hurat damurit kadda pikki paregga denganya a'amminya awidda. Anna tomaka nouwu, nadangu nahagatanya mulana nakanyuru hidda parhaya, ²⁸kadangu dunna nakullih anna ge'aja datou Yahudi tahaga madangu, anna waingu Hurat Bakul nappa peakanguna larana hi Kritu ajiaya hi Yehu.

Chapter 19HI PAULUS A'EINYA TA EFESUS

¹Tangaya hi Apolos aeinya ta Korintus, dunna hi Paulus liinoungnanya tamaredda mang tomananyak ta Efesus. Dukika nouwu, tomanajak hawanguk damurit. ²Winnajak dudda hi Paulus, ''Penya nyiami matarimakadiya na Hangahu Matua ammi parhayakak?'' Dapagaping dudda widda, ''Da'amang, daddi marangu hingumaha nyiama aeingu Hangahu Matua.''³Manga, winnak hi Paulus, ''Tadalu gannanya, mang nyiami himmi ihhu?'' Dapagaping dudda widda, Tadaluna anna pa'ihhu hi Yohanes.'' ⁴Winnak hi Paulus anna panewi, ''hi Yohanes anna ihhumi waingu wei ihhu paharia dengang, mang hinna peakaja datou kadda parhayaya nam Hatouna nam amminya amenga dunna, jiayaka hi Yehu.''⁵Daranguya tanoudanyak nei, dudda ihhudajak tadalu ngara-Na hi Moiri Yehu. ⁶Manga nouwu, anna mengak hi Paulus pajami waija limmana, na Hangahu Matua amminya anna purungu lahi dudda, mang hidda panewi waingu hillu manyurra. ⁷Dudda ngara duka boluda eingu habulu maduaya namoani.⁸Jiayaka, hi Paulus hinna tama ta uma pingi pahabayang hidokku barani anna panewi atillu wullakarana madeina, hina dua dengaja panewi anna pamannidanya napa ngadanguda tu'ana na Karajjan Alla. ⁹Jiadinguka, atouda hawanguk addda parhayaya, hadanni panewi ja'uda ta hagaga tou dangu, jiayak hi Paulus hinna dijakuja nakamaikaja damurit hidda halaku, adda meara habarinya napangadang wehango-wehangu ta hakoala Tiranus. ¹⁰Dubba douna madeina napalakudanya nei jiayak ngara dukana natou nam eingu ta Asia hinna ranguya nawini-Na hi Moiri, einya natou Yahudi einya natou Yunani.DA ANANA HI SKEWA¹¹Hi Alla pangalang hinguna-Nya anna hapurunya nabiaha-Na wainya nalima hi Paulus ¹²jiakadiyaka nahapu tangnga napa kenna kalituna hi Paulus a'iddikayak tamma kadauku, nakadaukuda nahelli memmang jakka namoritana nam einya ta ihida nalohung.¹³Jiadinguka, eija dam touma pirrah dam peangu pawurutung moritana dam wali ta Yahudi dam halaku mamai daberusaha adda tikkiya na ngara-Na hi Yehu tatou napatamang moritana, widdak adda panewi, ''Kuparugim nyiami tadalu ngara-Na hi Yehu napapeakana hi Paulus!'' ¹⁴Touma pituha da anana moani hi Skewa, hatouna nam jaji imam bakul ta Yahudi, jiaya nam winna noung.¹⁵Jiadinguka, namoritana nei napagaing hiwinnaja dudda, ''Nyouwa kupeanya hi Yehu jakka hi Paulus, touna nyiami gearami?'' ¹⁶Manga, natou napatamang moritana neitakahuknanyak ta hagada dudda, anna kuhak pipiaja, mang hinna pakalaha hikeripalai kaloluda wali ta umma nou jakka hidda manunga. ¹⁷Nam jajinei napeabollunya nawarga Efesus, natou Yahudi jakka natou Yunani. Manga, dudda mange'at bolludanyak jiayaka na ngara-Na hi Yehu hippa padeadu-Ya.¹⁸Dadangu waling lahi dudda dam lang parhaya ammijaka manga hidda mangakuja dahalada mang hidda tikkiha dappa langa woluda. ¹⁹Manga, dadajellang waling lahi dudda dam parna adda wunu oalida, hidda kabuaja dahuratuda mang hitunuha tahaga ngara dukana natou. Mang dayapuhak hei dahurat datoma limambulu bella riiti bihhi. ²⁰Atonounaka, nawini-Na hi Moiri natubu pangalang jakka hinna bakul nakuahana.NAHAKABU ATINA HI PAULUS HIKERI HALAKUNA²¹Namengadika nouwu, tapa ngadang, hi Paulus nahawukkuna ta Yerusalem anna mengaka palinoung ta Makedonia jakka Akhaya mang winnak, ''Akku tomakaka nuttu lauwu, nyouwa kutoma jellaha ta Roma.'' ²²Mang anna uttuhaka dam touma duaha dam layanya ta Makedonia, hei Timotius jakka hi Erastus, nam engang ta Asia damma madei.HI DEMETRIUS NAWOLUYA NAPAKARINGAK DENGANG TA KOATA EFESUS²³Pahi naladu nouwu jajijelananyak nakaringak nalarana nei. ²⁴Kadangu, hi Demetrius naha widdang, nam peangu pawolu mattu-mattuna waling ta tabaga, nam woluha kawalu perakuna na Dewi Artemis, nam woaja uttu bakul nam datouna dam kerrang. ²⁵Hei dam peangu pakerrang dudda dappa kehajelaja daoali peangu pakerrangu matoung heida hiwidda, ''oalijaji buhha , kammi peanya atouna ya himma kolinya nadedi mawali yanguya nappa kerrang nei.²⁶Manga, nyiami mi'itta jakka mirangu atouna, datiddi jiamaya ta Efesus natikki hatoma bolluya na Asia, hi Paulus anna pakullinanya na manninguna natou nam dangu hidda habaling talarang kallung mang hillu widdaka, na alla nahawolu waingu limma tourara dajiamaya hi Alla. ²⁷Nam toung nei ma akituya aggananya nappa kerrada mamarihakuya, jiadinguka nakabellak Dewi Artemis nam biaha naha widdang namalli yapuhingumayah hakudduk tekka, dunna naha manuatuna natou tapinu tana dahillu eimanguha biahana.''²⁸Daranguyak nei atonouna, banidanyak hihadanni patiwunguda awidda,''Mubuat Artemis, dewi tou Efesus!'' ²⁹Manga, nakoata nei kayakananyak mang dudda halakudanyak ta umma pingi harami adda wealaha hi Gayus jakka hi Aristarkhus, datou Makedonia daoalina halakuna hi Paulus.Jiadinguka, kakku tama tajoanga tou dangu awinna hi Paulus, heirudanyaka damurit. ³¹Toujellada datou bakul daoalina dappa tutungu adda pangidinya lii abbi nahalaku ta umma pingi harami awiddanya. ³²Jiayaka, hawanguk ramidanya adda payaiwung jakka hawanguk dudda, tiddi ammija adda pa'odung mulana anna karingak weiga.³³Hawanguk dunna hutananyak hi Alexander mulana atuharunya tahaga, hinna dedikunya dunna nalimana, nahawukkuna abbi karingak ta haga tou dangu winna. ³⁴Jiadinguka, Dapeanya hi Alexander atou Yahudiya, eingu dubba jam madeina, ngara dukada dudda patwungdanyak awidda, ''Pabuatuya na Artemis, na dewi tou Efesus!''³⁵Namengaka nei napanitra anna pakawannaruha, dunna winnajak, ''Nanni nyiami tou Efesus, gearaya natou dam peanya nakoata Efesus ajiaya man jawaya nakabellak Dewi Artemis nam biaha waling ta awang? ³⁶Jiayaka, namtoung n ei biha appa ge'anya, nyiami mikawannarkading abbi pangada hadippaldingu. ³⁷Kadangu, nyiami mimaraijaka hei datou a'ammija ha, damma paruhakuya nakabellak nei jakka damma pamarihakuya na dewida jiata.

³⁹Jiadinguka, ammi wukkukangu nyiami agannanya hawanguk, peala hippa berihkaya atomaya napakehang keriya na hukum. ⁴⁰Kadangu, jiata tangir tam akituda mulana nakaringak ya laddu mangakaya daeimang patikkida jiata atta palaranya tu'ana nakaringak nei.'' ⁴¹Namengak hawinna noungu, paheawadanyaka dudda hei damma kabuangu.

Chapter 20WALING TA MAKEDONIA LAPPAKUNG TA TROAS

¹Nakollinguka pakawannar bali, kamaikanajak hi Paulus damurit, anna pakullidajaka da atida, peakanajak hinna paheawa dengaja anna halaku ta Makedonia. ²Namengadika panahiya naloada nouwu mang hinna woaja nasihatu, dunna tomananyak ta Yunani. ³Kadangu datou Yahudi adda pako'unya kage'anya awidda atanga palana ta Siria, jiayaka hinna bottahuya anna bali ta Makedonia.⁴Hi Paulus eija dam oalinya hi Sopater nam waling ta Berea, na anana hi Pirus, hi Aristarkhus jakka hi Skundus, nam walina ta Tesalonika, jakka hi Gayus nam waling ta Derbe jakka hi Timotius , hi Tikhikus jakka hi Trofimus nam wali ta Asia. ⁵Dudda halaku mouludanyak hidda nadigama nyiama ta Troas, ⁶jiadinguk nyiama mapala waling ta Filipi amengaya na Laddu Roati Dam Eingu Ragina, hihalaku ta Troas atomaja tadalu lima laddu, noulau doumanya pitu ladduma.MATTA WAINGUNANYAK HI PAULUS ANNA HILLU HADEKKANG ANNA HALAKU TA TROAS ⁷Taladdu hangi miggu nou, atanga pakehang boluma amma bari roati, hi Paulus panewi denganajak dudda kadangu anna wukkung pahillu halaku taladu nam aminya, mang dunna napapeakang lappak duakariddung. ⁸Da dangu dalampu tapadoung bara deaha, napingi papakehanguma.Manga, einya nabua moani hi Eutikhus naha widdang nam ngodu ta jendeala anna judda ngodu. Jiayaka, tanga panewina hi Paulus anna madei, danna peddamah anna judda mang alolu kana'unanyaka waling ta lantai tiga mang hihadduluya baddi matinaka. ¹⁰Jiadinguka, hi Paulus purung nanyak hinna maturu tapinu ihina, mang hinna agunya awinna, ''Abbi kangilamang kadangu nahangahuna einyah lahi dunna.''¹¹Nadeata balinguka hi Paulus, jiayaka hidda habaring roati adda angu, dunna dokku madeiya anna panewi dengaja, lappak ranni dammu. Menga nouwu hinna halaku. ¹²Dudda bali iddidanyak nei nabuamoani nam morrik bali jiayaka hidokku reaha dengadanya.ANNA HALAKU WALING TA KOATA TROAS JAKKA TA MILETUS¹³Jiadinguka, amma mouluka ta kapal, nyiama palamanyak ta Asos kamma reggaya hi Paulus awimma kadangu alanga winna memmaka, dunna nakabu atingu pahalaku nuttu lauwu halaku tana. ¹⁴Jakka, nareggamaka nyiama ta Asos, matomanya, mang hinna halaku ta Metilene.¹⁵Anna palaka wali nimming lauwu, nyiama nawehanguha himma toma ta Khios. Hillu wehanguli, maranimanyak na Samos, mang hillu hangi ladduli tomamanyak ta Miletus. ¹⁶Kadangu, hi Paulus langa bottahnanyak pahalaku linoung ta Efesus abbi madeinoung ta Asia awinna jiayaka hinna pageahang hikeri tomana ta Yerusalem, jakka anna moadapang, taladu Pentakosta.HI PAULUS ANNA PANEWI DENGAJA DAM BOKUL GAREJA TA EFESUS¹⁷Waling ta Miletus, hi Paulus napaleawa tou ta Efesus nakamaikaja dam boku gareja a'ammija lahi dunna, ¹⁸jiayak dunna hiwinnaja, ''Nyiami mipeanyaka, gikkineigu akku oaligimiha taladdu malai, nakawunga letigunya na Asia, ¹⁹hikku kerrang lahi Moiri mawaling ta atigu nam kahouru, jakka wairuja daweimatagu, mang dokku danguya nam laukaka-laukakawa hadanni hakongkoluda datou Yahudi, ²⁰bayanya hidanna mapattung napapatomagu lahi nyiami tu'ana nam kallung jakka akku ajarumi nyiami tahaga tou dangu akku nahi umma, ²¹mawaling ta atigu akku patekkagiminya napanamung, atouda datou Yahudi jakka datou Yunani,tu'ana namorik nam kallung jakka katta manning ta Moirida jiata, lahi Yehu Kritu.²²Jakka yayi, patetinguya, alanga piinaga Hangahu Matua, atanga halakugu ta Yerusalem, dakku peamanya agannanya nam jaji noulau, ²³tiddi nadinoudanyak na Hangahu Matua anna patekka hingudinya nabiaha-Na ngara takoata atouna nyouwa napingi papatamadaga ta gallu jakka napingi pa'ittangugu mawillagu. ²⁴Jiadinguka, nyouwa dakku dedikung wikkimagu atouna nappa keragu lappa akku mengaya natugahugu nam waling lahi Moiri Yehu, kanna pikki itta napinu tana tu'ana na Wini kanyuru mawaling lahi Alla.²⁵Manga yayi, patetinguya, nyouwa kupeanya atouna nyiami, nappa nahigu akku patomanya na karajaan, enga itta balidimiga. ²⁶Atonounak nei, kakku hakhi bollugimi ta laddu ya atouna nyouwa daeimang halagu taweiraa bollumi nyiami. ²⁷Kadangu, nyouwa dakku pattumaya ta ihigu naha wukkun-Na hi Alla lahi nyiami ngara dukana.²⁸Marommatung wikkimi jakka ngara dukami, nyiami napa langa pawaina na Hangahu Matua ammi jaji majawana-Ja da jemmatu-Na hi Alla, nappa langa kolli-Na waingu wei raa wikki-Na. ²⁹Nyouwa kupeanya taligu peala, da ahu ommang dam porrat ammija lahi nyiami, dam buhang oalimahaha hei. ³⁰Jakka, waling lahi nyiami wikki eingu mapadedi wikkina anna panewinya nam jallur mang hinna irihuha danurit hawanguk.³¹Kadang atonounak nei, mipa'atiki, kammi namuya atouna nyouwa anna laddu anna riddu akku paweimatami, tadalu dam tilluda dadoung adakku hangahu papeaka gimmi waigim weimata. ³²Atouna ya, nyouwa kuharakagimi nyiami lah Moiri jakka ta wini kanyuru-Na nam pakullihumi mang nam woagimi hakkumi tajoanga tou papabiaha.³³Nyouwa dakku lumimang pearak, jakka ommah, atau kagearaya nam eingu koapina. ³⁴Nyiami mipeanya nalima yayi anna kerrang agannanya nahaparluda jiata katta meara dekiya. ³⁵Ngaradukana nam jaji, napapatekkagugimi atouna akerrang toung nei, jiata katta pikki gatanya nam milla jakka katta namuya napanewi-Na hi Moiri Yehu, awinna, ''Reihi maringuha damma woangu oalida walingu damma tarima wali taoalida.'''³⁶Jakka, anna mengak papanewinya nei weiga, karaddananyak anna haba dengaja ngara dukada dudda. ³⁷Manga, dokku danguha dam hou waling lahi dudda adda agunya hi Paulus, manga hidda ngidihuya. ³⁸Drekka millamaya na atida, parereihing adda namuya nahawinnaja nyiami dammi hillu ittamaganyah nahadagu nyouwa. Mang nouwu maraidanyak hi Paulus ta kapal.

Chapter 21HI PAULUS TA TIRUS JAKKA TA KAISAREA

¹Amma pehaewaka nyiama himma pala, lurruhmanyaka ta Kos, mang wehangoli ta Rodos, walinoumaka himma halaku ta Patara, ²mang maittayak hangi na teana nam hagang ta Fenisia, deatamnyak himma pala.³Amma tikki haittayak na Siprus, linoungmanyak ta lalei himma boala noungu ta Siria, mang hipurung ta Tirus kadang nouha dateana adda hapuruja da ngiddida. ⁴Mengak paparegga dengaja damurit, engamaka noulau apitu boladuma. Jakka, waingu Hangahu Matua, dudda dapeakanya hi Paulus abbi nahalaku ta Yerusalem awidda.

⁶nyiama paheawamanyak hatou-hatou. Mang nouwu deatang manyak nyiama ta teana mang dudda balidanyak ta umma.⁷Maloppahunyak nalarangi waling ta Tirus, tomamanyaka ta Ptolemais, mang ngikki dengamajaka daoali manning, jiayak himma engang lahi dudda hangi laddu. ⁸Nahillu wehanguka, halakumanyak ta Kaisarea, mang himma tama ta ummana hi Gurru Filipus, nappa touma pituwaiha, mang oalimanyak. ⁹Da anana touma patuha dalakeada mawinni gagar damma manyurra.¹⁰Atanga enganounguma nyiama patu boladdu, nam hatouna nan nabi hi Agabus naha widdang aminya wali ta Yudea. ¹¹Manga, amminyak lahi nyiama, dekinanyaka na kalarru baggina hi Paulus hinna piija dalimman jakka dawihina, mang hinna panewi awinna, ''Nei jiyaka nahawinang na Hangahu Matua, 'Tanoudanyah nounatou Yahudi ta Yerusalem anna piinya natou nam eingu kalarru baggina mang hiharakanya ta limma tou hawanguk.'''¹²Amma ranguyak nyiama nei, nyiama nameigama noulau himma pa'ohhanya hi Paulus abbi nahalaku ta Yerusalem. ¹³Mang nouwu, hi Paulus pagaping nanyak, awinna, 'Gannanya nahawolumi, mihou ammi pahidduganya na atigu? Kadangu, nyouwa hadia, datiddi jiamaya apiiga, jiadingu langa kakku mati ta Yerusalem mulana na ngara-Na hi Moiri Yehu.'' ¹⁴Jakka, kadang hi Paulus adda bihanyaka appa yakinanya, nyiama kawannarmanyak mang wimmak, '' Mattakanyaya kajiakaya nahawukku-Na hi Moiri nam jaji.''¹⁵Mengaka taladdu nouwu, nyiama hadiamanyaka amma ta Yerusalem. ¹⁶Dam touma pirrah damurit waling ta Kaisarea ammi jellaja adda maraigama mang hidda maraigama ta umma lahi Manason, natou Siprus, namurit madei tadurrak, lahi dunnak amma madak.HI PAULUS ANNA LAPPA EALUYA HI YAKOBUS¹⁷Matomak ta Yerusalem, daoali manning dokku hennanguha adda paregga dengagama. ¹⁸Manga, nahilu wehalinguka, marainagamaka hi Paulus alippa ealuya hi Yakobus, mang ngara dukada dambokul gareja ammija. ¹⁹Amengaka pangiddihuha, hi Paulus panewi nanyak anna tikki hakahangidanya ngara dukana nahawoluna hi Alla ta hangi tana anna pawai lima-Nya nei dunna.²⁰Jakka, adda kollinguka paranguya, jiayak dudda hidda wuatu hailanya hi Alla. Mang, widdanyak hi Paulus, '' Patetijaya, Anguwua, pirra ribuya natou nam waling ta Yahudi noulau nam parhaya jakka hidda keriya na Hukum Taurat, ²¹mang dudda langa peakadaguka ouwu, ammu ajaruya ngara dukana natou Yahudi nam waling ta hangi tana adanna hilu keriya na Hukum Musa, mang hipeakaja abbi da sunatuha da anada atau abbi dakeriya na adatuda jiata.²²Mangaka, gikki noukadaka jiata? Dudda enga rangudagu ouwu aeigu. ²³Atonounaka, keriya agannanya napatikima nyiama lahi ouwu. Eija dam touma patuh waling lahi nyiama dam einu nazaruda, ²⁴Maraija kammu pikki pabiaha wikkimu jakka hei dudda, mang bayardaja dakaheawada dudda kadda pikki piaku adda gutija daloagida. Atonoukanaka, ngara dukana natou peananyaka ahilu pakitungu naharanguda tu'ammu ouwu, atouna ouwu ammu kerijellaya na Hukum Taurat.²⁵Jiadinguka, tu'ana natou hangi tana nam langa parhayana, nyiama matulijak hurat atouna dudda kadda marouja hei, 'da katirou dappa langa hailang ta deawa, nam eingu raana, jakka dappa waingu papahhu, jakka waling tadoaku jala palaung wikki.' A'APPAYA HI PAULUS²⁶Mang nouwu, hi Paulus nam maraija datou hei weiga, hillu tomayak anna wehangu, anna mengaka papawarah wikkina jakka hei dam raina, tamananyak ta Bait Alla anna patomanya narahina napawarah wikki mang hudda hailanguha manuatung hinna dukka.²⁷Tikki patomaka pitu boladdu, datou Yahudi dam waling ta Asia, adda ittayak hi Paulus ta Bait Alla, pa'unnakdanya nam dangu a'appaya hi Paulus, ²⁸hidda patiwung awidda, ''Hei tou Israel, gatang! Natou nei jiayaka nam ajaruya ngara dukana natou tahangi padoung hinna lawanya na tanada jiata, jakka na Hukum Taurat, napadoung ya. Jakka, nam pareihing, anna maraija datou Yunani ta Bait Alla mang pamanyariknanya napadoung nam warah nei.!'' 29 Kadangu, nakawungana dudda baddi ittadanyak hi Trofimus, natou Efesus, anna marainya ta koata mang napapangadada marainanyak hi Paulus ta Bait Alla widda.³¹Kamma hamatiya awiddaka, tomananyak nalii ta kapala pasukan Roma tu'ana na Yerusalem anna kacu.³²Jiayak dunna, hinna maraija da prajurit jakka da parwira, hi ammija adda palai lahi dudda. Manga, natou adda ittahaka da kapala pasukan jakka da prajurit, mattadanyak patauya hi Paulus. ³³Menga nouwu, da kapala pasuka lihidanyak hi Paulus hidda appaya, mang hidda pinya wainya galli bihhi. Manga, jiaya hinna patuttur gearaya hi Paulus jakka gannanya napa langa woluna.³⁴Jiadinguka, hawanguk natou dangu kadoakananya anna panewinya nam mattu-mattuna. Mang adanna kawanguk juaka nappa jaji dengana nakacu nei, jiaya hinna woangu pareaha kamma rainya hi Paulus ta markas. ³⁵Anna tomaka ta tangga, hi Paulus hadduldanya da prajurit kadang natou dangu anna kehhanya, ³⁷Tanga patamadanya hi Paulus ta Markas, winnak hi Paulus anna panewi ta kapala pasukan, ''Nabihakading nyouwa akku panewi hakuddu lahi ouwu?'' Mang, na kapala pasukan napagaping winna, ''Mupeakading hilu Yunani ouwu? ³⁸Atonoukanak, ouwu datou Mesir maw nam woluya dam kallung wuanuttu buana jakka nam maraingu patu ribu mahamati tou ta padang gurun?''³⁹Jiadinguka, winnak hi Paulus, ''Nyouwa tou Yahudiwa nam waling ta Tarsus, ta Kilikia, tou mawaling ta koata namma penting. Ku kareiwu ohapamuka woaga kaloaga kakku panewi kadda rangu datou hei.'' ⁴⁰Jiayaka, anna woanyaka kaloaga nakapala pasukan, dedinanyak hi Paulus ta tangga mang hinna waingu limma anna woaja tada hei datou. Manga, anna kawanarruka, dunna panewinanyaka hiwinnaja anna waingu hilu Ibrani winnak anna panewi.

Chapter 22ANNA PANEWI HI PAULUS TA HAGADA DATOU YAHUDI

¹Akku anguwuagimi, akku amagimi, rangupaganya namma padening akku tulugimi nyiami.'' ²Jakka, adda ranguyaka hi Paulus anna waingu hilu Ibrani, taba kawannardak, mang winnak hi Paulus,³''Nyouwa tou Yahudiwa, nam jaji ta Sarsus, jiadinguk matua yangugunya ta koata ya,hikku hakoala ta Gamaliel nam dokku katattuya anna hamannuya na hukum waling taboku appuda, mang hikku kerrang ta tu'ana hi Alla, toung nyiami ya laddu. ⁴Nyouwa dakku keri tetekamaya nalarangi nei hikku hamati oaligu,hikku piija mang hikku patamanya ta gallu damawinni jakka damoani, ⁵namma toung ya nappa ittada lahi nyouwa da Imam Bakul jakka dambokul majelis. Waling lahi hammu akku koling hurrat kappa ngiddinya dam eija ta Damsyik mang hikku halaku akku lippa piija dam eingu ta Yerusalem ahukkuja.⁶Atonounak, jajinanyak,atanga talarangiwa kutikki hatomak ta Damsyik, anna tiddung naladdu, alollu amminyak nam kawallik wali ta awang nam wahahingung hinna kalagileihuga. ⁷Karaddagunyak ta tana mang rangugunya nam winnaga, 'Saulus, Saulus, ga himmu hamateliwa Nyouwa?' ⁸Jiayak hikku pagaping, 'Gearawu Ouwu, hi Moiri-Wu?' Mang winnak lahi nyouwa, 'Nyouwawa hi Yehu nam waling ta Nazaret, nappa manyerramu amma hamati-Wa.'⁹Datou dam raigu da'ittaya nam kawallik neiweiga, jiadinguk dadda peamanya nalii Touwu nam panewi dengaga. ¹⁰Manga, wigguka, 'Gikki noukaguka, Moiri?' Mang pagapingnanyak hi Moiri winnaga, 'Kiddiya kammu halaku ta Damsyik nuttu lau, kapeakaguja ngara dukada dappa langa bottahu daggu ammu kerraja.' ¹¹Jakka, atanga da'ittagu kadangu nam kawallik nei, nyouwa hamannudagaka adda dutuwa damaraigu himma toma ta Damsyik.''¹²Manga nouwu, einya hi Ananias nahawiddang, natou tutu tou tiddi nam keriya na Hukum Taurat, jakka nappa pengu tou Yahudi nam engang noulau, ¹³amminya lahi nyouwa, mang nadedika ta karahagu, winnak, 'Akku anguwuagu Paulus, ittayaya!' Mang jiayak, alollu ittadanyak dawua matagu hikku ittajellaya dunna.Jakka, dunna winnak, 'Hi Allada da bokuda jiata pedinaguka ouwu ammu peanya nahawukku-Na mang kammu ittaya nam Kallung, jakka kammu ranguya hahilu waling ta a'a-Na, ¹⁵kadangu ouwu jiawuka nam jaji hakhi-Na ta ngara dukana natou nappa ittamu jakka nappa rangumu. ¹⁶Manga, atouna ya, ganna nappa hillu parahi dengamunya? Kiddiyaya pahellang wikkimuya ka'ihuwu, kapikki warahuda dadoaku jalamu mang himmu kamaikaga-Nya na ngara-Gu.'''¹⁷''Akku balika ta Yerusalem atanga habayangugu ta Bait Alla, nouwaka anna pinnuwa Hangahu Matua, ¹⁸jakka ittagunyak Dunna anna panewi dengaga awinnaga, 'Pageahanguya kammu lohung waling ta Yerusalem kadang dudda hei dadda tarimamaya napalollumuja tu'a-Gu Nyouwa.'¹⁹Mang jiayaka, wigguka, 'Moire, dudda dapea memmagaka nyouwa akku piija mang hikku patamaja ta gallu dam parhaya-Wu dam waling ta umma pingi pahabayangu. ²⁰Manga nouwu, atoukinaka nawei raana na hakhi-Mu hi Stefanus, anna boangu, nyouwa wikki tanga eijellaga noulau, kahatujuya, mang hikku jawadaja dakoapida datou damma hamatiya.'²¹Mengaka nou, winnagaka hi Yehu, 'Huyaya halakuyaya! Kadangu, Nyouwa nam palewawu ouwu kammu halaku marou ta hangi tana.'''²²Natou dangu nei naranguya hi Paulus ngaranahatikkina nei. Mangaka, dudda panewi bolludanyak widdak, ''Pamohuluruhaya natou nei tapini tana kadang danna hillu padoumanguha anna morrik!'' ²³Manga, patiwu pangaladanyak adda kabeanaya hadanni wurradaja dakoapida jakka dadekiya natana adda wurraya ta ngillu, ²⁴ na kapala pasukan dunna woanajak pareaha kadda iddiya hi Paulus ta Markas, hinna peakaja atouna hi Paulus kapikki pareaha hudda apeanya agannanya nappa tanou dengadanya nei awinna.²⁵JIadinguka, atanga padedidanya anna pajoalaja dalimana karobbah wainaja kalarru kalittu awidda, panewinanyak hi Paulus ta parwira nam dedi talihina winnak, ''Penya nammu nampatang atiddi alollu pagarrinya natou na warga Roma adda adilu lettukayak?'' ²⁶Naranguyak nei naparwira, jiayak hinna halaku ta kapala pasukan anna peakanya, winnanyak, ''Gikkin wimmukaka ouwu? Kadangu, nei natou warga Romaya.''²⁷Jiayaka, nakapala pasukan winnanyak hi Paulus, ''Panewi lahi nyouwa, penya ouwu warga Romawu?'' Mang pagapinguka hi Paulus, ''oa'a winna.'' ²⁸Nakapala pasukan nei pagaping nanyaka winnak, ''Nyouwa kukolli wainyak nei riiti majangi.'' Manga, panewinanyak hi Paulus winnak, ''Atonouana, nyouwa akku jaji warga negara majaji noung memmawa.'' ²⁹Jiayaka, natou nam pareahaya hi Paulus dijakdanyak mang dakapala pasukan mange'atdanyak mula adda peanyaka hi Paulus atou Romaya jakka alanga piidanyak.HI PAULUS ANNA PANEWI DENGAJA DAM PAREAHA YAHUDI³⁰Atonouana, tomaya naladdu nam amminya, kadang nakapala pasukan kakku peahingunya gannanya nahalana hi Paulus hinna appaya natou Yahudi awinnaka, dunna pahella balinanyak hi Paulus mang paleawaha da imam kapala jakka ngara dukada datou Sanhedrin adda pakehang,mang hinna marainya hi Paulus natadanya tapaduada dudda.

Chapter 23

¹Napatetijak hi Paulus hei da Sanhedrin winnak, ''Akku anguwuagimi, nyouwa kupahalakuyak namorrikugu nam hawali ati ta haga-Na hi Alla lappa taladdu ya.'' ²Manga, na Imam Bakul hi Ananias paleawanajak datou dam dedi talihina hi Paulus adda kababananya na a'ana hi Paulus. ³Manga nouwu, hi Paulus winnajak, ''Hi Alla nakababami, nanni nyiami natembok napa taungu cet kaka! Penya himmi ngodu kamma pikki hakkinya keriya na Hukum Taurat manga himmi kababawa ammi hapalaya na hukum?''⁴Natou nam dedi talihina winna, ''Penya ouwu olukmunya na Imam Bakulu-Na hi Alla?''⁵Mang jiayak, hi Paulus hiwinna, ''Nyouwa dakku peamanya, Anguwua buha, atouna nei dunna ajiaya na Imam Bakul. Kadangu, einya nahatuli, 'Abbi mipanewi manyarikuling tatouwu nam pareahawu ta tanamu.' ''⁶Jiadinguka, anna peajaka hi Paulus hei datou adda tatalu datou haduki dam eija dam parhayaya aeinya nakiddi bali jakka aeinya namorrik nam amminya, jakka hawanguk datou parihi, jiayak hi Paulus hinna panewi hawadding tajoangada da Sanhedrin winnak, ''Akku anguwuagimi, nyouwa jiawa tou parihi jakka ana tou parihi. Nyouwa tanga adildaga mulana nahamanning jakka nakiddi bali waling tatou mati!'' ⁷Atanga winna noungu hi Paulus neiyi, jajinanyaka nakaringakuda hei datou Parihi jakka datou Haduki, jakka pakalikki wikkidanyak datou damma kabuangu hei. ⁸Kadangu, datou Haduki adda panewi daeimanya na kiddi bali widda, daeimang malaikat widda, jakka daeijellamang hamangu widda, jiadinguka datou Parihi da akubolluya nei.⁹Jiayaka, jajinanyak napage'ang bakkul mang dam touma pirraha dam peangu Taurat waling tatou Parihi kiddidanya adda page'ang darekanoumaya adda kangila widdak, ''Nyiama damma ittamanya halana natou nei. Gannanya widdakaka anna panewidengakanya malaikat dunna? ¹⁰Manga, ataba bakkulnaka naka ngila, nakapala pasukan momunanyak hi Paulus anna kuhakunya madangu nei, jiayaka hinna paleawaha da prajurit hidda purung adda dekiya hi Paulus tapaduada wainya hukka ati, mang hidda iddiya ta markas.¹¹Tomayaka nariddung hangi, hi Moiri dedi-Nanyak ta karahana hi Paulus mang win-Nak, ''Pamaddunaya na atimu kadangu ouwu mupeaka-Waka Nyouwa ammu hakhi-Ga ta Yerusalem, toujellana ouwu muhakhi-Gah Nyouwa ta Roma.''NAWUKUDANYA HI PAULUS AHAMATIYA¹²Atangaya naladdu anna wajalu, datou Yahudi pako'ung danyak hidda pingu wikkida lappak adda paruungu hudda adda hamatiya hi Paulus. ¹³Eingu touma patumbulu reihiya damma pako'ung hei.¹⁴Ammija ta imam kapala jakka tambokul pa'ati, mang hiwidda, ''Nyiama mapingu wikkimak himma parungu adamma angu gangananya hudda amma hamatiyaha hi Paulus. ¹⁵Atouna yayi, ouwu jakka na Sanhedrin, peakanya nakapala pasukan kanna maraigunya lahi ouwu, mearana ammu bottahuya na palakarana nam reihi patu'a mang nyiama kamma pikki hadia amma hamatiya adaddi nam maraninya napadoung nei.''¹⁶Jiadinguka, nalakeada moani na anakabinnina hi Paulus rangunanyak nahawukkuda damkallung nei,jiaya nouwu hinna halaku ta markas, anna peakanya hi Paulus. ¹⁷Hi paulus kamaikananyak hatou naparwira hiwinnanya,''Marainya nei nalakeada moani takapala pasukan kadangu eingu hilu papatomananya.''¹⁸Jiayaka, naparwira hinna marainya takapala pasukan mang winnak, ''Hi Paulus, natou tahang nei kamaikanaga mang hinna kareiwa akku marainya nei nalakeada moani tahagamu kadangu dunna nei eingu hilu papatomanagu.'' ¹⁹Nakapala pasukan hamannunanyak nalimana nalakeada moani nei, nawealaya takarahana hinna tutturuya meahaya, ''Gannanya nahapeakamuga lahi nyouwa?''²⁰Manga, dunna winnak, ''Natou Yahudi nakahanginguka kakareiya nammu kanna maraigamanya hi Paulus ta Sanhedri baru wehang widda, kanna pareaha tetekaya kawidda noung awidda dudda hei. ²¹Jiayaka, abbi waimaja hei dudda kadangu eingu touma patumbuluya dudda ka'appaya hi Paulus kapikki hamati dam widda, mula alanga parungudakka jakka adda hukkung wikkida lappak hudda amma hamatiyaha hi Paulus awidda. Mang atouna nou, dudda nadingdanya agannanya nahabottahumu.''²²Jiakadiyak, nakapala pasukan hinna paleawaya bali nei nalakeada buamoani, mang hinna peakanya hiwinnanya, '' Abbi peakamaya tahatou tekka ammu lollukganya nei.'' APPANGIDINYA HI PAULUS TA KOATA KAISARIA²³Manga jiayaka, nakapala pasukan nei nakamaikaja dam toumaduaha da parwira hiwinnaja, ''Mihadia tou dua ngahu tentara, jakka pitumbulu makaleti jara jakka dua ngahu prajurit mawaing baddil, kammi pikki halaku ta Kaisaria, ta jammu tiga riddung ya. ²⁴Hadia jella madaga kammi padeahaya hi Paulus mang kammi marai kawannarunya lahi Feliks, na gubernur.''²⁵Mang hinna tuliya nahurat nam winna nei: ²⁶Walina lahi Klaudius Lisias. ²⁷Natou nei appadanya datou Yahudi hidda tikki pahamatiya mang a'ammigaka akku maraija da prajurit amma gatanya, nounguha hikku peanyaka atou mawaling ta Romaya.²⁸Kadangu kakku peahingunya gannanya napa pahala dengadanya wiggu, jiaya hikku marainya ta Sanhedrinad dudda. ²⁹Nyouwa napa'ittaguja adda pahalaya tu'ana na Hukum Taurat napa kerida dudda, jiadinguka daeimang pingi hapiakudanya ahamatiya ta gallu. ³⁰Jiakadiyak aeinguka hilu matoma lahi nyouwa ngarri pako'ung memmadanya adda ge'anya nei natou, jiayak hikku paleawaha hei dage'ana kadda patekkanya nahalana tahagamu.

³²Mang heling pirra bolddu, dudda mattadajak dam kaleti jara adda marainya, jiayak dudda hidda bali ta markas. ³³Adda tomak ta Kaisarea woadanyaka nahurat ta gubernur, hidda maraijellanya hi Paulus tahagana.³⁴Nabahayak nei nahurat na gubernur, tutturnanyak bayaka waliyana nei hi Paulus. Jakka, anna peanyaka hi Paulus awalina ta Kilikia, ³⁵dunna winnak, ''Nyouwa hikku ranguwu ammu panewi ammijaha datou damtuduwu.'' Jiayak hinna woangu pareaha ammarommatunya hi Paulus ta markas bakkuluna hi Herodes.

Chapter 24HI PAULUS TA HAGANA HI PELIKS

¹Tomayak nalima boladdu, na Imam Ananias amminyak anna maraija dam touma pirraha damboku pa'ati jakka hatou natou panewi hi Tertulus nahawiddang. Dudda hei patomdanyaka naha appadengadanya hi Paulus ta gubernur. ²Mengaka pakamaikanya hi Paulus, hi Tertulus ealunanyak halana winnak, ''aeigu ouwu Maraba, nyiama namma riioatang namorrikuma jakka dangu nam kallung nahawolumu hinna paheapang natanama nyiama mulana nakallungumu ouwu Maraba, ³nyiama makawu ouwu wainya na atima nam pamalanguwu, Nam Tiddang hi Feliks.⁴Jiadinguka, abbi mule'a pakerrangumu, nyouwa kupaohagu mawaling ta atimu kammu pikki ranguma nyiama hakudduk. ⁵Kadangu, nyiama langa ittamanyak natou neiajiaya nam pangacu tatou Yahudi tapinu tana. Jakka, dunna jiayak nakapalaka kabih Nasrani. ⁶Dunna hukkalinah anna pamarihakuya na Bait Alla jiaya nyiama himma appaya. [Nyiama nahawukkuma kamma adiluya kamma woanya hukum mati wimma.⁷Jiadinguka, hi Lisias, nakapala pasukan nei, amminyaka anna parimagamanya ta limama nyiama anna waingu hukka ati, ⁸hihadanni paleawanaja datou dammatuduya a'ammija lahi ouwu.] Anna pareaha wikkikananyaka, ouwu peamunyak agannanya nappa appadengamanya.'' ⁹Datou Yahudi kahanging danyaka adda wunuya kamma pikki piaku nya ahukkunya awidda.ANNA PANEWINYA NAM PADENING HI PAULUS TA HAGANA HI PELIKS ¹⁰Nawonyak tada nagubernur hi Paulus kanna panewi awinnanya, pagapingnanyak hi Paulus, ''Kukollinguka hapaenya nyouwa nam touna madeina nadoungu ammu jaji hakim ouwu ta tana nei, nyouwa wali atigu akku panewinya nam bollupia. ¹¹Ouwu mupeanya atounanam habulu dubba ladduna nam loppah nyouwa kuhalaku ta Yerusalem lippa habayang. ¹²Dudda dadda ittamawa akku kangiladengangu hatou tekka, jakka atta Bait Alla, ta umma pingi pahabayang toujellana ta koata. ¹³Dudda dadda biha adda patekkanya lahi ouwu agananya nahatudu dengada ya.¹⁴Jiadinguka, nyouwa kumangaku lahi ouwu, tanoukaddimiha, na sekte nahawimming, akku habayang lahi Allada jiata, mang hiparhayaya aganganananya nam einya ta Hukum jakka nahatuli ta hurat nabi, ¹⁵hidda harainya nakullihuda lahi Alla, nappa nadida dudda, atouna naeinya nakiddi bali, touda datou padening jakka datou bokalkika. ¹⁶Tadalu atonouna, nyouwa kupatarrunya ta atigu nam kallung, tahaga-Na hi Alla jakka ta haga tourara.¹⁷Atounak ya, nam langa pirra douna, nyouwa a'ammiga akku iddinya kanyuru na tanagu jakka kakku woangu manuatung awiggu.¹⁸Atanga pahalakuginya, adda paregga dengaga langa warahgukka ta Bait Alla, dawaing pakorrumadaga atau dawaingu karingakmaya. jiadinguka, naoulau dam touma pirrah datou Yahudi dam waling ta Asia. ¹⁹Adekikayak, hammunguha dam eija ta hagagu dam manyerraga halagu, jakka aeimemmkanguka tapa ngadanguda adda ge'aga nyouwa.²⁰Nounam, jemmakaja hammu wikkinguha dam peakaya gannanya napahapalagu atanga dedigu tahaga Sanhedrin, ²¹jiakadiya adakku bahaya akku kadoaka aeiga tahaga dudda, 'Kadangu na kiddi balida datou mati, jiayak nappa hukku dengadaga nyouwa ta hagami ya laddu.'''

²³Mang nouwu, hi Feliks napaleawaha daparwira kadda pikki tahha pangalanya hi Paulus awinna, jiadinguka napahalealaya mang danna heirumaja daoalina adda tomanya hidda layanya.HI PAULUS NAPANEWINANYA NAMANNINGUNA LAHI KRITU²⁴Maheling pirra boladdu, amminyak hi Feliks anna marainya na araweina, hi Drusila, dunna tou Yahudi jellaya mang hinna paleawaya hi Paulus a'amminya anna tomanya kanna lollukuya na manninguna lahi Yehu Kritu awinna. ²⁵Manga, atanga panewina hi Paulus anna bariya napangadanguna tu'ana nam kallung, marommatung wikki, jakka napahakking nam amminya, hi Feliks mange'atnanyak mang winnak, ''Huyaya hallakuya ya. Aeiding kaloagagu kukamaika balikagu.''²⁶Taladdu nou jella weiga, napatengina hi Feliks halang nawoaga riti hi Paulus winna. Mang jiayak nei, hi Feliks hinna kamaikanya hi Paulus anna panewi denganya. ²⁷Jiadinguka, adubba dounak madeina, hi Perkius Festu heapananyak hi Feliks. Jakka, kadang anna kakku papahennanguya natou Yahudi awinna jiayaka hinna mattanya hi Paulus ta gallu.

Chapter 25HI PAULUS TA HAGANA HI FESTUSNADEAHANG BANDING TA KAISAR

¹Higgang tillu boladdu, hi Festus dukinanyak ta propinsi nou, anna mengak pahalaku ta Kaisarea lappak ta Yerusalem. ²Daimam kapala jakka mapareaha Yahudi dappa deitunya hala hi Paulus, mang hidda dehak pangalanya hi Festus, ³hidda kareiya nam hawali ati lahi dunna kanna paleawa tou amma maraidanya hi Paulus ta Yerusalem, adda mengaka papako'ung kaha matiya hi Paulus awidda tapadua larangi awidda.⁴Napagaping hi Festus winnak hi Paulus tahha pangaladanya ta Kaisarea pirrangu nahalaku wikkikana nutu lau. ⁵''Jiayaka'' ,winnak ''Mattakaja dam pareaha lahi nyiami ka'amminya adda tomaga, jakka aeikanguka mahala tu'ana natou nei, jemakadija kapikki hammu damma patomanya agannanya widdanya.''⁶Naenganguka hi Festus anna oalija heling habulu laddu, dunna balinanyak ta Kaisarea. Manga, anna wehanguka, dunna ngodunanyak ta gala pengadilan mang woangupareaha nanyaka kapikki marainya hi Paulus ta hagana. ⁷Natomak hi Paulus, datou Yahudi ammijak waling ta Yerusalem dedidanyak adda korrunya, adda tikkinaja dam dokku danguha dappatudu dengadanya hi Paulus, dappa bihada adda kollija datada. ⁸Nouyaka hi Paulus anna tikkiya nam padening, ''Nyouwa dakku wolumang mahala kaganna jellananya nappa padeitumiga, kajiaha da Hukum Taurat Yahudi, toujellana na Bait Alla, jakka na Kaisar.''⁹Jiadinguka, kadda hennang waingu datou Yahudi awinna, hi Festus winnanyak hi Paulus, ''Penya dummu muhadiading halaku ta Yerusalem kapikki pa'adiluwu tahagagu mulada dahala dapapa deitudagu hei?'' ¹⁰Jiadinguka, winnak hi Paulus, nyouwa ya dedigunya tahagana na pengadilan Kaisar, napadoungu nam pahi pingi pa'adiludaga. Nyouwa dakku halamang hakudduk tekka tahagana natou Yahudi matoung nahawimming.¹¹Jiakadiyak, jakka akku halakak mang hi hukkuga ahamatiwa, dajiang palaimagu waling nahamati dengangu. Atonoukanak, jakka nahatududaga adda padenikadingu, daeimang hatou tekka nam harakaga lahi dudda . Jiakadiyak nyouw hikku karei banding ta Kaisar.'' ¹²Mang nou, namengak hi Festus anna rundingunya nei ta Sanhedrin, dunna pagaping nanyak winna, ''Ouwu deahang bandingmunyak ta Kaisar, jiayak muhalaku ta Kaisar.''HI FESTUS NATUTTURUYA NA RAJA AGRIPA TU'ANA HI PAULUS¹³Heling pirra boladdu, ammijakka daraja Agripa adda maraingu hi Bernike ta Kaisarea adda patomang lippa manuatunya hi Festus. ¹⁴Atanga engada houlau apirra boladduda ,hi Festus menjelaskan tu'ana nam halana hi Paulus ta raja, winnak, ''Einya hatou nappa mattang ta gallu lahi Feliks. ¹⁵Atanga eiga nyouwa ta Yerusalem, imam kapala jakka dambokul pa'ati ta Yahudi patomadanyak nahilu napahala dengana hidda kareiya ahukkunya. ¹⁶Kupagapijak dudda hiwigujanei dakalli dammamanya ta Roma aharakanya natou nahatiddi tudu adaddi nappa regga dengakanyak natou nam tuduya, paka'amatanguha, mang hiwoanya kaloaga anna ealungu pingi hapiakuna anna palaranya nam padening.¹⁷Jiayaka, a'ammijaka adda pakehang yayi, nyouwa dakku pammalaimanya nam hala nei, jiadinguk nawehanguka, ngodugunya ta gala pengadilan mang hikku paleawaha kadda maraiganya natou nei tahagagu. ¹⁸Dadedika hei dam tuduya, dudda dadda patomamanya nahilu dakallung nappa momugu. ¹⁹Jiadinguka, dudda danna daamang dappa hatujudanya nei natou tu'ana na agama dudda jakka tu'ana nam hatouna hi Yehu nahawiddang, nam langa matina, nappa peakana hi Paulus namorrik Dunna winnang. ²⁰Kadangu nyouwa dakku peadengamanyaha papareahaya nei, jiaya hikku patuttur penya naweakukading dunna pahalaku ta Yerusalem mang hiadiluya noulau tu'ana nam hala nei.²¹Jiayaka, anna deahanguka hi Paulus ta banding atahhanya jakka hinadinya napabottahuna na Kaisar, nyouwa kuwoangu pareaha kapikki tahha pangalanya lappak hudda akku biha papangidinya ta Kaisar.'' ²²Manga, hi Agripa winnanyak hi Festus, ''Nyouwa kurangu wikki jellagunya natou nei.'' ''Baruwehang,''winnak hi Festus, ''Ouwu enga rangumunya.''²³Jiayaka, taladdu nam amminya,hi Agripa jakka Bernike amijaka adda wainya nadedida mang hidda tama taroangu umma pengadilan oali de'ada da pasukan militer jakka dam pareaha takoata nou. Manga, keriya napareahana hi Festus, tama iddidanyak hi Paulus. ²⁴Winnak hi Festus, ''Raja Agripa jakka ngara dukami namma eigimi ya. Patetinya natou nei, napakareida datou Yahudi lahi nyouwa, waling dam eija ta Yerusalem toujella da dam eija damma eija ha, hidda patiwung awiddanya natou nei abbi nahillu madeimang anna morrik.²⁵Jiadinguka, nyouwa dakku reggamanya pawoluna nappa kolling dengana hukuman mati. Manga, anna deatanguka banding tamma Rehi Jaga, nyouwa bottahugunyakhikku pangidinya ta Kaisar. ²⁶Jiadinguka, dakku kollimangu makawanguk kapikki tuliha mang hikku woaha lahi ouwu akku moirigu. Atonounaka, jiaya hikku marainya nei natou tahagami nyiami ngara dukami, parereihing tahagamu ouwu, Raja Agripa. Tanoudanyaha, amengaka papareahaya nei, jiaya nyouwa hieingu patuligu. ²⁷Kadangu, magga damma tamaya ta atigu akku pangidinya hatou natou hukkung adda eikanguka halana nappa hukku dengadanya.''

Chapter 26HI PAULUS ANNA PALA TA ROMA

¹Jiayaka, dunna hi Agripa hiwinnanya hi Paulus, ''Ouwu woadagu kaloaga ammu panewi kammu piaku ammu paheili.'' Manga, hi Paulus hinna pamadappaha dalimana hinna patekkanya nadahalana. ²''Ajiadiya natududaga nyouwa dunna natou Yahudi, mearanaka a'utugunya, Raja Agripa, kadangu nyouwa kupatekkanya adakku hala tahagamu taladu ya, ³pareihing ouwu jiawuka nam pea bollunya natanoguda jakka nam jaji dam kallung tatou Yahudi. Kadang atonounaka, ohhapamuka kammu rangukiwa duggu nam wali atimu.⁴Ngara dukada datou Yahudi dapeanya napata morrikugu waling abua touwa, nakawungana tiddi morrik awagunya ta padua tana wikkigu jakka ta Yerusalem. ⁵Kadang adokku madeiha adda peaganya nalara paliigu nyouwa, jakka adda weakudingu dudda, papanewinya alanga hakhidaga nyouwa akku morriku kerihingugunya naha ajarunagama na agamama nyiama, hikku morrik akku jaji tou parihi.⁶Atounak ya, nyouwa dedigunyak nei a'adiluwa mula nappa harapugu nappa janjinada hi Alla ta boku appuda jiata. ⁷Najanji nei jiayaka nappa nadida dudda hei dam habulu dubba kabihuya natana jiata lappak hudda akollinya, mulana dudda adda wuatu hailanya hi Alla anna laddu jakka anna riddung. Jakka, mulana naharapgunya najanji nei jiayaka nappa tudu dengadaga nyouwa natou Yahudi, dum Raja. ⁸Ga nyiami ammi pangadanya hidanna bihali atouna hi Alla anna pakiddi bali tou mati?⁹Kadang atonounaka, winna nahapangadang nyouwa kulalau ealunya pingi hapiakuna akku hikkalunya na ngara-Na hi Yehu nam waling ta Nazaret. ¹⁰Manga, nei jiayaka nahawolugu ta Yerusalem. Datiddi jiapakaya nappa tamaguja datou papabiaha ta gallu, akku kollinguka kuaha waling ta imam kapala, parereihing kuhatuju jellay ahamatiha. ¹¹Mangaka, nyouwa kuhukku dakka juaja ta umma pingi pahabayang jakka kupaleawaha kadda pamarihakuya na ngara-Na hi Yehu awiggu. Jakka darekka noumaya nabaniguja, akku aniayaya dudda, lappak ta koata hangi tana.''ANNA LOLLUKUYA HI PAULUS NAPAREGGA DENGANANYA HI YEHU¹²''Tonoujellanak nei naha wukkugu, hikku halaku ta Damsyik, awoaga kuaha jakka tuggah waling ta imam kapala. ¹³Anna tiddunguka naladdu, dummu Raja, tappa dua larangi, ittagunyak nam kawallik waling ta awang, reihi wahanguya waling ta mataladdu, namma hilatekkangu anna kalagga leihuga jakka datou dam raigu. ¹⁴Jiayaka, karadda bollumanyak ta tana mang rangugunyak nam panewi waingu hilu Ibrani winna, 'Saulus, Saulus ga ouwu himmuhamateliwa Nyouwa? Nahulit atoukanak ouwu ammu teddaya na gala pamorrik dengang.¹⁵Jiayak hikku tutturuya, ''Gearawu Ouwu, hi Moiriwu?' Mang nou, pagaping nanyak, 'Nyouwawa hi Yehu naha pamawillamu. ¹⁶Jiadinguka mukiddiyaya kammu dedi waingu wihimu. Kadangu, Nyouwapatekkang wikkigunyak lahi ouwu, Kakku pajajinya palayang jakka hakhi wig-Gugu, datiddi jiamaya napa'ittamu ya, jiadinguka einya nadanguha napapatekkagugu. ¹⁷Ouwu Kupahalamatuwu waling ta tanamu jakka waling ta tana hawanguk, napingi papaleawagugu ouwu, ¹⁸kammu pikki wehhadaja dawua matada mang hidda matanya nam kapettang namoritana adda itta mawahang nam waling lahi Alla kadda pikki kolling makallung jakka padoungu tapadua tou napapabiaha mulana na manninguda lahi Nyouwa.'''HI PAULUS ANNA PALARANYA NAHA KERRAN¹⁹Jiayaka, Raja Agripa, nyouwa daddi kutaatmayah naha'ittagu nam waling ta surga nei, ²⁰jiadinguka ,nakawungana kupatomadanya dam eija ta Damsyik, mang ta Yerusalem jakka ta ngara dukana na wilaya Yudea, mang ta hangi tana kikka, kadda pikki haria adda habaling lahi Alla, mang hidda keriya nam kallung alanga hariakadak dudda. ²¹Jiakadiyak, datou Yahudi hidda appawa ta Bait Alla mang hidda wukkuga pahamatiwa.²²Lappak laddu yayi, kolligunyak napanamunguna hi Alla jiayak hikku dedi yaya akku hakhinya, waling talakeada merrah lappakung tamatua hidakku panewi hawanguk, hitiddi jiapaya napatikkida da nabi jakka hi Musa tu'ana nam jaji, ²³atouna hi Kritu enga mawilla-Na lappak namati mang hinna kiddi bali wali tajoanga tou mati, Dunna jiaya nam patomanya nam wahang, tatou Yahudi jakka tatou hangi tana.''²⁴Tanga panewina hi Paulus anna patomanya nam padening napawukkuna, hi Festus kadoakananyak awinna, ''Paulus ouwu nanni kato'amunyaka! Napeangumu damma rekkanouya nanni jiaya nam pakato'awu. ²⁵Jiadinguka, hi Paulus pagapingnanyak, ''Nam tiddang Festus, nyouwa dakku kato'amang, jiadinguka napapatomagu mapadeninguya jakka nahilugu nakennang tapa ngadang. ²⁶kadangu, na Raja napeanya nahatou dengagu jiaya hikku barani akku panewi denganya. Kadangu, kamanninya atoukana daeimang hatou tekka namma hapalananya napa ngadanguna kadang ya dajajimanya tapa doungu makahika.²⁷Raja Agripa, penya ouwu mu parhaya da nabi? Kupeagu ouwu muparhayah.'' ²⁸ Jiaya hinna panewi na Raja Agripa lahi Paulus hi winna, ''Tarahi marani, ouwu mupamannigakka nyouwa akku keriya hi Kritu.'' ²⁹Manga, pagapingnanyak hi Paulus, ''Nyouwa kukareiya hi Alla kanna kerrang ta atimu ouwu jakka natou hawanguk kapikki toujellami lahi nyouwa dajia hinumaya ataugimi galli bihhi.''³⁰Manga nouwu, na raja dedinanyak. Toujellana nagubernur, hi Bernike, jakka natou nam ngodu adda oalija. ³¹Manga, adda lohunguka waling tapadoungu nouwu, pawiddang wikkidak, ''Natou nei daeimang hawoluna nappa hamati dengadanya jakka apatamanya ta gallu.'' ³² Jiayaka, hi Agripa winnak lahi Festus, ''Natou nei nabihaka appabeabahuya adanna deatakanguk banding ta Kaisar.''

Chapter 27ANNA PALA HI PAULUS TA ROMA

¹Amma mengaka habottahuya nyiama ahalaku ta Italia, harakadanyak hi Paulus jakka dam tahang hawanguk ta parwira Agustan, hi Yulius nahawiddang. ²Nyiama deatang teanamanyak nam walina ta Adramitium nam pala haganuttung ta ngara dukada dapingi pahiwi ta tahi Asia. Nyiama palamanyak hinna maraigama hi Aristarkhus natou Makedonia nam waling ta Tesalonika.³Tomaya hilu wehangli, dukumanyaka ta Sidon. Hi Yulius dagikki hingumannanya hi Paulus mang napahelanya anna patomangu taoalina adda uruhdengananya nappa uruhuna hi Paulus. ⁴Walinounguka, nyiama halakumanyak amma pala ta Siprus kadangu na ngilu waingu ha lawamanya jiaya. ⁵Mahigganyak nei natahik Kilikia jakka na Pamfilia, tomamanyak ta Mira ta Likia. ⁶Noulauwu, na parwira nalippa reggaya nateana nam waling ta Alexandria nam hagang ta Italia, mang dunna pagehirnagamak nyiama tateana nou.⁷Nyiama mamadei jella amma pala, eingu pirra boladduma, mang dokku mawillajellama mang himma toma ta Knidus. Kadangu na ngilu danna wajahingumang jiaya hidanna biha ahalaku marou, jiayak himma linuttung ta Kreta nam hagang ta ngujuna na Salmone. ⁸Jiayak himma pala amma liya na ngujuna nei adokku mawilla mang hitomaya napahiwi Indah nahawiddang, nam einya ta koata Lasea.⁹Amma hilupeanyaka nyiama atiddi madeimanya, atounak yayi, nahalakung tahik nei dokku akituya kadangu napuahada datou Yahudi naloppahukka, hi Paulus napeakaja, ¹⁰mang hiwinnaja hei dudda, ''Anguwu buhha, akku ittaya nei nyouwa atouna nahalakung tahik danna hillu jinyakmah mang parugi denganguyak, datiddi jiamaha dappa habokung jakka nateana, jiadinguka nahangahuda jiata.'' ¹¹Jiadinguka, na parwira nei reihi parhayananya nam iddiya nateana waling nawinnangu hi Paulus.¹²Kadang adanna kallunguka a'engang tapahiwi atomaya narahi urrang, natatalu hawanguk nam buhang haganuttung ta Feniks, ta pahiwina na Kreta, nam hagang ta barat daya jakka ta barat tahik, mang hi engang noulau atanga rahi urranguya.NANGILU BAKKUL ANNA KAPAHAYA NATEANANA HI PAULUS¹³Atanga paweawuna na rerrih nam wali ta selatan, nahapangadada tomayak tapingi pahagang widda. Jiayaka, hidda wealaha da jangkar tawiwi tahik ta Kreta.¹⁴Jiadinguka, daddi madeihingumah, na ngilu mearanaka nakapoati ahu, Euroklidon nahawiddang. ¹⁵Anna kollinguk pakapahhagamanya nateanama nyiama addama hillu kullihuka page'anya, kawannarmanyak atiddi hawainak na ngilu anna wudama. ¹⁶Jiakadiyak himma haganuttung ta nuha nam merrah na Kauda nahawiddang, mapa'ati maoatang lappa hudda amma biha papotirunya nakalarru kaluana nateanama nyiama.¹⁷Dawealayak na kalarru kalua hei dudda dam iddiya nateana, taudanyak kalarrung hawanguk appa kullih wainya nei nateana. Kadangu, adda mange'atung meili ta Sirtis, jiayaka hidda hapuruja da alatuna nateana mang hitiddi mattanya nateana wuda nuttu paneinya ngilu. ¹⁸Nahilu wehanguka, kadang nyiama anna pottir pipiagamak ngillu kapoati ahu, jiayak natou hinna le'aha da'ihina nateana.¹⁹Jakka, nappa tillu laddu waingu, jiayak dudda hidda le'aha da parkakahuna nateana adda waing wikkida adda le'aha. ²⁰Kadang na mata laddu jakka dakapea dadda malli hungamang apirraboladduda, mang na ngilu kapoati ahu darekkamaya anna kapahama nyiama, dahillu eimanguha pangadanguma nyiama tamorrik.²¹Kadang nadangu natou nam halaku adokku madeiya adda eingu pa'angu, dedinanyak hi Paulus tapaduada mang hinna panewi winna, ''Akku oali jajigimi, atouna nyiami ammikerihingupaya nahapeakagugimi kamattang pa pala waling ta Kreta bakka datoumang nou atta kollinya nam willa jakka naharugi dengang. ²²Atonounak yayi, nyouwa wiggugimi pakullihuya napa ngadang kadangu malli daeiding atouna nyiami nam heling nahangahuna jiakadiya nateana damma einya²³Kadangu, ridduga, einya na malaikat Alla, nam anaga mang napa manuatugu, dedinanya ta hagagu, ²⁴mang hiwinna, 'Abbi mange'atmang, Paulus. Ouwu mudediha tahaga Kaisar.Jakka , kammu ittaya, hi Alla langa wali ati-Nak anna pediwu ouwu jakka natou nam raimu.' ²⁵Kadang atonounak, akku anguwuagimi, pamadduja da atimi mula akku parhayaya enga jajina agannanya naha langa tikkinaga nyouwa. ²⁶Jiadinguka, jiata tahiwi tameiliha ta hangi nuha.''²⁷Jiadinguka, napa habulu patu riddu waingu, atangaya nyiama amma meili ta tahik Adria, adakku halakak padokku riddunguya, dudda dam idiya nateana adda pangadanya lihingu tana marayak widda. ²⁸Hidda paleddanya nawatu pakamawaingu hidda tomaya nam majallung aduambulu dappa na. Adda halaku hakudduk dale'aya nawatu pakamawaingu natomaya nam habulu lima dappana. ²⁹Kadangu amma mange'atuka appa taungu ta watu karang, hapurudajaka da jangkar dam patu kabihuda mang hihabayang kanna pikki geaha wahang widda nuttunyak.³⁰Jiadinguka, atanga manerranguda larangi kamma palai awidda hei dam iddi teana hidda hapuruja dakalarru kalua adda hangaja mearana nahapurung jangkar ta haluan, ³¹hi Paulus winnajak da parwira hei jakka da prajurituna, ''Jakka datou hei adadda engakanguk tateana, nyiami danna bihamang ammi halamat.'' ³²Mang nouwu, da prajurit hidda ratihuha da kalarru kalua jiaya hidda mattaja adda mumuh.³³Natikki pahungaka naladdu, hi Paulus nakareiha ngara dukada dudda deki pa'angu, mang winnak, ''Naladdu ya habulu patu laddu waiminyak nyiami ammi mange'at pangalang jakka adammi angu hakudduk tekka. ³⁴Atonounak, jiaya nyouwa hikku kareimi kammi pikki deki toara pa'ami kapikki halamatumi. Kadangu, dahaluamang loagimi nyiami maheling.'' ³⁵Namengak papanewi tanouna, hi Paulus nakediya naroati hinna habayangu lahi Alla tahagada ngara dukada, hinna habarija daroati manga hidda angu.³⁶Jiayaka, hinna pakullihdaja da atida mang dudda angu jelladanyak. ³⁷Ngara dukkama nyiama nam eigama tateana tou dua ngahu pitumbulu nammuma. ³⁸Mengak pa'angu, dudda pahalealadanyak nateana hidda le'aha dappa angu ta tahik. Nateana namija-mija ngara dukada dapanumpang dahalamat.³⁹Kakku wehang winnaka, dadda peamanyah adda lihing tana mara, jiadinguka patetinoudanyak na nguju tahik nam eingu korrahuna, jiaya nahawukkuda, adda hiwi noung anna bihakaka widda. ⁴⁰Mang jiayaka, adda le'ahaka da jangkar, mattadajak ta wei, manga nouwu, dapahellaha dakalarru kalua mang hidda tauha dalayar tangoara teana kanna pikki wudama ngilu ta tana mara awidda. ⁴¹Jiadinguka, nateana kapaha karangnanyak taka hanga tahik nouyak nateana anna takandah noung. Danna hillu bihamaha nateana papottirung, kadangu namija-mija jellak wewi ngalung anna po'ah pipianya.⁴²Da prajurit dudda nahakabu atida kahamatiha datou tama ta gallu widda abbi hillu eingu mapalai adda ngani awiddaja. ⁴³Jiadinguka, da parwira hei, nahawukkuda kapahalamatuya hi Paulus widda, atonoudak jiayak hi Paulus hinna pabataludanya nahawukkuda. Paleawanajaka datou dam peangu hangani adda takahuk moulu waling tateana kadahalau tatana mara awinnaja. ⁴⁴Mang hawangu tapinu kapabalhak, jakka hawanguk hidda ngani waingu agannaja dam biha angani waija dam eingu tateana, hidda toma bollu ta tana mara.

Chapter 28HI PAULUS TA MALTA

¹Makollingu palinoung amma mannu mara denganya, ahhi peapamanyak nyiama ajiaya na Malta. ²Datou tapadoung nou darekka kallung atimaha lahi nyiama. Kadangu, adda ittakimaka ammijak adda regga waigam hulu mulana na urrang jakka na ngilu nam dokku maringuya.³Atang pakehanguna karagga ai hi Paulus anna ngojukuja tapinu api, heina na maddu kaboku nam lohung wali ta api anna wajal mang hinna kollurunanya nalimmana hi Paulus. ⁴Daittayak datou tapadoung nouwu namaddu anna kadewwal talimmana hi Paulus, pawiddang wikkidak, ''Dahillu ragumanyah, nei natou mahamati touyak. Langka langa halamatkan waling ta tahik, adanna adillu kaka abbimattamanya anna morriku.⁵Jiadinguka, hi Paulus naperrahunya ta api nei na maddu mang dunna damalli manungamang. ⁶Napa pangadana natou dunna baunanyaka na ihina hi Paulus mang hinna mati denganya nawewi maddu widda. Jiadinguka, adda dokku madeihak adda nadingu mang adadda ittanya mamanunga ta ihina, jiayak hinna paheapang napangadanguda deawaya widdalinayak.⁷Einya tapadoung nouwu, namoiri loada hi Publius nahawiddang, namma tarimama nyiama nappa yeamagam pa.angu wainya nakallung atina tillu boladduma madeima. ⁸ Jiayak nouweiga na amana hi Paulus hinna maturu tapingi pajudda kadang anna maringu jakka anna kahurru. Amminyak hi Paulus anna habayanya, hinna jamiya limmana jiayaka alollu teggahnanyak. ⁹Tahabalinak nam jaji nei, datou hangi nuha dudda,damma tanga kadaukuda ammijaka lahi Paulus mang hinna pateggahuha. ¹⁰Dudda taba pa'akadagamaka nyiama lappak hudda kamma pala bali awima, dudda dahadiagama agannanya nahabutuma.HI PAULUS HAGALINAK TA KOATA ROMA ¹¹pahiggang tillu wullanguka, nyiama palamanyak amma waingu teana wali ta nuha Aleksandria, nam hiwinoungu ta nuha nou amara tanakak waingu Dioskuriya namma jaji tadukuna. ¹²Amma tomaka ta Sirakusa, doumanyak atillu boridduma.¹³Walinouma lauwu, nyiama mapalali amma linoung takorrah mang himma duki ta REgium. Nawehanguka, kiddinanyak anna ngilu nam waling ta Selatan, mang hillu wehanguli tomamanyak ta Putioli. ¹⁴Noulau, tomamajaka daolimaninguma mang hidda kamaikagama amma oalija pitu boladduma madeima. Manga, halakumanyaka ta Roma. ¹⁵Jakka, daoli manning hou lauwu, adda rangumaka aeigama, ammija wali himmida lauwu ta Forum Apius jakka ta Tres Taberne adda paregga dengagam nyiama. Anna ittahak hi Paulus hei dudda, napamalanguya hi Moiri mang hinna pamaddudanya na atida.HI PAULUS TAKOATA ROMA¹⁶Amma tomaka ta Roma, hi Paulus jemadanyak anna enga meahang, jakka hatouna na prajurut nam kawaluya. ¹⁷Tillu boladdunaka, hi Paulus pakehhanajaka dam pareaha Yahudi tapadoung nou, mang dappa kehanguka, winnak anna panewi lahi dudda, ''Anguwua buhha, langka daeikang hawolugu akku ge'anya natana jiata jakka na adatuda, jiadinguka nyouwa harakaga tam pareaha akku tama ta gallu ta Yerusalem lappak hikku toma talima mapareaha ta Roma. ¹⁸Adda mengak papareahawa, kamma pabeabahuya widdaga kadang daeimang pawolugu mahala napatama dengagu ta gallu lappakang hi hamatiwa.¹⁹Jiadinguka, kadang natou Yahudi addana weaku, nyouwa hikku deahang ta banding haganya na Kaisar, hitanougu kakku ge'anya na tana wikkigu dawiggumang. ²⁰Jiayaka, nam hamulangu, nyouwa hikku karei kakku ittaha awiggugimi kakka peakadanya apiiga ta rantai nei tu'ana nam pahalamatuya na Israel.''²¹Manga, widdak lahi Paulus, ''Nyiama dam kollimang hurat waling ta Yudea jakka daeimang hatou tekka daoali manning ma'amming nattu kanna tikki nam hawiting dam jinyak nei. ²²Atonouana, nyiama mabuhang paranguya wali lahi ouwu gikki nouna napa ngadangumu tu'ana na sekte nei, nahapeama bayayaka natou danna tarimamaya.''

²⁴Touma pirraya natou nam yakinanya nei nahawinnang hi Pauluias, jiadingu eijrllanya hawanguk damma tarima hidanna parhaya.²⁵Adadda hatujuyak hawanguk, halakudanyak anna mengak hi Paulus papanewi tanouna nei. ''Nabennar memmak agannanya nawinna na Hangahu Matua lahi boku jakka lahi appau apaledinya hi Nabi Yesaya. ²⁷Kadangu, na atida datou hei nam kapaluka na atida jakka dabuatuka dawuakahiluda. Datoadihak dawuamatada. Atouna, hidadda itta waija dawuamatada, hidadda rangu waija dawuaka hiluda, hidadda tawehha da atida mang hidadda habaling. Manga nouwu jiayak hikku pateggahuaha.²⁸Kadang atonounak, peadiminyak nam nyiami atouana namorri malodung wali lahi Alla apatomadanya hei datou hawanguk jiadinguk daranguya.''²⁹[Namengak hi Paulus anna patomanya nahilu nei, halakudanya datou Yahudi darekkamaya napa hilu madounguna napa ngadanguda dudda.]³⁰Hi Paulus engana ta umma napa woana kaheawa dubba douna madeina jakka dokku reahadenganaja anna tarimaya natou nam amminya lahi dunna, ³¹jiayak hinna patomanya tu'ana na Karajaan Alla mang hinna mangajaru tu'ana hi Moiri Yehu Kritu tadalu baranina jakka daeihingumanu mapata'ukungu ganna annanyak.

Romans

Chapter 1

¹Pauluh, nda atana yehu karitu pakamaikang jaji rasul jaka papa tagung waling ta winina hi Allah; ²Napa nouna hi Allah waling lahi Nabi-nabi tadaluna winina nama murah ³nou na anana, napa kerinongu jaji katirouna hi Daut'.⁴Mang napa widang nalakeada Allah nama kuaha pakidiwainya waling ta tou mati kerina taha ngahu bakul, ajiaya hi yehu karitu. ⁵Waling lahi dunna lapaka hima koling maloaga djaka padoungu kerasualan jaka hinna iding pakeriwaingu deawa tanga keha nda bangsa da jiamaha yahudi nam ngaranya, ⁶lapaka ouwu napaka maikang kam jaji taguna hi yehu karitu.⁷Tanga kehami nyiami nam eingimi lahi roma napa buhana hi Allah, djaka napa pakamaikang jaji bakul: namloaga jaka na buhang wikkimu waling lahi Allah, amada jiata, djaka hi moiri yehu karitu! hi jiaya nama buhang pa tomaja nda oalin ta roma⁸takamoulu-mouluna, waling blahi Allahgu palinounya lahi karitu yehu nuttu ouwu tangakeham lapaka na deawamu tatikiyaka nu ta pinu tana. ⁹Hiwigu noungu, Allah, napa layanigu wainya bakultadaluna winina anana, jiaya nama peanya anyouwa ndama hangahu-ngahu akunamuha ouwu tanga keham; ¹⁰tadalu habayangugu, nyouwa ku kareiwu ana moadapangu ya taladuna, wainya na napa botahuna hi Allah, lapaka aku tebuhu aku tomagu owu.¹¹Nyouwa ku buha otang aku peraga dengaggu kakku woagu nuttu maning makalung djaka kam kulih waikang owu, ¹²Lapaka jiata kata koling pamaddu waingu lapaka katapaoli-oliwaingu deawa tagu-tagu, makalung deawa lapaka na deawagu.¹³Olibei-olibei pabuhagu, ana moadapangu ouwu kamu peanya ajiawa nyouwa ku nadi-nading kakkuhalaku tapadoumu, ajiadiyaka eihingung mapa halanguga lapaka yayi, kakku koling waikangu pahamullam waling lahi owwu agiki houndaha nam aming djaka tatorana bangsa-bangsa da jiamaha Yahudi tahawanguk. ¹⁴Nyouwa ku uttu waling ta touwu Yunani djaka nda tou-tou barbar nam hameara noung hanaduga nuttu kata reggaha nda bangsa-bangsa ndama peangu panewi yuyani djaka daimang patan nam reihi. waling nam peangu lapaka ndama peangu. ¹⁵Nou jiayaha, nyouwa kubuha otang lipi peakaya na wainina lahi ouwu nam eingu lahi Roma¹⁶Nyouwa dakku makimang laka tou-touwu danguya handuga lahi pauluh, lippi peakaya nawinina jiaya nam buatu djaka napamkidengang. nawini yayi jiaya napama haladengang nda tou-touwu yahudi, lapaka nda tou-touwu hawanguk. ajiadiha dudda, nawinina nakabohuk. winina, hiwig noung nawinina jiaya nam kuaha Allah taguna anapahalamatuha nda taou nam wainya; taulu-mouluna nda tou yahudi, lapaka nda tou yunani. ¹⁷Tadalu wigunoung, napawaing lahi Allah jiaya napa tikki waling ta deawa lapaka ta deawa, lapaka einya napa tulih: " nda tou nam luruh jiaya nam pa'oliwainya deawa." napa bani dengana hi Allah tagal napa wolu dama na doha tourara¹⁸Hiwig, na harawut tunna hi allah jiaya nam waling ta awang jiaya tanga keha nda na kefasikan na dakalung tourara nam nakkunya nam kalung wainya dama kalung dudda. ¹⁹Nou jiayaka, agannanya napa koling waling lahi Allah na jelahuka wali lahi dudda laga hi Allah nam doduk ndanya lahi dudda.²⁰memananya, waling na pinutana awoluya, tanogu-nogun hi allah dapa itada, jiaya kuahana nam pangalang djaka natanogun namkeilahianun, jiayaha napa itapakaluda djaka napa kerida wali noung napa woluna lapaka dudda datakoling berdalih. ²¹Ajiadiyaka, atou jelana a'nda peanya hi Allah, dudda dada pa'akamanya ajiaya hi Allah adah pahamanguha dudda, takabalina, napa ngadangu nda da hilu waimajaha djaka na ati nda dam peangu jaji kapetang.²²Dudda nda dedikungu wiki nda ta'ihi nda makalung, ajia jellapayah a'dada peangu' ²³djaka nda paheapanya na hailangun hi Allah ndama noada wainya khala-khala tou nam fana, mawuru-wurrung, madaga makapatung wihina, djaka madaga-daga lorak²⁴Ajiaya nuttu, hi Allah na woahaka napa buha ati nda dudda nam buhanya na kangila lapaka hiddu kangila ta ihi nda dudda lapaka ta taguwiki nda. ²⁵Hiwig, ndapa heapanya na kalungun a hi Allah wainya kabohukud, lapaka nda mokkulunya nam morik napa wolun, dajiamaya nama peangu peha napa magenna manyagu pangala-ngalanya. Amin!²⁶Ya ajiaya, hi Allah na wpahaka dudda waling hoabi nda nam manyarik, hi wig noung ndama winni-mawinni nda paheapa waija napatu watu lihing dama luruh. paheapang ndana pahi mang. waikanyaka sfesik dapa oli kaduamang, ajiadiya nam kalung taksiran winnanya naha wukkuna hi pauluh na arung nuttu. ²⁷tou jellana nda moani, dudda nda matanya na pa tungu ta mawinni, ajiadiya na erri-errik napa buhad tahawanguk; moani oali moin nda paha lakuya napa wolu nda oli moani nda na pamaki dengang ta ihi-ihi tagu nda dudda nda koling hukum ta doaha-doaha tagu nda dudda.²⁸Djaka, ajiadiayaka dudda ndada waimanya ajiaya hi Allah tadalu pa itada dudda, lapaka hi Allah hinna woaha ta pangadang-pangadang dam peangu lapaka hidda pahalakuya naha wolu nda ajiakayaka dudda daddawolumaya.²⁹Dudda na binnu memma tanga keh nda dappa waingu, damakalung, hukang oalid, djaka da buhang oali, binnu koiki ati, pahamati, patayak, kaboala itta, djaka harawut; jiaha ndama panewiwaingu, ³⁰Ndapapa deitu, ndama buhanya hi Allah, bani, hombong, bakul a'a ndama ita ya napa jala waingu jiaha nam pangala-ngalang admanyeranya aganna-gannaya napa wolu doha. ndada pa akamaja nda inna ama nd, ³¹Da peang, dama hawaliati, da emangu papa'akang, djaka mbani.³²Djaka, ajiadihaya adapeanya na aturanuna hi Allah ndapa newi ajiaha nda tou nam pahalakuya aganna-gannanya nuttu hidda mati, dudda da jiakimaya addapahalakuya, ajiadiyaaka nda dukuja nda tou-touwu nam pahalakuya aganna-gannanya nuttu.

Chapter 2

¹Nou ajiayaka ouwu damu biaha maha amu berdali, woi tou rara, ageara kak nam hakimuja nda tou hawanguk, hiwigu noungu amu hahakimuja dudda, mearana ouwu amu jaunguwikkimu; hiwigu noung, ow nam hakimuja mulijela napa li nda.²Niata peajahakimunya hi allah na pama na'uha luruha atouka ndaka tangakeha nda nda tou nam pahalakuya nam tou-toungu agannya nuttu.³Ajiadiyaka, gikki noukanaka ouwwu amu peaja adakoling penghakiman allah, hei tourara, ajiami nam hamikuja dudda nam pahalakuya agana-gannanya toungu nuttu, tou jellakadina amu pahalakuya nam hameara? ⁴Penya nam, tou jellana owu mu waikadinya poati na dehana, na maloayanguna, djaka belar atina dama hillu peanya na kalunguna hi Allah napa wukkuna ana peakagu ouwu tagumu omu haria?⁵Ya ajiayaka, nakatikku watumu djaka na atimu dama weaku pa haria, owu mu tauya ta atimu na hukka atimu ta laddu napa harawutu dengamu djaka atou jellakanaka na pengakimanu nam kalung lahi Allah napa tikki. ⁶jiaya dunna nama balahuya napa woluda dudda ta tagu-tagu nda namorik nam kalung tahaga nda dudda nam pahalakuya nam kalung djaka nda manyeganya na hailang djaka pa akang,⁸Ajiadiyaka nammu na harawutu lahi dudda jiaya ndama pamoulunya na wukku ati nda ta tagu nda mang dada kerimaya nam kalung. ⁹Einyaha peala nam jaji pamalara djaka taha dukka tangakeha nda na deawa touwu pahalakuya dama kalung, taka moulu-mouluna nda taou Yahudi djaka na touwu Yunani.

¹¹Hiwig, hi Allah danapaheka-heakamaja nda touwu.¹²Tagu nda nda tou nam woluya na doaha dama hilu peanya na hukum taurat dudda jiaha nam malara laka waingu hukum taurat. nou nam, nda tou-touwu nam wolu jala tawawana hukum taurat jiaha daha hakim keriya na hukum Taurat.¹³Hiwig, da jia amayaha na hukum taurat napa pa benaru tahagana hi Alla, ha nda tou nam pahalakuya jiaha ndaha widang nam kalung. ¹⁴Hiwig, ada nda tou dama tou yahudiha ndama eingu hukum tauratu nda pahalakuya waingu majil agannanya napa wukku nda na hukum Taurat, jiaha dudda, dama eingu hukum Taurat, jiaha nam hukung wikki nda dudda ta tagu nda.¹⁵Agananya yayi napa papateka nda nahawolu nda hukum taurat huttu jiaha ndapa tulihu ta ati dalungu nda dudda, ati dalungu nda ndapa tekkanya, djaka napa ngadangu nda dudda dapaka raha wiki nda djakanda napa belawiki nda, ¹⁶Nou yaladun jiaya hi Allah nam hakimuja nda pangadang tourara ndama kabuning waingu lahi yesu karitu kerinounya na winigu. nda tou Yahudi djaka nda hukum taurat¹⁷Nou atounaka, amu tikiwikumu atou yahudiwu djaka amu maningu ta hukum taurat, lapaka amu bermega tadaluna hi Allah, ¹⁸Amu peanya napa wukkuna, mu oa'anya nam kalung, jiaya nama peakaya na hukum taurat, ¹⁹Muwaingu wikim ajiawuka nampatekaja ngarangiyi dama kaboala, na wahang waling dudda ndama eingu taka petang,²⁰Napa peakam waling ta tou-tou dama peangu, guru wali nda tou-touwu matuayi, djaka eingumu kerina papeamudjaka makalung waling ta hukum taurat,²¹Djaka hei ouwu nam peakaja nda tou hawanguk, gikkinoulin ouwu damu peaka wikim? ouwu nam peakaja nda tou djaka abihilu keadu, damu hilu keadu tagu diha ouwu? ²²Ouwu nama banija nda tou ndama BERZIAH, ouwu damu hilu BERZINA diha? owu nam maneatuja dnama biha-biha ouwu damu hilu keadumaha ta umma biaha?²³Ouwu nam bakul ati denganya na hukum taurat nam pama kiya hi Allah amu reihi wali ta hukum! ²⁴Hiwig, einya napa tulihu: " na ngarana hi Allah nda leti wainya ta bangsa-bangsa hawanguk tagalun ouwu."²⁵Nakapoaki eingu hina ouwu amu kerikayaka na hukum taurat, tapi ouwu ampu lopahuya na hukum taurat, djaka na kapoakimi jaji dapaka poaki. ²⁶Jaji, huttu dapa kapoaki adada pahalakulayaka na tikina tadaluna hukum taurat, dahilu jiamaka huttu ndapa kapoaki dapa yapu apakapoaki? ²⁷Djak, matadajaka nda touwu dama kapoaki waling adajaji, ajiaya ana pahalakukayaka na hukum taurat, jiya nam karhawu owu, nda tou nama eingu hukum taurat djaka nda pakapoak, enga dounaha ana lopahu ta hukum?²⁸Hiwig, napa tikki Yahudi kalung da jia amayaha nda touwu nam tauwikina habali hidu nowwu, djaa na kapoaki napa papaluruhu dajiamayaka kapoaki ta ihitaguna nou. ²⁹Tou Yahudi muamoni jiaya na touwu na raiina na luruh-luruh tekka atou Yahudiya, ajiaya na kapoaki na touwu nam pahalaku wali ati, nam pahalakuya na hangahu bakul, da jiamaya na hukum tulih. magena na touw yayi dawalimana tatourara, walina lahi Allah.

Chapter 3

¹Ndaka atouletunaka, ganna nanya na reihina nda tou Yahudi? mang, ganananya napa utu dengangu akapoaki? nda tou-touwu pakapoaki, jiaha nda tou-touwu Yahudi. ²Ndatekang, tadalu tanga keha nda agananaya; takamoulun, jiayaha ndapa waingu ta winina Allah.³Manga, djaka atoma pirra jellakahaka dama wainya, aganakaya dapa waida jiaya nam pabatalunya napa buhang lahi Allah? ⁴a aha hingmangu! hi Allah jiaya nam kaung laka a'eijelaja ndama kabohuk. pakerinoungu nam eingu patulun: " ouwu jiatekkaw nam kalung ta ndalu patikimmu, djaka ouwu mu talu a'eikanguka tourara nam karahawu."⁵Ajiadiyaka, laka dama kalung tekkai jiaya nam patekka danya nam kalung hi Allah, gana kanayaka jiata naha tikida? na biaha kading ata tikkiya ajiaya hi Allah dama luruh nam hukkuda jiata? ( nyouwa wiggu ata jaji tourara) ⁶Da jiahing mayak! nou ajiayaka! gikki noukana hi Allah ana hamimunya na pinu tana?⁷ajiadiyaka, anawainoukanyka na wlukugu, nam kalungun hi Allah jiaya nam aminya tahailang, mang gawali nyouwa hi hakimuw ajaji tou ma binu doaha? ⁸Djaka, (takerin napapa deitu huttu nda tou tatagum nyiama) mang ga hidapa newili, " maiya, kata woluya dama kalung kajiaya nam kalung nam lohung waling dama kalung nuttu, " dudda nam tikiya nuttu jiaya nam pahi ahukuja! tangakeha nda tabinu doaha⁹Mang ganalinya? mang jiata reihi kalungu nda waling ta tou hawanguk? da touhing manah! hi wiggu noung, nyiama matikiya waling nuttu nda kalungu nda na tou-touwu Yahudi laka nda tou yahudi, einouja ta wawa doaha. ¹⁰Keriya einya napa tuli, " da eimangu touwu nam woluya nam kalung, hatoupun da eimang.¹¹Da eihing mang hatoupun nam kalung tanoguna. Da eimang hatoupun nam manyeranya hi Allah. ¹²Tanga keha nda lika deangayaka, dudda nda pama rainguk adajaji dapa waingu. da eihing mang hatoupun nam woluya nam kalung, " dea eihing mang hatoupun."¹³" Na kerongkangangu nda naha mearaka ta watu hoadi nam ta weha, na lemma nda napa goada-goadaka, na moru maddu einyaka ta wawa rowina dudda." ¹⁴"Na a'anda na binuka papayura nam piddu."¹⁵" Nda wihi dudda nageaha ana binu rayi. ¹⁶Naha dukka djaka namalara einya ta ngara ngi nda dudda. ¹⁷Djaka, dudda dadpeamanya namorik tadaluna dami." ¹⁸" mange'a tunya hi Allah da eimanya ta woamata nda dudda."¹⁹Ya atounaka jiata peanyaka agana-ganakanyaka napa tikina hi hukum taurat, jiaha nam mearaya waling dudda nam einja tawawa hukum taurat lapaka nda terkatup nda a'anda, djaka na pinnu tana einya tawawa pengkaimuna hi Allah. ²⁰Da eimang touraranam biaha eingu artin: katirou, kabokah ihi, pata tourara, pajaji pinu tana. napa pawaingu tahagana hi Allah waling pahalakuya na hukum taurat mang ha jiadiyaka na hukum taurat nuttu jiaya nam aming hi pewainya na doaha. allah na waija nda tourara waingu deawana taguna hi yehu karitu²¹Nou atounaka yayi, lakada hukum tauratuy, napa waina hi Allah jiaya napa tikki, djaka nam itawainya na wini taurat djak hut hi Nabi ²²Lapaka nam kalung hi Allah pa linounya na deawana hi karitu yehu nam tagunya waling tanga keha nda napa waing, mang daimanguha papaheaka;²³Hi wigu noung nda tou nda doahaka djaka nam marobaka na murahuna hi Allah, ²⁴djaka napakalunya wainguy pamalangu nam wainya awa-awa palinounya nam tebuhuya tadaluna hi yehu karitu;²⁵nopu hi Allah napa botahun wainya ngara ngi nam taweha nam dami tadalu rananya waling ta deawana. ya touna jiaya nam patekanya na kalungun. namaloayanguna, Allah na mataja nda doaha-doaha nam moulu a'nda jaji. ²⁶Agana jellananya nuttu napa wukuna napa tekkanya nam luruh ya tapahagang lapaka anpateka tekkanya nam kalung lapaka ana pakaluja nda tou nam tama ta miggu lahi yehu.²⁷Jaji, beayanyaka napa deha dengana jiata? ta pamarounyaka! wainya hukum ganananya? wainya hukum napa woluda jiata? da ahamang, ajiadiyaka hukum maning. ²⁸Nou ajiaya, ya jiayaka napa waida, touna nda tourara napa waida tahagana hi Allah wainya na maning nguda, da jiamaya na patada-patada waling tahukum Taurat.²⁹Mang, hi Allah jiayaha Allah taguna da bangsa Yashudi payah? da jiamayah hi Allah taguna bangsa lakada bangsa yahudiya? ya! ha nda bangsa da yahudi jelamaya, ³⁰Hi Allah nuttu hangina jiaya nam pakaluja nda tou-touwu pakapoaki waingu maning, djaka dama kapoaki waling maning.³¹Jaji, manga jiama da taumayaha na hukum taurat waingu maning? hadekka-dekka da eimanya! kabalina, dumma jiaya nam pamadunya na hukum taurat.

Chapter 4

¹Jaji, ganakanyaka napa tikidanya hi Abraham, ama leluhur jiata keriya na katirou? ²Mang hi Abraham apawainaka wainya nata noguna, jiaya nam eingu akalun ana bagaya, da jiamaya tahagana hi Allah. ³Hiwigu noung, aganakanya napa winang na winina murahu? "hi Abraham na wainya hi Moiri djaka hi moiri na yapuya agana nuttu ana waingu makalung."⁴Nda touwu nam kerang, weikabuta nda dudda da jiamaha na hadiayi, helija nda hakku nda dudda. ⁵Djaka, huttu ndama buhangu pakerangu, ajiadia nda wainya hi Allah nam paberuha na tou fasik, na deawa nda ta yapuya aganya nam kalung.⁶Jappa hi Dautu napa newi gikki nou tekka pananya anapamalanguya ajiayaha hi Allah napa yapuna ana nam kalung ta taguna laka dana patetinya aganya napa woluna:⁷" Mi hennakangu touwu napa ampun na wolu-woluna, djaka napa Toa ndi na doaha-doaha nda. ⁸Mi henakangu nyiami tou-touwu nam doaha dapa yapuna hi Moiri!"⁹Jiapakiyaha na kanyuru yayi tagu nda nada touwu ndapa paka poaki? adda tagu jella daja nda tou dapa paka poaki? hiwigu noungu nyiama matikiyaka " Na deawana hi Abraham tayapuyaka awai ma kalung." ¹⁰manga, gikki noukandajaka ata yapuha tatagu nda? ada menga djaka dadi menga pakapoaki? da jiamaya amenga pakapoaki, helinya dadi menga pakapoaki.¹¹Hi Abraham na koling tada kapoaki waingu materai makalung deawa waling adadi na kapoaki lapaka anajaji ama waling tanga keha nda touwu namwainya ndama kapoaki lapaka nam kalung nuttu hita yapuya tatagu nda dudda; ¹²Kana pa ama kayi waling ta tou-touwu nam paka poaki dama hilu paka poaki ajiaha ndama halaku tadaluna haluku na deawa napa lijellana na amada jiata, Abraham, waling dadi taka poaki. hi Abraham na koling papanouna hi Allah waling ta deawana¹³Napa nouna hi Abraham ta papa anana ajiaha dudda nam eingu tanga keha nda ta pinu tana da pinumaha waingu hukum Taurat, jia nouyaha na kalung deawana. ¹⁴Hi wigu noungu, ajiakahaka dudda ndama waling ta hukum Taurat jiaha ndama koling hakku warih, lapaka na deawa nda da eimangu gunana djaka na panouna hi Allah nda pabataluya; ¹⁵Hiwigu noungu na hukum Taurat aminya harawut, mang adda eiwalikanguka hukum Taurat, da hilu eimanguha pa langgar.¹⁶Ya jiayaka gikki noumemanaka napa nouna waling na deawa, napa nou nuttu kana haling tapa buhang wali ati lapaka napa nou nuttu na tom ta papa anan hi Abraham; da jiakimaha nam wali ta hukum Taurat, jiajelaya nam wali ta deawa Abraham, jiayaha ama napa widda bolung tanga keha nda, ¹⁷( Tou napa tulih, " ouwu kupajajigu ama waling nda dangu bangsa" ta hagana hi Allah, langa hi Allah nama woaya napa moriku dengang ta tou mati nam lolukuya agananya dama einya lapaka hi einya.¹⁸Tadalu pamaningu ta deaha maning napa waingu, lapaka hina jaji ama ta dangu bangsa keriya napa tikki na, " atounaka nam jaji touletupanaka nndapa pa'anam." ¹⁹Djaka, langka dana hillu hamawulu na deawa, laka anapeanya na ihina tikki ana mati kanna na matuana na anya 100 doungu jaka na lawai pa ana na matika;²⁰Dunna da hilu momu manyaha tahagana napa papa nouna hi Allah ta dapa waina. takabalina, na deawana papa kulihuya lapaka hi woanya tahailang lahi Allah, ²¹Djaka na rahaya ajiaya hi Allah nam kuaha lapaka ana pahalakuya agananya napapa nounanya. ²²Nuttu jiayaka, na deawana tayapuya na kalungun.²³Nou nammu, nuttu da tulih maya kanna tagu kanya napa buha atina hi Abraham, ²⁴Atou jellana tagu daja. nuttu jiaya napa yapudaja dudda nam wainya hi Allah djaka nam pakidiya hi yehu, hi Moirida jiata, waling ta tou nam mati. ²⁵Nuttu, hi yehu napa woayi taguna ana mati witinaja nda doahada jiata, lapaka nda papa kidi bali witina nam kalung jiata.

Chapter 5

¹Nou nammu, atounaka jiata napa papakalung ta deawa, lapaka jiata apadami denganya hi Allah palinoung lahi morida jiata, karitu yehu; ²Waling lahi dunna, jiata pa'oaliwaingu ngara ngiyi nam tama ta deawa lapaka nam loaga Allah yayi napa jiata napa dedi waida, djaka jiata pamagenna manyagu tapamaning tahailang lahi Allah.³Da jiakimaya nuttu, jiata ta manyaguha tadalu malarada napa kolida ya jiata peanya namalara yayi jiaya nam idiya napa koliwaing manuna, ⁴Namanuna ta koli wainya tanogu nam kamada manga hita kolingu paharapuda, ⁵Djaka napa harapuda dana pa merahu atimada, hiwigu noungu nabuhanada hi Allah napaka nyuruda ta dalu atida jiata ta pa oaliwainya hangahu bakul napa waonada ta tagu nda jiata.⁶Atou letudaka ata hamawulu, hi karitu na mati witina nda tou-touwu durhaka taladu nam pahi. ⁷hi wigu noung, da ei tekka mangu nam buhang mati witina nda tou nam kalung, toujelan a eijelakanguk tou na buhang mati taguna nam kalung.⁸Ajiadiyaka, hi Allah na woa jellaya na buhanada jiata, taoujelana jiata ata jajiha tou doaha, hi karitu na mati tagu nda jiata. ⁹Nareihi waling nuttu, lapaka ana pakaluda waing rana, jiata tapahalamatuda waling ta harawut Allah lahi dudda.¹⁰Hiwiggu noung, jiata ta jaji muhuna hi Allah, jiata ta pama doluwaida olina hi Allah waling tapa mati denang anana, reihi-reihi ya atouna ata padamida dunna nou atou tekanaka ya atounaka tapa dami denganya hi Allah, ya atounaka jita waingu moriku. ¹¹da jiakimaya nuttu, jiata ta henang tadaluna hi Allah palinounya hi Moiri jiata yehu karitu, nam palinounya jiata yayi ta koling padami waing lahi Allah. mati waling lahi Adam, moriku waling karitu¹²Ajiaya nuttu, toungu na doaha nama tama ta pinu tana yayi pali noung taha touwu djaka ta touwu nam hadukka tama linoung ta doaha, toujelang na hadukka na pahikkang ta tanga keha nda touwu ajiaya tanga keha nda ma doaha ha. ¹³Hiwiggu noung, na doaha einyaka ta pinu tana ada einyaha na doahahi Musa a einya, ajiadiyaka na doaha dana yapumaya hi Allah awaling ada einya na hukum taurat.¹⁴nung nam toletunaka, na maut na berkiaha adadi eijaha hi Adam djaka Hi musa, jiaha ta deaha tou-touwu ndama woluya na doaha toungu hi Adam, nam amau-mawung waling lahi dunna aminya. ¹⁵Tonoukanaka, napa woana hi Allah dana hameara denga manya na doah. hiwiggu, ajiakaya na doaha hatouwu, na dangu na touwu nam mati, pareireihing na waoana hi Allah djk napa woana palinoung ta hatou nuttu jiaya karitu yehu.¹⁶Djaka, nam loaga dana hameara mangu kerina tagaluna waling ta doaha hangi touwu nuttu. hiwiggu napa hakim tahi pa lopahu jiaya nam idiya na hukum, ajiadiya nama loaga tadata na lpahu na idiya nam kalung. ¹⁷Atoukanaka na doha hangi tou, naha dukka na kuahaya ta hangi touwu nuttu, pareireihingu ndatouwu nam koling maloaga nam reihi maloaga djaka napa woananam kalung jiaya nam parehaya tadalu morikuna napa li nounya ta hangi touwu ajiaya hi karitu yehu!¹⁸Djaji, hameara noungu napa linoung ta loppahu tanga keha nda da tou nda koling hukum, tou jelang napa wolu nda nam kalung tanogun ta hangi tou jia jellaya tanga keha nda tourara nda koling morik djaka makalung. ¹⁹Adana kerikayaka hatou na touwu, dangu danya nda touwu ndama doaha. ajiadi yaka, nda dangu nda tou-touwu nam kalung.²⁰Nahukum Taurat natabaya lapaka na doaha na mataba dangu. ajiadiyaka, tapadoungu doaha na nataba, nam maloaga nama tabareihi-reihi, ²¹Djaka kata hameara doaha nam kuaha tadaluna naha dukka, napa buhang jiaya nam berkuaha palinounya nakalung nam pimpinnuja na morik nam pangalang tadaluna hi karitu yehu Moirida.

Chapter 6

¹Jaji ganakanya napa pahalakuda? toupa ngalakadaka ata woluya na doaha kana pangalang nam maloaga anamataba? ²Enga douna da'amang! gilli noukadaka jiata nam langa matina waling ta doaha hita moriku tadaluna? ³Damu peajellamanya ouwu mu peanya ajiada jiata napa ihhutadaluna hi yehu karitu napa ihhu tadaluna ana mati?⁴Ya jiayaka nuttu, jiata ta tanudaka marainya dunna nuttu atta ihhu tada dalu ha mati denganya; katta paha meara lahi yehu nam kiddi bali wali ta tou mati waling tahailanguna hi Ama, jiata jella tahalakuha moriku nam buangu. ⁵Hiwiggu noung, atoukanaka jita atapakahangi kanguka pamarainya tadulana ata hameara denganya ta matina, jiata enga douna ata hameara ta dalu matina djak ta paka hangingu tadalu na ata hameara denganya ta pamoriku nda.⁶Jiata peanya nda torara memang nda pa arung ta moriku dngang napa pabuana hi karitu. ta ha salibyaka marainya na karitu mang na ihida djaka na doahada jiata dana hellimang lapaka jiata dahilu pa atawikki manguha ta doaha. ⁷ Hiwig, tanga nda tou nam mati, jiaya napa papahela waling ta doaha.⁸yayi, atoukanaka jiata ata mati denganya hi karitu, jiata ta wainya ajiaya ata moriku pamarai denganya . ⁹Jiata peanya ajiaya na karitu napa papakidi bali waling ta tou mati ndana hillu mati balimaha; naha dukka dana hilu kuahamah dunna.¹⁰Hiwig, agannanya na matina, dunna na mati witina dadoaha hadekka djak pangalangu, ajiadiaya agananya morik nuttu, jiaya nam morik taguna hi Allah. ¹¹Tou jellana ihimu, owu mu padda wikimuha ajiaya na ihimu na matika tagal na doaha, djaka na morik taguna hi Allah karitu yehu.¹²nuttu jiayaka, abi matamanya na doaha ana kuahaya na ihimu nam wading lapaka omu keriya napa wukkum. ¹³Djak, abi muwoamaya ndam eija ta ihimuta doaha ana pawaiguja ta doaha. manaingu dam kalung, mu woaya na ihimu lahi Allah waingu nam moriku waling ta tou mati, djaka dam eija ta ihimu lapaka nda manangum nda kalung lahi Allah. ¹⁴Hiwig, na doaha dana berkuwaha mangu ta deahamu tawawa hukum Taurat mang ajiadiyaka ouwu damu hilu morikumaha tawawa hukum Taurat langa jiaya namaloaga. ata ma kalung¹⁵jaji, gannakanyaka jita na pahalakuda? tapaha laku kadiya na doaha langa jiata data moriku ta hukum taurat, ajiadia tawawa maloagada? enga dajiamaya! ¹⁶ow enga mu peanya a'ouwu nam woawikimu na keriya na kato'a aganya mang datou, ouwu mu jaji pakarahang ta padoung napa kerim nuttu; amakalung nam peakagu tahadukka, adanam peakagu ta arung ma kalung.¹⁷Nou ajiayaka, mu marikangu lahi Allah ajiaya owwu nuttu yanaga nam jaji makato'a ta doaha, ya atounaka mu pakeri wali atika ta ihi-ihina nam peakagu napa peamu, ¹⁸Djaka amu bebahuka wali ta doaha, owu mu kato'a wainyaka nam kalung.¹⁹Nyouwa ku panewi wainya napa newi hameara ta tourara nam hamawul naka tiroumu. hiwig, hameara ouw amu woaha nda oli-olim tamamanayarimk djak ta ma pakorahung mang dama kalung nam eingu ha wouna dama kalungreihi marouya, ya atouna mu woaha na oli-olimu ta ihimu nam jaji ata kalung nam pahahupuya ta hangahu bakul. ²⁰Hiwigu noungu, nuttu ouwu amu jajiha tou makato'a-toa'a doaha, ouwu mu bebahuka tadaluna nam kalung. ²¹Ajiadiyaka, gana jelladinanya napa kolimu aganna-gana nanya naha wolum nutuu napama ki dengang? hiwigu, nam pahupuya tanga keha nda napa wolumu jiaya nam hadukka.²²Nou nam yayi, apa bebahuwuka ta waling doaha manga amu jajika pamaikana hi Allah, ouwu mu pa'oaliwaingu wuayi nama murahu djaka nam pahupuya namoriku nam panagalang. ²³Hiwigu na taguna na doaha jiya na hadukka, ajiadiya napa woana hi Allah jiaya napa moriku waingu tadaluna hi yehu karitu, Moirida.

Chapter 7

¹Mang ouwu dam peamanya, woi olibe-beigu ( hiwiggu nyou akutikiya lahi dudda nam peanya na hukum Taurat), nou na hukum taurat na berkuaha ta ihi tou tou atou na na tou ana morikuh?²Nou jiamemayak, nda tou mawinni ndam nikaka ndam datapaku ta hukum lada adamorikuha; atoukanaka nda lada adamatika, duddan na bebahuka wali ta hukum nikakan. ³jaji, huttu ndama winni nam jaji arawei nda na moani-moani hawanguk na lana anamorikuha, jiaya napa widang mapa goada, ajiakayaka na lana nam mati, dunna bebahuka ta hukum lapaka dunna hida widanya mapagoada lapaka ana nikaka ta moani-moani hawanguk.⁴Ajiaya nuttu, oli bei-beigu, owjella mu matih waling ta hukum taurat ta ihi karitu lapaka ouwu ana tagugu tou hawanguk, ajiaya napa pamoriku waling ta tou mati lapaka ana pa'oaliwainya wuayi waling lahi Allah. ⁵Hiwig, jiata ata morikuha taka tirouda, napa wukkuda doaha napa woluna na hukum Taurat napa kerang waling tama eingu ta ihida lapaka ata pa'oaliwainya wuayi nam hadukka.⁶Ajiayaka nammu, ya atounaka ta bebahukawaling ta hukum Taurat, na matika agananya nuttu yannaga nam paka hikkanhya jiata lapaka jiata yayi ta pahalaku tadaluna nam buangu winna naha ngahu bakul, da jiamaya na hukum deingu napa tulih na doaha djaka na hukum taurat⁷Ya atou letunaka, ganna kanyaka napa tikkida? nuttu na hukum taurat da doaha kadiya? hadekka-dekang da'ah! takabalina, nyouwa daku peamanya na doaha merahu pali nounya na hukum Taurat, nyou daku peamanya n ihina waling naopa wukkun taguna tou hawanguk nuttu na hukum taurat ndaba tikkikayaka, "abi mubuhamanya." ⁸Atounaka, na doaha deki padounanyaka keriya napa reahana nuttu kakku koliwaikangu agana-ganananya napa wukkuna tadalu ihina; hiwig taurat doaha nam mati.⁹Hanaduga kumoriku da jiamaya na hukum taurat, atouna na hukumu aminyaka, na doaha jiayaka nam morik mang nyouwa nam mati; ¹⁰Djaka na pareaha yayi, jiaya nouyaha nam idiya na morik, jiawaliya na nipigu nam hadukka.¹¹Hiwig, na doaha na deki padouna waling ta hukum nuttu djaka nahamatiwa. ¹²Jaji na hukum taurat jiaya na hangahu bakul, djaka na hukum nuttu nam bakul, kalung djaka na luruh.¹³Atou lettunaka, jikayaha nam kalung nuttu jiaya nam aminya napa mati dengang ta tagugu? hadekka-deka da'ahmang! na doha jiaya nam koling hadukkatadalugu waling ta gananya nam kalung kana touteekang ajiaya na doaha, djaka waling na hukum doaha nam hunga tampakaitung tadalu ihina jiata ¹⁴Hiwigu noungu peanya na hukum taurat napa pata ta migung, ajiadiya nyouwa patanogu tamigu, napa dagang ta wawa doaha,¹⁵hiwigu noung, nyouwa daku peamanya agananya napa halakugu agananya napa wukkugu, helinya napaha lakugu na dapa buhang. ¹⁶Ajiayaka, nyou akupaha lakukayaka agananya dapa pahalakugu, nyouwa ku hatujuya ajiaya na hukum tauratunuttu na deaha.¹⁷Ya atounaka, da hilu nyouwamaha nam paha lakunanya, jiayaka na doaha nam moriku tadalugu. ¹⁸Hiwig nyouwa kupeanya eingu agananya nam kalung nam morik tadalugu, tadalu katirougu, alanga napa woana jiaya nam einya ta dalugu, ajiadiya napa pahalaku nam kalung nuttu dajiamaya.¹⁹Hiwig, dam pahalakumaya nam kalung napa woagug, ajiadiya kupahalaku liya dam kalung, dapa malli woagu! ²⁰Ajiadiyaka, nyouwa akupahalaku kayaka agana nanya dama kalung, nuttu da hilu nyouwa maha nam pahalakunanya, ajiayaka na doaha nam moriku tadalugu nyouwa.²¹Jaji, nyouwa ku ittaya na hukum yayi, yayi: kaku paha lakukayaka nam kalung, na dama kalung na keriwa²²Hiwig, kubuhanya na hukumun hi Allah ta ati dalungugu, ²³Ajiadiya ku itaya na hukum hawanguk tadalu ihigu nam kulihu ana ge'anya na ka'a katikugu lapaka na wealawa ta hukum doaha nam einya ta dalu padaihigu.²⁴Nyouwa tourara mamalarawa! geara kak nam pahalamatuwa tadalu ihi nam hadukka? ²⁵pamalangu Allah waling lahi Moirida jiata! ²⁶Jaji, wainya na ka'a katikugu, nyouwa ku papekangu ta lahi Allah, wainya na ihi tama tamiggu nyouwa ku pahalakuya na doaha

Chapter 8

¹Nou ajiayaka nuttu, ya da hilu eiletu manguka pa hukum waling nda tou nam eingu ta daluna hi Yehu Karitu. ²Hiwigu, hukum baku napa moriku dengang tadaluna hi yehu karitu na talukawaling lahi ouwu ta hukum doaha djaka tahadukka³Hiwig, ganakanyaka ndapa pahalakuna na hukum tauratajiaya napa hamawulu dengana katirouna, jiaya napa pahalakuna hi Allah ana paleawaya na ana tagunakana jaji pahameara ta touraranam doaha jaka na padeki noung ta doaha, jiaya nam hukuja nda doaha waling taka tirou ⁴Aganananya napa tutun na hukum taurat na pinuya tadaluda jiata dama morik takatirou, jianouya keriya na hangahu. ⁵Hiwig dudda nam morik waling taka tirou, ndapa ngadaja aganna-gananya nam pata tanogung katirou, ajiadiha dudda nam moriku ta hangahu,ndapa ngadanya agana-gananya nam pata hangahu.⁶Hiwig na pangadang napa papa arung ta katirouwujiaya nam haduka, ajiadiya napa ngadang napa papa arun g ta hangahu jiaya nam morik djaka nam maloaga, ⁷Ajiadiya napa ngadang napa papa arung ta katirouwu nam ge'anya hi Allah; hiwig noung ndan pa'akaja hi Alalh, lapaka ndana paha lakumayaha. ⁸Djaka, dudda ndama moriku ta katirou jiaha ndama pa henangunya na atina hi Allah.

¹⁰Ajiadiyaka, nakaritu a eikanyaka tadaluna ouwu, lakana mati na ihimu witi doaha, na hangahu bakul, ya na winina jiaya nam panewi taguna ta ihina nam fanadjaka na hangahu nam pamorikku a napa eiwainya na karitu. na morik waingu ma kalung.¹¹Ajiadiyaka, na hangahu nam pamoriku baliya hi yehu waling tama mati na engang ta dalum, jiaya nam pakidi baliya hi yehu karitu waling tama mati jella mang hina woaya na morik ta tagumu nam fana waling tahangahu nam engang tadlun ouwu.¹²Jaji, olibei-beigu, jiata tou-you mapa utanguda, da jiamaya naka tirouda, lapaka ata moriku waingu katirou. ¹³Hiwig, ouwu amu morik waikanguka katirou, ouwu mumati, ajidiya naha ngahumu ouwu nam hamatiya nata nogu-nogu taihimu, ouwu jiaya nam morik.¹⁴Hiwig, tanga keha nda nda tou napa peakana na hangahu hi Allah jiaya na ana-ana Allah. ¹⁵Hiwig, ouwu damu hilu kolimanguha hangu nam pakato'awu nam pamange'atuw, ajiadi yaka ouwu mu koling hangahu nam dedikugu ouwu jaji ana-anana hi Allah, nam palinounya hangu huda jiata¹⁶Na hangahu nuttu napa newinya pamaraingu hangahuda jiata alanga jiata na ana-anana hi Allah, ¹⁷Ajiakadaka jiata anana, jiata nam taguja, pataguna hi Allah pama rainya na pataguna hi karitu; jiata ata hawali atidingu ata malara denganya pama raingu dunna, jiata na pama loga pamarai-rainya dunna. nda ana-anana da kolingu maloaga¹⁸Hiwig, nyouwa paha meara nounya nam malara-lara yayi dana hameara mangu na maloaga nama tikinaja lahi jiata ¹⁹Hiwig, tanga keha nda nda nadi-nadinguka djaka nda damu yaka yayi nda ana-anana hi Allah na papatomana.²⁰Hiwig, tanga keha nda ta pa akanya lahi dama eingu guna nda, dana waimanya na tagu wikkina, ajiayaha na taguna dunna nam pahalakunya,²¹Toukanaka tanga keha nda ndapa woluna huttu meaha jiaha ndapa papataluna walingu ta dama peangu na paharitu dengang tahanya napa talu waingu nda ana-anana hi Allah nam binu ta hailang. ²²Jiata ta peaja tanga keha nda napa woluna ndaha meara-meara nda padanya na malara djaka ta hiddu adapa heapanya lapaka yayi.²³Dajiakimaya yayi, ajiapaya dudda ata kolinyawua pa aya hangahu jiaya nam paddanya tadalu ihida jiata waling lahi jiata, katanadi wainya ata dedikunya ageara na anana, jiayaka nam patebuhunya na ihida jiata, jiata ta halamatu wainya pamaninguda. ajiadiya, nam pakarahada da jaiamaya nam pakaraha, hiwigu ageara kayaka na manninya aganna nya napa langa itana? ²⁵Ajiadiyaka, ata mannikanyaka agananya naha itada, jiata ta nadinya na hawali ati.²⁶Tou jelana, na hangahu na gatada ata hamawulu jiata; jiata data hiku peamanyaha gikki noudaha ata habayangu, na hangu meaha jiaya nam pa ulla nam kareiya hi Allah tagal jiata. wainya atidalung ndama pa newi wainya patiki. ²⁷Djaka, jiaya nam peaka buninya agananya naha wukku na hangahu nuttu, alanga jiaya nam wainya atidalung taguna nda tou bakul pakeri noungu lahi Allah.²⁸Djaka, jiata ta penya tanga keeha nda napa kerangu pamaraingu tagalu nda na kalungu nda tou-touwu nam buhanya hi Allah, jiaha dapaka maikana wainya naha wukkuna hi Allah. ²⁹Hiwiggu, dudda ndapa peana waling taka mouluna, jia jellahaka ndapa kenana taka moulunakadda jajdi paha meara noungu ta ana-anana, lapaka kada jajdi kamouli waling ada dangu da oli beina. ³⁰Dudda ndapa dodukuna waling taka mouluna, jiaha ndapa paka maikangu djaka ndaka maikanya, djaka ndapa kalunya, lapaka tahailanya. tapa buhana hi Allah tadaluna Karitu Yehu³¹Jaji, agannakanya napa tikida agananya tanga keha nda yayi? djaka hi Allah takarahada jiata? ³²Dunna dama buhanya na ana taguna, jia nouliya ana woadanya lahi jiata tanga kehada, gikki noukanaha a'nda pamaraingu dunna na woaya tanga nda agananya lahi jiata?³³Geara kaha nam dawaya nda tou-touwu pa peada hi Allah? hi Allah jiaya nam pawaija dudda. ³⁴Ageara kak nam woaja hukum? yehu karitu na matika, lapaka nam kidi bali waling tama mati, na ngodu talawanan hi Allah djaka ana pamalanguda jiata.³⁵Geara kak nam pahikkada jiata wali takaritu? jiakaya nam wuggad, adanam paha dukkad, ada nam pamawillaya, adanam pakarobanya, adanam pakaloluya, adanam pa a'kituya, adanam kahudi? ³⁶Tou einya napa tuli, " Witina ouwu, niama hi eigama tama akitu tama haduka taladu nam malaiyi; nyiama jajika domba-domba sembelihan."³⁷Ajiakayaka, tadalu tanga keha nda yayi, jiata ta reihi waling tama talu nam buhada jiata ³⁸Hiwig, nyou ta waiga da jiamayaha na mati dengang lapaka tapa moriku dengang, da jia delmaha nda malaikat-malaikat lapaka ta mapareaha-reaha da jiamaya agana gananya ya atouna lapaka nam aminya, na kekuasaan, ³⁹Da jiadelmaya nam einya now deaha lapaka nam einya nouwawa, adanam napa woluna hawanguku, jiaya nam kulihu ana pahikkada jiata waling tapa buhana hi Allah, nam einya tadaluna hi Yehu Karitu, hi moirida, jiata.

Chapter 9

¹Nyouwa napa tikkigu tama kalung tadaluna karitu, nyouwa daku waluku mangu, djaka napa panewi dalungu ndapa keri tikki nda pamarai-raingu nahangahu bakul, ²ajiaya na hadukkagu reihi bakul djaka napa ngala-ngalang hou tadalu atigu.³Hiwig, nyouwa ku buhang na ihigu akutukuy, napa hikka wali takaritu tagaluna nda olibei-olibeigu, na oli bangsagu waingu tama ta miggu ⁴Nuttu nda tou israel; ndam taguja nda hakku napa dedikuwu jaji ana-anana hi Allah, nda koling tahailang, napapa nou nda nda koling pawoana na hukum taurat, ibadah, lapaka nda papa nou-nou nda, ⁵dudda jiaha nda papa anangu hi ama leluhur abraham, isak, yakub djaka djaka waling lahi dudda nakaritu napa jaji waling taka tirou, jiaya na moirada ta deata agana gananya dajaka napa waingu pangala-ngalang. Amin !⁶Ajiayaka namu, na wainina hi Allah dana patodimangu. hiwig, da tanga keha nda touwu dada walimada ta tou israel, ⁷Djaka tanga keha nda da papa anana hi Abraham jiaha da ana-anananya, ajidiyaka " napa tiki papa anamu jiaha ndama waling ta Isak."⁸Ha ndama touda jiaha dama ana-ana naja waling taka tirou napa payapu ajaji ana-ana hi Allah, na bangsa Isreal jiaha nda bangsa ndama duku kalunguha jiaha nda papa anana hi Abraham. dudda jiaha da papa jajing napa pa nouna hi Allah ta Abraham. jaji, ta frasa yayi, ana-ana ma kalung nam tu'a ta bangsa Israel. higiluda da ana-anana da papa nouna jiaha ha ndapa yapu ajaji papa anang. ⁹Hiwig, yaya dapa newi djaka napa nou nuttu: " ya taladu yayi nyouwa enga amiga, mang hi sara napa kabung lakeada moani¹⁰Da jiakimaha yayi, ajiakaya hi ribja jia jellaya nam pakabung lakeada-lakeada waling hatou, jiaya hi Isak, da inna weadada jiata. ¹¹Hiwig, waling adadi pa'anaja na lakeada-keada manga dadi pahalaku paja agananya nam kalung ada dama kalung, lapaka napa wukkuna hi Allah waling napa pedina napa pamadun da jiamaya napa paha lakuna ajiadi yaka nampaka maikang, ¹²Napa widang lahi ribka " na anan nam kamoulu jiaya nam buhanya na nekkana ¹³Atoungu einya napa tulih, "nyouwa kubuhanya hi yakub, lapaka hi daku buhanya hi Esau.¹⁴Jaji, aganya napa botahu atatikiya? jiakayaha hi Allah dam luruh? hadeka-deka da'ah! ¹⁵Hiwig jiaya anapanewi lahi musa, " nyouwa ku buha wali atinya agearaya nam buhangu pa buha tekaga, lapaka nyouwa na murahu atig ¹⁶Jaji, agananya nuttu dama maning tapa woana djaka takera kulihun na tourara, Ajiadiyaka Hi Allah napa pa tekkana na murahunanya.¹⁷Hiwig, na murahu na panewi lahi Firaun: " ya kana tagunya na akal yayi nyouwa ku dedikugu lapaka nyouwa kaku patekagunya na kuwahugu tadalumu, lapaka na ngaragu kapa tomanya tanga keha nda ta pinu tana hi Allah napa buhangu langka gearaya napa woananya, djaka na pakatarnanya na atina langka agearaya napa woananya.¹⁹Jaji, ouwu jiaya nam panewi ta tagugu: " manggadunna liyi nam pahalawla? hiwig, ageara kak nam koling pa gapinya napa namunguna? ²⁰Takabalina, geara kawuka ouwu, woi tourara, lapaka ouwu himge'anya hi Allah? na djaji kak agananya napa wolun ana tikkiya lahi wolunya, " gikki noukana ouwu amwuluwa nyouwa touyayi? " ²¹Jiakaya na tukang dam eingu hakkuna ta pinu tana rara; djaka ana woluya waling tamkadopul tana nam ha meara agananya na bejana napa waingu djaka nam toutekana, djaka nda bejana hawanguk napa waingu taguna agananya dam kalung?²²Gikki noukanaka hi Allah, laka gikki noukana napa kabu atin djaka napa papatekana na hadana djaka toutekang na kuahanya, ana tagunya na maloayang nam bakul tahagana bejana-bejana na hadananya napa papagenanya taguna nam hadukka? ²³Jiaya nam pahalakuya tagun na tikkiya na poatina tahailang ta deaha bejana-bejana pamalangu-nya, napa papa gennanya taguna tahailang, ²⁴Jiadaka jiata, napaka maikana-nya, da jiamaya nam waling ta tou Yahudi, helinya ndama waling ta bangsa-bangsa hawanguk.²⁵Nam toung ta winina ta daluna na hurat bakul hosea: "dudda da jiamaya da keriwa ndapa tikkigu mapa keriwa. djaka dapa pama langugu, jiaya napa tikkigu nam malangu;" ²⁶Djaka, " napa douna hi Allah na tikiya ta hanaduga: ' ouwu da mapa kerimawu,' tapa doungu nuttu dudda da tikkiha 'ana-anana hi Allah nam moriku.'''²⁷Djaka hi yesaya na hounya hi israel: "tanga ndangu nda anana israel toungu ta korrahu tahik, ajihaka haku nduk ku nduk pa ndaka nda pahalamat, ²⁸Hiwig hi moiri enga pahalakunanya na winina ta deaha tana nam luruh djaka na pagehang" ²⁹Naha meara noung napa pa nabut lahi Yesaya: "Jiakaya hi Moiri nam paihinya na pinu tana dana matamada jiata waling ta papa anana, jiata taha mearaka tasodom djaka na hameara noujelangu ta Gomora."³⁰Jaji, ganna kanyaka jiata napa tikida? ajiaha nda Bangsa-Bangsa da jiamah nda yahudi dama keriya nam kalung, na kalung nam wlin ta Deawa; ³¹Ajiaka nammu, na Bangsa Israel na kulihu ana keriya nam kalung hukum Taurat dana toma mangu ta hagana na hukum nuttu?³²Gikii noukanak? dudda ndada kaleliwaimanya daewa, wainounanya nata nogu nda. dudda ndaha widangu tawatu pahawidang. ³³Toung einya naha tulih: " Patetinyah, nyouwa kutaunounya lahi Sion tawatu pahawidang lapaka ta watu patara, djaka agearakak nam wainya tahagana dahilu pamakimayaha."

Chapter 10

¹oli jaji-oli jaji, napa buha atigu djaka na habayagu lahi Allah tutuda touwu nam pangacu bangsa israel. djaka na touwu paha lamatada.²djaka nyouwa bersaksi na tutu nda touwu jaka napa kollija naha mangat tutna Allah, jaka dama toutekangu napa tikina nam wahangu. ³jaka na touwu dana peatekamanya nam benar Allah jaka nam tou tekangu nama tidang dudda wikki, duda dama rununya napa wiinna Allah.⁴jaka naka retu nam pagenanya Hukum Taurat nam jaji nama tidang lahi touwu nam pawai. ⁵musa natulih nam banar walingu ta Hukum Taurat, jaka na tou nam pangedanya nam banar jaka tou tekana hukum jaka namoriku olehnya.⁶Jiaka nam, benar nama walingu ta dewada natikki nama touna, ambu tikkia mai ati dalumu, geraya nam dehang ta surga?' na ihina, taguna ana idiya karitu purung. ⁷Adayi ' geara nam purung ta gabang?' ihina, taguna ana idiya na karitu deahang waling lahi dudda da tou mati.⁸Ajiayaka, gananya napa tikinanya? "nawinina einya ta lihimu, jiaya nam ta a'amunya djaka tadalu atimu." Jiayaka na patiki deawa napa tikima nyiama. ⁹djaka paoliwainya a'amu ouwu mu o'anya ajiaya hi yehu manga hi Moiri, djaka na wainya ta dalu atimu ajiaya hi Allah nam pa kidiwu waling ta tou mati, ouwu napahalamat tuwu. ¹⁰Wainya atina, nda tou nda wainya lapaka hipa oliwainya nam kalung; djaka a'a, nda tou nda o'anya hi lapaka nda paoliwainya halamat.¹¹Ajiaya na hurat bakul nam panewi, "ageara jelkak nam wainya taha gananya jiaya dama pamakiya." ¹²Hiwig, da eimang maheaka-heaka nda tou Yahudi djaka nda tou-tou Yunani; na moirida nam hatouna jiaya na moirida tadeaha tanga kehada, nam dangu hapotina waling tatou nam pamalanguya ta taguna. ¹³Hiwig, " tanga keha nda nda tou nam pamalanguya tadalu ngarana hi moiri jiaya nam pahalamatud."¹⁴Ajia kayaka, gikki noukanaka dudda a nda pamalanguya taguna dunna dadi dudda pawai nda? djaka, gikki noukanaka dudda a nda koling pa wainya dadi peanya dudda parangu nda? djaka, gikki noukanak dudda a nda koling parangu, a dadi eipang ma peakaja-nya?¹⁵Djaka, gikki noukanak dudda ada koling peakananya, djka dudda dapapa leawa paha? tou nam eingu patulina:" giki kalung noutekka ndah nda wihi-wihi nda dudda nam idiya na hilu nam kalung!"¹⁶Nou nammu, dada tanga keha nda nda touwu a nda keriya na hilu nam kalung toukanak hi Nabi Yesaya ana panewi, "Moirida, ageara kak nam wainya na hilu djaka naparangu nda waling nyiam?" ¹⁷Na deawa na jaji waling taparanguda, djak naparanguda waling lahi winina karitu.¹⁸A nyouwa kupatutur, "toutekka ndaha nda tou-touwu huttu dama rangu?" enga ndounda dudda a nda rangu hiwing, " hilu nda dudda na toma tanga kehana tapinu tana, djaka napa tiki nda dudda natoma tahupu-hupu tana."¹⁹Tuletunaka, nyouwa wiggu, ''touka ndaka nda bangsa-bangsa Israel dadda peamanya?" nam moulu, Musa napa newi, nyouwa kupakidiya na ma'umu tahaga dudda dama jiaha a bangsa, djaka nam pakidiya na banimu tahaga nda bangsa dam peang."²⁰Djaka hi berani, Yesaya napa newi: "nyouwa nda regawa dudda dama manyeraga nyouwa; nyouwa kupatekang wikig lahi dudda dama tuturwa tutugu nyouwa, ²¹Atoukanaka, agannanya na bangsa Israel jiaya nam panewi, "namalai na laddu nyouwa ku pahelaya na limagu ta bangsa dama keriya djak ndama ge'anya."

Chapter 11

¹Enga nyouwa kupa tutur, "jiayakayaka hi Allah na nyularuja ndam keriya?" hadekka-deka da'amang! hiwigu, nyouwa wiki tou israel, nda papa anan Abraham, waling taka bihu Benyamin. ²hi Allah dana nyularumaja nda keriya, ndapa pedina waling taka wungana. mang ouwu damu peamanya agananya na hurt bakul napa tikina taguna Elia, na rahi jiaya napapatoman israel tahaga hi Allah? ³" Moiri, dudda jiahak ndama hamatiha hi nabi-nabi-mu, dudda ndama paruhakuya na mezbah-mezbah-mu, djak jiapawak nyouwa tou wikki nam moriku, djaka dudda lapaka naha matiwa."⁴Ajiakayaka, ganakanyaka napa apana hi ilahi napa woadanya tahagananya? "nyouwa kumataja na 7.000 touha tagugu, ndama peanya na pamalangudaga talahi Baal. ⁵Tou letunaka taladu yayi, eija aganaja ndapa waingu napa pedi pakerinoung namloaga.⁶Ajiakayaka, ana palinoukanguk tama loaga, da hili jiamayaha ana palinou tatanogu, hiwig atou letukanak nam loaga dana hilu jajimaha maloaga. ⁷Magikakanak? Bangsa Israel na dana jadimang ana paoliwainya agananya na pama nyerana, ajiakahak dudda napa pedi jiahaka ndam pa oliwainya, tou letunak dudda napa pedi jiahak ndam paoliwainya, toulet ndak hawanguk ndam pahunanya na atina. ⁸Tou nam einya napa tulih: " hi Allah na waoja dudda hanagu judda, nda woamata nda dama hilu ita, djaka naka hilu dama koling pa rangu, lapaka taladu yayi."⁹Djaka hi daut na tikiya: " mataja nda meja pa inung pa angu dudda jaji hiru djaka a apah, ndam jaji watu paha widang djaka pabalah waingu waling lahi dudda ¹⁰Matakajaka womata nda dudda paka petaja lapaka dudda dama koling pa ittu, djaka napoalakahuki nda dudda hamukku pangala-nagalang."¹¹jaji, nyouwa kupatutur, jiakahak dudda ndam hawidang lapaka ndam na'uh? hadeka-dekka nda'amang! ajiakayaka, paoaliwaing nam loppah lahi dudda, nampahalamatuh jiaya nam aminya lahi bangsa-bangsa dama jiaha yahudi, lapaka ana woluya dudda hi ma'u. ¹²Hiwig, namlopah lahi dudda na jaji poati waling tapinutana, djaka damajadi dudda nda jaji poati waling ta hangi hangi tana dama jiaya nda Yahudi mang nam reihi-reihi kalung lahi dudda!¹³Ya atounaka nyouwa ku panewi tahagamu, woi hangi tana-hangi tana dama Yahudi, ajiadiwaka nyouwa na rasu taguna hangi tana-hangi tana dama jiaya yahudi, nyouwa kupamalangu nampahakuya, ¹⁴Lapaka nyouwa akuwolu angwua ana winigu ta hangi tana. djaka nam pahalamatuya ndam tompiraha nda tou waling lahi dudda.¹⁵Hiwig, jiakaha ndama nyularuja dudda waling tapa hobau ta pinu tana, gannakanyaka na ihina napa koliwaindanya dudda helinya waling anamorik waling ya nam mati? ¹⁶Jiakaya na roati nam moulu jiaya nam bakul, lapaku nam pakahanga-hangangu nda bakul.¹⁷Ajikayaka, djaka pira nda nakahangan napa pata nda, djak ouwu, napa lang ligu na lolun naha lakat waling lahi dudda djaka nam nudu ana koling padouna tadalu loluna djaka na ritu aiyi zaitun nuttu, ¹⁸Abi jaji mangu lopahu tahagana nda kahanga-hangana nuttu. ajiakayak amulopahu, mu namuya ada jiawu ouwu nam pangadang loluna, jia nouyaha na loluna nam namuwu ouwu.¹⁹Eijelang ouwu pa newim, " nda kahanga-hangana nuttu napa patana lapaka nyouwa aku koling napa pogu." ²⁰Nuttu na kalung! dudda napaha adada koling awaingu dudda, ajiadiyaka ouwu mu dedi luruh wainya na deawam. abumu lopahu mang, mumangeatuha ²¹Hiwig ajiakaya hi Allah ndana buhakajaka ndaka hanga-hangana tekkana, Jiajelaya dama buhagu ouwu.²²Atou letunaka nuttu, mupa tetinya na kalunguna djaka na banina hi Allah; ta tagunda dudda ndama mana'u, ajiakayaka nakalunguna tatagumu manga ouwu enga kanguka ta dalu kalungunanya, adajiakayaka, ouwu patea'ung.²³Djaka dudda jella, dudda adapangala-ngalakanguka tadalu da waidanya, dudda jiaya ndapa pogu lahi Allah nam kuaha taguna apoguha dudda bali. ²⁴Hiwig, ajiakawuka ouwu na tea'ung waling agananya napa limu ajiaya na pingi aiyi zaitun nam kahanga djaka napa pogu ta pigi aiyi zaitun napa pahamulla, nama ge'anya waling tatanogumu, dama hilu reihiwaling lahi dudda nam jiaya na kahangan na pigi aiyi zaitun dudda ta ihi nda?²⁵hiwig, angwua-anawinnigu, nyouwa daku weakumangu ouwu damu peanya na ihi atina lapa ouwu damu anggapuya na ihimu makalung, lapa na pata tautidung nam jaji hawangu ta hangi israel lapaka hinna kalopuha nam heka-heka tana hawanguk nam aming.²⁶Ya jialetuyaka, tanga keha nda nda tou israel jiaha napahalamat. tou nam eija napa tulihu, " nam deitu daja jiaya nam aminya waling lahi sion, jiaya hinna pama rounya ndama kalung waling lahi yakub. ²⁷Djaka ya jiayaka napa panounaga lahi dudda, lapaka nyouwa a nda dedikuja nda doaha-doaha."²⁸Keriya nam eija ta hurat bakul, dudda jiaha nda muhum tagal ouwu, akerikayaka naha pedi, dudda jiaha nda tou-tou napa woyi waling ta inna weadada dudda. 29 Hiwig nam maloga djaka na pakamaikana hi Allah dana biaha mangu pabataluya³⁰Hiwig, na hemara lahi ouwu nuttu hanaduga dama keriya hi Allah, ajidiyaka ya touna takoling pabuhang dama keriya hi Allah; ³¹touletunaka dudda ya atouna dada keri letumaya djaka lapaka na oali pabuhanguna hi Allah napa tikki tatagumu dudda nda paoliawaingu pabuhang. ³²Hiwigu, hi Allah napa douha dudda tangakeha nda tadalu dapa keri nda lapaka Jiayaka hidda koling papa ndondukud pabuhangunanya lapaka ta tanga keha nda tou. magenna manyagu hi Allah³³ow, halakku nounguha tadalu poatina djaka kalunguna djakanapa peana lahi Allah! gikki nouna na pahalidik waling napa botah-botahuna djaka dapawaingu lina ana halaku-halakunya! ³⁴" Hiwig, geara nam peananya napa pangadana hi moiri? ada gearakak nam koling pawoananya nam papekang?"³⁵" adda, gearakak namperna ana woanya agananya adadi tomapaya, djaka na balah hingpayah?" ³⁶Hiwig tang keha nda agananya nam waling lahi dunna, djaka olida dudda, djaka tataguna dudda. walilahi dunnayahna lapaka tahailang kata pangala-ngalanya! Amin

Chapter 12

²Abi mijajimang nam hameara ta pinu tana yayi, mupaheapanya nam buangu na pangadangum, lapaka ouw himpeanya am pahikanya agananya nam jaji papaleawana hi Allah; agananya nam kalung, nam lilahi Allah, djaka nam kalung.³Hiwig, palinou nam loaga napa woanaga tatagugu, nyouwa ku panewi ta touwu waling lahi ouwu abi hilu pangada manya nam reihi jaga wling agananya nam jaji ta pangadang, kana pangadang warah pakerinya na katutu deawan napa wwoananya hi Allah tatagu-tagu nda.⁴Hiwig, tanga na ihig, jiata nda dangu nam eingu ta ihida, tagu-taguda dama eingu tugahu nda nam hameara. ⁵Tou jelada jiata, langkata dangu enga douna ahangina na ihida tadalu karitu, djaka, tagu-taguda jiata jiaya nam dangu waling hawanguk. napa woa-wona na rohani⁶Jiata ta koling maloaga nam heaka-heaka keriya na pabuhang napa papatagu daja napa woana tattagu nda jiata. lapaka ta kulih napa woananya hi Allah ta tou kana panewi waling ta ngarana. na kalung jiata napa paha lakudanya kerina taguna deawa jiata. ⁷lapaka taguna ata pahalakuya, lapaka ata pahalakuya, adda papeakang, lapaka ana peakanya. ⁸Adda ana pa hiburuya nam kalung, ana woaya nam hiburruya, tagu na ana woaya, lapaka ana woawali atinya, lapaka ana papeakang, ana peakanguka nam luruhu tekka, lapaka ana patekannya napa buha atina nakalunguna ana pahalakuya wainya magenna manyagu. papeakang moriku tadalu pawoana⁹Pa woananya na wonguna dan hilu walu-waluku. abi buhamanya dam kalung, muhamanuya nam kalung. ¹⁰Lapaka ouwu amu buhanya wainngu pa buhamu ana wini ana moani kan pamoulunya tadalu napa pa'akang,¹¹Mumatanyaha na peangumu abi na ruhak, lapaka na eri-eriku tadalu hangahu amu pahalakuya na moirim. ¹²Mupa genna manyagu na eingu paharapuna, mu tabaluruh tadalu hadukkam, djaka mu kulih ta dalu habayangum1 ¹³Mukeriyah deki padoum nam pabinuw napa butuhum na tou-tou bakul, mu kulihu tadalu papa tekkamunya na banimu. lapaka amu pahadiaya amu koling tamu, nam maiyi.¹⁴Mu buhakadija dudda ndama letiwaigu ouwu, mu buha kadija abi hilu kutukmaha! ¹⁵Mu ma genna manyagu waling dudda nam magena manyagu, djaka mu houkayi waling lahi dudda nam hou. ¹⁶Pangadang agananya nam hameara tahawanguk. abi hili mu pangadamanya na reihi jaga, helinyaka amu pahaganya ta tou-tou napa anggapum padak. abi hilu mu anggapmaha ihimu na kalung!¹⁷Abi hilu mu balahumaya ata tou dam kalung wainya dama kalung. mu pahalaku nam kalung tahaga tanga keha nda nda tou. ¹⁸Ana jaji ak agananya na patearung ta ihimu, mu moriku tadalu hobaw, waling ta tanga keha nda da tou.¹⁹Anguwua ana winnigu napa buhagu, abi hilu ouwu meahali nam balahuya , ajiadiyaka muwoayah napa doum tapa bani denganya hi Allah. hiwig einya napa tulih, " napa balahu jiaya na hakkugu, nyouwa jiayaha nam balahuya," winina hi Moiri ²⁰Ajiakayaka, na muhumu ana karobakanguk, moakadinya pa anguna, djaka na muhumu ana madoukaka, muwoanya ha ana inung. lapa amu pahalakukayaka yayi, ouwu mu gojukung lawa api ta deaha katikunanya ouwu mu pa ruhakuya ouwu mu paruhakuya na lawa api taka tikunanya. nda tou-touwu ta winina nam deingu nda pangalang ata tauya na kubur taka tikku nda dudda ajiaha ana ndondukuya lahi duda ana merahu ati lapaka ana manehal. yayi hi yehu napa heapanya na kubur jadi lawa api nam patamanya na raha pama nehal djaka merahu ati tou nuttu. ²¹Ouwu abi mu kalamang wali dama kalung, adda muupa kalaya dama kalung waling nam kalung.

Chapter 13

¹Napa woana tatanga nda da tou na pa akanya na mapareahana berkuaha ta deahana hiwig da eimangu mapa reaha nam waling lahi Allah, djaka dudda na pa engaja hi Allah. ²Ajiayaka nuttu, ageara kak nam banija nda mapareaha, jiaya na bani tapa engana hi Allah, djaka dudda nam bani nam maiyi ta hukum ta deaha ihi ndanya.³Hiwig, nda mapareaha dana pa timbulmanya na mangea'atunya waling nnam woluya nam kalung, ajiakayaka nam woluya dama kalung. bubuha kanguh ouwu amu moriku laka dahilu eingu raha mange'atu tahaga napa reaha? mu pahalakuya nam kalung, lapaka ouwu nam koling pamalangu ta ihi nda ⁴hiwig dudda jiaya nam pahalakuya na taguna hi Allah waling napa pahalakum agananya dama kalung, mumange.atuha hiwig da jiamaya awainya waluk mapareaha nam lihu katopu. dudda jiya nam pahalakuya na taguna hi Allah, nam balahuya jiaya nam paha lakuya na pabani dngana hi Allah waling ta tou nam woluya dama kalung. ⁵Hiwig nuttu, ouwu mu pa 'akanguha, dajiakimaya na pabani dengana hi Allah, ajiaya nam wali ta atina nam kalung.⁶Jiayaka hiwigu ouwu himu bayaruja nda pajak, hiwig jiahaka huttu ndama pahalakuya na taguna hi Allah nam paha rainya na ihina taguna agana-gananya nuttu.? ⁷Muwoayaha ta tanga keha nda agananya ouwu napa woamu, nda pajak waling tama hakkuja nam koling pajak, nam tagu manyerang waling nam eingu hakku nam koling pama nyerang, na raha mangea'atu tahagana nda tou nam eingu hak nam koling raha mangeatu, djaka nam pa a'kang. nam buhang touwu hawanguk nam eingu hukum nam moulu⁸Abi hilu pa utamangu agananya tagananya ageara jella, ajiakayaka mu buhangu hatou djaka hawanguk djaka nda tou nam buhang tou hawanguk jiaya nam pinuya na hukum taurat. ⁹Hiwig, " matang tama awut, matang pahamati, matang pa keadu, matanya yayi mang a eikanguka hawanguk, tanga keha nda napa papanou nda tadalub pa tiki nda yayi, " mu buhaja nda oalimu lapaka ta ihi tagumu. ¹⁰Napa buhang dana pahalakumaya dam kalung tahaga tourara. ya nuttu, napa buhang nam gennap ta hukum taurat.¹¹Atuletu kanaka nou, ouwu mu peanya na laduna walingu yayi taguna ada kiddi waling ata judda; hiwig ya atouna napahalamatuw nam reihi marani waling lahi jiata waling ta ladu nam moulu jiata napa waida. ¹²na ridung atunyaka djaka na ladu lihi nyaka, ya atouna maiyaya jiata kata le'aya nam kapetang mang kata wainggu manaingu malengkap jaka nibu katopu na wahang¹³Maiyaya jiata kata moriku waingu pa akang tou ta laduna djaka ta didar laddu, da jiamaya na tunu nam rami djaka na mawuk, da jiamaya na manyerang nam keriya na ma awutuna, djaka da jiamaya tadalu kangila lapa ta hukka ati. ¹⁴ Aiayaka, na peanguna hi yehu karitu, abi hilu karawamaya na ihimu taguna amu ma awutu ana dakawu napa buhamu.

Chapter 14

¹Himaya na tou nama loja dewana, ajiaya dapa geamananya. ²Einya tou nama panagdanya namawina pa angu boluwi tang kehada pa angu ei jelada pa angu dama biha pa angu tou yahudi. djaka dudda akeri Mori Yehu, nam wanguk lahi dudda dam peangu toungu yayi akoleng pa angu bollu tang kehada pa angu. yajiyaya tou nam loja dewana angu rowi jiapai.³Nda touwu nam anguabi mupa newiwaimanya nda tou dama angu, djaka nda touwu dadi ma angu abi mu hakim maha ndama angu, hiwig hi Allah na buhaja dudda. ⁴Geara kawauka ouwu lapaka ouwu himu hakimuja nda touwu hawanguk? waling adedi lapaka adamana'u. djaka. jiaya ana kiddi ta taguna hi Moiri na kulihu ana wolunanya hinna kiddi.⁵Eija nda tou nam winna na hangi laddu reihi pawainguya walinn taladu hawanguk, touletu nda hawanguk na anggapuya tanga keha nda na laddu na hameara. tapata ttou nda ndapa wainyaha tadalu ati tagu nda. ⁶Ndu nda nam pa reihiwainya na taladuna nim, napareihi wainya tatagna hi Moiri. djaka, dudda ndama angu, angu tataguna hi Moiri hiwig jiaya hina pamalanguwu tahagana hi Allah. tou jelana dudda dama angu, dudda dada amangu tataguna hi Moiri na pamalanguyaka tahagana hi Allah einya ndapa pa gehirung tadalu panewi Yunani nam tamaba-tabaya na panewi yayi djaka na oalida jiata nam anggapuya na tanga keha nda na laddu touje jelana ana woluya nuttu witina ta hailang lahi Moiri.⁷Hiwig, daha touhing mangu jiata nam moriku tagu wikina, djaka da eihingmangu hatouwu nam mati ta tagu wikina. ⁸Hiwig, ya jiata ata morikukak, jiata tamoriku ta taguna hi Moiri, adda jiata ata matikak, jiata ta mati ta taguna hi Moiri. jaji, waling ata morik djaka ata mati, jiata ta tagu nada hi Moiri. ⁹Nou jiayaka na karitu hinna mati djak hina kiddi, lapa jiaya hinna jaji Moiri, waling ta tou-tou nam mati lapaka ta tou-tou nam morik.¹⁰Nou ajiakayaka ouwu mu hakimuja na angwua ana winimu? adda, gikkinokah ouwu amu patetiwawaja nda anguwua anawinim wainggu ampanewi wainya? hiwig, jiata ta dedi ata haganya napa doungu pingi pa'adildanya hi Allah. ¹¹Hiwig einya napa tulih, " akpa oliwaingu moriku, na winina hi Moiri ta tanga wodu kabaku nda nda pawuatunya tahagagu tou nda lemma nda pekawikina tahagana hi Allah."¹²jaji, ajiayaka jiata ta kolingu patagu ihiwiki nda tahagana hi Allah. abi mu wolumaya nda tou hawanguk pa berdoha ¹³Atounaka nuttu, abihilu jiata mangu nam pahakim wikina, reihi kalunguya ata luruh abi hilu taulinya mapa ta'ukung adda ta watu pahawidang waling ta angwua djaka ta anawini¹⁴Noyuwa ku peanya djaka ku wainya tadaluna hi Moiri yehu dahilu eihingmanguha agananya dam kalungwaling aganaya nuttu am meaha, ajiadiyaka waling ta tou nam anggapuya agananya tangakeha nda dam kalung, jiaya dam kalung ta ihina. ¹⁵Hiwig, na atina na angwuamu ana katoawi aganaya napa ouwu amu, ouwu damu hilu morikumaha nam pakerinoung tapa buham. matanya ouwu pajalurunya dunna wainya napa papa angum nuttu, djaka na karitu jella na mati ta tagunanya.Nou ajiayaka, abi mu matakanya agananya napa anggapum ma kalung tuduya wainya agananya dam kalung. ¹⁷Hiwig na kerajaan Allah da jiamay taguna ata angu djaka ata inung, ajiaya nam kalung, nama deha tekka, pama genna pamanyagu taduna hangahu bakul.¹⁸Hiwig ageara kak nam pahalakuya na karitu wainya yayi nam pakenangu lahi Allah, lapaka hina pa akaja nda tourara. ¹⁹Jaji, maiyaya jiata kata kaleliya aganna gananya nama aminya nam deha kalung mang hida pakidiya hatou lapaka tahawanguk.²⁰Abi muparuhaku maya napa kerrana hi Allah ajiapakadiya na angu! tanga keha nda agananya nam luruh, ajiadiya dama kalunguha waling ta tou nama angu djaka nam paha witing ta tou hawanguk nam eingu doaha. ²¹reihi kalung laka da hilu angu katirou adda inung anggur, adda mupahalakuya aganna gananya nama koling pahawiting ta angu wua ana winim ndam hawidang.²²Muhamanuya na waingumu ouwu napa kolimu tagu ihi wikimu tahagana hi Allah. mu hennakangu nda touwu dama hakimuwu ta ihi tagumu tahagana aganya anam kalung. ²³Ajiayaka nammu, nda tou dama kahangin jiaha ndapa hukum adda akanguka, ana akanguka dana hawalimangu ta deawa na; djaka agana gananya dama waling maya ta deawana jiaya nam doaha.

Chapter 15

¹Jaji, jiata nam kulih ta tagunyaha nam hamawul nda touwu dama kulihu, jiaha dama pahenangunya na ihi taguna. ²Jiapayaka ta touwu waling lahi jiata nam henang ta oalida witina nam kalung, lapa ata pakidiya nam maninguna³Hiwig, na karitu dana pahenamanya na ihi taguna, tou einya napa tulih, " panewi-newi dakalung dudda, nam panewi waigu jiaya nam jaji lahi nyouwa ⁴Hiwig, agana kanyaka napa tulih nam moulu jiaya napa tulihu taguda ana peakada jiata kana waling tama luruhu nampa hiburuda napa woana huratu bakul, jiata tapa oaliwainya pamanida.⁵kanyurukana Allah, padouna na maloyang djaka na penghibur nam loaga ta taguna ata moriku ta dalu ata pakeri hatu lapaka taha wanguk nama pakeri ta lahi yehu karitu, ⁶lapaka kataka hanginya djaka kahangi panewi ata wuatunya hi Allah djaka hi Ama moirida jita yehu karitu. ⁷Ya nuttu, mu dekiya hangi djaka hawanguk, naha meara ta karitu lapaka na kolida jiata waling ata wuatunya hi Allah.⁸Nyouwa ku panewi tahagamu ajiaya na karitu nam pahalakuya taguna ata tikiya waling ta tou-touwu nam eingu tugahuna ana pahalakuya nda oali tama tamiggu nam madak. da tou-tou dapaka poaki witina nam kalung waling lahi Allah, taguna ana pamadunya napa panouna napa woanaja nda ina weada ama peanguda jiata, ⁹Djaka nda hangi tana-hangi tana dama yahudiha lapaka dudda a nda wuatu hailanya hi Allah witina napa buhanguna toungu einya napa tulih, " hiwig nuttu, nyouwa ku pamalanguwu waling taheaka-heaka tana dama yahudi; djaka nyouwa ku magenna manyagu na Mazmur taguna na ngaramu."¹⁰Djaka palang awidanya, " mumagenna manyagukayi woi hangi-hangi tana, mupama raija nda oali pakerin hi Allah!" ¹¹Djaka pangalang, " mu magena manyagu woi lahi Moiri tanga keha nda hangi tana! mata bolunya nda olipakerim nam maggena ta Moiri."¹²Djdka, hi yesaya wina lika, " jiaya nam amija ta papa anana hi Isai djaka dunna anakidi lapaka ana pareahaha ndama hangi-hangi tana, djaka tadaluna dunna, nam heaka-heaka tana jiaya mani nda."¹³Jiakadiyakka hi Allah napa pamanida na pinugaja agananya napa magenada nam kalutekang tahagana na wuamaninguda lapaka ouwu himmu kolingu tadalu pamanim pa oaliwaingu kuahana djaka hangahu bakul. napahalakuna hi pauluh ta tou-tou dama yahudi¹⁴angwua ana winigu nyouwa meaha kumaninya tutu ouwu, ajiawuka ouwu namma binu waingu makalung, ndama keha agananya naha peamu djaka naha modamu papeakangu hangi djaka taha wanguk.¹⁵Ya ajiayaka nyou kulihuyaka waingu barani tahagamu agananya tagumu amu namubaliya, lapaka nam maloaga napa woanaga hi Allah lahi nyouwa , ¹⁶ Nyouwa ku jaji pahalkuya hi yehu karitu waling taheaka-heaka tana dama yahudi tampawaingu ta deawa winina hi Allah, lapaka ndam heaka-heaka tana dama yahudi koling pajaji manuatunya nam pakenang, napa hangahu waling ta hangahu bakul.¹⁷Nuttu jiyaka hiwig, tadaluna hi yehu karitu, nyouwa ku hawoala waija aganaja napa pahalakug witina hi Allah. ¹⁸Hiwig, nyou daku mangeatu mang akpanewinya tutuna agananya hawanguk, helinyaka napaha laku karitu waling lahi nyouwa, lapaka ata woluha ndam heaka-heaka tana dama yahudi ndam maiya nnam keriya napa tikina djak napa woluna, ¹⁹Palinoungu ta kuaha djaka ta tada-tada ndapa peang djak nam jaji -jaji, palinoungu ta kuahana hangahunalapaka nam waling ta paraingu yerusalem djak lelitunya lapaka ta kelimata, nyouwa ku mengayaka papeakanya tangakeha nda nawinina karitu.²⁰Tou letunaka, nyouwa ku buhatekang aktikiya na winina tapa douna karitu dadi papeana lapaka nyouwa dama pakidiya waling tadaharuna napa pabijaluna ta tou hawanguk. ²¹tou einya napa tulih, " dudda dadi ma koling patikitaguna dunna jiaya nam itaya djaka dudda dama hilu ranguya jiaha ndama peanya." hawukuna hi pauluh ana ana patomang ta paraingu Roma²²Jiayaka hiwig nyou ku pangalang pa hadukka taguna akupatomang lahi ouwu. ²³Ajiayaka yayi, adahilu einguka padouyi ta praingu yayi, alanga nyou nam engang pira dou-dougu madeigu akubuhang palipa tomang,²⁴lapa nyouwa akuhalaku ta spanyol, nyouwa ku manipanguk kukoling paliyi lapaka atapatomang dengagu lapa ouwu himmu gataga nutu lau, himenga mareihi yanaga nyouwa aku pamagena maraigu ta tagumu nam hadukka. ²⁵Ya ajiayaka, nyouwa ku halaku tapa raingu yerusalem taguna akupahalakuya na touwu nam bakul,²⁶Hiwig Makedonia djaka hi Akhaya nam henang ati nam woakinya patauna ta tou nam da einguna ta tanga nda tou-touwu nam bakul ta yerusalem. ²⁷Dudda dahenatekang pahalakuya, hiwig nuttu toutekana ana taguunya dudda. ajiya na heaka-heaka tana dama yahudiha lapaka dakoling padouda agana-gananya nam kalung patagu nda tou yahudi, lapaka dudda jela na pahalakuya nda tou yahudi tadalu pabutuhu nda nam warahu dudda.²⁸Nudda nuttu, ajiaya nyouwa kaku mengaya na taguguyayi djaka kaku parehaya ihina yayi lahi ndudda, nyouwa kulaku spanol li noungu takotamu. ²⁹nyouwa kupeanya djiaya yayi kaku patomanggu, nyouwa amiga ta ndalutapinu kanyuruna karitu.³⁰yayi nyouwa kuka reiyi lahi ou, aku angu wua gimiwitina na Morida djiata Yehu Karetudjaka tutuna na ura dewada, kata pangada deanya djaka nyouwa tadalu habayangu lahi Allah tutuna nyouwa, ³¹ayayi nyouga kupahelaya waling ta tou-tou dama wainya ta yudea, djaka akupalakuya tutuna Yerusalem kana deha kangu ta tou-tou nam bakul. ³²djaka, yayi waingu pangada nguna hi Allah nyouwa koling pa aming lahi oulapaku nama nadang, kukoling maringu lahi ou.³³ya napa awenguna Allah nam kereu ou. Amin.

Chapter 16

¹nyouwa kuwogunya lahi ou Febe, ana winida nyiata tou palayan jemaat ta kangkrea. ²kaheya ndunna tahagana hi Mouiri wali atida tou-tou bakul, djaka nama namuya dunna tadalu aganna kanya napa wukuna agananya napa buhana walingu lahi ouwu hiwig jiaya nam meaha napa wiana pa gatana ta dangu touwu djak lahi nyouga.³Mupatomananya na salamugutataguna hi priskila, oli-oaligu pahalakugu tadaluna hi karitu yehu, ⁴nam tauya na hamanguna dudda witina moriku. tadeaha nda dudda, dajia kimayaha nam pamalanguwu ajiadiyaka ndam keriha dama yahudi. ⁵Mupatoma jelananya na salamugu ta olitama tamiggu ta umma dudda. mupa toma jelananya na salam tataguna hi Epenetus napa buhagu, jiaya na touwu moulu ta Asia nam kolinya nakaritu.⁶Salam tataguna hi Maria nam kulih pakerang tatagumu. ⁷na salam tataguna Andronikus djaka Yunias, angwu anawinni taheaka tanagu hameara tapatahang napa pa peangu waling ta rasul, nam eijelaja tadalu karitu dadipaha nyouwa. ⁸Nasalam tataguna hi Apliiatus, napa buhagu tadaluna hi moiri.⁹na salam tataguna hi Urbanus, oali pahalaku daja jiata tadaluna karitu, djaka ta stakhis napa pa buhagu. ¹⁰Nasalam ta taguna hi Apeles, nam toutekang pa kamang tadalu karitu. mupa toma jela nanya na salamugu lahi ta olijajigu Aristobulus. ¹¹Mupatonanya na salamugu lahi Herodion, angwu anawingu nam heaka tana. na salam ta oali jajigu Narkusus nam eingu tadalu Moiri.¹²Mupatomaganya na salamugu lahi Trifena djaka hi Trifosa, nam warahu tadaluna hi Moiri. djaka, tataguna persis napa buhagu, nama jiaya jellaya nam kerang te teka lahi Mouri. ¹³Na salam jella tataguna Rufus, nda tou ndapa pedina tadaluna hi moiri, djaka dunna ta inna na alanga jiaya na inana waling yayi. ¹⁴Na salam ta tahagana Asinkristus, Flegon, Hermes, Patrobas, Hermas djaka na angwua anawinigu nama hameara dudda.¹⁵Nasalam tahagana Filologus djaka Yulia, Nereus djaka angwuana, lapaka ta tanga keha nda ta tou bakul nam hameara dengaja dudda. ¹⁶Mu woaya na salamu tahangi lapaka tahawanguk winya pangidih bakul. tanga keha nda nda oalim ta karitu nam patomanya na salam tahagamu.¹⁷Ya atouna nyouwa kutujawu ouwu, angwua anawini, dudda nampa eingu pabearana jdaka nam hadukka, lapaka nam pakaitung waingu papeakang paoaliwaingu ouwu pakolim; momarouja dudda. ¹⁸Hiwig, nda tou-touwu nam toungu nuttu dada pahalakumaya na tagu hi Moiri da jiata yehu karitu, ajiajelaya nam pahalakuya nam pahalakuya na kalunguna dudda tatagu nda; nda waingu patiki nda nam mopahu lapaka napa newi nam hawidang, lahi dudda mapatipu ati tou-tou dama tauya papa deitu.¹⁹Hiwig, naapa kerimu jiaya napa peamu tanga kehanda tou, hiwig nuttu nyouw ku pamalanguwu ajiaya ouwu. ajiaya nammu, nyouwa kibuhangu ouwu kamu kalungu tahagana agananya nam kalung djaka nam warah waling agananya dama kalung. ²⁰Hi Allah jiaya nam kalu oatang jiayaka na kalijakuya na Moritana wainya wihina. nam maloaga yehu moirida jiata nam karahawu.

²²Nyouwa kutuliha na huratu ayyi, kupa tomanya na salamugu tahagamu tadaluna moiri.²³Hi Gayus, nam pahelaya na tahagagu djaka tangakeha nda olim nam keriw, nam keriya na salam tahagamu, Eratus, nam bendahara ta paraingu, djaka Kwartus angwua anawinni jiata, napa toma danya na salam tahagamu. ²⁴( Nam loaga yehu karitu, moirida jiata naha didi karahawu ouwu tanga keha nda Amin.)²⁵Waling dunna napa anggapu mamapa madunya ouwu keriya na winina napa idigu djaka napa tikigu tagaluna yehu karitu, mang nam hameara noungu ta appa waingu hawukkuna napa paka bunina waling hanadu-nadung, ²⁶Ajiayaka ya atouna napa tikida waling tahuratu-huratu bakul duda hi Nabi, keriya napa rehana hi Allah nam morik napa peakang tanga keha nda ndam heaka-heaka tana a nda papeakang pahagang tama pakeriya na deawa,²⁷Tahaga hangi-hangina hi Allah nam binu makalung waling lahi karitu yehu; tahailang lapaka katta pangala-ngalanya! Amin.

1 Corinthians

Chapter 1

¹Paulus,aka maikanya jaji rasul Yehu kritu naha wuku nahi Allah jaka sostenes,angwuada iata. ²Ta jemaat Allah nama eingu takorintus,tagumi nyiami napa pajajina lahi kritu Yesus napa kamaikang tagu kapa jajinya tou papa buangu waingu kritu ngaradukana natou tapa doungu nama kamaikanya waingu ngarana Yehu kritu namoirida iata,lapakungu nyiami lapangkung iata.³Napa awingmu tagumu jaka napa awing waling lahi Allah Amada iata jaka Yehu kritu.hi Paulus ana pama langunya hi Allah.⁴Nyouwa Ku pamalangu lahi Allahgu tagumi nyiami napa namung na nama waling lahi Allah nama waling napa wounagu tua taguna Yehu Kritu,⁵Tagu ngaradukana, nyiami napa hagenia hawola ta ngarana,ngaraduka napatiki,jaka ngaraduka na pa peangu,⁶Merana pahakki tu,a taguna hi kritu napa langa pa paddung lahi nyiami.⁷jaka dihimi,nyiami danna kuramangu nakanyuru mi nappa nadimi tu,a taguna na morida iata Yehu kritu.⁸jaka nama papaddu gumi nyiami lappang ngu hupu dukkana abi mi katappa ta ladduna na morida hi Yehu kritu.⁹Hi Allah mamanuduya,mangga hingu Tu'a taguna hi mori nyiami ana kamaika nai ta dalu kabuangu waingu ana Na Yehu kritu Yehu Na morida iata.Napa lahakkungu Ta jemaat¹⁰Ya touna,nyouwa aku peakigimi,angawua-angawinigimi tu'a taguna na morida hi Yehu kritu mangngadingu nyiami ngaraduka napa tiki nama hameara abina naha lahak napa tiki tadalu napa ngadang nama hamera.¹¹Ya papa tomagu tu'a tagumi nyiami,aku anguwuagimi,ta oli jaji na kloe, nama eingu tadalu dapa mirihnga nyiami¹²ya pakabu atigu einya lahi nyiami napa tilu,nyowa waling lahi Paulus "jaka" nyouwa waling lahi Apolos," jaka waling lahi kefas,"jaka nama waling lahi kritu."¹³ya oali naha bawing ya kritu? ya touna hi Paulus aha harikaya tu'a tagu manga? mangnga ya touna a ihuwu waingu ngarana hi Paulus?.¹⁴nyouwa Ku pamalangu hi Allah nyouwa daku baptis waimi tadalu ngarana hi Paulus waling lahi nyiami,selain krispus jaka hi Gayus,¹⁵mangnga jella daha toumangngu nama tikiya nyiami a ihhu waingu nagaragu.¹⁶nyouwa Ku ihhuwu ta roungu ummaha hi stefanus; na reihina nyouwa dakku peamanya ana ihhuya na touhawanguku.¹⁷lappakungu hi kritu dana paleawami kana ihhu tou hawanguku,mangadingu kapa toumanya injil,mangadingu da peangu patiki naha rikana hi kritu abi walawainya.Na kuaha jaka Peangu hi Allah¹⁸Napatikki tuana naha rikka jiaya nama kabangna tu'a taguna nama mohu,mangadingu tu'a taguna napa li kalogana,tu'a tagu kulilih waling lahi Allah.¹⁹nama eingu nama dattangu,nyouwa Ku pa ihhaku ya na peangu natou nama peangu,jaka na peangu natou nam peangu,nyouwa na tannah dama kaya.²⁰Bayaikinya na tou nama peangu? bayaikinya Ahli taurat ?bayaikinya na ahli debate jaman ya?Hi Allah kaka nama woluya na peangu pinnu tana ya?²¹lapakungu na peangu walingngu lahi Allah,Napinnu tana walingu peanguna dama waling lahi dama peangu hi Allah,Hi Allah napatiddida waling daha peada ata patoumanya na winina hi Allah tu'a taguna ana wouda kaloga nama wainya.²²Na tou yahudi nama kuli tada jaka tou yunani nama nyerang peangu meangdingu,²³Nyiama ma patoumanya Kritu napa harikka,tu'a taguna tou yahudi na watupingi pahawidang jaka tu,a na tou yahudi,nada tiddida.²⁴langnga ka tou nadina tu'a taguna napa kamaikang,lapangkungu tou yahudi jaka na tou yunani,Hi kritu kulih waling lahi Allah jaka peangu waling lahi Allah.²⁵jaka peangu dama waling lahi Allah jiaya na peangu nama waling ta tou,jaka nama loja waling lahi Allah rehi kulih waling ta tou.²⁶Madakaya nama kaloga nyiamika maikagu,ata peanguwuangu dama damangu peangu nama peangu,dan damangu nama terhormat²⁷Hi Allah pidi yaka nama katoa waling tapinnu tana tu,a tanguna ka pamakiya nama kulih.²⁸Jaka hi Allah napidi ya dama terhormat waling tapinnu tana jaka napa uta tou maka kiadak,jaka dama patuamangu,tu,a taguna ngaradukkana dama patuamangu.²⁹lapangngu ta tou dama jaga wikina tahagana hi Allah.³⁰Langawiti naka Nammu,Nyiami ta ngara hi kritu Yehu tu,a taguda iata napa pejaina tou peangu,nama patu,ang napa papatiding,jaka napa woungu kaloaga nama waling lahi Allah ³¹Tu'a taguna nama datang nyemang nama pabuatu wikikina papadekiatuna waling lahi moiri.

Chapter 2

¹Jaka,ya aming tahagamu,ata pa angnga wuangu,nyouwa a,amingu dawangu peangu wikiki maggu tu'a taguna aku patomanya naha wukkuna hi Allah tu'a tagumu ²Nyouwa Ku botahya tu'a tagu na dapa peada ngara dukana napakabuatina hi Allah tajongami nyiami dama waling lahi tu'a nahi kritu,tutu naharikka,³Nyouwa jaka nyiami hala Loja,dalu mageat,jaka dadar ota.⁴Napa tikigu jaka napa patomagu dapa tiki waingu peangu nama manning,mangadingu waingu ana padanya hangahu harri jaka buahana.⁵Lapangu na manning dama bou waling peangu tou rara,peangu waling lahi Allah.Hi Allah Napa Tekkanya peang waingu Ha ngahu harri.⁶Nyiami ma tikiya na peang ta joungami nama matu'a,lappangu dama peangu masa ya ma mawaling ta peangu mass yaya napa napa papamohuna.⁷Nyiami matakiya peangu waling lahi Allah peangu nama kabuning,napa paha madduna waling ta wungnga jaina tu'a taguda ana pabihada.⁸Da kuaha jaman yamaga hama peanya A hammukaka nama langa peanya,Hammu dada peamanya adda harikka hi moiri nama biaha.⁹Nama datang,"Gannanya dadi paittada,dadi paranguda,jaka dadi ita waling ta ati tou,ngaradukkana nahadiadanya tu'a tagu nyiami nama namuya.¹⁰Jiddingu hi Allah napa hadanya tu'a tutu nahangahu harri ma langa ha ngahu harri nama peanya,ngaradukkana,mawaling lahi Allah ¹¹Gerakaya da jongada tou nama peanya ngara dukkana nama waling ta tou dama waling higilina na hangahu nama einya?Dikki nou jellanaka demang hatoutekka,nama peanya nama waling lahi Allah didiki noupana naha ngahu harina hi Allah.¹²Ya iata ta kaya ka,da roh waling pinnu tana maya, mawaling lahi Allah pikku peadanya napa woluna nama waling lahi Allah taguda iata.¹³ngaradukka nyiami Ku pama langumi ya,dapa tiki napa peakang peangu tou,mangadingu napa peakang waingu hangahu harri jaka ha mearaja nama rohani.¹⁴Langnga,na tou dama rohani dama kaya ngara dukkana dama waling tangahu harri napa kabanga dengada iata.ngaraduka na data peamanya ngaradukana napa hadada tutu rohani.¹⁵Na tou nama rohani napa hingu ngara dukkana tu'a rohani ngaradukana,lappangngu daeimang nama peanya pahada nya ngaradukada.¹⁶Gearakaya nama peanya napa ngadang nama waling lahi moiri lapangkungu kana peakada

Chapter 3

¹Ata paangu wuangu,nyouwa daku piaku patiki tahaga tou nama rohani,meranadina tou nama pinnu tana,merana anarara tuan hi kritu.²Nyouwa nama wougimi inung susu,dapa angunaa ya,witina dadi mi modanya,ya touna nyiami dadi modanya,³Nyiami pengadang pinnu tanah ya,langnga ba tonoudina, eikanya ana talukaka nadapa mirih hungngu,jaka na daka hangingu Ta joangami,nyiami na talu napangadang pinnu tana jaka Morik kumi ta pata tou rara mi?⁴Ana tikkiya hatou-hatou ana panewinya nyiami pangadang pinnu tanah ya,"nyouwa lahi Paulus wa,"jaka hanguk,"nyouwa lahi Apolos nuttu,"nuttu nyiami tou rara?⁵Mangnga,geara Maya na atana nyiami lappangkungu himi manning toungu Hi mouri napa mannina ha touha tou.⁶nyouwa nama taddung,Apolos nama buring,ya Hi Allah nama patubanya.⁷Dahi Apolos mangu nama taddung dahi Apolos jella mangu nama burinya Jiapa Hi Allah nama patubaya.⁸Na tou nama taddung jakka nama burinya jiakaya hangnginaka,jaka ha tou-hatou na kollidinya napa taguna jaka parennana.⁹Nyiami olih kerangngu na Hi Allah,nyiami ka hibu nagimi Hi Allah,umma Allah.¹⁰Nama patuang jaka nama waling lahi Allah jaka nama napa lahi nyouwa,toungu Ahli nama wolu jaka nama mappi nyonga nama bijallungu kerina jaka hawanguk napa kiddinya bara deha.Mangnga napa atinya ba giki nouna napa keridanya ana pawidiya tadehanna.¹¹Deimang ha tou tekka nama bijalnya kerimi hawunguk waling ta wanguk jiapayakka napa langa bijal ngu kerina nou hi mori Yehu.¹²Eikanguka nama pakidi kinna ya waingu omah,Perak,watu nama pahingu,ta ai,ta rutu,takuwang,¹³Napakerang nama kawanguk Mangnga nama patuang ta ladu nou Na pahadadinya waingu api,jakka api wikki nama ujiya a gikki nouna nappa kerang tou hawanguk.¹⁴A jiakayaha napa kerang napa kerang hatou tou nama tarung,menangngu kollidinya na dumana nama kolingngu.¹⁵A jiakayaka Napa kerang nama matoungu irrihungu,jiadinguka nahaganya nama Willa jaka na milla,langnga tou noudina,engnga jiadiya ana kollinya naka loga morik naka haloganna merangna ana li taapi.¹⁶Data peakanya nyiami a ummanagimi Hi moiri Allah.¹⁷A eikanguka nama weharruya na ummana Hi Moiri,Hi Moiri napa Willa jelladingu na ummana Hi Moiri jiaya na hangu harri,ya nyiami jiddimika¹⁸Abi eidingu nama tipuya na ihi wikkina. A eikanyaka ta joangami nama rappu uru tou peangu ta laddunya, jemmakadingu kanna jaji tou ka bangnga jaka jaji peangu.¹⁹Mangnga na peangu pinnu tana maha kabangaya ta hagana Hi Allah jaka einya nama talingu,jiaya nama appaya na tou nama pangadang dakalungngu hammu.²⁰Jakka liyi Hi Moiri na peanya napa ngadang tou peangu,ngaradukka na lokunanya.²¹Langnga a tou noudina,abi eidinya nama nyerranya ha tou tekka ana kolliwainya ta dalu tou rara.ngaradukana jiddinyaka tagumu.²²Hi paulus, Apolos,lapangkangu hi kefas,lapakangu na pinnu tana,lappakung na morik ngaradukana nama ominya.ngaradukana patagumunya.²³Nyiami jiayaka hakku nagimika Hi Moiri Yehu,jaka Hi kritu pa tagu jellanya hi Allah.

Chapter 4

¹Tou yanaka naha wukkuna na tou nyiami ana yapunya nyiami langnga ana papa leawanagimi Hi kritu jakka na tou napa mannina.Naha peana Hi Allah.²Duka dedinouna na tou na mannina ngaradukana nama pahinggu ngaradukana napa hadanya napa mannina.³A langa tou noudina tu'a nyouwa dana penting ma aku pahakki wikinya na tu'a tougu.⁴Nyouwa daku sadarmanya gannakanyaka na tu'a tougu,langnga adda tou noudina nou daku peamanya a gannanya nama jaji langnga tou noudina da no nyouwa mangu nama pa tidinya.Hi Moiri kaka nama pahakkiga.⁵Ya atouna,abi pahakking wikidimu dadi rahidinya,a dadi ommidinya Hi Moiri.jiadiya nama pawahanya ngaradukana nama kabuning ta dalu kapetanguna napa hadadinya,a gannanya napa kabu atina,lapangu ngaradukana nama kolidinya na pujian walling lahi Moiri.⁶Angwua,anawinni,nyouwa einya tapangadang ngaradukana na tu'a tougu,jaka Apolos tu'a tagumi nyiami,nyiami kami hakoda abi lopahkung ka tutu a gananya nama tulingu lapangu hi dana hala nama waling lahi nyiami abimi tadak ta tou wanguk.⁷A gearayaka nama paheakugu? A ganna nama eingu,Da kabu ati pakaya! ada nyiami kaka nama kaya,ga nyiami himi pajaga wikilimi hi maga dami kagami nya?⁸Nyami napa bihumika,nyiami mi gela hawolaka!ada nyiami kaka nyiami rajamika!nyouwa ku maimigini nyiami tekkada nama jaji raja kami meara piaku meha bollu.⁹A ganna na wukudingu,Hi Allah na bijalgama payaka,touna ta rasul,ta hupu dukka padoungu meradina na tou napa bayang napa woungu tukang mati, witina nyiami hina jajika tua patikigunya napinnutana, lapakung tua tagallu malaikat lapakungu natou.¹⁰Nyiami makatoa witi hi krittuh, Jaka peangu tadalu ngarana hi krittuh. Nyiami millujjang, langa atou noudina nyiami kullih, nyiami mi pahingu nyiami malli dana pahingu.¹¹Lapakungu nyiami, nyiami maka karobang jaka madou, ngawuna kajerek paluna, jakka namorikkuna ledding.¹²mamawill, kerang waingu winna wikkima atolagama, nyiami pawaimanya nyiami ahidu ama, nyiami tarrupamanya.¹³ahinna ama nyiami pagapi waingu rengu langu panya lapakunguya, nyiami jaji kaluduk pinnu tana, nama nyarik waling ngara dukkana¹⁴Akku dataya daku pamakimami nyiami, papekang pamanya naana napa buhamanya ¹⁵Langaka edingu guru maha bulu ribu tadalu ngarana hi krittuh nyiami daemang padangu amami. tadalu ngarana hi Yehu krittuh, nyouwa ku palewami.¹⁶Jajikaka tou nama wainya nama manadang lahi Yehu.¹⁷Jiddiyaka nawukkuna nyouwa hiku palewaya lahi nyiami hitimotius, na anagu napa namugu nama manudu lahi mori. Napa namudanya ngarana larangi lahi krittuh toungu napa pekagumi baya yaka tadalu ngara dukkada tajemaat ¹⁸Einya tajongami nama jaji kataddak meranaka adda hilu omigga lahi nyiami.¹⁹langnga tou nodi naka,nyouwa geha omidiga lahi nyiami,a toukanaka Hi moiri na wukudinya,jaka nyouwa ku peadigiminya dama waling napa tukina tou nama katadak nutu jiadinguka dalu kuahada.²⁰langnga,kerjaan Hi moiri Da dalu patikimaya, meradina kuakaya.²¹Gananya napa napa abu atimu?Eikadinguka nama ominya lahi ouwaingu takung,waingu panamung jaka hangahu hairi nama hamobal.

Chapter 5

¹Eitekadinya napa langa patoma nama einya na doha perzinaan ta joangami perzinaan dama einya jonga nuha,Nou nama deki ala weiamana.²Jaka nyiami mika taddi! Da jiakanyaka nyiami nama haduka tadalu pahalakudanya na ta tanoga ya papa heitung waling tajoangngami.³Tou,noudin nammu tadalu tu'a touda nyouwa ku nearou,jidding nguka nyouwa omiga tadalu hangahu matua.jaka nyouwa nama langa paka nounaga ta heikang nama palakuya nama tou nouna.⁴Tadalu ngarana hi moiri Yehu,Anaka buagimi,jaka ana maugimi ta ngahu harri rangu biahana Hi Yehu na moirida Yehu.⁵Nyouwa ku botah ya aku haraingu wikigu ta tou nei ta moritana.jaka kana dukang na ihina,kana tomakanyaka na ladduna nama wolutouwu na Rohhuna kana selamattu⁶Na katadak dana kalungmangu dami peakanyaka nyiami nama hakuduna na ragi nama raging wikina ngaradukana adonan?⁷pawaranya ngaradukana ragi nama deingu nyiami pikku jajina ragi nama buangu,da giminoudina nyiami dami ragi tekamangu Hi krittu beabu paskadanya iata mengayaka padoru.⁸Touna ya madakaya kata palakuya na tunu da ragi nama deingu,da ragi dama kalung ma jaka dama jekkimanya nyianga da roti dama eingu ragi mananya waling nama kalung jaka nama tuang.⁹nyouwa ku datta ganya ta huratugu,Abi plaumai dengadija natou nama jirrak.¹⁰Napa wukkugu da jiama ya na tou jurrak ta pinnu tana ya,na tou nama topah jurrak,nama palapang nama paliallaja da kahala tou.langa taka noudinaka,nyiami lohung ha pinnu tana ya.¹¹Ya nyouwa ku tuligunya na hurat lahi nyiami,abi olidija na tou napa bara angwuamu noukanyaka tama jurrak,toma tulla kara, nama li morinya kala tou nama mawuk jaka nama palapang,abi a oli dengamaja nama touda nou.¹²Gananyaka na tagugu kagu hakiminya na touwu nama eingu tahabali hiddu? Da nyiami kangu nama hakimiha na tou ta jemaattu?¹³Allah namma hakimiha taguda nama eingu taha balihiddu,wuggaya nama pahalakuya dama kallung ta joangami

Chapter 6

¹A einya ta joanga dapa pamirih dengamu jaka tahawanguk,oali jadidingu ana halaku ana manyerranya keadilan tahagana na tou dama tiddi jaka na biaha ?²Nyiami nou dama peanya na tou dama biaha napa hakki pinnu tana? Ya pinnu tana ana pahikki dengakagu nyiami na piaku amu patidinya napala kana nama merah.³Oali nyiami dami peakidinya adilida oleda nama malaikat? A tounakana palakara palakara nama jaji ta joangana na laddu-laddu!⁴Ya jaka ami jaka amu nagakanya palakara meran nuttu,ga nyiami himu iddi liya ta olimu dama yapu ta jemaat.⁵Nyouwa ya ku tikkigunya kamu maki oali einangu tou ta joangamu nama patidinya,nama moddanya ana uruhya na palakara ta joanga angawuami ?⁶Matouha,ta joangana angawuamu nama halaku ana patiddi nya nama nyeradanya kana kallungngu ta hagana na tou dadi manning⁷Bakalang malanga jajiyaka na palakara dapa moddamu nyiami einya napa eakaya dapa moddami ta joangami,Ga nyiami rehi bukaminya dapa rugi dengang.⁸Tabalinna,nyiami wikki nama hala nama ruging wikkina.lapangngu ,nyiami nama pahalakuya ta bara anguwuami.⁹Gaikaka hi dami penya na tou dama tiddi dama hahmanya kerajaan nan Hi Moiri Allah? Abi mi panibbang wikkidimi na tou nama jurrak,na tou pabuatu da kala tou, Na tou nama jurrak na tou nama hamarra,jaka na tou nama kruhhak wikkina.¹⁰Nama keadu,na tou nama tullahara,nama mawuk,nama pahejjirung,jaka nama palapang ngaradukana da kollimanya kerajaan hi Moiri Allah.¹¹Ta joangamu waling lahi nyiami nutu.jiading nyiami napa murrah mika,na pabuagimika,jaka langa patiddi baligimika ta dalu ngarana Morri Yehu krittu jaka tadalu harrina na Allah da iata.¹²Ngaradukana napa modanna tagugu,ei jella linya napa paatang ngaradukana dengagu,Tou nou namu a gannanya naha modanna tagugu,eijella linya dapa modan bayaka wali yana.¹³Na peangu taguna nakabu,jaka na kabu taguna na paang,jiading hi Allah napa mohu bolu da dubada.Na tu'a tou datagu dapa jurrak waingu maya,jidding taguna Moirida,jaka hi Moiri tutuna na ihida.¹⁴Hi Allah napa kiddida jaka napa kiddida waingu biha madinanya.¹⁵Gakaka nyiami dami peanya na tu'a taguna na ihimu daka kaboggur krittuki ya?Gai kaka hita deki nounya na kaboggur kritu na pajaji nyiami kabogur tou jurrakku?merajella dina a dakmang!¹⁶Gaikaka nyiami dami peangu na tou nama panamugiminya ta ihimu tama jurrak ami kahangi denga?na panewinya,naka dubbanna na jajidingu hangi rou.¹⁷Langga a tou diha na tou namagiminya jaka hi Moiri jaji hangi hangahu harri da nya.¹⁸Marounya waling tama jurrak,na doha ta tu'a touda.¹⁹Gaikaka nyiami hi dami penya na tua toumi umananya hi ngahu harri nama einya lahi nyiami,napa kamu walling lahi Allah,jaka na tu'a tou mu dapa peawikimanunya.?²⁰Ya nyiami na mengnga mika jaka waingu hupu hina.ya jiakandiyaka pabuatu ya Hi Allah Waingu tu'a toumu!

Chapter 7

¹Ya, tu'a taguna napa datta tahagagu; jiaya tagu moni abi da ngoraha dama winni.²jiadikingu maba langa einya jurrak ngaradukada moni nama kollingu ka eingu arweida wikkida jaka da mawinni ka eingu la wikkida.³Na la na pinnuyaha napa taguna tu'a na araweina to jellana na araweina ta tu'a lana.⁴Na araweina dana tu'a taguna na ihina,tou jellana tu'a taguna.⁵Abi pamaroungu wikkidimi,jiading ka pamera pabuhanguya ta joangana laka loaga kami maloaga lakaloaga nama einya na kaloaga tu'a nahabayang.Mangngadingu morik nama kahangingu abi tama hi patibang abi hilu kamagu tadalu damoddamu ta dalu amu ma raggaya na ihimu.⁶Nyouwa tikkigunya ya na kaloaga, dapa parehama ya.⁷Nyouwa ku mannigimi ngaradukana touna ihi wikigu.lapa tounodina ngaradukana einya kanyuruna waling lahi Allah hawanguk ta daluna ya jaka ngaraduka nama toungu.⁸Ta dama nikah jaka nama balu,nyouwa wiggunya nama reihi kallung duda eikanya nama merang lahi nyouwa.⁹lapa tou noudina,a eikanya dama piaku ana pattu wikina,rehi napakalung na nikah,reihi dehaya na nikah abi hilu mutungngu nabuhang mawini.¹⁰ku woanya kalogga na pareha ya(dama waling lahi nyouwa maya,jidding mawaling lahi Moiri),mawinni abi mi temaoatakanya na lamu,¹¹Jaka lopahkaka amu jujakunya lamu,jaka nyouwa dama wolutoumaya a eikanya amu jujak na lamu,jiading da kawin mangu manga baling nanya (wainya apa padaminya olidana lada),jaka na lana na piaku ana paheawa dengananya na araweina.¹²Ta tutun nama rehina,nyouwa wiggu(nyouwa,dahi moiri mawa) a eikangu ta angwua nama eingu ara weina dama manninya,jaka nama winni nama kabuang morik denganya,abi napa heawa dengadinya na araweina.¹³Tou jellana nama winni nama eingu lada dama maninya,jaka da lada ¹⁴Da lada dama manningnya nuttu napa murahya na araweina jaka araweina dama manning dana muramangu ta lana.¹⁵lapangkangu a tou noudina dama manning nutu kabuati memananya napaheawa,jemahadinya kana paheawa.tama toungu ya,angwua jaka anawinina dana hilu mapimanguha,langa toudihaka hi Allah na hangi kada iata na morik kahanging.¹⁶Lapa tou dinaka ou mawei noumuka ou ana palikaloagawukalamu?Giki noukaka ou amu peanguou la atou toumuka pa likaloagadiya araweimu.¹⁷Meran,nahalang wina hi Moiri naha maddu ngara dukka na tou,gimou hi Allah na kamaikan nyiami ha tou ha tou madung ta dalu kaloaga dedi nouna.duka dedinouna nyouwa ku preha ngaradukana ta jemaat.¹⁸Ei jella kaning tou napa kamikang ta ladu a sunat?Abi pama robaya tada-tada sunatuna.¹⁹sunat dada sunat?Abi pamaroba diya/abi matadinya dama deha mangu langa a dana deha dingu na taat danya napa reha nama waling lahi Allah.²⁰Ngaradukana nama madak merana a kamaidaka ²¹Oali nyiami a touna na ata a ka maikanya?nyiami abi momudingu a touna nou.²²A jeadakada napakamaikang lahi Allah a jiada ata,tou napa li kaloagana haknada hi Moiri duka dedinouna jellana na tou napa likaloaga aka maikada.jiada atou hi kritu²³Nyiami plikaloagamika jaka menganika himi jidinguka abi hilu jajingu ata tou²⁴Aku angwuagimi,ngaradukana dadi manika hinguma nyouwa deimang li preha waling lahi moiri tadalu kaloaga a kamaikanya.²⁵Ya,tutuna na tou dadi manika nyouwa dadi eimang lipareha waling lahi Moiri.langa atoudinaka,nyouwa na woga kaloga napatiki tou,nama namung hi Moiri,ana mannida .²⁶Nyouwa ku akuya nama toungu ya tadalu dukkana,ya atouna nama rehi pakalung tadalu kaloga, ya atou na nama rehi pakalung tutuna hatou-hatou patura a gananya nama einya.²⁷Eikanya nyiami nama hanging ta ara weimu?Abi puna noudinya napa heawa.Eijellakangu dadi mahangi ta ara weina?Nyiami abi manyeradingu ara weimu.²⁸Langa,jaka nyiami mi nika,abi mi berdoha.atounoudika jaka touna na lakeda mawinni ana mikakaka dana berdohamangngu lapangkung atouna namu dama nika naha newi namorik pinnutana.jaka nyouwa ku pangadanya kalu pakeilita nouna dama luang.²⁹Aku angwuagimi,napa kabuatigu na kaloga alli maraina nouwu walling yayi,temakadinya duda dama einya ara weida morik magga dama eingu.³⁰Duda dama hou ka neagga dama houda duda dama hi ka magga dama einguda,³¹Jaka duda dama pagada wainya na pinutana ka magga dama pa gada waimadanya.na kaloga pinnutana madukkaya.³²nyouwa napa kabu atipagu paheili waling nyanga pangadang.tou dama nika napangadanya nama wolutou,a gikinouna napa buhana nama wolu tou³³Mangngadingu kana kudus,lapangtou noudina nama nika napa ngada nounya tutuna na pinnutana,giki nouna kana pakenangu na ara weina.³⁴Jaka napa atinya nama paikang.Mawinni dama nika jaka na wala keda mawinni dada ragumanya tutuna nama wolu tou kang kudus tou tuatouda lapangkung nangahu morikuna langa,touda dama nika dama ragunya tutu pinutana ya a gikinou na kana marennanya na atina na lana.³⁵Nyouwa wiggu ya tutu napa namungmu ta lahi moiri abi na nyonga³⁶A eikangngu na tou nama rappuya ana pahalakuya dama tiddi ta ana mangoma na ana mangoma na lewat kuna umurna meranou,napa wukungu,jemina dinya kana pahalakunya gana napa kabu atina ,da abi paksamaya mallidadi dokudingu jemmadinya duda hada nika.³⁷langa atouna nama langa dehana waling ta atida,abi paksamanya na kuaha tapa kabu atina wikina jaka napa langa botah huna nama einya ta atina tutu dana nika anamangoma,atouna bertindak nama pakalung.³⁸jaka ata nika dengangu mawinni jidinguka jidiya nama patuang.³⁹Na araweina selama ana moriku jaka na lana ana mati jiaya ana likaloga ana nika langka gearadiya napa kabu atina,nou namu tama wolu tou jella diya.⁴⁰lapatounodina,tutu napa kabuatigu jidding reihi senang jaka ta dalu kaloganya jaka wiggu dugu,nyouwa jella einya na ngahu waling lahi Allah

Chapter 8

¹Ya tutu na rou napanutung ta dewa-dewa.iata ta peanya ngaradukana nama eingu pangadanguna.napadang nama katadak,tutuna napanamung nama hamera.²jaka eikana tounama hala pangadang na peana,jidding dadi peamanya napa peatekana ³einyakahnamuya hi Allah jidding na peanya hi Allah⁴Tutuna nou na paangu,da rou dapa manuatung ta berhala,iata ta penya da eimangu berhala yayita pinutana,jaka da eimang lahi Allah se lain hi Nammu,jiapanya duna.⁵A jiakah napa tikki allah.Allah,nama einya ta awang nama einya ta pinnutana,Agika noukan abi tameradinya ana dangu na Allah.jaka einya nama dangu (Hi Moiri'')⁶Jiding tutu iata einya hangina Allahda,Nou hibapa walina lahi nammu ngaradukana iata eida tutuna namoriku.jaka jiapanya emya a ha touna hi moiri nou hi krituhu yehu,nama waling lahi nammu ngaradukana hi einya,jaka iata hi eida waling lahi namnou.⁷Langa tou noudina duka nouda eimanya ngaradukana na tou nama wininanya napa ngadang ya ha tou tou ana damang jaka berhala lapanguya .Tutu nou na ati nama wali ati a touda nama malojang hi jajika tamahapruk.⁸Na peangu dapalihing lahi iata ta haga hi Allah iata jella na arung rehi da kalung ya a data anyaka,Da tou naka rehi kallungya iata ata anya.⁹Jidding namukiya na kalogaya abi watu pingi pawidang tutuna dyda na loaja.¹⁰Jaka eikanyaka na tou nama ittawa,nama eingu pangadang angu rou kuil berhala,da walingu ati tekka mananya,a eikanyaka na tou nama loga jennang na patit bali tutuna nama angu rou,napa neanutung ta berhala.¹¹Li noung ta pangadangna na tou nama loja nou a touna na angwuamu,tutu tagudanya hi krittu ana mati jaji mohu ¹²nou jaka na doha ta angwuada nama kahanging maningmu jaka nama pahidugunya na atimu nama loja,nou jia himu berdoha ta lahi kritu nama loja.¹³Nou jaka napa angu nama hawiting na angawua nama kahanging manningnguna nama hawidang,nyouwa daku amang rou lapang piang-piangu wuangu abi nahawidang.

Chapter 9

¹Nyouwa kaka nama tou kaloga?nyouwa ada rasul kawaka dadikaka nyouwa a itta hi yehu na moirida ? ada wewi pakerra nya tadalu ngarana hi moiri?²A touna hawanguk dama rasul,nyouwa ada rasul tutumu.nyiami jiami materairasul ku lahi moiri.³Ya jiayaka napa toadagu duda nama papeha kidi nyouwa.⁴oali nyiami da eikanguka pataguda ta angu jaka ta inung?⁵oali nyiami da eikanguka a maraija da ara weida nama kahanging maning,merana da rasul rasul hawanguk,angwua anawini hi moiri jaka hi kefas?⁶A jiamehayaka hi barnabas jaka nyouwa denaang hak da kerang ?⁷Gearayaka nama kerang atoungu tentara ana waingu riti wikina?Gerayaka nama taddung kahibu anggur dama a nya na wuana ? i gearaiyaka nama jawa madaga jaka dama inuja da huhuda ?⁸Gerayaka nyouwa namawinna ngaradukana naha winangu na tou?da jiakayaka na hukum taurat jaka nama tiki nama hame ara?⁹Einya nama tulingngu ta hukum taurat Musa"Abi nyiami dingu nama memberangus na hapi nama ka uapka Gandum "oalina beabu napa pa atina hi Allah.?¹⁰oali wimminya taguda iata ?ya tagudanya nama tulingu a langa koukatungun na karekatutekadingu dalu ana manning jaka ana kauaik tadalu ana manning tutu ana kollinya napa tagunaa.¹¹Jaka ami hoarung rohani tajoangmu,oali nama prehingu a jiama pellakaka nama harobu namateri waling lahi nyiami?¹²Langa a tou noudinaka.jaka tou hawanguk nama eingu pataguna lahi nyiami nou,atou kanaka nyiami matagungnya ngara dukana nyiami abi na wouda mapa tauk tuamu injil kritu ¹³Nyiami damu peamanya hamu dama kerranya nama harri nuttu angu paangu waling ta uma mawolu tou jaka nama dama pelayan mimbar.¹⁴Jaka hi Moiri napa rehaha hamu kada patomanya na injil tu'a morik waling ta injil¹⁵Nyouwa da emang alasan ata manyeranya napa utu waingu alanga patagunya ¹⁶Nama willa nyouwa aku da palakukaya aku patomanya na Injil¹⁷Aku palakuyaka aku patomanya na injil awukukaganya,nei jiayaka tugaskugu nama papangidingu patomanya na injil.¹⁸Nyouwa oali na jadikadingu gana kana atau daah aku jala waikanyaka kana patagugu ta injil.¹⁹Jaka nyouwa kagu kaloga waling ta tou hawanguk,nyouwa ku jaji wigku tagugu ata na touwu dangu.²⁰Toungu tou yahudi,nyouwa jaji tou yahudi kaku manyeranya pangananya na tou yahudi.na tou nama morik tawawa hukum taurat,nyouwa langa ata tounaka data wawa hukum tourat.²¹Tua hamu dama ta hukum taurat manga lita wawa hukum kritu nyouwa kana piaku ana pamenangngu ya dama hukum taurat.²²Na tou nama loja,nyouwa jaji loja nyouwa nama pamenanya hamu dama loja.nyouwa nama jaji ngaradukana likaloga atouna na tou.²³nyouwa aku pahalaku ngaradukana napa taguna nou ta daku.²⁴Nyiama dami peamanya nama palai ta pertandingan ngaradukans ana palai bollu,jiapa ka hangina ma kollingu hadia?Nou palaikadingu dedi kullihumu kamu kollinya ²⁵Ngaradukana nama bertanding dama eingu pingi arungna.nyiami mipahalaku jaka mi kollinya dama kalung,jaka nyiama kollinya nama kallungu.²⁶Jaka nyouwa daku palaimangu dama eingu larana,daku hamearamangu ta tou hawanguka nama manyeganya na ngilu.²⁷Nyouwa ku latih ya ihigu jaka kaku hamadinya ihig ka nyouwa nama patoma nya na injil ta tou hawanguk,nyouwa da eimang dama kawa.

Chapter 10

¹Jaka,nyouwa daku weakumangu nyiami a dami peanya,aku anhgwuagimi,Dama weda da amapeanguda iata,ngaradukada nouhaka a eija ta wawa robang jaka ngaradukada ada lita tahik.²Hammu ngaradukada ihuha ta ngarana hi Musa ta roungu robangngu jaka tahik.³Hamu ngaradukana dha angu peangu Rohani nama hameara⁴jaka ngaradukada ta inung nama waling ta watu Rohani nama maraija,jaka na watu nuttu Hi Moiriya.⁵Dikki dedi nouna , Hi Allah dahabuhana waling lahi hammu,nou mearanyiami ana hamatimi ta padua mareda.⁶Ya nou aganaja mearakana toungu iata abi na jai nama kabungu jahat hamu dapa kabu atida⁷Abi manuatudinya mera waling lahi hamu, meram nama matuling " Na nuha iata na ngodu angu jaka na mung, manga hina kiddi ana madotu".⁸abi iata nama palakuya na persinaan meram pahalaku ya waling lahi hamu toma 23 ribu na tou ana mati hangi ladu⁹Iata jella abi geadinya nama wolu tou, toungu dama touma piraha waling lahi duda dama kamanya jaka dapa hamatida ngala da maddu.¹⁰Abi mikangoruk dengakanya toungu duda ada kangoruku jaka hina paburaha na malaikat hamati dengang¹¹Toungu ya nama jaji lahi hamu mera nama tuling touma ana panamudanya tutu lata touma duka dedi na pinnu tana a ominya.¹²Ya atouna, kana peanya na tou nama dedikung wikina kana peangu wikina tenangu abi nakana'u!.¹³Deimang nama kamada nama reihi helinya toungu nama kamanya iata tou rara. Jaka na maraba Allah jiaya mamanuduya, dana matamagimi ana kamagimi mareihi walingu tapa pangadamu. Jidinguka, toungu ana pakamangu, enga taguna ana woada likaloaga himu kulihu waingu.¹⁴Touna nou aku angawuagimi nama panamung, magang wiki tama nuating berhala.¹⁵Nyouwa aku panewi meram dina ta tou nama bijak, tibakinya gananya napa wiggu gu.¹⁶Da ka'a langu kadiya na kanyuru napa kabuadengada ta dalu wei rana hi Kristus? Jaka, na kababa napa bearada jiaya nakabuanguda ta dalu ihina hi Kristus?¹⁷Einya hangi na kababa, ya atouda ngala nama dangu hangi ihida, kadang jiata ngala dukada walida ta hangi kababa.¹⁸Hamataruja da tou Israel, da jiadiha duda dama aja da pamanutu waingu ada deki tagu ta altar?¹⁹Jiaya, gananya napa kabu atigu? agana kaja dapa angu dapa manuatu waingu tamarapujiaya natutu? Anang aganaya dapapa hadangu jiahaka tutu?²⁰Daha. Nyouwa wigu lahi ou ngala dukana naha woluda ngala da tou heaka ada manuatu waingu, duda pa'aru daja tutu taguda, da jiamaya na tutu taguna nama rabba Allah. Jaka, nyouwa daku weaku mangu ami kahoru karada nounya.²¹Jimi dami inu mangu ta ka'a na hi Moiri jaka ta ka'a da deawa nama jurrak. Jimi dami keri mangu tapa dou pa anguna hi Moiri jaka tapa dou pa anguna da deawa - deawa nama jurrak.²²Kadang, jiata pakidi danya napa hamadi dengana hi Moiri? Jia kada jiata nama reihi kullihu waling lahi duna? Namorrik tutu nanya apana langu wainya nama Rabba Allah²³" Ngala dukana dana heiru mada, " jidika einya dama eingu ganna. " Ngala dukana dana heiru mangu," jidika einya napa waingu jaka dapa waingu.²⁴Abi eikang na tou aka nama woluya nama kalung tutu ihi taguna, jidinguka woluya nama kalungu tutu tou hawanguk.²⁵Akadija ngala dukana napa dagang ta pahar katirou abi patataruka, toungu napapangadamu ta atimu.²⁶Kadang, napinu tana jaka ngala dukana na ihina jiaya tutu tagu nanya hi Moiri.²⁷A eikang a gearaya dadi makeriya nama kaleihugu manga himu halakumu akadingu agananya napa atina tutu tagumu, abimu patutur manya, taukaya ta atimu.²⁸Jidinguka, a eikang tou nama panewi dengagu, ya napa angu pamanuatu wainguya ta deawa, " abimu akanya, tutu tagunanya na tou nama peakagu jaka nama eingu tapangadangumu.²⁹Hiwigugu, damu pangada tagu manya, jidika pangadangu tou hawanguk, gawali napapangadagu hina peaga nya tou heaka?³⁰Jidinguka aku dekikaya napatagugu malanguwu awigu, ga wali hipa halawa kadang napa angu aku anya waiwu awigunya?³¹Tenang, agananya napa aki anang napa inumi, anang aganna lingunya napa wolumi, pahalakuya tutu taguna ami pamalanguya nama rabba Allah.³²Abi wolukaya na oalimi ana hawidang, waling tou Yahudi, tou Yunani tou jellangu huhu anana hi Allah, ³³Toungu nyouwa, tadalu agananya aku buhanya ngala dukana na tou, daku manyeramangu pa utuwaingu tutu tagugu, jidika ku pautuya na tou dangu tutu taguda kada kollinya namorriku malodung.

Chapter 11

¹Kami pakerita tou nama keriya nakanogugu, toungu nyouwa lahi Kristus. Tada papareahana²Nou atouna, kudekikagu kadang amu namunya ngala dukana napa wolugu, napata nama patomagugu.³Jidika napa kabu atigu kami penya nama pareahami jimi moani ya jiami Kristus, nama pareaha mawini jiaya na moani, jaka nama pareahaya hi Kristus jiaya hi Allah.⁴Agearaya na moani nama habayang anang a eingu hawoluna nama toani katikuna dana taumanya hina nakatikuna.⁵Jidika, a eikang mawini nama habayang anang a eingu hawoluna manga dana toajimi ya na katiku na, na jauna na katiku na , mearana ana gutinya na loagi ta katiku na.⁶Kadang, nama wini adana toanikaya na katiku na, matta kanya kana guti jellanya na loagi na. Jidika ana maki'i dengankanya ana gutinya na loagi na, reihi kallunguya ana toaniya na katiku na.⁷Na moani abi na toani mangu katiku na kadang jiaya na tada jaka nabiaha madina hi Allah. Jidika, nama winni jiaya natadana ana manadang ana ittaya moani⁸Na moani da walimana ta mawini, jidika na mawini walina ta moani.⁹Jaka na moani hi woluya da tutu tagu mawini maya, jidinguka na mawini tutu tagu moani ya.¹⁰Nou tounouna, na mawini hina wolu tadana napa heirungu ta katiku na keriha da malaikat.¹¹Jidika nama toungu, lahi Moiri, da eimang mawini dama buhang moani, anang moani dama buhang mawini.¹²Kadang, na mawini walina ta moani, tou jellana na moani ana jaji walina ta mawini. Jaka, ngala dukana nama jaji walina la hi Allah.¹³Pangada tagunya, nama tutu kadingu na mawini ana habayang lahi Allah manga na katiku na adana toani ya?¹⁴Dami ita mangu pata pinu tana a eikang moani nama malai loagi na, nama toungu ana pamaki'i wikina?¹⁵Jidika touna nama wini ana malai kaka na loagi na, nama toungu jiaya nama pa manadanya : Kadang, na loagi na jiaya nama pa einany.¹⁶A eikang dama buhanya, dama pata manga, jiama tou jellangu nama wainya hi Tuhan. Napa wolu dama patua tadalu a pahalakuya na perjamuan kudus¹⁷Tadalu ami parangunya li'i pareaha yayi, daku waimagimi, kadang ami makeha da tutu ma kallungu maya, jidika woluminya dama kallungu.¹⁸Naka wungana, tadalu pakabuangumi ngala huhu anana kurangumi hi woluya napa ka ihak dengami. Jiaya hi ku wainya hawanguk.¹⁹Kadang, enga einguha maka ihaku waling lahi jimi jiaya hi peanya agearaya nama maddungu napa pangadami hatou - hatou.²⁰A eikanyaka ami makeha ta hangi padoungu, da jiamaya na tutu angumi ta perjamuan hi Moiri.²¹Kadang tangir angu, mi deki molluka pa angu tutu tagumu jiaya hi einya nama karobang jaka hawanguku hina mawuk.²²Manga da eimang umma mu tutu taguna na angu jaka na inung? Anang , merana amu ngikiwainya na huhu ana na hi Allah jaka amupa maki'i ha duda dama einguna agagananya? Gana nanya napa hilu tikki gugu? Ku tau gu himu? Ya nama toungu daeimang limu.²³Kadang, ku kaya nama waling lahi Moiri agana jellanya napa woagu gu, mu penya ya hi Moiri Yesus, ya atomaya na ridungu ada li kadeanganya, nadeki kababa,²⁴Ana menga ana pamalangu ya, hina tippi - tippi kuya manga hi winna, " Ya jiaya na ihigu, tagumunya, mu namu kamu pahalakunya jiaya kamu namu waiga."²⁵Tou jellangu, na dekiya na ka'a mokku ana menga pa angu manga hi winna, " Na ka'a ya tada nanya namorik nama buangu nama walingu ta ra'a gu, mi wolluya ya, tadalu ami inunya kami namuwa."²⁶Kadang, waling ami anya na kababa yayi jaka ami inungu ta ka'a yayi, parangu minya na matina hi Moiri hodu a omi balinya.²⁷Ya jiaya, a gearaya nama angu kababa anang nama inung ta ka'a na hi Moiri nma waingu pata dama tutu tiddi, nahala tahaga ihina jaka na ra'a na hi Moiri.²⁸Na tou rara na peanya agananya napa woluna ta morrikuna, jiaya hina kawanguku ana angu kababa jaka inungu ka'a wei ra'a na.²⁹Kadang na tou nama angu jaka nama inung dama wainya na ihi taguna hi Moiri, mearana ana wunu taguya na ihi taguna.³⁰Jiaya nama hawiting, hina dangu waling lahi jimi nama loaja jaka nama kadaukku, lappaku danguka nama mati.³¹Jidinguka, ata ka tutu tagudiya na ihi wikida tadalu ata woluya nama kalung jiata dana horu mada hanakkuda.³² Jidinguka, tadalu ana horuda hanakkuda, enga taguna ana peakada ana namuda hi Moiri.³³Yayi, ngala dukana aku oali bei gimi, a eikanyaka ami makeha himi einya napa a' dengang, mi panading kiki kimi.³⁴A eikanguka ma karobang, reihi kallunguya ka a' letangu ta uma na tenang ami makeha abi pangiki waingu wikimi. Jidiya, nama jaji hapeagunya a kollingu ha ammiga.

Chapter 12

¹Ya atouna, tutuna na kanyuru wali dehang, ngala maipa oali jajing, daku buha manya ada eingu hapeami.²anga minamu ya ha, ya naga adadi mi peanya nama rabba Allah, napa jirrimi marapu dama panewi toungu ana hamadimi.³Ya atouna ku peakagimi yaya da ei awa mangu nama tikki waingu hangahu harina hi Allah, nama winna, " Hi Yesus kuparunya," manga da eimang hatou tekka nama winna " hi Yesus jiaya hi Moiri," helinya waingu hangahu harrina.⁴Dangu kanyuru nama waling dehang, jidinguka na hangahu mearana.⁵Jaka, ngala danguna na kabuangu, jidika na Moiri da naha meara.⁶Da dangu dapa kerangu, jidika hi Allah nama hameara jiaya nama woluya ngala dukana lahi jiata hatou - hatou.⁷Ngala iata hatou - hatou na woada pangadang nama murrah ata woluya ta oalida hina meara kalung.⁸Iata hatou - hatou, einya napa woangu peangu waingu hangahu harrina ana tikkiya nama padeneng jaka hawanguk nama hameara jella ana woanya peangu ana tikki ya wainya na peanguna.⁹Duda hawanguk na woaja wini manning waingu hangaha harri nama hameara, hawanguk woaja kanyuru peangu pategah tou ma kadaukku waingu na hangahu nou.¹⁰Manga hawanguk na woaja ngala pakerada einya na kanyuru dapa pali waida, hawanguk na peangu ana manyura, nama pea moulunya agananya nama jaji, mangu hawanguk na woaja ana peanya nama waling tangilu da kalung, hawanguk da peanya na hilu pada kalungu jaka na peangu ana hamadiya¹¹Ngala dukana na hangahu harri jiaya nama pahalakuya hangina pingi hawalina, naha barinya ngala dukana na tou dangu, toungu pakabu atina. Ngala na tou nama keriya anang nama wainya jiaya nama waling ta ihi wikina hi Kristus.¹²Toungu na ihida a hangina jidika na dangu ngarana ngala ana ka hanging, jidika laka ana dadingu ngarana anga jiaya a hangi ihina tou jellana hi Kristus.¹³Kadang, hangi hangahu da jiata ihudaka ta hangi ngara anang hangi ihi, toungu na tou Yahudi tou jellangu na tou Yunani, toungu ata tou jellana na ma rabba. Manga ngala dukada na woada pa inung nama waling tahangi hangahu.¹⁴Kadang na ihida da jiama hangi ngara na, jidinguka dangu ngarana.¹⁵A winna kaka na wihi, " Ya nyouwa ada limmawa, da nou wawa ta ihina," da winna nou mang nyouwa dama eingu wawa ta ihina.¹⁶Jaka, na ka hilu awinna kaka, " Ya nyouwa ada mata wa nyouwa dama eingumawa ta ihida," dana ngarangu ada nouya ta hangi ihi.¹⁷Jaka ngala dukana na ihida a mata kayaka, bayaka nyaka na ka hilu napa rangu waingu? Jaka ngala dukana aka hilu kayaka, bayakanyaka na iru napa ngidihu waingu ?¹⁸Jidinguka, ya namu hi Allah na wolunya ngarana ngala nama eingu ta ihida, toungu napa kabu atina ¹⁹Ya ngala dukana a hangi ngara ka naka bayakanya na ihi da? ²⁰Ya jiaya lakka ana dangu ngara na, jaka jiapaya a hangi ihina.²¹Ya jiayaka, yana mata da da winna manya na limma, " Ou daku oali magu!' Anang na katiku ta wihi, " Ou daku oali magu!"²²A hilu patetinya, ngala napa taguna nama eingu ta ihida nama loaja jiaya napa reihi waida.²³Jaka, ngala dukana nama eingu ta ihida einya dapa bada pa'akada jianouyaha napa reihi pa akangu. Jaka, ngala nama eingu ta ihida dapa itta tekka jiayaha napa reihi patekada²⁴Kadang ngala napa taguna nama patua dapa hilu waingu maha. Jidinguka, hi Allah nama patidinya na ihi da einya napa reihi pa angu ngala nama eingu ta ihi da,²⁵Abi eingu maka ihak ihida, jidinguka kana pa kahanging ana patungu ngala dukana.²⁶A eikanguka tutu hangi ngara nama hiddu, ngala dukana nama eingu ta ihida na hiddu bollu. A eikang tutu hangi ngara napa pa akangu, anga jiaya ngala dukana.²⁷ya atouna jimi jiami ihina hi Kristus jaka jimi ngala ma eingu jimika ngala huhu anana.²⁸Hi Allah napa higilu hakada huhu anana , nama kawunga jiaya na Rasul, naka dubana da Nabi, naka katilu na da Guru, nama kamuri na nakanyuru daha pali waingu, napeangu palala moru, napa namung, napa hamadi wiki, jaka ngala napa tikki.²⁹Jiaha ngala dukada Rasul? Jiaha ngala dukada Nabi? Jiaha ngala dukada Guru? Jiaha ngala dukada nama wolu tada kanyuru?³⁰Jiaha ngala dukada dama papategah ma kaddauku? Jiaha ngala dukada nama peanya ngala na hilu? Jiaha ngala dukada dama peanya na ihi patikki?³¹Jidinguka, pajukangu kamu kollinya na kanyuruka naga nama reihi bakkul. Jaka nyouwa jiawa nama patekkagunya na larangi'i nama reihi kallung.

Chapter 13

¹Jaka aku kolling panewika ka waingu hilu tou rara jaka hilu malaikat, jidinguka da eimang panamungu gu, nyouwa mearana na katala nama poini jaka lagoru makaringuk.²Jaka nyouwa a eikang napa peagu agananya napa wolugu aku peanya agananya napa kabuning, jaka na dangu napa peagu jaka aku kolli bollunya aku maning kaku pagelirunya ngala na letina, jidinguka da eimang panamungu gu, nyouwa da eimang gau gu.³Jaka aku bari kaha daha poatigu manga kaku pa'anya na tou, milla jaka ku pahellanya na ihigu atunuya, jidinguka da eimang ati panamungu gu , kudduk tekka da eimang ganna tutu tagugu.⁴Napa namungu jiaya hita najjarungu wikida, jaka nama loajang atida, napa namung dana ma'u mang, dana dedikung wikimana, jaka dana pareihi wikima na.⁵Dana woluma ya nama manyarik, dana manyeramanya anang dana woluma ya napa kabu ati taguna, dana geaha bani mangu, dana badda yapuma ya deingu jalana na tou hawanguk⁶Dana manna dengamanya a eingu dama patu'a, jidinguka na egi ati denganya ana woluya nama patu'a. ⁷Napa namungu na deitu ya ngala dukana nama jaji, nawainya ngala nama jaji, na manninya ngala nama jaji jaka na maddung ana haganya ngala dukana nama jaji.⁸Na panamu da eimang dukana. Jidika a eikang ma jaji dapa pali waingu, pahigiluya, a eipang li'i panewi pa kawanaruya, a eikang ha peangu nama jaji pahigiluya.⁹Kadang napa peada dana damang jaka napa pangada da dana damang¹⁰Jiaya, nama padeneng wainya, dama eingu gauna mattanya.¹¹Nutu a lakeada waha, aku panewi ku panewi toungu lakeadawa, aku pangadang toungu pangadang lakeada, koling pamatuaka, matta gunyaka na pata lakeada gu.¹²Kadang ya atouna ta itta wikida taka hainu namawuda, mangaka tapa itta ngoara wikida. Ya atounaka, nyouwa daku badda pea bollumanya, jidinguka peala nyouwa einya aku pea bollunya toungu nyouwa a peaga.¹³Ya jiaya ha, dama tillu ngarada nama enga pangalang, napa naddida, jaka napa namu, jidika einya nama reihi bakkul waling dama tillu ngarada, ya jiaya napanamu.

Chapter 14

¹Namatuya napanamu wiki jaka kabu atinya waingu kala ki atimu jaka na kanyuru dangu nama wali dehang, pareihi - reihing kamu peanya agananya nama jaji.²Kadang, a gearaya nama panewi, da jiamangu oali tou rara na papanewi dengana, jidika lahi Allah, kadang da eimang tou nama peanya jiaya napa tikkina dapa peada agananya winna.³Jidika, na tou nama langa itaya agananya nama jaji na tikkiya ta oali touna kana rahhikungu, na peakanya, jaka napa yaga nounya.⁴Ngala na tou nama panewi ta hilu napa tikkina napa maddu wikinya na ihina, jidinguka na tou nama langa peanya nama jaji napa maddunya na huhu anana hi Allah.⁵Nyouwa ku manni bollugimi kami panewi ta hilu dapa peami, tennang pereihi - reihing kami peanya agananya nama jaji anang nama amming. Natou nama manyura reihi bakulluya waling yana tou nama panewi ta hilu dapa peangu, helinya a duna jella nama pagapi tagunya napa tikkina jiayaha tou nama keriya hida o'anya⁶Aku oali beigimi, ammi kagaka lahi nyimi manga hiku waingu panewi dapa peangu, gannanya napa uttu waimunya, penya nam nyouwa ku panewi denga gu waingu agannanya nama jaji, napa langa peada, napa parahing, anag na li'i hapeakang?⁷Toukana, ngala dama eingu hangahina, toungu suling anang kecapi nama eingu li'ina, a dada heaka kaka da poini da, giki nouna ana peanya tou agannanya nama poini, suling anang kecapi?⁸Anang, a jiaya na trompet nama poini dama jinyak, geara kaka nama weaku papatau?⁹Tou jellana jimi, toungu ammi waingu lamma mi ammi tikkiya na hilu dapa peangu, giki nouna ana peagiminya oalimi agannanya napa tikkimu? Magga mearana ammu panewi dengang ngillu.¹⁰Ngala ana dangu na hilu tapinu tana jaka da malli eimang hangina dapa waingu.¹¹Jidinguka touna nyouwa ada ku peakanyaka na hilu nou, nyouwa mearana tou jallur atouna duna nama panewi denga ga, jaka na tou nama panewi mearana tou jallur wiggunya.¹²Tou jellang jimi, kadang jimi wali ati tekkami ami manyeranya himi kollinya na kanyuruka naga nama wali dehang hodu kollinya nama jibbu jabu binnu bongu tutu taguna ami hamaddunya na huhu anana.¹³Ya atouna, nama panewi waingu hilu dapa pea bollung kana habayang kana piku penya papangada tagunya ¹⁴Kadang, anang aku habayang waingu panewi lammagu, naha mangu gu nahabayang, jidika napangadangu gu dana maddu mangu.¹⁵yayi, ganna ikanya napa wolugu? Ku habaya waingu hamangu gu jaka habaya waingu pangadangu gu ku manyanyi waingu hamangu gu jaka ku manyanyi wai jellang pangadangu gu.¹⁶Atouna ajikiya amu pamalangu wanya hamangumu, gikiyaka naka ya na tou, nama eingu tadalu dama kolling kanyuru na, ana tikki, "Amin," toungu amu tikkiya na kanyurumu kadang dana peamanya agannanya napa tikkimu?¹⁷Langka jia jellaya amu pamalangu pakallunya, jidika na tou heaka dana mannimanya.¹⁸Nyouwa waiwu wigunya hi Allah kadang nyouwa aku panewi ta hilu lamma dapa peangu ku reihi mi nyimi ngala dukami.¹⁹Jidinguka, ta huhu anana nyouwa reihi kallunguya aku panewi lima kawodu waingu pangadang lappaku ka ku patoma jellanya ta tou hawanguk, habulu kawodu patikki ta hilu lamma dapa peangu.²⁰Ngala apa oali beingu, abi jajika lakeada tadalu pangadangumu. Kamu jaji ana rara ammu jurrak, jidika tadalu pangadangumu kamu pa ati!²¹Toungu napa tulih ta Hurat Taurat, " Ya ngala na tou nama waingu panewi dapa pa peangu jaka na rowida ngala da tou dapa peangu, nyouwa kutikki danya na tana yayi, jidinguka dada rang ngu mawa, winni nanya hi Moiri."²²Yayi, da hilu lamma dapa peangu jiaya na tada, da jiamaya na tutu taguna na tou nama langa keriya, jidinguka tutu tagudanya da tou dadi ma keriya, jaka hayi nama penya nama jaji jiaya na tada, da tutu tagumadanya da tou dadi mawainya, jidinguka tutu tagunanya na tou nama langa wainya anang nama keriya.²³Jaka, ngala da huhu anana ada makeha kaka hangi padoungu, jaka ngala dukada da panewi waingu hilu lamma dapa peangu, manga eingu tou dama penya anang na tou dama wainya ana tama kaka, enga widda gimi ada panewi jimi makatoa mi anang kalanguminya?²⁴Jidika, ngala dukami ami pea bollukanya nama jaji, manga aming tou dama keriya anang tou dama pea wainya ana tama, jiaya hina namu ya ngala nama jaji jaka hina pangada wainya.²⁵Dapapa louhuna ta atina jiaya hina ittaya, jiaya hina boppa ana karadanya hi Allah, hina wainya a ei tekkanya hi Allah tapa duamijiami anang ta joangami. Ngala naka buangu napa langa hamaddung.²⁶Jayi, na tu'u pangalana gikinouna, ngala pa oali beingu a eikanya ami makeha, hatou - hatou ka eingu hurat manyanyi, nama paeakang, patikki, panewi hilu dapa peangu, anang tada paka tutu waingu. Wai bolluja kana haddul waingu.²⁷A eikang nama waingu panewi dapa peangu, matta kaja toma dua anang toma tillu kada waingu papa heapang, manga ka eingu tou hawanguk nama peanya napa tikkida²⁸Jidinguka jaka ada eikang tou nama peanya duna kana kawannar jaka na tou nama eingu jaka matta kanya kana panewi meaha jaka lahi Allah.²⁹Mattakanya dama toma dua anang toma tillu da Nabi dama panewi jaka hawanguk kada tibakaya ada pangadanya.³⁰Jidika, ya napa tikki tutu tagunanya na tou heaka nama ngodu tapa doungu nou, na tou nama moulukana kawannar.³¹Kadang, jimi ngala dukami mi peanya agannanya nama jaji hatou - hatou, toma ngala dukami kami pakeri jaka ngala dukami kami kullihu waingu.³²Ngala na hamanguda da Nabi naka raddanya duda da Nabi.³³Kadang, hi Allah da jiamamaya hi Allah nama manyoggar, anga jiaya napa namu wikki toungu nama jaji ta joanga huhu anana ngala na tou napa langa pahigil.³⁴Na mawinni kana madaku tapa dou pingi paka buangu kadang duda dapa hellamaha ada panewi, jidinguka dapa akanyaha na nuku Hara Taurat napa toma jellanyaka.³⁵Jidinguka, a eikang tapa ngadanguna dapa peada jaka napa tuturuda, reihi kalunguya ada patuturu ta la' da ta umma kadang pama ki'i dengangnguya duda mawinni ada panewi ta aru tou nama paka buangu.³⁶Penya namu na winina hi Allah walina lahi jimi? Anang, penya namu lahi jimi paya na winina ana patomanya?³⁷A eikang nama pangadang ya jiawaha hatou Nabi anang tou nama murrah, mattakanya kana penya ngala dukana dapa tulihugu tutumi jimi ya jiata na li'i pareahana hi Moiri.³⁸A eikang tou dama penya yayi duna da pea jellamanya.³⁹Ya jiaya aku oali beigimi, kami manyera tekkanya waingu kullihumi na tutu ka buangumi, jaka abi heirumanya na tou ana panewi waingu hilu lamma dapa peangu.⁴⁰Jidika, ngala dukana kami pahalakuya waingu tutu - tiddi.

Chapter 15

¹Ya atouna ngala oali bei, ku peakagunya o'uwu na wini kallungu Injil napa patomagu gu, napa langa peami,enga noumi ami maddungu.²Ya jiaya na wini kallungu jimihimi manumara, kami hamannu pajukangu ta winina napa langa patomagu gimi, helinya amu wainya adana patua.³Nyouwa ku patomanyaka lahi ou pareihi - reihing nama patu'a hingung, napa kolligu ya jiaya hi Kristus hina mati tutu doku jalada toungu napa tulihu ta Hurat Bakul⁴Jiaya napa tanung, jiaya nama kiddi bali ta laddu ka tillu toungu napa tulih ta Hurat Bakul.⁵Manga na mengaka ana patekang wikina lahi Kefas, lappaku daama toma habulu dubbada.⁶Manga nou, jiaya napa patekkang wikina walingu dama reihi ta limma ngahu damma pa oali beingu ngala dukana. Ngala dama toma pirraha da morrikuha toma ladu hina, jidika dama toma pirraha da matika.⁷Manga, napa tekkang wikina lahi Yakobus, walinouna ngala ta Rasul.⁸Nama muri, toungu na lakeada nama jaji ada di toma ya na rahi jajina, manga napa tekkang wikina jellana lahi nyouwa.⁹Kadang nyouwa jiawaka nama reihi doku ta joanga Rasul - Rasul jaka dana mangarang Rasul awi'daga kadang nyouwa nama tauha aku hamatika na huhu anana hi Allah.¹⁰Jidinguka, napa awi panamu na hi Allah, nyouwa jiaya hi eiga toma yayi. Jaka napa awi pa namuna lahi nyouwa dana buni mangu. Na kerrangu gu tajukuya waling lahi duda ngala dukada, jidinguka da nyouwa, mang jiaya napa awi panamuna hi Allah nama hadidi karahawa.¹¹Witinanya, toungu nyouwa anang duda, toukina nyiama ama peakaja manga toungu dimmi himi wainya. na kiddi bali waling ta mati.¹²Jia hi Kristus aranguya ana kiddi bali waling ana mati, gawali waling lahi jimi nama toma pirrami dana kiddi bali mang waling ta matina?¹³Adana kiddi bali kaka waling ana mati, hi Kristus jella da eimanya ana kiddi bali. ¹⁴Jaka, jiaya hi Kristus adana kiddi bali kaka, da eimang gauna napa tikkima jiama jaka da eimang gauna na manningumu.¹⁵Pareihing - reihing, jiama walluk manya ana keriya hi Allah kadang ana panewi ya hi Allah napa kiddiya hi Kristus, dapa pakiddi memmana, ana patu'a kaka da tou mati adapa kiddi baliha.¹⁶Kadang, jaka da tou mati adada kiddi bali kaka, hi Kristus dapa kiddi bali jellamaya.¹⁷Jaka, hi Kristus adapa kiddi bali kayaka, da eimang gauna na manningumu, jaka jimi engami ha ta doku-jalami.¹⁸Tou jellangu, duda dama langa mati lahi Kristus da duka jellaka.¹⁹Jaka napa mannida lahi Kristus jiapaya tutu taguna ata morrik laddu yayi, jiadaka tou nama li'i hinguya na li'i hollu waling ngala dukana na tou rara.²⁰Nou atounaka, hi Kristus apa kiddi baliya ka waling ta joanga tou mati, jiaya napa wolu wua kawunga walingu ngala na tou nama keriya nama langa mati.²¹Kadang, toungu na mati na jaji ana liya hatou, na li hatou jella ya na kiddi bali waling ta joanga tou mati nama jaji.²²Kadang lahi Adam li bolluya na mati, tou jellangu lahi Kristus ngala dukami pakkidi balimi.²³Jidika, ngala yimi hatou - hatou keriya nadutukuna hi Kristus jiaya nama kawunga, manga nou duda dapa langa pata pedina hi Kristus, peala a ammi balinya,²⁴Peala atomanya na hupu dukana, einya peala ana woaya na li pareaha lahi Allah Ama, einya ana pamohu bolluya nama papareaha, ngala na loadana, jaka na kullihuna.²⁵Kadang, enga taguna ana papareaha hodu atoamaya hi Allah ana tauha da geana ta balla wihina.²⁶Na gea nama muri napa pahigil jiaya na mati.²⁷Kadang, hi Allah na tauha ngala dukana ta balla wihina. Jidinguka, a eikanyaka ngala dukana nama jaji ana tauya ta balla wihina, ta peanyaka da meahamana hi Allah, nama tauya ngala dukana nama jaji ta wawa na hi Kristus.²⁸Einya ngala dukana a tauya ta wawa lahi Kristus, manga na ana taguna napa akang wikina lahi dunna, nama pa'aka bollunya, ngala dukana ta wawana hi Kristus nou jiaya hi Allah hina jaji ngala dukana tadalu tanga bolluna.²⁹Ada tounou kanaka, ganna kanya napa woluda duda dama langa ihu tutu tagu tou mati? Jaka na tou mati adapa kiddi bali kaka, mang gawali ngala na tou hina ihu ha duda?³⁰Jaka, ga jiama hi eigama ta mawilla padutu baddang?³¹Ngala pa oali beigu, tiap laddu nyouwa ku arunya napa mati dengang, toungu aku bakkul ati dengagimi jimi, nama kolligu lahi Yesus Kristus, na Moirida.³²Ta pangadang tou rara da, gannanya napa utugu apa tau denganya ngala dama daga tama bali ta Efesus? Jaka da tou mati adapa kiddi bali kaka, " Mai yaya ka angu jaka ka inung kadang baru wehang jiata mati ya."³³Abimu kerikaya ana wallukuwu: "Napa buhang wiki dama kallung jaka hi einya naka ihak nama paheawanya nama kallung".³⁴Kamu pangada baling waingu kallung jaka abi wolukaya nama jala. Kadang, einya dama tama pirraha da denganya ada penya hi Allah. Hi wigugu yayi kamu maki'i. morrik balinanya na ihi amu wainya³⁵Jidinguka, enga eingu hatou nama patutur, "Giki nou kana na tou mati apa kiddi baliya? gapa ihiwaikana a'omi balinya?"³⁶Hei tou dama peangu! agannanya napa ho'arumu dana tubu dana morrik, enga ana mati moulu.³⁷Jaka, agannanya napa ho'arrumu da jiamaya na ihi pingi ainama tubu, jidinguka watu nanya dama eingu kalituna toungu watu pari anang watu - watu hawanguk.³⁸Jidika, hi Allah nama woaja ihi toungu pakabuna jaka ngala da watu natauja ihida hangi - hangi.³⁹Da jiamaya ngala na ihi jiaya na ihida nama hameara, jidika hangi panna ihi tou rara, jaka ha hawanguk ihi madaga - madagaha, jaka hawanguk ihi mawurung - mawurung, jaka hawanguk kali ihi kaboku.⁴⁰Ei jellang ihi surgawi jaka ihi pinnutana, jidika na padou na awang reihi jaga ya jaka bara wawa ya na padou na pinnu tana jiaya dana hameara mangu.⁴¹Na reihina na mata laddu na heaka, na reihina na kapea duda da heaka, jella kadang naka pea hangi na heaka taka pea hawanguk nou eingu reihida.⁴²Tou jellang na kiddi bali tou mati. Na ho'arrunya tapa bura dengang, napa kiddi baliya ta pingi dapa bura dengang.⁴³Ho'arrudanya tama manyarik, pakiddi baliya tama reihi jaga ho'arrunya anouya ta loaja, pakiddi baliya anouya ta kullihu.⁴⁴Ho'arrudanya toungu ihi tou piaku, pakiddi baliya ta ihi hangahu morrik. Jaka a eikang ihi tou piakuna, ei jellang ihi hangahu morrik.⁴⁵Toungu napa tulih, "Na tou moulu hi Adam, na jaji hamangu nama morrik." Hi Adam nama muri najaji hangahu napa morrik dengang⁴⁶Nou atouna, na morrik nama kallung da jiamaya nama moulu. Jiaya na morrik dadi ma kallung, manga nou jiaya hi kollinya nama kallung.⁴⁷Na tou moulu walina ta pinnu tana, nou walina ta kubur tana. Na tou kadubba walina ta awang.⁴⁸Naka meara nama waling ta kubur tana, tou jellanga duda dama waling ta kubur tana. Jaka daha meara na surgawi, tou jellangu dama surgawi.⁴⁹Toungu ana pajajida ta hada tou rara walida ta kubur tana iata ta keriya na hada tou surgawi.⁵⁰Nyouwa ku tikki giminya yayi, lahi nyimi ngala apa oali beingu atouna na ihi jaka na ra dana kollimanya na Kerajaan Allah tou jellang nama dukang, dana kollimanya dama dukang.⁵¹Ranguwa! Nyouwa ku tikki giminya a einya dapa peami, jiata da eimanya ata mati bollu, jidika iata ngala dukana paheapa dada,⁵²Data pea wainya, ai piddak wida, ana poini muri, ana poini kaka, jaka na tou mati apa kiddi bolluya dana duka bollu mangu, jaka iata paheapa dadaka.⁵³Kadang, nama helling na kaya dama helling. jaka, nama matina kaya dama mati.⁵⁴Tadalu ya nama helling ana kaya dama helling jaka nama mati na kaya dama mati, jiaya hina patu'a na wini napa langa tulih:"Napa mati dengang na mengayaka tapa talu dengang."⁵⁵"Ou pamati dengang, bayanyaka napa talu dengamu? Ou harowu, bayanyaka napa mange'at dagu?"⁵⁶Napa mange'atung jiaya na jala, jaka nawiti jala jiaya na Huku Taurat.⁵⁷Jidika, waiwu kawida lahi Allah nama woada mannangu yana Moirida, hi Yesus Kristus.⁵⁸Jiaya, aku oali beigimi ta manninguda napa awi namugu, kami maddungu abi bebat, kami binnu bongu ami pahalakuya napa kerrami lahi Moiri. Kadang, mi penyaka na joili habonnangumu dana maroba mangu lahi Moiri.

Chapter 16

¹Ya atouna witi pakeaha dengang riti tutu taguna na tou napa langa pahigil, kami pahalakuya kami waingu li'i pareaha napa langa peakaguja da tou dapa langa papahigilugu ta Galatia.²Ta laddu kawunga ta hangi miggu, nyimi hatou - hatou ka eingu pabijal heakami agannanya napa bijallumi keriya a pirra na napa kollimi tennang abi jiaya a' ammiga manga himmi kehaha.³A ammikagaka, nyouwa ku paleawakaha, ageara hinguya napa pedimi waingu hurat kami idi waija dapa idimi ta Yerusalem.⁴Jaka, nyouwa aku halaku jellaka, duda daha laku maraiga.⁵Jidinguka, nyouwa ammi kaga lahi ou aku kolling patoma ta Makedonia.⁶Jaka, noukaka jaka aku enga dengagu anang kana duka waingu na rahi maringu tennang kamu oali maraiga nutu tapingi pa halakugu, aba yayi kaga aku halaku.⁷Kadang nyowa daku buha mang pa'ittawu ajiapaya amu nonik. Nyouwa ku mannigu aku enga dengan lettagu, ya hi Moiri ana wo'a digaha kaloaga.⁸Jidinguka, nyouwa enga lettagu ta Efesus hodu atomaya na laddu Pentakosta,⁹kadang na dangu naka loagagu aku kerraja dapa kerragu dama reihi patu'a penting ku itta yaka langka na dangu nama geaga.¹⁰Ya atouna, a ammi kanya hi Timotius, mimarou matuya abi namange'at ana oaligimi kadang pahalaku nanya napa kerrana Moiri, tou jellang nyouwa.¹¹Jidika, abi eikang nama ohal wainya! Kami gatanya ta larangi ana halaku abi eingu gikina tennang kana duki bali lahi nyouwa. Nyouwa ya nadigunya ana bali mareija ngala da oali beina nattu.¹²Ya atouna, witi na oali beida hi Apolos, nyouwa ku panamunya aku paleawaya kana lipa toma gimi nyimi kana maraija ngala oali beina hawanguk, jidika dana weaku mang ha mai memma. Nimmi peala ammi kanya ana kaloaga.¹³Magang wikina, kamu kulli amu wainya na manningu mu. Kamu penya napa tagu moanimu jaka kamu kullih.¹⁴Tennang ngala napa kerramu, kamu pahalakuya waingu maloayang.¹⁵Ku kareimi ngala oali beigu, mi penya ngala nama eingu ta ummana hi Stepanus jiaha da ana kawunga ta Akhaya, manga duda daha rainya na morikuda ada pahalakuya tou palanga papahigil¹⁶Kami pa'akanya da tou matoungu jaka ngala dukana na tou nama oali kerranya dapa daka joili.¹⁷Nyouwa na egi na atigu a amminya hi Stepanus, Fornatus, jaka hi Akhaikus jiaha nama panamu gunya agannanya napa dengamu¹⁸Kadang, duda dama pawahanya napa ngadangu gu jaka napa ngadagu mu ya jiaya kami taukija hina da tou matoungu.¹⁹Tomanya napa namuda lahi Moiri nama arung lahi jimi, na oalija da tou palanga pedina dama eingu ta ummana.²⁰Ngala dukada da oali beimu dama eingu ya dapa ngidimu li'i panamu lahi ou. Patomaja li'i panamu hatou - hatou waingu pangidihu.²¹Nyouwa, hi Paulus nama tulihuya na li'i panamu yayi waingu limma tagugu.²²Ya a eikang tou dama millanya ati hi Moiri, dana marimangu duna.Oh Moiri, ammiguya!²³Napa awi panamuna hi Moiri Yesus kana hadidi karahami jimi.²⁴Na milla atigu na oali maraigimi jimi ngala dukami lahi Yesus Kristus. Amin.

2 Corinthians

Chapter 1

¹Waling lahi Paulus, witi pawukku atina hi Allah ana wai wihi - limmanya hi Kristus Yesus, jaka waling lahi Timotius anguwa da, ta lahi kaboggur huhu - anana hi Allah, jiaka dukkana na tou napalanga lihhu nyongana, napalanga papahigiluna hi Allah ta hagu'ul Akaia.²Na pa'ayi-panamung jiaka na maga loli-haradona mawaling lahi Allah, na ama da, jiaka nama waling lahi Moiri Yesus Kristus, kana kado-iddi da, paeini - hamawa da.³Wuatu halinya hi Allah na ama na na Moiri da Yesus Kristus. Hi Ama ma pa'ayi - panamung, jiaka hi Allah nama pingngi kali pingngi na hoddar.⁴Nama kali hoddaruma ta dalu ama li ya namawilla, toma ama piaku a kali hoddaruha nama li ya mattu - mattu mawila waingu na wini kali hoddar napalanga kollima waling lahi Allah.⁵Kadang mearanguna nyiama a' makollinya na taguma dama keri ukku ya ta dalu mawilla napalina hi Kristus, tou jellana waling lahi Kristus ma kollinya na pakali - hoddar dama keri ukku ya. ⁶ Amali kayaka na mawilla jiaya pahawangar jiaka nama pamannumara mi, a' eikanguka makali - hoddaruma, tutu tagu jellaminya, kami piaku maddung, kami wainya na bellar ati ami li ya na hadukka mawilla mearanguna napalanga lima.⁷Lappaka na maddunguna ama mannigimi, witi ma penya, na hameara na mawilla na pa li da, mikolli jellanyana pakali - pahoddarangu na pakollima.⁸Kadang mi rangu yaka giki neima aganananya napalima ta Asia merrah. Na ngiddi deitu ngiddi tiddung na papahaila da gama duku buatu ya toma ta bata ati maka ama pangaddanya na morrikuna.⁹Kali kaina ama pangadolanya maga nou manyaka ta nuku mati. Jiadinguka hina jaji matounguka abi ma wainya na kullih taguna, jiadinguka ka jiapaya lahi Allah nama pakiddi balinya nama mati ¹⁰Walingu ta mati napa mangeatdengang, na pamannumara daka. Lahi dunna ama paharainya na manninguma, jia nama hilu pamannumara.¹¹Witina ami gata ama waingu ami hailanya ta habayangumi kana dangu tou ma palangu ya, witi na kanyuru kanagga na pakollima witi ada hailagama ta dalu habayanguda.¹²Ya jiaya na pabakkul ati dengangma. Kadang na panewi ta atima na pattekagama. Kadang mamorrikuma ya ta pinnu tana. Parei - parehinya na patuwu dengagimi ma hawali ati ya lappaka na murrah ati mawaling lahi ma Rabba Allah da mawaling ta manyakat pinnu tana maya jiadinguka mawaling kullihuna na pa ayi panamunguna hi Allah.¹³Kadang napa tou na ta hurat lahi dimmi. gannanya nama toma pabaha mi lappaka ami tauya ta atimi. Nou nammu ku manni mi, anna kaya kami tau tekkaya ta atimi,¹⁴Keriya napalanga pea mi hawanguku waling lahi nyiama. Ana toma kaka rahi na na ladduna hi Moiri Yesus mo pa egi gamanya na atima, tou jellakana nyiama ma egi ati denga gimi.¹⁵Mula na na pamannigu ya na pakabu ati gannapanya ngara na kaku patomang moulu mi, kami ka ya napa ayi panamungu na paduang waingu.¹⁶Nadinguka kaku pangalang pingi pahalakugu ta Makedonia lappakungu ku bali - bali lahi dimmi kami piaku tulu gataga tadalu halakugu ta Yudea.¹⁷Nou atouna, penya eingu pawolu gu dama padeneng tadalu aku ngananya na pakabu atigu? Anang, penya aganananya na pakabu atigu aku ngananya waingu ati tagu gu, toma kana hadekkang "o'a ya" jaka "da'a da "?.¹⁸Ta ngarana hi Marabba Allah na pingi pa ayi panamung, napalanga jaji ma lahi dimmi da pahadekka mangu "o'a" annang "da'a".¹⁹Kadang hi Yesus Kristus, ana Allah ya, jiaya napalanga pekada gimi ta padua mi tou na nyouwa, hi Silvanus jiaka mi Timotius, "o'a" anang "da'a" , da wiggu mangu, jiadinguka ta bali - balina lahi dunna (Moiri) o'a jiapaya nama einya²⁰Kadang lahi kristus jiaya na o'a tora dukkana na pajaji hi Allah jiayakadiyaka ta dalu ngarana, amin widda, ata wuatu balinya hi Allah.²¹kadang jia ya nama pamaddung gama,tou kana dimmi ta dalu Kristus, jiaya hi Allah nama pamaddunya.²²Ana taunya tada ana huhu anada, ana hapurunya na hangahu harri na kana dounya na ati da ana padinyakunya na tora pa taguda.²³Tou na ku pa ounya hi Marabba Allah, nama itta ya-nama penya ,na peaganya ganna nanya nama hawiting hi daku mai ta Korintus witi namu da gimi.²⁴Da lara kama pareha mi a ganna nanya torana na ati wai mi, kadang madung minyaka ta dalu mannigumi. A ganna pananya kata mera kerraja kana egi na atimi.

Chapter 2

¹Ku bottah ya ka ta atigu tou na daku hilu maiamangu waingu hadukka ati.²Kadang, aku pahiddu kayaka na atimi, hilu gearayaha nama pa egi ganya ada jiata kaka na oali hadukka gu.³Jiayakadiyaka na pakabu atigu ta huratugu, touna aku mai kaka, ka abi na hadukka na atigu witida, bakalangu ka nouwa ta egi ati. Kadang ku manni gimi, toma na egi ati, egi ati bolludanya.⁴Aku tulihi ya na hurat napa pangidigu gimi, ku tulih tadalu dadar atigu lappak na kapiatu na atigu, wara-wara wei matagu, kana hadukka na atimi da wigumangu, jiadinguka kami piaku penya gikkinei marouna na namu gu gimi.⁵A' eikanyaka nama pahadukka giminya na atimi, da ati magunya na pahadukkana, jiadinguka dukkana na atimi, ganapananya ngarana da lara pareihi magunya na ati da nama tou ma pirrana.⁶Ta lahi dudda, rekka naka ami peaka panajarunya.⁷Aganapanya ngarana ka abi mi panappu-panulla dinya na jalana lappaka kami kali-hoddaruya, ka abi na mohu denganya na hadukkana nama buat.⁸Nou a touna ku nungnga-peka gimi kami waingu kalaki atimi ami buhanya ami namuya na tou matoungu.⁹Kadang jiakadiyaka na pakabu atigu hiku tulih giminya na hurrat aku pangidi guminya, kama kadigu gimi hiku peawaigimi a' eikadinya nama nudumi.¹⁰Kadang, aku panappu-panulla kanyaka na jala oli gu, a tora ei kanguka na panappu- panulla hi tou gu witiguna dimmi ta haga na hi Kristus" ¹¹Now atounaka, na morritana dapa utumaya waling lahi iata kadang iata ta peanya napa wuku-wukuna.¹²Aku koling patoma ta Troas aku boaruya na Injil Kristus jaka hi Moiri na wehaga binna aku pahalaku nanya na winina.¹³Dana maddu mangu aku pangadanya ta atigu adaku parega denganya hi Titus, na anguwuagu. Jiaya hi keri panouguja hi ku halaku ta Makedonia.¹⁴Jidinguka, pamolanguya hi Maraba Allah na oali maraigama ana patidigama tadalu ngarana hi Kristus jaka ma boaruya nama wou hirit napalanga peama na tutuna duna ta hangi padoungu hangi padoungu ya jiamaka.¹⁵Kadang ta haga na hi Maraba Allah nyiama jiaya nama boarunya na wou hirrit ma waling lahi Kristus ta padua ma mannumara jiayaka ta padua ma damu.¹⁶Tutu nama kawunga, jiama pa wou kamati,jaka hawanguk pa wou tou morrik nama moriku. Jidinguka gearakayaka nama piak pahalakuya nagidi deitu - ngidu tidung ma toungu?¹⁷kadang nyiama dama merang mangu nama dangu nama menyerrang kaku uttu kanyuru wainya na wini hi Allah. Ganna pananya tadalu ngara nahi Kristus, panewinya nama padeneng gannanya nama murrah keriya na li parehana hi Maraba Allah ta hagana.

Chapter 3

¹Penya, mi itta ya ama hailang wikkima? penya patekka giminya na hurat pahailang mearaguna hawanguk a' patekka giminya anna ma wailing lahi dimmi?.²Dukkima jiaya na hurrat pahaila ma napa tulih ta atimu, a penya , lappaka a bahha ya ma dangu.³Kadang, jia mika na hurrat Kristus na pa itta ma, napa tuluh waingu deitu-tiddunguma, da tuluh wai mangu tinta, jiadikungaka pa tulih waingu hangahu Mouri na hi Maraba Allah nama morrik da ta watu pa a' tulih jella mangu jia kadinguka ta rou danya jiaya ta atina na tou rara.⁴Tou nouna na kulihuna na manninguma lahi Marraba Allah ta dalu Kristus.⁵A waingu wikki tagu kamaka, dapa tomamanya ama yapuya a ganna nanya maga ma nyiama pahalakunya," Da tou nou amangu" hima maddung, hima kulih, ama pahalakunya, kulih ma waling lahi Allah ya.⁶Jiaya ya nama pamaddu gama hima piaku ama jaji wihi limmana ta li jaji ma buang, dana wai mangu nuku napatulih jiayadinguka ma waling lahi hangahu harriya kadang na nuku napa tulih damu denga ngunya jiadinguka hangahu hamangu, pa morrikk denganguya.⁷Jidinguka ajiakayaka na deitu tidung nama hagang ta mati, napa waingu patulih ta watu patuliha awinya waingu tada biaha madina, toudaka da tou Israel dada tarumangu ada e'aluya na ngorana hi Musa kadang ada ittaya natada biaha madina nou, jiakaka namu natada biaha madina nakaborranguka⁸Da jidiha dama waingu hangahu harri nama waingu biaha madina nama reihi bakul widi?.⁹Kadang, na deitu tidung nama idida tapahukung nama waingu biaha madina, kali kaina na deitu tidung makalungunya hina reihi binnu nabiha madina.¹⁰Nama patutungu, agannanya takawunga napa dedu ngara dengang atapaha mearakanyaka daha hameara mangu kadang na dedu ngarana nama reihi lobbar.¹¹Kadang agananya dama wahang tekka ana pamaraikanguka na dedu ngara, pareihi - reihi nama wahang ana pamaraikanyaka nama dedu ngara na!.¹²Ma manniya nama toungu, hima taru bani ama wolu ya.¹³Dana meara mangu hi Musa, nama hawanga habilo ka abi da itta ha da tou Israel na mollahuna nama wahang habali baddik.¹⁴Na kato'a ka na pangaddanguda, witi toma ta laddu nou einya ha ana korruja ada baha kayaka na li jaji madeingu da eimangu na patekkanguna, witi jiapaya Kristus nama piak patekkanya.¹⁵Hoppa toma ta laddu hinna ada bahha kayaka na hurrat mu einya nama pakarabaja na ati da.¹⁶A' eikayaka ha tou nama ta bali bali na atina lahi Moiri mollah nanyaka nama pakarabang ta ati weiga.¹⁷Kadang hi Moiri hangahu harri ya, kadang biyayakanyaka a'eikanyaka hi hangahu harri na hi Allah na pali kaloga limagawa.¹⁸Lappaka dukka na patekkadanyaka na deduna nangara na hi Moiri waingu hada ma hawangar. Lappaka witi mawaling lahi Moiri ya na dedu ngara jiaya hi hangahu harri hi tatoma ata pahadang lahi Moiri ta dulu ki ki na dedu na ngara.

Chapter 4

¹Witi pa ayi panamunguna hi Allah hima ka ya na ngiddi deitu ngiddi tidung ya yi. Nou atouna dama maerrah ati dengamanya.²Jidinguka tullaruya dukkana napawoluda tama kabuning napa maki dengang dama wolu mangu nama dibbang, dama deki dehamaya na wini na hi Allah. Kali kaina ma pahunganya nama pa tutungu, jiaka tou na ma haraka wikki ma annakaya ta haga ma dangu jiaka tahaga hi Allah ada dihhatagukanya.³A matoni jella kanguka na wini kallung na pa boaruna dana mawehhamangu ta ati da nama hagangu ta ma damu.⁴Jiaya da tou dama wainya, witi kadi naka einya na marapu nama pahadippaluya na kina pangaddangu da, toma dada itta magu na wahanguna na wini tutu napa dedu ngara waina hi Kristus, jia na hadana hi Allah.⁵Kadang da ma peka wikki mangu, jiadinguka jiaya hi Yesus Kristus hi Moiri jiaka tou kanaka nyiama na pali atami keriya na pakabu atina hi Yesus.⁶Kadang hi Allah nama patomanya na wini na winna, " Walingu ta ma kapetang, na pahunganya nama wahang." Jia jella ya nama paerrikunya nama wahang ta adi da kana wahang na ati pangaddanguda na lara dedu na na ngara na hi Allah napa itta da ta hada na hi Kristus.⁷Jiadinguka na ngawu ma ya ma eingu ta arrung tana ya kana hunga na maddungumadama keri ukku ya ma waling lahi Allah, dama waling ta kulih taguma.⁸Biayanya nama jajja ma dama limanya nama kapiatu, ma liya na hadukka pangaddang, jiadinguka dama bata ati dengamanya⁹Ma liya na mawilla jiadinguka dana pahellamama limana ma liya nama kapalihama dama damumangu.¹⁰Ma iddi marainya na lara matina hi Marabba Yesus ta atima, toma na pata morrikuna hi Yesus ma pahunga jellanya ama patekkanya tadalu morrikuma.¹¹Kadang nyiama ya a' einyaha na kaloga morrikuma a' pahaga juama ta mati witi ngarana hi Yesus, kana hunga wainya na pata morrikuna hi Yesus tadalu morrikuma nama eingu dirrana.¹²Tou nou kadinaka jiapaya na mati nama einya ta pangaddanguna, lappakungu nama morrik jiaya nama einya ta atimi.¹³Touna witi mera einya na ati manninguma keriya nama langa einya napatulihu : " Kuwainya, jiakadiya hiku panewinya " jiaya ma waiya wimma, jiaya hima lollukunya.¹⁴Ma peanya kadang dunna nama langa pakiddinya hi Moiri Yesus ma haregga pakiddi bali jella gama hi Yesus. lappala na kamaika bollu da nyiama jiaka dimmi ta hagana.¹⁵Kadang hina jaji ma toungu, witi kadimika, na kanyuruna kanagga dama keri ukkuya witi ki-ki dangu ya na tou nama keri wainya, jiaya hi da ukku maya ada pamalangu nya na deduna ngarana hi Allah.¹⁶Jiakadiyaka dama merrah ati dengamanya jiadingukana ihima langka na ki-ki maloja, nadingi napa bua bali gamanya na atima hangi wehang - hangi wehang¹⁷Kadang na mawilla nama halela ya, jiaya nama padedu ngara waingu dama eingu dirrana nama pareihi walingu aganna gannanya na pareihingu waling na mawilla napa lima.¹⁸Da jiamaya napa itta ma napa patetinguma jiadinguka gannananya dadi pa itta da jiaya dama eingu dirrana.

Chapter 5

¹Kadang ma penya a' taliwwu mati kadaka na padinyak nadaka padou da ta sorga na padoungi morrik maloddung dama eingu dirrana dapa wolu limma tou rara.² Tadalu ata morrikuha ta kangirrik, kadang winna na atida ganna panya ngara na kama dounya na padoungu nama reihi jaga ta sorga, walingu ta padoungu napa dou da ta laddu hinna.³Kadang a' tou kanaka pakenna danyaka na kopi - kelabi dana toma mada tadalu kalolu da.⁴ Kadang tadalu ata morrik ya ta pinnu tana, ta kangirrik denga na buatuna na padeitu da, kaku pakenna tikka kinguka na kopi - kalabi bua a' widda jiadingu data buhha mangu pa mattanya nama deingu toma dama eingu dirrana na ho'a ya dama eingu dirrana na morrik maloddung.⁵ Jiadinguka hi Allah nei yaka nama pagennakuda nama toungu ana hapurunya na hangahu harrina lahi jiata tada hamaddu waingu tora gannananya napa langa paninyak nada.⁶ Nou jiakadika hina maddung na atima, langka ma penya taliwu morrikuda ta pinni tana, dadi ta eihi manya hi Moiri.⁷ Kadang na morrikuma ya ma morrik wainya na ati waima da witi gannanya na pa itta ma.⁸ Jiadingu na maddung na atima. Lappaku na pakalaura hingu ma, gannapanya ngarana kama gehhir waling na morrik ta pinnu tana ya kama kahangi dengugana, kama kadabi lahi Moiri.⁹ Jiakadiyaka hima kajudanya tadalu ama morrikuha ta pinnu tana lappaka ama doungu ta habalina, kama piaku padeneng ta hagana.¹⁰ Kadang dukka da hagadanya na pingi pangoduna hi Kristus ana hakkida toma kana kaya na tutu taguna hatou - hatou, keri ya agannananya napa langa woluna tadalu morrikuna nama kallung jiaka nama doku.¹¹ Ma penya gannanya na ihina mi habuatunya hi Moiri a winna da, jiakadiyaka hima kajuda na tou kadi piaku wainya lappaka kada manninya. Ta hagana hi Allah, na ittu ya na ati wahanguma annakaya tou jellana napa dihha.¹² Ya atouna kama hailang wikkina da wimma mangu hadekkana ta hagami, jiadingu kama wogimi kaloga mi ami pabakkulunya na atima, kami piaku piak ami haganya da tou nama bakkul ati denganya na pa itta waida mata, da jiamaya nama eingu ta dawa ati.¹³ Kadang a' dama pattu wikki kamaka witi kami nakana deitu - tiddunguma na tutu taguna hi Allah jiaka ama pattu wikki kamaka, a tou ma witi tutu tagu kadiminya.¹⁴ Kadang na pa ayi panamunguna hi Kristus nama korru magama, kadang ma penya ama matikaka, nama hatou na tutu taguna madangu ngerangu mati bollu danyaka.¹⁵ Nadinguka na matika hi Kristus witi ana lumi ha dukka na na tou rara analuminya nama dangu toma tou kamaka nama morrik da duma mehamadanyaka na morrikuda. Jiadinguka tutu nanyaka nama langa matina jiaka nama langa morrik bali tutu tagu da.¹⁶ Nou atouna dama hilu katutu ma yaha hatou tekka keriya na pakatutu tou rara jiaka ama kali katutu kanyaka hi Kristus waingu katutu na pakatutu waina na tou rara, nou atouna na da hilu tou nou amanguka.¹⁷ Touna, geara kayaka nama kahangi denganya hi Kristus pata morrik mabuang yaka nama einya, nama madei loppahnanyaka amminyaka nama buang.¹⁸ Gangatangana ma waling lahi Allah ya, ana paledinya lahi Kristus ana pakallu ati denga daka lappa ana waiga ma ama pahalakunya na winina.¹⁹ Kadang hi Allah ana pakallu ati denganya na pinnu tana ana paledinya hi Kirstus dana hilu yappu amanguka na pahala da na waingu gamaka kama bo'arunya na wini panamunguna.²⁰ Nou atouna nyiama ya ana papalewa nagamaka hi Kristus, hi Allah magga panunga peka nagimi ana li paledima. Ta ngarana hi Kristus ma kareimi kami pakallu ati denganya hi Allah.²¹ Dunna dama doku dama jala ana tagu deitunya na doku - jala witi kadidanya, ka tadalu ngarana na pamannumara hi Allah.

Chapter 6

¹ Aku oli kerragimi,ma peka- panunga mi, ka abu mi pawalawaimanya na pa ayi - panamunguna hi Allah napalanga kollimi.² Winna na winina hi Allah " Ta rahi napa wukku gu, ku tengi, tanawu giminya na li mi mateangu tekka ya, ta rahi na ya, rahi pawukkugunya mateangu tekka ya, ta rahina ya rahinanya aku pamannumara mi.³ Da dalu ya ganna kanyaka dama wolumanya nama pahawiddang, ka abi eingu ma yekima ta dalu ama pahalakunya na deitu - tiddunguma.⁴ Jiadinguka tanga - tangana ma patekkanya tou na nyiama wihi - limma na gama hi Allah, tou na ama patarrunya ama haganya na mawilla, kapiatu jiaka nama hadanga,⁵ Ama deitu ya a' tou ma palu ta umma tahang jiaka tama kangila pa tau, tadalu pakerrama, tadalu marromatungu wikkima jiaka tadalu patu wikkima,⁶ Ta dalu murrah atima, na peangu, bellar ati, lappaka buhhangu pagatang, wainya na hangahu harri jiaka na pabuhhang, panamungu dama kallu dehangu.⁷ Tadalu ama bo'arunya na wini tutu - tiddi jiaka na bihana hi Allah, ama waingu pahori dama buatu kakapapa ama ge'a wainya annang tolu oli waingu.⁸ A eikanyaka nama habuatuma, lappaka a einyaka nama payeki. A eikanyaka nama tola gama, anang a haila gama, a eikanyaka da palapinguha a widda gam, nading da waijella gama.⁹ Tou dapa peangu, jiadinguka na pangarang dakkalangu ma li ya na mati, kadang morrik jella payaha a paluma jiadinguka dama mati mangu.¹⁰ Maga matou mali ya na hadukka ati jiadinguka nou ma ta egi atimaga ma tou millama jiadinguka ma wonya hapiti ta madangu, maga ma tou dama eingu duna, jiadinguka ma eingu ma ga gannananya.¹¹ Dukka mi tou Korintus ma wehha bollu bollu gugiminyaka, ma wehha paluar nyaka na atima lahi dimmi, da eimangu na pakabuni lahi dimmi.¹² Na bollungu na atima lahi dimmi, jiadinguka lahi dimmi dana habolu mangu na ati mi lahi nyiama.¹³ Nou atouna, kana hameara tiba, wiggugimu aku ana gugimi wehhaya na atimu ma habolungu¹⁴ Abi mi jala pege'a dingu walingu ta tou dama pakari pawai kadang a eikadingu nama hameara napa ittami tou nama padeneng jiaka nama jurrak ? annang, penya na piak kadingu nama wahang ana kahangi denganya nama kapetang?.¹⁵ Beinya na pingi hamearanguna tou na hi Kristus jiaka Belial? Ganna kanyaka ma pingi pahamearanguna na taguna na tou nama langa keri - pawai jiaka da tou dadi ma pakeri - pawai?¹⁶ Ganna kanyaka na tuwuna na umma Allah jiaka na kahala na na marapu : " Dukka da ya, umma nada hi Allah nama morrik wainya na wini na hi Allah ya. Kudoungu aku oli ja ta umma da eiga ta padua da (ngodu oli lihi - dedi oli pera ha ) Allah da gu, lappaka dudi ana guha.¹⁷ Tou na, kami louhungwaling ta padua da, kami pahigilungu wikimi walingu lahi duda winna na wini na hi Moiri, " Ka abi dedda dinya nama maribhak, ku pajola gimi limma gu.¹⁸ Lappaka ya nyouwa ama muga, lappaka ana gu moni anagu mawinni wiggu gimi. Jiaya na wini na hi Moiri nama biha nama madi.

Chapter 7

¹ Aku oli buhhagimi, nou a tou naka duma danyaka na li jaji nou, maidahayi kata pamurrahunya na ati da walingu ta dukkana na maribhak ihida jiaka ati da, tou na kata pinnunya na pahigilungu da tadalu ata habuatunya hi Allah.² Pahella kigama padoungu ta atimi! Dama walu makingu nama jala langka ta ma hatou tekka, da mali hatou hingu mangu napa manau' ma lapakka da mali hatou hingu mangu ama manyerranya napa kanyuru poti waima.³ A wiggu ka gimika kaku jajja mi da wiggu mangu, kadang weiga wiggu memmagimika, mi kollinguka padungu mi ta ati ma, hita jaji oli morrik - oli mati.⁴ Da eimakingu napakani gugimi, ku pawahang de'a - de'a gimika, jiadinguka ku bakkul ati denga mi. Ta dalu ama liya nama haritu einya ma paddanya na pakali pahoddarung jia na egi ati gakku koku dama eingu dirrana .⁵ Nou ama dukika ta Makedonia, da eihingu mangu nama hawangarta ihima. Biaka - biaya ma liya nama hadukka na pareggama jiapaya na pakangilang patayak ta atima einya na mangeat.⁶ Jiadinguka hi Allah na kali hoddaruha na tou nama karaddak atina, nama pahawawa wikina na kali hoddar naka a einyaka hi Titus.⁷ da tiddi jiapahaka a einyaka hi Titus, jiadinguka witi nguna na pakali pahoddarungu napa padda na ta paduami. Kadang alanga peka memma gimika na lara kalaura ma kangirrikumi jiaka nama hawali ati ami oli gama. Hinna ki-ki tabana na egi na na atigu.⁸ Nou atouna langka ku pahiddujella dingu na atimu tou na na huratugu daku merrah ati dengagama, kadang ku itta na hurrat nou pahiddu ati denganguya langka dana madei dingu.⁹ Jiadinguka nuttu na egi na atigu, da witi hadukka na na atimi, jiadinguka kadang ami liya nama hadukka toma ami haria - jarra. Kadang ana hadukka ati mi pawukku memma manya hi Allah, toma da eitekka mangu mali hakudduk ana pamanau mi witima nyiama.¹⁰ Kadang na hadukka ati kerikayaka na pawukku na hi Allah paharia denganguya nama pamannumara jiaka da pamerrah ati denga manya, jiadinguka na hadukka ati pinnu tana pamati dengangu ya.¹¹ Kadang mi pateti kadinya jiaya na hadukka ati keriya na pawukkuna hi Allah jia nama pahunga giminya nama pahawali ati tekka, toma a toda wikku, hukka ati, mangeat, kalaura, kerrang, na pahukkung! Tadalu matoungu patekka minyaka da eimangu pingi pa jala dengami ta ma jaji.¹² Nou atouna aku tulih kagimika hurrat, da witi eingu ma wolu majala, annang witi eingu tou ma li ya nama malilla ati ana wolu majala nama pahawali atimi lahi nyiama mi itta ya ta hagana hi Allah.¹³ Jia nama hawiting hina egi na atima. Higilnaka ana pakali pahoddar napa kellima, parei - reihingu kadang na egina na atina hi Titus, kadang ngara dukkani hina morrik na ati atigu.¹⁴ Aku bakkul ati denga mi lahi dunna, a dami woluya nama pamerrah ati dengagu. Ma peka gimika gannanya nama padedeng pangalang -ngalang lahi dimmi, tou jellana tora na bakkul ati dengama ta hagana hi Titus na padenenguya.¹⁵ Lappaka ki-ki taba na panamunguna lahi dimmi ana namu kanyaka na lara manudu atimi, ami pabuatuya tadalu ami paregga denganya ana duki.¹⁶ Na egi na atigu kadang ku waimi a ganna - ganna kanyaka nama jaji.

Chapter 8

¹ Oli buhha, ma peka gugimi na larana na pa ayi - panamungu na pakoli da da kalebu tou gereja ta Makedonia.² Tadalu ada liya nama buat nama pakamang ada liya mattu - mattu ma mawilla, da egi ati pareihing. Langka di milla dingu jiadinguka da poti tadalu pagatang wikki da.³ Ku peka - patekka giminya, habali wodanyaka napa pagatang waida tora ganna nanya nama eingu da, kali ka'i na na reihi walingu na pakanyuru da.⁴ Waingu mahawali ati da ada karei gama ada ruhu gama kama kollikinya na pa ayi - panamung tadalu ama pahalakunya na deitu tiddung ta tou palanga papahigilungu.⁵ Da wongu pareihingu walingu gannanya na pa pangaddanguma, na pamannima. Da wongu wikki da, pareihi - reihilahi Allah manga witi pakabu ati nanyaka hi Allah tou jellana lahi nyiama.⁶ Jiakadiyaka hima paruhunya hi Titus, kana toma gimi, kana pahupunya ana pahalakunya na deitu - tiddung tadalu panamung keriya napa wunga na.⁷ Nou atouna mearanguna ami poti mattu - mattu tadalu manning, tadalu panewi, tadalu peangu, tadalu mahawali ati ami pangatang, tadalu namumi gama, tou jellana tadalu ami pahalakunya na deitu - tiddung panamung ya.⁸ A wiggu kaka ma toungu da lara pareha magunya, jiadinguka ku patekka giminya na pata manyerang kapiaku pagatang waingu, kama kadigu gimi nama pa hawali ati ami pabuhang.⁹ Witi mi penyaka na pata pa ayi _ panamunguna na Moiri da hi Yesus Kristus. Toma dunna, witingumi dimmi hina liya na millalangka ma poti ya, kami piaku potimi witi milla na.¹⁰ Jiaya na patoma pangaddangugu tora na ya, a eikakingu jurruna lahi dimmi. Tou nou memmana wali panaka hadounaga ami pahalakunya lappaka ami bottahuya toma ka manganya ami pahalakunya.¹¹ Nou atounaka nuttu, hodu ami manganya ami pahalakunya anna kaya ami pahalakunya ka mahawali atimi, kami woluya waingu gannanya nama eingu lahi dimmi.¹² Kadang a mahawali ati kamika ami pagatang, toma gannanya napa wo munya, da ka ya , amu wo kahaka a gannanya nama eingu lahi Ou, da witi daeingu namu.¹³ Kadang a padeitu giminya, kada piaku halela hawanguku, jiadinguka kana hameara dihha na.¹⁴ Nou atouna naka nama reihi lahi dimmi ka toni wainya nama kurang - nama jakanguda, tou jellana nama reihi lahi duda na toni ha a gannananya nama kurang nama jakangumu kana hameara dihha.¹⁵ Keriya na patulih : " Na tou nama dangu pakehha na, dana lubu - labbar mangu, tou jellakana nama hakudduk pakehha na, dana kurang - jakang mangu.¹⁶ pamalangu ya hi Allah, witi mi ana wo giminya na ati maddung matongu jella ya na atina hi Titus kana piaku ana gatami.¹⁷ Naka gamanya gannanya na patikkima, jiaya tadalu mu danguna ma kullih, mahawali atiya ana toma gimi.¹⁸ Na pamarainguna ma palewa ya na oli jaji da, napa habuatu ta kaboggur tou gereja witi kerranguna ana bo'arunya na wini tutu - wini tiddi.¹⁹ Da tiddi jiapakaha, da bottah jellanyaka da kalebu - kalebu tou gereja kana oli gama tadalu ama pahalakunya na ngiddi deitu - na ngiddi tiddunguma ya, kana wuar waingu na ngarana hi Moiri kada piaku itta gamanya na hada hawali atima.²⁰ Kadang kana paheili wainya nama toungu toma eingu nama ngiki waingu ma tadalu ama pahalakunya na deitu - tiddunguma witi panamungu nama pakanyuru bakkul.²¹ Witi ama pangaddanya nama dehha, da tiddi jiapaya tahagana hi Moiri, Jiadingu tou jellana tahaga oli tou rara.²² Na pamarainguda ei jella lingu hatou na papalewa ma, jia ma oli jaji da napa langa padua baling a kamanya, ta ittanyaka na pakerrana. Nou atouna ki-ki marenna na ana kerrang kadang duku maddunguya ana mannigimi.²³ Oli kerrang kigunya hi Titus. Tutu mi na oli jaji da hawanguku no papalewa danya da kalebu - kalebu gerja lappaka kana jaga na ngarana hi Kristus.²⁴ Nou atouna patekkanyayi lahi dudda tahaga kaboggur tou gereja na ihi panamungu jiaka na ihina aku bakkul ati waimi pakehhang ritu na taguna na Yerusalem.

Chapter 9

¹ Na lara gata danya da tou na palanga papahigilungu, daku hilu tulih magimika.² Ku penyaka na hawali ati mi, bianya ku heilagimi tahaga tou Makedonia. Wiggu ta akaya rahhik danyaka walingu hadoungu ma loppah. Lappaka gannanya na pawolumu jiaya nama pahalelaha da atida tou da nama dangu hawanguku.³ Hiku palewa ha da oli jaji - oli jaji mi, toma ma pabakkul ati dengami ka abi na walawaingu, jiadinguka kami piaku pagennak pakallung keri ya napalanga wiggu gimi.⁴ Toma pela aku maraikanguka da tou Makedonia ka abi da toma gimi a dami dinyak, toma nyiama - ka abi malolluk waigimi - ama makki denganya na palanga manning ta ati ma.⁵ Jiakadiyaka hiku buhhang arahhuk gugimi ka halaku moulu oli jaji da, kada patiddiha a gannananya na pakehha da na palanga peka danya ta kawungana, kada piaku itta ya nama pahawali atigu, da pawaiamangu na pata panakkung.⁶ Kami penya ya : Na tou nama kuddukina na wini na paho'aruna, hakudduk jella ya na paharobu na, lappaka na tou nama ho'ar padangu wini na, na dangu jella paharobu na.⁷ Annakaya hatou - hatou kana pawongu, kana waingu mahawali ati, ka abi na waingu hadukka ati, annang ka abi na waingu buat ati. Kadang hi Allah na namu ya na tou nama gata hawali ati waingu egi ati.⁸ Kadang hi Allah na piaku ana hapuru giminya na kanyuru - kanagga lahi dimmi, ka abi mi kurang - jakang toma na wo pareihi gimi tadalu mattu - mattu pata panamungumi.⁹ Keriya napa tulih : " Na pabari - baringu na wonya na tutu taguna na tou milla maddung na padenengunalappaka piangu - piangu."¹⁰ Dunna ma panggulunya na wini tutuna nama ho'arungu tou jella na na roti paangu, jia jella ya nama panaggul giminya na wini natutumi, nama patubu binnunya, ana patubunya na pata morrikumu nama padeneng.¹¹ Peala na binnu gimi mattu - mattu nama pahalela ati, nama pakiddinya na ati pamalangu lahi Allah witima nyiama.¹² Kadang a pahalakunya na panamungu a waingu ihina napa pagata waingu ya da tiddi jiapaya a parekkanya na pawukku da da tou napalanga papahigilungu, tou jellana a pamalangu pareihinya hi Allah.¹³ Lappaka witimi tarrunguka ta ma pakamangu tadalu ami pahalakunya na deitu-tiddungumi, da wuatu hailanya hi Allah witi na nama nudu mi ami aku ya na Injil Kristus lappaka witi einya na halela atimi tadalu ami barinya aga gannananya tou na lahi duda. Lappaka ta madangu.¹⁴ Jiadinguka tadalu habayangu da tou jellakana dudda ada kalaura gimi witi pa ayi - panamunguna hi Allah dama keri ukku ya lahi dimmi¹⁵ Pamalangu ya hi Allah witi kadinaka na pa ayi - panamunguna dama keri ukku ya.!

Chapter 10

¹ Nyouwa, hi Paulus, tou nama mangeat dedi ta hagami, jiadinguka ata pamarou kanguka ku taru-bani gimi, ku panamu gimi ta ngara na hi Kristus nama moppah panarrung.² Ku kareimi ka abi mi huttakawa aku patekkanya na taru-bani gu ta lihimi, kerikayaka na pakabu atigu kaku wainya nama hawattuk lahi dudda nama widda ta ati da, nyiama ya morrik waimanya ha na pinnu tana.³ Tou tekka na nammu, morik manyaha ta pinnu tana, jiadinguka dama pajukka waimangu pata pinnu tana.⁴ Kadang na nibbu tarama tadalu ama pajukka waimangu nibu tara pinnu tana, jiadinguka waingu nibbu tara napalanga paneggal gama waingu biha madina hi Allah nama kullih ana nyagarunya na pingi kabuning.⁵ Ma pata ha na pata pangaddanguda na tou lappaka ma wehharunya gannananya na pabogang waida ada ge'anyaka abi pakeri lahi Allah widda. Ma toni ya na pata pangaddangu da lappaka ma talu ama pahaganya lahi Kristus.⁶ Lappaka ma rahhukungu jella a hukkunya tora dama nyinyak, taliwwu ami pinnu nya na pamanudu waimi.⁷ Kami patetinya gananya napa itta mata waimi a eikanyaka hatou nama manni tetekkanya, huhu ana naga hi Kristus nama winna, annakaya kana pangaddang atina touna nyiama ya huhu ana nagama hi Kristus, mearanguna dunna.⁸ Tomma aku wullak pareihi kanguka na kullih, napa pakanyuru nagamahi Moiri kami piaku pakiddi wainya, jiaka dapamanau waimagimi, nama tangu pamakki denganguya.⁹ Jiadinguka daku buhha mangu aku patekka gimi nama ngerang ku pamange'at gimi waingu da hurratugu.¹⁰ Kadang widda na tou tora, " hurratugu ma habanningu ya, jiadinguka a pahaga ngora denga kanyaka, na loja na pata na lappaka gannanya na patikki na da eimangu ihina.¹¹ Annakaya na tou nama winna noungu kana penya a tou kamaka ama pahaga ngora kanguka mearanguna napatikki ma ta hurratuma a dama pahaga ngora denga ja.¹² Nou nammu dama taru - bani mangu ama hameara dengamanya na tou nama deddik wikki da. Ada katutu wikki da keri ya na katutu napawai katutu taguda. Da keri ukkumaya na kato'a da.¹³ Kali kai na nyiama dama pa loppah mangu na pabakkul ati waima. Jiadinguka, eigamata padikki na ama pahalakunya na deitu - tiddunguna keriya na pabottahuna hi Allah.¹⁴ Kadang ama bo'arunya na wini tutu tiddi nahi Kristus, na tomaka ta padua mi toma dama paloppah mangu na dikkina napa kerra ma ngerang dadi ma patoma na gimi.¹⁵ Dama bakkul ati dengamanya tora pakerra da hawanguk ta padoungu da witi eingu dikki na pa taguma. Jiadinguka napa mannima, ana ki-ki tubu kaka na lara manningumi, ma kollinya na pa akangu pareihi - waling ta paduami ama hameara kanyaka ta padoungu kerrama na palanga bottah.¹⁶ Jiaya na morrikuma ya kama piaku bo'arunya na wini tutu tiddi ta hangi padoungu nama reihi marou walingu ta padoungumi ya lappaka dama bakkul ati dengamanya a eikanya toma pakolli da hawanguk napalanga bottah natutuda.¹⁷"Jiadinguka a eikanya nama bakkul ati denganya annakaya kana bakkul ati wainya hi Moiri."¹⁸ Kadang da jiamaya na tou nama bogang wikki na nama tarrung, jiadinguka na tou napa haila na hi Moiri.

Chapter 11

¹Ganna panya ngarana ka eingu bellar atimu ami haganya nama hakudduna na kato'agu. Tou nou tekkana einya na bellar atimi lahi nyouwa.² Kadang napa ma'u denga gugimi. Ma'u murrah ati ya, kadang langa pakahangi denga gimika ta hatou namoni kana marai gimi a pali anakara ma murrahu mi lahi Kristus.³ Jiadinguka na pamange'atugu, a eikanyaka nama pajallurunya na pangaddangumi waling ta ati manudumi nama murrah lahi Kristus, ma mearangu lahi Hawanapa palapinguna na maddu waingu pangaddang buahuna.⁴ Kadang einyaka na bellar atimi, a eikanyata hatou nama peka ya na ngana hi Yesus nama hekka walingu a gannanya keriya napa langa peka digimi, annang a wo ka gimika hangahu nama heka walingu gannanya napa langa ka mi annang na wini tutu tiddi nama heka walingu napa langa kami.⁵ Jiadinguka keri kayaka na pangadangu gu da hakudduk tekka mangu nama helling walingu ta wihi limana hi Moiri dama eingu ma tomanya.⁶ A daku kolli pakallu kanguka tadalu panewi gu, da to nou amangu na lara peangu, kadang ma patekkanyaka lahi dimmi wehangu-wehhang ta dalu ga gannakanyaka.⁷ Eikadingu jala pawolu gu aku karaddak wikkigu aku pahawawa wikkigu toma kami madeddikungu witi aku patoma giminya na wini tutu tiddi na hi allah lahi dimmi da pawongu hi na?⁸ Ta kaboggur tou gereja hawanguku habadi parimang gu jaka aku ka ya na wedda kerangugu kaku piaku tulu-gata mi.⁹ Lapakka tadalu aku liya nama milla ta padua mi daku pamawilla magimi hatou tekka, kadang gannanya nama jakang lahi nyouwa na paneggal ganya da anguwua - ana wini nama patomang walingu ta Makedonia. Ku marommatungu wikkigu walingu ta ngaladukkana ka abi ku padeitu gimi nama buat lahi dimmi tou pangalang jua gunya.¹⁰ Ta dalu gannanya nama padeneng lahi Kristus, nama einya ta morrikugu na palanga pamaddu gugiminya, gannanya na pabakul ati dengagu ge gerakayaka da eimangu nama heipu halanga ta tana Akaya.¹¹ Ga da tou na? Penya witi adaku namu gimi? Na penya hi Allah.¹² Jiadinguka gannanya na pawolugu, tou jua na aku pahalakunya ka abi eingu kaloga da ada pahunganya tou na dudda ada hameara wikki da lahi nyiama tadalu na bakkul ati denga da.¹³ Kadang dudda hou wihi - lima ma kallu dehangu ha ma palapinguha. Ada deki hadana da wihi - limmana hi Kristus¹⁴ Nama tongu abi mi bannar iddi kangu, kadang hi Moiri tana dunna da deki hada na da malaikat .¹⁵ Jiaya da pa habannar dengamanya a eikanguka ana papalewa ada deki ha da ana papalewa ma padeneng ta pahupu morrikkuda da kollinya na tangana keri ya na pawolu da.¹⁶ Hadekka li : Abi eikangu hatou ma kato'a ya awidda ga. A tou jella kanaka dimmi matoungu jella a wimmi kagaka, mi pajola ga limma ya nyouwa ma kato'a kaku piaku bakkul ati wainya kudduk.¹⁷ Gannanya napa tikki gu, aku tikki kayaka ya weiga da daku panewi waimanya keri ya ma wini na hi Moiri, jiadinguka panewi ma kato'a ya nama manning ta atina kaku bakkul ati wainya.¹⁸ Kadang na dangu nama bakkul ati denganya na pata tou rara, tou jella kanaka nyouwa kubuhha jellanya bakul ati nama toungu.¹⁹ Kadang dimmi einya na maredda atimi ta makato'a witi einya na ati manyakatumi!²⁰ Witi maredda ati mi a eikanyaka nama pa li ata mi, a eikanyaka nama habu'u mi, a eikanyaka nama jajja mi, a eikanyaka nama jaga ati ta hagami, a eikanyaka ma kababa mi.²¹ Ka maki'i ota aku o'anya, toma matoungu kadika ei tekkanya na loja ma. Jianguka a eikanyaka hawanguk nama taru bani ana bakkul ati denganya ku panewi ma kato'angu ku taru bani jella.²² Penya tou ibrani kadiha ? Annang tou Israeluha? Nei nyouwa tou Israel jella kadiwa penya dudda huhu - ana Abrahamuha? Nei nyouwa huhu - ana hi Abraham jella kadi wa.²³ Penya wihi limma na hi Kristus tekka kadi ha? (Panewi ma kalangu gunyaka ) mareihi kalangu wa nyouwa na pareihingu na pajoili waigu, ku kali ta manya na umma koggang, da padirra mangu ada tou wa palu, padua dua baling aku liya na mawu mati.²⁴ Palimma wuddang ada taungu palu da tou Yahudi kira taungu palalu da eingu tillumbulu hiwwa palu.²⁵ Padillu wuddang aku li ya nama kapiatu. Padillu wuddang a tikki tabilluna na tena, hangi laddu-hangi riddung a tiddi nou gama ta padua tahik.²⁶ Ta dalu halakugu padua dua baling aku hagangu tama kapiatu - ta ma hadukka mumuh ta wei wiwwa jiaka kuhaganya da mabotu, tou jellana nama walinguta tou Yahudi , pakarabang ta paraingu bellar, ta maredda ginnang, ta padua tahik, tou jellana na karabang walingu ta anguwua - ana winni ma kallu dehang.²⁷ Ku joili hingung witi na buatuna na pakerragu, padua baling aku judda, ku karobbang jiaka madou, padua-dua baling aku pattu wikki gu ta pa angu, ku maringu ada eikinguka katarri kalabi gu.²⁸ Lappaka, daku hilu tikki bollu maha ka na paligu, na lara morrikugu wehang - malung, aku karawaha na kaboggur tou gereja.²⁹ A eikanguka nama loja, denga kadingu? A eikanguka nama hobbang, penya, dana mulu mangu ma atigu witi hadukka ati?³⁰ A eikanyaka na pa bakkul ati denga gu, ku bakkul ati wainya na loja gu.³¹ Allah na Ama na hi Yesus na hi Moiri da, na pawuatu hali lappaka piangu - piangu, na pe ga adaku palaping.³² Ta Damaskus nama hamannu ya na ma pareha hi hangaji Aretas na palewaha ada jawaha na paraingu bellar Damaskus kapiaku appa wa widda.³³ Jiadinguka da tou mapakeri da pilluwa ta kawukkat ada paliwa ta adda ada hapuruga ta habali kangali paraingu toma hiku mannumara walingu ta limma da.

Chapter 12

¹ Na bakkul na atigu, langka tou memma jellana nama toungu da eimangu wudda na. Langka tou nou jellana kaku tikki danya gannanya na pa patekka na jiaka gannanya napa pa itta naga hi Moiri² Ku penya na lara na na tou Kristus habulu patu doungu ma langa loppah - penya nou ya ta ihina daku pe jella mangu, penya ta hapali ihi na hi Allah nama penya na tou weiga tikki panaka na padehana ta danni katillu na ta sorga.³ Ku penya na lara na natou weiga - penya ata ihi nanya, annang ta habali ihi nanya, daku pe jella mangu, hi Allah nama penya.⁴ Tikki panaka na madeddikungu a padehanya ta Firdaus padoungu binnu bongu jibu jabu lappaka na rangu ya na patikki dapa tikki tou rara.⁵ Ku bakkul ati denganya na tou weiga , jiadinguka daku bakkul ati dengamanya na lara patagu gu, helinya na pakali loja gu.⁶ Kadang aku bakkul ati denga kanyaka matoungu, da hilu tou kato'a mawakakadang kutikki nyaka nama padeneng. Jiadinguka ku pattu wikigu, ka abi eingu ma yapu ganya ada pareihi ha walingu na pa itta da lahi nyouwa jiaka napa langa mangu da.⁷ Lapakka ka abi ku pajaga wikkigu witi gananya napa langa itta gu duku dehha ya na pahabannar dengang toma hina paliga nama maga walla ri ta ihigu, jiaya hi padibbang kana piaku o'it tu wa, ka abi ku pajaga wikkigu.⁸ Nama toungu padillu wuddanguka aku pa ou nya hi Moiri kana pamarou ganya na papalewa na hi padibang.⁹ Jiadinguka na pagapinguna hi Moiri lahi nyouwa winna, " Tutuka aku awi namugu, kadang nou kawuka ta dalu lojamu na pinnu ya na bihaku." Jiakadiyaka reihi buhhangu gu ana bakkul na atigu tadalu lojagu, kana hapuruganya na biha madina hi Kristus ana paeini hamawuga.¹⁰ Jiakadiyaka na egi na atigu lappaka na halela na atigu tadalu lojagu, tadalu tou wa palu, tadalu kapiatugu, toukana tadalu aku liya nama hadukka-hadanga witi na hi Kristus. Kadang aku loja kaka - nou ya hiku maddung.¹¹ Mateangu tekka ya ku kato'a! Jiadinguka mi ruhu ga, bakkalangu kami haila ga wiggu. Langka da eikanguka willigu hakudduk tekkana nou nammu tadalu ga gannakanyaka daku muri mangu ta haga wihi limmana hi Moiri na papa akangu.¹² Dukkana na pali tada waingi ya nyouwa na wai wihi wai limma naga hi Moiri, papahalaku nyaka ta padua mi waingu dukka bellar ati, na tada - tada biha na pawolu lappaka a patekkanya nama biha - madi.¹³ Kadang penya bei ikanyaka a pali kadenga dagimi walingu ta kaboggur - kaboggur tou gereja hawanguku, higil maka tadalu gannanya toma nyouwa daku padeitu magiminama buat? Ku paohhakimi a eikanyaka na pahabuat hapapa gu!¹⁴ Mateangu tekkaya nou atou naka padillu wuddanguka aku ganna panya kaku patomang lahi dimmi wiggu, wiggu gimi daku padeitu magimi nama buat. Kadang da jiamaya na hapoti/ngawu pinnu tana na pamanyerragu, kadang nyimi jiaya. Kadang da jiamaya da lakeda nama kehha ha da hapoti tutu taguna na inna-ama da, kadang jiaya na ina-ama da nama kehha tutu na na ana da.¹⁵ Jiakadiyaka hiku buhhangu daganya na ngawu gu, kali-kai na ku daga jella na ihi gu tutu mi?¹⁶ Touna, aku namu tetekka mika, moda kaka a dami namu ga¹⁷ Penya eikadingu walingu ta padua mi na padeki uttu waigumi aku palewa tou?¹⁸ Tou tekkanaka ku palewa tekkayaka hi Titus, ada pamaraingu harega oli na hawanguk. Penya eikadingu na padeki uttu waina hi Titus waling lahi dimmi? Dami itta mangu na pata morrikkuma jaka na pangaddanguma ana hamera?¹⁹ Habaddi madei ka ami patuttur ta atimi ya nyiama pamannang wikkidanya ta hagama a wimmi? Ta hagana hi Allah, tangara na hi Kristus wimma gimi ya dukkana aku oli buhha mi hinna jaji kana piaku maddung na lara manningumi.²⁰ Kadang napa dadar ati dengangu toma aku mai kaka aku toma kagimika a dana hamera agannananya tora na papangada gu. Lappaka dimi ami parrega denga ga ana heka kaka walingu agannanya tora na papangaddami. Napa dadar ati dengagu a eikanyaka nama paheipu halang, mimmir ati, na bani, ka mali nyouwa nama winna ngiki waingu ngara olina, pajalanya dama jala, buttiku - buttik,jaga ati, lappaka na kangila.²¹ Na dadar na atigu pela hillu mi ka ga ka, na pahawawa ga hi Allah ta hagami toma na hadukka ma atigu ta haga madangu nama wolu ya nama doku - nama jala ta rahi malanga loppah jiadinguka didi da haria amanguha walingu tama irrak jaka tadalu a dada pengu wikki ma da.

Chapter 13

¹ Ya padillu wuddanguka aku toma gimi. " Waingu patikki da a tou ma dua annang a tou ma tillu ha hina maddung hina maddung a ganna nanya napa patiddi da."² Lahi dudda nama wolu ya nama doku - nama jalla ta rahi malanga loppah tou jella na tutu dukkana nama dangu habaddi wiggu memma gimi ya hillu paduang a wiggu gimi ya atouna tadalu aku marou gimi hamera na rahi aku paregga denga mi yanna ga na papaduang waina, daku hillu buhha a mangu ha a hilu ammi kagaka.³ Kadang na pakabu ati mi kama itta mataya na hada tou na hi Kristus ana panewi ana pali ledigadana loja mangu ta hagami. Jiadinguka na patekkanya na biha na ta padua mi.⁴ Kadang langka a terunya ta pinni ai harikka witi loja jiading na morrik waingu biha na hi Allah. Tou jellama ma loja ta lihi na, jiadinguka ma morrik ama kahangi denganya tora mi dimmi witi biha na hi Allah.⁵ Mi pareha wikkimi penya mi maddukadingu tadalu manningmi. Pareha wikkimi. Penya na maddung kadingu na ati waimi a einya hi Kristus Yesus ana kahangi dengagimi? Kadang a da tou nou kanguka dami tarru anangu ami li kayaka na pakamangu.⁶ Jiadinguka napa mannigugimi ami penya da nyiama mangu nama dama tarrung ta ma pakamang.⁷ Ma habayang lahi Allah ka abi mi wolu ya nama doku - jala. Da lara petekkangmanya na tarrunguma tama pakamang. Da wimma mangu jiadinguka kami piaku wolu ya nama kallung, langka mi itta ma maga da tarru mangu ama haganya na pakamang.⁸ A dama piak kakinguka ama ge'anya nama padeneng, nama toma pawoluma jia tutu na nama padeneng.⁹ Kadang na egi na atima ama loja kaka nyiama ami kullih dimmi. Lappaka jia na pahabayang dengama jia kami binnu tabola mata ta de'a.¹⁰ Jiakadiyaka nama hawiting hiku tulih giminya tadalu aku marou mi, kadang pela a eikagaka ta padua mi daku ruhu mangu aku wolu ya agannanya napa wolugu aku wainya na kullih napa wo naga hi Moiri aku pakiddi ya da panyoggar mangu,¹¹ Nou atouna aku oli buhha gimi, kana egi na atimi mi pamaddunya na pangaddangumi kami binnu, gennak, mi kaya na lipanunga - lipapekangugu! Kahanginya na atimi, na pangaddangumi, kami morrik wainya na maga loli - hara dona hi Allah pingi pa ayi - pingi panamung jiaka pingi maga loli - hara dona na kodu iddimi na dutu dakkimi.¹² Kami pa ohha nama walingu ta dukkana na tou napalanga papahigilungu lahi dimmi.¹³ Ngala dukana na tou nama wainya jaka nama keriya hi Yesus Kristus.¹⁴ Jaka na kanyuru kanaga nama waling lahi Moiri Yesus Kristus, napa awi panamu na hi Allah, jaka ana kahangi denga nya na hangahu harri kana pakabuagimi nyimi ngala dukami.

Hebrews

Chapter 1

¹hanadugana hi Allah ana padua-dua baling ana waingu mattu-mattu pawaina ana panewi dengaja da appu bokuda ana pali ledinya da wihi limana. ²Nou atounaka ta hupu rahina ya napanewi dengganadaka ana paledinya na anana, napa langa pedina, nama dumanya tanga kehana nama einya. Tadalu ngarana napa jajinya na awang jaka na tana hi Allah.³Jiaya nama wahangu waingu biha madina jaka nahadana hi Allah nama hamaddunya nama einya waingu winina nama biha madina lappakungu ana mengngaka ana baha pawarahuha da doku da jala, hina ngodu talawanana hi Allah mareihi jaka ta padoungu majaga.⁴Mareihi jaga walingu ta ata papaleawana hi Allah mearangu nangarana napapangarangu napa woananya mareihi manadanguya walingu tangarada.⁵Kadang lahi gearakayaka tapadua da na ata papaleawana hi Allah " anagugu " awina, ku pa anaguka taladu hinna nyouwa amamuga lapaku ou ana gugu?⁶Lapaku ta dalu ana marainya na ana kawungana tapinu tana, dukami na ata papaleawana hi Allah " kami mokkul karadana wigugimi " ⁷Lapaku datutuna na ata papaleawana hi Allah winaja " nama woluha da ata papaleawana hi Allah kadajaji kawular lapaka na wihi limana kadajaji api "⁸Jidinguka na lara na anana, winna " napa dou ngodumu ou Allah, na madung lapaku piangu-piangu, lapaku natakung hangajimu jiaya natakung madeningnguya.⁹Muwainya nama tutu tidimu hukkanya atidama woluya nama doku jala jiaya hi Allah, na Allahmu, na ihu wuka waingu lengngih tadana na egi atina reihi walingu taoalina¹⁰Lapaku, takawungana moiri, mupalijak nyaka napinu tana jaka na awangu napawolu waingu limmamu ¹¹Napinu tana jaka na awang, madamu boluha, jidinguka ou ei kadigu. Ngala dukada da katarri mearangu katarri koapi kalabi.¹²Mearanguna na koapi malai mulapittunya, mearanguna nama paheapang kalabi amu heapaha. Jidinguka ou damu paheapang mangu lapaka na doungu mu doungu dama eingu diraya.¹³Penya lahi geara hingu paya padua ata papaleawana hi Allah ana panewi " kamu ngodu tala wanagu toma kamu leti wainya na wihiMu na geaMu"?¹⁴penya dukada apali hamanguha kada pahalakunya na deitu tiddung, na palaeawa ta tou nama kolinya namoriku malodung?

Chapter 2

¹Nou atouna kata kahilu pakalunya ganna nanya napa rangnguda ka abi napalida na bangatuna na wei.²kadang ana jaji kaka na wini napa patomana na ata papaleawana dapa paheapanguha. Lappaka nama hapalaya yaka dama manudu na kollinya na geana keriya na pawoluna.³Giki neikanaka ana pahellada ata walaiwaikanyaka namanu mara dama keri ukuya, taka wunga napapatomanada hi moiri, jaka duda nama langa ranguya lahi iata.⁴Higiluna, hi Allah nahamaddunya ana boaruya waingu tada jaka tada bihana lappaku mattu-mattu papatekana na biha madina witi eina na hangahu hari nama habari-barinya keriya na kabu atina.⁵Hi Allah dana betimanya napinu tana peala, napa lolukuda.⁶Einya na tou nama patomanya gannanya napa peana jaka napa ittada ta wini, winna " Geara ikayaka na tou rara himu namuya annang na ana tou rara, himu patetinya"?⁷Ta rahi dama ma dei, muhawawaya walingu ta ana papaleawana, lapaku mupakenanyaka tutak hangaji.⁸Mu pajau geila bollu haka lappaku amu tauya ta bala wihina. Tadalu ana parapuja ngala dukada da eimangu hangi teka napa helina, dama rappu tahagana. Atounaka nutu data ita ama yaha ana papuja tanga kehada tahagana.⁹jidinguka duna, dana madeimang na rahi apahawawaya waling ta ata papaleawana hi Allah, ya hi Yesus ta ittaya witi mawila matina hipakenanya tutak hangaji lapaku aha buatuya, witi panamunguna hina liya namati tutu taguna na tou rara.¹⁰Kadang tou memanaka keriya napawoluna hi Allah hina pajajinya tanga kehana jiaya nama dutuya nama dangu tama jaga lapakku nama iru leiruha ta manumara waingu mawilana.¹¹Kadang jiaya nama papahigiluya jaka dukana napapahigiluna hangina napingi pawalida, jia kadiya dana maki dengamaja, oali beiguja winnaja.¹²Winna " kupeakaya na ngaramu ta anguwua jaka ta ana winigu, ma wuatu haligunya na ngaramu ta padua napa ohi kehamu.¹³Lappakungu ku tauya namaningu lahi Allah, lapaku mateangu takka ya, jiakadiya ya nyouwa ya huhu ana napa langa harakanaga hi Allah¹⁴kadang da huhu ana mawalinguha ta weira jaka waling ta ihina, nou atouna tou kana duna ana pahameara wikina ana li jellaya napa lida anna kaya nawiti matina napamohuha hi padibbang, nama pinginya na mati.¹⁵Jaka, ana pahelaha duda dama tadalu morikuda ada haduka witi ada mangeatungu mati.¹⁶Kadang matutung tekaya da jiamaya na ata papaleawana hi Allah napa namuna, jidinguka jiaha da huhu ana na hi Abraham.¹⁷jiakadiyaka, ta dalu ga gannakanyaka hina hamera wikina ta anguwua anawinina, toma kana jaji ratu bakul nama awinamuha jaka nama manudu lahi Allah ana pohi poddahuha da doku jala dukkana na tou rara tapinu tana.¹⁸Ma alanga palijellananyaka nama willa tadalu ana kamanya jiaya hina geaha gataja da tou dama tadalu mawilaha.

Chapter 3

¹Nou atouna, aku anguwua anawinigimu napa langa papahigilungu, nama langa kollinya na pamaikangu na surgawi kami habuatuya na wihi limana hi moiri jaka na ratu bakul napa langa o'ada jiaya hi Yesus.²Nama manudu ta hagana nama pamaddunya, toungu pata hawaina hi Musa. Nama manudu ta rongu umana.³Kadang pawaiya ana kollinya nama pabuatuya walingu lahi Musa mearanguna nama eluya apakiddikaka uma rehi buatuya walingu na uma napapadedina.⁴Kadang duka uma dapapakiddina nama pakiddiya, jidinguka nama pakiddiya dukana na uma jiaya hi Allah.⁵Hi Musa namanudu ta umana hi Allah, ana pali wihi limanya hi Moiri, ana patekanya aganananya na patikina ta ladu muri.⁶Jidinguka hi Kristus ana manudu, nama hamanu jaka nama parehaya na ummana jiayaka iata na pali ummana, ata toma kaka tadikina ata hamannu dua ka bapakanyaka limma na lara waidanya lappaka na lara manninguda napa habuatuda.⁷Atouna keriya napa winang hi hangahuharri, ya taladu hinna amirangu kayaka naligu,⁸Abumu pakawatu ati wikimi mearanguna ata dalu kirritumu ta rahi pakamang ta mareda ginang⁹Einya, na appu bokumu ada kamaga waingu patada manga da itaha ngala dukada daha wolugu ta dalu patum bulu doung.¹⁰Jiaya hiku banija da huhu ana, hiwigu " jalur ati juadanya lappaka dada hilu peamangu ngarangi napa kabu atigu."¹¹Yayi, toma kuparungu tadalu banigu " dada tomamanya na padoungu pingi pahangahugu."¹²Mi maromat ki ngu aku anguwua-anawinigimmi, ka abi eingu waling tapaduami hatou tekka nama pa ati jurrak jaka dama hiluwainya hi Allah na pingi morik.¹³Jidinguka kami peaka-panunga wikimi hatou-hatou wehang-wehang, toma einyaha na laddu ya ka abi einya waling ta pa duami pakawatu ati wikina ana pajalurumi tama doku jala.¹⁴Witi takoling taguda tadalu Kristus, nou nammu kamu hamanu dua ka bapanya kamu pajuka palawiwanya na kulihuna na ati maninguda waling taka wungana lappaka hupu dukana.¹⁵Toungu namawinna, " Ya taladdu hinna ami rangu kayaka naligu, abumu pakawatudingu atimu toungu tadalu amu manyogar.¹⁶gearakahaka na tou dama langa ranguya na lina hi Allah, manga dakatadak? Dajiakadiha dama louhung walingu ta Mesir ta wawa paparehana hi Musa?¹⁷Lappaka gearaya napa banina hi Allah tadalu patum bulu douna madeina? Dajiakadiha duda dama woluya nama doku jala lappaku nakamatida dama weiwarung tama reda ginang.¹⁸Lappaku gearaya napa paruna, toma dadatomaya napadoungu pingi pahangahuna, dajiakahaka duda dama manodu?.¹⁹Tou nou naka ata ittaya hou duda dada piakmangu ada toma, witinanya adada wainya.

Chapter 4

¹Nou atouna, yanarahi adadi tomaya atatoma tapa doung pingi pahangahuna, jiaya duda kata mangeat waingu ka abi eingu waling tapa duada dama tama tapa doung nou.²Tou tekana, na toma jellayaka na wini paegi ati dengang lahi jiata, tou jelada lahi duda, jidinguka na wini napa egi ati dengang weiga da eimang ihina lahi duda, kadang dana tubu maraimangu na ati maninguda tou kana nama ranguya.³kadang jiata nama maninya, ta toma tapa doungu pingi pahangahu keriya napa winada, " Kuparungu tadalu banigu : duda dada tomamanya napa doungu pingi pahangahugu, " langa kalanga mengananya napa kerana walingu ana pajajinya napinu tana.⁴kadang, nalarana na ladu kapituna einya awina ta mata winina : " taladu kapituna, hi Allah hangahunanya waling ngara dukada da pakerana."⁵Jidinguka, toungu napa langa peakana hi Allah duda dada tomamangu tapa doungu pingi pahangahugu.⁶Nou atouna, na woadaha kaloaga jiata ata pangadang ata toma tapa doungu pingi pahangahuna, manga eijelaja dama toma piraha da tou dama langa ranguya na wini pa egi ati dengang, jidika dada tomama, witina adada waitekanya.⁷Jiakadiya hina hillu pamadunya hangina na ladu, jiaya " taladu hina napa langa patomana lahi Daud adadi tomaya na rahina, taladu hina ami rangukayaka nalina, abimu beiatidingu toungu tadalu manyogarrumu.⁸Kadang, anadingu hi Yosua ana maraigimi ami toma taladu hangahu, toma hi Allah dana toma tikimaya na larana na ladu heaka.⁹Nou atouna einyaha na ladu hangahu, na ladu kapituna tutu dukana na huhu anana hi Allah.¹⁰Hou duda dama langa toma tapa doungu pahangahuna, duda hangahudanyaka walingu duka pakerada, toungu hi Allah ana hangahu walingu agananya napakerana.¹¹Nou atouna, maidakaya kata pajjukangu kata piku toma tapa dou pingi pahangahu, abi eingkang hatou tekka nama mana'u kadang ata keriya napata dama manudu.¹²Kadang, nawini na hi Moiri, mamorikuya makulihuya, reihi tamaya walingu tapa hori nama tama pageang habali-habali. Nawinina napatojak hodu ana bottahu na touna jaka na hangahuna, waling takaluana lappaku tarina, jaka nakulihu ana yapukiradanya napapangadada.¹³Da eimang ma morik nama patodang ta hagana, tou jellana duna jiaya nama peadaja ngala dukada daha woluda.¹⁴Tou naka hina einyaka na ratu bakuluda nama langa dehangu ta awang, jiaya hi Yesus, Anak Allah, annakaya kata hamanu duakabapanya-pajukapalawiwanya aganananya napa langa manida.¹⁵Kadang na ratu bakuluda, da ratu bakul nama dama padamanya na lojada, kalikaina naha mearadengada lahi jiata, naliaka ana kamanya, jidinguka da eimang doku jalana,¹⁶Nou atounaka, keriya na maninguda, mai yaya dukada kata tara bani ata lihinya napa dou ngoduna nama paawi-panamu kata kolinya nakanyuru-kanaga tadalu ana gatada, keriya na kabu atida.

Chapter 5

¹Kadang, ngala dukada da ratu bakul daha langa pedi walingu tapadua tou rara ana paliledinya napa kabu atina hi Allah, kadapiaku idiha na tada manuatunguda jaka namarak, witina da doku-jala.²Ha da tou bakul duda eijelangu loajada, jiaya hida waingu panarungu ada aruja da tou dama peatekang, jaka dama pakeri-keri awa.³Jiaya kana pamanuatu waingu marakuna witi doku-jala, datidi jiapaha da huhu anana, jidinguka tutu tagu jelana.⁴da'e'amang ratu bakul nama dekiya napahabuat waingu tutu taguna, jidinguka pakolinanya witina ana kamaikanya hi Allah, keriya nama langa jaji lahi Harun.⁵Tou jelakana hi Kristus dana dedik wikimana ana jaji ratu bakul, jidinguka jiaya duna nama patomanya na winina lahi duna wina : " Ou anagugu taladu yayi nyouwa amamuga.''⁶Einya ta winina nama winna, " jia wuka naratu mama lodung, keriya nanukuna hi Melkisedek.⁷Tadalu marikuna ana jaji tou rara, nama nuat wainyaka na habayang tadalu karadana ana hou ana wairuja da wei matana, lahi duna nama pamanumaraya walingu ta mati. Toma witi murah ati na tengi-tanawuya.⁸Langka Ana Allah jelaya na penyaka nama nudu, witina ana langa li yaka nama wila.⁹lappaku ana pinuyaka, jaji nanyaka pingi manumara malodung tutu taguna na tou nama manudu ta hagana.¹⁰Lappaka kamaikananyaka hi Allah kana jaji ratu bakul, keriya na nuku nahi Melkisedek.¹¹Da danguha dapa tikina tadalu pangadanguna, jidinguka nabuat tadalu ana patomanya witina ana ittaha daloaja ada kahiluya.¹²jaka jiapaya nyiami mi peanyaka na li hapeakang, jidika nou atouna einguha hatou tou peangu nama hilu panamugimija dakawodu-kawodu bakuluna walingu agananya napa langa patekana hi Allah nyiami einyaha na buhang huhu mi.¹³Kadang, gearakayaka nama kalauranyaha na wei huhu, dama peatekamanya na li hapekang nama padening, kadang lakeda rarayaha.¹⁴jidingu napa'angu mahawatuk, tutu tagunanya nama langa matuana, haduda, dama langa penya ada ittaya a beinya nama kalung jaka nama jala.

Chapter 6

¹Nou atouna maidakaya kata matanya na kawodu-kawodu taka wungana na li peaka larana hi Kristus lappaka ka gehir noungu ta pangadang nama padening, abi hilu jiaha apa duabalija dapa langa rangu a touna naha riada ata woluya na mati, jaka namaninguda lahi Allah.²Na larana na pataihhu pamanu waingu lima ta katiku, na lara kidi bali nama mati jaka na huku nada taladu muri.³Lappaka jiaya napa woluda, ana woakadaka kaloga hi Allah.⁴Kadang da jiamaha da tou dama hariabali dama langa peanya nama wahang, langa kolidanyaka nakanyuru nama waling ta awang, da koling padounguna na hangahu hari.⁵Nama langa padanya na wini kalung waling lahi Allah, jaka nakanyuru pinutana nama aming.⁶Jidinguka ada hilu matakang pakeriya hi Kristus da hilu piak amaha a hilu padua balinya toma ada hariya, kadang ada hilu harika baliya na Ana allah tutu taguda ada pahawawaya ta haga madangu.⁷Kadang, na tana nama habiritunya na wei urang, nama purung tapinu tana nama patubu ya nama tubu, nama pakanyuru waina nama rawinya, nakolinya nama ringu-malala walingu lahi Allah.⁸Jidinguka a kabata ri kayaka napa patubuna, jaka na tana da eimang gunana, toma patomanya lappaku a tunuya.⁹Jidinguka, aku olijaji buha gimi, langka tou noung awima gimi, mawainya einya lahi dimi nama reihi kalung napa manumarawaimi.¹⁰Kadang hi Allah da lara jala tiba manigimi dana dengamaja ngara dukada dapa kerami jaka na mila atimi lappaka napa namu gimi tadalu ngarana ami pahalakuya na deitu tidungumi ta tou napa langa papahigiluna, toma taladu hina ami pahalakuya.¹¹Napa kabu atima, agana pananya ngarana hatou-hatou kami patekanya na meara marenami kami wainya na ati maningumi toma ta hupu dikina.¹²Abi noumi tadalu jau, jidinguka kami manudu kami keri haduda waingu ati maning ka kolinya na tutu taguna napa langa patura pajajina hi Allah.¹³Tadalu ana tikikiyanatura jajina lahi Abraham, napa rangu waingu ngarana, witi daemangu tou nama reihi jaga waling lahi dunna.¹⁴Hi winna : " Ku pamaringu-malalawu " jaka "kupawuahu guja da huhu-anamu. ''¹⁵jaka, nama toukarana madeina ana nading hi Abraham nakolinyaka agannanya napa langa peakananya.¹⁶Na tou rara ana parangu, nama ru wainya na tou nama reihi jaga ngoduna, walingu ta ihi wikina jaka naparungu jiaya napa maddung waina, nama pahupu-padiki wainya dukkana napa kangila dengang .¹⁷Nou atouna, hi Allah patekka nanya ana reihi hamaddunya napa langa bottahuna dana hilu paheapamanya, naha maddu wainyaka ana parungu.¹⁸toma a dubba kanaka nama jaji, da eimangu pahepanguna na tutuna hi Allah dana wallukmang iata nama manyeranya nama mawu pingi pahawuda einya ata pajjukang wikida kata koli tekkanya agananya napa manida nama einya ta hagada.¹⁹Na maning ya jiayaka napa buat kaitu tena nama maddung jaka nama pali kalogaya na dewada, napa langa paddiki ta padongu dapa hangawi.²⁰Ta padoungu pingi patamana hi Yesus nama lota lara tutuda ana jaji ratu bakul toma piangu-piangu tadalu kerinanya na nuku Melkisedek.

Chapter 7

¹Kadang Melkisedek, na raja Salem jaka da tou dapa langa pedina hi Allah nama reihi jaga analii paparega denganya hi Abraham ana bali walingu lipapatau dengaja da raja -raja,lapakka napa maringu -pamalala ya.²Lahi Melkisedek hi Abraham a daha barija da ngawu dapaparimada hida kollija. Nakawungana, na ngara Melkisedek jiaya na raja ma padening natuna Raja Salem " Jiaya na Raja" "murah ati "³Daeimang amana daei jellamangu inna na, daeijella mangu pingi papurunguna, na morikuna daeimang pingi hawalina jaka pingi pahadukana, jidinguka toungu na Ana Allah, jiaya nama jaji Ratu bakul lappaka piangu-piangu⁴Kami patetinya, da tatomaya namarabbana na tou nei tou lana hi Abraham na bokuda, nawoanya ana habani denga raja aganaja dapa kollida ada talu ada patau. ⁵Tutuna nahuku taurat, da huhu anana hi Lewi jiaha dama kaya napa dou ngodu ratu, duda dama kehaha sepersepuluh manuatungu nama waling ta tou napalanga pedina jaka oli jaji jellada mearanguna huhu ana jellanaja hi Abraham ⁶Jidinguka hi Melkisedek dama waling tapingi hawalina hi Lewi, maya jiaya nama kaha sepersepuluh waling lahi Abraham lappaka ana pamaringu-pamalalayalanga jiaya nama kollinya natura jaji⁷Jaka, dajiamaya naha widang, nama reihi padak napamaringu-pamalalaya nama reihi jaga ⁸Tadal haugina, damanuatungu nakollija na tou rara dama malodung nama launya na mati. Jidika tadalu yayi na kollinya duna nama kollinya namorik malodung.⁹Nou atounaka, widdaka ata tikkiya waling ta tou Lewi jiaha dama kahaka damanuatung jidinguka da woa jelang manuatung lahi Abraham.¹⁰Tadalu hi Melkisedek ana parega nenganya, hi Lewi einyaha taihi boku-appuna.¹¹Nou atouna na pinnu kayaka agananya napa ratu waina na tou Lewi, kadang witi einya na tou Israel ada kaya na nuku Taurat, ga walika hi einya na ratu heaka napa pakidi keriya napata nahi Melkisedek manga dajiamaya na ratu waling nama purung ta oli beina hi Harun.?¹²Kadang ana pahepang kang na paratu waina, toma paheapang jella nanyaka na nuku Taurat.¹³Ya na tou napa lollukuda walina takabihu heaka, daeimang hatou tekka waling takabihu ya nama pahalakuya na deitu tidung ta padoung pingi pahabayang.¹⁴Kadang, ta meara peabollunyaka ya na moirida ma walingu ya takabihu Yehuda, atou kana naka bihu nou da mali hangi mangu hatikina hi Musa nalarana da ratu-ratu.¹⁵Ngala dukada dama jaji reihi habanninguya ana tubukaka na ratu heaka, nama hameara noungu lahi Mekisedek.¹⁶Nama ngodunya na ratu dapawuku tou rara maya jidinguka, waingu hawukuna nahangahu harri jakka namorikmalodung¹⁷Kadang na hurat bakul nawehayaka nalarana dunna : " Ou jiawu ratu dama eingu dirrana ( ratu maloddung)" keriya nanukuna hi Melkisedek.¹⁸Tahangi pangadang, na nuku nama deingu matadanyaka kadang ana loja jaka dahilu waimanyaka,¹⁹Kadang na nuku nou daei hingu mangu papinnuna jidinguka takawodu heakana, einya napa wuku atida nama reihi kalung napapatekanada jiata, jaka jiaya nama iri huda kita toma lahi Allah.²⁰Jaka, mearanguna nama jaji ada parukanguka to nou tekkana ada jaji ratu dada waimanguparungu.²¹Jidika duna ana jaji ratu naparungu napawolu taguna duna natikkinanya winna, " naparunguka hi Moiri, lappaka dana merahmangu na atina, Ou jiawuka na ratu malodung".²²Tou jellana napa runguna hi Yesus jiaya natada pajajigu nama reihi maddung.²³Hanadduga, dadangu hou da ratu kadang a eikangu ka ratu mamati badi einguka heapada.²⁴Jidinguka, hi Yesus enga taguna ana kerranya napa ratu waina lappaka piangu-piangu jiaya nama morik pangalang-ngalangu.²⁵Jiakadiyaka, hi Yesus napa manumaraha da tou dama keriya hi Allah napa ledinanya witina a jiaya nama moriku hina habayaja tutu taguda duda.²⁶Ratu bakul matounguka napa wukuda na ratu bakul nama murah atina, dama eingu jalana nama warahu, nama pahigilungu walingu ta tou nama doku-jala, lappaka mareihi jagaya walingu ta binna-binna surgawi²⁷Hi Yesus dana hamearamangu waling ta ratu bakul hawanguk. Ha duda da idiha manuatungu da wehang-wehang kahangi taguna da doku-jala na ihi wikina, jaka na doku-jala nama dangu. Jidinguka hi Yesus dana kerimaha, duna namengaka ana harainya na ihi wikina.²⁸Nanuku hi Musa napediha da tou namalojja ana pajajija ratu bakul. Jidinguka na purungu nama waling lahi Allah. Napamurinya waling tanuku lahi Musa, napamaddunya na Ana Allah, nama langa binnuna lappaka piangu-piangu.

Chapter 8

¹Na ihi hinguna dukkana napa langa panewidajiaya : einyaka na ratu bakuluda nama ngodu talawanana nama reihi jaga ta surga.²Jiaya nama pahalakuya napata kahorukarada tadoungu nabiha jaka ta umah biaha napa padedina hi Moiri, dadudamang da tou rara.³Kadang ngala da ratu bakul jiaha daha pedi a idikaka manuatung napamanuatung waingu. Jiaya hada ratu bakul da idi jellaha aganananya ada manuatu waingu.⁴Jaka da ratu bakul ada morik kaka ta pinnu tana dada jajimangu ratu, kadang tapinnu tana eijaka da ratu-ratu dama taggu idiha damanuatungu keriya na nuku taurat.⁵Duda dama pahalakuya na winina toungu ninumawunanya agananya na maeingu ta surga. Meranguna ana panamunya hi Musa tadalu ana pakiddiya na uma biaha : " muhamatarunya a eikanguka hawolumu mukeriya napa langa patekagu tapinnu lettin".⁶Jidinguka nou atouna na kollinyaka na deitu tidung na reihi habaning witi jiaya napapeli ledi jaka nama reihi jaga napahamadung keriya na lii jaji nama reihi kalung.⁷Kadang, na lii jaji takawungana ada eikadingu jalana,dahilu eimang awolu lii jaji kadubana.⁸Kadang hi Allah ana peaja da doku-jala da tou rara, hi winna " Kami ittaya na rahina amminyaka, winna hi Moiri, Kadang aku woluja rahi mabuang tutu nakabihu Israel jaka nakabihu Yehuda.⁹Dana hamearamangu nali jaji napalanga pamadungu lahi boku-appuda ya hanaduga aku oali maraija waingu limagu aku louhu idiha walingu ta tana Mesir. Kadang adada manudu ta lii jajiku jiaya hi daku betija, winna hi Moiri.¹⁰Jiaya nali jaji nahawolugu touna nakabihu Israel takamurina winna hi Moiri : " Kutaudaja da litura-lijajigu tapangadanguda, jaka kutulihuya ta ati da toma nyouwa ya Allah daga lappaka duda huhu anaguja.¹¹Dada hilu panunga-papeakang maka ta oali jajida anang ta anguwua-anawinida nama wida : " Kami penya hi Moiri kadang ngala dukana na tou rara na peaga nyouwa, waling tama merah lappaka tama matua".¹²Kadang kuawinamuha jaka kumillaja ati ngala dukana daha woluda, dadoku-jalada lappaka daku hilu namumaha ngaladukada daha woluda dadoku-jalada.¹³Tadalu ana tikkiya nali jaji nama buang na penyakana li jaji nama deing da hilu waimanyaka jaka aganananya dapa hiluwaingu mattadanyaka deingunanyaka manga dukanaka.

Chapter 9

¹Tadalu li jaji nama deingjellakaya na ihina patakabuang tapadoungu nama biaha tapinnu tana. Kadang einya na korung napa pajinyak : Tahabali hiddu, eija daha bijjal, na api wei, na meja jaka na kababa pamanuatu waingu, na padoungu ya padoungu biahaya.³Tahabali kaba kadubana eijelanya na korung padoungu biaha madiya.⁴Ta padoungu nou einya na beirapu (Mezbah) napawolu walingu ta omah rara jaka na pati patura-pajaji ngala na wiwina napatapalungu omah rara, ta pati nou, einya naka dunga omah rara pa dou bijjal kababa manna, na takunguna hi Harun nama eingu loluna, jaka dubada da watu patulih turajaji.⁵Ta pinnuna, einya nama pahadang mawurung mangu kapana (kerub) nama paeinanya na patti jidinguka ya atouna dadi rahi manauya ata tikki bolluha⁶A kolling apajinyak bolluyaka napa doungu da ratu tamadanyaka ta korung nama ta hagaya ada pahalakuya na deitu tidunguda.⁷Jidinguka, jiapaha da ratu bakul dapapahellang ada tama ta korung kadubbana tadalu hadoungu hadekapangu, pawaingu wei ra ya napa manuatu waingu lahi Allah tutu taguna na ihi wikina jaka na tutuna dadoku-jalana na tou dangu witina nahala dapa peawaida ata woluya.⁸Nahangahu harrina peakadanya jiata na larangi nama arung ta korung nama biaha dana tawehamaha kadang a einyaha na korung na makawunga.⁹Ya lipangerang ladu nutuya tou jellada ngara dukada dapa woada ata idiha da manuatung dapa manuatu waingu dama hawali ati waling tadalu ati da da tou dangu dama habayang.¹⁰Kadang jiakadiya natutu pa angu pa inung jaka na mattu-mattu natutu morik napa murah waina na ihida napa waingu lappaku a tomaya napa buang.¹¹Jidinguka, a aminyaka hi Kristus napa pali ratu bakul tutu taguna nama kallung nama aming, na tamanya na korung nama reihi biaha nama reihi bakul jaka nama reihi padening dapa wolu waingu lima tou rara manga dapa wolumaya.¹²Na tama ta padoung ma biha hadeka waina lappaka piangu-piangu, da jiamaya ana idi wei ra kamemi bubung jaka wei ra ana hapi, jidika na idiya na wei ra taguna hina kollinya na morik malodung.¹³Kadang, a jiayakayaka a perah waingu wei ra kamemi bubung, jaka hapi moani, jaka na awu ana hapi bei ta tou nama manyarik hi baha pawarah waingu pata tou rara.¹⁴Pareihi-reihing na wei ra na hi Kristus, da jiaya waingu hangahu harri ana manuatu wainya na ihi taguna lahi Allah jaka nama baha pawarahdanya na atida walingu takanougu dama kallungu katapiaku ata kahoru-karada lahi Allah nama morik.¹⁵Jiaya napa pali ledi walingu ta li jaji mabuang toma duda napa patapedi-lihunyonga da kollinya na morik malodung napa langa jajinya, kadang naliyaka na mati ana palohuwaida walingu ta doku-jala dapa woluda anoudaha ta li jaji makawunga.¹⁶A iekanguka hurat hamuang patulih, jaka ienguha ma mati walingu na tou nama woluya.¹⁷Kadang na hurat hamuangu hi wainya ta li matina nama woluya, na hurat nou daeimang hawaidanya na tou nama woluya ana morikuha.¹⁸Jiakadiya, na li jaji kawunga da waimanya a dapa madduwaikanyaka wei ra.¹⁹Kadang tadalu ana peakaya hi Musa dukana na li pareha nuku taurat ta tou Israel, na dekiya na ra ana hapi jaka kamemi napa kehanya ta wei jaka na kaba wulu rara jaka ha pangu ai ana peirahunya ta hurat nuku taurat jaka duka nama dangu.²⁰Hi winna ja " Ya jiaya na wei ra li jaji napa pamaddu na hi Allah kami pa'akanya²¹Na pata nama hameara, hi Musa naperrahhunya na umma biaha jaka ngala dukada dama naingu dapa waingu tadalu kabuang awaingu ra.²²Napatikkina na nuku Taurat tikki papeirah bolluja da ngawu abaha pawarahuha waingu wei ra, adana bongu kaka na wei ra, dana mapohi poddah mangu da doku-jala²³Tounaka, ngala dukka kana namawuna nama einya ta surga tou jelladanya ata pamurahuya, jidinguka ngala dukada nama eingu ta surga pawaingu manuatu mareihi kalunguya.²⁴Kadang, hi Kristus dana toma noumangu ta padoungu ma biaha pawolu tou rara, napa tidi keri walingu tama langa eingu, jidika iaya nama toma ta surga ta hagana hi Allah witida.²⁵Hi Kristus dana padua balimangu ana idiha da manuatuna, toungu na ratu bakul ada tama ta padoungu ma biaha hangi doungu hangi doungu ada idi wei ra tagu madanya.²⁶Atou nou kanaka, hi Kristus napa dua balinguha ana liyanama willa walingu aku wunga jajina na pinnu tana. Nou atouna hi Kristus ana patekang wikina hadeka pana lappaka piangu-piangu hodu hupu duka tana tutu taguna ana pohi-podahuha da doku-jala nawaingu pata ana manuatu wainya na ihi wikina.²⁷Mearanguna na tou rara langa penyaka na mati hadekapang jaka haga danyaka ahakida.²⁸Tou jellana hi Kristus hadekapana ana woya na ihina aha rikaya hinna mati, ana tagu deituha da doku-jala da jiata madangu jaka hilu aminya napapa duangu wainya dahilu tagu deitumanaja da doku-jala, jidinguka idinanyaka na manumara tutu taguna nama nadinya.

Chapter 10

¹Ta nuku Taurat tidi mawuananya agananya nama kalung nama aming manga da jiamaya napa badawaingu. Jaka tou ngu ngala dama nuatu hameara dapa manuatu waipangalada hangi doungu hangi doungu, na nuku dana tomamangu ana pinnu ya tou na duda dama mai ada dekiha da taguda.²Kadang ana jaji kaka nama toungu da hilu eimanguha ma idih manuatung kadang hadekapaja apa biaha ha, ngala na tou nama pahalakuya na pata kahoru-karada, dada padengamanyaka da doku-jala?.³Jidinguka, tadalu manuatung mu dapa namudaja da doku-jala da hangi doungu-hangi doungu.⁴Kadang, da wei ra hapi bibit jaka kamemi bubung dajiamaya nama pohi poddahuha da doku-jala.⁵jiakadiya hi Kristus ana purung ta pinnu tana, winna " Da manuatung jaka da marak da mu kabu atimaja, jidika na ihimu woaganya tutu tagugu".⁶Ou damu buhamang manuatung patunu jaka manuatung pa pohi waingu doku-jala.⁷Hi wigugu, " Ya nyouwa jiawaka : einyaka napatulih natoragu ta hurat bakul napa luning, nyowa amiga aku pahalakuya agananya napa kabu atimu Ou Allah ".⁸Hi Kristus na tikkiya, " Na ngawu jaka namanuatung napa tunu jaka manuatung papoddah waingu da doku-jala damu kabu atimaja, manga dana matutumangu lahi Ou, " ( napa manuatu waingu keriya na nuku Taurat)⁹Nadinguka natabaya, " ya jiawaka amigaka ku pahalakuya na pakabu atimu " yayi hi Yesus na poddahuya nama kawunga kana piaku pamadunya na kadubana¹⁰Witi pawukunanya, jiata napa higiluda ana manutu wainya na ihina hi Kristus hadekapana lappaku piangu-piangu.¹¹Ngala da ratu da pahalakuya na pakerada hangi wehang - hangi wehang ada idiha da manuatung dama hameara, dama piaku a pohi poddah waingu doku-jala.¹²Jidinguka hi Kristus ana koling pa idiha damanuatung witi doku-jala nama hadekang lappaka piangu-piangu, na ngudonya na padoungu ta lawanana hi Allah.¹³Jaka nadinaja ngala dageana ana leti wainya wihina.¹⁴Waingu ha tou pana nama mati, hi Kristus napinuyaka da tou napa langa papahigiluna lappaka piangu-piangu.¹⁵Nahanghu harri napatekadanya na witina nou jaka ana manga patikiya.¹⁶"Ya jiaya na li jaji napatiki gu ja ngala na tou napa langa pedigu taladu nama langa loppah, winna hi Moiri : ' Ku hamadu giminya na nukugu ta atimi, jaka kutulih giminya tadalu pangadangumi'".¹⁷Lappaka, hina palodunya, " da kuhilu namu amayaha dadoku-jalada jaka nyouwa kudengajaka ngala dadoku-jalada jaka daku hilu namumaha dapa woluda dama kalung.18. Nou atouna ya einya nama pohingu ngala dukana einyaka, jaka da hilu waiamang manuatung a pohi poddah waingu doku-jala.¹⁹Nou atouna, aku oali bei gimi, dukada nutu hita tarabani ata tomaya napa doungu ma biaha, witina wei ra na hi Yesus.²⁰Einya na lara ngi nama buangu jaka nama morik, napa langa wehana nama Rabba Yesus tutu tagu da jiata waingu kaba papadira, jiaya na ihi taguna.²¹Manga einyaka napapa li ratu bakuluda nama bei nya na umma na hi Allah.²²Nou atouna maidaya katakahorukarada lahi Allah namaha wali ati tadalu maninguda wainya na atida nama langa murah walingu dapa ngadanguda nama jurrak, jaka na ihi napabaha pawarah waingu wei nama hingar.²³Maida ya ka hamanu duakabapanya aganananya napa langa peakanada na lara maninguda kadang jiaya hi Allah nama pajaji nama manudu.²⁴Maida ya kata meara pateting wikida tadalu ata panamu wikida jaka ata woluya na pakerang nama kalung.²⁵Abi maroungu wikidida walingu taka buanguda ata kahorukarada ngala dukada, toungu napa langa wolu tadalu toma dirada. Jidika maiya ya kata meara pakulih wikida pareihi-reihingu ta penyaka na rahi aminya hi Moiri dagitnanyaka.²⁶Kadang, ahangaja kaka ata woluya nama doku - nama jala ata kolling ha penyaka nama padeneng, jaka da hilu eimanguha pamanuatu waingu a pohi poddahuha da doku-jala.²⁷Nama eingu jiapayaka na nading nama pamangeatuda ana hakkida jaka na erik api nama pomohiha dama geanya nama Rabba Allah.²⁸Toungu napa langa peda tadalu toma dua lappaka toma tilumarangu, gearahinguya dama keriya na nuku hi Musa jiaya hi hukkunya lappaka ana mati da eimang ma millanya ati.²⁹Atou nou nakana da keri ukumaya na buatuna na hukung napa padeitudanya na tou nama leti wainya na ana Allah, jaka nama magira wainya na wei ra li jaji nama pahigiluya, jaka nama ngiki wainya naha hangahu harri nama waling lahi Allah?.³⁰Jidika, ta peanya a duna nama panewi "a taungu geana patagugunya nyouwa jiawa nama taunya tangana " manga winna jella " Hi Moiri jiaya nama hukunya na tou rara ".³¹Dana moadamangu ama nau kaka talimana hi Allah nama morik karawaya naha wukumu jaka na tengimu.³²Jidika kamu namuya na ladu malanga loppah amu menga pakolinya nama wahang, kamu kulih amu pajukan amu deitu tidunya nama willa nama buat.³³Anangu jimi ngiki waigimi jaka geagimi tahaga tou dangu, jaka anang nyimi eigimi tadalu mawila napa mawila waingu nama tou ngu.³⁴Jiami mi millanya ati na tou nama ta gallu ya lappaka mekaya waingu egi atimi a eikanguka maparima gimi ja da ngawumi, kadang ami peanya einya ha na ngawu nama reihi kalung jaka dama dukang.³⁵Nou atou na, abi mi pahelakaya nama ningumi, kadang nama ningumi jiaya himi kolinya na kanyuru nama bakul.³⁶Kadang nyiami wali atimi ami marena ami pahalakuya na bakabu atina nama Rabba Allah jiaya himi kolinya agananya napa langa papeakana.³⁷Kadang " dana hilu madeimaha, duna nama aming ana duki jaka dana hilu padikimaya.³⁸Jidinguka, da huhu anagu nama padening da morik wainya namaninguda. Jaka, ana hilu bali kaka taka dengana ana mangeat, ya nyouwa daku hilu peamanya".³⁹Jiata da jiamada nama buhanya nama pamuhu dengang, jidinguka ta wainya namaninguda ta karawa ya na ihida.

Chapter 11

¹Na maning pingi nanya dukkana agananya napa mannida jaka tadananya agananya dadi pa ittada²Kadang, witi manninguda hou da boku-appuda hi pamalanguha.³Witi einya namaning, hi ta penya ya na pinnu tana papa jaji nanya waingu winina hi Allah. Toma ganananya napa ittada dama walingu maya agananya napa ittada⁴Witi manninguna, hi Habel na idiha dama nuatungu lahi Allah damanuatung dama reihi kalung walingu na manuatunguna hi Kain. Witina nama nuatunguna hi Habel mapadeninguya hina kollinya nama kalung waling lahi Allah na woanya patikki ana kananya nama nuatunguna, a tadalu mati aya, hi Habel napanewiha.⁵Witi manninguna, hi Henokh na deddikkunya ka abi nali ya namati jaka da ittamaya kadang hi Moiri ana deddikunyakka, jaka a dadi nadeddikkunya einya napa langa paittana napa kabu atina hi Allah.⁶Dana egi ati dengamanya hi Allah dama eingu manninguna, kadang langka gearaya nama eingu takarahana hi Allah na wainyaka hi allah a einya, jaka hi Allah na woanya kanyuru a gearaya nama manyeranya.⁷Witi manning ana panamunya hi Allah witina nama jaji dadi pa itta, hi Nuh nou ya ta dadar ati jaka ana wainya hina woluya na tena bakul ana pamanumara da huhu-anana. Ya namanninguda hi Nuh na hukunya napinu tana hinakaya nama kalungu keriya na manninguna.⁸Witi manning, hi Abraham ana kamaikanya hi Moiri napa keri jaka namanudu ana halaku ta padoungu napa patekkananya. Jaka, hina halaku langka dana peanya a bayaka pingi pahalakuna.⁹Witi manning, naha laku jaka na engang ta pandoungu napa langa pekananya maga ma einya ta tana tou nou ya ana dounya na umma oli dahi Ishak jaka hi Yakub, nama kolli jelangu pataguna ta tana nou.¹⁰Kadang hi Abraham nadinanya napa raingu nama bakul nama maddung, napawolu jaka na papakidi na hi Allah¹¹Witi manning, hi Sara na woanya kulih ana pakabu jaka ana pa anangu lakeda waikang ama winni wotuya manga na kaweda jellaka ana paana waingu, kadang hi Sara namanninya ajiaya nama taunya rahi nama maddung.¹²Nou jiaya ka waling hatou nama lukku tikki hamati, naboaruha da huhu -anana na dangu da toungu kapea ta awang lapakka da peamang pa yapuja toungu korrahu ta wiwi tahik.¹³Ngala dukada da mati ka tadalu manninguda lappaka dada kollimangu agananya napa langa pekada ja, jidinguka duda dapa teting ana wolahuja limma na rahi ma marou, lappaka da peangu wikkida touna duda tou ta habaliha dama mai ta pinnu tana ya.¹⁴Patikki togudanya duda ada peakaya nama tutung ada menyeranya na tana pingi pangoduda.¹⁵A jiakayaka na papangadada na tana napa langa jujakuda, bakalangu einguha kaloaga ada bali.¹⁶Jidinguka, buhang houdanya tana mareihi kalung, jiaya na tana surgawi. Jiakadiya hi Allah dana makidengamaja duda ada tikkiya a Allah danya kadang einyaka na paraingu bakul tutu taguda.¹⁷Witi manning, tadalu hi Moiri ana kamanya, hi Abraham na woaya hi Ishak ana manuatu wainya na kaya na li jaji maha wali atiya ana manuatu wainya na ana kanihana.¹⁸Witi anana hi Allah winnanya " witina nangarana hi Ishak da wallamu hi tikki ha¹⁹Hi Abraham na waitekkanya nama Rabba Allah lappaka na wainya nama Rabba Allah ana pakidi tou mati. Nahamera noungu, hi Abraham nakoli balinya hi Ishak walingu ta mati.²⁰Witi manning, hi Ishak napa maringu - mapalala ha tamorikuda nama aming hi Yakub jaka hi Esau ²¹Witi manning, hi Yakub ta rahi daggit matina napa maringu - pamalalaha ngala da ana na hi Yusuf. Ana kahoru-karada lahi Allah ana harainoungu ta katikku takkungu²²Witi manning, hi Yusuf ta daggit matina napeakaja na lara louhunguda da tou Israel waling ta Mesir jaka napa namu ja patikki torada da riina.²³Witi manning, hi Musa ana jajika, kabuninya lappaka tilu wulang da amana da innana. Kadang ada ittaya hi Musa lakeda manadanguya, toma dada hilu mangeatmanya na li pareahana na raja.²⁴Witi manning, hi Musa ana matuaka abua moni yaka, dana kamaya a' anananya nama winni Firaun.²⁵Reihi buhhananya a' liya naha duka haregga huhu anana hi Allah walingu nama deha hangi ladu awolu doku-jala.²⁶Ta pangadanguna duna witina ada padda ya hi Kristus reihi eingu hina waling ngala dukada nahapoti da na tou Mesir kadang hi Musa reihi pateti nou nanya na kanyuru nama aming.²⁷Witi manning, hi Musa na jujjakkunya na tana Mesir dana hilu mangeatmanguka na banina na Raja Firaun natarrunya mearanguna ana ittaya duna napa dadi pa itta.²⁸Witi manning, hi Musa na pahalakuya na tunu ta tana na jaka na peirahuja wei ra witina dapa palewa tou mati abi nali ha da tou Israel.²⁹Witi mannig, na tou Israel dapalanya na tahik rara, mearanguna ada halaku ta tana mara. Jidinguka ami jellaja da tou Mesir ada kamang ha pala ta biludanyaka ta tahik.

³¹Witi manning, hi Rahab nama winni majurrak daha matimaya oali ja da tou dama katadak witina ana kamaikaja dama li pa kahinung dama waling ta Israel.³²Jaka hilu gana ikanyaka napa tikkigu? dana damangu na kaloagaku aku loluk bollugimija na torana hi Gideon, Barak, Simson, Yefta, Daud, Samuel, lappaka da ratu - ratu.³³Nama witi manning ada talu ha da kabihu- kabihu, da woluya nama kalung da koling rahi - rahi, jaka ada toniha da a' a' singa,³⁴Mapaddaya na erik api dapa heili waling ta tama bihi, na woaja kulih ada loajakaka, daka hedi gaga ada patau kaka, jaka daka leliha da gea da.³⁵Ngala da mangoma da kamaika bali ja da tou da nama langa mati apa kiddi bali ha jidinguka ieja lajja dapa tau jaka dama buhanya nama louhu kapiku kolinya na kiddi bali tadalu morik nama reihi kalung.³⁶Tadalu yayi eija lajja dapa yeki jaka dapa tau palu lappaka dapa pingu jaka patamaja ta gallu.³⁷Da kabeanaha watu da tipik kadubanya, jaka daha mati wainya katopu. Jaka dama halaku mai - mai jaka papa kenada koapi waling kalitu baebu anang kamemi da milla hingu ka aka tuku ja, jaka da hilu beti amaja.³⁸Ya na pinnu tana dana makenamangu ada dou nya, da halaku luruh ta mareda jaka na hiha da letina, da engang ha bali letina, jaka ta liangu ta kabu tana.³⁹Atou ana ada kolinya agananya nama kalung witi maninguda, jidika dada kolimanya agananya napa langa panou da ja.⁴⁰Kadang hi Allah badi pagenanyaka agananya nama reihi kalung tutu taguda, kadang ada jiata kaka dada kolimanya nama murah.

Chapter 12

¹Kadang da dangu da oali da dama langa itta waingu mata nama wollituda toungu robbang, mai yaya kata pahelaya dukana nama buat jaka na doku - jala nama jirrituda jaka katapalaikahudang ata parimanya napa doungu ta hagada.²Jiaya kata hamatarunya hi Yesus nama pa jajinya ngala dukana jaka nama pakulih danya namanninguda, nama nouya egi ati ana hamaddunya na tagu deitu ya na ai harika jaka dana beti maja ada yekiya. Jiaya ya atou na hina ngodu ta karaha lawana na hi Allah.³Kami namu ya hi Yesus, Jiaya nama kulih ana ahaga nya napamuhung waling ta tou doku - jala, tenang napangadangumu abi na loaja jaka abimu haria.⁴Tadalu pangadangumu amu genya nama doku- jala dadi mutomamaha amu ihu wainya na wei ra mu.⁵Jaka, eikanya amu denganya nali panunga - li papeka napapatomadagu alanga laka lakeada wu? " Ou anagu, abimu pahalelakaya ana peakanunga hi Moiri, abi mu merah ati dengakanya ana hilu panamu kaguka.⁶Kadang, hi Moiri na robbahuya na tou napa milla na ati, jaka na tauya palu na tou napa pali anana".⁷Mi maddunguha tadalu ana peakagimi kadang hi Allah pali ana nagimi, atao nouna gearakayaka na lakeada dapa palu na amada?⁸Jaka nyimi ada eikanguka ma peaka gimi toungu apeakaja ngala da lakeada, jaka ana boarami, da ana tekka mana gimi.⁹Higiluna, jiata da dangu da ama da ta pinnu tana dama buhang ada peakada, jaka kata habuatuha, jaka tou kanaka, jiata ta reihi karadanyaha hi Allah ta hamanguna jaka ta morik?

¹¹Ngala dali hapeakang tadalu ata rangu ya, dada kabu atimaja jaka pahidu atidenganguya. Jidika, ada kolingu payapu ya ta atida matutunguya ana woada pangadang nama kalung hina egi da atida waija jellaha duda dama papeakang.¹²Nou atouna, kamu pakulihuya na limamu nama loaja jaka na wodukabakumu nama loaga.¹³Kamu paluruhuya na lara ngi na halakumu toma nama kabeaku abi na hobang, jidinguka kana tegah.¹⁴Aganapanya kamu padehaya na morikumuya ta haga madangu, jaka kamu kaleliya nama murah kadang ada eikanyaka nama murah ati da hatou mana nama ittaya hi Moiri.¹⁵Maromatunya ka abi eingu hatou tekka nama marounya napa ayi pamanunguna hi Allah, maromat jellanya ka abi eingu pahidu ati dengami abi wollukaya dama kalungu ami lolukuya na oalimi.¹⁶Abi eidingu tou jurrak anang nama pangadang dama kalung mearanguna hi Esau ana daganya na tagu ana kawungana ana hepa waingu hangi ka'a paangu.¹⁷Kadang mi peanya peala ta ladu murinya einyaka hi Esau tadalu kaku kaya nama ringu- malala winna , na tullarunya, da hilu woamanya kaloaga ana hariya waingu lappaka langka na padoiriha da wei matana.¹⁸Kadang da hagamaminya na letin nama piak ami dedaya, ta erik api nama erik, anangu ta kapetang, tamajala jaka takawullar.¹⁹Jimi dami mai noumang ta li trompet, jaka nali makangila na poinina tou naka dama rangunya hida waingu pa oha abi hilu parangudanya nama kangila nou.²⁰Jidika dada tarumangu ada rangu ya nali pareha napa woadaja, " Japa langka eingkang heingu madaga nama tudakuya na letin, jaka ya nama daga kabeanayaha hodu ana mati".²¹Jaka da keri ukumaya a' mangeat denganya napa itta, toma hi Musa winna ana tikkiya, " ku kadadak tekka aku mangeat ".²²Jidinguka, mi maika ta letin Sion, ta parainguna hi Allah nama morik, Yerusalem surgawi, lappaku ta malaikat dapa hilu peangu payapuja na danguda.²³jimi amigimika ta pingi papakehang bakul ngala na tou na mawainya waling ta lakeda kawunga na hi Allah nama langa eingu na ngarana ta surga, lahi Allah nama hakinya ngalana tou dangu, jaka na hamanguna ngala na tou nama langa tutu tidina.²⁴Jiami amigimika lahi Yesus, na pali pajaji nama buang, jaka ya na wei ra na papeirahu, nama panewi reihi kalung waling ta wei ra na hi Habel.²⁵Marromatunya ka abi mitullarunya nama panewikadang ada tullar kanyak nama panamudanya napa langa rangu ta pinnu tana jella dana hilu malouhumangu, toukana jiata dada hilu malouhumang waling lahi dunna nama panamudenya waling ta surga.²⁶Yanaga, nali na nakadukunya na pinnu tana, nou atouna na tau karahi, " Jidika hilu hadekanglingu da jiapakaya aku kadukunya na pinnu tana jidinguka na awang kika".²⁷Napa tiki " hilu hadeka " napa tekanya napa mohu waingu ngala dukada da mamadudung, jiaya ngala dapa langa woluna, tenang ngala dukana kada enga pangalang.²⁸Nou atouna, ata koling patomayaka napa doungu nama binnu dama hilu kagiil, madakaya kata wuatuhaliya ata pamalanguya lappaka ata kahoru-karada ta hagana hi Allah kata habuatu ya.²⁹Kadang hi Allah da mearang api mapatunu pakeranguya.

Chapter 13

¹Karawa pangalanya napa buhang wikimi ami pa oali beimu.²Namuya kamu woaya padoungu ta ummamu a' eingukangu kulamu ma waling tama marou, kadang ami buhakanyaka nama toungu mearanguna ami pa'a pa inu ja da malaikat - malaikat nou jiaya dapa peawaida.³Kami namuya na tou nama ta gallu ya mearanguna nyimi ta gallu jellami, namu jellaya na tou papagaring witina jimi eijellangu ihimi.⁴Napala'a - araweingu pahabuatu tekkaya ngala dukana na tou rara. Jaka karawaya na pingami kana kahanging. Kadang hi Allah na hukunya na tou nama jurrak jaka namalangu la oalina anang arawei oalina.⁵Pegenang wikimi waingu agananya toara nama eingumi, kadang winna ana tikkiya : " Nyouwa daku temmamagu, jaka daku wedalmagu".⁶Touna na manning da atida ata wainya : " Hi Moiri jiaya nama tulu gataga, daku hilu mangeatmaha. Ganaikanyaka naha woludaga da tou rara?".⁷Namukiha da tou dama bei gimi, duda nama langa patoma giminya na winnina hi Allah. Kami patetinya kami keriya na pata morikuda, jaka kami pali katutunya na pata manninguda.⁸Yesus Kristus enga taguna, madduka, hina ladu, jaka lappaka piangu - piangu.⁹Abi mi jalur dengakanya a' eikanguka parangumi nama mattu-mattuna dapa kali rangu mi, kadang na winni nama padening jiaya nama hamaddu giminya na atimi jaka na kanyuru-kanaga da jiamaya na pata angu mattu-mattu dama eingu gauna lahi duda dama pahalakuya¹⁰Jiata einya na beirapuda nou ya ngala na tou nama tagu habaring ta korung biaha, dada amangu aganananya.¹¹Manga ngala na ihina na bada, jiaya na wei ra na napatama idida da ratu bakul ta korung nama biaha hi jiaya napa manuatu waingu a' pohi waingu doku-jala, patunu ya tahabalihidi.¹²Jiaya hi Yesus hina hoingi ya nama willa ta habali bina paraingu, ana pohi-poddahuha da huhu ana waingu wei ra taguna.¹³Nou atouna , maidaya kata parega denganya hi Yesus ta habalihidi, jaka kata deitu tidu dengananya nama manyarik napa langa padeitudanya.¹⁴Kadang, ta pinnu tana ya daeimang padoungu ma maddung ata dou pangalang toma piangu-piangu, jidika nadidanya na padoungu nama aming.¹⁵Nou atouna, lahi Kristus maidaya kata pangalang ata wuatu halinanya na ngarana lahi Allah, kata tikki wainya a'a' da jaka rowida ata pamalanguya na ngarana.¹⁶Abi mudengakanya amu woluya nama kalung, jaka mu namamu ya kamu woanya na oalimu aganananya nama eingumu. Jiaya na pata matoungu napa egi ati dengana hi Allah.¹⁷Kami manudu ta hagada dama parehami jaka mi karadaja, kadang jiaha dama maromat giminya na lara morikumi ma alanga jiaha nama padeitu tidungu atou naka duda dapa halaku wainya egi ati, dada waiamang kangoruk kadang na matoungu da eimangu pakoliwaimu.¹⁸Kami habayang pangala gama kadang ma manninya ama wainya na kalaki atina nama kalung.¹⁹Ku kareimi kami habayang pareihi patetekang kana piaku waingu nyouwa aha baliga lahi jimi.²⁰Ya atouna, hi Allah na pingi wei maringu, wei malala, nama pakidi baliya hi Yesus, na Moirida, jiaya nama pajawa dapa hangawi ta pinnu bebudanguna, waingu wei ra paparahiwaingu nama lodung.²¹Ana kaya kana pagennakungu ngala agananya nama kalung amu pahalakuya napa kabu atina. Jaka nama kerang tadalu morik kuda jiaya napa egi ati dengana lahi Kristus Yesus jiaya napa wuatu hailangu lappakunga piangu-piangu.²²Aku oali bei bollugimi, ku panamugimi kami rangu aku peka gimi waingu pangadang kadang na li hapekangu gu ku patoma giminya waingu geha.²³Eingu kabu atigu aku tikki giminya ya na oali beida, hi Timotius, na louhunguka walingu ta gallu. Jaka a' ai lolu omi kanyaka tahaga gu, jiaya hi ammi maraigama aku parega dengagimi.²⁴Patomakinya na li panamuma ta tou pa langa papahigil da oali bei da waling ta Italia napatoma gimi li panamu lahi jimi.²⁵Na kanyuru-kanaga nama waling lahi Allah kana kodungidimi jaka kana dutu dattumi jimi ngala dukami.

Revelation

Chapter 1

¹Napatiki walingu Hi yehu krittu,napawonanya hi Allah lahi nammu dapa pa taguda da ata-atana witi hawolu-hawolu nama geha amminya, yehu krittu nawonanya na patiki yayi na atana.²Yohanis langa jaji naka hakahi winina hi Allah jaka jella hi yehu krittu, ngala dukada dapa langa itana.³Mimaringu malala kayina tou nama baha paha wadinya nawini madungu yayi nama lalakadingu duda dama langa ranguya jaka dama pahalakuya nama matikilu nou dakil, toma narahi na namaranika.⁴Walina lahi yohanis, taguda nama pituda umat nama eija ta asia. Na weimaringu jaka napanamungu tagumu walingu lahi nama kana pajikayi, nama langa eiya, jaka nama am minyaka,jaka nama pituda dewa dama eija tahaga tahta-na.⁵Jaka walingu hi kristus yesus, hakahi nama mawidu, nama kawunga ana kidibali walingu ta jonga tou mati jaka na eingu kuaha da raja pinutana taguna nammu, nama namuya jiata jaka nama pahelada tama doku majala jiata waingu ra-na.,⁶Jaka nama langa pajaji hangi kabihu iman-iman taguna hi Allah jaka na Ama na, tagu namuya naha gela jaka naka wuahana lahi jiata lapakungu piango-piangu!Amin⁷Itakaya, hi yehu a amminya deha ta awang,jaka ngaladukada da mata dama ita nammu,jella hika hamu nama hudu ya,jaka ngaladukada bangsa ta pinutana daka ra'danya namu ya,jiaya nama jaji!Amin⁸"Ya nyouwa jiawaka Alfa jaka omega,winina hi mouri Allah,nama einya,nama langa einya, jaka nama amming.⁹Nyouwa,yohanis, anguwua jaka da olimu dama deki pa taguda dama ha duka denganya, ta dalu pataguna,jaka nama rununya nama raba yehu.¹⁰Nyouwa pa oliwaiga hangahu matua taladu na hi moiri, jaka ku rangu yaka na li nama wadingu taka deangagu toungu li trompet.¹¹Nama wina "mutulihu bolu kadiya napa itamu nou daku nama hangida huratu jaka kamus pangidija nama pituda daka buangu:efesus,smirna,pergamus,tiatira,sardis,filadelfia,jaka laodikia."¹²Manga hiku gilaku, ku ita da li dada panewi lahi nyouwa.bohi ku gilaku,hiku itaha nama pituda da wihi dedi omahu.¹³Jaka tapa duada,hu itaha ku itaya ha tou nama manga ana lakeadaya tou,itawaingu kopi bakul nama toma ta wihina jaka hawella rowa omahu ta kurina.¹⁴Naka tikku jaka na logina na kaka maga wulu beabuya,maga ma kaka salju;jaka na mata na toungu erik apiya.¹⁵Nawihina nakabilaku toungu tabagaya nama lawa tapa dua api jaka na lii'na toungu na linguna na weitahik.¹⁶Ta limma lawanana,hamanu naja nama pitada daka peajaka walingu ta a,a na lohungu napa hori nama tama jella nalina,jaka na hadana na wahang toungu mataladu nama da hangari wajalu oata.¹⁷Agu itta kiyaka Nammu, na tauganya na limana hawaina lahi nyouwa (yohanis) jaka hi winnaga,''abu mangeatu eingu nyouwa jiawaka nama ka wunga jaka na kamuri,''¹⁸Jaka nama moriku langa matiguka,kapiku itta munya agu moriku lapakungu piango-piangu,jaka ku hamanu yaka na kuhi moritama jaka kuhi Hades¹⁹Atouna yayi tulikadihaya agana-gananya dapa langa itamu,jaka agana-ganaja da ma jaji jaka agana-gana jella kanya nama jaji tabalina yayi.²⁰Ya jiayaka daha peada nama pituda kapea dapa itamu talima lawanagu jaka nama pituda da wiki omahu rara howu.nama pituda daka pea hawu jiahaka nama itagu walingu nama pituda da umatu,jaka nama pituda da wiki omahu rara howu jia jellahaka da umat.

Chapter 2

¹"Taguda da malaikat kabuangu efesus tuli kadi danya:Nei jiaya napa tikina nama hamanuha dama pituda daka pea talima lawana na jaka dama halaku ta joangada dama pituda lampu wihi omahu rara:²Kupeajaka tangada dapa keramu jaka naka lua joilimu jaka amurununya, adamu tarunya nakeranguna hi padi bangu,jaka kamu peaja tangada da tou nama peaka wikina rasul, bakalangu da tou howu da rasul neiha, jaka mi pekaja da tou howu palsu.³Nyiami mikuka jaka mitarunguka jaka ami madungu wainya na ngarana na jaka dama peangu joili.⁴nouwu nammu, ku peakagimi nyiami rudjaku mijaka napawingu nama kawunga.⁵Nou namu kamu namuya biaka walinouna amu mana-u jaka amu hari-a manga amu pahalakuya na kerimunya nama kawunga. A- da kaka,am miga lahi nyiami jaka ku deki baliya na wihi omahu rara walingu tapa douna,nounamu kamu hari-a⁶Nei nammu,jiaya kamu tagunya :kami ge-a nya naha wolu parawina dama keriya hi nikolaus napa huda jella gu.⁷Nyiami einguka wuakahilunami mirangujaka napatikkuna naha hangahu matua ta hangi ka buangu -ka buangu.nama langa taladu,ku woaja pa anguda walingu pingi aimoriku nama eingu taka hi buna hi Allah.⁸"Jaka taguda malaikat ta Smirna napatulidaja: Nei jiaya napa winangu walingu tama kawunga toma apu hupuya,nama langa mati jaka dama moriku bali:⁹Kupeanya nama wilada jaka nama millada, neinamu bakalangu jiami poati kepeakadinya na polapingina napapahaga da gimi da hamu nama tikki wikida tou yahudi,yaka jiakayaka da to nou amaha sinagoge mouritana.¹⁰Abi mangeatu dinya agana kaya napa kolimi namawilla Mi-i ta ya,na morita ana patullaku gimi tagalu kami tarungu, jaka ami haganya nama mawilla nama habulu boladuna. tarukadinya toma ami mati, jaka ku woagimi jiami to-u kuku katiku moriku.¹¹Gera nama eingu kahiluna kana raguka ya napa tikkina hangahu matua ta hangi kabuangu-kabuangi.Tou nama talu dana li-i amanya nama mawilla mati napa duangu.¹²Jaka ta malaikat kabuangu ta pergamus napatulina:nei jiaya napa tikina einya napa hori tara nama dubada na matana:¹³Ku peagimi abiyagimi pengi ha engami,ta pa dounguna moritana pingi pa eija;nei namu jiami hamannu ta ngara-gu jaka dama ge-aga ta man ningu-na ana papa rehana Antipas, hakahigu nama manudu oata tajoangami,tapa dou mouri tana pingi ha engana.¹⁴Naru namu,nyouwa ku tegurumi a eija da oalimi ta joangami nama keriya napa peakanguna hi bileam,nama ajaruya hi balak ana tauya napa hala dengana ta haga lakeada israel ada angu paangu napa pa adaja ta berhala jaka ada pahalakuya na doku jala laungu mawini.¹⁵Tou nou jellada,eija toma piraha ta joangami nama hamanu nouya na pekangu hi Nikolaus¹⁶Nou nama ha ri-a yayi !ada ka enga am mi dinya lahinyiami jaka ami patau dengaja da pa horinama walingu ta-a agu.¹⁷Ya jiami a eidingu kahilumi kami rangu kaya napa tikina ha ngaha matua taka kabuang-kabuangu,jaka kamu dama talu,ku woadija manna nama kaka,jaka hangina ngara gua nama matalinguna tawatu nei,jaka da ei amangu ha tou telaka nama duka jiapaya na tou nama pajumanya hina.''¹⁸Jaka, taguda malaikat ta TiaTira napatulidanya :Ya jiaya napa tikkina na ana Allah, na mata na maga toungu erik api ya jaka na wihina erik toungu ta bagaya daku ta erik api:¹⁹Nyouwa ku peanya naha woluna-hawolumu,panaing na maning, naka buangu tou pawai jaka nama reda atimu ,jaka napa pakeramu,napakeramu napa papahupu na reihi tekayaka nama kawunga,²⁰Ya a touna,ku tikkiya ku peakagiminya a tidi toma minya nama wini Izebel nei,ana peaka wikkina tou natu gereja awina,ajaru jaka paja luruhu dapa wihi-lima gu kapiku pamarounguda jaka kada angu pa angu dapa langa woada tapa gembala tamarapu.²¹ku woadija kaloaga ka piku ha riada,dama weaku pahariayi walingu tama jurakuna.²²Ittawa, ku peatulakaja tapa doungu juda manawitu jaka dama juraku jella ku patullaku ia tapa doungu awilla bakulu,hou jiapaha nama ha ria damma keriya naha wolu-hawolukina nama winna noungu.²³Jaka, ku pamoho daja da ana da waingu mati ,jaka ngaladukada daka buangda peajaka aku kaka daja dapa ngada na duka jaka da atida da tou,jaka ku woagimi nyiami hatou-hatou keriha daha woluminya.²⁴No atou na,nyiami hatou hawanguk ta Tiatira,dama keriya napa tikki nouna,nama da di peanya ha karakadukunana moiri tana,wigu gimi :Daku woamagimi patagu mabuatu hawanguka tagumi.²⁵Neinamu,hamannu pangalakadinya a gana kaja da langa kolimi toma peala a ammi.²⁶Jaka,ta tou nama tagu jaka napa nalakuya napakerangu-pakerangugu toma ta hupuna,ku woagimi kakea amihaganya angi kalebu-angi kaleabu.²⁷jaka lahi hamu dama pareha ya hangi kalebu-hangi kalebu waingu tagu bihi,paka hoba-hobaruya ka touna pepi arungu nama pepi,ma balanga kollidingunya na ka kia waligu ta amamu.²⁸Jaka ku woa dija duda kapea ladu baru.²⁹A lidingu mamangu kahiluna kana rangu kaya napatikki hangahu matua toma hangi kabuangu-hangi kabuangu.

Chapter 3

¹Jaka, da malaikat kabuangu ta sardis tulidanya: Nei jiaya napatikina namu nama eingu hangahu hi Allah jaka pitu kapea nei: ku peaja daha wolu hawolumi Na tou winnagimi mi morikk, yayi ajiakayaka mi matika da i ku kolli-i mayaha napakeramu nama nadiya ta dalu hagana hi Allah.²Nipa a-tinya, jaka pakulihuya napata-patami nama einyaha, na tiki hamati.³Nei namu,kami namuya aganaja dapa langa kolimi jaka dapa rangumi,keri kadiha jaka kami haria!jaka dami patikajaka, ommigaka peala toungu tou makeadu jaka dami pea-amanya a jam pirakaka A-ommiga lahi nyiami.⁴Nei-namu,kami kollija da tou ta sardis dadi mada mahalluk da kopida; jaka kapiku halakuda marai guja kada waingu kopi kaka jaka daku pod dahu mapaja da ngarada daku ta huratu morikku.⁵Na tou nama talu pawaidanya koapi kaka jaka Nyouwa dagu heldigumaja na ngaramu ta huratu moriku. ku mangaku ja da ngarada tahagana na Amagu jaka ta hagada malaikat-malaikatuna .⁶Agerakaya nama eingu ka hiluna toma kana rangu kaya napatikina hangahu tutuna kabuangu-kabuangu''⁷Jaka, tutuna malaikat ta Filadelfia a tulidaja ;Nei-jiaya napatiki nama duka hangari manadangu nama padeni tekangu, nama hamaniya na wihina hi Daud,Na wehaya jaka da eimang ha tou teka nama peangu patodiya ;nama todi jaka da ei a mang ha tou teka nama wehaya.⁸Ku peagiminya dahawolu-hawolumi.itta yaya,aku langa weha gunyaka na bina tagumi, dahilu ei amangu na tou teka nama hilu to diya naka luamu na merahu hingu kika, jaka nyiami nama manudu keriya na winigu jaka dama pa ge a ganya na ngara gu.⁹Ittahu,agu woluha ta sinagoge moiri tana neyi,dama peaka wikida tou yahudi,pada hal da-ammang,damma kabohok,ku wolu diha hammu ka ammija jaka jaka kada mokkulugimi ta wihimi, jaka mu woludihaka peaga agu namu oatami.¹⁰Alanga maromatunya na wini ,ami ruddu ku ga, ku maromatu gimi walingu tama hadoku nama omminya tahaga pinutana,nama kaka-mi nama ei-ngu ta tana.¹¹Geha ommigaka .pajukku nya napa langu kollimi abi ei dingu ha tou teka nama dekigiminya na tou ku katikumi.¹²Nama langa taluna, Gu pajajinya kabaringu rukka umma biaha Allah-Gu,jaka dana hilu halaku maha walingu tapa doungu nowu,jaka kutu lihu nanya na ngara Allah-Gu jaka na ngara praingu kota Allah-Gu ,nou na yerusalem Gu-ayi,nama purungu waligu ta surga, walingu ta Allah-Gu , jaka nangara-Gu nama buangu.¹³Nama eingu kahiluna kana rangu kaya a-gananya napa tikki hangahu matua taka kabuangu-kabuangu.¹⁴'' Jaka, tatu malaikat kabuangu ta laodikia da patulidaja ,nei jaya napa tiki na sang Amin, na hakaki nama manudu jaka nama padeningu, walingu takawunga pajajinguna hi Allah;¹⁵Gu peagimija dapawolumi,adami maringu jaka adami wajalu ana medapa reihi dapa kalangu kami maringu jaka kami waja.¹⁶Nei namu,kamu kabokahu, dami wajalu jaka adami maringu peala ku muttagu walingu ta a-agu.¹⁷Alanga tikkiminya, ku toma nguka, kuhainguka jaka daku jaka manguhu agana -gana jellananya,jaka daku peamanyaka ami patetekangu ta mawilla,haduka,milla,kaboala jaka kaloku.¹⁸Ku peakagiminya kami hiluya walingu lahi nyouwa na ommahu rara,napapa wolu atunu ya ta api kapiku pa atimi,jaka da kopi-dakopi kakami kami koaling pa kenaja dami hilu makii amaha jaka naha wolumi da hilu eima nyaha ,jaka na doragiminya saleb ta matami kapiku itami.¹⁹Dappa namu oatagu, kuteguruha jaka kuajaru,nou namu kamu woaya na atimu jaka kamu haria !²⁰Mu ittawa,Agu dedi tahaga bina jaka agu kadokukunya.jaka eidingu toumarangu ganya na li i gu jaka na wehagu binna ku tama lahi nammu jaka gu oalinya jaka nama ku marainya²¹A ei-ning matalu, ku woanya ku pahellanya ka loa-ga ana ngodu dengaga ta pa dou pingi pa ei Ga, tou jellangu nyouwa ala talu jaka aku ngodu denganya na Ama Gu tapa doungu na.²²A ei ngu mangukahiluna kana rangu kaya napa tikina ha mahumatua taguna nakabuang-nahabuangu.

Chapter 4

¹Mangali, hi ku ittaya hangi na binna nama taweha ta surga, jaka na li-na weiga, napa rangugu lii trompet nama pa newi denga ga, winna, "Dea hanguya woyayi jaka kaku patekkagu nya aganna nya namma djaji menga yayi,"²Ta rahi nou jella,nyouwa aoa-li nagaka hamangu matua jaka itta minyaka,hangi napa doungu nama eingu ta surga jaka Ha tou nama ngodu nou deha tapa doungu nowu.³Jaka, nama ngodu nou deha tapa doungu nowu,hunga nanyaka maga toungu watu pernata yaspis jaka sardis;jaka einya hangi naka poiri nama kollurunya napa doungu nowu napa itta toungu zamrud.⁴Dama kali kollurunya na takhta nou ei ja duam bulu patuda da takhta jaka ta dehada da takhta-takhta hei yi ku ittaha nama duambulu patuha da tua-tua nama ngodu,dama waingu koapi juba putih jaka da touku-touku ommahurara dama ei ngu taka tikuda.⁵jaka walinguta takhta nowu nalohungu nanyaka nama maga lai kabollaya jaka naka ngura nanyaka ana kaguruku,jaka ei-ja pitu da wihi dedi dama eriku tahaga takhta neiya,nama tou jellangu dama pituda da hamangu matua na hi Allah.⁶Jaka, tahaga takhta ei jellanya hangi nama maga tahikku ka ninnuya, nama merangu kristal. Tapa dua jaka nama kali dama binu matada tahagada jaka taka deangada.⁷Hangi nama daga toungu singaya,jaka nama daga napa duba waida maga ma hapi moniya, jaka nama daga napa katilu waida nahadana maga mahada tou ya,jaka nama madaga napa kaptu waida maga ma wurungu ikit nama maga ma wurunguya .⁸Nama patuda nama daga heiyi hei ngu-heingu da negalungu kapada mera-ma nammu dama binnu waingu mata da,ma eing taha bali hiddi tou jella da ta bara daku; Ladu jaka ridungngu, nama patuda dama daga heiyi da-da hangahu meiri-mangu a widda"kudus-kudus,kudus kayi hi moiri, Allah nama reihi madi,nama langa ei-ngu,nama ei-ngu,jaka nama ommingu peala.''⁹Jaka a lingi pa ommija dama daga heiyi woadaya pamalanguya,horu hai lananya,jaka jaji wuatu danga namu nama ngodu tapa dounguda ,nama morikku pangala-pangalangu,¹⁰Nama duambulu patuya na mambokulu tahga nama ngodu tapa raingu nouwu,jaka ada ka raddanya namu nama moriku pangala-ngalangu,jaka ka lea na wainaja tou kuda tahaga praingu banguna manga hi winna ana panewi,¹¹La owu Moiri jaka na Allah ma,ou kaka nama kagamaja horu hai languma,hormat,jaka kuaha a langa ou-dongu nama woluya nama kaweirik-nama kawadak jaka ha kabu atimu nya nama einya jaka naha woluya''

Chapter 5

¹Manga,agu ittaya ta lim-ma lawana Na nama ngodu tapa doungu einya na luningu,na huratu,nama eingu patulina taraha ta bara daku jaka taha bali hiddi,higu waingu pitu hegel.²Jaka manga higu ittaya hatou nama malaikatu nama waddingu,"Agera-kaya,nama piaku ana weaku ana weha ya segelluna?''³Nou namu,da eamangu ha tou tekke,nama eingu de-ha ta surga,tapinu tana ma eingu wawa takabu tana nama wehaya jaka nama ittaya ta roungu palungu nei.⁴Manga,hiku hou gunyaka a hade-haddigu ada ei nguka ha tou-teka nama piaku ana wehhaya na huratu paluningu jaka nama ittanya ta kabbu nou daluku .⁵Nou namu, hi tou walingu tama bokulu howu winnaga.''Muhangahuya Pahowu,!ittaya na singa walingu taka bihu yehuda, ta walla wuana hi Daud,nama langa taluna lapakungu jiaya nama piaku ana weh-haya napa luningu na huratu nei jaka dama pituda da segellu.''⁶Jaka hiku itta-ha tapa dua na napa raingu jaka dama patuda dama daga weiga,jaka ta padua-padua ma bokulu nei ei-ya heingu na Ana beibu nama dedi,toungu palanga teungu,nama ei-ngu pituda da kaduna jaka pitu jellakada da mata na jiahaka nama pitu da da hamangu na hi Allah dapa luana ta hagagu pinu tana.⁷Na-ana beabu neyi omminya jaka nama deikya napa luningu na huratu nou walingu ta lima lawana Na nama ngodu dea ha tapa raingu.⁸Jaka,nei na ana beabu na deki yaka na huratu piluningu nei yi,damma patuda dama daga jaka damma dumbulu patu dama bokulu gereja mak kulu danyaka ta haga na Ana beabu neiyi,jaka ha tou-hatou hamannu hangi jaka hangi eamang Ommah rara nama binnu ke menyan,dapa habaka-da tou-tou kudus.⁹Manga,hida manyanyinya hangi na lagu lodu nama buangu,winna ,ou jiaya nama piaku ana dekiya napa luningu na huratu jaka nama wehaya segeluda alanga tea-u di dagu,jaka na ra-a mu,owu langa deitu-tiduja nana tou walingu ta suku,tapanewi,kaum jaka walungu bangsa taguna hi Allah.¹⁰Jaka owu namu nama langa pajajiya hammu nama jaji padoungu baungu jaka iman-iman tagu jiata,jaka hammu dama pareaha ya na pinu tana.¹¹Mangaka,ku ittaya,jaka ku ranguya na lii-na walingu dama dangu dama malaikatu nama korunya napa raingu nowu,patuda dama daga,jaka ngaladukada da dama mokulu.jaka nadangu da beribu-ribu jaka puluan ribu.¹²Da pa ou ngu waingu lii da dama waddi oatangu,"Napiaku dingu Ana Beabu,maba langa doru didanga,namuka namma kollingunya na kuaha,jaka na deika.¹³Langa agu ranguha ngala dama moriku dama eija ta surga,jaka ta pinu tana,jaka ta kabu tana jaka ta tahikku,jaka naka kuasa toma piango-piangu.¹⁴Jaka,dama patuda madagahi widda,"Amin"jaka dama bokulu mokuli jaka karadda nanyaka.

Chapter 6

¹Mangalikka,nyouwa hilu pa atinya hi Ana Beabu ama wehaya hangi walingu nama pituda da segel nei,jaka kuranguya hangi walingu nama patuda dama daga nei winna ana waingu lii-na nama maga toungu maka gurukku,''maiya''²Manga,hikku ittaya heingu najara kaka jaka namu nama ngodu nou deha nama hamanu hangi pamu i jaka hangi toulku pawoada lahi namu,jaka namu nahagaja napa kalaha jaka na taluha.³Jaka,na Ana Beabu nei na weha na segel nama kadubbana,ku rangu ya nama daga nama kadubbana winna,''maiya!''⁴Manga hi omminya heingu najara heaka nama rara toungu waha api,jaka nama ngodu taka dengana hi woanya kaloaga kana dekiya dama buhangu pekahangingu walingu tapinu tana manga tou hina pahamati wikkin,jaka hapangu napa hoari nama bakulu napa woadanya namu.⁵Jaka, na Ana Beabu nei na wehaya na segel nama katilluna,ku ranguya nama daga katilu waida winna,''maiya''Manga hikku ittaya heingu najara nama metingu jaka nama ngodu taka dengana nama hammu hangi kilu ta limmana.⁶Manga,kuranguya toungu eingu lii walingu tapaduanda mapatuda dama daga nei winna'' hangi cupak gandum tanga 1 diner,jaka 3cupak jelai tangana 1 dinar,nei namu abi paruhakumaya na minyak jaka na angguru.''⁷Jaka, nei na Ana Beabu ana wehaya na egel nama kapatuna,ku rangu ya na lii madaga nama patuda winna ''maiya''⁸Manga, hiku ittya heingu najara moru pucat jaka nama ngodu tka dengana na ngarana pamohu dengangu jaka Hades nama keriya.jaka kaloaga napawoadaja hamu 1/4 pinu tana,ada hamatiha waingu pahori,karobang,kapoiri,jaka damadaga amagu tou ta pinu tana.⁹Na Ana Beabu ana wehhaya na segel nama kalimmana,ku itta ya ta wawa talora da dewa-dewada hamu dapa langa hamati witina na winina hi Allah peala dama hakahi-hakahinya dama patarunya.¹⁰Hammu pa oungu danya waingu liida mawaddingu,''pirangu kiyaka,nama biaha jaka mapadeningu,awu mutarangu wikkimu walingu a pahakkingu jaka dama page-aja da ra-a ma nyiama hamu dama ngodu tapinutana?.''¹¹Jaka,lahi hammu hatou-hatou deawa woaja ha wella woaja jaka hamu hi peakaja hamu kada hangahu lettu toma da dangu da oali -oali pawihi palima jaka da angu wuada hamu da pahamati toungu hamu ada genap pu.¹²Jaka, ku ittaya na Ana Beabu nei nama wehhaya na segel ka namuna ,djaji nanyaka oppungu dama eingu merana,na mata laddu na jaji metting toungu koapi karung napa wolu walingu ta longi jaka ngala dukkana na wulangu na jaji toungu ra'a.¹³Jaka,da kapea dakapea ta awangu nama na-u tapinutana toungu pingu Ara anapamoaranaka wuana da nama mata ana koyakkunya ngillu nama bangat oata.¹⁴Jaka, nama poakangu na awangu toungu huratu napa luningu,jaka ngala da letina jakada nuhha nappa gerruja walingu tapadouna.¹⁵Manga, raja-raja ta pinu tana,jaka toubakul(marabba),jaka perwira-perwira,jaka na tou poati jaka naka loaga ,jaka ngala atta,jaka na tou bebas nama kabuning ta liangu jaka ta joanga watu-watu tapinu lettina.¹⁶hammu,Widdaja da letin-lettin jaka watu-watu bakullu nei,taburriya kana piakuma jaka kana kabunigama walingu tahaga nammmu nama ngodu tapinu toukulu,jaka walingu tabani nahi Ana Beabu.¹⁷Nei namu na ladu bakulu taguna banina hamu nadukika jaka gerakaya nama dama tarrungu.

Chapter 7

¹Amengaka neiyi, Hiku ittaya nama patuda da malaikattu nama dedi nama patuda da ngidu pinutana abi eingu ma wudaya ta tanamara,ta tahikku,jakka deha ta pingi ai.²Manga likka, ku itta ha nama malaikat hawanguk nama hidungu walingu tapa doungu pingi pahungana na ladu,napa idina segel walingu lahi Allah nama morikku.pa oungu nanyaka waingu lii na napa wadingu tama toma patuha nama malaikat dapa langa woangu kaloaga kami paruhakuya napinu tana jaka na tahikku weiga.³"Abi paruhakuya na pinu tana,tahikku,jaka na pingi aiyi toma dadi mamengngamaha pa woaja tada segel ta ka a matada da papa wihi limma na hi Allah da".⁴Kurangu haka da danguda dapa segellu na danguda 144.000 tou ya. Tangala dukada wali hou daka ta hangi kahupi-hangi kahupu la keada israeil.⁵Walingu takabihu yehuda.⁶Jaka takabihu Asyer.⁷Jaka walingu takabihu Simeon.⁸Jaka takabihu Zebulon.⁹Mangalika ku ittaya, a jiakayaka da dounguna na tou rara dadi pa yapuya na danguna,walingu tangala dukana negara jaka na kabihu jaka na bangsa jaka na panewi,nama dedi taparaingu jaka ta haga Ana Beabu,koapi bakul nama kaka jaka kahanga-kahanga palem ta limma da;¹⁰Jaka dama paoungu waingu lii da nama wadding,"Namoriku ta limma na Allah ma ngodu ta praingu,jaka tagu Ana Beabu.''¹¹Jaka,tanga kehada malaikat dama tanga dedi dama kalli kollurunya na doungu nou jaka nama kalli kollurunya ma mabokullu,jaka patuda nama daga,hamu mokullu ta haga praingu nou jaka kradda nyaka hi Allah.¹²Manga hi widada,"Amin!Horu hailangu jaka djaji wuatunya jaka pangadang jaka na tikki wainyaka jaka kehormatan jaka kuaha,jaka keperkasaan hi Allah da jiata toma piangu-piangu!"¹³Namapi,hatou nama bokulu nama panewi jaka nama patuturungu lahi nyouwa,"Geraya nama waingu kopai bakul ma kaka nei jaka biayaka waliyana a omminya!?¹⁴Manga,hi wiggu dja hammu,"Agu amagu,mu peakadinya."manga hi winnaga"Da tou howu jiaha ka da tou dama langa louhunguda walingu tama mawilla bakullu jaka mamanga haka pa baha da koapi bakul da jaka da tou howu pa kaka da jaka ta ra a na Ana Beabu.¹⁵Nei hammu,dedi danyaka tahaga takhta Allah jaka nama payemanya nammu ladu jaka ridungu tapa raingu na jaka nama ngodu ta takhta nei nama engangu ta joanga hamu.¹⁶Hammu dada karobamangu jaka dada hiku matou maha ;mata ladu dana kena maha hamu jaka nama wajalu oata ha wanguku.¹⁷Ma alanga einya na Ana Beabu nama einya tapa duada padoungu nou nama djaji napajowa hamu jaka nama patutudja ta mata weimahingaru,jaka hi Allah pada wadaja da weimata da walingu ta mata da hamumu.

Chapter 8

¹Jaka na Ana Beabu ana wehaya na segel nama kapitu,eingu kahanna na na hurga eingu ha tengi jammuna.²Jaka,ku ittaya malaikat nama dedi ta haga na hi Allah, jaka pitu trompet hina woadaya howu.³Manga,malaikat hawanguku ommija jaka hida dedi ta loara,hangi ha ka a pamalangu ommahu rara, jaka hi woajella nadja dama dangu na kaa kada horungu hailangu waingu habanyangu da tou-tou pawaddi talora ommahurara ta haga praingu nou.⁴Jaka, hibbu nama walingu ta ka a nowu,pamaraingu maha bayanguda da tou-tou pawaddi,da toma tangana hi Allah walingu talimma malaikat nowu.⁵Manga,malaikat nowu deki nyaka na kaa pamalangu jaka naka dekanya api manga hina dediya walingu ta talora jaka himmpatullakanya tapinu tana, manga harangu ya nama kagurukku nama pamaraingu wallikku jaka na oppungngu na tana.⁶mangalikka, nama pitudamalaikat nama hamanu pitu talali hadanyaka ada po'uha da tolalida.⁷Malaikat nama kawunga nama po'u ya na talalina, mangahina djadji na urangu es jaka na api nama pahaurunguna;jaka napa boangu tapinu tana, manga hina mutungu 1/3 na tana jaka 1/3 ngalada pingi aiyi jaka nutungu jelladanyaka ngala da rutu moru.⁸Namalaikat napa kadubana napa pouninya na talalina,einya kana maga lebinanya na mutungu napa kabeana tahiku,jaka 1/3 na tahikku na djadjika ra a ⁹1/3 dama eingu ta tahikku jaka dama morikku matidanyaka jaka 1/3 walingu kapalu beradanyaka.¹⁰Malaikat nama katilu waina papouni nanyaka na talali mana u danyaka daka walingu ta awangu hangi naka pea bakulu nama eriku toungu obor.jaka naka pea neiyi nama bomidja da loku jaka da mata wei.¹¹Nangara naka pea nei widanya Apsintus. Jaka 1/3 walingu ta ngaladukada mata wei djaji danyaka Apsintus jaka na dangu tou mati denganya na wei nei manga na wei nei hina piddu oata.¹²Namalaikat nama kapituda waina pou nanyaka na talali na,manga hida paluya 1/2 mata-ladu,jaka 1/2 wulang 1/3 kapea toma 1/3 walingu nou weiga djaji kapettang jaka 1/2 na laddu djaji kapettangu jaka tou jellakananyaka na ridungu.¹³Manga,Hiku Ittaha jaka hikku ranguya haingu nama wurungu rajawali nama wurung tapadua awangu,nama pa oungu nama ha waddi oa tangu,"Lokutekkananyaka,lokutekkananyaka,lokutekkananyaka,Nyiami nama engangu tapinu tana witi poinina na talali katiluna malaikat nawabguku papoinina jelladadjaka.

Chapter 9

¹Manga,malaikat kalimmana papoini manyaka na talali,jaka ku ittaya nama hangina naka pea yi nama ka na u walingu ta wang toma ta pinu tana, jaka lahi namu woadanyaka kuhi kealang pa mohu dengangu.²Manga hina wehaya napa doungu nou manga hina dea hangu na hibbuna walingu ta liangu nou magga hibbu walingu ta jonga tularu bakul,jaka na mata laddu jaka na ronguana na wang kapettang nanyaka waingu hibbu uru weiga³Mangalikka,walingu ta hibbu uru louhungu danyaka daka puda ta pinu tana,jaka woadajaka patagu toungu pataguda data mihiku tapinutana.⁴Jaka,lahihamu hi widaja abi mi ula didja da rutu dama eingu tabana ngala dama tubu jaka agana a pingi aiha manga jiaha paha dama eingu segel Allah ta kaa matada.⁵hamu taweaku maja pahamatiwikida jaka woadaja mamawilla 5 wulangu;mamawila mearana nata mihikuk kana pakahi ta touwu.⁶Jaka naka loaga nou na tou rara manyeranya nanyaka pamati dengangu,jaka dinguka dada parega dengamanya.Da buha kadingu pamati djidinguka na mati na he'itunya lahi hamu.⁷Da hada,da daka putu hou merada da jara dama waingu ta napa tungu,jaka ta ka tikuda eingu toungu maga tutaku ommahurara,na hadada toungu haha tou raraha.⁸Loagida toungu loagi mawini jaka da giduda toungu ngidu singaha.⁹Jaka da kuruda toungu koapi bihi,jaka poini da da kapada toungu da poini da kareta-kareta dama mangujarada damma palai tapatauwu.¹⁰Jaka da keiku da tou ngu keiku tamihik dama patitik jaka takeiku da houwu eingu kaloaga ada pamama willaha na touraramadeina 5 wulangu.¹¹Na Raja nama parehaka eija damaikatu "Abadon"tapanewi yunani na ngarana "Apolion".¹²Nama willa nama kawunga ana lopahuka,ommijella papanyahana nama willa hangi.¹³Manga,malaikat ka nammuna dappounya natalali,jaka kurngu walingu damma patuda data ta lora omahu rara tahaga na hi Allah.¹⁴Hiwinnaja da malaikat napa nammu waida nama hamanu talali"pahellaha nama malaikat nama patuda dapa pingu ta loku efrat nama bakulu".¹⁵Manga dama patuda malaikat,dapa langa pahadiadaja a jam jaka na ladu jaka na wulang jaka na doungu nowu,pahellada jaka ada hamatik 1/3 tou pawai .¹⁶Da danguda jawa bani dama waingu jara eingu 200 juta danguda kuranguha na dangudahamu.¹⁷Jaka, tou lurudaka aku ittaha tadalu itta guja da dajara-dajara heiyi jaka hamu nama ngodu hou deha nama kaletiha waingu danya koapi bihi nahadana na rara erikku, morru kobang,jaka kunyi toungu balerang jaka da katikku djara-djara heyi toungu katiku singa jaka walingu ta a da nalohungu na api na hibbu,jaka na belerang.¹⁸Walingu nama tilluda 1/3 tou rara nahapahamati,waingu api,hibbu,jaka belerang nama lohungu walina ta a a da touwu.¹⁹Dakulihu da jara-jara neiyi walingu ta a-a da jaka ta keikuda .jaka keikuda mearana madu jaka eijelanguda katikuda ,djiahaka pamawillawaingu.²⁰Nei namu,da tou dapa pahigikuda,dapa hamatida da pama willa da damma ha ria walingu tapa wolu waingu limma da hamu jaka dama pa buatuha da ommahurara,mamahu kaka,tabaga ,watu jaka da ai,damma itta,damma rangu,jaka damma halaku.²¹Jaka Hammu damma haria walingu tamati tou,jaka nama tama keiku.

Chapter 10

¹manga,hiku ittaya hangi na malaikat hawanguku purungu walingu ta surga, waingu koapi awang jaka koapi kapoari ma eingu deha taka tikkuna,jaka hahadang toungu mata laddu ,jaka na wihina toungu wihi api.²Malaikat hamanu nanya na lunaningu merahu nama ta weha.jaka nama na leti na wihi lawana na ta tahikku jaka na wihi laleina tapinu tana .³Manga hinna pa oungu lii na nama waddi oatangu,toumgu singa nama bani ;jaka ana pa ounguka,pituwudangu ana kanguraku naka balla ana parangunya na lii da hammu.⁴nama pituda damma kanguruku nei ada parunguka,hikku tulihuha,manga hiku rangu da lii-da walingu ta surga dama widda,"segellah agannadja dapa langu widangu dama pituda dama kaguruku nei!abbu tulihu auha!''⁵Manga, dama malaikat dapa ittagu ada kali ta tahikku jaka ta tanamara ada dedi kungu limma lawanada ta awangu.⁶Jaka ngala dukka da ihida jaka na tana jaka ngala duka da ihina,jaka na tahikku jaka ngala da ihina, da eimangu mahilu pagehirunya.⁷Ana woakanguka ka loaga ana poini na malaikatu kapituna ana pa papoini kayaja na talalina,jaka taguna genaku nanyaka naha kabuatina hi Allah,toungu namu napa patimana tapa wihi-palimana ;da para nabi.''⁸Manga,na lii-na weiga naparangugu walingu ta surga winana jella lahi nyouwa, nama winna halakuya jaka dekiya napa luningu huratu nama taweha walingu ta lima malaikat nama dedi tapinu tahikku jaka tapinu tana.''⁹Manga,hikku lahalaku tama malaikat jaka makareiha kammu woagamanya napa lumingu huratu merahu neiyi lahi nyouwa.jaka malaikatu neyi winnaga"Dekiya huratu jaka kammi a-nya,jiaya nama wolugiminya na kabumi piddu,jaka na a-a mi maga mearana ligihuna toungu taka neana.''¹⁰Manga aku dekiya na huratu merahu ta limma malaikatu jaka hidda aja,jaka ta aa aku padanya na liggihu toungu kanena,jaka kagu a kanyaka nakabugu na piddu. ¹¹Nyimi kamu patomanya tahaga toungu madangu jaka kabuangu jaka panewi jaka da raja-raja

Chapter 11

¹Manga,hida woagaja hangi na wulu,na hadana toungu takku paukkur,jakka hi widda,"Halaku jaka bamu ukuruya naparangu Allah jaka, na taloara hammu dama habayangu nou daku.²Nei hammu tima kadija da taloara na limma Allah nama tahabali hiddi,abbu ukurudiya alanga pa woayaka ta bangsa-bangsa, jaka hamu da leti-letiya na kota suci madeina 42 wulangu.³Jaka,ku woanya kuasa dama dua da hakahigu jaka hamu hida peangu pa bernubuat madeina 1260 laddu jaka waingudanyaka kaba kabung,"⁴Hammu heyi djiahaka dama 2 wihi lampu dama dedi ta haga na hi moiri nama tagunya napinu tana .⁵Jaka a eika nguka tou buhang panyaradja hamu,na api louhungu walingu ta a-a da hama jaka tunu-dajaka da muhu-muhu la hamu.djaka gerakayaka nama nyaraja hamu,namu nahamatiha waingu pata nei.⁶Dama dua weiga einguda peangura ana todiya na awangu abbi na urangu abbi na purungu ta laddu-laddu nubuat hamu,jaka einguka peanguda ta wei ada paheapaja ada djaji ra jaka ada paluya na tana waingu hangi mala petaka,dapa kabu ati pawokida.⁷Jaka hamu ada mengaka pahaka hidja da kapea louhungu walingu ta kangu mawilla kapa ta-u kage-aja jaka da taluha hamu,jaka hamati dajaka hamu.⁸Jaka, daka nawoda dama dua tidi tou daka tangarangi ta koba bakulu,a ittayakaya apanonikunya widanya sodom jaka mesir,padouna hi moiri da iata aha rikkaya.⁹Jaka,walingu ngaladukana bangsa jaka kabihu bahasa jaka kaum da ittaha-ka matida dama dua madeina 3,5 laddu jaka dada pa hellana daja dakanawada dama dua tamuja ta rati.¹⁰Jaka dama engangu tapinutana ta egi ati lahi hammu jaka ta diata kohu,jaka hamu merapa ngidingu danyaka kado hatou jaka na olina dama dua nabi nei aba pana willaha hamu ada engangu tapinu tana.¹¹Nei nama,ana lopahuka 3,5 laddu,hangahu walingu lahi Allah tamanyaka daku ta kanawada nei jaka heiyi dedi dawihi da hamu manga dama pa atija weiga mangeatu oata dajaka.¹²Manga,hida ranguya na lii dama pa oungu hawaddi oatangu walingu ta surga winna ja hamu "Dehanguya Demmi!" jaka,hammu weija dehangu danyaka ta surga daku ta awang,da haka hija weiga da ge-a ge-a da .¹³Jaka,ta rahi nei,na oppungu tana dama pitu ribu touda matidanyaka witi oppungu weiga,jaka dama mati mangeatu oata danyaka,manga wuatu hailadanyaka hi Allah deha ta surga.¹⁴Nama willa nama ka dubana na loppahuka,ittayaka nama willa katilluna ommili nyaka.¹⁵Manga,malaikat nama kapituwaina pa poini na ta lalina,jaka hina rangu na lii nama waddingu ta surga nama winna,"mapa reha pinutana djadji nanyaka mapareha na hi moirida jaka nammu napa urapida,jaka nammu paareha nanyaka lapakungu piangu-piangu"¹⁶Mengalikka,dama dua mabulu patuda mabokullu nama ngodu taparainguda hamu,ta haga hi Allah,da karadda jaka da mokkullunya hi Allah,¹⁷Hi winna,''kamu pawainya lahi namu na moiri Allahmu nama reihi biaha,nama eingu jaka nama langa eingu,alanga dekidi munya na peangu na nama bakulu jaka walingu ka pareaha yaya.¹⁸Jaka, bangsa-bangsa dama bani,nou namu na bani-mu langa ominya,jaka na rahina taguda omija da tou mati ka pahakkija jaka woaja pataguda dapawihi palimma na,nabi-nabi jaka ngaladuka tou pawaima manudu jaka nama mangeatunya na ngara na nama merahu jaka nama bakulu,jaka ana pamohuya dama pamohu pinnutana .¹⁹Mangalikka,ta weha nanyaka na praingu Allah ta surga jaka hikku ittaya tabut perjanjian Allah ta paraingu na,jaka hungananyaka na ka walliku jaka nama kagurukku jaka oppungu tana jaka urangu es nama loppahu.

Chapter 12

¹Manga hungadanyaka hangi na tada nama bakul ta awang:ha tou mawinni nama waingu koapi mata laddu jaka wulangu ta wawa wihina jaka da toukku nama habulu dubbada daka pe-a taka tikuna.²Nama mawinni nei tanga pakabu nanya jaka dalu padangu mawilla na nya ka kupa ana awinna,namu kawulanguna nya ana hiddu.³Manga,hungamanyaka hangi na tada hawawanguku ta awang:heingu na kaboku naga bakulu nama rara nama eingu pituda taka tikkuna jaka habuluda kaduna jaka pituda touluku taka tikkuda.⁴Da Keiku da nei nakabokulu naga na welaya 1/3 kapea ta wang jaka tullahuja ta pinutana .Naka boku naga dedi tagaha na winni kalu pa ana nama winna peala nama ma winni ana pa ana kaka,ka piku ho-a kunya na anana winna.⁵Nama winni nei ana pa ana kaka ha tou lakeada moini ,nama parareha hagubbulu waingu takku bihhi,na keada nei na parimanya jaka na iddiya ta haga na hi Allah jaka ta haga takhta-na.⁶Nama winni nei napa lai manyaka tama reda ginangu,tapa doungu dapa hadiahdanya hi Allah taguna nou kawu,nama dama maroma tunya madeina haribu dua ngahu namu mabulu ladduna .⁷Jaka, djaji nanyaka napa tau ta surga,Mikhael jaka da malaikatuna patau ada ge-a nya na haga nei.naga nei pata-u danyaka na olija da malaikatuna.⁸Hou hamu dada kullihu tekka manguha da eimanguha padoungu hammu ta surga.⁹Naga bakulu nei pakullaku danya neiwawa na kaboku kaweda napa widdanya moiri loku jaka moiri tana,nama pajakuruya na pinu tana,namu nama patullakunya ta pinu tana,jaka da malaikatuda hida patullaku maraida nou wawa¹⁰Jaka,kurangu ha da li i-da dama waddi oatangu ta surga widda,"ya ladu,omminyaka moriku nama lika loaga,jaka napa papareha na hi Allah iata,hikaritto nama ge-aja da anguwuada iata,nama geaja ta haga hi Allah ladu jaka riddungu,da patullaku dja hou wawa.¹¹Hammu dapakalaha waingu rana na ana Beabu,jaka waingu patikki da dapa hakahi i-da hammu;ada dajolungu wikki da hangakuda hamu,parei-rehingu ada haganya napa matidengangu.¹²Nei namu,Nyiami surga jaka damma engangu nou daku! nyiami,loku tekka nanyaka tana jaka tahikku witi moiri loku nama langa purungu lahi nyiami waingu lii bani na mabakulu witi namu na peanya na rahi nama hamanuna naka mutuhu,''¹³Ana ittayaka nama apatulla kunya ta tana,namu napama willaya nama winni nama langa pajajinya nala keada mini weiga.¹⁴Nei namu,nama winni nei woadanya dubba da kapana mawurung rajawali nama bakulu kana piakuna ana wurung ta ma reda ginangu,tapa douna,a bianya a radanya madeina a hangi kaloaga.¹⁵Na madu nei naha wurutunya na wei nama maga ma loakuya ta tuana nama winni nei, kapiku mamuhuna nama winni nou daku.¹⁶jidinguka,na tana na olinya nama winni nei,na tana mamanganga na a-ana hiuna ha mirittunya na wei napa hawurutuna naka boku(naga)nei.¹⁷Manga,naka boku hinna bani oatanya nama winni nei jaka na laku nanyaka ana patau-dengaja dala keada ha wanguku walingu tama winni nei,hou da tou dama ma romatu da lii pareha hi Allah jaka dama pajukkangu ada haka hinya hi yesus.¹⁸Naga na dedi ta wiwi tahikku.

Chapter 13

¹Mangalikka,ku ittaya madaga nama bani oata na lohungu walingu daka ta tahikk,nama eingu habulu da gaduna taka tiku.ngala da kaduna eingu hangi touk katikku jaka ta ngala duka da katikku tulihu daja ngara pangeng.²Nama daga bani napa ittagu mera da macantutul,winina merada wihida beruang,jaka da a-a na toungu a-a singa.Naga nei woadanya madaga bani namakulihu,taloara,jaka pataguna nama bakul.³ku ittaya hangi maongu ta katiku da toungu maga mata towiha dapa mati dengangu,daka towi hei da djadji pidjaka.ngaladuka napinu tana naka baddanya jaka keridanya na managa bani nei.⁴Jaka,da mokkuludja naka bokunei alanga woadanya kulihu ta madaga bani nei jaka hamu mokkulu noudanyaka nama daga bani nei manga hi winna,"Gerakaya nama merana nama daga bani jaka geraya nama piaku papatuwa ana geanya nammu?"⁵Jaka,lahi namu woadanya hangi nama panewi boggir jaka panewi kajuggal, jaka kaloaga kana paha lakuya,nama 42 wullana.⁶Nammu nawehaya na a-a na ma boggit ada gea nya hi Allah,ada bogit wainya na ngara-Na,jaka dama eangangu ta surga⁷Nammu jellah da woanya kaloaga ada geag-Nya da tou pawai jaka ada pakalaha hammu,jaka lahi namu woadanya kaloaga tangala dukkada dakabihu,panewi,jaka bangsa.⁸Ngala dukana ma eingu tatana da mokullunya,houweiga da tou dama matulihungu walingu natana a-pajajinya daku tahuratu bakul nama morikku taguna na Ana Beabu,nama langa dorru.⁹Ngala da tou nama eingu kahiluna kana piaku nama ana rangu nei.¹⁰''Peala a ommi kanya hatou na papa tagungu ta gallu,nama kana djadjika ta gallu;peala ha tou apapa hamati waingu pahoari, waingu pahoari nama a matiya''Nou djiayaka na papa tagudanya jaka na manning natou biaha.¹¹Manga,hiku ittaya heingu nama daga bani ha wanguk na louhunga walingu ta tana;jaka nama daga nei eingu dubba kaduna toungu ana Beabu,manga hina panewi toungu heingu madu.¹²Nammu pahalakunajaka ngaladukada ka loaga na madungu bani nama hangina nei tahaga na,jaka da wokiya tana jaka hamu dama engang na daku da mokullunya nama daga bani nama kawunga nama ka touwi magegarru nama bohi pijallu.¹³Nama waingu tada -tada podahu nama bakulu ,naha purunya na api walingu ta awang lapakungu tapinu tana, tahaga na touwu.¹⁴Jakka,hammu napa jaluruya na towu nama engangu ta pinutana waingu tada-tada podahu napa helldanya taguna kana pahalakunya tahagana nama naga bani nama hangina.nammu winaja dama engangu ta pinutana wolludja hadana nama daga bani nama hangina, nama katowi wewi pahoari djaka na morrikku djella.¹⁵Nammu,da woanya kaloaga ada woanya hangahu nakahala madaga bani nei manga na ka hala madaga bani nei hina piaku papa newi jaka wali nounaka na tou dama mokulluya na kaka hala nei hida hamatiha.¹⁶Jaka,namu walinouna ngaladukana tou,merahu nama bakul,mapoiti mama milla,atta na tou bebahu,woadadja ka tada ta limma lawanada jaka ta ka-a matada.¹⁷Abi eingu ha tou tekka nama piaku pa hii ha nama dagaja hina piaku namu dama eingu tada nei,yana ngarana ma daga bani nei jaka panyapung na ngarana.¹⁸Nei namu jiaya napakeringu pangadang,toma kadja da tou mangu pangadangu kada yapu nomor madaga bani nei na nomor nei djiaya na nomor hatou tou rara;jaka na nomoru na namu ngahu namupulu nammu.(666) lambang anti kris.

Chapter 14

¹Manga,hiku ittaya na Ana Beabu ana dedi ta pinu letina sion, jaka maraina Nya 144 ribu tou,nama eingu ngarana Ama-na ta ka-a matada.²Hiku ranguha da lii-da walingu ta surga toungu kangurawei nama dangu jaka toungu poini maka guruku nama waddi oatangu,nei namu kuranguya nei toungu poini kecapi napa dolungu kecapida hamu.³Hammu lodudanyaka hangi na lodu bua-yi tahagana ta takhta jaka tahagada patuda madaga morikku,jaka ta haga dama bokullu. hamu djiahaka da tou-tou dama keriya na Ana Beabu a biakanyaka Ana halaku.⁴Hammu langa taupu dajaka walingu ta joangada da tou dama kawunga dama keriya hi Allah jaka na Ana Beabu.⁵Da ei memangu walluk maeingu daku ta a-a da,hammu yellah da li-a mangu djalada⁶Ku ittaha da malaikatu hawanguku dama wurung tapadua awang,nama iddi wini inna katikki dadja dama engang tapinutana jaka ngala dukada bangsa, kabihu, panewi, jaka kaloaga.⁷Jaka namu tikkiya waingu eii nama wadingu,"Mangeatuya hi Allah jaka woakadinya horu hailangu lahi namu na rahi pahakhinguha toma danyaka;mimokkullunya nammu nama pajajinya na awangu,tana, tahikku jaka ngaladukada mata wei.⁸Manga,malaikatu hawanguku,napa dubba wainya, pakering jaka napatikkina, Nataburrika,ta burrinanyaka na Babel nama bakul nei lai namu langa woluya ngaladukana bangsa, ana inungu anggur marodak tama winni nama sapumerana .⁹Mangalikka, malaikatu hangi napa katiku waida,nama keriha dama malaikatu nama dadiha,jaka winna waingu lii-na waddi oatangu,"Agera kaya nama mokkuluya nama daga nei jaka na kahalana, na ka ya hangi na tada taka-a matana manga ta limma na.¹⁰Tou nei inungunyaka anggur bani na hi Allah,napa boana waingu kulihu nama binnu daku ka-a pama langu banina, jaka namu pama willaya danyaka waingu apa jaka belerang tahagana malaikatu-malaikatu biha jaka tahaga Ana Beabu.¹¹Jaka na hibbu mawilla da hamu dehangu pangala-ngalangu hammu da eiamangu ka loaga ada hangahu,ana laddu jaka ana riddung, hei hamu dama mokkulunya nama daga nei jaka nakahala madaga,jaka gerajellakaya na tada ngarana.¹²Ya jiaya dapa ruddukuna na tou-tou biaha namaromatunya na lipareha na hi Allah jaka na manninguda lahi yesus.¹³Manga,hikku ranguya na lii na walingu ta surga winna;"Tulihukadiya nei walingu yayi,namaringu malalakada tou mati nama mati lahi moiri." hangahu winna,"napadeningu kada piaku ada hangahu walingu ta joilida hammu witi ha wolu hawoluda hamu kana kerikaha hamu."¹⁴ Manga hiku ittaya da awang kaka jaka na ngodu ha tou tapinu awang nei ha tou maga toungu Ana tou raraya,napakenangu touk ommahu rara taka tikkuna jaka na kahudi harobu nama tama oata ta limmana.¹⁵Manga, malaikat hawanguk lohungu walingu ta Bait Allah,Jaka na pa oungu ha waddi oatangu lahi namu nama ngodu tapinu awang,"pahalakuyaya naka hudi ha robu mu jaka ha robuyaya toma narahi harobu toma nanyaka jaka daparobu tapinu tana da raraka.¹⁶Nei namu nama ngodu tapinu awang pahalakunanyaka na kahudi harobu-na tapinu tana,jaka na tana jella harobunanyaka.¹⁷Mangalikka, malaikatu hawanguku da lohungu ta Bait Allah ta surga, jaka namu jella nama eingu kahudi nama tama.¹⁸Jaka na malaikatu hawanguku djella, nama kuana ya na api,louhungu walingu ta taloara, Napa ounya waingu lii-na nama waddi oatangu ta malaikatu nama hamanmu sabit tama nei," Pahalakuayaya na sabittumu nama tama jaka kamu pakehaja nama paluruhungu da wei anggur walingu tapingi ta tana,"¹⁹Manga, nama malaikatu nei hina pahalakuya na sabituna ta pinu tana jaka na kango buja da wua angguru walingu tapingi angguruta pinu tana jaka hida patullakuja daka ta watu geha nama bakul lahina hi Allah.²⁰Hida pahha da wua anggur nei taha bali kota,jaka na raa nama li walingu tapingi papahudaya da anggur nei tikki pamerada na jagana rahi jara nama laina haratu enam ngahu stadia.

Chapter 15

¹Manga hiku ittaya na tada heaka lita awang, nama bakulu jaka nama heaka hadaya,pituda malaikat dama iddi pitu kabadda,naka badda napa pahupu waidanyaka dama pituda da badda hei jiahaka nabanina hi Allah duka wainanya.²Manga hiku ittaliya hangi nama maga toungu tahikku kaninnu nama pahaurungu api jaka hamu dama langa pakalaya nama daga nei,nakahala maraga, jaka nayapu ngarana,na dadi ta wiwi tahikku kaninu nei waingu hamannu jugga Allah.³Hammu lodudanyaka na lodu nahi Musa na ata hi Allah,jaka na lodukana na Ana Beabu:"Bakul jaka nama heaka hada na kerangu-na o moiri,allah nama reihi Biaha.na lurutu jaka na padening nahalaku-mu,o raja ngalada nuha.⁴Gearaya dama mangeatungu,o moiri jaka da ei amangu nawuatugunya na ngaramu? Ma-a djiapa wuka nama Biaha.Ngala dukada nuha enga ommija jaka da mokkulu tahagamu amu huruku-Na alanga patekkananya⁵ "mengaka ngaladukami na nei, ku ittaya na praingu Allah,namawu hakahi na hi Allah ta surga natawehha.⁶Pituda malaikatu nama iddi pitu ka badda nei louhungu walingu ta praingu Allah,waingu koapi linen, nama kaka jaka nama waingu padoku ommahu rara ta kuruna hamu.⁷Hangi walingu dama patuda da madaga da woaja nama pituda malaikat nei pituka-a pamalangu omahu rara,nama binnu banina hi Allah,nama morikku toma piangu-piangu.⁸Napa raingu Allah na binnu waingu hibbu walingu ta ea-unguna hi Allah jaka walingu ta loaga-na,jaka da ei-amangu ha tou tekka piaku pa tama ta praingu Allah ada diha na pituda ka badda walingu dama pitu da malaikatu ada dukka.

Chapter 16

¹Manga hiku ranguha na lii nama waddi oatangu walingu ta praingu Allah nama winna tama pitu da malaikat"Halakuya jaka kamu boajaya dama pituda kaya pamalangu bani na hi Allah nei ta pinutana "²Malaikat nama kawunga halaku jaka kana boanyaya tapinutana,hi jaji ka wilihu da pama sira dengangu jaka na duraku ta tou-tou nama waingu tada madaga nei jaka nama mokkulunya nakahala madaga,³Malaikat napa kadubada waina na boanya na ka'a pamalanguna ta tahikku,manga na tahikku paheapang nanyaka ana djaji ra'a,toungu ra'a tou mati jaka ngaladukana na tou moriku nama einya na mati.⁴Malaikat napakatillu waida na boanya na ka'a pamalanguna ta loku-loku jaka da mata-mata wei, jaka ngaladukada da djaji ra'a.⁵Manga kuranguya nama malaikat nama loadanya na pinu wei winna,"Owu nama adil,nama biha,nama eingu jaka nama langa eingu witimu owu anmu pahakinya ngaladukana na tou nou.⁶Alanga loadanyaka na ra'a kabungumu nama biaha jaka ra'a da nabi-nabi oli jaka. ⁷ku rangu jellaya na taloara awinna,''ooo moiri,Allah nama biha madi,nama padening jaka nama luruhu kamu pahakinguya.''⁸Malaikat kapatuna na boanya na ka,a na ta mata laddu, nama mata laddu woadanyaka kaloaga ana paka dokku-dokkunya na tou rara waingu api.⁹Tou rara hina paka dokkeiya waingu wajalluna nama da eingu merana nei nama hammu hojatuya nangara hi Allah nama eingu ka luana ta ngaladukkana naka badda nei. Hammu dama weaku paha ria jaka papabuatuya hi Allah.¹⁰Malaikat nama kalimma na boanya na ka,a tapinu douna nama daga nei,kerajaan nya djaji na kapettang,jaka hammu pa kiggitu da djakada lemmada hamu alanga, hidduda. ¹¹Jaka para danya hi Allah nama eingu ta surga witi hidduda jaka da kawilihu da hamu,djajella yaha a dada haria wailingu tahawoluda hammu.¹²Malaikat ka nammu na boanya na ka,a pama langu ta loku bakul,ta Efrat, manga na weihina kadokuka piku piaku da ada halaku da raja-raja da walingu ta Timur.¹³Manga, hiku ittaya walingu,ta a-a nakaboku, walingu ta a-a madaga nei, jaka walingu ta a-a nabi ha kahi walluk dama lohungu tillu hangahu damma djiangu dama hunga taungu ka paki.¹⁴Hei duda djiahaka deawa-deawa mahala, nama wolu tada-tada ajaib, nama halaku tomaja raja-raja tapinu tana ana kangohija a haganya peala na patau ta laddu bakulu, nou na laduna hi Allah, nama reihi biaha.¹⁵("Ittawa a ommiga toungu makeadu. Mimaringukangu Nyiami tou nama maromatungu wikkina jaka na tru nama maromatu da kopida hi dadahalaku kalolu jaka da tou dama peangu wikkida ada kalolu.'')¹⁶Manga, da hamangu-hamangu dama hala hida pakehaja tapa doungu,apa newi Ibrani widdaja Harmagedon.¹⁷Malaikat na kapituna hina boaja kaa pamalangu. ta awang, manga hiku ranguya na lii waddi oatangu walingu tapa praingu Allah, walingu ta takhta nei,hi winna, "Mengaka."¹⁸Jaka, hungalinanyaka nama kawallik nama ka lolluk-kaloluk, na lii-na jaka naka ngurana kaguruk, jaka na oppung napinu tana dama eingu merana, Toungu dadi ma engu madjaji walingu a einya ta tou rara tapinu tana, da eimangu merana na oppungnu nou.¹⁹Napa praingu bakulu nei na bera bagi tiga, jaka kota-kota bangsa nata burri, jaka na babel nama bakulu neiyi dana dengamanya hi Allah a woanya lahi namu na ka,a pamalangu banni na nama worat-boangu.²⁰Ngaladukada nuha dukka jaka ngala da lettina-lettina da hilu ei amadjaha.²¹Na urangu es nama bakul, adaku halakak merana 1 talenta, mana-u walingu ta,awang ana pittakuya na tou rara; jaka hei da tou rara dapparunya hi Allah witti kabadda na urangu es nei. jaka nakabadda nei da ei amangu merana.

Chapter 17

¹Mangalikka, hangi walingu dama pituda malaikat nama hammu pitu kaa pana langu nei nama lihinya jaka napa newi lahi nyouwa, winna,"Mai nimmi, hiku patekka gunya lahi ou na taguda dama sap mera bakul nei, nama ngodu tapinu dama dangunawei.²Wali nouna da raja-raja tapinu tana dadjurakku.''³malaikat neiyi na iddi wa waingu hamangu ta maradda ginnangu, jaka, ku ittaya ha tou namawinni nama ngodu tapinu heingu madaga nama rara nama binnu ngara-ngara hojat, nama eingu pitu katikkuna jaka habulu kaduna.⁴Nama winni nei waingu koapi nama ungu jaka nama rara nama pamanada waingu ommahurara, watu-watu permata jaka mutiara. nama hamannu hangi na ka-a pamalangu ommahrara nama binnu waingu mahuddang jaka makihung majuraku.⁵Ta ka-a mata da, matulingu hangi na ngara, nama dappa peada.⁶Ku ittaya nama winni nama mawuk walingu ta ra-a tou-tou biaha jaka walingu ra-a da hakahi-hakahi ne hi yesus. Tarahi aku ittaya, hupadanya naka bada.⁷Manga,nama malaikat winna lahi nyouwa,"Ga himi ka badda linya? Manga hi wiggugimi deamang maka bailang nama winni nei jaka mapatoddang na madaga napa pa dehami daka katikuda nama pituda jaka da kaduda habuluda.⁸Madaga napa ittami nei dama ei,nei namu ya da hilu ei amanya,jaka omija lokhunya walingu ta kealangu pa mati dengangu ta pinutana, da ngarada dama matulingu ta huratu moriku walingu na tana apadjajinya, taka badanya ata ittaya yana nama madaga nei, nama eingu, ya dama einya jaka nama omminya ana hunga jella.⁹Ya jiaya napa kareingu kaheli jaka pangadang. pitu nei djiahaka dama pituda da lettin da pingi pa eija dama winni ada ngodu.¹⁰Pitu da katikku hei jela djiahaka dama pituda raja, lima ta djoangada da ma naukka, hangi na raja einyaha,jaka nama hangi na raja djella dadi ommimanyaka, nei namu a-ommikanyaka,namu ana engakanguka dana madei mangu.¹¹Madaga yanaga nama langa eingu, ya laddu da hilu eimanyaha,djiayaka na raja napa walu waida nei namu olidaka dama pittuda da raja weiga, jaka namu hagangu tapa mohu dengangu.¹²Nama habuluda da kadu dapa ittami djiahaka dama habuluda da raja dama dadi makolli ngu eiropareha, nei namu dapa kollida napa kollida napa reaha a-rajaya hangi jammu pana olida damadaga nei.¹³Itamu da pangadanguda merada jaka hammu woadanya pareha jaka kaloaga olida da madaga heyi.¹⁴Hammu dama patau geaja na Ana Beabu, nei namu na Ana Beabu napakalaha hamu alanga namu djiayaka hi moiri da ngala dukka da moiri jaka raja tangalada raja jaka hammu dama oli-nya djiahaka dappa kamaikangu, dappa pedi, jaka damma manudu.¹⁵Mangalikka,eijaka da madangu nei winna lai nyouwa, "Na wei napa ittami, tapinnu damma sapmeraada ada ngodu, djiaha damadangu, tou dangu nuha,da panewi.¹⁶Nama habulu kadu dappa ittami jaka namadaga nei nama hukkagimi ati na sapmera. Hammu da wolumi paihhakku jaka mikalolu, ami a-nya naka ti rouna jaka ammitunuya ta api.¹⁷Ma-a hi Allah nama tauya tapa dangu nou daku ta attida hammu kada toma ya nappa kabuda waingu kahanging ka woaja papa reaha hammu ta madaga nei toma wini na hi Allah a genakuya.¹⁸Nama winni napa itta mi nei djiayaka napa raingu bakulu nama pareahaya da raja-raja ta pinu tana."

Chapter 18

¹Amengaka ngala dukada neyi, ku ittaya malaikat hawanguk da purungu ta surga, nama eingu kaloaga nama bakul,jaka ta tama nama pa wahaja na biahana.²Nammu na pa oungu waingu liina nama waddingu winna,'Taburri !nata burika na babel nama bakul nei! namu djadji padoungu enganguda da moiri tana-moiri tana jaka da galluda da ngala da hangahu mahudangu,pingi paparatida ngalada da ma wurung dama huddang jaka dama hukkanya ati.³Manga,ngalada nuha langa mawuk danyaka angur millungu juaraku, raja-raja tapinu tana langa jurak waidanyaka nammu,jaka dama dagang- damadagang tapinutana dama poati wainya mamillungu bakulu."⁴Manga, hikuranguya na lii heaka walingu ta surga winna"Nyiami kabuangu-Gu,lohungu walingu ta ihimi abbi miha gaungu walingu tahawolumi jaka abbi mi kolingu kabbada nama hagagimi.⁵Manga, majaka-majaka mi langa mangojukuda toma ta awangu jaka hi Allah langa nama naja dapa hapala-hapalamu.⁶Naha woluna napa praingu mu merana jellada dapa wolumi,napa ge-agimija paduaba lingu walingu tahawolu-tahawolumi, jaka daku taka-a pama langu napa waina napa hada urangu,napa hada urangu padua wuddangu.⁷Toungu danguna ana pa buatuya jaka ana woanya ma baungu toungu ta ihi wikkina,woakidija mawilla jaka makalana toungu nadanguda weiga, Mag-langa winna daku ta atina, ku ngodu toungu hatou ratu nyouwa dama balumawa jaka doku kali ittamanya nakalana nowu.⁸Nei namu nama hangi nama laddu naka badda-kabadda nama omminya lahinamu, noudjiaya namati,kalana jaka na karobbang, nammu hi tunuya wainya api alanga hi moiri Allah nama pahakkinya nama kuasa,"⁹Raja-raja tapinutana,dama jurakku jaka dama moriku mewa denga nya, hou danyaka jaka dahadukkadengunya ada ittaya na hibbu api patunu waidaja.¹⁰Da dedi marou-marou ada mangeatu toma willa daja, jaka da howu,"lokunanya ! loku tekkananyaka napa praingu (kota) bakul Babel, praingu nama kullihu nei! Maa hangi jamu pana ana pahakki nya nammu nama omminya!"¹¹Ngala dama-dagang tapinu tana da howu jaka kalana dinya napa praingu(kota) nei da ei-amanguha tou tekka dama hiddaja da pada ganguda,¹²Hou-da ommahu rarada,ommahu kaka,permata, mutiara, regi linen nama moppahu,regi awu, regi sutra,regi kermizi,ta ngaladukka da hada padagang dapa wolu-walingu ta gading,walingu ta ai dappa toama da hiida ,walingu tata longa,bihhu ,marmer. ¹³Ayi linggih, rempah-rempah, nama woa momarru,mur,kemenyan, anggar, minyak,ittu mopahu,gandum,hapi beabu,jara,kereta,ata ,jellakika hangahu tou rara.¹⁴Hammu hi widda "Dawua da ha millu mu na dewa mu nama robbaka lahi ou, tanga kehana nama meawa na helingu ta ihimu jaka dami hilu ittaminya."¹⁵Damma dagang da padang-padang hou weiga, nama poatiwainya napa praingu nou,hida dedi maroa-marao danyaka ada mangeatunya nama willa napa kollina napa raingu nou pama raingu houda djaka kalana.¹⁶Hammu widda,"Lokku nanya ! lokku tekka nanyaka napparaingu bakul neiyi, nama waingu kopi kana mopahu, nama waingu koapi awu jaka koapi kirmizi, jaka nama pamadangu wikina ommahu rara,watu-watu permata,jaka mutiara.¹⁷Nei,namu hangi jam pana, ngaladukana ha poati nei dapa mohuha !"ngala dukada nahkoda,namma kaheaka, nama keri kapallu,jaka tangala dukana tou nama nyerangu morikku ta tahikku da dedi wali maroungu-maroungu,¹⁸Jaka paoungu danyaka ada ittayakka na hibbu mutunguna napiangu nou "praingu biakanyaka nama toungu napa raingu bakul neyi?''¹⁹Hammu nama hoararungu kuburru ta katikku da jaka nama pa oungu manga hida howu jaka ada kalang widda"Lokkunanya !loku tekkananyaka napa praingu bakul nei nama walingu nouda ngala dukka da moirida da kapalu ta tahikku manga hidda djadji poiti jella tau waida !nei, nammu hangi jam pana, paraingu nei ada wolluya ana djadji kahanna."²⁰Ta egi ati-di ata koku lahi nyiami,ta surga ta tou-tou nama biaha,rasul-rasul,jaka nabi-nabi alanga hi Allah ana pamanaungu ana hukunya naparaingu nei wittimi.²¹Manga,namalaikattu nama kullihuda ana dedikunya hangi na watu nama bakullu toungu watu kilangan jaka nappa tullakkunya ta tahik manga hi winna"Tounounaka na babel,paraingu bakulu nei adda pamananya jaka dada hillu paregga denga bali maupaha.²²Nalii-da da ma dokehu da pouya natalali nama pounya na trompet, jaka dapa poiningu hawanguk da rangu jellamaha nou daku.da ei amangu mamarena,mahillu wokiha dapama rena dengangu nappa regga nou daku.Naliina magilingu da hiku rangngu djellamaha nou daku.dae-amangu mamarena,nama piaku maha pawolu ngaladukka da pamarenna dengangu,napa reggada nou daku.²³Dawaha api dada hillu wahamanguha no daku.dakida mapaumangu mouni jaka mapa lemangu mawini da hillu rangu djella maha nou daku,jaka dama dagang-madagangu djajiahaka tou bakul-toubakul tapinu tana nei nammu,ngala dukka da nuha langa pajallurru daka waingu morru kuddu.²⁴Jaka nou daku tapa raingu neyi hida reggaha da ra-a dapa wihi kimahada tou-tou biaha,jaka ra-a da ngaladuka da tou dapa hamati tapinu tana."

Chapter 19

¹Mangalikka, hikuranguya na li,i nama wadingu toungu makka buang bakul tou ta surga winna,''Haleluya ! Namorikku,horuhailangu,jaka nakaluaga tagunanyaka hi Allah da.²Maa langa pahikkingu-Na mapadening jaka nama manning,³Nappa dua wudangu, manga hi winna ,"Haleluya!Hibbu masappu mera langa dehanguna toma piangu-piangu."⁴Manga, dama duambulu patu nama tua-tua jaka dama patuda madaga nei nama mokkulu jaka nama sembah ya hi Allah,nama ngodu ta pinu ta loara, manga hi winna,"Amin! Haleluya!"⁵Manga lika rangu danyaka na li,i a walingu tataloara,"Wuatuya hi Allah da,nei nyiami ta ngala dukana nama payemanya nammu, nama merahu mang bakullu,nama pabuatuya Nam-mu."⁶Manga,hiku ranguya na li,i mangga toungu kabuangu tou madangu, toungu poini weibinnu, jaka toungu poini kagurukku dama eingu merana, winna,"Haleluya! alanga hi moiri Allah da nama reihi biha ana pareahada.⁷Maida djiata kata egiatiya jaka ada hawuru weangu,jaka woanya horuhailangu waidaya na ladu deki mawinni ana beabu toma danyaka, jaka nama winni nopadeki langa ha dianaka.⁸Lahi nam mu woadanyaka regi lenan mamopahu nama warahu jaka nama duka manadang,kana waingu manga na regi linan neyi djiayaka nahawoluda nama kahung napa langa pahalaku da da tou biha (kudus)."⁹Mangalikka, malaikat nei hi winna lahi nyouga,"Tulihukadihaya; Namaringu malalakaya na tou napa peakangu tama payeamangu witi nika Ana Beabu!'' Jaka, nammu winna ga nyouwa," Yadjiaya na wini-wini nama deha walingu lahi Allah."¹⁰Manga, hikku karada liku ta wihida malaikat nei ada sembaya nammu. Tikkina winna ada panewi lahi nyouwa,"Abbu Pahalakudiya nei naa langa nyouwa jellaka ata toungu jaka ngala da angu-wuamu dama pajukka noungu ada haka hiinya hi yesus. mokkuluya hi Allah witi hakahi hi yesus djayaka hamangu patikki mamoulu.¹¹Manga, hikku ittaya ta surga ana ta weha, jaka na hunga heingu na jara kaka; namu nama ngodu tapinu nangarana."mamanudu jaka mapanening, jaka mareihi padenitekkangu namu mapahakking jaka nama geadja.¹²Da mata na magga erikk apiya, naka tikku na da dangu da touku, jaka nammu wikki.¹³Nammu na waingu koapi bakulu apa lu-urungu daku ta ra-a jaka na ngara na djiayaka na wini Allah.¹⁴Ngaladukka da pasukan nama eingu ta surga da keriya namu jaka nama kakti jara kaka jaka nama waingu koapi linen mamopahu nama kaka jaka mawaru oata.¹⁵Walingu ta a-a na, na louhungu hapangu napahouri toma napa waingu apatou-waidja angi nuha-angi nuha. nama djiaya nama pareaha hammu dama waingu takku behhi, nammu nama pahuha da angur ta watu gilus,. ya djiayaka na banina hi Allah nama reihi biaha¹⁶Ta koapi bakul jaka ta kanyuluna matalingu ngarana : Raja ya tanga dukana raja jaka moida tangala duka da moirida.¹⁷Mangalikka, hikku ittaya ha tou nama malaikat nama dedi deaha ta mataladdu. nammu nama paungu nama waddi oatangu dama wurungu dama wurung ta awang,"Maiya,pakehangya ka keriya da baung angu bakuluna hi Allah,¹⁸Kapikku amija da roua da raja jaka damma kaktiha,jaka da rouda ngala dukka da tou, ka ata jellaya jaka nama marabba, tou millakaya jaka na tou poiti."¹⁹Manga,hikku ittaya nama daga nei jaka da raja tapinu tana jellakika tou nama rahukungu dama pakehangu kapatau ama geanya nammu nama ngodu takadenga jara kaka nei jaka da geada marahkunguna .²⁰Nama, daga nei hiappaya, maraija da hakahi palapingu dama langa woheda tada-tada makabadda tahaga madaga nei,witti nammu ada pajalluru hammu dama kaya na tada dama daga nei jaka hamu dama mokukunya nakahala madaga, Hamu ngala dukada patullakku kamoriku dajaka wawa ta tahikku api nama erikku waingu balerang.²¹Jaka, dappa hamati waingu pahoari nama louhungu walingu ta a-a na nama kaleti jarakaka nei jaka ngaladukka dama wurung da papabihu waingu rouda hammu.

Chapter 20

¹Manga, hiku ittaya namalaikat nama purungu walingu ta surga,nama idi kuhi liangu pain ati dengangu jaka hangi na reawa bakul ta limma-na ²Nammu nama appaya na madu bakuli nei, na maddu kaweada, nou jiayaka na moiri loada jaka na moiri tana, jaka nama piija madeina haribu doungu,³patullaku danyaka nou daku ta liangu pamohu dengangu, hina todiya,jaka na segeluya peala nama abi napa pajalluruya da nuha-nuha peala,toma haribbu doungu nei ana dukka. Manga nou, nama hi pahella lettuya.⁴Manga, hikku ittaya da tou da tou jaka ta pinnu na tou -tou napa woangu kaloaga ada pa hakkinya.ku itta da dewa da tou tou dapa tippil da katikuda witi ada hakahinya hi yesus jaka nawini Allah, jaka hammmu damma mokkulunya namadaga nei taka-a matana jellkika talimada hamu-hammu da moriku bali jaka da pareha denganya hi kristo madeina haribu douna nei toma ana dukka.⁵Nei namu, tou-tou mati hawanguk da da morikku maha a dadi tomaya nama haribu douna nei apahupuya yajiayaka na kiddi bali nama kawunga.⁶Nama ri,i jaka namalala na tou-tou nama kolingu pataguna daku takeddi bali tama kawunga nei. taguda da tou-tou heiyi, namati nappa dubba waina dana hilu piakamaha, nei namu djaji imam-imam Allah jaka kristus, jaka pareaha denga danyaka nammu toma harinu doungu.⁷Atomayaka nama haribu douna apahupuya,namoiri tana pahelkadayaka walingu ta galluna.⁸Namu hina halaku ana pajalluruya na nuha nuha dama patuda daka hangipinutana , Gog jaka Magog jaka ana pakehaja hammu kapatau widda. da danguda hammu toungu korahu ta tahikk.⁹Hammu da detangu tapinu tana jaka kana kaboguruku na kema da da tou-tou biaha jaka praingu pa namu oatana. Djidi nguka, api purungu nanyaka walingu ta awang ana pa kadokku-dokkuja hammu.¹⁰Manga na moiri tana nama pajalluruha hamu hina patullakkuja ta tahikku apai jaka na belerang, nou lawuyaka namanaga jaka hakahii palapingu nei patullakku jelladajaka. Hammu pamawilla dajaka laddu jaka redung jaka lapakungu piangu-piangu¹¹Manga nou hikku ittaha da taloara kaka nama bakulu jaka nammu nama ngodu nou deha, nama walingu tahaga Na pinutana jaka na awang na mohu jaka da hilu ittaya maha dapa douda hammu.¹²Jaka, ku ittaya da tou-tou mati dama bakul jaka dama merahu, da dedi tahagana ta lora nei. manga hi da weaha da huratu-huratu jaka hangi na huratu pahakki daja keriha agaunaja dama matulihungu daku tahuratu-tahuratu nei keriha da ha woluda hammu.¹³Natahikku na woaha da tou-tou mati dama eingu nou daka,napa mohu dengangu jaka na hades na woadaja da tou-tou mati dama eingu nou daku jaka hamu hi pahakija, hatou-hatou keriha da hawoluda.¹⁴Manga,nama akit jaka na hades hi patullakuja daku ta tahik api. Nei jiayaka na mati nama napa kadubbana tahikk api.¹⁵A eikaguk hatou na ngarana dama matulihu daku tahuratu morikku, nama patullakku danya daku ta tahikk api nei.

Chapter 21

¹Mangalikka, hikku ittaha da awang nama buang jaka na pinu tana nama buang. Manga, na awang nama kawunga jaka na pinutana nama kawunga langa mohuda ; jaka na tahikku jella da hihi ei amanyaha.²Manga, hikku itaya napa praingu nama harrii, yerusalem bua, na purungu walingu ta awang,walina hi Allah, jaka langa paha diananya toungu mawinni bihi paummangu nama pama nadang wikina tahaga tora lana.³Kurangu na lii na nama waddingu oatangu walingu tata loara winna,"ittaya, kemah Allah eingu tapa padua-padua tou rara.nammu na engang ta joanga hamu jaka hamu ana djaji kabuangu Na Allah wikkika nama eingu ta joangada hamu jaka dama djaji Allah hamu.⁴Nammu hidda poddahuha da weimatada walingu ta mata da hammu jakka mohu dana hilu piaku maja, da hillu ei-amanguha paha dukka dengangu,hou moha, jaka padangu hiddu witinna nama deingu ana loppahu."⁵Nammu nama ngodu ta taloara nei winna ,"Mi ittaya, kupadjajinya tangaladukana mabuangu,"Hiwinna ligga ,"tulihuha heida dappa waingu jaka dama padeningu."⁶Mangalikka,nammu na tikkiya lai nyouwa,''langnga mengngayaka ! Nyouwa djiawaka nama ittaya omega jaka kawunga jaka nama kamuri, nyouwa ku woagimi pa inung agera kayaka nama madowu walingu ta mata wei morikku wolawaingu.⁷Nammu nama talu nama doungu nei ngaladukana nyouwa dajdjika Allah da jaka namu da djaji ka Ana-Gu.⁸Nei namu, Hammu nama mangeat,dama wainya , jaka mahudang,mahamati, tou-tou makeiku wawi, makuddu, dama pa buatuha dama langa mati, jaka ngala dukka dama walluk, djiaha dama kollingu patagu da daku ta tahik nama erikku waingu api jaka belerang. Ya djiayaka na mati napaka dubba waina."⁹Manga, hangili walingu dama pituda malaikat nama hamanuya dama pitu da ka-a pamalangu dama binu waingu pitu ka budda napapa hupu wai danya nei omminya jaka winna lai nyouga," ommigimi, nyouwa ku patekka giminya pa ummangu mawinni,ara weina na ana beabu nei.¹⁰Manga, nama na idiwa dalu ta hamangu halaku ta lettina nama bakulu oata jaka nama jaga, jaka nama patekanya lahi nyouwa napa praingu biaha nei, Yerusalem nama purungu walingu ta wang walingu lahi Allah.¹¹Nabinnu waingu biahana hi Allah jaka nama walingu toungu permata dapa toma na hina, toungu permata yaspis, nama majellawalu toungu kristal.¹²Napa praingu nou eingu gallu watu nama bakul jaka nama jaga eingu habulu dubba binna bakul Ta binna-binna bakul nei eija dama habulu duba da malaikat jaka da ngara-ngara da matulingu ta pinuda djiahaka dama habulu dubba da kabihu israel .¹³Eija tilluda da binna bakulu ta tora ladu baru, tilluda da binna bakulu ta tora ta utara, tilluda da binna bakulu ta tora ta selatan, jaka tilluda da binna bakulu ta tora laddu malung.¹⁴Nagalu watu praingu nei eingu habulu dubba watu fondasi jaka tapinu watu-watu fondasi nei natuliha nama habulu dubba da rasul Ana Beabu.¹⁵Da malaikat nama panewi lahi nyouwa nei da hamannu hangi takku ukkur naha wolu walingu ta ommah rara ka ukurru wainya napa raingu nei, da binna-binna bakuluda, jaka nagallu watu.¹⁶Napa raingu nou maga ma segi pattuya, na malaina merana djellana bellarrum. nammu nama ukkuruya naparaingu nei waingu takku na, habulu dubba ribu stadia; malaina, bellaruna, jaka najagana merada.¹⁷Manga, nama na ukurruya na gallu watu praingu nei, hangahu patumbulu patu hasta, kakerikayana ukurruna na tou rara, tou nou jellana da ukuru da malaikat.¹⁸Nagallu watu na praingu nou awoluya mawalingu ta permata yaspis jaka napa praingu awoluya walina ta omah rara nama toungu naka ninu.¹⁹Fondasi gallu watu naparaingu nei awoluya walingu ta permata nama mahal jaka watu fondasi nama moulu watu yaspis, jaka nama kadubana watu safir, jaka nama katilluna watu mirah, jaka nama kapatuna watu zamrud.²⁰Jaka nama kalimmana watu unam, jaka watu nama kanammuda watu sardis, jaka nama pituda watu ratna cempaka, jaka nama waluda watu beril, jaka nama hiwada watu krisolit, jaka nama habuluda watu krisopras, jaka nama habulu hangina watu lazuardi jaka nama habulu dubba na watu kecubung.²¹Habulu dubbada na binna bakulu djiayaka nama habulu dubba da da mutiara, hangi-hangi binna bakulu awoluha walingu hangi mutiara. Nangara ngia naparaingu nei hawoluya walina ta omah rara jaka matoungu taka ninu.²²Nyouwa daku ittamaya na bait Allah*tapadua praingu Allah noudaku taparaingu nei witina hi moiri, Allah nama reihi madi, jaka Ana Beabu wikkika napadouna Allah naparaingu nei.²³Napa raingu nei dana waimangu mataladdu jaka wulangu kana pawahanya waingu nanyaka wahunguna hi Allah napa wahananya naparaingu nei jaka na Ana beabu djiayaka na lampuna.²⁴Nanuha-nuha ada halaku taparaingu nei jaka da raja-raja ta pinu tana damma iddiya na baungu hamu na daku.²⁵Binna-binna bakuluda dana piaku a toudiya yana wahaladdu,jaka da ei amanguha riddungu nou lawwu.²⁶Hammu da iddiya nabaunguna jaka horu-hailangu nuha-nuha nou daku taparaingu nei.²⁷Jaka tou nama paha lakuya na tanogu dama kalungu jaka pahalakuya naka bohuk,nou hammu-hammu dama eingu nangarana nama matulingu daku ta huartu morikku Ana Beabu.

Chapter 22

¹Mangalikka, malaikat nei patekkaganya lahi nyouwa loku wei morikku, nama bening toungu kristal, nama laii walingu rongu Allah jaka Ana Beabu.²Tapa dua-dua ngara ngi praingu nei. nama dubba da karaha loku, tubu da pingi ai morikku nama pa djajingu habulu dubba hada wuada jaka dama wua pangalang tikki na wulang. da rouda-rouda pingi ai nei waida dja ana pategahaha hangi nuha hangi nuha.³Da hilu ei amanguha payura nei namu tahta Allah jaka na Ana Beabu djiahaka dama eija ta paraingu nei da ata-ata nada mokkunya nammu.⁴Hammu da ittaya na hadda-Na jaka na ngara-Na ada matulihungu ta Ka-a matada hammu.⁵Riddung da hilu ei-amanguha manga hamu hi dada wai amanguha waha api wei jaka mata laddu einyaka hi moiri Allah nama pawahaja hamu, jaka hammuka namapareha pangalangu lapakungu piangu-piangu.⁶Malaikat nei ana panewi lahi nyouwa,"ngaladukana napa tikki yayi pa wainguya jaka mapadening. moiri, Allah walingu deawada dapa wihi limma na ( Nabi), paleawaya nama malaikattu kada patekkanya na ata-ata Na aganannya nama djadji kabadda.⁷Ranguya, nyouwa hidd ommigah mimarikangu tou nama keriya napatikki-patikkida napa tuli ta huratu nei."⁸Nyouwa, Yohanes, nama langa ranguya jaka nama ittaya ngaladukana nei ya, nyouwa napa rangu jaka itta boliha, hikku mokkullu jaka ku karadda tawihi da malaikat dama patekka bolludja lahi nyouwa.⁹Manga, namu winnaga lahi nyouwa,"Abi pahalaku diya nei ! nyouga djiawaka atta nama merana nyiami jaka da anguwua anguwuagu, pawihi palimana, toungu hamu dama keriya napatikki patikki daku ta huratu nei.mokkulunya hi Allah!"¹⁰Manga, malaikat nei winnaga nyouwa,"Abbi segeludiya napatikki-napatikki winina daku ta huratu nei alanga rahiya nama maranika."¹¹Tomakaja da tou dama woluya dama kalung kana maddukangu ana woluya dama kalungu, na tou dama woluya nama warahu, kana wolupanga lakuanya nama warahu, na tou nama woluya nama padening kana maddu kangu ma pahalakuya nama padeningu, jaka na tou biha kana maddungu ana pabiha wikkina."¹²"Ranguwa nyouwa geha ommigaka ! jaka, nyouwa ku iddi tagu-Gu, kaku pagea dadja daha witi wolluda. ¹³Nyouwa djiawaka Allah jaka omega,nama kawunga jaka nama pahupu, nama kawunga jaka nama kamuri.¹⁴Naka ngurruka hamu nama baha koapi bakuluda hamu manga manga hammu ma einguda pingi morikku jaka nama taparainguha nei nama lii-noungu ta binna-binna bakulu.¹⁵Nama eija tahabali praingu nei djiahaka da ahu-ahu, tou nama pahalaku moru kuddu, tou-tou jurakku, dama hamati, nama semba dewa tou mati,jaka natou-natou nama kabohuk.¹⁶Nyouwa, Yesus, langa paleawaha nama malaikattu ada djaji hakahi lahi nyiami witina ngala dukana nei witina kabuang-kabuang. Nyouwa kalunga naga jaka wallanagu hi daud, inna kapea laddu baru nama waha oatangu .¹⁷Dewa jaka nama palunangu mawinni nei winna, "Maiyaya!" Toma kanya nama rangu ya nei ka winna," Maiyaya!" Tomakanya na tou nama maduu...ka omminya toma-kanya na tou nama hadia kadeki wei morikku kana deki ka luakaya."¹⁸Nyouwa ku hakahinya na tou nama ranguya napatikkina napatuli tahuratu nei."A eikanguka nama tabaya a gannadja dapa tikki-patikki na nei, Allah wikki nama tabanaja lahi namu ngala duka nakabadda nama patulihungu daku ta huaratu nei.¹⁹Jaka, a eikanguka nama pakuranya ahangina walingu tapatikki-tapatikki daku ta kii manang nei,Allah na deki naja da taguna walingu ta pingi ai morikku, walingu taparaingu biaha, jaka walingu aganna-agannaja nama patulihu dakertas limannang nei."²⁰Nammu nama hakahija taguda aganna-ganna kaja dapa tikki,"Ya nyouwa hidda ommigaka."Amin! ommigaka, moiri Yehu!²¹Nappa awi panamung hi Yehu! kana tuku kada jiata ngala dukkada Amin.

Wanukaka: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation