¹Le kódó́ɖotowo be djiɖuɖu be gamea adɔ̃tótóe ɖe va anyigbadji. Eye cua ɖe co Betlxem Yuda djuame, kplɔ srɔ̃a ku evia ŋcuvi vewo djo be ye wa yí ci Moab tɔwo ba nyigbadji. ²Ŋcua be ŋkɔɛ tɔ Elímelɛx, srɔ̃ be ŋkɔɛ t‌ɩNaomi, eye evia ŋcuvi veawo be ŋkɔɛ tɔ, Maxlɔ̃, ku Xilɔ̃. Efrayim tɔwó wó nyí co Betlexɛm le Yuda dju ma. Eyí wo va ɖo Moabe nyigbadjía wo dji nɔ̃ƒe, eye wo nɔ géma.³Abimalex, Naomi srɔ̃a ku, ye be kpɔtɔ ye ku via ŋucuvi vea wó. ⁴Evviawo ɖé Moab nyɔ́nuwó, ɖeka ŋkɔɛtɔ Orpa, ye vegɔa ŋkɔɛtɔ Rut, eye wo nɔ géma sigbé aƒe ame ne woe ene. ⁵Eye Maxlɔ̃ ku XIlɔ wo kuvea wo cã wo va ku, ye Naomí cíã yi, srɔ̃ ku vi manɔ̃ɛsitɔ.⁶Yé co, kplɔ lɔ̃xoyɔɛvi veawo be ye wa djo le Moab nyigbadji atrɔa djo yí ye be djume ɖoa, ese le Moab be djua me be Mawu va dji djua kpɔ, ye be he nu ɖuɖu va nɔ̃wó. ⁷Edjo le teƒe yi nɔa ku lɔxo yɔɛvi veawo, ye wo dje mɔ be ye wa trɔa djó yi Yuda nyigbadjí.⁸dNaomi gblɔ̃ ne lɔxoyɔɛvi veawo be: Mia dometɔ ɖesiaɖe ne trɔ yí enɔa ƒeme ! Mawu la ve mianu sigbe ɖeke mí ye mi ku ame kukuawó nu ene. ⁹Eye ba na mia dometɔ ɖesía ɖe nekpɔ ŋtifafa le srɔ̃a ƒeme ! Eye be fã wo. Wo kɔ gbe yí djí ye wo fã ví; ¹⁰Wó gblɔ nɛ bena: "Óó mía yi dju wo me gaku o.¹¹Naomí gblɔ̃ bena: Mi djoyí eví nye nyɔ̃nu viwo! Nukaŋti mía kplɔ̃ŋɖo ayi ɖo, ɖé yé ŋcuví gba le dɔme neŋ madji míagba va ɖea ? ¹²Mí trɔ, eví nye wo! mí djo yí! mé ci ŋtɔ be ne ma gba ɖesrɔ̃. Eye ne me gblɔ be: mɔkpɔkpɔ gba le así nye, eye le zã ya me ŋtɔcã ne gaku ŋcu mi dɔ eye me djíví ŋcuvíwo cã, ¹³Ɖe ye mía nɔte kpɔ́ wó be wo neva ci, eye mia gbe srɔ̃ ɖeɖea? Óó, vinyewó míatɔ kpoe le veŋ nenyé ŋtɔɛa Mawu doasiɖa gbɔnye vɔ.¹⁴Eye wo gba fãví sesée ɖe. Eye Orpa ya fã lóxoa vɔa Rut ya le ɖeŋti. ¹⁵Naomi gblɔ̃ne Rut bena: kpɔ acu O sí ɖa, ya trɔ djo yí yí be dju gaku yí be mawuwo gbɔ, trɔ sígbe acuwo sí éne.¹⁶Rut ɖoe ŋuti nɛ be: ŋgba cucuŋ be ma dɔyí le gbɔwó! Afí síafí yí la yía, mayí gakuo, eye afí síafí yí na nɔa, ma nɔɛ gaku wó, dju kɔwo la nyi djukɔ nye, eye Mawu wo la zu Mawu nye; ¹⁷Afíyí la ku nɔa, afíma ye ma ku nɔ, eye fíma yewa ɖiŋ ɖo. Mawu ne fíɔ̃fu aleke be djea ɖo, ne gbea eku kpoe la mãŋɖa le gbɔwo. ¹⁸Naomía, eyi be kpɔɛ be ɖoɖoe kɔŋbe ya yí gaku yía edjídjɔ, nuƒo dodo nɛ.¹⁹Eye wo ku vea wozɔ le dju va Betlexɛmoa. Eye eyí wo ɖo djua mea, edjua kpata be ŋku le wodjii wo boɖowó ye nyɔnuwo le gbɔgblɔ̃ be: Naomíé nyí éma? ²⁰Egblɔ nɔwo be: Miŋgba yɔ Naomi ne mo, boŋua mí yɔ Mara neŋ, ɖoa ŋuse kpata tɔa cɔŋ do ŋublayítɔ. ²¹Me cɔ nugbogbo ɖasi djo, eye Mawu kplɔŋ gbɔ asífluflu. ŋka ŋti mile yɔŋ be Naomi, evɔ cɛ Mawu na be dji nye kpata gbã.²²Nenea ye Naomí gbɔ va edée eye lɔxo yɔvía Rut, ye nyí Moab nyɔnua kplɔɛɖo co Moabtɔwo ba nyigbadjí, ye wo va Betlehɛma, yí wo dje agble me nukuwo ɖeɖe gɔmea ye nyí éma.

¹Naomi srɔ̃ ƒometɔ ɖe co Alímalex ƒomea me nyi ŋucu sesé gatɔ ke ŋkɔɛ nyi Boas. ²Rut Moab nyɔnua gblɔ ne Naomi be: De mɔ nem ma yi ca cagba cɛ le agble ɖe me, yi ma kpɔ amenuveve co ameɖe be ma lea, egblɔ̃ nɛ be: yí vínye³Eyí le cã le agble ɖe me le nu xatɔwo ŋgbodome ye ŋkutɔɛ agblea djo va zɔ Boas ke nyí Alímalex ƒometɔa tɔ. ⁴Ye kpɔɖa, Boas va co Betelxem, ye gblɔ ne nuxatɔ̃wo be: Yehowa ne nɛ̃ ku mí loo! Wo ɖoeŋtí nɛ be, Yehowa ne yrao loo!⁵Eye Boas bíɔ̃ ameyí da ɖò enuku ɖetɔwó ŋkɔ be: Ameka be nyɔnue nyíé ma? ⁶Enukuɖetɔwó djí kpɔtɔa ɖoe ŋti nɛ be: Moabtɔwo be nyɔnu nyí gbɔ va co Moab nyigba dji ku Naomi ⁷Egblɔ bena: Ɖemɔ neŋ ma cã cãgbacɛ ye ma ƒute eyí wo ne le nukucí ye wo bɔ kplɔ dɔwɔtowó ɖoa. Ecó ŋdé me yi va, titre nu kpoe le kaka seɔ gayame, ye me nɔ̃nayí gaɖe kpe cã me le aƒe me ó.⁸Boas gblɔ ne Rut be: se ɖa vínye nyɔnuvi: ŋgba yi agble bu me be yá yí cã, co nuo ye ŋgba yi djídjíƒe cã, co fíya o, nɔ dɔ wɔ tɔwo nye o gbɔ. ⁹Kpɔ giii woxanua aseɖo ne agblea yé na yí ne wó ɖé vɔa. Me dó sé ne dɔwɔ̃tɔ nyé wó be wo gba kasí ŋti wó. Ye ne cí kɔ wu wa, na yící zea wó gbɔ, anu cí yí dɔwɔtɔwó wa kua.¹⁰Eye be dje klo détagu le akɔme nɛ, gblɔ nɛ bena: Ɖéké wɔ mé kpɔ amenuveve có gbɔ̃wo lékea, eye le lɔ̃ nyã nye gbɔ̃, enyé yí nyi ame dro? ¹¹Boas gblɔ̃ nɛ̃ bena: wó gblɔ̃ nuyíwó kpata le wɔ̃ne lɔ̃xówó có káá srɔ̃wó be ku bé game, ku kéké yé ne djo le tɔtrɔ̃wó ku énɔwó gaku édju yi me wó djí wò lea gbɔ, be ya va edju yí me nya c&̃ wa me. ¹²Yehowa ne ɖo nuyi ne wa be teƒe nɔ̃ wó, eye fecu wa ne sugbɔ ɖedjí có Yehowa Israël be Mawu yi be awada gɔ̃me ne va wlaɖoa gbɔ!¹³Egblɔ̃ bena: Oo! Aƒetɔ nye, me kpɔ amenuveve co gbɔwó! ɖoa ne fa djí neŋ, eye nuƒo wa de djí gbɔ ne sumɔvi wa, vɔ có gakea nye me nyi sumɔvi wó dometɔwo ɖekpe ó.¹⁴Ké nuɖuɖu be game ɔa, Boas yɔ Rut be: dɔ̃va, ɖu akpɔ̃nɔa, kɛ tɔ atadécía me. Eva nɔ ayi le nukuɖetɔwo gbɔ, y& wó cɔ̃́ bli mémé nɛ. Eɖuí ɖo ƒodo, ye cɔ kpɔ̃tɔɛ̃ daɖi.¹⁵Emégbea écɔ gbayí nu cãgbe, Boas do se ya ne nuku ɖetɔwo be: ne cà le nuku ci bɔ̃bɔ̃wo dome fao, ye wógba xe mɔ̃ nɛo. ¹⁶Wa gble ɖe wó da nuku cí bɔ̃bɔ̃a me nɛ ba cã, wó gba gbe nɛ o.¹⁷Ele nuku cã le agbl&a kaka ɖo wótrɔ̃me, ye nuku yí be cã la nɔ nudogbã ɖeka. ¹⁸Ye droé yí duame ye lɔxoa kpɔ nuyí wo be cã. Ye be ɖé nuyí be ɖu kpɔtɔa tó cɔ̃ na lɔxoa.¹⁹Lɔxoa biɔ̃ be fíka le yí cã nukua lé égbea fíka le yí wɔ̃dɔa le? Wó ne yra ameyi ne lɔ̃ nyawó gbɔa. Ye Rut ɖe ame yi gbɔ evɛ̃ wɔdɔa lea fíɔ̃ lɔ̃xoa: Ame yi gbɔ me vɛ wɔ̃dɔ̃a le egbea ŋkɔɛ̀ nyi Boas. ²⁰Ye Naomi gblɔ ne lɔ̃xoyɔvia bena: Yehowa yi me té amenuveve, amekúkú kú ame gbagbewó wa ne yraɛ! ŋcua mía be ƒometɔɛ, Naomi gba gblɔ̃ nɛ. Ame yí wó ne nyí tatɔ ne ƒomea bé dometɔ̃ ɖekaɛ.²¹Rut Moab tɔa gba cɔ kpe be: Egblɔ neŋ cã be: Nɔ̃ sumɔví nye wo ŋtí kaka seɖo edɔa be vɔvɔ. ²²Ye Naomi gblɔ ne Rut elɔxó yɔvia bena: enyo, vinye be na nɔ yíyi ku dɔwɔtɔ nyɔnua wó be ameɖe ŋgba va do góó le agble bu me awɔ nũ baɖa kuwó.²³Néne nɔ Boas dɔwɔtɔ nyɔnuwó ŋti, le ecãcã djí va se do gayíme lu ɔ wó be cacã kpa, ye nɔ̃ lɔxoa gbɔ.

¹Lɔ̃xoa Naomi, gblɔ nɛ be : mana naɖi ɖeme be woa nyɔ̃ nawò. ²Fifia Boaz ku yibe subɔtɔ nyɔ̃nuvi yiwo ne le kuia, me nyi miabe ƒometɔ woa ? Kpɔɖa edja gbɔ̃ lũ zã ya me le lũgbɔ̃ƒe.³Co eye nasi ami, do awu eye nayi lugbɔƒea. Ŋgba na woa nya wo o. Vase gayime ke wo ɖu nu eye wono nu vɔ. ⁴Ne yina anyi mlɔgbea, kpɔ afiyike wò mlɔ. Emegbea, yi yi na kpɔ yibe afɔwo eye na mlɔ yibe afɔde. Yiŋtɔ agblɔ nuyike na wɔ. ⁵Eɖo eŋti nɛ be : mawɔ nuyiwo kekeŋ ne gblɔ neŋ.⁶Eyi lugbɔƒéá éyé be wɔ núyiwó kpátá lɔ̃xóá gbɔ nɛ́á. ⁷Boas ɖu nú, nu nú éyé dji le édjoŋ́. Eváyi mlɔ anyí le lu bɔbɔ ɖɛká bé afɔnu. Rut zɔ̃vá égbɔ́ djáá, ékló avɔ le afɔ nɛ́ éyé be mlɔ anyí le gémá.⁸Le zã domea Boas djivo, étrɔ́ éyé be kpɔ nyɔ́nú ɖé mlɔ anyí le yíbé afɔnu. ⁹Ebíɔ́ɛ́ be: wo ame kae? Eɖó éŋtí bé: nye Rut dɔcɔ́tɔ́ wo ye, cɔ̃ así djinye ɖóá woe nyí ameyi la xɔ ném.¹⁰Boas gblɔ nɛ be: vinye Mawu néyrá wo! Djesi mamlɛ́tɔ ya le ɖaséɖíŋ́ co ŋtíwo wú gbã́tɔa, ɖɔ́á medji ɖekádjɛ́ cítɔ́wó aló woamenɔwó o. ¹¹Fífía, vinye vɔvɔ̃ mégbaɖówo o, núsianú yi lagblɔa mawɔɛ ne wo, ɖóa míádetɔ́wó nyá bé nyɔ́nú xɔasi le nyí.¹²Nyawó benyí bé me nyí ameyi axɔ ne wo vɔa amebú gbali yiké cɔ le gbɔwo wúm. ¹³Mlɔ gíya nuneke. Eyé ecɔa ne eva be yiaxɔ ne wɔa, ne xɔ ne wovɔa négbéá, maxɔ ne wo, Mawu le agbe! Mlɔ gíya nunéké.¹⁴Emlɔ yíbe afɔde káká enuke eu=ye be fɔ̃ cãƒé xíxéáme kɔ. Boas gblɔ be: ameɖékpé mégbanyá bé nyɔ́núɖé vá lugbɔƒéɔ́. ¹⁵Eye Boas gblɔ nɛ́ bé: Ɖe awu ʋlaya wɔa na ɖoe. Eɖóé eye be ɖe lu djidjenu adẽ́ nɛ. Emegbe édjó yi duame.¹⁶Rut trɔ va lɔxoa gbɔ. eye Naomi gblɔ be : woe nyi vinye nyɔnuvia ? Rut gblɔ nuyiwo kekeŋ ŋcu ma wɔnɛ na lɔxoa. ¹⁷Egblɔ be : ecɔ lu agbã amade neŋ gblɔ be matrɔ yi nɔxowo gbɔ gbɔlu o. ¹⁸Eye Nawomi gblɔ be : nɔ anyi kpoo vinye nyɔnuvi vase gayime ke na nya aleyike nuwo ava wu enu ɖo, ɖoa ŋcu ma maɖieme neme wu nya ma nu egbea o.

¹Boas yi djua ba gbonú eye be yi nɔ̃ te le fima kpɔɖa ame yi dje la cɔ̀ ahoa va le yiyŋ, ame yi be nyna Boas gblɔ̃a. Boas gblɔ̃ nɛ be: Ewò ame yaka dɔ̃va, nɔ̃ guiya. Eye be dɔ̃va yi be nɔte. ²Eye Boas cã ŋũcú amewó le djuame be ameciciwo dome yi be bé: Mi nɔ̃nyi le guiya eye wó nɔ̃nyi.³Yimegbea e gblɔ̃ ne ame yi dje la cɔ̀ ahoa be: Naomi yi be trɔ gbɔ̀ cò Moab ea, e sa anyigbã yi nyĩ mia nɔvi Elimelek tɔa. ⁴Me kpɔɛ be me ɖo la na lanyá ye ma gblɔ̃ ne wò be: ƒlii, le djuametɔwo gaku gaku djunyeme be ameciciwo be mo. Ne le dji la trɔ ƒlia, trɔƒlii, vɔa ne me dji o woa gblɔ̃ɛ alebe ma nyá. Ɖoa meɖekpe ŋgbale doŋkɔ ne wó yi dje la ƒli o, eye ewò megbea nye enyí. Eye be ɖoeŋti be: me eƒlegbe.⁵Boas gblɔ̃ be: ŋkeke yi dji la ƒḷe anyigbã le Naomi be alɔmea la kplɔ̀ Rut Moab tɔa, amekukua be srɔ̃a cã jiɖeka ne etrɔ̀ zũ tɔ̀wò, alebe naɖe ŋkɔ ne amekuku le yibe kesinɔnúwóme. ⁶Eye ameyi dje la trɔ ƒlia ɖoŋti nɛ be: nye me teŋ le ƒle gbe ɖa kɔ̃ŋtanye meo, vɔvɔ̃ le doŋ be kesinɔnunyewo dome la nɛagble, cɔ̀ nu yi me dje na ne wòŋtɔ ɖoa nye me teŋ le ƒlegbe o.⁷Cã le Izraɛl, ea ne wóa xɔ ŋɖe alo wóa ɖɔli ŋɖe gaku ameɖea, ameawó dometɔ́ ɖeka la ɖe yibe afɔkpa ána nɔvia: numa wɔwɔ nyina ɖaseɖuɖu le Izraɛl ⁸Ame yi dje la ɖea gblɔ̃ ne Boas be: Xɔɛ ɖe akɔ̃ŋtawo me! Et be ɖe yibe afɔkpa ne.⁹Eye Boas gblɔ̃ne ameciciwo ku djukɔ̃a kekeŋ be: mikpɔ eteƒe egbea be mexɔ nu yiwo kekeŋ ne nyĩ Elimelɛk tɔa le Naomi be alɔ me, le kiljɔ̃ ku Mashlɔ̃, ¹⁰Eye me xɔ Rut Moabite tɔa, Mashlɔ̃ srɔ̃a be zũ srɔ̃ nye, be ma ɖe ŋkɔ ne amekukua le yibe kesinɔnume eye ale be wó ma ɖe amekukua be nyikɔ droɖa le yi nɔviwo dome o gaku yi nɔƒe (djua) be agbonu o. Mi kpɔ eteƒe egbea!¹¹Djukɔ̃a kekeŋ yi le agboa nú gaku ameciciwo gblɔ̃ be: mí le eteƒe! (Mí kpɔ eteƒe). Mavɔmavɔ(Mawu) ne na be nyɔ̃nú yi le axɔ́ome ɖogbea ba ɖi Rashɛl gaku Leya, ame wumeveyɔwo yi cu Izraɛl be aƒea! ɖe ŋsewo fiɔ̃ le Efrata, eye ɖe nyikɔwo le Bɛtlɛhɛm! ¹²Djidjime yi Mawu le nɔ se to nyɔnú ya djia, ne teŋ wɔ aƒewome ne ɖi Perɛts ba ƒeme, ameyi Tamar dji ne Yuda!¹³Boas kplɔ Rut yi be zũ srɔa, eye be dɔ̃ kui. Yehowa (Mawu) ɖemɔ Rut fɔfu, eye be dji núcúvi. ¹⁴Nyɔnúwó gblɔ̃ ne Naomi be: woa kafu Mawu, yi me gble wo daɖi be, núcú yi la dje la cɔ ahoa ne hiã wo o, ame yi be nyikɔ la kaka le Izraɛl! ¹⁵Vi ya la ɖɔ luʋɔ̃ wo aɖo, eye la nyi kpeɖeŋ citɔ wo le yãgã kuku wo me, ɖoa, lɔ̃xoyɔviwo, yi lɔ̃ nyawogbɔa, djii now, ame yi nyo ne wo cɔ wu vi núcúvi amadrɛ̃.¹⁶Naomi kɔkɔ vivia eye be kɔɛfu yibe anɔ dji, eye be nyi eta kpɔtɔ. ¹⁷Aƒelikawó ɖo nyikɔ ne, gblɔ̃ be: wo dji vi núcuvi ne Naomi ! Eye wo yɔɛ be Obɛd. Yi ye dji Yezaya, David be tɔtɔ.¹⁸Perɛts be djidjime yi ya: ¹⁹Perɛts dji Hetsron (Hetsrɔ̃); Hetsrɔ̃ dji Ram, Ram dji Aminadab; ²⁰Aminadab dji Nachschon (Nashsshɔ̃); Nashsshɔ̃ dji Salomon (Salomɔ̃); ²¹Salomɔ̃ dji Baos, Boaz dji Obed (Obɛd); ²²Obɛd dji Yezaya; eye Yezaya dji David.

¹Le Pɛrsia Fiɔ́ Kores be ƒe gbatɔ mea, ne Yehowa be nyã yié gblɔ to Yéremia be nu me ne ba vɛ émea, Yehowa nyɔ̃ Persia Fiɔa be gbɔgbɔ éna wó ɖégbé ƒã ya le yi be Fiɔ̃ ɖuƒea kpata me, ye wó ŋlɔ̃ woma cã bena: ²Persia Fiɔ Kores be gbéé nyié ya: Yehowa djiƒowó be Mawua cɔ anyigbadji Fiɔ̃ ɖuƒewo kpata neŋ, ye ɖo se neŋ be ma cu xɔ ne yi le Yeruzalem le Yuda.³Mia dome amesiame yí có yé be dukɔ̃a mea? Yé be Mawu ne nɔ̃ gakui, ba yi Yeruzalem le Yuda, bayi cu xɔ ne Yehowa, Israël be Mawua! ye nyi Mawu ke le Yeruzalem. ⁴Afisiafi yi ameyiwó, nyi Mawu be djukɔwó wó kpɔtɔ lea teƒe ma me nɔtɔwó ne cɔ̃, klosalo, ku sika, kesinɔnu, ku lãwo, cɔ kpe ɖo nunana ke wó na faa, ŋti né Mawu ba ƒe yi le Yeruzalem.⁵Eye Yuda ku Benyamin ƒomé mégãwó, vɔsalawó, ku Lewuiviwó amesiame yi Mawu be gbɔgbɔ̃ nyɔa có, be yé wa yi cu Yéhowa ba ƒe le Yeruzalem. ⁶Ame yiwó ƒóxlãwa wó na wó klasalónuwó, ku sika, késinɔnu xɔasiwó gaku nunana lɔ̃lɔ̃nu faa tɔwó.⁷Ye fiɔ̃ Kores cɔ nu yiwó Nebukadneza lɔ co Yehowa ba ƒe mea, cɔ kɔle yi be Mawuwó be xɔmea wó cɔ na. ⁸Persia Fiɔ́, ná Mitredat, kesinɔnuwó dji kpɔla ɖé wo tó, yé hléwó cɔ na yuda be fiɔ̃vi Sesbazar.⁹Wo be xexléméé nyi: Sika gbá ame gbã, ku klosalo gbá ékɔ̃ɖéka, ku éwui wuivɔa siɖekɛ. ¹⁰Sika kɔƒo ame gbã, klosalo koƒe ha cócó vegɔ̃a tɔwó kɔɖekacikatɔ, gaku nubuwó ékɔ ɖéka. ¹¹Sikanuwó, ku klosalónuwó kpata woa nɔ̃ kɔamade ci ka weatɔ nunyawó kpata sesbazar cɔ gbɔ có Babilone gayime gakpame nɔlawó gbɔva Yeruzalem.

¹Anyigbãdjitɔ, yiwo gbɔ co aboyo me, ameyiwo Babel fiɔ Nebukadneza ɖe aboyoe yi Babel eye egbɔ va Yeruzalem ku Yuda eye amesiame yi yibe du mea woe nyi yi. ²Wogbɔ ku Zerubabel, Yesuya, Nexemia, Seraya, Reelaya, Mardoxai, Bilsan, Mizpan, Bigewai, Rexum ku Baana, Israel-dukɔa be xexlẽme ye nyi ya.³Pareos be viwo nyi ekɔ̃ eve kawuiene tíwuieve. ⁴Safatia be viwo nyi kaasiɖekɛ tiwuieve. ⁵Anax be viwo nyi kawuia, ɖekɛ ci wuiatɔ̃. ⁶Paxat Moab vi yiwo co Yesua viwo Yoab viwo domea nyi ekɔ̃ etɔ̃ kawó ciwuieve.⁷Elam be viwo nyi kɔ́ɖeká kawuiɖeká ciwuiene; ⁸Zatu be viwo ka wuivɔtɔ ta kpo ci atɔ̃; ⁹Zakai be viwo nyi ka wuiasiɖekɛ; ¹⁰Bani be viwo nyi ka wuiadecive.¹¹Babai be viwo nyi kawuiatɔ̃ ta kpoci etɔ̃; ¹²Azgad be viwo nyi kɔ́ ɖeka kawó takpocieve; ¹³Adonikam be viwo nyi ka wuidɛ takpo ci aɖɛ, ¹⁴Bigewai kɔ̃ eve kawuiɖekɛ́ ciwuiaɖẽ.¹⁵Adɛ̃ be viwo nyi ka wuiɖekɛ ci wuine. ¹⁶Atɛr be viwo yiwo co xizkayi be ƒome mea wonyi ka ve ci wuinyi. ¹⁷Bezai be viwo nyi ka enyi citɔ̃; ¹⁸Yora be viwo nyi kave takpo ciwuive.¹⁹Xasum be viwo nyi katɔ̃ takpo ci etɔ̃; ²⁰Giban be viwo nyi kave ci wuiatɔ̃; ²¹Btlehem be viwo nyi katɔ̃ citɔ̃; ²²Netofa be ŋucuwo nyi ka ci wuidɛ.²³Anatot be ŋucuwo nyi katɔ ci enyi; ²⁴Azmawet be viwo nyi ka ci ve; ²⁵Kiryat Arim be viwo, Kefina be viwo ku Beerot be viwo nyi ka wuinyi ta kpo ci etɔ̃. ²⁶Rama be viwo ku Geba be viwo nyi ka wuiatɔ̃ takpo ci ɖeka.²⁷Mixmas be ŋucuwo nyi katɔ ci enyi; ²⁸Betel be ŋucuwo ku Aï ŋucuwo nyi katɔ̃ takpo citɔ̃; ²⁹Nebo be viwo nyi kaci wuive; ³⁰Magbis be viwo nyi katɔ̃ takpo ci wuiadɛ.³¹Elam be vegɔ̃a be viwo nyi kɔ̃ ɖeká ka wuíɖekɛ ciwuiene. ³²Xarim be viwo nyi ka adrɛ; ³³Lod be viwo, hadid be viwo ku Oni be viwo nyi ka wuinyi ci atɔ̃.³⁴Yerixo be viwo ka nyi takpo ci atɔ̃; ³⁵Senaa be viwo nyi kɔ̃ ene kawó takpóciwó.³⁶Vɔsalawo nyi: ye daya ameyi co Yesua be aƒeme be viwo nyi ka wuivɔ ene ci wuietɔ̃; ³⁷Imer be viwo nyi kɔ ɖeká kaɖẽ ciwuieve. ³⁸Pasxur be viwo nyi kɔ̃ ɖeká kawuíɖekɛciadrẽ; ³⁹Xarim be viwo nyi kɔ ɖeka ka atɔ̃ ci wuiadre.⁴⁰Lewi be viwo nyiYesua ku Kadmiel, ameyiwo co Hodaya be viwo domea be viwo nyi ka takpo ci wuiene. ⁴¹Hadjilawo nyi Asaf be viwo nyi ka tɔ̃ ci enyi. ⁴²Agbonudjɔlawo be viwo nyi Salum be viwo, Ater be viwo, talmon be viwo, Akub be viwo, xatita be viwo ku sobai be viwo, wo kpata nyi ka tɔ̃ ci wuieve.⁴³Gbedoxɔme be dɔwɔlawo nyi: zixa be viwo, xasufa be viwo, Tabao be viwo; ⁴⁴Keros be viwo, Siaha be viwo Padon be viwo; ⁴⁵Lebana be viwo xagaba be viwo, Aku be viwo; ⁴⁶Xagab be viwo, Samlai be viwo, Xaman be viwo.⁴⁷Gidel be viwo, Gaxar be viwo, Reaya be viwo; ⁴⁸Rezin be viwo, Nekoda be viwo, Gazam be viwo; ⁴⁹Uza be viwo, Paseax be viwo, Besai be viwo; ⁵⁰Asna be viwo, Meunitɔwo be viwo, Nefusitɔwo be viwo.⁵¹Bak buk be viwo xakufa be viwo, Xarxur be viwo; ⁵²Bezlut be viwo, Mexida be viwo, Xarsa be viwo; ⁵³Barkos be viwo, Sisera be viwo, Temax be viwo; ⁵⁴Neziax be viwo ku Xatifa be viwo.⁵⁵Salomo be dɔcɔlawo be viwo nyi: Satai be viwo, Soferet be viwo, Peruda be viwo; ⁵⁶Yaala be viwo, Darkon be viwo, Gidel be viwo; ⁵⁷Sefatia be viwo, Xatil be viwo, Poxeret Hazebayim be viwo ku Ami be viwo. ⁵⁸Gbedoxɔme dɔcɔlawo kpata ku Salomo be dɔcɔlawo be viwo nyi kasiɖekɛ takpo ci wuive.⁵⁹Ameyiwo co Tel-Melax-Xarsa, ku Kerub-Adan- Imer va eye womete ŋu cɔ wo tɔtɔwo be aƒe ku wobe djidjime fiɔ̃ be Israel ye woco oa wonyi: ⁶⁰Delaya be viwo, Tobiya be viwo ku Nekoda be viwo nyi ka wuiadɛ ci wuive.⁶¹Ameyiwo co vɔalawo be viwo domea, wonyi xabaya be viwo, Hakoz be viwo ku Barzilai, ameyi ɖe Gileadtɔ Barzilai be vinyɔnuvi ɖeka eye woyɔe le nyɔnuawo be ŋkɔ nua be viwo. ⁶²Ameyiwo dji wobe djidjimewomã, vɔa wome kpɔe o; ke woɖe vɔsalanyinyia ɖa le wo ŋuci. ⁶³Eye anyigbã djikpɔtɔ gblɔ nɔwo be wome kpɔ mɔ laɖu nu kɔkɔetɔ be ɖekpe o vaseɖe eyime vɔsala neecɔ Urim ku Tumin adroe café.⁶⁴Ameha bliboa kpata nyi kɔ eve ka wuiasiɖekɛ, ⁶⁵wobe dɔcɔla ŋucuwo ku dɔcɔla nyɔnuwo mele eme o, woawo nyi kɔ asiɖekɛ katɔ̃ ci wuiadrɛ wobe hadjila ŋucuwo ku hadjilanyɔnuwo nyi zoo.⁶⁶Wobe sɔwo nyi wuienyi ci wuiaɖɛ wobe tedjisɔwo nyi ka adɛ ci atɔ̃. ⁶⁷Wobe kposɔwo nyi kawo takpo ci wuiatɔ̃ eye tedjiwo nyi kɔ enyi ka enyi.⁶⁸Enyime wova Yehowa be aƒea gbɔ le Yeruzalem ƒome amegã ɖewo na lɔlɔ̃nuwo le Mawu be aƒe ŋuci be woagbacui le eteƒe. ⁶⁹Wona nu aleyi woate ŋui ne wònyi kesinɔnu ne dɔa, sika dariko kɔ ka eve takpo ci wuiadɛ ka atɔ̃ ku klosalo mine kɔ aɖɛ ku ka atɔ̃ kaku vɔsalawo be awudjitɔ ka eve takpo.⁷⁰Vɔsalawo ku Lewi viwo ku amyiwo co dukɔa dome, nadjilawo, agbanudjɔlawo ku gbeɖoxɔme dɔwɔlawo nɔ wobe duwo me Israel bliblioa kpata nɔ wobe duwo me.

¹Eyi Israel viwo le wome duwome, eye ɖinu adrelia ɖoa, dukoa kpata va kpɛta ɖe Yeruzalem si gbe ameɖeka nɛnɛ. ²Ziɖeka Yusua, Yozadak be vi, ku nɔvia yiwo nyi vɔsalawo gaku zerubabel, Sealtiel be vi ku nɔvia wo wocó, eye woɖi Israël be Mawu me vɔsakpɛ ne waa sa numevɔsa le edji sigbe leke woŋlɔe daɖe Mawu be ame, Mose be sea me nene.³Watrɔ tu vɔsa kpɛa ɖe etéƒe, ɖɔa ŋtia vɔvɔ̃ɖa wo le anyigbãdji dukɔwo ŋti. Eye wosa vɔ le edji na Yehowa ŋdi ku fié. ⁴Woɖu adjava be ŋkeke nyuia, sigbe leke woŋlɔe daɖe ene, eye wosana vɔ gbesiagbe me xexléme nu. ⁵Emegbea, wosama vɔ gbesiagbe, djinu yeye ku Yehowa be ŋkeke nyui kɔkɔewo kpata gaku ameyiwo sanavɔ le wɔɖekuisi be vɔsawo.⁶Co djinu adrelia be ŋkeke gbãtɔa dji, wotɔ vɔsasa gome ne Yehowa, eyi wemekpɔ tɔ Yehowa be gbedoxɔa tutuo. ⁷Wocɔ gã na kpekpalawo ku atikpalawo, eye wocɔ nuɖuɖu, nununu hu ami na sidontɔwo ku tiro towo, be woacɔ sedertiwoaco Libanon dji ato aƒu dji ava yafo, sigbe leke persia be fiɔ Kores ɖe gbe na wo nene.⁸Oyi wogbɔva Mawu me aƒeme le Yerusalem le eƒe velia be djinu velia, Zorubabel Seatiel be vi, ku Yesua, Yozadak be vi gaku wɔa nɔvi kpɔtɔewo, vɔsatɔwo ku Lewi viwo, ku ameyiwo kpata gbɔ co aboyome va Yeruzalem, wodje dɔa gɔme ene woɖo Lewi vi yiwo hɔ ƒɛ blave ku edjivɔ ɖe dɔanu, be wɔanɔ dɔa gbɔ kpɔŋ le Mawu be aƒeme. ⁹Eye Yesua, viawo ku nɔviawo yi wo nyi Hodaya viwo, wobɔ sigbe ameɖeka nene, be yewɔa nɔ ame yiwo le dɔ wɔm le Mawu be aƒea me ŋti, nenea ke nyi ne xenadad viwo nu wo viwo gaku wo nɔviwo yiwo nyi lewi viwo cã.¹⁰Eyi xɔtulawo ɖo gbedoxɔ be gɔme ɖo kpɛawovɔa, vɔsalawo le tɛmnu le wome a wuwo me, eye wocɔ kpéwo ɖe asi, eye Lewi vi yiwo nyi Asaf be viwoa, cɔ ga kogoewo ɖe asi, be wóa kafu Yehowa, sigbe leke Izraël be fiɔ David ɖui nene. ¹¹Wodji kafukafukafu ku akpedaha ne Yehowa be: ye be dɔme nyɔ, eye yebe amenuveve li tɛgbee le Izraël dji. Eye dukɔwo kpata có aseyé séséɖé le eyime wole Yehowa kafuŋ, eye woɖo Yehowa me aƒe mé gɔme ɖo kpewo.¹²Eyi vɔsalawo ku Lewi viwo gaku aƒekɔ me tatɔ dometɔ ɖowo, ametiti ke wo kpɔ xotutu gbɔã, yi gɔme wodje le woama ŋkumea, wofa vi do aƒa; vɔa ame gbogboɖewo le aseye com le djidjo kpɔm eye wome áƒá le ɖiɖim hoo. ¹³Yi wɔ be dukɔa meteŋ do vovototo amewo be djidjɔ kpɔkpɔ be aƒa ku wo me avifafa dome o, dɔa ŋtia dukɔa kpɔ djidjɔ, co aseye, eye wosé wɔame aƒa co djidjiƒe.

¹Eyi Yuda ku benyamin be ketɔwo se be: a boyomewo le gbedoxɔ tum ne Yehowa, Israel be Mawua. ²Wova Zenibabel ku ƒome megãwo gbɔ, gblɔ newo be mína miatui ku mi, ɖɔa ŋti me Mawua ye ke míacã miyɔna, eye misa na vɔne co gahime Asur be fiɔ Asn-Xadon kplɔ mí va giya.³Ziɖeka Zerubabel, Yesua ku Israel be ƒome mega wo be tatɔ kpɔtiawo ɖo ŋti newo be: medje be, miku miáawu miatu xɔne mìame Mawu o. Vɔa miawo ɖeɖe meatui ne yohowa, Israel be Mawua, sigbe leke Persia be fiɔ Kores ɖo se nemi nene.⁴Eye anyigbadji dukɔwo gbɔdjɔ yuda me dukɔa, eye wodo vɔvɔnewo le xɔa me tutume ⁵eye woda aɖaŋuɖolawo ɖe wɔa ŋti, be ne woagblè yo me susuwo dome, co Persia be fiɔ Kores me agbenɔxi vayi be fiɔ Dario me fiɔdudu me game. ⁶Le Axasweros be fiɔ dudu be gɔme djedjea mea, woŋlɔ woma co yudatɔwo ku Yeruzalemtɔwo ŋti.⁷Le Artaxsasta be gamea, Bislam, Mitredat, Tabeel ku wɔa nɔvi kpɔtuiwo ŋlɔ woma le aram gbe me, eye woɖe gome ɖe Persia me gbeme ɖoɖa Persia be fiɔ. ⁸Aɖaŋu megã Rexum ku woma ŋlɔtɔ Simsai woŋlɔ wome co Yerusalem ŋti ɖoɖa fiɔ Artaxsas le:⁹Aɖaŋu megã Rexum ku woma ŋlɔtɔ Simsai gaku wóme hadɔ wɔtɔ kpɔtuiwo yi wo co dina, Afarsatax, Tarpal, Afarsa, Arkewa, Babel, Susan, Doha ku Elam, ¹⁰gaku dukɔ bu yiwob fiɔ gã Asnapar, ame yi ŋti bubule, kplɔ̃ va ɖo Samaria be duame hu anyigbã bu, yi le tɔame akpã ya dji, ku nya buwo.¹¹Woma yi woŋlɔ̃ ɖoɖa fiɔ Artaxsasta me nyawo nyi eya: dɔcɔviwówo, ŋcu, yiwo le tɔame akpã ya dji, hu nyabuwo. ¹²Fiɔne nyé be, yudatɔ yiwo djo le ogbɔ̃ va mìagbɔ le Yerusalem a, wotrɔ le le du vɔɖi djaglã toŋ, wole gliawo hu gɔme ɖokpɛawo ɖoŋ.¹³Azɔa fiɔ ne nyé be ne wo co dua eye woɖo gliawoa, ke wɔagbe nudjɔdjɔ, adjɔ ku amlɔkɔe nana, eye fiɔ me gadjraɖɔfea akpɛfu.¹⁴Eya ŋti yi nyi be miawoe ɖuna djenu le fiɔ me aƒemea, menyo be miakpɔ fiɔ ne ŋkpe teƒeo, ŋe ŋti mídɔ̃me ɖo ɖa be fiɔ ne nya be: ¹⁵Me wo cã tɔtɔwówo me nyadjɔdjɔ woma mea, wɔakpɛ lé mé, wɔa nyé be dur nyi du djãglã yi cɔ gbɛgblɛ̀ va fiɔwo ku anŋgbã kpata dji, eŋe edjigbã le eme co gbeɖegbe ke; ŋe ŋti wò gblɛ̀ du ya ɖo. ¹⁶Eya ŋti mile nanaŋ fiɔ ne nya be: ne wotrɔ tu duya eye woɖo gliawoa, kema nunya la wɔ be gomé kpɔkpɔ ɖekpɛ magbã nɔ asi wo le tɔa gódoo.¹⁷Ziɖeka fiɔ ɖo ŋti ɖoɖa aɖaŋumegã Rexum ku woma ŋlɔla Sinsai gaku wɔanɔvi bu yiwo le Samaria ku anyigbã buwo dji le tɔa godó be: ŋtifafa ne mi! ku nyabuwo. ¹⁸Woma yi mícɔ ɖoɖo mìa, woxli ne mi pɛpɛpɛ. ¹⁹Mena gbɛ be woaku nume, eye woakpɔ be duwa co na ɖe fiɔwo ŋti co gbɛɖegbɛ, ke, wó wona vunyãvunyã eye wodjena aglã le eme.²⁰Fiɔ seŋuwo nɔ Yerusalem, wokpɔ ŋse ɖe anyigba dji wo kpata le tɔa xetoɖoƒe dji, eye wona nu, adjɔ ku amlɔ̃kɔɛ wo. ²¹Eya ŋti mɩdosé be wɔa tu mɔne ŋcu ya wo, be wo me gbà tu dua keo, vaɖo gayime matrɔ dose. ²²Eya ŋtia mikpɔ nyiɖe ne migba wɔ kufiɔ le nuyamé be gbɛgbɛ̃ ne djiɖe dji ye nezu hiã ne fiɔwo o.²³Eyi wóhlé Artaxsasta be nya yi wo le wona me ne Rexum ku woma ŋlɔtɔ Simsai gãku wɔanɔviwoa, wó wɔ kabakaba ŋi Yudatɔwo gbɔ le Yerusalem, eye wòcɔ akpasesé tu mɔ nèwo. ²⁴Gamame wó nɔté mawu be xɔdɔa le Yerusalem, eye eti nɛnɛa vaɖo Persia fiɔ Dario be fiɔ ɖuɖu le ye be ƒe velia me.

¹Nyagblɔɖitɔ́ Agai ku Ido bé vi Zakari wó gblɔnyaɖi ne Yudatɔ́ yiwó le Yuda dua ku Yerusalem dua mea le Israel Mawu bé nyikɔ́ me. ²Eye Setiel be vi Zorobabel ku Yozadak bé vi Yosua wó có éyé wó dje Mawu be aƒéá tutu le Yerusalem. Eye Mawu bé nyagblɔɖitɔ́wó le wó gbɔ́ le kpékpéŋ le wóŋtí.³Le gaƒoƒo má mea, tɔa góɖó bé dukplɔtɔ́ Tatnai ku setar-Boznai gbaku wótɔwó vá wógbɔ́ gblɔ né néwó bé: mekaé ɖemɔ́ né mi bé mia tu aƒé ya eye mia ɖɔ gliawó ɖo? ⁴wógba gblɔ né wó bé: Ameyiwó le xɔa tumá be nyikɔwó ɖé? ⁵Vɔa Mawu be ŋkú le yudatɔ́wó bé ameciciwó dji. Eyé wó ɖe así wó wó yi dɔa dji co gayime wó ŋlɔ wómá ɖóɖó Dario váséɖe gayime wó xɔ wómá co dɔa ŋ́tí.⁶Wómá yi tɔgodo bé duakplɔtɔ Tatnai, Seltar-Boznai, ku wótɔ Afarsatɔ́ yiwó le tɔagodo wó ŋlɔa yé nyi: ⁷Fiɔ Dario, mi dogbe niwo. Mi⁸Mi yi Yuda nútóáme le Mawu gã bé aƒéáme wó le étum ku kpé gãwó éyé atíwó le gliawó me; edɔa le zɔ̃ɖem kábakaba le wó bé alɔme. ⁹Mi biɔnya ameciciwó éyé mi gblɔ né wó bé wó bé: Amekae ɖemɔ́ né mi bé miatu xɔa eye miaɖɔ gliawó ɖó? ¹⁰Mi bíɔ wóbé nyíkɔ́wó éyé mi ŋlɔ wóbé tatɔ́wó, bé nyíkɔ́wó bé nadjesiwó.¹¹Ɖóŋti yi wó na mí́ yé nyé be: djiƒó ku anyigbã wɔtɔ́a bé dɔcɔviwó minyí éyé mitrɔ́ le Mawu bé aƒé yi wótu cãvayi eƒe gbógbóɖé wóéya tum Israel bé fiɔ gã ɖé tui éyé be wu énu cã váyi.¹²Vɔa éyi miá tɔtɔ́wó do djikú ne djiƒówó bé Mawua vɔ megbéá, édéwó asi né kaldéatɔ́ Nebukaɖnéza Babilone bé fiɔ, ameyi né gbã Mawu bé gbeɖóxɔa eŋe be kplɔ dukɔa yi klúvínyínyí me le Babilone. ¹³Gake le Babilonia bé fiɔ Kores bé ƒe tútúgbã mea, fiɔ Kores ɖegbe bé wóátrɔ tu Mawu bé gbédóxɔa.¹⁴Éyé Sika ku klosalo bé nuzázã yiwó Nebukadneza lɔ́ co Yerusalem bé gbeɖóxɔa me yi Babilonia bé gbedóxɔa mea, efiɔ Kores ŋ́tɔ́ trɔ́ ɖewó ɖá le Babilonia bé gbeɖoxɔa me éyé be cɔ́wó ná ŋutu yi wóyɔ́na bé Sesbazar ameyi be ɖó dukplɔtɔ́a, ¹⁵éyé be gblɔ ne Sesbazar be: lɔ núzazã náwó yi kɔ le Yerusalem bé gbeɖóxɔa me éyé ne wóatrɔ́ tu Mawu bé aƒéa le gieké be nɔ le Yerusalem cã váyia.¹⁶Sesbazar ma yé va ɖo Máwú bé aƒéa bé gɔme ɖókpéwó anyi le Yerusalem; co káká ga máme vaséɖé égbea wó le étum éyé wómé wú énu o.¹⁷Fiafia né fiɔ lɔa néná wóáca fiɔ bé núwláƒé le Babilonia ákpɔ́ bé fiɔ Kores na gbedasi bé wóátu Mawu bé aƒéa le Yerusalem mɛɛ. Éyé fiɔ né gblɔ yibé djidji né mí co nya má ŋ́tí.

¹Azɔ̃ fia Darios ɖegbe be waca woma xɔxɔ wome le woma djraɖo ƒe le Babylonia dua me. ²Eye le Achmetha, Med be fia dua be fia same wo kpɔ agbalɛa ɖe yi me wo ŋlɔ̃ ɖo be:³Fia Kores be fia ɖuɖu ƒe tutugbã mea, fia Kores ɖegbe co Mawu be aƒe yi ne le Yerusalem ŋti be watrɔtui eye ba nyi teƒe yi wanɔ̃ vɔsa wɔŋ le eye ba nyi xɔ yi be gɔmé ɖoɖoa na sesɛ̃ ba kɔkɔ abɔ gogloe katakpo eye ba keke abɔ gaglɔ katakpo. ⁴Wa ɖo ekpe kpakpa kati ametɔ̃, ati yeye kati ɖeka fia be axoea ye la tu eƒɛã. ⁵Se kpeɖo emã ŋtia ɖɔwɔnu sika tɔ ku klosalo yi woe le Mawu be aƒe me, yio Nebukadeza lɔ djo le yeruzalem be gbadohoa me yi Babilonia, woa trɔ lɔwo gbɔva gbedohoa me le Yerusalem le afiyike be nɔ cã le Mawu be aƒea mea.⁶Fifia azɔa, Tatenaï, ame yi le ɖiɖuŋ le etɔa godo, Setar Boznaï ku mìatɔ Apharsac tɔ yio lé etɔa godoa mì toɖa le gema. ⁷Mi nã ne Mawu be aƒe me dɔmã ne yi edji; eye Yudaviwo be ŋkɔnɔtɔ ku ameciciwo ne tui ɖo yike be nɔa.⁸Se kuɖe Israelviwo be ame ciciwo ŋtia me dji be, mia cɔ ega yi mia djɔ le Israel viwo be kɔta yio ne le tɔa godoa tu fɛ̃ na ameyio le Mawu be aƒea tuŋ ale bena edɔa me gba tɔte le dome o. ⁹Enu yio ne le veveɖe na numeme vɔsa na djiƒo Mawu: nyicu doami, agbocu ku alɛ̃ wo gbaku lu, dje, wɛ̃, ami wa cɔ wo va na vɔsala yile Yerusalem, gbesiagbe wo ma da edji o. ¹⁰Ale be woa nɔ vɔsa lilili wɔŋ na djiƒo Mawu eye woa do gbeɖa ɖo efia ku viawo ta.¹¹Mikpɔ ame ɖekpe yi la da le anya yi ke gblɔge melea dji: wa ɖe ati le yibe hɔt ta eye woa blae ɖo yeŋti eye woa crɔ̃ yi be aƒe la zu kɔkɔli. ¹²Mawu ke ɖo yibe ŋkɔ anyi le teƒe ma ne mu efia alo dukɔ ɖekpe yi ado yibe asi ɖoɖa be ya da le nye nyã dji abe ya gbã Mawu be aƒe yi le Yerusalem enye Dario ye do se sia wa wɔ ɖo edji tututu.¹³Eye le fio Dario be nyã yi be gblɔ nua mɔmefia Tatenai, ku watɔwo yio le tɔgodoa wɔ ɖo fia Dario be nya dji. ¹⁴Yuda be ame ciciwo yi hɔa tutudji be dje edji nawo abe aleyi nyãblɔɖila xagga ku Zakari, Ido be ví wo tu xoa be wu enu le Israel Mawu ku Kores, Dario gaku Artaxasta Persia fia be nyãgblɔɖi nu. ¹⁵Wowu xɔa nu le wecri Adar be ŋkeke etɔlia le efia Dario be fiadudu éƒé adelia mé.¹⁶Israelviwo nunɔlawo, Lewiviwo ku aboyotɔ mamleɛa wo cɔ Mawu be aƒea do asi na Mawu ku djidjɔ. ¹⁷Le Mawu be ahoea be kpekpe mea wo wu nyicu kavetakpo, agbocu katɔ̃, alẽwo, gbɔ̃ tui wuuieve wɔ nuvɔ̃ vɔsa le Israel togbe wuievea nu. ¹⁸Wo ɖo vɔsala wo ku Lewin viwo le ɖoɖoa nu nã Mawu subɔsubɔ le Yerusalem sible leke wo daɖi le Mose be woma mea ene.¹⁹Ame yio gbɔ co kluvi nyi nyi mea wo ɖu ŋtitɔtɔ zã le woetrí gbã bé ŋkeke woenegɔa dji. ²⁰Nunɔlawo ku lewi viwó ku Lewi viwó kɔ wó ɖokuiwó ŋ́ti le du, éyé wó kpata ŋ́ti kɔ éyé wo wu ŋtitɔtɔ lèvia nã ame yio gbɔ co kluvi nyinyi mea ku nunɔlawo kpata gaku woŋtɔ cã.²¹Ame yio ɖu enyua woe nyi: Israelvi yi woe ɖe asi le dukɔwo be kɔnu makɔmakɔ wo me eye wo wɔ ɖeke ku Israel be Mawu gaku ame yio gbɔ co kluvi nyenye mea wo. ²²Wo ɖu akpɔ̃nɔ̃ mavá mavã be azã ku djidjɔ ŋkeke adrè ɖoa Yehowa ɖo djidjɔ nawo eye be na be Asiri fia nyɔ dɔme ɖo waŋti, be kpeɖo woaŋti le Israel be Mawu be aƒea tutu me.

¹Le nu ya wo ŋgbedoméa, Persia fiɔ Artaxerxès me fiɔɖuɖu mea Ɛsdra ho va, ameyi ne nyi Seraya me vi, Azaria me vi, Hilkija me vi, ²Schallum me vi, Tsadok me vi, Achithub me vi, ³Amaria me vi, Azaria me vi, Merayot me vi, ⁴Zerachja me vi, Uzzi me vi, Bukki me vi, ⁵Abischua me vi, Phinées me vi, Eleazar me vi, Aaron nunɔlagã me vi.⁶Ɛsdras ya ho co Babylɔn: woma ŋlɔtɔ yi ne co ɖokui na me Mosé me se ya ka Mawu, Israel me Mawu ŋtɔ na ŋlɔŋlɔ sigbe leke Mawu me asi le edja, efiɔa lɔ nu sia nu yi wo biɔla nɛ̃. ⁷Israel vi gbogbo ɖé: vɔsalawo ku Lewiviwo, hadjilawo, agbonu djɔlawo ku Néthimtɔwo yi Yérusalem, le fiɔ Artaxerxés me ƒe adréa me.⁸Ɛsdra va ɖo Yérusalem le fiɔa me ƒe ãdrelia me wotri atɔ̃a me; ⁹Edjo le Babylɔn le wotri gbãtɔ me ŋkeke gbãtɔ dji, eye eva ɖo Yérusalem le wotri atɔ̃lia me ŋkeke gbãtɔ dji yi me Mawu me asi nyui le édji. ¹⁰Ɖoãtia Ɛsdra ciã cɔ yim me djim be kpla Mawu me seawo eye ya cɔe de dowɔwɔme, eye ya fiɔ̃ Mawu me séa ku ɖoɖowo le Israel me djukɔa dome.¹¹Mia kpɔ woma ya kaka efiɔ Srtaxerxès na Ɛsdra nunɔla ku woma ŋlɔla, gbedasi ku Mawu me se yiwo ne ka Israel me fiãtɔ: ¹²Artaxerxès fiɔ wo dji fiɔ, ŋlɔ né Ɛsdra nunɔla ku woma ŋlɔla, yi ne lɔ eɖokui dé Diƒo Mawu me séwo ŋɔŋlɔ me. ¹³Me na gbe be mia ɖa si Israëlvi desiaɖe, wa me vɔsalawo, ku wa me Lewiviwo, eyi wo ne le nye djukɔa dome, eye wo sɔgbe be yiwo la Yérusalem ku wa.¹⁴Fiɔ ku yime toɖoƒola ame ãdre woé dɔ wo ɖoɖa be na yi ca ŋku le Yuda ku Yérusalem le wo Mawu me séawo yi ne le asiwo me la nu. ¹⁵Eye na cɔ klosalo ku sika yi fiɔ kaku yi me toɖoƒolawo wo lɔ na Israël ne Mawu yi me nɔƒe ne le Yérusalem yi, ¹⁶ku klosalo ku sika yi na kpɔ le Babylɔn me ŋtowome, ku lɔlɔnufa me nuna yi djukɔwo ku nunɔlawo wo ne Mawu me aƒr yi le Yérusaleméa.¹⁷Ele be, le ɖo la kpɔe gbo be ya cɔ klosalo ma aƒle enyituwo, agbowo, alewo, eye nusianu yi ne hiã ne nudɔdjɔ ku cikɔɖiwo, eye la cɔɛ̃ asavɔ le mia me Mawu me vɔsamlekpui yi ne le Mawu me ƒe me le Yérusalem. ¹⁸Mi kaku nɔviwo mia cɔ klosaloku sika kpɔtɔɛ̃ awɔ nu ya mi dia le mia me Mawua me lɔlɔnu me.¹⁹Cɔ nuzasà yiwo mi cɔ de asiwomea daɖe Yérusalem me Mawua me ŋkunu ne wa se wɔdɔ le Mawu me aƒeme. ²⁰Hiahiá yao ne kpɔtɔ la wɔ le Mawu me afea ŋtia, la cɔ nu le fiɔa me ŋdraɖoƒe acɔ woẽ.²¹Enye fiɔ Artaxerxès me na gbe gadjikpɔtɔwo kekeŋ yi wo ne le etɔa godoa be mia cɔ nu yi wo kekeŋ Ɛsdra, nunɔla ku woma ŋlɔla yi ne cɔ éɖokui na djiƒo me Mawu me seawo nɛ̀. ²²Seɖe klosalo alɔfã ɖeka cu kor alafà ɖeka, vin go alɔfã; ami go alɔfã kaku édjé vivi. ²³Nu sia nu yi djiƒo me Mawua gblɔa wa wɛ̃ tutu ne yi me aféa, be ne yime djiku ŋgbonɔ fiɔɖuƒéa djiwo, alo fiɔa djiwo, alo viawo.²⁴Mi le nana mia nya be woma hɔ nunana, gadjɔdjɔ, alo ahefe hafi ava yiwo, le nunɔlawo, le lewuviwo, ce hadjilawo djiwo, le agbonu djɔlawo nuwo, gbeɖohɔme dɔlawo, ku subɔla yiwo ke ne le Mawu me aƒéame o.²⁵Eye ewo Ɛsdra le Mawu me nunya yi ne le asiwota, ɖo vɔ̀nudrɔ̃ ku djikpɔlawo ne wa drɔvonu djukɔyinwo ne le tɔa godo eye ameyi ke djesi mawu me sewo, eye wo na ame bubuwo. ²⁶Amesiame yi ma wɔ Mawu me seawo dji tututu wa ku fiɔ me séo dji wa edje ne ku, ne vɔ̃nu ɖoɖe ɔ̃ ne to hehen, alo ga kpa.²⁷Yayratɔ ye nyi Aƒetɔ, min Tɔtɔwo be Mawu yi ne kasi dji ne efiɔa be wa do Mawu me aƒe ɖe dji le yérusalem, ²⁸Mawu yi ne na be me kpɔ amenuveve le fiɔ, ku yime toɖofolawo, ku yi me amegã wo me ŋkumé! Mawu yi ne le dji nyéa, me asi doŋ nuse eye me bɔ Israël me amegáwo be ne wa djo.

¹Aƒekɔ wo ƒe ƒome mega yiwo co Babel yi kum le fiɔ Artaxasta be fiɔ ɖuɖu me be ŋkɔwoe nye ya. ²Ameyi co Pinexas viwo dome enyi Gerson Ameyi co Itamar viwo dome enyi Daniel Ameyi co David viwo dome enyi Xatus, ³yi co Sexanya viwo dome Ameyi co Pareas viwo dome enyi Zaxarya eye woŋlɔ ŋcu katɔ̃ takpoci ewo kpe ɖe enu.⁴Ameyi co Paret-Moab viwo dome enyi Elyoenai yi nyi Zeraxyavi eye ŋcu ka atɔ kpe ɖe enu. ⁵Ameyi co zatu viwo dome enyi sexanya Yexaziel vi eye ŋcu ka adre takpo kpe ɖe enu. ⁶Ameyi co adin viwo dome enyi Eded yonatanvi eye ŋcu kaci ewo kpeɖe; ⁷Ameyi co Elam viwo dome enyi Yesaya Atalyavi eye ŋucu kata kpo ci ewo kpe ɖe enu.⁸Ameyi co Sefenya viwo dome enyi Zebadya Mixheli vi eye ŋcu ka eve kpe ɖe enu; ⁹Ameyi co Yoab viwo dome enyi Obadya Yexiel vi eye ŋcu katɔ̃ ci wuinyi kpe ɖe enu. ¹⁰Ameyi co Bani viwo dome enyi Selomit, Yosifya vi eye ŋcu ka ene kpe ɖe enu; ¹¹Ameyi co Bebai viwo dome enyi Zaxanya Bebai vi eye ŋcu wuivɔ enyi kpe ɖe enu.¹²Ameyi co Azgad viwo dome enyi yoxanan hakata vi eye ŋcu ka eve takpo ci ewo kpe ɖe enu; ¹³Ameyiwo co Adonikam vi kpɔtoewo dome be ŋkɔwoe nyi Elite et yeiel ku Semaya eye ŋcu katakpo kpe ɖe enu; ¹⁴Ameyi co Bigewaï viwo dome wonyi Utai ku Zabud eye ŋcu kata kpo ci ewo kpe ɖe enu.¹⁵Eye meƒo fuwo ɖe tɔsisi yi si ɖota Axawa nu eye meƒo fuwo le gema ŋkeke etɔ̃ eye eyi mele ŋku lem ɖe dukɔa ku awɔsalawe domea nyi mekpɔ Lewiviwo le gema. ¹⁶Eye medɔ Eliezer Ariel Semaya Elnatan Yarib Elnatan Zaxanya ku Mesulam ameyiwo nyi nufiɔtɔ wo.¹⁷Medɔ wo ɖoɖa Ido ameyi nyi tatɔ le ka sifya eye mede gbe asi newo ne woa gblɔ ne Ido ku nɔvia yiwo nyi gbedoxɔme dɔwɔlawo le kasifuja be woa kplɔ subɔviwo va ne mi le Mawu be aƒea nu.¹⁸Eyi wonyi mía Mawu be asi nyui le mia dji ta wo kplɔ Isexel yico Maxli ameyi nyi Lewi vi yi neyi Israelvi ŋcu be dzidzimevi; ¹⁹Wo ɖo Xasabya ku Yesaya, ameyiwo co Merari viwo dome kpe ɖe enu nɔviwo ku wobe viwo le ame amewui. ²⁰Ameyiwo co gbedoxɔ me dɔwɔla yiwo David, amega cɔ Lewi viwo be subɔsubɔ dɔ de asina le gbedoxɔ mea nyi katɔ̃ takpo woŋlɔ wokekeŋ be ŋkɔ ɖi.²¹Meɖe gbe fã le Ahawa tɔsisia nu bewoa ci nu adɔ ne miabɔbɔ miaɖokui le mía Mawu be ŋkɔ eye míabiɔ afɔ nyui cɔcɔ ne miwo tɔ mía bé viwo ku míabe kesinɔnuwo kekeŋ. ²²Ɖoa nu le kpeŋ be míabiɔ ava kɔku sɔdolawo ɖe fiɔa si ne wo áxɔ ne mi co ketɔwo sime le mɔta, ɖoa miegblɔ ne fiɔa be mía Mawu be asi le ameyiwo kekeŋ yi ɖinɛ hena wobe nyɔnyɔ vɔa yibe muse ku yibe dziku nɔa ameyiwo kekeŋ yi gblenɛ ɖia dji. ²³Ale mieci nudɔ miefo koko ne Mawu le eya ta eye wówɔ edji ne mi.²⁴Mie cia nunɔlawo be amega wuieve Serebya ku Xasabya he kpe le wonɔviwo dometɔ ewo nu. ²⁵Eye meda klosalo kusika kaku nudowɔnua yi fiɔ a ku aɖa numegawo ku yibe amegawo kaku Israel bliboa kpɔ wonyi nunana na yibe aƒe.²⁶Mecɔ nuawo de asi newo klosalo talato kawuia de ci ewo klosalo nuawo le talãto ka eve takpo sikale klosalo ka eve takpo, ²⁷sika kɔpo amewui yibe kome nyi darike kɔɖeka ka atɔ̃ kaku akɔbli nu xɔasi eve yi da djo sigbe sika ene eye wo asime de sika tɔ nu.²⁸Eye megblɔ newo be mile kɔkɔe ne Yehowa eye nuawo le kɔkɔe klosalo ku sikawo nyi nuyiwo wona yehowa mia tɔtɔwo be Mawua faa. ²⁹Midzɔ nu eye midzrɛɖo vaseɖe eyime miadawo le yehowa be aƒe be xɔwo me ku nunɔlawo be amegawo Lewiviwo ku Israel be avakɔwo be amegawo ŋkɔ le Yeruzalɛm. ³⁰Eye nunɔlawo ku lewi viwo xɔ klosalo ku sika kaku ŋudɔwɔnu yiwo wodo be woa cɔ wo ayi mía Mawu be aƒe me le Yeruzalem.³¹Eye miedze mɔ co Ahawa tɔsisia nu le dzinu gbãtɔ be ŋkeke wuievelia dzi be miayi Yerusalem eye Yehowa mía Mawu mí co ketɔwo ku mɔ xa ɖelawo si me. ³²Eye míeva Yeruzalem henɔ gema ŋkeke etɔ̃.³³Le ŋkeke enea gbea, woda klosalo ku sika kaku ŋudɔwɔ nu awo le mia Mawu be aƒea me, de asi na nunɔ la Meremot Urya vi Eleazar, Pinexas vi kpe ɖe enu eye Yozabad Yesua vi ku Noadya Binui vi ameyiwo nyi Lewiviwo kpe ɖe wo nu. ³⁴Wo da nuawo kekeŋ le wobe xexleme ku kpekpeme nu, eye woŋlɔ kpekpeme blibloa le gama me.³⁵Eye ameyiwo gbɔ co aboyo me yiwo nyi aboyomewoa sa numevɔ na Izrael Mawu nyicu wuieve le Izrael bliboa nu agbo ka eve ci wuiade alẽvi kaɖeka katakpo ci wuiade ku gbɔ̃cu wuieve woa cɔ wɔ nuvɔ̃sae wo kekeŋ wocɔ sanu mevɔ na Yehowa. ³⁶Wocɔ fiɔ be sewo de asi ne fiɔa be djiɖulawo ku anyigbadji kpɔlawo le tɔsisia be go keme dji eye wo kpe ɖe dukɔa ku Mawu xɔa nu.

¹Eyi éma pka vɔ̀a, efiɔawo zɔ̃ gbɔ̀nɔ̃ gbɔnye, ye wó le gbɔgblɔŋ be: Izraɛl be djukɔ̃a, avɔsatɔwo ku Lewi viwo, wó me má ɖá cò edjumawo me tɔ̀wo ŋtio, eye wóle woabe núnyɔŋ wɔ̀wɔ̀wo kpɔ̃ŋ le wɔwɔŋ, kanantɔ̀wo Moabitɔ́wo, Egitetɔ́wo ku Amoritɔ́wo tɔ̀ le wɔ̀wɔ̀ŋ. ²Ɖoa wó ɖe woabe nyɔ̃núviwo ne wóɖokuiwo, eye ne woabe núcúviwo, eye wó cákà edju kɔkɔa ku èdjúmawo be djukɔ̃wo; eye efiɔwo ku edjumemegãwo wóe dóŋgɔ̀ wɔ̀ nuvɔ̃ ma.³Yi me se nya ma, me dre awunyewo ku awù vlaya nyea, me flɔ̀ ɖa nye le ta, ku aglãgɔ̃me fú nyewo, ye me nɔanyi ku núxàxà. ⁴Ame yiwo kekeŋ Izrael Mawua be nyáwo vúvú kùle aboyome viwo be nuvɔ̃ ŋtia, wóvà ƒòƒú le gbɔ nye. Eye nyà, me djo bɔbɔ nɔanyi le núxàxàme kàkà yi fiɔɛ̃si be akpedodóvɔsa be game.⁵Eye, le fiɔɛ̃si be akpedódóvɔ be gàmàmea me có le nuxàxà be nɔ̀nɔ̀me me le ɖokuinye me kù àwù gaku àwuvlaya dèdrèwo, me djè klò, me vlù alɔ̀nyewo ɖoɖa Yehowa Mawu nye gbɔ̀, ⁶eye me gblɔ̃ be: Mawu nye, me le càkàcakáme eye ènu le kpeŋ, ô Mawu nye, be ma kɔ̀ mò nye yì djì ɖoɖa gbɔ̀ wó, ɖoa míabe nútóvówɔwɔwo djiɖó edji gbe míabe tàwo nũ, eye miabe vòddawo wó liá yi kàkà djipowo.⁷Cò kàkà mía tɔtɔwo be game kàkà và míabe gamea, mí dje agɔ ŋtɔ̀, eye míabe nuvɔ̃wo ŋtiye, míawo, miabe fiɔ̀wo, miabe avɔ̀sátɔ́wo, mi ciási ne amedró fiɔ̀wo, lãnú, àbóyómenɔnɔ, xàxà, ku nukpe yi cɔ̃ mò ne mí égbèa.⁸Eye fifia, míabe mawu vè mía nú, be gble ameɖewo daɖi ne mi, eye be nà mí bebeƒe le yibe nɔ̀ƒe kɔ̀kɔ̀a, be ne yà klɔ̀ miabe ŋkuwo dji eye mia gbɔdjɔɛ viɖe le miabe kluvi nyényé mé. ⁹Ɖoa kluviwo mí nyi, Mawu me gble mí dadi le miabe klúvinyinyinyia me o. Énà be Persia be fiɔ̀wo nyɔ̃ dɔ̃me ne mí, yi wɔɛ be agbe géɖó mia me be ne mí teŋ atrɔ̀a cù mía Mawu be aƒea, eye mía fɔ̃ gligbãgbãwo eye ba na mí gbɔ̃ɖe me le Yuda kú Yeruzalem.¹⁰Fifia, núkà gblɔ̃ gbe mí lè le émàwo megbe, ô miabe Mawu? ɖoa mí gble esódówo daɖai, ¹¹ese dódó yiwo mí xɔ̀ có dɔ̀cɔ̀tɔwòwo, nyagblɔ̃ɖitɔ́wo, gblɔ̃ be: Édjù yi me yigbe miulea, be ne bazũ miatɔa, ényì edjù poɖi to édjù yiwo trɔ̀doea be nú makɔmámakɔwo wɔwɔ, hlɔ̃dónu wɔwɔ yi wó cɔ̀ ɖɔ djia be gòyame yi gòkeme, ku woabe màkɔ̀makɔ̀ nyinyiwo; ¹²ŋti, miŋ gba cɔ̃ miabe nyɔnuwiwo ne woabe nucuviwo wó ne ɖe o, eye miŋ gba ɖe woabe nyɔ̃nuviwo ne mia vi núcúviwo wó ne ɖe o, eye miŋ gba dji nudjédji ɖekea, mia trɔazũ ameséséwo, mia ɖu anyigbã be núkú nyuitɔ̀wo eye mia gble wó daɖi ne miabe viwo wóanyi dó né yi ɖaa.¹³Enúyiwo kpata djɔ le mía dji le miabe núwɔ́na gbegblewo yiwo mí wɔ tógbɔ̀ be Ô Mawu me he to né mí sigbe lékè be dje o, vɔ fifia le gba gble amewo dadi mía. ¹⁴Ɖèyèe mia gba dje sedódówòwo dji dàdà ke, eye mia gba nɔ yinyiŋ ku djukɔ hlɔ̃dónú wɔ̀tɔ̀ yawo woa? Ɖjiku wɔ̀ ma gba hò le mía ŋti kaka la crɔ̃ mí kekeŋ, núɖekpe ma ciànyí, alo ameɖekpe ma gba ci agbe o woa?¹⁵Yehowoa Izraɛl be Mawu, le djɔ̀, ɖoa egbea mí nyi ame kpɔtɔɛ yiwo ne ci agbea kpɔ̀ mia woe yawo nyi agɔdjetɔwo le mò wò, eye kule éyà ŋtia, mí ma teŋ nɔ̀te le mò wó o.

¹Eyime Ɛsdra dogbeɖa eye wo favi, do ta gu le Mawu be aƒeamea ameha gã ɖe, nucuwo, nyɔnuwo, ku deviviwo va bɔ le egbɔ co Israël eye wo kpata wo fãvi ŋutɔ. ²Ziɖeka, Yexiel be vi Sexanya, ameyi co Elan viwo domea, xɔ doŋti gblɔ na Ɛsdra be: mi wɔ nuvɔ̃ le Mawu ŋuti be mi ɖe amedrovi nyɔnuwo yiwo le ku dume towo. Ke mɔkpɔkpɔ gba le Israël si le eya me.³Eyata, mi na miabla nu ku miabe Mawu be mia ɖe nyɔnuwo kpata kuvi yiwo wodzi ɖa le aƒetɔ nye ku ameyiwo vɔvõ ɖo le mia Mawu be sea ŋuti be aɖaŋuɖoɖo nu, eye woawoe le sea nu! ⁴Co doŋtia enya ya le asiwome eye mi li ku o, lé dzi ɖe ƒo eye nawoe!⁵Ɛsdra co, eye wõna amegã yiwo co nunɔlawo ku Lewiviwo gbaku dukɔ bliboa dome wo ta nu be, yewoawɔ le nyaya wo dzi. Eye wo ta nu! ⁶Ziɖeka, Ɛsdra fɔ̃ co mawuxɔla ŋkɔ yi Yoxanan, Elyasib, via be xɔ me eye eyi eva afima me ɖu nu o eye menu ci o. Ɖoŋtia exa nu le aboyomewo be nuvɔ̃wo ŋuti.⁷Ziɖeka, ena wo ɖe gbefã na aboyomewo kpata le Yuda ku Yerusalɛm be, wova kpeta le Yerusalem, ⁸Eye ne ameɖe meva le ŋkeke me oa wogblẽ yime kesinɔnuwo kpata gbidzigbidzi eye woaɖe le aboyome o be hame sigbe leke fiɔwo ku hame megãwo ɖoe ene.⁹Ziɖeka yuda ŋucuwo ku Beyamin ŋucuwo va ƒoƒu le Yerusalem le ŋkeke etɔ̃ megbe le dzinu asiekelia be ŋkeke amewuigɔ̃a dzi, eye dukɔa kpata bɔbɔ nɔanyi le gbadzadzi le Mawu be xɔaŋkume eye wole dzodzom nyanya le nyaa ku cidzadza ta. ¹⁰Eye nunɔ la Ɛsdra co gblɔ nawo be: miwɔ nuvɔ be miṣe dutɔwo be nyɔnu eye mina Israel gba dze nuvɔ gãme.¹¹Mi vu miabe nuvɔ̃ me na Yehowa mia tɔwo be Mawu eye miwɔ yibe lɔ̃lɔ̃nu! mide miaɖokui le duameviwo dome ku dutɔwo be nyɔnuwo gbɔ.¹²Ameha kpata doŋti ku gbe gã ɖe: miawoe ɖola wɔ sigbe leke le gblɔɛ! ¹³Vɔa dukɔwo sugbɔ̃, eye eci le dzadzawo eye ameɖeke ma teŋ nɔ̃ xlixenu o, menyi nukeke ɖeka alo ameve be dɔ ye o, doŋti amesugbɔwo wɔ nuvɔ̃ le nya ya me.¹⁴Miabe fiɔwo ne xɔ nya ne ɖukoe, eye amesiame yi le mia ƒe duwo me ɖe amedrɔ nyɔnua, ne va le gaƒoƒo tɔxɛ dzi, eye dua be ameciciwo ku vɔ̃nudrɔ̃lawo woa kpe le woŋti vaseɖe gayime miana mia be mawu be adɔmedzoé nu la fa le nya ya ta. ¹⁵Ne me nyi Yonalan, Asahel be vi ku Yaxzeya, Tikwa be vi, ɖeka kpoe gbe nya eye Mesulam ku Sabetai, ameyiwo nyi Lewi viwoa, ɖe wodzi.¹⁶Ke aboyomeawo wɔ nenema, wo cia nunɔla Ɛsdra ku ŋucu yiwo nyi fiɔwo le ƒomewo ta, co ƒome tɔkpadzi vovowome ku ŋkɔwo eye wo nɔanyi ŋkeke tutugbã le wotri ewoliame be noa wɔ doa. ¹⁷Le dzinu gbãtɔ be ŋkeke gbãtɔ dzi wowu nya nu na ŋucu yiwo kpata ɖe amedrɔ nyɔ wo.¹⁸Le nunɔlawo be nutuviwo domea, ameɖewo ɖe amedrɔ nyɔnuwo: Yesua be ŋtuviwo, Jozadak be ŋtuviwo, ku enɔ viwo woyona be: Maaseya, Eliezer, Yarib ku Gedalya. ¹⁹Eye woɖo be yoa ɖasi le yo srɔ̃wo ŋti, eye yoana agbo ɖeka acɔ wɔ fɔɖivɔsa ne wobe fɔɖiɖiwo ta.²⁰Ameyiwo co Imer viwo domea woe nyi Xanani ku Zebadya. ²¹Ameyiwo co Xarim viwo domea woenyi Maaseya, Eliya, Semaya, Yexiel ku Uziya. ²²Ameyiwo co Pasxur viwo domea woenyio Elyoenai, Maaseya, Ismael, Netaneel, Yozabad ku Eleasa.²³Ameyiwo co Lewi viwo domea woenyi Yozabad, Simei, Kelaya, eye nyi Kelita, Petaxya, Yuda ku Eliezer. ²⁴Ameyiwo co hadzilawo domea eyenyi Alysib, ameyi co agbonudzɔlawo domea eyenyi Salum, Telem ku Uri. ²⁵Eyiwo co Israel wonyi eyawo: Ameyiwo co Pereos viwo domea wonyi Ramya, Yiziya, Malkiya, Miyamin, Eleazar, Malkiya ku Benaya.²⁶Ameyiwo co Elam viwo domea wonyi Matanya, Zaxarya, Yexiel, Abdi, Yeremot ku Eliya. ²⁷Ameyiwo co Zatu viwo domea wonyi Elyoenai, Elyasib, Matanya Yeremot, Zabad ku Azika. ²⁸Ameyiwo co Bebai viwo domea, wonyi Yoxanan, Xananya, Zabai ku Atlai. ²⁹Ameyiwo co Bani viwo domea, wonyi Mesulam, Malux, Adaya, Yasub, Seal ku Yeramot.³⁰Ameyiwo co Paxat-Moab viwo domea, wonyi Adna, Xelala, Benaga, Maaseya, Matanya, Bezaleel, Binui ku Manase. ³¹Ameyiwo co xarim viwo domea, wonyi Eliezer, Yisiya, Malkiya, Semaya, Simeon, ³²Benyamin, Malux ku Semarya.³³Ameyiwo co Xasum viwo domea, wonyi Matenai, Matala, Zabad, Eliielet, Yeremai, Manase ku Simei; ³⁴Ameyiwo co Bani viwo domea, wonyi Maadai, Amram, Uel, ³⁵Benaya, Bedya, Keluhu, ³⁶Wanya, Meremot, Elyasib,³⁷Matanya, Matnai, Yaasai, ³⁸Bani, Binui, Simei, ³⁹Selemya, Natan, Adaya, ⁴⁰Maxnadbai, Sasai⁴¹Azareel, Selemya, Samarya, ⁴²Salum, Amarya ku Yosei. ⁴³Ameyiwo co Nebo viwo domea wonyi Yeiel, Matitya, Zabad, Zebina, Yadai, Yoel ku Benaya. ⁴⁴Ameyiwo kpata ɖe amedrovi nyɔnuwo eye nyɔnuawo dometɔ ɖewo dzi viwo.

¹Le djinu enyia me le Dario be fe evea mea, Mawu be nya va na Zakaria Berekia vi Iddo vi nyagblɔ ɖila le nya yawo me. ²Yehowa bi dji ŋtɔ do mia tɔtɔwo. ³Gblɔ ne wa be leyi Yehowa avawɔ la gblɔ ya: Mitrɔ va gbɔ nye yehowa avawɔla gblɔ ne mi eye ŋca ma trɔ va mia gbɔ Yehowa avawɔla gblɔ.⁴Mi gba nɔ sigbe miatɔtɔ yiwo nyagblɔ ɖila gbatɔwo gblɔ na be: aleyi Yehowa avɔwɔla gblɔe ya: Mitrɔ ɖa co miabe mɔ baɖa ku miabe nuwɔna baɖawo gbɔ. Vɔa wome ɖoto eye wome co ɖeke le me ne mo. Yehowa ye gblɔe. ⁵Miatɔtɔwoa ɖee afika wole eye nyagblɔɖilawoa woa teŋ nɔ agbe ɖaa? ⁶Vɔa nya nyewo ku ɖoɖo nye yiwo me cɔ na dɔcɔvinye nyagblɔ ɖilawoa ɖee meɖi le mia tɔtɔwo ŋti woa? Wo djo le gbɔnye eye wo gblɔ be Yehowa avawɔla wɔ ne mi aleyi yé ŋtɔ ɖoe be ya wɔ wo ŋti.⁷Le ŋkeke wuivɔ enea me le djinu wuiɖekɛ yinyi Sabat, Dario be ƒe evea me Yehowa be nya va na Zakaria Berekia vi Iddo vi nyagblɔɖila le nyawo me be: ⁸mekpɔ le zãme, ŋcua ɖe do sɔ djia ɖe eye wó citre ɖe gbe miti be vuvɔli te le yibe ŋgbe domea sɔ dzewo hewo ku yiwo li. ⁹Megblɔbe ame kawoe nyi sɔ mawo? Aƒetɔ nye eye Mawu dɔla gblɔ neŋbe mana nakpɔ ameyi nyi sɔ̃ mawo?¹⁰Ameyi ne le gbemitiwo dome ɖo enyi gblɔ be: woa woe nyi ameyiwo Yehowa dɔ ɖo ɖa be woa ɖi ca le anyigba dji. ¹¹Eye wotrɔ ɖe Yehowa be Mawu dɔla yi citre le gbe mitiwo dome gblo be: Miɖi ca le anyigba dji eyé anyigba kpata diɖe me eye wó li kpo o.¹²Eye Yehowa be Mawu dɔla xɔ nya gblɔ be: Yehowa avawala vaseɖe gakame na dokpoe nublanyi kpɔkpɔ na Yeruzalem ku yuda be du yiwo ŋti le kpɔ djiku ɖo kaka ƒe katakpo ciwo? ¹³Yehowa ɖo eŋti ne Mawudɔla yile nuƒo foŋ kum ku nya nyuiwo kaku akofa nyawo.¹⁴Mawu dɔla yi le nuƒo ƒoŋ ku ma gblɔ neŋ be do vli eye gblɔ be: ale Yehowa awawɔla gblɔe ya: me vã nu gaaɖe le yerúzalem ku zion ŋti. ¹⁵Eye mekpɔ djiku gaaɖe le dukɔwo yiwo dana ŋti ɖoa me dji ku vii ɖe mekpɔ. Vɔa wo ɖasi ɖe nubaɖa dji.¹⁶Ŋmati Yehowa gblɔ bé: matrɔ va Yeruzalem ku nublanyui kpɔkpɔ. Aƒe nyea ma gba cui le Yeruzalem eye woaɖa dzidzeka le Yeruzalem nu Yehowa avawola ye gblɔe. ¹⁷Gba do vli ke eye gblɔ be aleyi yehowa avawɔla gblɔe ya: du nye wo agba kpɔ nunyuiwo gbogbo ɖe Yehowa agba fakɔ na Zion eye agab cia yeruzalem ke.¹⁸Meklɔ ŋku nyewo eye mekpɔ nu kpɔ ɖa lã dzo ne li. ¹⁹Megblɔ ne Mawudɔla yi le nuƒo ƒom kum be lãdzo mawo ɖe ŋka wonyi? Egblɔ neŋ be làdzo mawoe nyi ameyiwo ne kaka yuda, Izraël ku Yeruzalem.²⁰Yehowa na mekpɔ dzo gbede ene. ²¹Megblɔ be ŋkawɔ gbe wogbɔnɔ? Eye égblɔ be woa woe nyi làdzo yiwo ne kaka yuda eye ameɖe kpe makɔ ta yi dji o eye dzo gbede mawo be yewoa do vɔvɔ dji newo eye woa ŋe dzo ne dukɔ yiwo me ko dzo yi dji ɖe yuda be yakaka duame nɔlawo.

¹Me kɔ̀ ŋkúwó yi dji, eye kpɔ́, ŋcúɖe cɔ̀ núdjidjeka ɖàsi adjidjenú. ²Me gblɔ̃ be: fiká yiŋ èlè, eye be gblɔ̀ neŋ be: me dja djidje Yeruzalem be ma kpɔ̀ kèkèmè ku djidjime ba nyiá.³Eye kpɔ́, Mawudɔla yi le nùpoapoŋ ku ma, zɔ̃gbɔ̃nɔ̃, ye mawudɔla bu zɔ̃ yi na gòdógbé. ⁴Egblɔ̃ ne be: Yerusalem la nyĩ edju le nùvò kúɖe amehá ku elãha yiwo ne le emea ŋti; ⁵ma nyi èdjò be glikpá áxla trɔdoé, yehowoa ye gblɔ̃ɛ, manyi ŋtikɔkoe kpekpe le eme.⁶Mi sí, mí sí cò djiéxè nyigbã dji! Yehowoa ye gblɔ̃ɛ. Ɖoa, me kaékà mi ɖó djipówo be àyà énéawo dji, Yehowoa ye gblɔ̃ɛ. ⁷Ɖe ɖokui wò, zayɔ̃, ewò yi nɔ̀ nà Babilɔ̃ be nyɔ̃núvia gbɔ́a!⁸Ɖoa, léké avakɔ̀wo be mawugblɔ̃ éyà: le émá yòmea, ŋtikɔkoe kpekpe lá vá! ɛdɔ̀ŋ ɖóɖà djukɔ̀ yiwo ne ɖe àmá mia gbɔ́; ɖoa ame yi la kàsí mia ŋtia, ekasi yibe ŋúvi yibɔa dji. ⁹Kpɔ́, me kɔ asinye yìdjì citre ɖe wóŋti, eye wóanyĩ élãlélé ne ame yiwo cɔ̀dɔ̀ ne wóa. Eye mianyɛ̀ be Avakɔ̀wo be Mawu dɔ̃ŋ.¹⁰Dò aseyecòcò be àfàwo eye kpɔ djìdjɔ̀ zayɔ̃ nyɔ̀núvi! Ɖoa kpɔ́, me gbɔ̀nɔ̀, eye manɔ̀ dòwòme, Yehowoa ye gblɔ̀ɛ. ¹¹Djukɔ̃ sugbɔ la lèɖó Yehowoa ŋti le ŋkeke ma dji, eye wóa trɔazũ djukɔ̃ nyè; manɔ̀ dòwòme, eye lànyá be avakɔ̃wo be Mawua dɔ̃ŋ ɖoɖa gbɔ̀wò.¹²Yuda la nyĩdòme ne Mawu sigbe yibe gòmekpɔkpɔ́ nene le anyigbã kɔ̀kɔ̀a dji. ¹³Ŋtilã ɖèsiáɖe ne bɔ̀nũ le Mawu be mò! Doa efɔ̃ cò yibe nɔpe kɔkɔa.

¹Ena mekpɔ Yosua avɔsala gã citre le Yehowa be dɔla ŋkɔ, eye Satana nɔte le yibe nuɖusi me be yacɔ nya ɖe eŋti. ²Yehowa gblɔ ne Satana be: Yehowa ne ka mo ne o, yehowa nemo ne o yi ameyi ne cia Yeruzalem. Dee menyi djocikpo yiwo ɖeco djome o a. ³Vɔa Yosua do awu fo ɖi eye wócitre le Mawu dɔla ŋkɔ.⁴Mawu dɔla xɔ nya gblɔ ne a meyiwo nele eŋkɔ be: miɖe awu ƒoɖiwo le eŋti, eye egblɔ ne Yosua be kpɔ me ɖe nuvɔ̃ be awu le ŋti o eye medo aza be awu ne wó. ⁵Megblɔ be wo ne cɔ djuku djadjɛ blata nɛ eye wo cɔ djuku djadjɛ bla ta nɛ eye wodo awu nɛ. Mawu dɔla li.⁶Mawu dɔla gblɔ nya ya ne Yosua. ⁷Aleyi Yehowa awawɔla gblɔ ya, ne le zɔ le mɔnyewo dji eye nele ŋku le ɖoɖo nyewo nua, laɖo kodjo ne aƒe nyea eye na kpɔ xoxɔnu nyewo dji, mana navo le ameyiwo ne le giya dome.⁸Ɖoto Yosua avɔsatɔ gã, miku tɔwo yiwo ne nɔ anyi le ŋkɔ wó. Ɖoawa woe anyi ameyiwo azu djesi kpoɖa mana dɔcɔvi nye ava. ⁹Ɖoa eya ye nyi kpe yi macɔ ɖa Yosua ŋkɔ ŋku adre le kpema ɖeka si. Kpɔɖa nye ŋtɔ maŋlɔ nuyi woa ŋlɔ le edji. Yehowa avawɔla ye gblɔe eye maɖe dukoa be nuvɔ̀ ɖa leŋkeke dka gbe.¹⁰Le ŋkeke ma dji, Yehowa avawɔla gblɔ be makpe amesiame be woa nɔ anyi le weinti ku gboti gɔme.

¹Ziɖeka mawudɔla yi ƒunuƒu kuma trɔ va fõm sigbe leke wofɔ̃na ame co alɔ̃me ene. ²Eye egblɔ ne be: Nuka kpɔ lele? eɖo ŋti nɛ be: mele akaɖiti ɖe yi wɔcɔ sika ɖeɖe wɔ kpɔm, aminu le eta me, eye akaɖigbɛ am̃dre le eŋuti eye alɔ amãdre yiwo me to lea, le akaɖigbɛwo ŋuti. ³Amiti ameve le exa, ɖeka le aminua be nuɖusi me eye evelia le yi me mi ɔ me.⁴Eye me xɔ nya gblɔ ne mawudɔla yi ƒunuƒu ku be: Aƒetɔ nye nuyawo gɔme ɖe? ⁵Mawudɔla yi ƒunuƒu ku ma doŋti be: menya nuyawo gɔme oa? Meɖo ŋti be: o, Aƒetɔ nye!⁶Ziɖeka eɖo ŋti gblɔ ne be: leke Yehowa gblɔ na Zerubabel ye ya: menyi ŋusẽ alo kalin, voa ke boŋ to nye gbɔgbɔ dji, yehowa avawɔla ye gblɔe! ⁷Ewò to gã nuka le nyi le Zerubabel be ŋukume? Lazu gbadzaƒe eye laɖe etamekpe lado eye lanɔ xlii dom be: amenuveve, amenuveve nɛ!⁸Eye Yehowa be gbe va nam be: ⁹Zerubabel be alɔe dze xɔa gɔme eye yi be alɔ kpɔe lagba wu nu. ¹⁰Vɔa ameke lado vlo nugɔmedzedze nyanyui lakpɔ dzidzɔ le nua be dzi yiyme le Zerubel be alɔme. Woa ameandre ya woe nyi Yehowa be ŋku yiwo le cacam le anyigba blibo kpata dzi. ¹¹Ziɖeka meɖo ŋti gblɔ nɛ be: amiti ameve yiwo le akaɖitia be ɖusi me ku miɔ mea gome ɖe?¹²Meɖo ŋti zivelia be: amiti dɔmee evea yiwo le sikalɔ yiwo me to le eye sikam̀ yina toa wo me ca gome ɖe? ¹³Ziɖeka egblɔ nan be: ménya nuyawo gɔme oa? Meɖo ŋti be: o, Aƒetɔ nye!¹⁴Eye egblɔ be: woawo nyi amiti ameawo, yiwo tɔte le anyigba bliboa be afetɔ be ŋku me.

¹Megba fɔ mo dji eye mekpɔ womã ɖe yi le djodjoŋ. ²Egblɔ neŋ be: Nuka kpɔ̃ŋ lele? Meɖo eŋuci be: mekpɔ womã ɖe yi le djodjoŋ; yibe djidjime le abɔgligo wui eye yibe kekeme le abɔgligo ewo.³Eye egblo neŋ be: eyia ye nyi fiƒoɖe yi kaka le anyigbã kpata dji ɖoa woagnã fiafitɔ ɖekpekpe djo le giya eye woagnã gbeƒoƒo be ataŋ katɔwo. ⁴Yehowa avawɔla gblɔ be: nye yé kakɛ be neyi fiafitɔ ku gbeƒoƒo be ataŋ katɔwo le ŋkɔ nye me be aƒe me be newɔ yibe nɔƒe eye nefiɔ̃e ku ati ku ekpewo.⁵Mawudɔla yi le nuƒo foŋ kuŋ ma va gblɔ neŋ be: fɔ mo yi dji eye kpɔ nuyi le drodroŋ le géma ɖa. ⁶Meɖo eŋuci be: nukae nyi yia? eye egblɔ neŋ be: eyia ye nyi nudogbã yi ɖo gbɔno. Egba gblɔ ke be eyia ye nyi wobe vodada le anyigbã kpata dji. ⁷Eye kpoɖa, cuumigbaa ɖe kɔ eɖokoe le dji eye nyɔnu ɖe bɔbɔ no anyi le nudogbã me.⁸Egblɔ be: eyia ye nyi nu baɖa wɔwɔ. ⁹Eye ecutui de nudogãa me eye ecɔ cumigba cu enu. Mefɔ mo yidji eye mekpɔ nyɔnu eve yiwo dro va. Aya ɖo wobe awaɖawo me. Wobe awadawo le sigbe damixe be awada ene. Wokɔ nudogbã le djifo ku anyigbã be dome.¹⁰Mekpɔ mawudola yi ƒonuƒo kuŋ ma be: fika wokɔ nudogbàa yina? ¹¹Eɖo eŋuci neŋ be: wole xo tugbe nɛ le Sinear be anyigbã dji eye ne wotui voa woacɔe adro da le enɔƒe le géma.

¹Me gbatrɔ́ kɔ mo yi dji eye me kpɔ avawɔvú ene dro co tó eve dome, tóáwó nyí akɔ́bli tówó. ²Sɔ́ djɛ̃wó le avawɔvú tútúgbãtɔa ŋ́tí, sɔ́ yibɔwó le avawɔvú evegɔ̃á ŋ́tí, ³sɔ́ yiwó le avawɔvú etɔ̃gɔ̃á ŋ́ti, éyé sɔ́ ŋɔŋɔɛ hɛ̃wó le avawɔvú enegɔ̃á ŋ́ti. ⁴Me xɔ nya eye me gblɔ né máwúdɔlá yi le nuƒóá ƒoŋ́ néma bé: aƒétɔ́ nye, núkae?⁵Máwúdɔlá ɖó éŋti ném bé: wóáwóé nyí djiƒó bé yaƒoƒo ene yiwó dro co gíiké wó nɔna le xíxéá kpátá bé aƒétɔ gbɔ́á. ⁶Sɔ́ yibo yiwó le avawɔvúwó dometɔ́ ɖekà ŋ́tía wózɔ̃ ɖota djiéhe duame eye sɔ yitɔ́áwó kplɔ wóɖó, ŋɔŋɔɛtɔ́áwó ɖota anyiéhe duame.⁷Ɖjɛ̀tɔ́áwó dro eye wó bíɔ́ bé yiwó wòáyi ɖica le anyígbã dji. Mawudɔla gblɔ né wó bé: mi yi mia ɖica le anyigbã dji! Éyé wo ɖica le anyígbã djí. ⁸Éyɔ́m éyé be gblɔ ném bé: kpɔɖá, éyi wó né ɖota djiéhe duamea wóé ɖuɖu djikú nye kɔle djiéhedua dji.⁹Yehowa bé nya vá ném bé: ¹⁰xɔ núnánáwo le klúvi heldai, tobiya gbaku yeyada wó sí éyé gbe mágbea, wo ŋ́tɔ́ yi zofani be vi Yosiya be aƒéme, gíiké wó vá nɔ gayime wó gbɔ co Babilon. ¹¹Cɔ siká ku klosálo wɔ fiɔkúkú eye naɖɔɛ ne vɔsátɔ gã Yoshua, Yɔzadak bé víá.¹²Gbɔ nɛ bé: léé Yehowa avawɔlá gblɔɛya: ŋ́tú yi wóyɔná bé zema yigɔme nyíbé alɔdje le djedjegbé co yíteƒé éyé baátu yehowa be gbeɖóxɔa. ¹³Látu yehowa bé gbedóxɔa, efiɔ be bubu lánɔ éŋ́tí, lánɔ anyí le yibé fiɔzikpe dji éyé baákpacɛ, lányi vɔsátɔ́ le yíbé fiɔzikpe djí éyé ɖekáwɔwɔ deblibó lánɔ wódome.¹⁴Fiɔkúkúáwó wóányi ŋkúɖódjínú né Helem, Tobiya ku Yeyade gbaku Zofoni be ví Hen. ¹⁵Ameyiwó le djidjiƒéà wóává eye wóá wɔɖɔ le yehowa bé gbedóxɔame, eye mianya be avawɔtɔ́ yehowa yé dɔ́m ɖóɖa miagbɔ́. Élává éme né moɖotó Yehowa mia Mawu bé gbe.

¹Le fiɔ̃ Dario, be ƒe ne gɔa be fiɔ̃ ɖuɖu mea, Mawu be gbe va ne Zakari, le xetri asiɖekea kislew be ŋkeke ne gɔ̃a gbe. ²Beteltɔ ke wó tɔ Serezer, ku Reguem-Melex gaku wo be ƒome tɔwó dɔ wó ɖó ɖa be wóa yi ɖekuku ne Mawu. ³Ye wa biɔ vɔsatɔwó, ku nyagblɔɖilawó yiwo le Yehowa avawola be ƒea mea, abiɔ be: avi ma fã aci nu dɔ̃ le xetri tɔgɔa me, sigbe ɖeke me wɔɛ ƒe gbogbo ɖeo ene.⁴Yéhowa Avawɔla dogbea sí neŋ le nyã ya wó nu bena: ⁵Gblɔ̃ ne dukɔa me tɔwó, ku vɔsalawó bena: ke mi cinudɔ, favi le xetria me tɔ ku amãdrea me yé nu ma wɔ ƒe katakpó tiadréé nyié ya va yia ɖé, énye mí ci nua dɔ naa? ⁶Ke mi ɖunu, nua ha, me mia wó ŋtɔ̃ɛ ɖunu, nu aha wa? ⁷Mi me nyã o, enyã ya woé Yehowa ɖegbefa to nyãgblɔɖila cã tɔwo dji, gama me yeruzalem, ku dju yiwo ƒoxlɛ wó vo fɛɛ, amewó le wó me le djiéhe, ku gbadja ƒe nɔ wo?⁸Yehowa do gbe asine zakari be: ⁹Yehowa avawotɔ be: mi ɖo kodjo djɔdjɔɛ; ame sia me ne wɔ dome nyui ne nɔvia, eye ba kpɔ ŋblãyi nɛ. ¹⁰Mi ŋgba zi ahosíwo, ku cɔɛviwó, ku ame dró wó gaku ame da ahé wó dji o, yé mi gba ɖɔ̀ nuvɔ̃ wɔwɔ le dji me le mia nɔɛwó ŋti o.¹¹Vɔ̃a, wó gbe tóɖóɖó, wo djéa gla wócu wó be towó be yéwó ma sé o! ¹²Wó cɔ́ wó be dji wɔ ló tame kpe, be ye wó magbasé, sea ku Yehowa avawɔla be nyã yi wó dɔ ɖa to yi be gbɔgbɔa, ku nyãgblɔɖila cãtɔwó djío yeŋtié Yehowa avawala, be dome dji gã va ɖo.¹³Enyaŋti yi me yɔ̃ wó, wo gbe tɔtɔa ne wó yɔ ma, nye ma tɔ nɔ wó, Yehowa avawɔla ye gblɔɛ. ¹⁴Ma ka wa hle le dú yi wó me djesío wa wó mé, anyigba la ca yi aƒeɖo le wó ŋgbodome, be ame ɖekpe ma gba zɔɛdji ayi agbɔ o: nénéa wɔ cɔ anyigba vevea wɔ djógbe djié nyié ma.

¹Yehowa avawɔtɔ be nya drò, le nyàtí yawo me: ²Lékè Yehowa avawɔtɔa gblɔ̃ ényí éyà: ne vãnú ŋto ɖe zayɔ̃ ŋti, eye me dò djikú ŋtɔ cɔ́ vãnui. ³Lékè Yehowoa gblɔ̃ ényí eyà: Metrɔ̀ gbɔ̀nɔ̃ zayɔ̃, eye me dji la nɔ̃ Yeruzalem dòmè. Woa yɔ̀ Yeruzalem be ŋteƒe wɔ̀wɔ̀ be djù, eye Yehowoa avawɔtɔ be tóa, wóa yɔ̀ɛ be ètó kɔ̀kɔ̀.⁴Lèké Yehowoa avawɔtɔ gblɔ̃ ényi éya: Papaciciwo ku nyagãciciwo, wo dometɔ ɖèsiáɖe àle kpòti anɔ̃anyi le Yeruzlem be mɔ̀wo dji, kuɖe ŋkeke gbogbowo yi wóaxɔa ŋti. ⁵Edjugã be mɔ̃wo dji la ɖɔ̀ ku ɖekadjewo ku cùgbèdjewo, wóanɔ̃ gbɔgbleŋ le mɔ́awo dji.⁶Lèké yehowa avawɔtɔa gblɔ̃ ényi éyà: ne núa wɔ ŋdã ne anyigbã ya djinɔ̀tɔ̀ mlɔɛwo le ŋkèkè mawo mea ɖe, élè moya wɔgbe le ŋcã mò nyca? yehowa avawɔtɔ ye gblɔɛ. ⁷Lèké Yehowa avawɔtɔ gblɔ̃ ényi éyà: ma ɖe djukɔ̃ nye cɔ̀ wóedjeƒe ku woetoɖoxɔƒe be anyigbã dji. ⁸Ma kplɔ̃wo agbɔ, eye wóanɔ̃ Yeruzalem dóme; wóa nyi djukɔ̀nyewo, eye ma nyi woabe Mawu le nyateƒe ku núdjɔ̀djɔ̀ wɔ̀wɔ̀ me.⁹Lèké Yehowoa avawɔtɔ gblɔ̃ ényi éyà: mi dò ŋsé miabe alɔ̀wo, mi ameyiwo égbèa, mi le ényàyàwo seŋ cɔ̀ nyagblɔɖitɔ yiwo dò le gapopo yi me wó le Yehowoa avawɔtɔ be aƒea gɔ̃mè doŋ ànyi, le gapopo yi me wóle gbedoxoacugbe. ¹⁰Ɖoa, dóŋkɔ̀ ne gapopo ma, amegbetɔ be dɔ̀wɔ̀wɔ̀ me kpɔna ètèƒe ɖoɖo o; élãwo be fècú nyi gbɔ̀lú; ŋtifafa me le ne ameyiwo ne le gbɔgbɔ̃ alo wó le dodroŋ, ku le futɔwo ŋti, me wɔ̀ amewo kpátá wó citre wonɔ̀ɛwo ŋti.¹¹Fifia, nyeŋ gba nɔ̀ ku djukɔ̀ ya be kpɔtɔ sigbe lékè me nɔ kui vayi cã nene o. Yehowa àvàwɔ̀tɔ́ ye gblɔ̃ɛ. ¹²Ɖoa, núkúwo la wɔ nyuiɖe, woɛ̃ka la cè kú, agblenyigbã la na yi be cècèwo, eye djipowo ladjà àhũ; mawɔ̀ be, djukɔ̀ya be kpɔtɔɛwo woa kpɔ djidjɔ cò núyàwo kpata ŋti.¹³Sigbe lékè mi nyi fipodemewo le djùkɔ̀wo dòmea, Yuda be aƒe ku Izraɛl be aƒe, nènèa cúcú ma ɖè mi, eye mia nɔ̃ yaya me. miŋgba vɔ̃ o, eye mia nɔ̃ yayra me. Miŋ gba vɔ̃ o, miabe àlɔ̀wo wo ne kpɔ̀ núsè dódó! ¹⁴Ɖoa lèké yehowoa àvàwɔ̀tɔ́ gblɔ̃ ényi éya: yi me ɖò súsú be ma wɔ̀ vɔ̃ kú mi éyime mia tɔ̀tɔ̀wo le djiku doŋ ne ma Yehowa avawɔtɔ ye gblɔ̃ɛ, eye nye me trɔ̀ le éyòme o woa, ¹⁵fifia, me trɔ́ và ŋgbe, eye me cò enyame le ŋkèkèyawo me be ma wɔ nyui ne Yeruzalem ku Yuda be aƒea. Miŋ gba vɔ̃ o!¹⁶Nú yi mia wɔa eya: mitò nyateƒe ne miànɔ̀nɔ̀ɛ; mi drɔ̃ vɔ̃nũ le nyetefe me le miabe agbowome kùɖe ŋifafa ŋti; ¹⁷Mia dòmetɔe ɖe kpe ŋgba nɔ súsú gbegble buŋ có nɔvia ŋti lendjime o, eye miŋ gba lɔ̃ alakpa ataŋkakã o, ɖoan miúmau woényìnuyiwo me cria, Yehowoaye gblɔ̃ɛ.¹⁸Yehowo avawɔtɔ be nya va neŋ, nyati yawo me: ¹⁹Leke Yehowoa avawɔtɔ gblɔ̃ enyi ényà: djinú ènègɔ̃á be ŋtitidɔ̃, atɔ̃gɔ̃á be ŋtitidɔ̃, adregɔ̃á be ŋtitidõ ku éwógɔ̃á be ŋtitidõ aseyecòcò ku djidjɔ̀kpɔ̀ be ŋkekewo ne Yuda be aƒea. Vɔa, mi lɔ̃ nyateƒe ku ŋtifafa.²⁰Lékè Yehowoa àvàwɔ̀tɔ̀ gblɔ̀ enyi eya: Ɖukɔ̃wo ku edju gbogboɖe menɔ̀tɔ̀wo gbagbɔ̃nɔ̀. ²¹Edjuɖe menɔ̀tɔ́wo wo&a yi edjubùbù me, agblɔ̃ be: mí yi yɔ̀ Yehowoa eye mí djí Yehowoa avawɔtɔ! Míáwo cã mía yi! ²²Eye djukɔ̃ gbógbóɖéwoa ku èdjú gbogboɖewo woa va dji Yehowoa àvàwɔ̀tɔ́ le Yeruzalem eye woa yɔ Yehowoa.²³LékèYehowoa avawɔtɔ gblɔ enyi éyà: le ŋkeke máwo mea, núcú àméwo àcò edjù égbègbɔgblɔ̃wo kekeŋ me, àlé Yuɖatɔ́ ɖeka be àwù tógɛ́, woa nɔ̃ gbɔgblɔ̃ŋ be: mi le yigbe kú mi, ɖoa mi nya be Mawu le kú mi.

¹Aƒetɔ be ɖoŋti, Yehowa be nyã na hadrac be dukɔa, enɔ̃te ɖe Damas dji, ɖoa Yehowa be ŋkuvi le amewo dji sigbe leke yibe ŋku le Izraɛl be kɔta ɖesiaɖe dji ene. ²Egba nɔte le Hamat, le Damas be liƒo dji, le Tiro ku Sidon, togbɔ be wo ɖo nunya.³Tiro cu xɔ sɛsɛ, ebɔ kesinɔnu sigbe ékɔ ene, ku sika abe baba yio le mɔ wo dji ene. ⁴Kpɔ ɖa Yehowa le yibe nyɔnã hogbe le esi ye ba cudu yibe nusɛ ƒu ŋgbe ɖo aƒu me eye djo a fiɔe.⁵Askalon la kpɔe eye vɔvɔ̃ la ɖoe, Gaza cã ŋɔdji gãɖe alé ku Ekrɔ̃ ɖoa yibe mɔkpɔkpɔa dome agble Gaza fiɔ acrɔ̃ eye ame maganɔ Askalon duame o. ⁶Amedro anɔ Asdod eye ma crɔ̃ Filisitɔ be dada. ⁷Ma ɖe evu ku nunyɔnu ɖa le yibe nume, ye cã la nɔ anyi na miabe Mawu, la nɔ abe efio na Yuda eye Ekrɔ lanɔ abe Yebusi tɔwo ene.⁸Ma ƒo asaɖa ne aƒe nye eye ma vlu wata le ava wɔla ŋgɔ ku ame yio vana gbadjona gbɔ eye ameteɖe anyitɔ ɖekpema gogo wo o, ɖoa nye ŋku le wodji azɔ.⁹Ziɔ nyɔnuvi co aseye Yeruzalem nyonuvi do djidjɔ fa wo, kpɔɖa efiɔwa gbɔnɔ gbɔwo. Eye nyi djɔdjɔeto kui eye be lia esɔ̃ aketé dji, esɔ̃ akete be vi dji. ¹⁰Ma crɔ̃ Efraïm be ahoa hu ku Yeruzalem be esɔ̃ wo eye avadeɖatiwo acrɔ. Wa ɖe gbefã ŋti fafa na dukɔa wo eye la du fiɔ co aƒu dji yi aƒudji co tɔwo dji yi anyigbã be sɛ̃ ƒe.¹¹Eye ne wo ya, le evu be nu yi le bla ŋtia ma ɖe wo game nɔtɔwo le égu yi me eci mélé o wà dogo. ¹²Mi game nɔla mɔkpɔla wo mi trɔ gbɔ va aƒe sɛsɛa me, me le gbɔgblɔŋ ne mi egbea be: maɖo miabe fukpekpea wo akpa eve nemi. ¹³Ɖoa me wɔ Juda abe antrɔ danu ene eye me cɔ Efraïm do abe ahoa wɔnu ene o! Ziɔ̃, ma mabe eviwo wa tititre le wonɔewo ŋti, o! Javã, ma ɖo eteƒe nawo abe ŋcu kalɛtɔ be ewui ene.¹⁴Mawu la dro le tawo me eye ba da yibe aŋcrɔ ba zɔ abe djikedzo la kukpɛ eye bana aya sɛ̃sɛ̃ aƒo ava yi. ¹⁵Ava fia Yehowoa la kpɔ mia ta, wo la vuvu eye woa ɖu akalodala wodji woa nu wo be vu eye wa mu abe vɛ̃ ene woa ɖɔ abe kɔƒo eye woa ƒo vu abe avɔsa mlikpe be djogɔe wo dji ene.¹⁶Yehowa wabe Mawu ahɔ nawo gbemã gbe abe yebe dukɔa be lãha ene. Ɖo, wo nyi kpe hɔasi yi klenã le kuku ŋti le duame. ¹⁷O! nu djedji name kae nyi eya na mì. Nyãkpɔ nyãkpɔ kae ya! ebli ana be ɖekadjɛ wo akpɔ lãme eye aha yeye ana be tugbɛgɛviwo anyakpɔ.

¹Mibiɔ ci yéhowa aɖa ci Yehowa ana dji kedjo eye ci gaa adja eye woana gbe amiɔ na amesiame le yibe agble me. ²Ɖoa Terafiwo ɖo nya gbɔluwo cɔme kpɔlawo gblɔa gbeƒoƒo nyawo ɖi ŋtega kpɔlawo ƒoa gbe eye wofana kɔ ku nya gbɔlu, numati wo bu sigbe alehawo ene, wonyi nublanyuitɔwo, ɖoa kplɔla mele wosi o.³Mekpɔ dji ku ŋtɔ le kplɔlaŋti eye ma ƒo gbɔcuwo. Ɖoa Yohowa avawɔla a dji yibe aleha kpɔ, yuɖa be aƒea la woe sigbe yibe ŋtikɔkɔe sɔ le avagbe dji ene.⁴Yime djogoe dji kpe, gacoe, avadati ku amegawo kekeŋ ado co. ⁵Woa nɔ sigbe kalẽtɔwo le avagbe dji baba le mɔwo dji, woa wɔ ava ɖoa ŋtia Yehowa anɔ ku wo eye nu akpe sɔɖolawo.⁶Mado ŋse Yuda be aƒe eye maɖe Yosef be aƒe eye makplɔwova ɖoa ma kpɔ nublanyui newo, eye woa nɔ sigbe nyi me gbewo kpɔ o, ɖoa nye nyi nyi Yehowa wobe Mawu eye maɖoto wo. ⁷Efraïm anɔ sigbé kalẽtɔ ene wobe dji ayɔ ku djidjɔ yi wein nana wobe viwo akpɔwo eye dji adjɔ wo. Woa kpɔ djidjɔ le Yehowa me.⁸Maɖo fufuwo eye maƒowo nuƒu eye ma ƒlewo, eye woa sugbɔ sigbe aleyi wo sugbɔ ene. ⁹Makawo hle le dukɔwo dome eye le djidji ƒe woa ɖo ŋku djinye. Woa nɔ agbe ku wobe viwo eye woa trɔ gbɔva. ¹⁰Ma kplɔwo co Egipt eye maƒowo nuƒu co Asiria. Mana woava Galadku Libano du me, eye teƒea masu wo.¹¹Ato veve sese be aƒu me eye aƒo aƒu be ame sesewo eye tɔa be gblɔgblɔe ƒewo aƒu woa ƒo Asiria be dada eye Egipt be fiɔ cikplɔ abu. ¹²Ma co Yehowa ado ŋsewo eye woazɔ le yibe ŋkɔ me, Yehowa ye gblɔe.

¹Libã, vu agbowo, eye djo ne bi ceda ti wo! ²Mia logotiwo mi fa avi ɖoati céda tiwo mu, ameyiwo ne do wo ɖokui ɖe dia wo mu! Mia basã me sesewutiwo mi fa avi ɖoãtia ave yi me wo ma teŋ yio wa mu! ³Lã kplɔlawo do nuhaha xli ɖoãtia wo me nyonyoa bu, djãtaviwo le hlɔhlɔ̃m ɖoãtia wo gblem Yordan me ave goé a.⁴Aleke yehowa Mawu gblɔ nyi ya: nyi nye ale yiwo wo kplɔ yina wuwugé! ⁵Ame yiwo ne flewa le wu wo fɔ́bubu ma nɔ me; ameyiwo ne le wo sa ma gblɔ be: yayra tɔe nyi Yehowa, ɖoãtia me kpɔti! ɛye wo me kplɔlawo me cɔ kewo. ⁶Ɖoãtia nye ma gba kpɔ nubla nyi ne djuametɔwo Yehowa ye gblɔẽ, eye kpɔɖa me cɔ amegbetɔwo de asi ne wa nɔnɔewo eye me cɔ wo de asi ne wo me fiɔwo, wa hla nu wo le anyigbadji, eye nye me hɔ nu le wo ma si me wo.⁷Eye me djé aleyiwo wo kplɔ yina wuwu gbéa kplɔkplɔ, vévietɔ aya wo ne djedo le alehawo domea me cɔ atikplɔ ame ve eye me yɔ ɖeka be dɔme nyo nyo eye me yɔ evelia be ɖékawɔwɔ, eye mekplɔ alehawo. ⁸Ma crɔ kplɔla me tɔ̃a le wotri ɖéka me luvɔ̃ nye me gbɔɖeme le wo me nya ŋli, eye wo me luvɔ nyɔnu ne. ⁹Eye megblɔ be: nye ma gba kplɔ mi wo! ame yi na kua ne ku, eye ameyi na crɔ̃a, ne crɔ̃, eye ameyiwo na cia nyia wa vuvu wo nɔnɔwo!¹⁰Me cɔ nye atikplɔ, amenuveve, eye me ŋée, ne ma gba nublabla ya ya me wɔ kaku djukɔwo. ¹¹Eye wo gbã le ŋkeke ma dji; eye ale ɖihiã yawo ne le ŋkuɖe ŋci nyea, djesi bena eya nyi Yehowa me nya. ¹²Me gblɔne wo bena: ne nyo mia nua, me tu fe nye nem, ne me ɖu mio wa mim gba tu ne mo. Eye wo feklosalo sekel blatɔ̃ nam.¹³Mawu gblɔ neŋ be: éga tɔhɔé ya wo be ye wa cɔ ade bubu ŋli nyea fugbe ɖoɖa eze mela, eye me cɔ klosalo sekel blatɔã fugbe ɖoɖa Mawu me ŋdraɖofe ne zemela. ¹⁴Eye me ŋe ɖekawɔwɔ me Atikkplɔ ne ma gbã nɔ vikadede yi ne le Yuda ku Izraɛl domea.¹⁵Mawu gblɔ nem be: cɔ pasto abunɛ̃tɔ ku yi me hacoco. ¹⁶Kpɔɖa elabe, ma nyɔ pasto ɖe yi ma kpɔ nu bla nyui ne alevi yiwo ne le crɔcrɔ̃m mo, ma yi dji ale vio wo, eye ma yɔdɔ ne eyi wo ne dje abiwo, ma le ŋkuɖe eya wo ne le sese ɖea ŋti wo, vɔa ela ɖu eyiwo ne da amia, eye woavuvu wo me afɔkli wo ŋtɔ cã¹⁷Bala ne pastɔ djrodjro, yi wo ne gblen wo me ale viwo ɖi! Ewui ne dje abo ku ɖusime me ŋkuvi dji né! Yima lɔ ne ku, eye yi me ŋkuvi ɖusimetɔa ne ci.

¹Eya ye nye Yehowa me nya yi gblɔ̃ ɖe Izraɛl ŋti: lekea ye Yehowa ameyi keke djiƒo nu, ame yi ɖo anyigbã gòmè da anyia eye wɔ gbɔgbɔ ɖe ame gbetɔ mea gblɔ eya: ²Yerusalem la nyi áhà mumu trɛ ne dukɔwo kpata; eye ne wo ɖeto ɖe Yeruzalɛm a, Yuda cã le eme. ³Gàmàmea, macɔ Yeruzalem awɔ kpɛgbã ne dukɔwo kpata; amɛsiame yi dji be yakɔɛ akpɔa, adɔa bi, eɖohui ŋti eye anyigbã djitɔwo kpata wɔabɔ ɖe ŋti.⁴Le ŋkeke mà dji, Yehowa gblɔ be: ya do vɔvɔ me sɔwo kpata, eye sɔkulawo woadjɛ aɖaba, ŋku nye anɔ Yuda me aƒɛ ŋti, eye màná dukɔwo me sɔwo kpata me ɔku agbã. ⁵Eye Yuda me amegãwo gblɔ le wome djime be: Yerusalem tɔwoa, Yehowa avawɔla ya nye wo me Mawu ku wome nuse.⁶Le ŋkeke ma dji, macɔ Yuda me amegãwo awɔ dokpo yi me nakɛ djo le wɔanɔ sigbe be kakati bibi yi le gbɛ ƒuƒu me, eye afiɔ ɖukɔwo kpata le ɖusi ku míɔ me, ke Yerusalem anɔ ye tɛƒɛ le Yerusalem.⁷Yehowa ahɔ ne Yuda me adjava tu tugbã, be ne me aƒɛa me ŋtikɔkɔe ku Yerusalem tɔwo be ŋti kɔkɔɛ ŋgbato Yuda tɔa ŋtio. ⁸Le ŋkeke ma dji Yehowa akpɔ Yerusalem tɔwo ta, eye ame gbɔdjɔgbɔdjɔwo wɔa nɔ sigbe David ene, eye ɖavid anɔ sigbe Mawu ene, eye Mawu dɔla adjɛ ŋkɔ newó. ⁹Le ŋkeke ma dji, madji be, macrɔ̃ dukɔyiwo kpata co ɖe Yerusalem ŋti.¹⁰Makɔ aménuvévé ku kukuɖeɖe be gbɔ̃gbɔ̃ de David be aƒɛ ku Yerusalem tɔwó dji, eye wɔa trɔ akpɔ gbɔnye, wɔa fãvi nɛ vɛvɛɖe sigbe leke wo fãna vi nɛ Akógóvi aló ŋkɔgbɛvi ene. ¹¹Le ŋkeke mà dji konyifafa tƒe mafa le Yerusalem, ya nɔsi be cɔhɔmɛ ne Hada-Rimon le Meguiddon me vɛ me ne.¹²Dua aƒa konyi, wɔa fa konyi vovovo le ƒome dekpɛ̀kpɛ̀me, David me aƒɛ́a afa konyi, wɔa srɔ̃wo ɖe vò, Natan me aƒɛa afa konyi, eye wɔa srɔ̃wo ɖe vò. ¹³Lewi me aƒɛa afa konyi, wɔa srɔ̃woɖevo, simli me me aƒɛa afa konyi, wɔa srɔwo ɖevo. ¹⁴Ƒome kpɔtuiwo kpata afa konyi, ƒomè ɖekpɛkpɛ, eye wɔa srɔ̃wo ɖe vo.

¹Le ŋkeke ma djia, vudo la vu ne David me aƒɔ̃ ku Yerusalem tɔwo me nuvɔ ku wóme makɔkɔ nyenye ŋti. ²Le ŋkéké ma dji, Yehowa àfà wɔla be: macrɔ̃ legbawo be nyikɔɖa le anyigbá dji, eye woma gba va ŋkudi ne amewo koo; eye mana nyagblɔɖilawo ku gbɔgbɔvɔ̃wo me nuwɔnawo na tɔtɛ le anyigbã di.³Eye ne ameɖe gbagblɔ̃ nyadi kea, yi medjilawɔ tɔtɔa ku nɔa wɔa gblɔ̀ ne be: medja nɔ agbe o, ɖɔa ŋtia ele gbɛ ƒom le Yehowa be ŋkumè; eye yi mè djiláwo, tɔtɔa ku nɔa wɔ dɛ nu ne egblɔ nyaɖi.⁴Le ŋkeke ma dji, ŋla kpɛ nyagblɔ̃ɖitɔwo kpata le ŋtɛgã ŋti, ne wo gblɔ̃ nyaɖi ne wo medó awu to fu be wɔa blé amewo ɖe emeo. ⁵Amesiame agblɔ̃ be; yi me nyi nyagblɔɖitɔ o, agblɛ dela ményi, eye agblɛ me dɛna co ɖekadjeme ke. ⁶Eyene wo biɔ be abi kawoé le alɔ̃ ŋti nɛ nenea? Ya ɖó ŋti be: wo ƒóŋ le hɔlenyewo me aƒɛ mɛ.⁷Yehowa ava be: ava yui co ɖe kplɔla ku hɔlõnye ŋti, djã kplɔ̃la ne yã ne kaka! matrɔ ɖe amé dɔdɔɛwo ŋti.⁸Yehowa be: wɔa crɔ̃ akpã étɔ̃lia éyé àkpà evé la kpɔtɔ̃ le dua kpata me. ⁹Macɔ̀ akpa etɔ̃ etɔ̃ lia ɖeka ade djòne asrui si gbe leke wosrɛna klosàlo nènè, eye madui kpɔ sigbè leke wòdona sika kpɔna ene. Ya yɔ ŋkɔnye, eye matɔ nɛɛ; ma gbɔ be: dukɔ nye ye; ye la gblɔ̃ be Yehowa ye nye Mawu nye.

¹Kpɔɖa, Yehowa be ŋkeke li gbɔna eye lama nukuwo le dome nɔ. ²Maƒu dukɔwo kpata nu ƒu le Yerusalem ŋu, ne woawɔ ava kui, woaxɔ dua eye woama xɔwo, woagblẽ nyɔnuwo, eye dua be fiɔ layi aboyo me, womatrɔ̃ dukoa be amekpɔtoewo le dume o.³Eye Yehowa laho eye lawɔ ava ku dukɔ yiawo sigbe gbeyigbe ewɔ ava le avadjɔgbe ene. ⁴Yi me afɔ lanɔ amito, yi le Yerusalem be wodjeƒe be gome dji, eye amitoa la fe ɖe cicina kpla aɖo ta wodjeƒe ku woɖoxɔƒe; toa be mamame la djeŋkɔ anyiehe eye ye be mamamee la djeŋkɔ djiehe; gbadjaƒea la keke ŋtɔ.⁵Eye miasi ayi toa be gbadjaƒe doŋtia toa be gbadjaƒe laɖo Azal; miasi sigbe leke misi le anyigbavuvu ŋti le Yuda fiɔ Uriya be game ene; Yehowa nye Mawu ye la va eye amekɔkɔewo kpata lakpe le yeŋti.⁶Gbemagbea, kekeli, magbanɛ o; avivɔ ku ci kpe la nɛ. ⁷Lanyi ŋkeke ɖeka yi ke Yehowa nya, eye manyi zã alo ŋkeke o, vɔa wotrɔme a kekeli lado. ⁸Le gama mea agabe tɔ sisswo adre co Yeruzalem eye woa cra aɖota wo dje ƒe ƒu gome, mama mea aɖota woto ɖo ƒe ƒu gome anɔ abe djodjome ku fafa be game ene.⁹Yehowa anyi fiɔ le anyigba kpata dji de gama me. Yehowa anyi Yehowa ɖeka eye yibe ŋkɔ anyi ŋkɔ ɖeka. ¹⁰Dukɔa kekeŋ atrɔ sigbe geba be ati le Rimmon ene. Le djiehea Yeruzalem akɔ yidji eye woa bɔ kɔ le yibe teƒe, co be nya mi be agbo nu vase ɖe djo goe wo be agbo nu. Co Hananel be xɔ crala gbɔ vase ɖe féɔa be ahafiɔ ƒe. ¹¹Amewo anɔ eme. Bosu nua ɖeke ngba nɔ anyi azɔ oeye Yeruzalem anɔn anyi bɔkɔ.¹²Kpɔ aleyi Mawu afo ameyiwo awɔ ava ku Yeruzalem yie nyi ya wo be avawɔ vuwo adje anyi avovo le wobe afɔwo dji eye wobe ŋkuwo avovo le ŋtome newo eye wobe aɖe awovo le nume newo. ¹³Le ŋkeke madjia Yehowa ana zi atɔ le wo dome amesiame ale alɔ ne vi a eye woa kɔ asi yi dji le wonɔewo nu.¹⁴Yuda cã awɔ awa le Yeruzalem eye wo a ƒo dukɔwo be kesi nɔnɔwo nu ƒu gbogbo ɖe, sika, klosalo ku nudodowo. ¹⁵Gblegble awa sɔwo, ku te djisɔ wo, kposɔwo, ku tedjiwo kaku lãyiwo kekeŋ yile asaɖa mea sigbe gblegble mawo ke ene.¹⁶Dukɔ kpɔtɔe yiwo neva citre le Yerusalem ŋtia ava ƒe ɖesiaɖe me, ade ta gu le fiɔ Yehowa avawɔla be ŋkɔ be woa ɖu agbadɔ be aza. ¹⁷Ne anyigba dji ƒome ɖewo yiwo li yi meva Yeruzalem ba deta gu le fiɔ Yehowa avawɔla be ŋkɔ oa, ci madja nɛ. ¹⁸He Egipte Fomea, meva woa, ne meva woa, ci madja nɛ, Yehowa acɔ gblegble yi wó cɔ ƒo dukɔ yiwo meva ɖu agbadɔ be azã woa acɔ ƒo wocã.¹⁹Eya lanyi tohehe ne Egipte ku dukɔ yiwo kpata mava be Yewoa ɖu agbadɔŋkeŋke o.²⁰Gbemagbea woaŋlɔ nu le sɔwo be nyawowoe ŋu be: kɔkɔe na Yehowa, eye ze yiwo le Yehowa be aƒemea woanɔ sigbe outre, yiwo le vɔsamlekpui ŋkɔ ene. ²¹Ze yiwo kpata le Yerusalem ku Yuda yo ŋti la kɔ na Yehowa avawɔla. Vɔsalawa kpata ava acɔ wo aɖa nu le wo me, eye nudrala ɖeke maga nɔ Yehowa avawɔla be aƒeme gama me o.

¹Eya nyi nya yi Mawu gblɔ na Israël to Maleaxi di: ²Yehowa be: Melɔ̃ mi, ye mibe: nukame ye lɔ̃ mi le? Yehowa be! Menyi ye nyi Yakob be nɔvio? Vɔa melɔ̃ Yakob. ³Eye me cri Esau be nyagbɔ. Metrɔ yi me towo djogbe. Eye yi me dòme nyinu wo trɔzu amegãxiwo tɔ le djogbe.⁴Leke Yehowa aʋawɔla gbɔ eya: ne Edom gblɔ be: ne wo gbã mi, mìatrɔ ɖo gliawo. Ne Edom gblɔ be: ne wo gbã mi, mìatrɔ ɖo gliawo, ne wo tuia, ma mui aƒa nyi, eye eywo be nuvi wòtɔwo be anyigbã ku dukɔ kewo ŋti Yehowa bidjido gbidi gbidi. ⁵Mìame ŋkuwo akpɔɛ, eye mìagblɔ be: Yehowa lolo yu Israël me liƒowo.⁶Yehowa aʋawɔla gblɔne wò be: vi dona bubu tɔtɔa ŋti, eye kluvi dona bubu ye ƒetɔ ŋti.Ne me nyi tɔtɔa, fika bubu nya le? Ne me nyi Aƒetɔa fika vɔvɔ yi le ŋtinya le? Vɔsatɔ wo donavlo ŋkɔnye, vɔa gblɔna be nuka mi cɔ dovlo ŋkɔ wó? ⁷Mìcɔ nuɖuɖu makɔ makɔ o va vɔsa kpɛ nye di. Vɔa le gblɔgblɔm be nuka micɔ doguwo? Eye mile gbɔgblɔm be Yehowa be kplɔ̃ ɖigbɔ.⁸Yehowa aʋawɔla be: ne micɔ elã ŋku gbagbatɔ savɔa, míbe menyrã? ne micɔ elã yiwo nyi dɔnɔa alo lã yiwo afɔ glina savɔa, migblɔ na be menyrã? Micɔɛ ne mìƒɛtɔwo be ɖee, ela djɔ dji nɔwo loo, alo wo la hɔ mi nyuiɖe mɛɛ? ⁹Fifia mído gbeɖa ne Mewu, ne ba kpɔ nublanui ne mí ! Mìagbɔ ye nuya co, ɖe be gba te hɔmi nyuiɖea? Yehowa aʋawɔla ye gbɔɛ.¹⁰Ame keye le mìa dome acu ʋɔ̃truawo, be ne mima dodjo ɖe yámé le vɔsa kpɛ nya djio? dji mele djɔɛ ɖe mia ŋtio, Yehowa aʋawɔla ye gblɔɛ, eye vɔ̀sa nu yi wo co mìame alɔmea, ɖekpé ŋgba droŋ. ¹¹Ŋkɔ nye lolo le dukɔwo dòme, co ɣodjeƒe vaseɖe ɣotoɖoƒɛ, le afisiafia wotɔnà liƒi cɔ dòna bubu ŋkɔnye ŋti. Eye wo sana vɔ kɔkɔe wo, dɔa ŋtia ŋkɔ nye lolo le dukɔwo kpata dome, Yehowa aʋawɔla ye gblɔɛ. ¹²Vɔa míawo ya mídui ŋnyɔ, le gblɔgbɔm be Yehowa be kplɔa ƒoɖi, eye nuɖuɖu yi wo le edjia me kɔ o.¹³Leke Yehowa aʋawɔla gblɔ eya: mile gblɔ̃gbɔm be, eɖu dua, fuɖeɖe ne ame yee, eya micɔ nu nanawo, elã dɔnɔwo ku lã afɔ gligliwo vasɔ vɔ. Ɖe mele eya diŋ co mìa gbɔa? Yehowa ye gblɔɛ. ¹⁴Aɖi ameblɛtɔ ŋti kokòko, nenyi be lãcu le yi me lãwo dome, eye edo ŋgbe vacɔ lã afɔ gligli savɔ ne Aƒetɔa ! ɖɔa ŋtia Fiɔ gã ye me nye eye vɔ̃vɔ̃ le ŋtinye le dukɔwo dome. Yehowa aʋawɔla ye gblɔɛ.

¹Vɔsatɔwò mìame se yenyi yawo! ²Ne mìgbɛ toɖoɖo eye ne mèle mìamé djime be mìado bubu ŋkɔ nye ŋti woa, kema maƒofi de mi, eye mà trɔ mìamé yayra ba zu fiƒoɖe; meƒofi de mi xoxo, ɖɔa ŋtinya me le mìamé djimeo.³Ma co alɔ ne mì, ma kaka miabe ŋkeke nyuiwo be miwo ɖe mo ne mì eye wɔa cɔ mi ayi wógbɔ. ⁴Eye mìa nye be: nye do sè yawo ne mi be nyeku Lewi be nublabla maco. Yehowa wanɔla ye gblɔɛ.⁵Nye kui be nublabla nye agbe ku ŋtifafa be nublabla eye meɖona vɔvɔ ne, ivɔm eye ŋkɔ nye do na vɔvɔnɛ. ⁶Nyatɛƒɛ toto le yi me numé, eye wo mekpɔ gbeƒoƒo le yime numeo, ezɔ kuɔ le ŋtifafa ku nyateƒe totme, eye eɖe ame gbogboɖéwo le vodada me. ⁷Vɔsala be nuwó me dra sidjedje ɖo, eye woa dí nufiame le yi be núme, ɖɔa ŋtia Yehowa aʋawola be amedɔdɔ ye nyi.⁸Vɔa míawoɛ mitɛ ɖa le mɔa dji, nufiɔnu ame gbogbotɔwo bu, eye migblɛ lewi be nublabla dome Yehowa aʋawɔla ye gblɔ̃ɛ. ⁹Ye ŋti nye cã me ɖigbɔ ni ɖo, eye me bɔbɔ mì ɖe anyí le dukɔwo kpata me ŋkume, ɖɔa ŋtia mi mé lé ŋku ɖe nye mɔ̃wo ŋti o. Eye mikpɔ ame ŋkù me le nufiɔfiɔwo me.¹⁰Ne menyi tɔtɔ ɖeka ye le mìa kpata si o, eye me nyi Mawu deka ye hɔmio? Nuka ŋti mia wɔ nutovo de mia nɔ̀nɔ̀ɛ wo ŋti o, ne mía ɖu kɔ ne mía tɔtɔwo be nublabla? ¹¹Yuda wɔ nutovo eye be wɔ nunyɔnu le Izraɛl ku Jerusalem. Ɖɔa ŋtia Yuda gblɛ ko na Yehowa be kɔkɔe ƒɛ, ke gbɔ̃ me lɔna nu le o, eye éɖé mawu buwo be nyɔnuvi. ¹²Yehowa acrɔ ŋcu, ke wɔna nuyà ɖa le Yakob be adjaʋãwo me kpɛɖe vi ku tɔgbuiyɔvi gaku ameyi savɔ na Yehowa aʋawola ŋti.¹³Eye nuyi míagbawɔ zivelia ye nyí: mia fa aɖati, afa vi ku nuháhá le Yehowa me vɔsa kpɛ dji. Ɖɔa ŋtia ŋgba ɖómato mio, eye egba hɔna míame vɔsawo.¹⁴Eye ne mìbe nuka ŋti, Eyi me Yehowa nyi yi nuteƒe kpɔla le mìku ɖekadjɛ me srɔ wo dome, yi mɛ nyi nuteƒe wola na, dogbɔ be edo vɛnɔ eye nyi nublabla nyɔnu nɔ caƒi. ¹⁵Alo menyi ame ɖeka ye wɔ mi, eye ele miame agbe ɖe asio? Nuka diŋ amea le? Mawu me ƒɔme di ele, ye ŋtia kpɔ ɖokuiwo dji be mablɛ ɖekajɛ me srɔwo. ¹⁶Ɖɔa ŋtia, nyemelɔ̃ srɔ̃ gbɛgbɛo, Yehowa Israɛl be Mawu ye gblɛ, ku ameyi cɔ nuvɔdji wwɔɔ cɔ ne eɖɔkui, Yehowa aʋawola ye gblɔɛ, ye ŋtia mikpɔ mìa ɖokui dji, be mìamawɔ nugblɛgblɛ ɖekpeo!¹⁷Mìcɔ mìame nyawo le diku dom ne Yehowa, djole gblɔgblɔm be: nukame míle diku dom ne le? Mile gblɔgblɔm be nuvɔwolawo kpata wo nyɔ le Yehowa ŋkume, eye womenu djɔ nadímɛ, alo fika nyateƒe tótó me Mawua le ?

¹Kpɔ ɖa, me djra nye aŋɛ̃ dotɔ ɖoɖa élé mɔ djragbe ɖo le ŋkɔ nye ye aha ɖeka, Aƒetɔ yike djiŋ mí lea la geɖo yibe agbadɔa me ku nublabla yi djiŋ milea be ame dɔ̃tɔ mi kpɔɖa egbɔnɔ Yehowa ahoa fia ye gblɔe. ²Ame ka ye la teŋ a cɔ yibe vava be ŋkeke ma? Ne eva doa, ame kae la tɔte le ŋkɔ nɛ̃? Doa edja nɔ abe gakpo sese be djo ku nu nyãla be aɖí ene. ³Ela nɔ anyi eye ba kɔ klosalo ŋti ela kɔ lewu vi wo ŋti aklɔ wa ŋti sigbe sika ku ega ene eye wa va wɔ avɔsa yi djea ne Aƒetɔa.⁴Azɔ̃ã, Yuda ku Yerusalem be nunãnã la djɔdji na Yehowa sigbe cã vayi ene, sigbe tɔgbe wo be game ene. ⁵Ekema màle ɖe mia ŋti na ʋɔnudɔdrɔ eye ma keɖi aɖi ɖase ci citre ɖe dzoduame tɔwo ku ahasi tɔwo, enu tálá alakpatɔ wo ku ame yi woe gbena fɛ̃ héhé na woa be dɔwola wo, ame yi woe fiɔnafu cɔe vi ku ahosi wo, ku yi woe wɔnã vɔɛ̃ ɖo ame djro eye wo me vɔnã Mawu o, aʋafiɔ Yehowa ye gblɔe.⁶Ɖoa enye ye nyi Yehowa, nye me trɔnã o; Eye mi, Yakob be viwo mí me crɔ̃ o. ⁷Co mia tɔtɔwo be game ke míteɖa le nye ɖoɖaa wo gbɔ mi lé ŋku ɖo eŋti o, mí trɔ va gbɔnye eye nye cã ma trɔ ɖe mia ŋti aʋa wɔtɔa ye gblɔe, eye mi gblɔ be nuka me mí ɖo lá trɔ gbɔva lé?⁸De ame gbetɔ ateŋ aflu Mawua? Ca pi míawo ya miele nye flum voa le gbɔgblɔŋ be nuka me miele nye fluŋ lé. Lé nu wolia ku nu nãnă wo me. ⁹Wo cɔ fiƒode ƒo mì eye mìle fluyeŋ mi dukɔwo kpata.¹⁰Mi cɔ nuwo be ewogɔ̃a wo kpata va nudraɖɔ ƒela ne be nyi nuɖuɖu le aƒé nye me. Mi cɔ nunya doŋ kpɔ, Yehowa ye gblɔe bena ye ma ʋu flèsé ɖo dinu kusi nemi eye ya ɖɔli kesinɔ̃ nu kɔɖo miadji le agbɔ susu me o mã mɛ. ¹¹Le mia ŋtia ma bludo nu yiwoe gblea nua be wo ma gba gble mia be anyiblã be ku cɛ̃cɛ̃a wo, eye le agble wo mea, miabe wãi tiwo ma gbe cɛ̀cɛ̀ o Yehowa aʋawɔla ye gblɔe. ¹²Dukɔ kpata la gblɔ co miã ŋci be djɔ gbe nyui, ɖoa mia nyi vivisese be du, Yehowa aʋawɔla ye glɔe.¹³Yehowa be mi gblɔ nyã sesɛ̃ ɖo ŋti nye, eye mi be enyã sesɛ̃ ka ye mí gblɔ ɖo nu wo? ¹⁴Mì gblɔ be: Mawu subɔsubɔa djodroe viɖe kae le yibe ɖoɖo wo me lele ɖe asi me, eye mia nɔ̃ yiyim le blanu me le Yehowa Zebaot ŋti? ¹⁵Azɔa dadala wo le djidjɔ kpɔm eye ame vɔɖi wo le ŋgɔ yim, wo tena Mawu kpɔ eye wo sinã le yi be ŋgɔ.¹⁶Ame yio vɔna Mawu le nuƒoƒom le wo nɔnɔe wo me, Yehowa ketoɖi eye be se ye be ŋlɔ̃ ŋku ɖodji gbalɛ daɖi ne ame yio vɔ̃nã Yehowa eye wo donã bubu yibe ŋkɔ ŋtia.¹⁷Aʋafia Mawu ye gblɔe be woa nyi yitɔ, woa su yitɔ blibo le ŋkeke yi ye draɖo ma kpɔ nu blanui nawo sigbe leke ŋcu kpɔna na evia ke subɔnɛa. ¹⁸Eye azɔa miakpɔ vovo tot yi ne le ame yio subɔna Mawua ku ame yio me subɔna Mawu o wa be dome.

¹Ke kpɔɖa, ŋkeke yi gbɔna le bibim sigbe kpodzo ene dadalawo ku ame baɖawo kpata woa nɔ sigbe gbe ƒuƒu ene, eye ŋkeke yi gbɔnoa lafiɔ̃wo makpɔtɔ ke alo alɔdzoe o, yehowa aʋawɔla ye gblɔe. ²Eye mia ameyiwo vɔ̃na ŋkɔ nyea dzɔdzɔ enyenye be wo yi me aʋalaka gɔme dɔyɔyɔ le la dze ne mi, eye miaho adzo anɔ dzodzo sigbe nyiviwo dro co lãkpome ene. ³Eye miafanya ame baɖawo eye woanɔ sigbe dɔmenu le mia be afɔgome le ŋkeke yi me draɖo ɖi. Yehowa aʋawɔla ye gblɔe.⁴Mido ŋku Mose xoreb dzi ne Izraɛl bliboa dzi, woa nyi ɖoɖowo ku kɔnuwo ne Izraɛl bliboa. ⁵Kpɔɖa madɔ nyagblɔɖi la, Eliya ɖo ɖa mi, caƒe Yehowa be ŋkeke gã dziŋɔ lava ɖo; ⁶Ne wòa trɔ tɔwo be dzi ɖoɖa viwo gbɔ eye viwo be dzi ɖoɖa tɔwo gbɔ, ne nyemagava crɔ̃ anyigba biɖibiɖi o.

¹Odzi Yesu le Betlehem be dua me le Yudea le gayime Fiɔ Herodes gã le dua kplɔm. Le Yesu be dzidzi megbela woetrivime nunyala ɖewo co woedzeƒe va Yerusalem dua me. ²Eye wole biɔbiɔ̃ be : Fika Yuda towo be fiɔ yike odzi fifia ɖee ? Ɖoa mikpɔ yibe woetrivi le woedzeƒe eye miva be miasuboɛ ³Eyi Fiɔ Erodes see la, yigaku Yerusalem dua wocaka.⁴Fiɔ Erodes ƒoƒu ʋɔsala gãwo kpata gaku dukɔa be woma ŋlɔlawo eye be biɔwo fiyike oɖo la dzi Kristo la le.⁵Wo ɖo eŋci ne be : Betlehem le Yuɖea.Ɖoa nuyi nyagblɔdila ŋlɔa yi nyi eya : ⁶Eye wò betlehem, Yuda nyigbã, me du vitukui lenyi kura le Yuda be du gã wo dome o, ɖoa Efiɔ yike la kplɔ dukɔ̃ nye Israel la ladro co me wo.⁷Emegbe la Erodes yɔ woetrivime nunyalawole bebe me, eye be biɔwo gaƒoƒo neni yi woetrivia le keklema.⁸Eyomea eɖɔ wo ɖoɖa Betlehem gblɔ̃ ne wo be : Miyi ne mia kunume nyuiɖe kuɖe ɖevia ŋci. Ne mi kpɔea miva na manya ale be ŋcã mayi ne ma subɔe.⁹Ke woɖoto fiɔa megbela, wodzo eye woetrivi yike wokpɔ le woedzeƒe la le zɔzɔ̃ le ŋkɔ ne wo kaka yi fiyike ɖevia lea be tame, ye be nɔte. ¹⁰Eyike wokpɔ woetrivia la dzidzɔ gãɖe lewo.¹¹Wo ɖo aƒeame, wo kpɔ ɖevia ku nɔa Maria eye wo dze klo se subɔe ; woʋu woabe kessinɔnuwo eye wo cɔ sika, lifi gaku mirrha né.¹²Eye esi Mawu na wo toklã be woŋgba trɔyi Herodes gbɔ o la, woto mɔ bu yi woabe duame.¹³Eyike wodzo la aƒetɔ be dɔlaɖe dzeɖoxYosef le alɔ̃me gblɔ nɛ be : co na kplɔ devia gaku nɔa miasi dzoyi Egypte eye mianɔ fimã vaseɖe gayime ma ƒonu ne wo, ɖoa Herodes la va dzi devia be ne ya wui.¹⁴Yosef fɔ̃ le zã me eye be kplɔ devia gaku nɔa se dzoyi Egypte.¹⁵Enɔ fima kaka Herodes ku ale be nuyi aƒetɔ la gblɔ̃ to nyagblɔ̃ɖila dzi la ba va eme : Meyɔ vinye dro co Egypte.¹⁶Eyike Herodes kpɔ be woetrivime nunyalawo bleyi la edo dɔmedzoe gãɖe eye be dɔ amewo be woawu ƒe eve viwo kpata yike le Betlehem gaku yibe nutowome la le azã yike behɔ co woetrivime nunyalawo gbɔa nu.¹⁷Nyayike ogblɔ̃cto nyagblɔɖila Yeremia dzila va eme.¹⁸O se wlidodo wo le Rama avifafãwo gaku konyifafã gãwo : Rachel le viawo be avifã eye medzibe woafa akɔneyi o elabena womegbali o.¹⁹Eyike Herodes ku la Aƒetɔ be dɔla ɖe dzeɖo Yosef le alɔ̃me le Egypte,²⁰Eye be gblɔ̃ nɛ be co, kplɔ ɖevia gaku nɔa eye na yi Israel be duame, ɖoa ameyiwo le ɖevia be ku dima woku.²¹Yosef co, eye be kplɔ ɖevia gaku nɔa dzoyi Israek be duame.²²Voa ke be see be Herodes be vi Archelaus le fiɔ dũ le Yudea le tɔtɔ teƒe la, evɔ̃ be yi ma yio, eye eyi Mawu nɛ toklã le alɔ̃me la edzo yi Galilea,²³Eye be va yi nɔ eduɖe yi oyɔna be Nazareth la me ale be nuyi ogblɔ̃ to nyagblɔ̃ ɖila wo dzi la ba va eme woa yɔɛ be Nazarethi tɔ.

¹Yesu yɔ̀ yibe nùsrɔ̃vi woevèawo eye be ná wo acɛkpakpà lè gbɔ̃gbɔ̃ makɔmakɔwo dji ale be woanyawo eye woada dɔlele ɖesiaɖe gaku lamegbegblẽ ɖesiaɖe.²Yesu be ame dɔdɔ woeveawo be nyikɔwo : gbã, Simon (yi wogbayɔna be Petrò gaku nɔvia Jã. ³Filipo gaku Bartelomeo, Toma gaku Matio amlɔkɔe djɔla, Yakɔbu, Alfeo bevi gaku Tadeo. ⁴Simon ame bibia gaku Yudas Iskariot ameyike de Yesu asi.⁵Ame woeve mawo Yesu dɔ ; ena wo gbedasi be miŋgbayi vodusubɔlawo gbɔ o eye miŋgbaɖo samariatɔwo be du ɖekpe me o. ⁶Ke boŋ miyi Israel be aƒea be aleviwo gbɔ. Gaku mɔdodo dji. ⁷Miɖe gbeƒã eye mia gblɔ̃ be djiƒo fiɔduƒea gogo⁸Miayɔdɔ dɔnɔwo, miagbɔagbe ame kukuwo, miakɔ kponɔwo ŋci eye mia nya gbɔgbɔ vɔ̃wo. Faa (gbalo) ye mi xɔe, mia cã mi nã faa (gbalo). ⁹Miŋgba cɔ sika o, miŋgba cɔklosalo cã o, miŋgba cɔ ga ɖekpe dɔ miabe gowo me o. ¹⁰Miŋgba cɔ mɔdjiyikpete alo awu ameve alo afɔkpa alo mɔzɔ̃ci o. Ɖoa dɔ wɔla dje ne yibe nuɖuɖu.¹¹Dugã alo kɔƒe yi me miayia mi dji ameyike djè eye ba lɔ̃ axɔ mia, eye mia nɔ̃ egbɔ va se ɖe eyime mia djo le fima. ¹²Ne mi ɖo aƒeɖemea mi do gbe. ¹³Ne aƒea xɔ mia, miabe ŋtifafa ne nɔ edji, vɔa ne sƒea me dje ne o wa, miabe ŋcifafa ne trɔ va ne mi.¹⁴Aƒeyi me wome xɔ mi le o alo wome ɖoto miabe nyawo le o wa, ne mi le djodjo gbe le aƒema mea, mi hũhũ kiwo ɖa le miabe afɔwo gɔ̃me. ¹⁵Me le egblɔ̃ ne mi le nyateƒe me beɖa le ʋɔnu dɔdrɔ̃ be ŋkekeadjia sodom gaku gomora nyigbã tɔ la kã eme awu du ma tɔ.¹⁶Me le mia dɔŋ sigbe alewo ene ɖoɖa lã woadãwo dome, mi dje ayɛ sigbe dãwo ene mi nɔ zaaɖe sigbe ahɔ̃nɛwo ene. ¹⁷Mi kpɔ nyuiɖe le amewo ŋci, ɖoa wole mia degbe asi le kodjoɖoƒewo eye wole mia ƒogbe le woabe ƒuƒoƒegãwo me. ¹⁸Eye le ta nyea wole mia legbe ayi du kplɔlawo gaku fiɔwo gbɔ be ne mia ɖi ɖase ne wo gaku vodusubɔlawo.¹⁹Ne gayime wodemi asia, mi ŋgba xanu ne ɖeke mia ƒo nuƒoɖo alo ne nuyi ke miagblɔ̃ o ɖoa nuyi ke mia gblɔ̃a woana mi le gaƒoƒo ma me. ²⁰Elabena me nyi mia woe la cã nuyi mia gblɔa o. Vɔa nuyi mia tɔtɔ be gbɔgbɔ̃ gblɔ̃ ne mia ye mia gblɔ̃.²¹Nɔvi lade nɔvi asi ne ku, tɔ̀tɔ́ la devi asi ne ku eye viwo woaco le woadjilawo ŋci eye woa wu wo. ²²Amewo kpata woa le ke mi (woacri miabe nyagbɔ) ɖoa mi xɔ nyikɔ nyea dji sè. Vɔa amesiame yike xɔ djinye sè le nuteƒe wɔwɔme eye bè do dji kaka yi nuwuwua Mawu la xɔ nɛ. ²³Ne wodo fukoekpe ne mi le du ɖe mea, mi si yi du bu me. Mele egblɔ ne mi be mi me dja ɖi ca aƒonuƒo co ŋcinye le Israel be duwo kpata me cãfee amegbetɔ via bà va o.²⁴Nusrɔvi me lolo wu yibe aƒetɔ o,alo docɔviwo mele ta ne woa ƒetɔ o. ²⁵Miŋgba nɔ mɔ kpɔm be amewo woalebe ne nusrɔ̃vi wu yibe Aƒetɔ o. Nenema kea, eyike me nyi miabe aƒetɔa, amewo woawɔ vɔ̃ mi sigbe leke wowɔ vɔ̃ mee ene.²⁶Mi ŋgba nɔ̃ vɔ̃vɔ̃ ne amemawo o. Nusianu yi wwla ɖo amewo wa, Mawu dji be mia ɖee fiɔ̃. Me dji be mia wla wo o. ²⁷Nusianu yi me gblɔ ne mi le vivitimea mi gblɔ̃e le ŋkeke me, eye nusianu yi wo cɔ ɖekpa nemia, mi ɖee gbefã le xɔwo tame.²⁸Mi ŋgbavɔ̃ ameyiwo wuna ŋcilã vɔa womateŋ wu luʋɔ̃a o. Boŋua mi vɔ̃ ameyi lateŋ crɔ̃ luʋɔ̃ gaku ŋcilã le djomavɔ be gu me. ²⁹Ɖee wo me sana acucrɔe ameve kpata ega vi tukuĩ ɖe o wa. Gakea woadometɔ ɖekpe me gẽna dje anyigbã mia tɔ̀tɔ́ be lɔlɔnu manɔ eme o. ³⁰Enya miabe taɖawo be xlexleme, enya nusianu co mia ŋci. ³¹Mi xɔ asi wu acucrɔewo (xeviwo) yicta mi ŋgba nɔ vɔvɔŋ o.³²Amesiame yi la ʋu me nye le amegbetɔwo gbɔa, ŋcã ma ʋu amemā me le tɔ̀tɔ́ nye yi le djiƒoa gbɔ. ³³Vɔa ameyi la gbenu le gbɔnye le amegbetɔwo gbɔa, ŋcã ma gbenu le egbɔ le tɔ̀tɔ́ nye yi le djiƒoa gbɔ.³⁴Mi ŋgba susui (bui) beɖa me le ŋcifafa hẽ gbe va anyigbã dji o, nye me va be mahẽ ŋcifafa va anyigbã dji o, ke boŋa ewui mehe ̀va. ³⁵Ɖoa meva be made màmá vi ŋcu gaku tɔ̀tɔ́a dome,vi nyɔnu gaku nɔ̀a dome, lɔ̃xo gaku lɔ̃xoyɔvi dome. ³⁶Amegbetɔ be kètɔ lanyi yiŋtɔ be ƒometɔ́.³⁷Ameyi ne lɔ̃ tɔ̀tɔ́a aló nɔ̃a wúmà mè dje ne mo ̀, eye ameyi ne lɔ̃ via ŋcu alo via nyɔnu wùmá me dje ne mo. ³⁸Ameyi me cɔ yibe acícoga eye be dje yonye me o wa (kplɔ do nye o wa) me dje némò. ³⁹Ameyi lákpɔ̀ yibe agbea lábuí, vɔa emeyi lábu yibe agbe le tanyea látrɔ́ kpɔe⁴⁰Ameyi xɔmia, éxɔŋ eye ameyi xɔma ̃éxɔ ameyi ne dɔ̃ɖoɖa. ⁴¹Ameyi ne xɔnyãgblɔɖilá le yibe nyagblɔɖila nyinyi ŋcíalá xɔ̀ nyagblɔɖila be fetú ; ameyi né xɔ ame djɔdjɔe le yibe amedjɔdjɔe nyinyi ŋcia, lá xɔ ame djɔdjɔe be fetú.⁴²Amesiame yi lá nà ci fafa kɔpo ɖeka pɛ vivi maeo dometɔ ɖeka le eyike be nyi nusrɔ̃vi nye ŋcia, me le egblɔ̃ ne mi le nyawó tótó me béɖá mabu yibe fetúa akpɔ o.

¹Eyi Yesu wu ɖòɖó mawo náná yí be nusrɔ̃vi woeveawo nu vɔa, edjo le fímá yi woabe duwome be yaɖe gbefã nya nyuia eye ya fiɔ̃ nú. ²Jã ameyi nyrɔna ame ɖe cimea le gakpame se wole nuƒo ƒoŋ co Kristo be dɔwɔwɔwo ŋci, ³Éɖo aŋɛ ne yibe nusrɔviwo be woayi biɔ Yesu se be : "wóe nyi ameyi ɖo la va, alo mi ɖo la nɔ̃te kpɔ amebua ?⁴Yesu ɖo eŋci ne wo be "miyi ne miagblɔ nuyi mi kpɔ gaku nuyi mi sea ne Jã. ⁵Ŋuku gbagbã tɔwo le nukpɔŋ, matakliwo le zɔzɔŋ, kponɔwo ŋci le kɔkɔŋ. tokunɔ̃wo le nu seŋ, amekukuwo le fɔfɔŋ eye dukɔ̃yiwo le hiã mea le nya nyuia seŋ. ⁶Yayratɔe nyi ameyi nye menyi ŋuɖiaɖia a o.⁷Ke amewo le djodjoŋ le fimá, Yesu dje gbɔgblɔ co Jã ŋci ne ameha be, "nuka mi va yi kpɔ le djogbea dji, aƒlati yi le aya ƒoma ? ⁸Vɔa nuka tutu mi va yi kpɔ ? ŋcu ɖe yi do awu xoasia ? Ameyiwo dona awu xɔasiawo wa fio be aƒeme wo nɔ na.⁹Nuka koŋ mi va yi kpɔ ? Nyagblɔɖila ? Ɛ̃ me le egblɔ ne mi be éwugã nyagblɔɖilá. ¹⁰Amema ŋci woŋlɔ ɖi le be "kpɔ ɖá me dɔ aŋedɔla nyea ɖo ɖá ŋkɔ̀ ne wò, éla tà mɔ le ŋkɔ̀ wɔ̀".¹¹Me le égblɔŋ ne mi le nyateƒe mebé le nyɔ́nyú tɔ djidjiwo domea, ɖkpe meli lolo wu amenyrɔɖecimetɔ Jã o. Vɔa ame vitukuitɔ le djiƒo fiɔɖuƒeamea lolo wuí. ¹²Co amenyrɔɖecimeto Jã be game va sé ɖé fifia la, djiƒo fiɔduƒea zu hàhlà eye amewɔadãwoe le exɔŋ.¹³Ɖoa nyagblɔɖilawo kpata gaku sea wogblɔnya ɖi va sé Jã dji. ¹⁴Eye ne mi dji la se egɔmea, eye nyi Elía yi ɖo la va. ¹⁵Ne tó sénú le ameaɖé sia ne sèe.¹⁶Ameka ye macɔ djidjime ya asɔ̀ ku ? Ele sigbe viviyi wo nanyi le agbonú le vibleŋ eye wole àƒá doŋ le gbɔgblɔŋ ne woanoewo be : ¹⁷"Mí kù kpɛ̃ ne mi eye mi me ɖúwoe o. Mí dji konyifãhawo ne mi eye mi me fã kònyí o.¹⁸Jã va, me le nu ɖũ mɔ́, me le aha nũ mɔ́ eye wo be gbɔgbɔ vɔ le éme. ¹⁹Ame gbetɔ be via va, éle nú ɖuŋ, le ahà nuŋ eye wo bé nucuɖula gaku ahámúla, amlɔkɔedjɔlawo gaku nuvɔ̃ wɔlawo be xɔlɔ̃ bé nyi. Vɔa núnyá djɛ̃ le yibe dɔwɔnawo me.²⁰Eye Yesu tɔ mɔkakã ne amewo le duyiwo me bé wɔ́ nùkúnú dɔwolea elabena wome trɔ djíme o. ²¹Baba ne wo Korozin, baba ne wo Betsaida ! Ne ɖee wowɔ núkùnù dɔ máwo le Tiro gaku Sidon sigbe leyike wowɔe le miagbɔ enea, woa ke trɔ djime xoxoxo átà sákó asi afi. ²²Vɔa le kodjo ɖoɖo ŋkekea djia, Tiro gaku Sidon woatɔ́ la kã eme wu miatɔ̀²³Eye wò, Kapernaum, ɖe le susui be amewo la doyiɖedji kaka seyi djiƒoa ? Ò, woaɖíɖíwò áyi kaka kuwodée ; ɖɔa ne Sodom ye wowɔ nukunu dɔma wo lea, elake trɔ djime eye ba nɛ kaka va na egbe. ²⁴Voa me le egblɔŋ ne mi be Sodom nyigbã tɔ̀ la nɔ̀ bɔbɔe ɖe wu mia tɔ́ lexkokdjoɖoɖo ŋkekeadjí²⁵Le gaƒoƒoma mea Yesu xɔ nya gblɔ̃ be : "me káfuwò tɔ́nye, djiƒo gaku anyigbã be Aƒetɔ́ elabe le wla nuyawo ɖo nunyalawo gaku ame gãwo eye le ɖee fiɔ̃ woma manyalawo gaku viviwo. ²⁶Ɛ̃ tɔ́nye nenemae be drowo éma. ²⁷Tɔ̀tɔ́ nyee cɔ ̀numawo kpata ɖe asi neŋ. Ameɖekpe menyà vì la o, Tɔ́ la kpɔe nyae, ameɖekpe menya Tɔ́ la o vi la kpɔe nyae gaku ameyi ke vi la dji be ya ɖee flɔã.²⁸Mi va gbɔnye, mi ameyiwo kpata nutikɔna eye agba le mia kpema eye ma na mi gbɔɖeme. ²⁹Micɔ kɔkùci nyea da mia ɖokuwo dji eye miakplanú co ̀ gbɔnye, élabe mele hodjoe eye me bɔbɔ ɖokuinye le djime eye miakpɔ gbɔɖeme ne miabe luʋɔ̃wo. ³⁰Ɖoa kɔkùtinyea le bɔbɔe eye agbã nyea le hɔdjɔe (fò).

¹Le sabat (gbɔɖeme) be ŋkekea dji, Yesu tò lù gble ɖe me le yiyiŋ. Dɔ̀ wù yibe nusrɔ̃viwo ye wo dje lùawo ɖeɖe se le ɖuɖuŋ. ²Eyike Farisitɔwo kpɔwoa wo gblɔ̃ ne Yesu be : "kpɔɖà, nusrɔviwo woema le nuyi mia be sea me ɖemɔ̃ be miawɔ le sabat be ŋkekea djiwo wɔŋ".³Vɔa Yesu ɖoeŋci nɔ̃ wo be : mì me le hlɛ nuyi David gaku yibe ŋtimewo wɔ vayi eyike dɔ le woawu vayi ! ⁴Aleyi ke be ɖo Mawu ba ƒeame eye be ɖu vɔsa kpɔ̃nɔ̃ yike Mawu me ɖemɔ̃ be wo gaku yibe ŋcimewo wa ɖu o wa.⁵Ɖe mi me xle nuyi ke mose ŋlɔ̃ ɖi be le sabat ŋkekea djia vɔsala yiwo le subɔsubɔ dɔ wɔmã le sabat be sea gbã gake wo me dje agɔ wo ? ⁶Vɔa me le égblɔŋ ne mi, me va mia gbɔ eye me xɔasi wu gbedoxɔa. Nuyi me le mia fiɔmã xɔasi nemi wu nuyi mia tɔgbeo gblɔ̃ ne mi co gbɔ̃ɖemea ŋci.⁷Mi ɖoŋku nuyio Mawu nya gblɔ̃ : "me dji be ma ɖezɔ̃ ku nublanyi kpɔkpɔ ɖoɖa amewo gbɔ eye me nyi vɔsa wɔwɔ o. Ne mi se nyamã gɔmea mi ma bufɔ̃ nusrɔ̃vinye yio wɔ nubaɖa ɖekpeowa o. ⁸Nyee nyi Amegbetɔvia ye me ɖo acɛkpakpa la gbã nuyi amo la wɔ le gbɔɖeme ŋkekea dji.⁹Yesu djo le wogbɔ ye be yi wobe ƒuƒoƒegã. ¹⁰Eye be kpɔ ŋcu abɔ kukunɔ̃ ɖe le fimã. Eyi ke Farisitɔ le djidji be ye woa sɔ nya le Yesu ŋci le gbɔɖeme ŋkekeaŋci ta wo dome ɖeka biɔse be : "ɖe Mawu ɖemɔ ne mi be mia dadɔ ne ame le gbɔɖeme ŋkekeadjia ?¹¹Eɖo eŋti nawo bena : "ne miadome tɔa ɖe be alè gedje gume le gbɔɖeme ŋkekeadjia ɖe la ɖati da guamea ? Gbeɖeo. Ela ɖetɔ ziɖeka kaba eye mia kpɔe be ewɔ nunyui. ¹²Voa amexɔasi wu alɛ gbogboɖe ta mɔ ɖeɖeli be woawɔ nunyui woa dadɔ ne dɔnɔ̃wo le gbɔɖoeme ŋkekeadji".¹³Eye Yesu gblɔ ne abɔ kukunɔa be : "ke asi" . Eke eye asia xɔ dɔyɔyɔ eye be ɖɔɖo si evegɔa ene. ¹⁴Farisitɔwo dro le ƒuƒoƒe gã me ye wo le aɖaŋ ɖe beye woa wuí.¹⁵Yesu kpɔ be Farisitɔwo dja wu ye ta ekplɔ yibe subɔviawo ye wodjo le afimã. Ameha gãɖe gaku dɔnɔ̃wo kplɔeɖo ye be yɔdo wo. ¹⁶Voa edo se nɔ be woŋ gbagblɔe na mowo. ¹⁷Alebe nuyi nyagbloɖila esaya gblɔa ne ba va eme.¹⁸"Dɔ cɔvi nye yi me cia yeya, ameyi me lɔ̃ alegbegbe ameyi me luʋɔ nye kpɔ ŋdjedje le. Ma cɔ gbɔgbɔ nye deme eye ela ɖe gbeƒã djɔdjɔenyenye na dukɔwɔ".¹⁹Má wɔ adre o, ma do aƒa o, eye ame ɖekpe mase yibe gbe le mɔwo dome o. ²⁰Ela lɔ̃ ame gbɔdjɔgbɔdjɔ tɔwo, Mawu ameyi ne le hli numa o. Ela ɖò kódjó ne amewo ku djɔdjɔe nyenye eye be co nya djɔdjɔe newo. ²¹Eye dukɔ̃wo woa kpɔmɔ nɛ²²Wokplɔ ameɖeyi nyi mumuinɔ ŋukugbagbãtɔ elabena gbɔgbɔ̃vɔ̃ le emea va Yesu gbɔ, eda dɔ nɛ ye be le nu kpɔŋ le nuƒo ƒoŋ. ²³Ameha kpɔe eye be ci yaa le gbɔgblɔŋ be : "ŋucu ma ye la, Kristo fiɔ David be vi yi mi le mɔ kpɔŋ na ?²⁴Eyike Farisitɔwo va se nukunu ma be nya, wo gblɔ̃ be : "me Mawue o, beelzebul gbɔgbɔ̃vɔ̃wo be Aƒetɔa ye na ŋusẽ ŋucuma be ba nya gbɔgbɔ̃vɔ̃wo le amewo me" ²⁵Vɔa Yesu djesi woabe susuwo ye be gblɔ̃ne wo be : "fiɔɖuƒe ɖesiaɖe yike má ye wo co ɖe woanɔewo ŋcia gbãna eye aƒe alo du ɖesiaɖe yime amewo má titre ɖe woanɔewo ŋcia me nɔna anyi daa o".²⁶Ne Sãtana le sãtana nya ma, ema titre ɖe yiŋtɔ ɖokui ŋci, ɖee yibe fiɔɖuƒea la teŋ nɔ anyia ? ²⁷Ne sãtana naŋ ŋusẽ be ma nya gbɔgbɔ̃vɔwo wa ɖee, miabe nusrɔviwo wa ɖee nukae wose le gbɔgbɔ̃vɔ̃wo nyaŋ ? satana be ŋusẽa ? O ! Woaŋtɔ woaɖee fiɔ̃ mi be miabe nya mele eteƒe o.²⁸Vɔane Mawu be gbɔgbɔ̃ ye me se le gbɔgbɔ̃vɔwo nya ma, kema Mawu fiɔ ɖuƒea va mia gbɔ́. ²⁹Ɖeke ameɖe lateŋ ɖo ŋucu sesẽɖe be aƒeme alɔ yibe nunyuiwo ne me le ŋucu sesẽ ma bla gbã o ? Ne eli bla gbã kpɔa la xɔ yibe aƒea. ³⁰Ameyiwe mé xɔese be gbɔgbɔ̃ kɔkɔe naŋ ŋusẽ be ma nya gbɔgbɔ̃vɔ̃wo o wa, wo co ɖe ŋcinye, eye ameyi ke me ƒoƒu nu kumo wa le nukakaŋ.³¹Núvɔ̃ ɖesiaɖe gaku bósunya gblɔgblɔ̃ ɖesiaɖe yi amewo woagblɔ̃ ɖe amegbetɔwo ŋcia, Mawu la cɔe ke wo vɔa bòsunya gbɔgblɔ̃ ɖe gbɔgbɔ̃ kɔkɔe ŋcia Mawu ma cɔe ke o. ³²Ameyiwo le vlo doŋ amegbetɔ via, Mawu la cɔe ke wo. Vɔa me le egblɔŋ ne mi be ameyiwo le vlo doŋ gbɔgbɔ̃ kɔkɔea, Mawu ma cɔe ke wo le xixe ya me alo le xíxéyi gbɔnɔa me o.³³Ati nyui ɖesiaɖe céna kucécé nyuiwo, eye ati báɖà céna kucécé baɖawo. ati nyui djẽná to yibe kucécéwo djí. ³⁴Dã be djidjime viwo, ɖee miateŋ gblɔ̃ nu nyuiwo wa, mía mia amevɔ̃ɖiwo ? Ɖoa nuyi wùgã ame be djia ye nù gblɔ̃na. ³⁵Amenyui ɖéna nu nyuiwo tó có yibe nunyui draɖoƒe eye ame vɔ̃ɖi ɖèna nu baɖawo to co yibe nubaɖa draɖoƒe.³⁶Mele egblɔŋ ne mi be le kódjoɖóɖó ŋkekea djia amewo la na akɔ̃ta co nya vlo ɖesiaɖe yi dro co wobe numea ŋci. ³⁷Ɖoa tó miabe nuƒówo djia woa cò nya djɔdjɔe ne mi eye to míabe nùƒówó djía woabuƒɔ̃ mi.³⁸Eye womaŋlɔlawo dometɔ ɖewo gaku farisitɔwo gblɔ̃ ne Yesu be : "nufiɔ̃la, mi dji be na wɔ djesi ɖe mia kpɔ́". ³⁹Vɔa Yesu ɖo eŋci ne wobe : "djidjime vɔ̃ɖi, hasitɔ́ le djesi djíŋ, vɔa wó ma nɛ djesi ɖekpe tòvò ne nyagblɔ̃ɖíla Yona be djesia o. ⁴⁰Abe sleyi Yona nɔ̃ akpavigã be ƒodome ŋkeke étɔ̃ zã étɔ̃a, nenema ke amegbetɔ via lanɔ anyigbã be cùme ŋkeke étɔ̃ zã étɔ̃.⁴¹Le kódjoɖoɖo ŋkekea djia, Ninivetɔwo la co ku mi eye woabuƒɔ̃ mi elabena wo trɔ djime eyike Yona gblɔ̃ Mawu nya ne woa. Eye kpɔɖa me va miagbɔ eye me lolo wù Yona.⁴²Lexkódjoɖoɖo ŋkekea djia, anyiehe fiɔnyɔnua la cɔ ku djidjime ya eye a bufɔ̃e ɖoa écò kaka anyigbã be seƒe va be yase Salomon be nunyã, eye mikpɔɖa ame le giya lolo wu Salomon.⁴³Ne gbɔgbɔ̃ makɔmakɔ ɖe dro le ameɖe mea, eva yi nɔ̃na gieke ba nɔa djiŋ. ⁴⁴Ne me kpɔ́ o wa égblɔ̃na be : "ma trɔ yi aƒeyi me me dro co". Ne étrɔ yi eye be kpɔ be wo kplɔ aƒea me, wo ɖò acɔ̃ nɛ vɔa ameɖkpe me le eme o wo. ⁴⁵Etrɔ va yi kplɔna gbɔgbɔ̃vɔ̃ adrẽ bu yiwo vɔ̃ɖi wú yiŋtɔa eye wo va nɔna teƒema, eye amea be nɔnɔme mamlɛa nyrana wu gbãtɔa. Nenema ke ba nɔ̃ne djidjime vɔ̃ɖi ya ema.⁴⁶Eyi ke Yesu gba le nuƒoƒoŋ ne ameha, nɔa gaku nɔvia ŋucuwo nɔte le xixeanu le djidjiŋ be yiwa woa ƒonuƒo nɛ. ⁴⁷Ameɖe gblɔ̃ ne Yesu beɖa : "kpɔɖa, nɔwò gaku nɔviwò ŋucuwo le xixeanu le djidjiŋ la ƒonuƒo ne wò".⁴⁸Vɔa Yesu ɖo eŋcine ameyi le nya gblɔ̃ nɛ be : "amekae nyi nɔ nye eye amekawoe nyi nɔvi nyewo ? ⁴⁹Eye be do asi ɖo ɖa yibe nusrɔ̃viwo gbɔ gblɔ̃ beɖa : mi kpɔ, nɔnye gaku nɔvinyewo woe le giya. ⁵⁰Ameyiwo le Tɔ̀tónye yi le djiƒowo be lɔ̃lɔ̃nu woma woe nyi nɔvinye ŋucuwo, nɔvigne nyɔ̃nuwo gaku nɔnye.

¹Lexgbemagbe, Yesu dro le aƒe yi me be nua fiɔ̃ lea eye be va yi nɔ anyi le Galilea ƒùa tó. ²Ameha gã ɖe va bɔ̀ ɖoe eye be va yi nɔ anyi le tɔdjiʋu ɖe me. Ameha kpata nɔ anyi le aƒua to le to ɖoŋ Yesu.³Eye Yesu gblɔ̃ enya sugbɔ ne wo le lódódóme. Egblɔ ne ameha be : agble núkú dola ɖe yi núkú dógbe. ⁴Eyi be le nua doma, nukua ɖewo hlẽ kɔ mɔ̃ to xeviwo va ɖui. ⁵Ɖewo hlɛ kɔ kpe nyigbã dji lexgiyi ki me sugbɔ le o. Ke wome yigu nyuiɖe o tà wó miɔ kábá. ⁶Vɔa eyike ŋdɔ ʋũa, wofiɔ̃ ɖoa wometo ke o.⁷Ɖewo hlẽ kɔ ŋudjawo me. Ŋdjawo vũ cɔ̃wo. ⁸Ɖewo cã hlẽ kɔ anyigbã nyui dji eye woce kuwo : ɖewo cẽ alɔfã ɖeka, ɖewo cẽ katakpo, dewo amegbã. ⁹Ameyi si tó senu lea né see.¹⁰Nusrɔ̃viawo va Yesu gbɔ gblɔ̃ nɛ beɖa : nuka ŋci lele nuƒoƒoŋ ne ameha le lódódóme ?. ¹¹Yesu ɖi eŋci be : wona mi mɔnu kpɔkpɔ be mia sè djiƒo fiɔɖuƒea be nu wawlawo gɔ̃me vɔa wo me na wó ya o. ¹²Ɖoa ameyi sí djiƒo fiɔɖuƒea be sídjedje sua, woagba nɛ nugɔmesese be ne ba sé egɔ̃me wú. Vɔa ameyi mese djiƒo fiɔɖuƒea be nu wawlawo gɔ̃me o wa, wɔa xɔɛ ɖa le ésí.¹³Númã ŋci mele nuƒó ƒoŋ ne wo le lódódóme, ɖos ŋúkuwo le wɔasi voa wo me le nu kpɔmo o, eye wo le núseŋ vɔa wome le égɔ̃me sémo o. ¹⁴Yezaya be nyayi be gblɔ̃ɖía va eme newó : miacɔ miabe tówó se ́nu eye mi me le nugɔ̃me ségbé o, miake miabe ŋkuwo eye mi me le nu kpɔ gbe o.¹⁵Ɖoa dukɔ̃ yawo be djime sẽ ; wo tri tó (wo tu tó) eye wo mìɔ ŋuku alebe woŋgba cɔ̀ ŋuku kpɔnu o, wo ŋgba cɔ̀ tó se nú o, wo ŋgba cɔ̀ dji se nú gɔ̃me o, eye wo ŋgba trɔ djime alebe ma xɔ̀ ne wo o.¹⁶Wo yra miabe ŋúkuwo ɖoa wo le nú kpɔŋ eye wo yra miabe tówo ɖoa wo le nú seŋ. ¹⁷Le nyaeo tótó mea, nyãgblɔ̃ɖíla sugbɔ̃ gaku ame djɔdjɔe sugbɔ djí la kpɔ núyiwo mi kpɔa vɔa wo me kpɔɛ o, eye wo djí la se núyiwo mi sea vɔa wo me see o.¹⁸Fifiazɔ̃a miɖotó ne maɖe núkúdola be lódódoa gɔ̃me ne mi. ¹⁹Ne ameɖe se fiɔɖuƒea be nya eye me sè égɔme o wa, vɔ̃ɖitɔa (sãtana) va fina núkúyi wodó le yibe djìmea djo. Ye nyi núkú yiwo hlẽ kɔ mɔ́toa.²⁰Núkú yiwo hlẽ kɔ kpe nyigbã djia yé nyì ameyi ne sè nya ye be xɔe ziɖeká ku djídjɔ gãɖe, ²¹Voa me tó ke ne ba nɛ djidjiɖe o. Ne xixeame be xàcá alo yomecící vaa, éklinanú djena anyí.²²Núkú yiwo hlẽ kɔ ŋùdjawo mea ye nyi ameyi wo sé nyá vɔa, xíxeame be támebũbũwo gaku kesinɔnúwo djídjí vũna cɔ̃ná nya eye nya me céna kú o. ²³Núkú yiwo hlẽ kɔ́ anyigbã nyui djíaye nyi ameyiwo le nya seŋ eye wo le égɔ̃me seŋ woawoe nyi ameyiwo céna eku eye woabe kúcécewo djina ɖé édjí.²⁴Yesu gbà dòló bu ne wo be : djiƒó fiɔɖùƒea ɖì ŋùcu ̀ɖé yi ne do agblenúkú nyuíwo ɖeɖé le yibe agble me. ²⁵Eyime zã dó eye amewo le alɔ̃ dɔ̃ ma, yíbe fùtɔ̀ va gblea eye be dò gbe wluíwluíwo (núkú baɖawo) le núkú nyuíawo me ye bé djo. ²⁶Eyìme núkúawo miɔa eye wɔa ce kúa,núkú baɖawo cã miɔ.²⁷Agbletɔ̀a be dɔcɔ́víwo va eye wo gblɔ̃ nɛ be : Aƒetɔ́, me núkú nyuíwo le dó le agblewɔamea ? fíkà núkú baɖawo co va miɔ le agblea me ? ²⁸Eɖo eŋci ne wo be : futɔ̀a ye wɔɛ. Eye dɔcɔvíawo gblɔ̃ ne be : le dji be míayì ahowo ɖa ?²⁹Mì ɖasí wo ne woaci ɖe djù va se ɖe núkú ɖeɖe be game. Le gamamea ma gblɔ̃ ne agblenúkúɖelawo be : " mì ɖe núkú baɖawo gbã, ³⁰mì bla wo eye mia bɔ̀ wo ne ma tɔ́wo djò, emegbea mìa ɖe núkú nyuíawo ne mìa ƒòtewo ɖè àvà nyea me.³¹Eye Yesu gba dòló bú ne wo be : djiƒo fiɔdu ƒea ɖì aci kú vítukuĩ ɖe yí ŋúcú ɖe cɔ va yi do le yíbe agble me ³²Vɔa ke be cia etrɔzu aci gã wú aciwo kpátá eye xeviwo va le atɔ̃ ɖoŋ le yibe alɔzẽwo me.³³Yesu gba dòló ne yibe núsrɔ̃viwo be : djiƒo fiɔ ɖúƒea le sigbe yici yike nyɔnú ɖe se ɖe mawɔ agbã étɔ̃ me ene be ne mawɔa ba ho.³⁴Yesu le núfiɔŋ ameha eye be le nyawo kpátá gblɔ̃ ne wo le lódódó me. Mé le nuƒoƒoŋ ne wo lódódó manɔ eme o. ³⁵Ne ba sé ɖokpe núyi nyagblɔɖila gblɔa dji : ma ƒo nùƒó le lódódó me, nuyiwo kpátá wlá co xixeabe gɔ̃me djedjea ma gblɔ̃ wo le lódódó me.³⁶Eyi Yesu nyã ameha vɔ megbea eyi aƒeme. Eye yibe nusrɔ̃viwo te va égbɔ gblɔ̃ beɖa : "Ɖe gbe wuwluí (núkúbaɖa) yi ne va miɔ le agblea mea gɔ̃me ne mí. ³⁷Eɖo eŋci be : "ameyi ne ƒa núkúnyuia ye nyi nye, amegbetɔ via. ³⁸Agblea ye nyi xixeame. Núkú nyuía woe nyi ameyiwo dji Mawu le fiɔ ɖuŋ lea, ƒiɔɖuƒeame viwo. Gbé wuwluia ye nyi ameyiwo le nuyi sãtana ɖo ne woa wɔŋ. ³⁹Ƒùtɔ yi ne ƒa gbé wuwluia ye nyi sãtana. Gaƒoƒo yime agble núkú djikpɔlawo la ɖe núkúawo ye nyi xixea be nùwúwú.⁴⁰Eye aleyike wo bɔ gbewuwluiawo ye wo tó wo djòa nenema ke bè dja nɔ le xixea be núwúwú. ⁴¹Amegbetɔ via la ɖɔ yibe dɔlawo ɖóɖó eye woa ɖe núvɔ̃ be nú ɖesiaɖe gaku núvɔ̃wɔlawo ɖa le yibe fiɔɖuƒea me. ⁴²Eye bà cɔ́ wo ƒũgbe ɖa djò tã bìbìa me, gema ye avifafãwo gaku aɖuklíɖùɖùwo la nɔ. ⁴³Eye amedjɔdjɔewo la klesigbe ŋdɔkúcú ene le woa tɔ́tɔ́ fiɔɖùƒeame. Ameyisi to se nú lea ne see.⁴⁴Djiƒo fiɔɖúƒea gbale sigbe kesínɔnú ɖe yi ne wla le agble ɖe me ene, ŋúcú ɖe kpɔea ese wla. Dji le edjɔŋ kaka be va yi sa yíbe núnɔamesiwo kpátá eye be cɔ ga ƒle agble ma. ⁴⁵Djiƒo fiɔɖuƒea gbale sigbe acsi sàlá ɖe yike le djonu xɔ asiwo djiŋ la ƒle. ⁴⁶Eyike be kpɔ ɖe yi ne xɔ asi ŋtɔa, évá yì sa yibe núnɔamesiawo kpata ye be ƒlee.⁴⁷Djiƒo fiɔɖuƒea le sigbe ɖɔ ̀yi wo da le afùme ye be ɖe lãví vovovowo. Eyike ɖɔ̀a ɖɔ̀a tɔ́djiyilawo dɔe va agó. ⁴⁸Eye wo cã lãvi nyuiawo kɔ kùsì me vɔa wo cã manyɔ̃manyɔ̃awo ƒũ gbe.⁴⁹Nenema be dja nɔ le xixea be núwúwú. Gieke Mawu dja drɔ̀ ʋɔnu amewo lea, Mawu dɔlawo la va gema ámà ame vɔ̃ɖiwo gaku ame djɔdjɔewo dome. ⁵⁰Eye woa cɔ àme vɔ̃ɖiawo ƒũ gbe ɖa djo kpé bibia me gieke avifafãwo, fùkpekpewo gaku aɖukliɖuɖuwo dja nɔ.⁵¹Ɖee mi se numawo koata gɔ̃mea ? nusrɔ̃ viawo ɖoeŋci nɛ be : ⁵²Ɛ̃, míse egɔ̃me. Eye Yesu gblɔ̃ newo be : woma ŋlɔla ɖesiaɖe yi trɔ zu djiƒo fiɔɖuƒea be nusrɔvia le sigbe aƒetɔ ɖe yi ɖena nú xoxowo gaku núyeyewo tó co yibe núdraɖoƒe. ⁵³Eyike Yesu gblɔ̃ nya mawo vɔ la, ékplɔ yibe nusrɔviawo wodjó le gema.⁵⁴Yesu trɔ yi Nazareth va yi le núfiɔ̃ le woa be ƒuƒoƒea. Ameyiwo le tó ɖoŋ yibe nya be mɔ wo yaa eye wogbɔ̃ be : ⁵⁵Ameya agbetɔ́ kpo be myi sigbe miawo ke ene. Fíka be kpɔ núnyá ma co eye ɖeke be teŋ va le núkúnú mawo wɔŋ ɖoe ? Kapita be vi mae ; Nɔa ye nyi Maria eye nɔviawoe nyi Yakobu, Yoseph, Simon gaku Yuda. ⁵⁶Nɔvia nyɔnúwo cã le miabe duame gíya⁵⁷Ameyi woe le gema gbe beɖa me Yesua nyi Kristoa o. Eye Yesu gblɔ̃ ne wo beɖa : "aƒe gaku dù yì me nyagblɔ̃ɖila coa me kpò wodonavloe nɔ. ⁵⁸Le woabe djimaxɔsea ŋcia Yesu mé wɔ núkúnú sugbɔ le teƒema o.

¹Le gaƒoƒo ma mea fiɔ Herodes se Yesu nyikɔ́ bé élenùkúnúwo wɔŋ ²Eye bè gblɔ̃ ne yibe dɔcɔviwo be, "ŋúcú ma amenyrɔɖecimetɔ́ Yohanes kpo be nyi, Efɔ̃ co amekukuwo dome. Núma ŋcí be le núkúnuwo wɔŋ ɖo.³Nuyì ta Herodes nenea ɖoa ye nyi be : Herodes xɔ nɔvia ŋúcú Filipo be srɔ̃ Herodia se ɖe. ⁴Eye Yohanes gblɔ nɛ be "nuyi le wɔ ma citre ɖe Mawu be sea ŋci". Eye Herodes ɖe gbe yibe sɔdjawo be woa le Yohanes de gakpame eye wo lee. ⁵Herodes dji be yia wu Yohanes vɔa ele ameha vɔŋ elabena ameha kpɔ́na Yohanes sigbe Mawu bé nyagblɔ̃ɖila ene⁶Gbeɖeka wole Herodes be djigbe zã ɖuŋ, Herodia bi vi nyɔnú wóɖuŋ le amekpekpeawo dòme eye dbe djɔdji ne Herodes ⁷Ale gbegbe be ékà taŋ be yia nɛ núsianú yi ba biɔa.⁸Eye Herodia be vi nyɔnúvia va yi biɔ nɔa be nuka yia biɔ. Nɔa ɖó nɛ be ne biɔ Yohanes amenyrɔɖecimetɔa be ta. Eye nyɔnyúvia biɔ be wone cɔ̀ Yohanes amenyrɔɖecimetɔa be ta de agbãgbadjɛ djí ne yì. ⁹Nuyi be biɔa ve fiɔa vɔa le ataŋ yi be kã le amekpekpeawo be ŋkúme ŋcia eɖegbe be wone wo nenema.¹⁰Edɔ amewo wo va yi co ta ne Yahanes le gakpáme. ¹¹Eye wo cɔ yibe ta de agbãgbadjɛ dji sé va yì na nyɔnyuvia eye be ̀se na nɔa. ¹²Emegbea Yohanes be núsrɔ̃viwo va cɔ yibe ŋcilã eye wo ɖi. Emegbea wo va yi gblɔe ne Yesu.¹³Eyike Yesu see vɔ megbea édjó le gemà va yi ɖo tɔdjiʋu ɖe me le Galilea ƒua dji. Eyike ame wo sea, wo ɖro le duame eye zɔ̌ afɔ kplɔeɖo. ¹⁴Eyike yesu va woagbɔ le ƒua tóa, ékpɔ ameha gă ɖe. Yibe ɖɔ̃me trɔ ɖe woŋci eye be ɖaɖɔne ɖɔnɔ yiwo le woaɖome.¹⁵Le wotrɔ kpadia nusrɔ̃viawo va Yesu gbɔ gblɔ nɛ be : teƒeya wo zogbedjí eye zã le dodoŋ vɔ. Nya ameha ne woa va yi ƒle núɖúɖú le kɔƒeawo me.¹⁶Vɔa Yesu gblɔ̃ ne wo be : "wo me hiã la yi afibú adji núyi woaɖua o. Miawo ŋtɔ mi nawo nù woaɖu.¹⁷Vɔa nusrɔviawo gblɔ̃ nɛ be : "abolo atɔ̃ gaku akpavu'i kalãmí eve pɛɛ kpoe le mia si le giya.¹⁸Yesu gblɔ̃ be : " mi cɔ wo sva neŋ".¹⁹Eye Yesu ɖegbe ne ameha be woa nɔ anyi le gbewo dji. Ecɔ abolo atɔ̃a gaku akpavi kalãmi eveawo be kpɔ djiƒo ye be do akpe ye be kã aboloawo, eye be na yibe nusrɔ̃viawo be woa ma ne ameha.²⁰Woa kpata wo ɖùnú eye podó ɖówó. Emegbbea wo ƒote abolo kakɛ̃ yíwo kpata wo kɔ̀ kùsí woeve me wo ɖo taŋ.²¹Ameyi wo ɖúnúa be hehleme yi akpe atɔ̃ vɔa nyɔ̃nyuwo gaku ɖeviwo me le eme o.²²Eye Yesu gblɔ̃ ne yibe nusrɔ̃viwo be wo ne ɖò tɔ̀djiʋua me anɔ ƒua be agó evegɔ̃a yiŋ ne yia va, le gayime yíŋtɔ le ameha ɖoŋɖa aƒeme.²³Ké bé ɖo ameha ɖa aƒeme megbea, yi ɖe ká yí tó djí be yia do gbeɖa eye yi ɖeka nɔ gema dàsí ne wotrɔ me.²⁴Vɔa ke yibe nusrɔviwo le tódjiʋua me va yi ɖo cia be dodomea,núcìkɔ ne wo ɖoa aƒua le adã wɔŋ eye ayà hò le woŋcí.²⁵Emegbea yesu ɖì letóa djí vayi aƒua tó. Le fɔ̃fɔ̃mea ézɔ̃ cia djí ɖó ta tɔdjiʋua gbɔ́. ²⁶Eyike nusrɔ̃viawo kpɔe bè zɔ̃ cia dji gbɔ̃nɔa wo xose be gbɔgbɔ̃ ɖee. Wo vɔ̃ eye wo do aƒa.²⁷Yesu gblɔ ne wo kpàtà be : "mì le djì ɖé ƒo, nyee miŋgba vɔ o.²⁸Petro gblɔ̃ nɛ be : "Apetɔ́ ne woea na ma zɔ̃ cìa djí ava gbɔ̀ wò.²⁹Yesu gblɔ̃ nɛ ne : "va". Eye Petro dró le tɔ́djiʋua me, zɔ̃ cia djí ɖo ta Yesu gbɔ́.³⁰Vɔa eyike Petrò kpɔ ɖeke aya le ƒoƒoma, vɔvɔ̃ ɖoe eye be tɔ́ to yíyì, édo aƒa sesɛ̃ be "Aƒetɔ, xɔ neŋ"³¹Yesu do asi ɖa kpàtá, le Petro eye be gblɔ̃ nɛ be : "ŋucu xɔse vícúkuítɔ́, núka ŋci le vɔ̃ ɖo ?"³²Eyike Yesu gaku Petro woɖo tɔ́djiʋua mea. aya tɔ́te ƒoƒò.³³Nusrɔ̃viawo djeklo le Yesu be akɔme eye wo gblɔ̃ be : "le nyateƒe mea Mawu be ví lè nyi ́"³⁴Eyike wo cɔ aƒua megbea, wo yi genezareth be dus me.³⁵Ameyiwo le gema wo djesi Yesu eye wo do aŋe ɖóɖa amewo le dua kpatá me eye wo kplɔ dɔnɔ̃wo kpata va Yesu gbɔ³⁶Wo ɖe kúkú ne Yesu bé ne bà ɖe mɔ ne wo be ne woa ka así yibe awu ŋcí kpò, eye ameyiwo kpatá kɛ asia xɔ dɔyɔyɔ.

¹Eyike Yesu wu nya ma wo nu vɔa, édjó le Galilea eye be yi yudea nyigbă dji le Yoedan tɔsǐsǐa gódé. ²Ameha gă dʋe kplɔɛ dʋó eye be yɔɖɔ wo le gemǎ.³Farǐsǐtɔ̌wo va Yesũ gbɔ̌ doe kpɔ̌ le ébiɔŋ be : "ɖee séa ɖʋe mɔ̌ be ŋǔcǔ ne gbe srɔ̃a nyɔnǔ le nya sia nya ŋcia? ⁴Yesu ɖʋo eŋcǐ be " ɖoe mǐ me hlẽ be co gɔ̃me djedjea mea Mawu wɔ ŋcǔcǔ gaku nyɔnǔ o wa⁵Eye be gba gblɔ̃ că be : " le éma ŋcǐa, ŋǔnǔ la djó le tɔ̌tɔ̌a gaku nɔa gbɔ̌ eye ba lé dʋé srɔ̃a ŋcĩ, eye woame eʋea woatrɔ̌zu ŋcǐlă dʋekă? ⁶Azɔ̃a we ŋgba nyi ame eʋe o vɔa ŋcǐlă dʋekǎ Nǔyi Mawǔ bla le dua ame dʋékpé ŋgba ma éme o.⁷Wo gblɔ̃ ne Yesu be; nǔka ŋci Mose ɖe mɔ̌be woa ŋlɔ̌ srɔ̌ gbegbe woma ne nyɔnu eye woagbée? ⁸Yesu ɖo eŋcǐ ne wo be: "Miabe djǐme sesẽ ŋcǐ Mose ɖe mɔ̌ be lia gbe mia srɔ̌wo ɖó vɔa mé le nènémé co gɔ̌medjedjea o." ⁹Me le égblɔ̃ ne mi be :"Ame sia ame yi gbe srɔ̌a me nyi le ahasi ŋcǐ o eye be ɖè nyɔnǔ yǐ ké srɔ̃a gbea wɔ ahasi".¹⁰Nǔsrɔ̃viawo gblɔ̃ ne Yesu be : "Ne ŋǔcǔ gaku nyɔnǔ be ,nya le ɖekea, me nyɔ be woa ɖe srɔ̃ o ɖée. ¹¹Vɔa Yesu ɖo eŋcǐ ne wo be : "Me nyi amewo kpata nye la teŋ se nǔƒiɔƒiɔ̃ ya gɔ̃me o vɔa ameyiwo ɖe mɔ̌ na kpoé. ¹²ɖoa ame ɖé wo nyǐ ame tata co wo nɔ be ɖɔ̌me. Ameɖéwo nyi ame tata to agbetɔ be asi djǐ ameɖéwo wɔ wo ɖokuwo ame tata le djiƒo ƒiɔɖǔƒea ŋci. Ame yi la teŋ xɔ nǔƒiɔƒiɔ̃ ya ne xɔɛ.¹³Eye wo kplɔ vǐvǐ ɖewo va Yesu gbɔ bé ne bǎ da asǐ lè wodji eye ba ɖo gbeɖa le wo ta, vɔa nǔsrɔ̃vǐawo nyǎ wo. ¹⁴Vɔa Yesu gblɔ̃ ne wo be : " Mi ɖe mɔ ne vǐvǐwo eye mǐ ŋgba gbe gbɔnye vava n,e wo o, ɖoa ameyiwo ɖi woa tɔɛ nyin djiƒo ƒiɔɖǐƒea". ¹⁵Eda asǐ lè wodji eye bè dfjo le bgemǎ.¹⁶Eye ŋǔcǔ ɖé va Yesu gblɔ̌ gblɔ̃ nɛ be : " nǔƒiɔ̃la, ɖɔ nyui ka ma wɔ be ned ma kpɔagbe mavɔ̌? ¹⁷Nǔka ŋcǐ le le nya biɔŋ co nǔ yǐ nyɔa ŋci? Ame ɖeka pɛ kpoe nyɔ̌, vɔa ne le dji bé yia yi agbe mavɔ mea, le seawo me ɖe asi.¹⁸ŋǔcǔa gblɔ̃ nɛ Yesu be : "sé ka woe ?" Yesu ɖo eŋci nɛ be: "ŋgba wǔ ame o, ŋgba wɔ ahasi o, ŋgba ƒi ƒĩ o, ŋgba ɖi alakpo ɖawé o. ¹⁹Bu tɔ̌tɔ̌ wó gaku nɔ̌ wó eye lɔ̃ hǎvǐ wó sǐ wó ŋǔtɔ̌ ene".²⁰ɖekàdjɛa gblɔ̃ nɛ be: " Me wɔ se mawo kpàtà dji vɔ, nǔkae gba hiã be ma wɔ?" ²¹Yesu gblɔ̃ nɛ be : "Ne le djǐ be yia dè bliboa, va yǐ sa nǔ yi le asǐ be wóa eye na cɔ ga nà hiătɔ̌wo (wɔamenɔwo) eye kèsinɔnǔ la nɔ asiwó le djiƒo. Emegbea va na kplɔ ɖo nye. ²²Yɔa éyike ɖekàdjɛa se nǔ yi Yesu gblɔ̃ nɛa, étɔ̌ nǔxaxa ye bè djo ɖoa kesinɔnu găwo le ési.²³Yesu gblɔ̌ ne yibe nǔsrɔ̃viwo be: "Me le égblɔŋ ne mi le nyateƒe me be djiƒo ƒiɔɖǔƒea me yǐyǐ la sesẽ ne kesinɔtɔ̌. ²⁴ŋgba le égblɔ̃ ne mǐ că be éle bɔbɔɛ ne kpósɔ̌ bé bǎ tó abui be gǔ nǔ wǔ ne kesinɔ̌tɔ̌ bà yi djiƒo ƒiɔɖǔƒea me.²⁵Eyike nǔsrɔ̃viawo sèa, éwɔ mó yà né wo eye wo gblɔ̃ be: ,"Azɔ̃a amekae la teŋ kpɔ ɖèɖé? ²⁶Yesu kpɔ̌ wo dũu eye be gblɔ̌ be; "Esesẽ wɔwɔ ne amegbetɔ̌ vɔa Mawu la teŋ wɔ nǔ sǐa nǔ". ²⁷Pétró kpɔ̌ gblɔ̃ ne Yesu be : " Mǐ ɖe asǐ nǔ sǐa nǔ da ɖi eye mi kplɔ ɖo wó; nǔkae la sǔ mǐa sǐ."?²⁸Yesu ɖo eŋcǐ ne wo be: "Me le égblɔ̃ ne mǐ le nyateƒeme be ne amegbetɔ̌ vǐa là và nɔ anyǐ le yibe ŋucikɔkɔɛ ƒiɔzikpea djǐ le xǐxé yéyéa mea mǐawo că nɔ anyi le ficzikpe woeveawo djǐ à drɔ̌ ʋɔ̃nǔ Israel be ƒome woeveawo.²⁹Ame sǐa ame yi ɖe asǐ yǐbe aƒewo, nɔvǐa ŋǔcǔwo, nɔvia nyɔnǔwo, tɔ̌tɔ̌a, nɔa, viawo ale yibe anyǐgbă le nyǐkɔ nye ŋǔcǐa, Mawu la ɖo wo éteƒé nɛ zi alɔƒă eye agbe mavɔ la sǔ ésǐ. ³⁰Ameyiwo nyǐ gbătɔ̌woa ɖometɔ̌ sǔgbɔ la zu mamlɛtɔ̌wo eye ameyǐwo nyǐ mamlɛtɔ̌woa dometɔ̌ gbógbóɖé la zu gbătɔ̌wo.

¹Djiƒu ƒiɔɖriƒea le sigbe agbletɔ ɖe yi ƒɔ̌ ŋdee kanyi(ƒɔfɔ̃me) be yea va yi cɔ le bletɔ̌wo a va yǐbé vɛ̃ gleme. ²Eƒo asǐ lebletɔawo be ya cu denario ɖeka na wo le ŋkeke ɖèkà eye wo lɔ̃. Emegbea éɖɔ̌wo ɖó ɖà vɛ gblea me.³Le ga asǐɖekɛ mea agbletɔa gbà dro eye be kpɔ le bletɔ bǔ yiwo mé le ɖɔ ɖékpé wɔ mó wa. ⁴Egblɔ̌ ne wo be :" Miawo că mǐ yǐ agblea me, nǔ yi ke nyɔa ma na mǐ." Eye wo yi agblea.⁵Agbletɔa gbà ɖró le ŋdɔ ga woeve yina wotrɔ̌ ga etɔ̃ mea égba wɔɛ nenemake. ⁶Le wótrɔ̌ ga atɔ̃ mea égba kpɔ amebǔwo eye bè biɔ wo be : "Nǔka ŋǔcǐ mi le giya dɔ ɖékpé màwɔ̌ le ŋkekea kpàtà? ". ⁷Wo ɖo eŋci nɛ be : "Ame ɖékpé mé và cɔ̌ mǐ leble o. Agbletɔa gblɔ̃ ne wo be:" Miawo că mi yi agble nyea ma.⁸Eyi ƒiẽsǐ me ɖoa agbletɔa gblɔ̃ ne yǐbé agblea djikpɔ̌tɔ̌a be. ⁹Yɔ̌ lebletɔawo eye na cu ƒe ne wo co ame mamlɛawo djǐ yi ame gbătɔawo dji. Lebletɔ̌ yiwo va agblea le wótrɔ̌ ga atɔ̃ mea dómètɔ̌ ɖe sia ɖe xɔ denario ɖekà. ¹⁰Eyiké lebletɔ̌ gbătɔ̌awa va, wo sǔsui be yiwo le ƒètǔ xɔ̌gben a wǔ vɔ denario ɖèkǎ kpó wó că xɔ̌.¹¹Le woabe ƒecǔa xɔ̌xɔ̌ megbea wo tɔ̌ nǔƒe ƒóƒó le agbletǎ ŋci be. ¹²Lebletɔ̌ mamlɛawoa gaƒoƒo ɖekǎ pɛ kpó wo wɔ dɔ̌ vɔa ga ɖekǎ ŋkǔme kpó le cǔ ne wo gaku mǐa ameyiwo va azgblea có ŋdee eye ŋdɔ ɖǔ mǐ ŋkekea kpǎtǎ.¹³Vɔa agbletɔa ɖo eŋci ne wo dometɔ̌ ɖeka ke : xɔ̌lɔ̌ nye, nye me wɔ nǔ baɖa kǔ nǔ o. Mé denario ɖeka mi bé yiwo le xɔxɔgbea? ¹⁴Mi xɔ nǔyǐ ne bé nyi mǐa tɔa ne mǐa djó Nye ŋǔtɔ̌me djǐ be ma cǔ ga ɖeka ŋkǔme ne mǐ gaku ame mamlɛawo.¹⁵ɖee mé djè be ma cɔ̌ kesǐnɔnǔ nyewo wɔ nǔyǐ ne djró nye ŋtɔ̌ o wa? Aló mǐa be ŋǔkuǐ kpɛ baɖa be me nyɔa? ¹⁶Ame mamlɛtɔ̌wo le gbătɔ̌wo zǔgbe eye emegbe eye amegbătɔ̌wo le mamlɛtɔwo zǔgbé.¹⁷Eyiké Yesu le Yerusalem yimà ékplɔ, nisrɔ̌vǐ woeveawe ɖe asǐ. Egblɔ̌ ne wo le mɔ̌a djǐ be. ¹⁸Mǐ kpɔ̌ mǐ ɖó tà Yerusalem eye wo le amegbetɔ vǔ dégbé asǐ ne nunɔlu găwo gaku wo ma ŋlɔtɔ̌wo. We kuƒio sigbé nɛ . ¹⁹Eye wale édégbé asi ne djimaxɔsetɔ̌wo be ne woa kóe, wa ƒóe eye woa kɛ̃ vɔa le ŋkeke ètɔ̃a gbea élaƒɔ̃.²⁰Zebedee bé viwo be nɔ kplɔ̌ viawo va dje kló le Yesu be akɔ̌me be ya biɔ nuiɖé. ²¹Yesu gblɔ̃ nɛ bé : "Nǔka djiŋ lè lè?"Eɖo eŋci nɛ bé : "ɖegbe be vǐ nye eveawo dome tɔ ɖekà ne nɔ anyǐ le nǔɖǔsǐ wó me eye mamlɛa ne nɔanyi le miɔ wó me le ƒiɔɖuƒe wóa me.²²Vɔa Yesu ɖe eŋcǐ bé : " mè nya nǔyǐ biɔŋ lè lè o. ɖee mia teŋ nǔ kɔkpó yǐ nǔgbé mè lea? Wo ɖo eŋcǐ nɛ be: " mǐa teŋ nui". ²³Yesu gblɔ̌ ne wo be : mia teŋ nǔ kɔkpó yima nua djre vɔa ne ameɖé la nɔ anyi le nǔ̌ɖǔ si nye me gaku miɔ nye mea mé có gbɔnye o, vɔa ameyiwo tɔ̌ nye ɖoe ɖi na sǐ bǎ sǔ. ²⁴Eyiké nǔsrɔ̌vǐ ewo mamlɛwa sèa wo dó dɔ̌me djoe le ame eveawo ŋǔcǐ.²⁵Vɔa Yesu yɔ̌ wo va yi ɖokui gblɔ̌ be : " Mǐ nyǎ be djimaxɔsetɔ̌wo be tǎtɔ̌wo dǔnăwadji eye wobe amegăwo kpànà acɛ ɖe wodji. ²⁶Vɔa ŋgba nɔ nénémǎ le mia dome o. ²⁷Ameyi djǐ bé yia nyi amegă le miadomea, ɖó la nyi mia be dɔcɔ̌vǐ. ²⁸Nenema ke amegbetɔ̌ via că me va be woa sǔbɔ̌ yǐ o vɔa be yia sǔbɔ̌ eye be cɔ yibe agbe na le ame sugbɔ ta.²⁹Eyike wo ɖrè le Yerikoa ameha gă ɖé kplɔɛ ɖé. ³⁰Eyike ŋuku gbagbătɔ eveɖéwo la mɔa té wo se be Yesu va le yi ma wo tɔ aƒa dede be :" Aƒetɔ, David be vi kpɔ nǔblanyui ne mǐ. ³¹Vɔa ameha gbe ne wo be wo ne zĩ ɖóɖoe. Vɔa wo gba kpɔtɔ le aƒa doŋ wǔ be : David be vi kpɔ nǔblanyui ne mi.³²Emegbea Yesu yɔ wo, biɔ we be. "Nuka djiŋ mi le be ma wɔ ne mi?" ³³We gblɔ̌ nɛ be:"Aƒetɔ, mǐa be ŋkuwo ne ʋu" . ³⁴Yesu kpɔ nublanyui ne wo, be ka asǐ wo be ŋkǔWo eye wobe ŋkuwo ʋu kpàtà eye wo kplɔ Yesu ɖe.

¹Eyi Yesu gaku yibe nǔsrɔ̃viwo gogo Yerusalem la, wo va Betƒage kɔƒeame le amitoa gbɔ. ²Yesu gblɔ̃ ne yǐbe nǔsrɔ̃vi eve be: " Mi yi kɔƒe yi le ŋkɔa me. ³Ne mǐ yia, mi le sɔ ɖé gaku via kpɔ̌ gbé le kà mé. Mǐ ɖé kà wo eye mǐa kplɔwo va neŋ. Ne ame ɖé brɔ mǐ nya ɖea, mǐ gblɔ̃ nɛ be "Aƒetɔa hiă wo eye la ɖe asi mǐ mia djo".⁴Eva eme nenema alebe nǔyǐ̌ nyagblɔ̃ɖila gblɔ̃a ba va eme: ⁵"Mǐ gblɔ̌ ne sion nyɔnuvra be: fiɔ wɔa le sɔ̌ dji gbɔnɔ gbɔ wó le gbɔnɔ gbɔ wó le bɔbɔɛ nyinyi me.⁶Eye nǔsrɔ̃viawo va yi wɔ nǔyi Yesu ɖo ne woa. ⁷Wo kplɔ sɔ̌ nɔa gaku via va eye wo tà ɖó ne wo, éyèmea Yesu nɔ anyi le édjǐ. ⁸Amehà dómetɔ̌ gbégbéɖéwo le wobe ɖówó ɖóŋ le mɔ̌a djǐ ameɖewo có dé bàyçwó le ɖóɖoŋ le mɔǎ djǐ. Wo wɔ nǔ mawo kpàtà be ne woasé ɖe bǔbǔ Yesu ŋǔcǐ.⁹Ameha yi ne trɔ̌ ɖoea le aƒà deŋ le gbɔgblɔŋ be: "Mi kàfǔ Kristo, ƒiɔ David be vra. Yayratɔɛ nyi ameyi ne va sigbe Mawa teƒenɔla ene ku Mawu be acɛkjpakpa. Hasane le djǐƒé boué. ¹⁰Eyike be ɖo Yerusalem duamea amewa le aƒa ɖoŋ le gbɔgbɔŋ be nǔka ŋucǐ wo le bǔbǔ deŋ ŋǔcǔ ma ŋucǐ nenema? ¹¹Ameha yi kplɔ Yesu ɖoa ɖo eŋǔcǐ ne wo be : Nyagblɔ̌ɖila Yesu yi co Nazareth le Galilea yé.¹²Eyómea Yesu ɖo Mawu be gbedóhɔa me Enya ameyiwo kpàtà yi le adjɔdoŋ le gbedóhɔa mea ɖró. Emǔ gà gbălawo bé kplɔ̌wo ƒu anyǐ eye be kaka ahɔ̌nɛ salawo be adjawo ƒu gbe. ¹³Egblɔ̌ ne wabe : wo ŋlɔ ɖi be : woa yɔ aƒe nyea be gbeɖoɖaƒe. Vɔa mǐawoea mǐcɔɛ wɔ ƒiaƒiwo be nɔƒe. ¹⁴Eye ŋǔkǔgbagbătɔ̌wo gakǔ aƒɔcucoetɔ̌wo va égbɔ̌ le gbeɖoxɔa me eye be yɔ ɖɔ wo.¹⁶Nunɔlagăwo gaku woma ŋlɔ̌tɔwo kpɔ nǔkǔ nǔ yiwo be wɔa . Wo kpo vǐvǐwo că wo le aƒa ɖoŋ le gbeɖoxɔa me be: mǐ kaƒu kristo, David be via. Numawo kpàtà ve ɖɔ̃me ne wo ɖea wómé xɔɛse be Yesué nyi Kristoa o. ¹⁵Wo gblɔ̃ nɛ be: Léké la teŋ ɖè mɔ̌ ne nǔ ma? ɖee le le vivi ma wo be aƒa dodowo se ma? Yesu ɖo eŋcǐ ne wo be: "ɛɛ ɖee mi me hlẽe le ŋɔŋlɔa wo me kpɔ̌ bé: Exɔ̌ kaƒ kaƒu co viviwo gaku vi le anɔ̌nuwo be nǔ me o wa? ¹⁷Yesu gaku yibé nǔsrɔ̌viwo djé lè wógbɔ̌ eye wo va yi nɔ Bethania le zăkpàtà.¹⁸Le ŋǔɖee mea étrɔ va le dua me yiŋ eye ɖɔ le ewuŋ. ¹⁹Ekpɔ̌ àcǐ ɖe le mɔa tó, éte gogoe vɔa me kpɔ kǔcécé ɖékpé o. Egblɔ̌ nɛ be: "ma gba ce ku gbeɖe o eye kpata acia ku yɔɔ.²⁰Eyiké nǔsrɔ̌viawo kpɔea awɔ me ya ne woeye wo gblɔ̌ be: "Léké acia kǔ yɔɔ ziɖé ka nénémà? ²¹Yesu ɖo eŋcǐ ne wo be : Me le égblɔŋ ne mǐ le nyateƒe me be ne mǐ xɔɛse eye mǐ me ké ɖi le dji me o wa, mǐa gblɔ̌ ne etó ma be " he na yi aƒu me", eye élà va éme. ²²Nǔsranǔ yi mǐ biɔna le gbedoɖa mea mǐ̌ xɔɛse be ésu mia sǐ vɔ xoxo eye mǐ le ékpɔgbe ba va eme.²³Eyike Yesu yi gbeɖoxɔa me le nuƒiɔ̃ ma,nǔnɔ lagãwo gaku amegă wo va gblɔ̃ nɛ be: "acɛ kpàkpà ka ye le se nǔmawo wɔŋ? Eye amekaena wó acɛ pàkpà ma? ²⁴Yesu ɖo eŋcǐ ne wo gblɔ̃ be:" ŋǔcă mà biɔ nǔ nya ɖéka.Ne mǐ ɖo eŋciă ma gblɔ̃ acɛ kpàkpà yǐ mè sé le nǔmawo wɔmaz ne mǐ.²⁵Fǐka ǰă be amenyɔnyrɔɖecǐmea có? Djiƒó alo amegbetɔ̌wo gbɔa ? Wo gblɔ̃ le wo nɔɛwo dome be : Ne mǐ ɖo eŋcǐ be écó djiƒoa, éla gblɔ̃ ne mǐ be, nǔka ŋǔcǐ mi me xɔɛse o. ²⁶Vɔa ne mǐ be éco amegbetɔwo gbɔa maha la cǐtre le mia ŋǔcǐ ɖoa amenyrɔɖe cǐmetɔ̌ ǰă le ne wo sigbe nyagblɔ̃ ɖila ene. ²⁷Eye wo ɖo eŋcǐ ne Yesu be : Mǐ mé nyaɛ o. Yesu gblɔ̃ ne wo be : ŋǔcă nye me le acɛ kpàkpà yǐ sé le nǔmàwó wɔ ma ne mǐ o.²⁸Nǔka mǐ sǔsǔ co nǔ ya ŋǔcǐ ? V eve le ŋǔ cǔ ɖe sǐ. Eyɔ gbătɔa eye be gblɔ̃ nɛ be, vi nye égbea va yi wɔ ɖɔ le agble me neŋ. ²⁹Vra ɖo eŋcǐ nɛ be : nye me dja yi o Gaƒoƒo ɖéwó megbea étrɔ susu eye be yi. ³⁰ŋǔcua yɔ vra evegɔ̃a eye be gblɔ̃ ne yǐ că nènémà. Eɖo eŋcǐ nɛ be: " ma yi" vɔa me yi o.³¹Vi ŋǔcu eveawo ɖometɔ̌ kae wɔtɔ̌tɔ̌a be lɔlɔ̌nu? We ɖo eŋcǐ be: gbătɔa? Eye Yesu gblɔ̃ ne wo be; amlɔkɔɛ djɔlawo gakuj ahasǐtɔ̌ yǐwo mi kpɔna be nǔvɔ̃wɔlawo wa woa dje ŋkɔ ne mǐ le djiƒe ƒiɔɖuƒea me. ³²Me le égblɔŋ nenémà ɖoa eyike ǰă va le aleyi mǐa nɔ agbe le djɔdjɔɛnyǐnyǐ be mɔa djia gɔ̃me ɖeŋ ne mǐa mǐ me xɔ yibe nya xɔ édjǐ se eye wo trɔ djime co wo be nǔvɔ̃wo me. Tógbɔ be mǐ kpɔ wo trɔ djime gakea mǐ me xɔɛ édjǐ sè o.³³Migbàsè lóɖóɖó bǔ ŋǔcǔ ɖe li, anyigbă gă ɖé lè ési, éde vĩ gble eye be tɔ̌ kpà trɔ̌ ɖoe, éɖè vĩ ƒiɔ̃ƒe eye be cǔ agbledikpɔxɔ eye be hayɛ ne vĩ gbledelawo. Eyomea édjé yi du bǔ me. ³⁴Eyike agblenǔkǔ ɖèɖè be gàmè sua, édɔ yibe dɔ̌cɔ̌vǐɖéwó. ɖódà vǐ gbledelawo ne nǔkǔɖèɖè.³⁵Vɔa vĩ gbledelawo le ɖɔ̌cɔ̌vrawo, wo ƒo wo, wo ƒo nkpé ɖewo, wo wu ɖewo. ³⁶Agbletɔa gbadɔ ɖɔ̌cɔ̌vǐ bǔwo ɖoɖa ke vɔa vĩ gbledelawo gbawɔɛ nenema ke. ³⁷Emegbea agbletɔa ɖɔ yiŋtɔ vra ŋǔcǔ ɖoɖa wo gblɔ̃ be: "Wo le bǔbǔ ɖe gbe vi nyea ŋǔcǐ eye wo le agble nǔkǔ nyeawo ̌ cɔ̌ gbé nɛ".³⁸Eyike vĩ gbledelawo kpɔ via ŋǔcua, wo gblɔ̌ ne wo nɔɛwo be : éyié nyi do me nyĩla. Mi va mĩa wui ne mǐa xɔ domenyǐnǔa. ³⁹Eye wo kplɔɛ djóle gbleame va yi wuǐ.⁴⁰Fǐfia ne agbletɔa va gbɔa nǔka ba wɔ ne vĩ gbledelawo? ⁴¹Amèwó gblɔ̃ nɛ be: éla crɔ̃ wo veveɖe eye ba haya agblea ne vĩgbledela bǔ yǐwo lacɔna yibe agblenǔkǔwa va nɛ.⁴²Yesu gblɔ̃ ne wo be: "ɖee mǐ me hlẽ le ŋɔŋlɔawo me kpɔ̌ bé; kpe yi xɔ̌cǔlawo gbea trɔ va zu djigɔɛdji kpea? "Aƒetɔa gbɔ̌ be có eye nǔkǔnǔ̌ be nyi ne nǔ.⁴³Azɔ̃a eyike mĩ gbé ma, yuɖatɔwa ma gba nyi ɖukɔ yike Mawu la ɖu ƒiɔlea o. Boŋua elaɖuƒiɔ le ameyiuwo menyi yuɖatɔwo o wa dji eye woa wɔ yǐbé lɔlɔ̃nu. ⁴⁴Ameyi là dje anyi dje kpé ma djia la gbă eye ameyi ke dji kpé ma la djea la kàkà.⁴⁵Eyike nunɔle găwo gaku ƒarǐsǐtɔwo se nya mawo wa,wo nya bé yǐwǒ gblɔ̃ Yesu le. ⁴⁶Wo le djidjiŋ be yiwó wa le Yesu vɔa wo le ameha vɔŋ ɖoa Yesu le newo sigbe nyàgblɔɖǐlà èné.

¹Yesu gblɔ̃ ne wo le loɖoɖo me be: ²Djiƒo ƒiɔɖuƒea le sigbe ƒiɔɖé yi le srɔ̃ɖeɖe ză ɖuŋ n,e vra ŋǔcu. ³Edɔ yǐbe ɖɔ̌cɔ̌vrwo be ne woa yi yɔ ame kpékpéwo va srɔ̃ɖèƒea vɔa wo me djǐ be yǐwó woava o.⁴Fiɔa gba ɖɔ ɖɔ̌cɔ̌vǐ bǔwo be woa yǐ gbɔ̃ ne amekpékpéawo be: Mè ɖà nǔɖǔɖǔ vǐvǐwo, mè wǔ nyǐwo gaku lă ɖǎmǐ nyewo eye nǔ sianǔ le gbesɔsɔ̃. Mǐ va srɔ̃ɖezăɖǔƒea.⁵Vɔa wó mé cɔ̌ kp^èkpè véveeɖé o. Amèɖéwé djé yi agble, eye amèɖéwo djó yǐ àsǐ. ⁶Ameɖewe lè ƒiɔa be ɖɔcóvrawo, wé ƒè wó eye wó wǔ wó. ⁷Eyike ƒiɔa sèa éɖo ɖɔ̃mèdjoe eye be ɖɔ yǐbé aʋakɔ̃wo wo va yi crɔ̃ amèwǔlàmàwó eye wó tɔ̌ djǒ wóbe ɖua.⁸Eyike ƒiɔa bé sɔ̌djàwo crɔ̃ amèwǔlamawo vɔ̌ mègbéa égblɔ̃ ne yǐbé ɖɔcɔ̌vǐ mamlɛawo be srɔ̃ɖɖeză sɔgbe vɔa amekpékpéawo mé djè né ază o. ⁹Mǐ yǐ mɔ̌wó djǐ eye mǐa kpé ameyiwo teŋ kpéa be woa va srɔ̃ɖezăɖǔƒea. ¹⁰ɖɔcɔvrawo yǐ mɔ̌wo djǐ eye wo bɔ ame sia ame yi wo kpɔ̌a, ame nyuiwó gaku ame vɔ̌ɖǐwo eye xɔa ɖɔ̌ kǔ amèkpékpéwo¹¹Vɔa éyǐké ƒiɔa ɖó xɔa me be yia lè ŋǔkǔ le ame kpékpéawo ŋǔcǐa ékpɔ̌ ŋǔcǔ ɖé yǐ me ɖo yǐbé azăɖǔwǔ o. ¹²Fiɔa biɔɛ be : xɔ̃lɔ̃ nye, léké lèwɔ̌ va gǐyà azăɖǔwǔmàdó? éye ŋǔcǔa mé kè ̌nǔ o .¹³Eye ƒǐɔa gblɔ̃ né yǐbé ɖɔcɔviwo be: Mǐ lè ŋǔcǔ mǐa bla aƒɔ̌ ku abɔwó nɛ eye mia cɔɛ ƒugbe ɖà vǐvǐcǐme gǐeké avifafă gaku aɖǔklǐ ɖǔɖǔwo lè. ¹⁴ɖoa wó yɔ̌ ame gbógbóɖéwo vɔa ameviɖéwo kpó wó că.¹⁵Eye farisitɔwo va yi le sǔsǔ ɖeŋ co lé yi ke woa wɔ̌ àlè Yesu to yiŋtɔ̌ be nyàgbɔ̌gblɔ̃wo mea ŋǔcǔ. Wo ɖɔ wóbé nǔsrɔ̃vǐwo ku herodes habɔbɔme nɔlawo ɖo ɖa égbɔ̌. ¹⁶Wo gblɔ̌ ne Yesu be: Nǔfiɔ̃la, mǐ nyà bé lè tónà nyàwó eye lé fiɔ̃nà Mawu bé mɔ̌ lè nyàtèƒé mè eye mè vɔ̃nà amèɖékpé o ɖoa mèn kpɔ̌nà ame ŋǔkǔmé o. ¹⁷Gblɔɛ né mǐ, ɖee sea ɖè mɔ̌ bé mǐa cǔ amlɔ̌kɔɛ ne caezaro alo mǐ à cuǐ o wa?¹⁸Vɔa éyi Yesu nyà bé sǔsǔ bàɖàe lè woasia, éɖo eŋcǐ é wó bé : Nǔka ŋǔcǐ mǐ lé teŋ kpɔ̌ ɖo, Mǐ ayɛmenǔwɔ̌tɔ̌wo? ¹⁹Mǐ cɔ̌ gà yi wó sé cǔnà amlɔkɔɛa và mà kpɔ̌ Eye wó cɔ̌ denario ɖèkà fiɔ̃ɛ.²⁰Ebiɔ wó bé ; Ameka bé nɔnɔmetàtà gaku nǔŋɔŋɔlɔɛ nyǐ éyà lè gà djǐ? ²¹Wo ɖo eŋci nɛ bé : Caezaro tɔ̌ woé . Eye Yesu gblɔ̃ né wó bé : Mǐ cɔ̌ nǔyi nyǐ caezaru tɔ̌a nɛ eye nǔyi nyǐ Màwǔ tɔ̌a mǐ cɔɛ na Màwǔ. ²²Eyike wó sèa, éwɔ̌ mè ya né wó eye wo djé le Yesu gbɔ̌.²³Le gbèmàgbè kea zadukitɔ yiwo gblɔ̃nà be fɔ̃fɔ̃ co amekǔkǔwo ɖome mé lǐ o wa wo va Yesu gbɔ̌ eye wó biɔɛ bé. ²⁴Nǔfiɔla, Mose ŋlɔ̌ nǔ bé : ne ŋǔcǔ ɖé kǔ vǐ màdjia, nɔvia ŋǔcǔ là cɔ̌ ahó srɔ̃a nyɔ̌nua bé né bà dji ri nɛ. Ahóme vi yike nyɔnua la djia woa cɔɛ sigbe ameyi né kua be vi ene, ale bé djidjimevi ba su ameyi né kua sǐ.²⁵Nɔvi ŋucu adre nɔ anyi va yi. Gbătɔa ɖè nyɔ̌nǔ eye bé kǔ vi màdji. Eɖe asi srɔ̃a ɖàɖi ne nɔvia ŋǔcu. ²⁶Eyómea nɔvra ŋucu evegɔ̃a wɔɛ nènémà, eye etɔ̃gɔ̃a că wɔɛ nènémàke và ɖé ame aɖregɔ̃a dji. ²⁷Lè wóbé kǔ mègbéa, nyɔnua că va kǔ. ²⁸Lè amekǔkǔwo bé ƒɔƒɔ̃ mea, wódèmètɔ̌ ka be srɔ̃ nyɔnua ɖè wo k^pàtà kpɔ̌.²⁹Vɔa Yesu ɖo éŋcǐ ne wo be: Mǐ lè vodada me ɖoa mǐ mè se nǔŋɔŋlɔawo gaku Mawu be nǔsẽa gɔ̃me o. ³⁰Le amekǔkǔwo be fɔfɔ̃gbea ŋǔcuwo megbale nyɔnuwo că megbale ŋǔcuwo ɖègbé o. Vɔa woa nɔ̌ sigbe Mawu ɖɔlawo ene lè djiƒo.³¹ɖee mǐ mè hlẽ nǔyǐ Mawu gblɔ̃ co amekǔkǔwo be fɔƒɔ̃ ŋǔcǐ kpɔ̌ o wa? ³²Nyee nyi Abraham, Isaac gaku Yakɔb be Mawu. Mawu mé nyi amekǔkǔwo Mawu o vɔa amegbagbewo be Mawué. ³³Eyike ameha se nǔfiɔfiɔ̌ m, éwɔ mó ya ne wo.³⁴Eyike ameha se nǔfiɔfiɔ̃ ma, éwɔ mó ya ne wo. Eyike farisitɔwo sè bé yesu dega nu ne sadukitɔ̌wo wa, wo va yǐ bɔ̌ tà. ³⁵Wo dometɔ̌ ɖèkà yi nyi sé fiɔ̌la dó Yesu kpɔ̌ biɔɛ sè bé. ³⁶Nǔfiɔla, séɖoɖo kae nyi gă tɔa le Mose be sea me?³⁷Yesu ɖo éŋcǐ nɛbe : Lɔ̌ Mawu wó kǔ djǐ wó blibó, lǔʋɔ̌ wó blǐbó gaku susu wó ³⁸blǐbó.Eya ye nyi séɖóɖó gbătɔ gaku gătɔa.³⁹Eye séɖoɖo evegɔ̌ yǐ sɔ̌ kuǐa ye nyǐ be, Lɔ̌ hàvǐ wó sigbè wó ŋǔtɔ̌ ène. ⁴⁰Séɖóɖó eve yewo djǐe wó cu Mose be sea gaku nyàgblɔ̌ɖǐlàwó ɖó.⁴¹Eyi farǐsǐtɔ̌wó bɔ̌ tà, Yesu biɔ̌ wó. ⁴²Bé: ameka bé vǐ mǐ bǔnà Kristoa nyi? Wo ɖo éŋcǐ nɛ be David bé vié.⁴³Yesu gblɔ̃ ne wo be : léké wɔ to Mawu be gbɔgbɔa djǐa David yɔɛ be Aƒetɔ éyime be gblɔ̃ bé. ⁴⁴Aƒetɔa gblɔ̃ ne Aƒetɔ nye be : nɔ anyi le nǔɖǔsǐ nye me va sé ɖe gàyime ma cɔ kètɔ̌wó wo wɔ afɔɖodjǐnǔ wó.⁴⁵Ne David yɔ Krdsito be Afetɔa, léké be via ɖó? ⁴⁶Ameɖékpé mé teŋ ɖo éŋcǐ o. Eye co gbemagbea, ameɖékpé mé gba ɖó dji biɔɛ nya ɖékpé o.

¹Eyóméa Yesu gblɔ̌ ne ameha gaku yǐbé nǔsrɔ̃lawo be: ²Sé nyàtɔ̌wo gaku farǐsǐtɔ̌wó woé nyi Mose be séa fiɔ̃lawó. ³Mǐ wɔ̌ lè sé yiwo kpàtà wó ɖó ne mia djǐ. Vɔa mi ŋgba srɔ̃ wó o, ɖoa wó ɖóna séwo vɔa wó mé wɔ̌na lè wó djǐ o.⁴Wó ɖóna agbà kpèkpè yiwo ve cɔ̌cɔ̌a ɖà lè ɖǔkɔ̃a dji. Vɔa wó ŋǔtɔ̌ wó mé cɔ̌nà alɔ̌vǐ ɖèkà tɔ̌nà wó o. ⁵Wo wɔna wó é nǔwo be yiwó wa sé dje amegbetɔ̌wó nu. Wo ɖónà awǔ ʋlàyà lɔ̌bɔ̌wó.⁶-Lè azăɖǔƒewó gaku ƒuƒoƒéwo mea wo lɔ̌na amegăwo be tèƒé nɔ̌nɔ̌. ⁷Gaku woa ɖè bǔbǔ yǐwo ŋǔcǐ le amèwó ɖómè eye wo djinà be amèwó né yɔ̌ yǐwó be Rabbi ( Nǔfiɔ̌la).⁸Vɔa mǐa nǔsrɔ̃vǐ nyewo wa mǐ ŋgba ɖè mɔ̌ ne amewo né yɔ̌ mǐ be nǔfiɔ̃la o ɖoa nǔfiɔ̃la ɖèkà kpoé lè mǐa sǐ eye nɔ̌vǐwó kpó mǐa kpàtà mǐ nyǐ. ⁹Eye mǐ ŋgba yɔ̌ ameɖékpé lè anyǐgbă djǐ bé tɔ̌tɔ̌ o, ɖoa Tɔ̌tɔ̌ ɖèkà pɛ kpoé mǐa sǐ lè djiƒo. ¹⁰Mǐ ŋgba nà woa yɔ̌ mǐ bé aƒétɔ̌ o, ɖoa Aƒetɔ̌ ɖèkà pɛ kpoé lè mia sǐ,yé nyǐ Kristo.¹¹Améyi nyǐ amegătɔ̌a lè mǐa ɖómea mia sǔbɔ̌là. ¹²Ameyi dji bé wóné ɖè yǐ ɖè djia woa bɔ̌bɔ̌ɛ ɖè anyi eye ameyi bɔ̌bɔ̌ yǐ ɖǒkuia woa ɖoé dji.¹³Eye Yesu gblɔ̌ ne sǔbɔ̌sǔbɔ̌a kplɔ̌làwó be. Bàbà ne mǐa wó màŋlɔ̌tɔ̌wó gaku farǐsǐtɔ̌ ayɛmenǔwɔ̌tɔ̌wo. ɖoa mi lè djiƒo fiɔɖǔƒea bé mɔ̌ héŋ ne amewo; mǐawo ŋǔtɔ̌ mǐ mè lè émè yiŋ o eye mǐ mè lè deŋ né améyiwó le djidjiŋ là yǐ émea o. ¹⁴Bàbà ne mia wóméŋlɔ̌tɔ̌wo gaku farisitɔ̌ ayɛmenǔwɔ̌tɔ̌wo, ɖoa mi gbăna ahósiwó be aƒéwó, mi wɔ na nǔsianǔ be ne amewo woa xɔ miabe nǔƒiɔƒiɔ̌wo dji sè. Mi wɔ̌nà gbèɖóɖóɖà lɔ̌bɔ̌wó be ne améwó, woa kpɔ̌. Lè nǔma ŋǔcǐa miabe ʋɔ̌nǔɖɔ̌ɖrɔ̃ là sésẽ. ¹⁵Baba ne mia wómàŋlɔ̌tɔ̌wó gaku farisitɔ ayɛmenǔwɔ̌tɔ̌wó ɖoa mǐ cǎnǎ aƒu gaku anyi gbă dji be ne mia trɔ̌ dji me ne ame eye ne amea trɔ̌ djimè yeyea mǐ cɔ̌nɛ wɔ̌nà amèyi djé ne djómàvɔ̌ zǐ eye wu mǐawó ŋǔtɔ̌.¹⁶Baba ne mia kplɔla wómaŋlɔtɔ̌wó gaku farǐsǐtɔ ŋǔkǔgbàgbătɔ̌ yǐwo gblɔ̌nà be ne amèɖe tà gbèɖóxɔ̌a me wɔ nǔ ɖekpe o,vɔa ne tà sǐkà yi lè gbèɖóxɔà mèa, eɖé là wɔ̌ yibe nyàwó dji. ¹⁷Mǐa ŋǔkǔgbàgbătɔ nǔmànyatɔ̌wo, sikà alo gbèɖóxɔ̌ yi kɔ̌nà sǐkà ŋǔcǐa, ékàe lóló wǔ?¹⁸Ne amèɖe tà vɔsamlikpoe be yi dja wɔ̌ nǔɖe éyé me wɔɛ o wa me nyi nǔɖekpe o, vɔa ne tà nǔnànà yi lè vɔsamlikpoea djia , mi zĩnǎ edjǐ be bà wɔ̌ lè edji. ¹⁹Mia ŋǔkǔgbàgbătɔ̌wó, vɔsamlikpoe alo nǔnanà, ekàe xɔ̌ asi wǔ? Vɔsamlipkoe xɔ̌ asi wǔ ɖoa vɔsamlikpoea yé kɔ̌nà nǔnànà ŋǔcǐ ne Mawu.²⁰Ameyi ta vɔsamlikpoea, età nǔnana yiwo kpàtà lè édjia că. ²¹Eye améyi tà gbeɖóxɔa, étà ameyi lè emea că. ²²Eye ameyi tà djiƒoa, étà Mawu be fiɔ zǐkpea gaku ameyi tà nɔ̌ anyi lè edjia.²³Baba né mia sefiɔ̃lawo gaku farisitɔ ayɛmènǔwɔtɔ̌wó, ɖoa mi cǔna (nànà) anǔmàtrèciwo be àkpa èwólia (nǔ éwólia) éyé mi ɖè àsǐ sea be nǔ veveewo ɖàɖi: djɔ̌djɛnyenye, nǔblànyui kpɔ̌kpɔ̌ nǔtèƒewɔ̌wɔ̌ gaku màmlɛawó woe nyǐ nǔyiwó mǐa cɔ̌ ɖè ɖɔ̌wɔ̌wɔ̌mè. ²⁴Mia kplɔ̌là ŋǔkǔgbagbătɔ̌wó, mi xenà mɔ̌ né càcǔvǐwo be wo ŋǔgbă gẽ djè mia bé ahawo mè o vɔa mi mǐnà kpésɔ̌ blǐbó.²⁵Bàbà né mǐa womaŋlɔ̌tɔ̌wó gaku farisitɔ̌ ayɛmènǔwɔ̌tɔ̌wó. Mǐ klɔ̌nà kɔ̌kpó gaku nǔɖǔgbă bé ŋǔcǐgbe eye wómè ɖɔ̌ kǔ àkpàsesẽ nǔxɔ̌xɔ̌ le am̌èsǐ gaku ame ɖokoedjǐmàɖǔ. ²⁶Mia farǐsitɔ̌ ŋǔkǔgbagbătɔ̌wo, mi klɔ̌ nǔɖǔgbă gaku kɔ̌kpówó mè gbă alebe wóŋǔcǐ ne kɔ̌.²⁷Baba ne mia se nyàtɔ̌wó gaku farisitɔ̌ ayɛmenǔwɔ̌tɔ̌wó ɖoa mi lè sigbe yɔ̌ɖó yiwó wó si àkàló nyà kpɔ̌kpɔ̌ lè gótà (ŋǔcigbe) vɔa wó mè ɖɔ̌ (yɔ̌) kǔ ƒǔwó gaku nǔ vóvówó. ²⁸Nènemà kee lè gótà , mǐawó că mi lè sigbe àmèdjɔ̌djɔ̌ɛwó ene lè amèwó be ŋǔkǔmè vɔà lè emè emeà mǐ ɖɔ̌ kǔ nǔ màdjɔ̌màdjɔ̌ wɔ̌wɔ̌ gaku ayɛmenǔwɔ̌wɔ̌.²⁹Baba ne mia sebyatɔ̌wó gaku farisitɔ̌ ayɛmenǔwɔ̌tɔ̌wó ɖoa mi lè nyàgblɔɖilàwó be yɔ̌ɖówo cǔŋ eye mi lè acɔ̃ ɖoŋ ne amedjɔ̌djɔɛwo be yɔ̌ɖówó. ³⁰Mi lè gbɔgblɔŋ be: " Ne mi lè agbe lè mia tɔ̌gbewo be gameà, mǐ mà kpe lè wó ŋǔcǐ àkɔ̌ nyagblɔɖilàwó be ʋu anyǐ o". ³¹Miawó ŋǔtɔ̌ mi lè ɖàse ɖiŋ có mia ɖokuiwo ŋǔcǐ be mia woe nyi ameyiwo wǔ nyàgblɔ̃ɖilawo wa be djidjimè vǐwó.³²Mi yi mia tɔ̌gbewo be nǔvɔ̃ wɔ̃wɔà dji mia wǔ enǔ. ³³Mia ɖă be djidjimeviwo, ɖeke mia teŋ wɔ̌ àsǐ ɖă le djómàvɔ̌ be ʋɔ̃nǔɖɔɖrɔ̃a gbɔ?³⁴Nǔmà ŋǔcǐa mè ɖɔ̌ nyagblɔɖilawo, nǔ nyàlàwó gaku se nyàlàwó ɖó ɖà nǔ. Mǐ lè wó wǔgbe, eye mi lè wó kăgbe, mi lè wo ƒógbe lè miabe ƒǔƒóƒewó mè eye mi lè wó yómè sigbe có ɖǔ mè yi ɖǔ mè. ³⁵Emècónuà ye nyi be amèdjɔ̌djɔɛ yǐwó be ʋu wo kɔ̌̌ lè anyi kpɔ̌ có Abel dji và se lè Berekia be vǐ zaxaria yǐ mǐ wǔ lè gbèɖóxɔà gaku vɔsamlikpoea ɖómea wó be ʋǔ là và mià be tà djǐ. ³⁶Mè lè egblɔ̌ ne mi lè nyàtèƒe mè be nǔmàwó kpàtà lè djidjimè ya dji va gbe.³⁷Yerusalem, wó yi ƒónakpe ameyiwó Mawu ɖɔ̌ ɖó ɖà wó eye lè wǔna nyagblɔɖilàzi geɖea wó à. Zǐ nenè mè djǐ be mà ƒó viwówó ƒǔ. Sigbe le yi ke kóklónɔ̌ ƒóna vrawó ƒǔ lè yibe awàɖàwó mè ène vɔa mi mè lɔ̌ o. ³⁸Kpɔ̌ ɖà miabe aƒea gblẽgbeɖi eye ba zǔ àƒeɖó. ³⁹ɖoa mè lè egblɔŋ ne nǔ ŋgba lè kpɔɛ̃ gbe o va se ɖe gayime mia gblɔ̃ be: Woa trà ameyǐ gbɔ̌nɔà le Mawu be nyǐkɔ̌ mè.

¹Eyi Yesu ɖró có gbèɖoxɔame yinà, yibe nǔsrɔ̃viwó và egbɔ̌ be yiwo woa cɔ̌ lèyike wó cǔ gbèɖóxɔa ɖoa àfiɔ̃ɛ. ²Vɔa eɖo eŋǔcǐ ne wogblɔ̃ be: " Mi lè xɔ̌ à wó kpàtà kpɔ̌mà? lè nyàtèƒe mea mèlè egblɔŋ ne mi be wó lè wókpàtà nǔgbe ƒǔ anyi eye wó me le lpe ɖekpe gblẽgbe lè kpe dji lè giya o.³Eyi bè va yi nɔ̌ anyǐ lè àmǐ toà djià, yibe nǔsrɔ̌viwo bě djoà và egbɔ̌ eye wó biɔɛ be : gblɔ̃ gayimè nǔmàwó la djɔà ne mǐ. Nǔkà woe là ɖè tɔ̌trɔ̌và woà (wà) gaku xixea be nǔwǔwǔ be djèsiwó fiɔ̃ mǐ? ⁴Yesu ɖó eŋǔcǐ ne wóbe : " Mi kpɔ nyuiɖe be amèɖekpe ŋǔgbà blè mi o. ⁵ɖoa amèn sǔgbɔ̃ lè và vàgbe le nyuǐkɔ̌ nyè,mè , woa gblɔ̃be : " Nyee nyi Kristao" eye woa kplɔ̌ amè gbógbóɖe trà mɔ̌.⁶Mǐase aʋàwɔ̌wɔ̌ be nyàwó gaku aʋàƒɛɖóɖówó, mi ŋgbă càkà o, ɖoa nǔmàwó ɖo là djɔ̌, vɔa kpɔ̌ nyǐ xixea be nǔmǔwǔ o. ⁷ɖoa ɖǔkɔ̃ ɖe là cǐtrè lè dǔkɔ̃ bǔ ŋǔcǔ eye fiɔɖǔƒe ɖe là citrè lè fiɔɖǔƒe bǔ ŋǔcǐ. ɖɔ̌wǔamewo gaku anyǐgbă ʋuʋũwo là và. ⁸Vɔa emàwó kpàtà là nɔ̌ sigbe vidjidji be vèvesèsèwó be gɔ̃mèdjèdjè kpɔ̌ ène.⁹Woa ɖe mi xàxàwó (fǔwɔamèwó) mè eye woa wǔ mǐ. ɖǔkɔ̌wo kpàtà woa mlè kè mi lè nyǐkɔ̌ nyeà ŋǔcǐ. ¹⁰Amè sugbɔ̌ là gblẽ xɔ̌seà ɖàɖi. Woà ɖè wó nɔɛ wó àsi eye woà lè ke wó nɔɛ wó. ¹¹Alàkpà nyàgblɔ̃ɖilà sǔgbɔ̌ woa và eye woa blè amè gbógbóɖe.¹²Eye lè vɔ̃ ɖi wɔ̌wɔ̌ be djidji ɖe edji ŋǔcǐà, amè sǔgbɔ̌ be lɔlɔ̃ là cǐ. ¹³Vɔa ameyi là nɔ̌tè sesẽe vàse ɖe nǔwǔwǔa woa xɔ̌ɛ ɖè agbè woa (ɖèe). ¹⁴Eye woa ɖè gbèfă fiɔ̌ɖǔƒea be nyànyuia lè xixea kpàtà mè aɖi ɖase ne ɖukɔ̃wo kpàtà, eyómea nǔwǔwǔa là và.¹⁵Nǔmà ŋǔcǐ ne mǐkpɔ̌ aƒegbănǔa be nǔnyɔ̌ nu yi ŋǔci nyàgblɔ̃ɖǐlà Daniel ƒó nǔƒó cóa va nɔ̌tè lè kɔ̌kɔ̌ɛƒea ( ameyǐ lè nǔa hlɛ ma ne sè egɔ̃mè). ¹⁶Ameyiwo là nɔ̃ Yudea wó ne sǐ yǐ tówó mè. ¹⁷Amèyi là nɔ xɔ̌ tà ŋǔgbà ɖi va aƒemè be yia cɔ̌ nǔɖe kpe o. ¹⁸Eye ameyi là nɔ̌ agblèmea ŋǔgbà va aƒemè be yia cɔ̌ àwǔ o.¹⁹Baba ne nyɔ̌nǔ fǔnɔ̌wó gaku nyɔ̌nǔ yiwo vi là nɔ̌ ànɔ̌ nuŋ nà lè ŋkeke màwo djǐ. ²⁰Mǐ ɖó gbè ɖà be miabe sǐsǐgbè ŋǔgbadjè avǐvɔ̌ be game alo gbɔ̃ɖemè gbè o. ²¹ɖoa vèvesèsè (djɔ̌gb̃vɔ̌) yĩ le vàvà gbea là lóló ale gbègbè be có xixea be gɔ̃mè djèdjè và se ɖe egbèa, yi hàcǐ me va kpɔ̌ o. Eye megbàlè vàva gbe gbèɖè o. ²²Ne wome có ŋkèkèawo kpɔ̌tɔ̌ o wa, amè ɖekpe ma kpɔ̌ ɖèɖè o; vɔa lè amè căcăwo ŋǔcǐa wo lè ŋkèkè màwo có gbe kpɔ̌tɔ̌.²³Ne amèɖe gblɔ̃vne mǐ be : Kristo lè giyà mǐ và alo elè gemàɖà, mǐ ŋgbà xɔedjǐ sè o. ²⁴ɖoaalàkpà kristowo gaku alàkpà nyàgblɔ̃ ɖǐ làwo lè vàvàgbe; wo lè nǔkǔnǔ gaku djèsǐ găwo wɔ̌gbe ase blè amè căcăwo ŋǔtɔ̌că ne woa tɛ̃ŋǔa. ²⁵Kpɔ̌ɖà, mè gblɔ̃ nyà yà wo ne mǐ djè ŋkɔ̌.²⁶Ne amèɖe gblɔ̃ ne mǐ be: mǐ kpɔ̌ɖà Kristoa lè djógbèdjia, mǐ ŋgbà yǐ o, alo elè xɔ̌ wàwlà ɖe mea mǐ ŋgbă xɔ edjǐ sè o. ²⁷ɖoa amègbètɔ̌ via lè vàvàgbe abé aleyi kèkle ɖrónà co wódjèƒe và yǐnà wó ɖóxɔ̌ƒe ene. ²⁸Giyike nǔkǔwo lèa gemàye akagăwo là bɔ̌ lè.²⁹Le vèvesèsè ŋkèkè màwo mègbea ŋdɔ̌kǔcǔ lè vǐvǐcǐ ɖógbé ,djinǔ megbàlè keklegbe o, djinǔvǐwo lè gègẽgbe có dji eye djiƒo be ŋǔsẽwo là ʋǔʋǔ.³⁰Eye amegbetɔ via be djèsǐ là zẽ le djiƒo eye anyǐgbădjǐ dǔkɔ̃wo kpàtà là nɔ vèvesèsè mè. Woa kpɔ amègbètɔ̌ vià ba va lè lǐlǐkpówó mè kǔ nǔsẽ kaku ŋǔcǐbɔ̌kɔɛ̌ gă ɖe. ³¹Kpẽ gă ɖe là ɖi, eye ba ɖɔ̌ yibe ɖɔ̌làwo ɖóɖà xixea me be djigoẽeneawo dji be woabɔ̌ yibe ame cacãwo có djiƒo be gó ɖe dji ʋà yi bu dji.³²Mǐ kplà nǔ có gbócà ŋǔcǐ. Ne yibe alɔ̌ zewo bɔ̌bɔ̌ eye wo tó amàkpăwoa mia nyaɛ be zózó be gǎmè gógó. ³³Nènema ke mi kpɔ̌ nǔ màwoa mi nyaɛ be yibe vàvà gógó eye elè agboà djǐ.³⁴Lè nyàtèƒe meà lè egblɔ̌ ne mi be djidjime ya nǔ mà và yi o và se ɖe eyime nǔmàwo pkàtà là vàemè. ³⁵Djiƒó kaku anyigbă nǔ là và yi vɔà nyà nyeà là nɔ̌ anyi ɖoà.³⁶Vɔà se có ŋkèkè ma alo gàƒèƒè ma ŋǔcǐa, amèɖekpe menyaɛ o. Mawǔɖɔ̌là yiwo le djiƒoa wo me nyaɛ o, vi là că me nyaɛo vɔà Tɔ̌tɔ̌a ɖèkàpɛɛ kpoe nyaɛ.³⁷Aleyǐ bè nɔ̌ lè Noa be gàmeà,nènemà bè djà nɔ̌ le amègbètɔ̌ via be vavà gbè. ³⁸ɖoà ɖó ŋkɔ ne tɔ̌ɖɔ̌ɖɔ̌a, améwo lè nǔ ɖuŋ, wo lè srɔ̃ ɖeŋ ne wo be vi ŋǔcǔwo gaku vi nyɔnǔwo và se ɖe eyimè Noa ɖó aɖàkaʋua me. ³⁹Wo me lè nǔɖekpe nyà mɔ̌ va se ɖe eyimè tɔ̌ɖɔ̌ɖɔ̌a và kplɔ̌ wo kpàtà djó. Nenema ye amegbètɔ̌ via be vava dja nɔ̌.⁴⁰Le gaƒoƒo ma mea, ame eve là nɔ agble me, woa kɔ̌kɔ̌ amè ɖèkà dk=jè eye woa gblẽ amè ɖèkà ɖǐ. ⁴¹Nyɔ̌nǔ eve là nɔ̌ wɔ̌ tuŋ le mɔ̌te mè,woa kɔ̌kɔ̌ amè ɖèkà djé eye woa gblẽ amèmàmlɛa ɖi. ⁴²Mi nɔ̌ ŋǔzɔ̃, ɖoa mi mè nya ază yi gbe mia be Aƒetɔ̌a lè vàvà gbe o.⁴³Vɔa mǐ nyaɛ be ɖà ne aƒea djikpɔ̌là nyà gàyimè fiafitɔa là vàa, elà nɔ̌ ŋǔzɔ̌ eye mà ɖè mɔ̌ bà ɖó aƒea mè o. ⁴⁴Nǔmà ŋǔcia mi ɖó là nɔ̌ gbèsɔ̌sɔ̌, ɖoa amègbètɔ̌ via lè vàvà gbe lè găƒóƒóyi mi mè nyà o wa me.⁴⁵Dɔ̌cɔ̌vǐ nǔnyàlà gaku nǔtèƒe wɔ̌là kae eƒetɔ̌a ɖó dkjikpɔlà lè yibe aƒemètɔ̌wo dji be bà nàwo nǔɖǔɖǔ lè gà mèdjǐ? ⁴⁶Yàyrà tɔ̌e nyè ɖɔ̌cɔ̌vi yike eƒetɔà là gbɔ̌ và kpɔ̌ nɔ̌ wɔ̌wɔ̌ny nènemà. ⁴⁷Lè nyàteƒemea mè lè egblɔ̌ ne mǐ be aƒetɔa là ,ɖɔe yibe nǔwo kpàtà djǐkpɔ̌là.⁴⁸Vɔa ne ɖɔcɔ̌vǐvǐvɔ̌ɖi bè nyia ela gblɔ̌ le eɖókui mè be: " Aƒetɔ̌ nye me lè gbɔgbɔgbe fifia o". ⁴⁹Eye ba djè ɖɔcɔ̌vǐ mamlɛawo ƒóƒó, adjè nǔ ɖǔɖǔ kaku ahà nǔnǔ ku ahanǔmǔnɔwo. ⁵⁰Aƒetɔà là gbɔ lè gbeyigbe me nya o wa. ⁵¹Eƒetɔa là hẽ tó nɛ vevee eye ba ɖó etèƒe nɛ lè ayɛmenǔwɔ̌tɔ̌wo ɖómè giyike aɖǔklǐɖǔɖǔ gaku avifafăwo lèa.

¹Djiƒo fiɔ̌ɖǔfea le nɔnɔgbe abe ɖètǔgbe làƒe èwo yiwo cɔ wobe kàɖigbẽwo yino gódogbe wobe ŋǔgbetɔ̌ srɔ̃ ène. ²Wo ɖómètɔ àtɔ̃ nyi nǔmànyàlàwo eye àtɔ̃ nyi nǔnyàlàwo. ³Eyike nǔmàyàlàwo cɔ wobe kàɖigbewo wa, wo me cɔ àmi kpe lè eŋǔcǐ o. ⁴Vɔa nǔnyàlàwo cɔ àmigoe kpe lè wobe kaɖigbewo ŋǔcǐ.⁵Eyi ŋǔgbètɔ̌ drɔ̃a cǐ mègbe ne vava,ɖèɖè te wo nu eye wokpàtà wo ɖɔ̃ alɔ̃. ⁶Vɔa lè ză ɖómea àƒà ɖe ɖi be: "ŋǔgbetɔ̌ srɔ̃a và ɖó vɔ̌ mǐ va yi ɖógoe."⁷Eye ɖetugbe làƒeawo fɔ̌ eye wo sǐ wobe kaɖigbeawo. ⁸Nǔmànyàlàwo gblɔ̃ ne nǔnyàlàwo be " Mi nà àmi ɖoa miabe kàɖǐgbeawo lè cǐcǐŋ. ⁹Vɔa nǔnyàlàwo ɖo eŋǔcǐ be " Eyi lè mǐa sia me le sǔsǔgbe ne mi kaku miawo o, mǐ yi esàlàwo gbɔ ne mia djee boŋ.¹⁰Gayimè wo yina edjègbea, ŋǔgbètɔ̌ srɔ̃a va eye be kplɔ ɖecugbe yiwo lè gbèsɔ̌sɔ̌a djo yi srɔ̃ɖèƒea eye wo xè (cǔ) agboa. ¹¹Emegbea ɖècǔgbe làƒe mamlɛa va lè agboa ƒoŋ be : "Aƒetɔ̌, aƒetɔ̌, ʋu agboa ne mǐ." ¹²Vɔa eɖo eŋcǐ ne wo be ; " Me le egblɔ̃ ne mi le nyàtèƒe mè be nyè mè djèsi mi o". ¹³Mi nɔ̌ ŋuzɔ̌ ɖoa mi me nya ŋukekea alo gàƒóƒoà o.¹⁴ɖoa elǎnɔ̌ abe nǔcǔ ɖe yi lè ɖǔ bǔ mè yibe ène, eyɔ yibe ɖɔ̌cɔviwo eye be cɔ yibe nǔ nɔ̌ amèsǐ̌wo ɖe asi ne wo. ¹⁵Ecɔ tàlẽtó atɔ̌ ɖe asǐ ne wo ɖomètó ɖèkà, ecɔ eve ɖè asǐ ne ɖɔcɔvǐ bǔ eye be cɔ ɖèka ɖè asǐ ne amè mamlɛa Ena tàlẽtó ame ɖesiaɖe lè yǐbe ŋǔtete nǔ eye bè djo yi mɔ̌ djǐ. ¹⁶Amèyǐ xɔ̌ talẽtó atɔ̌a va yi ɖó adjɔ kuǐ eye bè kpɔ̌ alè talẽtó atɔ̃ lè edji.¹⁷Nenema ke ameyǐ xɔ tàlẽto evea kpɔ alè talẽto eve kpee. ¹⁸Vɔa ɖɔcɔvǐ yǐ ne xɔ̌ talẽto ɖèkà va yi ɖè gǔ se wlà lè eme.¹⁹Emègbea, ɖɔcɔviawo be aƒetɔ̌ trɔ̌ gbɔ̌ rye be biɔ̌ wo akɔ̃tà. ²⁰Dɔcɔvǐ yi ne xɔ talẽto atɔ̃a va eye be cɔ talẽto atɔ̃ bǔ wo kpe lè eyiwo eƒetɔa cɔ̌ nea ŋǔcǐ eye be gblɔ̃ be : " Aƒetɔ̌, talẽtó atɔ̌ ne cɔ ɖe asǐ neŋ. Mè kpɔ̌ atɔ̃ kpee." ²¹Eƒetɔa gblɔ̃ nɛ be : " Lè wɔɛ̌ nyuiɖe, ɖɔcɔ̌vǐ nyuǐ nǔtèƒe wɔ̌là. Lè wɔ̌ nǔtèƒe lè nǔvǐcukuǐwo mè, mè lè nǔgbogboɖe cɔ̌gbe ɖe asǐ Wó mè yǐ aƒetɔwó be djǐdjɔ̌kpɔkpɔa mè.²²Dɔcvǐ yi ne xɔ talẽto evea cã̃ va eye be gblɔ̌ be : "Aƒetɔ̌, tàlẽto èvè ne cɔ ɖe asǐ neŋ. Kpɔ̌ɖà, mè kpɔ̌ talẽtó èvè kpee." ²³Eƒetɔa gblɔ̃ nɛ be : é Lè wɔè nyuiɖe, ɖɔcɔ̌vǐ nyuǐ nǔtèƒe wɔ̌là. Lè wɔ̌ nǔtèƒe lè nǔvǐwo mè, mè lè nǔgbógbóɖe cɔ̌ gbe ɖè asǐ wó mè. Yi aƒetɔ̌ wó be djǐdjɔ̌kpɔ̌kpɔ̌a mè."²⁴Mlɛaba, ɖɔ̌cɔ̌vǐ yǐ ne xɔ̌ talětó ɖèkà va eyebè gblɔ̃ : "Aƒetɔ̌, mè nyaɛ be ame sesẽ lè nyuǐ. Lè ɖènànǔ lè gǐyǐke mè ƒa nǔ lè o; eye lè ƒónàƒǔ nǔ lè gǐyǐke mè gbɔ̃ nǔ lè o. ²⁵Mè vɔ̃ eye mè va yi wla tàlentó wóa lè gǔ mè.Kpɔ̌ɖà, xɔ talento wóa."²⁶Vɔa eƒetɔa ɖo eŋǔcǐ nɛ be : "Dɔcvǐ vɔ̃ ɖǐ, ɖɔvetɔ̌, lè nyà be mè ɖènànǔ lè o eye mè ƒónàƒǔnǔ lè gǐyike nyè mè gbɔ̃ nǔ lè o. ²⁷La kè cɔ̌ gà nyèa và yi ɖà lè gà djrà ɖóƒe eye ne mè trɔ̌ gbɔ̌a gà nyèa là djǐ vǐ neŋ ma xɔɛ.²⁸Mǐ xɔ talentóa lè esǐ eye mǐ cɔɛ na ɖɔcvǐ yǐ sǐ talentó èwo lèa. ɖoa ameèyi nǔ lèa, woa nɛ nǔ eye bà sǔgbɔ̌ ɖe edjǐ nɛ, vɔa amèyǐ sǐ nǔ me lè o wa, woa xɔ nǔ yǐ lè esǐa. ²⁹Amèyǐ ne kpɔ aleà. ³⁰Mǐ cɔ̌ ɖɔ̌cɔ̌vǐ yǐ megbànyɔ̌ ne nǔɖekpe o wa ƒǔgbe lè egód lè vǐvǐcǐame gǐyǐke avǐfàfăwo gaku aɖǔkliɖǔɖǔwo lè nɔnɔgbea.³¹Gàyǐmè amegbetɔ̌ vǐa là vàlè yibe ŋǔcǐkɔ̌kɔɛa mè kǔ yibe ɖɔlàwo kpàtà, elè anyi nɔgbe lè yibe ŋǔcǐkɔkɔɛ fiɔ̌zǐkpèa djǐ. ³²Dukɔ̃wo kpàtà woabɔ̌ lè ŋǔkɔ̃ nɛ eye ba mà woɖómè abe aleyǐ alẽkplɔ̌là mànà alẽwo ku gbɔgbɔẽwo ɖómè ène. ³³Eleà cɔ̌ alẽawo ɖà lè yǐbe nǔɖǔsǐmè eye gbɔgbɔ̃ewo là nɔ̌ yǐbe mǐɔlɔ̌djǐ.³⁴Frɔ̌ là gblɔ̃ ne amèyiwo lè yibe nǔɖǔsimea be : " Mǐ ameyiwo Tɔ̌tɔ̌nye yra, mǐ và ne mia nyi ɖomè ne fiɔ̌ɖǔƒe yi wo ɖràɖó ɖàɖǐ ne mǐ có xǐxea be gɔ̃mèdjèdjè mèa. ³⁵ɖoa aɖɔ̌ wǔŋ eye naŋ nǔ ɖǔɖǔ; cǐkɔ̌ Wǔŋ eye mi naŋ cǐ mè nǔ; mè zẽ mǐ amèdjró eye nǔ xɔ̌ŋ. ³⁶Mè cǐ amà eye mǐ ɖó awǔ neŋ; mè djè ɖɔ̌ eye mǐ và ɖɔ̌ neŋ; mè nɔ̌ gàkpàmè eyde mǐ và gbɔ̌ nyè?"³⁷Eye amèdjɔ̌djɔ̌ɛwo woaɖó eŋǔcǐ nɛ be : "Aƒetɔ̌, gàkàmè aɖɔ̌ wǔ wǒ eye mǐ na wǒ nǔ lè ɖǔ? aló cǐkɔ̌ wǔ wǒ eye mǐ na wǒ cǐ lè nǔ? ³⁸Eye gàkàmè le zẽ mǐ amèdjró eye mǐ xɔ̌ wó? alé lè cǐ amà eye mǐ ɖó awǔ ne wó? ³⁹Eye gàkàmè lè djè ɖɔ̌ ale lè yi gàkpàmè eye mǐ va gbɔ̌ wó? ⁴⁰Eye Fiɔ̌a là ɖó eŋǔcǐ ne wo be : " Mè lè egblɔ̃ ne mǐ lè nyàtèƒe mè be nǔ sia nǔ yi mi wɔ̌ ne nɔ̌vǐ nyèmàwó ɖómètɔ̌ ɖeà, ènyè mǐ wɔ̌ɛ na.⁴¹Emègbeà elàgblɔ̃ ne ameyiwo lè yibe miɔdjia be :" Mǐ tè ɖà gbɔnye, mia ameyiwó wo ƒǒ fin de, mǐ yi djǒ màvɔ̌ yi wo djràɖo ne sãtana gàkǔ yibe ɖɔlawoa mè. ⁴²ɖoa aɖɔ̌ wuŋ eye mǐ mè naŋ nǔ mè ɖǔ o; cǐkɔ̌ wuŋ eye mǐ mè naŋ cǐ mè nǔ o; ⁴³Mè zẽ mǐ amèdjró eye mǐ mè xɔ̌ mó; mè cǐ amà eye mǐ mè ɖó awǔ ne mó; mè nɔ̌ gàkpàmè eye mǐ mè lèbè ne mó.⁴⁴Eye woa wo cã woa ɖó eŋǔcǐ be : be "Aƒetɔ̌, gàkàmè mǐ kpɔ̌ wó aɖɔ̌ wǔ wó, alo cǐkɔ̌ wǔ wǒ alo lè zẽ mǐ amèdjrǒ alo lè cǐ amà alo lè djè ɖɔ̌ alo lè nɔ gàkpàmè eye mǐ me và kpe lè ŋǔcǐwǒ o? ⁴⁵Eye elà ɖó eŋǔcǐ agblɔ̃ ne wo be : Mè lè regblɔ̃ ne nǔ lè nyàtèƒe mè be nǔ mà yiwo mǐ mè wɔ̌ ne vǐvǐmawo ɖómètɔ̌ ɖèkà o wa ènyè ye mǐ wɔɛ na o. ⁴⁶Woa yi tó ɖɔɖɔ̃ màvɔ̃ mè eye aùmèdjɔ̌djɔɛwo woa yi agbè màvɔ me".

¹Yesu gblɔ̃ nyà màwo vɔa, egblɔ̃ ne yǐbe nǔsrɔ̃vǐwo be : ²"Mǐ nyaɛ be lè ŋkèkè èvè ɖómèqa wo lè ŋǔcǐtótó ŋǔkèkèză ɖǔgbe eye wo lè amègbètɔ̌ vǐa ɖegbe asǐ be ne woa kɛɛ lè àcǐcógà ŋǔcǐ.³Nǔnɔ̌làgăwo gàkǔ ɖǔmegăwo và bɔ̌ tà lè Kayafa gbɔ̌; ⁴Wo wɔ̌ ɖóɖó be yiwo woa le Yesu eye yiwo woa wui. ⁵Wo gblɔ̌ be "mǐ mà le lè àză be gămè o, ne cǔkàɖà ŋǔgbà djɔ̌ lè ɖǔa me o.⁶Yesu nɔ̌ Betania lè Simon Kpónɔ̌a be aƒeme. ⁷kè wo lè nǔ ɖǔmà, nŋɔ̌nǔɖe vǎ egbɔ̌ kǔ anǔmàtre gó yǐ me amǐʋeʋɛ̃ xɔ̌cǐ lèa eye be ɖɔ̌lǐ kɔ̌ yibe tà djǐ. ⁸Eyike nǔsrɔ̌viawo kpɔ̌ɛa, wo ɖó ɖɔ̃mèɖjóe eye wo gblɔ̃̃ be ; amǐ mà yǐ bè, gũaɖee enyɔ̌a? ⁹Woa tɛŋ sà amǐʋeʋɛ̃ ma ègà gă ɖe eye woa cɔ̌ɛ na wɔ̌amènɔ̌woe.¹⁰Kè Yesu nyà nyàyǐ gblɔ̌ wo lèa , ebiɔ̌ wo be; "Nǔkǎ ŋǔcǐ mǐ lè fǔ ɖèŋ ne nyɔ̌nǔa ɖo? Nǔ nyui bè wɔ̌ neŋ. ¹¹Wɔamenɔ̌wo làkpɔ̌tɔ nɔ̌ mǐa gbɔ̌ ɖaa vɔa nyeà nyè mà nɛ̌ o.¹²Amǐʋeʋɛ̃ mà yǐ bè kɔ̌ lè ɖjǐ nyea. ewɔ̌ɛ se ɖjràŋɖó ne yɔ̌mè yiyi nyè. ¹³Mè lè egblɔŋ ne mǐ lè nyàtèƒe mè be afisia afi woa gblɔ̃ nyà nyuǐa lè lè xǐxé blǐbóa mèa woa gblɔ̃ nui yǐ nyɔ̌nǔ mà wɔ̌a ase ɖó ŋǔkǔ eɖjǐ.¹⁴Nǔsrɔ̃vǐ woeveawo ɖómètɔ̌ ɖèkà yǐ wo yɔ̌nà be Yuɖa Iskariot yi nunɔ̌làgăwo gbɔ̌. ¹⁵Eye be gblɔ̃ be : " Nǔkà mǐa naŋ ne mà ɖee asǐ ne mǐ? Wo cǔ Klósàlǒ gà bla etɔ̃ nɛ. ¹⁶Cè gàƒóƒó mà ɖjǐa, etɔ̌ mɔ̌ yǐ ɖjǐ bà tó àɖe Yesu asia ɖjǐɖjǐ.¹⁷Lè abóló màʋă màʋă ză be ŋǔkèkè gbătɔà ɖjǐa, Yesu be nǔsrɔ̌vǐwo biɔɛ be : "Fǐkè lè ɖjǐ be mǐa ɖà ŋǔcǐtótó ză be nǔɖǔɖǔa lè ne wó. ¹⁸Eɖó eŋǔcǐ be : "Mǐ yǐ ɖǔamè tɔ̌ ɖe gbɔ̌ eye mǐa gblɔ̌ nɛ be, Nǔfiɔ̌là be, gàmè sǔ nem, nyè kàkǔ nǔsrɔ̌vǐ nyèwo mi ɖjà ɖǔ ŋǔcǐtótó ză lè aƒewó mè. ¹⁹Nǔsrɔ̃vǐwo wɔ̌ nǔ yǐ Yesu gblɔ̃a eye wo ɖà ŋǔcǐtótó ză be nǔɖǔɖǔa.²⁰Lè wótrɔ̌ ɖjǐa enɔ̌ kplɔ̌ ŋǔcǐ gàkǔ yǐbe nǔsrɔ̃vǐwó. ²¹Gàyǐmè wo lè nǔ ɖǔmà, egblɔ̃ be : Mè lè egblɔ̃ ne mi lè nyàtèƒe mè be mǐa ɖómètɔ̌ ɖèkà lè ɖeŋ gbe asǐ. ²²Eyǐ wo sè nyà mà, wo càkà ŋǔtɔ̌ eye wo ɖómètɔ̌ ɖè sia ɖè ɖè asǐ ebǐɔ̌biɔ̌ be : kǔ Aƒetɔ̌, ènyè yea?²³Eɖó eŋǔcǐ be : "Amèyi ɖè asǐ agbă mè kǔ mà ye lè ɖeŋ gbe asǐ. ²⁴Amègbètɔ̌ vǐa lè yiyim abe aleyi wo ŋlɔɛ ɖǐ có eŋǔcǐ ène, vɔa bàbà ne amèyi la ɖee asǐa. Ne wo me dji amèmà o wa, ela nyɔ̌ ne wù. ²⁵Yuɖa amèyike ɖjǐ là ɖee sǐa gblɔ̃ nɛ be : Aƒetɔ̌ ènyè yea? Eɖó eŋǔcǐ nɛ be : " Wó ŋǔcǐtɔ̌ɛ gblɔ̃ɛ".²⁶Kè wo lè nù ɖùmà, Yesu cɔ̌ abóló, eyraɛ eye bè kăɛ. Ecɔ̌ɛ na nùsrɔ̃viawo gblɔ̃ be : "ŋǔcǐlă nyèe yà, mǐ xɔ̌ mǐa ɖǔi".²⁷Ecɔ̌ vɛ̃ kɔ̌kpó ɖèkà, eɖó akpe lè età eye bè cɔ̌ɛ nà wo gblɔ̃ be : Mǐa kpàtà mǐ nǔi". ²⁸ɖoa èʋù nyè yi wo kɔ̌ ɖǐ ne nùvɔ̌ be cɔ̌cɔ̌kèa ye mà. ²⁹Vɔa mè lè egblɔ̌ ne nù be nyè mè gba le vɛ̃ kùcece hà ya nùgbe o va se ɖe gbè yigbè mè gbà lè enùgbe kù mǐ lè Tɔ̌tɔ̌ nyè be fiɔɖùƒea mè.³⁰Eyi wo ɖji hàwo mègbea, wo yi ami tóa ɖjǐ. ³¹Eye Yesu gblɔ̌ ne wo be : "Mè lè afɔ̌klinùnyi gbe ne mǐa kpàtà lè wótrɔ̌ ya abe aleyi wo ŋlɔɛ ɖi ène be: ³²Mè lè alẽklɔ̌là ƒógbe eye alẽawo woaklàhlẽ. Vɔa ne mè fɔ̃ có kǔwoɖee mègbea ma ɖjè ŋùkɔ̌ ne mǐ ayi Galilea.³³Petró xɔ̌ nyà gblɔ̃ nɛ be : Ne amè màmlɛq wo woagble wó ɖǐa, nyea nyè mà gblẽ wó ɖǐ gbè ɖè o. ³⁴Yesu gblɔ̃ nɛ be : mè lè egblɔ̃ ne wó lè nyàteƒe mè be lè ză ya mèa lè lè nù gbegbe lè zi ètɔ̌ căƒee kóklócù là kù àtɔ̌. ³⁵Eye Petró gblɔ̃ nɛ be ; ne nyǐ be mà kù kù wó ŋǔtɔ̌că, nyè mà gbè nù lè gbɔ̌ wó gbèɖè o. Eye nùsrɔ̌vi màmlɛawo că gblɔ̃ɛ nènemà.³⁶Eye Yesu kplɔ̌ wo yǐ Gethsemane eye be gblɔ̌ ne yǐbe nǔsrɔ̌viwo be : mǐ nɔ̌ anyǐ lè gǐyà ne mà yǐ ɖó gbèɖó lè gemàɖa mà và. ³⁷Ekplɔ̌ Petró gàkǔ zebeɖee be vǐ èvèawo. Etɔ̌ nǔxàxà gaku vèvesèsèwo mè tótó. ³⁸Eye bè gblɔ̃ ne wo be : lǔʋɔ̌ nye lè nǔ xam kàkà yǐ kù mè. Mǐ nɔ̌ gǐyà ne mǐa nɔ̌ ŋùɖjɔ̃ kùm.³⁹Etèɖà wo gbɔ̌ vǐɖe ye be cɔ̃ mó anyǐ, ɖó gbèɖó gblɔ̃ be ; Tɔ̌ nye, ne la tɛ̃ŋuia, tè kɔ̌kpó ya ɖà lè gbɔ̌ nyé, me nyǐ nù yi mè ɖjǐ o vɔa ale yi lè ɖjia. ⁴⁰Etrɔ̌ va yǐbe nǔsrɔ̃viwo gbɔ eye bè kpɔ̌ wo wo lè alɔ̃ ɖɔm, egblɔ̃ ne Petró be ; ⁴¹mi ma tɛŋ nɔ̌ ŋǔɖjɔ̃ kuŋ gàƒóƒó ɖèkà? Mǐ nɔ̌ ŋǔ ɖjɔ̌ eye mi ɖó gbèɖà ne mǐ ŋùgbà ɖjè tètèkpɔ̌ mè o. ŋùcǐlă gbɔ̌ɖjɔ̌ vɔa gbɔ̌gbɔ̌ a lè gbèsɔ̌sɔ̌.⁴²Egbà tè ɖà lè wogbɔ̌ zi èvègɔ̌a eye bè ɖó gbèɖà be : Tɔ̌ nye, ne kɔ̌kpó ya màtɛŋ tèɖà lè gbɔ̌nye ne nyè mè niù o wa,wó lɔlɔ̌nù ne va emè. ⁴³Egbà trɔ̌ và wo gbɔ̌ ke eye bè kpɔ̌ wo wo lè : alɔ̃ ɖɔ̌m, ɖoa nù cikɔ̌ ne wo. ⁴⁴Eye bè gbà ɖjó lè wogbɔ̌ và yi ɖó gbè ɖa zi ètɔ̃gɔ̌a nènemà ke.⁴⁵Yesu trɔ̌ yi yǐbe nǔsrɔ̌vǐwó gbɔ̌ eye bè gblɔ̌ ne wó be ; mi lè àlɔ̌ ɖɔ̌m eye mi lè gbɔ̌gbɔ̌ŋ ɖe emè. Kpɔ̌ ɖà gàƒóƒó yi mè wo lè amègbètɔ̌ vǐa ɖgbe àsǐ ne nùvɔ̌wɔ̌làwo wa gógó vɔ̌. ⁴⁶Mi có mǐ ɖjo. Amèyi dem àsia gbɔ̌nɔ̌.⁴⁷Gàyimè bè lè nùƒo ƒómà, Yuɖa, nùsrɔ̌vǐwo evea wo ɖómètɔ̌ ɖèkà vàɖó.Ǎmèhà gă ɖe có nùnɔ̌lqa găwo gàku ɖu mègăwo gbɔ̌ wo kplɔ̌ɛ ɖó và wo cɔ̌ kpówo kù wùwo ɖè àsǐ va. ⁴⁸Amèyi ɖjà ɖè Yesu àsia nà wo ɖjèsiɖó ɖe gblɔ̌ be ; àmèyi mà wɔ̌ à cu nà yi mia la.⁴⁹Yuɖa và Yesu gbɔ̌ zi ɖeka eye bè gblɔ̌ nɛ be ; nùfiɔ̌là mè ɖgbè. Eye bè kplà àsǐ kɔ̌ nɛ. ⁵⁰Yesu gblɔ̌ nɛ be , xɔ̌lɔ̌ nye, nù yi wɔ̌ gbe lè và, wɔ̌ɛ blà (kàbà). Eye wó và ɖjè àsǐ Yesu ɖjǐ eye wó li.⁵¹Amèyiwo lè Yesu gbɔ̌a wo ɖómètɔ̌ ɖèkà ɖó àsǐ ɖà, ɖè yibe wǐu tó eye bè ƒó nùnɔ̌là gà be ɖɔ̌cɔ̌vǐa eye bè có tó nɛ. ⁵²Eye Yesu gblɔ̌ nɛ be: trɔ̌ cɔ̌ wǐu wóa ɖà yi tèƒe, ɖóa aèyiwo kpàtà wóa cɔ̌ wǐu lè amè ŋùcǐa, wǐù nù woa kuù cǐ. ⁵³ɖee lè bùǐ be nyè mà tɛŋ biɔ̌ Tɔ̌tɔ̌ nyè be bà ɖɔ̌layiwo wù àkpe wóèvèa ɖó ɖam ó wà? ⁵⁴Vɔa leke nùyiwo wo ŋlɔ̌ ɖǐ be woa va emèa woa tɛŋ va emè?⁵⁵Yesu gblɔ̌ ne àmèhà be ; mǐ cɔ̌ kpówo gàkù wùǐwo va be mǐa lem abe àleyi won nyànà fiàfi ène. Gbè sǐa gbèa mè lè nù fiɔ̌ŋ lè gbèɖóxɔ̌a mè eye mi mè va lem o ( le mó). ⁵⁶Nùmàwó kpàtà ɖjɔ̌ àle be nùyiwó kpàtà nyàgblɔ̌ɖǐlàwó ŋlɔ̌ ɖàɖǐà bà và emè. Eye nùsrɔ̌viawo kpàtà gblẽ ɖǐ eye wó sǐ ɖjó.⁵⁸⁵⁷Amèyiwo lè Yesua wó kplɔ̌ɛ̌ yǐ nunɔ̌lagă kayafa be aƒeme gǐèke wómàŋlɔ̌tɔ̌wó gàkù ɖumègăwó bɔ̌ lèà. Petró lè aɖjɔ̌gè kplɔ̌ɛ ɖó kàkà yǐ nunɔlagă be fǐmà, evà yi nɔ̌ ànyǐ lè àgbónùɖjɔ̌ làwo gbɔ̌ be ne yǐa kpɔ̌ nùyi lè ɖjɔ̌ɖjɔ̌gbe ɖà.⁵⁹Nunɔ̌làgàwó gaku kóɖjóɖótɔ̌wó (ʋɔnuɖrɔlàwo) lè àlàkpà ɖàseɖǐɖǐ yǐwǒ cǐtè lè Yesu ŋùcǐà ɖjǐŋ be ne yǐwó wóà tɛm wiù. ⁶⁰Tógbɔ̌ be àlàkpà ɖàsèfó (ɖàseɖilà) sùgbɔ̌ và cà, wó me kpɔ̌ nùɖekpe lè eŋùcǐ o. Ǎmè èvè ɖewó kpǒe và gblɔ̌ có eŋùcǐ be ; ⁶¹ŋùcù mà gblɔ̌ be, matɛŋ gbă Mawu be gbèɖoxɔ̌à eye matrɔ̌cùǐ lè ŋùkèkè ètɔ̃ mè.⁶²Nunɔ̌làgă có eye bè gblɔ̌ nɛ be, nùkà gblɔ̃ amèyàwó lè có ŋùcǐwó? ⁶³Yesu me kè nù o. Nùnɔ̌làgă gblɔ̃ nɛ be : mè ɖè gbè ne wó lè Mawu gbagbe a be nyǐkɔ̃ mè be ne wóe nyǐ Kristó, Mawu be vǐa, gblɔ̃ɛ ne mǐ. ⁶⁴Yesu ɖo eŋùcǐ nɛ be : " Wó ŋùtɔ̌ wóe gblɔɛ, vɔa me le egblɔ̃ ne wó be lè amègbètɔ̌ vǐa kpɔ̌ gbe ba nɔ̌ anyǐ lè Mawu be nùɖùsǐ sesẽa me eye ba nɔ̌ lilikpówóɖji a gbɔ̌nɔ̌.⁶⁵Eye nùnɔ̌làgă ɖjè yibe awu eye be gblɔ̃ be, nùkà ŋùcǐ mǐ gbàlà ɖàse ɖǐɖǐ ɖjiŋ ɖo? Bùsù nyà yǐ bè gblɔ̃a mǐ sèe. ⁶⁶Nùkà mǐ kpɔ̌ be yiwó woa wɔ̌? Wo ɖo eŋùcǐ be, " Eɖjè ne kù".⁶⁷Wo cùtà kɔ̌ mó nɛ, wo ƒóe eye wo gblɔ̈ nɛ be, ⁶⁸Kristó, amèkàe ƒó wó? gblɔ̃nyàɖǐ ne mǐ.⁶⁹Petró nɔ̌ ànyǐ lè xɔ̌xɔ̌anù lè kpà mè, ɖɔ̌cɔ̌là nyɔ̌nù ɖe va egbɔ eye be biɔɛ be wó că lè nɔ Yesu Galilea tɔ̌a gbɔ̌ɛ? ⁷⁰Vɔ̌a egbènù lè egbɔ̌ lè àmèwó kpàtà be ŋùkùmè gblɔ̃ be : " Nyè mè nyà nùyi be nyà gblɔ̃ lè lè o.⁷¹Eyǐ bè zɔ̌ ɖótà àgbóa mɔ̌nùa, nyɔ̌nu ɖɔ̌cɔ̌là bù kpɔ̌ɛ eye bè gblɔ̃ ne àmèyiwó, lè gemà be : " ŋùcù yà că nɔ̌ Yesu Nazaretetɔ̌a ŋùcǐ kpɔ̌". ⁷²Egbà gbènù lè egbɔ̌ ke kù àtaŋù kakă be : " Nyè mè ɖjèsǐ ŋùcù mà o."⁷³Zăɖe kpɔ̌a àmèyiwó lè gemà wó và Pètró gbɔ̌ eye wó gblɔ̌ nɛ be : Nyàwo be nyi be àmèmàwó ɖómètɔ̌ ɖèkà wó că lè nyi ɖoa nùƒo wó wo lè eɖeŋ le fiɔ̃fiɔ̃. ⁷⁴Eye Petró ɖè àsǐ nù tàtà mè lè gbɔgblɔ̌ be : " Nyè mè ɖjèsǐ ŋùcù mà ó , eye ziɖèkà kókló ku àtɔ̌. ⁷⁵Petro ɖo ŋùkù nyàyiwo Yesu gblɔ̃ nɛa ɖjǐ : " Căƒee kóklócù la ku atɔ̌a, lagbè nù lè gbɔ̌nyè zi ètɔ̃. " Eye Petró fă àvǐ ŋùtɔ̌.

¹Eyi nǔkea, nǔnɔ̌làgăwo gàkǔ ɖǔamè be amècǐcǐwǒ wó blàse be yǐwó wóa wǔ Yesu. ²Wó blɛ (blaɛ) eye wo kplɔ̌ɛ và yǐ ɖè àsǐ ne ɖǔkplɔ̌là Pilato.³Eyike Yuda àmèyike ɖè Yesǔ asǐa (sà Yesua) kpɔ̌ be wǒ có kǔ fǐɔ̌ nea, etrɔ̌ djǐmè eye bè trɔ̌ cɔ̌ ègà bla etɔ̌ (fè) yike wócǔ nɛa và yi na nǔnɔ̌làgăwo gàkǔ àmègăwó. ⁴Eye bè gblɔ̃ be : " mè wɔ̌ nǔvɔ̃ elabena mè nà wó kɔ̌ ʋǔ mà ɖifɔ ̃ ànyǐ. Vɔa wó ɖó eŋǔcǐ nɛ be : ekeàe kà mǐ? Wó ŋǔtɔ̌ nyà wóe". ⁵Ecɔ̌ ègà ƒũgbè ɖa gbèɖóxɔ̌amè eye bè djǒ và yǐ ɖè kàvè.⁶Nǔnɔ̌làgă lɔ̌ ègà eye bè gblɔ̃ be : " Sea me ɖè mɔ̌ be mǐa cɔ̌ gà yà ɖè nǔdjɔ̌djɔ̌ me o ɖoa ʋǔ be gà bè nyǐǐ (bè nyi). ⁷Wó nɔ̌ ɖǔ ɖèsǔsǔ có gà ŋǔcǐ eye wó cɔ̌ɛ ƒlè zèmèlà be anyǐgbă ne wóa nɔ̌ àmèdjrówó ɖiŋ (ɖrm) lè edjǐ. ⁸Nǔmà ŋǔcǐ wó yɔ̌nà ànyigbă mà be :" ʋu nyǐgbă" kàkà ɖè àsǐ ne egbè.⁹Nǔyǐwǒ kpàtà nyàgblɔ̌ɖǐlà Yeremi gblɔ̌a và emè : wǒ cɔ̌ gà bla ètɔ̃ yǐ wǒ cǔ lè àmèyǐ ŋǔcǐ Israel vǐ ɖe wó ƒó àsǐ ɖóa (ɖó). ¹⁰ƒlè zèmèlà be anyǐgbà, sǐgbè àleyi Aƒetɔ̌a ɖoe nem be mà wɔ̌ ene.¹¹Yesu nɔ̌tɔ̌ lè ɖǔkpɔ̌là be ŋǔkɔ̌ eye ɖǔkplɔ̌ là bǐɔɛ sè be : " wǒe nyi Yuɖatɔ̌wó be Fiɔ̌a? Yesu ɖó eŋǔcǐ nɛ be :" Lè gblɔ̌ɛ cǔcǔcǔ." ¹²Vɔa eyike nǔnɔ̌làgăwǒ gaku àmècǐcǐawǒ lè nyà cɔ̌m lè eŋǔcǐa, me kè nǔ o. ¹³Eye Pilàto gblɔ̌ nɛ be : " Lè sè nyàyǐwǒ kpàtà wǒ cɔ̌ lè ŋǔcǐwǒa?" " ¹⁴Vɔ̌a me ɖó nyà ɖèkà kpètè ŋǔcǐ o eye bè wɔ̌ m yaa ne ɖǔkplɔ̌là.¹⁵Lè azã ɖesiaɖe ɖjǐa ɖukplɔ̌là ɖènà àsǐ lè gàmènɔ̌tɔ̌ ɖèkà yǐke ɖǔkɔ̌a ɖjǐa ŋǔcǐ. ¹⁶Lè gàƒǒƒǒ ma mèa, gàmènɔ̌tɔ̌ ɖèkà yǐ wó yɔ̌nà be Barabas yike amèwó nyà nyuia lè gemà.¹⁷Eyǐke àmèhà và bɔ̌a, Pilàtǒ biɔ̌ wǒ be : "Amekà ɖjǐm mǐ lè be mà ɖè àsǐ ne mǐ? Barabas alo Yesu yi wó yɔ̌nà be Kristoa?" ¹⁸ɖóa Pilató nyaɛ be ŋǔʋàʋă ŋǔcǐ wó ɖe Yesu asǐ ɖó. ¹⁹Gàyǐmeke Pilato nɔ̌ anyǐ lè kóɖjóɖóɖó zikpea ɖjǐa, srɔ̃à gblɔ̃ ɖó ɖɛɛ be : " ŋǔgbà wɔ̌ nǔɖekpe ne ameɖjɔ̌ɖjɔ̌ɛ mà o; ɖoa mè kpèfǔ egbèa ŋǔtɔ̌ co eŋǔcǐ lè àlɔ̃mè²⁰Nǔnɔ̌làgăwo gaku amècǐcǐawó zĩ amèhà ɖjǐ be wóne biɔ Pilato bà ɖè asǐ Barabas eye wóa wǔ Yesu. ²¹ɖǔkplɔ̌là biɔ̌ wo be: " Amè èvèawo ɖǒmètɔ̌ kà ŋǔcǐe mǐ ɖjǐ be mà ɖè àsǐ lè ne mǐ? Wó ɖó eŋǔcǐ be :"Barabas". ²²Pilato biɔ̌ wó be :" Nǔkà mà wɔ̌ ne Yesu yi wó yɔ̌nà be Kristǒa? Wó kpàtà wó ɖó eŋǔcǐ be : "Wó ne kɛ̌ lè àcǐ ŋǔcǐ".²³Eye bè gblɔ̌ be: " nǔkàŋǔcǐ, nǔ bàɖàkà bè wɔ̌"? Vɔ̌a wo gbà ɖǒ àƒà sesẽ be : " mǐ kɛ̌ lè àcǐ ŋǔcǐ". ²⁴Eyi Pilàtó nyà be yǐ mè tɛŋǔ lè nǔɖekpe wɔ̌ gbe o, vɔ̌a àmèwó djè àƒà ɖóɖó là, ekǔ cǐ klɔ̌ yibe asǐwó lè amèhà ŋǔkɔ̌ gblɔ̌ be : " nyè mè nyà ɖekpe (ɖokpo) le amè djɔ̌djɔ̌ɛ mà be ʋǔ kɔ̌kɔ̌lè ànyǐ mè o, àlɔ̌ nyè me lè emè o; ekà mia ŋǔtɔ̌.²⁵Eye ɖǔkɔ̌a kpàtà ɖo eŋǔcǐ be :"Yibe ʋǔ ne và mǐ gàkǔ mǐabe vǐwó djǐ." ²⁶Eye Pilato ɖè àsǐ lè Barabas ŋǔcǐ ne wǒ, eye eyi bè ƒó Yesu mègbea, eɖee asǐ ne wó bewóakɛ̌ lè àcǐ ŋǔcǐ.²⁷ɖǔkplɔ̌là be sɔ̌djàwó kplɔ̌ Yesu yi kóɖjóɖó ƒea be kpàmè eye sɔ̌ɖjàwó be hàcócóa kpàtà bɔ̌ ɖóe. ²⁸Wóɖè yibe awǔwó lè eŋǔcǐ eye wócɔ̌ awǔ ɖjɛ̃ ʋlàyà ɖe ɖó nɛ. ²⁹Wó cɔ̌ ŋǔɖjà ŋlɔ̌ fiɔ̌kǔkǔ ɖɔ̌ nɛ eye wó cɔ̌ àƒlàcǐ ɖè yibe nǔɖǔsǐlɔ̌ mè eye wó ɖjè kló lè ŋǔkɔ̌ nɛ lè ekóm be : " Mǐ ɖó gbè ne wó yuɖatɔ̌wó be Fiɔ̌".³⁰Eye wó cǔ tà kɔ̌ eŋǔcǐ, wǒ xɔ̌ acǐ yǐ lè alɔ̌mè nɛa se ƒǒ tà nɛ. ³¹Eyi wo kǒe mègbéa, wó ɖè awǔ ʋlàyà lè eŋǔcǐ wótrɔ̌ ɖo yǐŋtɔ̌ be awǔa nɛ eye wo kplɔɛ yinà kàkăgbe le acǐŋǔcǐ.³²Eyi wǒ ɖrǒ cǒ kpàme yina, wo ɖǒgǒ ŋǔcǔ ɖe yǐ wo yɔ̌na be Simon cǒ Sirena eye wó zĩ edji be cɔ̌ Yesu be acǐcógà. ³³Eyi wóvà ɖó Golitha tèƒe yǐ gɔ̌mè ne nyǐ be amètàkǒlǐƒea, ³⁴wó cɔ̌ vɛ̃ yǐ wó càkà kǔ vevea nɛ be bà nǔ, vɔa eyi be ɖɔ̌ɛ sèa me dji be yia nui o.³⁵Eyi wó kɛ̃ lè acǐcóga ŋǔcǐ vɔ̌ mègbea, wó djǐdje nǔ lè yibe awǔwo djǐ eye wo màwó lè wó nɔɛwo ɖǒmè. ³⁶Emègbea wǒ bɔ̌bɔ̌ nɔ̌ anyǐ lè enǔdjɔm. ³⁷Wo ŋlɔ̌ lè yǐbe tàmè lè àcǐcǒgà ŋǔcǐ be : "Yesu yuɖatɔ̌wó be Fiɔ" ne wóase ɖè nǔyǐ ŋǔcǐ wǒ cǒ kǔfiɔ̌ nɛ ɖǒa fiɔ̌.³⁸Wo kà fiàfi èvè lè acǐ ŋǔcǐ lè egbɔ̌, ɖèkà lè yibe mǐɔ̌ lɔ̌ mè eye èvègɔ̃à lè yibe nǔɖǔsǐ mè. ³⁹Amèyiwó zɔ̌ mɔ̌ tó gemà và lè yiyimà wó lè tà ʋǔʋǔm eye wó lè ezum ( edjum). ⁴⁰Lè gblɔ̌gblɔ̌m be : wó amèyi ne gblɔ̌ be yiagbă Mawu be gbèɖóxɔa eye yiatrɔ cǔǐ lè ŋǔkèkè etɔ̃ mèa ɖè ɖókǔǐwǒ. Ne Mawu be Vǐ lè nyia, ɖǐ lè àcǐcǒgàdjǐ.⁴¹Vɔ̌sàlàgàwǒ gàkǔ wǒmàŋlɔ̌tɔ̌wǒ, gàkǔ àmècǐcǐawǒ că lè ekɔm lè gbɔgblɔ̌m be : ⁴²"exɔ̌ ne amèwǒ vɔ̌a yǐŋǔtɔ̌ màtɛm xɔ̌ ne yǐɖókuǐ o. Ne Isreal be fiɔ be ne mia xɔ edji se.⁴³Exɔ Mawu dji se, fifia ne Mawu be vi be nyia, Mawu ne ɖee ɖoa egblɔ be : "Mawu be vi me nyi". ⁴⁴Eye fifia eve yi wo wo kă le egbɔa ɖometɔ ɖeka că le edjum nenemake.⁴⁵Co ŋuɖɔ ga woeve mea xixea me kpata ɖo viviti kaka va yi ɖo wotrɔ ga etɔ̃ me. ⁴⁶Le wotrɔ ga etɔ̃ mea, Yesu ɖo afa kun gbe sesẽ nuya be : " Mawu nye, Mawu nye nuka ŋuti le gblem ɖaɖi? ⁴⁷Eyike ameyiwo le gema ɖometɔɖewo sea wo gblɔ̃ be : "Ele Eliya yɔm".⁴⁸Wo ɖometɔ ɖeka ƒudu kpata va yi cɔ ci lɔnu, kɔ Wɛĩ vevee le eme se ku ati ŋǔti ɖoe ɖo ɖɛ be ba nu. ⁴⁹Ame mamlɛawo gblɔ be : " ɖe asi le eŋǔtǐ mǐa kpɔ be Eliya la, va ɖee mee. ⁵⁰Yesu gba ɖo afa ke ku gbe gă ɖe eye be miɔ nu.⁵¹Gbeɖoxɔ gă be xɔmecovɔa zẽ ɖe eve kpla co dji va yi gɔ̃me. Anyigbă ʋuʋũ eye agakpewo fe. ⁵²Yɔɖowo ʋu eye amekɔkɔɛwo fɔ̃ co ame kukuwo ɖome. ⁵³Wo ɖro co yɔɖowo me eye le Yesu be fɔfɔ̃ co amekukuwo ɖome megbea, wo ɖo ɖu kɔkɔɛa me ye wo djẽ ɖo ame sugbɔ.⁵⁴Eyi sɔdjawo be tatɔa ku sɔdja yiwo le Yesu ŋǔti djɔma kpɔ anyigbă ʋuʋu gaku nuyiwo ,ne djɔa, vɔvɔ̌ ɖo wo ye wo gblɔ be : " nyeateƒee, ŋǔtu ya Mawu be vi be nyi". ⁵⁵Nyɔnu yiwo co Galilea kplɔ Yesu be yiwo woa cɔ ɖɔ nɛa, wo le adjɔge le sɔdjawo kpɔm ( ɖo ɖa). ⁵⁶Maria Magbala tɔa, yakɔ bu ku Yosef wo be nɔ Maria gaku zebeɖeo be viwo be nɔ wo le nyɔnu yiwo kplɔ Yesu ɖoa ɖome.⁵⁷Le wotrɔ mea ŋǔtu gatɔ ɖe yi ŋǔkɔ̌ ne nyi Yosef co Arimatia, yi că nyi Yesu be nu srɔvi. ⁵⁸Eyr Pilato gbɔ eye be biɔɛ Yesu nbe ŋǔtilă. Eye Pilato ɖegbe be wo ne cɔɛ nɛ.⁵⁹Yosef xɔ ŋǔtǐlă kǔkǔa eye be cɔ avɔ (ɖo) hee tǐtǐ tró ɖoe. Eye be kɔkɔɛva yi ɖi le yiŋǔtɔ be yɔɖo yeye yi be ɖe le agakpe mea me. ⁶⁰Eye be bli kpe gă ɖe tu yɔɖoa nu ye be djo. ⁶¹Maria Magbala tɔa ku Maria evegɔa wo bɔbɔ nɔ anyi le gema kpaŋǔkɔ yɔɖoa tǔtǔtǔ.̌⁶²Le ŋǔkeke yi kplɔ djadjraɖoŋǔkekea ɖoa djǐa, nunɔlagăwo ku farisitɔwo bɔ le Pilato gbɔ. ⁶³Wo gblɔ be : bubutɔ, nǔ ɖo ŋuku edji be gayime amebletɔ ma le agbea, egblɔ co : le ŋukeke etɔ̃ megbea, me le fɔfɔ gbe co amekukuwo ɖome. ⁶⁴ɖegbe ne sɔdjawo be woa djɔ yɔɖoa ŋǔti kaka yi ŋukeke etɔa gbe ale be (ne) yibe nusrɔviviwo megba va fi ŋǔtilă kukua djo eye woa gblɔ ne ɖukɔa be : "efɔ co amekukuwo ɖome o. "Amebeble mamlɛ ma làgbà nyră wǔ gbătɔa.⁶⁵Pilate gblɔ ne wo be : " djɔlawo le mǐa sǐ mǐ yǐ mǐa djɔ eŋǔtǐ sigbe mǐ sea. ⁶⁶Wo yi tre yɔɖoa nu ku kpe eye wo le eŋǔti djɔm.

¹L e sabbat be ŋǔkèkèa megbe le ŋǔkèkè tǔtǔ gbă tɔa be fɔfɔmea, Maria Magɖala tɔa ku Maria evegɔa wo yǐ kpɔ yɔɖoa. ²Eye wo kpɔ be anyǐgbă ʋǔʋǔ ɖoa Mawu ɖɔla ɖe ɖi co djiƒo và bli kpea ɖà eye be bɔ̌bɔ̌ nɔ̌ anyǐ le edjǐ.³Yibe nɔnɔme le sigbe kekeli ene eye yǐbe awu hee tititi sigbe aklàlà ene. ⁴ɖjɔlawo vɔ̃ kàkà buɖo wo ɖokuwo.⁵Mawu ɖɔla gblɔ ne nyɔ̌nǔɔ̌ be : vɔvɔ megba ɖo mǐó ɖoa me nya be Yesu yi wo ƙă le aticoga ŋǔtia djǐm mǐ lè. ⁶Megba le fǐyɔ̌ vɔa efɔ co amekǔkǔwo ɖome sigbe le yi be gblɔɛ va yi ene. Mǐ và kpɔ teƒe yi be mlɔa ɖa. ⁷Mǐ va yi gblɔ ne yibe nusrɔviwo bena : Efɔ co amekukuwo ɖome eye edje ŋǔkɔ̌ ne mǐ le Galilea yim. Fima mi le ekpɔgbe le.⁸Eye nyɔnuɔ̌ djo le nyɔnuɔ̌ djo le yɔɖoa gbɔ̌ kpàtàpàtà. Vɔvɔ le wo ɖom vɔa wo le djidjɔ kpɔm.Wo ƒuɖu dja yi gblɔɛ ne nǔsrɔviɔ. ⁹Eye Yesu va ɖogo wo gblɔ no be : Me ɖo gbe ne mǐ, ye wo ɖɔ̃ va Yesu gbɔ bɔbɔ ta le yibe afɔ nu be yiwo woa le afɔ nɛ. ¹⁰Eye Yesu gblɔ nó be : vɔvɔ̃ megba ɖo mǐó; mǐ va yi gblɔ ne nɔvinyewo be wo ne va yi Galilea : fǐmà ye wo le kpɔmgbe le.¹¹Gayime wo dje mɔ le yiyima, djɔlawo ɖometɔ ɖewo ɖo ɖua me eye wo gblɔ nuyiwo kpàtà ne djɔa ne nunɔlagawo. ¹²Eyi nǔnɔlagăwo ku ametitiwo bɔ eye wo ɖe susu megbea, wo cɔ ga home gă ɖe ne sɔdjawo gblɔ be : ¹³Migblɔ Gayime mǐ le alɔ̃ ɖɔ̃ma, yibe nusrɔviwo dje ză va fǐ djó.¹⁴Eye ne ɖukplɔla sèa, mǐa fa dji nɛ eye mǐa ɖe mǐ le tóɖɔ̌ɖɔ̌ me. ¹⁵Sɔdjawo xɔ ga eye wo zɔ̃ le nua yi wo gblɔ nó wa dji. Eye nya ma gbã le yuɖatɔwo ɖome kaka va ɖo egbe.¹⁶Nusrɔvi woeɖekɛawo yi Galilea le to yi Yesu gblɔ no Wa djǐ. ¹⁷Gayime wo kpɔɛa, wo ɖe ta gu le ŋǔkɔ̌ nɛ. Vɔa wo ɖometɔ ɖewo le vɔvɔm.¹⁸Yesu ɖɔ̃ gogo wo gblɔ no be : Wo cɔ ŋusẽ kpata nem le djiƒo ku anyigbã djǐ. ¹⁹Mi yi, mi wɔ ɖukɔwo kpata woa nye nusrɔvi nye wo. Mi nyrɔ wo ɖe tǐ me le Tɔ̌tɔ̌, vi ku gbɔgbɔ kɔkɔɛ be ŋǔkɔ̌ me.²⁰Eye mǐ fiɔ̌ wó be woa wɔ le nu yiwo megbɔ ne mioa djǐ. Eye lè ku mǐ gbesiagbe kàkà yi xǐxea be nǔwǔwǔ.

¹Yesu gba tɔ nu fiɔfiɔ gɔme le aƒua to ke ye amegbogbo ɖewo ƒoxlɛ. Edjo yi tɔdji ʋua me nɔayĩ le ne amewo kpata le aƒuato. ²Efiɔ wo ŋu sugbɔ le lododome. Le yibe nufiɔfiɔ mea, egblɔ nɔwo bena.³Mise ɖa! agble nuku wulw ɖe yi nuku wugbe . ⁴Eyi, be le nukua wo wuma, ɖeo gedje mɔ to, ye yevio va fɔo mi. ⁵Ɖo cã gedje kpeyĩgbã dji fi ya ayigbã me sugbɔleo. Eyi ŋkua me yito ta, emiɔ kaba.⁶Eyi ŋdɔkucu ʋu ɖui kpɔa eyrɔ, ƒiɔ, yi be ke me yi to ta. ⁷Ɖeo cā gedje ŋdjame, eyi wo ci gbɔnɔa, ŋudjao vlu cɔ̃ wodji wo me teŋ ceku ɖekeo.⁸Ŋkua ɖeo wo gedje ayi gbã nyui dji. Wa woea wo miɔ, ci. Ceku. Ɖo ce blatɔ̃, ɖo ce blade, he ɖo cã ce alɔfãɖeka Ewu nuye. ⁹Ye egblɔ bena "ame yi to senu lea sia ne sè! ".¹⁰Eyi Yesu ɖeka kpɔtɔa, ame yio va, ku yibe nukpavio biɔ lododoa gɔme se. ¹¹Egblɔ nɔ bena" woɖe nuwlawla yio kule djiƒo fiɔ ɖuƒea ŋti ne Mawuvio, vɔ ame yio le xexea mea yã yao zu lododonɔ̃. ¹²Bena woa kpɔnu agba kpɔe ke vɔ ma dje sio woa seŋu agba séke vɔa wona segɔmo. Ne wo djesi alo wo segɔmea woa va trɔ djime ye woa cɔ woa be nuvɔ a keo.¹³"Yesu biɔwo se bena, mine se lo dodo ma go mo? Ke leke mia wɔ xafi ase lododo buwo gɔme? ¹⁴Ŋuku wula le Mawu yã wũ. ¹⁵Eyiwo ne ge dje mɔtoa wonyi yã yi wo wu ye ne ameo su kpɔa abosã va ɖenɛ le wome zi ɖeka.¹⁶Nanake nyi, eyio wo wu le kpe yigbã dji cã;wawoe nyi ame yio ne wo se yã, wo xɔnɛ zi ɖeka ku djidjɔ. ¹⁷Kake ke mele wo gɔ meo, ye wo nɔna ayi vi ɖe kpo, ne ƒu kpekpe alo ameyome cici va le yã ŋti kpɔa ezuna ŋɖiaɖia nɔwo ziɖeka.¹⁸Eya wo ne gedje ŋudja wo domea, wawoe nyi ameyio sena yã, ¹⁹Vɔa xixiame be nudrodrowo, ku gakpɔkpɔ be ame beblewo, gaku nudjro ame vovowo gena dje wo me vluna cɔ na yãdji, ye yã me ce na kuo. ²⁰Ŋuku yio wowu le ayígbã nyui djia woe nyi ameyiwo ne wo se yã wo xɔnɛ, ye woce naku, ɖéo teƒe blatɔ̃, ɖeo teƒe blade, ɖeo teƒe alɔfa ɖeka.²¹Yesu gblɔ nɔ be:ne wo tɔ akaɖi gbɛ̃a ɖe wo cɔnɛ ɖena nugɔne alo ɖe wo ɖe ne abati gɔmea? menyi akplɔdji wo da ne ɖo. ²²ŋɖeke me nɔna wlawlame ye nu ne ɖena le djie, ye nu wlawla ɖeke meli ye woma ʋa nyã. ²³Ameyisi tosenu lea nese.²⁴Egba gblɔ newo bena:mi kpɔ nyuiɖe le nuyiwo sé miles ŋti. Nudogbã yi le zã sedoe ne ame bua, yike zã gbe wole ne wocã ye woa cɔ alɔ akpeɖe eŋuti nɔ. ²⁵Be ame yi si nu lea, woa gba kɛ kɔdji, ye ame yi si ŋuɖeke mele woa, woa gba xɔ vi yike lesia ɖa lesi.²⁶Egba gblɔ bena:Mawu be fiɔ ɖuƒea le sibe ame ɖe yi ƒa nu le anyigbã. ²⁷Ele ŋɖɔ̃ zã ku ŋkeke o. Me nya na leke, ŋuku yi eƒa wɔna xafi miɔ na gba ci nɔ. ²⁸Ayigbã ŋtɔ nana bana nuwo miɔna: gbã amakpa drona, vegɔ̃a seƒoƒo, ye ati ku cécéa vana to seƒoƒoa nue. ²⁹Ne nukua ci kpoa, agbledela cɔna nuɖenuo yi na agblea ɖena nukuo bena wo ci vɔ.³⁰Egbɔ be :nuka mia ta cɔ Mawu fiɔɖuƒea sɔku? Elododo ka mka ta cɔ aɖegome? ³¹Mawu fiɔɖuƒea le sibe logoku ene ye nyi atikuwo kpatao be vĩ cã le anyigbadji . ³²Ne woƒɛ vɔa, etina, zuna ati yi blona wu atsi wo kpataa le abɔa me. Edjena alɔlɔɛ gāgã yiwo dbi xevio ayeŋ awɔ atɔ wo le .³³Yesu zã lododo sugbɔ se fiɔ Mawu be yã amewo, efiɔ wo leke woateŋ ase egɔme. ³⁴Elo o kpo edona le yi be yã ome. Vɔ ne yiku, yi be nusrɔviwo va le dua, eva ɖena lododowo gɔme nɔwo.³⁵Yesu gblɔ nɔ le ŋkeke ma pɛpɛdi le otrɔ me be:miyi ago maɖaa dji. Yi akloa sɔgbea, yesu yime ku yibe nusrɔviwo. ³⁶Wo djole amewo gbɔ tede aƒua domr. Aklo buwo cã kplɔ wo ɖo. ³⁷Eya gã aɖe dje ƒoƒo le aƒua dji, aƒu mlimli gã o le akloa cum le akloa me yi, le akloa ɖɔ̃.³⁸Yesu le akloa be gɔm le alɔ̃ dɔ̃, cɔ ta ziɔ suɖi. Wo fɔĩ le alɔ̃me agblɔ nɛ be: Aƒetɔ, mewɔ ŋɖeke nɔ be mí le kuku gbeo? ³⁹Yesu fɔ̃, siã le aya kɔ. Agblɔ ne aƒua bena:tɔta! ɖoto! Aya tɔta ye nuwo kpata ɖoto.⁴⁰Yesu gblɔ ne yibe nusrɔ̃viwo bena: ŋka ŋti mi le vɔ̃vɔ̃ nana? Xɔse me le mia sio? ⁴¹Vɔ̃vɔ̃ gã ɖe leo. Wo gblɔ ne wo nɔnɔɛwo bena:meka tɔ̃mgbi yeya aya ku aƒuwo kpata sena yibe gbe?

¹Wo va ɖo aƒua to le Gadoratɔwo be duame. ²Eyike dro le tɔdjiʋua mea, ŋtu ɖe yi me gbɔgbɔ makɔmakɔ lea dro co yɔdome va dogoe.³Yeodome ye ŋtu ma nɔna, ameɖekpe metɛŋ kpena djio eye gã kɔsokɔso cã meteŋ kpena edjio. ⁴Zigeɖea weɖe gakɔsokɔso ku gakpowo afɔnɛ vɔa econa wo eye ameɖekpe metɛŋ kpena edjio.⁵Ŋkeke ku zã, enɔna yɔdome gaku towodji. ⁶Edɔna aƒa sesê eye be cɔna kpeso ado abi yi ɖokoe ŋti. Eyike be kpɔ Yesu gbɔnɔa, eƒudu va yi djeko le akɔme nɛ.⁷Eye be do aƒa sesê be: nya kae le nye ku wo dome Yesu, Mawu djiƒo böotɔ be yi? Meɖe kuku ne wo le Mawu be nyikɔme be megba wɔ funyafunyam o. ⁸Yesu gblɔ̃ nɛ bena: wo gbɔgbɔ makɔmakɔ dro le ŋtu yã me .⁹Yesu biɔe bena leke wo yɔna wo ɖo? eɖo eŋti be ŋkɔ nye tɔ legio(gbɔgbɔvɔ̃wo be fofo) ɖoa mi sugbɔ). ¹⁰Eye be lekuku ɖem ne yesu be megba nya yiwo djo le duame o.¹¹Hãwo be hacoco ɖe le nu dum le toa dji le gema. ¹²Gbɔgbɔvɔwo ɖe kuku ne Yesu be ne ɖemɔ ne yiwo weaɖo hãwo ma wo me. ¹³Yesu ɖemɔ ne wo, wo dro le ŋtua me eye wo ɖo hãwo me. Hãwo be xexleme le akpe eve eye wo kpata wo ƒudu kliplikpli ɖo aƒua me eye wo nyrɔ ti eme.¹⁴Ameyiwo tɔ ne nyi hã woa, wo yi dua me va yi gbɔ̃ nuyi ne djɔa ne amewo eye amewo dro va be yewo woa kpɔɛ. ¹⁵Wo va Yesu gbɔ eye eyi wokpɔ ameyi me gbɔgbɔvɔ̃wo le cã be trɔ do awu le nɔnɔme nyuitɔa mea, ewɔ mo yea ne wo eye wo vɔ̃.¹⁶Ameyiwo ne kpɔ nuyi ne djɔa teƒea, wo gblɔ nuyi ne djɔ lé ŋtu yi me gbɔgbɔvɔwo lea ku hãwo djia ne wo. ¹⁷Eye Yesu wo ɖe kuku ne Yesu be ne djo le dua me.¹⁸Eyi Yesu ɖo yɔdjiʋua me le djodjogbea,ŋtu yi me gbɔgbɔvɔwo nɔ cã biɔe be ne ɖemɔ ne yia kplɔɛ ɖo. ¹⁹Vɔa Yesu me ɖemɔ be ne ba kplɔye ɖo o, boyua egbɔ nɛ be, "yi aƒeme na yi gblɔ̃ nuyi Mawu wɔ ne wo, aleyi Mawu nyo ne woa ne ƒometɔ wo ". ²⁰Eye ŋtua yi ɖica le dua be kɔƒe ewoawo me . Egblɔ nuyi Yesu wɔ nɛa ne ame wo eye be wɔ me yea ne wo kpata.²¹Gayime Yesu gogo ago evegɔ̃a, enɔte le tɔdjiʋua me eye ameha gã ɖe trɔ ɖoe. ²²Ƒufofea be tatɔwo dometɔ ɖeka yiwo yɔna be yaroa ekpɔ Yesu eye be va dje klo le yibe afɔnu. ²³Eye be ɖekuku ne Yesu vevee be :vi nye nyɔnuvk dje dɔ kaka dja ku. Me ɖe kuku va aƒenye me ne na da asi ɖe dji, yɔdɔe na ba nɔ agbe. ²⁴Eye Yesu kplɔɛɖo yi . Ameha gã ɖe kplɔ wo ɖo eye wo le Yesu mimim.²⁵Nyɔnu ɖe yi ŋti ʋu kɔna le eye be kpe fuƒe woeve le ɖɔlele ma mea le wo dome. ²⁶Eɖica yo ɖɔdala gbogboɖe dji, ezã yibe ga wo kpata vɔa me kpɔ dɔyɔyɔ o. Ɖekpo yibe nɔnɔmea le nyanyram ɖe edji. ²⁷Ese Yesu ŋkɔ eye be zɔ to yibe ŋgbedome va tɔ asi yebe awu le ameha dome.²⁸Ɖoa egbɔ be: ne me tɔ asi yibe awu kpɔa me le ɖɔyɔyɔ kpɔgbe. ²⁹Gayime be tɔ asi Yesu a, Ʋu yi kɔna le eŋutia nɔte ziɖeka eye be nya le yibe ŋtilã ɖokui ne be yi kpɔ ɖɔyɔyɔ.³⁰Yesu nya ziɖeka be ŋse ɖe dro le yi me eye be trɔ ɖe ameha ŋti biɔ wo be:amekae tɔ asim? ³¹Yibe nusrɔ̃viwo gblɔ nɛ be: le ameha gã ya dome gbale gbɔgbɔm be amekae tɔ asi yi be awua? ³²Eye Yesu ca mo be yia kpɔ nyɔnu yi ne tɔ yi asia.³³Nyɔnua nya nu yi ne djɔa, vɔvɔ̃ ɖoe eye be va dje klole Yesu be akɔme le anyigbã eye be to nyateƒea kpata nɛ. ³⁴Yesu gblɔ nɛ be:vi nye xɔse woa ɖe wo djo yi le ŋtifafa me eye xɔ dɔyɔyɔ.³⁵Gayime be le nuƒoƒom nɛa amewo co ƒuƒoƒea be ta tɔ be aƒeme va gblɔ nɛ be: vi wo nyɔnuvia ku. Nuka be nuƒodom le le ne nufiɔla?³⁶Vɔa eyike Yesu se nuyi wo le gblɔgblɔ ma, egblɔ ne ƒuƒoƒea be ta tɔa be:vɔvɔ̃ megba ɖowo. Xɔ se kpo. ³⁷Meɖe mɔ ne ameɖekpe be ba kplɔɛ ɖo to vo na petro, yakɔbu ku yakɔbu be nɔvi Jã. ³⁸Wo va ƒuƒoƒea be tatɔa be aƒeme eye Yesu kpɔ ame sugbɔ le konyifam, le avifam.³⁹Eyike Yesu ɖo aƒea mea, egblɔ ne wo be nuka ŋti mile aƒa dom le avifam ɖo nyɔnuvia me ku o vɔa alɔ̃ be dɔ̃. ⁴⁰Wo koe vɔa eɖe wo kpata dro. Ekplɔ nyɔnuvia be tɔtɔ ku nɔa gaku ame yiwo kplɔɛ ɖoa ehe wo ɖo xɔ yi me nyɔnuvia lea.⁴¹Ele alɔ ne nyɔnuvia gblɔ nɛ be" Talithakumi" nuyi gɔme nyi be " Tugbedjɛvi, me le egblɔm ne wo , fɔ̃". ⁴²Tugbedjɛvia fɔ̃ ziɖeka ye be tɔ azɔ̃lizɔzɔ ɖoa ƒe woeve ye esi eyi be wɔ moya ne amewo. ⁴³Egblɔ ne wo be wo ne na na nuɖuɖu tugbedjɛa ba ɖu ehe be do se ne wo be ao ŋgba gblɔe ne ameɖekpe o.

¹Farisitɔwo ku woma fiɔ̃tɔ ɖewo yiwo co Yerusalem va, wo va bɔle Yesu gbɔ.²Wokpɔ be nusrɔvia ɖewo le nj ɖu asi ƒoɖi, ke gɔmé nyui asi maklɔ maklɔ. ³Vɔa Farisitɔwo gaku Yudatɔwo kpata ne wo me klɔasi nyuiɖe woa wo me ɖu na nuo. Nana yé wo nɔna ŋku le kuɖe wo tɔgbéo be kɔniwo ŋtie ma. ⁴Ne wo gbɔ co agbonua. Wo me ɖu na ne wo me kpɔ Lecio nu sugbɔ gba li nyide kɔnu yi ŋti wole na ŋku le veveɖea sigbe, Kɔkpowo, gazewo, gaku nuɖu ƒe zekpewo klɔklɔwo ene.⁵Farisitɔwo gaku woma fiɔtɔwo biɔ̃ Yesu se be:Ũka ŋti nusrɔviwo me nɔnagbe sigbe ɖeke amecicio bekɔnuwele nua? Ɖɔa wo ɖunanu asi maklɔmaklɔɛ?⁶Eɖo eŋti be: Ezaya gblɔ yã ɖi kuɖe mia ba yeménu wɔwɔ ŋti le nɔnɔ̃ me yawome be:ameyawo le kafuŋm co wo be nuyiwo, vua wo be djio la djɔge le gbɔnye. ⁷Gbɔgbɔlue wo le subɔŋ, ye wo le ame be se dodowó dji zɔ.⁸Mí gble Mawu be sewo daɖi djo kule amegbetɔwo be nu dekɔnuwo ŋti. ⁹Egblɔ be:"Mi ɖasi Mawu be sewo daɖi be mia nyi miɔtɔ̃ mía be kɔwo"! ¹⁰Ela bena Mose gblɔ be:" bu tɔtɔ ku nɔwo"yé ameyi gblɔ yã baɖa co tɔtɔa alo enɔa ŋtia ku kea ku".¹¹Vɔa míɔ, mi gblɔ bena"ne ame ɖe gblɔ ne tɔtɔa alo enɔa be :nuyi na kpɔa co gbɔ nyea ne nyi vɔsanu na Mawu. ¹²Mi gba nana moɛ be ba wɔ nuɖe kpe ne nɔa alo tɔtɔa kruao. ¹³Mi cɔ miabe kɔnu yiwo mi ɖo ayi cɔ ɖe Mawu be sewo ɖa. Ye mi wɔ nanu gbogboɖewo nana.¹⁴Etrɔ yɔ dukɔa, ye gblɔ be : mi ɖotoŋ mìɔ̃ kpata ye mia se gɔme. ¹⁵Nuyiwo kpata ne co gota geɖe ame mea ma teŋ ƒoɖio, negbe nuyi co amea me. ¹⁶Enuyi ne co ame mea ye ƒo naɖi amea.¹⁷Ke Yesu be nusrɔviwo le lododoa gɔme biɔ se yi Yesu dro le ame hawo dome yina aƒe ɖe me. ¹⁸Yesu gblɔnɔ be:"Mi ̀kpɔ se nuyawo gɔmea? Mime kpɔɛ be nusianu yi ne co gota geɖe ame mea ma ƒo ɖio wa, ¹⁹Ɖɔa nua me yina yi be djimeo boŋ, yi be dɔme, cɔ ye ayi aƒɔ dji le yã me ʋuʋu ya mea Yesu kɔ nuɖuɖuwo kpata ŋti.²⁰Egblɔ nɔ be:"nuyi ne dro co amemmea ye ƒona ɖi ame. ²¹Ɖɔa co ame be djime nu vɔɖi susuwo drona cona, gbɔdɔdɔ manyo manyowo, fififi ame wuwu, ²²Ahasi wɔwɔ, nydrodro, akpãnye wɔwɔ nuficifici aziã djedje. ²³Nugbegble yawo kpata drona co ame be djime ye nuya woe ƒonaɖi amea".²⁴Co gama edjoyi Tiro gaku Zidɔ nu towo me . Eyi aƒea ɖe me yé me dji be ame ɖekpe ne nya fiyi yile, vua mateŋ beo. ²⁵Ziɖeka nyɔnu yi gbɔgbɔ vɔwo le via nyɔnuvi mea se Yesu be vava, va djeklo le yi ba ƒɔnu . ²⁶Nyɔnua Helatɔwoe co siro-fonika be kɔta. Eɖe kukunɛ be ba yã gbɔgbɔvɔ dro le yi be vinyɔnuvia me.²⁷Egblɔ ne nyɔnua be:mitaci ɖeviwo ci ne wa ɖunu keŋgbɔ, ɖoa me nyo be woa cɔ ɖeviwo be nuɖuɖuwo acɔ na avuviwo. ²⁸Vɔa nyɔnua ɖoeŋti nɛ be:"ɛ́ɛ aƒetɔ, ŋtɔ cã, avuviyiwo nɔna akplɔ gɔmea ɖuna nukui yio hléna ne ɖeviwo le nuɖuma.²⁹Egblɔ ne nyɔnu be "eyi ne gblɔ nenea ta djo yi le ŋtifafa me, viwo nyɔnuvia kpɔ kacucu gbɔgbɔvɔa dro le me. ³⁰Edjoyi kpɔvia mlɔayi la ba dji ye gbɔgbɔvɔa dro le me.³¹Edjo le Tiro-nutoame, trɔ va to Zidɔ ɖota Galilea ƒuta aco Dekapolio djua me. ³²Ye wo kplɔ amea ɖe yi me ƒonanuƒo ye me senanuo ca yanɛ, ɖekukunɛ be ba da asi edji.³³Ekplɔ̃ yi adjɔ gé le ameyawo ŋti ɖɔa lɔviwo tomenɛ ye tuta kɔa ɖedji nɛ. ³⁴Eku mo kpɔ dji, co hu gblɔ be:"Efata", yi gɔme nyi ʋu! ³⁵Yesu ʋu towonɛ cuka aɖenɛ bene ƒo nuƒo nyuiɖe.³⁶Edo se nɔwo be wo gba toe ne ame ɖekpewo, vɔa cɔ wu ɖeke wo do se nɔ̃ bewo gba gblɔɛ woa wo kakɛ wu. ³⁷Ewɔ moya nɔ kpata ŋtɔ ye wo gblɔ be:Ewɔ nuyi sugbɔ ŋtɔ. Ena be tokunɔwo ŋtɔcã le nu seŋ ye ame maƒonuƒo wole nuƒoƒoŋ.

¹Yesu djo le gema, ye be djo yi Yudea ba nyigbã dji le yɔdã godo. Ameha gba va yi gbɔ ke, eye leke be gbe nɔnanu fiɔ̃ma, e gba dje nu fiɔ̃fiɔ̃ɛ. ²Farisitɔwo cɔ gogoe, eye ne woacɔ teekpɔa,wo wɔ biɔɛ se be mɔ ɖeɖe li be srɔ̃ ŋtu ne gbe srɔ̃a nyɔ̃nua? ³Eye be gblɔ̃ newo be: nya ka Mose ŋlɔ̃ na mi? ⁴O ɖoeŋti ne be Mose gblɔ̃ ne mí be ŋtu ne ŋlɔ̃ srɔ̃gbegbe woma ne srɔ̃a cafe ba yɛ.⁵Yesu ɖɔeŋti newo be miabe djime sese ŋti Mose ŋlɔ̃ ese ma ne miɖo. ⁶Vɔa ŋtu ɖeka, nyɔnu ɖeka Mawu wɔ co gɔ̃me djedjea.⁷Nu ma ŋti ŋtu la djole tɔtɔa gaku nɔa gbɔ ye wɔale ɖe srɔ̃a nyɔ̃nu ŋti. ⁸Eye woma vea wɔa zu ŋtilã ɖeka, eye wo magba nyi ame wume ve o. ⁹Yi ŋtia me ɖekpe ŋgba ma nu yi Mawu ca o.¹⁰Yi o gbɔva ƒemea, nusrɔ̃viwo gbale nya biɔɛ kuɖe srɔ̃ be nyã ŋti. ¹¹Yi be gblɔ̃ nɔwo be:ame ɖekpekpe yi gbe srɔa nyɔnu ɖe ŋtu bua, e wɔ ahasi, ¹²Eye nyɔnu cã wɔ ahasi, negbe srɔ̃a ŋtu ye beyi ɖe ŋtu bua.¹³Amewo le viviwo kplɔ̃ŋ va Yesu gbɔ be bagbe kasi woŋti kpo, vɔa nusrɔ̃viwo le wo yãŋ, ¹⁴Yesu do dɔmedjui ke be nyá, ye be gblɔ̃ nɔwo be: mì ɖemɔ ne ɖeviwo neva gbɔ nye eye miŋgba xemɔ nowoo, ɖo ame yiwo nele wɔaɖima, wotɔ ye nyi djiƒo fiɔɖuƒea.¹⁵Mele nya teƒe gblɔ̃ ne mì be ame yi me wɔ yiɖokui ɖevi be yaxɔ Mawu fiɔɖuƒe woa, mele eme yigbeo. ¹⁶Emegbea, efã ɖeviwo le yiba abɔwome eye be dasi ɖe wodji eye wo be yrawo.¹⁷Yi Yesu zɔ̃ mɔa djo le yiyima, ŋtu ɖe ƒudju va djeklo le ŋkɔ ne yi be biɔɛ be:nufiɔ̃ la nyui, nuka meɖo la wɔ ne ma nyuĩ dome ne Mawufiɔɖuƒea? ¹⁸Eye Yesu ɖoeŋti ne be: Nuka ŋti lele nye yɔŋbe nyui? Ame ɖekpe me nyɔ̃ o, Mawu ɖeka kpoe nyinyui. ¹⁹Le nyã sededeawo, ŋgba wɔ ahasi o, ŋgba wu ame o, ŋgba fifĩ o, ŋgba kpa nya co ame ŋtio, ŋgba wɔvɔ̃ ɖe ame ŋti o, eye bu tɔtɔwò gbaku nɔwo.²⁰Ŋtua ɖoeŋti ne Yesu be:Nufiɔ la co kaka ɖekadjiɛ nye me ye mewɔ nuyiwo gblɔ̃ŋ lele ma nem le. Yi gblɔ̃ nenea, ²¹Yesu kpɔe yi be lɔ̃ yibe nya gbɔ ye be gblɔ̃ ne be:Nuɖeka kpɔtɔ newo. Le ɖo layi sa kesinɔnuwo kekeŋ, acɔ gã ne ame dahewo keŋgbɔ kesinɔnu la su asio le djiƒo. Emegbe vá ye na kplɔŋɖo. ²²Ke be se nya ma yi Yesu gblɔ̃ egbɔdjɔ le eɖokuime, ye be le blanyui trɔ djo le yiyĩ, dɔa ŋtia, kesinɔnu sugbɔ le esi.²³Yesu trɔ kpɔ ameyiwo ƒoxlã ɖoe ye be gblɔ̃ ne yi be nusrɔ̃viwo be: la seŋũ ne kesinɔtɔwo ne woa yi Mawu fiɔɖuƒea me. ²⁴ewɔ moyaa ne nusrɔviwo yi Yesu gblɔ nya ma. Yi be gba trɔ gblɔ̃ɛ ke be:La seŋũ ne nameyiwo leɖo woabe kesinɔ nuwo ŋti ne woa yi Mawu fiɔɖuƒea me. ²⁵Ela bɔbɔne kposɔwo ba tó abui be dome sɔwu ne kesinɔtɔwo ne yi Mawu fiɔɖuƒeame.²⁶Nusrɔ̃viwo be moga wɔyaa wu cã gbɔgbɔ̃ŋ le wonɔnɔɛdome be:fifia me ka wo ladjo yi Mawu fiɔɖuƒeame? ²⁷Eye Yesu trɔ kpɔwo yi be gblɔ̃ nɔwo be ema asede namegbetɔwo vɔ me seŋũ ne Mawu o. ²⁸Ye Petro yi edji le gbɔgbɔŋ ne be:mí gbenuwo kekeŋ daɖeƒi ye mí kplɔ woɖo.²⁹Yeau be:melegblɔ̃ ne mi, le nyãteƒeme be:meɖekpe meli yi lakuɖe ŋtinye alo nyã nyuia ŋti, agblɛ̃, yi be aƒe, alo tɔtɔa, alo enɔa, ale nɔvia ŋtuviwo alo nyɔnuviwo alo yiŋtɔ be viao, alo yibe anyigba. ³⁰Eye ma trɔakpɔ aƒewo, vitɔtɔwo, vinɔwo, nɔvi ŋtuviwo, nɔvi yɔ̃nuviwo, anyigbawo ɖevio gaku yomeciciwo zi kave takpo le egbeme gaku xixe yi gbɔnɔ̃a me o a. ³¹Vɔa ame sugbɔ̃ le ame gbãtɔwome, woava nyĩ ame mamlɔɛwo, eye amesugbɔ̃ le ame mamlɔɛwome woa va nyĩ ame gbãtɔwo.³²Yesu dje ŋkɔ newo le mɔdji, wo le Yerusalɛm yim. Nusrɔviwo caka le oɖokuiwome eye wo kplɔ Yesu de gaku vɔvɔ̃. Yesu trɔ yɔ nusrɔvi wuiveawo va yiɖokui gbɔ ye be tɔ̃ nuyiwo djava djɔɖe yi ŋtɔ djia gbɔgblɔ̃ newo. ³³Kpɔɖa, Yerusalem eya yim mile ye wo cɔ amegbetɔ be via de asi vɔsalagãwo gaku womafiɔlawo eye woa co kufiɔne eye woacɔɛ a deasine trɔ̃subɔlawo. ³⁴Eye woanɔ eŋti ɖaŋ, atu ta ɖe mo ne, woa foe ku gati, eye woa wui, eye ŋkeke tɔ̃ megbea, la trɔfɔ̃ co yɔdome.³⁵Zebede be vi ŋtu viwo, Yakɔbu gaku Jã wo tegogo Yesu ye o gblɔ̃ be:nu fiɔtɔ, midji be nawo nuyi mia biɔ ne mi. ³⁶Egblɔ̃ newo be: nuka mí dji be mawɔ ne mì? ³⁷Wo ɖoeŋti ne be:ɖemɔ ne mí be gayime lanɔ ŋtikɔkɔ kpekpe woa mea, mía dometɔ ɖeka la nɔnyi le nuɖusilɔwo me ye ame vegɔ̃a la nɔnyi le miɔme no.³⁸Yesu ɖoeŋti newo be:mí me nya nuyi biɔ mí le o. Mía teŋ nɔ kplu nugbe me lea. Eye mìa teŋ xɔ nyɔnyrɔ yi o dja nyrɔ ma? Wo gblɔ̃ne be:mìa teŋ wui. ³⁹Eye Yesu ɖoeŋti gblɔ̃ newo be: mía teŋ awui kplu yi nugbe melea, eye mia teŋ axɔ nyɔnyrɔ̃ yi xɔgbe me lea, ⁴⁰Vɔ nuyi kã anyi nɔnɔ le ŋɖusilɔ alo emiɔlɔ nye me ya, eya maco gbɔnye eye ameyiwo wodrɛɖo ɖina kpo o le ecɔ gbena.⁴¹Ke nusrɔ̃vi ewo kpɔtɔɛawo wo se nya má, wo tɔ djikudodo keɖe Yakubu gaku Jã ŋti. ⁴²Yesu yɔ wo va yiɖokui gbɔ ye be gblɔ̃ newo be: Minya be ameyiwo wo kpɔna sigbe djukɔ̃wo be fiɔwo gaku amegãwoa wo tena ame ɖeto eye wo fiɔ̃na fu amewo.⁴³Vɔ ŋgba nyĩ nenea le mía dome o. Amesiame yi dji lanyĩ amegã le mía dome ne nyĩ miabe subɔvi. ⁴⁴Eye amesiame yi dji lanyĩ ame ɖiagbɔ̃a ne cɔ yiɖokui wo kluvi ne ame ɖekpekpe. ⁴⁵Ɖɔa amegbetɔ be vila me va woa subɔ yio, vɔ yasubɔ ame eye ya cɔ yi be agbe na sigbe efexexe ɖe ame sugbɔ ta.⁴⁶O va Yeriko. Eye, ke be djo le Yeriko gaku yibe nusrɔ̃viwo ku amehagã, nubiɔtɔ ŋku gbãgbãno Bartime nyi Time be vi nɔanyi le mɔatome. ⁴⁷Yi be se be Yesu Nazareth tɔa le mɔ yi di be nɔanyi lea, etɔ aƒa dodo le gbɔgblɔ̃ŋ be: Yesu David be vi kpɔ nublanyi neŋ! ⁴⁸Ame sugbɔwon le egbeŋ ne ziɖoɖoe vɔ e gba trɔ le aƒa doŋ seseɖe, David be vi, kpɔ nublanyui neŋ!⁴⁹Yesu nɔte, ye be gblɔ̃ be :Mí yɔɛ! wo yɔ ŋkugbãgbãtɔa ye wo gblɔ̃ ne be:do vevi nu, co e le yɔ̃m. ⁵⁰Ecɔ yibe awua dãŋgbe, yi be co ziɖeka be ɖota Yesu gbɔ.⁵¹Yesu xɔ nya yi be gblɔ nɛ be:nuka ledji be mawu ne yi? Ŋkugbagbatɔa gblɔ̃ nɛ be: Rabi : me dji be ma kpɔnu. ⁵²Eye Yesu gblɔ̃ nɛ be: djo yi, xɔsewò ɖewò. Ziɖeka, etɔ nu kpɔkpɔ ye be kplɔ Yesu ɖo le mɔadji.

¹Maria Magdalatɔ ; Maria Jacobo ku Salomé nɔ wo ƒle atike ʋeʋe lili le klĩgbe ŋgbedome be yewa va yi síne Yesu be ŋtsilã kukua. ²Enyi ŋkek gbãtɔ le kosiɖame be fɔ̃fɔ̃me ye woyi yɔdoa gbɔ³Wo le gbɔgblɔ̃ be : "Meka ye la ɖe kpeya le yɔdoanu nemi ? ⁴Eye wo kɔkɔta yidìa, wo kpɔ be, ame ɖe ɖè kpe gã maɖa le yɔdoanu⁵Wo yi yɔdoame eye wo kpɔ ŋtsuviɖe yi do awuye ʋlaya nɔ anyĩ le ɖusíme, wo vɔ̃ ŋtɔ. ⁶Egblɔ ne wo be : mí ŋgba vɔ̃. Yesu Nazarɛto tɔa yi wo kã le atsi coga ŋtsi djĩ mile. Efɔ̃ tso amekukuo dome ! Me le fiyao. Mikpɔ fiya wodɛɖò tsã ɖa ? ⁷Vɔa mi yi gblɔ̃ ne yibe nusrɔ̃viwo ku Petro wo bbe edo ŋkɔ yi Galilea. gama mia kpɔɛle sigbe leke egblɔɛ ne mi ene.⁸Wo ƒudu drule yɔdoame. Ewɔ moya newo eye ƒoƒoŋ kpakpakpa. Wole vɔ̃vɔ̃ ŋtɔ ta wo me teŋ gblɔ nyã ne ameɖeke o.⁹Kɔsiɖa be ŋkeke gbãtɔa be fɔ̃fɔ̃ me le yibe le yibe fɔ̃fɔ̃ le ame kukuwo dome megbea gbã, eɖe eɖokuí fiɔ Maria ameyi me ényã gbɔgbɔvɔ̃ amãdre le. ¹⁰Eva yi gblɔ̃ nyawo kpataa ne woku ame yiwo ne ledu le nu xã, le avifama. ¹¹Wo se be ele agbe, eye nyɔ̃nu ya kpɔɛ vɔa wo me xɔɛsewo.¹²Le nuyawo megbedomea, egba ɖe eɖokui fiɔ ame ve buwo le nɔnɔme bume eyi wole zɔ̃zɔ̃ le dodroŋ le duame. ¹³Wodjoyi gblɔɛ ne nusrɔ̃vio, kpɔtɔɛwo vɔa wome xɔ wodjiseo¹⁴Le gabuméa, Yesu ɖe eɖokui fiɔ nusrɔ̃vi wiɖekɛawo gayime wole kplɔ̃ ŋtia. Esiã le wokɔ le wabe djimaxɔse ku djime sesea ta be wo me xɔ ameyi wo ne kpɔɛ le yibe fɔ̃fɔ̃ le ameku'ukuwo dome ŋgbedomea dji seo. ¹⁵Egblɔ̃ newo be : "mi yi xixea kpata me, ne miaɖe gbefã nyanyuia ne amewo kpata. ¹⁶Ameyi xɔɛse ye wonyrɔ̃ɛ le cimea la kpɔɖeɖe, vɔa ameyi me xɔese wɔa la tsrɔ̃¹⁷Nuyiwo na ɖe ameyiwo ne xɔdjinyesea woeya : woa nyã gbɔ̃gbɔ̃vɔ̃wo le ŋkɔnye me. Woado egbe yeye wo. ¹⁸Woa cɔ wobe alɔwo ale dawo eye ne wo no nuwuame cã mawɔ ŋɖeke newo. Woa cɔ wobe alɔ adaɖe dɔlelawo dji ye woa be dɔ lavɔ.¹⁹Eyi aƒetɔ ƒo nuƒo newo vɔ kpɔa, wo kɔkɔɛ yi djiƒo eye enɔ anyi le Mawu be ŋdusime. ²⁰Nusrɔ̃viawo djoyi eye wo gblɔ Mawu nyã le afisiafi, Mawu wɔdɔ kuwo ye ecɔ nukunuwo le kpeɖoŋ yi be nyadji.

¹Amégbogbo dewo kɔ wohuiwo dadi be ye wa ŋlɔ nudjiɔdjɔ ŋioke ne va mele ²miadɔme,le nuyike ameyioke le gɔme djédjéa me kɔ dasi na mia nu, ameyiɔke ne nyi dasedila miteƒe kpɔlɔɔ ³eya ŋtsi, ŋtsa me kpɔɛ be enyo be mia kunule ko gɔme djédjéame enye ma ŋlɔmu naɔ, nuŋlɔŋlɔ yakaka le do do nyuianu ewo théophile ametɔhɔe. ⁴Me dji be na da kakam dedji na nusrõsrõ yakaka le hɔa⁵Gayi me hérode dufio le yudea, nunɔla de li yi woyna be zakaria, eko abia be nunɔla be hɔcocoa me. Esrɔa nyi aarõ me djidjimevi, yi me ŋkɔe nyi Elizabeci. ⁶wa kuvea kekem nyi amedjɔ djɔe le Mawu be séawo ku aƒetsa me gbedasiwodji. ⁷vɔa evi me le wo sio, ƒoãcia Elizabeth beti nyi konɔ, eyi voa amiavea wo hɔ ƒe sugbɔ.⁸Gbedeka zakaria nɔna nunsla dowɔn le Mawu be ŋkume, ŋime hacocoa megame enyi be ne wi wɔ wɔsa, ⁹le wɔsa sa, we dodowonea, yi dji cacã djé be wawɔ vɔsaa le aƒetɔa me vɔsaféa me tsitsi na. ¹⁰Djukɔa keke ƒufu legbedododa dji legbédo hɔagodo le lifi me vɔsasa me gaméa dji¹¹Mawu be dɔla djédoè, eye enɔte de lifi vɔsa mlekpuia be midusime. ¹²Zakaria caka eué evõ, eyimé be kpɔ Mawudɔla. ¹³gake Mawu dɔla gblɔna be na ŋgbavo wo zakari, wodo wogbe dode da ŋtsi nɔ. Esrõ wo Elisabeti a dji nutuvi nɔ eye la do ŋko ne be jean.¹⁴eye la nyi djidjɔ donu nɔ eye amesugbɔ la kpɔ djidjɔ le yimé djidji ŋtsi. ¹⁵Voatsi la nyi ga le mawu be nukume, ma nɔ win, alɔ aha sese dekeo. Gbɔgbɔ kɔkɔe la yɔe fum tso kaka nsa me dome ke.¹⁶La kplɔ Esrael vi djidji gédéo va wo me mawua gbɔ. ¹⁷la zɔ le mawu me n'kume kaku eliya me gbɔgbɔ kaku yime nuse, ne wa kplɔ elɔ wo me dji va wome viwo glɔ eye woa klo ame dje aglă wo ne woa zõ le amedjɔ wo me nu nya nu ne woa tri duko ya wo dzra do di ne aƒetɔa.¹⁸Zakaria zglɔna mawu dɔla la be na. le ke ma hɔ nya ya djisée do? dɔã tsa me tsi vɔ eyi srɔ nye tsã tsi nɔ. ¹⁹Mawu dɔ la doyli ne be: enye nyi Gabriel, ameyike ne nɔ na mawu nuku me. wo dɔm doda be ma fonu ku wo eye ma de gbefan nya nywé ya na wo. ²⁰Azɔ azu mumue eye ma gba fonufu va do gbeyigbe nya ya la va me dɔă tsia me hɔ nya nya yiwo le emevagbe le wo me gamea dji seo.²¹Djukɔ la tɔte kpɔ Zakari eye wo wo moya na wo be enɔ gbedohɔame djidjiɖe. ²²Eyi me ke wo dogoa, nufu me gba le fofo nèo, eyi wo se gome be ekpenu le gbedohɔame. Etsɔ alɔwo djesi na wo eye ekpɔtɔ no mufu mafue. ²³Yi ke yi me dadasia wu nu vɔa etrɔ yi yi me nɔƒe.²⁴Eyi yi ɖeo me gbea esrɔa Elisabeti fɔfu. Wlutri amatɔn bliboa ewla eɖoku eye egblɔ bena ²⁵mikpɔ nu yi aƒetɔa wɔnam ɖa; etrɔ ɖe ŋtinyé be yea nɔte nu yi ne nyi nkpe na yi le amegbetɔwo me nu ku me.²⁶Le yi me fua me wlotri aden hɔhɔmea, Mawu do yime dola Gabriel ɖo ɖe Galilia duaɖe me yi ke wo yo na be Nazareth. ²⁷Doɖa netugbu la ƒe yi ne nye Yoseph yi ke tso David ƒe ƒomea me nugbetɔsrɔ nyɔnuvia n'kɔe nye Maria. ²⁸Mawu dɔla va egbɔ gblɔ ne be: wo yrao, wo ameyike nu ove, Aƒetɔ la li kuwo. ²⁹Le enya yao n'tia yi me mo wɔ ya eyi le biobio be ŋka me gbedoname nyi ya.³⁰Mawu dɔla gblɔ nè be: "me gba vɔ wo Maria, elabe le kpɔa amenuveve le Mawu be nuku me. ³¹Kpɔɖa le le fu fɔ gbe eye la dji nutuvi eye wɔ yɔè be Yesu. ³²Ela nyi amegã eye uɔa yɔè be dji fo wuin tɔ la me vi. Ke Aƒetɔ Mawu la tsɔ etɔa David me fia zekpi nè. ³³Elaɖufia le Jacob afedji tègbèe eye yi me fia ɖu ɖu nu ma tsoo.³⁴Maria gblɔna Mawudɔla be leke eya lava eme eyi me nye me djesi ŋtsuo mayin? ³⁵Mawudɔla gblɔnɛ bena: "gbɔgbɔ kɔkɔe le djio va gbe eye djipo vui tɔ la me ŋsẽ me vɔvɔli le djia va gbe. Eya ŋtsi ɖevidjea la kɔkɔe, wo ŋsẽ be Mawu me vi.³⁶Kpɔɖa, ƒowometɔ Elizabethy cã fɔfu le yime lilime, yi ameyi wɔyɔ be kɔnɔ eye ele yi me wotri adea me, ³⁷elabe ŋɖekpé me sese ne mawuwo. ³⁸Maria gblɔnè be: "Aƒetɔa me dɔla me nyi. Nuyiwo kpata le gbɔa ne va eme nam!" eye Mawudɔla djole gbɔ.³⁹Le gaƒoƒo ma méa, Maria yi ɖe éto me duaɖe yi ke le Yuda me duame. ⁴⁰Egedje Zakaria ma ƒe me eye wo do gbe ne Elizabethy. ⁴¹Eyi Elisabethy se Maria me gbedo namea, devi võle yime ƒodo me. Gbɔgbɔ kɔkɔe yɔ Elizabethy fum.⁴²Edo wlu sesié gblɔbe: "wo yrao le nyɔnuwo dome eye woyra ɖevi yi ke le fowo. ⁴³Aleke o yram ɖobe Aƒetɔa me nɔ va djim kpɔ? ⁴⁴Zi ale yike wo gbedodoa ɖi le to me nam kpɔa, ɖevia tsikpo le ƒodo me nem. ⁴⁵Woyra nyɔnu yi ke ne ƒɔe se ɖaãtsi nya yawo ke Aƒetɔa gblɔnè la le eme va gbe.⁴⁶Maria gblɔ be nye lufɔ le Aƒetɔ la kafum, ⁴⁷eye nye gbɔgbɔ le djidjɔ kpɔm le Mawu nye ɖela me.⁴⁸Elabe ekpɔ nubla nyuie na yime ɖɔla sɔe to kekeake. Fifia zɔã djidji me o katã la yɔm be ya yratɔ. ⁴⁹Elabe nuseo katan tɔa wɔ nu gã wo nem kɔkɔe ye nye ye ƒe nu kɔ.⁵⁰Yi mado me nyo sogbɔ tso djidji me va yi ɖe djidjime ne ame yioke vɔnè. ⁵¹Yi ƒe asi sèsè ka daɖa lawo ylem.⁵²Eɖiɖi nusen tɔwo le wo ƒe fia zidji. Eye wo do ame gblɔewo ɖe dji. ⁵³Ena dowu nɔwo ɖiƒo kple nu nyui wo eye tsitsɔwo la enya wo assigbalo.⁵⁴Exɔna Israël ye ƒe subɔla, eye eɖonku yi me dometɔtrɔ ŋtsi na mia tɔwo. ⁵⁵Sigbe ale yi ke wo do nu Abraham ku yi djidjime viwo ene tegbée.⁵⁶Maria nɔ Elisabethy gbɔ wletri etɔn sɔm, emegbela etrɔ yi eya n'tɔ gbɔ. ⁵⁷Eyiyime ye Elisabethy la djivila do. Eye wo dji nutsuvi. ⁵⁸Yi me aƒelikawo kaku yi me djila wo wo se be Aƒetɔa wɔnugã wo na ya ma. Eye okpɔ djidjɔ kpli.⁵⁹Eye le ŋkeke enyia gbea, wo yi ɖa tso ava na ɖevi la. Eye odji be wɔatsɔ etɔa ⁶⁰me ŋkɔ na ya ma. Gake enɔa gblɔ bena wa yɔè be Yohoanes. ⁶¹Wo gblɔne bena ameaɖeke mele miaƒe ƒomea me yi ke tsɔ ŋkɔ yɔ.⁶²Wo wɔ djesiwo na etɔa ne wa biè ale yike wayɔ ɖevia. ⁶³Ke ebiɔ nu ŋlɔ kpe eye wo ŋlɔ nya tsi siawo: "Yi me ŋkɔ nye Jean" eye wo katã me mo wɔ ya.⁶⁴Enumake yi me nu wu eye yi ma ɖe kpɔ Kaɖeɖe. Eƒonuƒo eye wo yra Mawu. ⁶⁵Ke ye aƒe lika wo katã vɔvɔ gã ɖe djewo dji. ⁶⁶Eye le Yuda me tɔwo djia nya yao kpo gblɔm wo le. Ame yi wo katã se nya woawo le ɖe be wo me dje wo me eye wo gblɔ be ŋka sugbe ɖevi ya le? Mawu be asi le edji.⁶⁷Zakaria, etɔa yɔ fum kple gbɔgbɔ kɔkɔe eje wo gblɔ nyɔ ɖi gblɔ be. ⁶⁸Wo yra Aƒetɔa, Israël ƒe Mawu, elabe esrã ye be djukɔa kpɔ eye wo wu ye ƒe gadeɖea nu.⁶⁹Efɔ ɖeɖe kpɔkpɔ ƒe nu sem ɖe do nami le David yine ƒomeame. ⁷⁰Enya ya wo gblɔ yi mo nya gblɔ ɖo la yiwo ke na nyi tsã me nume. ⁷¹Eya nye nye ɖeɖe kpɔkpɔ yi ke ɖega mi le miame futɔ wo kaku ame yiwo lefu mia me assiwome.⁷²Eɖe yime yime nubla nyu kpɔkpɔ dogo ne miatɔwo eye wo eye wo ɖonu ku yi be nublabla tɔwoea dji, ⁷³sigbé leke wo tanu ne Abraham mi a tɔwa, ⁷⁴yi ke edemi le miame futɔ measimé voa na mi nusé vɔn ma nɔme to be mia tsɔ subɔ ⁷⁵yi le kɔkɔe nyi nyi kaku nu te ƒe wowɔme, le yime nukunu le mia me agbenu kekea keŋkeŋ.⁷⁶Eye wo vinye wo le yɔwo gbe be djiƒo vui to la me nya gblɔdila, ɖɔã sia le zɔzɔgbe le Aƒetɔa me ŋkume hena yi me mɔa me djra djra ɖo. ⁷⁷Eye na fia ɖeɖe djukɔ to nuvɔ me tsotso ke me.⁷⁸Miaƒe Mawu atsɔ mia me nuvɔ ake mi le yi me amenuveve sɔgbɔ lata. Le amenuveve sɔgbɔ la ta, ela va abe agoudjo wotsri ene be ne wa kleɖe mia dji tso djiƒo. ⁷⁹Ela kle ne ameyioke le vivitsime eye wo le ku me afɔwonu le nutsifafa me mɔ dji."⁸⁰Ke ɖevia la ele tsi le eye wo senu tɔ gbɔgbɔ la me. Ewo gbeɖaɖa ƒo va na nukeke yi wo va ɖe eɖoku fia Israël ƒe djukɔa.

¹Le eyiyi ma me la, Césa Augusto ɖe sea ɖeto yi ke le gblɔm be woa hlẽ ameyio ka tã le Romatɔwo me fia ɖula te. ²Ame hlẽ hle gbãto ya va me eyi me Quirinius le fio ɖum le Syria. ³Amesiame yi ɖe yi me du me le na yime me ŋko ŋlɔgblɔ.⁴Yoseph hã djo le Nazareth le Galilea va yi yudéa, David me du me yi wo yonabe Bethl"hem; élabe etso David me aƒe kaku yi aƒe me. ⁵Be yayi ŋlɔ nkɔ kaku yi me ŋgbetɔ srɔn Maria yi ke si efou le.⁶Eyi me wole duame la, yi me vidji woe va do. ⁷Edji ŋtouvi, gbãtɔ si wo butu eye wo tsoe da lã ŋɖunu me, elabena wo me kpɔ te ƒe le amedro dje fe wo.⁸Le ŋto ma me la, ale kplɔlawo nɔa wome lã ha wo ŋtsi djom le zã ho tsitsi na. ⁹Mawu dɔla ɖe va tsitre de wo ŋgɔ eye Mawu me ŋtsikokoe tɔkpa ɖowo, eye wo vɔ ŋtɔ.¹⁰Mawu do la to nawo bena: "mingbavɔwo elabe me tsɔ ɖu nyuié va na mi yi ke anyi djidjɔ na dukɔ blibloa. ¹¹Egbea wo dji ŋtsuvi na mi le Dvid me du la me, ɖela yi ke ne nyi Christo aƒetɔla. ¹²Djessi yi ke wo tso na mia eya miakpɔ devi djedja ɖe yi ke wo butu eye wo tso mlɔ lã nuɖunu me."¹³Zedeka djipo vakɔwo va kpe ɖe Mawudola la ŋci eye wo nɔna Mawu kafum nona gblɔgblɔm be: ¹⁴"ŋti kɔkɔé na Mawu le Djipo vuin eye le ŋti fafa na anyi gbã le amegbetɔ yi wo ke wo lɔa dome."¹⁵Eyi me Mawudɔla wo djole wo gbɔ yi ɖe jipoa, alekplɔlawo gblɔna wo nɔnɔe wo bena "Mina mia yi Bethlehem ne mia kpɔ nu yi ke djɔa, nu yi ke Aƒetɔa gblɔna mia. ¹⁶Wo ɖe bla yi teƒea eye wo kpɔ Maria kaken Yoseph ku evidjedjé yi ke wo se mlɔ lănuɖunu me.¹⁷Eyi ke wo gblɔ ya vɔa, wo gblɔ nu yiké wo gblɔna wo le ɖevi la nu ne amewo. ¹⁸Ameyiwo katã se alekplɔlawo me nyawo la me mo wo yaa le ya kaka gblɔ wo lea ŋtsi. ¹⁹Ke Maria ya nɔna tame bun le nu mawo katã djim. ²⁰Eye ale kplɔlawo tro djo se le Mawu kafum eye le domɖe dji le nuyiwo kpataa wo se eye wo kpɔ le leke wo gblɔe ne woa nu.²¹Le ŋkeke enyia gbe la, wo lo ava ne ɖevia eye wo lo ŋkɔ nè be Yesu; ŋkɔ yakaka ŋɔ ne nɔa hafi afɔ yime fu.²²Eyi wo me ŋtikɔkɔme ŋkekea su le Mosé me sea nu, Yoseph ku Maria cɔ ɖevia va yi Yéruzalem be woa cɔe ɖo Aƒetɔa me ŋkume. ²³Le nu yi wo ŋlɔ Aƒetoa me ŋlɔŋlɔ koeanu be: Ntsuvi gbãtɔwola, wa ɖoe agni ne Aƒetoa. ²⁴Eye wa savɔ kaku fofoli ameve alo ahɔnoevi ameve, sigbe leke wo ŋlɔe le Aƒetɔa me sea wo me ene.²⁵Ke ameaɖe nɔ Jérusalem, yike wo yɔ be Siméon. Ameya nye ame djɔdjɔe kaku ame kokoe. Enɔte kpɔ aƒetɔa me akɔfafa eye gbɔgbɔ kɔkɔe le edji. ²⁶Wo ɖefiɔe to gbɔgbɔ kokoe dji be me le kuku géo sena gayime ke kpɔ Aƒetoa me Messiya (amedodo) hafi.²⁷Eglɔglɔ kokoe kplé yide gbedo hɔa me, eyime yesu kristo me djila wo ko devia va be wa deto sigbe leke wo wɔnè le sela nu éné. ²⁸Eye siméon hɔdevi la de alome eye woyra ka fu mawu eye wo gblɔbe ²⁹"fifia (azõ), aƒeto dassi wo dola ne wa yi le ntifafame le wo nya la nu.³⁰Doãtsia nye nkuwo kpɔ wo hɔhɔ; ³¹yiko le dia do di na duko wo katã. ³²la nyi kekeli ne trõ subɔlawo le dedé fia la nu eye la nyi ŋtikɔ kɔe ne israel djikɔa.³³Ke tɔtɔa ku enɔa nɔ na djidjɔ gbɔ le nya yawo gblɔ wo le le dena ŋli. ³⁴Siméon yra wo eye wo gblɔ ne ensa be. " ameya li ne amegedeo me gegey ku amegedeo me tsitre cici le israël eye wo nye djessi yiko na he vovoto to va. ³⁵Eye wo ŋtɔ tsã eyi la gede wo lu fõ me be ne wa klu nu le amegedeo me djime susu wo dji.³⁶Eye nyonuade tsã nɔ anyi yi ke nyi nyagblɔdila yi ke woyɔna be anna yi ke nye phanuel vi yi ke tso aser kɔtame. Eya tsi le ƒe me. tso kaka yi me tsu gbe djé me yi ke wo nɔ agbe ƒea amadre( 7ans) kaku sia vɔ la ³⁷enɔ nenema abe ahossi eye wo ho eƒé blanyi vɔ éne, me dena vo le gbedohɔa meo eye wo kpɔva gonu le subosubo me le gbedohɔme to ŋtsitsido kaku gbedodo da me. ³⁸ameyike tsã va le gaƒoƒo ma me, tɔ mawu kafukafu eye wole nufofonu le devia ŋli na ameyike le nɔte kpɔ jérusalem me dede kpɔkpɔ.³⁹eyike joseph ku marya wɔ nuyi le mawu me nyala mevɔ la wɔ tro yi wo dé nazareth le galilia. ⁴⁰Devia le tsitsim eye wo le nusè doni le dji, nunya doe sugbɔ eye mawu me amenuveve le edji.⁴¹Yesu me dji la wo ŋina de jérusalem eƒe sia ƒe se wa vayi du ŋtsitoto levi. ⁴²eyi me eho ƒe wkvea, wo yi azaduƒea si gbe leke wo yi na hoho ené. ⁴³eye eya aza me ŋkekéa wo vɔ la, eye wo trɔ djo ŋinaa, yesu devila tsi jérusalem, vɔa djila wo me nya kaha wo. ⁴⁴yi wo susu olé ameyio kata yio kuwo yiwo sõmoa gbɔa wo wo ŋkeke deka me azolizɔzɔ haƒi toe djidji le ƒoméa wogbɔ ku hɔlɔ wogbɔ⁴⁵eyi wome kpɔewa wo trɔ yi jérusalem yi na édjigbe. ⁴⁶N'keke ametɔ megbe hafi wo va kpɔe le gbedohoa me, wo na nyi de nufiola wodomle, le doto wo eye wo le biabia biamwa. ⁴⁷Ameyiwo kata le dotɔe la wo me mo wɔ ya le yime nu nyi kaku yi me donliwo⁴⁸yi ke wo kpɔe la, wo me mo wɔ ya znɔa gblɔ nè bena vnye, ŋka ŋli le wo nana kumi? Nye ku tɔ, mile djom ku nuhaha! ⁴⁹Egblɔ nawo be ŋkaŋli mile dim do! Mime nyaé be medola le ŋku de etɔ nye me dɔwo ŋlia? ⁵⁰eye wo me se nu yike gblɔm wole na wa goméo.⁵¹Eye wo kplɔwodo yi Nazareth eye wo bɔbɔ nawo. Eye enɔa le nu yawo kekem de djime. ⁵²Yesu le cicim de dji le mi nya me, le djedjem kaku amenuveve me le mawu ku amegbetowo me ŋku me.

¹Eye le Kaisaro Tiberio me fiaɖuɖu me, ƒe wuiatɔlia mea, eyi Põtio Pilato le mɔmefia dun leJudea, eye Herodes nyi dʒiɖula le Galilea, eye nɔʋia Filipo nyi dʒiɖula le Iturea ku Traxoniti nyigbawo dʒi, eye lisania nyi dʒiɖula le Abilene. ²Eye le Hana ku Kayafa yio nyi nunɔlagãwo me gamea, Mawu me nya va na Jeã yi nyi Zaxarya ʋi le gbedadaƒo.³Eye E ʒɔ̃ mɔ yi yordam tɔsisi nutowo kata me, le gbefã dem Mawu me nya, le gblɔ trɔtrɔ me ciɖe ta na mewo ku wo me nuwɔ̃ me cɔcɔ ke.⁴Sigbe leke wɔ ŋlɔɛ le nyagblɔ ɖila Esaya me gbaleme ene: Ameyi le wluido le gbeduda ƒo me gbe: "Midzra Aƒetɔ me mɔa ɖo, miwɔ yeme mɔɔtatwo nuiɖe!⁵Woatu ʋe sia ʋe, eye woabɔbɔ to sia to ku togbɛ sia togbɛ ɖo anyi, eye mɔ gɔgblɔ̃wo laʒu dʒɔdʒɔee, eye mɔ Cakliwo laʒu ʒɔʒrɔ̃e! ⁶Eye Nutilã ɖe sia ɖe, la kpɔ Mawu me xɔxɔ.⁷Eye Jeã gblɔ na ameha siwo ʋa egblɔ be ne de ci ta nayo be: << Dawo me dʒidʒimewo, amekae gblɔ na mi be mia si dʒo le Mawu me dʒiku yi gbɔna gbɔ?⁸Mice dʒime trɔtrɔ me ku be mi ma gbɔna mia nɔnɔ be:<< Mia tɔtɔe nyi Abraham doaŋti mele gbɔ na mi Mawu la tem trɔ ekpewo acɔ wɔvio na Abraham.⁹Ke Fio le atĩame kedʒe xoxo. Eye ati ɖe kpekpe ke mele ce ku nyuie oa wo cɔnɛ eye wo danɛ ʒome.¹⁰Ziɖeka amehawo biɔ Jeã be: "Nuka miɖo la wɔ? ¹¹Edɔ̃ ŋti nawo be:< yi si awu ameʋe lea, necɔ ɖeka na ameyi si meleo, eye ameyi ɖo nuɖuɖu yi cã newɔ nene ma.¹²Eya nudʒolawo cã va va ɖeci ta eye wo gblɔ nɛ be: Nufiala, nuka mia wɔ? ¹³Eɖoŋti nawo be: Miga xɔ ga sɔwu ke ne dʒe be mia xɔo!¹⁴Eye solder ɖowo cã bioe be: Mia wo ya ɖe, nuka mia wɔ? Egblɔ na wo be: miga wɔ tukaɖa alo axɔnu le ameɖesio mia be fetu ne dʒe mia nyu.¹⁵Eyime dukoa kpata ti dʒimaɖedi le tɔte kpɔ Kristo me vavaa, amesiame le bio yedokui le yeme dʒime be ɖee Jeã ye nye Kristoa? ¹⁶Jeã do ŋti wo kpata be: Nyea me deci ta na mi ku eye nye ma tem tu yema fokpa ka ntɔ cã. Eya la do si ta nami ku Gbɔgbɔ kokɔe, ku ku ʒo.¹⁷Yime nu tranu le esi, eye la tra yime nuwo la fufu yime nukua le ava dji. Voa ela tɔ ʒo be kpoa le ʒo mati mati me.¹⁸To nuƒiaƒia ʋoʋo wo mea, Jeã degbe fã nya nyuia na dukɔwo. ¹⁹Eyime wo kã ma na dʒidula Herodes ke ɖe Herodias, novia me srɔ̃ eye ku nubaɖa vovo sio be wɔa. ²⁰Ele Jeã do ga kpame cɔ kpe yeme nuʋɔ̃wo ŋti.²¹Aʒo eʋame be, yime dukɔa le deti ta, Yesu Cã deti ta. Eyime bele dogbe ɖoa, dʒiƒo nu ʋu. ²²Eye gbɔgbɔ kokɔe abe hevi bele me nɔnɔ me ne ɖiɖi ʋa edji. Eye gbe ɖi Cɔ dʒiƒo: Woenye ʋinye lɔ̃lɔ tɔ yi doa dʒidʒo na!²³Yesu tɔ Mawu ɖɔ dʒi eyi be ɖo ƒe blaetɔ̃. Ele sigbe enyi Josef me ʋi , ²⁴ke nyi Eli me ʋi. Ke nyi Mata me ʋi. Ke nyi Melxi me ʋi, ke nyi Yoma me ʋi .²⁵Ke nyi Matatia me ʋi, AMOS ke nyi Nahum me ʋi, ESLI ke nyi Nagae me ʋi. ²⁶Kenyi Mahat me ʋi, ke nyi Semei me ʋin ke nyi Yoseƒ me ʋi, ke nyi Yuda me ʋi.²⁷Kenyi Yohanan me ʋi, ke nyi, ke nyi Kesa me ʋi, ke nyi Zerubabel me ʋi, ke nyi Salatiel me ʋi, ke nyi, Neri me ʋi. ²⁸Ke nyi Melxi me ʋi, ke nyi Adi me ʋi, ke nyi Kosam me ʋi, ke nyi Elmadam me ʋi, ke nyi. Er me ʋi. ²⁹Kenyi Yose ʋi, ke nyi Elieʒer me ʋi, ke nyi Yorim me ʋi, ke nyi Matat me ʋi, ke nyi Lewi me ʋi.³⁰Ke nyi Simeon me ʋi, ke nyi Yuda me ʋi, ke nyi Yosef me ʋi, ke nyi Yonan me ʋi, ke nyi Eliakim me ʋi. ³¹Ke nyi Melea me ʋi, ke nyi Mena me ʋi, ke nyi Matala me ʋi, ke nyi David me ʋi. ³²Ke nyi Isai me ʋi, ke nyi Obed me ʋi, ke nyi Boaʒ me ʋi, ke nyi Salmon me ʋi, ke nyi Nahason me ʋi.³³Ke nyi Aminadab me ʋi, ke nyi Aram me ʋi, ke nyi Esrom me ʋi, ke nyi Fares me ʋi, ke nyi Yũda me ʋi. ³⁴Ke nyi Yakob me ʋi, ke nyi Isak me ʋi, ke nyi Abraham me ʋi, ke nyi Tara me ʋin ke nyi Nahor me ʋi. ³⁵Ke nyi Seruk me ʋi, ke nyi Ragu me vi, ke nyi Peleg me ʋi, ,ke nyi Eber me ʋi ke nyi Sala me ʋi.³⁶Ke nyi kainan me ʋi, ke nyi Arfaksad me ʋi, ke nyi Sem me ʋi, ke nyi Noa me ʋi, ke nyi Lamex me ʋi. ³⁷Ke nyi Metusala me ʋi, ke nyi Enox me ʋi, Ke nyi Yared me ʋi, ke nyi Kainan me ʋi. ³⁸Ke nyi Enos me ʋi, ke nyi Set me vi, ke nyi ,Adam me ʋi, ,ke nyi Mawu me ʋi.

¹Ke, Yesu yɔ ku gbɔgbɔ kokɔe, Trɔ cɔ Yordà Tɔ sisia to eye gbɔgbɔ koke na be ne yi gbedadafo. ²Teƒema Satana tekpɔ nukeke bla ene ɖu nuɖekpe le nukeke mao kpata djio eye le emegbea, ɖɔ va wuie.³Satana gblɔ nɛ be: << Ne le nyi Mawu me ʋi, gblɔ na kpe ya be ne trɔ zu kpɔnɔ. ⁴Yesu ɖo ŋti nɛ be:<< wo ŋlɔe ɖi be : "Agbetɔ manɔ agbe le nuɖuɖu ɖeɖe ti koo.⁵Ke Satana kplɔ Yesu yi to kɔkɔ ɖe dji eye eCɔ anyigbãdji me fioɖuƒewo kpata fui aɖaba ƒoƒo. ⁶Satana gblɔ nɛ be : MaCɔ aCe kpakpa kpata nao ku wome ŋtikɔkoe kpata, doaŋti wo Cɔ woa kpata nameye ma na ameyi me dro be ma na. ⁷Ke bom, ne le deta gunam eye le subɔ ma, elanyi tɔwo.⁸Voa Yesu do ŋti nɛ be: << wo ŋlɔe ɖi be: la kafu Aƒetɔ, wo Mawu, eye la subɔ ye ɖeka.⁹Ke Satana gba kplɔ Yesu yi Yerusalem eye ekoɛ da asaɖa me teƒe ke kɔkɔ sɔ wu eye gblɔ nɛ be: Ne le nyi Mawu me via, guẽ cɔ djia va anyigbã. ¹⁰Doaŋtia wo ŋlɔe ɖi be :<< La dɔ yime dɔlawo be woa kpɔ tawo. ¹¹Woa kɔ do woa malɔwome be afɔwo me ga ƒo kpe o.¹²Yesu do ŋti nɛ be: wo ŋlɔe ɖi be: Mega te Aƒeto wo Mawu kpɔ wo. ¹³Eyime Satana do Yesu kpɔ voa edʒoɖa le egbɔ kaka yi ga bume.¹⁴Eye, Yesu trɔ yi Galilea, ku gblɔgbɔ kokoe me nuxẽ, yime ŋtinya ɖi le wome flime kpata. ¹⁵Ke etɔ nufiafia le wo masadawo me eye amesiame le kafui.¹⁶Yesu leke be wɔnɛ edji edji nene, eyi asaɖa me le Sabbat me ŋkeke dji. Etɔte eye ele nu hlm ku ghe aʋaƒe dodo. ¹⁷Wo Cɔ nyagblɔɖila Esaya me woma nɛ. Eʋu woma eye ekpɔ teƒe ke wo ŋlɔ̃ le.¹⁸Aƒetɔ me gbɔgbɔ le dji nye, doaŋtia e sia mi nam be ma ɖegbefã nya nyuila na ahedalawo. Edom be ma deghe fã ga ɖeɖe na me yio le blabla eye na ŋku ghãgbãnɔwo, be woa kpɔnu eye be ma dasi ameyio wo ʒi ɖe me. ¹⁹Eye be maɖegbefã Afetɔ me amenuveve me ƒe.²⁰Etu woma eye ecɔ na yime subɔla eye enoanyi. Amesiame ke le asadame le kpɔa tutu. ²¹Eye ele gblɔna wo be: "Egbea enyaya ʋame sigbe leke mise. ²²Wkpata wole kpɔ nya keo be gblɔ teƒe eye ewɔ moya nawo le amenuveve me nyawo kpata ke to le nume nɛ. Wo le gblɔ be:<< Me nyi Yosef me ʋi be nyia?²³Egblɔnɔ wo be: Nyatefea mia do lo ya na be: Do yɔla, yɔdɔ dokui o. Nusianu si mi se be le wɔ le kapernaüma, wɔe le wotɔ du wome. ²⁴Egblɔna wo be: vanvan mele gblɔ na mi, nyagblɔɖila dekpe me ɖona asixɔxɔ le yime dume o.²⁵Voa vãvã mele gblɔm na mi; ahosi sugbɔ̃ nɔ Israël le Eliya me game gaheme djiƒo tu aƒe etɔ̃ djinu aɖe eye adɔ gã ɖe tɔ le dua kpata me. ²⁶Voa Mawu medɔ Eliya ɖoɖa nyɔnu ɖekpe gbɔ ne me nyi Ahosi yi le Sarepta le Sidon ɖeka gbɔ koo. ²⁷Eye kponɔ sugbɔ nɔ Israël le nyagblɔɖila Elisée me game gakea ɖekpe me ŋti me kɔ ne me nyi Naaman si Cɔ Syria deka kɔ.²⁸Eyike wo se nya ya wo la, amesiame yi le asaɖa me la bidji. ²⁹Wo co, eye wo nyã Yesu dʒo le dume, wo kplɔe yi dua me toa dji afi yike wo tu dua le ne woa tem tudui doɖa enyigbã. ³⁰Voa Yesu ʒõ woa dome eye edʒo yi tefe bu.³¹Le Capernaüm, yi le Galilea me duame eye ele nu ƒiõ wo cɔ sabbat ŋti. ³²Moya wɔ wo doaŋti ele fiõ wo nu ku atse kpakpa.³³Kpoɖa, nutuɖe le asaɖa me yime gbɔgbɔ makɔmakɔ le. Edɔ ŋlui sěsě. ³⁴Yesu Naʒareth vi, nuka miwɔ nawo? Leva be ya gbã mi yea. Me nya woe nyi Mawu be ame kokoe.³⁵Yesu kã mu na gbɔgbɔ võa eye be gblɔ be:< eye to le nutu ya me! gbɔgbɔa mu nutua ƒu anyi eye eto le ame, mewɔ nubaɖa ɖekpe kui o. ³⁶Moya wɔ wo kpata eye wo le gblɔ na woa nɔnɔ wo be:<< Nya ka woe nyi ya o?V E ɖena gbe ku ŋsẽ ku atse kpakpa na gbɔgbɔ makɔ makɔ o eye wo tona. ³⁷Ke, Jesu me nuti nya le ɖi le du sia du yoo ƒuhlã do wo me nutoa me.³⁸Yesu dʒo le asaɖame eye wo yi Simon ma ƒeme. Atiketi le Simon lõho. Wo ɖe kuku na Yesu be ne wɔ nuɖe nɛ. ³⁹Yesu bɔbɔ ledji eye ɖegbe na atiketi be ne to eye atiketia to le me. Ziɖeka eco eye eɖa nu nawo wo ɖu. .⁴⁰Le wotrɔmea, wo kplɔ donɔ ʋoʋo wo ʋana Yesu. Eda le woadji ɖeka ⁴¹Gbɔgbɔwo to le ame sugbɔ̃ me eye wo doŋlé be: Le nyi Mawu vi! Yesu ka mu na gbɔgbɔ võwo eye me dasi wo be no ƒo nuƒu o doaŋtiawo nya be ye nyi kristo.⁴²Eyi ŋkea, eto eye eyi gbedadaƒo. Ameha gã ɖe le djii eye wo va egbɔ le fike be le. Wo ledji la tu mɔ nɛ be mega dʒo le wogbɔ. ⁴³Voa Yesu gblɔ na wo be: << Meɖola le du buwo cã me; doaŋtia eyi ŋti wo dom doɖa afiya. ⁴⁴Eyi edji eye le ɖegbe fã Mawu nya le asaɖawo me le Judea kpataa.

¹Eyi Yesu ʋa ɖo genesarethy tã to, eye ameha lili be ye wa se mawu me nya. ²Ekpɔ tɔdjivu ameʋe. Eɖɔdalayiwo ɖi le tɔdjiʋua mea klɔ wome ɖɔo. ³Yesu yi aklo ɖeka yi nyi simon tɔa me eye ebiɔ co egbɔ be ne tutu akloa djo le anyigbã ʋitukuɖe yi cia dji eye emegbea enɔanyi eye le akloa me kea eƒiɔnu amewo.⁴Eyi efiɔ nua ʋɔa, egblɔ ne simon be yi aƒua me cicina eye mia da ɖɔa le gama. ⁵Simon gblɔnè be na mi wɔ dɔ le ʒã bliboa gake mi me kpɔ ŋɖeke. Vɔa le nya wa nua, ma dɔa. ⁶Eye wo da ɖɔa eye wo le elã gbogbo ɖe kaka wo me ɖɔwo le djedjeŋ. ⁷Eye wo yɔ to yiwo ne le aklo bu mea be wo ne va kpe le yiwo ŋli, Eye wo ʋa kpe ɖe wo ŋli eye wo hen ɖoa eye lã yɔ aklo ameʋea kaka ele to him.⁸Eyi Simon Petro kpɔneya la edje anyi le Yesu me akɔnu eye egblɔ be << te ɖa le gbɔ nye, aƒetɔ, elabe me nyi nuvɔwɔla. ⁹Eyɔ mo ya ne eye wo wɔ mo ŋa ne ameyiwo kekeŋ le ogbɔ le elã sugbɔ yiwo ɖea ŋli. ¹⁰Yakobe kaku Yehoanes ʒébéɖéo me ʋwo tɔ̃a nɔ simon Pétro ŋci. Eŋe Yesu gblɔ ne simon be:<< ŋgba vɔ wo elabe ma wɔ wo amewo me ɖela. ¹¹Eyi wo va dje ago la, wo ɖa si nuwo kpata eye wo kplɔe ɖo.¹²Yesu nɔ edjugan wo dome tɔa ɖeka me eye kponɔ ɖe le gama. Eyi ekpɔ Yesua, edje klo eye elɔ mo anyi le yi me akɔ me eye wo gblɔné be << aƒetɔ, ne le lɔ la ɖe mɔ ŋli nye ne kɔ. ¹³Ke Yesu do yi me asi ɖa ka si eye wo gblɔ be << me lɔ ŋlio ne kɔ. ʒiɖeka ekpodoa djo le eŋci.¹⁴Yesu de se nɛ be ŋgba gblɔɛ̃ ne ameɖekewo :<< Cɔ ɖo kuwo vayi fiɔ nu nɔla, eye na djɔnu na ŋciwo me kɔkɔ si gbe leke moïse gblɔè ɖa ɖi ene. Eye wa nyi ɖase ɖiɖi ne wo.¹⁵Yi me ŋkɔ le ɖiɖi ho, eyen ameha wo le va vam be ye wa se yi me nya wo eye ŋe wo hɔ doyɔyɔ. ¹⁶Ke eya djo yi wa gbe dada ƒɔ be ya do gbe ɖa.¹⁷Le ŋkeke ɖe djia ne nɔ na nufiɔm. Ke farisitɔwo ku sefiɔlawo nɔ anyi eye wo tso Galilia, yuda kaku Jerusalem me me kɔfe wome eye Mawu me nuse le do dji le eme se na ɖɔ yɔyɔ.¹⁸Eye amewo cɔ dɔnɔa ɖe yi ne kplibɔ ɖe abati dji, eye wo le mɔ djim be ye wa tsse a ge hɔame eye ye wa tsɔe a ɖe yi me nu kume. ¹⁹Eyi wo me nya giya wa cɔɛ a to le amehawo ta wo yi hɔa ta me eye wo ɖiɖi ku yi me abatia ɖe amehawo do me le Yesu me ŋku me to emɔ ɖe yi ke wo ɖe le hɔa ta me.²⁰Yesu kpɔ wo me hɔse eye wo gblɔ be:<< ŋtu, wo tsɔ wo nu ʋɔ wo tss ke wo. Farisitɔwo ku agbalɛ ŋlɔlawo tɔ nu kpolu dji:<< Amekaɛ nye ameya yi ne le bosu nya gblɔm? ²¹Amekaye atsɔ nu vɔ̃ ake ne me nyi Mawu ɖeka ko?²²Ke Yesu nya wo me susu << ŋka ŋci miu le biabia sa ga ya wo biam le mia le susu wo me? ²³Eva ye le bɔbɔeɖe be wa gblo be "wo cɔ wo muvɔ wo ke wo" alo wa gblɔ be tritre ne na ʒɔ̃? ²⁴Fifia ne nyɛ be amegbetɔ vila ɖo nu se le anyigbadji ne wa tsɔ nu vɔ a ke, me le egblɔm ne wo be: "tsitre, tsɔ wo aba ne na ŋi afeme.²⁵Enumakea, maea tsitre le wo me ŋku me, tsɔ yi me aba eye wo yi yime afeme he le Mawu kafum. ²⁶Moya wɔ ame siame eye wo kafu Mawu, eye vɔvɔ̃ yo wo eye wo gblɔ be << mie kpɔ nu ku wo egbea.²⁸Le eya megbedomea edogo, eye wo kpɔ nu djɔla ɖe yi ke wo yɔ be lévi yi ne nɔ anyiɖe nu djɔ fea. Egblɔ na be < ɖo. ²⁷Lévi djole amekpɔtɔea wo gbɔ eye wo dje eyo me.²⁹Lévi ɖu aʒã gã ɖe ne Yesu le yi me afeme, le tefe ma nudjɔlawo sugbɔ eye ame bubu wo tsã ʒã wo me ga me eye wo nɔ akplɔ̃ ŋli ɖu nu ku wo. ³⁰Farisitɔwo ku agbalɛ ŋlɔlawo fonukpolu eye wo gblɔ ne yi me nu srɔlawo be:<< ŋka ŋli mi le nuɖim eye mi le nunom ku nudjɔlawo ku nuwɔlawo? ³¹Yesu ɖo enu gblɔ be < nye lamesese tɔwɔe hiã ɖoyɔlawo vɔa ameyio ke djedɔa ye. ³²Nye me va amedjɔdjɔe wo yɔ gbeo vɔa nuvɔ wɔlawo be ne wa trɔdjime.³³wo yi edji gblɔ ne be na:<< Yehoanes me nusrɔviwo tsianu ɖɔna edjiédji eye wo dona gbeda, eye farisitɔwo tsã nene make, vɔa tɔwo wo ya la ɖunanu eye wo nona nu. ³⁴Yesu ɖo enu ne wo be:<< Dée mia te nu ana srɔɖetɔa me hɔlɔwo atsi nu do eyi sis ɖetɔa le gbɔa? ³⁵Nkeke li gbana eyi me wa kplɔ srɔɖetɔa djole wo gbɔ, eye eyi yi ma me la wa tsinu do.³⁶Etrɔ do lo bubu newo be:<< wo me tsɔ na avɔ yéyé tsã na ɖe avɔ hohoe nu wo. Ne wo woe la, wa dje avɔ yeyea, eye avɔ djedjeã ma te nu ayi ku avɔ hohoea.³⁷Eye ameɖe me tsɔna aha yeye kɔna ɖe le gbalɛ golo hoho me wo. Ne wo woe la aha yeyea la gbã lagbale goloa eye aha la gbã eye lagbalɛ wo la gu. ³⁸Ke elebe wa tsɔ aha yeye kɔɖe lagbalɛ yeyeme. ³⁹Eye ameaɖeke me nona aha hoho vo gba biɔna aha yéyé wo ɖoãtsia la gblɔ be aha hohoe nyo wu.

¹Le sabat me ʒkekeadji Yesu ʒɔ̃ agblewo me eye yime nusr̃ɔlawo ŋe bliwo eye eyi wo Cuku le alɔnu ʋɔa wo ɖui. ²Eye Farisi tɔɖewo gblɔnewo be ŋkaŋli mile nuyi wo me ɖe mɔna le sabat me ŋkekea dji wɔm?³Yesu ɖo eŋli ne wo be:<< De mi me nya nu yi David ku yi me hadɔ wɔlawo wɔ eyi adɔwuwoa? ⁴Eyi mawu me afeme eye wa cɔ vɔsa kpɔnɔ eye eɖu eye wo tsɔena yi me hadɔ wɔlawo akpɔnɔ yike ameɖeke nɔnukpɔkpɔ me le ameɖeke si be ne wa ɖui wo ne gbe nunɔlawoko. ⁵Egblɔ newo be<< Amegbetɔvila enye afetɔ ne sabat.⁶Le sabat me ŋkeke bubu djia, Yesu yi gbedohɔame eye efiɔnu amewo eye ŋlua ɖe letefe ma eye yime nuɖusilɔ djeli. ⁷Agbalɛ̃ ʋlɔlawo kaku farisitɔwo le ŋku lem le Yesu ŋli be la yɔdɔ ameɖe le sabat me ŋkekea dji yin ku susu be ye wa kpɔmɔnu le eŋci alɔ nyaɖe eŋli be ewa nu baɖa ɖe. ⁸Eyi enya wo me susu wa, egblɔ ne ŋlu abɔ tsutsu tɔla be: < eye noteɖo amewo me dodome. Eye ŋlua tsitre eye wo nɔ te le tefea.⁹Yesu gblɔ ne wo bena:<< Me le miabiɔm se be ɖee wo ɖe mɔ wawɔ nu nyui le sabat me ŋkea dji lo alo nu buɖaa, wa ɖe ameɖe me agbe lo alo abu me agbea? ¹⁰Eyi me etsa yime nukuwo le wodji vɔa, egblɔ ne amea be :< wo alɔ ɖo ɖa. Ewɔe eye ehɔ dɔyɔyɔ. ¹¹Eyi wo yɔ ku djikua, wo le nugbledem le wo nɔnɔwo dodome le nuyi wa wɔ ne Yesua ŋci.¹²Eva va eme le gafafo mawo me be Yesu yi toa dji be ya yi do gbeɖa, eye wo wɔ ʒă bliboa katã se ɖo gbeɖa ne mawu. ¹³Eye eyi ŋkea, Eyɔ yi me nu srɔlawo eye wo ciã ameweve eye wo ɖo ŋkɔ newo be apostolowo.¹⁴Apostoloawo me nukɔ woe nyi Simon yakaka wo yɔ na be Petro, André yé ne nyi Fofofoa, Jacques, Jean, Barthélemy. ¹⁵Mattheo, Thomas, Jacobo alphéo me vi, Simon ame ʒaʒin. ¹⁶Judas yi nyi Jacobo me ʋi eye Judas yi va ʒu esala.¹⁷Eye emegbea Yesu ɖiɖi Co etoa dji ku wo eye wo va nɔte ɖe te fe gba dja ɖe. Ameha gãɖe kaku yi me nu srɔlawo le tefea eye yuda tɔwo, Jérusalem tɔwo, Tyro ku Sidom me afuta gome tɔwo sɔgbɔ. ¹⁸Wo va be ye wa ɖo toe eye yewa hɔ do yɔyɔ tso wo me dɔ lele wome. Ameyiwo ke gbɔgbɔ vɔwo wɔfua tsã hɔ katsutsu (doyɔyɔ). ¹⁹Ameha kekeŋ le djidjim be ye wa ka asi ɖoa cia nuse ɖe le dogo co eme eye wo le do yɔm wo .²⁰Eyime wo kɔ ŋkume yi dji le nusrɔlawo djia, egblɔ ne wo be yayra tɔwɔe nye ameyioke da ahe elabe wa kpɔ djifo fia ɖu ƒea me. ²¹Yayra tɔwoe nyi ameyioke ɖo le wuwum fifia elabe wa ɖifo yayra tɔwoe nyio ameyioke le avi fãmfifia elabe wa konu.²²Yayra tɔwo mi nyi ne amewo cri mia me nya gbɔ, eye wo gbe mi, eye wo dju mi eye wo ɖalo mia me ŋkɔ le Yesu Kristo ta. ²³Mi kpɔ dji djɔ le ŋkeke ma dji eye mia tsi kpo elabe mia me fetu asɔgbɔ le djifo. Nene ma cucu wã tɔgbui wo wɔ ku nyagblɔɖilawo.²⁴Baba ne mia tsitɔwo! elabe mi hɔ mia me ƒetulaʋɔ. Baba ne mi ameyiwo ke ɖɔfo fifia! elabe ɖɔ la wu mi le emegbe. ²⁵Baba ne mi ameyioke le nu kum fifia! elabe mia ge ɖe nu sisime eye mia fa avi le emegbe.²⁶Baba ne mi ne ameo katã gblɔ nyuïe le mia ŋli! elabe nenema cucu wa to gbuiwo wɔ ku ala kpa nyagblɔɖilawo.²⁷Vɔa me le egblɔm ne mi ameyiwo ke le ɖo tom, mi lɔ mia me ƒu tɔwo, mi wɔ nyuié ne ameyiwo ke le ƒumia. ²⁸Mi yra ameyioke ƒo fide mi mi do gbeɖa le ameyioke le wɔvɔ̃ miata.²⁹Ne ameaɖe ƒo tome newa Cɔ evelia Cã ne. Ne ameaɖe tsɔ wo awu kpui la ŋgba he mɔ nè ne dji be ya gba Cɔ wo ahu ʋlayao. ³⁰Nanu ameyike la bio wo nu. Ne ameɖe cɔ ŋɖe yi ke nyi tɔwa ŋgba biè ŋtɔ cã be ne ɖo etefe ne yiwo.³¹Nuyi ke mi dji be amewo ne wo ne yio wa, miwo cã mi wɔe ne wo nenema. ³²Ne mi lɔ ameyioke lɔmi ɖeɖe kpoa ʋiɖe kaye la dogo le eme ne mie yin! elabe nuvɔwolawo cã lɔ̃na ameyioke lɔnawo. ³³Ne mi wɔ nyuie ne ameyioke wɔ nyuie ne mi kpoa, viɖe kaye mia kpɔ le eme? elabe nuwɔwɔla wo tsã wɔ na me ne ma CuCuCu. ³⁴Ne mi ɖo nu na ameyiwo a tenu aɖoe etefe na mi ɖeɖe koa, viɖe kae do go tso eme ne mi wo? Nuʋwɔlawo gɔhã ɖoa nu ne nuvɔwɔlawo eye wo nɔnate kpɔna nuyike wo ɖoa tso wa nɔnɔwo gbɔ.³⁵Mi lɔ mia me ƒutɔwo, mi wɔ nyuie na wo. Mi do nu eye mi gba nɔte be ye wa hɔ na ne le emegbe wo eye mia me ƒetu asugbe . To eya wo wɔwɔ mea mia ʒu djiƒo ʋu tɔla me ʋio elabe eya ŋtɔ wɔ na dɔme nyuie na agladjelawo ku amevɔ ɖiwo. ³⁶Mi nyo aɖɔme si leke mia tɔa nyo na adɔme ene.³⁷Mim gba ɖɔʋɔnuwo, eye wo ma ɖɔʋɔnu miwo. Mim gba bufɔwo eye wo ma bufɔmiwo. Mi Cɔ ke amebubu eye wa cɔ ake mio Cã.³⁸Mina nu amewo, eye wa na nu mio Cã. Djidji nyuié wa Cɔ kɔ ɖe mia be avɔ wo tɔ. Elabe sigbe leke mi djidjia, nene ma wa djidji ne mio cã³⁹Edolo ɖe Cã ne wo gblɔ be << De nuku gbagbã tɔ atenu akplɔ nuku gbagba tɔa? Ne wo woea ɖe woa amevea woma ge dje ɖo mea? ⁴⁰Nu srɔvi me wuna efetɔ vɔa nusrɔvi yi ke wo Cu ɖo nyui ɖea anɔ sigbe yi me afetɔ ene.⁴¹Nuka ŋci le le kpɔ ati ƒeƒe le nɔviwo me ŋku dji eye me do djesi acikpo yi le womtɔ ŋku wo djio? ⁴²Le ke la teŋ gblɔna nɔviwo be nɔte ne ma ɖe ati ƒeƒe yi ne le ŋkuodji ne nyi be me kpɔ atsikpɔ yi ke ne le tɔwo djiwo? Ayeme nuwɔla! De atsi kpoaɖa le nukuwodji gbã gbɔ eye la nya le ke la ɖe nɔviwo me ati ƒeƒea.⁴³Ati nyui ɖe kpe me Ce na ku gblegblewo, eye a i ʋɔɖiaɖe ke ma te nu atse ku nyuia ɖeke wo. ⁴⁴Wodona djesi ati ɖe kpekpe ku yi me ku Cele. Wo me agbeagbo le ŋdjatsidjiwo eye wo me gbea win ku le anɔkn wo djiwo.⁴⁵Ame nyuie ɖe ne nu nyuié tso yi me dji ma, eye amevɔɖi ɖe na nuvɔɖi ɖo na go tso yi me djime. Nu yi ke wu djia eye nu gblɔna.⁴⁶Nuka ŋli mie le yɔe be "afetɔ afetɔ" eye mi me le nu yi gblɔm me le na mia wɔmeo? ⁴⁷Amesiame yi ke la va gbɔ nye eye wo be nye nya wo, eye wo cɔ wo de do wɔwɔme, ma gblɔ ame yike wo nyi ne mi. ⁴⁸Eɖi ameyike le Cu yi me aƒe eye wo ka gu yi ne yi to nyi ɖe eye wo do gɔme ɖo kpea le kpe sese dji. Ne etsi ɖoɖo va eye tɔ srasra wo ho ɖe afe ya ŋcia, yi ke me ʋa croa wo elabe wo tsu nyuié.⁴⁹Vɔa maeyike sena nye nya wo eye me Cɔwo de dowɔwɔ mewa eɖi ameyike Cu yime afe le anyi gbã dji yi gɔmeɖokpe me le esio. Ne esti ɖɔɖɔ va eye wo gbã ɖe eŋcia eye ʒiɖeka emo eye afe ya me momo la ɖi gblo.

¹Eyi be ƒo nu ne dukɔ yi le to ɖoŋ yi be nyăwo vɔ megbéa eyi kaparnum.²Eye aʋafiɔ ɖe be dɔcɔvi yi nyi ame vevenɛa le ɖɔ leŋ ɖo ku qbanu. ³Ke be se Yésu nyikɔa, adɔ yudatɔwo be ameqăwo ɖo nɛ qbɔ be woa ɖe kukunɛ bava yɔdɔ yi be dɔcɔvia ne yi. ⁴Eyi wova ɖo Yesu qbɔa, wo ɖekukunɛ qblɔ bena : << edje be na wɔ ava nɛ. ⁵ɖoa elɔ̃ mia be dua eye ye cu ƒuƒo ƒea nemi.⁶Eye Yesu kplɔ wo ɖo. Eyi be qoqo aƒea qbɔa aʋaƒiɔ̃a dɔ exɔ̃lɔwo be wa qblɔ be << Aƒetɔ ŋqba ɖeƒune ɖokuiwo, ɖoa nye me dje bena va aƒe nye meo. ⁷Numa ŋti nye bui be me dje kaka la va qbɔ nye o. Vɔa qblɔ nya ɖeka kpone dɔcɔvi nyea ba haya. ⁸ɖoa ŋucă ame menyi le acɛ kpakpa td, ye sɔdjawo le kplɔkplɔ nye te. Me qblɔ nane ameya be. "Yi" ye be yina; ne ame bu be : "va" ye be yana, ye na dɔcɔvi nye be : "wɔya " ye be wɔnɛ.⁹ke Yesu se nyã ma woa, ewɔ̃ mo yaa nɛ, ye be trɔ djekɔ ameha yiwo kplɔ̃ɖoa qblɔ be << mele qblɔ ne mi be Israël ŋutɔ cã nye me kpɔ ame ne kpe ɖo leke be xɔse ya tɔqbe o. ¹⁰Eye eyi ame yiwo dɔa wotrɔ qbɔ va fe mea wo kpɔ dɔcɔvǐa le lã me se me.¹¹Ke ŋukea eva édua ne yi wo yɔ na be Nian me yi be nusrɔvǐɔ̃wo qaku ame hã qãɖe wɔ mɔ ʒɔ̃ʒɔanqakui. ¹²Ke be qoqo edua ba qbonua wo kɔkɔ ame kukuaɖe yi nyi vi akoqo ne enɔa ahosi yé ame ha qaɖe co duame kplɛ ɖo. ¹³Ke Yesu kpɔ ahosia, yi be dɔme trɔ le ŋuti ye be qblɔ nɛ bena: ŋqba Fă vio. ¹⁴Eyomea eva kasi aɖaka yi me ame kukua lea ameyiwo kɔɛ wó nɔte ye qblɔ be : ɖeka djɛ me le qblɔ nɔ Fɔ. ¹⁵Ye ame kuku Fɔ nɔayi dje nuƒoƒoƒo. Ye Yesu cɔɛ na enɔa.¹⁶Eye vɔvɔ̃ ɖo wo kpata, ye wo kafu Mawu qblɔ̃ bena; nyã qblɔla qãa ɖe co le mia dome, ye Mawu va srã yibe dukɔ kpɔ. ¹⁷Enyă ya co Yesu ŋti kaka le yudéa kekeŋ ye be yi to yiwo ƒo xlã woa cãwo me.¹⁸Ye ǰã be nusrɔ̃viwó va ɖe eyã yawo kpata nɛ. ¹⁹ǰã yɔ yi be nusrɔviwo dome tɔ ame ve dɔ̃ wo be ne yǐ bǐɔ aƒetɔa se be << Ewoe nyi ameyi ke qbɔnɔ alo mla kpɔ mɔ ne ame bua? ²⁰Eviwova Yesu qbɔa, wo qblɔ bena : <<ǰã ame nyrɔtɔaye dɔ mǐ ɖo ɖa qbɔ wobe mǐa va biɔ̃ wo se be: Ewoe nyi ame yi qbɔnɔa alo mi nɔte kpɔ ame bua?²¹Le qaƒoƒo ma mea Yesu da dɔ ne ame qboqbo ɖea, Fukpelawo, ameyiwo me qbɔqbɔ baɖabaɖa wo lea, ye bena be ŋku qbaqbãtɔ boqboɖeo le nu kpɔ. ²²Eɖoeŋti qblɔnɔ be: Ne mi yia mi qblɔ nu yiwo mi kpɔ ku nuyiwo mǐ sea ne ǰa. ŋku qbaqbatɔwo le nu kpɔ, kpɔtɛnɔwó le aʒɔliʒɔŋ; kponɔ̃wo ŋti le kɔkɔŋ, tokunɔwó le nu seŋ, amekukuwo le Fɔ̃fɔ̃, ye wo le qbeƒã ɖe nyã nyuia ne ame dahéwó. ²³Yrayra tɔ̃ɛ la nyi ameyi me le nu ɖiaɖia kpɔ co ŋti nye.²⁴Ye ke ǰã be ame dɔdɔawo djo le yiyi ma, Yesu le nu ƒoŋ co Jã ŋti ne ame hawo be: << Nuka mi va yi kpɔ le ʒoqgbeadji? Aƒlaci yi aya ƒona? ²⁵Aʒɔa nuka mi va yi kpɔ? ŋcu ne yi do awu xɔasia? Ameyiwo do na awu nya kpɔwo ye wonɔna, qbe le vivisese mea Fiɔ ba ƒe me wonɔna. ²⁶Aʒɔa nuka mi va yi kpɔ? Nyãqblɔɖila? ɛ̃ɛ̃, mele eme ʋu nemi be eŋu nyãqblɔ ɖila ŋutɔ cã.²⁷Ye nyi ame yi ŋuti wo ŋlɔɛ le be: " kpɔɖa me ɖɔ aŋɛ dola nye ɖoɖa be ba ta mɔle ŋkɔ nɔ. ²⁸Mele qgblɔne mi, be le nyɔ̃nutɔ djidjiwo domea be ɖe kpe me nuqă ǰã o. Vɔa vivi cukui le Mawwu Fiɔ ɖuƒea mea lolo wui.²⁹Eyi dukɔa kpata qaku amlɔ kɔɛ djɔlawo ŋutɔ ca wo ɖotoea wo ʋuéme be Mawu le djɔdjɔɛ eye wo na ǰã nyrɔ wo. ³⁰Vɔa Farisitɔwó, qaku Sea Fiɔlawo wo qbe nu le Mawu be tame ɖoɖo yi be ɖo le wacia qbɔ Eyi wo me ɖemɔ ǰã be nyrɔ wo wata/³¹Amekaɛ macɔ djidjime ya asɔ ku? Eye ame kawo wo ɖi? ³²Wo ɖi vivi yiwo nɔayi le agbonu ye wo le qblɔqblɔ ne wo nɔɛwo be " Mi ku kpe ne mi mi me ɖu woe. Mi dji koyi Fã hawone mi eyemi me Fã vio.³³ɖoa eyi ǰã ame nyrɔtɔa va, me ɖu nuo, me nu ha o wa eye mi le, qblɔqblɔ be : " qbɔqbɔ vɔ le eme". ³⁴Ameqbetɔ via va, eɖuniu, enu nu eye mi le qblɔqblɔ be enu ɖula ku enu nula, ,qadjɔlawo ku aqbe baɖatɔwo be xɔlɔ be nyi. ³⁵Vua wo do djesi nu nyã to vǐawo kpata dji.³⁶Farisitɔ dometɔ ɖeka kpe Yesu be ne va ɖunu kuyi. Ke yi Farisitɔa ƒe mea ebɔbɔ nɔayi le kplɔ̃ ŋuti, ³⁷Ye kpɔɖa nyɔ̃nu nuvɔ wɔla ɖele dua me ke be se be Yesu le kplɔŋuti le Farisitɔ be ƒemea Ecɔ anumatri qoɖeka va. ³⁸Ebɔbɔ le Yesu be ŋqbodo me le ayi Faŋ ye yi ba ɖaciwo kɔ le Yesu ba Fɔwo dji be cɔ yi be ɖawo cucu yibu Fɔwo kisinɛ ye be sianumati.³⁹Eyi Farisitɔ yi kpe Yesu kpɔ nyɔnua eqblɔ le yi ɖokui me be :<< Ne ŋcuma nyi nyaqblɔɖila ela dje si nyɔnu yi ne tɔ asia. Elanya be nuvɔ wɔla be nyi. ⁴⁰Yesu xɔ nya ye be qblɔ nɛ be: << Simɔ, me ɖo nyã ɖe la qblɔ̃ nɔ̃wo. Eɖoeŋuti be : << Nufiɔ la ƒonuƒo.⁴¹Yesu gblɔ be: << amea me ve ɖufe ɖo ŋcu ɖe si. Ameɖeka ɖu denario alɔ Fatɔ ɖoe ame veqɔa ɖu denario blatɔ be Fe. ⁴²Ke nuɖe kpe mele wosi wa cɔa cu Fea, wa ecɔ ke wo ame vea kpata. Wo dometɔ kaɛ le elɔ̃ qbe ŋu? ⁴³Simɔ ɖoeŋuti qblɔ bena: me bui be ameyiwo cɔ aFe suqbɔ kea ye. Yesu qblɔ nɛ bena: le kpɔɛ nyuiɖe.⁴⁴Ye Yesu trɔmo ɖoɖa nyɔnua qbɔ, ye qblɔ ne Simɔ bena: << Le le nyɔnuya kpɔ ma, me va aƒe wo mea, me klɔ aFɔ̃ ne kucǐ o, vua nyɔ nuya Fa yibe ɖa ciwo. Kɔa Fɔ dji ne , ye be cɔ yi be ɖawo cɔ cucui. ⁴⁵Me kpla sikɔ ne mo, vɔa eya co ka qayi me be qeɖo aƒe ya mea me djidjɔ aFɔ nye qbiqbɔ.⁴⁶Me Sia mi le ta ne mo, vua eya cɔ anumatri kɔ afɔ nye wo dji. ⁴⁷Yeŋutie mele qblɔnɔ be, wo cɔ yi be nuvɔ̃ qboqbowo cɔ kee. ɖoa elɔ̃ ame ŋtɔ le nuyi be waŋti. Vua ameyi wo cɔ viɖe kea lɔ̃na ame vùɖe.⁴⁸Eye be qblɔ ne nyɔnua be:<< wo cɔ nuvɔ̃wó wókè wó. ⁴⁹Ameyiwo le akplɔa ŋti kuia dje qblɔqblɔ lewo ɖokuiwo dome be:<< amekɛ nyi ameya yi cɔna nuvɔ tseã kena eme? ⁵⁰Ke Yesu qblɔne nyɔnua be: << wo xɔse ɖea, djo yǐ le nucifafa me.

¹Eva me be le ema megbea Yesu ʒɔ mɔ dju gãwo gaku kɔƒewo me, le gbaƒă ɖeŋ Mawu Fiɔɖuƒea ba ŋɛ nyü a. Nɔsrɔvi wuieveawo nɔkui. ²Nyɔnu yiwo me nyã gbɔgbɔ vɔle eye be yɔdɔnawa: Maria magbalatɔ yi me gbɔgbɔ vɔ amaɖe dro lea. ³Jana Herodes ba ƒedji kpɔla kuʒa be srɔ̃ suʒana, ye gaku nyɔnu buwo cɔ wo be nu nɔa mesiwo kpeɖe ŋti.⁴Ameha gaɖe va bɔ eye amewo co fju gã vovovowó me vɛ egbɔ ye be do lo be: ⁵<< Agble nuku ƒalaɖe dro yi nu ƒagbe. Eyi be le nu ƒăma, agble nukua ɖewo hle kɔ mɔ nto wo ɖaafɔ le wodji ye djiƒo xeviwo va cãwo' mi. ⁶Egble nukua ɖewo hle kɔ kedji, ye ke wo miɔ ʒiɖeka wotrɔ fiɔ ɖoa wo me kpɔ anyigba fafa o.⁷Ebuwo că hle kɔ ŋudjawo me, ŋdjawo ci eye wó vũ cɔwo. ⁸Dewo hle kɔa anyigba nyui dji. Wo ci ye ce ku alɔfãwo. Eyi ke yesu gblɔ nyã mawo vɔa ékɔ gbe yidji gblɔ be: Ameyi si éto senu lea ne se.⁹Yi be nusrɔ̃viɔwo bǐɔɛ élo dodoa be gɔme ɖeɖe. ¹⁰Eɖoeŋuti be :< na mǐ be mia djesi Mawu Fiɔ̃ ɖuƒea be nu wlawlawo, vɔa wawoa wogblɔɛ nɔle lo dodowome be ne ne wo kpɔnua wo ma djesio, ye ne wo le nu sema wo ma se egɔ meo.¹¹Mi kpɔ elo dodoa gɔmee nyi ya: Agble nukua ye nyi Mawu nyã. ¹²Eyiwo ne hle kɔ mɔtoa, wa we nyi ameyiwó ne wo se enyã me gbea abosãŋ vana eye be ɖena nyã djo le wo be djimebe ne wo gba xɛ se eye woa kpɔ ɖeɖe O. ¹³Eyi wo ne hle kɔ kpe djia woe nyi ameyiwo ne se nyã wo xɔ nɛ ku djidjɔ vɔa wo me to keo wo xɔ nɛ se ne game vüɖe eye ne tete kpɔ va wó dje na anyi.¹⁴Eyiwo ne hle dje aŋudjawo mea woe nyi ameyiwo ne wo se nyã wo djo na, eye wo ɖana mɔ ne egbea be nu xaxawo, kesinɔnuwo, vivisesewo va cɔnɛ eye wo me ce na ku yi va cina. ¹⁵Eyiwo ne hle kɔ anyi gba nyui djia, wa we nyi ameyiwo se na nyã ku dji nyui yi wɔ na nuteƒe eye wo cenaku gbaku kutrikuku.¹⁶Kpɔɖa, ameɖekpe me tɔ na kaligbɛ cɔɛ dana ayawa gbã gɔme alo cɔnɛ dana abaci gomeo. Vɔa ecɔɛ dana kaɖitidji elabena ameyiwo lava aƒea mea wa kpɔ kekeli. ¹⁷Doa nu ɖekpe me le wlawla me yi wo ma ɖenu ɖe dji o, nya wlawla ɖekpe me li yi amewo me ɖo la nya wo eye wa ɖeɖe go. ¹⁸Mi kpɔ nyi ɖe co nuyi seŋ mi lea ŋti. ɖoa , woa nanu ameyi si enu lea, ye wa xɔ enu le ameyi si enu mele wa, enuyi be susu bé ele ye sia ca le esi.¹⁹Emegbea enɔa ku nɔ̃viɔwo va egbɔ, vua wo ma teŋu kpɔɛ le ame gbogboawo ŋuti. ²⁰Wo gblɔ nɛ be:<< Enɔwo ku nɔviwo wo le xixea nu wo djidji la kpɔwo. ²¹Yesu ɖoeŋuti nɔwo bena:<< Enɔnye ku nɔ vinye wo, woe nyi ameyiwo le Mawu nyã seŋ ye wo le edji wɔm.²²Gbeɖeka Yesu ɖo tɔ dji ʋu me ku nusrɔviwó, egblɔ nɔwó bena: Mina mia yi etɔ be go maɖa dji. Ye wo dje mɔ. ²³Gayime wo akloa le yiyima Yesu dɔ alɔ. Eya sese ɖe ho le etɔa dji eye cǐ le wo be to dji ƒua ɖoɔ eye wole nyrɔnyrɔ.²⁴Nusrɔvǐwo wo yi yesu gbɔ eye wo Fɔɛ gblɔ nɛ be: Nufiɔla! Nufiɔla! mile crɔ crɔ! Efɔ eye be blu ɖo aya ku tɔa eye ɖoɖoe ʒi. ²⁵Ye be gblɔnɔwo be: Afika mia be xɔse le? Vɔ̃vɔ̃ ɖowo eye be mo yaanɔ ye wo le wonɔ̃ɛwo biɔ̃ se be:<< Amekɛ nyi ameya le gbe ɖe ne ayawo ku ciwo eye woɖo toe?²⁶Wova ɖo Géraʒeniatɔwo be dju yi djekɔ galilea me. ²⁷Ke Yesu ɖi le tɔdji ʋua mea, ŋucu ɖe yi co djua me gbɔgbɔ vɔ̃wo le mea va dogoe. Me gbaɖo na awuo, magba nɔna aƒe me o vua be nigblã vua benigbã me kpo nɔna co gbaɖegbe.²⁸Eyi be kpɔ Yesua, edo ƒa ye be djã yile ŋkɔ nɛ. Ye be kɔ gbe yi dji gblɔ be: Yesu Mawu djiƒo ʋütɔ be vi nyã kɛ le mi ku o dome? Meɖe kuku nɔ ŋgba wɔ ƒunyãfunya mo. ²⁹Doa Yesu ɖegbe ne gbɔgbɔ makɔmakɔa yi ne le ŋucu coka gbaɖegbea be ba dro le eme. Wo dona gã kɔsɔkɔsɔ afɔwo nɛ vɔa econawo eye gbɔgbɔ vɔa dagbanɛ yi na ʒo gbewo me.³⁰Ye Yesu biɔɛ be:<< ŋkɔ wo ɖe? Eɖoeŋuti be << Legio. ɖoa gbɔgbɔvɔ sugbɔ le eme. ³¹Ye wo ɖe kukunɛ Yesu be ŋgba nyã yiwo ɖoɖa aʋlimeo.³²Kpɔ ɖa le Fima aƒe hã ga ɖe bɔle todji le nu ɖu. Eye gbɔgbɔvɔ̃awo ɖe kukunɛ be ne ɖe mɔ ne yiwo ne ye wa hã me. Ye be ɖe mɔ nɔwó. ³³Ye gbɔgbɔ vɔ̃awo dro le amea me, ye wo ,yi ɖo hãwo me, ye hãwo ƒudu kplikpli co toa kɔtowo ɖo aƒua me ye wo yi nuci ku.³⁴Eyi hãwo dji kplɔlawo kpɔ nuyi ne djɔa wo si dju va yi gblɔɛ le dju gã gaku kɔƒewo me. ³⁵Ye amewo dro yi be yewa ayi kpɔ nuyi ne djɔa. Eye wo va ɖo Yesu gba wo kpɔ ŋucu yi me gbɔgbɔ vɔɛ wo dro lea le yesu ba kɔme be doa awu le nɔnɔme nyuitɔa me eye be wɔ mo yaa nɔwo.³⁶Ameyiwo ne kpɔ nuyi ne djɔa teƒea egblɔ ɖeke yesu yɔdɔ ne gbɔgbɔ vɔtɔa nɔwo. ³⁷Eye Gaʒeratia nutoa me tɔwo kpata ɖe kuku ne Yesu be ne djo le yewo gbɔ, ɖoa nu yiwo be wa wo ɖi vɔvɔ̃nɔwo?³⁸Ameyi me gbɔgbɔ vɔawo dro lea ɖeku nɛ be ne ɖemɔ ne ya kplɔɛ ɖo. Vɔa Yesu gbe gblɔ nɛ be: ³⁹Djo yi aƒe me nava yi gblɔ nu gã yiwo Mawu wɔnɔ̃ wa. ŋucua djo yi duawo me vɛ yi gblɔ nuyi yesu wɔ nɛa.⁴⁰Ke Yesu trɔ gbɔa, ame hawo xɔɛ ku djidjɔ ɖoa wole te nɔ kpɔɛ. ⁴¹ŋucu ɖe yi wo yɔ na be yairo enyi ƒuƒoƒea ba me gã va. ⁴²Dje klo le yesu ba fɔ ɖe kuku nɛ be ba va yi ba ƒe me, ɖoa avia nyɔnuvi ɖeka akogo yilaxɔ eƒe wui ve dua le ku baɖa ƒoŋ. Eyi Yesu le yiyima amewóminù ɖoe.⁴³Eye nyɔ̃nuɖe le amewo dome me ʋu le dodro le ŋti efe wuive kpata, ye be gble yi be nu nɔa mesiwo kpata le gbedatɔwo gbɔ vɔa ɖekpe meteŋ da dɔa nɛwo. ⁴⁴Eto ŋgbodome ne yesu va kasi yi ba wuto ye ʒiɖeka yi be ʋu yi ne le dodre le ŋti tɔte.⁴⁶Yesu gblɔ be:<< amekɛ kasi ŋti nye? Ke ame siame le nu se ma, Petro gblɔ̃ nɛ be:< amewo mimiwo, ye wo le tutu o, ye le le gbɔgblɔ ameɖe kasi ŋti nye yãã? ⁴⁵Vɔa Yesu ɖoeŋuti be:< kasi ŋuti nye, me se le ɖokui nye me be ŋuse ɖe dro ɖa le me nye.⁴⁷Eyi nyɔ̃nua kpɔ be yi ma teŋ be wa eʒɔva ku vɔ̃vɔ̃ va dje klo le ŋkɔnɛ. Ye gblɔɛ le dukɔa kpata be ŋkume nuyi ŋtie kasi eŋuti ku le leke lãmea ca vɔ nɛ £i ɖeka. ⁴⁸Aʒɔa Yesu gblɔ nɛ bena:< djoyi le ŋtifafa me xɔse wa ɖewo.⁴⁹Eyi kpɔtɔ le nuƒo ƒoƒo djia ame ɖe co ƒuƒo ƒe tatɔa ƒeme va gblɔ bena:< nyɔnuvia ku, ŋgba ɖe ɖefu ne nufiɔtɔa. ⁵⁰Vɔa eyi Yesu se nyã, ɖoeŋuti nɛ bena ŋgba vɔ, xɔɛ se kpo ye vi wa la kpɔ ɖéɖé.⁵¹Eyi ke be yi aƒea mea me ɖe mɔ ne ame ɖekpe be neva xɔa meo negbe Petro, Ja gaku Jaki kpoe, nenea ke evi nɔa ku tɔtɔ cã. ⁵²Kpɔɖa amewo kpata le avǐ fã, ye wo le ko yi Fãŋ ne vivia. Vua egblɔ be:<< Mi ŋu gba Fã avio, mekuo, alɔ kpo dɔ̃ le. ⁵³Eye wole ŋti dãŋ, ɖoa wo nyã bena ɖevia ku be ku.⁵⁵Ele ɖevia ba lɔ yɔɛ ku gbe se see ɖe be:< nye Fɔ̃. Yi be gbɔgbɔ trɔ va, ye be co ʒi ɖeka. ⁵⁴Yesu gblɔ nɔ wo be wo ne nɛ nu ba ɖu. ⁵⁶Ewɔ ŋdã ne djilawo, eye Yesu gblɔ̃ nɔ̃wo be wo ŋgba gblɔ nuyi djɔa ne ame ɖe kpe o.

¹Nudʒotɔwo kpata gaku ameyiwo agbe me nyɔnawo woa wo tegogo Yesu be yewo aɖo toe. ²Eye Fariʒitɔwo gaku nunyalawo lioilioi. gbɔgbɔ̃ŋ be : ''núcú ya le hadoŋ ku agbeʋlui nɔtɔwo eye be ke nu ɖuŋ gaku wo''³Vɔa Yesu doló ya newo gblɔ be. ⁴Miadometɔ ka ye, ne alɛ alɔfãɖeka le ési eye ɖeka bu le eŋti nɛa, ma ɖasi le blasiɖekɛ vɔ asiɖe kpɔtɔwo ŋti daɖi be yeayiɖji ɖeka yi ne nu nɛa vaseɖe gɛme wɔa kpɔɛ oa? ⁵Eye ne ne kpɔɛa lakɔɛ ɖe abɔʈa ku djidjɔ⁶Eye ne gbɔva aƒemea, éyɔna yibe xɔ̃lɔ̃wo gaku yibe aƒelika wo yi be gblɔna bewo be: '' Mì kpɔ djidjɔ kuŋ, ɖoa metrɔ kpɔ alẽ nye yi ne bu neŋ. ⁷Mele egblɔ̃n ne mì be nàna kee djidjɔ sugbɔ̃ lanɔ djkpo ne nuvɔwɔtɔ ɖeka yi trɔdjimeaclo wú amedjɔɖjɔɛ blasiɖekɛ vɔ asikɛ yiwo ŋgba hiã djimetɔtrɔ o.⁸Alo nyɔ̃nui kaye ne kpevi ga wó le esi ye be bù ɖeka le eŋtia, me sina eɖjo akpɔ aƒeame kpata, nanɔ e ɖjiŋ ɖɔɖɔɖɔ vaseɖe gayi me wɔatrɔkpɔɛ oa? ⁹Eye ne e trɔkpɔɛ vɔa, e yɔna yibe eƒemetɔwo gaku yibe aƒelikawo eye be gblɔna newo be: '' Mì kpɔ djidjɔ kuŋ; ɖoa me trɔ kpɔ ga yi ne bu nam. ¹⁰Me le egblɔ ne mibe nana cucu ye mawudɔlawo kpɔna djidjɔ nenyi be nuvɔ̃wɔtɔ ɖeka trɔ djimea¹¹Eye Yesu gblɔ̃ be: núnú ɖe ɖo vi núcú eve, ¹²Vivitɔa gblɔ̃ne tɔtɔa be: tɔtɔnye: '' cɔ kesinɔnu yi nyĩ gomekpɔkpɔ nyea nem ƒiƒia'' eye wo tɔtɔa mà yibe kesinɔnua ne wó¹³Ŋkeke ɖewo megbea, vivitɔa ƒoƒu nusianu yi nyĩ yitɔa eye be djo yi dju djidjiɖeme, eye le ƒima, e ʒã yibe kesinɔnua yakayaka le agbevlonɔnɔme. ¹⁴Yi be ʒã kesinɔnuawo kekeŋ voa, dɔ gãɖe to le djua kekeŋ me eye wòle hiãhiã me¹⁵E yi dje edɔ̀ wɔwɔ na djuametɔ ɖeka yi dɔɛ̃ ɖoɖa yibe agblewome be ne yi nɔ yibe hãwo dji kpɔm ne yi. ¹⁶E dronɛ be ya dù hãwo be nuɖuɖua, vɔ ame ɖeke me nɛ o.¹⁷Eyi wòyi eɖokui mea egblɔ̃ ne yiɖokui be agbatee ɖɔwɔtɔ nenea le tɔtɔnye gbɔ yi kpɔ na nu gbogboɖe ɖuna eye nyea ma ku le dɔwua me ŋti le giya. ¹⁸Mele djodjogbe le fiya, ayi tɔtɔnyegbɔ eye ma gblɔ nɛ be, tɔtɔnye, me wo nuvɔ ɖe djiƒo kusi ŋtu , eye me wɔɛ ɖe wòcɑ̃ ŋũtiwò. ¹⁹Nyi me ɖje be woa yɔŋ be viwò o; xɔŋ manyĩ agatedɔwɔtɔwo dometɔ́ ɖeka.²⁰Eco eye wodjo yi tɔtɔa gbɔ eyi wò gbale adjogea, tɔtɔa kpɔeɖoɖa eye yibe nu wɔ nublanyui nɛ, eye eƒodju wɔ atu nɛ eye wo ɖiɖɔ nu nɛ. ²¹Evia gblɔ̃ nɛ be tɔtɔnye me wɔ nuvɔ̃ djilfo ŋti eye me wɔe ɖe wòca ŋtiwò. Nyi me dje be woa yɔ̃ŋ be vi wò o.²²Vɔa tɔtɔa gblɔ̃ ne yibe dɔcɔviwo be: '' Mí yi cɔ awu yi ne nyo wu ( nya kpɔ kpɔ wua) mì doenɛ, mi dò alɔga le alɔvine, eye mi dò aƒɔkpa nɛ. ²³mì le enyivi yi doami, eye mì wui Mina mi ɖu eye mia kpɔ djidjɔ; ²⁴ɖoa vinye yi kpɔm mi lea eku eye wò trɔ gbɔ agbe; ebu eye me trɔ kpoɛ. Eye wo tɔ djidjɔ kpɔkpɔ²⁵Vɔa vi ɖjigbɔã le agbleme. yi be gbɔ̃nɔ̃ co agblea eye be le aƒea me gogoma, e le miʒike gaku ewɔeɖuɖuwo seŋ. ²⁶Eyɔ̀ dɔcɔviwo dometɔ deka yi be biɔɛ nuyi nele djɔdjɔma. ²⁷Dɔcɔvia ɖoŋtinɛ be : Nɔviwò trɔgbɔ, eyi tɔtɔ kpɔɛ le lãmesɛmea tɔtɔwò wù nyivi dami ɖeka.²⁸Ekpɔ djiku, medji be dji yayi aƒea me o. Yi tɔtɔa dro va yi be ɖekuku nɛ be ne ɖo aƒeam. ²⁹Vɔa e ɖoeŋtine tɔtɔa be kpɔ ɖa eƒe gbogbo ɖe woeyawo yi me ɛ dɔ cɔŋ be wò, eye nye me da le ɖoɖowò dekpe dji kpɔ o, vɔa me nam gbɔ̃vi ɖeka ete be ma nɔ kpɔ djidjɔ gaku xɔ̃lɔ̃nyewo kpɔa. ³⁰Vɔ, eyi viwò ya gbɔ, ameyi ɖu kesinɔnuwò gaku ahasitɔwo woa, eyŋti ye le wu enyivi dami nɔ!³¹Tɔtɔa gblɔ̃ nɛbe: vinyè, le li kakuŋ ɖoa eye nu yiwo kekeŋ yi le asinynea tɔwoe wónyi, ³²Enyo be dji ne djɔ mi, eye mía kpɔ djidjɔ, ɖoa nɔviwò ya yi kpɔm nelea ku eye be trɔ gbɔagbe, ɖo nuyiŋtia, e bu ye mí trɔ kpɔe.

¹Yesu gblɔ ne yibe nusrɔ̃lawo cã be: ŋũcú kesinɔtɔ ɖe ɖo yibe kesinɔnuwodjikpɔtɔ yi won wònya be e le yi be kesinɔnuwo ʒãŋ yakayaka. ²E yɔɛ, eye be gblɔ̃nɛ be: nyãkà be nyĩ seŋ mele co ŋciwò? na akɔ̃ŋla nem kuɖe edɔwɔa ŋti ɖoa me gab teŋ le kesinɔnunyewo dji kpɔ gbe o.³Kesinɔnuwodji kpɔtɔ gblɔ̃ le aɖokuime be: neke wɔgbe me le? ɖoa aƒetɔnye le yibe kesinɔnuwodji kpɔkpɔa xɔŋ le asinye. Áde agble? nye mateŋ wui o. Á biɔ nú ele nù kpeŋ nem. ⁴Me nyà nuyi wɔgbe me le alebe ameaɖewo woaxɔ̃ŋ ɖe wo be aƒetome ne wo xɔ dɔ le asinye.⁵E na yi ƒetɔa be ƒetɔ ɖesiaɖe va egbɔ, eye be gblɔ ne ame ɖiagbɔ̃a be: ƒe neni le ɖu do aƒetɔnye? ⁶Ami djidje alɔƒã ɖeka, eƒetɔa ɖoeŋti nɛ nana. Eye be gblɔnɛ be: nɔ anyi kaba cɔ̃ woma woa, eye ŋlɔ̃ bla-atɔ. ⁷Emegbea, e gblɔne amebu cã be eye ewòya, neni be ƒe le ɖu ? E ɖoeŋti be: bli djidje nu alɔƒã ɖeka. e gblɔ nɛ be cɔ̀ womawoa, eye ŋlɔ̃ bla-enyi⁸Aƒetɔa, kafu kesinɔnudjikpɔtɔa le aleyi be wɔ nua gaku ayedjedje ŋti. Ɖoa xixe ya me viwo, dje aye ɖoda wo haviwo gbɔwu kekeli me wiwo. ⁹Eye nye ya me le e tɔn ne mì be mì cɔ kesinɔnu madjɔmadjɔwo dje xɔ̃lɔ̃ gaku manonoɛwo alebe ne woŋgbava le mìasi o woa, wo axɔmì de agbadɔ mavɔmavɔwo me.¹⁰Ameyi nyĩ ŋteƒe wɔtɔ le nu viɖewo mea e nyi nɛ le nu gãwo cã me, eye ameyi nyĩ ŋteƒemawɔtɔ le nu viɖeaomea, e nyi nɛ le nu gãwo cã me. ¹¹Ne mi me nyĩ ŋteƒe wɔtɔ le kesinɔnu madjɔmadjɔwome o woa ɖe, ameka ye le cɔ djɔdjɔe tɔ wo dasi ne mi? ¹²Eye ne mì me nuĩ ŋteƒe wɔtɔwo le nu yi nyì amebutɔme woa ɖe, ameka ye cɔ nu yi nyĩ mìatɔa ne mi?¹³Ɖocɔvi ɖekpe ma teŋ cɔ dɔ ne aƒetɔ ameve o. Ɖoa, dèkpò ba le fu wodeometɔ ɖeka eye ba lɔ ame ve gɔ̃a; alo la leɖo ame ɖeka ŋti eye ba dòclò ame ve gɔ̃a. mi ma teŋ cɔ dɔ ne mawu ku mamɔ̃ o.¹⁴Fariʒitɔ yiwo nyì aŋõkutɔwo woa, wo ca wo le nuawo kekey seŋ. Eye le ekɔŋ. ¹⁵Yesu gblɔ̃ newo be: mìɔ nù le djidji la djé amedjɔdjɔɛwo le amewo be mo, vɔ Mawu nya miabe djiwo; ɖoa nu yi kɔ́kɔ́ le amewo domea, nyĩ bosunu le mawu be mo.¹⁶Esea gaku nyagblɔɖitɔwo le dɔ wɔ̃ŋ kaka vaseɖe Jã. ame nyrɔ̃tɔá dji; cò gbemagbea wo ɖegeƒã Mawu ƒiɔɖuƒea, eye ʋliʋlitɔ́woe le eme yim. ¹⁷Ele bɔbɔɛɖe be djiƒo gaku anyigbã nu ava yì cɔ wu be woaɖe esea be nuŋɔŋlɔ̃ djesi ɖeka djo¹⁸Ameɖekpe yi gbe srɔ̃a nyɔ̃mú eye be trɔ ɖe nyɔnú nua wɔ ahasi, eye ameɖekpe yi ɖe nyɔ̃nú yike srɔ̃a ŋcu gbea wɔ ah̀asi.¹⁹Ŋcú kesinɔtɔ ɖe le , yi do'nà awù djĩ gaku aklala wù mémé ( citɔwo be nu dodo le gaƒoƒɔ́ ma me), kpɔ na djidjɔ ŋkeke sia ŋke le yibe nunɔamesi sugbɔa ŋti, ²⁰Hiãtɔ abinɔ̃ nubiɔtɔ ɖe yi wo yɔna be Laʒaro mlɔ̃na nyi le yibe agbodji. ²¹Ne gatɔa ɖunu vɔa, nukui yiwo hlena kɔ kplɔ̃a gɔ̃mea, enɔ na ecãŋ nɔ ɖuɖuŋ eye awũwo nɔ̃ abia mw mw ɖiɖɔ²²Hiãtɔa va ku, eye Mawu dɔlawo kɔɛ yi Abrahame be akɔ̀nù. Gatɔa cã va ku eye wo ldi. le ciɛƒea, eyi wòle ƒukpe ma, ²³Gɛme be le vevea se ma, e kɔ mo yi dji yi be kpɔ̀ Abraham lazaro le akɔnũ nɛ²⁴Eye be dowli gblɔ̃ be: tɔtɔnye Abraham, kpɔ nublãnyui neŋ, ne na dɔ̃ Laʒaro ne ba cɔ̃ yibe alɔvi ɖeka de ci me ada ɖe aɖe nye dji, ɖoa me le fũ vevi ɖe kpeŋledjo ya me.²⁵Abraham ɖo eŋti ne be: Vi nye, ɖoŋkuedji be le agbeanɔni wo mea, lexɔ kesinɔnuwòwo eye Laʒaro ya se vevi le yibe agbenɔnyi. Ƒiƒia wo le akɔfaŋnɛ le fiya eye wo ya le le fu kpeŋ. ²⁶Ŋtɔ cã gãɖe le mí gaku miɔwo dome yi wɔɛ be ame yiwo la dji be yewo acò fiya ava miagbɔ alo acò míagbɔ́ ayi fima, wo me teŋ le ewɔ̀ gbe o.²⁷Gatɔa gblɔ be tɔtɔnye Abraham, ƒiƒia meɖe kúkú be na djo dɔ̃ Laʒaro ɖoɖa tɔtɔnye be aƒeme, ²⁸ɖoa nɔvi ŋcúvi amatɔ le asinye. Be ba yi ɖo kpe le nu ya dji newo bena wo cã wo ŋgba va ƒukpekpe teƒeya o.²⁹Vɔa Abraham ɖoeŋti nɛ be: Mose gaku nyagblɔɖitɔwo le wosi, vɔ; wo ne ɖò tó wó. ³⁰Eye gatɔa gblɔ̃ be: oh tɔtɔnye Abraham, vɔ ne nyi ame ɖe cò amekukuwo dome yi wo gbɔ gblɔ̃ɛ ne woa, woa trɔ djime. ³¹Eye Abaraham ɖoeŋti nɛ be wo me ɖo tó Mose gaku nyagblɔ̃ɖi tɔwo woa, ne amekukuwo dome tɔ́ ɖe ƒɔ̃ cò amekukuwo dome cã, wo mw le edji xɔxe gbe ase

¹Yésu gblɔ ne yibe nusrɔviwo be: womate ŋu acu mɔ ne nuɖiaɖiawo be vava o; vɔa baba ne ameyi dji togbe béle ava. ²Enyo nɛ wu be woacɔ té ado le kɔ nɛ eye woacɔe ƒu gbe le aƒu me wu eyi wóaɖia vivi yiawo dometɔ ɖeka nu.³Mikpɔ mia ɖokoe dji! Ne nɔviwo wɔnuvɔa kă mo nɛ; eye ne etrɔ le yibe dji mea coe kee. ⁴Eye ne ewɔ nuvɔ le ŋutiwo zi adre lke ŋkeke ɖeka dji eye egbatrɔ va ɖe kuku nɔ zi adrea, cɔe kee.⁵Apostoloawo gblɔ ne Aƒetɔ be: wɔ miabe xɔse be nedji le dji. ⁶Eye Aƒetɔa gblɔ be: Ne xɔse le mia si sigbe logoku enea, miagblɔ ne gboti yia be: Ho ɖokoe le afiyia eye va yi cɔ ɖokoe do afu me eye ela, ɖoto mi.⁷Mia dome tɔ kae be subɔvi (ɖɔla) le agble ŋlɔ alo le lă nyiŋ, ne egblɔ co agblea woăgblɔ nɛ be: va kaba eye nebɔbɔ nɔ akplɔ ŋuti? ⁸De mele gblɔgblɔ nɛ be: Djra nuyi ɖugbe melea ɖo, bla ali dji eye wɔ nuɖuɖu neŋ vaseɖe eyime meɖu nu eye no nu; le emegbea wó că la ɖu nu ne eye lano nu?⁹De mado akpe ne subɔvi (dɔla) ma ɖoa ewɔ nuyi wogblɔ nɛ oa? ¹⁰Miawo că ne miwɔ nuyiwo kpata be se wodo ne mia djia, migblɔ be: subɔvi gblɔlowo minyi, miwɔ nuyi dje be miawɔ.¹¹Evame be eyi Yesu le Yeruzalɛm yiŋ ma, eto Samaria ku Galilea be dodome. ¹²Eyi be va do kɔƒea ɖe mea ŋucu ewo yiwo nyi kponwoa va dogoe. Wole adjɔge. ¹³Eye wodo aƒa gblɔ b: Yesu amegã kpɔ nublanui ne mi!¹⁴Eyi ekpɔ woa, egblɔ ne wo be: Miva yi cɔ mia ɖokoe fiɔ nunɔlawo. Eye le eyime wole ŋiyiŋ ma, wo be dɔlealea vɔ ne wo. ¹⁵Wo dometɔ ɖeka, eyi b ekpɔ be yibe dɔlelea vɔa, etrɔ ca megbe dome le Mawu kafuŋ ku gbe sesẽ. ¹⁶Edje klo cɔ mo anyi le Yesu be afɔ nu eye le akpe doŋ nɛ. Samarita yé.¹⁷Eyi Yesu xɔ gbea egblɔ be: De menyi ewo yé be lãme sẽ oa? Ame asieke kpɔtɔewo ɖé? ¹⁸Ame bubu ɖekpe megbalé acɔ bubu ne Mawu wu amedjro yia oa? ¹⁹Eye egblɔ nɛ be: citre, djo yi xɔse wó ɖe wó.²⁰Farizitɔwo biɔ Yesu be gakame yé Mawufiɔɖuƒea lava. Yesu ɖo eŋuti ne wo be: Mawufiɔ ɖuƒea mele vava gbe sigbe nuyi woakpɔ ku ŋku ene o. ²¹Wo magblɔ be: ele afi yia alo ele afi maɖa o ɖoa Mawu be fiɔɖufea le mia be dodome.²²Eye egblɔ ne yibe nusrɔnviwo be: ŋkekewo le vavagbe eyi miadji be yeawoakpɔ amegbetɔvia be ŋkeke ɖeka, vɔa mi mele ekpɔ gbe o. ²³Woa gblɔ ne mi be: ele afi yia, ele afi maɖa. Miŋ gba yi o, miŋ gba ƒudu le eyome o. ²⁴Doa sigbe aleyi djikedjo klẽna le djiƒo be go ɖe me va yi go bubu djia, nenema ye lanyi amegbetɔvia be vava be ŋkekea.²⁵Vɔa ele nɛ be wóakpe fu sugbɔ cucu gbã eye djidjeme yia (egbe be amewo) ne cɔe fuŋ gbe. ²⁶Nuyi djɔ lenoa be gamea gba le djɔdjɔ gbe le amegbetɔvi be ŋkekewo me. ²⁷Amegbetɔwo ɖu nu no nu ɖe srɔ eye woɖe srɔ ne wobe viwo vaseɖe ŋkeke yi noa ɖo aɖaka me. Tɔɖɔɖɔ va eye be na be wokpata wocrɔ.²⁸Nuyi djɔ le Lot be game a gbale djɔdjɔ gbe nenema cucu egbea. Amegbetɔ wo ɖu nu, no nu, ƒle nu, sa nu, do nu, cu nu. ²⁹Vɔa gbeyi gbe Lot dro le Sodomea, djo ku djo ku djokpe dja co djiƒo eye wokpata wocrɔn.³⁰Nenema cucu bele djɔdjɔ gbe gbe yi gbe amegbetɔvi lava do. ³¹Le ŋkeke ma djia, ameyi le xɔ be tame eye yibe nuwo le xɔamea, ne gbe ɖi va be yeava cɔ wo o; eye ameyi le agblewo mea ne gba trɔ gbɔ va megbe dome.³²Moɖo n'ku Lot be srɔn dji! ³³Ameyi dji be yeaɖe ye be agbea, labui eye ameyi labuia lakpɔe.³⁴Mele egblɔŋ ne mi, le zã ya mea, ame eve yiwo lanɔ abati ɖekamea wole ame ɖeka cɔ gbe eye woagble ame evelia ela ɖi. ³⁵Nyɔnu ameve woanɔtedji (wɔcuŋ) woacɔ ame ɖeka eye woagble ame evelia da ɖi. ³⁶ŋucu ameve woanɔ agble me, woacɔ ame ɖeka eye woagble ame evelia da ɖi.³⁷Nusrɔviwo gblɔ nɛ be: Afikae Aƒetɔ? Eye eɖo eŋuti be: Afiyi nu kuku lea gema yé hɔnwo ƒona ƒu le.

¹Yesu dolo ne wo le aleyi woado gbe ɖa tegbee eye nu negba ci kɔ ne wo oa ŋuti. ²Egblɔ be: kodjoɖotɔa ɖe le du ɖe me yi me vɔ na Mawu o eye me buna ameɖekpe cã o.³Ahosia ɖe cã le du ma me yi va egbɔ gblɔ be: ɖeŋ le ketɔ nye si me. ⁴Eteƒe didi, egbe (melɔn o). Vɔa emegbea egblɔ le yeŋtɔ ɖokoe me be: eyi nyeme vɔna Mawu eye nyeme buna ame ɖekpe cã oa. ⁵Vɔa eyi ahosi yia le fu ɖeŋ neŋ ŋutia mele eɖe gbe be ne gba va nɔ nuƒo doŋ ŋeŋ o.⁶Eye Aƒetɔa gblɔ be: Mise nuyi kodjoɖotɔ madjɔmadjɔa gblɔ. ⁷De Mawu maɖe yibe ame cacãwo yiwo le aƒa ɖoŋ nɛ ŋkeke ku zã eye magbɔ dji ɖi ne wo oa? ⁸Mele egblɔŋ ne mi be elaɖe wo kpata(kaba). Vɔa ne Amegbetɔ be vi le vava gbea, ɖe bakpɔ xɔse le anyigbã djia?⁹Egba do lo bu ne ameyiwo kã le woɖokoewo dji be yewole djɔdjɔe eye wodo vlo amekpɔewo. ¹⁰Ame eve woyi Mawuxɔme be yewoado gbe ɖa; ame evegɔa nyi nudjɔla.¹¹Farizitɔa le citre le gbe doŋ ɖa le eɖakoe me be: Mawu, medo ake nɔ be nye mele sigbe ame kpɔtɔe yiawo yiwo nyi fiafitɔwo, ame madjɔmadjɔwo, ahasitɔwo alo sigbe enudjɔla yia cã ene o. ¹²Me nanɛ nu maɖumaɖu ci manu manu zi eve le kɔsiɖa deka me, me nana nuyiwo kpa su asinye be ewolia.¹³Nudjɔla, le citre le adjɔgeme dji be yea kɔ ta yidji be yeakpɔ djipo o; vɔa eƒo akɔta gblɔ be: Mawu kpɔ nublanui ne nye yi nyi nuvɔnwɔla. ¹⁴Mele egblɔŋ ne mi be: Ameyia, yi aƒe me ku djɔdjɔnyinyi wu ame evegɔa. Doa amesiame yi do eɖokoe le djia woa bɔbɔe ɖe anyi eye ameyi bɔbɔ eɖokui ɖe anyia woa doe le dji.¹⁵Wokplɔ viviwo cã va nɛ be ne ba kasi wo uci. Vɔa eyi nusrɔnviwo kpɔ nu yia, wo xemɔ ne ameyiwo kplɔ viviawo va. ¹⁶Yesu yɔ wo eye begblɔ be: Mina viviawo neva gbɔnye eye miŋ gba xe mɔ newo o; Doa Mawu be fiɔɖuƒea nyi ameyiwo ɖi vivi yiawo. ¹⁷Mele egblɔŋ ne mi le nyateƒe me, amesiame yi mexɔ Mawu be fiɔduƒe sigbe vivi cukui ene oa mele eme yi gbe o.¹⁸Amegã ɖe biɔ Yesu eye egblɔ be: Nufiatɔ nyui nuka mawɔ be manyi agbe mavɔ be dome nyitɔ? ¹⁹Yesu ɖo eŋuci nɛ be: nuka ŋuci lele yɔeŋ be nyui? Ame nyui ɖekpe melio, Mawu ɖeka yée. Le ²⁰nya sededeawo be: Megba wɔ ahasi o; megba wu ame o; megba fifi o; megba ƒo gbe le nɔviwo si o; bu tɔtɔwó. ²¹Egblɔ be: mewɔ nuyiawo kpata dji co vivi nye me.²²Eye eyi Yesu seea, egblɔ nɛ be: ekpɔtɔ nu ɖeka nɔ; nuyiwo kpata le asiwoa, sawo eye namã ga ne woamenɔtɔwo eye kesinɔnu lanɔ asiwo le djiƒo. Emegbea va dje yonye me. ²³Eyi amea se nya yiawoa, evee ŋtɔ ɖoa kesinɔtɔe.²⁴Eyi Yesu kpɔ be evee ŋtɔa gblɔ be: Esẽŋu ne ameyiwo si ga lea be woa yi Mawu be fiɔɖuƒe me! ²⁵Doa ele bɔbɔe ne kposɔ be neto abui be to me wu aleyi kesinɔtɔ neyi Mawu be fiaɖuƒe me.²⁶Ameyiwo seea, gblɔ be: Ameka yé lateŋu akpɔ ɖeɖe? ²⁷Yesu ɖo eŋuci be: Nuyi womate ŋu wɔ le amegbetɔwo gbɔ oa woate ŋu wɔe le Mawu gbɔ.²⁸Petro gblɔ be: kpɔ ɖa migble miabe nuwo kpata ɖi eye mi dje yowome. ²⁹Eye Yesu gblɔ ne wo be: mele egblɔŋ ne mi le nya teƒe me, ame ɖekpe mele meli yi gblẽ yibe aƒe alo srɔa, alo nɔviŋucuwo alo djilawo alo viwo ɖi le Mawu be fiaɖuƒea ŋuci. ³⁰Eye Mawu magbe eteƒe ɖoɖo nɛ sugbɔ xɔxɔ wu le fifia ku agbe mavɔa xɔxɔ le xexe yi le vava gbea me o.³¹Yesu yɔ ame wuiveawo va egbɔ gblɔ ne wo be: kpɔ ɖa mile Yeruzalɛm yiŋ eye nuyiwo kpata nyagblɔɖilawo ŋlɔ le Amegbetɔ be vi ŋucia le eme va gbe. ³²Doa wole eco gbe ana vodusubɔtɔwo; Woaɖu fewu le eŋuci, woado vloe, woacu ta ɖe eŋu. ³³Eye eyi wocu sɔba ƒoe vɔ megbea, woawui eye le ŋkeke etɔagbea ela fɔ co amekukuwe dome.³⁴Vɔa womese nuyiawo ɖekpegɔme o; eye nya yia le ɣaɣla me ne wo eye womenya nuyiwo begblɔ o.³⁵Eyi Yesu gogo Yerikoa, ŋku gbagbãtɔa ɖe nɔanyi le mɔ to eye enɔ nubiɔŋ ³⁶Eyi ese be ameha le eŋuci toŋ le yiŋ yiŋ ma, ebiɔ be: Nukae nyi yia? ³⁷Wogblɔ nɛ be: Yesu Nazaretetɔa yé le eŋuci toŋ.³⁸Eye edo aƒa gblɔ be: Yesu Dawid be vi, kpɔ nublanui neŋ! ³⁹Ameyiwo le zɔzɔŋ le blu le eta be nezi ɖoɖoe; Vɔa egba do aƒa ɖe edji sesẽ gblɔ be: Dawid be viee kpɔ nublanui neŋ loo!⁴⁰Yesu, nɔte, ɖe gbe be woakplɔe va yi gbɔ; eye eyi egogoea, ebiɔe be: ⁴¹Nuka le dji be mawɔnɔ? eɖo eŋuci: Aƒetɔ, me dji be makpɔ nu.⁴²Eye Yesu gblɔ nɛ be: kpɔ nu; xɔsewo ɖewo. ⁴³Le gaƒoƒo ma mea, ekpɔ nu eye ekplɔ Yesu ɖo le Mawu kafuŋ. Dukɔa kpata kpɔ nu yia eye ekafu Mawu.

¹Eyi Yesu ʋa Yerixo eto me yi. ²Eye nusu ɖe le teƒema yi woyɔna be Zaxeo. Enyi amegã na nudʒolewo eye ega le esi.³Edʒi la dʒesi ameyi nyi Yesu ʋoa metem le kpoa ɖoaŋti ame kpui ye nyi eye amewo sugbõ. ⁴Eƒudu yi ŋkɔ na amewo eye elia gboti ɖe dʒi le ya kpɔe, doaŋtia Yesu dja to guema.⁵Eyi Yesu ɖo fima, ekpe le dʒia eye egblɔ nɛ be: << Zaxeo, dʒi ʋa kaba, doaŋti edʒe be ma nɔ afewo me egbea. ⁶Edʒi va kaba, eye wɔ Yesu ku dʒidʒo. ⁷Eyi wo kpɔe nenea, wakpata wole bidʒi eye wole ƒunuƒu be: Eyi nuvõ wɔla gbɔ.⁸Zaxeo tɔte le Afetɔ me ŋkume, eye egblɔ nɛ be: kpɔ ɖa, Afetɔ, me nana nunyewo me mamame woamenɔwo, eye ne medʒagɔ ameɖe dʒia me ɖona etefe nɛ ʒi ene. ⁹Yesu gblɔ nɛ be:<< xɔxɔ va aƒeyame agbea, doaŋtia ameya cã nyi Abraham me vi. ¹⁰Doaŋtia amegbetɔ via ʋa be ya dʒi eye ya ɖe ameyio bu.¹¹Eyi wole se nyayawoa, Yesu yi adʒi le gblɔ nya nɔwo le lododme doaŋti e gogo Yerusalem gbɔ, eye wo wɔese be dʒiƒo fiaɖufea lava ʒiɖeka; ¹²Yesu gblɔ be:<< Ame kokoe ɖe le yi du dʒidʒi ɖe me be ya wɔ afiaduƒe ɖe eye ya trɔ gbɔ va emegbe.¹³Eyi eyɔ yime subɔla amewo, ecɔ sikaga ewoa de asi nawo ɖeka ɖeka eye egblɔ nawo be :<< Mina be ne divi kem gbɔ magbɔ. ¹⁴Voa yime dume tɔwo le fui eye wodɔ dutefemenɔlawo me amewo ɖoɖa egbɔ eye wo gblɔ be: "Mimedi be nutu ya ne ɖufio le mia dio." ¹⁵Eye le yime gbɔgbɔmea, eyi be xɔ diɖuƒea, ebio yime subɔ la yio be cɔ sikaga na, be ya nya aleke ame siame kpɔ ale gake be cɔna o be woa do aʒɔ.¹⁶Ame tutugbã va gbɔ be:"Aƒetɔ wo sikaga di sikaga ewo ɖe edi. ¹⁷Egblɔ nɛ be: enyo, subɔla nyui. Eyime le wɔ,nuteƒe le nuvi ya me, la kplɔ ɖu ame ewo.¹⁸Ame eve lia va be: "Aƒetɔ, wo sikaga divi atõ ɖe edi. ¹⁹Egblɔ nɛ be:<< La kplɔ du ame atõ.²⁰Eye amebu va gblɔ be : "Aƒetɔ, sikagawoa eye nye xa yi medrado nyuiɖe le awume. ²¹Doaŋtia, mevõ nɔ̃, le nyi ame ʋɔ̃ɖi. Le Cɔna nuyi meda ɖi, eye le ɖena nuyi me ƒao.²²Egblɔ nɛ be: Me drɔ̃ wo ʋõnu to nyawo p me, subɔla ʋõɖi. Le nya be menyi ame baɖa, yi Cɔna nu le fi yike nye me danu ɖo eye me ɖena nu le fi yike nye me ƒanu ɖoo. ²³Nuka ŋti mecɔ ga nyea da ga draɖoƒe be ne megbɔa maxɔe ku didi ɖedio?²⁴Eye egblɔ na ameyio le guema be: mixɔ sikaga le esi, eye mi cɔe na ameyi si ame ewo le. ²⁵Wogblɔ nɛ be:"Aƒetɔ ame ewo le cɔi hɔhɔ.²⁶Mele gblɔ na mi, woa na ameyi si bele, voa ameyi si meleo ŋtocã woa xɔ nuke le esi. ²⁷Aʒõ, mi kplɔ futɔ nyewo va ne, ameyio me di be ɖufio le yio dio, eye mi wu wo le ŋku nye me.²⁸Eyi gblɔ nya ya o ʋoa, edʒo yi Yerusalem²⁹Eyime bele gogo Bethphagea, ku Bethania yina togbe yiwo yɔna be Olivia, edɔ yime nusrɔ̃la ame eve ɖoɖa. ³⁰Eye egblɔ be:<< Mi yi du ke ta le ŋti me Ne mi doa mia kpɔ esõ kete kete ke di ame mede me manyi le kpɔ. Mi tu kɛ eye mia kploe va nam. ³¹Ne ameɖe bio se be:"Nuka ŋti mi le tu kɛ doo? Mi gblɔ be, "Aƒetɔ le dʒi la ʒãɛ.³²Ame yio wo dɔ, yi eye wo, kpɔ sõ kete kete sigbe leke Yesu gblɔe nɔ o. ³³Eyi wole tuka esõ kete ketea, ame keo tɔ be nyia gblɔ nɔ o be:<< Nuka ŋti mi le tuka esõ kete kete ɖo? ³⁴Wo do ŋti be:<< Afetɔ le dʒi la ʒãɛ. ³⁵Wo kplɔ va na Yesu, wo ɖe woa ma vɔ wo da esõ kete ketea dʒi, eye wo na Yesu nanyi le edʒi. ³⁶Eyi eva ɖoa wo ɖo woma vɔ o le anyigbã nɛ.³⁷Eyi wo gogo Oliʋia,me toa gomea. Eye nusrɔ̃lawo kpata tɔ dʒidʒo kpɔkpɔ eye wole kafu Nawu ku eŋlui dodo doaŋti wo kpɔ Mawu me nugã yio be wɔ. ³⁸Eye wole gblɔ be:<< Yaylia tɔ nyi ameyi va le Aƒetɔ me ŋkɔ me ! Nuti fafa le dʒiƒo eye ŋti kokoe le nɔƒe kɔkɔ wo.³⁹Pharisitɔ ɖewo le amehawo dome gblɔ nɛbe: Nunɔla, yɔ wo nusrɔ̃lawo. ⁴⁰Yesu ɖo ŋti newo be: Mele gblɔ ne mi, ne wo ɖotoa, ekpewo la do aƒa!⁴¹Eyi Yesu le gogo dua mea, efa avi kɔ le edʒi. ⁴²Eye egblɔ be << Ne ɖee le nya le ŋkeke ya dʒi nu yio dʒe na nuti fafa woa! woa fifia, ŋkuvio me kpoea.⁴³Doaŋti ŋkeke wo gbõnɔ eye betɔwo la tɔkpa do, eye woa trɔ ɖoo, eye woa mùõ go sia gome. ⁴⁴Woa gbã mi ku vio. Wo ma dasi Tepe le kpe dʒʒoo, doaŋtia me nya gakeke Mawu dʒi be ya ɖewo.⁴⁵Ysu yi gbedoxɔame, eye enyă ame yio le Sanu. ⁴⁶Egblɔ na wo be: wo ŋlõe ɖi be; "Aƒe nyea la nyi gheɖoɖa ƒe" ʋoa miawo ya mi cɔ wɔ fiafitɔwo me nɔƒe.⁴⁷Cɔ madia, Yesu le fiõnu ŋke ŋke le gbedoxɔame. Eye asrafowo ku agbalefiowa, eye dume gãwo le dʒi la wui. ⁴⁸Voa wo me nya leke wo lawɔ, doaŋti dukoa kpata le ɖotoe ku dʒidʒɔ.

¹Eyi Yesu kɔ mo yidjia ékpɔ kesinɔtɔwo yiwo cɔ wo be nu nanawo le dadaŋ le nu djɔ kusime. ²Eye be kpɔ nyɔnu ahosi dahe ɖe cã cɔ Flã ve se le me dãŋ. ³Egblɔ be:<< le yãteƒe mea, ùmele gblɔ ne mi be; ahosi dahe ya edjɔ̃ nu wu amewo kpata. ⁴ɖoa ameyiwo kpata wo be nu nɔa mesiwo be ɖe kpoe wo djɔ. Vɔa ahosi yaya cɔ nuyi kpata le esi bacɔ nɔa gbea na.⁵Eyi ameaɖewo le nuƒoŋ kuɖe Mawu gbedoxɔa ŋti, aleke wo ɖo acɔ̃nɛ ku kpe xɔasiwo, gaku nunanawa, Yesu gblɔ be: ⁶<< Enu yawo kpɔ mi lea, ŋkekewo gbɔnɔ ye wo me le kpe gble gbe ɖe kpe dji yi wo ma cua ƒuayio.⁷Wo biɔɛ se be : << NuFiɔ̃tɔ gaka me nuyawo la djɔ. Ye nuka woe la ɖe nuya aFiɔ̃. ⁸Yesu ɖoeŋuti bena:<< Mi kpɔ nyuiɖe be wo gba Flu miwo. ɖoa ame gbogbo ɖewo djava le ŋkɔ nye me agblɔ be: Enyé, eye gamea su vɔ, mi gba kplɔ wo ɖo. ⁹Ne mǐ se eʋa wɔwɔ £iwo le tɔtɔ ma mi gba vɔ̃o ɖoa ale be nuyawo ɖola vɛ me tutu gbɔa, vɔa nuwuwua ma va £iɖeka o.¹⁰Eye be gblɔ nɔ bena: Djùkɔ la citre le djukɔ ŋti Fiɔ̃ɖuƒe le Fiɔ̃ɖuƒe ŋti. ¹¹Anyigba ʋuʋu gãwo la djɔ, le aFi vóvovowo dɔ wu ame, ku dɔ vɔ̃ lava. Enu djɔdjɔ seseewo djiŋɔ̃wo lava ye djesi gãwo la djele dji ŋgɔli.¹²Vɔa, do ŋkɔ ne yawa, wa ɖo asiwo le mia djǐ, wa ci mǐa yome, wo ɖo mǐa sǐ le ƒuƒoƒewó, wa semi gaxɔ me, wa kplɔ mia yi Efiɔ, ku dju kplɔlawo gbɔ̃ le ŋkɔ̃ nyea ta. ¹³Eya la na mimɔnu kpɔkpɔ be miaɖi aɖase nɔwó.¹⁴Eye mi gba ɖoe le mia be djiwo me be ye wa dji ame ɖokui ɖenu nya wó. ¹⁵ɖoa nye ŋtɔ ma cɔ nyã yi hǐã gaku nunyã yi mia be ktɔwó wo mateŋ aciteɖo alo atrɔɛ wa anami.¹⁶ŋtɔ cã mia djilàwo woa do miasi, mia nɔviwo, ameyiwo cɔ le mia gbɔa, mia xɔ̃lɔ̃wo, eye wo la wu ame geɖewo le mia dome. ¹⁷Amewo lacri mia be nyã gbɔ le ŋkɔ nye ŋti. ¹⁸Eye mia be taɖa kuiɖeka mele bubu gbe o. ¹⁹Ku miabe Kutiku kuwa miaɖe mia be luʋɔ̃wó.²⁰Ke ne mi kpɔ be aʋakɔwo va trɔdo Yerusalemo ke minyɛ aʒɔ̃be yi be gblegble be gamee su. ²¹Ke, ameyiwo le yudea wo le sü adjo yi towódji, ameyi ne le du domea wo ne sǐi djo, ye ameyiwo ne agble dji wa wo gba va eme. ²²ɖoa ŋkeke yawó woa nyi hlɔ̃ biɔ̃ biɔ̃ ŋkekewo bena wa wu enuyiwo wó ŋlɔ̃ ɖaɖiawo wónu.²³Baba ne nyɔnu yiwo ƒofu la nɔ̃ alo ékéwo' la nɔ̃ anɔ̃ nãŋ vile ŋkeke mawó mea! ɖoa ehia kama qã lava anyigba ma dji, ku dɔ̃me djoe ne dukɔ ma. ²⁴Wa djeayi le ewui ɖaɖɛwo nu,woa ɖe wo aboyo ayǐ dɔ̃kɔ kpatame, yé vodu subɔtɔwó wa cu aFɔ le Yerusalem dji va seɖo gayime vodu subɔtɔwo be gamea ba ŋu enu.²⁵Djesio la dje le ɣe, ɣetri gaku ɣetriviwo dji. Yele anyigba dji vɔ̃vɔ̃ la ɖo djukɔwó, ye wa ci djodjodjoe le aƒugaku yi be gbo djedje ŋti. ²⁶Amewo gbɔgbɔ la ci ƒonɔ kuɖe mɔkpɔkpɔ ne enuyi va le djɔdjɔ le anyigbadjia ŋti. ɖoa woa huhu djiƒo be ŋusewó.²⁷Ekema woakpɔ ame gbetɔvia ba gbɔnɔ alilikpowo me gaku ŋuse ye gaku ŋti kɔ̃kɔ̃ɛ gãɖe. ²⁸Kene nuyawo vale djɔdjɔ ma, mitrɔ cite, mia kɔta yi dji ɖoa mia be ɖeɖe kpɔkpɔ be game va ɖo.²⁹Yesu do olo ɖe nɔ̃wo gblɔ be:<< mi kpɔ aʒici gaku aciwo kpata ɖa: ³⁰Ne wo dje ama kpa totoa mia nyɛ ne mi kpɔ woa be djome ŋɔli le ɖoɖoŋ. ³¹Nenea ke, miɔ̃cã ne mi le nuyãwo kpɔ wole djɔdjɔ ma, mi nyɛ bena Mawu Fiɔ̃ɖuƒea gogo vɔ.³²Le yã teƒe mea mele gblɔne mi be djidji me ya enu me dja va yi cɛ nuyawo la vɛ emeo. ³³Djiƒo gaku anyigba nu lava yi, vua ényã nyewo nu me dja va yio.³⁴Mi kpɔ mia ɖokuiwo dji nyuiɖe ku susu be mia be djiwo ŋgba ɖoku agbe makɔmakɔ wo', ahamumuo, ku agbea be nu xaxa wo, be ne ŋkeke ma ba va lili mi le avome. ³⁵Sigbe gãmɔɛ ene o. Doa edja va le anyigba dji nɔlawo kpata dji.³⁶Mi nɔ̃ ŋuʒɔ gasia game, mi nɔ gbe dodoɖa dji be mia kpɔ ŋuse enuyiwo kpata wa vɛ eme dji, ye mia nɔte le ame gbetɔvia be ŋkɔ.³⁷Ye le ŋkekewo mea yesu Fiɔ̃na nu le Mawu ƒea me, ye be yiwɔ na ʒă le to yi wo yɔ na be amito dji. ³⁸Dukɔa kpata va nɛ gbɔ le Mawu gbedoxɔ̃me ded kanyi kaba be yewa va ɖotoe.

¹Amawɔ mavã mavã be azan yiwo yɔna ŋtitoto lẽvia gogo. ²Avɔsatɔgãwo ku woma fiɔtɔwo le mɔnu yi dzi wɔato awu Yesu djim, vɔa wole vɔvɔm ne dukɔa.³Satana gẽ le Yuda Iskariot yi nyi ame wuievewo dometɔ ɖeka ⁴me.Yuda yi wɔ ɖeka ku avɔsatɔgãwo gaku djume megãwo aleke wɔawɔ aɖe Yesu asi newo.⁵Edjɔ dji newo eye wolɔn be yeawɔa cɔ ga nɛ. ⁶Elɔn eye wóle mɔnu nyui aɖe dzi be yeaɖe Yesu asi newo le ameha be manya manyame.⁷Amawɔ mavã mavã mavã be ŋ'keke yi dzi wɔawu ŋtitoto lẽvia ɖo. ⁸Yesu dɔ Petro ku Jean gblɔ be"Miyi ɖadra ŋtitoto nuɖuɖua ɖo ɖo bene miaɖui." ⁹Wogblɔ nɛ be: "fika nedzi be ne miawɔ dzradzradowo le?¹⁰Wogblɔ nɛ be: "ne miyi djua mea, mia do go ŋũcua ɖe yi dro ci goe. Mikplɔɛ ɖo yi aƒeyime wɔayi. ¹¹Eye miagblɔ ne aƒea be aƒea be aƒetɔ be: "aƒetɔ gblɔ newo be: "xɔkamee maɖu ŋtitotoa ku nusrɔnvinyewo le?¹²La cɔ dziƒo xɔ gãɖe yiwo djraɖoa fiɔ mi. ¹³Gema miawɔ djradjradowo le. Woyi eye wokpɔ aleke cucu wógblɔɛ newoa eye wodjra ŋtitoto lẽvia be nuɖuɖua do.¹⁴Gamea su eye wɔnɔanyi le akplɔŋti ku Apostolowo. ¹⁵Egblɔnewo be: "medji veviɖebe maɖu ŋtitoto lẽvi nuɖuɖu ya ku mi caƒe akpefu. ¹⁶Dɔa mele egblɔm ne mibe nyiŋgbale nuɖu ɖu ya ɖu gbe ku mi vase ɖe eyime nuwo kekeŋ awu enu le Mawu fiaɖuƒea me.¹⁷Eye Yesu cɔ kɔƒe, eyi wóɖa akpe le eta vɔa egblɔ be: "mixɔ eya eye mimɛ le mia nɔewo dome. ¹⁸Dɔa mele egblɔm ne mi be nyi ŋgbale wain ya be cece nɔgbe vaseɖe eyime djipo fiɔɖuƒea ava."¹⁹Emegbe ecɔ akpɔnɔ, eyi woda akpe le eta vɔa eŋe-eme eye wócɔɛ newo gblɔn be: "Eya ye nyi ŋtilã nye yi wocɔna ɖe miata. Minɔ wɔm se nɔ ŋkuɖom dji nye. ²⁰Le fiɛ nuɖuɖua megbea, ecɔ kɔƒoa gblɔ be: "kɔfoya yie nyi nublabla (djoɖuɖu) yeye yi nyi vunye yi kɔɖe anyi le miata.²¹Vɔa ameyi ne dem asia le kplɔ ya nuti ku mi. ²²Amegbetɔvia djo yina sigbe aleke woɖoe le eŋti ene. Vɔa babaa na ameyi dji wo to dée asi. ²³Eye wo dje wonɔewo biɔbiɔ se be amekae le wodomeyi awɔ numa.²⁴Nyahexe ɖo wo ɖo wo dome: "amekae anyi gã le wodome. ²⁵Egblɔ newo be djufiɔwo ɖu na aƒetɔ le wodji, eye ameyiwo si acɛkpakpa lea, woyɔnawobe kplɔla bubu mewo.²⁶Vɔa ŋgba nɔ ne miawoya nana o. Ke amegã le miadome nenɔ sigbe vivi ene. Eye ameyi ne nyi amegã le miadomea ne nyi ameyi subɔna. ²⁷Amekae nyi amegã, ameyi nele kplɔ ŋtiloo alo ameyi nele subɔa? Menyi ameyi nele kplɔ ŋti oa? Vɔa mele miadome sigbe ameyi nele subɔ ene.²⁸Miawowoe nyi ameyiwo ne do dji kuŋ le tetekpɔnyewo me. ²⁹Numaŋti me le fiɔɖuƒea ɖoŋɖi ne mi sigbe aleke tɔlɔnye cã ɖoeɖi neŋ ene. ³⁰Ale be miaɖu nu, anɔ nu le fiɔ ɖuƒe nye me. Eye mianɔ anyi le fiɔzikpui wo dzi be miado kɔ eyo ne izrael be to wu evea wo.³¹Aƒetɔa gblɔbe: Simon Simon kpɔ dokuiwó dji satana dzi be ya gbɔmi sigbe bli ene. ³²Vɔa, me dogbeda gbɔdzɔ o. Eye ne etrɔ gbɔa nado yusẽ nɔviwowo"³³Petro do eytinɛ be:"Aƒetɔ mesɔ gbe be mayi gakpame alo ku me kuwo" ³⁴Yesu do eŋtine nɛ be " koko mele atɔ kugbe zã yame caƒe nagbe nule gbɔnye zi tɔ be yime nyam o"³⁵Egba gblɔ nawobe " Eyi me dɔ mia, mi cɔga o, akpɔ o, alo aƒɔkpa o, ŋde hiã mia? wodɔ eŋtinɛ be ŋɖekpe me hia mi o. ³⁶E doeŋti nawo be " Fifia ɑmeyi si ga le a ne cɔɛ ameyi si akpo le ne cɔeeye ameyi si ewui mele oanesa yibe awu acɔ aƒle ewuideka.³⁷Dɔa mele egblɔm nami be nuyi woŋlɔ co ŋli nyea ne va eme: " eye wo cɔɛ de nuvɔ wɔtɔwo dome" eye nu yi ne kude ŋti nye gbɔ nɔ. ³⁸Wo gblɔ be " Aƒetɔ ewui ewe ye nyi eya" Egblɔ na wobe. " ESU"³⁹Eyi wo drɔa, vɔa woyi emitoa dzi sigbe ale ke wowɔnɛ xoxo ene eye yibe wusrɔ viwo kplɔɛ do. ⁴⁰Eyi wodoa, egblɔ nawo be" Midogbeda be miŋgba ge dze tetekpɔ me o.⁴¹Edjole wo gbɔ sigbe kpe dãdã deke djeƒe ene. Eye edze klodogbeda. ⁴²gblɔ be " tɔtɔ, ne elɔa ku ya neto nutinye yi vɔo menyi lɔlɔ nyeo vɔa lɔlɔnuwo kpɔo woa wo.⁴³Eye Mawu dɔla de deyi do ku ƒiɔɛ eye wo due nusée. ⁴⁴E yi wo doku be xaxa mea edo gbeda ku dzo eye yibe ƒiƒiɔ zu vu kɔ le gegem dje anyi gbã toŋtoy.⁴⁵Eyi wo dogbeda vɔa, eva yibe nusrɔviwo gbɔ oye wokpɔwo le alɔdɔŋ dom le nublanyui yi wɔwoa eŋti. ⁴⁶Eye wo gblɔ newo be " Nuka ŋti mile alɔ dom do? Mi titre eye mi dogbeda be miagba gè dze tete kpɔ me o.⁴⁷Eyi wo gbalé nu ƒoma, kpɔda ameha de ku yuda yi nyi ame wui eveawo dometɔ deka yi kplɔ wo. Egogo yesu eye wo kisi nɛ. ⁴⁸Yesu gblɔ nɛ be " yuda a kisi na ame yie nacɔ de amegbetɔ via osia?"⁴⁹Eyi ame yiwo ƒo xadzadoe kpɔ nuyi le dzɔdzɔm ma, gblɔ be " Aƒetɔ mide wuia"? ⁵⁰Eye wodometɔ deka kpa nu du simetɔ na avɔsatɔ gãa be subɔvi deka. ⁵¹Yesu gblɔ be: esanana, Mitɔte eka si tɔ a ŋti eye woyɔ dɔɛ⁵²Emegbea yesu gblɔ na avɔ satɔ gaãwo, ƒuƒo ƒe megawo ku amecici yiwova citre le eŋuti be " Miva co le ŋtinye ku wuiwo, gaku kpowo sigbe adjo dala enea? ⁵³Eyi mele gbedo hɔ me ku mi ŋkekewo keke mea, nume lem o. Vɔa miabe game ku vivitime ŋusẽ wo tɔ yie nyi ya"⁵⁴Eyi wo lea wokplɔe yi vɔsa tɔ gaã be aƒe me. Vɔa petro le eyome le adzɔge. ⁵⁵Eyi wo do dzo le hɔhɔa nu be dodomea eye wonɔ anyi le dua, petro cã nɔ anyi le wɔ dome.⁵⁶Subɔvi nyɔnu de kpɔɛ, wo nɔa nyi le dzoa gbɔ, ekpɔɛ, eye wógblɔ be " ŋun ya cã le kui. ⁵⁷Vɔa petro senu gblɔ be " Nyɔnu nyi me nyɛ o. ⁵⁸Emegbea, amebu de kpɔe eye wõgblɔ be: Wõ că le nyi wodometɔ deka. Vɔa petro gblɔ be: " ŋuca me nyi o"⁵⁹Le gaƒoƒe deka megbea amebu te gbe edzi gblɔbe ŋyateƒe mea ŋucu ya că le kui, dɔa ŋtia galilea tɔ winyi. ⁶⁰Petro do eŋti be: " ŋucu nyi me nyó nya yi gblɔm nele o" Zideka ey wõ gba le nuƒo ƒoma, KOKlɔ ku alɔ.⁶¹Aƒetɔ trɔ eye wokpɔ petro. Eye petro do ŋku nya yi aƒetɔa gblɔ nɛ be: caƒe KOKLO naku atɔ egbea la gbenu le gbɔnyezi etɔ. ⁶²Eyi wõdroa eƒa vi vevede⁶³Ameyiwo nele yesua le ekɔm eye wo le eƒom. ⁶⁴Wo cõ nu emonɛ eye wo biɛ be " gblɔɛna mi amekae ƒo wó? ⁶⁵Wo gba gblɔ busu nya gblɔgblɔ dewo le eŋti.⁶⁶Eyi ŋukea, dukɔa be ameciciwo be habɔabɔo avɔsa tɔ gãwoku woma fiɔtɔ wo bɔ. Wokplɔ yesu va wobe bɔ bɔa me. ⁶⁷Wo gblɔ be ne nyi woe nyi kristoa gblɔe na mi. Vɔa edo eŋti nawo be " ⁶⁸Ne megblɔɛ na mia, mi mime teŋ le eŋti do gbe o.⁶⁹Co fifia, amegbetɔ via anɔ anyi le Mawu be ŋdu si be ŋusẽ me. ⁷⁰Wo kéké gbɔ be " Woe nyi Mawu abe via? Edo eŋti na wo be: Miɔwoé gblɔɛ be, mùenyi" ⁷¹Eye wo gblɔ be, dee migba hiã duse didi mise co yiŋtɔ be ŋu me"

¹Le kɔsiɖa me ŋkeke Tutu gba, ŋde kanyi futua nyɔnuwo Cɔ anuatri yiwo ɖaɖoɖi yi yɔdoato. ²Wo kpɔ be wo mli kpea ɖa le yɔdoanu. ³Eyi wo yi yɔdoamea wo me kpɔ aƒetɔ Yesu me ŋtilã kukuɔ.⁴Le numaŋtia wo Caka eye ʒɖeka, wo kpɔ ŋtua me ve yioke le awu ʋlayame nɔteɖe wo me ahadji. ⁵Eyi ke vɔvɔ le nyɔnua, wo de wo me ta wo gu, vɔa wo gblɔ ne wo be: ŋka ŋci mi le ame gbagbĩ djim le amekuikuwo dome?⁶Me le teƒe ya ɖoatia etsitre. Mi ɖo ŋku nya ya egblɔnemi eyime ekpɔ tɔ nɔ galilia. ⁷Eye egblɔ be Ele be wa cɔ amegbetɔvila ade asi ne nuvɔ wɔlawo, eye wa klãe eye wa ƒɔ le ŋkeke etɔlia gbe.⁸Nyɔnua wo ɖoŋku nya ya won dji eye wo djo le yɔdo to. ⁹Eye wo ɖegbeƒã nya ya wo ne amea me wuveawo kaku ame kpɔtewo tsã. ¹⁰Ke ameyiwo ne gblɔ nya ya wo ne ameawa ye nyi mavie. Magbalatɔla, Jeanne, Maria Jacobo me nɔ kaku nyɔnu ya wo ne le wo gbɔa.¹¹Vɔa Apostolowo kpɔ nya ya si gbe abunè me nya ene eye wo me hɔ nyɔnu wo dji se o. Eye Petro tsitre eye wo ƒudu yi yɔdoato. Eyi wo bɔbɔ eyi kpɔ yɔdoamea ekpɔ awu biɖi biɖi wo. ¹²Eye Petro trs djo yi eya ŋtɔ gbɔ eye wo nɔ na nya biam eɖokui kuɖe nuya wo ŋci.¹³Eye le ŋkeke ma ke djia amea meve le wo dome yi na kɔfeaɖe ya woyɔna be emmaüsea me. Eyi me wo djo le Jerusalem kpeti bla aɖeà. ¹⁴Wo nɔ na aseŋ kaŋ le nu ma ya ne djɔa ŋci.¹⁵Eva va éme be eyime wo nɔna aseŋ kã eye wo nɔna enya biɔm wo nɔnɔe woa le nu ya wo ŋcia, Yesu t ɖe wo ŋci eye eʒɔ̃ mɔa ku wo: ¹⁶vɔa wo me ŋku wo me wu ne wa dʒesio.¹⁷Yesu gblɔ ne wo be: aseŋ ka kaŋ mi le? Eye wo le ŋʒiʒime me. ¹⁸Ke ameɖeka le wo dome wo yɔ be eleopas ɖo eŋlinè be: wa me nya enya ŋiwo ke le djɔdjɔm le Jerusalem le ŋkeke ya wo mea?¹⁹Enya ka woè? Jesu biɔ wo nenea. Eye wo ɖo eŋci nè be Enya ya wo ke ka Yesu Naʒareth tɔ la ameyi ne nyi nyagblo ɖila sese le ɖɔwɔwɔme eye le nya me le Mawu kaku amegbetɔwo me ŋku me. ²⁰Eye leke Nunɔla gawo ku miame ŋkɔnɔlawo wo tsɔè ɖe asi be ne wa wu eye wo klin.²¹Miawo ya mihɔ se be ye la ɖe Israël. Eye ta vo ne nu ya wa egbe ye nyi eyi me nu ya wo kpata djɔa.²²Miawo ya miho se be ye la ɖe Israël. Eye to vo ne nu ya wa egbe ye nyi eyi me nu ya wo kpata djɔa. To vo ne ya nyɔnua ɖeo le miadome tsakami elabe wo yi yɔdoa to le ƒɔƒɔme ŋɖeka nyi. ²³Eyime wo me kpɔ yi me ŋtilã wa, wo va gblɔ be Mawu dɔlawo djeɖo ye wo eye wo to ne ye wo be élé agbe. ²⁴Ameɖewo tsã le mia dome yi yodoa to eye wo kpɔ nua wo si gbe le ke nyɔnua wo va gblɔè éné.²⁵Eye Yesu gblɔne wo be:<< o ame manyanwo, eye ameya wo me di sésé be wa hɔ nu yioke Nyagblɔɖilawo gblɔ ɖu di sé. ²⁶Dée wo me ŋloè ɖi be la kpeƒu yɔ, eye wa ge ɖe yime ŋci kɔkɔeame wa? ²⁷Tso Mosé dji va kɔɖe nyagblɔɖilawo djia eɖe nu yioke ka ya ma le ŋlɔŋlɔ lame newo.²⁸Eyime mɔʒɔlawo gogo kofe yime yi wo lea gbɔa ke yea be ya yi mɔʒɔʒɔa dji. ²⁹Vɔa wo ʒi edji gblɔ be:<< tsi mia gbɔ, elebe wotro ɖo eye ʒă le doɖom. Eye wo kplɔ wo ɖo be ya Ci wo gbɔ.³⁰Eva va eme be eyimewo le akplɔ ŋci ku woa, etsɔ akpɔnɔ eya eyi wo dakpe ɖe eta vɔa ema eme eye etsɔè ne wo. ³¹Eye wo me ŋku ƒu eye wo djési, ke ebu le wo me ŋkume. ³²Eye wo gblɔne wo nɔnɔwo be:<< ɖee mia me ɖiwo me le djodjom le mia me eyi me wo nɔ na ŋfo fɔm ne mi le mɔa dji eye wo nɔna ŋlɔŋlɔa wo gɔme ɖem ne mi wa?³³Eyi me wo tso le gamamea, wo trɔ yi Jerusalem, eye wo kpɔ ameame wuɖekea eye. ³⁴Ameyiwo le afima ku wo eye wo gblɔ newo be:< fɔ nyatefe eye wo djeɖo simon. ³⁵Eye wo gblɔ nuyi ke djɔ ɖewo dji le mɔa dji na wo eye aleyike Yesu ɖe eɖokui ƒiɔwo eyi me wo le akpɔnɔa ŋnu.³⁶Eyi me wo nɔna nya wo gblɔ ma Yesu ŋtɔ va dje le wo dome eye egblɔ ne wo be:<< ŋci fafa ne mi! ³⁷Eye eyi ke wo gbɔdjɔ eye vɔvɔ le yɔwoa, wo hɔse be ye le gbɔgbɔaɖe kpɔm.³⁸Yesu gblɔ ne wo be <<ŋka ŋci mitsaka ɖo eye biabia wo le va mia me dji me? ³⁹Mikpɔ nye asiwo ku aƒɔ nye wo ɖa, nye ŋtɔ ye . Mika asi ŋci nye me mia kpɔ. ŋcilã me ku ƒu me nɔ na gbɔgbɔ si wo sigbe. Ceke mi le kpɔ me ene. ⁴⁰Eyi me le nya ya wo gblɔma etsɔ yi me asi ku yi me afɔ wo le ƒiɔ wo.⁴¹Le djidjɔ ku tsakatsaka ma me yi ke wo me kpɔ le hɔsewa, Yesu gblɔ ne wo be<< ɖe ŋduɖu ɖe le miasia? ⁴²Wo tsɔ alpavi meme va nè. ⁴³Yesu hɔè eye wo ɖu le wo me ŋku me.⁴⁴Eye wo gblɔnewo be<< Eya me gblɔ ne mi eya eyi mi me le miagbɔ, me gblɔ ne mi be nu yiwo katã wo glɔ ɖe ŋci nye le Mose me agbalea me, nya gblɔ ɖiwo me eye le Psalmowo mea la va eme.⁴⁵Ke eƒu wo me gbɔgbɔ, be wa teŋ se ŋlɔŋlɔa wo gɔme. ⁴⁶Eye wo gblɔ ne wobe < ŋci wo ŋlɔè ɖi be Kristo la kpeƒu, eye wa ƒɔ tso ame kuku wodome le ŋkeke etɔa gbe. ⁴⁷Eye wa ɖe gbeƒă djimetrɔtrɔ le muvõ me kaku nuvɔ me tsɔtsɔ ke le yi me ŋkɔa dji ne djukɔwo katã eye wa dje egɔme tso Jerusalem.⁴⁸Mi nyi ɖa se ƒo ne nu yawo katã. ⁴⁹Eye ma ɖɔ nuyi me m'gbe etɔ nye do ne mi la ɖa mi. Eya ŋci mi nɔte ɖe duame kaka na ga yime djifo me nuse aɖiɖi le mia dji.⁵⁰Eye Yesu kplɔwo yi Béthamia Eyi me wo kɔ yi me asi yi djia, eyra wo. ⁵¹Eva va eme be eyime wo le yrama, eʒo le wo gbɔ eye wso kɔè yi dji ƒo.⁵²Eye eyi me wo subɔè vɔa wo trɔ yi Jerusalem kaku djidjɔ gãɖe. ⁵³Eye wo nɔ na gbedohɔame ɖaa eye wo nɔ na Mawu kafuŋ eye wo nɔ na eyram.