¹Imhola ja Nehemia u mwana ghwa Hakalia Jiiti, mu mwaka ughwa vijigho fivili, u mwesi ghwa Kisleu, nikava mulikaaja ilivaha likatambulwagha Shushani, ²umhunu jumonga mu vanyalukolo vaango akatambulwagha Hanani, akiisa na palikimo na vanhu avange kuhuma ku Yuda, une nikivaposya mulwa va Yahudi vano vakulwike na vano vasighile ukwo ni mhola ja likaaja ilya Yerusalemu.³Vakambuula vakati, "Avayahudi vano valimu mkighavo kila vakakulwike mundinde valimuvukunwe uvuvaha ni soni, ulwakuva uvujengo vya Yerusalemu vughwile na gha malyango ghake ghipile nu mwoto."⁴Nakalingi ye nipulike amasio aghwo, nikikala nilila nikasukunala ifighono nafilingi, pe nikisigha pilya mu lwa kufunya pa maaso gha Unguluve ughwa kukyanya. ⁵Pe pano nikasuma nikati, "Uve veeve Mutwa, Nguluve ghwa kukyanya, Nguluve ghwe m'baha ghwa kudegha, uve mukululeka ponu ulifingo nu lusungu lyako, kuvano vikagadilila indaghilo sako.⁶Pulika inyifunyo sango, udindule amaaso ghako, neke upulike ulufunyo lya m'bombi ghwako kuuti lino nikufunya pamaaso ghako, pamwisi na pakilo vwimila avavombi vaako, avaanhu va Isilaheli. Lino nilaata inyivi sa vaana Isilaheli sino tuvombile kulyuve. Twe palikimu nuune na vaana Israeli tuvombile inyivi. ⁷Tuvombile imbivi kyongo kulyuve Mutwa, nambe kuvikila mwojo indaghilo sako ni mbulanisio sino ulyamlaghile u Mose um'bombi ghwako.⁸Sivuo kumbuka ilisio lino ulyamlaghile uMose, 'om'bombi ghwako kuuti, nave mungavombe kisila kufingilila nikuvapalasania muve mufisini ifinge, ⁹looli nave mungagomoke kulyune, nakuvingilila indaghilo sango na kuvomba ndavule sivulanisia, nambe pano avanhu vaako valyapalasine kuluta kuvutali, une mkuvakong'ania kuhuma ukuo neke nikuvaleta pavuvo pano ulyasalwile kukulimika ilitavua lyango.'¹⁰Lino aveene vavombi vaako, kange vanhu vaako vano ulyavapokile mungufu saako imbaha nu luvoko lwako ulunyangufu. ¹¹Ghwe Mutwa, lino nisuma upulike inyifunyo sa m'bombi ghwako nu lufunyo lya vavombi vaako vano vikeela kughinia ilitavua lyako. Lino nisuuma unhange umusyughu ne m'bombi ghwaho neke umhele kusaghilya pa maaso gha munhu uju." Ulwakuva nene nikampelagha ifyakunywa untwa

¹Pa mwesi ughwa Nisani, mumwaka ughwa vijigho fivili mu vutwa vwa Alatashasta, akalondagha kunyua idivai, nihitoola idifai nikampela untwa.Na nilyaghelile kusunala mulumonga pa maaso ghake. ²Pepano untwa akambula akati, "Kiki ghuvoneka pamaaso usukunile? Naghuvoneka kuuti ulintamu. Luvoneka uli na lumonga mumwojo." Mu uluo nikoghopa kyongo.³Nikamwamula nikati, "Ghukalaghe jaatu! Lwakiiki nileke kuuva nu lusukunalo? pano nilola ilikaaja, nasimbiipa sava nhata vango finangike nagha malyango ghaake ghanyanyilue nu mwoto."⁴Pepano Untwa akamosya akati, "Ghulonda nikuvombele kiiki?" Apuo nikansuma Unguluve ughwa kukyanya. ⁵Nikamwamula untwa nikati, "Ghwe Ntwa nave ukeliile napano nivomba inofu pamaaso ghaako, unoghiile kukusung'ha ku Yuda, mulikaaja pano pwesili imbiipa sava nhata vaango, kuuti nilute unjenge vunono kange." ⁶Untwa akanyamula akati (valikalile palikimo najumalikiya), "Ndepoonu ghuuva nifighono filingi kuhanga ghugomoka?" Untwa akakeela akatanavula najuune nikambula unsiki ughwa kukala.⁷Pepano nikam'bula nikati, "Nave lunoghiile kwa ntwa, amhele ikalata ja kuhufia kuvavaha vano valimwambo ja kikogha, kuuti vanavule nighende mukighavo kyave kuhanga nifike ku Yuda. ⁸Kange pejiive ikalata ja Asafu, umuloleeli ghwa nsitu ghwa ntwa, kuuti amhele amapiki gha kutendela amalyango gha lilinga, pipi ni nyumba imbaha ija kufunyila nu luvigho lya likaja ni nyumba jango ija Kukala." Ulwakuva uluvoka lwa Nguluve lukava nuune, untwa akamhela uvufumbwe vwango.⁹Pe nikfika kuvavaha kumwambo ja kikogha nikavapeela ikalata ja ntwa. Untwa akasung'ha avavaha vava sikali navano vangalile ifalasi palikimo nuune. ¹⁰U Sanibalati uMuholoni nu Tobia um'bombi ghwa Amoni vakati vapulike imola iji, navalya hovwike ulwakuva isile umhuunu ainya kuvatanga avaanhu va Isilaheli.¹¹Pepano, nikagomoka ku Yelusalemu, nikava ukuo ifighono vitatu. ¹²Nikasisimuka pakilo, palikimo na vanhu vadebe pa likimo nuune. Nanilyam'bulile nambe jumonga kino Unguluve alyavikile mumwoja ghwango vwimila ikya kuvomba ku Yelusalemu. Na kyejaale ifalasi ijingi looli jijino nalyangalile une.¹³Nikavuka pakilo kukilila isila ja mulyango ughwa kuluvonde kuluta kukkisima/kitimu kya njoka nu mulyango kuno vikung'ha amakakala, na kulingula imbimba sa Yelusalemu, sino sighwile na malyango ghanyanyilwe nu mwoto. ¹⁴Pepane nikaluta kumulyango ghwa kisima kya Ntwa. Uvwelefu vukava vufinye kyongo na ji falasi najinoghile kukila.¹⁵Pe nikaluta ikilo ijio nighenda mieluvonde mulubale nilingula uluvumba, nikagomoka kunsana na kukwingila umwilango ughwa kuluvonde, fyenikagomoka. ¹⁶Avalongosi navakakagula kuno nilutile nambe ikinu kino nivombile, nanilyavavulile Avayahudi, nambe avatekesi nambe avavaha, avalongosi nambe avange vano valyavombile imbombo ijio.¹⁷Nikavavuula nikati, "Mulolile uvukumue vuno tulinavuo, vule i Yelusalemu jinangike, na malyango ghake ghapile nu mwoto. Lino mwise tujenge vunono uluvumba lya Yelusalemu, kuuti tuleke kuuva ni soni kange." ¹⁸Nikavavuula nikati uluvoko ulya Nguluve lukale palikimo nune naghamasio gha ntwa ghano alyambulile. Aveene vakati, "Lino tuvuke tukajenge." Pepene vakakangasia amavoko ghave vwimila imbombo inofu.¹⁹Neke uSanibalati Muholoni, nu Tobia um'bombi ghwake Mwamoni, nu Geshemu, u Mwalabu, vakati vapulike imhola ijio valyatusekile na pikutuligha; vakati, "Vapulike imhola ijio valyatusekile na pikutuligha vakati, "Ghuvomba kiiki? Kwekuti ghulua nu ntwa?" ²⁰Penikavamula nikati, "Unguluve ughwa kukyanya ikutupeela uvuvombi uswe tulivavombi vaake tuluta kujenga. Neke umwe musila lighavo nambe uvwakyang'hani, nambe uvukumbufu vwimila ilikaaja lya Yelusalemu."

¹Pepano u Eliashibu, untekesi umbaha akiima palikimo na vanyalukolo vaake avatekesi, vakajenga umulyango ghwa ng'holo. Vakavalasia na kuviika amalyango ghake vakimika kuhanga ikimilo kya Halumea mpaka ikimilo kya Hananeli. ²Yevamalile avuo avanhu va Yeliko vakajenga, u Zakuli umwana ghwa imuli akajenga.³Avaana va Senaa voope vakajenga umulyango ghwa samaki. Vakaviika amiimo na malyango ghako na fifyuma ni komelo sake. ⁴U Melemoti ghwope akaling'hania akajenga ulubale ulunge. Umwene ujuo ghwe mwana ghwa Ulia mwana ghwa Hakosi. Naju Mesulamu ghwope akatenda ghwe mwana ghwa Belekia, mwana ghwa Mesesabeli. Gwope uSadoki akajenga ujuo. Ghwe mwana ghwa Baana. ⁵Avatekoi voope vakajenga avalongosi vaave valyakanile kuvomba imbombo jio valyalaghilwe na vavaha vaave.⁶U Yehodaya umwana ghwa Pasea, nu Mesulamu umwana ghwa Besodeya, valyatendile umulyango Unkuulu. Vakaviika amiimo na kuviika amalyango ghake na fifyuma fyake ni komelo sake. ⁷Voope, uMelatia umuGibioni nu Yadoni Melenoti, avaanhu va Gibioni na va Misipa, vakavomba pinosia pano akikalagha um'baha ghwa kighavo kya mwambo ja kikogha.⁸Pambele u Usieli u-mwana ghwa Harhaya, jumonga muvatenda sahabu, ghwope akatenda, naju Hanania, untenda amafuta amanofu. Valaajenga kange i Yelusalemu uluvumba ulwelefu. ⁹Pihuma apuo ghwope uRefaya umwana ghwa Huli akajenga. Alyale m'baha ghwa kighavo ikidebe kya Yelusalemu. ¹⁰Naju Yedaya umwana ghwa Halumafu akajenga piipi ni nyumba jaake. Ghwope u Hatushi umwana ghwa Hashabneya akajenga.¹¹U Malikiya umwana ghwa Harimu nu Hashubu umwana ghwa Pahat Moabu, wakajenga ulubale ulunge vakajenga ikimilo kya mbembelo. ¹²Ye vajengile avuo, u Shalumu umwana ghwa Haloheshi um'baha ghwa kighovo ikidebe kya Yelusalemu, akajenga palikimo na valive.¹³U Hanuni palikimo na vano vakikalagha pa Zanoa vakajenga umulyango ghwa kuluvoonde. Kange vakajenga nakuviika amalyango ghaake. Na fifyuma fyake ni komelo sake.¹⁴U Malikiya, umwana ghwa Rekabu, um'baha ghwa ikighavo ikidebe ikya Beth - Hakelemu, akajenga umulyango ghuno vikung'ha amakakala. Akajenga na kuviika amalyango ghake na fifyuma fyake na sikomelo sake. ¹⁵Ghwope u Shalumu umwana ghwa Kolihoze, um'baha ghwa kighavo ikidebe kya Mispa, akajenga umulyango ghwa kindwivu akajenga na kuviika ikya kukupika pakyanya na kuviika amalyango ghaake ni fyuma fyake ni komelo saake. Akajenga vupia uluvumba ulwa lwa Sillowamu mu akaghunda akadebe aka ntwa ku mpaka kuntandalilo gwa kulongosya kuhuma mulikaaja lya Davidi.¹⁶Naju Nehemia umwana ghwa Azbuki, umulongosi ghwa ikighavo ikidebe ikya Beti-suli, akajenga kutengapuo pa mbiipa sa Davidi mpaka kukisima kino kilyajengilwe na vanhu, ni nyumba ja vanhu vano vali ni ngufu. ¹⁷Kuhuma apuo, Avalevi vakajenga palikimo nu Rehumi umwana ghwa Bani pambele, u Hasabia, juno alyatemile ikighavo ikidebe ikya Keila, kwa wilaya yake.¹⁸Pambele avanhu va iisi jave voope vakajenga palikimo nu Binui umwana ghwa Henadadi, um'baha ghwa kighavo ikidebe ikya Keila. ¹⁹Pambele akajenga u Ezeli, umwana ghwa Yeshua, untwa ghwa Misipa, alyajengile ulubale ulunge kuluta kukihenge kwa kuviika ifilwilo ku uguto ja luvumba.²⁰Pambele uBaluki, umwana ghwa Sakai, muvughane vwake akajenga ulubale ulunge, kuhuma inguto ja luvumba mpaka kumulyango ghwa nyumba ja Eliashibu, untekesi um'baha. ²¹Pambele u Melemoti umwana ghwa Ulia, umwana ghwa Hakosi akajenga ulubale ulunge, kuhuma umulyangu gha nyumba ja Eliashibu mpaka pavusililo vwa nyumba ja Eliashibu.²²Pe pambele avatekesi na vanhu va mbale ijio piipi ni Yelusalemu, vakajenga. ²³Pambele u Benyamini na Hashubu vakajenga kuluta kunyumba jaave. Kuhuma avuo uAzalia umwana ghwa Maaseya, umwana ghwa Anania, akajenga piipi ni nyumba jaake. ²⁴Pihuma avuo u Binui umwana Henadadi akajenga ulubale ulunge, kuhuma inyumba ja Azalia mpaka inguto ja luvumba.²⁵U Palali umwana ghwa Usai, akajenga pakyanya panguto ja luvumba ni kimilo kino kilipyakyanya kuhuma kunyumba ija kukyanya ija ntwa pano vikukala avaloleeli. Kuhuma avuo u Pedaya umwana ghwa Paloshi akajenga. ²⁶Lino avavombi va inyumba imbaha ijakufunyila vano valikalile Ofeli vwalyajengile mpaka ulubale lwa mulyango ghwa malenga, imbale ja kuvuhumo wa kimilo ikitali. ²⁷Pihuma apuo, Avatekoi vakajenga ulubave ulunge kuluta kukimilo ikivaha kino kilikunji mpaka kuluvumba lya Ofeli.²⁸Avatekesi voope vakajenga kukyanya ku mulyango ughwa falasi, kila ntekesi ulubale lwa nyumba jaake. ²⁹Kuhuma avuo, uSadoki, umwana ghwa Imeli, akajenga ulubale ulwa kunyumba jaake. Kuhuma kwa ujuo ghwope Semaya umwana ghwa Sekania, juno alyale muloleeli ghwa mulyango ughwa kuvuhumo, akajenga. ³⁰Kuhuma kwa ujuo, u Hanania, umwana ghwa Selemia, nu Hanuni, umwana ghwa ntanda Salafu, vakajenga ulubale ulunge. U Mesulamu umwana ghwa Belekia akajenga kuluta kufyumba fyake.³¹Kuhuma kwa ujuo u Malikiya, jumo muvatenda isahabu akajenga na jinyumba ja vavombi va nyumba ja kufunyila, na vano vighusia ifya kughula vano vaale valipiipi nu mulyango ghwa mundinde mpaka kufyumba ifya kulubale. ³²Voope avaghusia sahabu na va ghusia ifinu ifinge vakajenga ikyumba ikya kukyanya ikya panguto nu mulyango ghwa ng'holo.

¹U Sanibalati ye apulike kuti tujenga uluvumba, akava ni lyojo nkate mu mwojo, pe akakala kyongo, akavaseka Avayahudi. ²Pa maaso gha vanyulokolo vaake na valua liligu va Samalia, akati, "Avayahudi ava avavotevote vivomba kiiki? Nde, poonu vinosia ilikaaja ili? Nde, poonu vihumia ilitekelo? Ndepooni vimala imbombo iji ikighono kimo? Ndeponu! Vigomosia amawe ghano ghakapiile nu mwoto? ³U Tobia uMwamoni akava palikimo nu mwene, ghwope akajova akati, 'Nambe ingheve jingatoghe muvujengo vuno vijenga jaale jinangania uluvumba uluo."⁴Utupulike, Nguluve ghwitu, ulwa kuva uswe tulighua. Uvagomokesie imbedo pa matu ghaave sino vikutubeda uvaleke vatolue na kutwalua ku iisi ihesia vapinyue. ⁵Uleke kukupika uvuviivi vwave nambe uleke kuvusia amakole ghaave pamaaso ghako, ulwakuva vavakalisie vano vijenga. ⁶Pepeene tukajenga uluvumba uluvumba lwoni lukalunga na lukafika nusu ja luvumba vule avanhu valyale nuvusyukwe vwa kuvomba imbombo⁷Neke uSanibalati, uTobia, Avalaabu, Avaamoni, na Vaashidodi yevapulike kuuti imbombo ja kunosia imbumba sa Yelusalemu jighendelela nasimbale sino sikaghwile sijengilue, vakava ni lyojo munkate muveene. ⁸Vooni wakapulighana palikimo mulua ulugu vakiisa kulua navaku Yelusalemu na pivonesia mulwakulua. ⁹Neke uswe tukansuma Unguluve gwitu na kuviika avaloleeli kusigha aveene pakilo na pamwisi ulwakuva vakatwoghofiagha.¹⁰Pe avanhu va Yuda vakajova vakati, "Ingufu savano vipinda amasigho sisilile. Lijighe ilihanga ilyakupinda natunoghile kughendelela kujenga uluvumba." ¹¹Na vavalugu vakajova vakati," Nambe navangalumanye na pikuvona pepeene kya tukuvabuda na kukwimia imbombo jaave."¹²Unsiki ughuo Avayahudi vano vakikalagha piipi na veene, valyahumile imbale sooni, vakiisa kujova nusue unsiki ghwa kijigho, vakatupavila kuuti avalugu vikwisa kukutubuda. ¹³Pepano nikavaviika avanhu vano viloleela ulubale ulua pasi paluvumba pano pwevule uvwelefu, vano vakolile ibamba imhalala ni ndibulo. ¹⁴Nikiima, nikavalola avanhu nikavona luvakolile uludwesi, pepeene nikavavuula avavaha nalongosi na vanhu vooni palikimo nikati, "Muleke kukwoghopa nambe padebe, mukumbuke uMutwa um'baha umwoghopua, lino mulue vwimila avanyalukolo viinu na vaana viinu na vanahinja, avadala viinu ni nyumba siinu.¹⁵Avalugu viitu yevapuliike kuuti uvusyefu vwa vulugu vwave tuvukagwile napiiti Unguluve ananginie imbombo jaave imbivi, pepeene usue tweni kila munhu ni mbombo jaake tulugomoka kuvomba kujenga uluvumba. ¹⁶Kuhuma unsiki ughuo, avavombi vadebe vakatengula kujenga uluvumba, avange vadebe vakakola imhalala ingula indibalo n a pifwala ifilwilo unsiki ughuo avalongosi vooni vakiima kuusana kuvanhu vooni ava Yuda vano vijenga.¹⁷Avavomba mbombo vooni vano vakava vijenga uluvumba vakava vighendelela kuvomba, uluvoko lumo lujenga ulunge lukolile ikilwilo. ¹⁸Umunhu ghweni umunyakujenga, akafwala ibamba muluvafu lwake fyeluka kwa juno ijenga. Ghwope unkuva lukelema ujuo alikalile piipu nune.¹⁹Pepano nikavavuvula avavaha na valongosi va vanhu na vanhu avange nikati, "Imbombo iji mbaha, kange jivombiike pavaha, tupalasiine kyongo pakyanya paluvumba tulipatali umunhu nu nine. ²⁰Lino pano kya mupulika ilisio lya lukelema mweni mkimbililaghe na kukog'hana ukuo. Unguluve ghwitu ikufulwila."²¹Fyefulya vombile imbombo ijio vadebe vakakola imhalala kutengula lidibula palwakilo kuhanga jikwingila pakilo. Nikavavula avanhu unsiki ughuo nikati , ²²"Kila munhu nu m'bombi ghwake valuta pakilo, pakati pa Yelusalemu kuuti vave valoleeli pakilo neke pamwisi vavombaghe imbombo ja kujenga." ²³Apuo une, na vanyalukolo vaango na vavomba mbombo vango voope avaloleeli vano vakavapalikimo nuune na kwe akava juno alyanduvile ameenda ghaake, tweni tukakola ifilwilo mumavoko ghiitu nambe iluta kunegha amalenga.

¹Ye ghukilile unsiki avaanhu vaking'hulasia vwimila Avayahudi avajanave. ²Ulwakuva kwe vakava avanhu vamonga vakajovagha viiti, "Uswe na vaana viitu na valiviitu tuliviinga. Lino tusuuma tupelue ifyakulia tulisaghe kuuti tuuve vuumi." ³Kange pwevakava avanhu avange vano vakajova viiti, "Tusuuma tupingikile amaghunda ghiitu, ni misabibu ghiitu na si nyumba situ, kuti tupelue ifyakulia unsiki ghwa njala."⁴Avange voope vakati, "Twasime ihela vwimila amaghunda ghiitu ni misabibu ghiitu kuuti tusonge isongo kwa ntwa. ⁵Nambe lino amavili ghutu ni danda tulivevano na vajiitu, avaana viitu vevamo na vaana vaave vikutumilisia kughusia avaana na valiviitu kuuti vave vakami. Vamonga nkate muvaliviitu vakami. Neke uswe tusila ngufu isakuvatanga ulwakuva avanhu avange vakunyile amaghunda ni mizabibu ghiitu."⁶Yenipuliike aminghulo ghaave nikakalala kyongo. ⁷Pepano nikaposia avavaha na vimilili nikati, "Umwe mukuvahombesia avanyalukolo viinu, nikavakong'ilania nikavavuula kuuti uswe ⁸uswe ndavule tuvombile, tuvapokile kuhuma kuvukami avanyalukolo viitu Avayahudi vavo valyaghusi vue kuvafikolo ifingi lino kange umwe mukuvaghusia avanyalukolo navalumbu viina kulyusue!" Vakava kimihe vakakunua ikya ilisio ilya kujova.⁹Kange nivavula nikati, 'Kino muvomba na kinofu pa maaso gha Mutwa asi namunoghiile kukumwoghopa Unguluve ghwinu kuuti avatange ni njegheelo sa avalugu viinu? ¹⁰Une navanyalukolo vango navavomba mbombo vango tukuvapela ihela nifyakulia natulonda luhombo lumonga. ¹¹Lino lino muvagomokesie amaghunda ghaave naghi misabibu ghaave nagha miseituni, ni nyumba nalulu hombo lwa hela, nafifyakulia, naluluhuuje ulupia, nagha mafuta ghano mwahombesiagha."¹²Aveeni vakitika vakati, "Tugomosia fyoni fino tukatolile kuveene kange natulonda kimonga kigomoke. Tuvomba ndavule ujovile." Nikavakemeela avatekesi pamaaso ghaave navavalongosi vooni vakafinga pamaaso ghavatekesi kuvomba ndavule vafingile. ¹³Nikakung'huna umwenda ghwango nikati, "Juno nave aleke kuvomba ulufingo ulu, "Unguluve apoke ankung'hune ave asila kinu ikyuma ni nyumba ave nsila kiinu. Ilipugha lyoni likati "Amina," vakamughinia Unguluve. Avanhu vakavomba ndavule valyafingile.¹⁴Kuhuma unsiki ghuno nivikwa kuva m'baha ghwa iisi ja Yuda, kuhuma umwaka ughwa vijigho fivili umpaka umwaka ghwa vijigho fitatu na fivili muvuntwa vya ntwa Alatasasita, amaka fijigho na ghavili une na vanyalukolo vango natukalisagha ikyakulia kino ahumisie um'baha ghwa kighavo. ¹⁵Neke avavaha avalongosi palyune valyale nsigho ni nsito kuvanhu vakatolagha kuvaanhu ishekeli ifijigho fine ifya voope avavomba mbombo vaave vakavapokagha ifinu avanhu. Neke une nanikavomba evuo ulwakuva nikamwoghopagha Unguluve.¹⁶Nikaghendelela kuvomba imbombo ja kujenga uluvumba ulwakuva nilyale sila mughunda. Voope avavomba mbombo vango vakavombagha imbombo iji ni ngufu. ¹⁷Ifighono fyoni nilyale na Avayahudi palikimo na vimilili ikipugha kya vanhu kilundo kimo nifijigho fihaano, ungavausie vano valyale vafikolo ifinge fino filyavasyungutile.¹⁸Ifinu vino vakava viling'hania mu kighono kimo ni nikabudagha ing'hombe jimo, ing'holo ntanda, ni ng'huku, finga kilisanie ifighono kijigho nikahumiagha uluhuje inyambe nyinga. Agha ghooni nilyavombile ulwakuva avanhu vakavombagha kupinda amasigho amsito ifighono fyoni nanikalondagha ulutaango lumonga. ¹⁹Lino, Ghwe Nguluve nisuuma ung'humbuke kughooni ghano nivavombiile avanhu ava.

¹Pepano uSanibalati nu Tobia nu Gesemu uMwalabu na valugu viitu avange, yevapuliike kuuti nijengile uluvumba vupia, natupalekile pamonga, nambe natuviluile amalyango gha kudinda, ²U Sanibalati nu Gesemu vakasung'ha imhola kulyune vakati, "Ghwise, tutang'hane palikimo nuuve mukikaaja kimonga muluvindi ulwa Ono." Ulweene vakalondagha kukumbuda.³Une nikasuung'ha imhola kuveene, nikati, "Une kuno nilikuvomba imbombo imbaha nanikwisa. Lwa kiiki imbombo jiime kuvombua pano nikwisa ukuo?" ⁴Vakasung'ha imhola ijio akasiki kane, najuune nikavamula vulevule.⁵U Sanibalati pe akasuung'ha u m'bombi ghwake kulyune akasiki aka vuhaano nikalata alembile. ⁶Ijeene ikatata jilembilue ndiki, "Jipulikiike imhola muvanhu vano valipiipi, naju Gesemu ghwope alinimhola iji kuuti uve na Vayahudi avanino mulonda kuvuuka muvutwa uvu fyenamba mujenga uluvumba vupia. Mumhola iji luvoniike kuuti uve ghulonda kuuva ntwa ghwave.⁷Kange luvoniike kuuti uvasalwile avavili vavavuule ava mu Yelusalemu, kuuti, "Kwale untwa ku Yuda!" Lino imhola iji ivulua untwa u Alatasasita. Lino nikukuvuula kuuti ghwise tukale uve nuune tujove.⁸Najuune nikagomosia imhola nikati nakulilumonga muisio sino ghujova, aghuo masaghe gha mumwoja ghwako." ⁹Aveene vakavomba uluo kuuti vatwoghofie mumasaghe ghave piiti, "Natungaghendelele ni mbombo, luleke kujenga." Nikufunya kwa Nguluve, ghwango nikati Lino ghwe Nguluve nisuuma umhele ingufu.¹⁰Nikati nilutile kukaaja kwa Semaya, umwana ghwa Delaya, umwana ghwa Mehetabeli, juno na alyatavulue kuhuma munyumba akambuula akati, "Leka tutang'hane palikimo mulinyumba ja Nguluve ija kufunyila ulwa kuva tedinde amalyango ulwakuva ikilo iji vikwisa vakubude." ¹¹Nikamwamula nikati, " Asi! Ne munhu ndavule une ndepoonu nikimbile? Nambe nengile munyumba ja kufunyila mwe nikalaghe? Nambe nanikwingila."¹²Pe nikakagula kuuti uju naasung'hilue nu Nguluve, looli asung'hilue nava Sanivalati nu Tobia ajove uvu viivi vwango kuveene. ¹³Alyasung'hilue kuuti anyoghofie nihoke amakole neke aveene vajaaghe isila ijakunjova fivi na kunangania ilitavua lyango nu lutogo lwango. ¹⁴Nikifunya kwa Nguluve nikati ghwe Nguluve ghwango ukumbuke ghooni ghano vambombile uTobia nu Sanibalati naju mbili uNoadia palikimo na vavili avange vano vakaghelagha kukunyoghofia.¹⁵Pepano imbombo ija kujenga uluvumba jikasila ikighono kya vijigho na fihano, umwesi ughwa Eluli, imbombo jilyale ja fighono fijigho vihano na fivili. ¹⁶Avalugu viitu vooni vakati vapuliike na vanhu avange vano valipiipi vakati vapuliike kuuti imbombo tumalile vakoghopa nakuvona soni kyongo. Ulwakuva valyakagwile kuuti imbombo jivombiike mulutangilo lwa Nguluve ghwitu.¹⁷Unsiki ghwoni ughu avalongosi va Vayahudi vakava vile mbelanila ikalata nu Tobia. ¹⁸Vamonga mukikolo kya Vayahudi vakava vitangana naghuo ulwakuva valyafingile nu mwene ulwakuva alyale nkwive ghwa Sekania, umwana ghwa ala, ulwene u Yehohanani umwanake akantoola umwalive ghwa Mesulamu umwana ghwa Belekia. ¹⁹Pevakamangila ghooni amanofu agha Tobia, nasimhola sango vakantwalilagha. Ghwope akalembagha ikalata isa kunyoghofia.

¹Unsiki ghuno uluvumba lwasilile nagha malyango nimisie, avaloleeli, vanovakimbagha, avalevi vavikilue, ²pepano nikansalula uHanani kuuva muloleli ghwa Yelusalemu, vakatangamagha nu Hanania juuno alyale m'baha ghwa lilinga lya Yelusalemu, ulwakuva alyale munhu ghwakuhuvilua kange akanibombelagha kyongo Uguluve, na alyaling'hiine nu munhu ghweni.³Nikavavula nikati, Namungadindulaghe amalyango unsiki ghwooni ghwa pakilo impaka ilijuva litoghile unsiki ghuno avaloleeli va mulyango va kyale pivuka ghadidwaghe ni komelo. Musalulaghe avaloleeli vamongo muvano vikukala mu Yelusalemu avange kuloleela ilikaja avange inyumba saave. ⁴Ilikaaja lilyale livaha kange lyelefu neke avanhu vano vikukala vakava vadebe, nakyesilyale inyumba sino syengilua kange.⁵Unguluve akamhela umwojo ghwa kuvakongh'hania avavaha, avalongosi, kuuti ghamanyike amapugha gha lukolo lwava. Nikakivona ikitabu kinu kilembilue avanhu vooni vano vagomwike kuno vakaale valembilue umuo.⁶Ava ve vanhu vano wijimbo vano valyalutile ku Babeli lino vagomwike mu Yelusalemu mwisi jaave ija Yuda avanhu vooni vakagomoka kila munhu mulikaaja lyake. Avanhu vaake valikalile ku Babeli kuhuma kwa ntwa uNebukadelesa ikuvahamia vave vakami. ⁷Yevigomoka vakalongosivua nu Zelubabeli, u Yoshua, u Nehemia, u Selaya, u Leelaya, u Nahamani, u Modekai, u Bilshani, u Mispali, u Bigwai, u Lehumu nu Baana.⁸Avaana va Palosi, 2, 172. ⁹Avaana va Sefatia, 372. ¹⁰Avaana va Ala, 652.¹¹Avaana va Pahath Moabu, ¹²Avaana va Yesua nu Yoabu, 2, 818. ¹³Avaana va Elamu, 1, 254. ¹⁴Avaana va Zatu, 845. Avaana va Zakai, 760.¹⁵Avaana va Binnui, 648. ¹⁶Avaana va Bebai, 628. ¹⁷Avaana va Azgadi, 2, 322. ¹⁸Avaana va Adonikamu, 667.¹⁹Avaana va Bigwai, 2, 067. ²⁰Avaana va Adini, 655. ²¹Avaana va Ateri, va Hezekia, 98. ²²Avaana va Hashumu, 328.²³Avaana va Besai, 324. ²⁴Avaana va Harifu, 112. ²⁵Avaana va Gibeoni, 95. ²⁶Avanhu kuhuma ku Betelehemu nu Netofa, 188.²⁷Avanhu va Anatoti, 128. ²⁸Avanhu va Beti Asimaweti, 42. ²⁹Avanhu va Kiliati Yealimu, Kefila, nu Beeloti, 743. ³⁰Avanhu va Lama nu Geba, 621.³¹Avanhu va Mikmasi, 122. ³²Avanhu va Beteli nu Ai, 123. ³³Avanhu va Nebo, 52. ³⁴Avanhu va Elamu ughwa vuvili, 1, 254.³⁵Avanhu va Halimu, 320. ³⁶Avanhu va Yeriko, 345. ³⁷Avanhu va Lodi, Hadidi, nu Ono, 721. ³⁸Avanhu va Senaa, 3, 930.³⁹avatekesi avaana va Yedaya (va nyumba ja Yesua), 973. ⁴⁰Avaana va Imeli, 1, 052. ⁴¹Avaana va Pashuli, 1, 247. ⁴²Avaana va Halimu, 1, 017.⁴³Avalevi, avaana va Yesua, va Kadimieli, va Binui, va Hodavia, 74. ⁴⁴Vano vakimbagha avaana va Asafu; 148. ⁴⁵Vano vakadindulagha umulyango, avaana va Salumu, avaana va Ateli, avaana va Talimoni; avaana va Akubu, avaana va Hatita, avaana va Sobai, 138.⁴⁶Avavombi va nyumba imbaha ja kufunyila, avaana va Siha, avaana va Hasufa, avaana va Tabaothi, ⁴⁷avaana va Kelosi, avaana va Siaha, avaana va Padoni, ⁴⁸avaana va Lebana, avaana va Hagaba, avaana va Salimai, ⁴⁹avaana va va Hanani, avaana va Gideli, avaana va Gahali.⁵⁰Avaana va Leaya, avaana va Lesini, avaana va Nekoda, ⁵¹avaana va Gazamu, avaana va Uza, avaana va Pasea, ⁵²avaana va Besai, avaana va Meunimu, avaana va Nefusimu.⁵³Avaana va Bakubuki, avaana va Hakufa, avaana va Haluhuli, ⁵⁴avaana va Basuliti, avaana va Mehida, avaana va Halusa, ⁵⁵avaana va Balukosi, avaana va Sisela,avaana va Tema, ⁵⁶avaana va Nesia, avaana va Hatifa.⁵⁷Avaana va Sulemani, avaana va Sotai, avaana va Sofeeleti, avaana va Peluda, ⁵⁸avaana va Yaala, avaana va Dalukoni, avaana va Gideli, ⁵⁹avaana va Sefatia, avaana va Hatili, avaana va Pokeleti Sebaimu, avaana va Amoni. ⁶⁰Avavombi va nyumba imbaha ija kufunyila, na vaana va vavombi va Sulemani, vakava 392.⁶¹Ava vevanhu vano valyagomwike kuhuma ku Teli Mela, Teli halisha, Kelubu, Addon, ni Imeli. Neke navakamanyika kuuti vahumile mukikolo kya vanu vaana va Isilaheli, ⁶²avaana va Delaya, avaana va Tobia, na vaana va Nekoda, 642. ⁶³Kuhuma kuvatekesi vano vakaholua kuvaana va Habaya, uHakosi, nu Barzilai ( akantoola un'dala kuhuma kuvalive va Bilusilai ughwa ku Gileadi akatoole ilitavua lya lukololwave).⁶⁴Ava vakavalonda avanhu vano vaakihasisie mulukolo lwave neke navakavavona pepeeni vakavavusia muvutekesi ulwakuva navavaliile nulwa vutekesi. ⁶⁵Ghwope umbaha ghwa kighavo akavakana kuuti valeke kulia ikyakulia ikimike mpaka afike untekesi umunyakughanulania.⁶⁶Ilipugha lwoni likava na vanhu 42, 360, ⁶⁷kange pevakava avavombi avaghosi na vadala mama 7, 337. Va vano vakava vikwimba avaghosi na vamama vakava 245.⁶⁸Vakava ni falasi 736, inyumbu 245, ⁶⁹ingamila sikava, 435, ni punda 6, 720.⁷⁰Vamonga avavaha mufikolo fyave voope vakatanga pijenga um'baha ghwa kighavo akahumia darkon sa sahabu 1000, amabakuli 50, na menda gha vatekesi 530. ⁷¹Avavaha vamonga mufikolo fya vagojo vaave vwimila imbombo vakahumia idarkoni 20,000, ni mane 2,200 isa hela. ⁷²Avanhu avange vakahumia idarkoni sahabu 20, 000, ni sahabu 2, 000 isa hela, na menda gha vatekesi 67.⁷³Apuo avatekesi, Avalevi, avaloleeli va malyango, vano vakava vikwimba na vanhu avange, avavombi va nyumba imbaha ja kufunyila nava Isilaeli vooni vakava vikukala mumakaja ghave."

¹Pepano avanhu vooni avanya mwojo ghumo vakakong'hana pano pelefu piipi nu mulyango ghwa malenga mulikaaja ilya Yelusalemu. Vakansuma uEzra umulembi atwale ikitabu ikya ndaghilo sa Musa kino Unguluve alyavapeliile avaana va Isilaheli. ²Isiku ja kwanda ija mwesi ghwa lekela lubale, uEzra, untekesi akaluta, akatoola indaghilo akatwala pavulongolo palipugha lya vaghosi na va mama, na vavange vano vakapulikagha na kugadiliila. ³Pe akavimbila indaghilo kuhuma palwakilo kuhanga kufika pamwisi, avaghosi nava mama, palikimo navano vakapulikagha na kugadilila vooni vakapulikisyagha vunofu ikitabu kya Ndaghilo.⁴Ghwope u Ezra akiima pa kidalikililo kilyatendilwe ni mbavo vwimila imbombo ijio. Palubale pa mwene valimile uMatithia, Shema, Anaya, Uria, Hilkia nu Maaseya, ava valimili ulubale ulwa kundio, ulubale ulwa kung'highi valimile uPedaya, uMisbaeli, uMalkiya, uHashumu, uHashbadani, uZekaria nu Meshulamu. ⁵U Ezra akavalula ikitabu pamaaso gha vanhu vooni ulwakuva alimile pakidalikililo ye avalwive, avanhu vooni vakiima.⁶U Ezra akamongesia Unguluve, Unguluve um'baha neke avanhu voone vakagholosia amavoko, vakamula vakati, "Amina! Amina!" Vakasulika amatu ghave pasi, vakamughinia Unguluve. ⁷U Yeshua, u Bani, uSherebia, u Yamini, u Akubu, u Shabethai, u Hodai, u Maaseya, u Kelita, u Azaria, u Yozabidi,u Hanania, u Pelaya ava vevaLevi vano vakatangagha avanhu kugadilila indaghilo, kila jumo pavukalo vwake. ⁸Aveene avuo vakimbagha indaghilo vakavulanisyagha na kughanula nu muluvo kuuti avanhu vakagule ghano ghikwimbua.⁹U Nehemia nu m'baha ghwa kighavo, nu Ezra untekesi kange mulembi na uLevi vano vakava vighanula kuvanhu vakavavula avanhu vooni vakati, ikighono iki kimike kwa Mutwa, Unguluve ghwinu. Meleke kulila, ulwakuva avanhu vooni valyalilile yevipulika amasio gha ndaghilo. ¹⁰U Nehemia akavavula akati, 'Lino mugomoke kukaaja muluta mulie fino vinonile, nu nkate, na malenga amanono, neke muntwalilaghe umunhu unsila kimu, ulwakuva ikighono iki kimike kwa Mutwa ghwitu muleke kuuva nulusukunalo ulwakuva ulekeelo lwa Mutwa se ngufu sinu.¹¹Avalevi vakavanyamasia avanhu vakati, "Munyamale! ulwa kuva ikighono iki kimike. Mululeke ulusukunalo." ¹²Avanhu vooni vakaluta kulia na kunyua na kukuvapelagha avange ikyakulia ulwakuva valyaghakagwile amasio vupile uvukagusi mumasio gha ndaghilo.¹³Ikighono kya vuvili avavaha mufikolo fyave palikimo na vatekesi na va Levi, vakkong'hana kwa Ezra umulembi kuuti vupile uvukagusi mumasio gha ndaghilo. ¹⁴Vakakagula kuuti ulembiue mundaghilo vule Uguluve akam'bulagha uMose piiti avaana va Isilaheli vikalaghe mufijumba unsiki ghwa kikulukulu umwesi gha lekelalubale. ¹⁵Vanoghiile kujova ilisio mumakaja ghooni na ku Yelusalemu, kukuvavuula kuuti, 'Mulutaghe ukuo ku iisi ija fidunda mulete inaafisa miseituni ighia mulisoli, na mataafi ghwa mihadasi na mataafi gha mitende na mataafi gha mapiki amakome kuuti mujengele ifijumba fya nsiki n'debe ndavule lilembilue."¹⁶Pepano avanhu vakahuma vakaleta amataafi vakajenga ifijumba kila munhu pa nyumba jaake, na si mbigho na papakuhighila pa nyumba saave na pakuhighila pa nyumba ja Mutwa, kukivanja pano pelefu pamulyango ghwa malenga nu mulyango ghwa Efraimu. ¹⁷Pepeene ilipugha lwoni lino lilyagomwike kuhuma kundinde vakajenga ifijumba vakikalagha umuo. Ulwakuva kuhuma mufighono fya Yoshua, umwana ghwa Nuni mpaka ikighono iki namughelile kukwimika ikikulukulu iki. Na lulukeelo lukava luvaha kyongo.¹⁸Ifighono fyoni kuhuma ikighono kya kwanda kufika kuvusililo, uEzra akava ukuvimbila avanhu ikitabu kya ndaghilo sa Nguluve. Vakavombagha ikikulukulu ikio unsiki ghwa fighono lekela lubale ikighono livaha pavusililo vakava vipala sana, ndavule valyavalaghiile.

¹Ikighono ikya vijigho fivili na fine ikya mwesi ghughuo, avanhu va Isilaheli valyakong'hanile vakanile kulia mulyakufunya, vakava vafyalile amenda gha magunila, vakipaka nulung'hunde pamatu ghave. ²Avaholua na Vaisilaheli vakibaghula na vahesia vooni. Vakiima vilata uvuhosi vwave namavombele gha vuhosi vwa vakulu vaave.³Vakiima pa vwimo vwave, unsiki n'debe vakimbagha kuhuma mukitabu kya ndaghilo sa Mutwa, Unguluve ghwave. Unsiki ughunge vakafughamagha pilata pa maaso gha Mutwa Unguluve ghwave. ⁴Avalevi uYeshua, u Bani, u Kadmieli, u Shebaniya,u Buni, u Sherebia, u Bani nu Kenani, vakiima pa ntandalilo, vakankemeela Umutwa, Uguluve ghwave kulisio ilivaha.⁵Pepano Avalevi, nu Yeshua, nu Kadmieli, nu Bani, nu Hashabneya, nu Sherebia, nu Hodia, nu Shebania, nu Pethalia, vakati, "Mwime mumughinie uMutwa, Unguluve ghwinu jatu na jatu." "Lifunywaghe ilitavua lyako ilimikwa, kukila inyifunyo sooni nu lughinio lwoni. ⁶Uve veeve Mutwa. Uve uli ghwe mwene veeve uvombile kukyanya, kukyanya fiijo. Avanyamhola vooni nifyakukyanya, nafifyapasi fyoni na mumalenga na fino mwefili umuo. Ukuvapeela vooni uvuumi, amapugha gha vanyamhola vikukwinamila.⁷Uve veeve Mutwa, Nguluve ghwe ulyansalwile uAbramu, ukamumia kuhuma ku Uru vwa vakaldayo, ukampeela ilitavua ili Ibrahimu. ⁸Ulyam'bwene umwojo ghwake asindamile kulyuve fyenambe ukafingana naghuo ukavapeela avaholua kwa mwene iisi ja Kanaani, nu Mhiti nu Mwamori nu Perizi, nu Myebusi, na Wagirigashi. Ghwalaghile uvikile lulaghilo ulwakuva uve ulighwa kyang'hani.⁹Ulyavuvwene uvukunue uve vanhata viitu ku Misri kange ukapulika ghavona amasosi ghave palubale pa nyanja ija shamu. ¹⁰Veeve ukavomba ifidegho kwa Farao, na vavombi vaake vooni, na vanhu va iisi jooni, aveene ava Misri vakavomba ulyakughinia. Neke uve ulyavombiile kuuti ilitavua lyako limile kufika umusyughu.¹¹Ghwalyaghavinie inyanja pamaaso ghave vakalovoka pakati pasila malenga; ukavajughuja avalugu vakaghua munyanja hwene livue mumalenga.¹²Uve ukavalongosia pa mwisi mumanda ja lifunde pakilo ukavalongosia mumanda ja mwoto kuuti vaghendaghe mulumuli lwa muoto. ¹³Ghwalikile pa kidunda kya Sinani, ukajova navo kuhuma kukyanya akavapeela indaghilo sa kyang'hani.¹⁴Ukavavula isabati jaako inyimike, ukavapeela ni ndaghilo saake, kukulila um'bombi ghwako uMose. ¹⁵Ukavapeela ikyakulia kuhuma kukyanya vwimila injala jaave, naghamalenga kuhuma mulinalavue vwimila ikyumilua kyave ukavavuula kuti valute kukukala ku iisi jino ulyafingile pikuvapeela.¹⁶Neke aveene na vanhata vitu navakavingiliiola vakakaana navakavombagha indaghilo saako. ¹⁷Vakakana kupulika, navakasaghagha ifidegho fino alyavombile pamaaso ghave vakakana, vakalonda umulongosi kuuti avagomosie ku iisi javukami. Neke uve Unguluve uli ni nyisaghilo, lusungu, usila lyojo, uli nulughano. Uve na ulyavalekiile.¹⁸Nukavaleka nambe pano vakatenda indama ka shaba vatisaghe, "Uju ghwe Nguluve juno alyatuhumisie ku Misiri," wakati walipopotoka sana. ¹⁹Poope uve ulinulusungu, nukavaleka kulukuve imanda ja lifunde jikavalongolela musila pamwisi, pakilo imanda ija muoto jikavamulikila gha musila jino vighenda.²⁰Ukavapeela Umhepo ghwako kukuvavulanisia, ni mana ja kulia nukavafinya naghamalenga vakanyua. ²¹Amaka vijigho fine ukavatanga kulukuve navalyakuhokile lumunga, amenda ghave nagha lyasakiile nambe isajo nasilyalemiile.²²Ukavapeela ingufu vakavatoola ifisina ifinge ukavavombela inofu imbaha sooni vakapoka iisi ja Sihoni untwa ghwaHeshiboni, naji iisi ja Ogu untwa Bashani²³Ukavaviika vaave na vaana vinga ndavule inhondue isa kukyanya, ukavapeela iisi jino ulyavalaghile avanhata vaave. ²⁴Pe avanhu vakingila jikava iisi jaave vakavatola avanya iisi ijio, Avakanaani ukavaviika mu mavoko ghave palikimo na vatua vaave na vavanya iisi vooni vavavombelaghe vule vighanile .²⁵Vakapoka amakaaja amalilinga, vakatoola iisi ja vukavi, amajumba amanya fiinu finofi, ifitiimu fino figimilue, amaghunda gha misabibu na miseituni, palikimo na mapiki amanya fipeke finga, pepanu vakalia vakikuta vakahovoka nuvupesi vwako.²⁶Avanhu ava navakava vakundi vakagomoka kunsana. Vakatagha indaghilo saako. Vakavabuda avavili vaako vano vakavapavilagha kuuti vakugomokele uve vakajova fivi. ²⁷Pepano ukavatagha mumavoko gha valugu vaave vakavapumusia. Unsiki ghwa mumuko, vakakulilila neke ukavapulika kuhuma kukyanya, ukavapoka mumavoko gha valugu ulwakuva ulinulusungu lwinga.²⁸Neke ye vatenganile vakavomba uvuhosi pamaaso ghako, pe ukavaleka mumavoko gha valugu vakavatema, vakati vakugomokile ukavapokagha kuhuma kukyanya ulwakuva ulinulusunga ukavapokagha kinga. ²⁹Ukavapavila kuuti vagomoke mundaghilo sako; mu uluo vakava na matupa, navakapulikisiaghe indaghilo saako. Vakavomba uvuhosi mu ndaghilo saako sino sinoghile umunhu kukumpeela uvuumi umunhu ghweni juno ikusivingilila vakakana navakasivomba nambe kupulika.³⁰Amaka minga ukavatanga na pikuvapavila vwimila Umhepo ghwako kukilila avavili vaako, poope navakakupulikisia pepeene ukavaleka mumavoko gha vanhu va fikolo ifinge. ³¹Ulwakuva ja lusungu lwako nukavaleka vatipulue lwoni, ulwakuva uve Nguluve uli nulusungu.³²Lino, Nguluve ghwitu, Nguluve m'baha, ghwenya ngufu na kukwoghofia, uve uvikile ulufingo lwako nulughano uvukunue vwoni vuno vutwaghile uswe, avatua viitu, avavaha viitu avatekesi viitu, avavili viitu, avanhata viitu, na vanhu vaako vooni kuhuma ifighono fya vatwa va Ashuru kufika umusyughu uleke kuvala kuuti madebe ghano ghatuvwene. ³³Uve veeve ghwa kyang'hani ku sooni sina situvwene ulwakuva ulinkoola, uswe tulivahosi. ³⁴Avatua viitu, avavaha viitu, avatekesi viitu na vanhate viitu, navalyakolile indaghilo saako ni mavilo saako sino ulyavapeliile.³⁵Mulusungu lwako, uluvaha na mu vutua vuno ulyavapeliile navakakuvombalagha uve Nguluve, ukavapeela iisi inyamhota pamaaso ghave poope navalasileka imbiivi.³⁶Lolagha lino uswe tulivakami muiisi jino ukavapeela avanhata viitu kuuti vahovoke nifipeke naghange amanofu, ulwene tulivakami! ³⁷Ulwakuva tulivahosi uvumofu vwa iisi iji uvapeliile avatua vano vatutemile, vatutemile ndavule vighanile nafi fidimua vikufi vombela ndavule vighanile. Tulimuvukunue uvuvaha kyongo.³⁸Ulwakuva ghavombiike ghoni agha uswe lino. Tuviika ulifingo ulukangafu tulemba na matavua gha vavaha viitu, ava Levi, avatekesi, veveene vikangasia."

¹Vala vano vakaviika amatavua ghave mukalata jino jilyakupikue, veva avai u Nehemia umwana ghwa Hakalia um'baha ghwa kighavo, navatekesi vana vakavikua u Sedekia, ²U Seraya, u Azaria, u Yeremia, ³U Pashuri, u Amaria, u Malkiya,⁴U Hamshi, u Shekania, u Maluki, ⁵U Harimu, u Meremothi, u Obadia, ⁶U Danieli, u Ginethoni, u Baruki, ⁷U Meshulamu, u Abiya, u Miyamini, ⁸U Maazia, u Bilgai nu Shemaya. Ava vakava vatekesi.⁹Avalevi vakava u Yeshua umwana ghwa Azania, u Binui ghwa Henadadi, u Kadmieli, ¹⁰na Valevi avanine, u Shebania, u Hodia, u Kelita, u Pelaya, u Hanani, ¹¹U Mika, u Rehobu, u Hashabia, ¹²U Zakuri, u Sherebia, u Shebania, ¹³U Hodiya, u Bani nu Beninu. ¹⁴Avalongosi va vanhu vakava u Paroshi, u Pahath-Moabu, u Elamu, u Zatu, u Bani,¹⁵U Buni, u Azgadi, u Bebai, ¹⁶U Adoniya, u Bigwai, u Adini, ¹⁷U Ateri, u Hezekia, u Azuri, ¹⁸U Hodia, u Hashumu, u Besai, ¹⁹U Harifu, u Anathothi, u Nobai, ²⁰U Magpiashi, u Meshulamu, u Heziri, ²¹U Meshezabeli, u Sadoki, u Yadua,²²U Pelatia, u Hanani, u AnaYA, ²³U Hoshea, u Hanania, u Hashubu, ²⁴U Haloheshi, u Pilha, u Shobeki, ²⁵U Rehumu, u Hashabna, u Maaseya, ²⁶U Ahia, u Hanani, u Anani, ²⁷U Maluki, u Harimu nu Baana.²⁸Na vanhu avange vano vakava vatekesi nava Levi navaloleeli va mulyango, vano vikuimba, na vavombi va nyumba imbaha ja kufunyila na vange vooni vano vakava pajo ni fikolo ifinge ku ndaghilo sa Nguluve, na vadala vaave, na vaana vaave na valivanavo na vooni vakava nuvukagusi, ²⁹uswetu vakava palikimo na vanyalukolo viitu vaave, avavaha vaave viitu kujiigha kuuti natukusileka indaghilo sa Nguluve ghwitu, sina salisile kukilila uluvoko lwa Mose um'bombi ghwake kugadilila na kukusivombela andaghilo saake.³⁰Tulyafingile kuuti natunoghile kukuvapeela avaliviitu ifikolo ifinge kange najusue natutola avalivanavo vaave vadala va vaana viitu. ³¹Kange tulyafingile kuti nave avanhu vuvule vangalete ifiinu fya kughusia ikighono kya Sabati, natunoghile kughula kuveene ikighono kya Sabati nambe ikighono ikimike. Umwaka ughwa lekela lubale tukughaleka amaghunda ghapuume kulimua kange tukuvasaghila vano valyokopile, mu Vayahudi avajiitu.³²Tukiting'hine ululaghilo ulwa kutavula ihela ja shekeli kila mwaka vwimila imbombo mu nyumba ja Nguluve ghwitu, ³³amakate amimike ni litekelo lya fiinu fya mumaghunda, ilitekelo lya kukyanya ikighono kya Sabati, ikikulukulu kya mwesi umpia, ni kulukulu ifya kukyanya ilitekelo ilimike, ilitekelo lya kuvusia amakole na kuvelelela kwa Nguluve na vaana Isilaheli.³⁴Avatekesi nava Levi, vakasalulagha vwimila ilitekelo lya sanjala. Uvusaluli vukalolaghe kuti, ghweveeni munyumba siitu kyaileta isanjala nkate munyumba ja Nguluve ghwitu, munsiki ghuno ghuvikilwe mu mwaka. Isanjala isio zikapembuagha pakyanya pakitekelelo kya Mutwa Unguluve ghwitu, ndavule lilembilue mundaghilo. ³⁵Tulyafingile kuleta ifipeke ifya kwanda, mumaghunda ghiitu, kange kulela ifipeke ifya kwanda fya nipiki ghumoghumo kila mwaka. ³⁶Ndavule lilembilua mundaghilo tulyafingile kuleta munyumba, avaholua ava kwanda va vaana viitu ni fidimua fiitu.³⁷Tuletaghe uvutine uvwa kwanda mufinu fya maghunda live litekelo nifipeke ghweni, nuluhuuje na mafuta tuletaghe kuvatekesi, mufihenge fya nyumba ja Nguluve ghwitu, tukuvatwalilagha ava Levi ikinu kimo mu finu kijigho mulihanga litu vino tulima, ulwakuva ava Levi veveene vikong'hania ikinu kimo mufinu kijigho mumakaaja ghoni muno tuvomba imbombo. ³⁸Untekesi, umolua mukikolo kya Haruni, avisaghe palikimo na Valevi pano vikupila ikinu kimo mufinu kijigho. Avalevi vanoghile kutwala ikinu kimo mufinu kijigho munyumba ja Nguluve ghwitu mufihenge ifyakuvikila.³⁹Ulwa kuva avaana va Isilaheli na vaana va Levi vitwalagha ilitekelo lya fiinuu fya mumaghwanda nu luhunje ulupia, na mafuta, mufihenge pano, ifinu fya pavwimike fivikilue na pavuvo vwa vatekesi na vavombi, na valoleeli va malyango, na vana vavikilue kukwimba. Natunoghiile kukujileka inyumba ja Nguluve ghwitu.

¹Avalongosi va vanhu vakikalagha ku Yelusalemu, neke avanhu avange vakasalulagha umunhu jumo muveeni ghwe iise kukukaala ku Yelusalemu mulikaaja ilimike, avange vakisighalagha ghave. ²Voope avanhu vakavafunya avanhu vooni vano valihumisie muvughane kukukala mu Yelusalemu.³Ava vevavaha va fighavo vano vakikalagha mu Yelusalemu. Ulwene, mumakaaja gha Yuda umunhu ghweni akikalagha mu iisi jaake, palikimo na vaana va Isilaheli avatekesi, ava Levi, avavomba mbombo va nyumba imbaha ja kufunyila, nava holua na vavombi va Solomoni. ⁴Mulikaaja ilya Yelusalemu vakava vikukala vamonga mu vaana va Yuda , na vange avaana va Benyamini. Avanhu va Yuda, vakava palikimo nu Athaya, umwana ghwa Uzia, umwana ghwa Zekaria, u mwana ghwa Amaria, umwana ghwa Shefatia, umwana ghwa Mahalaleli, umwana ghwa Peresi.⁵Na Maaseya, umwana ghwa Baruki, umwana ghwa Kolhoze, umwana ghwa Hazaya, umwana ghwa Adaya, umwana ghwa Yoyaribu, umwana ghwa Zakaria, umwana ghwa Mshelani, akava mwana ghwa Baruki. ⁶Avaana vooni va Peresi vano vikukala mu Yelusalemu vakava avanhu 468. Vakava vakangali pilua.⁷Avuo ve vaana va Benyamini, u Salu, umwana ghwa Meshulamu, umwana ghwa Yoedi, umwana ghwa Pedaya, umwana ghwa Kolaya, umwana ghwa Maaseva, umwana ghwa Ithieli, umwana ghwa Yehaya. ⁸Pa mbele, u Gabai nu Salai, avanhu 928. ⁹U Yoeli umwana ghwa Zikri akava muloleeli ghwave; nu Yuda umwana ghwa Hasenua akava ghwe m'baha ghwa vuvili mulikaaja.¹⁰Kuhuma kwa vatekesi u Yedaya, umwana ghwa Yoyaribu, u Yakini, ¹¹U Selaya umwana ghwa Hilikia, umwana ghwa Meshulamu, umwana ghwa Sadoki, umwana ghwa Merayoti, umwana ghwa Ahitubu, um'baha ghwa nyumba ja Nguluve, ¹²na vanine vano vakavombagha imbombo ja lukolo avanhu 822. nu Adaya umwana ghwa Yerohamu, umwana ghwa Pelalia, umwana ghwa Amzi, ​​umwana ghwa Zekaria, umwana ghwa Pashuri, umwana ghwa Malkiya.¹³Voope vakava vumo, vano vakava vavaha vava janave, avaghosi 242, nu Maasai umwana ghwa Azareli, umwana ghwa Azai, umwana ghwa Meshilemothi, umwana ghwa Imeri; ¹⁴na vanyalukolo vaave, 128 avalua lilugu avasila vwoghofi, um'baha ghwave juno akalongosyagha akava ghwe Zabdieli, umwana ghwa Hageoli.¹⁵Na Valevi u Shemaya umwana ghwa Hashubu, umwana ghwa Azrikamu, umwana ghwa Hashabia, umwana ghwa Buni, ¹⁶nu Shabethai, nu Yozabadi, vano vakava valongosi vava Levi, vano walimilile imbombo sa kunji ku nyumba ja Nguluve.¹⁷Pe ale u Matania, umwana ghwa Mika, umwana ghwa Zakri, umwana ghwa Asafu, juno akava ghwe mwimili juno akahongesyagha nulufunyo, nu Bakbukia, ughwa vuvili muvanine avanyulokolo vaake, nu Abda umwana ghwa Shemaya, umwana ghwa Galali, umwana ghwa Yeduthuni. ¹⁸Ilikaaja lyooni ilimike Avalevi vakava 284.¹⁹Avaloleeli va malyango vakava u Akubu, uTalmoni, na vajanave, vakava vumo avaloleeli va malyango, avaghosi 172. ²⁰Vano valyasighiile ava Isilaheli, na vatekesi, na Valevi, vakava mumakaaja ghoni agha Yuda. Kila munhu akikalagha pavuvu vwake jujuo. ²¹Avavomba mbombo va nyumba imbaha ija kufunyila vakikala mu Ofeli, mu Siha mu Gishpa avuo vakava vikuvalongosia.²²Untua um'baha ughwa Valevi vano vakava vivomba mu Yelusalemu akava ghwe Uzi umwana ghwa Bani, umwana ghwa Hashabia, umwana ghwa Matania, umwana ghwa Mika, na vaana va Asafu, vano vakimbagha mu nyumba ja Nguluve. ²³Vooni vakalongosevuagha nu lulaghilo lya ntua nu lulaghilo lwa vano vakimbagha ifighono fino vakalonduagha. ²⁴U Pethahia umwana ghwa Meshezabeli, umwana ghwa Zera, umwana ghwa Yuda, akava ulubale lwa ntua kutwala imhola sooni isa vanhu.²⁵Ifikaaja na maghunda ghave vamonga mu vanhu va Yuda vakava vikukala mu Kiriath-arba, ni fikaaja fyake mu Diboni, ni fikaaja fyake, mu Yekabzeeli ni fikaaja fyake. ²⁶Vakikala mu Yeshua, mu Molada, mu Beth-Peleti, ²⁷Mu Hazar-Shuali, mu Beersheba ni fikaaja fyake.²⁸Voope vakikala ku Siklagi, ku Mekona, ni fikaaja fyake, ²⁹ku Enrimoni, ku Sora, ku Yarmuthi, ³⁰Ku Zanoa, ku Adulamu, ni fikaaja fyake, ku Lakishi, na maghunda ghake, ku Azeka, ni fikaaja fyake. Pe vakikala kuhuma ku Beer-sheba kuhanga uluvonde ulya Hinomu. ³¹Avanhu ava Benyamini, voope vakava vikukala kuhuma ku Geba, kuluta ku Mikmashi na ku Aiya, ku Beth-eli ni fikaaja fyake. ³²Vakikala ku Anathothi, ku Nobu, ku Anania, ³³Ku Hazori, ku Rama, ku Gitaimu, ³⁴Ku Hadidi, ku Seboimu, ku Nebalati, ³⁵Ku Lodi, na ku Ono, ilivonde lya vamang'hanyi. ³⁶Avalevi avange vakava vikukala mu Yuda avange mu Benyamini.

¹Ava vevatekesi na Valevi vano vakisile palikimo nu Zerubabeli umwana ghwa Shealueli, palikimo nu Yoshua Seraya, Yeremia, Ezra, ²Amaria, Maluki, Hatushi, ³Shekania, Harimu nu Meremothi.⁴Kwa alyale nu Iddo, Ginethoni, Abiya, ⁵Miyamini, Maazia, Bilgai, ⁶Shemaya, Yoyaribu, Yedaya, ⁷Salu, Amoki, Hilkia, na Yedaya. Ava valyale vavaha va vatekesi, vahangilanisi vave mufighono fya Yoshua.⁸Avalevi valyale Yeshua, Binui, Kadmieli, Sherebia, Yuda, nu Matania, juno alyale ilongosia inyimbo sa kuhongesha, palikimo navahangikisi vake. ⁹Bakbukia nu Uno, avahangilanisi vave, valyimile palubale pavanave amasiki aghambombo.¹⁰Yoshua alyale vise ghwa Yoyakimu, Yoyakimu alyale vise ghwa Eliashibu, Eliashibu alyale vise ghwa Yoyada, ¹¹Yoyada alyamholile u Yonathani, u Yonathani alyamholile u Yadua.¹²Mufighono fya Yoyakimu ava valyale vatekesi, vavaha va kikolo; Meraya alyale mbaha ghwa Seraya, u Hanania alyale mlongosi ghwa Yeremia, ¹³U Meshulamu alyale mlongosi ghwa Ezra, u Yehohanani alyale mlongosi ghwa Amaria, ¹⁴U Yonathani alyale mlongosi ghwa Maluki, na ju Yosufu alyale mlongosi ghwa Shekania.¹⁵Ulwakuti kughendelela, u Adna alyale mlongosi ughwa Harimu, u Helkai u mulongosi ghwa Meremothi, ¹⁶U Zekaria alyale mulongosi ghwa Ido, uMeshulamu alyale mulongosi ghwa Ginethoni, na ¹⁷U Zikri alyale mulongosi ghwa Abiya ughwa Miyamini. Piltai alyale mulongosi ghwa Maazia. ¹⁸U Shamua alyale ghwa Bilgai, u Yehonathani alyale mlongosi ghwa Shemaya, ¹⁹U Matenai alyale mulongosi ghwa Yoyaribu, u Uzi alyale mulongosi hwa Yedaya, ²⁰U Kalai alyale mulongosi ghwa Salu, u Eberi alyale mulongosi ghwa Amok, ²¹U Hashabia alyale mulongosi ghwa Hilkia, na ju Nethaneli alyale mulongosi ghwa Yedaya.²²Mu fighono fya Eliashibu, Avalevi u Eliashibu, u Yodaya, u Yohana, nu Yadua valyalembilwe hene gha kikolo, na vavatekesi valyambilwe amasiki gha vutemi vwa Dariyo ughwa ku Persia. ²³Avana va Levi na valongosi vave ava kikolo valyalembilwe mu Kitabu cha tarehe kufika mufighono ifya Yohana umwana ghwa Eliashibu.²⁴Avavaha va Valevi valyale veva Hashabia, Sherebia, nu Yeshua umwana ghwa Kadmieli, palikimo na vahangilanisi vave, vano valyimieli, pavulongolo pa vanave kukumughinia, na pikumongesia, ikyamula ikimenyule iki kange ikimenyule iki, mulwakusitika indaghilo sa Daudi, umunhu ghwa Nguluve. ²⁵U Matania, Bakbukia, Obadiya, Meshulamu, Talmoni nu Akubu valyale valoleli va mulyango vano valyale vikwima mufijumba fya kuvika indalama pa malyango. ²⁶Valyavombile mufighono fya Yoyakimu, umwana ghwa Yoshua, umwana ghwa Yosadaki, na mufighono fya Nehemiya, ugavana nu Ezra untekesi kange mulembi.²⁷Mulwakuhumia kuluvumba lwa Yerusalemu, avanhu valyalondile ava Levi poni pano vakikalagha, vakavaleta ku Yerusalemu ulyakuti kuhovokela kukuhumia nu lukelo, palikimo na kuhongesia na kukwimba ni ndingonda, ni fiinande, ni filongilongi. ²⁸Uvumo vwa vaimbaji valyakong'anile palikimo kuhuma mu wilaya jino jilyasyungutile mu Yerusalemu na kuhuma mufikaja fya Wanetofathi.²⁹Valisile kuhuma ku Beth-gilgali na kuhuma kumaghunda agha ku Geba na ku Azmawethi, ulwakuva avaimbaji walijengile ifikala ni Yerusalemu. ³⁰Avatekesi na Valewi valivalisie, kange vakavavalasia avanhu, amalyango ni mbumba.³¹Kange nililyale na valongosi va Yuda kuluta munkyanya muluvumba, najune kusalula ifipugha fivili ifikome ifya makutano agha vano valyahongisie. Umo alyalutile ulubale ulwakundio munkyanya muluvumba kulunguma kulilyango lya jaa.³²I Hosyaya ni nusu ja valongosi va Yuda valyambingilile, ³³pa mbele bahapuo akaluta ku Azaria, u Ezra nu Meshulamu, ³⁴Yuda, Benyamini, Shemaya, Yeremia ³⁵na vana va vatekesi vano valyale ni talumbeta, naju Zekaria umwana ghwa Yonathani, umwana ghwa Shemaya, umwana ghwa Mataniya, umwana ghwa Mikaya, umwana ghwa Zakuri, umwana ghwa Asafu.³⁶Kange ikkikolo cha Zekaria, Shemaya, Azareli, Milalai, Gilalai, Maai, Nethaneli, Yuda, Hanani, palikimo ni fyombo fya nyimbo ifya Daudi umunhu ghwa Nguluve. U Ezra umulembi alyale pavulongolo pa vanave. ³⁷Na palililyango lya lusasa valyalutile nyimana vuvulalo vwa likaja lya Daudi ulwa kutogha mu mbumba, mukyanya munyumba ya Daudi, kulilyango lya Malenga ulubale lwa kuvudibulilo vwa lijuva.³⁸Kange avaimbaji avange vano valyahongisie vakaluta ulubale ulunge. Nilyavavingilile mukyanya mulivumba palikimo ni nusu ja vanhu, pakyanya pa mnara ghwa fihwani, kufika ku mbumba imbaha, ³⁹pakyanya pa lilyango lya Efraimu nu mulyango ghwa pakali, na kulilyango lya samaki nu mnara ghwa Hananeli nu mnara ghwa Hamea, ku lilyango lya Ng'olo, pe vakimagha pa mulyango ghwa valoleli.⁴⁰Pe uluo pe amakutano ghavili gha vano valyamongisie valyapatile uvwelefu vwave munyumba ja Nguluve, na jume vulevule nikatolagha uvwelefu vwango ni nusu ja valongosi palikimo nune. ⁴¹Pe avatekesi vakatola uvwelefu vwave u Eliakimu, Maaseya, Miyamini, Mikaya, Elioenai, Zekaria, nu Hanania avanya tarumbeta, ⁴²Maaseya, nu Shemaya, Eleazari, Uzi, Yehohanani, Malkiya, Elamu, Ezeri. Avaimbaji valyimbile nu Yezrahia hene vimilili.⁴³Valihumisie ilitekelo ilivaha ikighono kila, vakahovoka, ulwa kuva Unguluve alyale avahovwise nu lukelo ulukome. Kange avamama na vana valyahovwike. Pa uluo ulukelo lwa mu Yerusalemu lukapulikika kuhuma kuvutali.⁴⁴Ikighono ikyo avanhu valyasalulivwe pakyanya pa nyumba ja kuvika indalama vwimila ifya kusangula, ifipeke ifilongosi, nu mpeto ulwa kukang'ania nkate nuvanave kula kunosilondeka mundaghilo sa vatekesi na Valevi. Umunhughweni alyasaluliwe kuvomba imbombo mumaghunda gha pavupipi nilikaja. Ulwa kuva u Yuda alyakelile vwimila avatekesi na valevi vano valyimile pavulongolo pa vanave. ⁴⁵Valyavombile uvuvombi vwa Nguluve ghwave, ni mbombo ja luvalasio, muluno idaghile u Daudi nu lwa mwanake uSulemani, nda vulevule⁴⁶Pakali pa vukulu, mufighono fya Daudi nu Asafu, kwe valyale uvimilili na vaimbaji, kange kwe silyale inyimbo za kughia na kuhongesya kwa Nguluve. ⁴⁷Mu fighono fya Zerubabeli na mufighono fya Nehemia, u Israeli voni valyahumisie ifya jatu kuvimbaji na valoleli va mlyango. Vakavika pa lubale ifya Valevi, na Valevi vakavika palubale ifa va Haruni.

¹Ikighono ikio vakiimba ikitabu kya Mose mumbughututo gha vanhu. Jikavonela jilembilue munkate kuuti nakweiva uMwamoni nambe uMoabu juno anoghile kuva palikimo nu lukong'hano lwa Nguluve anoghile kuva palikimo nu lukong'hano lwa Nguluve, jaatu. ²Ulu lwale ulwakuva navalisie kuvaana va Isilaheli nu nkate na malenga, neke aveeni vakansuma u Baalamu aghune avana va Isilaheli. Poope Unguluve ghwitu asyetuisie ulughuno luuve tufunyo. ³Vakati vapulike indaghilo vakavabaghuula avana va Isilaheli ni fikolo ifinge.⁴Baho u Eliashibu untekesi akavikilue mufijumba fya nyumba ja Nguluve ghwitu. Akava manyani ghwa Tobia. ⁵U Eliashibu akanosekesia ikiumba ikivaha kino ulwa akwanda mukavikuagha ilitekelo ni kinu kimo mufinu kijigho ifya filyavikilue vwimila Avalevi, vano vakimbagha, avaloleeli va malyango nifyakusangula kuvatekesi.⁶Neke une, unsiki ghwoni ughu nakwenaala ku Yelusalemu umwaka ughwa fijigho fitatu na fivili muvu ntua u Altashasta ughwa ku Babeli, nikaluta kwa ntua, pa mbele nikansuma u ntua kuuti nivuu ⁷ke nigomoke ku Yelusalemu, penikakagula gheni ghano u Eliashibu avombile pikumpeela uTobia ikiumba kyakuviika mukiumba kya vuhighi, munyumba ja Nguluve.⁸Nikava ni lyojo kyongo, pe nikajughuja ifitabu fya Tobia kunji. ⁹Nikavalaghila kuuti vavalasie uvuvo vwa kuviika, neke une nikagomosia munkate muveene a makala gha nyumba ja Nguluve, ilitekelo lya finu fya maghunda nu vuvumba.¹⁰Nikakagula kuuti ifinu fino vatavwile kukuvapeela Avalevi na vakatavwile pe pano vavukile munyumba imbaha ija kufinyila vakimbile kuluta kumaghunda ghave ndavule na vavao vakimbagha vakavuuka. ¹¹Pepano nikajova na vimiliili nikavavuula nikati, 'Lwa kiki mujilekile inyumba ja Nguluve? "Nikavaviika pa mbombo saave.¹²Pepano Avayuda vooni vakaleeta ikinu kimo mu finu kijigho ifia, maghunda, uluhuje ulupia na mafuta muvuvo vwa kuviika. ¹³Pe nikaviika avimiili kufinu fino fivikilue, nikam'bika uShelemia untekesi, u Sadoki umulembi nava Levi, u Pedaya. U Hanani, umwana ghwa Zakuri, umwana ghwa Matania, alikuwa na wafuasi wao, kwa sababu walihesabiwa kuwa waaminifu. Kazi yao ilikuwa kusambaza vifaa kwa washirika wao. ¹⁴Nikumbuke, Ee Mungu wangu, juu ya hili, wala usiondoe matendo mema niliyoyatenda kwa ajili ya nyumba ya Mungu wangu na huduma zake.¹⁵Siku hizo nikaona watu wa Yuda waliokanyaga mvinyo siku ya Sabato, na kuleta makundi ya nafaka, na kuwapakia punda, na divai, na zabibu, na tini, na kila aina ya mizigo nzito, waliyoleta Yerusalemu siku ya Sabato. Nikashuhudia kuwa walikuwa wakiuza chakula siku hiyo.¹⁶Watu kutoka Tiro waliokaa Yerusalemu walileta samaki na kila aina ya bidhaa, na ¹⁸wakawauza siku ya Sabato kwa watu wa Yuda na katika mji! Kisha nikawaambia viongozi wa Yuda, "Je! ni ubaya gani huu mnafanya, ¹⁷kuinajisi siku ya Sabato? Je! Baba zenu hawakufanya hivyo? Je, Mungu wetu hakuleta mabaya haya juu yetu na juu ya mji huu? Sasa unaleta ghadhabu zaidi juu ya Israeli kwa kudharau Sabato."¹⁹Mara ilipokuwa giza kwenye milango ya Yerusalemu kabla ya Sabato, niliamuru milango ifungwe na kwamba haifai kufunguliwa hadi baada ya Sabato. Niliwaweka baadhi ya watumishi wangu kwenye malango ili mzigo wowote usiweze kuletwa siku ya Sabato. ²⁰Wafanyabiashara na wauzaji wa kila aina ya bidhaa walikimbia nje ya Yerusalemu mara moja au mbili.²¹Lakini niliwaonya, "Mbona mnakaa nje ya ukuta? Ikiwa mtafanya hivyo tena, nitakuweka mikononi!" Kutoka wakati huo hawakuja siku ya sabato. ²²Nikawaamuru Walawi kujitakasa, na kuja kulinda milango, ili kutakasa siku ya Sabato. Nikumbuke kwa hili pia, Mungu wangu, na kunipatia huruma kwa sababu ya uaminifu wa agano ulilonalo kwangu.²³Katika siku hizo niliona Wayahudi waliokuwa wameoa wanawake wa Ashdodi, Amoni na Moabu. ²⁴Nusu ya watoto wao walizungumza lugha ya Ashdodi, lakini hawakuweza kuzungumza lugha ya Yuda, lakini lugha ya mmoja wa watu wengine.²⁵Nami nikawasiliana nao, na mimi niliwaadhibu, na nikawapiga baadhi yao na kuvuta nywele zao. Naliwaapisha kwa Mungu, nikisema, Msiwape wana wao binti zenu, wala msiwachukue binti zao kwa ajili ya wana wenu, wala ninyi wenyewe. ²⁶Je, Sulemani mfalme wa Israeli hakufanya dhambi kwa sababu ya wanawake hawa? Miongoni mwa mataifa mengi hapakuwa na mfalme kama yeye, na alipendwa na Mungu wake. Mungu akamfanya awe mfalme juu ya Israeli wote. Hata hivyo, wake zake wa kigeni walimfanya atende dhambi. ²⁷Je, tunapaswa kukusikiliza na kufanya uovu huu hata kumhalifu Mungu wetu na kuwaoa wanawake wageni?²⁸Mmoja wa wana wa Yoyada, mwana wa Eliashibu, kuhani mkuu, alikuwa mkwewe na Sanbalati Mhoroni. Kwa hiyo nilimondoa kutoka mbele yangu. ²⁹Wakukumbushe, Mungu wangu, kwa sababu wameunajisi ukuhani, na agano la ukuhani na Walawi.³⁰Kwa hiyo nimewatakasa kutoka kila kitu kigeni, na kuimarisha kazi za makuhani na Walawi, kila mmoja kwa kazi yake mwenyewe. ³¹Nilitoa sadaka za kuni wakati uliowekwa na matunda ya kwanza. Nikumbuke, Mungu wangu, kwa mema.

¹Inyivonelo sa Obadia. uMutwa uNguuve isa Edomu iiti, " Tupuliike imhol kuhuma kwa Mutwa, unyamhola umwiue kuvapanji, ijova iiti, nyanymukaghi! Tunyanyamuke vwimila uvulugu nu mwene". ²Lolagha, nilikuvaviika muuva vadebe nkate mu apanji, mulibedua kyongo.³Amatupa gha mwojo ghwako ghakusyangile juuve, uve ghwejuno ghukukaa mumbiip sa manalavue, munyumba jaako ija kukyanya; juno mu numbula ijova iii, "ghweveni juno kyande ikunyisia pasi une? ⁴UYihova ijova iiti, " nambe ghwkwima kukyanya ndavue ingasimula kange nambe ikivwaso kyako kivikua pakate pa nhondue, nilikukwisia paasi kuhma ukuo."⁵Avalyasi vaale vise kulyuve, avahiiji vabudi vaale viise kuyuve pakilo[ vule vaale vikukutemania] Navaale vihiija ifinhu fino ifya kuvakwilana? avakongania sabibu vaale vakwisile navaale vikufieka fino upetile? ⁶Vule uEsau atovilue fyope ifihenge fyake fino fikafisilue pavuvaafu!⁷Avaanhu vooni vano mupuing'ana vilikukutwala kudugha ku maka. Avaanhu vano valyaale nuutengaano nuuve vakusyangile, kange vakutolile. Vano vilia unkate ghwako vateghile ulutegho paasi palyuv. Mu isio nakwekule kukulutang'ania. ⁸Umutwa ijva iiti, " vui! Naniwesia ikighono ikio kukuvanangania lwoni avaanhu avanya vukagusi kuhuma ku Edomu voope avanya luhala kuhuma kukidunda kya Esau? ⁹Uve Temani, avalua vulugu vaako avanyangufu vilisukunala, kuuti umunhu ghweni kuhuma ku kidunda kya Esau vantemanie na kubudua.¹⁰Uwakuva uvuvili vuno vulyavombiike kwa nyalukolo ghwako uYakovo, vulifwika ni soni, uve vilikukutemana lwoni. ¹¹Ikighono kila ukaale ghwimile, ikighono kino avaghesi valyatolile ikyuma kyake, voope avaghesi pa malyango ghaake, na kutova ikuula kwa Yelusalemu. Uve ukahwene ui lumo na veene.¹²Looli nungahovokaghe ikighono kya nyalukolo ghwako, ikighono kino alinifua, nambe nungahovokaghe kuvaanhu va Yuda ikighono kya lutalamu kuveene; mulava pikupaala ikighono kino aveene viiva vakunilue. ¹³Nungingilaghe pamulyango ghwa vaanhu vango pano valinifua; nungahovokaghe vwimila vwa mhumhuko saave ikighono kyafua jaave, namungatolaghe ikyuma kyave mukighono ikya mhumhuko saave. ¹⁴Naungimaghe musilamalekano, kuuti uvatemanie avaanhu vaake vano vikimbila mukighono ikya mhumhuko nungavahumiaghe avaanhu vaake vano valimulutalamu.¹⁵Ulwakuva ikighono ikya Mutwa kili pii ku iisi sooni. Ndavule ulyavombile, fye sivovombeka kulyuve; amavombele ghaako ghikukugomokela juuve. ¹⁶Ndavule mulyanywile pakidunda kyango ikyimike, fye lulivuo iisi sooni.vilinyua na kugulika kange luliiva hwene napevakaale lwoni.¹⁷Looli pa kidunda kya Syoni kwe viliiva vano vavangulike kange viliiva vimike, joope inyumba ja Yakovo vilihaala uvuhaasi vwake. ¹⁸Inyumba ja Yakovo ghuliva mwoto, najinyumba ja Yosefu luuva lulape lwa mwoto, Joope inyumba ja Esau jiliiva masaghate ghano ghumile, avuo vilikuvapembelea vapie lwoni. Nakweiliva juno ilikuluka munyumba ja Esau, ulwakuva uMutwa ajovile.¹⁹Avanhu vooni kuhuma ku Negebu vilihaa ikidunda kya Esau, voope ava shepela vilihaala iisi ja Vafilisiti. Avuo vilihaala iisi ja Efulaimu ni iisi ja Samalia; ghwope uBenjamini ilihaala iGiliadi.²⁰Avahamilaji avalipugha lya vaSilaeli vihaala iisi ja Kanani kudugha ku Salepta. Avahamilaji v Yelusalemu, vano vali ku Sefaladi, vihaala amakaaja gha Negebu. ²¹Avapoki viluta kukidunda kya Syoni kutema iisi ja fidunda fya Esau, kange uvutwa vuliiva vya Mutwa.

¹Pe ilisio lya Mutwa likamwisila uYona umwana ghwa Amitai, kuuti, ²"imagha ulutaghe kuninawi, ilikaja ilivwaha pe ukwmwlaghe nilisio ilivaha vwimila ilyene, ulwakuva uvuhosi vwavanave vwimile kuvulongolo kulyune." ³Looli uYona akavuuka ikimbila pamaaso gha Mutwa nakuluta kuTalishishi. Akikagha na kufika kuyava pe akajivoona imelikebu jinojiluta kutalishishi. Apuo pe akahomba inavuli nakukwingila mu melikebu kuluta najoku talishishi, kubeda uvuvaha vwa Yahwe.⁴Looli uMutwa akomola imhepo imbaha mulisumbi mula lukava lunjughanjugha. Nakalingi kulavoneka kuuti imeli jilonda kudenyeng'ana. ⁵Pe avaghendesia mulisumbi vakoghopa kyongo umuunghu ghweni akalilagha kwa Nguluve ghwa mwene. Vwakatagha amasigho mulisumbi ghano ghalyale mumelikebu. UYona alingile na kukwingila kukate kumelikebu, umwene alyaghonelile itulu.⁶Pe umughendesia melikebu akamulutila akam'bula, "kiki uve ghughona? sisimuka! unsume uNguluve ghwako! pamo uNguluve ghwako kwande ikutukagula tuleke pisovanika". ⁷vooni vakavulana, isagha tutove ikua, ulwakuti tukagule kuuti ghweveni juno atupelile imbivi isi sino sikutuvwona. Pe vakatova ikula, ikula jikamughwila uYona.⁸Pe vakam'bula uYona, " sivuo utuvule ghweveni juno atupelile imbivi isi sino sikutuvona. Ghuvomba mbombonyiki, kange uhumile kughi? iisi jako jejiliku kange ghuhuma mukabila ja vaanhu valiku"? ⁹UYona akavamula akai, une nilimuheblania; najune nukumwoghopa uMutwa, uNguluve ghwa kukyanya juno ajivombile inyanja ni iisi. ¹⁰Pe avaanhu vala vakoghopa kyongo, vakam'bula uYona, je mbombonyiki iji jino uvombile? ulwakuva avaanhu vala valyakagwile kuuti alyale ikimbila pa maaso gha Mutwa, ulwakuva alyavavulile.¹¹Pevakam'bula uYona, tukuvombele kiki ulwakuti inyanja jinyamale? ulwakuva inyanja jilyae nulunjughanjugha kyongo na kyongo. ¹²UYona akavavula, " mung'ole munaghe mu nyanja, pe inyanja kwande jinyamala vwimila umue, ulwakuva nikagulile kuuti vwimila une ulunjughanjugha uluvaha luvavwene. " ¹³Palikimo nuluo avaanhu vakakwesa amakasia ningufu ulwakuti vagomoke ku iisi, looli vakakunua kuvomba vule vule ulwakuva inyanja jilyanangike kyongo.¹⁴Pe vakansuma uMutwa vakai, tukukusuma Mutwa tukukusuma, uleke tuleke kutipulua vwimila vwa muunhu uju; nambe nungatuvikilaghe unkole vwimila vwa kufua kwa mwene, ulwakuva uve , Mutwa uvombile ndavule ghughanile. ¹⁵Pe vakantola uYona vakantosia munyanja, jope inyanja jikanyamala. ¹⁶Pe avaanhu vala vakamwoghopa kyongo uMutwa. vakamwumikisi ilitekelo na kuvika ulufingano.¹⁷uMutwa alyaling'anisie iswi imbaha jin'gulubike uYona, uYona alyale nkate ja Lileme lya swi ifighono fitatu nikilo ja vutatu.

¹Pe uYona akansuma uMutwa uNguve ghwa mwene ye alimunkate mulileme lya swi. ²Akati ninkemelile uMutwa vwimila uvufumbue vwango ghwope anamulile, kuhuma kulileme lya kuvulungu nikalila kusuma ulutangilo! ulyamulike ilisio lyango.³Uvele unaghile nkate ja lina, nkate mumwojo ghwa nyanja, namalenga ghano ghasyungutile; Namavingo ghako ghoni nighalika fikakilile kulyune. ⁴Nikati, nidagilue pa maaso ghako neke nililola kange kyanya ja nyumba jako inyimike ja kufunyila.⁵Amaenga ghakang'upikila kusyuta pipi ni singo jango; ilina likanisyuta; ikyogho kikanisyungutila umuuntu ghwango. ⁶Naluta paasi pa fidunda iisi nifighavo fyake findindike kulyune vusila nakusila. Looli uve Mutwa Nguluve ghwango ghwimike uvwumi vwango mulina.⁷Unsiki ghuno uluvelo lwango lukasilike nkate mulyune nikankemelile uMutwa; pe ulufunyo lwango lukamwisila, munyumba jako inyimike ja kufunyila. ⁸vooni vano vikughahuvila amanguluve ghano naghanoghile vikana uvukola vwako vavuo veene.⁹neke une nikukuhinjila ku lisio lya luhegesio; nitekelesia ghala ghano nikagafingile. vuvangi vuhuma kwa Mutwa! ¹⁰pepano uMutwa akajova ni iswi, akansyetula uYona ku iisi indaghafu.

¹Ilisiyo lya Mutwa likamwisila uYona ulwavuvili kuuti, " ²vuka uute kuninawi, ilikaaja ilikomelila, ukadalikile imhola jila jino kyale nikulaghisia." ³pe uYona akavuka nakuluta ku Ninawi kwa kwitikila ilisio lya Mutwa. Lino iNinawi ghwale mpulo m'baha kyongo, lwae lughendo lwa fighono fitatu.⁴Pe uYona akatengula pikwingila nkate ja mpulo, ye aghendile ulughendo lwa kighono, akatosia injovele akati, " mufighono fijigho fine iNinawi jibudua." ⁵Avaanhu va kuninawi vamwitikila uNguluve vakapulisia kufunga ku nyifunyo. vooni vakafyala amenda gha magunila, kuhuma m'baha nambe un'debe.⁶Ng'aning'ani imhola sikamfikila Untwa ghwa muninawi. Akima kuhuma pakitengo kyake ikya vwimike, akafula umwenda ghwake, akafwala amagunila, ikala pamapembo. ⁷akahumia indaghilo jinojiti, " kumpuo ghwa Ninawi, kuvutemwa mwa ntua na vakulu vake, namungatavulaghe umuunhu nambe ikidimua, ing'ombe nambe ilipugha, nangavonjaghe ikinhu kyokyoni. avene navangalisaghe nambe kunyua amalenga.⁸Neke avaanhu nifidimwa fivisaghe fikupikilue namagunila kange valile ku njeghelo ing'ome kwa Nguluve. Umuunhu ghweni asyetuke na kukujileka isila jake mbivi na kuhuma muvuvuvi vuno vuli mumavoko ghake. ⁹Ghweveni ikagula? UNguluve ndeponu igomoka na kukwandula amasaghe ghake na kukujileka ing'alasi jake ing'ali neke tuleke kubudua."¹⁰UNguluve akasilola sino valyavombile, vakasileka isila save imbivi. Pe uNguluve akandula amasaghe ghake gha ng'alasi ghano alyavaghile kukuvavombela, ghope naavomba ndikio.

¹Neke ili likankalasia uYona ghwope akakalala. ²Pe uYona akansuma uMutwa akati, "Ghwe Mutwa isi nasesino nilyajovile unsiki ghuno nilyagomwike mu iisi jango? fyenambe nikavombile ng'aning'ani na kughela kukimbila ku Tashishi - ulwakuva nilyagagwile kuuti uve veve Nguluve unya vumosi, ghwenyalusungu, nulimwinga ghwa ng'alasi, mwinga ghwavukyang'ani, ghubuhila kubuda. ³pe lino Mutwa nikukusuma, umbusie uvwumi vwango, ulwakuva yekiba kulyune kufua kuliko kuva mwumi."⁴UMutwa akajova akati, pe, lweunoo kuuti ukalile?" ⁵Pe uYona akavuka mumpulo ikala ulubale lwa kuvudibulilo vwa mpulo. Ukuo kwealyavikile uvukalo akikala paasi palusulue ulwakuti alutang'anie kukola ilikaaja live ndani.⁶UMutwa Nguluve alyatang'anisie umhela napikughukusikisia kyanya ja Yona neke kuuti ghuve lunsulue lwa mutu ghwake neke ghukepusie imhumhuko sake. UYona alyale nulukelo lukome ulwakuva umhela ghumelile. ⁷Neke kwati kukile uNguluve alyaling'anisie iking'onyo ikalia umhel ghula ghukuma.⁸Unsiki ghuno iijuva yelidibula palwakilavo, uNguluve alyaling'anisie imhepo nyinga kuvudibulilo. ange nalulujuva lukakasa umutu ghwa Yona pe akaghua. pe lino uYona akanoghua pifua. akajivula, "ye kiba kulyune kufua kuliko kuvamwumi". ⁹Pe uNguluve akambula uYona akati, "pe yekiba uve kuva ning'alasi kumhela". uYona akati lwelunono kuva nikalile nambe kufua.¹⁰UMutwa akati, ughusaghile umhela ghuno naghukuvombile nambe imbombo nambe naghukakulile. Ghuno ghumeile pakilo nakukuma jikilo. ¹¹Pe lino une najikaninoghile kukujisaghila ininawi, mpulo unkulu, ghun ghuli na vaanhu kukila imbilima ikiludo nifijigho fivili vano navakagwile uluvoko lwave lwakundiyo nuluvoko lwave ulwakung'ighi, na kange ing'ombe nyinga?

¹Injosi sino silungime kuNinawi. ikitabu kyanjosi sa Nahumu Mwelkoshi.²UYihova ghwe Nguluve umunyagila kange ihomba ululumbilo; uYihova ihomba ululumbilo kange amemile ing'alasi; uYihova ihomba ululumbilo kuvalugu vake, kange ikwendelesia ing'alasi kuvalugu vake. ³UYihova ghwenya ngufu nyinga kange muhugu ghwa ng'alasi; nangave nsila sila ijinge ija kukuvavalila amakole avalugu vake. UYihova itenda isia jake ku mhepo na kukimupe na kumavingo, amafunde namafumbi gha maghulu ghake.⁴Ikujihwetukila inyanja nakukujumisia; ikwumia ifikogha fyoni. UBashani m'botevote, nu Kalmeli; Amaluva gha Lebanoni ghasila ngufu. ⁵Ifidunda fitetema mungufu sake, nafifidunda fijejeluka; iisi jighua pamaaso ghake kyang'ani, iisi na vaanhu vooni wanovikukala nkate jake.⁶Ghweveni juno kwande ikwima pavulongolo pang'alasi jake? veni juno ndeponu isigha uvukali vwa ng'alasi jake? ing'alasi jake jikung'ulie hwene mwoto, nagha manaavue aghakulile kutali.⁷UYihova ghwe muhugu, lilinga mufighono fya lutalamu; kange umwene ghwe ghwa kyang'anikuvano vanovikunkimbilila. ⁸neke ilivika uvusililo vwa valugu vake na mavingo gha kwoghofia; ilikuvafwima kung'isi.⁹Avanhu viling'ania kiki vwimila vwajihova? Umwene ghwe ilidughisia; ulupumhuko nalulikwima ulwavuvili. ¹⁰Ulwakuva vahasing'ine hwene mamfua; vilisuvikua mufinywaji fyavo vavuo; vilinangasivua lweli ku mwoto hwene masaghate. ¹¹Umuunhu jumo akimile nkate jinu, kuNinawi, juno alyaling'anisie uvuvivi kwa Yihova, umuunhu juno alyakangisie uvuhosi.¹²Enendiki fyeijova uYihova," nambe kuuti valiningufu savo sinosikwiline ni mbalilo sino sikwiline, nambe ndikio viliketua amanyele ghave, avaanhu vavo napweviliva kange. looli uve Yuda: nambe kuuti nilyakupumwisie neke nanilikupumusia kange. ¹³Lino nidenya uluveghalilo lwavanhu kuhuma kulyuve; nidumula amanyoolo ghako.¹⁴UYihova ahumisie uulaghil vwimila uve, Ninawi: "nakweluliva kulumbila kange ulwakupinda ilitavua lyako. Nikufisighagha ifihwani fino fihongolilue napivusia ifihwani fya kyuma kuhuma kunyumba sa manguluve ghinu. Nigima imbiipa sinu, kwa kusyojolua kwinu."¹⁵Loola! kukyanya kufidunda kulinamaghulu gha muunhu juno ikwisa kuleta imhola inofu, juno ipulisia ulutengano! muhovokelaghe ifikulukulu finu, Yuda, kange muvingililaghe ulufingo lwinu, ulwakuva umuhosi nangavatipule kange; avusivue lwoni.

¹Jula juno kynde ikkunangania fimenyule fimenyule ikwisa kulyuve. lolelagha imbumba sa likaaja, lolelagha unsev mukangasiaghe jumue mwevene, mukong'aniaghe amapugha ghinu. ²Ulwakuva uYihova igomosia uvuvaha vwa Yakovo ndavule uvuvaha vwa Vasilaeli, naponi avalugu vakavanangania nakunangani amatafi gha sabibu savo.³Ingua ja vanyangufu vake ndangali, navavanhu avanyangufu vafwalilile amenda amalangali, imagale gha valugu ghatang'anisivue ghing'ala mu fyuma fyake unsiki ghwa pamwisi, nasimalala sa mavinye sijughujua kukyanya. ⁴Igale sa valugu sikimbila ng'aning'ani mufisila ghikimbila kuvulongolo nakunsana mufisila. Gha hwene kurunzi kange ghikimbila hwene ladi.⁵jula juno kyale idenya fighave fighave ikuvakemela avavaha vake; vikuvala umuunhu gweni nujunge panovighenda; vivomba ng'aning'ani kulwilanila uluvumba lwa likaaja. Ililinga ilikome likong'anisivue kukujisigha na valugu ava.⁶Amalyango mufikogha ghumilisivue kudinduka, ni lijumba lya ntua lighua kuvunangifu. ⁷UHusabu afulilue amenda ghake kange atolilue; avavombambobo vake avahinja vilila hwene ng'undya, vikufitova ififuva fyavo.⁸INinawi ji hwene lipwaji lya malenga lino lihulula, avaanhu vake palikimo vikimbila hwene malenga ghano ghisalalika. Avange viti,"imagha imagha," neke nakwale juno isyetuka kunsana. ⁹Tolagha ikitita kya ndalama, tolagha ifitita fya sahavu, ulwakuva nakwevule uvusililo vwake, kuvunofu vwa finu fyooni ifya ku Ninawi. ¹⁰Iniawi jili pa vuvule kange jinanging'ine. Inumbula jamuunhu ghweni jijejelwike, amafundo gha muunhu ghweni ghiginyana palikimo, nuvuvwafi vuli kwa muunh ghweni; isula savo sooni sihujwike.¹¹Lino jiikughi imanga janyalipala, jino pano inyana sanylupala silia ikyakulia, pano pepano inyalupala ingosi ninyalupala imama silyaghendile palikimo ninyalupala inyana, pano nasoghopagha ikinhu kyokyoni. ¹²Inyalupala jilyademwile fipandefipande fino jifwimile vwimila ifyana fyake; Jikaniongile fino jifwimile jijio vwimila inyalupala inyikimama nakumemia imanga jake fino jifwile muvukao vwa jene amafimba ghan ghademwike.¹³Lolagha une nanilipalikimo nuve - ili lye lisio lya Yihova ghwavalugu. Ninyanya amagale ghinu gha vulugu mu lyosi, nulubamba lubuda inyalupala isoleka sinu. nisigha ifighomua finu kuhuma kuiisi jango, na masiyo ghavasung'ua vinu naghaapulikika kange."

¹Iga kulikaja linolimemele idanda! lyoni limemile uvudesi nikyuma kya vuhiji, avaghaju valikulyene jatu. ²Looli ino kwelili ilisiyo ya majalidi nilisyo lya kubumiling'ania amaguludumu, idogovi sinena na magale ghavulugu ghijumbajumba.³kwevlyale vanovikwangalila idogovi vitipula, ibamba jing'ala, imalala simelemeta, nifihendo fya maiti, nifilundo ifikome fya mavili; kusila vusililo vwa mavili, avalugu vikuvala nkanya jake. ⁴isi sivoneka vwimila vwa mbombo sa vunoghelua vwa mbwafu unono, amanyine uvuhavi, unyakughusia iisi kuvuvwafu vwake na vaanhu ku sila ja maghendele ghake gha vuhavi.⁵Loola une nanilipalikimo nuve - ili lye lisio lya Yihova ghwavalugu - isiketi jako nilikupikilagha kuvweni vwako napihufia uvufula vwako kufipelela, isoni sako kwa Ntua. ⁶Nitosia uvunyali uvyakukalasia napikukuvika uve m'bivi kyongo; nikukuvika uve muunhu ghwa kulolua na vaanhu vooni. ⁷Luva ndiki ghweni juno kyande ikukulola akukimbilaghe nakujova, " Ghweninawi unangike ghweveni juno kyande iluta vwimila uve? Nikum'bona kughi umuunhu juno akagwile kukunyamasia?"⁸Ninawi, pe uve uliyekiba kukila iNoamoni, ghunoghujengilue pakyanya pa kikogha Naili, lino lisyungutilue namalenga, lino uvuloleli vwake vukale inyanja, lin uluvumba lwake lulwale inyanja jijio. ⁹IEsiopia ni Misili silyale ngufu sake. navuvusililo vwalyene napwevulyale, uPutu nu Libya valyale vamanyani vake.¹⁰Neke uNoamoani alyatolilue; alyalutile kuvugalulua; avaanha vake avadebe vakadenyua fipandefipande mumakalo amakuu gha fikaja fyooni. avalugu vake vakatova ikula kuvanhu vake avanya vukola navavaha vake voni valyakungilue na manyololo. ¹¹Najuve ghulighala; ghulighela kufisama, napilonda uvufisamo kuhuma kuvalugu vako.¹²Amalinga ghako honi ghiva hwene mavajula ghano ghakomile imbajula sino sivesile; nambe singasukanisivue sighwila mumulomo ghwa juno ilia. ¹³Loola, avanhu nkate jinu ve vamama; amalyango gha iisi jako ghadindulivue kyongo vwimila avalugu vako; umwoto ghunanginie ikomelo sake.¹⁴Luta ukaneghe amaenga kulilinga lino lisyungutilue; Nywilisiagha amalinga ghako; lutagha kulitope ukadaghe amatope; vumbagha amapamba. ¹⁵Umwoto ghukukubuda paa nibamba jikukutipula ghunyanyilisivua hwene masi inyana ndavule inyanyilila ifinu fyoni. Jumue mwevene mujivike kuva vinga hwene masi inyana, kange vinga hwene masi sinosikangile.¹⁶Ghwongelisie avavomba biashala vako kukila inondue sa kukyanya; neke vali hwene tunutu: vikunya iisi neke vipululuka kuluta kutali. ¹⁷Avatua vinu vinga hwene masi, navakulu vinu vavaluavalugu lihwene lipugha lya mang'onyo ghano ghivika amakalo muluvumba unsiki ghwa mhepo. Neke ulujuva kyale luvika ghipululuka kuluta kutali kuno nakwale juno apamanye.¹⁸Untwa ghwa Ashulu, avadimi vako vaghonelile; avatua vako vaghonelile paasi kupum. Avanhu vako vapalasine pakidunda, kange nakwae nambe jumo ughwakuvakonga'ania. ¹⁹Kusila vuvuvusio vuno ndeponu vwimila ifikong'o fyako. ifikong'o fyako fyefikome. vanovipulika imhola sako vilitova amakofi gha kulukelo. Ghweveni juno alyajibaghwile kuvuhosi vwako vwajatu?

¹Imhola jino um'bili uHabakuki alyupile vuti, ²Yahwe , kunsiki ghuliku nililililagha uvutangilisi, kange naghulikumulika? nikulilile uve kulwoghofio, 'igila' neke nambe kukunopoka.³Lwakiki ghukumbika nisivonaghe imbivi na kulola amaghendele amavivi. uvunangifu nuvuhovesi vuli kuvulongolo kulyune. kuli nuvulwiling'ani , namasindano ghikwima. ⁴Neke lolo indaghilo se mbotembote, nuvwakyang'ani navukakala amasiki ghoni. ulwakuva uvuhosi vusyungitile uvwakyang'ani, neke loli ikyang'ani ijavudesi juvukagha. "uYahwe" ikumwamula uHabakuki.⁵" lolagha ifipelela kange uvaghele; udeghelaghe nakudegha! ulwakuva nilinikyangani kuvumba ikinhu mufughono fyako kuuti naghulikwamini kyale jikwisa imhola kulyumue. ⁶ulwakuva lolagha! niseghelile pikuvatosia - aVakalidayo mu iisi inywilifu kange jinya kighindo vilighenda kukilila uvukome vwa iisi kukola inyumba sino nasavanave. ⁷visagha nakukwoghopa; uluhigho lwavo nuvunono kuhuma kuvene lughendelela.⁸Idogovi save silinuluvilo kukila iduma, mepe kyong kukila ing'ekeva. idogovi save siteng'ana, navapanda dogovi vaave vikwisa kuhuma kutali - vipululuka hwene limwalukombe likwangupa kulia. ⁹vooni vikwisa kugasia, ifipugha fyake filuta hwene mepo ja mulukuve, kange vikong'ania amaghomua hwene lihanga.¹⁰Vikuvabeda avatua, navalongosi se mbedo vwimila javo. vikughaseka amalinga ghooni, ulwakuva vikughakong'ania amafumbi nakughavusia. ¹¹pepono imhepo jilikila; jilighendelela kukila - avaanhu avanya vuhosi, vano ingufu savo sili mumanguluve."uHabakuki ikumposia uYahwe iliswali ilinge¹²"Uve nulighwapakali, Yahwe Nguluve ghwango, hwejuno ulimwimike? usue natungafue. uYahwe alyatuvikile kutali nuluhigho, najumue kuuti, munywilisivue vwimila kugholosivua.¹³Amaaso ghinu manofu kulolesia uvuhosi, neke namuwesia kulola amaghendele amavivi kulusungu; kiki mulola nakutangila ndikio vala vano vwohesi? kiki munyamala pano uvuhosi vwgulubika kyongo avanya vwakyang'ani kukila aveene. ¹⁴ukuvaviika avaanhu hwene swi munyanja, hwene finu fino fikwafula kisila mulongosi.¹⁵aveene vikuvaleta vooni vikuvakwesa nindovano vikuvakwesa vooni kuhuma munyafu sa swi nakukuvakong'ania mu nyafu savo . ulu lwe lwakuva vihovokela nakujeghela nakuhovoka kyongo. ¹⁶Neke looli vihumia ilitekelo kunyafu save isakulovela nakunyanya uvubani munyafu save ulwakuva ifikanu ifikome fyooni fyave najinyama jino jinonile kyekyakulia kyave. ¹⁷Vwimila uvuo vimala inyafu save za kusuvulila na kughendelela kuhuja amapelela nambe kusagha nulusungu"?

¹Nikwimagha pa simbili ijavuloleli napikujivika june pakyanya kyongo panyuma ja vuloleli, napilola kulughinisio kulolo umwene iti kiki kulyune na ndani nisyetuka kuhuma kulupiko lwango.²UYahwe akamula nakuuti, "lemba amavonolo agha, kange ulembe ikyang'ani pakibavo neke kuuti juno kyale ikwimba ndeponu ikimbila. ³ulwakuva sino ghukusivona isi sijighe nakunsiki ghuno ghukwisa pe ilijovagha kisila kughua nambe jilidilagha, ujighulilaghe,. ulwakuva kuvwakyang'ani vukwisa kisila kudila.⁴Loolagha! jula juno uvunoghelua vwa mwene navuling'ine munkate mwa mwene pano itumila munkate mwa mwene ningufu. loli uvunyakyang'ani ikukalagha nulutengano. ⁵ulwakuva uluhuje lweluhendami lwa soleka umunyamatingo ulwakuuti aeke pinoghela looli peikwisia uvunoghelua vwamwene ndavule kukwilana umwene ikukong'ania mufipelela kange ikong'ania mulwamwene avanhu vooni.⁶isi sooni nasingatende uvujofi kukusyojola ulwimbo ulwamasyojola luno lunoghile, "iga kwa jula juno ikwongelesia fino nafyamwene kunsiki ghuliku ghuno ghukwongelesia uvusitu kusino ghupingikile? ⁷Vala vanovighula kulyuve nakalingi navikwimagha? navano vitetemia kusisimuka? ghuvisagha ntamu vwimila avene. ⁸ulwakuva ughomile avaanhu vinga, amasighasi ghoni aghavaanu ghikukughomagha uve. ulwakuva ukung'ile idanda nyinga javaanhu nakuvomba uvugalusi vwa muiisi, vuno navulutana ni iisi, amakaaja na vooni vanovikukala nkate jake.⁹iga kwa jula juno ihongola uvukavi nuvuhosi vwimil vwa nyumba jake, pa uluo anoghile pinosia ikvwaso kyake pakyanya pikumbuka umwene nulutengano patali namavoko ghavuhosi. ¹⁰utendile isoni ku nyumba jako, navikuvadumula avaanhu vinga kange avombile uvuhosi mulwako ghwemene. ¹¹ulwakuva ilivue lihumisie ilisyo kuhuma kuluvumba, nilipalo lya lubavo lilikuvamula kuuti,¹²iga kwa jula juno ijengagha ilikaaja nidanda, najuno inywilisiagha ilikaaja nuvuhosi. ¹³Ulu naluhuma kwa Yahwe unyafipugha kuuti avaanhu vavombe imbombo nu mwoto nifipelela fyoni isinge sisakala sene kisila kimonga. ¹⁴Iisi jijighagha jimemile uvumanganyi nuvwimike vwa Yahwe ndavule amalenga ghimemia inyanja.¹⁵Iga kwa jula juno ikimbila umanyani ghwake aghale, uve ghwe juno ghukwongelesia isumu vavike vaghale ulwakuuti ukagule kulola uvufuli vwavanave. ¹⁶Ghutumbilagha, isoni sako kukila uvwimike. kunyua isio vulevule, nakufwikula uvufula vwako juve. Ikikombe kya luvoko lya kundio lwa Yahwe lukwisa lukukugalukila uve, nisoni sifunikilagha uvwoghopua vwako.¹⁷Uvugalusi vuno vukavombilue kulebanoni vikukufunikilagha nuvunagifu vwa fikanu vukukwoghofia. Ulwakuva ukungile idanda savanu kange uvombile nuvugalusi mwisi jila, makaja, navoni vano vikukala mumuo.¹⁸Ikihwani kino kikachongilue kukuvumbulila kiki? ulwakuva jino akahongwile ikyo nambe juno akanosisie nakuyeyusia imetali, ghwem'bulanisi ghwa vudesi; ulwakuva ghukujitika imbombo ja mavoko ghake pano ghitenda amanguluve ghano naghijova. ¹⁹Iga kwa jua juno ijova kulitupa, sisimuka nambe kulivue lino nalijova ima! ifinu ifi fivulanisia lolagha, iki kikupikilue nisahabu nindalama, loli munkate mukyene nakikumela nambe, ²⁰Looli uYahwe alimunyumba jake inyimike ijakufunyila! iisi jooni jinyamalagha pamaaso ghake.

¹Inyifunyo sa m'bili uHabakuki, ²Yahwe nipulike imhola sako , najune nikwoghopa. Yahwe, syilula imbombo jako pakate pa nsiki ughu. vomba ndikio lukagulike; kumbuka kuva nulusungu mu ngalasi jaako.³UNguluve alisiile kuhuma ku Temani, nu mwimike jula kuhuma ku Palani. sela. uvwimike vwake vuvukupikile uvulanga, ni iisi jilyamemile uvwimike vyake.⁴Imuli ivili sa mavoko ghake silyale sing'ala ndavule ulujuva, pano uvuvaha vwake vukafisilue. ⁵uvutamu vwa kubuda vulyalongwile pamaaso ghake, nulupumuko lulyalile amaghujlu ghake.⁶Umwene alyimile napijighela iisi; akalola na kufisukania ifipelela . nifidunda ifya jaatu filyanangisivue lwoni, nifidunda fya jaatu vikaghua paasi. isila jake ja jaatu.⁷Nilayaghavwene amaghema ghavakushi mu mhumhuko, nifitambala fya maghema mufidihani fitetema. ⁸Uyahwe alyale ni lyojo pakyogha pala? ing'alasi jako jilyale vwimila ikikogha, nambe ilyojo lyako vwimila inyanja, panoghutogha pa dogovi avanya makokoteni na vasindi vwako?⁹Uletile uludibulilo lwako kisila mfuniko; ghuvika indibulo kuludibulilo lwako! Sela. ukaghavile iisi nifikogha. ¹⁰ifidunda fikakwaghile uve na kusyetuka kulusukunalo. amalenga ghano ghanoghakung'ilue paasi ghikila kyanya javo; ilina lya nyanja kukatosia injeghelo. amavingo ghake ghakima pakyanga.¹¹ulujuva nu mwesi filyimile ni ngufu pakyanya pamwene ku lumuli lwa ndibulo jako, nakutogha kukyanya, pano simulika nulumuli lwaa mhalala sako. ¹²ughendile mu iisi kuvuvasi. mu ng'alasi uvulwile amapelela.¹³ulywalutile kunji vwimila ja vupoki vwa vaanhu vako, vwimilaja vupoki vwavabaghulwa vako. veve ghudijania umutu ghwa nyumba ja muhosi kuvika pavuvalafu ulwalo lwa singo. Sela.¹⁴Unyanyile umutu ghwa valualilugu vake ku ndibulo jake jujuo ulakuva valisile hwene mhepo kutughavania usue, uvwifu vwavo vulyale hwene muunhu juno ikum'buda umofu pamonga panopafisime. ¹⁵ukyulile kyanya ja Nyanja ku dogovi sako, na kukughakila amalenga amakulu.¹⁶Nilyapulike, kange nkate jango nilyatetime! amalomo ghango ghalyatetemisie isavu. uvuvole vukwisa mumajeghe ghango, kange paasi palyune nilyatetime hwene muunhu juno ighula vwimila ikighono kya lusukunalo kifike kuvaanhu vano vakatuniengetile usue.¹⁷nambe umpiki naghulemba nambe naghukoma vwimila umsabibu; nambe ulwakuva kukoma kwa mpiki ghwa mseituni naghukuhovosia na maghunda naghihumia ikyakulia; nambe kwekuuti ilipugha lya fidimua livusisivue kange kusila ng'ombe muluvagha, iki kyekino nivsghile kuvomba.¹⁸Kange nijighe nihovokela mwa Yahwe. niiva nulukelo vwimila Nguluve umpoki ghwango. ¹⁹uMutwa Yahwe ghwe ngufu sango ghweivomba amaghulu ghango ndavule gha kulugu. ikunosia ulubale lwango lwa pakyanya - kuvingilila indongosio sya nyimbo, mufyombo fyango fya mote.

¹Ili lye lisio ya Yahwe linolikamwisila uSefania umwana ghwa Kushi mwana ghwa Gedalia mwana gha Amalia mwana ghwa Ezekia, mufighono fya Yosia mwana ghwa Amoni, Ntwa ghwa Yuda." ²nibuda fyoni kuhuma pamaaso gha iisi - ulu lye lujovo lwa Mutwa jujuo. ³nilibuda umuunhu nikidimua; nibuda ifijuni fya kukyanya niswi sa munyanja, uvunangifu palikimo nuvuhosi. Pe nikuntaghilila kutali umuunhu huhuma pa maaso gha iisi - ulu lwelujovo kuhuma kwa Mutwa jujuo.⁴Penifikagha nikivoko kyago kwa Yuda navenyeji vooni va kuYelusaemu. Nilitaghilila kutali amasighalua gha Baali kuhuma ulubale ulu matavua gha vaanhu vanovikufunya amanguluve muvatekesi vamonga, ⁵avaanhu vano munyumba vikufunya amavili gha kukyanya, navaanhu vanovikufunya na kufinga kwa Yahwe looli vano kange vifinga kwa Mutwa ghwavo. ⁶Nikuvataghilisia kuvutali vla kange vano vasyetwike kunsana kuhuma kukumfwata uYahwe, vala kange vanovikumfwata uYahwe kisila kuposia uvulolelesi vwake.⁷Ujikaghe kimie pamaaso gha Mutwa uYahwe! ulwakuva ikighono kya Yahwe kili pipi , UYahwe aling'anisie isabihu na kukuvavika kutali avaghesi vake. " ⁸lilikwisa mukighono kya litekelo lya mutua, Apuo pe nilivatova avavaha na vana va vutwa, nu muunhu ghweni juno afwalisivue amenda gha kighesi. ⁹Kukighono ikio nilikuvatova vooni vala vano viluka kyanya ja fipiki, vala vanovimemia uvuhovesi nuvusyangi munyumba ja ntwa ghwavo.¹⁰Liliva mukighono kila - iji je ng'emelo ja Yahwe - kuuti ifua ja lusukunalo jikwisa kuhuma ku mulyango ghwa swi, akijeghela kuhuma ku wilaya ja vuvili, Ninjeghelo ja lughinio kuhuma ku fidunda. ¹¹Mujeghelaghe mwevanyakaaja valighulilo lya wilaya, kuvavomba biashala vooni viliva vaningisivue, vooni vala vano vighelela indalama viliva vataghilue kutali.¹²Jiliva mukighono ikio nikujolonda iYelusalemu ku tala nakukuvatova avaghosi vano viliva vikalile mulunyue lwavo nakujova munumbula savo, uYahwe nailivomba kyokyoni kive kinono nambe kivivi.' ¹³ifyuma fyavo filipokua, ninyumba savo siiva silekilue kuvunangifu!. Vilijenga inyumba neke navilikukala umuo, napivyala imisabibu neke navilinyua ulunyue lyake.¹⁴Ikighono ikivaha kya Yahwe kili pipi, pipi kange kiling'aning'ani! ilisio lya Yahwe liliva lya lusukunalo nuvuvafi vwa ngufu! ¹⁵ikighono ikio kiliva kya ng'alasi, ikighono kya lusukunalo nuvuvafi, ikighono kya mavingo nuvutipulua ikighono kya ng'isi namaligho, ikighono kya mafunde ni kilo imbaha. ¹⁶Kiliva kighono kya lukelema ni njeghelo vwimila ililanga lya mulikaaja na mubuluji inali.¹⁷Pa uluo nilileta ulupumuko kuvaanhu pe vilighendagha pipi hwene vaghosi avabofu kuhuma yevavombile isambi vwimila Yahwe. idanda javo jilikung'ua hwene fumbi, i mbale save samunkate hwene mafi. ¹⁸Nambe indalama savo nasi sahabu savo ndeponu nasingawesie kukuvapoka vwimila ing'alasi ja Yahwe. nkate ja mwoto ghwa kitule kyake iisi jooni jilibudua, pe lino ilileta uvunywilifu, uvusililo vwa kwoghofia kuvooni ava kuiisi."

¹Mukong'anaghe jumue palikimo ulukong'ano lwa vooni na kukong'ana, iisi jino najasoni. ²Yelukyale ululaghilo kutola ulutalamu nikighono ikio kukiling'ania hwene mapunga yelikyale ilyojo lya Yahwe kukwisa kulyumue, yekikyae ikoghono kya lyojo lya Mutwa kukwisa kulyumue. ³Mumulondaghe uYahwe, mwe vaanhu mweni mwevakongoeka muiisi mwevano mukusipulika indaghilo sake! Mulondaghe uvukyang'ani vwake, mulondaghe uvukongoleka, pamo mulilolelevua kukighono kya ng'alasi kya Yahwe.⁴Pe Gaza ghubudua, nu Ashkeloni ghulisyetuka kuuva vunangifu. Vikuvuvusikisia kutali uvuAshdodi unsiki ghwa pamwisi, kange vikughukula Ekuloni! ⁵Iga kuvano vikukala mulubale munyanja, ikipelela kya vakelesi uYahwe ajovile vwimila umue, Kanani iisi ja Vafilisiti. nikuvabuda nakwale juno ilisighala.⁶Iisi ijio ja kulubale kunyanja kuva kwa kudimila avadimii na kumbaga sa ng'olo. ⁷Iisi ja mulubale munyanja jiva kyuma kya masighasi ghavaanhu ghamunyumba ja Yuda, vano vidimila ifipugha fyave ukuo. Avaanhu vavanave vighonagha pakivwiile munyumba ja Ashekeloi, ulwakuva uYahwe Nguluve ghwave ikuvalolelagha na kukuvagomokesia avakungwua vave.⁸Nilyaghapulike amasyojolo gha Moabuna kukuvaligha avaanhu va kuamoni unsiki ghuno valyavasyojwile avaanhu vango na kukughinia mumaka savo. ⁹Pe lino ndavule finonikukala - ulu lwe ujovo lwa Yahwe ghwavalilugu, uNguluve ghwa vasilaeli, - IMoabu jilikwisa kuva hwene Sodoma na vaanhu va kuamoni hwene Gomola; apene pa mang'onyo nilina lya mwinyo, ulukuve lwa jaatu. Looli avaanhu vango vanovasighile vikuvagaluagha avakami, na vaanhu vaiisi jango vanovasighile vitolagha uvuhasi vwave.¹⁰Ili lilihumila kuMoabu na kuAmoni vwimila amatingo ghave, kuhuma yevavasyojwile naikuvaligha avaanhu va Yahwe ghwavalilugu. ¹¹Pe vikumwoghopagha uYahwe, ulwakuva ikughasyojolagha amanguluve ghooi gha muiisi. Umuunhu hweni ifughama kukmfunya umwene. kange umuunhu ghweni kuhuma kulubale lwa mwene kuhuma imbale sooni is kumwani.¹²Umue mwevakushi najumue mufwisagha kuvubamba vwango. ¹³Nuluvoko lwa Nguluve lulikujilwilanila ulubale lwa kunena na kukujitipula iAshulu, pe iNinawi ghuekua kwa kubudua, kuva palaghafu hwene lukuve. ¹⁴Pepano amapugha gha fidimua ghilighona pala, ifidimua fyoni fya paiisi, vooni viluka ifisilasila ni nungunungu silipuma nkyanya ja mbumba savo. ilisio lipulikikagha kuhuma umalioli ikilundo kya luhangalaji kiliva mumalyango; nulutogo wakunosia avene na mataliko ghivisagha ghafikiuke.¹⁵Ili lye likaaja lya kululutivua lino likalile kisita vwoghofi, lino lijova mumwojo ghwake, "une kwenile, nakwale ujunge ughwakuhwanana nune" ulwakuva vule ulighwakwoghofia, ulubale ulwakughona ifidimua nkate jake. umuunhu ghweni juno ikilila kwamwene isagha kusukania imbuli kwa mwene.

¹Iga kulikaaja lino ligalwike ! ilikaaja ilinyamatingo linajisivue. ²Nulyalipulike ilisio lya Nguluve, nambe nukuupile sino ghugholosivua kuhuma kwa Yahwe. Nukamuhuvile uYahwe kange naikumvelelela uNguluve ghwake.³Avatua vake ve vanyalupala vano viguluma nkate javo. Avalamuli vave seng'ekeva sa pakivwilile sino nasisighasia kimonga kino kiliva kimung'unywike ilwakilo jino jikwisa. ⁴Avavili vake vanyamatingo na vaghosi vahendani. Avatekesi vake vapanyasisie pala pa vwimike kange vananginie indaghilo.⁵UYahwe ghwenyakyang'ani muvene. naikagula kuvomba amakole. ilwakilo soni ikwimila ikyang'ani jake! najilifisika mulumuli, nambe ndikio avaanhu avasila kyang'ani navikagula kuvona soni.⁶Ninanginie ifipelela amalinga ghave ghanangisivue. nighavikile amapulo ghave mapagale, pe lino nakwale nambe jumo junoikilila kwamwene. amapulo ghavo ghananging'ine pe lino nakwale juno ikikala nkate jake. ⁷Nikajova , 'kyang'ani mulikunyoghopa une. mupilaghe imbulanisio ingolofu kange muleke kudumulivua kutai kuhuma mumapulo ghinu ku ghoni ghala ghano nivele nilinganisie kuvomba kulyumue.' neke valyale nulunoghelua lwa kunangania amaghendele ghavo ghoni ku fighono fyoni.⁸Pe lino munighulaghe - ulu lwe lujovo lwa Yahwe kuhanga ikighono kino nilikwima vwimila vanovalemasivue. uvulamusi vwango kukong'ania ifipelela, kukuvukong'ania uvutwa, nakukung'a kuvanave ilyojo lyango, uvupafi vwango vwoni vukali, iisi ijio jooni jiligulubikwa kwa mwoto ghwa lyojo lyango.⁹Apuo penikuvapelagha amalomo amanofu, kukuvakemela vooni kulutavua lya Mutwa kukunivombela vikwima pepamo. ¹⁰Kuhuma kumwambo ghwa kikogha kya Esiopia vano vikufunya kulyune vano vaghavinie viletagha amatekelo vwimila une. ¹¹Mukighono ikio namulavikua kuvudesi kumbombo sinu sooni sino muvombile vwimila, une, kutengulila unsiki ghula nivusiagha kuhuma kulyumue vala vano vasejagha muvuvagha vwango, nakange ulwakuva namuliva nunsiki ntali mulyakuvomba amatingo pakidunda kyango ikyimike.¹²Looli penikuvalekagha hwene vanhuu va paasi kange hwene vaanhu vamofu, kange mulipata apakukimbilila kulitavua lya Yahwe. ¹³Ghwejuno ghukukala muisilaeli nansiki ntali naghuvombagha uvuhosi nambe kujova uvudesi, kange kusila lulimi lya vusyangi luno lulivoneka mumulomo ghwako; pe vililisia na kughona pasi, kange nakwale nambe jumo junoilikuvavika mwoghope."¹⁴Imbagha mwalive Sayuni! jeghelagha ghwe isilaeli. Muhovokaaghe na kululutila ku mwojo ghwako ghwoni. minja ghwa Yelusalemu. UYahwe avusisie uluhigho lwako; avadghile kutali avalugu vako! ¹⁵uYahwe ghwe Mutwa ghwa Isilaeli mu lyumue. Pe namulikumwoghopa kange umuhosi! ¹⁶Mufighono ifiyo vilijova kwa Yelusalemu, "nungoghopaghe, Syoni. nungaghalekaghe amavoko ghako kuva malegefu.¹⁷UYahwe Nguluve ghwako alipakate palyumue umunyangufu va kukuvapoka. iliseja pa lwinu namulukelo ivisagha kimie kulumue mulughano mwamwene. Ivisagha nulukelo kulyumue kange ilulutilagha nulukelo, ¹⁸Mukighono ikivikua ikya luhovoko. nilivusia ifua kuhuma kulyumue; nansiki ntali namupindagha isonisake sihambwike sive luaghinio mu iisi jooni.¹⁹Loolagha, nilutang'anie pikuvavombela avalugu vinu voni. amasiki ghala, nikuvapokagha vano vakunilue napikuvakong'ania vano valyataghilue patali. nikuvavika lughinio kange nighambusiagha isoni save sihambuke sive lughinio muiisi jooni. ²⁰Mumasiki ghala nikuvalongosiagha mumasiki ghala nikuvakong'aniagha palikimo. nikufivikagha ifipelela fyoni fya mu iisi pikuvoghopa napikuvaghinia, amasiki ghano mukusaghagha isio nivisagha nivagomwisie, " fye ijova uYahwe.

¹Mumwaka ghwa vuvili ghwa ntua UDalio, mumwesi ghw ntanda ikighono kya kwaanda kya mwesi, ilisio lwa Mutwa likamwisila kuluvoko ulwa mbili uhagai kuluta kwa n'goyo ughwa Yuda, UZelubabeli mwana ghwa Salatieli nu kuhani unkulu uJoshua umwana ghwa Yehozadaki, kuuti, " ²UMutwa ghwa valua lilugu iiti: ' avaanhu ava vaviiti, nansiki ghwitu kukwisa na kujenga inyumba ja Yihova."""³Kange ilisio lya Mutwa likamwisila kuluvoko lwa mbili uHagai kuuti, " ⁴pe ghwensiki ghwinu jumue kukukala munyumba sinosisilile, nu nsiki ughu inyumba iji jinangika? ⁵Pe lino uMutwa ghwa valuailugu iiti ndiki: 'musighanule isila siinu! ⁶muvyalile imbeju nyinga, neke mwaleta umpheto n'debe; mulia neke namukwilana, munyua neke namukamemesivue ifyakunyua. Mufwala amenda neke namukulwagha ulufuke, nu muunhu ghwa luhombo itavula indalama na kuvika mumafuko ghanoghademwike ghene!'⁷UMutwa ghwavalua lilugu ijova agha: " ⁸musighanule isila sinu! mutoghe mufidunda mukave imbavo, napijenga inyumba jango; kange pe nikuvahuvisia na nilighinua!' ijova uMutwa. ' ⁹Muhuviila kukava ifiinga neke loola gwaleta fidebe munyumba, nikufitagha kutali kwa kiki? - ndiki fyefino ijova uMutwa ghwa valualilugu! ulwakuva inyumba jango jikukala muvunangifu, Looli umuunhu ghweni iguda pikukala munyumba jake.¹⁰Kuulu uvulanga vukolelivue vuleke kuhuma ulumi kuhuma kulyuve, nilihanga likolelile imheto sako. ¹¹Nikukemelile kuhuma kuiisi nakukyanya kufidunda, na mufino fimela na mumasabibu amapya, mumafuta na mumheto sa mulihanga namuvaanhu namufidimua, namumbombo sooni isa mavoko ghako.¹²Pe bhaho umwana ghwa Salatieli, nu ntekesi unkulu uYoshua umwana ghwa Yehosadaki, palikimo na masighalua gha vaanhu, unsiki ghwa savuti ja Nguluve Mutwa ghavo na masio gha Hagai um'bili, ulwakuva uNguluve Mutwa ghavo alyansung'ile. Navaanhu vakoghopa pamaaso gha Mutwa. ¹³Pepano uHagai, unyamola ghwa Mutwa akajova imhola ja Mutwa kuvaanhu nakuuti," nilipalikimo nuve! - ulu lwe lujovo lwa Mutwa.¹⁴Umutwa akahovesia inumbula ja nkulu ghwa kighavo kya Yudah, Zerubaeli umwana ghwa Sakieli, ni numbula ja ntekesi unkulu uYoshua mwana ghwa Yehozadaki, ni numbula ja vaanhu wanovasighalile, kulutila kuuti vakaluta kuvomba imbombo munyumba ja Nguluve Mutwa ghwa valualilugu uNguluve ghwavo. ¹⁵mufighono fya fijigho fivili nu mwesi ghwa ntanda, mumwaka ghwa vuvili vwa vutavulua vya Ntwa Dalio.

¹Mumwesi ghwa lekela lubale ikighono kya fijigho fiviili na kimo kya mwesi, Ilisio lya Mutwa likisile kuluvoko lwa m'bili uHagai nakuuti," ²jova nu nkulu ghwa kighavo kya Yuda, Zelubabeli mwana ghwa Slikieli, nakwantemi unkulu uYehozadaki; nakuvasingalua va vaanhu uvavule,³ghweveni asighile kati jinu alyavwaghili uvwimike vwa nyumba jakwasia? kange mukuvwagha ndani uvwimike uvwalino uvu? ⁴pe hwene nakinhu pamaaso ghinu? Lino muvisaghe ni ngufu, Zelubabeli' - uu lwe lujovo lwa Mutwa najuve Yoshua ntekesi mbaha uvisaghe ni ngufu mwana ghwa Yehozadaki; muvisaghe ningufu mwe vaanhu vapaiisi! ulu lwelujovo lwa Mutwa ni mbombombo ulwakuva alipalikomo nuve! ulu lwelujovo lwa Mutwa ghwa valua lilugu. ⁵kuhuvila nulufingo luno lulimulufingo luno nafingile numue ye muhumile ku Misili ni numbula jango jikimile pakae jiinu, namungoghopaghe'.⁶ulwakuva uMutwa ghwa valualilugu ii ndiki: unsiki n'debe kulunge nilisukania uvulanga ni iisi, inyanja ni iisi ndaghafu! ⁷kange nisukania imbale ni mbale, imbale ni mbale silileta ifinhu fya ndalama kulyune, nakukujimemia inyumba iji nuvwimike! ijova uMutwa ghwalilugu.⁸Isahavu ni ndalama saango' - ulu lwe lujovo lwa Mutwa ghwavalilugu. ⁹uvwimike vya nyumba iiji vuliva vukulu kukila uvwimike vwa nyumba ijakwasia, 'ijova uMutwa ghwavalilugu, 'kange nilikuvapela ulutengano aponu apa - ulu lwe lujovo lwa Mutwa ghwa valilugu.¹⁰Pakighono ikya fijigho fivili na fine umwesi ghwa budika lubale, umwaka ghwa vuvili vutemi vwa Dalio. ilisio lya Mutwa likamwisilaumb'ili uHagai kuuti, " ¹¹UMutwa ghwavailugu iiti ndiki: Mposie untekesi kuhusu indaghilo, na kuuti, ¹²Nave umuunhu angatoole inyama jino vahumisie kwa Mutwa mulung'unyo lwamwenda ghwaake, nave ulung'unye lungabasye unkate nambe umuji, uluhuje nambe amafuta, nambe ikyakuia ikinge pe ndani ikyakulia ikio kivombeeke kyiimike?" un'dalisi akamula akati. "Ndali"¹³Pepano uHagai akati,." nave umuunhu umchafu kwaajili ja kumwabasia umuunhu juno afwile na kukwabasia ifinhu ifi, vooni ndeponu viiva vachafu? untemi akamua nakuuti, "Eyo viliva vachafu." ¹⁴pe lino uHagai akamula nakuuti, "pe veava avaanhu palikimo ni iisi jino jilikuvulongolo kulyune! agha ikughajova uMutwa kange ifinu fyoni fisilile kuluvoko lwake: kino valyahumisye nakilyale kisafi kilyale kilamafu.¹⁵pe lino musaghe kuhuma ikighono iki kyamusyughu nafino fikilile, yelikyale ilivue kuvikua ku livue ilinge munyumba inyimike ja kufunyila ja Mutwa, ¹⁶pelwava ndani lino? umuunhu ghweni panoisile kukigheloifijigho fivili ifyafiinu humbe kwefilyale, fighelelo kijigho fyene, Najumo alisile kunegha ifimiike ifyakighelo ifijigho fihano, humbe kulyale nifighelo fijigho fivili fyene. ¹⁷Nilyavapumwisie umue nimbombo sa mavoko ghinu ku doa ni koga, neke namukangomokile ijova uMutwa.¹⁸Ghanlania ikighono iki ikyamusyughu nakuvuongolo. kuhuma ikighono fijigho fivili na fine kumwesi mwesi ghwa budika lubale. kuhuma ikighono kila uvwalo vwa tembile ja Mutwa kuvikua. mughanulaghe uluo! ¹⁹Pe mwejile imbeju mukihenge? Msabibu, umpiki ghwa ntiini, unkomanga, nu mpiki ghw mseituni nafilyakomile imheke! neke kuhuma ikighono iki ikyamusyughu nikuvafunyila".²⁰Kange ilisio lwa Mutwa likiisa ulwa vuvili kwa Hagai ikighono kya fijigho fivili na fine kumwesi nakuti, ²¹"Jova nunyalikaaja lya Yuuda uSelubabeli um'bule, 'nisukania uvulanga ni iisi. ²²Pepano kwale nighwisia ikitengo kya ntemi kunangania ingufu sa vutwa vwa iisi! nighwisia igale na vanovipanda; idogovi navapanda dogovi vilighua, umuunhu ghweni ulwakuva ja vupanga vwa vanyalukolo vake.²³Ikighon ikio'- Fyeayajovile untwa ghwalilugu - 'nilikukutola uve Selubabeli ghwe mwana ghwa Salatieli, ndavule umbombambombo ghwango ' - fyeijova ndikio umutwa. " Nikukwomola hwene pete ja muhuli ghwango, ulwakuva une nene nlyakutawile!- ijova uMutwa ghwalilugu!"

¹UYesu akahuma mu nyumba inyimike ija kufunyila. Ye iluta avavulanisivua avaake vakaluta pa mwene, vakansoona uvujenge uvwa nyumba inyimike ija kufunyila. ²Neke uYesu akavavuula akati, ''Se sene, mulola uvujenge vwoni uvu vule vujengilue! Kyang'haani nikuvavuula kuuti, nalilasighala nambe livue lino lilighelama pa livue ilingi, ghooni ghilihemula.?³UYesu akaluta pa kidunda ikya Miseituni, akikala. Avavulanisivua vaake vakaluta pa mwene, vakijekela, vakamposia vakati, "Tusuuma utuvuule, isio sino utuvulile silivombeka liighi? kange kivalilo ikya kutuhufia kuuti unsiki ughwa kwisa uve nu vusilio vwa iisi ghufikile?" ⁴UYesu akavamula akati, "Muvisaghe maaso, umuumhu nangavasyangaghe! ⁵Ulwakuva vinga vilikwisa mu litavua lyago, nujunge itisagha, Neene kilisite.' Avaanhu avuo vikikuvasyanga vinga.⁶Mulaava mupulika uvulugu ni mhuli isa vulugu, mulekaghe ughwa, mulekaghe pikkwoghopa. Ndavule ndaani isio silivoneka taasi, neke unsiki ughwene ughwa vusililo ghuuva ghukyale." ⁷Ifighino ifio iisi jilwisgha ni iisi ijingi , kange uvutwa kulua nu vutwa uvunge. Imbale ni mbale kwejilliva injalani fisenyeena. ⁸Isio sooni vuuva vutengulilo, ndavule uvuvafi uvwa mukijuuva, pano unsiki ughwa kupaapa umwana ghufikile.⁹"Unsiki ughuo, mulikolua na mpumusivua na kubudua. Avaanhu imbale sooni vilikuvakalalilagha ulwakuva mukumbingilila une. ¹⁰Pepano avaanhu vinga vilivuhiila kukumbigingilila une. Vilikwohelanagha ku valugu na kukalalilagha ku valugu na kukakalilanila. ¹¹kange, avavili vinga ava vudesi vilihumila nakukuvasofia avaanhu vinga.¹²Avaanhu vinga vliiva vahosi. Mu uluo avaanhu vinga vilivuhiila kukuvaghana avange. ¹³Neke juno ikuguda kuhanga kufikika kuvusililo, ujuo ghwe alakuluka. ¹⁴IMhola iNofu ija vutwa vwa Nguluve jilipulisivua mu iisi sooni kuuti vuve vwolesi ku vaanhu vooni, pepano uvusililo vwa iisi vukwisa.¹⁵"Unsiki ughuno mulavona ' Ikiinu kino kipelela uvulamafu inyumba inyimike ija kufunyila, kyimile pavwimike, ndavule alyajovile um'bili uDanieli. juno ikwimba amasio agha alutang'aniaghe. ¹⁶Apuo pepano vano vali mu Yudea, vakimbililaghe ku fidunda, ¹⁷juno ali pa kituvili, naagngikaghe kutoola fimonga mu nyumba. ¹⁸Nambe juno ali ku mmughunda.naangagomokaghe ku kaaja kutoola ilikooti lyake.¹⁹Iga avakijuuva vano viliiva vakunue na vano vilikwong'helesyagha ifigono ifio! ²⁰Musumaghe kwa Nguluve kuuti unsiki ughuo ughwa kukimbila ghuleke piiva nsiki ghwa fula ni mhepo nambe ikighono ikya Sabati. ²¹Ulwakuva ifighono ifio, kweluliiva ulupumuko ulukome luno nalughelile kuvoneka kuhuma uNguluve ipela iisi, kuhanga kufika umusyughu. Kange nalulavoneka lusiku. ²²UNguluve ale aleke kukepusia ifighono ifio, nakwale ughwa kukuluka. Neke vwimila avasulua vaake, ilikepusia ifighono ifio.²³"Unsiki ughuno, umuunhu angati, 'Lola, ukilisite ali apa,' nambe Ali kula,' namungitikaghe. ²⁴Ulwakuva valiisa avaanhu vano vikutambulagha nujunge iiti ghwe 'Kilisite,' avange viila vavili vavudesi. Avuo vihufyagha ifivalilo ifivaha ni fidegho kuuti vavasofie avaanhu, nambe avasalullua va Nguluve. ²⁵Muvisaghe maaso ulwakuva nivavuliile ng'haani pano sikyale pikwisa.²⁶Lino vangavavuule kuuti, 'Lola, uMuesiya ali ku lunyika! Namungalutaghe. Nambe angati, Lola, ali kukate,' namungitikaghe. ²⁷Ulwakuva ndavule ulumili lwa fula vule lulumilika na kuvoneka imbale sooni, fye luliiva niliiva nikwisa ne Mwana ghwa Muunhu, Kulivoneka imbale sooni. ²⁸Kuno kwelili ilikanu ilifue kwe kuno amatumbusi ghikong'haana.²⁹"Ifighono ifio ifya lupunuko filiiva fisilile, 'ing'hiisi jilakupika ilijuva, naghu mwesi naghulavala, inhondue silasanguka kuhuma kukyanya, ni fiinu fyoni ifya kukyanya filasukanika.'³⁰"Pepano avaanhu vilikufyagha ifivalilo kukanya fino fihufia kuuti ne Mwana ghwa Muunhu nikwisa. Avaanhu ava fisiha fyoni vilitengula kulila nu lundwesi. Valambona ne Mwana ghwa Muunhu nikwisa mu mafunde kuhuma kukyanya. Nikwisa ni ngufu nyinga nu vuvaha. ³¹Pe nilikuvasuung'ha avanyamhola vango kumo lukuuta ulukelemo kuuti vavakong'hanie avasulua vooni ava Nguluve kuhuma imbale sooni isa iisi, Kutengulila ulubale lumo ulwa vusililo vwa iisi kufika ulunge ulwa vusililo vwa iisi."³²" MUmanyilaghe ikihwanikkiso ikya mpiki untini. Pano inhaafi saake silemba na kuuva na matundu, mukagulaghe kuuti amasiki gha fula ghali piipi. ³³Fye lulaava, muliiva makusivona sooni isi sino nivoliike sivombeka, mukagulaghe kuuti nili piipi kukwisa.³⁴Kyang'haani nikuvavuula niiti, ikisina iki nakilakila kuhanga isi sooni sivombeke. ³⁵Uvulanga ni iisi filakila, looli amasio ghango naghalakila nambe pedebe.³⁶"Neke ikighono nu nsiki ughwa kwisa un ne Mwana ghwa Muunhu, nakwale juno akagwile nambe avanyamhola kukyanya, nambe juune ne Mwano, looli ju Nhaata mwene.³⁷Ulwakuva niliiva nikwisa ne Mwana ghwa Muunhu luliiva ndavule lulyale ifighono ifya Nwaka. ³⁸Ifighono ifio ye lukyale kukwisa ulutalamu ulwa ghalika, avaanhu valyale vilia na kunyua, vitoola na kutolua kuhanga ikighono kila pano uNwaka ikwingila mu safina. ³⁹Avaanhu avuo navalyakangwile kimonga kuhanga pano ighalika jikwisa, vakufua vooni. Enendikiiki fye lulaava niliiva nikwisa ne Mwana ghwa Muunhu.⁴⁰Ifighono ifio avaanhu vavili viliiva pa mughunda, ujunge nikuntoola kuuva palikimo nuune, ujunge nikumuleka. ⁴¹Avakijuuva vavili viliiiva pihavula, ujunge nikuntoola kuuva palikimo nuune, ujunge nikumuleka." ⁴²Lino, muvusaghe maaso, ulwakuva namukagwile ikighono kino uMutwa ghwinu ikwisa.⁴³Looli mukagulaghe kuuti, unya ale akagule unsiki ghuno umulyasi ikwisa, ale ikukala maaso, naale ileka umulyasi amemule inyumba jaake. ⁴⁴Lino, na jumue muvisaghe muling'hanisie, ulwakuva ne Mwana ghwa Muunhu nilikwisa ghuno namuhuviila."⁴⁵UYesu akavosia akati," Ghwe veeni um'bombi unnofu, unya luhala? Um'bombi juno untwa ghwake amb'bikile kuuva mwimilili ghwa vavombi avange mu nyumba jaake, kuuti avapelaghe ikyskulia unsiki ghuno ghunoghiile. ⁴⁶Kuba um'bombi ujuo juno untwa ghwake iliiiva igomoka, ikumwanga ivomba sino akamulaghiile. ⁴⁷Kyang'haani nikuvavuula kuuti, ikum'biika um'bombi jula, imililaghe ifiinu fyake fyoni.⁴⁸Neke um'bombi um'biivi avgasaaghe mu mwojo ghwake kuuti, 'Untwa ghwango idiila kugomoka,' ⁴⁹Pe atengule kutova avavombi avajaake, alisaghe na kunyua palikimo na vaghaasi, ⁵⁰utwa ghwake angagomoke ikighono nu nsiki ghno um'bombi jula nahihuviila, ⁵¹Kyaikuntemania na Kukum'biikka ku lupumuko palikimo na vavudesi. Ukuo kwe vilililagha na kugwegwenula amiino vwimila uvuvafi uvukome vuno vali navwo."

¹Pe uYesu akafikuvavulagha avavulanisivua vaake akatisagha, "unsiki ughuo uvutwa uvwa kukyanya vuhwananisivua na vahinja kijigho vano valyatolila itaala saave, vakaluta kukumwupila intalan'dala. ²Avahinja vahaano mu veene valyale vajasu, vavange vahaano valyale vanya luhala. ³Avajasu vala, valyagadile itaala saave kisila kuganda amafuta agha kwongelesia' ⁴Looli avanya luhala vala valyagadile itaala palikimo na mafuta agha Kwongelesia mu taala.⁵Ulwakuva untola'ndala akadiila pikwisa, avahinja vala vooni sikavakola itulu, vakaghonenela. Mu kilo nkate, avahinja vola vooni sikavakola itulu, vakaghonelela. ⁶Mu kilo nkate, vakapulika avaanhu vijegheela viiti, ' vaya, vaya,! Untolan'dala afiike, muhume tulute kukumwambilila.'⁷Nakalingi avahinja vala vooni vakasisimuka, vakaling'hania itaala saave. ⁸"Pe avahinja avajasu vala vakavasuuma avanya luhala vakati, 'Tusuuma mututange amafuta madebe, itaala siitu sisima.' ⁹Neke avanya luhala vala vakavamula vakati, 'Ndili! Natungavapeele, ulwakuva amafuta ghano tili nagho, naghangatukwile usue palikimo numue. Lunofu mulute kuno vighusia, mukaghule jumue.¹⁰Avajasu vala ye viluta kughula amafuta, untolan'dala akafika. Avahinja avange vala vano valiling'hanisie, Vakingila palikimo mu vutolani, umulyago ghudindua. ¹¹Pambele avajasu vala vakafika vakavona umulyango ghudindilue pe vakati, 'ghwe ntwa! Ghwe ntwa! Tusuuma utudindulile umulyango!''' ¹²Neke untolan'dala akavamula akati, 'Kyang'haani nikuvavuula, nanivamanyile! ¹³Pepano uYesu akavavuula avavulanisivua vaake akati, Lino, muvisaghe maaso, ulwakuva namukagwile ikighono nambe unsiki ghuno ne Mwana ghwa Muunhu niligomoka."¹⁴UYesu akafijovagha akatisagha, "kange, uvutwa vwa kukyanya vuhwananisivua nu muunhu juno alyakyulile. Ye akyale kukyula, akavakemeela avavombi vaake, ¹⁵Akavapeelaa ikyuma kyake kuuti nujunge afulusyaghe. Akavapeela ikyuma kyake nujunge afulusyaghe. Akavaoeela nujunge kuling'hana ni ngufu saake. , Jumo akampeela italanta ihaano, junge italanta ivili, ujunge italanta jimo, pe umwene akakyula. ¹⁶"Unsiki ghuoghuo um'bombi juno akapelilue italanta ihaano, akaluta kufulusia, akakava italanta isingi ihaano.¹⁷Naju m'bombi juno akapelilue italanta ivili, akafulusia italanta isiingi ivili. ¹⁸Neke juno akapelilue italanta jimo, akaluta kugima umwina, akasyila italanta jila.¹⁹"Ifighono finga ye fikilile, untwa ghwave akagomoka. Pe akavakemeela avavombi vaake vala kuuti nujunge ahufie kino afulwisie vwimila ikyuma kyake. ²⁰Um'bombi juno alyupiile italanta ihaano, akiisa ni talanta isingi ihaano. Akam'buula untwa ghwake akati, 'Ghwe ntwa ghwake, ukamheliile italanta ihaano, lino nifulwise italanta isingi ihaano. ²¹Untwa ghwake aka'buula akati, ' Uvombile vunofu. Uve uli m'bombi nnofu, kange mhuvilua! Uvombile vunofu pa mbombo indebe, lino nikukuviika kuuva mwimilili ghwa kyma kinga. Ghwise tuhovoke palikimo.'²²"um'bombi juno alyupiile italanta ivili, ghwope akiisa ni talanta isingi ivili. Akam'buula untwa ghwake akati, "Ghwe ntwa, ukamheliile italanta ivili, lino nifulwise italanta isingi ivili. ²³untwa ghwake akam'buula akati, 'Uvombile vunofu. Uve uli m'bombi nnofu, kange mhuvilua! Uvombile vunofu pa mbombo indebe, lino nikukuviika kuuva mwimilili ghwa kyumakinga Ghwise tuhovoke palikimo.'²⁴"Pe akiisa um'bombi juno alyupiile italanta jimo, akam'buula untwa ghwake akati, 'Ghwe ntwa, nikakagwile kuuti uve uli mwumu, ghupeta pano nunyalile, ghukong'hania pano nukesile. ²⁵Mu uluo, noghopa kusofia italanta jaako, pe nasyila mu mwima. Lino koogho italanta jaako iji.²⁶ntwa ghwake akamwamula akati, 'Uve uli m'bombi mbiivi, vange uli mwolo! Ukakagwile kuuti une nipeta pano nanivyalile, nikong'hania pano nanikesile, ²⁷lino kiki naghwaviika indalama sango ku vano vifulusia, neke nitoole palikimo nasino sifulwike?²⁸Pepano untwa jula akalsghila akati , 'Mupoke italanta ijio, mumpeele um'bombi jula juno ali ni talanta kijigho. ²⁹Ulwakuva umuunhu ghweni juno ali nafyo ipelua ifingi, neke iiva nafyo finga. Looli juno nsila kimonga, nambe ikidebe kino ali nakyo, ikunyu. ³⁰Um'bombi uju unsila luvumbulilo, muntaaghe kunji ku ng'hiisi, ukuo kwe ililagha na kugwegwenula amiino vwimila uvuvafi uvukome vuno iiva navwo."³¹UYesu akafikuvavulagha avavulanisivua vaake iiti, "Une ne Mwana ghwa Muunhu niliiva nisile mu vuvaha vwango palikimo na vanyamhola vooni, nilikukala pa kitengo kyango ikya vuvaha. ³²Avaanhu kuhuma iisi sooni vilikog'haana palyune. Na juune nilikuvabaghula avaanhu ndavule un'diimi vule ibaghula ing'holo kuuva paajo ni mhene. ³³Ikusiviika ing'holo ulubale lwake ulwa kundio, imhene ulubale lwake ulwa kun'hingi.³⁴"Pepano une ne Ntwa nilikuvavuula avanhuu vala vano vali lubela ulwa kundio, ' Mwise umue mwe vano mufyunyilue nu Nhaata ghwango, mwingile mu vutwa vuno uNguluve avaling'hanikise ng'haani kuhuma ye ipela iisi. ³⁵Ulwakuva ye nili njala, mukamheliile ikyakulia; ye nili ni kyumilua, mukamheliile amalenga; ye nili mugheesi, mukanhengeliile mu nyumba siinu. ³⁶Kange ye nighajile, mukamheliile amenda; ye nili ntamu mukisile kukumbuvusia; ye nili mu ndinde, mukisile kukundola.³⁷Pe avaghlofu viliiti, 'Ghwe Mutwa, unsiki ghuliku ghuno tukakwaghile uli ni njala tukakupeela ikyakulia, nambe ye uli kyumilua, tukakupeela amalenga? ³⁸Kange, unsikighuliku ghuno ye uli mugheesi tukakutengeela mu nyumba siitu, nambe ye unghajile tukakupeela amenda? ³⁹unsiki ghiku ghuno ye uli ntamu tukakuvuvusia, nambe ye uli mu ndinde tukiisa kukukulola? ⁴⁰Une ne Ntwa nilikuvamula miiti, 'Kyang'haani nikuvavuula, sooni sino mukaale mukum'bombela umuunhu juno nantambulike mu vaanhu vango ava, mukambombiille une.'⁴¹"Pe nilikuvavuula vano vali lubale lwango ulwa kung'hingi nilitii,'Vuuka apa umue mwe vano uNguluve avaghunile! Lutagha ku lupumuko lwa mwoto ghuno naghusima lusiku, kuno uNguluve amuling'hanikisie na vanyamhola vaake. ⁴²Ulwakuva ye nili ni njala, namukamheleliile ikyakulia: ye nili kyumilua, namukamheliile amalenga; ye nili mugheesi, namukanhengeliile mu nyumba siinu; ye nighajile namukamheliile amenda. Kange, ⁴³ye nili ntamu, namukisile kukumbuvusia; nili mu ndimde, namukisile kukundola.'⁴⁴Pepano voope viliiti, "Ghwe Mutwa, liighi pano tukakwaghile uli ni njala, nambe ikyumilua, nambe ye uli mugheesi, nambe ye uli mughaju, nambe ye uli ntamu, nambe ye uli mugheesi, nambe ye uli mughaju, nambe ye uli ntamu, nambe ye uli mu ndinde, neke usue nakutakutengeliile? ⁴⁵Na juune nilikuvamula niiti, 'Kyang'haani nikuvavuula, namukambombiile une. ⁴⁶Pepano avahosi vililuta ku lupumuko luno nalusila lusiku. Looli avagholofu vilikwingila ku vwumi uvwa kuvusila kusila."

¹UYesu ye amalile kujova amasio aghuo ghooni, akavavuulanisivua vaake akati, " ²Mukagwile kuuti fikyale ifighono fivili, kuuva kyimike kyapasaka. Une ne Mwana ghwa Muunhu nitapivikua mu mavoko gha valugu kuuti nibudue pa kikovekano."³Unsiki ughuo, avavaha va vatekesi na vagojo valyakong'hanilemu nyumbaija ntekesi um'baha juno akatambulwagha kayafa. ⁴Vakapuling'hana kukunkola uYesu kisyefu kuuti vam'bude. ⁵Pe vakapuling'hana vakati, "Tuleke pivomba uluo ikighono ikya Pasaka, avaahnu kyande vileeta ambaatu."⁶Pepano uYesu akaluta mu kikaaja ikya Betania, akikala mu nyumba ja Simoni juno , neke alyale ni buuba. ⁷Ye ikalile ali pilia, akingila umukijuuva jumonga akolile isupa ija livu inya mafuta amanofu agha Kupakala agha ndalama nyinga. Pe akaveela pa Yesu, akakung'hilila amafuta ghwa Yesu. ⁸Avavulanisivua vaake ye vasivwene isio, vakakalala kyongo mu moojo ghaave vakati, ''Kiki umukijuuva uju inangania amafuta enendiiki? ⁹Amafuta agha ghaale ghighusivua ku ndalama nyinga, neke indalama isio saale sikuvatanga avakotofu!"¹⁰UYesu akakagula sino vijova, akavavuula akati,."Sino vijona, akkavavuula akati, "Kiki mukun'gasia umukijuuva uju? Ambombiile imbombo inofu. ¹¹ULwakuva avakotofu muli navo ifighono fyoni, neke une naniiva numue ifighono fyoni.¹²uju ang'hung'hiliile amafuta mulwa kunding'hania kusyilua. ¹³Kyang'haani nikuvavuula niiti,pano iMhola iNofu jipulisivua mu iisi sooni, naji mbombo jino avombile uju jijovwagha, mu uluo vikunkumbukagha umukijuuva uju."¹⁴Pe uYuuda Isikalioti, umo mu vasung'hua vala kijigho na vavili, akaluta Ku vavaha va vateseki, ¹⁵akavavuula akati, "Kyande mukumheela kiki nave nikumwohela iYesu kuuti aave mu mavoko ghiinu?" Pe vakampeela indalama fijigho fitatu. ¹⁶Kuhuma unsiki ughuo, uYuuda akatengula kulonda isila ija kumwohela uYesu.¹⁷Ikihogono ikya kwanda ikya kyimike kya makate ghano naghavikilue ikilule, "avavulanisivua vakamposia uYesu vakati, "Ghulonda tukuling'hanikisie kuughi ukwa kuliila ikyimike ikya pasaka? " ¹⁸Umwene akavamula akati, "Mulute mu likaaja ilya Yelusalemu kwa muunhu jumonga, mum'buule kuuti, 'Um'bulanisi iiti, unsiki ghwango ghuli piipi. Une na vavulanisivua vangho kyande tulia ikyimike ikya Pasaka mu nyumba jaako." ¹⁹Avavulanisivua vala vakaluta, vakavomba ndavule uYesu aveele alaghiile, vakavomba ndavule uYesu aveele alaghiile, vakaling'hania ikya kyimmike ikya pasaka.²⁰Ye vwilile, uYesu akikala kulia ikyakulia palikimo na vavulanisivua vaake kijigho na vavili. ²¹Ye vali pilia, uYesu akavavuula akati, "Kyang'haani nikuvavuula, jumnga mulyumue itapikunyohela. ²²"Avavulasivua vaake vakasukunala, kyongo, nujunge akatengula kukumposia uYesu iiti?Ghwe Mutwa, neene?""²³UYesu akamula akati, "Umuunhu juno isasa palikimo muune mu kivughaana, ujuo ghwe mwene kyaikunyohela. ²⁴Une ne Mwana ghwa Muunhu nifua ndavule lilembilue mu Malembe aMimike. Neke iga, umuunhu ujo juno ikunyohela ne Mwana ghwa Muunhu! Kiba umuunhu ujuo, ngale naaholwagha." ²⁵Pe uYuuda juno ilonda kukumwohela akaposia akati, "Ghwe M'bulanisi, veene?"UYesu akamwamula akati, "Uve ujovile."²⁶Ye valipilia,u Yesu akatoola unkate, akahongesia kwa Nguluve,akamenyulania.Akavapeela avavulanisivua vaake akati,"Koogho mulisaghe, ughu ghwe m'bili ghwango."²⁷Pe akatoola ikikombe ikya luhuuje akahingesia, kwa Nguluve akavapeela akati,"Mwunywisaghe mweni. ²⁸Ulwakuva iji je danda jango ija lufingo lwa Nguluve na vaanhu vaake jino jikung'hiika vwimila avaanhu vinga kupyaniluainyivi saave. ²⁹Neke nikuvavuula, niiti une nalinanyua kange uluhuje, kuhanga pano niliiva ninyua palikimo numue,uluhuje ulupia ku vutwa vwa Nhaata ghwango."³⁰Pepeno vakimba ulwimbo,pe vakavuuka vihuma kunji viluta ku kidunda ikya Miseituni. ³¹ Pe u Yesu akavula avavulanisivua vaake akati,"Ikilo ija musyunghu umue mweni kyamukung'himbila ulwakuva lilembilue mu Malembe aMimike,Nikuntova un'dimi ikipugha ikya ng'olo kipalasana. ³² Neke niliva nisyukile, nilikuvalongolela kuluta ku Galilaya."³³U Peteli akam'buula akati,"Nambe avange vooni vakuleke une naningakuleke nambe padebe." ³⁴U Yesu akamwamula akati,"Kyang'haani nikuvavuula ikilo jijiiji ing'hongove ye jikyale kuvika, uve ghuuva ung'hanile katatu." ³⁵U Peteli akamwamula akati,"Une nanikukuleka lusiku nambe kuuve kwe kufua palikimo nuuve,Nava vavulanisivua avange vooni vakajova vulevule.³⁶Pepano u Yesu akaluta na vavulanisivua vaake pamonga pano pakatambuluagha Getisemani akavula akati,"Mukalaghe bahaapa pano une niluta pala pikufuunya." ³⁷Pe akantoola u Peteli na vaana vavili avakina Sebedaayi akatengula kusukunala na kuhangajika mu mwojo ghwake. ³⁸Akavavuula akati,"Umwojo ghwango ghuli nu lusukunalo ulukome, ghunoghanogha mulwa kufua.Mukale bahaapa muvisaghe maaso palikimo nuune."³⁹Pe pano akaluta pavulongolo padebe akakupama paasi akifuunya akati,"Ghwe Nhaata ghwango, nave lunoghile, ikikombe iki ikya lupumuko kileke kukunyagha.Neke na kwekuuti uvombe mu vughane vwango, looli muvughane vwako." ⁴⁰Pe akagomoka pa vavulanisivua vaake akavona vaghonelile,pe akam'buula u Peteli akati,"Asi,mukuniluebkuuva maaso palikimo nuune nambe kavalilo kamo? ⁴¹Muuve maaso mufunyaghe kuuti ingelo sileke kukuvalema.Umwojo ghutavwile, neke um'bili n'dwesi."⁴²Akaluta kange ulwa vuvili akifuunya akati,"Ghwe Nhaata,nave ulupumuko ulu nalunoghile kuvusivua kulyune luvombeke mu vughane vwako." ⁴³Pe akagomoka kange,akavona vaghonelile ulwakuva vaale ni tulu nyinga. ⁴⁴Apuo pe akavaleka akaluta kange, kukufuunya ulwa vutatu ye ikufunya akajova amasio ghalaghala.⁴⁵Pepano akagomoka ku vavulanisivua vaake akavavuula akati,''Mujiighe mufighona na kupuuma?Lolagha, unsiki ghufikile, ghuno une ne Mwana ghwa Muunhu nivikua mu mavoko gha vahosi. ⁴⁶Ima,tulutaghe.Lolagha unya kunyohela ali piipi."⁴⁷U Yesu ye ajighe ijova, navo u Yuda umo mu vavulanisivua vaake kijigho na vavili, akafika ni lipugha ilivaha vakolile ibamba ni mbuda.Avaanhu avuo valyasung'hilue na vavaha va vatekesi na vagoyo. ⁴⁸U Yuda umwolesi alyavavulile ng'hani avaanhu vala ikivalilo ikya kummanya u Yesu akati,'Juno kyanikunnonela, ujuo iiva ghwe mwene. munkolaghe.⁴⁹Ye vafikile u Yuda akaluta pa Yesu akajova akati,"M'bulanisi,ughonile Pe aknonela. ⁵⁰U Yesu akam'bula akati,"Nyalukolo,vomba sino ukisisie."Pe avaanhu vala vakamkola u Yesu na kukumpinya.⁵¹Umuunhu jumonga mu vano valyale lumo nu Yesu, akasomola ibamba, akantova unkami ughwa ntekesi um'baha, akan'dumula imbughulutu. Neke u Yesu akam'bula ⁵²akati,Gomosia ibamba jaako mu nyambe jaake, ulwakuuva umuunhu ghweni juno ilwila ibamba ibudua ni bamba. ⁵³Asi musagha kuuti une nikunilue kusuuma ulutango kwa Nhaata ghwango neke umwene asuung'he avanyamola vaake avasikali unsiki ghughuo amapugha kukila kijigho na ghavili? ⁵⁴Lino,nave nivombe uluo aMalembe aMimike ghano ghalembilue kuuti isi sinoghile kuvombeka mu sila iji ghaale ghikwilanisivua ndaani?⁵⁵Pe akavavuula avaanhu vala vano visile kukunkola akati,"Mwisile ni bamba ni mbunda kukung'ola une hwene nili mhijim'budi?Ongo jaatu navisagha numue nivulanisia mu nyumba inyimike ija kufunyila namwang'olagha!⁵⁶ Isi sooni sihumila kukwilanisia sino silyajovilue na vavili mu Malembe aMimike."Pe avavulanisivua vaake vooni vakamuleka u Yesu vakakimbila.⁵⁷Pepano ilipugha lila likankola u Yesu likantwala kwa ntekesi um'baha u Kayafa,Ukuo kwe kuno valyakong'hanile avavulanisi va ndaghilo isa Moose na vagoyo. ⁵⁸U peteli akava ikum'bingilila u Yesu pa vutali kuhanga akafika pa luviika ulwa nyumba ija ntekesi um'baha.Pe akingila munkate akikala palikimo na vasikali avaloleli kuuti alole kino kihumila kwa Yesu.⁵⁹Pepano avavaha va vatekesi ni kipugha kya valongosi va Vayahudi vakava vilonda uvwolesi uvwa vudesi vwimila u Yesu kuuti vam'bude. ⁶⁰Napano avaanhu vinga, vakalutile kukwoleka isa vudesi neke navakaluvona lumonga luno lukwiting'hana.Pambele vakiisa avolesi vavili vakati. ⁶¹Umuunhu uju alyatiile,"Une niliningufu isa kumemula inyumba inyimike ija Nguluve na kujenga kange mu fighono fitatu."'⁶²Pepano untekesi um'baha akiima akam'buula uYesu akati,"Kiki naghukwamula nambe lisio?Avaanhu ava vikwoleka kiki vwimila uve?" ⁶³Umwene akajika.Pe untekesi um'baha jula akam'bula kange akati,"Nikukuvuula mu litavua lya Nguluve juno mwumi utuvuule nave veeve Kilisite,uMwana ghwa Nguluve." ⁶⁴U Yesu akamwamula akati,"Uve ujovile.Nekennikuvavuula kuuti kutengulila lino mulambona ne Mwana ghwa Muunhu nitemile palikimo nhu Nguluve unya ngufu nikwisa mu mafunde kuhuma kukyanya.⁶⁵Untekesi um'baha ye apulike amasio aghuo akakalala akademula umwenda ghwake iiti,"Ikumuligha kyongo u Nguluve!Lino pe mulonda vwakiki uvwolesi uvunge?Mupulike vule ikumuligha u Nguluve. ⁶⁶Mwiiti ndani umuunhu uju?Aveene vakati,"Anoghile kubudua."⁶⁷Pe vakatengula kukumfunyila amati ku maaso vikuntova ni mbuli.Avange vakava vitova na mapu. ⁶⁸Kumo viiti,"Ghwe Kilisite,vila ghwe veeni juno akutovile?"⁶⁹Unsik ughuo u Peteli alikalile kunji ku luviika,pe um'bombi jumonga umhinja akaveela pa Peteli akam'buula akati,"Na juuve uveele lumo nu Yesu ughwa ku Galilaya." ⁷⁰U Peteli akakaana pamaaso gha vala vooni akati,Nanikagwile sino ghujova."⁷¹Pe akavuuka pala akaluta kunji ku mulyango ughwa luviika,"Um'bombi ujunge umhinja akamwagha akavavuula avaanhu vano pwevalyale pala akati,"Umuunhu uhu aveele lumo nu Yesu ughwa ku Nasaleti." ⁷²U Peteli akakaana kange akajiigha akati,"Nijiigha kuuti nanimanyile umuunhu ujuo."⁷³Unsiki n'debe vuvule avaanhu vano vakimile pala vakam'belelela u Peteli vakam'buula vakati,"Kyang,hani uve uli umo nu vala ulwakuva nambe injovele jaako jivoneka kuuti uli ghwa ku Galilaya." ⁷⁴Peteli akakaana akajiigha akati,''Nave nijovile uvudesi nighunwaghe,"Nanimanyile umuunhu ujuo,"Unsiki ghughuo ing'hongove jikavika. ⁷⁵Apuo u Peteli akakumbuka ilisio lino u Yesu am'buula kuuti,"Ing'hongove ye jikyale kuvika ghuuva ung'hanile katatu,"Pe akahuma kunji akatengula pilila kyongo.

¹Pambele, avafalisayi na vavulanisi va ndaghilo vamonga kuhuma ku Yelusalemu vakakong'haana pa Yesu.²Vakavaagha avavulanisivua vamonga vilia na mavoko amalamafu, kwekuti kisila kwogha amavoko mu lwiho. ³Ulwakuva aVyahudi vooni, kyongo aVafalisayi, nakalisagha kisila kwogha amavoko ndavule lwale lwiho lwa vakuulu vaave. ⁴Kange umuunhu pano amumile ku lighulilo, naalyanoghiile kulia kisila kwogha amavoko. Nisingi nyinga sino valyupiile, ndavule isa kusuka ifikombe, ifivughaana ni fingi⁵Pepano aVafalisayi na vavulanisi va ndaghilo vakamposia uYesu vakati, "Kiki avavulanisivua vaako navivingilila inyiiho isa vakuulu viitu, pano vilia na mavoko amalamafu? "⁶UYesu akavamula, akati, "Umue mwe vakedusi! Unguluve kukilila um'bili uYesaya alyajovile se sene vwimila umue, ndavule lilembilue, 'Avaanhu ava vikungina

¹Ikighono ikingi, ilipugha lya vaanhu likakong'haana kange. Avaanhu avuo ye vikalile nu Yesu ifighono fitatu, vakava vasila kyakulia. Pepano uYesu akavakemeela avavulanisivua vaake akati, ²"Nikuvavonela ikisa avaanhu ava, ulkuwakuva vikalile nuune ifighono fitatu, lino vasila kyakulia. ³Ningavatavule kuuti vavujaghe kisila kulia, kyavitegha mu sila , kange vomonga vihuma kutali." ⁴Avavulanisivua vaake akati, "Ghihuma kuughi amakate pa lunyika apa pavulisila kimonga, neke vakwile avaanhu vooni ava!"⁵UYesu akavaposia akati, "Muli na makate ghalingi?" Vakamwamula vakati, "Ghali lekelalubale." ⁶Pepano uYesu akavavuula avanuuhu kuuti vikale paasi. Akamenyulania, pe akava ikuvapeela avavulanisivua vaake, neke voope vakava vikuvaghavila avaanhu vooni.⁷Kange vaale ni usamaki udebe. UYesu akafifuunya, akavavuula avavulanisivua, vaake kuuti lyope vavaghavile avaanhu. ⁸Avaanhu vakalia, valikuta. Avavulanivua vakakon'hania ifisighasi, fikamema indiilo lekelalubale. ⁹Avaanhu vano valyaliile valyale imbilima inendiliki. UYesu akavahwesia, ¹⁰akavavuuka akapanda ingalava palikimo na vavulanisivua vaake, akaluta imbale isa ku Dalumanuta.¹¹Ye vafikile ukuo, aVafalisayi vakamulutila uYesu, vakatengula kukumposia kukumughela kuuti, avahufie ikivakilo kino kivonia kuuti asung'hile nu Nguluve. ¹²UYesu akasukunala, pe akajova akati, "Kiki avaanhu va kisina iki vilonda ikivalilo? Kyang'ahhani nikuvauula, nakilapelua ikivalilo." ¹³Akavaleka, akapanda kange ingalava, akatengula kulovoka mu lisumbe iluta imwambo ijingi.¹⁴Ye vilovoka, avavulanisivua vaake vakasyemua kutoola amakate, looli mweghulyale unkate ghumo mu ngalaav. ¹⁵UYesu akavapavla akati, "Nikuvavuula kuuti mughelaghe ni kilule ikya Vafalisayi ni kya ntwa uHelode."¹⁶Avavulanisivua vaake vakatengula piposania veene piiti, uYesu ijova ndiliki ulwakuva vasila makate. ¹⁷UYesu akasikagula sino vakava vijova akati, "Kiki mukaning'hana jumue mwiti muli vasila makate? Mujiinge namukulutang'hania kiki namuli vangufi kukwitika mu moojo ghiinu?¹⁸Muli na maaso neke namulola? Kange muli ni mbulughutu neke nampulika? Namukumbuka, ¹⁹unsiki ghula ye nimenyulania amakate ghahaano, vakalia avaanhu imbilima inhaano, mukakong'hania ifisighasi indiiilo ilingi?" Vkati, "Indiilo kijigho ni vili."²⁰"Nambe ye nimenyulania amakate lekelalubale, vakalia avaanhu imbilima ine, mukakong'hania ifisighasi indiilo ilingi?" vakati, "Lekelalubale." ²¹Akavaposia akati, "Mujiighe namukulutang'hania?"²²UYesu na vavulanisuvua vaake vakafika ku Betisaida, pepano avaanhu vakumuletela umuunhu um'bofu, maaso, vakampelepesia amwabasie neke asooke. ²³UYesu akankola uluvoko um'bofu jula, akahuma naghwope mu kikaaja kila. Akamfunyila amati mu maaso, neke akaviika mavoko ghaake pa mwene, akamposia akati, "Ukukyaga kimonga?"²⁴Um'bofufu jula akalola, akati, "Nikuvaagha avaanhu, neke vivoneke hwene mapiki ghighenda!" ²⁵UYesu akagomokela kuviika amavoko ghaake pa maaso gha m'bofu. vunofu ifiinu fyoni. ²⁶UYesu ye ikuntavula avujaghe akati, "Ulekaghe kugomamoka ku Betisaida."²⁷UYesu na vavulanisivivua vaake, vakavuuka viluta mu fikaajo fino filyale piipi ni likaaja lya Kaisalia-Filipi. Ye vali mu sila akavaposia akati, "Avaanhu viiti une neene veeni?" ²⁸Vakamwamula vakati, "Vamo viiti veeve Yohani uMwofughi, vamonga viiti veeve m'bili uEliya, avange viiti umo muvavili avalongosi."²⁹Akavaposia akati, "Umue mwiti neene veeni?" Upeteli akamwamula akati, "Uve veeve Kilisite." ³⁰UYesu akavavuula kuuti navangam'bulaghe muunhu imhola iji.³¹Pepano akatengula kukuvavulanisia avavulanisivua vaake kuuti, "Lunoghiile une Mwana ghwa Muunhu kuuva ni mhumuko nyinga na kukunua na vagojo na vatekesi na vavulanisi va ndaghilo na kubudua, neke ikighono ikya vutatu nisyuka." ³²Uyesu akajova amasio aghuo kisila kufisa. Pepano uPeteli akaluta nagwhope palubale, akatengula kukun'dalikila kuuti isio nasingawaghe.³³Apuo uYesu akasyetuka, akavalola avavulanisivua vaake, pe akan'dalikila uPeteli akati, "Vuuka apa ghwe setano uve, amasaaghe ghaako nagha Nguluve ulwene masaaghe gha vaanhu." ³⁴UYesu akakemeela ilipugha ilya vaanhu na vavulanisivua vaake, akavavuula akati "Umeenhu juno ilonda kukumbingilila une, avuleke uvughane vwake, itavule ambingilaghe nambe kuuve kwe kufua.³⁵ULwakuva umuunhu juno ilonda kupoka uvwumi vwake , ujuo ikwambusia, looli juno ikwambusia uvwumi vwake vwimila une ni Mhola iNofu, ujuo ikuvupoka. ³⁶Lino, umuunhu ndepoonu ivumbulila kiki kuuva nu vumofu vwoni uvwa iisi, neke ambusie uvwumi vwake? ³⁷Nambe umuunhu ahumie kikim apyanisie pa vwumi vwake?³⁸Umuunhu ghweni anang'haane une ni mbulanisio sango pa vaanhu va kisina iki ikihosia kino nakikum'bikila mwojo uNguluve, na juune ne Mwana ghwa Muunhu, nilaava nikwisa mu vuvaha vwa Nhaata palikimo na vanyamhola avimike, nilankaana umuunhu ujuo."

¹UYesu akajova akati, "Kyang'haani nikuvavuula, vamonga nkate mulyumue mwe vano muli apa, navalafua kuhanga pano vikuvwagha uvutwa vwa Nguluve vwisile ni ngufu." ²Ye fikilile ifighono ntanda, uYesu akavatoola uPeteli, uYakovo nu Yohani. Akaluta navoope ku kidunda ikitali, vakijekela, vakava veene. Ye vali pala, uYesu akanduka pamaaso ghaave, ³nagha menda ghaake ghakava ghivalatika, mavalafu kyongo, nakwale unsukamenda pa iisi apa, juno ndepoonu ivalasia endendiiki.⁴Pe vakasetuka avavili avalongosi uEliya nu Moose, vijova nu Yesu. ⁵Pepano uPeteli akam'buula u Yesu akati, "M'bulanisi, linono usue tukalaghe bahaapa. Lino, tujenge ifyeve fitatu: kimo kiive kyako, kimonga kya Moose, ikingi kiive kya Eliya" ⁶UPeteli nalyalutang'hinie ajove kiki, ulwakuva umwene na vanine vaale nu ludwesi.⁷Pepano likiisa ilifunde likavakupikila, likapulikika ilisio kuhuma mu lifunde liiti, "Uju ghwe Mwanango umughanike, mumpulikilasyaghe umwene!" ⁸Nakalingi vakolola kuno kuno na kuno navakamwagha umuunhu ujunge, looli ju Yesu mwene.⁹Ye vali mu kidunda vikwika, uYesu akavakaana avavulanisivua vaake vala kuuti, navangampangilaghe nambe muunhu sino vasivwene, kuhanga umwene uMwana ghwa Muunhu alaava asyukile kuhuma ku vafue. ¹⁰Aveene vakaligada ilisio linoajovileuayaesu, kumo vakiposaniagha veene viiti, "Kusyuka ukuo kwekuti kiki?"¹¹Pepano vakamposia uYesu vakati, "Ongo avavulanisi va ndaghilo sa Moose viiti aliisa taasi uEliya, uKilisite ye akyale kuwkisa?" ¹²UYesu akavamula akati, "Se seene, aliisa taasi uEliya, kuuti aling'hanie vunono sooni. kange nalilembilue mu Malembe aMimike kuuti, une ne Mwana ghwa Muunhu nilapmusivua kyongo na kubedua? ¹³Lino nikuvavuula niiti, uEliya alisile, neke avaanhu vakam'bombela sino vakighanile aveene, ndavule lilembilue vwimila umwene."¹⁴ye vifika, vakavaagha avavulanisivua avange vikaning'hana na vavulanisi va ndaghilo, vasyungutilue ni lipugha ilya vaanhu. ¹⁵Avaanhu vala ye vikum'bona uYesu vakadegha kyongo, vakaguuna kwa mwene, vakamhungila. ¹⁶Uyesu akavaposia akati, "Mukaning'hana kiki"¹⁷Jumonga nkate mu Kipugha, akamula akati, "Ghwe M'bulanisi,nimuletile umwanango kulyuve, ali lipepo lino likumpelela kuuva kinuunu. ¹⁸Jaatu pano lim'bwene likumughwisa paasilikumpelela ahumyaghe ilitotofulo mu mulomo na kughwenula amiino, neke um'bili ghuswatuka.Navasuuma avavulanisivua vaako valihumie, vakunua." ¹⁹Neke uYesu akavavuula akati, " Mwe kisina ikisina ikisila lwitiko! Nikalile numue unsiki ghwoni ughu, mukyale kukunhang'ania? Nikale ndaani numue? Muleete kulyune!"²⁰Vakam'besia kwa Yesu. Pe ilipepo lila likamughwisia paasi unsoleka jula, akasaghalatagha na kuhumia ilitotofulo mu mulomo. ²¹Pepano uYesu akamposia uviise akati, "Ulu lulyamwandile lighi?" Akamwamula akati, "Kuhuma pa vwana. ²²Kekinga lintupiike pa mwoto, pamonga likuntaangha mu malenga, Uvufumbue vwake lim'bude. ghwe Yesu, lino nave uli ngufu kuvomba lumonga, sivuo utusungukile, ututange.²³" UYesu akamwamula akati, "Ghwire nave nili ni ghufu kuvoma lumonga! Sooni sivobeka kwa muunhu unya lwitiko." ²⁴Apuo unya mwana jula akajova fiijo." ²⁵UYesu ye ilola ilipugha ivona avaanhu vifikwongelela, pepano akalidalikila ilipepo iliamafu akati, "Ghwe lipepo ghw ukumpelela umwana uju kuuva kinuunu na mapule, nikukuvuula niiti, huma mwa muunhu uju nungamwingilaghe kange!²⁶Neke ilipepo ilio likakoola, likansukania kyongo, pe likahuma. Unsleke jula akahwana mfimba, vamona vakati, "Afwile!" ²⁷Pepano uYesu akankola uluvoko, akamwinula unsokela jula, akiima.²⁸UYesu akingingila mu nyumba, avavulanisivua avaake ye vijekiile naghwope, vakamposia vakati, "Ongo usue tuveele tukunilue kukulidaga ilipepo lila?" ²⁹UYesuakavamula akati, "Amapepo ndavule agha naghihuma vule vule, looli lulufuunyo lwene."³⁰UYesu na vavulanisivua v, ulwakuva akavavulanisia aake, vakavuuka viluta kukilila ku Galilaya. Neke uYesu anakalagha umunhuu ujunge akagule pano pwale , ³¹ulwakuva akava ikuvavulanisia avavulanisivua vaake kuuti, "Une ne Mwana ghwa Muuunhu nitapivikua mu mavoko gha vaanhu vano kyavikumbuda, neke ikighono ikya vutatu nisyuka." ³²Avavulanisivua vaake navakalutang'hania luno ijova, vakoghopa kukumposia.³³UYesu na vavulanisivua vaake ye vali mu sila, avavulanisivua vakava vikaning'hana. Vakafika mu likaaja ilya Kapelenaumu. Ye vingiile mu nyumba, Yesu akavvaposia akati, "Muveele mukaning'hana kiki ye muli mu sila? ³⁴Aveene vakajika kihihe, ulwakuva vakakaning'hanagha kuuti ghwe veeni vakajika kimihe, ulwakuva vakakaning'hanagha kuuti ghwe veeni um'baha nkkate mu veene. ³⁵UYesu ye ikallile, akavakemeela vala kijigho na vavili akavavuula akati "Umuunhu juno ilonda kuuva ghwa kwanda avisaghe ghwa vusililo, kange m'bombi ghwa vooni."³⁶Pepano akantoola umwana un'debe, akam'biika pakate, akamughumbatila, neke akavavuula akati, ³⁷"Umuunhu juno ikumwupila umwana ndavule uju mu vughane veagho, ikunyupila une. Kange juno ikunyupila une, naiiva anyupiile, looli iiva amwupiile naju Nhaata juno asung'hile."³⁸jumonga idagha amapeo mu litavua lyako, neke usue twankaana ulwakuva naghwa kipugha kiitu." ³⁹UYesu akati "Namungankanaghe, ulwakuva nakwale jun ivomba ifidegho mu litavua lyango, neke kange anjove fivi une.⁴⁰Umuunhu ghweni juno namulugu ghwitu, ali lubale lwitu. ⁴¹Kange Umuunhu ghweni juno kuvapeela nambe utulenga, ulwakuva muli vaanhu va Kilisite, kyang'haani nikuvuvavuula, uNguluve nangaleke kukumpeela.⁴²UYesu akajova kange akati, "Umuunhu juno ikumwambusia kuvomba inyivi jumonga mu vadebe ava vano vikunyitika une, lwale luuva kuba kwa muunhu ujuo kupinyilisivua ulwa ku singo na kutaghua pa kyogho munyanja. ⁴³Uluvoko lwako lungakwambusie, dumula. Yekuba kukwingila ku vwumi ni Lukovo lumo kukila kujigha na mavoko ghe ghaviili neke ulete ku lupumuko lwa mwoto ghuno naghusima lusiku. ⁴⁴Muno amang'onyo ghaake naghifua, nambe umwoto naghusima.⁴⁵Nalu lughulu lukakwambusie, dumula. Yekuba kukwingilia ku vwumi uli mulema kukila kujigha na maghulu ghe ghaviili neke utaghue ku lupumuko lwa mwoto ghuno naghusima lusiku. ⁴⁶Muno amango'nyo ghaake naghifua, nambe naghumwoto naghusima.⁴⁷Kange iilisio lyako lingakwambusie, ng'omotola, utaaghe. Yekuba kukwingilia ku vutwa vwa Nguluve ni liiso limo kukila kujigha na maaso ghe ghavili neke utaghue ku lupumuko lwa mwoto ghuno naghusima lusiku, ⁴⁸Muno 'amang'onyo ghaake naghifua, nambe naghumwoto naghusima.⁴⁹"Avaanhu vooni vilivalasivua nu mwoto, ndavule ilitekelo vule livalasivua nu mwinyo. ⁵⁰Umwinyo mnofu, leelo nave ghusupuke lwoni, uviike kiki neke ghukolele?Muvisaghe nu mwinyo nkate mulyumue, mukalaghe nu lutrngaano."

¹UYesu akavuuka iluta ku kighavo ikya Yudea, kukilila imwambo ija kikogha kya Yolidani. Amapugha gha vaanhu ghakava ghiluta kange kwa mwene, pe akavavulanisyagha ndavule lwale lwiho lwake. ²Pepano aVafalisayi vamonga vakaluta kukumughela, vakamposia vakati, "Asi, lukwitikisivua mu ndaghilo siitu umughoosi kukuntavula un'dala ghwake?" ³UYesu akavaposia akati, "UMoose alyavalaghilike kiki?" ⁴Vakamwamula vakati, "UMoose alyitikisie kulemba ikalata ija kutavula un'dala na kukumuleka⁵UYesu akavavuula akati, "UMoose alyavalembiile ululaghilo uluo, ulwakuva namupulika mu sino muvulanisivua. ⁶Kuhuma uNguluve ipela iisi , ''Alyapelile umughoosi nu n'dala.'⁷Mu uluo umuunhu ikumuleka uviise nu ng'ina, neke ivisagha nu n'dala ghwake, ⁸vavili ava viiva m'bili ghumo.' Apuo naviiva vavili kange, looli viiva m'bili ghumo. ⁹Lino, kino uNguluve alungile, umuunhu nangalekanisyaghe."¹⁰Ye vingiile kange mu nyumba, avavulanisivua vaake vakamposia imhola ija lisio ilio. ¹¹UYesu akavamula akati, "'Umuunhu ghweni juno itavula un'dala na kutoola ujunge, iiva m'bwafu amhokile un'dala ghwake untasi. ¹²Ghwope un'dala angamuleke umughoosi na kutolua kwa junge, ghwope iiva m'bwafu."¹³Avaanhu vakamuletela uYesu avaana avadebe avabasie kuuti avafuunye, neke avavulanisivua vaake vakavadalikila avaanhu vala. ¹⁴UYesu ye aluvwene uluo, akakalala, akavavuula avavuulanisivua vaake akati, "Muvaleke avaana avadebe visaghe kulyune. namungavasighaghe' ulwakuva uvutwa vwa Nguluve vwa vaanhu vano vali ndavule avaana ava.¹⁵Kyang'haani nikuvavuula niiti, umuunhu ghweni juno naikumwitika uNguluve ndavule umwana un'debe, naalingila mu vutwa vwa Nguluve." ¹⁶Pe akava ikuvaghumbatila avaana vala, akaviika amavoko ghaake pa veene kukuvafuunya.¹⁷UYesu ye ivuuka iluta, umuunhu jumonga akiisa luvilo, akafughama pa mwene Yesu, akamposia akati, "Ghwe M'bulanisi ghwe nnofu, nivombe kiki neke niive nu vwumi uvwa kuvusila kusila?" ¹⁸UYesu akamwamula akati, "Kki kukunhambula kuuti nili nnofu? Nakwale unnofu, looli ju Nguluve mwene. ¹⁹Usimanyile indaghilo isa Nguluve:' Nungabudaghe, nungavwafukaghe, nungahijaghe, nungolekaghe isa vudesi, nungasyangaghe, umwoghopaghe, umwoghopaghe uvaaso nu mamaajo."²⁰Umuunhu jula akamwamula akati' "M'bulanisi, isio sooni nisigadiliile kuhuma uvwana vwango." ²¹UYesu akamulola, akamughana, akam'buula akati, "Ghwaghilue ikiinu kimo. Ulute ughusie fyoni fino uli nafyo, neke indalama sino upatile uvapeele avakotofu. Apuo pe ghuuva ni kyuma kukyanya. Pepan ghwisaghe umbingililaghe." ²²Umuunhu jula ye apuliike isio, akiluka ku maaso, akavuuka asukuniile, ulwakuva akasaghagha ulwa kutavula ikyuma kyake kino kyale kinga.²³UYesu akalola imbale sooni, akavavuula avavulanisivua vaake akati, "LUtalamu kyongo avanya kyuma kukwingila mu vutwa vwa Nguluve!" ²⁴Avavulanisivua vakadegha amasioghaake. UYesu akavavuula kange akati, "Vanango, lutalamu kyongo kukwingilila ku vutwa vwa Nguluve! ²⁵Kihuugu ingamila pikila pa kalyoli ka honelo, Kkila ummofu kukwingila mu vutwa vwa Nguluve"²⁶Avavulanisivua vaake vakadegha kyogo, vakiposania vakati, "Pe veeni lino juno anoghiile kupokua? ²⁷UYesu akavalola akati, " Ku vaannhu lutalamu, neke kwa Nguluve sooni sivombeka." ²⁸Upeteli akam'buula akati, " loola, usue tufilekile fyoni, tutukuvingilila uve."²⁹UYesu akati, Kyang'haani nikuvavuula, umuunhu juno ajilekile inyumba, nambe avanine, nambe avalumbu, nambe ung'ina, nambe uviise, nambe avaana, nambe amaghunda vwimila une ni Mhola iNofu, ³⁰ujuo mu masiki agha pelua figha kukila fino afilekile. pelua inyumba, avanine, na valumbu, nu ng'ina na vaana na maghunda. Nasi mhumuko sikumwaghagha. Kange unsiki ghuno ghukwisa alapelua uvwumi uvwa kuvusila kusila. ³¹Neke vinga vano va kwanda valaaava va vusililo, ava vusililo valaava vakwanda.³²UYesu na vavulanisivua vaake valyale mu sila vifiluta ku Yelusalemu. UYesu akava ikuvalongolela. Avavulanisua vaake vakadegha, nava vaanhu vano vakavigisaniagha vakoghopa. Pepano UYesu akavatoola kange vala kjigho na vavili, akaluta navoope palubale, akatengula pikuvavuula sino kyaivombelua. ³³Akati, "Lolagha! Taluta ku Yelusalemu, ukuo une ne Mwa ghwa Muunhu niluta Kukwohehelua ku vavaha va vatekesi na vavulanisi va ndaghilo. Aveene kyavikuhigha kuuti nibududue. kange kyavikumbiika mu mavoko gha vano na Vayahudii, ³⁴voope vikunyovelegha, vikufunyilagha amati, vikung'hopagha ni mijeledi na kukumbunda. neke ikighono ikya vutatu nisyuka.³⁵Pepano avakina Sebedaayi uYakovo nu Yohani, vakaluta kwa yesu vakati, "m'bulanisi, tusuuma utuvombele luno tulodonda." ³⁶UYesu akavaposia akati, "Mulonda nivavombele kiki? ³⁷Vakamwamula vakati, "Ghuliiva ghutema mu vuvaha vwako, tusuuma na jusue tuvisaghe nuuvu, jumo ilake ulubale lwako ilwa kundio, ujunge ulwa kung'highi."³⁸UYesu akavavuula akati, "Namukagwile luno musuuma. Ndepoonu mutavwile ulwa vufue luno nikwofughua une?" ³⁹Vakamwamula vakati, " Eena, tunoghiliile." UYesu akavavuula akati, "Isila ija lupumuko jino nikilila une. ⁴⁰Neke kukuvapeela kuuva nuune mu vuvaha vwago, jumo kundio jughe kung'highi kulyune, navutavulilua vwango. Looli uNhaata ghwango ghwe juno alavapeela vano avaling'hanikisie ng'haani."⁴¹Avavulanisivua avange kijigho ye vapuliike iso, vatatengula kukunkalalila uYakovo nu Yohani. ⁴²Pepano u Yesu akavakemeela vooni, akavavuula akati, "Mukagwile kuuti avatwa va iisi vitema avaanhu vaave ni ngufu. kange vihufia ingufu isa vutavulilua vwave ku vavanda neke vavakundaghe mu sooni.⁴³Neke kulyumue nafye lungavisaghe. looli umuunhu juno ilonda kuuva m'baha ujuo avisaghe m'bombi ghwinu. ⁴⁴Naju muunhu juno ilonda kuuva mulongosi, avisaghe nkami ghwa vooni. ⁴⁵Na juune ne Mwana ghwa Muunhu nanilisile kuvombelua, looli nilisile kukuvavombela avange na kuhumia uvwumi vwango kuuti nivavange vinga."⁴⁶Pepano uYesu na vavulanisivua vaake vakafika mu likaaja ilya Yeliko Pambele ye vihuma palikimo ni lipugha lya vaanhu mu likaaja ilio, vakamwagha um'bofu ujuo akasumagha ifiinu. Ikighono iko, alikalile palubale pa sila. ⁴⁷Ye apuliike kuuti ghwe Yesu uMunasaleti ikila mu sila jila, akatengula pikemeela fiijo akati, "Ghwe Yesu Mwana ghwa David, usungukile!" ⁴⁸Avaanhu vinga vakava vikun'dalikila na kukum'buula kuuti ajike, neke umwene akaghina kukemeela fiijo akati, "Ghwe mwana ghwa Dvidi, usungukile!"⁴⁹UYesu akiima akati, "Munkemeela um'bofu jula vakati, "Ghukangasasyaghe, ima, ikukukemeela." ⁵⁰Pepano akataagha umwenda ghwake, akiimang'haning'haani iluta kwa Yesu.⁵¹UYesu akamposia akati, "Ghulonda nikuvombele kiki? Um'bofu jula akati, "M'bulanisi, nililonda nilolaghe." ⁵²UYesu akam'buula akati, "Lutagha, usokile vwimila ulwitiko lwako./' Unsiki ghunghuo um'bofu jula akalolagha, kama'bingilila uYesu mu sila.

¹UYesu na vavulanisivua vaake vakava piipi kufika ku likaaja ilya Yelusalemu, ulubale ulwa kikaaja ikya Betifage ni kya Betania, piipi ni kidunda ikya Miseituni. Pepano akavasuung'ha vavili nkate mu vavulanisivua vaake, ²akati, "Mulute mu Kikaaja kino kili kuvulongolo Kulyumue. Kyamukwingila mu kikaaja ikio, mukujaagha inyaana ja dogovi jikungilue. Idogovi ijio, nambe muunhu naangalile kukujangangalila. Ijio mwavule muleete. ³Umuunhu angavaposie kuutu kiki muvomba uluo, mutisaghe, uMutwa ali nu vufumbue najo, igomosia unsiki n'debe vuvule."⁴Avavulanisivua vala vakajaagha inyaana ija dogovi, jikungilue pa nyumba jino jaale mulubale mu nsevo, pe vakajavula. ⁵Avaanhu vamonga vano valyale piipi vakavaposia vakati,"Kiki mukujavula inyaana ja dogovi?'' ⁶Pepano avavulanisivua vakamula ndavule eveele avalaghiile uYesu. Avaanhu vala vakavaleka viluta najoope.⁷Vakantwalila uYesu inyaana ja dogovi, pe vakatandika amenda ghaave pa dogovi, neke uYesu aakngalila. ⁸Avaanhuvinga vakava vitandika amenda ghaave mu nsevo, vamonga vakatandikagha amataafi ghano vadenyile mu mapiki ghano ghaale mu maghunda. ⁹Avaanhu vooni vano valyalongwile na vano valyale mumbele vakava ni njegheelo ija lukeelo viiti, "Aghinwaghe! Afunyilue juno ikwisa mu litavua lya Mutwa uNguluve! ¹⁰Vufunyilue uvutwa vuno vukwisa, ndavule vwale uvutwa vwa nhaata ghwitu uDavidi! Aghinwaghe uNguluve kukyanya!¹¹uYesu akafika mu likaaja ilya Yelusalemu, akingila mu nyumba inyimike ija kufunyila. Pe akolola vunofu iffimu fyoni. Ulwakuva jilyale vwilile, akaluta ku Betania palikimo na vavulanisivua vaake kijigho na vavili. ¹²Palwakilo ye vahumile ku Betania viluta ku Yelusalemu, uYesu jikam'bava injala.¹³Akaghuvona umpiki untini pa vutali ghuli na matundu minga. Akaveela kuuti pamo alakivona ikipeke, mu mpiki ghula. Neke ye afikile,nakakyagha nambe kipeke, akavona ghali gha matundu gheene, ulwakuva naghwale nsiki ghwa kukoma ifipeke. ¹⁴uYesu akaghuvuula almpiki ghula akati, "Kuhuma umusyughu umuuunhu ghweni naalalia lusiku ikipeke mulyuve." Avavulanisivua vaake vakapulika sino ajovile.¹⁵Ye vafikile mu Yelusalemu, uYesu akingila mu luviika ulwa nyumba inyimike ija kufunyila, akatengula kukuvadaga vano vananiagha indalama ni fitego ifya vaghusia ng'hunda. ¹⁶Nakamwitikisyagha nambe jumo lukila ni kitwalo mu nyumba inyimike ija kufunyila.¹⁷Pe akavavulanisyagha avaahu akatisagha, " Nalilembilue kuuti, 'Inyumba jango jitambulwagha nyumba ja kufunyila ifisina fyoni? Neke umue muhambwile 'Mhanga ja valyasi!' " ¹⁸Avavaha vatekesi na vavulanisi va ndaghilo, ye vapuliike imhola isio, vakatengula kulonda isila ija kum'buda, ulwakuva vakamwoghopagha pano avaanhu viga vakakelagha imbulanisio saake. ¹⁹Ye vwilile, uYesu na vavulanisivua vaake vakahuma mu likaaja ilya ilya Yulusalemu'²⁰Palwkilo, ye kukiile, avakiile, vakakilila pa mpiki untini ghula, vakavona ghwumile ghwoni kuhuma pa kisikina. ²¹UPeteli akakumbuka isa mpiki untini, pe akati, "Mbulanisi, lola umpiki ghuno ghwaghuna,²²ghwumile!" UYesu akati, "Mumwitikaghe uNguluve. ²³Kyang'haani nikuvuvavuula' umununhu ghweni angati ku kidunda iki, ' kumuka, ghutaaghe mu nyanja,' angave nu lwitiko ulusila nganighani mu mwojo ghwake, na kuhuviila kuuti sino ajovile sijovile sivombeka, ulufuunyo lwake lukwupilua.²⁴"'Mu uluo nikuvavuula kuuti, fyoni fino musuuma pano mukufuunya, muhuvilaghe kuuti mupelilue, ifio fivisagha fiinu. ²⁵Pano mukufuunya, muvusaghilaghe vano vavahokile, pe na jumue uNhaaata ghwinu ughwa kukyanya ikuvapyanilagha uvuhosi vwinu. ²⁶Nave namukuvasaghila avange vano vikuvahoka, naju Nhaata ghwinu ughwa kukyanya naikuvapyanilagha amakole ghiinu."²⁷UYesu na vavulanisivua vaake vakafika kange ku Yelusalemu, vakingila mu nyumba inyimike ija kufunyila. Uyesu ye ighendaghenda mula, avavahava vatekesi na vavulanisi va ndaghilo palikimo na vagoko vakamulutila. ²⁸Vakamposia vakati, "Ghuvomba isi mu vutavulilua vwani?"²⁹UYesu akavavuula akati, "Na juune nikuvaposia lumonga, munganyamule, pe na juune nikuvavuula kuno vuhuma uvutavulilua vuno nivombela isi. ³⁰uvutavulilua vwa Yohani uvwa kwofugha vulyahumile kwani? Vulyahumile kwa Nguluve, ku vaanhu? Munyamule."³¹Pe vakiposaniagha veene viiti, "Tungati, 'Vulyahumile kwa Nguluve,' kyaiti, 'Ongo naamulyamwitiike?' ³²Kange tungati, 'vulyahumile kwa Nguluve,' avaanhu navangitike." Vakoghopa ilipugha ilya vaanhu ulwakuva vooni valyantang'hinie u Yohani kuuti m'bili gwa Nguluve. ³³Pe vakamwamula uYesu vakati, "Natukagwile." Gwhope uYesu akavamula akati, "Na juune nanikuvavuula kuno vuhuma uvutavulilua vuno nivombela isi."

¹UYesu akatengula kujova na valangosi va Vayahudi mu fihwanikiso akati, "Umuunhu jumonga alyalimile umughuda, akavyala isabibu. Akajenga uluvigho kusyuta umughuda ghwoni. Munkate, akajenga apa kuhujila isabibu. Kange akajenga pa vwimo apa kulolelelela umughunda. Akakodesia ku vaanhu umughuda ghula, neke umwene akakyula. ²Ye ghufikile unsiki ughwa kudonola isabibu, akansuung'ha um'bombi ghwake ku vano akakodisie kuuti antolele ilighavo lyake ilya mpeto. ³Ye afikile um'bombi jula, avaanhu vala vakantova na kukumhumia kunji kisila kumpeela kiinu.⁴Akansuung'ha mu'bombi ujunge, ujuo ghwope vakantova, vakamulemasia ku mutu na kukum'bombela sino nasinoghiile. ⁵Unyamughunda jula akansuung'ha kange um'bombi ujunge, ujo ghwe vakam'buda. Alyavasung'haile na vange vinga, vamo vakatovua, avange vakabudua.⁶" Kuvusililo, unya mughuda akasighala nu mwanaake umughahanike. Pe akansuung'ha jujuo akati, 'Umwanango uju, kyavikumwoghopa.' ⁷Neke avaanhu vala ye vamwaghile, vakapulling'hana vakati, 'Uju ghwe unya vuhaasi ghwa mugghuda ughu, tum'bude neke avuhaasi uvu vua vwitu!'⁸Vakankola, vakam'buda, pe vakankwesela kunji kuhuma mu mughunda ghula ughwa sabibu. ⁹"Lino, ndepoonu unya mughunda jula kyaivomba kiki? Ikwisa ikuvabuda avaanhu vala, neke ikodesia ku vaanhu avange umughunda ghula.¹⁰Namuvalile ilisio ili? Lilembilue mu Malembe aMimike kuuti, "Ilivue lino avajengi valyalikanile, lye livue ilivaha ilya pa nguto. ¹¹UMutwa Nguluvi ghwe mwene avombile ili, kange lya kudegha pamaaso ghiitu." ¹²Avavaha va vetekesi, avavulanisi va ndaghilo na vavaha va vaanhu, valyakagwile kuuti mukihwanikiso iko akaava ikio akava ikuvajova aveene, pe vakalondagha isila ija kunkola. Neke ulwakuva vakaghopagha lya vaanhu, vakamuleka, vakavuuka viluta.¹³Pembele avalongosi vala, vakavasuung'ha vamonga mu kipugha ikya Vafalisayi na vavingilili va ntwa uHelode, kuuti valute vamwuvile uYesu mu masio ghano ijova. ¹⁴Vakamulutila vakati, "Ghwe M'bulanisi, tukagwile kuti uve uli muunhu ghwa kyang'hani mu vwakyang'haani sino ilonda uNguluve. Asi, indaghilo sa Moose sikwitikisia kusonga isongo kwa kaisali?" ¹⁵Neke uYesu akakagula uvukedusi vwave, akavavuula akati, "Kiki mukungela? Mundetele ihela nijilole.?¹⁶Vakampeela. Akavoposia akati"Ikihwani nu vulembe fino fili mu hela iji fyani? Vakamwamula vakati, "Fya kaisali." ¹⁷Apuo uYesu akavauula akati, "Ifya kaisali, mumpelaghe uKaisali, ifya Nguluve, uNguluve." Pe vakan'degha kyongo.¹⁸Pambele aVayahudi ava kipugha kya Vasadukayi," vano vaktisagha nakwekule kusyuka avfue, vakaluta kwa Yesu vakamposia vakati, ¹⁹"Gwhe M'bulanisi, uMoose alyatulembiile ululaghilo kuuti, nave umuunhu afwile neke amulekile un'dala kisila mwana , unnie anoghile kuhaala un'dala umwifile kuuti ampapile avaana unyakusila.²⁰Lino , kwevvalyale avavamuunhu lekelalubale. ²¹ughwa kwandaakatoola un'dala, akafua kisila kuleka mwana. Ghwope ughwa vatatu, akafua vule. ²²Kuvusililo vooni lekelalubale vakafuakisilakuleka mwana. Pambele ghwope n'dala umfwile, akafua. ²³Lino, ikighono ikya kusyuka avaanhu vooni, umwifile jula iliiva n'dala ghwani mu vala lekelalubale? Ulwakuva vooni valyantolile."²⁴UYesu akavamula akati, "Umue musovile, namukagwile aMalembe aMimike, nambe ingifu sa Nguluv. ²⁵Avafue valaava visyuka, nakwekulaava kutoola nambe kutolua, viliila ndavule avanyamhola ava kukyanya.²⁶Nguluve ghwa vafue, looli Nguluve ghwa vuumi. Umue musovile kyongo." Muhola ija kusyuka avafue, namuvalile mu kitabu ikya Moose, pala ikihanji ye kiviika? Amaaka minga ye ghakilile kuhuma kufua kwa Abulahamu nu isaka nu Yakovo, uNguluve alyambulile uMoose akati, 'Une neene Nguluve ghwa Abulahamu, Nguluve ghwa Isaka, Nguluve kwa Yakovo.' ²⁷Umwene naNguluve ghwa vafue, looli Nguluve ghwa vuumi. Umue musovile kyongo."²⁸Um'bulanisi jumonga ughwa ndaghilo akafika, akavaagha aVasadukayi vikaning'hana nu Yesu. Ye avwene uYesu ikuvamula vunofu, ghwope akamposia akati, "Mu ndaghilo sooni, ilwe luliku ululaghilo uluvaha?" ²⁹UYesu akamwamula akati, "Ululaghilo uluvaha mu sooni lwe ulu, 'Pulikagha ghwe Isilaeli, uMutwa uNguluve ghwitu ghwe Mutwa jumo mwene. ³⁰umughanaghe uMutwa uNguluve ghwako nu mwonjo ghwako ghwoni, nu luhala lwako lwoni, ni ngifusako sooni. ³¹Ululaghilo ulwa vuvili lwe ulu, 'Umughanaghe unnino ndavule ghukughana juuve. nakwelule ululaghilo ulunge kukila indaghilo.³²Pepano um'bulanisi jula ghwa ndaghilo akati, "Lweli M'bulanisi! Ujovile se seene kuuti, uNguluve ali jumo mwene, nakwale ujunge looli ghwe jujuo. ³³lunoghiile kukumughana umwene nu mwojo ghwoni, nu luhala lwoni, ni ngufu sooni na kukumunagha unuino ndavule ghukughanga juuve. Ulio lwe luvaha kukila ilitekelo lyoni lino litavulua kwa Nguluve." ³⁴UYesu ye avwene um'bulanisi ughwa ndaghilo amwamwile luhala, akam'buula akati, " Nuli patali kukwingila mu vutwa vwa Nguluve," Kuhuma unsiki ughuo, nalyandiile muunhu kukumposia mulwa kuhuma unsiki ughuo, nalyandiile muunhu kukumposia mulwa kumughela.³⁵Uyesu ye ivulanisia ilipugha lya vaanhu mu nyumba inyimike ija Kukufunyila, akavaposia akati, "Lwandaani avavulanisi va ndaghilo viti uIkilisite kina Dvidi? ³⁶Ongo uDavidi jujuo vwimila kulongosivua nu Mhepo uMwimike, alyatiile. 'UMutwa uNguluve alyam'bulile uMutwa ghwango, "Uuve nu vutavulilua palikimo nuune, kuhanga nikutange uvaleme avaako, uvateme." ³⁷Uyesu akafijovogha akatisagha, "UDavidi jujuo ikuntambula uKilisite iiti, 'Mutwa.' Lino, pe uKilisite ivisagha mwanaake ndaani?" Ilipugha ilya vaanhu kikampulikisyagha nu lukeelo.³⁸UYesu mu luvulaniso lwake akati, "Mughelaghe na vavulanisi va ndaghilo vano viiva nu lukeelo kughenda vafwalile isopeka inhali, kuuti avaanhu vavahungilaghe nu vwoghofi mu mapuulo. ³⁹Pano vali mu masinagogi, vilonda kukukala ku fitengo ifya voghopua. ⁴⁰Vikuvafumba avafwile ifiinu fyave, neke mu vukedusi vwave vikufuunya inyifuunyo inhali kuuti vavoneke vagholofu, Avuo, uNguluve ilikuvapeela ulupumuko alukome."⁴¹UYesu ye ali mu nyumba inyimike ija kufunyila, alikalile alungiime ku kyombo ikya kusopela ilitekelo. Apuo akava ilola avaanhu vinga vano vakava vitavula ilitekelo. Avamofu vinga vakatavulangha indalama nyinga. ⁴²Unsiki ughuo akiisa umukijuuva umfwile kange nkotofu, akatavula isendi ivili.⁴³Pepano uYesu akavakemeela avavulanisivua vaake, akavavuula akati, "KYang'haani nikuvavuula, umukijuuva umfwile uju umkotofu atavwile kukila avange vooni vanovasopile. ⁴⁴Ulwakuva avange vooni vatavwile fidebe mu finga fino vali nafyo. Looli umukijuuva uju mu vukotofu vwake, atavwile fyoni fino fya kuntanga mu vwumi vwake,

¹Yesu ye ihuma mu nyumba inyimike ija kufunyila, um`bulanisivua ghwake jumonga akam`buula akati, " M`bulanisi, lola amavue na majumba agha vule ghalivuo!" <sup>2</sup>U Yesu akamwamula akati, " Nikuvavuula niiti, ndavule mukughavona amajumba amakome agha, nalilasighala nambe livue lino lilighelama pa livue ilingi, ulwakuva ghooni ghilihemulua."<sup>3</sup>U yesu akaluta pa kidunda ikya Miseituni, akikala alungiime ku nyumba inyimike ija kufunyila. Apuo uPeteli, u Yakovo, u Yohani nu Ndeleeya, ye vijekiile, vakamposia u Yesu vakati, <sup>4</sup>"Tusuuma utuvuule, isio sino utuvulile silivombeka liighi? kivalilo kiki ikya ktuhufia kuuti unsiki uhgwa kuvombeka isi sooni ghuli piipi?"<sup>5</sup>Pepano u Yesu akavavuula akati, "Muvisaghe maaso, umuunhu nangavasyangaghe, <sup>6</sup>ulwakuva vinga vilikwisa mu litavua lyango, nujunge itisagha, 'Neene kilisite.' avaanhu avuo vilikuvasyannga vinga.<sup>7</sup>Umue mulaava mupulika uvulugu ni njovo saake, mulekaghe pikwoghopa. Ndaluve ndaani isio silivoneka taasi, neke unsiki ughwene ughwa vusililo ghuuva ghukyale. <sup>8</sup>Ifighono ifio iisi iisi jilallwisagha ni iisi ijingi, kange uvutwa kulua nu vutwa kulua nu vutwa uvunge. Imbale ni mbale kwefiliiva ifisenyeena, kwejiliiva injala. Isio sooni vuuva vutengulilo, Ndavule uvuvafi uvwa mukijuuva, pano unsiki ugwa kupaapa umwana ghufikile.<sup>9</sup>Neke umue muvisaghe maaso, ulwakuva vilikuvutwala pa vuhighi na mu masinagogi, vilikuvatova. kange vilikuvatwala pa vanjagila na pa vatwa, ulkwakuva mukumbingilila une. Ughuo ghuuva ghwe nsiki ughwa kwoleka ulwitiko lwinu ku veene. <sup>10</sup>Imhola inofu umpaka jipulisivue mu iisi sooni, uvusilio ye vukyale kufika.<sup>11</sup>" Pano viliiva vavakolile na kukuvatwala pa vuhingi, namungasaghaghe kuuti kyamujova kiki, umue mujovaghe kino mupelua unsikki ughuo. Ulwakuva namwmue muuva mujova, looli iiva ghwe uMwimike. <sup>12</sup>Umuunhu ikumwohelagha unnine ku vanya vutavulilua kuuti abudue. Uviise ikumwohegha, voope avaana vikuvagalukilagha avapaafi vaave kuuti vabudue. <sup>13</sup>Avaanhu vooni vilikuvakalilagha ulwakuva mukumbingilila une. Neke juno ikuguda kuhanga kufika kuvusililo, ujuo ghwe alakuluka."<sup>14</sup>" Neke mulaava muvwene ikiinu kino kipelela uvulamafu inyumba inyimike ija kufunyila, kyimile pavwimike pano nakinakinoghile kuuva, <sup>15</sup>juno ikwimba amasio agha alutang`haniaghe, apuo pepano vano vali mu Yudea vakimbililaghe ku fidunda. Juno ali pa kituvili, naangikaghe kutoola kimonga mu nyumba jaake. ¹⁶Ghwope juno ali ku mughunda, naangagomokaghe ku kaaja kutoola umwenda ghwake.¹⁷Iga avakijuuva vano viliiva vakunue na vano vilikwong`helesyagha ifighono ifio!. ¹⁸Lino, mufunyaghe kuuti isio sileke pikwisa amasiki agha ulusiku. Lino, mufunyaghe kuuti isio sileke pikwisa amasiki agha fula ni mhepo. ¹⁹Kweluliiva ulupumuko luno nalughelile kuvoneka kuhuma uNguluve ipela iisi, kuhanga kufika umusyughu. Kane nalulavoneka lusiku. ²⁰Nave uMutwa uNguluve naikepusia ifighono, ifio nakwale ughwa kukuluka. Neke vwimila avasalulua vaake, ilikepusia ifighono ifio.²¹"Unsiki ughuo umuunhu angati , 'Lola! Ukilisite ali apa.' nambe 'Ali kula,' namungikitaghe. ²²Ulwakuva vavili va vudesi. Avuo vihufyagha ifivalilo ni fidegho kuuti vavasofie avaanhu nambe avasalulua va Nguluve.Lino, ume muvisaghe maaso. ²³ulwakuva nivavulile sooni, ye sikyale pikwisa."²⁴ Neke ifighio siliiva sikilile imhumuko isio, 'ing'hiisi jilakupikila ilijuva, naghu mwesi naghulavala. ²⁵Inhondue silasanguka kuhuma,' ni fiinu fyoni ifya kukyanya filasukanika. ²⁶" Pepano valambona une ne Mwana ghwa Muunhu nikwisa mu mafunde ni ngufu nyinga nu vuvaha. ²⁷Neke nilavasuung'gha avanyamhola vango, vavakong'hanie avasalulua vango, kuhuma imbale sooni isa iisi.²⁸Mumanyilaghe ikihwanikisio ikya mpiki untini. Pano inhaafi saake silemba na kuuva na matundu, makagulaghe kuuti amasiki gha fula ghali piipi. ²⁹Fye lulaava, muliiva mukusivona sino noliike sivombeka, mukagulaghe kuuti nili piipi kukwisa.³⁰Kyang'haani nikuvavuula niiti, ikisina iki nakilakila kuhanga isi sooni sivombeke. ³¹Uvulanga ni iisi filakila, looli amasio ghano naghalakila. ³²Neke ikighono nu nsiki ughwa kwisa une ne Mwana ghwa Muunhu, nakwale juno akagwile ambe avanyamhola kukyanya, nambe juune ne Mwana, looli ju Nhaata.³³Muling'haniaghe, kange muvisaghe maaso, (ulkakuva namukagwile: unsiki ughuo ghuliva liighi). ³⁴Lulaava ndavule umuunhu juno ikyula, ikujileke ikaaja jaake mu mavoko gha vavombi vaaka na kukuvapeela nujunge imbombo jaake. kange ikum'buula juno ilolelela pa mulyango kuuti avisaghe maaso.³⁵Lino , umue mmuvisaghe maaso, ulwakuva namughukagwile unsiki ughwa kugomoka unya nyumba, pamo aliisa vwilile nambe kilo nkate, pamo pano kuhenga nambe lwakilo. ³⁶Muvisaghe maaso kuuti alavang'hulania mughoneliile. ³⁷Sino nikuvavuula umue, nikuvavuula vooni. Muvisaghe maaso!"

¹Filyakyale ifighono fivili kuuva kyimikke kya pasaka na makete ghano naghavikilue ikilule, avanaha va vatekesi na vavulanisi va ndaghilo, vakava vifilonda isila ija kunkola uYesu kisyefu kuuti vam' bude. ²Vakijovasyagha veene vakatisagha, " Nave tuuti tunkole ikighono ikyimike, avanhuu kyande vileeta amabaatu."³Uyesu alyale mu likaaja ilya Betania, mu nyumba ja Simoni juno ulutasi alyale ni buuba. Ye ikalile mu nyumba ijio ali pilia, akingila umukijuuva jumonga, akolile isupa ija livue inya mafuta amanofu agha kupakala agha ndalama nyinga. Akadindula isupa, pe akakung'hilila pa mutu ghwa Yesu kukumwimika. ⁴Avaanhu vamo vano pwevalyale vakakalala, vakijovasyagha vakatisagha, "Lwaki kunangania amafuta amanofu agha? ⁵Ulwakuwa ghaale ghighusivua indinali filundo fitatu na kukila, neke indalama isio saaale sikuvatanga avakotofu." Pe vakan' dalikila umukijuuva jula.⁶UYesu akati, " 'Muleke, kiki mukun'gasia umukijuuva uju? Ambombiile imbombo inofu. ⁷Avakotofu muli navoope jaatu, munoghiile kukuvatanga unsiki ghwoni. Neke une, nanili numue ifighono fyoni. ⁸Umekijuuva uju ambombiile vunofu mu fino aveele nafyo, apakile amafuta um' bili ghwano kukughuling' hania kusyilua. ⁹Kyang'haani nikuvavuula niiti, pano iMhola iNofu jipulisivua mu iisi, naji mbombo jino avombile umukijuuva uju' jijovwagha. Mu uluo vikunkumbukagha umukijuuva uju."¹⁰Pepano uYuuda Isikalioti, umo mu vasung' hua vala kijigho na vavili, akaluta ku vanah va vatekesi kuuti amwohele uYesu ku veene. ¹¹Voope ye vapuliike, vakahovoka kyongo, vakamulagha kukumpeela indalama. Pepano uYuuda Isikalioti akatengula kulonda unsiki unno ughwa kumwohela uYesu.¹²Ikighono ikya kwanda ikya kyimike kya makate ghano naghavikilue ikilule, pano vakabudagha ing' holo ija kyimike kya pasaka, avavulanisivua va Yesu vakamposia vakati, "Ghulonda tukuling'hanikise kuughi ukwa kuliila ikyimike ikya pasaka?" ¹³Pepano uYesu akavomola vavili nkate mu vavulanisivua vaake akati, "Mulute ku likaaja ilivaha ilya Yelusalemu, mu sila mutang'hana umukinhaata itwikile ulusaaji lwa malenga. Ujuo ghwe mum'bingililaghe. ¹⁴Kuhanga inyumba jino kyaikwingila. Apuo, mum'buule unya nyumba kuuti, 'UM'bulanisi iiti, kili kughi ikyumba ikya vahesia, pano panoghiile aliile ikyimike ikya Pasaka, palikimo na vavulanisivua vaake?'¹⁵Umweene ikuvasoona ikyumba ikya ku gholoofa, ikyeleefu kino kinosivue. Mutuliang'hanikisie umuo.'' ¹⁶Avavulanisivua vala vakavuuka viluta ku likaaja ilio. Ye vafikile, vakasivonaa sooni ndaule uYesu aveele avavulile. Pe vakaling'hania ikyimike ikya pasaka.¹⁷Ye jifikile ivwilile, uYesu na vavulanisivua vaake kijigho na vavili vakafika mu nyumba jila. ¹⁸Ye vali pilia, Yesu akati, "Nikuvavuula isa kyang'haaani, jumonnga mulyumue, ghwope ilia palikimo nuune, itapikunyohela." ¹⁹Avavulanisivua vaake vakasukunala, nujunge akatengula kukumposia uYesu iiti, "Asi, neene?"²⁰UYesu akati, "Umuunhu ujuo, ghwa mu kipugha kiinu umue kijigho na vavili mwe vano musaasa nuune unkate mu kivughaana. ²¹Une ne Mwana ghwa Muunhu nifua, ndavule lilembilue mu Malembe aMImike. Neke iga, umuunhu ujuo juno ikunyohela ne Mwana ghwa Muunhu! kiba umuunhu ujuo, ngale naaholwagha."²²Ye vali pilia, uYesu akatoola unkate akahongesia kwa Nguluve, akamenyulania, akavapeela avavulanisivua vaake akati, " Koogho, ughu ghwe m'bili ghwano. ²³Pe akatoola ikikombe ikya luhuuje, akahongesia kwa Nguluve, akavapeela, vakunyua vooni. ²⁴Akavavuula akati, " Iji je danda jango ija lufigo lwa Nguluve na vaanhu vaake, jino jikung'hika vwimila avaanhu vinga. ²⁵Kyang'haani nikuvavuula niiti, une nanilanyua kange uluhuujje ulu, kuhanga pano niliiva ninyua uluhuuje ulupia ku vutwa vwa Nguluve."²⁶²⁷Pepano vakimba ulwimbo, pekavuuka viluta ku kidunda ikya Miseiyuni. Apuo uYesu akavavuula avavulanisivua vaake akati, "Ikilo ija musyughu umue mweni kyamukung'himbila, ulwakuva lilembilue mu Malembe aMimike, 'Nikuntova un'diimi, nasi ng'holo sipalasana.".²⁸Akajova kange akati, "Neke niliiva nisiskyukile nilikuvalongolela kuluta ku Galilaya." ²⁹Upeteli akam'buula akati, " Nambe avange vooni vakuleke, une nanikukuleka!"³⁰UYesu akamwamula akati, " Kyang'haani nikukuvuula, ikilo jijiiji ing'hongove ye jikya kuvika ulwa vuvili, uve ghuuva ung'hanile katatu." ³¹UPeteli akajova akakangasia akati, " une nanikukuleka lisiku, nambe kuuve kwe kufua palikimo nuve." Voope avavulanisivua avange vooni vakajova vule vule.³²UYesu na vavulanisivua vaake vafafika pamonga, panno pakatambulwagha Getisemani. Pe akavavuula avavulanisivua vaake akati, "Mukalaghe apa, pano une nikufuunya." ³³Pe akantoola uPeteli, uYavovo nu Yohani , akaluta navoope pavulongolo padebe. Akatengula kusukunala kyongo na kutelateela. ³⁴Akavavuula akati, "Umwojo ghwano ghuli nu lusukunalo ulukome, ghunoghanogha mulwa kufua. Mukale bahaapa, muvisaghe maaso."³⁵Umwene akaluta pavulongolo padebe, akapupama paasi, akifuunya kwa Nhaata kuuti, nave lunoghile, unsiki ughwa lupumuko ghuleke kukumwagha. ³⁶Akati, " Ghwe Nhaata, uve nakikutolile kimonga. NIsuuma umbusikisie ikikombe ikya lupumuko. Neke nakwekuti uvombe mu vughane vwango, looli mu vughane vwako."³⁷Ye ifunyile, akagomoka ku vavulanisivua vala, akavona vaghoneliile. Pe akam'buula uPeteli akati, "Simoni, ughoneliile? Ukunilue kuuva maaso nambe akavalilo kamo? ³⁸Pe akavavuula akati, "Muuve maaso, mufunyaghe kuuti ingelo sileke kukuvalema. Umwonjo ghutavwile, neke um'bili n'dwesi." ³⁹UYesu akaluta kukufuunyu kange, akajova amasio ghala.⁴⁰Ye ifunyile, akagomoka kange, akavona vaghonelile, ulwakuwa vaale ni tulu nyinga. Vakakunua ikya kujova. ⁴¹Akaluta ulwa vatatu kukufuunya. Ye agomwike, akavavuula akati, "Mujiighe mufighona na kupuuma? Lukwilile lino! Unsiki ghufikile ghuno une ne Mwana ghwa Muunhu nivikua mu mavoko gha vahosi. ⁴²Ima tulutaghe! Lolagha unya kunyohela ali piipi."⁴³UYesu ye ajiighe ijova navo, uYuuda jumo nkate mu vavulanisivua kijigho na vavili, akafika ni kipugha kya vaanhu vakolile ibamba ni mbunda. Avaanhu avuo valyasung'hile na vavaha va vatekesi, avavulanisi va ndaghilo na vagojo. ⁴⁴UYuuda umwohesi alyavavuliile ng'haani avaanhu vala ikivalilo ikya kummanya uYesu akati, "Juno kyanikunnonela, ujuo iiva ghwe mwene, munkolaghe, mulutaghe naghwo mu vuloleeli." ⁴⁵UYuuda ye afikile uYesu akati, "'M'bulsnisi." Akannonela. ⁴⁶Pe avaanhu vala vakankola uYesu .⁴⁷Neke jumonga mu vano valyimile pala, akasomola ibamba, akankotova unkami ughwa ntekesi um'baha, akan'dumula imbulughutu. ⁴⁸UYesu akavaposia avaanhu vala akati, "Mwisile ni bamba ni mbunda kukung'hola une hwene nili mhijim'budi!. ⁴⁹Ongo jaatu navisagha numue nivulanisia mu nyumba inyimike ija kufunyila, namwang'holagha! Lino isi sihumila kukwilanisia sooni sino silembilue mu Malembe aMimike." ⁵⁰Peano avavulanisivua vaake vooni vakamuleke, vakakimbilia.⁵¹Neke unsoleka jumonga juno alitosisie isopeka akava ifikum'bingilila uYesu. Avalungu vala vakankola, ⁵²umwene akapukunyuka akaghuleka umwenda ghwake, akakimbila vufuula.⁵³Pe vakantwala uYesu kwantkesi um'baha. Uko kwe vakakong'haana avavaha va vatekesi vooni, avagojo palikimo na vavulanisi va ndaghilo. ⁵⁴UPeteliakava ium'bingilila uYesu pa vtli. Pambel ghwopeakngila mu luviika ulwa nyumba ija ntekesi um'baha,akikala ikwota umwotolikimo na vasikali avalolelel.⁵⁵Ppano avavaha va vateksi ni kipungha kya valogosi va Vayahudi vakava vilonda uvwolesi uvwa kumhingila uYesu kuuti vam'bude, neke navakaluvona lumonga. ⁵⁶Avaanhu vinga vakolekagha isa vudesi vwimila umwene, neke uvwolesi vwave navukitng'hanagha.⁵⁷Vamo vakiima, vakoleka isa vudesi vakati, ⁵⁸"Usue tukampuliike umuunhu uji iiti,inyimike ija Nguluve jino jijengilue na vaanhu, neke mu fighono fitatu nijenga ijingi jin najijengua na vaanhu". ⁵⁹Vwope uvwolesi uvuo navukiting'hanagha.⁶⁰Pepano untekesi um'baha akiima pakate pa vaanhu' akamposia uYesu akati, "Naghukwamula nambe lisio? Avaanhu ava vikwoleka kiki vwimila uve?" ⁶¹Umwene uYesu akajikala kimhihe, naakamula nambe lisio. Untekesi um'haba akamposia kange akati'"Uve veeve kili kilisite, Mwana ghwa Nguluve uMwimikua?" ⁶²UYesu akamula akati, "Eena, neene.kange mulambona ne Mwana ghwa Muunhunitemile palikimo nu Nguluve unya ngufu, nikwisa mu mafunde kuhuma kukyanya."⁶³Untekesi um'baha ye apuliike amasio aghuo akakalala' akademula umwenda ghwake iiti, '' Lino pe tulonda vwakiki uvwolesi uvunge? ⁶⁴Mupuliike ndavule ikuviika hwene Nguluve, ikumuligha kyongo uNguluve! Mwiti ndaani umuunhu uju?" Vooni vakamhigha kuuti anoghiile kubudua. ⁶⁵Avange vakategungula kukumfunyila amati, vakan'dinda ku maaso, vakantova ni mbuli, vakamposia vakati, "Vila, veeni juno akutovile!" voope avasikali avaloleleli vakantoola, vakantova na mapi.⁶⁶UYesu ye ali munkate, uPeteli akajiighe pa luviika. Pepano akiisa umhinja um'bombi ghwa ntekesi um'baha. ⁶⁷Akamwagha uPeteli ikwota umwoto, akamulola akati, "Na juuve uveele lumo nu Yesu uMunasaleti!" ⁶⁸UPeteli akakaana akati, "Nanikagwile, kange nanisitang'hine sino ghujova!" Akahuma kunji ku luviika. Ing'hongove jikavika!⁶⁹Um'bombi jula akamwagha kange uPeteli, pe akavavuula vano pwevalyale pala akati, "Uju ghwe umo mu vala." ⁷⁰UPeteli akakaana kange. Unsiki n'debe vuvule, avaanhu vano pwevalyale pala vakam'buula kange uPeteli vakati, "kyang'haani uve uli umo mu vala, ulwakuva uve uli N'galilaya."⁷¹Upeteli akaava ifikaana, akajiigha akati, "Kyang'haani umuunhu ujuo juno mujova, nanimmanyile!" ⁷²Unsiki ghughuo ing'hongove jikavika ulwa vuvili. Apuo upeteli akakumbuka ilisio lino uYesu am'buula kuuti, " Ing'hongove ye jikyale kuvika ulwa vuvili, ghuuva ughuuva ung'hanile katatu." Ye akumbwike uluo, akatengula pilila kyongo.

¹Palwakilo ye kukiile, avavaha vateseki, avavulanisi va ndaghilo palikimo na vagojo, vakapuling'hana. Vakankunga uYesu, vakantwala kwa ntwa uPilato kuuti ahighue. ²Upilato akamposia uYesu akati, ''Asi, uve veeve Ntwa ghwa Vayahundi?" UYesu akamwamula akati, "Uve ujovile." ³Avavaha va vatekesi vakava vifikwoleka si nyinga isa kumpelela uYesu ahighue.⁴UPilato pe akamposia kange akati, "Kiki naghukwamula lumonga? Lolagha avaanhu ava vule vijova si nyinga isa kukuhigha." ⁵UYesu naalyamwile kimonga. Apuo uPilato akadegha.⁶Lwale lwiho kwa ntwa pa kyimike ikya Pasaka, kukun'dindululla uknkungua jumo juno avaanhu vasumile. ⁷Kwealyale unkungua jumonga juno akatambulwagha Balaba. Umuunhu ujo alyakungilue palikimo na vaanhu avange, ulwakuva valyavombile uvugalusi na kubuda. ⁸Avaanhu vano valyakong'hanile vakava viluta kwa pilato kusuuma kuuti, avavombele ndavule lwale lwiho lwake pa kyimike ikya Pasaka.⁹UPilato akavaposia akati, " Mulonda nivadindulile untwa ghwa vayahudi? " ¹⁰UPilato alyavaposisie uluo ulwakuva alyakagwile kuuti, avavaha va vatekesi valyale ni kivini nu Yesu, Fye nambe valyantwalile kwa mwene ahighue. ¹¹Neke avavaha va vatekesi valyavafundile avaaanhu vooni kuuti, vansuume uPilato avadindulile uBalaba.¹²Avaanhu vala ye vansumile, uPilato akavoposia kange akati, "Umuunhu uju juno mwiti ghwentwa ghwa Vayahudi, nim'bombe kiki? ¹³Avaanhu vooni vakoova vakati, "Unkomelele pa kikovekano!"¹⁴UPilato akavoposia kange akati, "Umuunhu uju avombile luviivi luki?" Aveene vakavaposia kukwova viiti, "Unkomelele pa kikovekano!'' ¹⁵UPilato akan'dindulila uBalaba, ulwakuva akalondagha pikulihovosia iipugha ilya vaanhu. pe akalaghaghia kuuti uYesu atovue ni mijeledi, ye atovilue, akavasikili vakankomelele pa kikovekano.¹⁶Avasikali vakantwala uYesu mu luviika lwa nyumba ja ntwa, pe avasikali vooni vakakong'haana. ¹⁷Vakamfwasia isopeka indangaji ija kitwa, vakatenda ingeela ija mifua neke vakamfwika ku mutu. ¹⁸Vakatengula kukumhungila ni mbedo viiti, " Kamwne ghwa Vayahudi!"¹⁹Vakava vikuntova ku mutu ni lilaasi na kukumfunyila amati. Kange vakafughamagha pa yesu na kukumwinamilia ni mbedo. ²⁰Ye vam'bedile na kukunnenela, Vakamfuula isopeka jila, vakamfwasia amenda ghaake, pe vakamhumia kunji, viluta kukunkomelala pa kikovekano. ²¹Ye vali mu sila, vakatang'hana nu muunhu jumonga juno akatambulwagha simoni, umhuna mu likaaja ilya Kileeni, ikwingila mu Yelusalemu. Usimoni ujuo alyaye viise ghwa Alekisanda nu lufo. Avasikali vakamwumilisia kupinda ikikovekano ikya Yesu.²²Pe vakantwala uYesu pano pakatambulwagha Goligota, kwekuti, "Ling'ala lya mutu." Ye ²³vafikile, vakampeela uluhuuje uluhasing'hanie nu nkota kusilisia uvuvafi, umwene akasiita kunyua. ²⁴Apuo vakankomelela uYesu, pa kikovekano, pe vakaghaana amenda ghaake mu sila js lusodolelo, kuuti nujunge atoole ghuliku.²⁵Ye vikunkomelela uYesu, ghwale nsiki ghwa kavalilo kya vutatu palwakilo. ²⁶Pakyanya pa kikovekano vakakomelela ikitapa kino valyalembile amasio gha, " ghwe ntwa ghwa vayahudi," kuvonia unkole ghuno valyam'balile. ²⁷Palikimo nu mwene, valyavakomeliile avaanhu avange vavili vano valye vahijivabudi, jumonga akava ulubale ulwa kundio, ujunge kung'highi. ²⁸Apuo silyavoniike sino silembilue mu malambe aMImike kuuti, "Alyavalilue palikimo na vahosi."²⁹Avaanhu vano vakava vikila nakukumwagha uYesu pa kikovekano, vakasukaniagha amatu ghaave vikumuligha, viiti, "Uwe ghwe juno ghwatisagha ghulimemula inyumba inyimike ija Nguluve na kujenga mu fighino fitatu, ³⁰ika lino pa kikovekano ghupoke! " UYesu pakikovekano.!³¹Voope avavaha va vetekesi na ndaghilo vakamwovelelagha vatatisagha, " avapokagha avange, neke ikunua kukupoka mwene. ³²Nave ghwe Kilesite, untwaghwa vaisilaeli, lino iike pa kikovekano, tulole neke twitike." Voope vano vakakomelilue palikimo nu mwene vakava vikumuligha.³³Ye ghufikile unsiki ghwa kavalilo aka ntanda pamwisi, ing'hiisi jikakupikila iisi jooni kuhanga kufika akavalilo aka budikalubale. ³⁴Unsiki ugwa kavalilo aka budikalubale, uYesu akakoola fiijo akati, "Eloi Eloi, lama sabakitani?" Kwetuti, "Nguluve ghwango, Nguluve ghwango, ongo undekile? ³⁵Vamo nkate mu vano pwevalyale pala, ye vapuliike uluo vakati, " Pulisikia! Ikunkemeela um'bili uEliya!³⁶Umuunhu mumonga akaluta luvilo, akasuvika ikyenda mu luhuuje ulukali, akakiviika mu lulaasi, akam'besekesia uYesu pa mulomo kuuti amiime, akati, "Leka tulole, nave uEliya ikwisa kukumwisia pa kikivekano!" ³⁷UYesu akakoola fiijo, akakunguka. ³⁸Unsiki ghughuo umwenda ghuno ghulyaghavinie pavili inyumba inyimike ija Nguluve, ghukademuka pavili kuhuma kukyana kufika paasi.³⁹Um'baha ughwa vasikali juno alyimile kilunge nu Yesu, ye am'bwene pano ikunguka akajova akati, "Kyang'haani umuunhu uju akaale mwana Mwana ghwa Nguluve!" ⁴⁰Ye sivombeka isi sooni, pwevalyale avakijuuva vano valyimile petali padebe vilola. Mu vakijuuva avuo mwealyale uMaliya umhuma mu likaaja ilya Magidala, uSalome nu Maliya ung'ina ghwa yoose nu Yakovo un'debe. ⁴¹Ava vakam'bingililagha na pikum'bombela uYesu ye ali ku Galilaya. Kwevalanye na vakijuuva avange vinga vano valyalutile nu Yesu Ku Yelusalemu.⁴²Isi sooni savombiike ikighono ikya kuling'hania isabati. Ye vwilile, iSabati. jikyale pitengula, ⁴³akiisa uYosefu ughwa ku ALimataya, alyale mwoghopua mu kipugha ikya vahingi. Ghwope akaghululagha kukwisa uvutwa vwa Nguluve. Ujuo akikangasia, akaluta kwa pilato, akasuma um'bili ghwa Yesu. ⁴⁴UPilato ye apuliike kuuti u Yesu afwile, akadegha kyongo. Akankemeela um'baha ughwa vasikili, akamposia kuutu uYesu ndaveele afwile kali.⁴⁵Ye apuliike uluo,akantavulila u Yosefu um'bili ghwa Yesu. ⁴⁶UYosefu akaghula umwenda ughwa kunsyilila u Yesu. Akisia um'bili pa kikovekano, akaghuniengelela nu mwenda ghula. Pe akaghuviika mu mbiipa jino jabughulilue mu linhalavue, akabilukisia ilivue ilikome pa mulyango ghwa mbiipa. ⁴⁷UMaliya umhuma mu likaaja ilya Magidala nu Maliya ung'ina ghwa Yoose, vakapaagha pano ghuvililue um'bili ghwa Yesu. Vibilusisia ilivue pa mulyango ghwa mbiipa.

¹Pakivwilile ye jisilile iSabahati, umhuma mu likaaja ilya Magidila, uSalome nu Maliya ung'ina ghwa Yakovo, vakaghula amafuta amanono kuuti vakaghupake um'bili ghwa yesu. ²Ikighonoko ikya kwasia mu mulungu, palwakilo ilijuva ye lidibula, vakaluta ku mbiipa.³Ye vali mu sila vakijovasyagha veene viiti, "Veeni juno kyaikutuvusikisia ilivue lila pa mulyiango ghwa mbiipa? ⁴Ilivue lyale likome kyongo. Ye afikile, vakavona ilivue libilusivue.⁵Vakingila mu mbiipa, umuo vakamwagha unsoleka afwalile umwenda um'blafu,ikalile ulubale lwa kundio, pe vakakenyemuka kyongo. ⁶Umwene unsokela ujuo akavavuula akati, "Namungakenyemukaghe. Mukumulnda uYesu ughwa ku Nasaleti juno akomelilupa kikovekano? Asyukile, na pwale apa! Lola pano vakam'bikile. ⁷Mulute muvavuule avavulanisivua vaaake, kyongo uPeteli kuuti, alongwile ku Galilaya. Uko muluta mukum'bona ndavule alyavavulile."⁸Ye vapuliike isio, vakadegha na kutetema, vakahuma kunji, vakavuuka pa mbiipa vikimbila. Navakapanga kwa munhuunulwakuva vakava vikwoghopa.⁹UYesu ye asyukile palwakilo ikighono ikya kwasia mu mulungu, akihufia taasi kwa Maliya umhuma mu likiaaja ilya Magidala, juno alyam'busisie amapepo lekelalubale. ¹⁰UMaliya akaluta kukuvapangila vano vakam'bingililagha uYesu, unsiki ughuno vakajiighe vasukuniile, vilila ifiua. Ye ¹¹vapuliike kwa Maliya kuuti uYesu mwumi, kange am'bwene, navakitika'¹²Pambele, uYesu akihufia ku vavulanisivua vavili mu kihwani ikingi. Avavulanisivua avuo valyahumil ku Yelusalemu, vakalutagha ku kikaaja ikya pa vupiipi. ¹³Voope vakaluta vakavapangila avajanave, pooope navakitika.¹⁴Kange, uYesu akihufia ku vavulanisivua kijigho na jumo, unsiki ughuno vakava vilia. Akavadalikila ulwakuva valyale kukwitika uvwolesi vwa vano valyam'bwene ye asyukile. ¹⁵Pepano uYesu akavalaghila avavulanisivua vaake akati, "Mulutaghe muiisi jooni mupulisayaghe iMhola iNofu ku vaanhu vooni. ¹⁶Juno ikwitika na kukwofughua, ujuo alakuluka. Neke juno naikwitika, alahighua.¹⁷Kange vanoviitike, vivombagha ifidegho ifi: mu litavua lyano vidagagha amapepo, kange vijovagha mu njovele imhia. ¹⁸Vangakole injoka, nambe vanganyue inyambikila, navangafue. kange vivikagha amavoko ghaave pa vatamu, avatamu visokagha."¹⁹UMutwa uYesu ye ajovile navo, pe akatolua kuluta kukyana, akava nuvutavulilua palikimo nu Nguluve. ²⁰Pepano avavulanisivua vaake vakalutagha kupulisia kwoni iMhola iNofu. UMutwa akavombagha imbombo palikimo na veene, akavapelagha ingifu isa kuvomba ifidegho fino fyale fivalilo kuhufia kuuti iMhola iNofu jino vipulisia ja kyang'haani.

¹kulyuve mwoghopua Tiofilo avaanhu vinga valembile imhola isa Yesu Kilisite ndavule silyavombike kulyusue. ²valembile imhola isi ndavule tulyapangilue na vano valyalolile na maaso ghave, navano valyasipulisie kuhuma vuvutengulilo vwake. ³ulwakuva nilondile vunono uvwakyang'haani vwa mhola sa Yesu vuhuma vuvutengulilo lino najune nivwene lunono kukulembela isi sooni muvutavike. ⁴neke ulukagule ulwakyang'haani lwa mbombo sino ukavulanisivue.⁵mu fighono fya Helode untwa ghwa Yudea, pwealyale untekesi jumonga juno alyale ikemelua Sakalia ughwa lukolo lwa Abia un'dala ghwake alyahumile muvaliive va Haluni, ni litavua lyake alyale ikemelua Elisabeti. ⁶voni van valyale vagholofu pa maaso gha Nguluve amaghendele ghale ghasita kukuvapika mundaghilo sooni munjovele ja Mutwa. ⁷neke navalyale nu mwana ulwakuva uElisabeti alyale mughumba na kukavalilo akuo voni vale vaghogholofijo.⁸lino lulyahumile kuuti uSakalia alyale nu Mhepo umwimike kuvutavike vwa Nguluve. akalutile nuvutavike vwa vutekesi kuhumila mu vutavike vwa ludimo lwake. ⁹kwevulyale uvutavike uvwa kuvomba mu nyumba ja Nguluve veni umuunhu untekesi, veni idalikila akasalulua ikipugha akingila mu nhumba ja Mutwa akanyanya uvufumba. ¹⁰ilipugha lyoni lya vaanhu vakava vikufunya kunji ye vinyanya uvusumba.¹¹unyaMhola ghwa Mutwa akamwumila na kukwiima ulubale lwa luvoko lwa ndia kufitekelelo kuno vinyanyila uvusumba. ¹²uSakalia akoghopa ye alwaghile ulutetemo lulyamughwila. ¹³neke unyaMhola akam'bula kuuti, ulekaghe pikwoghopa Sakalia ulwakuva ulufunyo lwako lupulikike. undala ghwako uElisabeti ikukuholela umwana ilitavua lyake ghukun'kemela Yohani.¹⁴ghuliva nu lukelo na kuhovoka, na vinga vikuhovokela kuholua kwa mwene. ¹⁵ulwakuva iliva nu vuvaha kuhuma kwa Mutwa ujuo nanganyisaghe nambe kimonga kino kighasia. looli ingufu sa Mhepo umwimike siiva nu mwene kuhuma pano ali mulileme lwa ng'iina.¹⁶na vaanhu vinga ava Silaeli ilikuvagomosiagha kwa Nguluve uMutwa ghwave. ¹⁷ujuo ilikumulongolela uMutwa mu ngufu nu mwojo ndavule alyale uEliya kusambania mu ngufu sa Mhepo uMwimike neve vano navikumwoghopa vighendagha muluhala lwa vano valweli. ikuvavombela ndiki kukuvavika kwa Mutwa avaanhu vano vaghelanisivue vwimila jake.¹⁸uSakalia akam'bula unyaMhola, "niwesia ndani kukagula ili? ulwakuva une nili nsehe nu n'dala ghwango na maka ghake ghali minga kyongo". ¹⁹unyaMhola akamwamula na kumb'ula, une nene Gabilieli, nejuno nikwima pavulongolo pa Nguluve. nisung'ilue kukuvuula, kukuletela iMhola inofu iji. ²⁰kange lolagha, nungajove kinu ghuva kimie nungawesie kujova kuhanga ikighono kila pano isi siva sihumile. ulu lwe ulwakuva ukakunilue kukwitika amasio ghango ghano mu nsiki ghiva ghavombike.²¹lino avaanhu valyale vikumughula uSakalia. valyadeghile kuuti alyale itumila unsiki mwinga ku nyumba inyimike ja kufunyila. ²²neke ye ahumile kunji, akakunilue kujova navo. pe aveene vakakagula kuuti, luvonike lumonga mu nyuma inyimike neke umwene akava ihufia lumonga na mavoko. akajigha kinunu. ²³ye fisilile ifighono fyakuvomba imbombo jakilekesi ayavukile kugomoka kunyumba jake.²⁴pambele uSakalia akavuja kukaja kuhuma ku mbombo sake sakitekesi un'dala ghwake akava n'kunue, akifisa amesi ghahaano akajova. ²⁵"ulwakuva lwe luno uMutwa ambombile une ye andolile kulughano lwoni kukumbusikisia isoni pa maaso gha vaanhu"²⁶ye ghufikile umwesi ghwa n'tanda pavukunue vwa Elisabeti uNguluve akatuma unyaMhola uGabilieli kuluta mu iisi ja Galilaya ilitavua ilinge Nasaleti, ²⁷kwa mhinja juno akatambulwagha Maliya. kwa mhinja juno alyatunilue nu mughosi ilitavua lyake ghwe Yosefu. umuholua mukikolo kya Davidi nilitavua lya mhinja akakemeluagha ghwe Maliya. ²⁸unyaMhola ye afikile akati, "nikukuhungila uve ghwe juno usungukilue nu Mutwa, uMutwa alinuve; ²⁹amasio ghanyaMhola ghaka mangajisia kyongo mu mwojo ghwake na alyaghamanyile kiki unyaMhola ihungila hungila iji kidegho.³⁰unyaMhola akam'bula "nungoghopaghe Maliya ulwakuva uNguluve akusungukile. ³¹lolagha ghuva nu vukunue, ghupapagha umwana neke ghukun'kemelagha ilitavua ghwe Yesu. ³²iliva m'baha ikemeluagha mwana ghwa juno alikukyanya kyongo, uMutwa uNguluve neke ikumpelagha ikitengo kya vutwa kya Davidi uvuse. ³³itemagha uvutwa mu lukolo lwa Yakovo uvusila nakusila lusiku.³⁴uMaliya akam'bula unyaMhola ili ,iva ndani ulwakuva une nanighelile kuvwafuka nu mughosi ghwoghwoni? ³⁵unyamhola akamwamula akam'bula "uMhepo uMwimike ikwisa kulyuve. ni ngufu sa juno alikukyanya kyongo sikwisa kulyuve. pe lino umwimike juno iholua ikemeluagha mwana ghwa Nguluve.³⁶lolagha ulukololuo uElisabeti alinuukunue vwa mwana mufighono fyake fya vughogholo, ughu ghwe mwesi ghwa n'tanda juno valyatile mughumba. ³⁷ulwakuva kwa Nguluve nakwekili kino kimuulemile" ³⁸uMaliya akajova akati, une nilim'baanda ghwa Mutwa neke luuleke luve luve kulyune ndavule ujovile" pe pano unyaMhola akavuka iluta.³⁹ye fikikile ifighono nde filingi uMaliya avuka ng'haning'habi na kuluta ku iisi jimonga jino jale nyafidunda, ija Yudea. ⁴⁰ukuo akingila mu nyumba ija Sakalia na kumwungila uElisabeti, ⁴¹lino pe lulyahumile kuuti," uElisabeti ye apulike uluhungilo lwa Maliya. umwana mu lileme akaomoka tomoka, neke uElisabeti ingufu isa Mhepo uMwimike sikamwisila.⁴²pe akatengula pijova kungufu akati, " ufunyilue uve mukighavo kya vakijuuva najumwana juno alimulileme lyako afunyilue. ⁴³neke lulindani kulyune ungiina ghwa Mutwa lunoghile pikwisa kulyune? ⁴⁴ulwakuva lolagha ye lupulikike mu mbughulutu sango ilisio lya kuhungila kulyuve umwana mulileme lyango atomwike nu lukelo. ⁴⁵neke afunyilue umukijuva jula juno alyitike kuuti vulyahumila uvya kyang'haani vwa sino alyavulilue kuhuma kwa Mutwa".⁴⁶uMaliya akati, inimbula jango jikunfunya uMutwa, ⁴⁷naghumwojo ghwango ghuvovwike mwa Nguluve umpoki ghwango.⁴⁸ulwakuva avulolile uvukotofu vwa m'banda ghwake umhinja. lolagha kuhuma mu fisina fyoni vikughonelagha nilifunyua. ⁴⁹ulwakuva umwene unya sooni avombile sino mbaha kylyune. ni litavua lyake ilyimike.⁵⁰uvukola vwake kuhuma ikisina ni kisina ku vano vikumwopa umwene. ⁵¹avonisie ingufu mu luvoko lyake avapalanisie vala vano vakighiniagha mu masaghe gha mooja ghave.⁵²avisisie paasi avana va vatwa kuhuma mufitengo fyave ifya vutwa na kukuvatosia kukyanya vano vakotofu . ⁵³alyavapelile avanya njala ifinu ifi nono looli avamofu avadagile na mavoko gheene.⁵⁴ahumisie uvutangilisi kwa Isilaeli um'bombi ghake, neke akumuke kuvonesia uvuhugu. ⁵⁵[ndavule alyajovile kuvanhaata vitu] kwa Abulahamu ni fisina fyake kuvusila na kusila"⁵⁶uMalia alikalile nu Elisabeti hwene mesi ghatatu pepano akagomoka ku nyumba ja mwene. ⁵⁷lino unsiki ghulyafikile ughwa Elisabeti kupaapa umwana un'dimi. ⁵⁸avabading'ani vake na vanyalukolo vake valyapulike ndavule uMutwa atupelanisie mu vuhugu vwake, kange vakahovoka palikimo nu mwene.⁵⁹lino kilyahumile ikighono kya lekela kwoni valisile kukivungo najumwana lulyanoghile vampele ilitavua lyake ghwe Sakalia kulwiho lwa vise. ⁶⁰looli ung'ina akamula akati, "ndali" ikemelua ghwe Yohani" ⁶¹vakam'bula napwale nambe jumo mulukolo juno itambulua ku litavua ili"⁶²pe vakam'bombela ikimanyilo uvise kuuti, umwene iti ilitavua akemelue veni. ⁶³uvise akalonda ikisegho akalemba "ilitavua ghwe Yohani" voni vakadegha ku ili⁶⁴ku kenyemukila umulomo ghake ghukadinduka nu lumili lwake lukava vuleka akajova na kukumughinia uNguluve ⁶⁵uludwesi lukavisila voni vano valikalile pipi navoimbombo isio sikakwilana mu iisi jooni ja fidunda fya Yudea,. ⁶⁶na voni vano valyaghapulike vakaghagadilila mu mwoojo ghave, vakati umwana uju ghwa ndani ndani?" ulwakuva uluvoko lwa Mutwa lulyale palikimo naghwo.⁶⁷ivise ghwa Sakalia akapeluula ingufu nu Mhepo uMwimike akatengula kuhumia uvuvili akatisagha, ⁶⁸aghinwaghe uMutwa, uNguluve ghwa Isilaeli, ulwakuva atangile kange na kukuvavanga avaanhu vake.⁶⁹atupelile uvupoki kuhuma mu nyumba ja nyambombo ghwake u Davidi, kuhuma mukikolo kya m'bombi ghwake uDavidi. ⁷⁰ndavule alyajovile mumulomo ghwa vavili vake vano kwevalyale kuhuma kuvukuulu. ⁷¹alatupoka kuhuma kuvalugu viitu na kuhuma mumavoko ghavaanhu vooni vano vikutukalalila.⁷²alavomba ndiki kuvonesia ulusungu kuvanhaata vitu na kukumbuka ululaghilo lwake ulwimike. ⁷³ulujigho luno alayjovile kwa Abulahamu unhaata ghwitu. ⁷⁴alyajighile na kunkangasia kuuti lunoghile pikum'bombela umwene kisila vwoghofi pano tupokilue pihuma mumavoko ghavalugu viitu. ⁷⁵muvwimike na muvagholofu uvwakyang'haani pa maaso ghake ni fighono fyake fyoni.⁷⁶Ena, najuve mwana ghukemeluagha uli mb'ili ghw ajuno ali kukyanya fiijo ulwakuva alyaghendelelagha ku maaso ghwa Mutwa kuuti ikuvavonesia isila. neke kukunosekesia isila avaanhu pano ikwisagha umwene. ⁷⁷kukuvavula avaanhu vake kuuti valapyanilwagha valavuvunagha uvupoki kusila kusila ja vupoki vwa nyfi saave.⁷⁸ili lilyahumile ulwakuva ja lusungu lwa Nguluve ghwitu ulwakuva ilijuva kuhuma kukyanya likutwisila. ⁷⁹kukutumulikila ku vano vikalile mu ng'isi nu lumwighighi ghwa vafue alavomba ndiki kulongosia amaghulu ghitu kusila ja lutengano."⁸⁰lino umwana jula akakula na kuva nyangufu mwa Mhepo uMwimike. alikalile kulihaka kuhanga unsiki ghuno akavonekagha ku vaSilaeli.

¹lino mu fighono ifyo , jilyahumile kuuti, uKaisali Agusito akahumisie ululaghilo kuuti, vatole uluvalilo lwa vaanhu vooni vanovikukala mu iisi. ²ulu lulyale lwe luvalilo lwa kwanda luno lulyavombike unsiki ghuno uKileoli alyale m'baha gha Silia. ³neke umuunhu ghweni akaluta kumpulo ghake kukulembekesia uluvalulo.⁴ghwope uYosefu alyavukile mu mpulo ghwa Nasaleti ukuo ku Galilaya na kukyulalila ku Yudea ku mpulo ghwa Betelemu, ghuno ghukagulika hwene mpulo ghwa Davidi, ulwakuva jikahumile mu lukolo lwa Davidi. ⁵akaluta kula na kujilembekesia nu Maliya, juno alyale antuunile kange alyale ihuvila umwana.⁶lino jilyahumile kuuti, ye valyale kula unsiki ughwa kuhola ghukafika. ⁷akahola umwana un'dimi, umuholua ghwake ughwa kwanda, akamun'yengelela umwana namenda neke kunsigha ni mhepo. pe akam'bika mikivagha kya kulisikisia ifidimua, ulwakuva napwelukale ulubale lwa kum'bika mu numba ja vaghesi.⁸ku lubale uluo kwevalyale avalongosi vano valyale vikukala mu maghunda kulolelela amapugha gha ng'olo ave pakilo. ⁹kukenyemukila unyaMhola va Mutwa akavahumila nu vwimike va Mutwa vulyang'alile kuvasyungutila, pe valyale nu vwoghofi kyongo.¹⁰pepano unyaMhola akavavula, " namungoghopaghe, ulwakuva nikuvapela iMhola inofu isa lukelo uluvahaku vaanhu vooni. ¹¹umusyughu umpoki ghwinu aholilue vwimila jinu mu mpulo gha Davidi! umwene ghwe Kilisite Mutwa! ¹²iki kye kivalilo kino mupelua, mukumwagha umwana vampinyile umwenda aghonile mu luvagha lwa kulisikisia ifidimua.¹³kukenyemukila kukava ni lipugha livaha lwa va sikali kuhuma kukyanya likalungine nunyaMhola ujuo kukumughinia uNguluve vakatisagha, ¹⁴"uvutwa vwa nguluve juno ali kukyanya fiijo nu lutengano luve mu iisi ku vaanhu voni vano anoghilue navo."¹⁵lulyale kuuti avanyaMhola ye vavukile na luluta kukyanya, avalongosi vakajofesania vavuo ku vavuo, "tuvuke lino ku Betelemu kula tukalole kiki kino kihumile, kino uMutwa atumanyisie'. ¹⁶vakaluta ng'hani ng'hani kula, neke vakamwagha uMaliya nu Yosefu, kange vakamwagha umwana aghonile mu luvagha lwa kulisikisia ifidimua.¹⁷ye vavwene ndiki, vakavamanyisia avaanhu vala vano vakavulilue imhola sa mwana ghwa muunhu ¹⁸voni vakadegha ye vapulike imhola isi ni kila kuno kikajovilue vadalikili. ¹⁹neke uMaliya akaghendelela kusagha soni sino alyapulike, akaghavika mu mwoojo ghwake. ²⁰avadalikili vakagomoka na kumwimika na kumpaala uNguluve wimila umuunhu ghweni kukino valyapulike na kukukyagha, ndavule jilyajovilue kuveene.²¹kyati kifikile ikighono kya lekela kwoni ghulyale ghwe nsiki ghwa kun'dumula umwana, vakankemela ilitavua ghwe Yesu; ilitavua lino alyapelilue nu nyaMhola jula ye na vuvukunue vukyale kutungwa mu lileme.²²kuling'ana ni ndaghilo ja Moose, uYosefu nu Maliya akantwala kunyumba inyimike ja kufunyila ku Yelusalemu na kum'bika pavulongolo pa Mutwa. ²³ndavule jilyalembilue mu ndaghilo ja Mutwa. " umukinhaata ghweni juno idindula ilileme ilikemelua juno avusikisivue uvuvaha kwa Mutwa". ²⁴vope vulevule vakisile kuhumia ilitekelo kuling'hana na kila kinokijovua ku ndaghilo ja Mutwa," vahumyaghe injiva ivili nambe inyaana ivili isa ng'unda".²⁵lola, palyaale nu muunhu ku Yelusalemu juno ilitavua lyake ikemelua ghwe Simoni. umuunhu uju alyale nya kyang'haani na kumwitika uNguluve. umwene alyale idalikila vwimila umuhuvilua ghwa Isilaeli, nu uMhepo uMwimike alyale nkyanya ja mwene. ²⁶jilyavonike kwa mwene kukilila uMhepo uMwimike kuuti umwene naale ifua ye akyale kumwagha uKilisite ghwa Mutwa.²⁷ikighono kimonga akingile mu nyumba inyimike ja H, akalongosivue nu Mhepo umwimike. pano avapafi vakamuletile umwana, uYesu ikum'bombela sino simunoghile jaatu mu ndaghilo, ²⁸pepano uSimoni akamwupila mu mavoko ghake na kumpaala uNguluve na kuuti, ²⁹"lino nikum'bula untemi ghwako alute nu lutengano lwa Mutwa, kuling'hana ni lisio lyako.³⁰ulwakuva amaaso ghango ghavuvwene uvupoki vwako, ³¹vuno vuvonike ku vaanhu voni. ³²umwene ghwe lumuli vwimila uvusyetulilo vwa iisi nu vwimike vwa vaanhu va Isilaeli.³³ubaba nu mama va mwana vakadegha ku sino sijovua kwa mwana ghwa vanave. ³⁴pepano uSimoni akavafunyila na akati kwa Maliya ung'ina ghwa mwene, " pulikisia vonono! umwana uju iiva vufumbue kwa kusova nambe kukwitika ku vaanhu vinga va ku Isilaeli kane ke kivalilo kino avaanhu vinga vilikujikana. ³⁵kange lwe lubamba lunolulinyanya umwoojo ghako juve, neke kuuti amasaghe gha moojo gha vinga ghavoneke"³⁶un'dala um'bili juno akemeluagha Ana kwealyale kunyumba inyimike ja kufunyila. umwene alyale mwalive gha Fanueli kuhuma kulukolo lwa Asheli. alyale na maka minga kyongo. akikala nu mughosi ghwake ku maka lekela lubale ye vatoline, ³⁷pepano akava mfwile ku maka fijigho lekela kwaoni na ghaane. nakaghelile kuvuka mu nyumba inyimike ija kufunyila alyale ighendelela kudinda na kunsuuma uNguluve pakilo na pamwisi. ³⁸nu nsiki ughuo, akisa pala panovalyale akatengula kumuhongesia uNguluve. akajova isa vaanha vooni vano vaghulagha uvupoki vwa Yelusalemu.³⁹ye vamalile avaanhu voni vakanoghile kuvomba kuling'ana ni ndaghilo ja Mutwa, vakagomoka ku Galilaya umpulo ghwave, Nasaleti. ⁴⁰umwana akakula, akava ni ngufu akongelela mu vukoola, nu vumosi vwa Nguluve vulyale pa kyanya jake.⁴¹avapafi vake amaka ghoni vakalutagha ku Yelusalemu vwimila ikikulukulu kya Pasaka. ⁴²ya ale na maka kijigho na ghavili, kange vakisile mu nsiki ghuno ghunoghile ndavule uvutavike vwa kikulukulu. ⁴³ye vajighe ifighono fyoni vwimila ikikulukulu vakatengula kugomoka kunyumba. neke un'dimi u Yesu akajighe kunsana ku Yelusalemu kisila avapafi vake kukagula ili. ⁴⁴vakasaghile kuuti valilumo mulipugha lya vano vakyulagha lumo, pe vakakyula ulukyusi lwa kighino pepano vakatengula kukumulonda mu vanyalukolo na vamanyani vave.⁴⁵ye vakunilue kumwagha, vakagomoka kuYelusalemu na kutengula kumulonda umuo. ⁴⁶jilyahumile kuuti mu fighono fitatu valamwagha mu nyumba inyimike ja kufunyila, akkali pakate pa vavulanisi akavapulikisia na kukuvaposia. ⁴⁷voni vano vale vikumpulikisia vakadegha ku vukagusi vwake nu lwamulo lwake.⁴⁸vati vamwaghile, vakadegha ung'iina akam'bula , "mwanago kiki utuvombile ndiki? pulikisia une nu baba ghwako tulya tukulonda ku vwoghofi uvukome" . ⁴⁹akavaposia, " kiki mulyale mukunilonda? namukakagwile kuuti lunoghile kulyune kuva mu nyumba ja baba ghwango? ⁵⁰neke navakakagwile uluvumbulilo lwa masio aghuo.⁵¹pepano akaluta palikimo na veene kukaja ku Nasaleti, kange alyale mwitiki kuveene. ung'iina alyavikile sooni mu mwoojo ghwake. ⁵²neke uYesu alyaghendelile kukula mu vukoola ni vugoyo nakughina kuva mughanike kwa Nguluve na vaanhu.

¹lino mu mwaka ghwa kijigho na ghahaano mu vutavulua vwa kaisali Tibelia, unsiki ghuno uPontio Pilato alyale ghavana ghwa vaYahudi, uHelode alyale m'baha ghwa vughavo a vwa Galilaya, nu Filipo unyalukola ghwake alyale m'baha ghwa vughavo vwa Itulea ni kya Tulakoniti, nu Lisania alyale m'baha ghwa vughavo vwa Abilene. ²nu n'siki ghwa gha vutekesi uvukulu vwa Anasi nuKayafa, iliso lya Nguluve likamwisila uYohani umwana ghwa Sakalia ku lihaka.³akakyulile mu vughavo vwoni kusyuta ikikogha Yoldani, akidalikila ulwofugho lwa kulata vwimila ulusaghilo lwa vuhosi.⁴ndavule jilembilue mu kilembe kya masio gha m'bili Yesaya kuuti," ilisio lwa muunhu juno ali kulihaka" muvombaghe vunono mu sila ja Mutwa, muvombaghe vunono mu maghendele amagholofu.⁵ifivonde fyoni filimemesevua, ifidunda fililimua, amasevo ghano ghabindile ghigholosivua, ni sila sino sili na manina sisyilua. ⁶avaanhu voni vilukuvwagha uvuvangi vwa Nguluve"⁷pe uYohani akalivuula ilipugha ilikome lwa vaanhu vano vakisile neke vofughue nu mwene, mwe vaholua mu kisina kya njoka isinya miino makali, ghwe veni juno avasyovile kujikimbila ing'alasi jino jikwisa.⁸muholaghe imheeke inofu, kange namungajovaghe mu numbula sinu kuuti,' tulinaghwo uAbulahamu juno ghwe baba ghwitu, uNguluve iwesia kukumwimikisia uAbulahamu avaanha nambe kuhumilanila na mavue agha.⁹tayale inemo jivikilue pa lilela lya mpiki. pe amapiki ghoni ghano naghihola imheke inono, lidumulivua na kutaghua ku mwoto,¹⁰pe avaanhu mu lipugha vakamposia vakati, " lino lunoghile tuvombe ndani?" ¹¹akavamula akati, "ndeve umuunhu ali ni kanju ivili anoghile afule jimo kwa junge juno nsila namne jimo, na juno alinikyakulia ghwope avombe vule vule"¹²pepano avasongesia songo vamonga vakisile vope kukufughua, vakam'bula vakati, "m'bulanisi, lunoghile tuvombe ndani? ¹³akavavula, " namugakong'aniaghe indalama fiijo kukila kino kinoghile kukong'ania.¹⁴avasikali vamonga vope vakamposia vakatisagha, " pe nusue? tunoghile tuvombe ndani?" akavavula akati," namungatolaghe indalama kwa muunhu ghweni ku ngufu, namungahighaghe umuunhu ghweni ku vudesi. mukwilanaghe nu luhombo lwinu"¹⁵lino, ulwakuva avaanhu valyale nu lunoghelua ulwa kumughula uKilisite juno ikwisa, kila muunhu isagha mu mwojo ghwake kuva ndeve uYohani ghwe Kilisite. ¹⁶uYohani akavamula vooni akati, "une nikuvofugha umue na malenga, neke kwale jumo juno ikwisa ali ni ngufu kukila une, kange naninoghile nambe kupinya ingoji sa filatu fyake. ikuvofugha umue ku mwoto ghwa Mhepo uMwimike.¹⁷ilihelo lyake lili muluvoko lwake neke kupeeta vunono amasanji gha ngano na kujikong'ania vunono mu kihenge kyamwene. neke inyanya amasanji ku mwoto ghuno nambe naghusimika.¹⁸mu mbulanisio isingi nyinga alyadalikile imhola inofu ku vaanhu. ¹⁹uYohani alyadalikile uHelode um'baha ghwa vughavo kwa kukuntoola uHelodia un'dala ghwa nyalukolo ghwake na kuvuhosi uvunge vwinga vuno uHelode alyavombile. ²⁰neke pambele kange uHelode alyavombile uvuhosi uvunge uvuvivi kyongo. akan'dindila uYohani mu ndinde.²¹pe lukahumile kang kuuti, unsiki avaanhu vooni valyale vikwofughua nu Yohani, ghwope uYesu kange akofughue. unsiki ghuno akale ikufunya ikyanya jikadinduka. ²²uMhepo uMwimike akika n'kyanya jaake ku kihwani kya m'bili hwene king'undya, nu n'siki ghughughuo ilisio likisa kuhuma kukyanya likatisagha, "uve veve n'swambango mughanike, uninoghiile kyongo une.²³lino uYesu jujuo ati atengwile kuvulanisia, alyale na maka fijigho fitatu, alyale ghwe mwana{ndavule lukaghanilue] ghwa Yosefu, mwana ghwa Eli, ²⁴mwana ghwa Matati, mwana ghwa Lawi, mwana ghwa Meliki, mwana ghwa Yana, mwana ghwa Yosefu,²⁵mwana ghwa Matatia, mwana ghwa Amosi, mwana ghwa Nahumu, mwana ghwa Esili, mwana ghwa Nagai, ²⁶mwana ghwa Maati, mwana ghwa Semeni, mwana ghwa Yosefu, mwana ghwa Yuda,²⁷mwana ghwa Yonani, mwana ghwa Resa, mwana ghwa Selubabeli, mwana ghwa Seatieli, mwana ghwa Neli, ²⁸mwana ghwa Meleki, mwana ghwa Adi mwana ghwa Kosamu, mwana ghwa Elimadamu, mwana ghwa Eli, ²⁹mwana ghwa Yoshua, mwana ghwa Lieseli, mwana ghwa Yorimu, mwana ghwa Matai, mwana ghwa Lawi,³⁰mwana ghwa simoni, mwana ghwa Yuda, mwana ghwa Yosefu, mwana ghwa Yonamu, mwana ghwa Eliakimu, ³¹mwana ghwa Melela, mwana ghwa Meena, mwana ghwa matai, mwana ghwa Natani, mwana ghwa Devidi, ³²mwana ghwa Yese, mwana ghwa Obedi, mwana ghwa Boasi, mwana ghwa Solomoni, mwana ghwa Nashoni.³³mwana ghwa Aminadabu, mwana ghwa Alamu, mwana ghwa Hesiloni, mwana ghwa Pelesi, mwana ghwa Yuda, ³⁴mwana ghwa Yakovo, mwana ghwa Isaki, mwana ghwa Abulahamu, mwana ghwa Tela, mwana ghwa Nahori, ³⁵mwana ghwa Selugi, mwana ghwa Ragau, mwana ghwa Pelegi, mwana ghwa Abeli, mwana ghwa Sala.³⁶mwana ghwa Kenani, mwana ghwa Alifakisadi, mwana ghwa Shemu, mwana ghwa Lmeki, ³⁷mwana ghwa Metusela, mwana ghwa Kenani, ³⁸mwana ghwa Enoki, mwana ghwa Seti, mwana ghwa Adamu, mwana ghwa Nguluve.

¹uYesu ye amemilue nu uMhepo uMimike, akagomwike kuhuma kukikogha ikya Jolidani, na Mhepo akamulongosia ku lihaka ²ku fighono fijigho fine, ukuo akagheluagha nu Setano. un'siki ughua nakalile kyokyoni, nu vusililo vwa n'siki ughuo injala jikatengula.³uSetano akam'bula akati," ndeve uve uli mwana ghwa Nguluve, livule ilivue ili live nkate". ⁴uYesu akamwamula akati, "jilembilue; "umuunhu naiva nu vwumi kulia un'kate ghwene.⁵pe pano uSetano akamulongosia kukyanya kuvusililo vwa kidunda, na kukunsona uvutwa vwoni vwa iisi ku n'siki n'debe. ⁶uSetano akambula akati." nikupela uvutavulilwa vwa vutwa vwoni palikimo nu vunofu vwake". niwesia kuvomba ndikio ulwakuva fyoni fitavulilwa kulyune, neke une nikumpela ghwoghwoni juno nighanile kukumpela. ⁷pe lino, ndeve ungafughame na kukunyimika, ifinu ifi fyooni fiiva fyako".⁸neke uYesu akamwamula akati, "jilembilue kuuti, umwimikaghe uMutwa uNguluve ghwako, kange um'bombelaghe umwene mwene".⁹pambele uSetano akamulongosia uYesu kuhanga ku Yelusalemu na kukum'bika ulubale ulwa pakyanya fiijo pa nyumba inyimike ija kufunyila na kukum'bula, " ndeve uve uli mwana ghwa Nguluve, ghujitaghe paasi kuhuma apa. ¹⁰ulwakuva jilembilue, " ikuvalaghikisia avanyaMhola vaake vakusunge na kukulolela, ¹¹kange vikukutosia ku kyanya mu mavoko ghave neke kuuti, nungalemasiaghe amaghulu ghako mu livue.¹²uYesu akamwamula akati, "jijovilue, nungamughelaghe uMutwa Nguluve ghwako". ¹³uSetano ye amalile kukumughesia uYesu, akamuleka alutaghe kuhanga un'siki ughunge.¹⁴pe pano uYesu akagomoka ku Galilaya ku ngufu sa Mhepo, ni mhola inofu sa mwene sikaluta na kupalasana mu fighavo iya vupipi fyoni. ¹⁵akavulanisie mu nyumba saave isa kufunyila na vooni vakamughinia.¹⁶ikighono kimonga akalutile ku Nasaleti, umpulo ghuno akusungilue na kukulia. ndavule vulyale uvuatavike, akingila mu nyumba ija kufunyila.ikighono kya Sabati, akimile na kukwimba amalembe amimike. ¹⁷akapelua ikitabu kya m'bili Yesaya, pe akadindulila ikitabu na kulonda pano palembilue,¹⁸uMhepo ghwa Mutwa ali palikimo nune, ulwakuva akamakile amauta kudalikila iMola inou ku vakotofu anhumile kupulisia uvwavuke ku vano vali mundinde, nakukuvavomba vano naviloola vawesie kulola kange. kuvavika vwavuke vano vadidikilue, ¹⁹kukughupulisia u mwaka ghuno uMutwa ilivonesia ulusungu lwake.²⁰pe baho akadinda ikitabu, akan'gomokesia umulongosi ghwa nyumba ja kukufinyila, akikala paasi. amaaso gha vaanhu vooni ghalyale pavulongolo ghikumulola umwene. ²¹akatengula pijova navo akati, " umusyughu ililembe ili lifikile mu mbughulutu sinu". ²²umuunhu ghweni pala akapulike kila kino akajovile uYesu, na vinga mu vanave vakadegha amasio gha vukoola ghano ghakahumagha mu mulomo ghwake. vakale viiti, " uju na ghwe n'swambe lwene ghwa Yosefu, na uluo?"²³uYesu akavavula akati, "kyang'haani mulijova ulujovo ulu kulyune," mughanga, ghusosie juve. kyokyoni kino kino ghwavombagha ku Kapelinaumu tupulike, vomba na pakikaja kyako". ²⁴kange akati," kyang'haani nikuvavula umue, nakwale um'bili juno vikumwitika ku isi jake"²⁵neke nikuvavula umue ikyang'haani kuuti, kwevalyale avafwile vinga ku Silaeli mu n'siki ghwa Eliya pano kukyanya kukadindilue nakungavisaghe ni ula ku maka ghatatu na mesi ntanda, unsiki ghuno kulyane ni njala ing'ome mu isi jooni. ²⁶neke uEliya nakasung'ilue kwa muunhu ghweni, neke kwa mfwile jumo juno ikalagha ku Sarepapipi nu mpulo ghwa Sidoni. ²⁷kangekulyale na vakoma mufighono fya m'bili Elisha Isilaeli neke nakwealyale nambe jumo mu vanave juno akasosilue, looli u Naamani umuunhu ghwa ku Silia.²⁸avaanhu voni vano valyale mu nyumba ija kufunyila ye vapulike aghuo vakava ni ng'alasi. ²⁹vakiima na kukumwumia kunji kulikaaja lyave, nakukumulongosia kuhanga kuvusililo vwa kidunda kya likaaja pano umpulo ghujengilue nkyanya jake, ³⁰neke vantaghe paasi. neke akakila vunono pakate pavo na kuluta.³¹pambele akikagha ku Kapenaumu, mulikaaja ilya Galilaya. Isabati jimonga jilyale jivulanisia avaanhu mu nyumba ija kufunyila. ³²vakadegha imbulanisio sake, ulwakuva akavulanisie kuvutavulua.³³lino ikighono ikio mun'kate mu nyumba ija kufunyila, kulyale nu muunhu juno alyale ni lipepo ililamafu, akakoola kyongo, ³⁴tuli ni kiki nuve? ghwe Yesu mu Nasaleti? ghwisile kukututipula? nikagula uve veve veni! uve veve mwimike ghwa Nguluve"³⁵uYesu akalidalikila ilipepo akati," jigha kimie, na uhume kwa muunhu uju!" ilipepo lila lyati lin'taghile umuunhu jula pasi pakate javo, likahuma kwa muunhu jula kisila kumulemasia. ³⁶avaanhu vooni vakadegha na kughendelela kuku n'jovela ku ilio. vakatisagha," ghe masio maki agha? akughadaga amapepo amalamafu ku vutavulua ni ngufu ghope ghivuka? ³⁷pe lino imhola inofu isa Yesu sikaghenda imbale sooni sino sisyunguta mukighavo ikio.³⁸uYesu akavuka mulikaaja ilio pe akingila ku nyumba ja Simoni. lino un'kwivw gha Simoni akale ivavua imungu kyongo, vakampelepesia uYesu ansosie. ³⁹peeano uYesu akam'belelela akajidalikila imungu jila jikamulekesia, akima na kutengula kuvatengelela..⁴⁰ilijuva ye lisema, avaanhu voni valyale na vatamu avanga anmu sinosilipinga vakan'twalilagha uYesu. akavikagha amavoko pa kyanya pave, akavasosia voni. ⁴¹kange amapepo ghakavahuma, vinga vakalilagha ku lisio na kuuti, " uve veve mwana ghwa Nguluve". uYesu alyaghadalikila amapepo ghaleke pivoja. ulwakuva vakakagwile kuuti, umwene alyale ghwe Kilisite.⁴²unsiki ghuno ye kukile, akaluta ulubale luno lusila vaanhu, ilipugha lya vaanhu valyale vikumulonda vakisa ku lubale luno pweakale umwene. vakaghela kukunsigha nangalutaghe kutali na vene. ⁴³neke akavavula akati," lunoghile kange kudalikila imhola inofu sa vutwa vwa Nguluve mu makaaja aghange aminga. ulyakuva uluo lwe lwene nikasungilue apa. ⁴⁴pe pano akaghendelela kudalikila mun'kate mu nyumba ijakufunyila ku vaYahudi voni.

¹pe jilyahumile unsiki ghuno avaanhu vakan'kong'anikila na kun'syuta na kupulikisia ilisio lya Nguluve, pano alyale imile ulubale lwa kikogha kya Genesaleti. ²akavona ifyombo fivili fifikile mulubale na malenga. vano visuvula vala valyahumile valyale visuka indovele save. ³uYesu akingila mu kyobo kimonga kino kilyale kya Simoni akansuuma atwale mu malenga kutali padebe ni iisi indaghafu. pe ikala na kum'bulanisia kuhumila mu kyombo kila.⁴kujova akam'bula uSimoni akati, twala ikyombo kyako kuhanga mukilindi kya malenga na kukwisia indovelo sako neke kusuvua iswi" ⁵uSimoni akamwamula akati," Mutwa tuvombile imbombo ikilo jooni, natukolile kyokyoni, neke kulisio lyako, nikisisia indovelo. ⁶vati vavombile nahele vakakong'anisie iswi nyinga na sindovelo save sikatengula kudemuka. ⁷pe vakavakemhela avajanave neke viise kukuvatanga. vakisa vakamemia ifyombo fyave fyoni fyope fikatengula kusovelela.⁸neke uSimoni Peteli ati avwene ndikio, akaghua pamafundo gha Yesu akati, "Mutwa vuuka palyune, ulwakuva une nilinisambi" ⁹ulwakuva alyadeghisivue na voni vanovalyale palikimo nu mwene kuvusuvi vwa swi vuno vakavuvombile. ¹⁰ili likavakong'anisie uYakovo nu Yohani avaanha va Sebedayo, vano valyale vakong'aniki va Simoni. uYesu akam'bula u Simoni akati, " nungoghopaghe, ulwakuva kutengulila lino nakughendelela ghutengula kusuvula avaanhu" ¹¹vati vahumisie ifyombo fyave ku iisi indaghafu vakafileka na kumbingilila umwene.¹²jilyahumile kuuti ye alyafikile mu mpulo ghumonga, umuunhu juno alyale amemile uvukoma alyale ukuo. ati amwaghile uYesu, akasula misia umutu ghake paasi na kukufunya akati," Mutwa nave ghunoghua, ghuwesia kunivalasia". ¹³pe pano uYesu akagholosia uluvoko lwake na kun'kola, akati," nilonda kuvalasivua" nu n'siki ghula ghula uvukoma vukamuleka.¹⁴akamulaghisia nangam'bulaghe umuunhu ghweni, neke akam'bula kuuti, "lutagha juve ghwe mwene ukajivonesie kuvatekesi na kuhumia ilitekelo lwa kuvalasuvua, palikimo na kila kino uMoose akuvuli ku vujovi vwako.¹⁵neke imhola inofu sikaghenda kutali kyongo, ni lipugha likome ilya vaanhu likisa palikimo kumpulikisia ye ivulanisia na kusosia inhamu savo. ¹⁶neke ke kinga ikukala kuvusyefu kukufunya.¹⁷kikahumile ikighono kimonga mu fighono fino alyale ivulanisia, pwevalyale avaFalisayi na vavulanisi vwa ndaghilo vano vakikalile apuo vano vakisile kuhumila mu fikaaja ifingi mu vughavo vwa Galilaya na ku Yudea kange kuhumila mu mpulo ghwa Yelusalemu. ingufu sa Nguluve silyale palikimo nave kunsosia.¹⁸avaanhu vamonga vakisile vampindile mu kitefu umuunhu juno v,,,, pe vakalonda isila ja kumwingisia mun'kate neke kumughonia pavulogolo pa Yesu. ¹⁹navaka jaghile isila ja kumwingisia mun'kate ulwakuva ilipugha lya vaanhu lilyale likome. pe vakatogha pakyanya pa lipaala lya nyumba na kumwisia umuunhu jula paasi kukilia mu figai pe vakavika pakate pa vaanhu pavulongolo pa Yesu.²⁰lolagha ulwitiko lwako, uYesu akati, "nyalukolo usaghilue isambi sako" ²¹avavulanisi na vaFarisayi vakatengula kuposia ilio.akaati uju ghwe veni juno ijova imbivi? ghwe veni juno isaghila isambi neke ghwe Nguluve mwene?²²neke uYesu, akakagwile kiki vakale visagha, akavamula na kukuvavula," ²³kiki mukuposesania mu mooja ghinu? kiliku kye kihugu kujova, 'isambi sako sisaghilue' au kuuti 'ghenda ulute?' ²⁴neke mukagule kuuti umwana ghwa muunhu ali nu vutavulua vwa kusaghila isambi mu iisi. nukukuvula uve, 'sisimuka utole ilitefu lyako ulutaghe ku nyumba jako²⁵unsiki ghughuo akasisimuka pa vulongolo pa veeve, akatola ilitefu lwake ghuno akaghonile. pe akagomoka kwa mwene na kukumughinia uNguluve. ²⁶avaanhu voni vakadeghisivue na kumwimika uNguluve. vakamemilue nu vwoghofi vakatisagha,"tusaghile sino nasajaatu umusyughu"²⁷pe lino ye ghahumile aghuo, uYesu alyahumile ukuo kuhuma ukuo na kukumwagha unsongesia songo juno akemeluagha Lawi ikalile ulubale lwa kusongekesia isongo, akavavula akati, "mbingilile" ²⁸pe uLawi akima na kumbingilila, akafileka ifinu fyoni kunsana.²⁹pe uLawi akavika ku nyumba ja mwene ikikulukulu ikikome vwimila Yesu. pe valyale avasonesia songo vinga na vaanhu avange vinga vakikalile pamesa na pilia palikimo na veene. ³⁰neke avaFarisayi na valembi vaave valyale vikuvasukunalila avavulanisivua, vakati, " kiki mulia na pinyua na vasongesia songo palikimo na vaanhu avange avanya sambi?" ³¹uYesu akavamula akati, "avaanhu vano va nu vwumi uvunono navanoghile kukumulonda umughanga, neke vala veene vano vatamu vevene vikumulonda umughanga. ³²nanikisile kuvakemhela avanya kyang'ani neke valate, looli kuvakemela avanya sambi vapate kulaata"³³vakam'bula vakati, "avavulanisivua va Yohani ke kinga vitogha kukidunda na kusuma, avavulanisivua na vafarisayi vope vivomba vule vule. neke avavulanisivua vako vilia na kunyua" ³⁴uYesu akavavula akati, " jiwesekana umuunhu ghweni kudinda uvutolani kuvano vaghongolilue unsiki ghuno unyavutolani ajighe navo? ³⁵neke ifighono filikwisa unsiki ghuno unyavutolani vikum'busia ku veene, pepano mu fighono ifio ilidinda.³⁶pe uYesu akajova navo kange ku kihwani akati,"nakwale umuunhu juno idemula ulubale lwa mwenda kuhuma mu mwenda umpya na kuhonela mu mwenda un'kulu. nave ivomba nahele, idemula umwenda umpya nu lubale lwa mwenda umpya nakwale kinoghela kuhonela mu mwenda un'kulu.³⁷kange nakwale umuunhu juno ivika uluhuje ulupia mu supa ing'ulu, ndeve ivomba ndikio, uluhuje ulupia lwale lubajula isupa jila, nu luhuje lwale lukung'ika ni supa sale sibajuka. ³⁹neke uluhuje uupia lunoghile kuvika mu supa imia. ³⁸kange nakwale umuunhu juno alekile pinyua uluhuje ulupia neke anyue ulukulu, ulwakuva viiti ulwapakali lwe lunono kukila"

¹lino pa kighono kimonga ikya Sabati uYesu ava ikila pakate na pakate pamaghunda gha ngano neke avavulanisivua vake vakava videenya amasoojo gha ngano . ²pepano avafalisayi vamonga vakamposia vakati "kiki muvomba ikinu kino nakinono ku ndaghilo kuvomba pakighono ikya Sabati?"³uY akavavula akati" namughelile pikwimba sino alyavombile uDavidi pano alyale ni njala. umwene nava kibaba vano valyale palikimo nave?. ⁴alyalutile kunyumba ja nguluve. akatola amakate amimike napilia ghamonga na nakuhumia kuvaanhu vano alile navoilisio nambe sale sesene kuvatekesi kulia. ⁵neke uYesu akavavula kange umwana ghwa muunhu um'baha ghwe mwana ghwa Sabati.⁶ikighono ikinge ikya Sabati akingila mu nyumba ija kufunyila na kukuvavulanisia avaanhu palyale umuunhu juno uluvoko lwake ulwa kundio lwale lufue. ⁷avavulanisi na vafalisayi vakava vikumwuvila valole ndeponu ikum'buvusia umuunhu ikighono ikya Sabati. neke vapate ikipaghe kyakumuhigha uvusovi. ⁸alyaghamanyile kuuti kinu kiki kino visagha napijova kwa muunhu juno alyafwile uluvoko. "sisimuka ghwime apa pakate na pakate pakila muunhu "akinuka na pikwima pala.⁹uYesu akajova navo " nikuvaposya umue kuvomba indamafu pakighono ikya Sabati? nambe tuuti kupoka uvwumi nambe kunangania? neke akavalola voni napikum'bula umuunhu, ¹⁰gholosia uluvoko lwako, akavomba ndikio, nu luvoko lwake lukava luponile. ¹¹neke valyale ni ng'alasi neke vakapwepelanila vavuo ku vavuo kiki kino vavombe kwa Yesu.¹²lulyahumile pa kighono alyalutile kukidunda kuufunya, akifunya pakilo na akifunya ikilo jooni kukufunya kwa Nguluve. ¹³ye jifikile ilyakilo pe akavakemhela avavulanisivua vake kwa mwene akavasalula kijigho na vavili munkate mumuo avapeela ilitavua" vasung'ua"¹⁴amatavua gha vasung'ua alyale ghwe Simoni juno ilinge ghwe Peteli nu ndeleya unyalukolo ghwa Yakovo, nu Yohani, nu Filipo, nu Batulumayo. ¹⁵Matai, Tomasi nu Yakovo umwana gha aluayo, uSimoni jono akatambuluagha nsaloti, ¹⁶Yuda unkina ghwa Yakovo nu Yuda isikalioti juno alyamwahile uYesu¹⁷pe pano uYesu akikile navo kuhuma kukidunda na pikwima paluvindi ikipugha kya vavulanisivua vake kwevalyale ukuo palikimo imbalilo imbaha ja vaanu kuhuma kuvuYahudi na kuYelusalemu mulisumbe ilya Tilo ni Sidomi. ¹⁸valisile kukumpulikisia na kusosivua vutamu vwake. avaanhu vakava vipumusivua na mapepo amalamafu. valasosivue voope. ¹⁹umuunhu ghwo ghwoni kulukong'ano uluo vakamwabasia ulwakuva ingufu sa vupoki sikahumile kwa mwene alyavavusisie vooni.²⁰pe pano avalola avavulanisivua vake akati, "mulivafunyua umue mwevakolofu ulwakuva uvutwa vwa Nguluve vwinu. ²¹mulinulufunyo mwevano muli ni njaala lino, ulwkuva muliiseka.²²mufunyilue umue mwevano avaanhu vikuvakalila na pikuvasula na pikuvaligha umue kuuti, mulivahosi; ulwakuva mukumwitika u mwana ghwa muunhu. ²³muhovokaghe ku kighono ikio na kukima mu lukelo. ulwakuva sakyang'haani muliiva nuluhombo ulukome kukyanya., ulwakuva avavise vavo valyavavombiile vule vule avavili.²⁴neke iga mwevano mulivamofu! lino ulwakuva uluhuvilo lwinu mumalile kukwupila. ²⁵iga umue mwevano mukwite lino! ulwakuva mulivani njala. iga mwevano museka lino! ulwakuva mulipelepesi na kulila.²⁶iga pano vikuvapala avaanhu voni! ulwakuva avavise vave valyavavombiile avavili vule vule avavili vavudesi.²⁷neke nijova kulyumue mwevano mukumulikisia, muvaghanaghe avalugu viinu na pikuvavombela inono vano vikuvakalalila. ²⁸kange muvasumilaghe vano vikuvaghuna umue muvasumilaghe navano vikuvavonela.²⁹kwa juno ikukutova uvudili ulubale ulwa kundio mulekela nu lubale ulwa kung'ighi nave umuunhu akupokile igwanda umpele najikanju. ³⁰umpelaghe juno ikukusuma. ndeve umuunhu angakukunye ikinu kino ukavile juve ulekaghe kuuti akugomokesie.³¹ndeve mukela avaanhu vavavombele, najumue muvavombelaghe vule vule.. ³²ndeve mukuvaghana avaanhu vano vavaghanile umue mupelua uluvumbulilo luki kulyumue? ulwakuva na vavahosi vavaghanile vano vavaghanile. ³³ndeve mukuvavombela inofu vala vano vikuvavombela umue amanofu. uluo luvumbulilo luki kulyumue? ulwakuva na vavahosi vikusivomba sisisio. ³⁴neke ndee mukuvakopesia ifinu kuvaanhu vano muhuviila kuuti vikuvagomokesia, uluo luli nu luvumbulilo luki kulyumue? nambe avahosi vikuvakopesia avahosi vajavo vihuvila kukwupila kila kila kange.³⁵looli umue muvaghanaghe avalugu vinu kange muvavombelaghe inofu namungoghopaghe kuuti navikuvagomokesia, uluvumbulilo lwinu luuva luvaha neke muva vaanha va juno alikukyanya, ulwakuva jujuo mhuugu ku vaanhu vano vasila luhongesio kange vahosi. ³⁶muvisaghe nu lusungu ndavule uNhaata ghwinu vule ikuvasungukila avaavnhu vooni.³⁷namungahighaghe, najumue namulihighua. mulekaghe pighuna, najumue namulighunua. muvasaghilaghe avange najumue alavasaghila.³⁸muvapelaghe avange najumue muliplua ikighelelo kya vupeesi - kino kiking'iine, nakuseleleka - kikung'iika mumafundo ghinu ulwakuva ikighelelo kyokyoni kino mughelela kye kino mulagheleluagha najumue."³⁹pepano akavavula kukighwani ,"kange umuunhu um'bofu amaaso ndeponu ikumulongosya um'bofu nine? nave fyesilivuo pe voni valevighwilila mu lina, ⁴⁰um'bulanisivua nangankile um'bulanisivua ghwake. neke juno amalile kuvulanisivua sooni iva ndavule um'bulanisi ghwake.⁴¹kiki ghulola ikibandi kino kili muliso lwa n'jako, ikipiki kino kili muliso lyako naghulola? ⁴²lwandani kukumb'ula un'jako, nyalukolo nisuma nikuvusie akabandi kano kalimuliso lyako; najuve naghulola ikipiki kino kili muliso lyako? ghwe n'kedusi uve! vusia tasi ikipiki kino kili muliso lwako neke pe ukukyagha vunofu ikibandi kino kili muliso lya n'jako.⁴³ulwakuva nakweghule um'piki unofu ghukoma imheke imbivi kange nakweghule um'piki um'bivi ghuno ghukoma imheke inofu. ⁴⁴ulwakuva um'piki ghwoghwoni ghukagulika ifipeke fyake. navavanhu navidonola itini kumifua kange na vidonola isabibu kuhuma kulihanji lya mifua.⁴⁵fye lulivuo umuunhu unofu ijova inono, kuhuma mu mwojo ghwake unono. najumuunhu um'bivi ijova imb'ivi sino sihuma mu mwojo ghwake. ulwakuva umulomo ghwake ghujova sino sili mu mwojo ghwake.⁴⁶kiki mukung'emela, "Mutwa, Mutwa ongo namuvomba ghanonijova? ⁴⁷umuunhu ghweni juno ikwisa kylyune nakupulika amasio ghango napikughavombela, nikuvasona vule alivuo. ⁴⁸iling'ana nu muunhu juno ajengile inyumba jake igima paasi fijo napijenga, peakala uvwalo vwa nyumba jake pavwalo uvukangafu. ifula ye jitonyile ilikavaga lya malenga ghakatonyela neke najikaghwile. ulwakuva alyajengile vunono.⁴⁹neke umuunhu juno ipulika ilisio lyango kange naikulivingilila ikighwani kyake alindavule umuunhu juno ajengile inyumba palihanga pano pasila vwaalo ululenga lungapongole kukuhuta kwa ngufu inyumba jila jijughua jughua ooni.

¹pe baho uYesu ye amalile kila kinu kino akale ijova kuvaanhu vano vakampulikisiagha, akingilagha ku kapenaumu.²um'bombi jumonga ghwa Akida akale ghwa ndalama nyinga kyongo, alyale n'tamu kyongoakale pipi pifua. ³neke ye apulike imhola sa Yesu uAkida jula akan'sunga umulongosi ghwa kiYahudi, kun'suuma ise kumpoka um'bombi ghwake aleke pifua. ⁴vakati vafikile pipi nu Yesu, vakampelepesiagha vakatisagha, " anoghile kum'bombela ndiki umwene, ⁵ulwakuva ajighanile iisi jitu, ghwe mweene akajengile inyumba jitu ija kufunyila.⁶uYesu akaghendelelagha nu vukyusi vwake palikimo na vope. akatile alutile patali ni nyumba jila, um'bha juno akavasung'a avamanyani vake kujova nu mwene kuuti,"Ntwa uleke kujikatalila ghwemwene, ulwakuva une naninoghile uve kukwingila mu nyumba jango. ⁷ulwakuva nambe june nisaghile ne mwene kuuti, naninoghile kukwisa kulyuve ujove ilisio lyene um'bombi ghwango ye isokagha. ⁸ulwakuva na june nili muunhu juno ipulika ululaghilo lwa vavaha vango, najune nili navasikali vango. ningam'bule uju "luta" nu jjunge " ghwise" ikwisa naju m'bombi ghwango 'vomba iki ghwope ibomba"⁹uYesu ye apulike aghuo akadegha, pe akalisyetukila ilipugha lino likam'bingilile akati," nikuvavula nambe mu va silaeli nanimwaghile umuunhu unya lwitiko lukome ndavule uju. ¹⁰peepano vala vano vakasung'ilue vakagomoka kukaaja na kukumwagha um'bombi n'kafu.¹¹pambele aghakatile ghahumile agha uYesu akava ikyulila ilikaaja lino likemhelua Naini. navavulanisivua vake vakalutagha palikimonu mwene vakahasing'anagha nilipugha lya vaanhu. ¹²ye alipipi nu mulyango ghwa mpulo un'kome lola, umuunhu juno afwile akava apindilue, umwana ujuo alyale mwene kwa mukijuuva jula, juno alyale mfwile. ilipugha ilikome kuhuma mumpulo ghula valyale palokimo numue. ¹³akatile amwaghile uMutwa akam'belelela nu lusungu lukome akam'bula akati," uleke pilila" ¹⁴pe akalivelelela ilivokosi lino likapindile umfimba, akalyabasia, vano valyapindile vakiima akati, "ghwe nsoleka niti sisimuka" ¹⁵umfue akasisimula na kukukala pasi nakutengula pijova. Peepano uYesu akampeela ung'iina umwanake¹⁶neke vooni vakamwoghopa vakaghendelela kukumughinia uNguluve viti, "Um'bili um'baha isile kulyusue" kange uNguluve avalolile avaanhu vake. ¹⁷imhola isa inono isa Yesu sikakwiline imbale sooni isa Yudea na mu fighavo ifya pa vupipi.¹⁸uYohani akavulwagha na vavulanisivua ghoni agha. ¹⁹pe uYohani akavakemhela avavulanisivua vake vavili, akavasung'a kwa Mutwa akati, "veve uve ghukwisa, neke kwale ujunge juno tumuhuvilaghe? ²⁰ye vafikile pipi nu Yesu ava vakati," uYohani umwofughi atusung'ile kulyuve atile,'uve veve ghukwisa, neke kwale ujunge tumuhuvilaghe?²¹unsiki ghula ghula akavasosia avaanhu vinga kuhuma mu nhaamu ni mhumhuko, kuhuma ku mapepo amalamafu, na kuvaanhu vano navilola akavapelagha kulola. ²²pe uYesu akavamula avene akati," kumwande muva mulutile kuno muhumile mum'buulaghe uYohani sino musaghile na kupulika, avabofu vikwupilakulola, avakilemela vighenda, avanya buba vivalala, avanya mapule vipulika, avafue visyuka, na kuva vwumi. kange, avakotofuvivulua imhola inofu. ²³nu muunhu juno nabuhila kukunyitika une vwimila mumaghendele ghango afunyilue.²⁴pambele ye vagomwike vala vano vakasung'ilue nu Yohani kuno vahumile, uYesu akatengula kujova isa Yohani ku lipugha akati,"muvele mulutile kunji kulola kiki, ililasi pano imhepo jisukania ililasi? ²⁵neke muvele kunji kulola kiki, umuunhu juno afwalile vunono? loola vala vano vifwala amhenda amanono agha vutwa na kukukala mu vwumi vwa lukelo, vali muvulugu vwa vutwa. ²⁶neke muluta kunji kulola kiki, m'bili? Ena, nijova numue kyongo kukila um'bili.²⁷uju ghwe juno vakamulembile, 'Lola!, nukunsung'a umwomolua ghwango pavulongola pa maaso ghinu, juno itenda isila vwimila jango, ²⁸nijova kulyumue kuuti, " ku vala vano vaholilue nu n'dala, kusila m'baha ndavule uYohani, neke umuunhu juno asila vufumbue juno ilikukala nu Nguluve ulubale luno pwale, iliiva mb'aha kukilla uYohani"²⁹avaanhu voni palikimo navasongesia songo,vakati vapulike aghuo vakapulisyagha kuuti, "uNguluve ghwe nya kyang'haani. pwevakale vano vakofughue ku lwofugho lwa Yohani. ³⁰neka avafalisayi na vavulanisi va ndaghilo sa kiYahudi, vano navofughue nu mwene vakasitile ulusungu lwa Nguluve vwimila javo veene.³¹kange ndeponu ihwananisia ni kiki avaanhu ava kisina kiki? vali ndavule vali ndani? ³²vahwanine na vaanha vano vinena kulighuliko, vanovikukala na kukemelana jumo nu junge vijova, 'tuvapulile ifilongilongi vwinaka namulilimila jinu, neke namusejile tusukunile neke namunenile.³³uYohani umwofughi alisile na akalisagha unkate nambe kunyua uluhuje na mukati, "ali nilipepo. ³⁴umwana ghwa Muunhu alisile mulia kyongo kange mughasi mwiti," manyani ghwa vasongesia songo kange vanya sambi. ³⁵neke uvukola vukagulike kuva vuli ni kyang'ani ku vaanha vake voni.³⁶umufarisayi jumonga alyansumile uYesu alute kulia palikimo numwene. pe uYesu ye ungile mu nyumba ja Falisayi, akeghamila imesa jila neke alie. ³⁷lola kwealyale un'dala jumonga mulikaaja ilio juno alyale muhosi . akamanya kuuti ikalile kwa Falisayi, akaleta isupa ja mafuta amanono ghano ghinukilila. ³⁸akima nsana jake pipi na maghulu ghake kuno ilila. kange akatengula kunyopesia amaghulu ghake na masosi, na kupulusia ni linyele lwa mutu ghwake, kuno inonela amaghulu ghake na kupaka amafuta ghala ghano ghinukilila.³⁹umfalisayi jula huno alyale amughongolile uYesu ati avwene ndikio, akasagha jujuo akati, "nave umuunhu uju asavisagha m'bili, ale ikagula uju ghwe veni kange ghwe n'dala ghwa ndani juno ikumwabasia, kuuti ghwe nya sambi. ⁴⁰uYesu akamwamula na kukum'bula, "simoni nili ni kinu kwa kukuvula, "akati, kijove mbulanisi'⁴¹uYesu akaati, " kwevalyale avaanhu vavili vano valyale visighilua ihela kwa jumonga juno alyavakopile. jumo asighiluagha idinali ifilundo fihaano nu ghwa vuvili asighiluagha idinali fijigho fihaano. ⁴²avaanhu ava ye va kunilue kuhomba, juno alyavakopile akavasaghila. lino mu avuo vano vano vakasaghilwagha, "aliku kya ikumughana kyongo? ⁴³uSimoni akamwamula akati, " nivona juno asaghilue kyongo". uYesu akambula kuuti, "uhighile sesene".⁴⁴uYeu akansyetukila umukijuva na kujova kwa Simoni, "ghukumwagha umukijuva uju. ye ningile mu nyumba jako. numelile amalenga vwimila amaghulu ghango, neke uju, ku masosi ghake, ofwighe amaghulu ghango na kupulusia ni linyele lyake. ⁴⁵nukaninonile, neke umwene, kuhuma ikwingila muno nakalekile kukughanonela amaghulu ghango.⁴⁶nukapakile amafuta mu maghulu ghango, neke apakie amaghulu ghango amafuta amanono ghano ghinukila. ⁴⁷ku ulu nikukuvula kuuti alyale nu vuhosi vwinga kange asaghilue kukila, kange akanoghile kyongo. neke juno asaghilue padebe, ighana padebe lwene."⁴⁸pe pano uYesu akam'bula umukijuuva jula akati, "upyanilue infivi saako". ⁴⁹neke vala vano vakikalile pa mesa palikimo nu mwnene vakatengula kukuposesania vavuo ku vavuo, "uju ghweveni kuhanga ipyanilua inyivi?. ⁵⁰apuo uYesu akam'bula kange umukujuuva jula akati, "ulwitiko lwako lukupokile. ulutaghe nu lutengano".

¹jilyahumile unsiki ndebe pambele kuuti,uYesu alyatengwile kukyula ku mapulo ni fikaaja inga, akidalikila na kupulisia imhola inofu isa vutwa vwa Ngulue na vala kijigho na vavili vakaluta palikimo naghwo, ²vule vule na vavadala avange vano vakasosilue kuhuma mumapepo amalamafu ni namu nyinga. valyale ghwe maliya juno akemeluagha Magadalena juno vamwumisie amapepo lekela lubale. ³uYoana un'dala ghwa Kusa nu m'baha ghwa Helode uSusana na vadala avange vinga, vano valyahmisie ikyuma javo vavuo.⁴ye ilipugha lya vaanhu likong'anile palikimo, mwevalyale avaanhu vano vakisile kuhuma mumapulo minga akajova navo kwa kutumila ifihwani. ⁵unyamughunda akalutile kuvyala imbeju kumughunda, pano akale ivwala imbej jimonga mu isio sikaghwila mu lubale lwa sila avaanhu vakakanya na maghulu, ni njuni sa kukyanya sikalia. ⁶imbeju isinge sikaghwila mu lihanga ilyumu sati simelile nakuva mamela ghakaola ulwakuva nakulyale nu vunyefunyefu.⁷imbeju isinge sikaghila mu mapiki gha manfua, ghope amapiki gha manfua ghakakula palikimo ni mbeju sila sikamelelanila. ⁸neke imbeju isinge sikaghwila mulihanga lino likanoghile kuhola imeto kijigho kukila.pe baho uYesu ye ajovile isio, akajova ilisio, "ghweni juno ali ni mbughulutu isa kupulika na apulike"⁹kange avavulanisivua vakamposia uvufumbue vwa kihwani ikio. ¹⁰uYesu akavamula aakti, Mupelilue uughanike kukila kukagula ulufiso lwa vutwa vwa Ngulue, neke avaanhu avange vilivulanisivua kukihwani kwene, neke kuuti, 'vangalole navangalolaghe kange vangapulike navangakagulaghe'.¹¹nu vu vwe vufumbue vwa kihwani iki. imbeju lwe lisio lya Nguluve. ¹²imbeju sila sikaghwila mu lubale lwa sila ava ve vaanhu vano vipulika ilisio, neke pambele umuhosi uSetano itola kutli kuhuma mumwoojo, neke kuuti navangitikilaghe nambe kukagula. ¹³kange na sila sinosikaghwila mu lihanga ilyumu ve vaanhu vala vano ikulipulika ilisio na kukulyupila ku lukelo neke vasila malela ghoghoni, vikwitika lwene ku nsiki n'debe nu n'siki ghwa ngelo vighua.¹⁴ni mbeju sila sinosikaghwila mu manfua ve vaavhu vano vikulipulika ilisio, neke pano vighenelela kukula vikong'ana ni mbombele nu vumofu nu vunono vwa vwumi uvu neke navihola imheeke. ¹⁵neke imbeju sila sino sikaghwila mu lihanga ilinono ve vaanhu vala vano ilutila kuvukoola na moojo ghave manono, pano vapulike ilisio vigadilila kange liva panono na kuhola imheeke sa lugudo.¹⁶lino nakwale nabe jumo juno ikinga itala na kukujikupikila ni bakuli nambe kukujivika paasi pa kitanda. kisila kuvika itala pakyanya neke kuuti unuubhu ghweni juno ikwingila apate kukujagha. ¹⁷ulwakuva nakwekili kino kikujifisa nakingakagulike, nambe kyokyoni kino kilimulufiso kino nakilikagulika kingave mulumuli. ¹⁸pe lino uvisaghe maaso pano ghuva ghupulikisia. ulwakuva juno ali nakyo, kwamwene ikwongelesevua kukila, neke juno nsila nambe kidebe kila kino alinakyo kilipokua".¹⁹pambele ung'iina ghwa Yesu na vanyalukolo vakisa kwa mwene navakavelelela ulwakuva ja lipugha lya vaanhu. ²⁰vakampela imhola kuuti "umama ghwako na vanyalukolo vako ali panji pala vilonda kukukwagha uve" ²¹neke uYesu kavamula akati," umama ghwango na vanyalukoo vango ve vala vano vikulipulika ilisio lya Nguluve na kukulyitika".²²jikahumile mu kighono kimonga mu fighono fila fino uYesu na vavulanisivua vaake akatogha u kyombo, akavavula,"tulovoke ku mwambo ja vuvili ja malenga lisiva/malenga" vakaling'anisia ikyombo kwave. ²³neke vakatengula kuvuka, uYesu akaghona tuulu, imhepo imbaha jikatengula na kuviika amavingo amavaagha mu lisumbe.amalenga ghakatengula kumema mu kyombo, vakava mu lutalamu ulwa kudwidivala kyongo.²⁴pepano avavulanisivua vake vakisa kwamwene na kukunsisimula, vakatisagha, "Mutwa m'bha! Mutwa m'baha! tuli pipi pifua!. akasisimuka na akajidalikila imhepo na mavingo gha malenga fikajigha kukava kimie. ²⁵kange akavavula, " ulwitiko lyinu lulikughi?" vakoghopa na kudegha, vakajofesania umuunhu ghweni nu junge , " uju ghwe veeni, juno idalikila na jimhepo na nagha malenga fyope fikun'kunda?"²⁶vakafika kumpulo ghwa ghuno vaGelasi ulubale ulwa kunsana ghwa Galilaya. ²⁷uYesu ati ikile na kukanya pa lihanga, umuunhu jumonga kuhuma mu mpulo akatang'ana naghwo, nu muunhu uju alayale ni ngufu sa mapepo amalamafu. ifighono finga naakale kifyala amenda, kange akale naikukala mu nyumba, neke ikala ku mbiipa.²⁸ati amwaghile uYesu akalila ku lisio na kughua paasi pavulongolo jake. kulisio ilikome akati, nivombile kiki kulyuve, uYesu mwana ghwa Nguluve juno alikukyanya? nikusuuma nungamhumhusiaghe une" ²⁹uYesu akaaghavula amapepo amalamafu ghahume kwa muunhu jula, ulwakuva ke kinga ghakampumusiagha nambe kwe kuuti alyale ikungua ni nyololo na kubanua na kuvikua pavulolelesi, akadumulagha ifipinyua na kutwalua na mapepo amalamafu kuhanga kulihaka.³⁰uYesu akamposia, "ilitavua lyako veve veeni? akamula akati, "Legioni" ulwakuva amapepo minga ghingile kwa mwene. ³¹vakaghendelela kukunsuuma nangatuvulaghe kuuti tulute kulina.³²ilipugha lya ngube lilyale lidimua kukyanya kukidunda, amapepo ghala ghakansuuma aghavule ghingine mu nguve sila, akaghavula kuvomba ndikio. pe ³³lino amapepo ghala ghakaghuma kwa muunhu jula na kukwingila mu ngube sila, ni lipugha lila likakimbila ku kidunda kino kitoghile kuhanga mulisumbe na kusovelela umuo.³⁴avaanhu vala vano vadimagha ingube sila vati valolile kino kihumile, vakakimbila na kuhmia imhola sila pa mpulo na kufikaaja fya kunji fino fikuvasyuta. ³⁵avaanhu ye vapulike isio vakaluta kulola kino kihumile, pe vakisa kwa Yesu vakamwagha umuunhu juno amapepo amalamafu ghamuhumile. afwalile vunofu kange alinuluhala lwoni, ikalile pa maghulu gha Yesu pe vakoghopa.³⁶pepano jumonga mu veene juno akalolile kino kihumile akatengula kukuvapangila avange ndave umuunhu uju juno alyale ilongosivua na mapepo amalamafu vule asosilue. ³⁷avaanhu voni ava mu kighavo kya vagelasi ni mbale sino sikuvasyuta vakansuuma uYesu avuke kuveene ulwakuva valyale nu vwoghofi kyongo. pe akingila mu kyombo ivuka iluta.³⁸umuunhu jula juno alyahumilue na mapepo amalamafu ghala akansuuma uYesu kuluta naghwope, neke uYesu akam'bula kuuti, 'alute na kujova, " ³⁹gomoka ku nyumba jaako na kuvala ghoni ghala ghano uNguluve akuvombile" umuunhu uju akavuka, na kupulisia mu mpulo ghwoni ghoni ghala ghano uYesu alyavombile vwimila jake.⁴⁰pe uYesu akalutagha, ilipugha likamwupila, ulwakuva voni valyale vikumughulila. ⁴¹lola akisa umuunhu jumonga ikemelua ghwe Yailo ghwe jumo mu valongosi mu nyumba inyimike ja kufunyila. uYailo akaghua paasi pa maghulu gha Yesu na kukunsuma alute ku nyumba jake, ⁴²ulwakuva alyale nu mwana u minja jumo mwene, unya maaka kijigho na ghavili, alyale mu lwa kufua. ye iluta ilipugha likakong'anagha kwa mwene.⁴³umukijuuva juno idanda jilyahumagha ku maka kijigho na ghavili pwe alyale pala alyatumile indalama soni ku vaghanga , neke nakwale juno alyasosie nambe jumo, ⁴⁴akisile kunsana kwa Yesu akabasia uluvilo lwa mwenda ghwake, kukenyemukila idanda jikaleka kuhuma.⁴⁵uYesu akaposia, "veni juno anayabasisie?" vati vakanile vooni, uPeteli akati, ghwe Ntwa ilipugha lwa vaanhu vinga kyongo vakusyngutile, vikukupita". ⁴⁶neke uYesu akati, " umuunhu juma anyabasisie, lwakuva nivele nikagwile ingufu sihumile kulyune".⁴⁷umukijuuva ati avwene kuuti nangawesie kufisa kino avombile, akatengula kukwoghopa, akafughama paasi pa maghulu gha Yesu akapulisia pa maaso gha vaanhu voni kino kintwalile umwene kumwabasia na fino asosilue mu lwa kukenyemukila. ⁴⁸pe pano akati kwamwene, "mwalivango usokile vwimila ulwitiko lwako. ulutaghe nulutengano!.⁴⁹uYesu ye ighendelela kujova isio, umuunhu jumonga iisa kuhuma kunyumba ja mulolelesi ghwa nyumba inyimike ja kufunyila, akati, "umwalivako afwile. nunga ng'asiaghe um'bulanisi". ⁵⁰neke uYesu ye apulike ndikio, akamwamula akati, "nungoghopaghe' lwene ghitikaghe umwalivo isooka.⁵¹neke ye ingile mu nyumba ijio, nakam'bulile umuunhu ghweni kukwingila palikimo nu mwene looli ju Peteli, uYohani nu Yakovo, uviise ghwa minja nu ng'iina ghwa mina. ⁵²lino avaanhu vooni vano pwevalyale pala vakava vilila na kuhumia amasio vwimila jaake, neke uYesu akavavula akati, ?namungajovaghe ilisio, naafwile neke aghonelile lwene" ⁵³neke vakanseka kwa kukumbenapula vakakagwile kuuti afwile.⁵⁴uYesu akan'ola uluvoko umija jula akankemeela fiijo akati, "ghwe mwana ima!" ⁵⁵uvwumi vwake vukan'gomokela pe akima ghu nsiki ghughughuo. akavalaghila akati vampele ikinu ikyakulia. ⁵⁶avapafi vake vakadegha, neke akavalaghila kuuti navangam'bulaghe nambe muunhu kino kilyahumile.

¹akavakemhela avavvulanisivua kijigho na vavili palikimo. akavapela uvutavulilua uvwa kudaga amapepo amalamafu mu vwakusosia inhamu. ²akavasung'a valute kupulisia iMhola isa Vutwa vwa Nguluve napikuvasosia avatamu.³akavavuula akati, mulekaghe pipinda kimonga nambe ulukwegho nambe inyambe nambe unkate nambe indalama nambe umwenda ughwa kukwandula. ⁴inyumba jino kyande mukwingila mukalaghe mumuo kuhanga pano muvuka mulikaha ilio.⁵neke kuvano navamwupile,pano muhuma mulikaja ilio muhumaghe napikung'uana ulung'unde mu maghulu ghinu kuva kivalilo kuvanave. ⁶vakavuka nakuluta mumakaja kukilila mumakaja, napikilila iMhola inofu napisosia avatamu poni pano vakalutagha.⁷lino uHelode untemi akapulike ghoni ghano ghalyale ghihumila alyapumwike kyongo, ulwakuva jilyajovilue na vaanhu vamonga kuuti, uYohani mwofughi asyukile kuhuma kuvafue. ⁸na ghamonga kuuti, uElia ahumiile nakuvange kwiti ghwejumo na vavili avakuulu kange ahumila kuvafue. ⁹uHelode akati, " une nilyan'dumwile uYohani, neke ujuo ghwe veni juno nipulika imhola ja mwene? naju Helode akalonda isila ija kumwagha uYesu .¹⁰ye vakagomwike avasung'ua ,vakampangila sino valyavombile akavatola akaluta palikimo na vene. akaluta mwene mu likaaja lya Betsaida. ¹¹neke avaanhu vinga yevapilike imhola iji vakam'bingilila, akavupila akajova navoimhola ja Vutwa vwa Nguluve, kange avasosia vano vakalondagha kusooka.¹²ye vwilileavavulanisivua vaake kijigho na vavili vakaluta kwa mwene vakati, uvatavule avaanhu valute mumakaaja ghano ghalipipi nu mpulo vakalonde ikyakulia, napa kughona ulwakuva apa tuli palunyika. ¹³neke akavavula, " umue muvapelagha ikyakulia." vakati tulivasila kinu ikyakulia pamo amakate ghahano ni swi iviili pamo lwale tulute kughula kumpulo kuhanaga nu vwinga vwa vaanhu ." ¹⁴pwevalyale na vaghosi imbilima ihananopala. akavavula avavulanisivua vake akati, " muvakasie paasi mufipugha fipugha vave ifijigho fihaano ifipugha fyoni.¹⁵pe vakavomba ndikio na vaanhu vakikala paasi. ¹⁶akatola amakate ghahaano ni swi ivili pe akalola kukyanya akaghasumila akamenyulania akavapela avavulanisivua vaake kuuti, vavike kuvulongolo kulipugha lya vaanhu. ¹⁷vooni vakalia vakikuta ni fimenyulila fya makate fino fisighile nakaholania na kukufivika mu ndilo sikamema kijigho ni fivili.¹⁸neke lulyale kuti, uYesu alyale kuvusyefu ye ikufunya mwene. avavulanisivua vake valyale palikimo nu mwene, akavaposia akati, "avaanhu viiti une nene veni? ¹⁹vakamwamula vakati, " Yohani umwofughi. neke avange vati Elia na vange viiti veve jumo mwene na vavili avakuulu asyukile kange".²⁰akavavula," neke umue muti nene veni? akamula uPeteli akati, " Kilisite kuhuma kwa Nguluve". ²¹neke uYesu akavavula akati, namungam'bulaghe umuunhu ghweni ku ulu, ²²uYesu akati, umwana ghw nyamuunhu lunoghiile kupumusivua kughano minga nakukanua na vaanhu avagojo na vatekesi avavaha na vavulanisi vandaghilo nakubudua nikighono kya vutatu isyuka.²³akavavula vooni," akajova umuunhu " ghweni juno ilonda pikum'bingilila. avuleke uvugho no vwake neke itwike ikikovekano kyake, neke am'bingilile. ²⁴ghweni juno ighela pikuluusia uvwumi vwake isofia. neke ghweni juno isofia uvwumi vwake vwimila une ujuo alakulusia. ²⁵pe ivumbulila kiki umuunhu, nave ipelua iisi jooni, neke akasofia nambe am'busie uvwumi vwake?²⁶ghweni juno ikum'bonela soni une na masio ghango, kwa mwene jujuo umwana ghwa muunhu alam'bonela isoni pano alava pa vwimike vwake nu vwimike vwa Nhhata na vanyaMhola avimike. ²⁷neke nijova isakyang'haani kwevale mukipugha kinu vano vimile apa navalalola uvufue kuhanga vavuvone uvutwa vwa Nguluve".²⁸ye fifikile ifighono lekela kwooni kuhuma uYesu ijova amasio aghuo kuuti, avatoola palikimo nu mwene Peteli , uYohani nu Yakovo vakatogha kukidunda kukufunya. ²⁹ye alikukufunya uluvonesio ku maaso ghake lukanduka, naghamhenda ghake ghakava mavalafu ghimulika.³⁰pevalyale avakinhaata vavili vakajovagha naghwo valyale uMoose nu Elia, ³¹valyavonike kuvwimike valyajovile isa kuvuka kwa mwene alyale pipi kughelanisia kuYelusalemu.³²lino uPeteli navala vano valyale palikimo nu mwene valyale vanyatulu inyinga. neke ye vasisimwike, valyavuvwene uvwimike vwake navakibaba vavili vano valyimile nu mwene. ³³lulyahumile kuuti, ye vivuuka kwa Yesu, uPeteli akam'bula ," Mutwa, lunofu kulyusue kukukala bahapa kange lunoghile tujenge ifyeve fitatu kino kive kyako, kimo kive kya Moose, ni kingi kimo kive kya Eliya", nalyakagwile kio ijova.³⁴ye ijova aghuo, likisa ilifunde likavakupikila. vakoghopa ye vavwene ilifunde livasyungutile. ³⁵ilisio likapulikika lihuma mumafunde liiti, " uju ghwe mwanango umwimikua. mumpulikisiaghe umwene". ³⁶ilisio ye lijikile uYesu alyale mwene. vaki kalile kimie, na fiighono ifio navalyam'bulile nambe jumo lyolyoni mughano valyaghavwene.³⁷ikighono ikya vuvili, ye ahumile kukidunda ilipugha lya vaanhu viinga vakatang'ana naghwo. ³⁸lolagha! umukinhaata kuhuma mulipugha alyakolile fiijo, akati, "ghwe m'bulanisi nisuuma usoosie umwango. ulwakuva ghwe mwanango jujuo . ³⁹ghulola amapepo amalamafu ghikun'kola, kange yee ikolagha kange ghikumpelela kuhasing'ana na pihumia ilitotofulo mumulomo lyope lyope lihuma kuvuvafi fiijo lyelimpeliile uvuvafi. ⁴⁰nivasuumile avavulanisivua vake vope vakunilue".⁴¹uYesu akamula akati, umue mwekisikina ikisila lwitiko kange kino kili nu vuhosi, nilikukala numue un'siki ghuliku neke musikagule mulete umwanako apa. ⁴²unsoleka ye ikwisa amapepo amalamafu ghakamughwisia paasi napikunsukania na kugiila neke uYesu akalidalikila ilipepo ililamafu, akansoosia unsoleka. napikuntwala kwa viise.⁴³vooni valyadeghile nu vuvaha vwa Nguluve. neke ye videgha ku ghano ghalyahumile ghano alyavombile, akati kuvavulanisi vake. ⁴⁴amasio agha mughakole fiijo mumbughulutu siinu., ulwakuva umwana ghwa muunhu itavuulua mumavoko gha vaanhu. ⁴⁵neke navalyasitaghinie ulukangasio lwa masio aghuo, kange alyaghavisile pa maaso ghave, neke valeke pikusikagula. vakooghopa pikumposia vwimila ilisio ilio.⁴⁶bahuo vakatengula kulwaana vavuo veni juno ave m'baha. ⁴⁷neke uYesu ye akagwile sino viposesania munumbula saave. akantola umwana un'debe na kukum'bika ulubale lwa mwene. ⁴⁸pe akajova,"ndeve umuunhu ghwoghwoni angamwupile umwana un'debe ndavule uju mu mulitavua lyango, ujuo kange iiva anyupile une, kange ghweni anganyupile une kange iiva amwupile juno anisung'ile, ulwakuva juno ndebe kulyumue mweni ghwejuno m'baha.⁴⁹uYohani akamwamula akati, Mutwa tukam'wene umuunhu akaleidaga amapepo kulitavua lyako neke tun'kanile, ulwakuva nan'jiitu". ⁵⁰neke uYesu akam'bula akati, " muleka pikun'kana, juno ali ulubale lwinu ujuo ghwinu.⁵¹lulyahumile kuuti, kulingana ni fighono fifikile ifya kutogha kukyanya, kulukangasio alyalungime amaaso ghake kuluta kuYelusalemu. ⁵²akavasung'a avaanhu kuluta mu likaaja lya vasamalia neke vanosekesie pamonga. ⁵³neke avaanhu kula navakamwupila ulwakuva alyalungime amaaso ghake ku Yelusalemu.⁵⁴avavulanisivua vaake uYakovo nu Yohani ye valivwene ili vakati, "Mutwa ghulonda tusukulile umwoto ghwike paasi kuhuma kukyanya ghuvamalisie? ⁵⁵neke akavasyetukila akavadalikila. ⁵⁶neke vakaluta kulikaaja ilinge.⁵⁷ye viluta vighenda musila umuunhu jumo akam'bula akati," nikukuvingilila kwoni kuno ghuluta . ⁵⁸uYesu akam'bula akati, "ing'heve sili namiina, injuni isa kukyanya sili ni fivwasu neke umwana ghwa muunhu nsila napakuvika umutu ghwake?.⁵⁹pe pano akam'bula umuunhu ujunge akati, "um'bingililaghe " neke umwene akati " Mutwa unavule taasi nilute ninsyile ubaba ghwango. ⁶⁰neke umwene akam'bula akati, " valeke avaue vavasyile avafue vaave, looli uve ulute kupulisia uvutwa vwa Nguluve pooni⁶¹kange umuunhu ujunge akati, " nikukuvingila, Mutwa lino nisuuma unavule taasi nikavalaghe muvano vali munyumba jango". ⁶²neke uYesu akam'bula akati "nakwale muunhu juno itavwile amavooko ghake kulima nakulola kumbele ghwe anoghile kuvutwa vwa Nguluve.

¹pambele uMutwa akatavula fijigho lekela lubale navange, navasung'ua vavili vavili vamulongolele mumakaja ghoni ghano alyahuvilile kuluta. ²akavavula akati, " ifinu fimotwike, neke avanyambombo vadebe. lino munsume uMutwa unyamote, neke kuuti avasung'e ng'aning'ani avavombi mu mote jake.³mulutaghe mumakaaja. lolagha nikuvasung'ha hwene ng'hollo pakate pa ng'hekeva. ⁴namungapindaghe inyambe ija ndalama, nambe isa vanyavukyusi, nambe ifilatu, nambe namungamwungilaghe umuunhu hweni musila.⁵mu nyumba jojoni jino kyande mukwingila. mutalaghe kwiti, ulutengano luve munyumba iji. ⁶ndeve pwale umuunhu ghwa lutengano pala, ulutengano lwinu lusighala kwa mwene. ⁷neke mujighaghe munyumba ijio, mulisaghe napinyua kino kyande vihumia, ulwakuva um'bombi anoghile uluhombo lwake. namungahumaghe mu nyumba iji nakuluta ku nyumba ijinge.⁸ilikaaja lyolyoni lino kya mukwingila, na kukuvupila, lisagha kyokyoni kino kivikilue pa maaso ghinu, ⁹muvasosyaghe avatamu vano vali umuo, muvavulaghe kuuti, " uvutwa vwa Nguluve vwisile pipi kulyume.¹⁰neke mulikaaja lyolyoni lino kyale mukwingila, na kuleka kukuvupila, mulutaghe kunji pa nsevo pe muvavule, ¹¹naliling'unde mulikaaja liinu lino likolile mu maghulu ghitu tukung'una pa maaso ghinu! neke mukagule kuuti, uvutwa vwa Nguluve vuli pipi. ¹²nikuvavula kuuti ikighono ikya vuhighi kiliva kya lugudo kukila kwa Sodoma kuliko ilikaaja ilio.¹³iga uve Kolasini, iga uve Betisaida! nave imbombo imbaha sinosivombike mun'kate mun'kate jako, sale sivombike ku Tiro na ku Sidoni, ndevalatile katali kyongo, vavikukala mu n'kate mu mhenda agha magunila na mapembo. ¹⁴neke kwaki kyongo ikighono kya vuhighi kwa Tiro nu Sidoni kukila umue. ¹⁵uve Karelinaumu, ghusagha kuuti vilikukutosia kukyanya kwa Nguluve? nambe vilikukwisia paasi kuhanga kuvulungu.¹⁶juno kyande ikuvapulikisia umue ikumulikisia une, ghwope juno ikuvakana, ikung'hana une, na ghweni juno ikung'hana une ikun'kana juno anisung'ile.¹⁷vala kijigho lekela lubale vakagomoka vahovwike, vakaati, " Mutwa ghope amapepo amalamafu ghikutukunda militavua lyako. ¹⁸uYesu akavavula akati," numwaghile usetano pano ighua kuhuma kukyanya hwene lumuli lwa fula? ¹⁹loola! nivapelile uvutavulua uvwa kukanya injoka ni fing'omilevuli, ni ngufu sooni sa valugu, kange kusila kyokyoni ku sila jojoni ikyakuvalemasia. ²⁰nambe lino namungahovokaghe lwene mu ili, kuuti inumbula sikuvitika, neke muhovokaghe kukila kuuti, amatavua ghinu ghalembilue kukyanya.²¹mu n'siki ghula ghula akahovokagha kyongo mwa Mhepo uMwimike na kuuti, " nikukughinia uve, Nhaata, Mutwa ghwa kukyanya ni iisi, ulwakuva ughaisile amasio agha kuhuma kwa nya vukoola na vanya luhala, nakukughafunula ku vala vano navavulanisivue, ndavule avaanha avadebe. Ena, Nhaata kwa kuva lukakelile pa maaso ghako.²²ifinu fyoni fitavulilue ku lyune nu Nhaata ghwango, nakwale juno ikagula umwana ghwe veeni, looli u Nhaata, kange nakwale juno ikagula uNhaata ghwe veni looli u mwana. nu muunhu ghweni juno umwana inoghelua kukujivonesia kwa mwene.²³akavasyetukila avavulanisivua, akati kuvusyefu, vafunyilue vala vano vikusagha sino najumue mukusagha. ²⁴nikuvavula umue. kuuti avavili vinga na vatwa vakanoghilue kusagha sino mukusagha, neke navakasaghile, na kupulika pulika sino mupulika neke navakapulike.²⁵loola! um'bulanisi jumonga ughwa ndaghilo isa vaYahudi akimile na kkumughela akati, " m'bulanisi, nivombe kiki nikave uvwumi uvwa kusila nakusila?" ²⁶uYesu akamwamula akati, " kilembilue kiki mu ndaghilo? ghukujimba ndani? ²⁷akamwamula akati, " ghulukumughana uMutwa ghwako ku mwojo ghwako ghwoni, na kunumbula jako jooni, na kungufu sako sooni, nakuluhala lwako lwoni, nu nino ndavule ghukughana ghwe mwene. ²⁸uYesu akati, " ghwamwile vunono. vombagha ndiki pe ghuuva nu vwumi.²⁹neke um'bulanisi ndeve inoghelua kukujivalila ikyang'hhani jujuo, akam'bulagha uYesu," nu n'jango ghwe veni? ³⁰uYesu akamwamula akati, " umuunhu jumonga akale ikwika kuhuma ku Yelusalemu kuluta ku Yeliko. akaghua pakate pa vakunyi vakankunya ikyuma kyake, na kukuntova na kukumuleka pipi pifua.³¹hongelagha untekesi jumonga akale ikwika mu sila ijio, ati amwaghile akakila ulubale ulunge. ³²naju Mulawi akakila vulevule, ati afikile pala na kukumwagha akakila ulubale ulunge.³³neke un'koola jumonga, pano akale ikyula, akakila pala pano akale umuunhu ujuo. ati amwaghile akaveela kulusungu. ³⁴akam'belelela na kukumpinya ifikong'o fyake, na kukumpaka amafuta mu fikong'o fyake. akantosia pa nkyanya ja kidimua kyake, na kukuntwala ku nyumba ja vaghesi na kum'buvusia. ³⁵ikighono kinokikwisa akatola idinari ivili, na kukumpela unyanyumba jila ija vaghesi na kukum'bula, 'm'buvusie kyokyoni ikya kwongelela nikukuhomba kyande nigomwike.³⁶ghusagha kuuti, ghweveni mu ava vatatu, juno alyale pipi na jula juno alyaghwilile pakate pa vakunyi? ³⁷um''bulanisi akati, " ghwe jula juno akavonisie ulusungu kwa jula juno akaghwile". uYesu akam'bula akati lutagha na juve ukavombaghe vule vule.³⁸lino ye vati vikyula, vakingila mu likaaja limonga, nu mukijuuva jumonga ilitavual lwake ghwe Malita akankalibisia mu nyumba jaake. ³⁹alyale nu nuna juno akakemheluagha Maliya, juno akikalagha pamaghulu gha Mutwa na kukumpulikisia amasio ghake.⁴⁰neke uMaliya akava ni mbombo nyinga isa kuteleka ikyakulia. akaluta kwa Yesu na kuti, " Mutwa, naghusagha kuuti u nuna vango anilekile nivombaghe ne mwene? pe lino um'bule anangaghe". ⁴¹neke uMutwa akamwamula na kukum'bula kuuti," Malita Malita, ghupumhuka mu nyinga, ⁴²neke kye kinu kimo kyene ikyakuvomba. uMaliya atavwile kino kinono, kino nakilivuka kuhuma kwa mwene.

¹jilyahumile ikighono kino , uYesu alyale ikufunya pamonga, um'bulanisivua ghwake jumo akam'bulagha kuuti," Mutwa, utuvulanisie najusue kukufunya ndavule uYohani alyavulanisie avavulanisivua vake"²uYesu akamwamula pano mukufunya mutisaghe , "Mutwa ilitavua lyako lyimikwaghe, uvwimike vwako vwisaghe.³utupelaghe ifyakulia fiitu ifya jaatu. ⁴utusaghilaghe inyivi siitu, ndavule najusue tukuvasaghila voni vano vatuhokile. nungalulongosiaghe munngelo"⁵uYesu akavavula akati, " ghwe veeni mu lyumue umanyani juno ikumulutila pakilo pe ikum'bula, manyani nisuuma amakate ghatatu. ⁶ulwakuva umanyani ghwango anyisile si sala sisisi kuhuma muvukyusi, najune nilinsila ikya kun'tengelela. nu ⁷ghwa mun'kate akamwamulagha akati uleke kunyangajisia, na june tughonile pa vulili. naningasisimuke nikupeele uve amakate. ⁸nikuvavula nambe naisisimuka kukumpela amakate ndavule umanyani ghwake, ulwakuva ijigha idindusia kisita soni isisimuka na kukumpela amakate minga ndavule vuno ilonda.⁹najune nikuvavula musumaghe najumue mulapelua, mulondaaghe najumue mulafivona, muhodesyaghe najumue mulyadindulivua. ¹⁰ulwakuva ummunhu ghweni juno isuuma alyupila, nu muunhu ghweni juno ilonda ikufyagha. nu munhu ghweni juno ihodesia umulyango ilidindulivua.¹¹ghwe baba juliku mu lyumue juno umwanake angasume iswi ikumpela injoka? ¹²kange nave angasuume ilikang'a ikumpela iking'omelivuli? ¹³nave umue mwe vahosi mukimanyile kuvapela avaanha vinu ifinu ifinofu, lino uNhaata ghwinu ughwa kukyanya nakyaikuvapela uMhepo uMwimike ku vano vikunsuuma?¹⁴pambele uYesu alyale idaga ilipepo, umuunhu ynya lipepo alyale kinunu. ilipepo ye lihumile umuunhu jula akatengula kujova. ¹⁵neke avaanhu avange vakati, "uju ivusia amapepo mwa Belisebuli, ili vaha lya mapepo.¹⁶avange vakamughelagha kuuti avasone ikivalilo kuhuma kukyanya. ¹⁷neke uYesu akakagula amasaghe ghave akavavulagha, uvutwa vwovwoni vuno muligalung'ana vuliva vuvili, nu muunhu unya nyumba jino jigalungiine jilighua.¹⁸nave uSetan iiva agalung'iine uvutwa vwake vukwimila ndani? ulwakuva mwiti nihumia amapepo mwa Belisebuli. ¹⁹neke une nihumia amapepo mwa Belisebuli, pe avajiinu vihumia amapepo kusila nyiki? mu uluo, avene vilikuvahigha umue. ²⁰nave kange nihumia amapepo ni kyove ikya Nguluve, lino uvutwa vwa Nguluve vuvisile.²¹umuunhu umunya ngufu pano alinifilwilo ilolela inyumba jake, ifinu fyake viiva pavunofu. ²²neke amwalukile umuunhu unya ngufu kyongo, umuunhu jula unya ngufu ilikunya ifilwilo fyake pe itola ifiinu fyake fyooni. ²³umwene juno na lubale lwango alikinsana nune, na juno naikong'ania palikimo nune ipalasania.²⁴ilipepo ililamafu likahuma kwa muunhu, iluta kulonda uvukalo uvusila malenga apuo apume. neke napakavonike, ijova iti, nigomoka kuno nikahumile. ²⁵angagomoke nene ivoona inyumba jifyaghililue pejikale vunofu. ²⁶apuo peliluta kulonda amapepo likale lubale ghano mahosi kukila ilyene neke likuvaleta vise vikale pala apuo umuunhu ujuo ilemua kyongo kukila ulutasi.²⁷jilyahumile kuuti alyatile ijova amasio aghuo, un'dala jumonga akajova fiijo kukila vooni mulipugha lya vaanhu na kujova, "lifunyilue ilileme lino likuholile na mavele ghano ghwong'ile" ²⁸neke umwene akati, vafunyilue vala vano vipulika ilisio lya Nguluve na kukulivombela.²⁹unsiki ilipugha lya vaanhu ye likong'aana na kukwongelela uYesu akatengula kujova, "ikisina iki kye kisina kya vuhosi. vilonda ikivalilo, na kusila kivalilo kino vipelua kukila ikivalilo kila ikya Yoona. ³⁰ulwakuva ndavule u Yoona alyale kivalilo ku vaanhu va Ninaawi enendikio nu mwana ghwa Muunhu fye iliva kivalilo kya kisina iki.³¹uMalikia ughwa ku seba ilikwima ikighono kya vuhighi na vaanhu va kisina iki na kukuvahigha aveene, ulwakuva umwene alyahumile mu vusililo vwa iisi neke iise apulikisie uvukoola vwa solomoni, napa pwale juno m'baha kukila uSolomoni.³²avaanhu va kuNinawi vilikwima ku highua palikimo na vaanhu va kisina iki ikighono kya vuhighi vili kukihigha, ulwakuva aveene valyalatile ku madalikili gha Yoona, pe lola apa pwale juno m'baha kukila uYoona.³³nakwale umuunu ghweni juno ikunga itaala na kuvika ku lubale lwa paasi lwa ng'iisi jino najivoneka nambe paasi pa ndilo, neke kukunga na kuvika pakyanya pa kinu neke kuuti umuunhu ghweni juno ikwingila alyaghaghe ulumuli. ³⁴iliso lyako je taala ja m'bili. iliso lyako lingave linono pe umb'ili gwaki ghwoni ghuve mulumuli. neke iliso lyako lingave livivi pe naghubili ghwako ghwoni ghuva ghunya ng'iisi. ³⁵pe lino mujilolelelaghe nu lumuli luno luli n'kate jinu nalungaponekesiaghe ing'iisi ³⁶pe lino, ndeve um'bili ghwako ghwoni ghuli mu lumuli kange nakwelule ulubale luno luli mung'iisi, pe um'bili ghwako ghuva ndavule itaala jino jiviika na kuhumia ulumuli kulyumue".³⁷ye ati amalile pijova, uFalisayi akamughongola akalie ikyakulia ku nyumba jaake, uYesu akingila mu n'kate na kuuva palikimo navope. na ³⁸vasalisayi vakadegha ndavule nakanawile taasi ye kikyale ikyakulia ikya pakivwilile.³⁹neke UMtwa akavavula, "umue vaFarisayi musuka kunji ifikombe ni bakuli, neke nkate jinu mumemile inoghelua nu vuhosi. ⁴⁰mwe vaanhu mwe vasila vukagusi, pe umwene juno alyavumbile kunji nalyavumbile mun'kate kange? ⁴¹muvapelaghe avakotofu fino fili mun'kate, ni mbombo sooni siiva nofu kulyumue.⁴²iga umue mwe vafalisayi, ulwakuva namuvikila umwoojo kukuvavombela avange inofu na kuku mughana uNguluve. lwe lunono fiijo kuvomba isa kyang'haani na kukumughana uNguluve, kisila kuvuhila kuvomba aghuo na ghange kange.⁴³iga umue Mafalisayi, ulwakuva munoghelua kukukala mu fitengo ifya kuvulongolo mu nyumba inyimike ja kufunyila na kuhungilua ni nyungililo isa vukoola kuno vighusikisia na kughulila. ⁴⁴iga umue, ulwakuva muling'ana ni mbiipa sino sisila fivalilo fino avaanhu vighenda mimbiipa isio kisila kukagula.⁴⁵umb'ulanisi jumonga ghwa ndaghilo sa Kiyahudi akamwamula na kukumb'ula, "m'bulanisi, kino ghujova kikutukalasia kange usue". ⁴⁶uYesu akati, "iga umue, vavulanisi va ndaghilo! kiki mukuvapela avaanhu amasigo amakome ghano naviwesia kupinda, neke umue namukola amasigho aghuo nambe ku kyove kimo mu fyove fiinu.⁴⁷iga umue, ulwakuva mujenga na kuvika ikumbukumbu mu mbiipa sa vavili' vano vakabudilue na vaghogholo vinu. ⁴⁸neke umue mukufunyila na kukwiting'ana ni mbombo sino valyavombile avaghogholo vinu, ulwakuva kyang'ani valyavabudile avavili vano mujenga ikumbukumbu mumbiipa saave.⁴⁹mu uluo kange, uvokoola vwa Nguluve vwiti, 'nikuvasung'ila avavili na vasung'ua vope vilikuvapumusia na kukuvabuda vamonga. ⁵⁰ikisina iki kilihombela idanda ja vavili vano vabudilue kuhuma muvutengululo vwa iisi, ⁵¹kuhuma idanda ja Abeli kuhanga idanda ja Sakalia, juno alyabudilue pakate pa vwimike. Ena nikuvavula umue, ikisina iki kilhombela.⁵²iga umue vavulanisi va ndaghilo sa vayahudi, ulwakuva mutolile ifungulo sa vukagusi; kange jumue namukwingila, ku vala vano vilonda kukwingila mukuvasigha.⁵³pe baho uYesu akavuka pala, avalembi na vafalisayi vakampinga na kujofesania nu mwene mu nyinga. ⁵⁴vakaghela kukuntanga ku masio ghake.

¹ku nsiki ughuo ilipugha likome lya vaanhu lilyakong'hanile palikimo, na pitengula pikanyana, akatengula pijova na vavulanisivua vake taasi," mulolelelaghe ni kulule kya vasarisayi kino kye kitule"²na piliva nu sino sifisime sino nasilikagulika, nambe ilisio lino lifisime lino nalilikagulika. ³lyolyoni lino mukajovile mu ng'isi lilipulikika pavwelu. soni sino mwapwepagha mu mbughulutu nkate ja fyumba finu ifya munkate fino fidindilue ghilipulisivua munkyanya mu mapala gha nyumba.⁴nikuvavula vamanyani vango, namungavoghopaghe vala vano vibuda um'bili neke vasila kimonga ikinge ikyakuvomba, ⁵neke nikuvavula juno munoghile kukumwoghopa, mumwoghopaghe jula juno kyale abudile ali nuvutavulua vwa kuvatagha kulina lya mwoto. Ena nikuvavula umue, mumwoghopaghe ujuo.⁶asi! utujuni tuhaano natughusivua ku ndalama ivili? nambe ndikio nakwale nambe jumo mu veene juno ili shemulua pa vulongo pa Nguluve, ⁷neke mukagule kuuti, ilinyele lya matu ghinu silivavilua, namungoghopaghe. umue muli va lutalama lukome kukila utujuni twinga.⁸nikuvavula ghweni juno ikunyupila pavulongolo pa vaanhu, umwana ghwa muunhu ikumwupila pavullongolo pa vanyaMhola vw Nguluve. ⁹neke ghweni juno ikung'ana une pa vulongola pa vaanhu ghwope ikanwa pa vulongolo pa vanyaMhola va Nguluve. ¹⁰ghweni juno ijovela imbivi mwa mwana ghwa muunhu, ilisaghilua, neke ghweni juno ikumuligha uMhepo uMwimike nalisaghilua.¹¹kyande vikuvatwala kuvulongolo pa vavaha va nyumba inyimike ja kufunyila, avatemi na vanya vutavulua, namungoghopaghe mulakujivavila nambe ndavule kino kyalnde mujova, ¹²ulwakuva uMhepo uMwimike ikuvavulanisia vule kya mujova ku nsiki ughuo"¹³umuunhu jumonga mulipugha akam'bula akati, "m'bulanisi,m'bule unyalukolo ghwango anighavile ulubale lwa vuhaasi vwango. ¹⁴uYesu akamwamula akati, "ghweveni juno am'bikile kuva mulamusi na kusambania mu lyumue?" ¹⁵pe pano akavavula , mujilolelelaghe ni fyoni ifya vunoghelua, ulwakuva uvwumi vwa muunhu na vuli muvwinga vwa finu fino alinafyo.¹⁶uYesu akavavula ikihwani akati, umughunda hwa mofu jumonga ghulyaholile fiijo, ¹⁷akiposia jujuo mu mwoojo ghwake akati, nivomba ndani ulwakuva nilinsila apakuvika imeto jango? ¹⁸akati, nivomba ndiki. nidenya ifihenge fyango ifidebe nijenga ikikome. nivika imeto jango joni ni finu ifinge. ¹⁹nikujivula inumbula jango, Numbula ghujivikile ifinu finga ku maka minga. puma ulie,unyue na kuhovokela"²⁰neke uNguluve akavavula akati, ghwe muunhu mpumbafu, ikilo ja musyughu vilonda inumbula kuhuma kulyuve. ni finu fyoni finoghuling'anisie fiiva fyani? ²¹fye luliiva kwa muunhu ghweni juno ikujivikila ikyuma kisila kukuling'ania vwimila Mutwa.²²uYesu akavavula avavulanisivua vaake, pe lino nikuvavula namungasaghaghe mu vwumi vwinu - kuva mulisagha kiki mumavili ghinu - kuva mufwalagha kiki. ²³ulwakuva uvwumi vwe kukila ikyakulia, nu m'bili ghwe kukila amenda²⁴lolagha injuni isa kukyanya, nasilima nambe nasipeta. sisila nyumba nambe ifihenge ifya kuvikila. neke ubaba ghwinu ikusilisia. umue namuli kukila injuni! ²⁵ghwe veni kulyumue juno ikujipumusia kukwongelesia idhiraa jimo mu vwumi vwake? ²⁶pe namuwesia kuvomba ikinu ikidbe ikio kino kuhugu, pe kiki lino kuhangajikila isinge isio.?²⁷lolagha amaluva - finoghikula. naghivomba imbombo nambe kuhona amenda ghake agha kufwala. neke nikuvavula, nambe uSolomoni mu vwimike vwake vwoni nakafwalile ndavule jumonga mu agha, ²⁸nave uNguluve ikughafwasia vunono amatundu gha mufivonde, ghano kweghale umusyungu nu lwakilavo ghitaghua ku mwoto. pe nakukila ikuvafwasia umue? umue mwe vanya lwitiko ludebe!²⁹namungajihangajisiaghe kwiti mulia kiki nambe munyua kiki, nambe namungavisaghe nu vwoghofi. ³⁰ulwakuva iisi sooni sihangajikila aghuo. nu Nhaata ghwinu ikagula sino munoghile isio.³¹neke mulondaghe uvutwa vwake taasi, na ghange aghuo mukwongelesevua, ³²namungoghopaghe, mwe lipugha lidebe, ulwakuva uNhaata ghwinu ihovokela kukuvapela umue uvutwa uvuo.³³musghusiaghe ifyuma fiinu na kukuvapela avakotofu, mujivikile amafuko ghano naghisila - uvutile vwa kukyanya vuno navusila, ulubale luno avalyasi navangavele nambe inondo nasingawesie kunangania. ³⁴ulwakuva pano pwevule uvutile vwako, pepene najinumbula jako pwejiliva.³⁵amenda ghinu amatali ghavisaghe ghapinyilue na makanda, ni taala sinu sighendelelaghe kuuva siviika, ³⁶kange muvisaghe hwene vaanhu vano vikumuhuvila uMutwa ghuvanave kuhuma ku kikulukulu kya vutolani, neke kuuti angise na kuhodesia, van'dindulile umulyango ng'ani ng'ani.³⁷vafunyilue avavombi vala vano uMutwa ukuvagha vali maaso. kyang'haani ilipinya umwenda ghwake untali nu nkanda, pepano ikuvakalisia paasi ku kyakulia, kange kukuvavombela inofu. ³⁸nave uMutwa ikwisa ku lwa vuvili vwa vulolelesi vwa pakilo, nambe uvulolelesi uvwa kilo ja vutatu, na kukuvagha viling'inie jiiva je kiiva ku vavombi avuo.³⁹kukila aghuo, mukagule ili, nave untwa unya nyumba asakagula unsiki ghuno umulyasi ale ikwisa, naale ikwitika inyumba jaake jidenyue. ⁴⁰muvisaghe muling'anisie ulwakuva namukagula ghwe nsiki muuki umwana ghwa muunhu igomoka.⁴¹uPeteli akati, " Mutwa ghukutuvula jusue isi ku kihwanikisio au ghukum'bula umuunhu ghweni? ⁴²uMutwa akavavula, " ghwe nsung'ua veni umugholofu nambe unya vukoola juno untwa ghwake ikum'bika pa kyanya pa vavombombi avange, neke avaghavile ikyakulia kyave ku nsiki ghuno ghunoghiile? ⁴³afunyilue um'bombi jula, juno untwa ghwake angiise ikumwagha ivomba sila sino alaghisivue. ⁴⁴kyang'haani nikuvavula umue kuuti ikum'biika pakyanya pa kyuma kyake kyoni.⁴⁵neke um'bombi jula akatisagha mu mwoojo ghwake, untwa ghwango idila kugomoka, pe akatengula kukuvatova avavombi avakinhaata vala na vakijuuva, pe baho akatengula kulia, kunyua na kughala, ⁴⁶untwa ghwa m'bombi jula ikwisa ku kighono kino naakagwile nisala jino naikujikaguala, ghwope ilikun'dumulania na kukum'bika palikimo na vano navagholofu.⁴⁷um'bombi juno ikagula ulughano lwa ntwa ghwake, ghwope naikuling'hania nambe kuvomba sino sinoghiile mu lungano lwa ntwa ghwake ikopua ing'wegho nyinga. ⁴⁸neke um'bombi juno naasikagwile sino sinoghile ku lughano lwa ntwa ghwake, neke ivomba sino sinoghile ujuo ipelua finga, finga idajivua kuhuma kwa mwene, ghwope juno akeelilue ku finga, kwa mwene fidajivua finga kukila.⁴⁹nisile kukunga umwoto pa iisi, kange ninoghelua kuuti ghuve ghuvikiile, ⁵⁰neke nili nu lwofugho luno nikuvofua, kange nili nulusukualo kuhanga pano luva luvombike!⁵¹pe musagha kuuti nisile nu lutengano mu iisi? Ndali, nikuvavula, pepano nisile kuleta uvusulani. ⁵²kutengula lino na kughendelela kuliiva na vaanhu vahaano vasuline mu nyumba jimo, na vatatu ⁵³visulanagha na vavili, vope vavili visulanagha na vatatu. visulana ubaba nu , nswambe, umwana nu viise, umama nu mwalive, umwalive nu ng'iina, unkamwana naipulig'hanagha nu nkwamwana n'jake.⁵⁴uYesu akava ikulivula kange ilipugha, kyande muvona amafunde ghikong'ana, mwiti amasiki gha fula ghalipipi; fye luuva, ⁵⁵kange mungavone imhepo jipula kuhuma kumavemba mwiti litapiiva lifuke lweli fye luuva. ⁵⁶umue mwe vakedusi, mukagwile kuluvulania amasiki ! lino! kiki mukunua kukughutang'ania umuluvo ghwa sino sivombeka ifighono ifi?⁵⁷ kiki umuunhu ghweni mu lyumue naikagula lino linono kuvomba kwa mwene unsiki ghuno ndeali ni nafasi ija kuvomba isio? ⁵⁸ulwakuva mungalute nu muhigi ghwako pavulongolo pa muhighi, jitange kusambana na juno ikukuhigha nambe pano muli musila alwakutwala kwa muhighi, nu muhighi alakutwala kwa m'baha, nu m'baha alakutagha kundinde. ⁵⁹nikukuvula nulahuma ukuo kuhanga uhombile nambe i ndalama ja vusililo.

¹ku nsiki ughuo, kulyale na vaanhu vamonga valyampelile imhola savaGalatia vano u Pilato alyavabudile na kuhasing'ani a ni danda sa vanave. ²uYesu akavamula akavavula, "pe musagha kuuti avagalilaya avuo valyale ni sambi kukila avagalilaya avange voni fyenambe ghavaghile amavivi aghuo? ³Nambe, nikuvavula neke nave namulata najumue mulibudua vule vule.⁴nambe avaanhu vala kijigho nu ntanda ku Siloamu vanoghukaghua na kuvabuda, musagha aveene valyale vanya sambi kukila avaanhu avange ku Yelusalemu? ⁵Nambe, une niti, neke nave namulata najumue mweni mufua.⁶uYesu akavavula ikihwani iki," umuunhu jumonga layale nu mpiki ghuvyalilue mu mughunda ghwa mwene, akaluta kulonda imheeke mu mpiki ghula neke nakaghaghile. ⁷akam'bula juno ilolelela umughunda ghula, "lola mu maka ghatatu nisile na kughela kulonda imheeke mumpiki ughu neke nanipatile. udumule ulwakuva ghunangania ilihanga.⁸juno ilolelela umughunda akati, " ughuleke umwaka ughu neke nipile na kukuvikila imbolela. ⁹nave ghihola imheeke umwaka ghuno ghukwisa ke kanono, neke nave naghuhola nikughudumula.¹⁰lino uYesu alyale ivulanisia mu nyumba jimonga ija kufunyila unsiki ghwa Sabati. ¹¹lola, pwe alyale umukimama jumonga juno ku maka kijigho nu ntanda alyale ni lipepo ililamafu lwa vuvotevote, umwene alyale mughogholo naalyale iwesia kukwima na kugholoka.¹²uYesu ati amwaghile an'kemheela akam'bula, " mama uvikilue vwavuke kuhuma mu vuvotevote vwako." ¹³akavika amavoko ghake pa kyanya jake, pe um'bili ghwake ghukagholoka ghwope akamughinia uNguluve. ¹⁴neke um'baha ghwa nyumba jila ja kufunyila akakalala ulwakuva uYesu alya nsosisie ikighono kya Sabati. pe untavulua akamwamula akalivula ilipugha,"kuli ni fighono ,,,,fino luvaghile kuvoma imbombo. mwise kusosia himbe, nakwekuti kikighono kya sabati kyene.¹⁵uMutwa akamwamula akati, "vakitule! nakwale nambe juno kulyumue juno idindulila idogovi nambe ing'ombe jako kuhuma muluvagha na kukuvalongosia kuluta kunyua ikighono kya Sabati? ¹⁶pe lino umhinja ghwa Ibulahamu, juno uSetano an'dindile ku maka kijigho nu ntanda, pe nalukamunoghile umhinja jula kusosivua ikighono kya Sabati.¹⁷pano alyale ijova amasio aghuo, voni vala vano valyale vikumpinga vakavona soni, pe ilipugha ilikome lya vange vakalulutila vwimila sino sinoavombile.¹⁸uYesu akati, "uvwimike vwa Nguluve vuhwanine ni kiki, kange niwesia kuling'anisia ni kiki? ¹⁹ji ghwene mbeju jino umuunhu atolile na kuluta kuvyala ku mughunda ghwake, jikalela na kuva mpiki n'kome, ni njuni sa kukyanya sikatenda ifivwasu fyave mu matafi ghake.²⁰kange akati, " nivuling'anisie ni kiki uvwimike vwa Nguluve? ²¹ki kwene kilule kino un'dala itola na kuhasing'ania jujuo ifipimilo fitatu fya vutine nambe kughumuka"²²uYesu alyaghendile mu mapulo ni fikaaja kuluta ku Yelusalemu na kuvavulanisia. ²³umuunhu jumonga akaposia akati, " Mutwa, ve vaanhu vadebe vano vilipokua". pe lino akavavula akati," ²⁴mujilolelelaghe kukilila umulyango unsekele, ulwakuva vinga vighela na kukunua kukwingila.²⁵pambele unyanyumba ati imile na pidinda umulyango, pe mulikwima panji na kuhodesia na kuuti, Mutwa, Mutwa, tudindulile umwene ikuvamula na kwiti, 'nanivamanyile umue nambe kuno muhuma' ²⁶pe muliti, 'tukalile na pinyua pavulungolo pako nuve ukatuvulanisie mu fikaaja fitu' ²⁷neke umwene ikivamula, nikuvavula nanivamanye kuno muhuma, vuka palyune umue mwe vavomba vuhosi.²⁸kwe kuliva na kulila kisila vusililo unsiki ghuno mulikuvagha uAbulahamu, Isaka nu Yakovo na vavili voni ku vwimike vwa Nguluve, neke umue jumue mutaghilue kunji. ²⁹vikwisa kuhuma imbale sooni, nakupuma pa mesa ja kyakulia kya pakivwilile mu vutwa vwa Nguluve. ³⁰kagula ili kuuti, ughwa vusililo ghwe ghwa kwanda nu ghwawanda iiva ghwa vusililo".³¹unsiki undebe pambele, avafalisayi vamonga valisile na kukum'bula kuuti, " luta na kuvuka apa ulwakuva uHelode ilonda kukubuda". ³²uYesu akati, " mulute mukakivule ikikanu,,,,[] kila, lola nikughadagha amapepo na kusosia umusyughu nu lyakilavo, ni kighono kya vutatu nitekelesia uvufumbue vwango. ³³ku lwolwoni lunoghile vwimila jango kughedelela umusyughu, ulwakilavo ni fighono fino fikwisa, ulwakuva najikwiting'ana kum'buda m'bili kutali ni Yelusalemu.³⁴Yelusalemu, Yelusalemu ghwe veni juno ikivabuda avavili na kukuvatova amavue vala vano vasung'ilue kulyumue. ke kalingi ninoghilue kuvakong'ania avaanha vinu ndavule ing'uku vule jikong'ania ifayana fyake mumbavatilo sake. neke ili namukalighanile. ³⁵lola ujilekile inyumba jako. najune nukivavula, namungawesie kukunyagha nambe mungati, 'afunyilue ujuo juno ikwisa ku litavua lya mutwa".

¹lulyahumile ikighono ikya Sabati. yeiluta kukaja ja jumo juno aale n'gooyo ghwa Vafalisayi kulia un'kate, vope vakale vivaanda pipi na pipi. ²pavulongolo pa mwene pwealyale umuunhu juno alyale ni nhaamu ja kufimba. ³uYesu akavaposia avaagula ndaghilo isa vayahudi na vafarisayi. "ndaani, lunono kusosia umuunhu pakighono kya Sabaati, asi vuli?"⁴neke avene vakava kimie, pe, uYesu akan'koola. akan'sosia na pikun'tavula alutaghe. ⁵ghwope akavavuula akati," ghweveni mukipugha kiinu juno ali nu mwana nambe ing'ombe jingaghwilile muliina ku kighono kya Sabati naikujisuuvula ng'hani ng'hani ?" ⁶aveene valyale vasila ngufu isakwamula ghano ghano vavaposisie.⁷un'siki ghuno uYesu alyakagwile kwiti vala vano valyaghogholilue kwiti vasalwile ifitengo vwoghopua. avavula ikihwani akati, " ⁸ye mughongolua nu muunhu uya vutolani, nungikalaghe mufitengo fya vavaha. ulwakuva nukagwile kuti, ⁹pano aghongolilue umuunhu juno ghwe mwoghopua kyongo kukila uve. un'siki ghughuo umuunhu juno avaghongolile¹⁰neke uve ungaghongolue, usalulaghe uvukalo vwa kuvusililo, kuvaanga neke kyande ikwiisa juno akungongolile ghwemwene atisaghe uve manyani, kila ghukale kuvulongolo. apuo ghuuva mwoghopua ku vano valipalikimo nuuve pamesa. ¹¹ulwakuva juno ikughinia uNguluve alyamwisia, juno ikujisia ghwe ighinisivua.¹²Yesu kange akam'bula umuunhu juno umughongolile, ' pano ghukumpela ikyakulia kya pamwisi nambe ikya pakivwilile, ulekaghe pighongola avamanyani vaako nambe avanyalukolo vaako, nambe avanyakisina vaako, nambe avabading'hani vaako avamofu neke kwiiti avene valeke pikukughongola uve uhombe.¹³neke lino pano ghuvomba ikikulukulu, vaghongolaghe avamofu, avalema, na vavoofu, ¹⁴najuve ghufunyua, ulwakuva naviwesia kuhomba. ulwakuva ghuhombua muvusyukua vwa vanya kyang'haani.¹⁵un'siki huno jumonga mu vala vano vakikalile pamesa palikimo nu Yesu ati apulike aghuo, ghwope akavavula akati," afunyilue jula juno ilia un'kate mu vutwa vwa Nguluve". ¹⁶neke uYesu akavavula akati," umuunhu jumonga akavombile ikikulukulu ikikome, akaghongola avaanhu vinga, ¹⁷un'siki ghuno ikikulukulu kifikile, akansung'ile um'bombi ghwake kukuvavula vano avaghongolilue, ' mwise, ulwakuva ifinu fyoni fivikilue tayale¹⁸vooni vakatengula kukunsuuma avasungukile ughwa kwanda akati 'nighulile umughunda nilonda nilute nikaghulole. sivuo usaghile, ¹⁹ghwope ujunga akati, ' nighulile ing'ombe ihaano najune nilute kughela. sivuo usaghile. ²⁰na ju muunhu ujunge akati, 'nihumile pitoola un'dala pe lino naniwesia pikwisa.²¹um'bombi akagomoka na kukum'bula um'baha ghwake aghuo. unyanyumba jula akakalile akam'bula um'bombi ghwake,' luta ng'hani ng'hani mumpulo na mufisila fino filuta mufikaaja fya vaanhu ukavalete apa avakotofu, avalema. vano navilola na vabofu". ²²um'bombi ghwake akati, ntwa aghuo ghano unilaghisie ghavombike, nambe lino ikyakulia kisighiile.²³untwa akam'bula um'bombi akati, luta kusila ijansevo na mufisila fino filuta mumakaaja gha vaanhu ukavapelepesie avaanhu vingile neke inyumba jango jimeme. ²⁴ulwakuva nikuvavula, mu vala vano vaghongolilue ulwa kwanda nakwale juno ilivonja ikikulukulu kyango.²⁵lino ulukong'ano ulukume valyale viluta naghwo. ghwope akadyetuka akavavula kuuti, ²⁶ndeve umuunhu ikwisa kulyune ghwope naikunkalalila ubaba ghwa ghwake, ungiina ghwake ,avaanha vaake, avanyalukolo vaake avaghosi na vadala Ena, na vu vwumi vwake kange navuwesia kuva vavulanisivua vango. ²⁷umuunhu nave naitoola ikikovekano kyake na kukwisa kunsana jango naiwesia kuva m'bulanisivua ghwango.²⁸ulwakuva ghwe veni mu lyumue, juno ilonda kujenga kujenga aikela kutengula kiisatala iling'hanie taasi alole indalama neke alole kukughenia aghuo. ²⁹nave naiovomba aghuo neke kyande ijenga uvwalo angakunue pimalisia. vooni vano vilola vitengula piseka., ³⁰vitisagha, umuunhu uju akatengwile kujenga , akunilue kumalikisia.³¹neke ghwe Ntwa muki, jno ilonda kuluta kutovana nu Ntwa ujunge mu vwiite, juno naikukala paasi taasi neke asaghe nave akwiline kutovana, palikimo na vaanhu imbilima kijigho kimo kutovana nu junge juno ikwisa kwa mwene na vaanhu imbilima fijigho fivili? ³²ndeve evuo ililugu lya vange pano lijighe lilikuvutali, likunsung'a untwa kusuuma ulwiho lya lutengano. ³³kwekuti lino, juno nailonda kukufleka fyooni fino alinafyo. nangawesie kuva m'bulanisivua ghwango.³⁴umwinyo nnono, neke nave ghunangike ghuvombela kiki neke ghuve mwinyo kange? ³⁵naghuva mwinyo ghwa kulunga nambe kuva mbolela. kange kutaghua kuvutali. umwene unya mbughulutu aghakupulika na apulikaghe".

¹lino avasongesia songo na vahosi avange vakisa kwa Yesu na kukumpulikisia uYesu. ²avaFarisayi vooni navalembi vakajing'ulasia viiti," umuunhu uju ikuvupila avanya sambi nambe kulia navo.³uYesu akajova ikighwani iki kuvanave akati, ⁴"ghweveni kulyumue, ndeve ali ning'olo kilundo neke jimonga jisova, ikusileka isingi sila fijigho budikalubale na budika lubale na kuluta kulonda jino jisovile kuhanga ajaghe? ⁵ghwope kya ajaghile akujipinda pamavegha kumo ahovwike.⁶angafike pakaja, ikuvakemhela avamanyani na vabadingani vake pe ikuvavula kuuti, hovokagha palikimo nune, ulwakuva ing'olo jango jino jikasovile nijaghile. ⁷vule vule nikuvavula kuuti luliiva lukelo kukyanya pano umuhosi jumo ilaata inyivi,kukila vwimila avaanhu fijigho budikalubale na budika lubale, avagholofu avasila vufumbue vwa kulaata.⁸nambe kwale umukijuuva veni juno ali ni ndalama kijigho, neke angasovelue nu lutalama lumo, kya ikunga itaala nakufyaghila inyumba na kulonda kungufu sooni kuhanga ikulwagha? ⁹kyande alyaghile ikuvakemhela avamanyani na vabading'ani vake na kukuvavula hovokagha palikimo nune, ulwakuva ulutalama lwango luno lukasovile nilwaghile. ¹⁰nambe ndikio nikuvavula," pwelule ulukelo pa vulongolo pa vanyaMhola va Nguluve vwimila unyasambi jumo juno ilaata.¹¹na ju Yesu akati," umuunhu jumonga alyale na v vaaswambe vavili, ¹²un'debe jula akam'bua uviise ghwake akati, baba umhele uvuhasi vwango neke akaghava ikyuma kyake kuveene.¹³ifighono nafinga, un'debe jula akakong'ania foni fino finoghile akaluta ku iisi ija kuvutali, ukuo akalia fivi indalama sa mwene, akaghulila ni finu fino nailonda, akavombela fivi indalama samwene kunyivi. ¹⁴ghwope ye amalile fyoni ilijala likingila mu isi jila pe umwene akatengula kuva mulondi.¹⁵akaluta kwa muunhu jumonga ghwa mu iisi jila, ghwope akan'twala kumughunda ghwake ku suvila ingube. ¹⁶akava inoghelua kulia amabandu ghano ingube salisagha ulwakuva nakwale umuunhu juno akampelile ikinu kyokyoni alie.¹⁷pe un'debe jula akasagha mu mwojo ghwake akati, ava vombi valingi ava baba ghwango vilia filingi ifyakukwilana najune pwenile apa nifua ni n'jala! ¹⁸nivuka niluta kwa baba ghwango na kukumbula," Baba nihokile kwa Nguluve na pa maaso ghako. ¹⁹naninoghile kukemhelua n'swambo kange, um'bike nive mumo muvavombi vako.²⁰pepano akaluta kwa viise ghwake. ye akyale kutali uviise ghwake akamwagha akam'bonela ikisa akaluta luvilo akamuyayila na kumunonela. ²¹u mwana jula akam'bula akati," Baba nihoile kukyanya kwa Nguluve na pa vulongolo pa maaso ghako, naninoghile kukemhelua n'swambo.²²uviise jula akavavula avavombi vake; mulete ng'hani ng'ahi umwenda unono kyongo mun'fwasie. Mun'fwasie ni pele mu kyove ni filatu mumaghulu. ²³kange mulete ing'ombe jino jinonile muhinje tulie na kuhovoka. ²⁴ulwakuva umwanango alyale afwile mwope mwumi. alyasovile ghwope avonike vakatengula kululutila.²⁵pe baho umwanake um'baha jula alyale kumughunda. akatile ikwisa alipipi ni nyumba akapulika ilisio ilya nyimbo na kuseja. ²⁶akan'kemhela um'bombi jumonga akam'posia agha kwe kuti kiki?. ²⁷um'bombi akam'bula akati," ununavo isile ubaba ghako amuhijile ing'ombe jino jinonile ulwakuva agomwika n'kafu.²⁸un'swambe um'baha akakalala akasita kukwingila mun'kate pe uviise akahuma kunjikumpelepesia. ²⁹neke akamwamula iviise ghwake akati," lola une nikuvombile amaka minga nambe nanipunisivue indaghilo sako, neke numhelile nambe kapene kuuti, nihovoke navamanyani vango. ³⁰neke atile isile un'swambo uju juno alile fivi ikyuma kyako palikimo na vaghenda mwalu umuhinjile ing'ombe jino jinonile .³¹uviise akam'bula akati," n'swambango, ulipalikimo nune ifighono fyoni, ni fyoni fino nilinafyo fye fyako. ³²lino lunoghile kulyusue kuvomba ikikulukulu na kuhovoka, unyalukolo ghwako uju hwene akafwile na lino mwumi; akasovile ghwope avonike.

¹uYesu akavavula avavulanisivua vake, " palyale nu muunhu jumonga m'mofu alyale nu m'baha mu mbombo jake, ²pe vakampela umm imhola sa m'baha jula kuuti, um'bombi ghwako um'baha itaghania ifyuma fyako.pe ummo akan'kemela akam'bula akati, "kwe kiliku ulyuve kino nipulika? humia imhola ija vuvaha vwako, ulwakuva nungave m'baha kange mu mbombo jango.³um'baha jula akijovela mu mwoojo ghwake, nivombe kiki, ulwakuva untwa ghwango ikunivusia mu mbombo jango ija vuvaha? nisila ngufu sa kulima, na kusuma nivona soni. ⁴nikagula lino kyale nivomba kyande vanivusisie mu mbombo jango ja kwimilila avaanhu vanyupile mu nyuma save.⁵pe pano umweimilili jula akavakemhela voni vano visighilua nu ntwa ghwake akam'bula ughwa kwanda, ' ghusighilua ilingi nu ntwa ghwango?' ⁶akati, 'fighelelo kilundo fya mafuta akam'bula, ' tola ilikalataasi lyako ng'ani ng'ani lemba ifijigho fihaano, ⁷pe akam'bula ujunge najuve ghusighilua ilingi? akati, 'ifighelelo kilundo kimo ifya vutine vwa ngano'. tola ilikalataasi lyako, lemba ifijigho lekela kwoni'.⁸untwa jula akamughinia um'baha jula ulakuva alyavombile nu vukagusi. ulwakuva avaanha va pa iisi iji vali nuvukagusi vyinga kukila avaanha va Nguluve. ⁹lino une nikuvavula kuuti, muvatangaghe avajinu ni kyuma kino mulinakyo, neke kyande kisilile, mwupilue ku vukalo vwa kusila na kusila.¹⁰juno mugholofu mu lidebe kyongo iva mugholofu na mulikome. ghwope juno namugholofu mu lidebe naiva mugholofu na mulikome kange. ¹¹nave umue namulyale vagholofu mu kyuma kino na kyakyangani pe ghwevene juno ikuvitika ku kyuma ikya lweli? ¹²kange nave namulyale vagholofu kutumila ikyuma kya muunhu junge, ghweveni juno ikuvapela sino sinu jumue?¹³nakwale um'bombi juno ikuvavombela avatwa vavili, ulwakuva ghukunkalalilagha jumo na kumughana ujunge, nambe kukolana nuju na kum'benapula uju. nungawesie kukum'bombela uNguluve ni kyuma.¹⁴pe avafarisayi, vano valyale vinoghua indalama ye vapulike aghuo ghoni vakam'benafula. ¹⁵kange akavavula, "umue mwemwemu mukuvona hwene vanya kyang'ani pa maaso gha vaanhu, neke UNguluve akagwile amoojo ghinu. ulwakuva lino lyimike kwa muunhu liva ng'alasi pa maaso ghwa Nguluve.¹⁶indaghilo na vavili pwefilyale kuhanga uYohani panoa akisile. kuhuma unsiki ughuo, imhola inofu ja vutwa vwa Nguluve jikapulisivue, nu muunhu ghweni ighela kukwingila ku ngufu. ¹⁷neke kihugu ku kyanya ni iisi fivuke kuliko ililembe limo lya ndaghilo likosekane.¹⁸ghweni juno ikumuleka un'dala ghwake na kun'toola un'dala ujunge ivwafuka, ghwope juno ikun'toola juno alekilue numughosi ghwake ivwafuka.¹⁹palyale nu mmofu jumonga alyafwalile amhenda aghanya sambalau na gha ndalama akale ihovokela uvumofu vwake uvukome. ²⁰nu nkotofu jumonga ilitavua lyake Lasali vakam'biki pa mulyango ghwa kunji kwa mofu jula, alyale ni fikongo. ²¹ghwope akinoghelua kulia ikyakulia kino kikaghwisagha pasi pa mofu jula nasi mbua sikisa sikamumyanga ifikong'o fyake.²²jikava unkotofu jula akafua, avanyaMhola vakantola kuhanga pakifuva pa Abulahamu. ummofu jula ghwope akafua akasyulua. ²³ye alyale mumuko kuvulungu kula akadindula amaaso ghake akamwagha uAbulahamu kuvutali ali nu Lasali pakifuva kyake.²⁴akalila akati, ' baba Abulahamu, nisaghile un'sung'e u Lasali asase ulwove lwake mumalenga, alunoghelesie ululimi lwango; ulwakuva nipumusivua mu mwoto ughu.²⁵neke uAbulahamu akati, 'mwanago kumbuka kuuti mu vwumi vwako ukupile isako sino nono, nu Lasali vule vule alyapatile inyivi. neke lino alyapa uhuvilisivua, najuve ghupumusivua. ²⁶na kukila aghuo, kuvikilie ilina ilikome pakate jitu kuuti vano vilonda kuluta kulyumue vakunuaghe na vaanhu va kulyumue navangalovokaghe kukwisa kulyusue'²⁷umofu jula akati, 'nisuuma baba Abulahamu kuuti unsung'e ku nyumba kwa baba ghwango. ²⁸ulwakuva nili navanyalukolo vahano neke avavunge na veene ku vwoghofi piti vope vilikwisa pa mhumhuko apa.²⁹neke uAbulahamu akati, ' kwale uMoose na vavili, valeke vavapulikisie vavuo. ³⁰umofu jula akati, ' Ndali, baba Abulamahu, neke nave angalute umuunhu juno ahumile kuvafue vilaata, ³¹neke uAbulahamu akam'bula akati, 'ndeve navikuvapulikisia uMoose na vavili navangampulikisie nambe umuunhu angasyuke kuhuma kuvafue.

¹uYesu akavavula avavulanisivua vake, " imbombo sino sikuvatwalila avaanhu kuvomba uvuhosi sinoghile kuhumila, neke iga umuunhu ghweni juno itengulisia! ²jale jiva je kiba umuunhu ujuo kumpinyila mu singo ilivue ilisito lya kuhavulila na kutaghua mu malenga, kuliko kumuleka umuunhu jumo mu vadebe ava atendaghe isambi.³mujilolelelaghe, nave unyalukolo ghwako akuhokole umuvungaghe, ghwope angalate unsahilaghe. ⁴nave akuhokila mara lekela lubale ku kighono kimo ni kighono kikikio ikwisa nakuti, ' nilaata ' nisaghile unsaghilaghe"⁵avasung'ua vake vakam'bula uMutwa kuuti, "utwongelesie ulwitiko lwitu" ⁶uMutwa akati, "nave muve nu lwitiko lukome, mwale mukughuvula unkuju ughu, kuluka na kumela kumalenga, ghwope ghukuvitika.⁷neke ghweveni mu lyumue juno umbombi juno ilima umughunda nambe juno idima ing'olo, ikum'bula pano igomoka kumughunda, ghwise ng'ani ng'ani ghukale neke ulie ikyakulia? ⁸pe nangam'bule unendele ikyakulia nilie, kange uminye ikihudiko unovombele kuhanga ningamale kulia na kunyua. pe pano najuve kya ghulia na pinyua?⁹nangamuhongesie um'bombi ujuo ulwakuva avombile ghanoavulilue? ¹⁰vule vule najumue mungamale kuvomba sino vavalaghisie mutisaghe, 'usue tulivavombi twevano natunoghile. tuvombile ghene ghano vatulaghisie'¹¹jikahimile kuuti pano alyale ikyula kuluta ku Yelusalemu, akakilile mu maka ja Samalia na ku Galilaya. ¹²ati ikwingila mu kikaaja kimonga, ukuo akatang'ana na vaanhu kijigho avanya buba. vakima patali, ¹³vakajova ilisio vakati, " Yesu, Mutwa tuvonele lusungu"¹⁴ati avaghile akavavula, " lutagha mukajivonesie ku vatekesi". vope ye viluta vakavalasivua. ¹⁵jumonga ati avwene asokile, akagomoka ikufunyila uNguluve. ¹⁶akafughama pa maghulu gha Yesu kumuhongesia. umwene alyale muuhugu.¹⁷uYesu akamwamula akati, " pe navakavalasike voni kijigho? valikughi avange vala ? budika lubale ¹⁸napwale nambe jumo juno avonike kugomoka neke kumwika uNguluve, looli umughesi uju?" ¹⁹akam'bula, "ghwime ulutaghe ulwitiko lwako lukusosisie"²⁰avafalisayi ye vikumposia uvutwa vwa Nguluve vulikwisa lighi, uYesu akavamula akati, uvutwa vwa Nguluve na kiinu kinokivoneka. ²¹nambe avaanhu navilijova, 'lola apa! nambe 'lola kula!' ulwakuva uvutwa vwa Nguluve vuli n'kate jinu"²²uYesu akavavula avavulanisivua vake, " unsiki ghukwisa ghuno mulinoghelua kukukyagha ikighono kimo kya mwana ghwa muunhu, neke namulikukyagha. ²³vilikuvavula, 'lola kula!, lola apa! neke namungalutagha nambe kuvavingilila, ²⁴hwene mwoto ghwa fula ghuno ghumulika kukyanya kutengulila ulubale lumo kuhanga ulunge. lino nambe umwana ghwa muunhu iliva ndikio mu kighono kyake.²⁵neke taasi lukumunoghela kupumuka mu isio nyinga na kukanua ni kisina iki. ²⁶ndavule lulyale mufighono fya Nuhu, fye luliva mu fighono fya mwana ghwa muunhu. ²⁷vakalia, vakanyua, vakatoola na kutoolana kuhanga ikighono kino uNuhu akingilaa mu kyombo pe amalenga minga ghakisa na kuvabuda vooni.²⁸fyelulyale mufighono fya Luti, vakalia, kunyua, vakaghula na kughusia, kulima na kujenga. ²⁹neke ikighono kila uLuti alyavikile kuSodoma, jikatonya ifula ja mwoto ni kibiriti kuhuma kukyanya jikavabuda vooni.³⁰lino fyeluliva mu kighono kila ikya mwana ghwa muunhu pano ilisyetulivua. ³¹ikighono ikyo nungamwitikaghe juno alikunyumba kukyanya iike kutola fimonga munkate munyumba. nungam'bulagha juno ali kumughunda kugomoka kukaaja.³²munkumbukaghe un'dala ghwa Loti. ³³ghweni juno ighela kukulusia uvwumi vwake alambusia, neke kange ghweni juno alambusia uvwumi vwake ujuo alakulusia.³⁴nikukuvula, ikighono ikio avaaanhu vavili viliiva vaghonile pa kitala kimo. jumo itolua ujunge ³⁵ilekua. kwe kuliiva na vakijuuva vavili vihavula amayembele palikimo, jumo itolua nu june ilekua. ³⁶avakinhaata vavili viliva pivomba imbombo pa mughunda, neke jumo itolua, ujunge ilekua".³⁷vakamposia, "kughi, uNguluve?" akavavula, "pala pano pweghule um'bili ghwa kikanu kino kifwile, pepano amatumbusi ghiking'ana palikimo".

¹neke akavavula ikihwanikisio ndavule lunoghile kukufunya jaatu, kisila kukatala. ²akatisaha kwealyale umhighi mu likaaja limonga, juno naalayle ikumwoghopa uNguluve kange naavikilagha mu mwoojo kukuvatanga avaanhu.³mwealyale umfwile jumonga mulikaaja ilio, ghwope akamulutila kekinga akati, "nange unighilile un'koleumulugu ghwango aleke kutoola ifyango. ⁴ku nsiki ntali naale ipinyile kuuti antange, neke ye ghukilile unsiki akasagha mu mwoojo ghwae. pope une nikumwoghopa UNguluve nambe kukuvoghopa avaanhu. ⁵pope ulwakuva umfwile uju ikung'atasia nikuntanga akave ikighavo kyake neke aleke kukung'atasia kange".⁶neke uMutwa akajova akati, 'pulikisia fino ajovile umhighi umhosi uju. ⁷pe uNguluve ghwope naileta ikyang'haani ku vimike vake vano viku mulilila pamwisi na pakilo? pe umwene naiiva nulugudo kuveene? ⁸nikuvavula kuuti, ikwisa ni kyang'haani kuveene ng'ani ng'ani. neke unsiki ghono umwana gwa muunhu ikwisa ilikulwagha ulwitiko lwa iisi?'⁹pepano akavavula ikihwani iki pwevalyale avaanhu vamonga vano vikuvoona kuuti aveene kuva vagholofu na kuvapenapula avange, ¹⁰avaanhu vavili vakaluta kunyumba inyimike ja kufunyila: jumo aale mFalisayi nu junge n'songesia songo.¹¹umFalisayi akima na akifunya ndiki mu mwoojo ghwake, 'nikukuhongesia Nguluve vule une nanili ndavule avaanhu avange vano vakunyi, avaanhu vano vahoka makole, avavwafu nambe ndavule uju unsongesia songo. ¹²une ku nywabaha nibuhila kulia kavili kange nitavula ilitekelo mu meto soni sino nikava.¹³neke unsongesia songo, alyimile pavutali looli nalyaghelile nambe kukwinamula amaaso ghake kukyanya. akatovatova pakifuva kya mwene akati, 'Nguluve unsaghile une ne muhosi' ¹⁴nikuvavula, umuunhu ndavule uju alyagomwike kukaja apyanilue inyivi saake sooni kukila ujunge jula ulwakuva gheni juno ikughinia uNguluve alyamusia, ghwope juno ikujisia uNguluve alyantosia.¹⁵avaanhu vakatwalila avaanha avadebe kuuti vamwabasie, neke avavulanisivua vake ye vavwene aghu, vakavasigha. ¹⁶neke uYesu akavakemela kwa mwene akatisagha, 'valeke avaanha avadebe vise kulyine nambe namungavasighahe. ulwakuva uvutwa vwa Nguluve vwe va vaanhu ndavule avuo. ¹⁷kyang'ani nikuvavula, umuunhu ghweni juno naikvupila uvutwa vwa Nguluve hwene mwana sesene nailikwingila'.¹⁸um'baha jumonga akam'posia akati, 'm'bulanisi nono, nivombe kiki neke pambele nive nu vwumi vwa kusila na kusila?' ¹⁹uYesu akamwamul akati, 'kiki ghukung'emela nnono? nakwale umuunhu juno nnono, loli ju Nguluve mwene. ²⁰usikagwile indaghilo nunga vwafukaghe, nungabudaghe,nungahijaghe, nungolekaghe uvudesi, umwoghopaghe uvaaso nu mamajo. ²¹um'baha jula akati, 'isio sooni nigadilile kuhuma ye nili nsoleka".²²uYesu ye asipulike isio akam'bula, "upeelile ikinu kimonga. lunoghile ughusie ifinu fyoni fino ulinafyo neke uvaghavile avakotofu, najuve ghuliva ni kyuma ku kyanya - kange ghwise umbingilile'. ²³neke umofu ye apulike aghuo, akasukunile kyongo ulwakuva alyale ni kyuma kinga.²⁴pe pano uYesu, akam'bona vule asukunile kyongo akati, 'lutalamu kyongo avanya kyuma kukwingila ku vutwa vwa Nguluve! ²⁵lwakuva kihugu kyongo ingamila kukilila pa kilioli kya sindano, kuliko kwa mmofu kukwingila ku vutwa vwa Nguluve.²⁶vala vano valyapulike aghuo vakati,pe ghweveni lino juno ndepoonu ipokua?' ²⁷uYesu akamula akati, ' sino avaanhu vikunua kuvomba ku ngufu saave neke kwa Nguluve sivombeka'.²⁸uPeteli akati, 'Ena, usue tufilekile ifinu fyoni tukuvingilile uve.' ²⁹pe pano uYesu akavavula, kyang'haani nikuvavula kuuti, nakwale umuunhu juno ajilekile inyumba, nambe un'dala nambe unyalukolo nambe avapafi nambe avaanha vwimila uvutwa vwa Nguluve, ³⁰juno naikwupila minga kukila mu iisi iji, na mu iisi jino jikwisa uvwumi vwa kusila na kusila.³¹pe baho ye vakong'anisie vala kijigjo na vavili,akavavula, 'lola, tutogha kuluta kuYelusalemu, na masio ghoni ghano ghalembilue na vavili kujova isa mwana ghwa Muunhu kuuti ghikwilana. ³²ulwakuva iiva mumavoko gha vaanhu avaYahudi vikum'bedagha na pikumuligha na pikumfunyila amate. ³³kange vikun'kopagha ni fijeledi na kukum'buda neke pakighono ikya vutatu isyuuka.'³⁴navalyasikagwile sino ijova isi. nalilisio ili lifisilue kuveene, navalyasitang'inie sino sijovilue³⁵pe lukava uYesu pano alipipi ku Yeliko, umuunhu jumonga um'bofu alikalile palubale lwa nsevo akaumagha vantange, ³⁶ye apulike ilipugha lwa vaanhu likuling'ania akaposia kiki kihumila. ³⁷vakam'bula kuuti uYesu ghwa Nasaleti ikila.³⁸pe um'bofu jula akalila fiijo akati, 'Yesu, mwana ghwa Davidi, unisaghile'. ³⁹vala vano valyale vighenda vakan'dalikila um'bofu jula, vakam'bula ujike. neke umwene akaghina kulila fiijo, 'mwana ghwa Davidi, usanighile.⁴⁰uYesu akima akasuuma umuunhu jula vamulete kwa mwene. pe um'bofu jula ye amuvelelile, uYesu akamposia, ⁴¹ghulonda nikuvombele kiki? akati, 'Mutwa, nilonda kulola'.⁴²uYesu akam'bula , ' lino ulolaghe. ulwitiko lwako lukusosisie'. ⁴³ku nsiki ghughuo akavisagha ilola, akam'bingilila uYesu na kukumughiniauNguluve. vati valyaghile ili, avaanhu vooni vakamughinia uNguluve.

¹uYesu akingila na kukila pakate pa Yeliko. ²apuo pealyale umuunhu juno atambuluagha Sakayi. juno alyale m'baha ghwa vasongesia songo kange muunhu ghwa vumofu.³alyale ighela kukumwagha uYesu kuuti mwana ghwa ndani, neke akakunua kukumwagha ulwakuva alyale mfupi kange pe likale ilipugha lwa vaanhu. ⁴pepano akalongola luvilo kuvulongolo ku vaanhu, akatogha kukyanya mu n'kuju kuuti amwaghe, ulwakuva uYesu alyale pipi pikila isila ijio⁵un'siki ghuno uYesu afikile pala, akalola kukyanya akam'bula akati, "Sakayi ika ng'haani ng'haani, ulwakuva umusyughu lunoghile kulinda ku nyumba jako" ⁶akavomba ng'haani ng'haani, akika na kumwambilila ku lukeelo. ⁷avaanhu vooni vakatile vaghaghile aghuo vaking'ulasya vakati, 'alutile kukumughendela umuunhu unya sambi.⁸uSa'kayi akimile akam'bula uMutwa kuuti, 'loola lubale lwa kyuma kyango nikuvapela avakotofu, kange nave umuunhu ghweni nin'kunyile ikinu , nikun'gomokesia kane'. ⁹uYesu akam'bula akati, 'umusyughu uvupoki vufikile mu nyumba iji, ulwakuva umwene kange ghwe mwana ghwa Abulahamu. ¹⁰lwakuva umwana ghwa muunhu isile kulonda na kupoka avaanhu vano vasovile.¹¹ye apulike aghuo, akaghendelile kujova na kuhumia ikihwani, ulwakuva akale pipi na kuYelusalemu, voope vakasaghile kuuti uvutwa vwa Nguluve vulyale pipi kuvoneka ku lwakwasia. ¹²pepano akavavula akati, uNtwa jumonga akalutile ku iisi ija kuvutali kuuti pile uvutwa neke agomoke.¹³akavakemhela avavombi vake kijigho, akavapela filundo kijigho akavavula akati, " muvombaghe imbombo ija kufulusia kuhanga pano niligomoka" ¹⁴neke avaanhu vake vakan'kalalilagha pe pano vakavasung'a avomolua valute vamfuate na kukum'bula kuuti, "natulonda umuunhu uju atulongosie" ¹⁵akatile agomwike ye apelilue uVutwa, akavakemhela avavomvi vala vano akavalekile indalama vakemhelue vake, neke akagule vafulwisie ndani.¹⁶ughwa kwanda akisa akati, "Mutwa ikipupa kyako kino ukamhelile kifulyisie ifighavo kijigho, ¹⁷UNtwa jula akam'bula, uvombile vunofu uve uli mb'ombi n'nofu, ulwakuva ghwa kolopalile mu fidebe, nikupela kutema amapulo kijigho.¹⁸ughwa vuvili akisa akati, 'Ntwa, ikipupa kyako kifulwisie ifipupa fihaano. ¹⁹'UNtwa ujuo akam'bula akati, ' najuve tola uteme amapulo ghahaano.²⁰nu junga akisa akati, Ntwa iji apa indalama jako, jino nikapinyile vunono mu kyenda, ²¹ulwakuva nikoghwipe kuuti uve uli muunhu n'kali. ghuvusia kino nu vikile na kupeta kino nukavwalile.²²uNtwa ujuo akam'bula, 'ku masio ghako juve nikukuhigha, uve uli m'bombi m'bivi. ulyakagwile kuuti une nili muunhu m'bivi nitola kino nanivikile na kupeta kino nanikavwalile. ²³pe, ongo nikavikile indalama jango ku vano vifulusia, nneke kyande nigomwike nitole palikimo na sino sifulwike?²⁴uNtwa akam'bula avaanhu valyale vimile apuo, ' mun'kunye ikipupa ikio na kukumpela jula unya fipupa kijigho. ²⁵vakam'bula kuuti Ntwa, umwene ali ni filundo kijigho.²⁶nikuvavula, umuunhu ghweni juno alinakyo ipelua kukila, neke juno nsila, kyope kino alinakyo kilipokua. ²⁷neke avalugu vango ava, vano navakanoghilue nive mutwa ghwa vanave, mu valete pavulongola apa neke muvabude.²⁸akatile ajovile isio, akaghendelelagha kuluta kuvulongolo akatogha na kuluta ku Yelusalemu.²⁹akatile avelelile pa Betigage, pipi nikidunda kya miseituni, akavasung'a avavulanisivua vake vavili. ³⁰akajova akati, 'mulutaghe pakikaaja kya pavupipi. mungingile mukujagha inyana ja dogovi najighelile kujangalilwa taasi, mujavulile mujilete kulyune. ³¹nave umuunhu ikuvaposia, ' kiki mukujavula?' mutisaghe," uNguluve ali nuvufumbue najo.³²vala vano akavasung'ile vakaluta vakajagha inyana ja dogovi,ndavule uYesu vuno akavavulile. ³³ye vikujavula inyana ja dogovi, avanyanajo vakav aposia "kiki mukujavula inyana ja dogovi iji? ³⁴vakavamula vakati," uMutwa ali nuvufumbue najo" ³⁵pe vakan'twalila uYesu, vakatandika amheenda ghave pakyanya pa nyana ja dogovi, neke vakan'tosia uYesu pakyanya. ³⁶uYesu ye iluta avaanhu valyale vitandika amheenda ghave mu nsevo.³⁷akatile ikwika ikidunda kya miseituni ni kipugha kyoni ikya vavulanisivua, vakatengula kukumpaala uNguluve ni lisio ilikome vwimila ifidegho vuno valyavombilue. ³⁸vakajova, ' aaghinwaghe u Ntwa juno ikwisa mulitavua lya Mutwa! ulutengano kukyanya, nu vwimike kukyanya.³⁹avafarisayi vamonga mu kipugha vakam'bula vakati, m'bulanisi, vajikisie avavulanisivua vako, ⁴⁰uYesu akavamula akati, 'nikuvavula ndeve ava vijigha kimie amavue ghilijova amasio.⁴¹UYesu ye alipipi nu mpulo akaghulilila, ⁴²akati, nave ghwale ukagule nambe juve, mu kighono iki sino unoghile kuvoma neke uve nulutengano! neke sifisilue pa maaso ghako.⁴³ulwakuva ifighono fikwisa fino avalugu vako vijenga ililugu pipi nuve, na kukusyuta na kukughindilikisia kyhuma mu mbale sooni. ⁴⁴vikukughwisia paasi uve na vaanha vako. navikulekesia nambe mu livue limo pakyanya ja linge, ulwakuva nukakagwile unsiki ghuno uNguluve alyale ighela kukupoka.⁴⁵uYesu akingila mu nyumba ija kufunyila, akatengula kuvadaga vala vano vakale vighusia, ⁴⁶akavavula," jilembilue, inyumba jango jiliva nyumba ja kufunyila, neke umue musyetulinie kuva lipango lya vakunyi".⁴⁷pe lino uYesu alyale ivulanisia ifighono fyoni ku nyumba ja kufunyila. aatekesi na vavulanisi va ndaghilo na valongosi vavaanhu valyalondile kukum'buda, ⁴⁸neke navakakunua kujagha isila ja kuvomba ndikio, ulwakuva avaanhu voni valyale vikumpulikisia vunono.

¹kiliva kighono kimo, UYesu ye alyale ivulanisia avaanhu ku nyumba inyimike ja kufunyila na kudalikila ilivangili, avatekesi avavaa na vavulanisi va ndaghilo vakamulutila palikimo na vaghogholo. ²vakajova, vakam'bula, 'tuvule kwe kuvutavulua vuliku ghuvumba agha? nambe ghwe veeni ujuo juno akupelile uvutavulua uvu?"³ghwope akamula akati, 'najune kange nikuvaposia. munivule ⁴ulwofugho lwa Yonani pe lukahumile ku kyanya au kuvaaahu?'⁵neke vakajofesania vavuo ku vavuo, vakatisagha, 'tungati, 'lukahumile kukyanya akutuposia, 'ongo pe namukamwitikile? ⁶kange tungati; lukahumile ku vaahu; avaanhu vooni apa kya vikutotava na mavue, lwakuva vooni vikwitika kuuti uYoani alyale m'bili.⁷pe vakamwamula lwa kuva navakakagwile kuno lulyahumile. ⁸uYesu akavavula, "najune nanikuvavula umue kwe kuvutavulua vuki nivomba agha."⁹alyavavulile avaanhu ikihwani iki, "umuunhu jumonga alyavyalile umughunda ghwa misabibu, akaluta iisi ijinge ku nsiki ntali. ¹⁰ku nsiki ghuno ghunoghile, akansung'ile um'bombi kuvalimi va misabibu, neke avalimi va misabibu vakantova, vakan'gomosia mavoko ghene.¹¹pe akansung'a kange um'bombi ujunge ghwope vakantova, na kum'bombela inyivi, na kukun'gomosia mavoko ghene. ¹²akansung'a kange ughwa vutatu ghwope vakamulemasia na kukuntagha kunji.¹³lino untwa ghwa mughunda akati, ' kya nivomba kiki? nikunsung'a umwanango umughanike. pamo valamwitika. ¹⁴'neke avalimi va sabibu vati vamwaghile, vakajofesania vavuo ku vavuo vakatisagha, 'uju ghwe nya kyuma. tum'bude neke ikyuma kyake kive kitu.¹⁵vakamwumia kunji ku mughunda ghwa misabibu na kukum'buda. pe unyamughunda kwale ikuvavomba kiki? ¹⁶ikwisa kukuvabuda avalimi va misabibu, na kukuvapela avange umughunda ughuo". vope ye vapulike aghuo, vakati, 'uNguluve akanile'.¹⁸neke uYesu akavalola akavaposia, akati, " pe amalembe agha ghali nuvufumbue vuki? ilivue lino avajengi valyalikanile , lino lye livue lya npanguto?¹⁸¹⁷umuunhu ghweni juno ighua pa kyanya pa livue ilio, idenyeng'ana kyongo. neke jula juno lingamughwile , liku'ndijania kyongo"¹⁹lino avalembi na vavaha va vatekesi valyalondole isila ja kukun'kola mu nsiki ghughughuo, valyakagwile kuuti alyajovile ikihwani iki kuveene. neke vakavoghwipe avaanhu. ²⁰vakamulola vunono, vakasung'a vano viposelesia vano vikuvona kuva vaanhu va kyang'haani, neke vavwaghe uvuhosi ku malembe ghake, neke kun'twala ku vatemi na vanya vutavulua.²¹vope vakamposia, vakati, "m'bulanisi tukagula kuuti ghujova na kuvulanisia isa lweli kisila kusyangua nu muunhu ghwoghwoni, neke uve ghuvulanisia ilweli kujova isa Nguluve. ²²pe lunoghile kulyusue kuhomba isongo kwa Kaisali au nambe?"²³neke UYesu alyakagwile ulutegho lwavo, akavavula, ²⁴munisone ihela idinali. ikihwani ni litavua lyani fili kyanya jaake?" vakati, "lya Kaisali".²⁵ughwope uYesu akavavula akati, 'pe mumpele uKaisali ifya kaisali, nu Nguluve ghano gha Nguluve; ²⁶avalembi na vavaha va vatekesi vakakunilue kukagula kila kino alyajovagha pavulongolo pa vaanhu. vakadegha ulwamulo lwake navakajova kyokyoni.²⁷avasadukayi vamonga vakamulutila, vala vano vijova kuuti avafue navalasyuka, ²⁸vakamposia vakati, "m'bulanisi uMoose alyatulembile kuuti nave umuunhu angafwilue nu nyalukolo unya n'dala juno nsila mwana pe anoghile kukuntola un'dala ghwa nyalukolo ghwake na kuhola naghwo vwimila ulumbulie.²⁹kulyale na vanyalukolo lekela lubale, ughwa kwasia akatola akafua kisila kuleka umwana, ³⁰nughwa vuvili ghwope. ³¹ughwa vutatu akantola vulevule, enendikio ughwa lekela lubale naakalekile avaanha akafua. ³²pambele un'dala jula ghwope akafua. ³³lino nave kwelule ulusyuko iiva nd'ala ghwani? ulwakuva vooni lekela lubale valyantolile'.³⁴uYesu akavavula , "vaanha va iisi iji vitola na kutolua. ³⁵neke vala vano vanoghile kukwupila uvusyuko vwa vafue na kukwingila mu vwumi vwa kusila na kusila navitola nambe kutolua. ³⁶nambe navala fua kange, ulwakuva viiva palikimo na vanyaMhola ve vaanha va Nguluve, vaanha va vusyuko.³⁷naju Moose alyajovile kuuti avavue vilisyuka. alyajovile uluo mu malembe mu lwa kihinja kino kilyale kivvika, alyatiile u Mutwa ndavule uNguluve, ghwe Nguluve ghwa Abulahamu, ghwe Nguluve ghwa Isaka, kange ghwe Nguluve ghwa Yakovo". ³⁸lino umwene naghwe Nguluve ghwa vafue, looli avwumi ulwakuva vooni vikukala kwa mwene".³⁹pe avavulanisi vamonga ava ndaghilo vakamwamula, vakati m'bulanisi ghwamwile vunono. ⁴⁰kutengulila apuo vakava vikwoghopa kukumposia.⁴¹uYesu akavaposia akati, "asi lwa ndani avaanhu viitiuKilisite mwana ghwa Ntwa Davidi? ⁴²ulwakuva uDavidi jujuo alyalembile mu kitabu kya sabuli alyatile, uMutwa alyam'bulile umutwa ghwango ghukale uluvoko lwa kundio, ⁴³kuhanga nikutange uvaleme avalugu vaako paasi pa maghulu ghako, ⁴⁴uDavidi ikunkemela Kilisite 'Mutwa' pe iiva ndani mwana ghwa Davidi"?⁴⁵avaanhu vooni ye valyale vikumpulikisia akavavula avavulanisivua vaake akati, ⁴⁶mujilolelelaghe na valembi, vano vilonda kughenda kuno vafwalile amenda amatali, na kunoghua kuuti avaanhu vavahungilaghe nu vwoghofi mumapuulo. pano vali mu nyumba isa kufunyila vilonda kukukala ku fitengo ifya kuvulongolo na mu fikulukulu vikukala mu fitengo fya voghopua. ⁴⁷avaanhu ava vikuunya ifinu ifya vafwile! neke muvukedusi vwake vikufunya inyifuunyo inhaali, kuuti avaaanhu vatisaghe vagholofu. mu uluo uNguluve ikuvapeela ulupumuko ulukome kukila.

¹uYesu akalila akavagha avakinhaata vamofu valyale vivika amatekelo ghave muvutile ²akamwagha unfwile jumonga nkotofu ivika isenti sake ivili. pe ³akati,"kyang'haani nikuvavula unfwile uju unkotofu ivikile indalama nyinga kukila avange voooni. ⁴ava vooni vahumisie ilitekelo ili kuhuma mufinga fino valinafyo. neke unfwile uju mu vukotofu vwake ahumisie indalamasooni sino avele naso vwimila uvwumi vwake"⁵ye avange valyale vijova isa nyumba inyimike ja kufunyila, ndavule jilyavikilue na mavue amanono na matekelo, akati, ⁶mu mhola isa mbombo sino mukusagha, ifighono fikwisa fino nakwekuliva nilivue limo lino lililekua nkyanya ja livue ilinge lino nalilighua.⁷pe vakamposia vakati, Mbulanisi isi sooni silihumila lighi? kwe kiliku kino kiliva kye kivalilo kuuti agha ghalipipi kuhumila? ⁸uYesu akamwamula, "muvisaghe maaso kuuti namungasyanguaghe. ulwakuva vingi vikwisa ku litavua lyango viti,"une nene, nu nsiki ghulipipi. namungavavingililaghe. ⁹mungapulike ivuluguvulugu namungoghwopaghe, ulwakuva isi sooni sinoghile sihumile taasi. neke uvusililo navulihimila ng'hani ng'hani"¹⁰pe pano akavavula," iisi jilikwima na kutovana ni jinge, uvutwa ku vutwa uvunge. ¹¹kuliva ni finsenyena ifikome, injala ni nhamu isa kwambukila siliva papinga. kwe kuliva ni finu fya kwoghofia ni fivalilo fya kwoghofia kuhuma kukyanya.¹²neke isio sooni ye sikyale kuhumila, tiko avaanhu vilikuvakoola umue na kukuvapumusia. vilikuvawala kukuahigha mu nyumba isa kufunyila, na kukuvadindila mu ndinde. kange mulitwalua ku vatwa na ku vanya vutavulilua kuuti muhighue ulwakuva umue muli vavvulanisivua vango. ¹³neke kulyumue aghuo ghuva ghwe nsiki ghwa kwoleka ulwitiko lwinu.¹⁴pe lino mwamulaghe mu moojo ghinu ku ling'ania avimilisi viinu ye lukyale. ¹⁵ulwakuva nikuvapela amasio agha vukoola vuno avalugu viinu voni vikunuagha kusigha na kukujikana.¹⁶neke mulikanwa na vapafi vinu, avanyalukolo vinu, avapipi vinu na vamanyani vinu, kange vilikuvabuda vamonga mu lyumue, ¹⁷vilikunkalalila umuunu ghweni ku litavua lyango. ¹⁸neke nakwelule nambe ulunyele lumo lwa matu ghinu luno lulisova. ¹⁹ku lugudo mukusisosia inumbula sinu.²⁰kyale muvoona ilikaaja lya Yelusalemu lisyungutilue navalua lilugu pe mukagulaghe kuuti unsiki ughwa kutipulua ghuli pipi. ²¹apuo vano vali ku Yudea vakimbililaghe ku fidunda, na vala vano vali pakate pa mpulo vavukaghe, kange namungavalekaghe vano vali kufikaaja kukwingila. ²²ulwakuva ifi fye fighono fya kuhombekesia, neke kuuti ghooni ghano ghalembilue ghiise kuvombeka.²³iga ku vala vano vali nuvukunue na vala vano vikwong'esia ku fighono ifio! ulwakuva kuliiva nulupumuko lukome mu iisi, ni ng'halasi ku vaaanhu ava. ²⁴avaanhu avange vilibudua ni bambaavange vilitwalua ku vukamiku iisi isinge, ni Yelusalemu jilikanyua na vaanhu va iisi kuhanga unsiki ghwa vaanhu va iisi pano ghuuva ghufikile.²⁵fili vineka ifivalilo ku lijuva, umwesi ni nhondue, neke pa iisi apa inyanja siliva na mavingo amavaha amanya mughindi, uluo lulipelela avaanhu ava fisina fyonikuuva nulupumuko nu ludwesi. ²⁶isi sooni siliva sikwisa mu iisi,avaanhu ghulifua umwoojovwimila kukwoghopa kyongo.vilisaghagha kuuti lukwisa ulutalamu ulukome,ulwakuva ifinu ifya kukyanya filisukanisivua,²⁷pepano vilikumwagha umwana ghwa muunhu ikwisa kuhuma mumafunde ku ngufu nu vwimike uvuvaha. ²⁸neke isio sooni silava sitengula kuhumila, mwimaghe, inulagha amatu ghinu, ulwakuva uvupoki vwinu vuvelelile pavupipi.²⁹uYesu akavavula ku kihwanikisio akati, lolagha umpiki ghwa tini na mapiki ghoni. ³⁰pano muvona amapiki ghatengwile kulemba, mukujilolela jumue na kukagula kuuti amasiki gha lufuke ghalipipi. ³¹vule vule pano muvona agha ghihumila umue kagulagha kuuti, uvutwa vwa Nguluve vulipipi.³²kyang'haani nikuvavula, ikisina iki nakilikila, kuhanga isi sooni sihumile. ³³uvulanga ni iisi silikila, neke amasio ghango looli naghilikila.³⁴neke mujilolelelaghe jumue, neke kuuti, amoojo ghinu naghangalemuaghe nu vuhojofu, uvughasi,nuvukaming'anilua vwa iisi iji. ulwakuva ikighono ikio kilavisila mu lwa ng'enyemukila hwene lutegho. ³⁵ulwakuva jiiva kwa muunhu ghweni juno ikukala pa maaso gha iisi jooni.³⁶lino muvisaghe maaso unsiki ghwoni, mun'sumaghe uNguluve kuuti muva lukangafu lwa kukwilana kukughaseghuka agha ghoni ghano kyale ghihumila, na kukwima pavulongolo pa mwana ghwa Muunhu".³⁷mu fighono ifio pamwisi, uYesu alyale ivulanisia avaanhu mu luviika ulwa nyumba inyimike ja kufunyila . pakilo akalutagha kughona ku kidunda ikya Miseituni. ³⁸neke jaatu avaanhu voni vakasisimukagha lulwakilo na kuluta mu nyumba inyimike ja kufunyila kuuti vampulikisie.

¹pe baho ikyimike ikya makate ghano naghavikilue ikilule ye kilipipi, kino kikakemeluagha pasaka. avavaha na ²vatekesi palikimo na vavulanisi va ndaghilo, vakapuling'hana kulonda isila ija kum'buda uYesu. ulwakuva vakoghopagha avaanhu.³uSetano akingila kwa Yuda isikalioti, juno alyale m'bulanisivua kuvala vano vaale kijigho na vavili. ⁴uYuda akaluta kupuling'hana na vavaha vavatekesi ku sila ja kukotola uYesu kuveene.⁵vakahovoka, na kupuling'ana vampeele indalama. ⁶umwene akitika, pe akalonda unsiki ghwa kukunkotola uYesu kuveene pano pasila lipugha lya vaanhu.⁷ikighono kya makate ghano naghavikilue ikilule lulyafikile kuuti," ing'olo ja pasaka umpaka jibudue. ⁸pe uYesu avasung'ha uPeteli nu Yohani, aaula," luta mukatuling'anikisie ikyakulia kya Pasaka neke twise tulie" ⁹akavaposia," poki pano ghulonda tukapaling'anisie?¹⁰akavamula, "pulikisia kyamuvweene mwingile mulikaaja lino umukibaba apindile ulusaaji lwa malenga kumwaitang'anila nu mue mumbingililaghe kuhanga kufiika kunyumba jino ikwingila. ¹¹apuo, mum'bule unyanyumba 'ntwa ghwa nyumba, um'bulanisi ikukuposia kilikughi ikyumba kya vahesiapano nilila ipasaka na vavulanisivua vango?"¹²ikuvasona ikyumba ikya ikyapakyanya kino kiling'anisivue mweumalile ulupinyo uluo. ¹³pe vakaluta, vakavaghile avaanhu voni vavombile ndavule vavulanisivue. pepano vkaling'anisia ikyakulia kya Pasaka.¹⁴unsiki ye ghufikile akikalile na vasung'ua. ¹⁵pepano akavavula, "nilinuvusyukue luvaha fiijo lwa kulia ikyimike kya Pasaka. numue yenikyale piluta mulupumuko lwango. ¹⁶ulwakuva nikuvavula, nanilia kange kuhanga kyalukwisa lujovue kuvutwa vwa Nguluve"¹⁷pebaho uYesu akatola ikikombe, akahongesia akati, "kogho iiki, mughavane jumue na jumue. ¹⁸ulwakuva nikuvavula nanilanyua kange uluhuje lwa misabibu, kuhanga uvutwa vwa Nguluve vulava vukwisa.¹⁹pebaho akatola unkate ye ahongisie, akamenyulania akavapeela akati," ughu ghwe m'bili ghwango ghuno ghukavulilue vwimila umue. fyemuvombaghe vulevule kukung'umbuka une." ²⁰akatola ikikombe vulevule ye valile ikyakulia kya pakilo akti, "ikikombe iki lwe lupigho lwango ulupya mu danda jango. lino jikung'ike vwimila jinu.²¹looli mulumanyaghe umuunhu juno ikunyohela ali bahapa tuli lumo na pilia. ²²ulwakuva umwana ghwa nyamuunhu sakyang'ani iluta jujuo ndavule lwa jovilue looli iga kwa muunhu jula juno kuhumila umwene umwana ghwa nyamuunu ikwohelua!" neke ²³vakatengula kuposesania vavuo ku vavuo veeni mu lipugha lya vanave juno asivombile isio.²⁴neke lukahumila kukaning'hana mulipugha lya vanave kwiti ghweveni mulipugha litu juno vikunsagha kwiti ghwe m'baha kukila vooni. ²⁵akavavula," avatemi va vaanhu avamuiisi valinuvutwa ku veene, na vano vali nu vulamusi vwaavevitambulua voghopua.²⁶neke nalulondivua kyongo kulyumue umue pamo kange, muleke juno m'baha kulyumue , ave ndebe. na jula juno ghwe ilondua fiijo ave ndavule unyambombo kwa munhu. ²⁷ulwakuva veeni um'baha juno ikukala pilia kange ikuvavombela? najune nikyale nighwanine nilindavule jumue ndavule juno ikuvavombela.²⁸looli umue mwemue mujigha kuva nune mungelo sango. ²⁹nikuvapela umue uvutemi. ndavule uNhaata alyamelile une uvutemi. ³⁰kuuti mupevue kulia nakunyua pavulilo vwango pa vutwa vango neke mukukala pa fitengo fya vwimike pano mukufihigha ifisina kijigho na fivili ifya Isilaeli.³¹Simoni,Simoni ulukagulaghe kwiti, uSetano asuumile neke avepeete hwene ngano. ³²neke nikufunyile, kuuti ulwitiko lwako nalungakunuaghe. pano kyale ugomwike kange, vakangasiaghe avanyalukolo vako"³³uPeteli akam'bula, "Mutwa, linitayale kuluta nuve kundinde nambe mu vufue" . ³⁴uYesu akamwamula akati, nikukuvula Peteli, ing'ongove ye jikyale kuvika umusyughu, ukung'ana katatukwiti naung'agwile"³⁵pebaho uYesu akavavula," ye nivwatwalile umue vusita kifuko, nambe indiilo ija fyakulia, nambe ifilatu, pe kinu kiki kilyapelelile?" vakamwamula kuuti,"nakwale" ³⁶pepano akavavula," neke lino umuunhu ghweni juno alinikifuko, atole palikimo ni ndilo ja fyakulia. na juno nsila nambe vubamba lumunoghile aghusie umwenda ghake neke aghule ghumo.³⁷ulwakuva nikuvavula, sooni sino silembilue vwimila uune lunoghile sivombeke, 'na kutolua ndavule umuunhu juno vikun'kola ghwene n'denya ndaghilo. ulwakuva kila kino aavavili valyajovile vwimila uunekukwisa. ³⁸neke vakajova kuuti, Mutwa, lola isi apa ibamba ivili" pe akavavula " lukwilile"³⁹ye valile ikyakulia kya pakilo. uYesu akavuuka ndavule fino akasivombagha jaaatu. akaluta kukidunda kya Miseituni. voope avavulanisivua vake vakam'bingilila. ⁴⁰ye vafikile akavavula, "musuumaghe neke muleke kukwingila mungelo.⁴¹akaluta patali navo hwene livue vajughwije pe akafughama akifunya. ⁴²akati, Nhaata nave lunoghile umbusikisiee ikikombe iki. neke nakwekuti ndavule nilonda une looli sivombeke ndavule ghughanile juuve."⁴³neke pebaho avanyaMhola kuhuma kukyanya akamwisila, akampeela ingufu. ⁴⁴ye alimuvuvafi, akasuuma kulukangasio fiijo, najinwing'a jikadomola paasi nyinga hwene danda.⁴⁵ye akifunyile akima kuhuma kulufunyo lwake akaluta kuva vulanisivua vaake akavona vaghonelile ulwakuva valyale nulusukunalo. ⁴⁶akavaposia," kiki mughonelile? musisimuke mufuunye , tuleke pikwingila mungeli"⁴⁷ye akyale pijova pe ilipugha lya vaanhu vinga likisa naju Yuda juno aale m'bulanisi ghake ghwe jumo na vala kijigho na vavili akavalongola kwa Yesu neke anonele. ⁴⁸neke uYesu akambula," Yuda ghukumwohela umwana ghwa nyamuunhu ghwa na pikunonela?⁴⁹pe avavulanisivua va Yesu ye valipipi naghwo yevakavwene aghuo ghano ghivombeka vakati," Mutwa ndaani tuvatove nu m'bamba? ⁵⁰neke jumo mu veene akantova nu m'bamba ukami ghwa ntekesi.um'baha akadumula imbughulutu ijakundio. ⁵¹uyEsu akajova akati, ulu lukwilile. akatola imbughulutu akabadika.⁵²uYesu akajova kwa ntekesi um'baha na kuvavaha va nyumba inyiimike na kuvagoyo vano valisile vusila kukagula". ndaani mukwisa hwene muli nilibaatu kange hwene mhiiji. ifivuunda, nasi bamba? ⁵³ye nili numue ifighono fyooni munyumba inyimike namwavikagha amavoko nkyanya jango. neke ughu ghwe nsiki ghwako nu vutemi vwa ng'isi"⁵⁴vakankola vakamulongosia, vakamuleta ku nyumba ja ntekesi . um'baha neke uPeteli akava ivingilila pavutali. ⁵⁵pepano ye vavwene vapembile umwoto munyumba. munkate ye vikalile paasi palikimo, uPeteli akikala pakate paveene.⁵⁶unkami jumonga umwanahinja akam'bona uPeteli pano ikalile palumuli luno lukahumila mu mwoto, akamulola akam'bula umuunhu uju avele palikimo naghwo." ⁵⁷neke uPeteli akaana akati, "ghwe n'dala uve uvee une nanimanyile" ⁵⁸unsiki ndebe, umuunhu akamwagha akati, "uve najuve mulivevamo" neke uPeteli akamwamula, " nemukibaba une jeje"⁵⁹ye ghukilile unsiki ghwa kavalilo kamo ndiiki, umughosi jumonga akankangasia akati," lweli fiijo umuunhu uju avele luumo naghwo, ulwakuva kihwani kya vaGalilaya" ⁶⁰neke upeteli akati, "ghwe mughosi , nanisikaghwile sino ghujova" pebaho unsiki ghughuo yeijova, ing'hongove jivika.⁶¹akasyetuka umutwa akamulola uPeteli najuPeteli akakumbuka ilisio lino alyam'bulile uMutwa ye jikyale ing'hove pivika umusyughu, ghukung'hana une katatu. ⁶²akaluta kunji, uPeteli akatengula pilila kulusukunalo fiijo.⁶³pepano avakinhaata vano vakamulolelagha uYesu, vakambenafulagha na pikumtova. ⁶⁴ye vakamughimbika kumaaso vakamposia vakati, "iviile! ghweveni juno akutovile?" ⁶⁵vakajova nyinganyinaga kukum'benapula uYesu na kukumuligha.⁶⁶ye kukile palyakilo. avaghogholo kuvoni vakakong'ana palikimo, na vavaha vavatekesi na vavulanisi va ndaghilo,vakantwala kuvuhighi, ⁶⁷vakatisagha ' ndeve uve veve mwana ghwa Kilisite, tuvuule" neke umwene akavavula " nambe ningavavule, namunganyitike, ⁶⁸kange ningavaposie namunganyamule".⁶⁹looli kutengulila lino na kulutilila, umwana ghwa nyamuunhu ikukala ku luvoko lwa kundio lwa Nguluve. ulunya ngufu ja Nguluve. ⁷⁰vooni vakati, kwekuti uve ulimwana ghwa Nguluve? neke uYesu akavavula, "umue mujovile kuuti une nene mwana ghwa Mutwa! ⁷¹vakati, "kiki tukyale kange tulonda uvwoles? ulwakuva jusue tupulike amasio kuhuma mu mulomo ghwake"

¹ilipugha lyoni vakima vakantwala uYesu pavulongolo pa Pilato. ²vakatengula kukumuligha viti, tumwaghile umuunhu uju ikujisofia iisi jitu, ikutukana kuhumia isongo kwa Kaisali, kange ijova kuuti umwene ghwe Kilisite uNtwa.³uPilato akamposia akati , " vuli uve veve Ntwa ghwa vayahidi? uYesu akamwamula akati, "veve ghujova ndikio?" ⁴UPilato akam'bula um'baha ghwa vatekesi nilipugha, " nanikughwagha unkole ghwa muunhu uju". ⁵avele ihovelesia avaanhu avulanisie muvuyahudi mwoni, atengulile ku Galilaya lino pwale kuno".⁶uPilato ye apulike agha, akaposia nave umuunhu uju ghwa kuGalilaya? ⁷ye akagwile kuuti kuuti ali mu vutwa vwa Helode, akantwala u Yesu kwa Helode, ulwakuva ifighono ifio.⁸uHelode ati amwaghile uYesu, akahovoka kyongo ulwakuva ifighono finga akalondagha kukum'bona. akapulika imola sako akahuvilagha kulola ikidegho kimo kino kivombelua nu mwene. ⁹uHelode akamposia uYesu amasio minga neke uYesu nakavamula kyokyoni. ¹⁰avavaha vavatekesi na vavulanisi va ndaghilo vakima ni ng'alasi kukumuligha.¹¹uHelode palikimo na vasikali vake, vakamuligha na kumbenafula, vakamfasia amenda amanono, pepano akan'gomosia uYesu kwa Pilato. ¹²uHelode nu Pilato vakavisagha vamanyani kutengulila ikighono ikio[ ulwakwasia valyale valugu].¹³uPilato akavakemela palikimo avatekesi na avavaha na ni lipugha lya vaanhu, ¹⁴akavavula akati, " muniletile umuunhu uju ndavule umuunhu juno ilongosia avaanhu kuvomba imbivi, lolagha nitile nimposie pavulongolo pa maaso ghinu nanighwaghile un'kole kwa muunhu uju ku ghoni ghano umue mukumuhigha umwene.¹⁵ndali, ghwope uHelode ulwakuva alyan'gomwisie kulyusue , loola nakwekili kimonga kino avombile, kino kikumpelela afue. ¹⁶pe lino nikun'kopa na kukumulekesia.[ ¹⁷lino, ikighono kimonga ikya lotogo lwa vayahudi uPilato akamulekisie un'kungua jumo].¹⁸neke vooni palikimo vakova vakati, "m'busie ujuo un'dindulile uBalaba ¹⁹uBalaba alyale muunhu juno avikilue mu ndinde ulwakuva alyavombile uvuhosi vumonga mu lipulo na kwa kubuda.²⁰uPilato akavavula kange nilonda kumulekesia uYesu. ²¹neke aveene vakajeghelagha viti, unkomelele, unkomelele". ²²akavaposia ulwa vutatu, neke umuunhu uju avombile uvuhosi vuki?" nanikughwagha unkole ghuno ghukun'twalila abudue. lino ningamale kun'tova nikumulekesia.²³neke vakaghina kukwov, vilonda kuuti, akomelelue. neke ilyovo lyake likamwitikisia uPilato. ²⁴pepano uPilato akalamula kuvomba ndafu muvufumbue vwake. ²⁵akamulekesia juno valyaneelile juno alyadindilue mulywa kupela ilibaatu na kubuda. neke akantavula uYesu ndavule mundondele saake.²⁶ye vikuntwala vakankola umuunhu jumo itambulua ghwe Simoni juno akahuma mu iisi ija Kilene, vakam'beghasia ikikovekano neke ipinde kumbingilila uYesu.²⁷ilipugha lya vaanhu navakijuva vano valyale vilila na kusukunala vwimila vwake navambingililagha. ²⁸neke akansyetukila, uYesu akavavula,"avahinja va muyelusalemumulekaghe kundilila uneloli mulilaghe vwimila mu lyumue na vwimila mu vaanha vinu.²⁹lola ifighono fikwisa fino viliti, " vafunyilue vano vaghumba na maleme ghano naghapapile, na mavele ghano naghong'ilisie" ³⁰pepano vatengula kufivula ifidunda kuuti, "tughile ni fidunda mutukupike" ulwakuva ³¹nave vivomba agha ku umwighu, pe luliva ndani ku ghuno ghumile?"³²avaghosi avange avahosi vavili vakantwalagha palikimo nu mwene neke vabudue.³³ye vafikile pano vatambuluagha Lung'ala lwa muunhu, pepano pepano vakavakomelela palikimo na vahosi vala.jumo ulubale lwa kundio nujunge ulubale ulwa kung'ighi. ³⁴uYesu akam'bula, " Nhaata uvasaghile ulwakuva sino vivomba navasitaghinie ". voope vakatova ulusudolekughava amenda ghake.³⁵avaanhu vakima kumo vikuvalola avavaha vuno vikumuhigha, na kuti, " alyavapokile avange na lino ipoke jujuo nave umwene ghwe Kiliste ghwa Nguluve Mwimike".³⁶avasikali voope vakam'benapula, vakam'belelela na kukumpela,isiki, ³⁷vakatisagha,"nave uve uli Ntwa ghwa vaYahudi ipoke juve ghwemwene" ³⁸kwekulyale kange ni kivalilo kwa mwene kino kilembilue "UJU GHWE MUTWA GHWA VAYAHUDI".³⁹umuhosi jumo juno akakemelilue akamuligha akati," uve na veve Kilisite? ghupoke juve neke najusue" ⁴⁰neke ujunge jula akamwamula, akan'dalikila akati, "ghwe, uve naghukumwoghopa uNguluve, najuve uli muluhighilo luliku? ⁴¹usue pwetule bahapa musakilweli, ulwakuva usue twukupila kinokinoghile ku maghendele ghitu. neke umuunhu uju naavombile ikivivi kyokyoni.⁴²pe akongelesia kuuti,"Yesu ung'umbukaghe kyale ghukwingila mu vutwa vwako". ⁴³uYesu akam'bula, kyang'haani nikukuvula, umusyughu ghuva nune ku Paladis".⁴⁴apuo jikale pipi nu n'tanda pa mwisi ing'isi jikisa jikakupikila iisi jooni kufikila ikivalilo ikya busika lubale" ⁴⁵ulumuli lwa lijuva lukasimile, pe baho umwenda ughwa nyumba inyimike ja kufunyila ghukademuka pakate kutengulila kukyanya.⁴⁶pe uYesu akalila fiijo akati," ghwe Nhaata nivika umwoojo ghwango mumavoko ghako" ye ajovile aghuo akafua. ⁴⁷uAkida ye asivwene sino sivombike akamughinia uNguluve akati, "kyang'haani umuunhu uju akale mugholofu."⁴⁸unsiki ilipugha ilya vaanhu vano vakisile sino sivombeka vakati vasivwene, vakagomoka kuno vikutovatova pafifuva fyave. ⁴⁹neke avamanyani vake navakijuva vano valyale vikumbingilila kuhuma ku Galilaya, valyimile patali vilola sino sivombeka.⁵⁰lola, kwealyale umuunhu juno ghwope muli balasa akatambulwagha Yosefu juno alyale ghwope muli balasa, umuunhu unono nu nya kyang'haani. ⁵¹[akale naiting'inie na masaghe na maghendele ghave], kuhuma ku Alimataya, umpulo ghwa kiYahudi ghuno ghulyale ghughulila uvutwa vwa Nguluve.⁵²umuunhu uju akam'belelela uPilato akansuuma am'pele um'bili ghwa Yesu. ⁵³akamwisia na kunsyungukisia umwenda um'blafu akam'ka mumbipa jini jilyabughulike muli nalavue lino nakwale juno aghele kusyulua.⁵⁴kilyale kighono kya kuling'ania ni sabati jilyale pipi. ⁵⁵avakijuva vano vakisile navope kuhuma ku Galilaya, vakalongosinie, vakajagha imbipa ghwene um'bili ghwake vaghughonisie. ⁵⁶vakagomoka na kutengula kutengelela amafuta gano ghinikilila, neke pakighono ikya Sabati vakapuma ndavule uvutavike vwa ndaghilo.

¹palwakilo kyongo ikighono kya kwasia valisile kumbipa, kuleta ifinu fino finukilila fino valyatendile. ²vakavona ilivue livungulwike kutali ni mbipa. ³vakingila mu'nkate, neke navakaghwagha um'bili ghwa Mutwa Yesu.⁴jilyahumile kuuti, unsiki ghuno vakachanganyikivue,,, mu ilio kukenyemukila, avanhhu vamonga vavili vakimile pakate pavanave vafwalile amheenda amavalafu. ⁵avadala valyale vamemile uvwoghofi na kusulamisia amaaso ghave paasi, vakavavula avadala, " kiki mukumulonda umwumi mu vafue?⁶apa napwale, neke asyukile! mukumbukaghe fino alyajovile kulyumue ye ali ku Galilaya, alyatile ndiki, " ⁷umwana ghwa muunhu anoghile kuvuka mu mavoko gha vaanhu avanya sambi na kupumusivua ni kighono kya vutatu asyuke kange."⁸avadala vala vakakumbuka amasio ghake, ⁹vakagomoka kange kumbipa na kum'bula isio sooni vala kijigho na jumo na vange vooni. ¹⁰pe uMaliya Magadalena, uJohana, uMaliya mama ghwa Yakovo, na vadala avange palikimo vakahumia imhola isi isa vusun'gua.¹¹neke imhola isi sikavoneka hwene sa mbedo kuva sung'ua, kange nakavitikile avadala vala. ¹²nambe lino uPeteli akasimuka , akakimbila na kuluta ku mbipa, akahungila na kulola mu'nkate akaghwagha umwenda um'balafu ghwene. pe aPeteli akavuka na kuluta ku nyumba jake, akale idegha kiki kino kihumile.¹³pe degha, vavili mu vanave valyale viluta ikighono kikikyo mu kikaaja kimonga kikemelua Emmau, kino klyale nu vutali vwa ,,,,,,[]kuhuma ku Yelusalemu. ¹⁴vakajofesania vavuo ku vavuo ku sooni sino sihumile.¹⁵jilyahumile luuti, unsiki ghuno valyale vijofesania na kuposesania, uYesu akavelelela pa vupipi akakolana nave. ¹⁶neke amaaso ghave ghakasighilue kukun'kagula umwene.¹⁷uYesu akavavula, akati, " umue mwe vavili muvele mujovela kiki un'siki ghuno ye mughenda?" vakima pala neke vakavonike ghwene vaanhu avanya lusukunalo. ¹⁸jumonga mu vanave ilitavua lyake ghwe Cleopa akamwamula akati, pe uve uli muunhu ghwemwene pa Yelusalemu apa, juno naukagwile sino sihumile ukuo ifighono ifi?"¹⁹uYesu akam'bula akati, "se nyiki?" vakamwamula, "sooni sino sa Yesu Munasaleti, juno alyale m'bili unya ngufu mu maghendele na masio pa maaso gha Nguluve na vaanhu vooni. ²⁰na fino avatekesi na valongosi vitu valyamwumisie kuhighua kufua na kupumhusivua.²¹neke tulyahuvilile kuuti umwene ghwe juno ikuvavika avaanhu huru ava Silaeli. Ena, kutali naghuo lino kighono kya vutatu kuhuma isi sihumile.²²kange pepano avadala vamonga kuhuma mulipugha litu vakatudeghisie ye vali pa mbipa ni lyakilo joni. ²³vati navaghwaghile um'bili ghwake vakisa na kujova kuuti, vakalolile amavonelo gha vanyaMhola ghiti mwumi. ²⁴pe avaghosi vamonga vano valyale palikimo nusue kakaluta ku mbipa vakavona hwene vadala fino vimile. neke navakamwaghile umwene"²⁵uYesu akavavula umue mwe vaanhu vajaasu mwevanya moojo ghano naghikwitika ku sooni sino avavili vijova! ²⁶pe na lukamunoghile uYesu kupumhuka mu agha, na kukwingila mu vwimike vwake?" ²⁷pe kutengulila kwa Moose na vavili vooni, uYesu akavavulanisiagha sino sikun'jova umwene mu malembe ghake ghoni.²⁸ye vali pipi ni likaaja lila kuno valyale viluta, UYesu akahwana ighendelela kuvulongolo. ²⁹neke vakan'kwesa vakatisagha, "ikale palikimo nusue, ulwakuva ivwilile ni kilo hwene fisilile" pe uYesu akingila na kukukala navo.³⁰jikahumile kuuti, ikalile pilia navo, akatola un'kate na kughufunyila, akaghumenyulania na kukuvapela. ³¹vakadindula amaaso ghave vakan'kagula pe akasovanika ghafula pa maaso ghave. ³²vakijofesania vavuo ku vavuo,"pe lino amoojo ghitu naghalyale mu n'kate jiitu, unsiki ghuno ijova nusue mu sila ye adindulivue amalembe.³³akimile unsiki ghughuo, na kugomoka ku Yelusalemu. vakavagha vala kijigho nu jumo vakong'anile palikimo na vala vano valyale lumo. ³⁴vakatisagha," kyang'ani uMutwa asyukile amwumile uSimoni". ³⁵pe musila vakampangila sino sihumile, kange na fino avonike kuvnave ye ienyula un'kate.³⁶ye vijova isio uYesu jujuo akimile pakate jave na kukuvavula,"ulutengano luvisaghe numue". ³⁷neke vakoghopa a kusagha kuuti vakajaghile inumbula.³⁸uYesu akavavula, kiki musukulana? kiki mukuposia mu moojo ghinu? ³⁹lola amavoko ghango na maghulu ghango, kuuti nene june. munyabasie mulole. ulwakuva inumbula jisila nyama na mafupa, ndavule fino mukunyagha une." ⁴⁰ati amalile kujova ndiki, akavasona amavoko na maghulu ghake.⁴¹ye vali nulukelo luno luhasing'ine na kisila vwitiki na kudegha, uYesu akavavula kuuti, "pe muli ni kinu kyokyoni kulia? ⁴²pe vakampela ikipande kya swi kino kinyanyilue. ⁴³uYesu akatoola na kulia pa maaso ghavanave.⁴⁴akavaavula, " ye nilyale numue nikavavulagha kuuti sooni sino silembilue mu ndaghilo sa Moose na vavili ni Sabuli sinoghile kuhumila"⁴⁵pe akavapela kukaguala amalembe. ⁴⁶akavavula, akati," jilembilue, uKilisite anoghile kupumhuka na kusyuluka kange kuhuma ku vafue ikighono kya vutatu. ⁴⁷uvulato nu lusaghilo lwa sambi lunoghile kudalikivua ku litavua lyake ku iisi sooni kutengulila ku Yelusalemu.⁴⁸umue muli vasaidi va isi sooni, ⁴⁹lolagha, nikuvatwalila ulufingo lwa baba ghwango kulyumue neke mughule mu mpulo ughu, kuhanga mufyala ingufu kuhuma kukyanya kwa mwene.⁵⁰pepano u yesu akavalongosia kunji kuhanga pano valyale pipi na ku Betania. akatosia amavoko ghake kukyanya, na kuvafunyila. ⁵¹jikahumila kuuti, unsiki ye ikuvafunyila akapindilue n'kyanya kuluta na kukuvaleka.⁵²pe vakamfunya nu lukelo ulukome, na kugomoka ku Yelusalemu. ⁵³vakaghendela kumughinia uNguluve mu nyumba inyimike ja kufunyila.

¹Kuvutengulilo kwe alyale ulisio, ulisio ujuo alyale palikimo nu Nguluve, kange ulisio alyale ghuse, Nguluve. ²Kuhuma kuvute ngulilo, ulisio ujuo alyale palikimo nu Nguluve. ³UNgulve alyapelile ifiinu fyoni kukilila umwene. Nakwekili nambe kimo kino alyapelile kisila kukilila kwa mwene ujuo.⁴Mwa mwene mwevulyale uvusumi, uvusumi uvuo vukava lumuli ku vaanhu vooni. ⁵Ulumuli uluo lumulika mu nghiisi,ingiisi jikunilue kukululema.⁶UNguluve alyansung'hile umuunhu jumonga juno akatambukagha Yohani. ⁷UYohani ujuo, alisile kukwoleka imhola isa lumuli uluo, kuuti avaanhu vooni vitike kukilila umwene. ⁸UYohani ujuo naalyale ghwe lumuli uluo, looli alisile kukwoleka ulumuli.⁹Ulumuli uluo ulwa kyang'haani, luno lukava lukwisa muiisi, uluo lukavamulikila avaanhu vooni. Ulumuli uluo.¹⁰Ulisio mwe alyale mu iisi, naji iisi jooni jilyapelilue kukilila umwene, neke avaanhu navalyankagwile. ¹¹Alisile kuvaanhu vaake, aveene navalyamwupiile. Neke avaanhu vooni vano valyamwupiile na kukumwitika, akavaviika kuuva vaana va Nguluve.¹²Neke avaanhu vooni vano valya valyamwupiile na kukumwitika, akavaviika kuuva vaana va Nguluve. ¹³Nakwekuti vaana va Nguluve vwimila ifisina fyave, nambemulwa kuholua nu mughosi nu ndala, nambe muvughane vwa muunhu, looli UNguluve jujuo ghwe juno avavikile kuuva vanaake.¹⁴Ulisio ujuo akava muunhu, akikala palikimo nusue, najusue tukuvuvona uvuvaha vwake, uvuvaha vuno vuhufia kuuti ghwe mwana jumo mwene ghwa Nguluve uNhaata. Umwene ali nu lusungu fiijo nu vwakyang'haani vwoni. ¹⁵UYohani akavoleka avaanhu imhola isa muunhu ujuo, akajova fiijo akati, "Uju ghwe juno najovagha kuuti, 'Juno ikwisa kumbele kulyune, m'baha kukila une, ulwakuva kwealyale une ye nikyale kuholua."¹⁶Usue tweni muvukwilanifu vwake, twupiile ulusungu lwake, kange ifikutusungukilagha jaatu. ¹⁷Ulwakuva indaghilo saake alyatupeliile kukilila uMose, ulusungu nu vwakyang'haani atupeliile kukilila uYesu kilisite. ¹⁸Nakwale umuunhu juno aghelile kukumwagha uNguluve, ali palikimo nu Nguluve uNhaata. Ujuo ghwe mwene atuhufisie uNguluve.¹⁹Avalongosi va Vayahudi valyavasung'hile avatekesi na Valeevi kukumposia uYohani kuuti ghwe veeni. ²⁰Umwene akavoleka kisila kufisa, akati, "Une naneene Kiliste." ²¹Vakamposi kange vakati, "Lino uve veeni? Asi, veeve m'bili Eliya? UYohani akavamula akati, "Ndali, na neene Eliya." Vakamposia kange vakati, Veeve m'bili?" Akavamula akati, "Ndali na neene."²²Vakamposi kange vakati, "Lino uve veeve veeve veeve? Ghukutambula veeve veeni? Tulonda tugomosie ulwamulo ku vano vatusung'hile?." ²³UYohani akavamula akati, Une neene lisio lya muunhu juno ikemeela ku'lukuve iiti, munnosekesyaghe uMutwa isila." Ndavule alyajovile um'bili uYesaya."²⁴Pepano avaanu vala vano valyasung'hilue na Vafalisayo vakampos kange vakati, ²⁵"Nave naveeve Kilisite, nambe naveeve Eliya nambe na uli m'bili, ongo ghukwofugha?"²⁶UYohani akavamula akati, "Une nikwofungha na malenga, neke nkate mulyumue pwale juno umue namunkagwile. ²⁷Ujuo ghwe juno ikwisa kumbele kulyune. Une naninoghiile nambe kuhudula utukova utwa filatu tyake. ²⁸Isio silyavombiike mu kikaaja kya ikya Betania, imwambo ja Yolidani, ukuo kwe kuno uYohani alyale ikwifugha avaanhu.²⁹Ikigho ikivingilili, uYohani akamwagha uYesu ikwisa kwa mwene. Pe akavavuula avaaanhu akati, "Lolagha, uju ghwe kakolo ghwa nguluvve, ghwe mwene ivusia uvuhosi vwa vaanhu vooni. ³⁰Uju ghwe juno navagha kuuti, "Juno ikwisa kumbele kulyune, m'baha kukila une, ulwakuva kwe alyale une ye nikyale kuholua.' ³¹Najune nanikaakagwile kuuti ghwe kakolo, looli une nilisile kukwofungha avaanu na malenga, kuuti aVaisilaeli vankagule."³²Kange uYohani akavavula akati, "Nimwaghile uMhepo uMwimike ikwika kuhuma kukyanya hwene ng'unda na kukwima pa mwene. ³³Une nanivele nikagwile, neke UNguluve juno asung'hile kukwofugha avaanhu na malenga ambulile kuuti, 'Umuunhu juno kyaukumwagha uMhepo ikwika na kukwima pa mwene ujuo ghwe juno ikwofughagha nu Mhepo uMwimike." ³⁴UYohani akafijovagha akatisagha, "Une nisivwene isio na maaso ghango, kange nijova isa kyang'haani, kuuti uju ghwe mwana ghwa Nguluve."³⁵Ikighono ikya vuvili, ³⁶kange, ikighono ikivingilili, uYohani uMwofughi akava imile palikimo na vavulanisivua vaake vavili, vakamwagha UYesu ikila, pe uYohani akati, "Lolagha, ukakologhwa Nguluve!"³⁷Avavulanisivua vavili vala, ye vampuliike uYohani ijova amasio aghuo, vaka m'bingilila uYesu. ³⁸Pe uYesu akasyetuka, akavona vikum'bingilila, akavaposia akati, mulonda kiki? "Aveene vakamwamula vakati, "Rabi, (kwe kuti m'bulanisi) ghukukala kuughi? ³⁹UYesu akati, "Mwise, mukupaagha." Pe vakam'bingilila. Pakivwilile, akavalilo aka kijigho, vakafika pano ikalagha, vakava lumo ikighono kila.⁴⁰Umo mu vavulanisivua vavili vala vano vakapuliike amasio gha Yohani na kukum'bingilila uYesu, alyale ghwe Ndeleya unnuuna ghwa Simoni Peteli. ⁴¹Undeleya akamwagha unkulu ghwake uSimoni, akam'buula akati, "Tumwaghile uMesiya" (Mesiya kwe kuti Kiliste). ⁴²Pe akantwala uSimoni kwa Yesu. UYesu akamulola uSimoni, akam'buula akati, Uve veeve Simoni mwana ghwa Yohani, lino ghutambulwaga Keefa," (Kwe kuti' Peteli).⁴³Ikighono ikivingilili, uYesu ye ilonda pivuuka kuluta ku kighavo ikya Galilaya, akamwagha uFilipo, akambuula akati "Umbingililaghe." ⁴⁴UFilipo alyale mhuma mu likaaja ilya Betisaida. Ghwope uNdeleya nu Peteli vakahumagha mulikaaja ilio. ⁴⁵UFilipo akamwagha uNatanaeli, akambuula akati, "Tumwaghile umuunhu juno imhola saake silyalembilue nu Moose mu kitabu ikya Ndaghilo, na mufitabu ifya vavili. Ujuo ghwe Yesu mwana ghwa Yosefu umhuma ku Nasaleti.⁴⁶UNatanaeli akamposia uFilipo akati, "Ikiinu ikinono ndepoonu kihuma ku Nasaleti? "UFilipo akamwamula akati, "Ghwise, ulole!" ⁴⁷UYesu ye amwaghile uNatanaeli ikwisa kwa mwene, akajova akati, "Lolagha,ujuo ghwe Muisilaeli ghwa kyang'haani, nsila vukedusi nkate mwa mwene." ⁴⁸UNatanaeli akamposia uYesu akati, "Ghwe Mutwa, ung'hagwile ndaani?" UYesu akamwamula na kukum'bula akati, "Nambe uFilipo ye akyale pikukukemeela, une niveele nikwaghile, ghukalile paasi pa mpiki untini."⁴⁹Pe uNatanaeli akamwamula akati, "Ghwe Mbulanisi, lino nikagwile kuuti, uli mwana ghwa Nguluve! Uli Ntwa ghwa Isilaeli!" ⁵⁰UYesu akamposia akati, "Ghukwitika ulwakuva nikuvuvulile kuuti niveele nikuvwene ye ghukalile pa mpiki untini? Lino ghukusivona isingi imbaha kukila isi. ⁵¹UYesu akavavuula akati, kyang'haani nikuvavuula, mulikuvuvona uvulanga vudinduka na vanyamola va Nguluve vitogha na kukwika palyune ne Mwana ghwa Muunhu."

¹Ye fikilile ifighono fidatu, kwe vulyale uvutolani ku kikaaja ikya Kana mukighavo ikya Galilaya ghwope ung'hina ghwa Yesu pwealyale pa vutolani uvuo. ²U Yesu na vavulanisivua vaake voope pwevalyale pa vutolani uvuo ulwakuva valyakutilue.³Unsiki ye vamalile uluhuuje, ung'hina ghwa Yesu akambuula uYesu akati, "Vasila luhuuje". ⁴U Yesu akamwamula ung'hina akati, "Mama, kiki ukumbuula isio? Unsiki ughwa kuvomba imbombo jango ghukyale'' ⁵Pe ung'hina akavavuula avavombi akati, "Kino kyaikuvavuula, muvombaghe.''⁶Pa vutolani pala pwesilyale isaaji ntanda isa mavue. Isaaji isio silyale sa malenga agha kusogha, muliva kuvalasia ndavule lwale lwiho ku Vayahudi, ulusaji lumo lukamemagha amalenga amateneka ghavili nambe ghatatu. ⁷UYesu akavavuula avavombi vala akati, "Mumemie amalenga mu saaji isio.'' Avavombi vala vakamemia. ⁸Pe akavavuula avavombi vala akati, "Negha amalenga ghamonga mu saaji, muntwalile um'baha ughwa kikulukulu.'' Vakavomba ndavule avalaghile.⁹Umbaha jula akavonja amalenga ghala ghano ghahambwike kuuva luhuuje, neke naalyakagwile kuno luumile (looli avavombi vano valyaneghile amalenga, valyakagwile kuno luhumile). Pe akankemeela untoola n'dala ¹⁰akamb'buula akati, "Umuunhu ghweni taasi ihumia ihumi uluhuuje ulunono, neke kyande avanu vanywile vakwilile, pe ihumia uluhuuje luno nalunono. Neke uve uvele ujiighe uvikile uluhuuje ulunono kuhanga kuvusililo''¹¹UYesu alyavombile ikidegho iki ku Kana kukighavo ikya Galilaya, ikidegho ikio kyale kivalilo kya kwanda kuhufia uvuvaha vwake, mu uluo avavulanisivua vaake vakaghina kukumwitika.¹²Ikikulukulu kya vutolani yekisilile, uYesu palikimo nu ng'hina na vanuuna na vavulani sivua vaake vakaluta ku likaaja ilya Kapelnaum ukuo vakikala ifighono fidebe.¹³Unsiki ughwa kyimike ikya Pasaka ikya Vayahudi ye ghuli piipi, uYesu akaluta ku Yelusalemu. ¹⁴Ye afikile kula, akingila mu nyumba inyimike ija kufunyila, akavaagha avaanhu vighusia ing'ombe, ing'holo ni ng'unda kange avange vakananiagha indalama.¹⁵UYesu akatenda un'jeledi ughwa ngoji, akatengula kukuvadaga vooni mu nyumba mula palikimo ni ng'ombe ni ng'holo saave. Akabilivandula imeesa isa vano vakananiagha indalama na kukung'ha indalama saave. ¹⁶Avaghusia ing'unda akavavuula akati, "'Vusia ing'unda apa, namungavikaghe inyumba ja Nhata ghwango kuuva lighulilo.''¹⁷Avavulanisivua vaake vakakumbuka amasio ghano ghalembilue mu malembe amimike kuuti, "Ulughano lwango vwimila inyumba jaako lukumbuda.'' ¹⁸Pe avalongosi va Vayahudi vakamposia vakati, Ghuhufia ikivalilo kiki kuvonia kuuti, uli nu vutavulilua uvwa kuvomba isi?" ¹⁹UYesu akavamula akati, memula inyumba inyimike iji ija kufunyila, une nijenga kange mu fighono fidatu.''²⁰Pe avalongosi va Vayahudi vakati, "Inyumba inyimike ija kufunyila jilyajengilue amaaka fijigho fine ni ntanda lino lwa ndaani uve ghujenga mu fighono fidatu?" ²¹UYesu naakava ijova inyumba inyimike ija kufunyila, ulwene akava ijova vwimila um'bili ghwake. ²²Lino ye asyusivue kuhuma ku vafue, avavulanisivua vaake vakakumbuka amasio aghuo ghano alyajovile, vakitika amasio ghano ghalembilue mu malembe amimike na ghano alyajovile uYesu.²³UYesu ye ali ku Yelusalemu ku kyimike ikya Pasaka, avaanhu vinga valyamwitike, ulwakuva valyafyaghile ifivalilo vwimila ifidegho fino alyale ivomba. ²⁴Neke uYesu naalyavatang'hinje avaanhu vooni vule valivuo. ²⁵Kange nakwevulyale uvufumbue muunhu kukum'buula sino avaanhu vakava visaagha ulwakuva alyasikagwile sooni isa mu moojo ghaave.

¹Kwe alyale um'baha jumonga ughwa Vayahudi, ughwa mukipugha kya Vafalisayi, akatambulwagha Nikodemo. ²Umuunhu ujuo alyalutile pakilo kwa Yesu akam'buula akati, ''Ghwe m'balanisi, tukagwile kuuti uli m'bulanisi juno asung'hilue nu Nguluve, ulwakuva nakwale umuunhu juno ndepoonu ihufia ifivalilo ifi fino ghuvomba, nave uNguluve naali palikimo nu mwene.''³UYesu akamwamula akati, "Kyang'haani nikukuvuula, nakwale umuunhu juno ndepoonu ikwingila mu vutwa vwa Nguluve, naaholilue ulwa vuvili.'' ⁴UNikodemo akamposia uYesu akati, "Umuunhu ung'oyo iholua ndaani? Ndepoonu ikwingila mulileme lya ng'ina neke aholue ulwa vuvili?''⁵UYesu akamwamula akati, "Kyang'haani nikukuvuula, nakwale umuunhu juno ndepoonu ikwingila mu Vutwa vwa Nguluve, nave naaholilue na malenga nu mhepo ghwa Nguluve. ⁶Umuunhu iholua kim'bili na vapaafi, neke juno iholua nu mhepo ghwa Nguluve ali nu vwumi kusila kusila.⁷Nungadeghaghe ulwakuva nikuvulile kuuti, 'lulondua kuholua ulwa vuvili.' ⁸Imhepo jigugula kulungama kuno jilonda, ghupulika pano jigugula, neke nungakagule kuno jihuma na kuno jiluta. Fye lulivuo nakwa muunhu juno aholilue nu mhepo ghwa Nguluve.⁹UNikodemu akamposia akati, "Umuunhu iholua ndaani nu mhepo?" ¹⁰UYesu akamwamula akati, "Uve uli m'bulanisi ghwa Vaisilaeli, lwa ndaani nusikagwile isi? ¹¹Kyang'haani nikuvavuula, usue tujova sino tusikagwile, kange tukwoleka sino tusivwene, neke umue namukwupila uvwolesi vwitu.¹²Nave namukwitika pano nikuvavuula isa mu iisi muno, pe kyande mukwitika ndaani pano nikuvavuula isa kukyanya? ¹³Ulwakuva nakwale umuunhu juno aghelile kutogha kukyanya, looli une ne, Mwana ghwa Adamu ne juno nisile kuhuma kukyanya.¹⁴Ndavule uMose pano alyatosisie munkyanya ikihwani kya njoka, fye enendiiki umwana ghwa Adamu ilondua kutosivvua, ¹⁵kuuti avaanhu vooni vano vikumwitika vaave nu vwumi uvwa kuvusila kusila.¹⁶UNguluve avaghanile fijo avanu va muiisi muno, fye nambe akantavula umwanaake juno ali jumo mwene kuuti umuunhu ghweni juno ikumwitika aleke pisova looli aave nu vwumi uvwa kuvusila kusila. ¹⁷Ulwakuva uNguluve naalyansung'hile umwanake mu iisi kukuvahigha avaanhu, ulwene alyansung'hile kukuvapoka. ¹⁸Juno ikumwitika umwene, naihighua, Juno naikumwitika ahighilue ulwakuva naikumwitika umwana ghwa Nguluve juno ali jumo mwene.¹⁹Uvuhighi uvuo vwe uvu, ulumuli lwisile mu iisi muno, neke avaanu vajighanile ing'hiisi kukila ulumuli, ulwakuva imbombo saave mbiivi. ²⁰Umuunhu ghweni juno imbombo saake mbiivi, ikulukalalila ulumuli, naikwisa ku lumuli ulwakuva nailonda imbombo saake imbivi sivoneke pa vuvalafu. ²¹Looli umuunhu juno ivomba isa kyang'haani, ikwisa ku lumuli, kuuti imbombo saake sivoneke sivombilue mu ngufu sa Nguluve.²²Pambele uYesu na vavulanisiva vaake vakaluta kukighavo ikya Yudea. Ukuo akikala ifighono ndafilingi palikimo na veene, akava ikwofugha avaanhu. ²³Unsiki ughuo ghwope uYohana umwofughi alyale ikwafugha kukikaaja ikya Ainea piipi ni likaaja ilya Salim ulwakuva ukuo kwe ghalyale amalenga minga, avaanhu vakalutagha kwa mwene kuuti avofughe, ²⁴unsiki ughuo uYohana alyakyale kudindilua mu ndiinde.²⁵Ikighono kimonga avavulanisivua vamonga va Yohana valyale vikaning'hana nu Muyahudi jumonga vwimila ulwiho ulwa kuvalasia. ²⁶Pe vakaluta kwa Yohana vakambuula vakati, Ghwe mbulanisi, umuunhu jula juno aava nuuve imwambo ija kikogha kya Yorodani, juno ghwolekagha imhola saake, lino ghwope ikwofugha avaanhu, kange avaanhu vinga viluta kwa mwene.''²⁷UYohana akavamula akati umuunhu naangave ni kimonga nave uNguluve naampeliile. ²⁸Umue mwemue muli volesi vango mu isio sino nikajovile kuuti, 'Une naneene Kilisite', ulwene uNguluve asunghile une kuuti nimulongelele uKilisite.'²⁹Umhinja juno itolua muunhu ghwa ntola n'dala. Une ne juno nili ndavule ummanyaani ghwa ntola n'dala nimile palubale pa ntola n'dala, nihovokapano nipulika ilisio lyake. Kyang'haani nihovwike fiijo. ³⁰Luoghiile umwene ave mbaha fiijo, une niive ndebe fiijo.³¹Umwene juno ihuma kukyanya mbaha kukila avaanhu vooni. Juno ihuma mu iisi, ghwa mu iisi ijova isa mu iisi. Neke juno ahumile kukyanya m'baha kukila avaanhu vooni. ³²Sino asivwene na kupulika se sino ikwoleka, neke nakwale umuunhu juno ikwupila juno ikwupila uvwolesi vwake. ³³Umuunhu juno ikwupila uvwolesi vwake, ihufia kuuti sino ijova uNguluve sa kyang'haani.³⁴Ulwakuva juno asung'hilue nu Nguluve ijova amasio gha Nguluve. Ulwakuva uNguluve ampeliile ingufu sooni isa mhepo umwimike. ³⁵UNguluve uNhaata amughanile umwanaake, kange avikile fyoni mu mavoko ghaake. ³⁶Umuunhu juno ikumwitika umwana ghwa Nguluve, ali nu vwumi uvwa kuvusila kuvusila kusila, neke umuunhu juno naikumwitika, naali nu vwumi uvuo ulwene ali mu vuhighi vwa Nguluve.

¹Lino aVafalisayi vakapulika imhola sa Yesu kuuti ikwofugha na kuuva na vavulanisivua vinga kukila uYohana umwofughi, ²(neke uYesu jujuo naakava ikwofugha, looli avavulanisivua vaake ve vano valyale vikwofugha), ³UYesu ye akagwile kuuti imhola saake sipulikiike, akavuuka mukighavo ikya Yudea akagomoka ku kighavo ikya Galilaya.⁴Ye vigomoka ku Samalia lukavoneka kuuti kwevule uvufumbue uvwa kukilila mu kighavo ikya Samalia, pe vakakilila isila ijio. ⁵Pe vakafika mu likaaja ilya Sikali lino lyale mukighavo ikya Samalia, ilikaaja ilio lilyale piipi nu mughunda ghuno u Yakobo alyampeliile umwanake u Yosefu.⁶Apuo pwekilyale ikitiimu kya Yakobo. UYesu akikala palubale pa kitiimu ikio kuuti apuume, ulwakuva alyakatiile nu lughendo. Unsiki ughuo ghwale ghwa kavalilo aka ntanda pamwisi. ⁷Pe akiisa umukijuuva jumomonga uNsamalia kunegha amalenga pa kitimu kila, uYesu akam'buula akati, "Nisuuma amalenga ninyue.'' ⁸Ulwakuva avavulanisivu vaake vakava valutile kughula ikyakulia.⁹Umukijuuva jula uNsamalia akamwamula akati, "Uve uli Muyahudi, une nilinsamalia, lwandaani ghusuuma amalenga kulyune?" Alyajovile enendiki ulwakuva aVayahudi navalyale nu vuhangilanisi na Vasamalia. ¹⁰UYesu akamwamula akati, "Ghwale ukagulaghe sino uNguluve ilonda kukukupeela na kuuti nene veeni ne juno nikukusuuma amalenga, ngale usumile une, une naale nikukupeela amalenga ghano ghikuvapeela avaanhu uvwumi.''¹¹Umukijuuva jula akamwamula uYesu akati, "Ghwe Ntwa uve nuli ni ndoovo ija kuneghela, kyope ikitiimu kitali. Lino ukughaagha kuughi amalenga gha vwumi? ¹²Unkuulu ghwitu uYakobo alyatupeliile ikitiimu iki, umwene na vanaake vanywile amalenga agha kitiimu ulim'baha kukila uYakovo?''¹³UYesu akamwamula akati, "Umuunhu ghweni juno inyua amalenga agha kitimu iki, ikwumilua kange, ¹⁴neke umuunhu juno inyua amalenga ghano nikumpeela ghiiva nkate mwa mwene, kiiva kindwivu kya malenga ghikumpeelagha uvwumi vuno navusila lusiku.''¹⁵Pe umukijuuva jula akansuuma uYesu akati, "Ghwe Ntwa, umeele amalenga aghuo, nileke pikwumilua, kange nileke pikwisa apa kunegha amalenga.'' ¹⁶UYesu akambuula akati, "Lutagha, unkemeele umughosi ghwako, ghwise naghwo apa.''¹⁷Umukijuuva jula akamwamula akati, "Une nili nsila mughosi.'' UYesu akambuula akati, "Ujovile seseene kuuti, 'ulinsila mughosi,' ¹⁸Ulwakuva ulyatolilue na vaghosi vahano, ghwope juno ghukukala naghwo lino, naghwako. Mu ulu ujovile isa kyang'haani!"¹⁹Umukijuuva jula akamwamula akati, "Ghwe Ntwa, nivona uve uli m'bili. ²⁰Avakuulu viitu valyale vikumwimika uNguluve pa kidunda iki, neke umue mwiti ku Yelusalemu kwe kuno kunoghiile kukumwimika uNguluve.''²¹UYesu akam'buula akati, "Ghwe mukijuva uve, ghwitikaghe sino nijova, ghukwisa unsiki ghuno namukumwimikagha uNguluve uNaata pa kidunda iki nambe ku Yelusalemu. ²²Umue mu kumwimika uNguluve juno namunkagwile, neke usue tukumwimika uNguluve juno tunkagwile, ulwakuva uNguluve ikuvapokea avaanhu kukilila ku Vayahudi.''²³Lino unsiki ghukwisa, kange ghufikile, pano avaanhu vano vikumwitika uNguluve uNhaata mu vwakyanghaani, vikumwimikagha mutwa kulongosivua nu mhepo ghwake na vule vulungika uvwakyang'haani vwake. ²⁴UNguluve ghwe mhepo, avaanhu vano vikumwimika umwene, vanoghiile kukumwimika mu ngufu isa mhepo ghwake na mu vwakyang'haani.''²⁵Umulijuuva jula akamwamula akati, "Nikagwile kuuti uMesiya, (juno ghwe Kilisite). Ikwisa iliva isile, ujuo ilikutuvuula sooni. ²⁶UYesu akam'buula akati, "Une ne juno nijova nuuve, neene Mesiya.''²⁷Unsiki ughuo avavulanisivua vaake vakagomoka, vakadegha kyongo kuvona uYesu ijova nu mukijuuva, neke nakwealyale juno alyaghelile kukumposia kuuti, "Ghulonda kiki?" nambe kuuti "Kiki ghujova naghwo?"²⁸Umukijuuva jula akaluleka pala pala ulusaaji lwake ulwa malenga akaluta kukikaaja, akavavuula, avanu akati, ²⁹"Mwise mulole umuunhu juno ambulile sooni sino nivombile. Asi umuunhu ujuo ndepoonu iiva ghwe Kilisite?'' ³⁰Avaanu yepulike isio vakaluta kuno kwale uYesu.³¹Unsiki ughwa pamwisi avavulanisivua vaake vakam'buula uYesu vakati, "Ghwe m'bulanisi ulie ikyakulia.'' ³²Umwene akavavuula akati, "Une nili ni kyakulia kino umue namukikagwile.'' ³³Avavulanisivua vaake vakatengula kuposania viiti, 'Asi, kuli muunhu isile vwa Nhaata, juno kukumuletela ikyakulia?"³⁴UYesu akavamula akati, "Ikyakulia kyango une, kwe kuvomba isa vughane vwa Nhaata juno asung'hulile nimale imbombo jaake. ³⁵Asi, namwamujova kuuti, "Gasighile ameesi ghahaano kupeta?" Neke une nikuvavuula niiti, lola amaghunda vule ghalivuo pano lukwiline kupeta! ³⁶Ghwope juno ipeta ikwupila uluhombo lwake, umpeto ve vaanhu vano vikwupila uvwumi uvwa kuvusila kusila, apuo juno ivyala na juno ipeta vooni vivisagha nu lukeelo palikimo.³⁷Kwelule ulujovo luno luuti, 'Jumonga ivyala ujunge ipeta ulujovo uluo lwa kyang'haani.' ³⁸Une nivasunghile umue kupeta fino namuhangajikile, Avange vakavombile imbombo inalamu, umue mupeta vwimila imbombo jaave.''³⁹AVasamalia vinga ava mulikaaja lila ilya sikali vakamwitika uYesu ulwakuva valyapuliike sino alyajovile umukijuuva jula kuuti, ''Umuunhu ujuo ambulile sooni sino nivombile.'' ⁴⁰Pe aVasamalia vala vakafika pano pwale uYesu vakampelepesia kuuti ikale palikimo na veene, pe akikala mu likaaja ilio ifighono fivili.⁴¹Avaanhu vinga fiijo vakamwitika uYesu vwimila ilisio lyake. ⁴²Vakam'buula umukijuva jula vakati, "Lino nakwekuti tumwitiike umuunhu uju vwimila si sino utuvulile uve, looli tumwitike ulwakuva tupulike sino ajovile, kange tukagwile kuuti kyang'haani umuunhu uju ghwe mpoki ghwa vaanhu vooni.''⁴³Ifighono fivili ye fikilile, akavuuka kiluta ku Galilaya. ⁴⁴UYesu alyoliike kuuti um'bili naikwoghopua na vaanhu ava mu kikaaja kyake. ⁴⁵Avaanhu ava ku Galilaya valyamwupiile uYesu, ulwakuva valyasivwene sooni sino alyavombile ku kyimike ikya Pasaka ku Yelusalemu, kukyimike ukuo voope kwevalyale.⁴⁶UYesu akaluta kange ku kikaaja ikya Kana mu kighavo ikya Galilaya. Kukikaaja ikio kwe kuno alyahambwisie amalenga kuuva luhuuje kwe alyale umulongosi jumonga ughwa selikali ku Kapelnaumu, umulongosi ujuo umwanaake alyale ntamu. ⁴⁷Ye apulike kuuti uYesu isile kange ku Galilaya kuhuma ku Yudea akaluta kukumpelepesia uYesu kuuti alute ku Kapelenaumu, ansosi umwanaake ulwakuva umwanaake ujuo ghulyale ghukova.⁴⁸UYesu akamwamula akati, "Umue namunganyitike kisila kufyagha ifivalilo ni fidegho. ⁴⁹Umulongosi jula akamwamula akati, "Ghwe Mutwa nikukusuuma luvuke unsosie umwanango pano akyale pifua.'' ⁵⁰UYesu akam'buula akati, ''Vujagha, umwanaako asokile.'' Akitika amasio gha Yesu akavuuka ivuja.⁵¹Umulongosi jula ye ali mu sila ivuja, akatang'hana na vavombi vaake vakambuula vakati umwanaako asokile nkafu. ⁵²Pe akavaposia akati. Asokile unsiki ghuliku, "Aveene vakamwamula vakati, asooka pamihe pamwisi akavalilo aka lekela lubale.''⁵³Uviise ghwa mwana jula akakagula kuuti asooka unsiki ghula ghuno uYesu ajova kuuti, "Umwanaako asookile.'' Pe umwene palikimo na vaanhu vooni ava munyumba jaake vakamwitika uYesu. ⁵⁴Ikidegho ikio kyale kivalilo kya vuvili kino alyavombile uYesu ku Galilaya ye ahumile ku Yudea.