¹Aga nigo amaziina go olugaanda lwa yeezu kristu. Yeezu kristu akalugiilila omu luzaalo lwa Daudi oogwo akaba ali omwiizukulu wo kuluga omu lugaanda lwa Ibrahim. ²Ibrahim akazaala Izaaka, Izaaka yazala Yakobo, Yakobo yaazaala Yuda na badugu boomwe. ³Yuda yaazaala Pereesi na Zera hali Tamari, Pereesi yaazala Hezerooni, Hezerooni yaazaala Aramu.⁴Aramu yaazaala Aminadabu, Aminadabu yaazaala Nashoni, Nashoni yaazaala yaazala Salmoni. ⁵Salmoni yaazaala Boazi hali Rahabu, Boazi yaazaala Obedi hali Ruthu, Obedi yaazaala Yese. ⁶na Yese yaazaala omukama Daudi. Daudi yaazaala Selemani kuluga aha mukazi ogwo akaba ali muka Uria.⁷Selemani yaazaala Rehoboamu, Rehoboamu yaazaala Abiya, Abiya yaazaala Asa. ⁸Asa yaazaala Yehoshafati, Yehoshafati yaazaala Yoramu, Yoramu yaazaala Uzia.⁹Uzia yaazaala Yoatamu, Yoatamu yaazaala Ahazi, Ahazi yaazaala Ezekia. ¹⁰Ezekia yaazaala Manase, Manase yaazala Amoni, Amoni yaazaala Yosia. ¹¹na Yosia yaazaala Yekonia na badugu boomwe, obuchilo oobwo Abaiziraeli bakazoolwa babe abahalila omu nsi ya Babeeli.¹²Abaiziraeli kabaabeele baafulukiile okwo omu nsi ya Babeeli, Yekonia yaazaala Shealitieli, Shealitieli yaazaala Zerubabeli. ¹³Zerubaberi yaaazaala Abihudi, Abihudi yaazaala Eliakimu, Eliakimu yaazaala Azora, ¹⁴Azora yaazaala Zadoki, Zadoki yaazaala Akimu, Akimu yaazaala Eliudi.¹⁵Eliudi yaazaala Eleazari, Eleazari yaazaala Matani, Matani yaazaala Yakobo. ¹⁶Yakobo yaazaala Yozefu, iiba wa Mariamu, nawe Mariamu yaamuzaala Yeezu oogwo alikweetwa Masihi, ¹⁷Mbweenu, kuluga ahali Ibrahimu kuhika kuzaalwa kwo omukama Daudi hakaba heena enzaalwa ikumi ne eena. kaandi, kuluga ahali Daudi kuhika habuchilo oobwo abaiziraeli baafululiilwe babe abahalila omu nsi ya babeeli, hakaba ne enzaalwa eziindi ikumi ne eena. kaandi, kuluga omubuchilo oobwo baafululililwe okwo kuhika kuzaalwa kwa Masihi, hakaba ne enzaalwa eziindi ikumi ne iina.¹⁸Empola yo kuzaalwa kwa Yeezu kristu niyo ezi. Mariamu nyina wa Yeezu akaba asuumbikilwe na Yozefu. naho achali batakalyaamile hamo mariamu yasaangwa ayina eenda, ne eenda eezo akaba ayinayo aha buhicha bwo omwooyo mutakatiifu. ¹⁹Yozeefu ali iiba akaba ali omuuntu we entuungwa nziima omu meeso ga muungu. Talayeenzile kumuleka mariamu ha bweecho akalamula kumuleka bwe eseleke.²⁰Naho achiba yaateekwize aatyo ahonyini maleeka wo omukama muungu amweesuululukiza omu kuloota yaamugaambila Yozefu owo luzaalo lwa Daudi otatiina kumutwaala Mariamu habwo kuba echili omuunda yoomwe achibweene habwo obuhicha bwo omwooyo mutakatiifu. ²¹Alyaazaala omutabani, neewe olyaamuluka iziina lyoomwe Yeezu, habwo kuba ogwo niwe alichuungula abaantu boomwe kuluga omu biheno byaabo.²²Ebyo byoona bikabaho bityo chibone kuhikiilila echigaambo eecho omukama muungu yaagaambile aha muhandaa gwo omubaasi woomwe aati. ²³leeba omubiikila alyaatwaala eenda nawe alyaazaala omutabani. Niho bamuluka iziina lyomwe Emanueli. Ensoonga yi iziina eeli nikwo kugaamba ooti, Muungu ayikala hamo neechwe.²⁴Obuchilo Yozefu yaasisimka omutulo, yaakola nko ookwo maleeka wo omukama muungu yaamulyagila Yozefu yaatwala mariamu kuba mukaziwe. ²⁵Naho talalyaamile naze kuhika obuchilo mariamu yaaba yaazaala omutabani Yozefu yaamuluka ogwo mwana inziina Yeezu.

¹Yeezu kayaabeele yaazaalwe, akazaalwa omuli Betlehemu omu nsi ya Yudea no obuchilo oobwo omukama Herode, akaba ali omutwaale leeba ,abamagi be enyenyeezi bakaluga obutuluka, baahika omu chikaali cha Yeruzaleemu baabuuza bati. ²Ali nkahi ogwo omukama wa abayahudi ayaazaalwa? Tumanyisizwe nka nikwo yaazaalwa, kuba tukabona enyenyeezi yoomwe obutuluka, ha bweecho tweeza kumulamya. ³Aaho omukama Herode kayaahuliile amagaambo gaabo, yaazululukilwa bwooli, hamo na abaantu boona ba Yeruzaleemu.⁴Niho yaakobya abakulu boona ba abagabea ba muungu na abeegesa be ebilagilo byaabuuza aati, Masihi naazaalwa nkahi?. ⁵Nabo baamusubiliza, naazaalwa omuli ⁶Betlehemu, omu nsi Yudea. nitusoombookelwa eecho habwo kuba omubaasi wa muungu akaandika amaandiko aati. Iiwe Betlehemu eensi ya Yuda toli wo kugaywa nakati omu bategeki be eensi ya Yuda, Aha nsoonga omuli iiwe alaalugamo omutegeki oogwo alitegeka abaantu baanze ba iziraeli nko omuliisa alikuliisa entaama zoomwe.⁷Mala Herode yaayeta habwe eseleke abo abamanyi be enyenyeezi babone kwiiza bamusoomboolele kuzima obuchilo oobwo ababaandize kuziboona ezo nyenyeezi. ⁸Niho yabasindikiza kuza Betlehemu naabazila, mwiilooko mucheengelele kuluunzi kulemwa musoombookelwe omwaana ogwo aaho aali, mbweenu kamulimukwaasa no kumubona muundeetele empola bwaangu mbone ne eenye kuzeenda kumulamya.⁹Obuchilo abamagi be enyenyeezi abo kabaamazile kuhuliliiza amagaambo omukama, baba baalugaho aho leeba ahonyini enyenyeezi ezo bakaba baabweene olubazu lwo obutuluka baba baazibona kaandi,yaabeebeembelela, yaalemwa yaahika aaho akaba ali omwaana niho kweemeelela. ¹⁰Aaho kababweene enyenyeezi eezo baanulilwa booli.¹¹Mbweenu kabataahile omu nzu, babona omwaana omucheche hamo na mariamu nyina, baateela ebivwi aha kumlamya omwaana. Bahafundula ensaho zaabo, baaheeleza omwaana engambilano ze zahaabu obubaani amazuta go omugaanzu. ¹²mbwenu muungu abahanile omukuloota nkanikwo batagaluka kandi ahali Herodi, Habweecho baataaha owabo ahakulabila omuhanda ogundi Yeezu na abazeele bomwe nimbahuungila omu ihaanga lya miisiri.¹³Aho abamanyi be enyenyeezi aabo babeele nibataaha ahonyine maleeka wo omukama muungu amweesuululukiza Yozefu umuchilooto yamgambila imuka otwalee omwaana na nyina, mwiilukile omwihaanga lya miisiri mwikaleyo okwo kuhicha obuchilo ndeeze kubagambila kusuba habwo kubwa Herode nayeenda kumuloondela omwaana ogwo abone kumwiita. ¹⁴mbwenu omuchilo oomwo nyini Yozefu yemuka yahatwala mukazi womwe hamo no mwaana yaanzeenda umwihanga lya miisiri. ¹⁵Bahika miisiri okwo kuhicha obuchilo oobwo Herode akafa ebyo bikabaho bityo chibone kuhikiilila echigambo echo omukama muungu akagambisa omubaasi womwe aati nkamweeta mutabani waanze kuluga miisiri, abaana bo obwoozo ba Betlehemu nibasiingalichibwa.¹⁶Obuchilo Herode yaacheenga nka nikwo abamagibe enyenyeezi abo bamukoobile, yanigahala mno. niho yaasindika abalwaanila ngoma boomwe Betlehemu hamo na ahaantu hoona he ebyaalo byo obutuunzi yabalagila nka nikwo beete kati mwaana wo obwoozo oogwo ayaahikize emyaaka ibili na aabo abatakazihikize, akakola aatyo kwiingana no obuchilo oobwo akagaambilwa na abamagi be enyenyeezi.¹⁷Niho echigaambo chaahikile eecho omubaasi Yeremia akagaamba aati. ¹⁸Empamo zikahulilwa kulugilila omuli Rama, empamo no kubolooga kwiinzi ,Raaheeli naachulila abaana boomwe nawe takweenda kusuumbililwa habwo kuba abaana boomwe baafwiile Yeezu na abazeele boomwe nibasuba kuluga omu ihaanga lya miisiri.¹⁹Obuchilo Herode akaba yaafwiile, maleeka wo omukama muungu akamweesuululukiza Yozefu omu cholooto okwo miisiri. ²⁰Yaamugaambila, imuka! otwalale omwaana na nyina muze omu nsi ya Iziraeli ,habwo kuba aabo abaabeele nibaloonda kumwiita omwaana ogwo baafwiile. ²¹Mbweenu Yozoefu yeemuka, yaatwaala na nyina, yasuba nabo omu ihaanga lya Iziraeli .²²Naho oobu yaahuliile nka nikwo Arkelao mutabani wa Herode, akaba naategeka eensi ya Yudea ha lugazi lwe eese, aba yaatiina kuzendayo okwo, muungu yaamuhana omu chilooto nka nikwo atazeendayo okwo kaandi, ha bweecho, baazeenda omu nsi ya Galilaaya. ²³Baahika omuli Nazareeti, beekala okwo. niho echigaambo chihikiilizwe eecho echagaambilwe na ababaasi habwa Yeezu chiti, Alyaayetwa Omunyanazareeti.

¹Ebilo kabyaachiile, akabaho omuuntu oomo oogwo akaba naayetwa Yohana omubatiza. Yohana akaba naayolekeelela omu iluungu lya Yudea aati. ²Mutamwe no kulekelela ebiheno byaanyu, habwo kuba obukama bwo omu igulua bweeliliize . ³Yohana niwe ogwo ayaagaambilwe no omubaasi Isaya aati, Omuuntu alikuhamuka ahi ilaka lihaango omu iluungu, muguloonze omuhaanda gwo omukama muungu, muguloonze omuhaanda gwo omukama muungu, mugolole obulabo oobwo alaahiingula.⁴Emyeenda za Yohana zikaba zikozilwe na amooya ge entwaangabuleende nawe akaba azwaala omusipi gwe enkoba, ebyookulya byoomwe bikaba bili empalala na amoochi moochi go omu iluungu. ⁵Abaantu baaba nibamuhululukila kuluga omu chikali cha Yeruzaleemu, omu chaalo choona cha Yudea, ne enkasi zoona zo omunona gwa Yorodaani. ⁶Abaantu abo baaba nibegaamba ebiheno byaabo, nawe yaaba naababatiza omu munona gwa Yorodani.⁷Naho obuchilo Yohana akaba naabona Abafarisayoc na Abasadukayod baamwiilizaho beenzi abone kubabatiza yaabagaambila, Iimwe oluzaalo lwe enzoka! no ooha ayaabahana nka nikwo nimuhiocha kweeliga echihulumuko cha muungu eecho chilikwiiza ⁸habwo kubatizwa kwoonka? Mbweenu, mwooleke ha bikolwa byaanyu nka nikwo mazima mwaalekeliile ebiheno byaanyu na nimumutegeza muungu. ⁹Mutazilea nka nikwo muuungu naabeekiliza kamulaaba nimweebona nka nikwo,Isiichwe enkulu ni Ibrahimu! e Nniiimbagaambila nka nikwo ,muungu yaakaahicha kuhhiindula amakulugusi aga kuba abaana ba Ibrahimu!.¹⁰Oobu omuchwaaziiko gwa muungu ni nke enseenya eli aha bitako bye emiti na buti muti oogwo gutajusohoza emisumo mizima, gunogolwa no kunagwa omu mulilo! ¹¹Iinye mniimbabitiza na meenzi kwooleka nka nikwo mwaalekeliiile ebiheno byaanyu no kumuhiinukila muungu. Naho naayiza omuuntu oondi oogwo alikuunchila buhicha, Buzima tiinkwiilwe no oobu kuba omuzaana woomwe wo kusutula amakuubaasi goomwe. ¹²Oobu akwaasile olutemele omu ngalo zoomwe abone kweesula ebititi kuluga omu ngano, engano ezo, naazisuunga omu bitala byoomwe, naho ameelulo alyaagoocha omu mulilo oogwo ogutalilaala nakati!.¹³Mbweenu, obuchilo oobwo Yeezu yaaluga Galilaaya, yaazeenda aha munona gwa Yorodaani abone kubatizibwa na Yohana. ¹⁴Naho Yohana yaagema kumuzibila,ha kugaamba aati, Bita iiwe kwiiza hali iinye? iinye niwe ndikweendelwa kubatizibwa ne ewe. ¹⁵Yeezu yaamugalulila aati ,iiwe okuunde ombatize oobu, habwo kuba nitweendelwa tuhikiilize amazima goona aago muungu alikwenda. Mbweenu, Yohana yeekilize aba yaamubatiza.¹⁶Aaho Yeezu kayabatiziibwe no kusabuka omu meenzi, ahonyini igulu lyaafunduka, yaabona omwooyo gwa muungu nigumuhanaantukila nke echiiba no kutuungama hali weenyini. ¹⁷Leeba! Ilaka liluga omu igulubnilizila liti, Ogu niwe Mutabani waanzea engaanzi, oogwo nnyesiimaho naze bwooli!.

¹Mala, Yeezu yeebeembelelwa no omwooyo mutakatiifu kuzeenda omu iluungu abone kuleengeswa ni isitaani. ²Yaamala okwo ebilo makumi aana omu chilo na nyemisana naayeyima kulya ebyookulya. aha muheleeluko, yaalumwa enzala bwooli. ³Niho elyo isitaani lyaamwiizaho abone kumuleengesa. Yaamuzila aati, koolaaba iiwe oli omutabani wa muungu, galagile amakulugusi aga gahiinduke kuba emikaate. ⁴Naho Yeezu yaamugalulila aati, omu maandiko amatakatifu chaandikiliwe chiti, omuuntu tiyaakuhicha kutuungwa ebyookulyaa byoonka naho naatuungwa habwa buli chigaambo eecho echilikuluga omu kanwa ka muungu.⁵Niho elyo isitaani lyaamutwaala Yeezu omu chikaali chitakatiifu cha Yeruzaleema, lyaamweemeleza aha luswi oluli bwooli aha nzu ya muungu. ⁶lyaamugaambila liti, koolaaba ni iiwe oli mutabani wa muungu, yenaguze ahaansi. tiwaakuhicha kuhutaala,habwo kuba eyaandikilwe omu maandiko matakatifu eet, muungu naalagila bamaleeka boomwe habwi iiwe, na kaandi, nibakusutula, amagulu gaawe oteeza okeekuumpa ahi ibaale.⁷Naho Yeezu yaamugaambila, kaandi eyaandikilwe eeti, otamulengesa omukama muungu waawe. ⁸Niho, isitaani kumutwaala Yeezu aha lugulu lwi ibaangalila bwooli. Aho, lyaamwooleka obukama bwoona bwe eensi hamo no obugeega bwaamo, ⁹Lyaamugaambila liti, kabilaaba noonteelela ebizwi no kuundamya, nniinkuha byoona ebi.¹⁰Naho Yeezu yaaligaambila aati, luheendeho aha, isitaani we! Eyaandikilwe omu maandiko amatakatifu eet, Omulamye omukama muungu waawe, omugomookele weenyini weenka. ¹¹Niho elyo isitaani kumulekaYeezu aho, ahonyini, bamaleeka ba muungu beeza kumuheeleza Yeezu.¹²Obuchilo Yeezuyaahuliile nka nikwo Yohana omubatiza baamuta omu ibohelo,yaazeenda omu nsigalilaaya. ¹³yaahika okwo omuli Nazareeti. niho yaafuluka Nazareeti yaaza kutuula kaperinaumu.kaperinaumu ekaba eli aha ngeegeelo ye enyaanza ya Galilaaya, olubazu lwo omu mbibi ze ebyaalo bya Zabuloni na Naftaali.¹⁴Chikabaho chityo, chibone kuhikiilila echigaambo eecho muungu akagaambisa omubaasi Isaya aati, ¹⁵Eensi yaZabuloni ne ya Naftaali, omuhaanda gwo kwoolekela aha nziba, na buseeli yo omunona gwa Yorodaani, omuli Galilaaya aaho balikutuula abanyamahaanga! ¹⁶Abaantuaaboabtuula omu nsiimbaazi,baabona omwaanga muhaanga, na aabo abalikutuula omu bibeho byo olufu, baayakilwa omwaanga gwa amacheelelelwa.¹⁷Kubaandiza obuchilo obwo, Yeezu naatooza kw oolekeelela abaantu aati, mutamwe no kulekelela ebiheno byaanyu, habwo kuba obukama bwo omu igulu bweeliliize.¹⁸Obuchilo Yeezu akaba naalibata aha ngeegeelo ye enyaanza ya Galilaaya, yaabona abadugu babili, Simoni ogwo akaba naayetwa Peetero na Andrea, bakaba nabatega eenfwi bwe emitego, habwo kuba bakaba bali abategi. ¹⁹Yaabagaambila aati, mwiize, muunkulaatile! linye nniimbahiindula kuba abategi ba abaantu. ²⁰ahonyini, baaleka emitego yaabo, baamukulaatila Yeezu.²¹Obuchilo Yeezu yeeliileho kache, yaabona abadugu abaandi babili, bali Yakobo no omuulumuna Yohana, batabani ba Zebedayo. Abo babili bakaba bali omu bwaato hamo na isebo, bakaba nibasoboolola emitego yaabo. Yeezu yaabeeta bamukulatile. ²²Ahonyini, basiga aho obwaato na isebo bamukulaatilaYeezu.²⁵²³Yeezu akaba azoongoloka omu chaalo choona cha Galilaaya. Akabanaataaha omu masomelo no kweegesamo abaantu. Akabanaayolekeelela abaantu Empola nzima zo obukama bwo omu igulu no kuchiza amalwaala gaabo goona. ²⁴Empola za Yeezu zikaba nizikumuuka bwooli kuhika omu nsi yoona ya Siiria. Abaantu baatwaala abalweele baabo boona abaabeele nibaagalazibwa bwooli, aabo abaabeele batiilwe na amazimu, abagwi be ebisiimbo, na abaabeele bali ensege. Yeezu yaabachiza boona. Mbeenu, embaga mpaango ya abaantu yaaba neemukulaatila kuluga omuli Galilaaya, Dekapoolisi,

¹Leeba, obuchilo yeezu akabona embaga ya abaantu, yaahanama omu. ibaanga yeekala. niho abaheemba boomwe baamwiililaho. ²Nawe yaabaanza kubeegesa aati. ³Beena omugisa boona aabo abali abahabi omu mwooyo,habwo kuba obukama bwo omu igulu no obwaabo. ⁴Beena omugisa aabo abeena entiimba habwokuba muungu alyaabasemeleza.⁵Beena omugisa aabo bali abafula habwokuba muungu naabaha obuhuunguzi bwe eensi yoona. ⁶Beena omugisa aabo abeena enzala ni iliho lyo kukola amazima aago muungu alikweenda, habwokuba muungu alyaabahaagisa. ⁷Beena omugisa abalikuganyila abaandi habwokuba nabo muungu alaabaganyila. ⁸Beena omugisa abeena omuganya gulikweela, habwo kuba balaayetwa abaana ba muungu.⁹Beena omugisa abakwaatanisi ba abaantu, habwo kuba balaayetwa abaana ba muungu. ¹⁰Beena aago alikwenda mungu, habwo kuba obukama bwo omu igulu no obwaabo.¹¹Iimwe mwiina omugisa obuchilo abaantu nibabazuma cho obuzilwa omu kubaagalaza no kubagaamba buli chigaambo cho obuzilwa omu kubabeeheleza habwo kuunkulaatila iinye ¹²mwiizuke nka nikwo bityo nikwo ookwo abaantu bakaba nibabaagalaza ababaasi aabo bakaba baliho kala. mube nimunulilwa no kusaanduka bwooli, habwo kuba muuungu ababiikikiiole empeela mpaango omu igulu. abaheemba ba yeezu ni nko omwoonyo no omwanga.¹³Iimwe ni nko omwoonyo gwe eensi. omwoonyo ogwiiina omuta, naho kigulaaba gwaabiihile, bita niguhicha kubona omuta gwaayo kaandi tigukuhicha kuluungiswa kaandi hali choona choona, habweecho niguseeswa aheelu no kulibatilwa na abaantu. ¹⁴Iimwe muli nko omwaanga gwe eensi .iboma elyoombekilwe ahi ibaanga, tiliiseleka.¹⁵Kaandi, abaantu tibakwaacha olumuli no kulisweekelela omu chitukulu. naho nibaluta aha kakoondo lubone kumulikila boona aabo abali omunzu. ¹⁶Bityo nyini ne emwe, omwaanga gwaanyu nigweendelwa gumulikile abaantu, babone kubona ebikolwa byaanyu ebizima, niho bamusiingize isiimwe ogwo ali omu igulu.¹⁷mutazila nka nikwo neeza mbone kusuucha ebilagilo bya musa, a nali aago gakagaambwa na ababaasi. naho tindeenzile mbone kubisuucha, naho mbone kuhikiiliza amazima gaacho. ¹⁸Mazima butunu nniimbagaambila nka nikwo, kuhicha obuchilo oobwo igulu ne eensi bilihwaho, tihaliho echigaambo nali akanyuguta kache ke ebilagilo akalibuza echilali. ebilagilo ebyo tibililugaho kulemwa byoona bihike.¹⁹Omuuntu weena weena oogwo alikoongookela echilagilo chimo noobu chilaaba chiche cha hali ebi no kweegesa abaandi bakole batyo, ogwo alyaaba muche muno omu bukama bwo omu igulu. naho weena weena oogwo alibikwaata no kubyoolekeelela abaandinabo bakole batyo, ogwo alyaaba mukulu omu bukama bwo omu igulu. ²⁰mbweenu nniimbaambila nka nikwo, obugo loloke bwaanyu kabulaaba butasaagile obwa abafarisayo no obwa abeegesa be ebibilagilo, no obuche bwa kati timulitaahamo omu bukama bwo omu igulu. ameegeso habwe ebiniga.²¹mwaahuliize echilagilo eecho baagaambiilwe abaantu ba kala bati, otaliita kaandi, omuuntu weena weena oogwo alikwiita muzeenziwe, ni lwaampaka achwaaziikilwe. ²²naho iinye nniimbagaambila nka nikwo omuuntu weena oogwo a galale. kaandi weena weena oogwo alikugaambila muzeenziwe nka nikwo no omusilu, ni lwaampaka kunagwa omu lyoongoola lyo omulilo gwa kuzimu.²³ha bweecho, koolikuba noosohoza echigabo ahi itaambilo,male okeezuka nka nikwo ohabeena na muzeenzi waawe, ²⁴siga echigabo chaawe ah0ahi itaambilo, obaanza ozeende kugalula hamo na mweena waanyu. niho osube kwiiza kusohoza echigambo chaawe.²⁵Kaandi, kabilaaba omuntu yaakutwaala aha mulamuzi, ogalulinane naze bwaangu obuchilo muchili omu muchaanda.koolaaba otaakozile ootyo, naakuhicha aha mulamuzi, omulamuzi nawe naakunaga omu ngalo zo omusilikale, nawe naabona kukuta omu ibohelo. ²⁶mazima bunutu nniinkugaambila nka nikwo, nakati tokuluga omwo kuhicha omazile kuliha na eseenti yo omuhelo, obutasigaza ibaanza.ameegeso habwo obusaambani.²⁷Mwaahuliize echilagilo eechi abantu bakagaambilwa bati, otaakusaambana ²⁸naho iinye nniimbagambila nka nikwo, omuntu weena weena oogwo aleeba omukazi aha kumuligila, yaamazile kusaambana naze omu muganya gwoomwe.²⁹Mbweenu, kabyaakuba eliiso lyaawe lyo obulyo lyaakuleetelela okole ebihoneolikuulemo no kulinaga hala. ni kuzima kubuza oluziingo iwaawe lumo kuchila omubili gwaawe gwoona kuza kusiizwa omu kunagwa omu lyoongoola lyo omulilo gwa kuzimu. ³⁰Kaandi, kabilaaba omukono gwaawe gwo obulyo nigukuleetelela kuhena, ogunogole no kugunaga hala. ni kuzima kubuza oluziingo lumo oobu, kuchila omubili gwaawe gwoona kusiiingaalichwa omu lyoongoola lyo omulilo gwa kuzimu.ameegeso habwo kwaanga omukazi.³¹Mwaahuliize echilagilo eecho abaantu bakagaambilwa bati, kati muuntu oogwo alikumuleka mukaziwe, amuhe olwaandiko lwo kwaangana. ³²Naho iinye nniimbagambila nka nikwo, buli muuntu alikumuleka mukaziwe, butali bwo obusaambani, naamuleetelela mukazi woomwe kusaambana. kaandi, weena weena oogwo alikumpula omukazi ayalekeene ne eeba, nawe naaba asaambeene naze.³³Mwaahuliize echilagilo eecho abaantu ba kala bakagaambilwabati, olekelage kulahila obisuba , naho ohikiilizeomukama muungu omulahi oogwo waalahiile. ³⁴Naho iinye nniimbagaambila nka nikwo otalilahila butunu no oobu ah igulu, habwo kuba nicho echitebe cho obutegeki cha muungu. ³⁵Nali ataakulahilila habwe eensi ezi, habwokuba niho muungu aata amagulu goomwe. nali ataakulahila habwe echikaali cha yeruzaleemu, habwo kuba echo nicho echikaala cha muungu, Omukama mukulu³⁶Nali otaakulahila habwo omutwe ngaawe, habwo kuba tiwaakuhicha kuhiindula no oobu akasoke kamo kabe akalikweela nali kwiilagula. ³⁷Naho kamulikuba nimumanyisa mutyo ha kwiikilizana mugaambega muti eego, na kabilaabanimumanyisa timukwiikilizana, mugaambage muti, mahi. kuba amagaambo agasaaga aho nigaluga ahali elyo izilwa, Isitaani.³⁸Mwaahuliize echilagilo eecho abaantu bakagaambilwa bati, eliiso aha liiso, ne eliino aha liino. ³⁹Naho iinye nniimbagaambila nka nikwo, mutaakusiingaangana no omuuntu omuzilwa. naho kabilaaba omuuntu yaakuteela ahi itama lyo obulyo, muhiindulile ne lyo obumoso.⁴⁰Kaandi, kabilaaba omuuntu akulegeeliila abone kutwaala enkaanzu yaawe, mulekele atwaale ne ebebo yaawe. ⁴¹Kaandi, kabilaaba omuuntu naakuzemeleza oluzeendo lwo kuteelaho eenta echihuumbi chimo, iiwe guma ozeende naze oluzeendo lwe eenta ebihuumbi bibili. ⁴²Kaandi, kaalaaba omuuntu akusabile echiintu omuhe. Na kaalaaba ayizile kukwoohozaotamuleebayo kuche.⁴³Mwaaahuliize echilagilo eecho abaantu bakagaambilwa bati, omweende muzeenzi waawe, na abaantu bakeegeswa bati,omunobe omubisa waawe. ⁴⁴Naho iinye nniimbagaambila nka nikwo, mubeende ababisa baanyu, na mube nimubasabila boona aabo abalikubaagalaza. ⁴⁵mbweenu, kamulikola mutyo, nimuba abaanabe isiimwe oogwo ali omu igulu. weenyini niwe abaakiza izooba abaantu abazima na abaantu abaheni. kaandi, abeetilile enzula abaantu abagololoke hamo na abazilwa.⁴⁶Mbweenu sii, kabilaaba nimweenda abo boonka ablikubeenda, mulyaabona empeela chi? manya, abahaambya nabo nikwo bazila beenda abo abalikubeenda boonka. ⁴⁷Kaandi, keelaaba nimwaangalucha badugu baanyu boonka, nimuba mwaakola chikolwa chi cho kusaaga abaandi? No oobu abo abaantu abali abanyamahaanga, mubabona batabizila ebilikususa nke ebyo? ⁴⁸Mbweenu, mube abo obulyo, nkokwo Isiichwe oogwo ali omu igulu aba owa akalyo.

¹Mulamanya! Ebikolwa byaanyu ebizima mutabizilila omu meeso ga abaantu kuba babaleebe. Ha nsoonga kamulaaba nimukola mutyo, timukwiinaankula ensiimi yoona kuluga hali Isiimwe oogwo ali omu igulu. ²Mbweenu, obuchilo nosuumbuusa abaambazi, leka kweelaangana ookwo olikukola aha kuteela echikuli. abagobya bakola batyo omu masomelo no omu nsese babone kusiingizwa na abaantu.³Mazima butunu nniimbagaamabila nka nikwo, baamazile kwiinaankula eniimi yaabo yoona. naho iiwe 0buchilo nosuumbuusa aha ngoonzi, engalo yaawe yoona. naho iiwe obuchilo nosuumbuusa aha ngoonzi, engalo yo obulyo yaasohoza, ⁴Esuumbuusoyaawe ezeenda omu chihwe. Iisowaawe oogwo amanya ebye echihwe, alyaakugalulila.⁵No obuchilo nimusaba Muungu, mutaakuba nke engobya. aabo beenda kusaba kunu beemeeliile omu masomelo no omu mbazu ze nsese kuba babone kuleebwa na abaantu. mazima butunu nniimbagaambila nka nikwo, baamazile kwiinaankula ensiimi yaabo yoona ⁶Naho iiwe obuchilo noosaba, otaahemo omu chiseenge chaawe male oteyo olwiizi. niho osabe liso oogwo ali omu chihwe. nawe liso ogwo abona ebili aaho abaantu batakuhweeza, alyaakugalulila. ⁷Obuchilo nimusaba, mutaakuba nimutuumilila ebigaambo nkokwo bakola abaantu aabo abali abapagani. abo nibateekuza nka nikwo nibahulilwa habwo kukanyisa amagaambo gaabo.⁸Mutaakuba nimusaba nkokwo basabaho abo, habwo kuba Isiimwe naasoombookelwa eecho mulikweenda, no oobu muba mutakachisabile. ⁹Ha bweecho, iimwe mubega nimuleembeleza Muungu hakuzila muti, Isiichwe oli omu igulu, iziina lyaawe likuzibwe. obukama bwaawe bwiize. ¹⁰Engoonzi zaawe zihiikiilizwe, omu nsi nko okwo omu igulu.¹¹Otuhe leelo ebyookulya byeetu bya buli chilo. ¹²Otuganyile ebiheno byeetu, nkokwo ne echwe tuganyila abalikutuhenela. ¹³Otatutwaala omukuleengesibwa, naho otuchuungule ne elyo izilwa, Isitaani.habwo kuba, obukama, obuzizi ni ikuzo byoona ne ebyaawe, kuhicha obucha no obuchiile.¹⁴Yeezu yaazeendelela kugaamba aati, kamulaaba nimubaganyila abaantu ebiheno byaabo, Isiimwe ogwo ali omu igulu nawe alyaabaganyila iimwe ebiheno byaanu. ¹⁵Naho kamulaaba mutakubaganyila abaatu ebiheno byaabo, Isiimweogwo ali omu igulu nawe takubaganyila ne emwe ebiheno byaanyu.¹⁶Kaandi obuchilo musiibile, mwaaleka kweezila nka abagobyoboonyini bazeenda bahinyile obuso, iingu abaantu babamanye nka nikwo basiibile. amazima butunu nniimbagaambila nka nikwo, abo baamazile kwiinaankula ensiimi yaabo yoona. ¹⁷Naho iiwe oobu waasiiba, siiga amazuta omutwe gwaawe, naaba omu buso bwaawe, ¹⁸Otamanywa na abaantu nka nikwo oli omu chisiibo, naho omanywe na liso weenka ogwo ali omu chihwe. weenyini ababona ebyo omu chihwe, nawe naaba endihi yaawe.¹⁹Mulekega kweebiikila ensabo omu nsi ezi, habwo kuba aho na ahaantu aaho zilikusiiswa ne embuungu no kucheleba, na abeebi bahasiisa babone kuziiba. ²⁰Naho baambo mweebiikile ensabo zaanyu omu igulu habwo kuba aho tekusiiswa na embuungu no kucheleba na abeebi tibakuhasiisagula babone kwiiba. ²¹Hoona hoona aaho olikubiika ensabo yaawe, niho no omuganya gwaawe gulaaba guli ahonyini.²²Ameeso gaawe ni nko olumuli lwo omubili gwaawe. ameeso gaawe kagaba nigahweeza kuzima, omubili gwaawe gwoona gwiikala omu mwaanga. ²³Naho eliiso lyaawe kalilaaba lifwiile, no omubili gwaawe gwoona nigwiikala omu nsiimbaazi. mbweenu, kabilaaba omwaanga omgwo oguli omu mubii gwaawe guhiindukile kuba ensiimbaazi, ensiimbaazi ezo neeba mpaango bwooli!. ²⁴Taliho omuuntu oogwo yaakuhicha kuheeleza abakama babili.habwo kuba, yaakaatamwa omukama oomo no kweenda oondi, nali yaakakuunda ago omukama ooli, na ayaangaago omukama ogu. bityo nne emwe, timwaakuhicha kugomookela Muungu hamo na amabonwa!²⁵Ha nsoonga ezo nniimbagaambila nka nikwo, mutaakuba no kutahwa tahwa habwo obulami bweenyu nkokwo nimulya chi, nali nimunywachi, nali ha mibili yaanyu, nkokwonimuzwaala chi. ngasi, nimweebwa nka nikwo obulami bwiina obukaani kuchila ebyookulya, no omubili nogwo gwiina obukaani kuchila ebizwaalo? ²⁶Muleebe enyonyi. tizikubiba, tizikugesa nali kuhunikaebyookulya omu bitala. no oobu bityo, Isiimwe ogwo ali omu igulu, aziliisa. mbweenu iimwe, timwiina obukaani buhaango kuchila enyonyi ezo?²⁷No ooha omuli iimwe ayaakuhicha kweeyoongelaho obulami bwoomwe noobu nko omwaanya gwe esaaha eemoa omu kutahwa tahwa kwoomwe? ²⁸Habwaachi nimutahwa tahwa habwe ebizwaalo? muteekuze ookwo enyaso zo omu nkaamba emikulile yaazo. tizikukola emilimo nali kwoogosa ebizwaalo. ²⁹Naho nniimbagaambila nka nikwo, noobu omukama Selemani omu ikuzo lyoomwe lyoona, talazweekilwe kuzima nka limo lye enyaso ezo!.³⁰Muungu azweeka enyaso na amababi go omu nkaamba, aago galiho leelo na nyeencha niganagwa omu mulilo. ngasi, ta amazima nkokwo naabazweeka iimwe? Iimwe abaantu bo okwiikiliza kuche! ³¹ha bweecho, muleke nu kusiiba nimweetwaalalika nimuzila muti, tulaalya chi? nali tulaanywa chi? nali tulaazwaala chi?³²Ebiintu ebyo byoona abaantu aabo babyaagalalila na abatakumumanya Muungu .Isiimwe ogwo ali omu igulu naasoombookelwa kuzima nka nikwo mulikweenda ebyo byoona. ³³Oobu iimwe, aho niho alaaboongela agaandi ago goona. ³⁴Mbweenu, mutaakuba no kweetwaalalika ebilaagwa nyeencha, habwo kuba echilo cha nyeencha chiina ebyaacho. buli chilo chiina olwaagalalo lwaacho oluhikile.

¹Otakuchwazika newe otakwiza kuchwazika. ²Kwenchaziko. ezoulikuchwazika, newe nochwazika nakwechilengo eecho olikulegela newe hanu nolegelwa echonyini.³Nahabwachi noleba echinogoka chomuti echili umulizo lya mudugu wawe Naho tokumanya echinogoka echili omuliso lyawe. ⁴Nodula ota kugamba hali mudugu wawe lekakwihilemo echiinogoka cho omuuti echili omuliiso lyawe naho echinogoka cho omuti chilo omugati muliiso lyawe. ⁵Muzilwa ombaze oihemo echinogoka echili omuliiso lyawe naniho olaleka kuleeba kuziima no kuchihamo echinogoka cho omuti echili omuliiso lya mudugu wawe.⁶Utakuziha ebwa eli chitakatiifu naotakubanaguliza empunu lulu omumesogabe obudi mbabisisa nokubilibatila namagulu gabo nakaandi bakuhindukila iiwe nokukuchembagula ebinogoka nogoka.⁷Musaabe nemwe nimhabwa mulondele nemwe nimubona mutele ehodi nemwe nimuchigulilwa. ⁸Wenawena ogwoalikusaba nayanankula. nawenawe ogwoalikulondela nabona na omuuntu ogwo alikutela hodi na chingulilwa. ⁹Nalihene omuuntu omulimwe ogwo haina omwaan a omwee yamusabile echinogoka cho omukate yakamuha ibale. ¹⁰Nali kayakumusaba efii na wenyini yakamuha enzooka.¹¹Habwokuba imwe mulyabaafu nimumaanya kubaha abana benyu ebizima naho tata ogwo alyo mwigulu nabaha ebintu bizima abalikumusaaba wenyini. ¹²Honyini kwolikwenda kukolelwa echitu chona chona naabantu abandi newe heda kubakolela otyonyini habwokuba esheria eyabahangi.¹³Mwigile hakuhigulila hamulyango omuche. habwokuba omulyango omuhango nigwo gulikwelekelela kuzenda ahamiheno na hene abaantu beengi abalikwelekela omuhanda oogwo. ¹⁴Omulyango omuche nigwo ogulikwelekela ubulame naho nibache abalikutula kugubona.¹⁵Mwiyangalile naabahigi bibisuba abalikwiza bazwele oluhu lwetama kasi ninyabuhabwa abaluhile. ¹⁶Habusumo mwabo nibabamanya nao abaantu nibadula kuhebula busumo ahamahwa nali hamuuti eyeneebibo yemburuti. ¹⁷Habweecho kalaomuti mzima ntigukudula kuzala ombusumo bubi.¹⁸Nali omuuti mubi tigukwile kuzaala omubusumo buzima. ¹⁹Kita omuti oogwa tigukuzula ombusumo obuzima ngunogolwa nokunaagwa omumulilo. ²⁰Habweecho nobamanya kuluga obumusumo bwabo.²¹Tibuli mutu oogwo alikugaambila tata nataha omubukama bamwigulu, naho niwenyini weeka oogwo alikukola amazima gatata waaze. ²²Habaantu beengi kabaaimbagaambila echilo heecho tatata talatoile obunabii kwi ziina lyoomwe talatoile amazimu kwi iziina lyoomwe ne kwi ziina lyoomwe tukakola ebikolwa bingi makulu. ²³Nihi ndambagaambila habwelu tikubamanya iimwe mulugeho halinye iimwe abakola biheno.²⁴Hbweecho buli omuuti sigayahulila ebigambo byanze nokwikili na susana nomutu oogwo eine bukomela ayayombikile eenzu yoomwe halugulu yiibale. ²⁵Enzuula ekatela, eminona ekeza no omuyaaga gukeeza nokuzitela eenzu eezo naho telagwile ahaansi habwokuuba ekabaeyombikile halugulu yi ibaale.²⁶Naho bulimuuntu ogwa alikuhulila echigaambo chaanze nokuligaya nasusana no omuuntu omufela oogwo yayombikile eezu yoomwe halugulu yitaka. ²⁷Enzula ekeza neminona ekeza no omuyaaga gukeza no kuziita eenzu eezo nokugwa naombusisi bwayo kuhikilila.²⁸Bukahika obuchilo obwo yeezu kayamazile kugamba ebigaambo ebi omukutano gwoona kukasobelwa ebyegeswa byemwe. ²⁹Habwokuba akegesa nkokwo omutu obutegrki natikamwidikile waabo.

¹Obuchilo yeezu ahoakatuka kuluga omwibanga, ebaga ya abaantu bakamukulatila. ²Leeba omukono gukeza kulamiga hamesoge goomwe akagaamba tata kolabawahikilwe okwile kukola mbekuzima. ³Yeezu akagolola omukono gwe nokumukimika yagaamba nahikile obe mzima aho nyini akachizibwa ebihembe byomwe.⁴Yeezu yamugambila otakugaamba halimuutu wenawena kwata omuhaanda gwawe oyiyoleke weka halikuhani osohoze omuzuho oogo Mussa akalagila habwokuuba boona kwaabo.⁵Obuchilo yeezu kayahikile Kapernaumu Jemedali akeza hali wenyini akamububuza. ⁶Akagaamba tata omuhalila waanze wahunila omuka kuzigamana eine obusasi mno, ⁷Yeezu yamugaambila ninyiza kumuchiza.⁸Jemedari akamusubiza yamugaambila tata waanze nochizwa. ⁹Habwokuba iinye indyoomutu mukulu yinabo basikile alyahefo yaanze kinakugaamba halyoongo zeenda abanazeenda na halyondizo iza nawe ayiza na hatumwa yaanze, nkola oti nawe nakola atii. ¹⁰Obuchilo yeezu ahoyahulile aga akasobelwa nokubagambila abobakaba nibamulondela obuteka nibagaambila tikabonaga omuuntu mzima nkogu Izrael.¹¹Nibagaambila abegi balezo kuluga ubutulukaizoba no obugwizoba,bekala hameza chihamo na Abrahamu, Izaak, na Yakobo habukama bomwigulu. ¹²Niho abaana bobukama balanaguzwa omusimbazi ahelu halabaho kuchula no kusinika ameno. ¹³Yeezu Jemedari zeenda nkokwa oikilize naekolwe otyo haliwe,nomuhalila akachizwa esahaezo.¹⁴Obuchilo yeezu kiyahikile ahazu ya Petro akaboona nyinazala wa Petro ahunile nalwala ehoma. ¹⁵Yeezu akamukanika omukonogwe, nehoma ebayamuluguho niiho abayemuka yabanza kubazuna.¹⁶Nakiyahikile olwebazo abatu baka muletela yeezu beengi abalikwagalala na mazima abayagabinga amazima naabakuba balyabalwele akabachiza. ¹⁷Habweecho gakahikilila agogambilwe na Isaya omuhagi, wenyini akemucha endwala zeetu na malwa getu.¹⁸Niho yeezu ahoyamwene ebega emzongolokile, akabalagilila bazeenda olubaazu uludi lwe enyanza ya Galilaya. ¹⁹Niho omwandiki ekeza halionyini nokugaamba, mwegesa, nikukulatila honahona aho olazeenda. ²⁰Yeezu akamugaambila, nyamuhabwa beene amene nenyonyi zolugulu zineebyalinaho omwana wa Adamu taine hokuilyamika omutwe gomwe.²¹Mwegeswa ondizo akamugambila Omukama, nyikiliza nzende kubiika tatawaze. ²²Naho yeezu yamugambila okulatile na obaleke abaantu beziike bonyini.²³Yeezu kayatahile omubwato, abegeswa momwe bakamutatila omulyato. ²⁴Leeba kukemuka omuyaga muhango halugulu, ye nyanza obwato bukafundikilwa nikozo naho yeezu akaboona ahunile. ²⁵Bakeeza halionyini nokumupampula imbagamba tata otuzune ntwenda kufa.²⁶Yeezu akabagambila habwaachi nimutiina iimwe abakwikiliza kuche niho akemuka nokungwagiza omuyaga niho enyanza yatekana. niho enyanza kutekana. ²⁷Abaakwata akabanomwasamo bakagamba oogu muutu naata amazima nenyanza bimwigaganya wenyini.²⁸Habuchilo yeezu akabayenzile halubazu olundi olwesi esi ya Magadala, abakwata babili abalikwongozana amazima bakabugana naze bakaba balugilila haabi nabakaba nibakola efujo muno yaani taliho omutu oogwo. ²⁹Leeba bakahamuka nokugaamba tweene biiha ebyokukola haliwe omwana omukama wezaaha kutwagalaza obuchilo buuche kuhika.³⁰Hatiobuhene embaga pango yempuunu zikaba nizilisa hakaba tihela naho bakaba bali. ³¹Mazimu gakaba nigakungana hali yeezu nokugamba kolatugambila kulugaha otutwaale ahabaga endi ye punu. ³²Yeezu yabagambila muzeende amazimu gabalugaho nokuzeenda hapunu naoleba ebagayono ekatuka kuluga omwibanga nokuzeenda omunyaanza lyoona likafela omunyanza.³³Abakwata ababakaba nibalisa empunu bakeluka kabazezile mujini bakasombola buli chitu habwecho babona habakwata abalikwongozwa na amazimu. ³⁴Leeba ekayona ekeza kubagana na yeezu kababumweene bakamugambila oluge omumutulo gwabo.

¹Yeezu akataha omubwato naaka guluka nokuhika aho akabanayikala. ²Leeba bakamuleetela omutu oogwo alikulwalwa yahunizwe hachitabo ahoyamwene kwikiliza komwe yeezu yamugambila omutu oogwo alikulwala mwanawaze obenamanulilwa, ebiheno byawe walekezibwa.³Leeba aabandi ebegesa bakegambila bonyini hali bonyini oogu muutu nagaya. ⁴Yeezu yamanya esengazabo nokugamba habwachi bwene esengaabi omumiganya yeenu. ⁵Chita echihuhukile kugamba ebiheno byaawe byalekezibwa na kugamba tibata ozeende. ⁶Naho mumanye nkanikwo omwana omwanadamu aineobudula bokelekeza ebiheno akalekeza aaga halyogwa alwele tibata oyimuche igodoroo lyawe ozeende omuka yawe.⁷Niho oogwo akabanalwala yemelela nokuzeenda homukaye. ⁸Omukobo kagwamwene ebi bakasomelwa nokumusima muungu ogwo abahele obudula obo abaantu ⁹Nayeezu kayabeele nahigula aho akabona omuutu oogwo alitwa izina Matayo ogwo akaba yekele halubazu aho balikulihila omuhabya nawenyini yamugambila okutatile iinye nawe yamelela nakumukulatila.¹⁰Yeezu kayakele abone kulya ebyokulya omugaati yeezu bakeza abalikulihisa omuhabya beengi na abaatu abebiheno bakobela ebyokulya hamo na yeezu nabaheba boomwe. ¹¹Niho Mafarisayo bakaleba eboo bamugambila abaheba bomwe habwaachi omwegesa wenyu nalya hamo na abalihisa omuhabya na abaatu abebiheno.¹²Yeezu kayahulile oogwo naawe yagamba abatu obo tibakulwala tibakwenda omulaanguzi. ¹³Nimwendelwa muzende kwiyega esoonga yaho niyeenda echiganyizi na tiko dhabihu kwokuba nkeza tiko ebene kukola mazima bahungame na abebiheno.¹⁴Niho abaheba basohana bakeza halionyini no kugamba habwaachi echwe na Mafarisayo ntufuga naho abaheba bawe tibakufuga. ¹⁵Yeezu yabagambila omusendekeleza wamazenyi akwile kuzolelwa abochilo oobwa bwaana halusi achili hamo nemwe naho ebilo nibiza ebyo bwana halusi alemuchwa kuluga halimwe naniho balafuga.¹⁶Taliho omuti oogwo alikuta chinogoka cho omweenda muusha ahamweenda gwakala, echiraka chitemulwa kuluga hamweenda no kutemuka ahaango nihabaho.¹⁷Taliho omuutu oogwo alikuuta amalwa maasha hachiseme cha amalwa agakala nakabalakola,oluhu nilutemuka amalwa kulugaho no oluhu yakabiha habweecho tokwiile amalwa maasha haluhu luusha na byoona hamo biba kuzima.¹⁸Obuchilo Yeezu nabagambila amagambo aago leeba Afiisa omoakeza nokulamya hameso goomwe, nayagaamba omuhalakazi waaze yaafa na oyize ote emikono gaawe halugulu yoomwe nawenyine na ekala kaandi. ¹⁹Niho yeezu yamelela nokumukulatila na abaheba boomwe.²⁰Leeba omukaazi ogwa akaba naliga esagama ahabilo ikumi ne abili ekeza hehi yeezu yamukweesa halubaazu yo omweeenda goomwe. ²¹Habwokuuba akagaamba kadakwata omweenda goomwe nibona kuchila. ²²Yeezu yahinduka enyuma kuleeba yaagamba muhalakaazi okwiikiliza kwawe kwakuchiza nahamwaanga ogwo nyini omuhalakazi ya chira hamwenye oogwo.²³Na yeezu kayahikile ahazu Afiisa naawe akababoona abalikutela talubeeta na ebaga ya abaatu bakaba ni nibatela amayowe. ²⁴Nawe akagaamba mulugeho aha habwokuba omuhalakazi achali kuufa yahunile naho bonyini bakamusekelela no kumuganya.²⁵Nabo baatu kabasohwezwe ahelu nawenyini akengila hachumba nokumukwaata omukoono omuhalakazi akeemuka. ²⁶Nempola eezi zikasambaala hona hali iboona lyoona.²⁷Niho yeezu akaba nahingula aho abakwaata babili bahume bakamukulatila kwokugaamba kwilaka lihango intukusaba otuganyile mwaana omwa Daudi. ²⁸Obuchilo yeezu kayahikile omumaka gabahume bakazenda halionyini yeezu yabagambila nimwikililiza nkaniko nikola nabo bamugambila eego tata.²⁹Niho yeezu yagakimika emeeso gabo nokugaamba nekalwe etyo kukukiliza kweenyu akwokuli. ³⁰Nameso gaho gahweeza niho yeezu yabakomelela nokubagambila mwagalile omutu wenawena atakumanya echigambo eechi. ³¹Naha aabatu ababili bakazendaa nokugaamba empola eezi hana neebazu zona ziboma.³²Niho abo abakwata babili bakaba nibazendaa nemihanda zabo, leeba omutu omuchimumu oogwo akaba ena amazimu bakamuleta ahali Yeezu. ³³Namazimu kagamulugileho ogwo muutu chimumu akabanza kugamba ebaga ekasombolelwa boli nokugamba ebi tuchali kubibona hali esi ya Izrael. ³⁴Naho Mafarisayo bakaba nibagamba habakulu bamazimu nabelucha mazimu.³⁵Yeezu akazenda omumaboma goona no omumitulo onyini akazendela kwegesa omumakelezia kubagambila ehigambo cho omukama nokuchiza endwala zonazona nobulenga bonabona. ³⁶Obuchilo kayalebile ebaga nawenyini yabona echiganyizi kwoku bakagalala nokuufa omuganya bakaba nketama ezitene mulisa.³⁷Nawe yabagambila abahemba boomwe ebyo kuhebula nibingi muno naho abakozi bemilimo nibache. ³⁸Habweecho mumusabe tata adule kuleta abakozi bemilimo hali mukubebula koomwe.

¹Yeezu akabeta bahemba boomwe ikumi na babali hamo no kababa ubulula halugulu ya amazimu kubeluucha no kuchiza endwaala zona na kila ndwala zoona.²Amazimu gabahemba ikumi lma nababili niga aago okubaaza Simoni, oogwo alikwetwa Petro na Andrea mkulu wa Yakobo omwaana wa Zebadayo na Yohana mukuluwe. ³Philipo, na Bartelemayo, Thomasi, na Mathayo, omuhabya, Yakobo omwaana Alfayo na Tadeo. ⁴Simoni mkananayo na Yuda Izkariote, oogwo akamuguza Yeezu.⁵Aaba ikumi na babili yeezu akabatuma nawe akabatekela nokugamba mutakuzenda olubazu aho balikwikala ebesi na mutakutahamo omubaboma msamalia. ⁶Buteka bwaho muzeende ahatama ezibuzile na ahazu ya Izrael. ⁷Nakalimukuzeenda mwegesa no kugamba obukama bomwigulu bulihehi kwiza.⁸Omuchize balwele na muzokole abafile nokubafuha ababembe na mwiluche amazimu na mukanankula busa na msohoze busa. ⁹Mutakwimucha ezahabu, elimasi nali eshaba omumikoba yenyu. ¹⁰Mutakutwala emikoba ahalugeendo lwenyu nali mutakwimucha emyenda nali amalatu nali enkoni kwaku omukozi naikililizwa ebyokula byoomwe.¹¹Iboma lyonalyona ahomulazenda mulode oogwo alikwikililiza mwikale aho mulilugayo. ¹²Kamulagila ahazu ya Samalia. ¹³Aho ezueli kwikiliza etungwa zeenu mwikale aho nyini aho tihakikiliza elugeho hamo neemwe.¹⁴Nabo tibakunakula iimwe no kuleka kuhuliliza ebigambo beenu obuchilo nimulugaha homukayabo mwishagile ekungu zeenyu ahonyini. ¹⁵Obuteka nibagambila nibiba byokwiyomeleza kuchila iboma lya Sodoma na Gomola echilo chokuchwazika kuchila iboma elyo.¹⁶Na mulebelebe nibatuma eketama ahagati nyenyamuhabwa habweecho mube noomwizi ekezoka na mube bafula eke epunda. ¹⁷Mube nobuteka na abantu nibabatwala kubasikaka nibabatela ahamakelezia. ¹⁸Nanimuletwa ehameso gabakulu na abatemo kwo halinye nikabushuda halibonyini na ahataifa gaabo.¹⁹Obuchilo oobwo balabasitaka mutali tina ebyo kugamba mulahabwa habuchilo oobwo. ²⁰Habwokuba timwe abomulaba ni mugamba amoyo mwila nigwo gulaba niguhoya ogwatata weenyu gulahoya omugati yeenyu.²¹Omudugu alamumwikila omudugu kumwita na tata hali omutabani oomwe naabona bemuka ahali abazele babo no kubaletela oofu. ²²Neemwe nibabatamwa buli mutu kwizina lyaze na wenawena oogwo aladula kwinyomeleza kuhika ahamwisho omutu oogwo alachugulwa. ²³Obuchilo nibabagaalaza omwiboma elyo mwilikilile omwiboma elyo lililkulatila obuteka nimbagambila timukuba mwazezile omumaboma goona aago Izrael butakahiki obuchilo bwa mwaana wa Adamu kusaba.²⁴Omuheba niwe mkulu kuchila omwegesa oomwe na omuhalika oogwo alihalugulu yoomwe. ²⁵Nehicha omuheba abenka omwegesa oomwe na omuhalila ebenka tata yoomwe kabamwesile tata weezu yoomwe.²⁶Habweecho mutakubatina monyini habwokuba tiheneo echigambo echuleka kufundulwa natililiho eliselekile elilaleka kufundulwa. ²⁷Buli chitu echonibagambila omusimbazi muchigambe omwisana nanicho mulikuchuhulila kuzima omumatugenyu muchigambe mulya halugulu yeenzu.²⁸Mutakubatina aabo beene obudula bokwita omumilitibene obudula bukwita omuganya naho mumutina oogwo alikudula kwita omumili homo no moyo okwo kuzima. ²⁹Niko kasuku babili tibakuguzwa kwe epilya eeche naho taliho oogwo akwile kugwa ahasi takumanya tata weenyu kumaanya. ³⁰Nali abumula bweseko zeenyu ziibazilwe. ³¹Mutakuba no kutina habwokuba bwene esamani pango kuchila kasuku beengi. ³²Hio buli onyini oogwo alekiliza ahameso gabatu nenye ndamwikiliza halitata omwigulu. ³³Naho oogwo alikunyanga ahameso gabatu nenye ndamwanga omumeso gatata omwigulu.³⁴Mutakuzila muti keeza kuleta eemani oomunsi tindezile kuleta amani omusi naho upanga. ³⁵Kuba keeza kuleta omutu alwane natata oomwe no omuharakazi halinyina na nyinazala hali nyina zaala oomwe. ³⁶Obubi omuutu naba alyaahamuka yee.³⁷Oogwo alikwenda ese nali nyina kusega enye ogwo takwenda nogwo alikumwenda amutabani no omuhala muno kuchila eenye takwendwela. ³⁸Oogwo alemucha omusalaba goomwe nakukulatila eenye takugasa. ³⁹Wenyini oogwo alalondela maisha nagabuza hao wenyini oogwo alanaga maisha halugulu yaanze nagabona.⁴⁰Onyini oogwo alikubanakula yanyanakwile iinye na wenyini oogwo alikunyanakula iinye yabanakwile wenyini oogwo atatumile. ⁴¹Nawenyini oogwo alamwanakula omuhagi kwokuba nomuhagi alayanakula esawabu yomuhagi na onyini oogwo alikumwanakula omutu obuteke nayanakula obuteka.⁴²Wenawena oogwo alamuha omowabo abache na echikombe cha amezi gokunywa agembeho hakuba onyini nomuheba obufela nibagambila onyini takwile kubulwa kwo muhada gwonagwona sawabu yoomwe.

¹Ahoyabele atakezile kumaliza kubeelekeza entumwa zoomwe ikumina babili akazenda kwegesa no kubeelekeza omuma. ²Boma gabo na Yohana ahoyabele alyomwegeleza akahulile ali ahalugulu lwebikolwa biimwa kristo, akalagiza empola kulabila hantumwa zoomwe. ³Nabakamubuza iwe niwe oleza nali henondi tumutegamilile.⁴Muzekumugambila Yohana obyo mulikubibona nebyo mulikubihulila. ⁵Ababembe abantu atakuweza ni bahweza abalema nibalibata nibachila abatakuhilila nibahulila abafile nibazoka abalikwenda nibahoyelwa empola nzima. ⁶Afuhilwe atakubona ebibi halinye.⁷Habuchilo abantu aba ahobazenzile yeezu akabanza kuhoya nembaga habwa Yohana nichila mulikwenda kuleba omumbuga amanyansi niganeganiswa no muyaga. ⁸Naabwaachi mkaza kuleba omuntu azwele kuzima obukomentelela bwaabo balikuzwala emeyenda mizima bekala omunzu zabatemi.⁹Naho mkazenda kuleeba biha omuhangi eego nabangambila ensumbuso yo muhangi. ¹⁰Ogu niwe yayandikilwe leeba natuma entumwa yanze omumenso gawe, ogwo alamuza omuhanda gwawe omumenso gawe.¹¹Iinye nibagambila obukomela abobazelwe nomukazi taliho mkulu kuchila Yohana mubatizaji naho ogwalimuto omububuzizi bwo mwigulu ni mukulu kuchila wenyini. ¹²Kuluga habilo bya Yohana omubatizaji mpaka obu obuzizi byo mwiguru no bwa mali na baantu ba amani babuu twala kwa amani.¹³Habwo kuba ababasi omubuhabya bakahanga habwa Yohana. ¹⁴Kamulaba mwekilize oogu ni Eliya ogwali aata. ¹⁵Ogwo ayine amatwi gokuhulila na ahulile.¹⁶Nzinganise nabiha nzalilwaaze na habwe ehisuso cha baana abalikuzana hehi ne sokoni, abali kwikala nokwiyeta nokugamba tukabatelela. ¹⁷Efilimbi timulanegwile tukasubilila timulalizile.¹⁸Habwokuba Yohana akeza akabaatakulya omukate nokunywa omuramba nabagamba ayine isambwa. ¹⁹Omwaana wa Adamu akeza nalya nokunywa leeba no muntu omilinomuywangi banywanibye nabalihisa bobushulu na beena ebiheno habwisima nilimanyiswa nebikolwa byoomwe.²⁰Yeezu akabanza kuhana omubabona habwebikolwa byabo bibii ebyakozilwe habwokuba bakabachili kwikiliza. ²¹Naho iiwe kolazi naho iiwe Bethsaida kabyakukozilwe ebikolwa bikulu Tiro na Sidoni bya kukozilwe aha bakuba bakezile kala no kuzwala amagumila no kwisiga amazu. ²²Naho nikuba kuvumilia kwo mwa Tiro na Sidoni echilo cho muzwakizo gutari gwawe.²³Iiwe Kapernaumu, noziloti no hanamikwa omwigulu nakatinotulwa ahansi okuzimu nkokwo Sodoma hakukozilweyo ebikolwa bikulu okokwo byakozilwe haliwe bikabela biliho mpaka lelo ²⁴Neeba hachili eensi ya Sodoma kwimelela echilo cho muchwaziko kuchila iiwe.²⁵Habwobuchilo oobwo yeezu akabagambila nokumweenda wenyini Tata na Bwana wo mwigulu nensi habwokuba akabaselekela ebigambo eebii ebitegelize nokubafundulila abatene ubutegelela nkabana bato. ²⁶Tata habwokuba okasemelelwa ebyo omumenso gawe. ²⁷Ebigambo byona nkahabwa iinye kuluga hali tata taliho alikumumanya omwaana wenawena omwaana oogwo ayine enamba yo kumufundulila.²⁸Mwize halinye mweena abo mulikwagalala nokulemelelwa nenye nimba humuza. ²⁹Tumukulatile wenyini na twiyege kuluga hali wenyini habwokuba inye ndyomufula womuganya nimuboona kuhumula ne myanya zeenyu. ³⁰Habwokuba omukoba gwaanze nigwoloba nomulingo gwauze ni guhululuka.

¹Habuchilo oobwo yeezu yazenzile echilo cha Sabato kuhingula omumashamba.Abegeswa boomwe bakabeena enzala bakabanza kuhenda amati ga amapo nokugalya. ²Naho Abafarisayo kibabweenebyo bakamugambila yeezu leeba abegeswa bawe bahena kukola echilo cha sabato.³Naho yeezu akabagambila timukasomeli Daudi ebyoyakozile habuchilo obuyabele ayine enzala nabo yabele ayinabo. ⁴Nokwo yatahile omunzu ya muungu nokulya emikate yokwolekeza ezo ekabatali bwolekela bwo mwegesa.⁵Muchali kusoma akekalile ankanikwo echilo cha Sabato abategeki omunzu ye kelezia bazihabya Sabato naho tibeene akabi. ⁶Nahonigamba halimwe ogwo ni mukulu kuchila elekezia aliho ahaa.⁷Kamwa kubele ni mumanya oti nimanyisa biha timwa kubachwazikile abatene ne kabii. ⁸Habwokuuba omwaana wa Adamu niwe Bwana wa Sabato.⁹Naho yeezu akalugaho aho yazenda hikelesia lyabo. ¹⁰Leeba hakahena omuntu azigamile omukono. Mafarisayo bakamubuuza yeezu kwokugamba ni kuzima kuchiza echilo cha Sabato ili badule kumusitaka habwokukola ebibii.¹¹Yeezu akabagambila nohi omulimwe ogwo akwile kuba ayine entama eemo nezo ntama ekwaga omulina echilo cha Sabato timukukwata nokuzihamo omulina. ¹²Nichiha echilikweendwa kuchila entama naho nobukomela kukola ebizima echilo cha Sabato.¹³Naho yeezu yamugambila ogwo muntu Golola omukono gwawe akagugolola gwachila nkwoko guli oguundi. ¹⁴Naho Abafarisayo bakasohola ehelu kumunyega bamusise bakasohola ehelu kumunyega bakanibalonda kumwita.¹⁵Yeezu kuyamanyile ebii akalugaho aho abantu beengi bakamukulatila nokubachiza boona. ¹⁶Akabatuma batakwiza kumukola amayike na habandi. ¹⁷Naho chihikilile echabele chigambilwa no muhangi Isaya, akagamba.¹⁸Leeba omukozi waanze hali wenyini omuganya gwanze gukasemelelwa ninta omuganya gwaanze halugulu yoomwe nokubamanyisa omuchwaziko hamataifa.¹⁹La kwagalala nali kulila kwa amani nali omuntu wenawena kuhulila ilaka lyomwe omumituro. ²⁰Takulihenda itete elichibwile takuzimanya olutambi lwonalwona olulikusohoza elinka mpaka kalaleta echaziko ekasunga. ²¹Namataifa kabalaba abagimi hizina lyomwe.²²Omuntu obunanka ahumile no mutita alwazibwe amasambwa akaletwa omumenso ga yeezu akamuchiza naho habwebyo omuntu omutita akagamba nokubona. ²³Omukobo gwona habakumanya nokugamba akwile kuba omuntu oghunomwa umwa Daudi?²⁴Naho akachilo Abafarisayo kibahulile ebikolwa ebi bakagamba ogu omuntu takwihaho ebipande kwa maani ga wenyini naho kwa amani ga Belizebuli mukulu we bipande. ²⁵Naho yeezu akamanya ebitekuza byabo nokubagambila bulibukama obwegabile bwenka bukabiha bulibona nali enzu eyegabile yonka tikwimelela.²⁶Naho Setani kusiga ya mwihaho Setani basi nayihakanisa wenka omumuganya bwawenyini. ²⁷Nahabwaachi obukamabwe nibwemelela nakandaba ninyihaho ebipande kwa amani ga Belizabuli abakulatize beenyu nibehaho kwizina lyohi habwebi ni baba abalamuzi benyi.²⁸Naho kandaba ninyihaho ebipande amani garoho wa muungu basi obukama bwa muungu bweza halimwe. ²⁹Nomuntu nadulata kutaha omunzu yomuntu wa amani no kwiba ebintu kuluga omunzuye. ³⁰Wenawena atalihamo nenye ogwo timuzenzi wauze, nogwo alakusumbwa hamo nenye oogwo nasambaza.³¹Naho nigamba halimwe habwe chiheno nigayo abaantu nibaganyila naho kumugaya roho mtakatifu timu kuganyilwa. ³²Wenawena alikugamba ebigambo hakuhindula hamwanomwa Adamu ebyo na ganyilwa naho oogwo alikugamba hakuhindula hali roho mtakatiifu ogwa takuganyilwa omunsi eezi nali aliza.³³Nali okole omuti muzima nolusumo lwamo luzima naliogubishe omuti omuti nolusumo lwago habwokuba omuti gumanyikana kwo busumo bwagwo. ³⁴Iimwe chizwala chenzoka iimwe mulyabafu mukadula muta kugamba ebigambo bizima habwokuba omunwa gugamba ebilikuluga omumuganya. ³⁵Omuntu muzima habubiko bubi bwomoyo gwe hasohoza ebibi.³⁶Nimbagambila nkanikwo echilo cho muchwaziko aabantu balasohoza ehesaabu ya kila chigambo echitene nsonga echo bagambile. ³⁷Nahabwa bigambo byawe nopetelwa kuganyilwa nahabwe bigambo byawe nochwazika.³⁸Naho abandiki na Mafarisayo bakamubuuza yeezu kwokugamba mwegesa twantwenda kubona ebikolwa kuluga haliwe. ³⁹Yeezu akabasubiza nokubagambila chizalwa chibi cho luhagali nichilonda ebikolwa. Naho tichiliho echikolwa echilasohozibwa halibonyini luundi echikolwa chimwa Yona Nabii. ⁴⁰Nkanikwo nabii Yona okwoyabele omunda yenfi mpango habilo bisatu ihangwe no muchilo okwonikwo omwaana wa Adamu alaba omunda yomoyo gwensi habilo bisatu ihangwe no muchilo.⁴¹Abantu baninawe balemelela omumenso gomuchwaziko, habwokuba bakekiliza kwa mahubini gumwa Yona, leba omuntu obunanka ni mukulu kuchila Yona aliho aha.⁴²Malkia wo bugwa alemuka hamuchwaziko hamo na abantu be chizwala echi no kuchichwazika akeza kuluga mwiisho gwensi kwiza kuhulila obuleka bwomwa Selemani na leeba omuntu obunanka ni mukulu kuchila Selemani aliho aha.⁴³Echipande chibi kichikumulugaho omuntu chihungula ahatrna ameenzi nichilonda kuhumula naho takuahabona. ⁴⁴Naho akagamba indasuba ahanzu yaanze ahonaluga kachisubaho chisanga eenzu yamuzibwe eli kuzima. ⁴⁵Male bizende kuleta ebindi ebipande msaanzu bibi bwoli kuchila byonyini bize kutula aho nehali yoomwe ebambi bwoli kuchila yokubanza byabaho bita habwachi nikwo bilabaho hachizalwa eechi chibi.⁴⁶Habuchilo yeezu obu yabele nahoya ne mbaga leeba nyina na badugu be bemelile ahelu mbalonda kuhoya naze. ⁴⁷Muntu omo akamugambila leeba maha wawe na badugu bawe bemelile ahelu nibalonda kuhoya newe.⁴⁸Naho yeezu akabasubiza no kubagambila aya mumanyisa maha wanze nohi na badugu banze ni bali. ⁴⁹Nohi ayagolwele omukono gwomwe habegesibwa nokugamba leeba aba nimaha na badugu banze. ⁵⁰Habwokuba wenawena alikukola ebilikwendwa na Tata wanze ali omwigulu omuntu ogu niwe mudugu wanze munyanyenye na maha waanze.

¹Hachili eecho yeezu akaluga hamuka no kwikala omungilingili ne nyanza. ²Omukobo muhango gukesumbya kwo kumuzongoloko akataha omugatiyobwato nokwikala omukobo bona bakeme lela omungilingili ye nyaanza.³Naho yeezu akagamba ebigaambo bingi kwe bisusana akagamba leeba omuhambi ayazile kuhamba. ⁴Ahoyabele nahamba embibo ezindi zikalagala hangilingili no muhanda enyonyi zikeza zazigodagoda. ⁵Embibo ezindi zikalagala halugulu yibale ohozikabulwa itakalingi nkahonahona embibo zikamela habwo kuba itakalikaba litalilingi. ⁶Naho izoba kilyasohwele zikochibwa habwokuba zitazitene mizi nokwoma.⁷Embibo ezindi zikalagala hamuti zamahwa emiti ya mahwa ekaleha olugulu nokuzikuba. ⁸Embibo eziindi zikalagala hitaka lizima no kuzala embibo ezindi igana limo bwoli ezindi makumimukaga ne zindi makumiasatu. ⁹Owaamatwi na ahulile.¹⁰Abegesibwa bakeza no kumugambila yeezu habwaachi no hoya nomukobo kwebisusao. ¹¹Yeezu akabasubiza kwokubagambila muhelwe okwendezibwa kwo kumanya ebiselekile byobu kama bwo mwigulu naho aabo tibalahelwe. ¹²Naho wenawena ogwo ayina cho hawomwe wenyini alayongezibwa kaandi no kubona enzalilwa mpango naho oobwo atenacho neecho aliba nacho alasakulwa.¹³Nikwo ndikuhoya nabo kwebisusana habwokuba nibabona tibakubona ubukomela iinga nibahuli, la tibakuhulila nalikumanya. ¹⁴Obuhangi bumwa Isaya bukahika halibonyini obuligaamba buti kamulahulila muhulile naho habwebyo byoona timukumanya habuchilo nimuleba mwaka boona naho habwebyo byona timukumanya.¹⁵Nemiganya ya abaantu aba yabele ensimbazi nichiguma kuhulila na bahumilize ameeso gabo nabatakudula kubona kwa ameso gabo nali kuhulila kwa amatwi gabo nalikumanya kwo muganya gwaabo naho bakahindukile nakabachilize.¹⁶Naho amenso genyi gabalikiwe habwokuba nigabona namatwi genyu habwokuba nigahulila. ¹⁷Tibisuba nabagambila abahangi bengi na bantu bakabene eenamba yokubona amagambo agomulikubona na tibaladulize kugaboona bakanibenda kuhulila amagambo ago mulikuhulila tibalagahulile.¹⁸Obu muhulilize echisusanocho muhambi. ¹⁹Habuchilo wenawena ahulila echigambo cho mukama na atakuchimanya nihoomufu ayiza kuchisakula echihambila omumoyo gwe ezi nembilo eyahambilwe hehi no muhanda.²⁰Wenyini ahambilwe hibale nogwo alikuhulila echigambo nokuchanankula kwo kunulilwa. ²¹Achalitayine mizi omugati ye nahobalindilila hakanya kaache hakanya kebyagaloza no lwagalaro kabili kwiza habwechigambo bakumpa wangu.²²Ayahambilwe hamiti ya mahwa nogwo alikuhulila echigambo no kwiyagalaza omulyezinsi nobubehi bwobutungi nokuchikuba echigambo chitakwiza kuzala obusumo. ²³Aya hambilwe hitaka lizima ogu nogwo alikuhulila echigambo no kuchimanya ogu nogwo alikuzala obusumo kamo omuligana, ezindi makumimukaga ezindi makumi asatu.²⁴Yeezu akabaha echisusano echindi kwokugamba obukama bwomigulu ni bususaniswa no omuntu ayahambile embibo nzima omwishamba lyoomwe. ²⁵Naho kibahunile omubi womwe yeeza kuhamba omwata hagati ye ngano yamala yazenda lwomwe. ²⁶Omwanya engano kiyamezile nokusohoza enyaso zoyo niho omwata gwa manyikile.²⁷Nabakozi bakanyina ishamba bakeza kumugambila bwana tolahambile embibo nzima omwishamba lyawe byabaho bita habwachi lineomwata. ²⁸Akabagambila omubisa niwe yakola eebi. Abakozi bakamugambila mbweenu noyenda tuzende kugakula.²⁹Owishamba akagamba imahi obuchilo bwokugukula omwata mulakula hamo ne ngano. ³⁰Muguleke gukule hamo mpaka obuchilo bwo kuhembula, obuchilo bwokuhembula ndagamba habahembuzi mubanze mukule omwata hokugukoma emigambo migamba nokugwocha, naho musumbye engano ochitala chanze.³¹Naho yeezu akabasoholeza echisusano echindi akagamba obukama bwo mwigulu nibususana nembibo za haladali ezo omutu kiyakuzikwata nokuzihamba omwishamba lyoomwe. ³²Embibo ezi ni habukomela ninche kuchila embiboezindi zoona naho kagumela guba muhango kuchila emimelo yona guba omutu enyo nyi zolugulu ziza kwombeka ebyali hamatabazi gagwo.³³Akabambile echisusano echindi kaandi obukama bwo mwigulu ninke chachu ezoyemuchibwe no mukazi nokuzitulaniza kwokwinganisa kasatu no busano mpaka bizimbe.³⁴Ebyabyona yeezu akabigamba hamukobo kwebisusano na etalihoemisusano tiya kugamba chonachona haliabo. ³⁵Echichika chiloti echagambilwe kuhingula haba hangi chidule kuhikilila aho yagambile. Ninfundula omunwa gwaanze kwe bisusano nigamba ebigambo ebyabele biselekilwe kuluga hamusingi gwensi.³⁶Naho yeezu akabaleka omukobo nokuzenda omuka abegesibwa boomwe bakamuzendela no kugamba tusasanulile echisusano cho mwata omwishamba. ³⁷Yeezu akabasumbuza no kugamba, ayahambile embibonzima ni mwana wa Adamu. ³⁸Ishamba nensi embibo nzimz aba na bana bomu bukama. omwata na bana bomubisa, no mubisa ayazihambile ni setani ³⁹Omwezo no muheluko gwensi. abahembuzi ni Malaika.⁴⁰Nkokwo omwala gulikusumbibwa nokwochibwa no mulilo ni kwo eliba hamuhem uheleluko gwensi. ⁴¹Mwana wa Adamu alatuma Malaika bomwe. nokusumbya kuluga omubukama bwomwe amagambo gona gakaletelezibwa ne biheno nabo balikukola ebiheno. ⁴²Balabanaga bona omwitanuru lyo, omuliro, okwo halaba heneokulila nno kusa ameno. ⁴³Niho abantu abakomela balayengelela nkizoba obukama bwomwatata wabo. owa matwi na ahulile.⁴⁴Obukama bwo mwigulu nibususa obubiko obuselekile omwishambaomuntu akabubona no kubuseleka. hamanulilwa gomweakazenda kuguzabyonaebiyabele ayinabyo no kuligila ishamba. ⁴⁵Kandi obukama bwo mwigulu ninko mntu alikusuluza alikulonda elulu ye thamani. ⁴⁶Habuchilo kiyazibwene eye thamani. akaguza bulichintu ocho yabele ayinacho, no kuzigula.⁴⁷Obukama bwo mwigulu ninko omutego guliomugati ye nyanza, gusumbya ebihangwa byona. ⁴⁸Kigwezwileabategi bakakwesa hachambo kibekele ahansi bakasumbya ebitu ebizimaomugali ye chombo naho ebitene thamani bakabinaga hala.⁴⁹Elaba eti hamuheluku gwe nsi. Malaika baleza kubalekanisa abaantu babi kuluga omulyabo ebene obukomela. ⁵⁰No kubanaga omugali yi tanuru lyo muliro, omwo halabamo kwalama no kusa ameeno.⁵¹Mwamanya amagambo gona aga? abegesibwa bakamusumbiza, ego. ⁵²Naho yeezu akabagambila buli mwandiki ogwoyabele omwesibwa wo bukama na susana kanyinenzu alikusohoza omububiko bwomwe ebintu ebisha nebyakala. ⁵³Yeezukiyamazile ebisusano byona ebyo halubazu olwo.⁵⁴Naho yeezu akahika omumu kowa gwomwe, yabegesa abantu omwisinagogi emilungile yaho nokusobelwa nokugamba ni nkahi omuntu ogu yabona isima liti nobuzizi buti ⁵⁵Omuntu ogu to mwana umwa Selemani? Mariamu tiwe nyine na badugu bomwe tiboba Yakobo, Yusuphu, Simoni na Yuda? ⁵⁶Nabanyanya twinabo aha hawetu? Basi omuntu ogu yagabonahi aga gona ?⁵⁷Akabatamisa. naho yeezu akagambila omuhangi takulwa kubanisima hatali omwabo no munsi yabo. ⁵⁸Natala dulize kukola obudula habwokuba bakaba tene kumwikiliza.

¹Habuchilo obwo Herodi akahulila empola za Yeezu. ²Akabagambila abakozi boomwe oguni Yohana mubatizaji yazoka kuluga omubafile habwokuba amani aga galihalugulu yoomwe.³Habwokuba Herode akaba yamukwasile Yohana amukoma noku munaga omuchifungo habwokuba Herodia mukafilipo na munyanya woomwe. ⁴Habwokuba Yohana akamugambila tikuzima kumutwala wenyini abe mukawe. ⁵Herode yakamwisile akabatina abantu habwokuba bakani bamubona Yohana no muhangi.⁶Naho hachilo chokuzalwa Herode kichahikile muhara wa Herode akanegula hagati ya abantu no kumunuliza Herode. ⁷Hakubasubiza akamuha ebilagano namuha chonachona echo alasaba.⁸Kiyamuchwele nyina womwe akagamba mpa iinye echikombe omutwe gwo mwa Yohana mubatizaji. ⁹Omukama akazolelwa habwokusaba kwo muhala naho habwechilagano chomwe habwabo babele bali habokula hamo nawe akalagiza nkokwo ni chendwa chikolwe.¹⁰Akalagiza Yohana aletwe kuluga omuchifungo. ¹¹Nkaniko anogolwe omutwe gwomwe na gukaletwa halugulu yisinia na akahabwa omuhala na akamulwalila nyina womwe. ¹²Naho abegesibwa bomwe bakeza kugulonda ogwo mubii no kuguzika kalya hwele eli bazenda kumugambila Yeezu.¹³Nawe Yeezu kiya hulile ebii akesolora kulugaho aho akahanama omugati yi tanga akazenda olubazu olusolwele obuchilo omukobo kibamanyile ahoyabele ali baka mukulatula lwamagulu kuluga omwiboma. ¹⁴Naho Yeezu akeza omumunso gabo aka gubona omukobo muhango akababonela embabazi no kuchiza abalwele babo.¹⁵Akebazo kihakikile abegesibwa bakeza hali wenyini nokugamba, olunolubazu lwe embuga yo bwoma nechilo cha hingula.¹⁶Naho Yeezu akabagambila, tibene kantu kuzenda. Mubahe imwe ebyokulya ¹⁷Akabagambila aha twinago emikate etano nenfi ibili ¹⁸Yeezu akagamba Mzilete halinye nkokwo.¹⁹Yeezu akabankometeleza omkobo kwikala ahansi ya manyansi. Akakwata emikate etano ne nfi ibili Akaleba omwigulu, akabaliki no kumega emikate akabaha abegesimbwa bakaguha omukobo ²⁰Bakalya bona nokuhaga, mara bakasumbya ebinogoka byona bye ebyokulya no kwizuza ebikapu, kumi na bibili ²¹Abobalile bakasusanisibwa kuba abakwata ebihumbi bitano bila kupetwa abakazi na abana.²²Mara akabahatika abegesibwa batahe omugati ye ngama, habuchilo obwo wenyini akabalaga omukobo bazende ²³Hakubalaga omukobo bakazenda. akahanama olugulu omwibanga kusaba wenka. Habuchilo bwa akebazo akaba alyokwo wenka gurudu ²⁴Naho obu engama kiyahikile hagati ye nyanza neyumbayumba habwa makonzo. kwani omuyaga gu kaguli gwomuhingilo.²⁵Habuchilo bwe zamu ya kana Yeezu akabelilila nalibata halugulu ya amenzi. ²⁶Habuchilo abegesibwa bomwe kibamubwene nalibata hulugulu ye ngoza bakatina nokugamba nomuzima, nokugamba halugulu habwobutini. ²⁷Yeezu akabagambila kamo kwo kugamba, mwiche omuganya ninye mutakutina.²⁸Petro akamusubiza kwokugamba, Bwana kolaba oliwe ngambila inyize haliwe halugulu ya amenzi. ²⁹Yeezu akagamba iza nikwo Petro okalugamo omugati yengana nokulibata halugulu ya amenzi nokuzenda hali yeezu ³⁰Naho Petro kiyabwene amakonzo akatina no kubanza kwika ahansi aketa kwilaka no kugamba Bwana nzuna.³¹Bwangu Yeezu akagolola omukono gwomwe akamwimucha cha Petro nokumugambila iwe owengonzi nche habwachi olikwitimwa. ³²Niho yeezu na Petro batahile omungama no muyanga gukanogoka. ³³Abegesibwa omungama bakamulamya yeezu nokugamba, obukomelwa iiwe olyomwana wa muungu.³⁴Nakibagobile bakahika omunsi ya Genesareti. ³⁵Nabantu kibamumanyile yeezu bakatuma empola buli lubazu lwengingili nokuleta ayabele alwele. ³⁶Bakamusaba oti bakunduge ipindo lyomwe nda gomwe na bengi bakakunduga no kuchizibwa.

¹Niho abafarisayo na abeegesa be ebilagilo bya Musa bakaluga Yeruzaleemu beeza hali Yeezu, baamubuuza bati, ²Habwaachi abaheemba baawe nibahenela obuteeka oobwo besiichwe enkulu bakatusigila? habwaachi nibalya ebyookulya obutanaaba engalo zaabo nka nikwo elikweendelwa! ³yeezu yaabagalulila aati, habwachi ne emwe nimuhenela ebilagilo bya Muungu habwo kukulaatila obuteeka bwaanyu?⁴Muungu akagaamba,obakuze iiso na nyoko. kaandi akagaamba, weena weena oogwo alikuzuma iise nali nyina, kufwa na aafwe. ⁵naho iimwe omu kwegesa kwaanyu mugaamba nka nikwo, omuuntu naayikililizibwa kumugaambila iise nali nyina, nka nikwo, ebiintu eebyo ebilikukugasa iinye kukuhwela, naamazile kubisohoza ahali Muungu nke echitaambo. ⁶bityo nimweegesa nka nikwo omuuntu takweendelwa kumukuza iise nali nyina. nikwo musuucha echigambo cha Muungu habwokukulatila obuteeka bwaanyu.⁷Iimwengobya mwe Muungu akagaamba mazima ha bweenyu mazima kulabila omubaasi woomwe Isayanka nikwo. ⁸Abaantu aaba nibaankuza aha bigaambo kwoonka, naho emiganya yaabo eli hala neenye. ⁹nibaanyeseenga busa, habwo kuba amagambo aago balikweegesa ne ebilago bya abaantu.¹⁰Niho, yeezu kweeta embaga ya abaantu, yaabagaambila aati. ¹¹Nimuhuliilize mweetegeeleze, na musoombookelwe amagaambo aago ndikubagaambila echiza omu kanwa ticho chimulofola omuntu. Naho amagambo aago nigaluga omu kanwa koomwa, nigo agali kumukola omuuntu kuba omulofo.¹²Niho abaheemba ba yeezu baazeenda hali weenyini, baamubuuza bati, ngasi noomanya abafalisayo obuchilo bahuliile omulagi gwe echigaambo chaawe, gukabatamisa bwooli. ¹³Yeezu yaabagalulila aati, emimelo yoona eezo taata wo omu igulu talazihaambile naazinyikulu. ¹⁴Aabo nimubaleke, abahume abalikweebeembelela abahume manya, omuhume keeyebeembelela umuhume, boona babili nibagwa omu liina.¹⁵Mbweenu peetero yaamugaambila yeezu aati, tugaambile entaahililo yo gwo mugan. ¹⁶Yeezu yaagaamba aati, ngasi, iimwe muchili abaloogwezi muti. ¹⁷Timumanya echiza omu kanwa, ka chilabila omuunda chikazeenda kusohola omu mubili.¹⁸Naho ebiluga omu kanwa ko omuuntu, biba bilugale aha muganya gwoomwe. eebyo nibyo ebilikumukola omuuntu kuba omulofo. ¹⁹Omu muganya gwo omuuntu, oomwo niho biluga ebiteekuzo bibi, byo obwiisi, obusegi obuseegu olukono, obubona bwo kuteeleleza obisuba no kulyogooza. ²⁰Goona aago nigo gamukola omuuntu kuba omulofo. naho omuuntu kulya ebyookulya atabaandize kunaaba engolo tikukumukola kuba omulofo.²³²¹Male, Yeezu yaalugaho aho, yaazeenda obwaatana bwe ebyaalo bya Tiilo na Sidooni. ²²Niho yaabugana no omukazi oomo, oogwo, akaba ali Omukanisa wo omu chaalo echo. Yeezu hali Yeezu, yaayaambaza ahi ilaka lihaango aati, Iiwe Mukama, Mutabani na Daudi, onzilile echiganyizi! Muhala waanze atuungamiilwe bwooli nizimu libi. Naho Yeezu talamugaluliile echigaambo choona choona. Niho, abaheemba boomwe baamwiizaho no kumusaba bati, Omugaambile ogu mukazi azeende, ha kuba naatukulaatila enyuma kunu naatuhama.²⁴Yaagalula aati, Muungu akaannsiindika habwa Abaiziraeli boonka, habwo kuba bali nke entaama eezo ezaahabile. ²⁵Omukazi ogwo yaamwiililaho Yeezu, yaateela ebizwi omu meeso goomwe, yaamusaba aati, iiwe Mukama, onzune! ²⁶Yaamugalulila aa, Ti kuzima kutwaala ebyookulya bya abayaanda no kubinagila eembwa.²⁷Omukazi ogwo yaamuzila aati, Nikwo bili Omukama, naho no no oobu eembwa nazo nizilya amasige aagoagalageele ahaansi kuluga aha meeza ya abakama baabo. ²⁸Yeezu yaamugalulila aati, iiwe mukazi, oyina okwiikiliza kuhaango chibe hali iiwe nka nikwo olikweenda. ahonyini, omuhala yaachila.²⁹Yeezu yaaluga aho, yaazeenda kulabila omu ngeegeelo ye enyaanza ya Galilaaya. Yaahanama omuibaanga no kwiikala ookwo. ³⁰Ebipipi bihaango bwooli byaazenda hali Yeezu, bamuletela enziingami, abahume, abalema, abatita na abalweele abaandi beenzi. Abaantu abo baabata abalweele heehi na amagulu ga Yeezu, nawe yaabachiza. ³¹Abaantu baasobelwa bwooli obuchilo kabaabweene abatita nibagaambagaamba, abalema bachizile, enziingami nizilibata na abahume nibahweeza. Baabaanza kumukuza Muungu wa Abaiziraeli.³²Niho Yeezu yaayeta abaheemba be, yaabagaambila aati, ''echi ne echilo cha kasatu abaantu aba tweekeele nabo, nobu tibachiina choona choona echookulya, nicho chaambonesa mbazilile echiganyizi. Tiinkweenda mbalage bazeende beena enzala, bateeza bakalaba bakagwa omu muhaanda. ³³Abaheemba boomwe baamugaambila bati, tuli omu iluungu, na abaantu ni beenzi bwooli. Ngasi, tukaahicha kubonesa nkahi emikaate eezo ehikile ha kubahaagisa boona. ³⁴Yeezu yaababuuza aati, mwiina emikaate engahi. Baamusubiza bati, Twiina emikaate musaanzu no otufwi tufwi tuche kwoonka. ³⁵Mbweenu, Yeezu yaalagila abaantu boona nka nikwo beekale ahaansi.³⁶Yeemucha emikaate musaanzu ezo ne eenfwi ezo, yaasiima Muungu. Niho, yaagumenyula, yaabaanza kubaha abaheemba boomwe, nabo abaheemba baaheeleleza embaga ya abaantu. ³⁷Abaantu boona baalya, baahaaga. Niho, abaheemba baatulaaniza amasaaga ge ebyookulya, beezuza ebitukulu musaanzu. ³⁸Abaantu aabo abaliile ebyookulya eebyo bakaba bali abaseeza ebihuumbi bina, bateena kubala abakazi na abaana. ³⁹Mbweenu, Yeezu yaabalaga abaantu aabo, yaataaha omu bwaato, yaazeenda omuli Magadani.

¹Niho Abafarisayo na Abasadukayo beeza hali Yeezu, baamuleengesa ha kumusaba akole olumanyiso kubooleka boonyini nka nikwo atweekilwe na Muungu. ²Yeezu yaabasubiza nka nka nikwo, obuchilo bwo Ti kuzima kutwaala ebyookula bya abayaanda no kubinagila eembwa. Abayahudi bakagaamba abayaanda niyo kumanyisa Abayahudi. kaandi, bakagaamba Eembwa niyo kumanyisa aabo abatali Bayahudi. Olweebazo, iimwe nimuhicha kugaamba muti, Nyeencha obwiile nibuchaze, habwo kuba igulu lyaatukula.³Kaandi obuchilo bwe enchaakala nimuhicha kugaamba muti, Leelo omuyaga nigwiiha, habwo kuba igulu litukwiile no bwiile buhiikile.Bityo kasi, iimwe nimumanya kusombookelwa akaleebele ko obwiile naho nimulemwa kweetegeeleza emanyiso za akachilo. ⁴Limwe no oluzaalo lubi lwa abaantu abaheni na timuli abeesigwa omu meeso ga Muungu, niyo nsoonga nimweenda olumanyiso lwoona lwoona. Naho olumanyiso lumo oolwo mulaabona ni nko ookwo Muungu akakola aha mubaasi Yona. Niho Yeezu yaabalugaho, yaazenda.⁵Mbweenu, abaheemba ba Yeezu bayaambuka buseeli bwe enyaanza, naho bakeebwa kuzeenda ne emikaate. ⁶Yeezu yaabagaambila aati, Mube meeso, mweecheenge ni ituumbyoa lya Abafarisayo na Abasadukayo. ⁷Abaheemba boomwe baabaanza kuteekateeka bati, Naagamba aatyo habwo kuba titwaaleta emikaate. ⁸Yeezu akamanya ebyo?⁹Kuhika oobu, muchaali kusombookelwa timukwiizuka nka nikwo abaantu ebihuumbi bitaanu bakahaaga emikaate ezo itaanu amasaaga mukeezuza ebitukulu biingahi ¹⁰Nali timukwiizukila aha mikaate ezo musaanzu ha baantu ebihuumbi bina amasaaga mukeezuza ebitukulu biingahi.¹¹Habwaachi mwaasiingwa kusombookelwa nka nikwo aaga naagaamba ti habwe emikaate mbweenu, eecho ndikugaamba ni nka nikwo, mweecheengeni ituumbyo lya abafarisayo na abasadukayo. ¹²Niho, abaheemba boomwe kusombookelwa nka ninkwo akaba atakuhooyela ha kweecheenga ni ituumbyo lyo kutuumbisa emikaate, naho ha kweecheenga na ameegesoge ebisuba ga abafarisayo na abasadukayo.¹³Obuchilo yeezu yaahikile aha lubazu lwe echaalo ahakaba niheetwa kaizaaria filipi, yaababuuza abaheemba boomwe aati, abaantu nibagaamba nka nikwo, iinye mutabani wo omuuntu, ndyooha. ¹⁴Baamusubiza bati, abaandi nibagaamba nka nikwo iiwe niwe yohana omubatiza, abaandi nibagaamba nka nikwo iiwe niwe eliya na abaandi nibagaamba nka nikwo iiwe niwe yelemia nali, oli 0mubaasa oondi wakala wa muungu. ¹⁵Yeezu yaababuuza aati, ngasi, neemwe nimugaamba iinye ndi ooha. ¹⁶Simoni peetero yaamugalulila aati, liwe ni iiwemisihi, omutabani wa muungu ogwo ali omulame.¹⁷Yeezu yaamugaambila Peetero aati, liwe simoni mutaani wa Yona, oyine omugisa, habwo kuba taliho omuuntu weena weena ayaakufuundulila amazima aga, naho ni Taata owo omu igulu. ¹⁸Neenye nniinkugaambila nka nikwo iiwe niwe Peetero, na ahali oolu luchili, niho ndaayoombeka ekelezia yaanze, na amagala go olufu tigakuzisiinga nakati.¹⁹Ndaakuha iiwe hanu enchiinguzo zo obukama bwo omu igulu, na goona aago olikoma omu nsi eezi, nawe Muungu naaba yaagakoma kuluga omu igulu. Kaandi, goona aago olikomoolola omu nsi ezi, nawe Muungu naaba yaagakomoolola kuluga omu igulu. ²⁰Niho Yeezu yaabahana abaheemba boomwe nka nikwo, bateeza kumugaambila omuuntu weena weena nka nikwo wenyini niwe Masihi. Ituumbyo omulimo gwaalyo no kutuumbisa obusaano bubone kutuumba. Bityo nyini ameegeso ge ebisuba nigasiisa boona omu kubeehwa. Aaha, Yeezu nayiinganisa ituumbyo eelyo na kusunika kubi ookwo. Abafarisayo na Abasadukayo bakaba nibakola ha baantu. Obusuniki bwa Abafarisayo bukaba buli obwa ameegeso ge ebisuba. Habwo obusoombozi bwooli osome Obusoombozi habwa Amagaambo Agagumile. Nikwo kugaamba Luchili.²¹Kulugiilila akachilo aako nyini, yeezu yaabaanza kubateekelela abaheemba boomwe butunu aati, Nilwaampaka nzeende omuli yeruzaleemu, no kubona ebyaagalalo byo obusaasi bwiinzi. Kaandi ni lwaampaka nnyagalazwe na abanyaampala ba Abayahudi, na abakulu ba abagabe ba muungu na abeegesa be ebilagilo bya musa, kuhicha nnyitwe. Naho echilo cha kasatu,mazima muungu alyaanzoola. ²²Niho, peetero yaatwaala yeezu ha lubazu, yaabaanza kumuchaahukila aati Iiwe mukama, muungu agahigize ago hala gataakwiiza gakakusaanga iiwe ago ²³Naho yeezu yaamuhiindukila peetero, yaamugaambila aati, Iiwe isitaani, galuka enyuma yaanze nooleengesa kuunnyaangila kukola aago Muungu ayeenda, habwokuba, ebiteekuzo byaawe ne bya abaantu kwoonka naho tibya Muungu.²⁴Mbweenu, yeezu yaabagaambila abaheemba boomwe aati, kaalaamba omuuntu weena weena naaloonda kuba omuheemba waanze, naayeendelwa aleke kukulaatila ebiteekuzo byoomwe, asutule omusalaba gwoomwe, ankuulaatile. ²⁵Omuuntu oogwo alikwenda kuchuungulaobulami bwoomwe, niwe alyaabubuza. Nahoomuuntu oogwo alikubuza obulami bwoomwe ha bwaanze, ogwo niwe alaabubonesa. ²⁶Nyini omuuntu abona mugaso chi kaalabonesa byoona ebyo omu nsi enzi, naho akabuza obulami bwoomwe ? Oobu, omuuntu yaakaahicha kusohoza chiintu chi cho kubonesa kumusubiza obulami bwoomwe?²⁷Iinye omutabani wo omuuntu, ndeeza hamo na bamaleeka baanze omu ikuzo lya Taata. Niho ndimuheela kati muuntu kwiingana ne ebikolwa byoomwe. ²⁸Mazima butunu nniimbagaambila nka nikwo, heena abaantu omuli aaba abemeeliile aaha aabo tibalifwa bachali kubona iinye mutabani wo omuuntu niinyiza omu bukama bwaanze.

¹Obuchilo byaahiingwiile ebilo mukaaga, yeezu yeemucha peetero, yakobo na yohana omulumuna wa yakobo. yaahanama nabo omu ibaaga lila, ahaantu hakaba hateena baantu. ²Obuchilo bali aho, yeezu yaabahiinduka kuundi ensuso yoomwe omu meeso gaabo. Obuso bwoomwe bwaayaka nki izooba ne ebizwaalo byoomwe byaayela bwooli nko omwaanga.³Ahonyini, baabona musa na eliya nibagaamba gaamba naze. ⁴Niho peetero yaamugaambila yeezu aati, Iiwe mukama, ni kuluunzi iichwe tuliho aha. kolaayeenda, nyoombeke aha otutiindi tusatu. kamo kabe akaawe, akaandi kabe aka musa, na akaandi kabe aka eliya.⁵Obuchilo peetero atakamazile kuhooya, ahonyini leeba, lyeeza eliila eelyo lilikweengelela lyaabasweekelela. Niho bahulila ilaka kuluga omu liile eelyo niligaamba liti, ogu niwe mutabani waanze engaanzi, oogwo nnyesiimaho naze. Mumuhuliilize weenyini. ⁶obuchilo abaheemba boomwe bahuliile ago, baatiina bwooli, baagwa ahaansi buzuuma . ⁷Yeezu yeelila heehi nabo, yaabakwaataho, yaabagaambila aati, mwiimeelele, mutatiina. ⁸Obuchilo baayinamwiile ameeso gaabo, baabona tihachiina muuntu naho yaasigeeleho yeezu weenka.⁹Obuchilo bakaba nibamolomoka omu ibaanga aaho yeezu yaabalagila aati, mutaakwiiza kumugaambila omuuntu weena weena aago mwaabona kuhika obuchilo oobwo iinye, omutabani wo omuuntu ndaazoolwakuiuga omu bafwiile. ¹⁰Abaheemba abo baamubuuza bati, oobu habwaachi abeegesa be abilagilo bya musa bagaamba nka nikwo, ni lwaampaka eliya amweebeembelele masihi kwiiza.¹¹Yeezu yaabasubiza aati, nikwo bili, eliya naayebeembela kwiiza na alyaaloonza kuzima ebiintu byoona. ¹²Kaandi nniimbagaambila nka nikwo eliya yaamazile kwiiza, naho abaantu tibalamusoombookilwe, baamukolela goona amabi ookwo baabeele bityo nyini ne eenye omutabani wo omuuntu, nniinyagalazwa omu ngalo zaabo. ¹³Niho abaheemba boomwe basookelwa nka nikwo yeezu akaba naahooyela habwa yohana omubatiza.¹⁴Obuchilo yeezu na abaheembe boomwe kabaahikile aha mbaga ezo ya abaantu, omuuntu oomo yeeza hali yeezu, yateele ebizwi. yaagaambila yeezu aati. ¹⁵Liwe mukama, nniinsaba omuzilile echiganyizi omwaana waanze agwa ebisiimbo, ne endwaala ezo emukola ayagalale kubi bwooli, kuba entulo nyiinzi tayosa kweechekula omu mulilo nali kweenaga omu meenzi. ¹⁶Ndamuleetiile abaheemba baawe babone kumuchiiza, naho baalemilwe.¹⁷Yeezu yaasubya aati, limwe abaantu be enchilo ezi zo kwaanga kwiikiliza, mwaatumaangile kubi, nniinyikala ne emwe no kubeemela kuhicha li mumuleete omusigazi hali iinye. ¹⁸Obuchilo bakeezanaze, yeezu yaalagila izimu elyo likaba lili omuli weenyini, nalyo lyaamulugam. ahonyini, omwaana aba yaachila.¹⁹Niho abaheemba ba yeezu baamwiizaho aha kabazu, baamubuuza bati, habwaachi iichwe tukalemwa kulibiinga izimu eelyo. ²⁰Nawe yaabasubiza aati, na habwo kuba nimucheehelelwa okwiikiliza kweenyu mazima nnimbagaambila, kamwaakubele mwiina okwiikiliza okubalilila nko oluzuma luche lwe ehaladaali, mukaaligaambila ibaanga eeli nka nikwo, lugaho aaha ozeenda ookwo, nalyo lizeenda. bityo tichiliho echiintu eecho chilaabalema. ²¹hamo na ago, izimu nke eelyo tilikuhicha kubiingwa, naho kwoonka aha muhaanda gwo kusaba muungu ne echisiibo che ebyookulya.²²Obuchilo yeezu akaba ali hamo na abaheemba boomwe 0muli galilaaya, yaabagaambila aati, linye omutabani wo omuuntu ninkoongwa Na nibaanta omu ngalo za baantu, nabo balanyita. naho echilo cha kusatu, muungu naanzoola. ²³Abaheemba boomwe kabaahuliile aago nka nkwo naazoolwa, baazuzubalilwa bwooli.²⁴Obuchilo yeezu na abaheemba boomwe kabahikile omuli kaperinaumu, abaantu bunaanka abaabeele nibatobesa oluhaambwahabwe eenzu ya muungu, beeza hali peetero. baamubuuza bati, ngasi, omweegesa waanyu nawe aliha oluhaambwe lwe eenzu ya muungu. ²⁵Peetero yaabagalulila aati, nikwo bili, aliha. niho yaataaha omunzu. naho achaalipeetero atakagaambile echigaambo choona choona, yeezu yaabaanza kumubuuza aati, liwe simoni, iiwe noobona oota abakama abo omu nsi ezi batobesa oluhaambwe kuluga aha abaana baabo nali kuluga aha abaantu abaandi.²⁶Peetero yaamugalulilaaati, nibatobesa kuluga aha abaandi. yeezu yaamugaambila aati, keelaaba nikwo bili, mbweenu abaana baabo baganyiilwe kuliha oluhaambwe. ²⁷Naho tutaakwiiza kubaleetelela kutamwa abaantu aba, iiwe zeenda omu nyaanza, onage ilobo omu meenzi. niho eenfwi yo kubaanza eezo olakwaasa, ozaasamule omunwa, nosaangamo oomwo eshekeeli. male ozitwaale eshekeeli ezo, ozeende olihe oluhaambwe lwaanze no olwaawe.

¹Obuchilo oobwo, abaheemba ba yeezu baamwiizaho, baamubuuza bati, abandi boona omu obukama bwo omu igulu? ²No ooha mukulu kuchila yeezu yaamweeta omwaanamuto, yamweemeleza ahagati yaabo. ³Yaabagaambila aati, mazima butunu nniimbagaambila, keelaaba mutaakuhiinduka no kuba nka abaana bato, nakati timukutaaha omu bukama bwo omu igulu.⁴Bityo,omuuntu weena weena ali kweecheesha nko omwaana omuto oogu, ogwo niwe naaba mukulu omu bukama bwo omu igulu. ⁵Kaandi, omuuntu weena weena ogwo alikumwiinaankula omwaana muto nko oogu aha bwi iziina iyaanze, naanyiinaankula iinye. ⁶Naho kaalaaba aliho omuuntu ogwoakamuleetelela akole ebiheno oomo omu bato aabaabalikuunyikiliza, ni haachili hali weenyini akomwe olubeengo omu bicha no kutubizwa omu chitubi che enyaanza.⁷Nimweelooko yaanyu iimwe abaantu be eensi eezi, habwo kukola amaagambo aago galikuleetelela abaantu kukola ebiheno . Ebileengeso nibyo nibyeendelwa kubaho, naho nekoolo ha muuntu ogwo alikubileetelela ebileengeso eebyo . ⁸Keelaaba elya engalo yaawe nali no okugulu kwaawe nikwo kulikuleetelela kukola ebiheno, okunogole no okukunaga hala. Ni haachili otaahemo omu bulami bwo obucha no buchiile obuchilo oyina obulema, kuchila kuba ne engalo ibili nali amagulu abili, naho okanagwa omumulilo gwo obucha no obuchiile.⁹Kaandi, kililaaba ne eliiso lyaawe nilyo lilikukuleetelela kukola ebiheno, olikule no kulinaga hala, Ni haachili otaahemo omu obulami bwo bucha no buchiile obuchilo oyina eliiso limo, kuchila kuba na meeso abili, naho okanagwa omu lyoongoola lyo omulilo gwa kuzimu.¹⁰Yeezu yaazeendelela kubasoomboolela aati, Mube meeso, mutaakugaya oomo omu bato aaba, Nniimbagaambila iintyo, habwo kuba bamaleeka baabo bo omu igulu ookwo, obuchilo boona bali omu meeso ga Taata wo omu igulu. ¹¹Linye, Omutabani wo Omuuntu, nkeeza omu nsi mbone kubachuungula abaantu aabo baahabile.¹²Nimubona muta, Kaalaaba omuuntu ayina entaama igana limo, ne eemo omuli ezo ebuzile, naakola aata, Linti naazileka eezo makumi mweenda na mweenda omu ibaanga, no kuzeenda kuloondela ezo eemo ebuzile. ¹³Mazima butunu nniimbagaambila, kaalaazibona, naanulilwa bwooli habwe entaama ezo eemo, kuchila, kuchila entaama ezo makumi mweenda na mweenda eezo ezitalabuzile. ¹⁴Bityo nyini, Isiimwe ogwo ali omu igulu, takweenda nka nikwo no oobu oomo omu abato aaba abule, Akazeendele ko kuhana ogwo abuzile.¹⁵Kaalaaba omwiikiliza muzeenzi waawe akuheenile, zeenda omuhane obuchilo muli babili mweenka. Kalakuhunila, mbweenu nooba wabona kaandi omwikiliza muzeenzi waawe. ¹⁶Naho kaalaaba takakuhuliile, zeenda omutwaale omuuntu oondi oomo nali abaantu babili babone, Kubaho baalubona babili nali basatu bo kwaatula buli chiintu.¹⁷Na kaalaaba takubahuliliza aabo, zeenda kuziingaambila ekelezia. Kaalaabula kuzihulila ne ekelezia, mbweenu mumuleebe nko ookwo mumuleebaho ogwo atakwiikiliza Muungu nali oogwo ali omuhaambya.¹⁸Mazima butunu nniimbagaambila, goona aago mulikoma omu nsi eezi, nawe Muungu naaba yaagakoma kuluga omu igulu. kaandi, goona aago mulaagakomoolola omu nsi eezi, nawe muungu naaba yaagakomoolola kuluga igulu. ¹⁹Mazima butunu nniimbagambila kaandi nka nikwo, keelaaba babili omuli iimwe bakakuundilana omu nsi eezi kusaba echigaambo bunanaanka, Taata ogwo ali omu igulu naabakolela echigaambo echo. ²⁰Habwe ensoonga, keelaaba baliho no oobu abaantu babili nali basatu aabo bakobile habwi iziina lyaanze, ne iinye nibaho aaho hamo nabo.²¹Niho peetero yeeza hali yeezu, yaamubuuza aati, Iimwe mukama, kaalaaba omwiikiliza muzeenzi waanze anheniile, ninyeendelwa kumuganyila entulo ziingahi? No oobu kuguma kumuganyila entulo musaanzu? ²²Yeezu yaamugalulila aati, ninkugaambila, te entulo musaanzu kwoonka, naho omuganyile muzeenzi waawe obuchilo boona hateena kupeeta.²³Nniimbagaambila ntyo, habwokuba obukama bwoo omu igulu nibususana no omugani oogu. Akaba aliho omukama oomo ogwo akazeenda kupeeta aha bazaana bo obukama bwoomwe. ²⁴Obuchilo omukama yaabandize kupeeta, yaaletelwa omuzaana oomo ogwo akaba natoongwa empilya nyiinzi bwooli, nke etalaanta ebihuumbi ikumi. ²⁵Omuzaana oogwo taladulize kuliha ibaanza eelyo akaba natoongwa. Niho omukama yaabalagila nka nikwo omuntu oogu aguzwe hamo na omukazi woomwe,abaana boomwe ne ebiintu byoona eebyo akaba ayiinabyo, abone kuliha.²⁶Oogwo omuzaana yaatela ebizwi omu meeso go omukama, yaamuneembelela nka nikwo, niinsaba onzili obweeyomeleza, ninkuhilila ibaanza lyaanze lyoona. ²⁷Niho omukama wo oogwo muzaana yamuzilila echiganyizi, yaamulekula, ni ibaanza, yaalimuganyila.²⁸Obuchilo omuzana oogwo yaasohola ahelu, yaamusanga omuzaana muzeenziwe ogwo akaba amutiilize okubalilila kwe Edinali igana, Ahonyini yaamukwaata omu malaika yamugaambila nka nikwo, Lina ibaanza lyoona eelyo naakutiilize. ²⁹Omuzaana muzeenziwe yaatela ebizwi omu meeso goomwe yaamunembelela nka nikwo, niinsaba onzilile obweeyomeleza nikuhulila ibaanza lyaanze lyoona.³⁰Naho yayanga, yaazenda kumuboha muzenziwe omu ibohelo kuhicha obuchilo oobwo aliliha ibaanza lyoomwe. ³¹Obuchilo abaazana bazenzibe kababweene ebyaagwa, baazololokwa bwooli omu miganya yaabo niho bazeendaha mukama waabo no kuteekelela byoona ookwo byaabeleho.³²Niho omukama kumweeta omuzaana oogwo yamuganyile ibaanza lyoomwe yamugambila nka nikwo iiweolyo omuzaana omuzilwa, leeba obuchilo waantoozile nka nikwo ikuganyile ibaanza lyawe, nkakuganyila lyoona. ³³Ngasi iiwe tokuhatikwa kumuzilila echiganyizi omuzaana muzeenzi waawe nko ookwo iinye naakuziliile iiwe echiganyizi.³⁴Mbweenu omukama achaahala bwooli, amuta omu ngalo za ababoli bamuteeyeche, kuhicha obuchilo oobwo aliliha eelyo ibaanza lyoona. ³⁵Niho yeezu yaamala habwo kugaamba aati musoombookelwe nka nikwo no oobu tata ogwo ali omu igulu naabakolela ne emwe bityo nyini, keelaba mutakuganyila buli mudugu muzeenzi waanyu aha miganya yeenyu yoona.

¹Ekalugilila omubuchilo yeezu kayamazile ebigambo ebyo akalugaho Galilaya, yazenda omulubibi bwa Yudea,omumeso bo gomunona Jordani. ²abantu bengi bamukwatila yabachiza.³Abafarisayo bamuzaho bamulengesa, bamugambila ngasi nobuteka aha mintu kumleka mkaziwe aha sababu yona yona. ⁴Yeezu yasubya yagamba,timlasomele, nkanikwo wenyini ayabahangile ahabubandizo. Akabahanga omkwata no omkazi.⁵Kandi yagamba habwecho omkwata namleka ise na nyina no kuba hamo na mkaziwe, nabo babili balaba omubili gumo. ⁶Habwecho libabili kandi naho nomubili gumo. echo ya kwatanisize muungu omuntu wenawena atakuchitaganisa.⁷Bakamugambila mbwenu habwachi Musa akatugambila kusohoza etaraka no kumuleka. ⁸Yabagambila habwokuguma kwemiganya yenu Musa akabekililiza bakazi benyu naho buluga aha bubandizo bikabitaliho ebyo. ⁹Nibagambilanti wenawena alaleka mkaziwe etali ahabusihani, no kukumpula ondi nasihana.¹⁰Abegeswa bagambila yeezu, kabilaba bilibityo. Hamkwata nomkazi tikuzima kukumpula . ¹¹Naho yeezu yabagambila ti buli muntu alikuhicha kwanankwala amegeso aga naho nahalyabo bonka abekelilizibwe kwanankula. ¹²Habwokuba bataliho abazelwe kuluga omunda za banyinabo na kandi hena abakozilwe na bantu na kandi hena abatikwekola habwobutemi bwo mwigulu alikuhicha kwanankula amegeso aga aganankule.¹³Male yaletelwa abana bato abateleho emikono no kusaba naho abegeswa boomwe babangila. ¹⁴Naho yeezu yagamba, mubakundile abana bato, mtakubagambila kwiza ahalinye habwokuba obutemi bwo mwigulu no bwa bantu nkaba. ¹⁵Nawe yabalelaho emikono¹⁶Leeba omuntu omo yeza ahali yeezu no kugamba mwegesa ni chinluchi echizima echilikwendelwa kukola tubone no obuzima butahwa. ¹⁷Yeezu yamugambila habwachi nombuza ni chintuchi echizima.Hena omo wenka omtakatifu naho kolayenda kuba nobuzima kwata ebilagilo bya muungu.¹⁸Ogwo muntu yamubuza nibilagilochi yeezu yagamba, otakwiba, otakusihana, otakwiba, otakulengelela ebisuba. ¹⁹Bahi ishima Tata wawe na maha wawe. kandi omwenda mtuzi wawe nke nafisi yawe.²⁰Ogwo muntu akamugambila amagambo gona ago nagahulila na ichali ningenda. ²¹Yeezu yamgambila kolabanoyenda kukamilika zenda ozekuguza ebyo hinaby, abale abahabi noba ne hazina omwigulu male oyize onkulatile. ²²Naho omusigazi ogwo kayahulile ago yeezu yamugambila akalugaho ahorolokilwe, habwokuba akaba ayine ebintu bingi.²³Yeezu yabagambila abegeswa bwomwe mazima ni bagambila nchinguma aha muntu omuhite kutaha omubutemi bwo mwigulu. ²⁴Kandi nabagambila chikwile engamila kuhingula omwihulu lyolusinge, atali omuntu omuhite kutaha omubutemi bwa muungu.²⁵Abegeswa kabahulile ebyo basobelwe bwoli no kugamba nohisi alachunguka. ²⁶Yeezu yabaleba kandi yagamba aha baantu tichikwile naho ahali muungu byona nibyoloba. ²⁷Male Petro yamusubiza nokumugambila leeba tulekele boona nokukulatila iwe nichika echotulabona.²⁸Yeezu yamgambila mazima nimbagambila. Wenyini ankulatile inye, omuluzalo lusha obuchilo omwana wo mwa Adamu kalekala ahachitebe cho obutemi chii ikuzo lyomwe, nemwe mlekala ahaluguru ye ebilebe ikumi na bibili byo butemi, kuchwazika ekabila ikumi ne bili za Israel.²⁹Buli muntu wenyu ayakile enzu, mkuluwe, mnyanya, ise, nyina, abana nali ishamba. Habwiizina lyanze, alayanankula enturo igana no buzima butwaha. ³⁰Naho abengi abali abokubanza obu balaba bokuheluluka na abali bakuheleluka balaba bokubanza.

¹Ahasonga obutemi bwo mwigulu nibususana na kanyina wishamba lyomwe lyemizabibu. ²Akekiliza na bakozi edinali omo izoba akagwele akalagila omwishamba lyomwe lye emizabibu.³Akazeenda aha mwanya gwa amasaa asatu yabona abakozi abandi bemelile batena milimo omwigolilo. ⁴Yabagambila imwe nemwe mzende omwishamba lye emizabibu na chonachona echili egabo yenyu nimbaha bazenda kukola emilimo.⁵Yazenda kandi omwanya gwa amasaa mukaga kandi mumanya gwa amasaa mwenda yakola atyo nyini. ⁶Yamala enturo endi kandi hamwanya gwe amasaa ikumi ne emo, yazeenda no kubasanga abantu abandi bemelile batena milimo yabagambil habwachi mwemelile aha mtene milimo gwona gwona echilo chona. ⁷Bagambila, babwokuba tutwine muntu wenawena wokutuha emilimo yabagambila imwe nemwe mzende omwishamba lye emizabibu.⁸Obuchilo byoo olwebazo batahikile kanyina na wishamba lye emizabibu akamugambila omwimelelezi womwe bete abakozi obalihe empela zabo owa kubanza no wa owokuheleluka. ⁹Kabahikile abo bakozi ababandize esaha ikumi emo muli muntu akanankula Dinari. ¹⁰Kabezile abakozi abolwakubanza ababandize bakanibatekuza bati nibanankula zo kuchila bazenzi babo naho bakanankula nabo buli muntu Edinali emo buli muntu.¹¹Kabamazile kwanankula empola zaabo bamukunganila kanyina wishamba. ¹²Bagamba aba bakozi abaheleluki wakola esaa emo yonka kukola emilimo naho wabenganisha nechwe ichwe twakola omulimo mhango izoba kugwa no kwochibwa izoba.¹³Naho kanyina wishamba yasuba no kugamba aha lyomo wabo munywani wanze tinakulookubi mbwenu titwikililizene nenye aha Dinari emo. ¹⁴Yanankula echo echili echawe ozende namanulilwa ganze kubaha aba abakozi abahelaluka bwiganisa newehanu .¹⁵Bwenu si ti buteka ahalinye kukola echondi kwenda ne ebintu byanze nali eliso lyawe nilibihabwokuba inyendi muzima. ¹⁶Bityo owo kuheleluka alaba owokubanza no wokubanza wokuheleluka.¹⁷Yeezu kayabele ahaho yahanama kuza Yerusalemu, akabatwala abegeswa boomwe ikumi na babili ahalubanzu, no muhando, yabagambila. ¹⁸Leeba twazendelela Yerusalemu, no mwana umwa Adamu atebwa omumikono ya abakulu bamakuhani na abandishi bamuchwazika olufu. ¹⁹Na mbamusohoza aha bantu bapangani babone kumugaya, kumchapa nokumwagalaza naho omubilo bisatu nazoka.²⁰Male nyina wa abana bomwe zebedayo akeza ahali yeezu na abanabe yatela ebizwi omumeso gwomwe no kusaba echintu kuluga ahali wenyini. ²¹Yeezu yamugambila, noyenda chiha yamgambila lagiza ababana banze babili bekale omo omkono gwawe go obulyo nondizo, omkono gwawe go bumoso omubutemi bwawe.²²Naho yeezu yasubya no kugamba, tokumanya echo wa saba mbwenu wakahicha kunywela echikombe echondi kunywelaho bamugambila ntuhicha. ²³Yabagambila, echikombe chanze obutika muchinywelaho naho kwikala omkono gwanze gwo bulyo no mkono gwanze gwo bumoso tinye kubaha naho nahalyabo abamazile kuhabwa na tata. ²⁴Abegeswa abandi ikumi kabahulile ebya baholokelwa bwoli nabo abadugu babili.²⁵Naho yeezu yabeta wenyini nokubagambila, nimumanya nkanikwo abakulu bapagani babatinisa na bakulu babo mbahikiliza ahamagala ahalibonyini. ²⁶Naho bitakuba bityo ahalimwe kuleka ebyo wenawena alayenda kuba mkulu omulimwe ni lwampaka abe omkozi wenyu. ²⁷Na alayenda kuba owokubanza omlimwe nilwampaka abe omkozi wenyu. ²⁸Nkanikwo omwana umwa Adamu, tulezile kukolelwa naho kukola no kusohoza omwoyo gomwe kuba obuchunguzi bwa bengi.²⁹Obuchilo kabalugile Yeriko, abantu bengi bamkulatila. ³⁰Nabakabona abahumile babali babili bekele ahakupelo yi barabara kabahulile kubani yeezu akabanahingula, bahamuka ahiraka nokugamba mkama, omwana umwa Daudi, otuganyile. ³¹Naho abantu bahachahalile no kugambila mwisize nobwaho bonyini bayongeza Amalaika bwoli nokugamba, mkama, omwana umwa Daudi otuganyile.³²Male yeezu akemelela yabeta yababuza nimwenda mbakolele biha. ³³Wamgambila ukama biti ameso getu gahumbulule . ³⁴Yeezu yakweswa nechiganyini yabakumya ameso gabo ahonyini bayanankula amagezi go kubona na bamkulatila.

¹Yeezu nabegeswa boomwe bakahika hehi na Yerusalemu na bazenda mpaka Bethfage omwibanga la mizaituni, kayabele aliho yabatuma abegeswa babili. ²Yabagambila mzende omumuturo ogulikukula tihaliho, nimusanga empunda ekomile aho no omwana gwe empunda hamo nago. Mzikomolole no kuzileta ahalinye. ³Kalababuza omuntu wena wena chonachona ha bwecho alagamba omkama nazenda no omuntu ogo ahonyini nabekilililza mwize hamo nazonyini.⁴Echigambo echi chikabonekana necho echagambilwe kulaba ahamubasi, ni lwampaka chibe akabagambila. ⁵Bagambile abaharakazi ba Yerusalemu, leba omkama wawe nayiza owenyu,omunyenyekevu naba ahanamile, empunda no mwana gwe empunda enkwata omwana gwo empunda encheche.⁶Kabyahelwe abegeswa balugaho no kukola kokwo Yeezu yabalagilele. ⁷Bazileta empunda no omwana no omwana gwayo no kutaho emyenda zaho ahalugulu yabo, nawe yeezu akekala aho. ⁸Bengi omumkusanyiko bakala emyenda zao omumuhanda na baandi bakanogola amatabazi kuluga omumiti no kugala omwibarabara.⁹Echipipi echamwibembelile Yeezu nabo ababele nibakulatila. Bahamka ahilaka, nokugamba hosana hamwana umwa Daudi niwe omfuhwa ayizile ahizina lyo omukama. Hosana olugulu mwoli. ¹⁰Yeezu kayahikile Yerusalemu omtulo gona gwasituka no kugamba, ogu nohi. ¹¹Echipipi chikasubya ogu ni yeezu omubasi kuluka Nazareti ya Galilaya.¹²Kabyahwele yeezu yataha omhekalu ya mungu akababinga ahelu bona ababele mbagula nokuguza omhekalu kandi akazuka emeza zabo abalikuhinga ehela nebitebe bya abaguza be njiwa. ¹³Akabagambila, chandikilwe, enzu yanze elayetwa enzu ya maombi aho imwe mzikole iboma lyabanyanganyi. ¹⁴Kabyahele abahume na abalema bamuzaho omhekalu, nawe yabachiza.¹⁵Naho obuchilo abakulu bamakuhani na abandishi bakabona amaleba agoyakozile, kabahulile abana mbombagana omhekulu no kugamba, hosana hamwana umwa Daudi, bakakwatwa echiniga. ¹⁶Bamugambila, wahulile echo echilikugambwa naba bantu Yeezu yabagambila ego naho timkasomaga, kuluga omuminwa ya abana na abana abacheche abalikwonka hena Esifa zona. ¹⁷Kabyahwele yeezu yabaleka no kuza ahelu yomturo mli Bethania nokulyama okwo.¹⁸Enchakala kayabele nasuba omumji, akaba aina enzala. ¹⁹Akabona omti ahagegelo yi barabara yaguzaho, naho talabwenemo chitu olugulu yagwo naho amababi akagugambila, hatakubamo ebisumo omwawe ebilo byona, mara omwanya ogwoni ogo mti gwayona.²⁰Abegeswa kababwene, basobelwa no kugamba byababita mtini gwayoma enturo emo. ²¹Yeezu yasuba nokubagambila, amazima nibagambila, kamulaba mwina okwiliza mtena kutahwa tahwa, timkukola echo echikozilwe ahalyogo mti kwonka naho mgambila olo elyoibanga otwale na ozekunagwa omubahari, na nichikolwa. ²²Chonachona echo mlasaba omusala, kamlakiliza nimwankula.²³Yeezu kayahikile omhekalu, abakulu bamakuhani nabanyampala babantu bamwizaho obuchilo kayabele nayegesa nokumubuza, nahabutegeki bwoli okola amagambo aga na nohi akuhele ubutegeki obu. ²⁴Yeezu yasubya nokubagambila, nenye kandi nimbabuza ibuzo limo kamlagambila, nenye bityo ninyi nibagambila nahabutegeki chi ninkola amagambo aga.²⁵Obutazo bwa Yohana bukaluga nkahi omwigulu nali ahabantu bebuza bonyini, bagamba katulagamba bukaluga omwigulu natugambila habwachi mutakumwikiliza. ²⁶Naho katulagamba bukaluga aha bantu nitubatina omukobo, habwokuba bona bambona Yohana nkwo mubasi. ²⁷Kabamazile bamusubiza Yeezu no kugamba tutukumanya yabagambila bityo nenye tikubagambila nahabutegekichi ninkola amagambo aga.²⁸Naho nimtekuza biha omuntu owa abana babili akazenda ahalyomo nokumgambila mwanawane zenda ozekukola emilimo, omwishamba, lye mizabibu. ²⁹Lelo omwana yasuba no kugamba tinkuzenda, naho omumwanya ogundi akahindula ebitekuzo, byomwe yaba yazenda. ³⁰No muntu ogwo akazenda aha mwana wa kabili no kugamba echintu echonyini, omwana ogo yasubya nokugamba nizende, mkama, naho tarazenzile.³¹Nata ahabana babili ayakozile amalagilo gese bagamba omwana owokubanza yeezu yabagambila mazima nibagambila abali hisa bobushuru nabakahada balatahamo omubufalme bwa muungu imwe mtakazile. ³²Habwokuba Yohana akeza owenyu hamhanda ogugolokile naho timlamwikilze obuchilo abalihisa bobushuru na bamakahana bakamwamini.³³Mumpulilize nemwe kamwabemu echo ni chitendeka timkadulize kulugamo mubone obuchilo obundi mumwikilize mhulilize ensusano endi hakahaliho omuntu ayina ishamba lihango lye ardhi yalitelaho olugu yakola nechombo cho kukamulila Edwai akombeka nomnala gwa abalinzi akalikotesa ahabantu abakulinda ezabibu kayamazile yazomnsi endi. ³⁴Obuchilo bwokwembula emizabibu kabwelilile yatuma abantu bunanka, abakozi bomwishamba lyemizabibu kutwala ezabibu owomwe.³⁵Naho abalimi bezabibu bakatwala abakozi boomwe nokubatela omo bakamwita ondi bamlela na amabale. ³⁶Ha nturo endi, ommitiki akabalagilaabakozi abandi bungi kuchila abokubanza naho abalimi bemizabibu bakabakolela bantyonyini. ³⁷Kayalugile aho omkama ogo yalagila owabo omwana woomwe, yagamba mbamha ishime omwana wanze.³⁸Naho abalimi be emizabibu kabamubwene omsigazi ogwo begambila, ogu no omhinguzi mwize tumwite. ³⁹Nikwo bakamutwala, nukumnaga ahelu yi shamba lye emizabibu no kumuwa.⁴⁰Ngasi mtegeki wi ishamba lye emizabibu kaleza nabakola ata abalimu be emizabibu. ⁴¹Bagambila nabasisa abo bantu babi omchiniga chihango na kandi nalikotesa ishamba lye emizabibu ahabalimi abandi be emizabibu, abantu abaliha aha bwe mizabibu kazilayela.⁴²Yeezu yabagambila timlasole omumandiko, ibale elyolyahangila eli likaluga ahamkama na nesobezaomumeso getu.⁴³Bityo nibagambila utemi bwa muungu bulatwalwa kuluga owenyu no kuhabwa itaifa elilikujali. ⁴⁴Wenawena alegwa ahalugulu yiibale elyo alehendeka ebinogoka naho ahali wenawena owoliligwela lilamsigina.⁴⁵Bakulu ba makuhani na Mafarisayo kabahulile okwiganisha kwoomwe babona nkanikwo nibagambila bonyini. ⁴⁶Naho kabayenzile kugolola emikono halugulu yoomwe bakatina omkobo, habwokuba abantu bakambaleba nkwomubasi.

¹Yeezu akagamba nabo kandi omunsusamso hakugamba. ²Ubufalme bo mwigulu mbususana no mfalme ayaandee amazenyi gwo bwenga bwo mwanawomwe. ³Yabalagila abakozi boomwe kubangisa ababele balalikiliwe kwiza omumazeni gwo bwenga naho tibalahikile.⁴Omfalme yabalagila kandi abakozi abandi yagamba mugambile boona abalalikilwe mulebe iandae obyo kulya bizima ne enyana yanze zabangwa ne ebintu byona biliho mwize omumazeni gwo bwenga.⁵Naho abantu abo tibalahulile okulalika kwomwe abandi bakoza omumashamba gabo na abandi bakasuba omubyashara zabo. ⁶Abandi bakabemukila abakozi bo mfalme nokubahwela ensoni no kubeta. ⁷Naho omfalme akasaya akalagiza ijeshi lyomwe akabeta abo abesino kubasigalicha omutulo kwo mlilo.⁸Kayamazile yabagambila abakozi bomwe obwenga buli tayari naho abalalikilwe tibalavumilie. ⁹Habwecho mzende aha mkobo mubahulile abantu bengi okwolalekiliza benze omumazeni gwo bwenga. ¹⁰Abakozi bakazenda ahamhanda lo kubaganisha abantu bonabona abobababwene, abazime na ababi obulambi bwa amenga bakezula abazenyi.¹¹Nahi omfalme kayatahilemo kubaleba abazenyi akamubona omuntu omo ogwo akaba atazwele ivazi lya amazenyi. ¹²Omfalme akamubuza munywani wageza ota kuhika aha otena ivazi lyo bwega no muntu ogwo talasubiza chonachona.¹³Niho omfalme yabagambila abakozi bomwe mumukome omuntu ogu emikono na amagulu na mumunage ahelu omsimbazi okwo ahalakana okulila nokusaameno. ¹⁴Habwokuba abantu bengi nibetwa naho abalikwiliza ni bache.¹⁵Niho abafalisayo balugileho no kupanga kumkwata yeezu omumagambo goomwe wenyini. ¹⁶Niho babalagile abegeswa babo hamo ni maherode na bakamgambila yeezu mwegesa mtumanye nitumanya kuba iwe oli omuntu wa amazima nanoyegesa galikwenda muungu omumazima titukumanya amaoni gwo omunti ondizo na tokwoleka obupendeleo ahabantu. ¹⁷Habwecho mgambile notekuza biha?ngasi nobuteka kutiha ekodi ahalikaisali hali imahi.¹⁸Yeezu akamumanya ebitekezo byabo na yagamba habwachi nimudegesha imwe banafiki. ¹⁹Munyoleke empilya elikukola kuliha ekodi niho bamuletela Dinari.²⁰Yeezu yabakuza, "ensuso nijina eli nebyo?" ²¹Bamusubiza nebya kaisali niho yeezu yabangambila mumuhe kaisariebintu ebili ebyomwe ne bya muungu mumuhe mungu. ²²Kabahulile ebyo basobelwa kabamazile bamuleka bazenda.²³Echilo echo Abafarisayo bache bakeza ahaliyeesa, abo abagamba kuba tihaliho okuzolia kwa abafile. ²⁴Bagamba mwegesa Musa akagamba kabilaba omuntu yafile atazale baaha mduguwe amhungule ogwo mkazi na amuhe omwana ahizina lya mduguwe.²⁵Bakabaliho abadungu musanzu owokubanza akakumpula yamala yafa atazele baana akamusigila mkazi nduguye. ²⁶Kabyawele mduguwe wa kabili nawe akakola atyo nyini male ogwo owakasatu bikaba bityo kuhicha ahalyo ogwo owamsanzu. ²⁷Kabamazile kukola ebyo ogwo mkazi nawe yafa. ²⁸Mbwenu omukuzoka ogwo mkazi alaba mkohi omulyabo msanzu habwokuba bona bakamkumpula.²⁹Naho yeezu yabasubiza no kubagambila nimuhaba, habwokuba timukumanya amandiko obu amagala ga muungu. ³⁰Habwokuba omukuzoka, abantu tibakukumpula obu kukumpula, ebadala yaho abantu babanka maleeka okwo omwigulu.³¹Naho omukuzolwa kwa abafela, timukasomaga echo yagambile ahalimwe omkugamba. ³²Inye ndi mungu umwa Ibrahimu, muungu umwa Isaka na muungu umwa Yakobo mungu ti mungu wa abafile, naho ni mungu wa abalihai. ³³Obuchilo omkobo kabahulile eli, basobelwa amegeso goomwe.³⁴Naho Abafarisayo, kabahulile kuba yeezu yabatekanisa Amasandukayo bakekobyabya bonyini hamo. ³⁵Omo wabo akaba ali omusomi we esheria akamubuza ibuzo ahakumlegesa. ³⁶Mwegesa ni chilagilochi echikulu kuchila byona omusheria.³⁷Yeezu yamusubiza ni lwampaka omwende omkama hamoyo gwawe gwona, hamganya gwawe gwona namumasala gawe gona. ³⁸Echi nicho echilagilo chikulu nochokubanza.³⁹Necha kabili ni chisusana necho ni lwampaka omwende mtuzi wawe nkanikwo olikwiyenda iwe hanu. ⁴⁰Esheria zona na ababasi mbisiga ebilagilo ebi bibili.⁴¹Na Abafarisayo kababele bachali bacheko byakobya hamo yeezu akababuza. ⁴²Hakugamba ngasi nimtekuza biha aha kristo wenyini no mwana umwohi nabo bamsubiza no mwana umwa Daudi.⁴³Yeezu yabasubiza nahanamnachi Daudi omumwoyo namweta omkama nagamba. ⁴⁴Omkama akamugambila tata wanze, ikala ahamukono gwanze ogwo bukwata, mpaka aho indabakola ababi bawe babate ahansi ya amagulu gawe?.⁴⁵Habwokuba Daudi namweta Kristo omkama, "ne enamuna chi wo kuba omwana we?" ⁴⁶Taliho ogo akadula kumujibu igambo kandi,na taliho ogo akadula kandi kumubuza amaswali mengi buluga echilo echo no kuzendelela.

¹Akahoya nembaga ya abantu na abahemba bee akagamba. ²Abandiki Mafarisayo mbekalila echitebe chomwa Musa. ³Chona chona echo mbalamula kukola mkole okwo mubachengelela, ila mutakwiyegesa amaheno gabo, habwokuba bonyini bahamuka amagambo agobatakozile.⁴Bonyini bakoma emizigo elikulemela eezo elikulemela kuzimucha, babatweka abantu hamabega gabo bonyini tibakwikiliza nobu olukumu kwimucha. ⁵Ebikolwa boona babo balebwe nabantu habwokuba kugazisha isandiko laabo kwogeza obuhango bwa mapindo gebizwalwa baabo.⁶Bonyini beenda kwikala erubazu lwechitaziri hamazenyi nebitebe yishima omumakelezia. ⁷Nokwangaluchibwa kwishima orubazu lwigorilo nokwetanwa abegeswa nabantu.⁸Ila imwe tekwendwa kwetamwa abegesa kwokuba mwinaze omwegesa omo nemwe mwena nobudugu. ⁹Mtakwetana omuntu wenawena omlyezinsii kuba isinchwe kwokuba mwinaze isiinchwe omo wenka nawe alyomwigulu. ¹⁰Namta kwetanwa abegesa habwokuba twinaze omwegesa omo wenka naze kristo.¹¹Omkulu wenyu alaba omukozi wenyu. ¹²wenawena alikwikuza alaba hefoo wenawena alyahefoo alaba halugulu.¹³Imwe abandiki Mafarisayo abazilwe obachingila abantu obukulu bwomigulu nemwe timukudula tukahamo, timukubekiliza abalikuta hamo kukola otyo. ¹⁴Iimwe bandiki baa Mafarisayo abazilwa habwokuba mubamila abakambwile. ¹⁵Naho iimwe abandiki Mafarisayo omuzilwa mwambuka enyanza nokuhika kumukola omuntu omo ayamini ago mulikwegesa kamulikuba nkemwe mumukolakabilii omwana omumuliro gutahwaho nkemwe okwo muli.¹⁶Naho imwe abategekeki abahumile imwe abagambi wenawena alikwilahilila edhahabu yekelezia tichintu kandi alikwilahila edhahabu yekelezia abohilwe nokwilahila komwe. ¹⁷Imwe abahume ebifela chiita echihango kusaga echindi adhahabu nali ekelezia eliteleho kuchindikwa edhahabu hali muungu.¹⁸Wenawena alikwihalila halutari tichintu naho alikwilahila kwe nsumbuso eyelugulu yoomwe akomilwe nomlahi gwome. ¹⁹Imwe abantu abahumile nichiita echihango kusaga echindi, ensumbunso nali olutari kutaho kwimeleza ensumbuso ezelikuhabwa hali muungu?²⁰Otyo wenyini alikwilahila harutali nayilahila habintu byona ebilyogulu bya wenyini. ²¹Nawe alikwilahila omkelezia, ayilahila elyo wenyini alikwikala omgati yomwe. ²²Wenyini alahila igulu ayilahila echibi cho obuzizi bwa mungu nawenyini alikwikala olugulu lwome.²³Naho imwe abandiki Mafarisayo omzilwa habwokuba mliha ezaka habizali nomnaanaa nomchicha,otyo mleka ebigambo bilikulemela byesheria obuteka,erehemu nokwikiliza otyo mwenda kubikola tikwo kuleka kubikola ebiindi. ²⁴Imwe abategeki abahume imwe abalikuswiza omchudumche naho mumela engami.²⁵Naho imwe abandiki baa Mafarisayo omuzilwa habwokuba mshagila ahelu yebikombe nahelu yesahani naho omgati hezwile edhuluma nokuleka kwibalilila. ²⁶Imwe Mafarisayo abatakuhweza abazilwa, mshagile okubanza pmgati yechikombe nomgati yesahani naho ohibaza lwa helu nalwo lubhe luzima.²⁷Naho imwe abandiki baa Mafarisayo abazilwa habwokuba msusana neembi ezisigilwe echokaa, ahelu neyibonesa nzima naho omgati eyizwile aniagufu ga bafile nechintu echihichichafu. ²⁸Otyo nemwe ahelu mubonekane abobuteka embele ya bantu naho omgati mwizile obuzilwa.²⁹Naho imwe abandiki baa Mafarisayo abazilwa habwokuba mwombeka echigala chomhagi nokubipamba ebigala ebyabatembuzi. ³⁰Nemwe mwagamba katwakwikela ebiho byo mwata wetu, titwakubelentukola naboo hamo nokusesa ensagama yomhangi. ³¹Mkeboneleza imwe mwenka kuba imwe mlyabana babho ababesile abahangi.³²Nokuhikiliza kwizuza ebiheno byo mwatata wenyu. ³³Imwe nzoka abana bee evipiribao hansongachi omswaziko gwajehanamu nogwiliga?³⁴Habwokuba leba nimbatuma halimwe abahangi abantu abakamela nabandiki ekati ya bonyini mubetano kubagalaza nekati yaboo mubachapa omgati yamakelezia genyu nokubabinga kuluga iboma limo halindi. ³⁵Echileza oluguru lwetu habonekana ensagama zona zabatembuzi ezisesilwe haansi, kubandiza ensagama yo mwa Habili omtembuzi hansagama yo mwa Zakaria omwaana wo mwa Barakia, ogwo mwayisile omutakatiifu no mlutari. ³⁶Nibagambila amaagambo gona ngachikwata echizazi echii.³⁷Yerusalemu, Yerusalemu, iwe alikubeta abahangi nokubatela amabale aboo abalikutumwa haliwe kangali nababilinga abaana bawe nkokwo enkoko ebilingaho abaana bayo ahefo yamanana gayo ila tolekilize. ³⁸Leeba enzu yawe yekala kuba. ³⁹Nenye nikugambila, kubandiza obuu tolimbona aho oligambila obatikiwe iwe ayeza hizina lyo mwa Tata.

¹Yeezu akaluga omkelezia nokwizendela abanafunzi bomwe bakamkulatila kumwolekeza amakelezia. ²Mala akabasubiza mbwenu, timukugabona amagambo ago gona kachwe nimbagambila, tiliilho ibale ililekala oluguru ye lindi kwo kulekwa kukambulwa.³Kaayekele ha mlima gwa mizeituni,abanafunzi bomwe bakamkulatila ahatekene no kugamba, tugambile, amagambo aga galabonekana ili chintu chi nchimanyisa kwiza kwawe no kuhwa kwa ulimwengu. ⁴Yee akabagambila mwitegeleza omuntu atakwiza kubahabisa abengi. ⁵Habwokuba abenzi nibeza hizina lyanze mbagamba inye ninye Kristo, mbeza kuhabisa abezi.⁶Mhulila omsambo no kumanyisa omsambo mleba mteza kuba no butini, habwokuba amagambo aga tigalisubila, echikomo chilaba chichali. ⁷Habwokuba ihangi lilemelela ni ihangi elindi no obukama nobukama, halaba nezata ninyahinga lyensi esehemu zahara nahara. ⁸Oti amagambo gona ago nobubandizo bwo busungu bwokwichungula.⁹Niho ntusohozibwa kwagalazwa nokwitwa ntunobwa namahanga getu. ¹⁰Obuchilo wazenda okwo kugula owamazenyi gobwenga akahika boona bakazenda nazee hamazenyi gobwenga nomlyango gukachingwa. ¹¹Mala abasendekeleza abandi nabo bakahika nokugamba Bwana, bwana tuchingulile.¹²Habwokuba amaovu ingaogezeka obupendo bwo abengi ibuhola. ¹³Naho ogwo alavumilia mpaka mwisho imbamuokoa. ¹⁴Enzi einjili yo obufalme igahubiliwa obulimwengu gwona no kushuhudia kwo amataifa gona niko ole mwisho ibuhika.¹⁵Habwokuba,kimulabona entamiso eyo evurungu, elyolikagabwa na nabii Daniel lyemelela esehemu epatakatifu alikusoma no obufahamu. ¹⁶Niko abaliho Yuda abelukilile omumulima. ¹⁷No ogwo alyolugulu yo enzu atakudula kutuka ahansi no kutwala echintu chona chona kuluga omugati yomwe. ¹⁸Nogwo alyomwishamba atakusuba kwihaho echizwaro chomwe.¹⁹Naho imwe abenee abaana abalikwoncha ebilo ebyoo. ²⁰Msege mtii kwiluka kwenyu kutakuba obuchilo bwee mbeho nali echilo che Sabato. ²¹Habwokuba nhaba namahangaiko makulu, agatakezagaa buluga kubuumbwa ensii mpaka obuu natelibaho kandii. ²²Ebilo ebii bya kuba bitalachehizwe taliho ayakuokokile hawabateule ebilo byakagufulile.²³Omuntu wenawena nabagambila leeba kristo alyahaa nali kristo alyokwo mtakwikiliza amagambo agoo. ²⁴Habwokuba makristo gebisuba namahangi genkulu mbeeza nokwolekeza echimanyiso chihango nokukamala kwo kupotesha yakudulikene habateule. ²⁵Mleebe nimbehayo amagambo gatakezile.²⁶Kabalabagambila kristo alyahambuga chonachona nali mleebe alyomunzu mtakwikiliza amagambo agoo. ²⁷Nkokwo enkubaa elikumlika kulugilila mashariki nokwangaza magharibi nikwo elibaa kwiza kwoo omwana wo mwa Adamu. ²⁸Honahona ahene echizunzile niho enkolokozi zilesumbya.²⁹Naho amahangahiko makulu kagalihwa echilo echoo, izoba lilaba ensimbazi, okwezi tikulyaka enyonyezi zilagwa kuluga omwigulu namanigigulu galatingisika.³⁰Niho echimanyiso cho mwana wa Adamu chibonekane omwigulu namakabila gona go mnsii ngachula mbamubona mwana wa Adamu nayiza omumalunde go mwigulu hamani nobutukufu bukulu. ³¹Nabatuma malaika bomwe habwechikala chee tarumbeta naboo bababilinga kuluga epande inna ze edunia kuluga mwisho emo eye embingu mpaka ondizo.³²Mwiyegesa isomo kuluga omumti itabazi kahlikufuluma nokusohoza amababii mumanya kubaa omweehili gwelila. ³³Otyo mlalebaa amagambo agaa gona mwenda kumanya kuuba mwehilila hehi nomwilembo.³⁴Kuuba nimbagambila echizazi echii tichikuhingula mpaka amagambo agaa gona ngabaa gabonekene. ³⁵Igulu nensii mbihingula naho ebigambo byanze tibikuhingula kusuu.³⁶Echilo echoo nesaha taliho omuntu alamanya nobu Malaika wo mwigulu nali mwana ni tata wenka.³⁷Nkokwo byabelee habilo bya Nuhu nikwo elibaa kwiza mwana wa Adamu. ³⁸Habwokuba ebilo litakezile igarika abantu balaba mbalya na nokunywa balakumpula nokukumpulwa mpaka Nuhu echilo echoo alitaha Omwisafina. ³⁹Tibalamanyile echintu chonachona aho egharika yezile kubaseha bona niko elibaho kwiza mwana wa Adamu.⁴⁰Niho abantu babilii balaba balyomwishamba omoo alatwala omoo nawe alasigwa enyuma. ⁴¹Abakazi babili balaba mbasa hamo omoo alatwala omoo alasigwa. ⁴²Habwokuba mwangalile timukumanya echilo chii echokwiza Tata wetu.⁴³Mumanye kubaa tata omenzu kaleza ne saha efa omwibi kaleza akakeyula nokwikiliza enzu yomwe kutahililwa. ⁴⁴Etaa elikwendwa kubaho kubaa omwana wa Adamu kwiza obuchilo obutakumanywa.⁴⁵Otyo noha omteka omzana ogwo ayine amasala ogwo tata womwe yamha obutawala bwolugulu abalyomnzu yomwe ili abahe echokulya obuchilo bulikugasa? ⁴⁶Wabarikiwa omkozi ogwo tata womwe alamsanga nakola otyo obuchilo aleza. ⁴⁷Kubaa nimbagambila otii Tata namta olugulu yabuuli chintu echilichomwe.⁴⁸Naho omzana omheni akagamba omumganya gwomwe, Tata wanze yachelewa. ⁴⁹Akabanza kubatela abakozi bomwe,nakalya akatamila. ⁵⁰Tata wo omzana ogwo aleza echilo echo otakumumanya nesaha ezoo otakumanya. ⁵¹Tata womwe alamnogola ebinogoka bibilii nokumta hamo ninkomzilwa, okwo halabaa empamo nokusa ameno.

¹Niho obukama bwo mwigulu mbususaniswa nenkuba ikumi abemkize ebiimli byaaboo nokuzenda kumwanankula omuswezi. ²Ekati yaabo batano bakaba balyabafela batano naboo bakaba bene amaSala. ³Enkuba abafela bakehaho ebiimli ebite amazuta gonagona. ⁴Enkuba abamasala bakehaho ebisene bya mazuta nebiimli byabo.⁵Obuchilo bwo mswezi kuchelelwa kuhika bona bakalindila nokulyama. ⁶Omwitumbi hakaba neyombo leeba omswezi msube ahelu mumwanankule.⁷Niho enkuba bakapampuka boona nokwacha ebiimli byabo. ⁸Aboo abafela bakagambila abamasala mtuhe amazuta genyu habwokuba ebiimli byetu. ⁹Bonyini abamasala bakabasubiza nokubagambila habwokuba tigakutuhika inchwe nemwee mzende habalikuguza mgule mache habwiizina lyanze.¹⁰Obuchilo wazenda okwo kugula owamazenyi gobwenga akahika boona bakazenda nazee hamanyezigobwenga nomlyango gukachingwa. ¹¹Mla abasendekeleza abandi naboo bakahika nokugamba, Bwana, bwana, tuchingulile. ¹²Notwo akekiliza no kugamba amazima inye tinkubamanya. ¹³Habwokuba mlebe timukumanya echilo nesaha.¹⁴Nikomuntu kubona esafari yokuza ensii endi akabatena abazana boomwe kubaha obutaziri bwomwe. ¹⁵Omo waho akamuha etalanta itano ondi etalanta ebilii nogwo ondi etalanta emo. kati wenyini akanankula kwingana nobudula bwee nogwo muntu akazendela zomwe. ¹⁶Bwangu ayayanankwile etalanta itano akazenda kuzibikisa nokuzizaza etalanta itano.¹⁷Otyo ayayanankwile etalanta ibili akazaza etalanta ibili. ¹⁸Omzana ayayanankwile etalanta emo akazenda kusuma ehina nokuziseleka empilya.¹⁹Kabwahingile obuchilo buula bwana wabatumwa abo akasuba kubala nabo ehesabu. ²⁰Ogwo mtumwa ayayanankwile etalanta itano akeza yaleta etalanta itano akagamba bwana okampa etalanta itano leeba nabonesa kandi etalanta itano ezindi. ²¹Bwana akamgambila wakora omtumwa mzima omwitegeleza waba omwitegeleza webintu ebiche ninkuha obutawala bwe bintu obwe omumanulila ga bwana.²²Omtumwa ayahelwe etalanta ibili akeza kugamba bwana okampa etalanta ibili leba nabona etalanta kandi ibili. ²³Bwana, akamgambila wakora omtumwa omwitegeleza wabaomwitegeleza habintu bichee ninkuha obutawala we bintu bingi iloko obe omumanulilwa ga bwana.²⁴Omzana ayayanankwile etalanta emo akeza no kugamba bwana nimanya iwe olyomuntu ochahazi nosoloma aho otahimbile nano hembula ebyo otahambile. ²⁵Inye inkantina nkazenda kuseleka etalanta yawe omwitaka leeba oyinayo aho elyeyawe.²⁶Naho bwana womwe akasubya no kugamba iwe omzana omuheni nomlemelwa okamanya kuba aho ntahambile nokuhembula aho ntabibile. ²⁷Okenda kubaha empilya yanze abantu baahasefu nobuchilo bwo kusuba nakayanankwile ezo eyanze nenzalilwa.²⁸Naho mumwake etalanta mumhe ogwo mzana wee talanta ikumi. ²⁹Kati muntu ayinayo alayongelelezwa bwoli mno hali wena wena atana chintu necho ayine alayakwa. ³⁰Mumunaguze ahelu omsimbazi omzana atakusobola ahene orufu huo kusa amen.³¹Obuchilo Mwana wa Adamu kaleza obukulu bwomwe naba Malaika bona nawe, niho alekala ohigulu Iwechitebe chomwe chobukulu. ³²Mahanga gona ngakusanyika embele yomwe, nawe nababaganisa abantu, nkokwo omlisa alikuteganisa entama nembuzi. ³³Nabataho entama Omkono gwomwe gwobukwata, nembuzi alabata Omkono gwolumoso.³⁴Omtemi akabagambila abalyomkono gwomwe gwobulyo mwize, abahelwe na Tata wanze, omhunguro gwobutemi Obwatilweho halichwe buluga kutebwaho Omsingi gwensii. ³⁵Habwokuba nkaba nyine enzala mwampa echokulya, nkaba ndyomzenyi mwanyangisa. ³⁶Nkaba ndibusa mwanzweka emyenda, Nkaba ndyomlwele mwangalila, Nkaba ndyomchifungo mwanyizila.³⁷Niho abobutembuzi bakasubya nokugamba, Bwana, ili tukakubona oyine enzala natukakulisa, Nali oyine iliho tukakuha amenzi. ³⁸Nili tukakubona olyomzenyi twakwangisa. Nali olibusa twakuzweka emyenda. ³⁹Nili tukakubona olyomlwele, nali olyomchifungo, twakwizila. ⁴⁰Nomkulu akabasubiza nokubagambila, Naho nimbagambila echo mwahenile aha halyomo abadugu banze abache, mkahenela inye.⁴¹Niho akabagambila abo abalyomkono gwomwe gwolumoso, mlugeho halinye abachenilwe, mzende omumlilo gwemilele ogwalalonzilwe Setani na Malaika zomwe. ⁴²Habwokuba nkaba nyine enzala timlampele echokulya, Nkaba nyine iliho timlampele amenzi,. ⁴³Nkaba ndomzenyi timlanyangisize, nkaba ndibusa timlampele emyenda, nkaba ndyomlwele, nkaba ndyomchifungo timlangalile.⁴⁴Niho bqonyini mbamsubiza nokugamba, Bwana ili tukakubona oyine enzala, nali oyine iliho, omzenyi okaba olibusa, nali okaba olyomfungwa tutalakwangalile. ⁴⁵Akasubya nokugamba, nimbagambila echo mtahenile habwomo wabha abato, timlahenile inye. ⁴⁶Aba mbazenda ombiheno bya edhaabu ya milele kwoil abena ehaki yo obuzima bwo milele.

¹Ombuchilo yeezu ahoyamazilwe kugamba amagambo ngona ngo akabangambila abahemba bomwe. ²Imumanya kuba mbichati abiro mbibili habe esikuku ye pasaka mwana wa Adamu asohozwe ayangalazwe.³Naho wakuru na abanyampala baa baatu bakabugana bona ahanyampala mkuru ogwo akabanayetwa kayafa. ⁴Naho bakekala hachikalo cho kumkwata yeezu kwe siri yo kumwita. ⁵Naho bakagamba etakukolwa omubilobikulu twakaleta eyombo omubantu.⁶Obuchilo yeezu ahokabuli Bethania omunzu yo mwa Simon mkoma. ⁷Ahwo akamba yengolwele ahameza omkazi omo akeza haliwonyine yemkize omunango gwa Alabasta gukaba gwiyine mazuta nge samani pango muno akangachenetulila harugulu yo omutwe ngomwe. ⁸Naho abahemba mbwomwe ahobabwene abigambo ebyo bakatamwa nokugamba nahabwachi kubulwa? ⁹Anga gakahulizwe kwe samani pango bakahabwa abana ba masikini.¹⁰Naho yeezu aba na manya eeli akabangambila habwaachi imumwagalaza omkazi oogu naho yakola echizima halinye. ¹¹Abanaku mwine ebilo boona naho timkuba nenye milele.¹²Naho kiyachenetwile mazuta harugulu yo mubili ngwaze akakolotyo kokuzikwa kwaze. ¹³Nkanikwo mbagambila honahona ebikolwa ibigabwa omunguru hona, echikolwa echo yakozile omkazi ongu chilemba chookwizukwa.¹⁴Niho omo wabo ikumi na babiili ongwo akaba nayetwa Yuda Iskariote akazenda habakuru. ¹⁵Nokugamba imupa biya kidamwanga tata muha ibonogoka makumi asatu ehela. ¹⁶Kuluga obuchilo obwo akalondela kusinga.¹⁷Chilo choo kubanza chee mikate eenzo atakutelwamo ebisalila abayanda bomwe bakazenda alai yeezu no kugamba kahi noyenda tukukolele olye epasaka?. ¹⁸Yabagambila mzende mjini hamuntu fulani mumungambile mwalimu nagamba obuchilo obwomwe bwelile nazilile epasaka chihamo na banabe omunzu yomwe. ¹⁹Abahemba bakakola yeezu nkokwo yabangambile ebyokulya bee epasaka.²⁰Ayo yahikile olwebazo akekala chihamo na bahemba bomwe ikumi na babili. ²¹Ahoo balya byekulya akagamba mazima nibangambila kuba omo wenyu nanyanga. ²²Bakachimbambara muno kila wonyini akabuza kumubunza tiwe inye mkuru?.²³Naho ongwo alikukonza nenye amukonogwe nenyehanu niwe alikuguza. ²⁴Mwana wa Adamu nalugaho konkwo yayandikilwe naho omtu ongwo ya mwangile mwana mwana wa Adamu yakabele bizima yakubele atazelwe. ²⁵Yuda ayabele namwanga akagamba je ni mkama yeezu yamugambila nogamba igambo elyo niwe hanu.²⁶Ababele balya ebyokulya yeezu akagwimcha omkate yasega na yanguchenywa yabaha abayanda bomwe abayagamba, mkwate mulye ongu no mubili kwanze.²⁷Yemcha echikombe no kusenga yabaha nokugamba munywe bona habwecho. ²⁸Nkwo kuba enzi nee edamu nechitekuze chanze enzo eliseseka habengi kwo kulekeza ebibi. ²⁹Naho nibagambila tikunywa kandi obusumo bwo mzabibu ongu ipaka echilo echo indaganywa nemwe hakuru bwo mwatata wanze.³⁰Aho bamazile kuzina olizina bakalugaho kuzenda omwibanga lyemizaituni. ³¹Niho yeezu akabangabila ochilo obu mbona mwikupa kwa sababu yanze kuba eyandikilwe nimutela omulisa ne tama no kuzibuyaganisa. ³²Naho okuzoka kwanze nibyebelela kuzendaGalilaya.³³Naho Petro akamugambila nali bona balakwanga kwa sababu ya magambo ango angalakubona enye tikukwanga. ³⁴Yeezu yamgambila naho mkagabila omchilo ombu zitakakomile ekoko noba wanyangile etulo isatu. ³⁵Petro akamugambila nali kwa kuba no kufate tikukwanga na bayanda bazezibomwe bagaba otwo otwo.³⁶Badaye yeezu akazenda nobu esome enzo nayetwa Gethsemane no kubagambila abayanda bwomwe mwikale aha izende kunukusenga. ³⁷Akamwimucha Petro na bona babili bwo mwa Zebedayo no kuchibabala no kuifunza. ³⁸Naho yabagambila omwoyo gwanze ngwine echichulo chingo bwoli muno esehemu yo kufa mwikale aha mkeshe nenye.³⁹Abayazenda bele kache abayangwa azumele no kusenga abayaga, mbaTata wanze keleba neyikililizwa echikombe echi chisinge etakuba naho okwandikwa enda enye nali okwolikwenda iwe. ⁴⁰Habwachi timwangema kukesha enye nali kwisalimo. ⁴¹Mukeshe nokusenga mutakwiza kunza omubiheno mwoyo no mubili ngute tukile.⁴²Akazenda lwomwe eturo yo kabili kusenga abayangaba tata wanze naho igambo ali litakwanga ni luzima ichinywele echikombe echi nobukulu bwawe buhike. ⁴³Akasuba kandi no yabasenga balyamile oturo kwo kubwa ameso gabo yakaba galemile. ⁴⁴Niho akabasinge kandi yazenda weka kusenga eturo ya kasatu ayagamba magambo angonyini.⁴⁵Badaye yeezu akabazendaho abahemba be no kubagambila muchali muchilyomile kwoka no kuhumula mulebe esaha yeliliza no mwana Adamu nayangwa omikono mwa bebimeno. ⁴⁶Mwimuke tuzende mulebe ongwo alikunyanga yeliliza.⁴⁷Naho behale ibahoya Yuda omo omulyebo ikumi na babili akahika nikundi lihango kulihikila bona nawe indirungilila habakuru na banyampala ba keza na mapanga na marungu. ⁴⁸Male omuntu ongwo akabayikilize kumwanga yeezu akayamazile kubaha emanyikizo, abayagamba ongwa alaba ikabubatira niwe wenyini mukwate.⁴⁹Niho yezile hali yeezu no kugamba nempola omukufunzi no kumkumbatia. ⁵⁰Yeezu akamugambila munywani likole elyo lyakuleta niho bakeza nokweleza emikono zo mwa yeezu no kumkwata.⁵¹Muleebe omntu omo wabo ongwo alibahamo na yeezu akeleza omukono gwomwe abayehamo olupanga lyomwe no kutela amuzana wo mtemi mukuru no kumtema okutwi kwomwe. ⁵²Niho yeezu akamugambila subyamo olupanga lwawe aho olwihile, bona naho bona abakoza olupanga barasikizwa kwo lupanga. ⁵³Imumanye tikwile kumweta na tata wanze, nawe akatumila amajeshi ngarambilize halikumi na babili nga Malaika. ⁵⁴Naho mukole muta olwandiko gakolizwe kuhikilizwa ebiinibwi bilikwendwa kurungilwa.⁵⁵Obuchilo obwo yeezu akagugambila omukombo naho mwezile na amapanga na amarungu kukwata nikoti ndwo omwibi buchilo etwikala nemwe omwikelezia nibegesa, timulakwasile. ⁵⁶Naho gona aga gakozilwe olwandiko lwe tumwa luhike, niho abayanda be bakamusinga no kumwiluka.⁵⁷Ambo bamukwasile yeezu bakamutwala hali kayafa omutemi omukuruaho, bakabali abandiki na banyampala bakaba bakobene hamo. ⁵⁸Naho Petro akamukulatila enyuma kwa hara mpaka omuchikali cho omutemi omukuru akatashibwamo omugati nwo kwikala hamo na bachungi abone echo arachibona.⁵⁹Basi abakula bo mutemi ne baraza lyome bakaba belonda obushahidi bwo buhebi hali yeezu babone kumwita. ⁶⁰Naho akelyoleka bamashahindi beengi timbalabwene ebiheno bonabona kabekela bumashahidi babili byaleka kwitokeza mbele. ⁶¹No kugaba omuntu ongu enegaba nindula kuhenda kelezia lwo mwamungu no kulyobeka kaandi kwe ebilo bisatu.⁶²Omutemi omukwa akemerela na kumubuza, tokudula kutusubiza aba balikushuhudia nibiha amazima gawe. ⁶³Naho yeezu akekala ahahikile omukama omukulu aba yemuga mbila kalamba mungu ayikalatwa, nikugambila otugambile, kolaba iwe ni Kristo omwana wa mungu. ⁶⁴Yeezu abayabasubiza, iwe weka nogamba ota igambo ilyo naho nikugambila, kubandiza obu nokuzendelela omwana wa Adamu nayikala hakonongwo obulyo ongwine amani akaleza omumalunde ongo omwigulu.⁶⁵Niho omukama omukuru akatemagula amagwanda gomwe nokugamba yatugaya habwachi kandi itulondele obu kometelela bwachi mulebe mwahulile okwo yagaya. ⁶⁶Naho imtekuza biha bakamusubiza nokugamba nayenda olufu.⁶⁷Niho baba bamuchwela machwata omubuso nokutela egumi nokumtela makofi kwe mikono yabo. ⁶⁸Nokugamba tuhagilile iwe Kristo nohi ayekutela?.⁶⁹Obuchilo obwo Petro akaba tekamile enyuma yo lungoa etumwa we chikazi akamuzendaho nokugamba iwe newe olihamo na yeezu wa Galilaya. ⁷⁰Naho akakana omumeso gabo bona nokugamba tikumanya echi echolikugamba.⁷¹Kiyazezile enyuma yolungo etumwa edizo yechikazi akamubona nokubagambila abo bakaba baliho aho omtu gu abalihamo na yeezu wa Nazareti. ⁷²Aba yayanga kwokwilahila enye tikumumanya omuntu ongwo.⁷³Omwanya mugufu badaye obo bakaba bemelile hehi bakamuzendaho nokugamba na Petro, amazima iwe nomo wabo kuba enegambile nesisa. ⁷⁴Niho yabandize kuzana nokwilahila enye tikumumanya omuntu ongu niho ekokolomi yakokolomile. ⁷⁵Petro abayezuka magambo ago ya gambilwe na yeezu,inziba zitakankokomile ekoko noba wanyangile etulo isatu.

¹0muela gwechakala kigwahikile abhatemi bhona na banyapala bha bahatu bhakole echikalo cho mwa yesu bhabone kumwita. ²Bhakamukoma no kumwibhebeza na kuhicha mwana pilato.³Niho ombwelilobwo yuda ongwo yabhele amuguliza nokubhone kubha yesu yamazile kulumibwa, ekeluza no kusubya ebhinogaka makumyasatu fedha hamtemi wa batemi na tatu bhanyapara. ⁴Na kugamba nakolechihone kuguza edamu ezo etenie ebhaheno. niho bobha bamusubhiza netwizamo bhiha eichwe ogalebhe ogo iwe hani. ⁵Niho choyabhinaguze hasi ebinogoka bhe hela omwikelezia. nokuzenda kuhotola weka.⁶Omutemi omukula abhayebhimweha ebhinogoka bhehela nokugamba tikuzina kuzita hela enzi ochibho kwo kubha egerani ye damu. ⁷Wakuhulilizana kwa hamo, ehela ekole kugula ishamba lyechiswa lyokwika abazenyi. ⁸Bulugambo ishamba elyo liketanwa ishamba la lyedamu mpaka lelo.⁹Niho chigambo echagambilwe chomhangi Yeremia niho yahikile nokugamba wakatwala ebinogoka makumi asatu behela egarama ezo yakozilwe nabantu ba Izrael kwa wonyeni. ¹⁰Bakakolotyo ahishamba lyechiswa nkokwo omukuru akwa yabagambile.¹¹Naho yeezu akemelela omumeso go mikama nomuka abha yamubuza iwe niwe omukama wa wayahudi yeezu akamusubiza niwe alikugamba oyto. ¹²Obuchilo obwo yasitakilwa na bakulu na banyampala talagambile chonachona. ¹³Niho Pilato akamugambila tokahulile ebiheno byawe?. ¹⁴Naho talamusubize igambo nalimo niho omutemi akakwata omukomoro.¹⁵Omubilo bikulu ekaba nekawaida yoomwe omukama kulekula omufungwa omo ogwo alikuchwagulwa bhenzi. ¹⁶Obuchilo obwo akaba haliho mufungwa omupamatila izina lyomwe balaba.¹⁷Aho babele bekobize hamo Pilato akababuza nohi imwende tumuchingulile halimwe hanu, balaba ali yeezu ongwa alikwetwa kristo. ¹⁸Naho akaba yamanyile kuba bakaba bamukwasile kwenobi. ¹⁹Kiyekele hachitebe chomwe chokumuhukumu mukaziwe akagamba echigambo nokugamba lelo nakoya muno mubilosi bomwe.²⁰Niho abakulu na banyampala nokubaha bena omkobo bamsega baraba na yeezu betwe. ²¹Omutemi akababuza nohi kati yabo babili imumwenda inye imwekulile halimwe bakagamba baraba. ²²Pilato yabagambila imukolechi bina yeezu ongwo alikwetanu kristo bona bakasuba ayengalazwe.²³Nawe yagamba yakola iheno lita bona bakongeza malaka oluguru muno ayegalazwa. ²⁴Pilato kiyabene otwo takwile kukola chonachona kwoyine endwana zikabanza akemucha amezi nokunaba emikono yomwe mumeso nga benzi no kugamba inye tinyina biheno hadamu yo muntu ongwo atene ebiheno mugulebe imwe hanu.²⁵Abantu bona bakagamba esagama yomwe ibe halichwe na boona bantu. ²⁶Niho yamuchingulile baraba halibonyine naho akamutela engata yeezu na kuhicha hali bonyini kuzenda kumwagalaza.²⁷Niho omulinzi bo mutemi bakamwimucha yeezu mpaka Praitorio banga za abalinzi boona bakamuzulila. ²⁸Bakamuzula emyenda zomwe nokuzweka ekanzu ye rangi eli kutukula. ²⁹Niho bakozile engata ya amawa nokumutela hamutwe gwomwe na kutelaho omusikianda hamukono gwo obulyo nokumtelela ebizwi omumeso nge nokumugaya balakugambila nokumusula mukoma wa buyahudi.³⁰Bakamuchwela amachwata bakugwimucha omusikiada nokumuteza omumutwe. ³¹Obuchilo bamugaya bakamuzula enkanzu nokuzweka emyenda yomwe, kumubebeza kuzenda kumwagalaza.³²Kibalugile ahelu bakabona omuntu kuluga Krene izina lyomwe Simeoni nawe bakamwomeleza kuzenda naboo abone kugwimucha omusalaba gwoomwe. ³³Kibahikile esehemu elikwetwa Galigotha, esonga yaho oluhanga lwo mutwe. ³⁴Bakamuha amalwa gachangenye nendulu anywe naho kiyalogize talanywile.³⁵Obuchilo bamwagalaza,bakagaba emyenda yoomwe kwo kugateleka. ³⁶Nabo bakekala nokumuleba. ³⁷Halugulu yomutwe gwomwe bakandika amandiko galikusomeka ongu niwe omukama wa wayahudi.³⁸Abebi babili abayabagalaza nawe omkono gwome wobulyo ondizo omukono gwome olumoso. ³⁹Habo bakaba bahingula bakaba imbamugaya nokumutenganisa emitwe. ⁴⁰Nokugamba iwe ongwo enoyikola kulisisa ikelezia nokulyombeka kwebilo bisatu izune iwe hanu kolaba olyo omwana wa muungu tuka ahasi olugeho hamusalaba.⁴¹Omukwika otwo abakulu bakaba bamuzuma chihamo na bandiki na banyampala no kugamba. ⁴²Akazuna abandi naho takwile kwizuna wenyini no omukama wa wayahudi natokulunga nomusalaba niho tukwikilize.⁴³Akamwangisa muungu leka mungu amuzume obu kalaba nayenda, kwokugamba inye ndyo mwana wo mwa mungu. ⁴⁴Naboo abebi ababele bangalazwa naze nabo bakagamba amagambo go kumugaya.⁴⁵Nobu kuluga esaha mukanga elaba esimbazi esi yoona mpaka esaha mwenda. ⁴⁶Aho yahikile esaha mwenda, yeezu akalila kwilaka elihango eloi, eloi, lama Thabakithan? alyo nokugamba,mungu wanze mungu wanze habwachi wasinga. ⁴⁷Obuchilo obwo obulyabo bakaba bemelile aho bakahulila bagamba namweta Eliya.⁴⁸Naho omo wabo akeluka nokwimucha echisusi nokutamo amalwa galikusalila aba yata olugulu yo muti aba ya muha abone kunywa. ⁴⁹Nabo abasige bakagaba mumuleke weka muleke tubone kalaba Eliya nayiza kumuchiza. ⁵⁰Niho yeezu akalila kaandi kwilaka lihango nokugusohoza omwoyo gwe.⁵¹Muleebe ekelezia likasaluka ebinogoka bibili kuluga olugulu mpaka ahefo nesi ekazunguka nechili zikasaluka ebinogoka kwebinogoka. ⁵²Amakabuli gakafunduka nemibili ya batakatifu bengi abo balyamile omutulo bakazokolwa. ⁵³Abalugile omubi abuchilo bwokuzokolwa kwaboo bakataha omwiboma takatifu bakabona na bengi.⁵⁴Ongwo akaba aliyomwimelezi Akida naboo bakaba baleba yeezu bakabona nyamutikima nebigambo eba bele bisohola bakabona obutini nokugamba,buteka agu enomwa na wa muungu. ⁵⁵Abakazi bengi abo bakaba bamukulatile yeezu kuluga Galilaya ili abazune bakaba balebela hala. ⁵⁶Omulyabo bakaba baliho Mariamu Magdarena,Mariamu nyina woomwe wa Yakobo na Joseph, na nyina wa bona bomwe Zebadayo.⁵⁷Kihahikile olwebazo akeza omutu tazili kuluga Arimathayo, ogwo akaba nayetwa Yusufu, ongwo nawe akaba nomuheba wa yeezu. ⁵⁸Akazenda hali Pilato nokusenga omubili gwa yeezu niho Pilato akatuma abone kuhabwa.⁵⁹Yusufu akagwimucha ombili nakugukoma omumwenda omuzima. ⁶⁰Akagulyamika omuchingala chisa echo akaba chinulize hichili niho yahilingisize ibale lihango nokufunika omulyango ngwebi nokuzenda. ⁶¹Mariamu Magdalena na Mariamu ondizo bakaba balyaho bekele kuzendelela.⁶²Echilo echo chakulatila ezo ekaba nechilo chokwiandaa abakulu batemi no Mafarisayo bakaba gagana chihamo na Pilato. ⁶³Mkuru itwizuka kuba ongwo enatubeha aho alimuzi akagaba kibilalwa ebilo bisatu azoka kandi. ⁶⁴Iwe tuma kuuba ebi etengamililwe kuzima mpaka ebilo bisatu kwokuba abahemba boomwe bakeza kumwiba nokugaba habantu yazoka kuluga abafile nobubehi bokuheluka nobubi hachili bokubaza.⁶⁵Pilato akabagambila,mwimuche abalinzi,mzende kukola ehali yo busalama okwo muladula. ⁶⁶Niho bazezile kukola ebhi kubakuzima ibale likatelwa omuhuli no kutebwaho abachungi.

¹Olwebazo echilo cha Sabato, izoba indizendelela kugwa kuzendelela echilo cho kubanza cho oboyo Mariamu Magadalena na Mariamu ondizo bakeza kuzileba ebhi. ²Mulebe hakaba hene enyahinge lihango kwo kuba Malaika bo mukama bakatuka na kulihingisa ilyo ibale male balikalile.³Esuso yabo ekaba nesana obumeme na amagwanda gabo galikwela kepumba. ⁴Habo abachungi bakakwatwa ne ehofu no koti bafile.⁵Ongwo Malaika akabasombolela abakazi nokugamba mtakutina nimanya nimumulonda yeezu ongwo yayagalezwe. ⁶Taliho aha naho yazokile nikokwo yabagambila. Mwize mulebe aho omukama ayayamile. ⁷Muzende bwangu muze kubagambila abahemba bwomwe, yazokile kuluga abafile, mulebe yabembelela Galilaya okwo niho mulamubona mulebe ninye ayabagambila.⁸Aboo abakazi bakazenda aho habi bwangu naho batina na manulilwa mahango bakeluka kuzenda kubagambila abahemba bomwe. ⁹Mulebe yeezu nabugana nabo nokugamba, abo ni bazima,abakazi bakeza no kukwata amagulu ganze no nikwo nokumulamya. ¹⁰Niho yeezu akabangambila mutakutinamzende kubagambila badungu banzee bebembele Galilaya. Okwo imbabona.¹¹Obuchilo abakazi aho bakaba ibazenda, leeba bazenzi abache ba abachungi bakazenda omwiboma kubagambila abakulu amagambo gona agoboneken. ¹²Nikwo abakulu bakaba ibabugana na abanyampala bakalihoyela igambo elyo chihamo naboo, bakasohoza echi asi chihango eche etalanta kwa abo abachungi. ¹³Nokubagambila, mubagambile abandi kuba abaheba ba yeezu bakeza omuchilo kwiba omubili gwa yeezu itwahanu aho kaba twahunile .¹⁴Naho echigambo echi kichilamuhikila hamutemi, itwahanu tulamubehabeha no kubehilayo amashitaka goona pyee. ¹⁵Niho askari bazimukize ehela nokukola konkwo kaba balii belekizwe.Empola ezi zikaenea bwoli, Abayahudi na ekaba nikwo eli mpaka lelo.¹⁶Niho etumwa ikumi nomo bakazenda Galilaya,omwibanga elyo akabayabelikize. ¹⁷Lakini kibamubwene, bakamutukuza. Naho abandi bakaba ibamugaya.¹⁸Yeezu akeza owabo nokubagambila okwo nagamba, nahabwa amadaraka goona ago obulimwengu ne embingu. ¹⁹Nkanikwo muzende muzekubakola amataifa ngona kuba abahemba mubabatize ahezina lyo omwa tata, no mwa no mwoyo mwela.²⁰Mubegese bagakwate amagambo gona ago nabagambila, na mulebe, inye indiho nemwe milele, nobu mpaka omwisho gwesi.

¹Ezi niyo entabuko ye empola nzima ya yeezu kristu Mutabani wa Muungu. ²Ni nkokwo eyaandikilwe habwa weenyini omu chitabu cho omubaasi Isaaya aati huliliza nniinsiindika entumwa yaanze omu meeso gaawe oogwo alaakweebeembelela omu kukugololela omuhaanda. ³Ilaka lihaango lyo omuuntu ali omu iluungu naayolekeelela omu kwaambaza, Mugulooze omuhaanda gwo omukama mugolole obulabo oobwo alaahiingula.⁴Entumwa oogwo akaba naayetwa yohana omubatiza. akaba ali omu iluungu naayolekeelela, akaba naayolekeelela abaantu aati, mazima mutamwe ebiheno byaanyu, mubatizwe, muungu abone kubaganyila. ⁵Abaantu beenzi kuluga omu chikaali cha yeruzaleemu no omu byaalo byoona bya yudea bakaba nibamwiizalo yohana. abaantu abo baaba nibegaamba ebihone byaabo, nawe yaaba naabatiza omu munona gwa yorodaani. ⁶Yohana akaba azweele ebizwaalo bya amooya ge entwaangabulaande, no omusipi gwe enkoba gumunywa eenda yoomwe. ebyookulya byoomwe bikaba bili empalala na amoochi moochi go omu iluungu.⁷Yohana akaba naayolekeelela naagaamba aati, "ti mwaanya mula naayiza omuuntu oondi ogwo alikuunnchila habuicha. iinye mazima tiinkwiilwe no noobu kumuheeleza nko omuzaana no noobu kwiinama no kumusumuululila enkoba za amakuubaasi goomwe. ⁸Iinye nniimbabatizana ameenzi, naaaboho weenyini alaababatiza aha mwooyo mutakatiifu."⁹Obuchilo obwo, yeezu kuluga nazareeti, omuligalilaaya. newe yohana naamubatiza omu munona gwa yorodaani. ¹⁰Yeezu noobu akaba naasabuka omu meenzi, ahonyini abona igulu nilibalaaluka, no omwooyo mutakatiifu nigumuhanaantukila nke echiiba no kutuungama hali weenyini. ¹¹Ilaka kuluga omu igulu lyaagamba liti; liwe niwe mutabani waanze engaanzi, oogwo nnyesiimaho ne ewe bwooli.¹²Aaho nyini omwooyo mutakatiifu yaamutwaala yeezu kuzeenda omu iluungu. ¹³Yaalama aaho ebilo makumi aana, naaleengesibwani isitaani. akaba ali okwo omu iluungu hamo ne enyameeswa, nabo bamaleeka kuluga ahali muungu bakaba nibamuheeleza.¹⁴Ebilo bunaanka bihiingula, yohana aba yaabohwa omu ibohela. obuchilo akaba ali omu ibohela, yeezu yaazeenda omu nsi ya galilaaya, akaba naayolekeelela empola nzima za muungu. ¹⁵Obuchilo naayolekeelela akaba naagaamba aati, obuchilo oobwo obukagaambwa bwaahikile. kaandi, obukama bwa muungu bweeliliize. mbweenu mtamwe no kulekelala ebihonebyaanyu, no kwiikiliza empola nzima.¹⁶Echilo chimo, oobu yeezu yaabeele naahiingula aha ngeegeelo ye enyaanza ya galilaaya, yaabona simoni hamo na andrea mweene waabo simoni, bakaba nibatega eenfwibwe emitego, habwo kuba bakaba bali abategi. ¹⁷Yaabagaambila aati, mwiize, muunkulaatile iinye nniimbahiindula kuba abategi ba abaantu. ¹⁸Ahonyini, baaleka emitego yaabo, baamukulaatila yeezu.¹⁹Obuchilo yaabele yeelilaho akazeendo kache hamo na abaheemba boomwe babili abo, yeezu yaabona yakobo no omulumuna yohana batabaniba zebedayo, bali omu bwaato, bakaba nibasoboolola emitego yaabo. ²⁰Ahonyini abeeta nka nikwo bamukulaatile, baamusigaho isebu hamo naabakozi boomwe omu bwaato, bamukulaatila ²¹Niho yeezu na abaheemba boomwe abo bana baazeenda omuli caperinaumu. aaho echilo che endaalikizo chiba chaahika; bataahamo omu isomelo, na yeezu yaabaanza kweegesa. ²²Abaantu boona abaabeele nibahuliliza ameegeso goomwe gaabasobeza bwooli. akaba naayegesa nko omuuntu owo obuzizi, akaba atali nka ebeegesoa be ebilagilo bya musa ookwo bakaba nibeegesa.²³Omu isomelo omwo, hakaba halimo omuuntu oomo ayaabeele akwaasilwe izimu. yaachula ahi ilaka. ²⁴Naagaamba aati, iiwe yeezu omunyanazareeti, oyina ntaambala chi iiwe ne echwe ka notuloonda weeza kutusiingalicha nninkumanya iiwe nkokwo iiwe niwe omtakatiifu oyatooziibwe nu muungu. ²⁵Yeezu yaalikaama izimu elyo naagaamba aati, oyesize oluheendamo hamuuntu ogu. ²⁶Izimu lyaamutamo ebisiimbobwooli ogwo muuntu, lyaateele empamo no kumulugamo.²⁷Abaantu boona baakamaala bwooli, niho beebuuza bati, ni chiiha ameegeso aga ni masha, geena 0buzizi kaandi, leeba oyina obuzizi bwo kukaama amazimu nago nigamukondookela. ²⁸Ti mwaanya mula, abaantu kuluga omu chaalo choona cha galilaaya baaba baahuliza empola za yeezu.²⁹Kabaalugile 0mu isomelo, yeezu, simoni na andrea, bali hamo na yakobo na yohana, baazeenda hamo omuka ya simoni na andrea. ³⁰Noobu baahikile, yeezu yaasomboolelwa nka nikwo nyinazaala wa simoni ali omu nzu abyaamile aha chitabo, aatiilwe omuswiiza. ³¹Niho yeezu kwiililaho aaho abyaamile, yaamukwaata omukono, yaamuhweela kwiimuka. akaanya ako nyini ogwo nyinazaala wa simoni aaba yaachila ogwo muswiiza, yaabaanza kubaloongeza ebyookulya.³²Izooba kalyaagwiilemo, obuchilo endaalikizo yaahweele, abaantu kuluga omu chaalo echo baamuleetela yeezu abalweele beenzi abali aha chihalala na abaabeele batuungamiilwe amazimu. ³³Abaantu beenzi bwooli bo omuelyo baayekobeza aha eenzu ya simoni na Andrea. ³⁴Nawe Yeezu aba yaabachiza abaantu beenzi abaabeele beena amalwaala bunaanka bunaanka. Kaandi, yaabasohozamo amazimu meenzi, naho talagakuundiile gabone kugaanda ago amazimu, habwo kuba gakaba nigamumanya Yeezu nkokwo niwe masihi.³⁵Nyeencheemo omulutulutulu bwooli Yeezu aaba yeemuka, yaazeenda ahaantu aaho hakaba hateena abaantu, yaabaanza kuneembelela. ³⁶Simoni na bazeenzibe kabasaangile ataliho, baazeenda, kumuloondela. ³⁷Obuchilo kabaamubweene, baamugaambila bati,Buli muuntu naakuloonda.³⁸Yeezu yaabagalulila aati, Tuzeendeomu migoongo eziindi eza aha butuuzi, mbone kwoolekeelelayo okwo, kuba nnyizile habwe emilimoezo. ³⁹Niho yaazeenda omuli Galilaaya yoona no kwoolekeelela omu masomelo gaago, no kubeehamo abaantu amazimu.⁴⁰Hakaba heena omuuntu oomu ali omubeembe, yaamwiizaho yeezu. Yaateela ebizwi ahaansi. Yaamuneembelela aatiKoolayeenda, oyine obuhicha bwo kuunyeza. ⁴¹Yeezu yaamuganyila, yaayeleeza omukono gwoomwe aha mulweelwe no kumukolaho, yaamugaambila aati , Nniinyeenda ochile, oyele. ⁴²Ahonyini obubeembe bwaamulugaho ogwo muuntu, nawe aba yaayela.⁴³Mala yeezu yaamuhana omu kumuchaahukila no kumwiihaho bwaangu. ⁴⁴No kumulagila aati, Lola, otabigaambila muuntu weena weena choonka, ozeende oze kweeyoleka ha mugabe.Osohoze echitaambo cho kweezwa kwaawe nko ookwo ebilagilo bya Musa bilikulagila, obone kwooleka abaantu nka nikwo waayezwa.⁴⁵Naho, omuuntu ogwo yaalugaho aho, yaabaanza kulaanga empola zo kuchizwa kwoomwe. Habwe ago, yeezu talahikize kaandi kutaaha omu muzihwa gwoona gwoona aha bweelu. Chaamusunike ayikale weenka aheelu ahaantu ahali bweeseleke, no noobu bityo abaantu bakaba nibamwiizaho kuluga enkasi zoona.

¹Obuchilo ebilo biche byaahiingwiile, yeezu yaazeenda kaandi omuli kaperinaumu, abaantu baahuliza nka nikwo ali omuka. ²Abaantu beenzi baakoba omu nzu ezo, kuhicha kubulwa aho kulabila aha chisasi. yeezu akaba naayolekeelela abaantu echigaambo cha muungu.³Obuchilo akaba naayolekeelela, beeza abaantu bana, bamumwiimukize aha chitwaalilizi omuuntu oogwo akaba ali ensege. ⁴Baasiingwa kumutaashamo omwo aaho akaba aali yeezu, habwe embaga mpaango. baahanama olweego kuza aha luswi lwe eenzu. baafumula oluswi aha lugulu aaho yeezu akaba ali, baatuucha echitwaalilizi aho oogwo ayaabeele ali ensege akaba alyaamile.⁵Obuchilo yeezu kayabweena echikolwa cha abaantu abo yaamanya nka nikwo bakaba beena okwiikiliza. yaamugaambila owe ensege aati, iiwe mwaana waanze, waaganyiilwe ebiheno byaawe. ⁶Abeegesa abaandi be ebilagilo bakaba beekeele aho. boonyini bakaba nibateekuza omu miganya yaabo nka nikwo. ⁷"Habwaachi omuuntu ogu naagaamba aatyo naamulogota muungu taliho omuuntu oogwo yaakuhicha kuganyila ebiheno, naho muungu weenka?"⁸Ahonyini yeezu yaamanya ebiteekuzo byaabo omu muganya gwoomwe, yaabagaambila aati, habwaachi nimuteekuza mutyo omu miganya yaanyu. ⁹Ngasi, ni chiiha echili kuhuuhuka bwooli, kumugaambila omuuntu oogwo ali ensege nka nikwo, waaganyiilwe ebiheno byaawe, nali, yemeelela, twaala echitwaalilizi chaawe, olibate?¹⁰Aha nsoonga nu, mbooleke nka nikwo iinye mutabani wo omuuntu nnheelwe obuzizu bwo kubaganyila abaantu ebiheno omu nsi. niho yeezu yaamugaambila omuuntu oogwo akaba ali ensege aati, ¹¹"Nniinkugaambila nka nikwo, yemeelela, twaala echitwaalilizi chaawe, ozeende omuka." ¹²Ahonyini omuuntu ogwo yaayemeelela, yeemucha echitwaalilizi choomwe, yaasohola aheelu . abaantu abo boona baasobelwa, baamukuza muungu, baagaamba "bati, tuchaaliga kubona ihano nke eli elyaakolwa leelo."¹³Yeezu yaalugaho, yaazeenda kaandi aha ngeegeelo ye enyaanza ya galilaaya. abaantu beenzi baamukulaatila, yaabeegesa. ¹⁴Obuchilo yeezu akaba naazeenda, omu muhaanda yaabona laawi omwaana wa alfayo , ayikeele omu kazu koomwe kokutobesezamo oluhaambwe. yeezu yaamugaambila aati, onkulaatile. laawi yaayemeelela, yaabaanza kumukulaatila.¹⁵Yeezu na abaheemba boomwe baazeenda kulya ebyookulya ha luhelo omu nzu ya laawi. abahaambya na abaandi beenzi aabo baamanyikile kuba abaheni bakaba nibalya ebyookulya hamo nabo, habwo kuba beenzi be entuungwa ezi bakaba nibamukulaatila. ¹⁶Mbweenu abeegesa be ebilagilo abaabeele bali abafarisayo obuchilo kabamubweene yeezu naalya na abahaambya hamo na abaheni abaandi, baababuuza abaheemba boomwe bati, "habwaachi naalya hamo na abahaambya na abaheni abaandi?"¹⁷Obuchilo yeezu yaahuliile amagaambo gaabo, "yaabagaambilea, abaantu abeene ensiingo nzima, tibakugaswa omufumu, naho abalweele nibo abalikugaswa iinye tiindeezile kweeta abaantu abagololoke."¹⁸Obuchilo bunaanka, abaheemba ba yohana omubatiza hamo na abafalisayo bakaba bali omu chisiibo, niho abaantu bunaanka baazeenda hali yeezu, baamubuuza bati, habwaachi abaheemba ba yohana na abaheemba ba abafalisayo baza omu chisiibo, naho abaheemba baawe tibaza omu chisiibo. ¹⁹Yeezu yaabasubiza aati, "ngasi, abasagazi ba chisweela nibaza omu chisiibo, bali hamo na chisweela omu bweenga obuchilo bwoona oobwo bali hamo na chisweela, tibakuhicha kuza omu chisiibo."²⁰Naho ebilo biliyo nibiiza niho balaayakwa chisweela. obuchilo obwo, niho baliba ne echisiibo. ²¹Taliho omuuntu abaziilila echibatulo chisha aha mweenda ogukokweele. kaalabaziilila, echibatulo chisha nichiteemula omweenda ogukokweele no kwoongela kubatuka bwooli .²²Kaandi taliho omuuntu oogwo alikuchenena eviini eensha omu nfulebe ze eempu enkokolo . obuchilo eviini netuumba neziteemula enfulebe eezo ne eviini neseeseka ne enfulebe nizisiisikala. eviini eensha neeyeendelwa kuteebwa omu nfulebe ze eempu eensha."²³Echilo chimo che endaalikizo, yeezu akaba naalaba omu masaambo ge engano, hamo na abaheemba boomwe, mala abaheemba boomwe baabaanza kuhulula amakuumba, baalya. ²⁴Niho abafarisayo baamugaambila yeezu bati, leeba, abaheemba baawe nibakola agali omuzilo aha chilo che endaalikizo.²⁵Yeezu yaabagalulila aati, Ngasi, timukasomaga Amaandiko matakatifu nka nikwo Daudi yaakozile obuchilo yaabulubuliiwe, weenyini na bazeenzibe obu baabeele beena enzala? ²⁶Akataaha omu nzu ya Muungu, obuchilo abiatari akaba ali omugabe mukulu wa Muungu, yaalya emikaate yaamo eezo ekaba yaasohweezwe hali muungu. Telakuundiilwe omu bilagilo bya Musa omuuntu kulya emikaate eezo naho abagabe ba boonka , naho Daudi akazilya, mala yaaha na bazeenzibe aabo ali hamo nabo baba baalya ezo mikaate yaamo.²⁷Niho yeezu yaabagaambila aati, abaantu tibalahaangilwe nka nikwo, babigomookiile ebilagilo bye endaalikizo, naho echilo che endaalikizo chikateebwaho na muungu nka nikwo, chibahweele abaantu. ²⁸Aha nsoonga eezi, iinye mutabani wo omuuntu niinye omukama we endaalikizo.

¹Echilo echiindi che endaalikizo, yeezu yaataaha omu isomelo lya kaperinaumu, akaba aliho omuuntu oogwo alageele omukono. ²Abafarisayo bakaba bamuliindiliile bwooli yeezu, babone keelaaba alaamuchiza omuuntu ogwo echilo che endaalikizo.kaalamuchiza, babone omuhaanda gwo kumulegelela.³Yeezu yaamugaambila omuuntu oogwo akaba alageele omukono, aati Iiza, oyemeelele ahagati. ⁴Niho yeezu yaababuuza aati, mbweenu kwiingana ne ebilagilo bya Musa, ngasi ni chiintu chi echiikililiziibwe kukolwa ha chilo che endaalikizo, kukola ebizima nali kukola ebibi?Echilo echo tubuchize obulami, nali kwiita? Boonyini beesiza che.⁵Yeezu yaabaleeba boona aha chiniga, yaazuzubalilwa omu muganya gwoomwe habwo kulemeela kwe emiganya yaabo. niho yaamugambila omuuntu ogwo aati Golola omukono gaawe. Nawe yaagolola omukono gwoomwe, ahonyini gwaachila. ⁶Ahonyini abafarisayo abo baasohola aheelu, beekobya no kuteeka teeka na abahweezi bo omukama Herode Antipasi baabiteelana ookwo balaamwiita yeezu.⁷Yeezu yaalugayo aho, yaazeenda aha nyaanza ya galilaaya hamo naabaheemba boomwe. embaga mpaango ya abaantu kuluga galilaaya nayudea yoona emukulaatila, ⁸Habwo kuba bakaba bahuliile amahano aago akaba akozile. abaantu aabo bakaba balugile obutuuzi na hala. bakaluga omu chikaali cha yeruzaleemu yudea na idumaya, ha mulaambo gwo omunona gwa yorodaani na heehi ne emizihwa.⁹Yeezu yaabagaambila abaheemba boomwe baaloonze obwaato, kuba abaantu kibalamweemigisiliza abone kutaaha omu bwaato obwo. ¹⁰Abalweele bakaba nibeemigisiliza babone kumukwaataho, habwo kuba akaba achilize beenzi.¹¹Na abaantu abeena amazimu obuchilo baamubweene, gakaba nigagwa omu magulu goomwe no okuchula ahi ilaka lihaango bati, iiwe oli mutabani wa muungu. ¹²Naho yaagaangila ha kugachaahukila nka nikwo, gataakuba nigalangaana empola zoomwe ha baantu abaandi.¹³Yeezu yaahanama omu ibaanga. okwo yaayeta abaantu aabo yaayeenzile weenyini, baamwiizaho. ¹⁴Yaatooza abaantu ikumi na babili kuba hamo naze na aabe naabasiindika kwoolekeelela. ¹⁵Kaandi, akabaha amagala go kubiinga amazimu aha baantu. ¹⁶Aga nigo amaziina ga abaantu ikumi na babili aabo yaatoolize, simoni, oogwo yeezu akamuluka iziina eliinde, peetero,¹⁷Yakobo no omu lumuna yohana, abo nibo bakaba bali abaana ba zebedayo, aabo yeezu akabaluka iziina lyo boanerge, ensoonga yaaho abeene enkuba. ¹⁸Andrea, filipo, baritolomayo, matayo, tomaso, yakobo omwaana wa alfayo, tadayo, simoni omuzeloote . ¹⁹Na yuda iskariote , ogwo ayamukoongile yeezu. niho yeezu yaasuba omuka, yaataaha omu nzu.²⁰Echipipi cha abaantu chaakoba ah0 kaandi, kuhicha yeezu na abaheemba boomwe bakalemwa no oobu kulya ebyookulya. ²¹Obuchilo badugu boomwe bahuliile empola ezo baazeenda kumukwaata habwo kuba bakaba nibagaamba nka nikwo ahuugeene. ²²Abeegeesa be ebilagilo bya musa kuluga omuli yeluzareemu; bakaba nibagaamba bati, ayina beelzebuli ogwo mukulu wa amazimu, "niwe alikumuha obuhicha bwo kubiinga amazimu ha baantu".²³Aho yeezu yaabeeta, yaabaanza kubasoomboolela aha migani aati, isitaani lyaakaahicha lita kweeyiihaho lyeenyini. ²⁴Kabilaaba obukama bumo nibweetaanisa bwoonyini bwoonka, obukama obwo tibukulama. ²⁵Kaandi, kabilaaba eeka eemo keeyetaanisa yoonka, eeka azo tekuhicha kulama no obuche bwa akati.²⁶Kabilaaba isitaani nilibiinga no kulwaana na amazimu mazeenzige, obukamabwaalyo buba bwaataana, tibwaakuhicha kulama no obuche bwa akati, mazima ogwo omuhelo gwaagwo gwaahika. ²⁷Naho, amazima ni nka nikwo, omuuntu takuhicha kutaaha omuka ye empaambazi abone kusaakula ebiintu achaali atakamukomile. mazima kaalaaba yaamukomile kuluunzi, aho niho yaakaahicha kumunyagiilila ebiintu omuka yoomwe.²⁸Mazima butunu nniimbagaambila nka nikwo, abaantu nibabanyilwa ebihone byaabo byoona, kaandi nibaganyilwa ebilogoto byaabo byoona, ²⁹Naho, kabilaaba omuuntu naamulogota omwooyo mutakatiifu, tayina kuganyilwa obucha no obuchiila. naho naaba ne entaambala ye ebihone obucha no obuchiile". ³⁰Yeezu akabagaambila aatyo, habwo kuba boonyinibakaba nibagaamba bati".³¹Niho nyina yeezu na badugu boomwe baahika, baayemeelela aheelu ya eenzu eezo akaba alimo. baasiindika omuuntu oomo amweete yeezu. ³²Embaga mpaango ya abaantu ekaba ayikeele emuzoongoolokile. niho baamugaambila yeezu bati, leeba, nyoko na badugu baawe ni baahi.³³Yeezu yaabagalulila aati, maaha na badugu baanze ni baahi. ³⁴Yaabaleeba abaantu aabo beekeele bamuzoongolokile, yaagaambaaati, leeba, aba nibo maaha na badugu baanze. ³⁵Habwo kuba omuuntu oogwo likukola aago muungu ayeenda, ogwo niwe aaba mulumuna waanze, munyaanyeenye na niwe maaha.

¹Yeezu yaabaanza kweegesa kaandi abaantu aha ngeegeelo ye enyaanza. echipipi cha abaantu chaakoba .niho yaataaha omu bwaato, yeekala omu nyaanza kuba batamuzoonga. echipipi cha abaantu cheekalaomu ngeegeelo ye enyaanza. ²Akabeegesa ameegeso meenzi aha migani omu meegeso goomwe akoolekeelela aati.³Muhuliilize! akaba aliho omubibi oomo oogwo akeemuka kuza omu musili gwoom we kubiba embibo zoomwe. ⁴Obuchilo akaba naabiba embibo eziindi zikalagala omu muhaanda, enyonyi zeeza, zaazilya. ⁵Embibo eziindi zikalagala omu itaka liche aha luchili, zaamela bwaangu habwo kuba itaka likaba lililiche kwoonka.⁶Naho obuchilo omusana gwaatiile, gwaayomesaelyo itaka, embimbo ziba zaahotoka no okukaanzagala, habwo kuba emizi yaazo telabeele eyiziikile ahaansi bwooli. ⁷Embibo eziindi zikalagala omu mahwa. Aaho amahwa ago kagakuzile hamo ne emimelo, gaazimigisiliza, zaalemwa kukomeela no kusohoza omweezo.⁸Naho, embibo eziindi zikalagala omu itaka liluunzi, zaamela, zaakula no okuzaala amagoomba. Eemo yaazaala makumi asatu eendiyaazaalamakumimukaaga, ne eendi yaazaala igana limo". ⁹Niho yeezu yaabagaambila aati, "Oogwo ayina amatwi, ahuliilize!"¹⁰Obuchilo abaantu be embaga baalugileho, Yeezu yaasigala na abaheemba boomwe ikumina babili hamo na abaheemba abaandi. Niho baamubuuza ensoonga ye emigani yoomwe. ¹¹Yaabagalulila aati, Muungu abaheele iimwe okusonga ye emigani yoomwe. bwoomwe, naho boonyini nibagaambilwa aha migani kuba tibakaheelwe okusombookelwa aago, ¹²nko ookwo omubaasi Isaya akaandika, kuleeba, mulaaba nimuleeba, naho timulihweeza nakati, kuhulila, mulaaba nimuhulila, naho timukusombookelwa nakati. kabyaakubeele bitali bityo, bakalekeliile ebiheno byaabo, mbaganyile."¹³Niho Yeezu yaabazila aati, kamulalemwa kusombookelwa ogu omugani, elyaaba eeta aha migani eendi? ¹⁴Omubibi no omuuntu oogwoalikuleetela abaandi echigaambo cho obukama bwa Muungu. ¹⁵Abaantu abaandi basusana ni itaka elili aha mpelo yo omuhaanda aaho chilikubibwa echigaambo echo.Naho obuchilobahulila kwoonka echo chigaambo, Isitaani liiza, no kwiihaho echo chigaambo Muungu abibile omu miganya yaabo.¹⁶Abaantu abaandi basusana ne embibo ezalageele aha luchelege. Obuchilo bahulila echigaambo cho obukama bwa Muungu bachiinaankula aha manulilwa. ¹⁷Naho habwokuba basusana no omumelo oogwo oguteena mizi bakwaata echigaambo che empola ezo aha mwaanya muche kwoonka, habwo kuba okwiikiliza kwaabo tikulabeele ne emizi bwooli. keelaaba ebyaagalalo ne ennaku bibagweela habwe echigaamboecho, aho na aho bibakuumpisa no okuleka okwiikiliza kwaabo.¹⁸Abaandi basusana ne embibo eezo ezalageele omu mahwa. ogwo ni nko omubeelo gwa abo abalikuhulila echo echigaambo, ¹⁹naho boonyinibabeehwa ne ebitahatahiso bye eensi ezi. Bataahwamo ²⁰Na etuunku za amabonwa meenzi hamo no kuligila kuloondela ebiintu ebiluunzi.Aba bahulila echigaambo cha Muungu no kuchiinaankula no kuzaala amagoomba, oomo makumi asatu, oondi makumi mukaaga no oondi igana limo."²¹Yeezu yaabagaambila aati, "Ngasi, heena omuuntu oogwo alikwaacha olumuli no kulufuundiikiomu chitukulu nali akaluta omu buunkululu bwe echitabo. Naho naaluteleka aha lugulu ya akakoondo kaalwo lubone kumulikila hoona. ²²Bityo nikwo, byoona ebili bweeseleke oobu,bilyaaleebwa aha bweelu. Nabyoona ebichigiliilwe,bilyaateebwa aha bweelu bimanyike. ²³Oogwo ayina amatwi, ahulilize!"²⁴Niho yeezu yaazeendelela kubasoomboolela aati, muhuliiliza kuzimas bityo nyini nka nikwo koolikweesohoza kuchihuliiliza echigaambo, ootyo nikwo muungu nawe naakuha amasala, na nakwoongela kuchisombookelwa bwooli. ²⁵Manya sii, omuuntu oogwo aheelwe ebiintu akabikolesa emilimo, naho omuuntu weena weena oogwo aheelwe ebiintu naho akaleka kubikolesa emilimo, mazima na aako ayebikiliize, altaayakwa.²⁶Yeezu yaabagaambila aati, obukama bwa muungu, omususaniso gwaaho ni nke empola eezi, omuuntu abiba omu itaka. ²⁷Omuchilo ahunila na nyemisana aba meeso, embibo ezo zimela no ekusebuka, na weenyini omulimi takusoombookelwa eecho echilikuzikola zityo. ²⁸Itaka elyo nyini nilikuza embibo ezo no kuzaala. aha kubaanza neesohoza amababi, neebaanza kufuluma, ha muheleeluko neesohoza ikuumba eelyo liina embibo. ²⁹Emyeezo ezo kuzilikukomeela, no kwooma, aha niho omulimi atwaala eliihiso lyo kugesa.³⁰Yeezu yaayongela kubasoomboolela aati, obukama bwa muungu tubususanise na chiiha tubususanise na mugani chi. ³¹Bisusana no oluzuma lwe ehaladaali, olwo oluli luche bwooli kuchila enzuma eziindi zoona. ³²Kalumela, luba omuti muhaango kusaaga emiti yoona omu musili. guzila na amatabazi mahaango ne enyonyi na."³³Yeezu akagaamba echigambo cha muungu aha migani miinzi, nke eenzi, aha kazeendele aako baahichize kusomboolelwa. ³⁴Akaba ateena kuhooya nabo atagaambile emigani.Naho, obuchilo akaba ali hamo na abaheemba boomwe bali boonka, akaba abasomboolela byoona.³⁵Echilo echo olweebazo, Yeezu yabagaambila abaheemba oomwe aati, Twaambuke enyaanza, tuzeende aha mulaabo. ³⁶Baaleka embagaya abaantu, baahanama omu bwaato oobwo akaba alimo yeezu, baalugamo hamo nawe.Hakaba heena amaato agaandi aago bakazeendana nago. ³⁷Echiihule chabaanza kuteela omu nyaanza. Amakoonzo gakaba nigateela obwaato, ameenzi gabaanza kutaaha omu bwaato bwaayeenda kwiizula.³⁸Obuchilo obwo, yeezu akaba alyaamile enyuma omu bwaato, asikamiliize omutwe gwoomwe aha musago. Abaheemba boomwe baamwiimucha, baagaamba bati, mweegesa, tokusaaswa nka nikwo nitufwa. ³⁹Niho yeezu yaayemeelela no kugukaama ogwo muyaga, yaagaambila enyaanza aati, oyesize chuleela ogwo muyaga gwaahula kuteela, haaba echineembe butunu.⁴⁰Mbweenu yeezu yaababuuza abaheemba boomwe aati, habwaachi nimutiina mbeenu no oobu nyinimuchaali timwiina okwiikiliza. ⁴¹Boonyini batiina bwooli, baabaanza kweebuuza bati, ngasi no ooha ogu, noobwo omuyaga na amakoonzo ge enyaanza nibimugomookela.

¹Yeezu na abaheemba boomwe baahika ha mulaambo gwe enyaanza ya galilaaya, omu nsi ya abagelaasi. ²Obuchilo yeezu kiyaatuukile kuluga omu bwaato, ahonyini abugana no omuuntu oogwo akaba ayina. izimu naalugiilila omu nyaanga zo kuziikilamo abafwiile.³Omuuntu ogwo akaba naatuula omu bituulo. akaba ayina amagala, akaba ataliho weena weena oogwo ayaahikize kumuboha no oobu bwe eminyololyo. ⁴Bakaba nibamuboha ne eminyololyo entulo nyiinzi omu ngalo no omu amaguku, naho akazinogola zoona. akaba ataliho omuuntu owa amaani oogwo yaakuhicha kumusiinga.⁵Buchiile omu chilo na nyemisana akaba abayo omu bituulo no omu mabaanga, naachula no kweehalaatula na amakulugusa. ⁶Obuchilo ogwo muuntu kayaamuloliile yeezu, aba yaamwiilukiilila, yaamugwa omu magulu.⁷Mala ogwo omuuntu yaayaambaza ahi ilaka lihaango aati, okaatuulanwa chi ne eenye, ka noondoonda iiwe, yeezu mutabani wa muungu oogwo ali olugulu ya byoona nniinkulahiza ahi iziina lyab muungu nka nikwo otaannyagalaza. ⁸Akasaba aatyo habwo kuba yeezu akaba aligaambiile eelyo izimu aati, luheendeho hali ogu muuntu.⁹Yeezu yaalibuuza aati, iziina lyaawe oli ooha lyaamugalulila niligaamba liti, iziina lyaanze ndi ensuli, habwo kuba iichwe tuli beenzi ha muuntu oogu. ¹⁰Izimu eelyo lyaamusaba entulo nyiinzi nka nikwo atababiinga omu nsi eezo.¹¹Hakaba heena obusho bwe empunu, omu iliisizo aha ngolomoko yi ibaanga. ¹²Niho amazimu ago gagaamba gati, nitukusaba tuti, otukuundile tutaahe omu mpunu ezo. ¹³Yeezu yaagakuundika. mbweenu ago amazimu gaamulugaho ogwo muuntu, gaazitahamo empunu, obusho bwoona bwe empunu bwaatamo olubilo aha ngolomoko mpaango ye eelyo ibaanga, lyataaha omu nyaanza no kufwa. empunu ezo zikaba nizihika ebihuumbi bibili.¹⁴abo baliisa be empunu baba beeluka, baazeenda nibalangaana ezo mpola omu muzihwa no omu mituulo yo obutuuzi. abaantu beeza, babone kweebonela boonyini ago agaakolwa. ¹⁵Obuchilo kabaahikile hali yeezu, bamubona omuuntu oogwo akaba ayina embaga ya amazimu ayikeele, azweele ebizwaalo, na ayina obweenze bwoona, baatiina bwooli.¹⁶Bali aabo baabweene amagaambo ago baaba nibabaagambila abaantu abaandi agamugwiilemo ogwo owa amazimu hamo ne empunu. ¹⁷Niho abaantu abo baabaanza kumuneembelela yeezu alugeho omu chaalo chaabo.¹⁸Obuchilo yeezu akaba naataaha omu bwaato, omuuntu oogwo akaba ayina amazimu yaamusaba yeezu nka nikwo amukuundile azeende hamo nawe. ¹⁹Naho yeezu talamukuundiile, yaamugaambila aati, zeenda owaanyu, omu baanyu , obalaanganile, ni magaambo chi mahaango aago omukama yaakukolela ne echiganyizi eecho yaakuzilila. ²⁰Aho omuuntu ogwo yaazeenda, yaabaanza kwoolekeelela empola ya amagaambo mahaango aago yeezu yamukolela omuli dekapoolisi, abaantu boona baasobelwa.²¹Yeezu na abaheemba boomwe bayambuka enyaanza kaandi kusuba ha mulaambo. obuchilo kabaahikile, embaga mpaango ya abaantu yaamukobaho aha ngeegeelo ye chaambo. ²²Yeeza omweebeembezi wi isomelo, iziina lyoomwe yairo. obuchilo kayaamubweene yeezu, yamuzaho, yaagwa omu magulu goomwe. ²³Yamuneembelela naagaamba aati, muhala waanze no omulweele, naayeenda kufwa. nniinsabatuzeende, omuteho engalo zaawe abone kuchila no kulama. ²⁴Yeezu yaazeenda nawe owoomwe. embaga ezo mpaango, ekaba neemukulaatila, neemufuundiliza buli lubazu.²⁵Omu mbaga ezo, hakaba heena omukazi oogwo akaba ayina endwaala ye emizezi aha myaaka ikumi ne ibili. ²⁶Ogwo mukazi akaba yaayagaleele bwooli kulibata omu bafumubeenzi. akaba yaasikiize ebiintu byoomwe byoona natwaala omu bafumu, naho endwaala yoomwe telabeele kuundi, nayo ekaguma kwoongela. ²⁷Obuchilo omukazi ogwo kayaahuliiza empola za yeezu, yaakweengela omu mbaga ya abaantu kuluga enyuma yoomwe, aba yaamukuumyaho aha lukugilo lwo omweenda gwa yeezu.²⁸Habwo kuba omuganya gwoomwe gukateekateeka guti, kiindaakuumyaho kwoonka ebizwaalo byoomwe, nniinchila. ²⁹Ahonyini ensagama yaalekela kuzwa, yeehulila aha mubili nka nikwo yaachila.³⁰Bwaangu yeezu yaamanya nka nikwo amagala goomwe gaakola omulimo. yaabahiindukila, yaababuuza abaantu be ezo mbaga aati, no ooha oogwo ayankuumyaho emyeenda yaanze. ³¹Abaheemba boomwe baamusubiza, mbweenu noleeba nka nikwo abaantu beenzi ookwo balikukufuundiliza habwaachinobuuza, no ooha oogwo ayaankuumyaho. ³²Naho yaaleeba kunu na kunu, abone kumubona oogwo ayaamukumizeho.³³Niho omukazi ogwo yaatiina bwooli no okuzuguma habwo kuba akaba yaamanyile agaamugwamo, bityo aba yeeza no kumugwa omu magulu, yaamusomboolela amazima goona. ³⁴Yeezu yaamugaambila aati, iiwe muhalakazi waanze, okwiikilizakwaawe nikwo kwaakuchiza. ozeende no obuhoolo, obutazila endwaala yaawe kaandi.³⁵Obuchilo yeezu akaba achaahooya, abaantu beeza kuluga omu nzu ya yairo, omweebeembezi wi isomelo, nibaagaamba bati, leka kumwaagalaza omweegeso, habwo kuba muhala waawe yaafwiile.³⁶Naho yeezu talacheetiileho echigaambo chaabo, yaamugaambila yairo aati, otatiina, yikiliza kwoonka. ³⁷Yeezu talakuunzile omuuntu weena weena akwaatangane nawe. yaazeenda napeetero, yakobo na yohana ali mulumuna wa yakobo. ³⁸Obuchilo kabaahikile omu nzu ya yairo, yeezu yaasaanga abaantu nibachula no kuteela empamo.³⁹Yaataaha omu nzu, yaabazila aati, nimuchulila chiiha omuhalakazi oogu takafwiile, naho abyaamile kwoonka. ⁴⁰Abaantu abaabeele bali omwo bamuseka ahi igayo, naho yeezu yaabasohoza boona aheelu. yaatwaala iise, nyina wo omuhalakazi na abaheemba boomwe basatu, baazeenda omu chiseenge chi balyaamikile omuhalakazi.⁴¹Yaamukwaata omuhalakazi ogwo bwe engalo, yaamugaambila aati, talitha, koum ensoonga yaaho, muhalakazi, nniinkugaambila, imuka. ⁴²Ahonyini, omuhalakazi ogwo akaba ayina emyaaka ikumi ne ebili, yaayemeelela, yaabaanza kulibata. baasobelwa bwooli. ⁴³Yeezu yaabakaama bwooli nka nikwo batabigaambila omuuntu weena weena ebyo ebyaakolwa. male yaabagaambila abazeele bo ogwo omuhalakazi bamuhe ebyookulya.

¹Yeezu yaalugayo okwo, yaasuba omu mugoongo gwo owaabo, na abaheemba boomwe baamukulaatila. ²Obuchilo echilo che endaalikizo kichaahikile, yaabaanza kweegesa omu isomelo beenzi aabo abaamuhulile baasobelwa. Bakaba nibeebuuza bati, Aa Ngasi oogu abonesize nkahi aga, goona? Kaandi, abanesize nkahi amasala goona nka aga, na amagala go kukola amahano nka ago? ³Oogu tiwe oogwo omusala miti, mutabani wa mariamu, na abalumuna ni yakobo, yose, yuda, na simon? Ngasi, banyaanya tibatuleene ne echwe aha? Baasaaya habwa weenyini, baaleka kumwikiliza.⁴Yeezu yaabaagambila aati, Omubaasi akuzibwa hoona hoona, nahotayina ikuzo omu mizihwa gwo owaabo, tayina ikuzo hali badugu boomwe no owoomwe. ⁵Bityo, yeezu talahichize kukolayo okwo amahano meenzi, naho akateelaho emikono abalweele bache no kubuchiza. ⁶Yaasobelwa bwooli habwo kuba abaantu abo tibalamwiikiliize. Niho yeezu yaazoongoloka omu migoongo yo obutuuzi kubeegesa abaantu.⁷Yaabeeta abahemba boomwe ikumi na babili. Yaabaha amagala go kusohoza abaantu amazimu, yaabasiindika babili babili. ⁸Yaabalagila aati, mutatwaala chiitu choona choona omu luzeendo lweenyu naho oluhiimbo lwoonka. mutatwaala ensaho, nali omukaate, nali empilya. ⁹Muzwaale enkee.¹⁰Kaandi, yaabagaambila aati, omuunzu yoona yoona eezo balaabanyegeza, mwiikale omwo nyini, kuhika obuchilo mulaaluga ahaantu aho. ¹¹Kaandi, hoona hoona aaho balaaleka kubanyegeza nali kubahuliiliza mulegeho, mweekuunkumule enkuungu eezo eeli ha magulu gaanyu.neeba emanyiso ye ebiheno byaabo.¹²Abaheemba abo baalugaho, baabaanza kuboolekeelela abaantu nka nikwo batamwe no kubilekelela ebiheno byaabo no kumuhiindukila muungu. ¹³Bagiinga amazimu meenzi, baabasiiga amazuta abalweele beenzi, baabachiza.¹⁴Omukama herode antipasi, akahuliza empola za yeezu, habwo kuba akaba namanyiika hoona. abaandi bakaba nibagaamba bati, ni yohana omubatiza yaazoolwa kuluga omu bafwiile, niyo ensoonga ayina amagala go kukola amahano mahaango nka ago. ¹⁵Abaandi bakaba nibagaamba bati, yeezu ni eliya. abaandi bakaba nibagaamba bati, weenyini no omubaasi wa muungu nka ababaasiabaandi ba kala.¹⁶Obuchilo herode antipaasi yaahuliile empola ezi, yaamuzila aati, ogu ni yohana, oogwo nkanogola omutwe. yaazooka kuluga omu bafwiile. ¹⁷Aho aha bubaandizo herode antipasi weenyini akaba alagiize nka nikwo yohana akwaatwe, achiingilwe omu ibohelo. herode akakola aatyo habwo kuba akaba aswiile herodia oogwo akaba ali muka mulumunawe, alikweetwa, filipo.¹⁸Kuba yohana akaba naamusoomboolela aati, no omuzilo omu meeso ga muungu kusweela omukazi wa mudugu waawe obuchilo achaali achili mwooyo. ¹⁹Mbweenu amagaambo ago gakaleetelela herodia kumutamwa yohana, no kuloondela omuhaanda gwo kumwiita, naho yaabulwa. mbweenu habwo kumunuliza herodia, herode antipasi yaalagila katiikilo bamukwaate yohana no kumuboha omu ibohelo. ²⁰naho akaba naamweemanya, kuba herodia ataakwiiza kumwiita habwo kuba akamutiina yohana no okusombookelwa nka nikwo, yohana no omugololoke no mutakatiifu. herode antipasi ayeenda kumuhuliiliza yohana bwooli, naho obuchilo yaamuhuliliize, azululukilwa.²¹Ne enhilo chimo herodia akabona omuhaanda muluunzi gwo kumwiita yohana. echilo cho kulya amazenyi go kuzaalwa kwoomwe herode antipasi, akabaangisa baalubago, abakulu ba abalwaanila ngoma na abategekibe eensi ya galilaaya. ²²Obuchilo abazenyi kabeekeele, enkuuba ali muhala wa herodia kayaataahilemo, akanegula, herode na abazenyi boomwebaba baanulilwa. omukama herode yaamugaambila omuhala ogwo aati, onsabe choona choona eecho olikweenda, iinye nniinkuha.²³Yaalahila aati, nniinkuha choona choona eecho olikweenda, no oobu obwaata iheembe bwo obukama bwaanze. ²⁴Niho ogwo muhala yaasohola aheelu, yaamubuuza nyina aati, maaha, nsabe chiiha nyina yaamugalulila aati, saba akuhe mutwe gwa yohana omubatiza." ²⁵Omuhala ogwo yaasuba bwaangu aha mukama, yaamugaambila aati, nniinyeenda oompe oobu nyini omutwe gwa yohana omubatiza aha lutemele lwe embaahu."²⁶Omukama yaazuzubalilwa bwooli, naho habwe echilahiloche omu meeso ga abazenyi boomwe, talayeenzile kumwaangilila. ²⁷Mala omukama yaamusiindika katiikilo azeende kumunogola yohana omutwe . katiikilo yaazeenda omu ibohelo, yaanogola omutwe gwa yohana. ²⁸Yaaguleeta omutwe gwa yohana aha lutemele lwe embaahu, yaagumuha ogwo muhala ma herode, nawe yaagumutwaalila nyina. ²⁹Obuchilo abaheemba ba yohana baahuliile ago, baazeenda , baatwaala omu tuumbi gwoomwe, baaguziika omu mbi.³⁰Obuchilo entumwa za yeezu zaasubile, zaakoba omu meeso ga yeezu, baamugaambila goona aago baakozile na aago baayegesize. ³¹Kwiingana na abaantu beenzi bwooli aabo bakaba baliho, abaandi bakaba nibeeza, abaandi bakaba nibalugaho, yeezu na abaheemba boomwe baabulwa omwaanya gwo okulya. yaabagaambila abaheemba boomwe aati, mwiize, tuzeende ahaantu ahateena baantu, tubone kuhuumula kache. ³²Baalugaho boonyini bwo bwaato, baazeenda ahaantu aaho ahateena abaantu.³³Naho obuchilo bakalugayo abaantu beenzi baababona, baabamanya. abaantu abo hamo na abaandi kuluga omu mizihwa miinzi baabelukiilila lwa amagulu, babeebembeelela kuhika okwo aaho bakaba nibazeenda. ³⁴Obuchilo yaasooka omu bwaato, yaabona embaga mpaango ya abaantu. yaabazilila echiganyizi habwo kuba bakaba bali nke entaama ziteena omuliisa. yaabaanza kubeegesa ama.³⁵0buchilo izooba kalyaheenzile omukono, abaheemba boomwe beeza hali weenyini, baamugaambila bati, aaha tuli no omu chituuntu, ne ensimbaazi yeeliliza. ³⁶Obalage abaantu aaba, bazeende omu mituulo beegulile ebyookulya.³⁷Naho yeezu yaabagalulila aati, iiwe mubahe ebyookulya. baamubuuza bati. nooyeenda iichwe tuzeende kubagulila emikaate ye edinaali magana abili tubone kubaha balye. ³⁸Yeezu yaababuuza aati, ngasi, mwiina emikaate engahi nimuzeende muleeba. baazeenda kuleeba, baasuba, baamugaambila bati, "twiine emikaate itaano ne eenfwi ibili."³⁹Yeezu yaabagaambila aati, mubeekaze abaantu boona empelobunaanka aha bunyaansi. ⁴⁰Beekala empelo abaandi igana abaandi makumi atano. ⁴¹Yeezu yaatwaala emikaate itaanoezo ne eenfwi ibili, yaalalamila omu igulu, yaamusiima Muungu. Niho yaazimenyula emikaate, yaabaha abaheemba boomwe babone kubagabila abaantu boona emikaate ne eenfwi.⁴²Abaantu boona baalya baahaaga. ⁴³Niho, abaheemba boomwe baakobya kobya amasaaga ge emikaate ne eenfwi, beezuza ebitukulu ikumi na bibili. ⁴⁴Aabo bakalya emikaate aho, abaseeza bakaba bali ebihuumbibitaano.⁴⁵Niho Yeezu yaalagila abaheemba boomwe nka nikwo, bahaname omu bwaato, beebeenbele kuzeenda buseeli bwe enyaanza, omuli Betisaida, obuchilo weenyini alaaba naazilaga embaga ya abaantu. ⁴⁶Kayaabeele yaamazile kulagana ne embaga ya abaantu, yaahanama omu ibaanga kusaba Muungu. ⁴⁷Kahabeele aha kachilo chilo, abaheembabe bakaba bali omu bwaato aha buziba, nawe Yeezu akaba achili weenka aha mulaambo.⁴⁸Yaababona ookwo bakaba nibaagalala bwoli kuteela engahi habwo kuba omuyaga muhaango gwe eente gukaba niguheemba. mbeenu obuchilo heliliile amacheelelelwa, yaabazeendaho naalibata aha meenzi, yaayeenda kubahiinguliza. ⁴⁹Naho, obuchilo boona kabaamubweene Yeezu naalibata aha lugulu ye enyaanza baateekuza luundi ne echiinyuma nyuma, beekaangwa bwooli no kuteela empamo. ⁵⁰Ahonyini, Yeezu yaabagaambila aati, mutiimbye omuganya, mutatiina!ni iinye!⁵¹Yeezu yaahanama omu bwaato omwo, omuyaga gwaachuleela haaba echineembe baasobelwa bwooli, ⁵²habwokuba bakaba bachaali batakasombookiilwe noolu elyo ihano lye emikaate. Emiganya yaabo ekaba elemiile.⁵³Obuchilo Yeezu na abaheemba boomwe bayaambukile enyaanza, baahika omu nsi ya Genezareti. baanaga enaanga baagoba aho aha chaambo. ⁵⁴Obuchilo baatuukile omu bwaatoahonyiniabaantu bo okwo baamusombookelwa Yeezu ⁵⁵Beeluka nibazoongoloka omu nsi yaabo yoona. abaantu bakaba nibamuleetela Yeezu abalwele aha mikeeka kuzeenda hoona hoona aaho bahuliile nka nikwo Yeezu aliho.⁵⁶Hoona hoona aaho Yeezu akeemuka kuza, eebe omu migoongo, omu maboma nali omu mituulo, bakaba nibamuleetela abalweele no kubabyaamika omu magulizo. nabo baamuleembeza Yeezu abakuundile abalweele bakoleho no oobu aha lukugilo lwe ebizwaalobye kwoonka. niho abalweele boona aabo abaabeele bakolaho, bakachila.

¹Ebilo ebyo, Abafarisayo boona na abeegesa be ebilagilo bya Musa abaandi abalugile Yeruzaleemu bakoba hali Yeezu.²Baabona omu baheemba boomwe abaandi nibalya ebyookulya bwe engalo eziteelizwe nko ookwo elikweendelwa. ³Abafarisayo na Abayahudi abaandi tibalabeele nibalya bateena kunaaba kuhicha aha nkokola, bakaba bakulaatila obuteeka bwa beesabo enkulu nkokwo bukaba buli ⁴Obuchilo nibaluga omu igulizo, tibalya, babaanza ha kunaaba nka nikwo elikweendelwa, niho babone kulya. kaandibeezuka obuteeka bwaabo obuundi bwiinzi bwa kala, nko kwooza ebikoombe, ifulila neebiseme byoona.⁵Niho Abafarisayo na abeegesa be ebilagilo bya Musa baamubuuza Yeezu bati, "habwaachi abaheemba baawe tibakukulaatila obuteeka bwa besiichwe enkulu?nibalya ebyookulya bateena kunaaba engalo kwiingana okwoelikweendelwa?"⁶Yeezu yaabagalulila aati, iimwe ne engobya. Muungu akagaamba mazima ha bweenyu kulabila omubaasi woomwe Isaya nka nikwo, abaantu aba nibaankuza aha bigaambo kwoonka, naho emiganya yaabo eli hala neenye. ⁷Nibaanyeseenga busa, habwo kuba amagaambo aago balikweegesa ne ebilagilo bya abaantu.⁸Yeezu yaabagalulila aati, iimwe nimuleka ebilagilo bya Muungu, nimukulaatila obuteeka bwa abaatu. ⁹Nimulila muti mwiina obweenze kwaanga ebilagilo byoomwe Muungu kuba mubone kukulaatila obuteeka bwaanyu! ¹⁰Aha nsoonga Musa akagaamba nka nikwo, Obakuze iiso na nyoko. kaandi, yaalagila nka nikwo weena weena oogwo alikuzuma iise nali nyina,kufwa na aafwe.¹¹Naho iimwe omu kwegesa kwaanyu mugaamba ni kuzima kwoonka kabilaaba omuuntu naamusoomboolala iise nali nyina nka nikwo, ebiintu byaanze eebyo naakuhichize kukuhweela, byaabeele korbani, ensoonga yaaho naamazile kusohoza nkeechitaambo ahali Muungu. ¹²Habwo kweegesa mutyo, nimutwaalilila nka nikwo atamuzuna iise nali nyina. ¹³Bityo nimusuucha echigaambo cha Muungu habwo kukulaatila obuteeka byaanyu. na nimukola meenzi aagogalikususana na aga.¹⁴Yeezu yaayeta kaandi embaga ya abaantu, yaabagaambila aati, nimuhuliilize mwetegeeleze, musoombookelwe amagaambo aaga ndikubagaambila! ¹⁵Tihaliho chiintu eecho kachilikumutaahamo omuuntu no kuleetelela obulofo. naho, aago agalikuluga aha muganya gwo omuuntu nigo galikumuleetelela omuuntu obulofo. ¹⁶(Oogwo ayina amatwi go okuhulila, ahuliilize).¹⁷Kayaamazile kulekaana ne embbaga ya abaantu no kutaaha omu nzu, abaheemba boomwe baamubuuza habwo omugani ogwo. ¹⁸Yaabagaambila aati, Ngasi, ne emwe mulyaabalogwezi?timukusombookelwa nka nikwo, echiintu eecho echilikumutaahamo omuuntu, tichikuhicha kuleetelela obulofo? ¹⁹Hakuba tichikumutaaha omu muganya, nivchiiza omuunda kwoonka no kusohola omu mubili. aha kugaamba aatyo Yeezu akakomeenteleza nka nikwo ebyookulya byoona bibe nibiliibwa bitaba omuzilo.²⁰Yaazeendelelakugaamba aati echimulugamo omuuntu, nicho chimuleetela omuuntu obulofo. ²¹Nikwo kugaamba aha muganya niho biluga ebiteekuzo bibi, byo obusiihani, ²²Olukono obwiisi, obusaambani, etuunkumbi, obufu, enteba, ameelu, obuzilwa, ilyoogo, ihagi no obusilu. ²³Obuzilwa bwoona oobwo buluga aha muganya gwo omuuntu nibwo buleetelela omuuntu kuba omulofo.²⁴Yeezu yaalugayo okwo Galilaaya, yaazeenda omu byaalo Tiilo na Sidooni. okwo, yaataaha omumzu, talayeenzile omuuntu weena weena amanye nka nikwo aliho naho talahichize kweeseleka. ²⁵Naho hakaba heena omukazi oogwo omuhala akaba ayina izimu, yaamwiizaho bwaangu yaateela ebizwi omumeeso goomwe ²⁶Ogwo mukazi akaba atali Muuyahudi akalugiilila Foonike omu nsi ya Siiria. ogwo mukazi yaamusaba Yeezu alimwiiheho omuhala izimu.²⁷Yeezu yaamugaambila aati, tikuzima kutwaala ebyookulya bya abaana no kubinagila eembwa.babaanze abayaanda bahaage. ²⁸Naho omukazi ogwo yaamugalulila Yeezu aati, nikwo bili Mukama naho no oobu eembwa ezili aheefo ye emeeza nizilya ebisige bya abayaanda.²⁹Yeezu yaamugalulila atii, aho wagaambakuzima. Mbweenu, zeenda, izimu lyaamulugaho muhala waawe. ³⁰Omukazi ogwo yaasuba omuka, yaasaanga omuhala alyaamile aha chitabo, izimu lyaamulugileho.³¹Niho yeezu yaaluga omu mbibi za Tiilo, yaalaba ahagati ya Sidooni, kuhika aha nyaanza ya Galilaaya no kutaaha omuli Dekapoolisi. ³²Okwo hakaba heena omuuntu oomo,oogwo akaba ali enzibamatwi kaandi naadidibiza. Abaantu baamuleeta ahali Yeezu, baamuneembelela amuteho engalo, abone kuchila.³³Yeezu yaamwiihaho kuluga embaga ya abaantu, yaazeenda nawe weenka ahateena bantu. Yaakola enkumu zoomwe omu matwi go omuuntu ooli. Yaachweela amachwaanta aha lukumulwe, yaamukolaho aha lulimi. ³⁴Yaalalamila omu igulu, yeecha, yaamugaambila aati, ''Efata,'' ensoonga yaaho, ''komooloka.'' ³⁵Ahonyini, omuuntu ogwo akomooloka amatwi, okukomwa kwa olulimi Lwoomwe kwaalekulila, yaabaanza kugaamba gaamba kuzima.³⁶Yeezu yayaangila embaga ya abaantu nka nikwo, batabigaambila muuntu weena weena eebyo yaakola.nahokwiingana ookwo yazeendeliile kubaangila, nikwo bagumiizeho bwoolikwaatujla empola ezo. ³⁷Baasobelwa bwooli, baagaamba bati, Goona aago alikukola ni maluunzi. "naachiza enzibamatwi nabo nibabona kuhulila, na abatita nabo nibabona kugaamba gaamba."

¹Omu bilo ebyo, kaandi embaga eendi mpaango ya abaantu ekakoba, no omwaanya gukahiingula bahweelwa ebyookulya. niho Yeezu yaabeeta abaheemba boomwe, yaabagaambila nka nikwo, ²Echi ne echilo cha kasatu abaantu aaba tweekeele nabo nobu tibachiina choona choona echookulya nicho chaambonesa mbazilile echiganyizi . ³Kinakugaamba mbaleke bazeende owaabo ne enzala batakwiiza bakalaba bakagwa omu muhaanda na abaandi nibalugiilila hala.'' ⁴Abaheemba boomwe bamugalulila bati, ''Aha omu iluungu, tiheena omuuntu oogwo yaakuhicha kubonesa emikaate yo kubahaagisa abaantu boona aba.⁵Yeezu yaababuuza aati, ''Mwiina emikaate engaahi?'' Baamugaambila bati, ''Twiina emikaate muusanzu.'' ⁶Yeezu yaabalagila abaantu boona beekale ahaansi. Yeemucha emikaate musaanzu ezo, yaasiima yaagumenyula. Yaabaha abaheemba boomwe, babagabile abaantu.⁷Kaandi bakaba beena otufwi tuche tuti. Yeezu yaasiima mala yaabalagila abaheenba boomwe babahe abaantu. ⁸Abaantu baalya baahaaga. niho abaheemba baatulaaniza amasaaga ge ebyookulya, beezuza ebitukulumusaazu. ⁹Abaantu aabo bakalya ebyookulya bakaba nibahicha kuba ebihuumbi bina . niho Yeezu yaabalaga abaantu abo, bazeende owaabo ¹⁰Mala aba yaataahaomu bwaato na abaheemba boomwe, baazeenda omunsi ya Dalimanuta.¹¹Obuchilo Yeezu na abaheemba boomwe kabahikile Dalimanuta, Abafalisayo beeza hali Yeezu . Baabaanza kuhakana nawe kuba bamuieenge. bakaba nibamusaba abooleke emanyiso kwooleka nka nikwo alugile hali Muungu. ¹²Yeezu yaazuzubalilwa omu mwooyo. Yaabagaambila aati, Habwaachi iimwe abaantu bo obuchilo oobu nimweenda kubona olumanyiso?mazima butunu niimbagaambila, iinye tiinkubooleka olumanyiso lwoona lwoona abaantu bo obuchilo oobu ¹³. Yaabaleka, yaataaha kaandi omu bwaato hamo na abaheemba boomwe. baabaanza oluzeendo lwo kubuga babone kwaambuka ha mulaambo.¹⁴Abaheemba ba yeezu bakaba bebilwe kusutula emikaate. Bakaba beena omukaate gumo gwoonka omu bwaato. ¹⁵Yeezu yabahana aati, muleemanya mube meeso ni ituumbya lya Abafarisayo ne elyo omukama Herode Antipasi.¹⁶Abaheemba boomwe baabaanza kubitelaana bonyini omuli boonyini bati, Naagamba aatyo, habwokuba titwiina emikate. ¹⁷Yeezu akamanya goona aago bakaba nibahoyela yaababuza aati, Haabwaachi iimwe nimuteekateeka mweenka nka nikwo muteena mikate muchaali kusombookelwa no kumanya echiintu,ngasi emiganya yaanyu yaalemiile.¹⁸Nikwo kuugaamba iimwe mwiina ameeso naho timukuhweeza echiintu, mwiina amatwi naho timukuhulila chiintu oobu,habwaachi timukwizuka. ¹⁹Obuchilo oobu naamenywiile emikate ezo itaanu no kubalisa abaantu obusaago bwe ebihuumbi bitaano,mukasuumbya ebitukulu biingahi ebyo amasaaga? baamusubiza baagamba bati tukasuubya ebitukulu, "ikumi na bibili."²⁰No obuchilo naamenywiile emikate musaanzu no kubabonesa abaantu ebihumbi bina mukasuumbya ebitukulu biingahi ebya amasaaga bamusubiza baagamba bati ebitukulu musaanzu. ²¹Niho yaababuza yaabazila aati no oobu timukasoombokiilwe?.²²Yeezu na abaheemba boomwe,bahika aha mugoongo gwa Betisaidi. abantu bunaanka bamuleeta omuhume oomo bamusaaba yeezu amukoleho no kumuchiza. ²³Yeezu yaamukwaata engalo omuhume oogwo, yazeenda nawe aheelu yo oogwo mugoongo yaamuchweela amachwaata omu meeso,yamutelaho engalo aha meeso yaamubuza aati oobu nohweza choonachoona.²⁴Omuuntun ogwo yaleeba olugulu,yaagamba aati nimboona abaantu nibaloleenkana nke emiti nibalibata libata. ²⁵Yeezu yamutaho engalo kaandi aha meeso nawe oogwo muuntu yaanoonkola ameeso ge yaachila yaahicha kuhweeza ebiintu byoona kuzima. ²⁶Yeezu yaamugambila aati zeenda omuka, otasuba omuli ogu mugoongo.²⁷Yeezu na abaheemba boomwe baalugaho Betisaidi, bazeenda emigongooya heehi na kaizaaria Filipi. obuchilo bakaba nibalibata omu muhaanda yeezu yaababuza aati abaantu nibagaamba iinye ndi ooha?. ²⁸Bamugalula bati abandi nibagaamba iiwe ni Yohana omubatizaji baandi nibagaamba iiwe no omubaasi Eliya abaandi nibagaamba no omubaasi oondi wa kala wa muungu.²⁹Yaababuza aati oobu iimwe,nimugaamba iinye ndi ooha? peetero yamugalulila yaamuzila aati iiwe ni Masihi. ³⁰Yeezu yaabahana batagema kumugaambila omuuntu weena weena weenyini no ooha.³¹Niho yeezu yaabanza kubeegesa abaheemba boomwe, nka nikwo ni lwampaka hali iinye mutabani wo omuuntu, mbone ebyaagalalo bihango nnyaangwe na abanyampala ba abayahudi na abakulu ba abagabe na abegeesa be ebilegilo bya Musa na nyitwe naho echilo cha kasatu kulugilila kufwa kwaanze, niinzilwa. ³²Yeezu akaba naabagambila abahemba boomwe echigambo echo butunu. naho peetero yaamweeta ha lubazu yaabanz kumuchaahukila.³³Yeezu yahiinduka yaabaleeba abahemba boomwe. yamuchaahukila peetero aati iiwe Isitaani galuka enyuma yaanze habwokuba, ebiteekuzz byaawe ne bya abaantu kwoonka naho tibya muungu. ³⁴Yaayeta embagaya abaantu hamo na abaheemba boomwe yaabagambila aati, kaalaba omuuntu weenaweena naaloonda kuba omuhemba waanze naayeendelwa aleke kukulatila ebitekuzo byoomwe asutule omusalaba goomweankulatile.³⁵Habwokuba omuuntu oogwo alaayenda kuchuungula obulami bwoomwe, alyababuuza obulami bwoomwe. mazima oogwo alaasiingalicha obulami bwoomwe ha bwaanze na habwe empola nzima, naaba no obulami bwo obucha no buchiile. ³⁶Omuuntu naabona mugaso chi, kaalabonesa byoona ebyo omu nsi naho akabuza obulami bwoomwe bwo obucha no obuchile? ³⁷Oobu, omuuntuyaakahicha kusohoza chiintu chi cho kubonesa kumusubiza obulami bwoomwe?³⁸Oogwo alaanzilila ensoni iinye na amagaambo gaanze aha buchilo oobu bwe ebiheno no obutamweesiga muungu iinye mutabani wo omuuntu nimuzilila ensoni omuuntu ogwo obuchilo niiintuuka hamo na bamaleeka abatakatifu ahi.

¹Yeezu yazeendelela kubasombolela aati, mazima butunu nnimbagaambila nka nikwo heena aabantu o muli aaba abemelile aaha aabo tibalifwa baachali kubona bwa muungu obulikwikilizana amagala. ²Obuchilo byaahiingwile ebilo mukaagEbizwalo byoomwe byamwee baantu. obuchilobali aho,yeezu yabahindukila kuundi ensuso yoomwe omu meeso gaabo. ³Ebizwalalo byoomwe byaamwe bwooli byaaba byaabela kusaga omufuzi weena weena wo omu nsi ezi tiyaakuhicha kufula aatyo.⁴Abaheemba bwoomwe babona Musa na Eliya baaba nibagaamba gaamba na yeezu. ⁵Niho Peetero yamuugaambila yeezu aati mweegesa, ni kuzima iichwe tuliho aha twoombeke aha otutiindi tusatu kamo kabe akaawe akaandi kabe Musa, na akaandi kabe aka Eliya. ⁶Naho talamanyile echo kugaamba habwokuba weenyini na bazeenzibe bakakwaatwa obutini bwooli.⁷Niho lyeeza eliile, lyaabaswekelela. ilaka lyahulilwa kulugilila omu lilile lyaagamba liti, ogu niwe mutabani wanze engaanzi, mumuhulilize weenyini. ⁸Abahemba abo baba baleeba kunu na kunu, kwiichula tibalamubwene omuuntu oondi ayabeele ali hamo nab o, choonka, yeezu weenka.⁹Obuchilo bakaba nibagolomoka kuluga ahi ibaanga elyo, yeezu yabalagila nka nikwo batabigambila muuntu bafwile. ¹⁰Abaheemba abo baachikwata echigambo echo, naho baaba nibeebuza boonyini boonka bati, okwo kuzooka kwoomwe kuluga omu bafwile ensoonga yaaho ni chiiha.¹¹Baamubuza yeezu bati, oobu habwaachi abeegesa be ebilagilo bya Musa bagaamba nka nikwo ni lwaampaka Eliya amwembembelele masihi kwiiza. ¹²Nawe yaabagalulila aati, mazima Eliya naayembeembela kwiiza na naloonza kuzima ebiintu byoona no oobu bityo, habwaachi chaandikilwe aha maandiko matakatiifu nka nikwo, iinye mutabani wo omuuntu ndayagalala ebyagalazo biinza no kugaywa. ¹³Naho nimbagambila nka nikwo Eliya yeezile abaantu bakamukolela goona amabi baabele nibeenda, nkokwo byabeele byaandikilwe habwa weenyini.¹⁴Obuchilo yeezu, Peetero, Yohana na Yakobo baahikile aha baheemba abaandi baabona embaga mpaango ya abaantu ebazoongokile. Abegeeswa be ebilagilo bya Musa baakaba nibahakana na abaheemba. ¹⁵Obuchilo embaga ezo yaamubwene yeezu yoona yaasobelwa bwooli, ahonyini baamwiilukilila, baamwaangalucha. ¹⁶Yeezu yaabagambila aati, nimuhakana chiiha nabo.¹⁷Omuntu oomo omuli ezo embaga yaabasubiza aati, mwegesa, namuleeta mutabani waaanze hali iiwe ayina izimu eelyo lilikumukola aabe omutita. ¹⁸Enturo nyiinzi nilimutungama, nilimugwisa ahaansi, naasohoza ifulo omu kanwa no kuteelana ameeno no kukaanzagala omubili gwoona abaheemba baawe mbasibile nka nikwo balibiinge izimu naho bakalemwa. ¹⁹Yeezu yaabasubiza aati, iimwe abaantu be enchilo ezi zo kwaanga kwiikiliza ninyikala ne emwe no kubeemela kuhicha li mumuletele omusigazi hali iinye.²⁰Baamuleta omusigazi ogwo ahali yeezu, naho obuchilo izimu lyaabweene yeezu ahonyini lyaamutamo ebisiimbo ogwo musigazi yaagwa ahaansi, yaagalagala no kusohoza ifulo omu kanwa. ²¹Yeezu yaamubuza iise wo omusigazi aati, ebyagalazo ebi bibandize kuluga iloi,iise yaamuzila aati, kulughilila aha buto boomwe. ²²Enturo nyiinza izimu elyo limugwisize omu mulilo no omu meenzi libone kumwiita. oobu koolaba noohicha kukola choona choona, otuzile echiganyizi, otuzune.²³Yeezu yamugalulila aati, habwaachi nogaamba kooolaba noohicha goona gakwile ha muuntu oogwo alikumwikiliza muungu. ²⁴Niho iise wo oogwo musigazi kwaambaza ahi ilaka naagamba aati,nninyikiliza naho okwikiliza kwaanze ni kuche.onzune. ²⁵Obuchilo yeezu akabona nka nikwo embaga ya abaantu neeyoongela bwaangu kumuzoongoloka yaalikama elyo izimu, naalizila aati,Iiw izimu nookola oogu musigazi kuba omutita ne enzibamatwi.oobu ninkulagila oluheendelo aha musigazi oogu, male otalimutaahamo nakati.²⁶Niho izimu elyo kuleeta eyoombo mpaango, lyaamugwisa ogwo musigazi no kumutamo ebisiimbo bwooli, liba lyamulugaho. ogwo musigazi aaba yaaab nka ayaafwa, beenzi aho bakaba nibagaamba bati, yaafwa. ²⁷Naho, yeezu yaamukwaata engalo ogwo musigazi yaamwimucha, nawe ayemelela.²⁸Niho yeezu omu nzu, abaheemba boomwe baamubuza ha bweseeleke bati, habwaachi ichwe tukalemwa kuliibinga izimu elyo?. ²⁹Yeezu yaabagambila aati, izimu nke eli tilikuhicha kubiingwa kwoonka naho habwo okusaba.³⁰Yeezu na abaheemba boomwe baalugayo okwo baanogoza ahagati ye eensi ya galilaya yeezu talayeenzile abaantu bamanya nka nikwo ali okwo. ³¹Habwo kuba akaba naabegesa boomwe.yaabagambila aati, iinye omutabani wo omuuntu ninkoogwa na nibaantu omu ngalo za abaantu nabo balaanyita naho echilo cha kasatu, ndazoolwa. ³²Abaheemba boomwe tibalosombokilwe echigambo eecho akaba naagamba no oobu bityo baatina kumubuuza.³³Yeezu na abaheeemba boomwe bahiika Kaperinaumu. Baataha omu nzu eemo, yeezu yaababuza aati, mubele nimweehakanisa chiiha omu muhaanda?. ³⁴Naho abaheemba boomwe beesize habwokuba bakaba nibeehakanisa boonyini boonka omu muhaanda nka nikwo no ooha omuli boonyini oogwo akaba ali mukulu kusaaga baaazenzibe boona. ³⁵Yeezu yeeekala ahaansi, yaabeta abo baheemba boomwe ikumi n babili yabagambila aati, no kuba omuzaana ahali boona.³⁶Mala yeemucha omwaana muto, yaamuta ahagati yaabo. yaamufuumbata, yaabagambila nka nikwo. ³⁷Omuuntu oogwo alikumwinankula omwaana nko ogu ahi iziina lyaanze naaba yaninankula iinye, kaandi, omuuntu oogwo alaanyinankula iinye, takunyinankula iinye nyeenka mazima naabo yaamwinankula na muungu owo obuzizi oogwo akaannsindikiza iinye.³⁸Yohana yaamugambila teezu aati, mweegesa, tukamubona omuuntu oogwo akaba naatagucha amazimu ahi iziina lyaawe twaamwangila habwokuba weenyini ti muheemba waawe nke eechwe. ³⁹Naho yeezu yaamuzila aati mutamwangila omuuntu nko oogwo habwokuba taliho omuuntu oogwo alikukola ihano ahi iziina lyaanze akamala akahicha kaandi kuugamba kubi.⁴⁰Omuuntu oogwo atakwangilana ne echwe ali hamo ne echwe. ⁴¹Omuuntu weena oogwo alaaba no oobu ameenzi mache go okunywa habwokuba iimwe muli abaantu ba masihi, mazima butunu nimbagambila nka nikwo oogwo nayinankula empeela yoomwe.⁴²Yeezu yaazendelela kugamba aati, naho kaalaba aliho omuuntu nogwo akamuleteela akole ebiheno oomo omu bato aaba abalikunyikiliza ni hachili hali wenyini akomwe olubeengo omu bicha no kutubizwa omu chitubi che enyaanza. ⁴³Kaandi, kabilaaba omukonogwaawe niguleteela kukola ebiheno ogunogole ni hachiili otahemo omu bulami bwo obucha no mulilo gwa kuzimu. ⁴⁴Okwo hoonyini amazito gaayo tigafwa no omulilo gwaayo tigulaala.⁴⁵Keelaba okugulu kwaawe nikukuletela kukola ebiheno, okunogole. Ni hachiili otaemo omu bulami bwo obucha no buchile oli omulema wo okugulu kumo kuchila kuba na amagulu abili no okunagwa omu lyoongoola lyo omulilo gwa kuzimu. ⁴⁶Okwo hoonyini amazito gaayo tigafwa, no omulilo gwaayo tigulaala.⁴⁷Na kabyaakuba eliso lyaawe lyakuleetela kukola ebiheno, olikuulemo. Ni hachili otaahemo omu bukama bwa muungu oyina ensoongo, kuchila kutaahamo oyina ameeeso abili kuza kunagwa omu lyoongoola lyo omulilo gwa kuzimu. ⁴⁸Okwo hoonyini amazito gaayo tigafwa, no omulilo gwaayo tigulaala.⁴⁹Muungu naalabya buli muuntu omu lwagalo oolwo olulikususana no omulilo, nkokwo abagabe bakaba basiiga omwoonyo omufwa gwe echitaambo omwaanya bachaali kuchisingaliicha. ⁵⁰Omwoonyo ni muluunzi, naho kagulikubuza omulaango gwaayo, niguhicha kutulilwa chiintu chi gubone kukoza kaandi ne eemwe mube nko omwoonyo oogwo ogukozile, mube no obuhoolo iimwe omuli iimwe."

¹Niho yeezu na abaheemba boomwe baalugaho okwo Kaperinaumu, bazeenda omu nsi ya Yudea bayaambuka buseeeli bwo omunona gwa Yorodaani, embaga za abaantu beenzi kaandi nizimuzoongoloka, mala yaaba naabeegesa nko ookwo bukaba buli obuteka bwoomwe. ²Mala kuluga omu Bafarisayo beeza babone kuleengesa baamubuza bati, ngasi ebilagilo bya Musa nibikuundilana omukwaata kumuhicha mukazi womwe. ³Yeezu yaabagalulila aati, ngasi, Musa akabalagila chilagilo chi?. ⁴Baamusubiza nibagaamba bati musa akeekiliza nka nikwo, iiba amwaandikile mukazi woomwe olwaandiko lwo kwaangana no kumuhicha.⁵Aho yeezu yaabagambila aati, Musa akabandikila echilagilo echo habwo kulemelela kwe emiganya yaanyu. ⁶Naho, kulugiilila aha bubandiizo bwo kuhangwa eeensi, muungu akahaanga omukwaata no omukazi.⁷Habwe ensoonga ezo, omukwaata alasiga iise na nyiina, akwaatangane na mukaziwe. ⁸Nabo babili nibaba omubili gumo ha bweecho,tibaliba babili kaandi, naho omubili gumo. ⁹Nikwo, eecho echaateelanisizwe na muungu, omuntu atachinganisa.¹⁰Obuchilo baatahile kaandi omu nzu, abaheemba boomwe baamubuza habwe echigaambo echi. ¹¹Yeezu yaabagambila aati, "omuuntu weena oogwo alaamuleka mukaziwe no kukumpula oondi, aho naab namukolela ebiseegu ogwo mukaziwe owa mbele. ¹²No omukazi ogwo alaaleka iiba no kusweelwa no omukwaata oondi weenyini oogu mukazi naaba omusaambani."¹³Abaantu bakaba nibamuletela yeezu abaana abato abone kubakolaho no kubafuuha, naho abaheemba boomwe baabchaahukila abaantu abo. ¹⁴Obuchilo yeezu yaababweene abaheemba boomwe nibakola batyo, yaanigahalilwa.yaabagambila aati, mubaleke abaana abato beeze hali inye mutabazibila kunyizaho anya obukama bwa muungu no bwa abaantu abo kwiingana nka abaana aba abato.¹⁵Mazima butunu nnimbagambila nka nikwo, weena weena oogwo atakwaanaankula obukama bwa muungu nko omwaana omuto, oogwo ataakuhicha kubutaahamo obukama bwa muungu no obuche bwa akati. ¹⁶Aho aba yaabanyweegela abo baana, no kubateelaho engalo zoomwe, yaabafuuha.¹⁷Obuchilo yeezu na abaheemba boomwe bakabaanza kulugaho, omuuntu oomo yaamwiilukiilila, yaatela ebizwi ahaansi omu meeso goomwe yaamubuza aati, mweegesa omweesigwa, nkole chiiha mbone kuhuungula obulami bwo obucha no obuchile. ¹⁸Yeezu yaamugalulila aati, habwaachi noogaamba iinye ndi omweesigwa tihaliho omuuntu oogwo ali omwesiiigwa, naho muungu weenka. ¹⁹Mbweenu, nobisombookelwa ebilagilo bya muungu eebyo bilikugaamba nka nikwo otaakwiita, otaakuba omusaambani, otaakwiiba, otaakusiinza ebisuba, otakubeeha, obakuze iiso na nyoko.²⁰Ogwo muntu aaba yaamusubiza aati, mwegesa, ebyo byoona mbikoondookile kulugilila aha buto bwaanze. ²¹Yeezu yaamuleeba aha kumweeteegeeleza, yaamweenda, yaamugambila aati, noobulabulilwa echintu chimo zeenda oguze ebiintu byoona eebyo oyinabo, empilya ezo obahe abahaba, aho nooba waazila ensabo yaawe omu igulu male oyize onnkulaatile. ²²Naho, obuchilo yahulile aatyo,yaasaaswa aha omuganya habwe echigaambo echo,yaalugaho habwo buzune habwo kuba akaba ali omuhite bwooli.²³Yeezu yaaleba kunu na kunu, yaabagambila abaheemba boomwe aati, chilyaaba chigumile aha bahite kuzamo omu bukama bwa muungu. ²⁴Abaheemba boomwe baasoobelwa habwa amagaambo agoomwe. yeezu yaabagambila kaandi aati,baana baanze muleebe nka nikwo chigumile kuzamo omu bukama bwa muungu. ²⁵Mala chihuhukile bwooli ha ntwaangaabuleende kuhiingula omu kahulu ko olusiinge, kusaaga omuhite kuza omu bukama bwa muungu."²⁶Abaheembe boomwe baayoongela kusobelwa muno, "habwe echigaambo echo baaba nibeebuza bonyini omuli boonyini bati, oobu no ooh mbweenu oogwo yaakahicha kuchuungulwa" ²⁷Yeezu yaabaleeba omu kubeeteegeeleza, yaabagaambila aati, ha baantu tigakwile, naho hali muungu ti bityo habwo kuba hali muungu goona gakwiile. ²⁸Peetero yaamugaambila aati, leeba iichwe tukasiga byoona, nitukukulatila, iiwe no kuba abaheemba baawe.²⁹Niho yeezu yaagamba aati, mazima butunu nnimbagaambila nka nikwo, omuuntu oogwo asigile eekaya, akasiga beene baabo, banyaanya, nyina iise, abaana, nali amasaambo, ha bwaanze na habwe empola nzima. ³⁰Mungu naamuha binzi bwooli kusaaga ebyo mbweenu omu mwaanya oogu naayinankula amazu, abalumuna, banyaanya, ba nyina, abaana na amasaambo, hamo na ago goona, naabe ne ebyaagalazo. na aha buchilo obwo obulikwiiza, aleenankula obulami bwo obucha no obuchile. ³¹Naho bazeenzi aabo abalikuleebwa na abo omugaso oobu, tibaliba no omugaso gwooona gwoona omu buchilo obwo obulikwiiza kaandi na beenzi aabo abalikulebwa ti bo omugaso oobu, balaaba abo omugaso omu buchilo obwo obulikwiiza.³²Obuchilo yeezu na abaheeemba boomwe bakaba bali omu muhaanda kuzeenda omu chikaali cha Yeruzaleemu, yeezu akaba naayebeembela omu meeso gaabo. abaheemba boomwe baasobelwa,na abaantu abaandi abaabele nibamukulatila, bakaba beena obutiini yeezu yaabeeta kaandi ha lubazu abheemba boomwe ikumi na babili, yaabaanza kubasoombolela aago agalaamusaanga. ³³"Yaagaamba aati, leeba, oobu twaaayeleka Yeruzaleemu, niho ookwo, inye muyabani wo omuuntu, nibaantu omu ngalo za abakulu ba abagabe ba muungu no omu ngalo za abegesa be ebilagilo bya Musa nabo nibaanchwaaziko nka nikwo nnyitwe kaandi, nibamtwala omu ngalo za abanyamahanga. ³⁴Aabo baantu nnibaangegula no kuunchweela amachwaanta nibaankola enkoba no kuunyita naho, echilo cha kasatu ndaazooka."³⁵Ahonyini, omuuntu ogwo akomooloka amatwi, okukomwa kwo olulimi Lwoomwe kwaalekulila, yaabaanza kugaamba gaamba kuzima. ³⁶Yeezu yayaangila embaga ya abaantu nka nikwo, batabigaambila muuntu weena weena eebyo yaakola. Naho kwiingana ookwo yazeendeliile kubaangila, nikwo bagumiizeho bwooli kwaatula empola ezo. ³⁷Baasobelwa bwooli, baagaamba bati, ''Goona aago alikukola ni maluunzi. Naachiza enzibamatwi nabo nibabona kuhulila, na abatita nabo nibabona kugaamba gaamba.''³⁸Yeezu yaabagambila aati, timukuchisombookelwa eecho mulikusaba ngasi, mukahiicha kunyweela omutaho ogwo ndinyweelaho iinye, nali mukahicha kubatizwa obubatizo bwo kufwa oobwo ndaabatizibwa iinye?. ³⁹Baamusubiza bati, nituhicha, yeezu yaabagambila aati, mazima nimuganyweelaho omutaho oogwo iinye ningunywelaho, no kubatizwa iinye. ⁴⁰Naho kwiikala olubazu lwaanze lwo obulyo nali lwo bumoso ti mulimo gwaanze kubakuundila. omwaanya ogwo na habwa aabo abaloongizwe."⁴¹Obuchilo abaheemba abaandi ikumi bahulile ha bwecho, baabanza kubatamwa Yakobo na Yohana. ⁴²Niho yeezu yaabahama abaheeemba boona, beelile hali weenyini yaabagambila aati, nimusombokelwa nka nikwo abategeki ba amahaanga agandi nibategeki abaantu baabo lwa amagala,kaandi nibabakoza.⁴³Naho eetakwiiza bikaba bityo hali iimwe. omuuntu weena weena ogwo alikwenda kuba mukulu omuli iimwe nayeenda kuba omuzana waanyu. ⁴⁴No omuuntu ogwo alikweenda kuba owa mbele omuli iimwe, aabe omuzaana wa boona, ⁴⁵Habwokuba ne eenye mutabani wo omuuntu, tiindezile mbone kukolelwa, naho nyizile kubakolela abaantu no kusohoza obulami bwaanze, mbone kubakomoolola abaantu beenzi."⁴⁶Niho, baba baahika omuli Yeriko. Obuchilo yeezu na abaheemba boomwe ne embaga mpaango ya abaantu nibaluga omuli Yeriko, bakamusaanga omuuntu oomo oogwo akaba ali omuhume mala kaandi ali omusabiliza ni iziina lyoomwe Baritimayo,ali mutabani wa Timayo. akaba ayikeele aha mpelo yo omuhaanda kunu naasabiliza. ⁴⁷Obuchilo yaahulile nka nikwo yeezu omunyanazareti akaba naahingula aho, yaabaanza kuhamuka ahi ilaka lihango, yeezu, mutabani waDaudi, onzilile echiganyizi. ⁴⁸Abaantu beenzi baaba nibamukaama nka nikwo ayesize naho weenyini akoongela kwaambaza ahi ilaka lihango bwooli, mutabani wa Daudi, onzilile echiganyizi.⁴⁹Niho yeezu kweemelela yaagaamba aati, mumwete ayize aha baamweete ogwo muhume, baamugaambila bati tiimbya omuganya yemelela naakweeta. ⁵⁰Nawe yaanaga echizwalo choomwe ahaansi yaayemeelela bwaangu, yaazeenda hali yeezu.⁵¹Yeezu yaamubuza aati, nooyeenda nkukolele chiiha omuhume ogwo yamugalulila aati, mwegesa, ninyeenda kuhweeza. ⁵²Yeezu yaamuzila aati, taaha omuka, okwiikiliza kwaawe nikwo kwaakuchiza ahonyini ogwo muuntu aaba yaabanza kuhweeza, yaamukulatila yeezu omu muhaanda.

¹Obuchilo yeezu na abaheemba boomwe bakaba boomwe bakaba beelilila omu chikaali cha Yeruzalemu, hehi ne emigongo ya Betifaiga na Betania, ahi ibanga lye Emizeituni, Yezu yabasindika omuli aabo ²Yabagambila aati nimuzende omumugongo ogwo guli omumeso ganyu. Obhuchili nimuhika okwo aho nyini nimusanga omwana gwe Ensikili ogwo kutakasutulaga mtu, kusibikilwe mgusibule mugulete aha. ³No muntu wenawena kalabhauza nkanikwo, habwachi nimukola mtyo? mumugambile nka nikwo, Omukama wetu nagwenda nagusubya obu nyini.⁴Mbweenu bazeenda baagusaanga omwaana gwe ensikile gusibikilwe aheelu yo olwiizi aha muhaanda omugazi baagusibula. ⁵Abaantu bunaanka omuli aabo abaabeele beemeeliile aho heehi baabuuza bati, "iimwe nimukola chiiha aho habwaachi nimugusibula ogwo mwaana gwe ensikili?" ⁶Abaheemba abo baabagalulila nkokwo yeezu akaba abalagile ku balagaambaho mbweenu abo baantu baabeekililiza.⁷Abaheemba abo baagutwaala omwaana gwe ensikili ahali yeezu no kwaala emyeenda yaabo aha lugulu ye ensikili ezo yeezu yaahanamaho, yeekala. ⁸Abaantu beenzi baayala emyenda yaabo omu muhaanda abaandi baanogola amatabazi omu misili no kwaala omu muhaanda. ⁹Abaantu bunaanka bakaba nibamweebeembeelela yeezu, abandi bakaba nibamukulaatila enyuma boona bakaba nibahamuka ilaka bakaba nibagaamba bati, Hosona, ayina omugisa ogwo alikwiiza ahi iziina lyo omukama muungu. ¹⁰Bwiina omugisa obukama bwa isiichwe enkulu Daudi oobwo obulikwiiza Hosana muungu wo omu igulu.¹¹Yeezu yaatahamo omuli yeruzaleemu yaazenda gumo gwoonka yaataha omu nzu ya muungu yaabileeba habwategeelezi ebiintu byoona eebyo bikaba biliho omwo naho habwo kuba ekaba kali akaanya ko olweebazo yaalugaho, yaazeenda Betania hamo na abaheemba boomwe ikumi na babaili. ¹²Nyeencheemo yeezu na abaheemba boomwe obuchilo baabele nibaluga Betania kusuba Yeruzaleemu yaahulila enzala.¹³Yaaloleela kuluga hala omuti gwo omutini ogwo gukaba gwiina amababi meenzi aba yaagwilililaho abone kuleeba kagulaaba gwiina amagoomba kayaahikile aho yaasanga tigwiina amagoomba gwiizile amababi goonka habwo kuba obuchilo oobu bukaba butakahikile bwo kulabisa emisumo. ¹⁴Niho yaagucheena omuti ogwo aati kubaandiza leelo eeli kuhicha buchiile nakati omuuntu weena atalilya omusumo kuluga hali iiwe abaheemba boomwe baagahulula amagaambo ago.¹⁵Obuchilo kabaahikile Yeruzaleemu niho yeezu yaataaha omu lubuga lwe eenzu muungu kayatahile omwo yaabasaanga beenzi abaabeele nibaguza no kugula ebiintu omwo yaababiinga boona yaabanza kuzilunduula emeeza za ababele nibahiinga empilya ne ebitebe bya abaabeele nibaguza ebiiba. ¹⁶Mala talamukuundile omuuntu wena weena kwiimucha echiintu choona choona kuchilyaba omu lubuga lwe eenzu ya muungu.¹⁷Niho yeezu yaabegesa yaagaamba aati, ngasi tibaandikilwe omu maandiko matakatiifu nka nikwo muungu akagaamba aati, eenzu yaanze elyaaba eenzu yo kusabilamo ha amahaanga goona naho iimwe mwaazihindwiile kuba enyanga ya abasaakuzi. ¹⁸Obuchilo abakulu ba abagabe na abeegesa be ebilagilo bya Musa baahuilile ago goona, baabaanza kuloondela omuhaanda gwo kumwiita habwo kuba bakaba nibamutiina ha kumanya nka nikwo abaantu boona bakaba nibamuteenga habwa ameegeso goomwe. ¹⁹Kahaabeele haaba olweebazo yeezu na abaheemba boomwe baaluga baasohola omuli echo chikaali.²⁰Buchile enchakala obuchilo baabele nibasuba omu chikaali cha yeruzaleemu baagusaanga omutiti ni ogwo gwaayomile gwoona kubaandiza emizi yaagwo kuhika ahakaneenge neege. ²¹Peetero aba yeezuka amagambo aago yeezu akagulagila mala aba yaamugaambila yeezu aati, mweegesa leeba omutini oogwo waacheenile gwayomile.²²Yeezu yaabasubiza aati mumweesige muungu. ²³Mazima butunu niimbagaambila omuuntu oogwo alaamweesige muungu mala akabulwa okugumwa gumwa aha muganya gwoomwe, mazima eecho alikugaamba nichibaho yaakahicha kugaambila ibange eeli nka nikwo kukuza oze kweenaga omu nyaanza na ago nigakolwa.²⁴Ha bweecho nnimbagambila nka nikwo, obuchilo mulaasaba choona choona mube no obweesige nka nikwo mwaabiinaankwile ne emwe nimubinaankula. ²⁵Naho obuchilo nimusaba, muganyile omuntu weena weena oogwo abahenile kuba nawe isiimwe owo omu igulu abone kubaganyila ne emwe ebiheno byaamyu byoona. ²⁶Naho kabilaba iimwe mutakuganyila abaandi, nawe isiimwe owo omu igulu takubaganyila ebiheno byaanyu.²⁷Yeezu na abaheemba boomwe baahika kaandi omuli yeruzaleemuobuchilo akaba naalibata omu lubuga lwe eenzu ya muungu abakulu ba abagabe abeegesa be ebilagilo bya Musa na abanyaampala ba abayahundi baamukobaho yeezu. ²⁸Baamubuza bati, "ago go olikukola noogakola aha buzizi chi no ooha ogwo akuheele obuzizi obwo?"²⁹Yeezu yaabazila aati, neenye nnimbabuuuza echigaambo chimo. kamulaahicha kuunsubiza echo ne eenye nimbagaambila na hbwa buzizi chi nniinhicha kugakola aga gi ndikukola. ³⁰Ngasi Yohana akeeha nkahi obuzizi bwo kubatiza abaantu bukakuga ahali muungu nali bukaluga aha baantu tuleebe nimunsubize.³¹Baabaanza kubiteelana bonyini boonka kunu nibagaamba bati katulagaamba nka nikwo bukaluga ahali muungu naatubuuza nka nikwo mbweenu habwa chiiha timulamwiikilize?. ³²Naho katulaagamba nka nikwo bukaluga aha baantu abaantu nibatunigahalila bakaba nibabatina abaantu, habwokuba abaantu boona bakamweetegeeleza Yohana nka nikwo no omubaasi wa mazima. ³³Niho, bamugalulila yeezu bati, tikukumanya nawe yeezu yabasubiza aati no oobu iinye tiinkubagaambila nniingakola amagaambo aga habwa buzizi chi.

¹Yeezu yaabaanza kufumoola na abo abategeki ba abayahudi omu kubachweela emigani yaabagambiila aati hakaba heena omuntu oomo oogwo akalima omusili gwe emizabibu, yaaguzoongolecha olugiu yaasumamo izuungilo lyo kuzugilamo ezo zabibu, yayoombeka enyomo ndeehi ya abaleebezi omuli ogwo musili yaaguheelela aha balimi bunanka yaazenda oluzeendo. ²Obuchilo bwo kugesa emizabibu kabwahikile yaasiindika omuzana woomwe ha balimi abo, abone kwiinankula omugambo bwoomwe gwe ezabibu kuluga omu musili gwoomwe. ³Naho,abo balimi baamukwaata ogwo muzaana bamuteela no kumusubya engalo zili busa.⁴Owo omusili yaamusindikiza omuzaana woomwe oondi ahali abo balimi nawe baamuteela omu, mutwe no kumugokela bwooli. ⁵Yaasindika omuzaana woomwe ondi, ogwo nawe abo, balimi baamwita yaasindakayo, abazaaana boomwe abaandi beenzi, Aboo balimi baabateela abahalila abaandi, na abaandi baabeeeta.⁶Owo musili yaasigalila no omuuntu oomo weenka wo kumusindikiza omutabani engaazi. Aha muhleeluko yaamusaandikiza ahali abo balimi, naagamba nka nikwo, ogu ni mutabani waanze weenyini nibamukuza. ⁷Naho, obuchilo oobwo yaahikile abo balimi beegambila nka nikwo oogu niwe omuhaangazi wo ogu musili oobu, tumwiita obuhuunguzi bwoomwe nibuba obweetu.⁸Niho baamuta omuli itaano, baamwita, baanaga omutuumbigwe aheelu yo ogwo musili gwe emizabibu. ⁹Yeezu yaababuuza aati, mbwenu ogwo, kaanyina omusili we emizabibu alakola chiiha aleeza na kubeeta abalimi abo no omusili ogwo yaguheela abaantu abaandi.¹⁰Ngas timuasomaga amaandiko matakatiifu agalikugaamba gati, ibale eelyo bayaangile aboombeki, nilyo lyaaahindukile kuba ibaale igazi lyo oluhazo. ¹¹Omukama muungu niwe akozile echigambo echi nacho ne cho kusobeza omu meeso geetu. ¹²Abakulu ba abagabe abegesa be ebilagilo bya Musa na abanyampala ba abayahudi baaba baasombokilwe nka nikwo oogwo mugani nigubagaamba bonyini niho baayeenda bamukwaata naho habwokuba bakatiina embaga ya baantu baba baalekaho baalugaho, bazeenda.¹³Niho abakulu ba abagabe, abegesa be ebilagilo bya Musa na abanyampala ba abayahudi baabasiindika Abafarisayo bunaanka na abaantu abakuunzile obutegeki bwo omukama Herode, bamucheecheele yeezu kwiigana na amagambo goomwe weenyini. ¹⁴Baamuzaho yeezu, baamugambila bati, mweegesa, nitusoombokelwa nka nikwo iiwe oba omuuntu wa mazima. iiwe tokutiina omuuntu weena weena ni ikuzo lyo omuuntu ti kaantu hali iiwe nooyegesa omuhanda gwa muungu aha amazima ngasi kwigana ne ebilagilo byeetu bye echiyahudi nitweendekelwa kusohoza oluhaambwe ahali Kaizaari. ¹⁵Tusohoze nali tutasohoza naho yeezu akasoombookelwa obugobya bwaaho yaabagambila aati, habwaachi nimuleengesa kuuncheeechela nimuzeendeetele empilya ye edinali ne ebyoona baamusubiza bagamba bati ne bya kaizaari.¹⁶Niho baazimutwaala yaababuza aati, ensuso yo omuuntu oogu ni iziina elili ahali ezi mpilya ye edinaali, ne eeboha? baaamusubiza baagamba bati ne bya Kaizaari. ¹⁷Yeezu yaabagaambila ati, ebili ebya Kaizari mumuhe Kaizaari ne ebya muungu mubimuhe weenyini muungu boona baasobelwa bwooli.¹⁸Abasadukayo bunaanka beeza hali yeezu abo basadukayo baagamba nka nikwo okuzooka kwa abafwiile tikulibaho niho baamubuza omuuntu nka nikwo. ¹⁹Iiwe mweegesa Musa atakulagila omu bilagilo boomwe nka nikwo kabilaaba omuuntu yaafwa no kusiga entuumbakazi atamuzalile omwaana, omulumuna amuhuungule ogwo ntuumbakazi, amuzaalile abaana ayafwiile.²⁰Mbweenu bakaba baliho abadugu musaaanzu be eenda eemo owo kubaanza aba yaakumpula omukazi naho yaafwa achaali atakazeele naze omwaana. ²¹Omulumuna owa kabili aba yaamuhungula ogwo ntuumbakazi naho nawe aba yaafwa atakazeele naze omwaana kaandi ayaakulatila ogwo omulumuna owa kasatu nawe biba byaaba bityo nyini. ²²Boona abo abadugu no ogwo owa musaanzu bakafwa obutasiga mwaana weena weena wo kuzaala naze ogwo ntuumbakazi aha muheleeluko gwa byoona nawe ogwo ntuumbakazi nawe aba yaafwa. ²³Ha bweecho nitusuba otusomboolele obuchilo abafwile baalozoka ogwo mukazi alaaba ali muko ooha habwakuba abaseeza bakaba bali musaanzu na buli oomo akamukumpula.²⁴Yeezu yaabagaambila aati iimwe mwahabile habwo kuba timukugasombokilwe amaandiko matakatiifu no oobu obuzizibwa muungu. ²⁵Habwo kuba abafwile kabalizooka tibalikuumpula nali kukumpulwa naho balaaba nka bamaleeka bo omu igulu, boonyini tibakuumpula nali kukumpulwa.²⁶Na habwe empola yo okuzoonka kwa abo abafwile ngasi muchaaliga kusoma omu chitabo cha Musa ookwo muungu akagaamba kuliga ahali echo chisaka echikaba nichaaka omulilo? muungu akamugambila Musa aati iinye ni iinye muungu wa Ibrahimu, Izaaka na Yakobo. ²⁷Aha amagambo ago, muungu ti muungu wa abafwile weenyini ni muungu wa abo abali mwooyo imwe mwaahabile bwooli.²⁸Obuchilo yezu akaba naaateekeleza na abasadukayoomweges oomo we ebilagilo bya Musa naw aaba yaahikaho yaabihulila eebyo balikweeteekeleza obuchilo yaaahulile nka nikwo yeezu akabasubiza kuzima nawe aba yaamubuza ati kuluga omu bilagilo byoona echilagilo echili cha mbele kusaga byooona ni chiiha. ²⁹Yeezu yaaamugalulila aati,echa mbele nicho echi, muhulilize iimwe Abaiziraeli omukama muungu weentu niwe omukama nyakamo. ³⁰Omweende omukama mungu waawe aha muganya gwaawe gwoona aha bweenze bwaawe bwoona aha amagala gaawe goona nikwo kugaamab hali byoona ebili hali iiwe. ³¹Ne echilagilo cha kabili nicho echi, omweende muzeenzi waawe nkokwo olikweeyenda iiwe nyini tuhaliho echilagilo echiindi echili chikulu lusaaga ebyo bibili.³²Ogwo mweegesa we ebilagilo yaaamugaambila yeezu aati, waasemeza mweegesa waagaamba amzima nka nikwo muungu no oomo weenka taliho oondi, naho weenyini weenka. ³³Kaandi niinsombookelwa nka nikwo neeyeendelwa kumweend mungu aha muganya gwaawe goona aha bweenze bwaawe bwoona na aha magala gaawe goona no kumweenda muzeenzi waawe nko ookwo olikweeyeenda iiwe nyini, ebyo nibyo ebilagilo bikulu bwooli amagambo aga ni makulu kugakola kusohoza egabo zoona zoona zo kusiingaalicha ne ebitaambo byoona ebiindi. ³⁴Obuchilo yeezu akabona nkokwo omuuntu ogwo yaasubya aha bweetegeelezi yaamugambila aati, iiwe toli hala no obukama bwa muungu kulugilila obuchilo obwo talabeeleho no omuuntu no oobu oomo oogwo ayaagimile kumubuuza yaazu amabuuzo agaandi.³⁵Obuchilo yeezu akaba naayegesa abaantu omuli lugo lwe eenzu ya muungu yaababuuza aati, habwaachi abegesa be ebilagilo bya Musa nibagaamba nka nikwo Masihi ni mwizuukulu wo omukama Daudi? ³⁶Daudi weenyini naayebeembelelelwa no omwooyo mutakatiifu akagaamba nka nikwo omukama,muungu akamugambila omukama waanze,yikala olubazu lwaanze lwo obulyo kuhika mbate ababisa baawe,iifo ya amagulu gaawe. ³⁷Aaho Daudi weenyini naagamba masihi no omukama wooomwe ha bweecho masihi yaakahiicha aaata kuba mutabani woomwe na kunu no omukama woomwe kaandi?abaantu be embaga mpaango eezo bakaba nibamuhuliliza yeezu aha manulilwa.³⁸Aha meegeso goomwe agaandi yeezu akagaamba aati, mweelige na abeegesa be ebilagilo bya Musa aba nibeenda kulibata omu nsese kunu bazweele enkaanzu zaabo ndehi, no kweenda kwaangaluchwa ahi ikuzo omu magulizo. ³⁹Kaandi boonyini beenda kwiikala omu bitebe bya abakulu omu masomelo na kabalikuba babangisize omu mazenyi beenda kwiiala aaho bekele abategeki. ⁴⁰Baba nibazaaya entuumbakazi ebiintu byaabo kaandi aha bugobya nibeekola kuneembeelela esaala ndehi, aha chilo cho omuchwaaziko,aba nibenaankula omuchwaaziiko oguli muhaango bwooli.⁴¹Yeezu yeekala heehi ne echiibo cho kusoholezamo echigabo omu lubuga lwo omu nzu ya muungu akaba naaleba abaantu nibasohoza echigambo omu chiibo abahite beenzi bakaba nibasohoza empilya nyiinzi. ⁴²Yeezu entuumbakazi omuhabi nawe yaasohoza ehela nche ibili zoonka.⁴³Obuchilo yeezu akabona ago, yaabeta abaheemba boomwe yaabagambila aati, mazima butunu nimbagambila nka nikwo ogu mukazi entuumbakazi no omuhabi, yaasohoza endeengo mpaango kuchila abaandi boona. ⁴⁴Nngaamba iinti, habwo kuba abaantu aba boona baasohoza, ebigabo ebili echinogoka chiche choonka cha amabonwa gaabo meenzi naho oogu eentumbakazi hamo no kuba omuhabi bwooli yaatamo, byoona eebyo alikweesiga omu bulami bwoomwe.

¹Obuhilo yeezu akaba naaluga omu nzu ya muungu hamo na abaaheemba boomwe, omuheemba woomwe oomo yaamuzilaaati, mweegesa galeebe amabaale mahango aaga na amazu mahaango aaga ookwo galikusobeza!" ²Yeezu yaamusubiza aati, noobona amazu mahango aga tililisigalilaho ikulugusi eelyo lilihuungaho aha lugulu ye eliindi,buli limo lilyaakambulwa".³Obuchilo yeezu akaba ayikeele ahi ibaanga lye emizeituni, ayolekiile eenzu ya muunguu, peetero, Yakobo, Yohana na Andrea beeza hali weenyini baamubuza obuchilo bakaba bali boonyini boonka. ⁴"Nitukusaba otugaambiile aago olikugaamba galyaabaho ili? ni lumeenko chi oolwo luliywooleka nka nikwo ago geeliliza kweesulukiza?"⁵Niho yeezu yaabanza kubasoomboolela aati, mube meeso omuuntu weena weena ataakwiiza kubabeeha. ⁶Abaantu beenzi balyeeza ahi iziina lyaanze,nibagaamba nka nikwo, iinye niwe masihi,abaantu abo balaaba abalikubeeha abaantu beenzi.⁷Obuchilo iimwe kamulihulila empola ne ensumo zi ichumi, mutatina ago ni lwaampaka gabone kubonwa, naho omuhelo gwe eensi niguba guchaali kuhiika. ⁸Eensi eemo elyaalwaana ne eendi obukama bumo bulaalwaana no obuundi. nihabaho na amateengeto ge eensi ahaantu bunaanka bunaanka, na halyaaba ne enzala ago nigaba nko obutaandikilo bwo obusuungu bwo omukazi oogwo alikweenda kweechuungula.⁹Naho iimwe, mube meeso bwooli abaantu balaabatwaala omu mategekelo balaabakona enkoba omu masomelo balaabatwaala aha baanaangwala na aha bakama ha bwaanze iinye obwo bulyaaba obuchilo bwo kwaatula empola nzima hali boonyini. ¹⁰Empola nzima ni lwaampaka kwoolekeelelwa ha kubaanza aha baantu ba amahaanga goona.¹¹Obuchilo abaantu abo nibabata omuli itaano no kubatwaala omu magoombolola kuloonda kubachwaazika, mutaakwaagalala aago mulagaamba. mugabe aago muungu alaabaha obuchilo oobwo nyini. ti iimw nyini aabo mulagaamba, mazima no omwooyo mutakatiifu oogwo ali omuli iimwe niwe alikuugamba. ¹²Aha buchilo obwo nibiba nka nikwo omweene waabo naamukoonga omulumuna ha babisa abone kwiita. kaandi iise alaamukoonga koonga omwaana na abaana balaabaazaazana abazele baabone kwiita. ¹³Abaantu boona nibabatamwa habwo kuba muli abaheemba baanze naho, weena weena oogwo aleegumisiliza kuhika ihelezo, niwe alichuungulwa na muungu.¹⁴Nihaba no obuchilo oobwo mulaabona echitamiso cho obusiisaguzi, chiimeliile ahaantu ahatakatiifu he eenzu ya mungu, ahaantu aaho atakweendelwa kuba omuuntu weena weena oogwo alikuusoma amagambo aga, amanye kuzima ensoonga yaago, niho abaantu abali Yudea beechize aha kwiiluka omu mabaanga. ¹⁵Nawe omuuntu oogwo aliba ahanamile aha luswi atuuke aze kwiiluka bwaangu ataza omu nzu kwiimucha ebiintu byoomwe. ¹⁶Omuuntu weena weena oogwo alaaba ali omu musili, ataakusaba enyuma kwiimucha ebebo yoomwe.¹⁷Naho nimwiilooko abakazi aabo abeena eenda na aabo balaaba nibooncha abaana baabo omu bilo ebyo. ¹⁸Mumuneembelele muungu nka nikwo ebilo ebyo bitaba obuchilo bwe embeho mpaango. ¹⁹Amazima, omu bilo ebyo abaantu balaabona ebyaagaalalo bihango ebyaagalalo nke eblyo bichaaliga kubaho kulugilila obutaandikilo bwe eensi oobu yaazihaangile muungu kuhicha leelo ezi,na tibilibonwa nakati. ²⁰Kaandi kaalaba omukama yaakulekile kucheesha ebilo ebyo bibe biche mbweenu tihaakuzizile no omuuntu no oomo oogwo ayaakuchizile naho kwoonka habwa abatooziibwe na muungu ebyo bilo bilyaanogolwa.²¹Obuchilo obwo kaalaba omuuntu weena weena nabaagambila nka nikwo leeba masihi ali aaha nali ali okwo mutamwiikililiza. ²²Nibabaho ababaasi be ebisuba na abantu aabo balaaba nibeeyeta nkokwo ni masihi balaaba nibooleka emanyiso na amahano go kusobeza kabilaaba nibikuundilana,babone kubahabisa abatooziibwe ba muungu. ²³Mbweenu iimwe mweelige iinye neebembeela kubahana goona.²⁴Leeba obuchilo ebilo ebyo bye ebyaagalalo baahiingwiile, izooba nilitelwaaho ensiimbaazi, okweezi tikulisohoz kaandi omwaanga. ²⁵Ne enyenyezi nazo nizigwa ahansi kuliga omu igulu amagala go omu igulu galaazugumisibwa. ²⁶Niho abaantu boona balaambona iinye mutabani wo omuuntu nniinyiza omu bwiile aha amagala meenzi ni ikuzo. ²⁷Nniimbasiindika bamaleeka baanze babakobye kobye abatoozibwa baanze kulugilila buli hoona omu nkasi zoona ze eensi.²⁸Yeezu yaazendelela kugaamba aati, mweeyega kuluga omugani gwo omutiini obuchilo amatabazi gaagwo gaayolobile gaatiileho emisebuko na amabibi gaayasize niho musombookelwa nka nikwo obuchilo bwe echaanda bweelilize. ²⁹Bityo nyini ne emwe obuchilo nimubona agaakolwa, musoombokilwe nka nikwo weenyini ali heehi yaahikile aha lwiizi.³⁰Mazima butunu nimbagambila nka nikwo, abaantu bo obu buchilo tibakuhwamo obuchilo amagaambo ago goona gatakeesululukiize. ³¹Igulu ne eensi nibihwa, naho amagaambo gaanze tigalihwa nakati. ³²Naho habwe echilo nali esahaa eezo amagambo ago nigabaho, taliho omuuntu oogwo alikumnya no oobu bamaleeka bo omu igulu nali mutabani wa muungu tibakusombookelwa, naho taata weenka.³³Ha bweecho mwiikale nu meeso, musabe habwokuba timukusombokelwa nka nikwo obuchiloobwo nibuhika iili. ³⁴Kwiiza kwo mutabani wo omuuntu nikwiingana no omuuntu oogwo alikuzeenda oluzeendo kuluga omu nzu yoomwe akabalagila abazaana boomwe bazileebe eenzu yaaabagabila buli oomo omulimo gwoomwe gwo kukola nawe omuliinzi wa aha chisasi akamulagila nka nikwo, ayikale meeso.³⁵Yeezu yaazeendelela kugamba ati, iiwe kaandi mwiikale nu meeso, habwo kuba timukusombookelwa nka nikwo nyineeka alaasuba ili timukusombokelwa nka nikwo alaasuba olweebazo, nali echilo ituumbi,nali omu nkoko nali enchaakala. ³⁶Mwiikale nu meeso no oobu alaabezuumbukizamo ha kwiiza, ataakubasaanga omutilo. ³⁷Echi chi ndikubagaambila iimwe, nimbagaambila abaanu boona babe meeso.

¹Bikasigalila ebilo bibili byoonka, chibe echilo chikulu cha paasaka na amazenyi ge emikaate etatiilwemo ituumbyo. abakulu ba abagabe ba muungu na abeegesa be ebilagilo bya Musa, bakaba nibaloondela omuhaanda gwo kumukwaata yeezu ha bweeseeleke, bamuchwaazika no kumwiita. ²Naho baagamba bati echaambele tuleke echilo cha amazenyi chihingule, niho tumukwate, abaantu bateeza kuleeta omusaambo.³Obuchilo obwo yezu akaba ali Betania, omu nzu ya Simoni oogwo akamuchiza obubeembe. obu akaba ali aha luhelo naalya, aaba yeeza omukazi oomo ayina olwaabo lwi ibaaale eliina omuzeeze gwo obukaani buhango bwooli. omukazi ogwo yaanchula omunwa gwo olwaabya, yaamwitilila yeezu omu mutwe. ⁴Abaantu bunaanka aabo bakaba balimo omu nzu eezo, baba baatamwa. baabanza kweehanuza boonyin boonka bati, boozo habwaachi omukazi oogu naasiisa amazuta go obukaani buhaango aatyo?. ⁵Amazuta aaga gakahikize kuguzwa kwe edinaali magana astu, ne empilya eezo ziikazunile abahabi baamudugulumila bwooli oogwo mukazi.⁶Naho, yeezu yaagamba mumuleke habwaachi nimumwagalaza? echo omukazi oogu yaakola hali inye ne echigaambo chi ikuzo bwooli. ⁷Abahabi batuula hamo ne eemwe ebilo byoona, nimuhicha kubakolela amazima obuchilo bwoona bwoona oobwo mulayeenda naho timukuba hamo ne eenye ebilo byoona. ⁸Omukazi oogu akozile eecho alikuhicha yaayembelela kusiiga omubili gwaanze amazuta aga ha kuundoongeza okuziikwa kwaanze. ⁹Mazima butunu nnimbagambila nka nikwo omu nsi zoona hoona hoona aaho abantu balaaba nibolekelela empola nzima, balaaba nibagaamba eecho akakola omukazi oogu, ha kumwiizuka.¹⁰Niho Yuda Iskariote, oomo omu baheemba abo ikumi na babili ba yeezu, yaazenda kumukoonga ha bakulu ba abagabe ba muungu abone kubooleka omuhanda gwo kumukwaata yeezu. ¹¹Obuchilo bahulile empola ezo, banulilwa bwooli, baalagana naze nka nikwo nibamuha empilya, niho Yuda yaabanza kuloondela omwaanya muluuzi gwo kumukoonga.¹²Ne echilo cho kubaaanza cha amazenyi ge emikate eezo etakuteebwamo ituumbyo, echilo eecho abaantu bakaba nibatema omutaambwa gwa paasika, abaheemba ba yeezu baamubuuza bati, oobu nooyeenda tuzeende tukuloongeze nkahi ahaantu ho kuliila echokulya cha paasik?" ¹³Niho yeezu yaabasiindika abaheeemba babili, yaabagaambila aati,nimuzeende omu chikaali. nimubugana no omukwaata oomo oogwo asutwiile ensuha ya ameenzi, mumukulatile aaho alikuzeenda. ¹⁴Omuunzu eezo alataahamo, muzeende mumugambile nyineeka nka nikwo,omwegesa naakubuza, echiseenge cha abazenyi chili nkahi omwo ndaalya echookulya cha paasika hamo na abaheemba baanze?.¹⁵Niho, naabatwaala omu golofa,naaboolek echiseenge echihango, nimusaanga haaliiwe, mutaloongeze omwo, tulye echookulya cha paasika. ¹⁶Abaheemba abo baalugaho,bazeenda omu chikaali cha yeruzaleemu baasanga goona gali nka nikwo yeezu yaaahika akabagambila baaloonza echookulya cha paasika.¹⁷Obuchilo kahaabele olweebazo, yeezu yaahika omu nzu ezo hamo na abaheemba boomwe abo ikumi na babili. ¹⁸Obuchilo bakaba nibalya, yeezu yaagamba aati, mazima butunu nnimbagaambila oomo waanyu oogwo alikulya hamo ne eenye aha, alaankoonga. ¹⁹Abaheemba boomwe baabaanza kuzuzubaliwa, buli oomo yaamubuuza yeezu mazima tiwe iinye.²⁰Yeezu yaabagambila aati, no oomo omuli iimwe ikumi na babili, oogwo alikukoza omuaate hamo ne eenye aha chisaabo. ²¹Iinye omutabani wo omuuntu, nnyitwa nko ookwo eyaandikilwe omu maandiko matakatifu naho neeloooko omuuntu oogwo alaankoonga, yakabeele kuzima hali weenyini hachilintiyaaakuzeelwe.²²Obuchilo bakaba nibalya yeezu yeemucha omukate, yaasiima mungu. yaagumenyula, yaabaha abaheemba boomwe yaagamba aati, mwanaankule, mulye, ogu nigwo omubili gwaanze. ²³Kayamazile kukola aatyo yeemucha echisusi che eviini, yaasima muungu yaabaha baanyweelelana boona kuluga omuli echo chisusi. ²⁴Yaabagaambila aati, ezi niyo ensagama yaanze eezo elikusiinza endagano ya muungu na abaantu boomwe, ensagama eezo elikuseeeseka habwa abaantu beenzi. ²⁵Mazima butunu nnimbagaambila nka nikwo, tiinchisubile kunywa kaandi eviini ye emizabibu kuhika ahali echo chilo chi ndizinyweelaho eviini ye ensoonga eensha omu bukama bwa mungu.²⁶Niho baazina oluzina lwo kumusiingiza muungu obuchilo baanazile kuzina baalugaho bazeenda omu ibaanga lye Emizeituni. ²⁷Obuchilo bakaba bali omu muhaanda yeezu yaabagambila abaheemba boomwe aati, mweena iimwe nimunyilua omu ituumbi lya leelo. Nigaba nka nikwo muungu agaambile omu maandiko matakatifu nka nikwo,ndyaateela omuliisa, nazo entaama zilaabungeela.²⁸Naho iinye obuchilo oobwo ndiba naazweelwe, ndyaabebeembelela kuzeeenda Galilaya. ²⁹Niho peetero yaamugaambila aati, no oobu bilaaba bazeenzi baanze boona baalaakunagilana iinye tiinkukunagilana.³⁰Yeezu yaamugambila aati, mazima butunu nninkugaambila omu chilo echi cha leelo, enkookolomi echaali kukoloma enturo ibili, nooba waanyogile enturo isatu. ³¹Naho petero yaaguma kukomeentleza aati, noobwo kufwa, ni lwaampaka iimfwe hamo ne ewe tiindi wa kukwaanga iiwe nakati nabo abahemba boona bazeenzibe baagamba batyo nyini.³²Niho baahika omu musii ogwo ogulikweetwa Getisemane. yeezu yaabagambila abaheemba boomwe aati, muuntegamilile aha, obuchilo iinye kaandikusuba. ³³Yeemucha Peetero, Yakobo na Yohana, yaazenda nabo hala kache yaabanza kuzololkwa no kuzolelwa bwooli. ³⁴Yaabagambila aati, omwooyo gwanze gwiina entiimba bwooli kuhicha noobu kufwa muuniindilile aha, mubuchise hamo neenye.³⁵Yeezu yeelilaho nka aho kache, yaagwa aahansi buzuuma. yaasaba aati, kabilaaba nibikuundilana, ntahiingiula obuchilo bwo lwaagalaloolu. ³⁶Nayaagamab aati, abba, tata, hali iiwe goona gakwiile. nnkusaba onyihileho omutaho ogu gwo olwaagalalo, bitaba nkokwo iinye ndikweendaho, naho ohikilize obweenzi bwaawe.³⁷Obuchilo yaasubile aha baheemba boomwe basatu baaliinya, yaabasaanga bali omu tulo. yaamugaambila Peetero, Simoni na oli omu tulo waalemwa kwiikala meeso hamo ne eenye no oobu ahi isaaha limo. ³⁸Niho yaabagambila aati, mwiikale nu meeso kusaba muungu, mutaakwiiza mukaleengesibwa, omwooyo ningweenda kweegumisiliza ebileengeso, naho omubili tigwiina amagala. ³⁹Kaandi yeezu yaalugaho, yaazenda kuneembelela ha lubazu, yaasubiilila kuneembelela amagambo ago nyini.⁴⁰Obuchilo yaasubile enturoya kabili, yaabasanga abaheemba boomwe bali omu tulo habwokuba ameeeso gaabo gakaba galemeelile endooolo, kayabeele yaabapaampwile, tibalabeele ne cho kumugalulila. ⁴¹Yeezu yaaluga kaandi kusaba enturo ya kasatu yaabagambila ati, habwaachi muchaali muchihunle no kukobezibwa omu ngalo ze enkola bibi. ⁴²Mwiimuke tuzeende leeba enkoonga yaanze yeeeliliza.⁴³Obuchilo oobwo yeezu akaba achaali naahoyela amagaambo ago ahonyini Yuda oomo omuli abo ikumi na babili, yahika hamo ne embaga mpaango ya abaantu aabo bakwaasile embaanda ne engoligo aabantu abo bakaluga aha bakulu ba abagabe abegeesa be ebilagilo bya Musa na abanyampala ba abayahudi. ⁴⁴Yuda ogwo enkoonga wa yeezu akaba yaabamanyisize abo baantu emanyiso.akaba abagambile aati, omuuntu oogwo ndaanyweegela niwe ogwo nyini mumutwaale kuzima kunu ali omuli itaano. ⁴⁵Obuchilo Yuda yaaahikile aho,yaazenda gumo ahali yeezu yaagamba aati,mweegesa niho yaamunyweegela. ⁴⁶Abaaantu abo baamuntu omuli itaano yeezu.⁴⁷Niho oomowa aabo abaabeele bali hamo na yeezu, asopoololama olubaadi lwoome alumuteeza no kumuchwa okutwi omuhalila wo omugabe omukulu. ⁴⁸Yeezu yaabagambila abaantu abo aati, ooobu sii, ha kwiiza kunkwaata kunu mukwaasile embaanda ne engoligo ngasi nimuleeba nka nikwo iinye ndi omunyagilizi. ⁴⁹Buli chilo nkaba ndi hamo ne emwe, nniinyegesa omu lubuga lwe eenzu ya muungu na timulaleengesize kuunkwaata, naho aga goona gakozilwe kubona aago gayaandikilwe omu maandiko matakatifu, gahikiilizwe. ⁵⁰Niho abaheemba boona baamusigaho, beeluka.⁵¹Hakaba heena oomo oogwo atazweele chintu naho isuuka lyoonka, akaba naamukulaatila yeezu nawe bmukwaata, ⁵²Naho weenyini yaaabepulusuka yaasiga isuuka lyoomwe, yeeluka ali busa.⁵³Niho abaantu aabo baamutwala yeezu aha mugabe mukulu wa muungu baakola aaho boona abakulu ba abagabe, abanyampala ba abayahudi na abegeesa be ebilagilo bya Musa. ⁵⁴Nawe peetero yaaaba naamukulaatila yeezu kulugiila hala yazeenda yaataho omugati omu lubuga lwo omugabe mukulu yeekala omwo hamo na abaleebelezi, yaaba naayota echikoome.⁵⁵Abakulu ba abagabe ni itegeko likulu lyoona baabaanza kuloondela ebiteelezo byo kumulegelela yeezu babone kumuchwazika no kumwiita. naho, tibalabele nibabonesa ebiteeleelzo byoona byoona eebyo ebilikugasa. ⁵⁶Abaantu beenzi bakaba nibasohoza ebiteelelezo bye ebisuba kumulegelela yeezu, naho ebyeetelezo byaabo tibalabeele nibikuundiilana.⁵⁷Niho, abaantu abaandi bunaanka baayemeelela, baasohoza bulubona bwe ebisuba nka nikwo, ⁵⁸Iichwe nyini tukamuhulila omuuntu oogu naagaamba nka nikwo, iinye nninkmbula enzu ya muungu ezi eezo abaaantu bayoombekile ne engalo. Kaandi ninyoombokela eendi aha bilo bisatu kwoonka.eenzu eezo etakwoombekwa ne engalo za abaantu. ⁵⁹No oobu bityo, bulubona bwaabo tibulakundileene.⁶⁰Niho omugabe mukulu yaaayemeelela ahagati yaabo, yaamubuza yeezu aati, ngasi tozila cho kusubya no oobu ehigambo choona choona habwa ago gi balikukulegelela. ⁶¹Naho yeezu ayisiza chee, talasubize chigambo choona choona omugabe mukulu yaazeendela kumubuuza aati, ngasi iiwe oli masihi omutabani wa muungu owi ikuzo. ⁶²Yeezu yaasubya aati, iinye niwe ne eemwe mulyaabona iinye mutabani wo omuuntu nyiinkela olubazu lwo obulyo lwa muungu owo obuzizi nayiiz omu bwiile bwo olugulu.⁶³Niho omugabe mukulu kuteemula ebizwaalo byoomwe, yaaagamba aati, ni baalubona chi kaandi aabotuchayeenda? ⁶⁴Mwachihulila imwe nyini nko ookwo yaalogota muungu bityo iimwe nimugaamba muta bamusubiza bati chimugasize kwiita. ⁶⁵Niho abaandi baaabanza kumuchweela amachwaata, kumuzibika omu meeso no kumuteela enfune kunu nibamugambila bati, Gaamba obubaasi, no ooha oogwo ayaaakuteela nabo abaleebezi aabo bakaba baliho aho, nabo baamuteela.⁶⁶Obuchilo obwo bwoona Peetero akaba ali omu lubuga aheefo ye echiseenge aaho yeezu akaba naabuzwa, yeezu omuzaanakazi oomo kuliga omuli aabo abazanakazi bo omugabe omukulu. ⁶⁷Yaamubona Peetero nayoota omulilo yaaamunonkolela ameeso. yaamugaambila aati, ne ewe nyini obele oli hamo no ooghwo omnyanazareeti, yeezu. ⁶⁸Naho Peetero yaayanga naasubyaaati, ago go olikugamba ako nyini, enkookolomi ekookoloma.⁶⁹Omuzaanakazi ogwo aba yaamubona kaandi Peetero abaanza kubagambila abaantu aabo abemelile aho aati, omuuntu oogu nawe ali hamo nabo. ⁷⁰Naho, Peetero yaayanga kaandi haalabaho akaanya kache abaantu aabo beemelile aho bamugambila Peetero bati, mazima iiwe oli hamo nabo, habwokuba ne ewe nyini oli omunya Galilaaya.⁷¹Naho, Peetero akabaza kweechena no kulahila aati, omuuuntu oogwo mulikugaamba iinye tiinkumumanya. ⁷²Ahonyini kwoonka enkookolomi yaakookoloma entulo ya kabili obuchilo obwo, Peetoro yeezuka echigaambo cha yeezu eecho akamugambila aati,enkokoloomi etakakoolomile enturo ya kabili, nooba waannyogile enturo isatu.obuchilo Peetero akateekuza ago, yaalila.

¹Obuchilo kabwaachiile kwoonka, Itegekalo likulu Iyoona, eelyo nilyo likaba lili Iya abakulu ba abgabe, abanyaampala ba abayahudi, naabeegesa be ebilagilo bya Musa baatela omukobo baakola omweetegeko baamuboha yeezu baamutwala aha mwaanangwa we echirumi oogwo akaba nayetwa Pilato. ²Pilato yaamubuza aati iiwe oli omukama wa abaahudi yeezu yaamugalula aati niwe iiwe oogwo olikugamba. ³Abakulu ba abagabe bakaba nibamulegela yeezu nka nikwo akozile ebikolwa biinzi.⁴Pilato yamuubuza kaandi yamuzila aati tokusubya chigambo leeba okwo balikukukulegelela iiwe ebilegelo biinzi. ⁵Naho yeezu talamugalulile choona niho Pilato yasoobelwa.⁶Aha mazenyi ga paasika pilato akaba ayina obuteeka bwo kubakomelela embohe eemo, ezo baamusigile abaantu. ⁷Obuchilo obwo omu ibohelo akaba alimo omuuntu oomo nayeetwa baraba hamo na abaantu abaandi aabo bakakola obugome no obwiiisi aha bugome bwaabo. ⁸Embaga ya abaantu beeza hali Pilato baabanza kumusaba abakomoolela embohe eemo,nkokwo yaamanyile kukola.⁹Pilato yaababuza aati, "ngasi nimwenda mbakomoolela omukama wa Abayahudi?" ¹⁰Akagamba aatyo habwokuba akamanya nka nikwo abakulu ba abagabe baamutwala yeezu hali weenyini habwi ichubi lyaabo kwoonka. ¹¹Naho abakulu ba abagabe basuunikile embaga ya abaantu ezo nka nikwo bamusabe Pilato abakomoolela Baraba,ataakubakomelela yeezu.¹²Pilato yaababuza kaandi aati mbweenu nimweenda mukolechi omuuntu ogu oogwo mulikugaamba no omukama. ¹³Abaantu boona baahamuka aha yoombo kaandi bagaamba bati abaambwe aha musalaba.¹⁴Pilato yaababuza aati, "ngasi yaakola chiheno chi nka nikwo abaambwe aha musaalaba naho boonyini baayoongela kuhooyooka bati abaambwe aha "musalaba." ¹⁵Pilato akaba naayenda kuzinuliza embaga ya abaantu bityo yaabakomoololela Baraba. yalagila abalwaanila ngoma boomwe bamuteele enkoba yeezu niho yaabalagila bamutwaale bamubaambe aha musaalaba.¹⁶Abalwanila ngoma abo baamutwala yezzu omu chikaali cho omwaannngwa Pilato no kweeta abalwanila ngoma boona bazeenzi baabo. ¹⁷Baamuzweeka yeezu enkaazu yi ibale lye ezaambalau elyo obukama baayogosa omukako gwa amahwa, baamuzweeka aha mutwe. ¹⁸Baabanza kumulamya ahi igayo bati nokasiinge mukama wa Abayahudi.¹⁹Baamuteela ha mutwe no olusekeyaanda no kumuchweela amachwaata baamuteeela ebizwi kumulamya aha kumugaya. ²⁰Obuchilo baamazile kumunegula, baamuzula echo chizwaalo che ezmbalau no kumuzweeka kaandi emyeenda yoomwe baamusohoza qqhelu bazeenda kumubaamba aha musalaba. ²¹Omu muhaanda abalwaanila ngoma abo baabugula no omuuntu oogwo akaba naahiingula omu muzihwa kuluga omu musili, iziina lyoomwe Simoni,akaba ali omunya kurene. omuuntu ogwo akaba ali ise wa Alekisanda na Rufoni niho baamuhatika kusutula omusalaaba gwa yeezu.²²Baamutwala yeezu aaho ahalikweetwa Goligoota iziina eeli liina ensoonga eti, oluhanga lwo omutwe. ²³Baamuha yeezu eviini eezo ekaba etulaniwe no omubazi, naho weenyini yaayanga kunywa. ²⁴Niho baamubaamba aha musaalaba, no kubagana ebizwaalo byoomwe aha kubyeeseza olweeso lwi ibaando kulamula ooha alaatwaala myeenda chi.²⁵Obuchilo baamubaambile ha musaalaba ekaba eli esaaha isatu enchakala. ²⁶Aha musalaba bakataho amaandiko ge ntambala yoomwe, gakaba nigagaamba gati oogu no omukama wa Abayahudi. ²⁷Bakaba baliho abaantu babili abaabele bali abanyagilizi niho abalwaanila ngoma baabaamba aha misalaaba heehi ba yeezu, oomo olubazu lwo obulyo no oondi olubazu lwo obumoso. ²⁸(Niho amaandiko matakatifu gaahikilizwa aago galikugaamba gati akabalwa hamo na abakola biheno).²⁹Abaantu abaabele nibalaba aho bakaba nibamunengula kunu nibazugumisa emitwe yaabo nibaagaambabati aaha iiwe okaagaamba nka nikwo noohicha kuzikambula eenzu ya muungu no kuzoombeka kaandi aha bilo bisatu, ³⁰Oobu mbweenu oyechuungule weenka otuuke kuluga aha musaalaba aho!"³¹Na abakulu ba abagabe na abegesa be ebilagilo bya Musa boona hamo baamunegula ha kweegaambila bati akachungula abaandi naho tiyaakuhicha kweechugula wenyini. ³²Ngasi weenyini tiwe masihi, omukama wa Abaiziraeli? oobu tukole atuuke kuluga aha musaalaba tubone kumwikiliza no oobu abaantu bali aabo bakaba baamba ha misalaba hamo nawe nabo baamuzuma.³³No kubaandiza esaaha mukaaga nyemisana kuhika esaaha mweenda yaaba nsiimbazi omu nsi yoona. ³⁴Kayaahikile esaaha mweenda yeezu yaayaambaza ilaka lihango yaagamba aati eloi eloi lama sabakithani? ensooga yaaho ne eeti muungu waanze, muungu waanze habwaachi waanagilana?. ³⁵Abaantu bunaanka aabo bakaba beemelile aho obuchilo bahulile yeezu nagaamba ago, baaagamba bati, boozo muhulililize, namweeta Eliya.³⁶Omuuntu oomo yeeluka bwaagu yeeza yeemucha ikoongo, yaaliizuza eviini esankameele, yakomela aha olusekeyaaanda lula.Yamuha yeezu nka nikwo aanywe. omuuntu ohgwo yamuzila aati, muleke tulole kalaaba Eliya nayyiza kumuutucha kuluga aho aha musalaba. ³⁷Yeezu yayaambaza ilaka lihango, yaafwa. ³⁸Ichiingilizo eelyo likaba lili omu nzu ahatakatifu he eenzu ya muungu lyaabalaalukamo enkasi ibili kuluga olugulukuhika ahaansi.³⁹Mukulu wa abalwanila ngoma oogwo akaba ayemeelile omuj meeso ga yeezu, obuchilo kayaabwene nka nikwo yeezu naafwa, yaagamba aati amazima omuuntu ogu akaba ali mutabani wa muungu. ⁴⁰Bakaba baliho abakazi abaabeele nibaleeba habwa hala.omuli abo akaba aliho Mariamu omunya magidalena, Salome na Mariamu nyina wa Yakobo omulumuna na Yose. ⁴¹Abakazi abo bakaba bamukulatile no kumuheeleleza yeezu obuchilo akaba ali omunsi ya Galilaaya. Bakaba baliho na abakazi abaaandi beenzi aabo bakazenda hamo nawe omuli Yeruzaleemu.⁴²Obuchilo yaahikile olweebazo, habwo kuba echilo chikaba chili echilo cho kweelonza habwe endaalikizo. ⁴³Yeezu omuuntu oogwo akaba ayetwa Yozefu, omunya Arimatea, akaba ali owi isiima bwooli omu itegekelo likulu lya Abayahudi, na akaba nakweetegeza okwiiza kwo obukama bwa muungu oogwo yazeenda hali Pilato bwo obugimi kumusaba amukuundile azeende kwiimucha omuutumbi gwa yeezu. ⁴⁴Pilato yaasobelwa kayahulile nka nikwo, yeezu yamazile kufwa yaamweta mukulu wa abalwaanila ngoma abone kumumanyisa, kabilaaba na amazima nka nikwo yeezu yaafwiile.⁴⁵Obuchilo omukulu wa abalwaanila ngoma yaasiinzile mka nikwo yeezu yaafwa, Pilato yaamukuundila Yozefu agutwaale omutuumbi. ⁴⁶Niho Yozefu nawe yaagula isaandala lye empilya nyiinzi yazeenda aha musalaba aho yaagutuucha ahaansi omutuumbi gwa yeezu,yaagusweekelela ni isaanda. yaziika omutuumbi ogwo omu mbi ezo ekaba esumile omu luchili, yaahilingisa ibaale lihaango no kulizibikiliza aha mulyaango gwe eembi. ⁴⁷Mariamu omunya Magidalena na Mariamu nyina wa Yose baahabona aaho yaaziikilwe.

¹Obuchilo echilo che endaalikizo kachahiingwile, Mariamu omunya Magidalena, Salome na Mariamu nyina wa Yakobo, baagula amazuta aago agakanunkila kuzima, bazeende bagusiige omutuumbi gwa yeezu. ²Echilo cha aha bwooyo enchakala, omulucheelelelwa, baazenda aha mbi ya yeezu.³Obuchilo bakaba bali omu muhaanda, "baabanza kweebuza bati, oobu, no ooha oogwo alaatuhilingisizaho ibaale elyo aha mulyaango gwe eembi?" ⁴Naho obuchilo kabaahikile, baabona ibaale elyo lyaahilingiswe, lili aha lubazu na likaba lili lihango bwooli.⁵Bataaha omu mbi, beetimwa kubona omusigazi oomo oogwo akaba azweele enkaazu ndeehi elikweela pee. Ayikeele aha lubazu lwo obulyo lwe eembi. ⁶Nawe yaabagaambila aati, mutaakweetimwa. nnisombokelwa nka nikwo nimuloonda yeezu omunyanazareti, oogwo ayaabaambile aha musaalaba. yaazoolwa, taliho aaha muleebe aaho bamulyaamikile. ⁷Oobu nimuzeenda, mubagambile abaheemba boomwe, muno muno Peetero, nka nikwo yeezu naabebembelela kuzeenda Galilaya. okwo nikwo aaho mulamubona nkokwo yaabagaambila.⁸Obuchilo bahulile batyo, baabanza kuzuguma aha butiini no kusobelwa baasohola aheelu, beeluka kuluga omu mbi omwo tibalamugambile omuuntu weena weena, habwokuba bakatiina.⁹Obuchilo yeezu yazookile omulucheelelwa echilo cha aha bwooyo, owa mbele kumweesuululukiza akaba ali Mariamu omunya Magidalena, oogwo akaba amwiihilemo amzimu musaanzu. ¹⁰Mariamu omunya Magidalena yazeenda yaabagambila abaabele bali hamo na yeezu no obuchilo oobwo bakaba nibalila no kwaalama. ¹¹Naho obuchilo bahulile nka nikwo yaamubona yeezu ali mwooyo, tibalekilize.¹²Echilo echo nyina yeezu yaabesuulukiza babili omu baheemba boomwe. Abaheemba abo bakaba bali omu muhaanda bakaba nibazeenda omu nsaambo. Baasiingwa kumumanya, habwo kuba akaba ayina ensuso eendi. ¹³Obuchilo bamusoombokilwe baasuba kubasoomboolela bazeenzi baabo, naho abaheemba abo tibalekililze.¹⁴Ha muheleeluko yeezu yaabesuulukiza abaheemba boomwe ikumi no omo obuchilo bakaba bali hamo, nibalya yaabakama habwo kulemeeela kwe emiganya yaabo, habwokuba bakaanga kwiikiliza amagambo ga bazeenzi baabo, aabo abamubwene yeezu obuchilo yaazokile omu bafwile. ¹⁵Niho yaabagambila aati nimuzeende omu nsi zoona, muboolekeele abaantu boona, empola zaanze. ¹⁶Omuuntu weena weena oogwo aleekiliza no kubatizwa alaachuungulwa, naho omuuntu weena weena oogwo alayaanga kwiikiliza alaachwaaziika.¹⁷Abaantu aabo abaalekilza nibakola emanyiso kusohoza amazimu aha baantu habwiiizina lyaanze no kugaamba aha lulimi kusha. ¹⁸Nibakwaata enzoka kwe emikono nali kunywa echiintu choona choona eecho chilikwiita tichilibakola chiintu nibaba nibabataho emikono yaabo aha balweele nabo nibabona kuchila.¹⁹Obuchilo omukama yeezu kayamazile kuhooya nabo muungu yaamutwala yaalelema kuza omu igulu, yeekala olubazu lwo obulyo lwa muungu. ²⁰Abaheemba boomwe abo aho, bazeenda kwoolekeleela empola nzima hoona hoona. Omukama yeezu akaba naabaha amagala go kukola emanyiso bityo nikwo akaba nasuumba amagaambo ago kuba na ga mazima.

¹Okwo isima Teofilo abaantu beezi beegumisiliize kwaandika aha buteeka amagaambo aago gakabaho omuli iichwe, ²Amagaambo ago tukagaambilwa na abaantu aabo yabeesululukiize amagaambo ago nyini habwa ameeso gaabo kuluga aha bubaandizo bwe emilimo ya Yeezu, na abaantu abo nibo bakaba nibasuugaanisa empola za Yeezu. ³Neenye kaandi ,nnyetegeeliize amagaambo ago goona kaandi, Naabona kuzima nkwaandikile kuba . ⁴Iiwe neewe omanye amagaambo aago okeegeswa.⁵Herode obuchilo akaba ali omukama we eensi yayudea akaba aliho omugabe oomo, iziina lyoomwe Zakaria, we embaga yo obugabe ya Abiya. Mukaziwe nawe akaba ali owo olugaanda lwo omugabe Harun iziina lyoomwe Elizabeti. ⁶Boona babili bakaba bali abagololoke omu meeso go Omukama Muungu. Bakaba beekomya ebilagilo byoomwe byoona, omu kubimookela hateena amabala goona goona. ⁷Bakaba batazeele omwaana, habwo kuba Elizabeti akaba ali omuguumba, na bakaba baakokweele bwooli.⁸Chilo nchimo, lubaba luli olubo lwe embaga ya Zakaria kukola emilimoya abagabe omu meeso ga Muungu. ⁹Kwiingana na obuteeka bwo obugabe, Zakaria akatoozibwa kuza omu nzu yo Omukama Muungu, amwooteze omwo obubaani. ¹⁰Zakaria obuchilo yaataahilemo kwooteza obubaani, abaantu beenzi bakaba bakobile aheelu, abalikusaba Muungu.¹¹Entulo eemo Zakaria yaasuululukilwa na maleeka wo Omukama Muungu. Maleeka ongwo yaayemeelela olubazu lwo obulyo lwi itaambila lyo kwookeza obubaani. ¹²Zakaria obuchilo kayaamubweene, yeetimwa yaatiina bwooli. ¹³Naho maleeka ogwo yaamugaambila aati, "Iiwe Zakaria, otatiina! Aga aago waasaba Muungu, yaagahalila. Mukaawe Elizabeti alaakuzaalila omwaana wo obukwaata,olyamweeta Yohana.¹⁴Omwaana ogwo niwe alileetelela mube na amanulilwa bwooli, Abaantu beenzi balaanulilwa kuzaalwa kwoomwe. ¹⁵naaba mukulu omu meeso go Omukama Muungu. Atanywa eviini nali choona eecho chilikutamiiza. Aleezuzwa no Omwooyo Mutakatiifu, noobu achili omuunda ya nyina.¹⁶Alaasubya abaantu beenzi ba Iziraeli aha Mukama Muungu waabo. ¹⁷Alaamweebeembelela Omukama, aloonze abantu kumunyegeza, ayina amagala no Omwooyo gwa Muungu nkokwo akaba ayinago Eliya. Alyaabakwaatanisa abazeele na abaana baabo, na abazilwa alyaabakola babe na amasala go kumugomookela Muungu.''¹⁸Zakaria yaamubuuza aati. iinye na mukaanze tuli abanyaampala! Ndaachimanyaho iinta echigaambo echo?'' ¹⁹Maleeka yaagaamba aati, ni Iinye Gaburieli, oogwo ndikweemeelela omu meeso ga Muungu. Annaiindikile kunu, nyize kukugaambila amagaambo ago amazima. ²⁰Naho tokakuunzile amagaambo gaanze aago mazima galaakolwa. Mbweenu, kukaandiza oobu nooba omutita. Tolihicha kugaamba kuhicha buchilo oobwo amagaanbo ago galikolwa.''²¹Mbweenu, yaagaamba aati, ni iinye abaabeele nibamuliindilila Zakaria, baasobelwa habwo kubona ookwo yeeliilwe oomwo omu nzu ya muungu. ²²Kayaalugilemo, talahikize kuhooya nabo. Entulo eemo, baamanya abweene ameezaho omu nzu ya Muungu. Akaba naboolekaa ne ngalo, nawe yaazeendelela kuba omutita. ²³Ebilo byoomwe byo kuheeleza omu nzu ya Muungu obuchilo byahweele, yaazeeenda omuka.²⁴Aheezile, mukaziwe Elizabeti yeemucha eenda. Yaamala ameezi ataano bweeseleke, yaagaamba nka nikwo, ²⁵Omkama Muungu niwe yaankolela aatyo no kuumweela. Yaaanyihaho ensoni omu baantu.''²⁶Eenda ezo obuchilo yaahikize ameezi mukaaga, Muungu yaasiindika Gaburieli omu muzihwa gwi iziina llikweetwa Nazareeti omu nsi ya Galilaaya, ²⁷ahike aha muhalakazi oomo oogwo akaba atakamumanyile omuseeza, iziina lyoomwe Mariamu. Omuhalakazi ogwo akaba asuumbikilwe no omukwaata oomo iziina lyoomwe Yozefu, wo olugaanda lwo omukama Daudi. ²⁸Maleeka ogwo yaazeenda ahali Mariumu yaamugaambila aati, Nniinkusuula iiwe oyina omugisa bwooli! Omukama Muungu ali hamo neewe.'' ²⁹Nawe yaazululukilwa bwooli habwa amagaambo ago yaateekuza omu muganya, ''Mpola chi ezi!³⁰Naho maleeka ogwo yaamugaambila aati, Iiwe mariamu, otatiina, Muungu yaakubonesa embabazi. ³¹Leeba, olaatwaala eenda, olaazaala omwaana wo obukwaata, olyamweeta Yeezu. ³²Alyaaba mukulu, alyaayetwa Mutabani wa Muungu oogwo Ali olugulu ya byoona. Omukama Muungu alaamuha echitebe chi ikuzo lyo obutegeki bwo omukama Daudi iise enkulu. ³³Alyaaba mukulu we enzaalwa za Yakobo ebilo byoona. Obukama boomwe tibulihwa nakati.''³⁴Mariamu yaamugalulila maleeka aati, Aga galaakolwa gata kunu iinye ntakumumanya omuseeza? ³⁵Maleeka yaamugalulila ''Omwooyo Mutkatiifu alyaakwiizaho no obuhicha bwa Muungu ogwo ali olugulu ya byoona bulyaakusweeka. bityo,omwaana oogwo olizaala alaaba omutakatiifu na alyaayetwa Mutabani wa muungu.³⁶Leeba! mudugu waawe Elizabeti, oogwo bakaba bamweeta omugumba, omu bukeenkulu bwoomwe atweele eenda yo omwaana wo obukwaata. Okweezi oku no kwa mukaaga. ³⁷Ensoonga Muungu tichiliho eecho alikulemwa kukola.'' ³⁸Mariamu yaabusubiza, Iinye ndi omuzaanakazi wo Omukama Muungu, bibe hali iinye nkokwo waagaamba.'' Ahonyini maleeka ogwo yaazeenda.³⁹Omu nchilo ezo nyini, Mariamu yaaloonza oluzeendo, yaazeenda bwaangu omu muzihwa gumo omu nsi ya amabaanga ga Yuda. ⁴⁰Yaataaha omu nzu ya Zakaria, yaamwangalucha Elizabeti. ⁴¹Elizabeti obuchilo yaahuliile echisuulo cha Mariamu, omwaana oogwo akaba ali omuunda yoomwe yaaguluka. Ahonyini, Elizabeti yeezuzwa no Omwooyo Mutakatiifu.⁴²Niho yaagaamba ahi ilaka lihaanga aati, ''omu bakazi boona, iiwe niwe ofuuhilwe! no omwaana oogwo olaazaala, nawe ayina omugisa. ⁴³Iinye ndi ooha, noobu nyina omukama weetu yeeza kuunyangalucha?. ⁴⁴Obuchilo naahuliile echisuulo chaawe, ahonyini omwaana oogwo ali omuunda yaanze yaaguluka habwa amanulilwa. ⁴⁵Iiwe ofuuhilwe, habwo kuba weekiliza amagaambo aago Omukama Muungu yaakugaambila galaakolwa!''⁴⁶Mariamu yaagaamba aati, ''Omuganya gwaanze nigumusiima omukama Muungu, ⁴⁷no omwooyo gwaanze nigumunulilwa Muungu, omuchuunguzi waanze.⁴⁸Habwo kuba abubweene obulemwa bwo omuuzaanaakazi woomwe. kuluga oobu abaantu be enzaalwa zoona balyaanyeta owo omugisa. ⁴⁹Muungu owo obuhicha bwoona yaankolela amahano ni iziina lyoomwe ne elitakatiifu.⁵⁰Naazeendelela kubazilila echiganyizi abaantu be enzaalwa ne enzaalwa aabo abalikumukoondookela. ⁵¹Akozile amagaambo mahaango habwa amagala goomwe, abanagile abeene ihagi.⁵²Abagwiisize abakulu kuluga aha bitebe bi ikuzo lyaabo lyo obutegeki, abafula abeenamwiile. ⁵³Abeena enzala abahaagisize kuzima, abahite ababiingile engalo zili busa.⁵⁴Azunile Abaiziraeli abazaana boomwe, habwo kwiizuka kubazilila echiganyizi. ⁵⁵Nkokwo yaalageene na Ibrahimu isiichwe enkulu ne enzaalwa zoomwe zoona, ebilo byoona.⁵⁶Niho Mariamu yeekala owa Elizabeti ameezi asatu, yaamala yaasuba owoomwe. ⁵⁷Echilo cho kweechuungula kwa Elizabeti kachaahikile, yaazaala omwaana wo obukwaata. ⁵⁸Abatuuzi boomwe na abanyalugaanda, obuchilo baahuliile okwo Omukama Muungu yaamuziliile echiganyizi, baanulilwa hamo naze.⁵⁹Ogwo mwaana, kayaahikize echilo cha munaana, beeza kumusala ikoba, baayeenda bamuluke iziina lya Zakaria, nke iiso. ⁶⁰Naho, nyina yaayaanga, yaagaamba, Mmahi Naalukwa iziina Yohana. ⁶¹Baasubya, kasi Tihaliho mudugu weenyu oogwo alikweetwa iziina elyo.⁶²Ba`uuza iise habwo kumwooleka ne ngalo, kuba abagaambile iziina eelyo alikweenda kumweeta omutabani. ⁶³Yaabasaba echibaaho, yaachandika aati, Iziina lyoomwe nilyo Yohana. Boona baasobelwa.n⁶⁴Ahonyini akanwa kaakomoololwa, olulimi lwaagololoka, yaabaanza kuhooya kaandi, yaamukuza Muungu. ⁶⁵Abatuuzi boona baatiina bwooli. Echigaambo echo chaakumuuka bwooli omu nsi yoona ya mabaanga ga Yudea. ⁶⁶Boona aabo bahuliile, baaba nibeebuuza bati, Omwaana ogwo naaba omuuntu wa kazeendele chi Bakagaamba batyo habwo kuba mazima, Omukama Muungu akaba ali hamo naze.⁶⁷Zakaria iise wo omwaana ogwo, yeezuzwa Omwooyo Mutakatiifu. Yaasohoza obubaasi nka nikwo. ⁶⁸Omukama Muungu weetu wa Iziraeli akuzibwe, habwo kuba ayizile no kubachuungula abaantu boomwe.⁶⁹Atuheele omuchuunguzi owo obuhicha kuluga omu lugaanda lwo omuzaana woomwe Daudi. ⁷⁰Nkokwo yaabele agaambile aho kala habwo omuhaanda gwa ababaasi boomwe abatakatiifu. ⁷¹Akatugaambila nka nikwo, alaatuchuungula kuluga aha babisa beetu, no kuluga omu ngalo za abo abalikututamwa.⁷²Yaagaamba nka nikwo alaabazilila echiganyizi besiichwe enkulu, no kwiizuka endagano byoomwe entakatiifu eezo yaalageene nabo. ⁷³Endagano ezo niyo akamulahilila isiimwe enkulu Ibrahimu. ⁷⁴Nkokwo atubonesa iichwe, atuchuungule kuluga omu ngalo za ababisa beetu, tube nitumugomookela obutazila butiini. ⁷⁵Tuli omu kukola amazima omu butakatiifu ebilo byeetu byoona.⁷⁶Iiwe mwaana waanze, olyaaba nooyetwa omubaasi wa Muungu oogwo Ali Oluguluya Byoona, olyaamwiibembelela Omukama, kumuloongeza omuhaanda. ⁷⁷Mala olyaabamanyisa abaantu boome nka balichuungulwa, habwo kuganyila ebiheno byaabo.⁷⁸Kwiingana na chiganyizi chihaango cha Muungu weetu. Obuchuunguzi obwo bulyaatwiizila nko omwaanga gwi izooba lilikusohola. ⁷⁹na gulyaabamulikila abali amu nsiimbaazi, abali omu lwaagalalo no obutiini bwo olufu. Alaatwebeembelela, tuzeende omu muhaanda gwo obuhoolo.''⁸⁰Bityo omwaana ogwo Yohana yaakula, yaabonesa amagala aha Mwooyo Mutakatiifa. Yaazeenda kwiikala omu nsi yo obwooma, kuhicha obuchilo oobwo yeeeyolekile aha Baiziraeli.

¹Omu bilo yaazeelwe Yohana, Kaizaari Augusto akasohoza oluhamo nka nikwo abaantu boona abali ahaansi yo obutegeki bwoome, bazeenda kweeyaandikia. ²Okweeyaandikisa oku kukaba kuli okwa mbele, omu bichilo Kurenio oobu akaba ali omwaanaangwa we eensi ya siiria ³Nikwo, abaantu boona baazeenda kweeyaandikisa, buli baantu omu iboma lyaabo.⁴Yozefu nawe akaluga omu ibom lya Nazareeti omu nsi ya Galilaaya, yaahanama kuzeenda omu nsi ya Yudea omu muzihwa gwa Betlehemu. habwo kuba Betlehemu nicho echaalo cha Daudi, na Yozefu akaba ali owo lugaanda lwoomwe. ⁵Obuchilo oobwo yaazeenzile kweeyaandikisa akaba ali hamo na Mariamu, oogwo akaba amusuumbikile. na Mariamu akaba ayine eenda.⁶No omu buchilo obwo bakaba bali aho Betlehemu, omwaanya gwo kuzaala kwo ogwo mariamu gwaahika, ⁷yaazaala omutabani wo obuzigeezo, yaamusweekelela omu myeenda, yaamubyaamika omu kaato ko kunyweesezamo ente. Habwo kuba, tibalabonesize echiseenge omu nzu yo kubyaama abazenyi.⁸Omu mbuga ya aho, bakaba balimo abaliisa abaabeele nibeekala omwo nibaleeba ebitungaanwa byaabo omu chilo. ⁹Ahonyini beesulukizwa na maleeka wo Omukama. Ni ukuzo lyo omukama lyaabamulikila enkasi zoona, baazila okweetimwa kuhaango bwooli.¹⁰Naho maleeka ogwo yaabagaambila, ''Mutatiina! Leeba, nniimbamanyisa empola nzima bwooli za amanulilwa mahaango ha baantu boona, ¹¹Kuba leelo eli, omu ibona lyo omukamaa Daudi, omuchuunguzi yaazaalwa ha bweenyu. No ogwo Muchuunguzi niwe Masihi, Omukama ¹²Ne emanyiso yo kubamanyisa ebyo niyo ezi; nimusaanga omwaana omucheche asweekiliilwe emyeenda za abacheche, abyaamilikilwe omu kaato ko kunyweesezamo ente.''¹³Ahonyini, ahali ogwo maleeka, haabonekanaho ebihuumbi bya abalwaanila ngoma bya bamaleeka bazeenzibe kuluga omu igulu, baaba nibamukuza Muungu bati, ¹⁴''Muungu ali omu igulu akuzibwe! No omu nsi, obuhoolo bube ha baatu aabo alikweenda!''¹⁵Abo bamaleeka, kabaabeele baasubileyo omu igulu, abaliisa beegaambila, '' Tuzeende Betlehemu, tubone kuleeba ebyo nka nikwo Omukama yaatugaambila.'' ¹⁶Nikwo baazeenda nibeeluka, baabasaanga Mariamu na Yozefu, baamubona mwaana omucheche abyaamile omu kaato zo kunyweesezamo ente.¹⁷Na kabaabeele baamubweene omwaana ogwo, baabamanyisa abaantu empola zoona zo mwaana, eezo yaabagaambiile ogwo maleeka. ¹⁸Na boona abaahuliile aago baagaammbiilwe na abo baliisa, baasobelwa bwooli. ¹⁹Naho Mariamu yaagabiika ago goona omu muganya gwoomwe, yaazeendelela kugateekuza. ²⁰Kabaabaliile abaliisa abo baasuba kunu nibamukuza, hali byoona eebyo baahuliile no kubona Nkokwo baagaambiilwe na maleeka, nikwo bityo byoona byaabeele.²¹Omwaana ogwo Yeezu, obuchilo yaahicha echilo cha munaana, baamusala ikoba, baamuluka iziina, Yeezu Nilyo iziina eelyo ogwo maleeka akaba yaamuheele, obuchilo nyina akaba atakatweele eenda.²²Mbweenu, kwiingana no ookwo byaabeele nibyeendelwa omu bilagilo bya Musa, ebilo byo kweeyeza kwaabo byaaba by aahika, Yozefu na Mariamu baatwaala ogwo mwana Yeezu okwo Yeruzaleemu, babone kumuhikiliiza ha Mukama. ²³Habwo kuba chaandikilwe omu bilagilo byo omukama nkonkwo, ''buli mwaana wo obuzigeezo vwo obukwaata naayeendelwa atoozwe kuba omutakatiifu ha omukama Muungu. ²⁴Hamo ne ebyo bakaba nibeenda basohoze echo chitaambocha kweeyeza, echilikugaambwa chiti omu bilagilo byo Omukama,''Musohoze echitaambo cho ebiiba bibili, nali amaana abili ge ebiiba.''²⁵Na aho Yeruzaleemu, hakaba haliho omuuntu oomo, iziina lyoomwe ali Simeoni. Nawe akaba ali omugololoke omu meeso ga Muungu, na akaba naamukoondookela, kunu naaliindilila kuleeba okuchuungulwa kwa Abaiziraeli. omwooyo Mutakatiifu akaba ali hamo naze, ²⁶na akaba yaamanyisizwe no omwooyo mutakatiifu nkokwo talifwa, obuchilo atakamubweene Masihi wo Omukama.²⁷Na abazeele boomwe kabamutweele Yeezu omu nzu ya Muungu, babone kukola nkokwo ebilagilo bilikubagila, Omwooyo Mutakatiifu yaamweebeembelela Simeoni nkokwo ataahemo omwo. ²⁸Aho yaamwaanaankula omu mikonoye ogwo mwaana Yeezu, kunu naamusiingiza Muungu aati, ²⁹Iiwe Omukama, mukulu wa byoona,oobu onkuundile iinye omuzaana waawe, iimfwe omu buhoolo. Nkokwo walageene, waabihicha.³⁰habwo kuba neebonela obuchuunguzi bwaawe, ³¹oobwo waaloongize omu meeso ga abaantu boona. ³²Oobwo buchuunguzi no omwaanga gwo kwooleka omuhaanda gwaawe abo Abanyamahaanga,kaandi abaantu baawe Abaiziraeli nabo babone ikuzo.''³³Ebigaambo eebyo yaagaambile Simeoni byaabasobeza iise na nyina. ³⁴Aho Simeoni yaabafuuha, yaamugaambila Mariamu, nyina wo omwaana ogwo aati, ''Leeba! oogu mwaana , atiilweho na Muungu nkokwo naabagwiisa Abaiziraeli beenzi , mala naabakuza, Abaiziraeli abaandi beenzi. Kaandi alyaaba emanyiso elyaangwa na abaantu, ³⁵kuhicha ebyaabeele byeeselekile omu miganya yaabo bimanyiike kuba aha bweelu. Neewe omu muganya gwaawe noosaasa bwooli nko ochumisilwe no olubaadi.''³⁶Na aho hakaba haliho omubaasi oomo, omukeekulu bwooli, iziina lyoomwe ali Ana, muhala wa Fanweeli, wo olugaanda lwa Asheeri. Ogwo Ana akahicha emyaaka musaanzu yoonka ali hamo ne eeba niho iiba kufwa. ³⁷Mala yaaba omukazi akaambwiile kuhicha amakamo ge emyaaka makumi munaana ne eena. Akaba asigala omwo nyini omu nzu ya Muungu , kunu naamusaba nyemisana no omu chilo ha chisiibo cha obutalya. ³⁸Omu buchilo oobwo Simeona naahooya na Mariamu, ana yaaba yaahika aho, yaabaanza kumweesiingiza Muungu, no kugaamba empola zo omwaana ogwo ha baantu boona abamutegiize nkokwo Muungu alyaachuungulu Yeruzaleemu.³⁹Yozefu na Mariamu, kabaabeele baamazile kukola ebilagilo byoona byo Omukama okwo bilikulagila, baasuba omuka omu iboma lya Nazareeti, omu nsi ya Galilaaya, ⁴⁰Ogwo mwaana yaakula, no kuba na amagala, kunu naayizuzwa amasala no kufuuhwa na Muugu.⁴¹Abazeele ba Yeezu bakaba bazeenda Yeruzaleemu buli mwaaka, omu mazenyi ga Paasika. ⁴²No obuchilo Yeezu oobu akaba ali omwaaana we emyaaka ikumi ne ibili, baazeenda nawe okwo omu mazenyi kwiingana no obuteeka bwaabo. ⁴³No obuchilo bwe ebyo bilo bikulu kabwaahweele abo bazeele bo ogwo musigazi Yeezu baba baasuba nibataaha omuka kuluga okwo omu mazenyi, naho weenyini omusigazi aba yaasigalilayo okwo omu chikaali cha Yeruzaleema. Na abazeele boomwe tibalamanyile echo. ⁴⁴naho bakateekuza nkokwo ali hamo na bazeenzibe aabo baabeele nibasuba hamo omuka. No obuchilo kabaabeele baazeenda oluzeendo lwe echilo chimo, bali omu muhaanda, baabaanza kumuloondela omu banyalugaanda na abanywaani baabo.⁴⁵

¹Gukaba guli omwaaka gwe ikumi ne itaanu nka nikwo Kaizaari Tiberio akaba naategeka muzihwa gwe Echiruumi. Pontio Pilato akaba ali omutegeki wa Yudea na Herode Antipasi cakaba ali omukama we eensi ya Galilaaya. Na Fcilipo, mweene waabo Herode akaba Omukama wa Iturea na Tulakoniiti. Lisania weenyini akaba ali Omukama wa Abileene. ²Buchilo obwo, Anasi na Kayafa nibo baabeele bali abagabe abakulu. Mbweenu, omu bichilo obwo, Yohana omwaana wa zakaria, Akaaba ali omu nsi yo obwooma.Obuchilo akaba ali okwo, yaasomboolelwa empola kuluga ahali Muungu.³Yohana akaba naazeenda kulabila eensi yoona elikuhelelana no omunona gwa Yorodaani kunu naayatula empola ezo.Akaba naabagaambila abaantu aati, ''Mazima mutamwe ebihemo byaanyu, mubatizwe, Muungu abone kubaganyila.''⁴Ago gakahikiililanamagaambo go omubaasi Isaya, nkokwo gaayaandikilwe omu chitabu choomwe, nkokwo: ''Okwo omu iluungu heena omuuntu oogwo alikwaambaza ahi ilaka lihaango: Muguloonze omuhaanda gwa Omukama, mugolole obulabo oobwo alaahiingula.⁵Buli iholoola, lifulilwe. Na buli ibaanga no otubaanga, bifufuulwe. Emihaanda ezizoongile, zigololwe. Na hoona aheene ameena mache mache, hasemezwe. ⁶Niho abaantu boona balaabona obuchuunguzi bwa Muungu.''⁷Abaantu beenzi bakaba nibamwiizaho Yohana, abone kubabatiza naho yaaba naabagaambilaaati Iimwe oluzalo lwe enzoka No ooha ayaabahana nka nikwo nimuhicha kweeliga echihulumuko cha Muungu eecho echilikwiiza habwo kubatizwa kwoonka?⁸Mbweenu, mwooleke ha bikolwa byaanyu nka nikwo mazima mwaalekeliile ebiheno byaanyu nanimumutegeza Muungu! Mutabaanza kuzila nka nikwo Muungu naabeekiliza kamulaaba nimweebona nka nikwo, Isiichwe enkulu ni Ibrahimu niimbagaambila nka nikwo Muungu yaakaahicha kuhiindula amakulugusi aga kuba abaana ba Ibrahimu.⁹Oobu omuchwaaziiko gwa Muungu ni nke enseenya eli aha bitako bye emiti! Na buli muti ogutakusohoza emisumo mizima, nigunogolwa, no kunagwa omu mulilo!''¹⁰Niho abaantu aabo abaabeele balimo omu chipipi echo, baamuuza Yohana, ''Mbwenu! Tukole chiiha? ¹¹Yaabasubiza, "Buli ayina amagwaanda abili, asohoze limo hali oogwo ateenalyo. Na nuli ayina echookulya, nawe akole aatyo nyini kwoonka."¹²Abahaambya nabo baamwiizaho Yohana, abone kubabatiza. Baamubuuza, "Iiwe, mweegesa, ne echwe tukoleho tuta?" ¹³Nawe yaabasubiza aati, "Kamulaatobesa oluhaambwe, mutaakutobesa ensaagiliza kuchila endeengo eezo elikweendelwa."¹⁴Abalwaanila ngoma nabo baamubuuza, "Neechwe, tuzileho tuta?" Nawe yaabasubiza aati, Ataakubaho omuuntu oogwo mulamwaaka ebiintu byoomwe, nali kumusitaaka aha kumubeeheleza! Naho muhikwe empeela eezo mulikwaanaankula."¹⁵Abaantu boona, bakaba nibeebuuza omu miganya yaabo habwa Yohana, habwo kuba bakaba beena echihika nkokwo hamo weenyini niwe Masihi. ¹⁶Naho yaabagaambila boona," Iinye niimbabatiza ha meenzi kwoonka .Naho alyeeza oogwo alikuunchila ha buhicha, tiinkwiilwe no oobu kumusumuululila enkoba ze enkeeto zoomwe! Weenyini niwe oogwo alaababatiza ha Mwooyo Mutakatiifu, na ha mulilo.¹⁷Oobu akwaasile olutemele omu ngalo zooomwe abone kweesula ebititi kuluga omu ngano . Engano ezo naazisuuga omu chitala choomwe, naho ameelulo alyaagocha omu mulilo ogutalilaala nakati!"¹⁸Ha magaambo meezi ago na agaandi, Yohana akaba naahana abaantu abo, ha kubamanyisa Empola Nzima za Muungu. ¹⁹Kayaabaliile, Yohana yaamwaatulila omukama Herode, ha kuba herode akamukuumpula Herodia,mukazi wa mwene waabo. Yohana yaamuchaahukila ha chigaambo echo, na ha bikolwa bibi ebiindi byoona eebyo akaba naakola. ²⁰Niho Herode yaayoongela obubi bwoomwe bwoona, yaaba yaamuchiingila Yohana omu ibohelo.²¹Obuchilo abaantu boona bakaba babatiziibwe na yohana nawe yeezu yaabatizwa.No omu buchilo oobwo yeezu yaaba naasaba. ²²iguluu Lyaachiinguka, no Omu igulu omwo nyini, haalugamo ilaka, Lyaagaamba, ''Iiwe niwe Mutabani waanze engaanzi, oogwo nnyesiimaho ne ewe bwooli.''²³Obuchilo Yeezu naabaanza emilimoye, akaba ayina emyaaka nka makumi asatu. Abaantu bakaba nibateekuza nkokwo akaba ali mutabani wa Yozefu. No ogwo Yozefu, akaba ali mutabani wa heeli. ²⁴Nawe heeli, akaba ali mutabani wa Matati. Na Matati, akaba ali mutabani wa Laawi. Na laawi, akaba ali mutabani wa meliki. Na meliki, akaba ali mutabani wa Amosi. Na amosi, akaba ali mutabani wa Yana. Na Yana, akaba ali mutabani wa Yoozefu.²⁵Nawe Yozefu, akaba ali mutabani wa Matatia. Na Matatia, akaba ali mutabani wa Amosi. Na Amosi, akaba ali mutabani wa Nahuumu. Na Nahumu, akaba ali mutabani wa Esili. Na Esili, akaba ali mutabani wa Nagai. ²⁶Nawe Nagai, akaba ali mutabani wa mati. Na Mati, akaba ali mutabani wa matatia. Na Matatia, akaba ali mutabani wa Semei. Na Semei, akaba ali mutabani wa yozefu. Na Yozefu, akaba ali mutabani wa Yoda. ²⁷Nawe Yoda, akaba ali mutabani wa Yaanania. Na Yaanania, akaba ali mutabani wa Resa. Na Resa, akaba ali mutabani wa Zerubabeli. Na Zerubabeli akaba ali mutabani wa Shealitieli. Na Shealitieli, akaba ali mutabani wa Neri. ²⁸Nawe Neri, akaba ali mutabani wa Meliki. Na Meliki, akaba ali mutabani wa Adi. Na Adi, akaba ali mutabani wa Kosamu. Na Kosamu, akaba ali mutabani wa Elimadaamu. Na Elimadaamu, akaba ali mutabani wa Eri. ²⁹Nawe Eri akaba ali mutabani wa Yoshua. Na Yoshua akaba ali mutabani wa Eliezeeri. Na Eliezeeri, akaba ali mutabani wa Yorimu. Na Yorimu, akaba ali mutabani wa Matati. Na Matati, akaba ali mutabani wa Laawi.³⁰Nawe Laawi, akaba ali mutabani wa Simeoni. Na Simeoni, akaba ali mutabani wa Yuda. Na Yuda, akaba ali mutabani wa Yozefu. Na Yozefu, akaba ali mutabani wa Yonamu. Na Yonamu, akaba ali mutabani wa Eliakimu. ³¹Eliakimu, akaba ali mutabani wa Melea. Na Melea, akaba ali mutabani wa Mena. Na Mena, akaba ali mutabani wa Matata. Na Matata, akaba ali mutabani wa Natani. Na Natani, akaba ali mutabani wa Daudi. ³²Nawe Daudi, akaba ali mutabani wa Yese. Na Yese, akaba ali mutabani wa Obedi. Na Obedi, akaba ali mutabani wa Boazi. Na Boazi, akaba ali mutabani wa Salumoni. Na Salumoni akaba ali mutabani wa Nashoni.³³Na Nashoni, akaba ali mutabani wa Aminadabu. Na Aminadabu, akaba ali mutabani wa Aramu. Na Aramu, akaba ali mutabani wa Hezerooni. Na Hezerooni, akaba ali mutabani wa Pereesi. Na Pereesi, akaba ali mutabani wa Yuda. ³⁴Nawe Yuda akaba ali mutabani wa Yakobo. Na Yakobo, akaba ali mutabani wa Izaaka. Na Izaaka, akaba ali mutabani wa Ibrahimu. Na Ibrahimu, akaba ali mutabani wa Teera. Na Teera, akaba ali mutabani wa Nahoori. ³⁵Nawe Nahoori, akaba ali mutabani wa Selugi. Na Seluugi, akaba ali mutabani wa Rehu. Na Rehu, akaba ali mutabani wa Pelegi. Na Pelegi, akaba ali mutabani wa Ebeeri. Na Ebeeri, akaba ali mutabani wa Sheela.³⁶Nawe Sheele, akaba ali mutabani wa Kayinani. Na Kayinani, akaba ali mutabani wa Arfakisaadi. Na Alfakisaadi, akaba ali mutabani wa Sheemu. Na Sheemu, akaba ali mutabani wa Nuhu. Na Nuhu, akaba ali mutabani wa Laameki. ³⁷Nawe Laameki, akaba ali mutabani wa Metuseela. Na Metuseela, akaba ali mutabani wa Enoka. Na Enoka, akaba ali mutabani wa Yareedi. Na Yareedi, akaba ali mutabani wa Mahalaleeli. Na Mahalaleeli, akaba ali mutabani wa Kayinani. ³⁸Nawe Kayinani, akaba ali mutabani wa Enosi. Na Enosi, akaba ali mutabani wa Seeti. Na Seeti, akaba ali mutabani wa Adamu.Na Adamu, akaba ali mutabani wa Muungu.

¹Yeezu yaaluga oha aha munona gwa yorodaani ayizwiile Omwoonyo Mutakatiifu. Akeebeembelelwa no Omwoonyo kuhika omu nsi yo obwooma, ²Yaamala ebilo makumi aana, akaba naaleengesibwa ni Isitaani.No omu buchilo obwo, talaliile echiintu choona choona. Obuchilo kayaamazile ebilo ebyo, enzala ekaba neemuluma. <<<<<<< HEAD³Niho elyo Isitaani kumugaambila liti, "koolaaba iiwe oli Mutabani wa Muungu, lilagile ikulugusi eli lihiinduke kuba omukaate." ⁴Yeezu yaaligalulila aati,Omu Maandiko Amatakatiifu chaandikilwe chiiti,Omuuntu tiyaakuhicha kutuungwa ebyookulya byoonka."=======³Niho elyo Isitaani kumugaambila liti, koolaaba iiwe oli Mutabani wa Muungu, lilagile ikulugusi eli lihiinduke kuba omukaate. ⁴Yeezu yaaligalulila aati,Omu Maandiko Amatakatiifu chaandikilwe chiiti,Omuuntu tiyaakuhicha kutuungwa ebyookulya byoonka.>>>>>>> ca244fef33f06b1848e3de7f4224225c3b0d4063⁵Kalyaabaliile Isitaani elyo lyaamutwaala Yeezu ahaantu hali olugulu bwooli, lyaamwooleka obukama bwoona bwe eensi ni ikuzo lyaamo ha kaanya ako nyini. ⁶Hakuba byoona ebi, nniinye oogwo naheelwe, na kaandi nakaamuha omuuntu weena weena oogwo ndikweenda. ⁷Ha bweecho, koolaandamya, nnLyaamugaambila elyo Isitaani, Obutegeki bwa byoona ebi, naakaakuha, hamo no obugeega bwaamiinkuha byoona ebyo.⁸Yeezu yaalisubiza, Chaandikilwe chiti, Omulamye Omukama Muungu waawe, omugomookele weenyini weenka.⁹Kalyaabalile Isitaani lyaamutwaala Yeezu Yeruzaleemu, lyaamweemeleza aha luswi olula bwooli oluli ahanzu ya Muungu, lyaamugaambila, Koolaaba ni iiwe oli Omutabani wa Muungu, oyenaguze ahaansi kuluga aha. ¹⁰Habwo kuba chaandikilwe, Muungu nalagila bamaleeka boomwe, babone kukweemanya. ¹¹Na kaandi, Nibakusutula, amagulu gaawe oteeza okeekuumpa ahi ibaale.¹²Yeezu yaamusubiza, ''Chaandikilwe chiti, 'Otamuleengesa Omukama Muungu waawe.' ¹³Obuchilo Isitaani kalyaabeele lyaamazile kumuleengesa Yeezu,lyaamuleka kuhicha libone omwaanya oguundi, gwo kumuleengesa.¹⁴Kayaabaliile, Yeezu yaasuba owaabo galilaaya, akaba ayina obuhicha bwo Omwooyo Mutakatiifu. Ne empolaze, zikasaambaala bwooli omu nsi ezo yoona. ¹⁵Yaazeenda naayegesa abaantu omu masomelo gaabo. Na boona, baaba nibamukuza.¹⁶Kayaabaliliile, yaasuba omuka Nazereeti, omu muzihwa oogwo yaalezilwe. Na aha chilo cha che Endaalikizo, nka nikwo yaabele amanyiile, akataaha omu isomelo, yaayemeelela abone kusoma echigaambo cha Muungu. ¹⁷Akahaabwa echitabu cho omubaasi Isaya, yaachifuundula, yaaloondela ahaandikilwe,¹⁸"Omwooyo gwo Omukama Muungu, guli hamo neenye, habwo kuba, atoolize kubamanyisa abahabi Empola Nzima. Yaansiindika mbone kubamanyisa embohe, kukoololwa kwaabo, no kubamanyisa abahume, kubona kuhweeza kaandi, na aabo abalikwaagalazibwa, mbachuungule. ¹⁹Mbone kuboolekeelela abaantu, omwaaka oogwo Omukama Muungu alaayoleka engoonzi zoomwe."²⁰Kayaamazile kusoma ebigaambo ebyo, Yeezu yaafuundikila echitabo, yaamusubiza omuheeleza, male yeekala. Na abaantu boona aabo abaabeele bali omu isomelo, bakaba nibamutukuliza ha kumukomela ameeso. ²¹Niho yaabaanza kubagaambila, Echaandiko eecho mwaahulila, leelo ezi chaahikiilizwa omu neeso geenyu" ²²Abaantu boona baasobelwa bwooli ha bigaambo byoomwe bye embabazi ebyalugile omu kanwa koomwe,nabo baamugaamba kuzima. Baabaanza kweebuuza, "Ngasi, oogu tiwe mutabani wa Yozefu?"²³Yeezu yaabagaamba, "Tiheena mwaaga nimuungaambile omugani oogu, Iiwe mufumu oyechize iiwe nyini. Ensoonga, goona aago tuhuliile aago okozile omu muzihwz gwa Kaperinaumu, ogakole na aha omu muzihwa gweetu!' ²⁴" Yeezu yaagamba,"Mazima butunu nniimbagaambila, taliho omubaasi ayikilizwa omu muzihwa gwoomwe.²⁵Habuchilo bwa Eliya, telagwiile enzula emyaaka isatu na ameezi mukaaga, kuhicha enzala mpaango yaateela eensi yoona ya Iziraeli. Na mumanye kuzima nkokwo, bakaba baliho abakazi beenzi abakaambwiile omu nsi, omu buchilo oobwo. ²⁶Hamo ne ebyo, Eliya talasiindikilwe hali oomo waabo. Naho akasiindikwa ha mukazi oomo akaambwiile wo omuli Zarefaati, omu nsi Sidooni, aheelu ya Iziraeli! ²⁷"No omu buchilo bwo omubaasi Elisha bityo, bakaba baliho ababeembe beenzi omu nsi ya Iziraeli. Hamo ne ebyo, tariho oomo wabo oogwo yaayelizwe. Akachiza Naamani weenka, omuuntu kuluga eensi ya Siiria!²⁸Abo boona aabo abaabeele bakobile omu isomelo elyo, obuchilo kabaahuliile ago magaambo ga Yeezu, baazila echihulumuko bwooli. ²⁹Ahonyini baayemeelela bwaangu aha chiniga, baazeenda nibasusiindika. Baaamusohoza aheelu yo omuzihwa kuhika ahaangolomoko ndeehi yi ibaanga elyoombekilweho aha lugulu aaho ibona lyaabo babone kumunaguza ahaansi. ³⁰yaahiingula ahagati ye echipipi cha abaantu abo, yaazeenda lwoomwe.³¹Kayaabaliile, Yeezu yaalugaho yaazeenda omu ibona lya Kaperinaumu omu nsi ya Galilaaya. Echilo echo Endaalikizo, akataaha omu isomelo, yaabaanza kweegesa abaantu. ³²Ebyeegeso byoomwe, byaabasobela bwooli, habwo kuba bikaba biina obuzizi.³³No omu isomelo elyo, akaba alimo omuuntu oomo ayaabeele akwaasilwe ni izimu. Izimu elyo lyaachula no kuhamuka ahi ilaka, ha kugaamba, ³⁴"Iiwe Yeezu Omunyanazareeti, tukatuulanwa chi iiwe ne echwe ka notuloonda? Weeza kutusiingaalicha? Nniinkumanya iiwe, nkokwo iiwe niwe Omutakatiifu ayatooziibwe na Muungu!"³⁵Yeezu akalikaama izima elyo ha kugaamba, "buumba akanwa kaawe! Omulugebo oogu muuntu! "Ahonyini, izimu elyo lyaamugwiisa ahaansi ogwo muuntu, omu meeso ga abaantu abo boona. Male lyaamulugaho obutamuhutaanza. ³⁶Abaantu boona baasobelwa bwooli, beebuuza? " Ni magaambo chi aga? Leeba amazimu, omuunyu oogu yaagazema ha buzizi na amagala nkokwo galugeho aha baantu, ahonyini nigalugaho" ³⁷Nikwo, empola za Yeezu ziba zasaambaala bwooli omu nsi ezo yoona.³⁸Yeezu akalugamo omu isomelo elyo, yaataaha omu nzu ya Simoni. Omwo, nyinazaala wa Simoni akaba ayina omuswiiza muhaango. Baamusaba Yeezu nkokwo amuchize. ³⁹Niho kweemeeelela heehi naze, yaagukaama omuswiiza. Ahonyini omuswiiza gwaamulugaho. Niho nyinazaala ogwo, yeemuka ahonyini, yaabaanza kubatona ebyookulya.⁴⁰No obuchilo izooba kalyaagwiilemo, echilo che Endaalikizo nichihwa, abaantu baamuleetela Yeezu abalweele baabo boona aba amalweele gachileene. Yeezu akateelaho buli oomo emikono yoomwe, yaabachiza. ⁴¹Hamo ne ebyo Yeezu yabiinga amazimu omu baantu beenzi, gaateela empamo omu kugaamba, "Iiwe oli Mutabani wa Muungu!'' Habwo kuba amazimu aago gakaba nigamumanya nkokwo Yeezu niwe Masihi, yaagakaama no kugaangila gatagaambagaamba kaandi.⁴²Nyeencheemo, obuchilo haacha, Yeezu akalugaho aho yaazeenda ahaantu aaho hakaba hateena abaantu. Echipipi cha abaantu, baada, baaba nibamuloondela no obuchilo baamubweene, baayeenda kumwaangila, kuba atabaleka. ⁴³Naho Yeezu yaabagaambila, "Ni lwaampaka nzeende kaandi omu mizihwa eziindi, mbone kubamanyisa Empola nzima yo obukama bwa Muungu. Habwo kuba nkatumwa habwe ensoonga ezo nyini.'' ⁴⁴Niho, Yezu yaazeendelela kweegesa abaantu omu masomelo gaabo omu nsi ya Yudea.

¹Echilo chimo Yeezu akaba ayemeeliile ahaangeegeelo ye Enyaanza ya Genezareti, kuna naayegesa abaantu echigaambo cha Muungu. Baaba nibamwiililila, babone kumuhuliiliza, kuhicha baamumigisiliza. ²Na aho ahaangeegeelo ya enyaanza, Yeezu akabona amaato abili. Abategi bakaba bagalekile amaato, habwo kuba bakaba nibooza emitego yaabo. ³Yaahanama omu bwaato bumo bwaato bumo bwaaho, oobwo bukaba buli bwo mwa Simoni, yaamusaba Simoni nka nikwo abwiilizeyo kache obwaato obwo obuziba kuluga aha ngeegeelo ye chaambo. Male, Yeezu yeekala omu bwaato yaazeendelela kweegesa abaantu.⁴No obuchilo kayaamazile kweegesa, yaamugaambila Simoni, "Buga obwaato muzeende obuziba, mutege emitego zeenyu, muzubule eenfwi." ⁵Simoni yaamusubiza, "Iiwe mukama weetu, leeba obwiile kucha tuleele nitukola gwo kutega ha kweeyomeleza obutabonesa chiintu! Naho habwo kuba ni iiwe waangaambila ootyo nniiinzitega oobu nyini." ⁶Ha bweecho Simoni na bazeenzibe baazitega emitego yaabo omu meezi, baazubula eenfwi nyiinzi bwooli, kuhicha emitego yaabo yaabaanza kuteemuka. ⁷Kuhicha baayeleeza emikono kweeta bazeenzi baabo abaabeele bali omu bwaato obuundi, beeze kubahweela. Obuchilo kabeezile, beezuza beezuza eenfwi amaato abili, kuhicha bakaba beeliliza no kutubila.⁸Simoni, kayaabweene amahano ago, yaateela ebizwi omu meeso ga Yeezu, yaamugaambila, Iiwe Mukama, ondugeho iinye, habwo kuba iinye ndi omuheni. ⁹Simoni akagaamba ebigaambo ebyo, habwo kuba weenyini hamo na bazeenzibe boona, bakasobelwa bwooli kubonesa eenfwi nyiinzi eezo baazubwiile. ¹⁰Yakobo na Yohana, batabani ba Zebedayo, bakaba nibatega hamo na Simoni. Ebyo byaabasobela nabo. Yeezu yaabagaambila Simoni aati, Otaakutiina, Ha kuba kulugiilila leelo ezi, nooba omutegi wa abaantu. ¹¹Simoni na bazeenzibe baasubya amaato ahachaambo, baaleka ebiintu byaabo byoona, baamukulaatila Yeezu.¹²Obuchilo Yeezu akaba ali omu muzihwa gumo, hakeeza omuuntu oomo ayaabeele ayizwiile amabeembe omubili gwoona. Nawe kayaamubweene Yeezu, yaazumala omu meeso goomwe, yaahicha obusobwe ahaansi, yaamusaba, Iiwe Mukama, koolayeenda, oyine obuhicha bwo kuunyeza. ¹³Yeezu yaagolola omukono, yaamukolaho, yaamugaambila, Nniinyenda ochile, oyele, Ahonyini, obubeembe bwoomwe bwaamulugaho.¹⁴Yeezu yaamulagila aati, Otamugaambila omuuntu weena weena eebi, Naho, zeenda oyeyoleke ha mugabe, osohoze echitaambo cho kwooleka nkokwo waayezwa, nkokwo Musa okwo yaalagiile.¹⁵Hamo ne ebyo, empola za Yeezu zaaguma kumanyiika bwooli ha baantu. Bakaba nibamwiizaho ebipipi ne ebipipi, babone kuhuliiliza Ameegeso goomwe, no kuchizwa amalwaala gaabo. ¹⁶Naho, Yeezu akaba abaleka no kuzeenda ahaantu hateena baantu amusabe Muungu.¹⁷Echilo chimo, Yeezu akaba naayegesa abaantu. No omuli abo, bakaba balimo Abafarisayo, hamo na abeegesa be ebilagilo. Abo bakaluga buli mugoongo gwa Galilaaya ne ya Yudea, ne ya Yeruzaleemu. Yeezu akaba ayina obuhicha kuluga ha Mukama Muungu abone kuchiza abaantu.¹⁸Niho beeza abakwaata, bakaba beemukize omuuntu ayaabeele ali ensege, akaba alyaamile aha chitwaalilizi. Bakaba nibeenda kumutaasha omu nzu, babone kumuleeta omu meeso ga Yeezu. ¹⁹Naho bakalemwa kubonesa ho kumulabya, habwo kuba hakaba heena embaga ya abaantu beenzi beemigisiliize. Niho baalamula kuhanama olweego baahika aha luswi lwe eenzu, beemukize omuuntu ogwo. Obuchilo baabeele bali aha lugulu, baafumula oluswi, baamutuucha ne echitwaalilizi choomwe ahagati ya abaantu aabo boona, omu meeso ga Yeezu.²⁰Obuchilo Yeezu kayaabweene nkokwo abaantu abo bakaba beena okwiikiliza, yaamugaambila, "Munywaani waaze, waaganyiilwe ebiheno byaawe!" ²¹Abeegesa be ebilagilo na Abafarisayo abo, ahonyini baabaanza kudugulima nibeegaambila, "Nooha oogu? Leeba naagaamba ebigaambo byo kumulogota Muungu? Taliho omuuntu oogwo yaakuhicha kuganyila ebiheno, naho Muungu weenka!"²²Aago bakaba nibateekuza, ahonyini Yeezu yaagamanya, yaababuuza, "habwaachi nimuteekuza mutyo omu muganya yaanyu? ²³Ngasi! Ni chiiha echili kuhuhuuka bwooli? Kumugaambila omuuntu, 'Waaganyiilwe ebiheno byaawe, nali kumugaambila, Yemeelela, olibate?' ²⁴Nniinyeenda mumanye kuzima nkokwo, iinye Mutabani wo Omuuntu nheelwe obuzizi bwo kuganyila ebihemo omu nsi." Male Yeezu yaamugaambila omuuntu ogwo, "nniinkugaambila, yemeelela! Twaala echitwaaliliza chaawe, ozeende omuka."²⁵Ahonyini, omuuntu ogwo yaayemeelela omu meeso ga abaantu, yeemucha omukeeka gwoomwe oogwo akaba abyaamiile, yaazeenda omuka kunu naamweesiingiza Muungu. ²⁶Abaantu boona abo, baasomelwa bwooli no kuzila kweeganya. ²⁷Kagahweele ago, Yeezu yaalugamo omunzu, yaabona omuhaambya oomo, iziina lyoomwe naayetwa Lawi. Nawe Laawi, akaba ayikeele omu kazu koomwe kokutobesezamo oluhaambwe. Aho Yeezu yaamugaambila aati, Onkulatile. ²⁸Ahonyini, Laawi yaayemeelela, yaleka byoona, yaabanza kumukulaatila Yeezu.²⁹Kayaabaliile, Lawi yaamukolela Yeezu obuzenyi buhaango omukaye. Omuunzu omwo, bakaba bakobile abahaambya beenzi, na abaantu abaandi abaabeele nibalya hamo ha luhelo. ³⁰Chaaletelela Abafarisayo, na abeegesa baabo be ebilagilo, kuzeenda kubadugulumila abaheemba ba Yeezu, baagaamba, Habwaachi nimulya no okunywa hamo na abahaambya na abaheni abaandi. ³¹Yeezu yaabasubiza, Abaantu abeene enziingo nzima, tibakugaswa omufumu, naho abalweele nibo abalikugaswa. ³²Bityo nyini, Iinye tiindeezile kweeta abaantu abagololoke, naho abaheni batamwe ebiheno byaabo no kumutegeza Muungu.³³Abaantu abo baamugaambila Yeezu, Abaheemba ba Yohana nibazila echisiibo che ebyookula entulo nyiizi, obuchilo nibamusaba Muungu. Bityo na abaheemba ba Abafarisayo, nabo bakola batyo nyini. Naho abaheemba baawe, nibazeendelela kulya no okunywa. ³⁴Yeezu yaabasubiza, Obuchilo chisweela achili hamo na abazenyi boomwe omu bweenga, nimuhicha muta kubakola abazenyi abo babe ne echisiibo cho okulya no okunywa. ³⁵Naho, omu bilo eebyo ebiliiza, chisweela alyaayihwaho ahagati yaabo. Omu bilo ebyo, niho baliba ne echisiibo.³⁶Yeezu yaabagaambila omugani oguundi, yaagaamba, Taliho omuuntu abaziilila echibatulo cho omweenda omusha aha mweenda ogukokweele. Habwo kuba, kaalakola aatyo, naaba yaasiisa omnweenda gwoomwe omusha. Hamo ne ebyo, echilaka echo cho omweenda omusha, tichikukuundilana no omweenda omukulukulu.³⁷Na taliho omuuntu ahikize kutamo eviini eensha omu nfulebe enkulukulu. Habwo kuba, kaalakola aatyo, eviini eensha neebila, neeyata embiiko ezo, nayo neeseeseka. Ne embiikizo ezo, zityo nyini nazo nizibiiha. ³⁸Naho eviini eensha nigeendelwa gateebwe omu mbiiko ze eempu eensha. ³⁹No omuuntu oogwo amanyiile kunywa eviini ya kala, aba atakuligila eviini eensha. Agaamba nka nikwo, eya kala niyo nzima.

¹Echilo chimo che Endaalikizo, Yeezu akaba naalaba omu misili ye engano, na abaheemba boomwe baabaanza kuheenda ebikuumba bye engano, beheehamo enzuma zaazo kwe engalo balya. ²Niho Abafarisayo abaandi baababuuza, "Habwaachi nimukola eebyo ebilikwaangilwa ne ebilagilo kukolwa aha chilo che Endaalikizo?³Yeezu yaabagalulila, "Ngasi, timukasomile Amaandiko Matakatiifu nka nikwo Daudi yaakozile obuchilo oobwo weenyini na bazeenzibe bakaba beene enzala? ⁴Weenyini akataaha omu nzu nya muungu, yeehamo emikaate eezo ekaba yaasohweezwe hali muungu, yaazilya no kubaha bazeenzibe.Telakuundiilwe omu bilagilo bya Musa omuuntu kulya emikaate ezo naho abagabe ba Muungu boonka." ⁵Yeezu yaayoongelaha kugaamba aati, "Iinye Omutabani wo Omuuntu, niwe Omukama we echilo che Endaalikizo."⁶Ha chilo echiindi che Endaalikizo Yeezu akataaha omu isomelo yaabaanza kweegesa abaantu. Omu isomelo omwo akaba alimo omuuntu oomo oogwo omukono gwoomwe gwo obulyo gukaba gulageele. ⁷Abafarisayo na abeegesa be ebilagilo, bakaba nibamuleeba Yeezu, babone nkokwo alaamuchiza omuuntu ogwo aha chilo che Endaalikizo. Bakaba nibaloondela emihaanda yo kumulegelela. ⁸Naho, Yeezu akamanya ebiteekuzo byaabo bibi. Ha bweecho, yaamugaambila omuuntu owo omukono ogulageele, Iiza oyemeelele aha ahagati. Omuuntu ogwo yeemuka yaazenda yeemeelela ahagati yaabo.⁹Ahonyini, Yeezu yaabagaambila Abafarisayo na abeegesa be ebilagilo, Ha bweecho, mbabuuze amabuuzo, Kwiingana ne ebilagilo bya Musa, ngasi ni chiintu chi echiikililiziibwe kukolwa ha chilo che Endaalikizo, kukola ebizima nali kukola ebibi. Echilo echo tubuchize obulami, nali tubusiingaaliche. ¹⁰Yeezu yaabatukuliza ameeso abaantu aabo boona. Male yaamugaambila omuuntu ogwo, Golola omukono gwaawe. Nawe, obuchilo naagugolola, ahonyini gwaachila. ¹¹Nabo Abafarisayo hamo na abeegesa be ebilagilo abo, baaba baasaaya bwooli. Baabaanza kweehanuuza nka nikwo balaamukolela Yeezu amagaambo mabi.¹²Omu bilyo ebyo, Yeezu akazeenda kumusaba Muungu omu ibaanga, yaasaba obwiile kucha. ¹³No obuchilo nihacha, yaabeeta abaheemba boomwe. Omuli abo yaatooza ikumi na babili, yaabaluka iziina, Entumwa, Ne entumwa ezo, nibo aba.¹⁴Simoni, oogwo akamuluka iziina lya Peetero, Andrea ali mudugu wa Simoni, Yakobo, Yohana, Filipo, Baritolomayo, ¹⁵Matayo, Tomaso, Yakobo, mutabani wa Alfayo, Simoni ayaayesilwe Omuzeloote, ¹⁶Yuda mutabani wa Yakobo, na Yuda Iskariote, oogwo ayaabaliile akamukoonga ha kumuguza Yeezu aha babisa boomwe.¹⁷Yeezu yaatuuka kuluga omu ibaanga, hamo na abaheemba boomwe. No obuchilo kayaahikile ahaambuga, yaayemeelela. Aho, bakakoba abaheemba boomwe ne embaga ya abaantu beenzi aabo balugile enkasi zoona eza Yudea, ne eza Yeruzaleemu, no kuluga olubazu lwe engeegeelo ye enyaanza ya Tiilo ne ya Sidooni.Abaantu abo bakeeza aho, kumuhuliiliza Yeezu no kuchizwa amalwaala gaabo. ¹⁸No oobu boona aabo abaabeele nibaagalazwa na amazimu, yaaba naabachiza. ¹⁹Abaantu abo boona, bakaba nibaleengesa kumukolaho Yeezu, habwo kuba obuhicha bukaba nibumulugaho no kubachiza boona.²⁰Yeezu yaaleeba abaheemba boomwe, yaabagaambila,"mwiina omugisa iiwe aabo muli abahabi! Habwo kuba iimwe ni iimwe abaantu bo obukama bwa Muungu. ²¹Mwiina omugisa iimwe aabo mulikuhulila enzala oobu! Habwo kuba ahaleeza nimuhaagiswa. Mwiina omugisa iimwe aabo mulikuchula oobu! Habwo kuba ahaleeza nimuseka.²²Mwiina omugisa iimwe, omu buchilo abaantu balaabatamwa, omu buchilo balachiindika, ha kubazuma, no kubalega iimwe amagaambo mabi habwo kuba nimunkulaatila iinye Mutabani wo Omuuntu. ²³Ha chilo echo, muguluke guluka aha manulilwa, habwo kuba Muungu ababiikiile empeela mpaango omu igulu. Nabo beeseenkulu baabo baantu, bakaba nibabahenela ababaasi batyo nyini.²⁴Naho, nimwiilooko, iimwe aabo muli abahite! Habwo kuba mwaaheelwe okunulilwa kweenyu. ²⁵Nimwiilooko, iiwe mulikuhaaga oobu! Habwo kuba nimuhulila enzala ahaleeza. Nimwiilooko, iimwe aabo mulikuseka oobu! Habwo kuba nimuchula aha ntiimba no kwaalama ahaleeza.²⁶Nimwiilooko, obuchilo abaantu boona nibabesiigiza! Habwo kuba, nabo baguuku baabo, batyo nyini. Nikwo bakaba nibabakolela ababaasi be ebisuba."²⁷"Nniimbagaambila iimwe aabo mulikunhuliiliza, mubeende ababisa baanyu. Na abaantu aabo abalikubatamwa, iimwe mubakolele ebizima. ²⁸Na abaantu aabo abalikubacheena, mubasabile nka nikwo Muungu abafuuhe. na aabo abalikubaagalaza, mubasabile hali Muungu.²⁹"Omuuntu kaalakuteela itama ha kukugaya, muhiindulile ne eliindi. Omuuntu kaalakwaaka ebebo yaawe, mulekele atwaale no oobu enkaanzu. ³⁰Weena weena oogwo alaakusaba echiintu, muhe. Omuuntu kaalatwaala ebiintu byaawe, otamusaba abikusubize.³¹Mubakolele abaandi nka nikwo iimwe mulikweenda boonyini babakoleleiimwe hanu ³²"kimwakweenda abo boonka abalikubeenda iimwe, nimuba mwaakola bizima chi, byo kuhicha kusiimwa! No oobu abe biheno, nibabeenda abaantu aabo abalikubeenda! ³³Nab kamulabazuna abo kwoonka, aabo abalikubazuna iimwe, nimuba mwakola bizima chi, byo kuhicha kusiimwa? Nabo abe ebiheno, bakola batyo nyini! ³⁴Na kamulabatiiza aabo mulikweetegeza nkokwo nibabasubiza, nimuba mwaakola bizima chi, byo kuhicha kusiimwa? Nabo abe ebiheno, nibabatiiza bazeenzi baabo. Habwo kuba nibategeza nkokwo, abo nibabasubiza byoona!³⁵"Naho iimwe, mubeende ababisa baanyu, mubakolele ebizima. Muboohoze, obutategezi nkokwa nimusubizwa. Nilwo bityo mulaabona obuhite buhaango, no okuba abaana ba Muungu Oogwo Ali olugulu ya Byoona.Habwo kuba, Muungu naabahweela no oobu aabo abatakumusiima, na abalikukola ebiheno. ³⁶"Mube ne echiganyizi aha baandi, nke Isiimwe ookwo ayina echi.³⁷"Mutaakuchwaaziika abaandi, ne eemwe timukuchwaaziikilwa. Mutaakutuuzila abaandi ne eemwe tibakubeetuuzila. Mubaganyile abaantu aabo abaabaheniile, niho ne eemwe mulaaganyilwa.³⁸Mubahe abaandi, ebiintu, niho ne eemwe mulaheebwa, nibika neke ndeengo nzima bwooli. Endeengo yo kwiizula no kusiindagilwa, no kuzugumiswa ebone kwiizula bwooli, kuhicha no kuseeseka. Habwo kuba, endeengo eezo mulaaleengelaho abaandi, niyo neemwe mulyaaba nimuleengelwaho."³⁹Yeezu yaabagaambila omugani oogu, Ngasi omuhume akwiile kumwooleka omuhaanda omuhume muzeenziwe, Amazima, boona babili nibagwa omu liina. ⁴⁰Omuheemba takwiile kuba omumanyi bwooli kuchila omweegesawe. Naho, kalikuba yaayegesiibwe no kumanya byoona, niho alaasusana no omweegesawe.⁴¹Habwaachi nooleeba akatokoozi aako kali omu liiso lya muzeenzi waawe, naho okabula kubona embago eezo eli omu liiso lyaawe. ⁴²Noohichaho oota kumugaambila muzeenzi waawe, Iiwe mudugu waanze, leka nkwiihilemo akatokoozi omu liiso lyaawe, obuchilo iiwe nyini tokubona embago eezo eli omu liiso lyaawe, Ngobya we, Obaanze oyihemo embago eezo eli omu liiso lyaawe, niho olaahicha kuleeba kuzima akatokoozi akali.⁴³Habwokuba hakaba hatena omuti omuzima ogulikuzala amatunda amabi,na hatena omuti omubi oguzala amatunda amazima. ⁴⁴Habwo kuba kila muti igumanyika hamagombwage,habwokuba habhatu tibakusuma tini kuluga amawa,wala tibakusuma emizabibu kuluga aha michongoma.⁴⁵Omuntu omuzima kuluga ahachintu chizima go mwoyo gwe kusohoza amazima ,no omuntu omubi.Habwokuba omunwa gomwe kugamba ago agali omumuganya goomwe.⁴⁶Habwaachi nimunyeta omukama omukama na timukukola ebigambo ebyo indi kwenda. ⁴⁷Na kila omuntu alikwiza alinye no kugahuliliza amagambo ganze no kugashugulikia emilimo,niboleka nkokwo ali. ⁴⁸Na susana no omuntu ogwo ayombekile enzu yoomwe,oogwo akasuma ahansi bwooli,no kwombeka omusingi gwe enzu aha lugulu yi ikulugusi indiguma.Amafuriko aho gakeza,eminona ga amenzi gakazitela eenzu,naho tigaladulize kuzizugumisa,habwokuba ekaba eyobekile kuzima.⁴⁹Naho, weena weena oogwo alikuhuliiliza ebigaambo byaanze na takubyeekomya, ogwo, naasusana no omuuntu oogwo yaayoombekile eenzu yoomwe ahamusenyini gwoonka,ateena luhazo. No obuchilo bwo kugweena kwo omunona, ameenzi gakaziteela eenzu ezo, entulo eemo yaagwa ahaansi, ekasiisikala yoona pye.

¹Obuchilo yeezu kayaamazile kugaambaebigambo ebyo byoona ha chipipi cha abaantu , yaazeenda yaataaha omuli kaperinaumu.²Omu muzihwa ogwo, hakaba heena omwiimeelelezi wa abalwaanila ngoma be echilumi.Omwiimeelelezi ogwo, akaba ayina omuzaana oogwo akaba ayeenda bwooli. Nahoomuhalila ogwo akaba nalwaala, yeeliliizeno okufwa. ³Ha bweecho, omwiimweelelezi ogwo, obuchilo kayaahulile empola za yeezu, yaasiindika abanyaampala abaandi ba abayahudi hali yeezu, baze kumusaba ayize kumuchiza omuhalila woomwe. ⁴Abanyaampala abo obuchilo kabaahikile hali yeezu, baamuneembelela bwooli ha kumugaambila, omuuntu ogwo,akwile omukolele echigaambo echi. ⁵Habwo kuba naayeenda eensi yeetu, nawe niwe oogwo ayatwoombekiile isomelo lyeetu.⁶Niho yeezu yaalugaho hamo na abanyaampala abo kuzeenda omuka yo omwiimeelelezi ogwo wa abalwaanila ngoma. No obuchilo kabaabeele beeliliza aho, omwiimeelelezi ogwo wa akasiindika abanywaani boomwe, baazeenda ne empola zoomwe hali yeezu , baamugaambila, Iiwe mukama, otaakwiiyagalazabwooli, habwo kuba tiinkwiilwe otaahemo omwaanze. ⁷Ne ezo niyo ensoonga naabona kaandi nkokwo tiinkwiile kuhika hali iiwe. Naho ogaambe echigambo kwoonka, omuhalila waanze nawe naachila. ⁸Habwo kuba, ne eenye ndi ahaansi yo obutegeki bwa abakulu baanze, nyina abalwaanila ngoma abali ahaansi yaanze. Kaandikumulagila oomo, ozeende, ahonyini naazeenda. Kaandikumulagila oondi, iize , nawe, ahonyini naayiza. No omuhalila waanze, kaandikumulagila, kola ooti, nikwoalaakola.⁹Obuchilo Yeezu kayaamuhulila ago, yaamusobelwa bwooli. yaazechebuka embaga ya abaantu aabo abaabeele nibamukulaatila, yaabagaambila, nniimbagaambila nka nikwo, no oobu omu baiziraeli boona, tiinkambweene omuuntu weena weena owo kwiikiliza kuhaango nko ooku. ¹⁰Aaho abaantu abo abaasiindikilwe kabasubile omuka yo omwiimeeleleza 0gwo, baasaanga omuhalila yaachizile.¹¹Ha kaanya kache, yeezu akazeenda omu muzihwa ogulikweetwa naini, akaba ali hamona abaheemba boomwe, na abaantu abaandi beenzi. ¹²No obuchilo kayaabeele yeeliliza ileembo lyo omu iboma, yaabugana na abaantu abaabeele beemukize omutuumbi gwo omukwaata. omukwaata ogwo, akaba niwe ali omwaana nyakamo, hali nyina, oogwo ayaabeele ali entumbakazi. omukazi ogwo, akaba akulaatileene na abaantu beenzi bo omu iboma elyo. ¹³Obuchilo omukama yeezu kayaamubweene ogwo mukazi, yaamuzilila echiganyizi, yaamugaambila, leka kuchula. ¹⁴Yeelila heehi ne echitwaaliza echaabeele chiimuchiizweho omutuumbi, yaachikolaho. na abaantu aabo abaabeele bachiimukize, beemeelela. yeezu yaagaamba, iiwe musigazi, nniinkugaambila, imuka. ¹⁵Oogwo afwiile, ahonyini yeemuka. yeekala, yaabaanza kaandi no kugaambagaamba. niho, yeezu yaamuhikiiliza hali nyina.¹⁶Abaantu abo boona beetimwe bwooli, baabaanza kumukuza muungu omu kugaamba, omubaasi mukulu, yeesulukiza omuli iichwe kaandi baagaamba, muungu yeeza kuhweela abaantu boomwe. ¹⁷Empola ze ebyo, zaasambaala bwooli omuli yudea yoona, no omu nsi eziindi zo obutuuzi.¹⁸Obuchilo yeezu akaba naakola byoona ebyo, abaheemba ba yohana, baamuleetela empola. ¹⁹Yohana nawe yaayeta babili omuli abo, yaabasiindika nkokwo bazeende kumubuuza omukama yeezu, nkokwo, ngasi, iiwe niwe masihi oogwo aleeza, nali tumutegezeyo oondi? ²⁰Nikwo, obuchilo abo babili bamuhikileho, baamugaambila, "Yohana mubatiza yaatusiindika hali iiwe, tukubuuze, ngasi, iiwe niwe masihi oogwo aleeza, nali tumute?"²¹Ha buchilo obwo nyini, Yeezu akaba naachiza abaantu beenzi amalwaala gaabo. Akaba nachiza kaandi abalikwaagalazibwa na amazimu. Akabaha aha ngoozi amagala abahume beenzi baabona kuleeba. ²²Niho, Yeezu kubasubiza, Muzeende mumugaambile Yohana goona aago mwaabona, na goona aago mwaahulila, nka nikwo, abahume, nibahweeza, abalema, nibalibata, aba mabeembe, nibachizwa, enzibamatwi, nibahulila, abafwiile, nibazoolwa, na abahabi, nibaatulilwa Empola Nzima. ²³Ayina omugisa, weena weena oogwo ateena kutahwa tahwa hali iinye.²⁴Kabaabeele abo babili baalugaho aho, Yeezu yaabaanza kubagaambila echipipi cha abaantu empola za Yohana, nkokwo, Obuchilo mwaazile omu iluungu kumuleeba Yohana, ngasi, mukazeenda kuleeba chiiha? Akasahuunga akalikuchuundagulwa chuundagulwa no omuyaga? Mmahi! ²⁵Mbweenu, mukazeenda kuleeba chiiha? Ngasi omuuntu oogwo azweele ebizwaalo biluunzi? Mmahi! Mumanye, abaantu aabo abazwaala ebizwaalo biluunzi, no obweendeza omu biintu biizi eebyo beenabyo, abo baba nibeekala omu mazu mahaango ge echikama! ²⁶Mbweenu, mukazeenda kuleeba chiiha? Ngasi, mukazeenda kuleeba omubaasi? Eeego nyini no omubaasi, naho nniimbagaambila nka nikwo, Yohana ni mukulu kusaagaho omubaasi.²⁷Omu Maandiko Amatakatiifu, niwe oogwo ayayaandikiilwe eebi, Huliiliza, nniinsiindika entumwa yaanze omu meeso gaawe, ogwo alaakweebeembelela omu kukugololela omuhaanda. ²⁸Yeezu yaagaamba kaandi, "Neenye nniimbagaambila nkokwo, omu baantu boona aabo abazeelwe na abakazi, takabahoga omuuntu weena weena ali mukulu kusaaga Yohana. NO oobu bityo, omuuntu ateena mugaso omu bukama bwa Muungu, niwe mukulu kumusaaga weenyini."²⁹Abo baantu boona, hamo na abahaambya, obuchilo baahuliile amagaambo ago ga Yeezu, baasombookelwa amazima ga Muungu. Ha kuba abaantu abo nibo aabo ababatiziibwe na Yohana. ³⁰Naho Abafarisayo na abeegesa be ebilagilo, boonyini, bakaanga eebyo Muungu yaabeendiize, habwo kuba bakaanga kubatizwa na Yohana.³¹Yeezu yaagaamba kaandi,"abaantu bo obuchilo oobu mbasusanise na chiiha? Beena ntuungwa chi? ³²Nibasusana na abaana abekeele omu igulizo, nibeehamukila bati, 'Tukabateelela emileela, naho kubona nimunegula mahi! Mala twaabazinila enzina ze entiimba, naho timulachizile!'³³Habwo kuba, obuchilo Yohana Omubatiza yeezile, akaba ateena obuteeka bwo kulya emikaate, no oobu kunywa eviini. Iimwe nimugaamba nkokwo ayina izimu! ³⁴Mbweenu, iinye Mutabani wo Omuuntu nnyizile, niindya ebyookulya no kunywa, na abaantu baagaamba nka nikwo, 'Leeba! Oogu no owo muhaanka na kaandi no omutamiizi! Na ni munywaani wa abahambya na abaheni!' ³⁵"No oobu bityo, amasala ga Muungu gamanyisibwa kuba ga mazima habwo muhaanda gwe ebikolwa bya abaantu boomwe."³⁶Omufarisayo oomo, akamwaangisa Yeezu ayize kulya owoomwe. Niho, Yeezu kutaaha omunzu yo ogwo Mufarisayo, yaaba yeekala kulya ebyookulya. ³⁷No omu iboma elyo, hakaba heena omukazi oomo oogwo akaba naamanyika kuba atuula ali omuheni. Omukazi ogwo, obuchilo yaahuliile nkokwo Yeezu naalya owo Mufarisayo ogwo, yaatahamo omu nzu omwo no olwaaba lwi ibaale eliina omuzeeze gwo obukaani buhaango bwooli. ³⁸Yaayemeelela enyuma ya Yeezu, heehi na amagulu goomwe. Yaabanza kuchula, amaziga goomwe nigatoonyekela aha magulu ga Yeezu. Yaaba naagakubula ni isoke lyoomwe, naamunyweegela no omunwa omu magulu ge, no kugasiiga emizeeze.³⁹Omufarisayo, obuchilo yaabweene ago, yaateekuza omu muganyagwe aati omuuntu oogu, yaakubeele ali omubaasi, yaakumanyile nkokwo, omukazi oogu alikumukolaho, no omuuntu aliho aata. Yakaamanyile nkokwo, weenyini atuula ali omuheni!" ⁴⁰Yeezu yaamugaambila, "Iiwe Simoni, nyine echigaambo nniinyeenda kukugaambila." Nawe yaamusubiza, "Iiwe Mweegesa ngaambila."⁴¹"Hakaba heena abaantu babili abo babili bakaba nibatoongwa empilya na ayaabeele aboohosize. oomo waabo, akaba ayohosize edinaali magana ataanu. muzeenziwe nawe, akoohoza edinaali makumi ataanu. ⁴²Abo babili obuchilo baabuzilwe empilya zo kumuliha amabaanza gaabo, oogwo ayaabeele aboohosize yaabaganyila, bataliha. mbweenu, omuli abo babili, no ooha alaayeenda bwooli. ⁴³Simoni yaamusubiza, nninzila nkokwo, neeba ogwo ayaabeele aganyiilwe ibaanza lihaango. yeezu yaamugambila, waasubya kuzima.⁴⁴Aho yeezu yaamweechebuka omukazi ogwo , yaamugaambila simoni. noomuleeba omukazi oogu naataaha omu nzu yaawe iiwe, naho tiwanyegeza ha kuumpa ameenzi go kunaaba amagulu gaanze. naho weenyini, yaayoza amagulu gaanze na maziga goomwe, no kugasusula ni isoke lyoomwe. ⁴⁵No obuchilo nonyaangalucha, tiwaanyweegela. naho weenyini, kuluga obuchilo bwoona nniintaaba oomu, takalemilwe kunyweegela amagulu gaanze.⁴⁶Tiwaampa isima ha kuunsiiga omuntwe gwaanze amazuta. naho weenyini, yaansiiga amagulu gaanze emizeeze. ⁴⁷Ha bweecho nniinkugaambila, habwo kuba engoonzi zo ogwo mukazi ni nyiinzi, neeyolecha nkokwo ebihone byoomwe biinzi, byaaganywiilwe. naho weena oogwo ayaaganyiilwe ebihone biche, ogwo, aba ayina engoonzi nche kwoonka.⁴⁸Mala, yeezu yaamugaambila ogwo mukazi, waaganyiilwe ebihone byaawe. ⁴⁹Abazenyi abaandi aabo baabeele beekeele hamo naze aha byookulya, baabaanza kweebuuza, nkonkwo, no ooha oogu, alikuhicha no oobu kuganyila ebiheno. ⁵⁰aho yeezu yaagaambila omukazi ogwo, okwiikiliza kwaawe nikwo kwaakuchiza ozeenda no obuhoolo.

¹Kagahweele ago, yeezu akaba naazeenda ha kulabila buli muziwa ne emigoongo. akaba naalaanga no kwoolekeelela abaantu empola nzima zo obukama bwa muungu. na abaheemba boomwe ikumi na babili bakaba bali hamo naze. ²Mala kaandi akaba akulaatileene na abakazi abaandi aabo yaabeele yaabachilize amalwaala gaabo, no kubeehaho amazimu. omuli aabo bakazi, hakaba halimo mariamu omunya magidala, oogwo yeezu yaabeele yaamwiihileho amazimu musaanzu. ³Kaandi hakaba heena yoana, ali muka kuza. kuza, niwe endiinza ye ebiintu byo omukama herode. akaba aliho suzana, na abakazi abaandi beenzi. abakazi aabo, bakaba nibasohoza ebiintu byaabo, ha kumuzuna yeezu na abaheemba boomwe.⁴Echilo chimo, abaantu be emizihwa miinzi, bakaba nibamwiizaho yeezu, baakoba embaga mpaango. aho yaabagaambila ha mugana oogu. ⁵Hakaba heena omubibi, ayaabeele azeenzile kubiba embiboze omu musili. no obuchilo akaba naabiba, eziindi zikalagala omu muhaanda, zaalibatilwa. ne enyonyi zikeeza zaazilya. ⁶Eziindi, zikalagala omu itaka liche aha luchili. kizaamezile, zaabulwa ameenzi, zaayoma.⁷Eziindi, zikalagala omu mahwa. no obuchilo kagakuzile hamo ne emimelo, gakazimigisiliza ⁸Hakaba heena eziindi, eezo ezagwiile omu busi buluunzi, no obuchilo kizakomiile, zikaba nizigeswa buli mbibo igana. obuchilo yeezu yaamazile kugaamba ebyo, yaahamuka ahi ilaka omu kugaamba, "ogwo ayina amatwi ahuliilize."⁹Abaheemba ba yeezu bakamubuuza, oogu mugani, nooyeenda kugaamba chiiha. ¹⁰Yaabasubiza, muungu abaheele iimwe okusombookelwa amagaambo ge entaahililo zo obukama bwoomwe. naho abaandi, aba nniimbagaambila ha migani, kuba,no oobu abalikuleeba, tibakuhweeza. nano oobu abalikuhulila, bataakusombookelwa.¹¹Mbweenu ensoonga yo omugana ogwo, niyo ezi; embibo, ne echigaambo cha muungu. ¹²Ezo embibo ezalageele heehi no omuhaanda nizimanyisa abaantu aabo abalikuchihuliiliza echigaambo cha muungu. ahonyini, isitaani lyeeza no kichiihamo omu myooyo yaabo, batakwiiza kwiikiliza no kuchuunguka. ¹³Ne embibo eezo ezalagele omu itaka elyaho ahansi aha luchenge nizimanyisa abantu aabo abalikuliliza echigambo cho obukama bwa muungu nibachankula aha manulilwa nibachikiliza aha mwanya muche kwoonka habwokuba okwikikiliza kwabo tikulabele ne emizi bwoli naho obuchilo bwo kulengisibwa nibachileka aha nsonga nibasusana ne emimelo eezo etena mizi.¹⁴Ne embibo ezo ezagwile omugati ya amahwa nizimanyisa abantu abo abalikuhulila echigambo echo naho ahaleeza nibamigisilizwa no okutahwa tahwa ne etuunku za amabonwa meenzi ne emizeendele yaabo yo oluhangali omu bulami bwaabo ago nigaletela okwikiliza kwaabo kuleka kusohoza emisumo mizima. ¹⁵Ne embibo eezo ezagwile omu busi bulunzi nizimanyisa abantu abalikuhulila echigambo echo kabalikumala kuchihulila nibachiinankula aha muganya muzima nibazeendelela no kweeyomeleza kuhicha omwanya gwoona nibasohoza emisumo.¹⁶Taliho omuntu ogwo alikwacha olumuli akalusweekelela ne echitukulu nali akaluta omu buunkulu bwe echitabo naho naluteleka aha lugulu ya akakondo kuba abantu kabalatahamo babone kuhweza habwo omwanga. ¹⁷Bityo nikwo byoona ebili bweseleke obu bilyaaalebwa aha bweelu na byoona ebichigilwe bilyateebwa aha bweelu bimanyike. ¹⁸Nikwo ago gi mulikuhulila mugahulilize kuzima habwokuba omuntu oogwo ayina echintu niwe oogwo alayongezibwa abe ne ebindi naho omuntu ateena chintu no oobu ako akache akalikuboan nkokwo ayinako, nayaakwa.¹⁹Niho nyina na badugu boomwe yeezu bamwizaho naho tibalahikize kumwililila habwokuba abantu beenzi bakaba nibemigisiliza. ²⁰Abantu abandi baamugambial yeezu nyoko na badugu baawe beemelile ahelu nibenda kukubona. ²¹Yeezu yabasubiza maaha na abadugu banze nibo boona aabo abalikuhulila echigambo cha muungu no okuchikola.²²Echilo chimo yeezu akahanama omu bwato bwi itango hamo na abahemba boomwe yabagambila twaambuke enziba tuze buseeli ha bweecho, balugaho. ²³Obuchilo bakaba nibazeend yeezu akahunila omwo omu nyanza hakaba omuyaga gwo omusote obwato obw bwabaanza kwiizuka amenzi bona bakaba bali omu ntaambala.²⁴Abahemba abo baamuzaho yeezu baamupaampula bamugambila mukama weetu muakam weetu twaasiingaalika, yeezu temuka aho yaagukama ogwo muyaga muhango kaandi na amakozo nkowo bichule entulo emo byaachuleela, haaba echinembe. ²⁵Aho yeezu yababuza abahemba bomwe kulinkahi okwikiliza kweenyu abahemba abo baatina bwoli hamo ne ebyo baasobelwa omu kwebuza ngasi no ooha ogu alikuzema nobwo omuyaga na amakonzo entulo eemo nibimutina.²⁶Yeezu na abahemba boomwe obuchilo oobwo bayaambukile enyanz ya galilaya bahika eensi ya Abagerasi ha musabuko gwa kabili gwe eensi ya Galilaya. ²⁷No obuchilo yeezu natuha ahachaambo yamwizaho omuntu omo wo omuzihwa ogwo ayabele ayina amazimu ha ebilo binzi akaba atakutuula omuka naho akaba natula omu kufuluka no kutuula omu bitulo ebilo byoona eebyo akaba ayikala ali busa obutazwaala myeenda.²⁸Elyo izimu likaba limutabaalila entulo nyizi abantu bakaba balengesa kumuzuna ha kumukoma ne eminyololo ne empingu hamo ne ebyo akaba nazinongola nogola male izimu nilimutwala ahantu hateena bantu. ²⁹Yeezu kayabegene no omuntu ogwo yalizema elyo limulugeho ogwo muntu obuchilo yelilia hehi na yeezu yaahamuka ahi ilaka lihango yaagwa buzuuma omu meeso ga yezu yamugambila ahi ilaka lihango iwe yeezu mutabani wa muungu oogwo ali oluguylu ya byoona okataatulanwa chi ne eenye ka nondonda iiwe nikusaba otaanyagalaza.³⁰Yezu yamubuza izina lyawe oli ooha nawe yamusubiza izina lyaze ndi Ensuli akagamba aatyo habwo kuba amazimu meenzi gakaba gamuliho. ³¹Amazimu ago gakabaanza kumusuba yeezu nkokwo atabazema gazeende kutaaha omu liina elila lyo kuzimu.³²Na aho ahaangolomoko ya akabanga ako hakaba heena idaale lihango lye empunu eezo zaabeele nizilya niho amazimu ago gamusaba yeezu nkokwo agakundile gazende gatahe omunda yaazo no obuchilo naagakundila. ³³Amazimu ago gamulugaho omuntu ogwo gazend agetaasha lwa amani omu mpunu ezo empunu zoona zelukila omu nyaanza kuluga ahangolomoka ezo mpango zaafweela omu menzi.³⁴Abalisa be empunu ezo bakaleba ebyo byoona ebyagwile niho beeluka bazenda omu muzihwa no omu masambo nibakumucha empola ezi ha bantu. ³⁵Male abantu baalugaho kuzeenda kuleba ebigambo ebyo ookwo bili bamuhikaho yeezu obuchilo bwo kumuhikaho bamubona omuntu oolinye ayabel eayina amazimu gamulugileho akaba ayikele heehi na amagulu ga yeezu azwele omwenda ayina obweenze bwooli abantu abo baakwatwa no obutini.³⁶Abantu abo ababwene agagwile goona bakaba nibasombolela bazenzibe baabo nkokwo omuntu ogwo atungamilwe amazimu ku yachilizwe. ³⁷Abantu boona omu nsi ya Abageraasi beetimwa bwoli bamusaba yeezu nkokwo alugeho aho hali boonyini nikwo yahanama omu bwato bwi itanga yasuba.³⁸Omuntu ogwo ayabele amazimu gaamulugileho yamusaba yeezu nkokwo bazeenda hamo naze naho yeezu yamusubya yamugambila. ³⁹Osube omuka yaawe ozeende kubasoombolela abantu aago muungu yaakukolela niho omuntu ogwo yaalugahomaho yazenda nabasombolela abantu ba buli hoona omu muzihwa ogwo ago gi yeezu yamukolela.⁴⁰Obuchilo yezu yasubile okwo galilaya akanyegezwa ne embga ya abantu aabo ababele nibamutegamila. ⁴¹Aho yeeza omuntu omo izina lyomwe Yairo omwembembezi wi isomelo yairo yatela ebizwi omu meeso ga yezu yamusaba nkokwo ayize omuka yomwe. ⁴²Habwokuba muhalawe nyakamo we emyaka nke kumi ne ebili akaba ali hehei kufwa obuchilo yeezu akazenda aho echipipi echo cha abantu chikakulatina nae kunu nibamugisiliza bwoli.⁴³No omu baantu abo hakaba heena omukazi oogwo akaba ayina endwala ye emizeiz aha myaka ikumi ne ibili no oobu yabele yamazile kuheeka ebintu byomwe byona ha kuliha enyuma taliho no omo ogwo ayahikize kumuchiza. ⁴⁴Niho omukazi ogwo yeeza kuluga enyuma yan yeeu yamukumyaho aha lukugilo lwo omwenda gwomwe ahonyini yachila.⁴⁵Yeezu yabuza oogwo ayakumya no oha abantu boona bakalahila peetero nawe yamugambila yeezu iiwe mukama weetu na abantu beenzi bakuzongokile nibakumigisiliza. ⁴⁶Naho yeezu yagamaba nimanya heea omuntu oogwo ayakumya habwokuba ninyehulila nkpkwo obuhicha bwo kuchiza bwadugaho.⁴⁷Omukazi ogwo obuchilo kayabwene nkokwo tayina akazendelele kweseleka kaandi yamwizaho yeezu nazungumuza yateela ebizwi yamugambila omu meeso ga abantu abo bona ensonga yo kumukumya na nkokwo kwaakuchizaaha ntulo eemo. ⁴⁸Yeezu yamuagmbila iiwe muhalakazi waanze kwawe nikwo kwakuchiza ozeende no obuholo."⁴⁹Obuchilo yeezu akaba achagamba gamab ebyo yeeza omuntu kuluga omuka owa yairo wi isomelo yamugambila leeka kumwagalaza omwegesa habwokuba muhala wawe yaafwule. ⁵⁰Naho yeezu kayabihulile ebigambo ebyo yamugambila yairo otatina yikiliza kwoonka na muhala wawe nachizwa.⁵¹No obuchilo yeezu nahika omuka owa Yairo yabagambia abantu abandi kutahamo omunzu hamo naze choonka yakundilana petero yohana yakoba iise na nyina wo omuhalakazi ogwo. ⁵²Abantu boona ahaka ezo bakba nibachula no kwalama habwokuba omuhalaki ogwo naho yeezu yabagambila muleke kuchula takafwile ogu chonka ahunile kwoonka. ⁵³Abantu abo babanza kumusekelela ahi igayo habwo kuba bakaba nibamanya nkokwo ogwo akaba yaahwile.⁵⁴Yeezu yakwta omukono gwo omuhalakaz ogwo yamugambila iiwe mwana imuka. ⁵⁵Ahonyini omuhalakazi ogwo omwoyo gwaamusubamo yaayemelela yeezu yabagambila nka nikwo bamuhe ebyokulya. ⁵⁶Abazeele boomwe basobelwa bwoli naho yeezu yabagambia nka nikwo batakumugambiala omuntu wena wena ago agaagwa.

¹Echilo chimo yeezu aketa entumwa zoomwe ikumi ne ebili, yabaha no obuhicha bwo kubinga amazimu goona kuluga ha no obuzizi bwo kuchiza amalwaha. ²Yabasinduka bazeende kubalanga abantu empola zo obukama bwa muungu no okuchiza abalwele.³Ybagambila mutakwimucha echintu omu luzeendo lweenyuno obu enkoni no obu ensaho no obu echokulya no oobu empilya no obu enkazi ibili. ⁴Ne eenzu yoona eezo mulatahamo mwikale aho kuhicha echilo echo mulilugamo omu mutulo ogwo.⁵Naho omuzihwa gwoona oogwo abantu balaleka kubenankula mulugeho, aho mwenkuknkumule enkungu eli ha amagulu gaanya hakola mutyo neba emanyiso ye ebiheno byabo. ⁶Niho entumwa ezo bazenda nibahingula omu migongo bakaba nibolekela abamtu empla nzima no kuchiza abalwele ba buli haantu.⁷Goona ago gi yeezu akaba nakola omukama Herode akaba nahulila empola zomwe zamuha kutahwa habwokuba abantu bakba nibagamba nka nikwo yezu niwe Yohana omubatiza ayazolwa kuluga omu bafwile. ⁸Abandi bakaba bagamba nka nikwo niwe omubasi Eliya ogwo ayeza kandi hakaba heena abandi abo bakaba nibagamaba nkokwo omo wo omuli abo babasi ba kala niwe yazoka. ⁹Naho Herode akagamba Yohana nkamunongola omutwe mbwenu ogwo no oha wi ndikuhulila empola ze ebikolwa ebyo bityo Herode akaba nayenda abonane na yeezu.¹⁰Entumwa abo ba yezu baasuba hali yezu bamusombolela byona ebyo bakozile aho yabatwala bazenda bonka omu muzihwa ogulikweta Betisaida. ¹¹Naho embaga ya abantu baambanya empola nkokwo yazenda aho baba nibamukulatila yabanyegeza yabanza kubegesa ebigambo byo obukama bwa muungu na abalweelo omuli abo akaab nabachiza.¹²No obuchilo heliliza olwebazo abahemba abo ikumi na babili beza bamugambila aho tuli no omu chintuntu ha bwecho obakundile abantu aba bazenda omu mituulo no omu maka aheena emisili babone kubonesa ebyokulya na aho kubyama. ¹³Yeezu yabasubiza mubahe ebyokulya iimwe bamusubiza iichwe titwina byokulya naho emikate itanu yoonka ne eenfwi ibili ngasi noyenda tuzende kubagulila abantu embaga yoona ezi ebyokulya. ¹⁴Na abakwata aabo ababele bali aho bakaba bali ebihumbi bitanu no obusago yeezu yabagambial abahemba bomwe mugambile abantu aba beekale empola bunanka buli luhelo abantu babe makumi atanu bati.¹⁵Niho bakola nka nikwo yabalagila abantu bona baba bekala. ¹⁶Yeezu yeehaho emikate zo itaanu ne eenfwi ibili yalangamila olugulu omu igulu yamusima mungu niho yazimenyula yabaha abahemba bomwe babone kubaha abantu. ¹⁷Aba boona balya baahanga abantu bakatuliniza amasanga ge ebyokulya ge ebyokulya geezula ebitukulu ikumi na bibili.¹⁸Echilo chimo yezu abahemba boomwe bakaba bali hamo boonka yeezu akaba namusaba muungu kayabalile yababuza embaga za abantu nibagamab nka nikwo inye ndi ooha. ¹⁹Bamusubiza abandi nibagamab nka nikwo niwe Yohana omubatiza na abandi bagamab nka nikwo iiwe oli omubasi Eliya nabo abandi nikwo iiwe oli omo wo omuli abo babasi ba kala ogwo ayazooka.²⁰Yezu yababuza kandi naho iimwe sii nimugamab iinye ndi ooha Peetero yamusubiza iiwe niwe masihi wo mwa mungu. ²¹Yeezu yabagambila omu kubalagila nka nikwo batagambila omuuntu echigambo echo. ²²Yabagambila inye omutabani wo omntu ni lwampaka nyagalaz abwoli nyangwe na abanyampala ba abayahudi n bakulu ba abagabe ba muungu na be ebilagilo kuhika nyitwe naho ha chilo cha kasatu maziam ndazolwa.²³Niho yeezu yabagambila bona ati kalaba omuntu wena nalonda kuba omuhemba wanze nayendelwa aleke kukulatila ebitekuzo byome asutle omusalaba gwomwe buchile ankulatile. ²⁴Habwokuba weena wena ogwo alikwenda kwechungula omwoyo gwomwe niw ealabuza obulami bwomwe na wena wena oogwo alabuza obulamibwe ha bwanze niwe alabuchungula. ²⁵Omuntu nabona mugaso chi kalabonesa byoona ebo omunsi ezi naho akabuza obulami bwomwe.²⁶Weena wena oogwo alikunzilila ensoni iinye na amagambo gaanze ogwo niwe inye mutabani wo omuntu neenye ndamuzilila ensoni obuchilo ndiizi ahi ikuzo lyaanze ne elya tata ne elya bamaleka bomwe abatakatifu. ²⁷Mazima nimbagambila nka nikwo hena abantu omuli aba abemelile aha abo tibalifwa bachali batakabubwene obukama bwa muungu.²⁸Kayamazile kugamab ebigambo ebyo bahingula nke ebilo munana yeezu yatwala Peetero,Yohana na Yakobo yahanam nabo omu ibanag abone kusaba hali muungu okwo. ²⁹Obuchilo yaahika omu ibanga yabanza abone kusaba ali mungu male yahindukila ensuso yo obusobwe ebizwalo byomwe byabo bilikwela pee no kwengelela bwoli.³⁰Ahonyini habonekana abakwata babili nibengelela ahi ikuzo bali Musa na Eliya. ³¹Abo abbele nibagamba na yezu habwe empola zo okufa kwommwe nkokwo alahikilza okwo yeruzalemu.³²Ha mwanya ogwo Petero na bazenzibe bakaba bahunile omutulo tulikulemela no obuchilo beemuka bamubona yeezu nayengelela ahi ikuzo lyomwe babaonaho abo abakwata babili bemelile heeehi naze. ³³Obuchio aba babili nibamuleka yezu petero yamugambila iiiwe mukama wentu ni kulunzi iichwe tuliho aah twombeka aha otutindi tusatu kamo kabe akawe akandi kabe aka Musa na akandi kabe ak Eliya ago petero gi yagambile talagamanyile.³⁴Obuchilo petero akaba nagamaba amagambo ago ahalugulu yabo heezaho obwile bwabasikile abahemba abo batina bwoli. ³⁵Kuluga omu bwile omwo halugamo ilaka niligamab aogu niwe mutabani wanze engazi oogwo natilize mumuhililze wenyini. ³⁶Kagahwele amagambo ago abahemba abo baleba yezu ayasigal weenka nabo beesiza no omu bilo ebyo tibalamugambile omuntu weena wena ebyo babwene aho.³⁷Obuchilo nihacha yeezu na abahemba abo basatu batuuka okwo omu ibanga babugana ne embaga mpango ya abantu. ³⁸No omu baantu abo hakaba heena omuntu omo ayabele nahmuka ahi ilka omu kugamab iiwe "mwegesa nikusaba ondebe omusigazi ogu kuba wenyini niwe mwaana wanze nyakamo. ³⁹Elyo izimu limwagalaza limukole ateele eyombo kandi limuletele ebisimbo kuhicha ifulo limulugu omu kanwa lizendelele kumuyungula no kumusikulasikula bwoli na limulekula ahakwaglala. ⁴⁰Abahemba baawe mbasabile nikwo balibinge izimu naho bakalemwa."⁴¹Yezu yagamba iimwe abantu be enchilo ezi zo kwaanga kwikiliza mwatumangile kubi ninyikala ne emwe no kubemela kuhicha li detele mutabani wawe. ⁴²Omwaana ogwo obuchilo akaaba nayoza ahonyini elyo izimu lyamugwisa ahansi lyamukola kufulutula naho yeezu akalikama yamuchiza omwana ogwo yamusubiza iise.⁴³Abantu boona obuchilo babwene obuhicha bukulu bw amungu basobelwa bwoli abantu abo boona bakaba bachali nibasobelwa ebikolwa byoona bya yezu obuchilo obwo yeezu yabagambila abahemba boomwe yagamaba. ⁴⁴Ebigambo ebyo ndabagambila obu mubihulilize kuzima iinye omutabani wo omuntu nizenda kukongwa na nibaanta omu ngalo za abantu. ⁴⁵Naho ago gi yeezu yabagambila tibalagasombokilwe habwa kuba echigambo echo chikaba chiselekilwe hali boonyini batakusombokelwa ensonga yaaho mala bakaba nibtina kumubuza ensonga ye ebigambo byomwe.⁴⁶Omu bahemba ba yeezu habamo ebitekuzo bibi nka nikwo no ooha omuli bonyini alaba mukulu kuchila bazenzibe. ⁴⁷Naho yezu akamanya okutekuza kwabo ha bwecho yatwala omwana muto yamwemeleza heehi na aho ali. ⁴⁸Yabagambila omuntu ogwo alamwinankula omwana oogu ahi azina lyanze naba yayinankula inye no omuntu oogwo alanyinakula iinye naba yamwinakula no ogwo ayasindikile habwokuba omuntu oogwo ali mito omuli iimwe mena ogwo niwe ali mukulu kuchila bona.⁴⁹Yohana yamugambila yezu iiwe mukama wetu tukamubona omuntu ogwo akaba natagucha amazimu ahi izina lyawe twamwangila habwo kuba wenyini ti muhemba wawe nke echwe. ⁵⁰Yezu yamusubiza mutamwangila nko ogwo habwokuba omuntu ogwo atakwangila neemwe ali olubazu lweenyu.⁵¹Obuchilo bwa yeezu kutwalwa omu igulu bukaba bwelilize niho yaalamwile nka nikwo azende yeruzaleemu yazenda. ⁵²Omu luzendo lwoomwe,akasindikila entumwa abokumwembembela aba bataaha omu mugongo gwa abasamaria babone kumulongeza aho kubyama. ⁵³Naho abatwile okwo bayanga kumwanankula habwokuba akaba nazenda yeruzaleemu.⁵⁴Abahemba bomwe Yakobo na Yohana kababwene ago baamubuza iiwe mukama weetu noyenda tusabe omulilo gutuuke kuluga omu igulu gubasiingaliche nka Eliya nawe kweeyakozile. ⁵⁵Naho yeezu obuchilo nibagamaba ebyo yaabechebuka yabaha yaagamba imwe timukumanya muli bantu chi. ⁵⁶Habwokuba omutabani wo omuntu talezile kusingalicha abantu naho kubachungula bazeenda omu mugongo oguundi.⁵⁷Obuchilo yeezu na abahemba boomwe bakaba nibaliba ta omu muhanda omuuntu oomo yamugambila nikukulatila hona aho olaza. ⁵⁸Yeezu nawe yamusubiza nyamuhaabwa zibe zine ameena gazo ne enyoni zizila ebyaali naho iiinye mutabani wo omuntu tinzila no oobu aho kubyamika omutwe gwanze.⁵⁹Yeezu yagambila omuntu oondi onkulatile omuntu ogwo yamusubiza iiwe mukama nkuundila ntaandike nzeende kumuzik atata. ⁶⁰Naho yeezu yamusubiza leka abafwile babazike abafwile bazeenzibe baabo naho iiwe zeenda oze kubzmanyisa abantu empola zo obukama bwa muuungu.⁶¹No obu omuntu oondi yamugambil ayeezu aati iiwe mukama nikukulatila naho echa mbele okundile nzeend mbalaag abantu bo omuka. ⁶²Yeezu yamugambila omuntu weena weena oogwo ayabandize kulima ne enfuka ye ente kalba nayechebuka kuleeba enyuma ogwo takwenda kuba omuhalila wa mungu omu bukama bwoomwe.

¹Kagahwele ago omukama yeezu yatooza abahemba abandi makumi musaanzu na babili yaabasindikiza babili babili bamwembeembelela buli muzihwa na buli hoona aho yaabele alamwile weenyinkuhika ²Yabagambila abahemba boomwe aati,Emyeezo ni miinzi naho abakozi ni bache ha bweecho mumusabe kaanyina omusili abone kusindika abakozi omu musili gwoomwe.³Mwiloko muzeende iimwe naho mumanye nka nikwo nibatweka nka abaana be entama eezo ezilikulibata ahagatiye emisege. ⁴Mutakutwala enfulebe ye empilya nali ensaho nali enketeo mala kandi mutanaglucha omuntu weena weena omu muhanda.⁵No buchilo mulatahamo omu nzu mwagaluche abaantu bo omwo muti imwe mube no obuholo. ⁶Na kahalaba heena omuntu wo obuholo omwo obuholo obwo mulaaba mwinabyo nibusigala nawe nahao kihalaba hateena omuntu wow obuholo omu nzu omwo obuholo bweenyu nibubasubila. ⁷Mutakuuba nimuzeenda kubyma omu nzu eziindi ziina naho mwiikale omu nzu eezo mwaazaom nimulya ebyookulya eebyo balikubaha habwokuba omukozi chimugasize kuhaabwa empeela yoomwee.⁸Obuchilo mulatahamo omu muzihwa bunaanka na abatuuzi nibabanyegesaa mulye ebyookula eeebyo balaab nibaabaha. ⁹Na abalwele abali omu mituulo wzo mubachize mubagambile abatuuzi nkokwo obukma bwa muungu bwaabeelilia.¹⁰Naho obuchilo mulatahamo omu muzihwa bunanak na abatuuzi tiba kubanyegeza iimwe mulabile omu mihnda nimugamaba. ¹¹No oobu enkugama yo omuzihwa gweenyu eezo elamasile aha magulu geetu,nituzikuunkumulahp neeba emanyiso ye ebiheno byaanyu hamo ne ebyo mumanye maziam nkokwo obukama bwa mungu bwelilize. ¹²Nibagambila nkokwo echili eecho muungu alichwzika aabantu be eensi alyaabachwaaziika kubi bwooli abaantu bo omu iboma elyo kuchila abaantu babi ba sodoma.¹³Nimwiloko iimwe abantu ba Koraziini mulamanya iimwe abantu ba Betisaida habwokuba amahano ago nkakola hali iimwe naakugakozile omu mizihwa tiilo na sidooni abaantu be emizihwa ezo baakaatamilwe ebiheno byaabo no kumuhindukila muungu bwaangu baakaayolekile okuhindukila kwabo omu kwiikala bazweele amagunila no kweeaaga iizu. ¹⁴Ha bweecho echilo muuungu alichwaazika abaantu alyaabachwaaziikila ne emwe kubi bwooli kuchila abaantu ababi aba tiilo na Sidooni. ¹⁵Ne emwe abantu ba Kaperinaumu,mutakutekuza nka nikwo nimukuzibwa kuhika omu igulu mahi olyaagomolwa ohike omu lyoongola lya kuzimu yo olufu.¹⁶Male yeezu yaabagambila abahemba boomwe omuuuntu oogwo alaabahulilze iimwe naaba yaanhuliliza iinye no omuuntu oogwo alabanga iimwe nab yaanyaangile iinye no oogwo alikunnyanga aha kukola aatyo,naaba yaamwangila oogwo ayaansiindikile.¹⁷Kayaabalile abahemba abo makumi musaanzu na babili baasuba nibanulilwa bamugambila iiwe mukama weetu no oobu amazimu obuchilo nitugabinga ahi iziina lyaawe nigatukoondokela. ¹⁸Yeeezu yabasubiza naaba naalibona isitaani nilihanaantuka nko olulabyo kuluga omu igulu. ¹⁹Leeba mumanye nka nikwo naabaheele obuzizi bwo kusinga amagalo goona go ogwo omubisa ha buhicha ibwo nimulibatila no oobu enzoka na kamiina na tihaliho echintu choona echo chilabahutaaza. ²⁰No oobu bityo mutaakunulilwa nka nikwo amazimu nigabakondokela naho munulilwe echgambo echi nka nikwo amazina geenyu gayaandikilwe omu igulu.²¹Obuchilo obwo yeeezu akasemelelwa bwooli omu mwooyo mutakatifu yaagamba iiwe taat mukama wi igulu ne ensi nikusima habwo kub ebihambo ebi okaseleka abamasala na abamanya okabita aha bweelu aha baantu aabo beena okwikiliza nka abayand aabato eego taat habwokuba nikwo okwo wayeenzile.²²Male yaabagambila tata ampeele byoona tihaliho omuuntu ogwo alikusombokelwa mutabani wa muungu nka nikwo aali naho taata weenka kaandi taliho muuntu oogwo alikusombokelwa taat nka nikwo aali omutabani weenka na weena weena oogwo omutabani alaamula kumusuululila.²³Ahonyini yeezu yaabaleeba abahemba boomwe yabagambila boonyini boonka mwiiian omugisa iimwe habwokuba nimuleeba ebigabo ebyo ha ameeso geenyu. ²⁴Nibagambila hakaba heena abbasi beenzi na abakama beenzi aabo bakaba nibabyeefuuz kuleeba ebyo bi mulikuleeba naho tibalaabibweene kaandi ebyo bi mulikuhunila iimwe bakab nibabyefuuza kubihulila naho tibalabihunile.²⁵Echilo chimo omwegesa oomo we ebilagilo akemelila yaamubuza yezu ibuzo kumulengesa yamugambila iiwe mwefesa nkole chiiha mbone kuhungula obulami bwo obucha no obuchile. ²⁶Yeezu yamusubiza omu bilagilo haandikilweom chiiha nobimanya oota. ²⁷Yamusubiza byaandikilwe biti omweenda omukama muungu waawe aha muganya gwaawe gwoona aha obweezi bwaawe bwoona nkokwo olikweyeenda iwe nyini. ²⁸Yeezu yamugambila waasubya kuzima kola ootyo ne ewe noobona obulami.²⁹Naho omwegesa ogwo we ebilagilo akaba nayenda kwooleka nkokwo no omugololke niyo ensoonga yaamubuza yeezu mutuuuzi waanze mutuuzi waanze no ooha. ³⁰Yeezu yamusubiza aati hakaba heena omuntu oomo ayaabeele naagolomoka kuliga yeruzaleemu akaba naalibata kuzenda Yeriko no omu muhanda oomwo yaagwa omu ngalo za abanyagilize boona baamugulukila ,baamuteela bwooli baamuzula ebizwalo baamusiga ali heehi no okuwa.³¹Ahi ibando lizima omu muhanda ogwo hakeeza omugabe oomo wa mungu naho omugabe ogwo obuchilo yamubwene omuuntu ogwo yaalaba aha mpelo yo omuhanda. ³²Omulaawi nawe yaahika aho na akazeendele kaba katyo nyini obuchilo yaamubweene omuuntu ogwo yaalaba aha mpelo yo omuhanda.³³Aha kaanya yeeza omusamaria oomo oogwo ayaabele li omu luzeendo lwomwe obuchilo yaamubweene omuuntu ogwo yamuganyila. ³⁴Yamuzaho yamuseemba obuhuta bwomwe ha kubuteelaho eviini na amazuta yaabukoma male yaamuhanamika aha lugulu ye ensikili yoomwe yaamuywala omu nzu ya abazenyi yaaba naamulwaaza. ³⁵Nyeencha yaaho yasohoza omu nsaho edinali ibili yaamuha owe eenzu ya abazenyi yaamugambila omulwaaze omuntu oogu na kazilaayeendelwaho empilya eziindi ha bwoomwe obuchilo ndahiingula aha nikuhulila.³⁶Niho yeezu yaamubuza omwegesa ogwo we ebilagilo ha bwecho ha kuleeba kwawe akaba alyooha omu baantu abo basatu ayaabeel ali mutuzi wo ogwo ayatabalilwe na abanyagilizi ha kumukolela ebizima. ³⁷Yamusubiza ogwo ayamuzile echiganyizi yeezu ymugambila zeenda oobe na akazendele katyo nyini.³⁸Yeezu na abahemba boomwe obuchilo bali omu muhnanda bataaho omu mugingo gumo no omukazi ooomo,iziina lyoomwe Marita yaabanyegeza omuka yoomwe. ³⁹Ogwo Marita akaba ayina muhala waabo iziian lyoomwe Mariamu obuchilo obwo Mariamu akaba ayikele heehi na amagulu go omukama,maahuliiliza amagambo goomwe.⁴⁰Naho Marita akaba nayagalala ni ikola niyo ensoonga yaamwililiza hahi yeezu yaamugambila iiwe mukama weetu sii tokusaaswa nkokwo muhala weetu yaandekela emilimo zoona ha bweecho omugambile ampwele. ⁴¹Omukama yamusubiza iiwe Marita,Marita oyine okutahwatahwa no kwagalala ha bwa biinzi. ⁴²Naho heena echigambo chimo choonka echilikweendelwa kaandi nichigasa kuchila byoona Mariamu niwe oohwo ayaachitooza,na taliho omuuntu alaachimwaaka.

¹Echilo chimo yeezu akaba namusaba mungu ahantu bunanka no obuchilo yamazile omo wa abahemba bomwe yamugambila iiwe mukama otwegesa akazendele ha kumusaba mungu nokwo Yohana omubatizo yabegesa abahemba bomwe.²Yezu yabagambila obuchilo mulaba nimusaba mungu mugambe muti,isichwe owo omu igulu izina lyawe likuzibwe obukama bwawe bwize okwenda bwawe bwize okwenda kwawe kuhikilizwa omu nsi nkokwo omu igulu.³Otuhe buli buche ebyokulya byetu. ⁴Otuganyile ebiheno byetu,nkokwo ne echwe tuganyile abalikutuhenela otatutwala omu kulegisibwa naho otuchungule ne elyo isitaani.⁵Aho yeezu yabagambila tugambe omo omuli imwe ayina munywani womwe yamuzaho omu itumbi yamugambila iiwe munywani nisaba ontizeho emikate isatu. ⁶Habwo kuba munywani wanze abele ali omu luzendo yahikila owetu na tinyina echokulya cho kumuha. ⁷Naho munywani obwo yamusubiza otakunjagalaza leba nachingile olwizi iinye na abana banze twayamile aha chitabo na tikuhicha kwimuka no kukuha echintu chona chona. ⁸Nibagambila no obu bilaba omuntu ogwo takwimuka no kumuha muzenziwe omukate habwo kuba wenyini ni munywani womwe nayimuka no kumuha buli chintu echo alikwenda habwo kuba munywaaniwe talalekile kumusuba.⁹Nikwo ne enye nibagambila musabe na mulyahabwa mukwaabe mulyabona muchinguze na mulyaachingulilwa. ¹⁰Habwokuba buli muntu ogwo alikusaba ahebwa na buli muntu ogwo atabuza abigwaho na buli muntu ogwo achinguza achingulilwa.¹¹Ngasi hena omuzele wena omuli imwe ogwo omwana womwe kalikumusaba enfwi namuha enzoka. ¹²Nali omwana kalikumusaba ihuli maiam namuha kamina. ¹³Ha bwecho imwe no obu muli abaheni nimusombokelwa kubaha abana bnyu egabo ezisage maziam isimwe ogwo ali omu igulu nakola kusaga aho,nabaha omwoyo mutakatifu abo abalikumusaba.¹⁴Echilo chimo yezu nabinaga izimu elyo elyamukozile omuntu omo kuba omutita obuchilo izimu nilimulugaho yaaabnza kugambagamaba kaandi abantu abo ababele baliho omuli ezo mbaga batenga bwoli. ¹⁵Naho abandi omuli abo bagamaba nabinga amazimu habwa amagala ga Beelzebuli,mukulu wa amazimu.¹⁶Abandi bakaba nibenda kumulengesa yeezu bamusaba aboleke emanyiso kwoleka nka nikwo alugile hali mungu. ¹⁷Naho habw akuba yezu akamanya ebitekuzi byabo yabagambila buli bukama nibwetanisa no kulwana bwoonyini omuli obwo bukama busingalika bityo nyini eka kelitagana negwa.¹⁸Bityo nyini ni isitani kabilaba nilibinga no kulwana na amazimu mazeenzige obukama bwaayo nibulama buta,nababuza ibuuzo elyo habwo kuba nimugamba nkokwo nibinga amazimu ha buhicha bwa BEelzebuli. ¹⁹Iimwe nimugamaba nka nikwo iinye nimbinga amazimu habwa amagala ga beelzebuli mbweenu abahemba banyu nabo nibabinga ha magala go oha ha bweecho abao nyini nibo balachwazika imwe. ²⁰Naho kabilaba iinye nimbinga amazimu ha buhicha bwa muungu eina wnsonga ya nkokwo obukama bwoomwe bwahikile hali imwe.²¹Yeezu yazendelela kugamab omuntu owa amagala ne echikwato nayekomya ebintu bye eka yomwe niho ebintu byomwe tibikumibwho nibiba no obuholo. ²²Naho omuntu ondi owa amagala bwoli kaleza kumutabulila no kumusinga namwaka ebikwato byomwe ebyo alikutegeza naaayiba byoonaebili omuka no kubigaba ha bandi. ²³Omuntu ogwo atali hamo ne inye tanyemela kandi ogwo atasumbya hamo ne inye anaganaga.²⁴Obuchilo izimu kaliluga aha muntu lizende omu ilungu no kweengela okwo lili omu kulondela obuhumulonaho bubula izmu elyo niligamab nka nikwo kaansube owanze aaho nalugile. ²⁵Obuchilo nilisuba hali wenyini nilisanga hali busa hakukukmbilwe no kutonwa kulunzi. ²⁶Aho nilizenda kuleta amazimu musanzu aga gali amazilwa bwoli kuchila lyoonyini goona geeza gamutahila ogwo muuntu niho obulamai bwo muuntu ogwo bulikuba bubi kusanga okwo bukaba buli aha bubandizo.²⁷Obuchilo yeezu akaba nagamaba ago omu mbaga ya abantu akaba aliho omukazi omo ayahamukile ahi ilaka lihango pmu kumugambila aati eina omugisa eenda ya maaha waawe eyakuzele na amabele ago wayokile. ²⁸Naho yeezu yasubya omu kugamaba mahi aabo abalikuhulila echigambo cha mungu aha kuchikoondokela nibo wbna omugisa.²⁹Obuchilo embaga ya abantu yaguama kukoba yeezu akagamba ati abantu bo luzaalo oolu na abazilwa bwooli nibasaba emanyiso naho tibakuhabwa emanyiso chonka emanyiso ezo zo mwa Yona omubasi. ³⁰Habwe ensonga kelaba Yona akaba ali emanyso ha baantu be echikali cha ninaw bityo nikwo inye mutabani wo omuntu neenye ndayaba emanyiso ha baantu bo luzalo olu.³¹Echilo cho omuchwaziko omugole wo olubazo lwa nyakaziinzakazi alayemelela no kubasohoza bulabona nko kwoabantu bo obuchilo obu na abaheni habwokuba wenyini akazenda oluzendo kuluga ensi za hala bwoli abone kuhulila ebigambo byo obwetegeleza bwa Selemani kasi aha nyini aliho omo ogwo ali mukulu kuchila Selemani.³²Kandi echilo cho omuchwaziko abantu ba ninawa balayemela omu meso ga mungu hamo na abantu bo obuchilo oobu no kubasoholeza bu lubona abantu bo luzalo olu nko okwo nabaheni habwo kuba abantu abo ba ninawa obuchilo Yona yabagambila echigambo cha mungu ahonyini batamwa ebiheno byb no kubilekela aha aliho omo ogwo ali mukulu kuchila Yona.³³Taliho omuntu ogwo alikwacha olumuli akaluta aheselekile nali akaluswekela ne echitukulu naho naluteleka aha lugulu ya akakondo kuba obuchilo abantu nibazamo mulinyi babone kuleba ha mwanga ogwo. ³⁴Na ameso gawe ni nko olumulilyo omubili kagalikuba nigahweza kuzima omubili gwaawegwona gwikala omu mwanga naho ameso gawe kagalikuba gali mabi omubili gwawe gwizile ensiimbazi. ³⁵Ha bwecho oyekomye nkokwo maziam oyinagwo omwanga omugati yawe otakuba ne ensimbazi omwo. ³⁶Habwokuba nkokwo omubili gwaawe gwoona gwiina echengezi chitena lugazi lwe ensimbazi Yona yona gulamweeka nko lumuli nilukumulikila.³⁷Yezu kyabele achagamba ebyo omufarisayo omo yamwangisa ha byokulya omuka yoomweyeezu yatahamo yeekala ha luhelo. ³⁸Omufarisayo ogwo yabona nkokwo yeezu takanabile yalaya ebyokula yasobelwa bwoli.³⁹Naho omukama yamugambila iimwe abafarisayo mweeza echikombe no olutemela ahelu naho omuli imwe emyooyo eyizwile obunyagilizi no obubi. ⁴⁰Iimwe basilu ogwo ayahangile ahelu ngas talahagile omundakandi. ⁴¹Ha bweecho mweyeze omunda yanyu ha kusumbusa abahabi ebyo kubazuna niho ebiindi byoona omuli iimwe nibiba byayezwa.⁴²Nimwiloko imwe abafarisayo nimusoholeza mungu echinogoka che kumi cha buli chinogoka che ebyokula byo otubabi two kulungisa nko omwonyo ebitungulu ne ebindi biindi naho timukusaaswa kuba ne ntuunwgwa nzima na timukumwenda wenyini ni lwampaka kumusoheleza ezaka zo obuteebwa amagambo ago agandi.⁴³Nimwiloko iimwe abafarisayo nimwenda kwikala ebitebe bya abakulu omu masomelo ga mungu nimweenda kwanagluchwa ahi isima omu magulizo. ⁴⁴Nimwiloko iimwe muli nke eembi ezo zitakubonwa nke ebitulo eebyo abantu balikubilibatila aha lugulu bateena kubimanya.⁴⁵Aho nyini omwegesa omo we ebilagilo yamugambila yeezu mwegesa obuchilo noogamba amagambo ago notuzana ne echwe hamo. ⁴⁶Yeezu yamusubiza nemwe abegesa be ebilagilo nimwoleka genyu nimubatweka abantu emigugu elikulemela ne emwe timukubahwela kuzimucha no obu ha lukumu.⁴⁷Nimwiloko imwe nimwombeka embi za ababasi naho abantu abo babesile ababsi abo nibo baguuku banyu. ⁴⁸Ha bweecho nimwatula nkokwo nimwikiliza ago gi baguguku banyu bakozile habwokuba bonyini bakabeta abo ababasi nemwe nimubyombekela ebitulo byaabo.⁴⁹Ha bwecho mungu ensonga zo obwetegeleza bwoomwe akagamba aati leba nimbasindikila ababsi ne entumwa naho nibabeta omuli abo na nibabaagalaza abandi. ⁵⁰Ha bweecho abantu bo obuchilo obu nimuchwazika habwo kuseswa kwe ensagama za ababaasi boona aabo baayisilwe kuluga aha bubandizo bwe eensi. ⁵¹Kubandiza ensagama yo mwa habeeli kuhika ensagama yo mwa Zakaria ogwo aketilwa ahagati yi itambilo lyo kusoheleza ne eenzu ahatakatiifu ha mungu nimuchwazika habwa byoona amazima nimbagambila nkokwo abantu bo luzalo oolu nimuchwazika ago goona.⁵²Nimwilooko iimwe abegesa be ebilagilo mwaseleka olwo lufunguluzo lwo olwizi aho kuhingula abantu bakaabonesize kumumanya mungu neemwe nyini timwatahamo na aabo bakaba nibeenda kuzamo omugati mwabangila.⁵³Obuchilo yezu ylugaho aho abegesa be ebilagilo na abafarisayo bakabanza kuba nibamutamwa bwooli wenyini bakaba nibamubuza amabuzo ga amagambo menzi. ⁵⁴Kuba babone kumukwasa aha bigambo byoomwe.

¹Obuchilo obwo ebihumbi bya abaantu kababele beekobyakobya kuhicha baaba nibelibata,yeezu yaabanza kugambila abahemba bomwe,mweelige no obugobya bwa abafarisayo habwo kuba obugobya obwo nibusambala nki ituumbya.²Choona eecho echifundikilwa chilyaafundulwa na kaandi tihaliho echiselekilwe echitalimanya. ³Buli choona eecho mulikuhooya omu nsimbazi nichihulila aha mwaanga na buli eecho mulikweehweetela omu matwi omu biseenge byo omugati nichaatulwa ahi ilaka lihango olugulu ye yeezu.⁴Nimbagambila iimwe banywani baanze mutakubatina abaantu aabo abalikwiita omubili kabalikumala kwiita tibakuhicha kukola echilikusanga aho. ⁵Naho nimbaha oogwo mulikwendelwa kumutina mumutine muungu kaalikuba yaamazile kumwita omuntu ayina obuzizi bwo kumunaguza omu lyoongoola lyo omulilo gwa obucha no obuchile.ni muungu weenka oogwo mulikwendelwa kutiina.⁶Ngasi enfuunzi itaanu tizikuguzwa habwo obukaani buche kwoonka no oobu bityo muungu takumumweeba no oobu oomo abo.⁷Neemwe mwiina obukani kuchila enfuunzi nyiinzi muungu naamanya no oobu olubalo lwi isoke lyoona lye emitwe yaanyu ha bweecho mutakutiina.⁸Niimbagambila nkokwo buli muuntu oogwo alikuundaanganaomu meeso ga abaantu nkokwo wenyini no omuuntu waanze iinye mutabani wo omuuntu nennye ndaamulaangana omu meeso ga bamaleeka ba muungu nkokwo ogwo muuntu no wanze. ⁹Naho buli muuntu ogwo alikunyoga omu meeso ga abaantu nawe nayogwa omu meso ga bamaleeka ba mugu. ¹⁰Buli muuntu oogwo alikugaamab amagambo mabi go kumulyogweza omwooyo mutakatifuogwo taliganyilwa.¹¹Obuchilo nimutwaala omu masomelo ga muungu omu meeso ga abategeki na abeene obuhicha mutakwagalala mutaakuba no okutahwa ha bigaambo eebyo mulayeend kugaamba aha kweezuna. ¹²Habwokuba akannya ako nyini omwooyo mutakatifu naabeegesa amagambo aago muhikilwe kugaamba.¹³Omu mbaga ezo ya abaantu omuuntu oomo yaamugambila yeezu mweegesa omugambile mudugu waanze tubagane ebiintu eebi yaatulekile taata. ¹⁴Yeezu yaamugambila nooha ayatileho iimbe omulamuzi nali omukwaatanisi weenyu. ¹⁵Mala yeezu yaabagambila abaantu abo,muleebe mweelige na buli chintu cha ameelu ge ebintu habwokuba obulami bwo omuuntu tibukuliga ha bwiinzi bwe ebiintu byoomwe eebyo ayainbo.¹⁶Kaandi yeezu yaabachwela omugani aha kugaamba hakaba heena omuhite oomo,ayaayezile ebyokula biinzi bwooli ommu musili gwoomwe. ¹⁷Yeebuza omu muganya gwoomwe nzileho iinta oobu ebi byokula baanze boona tinyina ahaantu aaho ndaabita. ¹⁸Kaandi yeegambial nizilaho inti nikambula ebitala byaanze no kwoombeka ebiindi bihango bwooli omwo nintamo ebyokula baanze byona ne ebiintu baanze ebiindi. ¹⁹Aho kaandi nibagambila omu muganya gwwanze obu neetelaho obuhite bwe ebiintu biinzi bizima nibingasa aha myaaka miinzi mbweenu ooobu muhumule kwooka iindye no okunywa unililwe.²⁰Naho muungu yamugambila iiwe omusilu leelo omu chilo noofwa ne ebiintu byoona ebyo oyesuumbize nibiba byo ooha?. ²¹Yeezu yamala aha kugaamba bito nikwo nka nikwo bilaabaho aha muuntu ogwo alikweesumbiza ebiintu biinzi ha bwoomwe weenyini naho omu kazeendeele ke ebiintu byoomwe takumusaaswa muungu.²²Mala yeezu yaabagambila abahemba bomwe ha nsoonga ezo nibambila nka nikwo mutaakuba no kutahwa habwo obulami bweenyu nkokwo nimulya chi nali ha mibili yaanyu nkokwo nimuzwaala chi. ²³Habwokuba obulami bwiina kuchila ebyokula omubili nagwa gwiina obukaani kuchila ebizwaalo.²⁴Mulebe amakolokozi tigakubiba nali kugesa tigazila mbiiko yooona nali ebitala naho kwoonka muungu nagalisa kamwakwiinganisa ne enyoni mwiina obukaani bwooli kusaaga aho. ²⁵No ooha omuli iimwe ayaakuhicha kweeyongelaho obulami bwoomwe noobu nko omwaanya gwe esaaha eemo omu kutahwa tahwa kwoomwe?. ²⁶Mbweenu nkokwo timwakuhicha kukola noobwo echigambo chiche nke echo,habwaachi mwiina okutahwa hali ebyo ebiindi?.²⁷Muteekuz ookwo enyaso nka nikwo zilikumela tizikukola emilimo nali kwoogosa ebizwaalo naho nimbagambila nka nikwo noobu omukama Selemani omu ikuzo lyoomwe lyoona talazweekilwe kuzimanka limo lye enyaso ezo. ²⁸Bityo nikwo muungu azweeka enyaso na amababi go omu nkaambi aago,galiho leelo na nyeecha niganaga omu mulilo ngasi ta amazima nkokwo naabazweeka iimwe iimwe abaantu bo okwiikiliza kuche.²⁹Bityo mutaakweeyagalila nimulya chiha nali nimunywa chiiha mutakuba no okutahwa tahwa. ³⁰Abaantu ba amahanga goona abo abatakumumanya muungu nibaagalalila ebiintu ebyo naho issimwe naasombookelwa kuzima nka nikow mulikweenda ebyo.³¹Ha bwecho muloondele kwaanze amagaambo go obukama bwa mungu ne ebiintu ebi byoona naaboongela. ³²Mutakatiifu iimwe embaga nche habwo kuba isiimwe azizile engoozi kubaha obukama bwoomwe.³³Muguze ebiintu byaanyu musumbuze amabonwa abahabi,mweekolele enfulebe eezo ezitakukola mube ne ensaho okwo omu igulu aheena obuholo nayo tekucheeha okwo taliho omwiibi kwiiba,nali embuuga kuzisagula. ³⁴Hoona hoona aaho mulikubila ensaha yaanyu niho ne emyooyo yaanyu elaaba eeli.³⁵Mube buligi mwebohile omusipi kuheleleza ne emli zeenyu zibe nizaaka. ³⁶Mube nka abaantu aabo balikumuliindila omukama waabo asube kuluga omu maenyi go obweenga ,kuba kaaleza no kubachinguza abassange muli buligi ligi ahonyini mumuchiingule.³⁷Nibaba no omugisa abazaana aabo omukama waabo alaasanga bali meeso obuchilo aleeza azima butunu nimbagambila naayenda nabekaza aha byokulya no kubaheeleza. ³⁸Niguba omugisa aha abazaana abo keelaba omukama waabo yaasua no kubasaanga bali buligi ligi noobwo omu ituumbi lye esaah munanana nali enchankala omulucheelelwa.³⁹Mumanye kuzima echigambo echi kanyina weenzu yakumanyile akaanya aako aleeza omwiba yaakeeloongize no omwiibi tiyaakuahile mo omuka yoomwe. ⁴⁰Ha bweecho neemwe mube mweelongize habwo kuba iinye mutabani wo omuuntu ndyeeza omu buchilo oobwo mutakutegeza.⁴¹Kaandi Peetero akamubuza yeezu,mukama omugani ogwo gu watugaambila ngasi na hali iichwe kwoonka nali na aha baantu boona . ⁴²Omukamaa yaaamusubiza no ooha sii omwiimeelelezi oogwo ali omweesigwa no owa amasla ayina akazeendela ako ogwo omukama woomwe alaamuta kuba omweemeelelezi wa abahalila bazeenzibe abone kubaha empela ye ebyokula omu buchilo obulikugasa. ⁴³Naaba ayina omugisa weenyini omuzaana oogwo omukama womwe kaalusuba kuluga omu luzeendo no kumusaanga naakola atyo. ⁴⁴Mzima butunu nimbagambila nka nikwo omuama woomwe naamutaho aabe omweemelelezi we ebiintu byoomwe byoon.⁴⁵

¹Obuchilo obwo, abaantu bakeeza baamugambila yeezu empola za abagalilaya abaandi abo nkokwo Pilato akazitulaaniza ensagama yaabo ne ye ebitaambo byaabo. ²Yeezu yaabagambila ngasi nimutekuuza nkokwo abagalilaya abo bakafwa batyo habwokuba bakaba bali abaheni kuchila abagalilaya abaandi boona. ³Nimbgambila iinti,bityo kamulaaba mutatamilwe ebiheno byaanyu mukabileka no kumuhindukila muungu,bityo nyini neemwe nimusingalika mweena.⁴Nali abo baantu bona ikumi na munaana aabo abaagweelililwe ne enyomyo ndeehi bwoli okwo Siloamu bakafwa,ngasi nimuteekuza nkokwo abo nibo bakaba bali abaheni kuchila abatuuzi abaandi boona ba yeruzaleemu?. ⁵Nimbagambila iinti,ti bityo kamulaaba mutatamilwe ebiheno byaanyu mukabilekelela no kumuhindukila muungu bityo nyini neemwe nimusingalika mweena.⁶Aho yeezu yaabachweela omugani abaantu abo ,ha kubagambila hakaba heena omuuntu omo ogwo akaba ayina omuti gwo omutiini oguhaambilwe omu musili gwoomwe gwe emizabibu kayaabalilie yeeza kusoloma emisumo kuluga omu mutini naho talabonesize. ⁷Mbweenu yaamugambila omuhalila woomwe wo omu musili leeba mba nninyiza kulondela emisumo omuli ogu muti gwo omutiini aha mwaanya gwe emyaaka isatu naho tikabonesagamo choona choona mbweenu gunogolegutakuzendelelelakukula omu itaka busa.⁸Naho ogwo muhalila yaamusubiza mukama guleke omwaaaka oogu mbone kugulimila no kuguteelaho obunula. ⁹Kagulazala emisumo omwaaka oguleeza ni kuzima naho kagulaleeka kuzaala mbweenu ogunogole.¹⁰Echilo che endakalilzo yezu akaba ali omu isomeleo limo nayegesa abaantu. ¹¹Oomwo,hakaba heenamo omukazi oomo oogwo akaba akwasilwe ni izimu lya amalwa aha myaaka ikumi na munaana izimu likaba laamuhinyile omugoongo na talahikize kweemelela bweemi.¹²Obuchilo yeezu yaamubween akamweeta ayize hali weenyini yaamugambila maaha oobu obe no obuhoolo wachila obulwele bwaawe. ¹³Yeezu yaamutelaho engalo ahonyini yaameelela bweemi yaaba namukuza muungu. ¹⁴Habwokuba echilo echo yeezu akachiza omuuntu chikaba chili echilo che endakalizo omweebeembezi wi isomelo akasaanya yaabagambila abaantu omuli buli bwooyo ebilo ebihikililwe byo kukola emilimo nibyo mukaaga mbweenu mwize muchizwe omu bilo ebyo naho mutaakwiza echilo che endakalizo.¹⁵Ahonyini omukama yaamusubiza iimwe engobya iimwe mweena nimukola emilimo echilo che endakalizo ngasi buli oomo weenyu tasibula ente yoomwe nali ensikili yoomwe kuluga omu chibuga azitwaale kunywa ameenzi no oobu chili echilo che endaalikizo. ¹⁶Leeba oogu mukazi wo olugaanda lwa Ibrahimu yaamazile emyaaka ikumi na munaana abohilwe ni isitaani mbweenu siii oogwo nawe amazima abele atali lwaampaka akomolplwe omu chilo che endakalizo.¹⁷Obuchilo yeezu yaaagambila ago abagome boomwe boona,ahonyini baakolwa ensoni naho abaandoi boona bakanulilwa bwooli habwe ebigammbo bizima bya amahano aago yeezu akaba naakola.¹⁸Kaandi yezu yaabuza obukama bwa muungu nibisusana na chiiha mbwinganise na chiha. ¹⁹Nibisusana no oluzama luche lwe ehaladali eezo omuuntu akabiba omu musili bwoomwe embibo yaamela,yaaba omuti zeezza enyonyi zaayoombeka ebyaali boozo omuli ogo matabazi gaagwo.²⁰Yeezu yaabuza kaandi,mbususana obukami bwa muungu na chiiha. ²¹Nibisusana ni ituumbya elyo nilileteela ensaano ye engano yoona kutuumba.²²Yeezu akaba ali omu luzeendo kuzeenda Yeruzaleemu omu muhanda aaho akalabila naayegesa abantu bo omu mizihwa no omu migongo. ²³Echilo chimo omuuntu akamubuza mukama abaantu aabo balichuungulwa,balyaaba bache kwonka yeezu yagamba. ²⁴Mweeyomeleza mweena kuzamo aha kulabila omulyaango ogufuunzile nimbagambila nkokwo beenzi balyaaleengesa kuzamo naho balyaalemwa.²⁵Obuchilo owe eenzu yachingile olwiizi mulyaayeemeelela aheelu mulyaabaanza kubachiinguza na ha kumusaba omukama otuchingule naho naabasubiza tinkumanya tiikumanya mwaluga nkahi. ²⁶Ne eemwe mulaamugambila ngasi tukalya no okunywa hamo ne ewe no omu mituuro yeetu niho okatweegesa. ²⁷Naho naabagambila naabagambila,tiinkubamanya mwaaluga nkahi mulugeho aha imwe abapagasi abaheni.²⁸Niho mulaamuchula no kuteelamo ameeno habwokuba,nimumubona Ibrahimu ,Izaaka na yakobo na ababasi boona bali omu bukama bw amuungu naho iimwe mulaaba mwanaagilwe aahelu. ²⁹Abaantu nibeza kuluga obutukulu no obugwa kuluga chiziba cha ntumwa na nyakaziinzanaka baalalya ebyookulya omu bukama bwa muungu. ³⁰Muhuhulize abantu aabo bo omuheeleluko oobu balyaaba nibo abo kabaanza na abo kubaanza oobu balyaaba abo omuheluluko.³¹Obuchilo obwo nyini Abafarisayo bunaanka bakamubuza yeezu baamugambila lugaho aha,ozeende ahaaantu ahaandi habwokuba Herode nayeenda kukwiita. ³²Yeezu yaabasubiza muzeende muzigambile nyamuhaabwa ezo,leba leelo na nyeeencha nimabagambila amazimu kubalugaho abaantu no kubachuz abalweelo ne echilo cha kasatu,ninhikiliza ensoonga yaanze. ³³Hamo ne ebyo ninyendelwa nzeendelele no oluzeendo lwaanze lwo kuzeenda Yerizaleemu leelo na nyeencha ne izweeli,kuhicha ihiki okwo,kuba tichikwiile omubsi kufweela ahantu ahaandi,choonka yeruzaleemu.³⁴Iiwe yeruzaleemu noyita ababsi no kuhoonda na amakulugusi abaantu aabo muungu abasiindikile hali iiwe,enturo nyiinzi nkaba niyeend kubakobya abaantu bawe nko ookwo enkoko okwo ekobya kobya otuzwiyo twaayo omu manana gaayo naho buli nturo timuleenzile. ³⁵Muleebe oobu muungu yabeka iimwe ne eenzu yaanyu mbweenu ayina nimbagambila amazima timukubona kaandi,kuhicha obuchilo mulyaagaamba nikwo,ayina omugisa ogwo qalikwiiza ahi iziina lyo omukama muungu.

¹Echilo che endalikizo yeezu akazeenda kulya ebyokula omuka yo omutegeki oomo wa Abafarisayo no obuchilo kaba ali omwo,Abafarisayo na abaandi bakaba nibamuleebelea bwool. ²Na aho omu meeso goomwe hakaba haliho omuuntu oomo ogwo akaba ayina obulweele bwo kututuma. ³Yeeezu yaababuza Abafarisayo na abegesa be ebilagilo ngasi nitukuundilwa ne ebilagilo byeetu kuchiza abaantu omu chilo che endaalikizo nali no omuzilo?.⁴Naho booonyin beesize yeezu yamukwaataho omulweele ogwo yaamuchiza yaamulaga asube omuka. ⁵Kaandi yeezu yaababuza nooha omuli iimwe ogwo ente nali ensikili yoomwe kaayakugwa omu iziba echilo che endaalikizo tiyaakuziihilemo bwaangu ahonyini noobwo chili echilo che endaalikizo?. ⁶Abaantu abo,tibalabeele ne echo kusubya ha bwa amagambo aga.⁷Yeezu akaba naaleeba abazenyi abalaalikwa okwo bakaba nibeesoolela ebitebe bya abazenyi bi isima niho yaabachweela omugani aha kugaamba. ⁸Obuchilo nooyangisibwa omu mazenyi go obweenga otaakwiikala aahantu bazenyi bi isima otaakukola ootyo habwa kuba hamo luundi ayangisiibwe oondi owi isima bwooli kuchia iiwe. ⁹No ogwo abalaalikile iimwe babili naayiza kukugaambila mulekele oogu olugazi lwaawe aho nookolwa ensoni bwooli.habwokuba nooyeeendelwa kuzeenda kwiikala olugazi lwa ahamuhelobwooli.¹⁰Naho obuchilo noolaalikwa omu mazenyi go obweenga zeeenda oyikale aha lugazi lwa ahamuhelo bwooli ha bweecho obuchilo oogwo ayakululikile aleeza akugambile mnywaani waanze iiza,suba kunu aheehi,niho hazima bwooli bityo nikwo olahaabwa ikuzo omu meeso ga abazenyi boona. ¹¹Habwe ensooga buli muntu oogwo alikweekuza alyaacheeshibwa na buli muuntu oogwo alikweecheesha,naakuzibwa.¹²Aho yeezu yaamugambila ogwo ayamwaangisize banywaani baawe nali beene baanyu nali echokulya cha nyemisana nali aha lweebazo otaakwangisa banywaani baawe nali beene banyu nali abaantu bali badugu baawe nali abatuuzi baawe abahite koolakola ootyo abo nabo nibakwaangisa owaabo na bityo nibakusubuza aha kukusubiza nka ago gi waabaheele.¹³Naho obuchilo noobaloongeza abaantu amazenyi oyaangise abahabi abalemi enziingami na abahume. ¹⁴Niho olaaba no omugisa habeo kuba abo tibeena echiintu chokukusubiza naho muungu niwe oogwo alaakusubiza obuchilo alizoola abaantu aabo baamusemeliize weenyini.¹⁵Oomo omuli abo abaabeele beekele hamo na yeezu ahaluhelo kayaabihulile ebigambo ebyo yamugambila ayina omugisa omuuntu weena oogwo alaaya amazenyi omu bukama bwa muungu. ¹⁶Yeezu yaamusubiza aha mugani ha kugamba aati,hakaba heena omuuntu oomo oogwo akallonza amazenyi mahango yalaalika abaabtu beenzi. ¹⁷Ha kachilo ka amazenyi kaahika yaasiinduka omuzaana woomwe aha balaalikwa boona azeende kubagambila oobu mwiize ebintu byoona byaakobile.¹⁸Naho,abaalikwa boona oomo oomo baaba nibeebulabuza nibasaba echiganyizi owa mbele yaamugambila nguzile ensaambo mazima nzeende kuzileeba ninkusaba kuzigema onzile echiganyizi. ¹⁹Ooondi akagaamba nguzile nte zo kulima emokimelano itaanu no oobu ninzeend kuzigema nikusaba onzilile echiganyizi. ²⁰No oondi akagaamba nswiile omukazi omu buchilo obunyini ha beecho tikuhicha kwiiza.²¹Ogwo muhalila yaagalugaho yaamumanyisa omukama woomwe ago goona niho omukama woomwe yaanigahala yamugambila omuzaana woomwe zeenda bwaangu omuli ogwo muhanda omugazi no otuhaandagazi two omu muzihwaogwo ozeende kubaletela abahabi abalema,abahume,ne enziingami aha. ²²Kayaabalile omuzaana ogwo yaasubya yaamugambila mukama,ago gi waandagila nikwo nazila no oobu biyo hachaali hachiliho obwiikalo ha baandi.²³Omukama yaamugambila omuzaana womwe ati mbweenu osohole ahelu ozende aha mihanda eezo elikuzeenda omu mituulo emiche no omu misili obakomeenteleze abaantu beeze bataho omuka yaanze kuhicha eyizule. ²⁴Naho omuli abo boona aabo naalaalikile niimbagaambila nkokwo talimo noobwo omuuntu oomo ogwo alaaloza amazenyi gaanze.²⁵Yeezu akaba naakulaatilana ne embaga mpango ya abaantu yaahinduka yaabagambila. ²⁶Omuuntu weena weena oogwo alikunyizaho mazima ha kwiingana no kunyeend iinye nayeendelwa atamwe iise,nyina,mukazi woomwe abaana boomwe badugu boomwe na banyanya noobwo ayitamwe weenyini weenka bitali bityo takuhicha kuba omuheemba waanze. ²⁷No omuuntu weena weena oogwo atakeemuchize omusalaba gwoomwe akankulaatila takuhicha kuba omuheemba waanze.²⁸Tugaambe oomo omuli iimwe naayeenda kwoombeka oliswi lula bwooli mazima takwoombeka atekeleze kwaanza no kuleeba obuguzi bwa buli chiintu eecho alaakosizwe aha kwoombeka oluswi olwo kaalakola aatyo niho alasoombokelwa nkokwo ayina empilya zo kuhicha kumala obwoombeki. ²⁹Kalaaba atakozile aatyo yakahicha kwoombeka oluhazo naho aheleeza naalemwa kulumaliza oluswi niho buli muhiinguzi alyaaba naamugaya. ³⁰Nali ni mukama chi ayakweenda kuza kulwaana no omukama oondi atekele kwaanze no kutekuza nkokwo yaakahicha aha abalwaanila ngoma boomwe ebihumbi ikumi kugima kulwaana ichumi no ogwo omukama ayina abalwaanila ngoma ebihumbi makumi abili.³¹Nali ni mukama chi ayakweenda kuza kulwaana no omukama oondi atekele kwaana no kuteekuza nkokwo yakahiicha aha abalwaanila ngoma boomwe ebinumbi ikumi kugima kulwaana ichumi no ogwo omukama ayina abalwaanila ngoma ebihumbi makumi abili. ³²Kaalabona nkokwo naalwmwa ahonyini naasindikiza entumwa boomwe bazeende bwaangu aha mukama oondi achili hala babone kukuundilana kuba no obuholo. ³³Bityo nikwo no omuli iimwe taliho noobwo oomo weenyu oogwo yakuhicha kuba omuheemba waanze kalaab atakalekile byoona ebi ayinabo.³⁴Omwooyo ne echiintu chizima naho kagalikuba gwaahweele omulaango tigwaakuhicha kuba no obunuzi bwo omwooyo kaandi. ³⁵Omwooyo gwa akazeendele aka tigukugasa chiintu nali ahi itaka nali aha bunula abaantu nibagunahga kwoonka oogwo ayina amatwi ahulilize.

¹Echilo chimo,abahaambyana abeene ebiheno abaandi boona bakakoba hali yeezu,bamuhulilize. ²Chaaleta abafarisayo na ab eegesa be ebilagilo bya muungu baadugulila bati omuuntu oogu leeeba naabaangisa ebiheno kaandi nalya hamo nabo.³Ha bweecho yeezu yaabachweela omugani yaagamba. ⁴Tugaambe oomo,omuli iimwe ayina entaama igana kaalamanya nkokwo eemo yaazo yaabula naakola chiiha ngasi takuzileka ezo makumi mweenda na mweeenda omu maliisizo,no kuzeende kuloondela ezo eeemo ebuzile kuhicha azibone. ⁵Obuchilo naazibona naazisutula ha mabega aha manulilwa.⁶No kuzileeta omuka aho naabeta banywaani boomwe na abatuuzi,no kubagambila tunulilwa hamo nenye habwo kuba entaama yaanze eezo,eyabuzile naazibona. ⁷Niimbagambila bityo nikwo halibaho amanulilwa mahanga omu igulu obuchilo owe ebiheno oomo kaalikubitamwa akabilekeleal akalamula kumuhindukila muungu kuchila abo makumi mweenda na mweenda abagolokole aabo abatakusaaswa kutamwa ebiheno byaabo bakabilekelela no kubula kumuhindukila muungu.⁸Nali tugaambe omukazi omo ayina empilya ikumi zo obukami mala yaabuza eemo,ngasi takukoongeza olumuli,no kukukkumba eenzu yoona omu kuzilondela aha ha bweeyomeleza kuhicha azibone?. ⁹Obuchilo alaazibona naabeta abanywaani boowme na abatuzi no kubagambila tunulilwe hamo habwo kuba empilya eezo eyaabuzile naazibona. ¹⁰Niimbagambila bityo nyini heena amanulilwa omu meeso ga bamaleka ba muungu obuchilo owe ebiheno oomo kaali kutamwa ebiheno oomo kaali kutamwa ebiheno byomwe akabileeka akalamula kumuhindukila muuungu.¹¹Yeezu akazendelela kugaamba hakaba heenaho omuuntu oomo oogwo akaba oyina abatabani babili. ¹²Omuntu yaaze ahali iise yamugambila taata iimpa obuhuunguzi bwaanze habweecho isebo yaabagambila amabonwa goomwe.¹³Kabyaahingule ebilo biche ogwo omuto yaakobya ebiintu byoomwe byoona yaazila oluzeendo yaazenda eensi ya hala obuchilo kayahikile ookwo,yaabanza kubisiisagula ebiintu byhoomwe aha kubilya kubi. ¹⁴Kayaamazile empilya zoona haaza enzala mpaango omu nsi ezo nawe yaaba ateena choon choona.¹⁵Ha bweecho yazenda yaakwataangana no omuuntu oomo wo okwo yamusaba nkokwo aabe omuhalila woomwe ogwo muuntu yaausindikiza omu musili kuliisa empunu zoomwe. ¹⁶No obuchilo empunu zikaba nizilya ebisusu na weenyini akalumwa enzala yaaligila kubilya naho taliho omuuntu oogwo ayamuheele choona echo kulya.¹⁷Ha muheleeluko,akaba kwiizala amasala omu kutekuza aati,abazaana ba taata leeba boona nibalya kuhich nibahanga no kubisagaza naho aha,niinfw habwe enzala. ¹⁸Oobu ninsuba hali taat no kumugambila taat naamuhenile muungu na naakuhenile iiwe kaandi. ¹⁹Tiinkwile kaandi kweetwa omwaaana waawe ha bweecho onkole nko oomo wa abazaana baawe.²⁰Mbweenu yaalugaho aho yaasubya hali iise obuchilo akaba achali achili hala no omuka iise yamubona omuganya gwoomwe gweezulane echiganyizi ahonyini yaamwiluk omutabani yaamubuumbatila no kumunyweegela. ²¹Ogwo mwaana yaamugambila iise,tata,naamuheniile muungu na naakuhenila iiwe kaandi tiinkwiile kaandi kweetwa omwaana waawe.²²Naho ise yaabagambila abazaana boomwe,bwaangu muleete enkazu enduunzi mumuzweeka mumuzweeke empetoomu lukumu lwoomwe,ne ebilaatu omu magulu. ²³Muleete ezo esazwa ye enyana muzibaage tukole amazenyi tulye ha manulilwa. ²⁴Habwokuba oogu mwaana waanze abeele abuzile naho oobu aabonwa abeele ali nka afwle oobu kaandi ali mwooyo niho abo booan baabanza kukola amazenyhi ga amanulilwa.²⁵Omu buchilo obwo ogwo omutabani omukulu akaba ali omu musili obuchilo yaabele naasuba yeelilie omuka,akahulila nkokwo abaantu nibazina no kunegula. ²⁶Yaamweta omuzaana oomo yaamubuza heena chiiha?. ²⁷Yaamugambila mulumuna waawe yeeza na iiso yaamutela esazwa ye enyana habwo kuba yaamubona omutabani kaandi achili mwooyo.²⁸Ogwo musigazi omukulu yaasaaya yaayanga kutaahamo omuka iise yhaasohoza aheelu yaaba naamusaba ataheemo. ²⁹Naho weenyini yaamusubiza taata huliliza emyaaka miinzi mba niinkuheeleza kaandi tikalekileho kukoondookela ebilagilo byaawe noobwo entulo eemo hali iinnye tokaampele noobwo omwaana gwe embuzi mbone kukola amazenyi iinulilwe hamo na banywaani baanze. ³⁰Naho omwaana waawe oogju oogwo asisagwile amabonwa gaaawe aa busihani obuhilo kwoonka yeeza weenyini waamutemela esazwa ye enyana.³¹Iise yaamugambila mwaana waanze iiwe otuula hamo ne eenye buchiile na amabonwa goona gi nyinago na agaawe, ³²Naho mulumuna waawe nituhikilillwa tumukolele amazenyi no kunulilwa hamo habwo kuba ooogu mwaana waanze abeele abuzile naho oobu yaabonwa abeele ali nka afwiile oobu kaaandi ali mwooyo.

¹Kaandi yeezu yaaabagambila abaheemba bomwe hakaba heena omuhite omo no omwimelelezi woomwe omwimelelzi ogwo akalegelelwa nkokwo akaba naasisa ebiintu bya mukamawe. ²Ha bweecho omuhite akamweeta yaamubuza ni magambo chi aga gi ndikuhulila hali iiwe ntoondela okubala kwe ebiintu byaanze habwo kuba tokuukundilwa kuzeendela kuba omwimeelelezi.³Ogwo mwiimelezi yeebuza nzileho nta oobu omukama waanze naanyiha omu milimo tiinhya amagala go kulima na ninzala ensozi kusabila. ⁴Mbweenu nimanya cho kukola kuba ahaleeza abantu babone kunyegesa omu maka gaabo kaandalekesibwa emilimo ezi.⁵Habweeecho omwimelelezimogwo yaabetea buli oomo boona abalikutoongwa na mukamawe yaamubuza owa mbele ibaanza lyaawe ha mukama waanze ne eendengo. ⁶Yaamusubiza ibaanza lyaanze na amapipa igana lyaawe yikala aha ozihundule bwangu yaandika makumi ataanu. ⁷Mala kaandi yaamubuza omutoongwa oondi oowe obaanza lyaawe ne endeengo chi nawe yaamusubiza amagunila igana engano oogwo omwimelelezi yaamugambila twaala olwaandiko oolu lwi ibanza lyaawe yaandikaho makumi munaana.⁸Kayaabalile omuhite yaaamusingazi ogwo omwimelelezi atali omweesigwa aha bucheluke bwoomwe habwokuba abaantu ba kataka ezi beena obucheluko ha bigambo byaabo na bazeezi baabo kuchila abaantu bo omu mwaanga. ⁹Nawe yeeezu yazeendelela kubagambila muheele ebiiintu byanyu byo omuli kataka ezi ha baandi mubone abanywani kuba kabililwa mwaangiswa omu butulo bwo obucha no obuchile.¹⁰Buli muuntu oogwo ali omwesigwa aha magaambo mache niwe atali omweesigwa noobwo aha magaambo mahango. ¹¹Mbweenu kamulaaba iimwe mutabele abesigwa aha kutegeka amabonwa go omuli kataka ezi,no oha alaabegiswa omu kubaha obutegeki bwo obuhite bwa amaziam bwo omu igulu?. ¹²Kaamulaaba iimwe mutabele abeesigwa aha mabonwa go oondi mbweenu n ooha akwiile kubaha iime amabonwa agali geenyu.¹³Taloho omuhalila ogwo yaakuhicha kuheeleza abakama babili habwo kuba yaakaatamwa omukama oomo no kweenda oondi nali yaakakunda ago omukama ooli na ayaango ago omukama oogu bityo ne emwe timwaakuhicha kugomookela muungu hamo na amabonwa.¹⁴Abafarisayo obuchilo baahulile amagambo ago ga yeezu bakabaanza kumuseka aha kumuganya habwo kuba bakaba nibeenda bwooli empilya. ¹⁵Yeezu yaambgambila iimwe nimweekola abagololke omu meeeso ga abanatu naho muungu naamanya amagambo ago miganya yaanyu habwokuba amagaambo ago gi balikuuza bwooli abaantu nigamutamisa bwoli muungu.¹⁶Ebilagilo bya Musa na amandiko ga ababsi gakaba nigakulatila na abaantu kuhicha omu buchilo bwa Yohana omubabazi kuliga obuchilo bwoomwe abaantu bakaba nibamanyiswa empola zo obukaamabwa muungu na buli muuntu ayetaashamo lwa amagala. ¹⁷Noobwo bityo chihuukile bwooli ahi igulu eensi kuhwaho kuchila enyugu eeemo ye ebilagilo kubuza echilali.¹⁸Buli muuntu kaalikulekaana na mukaziwe no kukuumpula ondi naasaambana na alaakuumpula omukazi ogwo ayaalekeene ne eeba naasambana.¹⁹Hakaba heena omuhite oomo oogwo akaba alya kuzima buli chilo no kuzwaala ebizwaalo bizima male byo obukaani bye ezaambalau. ²⁰Na ahi ileembo lyo ogwo omuhite,akaba ayikalaho omuhbi oomo iziina lyoomwe Lazaaro omubili gwoomwe gwoona gukaba gwiizala ebigogo. ²¹Eembwa zikaba niziza kumulaamba laamba ebigogo byoomwe lazaro akaba aligila ahaabwe kulya amasaaga ge ebyokula aago gakaba nigalagala kuluga aha meeza yo ogwo muhite.²²Nikwo yaalemwa omuhabi lazaro yaafwa baamaleeka baamutwaalo omu igulu heehi na Ibrahimu ogwo muhite nawe yaafwa yaazikwa. ²³No obuchilo omuhite akaba nayagalala bwoli okwo kuzimu yayeenamula ameeso yaaboan Ibrahimu kuluga hala,nawe,Lazaaro ali heehi nawe.²⁴Akamweta ahi ilaka taata Ibrahimu onganyile ninyagalala bwooli omu mulilo oogu omusiindike Lazaaro ayize hali iinye,akole omunwa gwo olukumulwa omu meenzi agatonyeze aha lulimi lwaanze lubone kuhola.²⁵Naho Ibrahimu yaamusubiza mwaana waanze oyizuke nkokwo okabonese amagaambo mazima omu bulami bwaawe na Lazaaro akabonesa amabi naho oobu wenyini naahumuzwa aha ne ewe noyagalala bwooli. ²⁶Hamo na ago hali iichwe nemwe hatiilweho eliina lihango bwooli obubaho bwe eliina ni biti aabo abalikweenda kuluga kuzeenda hali iimwe na aabo abalikweenda kuluga ookwo kwiiza hali ichwe bataakuhicha kwaambukaho.²⁷Oogwo ayaabele ali omuhite yaagamba guuku nikusaba omusiindikize azeende omuka hali taata.m ²⁸Habwo kuba nyinabo badugu baanze bataanu abone kubahana batakwiiza bakeeza kunu hali ebi byaagaalazo ebisaagililze.²⁹Naho Ibrahimu yaamusubiza badugu baawe beenaga amandiko ga Musa na abaabsi baleke bagahulilize ago. ³⁰Nawe yaamusubiza mahi taata Ibrahimu naho kibilaaba omuuntu kuluga omu bafwile akabazendela niho baalatamwa ebiheno byaabo bakabilekelela no kumuhindukila muungu. ³¹Ibrahimu yaamusubiza abo badugu baawe kabalaba batagahulile amaandiko ga Musa na ababsi tibaakubyeeta noobwo kayaakuba naazoka omuuntu kuluga omu bafwile kuzeende kubakoonza koonza.

¹Yeezu yaambagambila abaheemba boomwe,ebileegiso eebyo bilikuletela abaantu bakole ebiheno nibibaho,naho nelooka ogwo omuntu alibiletelela. ²Yaakuba haachili hali weenyini akomwe olubeengo omu bicha no kutubizwa omu chitubi che enyaanza kuchila weenyini kumulettela oomo wa abato aba akole ebiheno.³Habweecho mweekomye muteeza kukola mutyo omweekomye mudugu waawe kaalakuhenela omuhane n kaalasaba echiganyizi ha chiheno choomwe,omuganyile. ⁴Noobwo kaalaba yaakuhenela entulo musaanzu aha chilo chimo na buli ntulo naasuba hali iiwe naakugwa omu magulu aha kugaamba onganyile ne ewe omuganyile.⁵Niho entumwa ezo zaamugambila omukama mbweenu otwongele okwikiliza kweetu. ⁶Omukama yaabasubiza kamwakubele no okwikiliza kuche noobwo nyukuka ozeende kumela omu nyanza nagwo gwaakaabakoondokiile.⁷Tugaambe oomo omuli iimwe ayin omuzaana oogwo alikulima nali naaliisa entaama ngasi oogu omuzaana kaalikusaba omuka kuluga omu masaambo ahonyini mukama woomwe nahicha kumugambilaboneka ebyokula. ⁸Mahi namugambila ondoongeze ebyokula oyeloonze kuuntona obuchilo ndaaba niindya no okunywa niho ne ewe olaabona kulya no okunywa.⁹Mbweenu omuzaana kaalagakola ago omukama woomwe yaamulagila ngasi ogwo mukama namusiima aha kugakola. ¹⁰Bityo nikwo neemwe kamulaamala kukola goona aago mwaalagilwa mugambe ichwe na abazaana kwoonka twaakola agao tubule nitweendelwa kukola.¹¹Obuchilo yeezu akaba naazenda Yeruzaleemu akalabila embibi za Samaria,ne za galilaya. ¹²Echilo chimo akataahamo omu mugoongo gumo yaabugana na abantu ikumi abeene amabeembe abo abeene amabeembe baayemelela hala na weenyini. ¹³Baahamuka ahi ilaka omu kugaamba yeezu mukama,otaganyila.¹⁴Yeezu yaababona yaabagambila muzeende mweyokole aha bagabe ba muungu bazeenda no obuchilo bakaba bali omu luzeendo baachila. ¹⁵Ooomo waabo obuchilo kayabweene nkokwo yaamazile kuchila ahonyini yaasuba hali yeezu,naamusingaza muungu ahi ilaka lihango. ¹⁶Obuchilo yaahikile omu kumusiima yaagwa buzuuma omu magulu omu meeso ga yeezu no ogwo muuntu akaba ali omusamaria.¹⁷Yeezu yaagamba leeba abaantu ikumi bachilizwe bmweenu abo abaandi mweenda bali nkahi. ¹⁸Tihaliho abaandi aabo abaabwenwe nibasuba kumukuza muungu choonka oogu omuzenyi. ¹⁹Kaandi yeezu yamugambila yemelela ozeende okwikiliza kwaawe nikwo kwaakuchiza.²⁰Echilo chimo abafarisayo bakamubuza yeezu obukama bwa muungu nibwiiza iili,yeezu yaabasubiza kwiiza kwo obukama bwa muungu ti kwe emanyiso eezo zilikubonwa aha meeso. ²¹Abaantu tibaliihicha kugaamba muleebe buli aha nali muleebe buli aho muhulilize obukama bwa muungu buli omuli iimwe.²²Kaandi yeezu yaabagambila abaheemba bomwe omu bilo eebyo ebilikwiza mulaaligila kuleeba no oobu chilo chimo che ebilo byaanze iinye mutabani wo omuuntu na timulichibona. ²³Abaantu baalabagambila muleebe ngugwo aho nali muleebe ngugu aha naho abaantu abo mutaakubeelukilila. ²⁴Ago naabagambila habwo kuba echilo cho okusuba inye mutabani wo omuuntu ndeeza nko olulabyo okwo lulubyo bwaangu no obwo mwaanga gumulikila embazu zoona zi igulu.²⁵Naho echambele ni lwaampaka omutabani wo omuuntu abone ebyagalalo biinzi no kwaangwa na abaantu bo obuchilo oobu. ²⁶Nkokwo byaabeeleho omu bilo bya nuhu nikwo bilibaho ebilo byo kusuba kwaanze iinye mutabani wo omuuntu. ²⁷Ebilo bya nuhu abaantu bakaba nibalya no okunywa nibaswela no kusweelwa kuhicha echilo eecho nuhu yatahile omuli Safina aho enzula ne enzweelo zo kwiikisa eensi zeza,zaabasiingalicha abo boona.²⁸No oobu ebilo bya luutu amagaambo gakaba gali gatyo nyini,abantu bakaba nibalya no okunywa nibagula no kuguza nibalima no kubiba embibo na bakaba niboombeka. ²⁹Naho echilo eecho Luutu yaalugile Sodoma omulilo muhango gwe echikwazo gwaaseseka nke enzula kuluga omu igulu gwaabasiingalichaa abo boona.³⁰Bityo nikwo bilaaba echilo eecho iinye mutabani wo omuntu kiindisuulwa. ³¹Echilo echo,omuuntu aliba ali aha lugulu yo oluswi lwe nzu yoomwe ne ebiintu byoomwe bili omu nzu atuuke no kwiiluka kwoonka ataza omu nu kwiimucha choona choona no omuntu aliba ali musili bityo nyini talisuba omuka kutwaala choonachoona.³²Mwiizuke ago agaagwiile hali mukazi wa Luutu. ³³Buli muuntu oogwo aaleengesa kuchiza obulami bwoomwe,niwe alaabubuza na buli muuntu oogwo alaabubuza,niwe aabuchuungula.³⁴Nimbagambila nkokwo omuli chilo omwo abaantu babili balyaaba balyaamile aha chitabo chimo,oomo aleehibwaacho no oondi alaasigwaho. ³⁵Echilo echo abakazi babili balyaaba nibasa hamo oomo aleehibwaho no oondi aalaasigwaho.³⁷Abaheemba baamubuza mukama ago galyaaba nkahi yaabasubiza omu mubelo buli hoona aheena emituumbi,niho empuungu zikoba.

¹Male yeezu yabachweela omugani abone kubeleka nka nikwo ni lwampaka kumunembelela muungu buchile no obutafwa omuganya. ²Yabagambila omu muzihwa gumo hakaba halimo omulamuzi omo omulamuzi ogwo akaba atakutina mungu nali kumusaswa omuntu.³Omu muzihwa ogwo akaab alimo omukazi omo akambilwe ogu mukazi akaba amuzendaho ogwo mulamuzi buli ntulo ha kumunembelela kwo kumugambila nisaba ompe obuteeki ha bwanze no omubisa waanze. ⁴Ah mwanya mula ogwo mulamuzi akanga kumuhwela omukazi akambwile naho ha muheleluko yegambila omu muganya gwomwe iinye tikumutina muungu nali tikubetaho abantu. ⁵Naho habwokuba oogu mukazi akambwile nayagalaza bwoli obu ninkola akolelwe ebimukwile kuba atakuzendelela kundemesa aha kunyizaho obutoosa.⁶Kandi omukama yagamba muhulilize kuzima amagambo go ogwo mulamuzi omuheni. ⁷Ngasi nikwo kugamaba mungu talibahwela abo abi yatozilwe abo abalikumuhamukila nyemisana no omuchilo ngasi nayililwa kubahuliliza. ⁸Nimbagambila naabahwela bwangu naho kandiza iinye mutabani wo omuntu ngasi mazima ndasanga omunsi bachiliho abantu abeene okwikiliza.⁹Kandi yeezu yabachwela omugani abantu abo bakebona nkokwo nibo abgoloke omu meeso ga muungu no kubagaya abndi yagamba. ¹⁰Hakaba heenaho abantu babili abo bakahanama kuzenda omunzu ya mungu ha kumusaba omo akaba ali omufarisayo no ondi akaba ali omuhambya.¹¹Ogwo mufarisayo yayemelela kunu namusaba omu muganya iiwe mungu nikusima habwokuba iinye tindi nka abantu abandi abanyagilizi abatezi be ebisuba nali abasihani nikusima nkokwo iinye tindi nko ogu omuhambya. ¹²Mba ne echisibo entulo ibili omu bwooyo nikusoholeza ezaaka eemo omuli ikumi kuluga omu mabonwa ganze goona.¹³Naho ogwo omuhambya yasigala halaho kache na talenzile no obu kwinakula ameeso gomwe omu igulu naho yaba nayetela aha kalezi koomwe aha ntiimbi aha kugambaa mungu onganyile iinye owe ebiheno. ¹⁴Nimbagambila nkokwo ogwo omuhambya akasuba omuka aganywilwe na mungu naho ogwo oondi mahi habwe ensoonga buli muntu ogwo alikwekuza alachesibwa na buli muntu ogwo alikweechesha nakuzibwa.¹⁵Obuchilo obundi abantu bakaba nibamuletela yeezu noobu abana baabo abato abone kubatelaho engala no kubafuuha obuchilo abahemba boomwe babwene batyo baabanza kubangila abantu abo ha magambo go kubachaahukila. ¹⁶Naho yezu yabeta haki wenyini abana abo aha kugamab amubaleke abaana abato beeze hali inye mutabazibila kunyizaho manya obukama bwa mungu weena no bwa abantu abo kwingana nka abaana aba abato. ¹⁷Mazima butunu nimbagambila omuntu wena wena ogwo atakwikiliza obukama bwa mungu nkokwo omwana muto ogwo alasingwa kubatahamo.¹⁸Omutegeki omo akamubuza yezu mwegesa omwesigwa nkole chiiha mbone kuhungula obulami bwo obucha no obuchile. ¹⁹Yeezu yamugambila habwachi nogamaba inye no omwessigwa tihaliho omuntu ogwo ali omwesigwa naho mungu weenka. ²⁰Iiwe nobimanya kuzima ebilagilo bya mungu otakuba omusambani otakwita otakusinz ebisuba obakuze iiso na nyoko. ²¹Omutegeki yamusubiza ebilagilo ebi byoona mbikondokile kulugolila aha buto bwanze.²²Obuchilo yeezu yabihulile ebyo yamugambila nobulabulilwa echigambo echindi chimo chonka ebintu byona ebyo oyinabo zeenda oze kubiguza empilya ezo obahe abahabi aho nooba waazila ensabo yaawe omu igulu male oyize okulatile. ²³Ogwo mutegeki obuchilo yabihulile ebyo akazuluulukilwa bwoli habwo kuba akaba ali omuhite bwoli.²⁴Obuchilo yeezu yamubona nazululukilwa aatyo akagama chilyaba chigumile bwooli aha bahite kuzamo omu bukama bwa mungu. ²⁵Habwokuba chihuhukile bwooli ha ntwangabuleende kuhingula omu kahulu ko olusinge kusanga omuhite kuza omu bukama bwa mungu.²⁶Abantu abo kabahulile ago magambo obu no oha mbwenu ogwo yahikicha kuchungulwa. ²⁷Yezu yabagambila amagamabo ago agatakwile omu bantu hali muungu gakwile.²⁸Aho peetro yamugambila yeezu leeba ichwe twalekile ebintu byetu byona twakulatila iiwe no kuba abhaemba baawe. ²⁹Yeezu yagamaba mzima butunu nimbagambila nokwo buli muuntu ogwo alekile enzu yoomwe nali mukazi woomwe nali badubu boomwe nali abazele boomwe nali abaana bomwe habwo kuba bwa mungu. ³⁰Amazima nayanankula biinzi bwoli kuchila ebyo yalekile kalikuba achali achili omu nsi ezi kaandi okwo omu igulu alabona obulami bwo obucha no obuchile.³¹Mala yeezu yabatwala abahemba boomwe ikumi na babili aha lubazu yabagambila muhulilize nituhama kuzeenda yeruzalemu na aho goona aago ababasi bayandikie ha bwaanze inye mutabani wo omuntu nigahikilizwa. ³²Nibatwala omu ngalo za abanyamahanga abo nibamukola kubi no kumunegula no kumuchweela amachwata. ³³Kandi nibamukoma enkoba no kumwiya naho echilo cha kasatu ndazoka.³⁴Amagambo ago yeezu yabagambila abahemba boomwe tibalagamanyile habwokuba ensonga ya amagambo ago ekaba eslekilwe hali boonyini tibalamanyile nahoya chiiha.³⁵Yeezu akaba yelilize Yeriko na ahangegelo yo omuhand ahakba heena omuhume omo omuhume ogwo akba ayikele nasabiliza. ³⁶Obuchilo yahulile abantu beenzi nibahingula aho yaabuza heena chiiha?. ³⁷Bamugambila yeezu omunyanazarti nahingula.³⁸Ahonyini yaahamuka ahi ilaka aha kugamba yeezu mutabani wa Daudi onzille echiganyizi. ³⁹Abantu abo ababele beebembile bakaba nibamuchahukila ayesize naho weenyin yaaguma kuhamuka ahi ilaka omu kumweta mutabani wa Daudi onzilile echiganyizi.⁴⁰Yeezu yayemelela yalagila ogwo muhume aletwe hali wenyini obuchilo yamuhika heehi yezu yaamubuza. ⁴¹Noyenda nkukole chiiha nawe yagamaba mukama ninsaba mbone kuhweza kaandi.⁴²Yeezu yamugambila hweeza okwikiliza kwaawe nikwo kwakuchiza. ⁴³Ahonyini yahweza yamukulatila yeezu namukuza muungu abantu boona obuchilobaabwene ebyo nabo,babaanza kumukuza muungu.

¹Mala yeezu yatahamo omuli Yeriko ali omu kuhingula nazeenda. ²Omu chalo omwo,hakaba heena omuhite omo,iziina lyoomwe Zakayo omuhite ogwo akaba ali mukulu wa abahambya.³Zakayo akaba nayeenda kuleeba yeezu no omuuntu aliho aata naho talahikizekumubona habwo kuba hakaba heena embaga mpaango ya abaantu na akaba ali mugufu. ⁴Ha bweeho yeeluka bwangu yazenda omu meeso ge embaga yahanama omuti gwo omukunyu kuba ahiche kumubona yeezu kalaba nahingula omu muhanda ogwo.⁵Obuchilo yeezu yahikile aho yaaleba oluglu yo omuti yaagamba Zakayo tuuka bwaangu ni lwampaka iinye kuba omuzenyi omuka yaawe. ⁶Ahonyini Zakayo yaatuka yamwangisa yeezu omuka yoomwe aha manulilwa mahango. ⁷Abaantu boona obuchilo baabawe ago baabanza kudugulima omu kugamba leeba yazenda kulya no owe ebiheno.⁸Naho Zakayo yayemela yamugambila omukama huliliza mukama oobu nyini nimbaha abahabi obwaata iheembe bwe ebiintu byanze na kindaba nayakile omuntu weena nimusubiza entulo ina ye endengo. ⁹Yeezu yaagamba leelo,obuchunguzi bwaahika omu nzu ezi habwa kuba ogu nawe yayoleka kuba omwaana wa amazima wa Ibrahimu. ¹⁰Habwokuba iinye mutabani wo omunntu nkeeza kulonda no kuchungula abantu aabo ababuzile.¹¹Kababele nibahuliliza aga yeezu yazendelela kubagambil omugani habwo kuba akaba yeliliza kuhika Yeruzaleemu abantu hakaba nibatekuza ka nikwo obukama bwa muungu nibwesuuluikiza ahonyini. ¹²Ha bweecho yabagambila hakahaba heenaho omuuntu oomo wo olugando lwo obukama omuntu ogwo akazenda oluzeendo eensi ya hala abone kwinakula obutegeki bwo kuba omukama male asube kutegeka eensi yoomwe.¹³Achali kulugaho yayetwa abazana boomwe ikumi yabaha buli oomo endengo mpaango ye empilya zilibwinganisa yaabagambila mukole isuluza ne empilya ezi kuhika obuchilo oobwo ndagaluka. ¹⁴Nahoogwo muntu abantu be eensi yoomwe bakamutamwa bwooli basindika bamukulatila no kubagambial okwo bati omuntu oogu titukwenda abe omukama weetu. ¹⁵No oobu bityo akahebwa amagala go obukama obuchilo kayasubile omukama yaabeta abazana abo yahela empilya abone buli muzana kumugambila yaamubonesiize ensaaga chi.¹⁶Omuhalila wa mbele yahika yamugambila mukama kwiingana ne ezo empilya eezo waandekile bweene omugaso entulo ikumi kusaga aho. ¹⁷Oogwo mukama yamugambila iiwe muzaaana waanze owe entungwa nzima okozile kuzima aha kuba obeele omwessigwa omu keetegeleza ha biche bwoli nakuha obutegeki aha mizihwa ikumi.¹⁸Omuhalila wa kabili nae yaahika yamugambila mukam kwingana ne ezo empilya waandekile mbweene omugaso entulo itaanu kusaga aho. ¹⁹Omukama yamugambila neewe nakuha amagala ha emizihwa itanu.²⁰Omuhalila oondi yaahika yagamaba mukama empilya zaawe nziz zhz nkazikoma omukasila kuba zitakubula. ²¹Nkakutiina aha nsoonga iiwe oli omuuntu wa amakala notwaala eebyo otatileho na noohesa ahantu hootahambile chiintu.²²Omukama yamugambila iiwe muzaana omuheni oobu nikuchwazika kwiingana na amagambo gaawe iiwe nyini mbweenu okagamba noomanya nkokwo iinye ndi omuuntu wa amakala bwooli nitwaala ago gi ntalatiileho na ningesa aago ntalahambile. ²³Kabilaba nikwo bilibityo mbweenu habwaachi tolaazisulwize empilya zaanze okazitunda na abatuuzi mbone kuzitwala hamo ne ensaaga yaazo obuchilo bwo kusuba kwaanze.²⁴Ahonyini yaabagambila abantu abo abakaab beemelile aho mumwaake ogwo empily ezo muzeende kumuhana oogwo ayabonesizeho omugaso entulo ikumi. ²⁵Naho bamugambila mukama oogu yaabonesize omugaso gwe entulo ikumi.²⁶Yabasubiza nimbagambila nkokwo buli muntu oogwo alikweekomya kuzima eebyo ayinabo naayongelwa ebiindi naho omuuntu oogwo atakweekomya eebyo ayinabo no oobu echiche echa alaaba ayinacho nichitwala. ²⁷No oobu bityo abo,ababisa baanze aabo abataleenzile iinye kubategeka mubaleet aha mubeetil omu meeso gaanze.²⁸Yeezu kayamazile kugaamba ago,akabeebemelela abaantu be mbaga ezo yazendela no oluzeendo lwoomwe lwo kuzenda Yeruzalemu.²⁹Obuchilo yeeliza ebyaalo Betifaage na Betania ahi ibanga eelyo likaba niliyetwa Emizaituni yabasindindika abahemba boomwe babili. ³⁰Yaabagambila muzeende omu mugongo oogwo ogutakasutulaga muuntu mugusubile mugulete aha . ³¹No omuntu kalababuza habwaachi nimugusibula mumugambile omukama weetu naagwenda.³²Mbweeenu abahemba abo bazeenda baasanga byoona bili nka nikwo yeezu yaabagambila. ³³Obuchilo bakaba nibagusibula ogwo mwaana gwe ensikili bakma baagwo baabuza habwachi nimugusibula ogwo mwaana gwe ensikili. ³⁴Baabasubiza omukama weetu naagwenda. ³⁵Baamuleeta yezu ogwo mwaana gwe ensikili bayala ebizwalo byaabo aha lugulu yaagwo mala bamuhanamika yeezu. ³⁶Obuchilo yeezu akaba nwzeenda abantu baayala emyenda yaabo omu muhanda.³⁷No obuchilo yeliliza ahantu aaho omuhanda nigugolomoka kuluga ahi ibanga lye Enizeituni embaga yoona ya abahemba boomwe baabanza kumukuza muungu aha manulilwa habwa amahano goona aago baabweene bakahamuka aha malaka gaabo. ³⁸Omu kugaamab ayina omugisa omutegekiogwo alikwiza ahi uziina lyo omukama mungu,hena obuhoolo omu igulu,weenyini oogwo ali olugulu ya byoona ayina ikuzo lyoona.³⁹Omuli ezo mbaga bakab balimo Abafarisayo aho baamugambila yeezu mweegesa obaangile abahemba baawe batakugaamba ago. ⁴⁰Yeezu yabasubiza nimbagambila nka nikwo aba kibaleesiza mazima amabale nigahamuka ahi ilaka.⁴¹Obuchilo kayelilize omu chikali cha Yeruzalemu no kuchileba yeezu yabanza kuchihulila. ⁴²Yaachigambila nakaaligile bwooli lelo ezi nkokwo wakumanyile no oobu iiwe emihanda yo kubonaobuholo naho oobu eselekilwe omu meeso gaawe.⁴³Habwokuba omu bilo ebyo ebileeza ababisa baawe balakukuba,balakuzongolokeza olukutaembazu zoona nokukwaangila oyalugamo omugati. ⁴⁴Nibakusiingalichiza ahansi iiwe na abaana omugati ye ensikili zaawe na tibalileka no oobu ikulugusi limo olugulu ye elindi ebi na habwo kuba tolemzile kumanya obuchilo oobu muungu yakuletile obuchunguzi.⁴⁵Mala yeezu yatahamo omu lubuga lwe eenzu ya muungu okwo Yeruzalemu yaabanza kubabinga abaantu aabo bakaba nibaguza ebintu omwo. ⁴⁶Yabagambila gaandikilwe omu maandiko matakatifu nka nikwo muungu akagamba aati enzu yaanze elyaba eenzu yo kusabilamo naho iimwe mwazihindwile kuba enyanga ya abasaakuzi.⁴⁷Buli chilo yeezu akaba nayegesa abantu omu lubuga lwe eenzu ya mungu naho abakulu ba abagabe ba muungu hamo na abegesa be ebilagilo na abanyampala ba abayahudi bakaba nibalondela akazeendele ko kumwiita. ⁴⁸Naho tibalabwene olugazi lwo kukola choona choonaa habwo kuba abantu boona bakaba nibahuliliza ebigambo byoomwe aga bweetegeeleza buhango.

¹Echilo chimo yeezu akaba ali omu lubuga lwe muungu ya ali omu kubegesa abantu no kubagambila empola nzima abakulu ba mungu na abegesa be ebilagilo na abanyampala ba abayahudi ahonyini baamwizaho. ²Bamugambila oyugambile ago goolikukola noobakola aha buzizi chi ngasi no ooha alikukola pbuziziz oobu.³Yabagambila nenye nibabuza echigambo chimo mugambile. ⁴Obuziziz bwa Yohana kubatiza bukaluga ahali muungu nali bukaluga aha bantu.⁵Aho begambila katulagamab nkokwo muungu akamusindikza Yohana kubatiza nagamab mbweenu habwa chiiha timulamwikiliza. ⁶Na katulamusubiza nkokwo obuzizi bwoomwe bukaluga aha baantu aho abantu bona nibatuhoonda na amakulugisa habwo kuba nibategeza nkokwo yohana akaba ali omubaasi.⁷Niho baleemwa bamugalulila bati tikukumanya obuzizi bwomwe bukaluga nkahi. ⁸Yeezu yabagambila no obu inye tiinkubagaambila na aha buzizi chi ninkola amagambo aga.⁹Mala kaandi yeezu yazendelela kubachwela abantu omugani oogu hakaba heena omuntu oomo akabiba emizabibu omu musili gwoomwe yaguheelela aha balimi kayabalile yazile oluzendo omu nsi ya hala yaamayo okwo ebilo binzi. ¹⁰Obuchilo bwo kugesa kibwaahikile yamusindika omuzana woomwe aha balimi abo babone kumula omugabo gwomwe gwe ezabibu naho abalimi abo babamuteela no kumusubya engalo zili busa.¹¹Kaanyina omusili yasindika omuzaana oondi naho nawe bamuteela no kumugokela bwooli mala baamubinga engalo zili busa. ¹²Yaamusondika omuhalila wa kasatu ogwo nawe baamuhutaaza,baamubinga.¹³Ha muheleluko kaanyina omusili akagaamba bmweenu nzileho iinta entulo ezi nimusiindika mutabani waaanze engazi hamo luundi ogu nibamukuza. ¹⁴Naho abo balimi kibamubwene beegesa oogu niwe omuhunguzi wo oogu musili oobu tumwita obuhuunguzi bwoomwe nibuba obwetu.¹⁵Aaho baamunaga ahelo yo ogwo musili baamwita niho yeezu yaababuza mbweenu ogwo kaanyina omusili alyaabakolaho aata abo balimi. ¹⁶Alyeeza na kubeeta abalimi abo no mazima abo no omusili ogwo yaguheelela abantu abandi obuchilo abantu baahulile amagambo ago baagamba mazima ago gatakubaho.¹⁷Yezu yabatukuliza ameso yabagambila mbweenu geena ensoonga chi amandiko aga bale elyo bayaangile aboombeki nilyo lyaahindukile kuba ibale igiza lyo oluhozo. ¹⁸Omuntu weena weena ogwo aliza yaagwa ahi ibale elyo nasekenyuka kaandi ogwo ibale lilamugwela nilimusa butunu.¹⁹Abo beegesa be ebilagilo na abakulu ba muungu basombokelwa nka nikwo omugani oogu nigubagaamba boonyini bakaba nibeemda kumukwata bwaangu ahonyini naho bakatiina embaga ya abatu. ²⁰Ha bweecho abategeki ba abayahudi baba nibamubaaandila bwooli yeezu basindika abachenhgelezi abo bachebgelezi bakeekola nkkw na abantu abgololke naho bakaba beena ensonga yo kumukwata yeezu aha bigambo byomwe babone kumukwata no kumutwala kulegelelwa omu butegeki bwo obuhicha bwo omwanangwa wa Abarumi.²¹Bityo abacheengelezi baamubuza mwegesa nitumanya nkokwo buli chigambo eecho olikugamba no kwegesa nichigasi iiwe tokusaswa obukulu bwo omuntu naho nooyegesa amazima ahali boona,batule nka nikwo muungu alikweeenda. ²²Ngasi bmweu kwiingana ne ebilagilo byetu bye echiyahudi nitweendelwa tusohoze oluhambwe ahali Kaizari nali no omuzilo kumusoholeza.²³Ahonyini yeezu yaamanya obugobya bwabo yabagambila. ²⁴Nimuzinyoleke empilya ye edinali ensuso yo omuntu ogu ni izina elili ahali ezi empilya ye edinali ne ebokulya bamugambila ne ebya Kaizari.²⁵Yeezu yabagambila mbweenu ebili bya kaizari mumuhe kaizari ne bya muungu mubimuhe muungu. ²⁶Akasubize ako ka yeezu kabasobela bwoli beesize bakalemwa kumukwasa aha magambo aago akagamba omu meeso ga abantu.²⁷Mala abasadukayo bunanka bamwizaho yeezu abasadukayo bakaba nibegesa nkokwo abafwile mazima tibakuzooka bamubuza yeezu. ²⁸Mwegesa Musa akatugalila omu bilagilo byoomwe nka nikwo kabilaab omuntu yaafwa no kusiga entumbakazi atamuzalile omwana omulumuna amuhungule ogwo ntumbakazi amuzalile abaana ayafwile.²⁹Tugambe bakaba baliho abadugu musanzu be eenda emo owo kubanza aba yakum[ula omukazi no yaafwa ateena kuzaala naze omwana. ³⁰No omudugu woomwe owa kabili yamuhungula nawe yaafwa ateena kuzala naze omwaana. ³¹Kahabile owa kasatu naweyamuhungula ogwo mukazi yaafwa byaba bityo nyini ahali boona musanzu baamuhungula mukazi ogwo baafwa kusigaho abaana. ³²Ha muheluluko ogwo mukazi nawe yaafwa. ³³Mbweenu echilo echo cho kuzooka ogwo mukazi alyaaba muko ooha habwokuba abaseeza bakaba bali musaanzu na buli oomo akamukumpula.³⁴Yeezu yabagambila abantu bo obuchilo oobu nibakumpula no kukumpulwa. ³⁵Naho aabo muungu yaababona bakwilw kuzoolwa kuluga omu bafwile no kutuula omunsi eenhsa abo kandi tibalikukumpula nali kukumpulwa. ³⁶Na tichikwile nkokwo balyafwa kaandi habwokuba balyaaba nka bamaleeka balyaaba abana ba mungu aha kuba baazoolwa.³⁷No obu Musa akamanyisa abantu nkokwo abafwile balazooka aha mpola ye echo chisaka echaabeele nichaka omulilo omukama akagamba nka nikwo niwe muungu wa Ibrahimu,Izaka na Yakobo. ³⁸Ha bweecho weenyin ti muungu wa abafwile naho ni muungu wa abao abali mwooyo habwo kuba hali weenyini boona ni balama.³⁹Aho abegesa abandi be ebilagilo baagamba mwegesa waagamba kuzima. ⁴⁰Kubandiza obuchilo obwo taliho ayaleengesize kumubuza yeezu amabuzo agandi.⁴¹Mala yeezu yababuza abegesa abo,ngasi abantu nibagambaho bata nkokwo masihi ni mutabani wo omukama Daudi?. ⁴²Daudi weenyini omu che enzin nagamab omukama muungu akamugambila omukama waanze oyikale olubazu lwaaanze lwo obulyo. ⁴³Kuhika mbate ababisa baawe iifo ya amagulu gaawe. ⁴⁴Aho Daudi namweta weenyin omukama woomwe ha bwecho nahicha aata kuba omutabani.⁴⁵Obuchilo abantu be embaga bakaba nibamuhulilza yeezu yabagambila abahemba boomwe. ⁴⁶Mweelige na abegesa be ebilagilo bua musa aba nibeenda kulibata omu nsese kunu bazwele enkanzu zaabo ndehi no kweenda kwaangalucha ahi ikuzo omu magulizo kaandi bonyini benda kwiikala omu bitebe bya abakulu omu masomelo na kabalikuba babangisize omu mazenyi beenda kwikala aaho beekele bategeki. ⁴⁷Baba nibazaya entumbakazi ebiintu byabo kaandi aha bugobya nibeekola kunembela esala ndehi aha chilo cho omuchwaziko abo nibeenakula omuchwaziko oguli muhango bwooli.

¹Omwaanya ogwo yeezu akaba achili omu lubuga lwo omu nzu ya muungu naaleba yaabona abahite ookwo baabele nibatamo ebigabo byabo omu chiibo che ebigabo. ²Kaandi yaabona omuhabi oomo,ayaabeele ali entuumbakazi naatamo omu chiibo ehela nnche ibili zoonka. ³Aho yeezu yaagamba nimbagambila amazima nkokwo,oogu mukazi entumbakazi no omuhabi niwe yaasohoza endeengo mpaango kuchila abaandi boona. ⁴Nimbagambila iinti habwokuba aba boona baasohoza ebigabo eebyo ne echinogoka chiche choonka cha amabonwa gaabo menzi naho ogu entumbakazi hamo no kuba omuhabi bwooli yaatamo byoona eebyo alikweesiga aha bulami.⁵Omuli abo baheemba bakaba nibahooyela nka nikwo eenu ya muungu etonilwa na amakulugusi maluunzi hamo ne ebiintu byo obukaani eebyo abaantu bamusoholiize muungu naho yeezu yaaagamaba. ⁶Ebi byoona eebi mulikuleeba haleeza ebilo eebyo tilisigalicha no oobu ikulugusi eelyo lilisigala ha lugulu ye eliindi goona galyaakaambulwa.⁷Abantu abo baamubuza mweegesa ebigambo ebyo bilyabaho ili ni lumeenko chi olwo lulitwoleka nka nikwo ago geelilize kweesulukiza. ⁸Yaabagambila mube meeso mutaakwiiza mukabeehwa abaantu beenzi baleeza ahi iiina lyaanze buli oomo aha kugaamba niwe iinye masihi kaandi nibagaamaba obuchilo bwo omuheleluko bweeliliza abantu abo,mutaakubakulatila. ⁹No obuchilo oobwo mulahulila empola zi ichumi no kuteeyeka mutakutiina ago ni lwaampaka geeze ha kubaanza naho omuhelo gwe eensi niguba guchaaali kuhika.¹⁰Yeezu yazeendelela kugaamba eensi eemo elyaalwaama ne eendi obukama bumo bulaalwama no obuundi. ¹¹Halyaabaho okuteengeta kuhaaango kwe ensi na haantu bunaanka enzala mpaango na amalwaala mabi bwooli no kuluga omu igulu halabaho ne emanyiso mpaango na amahano go okutiinisa.¹²Naho obuchilo ago goona gachaali kubahikaho abaantu nibabakwata iimwe no kubatwaala amu masomelo ga muungu muchwaziikwe no kubaboha omu mabohelo omu kubagalaza kubi na nimutwaala omu meeso ga abakama na abanangwa habwo kuba imwe muli abaheemba baanze. ¹³Nibwo obuchilo mulyabona omwaanya gwo kuunyatula.¹⁴Ha bweecho mutiimbye emiganya yaanyu mutaakutahwa tahwa mutaakuteekuza bwooli amagambo aago mulagamba obuchilo bwo kweehohoola. ¹⁵Iinye hanu nimbaha okweetegeleza ha magambo ago mulagamba kuhicha ababisa baanyu tibalihicha kwaangu nali kuhakana.¹⁶Omu buchilo obwo kusohozwa aha bategeki nimunobwa no oobu na abazeele baanyu,badugu baanyu abantu bo oluganda lweenyu na abanywani baanyu omuli iimwe abaandi nimwiita. ¹⁷Abaantu boona nibabatamwa habo kuba muli abaheemba baanze. ¹⁸Naho tikakubula noolu akasoke kamo omu mitwe zaanyu. ¹⁹Na kamuleengumya niho mulahaabwa obulami bwo obucha no obuchile.²⁰Obuchilo mulaabona nkokwo omu chiikali cha yeruzaleemu gwaakubulwe na abalwani bi ichumu,niho mulamanya nkokwo obuchilo bweliliza aaho gulasiisagulwa. ²¹aho abo abali Yudea beechize aha kwiiluka omu mabaanga abo abali omu chikali cha yeruzaleemu balugemo oomwo bwaangu na abo bali omu misili bataakusuba omu muzihwa omu. ²²Ha kuba ebilo ebyo ne ebilo byo omuchwaaziko ebigambo byoona abyaandikilwe bibone kuhikila.²³Nimwailoko abakazi abo abeena eenda na abo baalaba niboncha abaana baabo omu bilo ebyo elaaba kubi omu nsi ezi nihabaho ne ebyaagalalo bisagilize bwooli kaandi ne echihulumuko cha muungu nichibezila abaantu aba. ²⁴Abaantu abaandi balyaayitwa aha lubaandi nibakwaata embohe no kutwaalwa omu zoona no omu chikali cha yeruzalemu gwoonyini abanyamahanga nibeeza no kutegeka kuhik emihangaiko zaabo zibe zaahiikibwe.²⁵Nihabaho ne emanyiso omu izooab omu kweezi ne enyenyezi abanyahanga goona omu nsi balyaaba no olwaagalalo aha bwo kutahwa kwiingana no omusuumo gwo okuhihila kwa amakoonzo ge enyanza. ²⁶Aho niho abaantu baalabona iinye mutabani wo omuuntu ninyiza omu bwiile nyina obuzizi bwiinzi ni ikuzo likulu.²⁷Aho niho abantu iinye mutabani wo omuuntu ninyiza omu bwiile nyin obuzizi bwiinzi ninikuzo likulu. ²⁸Ago goona obuchilo galaabanza kukolwa mwimelele buligi ligi mwiinamule emitwe yanyu habwo kuba obuchilo bwo kuchungulwa kweenyu bweeliliza.²⁹Male yeezu yaabagambila abaheemba boomwe omugani aha kugamba muleebe omuti gwo omutiini ne emito eendi yoona. ³⁰Obuchilo nimubona nkokwo yaabanza kusebuka amababi ahonyini nimumanya nkokwo obuchilo bwe echanda bweeliliza. ³¹Nikwo bilibaho hali iimwe obuchilo mulaabona nkokwo aago nigabaho,niho mulamanya nkokwo obukama bwa muungu bweeliza.³²Mazima butunu nimbagambila nka nikwo abantu bo obu buchilo tibakuhwaaho obuchilo amagambo ago gona gatekeesuulukize. ³³Igulu ne eensi nibihwa naho amagambo gaanze tigalihwa nakati.³⁴Mweeligw mutaakwiza mukalemelelwa ne ebya katozi obutamizi no okutahwa tahwa kwo omu bulami ne echilo echo nichibeezila bwaangu. ³⁵Echilo echo chilyaabefumbukamo abaantu boona omu nsi yona.³⁶Ha bweecho mube meeso buli kaanya omu kumusuba muungu nkokwo mwakaahichize kweeliga amahano ago goona agalabagwamo kuhicha mweemeelela omu meeso gaanze iinye mutabani wo omuuntu.³⁷Omuli ebyo bilo,nyemisana yeezu akaba naayegesa abaantu omu lubuga lwe eenzu ya mungu no omu chilo akaba naazenda kuhunila omu ibanga lye emiziituni. ³⁸Buli chilo abaantu boona bakaba beemuka omulucheelelwa no kuzeenda omu lubuga lwe eenzu ya muungu babone kumuhuliliza.

¹Amazenyi ge emikate eeezo itumbya gelilza niyo elikwetwa pasaka. ²Abakulu ba abagabe ba muungu hamo na abegesa be ebilagilo bakaba nibalondela omuhand agwo kumwita yeezu naho bakatian habwa abantu.³Aho isitaani lyamuzamo yuda oogwo akaba ayetwa iskariote akaba ali omo wabo abahemba ba yeezu ikumu na babili. ⁴Niho yuda yazenda ha bakulu ba abagabe ba mungu na ha batwalizi ba abalwanila ngoma be eenzu ya mungu yehanuza nabo nka nikwo alamukoba yeezu no kumusohoza hali bonyini.⁵Ago gabasemelela bwoli bakundila hamo kumuliha empilya. ⁶Yuda yakunda ahonyini yabanza kulondela omwanya gwo kubaha yezu obuchilo abantu beenzi tibaliho.⁷Echilo cha mbele cha amazenyi ge emikate ezo etakutebwamo itumbya chahika nicho echilo echo omutwambwa ga paasika guhikiliwa kubangwa. ⁸Niho yeez kubasindika peeter na yohana akabangambila muzende kutulongeza echokulya cha paska tubone kwiiz akulya hamo. ⁹Baamubuza noyebda tuchilongeze nkahi.¹⁰Yabasubiz aobuchilo mulatahamo aomu chikali nimuugana no omukwata oomo ayimukize ensuha ya ameenzi mumukulatile muhike omunzu ezo alatahamo. ¹¹Mumugambile nyineka omwegesanakubuza echisenge cha abazenyi chili nkahi omow echokulya cha pasika hamo na abahemba banze.¹²Aho nabatwala omu golofa naboleka echisenge echihango omwo nimusanga chilongize omwo nyini mutulongezamo echokulya cha pasaka. ¹³Abahemba abo babili obuchilo bahulila ebyo balugaho ebyo balugaho aho bazenda basanga byona byabele nka yeezu okuyabaga,bile babanza kulonza echokulya cha pasika.¹⁴Akanya ko kulya kahika niho yeezu kwikala ha luhelo hamo ne entumwaze. ¹⁵Yamagambila ati ndigile bwoli kulya echi chokulya cha pasika hamo ne emwe nchali ntakagaleezwe. ¹⁶Ha bweecho nimbagambila nkokwo tikulya kandi kuhicha ensonga yaho yona ehikilizwe omu bukama bwa muungu.¹⁷Ahonyini yeezu yemucha echikombe kayabele yamazile kusima yagamba aati mutwale ezi munywelalne. ¹⁸Nibambila nka nikwo kulugilila oobu tikunywa kaandi eviini aho bulimzi obukama ba muunngu.¹⁹Kandi yeezu yemucha omukate kayabele yamzile kusima yagumenyula yabaha ha kumgambila oogu no omubili gwanze ha bwenyu mube nimukola mutyo aha kunyizuka iinye. ²⁰Kabela baamazile kulya bityo nyini yeezu yemucha kandi echisusinecho yagamba eviini ezi omu chisusi ne endagano ensaha muungu nagahikiliza habwo kuseseka kwe ensagama yanze ha bwenyu.²¹Naho mulebe engalo zo ogwo alanoba zili hamo n eenye nitukoza. ²²Iinye mutabani wo omuntu nizenda lwiita nkokwo akaba ndamulile no obu bityo neloko hali ogwo alanoba. ²³Aho entumwa za yeezu babanza kweebuza no ooha hali iichwe yakakozile ago.²⁴Habaho eempaka omu ntumwa za yeezu nkokwo,no oha alikutekuza omuli bonyini alaba mukulu kuchila bazenzibe. ²⁵Chamukola yeezu kubagambila abakama ba amahango agandi baba nibabategeka abantu lwa amagala abo abategeki baba nibesinga ankokwo na abeetegezwa.²⁶Naho iimwe mutakuba mutyo omuli iwe omuntu kalaba mukulu kuchila abandi abe nko omuntu alai muto bwooli kuchila abandi na kalaba nategeka aabe nko omuntu alai omuzana. ²⁷Mbwenu nooha ali mukulu bwoli no oogwo ali ahaluhelo naalya nali ogwo ali kuleta ebyokulya ninzila inti no ogwo ali aha luhelo nalya naho iinye ndi ahagati yaanyu nko omuzaana wenyu.²⁸Iimwe omwanya gwona obu mbele nindegesa mubele muli hamo nenye. ²⁹Ha bityo nimbakola abategeki omu bukama bwanze nkokwo tata wanze yaankozile kuba omukama. ³⁰No omubukama bwanze nituba nitulya ebyokulya no kunywa hamo na nimwikala aha bitebe byo obutegeki nimutegeka abaiziraeli ne enganda zaabo ikumi ne ebili.³¹Yeezu yagamba iwe Simoni iiwe Simoni omanye kuziima nkokwo isitani lyekililizibwe kubalengesa mweena nikuba nko kweelula omuchele. ³²Naho nakusabila hali mungu nkokwo otakulekaho okwikiliza Simoni yamusubiza iiwe mukama wetu inye ndi buligi ligi kuzeenda kubohwa ne ewe omu ibohelo no oobu kwiita hamo ne ewe.³³Naho simoni yamusubiza iiwe mukama wetu iinye ndi buligi kuzenda kubohwa hamo ne ewe omu ibohelo no oobu kwita ne ewe. ³⁴Yeezu yamugambila iiwe peetero nikugambila nkokwo lelo enkokolomi tekukokolma otakanyangile entulo isatu nka nikwo tokuumanya.³⁵Kayabalile yeezu yabuza abahemba boomwe obuchilo nabasindika muteena enfulebe ye empilya nali omugugu nali ebilatu ngasi mukabulilwa choona choona bamusubiza mahi. ³⁶Yeezu yabangambila naho obu kalaba omuntu ayona enfuleba ye empilya nali omugugu abiywale na kalaba ateena lubandi aguze ebebo yoomwe abone kulugila lumo.³⁷Habwokuba chandikilwe akabalwa hamo na na abakola biheno ago magambo gakandikwa ha bwanze nibagambila amazima iinti ni lwampaka kuhikilizwa hali inye nago gali heehi kukolwa ooobu. ³⁸Abo bamugambila iiwe omukama wetu leeba aha heena embadi ibili nawe yagamba mubileka ebyo.³⁹Yezu yalugaho aho yazenda ahi ibaganala lye emizeituni nkokwo yabele amanyile na abahemba boomwe bakaba nibamukulatila. ⁴⁰kayaahike ahi ibanga elyo yabagambila mumusabe mungu nka nikwo mutakwiza mukazo omu bileengeso.⁴¹Niho kubaleka aho akelila akanya kache nok obula bwo kunaguza ikulugusi yatela ebizwi yamusaba ati. ⁴²Iiwe tata kolayenda oohinyini omutaho ogu gwo olwagalalo naho buli eecho olikwenda iiiwe chikolwe naho chitakuba echo echo ndikizwe iinye.⁴³Aho maleeka kuluga omu igulu yamwisulukila yeezu yamutamo amagala. ⁴⁴Yeezu akaba ayina obusasi bwo olwagalalo luhango go obwamba yaguma kumusaba muungu aha chihika empita yoomwe yasusana na amatoonya go obwamaba yabo neetoonya ahansi omu itaka.⁴⁵Na kayamazile kumusaba mungu yayemela yeza aha bahemba bomwe yabasaanga bahunile ha kuba bakaba bakaba beene entiimba. ⁴⁶Yabagambila he habwaachi muhunile mwimuke mumusabe mungu mutaakwiza mukaza omu bileengeso.⁴⁷Obuchilo yeezu akaba achali nagamba ebyo baamwizaho abantu beenzi abantu aba bakembembelelwa na YUda,omo wabo wa abahemba boomwe ikumi na babili niho Yuda yamwililia hehi yeezu abone kumunywegela. ⁴⁸Yeezu yamugambil aiiwe yuda ngasi nonoba iinye mutabani wo omuntu ha kumunywegela.⁴⁹Abahemba yeezu obuchilo kababwene okwo bilaba bamubuza iiwe omukama weetu ngasi tutabatemateme ne embadi. ⁵⁰Ahonyini oomo wabo yamutela omuhalila wo omugabe omukulu no lubadi yamutema okutwi kwo obulyo. ⁵¹Yeezu yagamba mubileke ebyo yakukola okutwi kwo omuhalila ogwo yamuchiza.⁵²Omuli abo abantu abo bakeza kumukwata yeezu bakaba ,balimo abakulu ba abagabe ba mungu na abakulu ba abasiklikale be eenu ya muungu hamo na abanyampala ba abayahudi yeezu yababuza imwe habwachi mweeza ne embadi ne engoligo nkokwo mweezila omunyagilize. ⁵³Habwachi buli chilo tukaba nitusiiba hamo omu nzu ya muungu na tulakumizeho naho oobu nibwo obuchilo bwenyu obuchilo bwo okutegeka kwe ensimbzi.⁵⁴Ahonyini abo baantu bamukwata yeezu bamutwala omuka yo omugabe mukulu peetero yabakulatila halaho. ⁵⁵Akanya abo baantu bahika ha lubuga lwe eeka bahemba echikome beekala peetero omuli abo yekala hamo nabo.⁵⁶Ne echikome echo chamumulika no omuhalakazi omo omuzanakazi yamuleba ha kumukolela yagamba mazima ogu muntu akaba ali hamo naze. ⁵⁷Naho peetero yayanga iiwe mukazi tikumumanya. ⁵⁸Kayabalile kache omuntu ondi yamubona peetero yamugambila nwe oli muzenzi waabo naho peetero yamusubiza iiwe mukama ti iinye.⁵⁹Kayabele yahingulwi esah eemo eti omuntu ondi yamukomenteleza omu maziam ogu muuntu akaba ali hamo naze habwachi kuba wenyini nawe no omu galilaya . ⁶⁰Naho peetero yamusubiza iiwe mikama ago olikugamba tiikugamaya achali naagamba ahonyini enkokolomi koo koliko.⁶¹Omukama yamwechebuka yamuleba peetero aha meso ahonyini ahonyini peetero yezuka ago magambo go omukama gi yamugambila leelo enkokoklomi etakokolomile nooba waanyongile entulo isatu. ⁶²Aho peetero yasohola ahelu yabanza kuchula ha ntiimba na amaziga meenzi.⁶³Abakwata abo abakaba nibamwekomya yeezu baba nibamusekelela hamo na ago bakaba nibamutela bwooli. ⁶⁴Bamuswekelel ha meeso kumugambila buli ntulo gaamba obubasi no ooha oogwo ayakutela. ⁶⁵Baguma kumuzuma ha magambo meenzi go kulyogweza.⁶⁶Obuchilo bwo omulucheelelwa itegekelo lya abanyampala boona ba abayahudi beekobya omu itegekelo eelyo hakaba heena abakulu ba abagabe ba muungu na abegesa be ebilagilo yeezu yaletwa omu meeso gaabo niho bamubuza. ⁶⁷Iiwe kolaba niwe masohi otugaambile yezu yabasubiza mazima naakubagambila timwakukunzile. ⁶⁸Na kinakubabuulize yimwakuunsubiize.⁶⁹Naho kubandiza oobu iinye mutabani wo omuntu niimba ninyekele olubazu lwo obulyo lwa muungu wo obuzizi bwoona. ⁷⁰Boona bamubuza yeezu kaandi ha bweecho iiwe oli omutabani wa muungu yeeezu yabasubiza habwachiniimwe nini mwagambile nkowo iinye niwe. ⁷¹Ahonyini abakulu abo bagamba bmweenu nitweendela chi obwatuzi obundi leeeba iichwe bonyini twahulile echigambo echi kuluga aha munwa gwoomwe weenyini.

¹Kabalile abakulu abo bona abayahudi bayemelela bamutwala yezu hali pontio pilato ogwo ayabele ali wo omunsi ya Yudea. ²Baanza kumulegelela ha busaya omu kugamab omuntu ogu twamubona nasisa echalo chetu ha kuba nayangila abantu nkokwo batakutoba oluhambwa hali kaizari na nagamba nkokwo wenyini niwe Masihi omukama.³Niho pilato yamugambila yeezu ngawi ni iiwe omukama wa abayahudi yezu nawe yagamba mbwenu kawachengambila iwe nyini. ⁴Aho pilato yabangambila abakulu ba abagabe ba muungu hamo ne echipipi cha abantu omuntu oogu tihaliho echiheno chona chona echo nabona hali wenyini. ⁵Abantu abo bakomenteleza kugamaba leba ha byegesa byomwe naleta omusuniko ha baantu akabandiza ookwo galilaya na yabisambeze kuhicha eensi ezi yoona ya Yudea.⁶Obuchilo obwo pilato yahulila ago yabuza kalaba yeezu no omu galilaya. ⁷Na kayamanyile nkokwo wenyini no omu galilaya wo obutegeki bwa Herode yaamusiindika hali herode habwo kuba ebilo ebyo herode akaba ali okwo yeruzaleemu.⁸Akanya Herode yamubwene yezu akanulilwa bwoli ha kuba akaba yahulile empola zomwe na ha bilo binzi akaba ategeza kumubona abone kuleba emanyiso ezo alakola yeezu. ⁹Herode yamubuliliza yeezu ha mabuuzo meenzi naho yezu talamusubize chigambo. ¹⁰Abakulu ba abagabe ba mungu na abegesa be ebilagilo bakaba baliho baaba nibamulegelela yeezu kubi.¹¹Mara Herode na abalwani ngoma boomwe babanza kumugaya nibamusekelela baamwechuma enkazu ndunzi ye echikama kayabalile herode yamusubya yeezu hali pilato. ¹²N abuluga echilo echo Herode na Pilato bakaba abanywani naho bakaba banobeene aha bubandizo.¹³Kayabalile Pilato yababuganisa abakulu ba abagabe ba muungu abategeki ba abayahudi hamo na abantu bo omu muzihwa. ¹⁴Yabagambila mwandetela omuntu ogu nimugamba nkokwo nabasunika abantu mumanye kuzima nkokwo namubuliliza omu meso genyu na aha kulegelela kwenyu kwona tihaliho echiheno chona chona echo nabona hali wenyini.¹⁵Bityo Herode nawe takachibwene echiheno hali wenyini niyo ensonga yamusubya hali iichwe mumanye kuzima nkokwo omuntu ogu tihaliho echigambo echi yakola echo echihikize yitwe. ¹⁶Ha bwecho nimukona obu niho ndamulekulula. ¹⁷Buli chilo chikulu cha Pasaka pilato akaba yendelwe abalekulile abantu embohe eemo.¹⁸Abantu abo boona bahamuka hamo omu kugamab omwihemo omuntu ogu otuchingulilebaraba. ¹⁹N abaraba ogwo akaba abohilwe omu ibohelo habwo kuba akaleta omusuniko muhango omu muzihwa no kwita.²⁰Pilato akaba nayenda kumulekulila yeezu chaletela kandi kugamba na abantu abo. ²¹Naho baguma kutela eyombo mubambe ha musalaba mubambe ha musalaba. ²²Yagamaba nabo kandi entulo ya kasatu imwe mulamanya yakola ntamba l chi habwachi tikabwene echigambo chona hali wenyini echo echihikize ayitwe ha bwecho nimukona oobu niho nimulekulila.²³Naho abantu abo baguma kuela eyombo bwoli nka nikwo yeezu ababwene ha musalaba nikwo eyombo zaabo zasinga. ²⁴Niho pilato yalamula kumuchwazika nkokwo abakolele abayahudi abo nka nikwo bakaba nibasuba. ²⁵Yabachingulila baraba kwingana no okusaba kwabo noobwo akaba abohilwe habwo kuletela omusuniko muhang omu muzihwa no obis yalamula kubaa yezu babone kumukola nkokwo balikwenda kingana no kutonga kwaabo.²⁶Akanya abalwani ngoma bakaba nibamutwala yezu kumwita babugana no omuntu oomo,izina lyomwe Simoni wo omuzihwa gwa Kurene ogwo Simoni akaba naluga omu musili aho bamukwata bamutweka omusalaba gwa yeezu yazenda agwimukize kunu namikulatila yeezu.²⁷Abantu beeenzi bakaba nibamukulatia yeezu omuli abo abakazi nibamuchila ha ntiimbi. ²⁸Yeezu yabachebuka yabagambila iimwe bahalakazi ba yeruzalemu mutanchulila naho mwelilie muchulile abana banmyu.²⁹Mumanye maziam nkokwo omu bilo ebilikwiza abantu nibagambaa bena omugisa abakabzi aabo bai abagumba beena omugisa abo abatalokize. ³⁰Mala bahamukila amabanga bati mutugwele emigongo bati mutuswekelele. ³¹Habwecho ensonga kabilaba ebyo nibikolwa ha muti mibisi ngasi nibibaho bita ha muti bwomile.³²H abuchilo obwo hakaba heena abazilwa heen ababili abalwani ngo,ma bakaba nibamutwala yeezu na abazilwa abo bazende kumwita hano nabo.³³Bahik ahantu aho halikweta oluhanga lwo omutwe bamubamaba yeezu ha musalaba abazilwe abo babili buli omo omusalaba gwomwe omo olubazu lwo omukono gwo obulyo gw ayeezu no ondi olubazu lwa obumoso. ³⁴Yeezu yagamba iwe tata obanganyile habwokuba aga gi baliukukola yibakugasombokelwa abalwani ngoma bo bayesa olweso lwi ibando aha kubagana ebizwalo byha yeezu.³⁵Abantu bakemelea aho nibaleba bakulu ba abayahudi babanza kumugaya yeezu omu kugamab leeba akachungula wenyini mbwenu lelba weenyini niwe masihi ogwo ayotozibww na mungu ayechungule.³⁶Abalwani ngoma nabo baamuganya bakaba nibamwilila babone kumuha eviini ensakamele. ³⁷Bakasubilila kumugambila kolllaba iiwe oli omukama wa abayahudi oyechungule iiwe nyini. ³⁸Na aha lugulu aha mutwe gwomwe bataho echibaho cha amandiko gandikilwe gati oogu niwe omukama wa abayahudi.³⁹Omo wabo omu bazilwa abo babili yamuzuma yeezu omu kugama ngasi iiwe niwe masihi mbweenu oyezune iiwe nyini nechwe otuchungule. ⁴⁰Naho muzenziwe yamucahakila ha kumukama ha kugamaba ngas iiwe tokumutina mungu obuchilom ne ewe nochwaziaka kufwa nka wenyin. ⁴¹NNaho ichwe twachazikwa ha mazima kwingana ne ebikolwa byetu naho oogu takozile echiheno choona choona.⁴²Mara yagamba iiwe yezu obuchilo oobwo olazamo omu bukama bwawe ne eenye olanyizuka. ⁴³Yeezu yamusubiza mazima butunu nikugambila leelo ezi nituba hamo omu butulo bwo kunulilwa.⁴⁴Obuchilo nke esaha mukanaga ziti nyemisana haab ne ensimbazi eensi yoona kuhicha esaha mweenda. ⁴⁵Habwokuba izoba likalala ni ipazia elyabele lisikle ahantu ahatakatifu omu nzu ya mungu ahonyini lyatemukamo ha binogok abibil.⁴⁶Niho yeezu yachula ahi ilaka lihango iiwe tata omu ngalo zaawe nakuheleza omwoyo gwanze kayabele yamazile kugamba aatyo omwoyo,gwomw egwahamo. ⁴⁷Omwimelelezi waa abalwanila ngoma abo akabona byona ebyo ebhyangwa niho yakuza mung omu kugamab ha mazimu omuntu ogu takozile echiheno chona chona.⁴⁸Abantu bona kababwene ebyangwa wbyo basuba omuka owabo nibetela aha kalezi kaabo aha ntimbi. ⁴⁹Na bona abo abamumanyile yeezu bakaba bemelile halaho kache na babona ebyo byona ebyangwa omuli abo ababele bemelile bakaba balimo na abakazi aabo babele nibamukaltila kuliga omunsi ya galilaya.⁵⁰Hakaba haliho omuntu oomo izina lyomwe Yozefu wo omu iboma lya Arimatea omunsi ya yudea yozefu akaba alo omo waabo wa abakulu ba abayahudi naho talakundilene na bazenzibe ha. ⁵¹Chigambo echo cho kumumwita yezu ha kuba akaba ali omuntu ayegelize no omugololke omunsi ga mungu na kandi akaba ategamilile obukama bwa mungu bwize.⁵²Niho yozefu yazenda kusaba pilato nkokwo atwale omutumbi gwa yeezu. ⁵³Pilato kayekilize yozefu yazenda kuguhanantula kuluga ha musaba yaguzile kwaanza isanda kayabalile yaguzika omu mbi eyabele esumilw aha luchili omumbi hatazikwile omunty weena omugati.⁵⁴Echilo echo chikaba chili echilo kweeelonza ne echilo che endakilizo chikba heehikubanza. ⁵⁵Abakazi abo abazenzile hamo yezu kuluga galilaya bazeende hamo na yozefu ahambi bazibona eembi na nka nikwo omutumbi gwa yeezu okugwaalyamika omugati. ⁵⁶ababile basuba omuka balonza amazuta ne emizeeze naho baamuha ha chilo che endakilizo nke echilagilo cga abayahudi nkokwo chilikugila.

¹Obuchilo bwo omuluchelelwa echilo cha habwooyo abakazi abo bazenda ahambi bakaba beemukize emizeze eezo baalongize. ²Ne elyo ibale lihango likaba lichingile embi balinga lyahingisibwe ahaampelo. ³Niho batahamo omugati naho baasanga omutumbi gwo omukama yezu gualimo.⁴Echigambo echi chabaha okutahwa tahwa bwoli akany bachayagalala bati ahonyini heehi nabo baayemelela abakwata babili bazwele ebizwalo bilikwela pee. ⁵Abakazi abo kababwene ebyo baakwatwa obutiini buhango beenama kuhicha obuso bwaabo ahaansi.⁶Taliho kandi aha yaazokile ngasi timukwozuka ago magambo yaabagambila oobu akaba achali Galilaya . ⁷Iinye mutabani wo omuuntu ni lampaka nsohozwa omu ngalo za abaheni na nibamba aha musaalaba no oobu bityo echilo cha kasatu nizooka.⁸Abakazi abo bagezuka ago magambo ga yeezu. ⁹Ha bwecho balugaho ahambi bazeenda kugagamba aago goona aha ntumwa za yeezu ikumina oomo,hamo na boona abandi. ¹⁰Na abakazi abo nibo aba Mariamu omunya magidalena na Yohana na Mariamu nyina wa Yakobo hamo na abakazi abaandi aabo bakaba hamo nabo.¹¹Naho kaandi baagamba eebyo byoona aha ntumwa za yeezu entumwa babibona nke ebiteene ensonga tbalabesigile abakazi aabo aha mpola eezo. ¹²Ha bwecho Peetero yaayemelela ahonini yeeluka kuza ahambi yaahika ahambi yatahamo omugati yeenama kuleba yabona ebizwaalo eebyo baamuzikilemo yeezu bilelemo byoonyini byooka yalugaho aaho ali omu kusobelwa bwooli.¹³Ha chilo echo nyini cha habwooyo abahemba babili ba yeeezu bakaba bali omu luzeendo lwo kuzeenda omu mugongo gwa emau omutuuro ogwo guli nko kulibata esaaha ibili ziti kuluga yeruzalemu. ¹⁴Babili abo bakaba nibazenda nibetekelela empola za amagambo goona aago agagwile.¹⁵Obuchilo bakaba bachaali nibatekela aga yeezu weenyini yeezu yaalibata hamo nabo. ¹⁶Baamubona naho muungu akabakola baataakumumanya nkokwo ni yeezu.¹⁷Yaabubuza nimuteekelela magambo chi kunu nimulibata baayemelela obuso bwabo nibwoleka entiimba. ¹⁸Oomo waabo iziina lyoomwe ni kileopa yaamusubiza ngasi omu chipipi cha abaantu bali yeruzaleemu ni iiwe wenka omuzenyi otakahulile goona ago agagwile aho ebilo eebi.¹⁹Yeezu nawe yabasubiza ni magambo chi ago baamusubiza ichwe nituteka byoona eebyo bamukolile yeezu omunyanazareti abaantu boona no oobu na muungu bakaba na nkokwo weenyini no omubasi habwo kuba ebikolwa byoomwe na amagambo goomwe gakaba geena obuchilo bwooli. ²⁰Naho abakulu ba abagabe ba muungu na abategeki beetu baamusohoza achwaaziikilwe kufwa kabaabalile bamwita ha kumubaamba ha musalaba.²¹Na weenyini niwe twaamutegize nkokwo alaatuchungula abaizireli naho oobu buluga ago goona gagwile leelo ne echilo cha kasatu.²²Hamo ne ebyo abaandi abakazi omuli iichwe baatukamaza habwo kuba leelo obuchilo bwo omuluchelelwa baazeenda ahambi. ²³Baasanga omutumbi gutalimo gutalimo omugati beeza kutugaambila nkokwo besulukizwa na bamaleeka abo baabagambila nkokwo yeezu ali mwoyo. ²⁴Male abaandi omuli iichwe bazeenda aha mbi baasanga byoona ni nka nikwo abakazi abo batugaambila nabo bityo tibalagubweene omutuumbi.²⁵Yeezu yaabagaamba iimwe basilu habwaachi timukuhicha kwiikiliza buli aago gagaambilwe na ababsi. ²⁶Ngasi ti masihi akaba ahikililwe kulabila ebyaagalazo ebyo byoona atakazile omu ikuzo lyomwe. ²⁷Niho yeezu kubasoombolela amagambo ago goona agayandikilwe ageene empolaze kubandiza omu maandiko ga Musa na aga ababsi abaandi booona.²⁸Niho beeliliza omu mugongo oogwo babeele nibazeenda nawe yezu yeekola nka achali naazendelela no oluzendo. ²⁹Naho baamuneembelela bwooli yikala hamo ne echwe aha leeba ensiimbazi neeyiza ni izooba lyaagwa niho yeezu yaatahamo omu nzu abone kwikala hamo nabo.³⁰Kayaabalile beekala hamo ha luhelo niho yeezu yeemucha omukate yasaba no kusiima yaagunyula yaaba naabaha. ³¹Ahonyini muungu yaabakola kumanya nkokwo ni yeezu nawe ahonyini yaabahwaho aha meeso. ³²Beebuza akanya ako yaaba nagambaamba ne echwe omu muhanda ha kutusoomboolelaagali omu maandiko amatakatifu mbweenu titwahulila nko omulilo gwaayaka omu miganya yeetu.³³Ha buchilo obwo nyini baayemelela baasuba yeruzalemu babugana ne entumwa za yeezu ikumi ne eemo beekbya hamo na abandi. ³⁴Boona bakaba nibabagambila babili aabo omu kugaamba na amaziam nkokwo omukama weetu yaazooka yaamweesuulukize Simoni. ³⁵Niho nabo kubasombolela bazeenzi bzbo buli aago agagwile omu muhaanda baabagaambila nka nikwo baabwene kumumanya yezu obuchilo naabamenyulila omukate.³⁶Obuchilo abahemba aabo ba yeezu bakaba bachaali bachahooya empola ye eebyo ahonyini yeezu nawe yaayemelela ahagati yaabo yaabagaambila mube no obuhoolo. ³⁷Beekaangwa baatina bwooli habwo kuba bakeetekuza nkokwo babona omuzimu.³⁸Naho yeezu yaabagambila habwachi mwaazulukwa kamwaabele ne eega omu miganya yanyu. ³⁹Muundebe emikono yaanze na amagulu ganze niho mumanye nkokwo ni iinye muunkuumye mweelebele iimwe nyini ha kuba omuzimu tigwina mubili nali amagufa nkokwo mulikuleeba inyinabyo. ⁴⁰Obuchilo yeezu kayamazile kubagambila ago yaabooleka emikono na amagulu.⁴¹Abahemba bomwe bakanulilwa bwooli kuhicha tibalakuunzile nke ebyo byoona na amazima baasobelwa bwooli niho yeezu yaababuz angasi aha heena echokilya choona choona ?. ⁴²Bamuha echinogoka che eenfwi eyabele eyokizwe. ⁴³Yachananakula yaachilya omu meeso gabo.⁴⁴Yaabagambila obuchilo mbele nchili hamo ne emwe mbele nimbagambila amagambo goona aago agaandikilwe ha bwanze ni lwampaka gahikilize agaandukilwe omu bilagilo bya Musa no omu maandiko ga ababaasi no omu chitabu che enzina.⁴⁵Aho,yeezu yaabakola kumanya amandiko matakatifu. ⁴⁶Kaandi yaabagambila gandikilwe nka nikwo masihi naaayenda kwaagalazibwa ne echilo cha kasatu alyaazooka kuluga omu bafwiile. ⁴⁷Na nka nikwo baantu ba amahango goona kubandiza yeruzaleemu boolekeelwe nka nikwo batamwe ebiheno byaabo babone kuganyilwa.⁴⁸Iimwe mwaayatula amagambo ago. ⁴⁹Muleebe nimbasiindikilwa omwooyo mutakatifu nka taata waanze omulago ogwo yaabeesagize naho mulindile omu iboma oomu kuhicha obuchilo oobwo mulahaabwa obuzizi oobwo buleeza kuluga omu igulu.⁵⁰Kayaabalile yeeezu yaabebembela abahemba boomwe kuhicha boomwe kuhicha kuhika omu muzihwa gwa Betania akaanya kibaahikile aho yeemucha emikonoye aha lugulu yaabafuuha. ⁵¹Na kaandi akaba achaali naabafuuha yabaleka yaaba nalelema kuzeenda omu igulu.⁵²Aho baamulamya baasuba Yeruzalemu nibanulilwa bwooli. ⁵³Beekala aha nzu ya muungu nibamukuza muungu.

¹Aho obwa mbele na mbele, hakaba haliho Echigaambo. No ogwo Chigaambo akaba ali hamo na Múungu, mala ogwo Chigaambo niwe akaba ali Múungu. ²Kulugiilila obwa mbele na mbele, ogwo Chigaambo akaba ali hamo na Múungu. ³Ebiintu byóona bikahaangwa ha kulabila hali ogwo Chigaambo. Tihaliho no óobu echiintu chimo éecho chikahaangwa hatéena weényini.⁴Echigaambo ogwo akaba ali entabuko yo obulami bwóona, no obulami obwo nibwo buleeta omwaanga omu baantu. ⁵Omwaanga ogwo gumulika omu nsiimbaazi, mala ensiimbaazi telahikize kugusíinga.⁶Akeeza omuuntu oómo óogwo akasiindikwa na Múungu. Ogwo muuntu akaba naayétwa Yohana ⁷Weényini akeeza kusiinza ogwo mwaanga, kuba abaantu bóona babone kwiikiliza habwo kulabila okusiinza kwoómwe. ⁸Yohana weényini akaba atali ogwo mwaanga, náho akeeza kugusiinza.⁹Ogu nigwo omwaanga gwa amazima, óogwo gumulikila buli muuntu, nágwo gukaba nigwiíza omu nsi ezi.¹⁰Ogwo Chigaambo niwe ayaabeele aliho omu nsi ezi éezo Múungu akahaanga habwo kulabila hali weényini. Náho, abaantu abo omu nsi ezo tibalamusoombookiilwe. ¹¹Akeeza habwa abaantu boómwe, náho abaantu boómwe tibalamwiinaankwiile.¹²Náho abaantu bóona áabo bakamunyegeza no kumwiíkiliza, abo akabaha obuhicha bwo kuba abáana ba Múungu. ¹³Abaazéelwe, ti habwe enságama, ti habwe engoonzi zo omubili, mala ti habwe engoonzi zo omuuntu, náho Múungu weényini niwe abakozile kuba abáana boómwe.¹⁴Mbwéenu, ogwo Chigaambo yaaba omuuntu, yeékala omuli íichwe. Neechwe twaálileeba ikuzo lyoómwe, ikuzo lyo Omutábani nyakámo we Isíichwe Múungu. Weényini ayizwiile embabazi mpaango na amazima. ¹⁵Yohana yaámusiinza, yaáhamuka ahi iláka naagaámba aáti, “Ogu niwe óogwo nkaba niimbagaambila nka nikwo, ‘Naayiza kwiiza omuuntu oómo enyuma yaanze, óogwo ali mukúlu kusaaga íinye, habwo kuba akaba abáho obuchilo íinye ncháali ntakazeelwe."¹⁶Na habwa akalyo koómwe Múungu atuheéle íichwe twéena embabazi zoómwe, káandi naazeendelela kutuha embabazi obusáago. ¹⁷Ensoonga, kala Múungu akasohoza ebilagilo byoómwe omu kulabila hali Musa na mbwéenu asohweeze embabazi yoómwe na amazima goómwe kulabila hali Yeézu Kristu ¹⁸Táliho omuuntu weéna wéena óogwo alahikize kumubona Múungu. Náho Omwaana nyakámo, náwe ali Múungu, mále óogwo ali héehi na Táata, óogwo niwe ayaatusuululiile.¹⁹Echilo chimo, abatégeki ba Abayahudi bakasiindika abagabed na Abaláawie kuluga Yeruzaléemu, bazeénde ahali Yohana. Aho baámubúuza báti, “Íiwe oli oóha?” ²⁰Yohana yaáyatula obuumbona omu kugaamba obutazila kuseleka amazima aáti, “Íinye tiíndi Masihi.” ²¹Baámubúuza káandi báti, “Óobu íiwe oli oóha? Ngási, íiwe ni íiwe omubáasi Eliya?” Yohana yaábagalulila aáti, “Mmahi, íinye tiíndi Eliya.” Boónyini baámubúuza káandi báti, “Ngási, íiwe niwe omubáasi óogwo tulikuliindilila kuluga ahali Múungu?” Yohana yaábagalulila aáti, “Mmahi, tíwe íinye.”²²Baámubúuza káandi báti, “Mbwéenu, íiwe oli oóha? Otugaambile tubone kuzeenda kubasoomboolela abo abaátusiindika. Íiwe noogaámba chiíha ha bwaáwe nyini?” ²³Yohana yaábagalulila kwiingana na amagaambo áago omubáasi Isaya óokwo yaágaambile, aáti, “Íinye niwe ogwo ‘omuuntu alikuhámuka ahi iláka liháango omu iluungu, nka nikwo, mugugolole omuháanda gwo Omukáma!’²⁴Omu baantu áabo bakasiindikwa bazeénde ahali Yohana, bakaba balimo na Abafarisayo. ²⁵Abo baámubúuza báti, “Kábilaaba íiwe toli Masihi, nali omubáasi Eliya, nali omubáasi óogwo tulikuliindilila kuluga ahali Múungu, na ha bwaáchi noobatiza abaantu?”²⁶Yohana yaábagalulila aáti, “Íinye niimbatiza abaantu na méenzi, náho omuli íimwe aliho omuuntu óogwo íimwe timukamusoombookiilwe. ²⁷Ogwo niwe alikwiiza enyuma yaanze. Íinye tiinkwiílwe no óobu kumusumuululila enkóba ze enkeeto zoómwe.” ²⁸Amagaambo ago góona gakakolwa okwo Betania, obutúluka bwo omulaambo gwo omunóna gwa Yorodáani, obuchilo Yohana akaba naabatiza abaantu.²⁹Nyeéncha eémo, Yohana yaámubona Yeézu naayiza hali weényini. Yaábagaambila abaantu áabo bakaba baliho aho aáti, “Muléebe, ogwo niwe Omutaámbwa wa Múungu, óogwo alikwiihaho ebiheno bya abaantu bóona abe éensi ezi! ³⁰Ogu niwe óogwo naábagaambiile nka nikwo, ‘Naayiza kwiiza omuuntu oómo enyuma yaanze, óogwo ali mukúlu kusaaga íinye, habwo kuba akaba abáho obuchilo íinye ncháali ntakazéelwe.’ ³¹No óobu ne éenye nkaba ntakumusoombookelwa nka nikwo no oóha, náho nkeeza kubatiza abaantu omu méenzi kuba abone kumanyiswa omu baantu ba Iziraeli.”³²Niho Yohana akabaátulila áago akaba abwéene, naagaámba aáti, “Naágubona Omwooyo nigumuhanaántukila kuluga omu igulu nke echiiba nágwo gwéeza gwaátuungama ha lugulu ya weényini. ³³No óobu ne éenye nkaba ntakumusoombookelwa nka nikwo no oóha, náho Múungu óogwo akaansiíndika kubatiza akaba angaambíile nka nikwo, ‘Omuuntu óogwo olibona nka nikwo Omwooyo gwaanze nigumuhanaántukila aha lugulu yoómwe no kusigala náwe, ogwo niwe óogwo alaabatiza abaantu ha Mwooyo Mutakatíifu.’ ” ³⁴Aho Yohana yaámuzila aáti, “Neenye naábona ago góona, na niimmusiinza óobu nka nikwo, ogwo niwe Mutábani wa Múungu.”³⁵Nyeéncha eémo, Yohana akaba ayemeeliile ahonyini, hamo na bábili omu abaheémba boómwe. ³⁶Mála yaámubona Yeézu naahiingula héehi nábo. Niho yaábagaambila abaheémba boómwe aáti, “Muléebe, ogwo niwe Omutaámbwa wa Múungu!”³⁷Obuchilo abaheémba abo bábili baáhuliile ago magaambo, baámukulaatíla Yeézu. ³⁸Yeézu yeéchebuka, yaábona abaheémba abo nibamukulaatíla. Yaábabúuza aáti, “Ngási, nimweénda chiíha?” Boónyini baámusubiza báti, “Íiwe Rabi, otuula nkáhi?” Ensoonga ye echigaambo “Rabi” no “Omweégesa.” ³⁹Yeézu yaábasubiza aáti, “mwiíze, muhaléebe.” Niho baámukulaatíla, baázeenda baáhabóna áaho akaba atuula. Obuchilo baáhikile aho, zikaba zili esáaha ikúmi zo olweébazo, baásiiba hamo náze echo chilo.⁴⁰Oómo omu baheémba abo bábili áabo bahuliile amagaambo ga Yohana no kumukulaatila Yeézu, akaba naayétwa Andrea, mudugu wa Simoni Peétero éenda eémo. ⁴¹Ahonyini azeénda kumuloondela Simoni, mweene wáabo. Obuchilo yaamubwéene, yaámugaambila aáti, “Twaámubona Masihi,” ensoonga yaáho ni “Kristu.” ⁴²Niho Andrea yaámutwáala Simoni ahali Yeézu. Yeézu yaámuléeba Simoni, yaámugaambila aáti, “Íiwe oli Simoni, mutábani wa Yohana. Náho kubaandiza óobu, izíina lyaawe olaáyétwa Kefa.” Izíina elyo omu Chiyunani ni Peétero, ensoonga yaályo no “Oluchili.”⁴³Nyeéncha eémo, Yeézu yaálamula nka nikwo azeénde omu nsi ya Galiláaya. Mbwéenu amusaánga Filipo, yaámugaambila aáti, “Iíza, onkulaatile.” ⁴⁴Filipo akaba ali omuuntu kuluga omu muzihwa gwa Betisaida, óomwo Andrea na Peétero nábo bakaba nibatuúla. ⁴⁵Mbwéenu, Filipo yaámusaanga Natanaeli, yaámugaambila aáti, “Twaámubona omuuntu óogwo Musa akaandika empola zoómwe omu echitabu che Ebilagilo, káandi óogwo ababáasi nábo bakaandika empola zoómwe. Izíina lyoómwe ni Yeézu omunya Nazaréeti, mutábani wa Yozéfu.”⁴⁶Náho Natanaeli yaámubúuza Filipo aáti, “Ngási echiintu echili chizima chikaáhichaho chita kuluga omu iboma lya Nazaréeti?” Filipo náwe yaámugalulila aáti, “Iíza, oléebe.” ⁴⁷Mbwéenu Yeézu yaámubona Natanaeli naamwiízáho, yaágaamba empoláze aáti, “Léeba, ogu muuntu no Omuiziraeli wa amazima, atéena enteba yoóna yóona omuli weényini.” ⁴⁸Natanaeli yaámubúuza Yeézu aáti, “Bita noomanya?” Yeézu yaámugalulila aáti, “No óobu obuchilo Filipo achaali atakakweésile, íinye nkakubona oyikeele ahaansi yo omuti gwo omutini.”⁴⁹Natanaeli yaámugalulila aáti, “Mweégesa, íiwe oli Mutábani wa Múungu! Íiwe niwe Omukáma wa Abaiziraeli!” ⁵⁰Yeézu yaámubúuza aáti, “Ngási, nooyikiliza habwo kuba naákugaambila nka nikwo nkakubona obuchilo obwo oyikeele ahaansi yo omutini? Olaábona amagaambo agáandi amakúlu agasaagile aga!” ⁵¹Niho yaámugaambila aáti, “Mazima butúnu niimbagaambila nka nikwo, mulaábona igulu nilichiinguka, na mulaábona bamaléeka ba Múungu nibahanama no kutúuka hali íinye Mutábani wo Omuuntu.”

¹Kábyaabeele byaáhiíngwiile ebilo bibili, hakaba heena amazenyi go obweenga omu muzihwa gwa Kána, omu nsi ya Galiláaya. Ahali obwo bweenga, nyina Yeézu náwe akaba aliho. ²Yeézu na abaheémba boómwe nábo bakaba balalikilwe ahali obwo bweenga.³Obuchilo abazenyi bakaba baánywiile evíinia yóona, nyina Yeézu yaámugaambila aáti, “Baáhwéelwa evíini.” ⁴Yeézu yaámugalulila aáti, “Máaha, ha bwaáchi noongaambila oótyo? Omwáanya gwo kukola emilimo yaanze gucháali kuhika.” ⁵Niho nyina yaábagaambila abahálila aáti, “Choóna chóona éecho alaabalagila, muchikole."⁶Mbwéenu, zikaba ziliho ensúha mukáaga za améenzi éezo zikakoleswa amabáale. Abayahudi bakaba bazitamo améenzi habwo kweéyeza kwiingana no obuteéka bwáabo. Buli nsúha ekaba neeyizula nke endeengo ya amadebe ataanu nali mukáaga. ⁷Niho Yeézu yaábagaambila abahálila aáti, “Mwiizuze améenzi omu nsúha ezo.” Nábo beezuza améenzi ensúha omu ezo kuhicha aha lugulu. ⁸Niho, Yeézu yaábalagila aáti, “Mbwéenu, mutáhe améenzi ago, muze kumuha mukúlu wa amazenyi.” Nábo baákola bátyo.⁹Mukúlu wa amazenyi yaáloza améenzi ago, áago gakaba gaáhiindukile kuba evíini. Talasoombookilwe áaho ekaluga ezo víini, náho abahálila áabo abatahile améenzi omu nsúha ezo bakamanya. Niho ogwo mukúlu wa amazenyi yaámweeta chisweéla. ¹⁰Obuchilo yeezile, mukúlu wa amazenyi yaámugaambila aáti, “Buli akola amazenyi ataándika kubaha abazenyi evíini éezo eli nduunzi. Niho, obuchilo abo bazenyi kábalaaba baánywiile no kuhikwa, niho eloonzwa evíini éezo eloongolweele. Náho íiwe waáléeta evíini éezo eli nduunzi aha muhélo.”¹¹Yeézu akakola oluméenko óolu lwa mbele omu muzihwa gwa Kána omu nsi ya Galiláaya. Habwo oluméenko olwo akoóleka ikuzo lyoómwe, na abaheémba boómwe baámwiíkiliza.¹²Obuchilo amazenyi go obweenga gaáhwéele, Yeézu yaágolomoka kuzeenda omu muzihwa gwa Kaperinaumu hamo na nyina, abalumuna abo obukwaáta na abaheémba boómwe. Beékala okwo ebilo bíche.¹³Obuchilo echilo chikúlu cha Abayahudi éecho echilikwéetwa Paásikac chikaba cheliliize, Yeézu yaáhanama kuzeenda Yeruzaléemu. ¹⁴Mbwéenu, obuchilo yaáhikile, yaátaaha omu lubúga lwe éenzu ya Múungu, yaásaanga omwo abaantu nibaguza ente, entaama ne ebiiba, na abáandi bakaba beékeele omu meéza záabo nibahiínga empilya zo kukoza omu nzu ya Múungu.¹⁵Obuchilo Yeézu akabona ago, yaáyogosa omusumi gwe enkóba, yaábiinga bóona abaabeele nibaguza omu lubúga lwe éenzu ya Múungu, hamo ne entaama ne ente. Káandi, yaázuumika emeéza za abo abalikuhiinga empilya, no okuzifuka empilya záabo. ¹⁶Niho yaábagaambila abaabeele nibaguza ebiiba aáti, “Mubiíheho ebiintu éebi aha! Mutaákuzikola ezi nzu ya Táata kuba igulizo."¹⁷Obuchilo abaheémba boómwe bahuliile ago, beézuka amagaambo áago gaandikilwe omu Maandiko Matakatíifu gáti, “Engoonzi zaanze habwe éenzu yaawe zaáyaka omuunda yaanze na niziinsiingaálicha íinye.” ¹⁸Obuchilo abatégeki ba Abayahudi baabweene áago Yeézu yaákozile, baámubúuza báti, “Nookola luméenko chi kutwoóleka nka nikwo oyina amagala go kukola amagaambo ago?” ¹⁹Yeézu yaábagalulila aáti, “Muzikaambagule éenzu ya Múungu ezi, ne éenye niinzoombéka omu bilo bísatu.”²⁰Niho baámusubiza báti, “Éenzu ya Múungu ezi ekoómbekwa aha myáaka makúmi aána na mukáaga! Bita íiwe noohichaho oóta kuzoómbeka omu bilo bísatu byoónka?” ²¹Náho Yeézu akaba atakuhooyela habwe éenzu ya Múungu yoónyini, náho akaba naahoóyela habwo omubili gwoómwe. ²²Ahaakulaatiile, obuchilo óobwo Yeézu yaázookile kuluga omu bafwiile, abaheémba boómwe bakeezuka amagaambo áago akagaamba. Habwo omuháanda ogwo, beekiliza Amaandiko Matakatíifu, na amagaambo áago Yeézu akagaamba.²³Obuchilo Yeézu akaba ali Yeruzaléemu aha chilo chikúlu cha Paásika, abaantu béenzi bakamwiíkiliza, habwo kuba bakaleeba eméenko éezo akaba akola. ²⁴Náho Yeézu talabesigile, habwo kuba akabasoombookelwa bóona. ²⁵Taleénzile omuuntu weéna wéena kumusoomboolela habwa abo baantu, habwo kuba akasoombookelwa kuzima góona áago gali omu muganya gwa buli muuntu.

¹Akaba aliho omweébeembezi oómo wa Abayahudi we embága ya Abafarisayo, izíina lyoómwe Nikodemo. ²Chilo chimo omu chilo, akazeenda hali Yeézu, yaámugaambila aáti, “Mweégesa, nitusoomboókelwa nka nikwo íiwe oli omweégesa óogwo osiindikilwe na Múungu, habwo kuba táliho omuuntu óogwo ayaakuhicha kukola emanyiso éezo olikukola íiwe hanu, kayaakuba Múungu atali hamo náze.”³Yeézu yaámugalulila aáti, “Mazima butúnu niinkugaambila nkokwo, táliho omuuntu óogwo ayaakuhicha kutaahamo omu bukáma bwa Múungua kaálaaba atazeélwe entúlo ya kábili.” ⁴Nikodemo yaámubúuza Yeézu aáti, “Ngási! Omuuntu yaakaáhichaho aáta kuzáalwa káandi entúlo ya kábili kunu yaákuzile yaábeele omunyaampala? Kuba, yaakaáhicha kusubamo omuunda ya nyina abone kuzaalwa káandi?”⁵Yeézu yaámugalulila aáti, “Mazima butúnu niinkugaambila nka nikwo, táliho omuuntu óogwo yaakuhicha kutaahamo omu bukáma bwa Múungu kaálikuba atakazéelwe kwa améenzi no kwo Omwooyo. ⁶Omuuntu azaalwa na abazeele boómwe kwo omubili, náho Omwooyo gwa Múungu guzaala omuuntu aha mwooyo.⁷Otaákusobelwa aha kuba naákugaambila nka nikwo, ‘Ni lwaampaka muzaálwe entúlo ya kábili.’ ⁸Omwooyo Mutakatíifu naasusana omuyaga óogwo ogulikuhéemba kwoólekela áaho gulikweenda. Okaáhicha kuhulila okuhéemba kwaágwo, náho okabula kumanya áaho gulikulugiilila no okwo áaho gulikuzeenda. Nikwo bili aha muuntu óogwo ayaazéelwe no Mwooyo.”⁹Nikodemo yaámubúuza Yeézu aáti, “Ngási, aga magaambo nigahichaho gáta kukolwa?” ¹⁰Yeézu yaámugalulila aáti, “Ngási íiwe oli omweégesa óogwo olikukuzibwa bwooli omu nsi ya Iziraeli na tokugasoombookelwa amagaambo aga? ¹¹Mazima butúnu niinkugaambila nka nikwo, íichwe tugaamba áago tulikumanya, no kusiinza áago tubweéne. Náho íimwe timukwiikiliza okusiinza kwéetu.¹²Mbasoombooliile empola za amagaambo áago agalikukolwa omuli ezi nsi, náho íimwe mukabula kuunyikiliza. Óobu nimuhichaho muta kuunyikiliza kaándaabasoomboolela empola za amagaambo áago agalikukolwa omu igulu? ¹³Tábaho omuuntu óogwo alahikize kusutuka kuza omu igulu, náho íinye nyeénka Mutábani wo Omuuntu, óogwo naáhanaantukile kuluga omu igulu.¹⁴“Obuchilo Abaiziraeli bakaba bali omu nsi yo obwoóma, Musa akakola echisusano che enzóka ye esaba no kuzihanamika aha muti babone kuchila.* Bityo nyini ne éenye Mutábani wo Omuuntu ni lwaampaka kuhanamikwa ¹⁵kuba buli muuntu óogwo alikwiikiliza abone kuba no obulami bwo obucha no obuchiile.”¹⁶Ensoonga Múungu akabéenda bwooli abaantu bóona be éensi ezi. Niyo entaahililo akamusohoza Omutábani nyakámo kwiiza omu nsi ezi, kuba buli muuntu óogwo alikumwiíkiliza atasiingaálika, náho aábe no obulami bwo obucha no obuchiile. ¹⁷Múungu talamusiindikile Omutábani omu nsi ezi abone kuchwaáziika abaantu, náho abachuúngule kulabila hali weényini. ¹⁸Múungu tachwaaziika omuuntu óogwo alikumwiíkiliza Omutábani. Náho omuuntu óogwo atakumwiíkiliza, yaáchwaaziikilwe habwo kuba takamwiíkiliize Omutábani nyakámo wa Múungu.¹⁹No omuchwaáziiko nigwo ogu nka nikwo, Mutábani wa Múungu aleesile omwaanga omu nsi óomu,* náho abaantu beenzile kuba omu nsiimbaazi kuchila kuba omu mwaanga, habwo kuba ebikolwa byáabo ni bíbi. ²⁰Buli muuntu weena óogwo akola ebikolwa bíbi, weényini agutamwa ogu mwaanga. Tayeénda kwíiza omuli ogu mwaanga, kuba ebikolwa byoómwe bíbi biteéza kumanywa. ²¹Náho abaantu bóona áabo abakola ebikolwa bya amazima, boónyini nibaloondela kuba omuli ogwo mwaanga, kuba esoombóoke nka nikwo niwe Múungu óogwo alikubaha obuhicha bwo kugakola.²²Mbwéenu, kábyaahiíngwiile ebyo, Yeézu na abaheémba boómwe baásohola omu muzihwa baázeenda omu nsi ya Yudea. Yeékala hamo nábo ha mwáanya bunaanka, yaaba naabatiza abaantu. ²³Yohana náwe akaba abatiza abaantu omu byaalo bya Ainoni, héehi no omugoongo gwa Salimu. Gakaba galiyo améenzi agali méenzi okwo, na abaantu bakaba bazeenda hali Yohana náwe akaba naababatiza. ²⁴Aha buchilo obwo, Yohana akaba atakakwaásilwe no kutéebwa omu ibóhelo.²⁵Chilo chimo, omu baheémba ba Yohana bakazogootana no Omuyahudi oómo habwe empola zo obuteéka bwo kweéyeza. ²⁶Niho baázeenda ahali Yohana, baámugaambila báti, “Mweégesa, nooyizuka omuuntu óogwo akaba ali hamo ne ewe okwo aha mulaambo gwo omunóna gwa Yorodáani no óogwo okaatula empola zoómwe? Óobu weényini náwe naabatiza, na abaantu bóona nibazeénda hali weényini!”²⁷Yohana yaábagalulila aáti, “Omuuntu tiyaákuhicha kubonesa echiintu choóna chóona, kayaakuba ataheélwe na Múungu. ²⁸Íimwe nyini ni baalusíinza baanze nkokwo naágaambile nka nikwo, ‘Íinye tiíndi Masihi, náho Múungu akaansiíndika mbone kumweébeembelela weényini Masihi.’²⁹Chisweélwa ayeendelwa kuzeenda owa chisweéla. Íinye ndi nka munywáani wa chisweéla, nnyimeeliile olubazu lwoómwe na niinulilwa kaandikuhulila iláka lyoómwe chisweéla naahóoya. Mazima nikwo amanulilwa gaanze gaáhikiilizibwa. ³⁰Ni lwaampaka Yeézu agume kuba mukúlu bwooli, náho íinye kúba muto.”³¹Weényini óogwo ayizile kuluga omu igulu, ali olugulu ya bóona. Weéna wéena óogwo alikuluga omu nsi, naagaámba amagaambo go omu nsi ezi. Náho óogwo alugile omu igulu, ali olugulu ya bóona. ³²Weényini ayatula áago yaabwéene no kugahulila, náho táliho omuuntu óogwo alikwiikiliza okusiinza kwoómwe. ³³Omuuntu weéna wéena óogwo alikwiikiliza okusiinza kwoómwe, naásuúmba nka nikwo Múungu no owa amazima³⁴Óogwo akasiindikwa na Múungu agaámba amagaambo ga Múungu, na ha kuba Múungu amuha Omwooyo Mutakatíifu atéena kumuteelaho endeengo. ³⁵Isíichwe Múungu azila engoonzi aha Mutábani, káandi amuheéle obuzizi bwa byóona. ³⁶Omuuntu óogwo alikumwiíkiliza Omutábani wa Múungu, ogwo ayina obulami bwo obucha no obuchiile. Náho omuuntu óogwo alikumwáanga Mutábani wa Múungu, ogwo taliba no obulami bwo obucha no obuchiile, náho echihulumuko cha Múungu chilyaáguma kumubaho.

¹Mbwéenu, Yeézu yaáhulila nka nikwo Abafarisayo baásoombookiilwe nka nikwo, naabatiza no kubonesa abaheémba béenzi kusaaga Yohana. ²No óobu bityo, amazima ni nka nikwo, Yeézu weényini talabatiize, náho abaheémba boómwe nibo abaabeele nibabatiza. ³Mbwéenu, Yeézu káyaahuliize aátyo, yaalugáho omu nsi ya Yudea, yaásuba omu nsi ya Galiláaya.⁴Obuchilo akaba naazeénda okwo Galiláaya, ekaba eli lwaampaka ahiingule Samaria. ⁵Mbwéenu, baáhika omu muzihwa gúmo gwa Samaria óogwo gukaba nigweétwa Sikari. Omuzihwa ogwo, gukaba guli héehi no musili óogwo Yakobo akaha obuhuunguzi mutábani Yozéfu.⁶Aho niho likaba lili iziba lya Yakobo. Náwe Yeézu aba yeékala aho aha mpelo ye elyo iziba abone kuhuúmula, kuba akaba ayina obulemwa habwo oluzeendo. Ekaba lili iháangwe lya nke esáaha mukáaga zíti. ⁷Mala, omukázi oómo omu Samaria yaáhika aho ahi iziba kutáha améenzi. Yeézu yaámugaambila aáti, “Niinsaba, oómpe améenzi mbone kunywa.” ⁸Ogwo mwáanya, abaheémba boómwe Yeézu bakaba baázeenzile omu muzihwa kuza kugula ebyookulya.⁹Mbwéenu, ogwo Omusamariakazi aba yaámugalulila aáti, “Íiwe oli Omuyahudi, ne éenye ndi Omusamariakazi. Ngási noohichaho oóta íiwe kuúnsaba íinye nkúhe améenzi?” Akagaamba aátyo, habwo kuba Abayahudi bakaba batakobana na Abasamaria. ¹⁰Yeézu yaámugalulila aáti, “Káwaakubeele waásoombookiilwe engabilano éezo Múungu alikweenda kukúha, mala káandi okahicha kusoombookelwa nkokwo no oóha óogwo alikukuseega améenzi, waakubeele waánsabile, ne éenye naakaákuhéele améenzi áago agatuha obulami.”¹¹Omukázi ogwo yaámugalulila Yeézu aáti, “Mukáma, íiwe toyina no óobu echitahiso, mále káandi eli iziba ni lila, noogataábuuza nkáhi ago méenzi agatuha obulami? ¹²Isíichwe enkúlu Yakobo weényini niwe akatuha eli iziba, na weényini nyini akaba anywa aga méenzi gaályo hamo na abáana boómwe ne ebituungaánwa byoómwe. Óobu ngási íiwe, nooyebona nka nikwo íiwe oli mukúlu bwooli kusaaga weényini?”¹³Niho Yeézu yaámugalulila aáti, “Buli oómo óogwo alikunywa aga méenzi aga agalikuluga omuli eli iziba, naahulila iliho káandi na káandi. ¹⁴Náho omuuntu óogwo alaanywa améenzi áago ndaamuha íinye, talihulila iliho káandi obucha no obuchiile. Habwo kuba améenzi áago ndaamuha, nigahiinduka kuba nke enzwéelo za améenzi ezili omuli weényini, nayo elyáaba neézwa ha kumuha obulami bwo obucha no obuchiile.”¹⁵Niho ogwo mukázi aba yaámugaambila Yeézu aáti, “Mukáma, oómpe ago méenzi, ne éenye ntalihulila iliho, na káandi ntálíiza aha káandi kwiiza kutáha aga méenzi omuli eli iziba.” ¹⁶Yeézu yaámugalulila aáti, “Zeénda omwéete bálo, oyize náze aha.”¹⁷Ogwo mukázi amugalulila aáti, “Íinye tiinyina ibáanye.” Yeézu náwe yaámusubiza aáti, “Waágaamba amazima nka nikwo íiwe toyina bálo, ¹⁸habwo kuba waámazile kwiikala na abaséeza bataanu, no ogwo muséeza óogwo olikwiikala náze óobu, ti bálo. Aho waágaamba amazima.”¹⁹Ogwo mukázi yaámugalulila Yeézu aáti, “Mukáma, niimbóna nka nikwo íiwe oli omubáasi. ²⁰Besiichwe enkúlu bakaba nibamulámya Múungu omuli eli ibaanga lya Gerizimu, náho íimwe Abayahudi nimugaámba ni lwaampaka tuzeénde kumulámya Múungu omuli Yeruzaléemu.”²¹Yeézu yaámugalulila ogwo Omusamariakazi aáti, “Onyikilize, obuchilo nibwiíza óobwo mulibulwa kumulamya Isíimwe omuli eli ibaanga nali okwo omuli Yeruzaléemu. ²²Íimwe Abasamaria nimumulamya óogwo mutakumusoombookelwa. Náho íichwe Abayahudi nitumulamya óogwo tulikusoombookelwa, habwo kuba obuchuúnguzi bwa abaantu bóona nibwiíza kulabila aha Bayahudi.²³Náho obuchilo nibwiíza, mále bwaáhikile, óobwo abaantu áabo abalikweenda kumulámya Isíichwe Múungu aha mazima, balaámulamya aha Mwooyo na amazima. Ha bwéecho Isíichwe Múungu naaloondela abaantu nka abo babone kumulamya. ²⁴Múungu no Omwooyo. Abaantu áabo abalikumulámya, ni lwaampaka babe nibamulámya aha Mwooyo na aha mazima.”²⁵Ogwo mukázi yaámugaambila Yeézu aáti, “Niinsoomboókelwa nka nikwo Masihi naayiza, óogwo alikwéetwa Kristu. Mala niinsoomboókelwa nka nikwo, obuchilo óobwo aleéza, alaátusoomboolela buli chiintu.” ²⁶Niho Yeézu yaámugalulila aáti, “íinye, óogwo alikuhooya neewe ni íinye Masihi.”²⁷Mala, obuchilo obwo nyini, abaheémba boómwe nábo baba baásuba. Baásobelwa bwooli kusaanga Yeézu naahóoya no omukázi.b Náho talabeeleho no óobu oómo ayaábuúlize aáti, “Nooyeénda chiíha hali weényini?” nali aáti, “Ha bwaáchi noohóoya no omukázi?”²⁸Niho, ogwo mukázi aba yaásigaho aho ensúha yoómwe eya améenzi, aba yaátayo kuzeenda omu muzihwa. Kayaahikileyo okwo, yaágaambila abaantu nka nikwo, ²⁹“Tuzeénde, muze kumubona omuuntu óogwo ayaángaambila amagaambo góona áago ndakozile! Ngási, tibyaakuba nka nikwo ogwo niwe Masihi?” ³⁰Obuchilo abaantu bahuliile ago, baásohola kuluga omuli ogwo muzihwa, baamuzaho Yeézu.³¹Obuchilo abaantu abo bakaba batakahikile hali Yeézu, abaheémba boómwe bakaba nibamutoozela Yeézu báti, “Mweégesa, noólye echookulya.” ³²Náho weényini yaábagalulila aáti, “Íinye nnyina echookulya éecho mutakusoombookelwa íimwe.” ³³Niho abaheémba boómwe kutaándika kweébuuza báti, “Ngási, heena omuuntu óogwo yaámuléetela ebyookulya?”³⁴Yeézu yaábagalulila aáti, “Echookulya chaanze no kukola áago alikweenda óogwo akaansiíndika, no kuguhikiiliza omulimo gwoómwe. ³⁵Íimwe mumanyiile kugaamba nka nikwo, ‘Haásigeele améezi aána goónka kuhika obuchilo bwi igesa.’ Náho íinye niimbagaambila nka nikwo, muléebe amasaambo óokwo gali, gaáyelize ebyookulya, nágo galiindiliile kwoónka kugeswa. ³⁶Omugesi naabonesa empeéla yoómwe, no okusuumbya ebigesizwe habwo obulami bwo obucha no obuchiile. Bityo, omubíbi no omugesi, bóona nibabona kunulilwa hamo.³⁷Ha bwéecho gubaho omugani ogwa amazima ogugaamba nka nikwo, ‘Omuuntu oómo abiba, no oóndi agesa.’ ³⁸Íinye nkabasiíndika íimwe mubóne kugesa áago mutalayagalaliile. Abaantu abáandi bakaágalala ha kukola emilimo yóona, néemwe nimubonesa omugaso gwe emilimo yáabo.”³⁹Mbwéenu, Abasamaria béenzi omu muzihwa ogwo, baámwiíkiliza Yeézu, habwo kuba bakahulila obuumbona bwo ogwo mukázi báti, “Omuuntu ogwo yaángaambila amagaambo góona áago ndakozile.” ⁴⁰Niho Abasamaria baáhika áaho akaba aáli Yeézu, baámutoózela bwooli ayikále hamo nábo. Niho yeékala omuli ogwo muzihwa ebilo bibili.⁴¹Abaantu béenzi bwooli baámwiíkiliza Yeézu habwe empola éezo akaba naabagaambila. ⁴²Baámugaambila ogwo mukázi báti, “echo kubaanza twaámwiikiliza ogu muuntu, habwa áago waátugaambila íiwe. Náho óobu íichwe nyini nitumwiikiliza habwo kuba twaámuhulila áago alikugaamba. Óobu nitusoomboókelwa butúnu nka nikwo, ogu muuntu mazima niwe Omuchuúnguzi we éensi.”⁴³Kábyaabele byaáhiíngwiile ebilo bibili, Yeézu aba yaalugáyo okwo, yaazila oluzeendo kuza omu nsi ya Galiláaya. ⁴⁴Yeézu akaba agaambile aáti, “Omubáasi tahaabwa ikuzo na abaantu bo omu muzihwa gwo owaabo.” ⁴⁵Obuchilo yaahikileyo okwo Galiláaya Abagaliláaya béenzi baámunyegeza, habwo kuba boónyini nábo bakaba baliyo okwo omu mazenyi ga Paásika na bakaba baabweene góona áago Yeézu akakola okwo Yeruzaléemu omu buchilo bwa ago mazenyi.⁴⁶Yeézu yaázeenda káandi omu muzihwa gwa Kána yo okwo Galiláaya, áaho yaáhiindwiile améenzi kuba evíini. Mbwéenu, akaba aliho omutwaáliliza oómo we chikáma kuluga omu muzihwa gwa Kaperinaumu. Ogwo mutwaáliliza akaba ayina omutábani omúka yoómwe, ogwo mutábani akaba ali omulwéele. ⁴⁷Mbwéenu ogwo mutwaáliliza káyaahuliize nka nikwo Yeézu yaásubile kuluga Yudea ali Galiláaya. Yaázeenda hali Yeézu no kumuneémbelela nka nikwo azeénde Kaperinaumu, abone kuza kumuchiza omutábani, habwo kuba akaba ali omulwéele ali aha chihalala.⁴⁸Yeézu yaámugalulila aáti, “Íimwe, kamulikubula kubona emanyiso na amahano, buzima timukwiikiliza!” ⁴⁹Ogwo mutwaáliliza yaámugalulila Yeézu aáti, “Mukáma, niinkusába, tuzeénde ha mutábani waanze, achaali atákafwíile.” ⁵⁰Náho Yeézu yaámugalulila aáti, “Zeénda, mutábani waawe yaáchizile.” Ogwo mutwaáliliza aba yaágeékiliza ago magaambo ga Yeézu áago akamugaambila, yaalugáho, aba yaatáyo.⁵¹Nyeéncha eémo, obuchilo akaba achaali achili omu muháanda achaágolomoka kutaaha, aba yaábugana na abazáana boómwe, nábo baba baámusoomboolela nka nikwo, mutábani woómwe yaáchizile. ⁵²Niho náwe aba yaábabúuza ako kaziingo áako yabaandiizémo kweéhulila enziingo zoómwe. Nábo baámusubiza báti, “Omuswíiza gumulekuliile kubaandiza nyeénchilo, esáaha musaanzu omu iháangwe.”⁵³Mbwéenu, iíse wo ogwo musígazi aba yaásoombookelwa nka nikwo, yaáchila kubaandiza áako kaziingo nyini áako Yeézu akagaamba aáti, “Mutábani waawe yaáchizile.” Áaho ogwo mutwaáliliza hamo na abaantu bóona bo omúka yoómwe, baba baámwiíkiliza Yeézu. ⁵⁴Óolu lukaba luli oluméenko lwa kábili óolwo Yeézu akakola omu nsi ya Galiláaya, obuchilo yaabele yaásubile kuluga omu nsi ya Yudea.

¹Kágaabeele ago gaáhwéele, Yeézu yaázeenda Yeruzaléemu omu mazenyi ga Abayahudi. ²Okwo omuli Yeruzaléemu, hakaba heenamo iléembo liháango éelyo likaba nilyeétwa, “Iléembo lye Entaama.”a Héehi ne elyo iléembo, hakaba heena iláambo, elyo iláambo likaba lyéetwa omu izíina lyo olulími lwe Echihebrania, liti, Beetizata. Iláambo elyo likaba lizoongolokilwe na amakulato ataanu áago gakaba geena enyomyo. ³Omuli ago makobezo, bakaba balyaamamo abalwéele béenzi, nka abahume, enziíngami, na áabo abalageele. [Bakaba baliindiliile améenzi gabulaangulwe, ⁴ha kuba hakaba haazila omwáanya óogwo maléeka wa Múungu akaba atúuka, aza omuli elyo iláambo no kugabulaangula améenzi. Omulwéele óogwo akaba aba owo kubaanza ha kuzamo omu méenzi kagalikuba gaábulaangwiilwe, ogwo mulwéele akaba achila endwáala yoóna yóona éezo akaba ayina.]⁵Omuli abo nyini, akaba alimo omuuntu oómo óogwo ayaabeele ali omulwéele aha mwáanya gwe emyáaka makúmi asatu na munáana. ⁶Niho Yeézu kumubona ogwo muuntu alyaamile aho. Yaaba yaásoombookelwa nka nikwo yaalalweele omwáanya mula, yaámubúuza, “Ngási, nooyeénda kuchila?”⁷Ogwo mulwéele yaámugalulila Yeézu aáti, “Mukáma, íinye tiinyina omuuntu wo kuúnzuna kutaahámo omu iláambo obuchilo améenzi nigabulaángulwa. Buli kiindikweenda kutaahamo, omuuntu oóndi naayaanguha kuunyibeembela kuzamo.” ⁸Niho Yeézu aba yaámugaambila aáti, “Yemeelela, yimucha omukeeka gwaawe, olibate.”⁹Ahonyini, ogwo muuntu aba yaáchila, yeemucha omukeeka gwoómwe, yaábaanza kulibata

Náho echigaambo echi chikakolwa aha chilo che Endaálikizo.

¹Kágaabeele gaáhwéele ago, Yeézu yayaambuka enyaanza ya Galiláaya, izíina eliindi lye ezo nyaanza ni Tiberia. ²Embága mpáango ya abaantu bakaba nibamukulaatíla Yeézu, habwo kuba bakaba baabweene eméenko éezo akaba naakola aha balwéele. ³Niho Yeézu yaáhanama omu ibaanga hamo na abaheémba boómwe, yeékala okwo hamo nábo.⁴Obuchilo obwo, echilo chikúlu cha Abayahudi echilikwéetwa Paásika, nácho chikaba cheéliliza. ⁵Mbwéenu Yeézu akaleeba, yaábona embága mpáango ya abaantu abaabeele nibeéza hali weényini. Niho aba yaámubúuza Filipo aáti, “Ngási, ni nkáhi áaho twaakuhicha kugula ebyookulya byo kulíisa ezi mbága yóona ya abaantu?” ⁶Yeézu akamubúuza Filipo aátyo ha kumuleengesa, ha kuba akaba naasoomboókelwa éecho alaakola.⁷Filipo yaámugalulila aáti, “No óobu twaakubeele tuguzile ebyookulya bíche kwoónka habwa buli muuntu, bye edináali magána abilia tibyaákubahikile aba baantu bóona.” ⁸Niho Andrea, óogwo akaba ali oómo omu baheémba ba Yeézu, káandi ali mweene wáabo na Simoni Peétero, aba yaámugaambila Yeézu nka nikwo, ⁹“Aliho aha omusígazi oómo óogwo ayina emikaate itaanu ne eénfwi ibili. Náho, ebyookulya ebi nibigasa chiíha aha mbága ezi yóona?”¹⁰Mbwéenu, Yeézu yaálagila abaheémba boómwe aáti, “Mubagaambile abaantu beekale.” Ahaantu aho, hakaba heena endyaámila nyíinzi. Niho abaantu bóona, baba beékala. Omuli abo nyini, bakaba balimo obukúmi bwa abaséeza ebihuumbi bitaanu. ¹¹Niho, Yeézu yeemucha ezo mikaate, yaámusiima Múungu, yaábagabila abaantu bóona abaabeele beékeele babone kulya. Yaákola aátyo nyini na ahali ezo nfwi ibili, yaábagabila. Abaantu bóona baálya nko óokwo baabeele nibeéndaho kulya. ¹²Mbwéenu abaantu bóona kabahaágile, Yeézu yaábalagila abaheémba boómwe aáti, “Mutulaanize emisige yóona ye ebyookulya, bitaákwiiza bikasiisagulika.”¹³Mbwéenu, batulaaniza amanogóka góona, baaba beezuza ebitukulu ikúmi na bibili kuluga hali ebyo binogóka bye mikaate itaanu ye eshayiri éebyo bikasigalila. ¹⁴Obuchilo abaantu abo baabweene oluméenko óolwo Yeézu akakola, baágaamba báti, “Mazima ogu muuntu niwe omubáasi wa Múungu óogwo tubele nitutegeza nka nikwo aléeza omu nsi ezi.” ¹⁵Yeézu yaásoombookelwa nka nikwo áabo baantu bakaba nibeénda bamukwáate lwa amáani, babone kumukola kuba omukáma wáabo. Niho Yeézu aba yaalugáho aho, yaázeenda weénka omu ibaanga.¹⁶Kahabeele olweébazo, abaheémba ba Yeézu baágolomoka kuzeenda aha nyaanza ya Galiláaya. ¹⁷Baáhanama omu bwáato, babone kwaambuka enyaanza kuzeenda omu muzihwa gwa Kaperinaumu. Obuchilo obwo, ensiimbaazi ekaba yaábaandize, náho Yeézu akaba acháali atakabahikiiile abaheémba boómwe. ¹⁸Mbwéenu, enyaanza eba yaábaanza kubulaanguka, habwo kuba omuyaga muháango gukaba nigwiíha.¹⁹Obuchilo abaheémba ba Yeézu kábaabeele baábugile oluzeendo nka akáanya ke ekilomíita itaanu nali mukáaga zíti, baba baámubona Yeézu naalibata aha lugulu ya améenzi ge enyaanza kwiililila obwáato bwáabo. Baátíina bwooli. ²⁰Niho, Yeézu yaábagaambila aáti, “Mutatiina! Ni íinye!” ²¹Mbwéenu, boónyini baáyeenda nka nikwo ahaname omu bwáato. Ahonyini, obwáato buba bwaágoba aha mulaambo áaho bakaba nibazeénda.²²Nyeéncha eémo, embága ya abaantu áabo bakaba basigaliile okwo aha mulaambo ogúundi gwe enyaanza, baabonáho obwáato búmo bwoónka aho. Baámanya nka nikwo Yeézu talabugile omu bwáato hamo na abaheémba boómwe, náho abaheémba boómwe bakabuga boónka. ²³Niho, abaantu abáandi beeza na amáato kuluga omu muzihwa gwa Tiberia, baáhika héehi na ahaantu áaho embága ya abaantu ekalya emikaate, obuchilo Omukáma Yeézu yaabele yaámazile kumusiima Múungu.²⁴Obuchilo embága ya abaantu abo baabweene nka nikwo Yeézu akaba ataliho aho, na abaheémba boómwe nábo bakaba bataliho, baáhanama omu bwáato, baábuga kuzeenda Kaperinaumu babone kumuloondela Yeézu. ²⁵Abo baantu kábaahikile ha mulaambo gwe enyaanza, baámusaanga Yeézu, baámubúuza báti, “Mweégesa, oyizile kunu iíli?”²⁶Yeézu yaábagalulila aáti, “Mazima butúnu niimbagaambila nka nikwo, nimuundoóndela habwo kuba nkábaha emikaate, mwaálya no kuhaaga, ti habwo kuba nimweénda kusoombookelwa eméenko éezo nkakola. ²⁷Mutaákukola emilimo habwo kubonesa echookulya éecho chilikusiisikala, náho mube nimukola emilimo habwo kubonesa echookulya éecho chitakusiisikala, káandi echilikubaha obulami bwo bucha no buchiile. Íinye Mutábani wo Omuuntu, niimbáha echookulya echo, habwo kuba Isíichwe Múungu ampeele amagala go kukola iíntyo.”²⁸Niho boónyini baámubúuza báti, “Ngási, tukole chiíha kuba tubone kukola amagaambo áago Múungu alikweenda?” ²⁹Yeézu yaábagalulila aáti, “Echigaambo éecho Múungu alikweenda mukole, no kunyikiliza íinye, óogwo nkasiindikwa náze.”³⁰Aho baámubúuza báti, “Nookola luméenko chi, tubone kululeeba niho tukwiíkilize? Nookola chiintu chi? ³¹Besiichwe enkúlu, obuchilo baabeele bali omu iluungu, bakalya echookulya chilikwéetwa mana echituukile kuluga omu igulu.b Chaandikilwe omu Maandiko Matakatíifu nka nikwo, ‘Akabaha ebyookulya byo kuluga omu igulu balye.’ ”³²Mbwéenu, Yeézu yaábagaambila aáti, “Mazima butúnu niimbagaambila nka nikwo, tíwe Musa óogwo akaha besiimweénkulu echo chookulya cho kuluga omu igulu, náho ni Táata. Weényini niwe alikubaha íimwe echookulya cha mazima kuluga omu igulu. ³³Echookulya cha Múungu no ogwo alikuhanaantuka kuluga omu igulu, kuba ababonese abaantu bóona abo omu nsi ezi obulami bwo obucha no obuchiile.” ³⁴Niho baámugaambila báti, “Mukáma, tuhe buchiile echo chookulya.”³⁵Yeézu yaábagalulila aáti, “Íinye ni íinye echookulya echilikubaha abaantu obulami bwo obucha no obuchiile. Omuuntu óogwo alikwiiza hali íinye no kuunyikiliza, talizila nzala káandi, nali kuhulila iliho káandi. ³⁶“Náho íinye nkabagaambila nka nikwo, mwaámbona, náho timukuunyikiliza. ³⁷Abaantu bóona áabo alikuúmpa Táata, nibeéza hali íinye. Íinye tiínkwáanga no óobu oómo óogwo alikwiiza hali íinye.³⁸Íinye tiíndeezile kuluga omu igulu mbone kuba niinkola óokwo ndikweenda íinye, náho mbone kuba niinkola óokwo alikweenda Táata óogwo akaansiíndika. ³⁹Táata óogwo akaansiíndika naayeénda aáti, ntaákubuza no óobu omuuntu oómo omuli áabo akaámpa, náho mbone kubazoola bóona ha chilo cho omuhélo. ⁴⁰Éecho alikweenda Táata ni nka nikwo, buli muuntu óogwo alikusoombookelwa nka nikwo, íinye ndi Omutábani no kuunyikiliza, aábe no obulami bwo bucha no buchiile. Ogwo íinye ndaámuzoola aha chilo cho omuhélo.”⁴¹Mbwéenu, Abayahudi ba aho, baábaanza kuteéka téeka habwo kuba Yeézu akeégaamba aáti, “Íinye niwe echookulya éecho echituukile kuluga omu igulu.” ⁴²Beébuuza báti, “Ngási, omuuntu ogu tíwe Yeézu, omwaana wa Yozéfu? Káandi abazeele boómwe nitubamanya? Óobu, bita yaakaáhicha kugaamba nka nikwo ‘nhanaantukile kuluga omu igulu’?”⁴³Yeézu yaábagalulila aáti, “Muleke kudugulima íimwe mweénka. ⁴⁴Táliho omuuntu óogwo ayaakuhicha kwiiza hali íinye, kábilaaba atakebeembeliilwe na Táata óogwo akaansiíndika. Neenye niinyíza kumuzoola aha chilo cho omuhélo. ⁴⁵Chaandikilwe omu Maandiko Matakatíifu ga ababáasi nka nikwo, ‘Abaantu bóona balaáyegeswa na Múungu.’ Mbwéenu, omuuntu óogwo alikuhuliiliza no kweéyega kuluga hali Táata, ayiza hali íinye.⁴⁶Táliho omuuntu óogwo ayaámubwéene Múungu Táata, náho íinye nyeénka ayaámubwéene, habwo kuba nkaluga hali weényini. ⁴⁷“Mazima butúnu niimbagaambila nka nikwo, omuuntu weéna wéena óogwo alikuunyikiliza, ogwo ayina obulami bwo bucha no buchiile.⁴⁸Íinye ni íinye echookulya echilikubaha abaantu obwo bulami. ⁴⁹Besíimwe enkúlu bakalya echookulya echilikwéetwa mana echituukile kuluga omu igulu, obuchilo bakaba bali okwo omu iluungu lyo obwoóma, náho no óobu bityo bakáfwa.⁵⁰Náho aha chiliho echookulya éecho echituukile kuluga omu igulu. Omuuntu kaálaálya echo chookulya, talifwa nakáti. ⁵¹Íinye niwe echo echookulya echaatuúkile kuluga omu igulu, echilikubaha abaantu obulami bwo obucha no obuchiile. Omuuntu óogwo alikulya echo chookulya, aláaba no obulami bwo obucha no obuchiile. Echookulya echo no omubili gwaanze óogwo ndaasohoza habwa abaantu bóona be éensi ezi, babone kuba no obulami bwo obucha no obuchiile.”⁵²Mbwéenu, abo Bayahudi baábaanza kuzogootana boónyini boónka, nibagaamba báti, “Óogu muuntu, naahichaho aáta kutuha íichwe omubili gwoómwe, tugulye?” ⁵³Ha bwéecho, Yeézu yaábagaambila aáti, “Mazima butúnu niimbagaambila nka nikwo, kábilaaba mutaliíle omubili gwaanze, no okunywa enságama yaanze íinye Mutábani wo Omuuntu, timukuba no obulami bwo obucha no obuchiile.⁵⁴Omuuntu óogwo alikulya omubili gwaanze no okunywa enságama yaanze, ogwo ayina obulami bwo bucha no buchiile, ne éenye ndyaámuzoola aha chilo cho omuhélo. ⁵⁵Musoomboókelwe nka nikwo, omubili gwaanze nigwo echookulya cha amazima, ne enságama yaanze niyo obúnywi bwa amazima. ⁵⁶Omuuntu óogwo alikulya omubili gwaanze no okunywa enságama yaanze, ogwo naazeendelela kusigalila omuli íinye, ne éenye niinsigala omuli weényini.⁵⁷Táata óogwo ali omulame akaansiíndika, ne éenye mbonesize obulami kuluga hali weényini. Bityo nyini, omuuntu weéna wéena alikuúndya íinye, náwe naabonesa obwo bulami kuluga hali íinye.c ⁵⁸Mbwéenu, íinye ni íinye echookulya éecho echituukile kuluga omu igulu. Echookulya echo tichikususana ne echookulya éecho besiimwe enkúlu bakalya, bakáfwa. Náho omuuntu óogwo alikulya echookulya echi, naába no obulami bwo bucha no buchiile.” ⁵⁹Yeézu akagaamba amagaambo ago, obuchilo yaabeele naayegesa omu isomelod lyo okwo Kaperinaumu.⁶⁰Obuchilo abaantu béenzi omu baheémba boómwe baáhuliile amagaambo ago, baágaamba báti, “Ameégeso aga gazaazaheele bwooli! Oóha ayaakuhicha kugeékiliza?” ⁶¹Yeézu akasoombookelwa nkokwo, abaheémba boómwe nibadugulumila amagaambo áago akaba agaambile, ha bwéecho yaábabúuza aáti, “Ngási, echigaambo echi nichibatamisa?⁶²Mbwéenu, bilyaábaho bita kamuliimbona íinye Mutábani wo Omuuntu, niindelema kuzeenda olugulu áaho nkaba ndi omu kubaanza? ⁶³Omwooyo gwa Múungu niwe óogwo alikubaha abaantu obulami. Omuuntu tiyaákuhicha kukola choóna chóona habwo obuhicha bwoómwe weénka. Amagaambo áago naábagaambila na ago Omwooyo gwa Múungu, na nigaleeta obulami bwo obucha no obuchiile.⁶⁴Náho baliho abáandi omuli íimwe áabo abatakwiikiliza.” Yeézu akagaamba aátyo, habwo kuba akasoombookelwa kuluga aha bubaandizo nka nikwo, ni baáhi áabo abatakumwiíkiliza, na nka nikwo no oóha óogwo alimukoonga kóonga. ⁶⁵Mbwéenu, yaázeendelela kubasoomboolela aáti, “Ezo niyo ensoonga niimbagaambila nka nikwo, táliho omuuntu óogwo ayaakuhicha kwíiza hali íinye, kaálaaba ateebeembeliilwe na Táata.”⁶⁶Kubaandiza obuchilo óobwo baáhuliile ago magaambo, béenzi omu baheémba boómwe, baámusigaho, tibalalibasile náwe káandi. ⁶⁷Niho Yeézu yaábúuza abaheémba boómwe ikúmi na bábili aáti, “Ngási, ne emwe nyini nimweénda kuluhéenda?” ⁶⁸Simoni Peétero yaámugalulila aáti, “Mukáma, tuzeénde hali oóha? Íiwe oyinágo amagaambo ago obulami bwo bucha no obuchiile. ⁶⁹Íichwe nitukwiikiliza na nitusoomboókelwa nka nikwo, íiwe niwe Omutakatíifu owo kuluga hali Múungu.”⁷⁰Niho Yeézu yaábagaambila aáti, “Ngási, tiíndabatoólize íimwe ikúmi na bábili kuba abaheémba baanze? Náho no óobu bityo, oómo omuli íimwe naayebeembelelwa ni Isitáani.” ⁷¹Aho Yeézu akaba naamuhooyela Yuda, mutábani wa Simoni Iskariote. Ogwo Yuda niwe óogwo ayaakumukoonga kóongile Yeézu, mále akaba ali oómo omuli áabo abaheémba boómwe ikúmi na bábili.

¹Kágaabeele gaáhiingwiile ago, Yeézu yaábaanza kulibata omu nsi ya Galiláaya. Taleénzile kulibata omu nsi ya Yudea, habwo kuba abatégeki ba Abayahudi bakaba nibeénda kumwíita. ²Obuchilo obwo, amazenyi ga Abayahudi go Otutiindia gakaba geéliliize.³Niho balumuna ba Yeézu baámugaambila báti, “Oteekala aha, ozeénde Yudea, kuba abaheémba baawe babone kuleeba amahano áago olikukola. ⁴Kaálaaba omuuntu naayeénda akumuúke omu baantu, takweendelwa akole emilimo yoómwe aha bweeseléke. Mbwéenu, keélaaba íiwe noohicha kukola amagaambo ago, zeénda oyeyoleke omu baantu bóona, babone kukumanya.”⁵Abalumunábe bakagaamba bátyo, habwo kuba na boónyini bakaba batakumwiikiliza Yeézu. ⁶Niho Yeézu yaábagaambila aáti, “Obuchilo bwaanze obugasize, bucháali tibukahikile, náho ahali íimwe buli mwáanya nigubagasa. ⁷Abaantu be éensi ezi, tibéena entaahililo yo kubatamwa íimwe. Náho nibaantámwa íinye, habwo kuba niinyatula nka nikwo, ebikolwa byáabo ne ebyo obuzilwa.⁸Íimwe nyini, nimwiilóoko muhaname kuzeenda okwo Yeruzaléemu kulya amazenyi. Íinye tiínkuzeenda, habwo kuba obuchilo bwaanze tibukahikile.” ⁹Obuchilo Yeézu káyaamazile kugaamba amagaambo ago, yaásigala omu nsi ya Galiláaya.¹⁰Náho obuchilo abalumunábe bakaba baázeenzile Yeruzaléemu kulya echilo chikúlu echo, Yeézu náwe yaázeenda okwo, náho aha bweeseléke, atéena kweéyoleka butúnu. ¹¹Mbwéenu, obuchilo bwa amazenyi, abatégeki ba Abayahudi baaba nibamuloondela Yeézu. Baábúuza abaantu báti, “Ali nkáhi ogwo muuntu?”¹²Abaantu béenzi baaba nibadugulíma habwa Yeézu. Abáandi omuli abo nibagaámba báti, “Yeézu no omuuntu omweésigwa,” náho abáandi baaba nibagaamba báti, “Mmahi, weényini naabahabisa abaantu.” ¹³Náho talabeeleho omuuntu óogwo ayaabeele naamugaámba Yeézu ha bwéelu, habwo kuba bakaba nibabatiína abatégeki ba Abayahudi.¹⁴Ebilo bya amazenyi kibyaahikile ahagáti, Yeézu yaáhanama, yaáza omu lubúga lwe éenzu ya Múungu, yaábaanza kweégesa omwo abaantu. ¹⁵Mala, abatégeki ba Abayahudi baásobelwa habwa ameégeso goómwe, baágaamba báti, “Ngási, ogu muuntu ogu ahikize aáta kusoombookelwa góona aga, kunu atasomile?” ¹⁶Mbwéenu, Yeézu yaábagaambila aáti, “Ameégeso áago ndikubeégesa, ti gaanze, náho galugile ahali óogwo akaansiíndika.¹⁷Omuuntu óogwo alikweenda kukola áago Múungu alikweenda, ogwo alaásoombookelwa nka nikwo, ameégeso gaanze nigaluga ahali Múungu, na nka nikwo tiínkugaamba kwoónka kuluga omu muganya gwaanze. ¹⁸Omuuntu ogwo alikugaamba kwoónka ha bweenzi bwoómwe, ogwo aba naaloonda ikuzo lya weényini. Náho óogwo alikuloondela ikuzo lyo óogwo akamusiíndika, ogwo naagaámba amazima, no obuzilwa tibulimo omu muganya gwoómwe.”¹⁹Yeézu yaázeendelela kugaamba aáti, “Nimumanya nka nikwo, Musa akabaha ebilagilo bya Múungu. Náho táliho omuuntu omuli íimwe óogwo alikubyeékomya ebyo bilagilo. Ha bwaáchi nimuloónda kuunyíta?” ²⁰Aho embága ya abaantu yaámusubiza eéti, “Íiwe oyine izimu! No oóha óogwo alikweenda kukwíita?”²¹Yeézu yaábagalulila aáti, “Heena ihano límo éelyo nkakola, ne emwe mwaákaankamala.* ²²Léeba, Musa akabalagila kusála ikóbab abáana báanyu bo obuséeza. Tí nka nikwo obuteéka obwo bukaluga hali weényini Musa, náho bukalugiilila ahali besiimwe enkúlu aba kala.c Íimwe óobu nimubasála amakóba abáana báanyu no óobu ha chilo che Endaálikizo.²³Nimuzila echífu omu kweékomya ebilagilo bya Musa habwo okusála amakóba abáana báanyu abaséeza aha chilo che Endaálikizo. Náho ha bwaáchi niimmuniingahalila kaándikuchiza enziingo zóona zo omuuntu omu chilo che Endaálikizo? ²⁴Mutaákuchwaaziika omuuntu habwa amagaambo ago agalikubonwa ahéelu, náho mube nimulamula abaantu omu kukulaatila amazima.”²⁵Mbwéenu, abaantu abáandi ba Yeruzaléemu aho, baaba nibeebuúza báti, “Ngási, ogu muuntu tíwe óogwo abatégeki béetu balikuloonda kumwíita? ²⁶Mulole, óobu naagaámba ha bwéelu, na káandi tihaliho omuuntu alikumugaambila no óobu echigaambo choóna chóona! Ngási, byaakáaba nka nikwo, abatégeki béetu baásoombookelwa amazima nka nikwo, ogwo niwe Masihi? ²⁷Omuuntu ogu, nitusoomboókelwa áaho alugile. Náho obuchilo aleéza weényini Masihi, táliho muuntu óogwo alisoombookelwa áaho yaálugile.”²⁸Obuchilo Yeézu akaba naayegesa omu lubúga lwe éenzu ya Múungu, yaáyaambaza ahi iláka naagaámba aáti, “Iíngu nimugaámba, nimuummanya, na nimuhasoomboókelwa áaho ndugiíliile. Íinye tiíndeezile aha bwo obuzizi bwaanze, náho nkasiindikwa na Múungu óogwo ali owa mazima, náho íimwe timukumusoombookelwa. ²⁹Íinye niimmusoomboókelwa, habwo kuba ndugile hali weényini. Weényini niwe akaansiíndika kwíiza.”³⁰Niho abaantu baáloonda kumuta omuli itaanu, náho talabeeleho omuuntu óogwo ayaaleengesize kumutaho engalo, habwo kuba obuchilo bwoómwe obukaba buleengilwe bukaba butakahikile. ³¹Náho omuli abo baantu, bakaba balimo béenzi áabo abaamwiíkiliize Yeézu. Abaantu abo baágaamba báti, “Ngási, obuchilo Masihi aléeza, alaáhicha kukola eméenko nyíinzi kusaaga éezo alikukola ogu muuntu?” ³²Mbwéenu, Abafarisayo bahuliile óokwo embága ya abaantu nibahweehweéta bátyo habwa Yeézu. Ha bwéecho, Abafarisayo abo, hamo na abakúlu ba abagabe, baásiindika abaselikale kuba bamukwáate Yeézu.³³Niho Yeézu yaábagaambila abaantu abo aáti, “Niímba ne emwe aha mwáanya muche kwoónka. Mala niinsuba ahali óogwo akaansiíndika. ³⁴Mulaándoondela, náho timuliimbona. Káandi, ne éenye áaho ndiba ndi, íimwe timwaákuhicha kwíiza.”³⁵Niho Abayahudi bagaámba báti, “Ngási, omuuntu ogu alyáaza nkáhi áaho íichwe titukwiíle kumubona? Ngási, naayeénda kuzeenda aha Bayahudi áabo abasaambaalile omu nsi ezíindi, no kweégesa Abanyamahaánga?d ³⁶Ngási, ayina nsoonga chi obu alikugaamba nka nikwo, ‘Mulaándoondela, náho timuliinkugula. Káandi, áaho íinye ndiba ndi, íimwe timulihicha kwiizáho’?”³⁷Echilo cho kumaliiliza amazenyi go Otutiindi, chikaba chili echilo chiháango. Mbwéenu, Yeézu yaáyemeelela omu lubúga lwe éenzu ya Múungu, yaáyaambaza ahi iláka liháango aáti, “Omuuntu ayina iliho, ayize hali íinye, abone kunywa! ³⁸Amaandiko Matakatíifu nigasoomboola nka nikwo, omuuntu óogwo alikuunyikiliza, ‘enzwéelo za méenzi agatuha obulami zilaázela kuluga omuli weényini.’”³⁹Yeézu akaba naahoóyela Omwooyo Mutakatíifu, óogwo baliinaánkula abaantu áabo abamwiíkilize Yeézu. Omwáanya ogwo, Múungu akaba atakasiíndikile Omwooyo gwoómwe hali boónyini, habwo kuba Yeézu akaba achaali atakakuziibwe.⁴⁰Mbwéenu abaantu abáandi kuluga omuli ezo mbága kábaahuliile ago magaambo, baágaamba báti, “Mazima, ogu muuntu niwe ogwo omubáasi óogwo tulikumuliindilila kuluga ahali Múungu.” ⁴¹Abaantu abáandi baágaamba báti, “Óogu muuntu niwe Masihi.” Náho abáandi baágaamba báti, “Mmahi, Masihi tiyaákuhicha kuluga omu nsi ya Galiláaya. ⁴²Ngási, Amaandiko Matakatíifu tigakusoomboola nka nikwo, Masihi alaáluga omu lugaanda lwo omukáma Daudi? Káandi nka nikwo, alaázaálilwa omuli Betlehemu, omu mugoongo óogwo akazaalilwámo Daudi?”⁴³Bityo ezo mbága ya baantu eba yaátaagana habwa Yeézu. ⁴⁴Abáandi bakaba nibeénda kumuta omuli itaanu náho talabeeleho omuuntu óogwo ayaaleengesize kumukwáata.⁴⁵Mbwéenu, abaselikale abo baásuba aha bakúlu ba abagabe na Abafarisayo. Abatégeki abo baábabúuza báti, “Ha bwaáchi timwaamukwaata Yeézu no kumuléeta aha?” ⁴⁶Abaselikale abo baábasúbiza báti, “Tuchaáliga no obuche bwa akáti kuhulila omuuntu oóndi óogwo alikuhicha kugaamba nko óokwo alikugaambáho ogu.”⁴⁷Niho Abafarisayo baábabúuza báti, “Ngási, no óobu íimwe mwaábeehabeehilwe náze? ⁴⁸Ngási, mwaábwéene no óobu oómo omu beébeembezi ba abaantu nali Omufarisayo no óobu oómo óogwo ayaámwiíkilize? ⁴⁹Náho abaantu áabo abalikumwiíkiliza, ne embága ya abaantu áabo abatakusoombookelwa ebilagilo bya Musa. Bacheénilwe na Múungu!”⁵⁰Niho Nikodemo, oómo wa abatégeki ba Abafarisayo óogwo ha bubaandizo akaba ayimukile kuza hali Yeézu echilo chimo omu chilo, yaábúuza bazeenzíbe nka nikwo, ⁵¹“Ngási, echilagilo chéetu nichikuúnda kumuchwaaziika omuuntu obuchilo titukamuhuliliize no kusoombookelwa áago alikukola?” ⁵²Boónyini baámusubiza Nikodemo báti, “Ngási, ne ewe nyini olugile Galiláaya? Ilóoko ozeénde ogacheéngelele kuzima Amaandiko Matakatíifu, ne ewe obóne kusoombookelwa nka nikwo, táliho no obuche bwa akáti omubáasi óogwo alilugiilila omuli Galiláaya.”⁵³Yohana 7 53 Niho buli muuntu akazeenda omuka'ye

¹(Niho abo bóona baalugáyo okwo, baásuba omúka). Yeézu yaázeenda ahi ibaanga lye Emizeituni. ²Óobu haáchíile, Yeézu yaázeenda káandi omu lubúga lwe éenzu ya Múungu. Abaantu bóona baamwiizáho, náwe yeékala, yaábaanza kubeégesa. ³Niho, abeégesa be ebilagilo bya Musaa na Abafarisayo, baámuléeta omukázi óogwo akaba akwaásilwe omu busaambani, baámuta ahagáti ye embága ya abaantu.⁴Mala baámugaambila Yeézu báti, “Mweégesa, ogu mukázi, yaákwáatwa naasaambana. ⁵Mbwéenu, omu bilagilo byéetu, Musa akatulagila kwiita omukázi nko ogu, ha kumuhoonda na amabáale. Mbwéenu, íiwe noogaámbáho oóta?” ⁶Boónyini bakamubúuza bátyo Yeézu habwo kumuleengesa, babone kubonesa omuháanda gwo kumulégelela. Náho Yeézu yeénama, yaábaanza kwaandika ahaansi no olukumu lwoómwe.⁷Obu baázeendeliile kumubúuza, Yeézu yeénamuluka, yaábagaambila aáti, “Kaálaaba aliho omuuntu omuli íimwe óogwo achaáliga kuhena no óobu entúlo eémo, ogwo aábe owo kubaanza kumuhoonda ibáale ogu mukázi.” ⁸Mala, Yeézu yeénama káandi ahaansi, yaázeendelela kwaandika ahi itaka.⁹(Obu baáhuliile ago magaambo, baálegelelwa ne emiganya yáabo), baábaanza kunyoloomboka oómo oómo, kubaandiza abanyaampala. Ha muheleeluko, Yeézu yaasigalaho weénka no ogwo mukázi, ogu mukázi yaásigala ayemeeliile omu méeso goómwe. ¹⁰Niho Yeézu yeénamuluka, yaámubúuza aáti, “Íiwe mukázi, bali nkáhi áabo abalikukulegelela? Ngási, táliho óogwo ayaásigalila abone kukuchwaáziikila?” ¹¹Yaámugalulila aáti, “Mukáma, tiyaásigalilaho no óobu oómo.” Niho, Yeézu yaámugaambila aáti, “Nóobu íinye tiínkukuchwaaziikila. Zeénda, náho kubaandiza leélo éeli, otahena káandi.”¹²Mbwéenu, Yeézu yaázeendelela kugaamba aáti, “Íinye ni íinye omwaanga gwe éensi. Omuuntu weéna wéena óogwo alikuunkulaatila íinye, takulibata omu nsiimbaazi no obuche bwa akáti, náho aláaba no omwaanga óogwo gulikumweebeembelela omu bulami bwo obucha no obuchiile.” ¹³Abafarisayo baámugaambila Yeézu báti, “Íiwe nooyesiinza weénka. Okusiinza kwaawe tí kwa amazima!”¹⁴Yeézu yaábagalulila aáti, “Nóobu bilaaba niinyesiinza nyeénka, okusiinza kwaanze no kwa amazima. Íinye niinsoomboókelwa áaho nkaluga, káandi niinsoomboókelwa áaho ndikuzeenda. Náho íimwe timukusoombookelwa áaho nkaluga na áaho ndikuzeenda. ¹⁵Íimwe nimuteekuza no kulamula kwiingana na akaleébele ka abaantu, náho íinye tiínkumulamulila muuntu iíntyo. ¹⁶Náho kábilaaba íinye niimmulamulila omuuntu, niimmulamulila aha mazima, habwo kuba íinye tiíndi nyeénka, náho ndi hamo na Táata óogwo akaansiíndika.¹⁷Omu bilagilo byáanyu haandikilwe nka nikwo, okusiinza kwa abaantu bábili nikweesigwa kuba okwa amazima. ¹⁸Mbwéenu, íinye niinyesiínza, na Táata óogwo akaansiíndika náwe naanyesiinza.”¹⁹Niho Abafarisayo baámubúuza Yeézu báti, “Ngási, Iíso ali nkáhi?” Yeézu yaábagalulila aáti, “Íimwe timukuunsoombookelwa íinye, no óobu Táata timukumusoombookelwa. Kabiliba mwaakuunsoomboókiilwe íinye, mbwéenu mukaámusoombookiilwe na Táata.” ²⁰Yeézu akagaamba ago góona, obuchilo yaabele naayegesa aha lubuga lwe éenzu ya Múungu, ahaantu áaho bakaba nibatamo omwo ebíibo bye empilya. Náho talabeeleho omuuntu óogwo akamuta omuli itaanu, habwo kuba obuchilo bwoómwe bukaba butakahikile.²¹Mbwéenu, Yeézu yaábagaambila Abafarisayo abo káandi aáti, “Íinye niinzeénda, ne emwe mulaándoondela. Náho mulaafwa omu biheno byáanyu. Áaho ndikuzeenda íinye, íimwe timukuhicha kwiizáho.” ²²Niho abatégeki ba Abayahudi baábaanza kweébuuza báti, “Ha bwaáchi naagaámba nka nikwo, titukwiíle kumukulaatila áaho alikuzeenda? Ngási, naáza kweéyita?”²³Yeézu yaázeendelela kubasoomboolela aáti, “Íimwe mulugiliile ahaansi aha, náho íinye ndugile olugulu omu igulu. Íimwe muli abe ezi nsi, náho íinye tiíndi we éensi ezi. ²⁴Niyo ensoonga nkabagaambila nka nikwo, mulaáfwéela omu biheno byáanyu. Habwo kuba kamulaaba mutakwíikiliza nka nikwo ‘Íinye Niwe,’c mulaáfwéela omu biheno byáanyu.”²⁵Nábo baámubúuza báti, “Otugaambiile, íiwe oli oóha?” Yeézu yaábagalulila aáti, “Mbagaambíile kuluga obutaándikilo nka nikwo íinye ndi oóha! ²⁶Nnyina amagaambo méenzi go kubagaambila no kubachwaáziika, náho tiínkukola iíntyo. Óogwo akaansiíndika no wa amazima, ne éenye empola éezo naáhuliile kuluga hali weényini, nizo ndikubasoomboolela abaantu be éensi ezi.” ²⁷Obuchilo bahuliile ebyo, tibalasoombookiilwe nka nikwo akaba naagaámba nábo habwe Eése owo omu igulu.²⁸Mbwéenu, Yeézu yaábagaambila aáti, “Obuchilo mulaanhanamika aha musalaba, aho niho mulaamanya nka nikwo íinye niwe Mutábani wo Omuuntu. Káandi mulaásoombookelwa nka nikwo góona áago ndikukola, tiínkugakola habwa amagala gaanze, náho niingagaámba óokwo Táata akaanyegesa. ²⁹Ogwo ayaansiíndikile ali hamo neenye. Takaandekile íinye nyeénka, habwo kuba obuchilo bwóona niinkola ago agalikumusemelela.” ³⁰Obuchilo Yeézu akaba naagaámba amagaambo ago, abaantu béenzi baámwiíkiliza.³¹Mbwéenu, Yeézu yaábagaambila Abayahudi áabo baamwiikiliize aáti, “Kábilaaba nimuzeendelela kukulaatila ameégeso gaanze, aho niho muláaba abaheémba baanze ba amazima. ³²Káandi mulaásoombookelwa amazima, na amazima ago, nigabaha obweéyagaaluzi.” ³³Boónyini baámusubiza báti, “Íichwe ne enzaalwa za Ibrahímu.d Tuchaáliga kukolwa no omuuntu weéna wéena kuba abahálila. Ha bwaáchi nootugaambila nka nikwo íichwe nituba abeéyagaalwiile?”³⁴Yeézu yaábagalulila aáti, “Mazima butúnu niimbagaambila nka nikwo, omuuntu weéna wéena óogwo alikuzeendelela kuhena, ogwo no omuhálila we echiheno. ³⁵Omuhálila tasigala omúka yo omukáma woómwe ebilo byóona, náho omutábani niwe asigalila omúka ebilo byóona. ³⁶Bityo, íinye Mutábani wa Múungu kaándikubaha obweéyagaaluzi, nimuba mweéyagaalula mazima³⁷Niinsoomboókelwa nka nikwo, íimwe muli abo oluzáalo lwa Ibrahímu. Náho nimuloondela kuunyíta, habwo kuba nimwaánga kwiikiliza áago ndikuboólekeelela. ³⁸Íinye niimbagaambila áago mbweene ahali Táata, náho íimwe nimukola áago muhuliile kuluga hali isíimwe.”³⁹Boónyini baámusubiza báti, “Ibrahímu niwe isíichwe!” Yeézu yaábagalulila aáti, “Kábilaaba mazima muli enzáalwa ya Ibrahímu mukaábeele nimukola áago akaba akola Ibrahímu. ⁴⁰Náho óobu nimuloondela omuháanda gwo kuunyíta, no óobu naámazile kubasoomboolela amazima áago naáhuliile kuluga ahali Múungu. Ibrahímu talakozile óokwo mulikuloonda kukola óobu. ⁴¹Ebikolwa éebyo íimwe mulikukola, nibiluga ahali isíimwe.” Niho baámusubiza báti, “Íichwe tituli enzaalwa zo obusiihani. Twiina Táata oómo weénka niwe Múungu!”⁴²Yeézu yaábagalulila aáti, “Kaálaaba Múungu ali Isíimwe, mukaányeenzile, habwo kuba nkaluga ahali Múungu, no óobu ndi aha. Íinye tiíndeezile aha magala gaanze, náho Múungu niwe yaánsiíndikile. ⁴³Ha bwaáchi timukusoombookelwa áago ndikubagaambila? Na habwo kuba timukweenda kuhuliliiza amagaambo áago ndikubasoomboolela. ⁴⁴Íimwe muli abi Isitáani, ogwo niwe isíimwe! Bityo nimweénda kukola áago isíimwe alikuligila. Weényini no omwíisi kulugiilila aha butaándiko, mále tayeénda amazima, habwo kuba amazima tigalimo omuli weényini. Obuchilo naagaámba ebisuba, niyo entabuko yoómwe, habwo kuba weényini no omubéehi, káandi niwe iíse we ebisuba byóona.⁴⁵Náho timukuunyikiliza íinye habwo kuba niimbasoomboolela amazima. ⁴⁶No oóha omuli íimwe óogwo ayaakuhicha kusiinza nka nikwo íinye ndi omuheni? Keélaaba niimbagaambila amazima, ha bwaáchi timukuunyikiliza? ⁴⁷Omuuntu óogwo ali owa Múungu, ahulila amagaambo goómwe Múungu. Íimwe timukuhulila amagaambo goómwe, habwo kuba íimwe timuli abaantu boómwe.”⁴⁸Abayahudi baámusubiza Yeézu báti, “Ngási, íichwe hanu titukugaamba amazima katulikugaamba nka nikwo, íiwe oli omunya Samaria, na káandi oyine izimu?” ⁴⁹Yeézu yaábagalulila aáti, “Íinye tiinyina izimu. Íinye niimmukúza Táata, náho íimwe nimuungoókela.⁵⁰Íinye tiínkuloonda echikumuuko chaanze, náho aliho oóndi óogwo alikuloonda kuunkúza, káandi niwe omulamuzi wa mazima. ⁵¹Mazima butúnu niimbagaambila nka nikwo, omuuntu óogwo alikweékomya ameégeso gaanze, talifwa no obuche bwa akáti.”⁵²Mbwéenu, Abayahudi abo baámugaambila Yeézu báti, “Óobu nitusoomboókelwa nka nikwo, íiwe oyina izimu! Ibrahímu akafwa, na ababáasi nábo bakáfwa. Náho íiwe noogaámba nka nikwo, ‘Omuuntu óogwo alikweékomya ameégeso gaanze, talifwa no obuche bwa akáti.’ ⁵³Ngási, nooyekola kuba mukúlu kusaaga isíichwe enkúlu Ibrahímu? Weényini akafwa, na ababáasi nábo bakáfwa. Ngási, íiwe nooyekola kuba oóha?”⁵⁴Yeézu yaábagalulila aáti, “Kábilaaba niinyekuza nyeénka, kweékuza kwaanze tikwiina nsoonga yoóna yóona. Náho Táata, óogwo mulikugaamba íimwe nka nikwo ni Múungu wáanyu, niwe alikuunkuza. ⁵⁵Íimwe timukumusoombookelwa Múungu, náho íinye niimmusoomboókelwa. Keélaaba naakugaambíle nka nikwo tiínkumusoombookelwa, niho naakubeele ndi omubéehi nke éemwe. Náho íinye niimmusoomboókelwa Múungu, káandi niinkulaatila áago alikugaamba. ⁵⁶Isíimwe enkúlu Ibrahímu, akanulilwa bwooli kuchibona echilo cho kwíiza kwaanze. Obuchilo yaachibwéene, akanulilwa bwooli.”⁵⁷Mbwéenu, Abayahudi baámugaambila Yeézu báti, “Íiwe tokahikize emyáaka makúmi ataanu. Ni bitaho okahicha kumubona Ibrahímu?” ⁵⁸Yeézu yaábagalulila aáti, “Mazima butúnu niimbagaambila nka nikwo, obuchilo Ibrahímu akaba atakazéelwe, íinye ndiyo.”e ⁵⁹Obuchilo Abayahudi baáhuliile ago, baákobya amabáale babone kugamuhoondesa.a Náho Yeézu aba yeéseleka, yaásohola omu lubúga lwe éenzu ya Múungu.

¹Echilo chimo, obuchilo Yeézu akaba naalibata omu muháanda, yaábona omuuntu oómo óogwo akazaalwa ali omuhume. ²Abaheémba boómwe baámubúuza báti, “Mweégesa, omuuntu ogu akazaalwa ali omuhume habwe ebiheno byo oóha? Byo omuuntu ogu weényini, nali bya abazeele boómwe?”³Yeézu yaábagalulila aáti, “Óogu talabeele omuhume habwe ebiheno byoómwe, nali ebiheno bya abazeele boómwe. Náho akazaalwa ali omuhume, kuba obuzizi bwa Múungu bubone kumanyiswa omu baantu kulabila obulami bwoómwe. ⁴Nitweendélwa kukola emilimo ya Múungu óogwo akaansiíndika, obuchilo óobu hacháali ni nyemisana. Ensiimbaazi neeyiza kwiiza, áaho tulaaleka kuhicha kukola emilimo ezo. ⁵Obuchilo óobwo nchili omu nsi ezi, íinye ndi omwaanga omu baantu be éensi ezi.”⁶Obuchilo Yeézu yaámazile kugaamba ago magaambo, yaáchweela amachwaánta ahi itaka, yaábúumba olutome na amachwaánta, olwo lutome yaálusiiga aha méeso go ogwo omuhume. ⁷Niho yaámugaambila ogwo omuhume aáti, “Zeénda onáabe omu iláambo lya Siloamu.” Siloamu, ensoonga yaáho no “Óogwo asiindikilwe.” Niho ogwo omuhume yaázeenda, yaánaaba obuso, yaásuba omúka yoómwe naahweéza kuzima.⁸Mbwéenu, batúuzi boómwe na abáandi abaabeele baalamanyiile kumubona ali omu kusabiliza, beébuuza báti, “Ngási, ogu muuntu tíwe oliinya óogwo akaba asiiba ayikeele no kusabiliza?” ⁹Abáandi baágaamba báti, “Níwe.” Abáandi baágaamba báti, “Tí weényini, náho naasusana náwe bwooli.” Náho weényini nyini yaábasoomboolela aáti, “Na amazima, niwe íinye.”¹⁰Niho baámubúuza báti, “Kábilaaba amazima niwe íiwe, ni bitaho améeso gaawe gaáhicha kuhwéeza?” ¹¹Yaábagalulila aáti, “Omuuntu óogwo alikwéetwa Yeézu, akachwéela amachwaánta omu itaka, yaálubúumba, olwo lutome yalusiiga aha méeso gaanze. Mala yaángaambila nka nikwo, ‘Zeénda onáabe omu iláambo lya Siloamu.’ Mbwéenu mba naázeenda, naánaaba, naábonesa kuhweeza.” ¹²Boónyini baámubúuza báti, “Ngási, ogwo muuntu ali nkáhi?” Náwe yaábagalulila aáti, “Íinye tiínkumanya.”¹³v 13 Mbwéenu, baámutwáala óogwo akaba ali omuhume aha Bafarisayo. ¹⁴Echilo éecho Yeézu akakola olutome na amachwaánta, no kumuchíza ogwo muhume, chikaba chili echilo che Endaálikizo. ¹⁵Mbwéenu, Abafarisayo nábo baámubúuza káandi omuuntu ogwo óokwo akahichaho kuhweeza. Yaábagalulila aáti, “Omuuntu oómo akaansiiga olutome aha méeso, naánaaba, no óobu niinhweéza.”¹⁶Niho Abafarisayo abáandi baágaamba báti, “Omuuntu óogwo akozile aátyo, talugile ahali Múungu, habwo kuba naahenela ebilagilo bye echilo che Endaálikizo.” Náho Abafarisayo abáandi baágaamba báti, “Ngási, omuheni yaakaáhichaho aáta kukola eméenko za amahano nke ezo?” Ha bwéecho, baátáana boónyini boónka. ¹⁷Niho, Abafarisayo baámubúuza káandi óogwo ayaabeele ali omuhume báti, “Omuuntu óogwo ayaákuchiza améeso gaawe, íiwe noogaámbáho oóta habwa weényini?” Náwe yaábagalulila aáti, “Íinye niimbóna omuuntu ogwo no omubáasi wa Múungu.” ¹⁸Náho abatégeki abo ba Abayahudi tibalekiliize empola ezo nka nikwo, omuuntu ogwo akaba ali omuhume. Ha bwéecho, baáyéta abazeele boómwe.¹⁹Baábabúuza báti, “Ngási, omuuntu ogu ni mutábani wáanyu? Na amazima nka nikwo akazaalwa ali omuhume? Kábilaaba ni bityo, ni bitaho yaáhicha kuhweeza óobu?” ²⁰Niho abazeele boómwe baábagalulila báti, “Íichwe nitusoomboókelwa nka nikwo ogu ni mutábani wéetu, na nka nikwo akazaalwa ali omuhume. ²¹Náho titukusoombookelwa óokwo akahicha kuhweeza, káandi titukumusoombookelwa omuuntu óogwo ayaamuchilize améeso goómwe. Mumubúuze weényini, habwo kuba ni muuntu mukúlu, yaakaáhicha kusoomboola weényini.”²²Abazeele boómwe bakagaamba bátyo, habwo kuba bakaba nibabatiína abatégeki ba Abayahudi. Habwe ensoonga, Abayahudi bakaba beékililizeene nka nikwo, omuuntu weéna wéena óogwo aleekiliza nka nikwo Yeézu niwe Masihi, alaátaaguchwa kuluga omu isomelo. ²³Nicho chaaleételiile abazéele bagaámbe báti, “Mumubúuze weényini, habwo kuba ni muuntu mukúlu.”²⁴Mbwéenu, abatégeki ba Abayahudi baámwéeta káandi omuuntu óogwo akaba ali omuhume, baámugaambila báti, “Omuhe ikuzo Múungu nka nikwo, gaámba amazima! Íichwe nitumanya nka nikwo óogwo muuntu ayaakuchilize, no omuheni.” ²⁵Náwe yaábagalulila aáti, “Íinye tiínkumanya nkokwo omuuntu ogwo no omuheni, náho niinsoomboókelwa echiintu chimo choónka. Nkaba ndi omuhume, náho óobu niinhweéza.”²⁶Mála baámubúuza báti, “Ngási, ogwo muuntu akukoliile chiíha? Akuhuumbulwiile aáta ago méeso gaawe?” ²⁷Náwe yaábagalulila aáti, “Naámazile kubasoomboolela empola ezo, náho timwaámpuliiliza. Ha bwaáchi nimweénda mbagaambile káandi? Ngási, ne emwe nimweénda kuba abaheémba boómwe?” ²⁸Náho, boónyini baámuzuma báti, “Íiwe níwe omuheémba woómwe! Náho íichwe tuli abaheémba ba Musa. ²⁹Nitusoomboókelwa nka nikwo Múungu akagaamba na Musa, náho omuuntu ogwo titukusoombookelwa áaho alugile.”³⁰Náwe yaábagalulila aáti, “Echi ne echigaambo cho kusobeza bwooli! íimwe timukusoombookelwa áaho yaálugile, náho ogwo niwe ayaánchíza améeso gaanze! ³¹Nitusoomboókelwa nka nikwo, Múungu takuhulila okusaba kwa abaheni, náho naahulila omuuntu weéna wéena óogwo alikumugomookela Múungu no kukola áago alikweenda.³²Kulugiilila kala, tuchaáliga kuhulila no óobu entúlo eémo nka nikwo, omuuntu yaáchiza omuuntu óogwo akazaalwa ali omuhume. ³³Kayaakuba omuuntu ogwo atalugiíliile owa Múungu, tiyaákuhikize kukola choóna chóona.” ³⁴Boónyini baámugalulila báti, “Íiwe okazáalwa no okulelwa nko omuheni. Mbwéenu noohichaho oóta kutweégesa íichwe?” Niho, baba baamutaaguchamo omwo.³⁵Obuchilo Yeézu yaahuliize nka nikwo baamutaaguchamo ogwo muuntu, yaázeenda kumutabuuza. Obuchilo yaamubwéene, yaámubúuza aáti, “Ngási, noonyikiliza íinye Mutábani wo Omuuntu?” ³⁶Omuuntu ogwo yaámugalulila aáti, “Mukáma, ongaambile Mutábani wo Omuuntu no oóha, mbone kuba niimwiikiliza.” ³⁷Yeézu yaasubámo naamugaámbila aáti, “Íiwe waámazile kumubona, káandi niwe óogwo olikuhooya náze.” ³⁸Omuuntu ogwo yaámuzila aáti, “Niinyikiliza Mukáma waanze.” Niho yaámulamya.³⁹Mbwéenu, Yeézu yaámuzila aáti, “Íinye nnyizile omu nsi ezi kuchwaáziika, kuba abo abali abahume babone kuhweeza, na abo abalikuleeba, babe abahume.” ⁴⁰Niho, Abafarisayo abáandi áabo bakaba baliho aho, obuchilo bahuliile amagaambo ago, baámubúuza báti, “Ngási, noogaámba nka nikwo ne echwe tuli abahume?” ⁴¹Yeézu yaábagalulila aáti, “Kámwaakubeele abahume, timwaákubeele ne entaambala ye echiheno. Náho óobu nimugaámba nka nikwo nimuleeba kuzima, habwe echo nimusigala ne echiheno cháanyu.”

¹Yeézu yaázeendelela kugaamba aáti, “Mazima butúnu niimbagaambila nka nikwo, omuuntu óogwo atakutaaha omu chihoongóle che entaama omu kuhiíngula ahi iléembo, náho naalabila aháandi, ogwo muuntu no omwíibi mále no omunyagiilizi. ²Náho óogwo alikutaahámo omu kulabila ahi iléembo lye echihoongóle, ogwo niwe omulíisa we entaama.³Omuliinzi we echibuga amuchiingulila ogwo iléembo, ne entaama zihulila iláka lyoómwe. Náwe omulíisa ayéta buli ntaama izíina lyaáyo no kuzifunya omu kusohola ahéelu. ⁴Obuchilo yaámazile kuzisohoza entaama zoómwe ahéelu, naazeebeembelela omu méeso, názo zimukulaátila, habwo kuba zilisoomboókelwa iláka lyoómwe.⁵Entaama tizikuhicha kumukulaatila omuzenyi, náho zimwiiluka, habwo kuba tizikulisoombookelwa iláka lyoómwe.” ⁶Yeézu akabagaambila Abafarisayo omugani ogu, náho boónyini tibalasoombookiilwe áago akaba naabagaambila.⁷Mbwéenu, Yeézu yaábagaambila káandi aáti, “Mazima butúnu niimbagaambila nka nikwo, íinye niwe iléembo éelyo entaama zilabila kutaaha omu chibuga. ⁸Abo abáandi bóona abaanyebeembeliile kwiiza bakaba bali abeebi na abanyagiilizi, náho entaama tizilabahuliilize.⁹Íinye niwe elyo iléembo. Weéna wéena óogwo alikutaahamo omu chibuga kulabila hali íinye, alaáchuúngulwa, káandi alyáaba omweéyagaaluzi kuzamo no kusohola, na naabonesa amaliísizo. ¹⁰Omwíibi ayiza omu chibuga habwe echihika cho kwíiba, no kwíita no kusiingaalicha. Náho íinye nnyizile babone kuba no obulami, káandi babe no obulami obwo ha bwíinzi.¹¹“Íinye ni íinye omulíisa omweésigwa. Omulíisa omweésigwa asohoza obulami bwoómwe habwe entaama zoómwe. ¹²Omuuntu alikuliísiza empeéla atali kanyinázo entaama, kaálikubona omusegwe nigwiíza, naayiluka no kuzinagilana entaama zoónka. Ha bwéecho, ogwo musegwe niguzizaázaana ezo ntaama no kuzisaámbaaza. ¹³Ogwo muliisa we empeéla ayiluka, habwo kuba takuzisaaswa ezo ntaama no obuche bwa káti.¹⁴“Íinye ni íinye omulíisa omweésigwa. Niinzisoombookelwa kuzima entaama zaanze, názo niziinsoombookelwa, ¹⁵nko óokwo Táata alikuunsoombookelwaho íinye, ne éenye nikwo ndikumusoombookelwaho. Íinye niinsohoza obulami bwaanze habwe entaama zaanze. ¹⁶Íinye nnyina entaama ezíindi éezo ezitali ezo omuli echi chibuga, niinyeendelwa názo nziléete óomu. Kuba ezo ntaama názo, zilaálihulila iláka lyaanze. Bityo, nibuba obusho búmo, no omulíisa oómo.¹⁷“Ha bwéecho, nicho Táata anyeéndela, kuba niimbusohoza obulami bwaanze, mbone kubusúbya káandi. ¹⁸Táliho omuuntu óogwo ayaakuhicha kusaakula obulami bwaanze. Ni íinye nyeénka ndikubusohoza obulami bwaanze. Nnyina obuzizi bwo kubusohoza obulami bwaanze, mala nnyina obuzizi bwo kubusúbya káandi. Echo chilagilo cho kukola iíntyo nkachiinaankula kuluga hali Táata.”¹⁹Obuchilo bahuliile amagaambo ago, Abayahudi baba baátáana káandi boónyini boónka. ²⁰Béenzi kuluga omuli abo nyini baágaamba báti, “Óogu ayina izimu! Mále ahikiilwe na abazimu! Ha bwaáchi nimumuhuliiliza?” ²¹Náho abáandi baágaamba báti, “Amagaambo áago alikugaamba ti go omuuntu óogwo ayina izimu. Ngási, izimu likaáhicha kumukola omuhume ahweéze?”²²Mbwéenu, okwo Yeruzaléemu, hakaba heena obuzenyi bwa Abayahudi bwo kwiizuka nka nikwo isomelo likéezwa no kuchiíngulwa káandi. Obuchilo obwo, bukaba buli obwe embého. ²³Yeézu akaba naalibata aha lubúga lwe éenzu ya Múungu, aha chinogoka éecho chilikwéetwa nka nikwo, omu Ikulato lya Selemani. ²⁴Abayahudi abáandi baámuzoongoloka, baámubúuza báti, “Ngási, nootuteéyeecha omu miganya yéetu kuhicha iíli? Kábilaaba íiwe niwe Masihi, otugaambiile butúnu.”²⁵Náho Yeézu yaábagalulila aáti, “Íinye naámazile kubasoomboolela iíntyo, náho íimwe timukuunyikiliza. Ebikolwa éebyo ndikukola habwa amagala ga Táata, nibyo bilikuunsíinza nka nikwo íinye ndi oóha. ²⁶Náho timukweenda kuunyikiliza, habwo kuba íimwe timuli entaama zaanze.²⁷Entaama zaanze zihulila iláka lyaanze. Íinye niinzisoombookelwa, názo ziinkulaátila. ²⁸Íinye niimbáha obulami bwo obucha no obuchiile, na tibalisiingaalika no obuche bwa akáti. Káandi tíhalibaho omuuntu óogwo alihicha kubasaakula íimwe kuluga omu mikono yaanze.²⁹Táata óogwo ampeele abo, weényini niwe mukúlu kusáaga bóona. Káandi táliho omuuntu óogwo ayaakuhicha kubasaakula kuluga omu ngalo zoómwe. ³⁰Íinye na Táata tuli obúmo.” ³¹Ahonyini Abayahudi baákobya amabáale, babone kugamuhoondesa.³²Náho Yeézu yaábagaambila aáti, “Ndaboólekile ebikolwa bíinzi bizima éebyo nkakola habwo obuzizi bwa Táata. Ni chigaambo chi omuli ebyo echilikubakola íimwe muloónde kuúnhoonda na amabáale?” ³³Abayahudi baábasúbiza báti, “Titukweenda kukuhoonda na amabáale habwo kukola amagaambo amazima, náho habwo kuba noomulyoógooza Múungu. Nooyegaámba nka nikwo íiwe oli Múungu, obuchilo íiwe oli omuuntu kwoónka nka abáandi!”³⁴Yeézu yaábabúuza aáti, “Ngási, tihaandikilwe omu Maandiko gáanyu ge ebilagilo nka nikwo Múungu akagaamba nkokwo, ‘Íimwe muli bamúungu’? ³⁵Haandikilwe omu Maandiko Matakatíifu nka nikwo, abaantu áabo abeenaánkwiile echigaambo cha Múungu, Múungu akabéeta nka nikwo ni bamúungu. Neechwe nitusoomboókelwa nka nikwo, ago agaándikilwe omu Maandiko Matakatíifu na aga amazima tigakuhicha kwiihibwáho. ³⁶Táata niwe ayaanyelize no kuunsiíndika omu nsi ezi. Óobu ngási, ha bwaáchi nimugaámba nka nikwo, íinye niimmulyoógooza Múungu obuchilo niingaámba nka nikwo, ‘Íinye ndi Mutábani wa Múungu’?³⁷Kábilaaba tiínkukola emilimo za Táata, mbwéenu mutaanyikiliza. ³⁸Náho kábilaaba niinkola emilimo ya Táata, no óobu kábilaaba timukuunyikiliza íinye, mbwéenu mwiikilize emilimo ezo. Niho mulaásoombookelwa no kumanya nka nikwo, Táata ali omuli íinye, ne éenye ndi omuli weényini Táata.” ³⁹Obuchilo Abayahudi bahuliile amagaambo ago, baáloonda káandi kumuta omuli itaanu, náho Yeézu aba yeépuluusuka omu ngalo záabo yaatáyo.⁴⁰Mala, Yeézu azeénda káandi buseeli bwo omunóna gwa Yorodáani, yaáhika áaho Yohana akaba abatiza abaantu aha bubaandizo. Yeékalayo okwo ebilo bíche. ⁴¹Abaantu béenzi baamwiizáho, baágaamba báti, “No óobu kábilaaba Yohana talakozile oluméenko no óobu lúmo, náho amagaambo góona áago akaba naagaámba habwa Yeézu, gakaba gali aga mazima.” ⁴²Abaantu béenzi áabo bakaba baliho aho, baámwiíkiliza Yeézu.

¹Akaba aliho omuuntu oómo izíina lyoómwe Lazáaro, akaba naatuúla Betania, náwe akaba ali omulwéele. Omuli ogwo mugoongo gwa Betania nimwo bakaba batuula banyáanya bo ogu Lazáaro, bali Mariamu na Marita. ²Óogu Mariamu, munyáanya wa Lazáaro omulwéele, niwe óogwo akamusiiga Omukáma Yeézu amazuta go omugazu yaámukubula amagulu habwi isóke lyoómwe.³Mbwéenu, Mariamu na Marita baásiindika empola ahali Yeézu báti, “Mukáma, enfula yaawe Lazáaro no omulwéele.” ⁴Obuchilo Yeézu yaáhuliile empola éezo, yaágaamba aáti, “Endwáala éezo ti yo kumwíita, náho ne eyo kwoóleka ikuzo lya Múungu. Alweele kuba, habwo omuháanda ogwo, íinye Mutábani wa Múungu, mbone kukúzibwa omu kulabila endwáala yoómwe.”⁵Yeézu akabéenda Marita na Mariamu munyáanya, wa Lazáaro. ⁶Mbwéenu, obuchilo Yeézu yaahuliize nka nikwo Lazáaro akaba ali omulwéele, yaázeendelela kwíikala ahaantu áaho ebilo bibili. ⁷Mala káyaamazile éebyo, niho Yeézu yaábagaambila abaheémba boómwe aáti, “Tusubeyo okwo Yudea.”⁸Abaheémba boómwe baámusubiza báti, “Mweégesa, no óobu zuba zuba nka nikwo Abayahudi bakaba nibeénda kukuhoonda na amabáale babone kukwíita. Ha bwaáchi nooyeénda kusubayo káandi okwo?” ⁹Yeézu yaábagalulila aáti, “Ngási, nyemisana tezila amasáaha ikúmi na abili? Kábilaaba omuuntu naalibata nyemisana, tiyaákuhicha kweékuumpa okugulu kwoómwe, habwo kuba omwaanga gwe éensi ezi nigumumulikila byóona.¹⁰Náho óogwo alikulibata omu chilo, naayekuúmpa, habwo kuba omwaanga gwo kumumulikila tigulimo.” ¹¹Obuchilo Yeézu káyaamazile kugaamba áago, yaázeendelela kugaambila abaheémba boómwe aáti, “Munywáani wéetu Lazáaro abyaámile, náho niinzeénda kumwiimucha.”¹²Niho abaheémba boómwe baámusubiza báti, “Mukáma, keélaaba alyaamile, naachila.” ¹³Abaheémba boómwe bakateekuza nka nikwo naateekelela nka nikwo Lazáaro alyaamile otúlo, náho Yeézu akaba naamanyisa nka nikwo yaáfwiile. ¹⁴Niho, Yeézu kubagaambila butúnu aáti, “Lazáaro yaáfwiile.¹⁵Náho íinye niinulilwa nka nikwo mbele ntaliho obuchilo Lazáaro naakába, kuba íimwe mubóne kuunyikiliza. Mbwéenu, tuzeénde owoómwe.” ¹⁶Niho omuheémba oómo izíina lyoómwe Tomaso óogwo izíina elíindi akaba ayétwa Iloongo, yaábagaambila abaheémba bazeenzíbe aáti, “Neechwe tuzeénde, tubone kufwa hamo náwe.”¹⁷Mbwéenu, obuchilo Yeézu yaahikileyo okwo, yaásaanga Lazáaro akaba yaámazile ebilo bina omu chiláalo. ¹⁸Omugoongo gwa Betania gukaba guli nke ekilomíita isatu kwoónka kuluga Yeruzaléemu. ¹⁹Abayahudi béenzi bakaba beézile Betania kusuumbilila Marita na Mariamu, habwo olufu lwa Lazáaro munyáanya wáabo. ²⁰Mbwéenu, obuchilo Marita yaáhuliile nka nikwo Yeézu akaba naayiza, yaásohola ahéelu, yaázeenda kumunyegeza. Kwoónka weényini Mariamu yaásigalila omúka.²¹Marita yaámugaambila Yeézu aáti, “Mukáma, káwaakubeele oliho aha, munyaányeenye tiyaákufwíile. ²²Náho no óobu nyini niinsoomboókelwa nka nikwo, choóna chóona éecho olaamusaba Múungu, naakuha.” ²³Yeézu yaámugalulila aáti, “Munyaányoko alaázooka.”²⁴Marita yaámuzila aáti, “Niinsoomboókelwa nka nikwo aha chilo cho muheleeluko cho kuzooka kwa abaantu, náwe alaázooka.” ²⁵Yeézu yaámugalulila aáti, “Íinye ni íinye okuzooka no obulami. Omuuntu weéna wéena óogwo alikuunyikiliza íinye, no óobu alaáfwa, aláaba omulame. ²⁶Na weéna wéena óogwo ali mwooyo no kuunyikiliza íinye, talifwa nakáti. Ngási, noogeekiliza ago?”²⁷Marita yaámugalulila aáti, “Mazima Mukáma, niinyikiliza nka nikwo íiwe oli Masihi, Mutábani wa Múungu, óogwo alikwíiza omu nsi.” ²⁸Obuchilo Marita akagaamba ago, aba yaázeenda kumwéeta Mariamu ali muhala wáabo, yaámuhweéhweetela aha bweeseléke aáti, “Omweégesa aliho aha, naakweéta.” ²⁹Obuchilo Mariamu yaáhuliile aátyo, yeémuka bwaangu, yaáza ahali Yeézu.³⁰Akáanya ako, Yeézu akaba achaali atakataahile omu mugoongo ogwo, náho akaba ali áaho Marita akazeenda kumunyegeza. ³¹Abayahudi abaabeele bali hamo na Mariamu kumusuumbilila, kábaabweene naayimuka no kulugáho bwaangu. Bátyo baámukulaatíla, habwo kuba bakateékuza nka nikwo naazeénda aha chitúulo abone kuchulilayo okwo. ³²Obuchilo Mariamu yaáhikile áaho Yeézu akaba ali, akamubona, yaáteela ebizwi omu méeso goómwe, yaámugaambila aáti, “Mukáma, káwaakubeele oliho aha, munyaányeenye tiyaákufwíile.”³³Obuchilo Yeézu yaamubwéene Mariamu naachula, na Abayahudi abo béeza náze káandi nibachula, yaáhulila obusúungu bwooli omu mwooyo gwoómwe, yaázululukilwa bwooli. ³⁴Mbwéenu, yaábabúuza aáti, “Mumuziikile nkáhi?” Baámusubiza báti, “Mukáma, iíza ohaléebe.” ³⁵Yeézu yaáchula.³⁶Mbwéenu, Abayahudi abaabeele bali aha lufu baágaamba báti, “Muléebe óokwo abeele naamweénda Lazáaro!” ³⁷Náho abáandi omuli abo baágaamba báti, “Ngási, ogu muuntu tíwe ayaahuumbulwiile ogwo muhume, tiyaákuhikize kumukolela no ogu Lazáaro ataákufwa?”³⁸Niho Yeézu yaáhulila káandi kuzololokelwa bwooli omu muganya gwoómwe, yaáhika aha mbi. Eémbi ezo ekaba eli enyaanga éezo echiingisiibwe ni ibáale liháango. ³⁹Yeézu yaábagaambila abaantu áabo bakaba baliho aho aáti, “Muliíheho ibáale elyo.” Náho Marita, munyáanya Lazáaro ogwo chífwa, yaámugalulila aáti, “Mukáma, óobu naanúunka, aha kuba yaámazile ebilo bina ali omu chitúulo.” ⁴⁰Yeézu yaámugaambila aáti, “Ngási, tinaákugaambila nka nikwo, keélaaba nooyikiliza, noolibona ikuzo lya Múungu?”⁴¹Mbwéenu, beehaho elyo ibáale. Yeézu alalamila améeso goómwe olugulu, aneémbelela ahali Múungu aáti, “Táata, niinkusiima habwo kuba waánhulila. ⁴²Íinye mba niinsoomboókelwa nka nikwo ompulila buchiile, mbwéenu niingaámba amagaambo aga habwe embága ya aba baantu aba abakobile aha, kuba babone kwiikiliza nka nikwo íiwe ni íiwe okaannsiíndika.”⁴³Obuchilo Yeézu yaámazile kugaamba ago, yaáhamuka ahi iláka liháango naagaámba aáti, “Lazáaro, iíza kunu ahéelu!” ⁴⁴Mbwéenu, Lazáaro óogwo akaba afwiile, yaásohola ahéelu. Amagulu ne emikono yoómwe ziseembilwe isáanda, káandi obuso bwoómwe⁴⁵Mbwéenu, Abayahudi béenzi áabo bakaba beézile ahali Mariamu, obuchilo baabweene áago Yeézu akakola, baámwiíkiliza. ⁴⁶Náho Abayahudi abáandi omuli abo baba baázeenda aha Bafarisayo, baábasoomboolela éebyo Yeézu yaákola.⁴⁷Mbwéenu, abakúlu ba abagabe na Abafarisayo baáyetesa echiikalo chi Itégekelo Lya Balusiingo ba Abayahudi, beébuuza báti, “Tukole chi? Óogu muuntu naakola eméenko nyíinzi. ⁴⁸Kábilaaba nitumuleka azeendelele kukola ago mahano, abaantu bóona nibamwiikiliza. Niho Abarúumi baléeza no kusiisa byóona, ihaánga lyéetu, hamo ni isomelo lyéetu.”⁴⁹Omuuntu oómo omuli abo balusiingo izíina lyoómwe Kayafa, óogwo akaba ali omugabe mukúlu wo omwáaka ogwo, yaábagaambila aáti, “Íimwe timukusoombookelwa choóna chóona!” ⁵⁰Ngási, timukusoombookelwa nka nikwo, ni haáchili hali íimwe nka nikwo omuuntu oómo afweéle embága yóona, kuchila ihaánga lyóona lisiingaálichibwe?⁵¹Kayafa talagaambile ago habwe ebiteékuzo byoómwe weényini, náho habwo kuba akaba ali omugabe mukúlu wo omwáaka ogwo. Bityo akaba naabáasa nka nikwo Yeézu alaáfwa habwe éensi ya Abayahudi, ⁵²na tí habwa boónyini boónka, náho na habwo kusuumbya abáana ba Múungu áabo abasaambeele omu nsi, babone kuba hamo. ⁵³Kulugiilila echilo echo, abatégeki ba Abayahudi baákola omweétegeko gwo kumwíita Yeézu.⁵⁴Ha bwéecho, Yeézu yaálekelela kulibata ha bwéelu omu Bayahudi. Yaalugáho aho no kuzeenda héehi no omu iluungu, omu muzihwa óogwo gukaba gweetwa Efraimu, yeékala okwo hamo na abaheémba boómwe. ⁵⁵Obuchilo obwo, echilo chikúlu cha Abayahudi echilikwéetwa Paásika chikaba cheéliliza. Ha bwéecho, abaantu béenzi baalugáyo omu maboma gáabo kuzeenda Yeruzaléemu, babone kweéloonza kala habwo kweéyeza.⁵⁶Abaantu baaba nibamuloondela Yeézu. Obuchilo bakaba beemeeliile omu lubúga lwe éenzu ya Múungu, beébuuza báti, “Íimwe nimuleebaho muta? Omuuntu ogwo takwiiza aha mazenyi aga?” ⁵⁷Abakúlu ba abagabe na Abafarisayo bakaba balagiile nka nikwo, omuuntu weéna wéena óogwo alikumanya áaho Yeézu ali, aleéte empola hali boónyini babone kumuta omuli itaanu.

¹Kabyaasigeele ebilo mukáaga kuhika amazenyi ga Paásika, Yeézu yaáhika káandi Betania áaho yaabeele atúula Lazáaro. ²Mbwéenu, abaantu ba aho baámuloongeza amazenyi. Marita yaámuheéleza, na Lazáaro akaba ali oómo omu baantu áabo abaabeele beékeele aha luhelo hamo na Yeézu. ³Mbwéenu, Mariamu yeemucha enusu líita ya amazuta galikweetwa nardo galikwéela ageena obukaani buháango na geena omuzeeze muluunzi. Yaásiiga aha magulu ga Yeézu, yaágakubula amagulu ga Yeézu habwi isóke lyoómwe ogwo mukázi. Éenzu yóona yaásohoza omugazu muluunzi gwe emizeeze.⁴Náho oómo wa abaheémba boómwe, izíina lyoómwe Yuda Iskariote, óogwo alaámukoonga kóonga Yeézu, yaámuzila nka nikwo, ⁵“Ha bwaáchi amazuta ago tigaáguzwa edináali magána asatu no kuhaabwa abahabi?”a ⁶Yuda talagaambisiibwe ebyo habwo kusaaswa abahabi, náho na habwo kuba akaba ali omwíibi. Yuda niwe akaba naasutula enfulebe ye empilya, na akaba ayiba empilya ezikaba ziteebwa omu nfulebe ezo.⁷Mbwéenu, Yeézu yaámugalulila Yuda aáti, “Omuléke, habwo kuba yaánsiiga amazuta habwe emiloonzo ye echo chilo éecho baliinzíika. ⁸Abahabi mwiinábo ebilo byóona, náho íinye tiínkúba hamo ne emwe ebilo byóona.”⁹Mbwéenu, Abayahudi béenzi baáhulila nka nikwo Yeézu akaba ali ahaantu aho, baázeenda kumubona, tí weényini kwoónka, náho káandi kumubona Lazáaro óogwo Yeézu akamuzoola kuluga omu bafwiile. ¹⁰Niho abakúlu ba abagabe baákola enteba yo kumwíita Lazáaro káandi, ¹¹habwe ensoonga yo kuzoolwa kwoómwe, Abayahudi béenzi baámwiíkiliza Yeézu, baáyeliga na abatégeki báabo.¹²Nyeéncha eémo, embága mpaango ya abaantu áabo bakaba beezíle kulya obuzenyi bwa Paásika, baáhulila nka nikwo Yeézu ali omu muháanda kwíiza Yeruzaléemu. ¹³Mbwéenu, baátwáala amatábazi ge emichíindo, baázeenda kumusuúngaana Yeézu. Baáyaambaza ahi iláka nibagaámba báti, “Hosana!c Ayina omugisa óogwo alikwíiza ahi izíina lyo Omukáma Múungu! Ayina omugisa Omukáma wa Abaiziraeli.”¹⁴Mbwéenu, Yeézu yaásaanga omwaana gwe ensíkili, yaáguhanama nko óokwo chaandikilwe omu Maandiko Matakatíifu háti, ¹⁵“Íimwe abaantu ba Sayuni,d mutatiina! Léeba, omukáma wáanyu naayiza, ahanamile omwaana gwe ensíkili!”¹⁶Obuchilo obwo, abaheémba ba Yeézu tibalasoombookiilwe ago. Náho obuchilo Yeézu yaabele yaázookile niho beézuka nka nikwo amagaambo ago gakaaandikwa na nikwo óokwo baamukoliile.¹⁷Abaantu abaabeele bali hamo na Yeézu obuchilo óobwo yaáyesile Lazáaro kuluga omu chitúulo no kumuzoola kuluga omu bafwiile, baaba nibaatula empola ezo omu baantu. ¹⁸Ha bwéecho, abaantu béenzi bakabonesa kuhulila empola ze eméenko éezo Yeézu akakola. Echo nicho chikakola abaantu béenzi baásohola Yeruzaléemu kuzeenda kumusuúngaana Yeézu. ¹⁹Náho Abafarisayo beégaambila báti, “Nimuléeba! Titúkuhicha kukola choóna chóona! Muléebe, abaantu bóona nibamukulaatíla.”²⁰Hakaba heena abaantu áabo bakaba bali Abanyamahaánga omuli abo baantu bakaba balimo áabo bakazeenda Yeruzaléemu kumulámya Múungu omu buchilo bwa amazenyi ga Paásika. ²¹Mbwéenu, abaantu abo baázeenda ahali Filipo óogwo akalugiilila Betisaida okwo omu nsi ya Galiláaya, baámusaba báti, “Owi isima, nitusaba tubonane na Yeézu.” ²²Filipo yaázeenda kumumanyisa Andrea empola ezo, niho bóona baázeenda kumugaambila Yeézu.²³Yeézu yaábagalulila aáti, “Obuchilo bwaáhikile hali íinye Mutábani wo Omuuntu kuhaabwa ikuzo. ²⁴Mazima butúnu niimbagaambila nka nikwo, kábilaaba akazuma ke engano katakagwiile omu itaka no kufwa, tikakuhicha kumela. Náho kakalaáfwa, nikamela no kuzáala enzuma nyíinzi.²⁵Omuuntu weéna wéena óogwo alikweenda kuchigilila obulami bwoómwe, naabulwa obulami bwo obucha no obuchiile. Náho weéna wéena óogwo atakusaaswa obulami bwoómwe omu nsi ezi, óogwo agubiikila obulami bwoómwe kuhicha obucha no obuchiile. ²⁶Omuuntu weéna wéena óogwo alikuunheéleza íinye, neeyeendelwa ankulaatile. Hoóna hóona áaho ndi, aho niho omuzáana waanze aláaba aáli. Táata naamukuza omuuntu weéna wéena óogwo alikuunheéleza íinye.”²⁷Niho Yeézu yaámuzila aáti, “Óobu naábaanza kuzuzubalilwa bwooli omu muganya gwaanze. Ngaámbe chiíha? Ngási, ngaámbe nka nikwo, ‘Íiwe Táata, niinkusába onchuúngule kuluga aha buchilo óobu bwe ebyaágalalo?’ Mmahi, tinaákuhicha kusaba iíntyo, habwo kuba nnyizile omu nsi ezi kuba nsaángwe ebyaágalalo ebyo. ²⁸Íiwe Táata Múungu, osuulule ikuzo li izíina lyaawe.” Niho iláka liluga omu igulu niligaámba líti, “Naásuulula ikuzo lyaanze, káandi niinzeendelela kulisuulula.” ²⁹Embága ya abaantu áabo abaabeele beemeeliile aho, obuchilo bahuliile elyo iláka, abáandi bakagaamba báti, “Ne enkuba,” na abáandi bakagaamba báti, “Maléeka yaágaamba gaamba náze.”³⁰Náho Yeézu yaábagaambila aáti, “Iláka éelyo mwaáhulila libeele litali ha bwaánze, náho hali íimwe. ³¹Óobu bwaáhikile obuchilo bwa Múungu kuzichwaáziikila éensi ezi. Óobu bwaáhikile obuchilo bwo kulitaágucha ahéelu Isitáani éelyo lili omutégeki we éensi ezi.³²Obuchilo óobwo íinye ndaayeleezibwa olugulu ye éensi, niinkwéesa abaantu bóona babone kwiiza hali íinye.” ³³Yeézu akagaamba aátyo, kwoóleka ni lufu chi óolwo alaáfwa.³⁴Mbwéenu, embága ezo yaámusubiza Yeézu eéti, “Tusomile omu Maandiko Matakatíifu nka nikwo, Masihi naába omulame obucha no obuchiile. Mbwéenu, ha bwaáchi noogaámba nka nikwo, ni lwaampaka Mutábani wo Omuuntu ayeleezibwe olugulu? Ngási, Mutábani wo Omuuntu ogu no oóha?” ³⁵Yeézu yaábagaambila aáti, “Omwaanga niguba hamo ne emwe aha káanya kache kwoónka. Muzeendelele kulibata omu mwaanga ogu mucháali muchiinágwo, kuba ensiimbaazi eteéza kubapaámpukilamo. Kuba, omuuntu óogwo alikulibata omu nsiimbaazi, tasoombookelwa áaho alikuzeenda. ³⁶Aha buchilo óobu óobwo mwiina na mwaanga, mugwiikilize omwaanga ogwo, mubóne kuba abáana bo omwaanga.” Obuchilo Yeézu yaámazile kugaamba ago, yaásiga embága ya abaantu abo, yaázeenda kweéseleka.³⁷Náho nóobwo Yeézu yaákozile eméenko nyíinzi omu méeso gáabo, abaantu béenzi tibalamwiíkiliize. ³⁸Ekaba eli eétyo gabone kuhikiilizibwa amagaambo áago omubáasi Isaya akagaamba aáti, “Mukáma, no oóha óogwo ayikiliize empola zéetu Káandi, no oóha óogwo omufuúnduliile obuzizi bwaawe?”³⁹Tibalamwiíkiliize habwo kuba Múungu akagaamba kulabila ahali Isaya nka nikwo, ⁴⁰“Naáhumisa améeso gáabo, no kukola emiganya yáabo eébe egumile, batabona kuhweeza habwa méeso, batakusoombookelwa ha miganya, bateéza bakaánhiindukila, ne éenye nkabachíza.”⁴¹Isaya akagaamba amagaambo aga, habwo kuba akalibona ikuzo lya Yeézu no kugaamba empola zoómwe. ⁴²Nóobu bityo, abatégeki béenzi ba Abayahudi bakamwiíkiliza Yeézu. Náho tibalagaambile ha bwéelu nka nikwo baámwiikiliize, habwo kuba bakaba nibatiína kubiingwa na Abafarisayo kuluga omu isomelo. ⁴³Abatégeki abo bakaba nibeénda bwooli kukúzibwa na abaantu, kuchila kukúzibwa na Múungu.⁴⁴Mbwéenu, Yeézu yaáhamuka iláka naagaámba aáti, “Omuuntu óogwo alikuunyikiliza, takuunyikiliza íinye nyeénka, náho naamwiikiliza na Múungu óogwo akaansiíndika. ⁴⁵Omuuntu óogwo alikuumbona íinye, naába yaámubona Múungu óogwo akaansiíndika.⁴⁶Íinye nnyizile omu nsi ezi nko omwaanga, kuba buli muuntu óogwo alikuunyikiliza, atazeendelela kutúula omu nsiimbaazi. ⁴⁷“Omuuntu weéna wéena óogwo aliba yaáhuliile ebigaambo byaanze, náho akáanga kubikwáata, íinye tiíndimuchwaaziika. Habwo kuba, tiíndeezile omu nsi ezi kuchwaáziika abaantu, náho nnyizile kubachuúngula.⁴⁸Omuuntu weéna wéena óogwo alikuunyáanga íinye hamo na amagaambo gaanze, alyaáchwaaziikwa. Amagaambo áago ngaambile, nigo galeeza kumuchwaaziika aha chilo echo cho omuhélo. ⁴⁹Tiíndagaambile amagaambo ago habwo obuzizi bwaanze íinye nyini, náho Táata óogwo ansiindikile niwe yaándagiiliile ebyo kugaamba, no óokwo ndaasoomboola. ⁵⁰Káandi, niinsoomboókelwa nka nikwo echilagilo choómwe chibabonesa abaantu obulami bwo obucha no obuchiile. Mbwéenu, íinye niingaámba kwoónka áago Táata yaángaambiile ngaámbe.”

¹Mbwéenu, obuchilo amazenyi ga Paásikaa gakaba gatakahikile, Yeézu yaásoombookelwa nka nikwo obuchilo bwoómwe bwaáhikile bwo kulugáho omu nsi ezi abone kusuba owe Eése. Yeézu akaba ayina engoonzi na abaantu boómwe omu nsi, na yaázeendelela kubazilila engoonzi bwooli kuhicha omuhélo. ²Yeézu na abaheémba boómwe bakaba nibalaagila. Akaziingo ako, Isitáani likaba lyaátaahile omu muganya gwa Yuda, mutábani wa Simoni Iskariote, abone kumukoonga kóonga Yeézu.³Yeézu akaba naasoomboókelwa nka nikwo Iíse akamuha obuzizi habwe ebiintu byóona. Káandi akaba naasoomboókelwa nka nikwo akalugiilila ahali Múungu, na nka nikwo alaásuba ahali Múungu. ⁴Mbwéenu, obuchilo nibalya, Yeézu yaáyemeelela, yaázuula enkaanzu yoómwe, yaátwáala enkáanda yaázeekoma omu nyugunyu. ⁵Niho, yaáchenena améenzi omu lusaabuzo, yaábaanza kwóoza amagulu ga abaheémba boómwe no kugakubula ne enkáanda éezo ayekomile.⁶Obuchilo Yeézu yaamuhikaho Simoni Peétero, Peétero yaámubúuza aáti, “Mukáma, íiwe nooyeénda kuunyóza íinye amagulu?” ⁷Yeézu yaámugalulila aáti, “Éecho ndikukola, íiwe tokuchisoombookelwa óobu, náho noochisoombookelwa ahaleéza.” ⁸Peétero yaámugaambila aáti, “Íiwe toliinyoza íinye amagulu no obuche bwa akáti!” Yeézu yaámugalulila aáti, “Kábilaaba íiwe nooyaanga ntakwóoza amagulu, tokuhicha kukoba hamo ne éenye káandi.” ⁹Simoni Peétero yaámugalulila aáti, “Mukáma, kábilaaba ni bityo, otaanyoza amagulu goónka, náho ne emikono yaanze hamo no omútwe gwaanze.”¹⁰Yeézu yaámugalulila aáti, “Omuuntu óogwo ayaámazile kwóoga, takweendelwa ayoge káandi, náho kunaaba amagulu goónka, habwo kuba yaámazile kwéela. Íimwe mwaámazile kwéela, náho tí mwéena.” ¹¹Yeézu akaba naamusoomboókelwa óogwo ayaakumukoonga kóongile, nicho chaaleételiile agaámbe aáti, “Náho tí mwéena áabo mweezile.”¹²Obuchilo Yeézu yaámazile kwóoza abaheémba boómwe amagulu gáabo, yaázwaala enkaanzu yoómwe, yeékala nábo káandi, yaábabúuza aáti, “Ngási, mwaáchisoombookelwa éecho naábakolela? ¹³Íimwe nimuunyeta ‘Omweégesa’ no ‘Omukáma.’ Ago na ga amazima, habwo kuba nikwo ndi. ¹⁴Mbwéenu kábilaaba íinye ndi Omweégesa wáanyu no Omukáma wáanyu, naáboóza íimwe amagulu, neeyeendelwa íimwe ne emwe mube nimweeyoza amagulu mútyo nyini. ¹⁵Mbaheele omugani, nka nikwo ne emwe mube nimweekolela nke éenye óokwo mbakoliíle íimwe.¹⁶Mazima butúnu niimbagaambila nka nikwo, omuzáana tí mukúlu kuchila omukáma woómwe, káandi omuuntu óogwo alikusiíndikwa tí mukúlu kuchila óogwo alikumusiíndika. ¹⁷Mbwéenu kábilaaba mwaágasoombookelwa ago góona, niho Múungu alaábafuuha kamulaaba nimugakolela emilimo. ¹⁸“Tiínkugaamba ago hali íimwe mwéena. Niimbasoomboókelwa áabo ntoolize kuba abaheémba baanze. Náho ni lwaampaka gahikiilizwe áago agaándikilwe omu Maandiko Matakatíifu nka nikwo, ‘Munywáani waanze óogwo akaba naálya ebyookulya hamo neenye, yaáhiinduka kuba omubisa waanze.’¹⁹Niimbagaambila ago góona gacháali gatakeésuululukiize, kuba obuchilo óobwo galisuúlulukiza, mwiikilize nka nikwo ‘Íinye Niwe.’ ²⁰Mazima butúnu niimbagaambila nka nikwo, omuuntu weéna wéena óogwo alikumwiínaankula óogwo nkamusiíndika, ogwo naába yaányinaánkula neenye. Bityo nyini, óogwo alikuunyinaánkula íinye, naába yaámwiinaankula Táata óogwo akaansiíndika.”²¹Obuchilo Yeézu akagaamba amagaambo ago, akazululukilwa bwooli omu mwooyo gwoómwe, yaáyatula naagaámba aáti, “Mazima butúnu niimbagaambila nka nikwo, oómo omuli íimwe naankoónga.” ²²Niho abaheémba boómwe baábaanza kweéleeba, habwo kuba tibalasoombookiilwe naamugaámba oóha.²³Oómo omu baheémba boómwe akaba ayegamiile aha chifuba cha Yeézu, omuheémba ogwo niwe akaba ayeéndwa bwooli na Yeézu. ²⁴Mbwéenu, Simoni Peétero yaámuleémbeleza omuheémba ogwo, yaámugaambila aáti, “Mubúuze Yeézu nka nikwo no oóha omuli íichwe óogwo alikugaamba.” ²⁵Niho omuheémba ogwo akaba ayegamiile aha kalezi ka Yeézu, yaámubúuza aáti, “Mukáma, no oóha?”²⁶Yeézu yaámugalulila aáti, “No óogwo ndaaha echinogóka cho omukaate éecho ndaakoza.” Mbwéenu, yeemucha echinogóka cho omukaate yaáchikoza, yaaha Yuda, mutábani wa Simoni Iskariote. ²⁷Yuda obuchilo yaáyanaankwiile echinogóka echo cho omukaate, Isitáani lyaamutaahamo. Niho Yeézu aba yaámugaambila aáti, “Áago olikweenda kukola, ogakole bwaangu!”²⁸Náho talabeeleho no óobu oómo omuli abo abáandi abaabeele bakobile aha luhelo óogwo yaasoombookiilwe ha bwaáchi Yeézu yaábagaambila aátyo. ²⁹Abáandi bakateékuza nka nikwo Yeézu akagaamba aátyo, habwo kuba Yuda akaba ali omubiiki we empilya. Bakateékuza nka nikwo Yeézu akamugaambila Yuda nka nikwo agule ebiintu bya amazenyi ga Paásika, nali nka nikwo abáhe abahabi empilya. ³⁰Mbwéenu, obuchilo Yuda akaba yaátwéele echinogóka echo cho omukaate, yaalugáho omwáanya ogwo nyini. Gukaba guli omwáanya gwe echilo.³¹Mbwéenu, obuchilo Yuda yaabele yaálugileho, Yeézu yaábagaambila abaheémba boómwe aáti, “Óobu ikuzo lyaanze, íinye Mutábani wo Omuuntu, lyeélilila kubonekana butúnu. No óobu ikuzo lya Múungu lilyaábonekana ha bwéelu kulabila ahali íinye. ³²Kábilaaba ikuzo lyoómwe lyaábonekana kulabila ahali íinye, mbwéenu na Múungu náwe naamanyisa abaantu ikuzo lyaanze íinye Mutábani wo Omuuntu. Alaákola aátyo zuba zuba. ³³“Íimwe baana baanze enfula, niímba ne emwe aha mwáanya mugufu gwoónka. Mulaándoondela, náho nko óokwo mbeele niimbasoomboolela abatégeki ba Abayahudi, bityo nyini niimbagaambila ne emwe óobu nka nikwo, ahaantu áaho ndaazeénda íinye, íimwe timukuhicha kuhikaho.³⁴Óobu, niimbáha echilagilo echisha. Niimbalagila nka nikwo, mweendane. Nko óokwo íinye ndikubéenda íimwe, bityo nyini ne emwe mweendane. ³⁵Kábilaaba nimweéndana mútyo, aho niho abaantu bóona balaásoombookelwa nka nikwo, íimwe muli abaheémba baanze.”³⁶Mbwéenu, Simoni Peétero yaámubúuza Yeézu aáti, “Mukáma, noóza nkáhi?” Yeézu yaámugalulila aáti, “Ahaantu áaho ndikuza íinye, íiwe tokuhicha kuunkulaatila óobu, náho olaánkulaatila ahaleéza.” ³⁷Peétero yaámubúuza aáti, “Mukáma, ha bwaáchi tinaákuhicha kukukulaatila okwo óobu? Íinye ndi bweémi kufwa habwi íiwe!” ³⁸Yeézu yaámugalulila aáti, “Ngási íiwe oli bweémi kufwa ha bwaánze? Mazima butúnu niinkugaambila nka nikwo, enkoókolomi etakakoókolomile, noóba waányogile entúlo isatu.”

¹Yeézu yaázeendelela kweégesa abaheémba boómwe aáti, “Mutazuzubalilwa omu miganya yáanyu. Mumwiikilize Múungu, káandi muunyikilize neenye. ²Omu nzu ya Táata, heena obwiikalo bwíinzi. Byaakubeele bitali bityo, mazima naakaábagaambiile nka nikwo niinzeénda kubaloongeza obwiikalo? ³Obuchilo ndaamala kubaloongeza obwiikalo óomwo, niinsuba hali íimwe káandi. Niho ndaabatwáala kuzeenda ahaantu áaho ndaaba ndi, ne emwe muláaba muli áaho hamo neenye.⁴Íimwe nimusoomboókelwa omuháanda gwo kuhika áaho ndikuzeenda.” ⁵Niho, Tomaso yaábúuza Yeézu aáti, “Mukáma, íichwe titukusoombookelwa áaho olikuzeenda. Mbwéenu nituhicha túta kugusoombookelwa ogwo muháanda?” ⁶Yeézu yaámugalulila aáti, “Íinye ni íinye omuháanda, na amazima, no obulami. Tihaliho omuuntu weéna wéena óogwo ayaakuhicha kuhika ahali Táata kaálaaba atakalabiile hali íinye. ⁷Kábilaaba mwaakuunsoomboókiilwe íinye, aho mukamusoombookiilwe Táata náwe. Kubaandiza óobu, nimumusoombookelwa na mwaámazile kumubona.”⁸Niho, Filipo yaámugaambila aáti, “Mukáma, otwoóleke Táata! Echo choónka nichihika.” ⁹Yeézu yaámugalulila aáti, “Mbeele ndi hamo ne emwe omwáanya gwóona ogwo, íiwe Filipo otakuunsoombookelwa? Omuuntu weéna wéena óogwo ambweene íinye, naába amubweene Táata. Mbwéenu, ha bwaáchi noongaambila nka nikwo, ‘Otwoóleke Táata?’¹⁰Ngási, tokwiikiliza nka nikwo íinye ndi omuli weényini Táata, náwe Táata ali omuli íinye? Amagaambo áago ndikubagaambila tigakulugiilila omu biteékuzo byaanze, náho Táata óogwo ali omuli íinye, naakola emilimo yoómwe kulabila hali íinye. ¹¹Mwiikilize éebyo ndikugaamba nka nikwo, íinye ndi omuli weényini Táata, na Táata ali omuli íinye. Náho kamulaaba mutakweenda kwiikiliza áago ndikugaamba, mbwéenu mwiikilize habwe ebikolwa éebyo ndikukola.¹²Mazima butúnu niimbagaambila nka nikwo, omuuntu weéna wéena óogwo alikuunyikiliza, alaakola emilimo éezo íinye ndikukola. Káandi alaákola emilimo kusaaga éezo íinye ndikukola, habwo kuba íinye niinzeénda ahali Táata. ¹³Kamulaasaba echiintu choóna chóona ahi izíina lyaanze, íinye niinchikola, kuba ikuzo lya Táata libonekane kulabila omuli íinye, Omutábani. ¹⁴Echiintu choóna chóona éecho mulaansaba ahi izíina lyaanze, niinchikola.”¹⁵“Kamulaaba nimuunyeénda, nimubyeekomya ebilagilo byaanze. ¹⁶Neenye niimmusaba Táata abáhe Omuhweezi oóndi,a abone kuba hamo ne emwe omwáanya gwóona. ¹⁷Ogwo niwe Omwooyo owa mazima. Abaantu be éensi ezi tibakuhicha kumwiínaankula, habwo kuba tibakumubona, káandi tibakumusoombookelwa. Náho íimwe nimumusoombookelwa ogwo Mwooyo, habwo kuba naayikala hamo ne emwe, káandi naába ali omuli íimwe.¹⁸“Tiínkubasiga íimwe mweénka nke enfúuzi, náho niinsuba káandi hali íimwe. ¹⁹Hacháali akáanya kache na tiínkubonwa káandi omu nsi ezi. Náho íimwe nimuumbona, habwo kuba ndi omulame, ne emwe nimuba muli abalame. ²⁰Aha chilo echo, mulaamanya nka nikwo íinye ndi omuli weényini Táata, ne emwe muli omuli íinye, ne éenye ndi omuli íimwe.²¹Omuuntu óogwo alikweékomya ebilagilo byaanze, ogwo niwe alikuunyeenda. No omuuntu óogwo alikuunyeenda, Táata náwe alaámwéenda. Neenye ndaámuzilila engoonzi no kweéyoleka hali weényini.” ²²Yuda atali ogwo Iskariote, yaámubúuza Yeézu aáti, “Mukáma, nibiba bita nka nikwo oyeyoleke hali íichwe, náho ti ha baantu abáandi be éensi ezi?”²³Yeézu yaámugalulila aáti, “Omuuntu óogwo alikuunyeenda, ayekomya amagaambo gaanze, náwe Táata alaámwéenda. Káandi íinye na Táata nitwiíza hali weényini no kwíikala hamo náze. ²⁴Náho omuuntu weéna wéena óogwo atakuunyéenda, ogwo tayekomya amagaambo gaanze. Amagaambo áago ndikubasoomboolela tí gaanze, náho na ga Táata óogwo ansiindikile hali íimwe.²⁵“Mbagaambíile góona ago, obuchilo ncháali ndi hamo ne emwe. ²⁶Náho Omuhweezi ogwo, óogwo ali Omwooyo Mutakatíifu óogwo Táata alaasiindika hali íimwe ahi izíina lyaanze, alaábeegesa no kubeézukiza góona áago nkabagaambila. ²⁷Niimbasigila obuhóolo, obuhóolo bwaanze niimbáha. Obuhóolo óobwo ti nko óobwo muhaabwa ne éensi ezi. Mutazuzubalilwa omu miganya yáanyu, káandi mutatiina choóna chóona.²⁸Mwaáhuliize áago nkabagaambila nka nikwo, ‘Niinzeénda, náho niinsuba káandi hali íimwe.’ Kábilaaba mazima mwakuunyeénzile, mukaánuliilwe kuhulila nka nikwo niinzeénda ahali Táata, habwo kuba Táata ni mukúlu kusaaga íinye. ²⁹“Mbagaambíile ago góona óobu, obuchilo ago magaambo gacháali gatakabéeleho, kuba obuchilo óobwo galaabaho, mubóne kuunyikiliza. ³⁰Tinaákuhicha kuhooya ne emwe omwáanya mula, habwo kuba omutégeki we éensi óobu naayiza. Náho tayina amagala goóna góona ha bwaánze. ³¹Amagaambo áago ndikukola nigo áago Táata yaándagiiliile ngakole, kuba abaantu bóona babone kusoombookelwa nka nikwo nnyine engoonzi na Táata. “Óobu, mwiimeelele, tulugeho aha.”

¹Yeézu yaázeendelela kubeégesa aáti, “Íinye ni íinye omuzabibu gwa mazima, na Táata niwe omulimi. ²Buli itábazi omuli íinye éelyo elitakuzáala amagoomba, Táata aliihaho. Náho buli itábazi éelyo lilikuzáala amagoomba, Táata alisálila kuba lizaále bwooli.³Íimwe mwaáyezile, habwa ameégeso gaanze áago naáboolekeeliile. ⁴Mwiikale omuli íinye, ne éenye niinyikala omuli íimwe. Nko óokwo itábazi litakuhicha kuzáala amagoomba lyoónka litéena kweekwaatilila aha muzabibu, bityo nyini ne emwe timwaákuhicha kukola áago Múungu ayeénda mutéena kwíikala omuli íinye.⁵“Íinye ndi omuzabibu, ne emwe muli amatábazi. Omuuntu óogwo alikutúula omuli íinye, ne éenye niintuúla omuli weényini, ogwo naába alikuzáala amagoomba méenzi, habwo kuba hatéena íinye timwaákuhicha kukola choóna chóona. ⁶Omuuntu weéna wéena óogwo atakwiikala omuli íinye asuseene ni itábazi éelyo elinogweelwe no kwóoma. Mbwéenu abaantu baálikobya no kulinaga omu mulilo no okusha. ⁷Kamuleekala omuli íinye ne ebigaambo byaanze kabileekala omuli íimwe, mbwéenu mumusabe Táata choóna chóona éecho mulikweenda, náwe naabaha.⁸Kamulaaba nimuzaála amagoomba méenzi no kuba abaheémba baanze ba amazima, muláaba nimwooleka ha bwéelu ikuzo lya Táata. ⁹Nko óokwo Táata alikunyeenda íinye, nikwo ne éenye nnyina engoonzi hali íimwe. Mbwéenu mwiikale omu ngoonzi zaanze.¹⁰Kamulaaba nimukwaáta ebilagilo byaanze, mbwéenu mulaázeendelela kwíikala omu ngoonzi zaanze, nko óokwo íinye nkwaasile ebilagilo bya Táata no kwíikala omu ngoonzi zoómwe. ¹¹“Naábagaambila aga kuba kunulilwa kwaanze kube omuli íimwe, no kunulilwa kwáanyu kuhikiílizwe.¹²Echilagilo chaanze nicho echi, mube nimweéndana, nko óokwo íinye ndikubéenda íimwe. ¹³Táliho omuuntu óogwo ayina engoonzi mpáango kuchila óogwo alikusohoza obulami bwoómwe habwa abanywáani boómwe.¹⁴Kamulaaba nimukola áago mbalagiile, íimwe muli banywáani baanze. ¹⁵Kubaandiza óobu, tiínkubéeta káandi abazáana, habwo kuba omuzáana takusoombookelwa éecho mukúlu woómwe alikukola. Náho íimwe niimbeéta banywáani baanze, habwo kuba naábasuululila góona áago naáhuliile kuluga hali Táata.¹⁶Íimwe timulaantoolize íinye, náho ni íinye óogwo nkabatóoza íimwe. Nkabaatóoza kuba muzaále amagoomba áago agatakuhwa nakáti. Kámulaakola mútyo, góona áago mulikusaba omu izíina lyaanze, náwe Táata naabaha. ¹⁷Mbwéenu, Echilagilo chaanze nicho echi, mweendane.”¹⁸Yeézu yaázeendelela kubeégesa aáti, “Kábilaaba abaantu be éensi ezi balaabatamwa íimwe, mube nimwiizuka nka nikwo bakeébeembela kuuntámwa íinye. ¹⁹Kámwaakubeele muli abaantu be éensi ezi, mbwéenu áabo abaakubeele nibabeénda nko óokwo balikweenda abaantu boómwe. Náho íimwe timukabéele be éensi ezi, habwo kuba mbatoolize kuluga omu nsi óomu. Niyo ensoonga éezo abaantu omu éensi ezi nibabatamwa.²⁰Mwiizuke áago naábagaambiile nka nikwo, ‘Omuzáana ti mukúlu kumusáaga omukáma woómwe.’ Mbwéenu, kábilaaba bakaanyagalaza íinye, balaábaagalaza ne emwe káandi. Náho kábilaaba beekiliza ameégeso gaanze, baleekiliza na gáanyu. ²¹Náho nibabakolela góona ago habwo kuba nimuunkulaatila íinye, káandi habwe ensoonga nka nikwo tibakumumanya óogwo ansiindikile. ²²Naakubeele ntaleezile hali boónyini no kugaamba gaamba nábo, mbwéenu tibaákubeele ne ebiheno. Náho óobu, tibakuhicha kweétoonganila nka nikwo tibéena ebiheno.²³Omuuntu weéna wéena óogwo alikuuntámwa íinye, naamutámwa na Táata káandi. ²⁴Nkozile amahano maháango áago atakakolaga oóndi. Naakubeele ntalagakozile, tibaákubeele ne ebiheno. Náho óobu, babweene góona áago nkakola, no óobu bityo bacháali baantamilwe, na bamutamilwe Táata káandi. ²⁵Aga gabeele kuba amagaambo gahikiilile áago gaandikilwe omu Maandiko Matakatíifu kuba, ‘Bakaantamilwa busa.’²⁶“Niimmusiindika hali íimwe Omuhweezi, óogwo no Omwooyo Mutakatíifu, wo kubasuululila abaantu bóona amazima. Naaluga hali Táata, no obuchilo alihika hali íimwe, alaáyatula amazima ha bwaanze. ²⁷Mále ne emwe káandi mulaasiinza empola zaanze, habwo kuba mukaba muli hamo ne éenye kuluga aha bubaandizo.

¹“Mbagaambíile amagaambo ago góona kuba mutaakukuleka okwiikiliza kwáanyu. ²Abaantu baláaba nibabatóla íimwe omu masomelo. Nibwiíza obuchilo óobwo kábilaaba omuuntu naabeéta, alaateekuza nkokwo naakola emilimo ya Múungu.³Nibabakolela bátyo, habwo kuba tibakumumanya Táata, káandi íinye, tibakuummanya. ⁴Náho niimbagaambila ago, kuba obuchilo bwáabo bwo kukola ago áaho bulaahika, mwiizuke nka nikwo naábagaambiile. “Tiíndabagaambiile ago góona aha bubaandizo, habwo kuba nkaba ndi hamo ne emwe.⁵Mbwéenu, óobu naázeenda hali Táata óogwo ansiindikile hali íimwe. Náho táliho weéna wéena ahagáti yáanyu óogwo alikubúuza nka nikwo, ‘Ngási, noozeénda nkáhi?’ ⁶Mwaázuzubalilwa bwooli omu miganya yáanyu habwo kuba niimbagaambila kuba niinzeénda hali Táata. ⁷“Niimbagaambila amazima, ni kuzima hali íimwe nka nikwo naázeenda hali Táata. Kaándaaba ntakuzeenda, Omuhweezi ogwo tiyaákuhicha kwíiza hali íimwe. Náho kaándaaba niinzeénda, niimmusiindika hali íimwe.⁸Obuchilo kaáliíza ogwo Muhweezi, alaazimanyisa éensi habwe ebiheno, amazima no omuchwaáziiko. ⁹Aláaba naabooleka nka nikwo na abaheni, habwo kuba tibakuunyikiliza íinye. ¹⁰Alaayoleka nka nikwo íinye ndi owa amazima habwo kuba niinzeénda hali Táata na tímuliimbona káandi. ¹¹Aláaba naabooleka ha bwéelu kuba Múungu alyaábachwaáziika habwe ensoonga yaálichwaaziika Isitáani, elilikutegeka éensi ezi.¹²“Ncháali nchiinágo méenzi go kubasoomboolela, náho obuchilo óobu timwaákuhicha kugasoombookelwa. ¹³Omwooyo ogwo owa mazima, obuchilo aléeza hali íimwe, alaábeebeembelela kusoombookelwa amazima mwéena. Taligaamba habwa amagala goómwe weényini, náho alyaágaamba áago ahuliile no kubasoomboolela áago galaabonwa. ¹⁴Omwooyo ogwo aláaba naabooleka ikuzo lyaanze, habwo kuba alaábagaambila góona áago alihulila kuluga hali íinye.¹⁵Ebiintu byóona éebyo Táata ayinabyo ne ebyaánze. Niyo ensoonga niingaámba kuba Omwooyo ogwo naabagaambila góona áago naába agahuliile kuluga hali íinye. ¹⁶“Kacháali akáanya kache ne emwe timuliimbona, káandi kacháali akáanya kache néemwe mulyaámbona.”¹⁷Mbwéenu, abaheémba boómwe abáandi beébuuza báti, “Ngási, ensoonga yaáho ni chiíha áago yaágaamba nka nikwo, ‘Kacháali akáanya kache néemwe timuliimbona, káandi kacháali akáanya kache néemwe mulyaámbona,’ na nka nikwo, ‘Niinzeénda hali Táata’?” ¹⁸Mbwéenu, baáguma kweébuuza báti, “Ensoonga yaáho ni chiíha ‘Akáanya kache?’ Íichwe titukusoombookelwa áago yaágaamba.”¹⁹Yeézu yaásoombookelwa kuba bakaba nibeénda kumubúuza áago agaambile, mbwéenu yaábabúuza aáti, “Ngási, nimweebuúza habwa áago naágaamba nka nikwo, ‘Kacháali akáanya kache ne emwe tímuliimbona, káandi kacháali akáanya kache néemwe mulyaámbona?’ ²⁰Mazima butúnu niimbagaambila nka nikwo, íimwe mulaalila no kuzolelwa, náho abaantu be éensi ezi balaánulilwa. Mulaazolelwa, náho entíimba zéenyu zilaáhiinduka kuba amanulilwa. ²¹Nko omukázi alikuzeenda kuzáala omwaana, azuzubalilwa habwo kuba obuchilo bwo olwaágalalo lwoómwe bwaáhika. Náho obuchilo yaázáala, takwiizuka káandi olwaágalalo olwo habwa amanulilwa go kuzaalwa omwaana omu nsi.²²Íimwe káandi mwiina entíimba aha mwáanya. Náho ndéeza káandi hali íimwe, mbwéenu muláaba na manulilwa omu miganya yáanyu. Táliho óogwo aligeehaho amanulilwa ago kuluga omu miganya yáanyu. ²³Káandi echilo echo, timuliimbúuza echigaambo choóna chóona. “Mazima butúnu niimbagaambila nka nikwo, góona áago mulikusaba omu izíina lyaanze, náwe Táata naabaha. ²⁴Kuhicha óobu, timukasabile choóna chóona hali Múungu ahi izíina lyaanze. Musabe hali Múungu, náwe naabaha. Aha muháanda ogwo mulaázeendelela kuba na manulilwa bwooli omu miganya yáanyu.²⁵“Niimbagaambila góona ago aha muháanda gwe emigani. Obuchilo nibwiíza óobwo ntaligaamba ne emwe aha muháanda gwe emigani, náho ndaábagaambila ha bwéelu habwa Táata.²⁶Omu buchilo obwo, mulaakolesa izíina lyaanze kumusaba Múungu. Tiínkugaamba kuba íinye ndaábasabila hali Táata. ²⁷Weényini Táata abeénda íimwe, habwo kuba íimwe nimuunyeénda íinye, káandi mwiikiliize kuba nkaluga hali Táata. ²⁸Nkeeza omu éensi ezi kuluga hali Táata, náho óobu niinduga omu nsi omu, niinsuba hali Táata.”²⁹Mbwéenu abaheémba boómwe baámugaambila báti, “Óobu waábaanza kugaamba ne echwe otéena kukoza emigani! ³⁰Mbwéenu, óobu twaásoombookelwa nka nikwo noomanya góona, káandi tokweenda omuuntu kukubúuza choóna chóona. Ago nigo áago gatukozile kwiikiliza nkokwo okaluga hali Múungu.” ³¹Yeézu yaábabúuza aáti, “Ngási, mwaányiikiliza óobu?³²Obuchilo bweélilila, káandi buli héehi bwooli, obuchilo bwóona mulaásaambaala. Buli oómo alaazeenda owaabo, no kuúndeka íinye nyeénka. Náho tiínkúba íinye nyeénka, habwo kuba Táata ali hamo neenye. ³³Íimwe enfula, naábagaambila ago góona kuba mube no obuhóolo omu miganya yáanyu, habwo kuba muli omuli íinye. Omu nsi omu mulaabonesa ebyaágalalo bíinzi, náho mutatiina habwo kuba íinye naázisíinga éensi.”

¹Obuchilo Yeézu káyaamazile kugaamba góona ago, yaálalamila omu igulu, yaáneembelela aáti, “Íiwe Táata, obuchilo bwaáhikile. Oboóleke abaantu ikuzo lyaanze íinye Mutábani waawe, kuba ne éenye mbooleke ikuzo lyaawe nko óokwo lili. ²Ompeéle obuzizi hali bóona abeene omubili, kuba mbone kubaha obulami bwo bucha no buchiile bóona áabo waampéele.³Obulami bwo bucha no buchiile nibwo óobu, abaantu bakumanye íiwe Múungu owa mazima, íiwe weénka, káandi baammanye íinye Yeézu Kristu, óogwo okaansiíndika hali boónyini. ⁴Íinye naáyoleka ikuzo lyaawe aha abaantu bóona omu nsi, kulabila omu emilimo éezo okaansiíndika kuzikola. ⁵Íiwe Táata, niinsaba oyoleke ikuzo lyaanze, ikuzo éelyo nkaba nyina obuchilo tuli hamo, obuchilo ochaali otakahaangile éensi.⁶“Nkukozile okumuúke aha baantu áabo waampéele abaabeele bali abe éensi ezi. Boónyini bakaba bali abaawe, neewe wabaámpa íinye. Mále bakwaasile echigaambo chaawe. ⁷Óobu baásoombookelwa nkokwo ebiintu byóona éebyo okaámpa, bilugile hali íiwe, ⁸habwo kuba naábagaambila góona áago okaángaambila, nábo bagenaánkwiile. Nibasoomboókelwa mazima kuba ndugile hali íiwe, káandi beekilize kuba ni íiwe óogwo okaansiíndika.⁹Niimbasabila abo habwo kuba na abaantu baawe. Tiínkubasabila abaantu bóona be éensi ezi, náho niimbasabila áabo okaámpa boónka. ¹⁰Abaantu bóona abali abaánze na abaawe, káandi abaantu bóona abali abaawe na abaánze. Ikuzo lyaanze lisuululiilwe kulabila hali boónyini. ¹¹Íinye niinyíza hali íiwe, mbwéenu tiínkubaho káandi omu nsi óomu. Náho boónyini nibazeendelela kuba omu nsi aha. Íiwe Táata Omutakatíifu, niinkusába obeemanye aha buhicha bwi izíina lyaawe éelyo ompeéle, kuba babe chiintu chimo nko óokwo íinye ne ewe tuli chiintu chimo.¹²Obuchilo nkaba ndi hamo nábo, nkaba mbeemanyile aha buhicha bwi izíina lyaawe éelyo waampéele. Nkaba niimbaléeba kuzima kuba ntaákubuza no óobu oómo omuli abo, choónka óogwo alikweendelwa kusiingaalichwa, kuba bihikiilizwe éebyo ebyaandikilwe omu Maandiko Matakatíifu. ¹³“Íiwe Táata, óobu niinyíza hali íiwe. Íinye niimbagaambila abaheémba baanze góona ago obuchilo ncháali nchili omu nsi ezi, kuba amanulilwa gaanze gahikiilizibwe omu miganya yáabo. ¹⁴Niimbagaambila abaheémba baanze empola éezo ompeéle. Náho abaantu bo omu nsi ezi babatamilwe, habwo kuba boónyini ti bo omu nsi óomu, nko óokwo íinye ntali wo omu nsi óomu.¹⁵“Íiwe Táata, tiínkusaba nka nikwo obeéhémo omu nsi óomu, náho nka nikwo obachigilile ne neelyo Izilwa, Isitáani. ¹⁶Boónyini ti bo omu nsi óomu nko óokwo íinye ntali wo omu nsi óomu. ¹⁷Íiwe Táata, niinkusába obeeze babe abaantu baawe, omu mazima gaawe, habwo kuba echigaambo chaawe nicho amazima.¹⁸Nko óokwo okaansiíndika íinye omu nsi, bityo nyini ne éenye naábasiindika boónyini omu nsi. ¹⁹Naáyetaho kukukólela íiwe habwe ensoonga yáabo, kuba na abo beézwe omu mazima.²⁰“Tiínkubasabila boónyini boónka, náho niimbasabila bóona áabo abaleekiliza habwa amagaambo áago abaheémba baanze nibaboolekeelela. ²¹Niinsaba nka nikwo abo babe echiintu chimo. Táata, niinsaba babe omuli íichwe, nko óokwo íiwe oli omuli íinye, ne éenye ndi omuli íiwe. Niinsaba kuba babe echiintu chimo, kuba abaantu be éensi beekilize nkokwo ni íiwe óogwo okaansiíndika.²²Ikuzo éelyo okaámpa íinye, naábaha abaheémba baanze, kuba babe echiintu chimo, nko óokwo íinye ne ewe tuli echiintu chimo. ²³Íinye ndi omuli boónyini, ne ewe oli omuli íinye. Niinsaba nka nikwo babe echiintu chimo butúnu, nka nikwo aha muháanda ogwo abaantu bóona bo omu nsi basoombookelwe nkokwo ni íiwe óogwo okaansiíndika, káandi basoombookelwe nkokwo noobeénda nko óokwo olikuunyeenda íinye.²⁴“Íiwe Táata, niindígila kuba áabo waampéele babe hamo ne éenye áaho ndikuba ndi, kuba balibone ikuzo lyaanze éelyo okaámpa, habwo kuba okaányéenda no óobu ochaali kuhaanga éensi.²⁵Íiwe Táata owa amazima, abaantu bo omu nsi óomu tibakukusoombookelwa. Náho íinye niinkusoomboókelwa, káandi abaheémba baanze nibasoomboókelwa kuba ni íiwe óogwo okaannsiíndika. ²⁶Íinye mbeegesize nko óokwo íiwe oóli, káandi niinzeendelela kukola iíntyo, kuba beendane nko óokwo olikuunyeenda íinye, káandi mbone kuba omuli boónyini.”

¹Obuchilo Yeézu káyaamazile kusaba, yaalugaho na abaheémba boómwe, yayaambuka omu iholoola lya Kidroni, áaho hakaba guliho omusili gwe emizeituni. Baátaaha omwo. ²Mbwéenu, Yuda óogwo akamukoonga kóonga Yeézu, akaba naagumanya omusili ogwo, habwo kuba Yeézu akamanyiila kuzeenda omwo enchilo nyíinzi hamo na abaheémba boómwe. ³Mbwéenu, Yuda yaázeebeembelela embága ya abalwaanila ngoma, hamo na abazáana abáandi kuluga aha bakúlu ba abagabe na aha Bafarisayo. Baázeenda omu musili ogwo, bakwáasile emyaanga, ebimuli ne ebikwáato.⁴Yeézu akamanya góona áago gakaba nigategezwa kukolwa hali weényini. Mbwéenu, yeelila omu méeso, yaábabúuza abaantu abaabeele beezíle aáti, “Ngási, nimumuloondela oóha?” ⁵Boónyini baámusubiza báti, “Nitumuloondela Yeézu Omunyanazaréeti.” Yeézu yaábagalulila aáti, “Íinye niwe.” Yuda óogwo akamukóonga kóonga Yeézu akaba ayemeeliile hamo na abasilikale abo.⁶Mbwéenu, obuchilo Yeézu yaábagaambiile aáti, “Íinye niwe,” abasilikale abo baásuba enyuma no kugwa ahaansi. ⁷Yeézu yaábabúuza káandi aáti, “Ngási, nimumuloónda oóha?” Boónyini baámusubiza báti, “Nitumuloondela Yeézu Omunyanazaréeti.”⁸Yeézu yaábagaambila aáti, “Niimbagaambila nkokwo íinye niwe. Kamulaaba nimuundoondela íinye, mbwéenu mubaleke abaantu abali hamo ne éenye bazeénde.” ⁹Yeézu akagaamba aátyo kuba kuhikiiliza áago akagaamba aha bubaandizo aáti, “Nkaba niimbaliísa kuzima, kuba ntaákubuza no óobu oómo omuli abo áabo okaámpa.”¹⁰Simoni Peétero akaba ayina olubáadi, mbwéenu yaálusopoolola, yaámuchwa okutwi kwo obúlyo omuhálila wo omugabe mukúlu. Omuzáana ogwo izíina lyoómwe akaba naayétwa Maliko. ¹¹Náho Yeézu yaámukaama Peétero aáti, “Peétero, subya olubáadi lwaawe omu chiláalo chaálwo. Ngási, tokumanya kuba niinyeendelwa kwaágalazwa nko óokwo Táata aloongize kuba nnyagalazwe?"¹²Mbwéenu, mukúlu wa abalwaanila ngoma, hamo ne embága yoómwe, na abazáana ba abatégeki ba Abayahudi, baámuta omuli itaanu Yeézu, baámuboha. ¹³Mbwéenu, baámutwáala ha kubaanza hali Anasi, óogwo akaba ali isézaala wa Kayafa, óogwo akaba ali omugabe mukúlu omwáaka ogwo. ¹⁴Omu bilo bye enyuma, Kayafa niwe óogwo akabachóola abatégeki ba Abayahudi kuba ni hachili omuuntu oómo kufwa habwa abaantu bóona.¹⁵Simoni Peétero no omuheémba oóndi bakaba nibamukulaatíla Yeézu bwe enyuma. Omuheémba ogwo akaba naamanyíika aha mugabe omukúlu, niwe yaátaaha na Yeézu omu lubuga lwe eéka yo omugabe mukúlu. ¹⁶Náho Peétero yaáyemeelela ahéelu omu lwiizi. Niho omuheémba oóndi óogwo akaba naamanyíika aha mugabe mukúlu, yaáluga ahéelu. Yaágaamba gaamba no omuhalákazi oómo óogwo akaba naayemeelela aha chisasi, yaámukuúndila Peétero kuza omu lubúga.¹⁷Mbwéenu, omuzaánakazi omuliindilizi ogwo, yaámubúuza Peétero aáti, “Ngási, neewe hanu toli oómo omu baheémba bo omuuntu ogwo?” Peétero yaámugalulila aáti, “Mmahi, ti íinye.” ¹⁸Habwo kuba hakaba heena embého, abazáana na abaleebelezi áabo bakaba beemeeliile áaho gwaábeele guliho omulilo gwa amakala, bakaba niboóta omulilo. Náwe Peétero akaba ayemeeliile hamo nábo, akaba naayota omulilo.¹⁹Mbwéenu omugabe omukúlu ogwo, izíina lyoómwe Anasi, yaámubúuza Yeézu empola za abaheémba boómwe na ameégeso goómwe. ²⁰Yeézu yaámugalulila aáti, “Obuchilo bwóona nkaba niingaámba aha baantu bóona ha bwéelu, nkaba niinyegesa abaantu omu nzu za amasomelo gáanyu no omu lubúga lwe éenzu ya Múungu omwo áaho Abayahudi béenzi baba nibakobamo hamo. Nnyegesize ameégeso gaanze góona ha bwéelu. ²¹Ha bwaáchi kuumbúuza íinye? Mbwéenu ha bwaáchi tokubabúuza abaantu abaabeele nibaampuuliliza obuchilo niinyegesa? Boónyini nibamanya áago nkaba niingaámba no kweégesa.”²²Obuchilo Yeézu akagaamba ago, omusilikale oómo óogwo akaba ayemeeliile héehi náwe amuteeza oluhi, yaámubúuza aáti, “Ngási, noomusubiza oótyo omugabe mukúlu?” ²³Yeézu yaámugalulila aáti, “Kaándaaba naágaamba kubi, yatula obubi bwaanze. Náho kábilaaba naágaamba amazima, ha bwaáchi noonteéla?” ²⁴Mbwéenu, obuchilo Yeézu achaali abohilwe, Anasi yaálagila nkokwo bamutwáale owo omugabe mukúlu, Kayafa.²⁵Mbwéenu, obuchilo Simoni Peétero akaba ayimeeliile achaáyota omulilo, abaantu bunaanka baámubúuza báti, “Ngási, neewe toli oómo wa abaheémba bo ogwo muuntu?” Peétero yaáyáanga yaágaamba, “Ti íinye.” ²⁶Náho oómo wo omu bahálila bo omugabe mukúlu, mudugu wo óogwo akachwéebwa okutwi na Peétero, aba yaámubúuza aáti, “Ngási, íinye tinaákubona íiwe okwo omu musili oli hamo náze Yeézu?” ²⁷Káandi ahonyini Peétero aba yaáguluka omu kwáanga. Ahonyini, enkoókolomi eba yaákoókoloma.²⁸Mbwéenu, obuchilo kábwaachíile, abatégeki ba Abayahudi baámutwáala Yeézu kuluga owa Kayafa. Baázeenda náwe omu ikulato lyo omutégeki we Echirúumi. Náho boónyini tibalataahilemo omu ikulato lyoómwe kuba bateetaho obulofo no kulemwa kulya ebyookulya bya Paásika. ²⁹Mbwéenu omweébeembezi wa Abarúumi, izíina lyoómwe Pilato, yaáluga ahéelu no kuzeenda áaho baabeele bali, yaábabúuza yaágaamba, “Ngási, omuuntu ogu akozile bíbi chi éebyo mulikumulégelela?” ³⁰Boónyini baámusubiza báti, “Kábilaaba omuuntu ogu yaakubeele atali ne ebíbi, titwaákumuleesile hali íiwe.”³¹Pilato yaábagaambila aáti, “Mbwéenu íimwe mumutwáale mumuchwaaziike kwiingana ne ebilagilo byáanyu.” Náho Abayahudi baámusubiza báti, “Titwíina amagala go kumuchwaaziika omuuntu weéna wéena kuba aáfwe.” ³²Ago gakabaho gátyo, kuba amagaambo áago Yeézu akagaamba gahike kwoóleka óokwo alaáfwa.³³Mbwéenu, Pilato yaátaaha káandi omu nzu, yaálagila nka nikwo, bamuléete Yeézu hali weényini, yaámubúuza aáti, “Iíngu, íiwe oli mukáma wa Abayahudi?” ³⁴Yeézu yaámugalulila aáti, “Ngási, amagaambo áago olikubúuza na agaáwe nali ago kuluga omu baantu abáandi abakusoombooliile empola zaanze?” ³⁵Pilato yaámugalulila aáti, “Ngási, íinye ndi Omuyahudi? Abaantu be éensi yaawe hamo na abakúlu ba abagabe nibo áabo baákuléeta hali íinye kuba nkuchwaáziike. Ngási, okozile chiheno chi?”³⁶Yeézu yaámugalulila aáti, “Obukáma bwaanze ti bwe éensi ezi. Kábwaakubeele buli obwe éensi ezi, abaheémba baanze bakaandwaaniile kuba ntakwaatwa na Abayahudi. Náho obukáma bwaanze ti bwo omu nsi omu.” ³⁷Mbwéenu, Pilato yaámubúuza aáti, “Ngási, mbwéenu na mazima kuba íiwe oli omukáma?” Yeézu yaámugalulila aáti, “Ni íiwe waágaamba kuba íinye ndi omukáma. Íinye nkazalilwa omu nsi omu, káandi nkeeza mbone kwaatulila abaantu amazima. Omuuntu weéna wéena óogwo alikugakulaatila amazima, ogwo naagahulila amagaambo gaanze.”³⁸Pilato yaámubúuza aáti, “Amazima ni chiíha?” Obuchilo Pilato akagaamba ago, yaásohola ahéelu, yaábagaambila abatégeki ba Abayahudi aáti, “Íinye tiínkabonesize echiheno choóna chóona cho kumulegelela omuuntu ogu. ³⁹Náho muzila obuteéka bwo kuúnsaba kubakomoololela embóhe oómo obuchilo bwe echilo chikúlu cha Paásika. Ngási, nimweénda mbakomoololele omukáma wa Abayahudi?” ⁴⁰Náho abaantu bóona baátéela eyoombo nibagaámba báti, “Mmahi! Otatuchiíngulila omuuntu ogwo, náho otuchiíngulile Baraba.” Baraba akaba abohilwe omu ibóhelo habwo kugomela obutégeki bwa Abarúumi.

¹Niho, Pilato yaámusohoza Yeézu, yaálagila bamutéele enkoba. ²Abalwaanila ngoma baáyogosa omukáko gwa amáhwa, baámuzwéeka aha mútwe. Káandi baámuzwéeka enkaanzu yi ibala lye ezaambalau. ³Baaba nibamuzaho, baámwaangalucha nibagaámba báti, “Nookasíinge, íiwe Omukáma wa Abayahudi!” Baámukaámbaatula eémpi.⁴Pilato yaáza ahéelu káandi, yaábagaambila embága ya abaantu abo aáti, “Muhuliilíze, niimmuleéta ahéelu hali íimwe omuuntu ogu, kuba musoomboókelwe nka nikwo tiínkabwéene echiheno choóna chóona cho kumulegelela omuuntu ogu.” ⁵Mbwéenu, Yeézu yaásohola ahéelu obuchilo azweele omukáko gwa amáhwa ne enkaanzu ye ezaambalau. Mbwéenu, Pilato yaáhooya ha bwéelu aáti, “Léeba, omuuntu weényini niwe ogu.” ⁶Obuchilo abakúlu ba abagabe na abaleebelezi be éenzu ya Múungu baámubona Yeézu, batéela eyoombo nibagaámba báti, “Mubaámbe aha musalaba, Mubaámbe aha musalaba!” Mbwéenu, Pilato yaábagaambila aáti, “Mumutwáale íimwe nyini mumubaámbe aha musalaba, habwe ensoonga íinye tiínkabonesize echiheno choóna chóona cho kumulegelela.”⁷Abayahudi baámusubiza báti, “Íichwe twiinácho echilagilo. Kwiingana ne echilagilo echo, naayeéndelwa kwíitwa, habwo kuba naayegaámba nka nikwo ni Mutábani wa Múungu.” ⁸Obuchilo Pilato yaáhuliile amagaambo ago, yaáguma kutíina bwooli. ⁹Mbwéenu, yaátaaha káandi omu nzu, yaámubúuza Yeézu aáti, “Íiwe olugile nkáhi?” Náho Yeézu talamugaluliile choóna chóona.¹⁰Mbwéenu, Pilato yaámugalulila aáti, “Ha bwaáchi tokugaamba? Ngási, tokumanya kuba nnyina amagala go kukukomoolola, na ago kukubaamba aha musalaba?” ¹¹Yeézu yaámugalulila Pilato aáti, “Tiwaákubeele oyina amagala goóna góona ha bwaánze káwaakubeele otaheélwe na Múungu. Náho omuuntu óogwo antiile omu ngalo zaawe ayina echiheno chiháango bwooli kusáaga echiheno chaawe.”¹²Mbwéenu, obuchilo Pilato yaáhuliile ago, yaábaanza kuloondela omuháanda gwo kumukomoolola Yeézu, náho Abayahudi baáyoongela kutéela eyoombo nibagaámba báti, “Koólaamukomoolola omuuntu ogwo, mbwéenu íiwe toli munywáani wa Kaizáari.a Omuuntu weéna wéena óogwo alikweékola kuba omukáma, naamunuga Kaizáari.” ¹³Obuchilo Pilato yaáhuliile amagaambo ago, yaámuléeta Yeézu ahéelu, yaázeenda kwíikala náwe omu chitébe cho muchwaaziiko, ahaantu áaho bakaheeta Omwaalilo gwi Ibáale. Habwo lulími lwe Echihebrania nibagaámba Gabatha.¹⁴Ekaba yeéliliza esáaha mukáaga aha chilo cho kweéloonza habwe echilo chikúlu cha Paásika. Pilato yaábagaambila abatégeki ba Abayahudi aáti, “Muléebe, omukáma wáanyu!” ¹⁵Boónyini batéela eyoombo nibagaámba báti, “Mwíite, mwíite! Mubaámbe aha musalaba!” Pilato yaábabúuza aáti, “Ngási, nimweénda mmubaámbe aha musalaba omukáma wáanyu?” Abakúlu ba abagabe baámusubiza báti, “Íichwe titwíina omukáma oóndi náho Kaizáari!” ¹⁶Mbwéenu, omuhélo Pilato yaámuta Yeézu omu ngalo záabo kuba bamubaámbe aha musalaba. Mbwéenu, abasilikale baámutwáala Yeézu no kuzeenda náze.¹⁷Yeemucha omusalaba gwoómwe, yaásohola omu muzihwa, yaázeenda ahaantu áaho omu lulími lwe Echihebrania nibaheéta Goligoota. Izíina eli liina ensoonga eéti, “Oluhaanga lwo Omútwe.” ¹⁸Obuchilo kábaahikile aho, baámubaamba Yeézu aha musalaba. Ahaantu ahonyini bakaba baliho abaantu abáandi bábili áabo abaabeele babaambilwe aha misalaba hamo náwe, oómo olubazu lwo obúlyo no oóndi olubazu lwo obumoso, náwe Yeézu yaaba ahagáti.¹⁹Pilato yaálagila nkokwo gaandikwe amagaambo no kutéebwa aha musalaba gwa Yeézu, áago galikugaamba gáti, “ogu ni yeézu omunyanazaréeti, omukáma wa abayahudi” ²⁰Amaandiko ago gakaaandikwa omu lulími lwe Echihebrania, Echirúumi ne Echiyunani. Abayahudi béenzi bakaba nibasoma amaandiko ago, habwo kuba ahaantu áaho baámubaambile aha musalaba hakaba hali héehi na Yeruzaléemu.²¹Mbwéenu, abakúlu ba abagabe baámugaambila Pilato báti, “Otaakwaandika nka nikwo, ‘Óogu no omukáma wa Abayahudi,’ náho oyaandike nka nikwo, ‘Omuuntu ogu akagaamba kuba weényini no omukáma wa Abayahudi.’ ” ²²Pilato yaábagalulila aáti, “Mmahi, tiínkuhiindula amaandiko áago naáyaandika.”²³Obuchilo abasilikale baámubaambile Yeézu aha musalaba, baátwáala emyéenda yoómwe, baázitéela amafuungu aána. Buli omusilikale yeemucha echinogokáche. Káandi, baátwáala enkaanzu yoómwe. Enkaanzu éezo ekaba eyogosize yóona kubaandiza olugulu kuhika aheéfo, telabeele no olubaziililo no óobu lúmo. ²⁴Mbwéenu, baáteékatéeka báti, “Tutaziteémula ezi nkaanzu, náho tuteéle olweeso, tulole nka nikwo, neéba yo oóha.” Ago gakakolwa kuba gabonwe kuhikiilizwa áago agaándikilwe omu Maandiko Matakatíifu gáti, “Bakabagana emyéenda yaanze, na kuzitéelela olweeso enkaanzu yaanze.”* Nikwo óokwo bakakola abasilikale.²⁵Mbwéenu, bakaba baliho abakázi abáandi bana abaabeele beemeeliile héehi no musalaba gwa Yeézu. Aha bakázi abo akaba aliho nyina Yeézu, nyina éento wa Yeézu, Mariamu muka Kilopa, na Mariamu omunya Magidala. ²⁶Obuchilo Yeézu káyaamubwéene nyina no ogwo muheémba óogwo yaáyeenzile bwooli ayemeeliile héehi na nyina, yaámuzila aáti, “Íiwe máaha waanze, muléebe ogu. Mukole aábe omwaana waawe.” ²⁷Káandi yaámugaambila omuheémba ogwo aáti, “Muléebe ogu. Omukóle aábe nyoko.” Mbwéenu, kuluga obuchilo obwo nyini omuheémba ogwo yaámunyegeza nyina Yeézu, ayikale náze omúka yoómwe.²⁸Mbwéenu, Yeézu yaásoombookelwa kuba akaba yaámazile kuzikola emilimo yoómwe. Mbwéenu, yaáhooya naagaámba aáti, “Naázila iliho.” Akagaamba aátyo kuba gahikiilile áago agaabeele gaandikilwe omu Maandiko Matakatíifu. ²⁹Ahaantu áaho hakaba heena echiseme éecho bakeezuza evíini esaankameele. Mbwéenu, beémucha esifoongo,b baázikoza omu víini ezo, baázita omu lusekeyáanda, baámutwaálila Yeézu aha munwa. ³⁰Yeézu obuchilo yaáziloza evíini esaankameele ezo, yaáhooya naagaámba aáti, “Emilimo yaanze yaáhwa!” Mbwéenu yeenamika omútwe gwoómwe, omwooyo gwaahwámo.³¹Chikaba chili echilo cho kweéloonza habwe Endaálikizo,c káandi Endaálikizo ezo ekaba eli echilo chiháango kusaaga Endaálikizo ezíindi. Abatégeki ba Abayahudi bakaba bateénda omutúumbi gusigale aha lugulu yo musalaba aha chilo che Endaálikizo, mbwéenu baázeenda hali Pilato, baámusaba nka nikwo abasilikale bazeénde kubahéenda amagulu abaantu áabo ababaambilwe, no kwiiháho emitúumbi yáabo aha misalaba.d ³²Mbwéenu, abasilikale baázeenda, baámuhéenda amagulu owo kubaanza no wa kábili áabo ababaambilwe hamo na Yeézu. ³³Náho obuchilo nibazeénda hali Yeézu, baásaanga yaáfwiile, bityo tibalamuheenzile amagulu.³⁴Náho omulwaanila ngoma oómo yaámuchumita Yeézu ni ichúmu aha lubazu. Ahonyini enságama na méenzi byaásululuka. ³⁵Empola ezi zaandikilwe no omuuntu óogwo akaba naagabona áago gakaba nigakolwa. Okusiinza kwoómwe no kwa amazima, náwe naamanya kuba áago alikugaamba na ga mazima. Akagaandika kuba ne emwe hanu mwiikilize.³⁶Ago gakakolwa kuba gahikiilizwe áago agaándikilwe omu Maandiko Matakatíifu kuba, “Tihaliho igufwa lyoómwe éelyo lilaahéendwa.”* ³⁷Káandi Amaandiko Matakatíifu nigagaámba gáti, “Baléeza kuleeba óogwo baáchumisile ichúmu.”³⁸Kágaabeele gaáhiingwiile ago, yéeza omuuntu oómo izíina lyoómwe Yozéfu, óogwo akalugiilila Arimatea. Omuuntu ogwo akaba ali omuheémba wa Yeézu, náho habwe eseleke kwoónka, habwo kuba akaba naabatiína abatégeki ba Abayahudi. Mbwéenu, omuuntu ogwo yaázeenda hali Pilato, yaámusaba kuba atwaále omutúumbi gwa Yeézu, aáze kuziika. Pilato yaámukuúndila. Mbwéenu, Yozéfu yaázeenda, yeeháho omutúumbi gwa Yeézu. ³⁹Náwe Nikodemo óogwo obuchilo búmo akazeenda hali Yeézu omu chilo,* yéeza yaáleeta omutulaanilo gwe emanemane no obubáani, gakaba gali ekilo makúmi asatu.⁴⁰Mbwéenu, abo bábili baátwáala omutúumbi gwa Yeézu, baáguziíngilila emyéenda zilikwéela, hamo ne emizeeze emiluunzi kwiingana no obuteéka bwa Abayahudi bwo kuziika abaantu. ⁴¹Ahaantu áaho yaabaambiilwe Yeézu hakaba guliho musili. Omu musili óomwo hakaba halimo eémbi nsha éezo etakaziikagwamo omuuntu weéna wéena.e ⁴²Echilo echo, chikaba echilo cha Abayahudi kweéloonzaa habwe Endaálikizo. Ha bwéecho baámuziika Yeézu omu mbi ezo, habwo kuba ekaba eli héehi.

¹Echilo cha mbele cho obwooyo, enchaákala omulucheelelélwa, Mariamu omunya Magidala yaázeenda omu mbi ya Yeézu. Yaásaanga ibáale elyo lyaáhiliingisiibwe kuluga aha mulyáango gwe eémbi. ²Mbwéenu, yeeluka kuluga aho, yaázeenda hali Simoni Peétero na aha omuheémba óogwo Yeézu yaáyeenzile. Yaábagaambila aáti, “Abaantu baagwiiháho omutúumbi gwo Omukáma wéetu omu mbi, káandi titukusoombookelwa áaho baágutwáala!”³Peétero no omuheémba oóndi ogwo, baalugáho, baázeenda omu mbi. ⁴Bóona bábili bakaba nibeéluka, náho omuheémba ogwo oóndi yeeluka kumusáaga Peétero no kweébeembela kuhika omu mbi. ⁵Yeénama, yaásuuza omu mbi, yaázibona emyéenda zilikwéela éezo bakamuziikila Yeézu, náho talatáahile omugati.⁶Mbwéenu, Simoni Peétero yamukulaatila, yaáhika aho, yaátaaha omu mbi no kuzisaanga emyéenda zilikwéela éezo bakamuziikila Yeézu. ⁷Káandi yaásaanga ne echitaambaala éecho baamukomile Yeézu omu mútwe. Chikaba chitali hamo ne emyéenda eéndi, náho chikahinywa no kutéebwa ha lubazu.⁸Mbwéenu, omuheémba oóndi, óogwo akeébeembela kuhika aho, náwe yaátaaha omu mbi. Yaáleeba, yeekililiza, ⁹nóobwo bakaba bachaali kusoombookelwa Amaandiko Matakatíifu áago galikugaamba nka nikwo, Yeézu ni lwaampaka azooke kuluga omu bafwiile. ¹⁰Mbwéenu, abaheémba abo baázeenda owaabo.¹¹Náho Mariamu omunya Magidala yaásigala no kweémeelela ahéelu aha mbi, akaba naalíla. Obuchilo akaba naalíla, yeénama no kusuuza omu mbi, ¹²yaábabona bamaléeka bábili áabo bazweele emyéenda zilikwéela. Bakaba beékeele áaho bakaba balyaamikile omutúumbi gwa Yeézu. Maléeka oómo ayikeele olubazu óolwo gukaba guli omútwe gwa Yeézu, oóndi ayikeele olubazu óolwo gakaba gali amagulu ga Yeézu. ¹³Bamaléeka abo baámubúuza báti, “Íiwe máaha, ha bwaáchi noolila?” Náwe yaábagalulila aáti, “Abaantu baagwiiháho omutúumbi gwo Omukáma waanze, káandi tiínkumanya áaho baágutwáala!”¹⁴Obuchilo Mariamu yaámazile kugaamba amagaambo ago, yeéchebuka, yaámubona Yeézu ayemeeliile ahonyini, náho weényini Mariamu talamumanyile. ¹⁵Yeézu yaámubúuza yaámuzila, “Íiwe máaha, ha bwaáchi noolila? Ngási, noomuloónda oóha?” Mariamu akateekuza kuba omuuntu ogwo akaba omuzáana wo omusili, mbwéenu yaámugalulila aáti, “Íiwe táata, kábilaaba ni íiwe waagwiihaho omutúumbi gwoómwe, ngaambila áaho waguta, ne éenye ndaazeénda kugutwáala.”¹⁶Yeézu yaámweeta izíina lyoómwe aáti, “Íiwe Mariamu!” Mále Mariamu yeéchebuka, yaámubona Yeézu, yaágaamba omu lulími lwe Echihebrania aáti, “Raboni!” Raboni, ensoonga yaáho no “Omweégesa.” ¹⁷Yeézu yaámugaambila aáti, “Leka otaankwáata. Ncháali tikazeenzile omu igulu hali Táata. Mbwéenu, zeénda kubagaambila abeekiliza bazeenzi baanze, ha kuba naázeenda omu igulu hali Táata, óogwo ali Isíimwe, hali Múungu waanze óogwo ali Múungu wáanyu.” ¹⁸Mbwéenu Mariamu omunya Magidala yaázeenda aha baheémba ba Yeézu, yaábagaambila empola ezi, naagaámba aáti, “Léeba, íinye naámubona Omukáma!” Mbwéenu, yabasoomboolela góona áago Yeézu akamulagila.¹⁹Yaaba olweébazo echilo echo nyini cha mbele cho obwooyo, abaheémba ba Yeézu bakakóba omu nzu eémo no kuchiinga emilyaango habwo kuba bakaba nibatiína abatégeki ba Abayahudi. No óobu keélaaba emilyaango ekaba echiingilwe, mala Yeézu yaábonwa ha bwéelu, no kweémeelela ahagáti yáabo, yaábagaambila aáti, “Obuhóolo bube ne emwe!” ²⁰Mbwéenu, yaábooleka engalo zoómwe no olubazu lwoómwe. Obuchilo abaheémba baámubweene Omukáma, baánulilwa bwooli.²¹Yeézu yaábasuula káandi aáti, “Obuhóolo bube ne emwe. Nko óokwo Táata akaansiíndika íinye, bityo nyini ne éenye niimbasiindika íimwe omu nsi aha.” ²²Káyaamazile kugaamba ago, mbwéenu yaábahuuhila olwooya, yaábagaambila aáti, “Mwiinaánkule Omwooyo Mutakatíifu. ²³Kamulaaba nimubaganyila abaantu ebiheno byáabo, Múungu náwe yaábaganyiile ebiheno byáabo. Kamulaaba mutakubaganyila, Múungu náwe takabaganyiile.”²⁴Omuheémba oómo omu baheémba ba Yeézu, izíina lyoómwe Tomaso óogwo izíina elíindi akaba ayétwa Iloongo, akaba atali hamo na abaheémba abáandi obuchilo Yeézu naabeesuúlulukiza. ²⁵Mbwéenu, abaheémba abáandi abo baámugaambila báti, “Íichwe twaámubona Omukáma.” Náho weényini yaábagalulila aáti, “Íinye tinaákuhicha kwiikiliza ago kaándaaba ntabweéne aha kubaanza amakozo ge emisumali omu ngalo zoómwe, no kúta olukumu lwaanze áaho baágoógotiile emisumali no kúta omukóno gwaanze aho aha lubazu lwoómwe.”²⁶Obuchilo ebilo munáana byaáhiíngwiile, abaheémba ba Yeézu baákoba hamo káandi omu nzu. Echilo echo náwe Tomaso akaba aliho hamo nábo. Emilyaango bachiingile, mala, Yeézu yaábonwa ha bwéelu, yaáyemeelela ahagáti yáabo, yaábasuula aáti, “Obuhóolo bube ne emwe!” ²⁷Mbwéenu, Yeézu yaámugaambila Tomaso aáti, “Íiwe Tomaso, iíza onkúumye no lukumu lwaawe omu ngalo zaanze. Káandi, onkúumye ne omukóno gwaawe omu lubazu lwaanze. Otakuzeendelela kuleka kwiikiliza, náho oyikilize.”²⁸Tomaso yaámugalulila aáti, “Omukáma waanze na Múungu waanze!” ²⁹Yeézu yaámugalulila aáti, “Weékiliza habwo kuba waámbona. Béena omugisa áabo banyikiliize no óobu kábalaaba batakaambweene.”³⁰Yeézu akakola eméenko eéndi nyíinzi éezo abaheémba boómwe bakazibona. Tizilaandikilwe omu chitabu echi. ³¹Náho eméenko éezo zili omu echitabu echi zikaandikwa kuba mubóne kwiikiliza nka nikwo Yeézu niwe Masihi, Mutábani wa Múungu, no kuba aha kumwiíkiliza, mubóne obulami bwo bucha no buchiile kulabila omu izíina lyoómwe.