¹Awono e majina ja ana ja Yizalele waze aile mu Engitu nyi Yakomba , lunga nyi lunga nyi akwa jiko lyenyi : ²Lubene , Simone , Levi , nyi Yuda , ³Isakale , Zebulone , nyi Benjamine , ⁴Dane , Nafitali , Gad , Nyi Ashele . ⁵Kwoka cha atu eswe zuwo lya yakomba apwile makumi shimbyali mukwalula . Yosefwe te kali kulu mu Engitu .⁶Mba Yosefe , nyi ayayo eswe , nyi akwa chisemuko chize cheswe yafwa . ⁷A-Yizalele okele chikolo , alumbamine nyi kukangana ejile nyi kupwa ukujikiza ; chifuchi yichitakana nyi ayo .⁸Mba aswanyishineho mwanangana weka wa Engitu , yoze te kakanyingikine Yosefe . ⁹Yamba kuli atu jenyi ngwenyi , " Talenu , akwa Yizalele kanoko kanatuhyana kanakangana nyi tachi kutuhyana . ¹⁰Tweyenu , tulinge kuli ayo mana , kuchina matwalililaho kwoka , mumu nyi ngwo jita yize , makalichinga nyi akwa kole jetu , akatu zwelese , mba akahichike chifuchi . "¹¹Keshika yasela tupatashi akwa mukwapinjisa nyi milimo yikolo . A-Yizalele ka atungilile membo Falau : Pitome nyi Lamese . ¹²Alyoze chipwe a Engitu amwesene lamba , o ahyanyine kwoko yalitanda kweswe . A Engitu evwile kupiha chinji A-Yizalele .¹³Akwa Engitu A-Yizalele kuzata milimo yikalu chinji . ¹⁴Yashata milimo yikalu ya ndambo nyi tujolo , nyi ya milimo yeka nyi yeka ya mu minda . Milimo yo yeswe yina kazangiwa kuzata yina kapwa yikolo .¹⁵Mba mwanangana wa Engitu yahanjika nyi yifunguji akuli Ahepeleu ; jina lwa umuwika kapwile Shifila , nyi mukwo puwa . ¹⁶Ngwenyi , " Muze munufungula mwana kuli mapwo waka A-Hepeleu , atalenu muze masema . Nyi ngwo mwana wa lunga , numushihe lume ; mba nyi ngwo wapwo , atwame nyi mwono . " ¹⁷Alyoze yifunguji evwilile woma Zambi kalingile ngwe chize mwanangana wa Engitu ambile kuli ayo ; mba chocho o echele ana amalunga nyi mwono .¹⁸Mwanangana wa Engitu watambikile e yifungaji , yamba kuli ayo ngwenyi , " Kuchi te nwalinga chino , nyi kufunga ana amalunga nyi mwono ? " ¹⁹Yifunguji ambile kuli Falau ngwo , " Mapwo ja Ahepeleu keshi ngwe mapwo ja Engitu . Kakwete tachi kakulyanga kusema shimbu chifunguji kanda achi heta . "²⁰Zambi wakingile awano yifunguji . Atu okele kuhyana nawa ejile nyi kupwa nyi tachi . ²¹Mumu yifunguji hakuvwila woma Zambi , iye wahele yisemuko . ²²Falau yahana shimbi kuli atu jenyi , " Eswe ngwenyi , 'ana amalunga eswe masemuka nwambilile mu lwiji , mba mwana mweswe wa pwo atwame nyi mwono . "

¹Mba umwe lunga wa kumunyachi wa Levi yambata pwo wa ka Levi . ²Mwe pwo yapwa nyi ufumba yasema mwana walunga . Muze amwene ngwo mwana wapema naye , wamuswekele tukweji atatu .³Muze te kahashile nawa kumusweka , yamutungila kamutonga kamanenga ya kashila kaso nyi usolosashi . Mba yasamo mwe mwana yakatumbika ku ngenge ya lwiji . ⁴Ndumbwenyi yamanyina kusuku hanga amone yize muyilingiwa kuli mwe Kemba .⁵Mwana wa Falau ya palumuka ku lwiji nyi kusana mba tuvumbi twenyi te kanendangana kusesa lya lwiji . Yamona ka mutonga mukachi kamanenga yatuma kavumbi kenyi kuya nyi ku mwanjila ko . ⁶Muze hakapakula , ya monamo mwana . Talenu , mwana kanalili yamuvwila keke yamba ngwenyi , " Au kali umwe mwana wa Ahepeleu . "⁷Mba ndumbu ya mwana yahula mwana Falau ngwenyi , " Nguye ngukufupile pwo waka hepeleu apwe ndenji a kulelele yono mwana nyi ? " ⁸Mwana wa Falau yamba kuli iye ngwenyi , " Yako " . Mba ndumbu ya mwana yaya nyi kutambika naye ya mwana .⁹Mwana Falau yamba kuli naye ya mwana ngwenyi , "Tambula mwana yono uka ngulelele ye , mba mungu kakufweta . " Mwe mwana pwo yatambula mwana yamulele . ¹⁰Muze mwana hakola , yamutwala kuli mwana wapwo wa Falau , neye yamupwisa mwanenyi . Yamuluka Mose ngwenyi , " Nguna ka mwanda mu meya . "¹¹Muze Mose hakola , yaya kuli atu jenyi yamona milimo yo kukola . Yamona nawa umwe mukwa Engitu kanashihi ka Hepeleu , umwe wa mu atu jenyi . ¹²Yatala sali nyi sali , muze amwene ngwo kushi mutu nyi mweumwe ya shiha ka Engitu nyi kumuvumbika mu masekeseke .¹³Tangwa lya kawileho yaya , nawa talenu tu Hepeleu aali kanazwele . Yamba kuli yoze waluwishile , " Yika unalambila usoko we ? " ¹⁴Mwe lunga ngwenyi , "Unakakupwisa kupwa tetekeli nawa mukwa kuyula hakachi ketu ? Unazange kungu shiha ngwe chize washihile mukwa Engitu ? " Mose yevwa woma ngwenyi , " Kuma chuma nalingile hachinyingika akwetu . "¹⁵Mba muze Falau hevwa yino , yafupa kushiha Mose . Alyoze Mose yamuchina Falau kuya nyi kutwama kuchifuchi cha Mindyane . Kuze yatwama kusesa lya shima lya meya . ¹⁶Alyoze hako wa ku mindyane kapwile nyi ana amapwo shimbyali . Yeza , yataha meye , nawa ya zalisa yingolongolo ya kunwisa mbunga ya yimuna ya tato . ¹⁷Nyi tufunga yeza ngo ahanga , mba Mose yakatuka yeza nyi kwakwasa . Yanwisa ye mbunga ya yimuna .¹⁸Muze ana amapwo ahilukile kuli tato , yahula ngwenyi , " Mba yika nwahilukila washi musono ? " ¹⁹Yakumbulula ngwo , " Mukwa Engitu katupululanga kuli tufunga . Yatutahila meya yanwisa nyi yimuna . " ²⁰I ye wambile kuli anenyi amapwo ngwenyi , " Mba kuli ko ali ? Kuchi te nwamuhichika mwe lunga yoze ? Mutambikenu hanga alye kulya nyi yetu . "²¹Mose wataijile kutwama nyi lunga yoze , yoze wahanyine mwanenyi wa pwo Zipola mu ulo . ²²I ye wasemene mwana walunga , nyi Mose wa mulukile ngwo Ngeshome ; yamba ngwenyi , " Mumu kunapwa njize mu chifuchi cha mbala . "²³Hakupalika shimbu mwanangana wa Engitu yafwa . Mba Yizalele atwile mikuma mumu ha upinji wo . Alilile chikolo hanga akwasa , mba kulila cho chahetele kwilu kuli Zambi mu muha upinji wo . ²⁴Muze Zambi hevwa mikuma yo , Zambi yewuluka usendo wenyi uze akolesele nyi Apalahama , nyi Izake , nyi Yakomba . ²⁵Zambi wamwene lamba lya Izalele , yevwila keke .

¹Alyoze muze te Mose wapwile nyi kufunga yimuna ya Yetolu tato weno , hako wa ku Mindiane . Mose watwalile yimuna kusuku mukachi ka puya yaheta ha Helepe , ku mulundu wa Zambi . ²Kuze kangelo ka Yehova ya musolokela mumulengi wa kahya mumusenge . Mose yatala , nyi kumona , chiputa china lekwoka , alyoze kuchawemene . ³Mose yamba ngwenyi , " Mangyuchikundameko hanga ngumone chakukomowesa chino , kuchi mba che chiputa kuchisolo kuwema . "⁴Muze Yehova hamona ngwenyi hakundama amone , Zambi yamutambika mukachi ka chiputa ngwenyi , "Mose , Mose . " Mose ngwenyi , " Yami uno . " ⁵Zambi ngwenyi , " Kanda ukundama kukamwihi ! Zula haku kumolu je , mumu homa unamana hasandu kuli yami . " ⁶Yeselaho nawa ngwenyi , "Nguli Zambi ya atatenu , Zambi ya apalahama , Zambi Izake , nyi Zambi wa yakomba . " Mose wafukile ku meso , mumu wevwile woma hakutala Zambi .⁷Yehova ngwenyi , " Chamwenemwene hinamona lamba lya atu jami waze ali mu Engitu . Hinevwa kulila cho hamulonga wa akwa lutwe lyo , ngunanyingika lamba lyo lyeswe . ⁸Hina hulumuka hanga ngwapulule kufuma kutachi ja akwa Engitu nyi kwafumisa mu chifuchi chize nyi kwa twala mu chifuchi chipema , chifuchi chinene , ku chifuchi chazalamo yamwa nyi wuchi ; ndo ku chihela cha Akanana , cha A- hete , Aamole , Apelize ,Ahite , nyi Ajebuse .⁹Chenacho kulila cha atu ja A-Izalele hichaheta kuli yami . Keshika , hinamona chize anamwesa lamba kuli akwa Engitu . ¹⁰Halyapwila , ngunakutumu kuli Falau hanga ukatuhwise atu jami , A- Izalele , mu chifuchi cha Engitu . "¹¹Mba Mose yakumbulula Zambi ngwenyi , " Yami iya , hakwamba nguye kuli Falau ngu katuhwise A- Izalele kufuma mu Engitu ? " ¹²Zambi yamba ngwenyi , "Chamwenemwene mungukapwa nyi yena . Achino muchikapwa chinyingi kuli yena ngwo yami nakutuma . Muze mukatuhwisa atu wano mu Engitu , munukeza nyi kunguwaila ha mulundu uno . "¹³Mose yamba kuli Zambi ngwenyi , " Muze munguya kuli akwa A- Izalele nyi kwalweza ngwo , 'Zambi yatulamba twenu hangutuma kuli yenu , ' mba nyi makahanjika kuli yami ngwo , 'Jina lyenyi iya ? ' Mba yami kuchi mungukakumbulula kuli ayo ? " ¹⁴Zambi yamba kuli Mose ngwenyi , "NGULI CHIZE NGULI . " Zambi ngwenyi , " Chatamba " Kwalweza I-Zalele , 'YAMI NGULI kangutuma kuli yenu . "' ¹⁵Zambi yamba nawa kuli Mose ngwenyi , "Ukalweze A- Izalele ngwo , ' Yehova , Zambi wa tulamba twenu , Zambi ya Apalahama , Zambi ya Izake , nyi Zambi ya Yokomba , hangutuma kuli yenu . Lino lye jina lyami ndo ku myaka nawa chenacho makanguvulwoka nyi waze makasemoka akulutwe . '¹⁶Yako ukakungulule myata eswe ja A-Izalele hamuwika . Ukalweze ngwo , ' Yehova , Zambi yatulamba twenu , Zambi ya Apalahama , ya Izake , nyi Yakomba hasolokela kuli yami ngwenyi , " Umwenemwene hinanu tala hinamona chize ananulingi mu Engitu . ¹⁷Ngunamishiki kunufumisa kulamba lya mu Engitu nyi kunutwala mu chifuchi cha Akanana , Ahite , Amole , Apelize , Ahive nyi Ajebuse , mu chifuchi mwatwama yamwa nyi wuchi . " ¹⁸Kumakakwivwa . Yena nyi myata ja A-Izalele nukaye kuli mwanangana wa Engitu , nyi kumulweza ngwo , 'Yehova , Zambi ya Ahepelewu , hatusolokela . Halyapwila twalemba tutaize tuye ungeji wa matangwa atatu mu puya , hanga tuye tukalambule milambu kuli Yehova , Zambi yetu . '¹⁹Alyoze ngunanyingika kwamba ngwo mwanangana wa Engitu kechikanutaijisa kuya , shina kwoko lyenyi kuli shinjika nyi tachi . ²⁰Mungukolola kwoko lyami nyi kwalamba akwa Engitu nyi ndundo nyi kwalweza yilayi yize mungukalinga kuli ayo . Mba yeswe nyi yahwa , kumakanwechako nukaye . ²¹Mungukanupwisa akwa vumbi kumeso ja akwa Engitu , hanga muze munukatuhuka , kunuchi kaya moko - moko . ²²Pwo mweswe akete palata nyi olu nyi mahina kuli mwenyembo wenyi mukwa Engitu yoze alisulangana nenyi mazuwo . Nukajike anenu amalunga nyi amapwo . Chenacho munukapupa akwa Engitu . "

¹Mose yakumbulula , " Mba nyi ngwo kangufulyelele chipwe kungupanjika nyi kwamba ngwo , 'Kachi Yehova kakusolokelele ' ? " ²Yehova yamba kuli iye ngwenyi , " Yika unakwata mukwoko lye ? " Mose ngwenyi , " Mulumbu . " ³Yehova ngwenyi , " Umbile hashi , " Mose aumbilile hashi , yiwalumuka kapela . Mose yamuchina .⁴Yehova yamba kuli Mose ngwenyi , " Kundama umukwate kumuchila . " Iye wakundamine nyi kukwata kapela . Yiwalumuka mulumbu nawa . ⁵" Chenacho hanga afulyele ngwo Yehova , Zambi yatulamba twe twetu , Zambi ya Apalahama , Zambi ya Izake , nyi Zambi ya Yakomba , hanasoloka kuli yena . "⁶Yehova yamba kuli iye nawa ngwenyi , " Njisa kwoko lye mutulo ye . " Mose yanjisa kwoko lyenyi mu tulo . Alyoze muze halichiza , talenu , kwoko yilipwa nyi mbumba , litoma to ngwe neve . ⁷Yehova yamba ngwenyi , "Njisa kwoko lye mutulo nawa . " Mose yanjisa kwoko lyenyi nawa mutulo , muze hali tuhwisa , wa limwene kupwa lingunu , nawa ngwe mujimba wenyi weswe .⁸Yehova ngwenyi , " Nyi kechi kakufulyela- Nyi kachi kakupanjika ku chilayi chami chitangu nyi kuchifulyela , kumakafulyela ku chilayi cha muchali . ⁹Nyi kechi kafulyela nawa ku yilayi yino yaali ya tachi jami , chipwe kukupanjika ku liji lye , ukaswite meya amukalwiji ukamwangine hashi . E meya mukaswita kumakalumuka manyinga hashi . "¹⁰Alyoze Mose yamba kuli Yehova ngwenyi , " Mwene , chanyingikine kuhanjika , chipwe kumatangwa akunyima kufuma ha tangwa lize nwahanjikilileho nyi yami ndungo yenu . Nguli mutu wakuhanjika makoke limi lyami lilemu . " ¹¹Yehova yamba kuli iye ngwenyi , " Iya watengele kanwa ka mutu ? Iya wakupwisa mutu kupwa kamama hanji kufwa matwi chipwe kumona ? Hi yami Mwene ko , Yehova nyi ? ¹²Kashika halyapwila yako , mungukapwa nyi kanwa lye mungukakulongesa yakunjika . '' ¹³Alyoze Mose ngwenyi , "Mwene , nalemba tuma kama mutu weka mweswao unazange kutuma . "¹⁴Mba Yehova yapihilila nyi Mose . Yamba ngwenyi , " Mba nyi Alone , yamba , ka Levi keshiko nyi ? Ngunanyingika ngwami nahasa kuhanjika kanwa . Chenacho , kaneza nyi kukupatwiza , muze makumona , kumakawahilila mu mbunge yenyi . ¹⁵Yena mukamwambulwila maliji waze makatela kuhanjika . Yami mungukapwa nyi kanwa lye nyi hamwe nyi kanwa lyenyi , nawa mungukanulongesa enweswe yakulinga . ¹⁶Makakuhanjika kuli atu . Makapwa chakuhanjikilako che , nyi yena mukamumanyinako ngwe yami , Zambi . ¹⁷Ukambate mulumbu uno mukwoko lye . Ukalinge nenyi yilayi . "¹⁸Mose yahiluka kuli tato weno Yetulo yamwamba ngwenyi , " Ngutayize kama nguhiluke kuli usoko jami mu Engitu ngu katale shina achili nyi mono nyi ka . " Yetulo yamba kuli Mose ngwenyi , " Yako mukuwunda . " ¹⁹Yehova yamba kuli Mose mu mindiane ngwenyi , " Yako , hiluka ku Engitu , malunga eswe afupile kukushiha hanafu . " ²⁰Mose yambata pwo lyenyi anenyi amalunga ha chimbulu . Yahiluka ku Engitu , yambata nyi mulumbu wa Zambi mukwoko lyenyi .²¹Yehova yamba kuli Mose ngwenyi , " Muze hiwahiluka ku Engitu , chatamba kulinga yilayi yeswe kumeso ja Falau yize hinasa mutachi je . Alyoze mungukakalisa mbunge yenyi , hanga akahonese e atu kuya . ²²Ukamulweze Falau ngwo , ' Chenacho anambe Yehova ngwenyi : Izalele iye mwanami walunga , mwanami mutangu , ²³chenacho ngunakulweze , " Echa mwanami aye , hanga aka ngu waile . "Mba muze usolo kumwechako hanga aye mungukashiha mwane , mwane mutangu . "'²⁴Mba mujila , muze ufuku hiweza hauhwimino , Yehova yalitakana nyi Mose yafupa kumushiha . ²⁵Haze hene Zepola yanda liwe lya kuhela yateta musosha wa mwanenyi , yasa ha molu ja lunga wenyi , mba yamba ngwenyi , " Chamwenemwene yena kuwapwa lunga wa manyinga kuli yami . " ²⁶Mba Yehova yamwecha . Haze hene pwo yamba ngwenyi , "Yena kuwapwa lunga lyami wa manyinga " mumu ha ungalami .²⁷Yehova yamba kuli Alone ngwenyi , " Yako mupuya ukalitakane nyi Mose . " Alone yaya , yalitakanyina ha mulundu wa Zambi , yamusweswenya . ²⁸Mose wambululwile Alone maliji eswe waze Yehova amutumine nyi kwambulula ha yilayi yeswe yize Yehova amulwezele kulinga kupalikila mutachi jenyi .²⁹Mba Mose nyi Alone yaya yakungulula myata eswe ja Izalele hamuwika . ³⁰Alone walumbunwine maliji eswe waze Yehova alwezele Mose . Yalinga nyi yilayi yize Yehova amulwezele kulinga kumeso ja atu . ³¹E atu afulyelele . Muze evwile ngwo Yehova hamona akwa Izalele lamba , lize amwenesele yahetamisa mitwe yo nyi kumuwaila Zambi .

¹Hanyima yayino yuma , Mose nyi Alone yaya nyikwamba kuli Falau ngwo , " chocho Yehova , Zambi wa A - Izalele , ngwenyi : ' Echa atu jami aye , hanga akangulingile chiwanyino mu puya .''' ²Falau yamba ngwenyi , " Iya mwe Yehova ? Yika mungupajika liji lienyi nyikwecha A - Izalele kuya ? Chamunyingikine Yehova ; chikwo , nawa chikwecha A- Izalele kuya . "³O yamba ngwo , " Zambi ya A - Hepreu hatakana nyi yetu . Twechenu tuye ungeji matangwa atatu mu puya tukalambule yitapo kuli Yehova Zambi yetu kuchina iye matulundumukina nyi chilungo hanji nyi katana ." ⁴Alyoze mwanangana wa Engitu yamba kuli ayo , " Mose nyi Alone kuchi te nunachiza atu kumilimo yo ? Hilukenu kumilimo yenu." ⁵Iye nawa yamba ngwenyi , haliapwila nuli atu amuchifuchi chetu , himunuechesa milimo yo . "⁶Tangwa lizeliene , Falau yahana shimbi kuli tutapashi twa atu hamwe nyi tupita two . Iye yamba ngwenyi , ⁷" Chishikulingiwa , kanda nuhana mwambu kuli atu wakutenga nawa tumenga . Echenu akaye ene akakonge mwmbu . ⁸Keshika , twikenu hali ayo kwalula chizechene cha tumenga ngwe kunyima . Kanda nutayiza kutepululako , mumu hanapu auvwa nyi milimo . Kashika anatete ngwo , ' tweche tuye tukalambule yitapo kuli zambi yetu .´ ⁹Tohesenu milimon yamalunga yikalu hanga akahondangane alyoze akahone kupajika maliji amhuza.¹⁰Mba e tupatashi atuhukile hamwe nyi tupatashi two yambulwila atu. O yamba ngwo , " chocho anambe Falau ngwenyi ; ' chichikunwaha mwambu . ¹¹Yenu yenwene nukande mwambu kweswako munuuwana , alyoze milimo yenu nyiyimwe mwitepuluka . '''¹²Chocho e atu alimwangine ndusu muchifuchi cheswe cha Engitu nyikukunga zhachi hanga ajitenge ngwe mwambu . ¹³Tupataji akapalishile e atu ngwo , "hwisenu milimo yenu , ngwe chizechene nwapwile nyikutambula mwambu . " ¹⁴O tupatashi twa Falau twalambile tupatashi twa A - Izalele , waze ene malunga aselele kutala akwa milimo . O tupatashi two ahulishile kuli ayo ," yika kunwahetesele kulinga tumenga , chazau nyi chamusono , ngwe chizechene nwakuli kunyima ?"¹⁵Mba tupataji twa kuli A - Izalele yaheta kuli Falau nyi kuteta kuli iye . O yamba , "kuchi te nunalingi chize nyi yetu ngamba jenu ? ¹⁶Kushi nawana mwambu wakuhana ngamba je, alyoze kanatwambe ngwo , "tengenu tumenga ! Etu , ngamba je hikanatulambe , alyoze mumu hamulonga wa atu je ." ¹⁷Alyoze Falau wambile ngwo , " nuli nyi uvwa ! nuli nyi uvwa ! Munwamba ngwo , ' tweche tuye tukalambule kuli Yehova .' ¹⁸kashika yenu nulinge milimo yenu . Kushi cheka mwambu manwaha , alyoze ndo munuhetesa kwalula cha tumenga ."¹⁹Muze tupita twa A - Izalele amwene ngwo himapwa mukupinda a alwezele , " kunuchi kutepula ku milimo ya tumenga ya tangwa nyi tangwa ." ²⁰O yatakana Mose nyi Alone , o yamana haze lya lilapa atuhukile nyi kumeso ja Falau . ²¹O yamba kuli Mose nyi kuli Alone , "Yehova anutale nawa unupatwila , mumu hinwatutenga kulumbuka ku meso ja Falau nyi atu jenyi . Hinwahana katana mukwoko lyo akatushihe ."²²Mose yahiluka kuli Yehova nyikwamba ngwenyi , "Mwene , kuchite hiwanehenena kupinda kuli atu ano ? Yika te chitangu nunakangutumina ? ²³Mumu hanga nahetele kuli Falau mukuhajika mu jina lyenu , iye hananehe kupinda kuli ano atu , chipwe kupulula atu jenu kunwapulwile nyichimwe ."

¹Mba Yehova yamba kuli Mose ngwenyi , "Halyapwila mukamona chize yami mukalinga kuli Falau . Mokamona chino , mumu iye makaecha kuya hamulonga wakwoko lyami lya tachi . Mumu hakwoko lyami lya tachi , iye makahumahaze lya chifuchi chenyi ,"²Zambi yahajika nyi mose ngwenyi , " yami Yehova . ³Nalisolwele kuli Apalahama , nyi kuli Izake , nawa nyi kuli yakomba ngwami yami Zambi mukwa tachi jeswe ; Alyoze kuzhina lyami , Yehova , o kangunyingikine . ⁴Nakolesele nyi usendo wami nyi ayo , hamulonga mungwaha chifuchi cha Kanana , chifuchi chize cha ujize wo , chifuchi chize azangile . ⁵Chocho nawa , hinevwa mikuma ya A - Izalele hanaakase kuli A- Engitu , alyoze hineuluka usendo wami .⁶Kashika , amba kuli A - Izalele , Yehova . Mukanuchiza mu undungo wa Engitu , mukanupulula nyikutachi jenyi . Mukanupulula nyiku tachi jami , nyi ilinga inene ya upatwilo . ⁷Mukanutwala yami mwene ngwe atu jami , nawa mukapwa Zambi yenu . Enu munukanyingika ngwenu Yehova zambi yenu , wanuchijile mu upiji wa Engitu .⁸Mukanuhetesa muchifuchi chize ngwenyi alishingile nyi kuhana kuli Apalahama , nyi kuli Ezake nawa nyi kuli yakomba . Mungunwahaacho ngwe chihinga . Yami Yehova ."' ⁹Mose wahajikile kuli A - Izalele , alyoze pajikile kuli iye mumu hakulipupula chaupiji wo ukolo .¹⁰Yehova yahajika kuli Mose , ngwenyi , ¹¹"yako ukambile Falau , mwanangana wa A - Engitu , akeche atu ja A - Izalele muchifuchi chenyi ." ¹²Mose yahajika kuli Yehova ngwenyi , " nyi A - Izalele kapajikile kuli yami , yami chanyingikine kuhajika ?" ¹³Yehova yamba kuli Mose nyi kuli Alone . Wahele shimbi hali A - Izalele nyi hali Falau , mwanangana wa A - Engitu , kuchiza A - Izalele muchifuchi cha A - Engitu .¹⁴Wano miata jamajiko ja akako ngwo : Ana amalunga ja Lupeni , mwana mutangu wa A - Izalele , ana jenyi Hanoki , Palu , nyi Hezerone , nyi Kome . Ano apwile majiko tulamba twa Lupeni . ¹⁵Ana amalunga a Simone akwamajiko jenyi wano , nyi Yamule , nyi Yamine , nyi Ohate , nyi Yakine , nyi Zohane , nyi Sholo - mwana walunga wa umwe pwo mukwa Kanana . Ano apwile majiko tulamba twa Simone .¹⁶Ano e majiko ja ana amalunga a Levi , hamwe nyi kulita nyi yisemoko yo . Wano apwile Ngeshone , nyi Kohate , nyi Malali . Levi wapwile nyi miaka ya mono kulaji ja miaka nyi makumi atatu a miaka nyi miaka shimbiali . ¹⁷Ana amalunga a Ngeshone wano Lipini nyi Shimei , kulita nyi majiko jo . ¹⁸Ana amalunga a Kohate wano nyi Amalame , nyi Izehale , nyi Heprone nyi Uziele . Miaka ya mono wa Kohate yapwile kulakaji lya miaka nyi makumi atatu a miaka nyi miaka yitatu . ¹⁹Ana amalunga a Malali wano nyi Mahile nyi Mushi . Afumine kuminyachi ya A - levi , kulita nyi isemuko yo .²⁰Amalame wambachile Yokepete , ndumbu wa tato . Yasema nenyi Alone nyi Mose . Amelame katwamine kulakaji lya miaka nyi miaka nyi makumi atatu amiaka nyi miaka shimbiali mba yafwa . ²¹Ana amalunga a Izehale wano Kola , Nefwe , nyi Zikili . ²²Ana amalunga a Uziele wano Mishale , Elezapwa nyi shitili .²³Mba Alone wambachile Eleshipa , mwana wapwo wa Aminandambe , ndumbu wa Nashonen. Iye yasema nenyi Nandambe nyi Ambihu , Eleazale nyi Itama . ²⁴Ana amalunga a Kola wano Asele , Elekana , nyi Apasa . O apwile akwamajiko tulamba twa Kola . ²⁵Eleazale , mwana walunga wano Alone , wambachile umwe wakuli ana amapwo a Aputiele . Iye yasema nenyi Finechase . Wano te miata ja akwamajiko ja akako ja A - Levi , kulita nyiminyachi yo .²⁶O ano malunga ali Alone nyi Mose kuli wano Yehova yamba ngwenyi , "chizenu A- Izalele muchifuchi cha Engitu , nyikulita nyi izavu yamalunga yo ," ²⁷Alone nyi Mose o ahujikile nyi Falau , mwanangana wa A - Engitu , akaataijise kuchiza A - yizalele mu Engitu . Wano e a Mose nyi Alone .²⁸Muze Yehova wahajikile kuli Mose muchifuchi cha Engitu , ²⁹yamba kuli iye , " Yami Yehova . Hajika kuli Falau , mwanangana wa Engitu , chisechene ngunambe kuli yena ." ³⁰Mba Mose yamba kuli Yehova ngwenyi , " Ami chanyingikine kuhajika , mba ngwe te kuchi Falau mevwila kuli yami ?"

¹Yehova yamba kuli Mose , "See , hinakupwisa ngwe zambi kuli Falau . Yayenu Alone mapwa profeta ye. ²Mukahajika yeswe mungwamba kuhajika . Yayenu Alone makahajika kuli Falau hanga akeche atu ja A - yizalele kutuhuka muchifuchi chenyi .³Alyoze mukakolesa mbunge ya Falau , mungukamwesa yilayi iji yatachi jami , yikomokeso yiji , muchifuchi cha Engitu . ⁴Hindu Falau kechi kevwa kuli yena , chocho mungukatambika kwokwo lyami hali Engitu nyikuchizako yizavu yami , atu jami , atu ja A - yizalele , akatuhuke muchifuchi cha Engitu hayilinga yinene yaupatwilo . ⁵Atu ja Engitu makanyingika ngwo yami Yehova muze hinatuhuka nyikwokwo lyami nyi kuchiza A - yizalele hakachi ko."⁶Mose nyi Alone alingile chino ; Kulita ngwe chocho Yehova wambile kuli ayo . ⁷Mose wapwile nyi makumi nake amiaka , nyi Alone wapwile nyi makumi nake a miaka nyi miaka yitatu muze apwile nyikuhajika kuli Falau .⁸Yehova yamba kuli Mose nyi kuli Alone , " ⁹Muze Falau mamba kuli yenu , 'nukalinge chilayi ; hohene muwamba kuli Alone , ' Anda mulumbu we umumbile hashi kumeso ja Falau , hanga alumuke kapela ."' ¹⁰Mose nyi Alone ayile kuli Falau , nawa o alingile ngwe chocho Yehova ambile . Alone wambilile mulumbu hashi kumeso ja Falau nyi ngamba jienyi , mba yiwalumuka kapela .¹¹Hohene Falau wasanyikile akwamana nyi akwa tufutafuta . O alingile chimuwika nyi umbanda wo . ¹²Mutu ha mutu wambilile mulumbu wenyi hashi , nyi milumba yalumukine tupela . Mba mulumbu wa Alone waminyine tupela tyo . ¹³Mbunge ya Falau yakalile , yiye kakevwile , ngwe chocho yehova ambile .¹⁴Yehova yamba kuli Mose ngwenyi , " mbunge ya Falau yikolo , alyoze iye hakanyisa nyi atu ja A - yizalele kuya . ¹⁵Yako kuli Falau nyi chimenemene muze maya kumeya . Umane kusesa lyalwiji umushimbwile , Ukwate nyi mulumbu mukwoko yose halumuka kapela .¹⁶Wambe kuli iye , 'Yehova , Zambi wa A- Hepereu , hanga tuma nguhajike kuli yena , " Echa atu jiami aye , o hanga akanguwahile mu puya . Nyi haliapwila kanda uchipajika ." ¹⁷Yehova kanambe yino : " Mba hali yino munyingika ngwo yami Yehova . Mungulamba hameya amukalwiji ka naile nyi mulumbu uli mukwoko lyami , nyikalwiji malumuka manyinga . ¹⁸Nyi yishi alimulwiji mafwa , nyi emeya mulwiji kumoma . Nyi o A - Engitu kechi kuhasa kunwa meya amukalwiji . ""'¹⁹Mba Yehova yamba kuli Mose , " hajika kuli Alone , 'Anda mulumba we nyi kwolola kwoko lye helu lyakalwiji ka Engitu , nyihakalwiji ko , nyi hakapila ko , nyi hayitende , nyi hamashima jo , hanga meya jo akalumuke manyinga . Ukalinge chino hanga mukapwe manyinga ndusu muchifuchi cheswe cha Engitu , chipwe nyi musapa ja mutondo nyi mu sapa ja mawe . "'²⁰Mose nyi Alone alingile ngwe chocho Yehova ambile . Alone wazundwile mulumbu nyi kulamba ha meya lya lwiji , mumeso ja Falau nyi ngamba jenyi . Meya eswe alumukine manyinga . ²¹Yishi mulwiji kafwile , nyi emeya mulwiji aputukile kuma . O A - Engitu kahashile kunwa meya mutulwiji two , nyi manyinga apwile muchifuchi cha Engitu mweswe . ²²Mba yimbanda a Engitu alingile chinochene nyi umbanda wo . Mba mbunge ya Falau yakalile , nyi iye wakanyine kwivwa kuli Mose nyi kuli Alone , ngwe chizechene Yehova hanambe chikapwe .²³Mba Falau walumukine nyikuya muzuwo lyenyi . Iye kakaseleko nyi emana kuino . ²⁴A- Engitu eswe ashimine mulwiji nyi kutonda meya akunwa , mba kakahashile kunwa meya amulwiji . ²⁵Hapalikile nyi matangwa shimbiali hanyima Yehova halamba kalwiji .

¹Mba Yehova yamba kuli Mose , " Yako kuli Falau nyi kumulweza ngwo , ' Yehova kanambe yino ngwenyi : " Echa atu jami aye akanguwaile . ²Nyingwe kusolo kwecha o aye , mungukalamba chifuchi cheswe nyi yula - yambwota . ³Tulwiji mutuzala nyi yula - yambwota . Ayo mwikatuhuka nyikuya mumazuwo jo , nyi kumihela yo , nyi nyi hamihela yo . Ayo mwikaya nyi mumazuwo ja ngamba je . Ayo mwikaya nyi kuli atu je , nyi mu fono we mu mboke je wa kuchikilamo . ⁴Yula- yambwota muyiza kuli yena , kuli atu je , nyi kungamba je . ""⁵Yehova wahanjikile kuli Mose , " Hanjika kuli Alone , anda mulumbu lye nyi kolola kwoko lye helu lya lwiji , nyi haipila , nyi hayitende , nyi kuchiza yula- yambwota muchifuchi cha Engitu . "' ⁶Alone wa olwele kwoko lyenyi ha meya a Engitu , nyi yula - yambwota yatuhukile nyi kulisanda chifuchi cha Engitu . ⁷Alyoze nyi imbanda alingile chinochene nyi umbanda wo ; Anehene yula - yambwota kuchifuchi cha Engitu .⁸Mba Falau wasanyikine Mose nyi Alone nyi kwamba ngwo , "Lemba kuli Yehova iye hanga akachize yula - yambwota kumeso jami nyi kumeso ja atu jami . Mba mungukecha atu nyikuya , hanga o akaye nyikulambula kuli Iye . " ⁹Mose wambile kuli Falau ngwenyi , " Unatela kupwa nyilisesa lyakwambila yami shimbu katekulembele , nyi ngamba je , nawa nyi atu je , hanga yula - yambwota yiakatuke hali yela nyi mumazuwo jenu alyoze ikatwame mulwiji . "¹⁰Falau yamba , " Hamene ." Mose yamba ngwenyi , chcoho chilite nyi liji lye , hanga unyingike ngwo kukushi weka malita nyi Yehova , Zambi yetu . ¹¹Yula - yambwota kumwikatuka kuli yena , mumazuwo je , ku ngamba je , nyi ku atu je . O kumakatwama wika mulwiji ." ¹²Mose nyi Alone o ayile kutuhuka kumeso ja Falau , mba Mose yalilila kuli Yehova hakutwala kuyula - yambwota yize anehene kuli Falau .¹³Ywhova walingile ngwe chocho Mose wechile : E yula - yambwota wapwile mumazuwo , nyi haze , nyi mumande yafwile . ¹⁴Alyoze o atu akungile milumba , nyi chifuchi chanukine . ¹⁵Alyoze muze Falau amwene ngwo kuhwima chiliko , wakolesele mbunge yenyi nawa kapajikile kuli Mose nyi Alone , ngwe chizechene Yehova ambile .¹⁶Yehova yamba kuli Mose ngwenyi , " Ambila Alone , ' Zundula mulumbu wenyi kumulamba afufuta hashi , hanga alumuke yina ndusu muchifuchi cheswe - cha Engitu . "' ¹⁷O alingile chino . Muze Alone azundwile mulumbu wenyi nyi kumulamba afufuta hashi , nyi yina asumine atu nyi yimuna . Nyi fufuta ya hashi yalumukine yina ndusu muchifuchi cheswe cha Engitu .¹⁸O yimbanda esekele nyi umbanda wo kuneha yina , alyoze ahonene . Halyapwila yina asumine atu nyi imuna . ¹⁹Mba yimbanda yambile kuli Falau ngwo , " Awu we munwe wa Zambi . " Alyoze mbunge ya Falau yakalile , nyi iye kakapanjikile kuli ayo . Ngwe chizechene Yehova wambile Falau malinga .²⁰Yehova yamba kuli Mose ngwenyi , katuka nyi chimenemene nyi kumana kulutwe ja Falu shimbu maya kulwiji . Hanjika kuli iye , 'Yehova kanambe yino : " Echa atu jami aye hanga angulembe yami . ²¹Mba nyikate kuchi kuecha atu jami , mungu tuma mazaji a jiji kuli yena , ku ngamba je , nyi ku atu je , nyi mumazuwo je . Mazuwo ja Engitu mazala nyi mazaji a jiji , nawa nyi haze hashi o matwama .²²Mba hatangwa lize mungukahandununa chifuchi cha ngoshone , chifuchi chize atu jami atwama , hanga mazaji a jiji kechi kapwamo . Chino muchilingiwa hanga ukanyingike ngwo yami Yehova uli hakachi kachifuchi . ²³Mungukahandununa hakachi ka atu jami nyi atu je . Chino chinyingi cha tachijami muchi lingiwa hamene . "" ²⁴Yehova walingile chocho , nyi chizaji chinene cha jiji chejile nyi kunjila muzuwo ja Falau nyi muzuwo lya ngamba jenyi . Ndusu nyimuchifuchi cheswe cha Engitu , che chifuchi hichipiha mumu hama zaji a jiji .²⁵Falau watambikile Mose nyi Alone nyi kwamba , " Yako , Ulambule kuli Zambi ye muchifuchi che . " ²⁶Mose yamba ngwenyi , "Kuchatutelele kulinga chocho , nyi kulambula cha kuli Yehova Zambi yetu muyipihila A -Engitu , Nyi kate mutulambula milambu mumeso jo yize muyipihila A-Engitu , kechi kutwa mawe ? ²⁷Ka , uli ungeji wamatangwa atatu akuya mu puya hanga tuka tunge , hanga tukalambule kuli Yehova Zambi yetu , chizechene iye matwamba . "²⁸Falau yamba ngwenyi , " Mungunweha nuye nuka lambule kuli Yehova Zambi ye mupuya . Chino wika kanda uya kusuku . Ngulembelenu ko . " ²⁹Mose yamba ngwenyi , " Mwe halyapwila mungukatuka kuli yena , mungulemba kuli Yehova hanga mazaji a jiji akukatuke . Alyoze chino kanda ulinga nyi kuliunga cheka nawa kuchi kwecha atu jetu aye nyikulambula kuli Yehova . "³⁰Mose wakatukile kumeso ja Falau wayile nyikulemba kuli Yehova . ³¹Yehova walingile chizechene Mose wechile ; nawa iye wachijile mazaji a jiji kuli Falau , nyi kungamba wasalile . ³²Mba Falau wakalishile mbunge shimbu yino nawa , alyoze iye kechele atu kuya ka .

¹Hohene Yehova yamba kuli Mose ngwenyi , " Yako kuli Falau ukambe kuli iye ngwenyi , ' Yehova , Zambi wa Hepeluwu , kamba ngwo : " Echa atu jami aye hanga aka nguwayile . " ²Nyi yena mwakwika kuusolo kwecha aye , ³kwoko lya Yehova muli kaneha chilungo chipi hali tuvwalu , nyi hali matanga . ⁴Mba Yehova kumakahandunua hakachi ka yimuna ja Izalele nyi ja Engitu , alyoze hali yimuna ja Izalele nyiumwe makafwa wakuhi .⁵Yehova yatongola tangwa , yamba ngwenyi , " Muchikapwa hamene mwe mukalinga chuma chino muchifuchi . "" ⁶Yehova yalinga chuma chino muze hikwacha : A- Izalele ku kwafwile , nyiumwe chimuna . ⁷Falau yatuma akatale , mba kumanyi kuli yimuna ja A- Izalele kukwafwile chipwe umuwika . Alyoze mbunge ya Falau yakalile , kechele atu kuya⁸Yehova yamba kuli Mose nyi kuli Alone ngwenyi " Zomona moko aali atoo nyi uto wa kulutengo . Yena , Mose , Wutakumune mutetela kumeso ja Falau . ⁹Mba kumuwalumuka fuufta yikepekepe ha chifuchi cheswe cha Engitu . Kmuwalumuka mahute a kuneha yivunda nyi hali atu nyi hali tushitu ndusu mu chifuchi cheswe cha Engitu . " ¹⁰Chocho Mose nyi Alone yanda uto wa ku lutengo nyi kumana kumeso ja Falau . Mba Mose yatakumuna uto mu tetela . Uto yiwalumuka mahute a kuneha yivunda nyi hali atu nyi hali tushitu .¹¹Akwa tufutafuta kahashile kumana kumeso ja Mose mumu ha mahute , mumu mahute apwile hali ayo nyi A- Engitu eswe . ¹²Yehova yakalisa mbunge ya Falau , chocho Falau kakevwile kuli Mose nyi Alone . Ngwe chizechene Yehova wambile kuli Mosse chize Falau makalinga .¹³Yehova yamba kuli Mose , " Wulimeneka chimenemene , ukamane kumeso ja Falau , nyi kwamba kuli yiye , ' Yehova , Zambi wa A- Hepeleu , chino che anambe : " Echa atu jami aye a kanguwayile . ¹⁴Chisuho chino kumungutuma yilungo yami yeswe hali yena lume , nyi hali ngamba je nyi atu je . Kumungukalinga chino hanga nukanyingike ngwe hashi heswe wakuhi nyi umwe walifwa nyi yami .¹⁵Mumu halyapwila kachi nolola kwoko lyaminyi kulamba yena nyi atu je nyi yikola , kachi munukakuwa hashi . ¹⁶Alyoze mumu ha chikuma chino hinakwaha mwono : hanga kakulweke tachi jami , ,hanga jina lyami akalyambujole hashi heswe . ¹⁷Yena hindu wunalinangamisa mukulimika nyi atu jami kusolo kwecha aye .¹⁸Panjika ! Hamene ngwe yino wola kumungu kanokesa chiwe chinene chamakelekeshi , chize kanda mona mu Engitu chize ku myaka ndo halyapwila . ¹⁹Keshika halyapwila , tuma malunga apupwise kunjisa yimuna yo hamwe nyi waze eswe ulino mu yambu nyi kwa njisa muzuwo . Mutu mweswe nyi kashitu mweswe nyi waze ali mu yambu nyi kechi kwaneha kuzuwo - che chiwe mu chikanoka hali ayo , nyi kufwa kumafwa . ""²⁰Alyoze ngamba amwe ja Falau waze evwile maliji ja Yehova apupwishile yimuna yo nyi ngamba jo nyi kwanjisa mumazuwo . ²¹Alyoze waze alengulwile liji lya Yehova yahichika ngamba nyi yimuna yo mu yambu .²²Yehova yamba kuli Mose , " Olola kwoko lye kwilu hanga kukapwe chiwe mu chifuchi cheswe cha Engitu , hali atu nyi tushitu , nyi ha yeswe yakusoka mu yambu mu chifuchi cha Engitu . " ²³Mose yazundula kwilu mulumbu wenyi , mba Yehova watumine kukulunguza , nyi chiwe nyi njaji , yihulumuka hashi . Yehova yanokesa chiwe ha chifuchi cha Engitu . ²⁴Chocho kwapwile chiwe nyi njaji kulichinga nyi chiwe , nyi kuhenya henya chiwe cha makelekeshi chize kanda chipwa mu chifuchi yeswe cha Engitu chize haze haputukilo kupwa vungu .²⁵Ndusu chifuchi cheswe cha Engitu , chiwe chalambile yuma yeswe mu yambu , atu nyi tushitu . Chiwe yichishiha mitondo yamu yambu nyi ku makuna mitondo yeswe . ²⁶Muchifuchi wika cha Ngoshene , muze mwatwamine A-Izalele , kumwapwile chiwe .²⁷Mba Falau yatuma yasanyika Mose nyi Alone . Yamba kuli ayo , " Shimbu yino navulumuna . Yehova yiye mukwa ululi , yami nyi atu jami tuli yingulungulu . ²⁸Liwumbenu kuli Yehova , mumu kukulunguza cha tachi nyi chiwe yichahyanamo . Mungunwecha nuye , kunuchi kutwama nawa . "²⁹Mose yamba kuli yiye , "Cheswe mungutuhuka muchihunda mungolola moko jami kuli Yehova . Kukulunguza kumuchihwa , chipwe kukuchi kapwa nawa chiuwe . Mujila yino ukanyingike ngwe hashi heswe ha mbala ha Yehova . ³⁰Alyoze ha kutwala kuli yena nyi ngamba je , ngunanyingika ngwami chipwe halyapwila kunuchi kwononokena Yehova Zambi lume . "³¹Halyapwila wande nyi Sevanda yalambiwile , mumu te sevanda hiyapwa nyi mafufu , nyi wanda hiwatemuna yitemo . ³²Alyoze tiliku nyi kuyalambiwile mumu te kanda yichikola . ³³Muze Mose yahichika Falau nyi chihunda , yolola moko jenyi kuli Yehova ; mba kulunguza nyi chiwe yalitwaminine , nyi vula yalitwaminyine kunoka nawa hashi .³⁴Muze Falau amwene te mwe vula nyi chiwe nyi kukulunguza hiyalitwamina , yavulumuna cheka yakalisa mbunge yenyi , neye nyi ngamba jenyi . ³⁵Mbunge ya Falau yakalile , nyi chocho kechele A-Izalele kuya , chizechene ngwe Yehova wambile ku kwoko lya Mose .

¹Yehova yamba kuli Mose ngwenyi , " Yako kuli Falau , mumu hina kalisa mbunge yenyi nyi mbunge ja ngamba jenyi . Hinalinga chino mukusolola yini yilayi ya tachi hakachi ko . ²Nalinga chino hanga nukalweze ana nyi a jikulu jenu yuma yize nalinga , chize nalinga A-Engitu nyi wutenu , ngwe chize nahele yilayi yalihichika ya tachi jami hakachi ko . Muchino nukanyingike ngwenu yami Yehova . "³Chocho Mose nyi Alone ayile kuli Falau nyi kwamba kuli yiye , " Yehova , Zambi ya A-Hepeleu , kanambe chino : ' Ndo kangahi kuusolo kulilelesa ku meso jami ? Echa atu jami aye hanga aka nguwayile . ⁴Alyoze nyi kusolo kwecha atu jami aye, panjikenu , hamene mungukaneha makumbi mu chifuchi che .⁵Kumakafuka helu lyahashi heswe hanga nyiumwe makahasa kumona hashi . Yize yasalileko ku chiwe kumakailya nyi mitondo yenu yeswe yakusoka mu yambu . ⁶Mazuwo jenu kumakazala too , waze a ngamba jenu eswe , nyi waze eswe akwa Engitu - yuma yimwe yize atatenu hanji akakenu kanda achimona , nichimwe amwehe kutangwa lize apwile hashi ndo tangwa lya musono . "' Mba Mose yatewuluka nyi kukatuka kuli Falau .⁷Ngamba ja Falau ambile kuli yiye ngwo , " Ndo kangahi yono lunga mapwa kambwila kuli yetu ? Echa A-Yizalele aye hanga aka wayilile Yehova Zambi yo . Kanda uchiwuluka ngwo Engitu ha nayenyeka nyi ? " ⁸Mose nyi Alone ahetesele cheka ngwenyi , " Yenu nukamu wayile Yehova Zambi yenu . Mba atu aka maya ? "⁹Mose yamba ngwenyi , " Etu kumutuya nyi twanuke jetu nyi makulwana jetu , nyi ana jetu a malunga nyi ana jetu a mapwo . Mutuya no , mumu chatutamba kulingila Yehova chiwanyino . " ¹⁰Falau yamba kuli ayo ngwenyi , " Yehova apwe nyi yenu, nyi mungwiza kanwecha kuya hamwe nyi twanuke jenu kuya . Tala , munuli nyi shinginyeka yimwe yipi . ¹¹Hi chocho ko ! yenu amalunga lume hakachi kenu , nukamuwayile Yehova , mumu chocho nunafupu . " Mba Mose nyi Alone yahuma kumeso ja Falau . '¹²Yehova yamba kuli Mose ngwenyi , " Olola kwoko lye ha chifuchi cha Engitu ukanehe makumbi , akakanduke ha chifuchi cha Engitu akalye yeswe yakusoka mu chifuchi , yeswe yize yasalileko ku chiwe . " ¹³Mose yazundula mulumbu wenyi ha chifuchi cha Engitu , nyi Yehova yatuma fuji yimwe yaku chivumbiko ha chifuchi tanga lize lyweswe nyi ufuku uze weswe . Mba muze kwapwile chimene , ye fuji ya ku chivumbiko yanehene makumbi .¹⁴E makumbi akandukile ha chifuchi cheswe yapwile ha njiza jeswe ja Engitu . Chipwe kunyima kukwapwile mazaji anene chikolo ngwe waze mu chifuchi , chipwe kulutwe kuchi keza kapwa ngwe waze . ¹⁵Mumu afukile hashi heswe chocho chifuchi yichilaa pwi . O alile yeswe ya kusoka mu yambu nyi mihuko ya mitondo yize yalisalileho ku chiwe . Ndusu muchifuchi cha Engitu nyichimwe chuma chawisu cha chasalile chipwe mutondo chipwe cha kusoka mu yambu .¹⁶Mba Falau yasanyika nyi kapupushi Mose nyi Alone yamba ngwenyi , " Hinavulumuna Yehova Zambi yenu hawa hinavulumuna nyi yenu . ¹⁷Halyapwila keshika, nukonekene mulonga wami shimbu yino , liumbenu kuli Yehova Zambi yenu akanguchize kufwa chino . " ¹⁸Mose yakatukakuli Falauyaliwumba kuli Yehova .¹⁹Yehova yatuma fuji yimwe ya tachi jinene ya ku chitokelo yanda makumbi ya ambila mu kalunga - lwiji muchila ; kukwasalile chipwe kumbi umuwika mu njiza jeswe ja Engitu . ²⁰Alyoze Yehova wakalishile mbunge ya Falau , nyi Falau kechele A-Yizalele kuya .²¹Yehova yamba kuli Mose ngwenyi , " Olola kwoko lye kwilu , hanga kukapwe milima kweswe ku chifuchi cha Engitu , akapapate mu milima . " ²²Mose yolola kwoko lyenyi kwilu , mba mwapwile milima pwi lume ha matangwa atatu mu chifuchi cha Engitu cheswe . ²³Nyiumwe wahashile kulimona nyi mukwo ; nyiumwe wakatukile haze ha matangwa atatu . Keshika , A-Yizalele eswe apwile nyi pangu mu yihela yo .²⁴Falau yasanyika Mose ngwenyi , " Yenu nuwayile Yehova . Chipwe yisemuka yenu mahasa kuya nyi yenu , alyoze matanga jenu nyi yimuna jenu akasale . " ²⁵Alyoze Mose yamba ngwenyi , " chanutamba kutwaha milambu ya kulumba hanaga tukahane kuli Yehova Zambi yetu . ²⁶Ngombe jetu kumaya hamuwika nyi yetu : nyiumwe lusende wo makasala , mumu chatutamba kwatwala tuka muwayile no Yehova Zambi yetu . Mumu kutwanyingikine chize mutuka muwayila nacho Yehova ndo hitwaheta . "²⁷Alyoze Yehova wakalishile mbunge ya Falau , ka echele kuya . ²⁸Falau yamba kuli Mose ngwenyi , " Katuka kuli yami ! ukanyame ha chuma chimuwika , kanda umona yami cheka , mumu tangwa lize mumona meso jami , kumukafwa . " ²⁹Mose yamba ngwenyi , " Hiwahanjika yena mwene , chichi kamona meso je nawa . "

¹Mba Yehova yamba kuli Mose ngwenyi , " Hindu kuli chilungo chimuwika chize mukaneha hali Falau nyi Engitu . Mba halutwe , yiye kumanwecha nuka katuke ku chifuchi . Muze yiye makanwecha kuya pundu , kumanuhumamo lyakulu . ²Hanjika nyi atu ngwo mweswe lunga nyi pwo akete mwenyembo wenyi yoze walihata nenyi yikwata ya palata nyi oru . ³Mba Yehova yalinga atu A - Engitu kupema nyi vumbi kumeso ja A - Yizalele . Chikwo nawa , mwe lunga Mose yapwa mutu munene chikolo ku meso ja ngamba ja Falau nyi atu a mu Engitu .⁴Mose yamba , " Yehova kamba chino : ' Ha muchima ufuku mungukapalika mukachi ka chifuchi cha Engitu . ⁵Eswe tupula majimo mu chifuchi cha a Engitu kumakafwa , chize kapula majimo wa Falau , yoze watwama ha chitwamo cha wanangana wenyi , ndo kuli kapula majimo wa ndungo wa pwo wa kutwa wunga , nyi kuli eswe tupula majimo twa yimuna .⁶Kumukukapwa muteto unene ndusu muchifuchi cheswe cha Engitu , chize kanda chilingiwaho chipwe kuchichikalingiwaho . ⁷Alyoze chipwe kawa kechi kakenanyina nyi umwe mutu wa kuli A - Yizalele , kechikakenanyina mutu chipwe kashitu . Mujila yino hanga nukanyingike ngwenu hingunahandununa A - Engitu nyi A - Yizalele .' ⁸Eswe wano ngamba je , Falau , kumaka palumuka kuli yami nyi ku fukama kuli yami . Makamba ngwo , 'Katukenu , yenu eswe nyi atu waze akukuwahila ! ' mba kulutwe lya yino kumungukakatuka ." Mba yiye yakatuka kuli Falau nyi wutenu wunji .⁹Yehova yamba kuli Mose , " Falau kechi kevwa kuli yena . Ha chino chocho mukalinga yuma yakumwesa muchifuchi cha Engitu . " ¹⁰Mose nyi Alone alingile yeswe yino yikomokeso kumeso ja Falau . Alyoze Yehova yakalisa mbunge ya Falau ,' nyi Falau kakechele A - Yizalele akatuke ku chifuchi chenyi .

¹Yehova yamba kuli Mose nyi Alone mu chifuchi cha Engitu. Yiye yamba ngwenyi, ²" Kuli yena , kakweji yono mapwa kakweji wa kuputuka , kakweji mutangu wa mwaka kuli yenu.³Hanjika nyi mbunga ya A-Yizalele ngwe , ' Ha tangwa lyamuchikumi lya yono kakweji lunga mweswe akalyanjile mwana- panga chipwe mwana- pembe ene, chisemuka cheswe akulinga chino , mwana- panga ha jiko nyi jiko. ⁴Nyi akwa jiko mapwa akehe naye ha mwana- panga, mba linga nyi mwenyembo wenyi yoze walihata nyi zuwo lyenyi akatambule mwana - panga chipwe yifo ya pembe mukehe nikulita nyi kwalula cha atu. Nukeseke nikulita chize mutu ha mutu malya, chocho chatamba ayo kutambula yifo ya kulita kulisa eswe.⁵Mwana - panga wenu chipwe pembe - mukehe akapwe keshi chipa, musamba wa pembe wa mwaka umuwika . Nukamuchize ku mapanga chipwe ku pembe . ⁶Nukamukuchike ndo tangwa kumi nyi lyamuchiwana lya kakweji yoze mwene . Mba chikungulwila cheswe cha A- Yizalele akamushihe ha chingoloshi. ⁷Nukachize amwe manyinga nyi kusa ha yipamba yali ya yikolo nyi ha chikuli cha helu ku mazuwo muze makayilila yifwo. ⁸Nukalye yifwo uze ufuku, muze hinwa yocha ha kahya. Nukalye hamwe nyi mbolo kuyishi futunwiso, hamwe nyi yilima -lima yisasu.⁹Kanda nukayilya ya wisu chipwe ya kuteleka mu meya. Shina, kwocha ha kahya hamwe nyi mutwe wenyi nyi yilyato yenyi nyi yingambyangambya yenyi ya muchima . ¹⁰Kanda nukahichikako yifwo nyiyimwe ndo kuchimenemene. Nukwoche yize muyikasalaho mu chimene. ¹¹Achino chechize nunatela kuyilya : nyi miya yenu ya kulijichika, nikuzala haku jenu kuyilyato, nyi milumbu yenu mu moko jenu. Nukamulye hi kapupushi. Che chizomboka cha Yehova.¹²Yehova kanambe chino: mungupalika ndusu chifuchi cha Engitu mu ufuku mukulamba eswe tupulamajimo kuliatu nyi tushitu muchifuchi cha Engitu . Mungu patwila tuzambi tweswe twa Engitu . Yami Yehova. ¹³Manyinga kumakapwa chilayi ha mazuwo jenu ha kwiza chami kuli yenu. Muze mungukamona manyinga , mungunuzomboka muze mungukalamba chifuchi cha Engitu. Chilungo chino kuchichi keza hali yenu nyi kunwenyeka. ¹⁴Lino tangwa mu likapwa chiwulwiso kuli yenu, lyakufunga chiwanyino cha Yehova ; ndusu yisemuko yenu - nukafunge chiwanyino chikapwe shimbi ya mutolo.¹⁵Munukalya mbolo kuyishi futunwiso ha matangwa shimbyali . Ha tangwa litangwa munukachiza futunwiso kuma zuwo jenu. Mweswawo malya mbolo ya futunwiso chize ku tangwa litangu ndo ku tangwa lya muchishimbyali, yoze mutu akamutete hakachi ka Izalele. ¹⁶Ha tangwa litangwa kumukapwa kulikungulula chisandu, nyi ha tangwa lyamuchishimbyali mukukapwa kukunguluka chisandu. Nawa kushi milimo muyikalingiwa ha matangwa wano, shina kuteleka cha kulya cha eswe. Chize wika nukalinge.¹⁷Nukafunge chiwanyino cha mbolo kuyishi futunwiso mumu ku chapwile ha tangwa lino lize nachijile yizavu yenu ku chifuchi cha Engitu. Keshika nukafunge lino tangwa ni shimbi ya mutolo ndusu yisemuko yenu. ¹⁸Nukalye mbolo kuyishi futunwiso ku chingoloshi ha tangwa kumi nyi lyamuchiwana mu kakweji mutangu wa mwaka ndo ku chingoloshi cha tangwa makumi aali nyi tangwa litangu lya mwe kakweji.¹⁹Ha matangwa wano shimbyali , kanda mu kapwa futunwiso nyiimwe mu mazuwo jenu. Mweswawo makalya mbolo ya futunwiso akamutete hakachi ka chikungulwila cha Yizalele, apwe njize, apwe mukwa chifuchi. ²⁰Kanda nukalya nyichimwe chafutunwiso. Kweswako ku mazuwo jenu, nukalya mbolo kuyishi futunwiso. "'²¹Mba Mose yasanyika makulwana eswe a kuli A-Yizalele yamba kuli ayo ngwenyi, " Yenu nukasakule misamba chipwe twana nikulita nyi majiko jenu nukashihe chitapo cha chizomboka. ²²Mba nukande chisapo cha hisope nukachichupike mu manyinga waze makapwa mu sahani. Nukasapwile manyinga ali mu sahani ha chikuli cha helu nyi ha yipamba yali ya ku yikolo. Nyiumwe mutu wa kuli yenu makatuhuka haze ku chikolo cha zuwo lyenyi ndo chimene.²³Mumu Yehova makapalika ndusu mukulamba A-Engitu. Muze makamona manyinga helu lya chikuli nyi ha yipamba yali ya kuchikolo , yiye kumakazomboka chikolo chenu kechi katayiza chononyi kunjila mu mazuwo jenu akanulambe.²⁴Nukafunge chino chuma . Chikapwe shimbi kuli yenu nyi kuli ana jenu ndo ku myaka ya mutolo. ²⁵Mba kumuchikapwa muze hinwaheta ku chifuchi chize Yehova makanwaha , ngwe yiye hanalakenya kulinga, chanutamba kulinga uvumbiko uno wa ku wayila.²⁶Muze ana jenu makanuhulisa ngwo, ' Uvumbiko uno wa ku wayila kuchi unalumbunuka? ' ²⁷Mba nukambe ngwenu, ' Chino che chitapo cha chizomboka ha mazuwo ja A- Yizalelemu chifuchi cha Engitu muze alambile A-Engitu. Yapulula mazuwo jetu. "' E atu yahetamisa mitwe nyi kuyawila Yehova. ²⁸A - Yizalele yaya yalinga chocho ngwe chizechene Yehova hatuma Mose nyi Alone.²⁹Hichisoloka ha machima ufuku Yehova yalamba tupula- majimo eswe a mu chifuchi cha Engitu, chize kuli kapula jimo wa Falawu, watwama ha ngunja yenyi , ndo kuli kapula-jimo wa funge wapwile muzuwo lyaususu nyi tupula- majimo eswe a yimuna. ³⁰Falawu yahinduka ha ufuku - yiye, nyi ngamba jenyi eswe , nyi A- Engitu eswe. Mwapwile miteto yinene mu Engitu, mumu kukwapwile zuwo nyilimwe kulishi mufu ka.³¹Falawu yatambika Mose nyi Alone ha ufuku ngwenyi, "Katukenu, nutuhuke ha kachi ka atu jami, yenu nyi A-Yizalele. Yenu, nukawayile Yehova, ngwe hinwamba nwazangile kulinga. ³²Mbatenu yimuna jenu nyi ngombe jenu, ngwe chize hinwamba, nyi kuya, nunguwahise nyi yami nawa." ³³A-Engitu ashinjilile atu yaapupwisa kukatuka mu chifuchi, mumu ambile ngwo, " Kumutufwa yetu eswe. "³⁴Chocho atu ambachile wunga wo wa mbolo kuwushi kusa ufutunwiso . Mboke jo ja kuchikulamo te hajikasa nyi mahina jo ha yipaya yo. ³⁵Halyapwila atu a Yizalele alingile nyikulita nyi liji lya Mose. Yeta kuli A-Engitu upite wa palata, nyi upite wa olu, nyi mazalo. ³⁶Yehova yapwisa A-Engitu kupemena A-Yizalele nyi vumbi. Chocho A-Engitu yahana yize aechile . Mujila yino, A-Yizalele yapupa A-Engitu.³⁷A-Yizalele yaya nyi wenyi wo nikwenda hashi chize ku Lameses ndo ku sukote. Kafwa te apwile ngwe makulakaji asambano a tununu a malunga hashi, mba kuwezaho nyi mapwo nyi ana. ³⁸Nyi mbunga yakulichinga yakandukile hamwe no, hamuwika nyi yimuna nyi ngombe, nikwalula cha yimuna anji chikolo. ³⁹O yocha mbolo kuyishi futunwiso ya ku wunga uze akatukile nawo ku Engitu. Ku yakapwile nyi futunwiso mumu te yaahuma ku Engitu kahashile kulaluka chipwe kululika kulya ka. ⁴⁰A-Yizalele atwamine mu Engitu ha myaka makulakaji awana a myaka nyi makumi atatu a myaka.⁴¹Mba hakuhwa makulakaji awana a myaka nyi makumi atatu a myaka, ha tangwa lize lyene, yizavu yeswe ya Yehova yakatuka chifuchi mu chifuchi cha Engitu. ⁴²Uno ufuku wapwile ufuku wa kufunga meso, mumu wa Yehova ha kwachiza mu chifuchi cha Engitu. Uno ufuku wa Yehova akaufunge chikolo kuli A-Yizalele eswe ndusu yisemuko ya atu jo.⁴³Yehova yamba kuli Mose nyi Alone ngwenyi, " Yino ye shimbi ya chizomboka : Nyiumwe kandaka kanda akalyako. ⁴⁴Alyoze, ngamba mweswe wa Yizalele, wa kulanda nyi mbongo, akalyeko muze hinwapwisa ngalami.⁴⁵Tunjize nyi akwa milimo a kufweta kanda akalyako cheswacho. ⁴⁶Nukachilile ku zuwo limuwika. Kanda mbata nyi yimwe yifwo yacho haze lya zuwo, chipwe kanda nukamakuna chifwaha chacho nyichimwe.⁴⁷Eswe akwa chikungulwila A- Yizalele akachilinge. ⁴⁸Muze kanjize matwama nyi yenu nyi mafupa kufunga che chizombo cha Yehova, Usoko jenyi a malunga eswe akaapwise ngalami mba akakundame akachifunge. Mba o kumakapwisa ngwe akwa chifuchi. Alyoze, chilima nyiumwe kanda akalyako cheswacho kulya.⁴⁹Yino shimbi yimuwika yikapwe hali mukwa chifuchi nyi hali kanjize watwama hakachi kenu. " ⁵⁰Chocho eswe A-Yizalele alingile chechene ngwe chize Yehova hatuma Mose nyi Alone. ⁵¹Mba ha tangwalize lyene Yehova yachiza A-Yizalele mu chifuchi cha Engitu nikulita nyi yizavu yo.

¹Yehova yamba kuli Mose , ngwenyi , ²" Nungusele ku usandu tupula majimo - eswe hakachi ka A-Izalele atangu kusemuka apwe ayami , nyi kuli nyi kuli yimuna . "³Mose yamba kuli atu ngwenyi , " Iwulukenu , lino tangwa , muze nwakatukile ku Engitu , kuzuwo lya ufunge , mumu nyi kwoko lya Yehova lya tachi yanu chiza ku chihela chize . Kanda nukalya mbolo nyi yimwe ya futunwiso . ⁴Nuna katuka musono ku katuka muchifuchi cha Engitu , haka kweji wa ambimbi . ⁵Chikapwa muze Yehova makanu hetesa muchifuchi cha A- Kanana , nyi cha A - hete , nyi cha A- amole , nyi cha Ahevwe , nyi cha A - Yepushe , che chize alishingile nyi kuli tulamba twenu muku nwaha , chifuchi kuze kunokela mwene nukalinge uvumbiko uno .⁶Munukalya mbolo kuyishi futunwiso hama tangwa shimbyali ; mba hatangwa lya muchishimbyali hakapwe chiwanyino kuli Yehova . ⁷Mumu kulya mbolo kuyishi futunwiso ndusu e matangwa shimbyali ; Kanda awana kuli yenu mbolo nyi yimwe ya futunwiso . Chipwe kuwana futunwiso yimwe kuli yenu ku mazuwo jenu eswe .⁸Ukambulwile a naje hatangwa lize ngwo ' Te mumu ha chize angulingilile Yehova muze nakatukile ku Engitu . ' ⁹Chikapwe chilayi kuli yenu hamoko jenu , nyi chiwulwiso mukachi kameso jenu , hanga shimbi ja Yehova yikapwe mumakanwa jenu , mumu Yehova hana nuchiza ku Engitu nyi kwoko lya tachi . ¹⁰Keshika nuka funge shimbi yino haka kweji kayo mwaka ha mwaka .¹¹Mba muze Yehova makanu hetesa kuchifuchi cha A - Kanane , chize alakenyene nyi shingo kuli yenu nyi kuli tulamba twenu , mba chifuchi aka mwehe cho , ¹²nukaasele kuli Yehova waze eswe atangu kusemuka nyi tupula ma jimo . Eswe kuli yimuna malunga , nyi kuli eswe akapwe ambala a Yehova . ¹³Kapula jimo wa chimbulu mweswe nukamukule nyi mwana panga . Alyoze nyi kunuchi kamukula , nukamu makune kota . Nyi tupula majimo eswe hakachi ka ana jenu nu kaakule .¹⁴Muze manu hula kuli ana jenu kulutwe ngwo , 'Acho chika ? ' Nuka ambulwile ngwenu , 'Nyi kwoko lya tachi Yehova wa tu chijile ku Engitu , ku zuwo lya wupinji . ¹⁵Mba muze Falau kasolo kutu tusula , Yehova washihile tupula majimo eswe amu chifuchi cha Engitu , nyi tupula majimo twa atu nyi tupula majimo a yimuna . Keshika twakulambula kuli Yehova kuli eswe tupula majimo eswe a ana jetu a malunga twakwa kula . ' ¹⁶Chikapwe chilayi hamoko jenu , nyi chilayi hakachi ka meso jenu , mumu Yehova watuchijile ku Engitu nyi kwoko lya tachi . "¹⁷Muze Falau e chele atu kuya , Zambi te kaatwalile ku jila yaku palikila ku chifuchi cha A-Filishite , chipwe kwapwile kwihi . Mumu Zambi ngwenyi , " Kuchina hanji e atu makali konyekena muze ma kamona jita mba maka hiluka ku Engitu . " ¹⁸Alyoze Zambi ya jingisa e atu kujila ya puya ya kupalikila ku kalunga - lwiji muchila . A - Izalele nyi kwenda mumu kana akatukile kuchifuchi cha Engitu hali pakachisa nyi kwasa jita .¹⁹Mose yatwala ha mwe nenyi yifwaha , ya Yosefu mumu Yosefu te ashi ngishile A - Izalele nyi shingo ngwenyi , "Pundu Zambi kumeza kunupululula , nuka mbate ko yifwaha yami hamwe nyi yenu . " ²⁰A- Izalele ayile wenyi wo chize kusuku te ndo ya jika mbalaka jo ku etame kuze kwaputuka puya . ²¹Yehova watetekele ha mwalwa munguji lya lelwa aka atwale mujila . Mba ha ufuku munguji lya kahya akaatemwine . Hanga akahase kwenda ha mwalwa nyi ha ufuku . ²²Yehova kaka chijile nguji nyi lelwa mwalwa nyi nguji lya kahya ha ufuku kulya katukile kumeso ja atu ko .

¹Yehova yamba kuli Mose , ngwenyi , ²" Amba kuli A-Yizalele ngwo akinduluke nyi ku jika mbalaka jo kulutwe lya Pahi hahilo , hakachi ka mingondelo nyi kalunga -lwiji , kulutwe lya mbale zefwone . Kusesa lya kalunga - lwiji hakulita nyi kuze nukajike mbalaka jenu ku Payi . ³Falau haku twala kuli A-Yizalele , 'Mamba ngwenyi o hana jungujoka muchifuchi . Hiyaaseleka puya . '⁴Mbunge ya Falau munguyikalisa yami , iye kumakakaula , munguka zuka ulemu mumu wa Falau nyi maswalale jenyi eswe . A- Engitu eswe maka nyingika ngwo mwe Yehova , " A-Yizalele ajikile mbalaka jo chize alwekele . ⁵Muze mwanangana waku Engitu amulwezele ngwo A-Yizalele ka china , mba mbunge ya Falau nyi mbunge ja ngamba jenyi jalumukine nyi kulimika nyi atu . Yamba ngwo , " Yika te twalinga chuma chino ? Yika te twecha A-Yizalele kuya ali twamine kutu lingila yetu . "⁶Falau yalongesa matemba jenyi Ajita . Hatwala maswalala jenyi nyi iye - mwene . ⁷Makula kaji asambano a matemba watwalile akutongola nyi matemba eswe amu Engitu . nyi tupitau twenyi eswe . ⁸Yehova wakalishile mbunge ya Falau , mwanangana wa Engitu , chocho ya kaula A-Yizalele . Mumu te A-Yizalele ka yile muku wahilila . ⁹Mba a Engitu aakawile , nyi tuvwalu eswe nyi matemba , eswe nyi matemba nyi akwa tuvwalu twenyi nyi akwa jita . Yawana A-Yizalele kuchipombelo cho kusesa lya kalunga lwiji kukulwa paihabito , ku lutwe lya mbale - Zefwone .¹⁰Falau muze akundamine , A-Yizalele yahetula meso jo alikomokenene . Amwene a Engitu kaneza kuli ayo , woma waunji evwile . A-Yizalele yateta kuli Yehova . ¹¹O ambile kuli Mose ngwo , " Te kuEngitu mafuka keshiko nyi , keshika hi wa tuchiza tuka fwile muno mupuya ? Kuchi te watulinga chize , hakutuchiza ku Engitu ? ¹²Te kutwa hanjikile chino mu Engitu ? Twambile kuli yena , 'Tweche tuye nyi kulinga kuhyana kufwila mu puya . "¹³Mose yamba kuli atu ngwenyi , " Kanda nwivwa woma . Manenu mumone wulamwino wa Yehova manulingilawo musono . Mumu A-Engitu nuna mono musono kunuchi kwiza kwa mona nawa nyi limwe tangwa . ¹⁴Yehova kuma ka nwashila jita , enu manenu kulu ."¹⁵Yehova yamba kuli Mose ngwenyi , "Kuchi yena , Mose , una twaleho kungwita ? Amba A-Izalele aye kulutwe . ¹⁶Zundula mulumbu we , nyi kwolola kwoko lya haka lunga lwiji umupule hakachi , mba A-Izalele mazauka hashi hahomu mukachi kameya . ¹⁷Mbunge ja Engitu mungujikalisa yami mwene manu kaule . Mba yami mungu ka zuka ulemu hakukumba Falau nyi yizavu yenyi yeswe , nyi matemba jenyi , nyi akwa tuvwalu twenyi . ¹⁸A- Engitu kuma kanyingika ngwo mwe Yehova muze hina zuka ulemu hakukumba Falau , nyi matemba jenyi , nyi akwa tuvwalu twenyi . "¹⁹Mungelo wa Zambi , yoze watetekelele chendo cha A-Yizalele , yatutuluka yaya kunyima yo . Mba lye nguji lya lelwa yilikatuka kulutwe lyo yilimana kunyima lyo . ²⁰Lelwa lyayile mukachi kachendo cha a Engitu nyi chendo cha Yizalele . Kwapwile lelwa nyi milima kuli A-Engitu , hindu lya temwine nyi wufuku kuli A- Yizalele , mba chocho sali limwe kulya kundamine kuli sali likwo .²¹Mose yolola kwoko lyenyi ha kalunga lwiiji . Mba ufuku weswe Yehova yausosolola kalunga lwiji nyi fuji yatachi yaku chivumbuko yalumuna kalunga lwiji hashi homu . Mijila meya yahandunuka . ²²A-Yizalele ya njila mukachi kakalunga lwiji nyi kwenda hashi homu . E meya yapwa ngwe chipanga kuli ayo nyi kuchindume cho nyi ku chimeso cho .²³A -Engitu yakaula . Kunyima mukachi ka kalunga lwiji tuvwalu eswe A- Falau , nyi matemba jenyi , nyi akwatuvwa enyi eswe . ²⁴Mba chocho ha kucha , kunguji lya kahya nyi kunguji lya lelwa Yehova watalile kuchizavu cheswe cha Engitu iye yatalile chendo cheswe cha Engitu . ²⁵Tufumbo twa matemba jo iye waasokwele akwatuvwalu chocho chapwile chikalu ku a endesa . A-Engitu ambile ngwo , " Tuchi nenu A-Yizalele , mumu Yehova kana aashila jita nyi yetu . "²⁶Yehova yamba kuli Mose ngwenyi , " Olola kwoko lye haka lunga lwiji hanga meya akinduluke hali A-Engitu , nyi matemba jo , nyi akwa tu vwalu two . " ²⁷Mba Mose yolola kwoko ;lyenyi hakalunga lwiji , mba muze hi kwacha kalunga lwiji yatakana muze mwene wasulila . A-Engitu yachinyina mukalunga lwiji , Yehova wa atwalile mu kachi A-Engitu . ²⁸Meya akundulukila nyi kufwika hali tuvwalu , nyi yizavu yenyi , nyi matemba jo amukawile mu kalunga lwiji . Kukwa salile chiwe umuwika ka .²⁹Keshika , A-Yizalele endele hashi homu mu kachi kaka lunga lwiji . E meya yapwa ngwe chimbanga kuli ayo nyi ku chindume nyi kuchimoswe cho . ³⁰Yehova waala mwinyine A-Yizalele ku kwoko lya Engitu ha tangwa lize , A-Yizalele a mwene chize afwile a Engitu ha ngenge lya kalunga lwiji . ³¹A-Yizalele a mwene chitanga chatachi alingile Yehova hali A-Engitu , atu a mu vumbikile Yehova , ya fulyela muli Yehova nyi muli Mose kavumbi kenyi .

¹Hohene Mose nyi A-Izalele embilile mwaso Yehova . Mwaso uno , " Mungwimbila Yehova mwaso , mumu iye hanangama kuhyana ; Tuvwalu nyi akwa kwendesa yo hanyasa mukalunga - lwiji .²Yehova iye tachi jami nyi mwaso wami , iye hanapu ulamwino wami . Yono mwe Zambi yami , kumungumu halisa yono , Zambi ya tata , kumungu mu nangamisa . ³Yehova iye kajita ; Jina lyenyi Iye Yehova .⁴Matemba a Falau nyi chendo chenyi yaambila mukalunga - lwiji . Falau nyi tupitau twenyi waze akusakula kana shimbama mukalunga lwiji muchila . ⁵Majinga ameya kanafuku ; O yashimbama ngwe liwe ndo hama shima .⁶Yehova , kwoko lye lya chindume , ku lyapwa lilemu nyi tachi ; Yehova , kwoko lye lya chindume , hilya wonda mukwa kole . ⁷Mba nyi wunene we wa kuhyana kuwakupupa waze kuma kukatukila . Kuwaku tuma utenu we ; wene wakwa manuna ngwe shachi jumu . ⁸Nyi mwiku wakuma zulu je mulumbawa meya ; masanga ameya ya chindama ngwe mulumba ; majinga yakonda mwe muchima lya kalunga - lwiji .⁹Mukwa kole yamba ngwenyi , 'Mungu kaula , kumungwawana , kumungu pangila yikumba yo ; Mbunge yami hiyazuka nyi kwapupa ; mungutomana katana kamu ; kwoko lyami mu lya manuna '. ¹⁰Ena wafuzanga nyi fuji , ye kalunga lwiji yaafuka ; O yashimbama ngwe chikungo mu meya atachi . ¹¹Walita nyi yena i ya , mwe Yehova , hakachi katu zambi ? Walita nyi yena iya , mulemu nyi musandu yena , hakuku halisa wuli mulemu , kuwaku linga yi komokeso ?¹²Yena wazundulanga kwoko lye lya chindume , hashi yihamina . ¹³Yena nyi lushiko wa zango lya watwalile atu aze waakulile . Yena nyi tachi je wa songwelele ndo kuze kwatwama wusandu we kuze watwama yena .¹⁴Mavungu maka chivwa , maka chikima ; yikola muyika kwata waze akutwama ku Felisitiya . ¹⁵Hohene myata ja A- Endome makevwa woma ; akwa ndundo ja A- Moape kuchikima ; Maka sangunuka .¹⁶Woma nyi moongu hiyaholokela . Mumu ha wunene wa kwoko lye , kana holo kulu ngwe liwe ndo te atu ja yena mazauka , Yehova - ndo te atu mazauka waze yena una pichi .¹⁷Kumukahetesa nyi kwatumbika kumulundu wa chihinga che , kuma kuze , hiwapwisa kwa yena Yehova , kwa kutwamako , zuwo lisandu , yena Mwene wetu , hiuna lulika nyi moko je . ¹⁸Yehova kumakayula ndo kumyata yeswe ya mutolo . "¹⁹Mumu tuvwalu twa Falau anjilile mukalunga - lwiji hamwe nyi matemba jenyi nyi akwa tuvwalu twenyi . Mba Yehova yahilwisa meya amu kalunga - lwiji hali ayo . Alyoze A-Izalele endele hashi homu mukachikaka kulunga - lwiji . ²⁰Polofeta wa pwo Milyame , ndumbu ya Alone , wakwachile kamukupyela , mu kwoko lyenyi mba mapwo eswe yatuhuka hamwe nenyi nyi tumikupyela nyi kuhangana . ²¹Milyame wawu kuwilile ngwenyi : " Imbilenu Yehova , mumu iye hanangama kuhyana . Nyi tuvwalu nyi akwa kwendesa Yanjila muka lunga lwiji . "²²Mose watwalile A-Izalele chize ku kalunga - lwiji muchila . Yanjila mupuya ya Shule . Yaya wenyi wamatangwa atatu mupuya kawanyinemo meya nyi amwe . ²³Muze ahetele ku Mala , kahashile kunwa meya mumala mumu te asasu . Keshika yalukako jina ngwo ku Male .²⁴Atu eswe ali nyenyetene nyi Mose ngwo , "Yika mutunwa ? " ²⁵Mose watetele kuli Yehova , mba Yehova yamu lweza mutondo . Yawumbila mumeya , meya yalumuka kupwa a yema nyi kunwa . Kuze kwene Yehova akolesele hali ayo chiyulo nyi liji lya shimbi , kuze kwene nawa iye ya eseka . ²⁶Yamba ngwenyi , " Kachi yenu munu hala kama pundu kuliji lya Yehova Zambi , yenu nyi ku linga chize chinate kumeso jenyi , kusa matwi kumaliji jenyi ashimbi , nyi kufunga yiyulo yenyi yeswe kachi chichi kusa hali yenu kuyiza nyi chimwe nasele hali a Engitu , mumu yami Yehova mu kwaku nu wuka . "²⁷O ahetele ku Elime , kuze kwapwile mafwiji a meya kumi nyi aali nyi makumi shimbyali amitondo ya mingaji . Kwenako yatunga chilombo cho kusesa lya meya aze .

¹Atu akatukile ku Elime , ayile wenyi wo , chikungulwila cheswe cha A - Yizalele kejile ku puya ya Shimi , mukachi ka Elime nyi Shinai , hatangwa kumi nyi lya muchitanu lya kakweji wamu chiali lize akatukile kuze kuchifuchi cha Engitu . ²Chikungulwila cheswe cha A- yizalele ali nyenyetene kuli Mose nyi Alone mupuya . ³A- yizalele kambile kuli ayo ngwo , "Kachi twafwile nyi kwoko lya Yehova mu chifuchi cha Engitu muze twalile nykikukuta mbolo . Mumu yenu hinwatuhetesa ku puya yino nutushiye nyi zala chikungulwila chino cheswe . "⁴Hohene Yehova yamba kuli Mose ngwenyi , " mungukanokesa mbolo yakukatuka kwilu ya ya yenu . Atu makatuhuka nyi kukunga kulya cha hatangwa nyi hatangwa chihanda hanga yami ngukaeseke nyi kumona ngwe makenda mushimbi yami nyi ka . ⁵Mba muchikapwa ha tangwa lya muchisambano , chocho aka kunge kulya cha chihanda chimwe kweseka chakweseka matangwa aali , mba akateleke yize yeswe makaheha ."⁶Chize Mose nyi Alone yamba kuli A - Yizalele eswe ngwo , " Hachingoloshi kumunukanyingika ngwwnu yami Yehova watuchijile kuchifuchi cha Engitu. ⁷Mba muze mukucha kumunumona ulemu wa Yehova , mumu kanevu kulinyenyeta chayenu kuli iye . Yetu aya mba nulinyenyete kuli yetu . ⁸Mose yamba ngwenyi , " mununyingika yuma yino muze Yehova manwaha yifwo chingoloshi nyi mbolo nyi chimene mene yeswe - mumu hevwa kulinyenyeta chenu kuli iye . Nyi Alone kapwa nyi yami ? Kulinyenyeta chenu hichayetuko ; alyoze cha Yehova .⁹¹⁰Mose yamba kuli Alone , " Hajika kuli chikungulwila cha atu A - yizalele , tweyinu kukamwihi nyi Yehova , mumu hevwa kulinyenyeta chenu . ''' Shimbu , Alone machihajika kuchikungulwila cha atu ja A- Yizalele , mupuya atalile , nyi , uhenya , wa Yehova wasolokele mulelwa . ¹¹Achi Yehova yamba kuli Mose , ngwenyi ¹², " ngunevu kulinyenyeta cha atu A - Yizalele . Hajika kuli nayo ngwo , mba hakucha munukakuta nyi mbolo . Munukanyingika ngwenu mwe Yehova Zambi yetu .'''¹³Chocho ha chingoloshi Ngwali yeza o yapwa kweswe kuchi lombo . Mba muze kwacha mume wapwile hashi kweswe kwakujingilika chilombo . ¹⁴Muze mume wuze wapwile hashi hiwalumuka , haze ha puya hashi hapwile chuma chimwe chachikepekepe ngwe liwe hashi . ¹⁵Muze A- Yizalele achimwene , yalyamba kuli umwe nyi mukwo nawa ngwo , " Acho chika ?" Mumu kanyingikine chize chapwa . Mose yamba kuli ayo ngwenyi , "yino mbolo yize Yehova kanwaha nukalye .¹⁶Yehova kanwaha shimbi aji : ' Ngwenyi mutu mweswe akunge , nyikulita , nyichize mahasa kulya , kachisoka hali mutu kulita nyi kwalula cha atu jenyi . chenachize mumu kakunga : nukunge yiji kweseka nyi kuta nyi mutu ali mumbalaka yenyi .''' ¹⁷Chocho alingile A - Yizalele . Amwe akungile chiji , amwe chikepe . ¹⁸Muze achesekele nyi kachisoka , kuli yoze wakungile chiji kukwazalile nyi chimwe , mba kuli yoze wakungile chikepe kukwapwile kuhona . Nyi mutu mweswe yakunga nyi kulita nyi chize mahasa kulya .¹⁹Mose yamba kuli ayo ngwenyi , "Mutu nyiwumwe kanda aka hichika chihanda chacho ndo mukachi . " ²⁰chipwe chocho , kahalakanyine kuli Mose . Amwe yatulika chihanda ndo hikwacha . mba chatuwishile mavumo yichinuke . Mba Mose yatenuka no . ²¹Achikungile nyi chimene mene mutu mweswe nyikulita nyi chize mahasa kulya lize tangwa . Muze tangwa hilyatwa , mba hichisangunuka .²²Mba hatangwa lya muchisambano yakunga mbolo , yakuheta matangwa aali mutu mweswe tuyisoka twaali . Miata eswe achikungulwila yaya kuli mose ya mwambulwilacho . ²³Iye yamba kulin ayo ngwenyi , "Achi chuma chino Yehova hanambe ngwenyi ? 'hamene hakapwe uhwimino , ulemu sambata yisandu kuli Yehova . Mosono ochenu cheswacho munwocha , mumu munuteleka . Chize muchisalaho , litulikilenucho ndo mukucha .'''²⁴O yatachitulika ndo mukucha , ngwe Mose wambile . Kuchanukine ka , chipwe kumwapwile mauno nyiamwe . ²⁵Mose yamba ngwenyi , "lyenucho musono , mumu musono liapwa sambata kuli Yevoha . Musono kunuchi kachiwana hashi .²⁶Nukachi kunge matangwa asambano , alyoze hatangwa lyamuchishimbiali hapwe sambata . ²⁷Hasambata mana kuyichikapwako ." Chocho hatangwa lya muchishimbiali mwatuhukile amwe atu mukuchikunga , kawanyine nyi chimwe .²⁸Mba Yehova yamba kuli Mose ngwenye , "Ndo shimbu muka kunusolo kufunga yiyulo yami nyi shimbi jami ? ²⁹Talenu , mumu te Yehova hanamwehe ye sambata . Kashika hatangwa lya muchisambano hana nwehe mbolo hamatangwa aali . Mutu mweswe akatwame kuchihela chenyi , hatangwa lya mushimbiali mutu nyiumwe kanda kakatuka kuchi hela chenyi ." ³⁰Chocho ahwimine e atu hatamga lya muchishimbiali .³¹Kulya chizi A - Yizalele yachiluka ngwo " Mana ." Te yapwile ngwe mbuto yakolyende yitoma , kupajika chayo ngwe likemba lya kuchinga nyi wuchi . ³²Mose yamba ngwenyi , " Achi chuma chino ambile Yehova ngwenyi : 'tuli kilenu yisemuko yenu kachi kachisoka ka to nayo hanga aka tale kulya chino nanulishile mupuya , muze nanu chijile kuchifuchi cha Engitu .³³Mose yamba kuli Alone ngwenyi , " Anda ndeho usemo mana . Kachisoka ka to ukayitulikie kumeso ja Yehova nukayifungile yisemoko yenu ." ³⁴Ngwe Yehova ambile kuli Mose , chocho Alone yayitulikila kulutwe lya shindakenyo lya mushete . ³⁵Hamakumi awana amiaka A- Yizalele alile mana ndo ahetele kuchifuchi kuze kwatwama atu . O alile mana ndo ahetele kujiza ya chifuchi cha kenana . ³⁶Kumi lya tuyisoko twalita nyi jongo yumawika ya efa .

¹" Hapwila ai ye yiyulo yize mukasa ku meso jo :²' Nyi kachi mulambu ndungo ka Hepeleu , akakilikite myaka isambano , ha mwaka wa mu chishimbyali akatusuke chawana . ³Nyi kejile uka wenyi , akatusuke ukawenyi ; kachi ha mbata , pwo lyenyi akatusuke nenyi . ⁴Nyi kachi kako ma mwaha pwo mba ma musemena ana amalunga nyi amapwo , pwo nyi e ana mapwa a kako , mba lunga akatusuke uka wenyi .⁵Alyoze nyi ndungo mamba pundu ngwenyi , " Nazanga mwene wami , nyi mukwetu pwo , nyi ana jami ; chichi kutusuka , ⁶" Henaho kako aka muhetese kuli Zambi . Kako akamunehe ko chikolo chipwe ku yipamba ya chikolo , mwe kako aka mutuwe twitwi lyenyi nyi katwalo . i ye aka muzachile ndo ku myaka ya mutolo .⁷Nyi kachi lunga malanjisa mwanenyi wapwo akapwe ndungo , kanda akatuhuka ngwe ndungo ama lunga akulinga . ⁸Nyi mapihisa kako , yoze wa mu mutendele kupwa hi wenyi , aka mutaize kumulanda cheka . Keshi nyi shimbi ja kumulanjisa kuli tundaka . Shimbu jacho keshi najo , mumu halinga nenyi mafwefwe .⁹Nyi kako ma muhangisa kuli mwanenyi wa lunga , akalinge kuli iye ngwe mwanenyi wa pwo . ¹⁰Nyi mambata pwo mukwo , kanda akakehesa kulya chenyi , mazalo , chipwe ndako ya ulo wenyi . ¹¹Mba nyi kechi ku mulingila yino yuma itatu , aho iye akatusuke chawana kechi kufweta mbongo ka .¹²Mweswawo malamba mutu nyi ku mushiha , neye nawa aka mushihe lume . ¹³Nyi mutu te kajikinyinyine mukwo , mba alyoze ha mulonga wa kuhona ku nyingika , yami mungu kamusela chihela cha ku chinyinako . ¹⁴Nyi mutu mevwila kole mwenyembo wenyi nyi kumushiha nyi kalimbalimba , uka mumbate , chipwe kali kuchilumbilo cha Zambi hanga akafwe .¹⁵Mweswe malamba tato hanji naye aka mushahelume . ¹⁶Mweswe Yoze meya mutu - chipwe mwiji ma mulanjisa , chipwe mutu ma muwana mu moko jenyi auze mwiji aka mushahe . ¹⁷Mweswe yoze mashinga tato hanji naye akamushahe lume .¹⁸Nyi malunga mazwela nyi umwe ma lamba mukwo liwe chipwe kome , mba auze mutu kafwile , mba mapomba ha muhela ; ¹⁹nyi kachi iye mahinduka nawa mahasa kwenda kujikijila ku mulumbu wenyi , lunga yoze unakamulamba aka mufete ha ku mwenyekela shimbu ; akafwete nawa ku ku muuka chenyi cheswe . Alyoze auze mutu keshi nyi mulonga wa kushiha .²⁰Nyi kachi mutu malamba nyi mbwechi ndungo yenyi wa lunga hanji ndungo yenyi wapwo , mba ndungo mafwa ha mulonga wa ku mulamba , mba auze lunga aka mu mwese ihulyo . ²¹Alyoze , nyi ndungo matwama nyi mwono tangwa chipwe ali , kanda aka mu mwesa yihulyo , mumu iye hatokesa kulu ndungo yenyi .²²Nyi kachi atu amwe mazwela mba malemeka pwo kafumba chocho maselumuna , alyoze ku kushi chilonda chikwo kuli iye , akamufwetese nyi kulita nyi chize mukwo lunga mamusela , akafwete nawa ngwe chize ngaji ma musela . ²³Alyoze nyi kuli chilonda chinene , kachi aka hane mwono ha mwono , ²⁴liso ha liso , lizo ha lizo , kwoko ha kwoko , kulu ha kulu , ²⁵kuwema ha kuwema , chilonda ha chilonda , chipwe mujiji ha mujiji .²⁶Nyi mutu malamba liso lya ndungo yenyi wa lunga chipwe ndungo yenyi wa pwo mamushiha lyo , aka mutusule mumu ha liso lyenyi . ²⁷Nyi kachi mapukula lizo lya ndungo yenyi wa lunga chipwe ndungo yenyi wa pwo , akamutusule mumu ha lizo lyenyi .²⁸Mba nyi kachi ngombe ma pupa lunga chipwe pwo mba mafwa , akase mawe mwe ngombe , kanda akalya ifwo yenyi ; kako ya mwe ngombe kanda aka musuma mulonga . ²⁹Mba nyi mwe ngombe yako ya kupupa pupa ku matangwa akunyima , mba ya chishindakenya kuli kako mba ka mwajilile , mba ngombe ma shaha lunga chipwe pwo , auze ngombe aka mwase mawe , nyi kako aka mushihe . ³⁰Nyi mamusela ndando ya ha mwono wenyi akafwete chize anatela kufweta .³¹Nyi ngombe ha pupa mwana wa lunga chipwe wa pwo , mwenya ngombe akalinge nyi kulita nyi chiyulo . ³²Nyi ngombe mapupa ndungo wa lunga chipwe ndungo wa pwo , kako ya ngombe akafwete makumi atatu a shekele ja palata , nyi ngombe aka mwase mawe .³³Nyi kachi mutu mashikulula wina , chipwe nyi mutu mafula wina mba kechi ku ufuka , mba ngombe hanji chimbulu maholokelamo , ³⁴mwene wa wina afwete . Akahane mbongo kuli mwene wa kashitu yoze hafwa , nyi kashitu yoze hafwa apwe hi wenyi .³⁵Nyi ngombe wa mutu umwe malemeka ngombe wa mutu mu kwo mba mafwa , akalanjise ngombe wa mwono aka lipangile ye ndando , akalipangile nawa yoze wafwa . ³⁶Mba nyi hanyingika ngwo mwe ngombe wa pwile nyi kupupa matangwa akunyima , kako kamukuchikileko , a kafwete ngombe ha ngombe , kashitu yoze wafwa akapwe hi wenyi .

¹Nyi mutu meya ngombe chipwe panga mba ma mushiha hanji kulanjisa , akafwete ngombe atano ha ngombe umuwika , nyi panga awana ha panga umuwika . ²Nyi makwata mwiji kanalokola zuwo , mb a mamu lamba mafwa , kupwa chocho nyi umwe mulonga wa manyinga ku ushiko . ³Alyoze nyi tangwa mulivumbuka shimbu kanda achi pupa , ku kapwe uhiso wa manyinga kuliyoze ma mushaha . Mwiji aka hilwise yeswe . Nyi keshi nyi chimwe , akamulanjise ha wiji wenyi . ⁴Nyi kashitu yoze eya ma muwana mu kwoko lyenyi , chipwe ngombe , chipwe chimbulu , chipwe panga , akafwete kali .⁵Nyi kachi mutu malisa imuna yenyi mu wande , chipwe wa uva nyi mecha chimuna chenyi , mba malya mu wande wambala , akahilwise ya ku wande wenyi yuma ipema nyi ipema ya mu uva wenyi .⁶Nyi kahya mukakwata mba mingonga muyi kwata kahya mba milumba yambuto , chipwe ize ina mana , chipwe wande wa wema , yoze wa wikanga kahya aka hilwise yeswe .⁷Nyi mutu mahana mbongo chipwe yikumba kuli mwenyembo wenyi ha amufungile nyi mayiya mu zuwo ha mutu wacho , nyi mwiji ma muwana , auze mwiji akafwete kaali . ⁸Mba nyi mwiji kamuwanyine , acho mwene wa zuwo akeze kuli ngaji akatale nyi iye mwene wa kwata kwoko lyenyi ye yikumba ya mwenyembo wenyi . ⁹Ha yikuma yeswe ya uvulumunyi , chipwe ngombe , chimbulu , panga , mazalo , chipwe chuma cheswe mu chikota chize mutu mamba ngwenyi , " Achi hi chami . " Liji lya eswe ali likahete ku ngaji . Mutu yoze ngaji mawana nyi mulonga aka fwete kaali mwenyembo wenyi .¹⁰Nyi mutu mahana chimbulu chenyi kuli mwenyembo wenyi , ngombe , mukoko chipwe chimuna cheswacho akamufungile , nyi muchifwa chipwe kulemana chipwe ma chimbata nyiumwe wachimona wakuhi , ¹¹eswe ali akalishinge kuli Yehova , ngwe hanji chipwe nyoiumwe mutu wasa kwoko lyenyi ha chikumba cha mwenyembo wenyi . Mwene akataize chino ,nyi umwe makahilwisa . ¹²Alyoze nyi ma mwiya cho , akahane cheka kuli mwenya cho . ¹³Nyi kashitu kamu papulula ipinji , akanehe ipinji yacho ikapwe uchela . Kanda akafweta yoze apapulula .¹⁴Nyi mutu matambula chimuna kuli mukwo mba malemana hanji mafwa mwene te keshiko , aka muhilwise weka . ¹⁵Mba nyi mwene kapwanga hamuwika nenyi , kanda aka muhilwisa weka ; nyi te wa fweto , aka fwete kulita nyi ndando yenyi .¹⁶Nyi lunga masongojola mwana pwo yoze kanda achi pombo nyi lunga kanda achi mutenda , nyi mapomba nenyi , akafwete yihako akapwe pwo lyenyi . ¹⁷Nyi tato ya mwana pwo kasolo ku mwahaye , aka fwete mbongo nyi kulita nyi ihako ya ana mapwo waze kanda achipomba nyi malunga .¹⁸Kanda ukatayiza chimbanda kutwama nyi mwono . ¹⁹Mweswe yoze mapomba nyi kashitu akamusha he .²⁰Mweswe yoze malambula kuli ka zambi keswako shina Yehova wika aka mwonwone lya kulu . ²¹Kanda ukalinga chipi kuli njize chipwe kumu mwesa lamba , mumu yenu nwa pwile njize mu chifuchi cha Engitu .²²Kanda nu kapinjisa tuliwa chipwe mwana shiwa . ²³Nyi kachi munwa pinjisa , nyi mateta kuli yami , cha mwenemwene mungwivwa miteto yo . ²⁴Utenu wami mu usasaminya , kumunguka nushiha nyi katana ; mapwo jenu ma kapwa tuliwa ,nyi ana jenu kakapwa shiwa .²⁵Nyi muhana mbongo ja makongo kuli chiswale mweswawo wa atu jami , kanda ukapwa ngwe mukwa kuhana mikuli kuli iye chipwe kuwezela mukuli wenyi . ²⁶Nyi hanji mutambula uzalo wa mwenyembo we ukapwe chifungo , ukauhilwishile wo shimbu tangwa kanda linjila , ²⁷mumu uzalo wenyi wika wakulifuka nawo ; kulyapwa hina lya ku mujimba wenyi . Chika cheka mapomba mo ? Muze masanyika kuli yami , mungukamwivwa , mumu yami mukwa vumbi .²⁸Kanda ukangutuka , Zambi , chipwe kushinga mukwa ku yula atu je .²⁹Kanda ukalaluka kulambula mbuto ye chipwe ukamino we . Tupula majimo akuli ana je amalunga ukahane kuli yami . ³⁰Chize chene ukalinge nyi ngombe je nyi ma panga je . Matangwa shimbyali akatwame nyi a naye , mba hatangwa lya muchishimbyali ukanehe kuli yami . ³¹Nukapwe atu asandu kuli yami . Keshika kanda nukalya yifwo nyi yimwe yize hayi papulula kuli tushitu amu yambu . Alyoze , nu kambile ku tuwa .

¹Kanda ukambulula mujimbu wa saki hali umwe . Kanda ukalinunga nyi ingulungulu kupwa chela cha uhenge . ²Kanda uka kaula mbunga mukulinga upi , chipwe ku pwa u chela muku kaula mbunga hanga uhengese upatwilo . ³Kanda uka lemesa chiswale nyi chikuma chenyi .⁴Nyi muwana ngombe wa kukwa kole ye hanji chimbulu kana pyanguka , uka muhilwise kuli yiye . ⁵Nyi mu mona chimbulu cha yoze wa ku kuvwila kole hana limbukila hashi kana shachiwa nyi chiteli , kanda ukahichika mutu wacho . Pundu uka mukwase nyi chimbulu wenyi .⁶Kanda ukahengesa upatwilo wa chiswale che ku chikuma chenyi ⁷.Kanda ukalinunga nyi akwenu mu mahuza , kanda ukashiha mukwa kusamba hanji mukwa ululi , mumu ami chichi kusambisa chingulungulu . ⁸Kanda uktambula chijiko , mumu chijiko chaku pupuchisa waze akwete meso , nawa chakuhengesa maliji akwa ululi . ⁹Kanda ukamwesa lamba njize , mumu nunanyingika mwono wa njize , mumu yenu nwapwile njize mu chifuchi cha Engitu .¹⁰Ha myaka isambano ukatumbe mbuto , mu wande we nyi kwengula ye mbuto . ¹¹Mba mu mwaka wa muchishimbyali lume ikapwe ihutu , hanga iswale ha kachi ka atu jenu akalye . Yize makahichika , tushitu amuyambu akalye . Chize chene akalinge nyi munda we wa uva nyi wa Olevwe .¹²Ha matangwa asambano akahunge milimo ye , ha tangwa lya mu chishimbyali ukahwime . Ukalinge chenacho hanga ngombe nyi chimbulu a kahwime , hanga nawa mwana wa lunga wa ndungo ye wa pwo nyi njize mweswawo akahwime nyi ku sanguluka . ¹³Sako mana kuyuma yeswe ize hina hanjika kuli yena . Kanda ukatongola majina atu Zambi tweka , chipwe majina jo kanda aakevwa mu kanwa lye .¹⁴Nukaye nyi kungulingila chiwanyino yisuho itatu ha mwaka ha mwaka . ¹⁵Ukafunge chiwanyino cha mbolo kuyishi futunwiso . Ngwe chize na nwambile , mumu kalya , mbolo ishi futunwiso matangwa shimbyali . Ha shimbu ize , nu kasoloke kuli yami muka kweji wa Ambimbu , yoze hanapu kusakula chikuma chino . Mu yono kakweji mwe nwa katukile mu Engitu . Kanda ukasokola kumeso jami mokomoko .¹⁶Chiwanyino cha kuhela mbuto nu ka chilinge , mbuto itangu ya kuhondanga che muze watumbile mbuto mu mande . Nyi chiwanyino chaku kungulula mbuto ha kusula cha mwaka , muze hiwengula mbuto ye ya mu mande . ¹⁷Malunga eswe akasoloke ku meso ja Yehova mwene yisuho itatu ha mwaka .¹⁸Kanda ukalambula manyinga a chitapo chami hamwe nyi mbolo ya futunwiso . Maji a ku milambu ha yi wanyino yami kanda ikatwama ufuku wamu undu ndo chimene . ¹⁹Ukanehe mihuko itangu ya kusakula mu mande jenu ikeze mu zuwo lyami , zuwo lya Yehova Zambi ye . Kanda ukateleka mwana pembe mu yamwa ya naye .²⁰Mungu katuma mungelo kulutwe lyenu akunufunge mujila , nyi kunu neha kuchihela chize hina lulika . ²¹Panjika ku liji lyenyi nyi ku muzeyela . Kanda uka muvisa ku pihya , mumu kechi ku konekena uhenge wenu . Jina lyami lili hali iye . ²²Nyi chamwenemwene muzeyela liji lyenyi nyi kulinga yuma yeswe ize nguna kulweze , mba mungu kapwa mukwa kole kuli akwa kole je nawa mukwa ku mwesa luyinda kuli waze aku kumwesa luyinda .²³Mungelo wami makapwa kulutwe lye nyi ku kuneha ndo kuli A-Amole , A-Hete , A-Perize , A-Kanana , A-Hevwe , nyi A- Yepushe . Mungu kenyeka . ²⁴Kanda ukafukamina kuli tu zambi two , kwa wayila , chipwe kulinga ngwe chize akulinga . Alyoze , nuka puzwole lyakulu nyi ku wonda manguji jo amawe mu yihanda yihanda . ²⁵Nuka waile Yehova Zambi yenu , mba makawahisa mbolo nyi meya jenu . Mungu kachiza misongo ha kachi kenu .²⁶Nyi umwe pwo makapwa mumba chipwe ku selumuna mwanenyi mukehe mu chifuchi chenu . Mungu kamwaha mwono wa matangwa asuku . ²⁷Mungu katuma woma kuli waze akwa chifuchi munu kaya . Mungu kashiha atu eswe munu kataka . Mungu kalinga akwa kole jenu eswe ku numba nyima mumu wa woma . ²⁸Kumungu katuma mboji kulutwe lyenu waze makahuma A-Hevwe , A- Kanana , nyi A-Hete kuhuma ku nmeso jenu . ²⁹Chichi kahma kuli yenu mu mwaka umuwika kuchina chifuchi muchi kasala hululu , nawa tushitu amu yambu maka nwokela .³⁰Alyoze , muka huma hakehe hakehe kulutwe lyenu ndo munu kapwa anji nyi ku hinga chifuchi . ³¹Mungu kafunjika njiza jenu chize ku kalunga lwiji wa mahengo ndo ku kalunga lwiji wa A-Filisitea , nawa chize ku puya ndo ku lwiji Yufalete , Mungu kanwaha ku kumba kuli kuli akwa chifuchi . Munukahanga ku meso jenu . ³²Kanda nuka kolesa no usendo chipwe tu zambi two . ³³Kanda aka twama mu chifuchi chenu , kuchina makanuvulumwisa kuli yami . Nyi munu waila tu zambi two , achi mu chipwa muheto kuli yenu , "'

¹Mba Yehova yamba kuli Mose ngwenyi , " kandukenu wize kuli yami - Yena , Alone , Nandambe , Ambihu , nyi makumi shimbyali a makulwana a Yizalele , nawa nukangu waile hasuku . ²Mose ukawenyi iye eze ha kamwihi nyi yami . Akwo kanda eza ha kamwihi , chipwe e atu kanda akakanduka hamuwika nyi yiye .³Mose yaya Yalweza atu maliji eswe a Yehova nyi yiyulo . Atu eswe ya kumbulula nyi liji limuwika nyi kwamba ngwo , " Mutukalinga maliji eswe waze Yehova ha hanjika . " ⁴Mba Mose ya soneka maliji ja Yehova eswe . Chimenemene , Mose yatunga chilumbilo mwishi lya mulundu nyi kululika manguji amawe kumi nyi ali , hanga mawe alumbunune minyachi kumi nyi yali ya ana A- Yizalele .⁵Yatuma amwe akweze A-Yizalele amalunga akalambule milambu ya kwocha nyi milambu ya sambukila ya ngombe kuli Yehova . ⁶Mose yanda chihanda cha manyinga yasa mu sahanyi ; mba chihanda chikwo ya chisapwila ha chilumbilo .⁷Yanda mukanda wa usendo nyi kuutanga nyi ku kololoka kuli atu . Yamba ngwo , "Mutukalinga yeswe ize Yehova hamba . Mutukazeyela . " ⁸Mba Mose yanda manyinga nyi ku sapwila ha atu . Yamba ngwenyi , " Awa manyinga a usendo uze Yehova halinga nyi yenu ha kunwaha chilakenyo chino nyi wano maliji eswe . "⁹Mba Mose , Alone , Nandambe , Ambihu nyi makumi shimbyali amakulwana A-Yizalele ya nyina kumulundu . ¹⁰Yamona Zambi wa Yizalele . Kushi lya yilyato yenyi kwapwile ngwe mawe a Safali a kwala zwalala ngwe mwilu . ¹¹Zambi ka kasele kwoko ha makulwana a Yizalele yamona Zambi , nawa yalya nyi kunwa .¹²Yehova yamba kuli Mose ngwenyi , " Kanduka wize kuli yami ha mulundu utwameho . Mungu kwaha yiohanda ya mawe nyi shimbi nyi maliji a shimbi waze hinasoneka , hanga wa longese . " ¹³Mba Mose yakatuka hamuwika nyi chikwashi chenyi Yoswa nyi kunyina mulundu wa Zambi .¹⁴Mose te ha hanjika ku makulwana , " Twamenu hano nyi kutushimbwila ndo mutwiza kuli yenu . Alone nyi Hule kali hamuwika nyi yenu . Nyi umwe uli nyi chimwe kulitachika , aye kuli ayo . ¹⁵Mba Mose ya kanduka mulundu , nyi lelwa hilifuka mulundu .¹⁶Uhenge wa Yehova wa twamine ha mulundu wa Sinai , nyi lelwa lya ufukile ha matangwa asambano . Hatangwa lya chishimbyali wasanyikine kuli Mose mu kachi kalelwa . ¹⁷Kusoloka cha uhenya wa Yehova chapwile ngwe kahya kakwocha helu lya mulundu ku meso ja A-Yizalele . ¹⁸Mose yanjila mukachi ka lelwa nyi ku nyina ha mulundu . Wapwile ha mulundu makumi awana amatangwa nyi makumi awana aufuku .

¹Yehova yamba kuli Mose ngwenyi , ²" Lweza A - Izalele akangunehene milambu kukatuka kuli mutu mweswe ukwete mbunge yakuta . Ukangutambwile yino milambu .³Yino ye milambu mukatambula kuli ayo : Oru , Prata , nyi Unengu ; ⁴nyi mahina alauluka , aufungo , nyi angengu ; apema atoma ; nyi uzangi wa phembe ; ⁵nyi malambu a khuji a mapanga a kulomba achila ; ⁶nyi maji a ndeya ya muzuwo lisandu ; nyi tumbuto twa lupembo mupema twa maji akuwayiso no ; ⁷mawe a sandonyika nyi mawe akwo akaalamika ha efonde nyi ha chipwiko .⁸Akangutungile zuwo lisandu hanga ngukatwame hakachi ko . ⁹Nokalinge kulita nyi yize yeswe mungukulweza cheseko cha tabenakulu nyi cheseko cha yikashi yayo .¹⁰Akasonge mushete wa mutondo wa mukesha . Kusuhwa chawo ukapwe mbandu jiali nyi chihanda nyi chihanda chahakachi ; utohe wacho ukapwe mbandu yimuwika nyi chihanda chahakachi ; chizundamo chacho chikapwe mbandu yimuwika nyi chihanda hakachi . ¹¹Nukachilamika mukachi nyi haze nyi Olu yambwende , nukafulileho chipangula cha Olu chakujingilika helu heswe .¹²Ukazuzuzlwile ngo jiwana ja Olu nyi kujisela ku molu jawo awana , nyi ngo jiali jikapwe kusali likwo mbango jialio kusali likwo . ¹³Ukasonge mikambo ya mutondo wa mukesha nyi kwalamika nyi Olu . ¹⁴Ukase mikambo mu ngo jajo ha malumbu ja mushete , hakumbachila mushete .¹⁵Manguji akapwe nyi ngo ja kumbalaka ; kanda nukachizako . ¹⁶Nukasa mu mbulaka ya chilakenyo yiyulo yize mungunwaha . ¹⁷Nukalinge chifuko chakufukila shili ja Olu . Kusuha chacho chikapwe mbandu jiali nyi chihanda cha mbandu , nawa utohe ukapwe mbandu yimuwika nyi chihanda cha mbandu . ¹⁸Nukalinge a kelibimi aali kukatuka ku Olu yakufufula ja masongo a mbango jiali ja chifuko cha kulifukila shili .¹⁹Nukalinge kelubimi umuwika kusongo limwe , mba kelubimi mukwo kusongo likwo . Nukalingile akelubimi ku masongo eswe nyi aali a ku chishinda chimuwika cha chitwamo cha keke . ²⁰Akelubimi akazazulule mapulwa jo helu nyi kuzalamina nyi mapulwa jo che chitwamo cha keke . Akatalikise meso jo umwe kuli mukwo akalitale meso jo ku chitwamo cha keke . ²¹Ukanangike chitwamo cha keke helu lia muskete , ukase mu mushete ye shindakenyo yize mungukwaha .²²Kokwene mungukatakana nyi yena . Mungukalishimwina nyi yena nyi liji lia kukatuka helu lia chitwamo cha keke . Mukachi ka akelubimi aali atwama ha mushete wa shindakenyo ha kutwala ku yuma yeswe mungukwambayo hali A - Izalele .²³Nukalinge mesa ya mutondo wa mukesha . Usuhe wayo mbandu jiali , utohe wayo mbandu yimuwika , chizundamo chayo mbandu yimuwika nyi chihanda cha hakachi . ²⁴Ukalamikeho nawa chipangula cha Olu cha kujingilika kweswe .²⁵Nukalinge mukomo utohe wacho ukapwe mbanda kwoko limuwika wa kujingilika kweswe , ukalinge nawa chipangula cha Olu ha makomo wayo chakwijingilika kweswe . ²⁶Ukayifulile ngo ja Olu jiwana , nyikusa je ngo ha mbango jize jili ku molu jayo . ²⁷Akakujike je ngo hehi nyi mukomo , jikapwe ja kunjishilamo mikambo mukumbachila mesa .²⁸Nukalinge mikambo ya mutondo wa mukesha akalamikeho Olu ukambate nayo ye mesa . ²⁹Nukalinge yenga yayo , nyi misenge yayo , nyi ndeho jayo , nyi milondo yayo ya kutehwina . Ukalinge ya Olu ya kusahisa . ³⁰Ukatumbike ha mesa mbolo ja kutumbieka kumeso jami matangwa eswe .³¹Nukalinge chikwachilo cha ndeya cha Olu ya kusayisa . Chikwachilo cha ndeya nukachilinge nyi kumilimo ya kutatula nyi nganda yayo nyi mukungo wacho , nyi misenge yacho , nyi mbandu jacho , nyi yitemo yacho yeswe yipwe ya chishina chimuwika . ³²Kukapwe nawa mitango yisambano ya kuhachika ku malumbu jacho - mitango yitatu ya chikwachilo cha ndeya ya kuhachika ku lumbu limuwika liacho , mba mitango yitatu ya chikwachilo cha ndeya ya kuhachika ku lumbu likwo .³³Ku mutango umuwika kukapwe misengo yitatu ya kulifwa nyi amendoa nyi wunolu , nyi chitemo , ku mutango ukwo kukapwe nawa misenge yitatu ya kulifwa nyi amendoa , nyi wunolu , nyi chitemo . ³⁴Chochene ku mitango yisambono yize ya kuhachika ku chikwachilo cha ndeya . Kundeya yacho , hamutango wa hashina , kunatela kupwa misenge yiwana yakulifwa nyi amandoa , nyi wunolu nawa nyi yitemo .³⁵wundu mushi lya mitango yiali - lya chishinda chimuwika nacho , nyi wundu mushi lya mitango yali - lya chishinda chimuwika nacho . Nyi wundu mushi lya mitango yaali , lya chishinda chimuwika nachi , ku mitango yisambano yize ya kuhachika ku chikwachilo ndeya . ³⁶Mawundu jacho nyi mitango yacho yikapwe ya chishinda chimuwika , milimo ya chishinda cheswe yikapwe ya Olu ya kusayisa nyi kutatula .³⁷Nukalinge ndeya jacho shimbiali akafwike je ndeya , jikatemukine kulutwe lyacho . ³⁸Nyi mana jacho nyi yenga yacho ya kukwachilaho mwelela , yikapwe ya Olu ya kusayisa . ³⁹Ukailinge ku taletu yimuwika ya Olu ya kusayisa nyi yikashi yino yeswe . ⁴⁰Utale kanawa ukayilinge nikulita nyi cheseko hinakulewza ha mulundu

¹Ukatunge tabernakulu nyi kumi lya mahina apema atoma nyi alauluka , nyi ya ufungo , nyi angengu , ukaole nyi ukerupimi . Yikapwe milimo ya chilangaji . ²Usahe wa hina nyi hina ukapwe makumi aali ambandu jiwana . Mahina eswe akapwe achesekonchimuwika . ³Akatolokenye hamuwika mahina atoma limwe nyi likwo , mba mahina akwo akatolokenye hamuwika limwe nyi likwo nyi likwo .⁴Kuze ku ukundwilo wa lye hina lize lyatwama ku unungino utangu ukatongeleko maswi a hina lilauluka . Chizechene , ukatonge ku ukundwulwilo wa lye hina lyatwama ku unungino wamuchachali . ⁵Ukatongele ku hina limwe makumi atano a maswi , utongele nawa makumi atanwo akwo a maswi ku ukundwilwilo wa lye hina liatwama ku unungino wamuchali . E maswi akalitalangane . ⁶Ukafule nawa makumi atoma a sepe ja oru ukasepeke nyi je sepe mahina hamuwika nyi tabernakulu yikapwe ye yimuwika lume .⁷Ukatunge mahina a uzangi wa pembe akapwe mbalaka helu lya ye tabernakulu . Ukatunge kumi lya mahina nyi hina limuwika . ⁸Usuhe wa hina limuwika ukapwe makumi atatu a mbandu , utohe wa hina limuwika ukapwe mbandu jiwana . Mahina eswe kumi nyi limuwika akapwe a cheseko chimuwika . ⁹Ukasepeke mahina atano ukawo mahina asambano ukawo . Ukazembule hina lyamuchisambano kulutwe lya mbalaka .¹⁰Ukatonge makumi atano a maswi ha ukundwilo wa lye hina lize lyatwama ku unungino , nyi makumi atano a maswi ha ukungwilo wa lye hina lize lyatwama ku unungino wachali . ¹¹Ukafule makumi atano a sepe ja unengu ukaswike je sepe ku maswi . Ukasepeke mbalaka hamuwika yikapwe yimuwika lume.¹²Mba hina mulizembuka , lya kulitulako lya kumahina a mbalaka chihanda chize cha hakachi cha hina kulitalako , chikazembukile kunyima ya tabernakulu . ¹³Mbandu yino ya hina ya kulumbu limwe , mba mbandu yikwo ya ku lumbu likwo ya ku hina lize mulitulako lya lya ku usuhe wa mahina ja mbalaka yikazembukile malumbu ja tabernakulu nyi lumbu lize mukuyifuka . ¹⁴Ukatonge chifuko cha mbalaka nyi malambu a kuji a mpanga a kulumba achila , mba helu lyacho chifuko cha malambu a yipanyundu .¹⁵Ukapule matabua a tabernakulu a mutondo wa mukesha nyi kwamika kachijilo . ¹⁶Usuhe wa tapwa nyi tapwa akapwe wa kumi lya mbandum , utohe wa lye tapwa nyi tapwa ukapwe wa mbandu yimuwika nyi chihanda cha hakachi . ¹⁷Ku tapwa nyi tapwa kukapwe michipo yaali tapwa nyi tapwa lya kutokeka hamuwika . Chocho ukapule matapwa eswe a tabernakulu . ¹⁸Ukapule matapwa a tabernakulu , ha lumbu lya ku sule makumi aali a matapwa .¹⁹Ukafule makumi awana a yimanyino ya palata ya kutwama kushi lya matapwa . Yimanyino yaali kushi lya tapwa limuwika ya kuwachisa michipo yalio , yimanyino yaali yikwo kushi lya tapwa likwo ya ya kukwachisa michipo yalio . ²⁰Ha lumbu lia muchali lya tabernakulu , te lumbu lya ku norte , makumi aali a matapwa ²¹hamwe nyi yimanyino yo ya palata makumi awana . Yimanyino yaali kushi lya tapwa limuwika , nyi himanyino yaali kushi lia tapwa likwo .²²Ukapwe nawa matapwa asambano ha lumbu lya kunyima lya tabernakulu lyatalikisa ku chitokelo . ²³Ukapule nawa matapwa aali a kusa ku mbango ja ku taberrnakulu kulumbu lya kunyima . ²⁴Kushi akapwe akutokeka ndusu , ndo kwilu akapwe a kutokeka hamuwika . Chocho chikapwe ha matapwa eswe nyi aali akapwe ha mbango jeswe nyi jiali . ²⁵Kukapwe matapwa nake , nyi yimanyino ya palata . Kumi lya himanyino nyi yinanyino yisambano , yimanyino yaali hikapwe kushi lya tapwa likwo , mba yimanyino yaali kushi lya tapwa likwo .²⁶Ukapule nawa njalo ja mutondo wa mukesha jitano ja matapwa a ku lumbu likwo lya tabernakulu , nyi njalo jitano ja matapwa a ku lumbu likwo lya tabernakulu , ²⁷nyi njalo jitano ja matapwa a ku lumbu lya tabernakulu lya kunyima lya talikisa ku chitokelo . ²⁸Njalo ya mukchi ya kujila ndusu hakachi ka matapwa , chize , ku songo limwe ndo ku songo likwo .²⁹Ukalamike oru ha matapwa , ukafule ngo jo ja oru ja kujishilamo je njalo , nyi je njalo nawa ukashilamikeho oru . ³⁰Ukamike ye tabernakulu nyikulita nyi cheseko chayo chize nakulwezele ha mulundu .³¹Ukatonge nawa chikalakala cha hina lilauluka , nyi lya ufungo , nyi lya ngengu , nyi lipema litoma , lya kwola nyi akerupimi , chitanga cha chilangaji . ³²Ukazezeleke lye hina ha manguji awana a mutondo wa mukesha a kulamika nyi oru . Akumana ha yimanyino yiwana ya palata ngo jo jikapwe ja oru . ³³ukazezeleke hina lya chikalakala ha je sepe , ukajise muchima lya chikalakala cha hina we mushete wa shindakenyo . Hanga che chikalakala cha hina chikahandunune hakachi ka muma musandu nyi muma musandu mwahiana .³⁴Ukangike chitwamo cha keke ha mushete wa shingakenyo , muma musandu mwahiana . ³⁵Ukatumbike ye mesa haze lya chikalakala cha hina . Chikwachilo cha ndeya chikalitalangane nyi ye mesa ha lumbu lya sule lya tabernakulu . Ukatumbike ye mesa ha lumbu lya ku norte .³⁶Ukatonge hina lya kufuka ku chikolo cha mbalaka . Lilauluka , nyi lia ufungo , nyi lya ngengu , nyi lipema litoma , lia milimo ya kwola . ³⁷Lye hina lyacho , ukalisongele manguji atano a mutondo wa mukesha ukalamike oru . Ngo jo jikapwe ja oru , ukazuzulwile yimanyino yitano ya unengu .

¹Ukalinge chilumbilo cha mutondo wa mukesha , usuhe wacho wa mbandu jitano nawa utohe mbandu jitano . Chilimbilo chikapwe ndwa nyi usuhe mbandu jitatu . ²Nukachitohese mbango jiwana ngwe mbinga ja ngombe . Je mbinga akajilinge ngwe chihanda cha chilumbilo , nawa ukachifuke nyi unengu .³Nukalinge yikwata ya chilumbilo : mandoho a uto , nyi chikasu , masahanyi , nguto ya misalo , nyi yikango . Yikashi yo yeswe yo ukayifule nyi unengu . ⁴Ukachifulile sambu ja unengu ja chilumbilo , kusepekanya cha unengu . Nukafula ngo ja unengu wa mbango jiwana .⁵Ukajinjise mwishi lya mukomo wa chilumbilo , jikapwile mukachi ka chilumbilo . ⁶Ukasonge mikambo ya chilumbilo mikanda ya mutondo wa mukesha , walamikeho unengu .⁷Ukanjise ye mikanda yacho mu ngo , mikambo yikapwe ha malumbu ja chilumbilo , ya kuchimbachila . ⁸Ukalinge chilumbilo cha chituwa , cha matapwa . Chizechene ngwe nakulwezele ha mulundu chocho akachisonge .⁹Ukatunga lwaza wa tambanakulu . Ku kapwe yakuzezeleka ku sango lya lwaza , a mahina akuzezeleka apema atoma . Akapwe a kulakaji lya mbandu . ¹⁰Manguji jayo akapwe makumi aali, yimanyino ya ya unengu makumi aali . Je ngo ja ku manguji nyi mikambo , yajo yikapwe ya pulata .¹¹Chizechene nawa , ku lumbu lya ku thoe , kukapwe mahina a kuzezeleka usuhe wo wa kulakaji lya mbandu , manguji jo te makumi aali , yimanyino yoya unengu makumi aali , je ngo ja ku manguji hamuwika nyi mikambo yeswe ya pulata . ¹²Mba ha utohe wa mwe lwaza ku lumbu lya kutalikisa ku chikolo kukapwe mahina a kuzezeleka a makumi atano a mbandu . Mangiji jo kumi yimanyino yo kumi . ¹³Mwe lwaza neny akapwe makumi atano a ndambu kusuha kutalikisa kuchivumbuko .¹⁴Mahina a kuzezeleka a ku lumbu limwe lya chikolo akapwe a kumi lya mbandu nyi mbandu jitano . Akapwe nyi manguji atathu nyi yimanyino itathu . ¹⁵Ku lumbu likwo kukapwe mahina a kuzezeleka a kumi lya mbandu nyi mbandu jitano . Akapwe nyi manguji atatu nyi yimanyino yitatu . ¹⁶Chikolo cha lwaza kukapwe hina lya kufukako lya makumi aali a mbandu . Hina likapwe lilauluka , nyi ufungo , nawa lya ngengu nyi lipema litoma , milimo ya mukwa kwola . Likapwe nyi manguji awana nyi yimanyino yiwana .¹⁷Manguji eswe a lwaza akapwa a kukolesa nyi mikambo ya pulata , ngo jo ja pulata nyi yimanyino yo ya unengu . ¹⁸Usuhe wa lwaza ukapwe wa kulakaji lya mbandu , utohe wayo ndusu ukapwe wa makumi atano , nyi chizundamo chayo cha mbandu jitano ja mahina apema atoma yimanyino yajo ya unengu . ¹⁹Yikashi yeswe yakuzachisa mu tambanakulu , nyi mbambo jeswe jayo nyi mbambo ja lwaza yeswe yikapwe ya unengu .²⁰Utumine A-Yizalele akakunehene maji a olive , apema a kusohola , a ndeya hanga yikatemuke matangwa eswe . ²¹Mu mbalaka ya chiwanyino , haze lya hina lize lya kuchikalakala cha tambanakulu mwatwama ya shimbi , Alone nyi anenyi amalunga akafunge ndeya yinakwata kulutwe lya Yehova , kuchiza chingoloshi ndo chimene . Chino muchikapwa shimbi ndusu ndo yisemuko ya A-Yizalele .

¹Ukakundame kuli yena yayenu Alone nyi ana jenyi a malunga hamwe nenyi - kwachiza kuli A- yizalele hanga ayo akangulingile usasendote - nyi Nandambe , nyi Ambihu , nyi Elieza , nyi Itama . ²Ukatongele yayenu Alone , mazalo asandu . Akapwe a ulemu nyi upeme kuli yiye . ³Ukahanjike nyi atu eswe akwete mana , waze hinazalisa nyui spilitu ya mana mumbunge , akatonge mazalo a Alone akamusele ku usandu hanga iye akangulingile milimo ya usasendote .⁴Mazalo matonga wano nyi chipwiko , nyi efode , nyi hina lya ngugu , nyi chikuto cha milimo ya kwola ya uhennya , nyi chitambala nyi muya wa ponda . Akatongele yayenu Alone nyi ana jenyi amalunga mazalo asandu hanga iye akangulingile usasendote . ⁵A chilangaji akazachisa hina litoma lya Oru , lilauluka , a ufungo , nyi a ngengu .⁶A kalinge ye efode ya Oru , ya hina lilauluka , nyi lya ufungo , nyi lya ngengu , nyi lipema litoma . Chikapwe chitanga cha chilangaji . ⁷Yikapwe ya yipaya yali ya kutokekenya ku masongo jo aali . ⁸Muya wa ponda wa ulanji ukapwe ngwe efonde ; ukapwe wa chihanda chimwiwuka nyi efonde , ikalitunge nyi hina lipema itoma lya Oru , lilauluka , nyi lya ufungo , nyi lya ngengu . ⁹Ukande nawa mawe aali a sardonica nawa ukoleho majina ja ana A - Yizalele .¹⁰Majina ja asambano akapwe ha liwe limuwika , mba majina ja asambano alisalako akapwe ha liwe likwo , nikulita nyi kusemuka cho . ¹¹Ukole e mawe aali nyi kulita nyi milimo ya mukwa kwola muliwe ngwe mola ha kazeya , nyi majina ja ana A - Yizalele . Ukajise mu maselo ja oru . ¹²Ukunangike e mawe aali ha yipaya ya ye efode , akapwe mawe a kwiulula Yehova ha ana ja A - Yizalele . Alone akambate majina jo kumeso ja Yehova ha yipaya yenyi yiali akapwe chiulwiso kuli yiye .¹³Ukafule maselo ja oru . ¹⁴Ukafule nawa malenge aali a oru ya kusayisa nyikwafula ngwe moihipu , ukanunge e malenge a kuhosa ha maselo .¹⁵Ukalinge chipwiko cha upatwilo , chitanga cha chilangaji , ukachilinge chakulifwa nyi ku efode . Cha oru , nyi cha hina lilauluka , nyi lya ufungo , nyi lya ngengu nyi lipema litoma . ¹⁶Chikapwe nyi ukundwilo uwana weswe wa usuhe umuwika ndwa . Cha kupama kaali utohe wacho wa chikambakamba chimuhika .¹⁷Ukajise mawe mu hituwa yacho mikala yiwana ya mawe . Mukala utangu wa mawe a sartiu , topasiu , nyi carbunkulu . ¹⁸Mukala wachali wa esneralda , nyi safwira , nyi diamante . ¹⁹Mukala wa muchitatu wa jasendu , nyi agata , nyi ametita . ²⁰Mukala wa muchiwana wa turkeza , nyi sardonica , nyi jasepe . Ukaasele mu maselo jo ya oru .²¹E mawe akalite nyi majina ja ana a Yizalele . Kumi lya mawe nyi mawe aali nyikulita nyi majina jo , ngwe kwola cha ha kazeya , vungu nyi vungu nyikulita nyi jina lialio akapwe a mavungu kumi nyi aali . ²²Ukafulile ha chipwiko malenge aali a oru ya kusayisa , ngwe mihipu ya kuhosa . ²³Ukafulile chipwiko ngo jiali ja oru nyikujisela ku masongo aali a chipwiko . ²⁴Ukajise malenge aali a oru a kuhosa mu ngo jiali jize jatwama ku masongo aali a chipwiko .²⁵Masongo aali akwo amalenge aali a kuhosa ukanji mu maselo aali . Mba hikwasa kuse kulutwe ha yipaya yiali ya ye efode . ²⁶Ukafule ngo jiali ja oru , ukajisele ku masongo aali a chipwiko , ha ukundwilo wacho wa muchima .²⁷Ukafule nawa ngo jiali ja oru , mba hikujisa kulutwe ha chihanda chezi cha kushi cha yipaya yali ya ya efode , kusulangana nyi unungino wayo helu lia we muya wa ponda wa ulangaji wa efode . ²⁸Akakashile che chipwiko ku ngo jacho nyi ku ngo ja efode nyi wanda ulauluka , hanga chikapwe ha muya ponda wa ulangaji wa ku efode . Hanga chikapwe kuchichi kukasuluka ku ye efode .²⁹Muze Alone manjila muma musandu , akambate majina ja aan amalunga A - Yizalele ha chipwiko cha ha mbunge yenyi ya upatwilo , yikapwe chiulwiso cha matangwa eswe kuli Yehova . ³⁰Ukase nawa mu chipwiko cha upatwilo Urimi nyi Tumimi , yikapwe hambunge ya Alone muze manjila kumeso ja Yehova . Alone akambate ha mbunge yenyi upatwilo wa A -Yizalele kumeso ja Yehova matangwa eswe .³¹Ukatonge hina lya ngu ngu lya efode lieswe lukombo lilauluka . ³²Likapwe nyi chituwa cha mutwe mukachi . Likapwe nyi lupula wa kuseleka wa kujinguluka che chituwa chalio ngwe chituwa cha kuchikuto cha utale hanga kulichi katanuka . Ukapwe mulimo wa mukwa kunuka .³³Ha lupula uli ku songo lialio , ukatongeleho romana jilauluka nyi ja ufungo , nyi ja ngengu kujinguluka . Ja kusowela nyi yiwolowolo ya oru ha kujimgilika lupula mweswe . ³⁴Kukapwe chiwolowolocha oru nyi romana , chiwolowolo cha oru nyi romana - ha lupula wa hina lia ngungu - ha kujingilika kweswe . ³⁵Mba Alone akalizale ha kuvumbika , hanga liji lyacho mulikahiohia muze manjila muma musandu kumeso ja Yehova nyi muze matuhuka . kuchina iye mafwa .³⁶Ukafule chepenya cha oru ya kusuyisa , ukoleho ngwe kwole cha ha kazeya ngwo , " musandu kuli Yehova ." ³⁷Ukachilamike ha kapwa nyi wanda ulauluka chipwe kulutwe lya mwe kapusa . ³⁸Chikapwe ha huma lia Alone ; shimbu yeswe akambate uhenya wuze muwupwa kumulambu wa yawana yisandu yize A - Yizalele makaisela ku usandu kuli Yehova yisandu . Chakapwe ha huma lienyi matangwa eswe hanga Yehova akatambule yawana yo .³⁹Ukatonge chikuto cha hina lipema litoma , ukatonge nawa kapusa nyi hina lipema litoma . Ukatonge muya wa ponda , milimo ya mukwa kwola .⁴⁰Ukatongele ana a malunga a Alone yikuto , ukatongele nawa miya ya ponda , nyi tupusa a ulemu nyi upeme . ⁴¹Ukajikeho yayenu Alone yayenu nyi ana jenyi a malunga . Ukawaahise nyi maji , ukaasele ku uvumbiko , ukaasele usandu kuli yami hanga ukangulingile usasendote .⁴²Ukatongele kaputula wa hina lipema litoma akafuke nenyi uselesele wa mijimba yo , yize muyikafuka chize ku mitanda akahete ndo ku shina lya kulu . ⁴³Alone nyi ana jenyi a malunga akamuzale muze majila mu mbalaka ya chikungulwila hanji muze makungama ku chilumbilo muma musandu . Akalinge chino hanga kanda apwa akwa milonga neka makafwa . Chino chiyulo chikapwe cha myaka ya mutolo kuli Alone nyi ana yenyi .

¹Ukalinge chilumbilo cha kwochelaho insensu. Ukachilinge cha mutondo wa mukesha. ²Usuhe wacho ukapwe wa mbandu umuwika, nyi utohe wacho ukapwe wa mbandu jimuwika. Malumbu eswe a ceseko chimuwika , chizunda mochacho chikapwe mbandu jaali. Mbinga yacho yikakwe ya mutondo umuwika.³Ukafuke chilumbilo cha insensu nyi Olu yakuyisa _ helu lyacho, nyi malumbu jacho nyi hakujikilika nyi mbinga jacho. Ukachifulile chipangula cha Olu ha kujingilika. ⁴Ukafulile ngo jaali ja Olu kushi lya chipangula chacho kumbango jaali jacho jikapwe ha mikambo jakumbachila.⁵Ukasonge mikambo ya mutondo wa mukesha, ukafuke nyi Olu. ⁶Ukase chilumbilo cha insensu kulutwe lya chikalakala cha hina chatwama kulutwe lya mushete wa shindakenyo. Chikapwe kulutwe lya chitwamo cha khekhe chize chili helu lya mushete wa shindakenyo, kuze mungukatakana nyi yena.⁷Alone akoche insensu ya lupembo lupema chimenemene ha chimenemene. Akoche muze malulikisa ndeya, ⁸Alone mawika ndeya nawa muchingoloshi chocho insensu akoche matangwa eswe kumeso ja Yehova ndusu yisemuko yenu. ⁹Alyoze kanda ukalambula insesu yeka nawa ha chilumbilo cha insesu, chipwe mulumbu wa kulumba, chipwe mulumbu wakulumba, chipwe mulumbu wa wunga. Kanda nukazujilaho mulambu nyi umwe wa kunwa.¹⁰Alone akatomese ha mbinga jacho kamuwika ha mwaka. Nyi manyinga a mulambu hashili akatomese kamuwika hamwaka ndusu kuyisemuko yenu. Kuchapwa chisandu chahyana kuli Yehova.¹¹Mba Yehova wambile kuli Mose, ngwenyi, ¹²" muze mwlula akwa Yizalele, mutu ha mutu akahane mulambu hamwono wenyi kuli Yehova. Ukalinge chino muze hiwalula, hanga kanda kukapwa chilungo hakachi ko muze muwalula. ¹³Eswe mapalika kuli waze hanalula akafwete chihanda cha hakachi cha shekele ya pulata, nyi kulita nyi kulema cha shekele ya muma musandu ( shekele chinalite nyi makumi aali a ngela ). Chino chihanda cha shekele muchipwa mulambu wa kuli Yehova. ¹⁴Mweswe yoze analula, chize kuli waze ali nyi myaka makumi aali nyi makulwana, anatela kuhana mulambu wuno kuli yami.¹⁵Muze atu mahana mulambu wuno kuli yami hanga atomese myono yo, pichi kanda ahana nyi kuhyana chihanda cha shekele, nawa yiswale kanda ahana yikehe. ¹⁶Ukatambule kuli akwa Yizalele mbongo ja kutomesa ukajise ku uvumbiko wa mbalaka ya chikungulwila. Chiwulwiso cha Yizalele kumeso ja yami, muku tomesa shili ja myono yenu".¹⁷Mba Yehova yamba kuli Mose ngwenyi, ¹⁸" Ukalinge nawa lumbasia wa unengu nyi chikwachilo cha unengu, lumbasia wa kusanyina. Ukase hakachi ka mbalaka ya chikungulwila nyi chilumbilo, mba ukasemo meya.¹⁹Alone nyi ana yenyi amalunga akasanyinemo ku mwoko nyi molu jo. ²⁰Muze maya mu mbalaka ya chikungulwila chipwe muze makundama ku chilumbilo mavumbika mukulumba nyi kahya mulambu, akasane nyi meya kuchina kanda afwa. ²¹Akasane moko nyi molu jo kuchina mafwa. Chino Chikapwe shimbi ya mutolo kuli Alone ndusu nyi kuli yisemoko yenyi.²²Mba Yehova yamba kuli Mose, ngwenyi, ²³" Mbata tumbuto tupema: twa mira ya kututunuka makulakaji atanu a shekele, nyi twa kanela muyema chihanda cha hakachi cha pesu te makulakaji aali a shekele nyi makumi atano a shekele, nyi twa kalamu muyema makulakaji aali a shekele nyi makumi atano a shekele, ²⁴nyi twa kasha makulakaji atano a shekele, yeswe nyi kulita nyi shekele ya muma musandu, nyi hine ya maji a azete. ²⁵Ukayichinge akapwe maji asandu akuwayisa hamuwika nyi yakusako yino, lupembo mupema wakuchinga kuli akwa ulamgaji. Yikapwe maji asandu akuwahisaho, nyi kungutulikila o.²⁶Ukawayise mbalaka nyi mai wano, hamuwika nyi mushete wa shindakenyo, ²⁷nyi mesa hamuwika nyi yikashi yacho, nyi chikwachilo cha ndeya hamwe nyi yikashi yacho, nyi chilumbilo cha insensu, ²⁸nyi chilumbilo cha milambu yakulumba nyi yikashi yacho, nyi mbalasia nyi nganda jacho.²⁹Ukayisele ku usandu kuli yami hanga yikapwe yisandu kuli yami. Cheswacho muchikwatako muchipwa chiusandu. ³⁰Ukawayise Alone nyi ana jenyi amalunga nawa ukasele ku usandu hanga akangulingile usasendote. ³¹Ukahajike kuli A - Yizalele, wano akapwe maji asandu akuwayisa kuli Yehova ndusu ku yisemoko ya atu jenu.³²Kanda ukalitwika ha mujimba wo, chipwe nikulita nyikuchinga cho kanda akachinga maji ngwe wano, mumu kapwa asandu kuli Yehova. Nukaafunge nyi kulita nyi jila yino. ³³Mweswawo malinga maji ngwe wano, chipwe mweswawo masa maji wano hali umwe, yono mutu akamuteteho hakachi ka atu jenyi."'³⁴Yehova yamba kuli Mose, " Anda tumbuto tuyema twa lupembo muyema - estonake, nyi onecha, nyi ngalambanu - tumbuto tuyema twalupembo mupema hamuwika libanu yitoma, tumbuto tweswe tukapwe nyi pezu imuwika. ³⁵Ukayichinge yikapwe insensu, kuyichinga nyi mukwa ulangaji, yilingiwe nyi mungwa utoma nawa yisandu. ³⁶Ukatwe yimwe yikapwe yawunga wunga. Ukase chihanda chimuwika kulutwe lya mushete wa shindakenyo, yoze uli mu mbalaka ya chikungulwila, kuze mungukatakana nyi yenu. Yikapwe yisandu yahyana kuli yenu.³⁷Mba insensu yize munulinga, kanda mulilingila nyiimwe mujila yimuwika. Yikapwe yisandu yahyana kuli yenu. ³⁸Mweswawo machinga yimwe ya kulifwa nayo mukuyipanjika lupembo akamutele hakachi ka atu jenyi. "

¹Mba Yehova yamba kuli Mose ngwenyi, ²" tala, hinatambika umwe kujina lyenyi Mbazalele mwana wa Uli mwana wa Hule, kukatuka kuvungu lya yunda.³Hinamuzalisa Mbazalele nyi Shipilitu yami, hanga yikamwehe mana, malinjekela, nyi yinyingi, nyi ulangaji weka, ⁴nyi kulinga milimo ya ulangaji nyi kulinga mulimo mu Olu, nyi Palata, nyi Unengu; ⁵nawa nyi kutota mawe nyi kuasa muyituwo yo nyi mukwola hamitondo - nyi kulinga ulangaji weswe.⁶Yami hinamusela hamwe nenyi, Oholyambe mwana wa Ahisamake yose hinatongola, kukatuka ku vungu lya Ndane. Hinasa mana mu mbunge ya waze eswe akosa mana hanga akalinge yeswe nakwambile. Yuma hino ⁷mbalaka ya chikungulwila, mushete wa shindakenyo, nyi chifuko chiliho helu lya mushete, nyi yikashi yeswe yamu mbalaka - ⁸nyi mesa hamwe nyi yikashi yayo, nyi chikwachilo cha ndeya cha Olu yakusayisa hamwe nyi yikashi yayo, nyi chilumbilo cha insensu, ⁹nyi chilumbilo cha milambu yakulumba hamwe nyi yakashi yayo, nyi lumbasia nyi nganda yalwo.¹⁰Hamwe nyi mazalo a kutonga nyi ulangaji - mazalo asandu ja Alone mwe sasendote nyi ana jenyi amalunga, akangulingile no usasendote. ¹¹Hamuwika nyi maji akuwayisa nyi insensu ya lupembo mupema ya muma musandu. Wano alanaaji akalinge yuma yeswe yino ngwe chizechene nakulwezele."¹²Mba Yehova yamba kuli Mose ngwenyi, ¹³" Amba kuli akwa Yizalele: ' chamwenemwene nukafunge matangwa a sambata ja Yehova, mumu kuchapwa chilayi hakachi kenu nyi yiye ndusu ku yisemuko yenu yeswe hanga nu nyingike ngwo iye mwe Yehova, ka kutusela ku usandu. ¹⁴Chocho nukafunge sambata, mumu kuyapwa yisandu kuli yenu, hana yisela kuli iye. Yoze mweswe kechi kuyilemesa yiye a kamushihe. Mweswawo malinga milimo ha sambata, yoze mutu aka mutete ha kachi ka atu jenyi. ¹⁵Mulimo akawulinge ha matangwa asambano, alyoze tangwa lya muchishimbyaali likapwe sambata ya uhwimino, lisandu kumeso ja Yehova. Mweswawo malinga milimo ha tangwa lya sambata akamushihe lume.¹⁶Keshika akwa Yizalele akafunge ye sambata. Mukuyisela ndusu nyi kuyisemoko yo chikapwe usendo wa mutolo. ¹⁷Ye sambata kuchapwa chilayi hakachi ka Yehova nyi akwa Yizalele, mumu mu matangwa asambano Yehova watengela malilu nyi hashi, nyi hatangwa lya muchi shibyaali ya hwima nawa yasanguluka.¹⁸Muze Zambi ya hwisa kuhajika kuli Mose ha mulundu wa Sinai, yahana mikanda yaali ya shindakenyo, mikanda ayilingile nyi mawe, ya kusoneka nyi munwe wa Zambi.

¹Muze atu hamona ngwo mose hanashimbula kwiza kushikumuka kumu lundu, yalikungulula kuli Alone yamba ngwo, " tweya, tulingile Zambi yoze matusongela. Mumu hayono Mose, mutu watuchijile muchifuchi cha Engitu, kutwanyingikine chalingiwa kuli iye. " ²Mba Alone wambile kuli ayo, "Zulenu ingelyengelye ya Olu yili kumatwi ja mapwo jienu, nyi kumatwi ja ana jienu ama lunga nyi ana amapwo, nyi kwineha kuli yami."³Atu eswe azulile ingelyengelye yo ya Olu yapwile kumatwi jo nyi kuyineha kuli Alone. ⁴Watambwile Olu kumwoko jo nyi kwisangununa nyi kahia mba matunga chi zambi ngwe chipembe cha kuji. O yamba ngwo " yino yeyi zamba yenu, Yizalele, wanu chijile muchifuchi cha Engitu."⁵Muze Alone wamwene chino, watungile chilumbilo kulutwe lya ngombe nyi kusa mutambi; yamba ngwenyi, " Hamene mutukalinga chiwanyino cha kulemesa Yehova." ⁶Atu akatukile chimenemene tangwa lya kaulaho nyi kulambula mulambu wa kwocha nawa anehene milambu yakulikungulula. Mba o atwamine hashi nyi kulya nyi kunwa, mba yakatuka yaneha zungo lya kukina.⁷Mba Yehova yamba kuli Mose, " yako kawashi ku atu jie, waze wachijile mu chifuchi cha Engitu, halinga chipi ene, ⁸O hafuma washi mujila muze nalwezele. O hatunga chihamba chalifwa ngombe nyi kumu wayila nyi kumukombelela. Yamba ngwo, ' wano ema zambi jienu, Yizalele, wanuchijile mu chifuchi cha Engitu.⁹Mba Yehova yamba kuli Mose, "ngunanyingika wano atu. Tala, kala atu akukaluwa mbunge. ¹⁰Halyapwila nawa, kanda weseka kungwechesa. Wuli wami muwashaha, chocho mungu enyeka. Mba mungu pwisa vungu linene muli yena. ¹¹Alyoze mose wesekele kulembejieka Yehova Zambi yenyi. Wambile ngwenyi, " Yehova, kuchi mwivwila ufwatulo nyi kwocha atu jie, waze wachijile muchifuchi cha Engitu ku tachi nyi ngolo jia moko jie.¹²Yika A - Engitu mamba ngwo, ' watuhwishile nyi malinjiekela api, kwashihila mumilundu nyi kuenyeka kumeso lya chifuchi?' Echa kama ufwatulo we wa lumune chino cha upatwilo kuli atu jie. ¹³Yiwuluka kama Apalahama, nyi Isake nyi Yizalele, tu vumbi twe, kuli ayo walishingile kuli yena mwene nyi kwamba kuli ayo, ' mungukanupwisa mavungu aji ngwe tutongonoshi twa mwilu, mba mukukaha chifuchi chize nambile kumavungu jienu. Makaswenamo myaka yeswe. ''' ¹⁴Mba Yehova yalumuna upatwilo wuze ambile ngwo makasa lupindo hali atu jienyi.¹⁵Mba Mose walumukine nyi kuhulumuka hashi lya mulundu, yambata mawe aali a shimbi ja usendo mukoko lyenyi. Mawe akusoneka sali nyi sali, ku eswe kulutwe nyi kunyima. ¹⁶Mawe apwile kuzata cha mwene Zambi, nyi kusonewa mwene Zambi wasonekene, watotele ha mawe.¹⁷Muze Yoshuwa wevwile zungo lya atu muze makalumuka, wambile kuli Mose ngwenyi, " muli zungo lya jita mu mbalaka." ¹⁸Alyoze Mose yamba ngwenyi hizungo ko lya mukwa kukumba, nawa hizungoko atu akumba, alyoze zungo lya myaso ngunevu."¹⁹Muze Mose hakundama ku musumba, wamwene ngombe nyi atu kanakinyi. Wevwile utenu kuhyana. Wambilile mawe kufuma mu kwoko lyenyi no yapalwoka mwishi lya mulundu. ²⁰Mba yanda ngombe yoze atu alingile, yamocha, yamufwenya ifwenyu fwenyu nyi kuyimwangina mu meya. Mba ya nwisa A - Yizalele meya waze.²¹Mba Mose wambile kuli Alone ngwenyi, " Yika yize ano atu alinganga kuli yena, nyi kwanehena yino shili inene?" ²²Alone yamba ngwenyi, " kanda ungutenukina, mwata wami. Unanyingika ano atu kakulihana hakulinga yipi. ²³Yangwamba ngwo, 'tulingile zambi yoze matutetekela. Mumu ha yono Mose, mutu watutuhwishile mu chifuchi cha Engitu, kutwanyingikine chize chamu lingikina.' ²⁴Mba yingwamba kuli ayo, " mweswawo uli nyi Olu, ayizule.' yangunehena Olu yinguyisa mukahya, mba himukatuka yono ngombe."²⁵Mose yamona chize atu machinyina mu yambu ( mumu Alone hatayijisa kuli lingila, kunehenena akwakole kwasaula ). ²⁶Mba Mose yamana hachikolo cha musumba nyi kwamba ngwenyi, " yoze uli kusali lya Yehova, eze kuli yami." Eswe Alevi amukungulukile. ²⁷Yamba kuli ayo ngwenyi, " Yehova, Zambi wa A - Yizalele, kamba ngwenyi: ' mutu mweswe aswelele mukwale wenyi nyi kuhiluka nyi kupalyeka chikolo nyi chikolo cha musumba weswe, ashihe ndumbwenyi walunga, nyi masepa jienyi nyi enyembo jienyi.'''²⁸Alevi yalinga ngwe chize Mose ambile. Lize tangwa kweseka nyi tununu atatu atu yafwa. ²⁹Mose yamba kuli Alevi ngwenyi, " Musono uno hanukujika ku milimo ya Yehova, chila umwe halituna nyi mwanenyi wa lunga nyi ndumbwenyi wa lunga, mba Yehova manuwahisa lya musono.³⁰Tangwa lya kawulaho, Mose yambila atu ngwenyi, " kunwavulumuna ku hyana. Halyapwila kanakanduka kuli Yehova. Haji mungu tela kulinga hatomesa cha shili jienyi." ³¹Mose yahiluka kuli Yehova nyi kwamba ngwenyi, " Aa, ano atu havulumuna kuhiana nawa hatenga hamba wa Olu. ³²Alyoze halyapwila, akonekene kama shili jo; alyoze nyi kuusolo, jimuna jina lyami mumukanda uze hunasoneka."³³Yehova yamba kuli Mose, mweswawo wanguvulumunanga, yono mutu mungu mujimuna mumukanda wami. ³⁴Halyapwila nawa yako, utwale atu kuchihela chize nakulwezele. Tala, mungelo wami makutetekela. Alyoze hatangwa lize mukapatwila milonga yo, mukapatwila ha shili jo." ³⁵Yehova yatuma lamba hali atu mumu yalinga ngombe, yoze Alone alingile.

¹Yehova yamba kuli Mose ngwenyi , " tota mawe aali akulifwa nyi atangu . Nyiyami mungusonekaha maliji waze apwile ha mawe atatu , aze apalwile . ²Ulilulyeke hakucha chimene nyi kukanduka mulundun Shinai , nyi kulisololako kuze yenamwene kuli yami helu lya mulundu .³Kwakuhi mutu yoze makakanduka hamwe nyi yenu , kanda akasoloka nyiumwe sali lyeswalyo lya mulundu . Chipwe mapanga chipwe ngombe kanda akalila kulutwe lya mulundu . ⁴Iye Mose ya tota mawe aali akulifwa nyi atangu , nawa yahinduka muze hikwacha chimenemene nyi kukanduka mulundu wa Shinai , chizechene Yehova wamwambile . Mose yambata mawe mu mokwo jienyi .⁵Yehova yeza hashi mulelwa nawa yamana nyi Mose , nyi kwambulula jina " Yehova ." ⁶Yehova yapalika halutwe lyenyi nyi kwambulula ngwenyi " yehova , Yehova , Zambi mukwa keke nawa mukwa vumbi , keshi kupihilila washi , wakulumbama nyi atu wa zango nyi umwenemwene , ⁷kakufunga atu a zango hali tununu , kukonekena uhenge , uvulumunyi , nyi shili . Alyoze keshi kuwahisa nyiumwe yoze wa uhenge .Kumakafwetesa uhenge wa akwa kutota hali ana jo nyi hali ajikulu jo , hachisemuko chamuchitatu nyi chamuchiwana . "⁸Mose kawashi washi yehetama hashi nyikuwayila . ⁹Mba yamba ngwenyi , "halyapwila hinawana vumbi kumeso jienu , Mwene wami , ngunanulembe yenu hakachi ketu , mumu wano atu kapwa akwa pami . Nutukonekene uhenge nyi shili jietu , hanga tukapwe chihinga chenu ."¹⁰Yehova yamba ngwenyi , " tala , nguna kolesa usendo . Kumeso ja atu je eswe, mungulinga yikomweso yize kanda achiyilingaho kama hashi , chipwe hakachi ka vungu nyilimwe . Atu eswe hakachi kenu kumakamona chitanga chami , mumu chize mungu kalinga nyi yena muchikapwa chakuvwisa woma . ¹¹Ononoka kuchize kunakwambe musono . Himunguhuma mu chifuchi kumeso ja A - Amote , A - Knana , A - Hete , A - Peteze , A - Hevwe , nyi akwa Yepushe .¹²Ukanyama kanda ukakwata usendo nyi akwa chifuchi kuze mukaya , kuchina mukapwa kambwila hakachi kenu . ¹³Alyoze , ukapuzole yilumbilo yo ukapalwole yipiji ya mawe ja tuponya two , nyi kuteta Ashela yo . ¹⁴Kanda ukawayila tuzambi tweka , mumu Yehova , iye jina lyenyi ukwa , iye Zambi mukwa ukwa .¹⁵Chenacho kanyama kuchina mukwata usendo nyi akwa chifuchi chize , mumu kakulinga utaji nyi tuzambi two , nyi kuhana milambu ku tuzambi two yitapo . Mba umwe hali aayo makanutambika nyi kulya kuchitapo chenyi , ¹⁶nawa kuchina mukambachisa amwe ana jenyi amapwo kuli ana jenyi amalunga , nyi ana jenyi amapwo mukalinga utaji nyi tuzambi two , mba ana jenyi analunga kuya alinge utaji nyi tuzambi two . ¹⁷Kanda ukalingila yena mwene tuzambi nyitumwe twakuzuzuluka .¹⁸Unatela kufunga chiwanyi cha mbolo kuyishi futumwiso . Ngwe chize nakwambile , unatela kulya mbolo kwakuhona futumwiso ha matangwa shimbiali hawola yacho ha kakweji ka Ambimbi , wakatukile ku Engitu .¹⁹Ana atangu eswe hanyima , yimuna yeswe yitangu kusemuka ngombe , chipwe mapanga . ²⁰Unatela ku kula mwana mutangu wa chimbulu nyi panga , alyoze nyi kuwamulajile , unatela kumumakuna kota . Unatela kukula ana je amalunga atangu kusemuka . Nyiumwe kanda akasoloka kunyi meso jami mokwa .²¹Unahase kuzata hamatangwa asambano , alyoze hatangwa lya muchishimbiali unatela kuhwima . chipwe ha mwaka waku chipanyi hamwaka wa kucha , unatela kuhwima . ²²Unatela kufunga chiwanyino cha masemana nyi kulyanga kulya cha tiliku yitangu kucha , nawa unatela kufunga chiwanyino cha kukungila mbuto ha kuhwa cha mwaka .²³Mwaka ha mwaka katatu malunga eswe akasoloke kumeso ja Mwene Yehova , Zambi ya A- yizalele . ²⁴Mumu mungukahuma mu chifuchi mavungu ku meso jie nyi kutohwesa njiza jie . Nyiumwe mutu kechi kazanga chipatwilo che wakunyi muze makanduka ukasoloke kumeso jia Yehova Zambi ye mwaka ha mwaka yisuho yitatu .²⁵Kanda ukalambula manyinga a chitapo chami hamwe nyi mbolo yafutunwiso , chipwe kuhichika cha kuchiwanyino chachi zamboka kanda uka chihichika ndo hakucha chimene . ²⁶Unatela kuneha mbuto yitangu yakulyanga kuhya ya muminda ye ukayitwale mu zuwo lye . Kanda ukateleka mwana pembe mukepe mu yamwa ya naye ."²⁷Yehova yamba kuli Mose ngwenyi , " soneka hashi wano maliji , mumu nyikulita nyi maliji wano hingunakolesa usendo nyi yena nyi A - Yizalele ." ²⁸Mose wapwile kuze hamwe nyi Yehova ha matangwa makumi awana amwalwa nyi ufuku ; kakalile ya kulya yeswayo chipwe kunwa meya . Yasoneka hamwe maliji a usendo , lye kumi lya shimbi .²⁹Muze Mose hapalumuka ku mulundu wa Shinai nyi mawe aali a usendo mukwokwo lyenyi , kanyingikine chikwowa cha ku meso jienyi chinatumuka mumu hakuhajika nyi Zambi . ³⁰Muze Alone nyi A- Yizalele eswe amwene Mose , chikowa chaku meso jienyi chinatemuka , nawa yevwa woma wakumukundama . ³¹Alyoze Mose yatambika eswe , nyi Alone nyi myiata eswe akuchikungulwila yeza kuli iye . Mose yahajika nwo .³²Kulutwe lya chino , atu eswe jia A - Yizalele yeza kuli Mose , nawa ya lweza shimbi jieswe Yehova wamuhele ha mulundu wa Shinai . ³³Muze Mose hahwisa kuhajika nwo , yalifuka nyi wanda kumeso jienyi .³⁴Alyoze muze Mose ajilile kumeso jia Yehova mukuhajika nenyi , yachiza wanda , ndo iye hatuhuka . Muze hatuhuka , yahajika nyi A - Yizalele yeswe yize hamwamba . ³⁵Muze A- Yizalele amwene ha meso jia Mose hanatemuka , iye yalifuka nyi wanda hameso nawa ndo muze wahilukile nyi kujila nyiku hajika nyi Yehova .

¹Mose yakungulula mbunga ya A-Yizalele yamba kuli ayo ngwenyi , " Yino ye yuma ize Yehova hamba hanga nukailinge . ²Hamatangwa asambano nuka linge milimo , alyoze kuli yenu , tangwa lyamuchishimbyali mulikapwa lisandu , sambata tangwa lya kuhwima , lisandu kuli Yehova . Mweswawo makalinga mulimo hatangwa lize nuka mushihe . ³Kanda nukawika kahya nyikamwe muma zuwo jenu hatangwa lya sambata . "⁴Mose yahanjika ku mbunga jeswe ya A-Yizalele , ngwenyi , " Che chuma chino Yehova hamba . ⁵Hana mulambu kuli Yehova , mweswawo uli nyi mbunge ya yakuta . A kanehe we mulambu kuli Yehova wa olu , palata , unengu , ⁶nyi mahina alauluka , ufungo , nyi angengu , nyi linyu lipema ; nyi uzangi wa pembe ; ⁷nyi malambu a kuji a mapanga a kulomba achila nyi malambu a yipanyundu ; nyi mitondo ya mukesha ; ⁸maji a ndeya , tumbuto twa lupembo mupema twa maji a kuwahisa no twa isensu , ⁹mawe a sandunyika nyi mawe akwo akalamike efonde nyi ha chipwiko .¹⁰Chilangaji mweswe mukwa mbunge ya mana eze akalinge yeswe ize Yehova hamba - ¹¹Ye tambanakulu nyi mbalaka yayo , chifuko chayo , nyi sepe jayo , manguji jayo , nyi yimanyino yayo ; ¹²nyi mushete nyi mikambo yawo , nyi chifukilo cha ukukilo , nyi hina lyachikalakala .¹³Yaneha mesa nyi mikambo yayo , hamuwika nyi yikishi yayo yeswe , nyi mbolo ja kutumbyeka ; ¹⁴nyi chikwachilo cha ndeya yakuhana pangu , nyi yikashi yacho , nyi ndeya jacho , nyi maji a ndeya . ¹⁵Chilumbilo cha insensu nyi mikambo yacho nyi maji a kuwayisa no nyi insensu ; ya lupembo mupema nyi hina lya kufuka ku chikolo cha tambanakulu ; ¹⁶nyi chilumbilo cha milambu yakulumba hamuwika nyi sambu jacho ja unengu ; nyi mikambo yacho , nyi yikishi yeswe yacho nyi lumbashiya lwakusanyina nyi nganda yalwo .¹⁷Yaneha mahina ku chikolo cha mbalaka nyi manguji nyi yimanyino , nyi mahina a kufuka ku chikolo ; ¹⁸nyi mbambo ja ku tambanakulu nyi chipango hamuwika nyi mihipu ya jo . ¹⁹Yaneha nyi yizalo yakutonga nyi langaji wa ku zachila no mu fwashi yisandu , yizalo yisandu ya Alone sasendote nyi ana jenyi a malunga , nyi ayo akazate ngwe asasendote ."²⁰Minyachi yeswe ya Izalele yakatuka kumeso ja Mose . ²¹Mba mutu mweswe yoze mbunge yenyi yazangile Shipilitu yenyi yatayijile yaya nawa yatwala mulambu kuli Yehova yikapwe ya milimo ya ku mbalaka , yeswe yivumbiko yayo yeswe , nyi yizalilo yayo yisandu . ²²Yeza eswe ali lunga nyi pwo , eswe apwile nyi mbunge ja kutaa. Yaneha mikosa , yingelengele , tuzeya , nyi yijingo , nyi upite weswe wa olu . Ayo eswe yaneha milambu ya olu kuli Yehova .²³Mutu mweswe wapwile nyi mahina alauluka , a ufungo , chipwe ngengu , lingu lipepema , uzangi wa pembe , malambu a pangungu wa kuji a kulomba achila , chipwe malambu a yipanyundu yatwala . ²⁴Mutu mweswe yoze walambwile mulambuwa palata chipwewa unengu watwalile mulambu wa Yehova , nawa mutu mweswe wapwile nyi mitondo ya mukesha wayitwalile yikapwe yamilimo yeswayo .²⁵Mapwo eswe a mbunge ja mana ya tunga nyi mokwo jo nyi ku twala yize atunga te mahina alauluka , a ufungo , chipwe angengu , chipwe a linyu lipema . ²⁶Mapwo eswe waze mbunge jo jazangile nyi japwile nyi mana a tungile uzangi wa pembe .²⁷Makulwana yatwala mawe a sandonyika nyi mawe akwo aka lamike ha efonde nyi ha chipwiko ; ²⁸yaneha mbuto ya lupembo mupema nyi maji a ndeya , nyi maji akuliwayisa nwo , nyi a insensu ya lupembo mupema . ²⁹A-Yizalele yatwala mulambu , kuli Yehova ; lunga mweswe nyi pwo mweswe mbunge jo jatayile mukutwala milimo yeswe yize ambile Yehova akayilinge kupalikila muli Mose .³⁰Mose wambile kuli A-Yizalele ngwenyi , " Talenu Yehova hanatambika ha jina lyenyi Mbezalele mwana wa Uli mwana wa Hule , kumunyachi wa Yunda . ³¹Aye hazalisa Mbezalele nyi Shipilitu wakumwaha mana , malinjekela , nyi yinyingi , wa ulangaji weka nyi weka . ³²Mukutomba milimo ya ulangaji nyi milimo ya olu , nyi palata , nyi ya unengu ; ³³nyi kuteta nyi mawe akunjisa mu yituwa yamitondo - mukulunga milimo yeswe yaulangaji walihichika .³⁴Aye hayisa mumbunge yenyi akalongese , eswe ali Aholyambe mwana wa Ahisamake wa ku vungu lya Ndane . ³⁵Hanazalisa wano nyi mana eswe akulinga milimo yeswe , ku zata nyi ulangaji , ngwe mukwakola hamawe , nyi wachilangaji wakwola hamawe alauluka , nyi aufungo , nyi angengu nyi a linyu lipema , nyi mukwa kuseleka . Apwile akwa ulangaji mwishinganyeka yamilimo , nyi akwa kutomba milimo .

¹Mba Mbezalele nyi Aholyambe kumakalinga ye milimo muthu mweswe uli nyi mbunge yamana ya mana muli waze Yehova te hanase mana nyi yinyingi akanyingike chize malinga milimo yeka nyi yeka uvumbiko wa muma musandu nyi kulita nyi yeswe Yehova te hamba . "²Mose yasanyika Mbezalele , Aholyambe nyi akwa mana eswe waze mu mbunge jo Yehova te hanasemo mana , nawa atu eswe waze mbunge jo jazangile akeze ku ye milimo . ³Yatambula kuli Mose milambu yeswe yize akwa Izalele haneha ya milimo yeswe yauvumbiko ya muma isandu . Athu ya twalilila kuneha milambu chimene ha chimene kuli Mose . ⁴Athu eswe akwa mana azachile milimo yeswe ya muma musandu yakathuka athu eswe mulimo yize azachile .⁵Akwakutanga yamba kuli Mose ngwo , " Yize athu ananehaneha yoka naye ha milimo yize ambile Yehova tukayizateb . " ⁶Chenacho Mose yalweza ngwenyi kwakuhi nyi umwe yoze maneha milambu ya mulimo ya muma musandu . Athu yalitwamina kuneha milambu . ⁷Yuma yize apwile nayo yamilimo yapwile yinji .⁸Akwakutanga eswe hakachi kwo waze alingile ye milimo yakuthunga ye tabanakulu ya kumi lya mahina a linyu lipema nyi alauluka , nyi aufungo , nyi ngengu chitangu cha akelupimi . Ayi ye milimo yakwa kutanga . ⁹Usuhe wa machina wapwile wa makumi ali nyi nake , utohe wamahina mbandu jiwana . Mahina eswe yalita ndwa . ¹⁰Mbezalele yatakanyisa atano mahina limwe nyi likwo , nawa nyi akwo atano mahina nyayo yatakanyisa limwe nyi likwo .¹¹Yatonga maswi a hina lilauluka lyasongo lya hina limwe , nawa chizechene atongelele ku songo lya hina likwo lize lili ku songo lyamuchali . ¹²Yatongela ha hina limwe makumi atano a maswi makumi atano akwo yatongela ha ukundwilo wa songo lyamuchali . Chenacho maswi yalitalangana umwe nyi mukwo . ¹³Yafula makumi atano a sepe ja olu yatakanyisa mahina limwe nyi likwo hamuwika chocho ye tabanakulu yiyipwa yimuwika .¹⁴Mbezalele yatunga mahina a uzangi wa pembe akapwe mbalaka helu lya tabanakulu ; yatunga kumi lya mahina nyi hina limuwika . ¹⁵Usuhe wa mahina limuwika nyi limuwika wapwile wamakumi atathu , utohe wa mahina eswe limuwika nyi limuwika wapwile wa mbandu jiwana . Mahina eswe kumi nyi limuwika yalita ndwa . ¹⁶Yatakanyisa mahina atano akwo nyi mahina asambano akwo . ¹⁷Yatongela ha songo lya hina lize lili ku songo makumi atano a maswi mba makumi atano a maswi akwo yatakanyisa hasongo lya lize lili ku songo lya muchali .¹⁸Mbazalele iye yafula makumi atano a sepe ja unengu ja kutakanyisa jo ye tabanakulu yikapwe yimuwika . ¹⁹Iye watengele tabanakulu chifuko cha mbalaka cha malambu a kuji a mapanga a kulomba achila , chikwo nyi chifuko cha malambu a yipanyundu helu .²⁰Mbezalele yapula matapwa a tabanakulu a kumutondo wa mukesha aze akumona kachinjolo . ²¹Usuhe wa tapwa lyeswe wapwile wa kumi lya mbandu , utohe wa tapwa lyeswe wapwile wa mbandu yimuwika nyi chihanda cha hakachi . ²²Tapwa lyeswe lyapwile nyi michipo yali lya kuwanyisa hamuwika . Chocho chalingile matapwa eswe a tabanakulu . ²³Yapula ematapwa muli yino jila : makumi aali a matapwa ha lumbu lya ku sule .²⁴Mbazalele yafula makumi awana a yimanyino yali ya palata kushi lya matapwa makumi aali . Yimanyino yali kushi lya matapwa eswe a kukwachisa michipo yali hamuwika , nyi yino yali kushi lya matapwa eswe aali yaitakanyisa hamuwika . ²⁵Mba ha lumbu lya muchali lya tabanakulu , lya sali lya ku wuto , iye yapula nawa makumi aali a matapwa . ²⁶Yafula yimanyino yo ya palata makumi awana . Yimanyino yali kushi lya tapwa yitangu , nyi yimanyino yali kushi lya tapwa lyamuchali , nyi ikwo nawa .²⁷Yapula matapwa asambano a lumbu lya kunyima ya tabanakulu yakutalikisa ku chitokelo , Mbazalele yapula matapwa thusambano . ²⁸Yapula matapwa ali a kusa ku mbango ya tabanakulu ya ku nyima .²⁹Yino yapwile yakutokeka kushi , chizechene ndo kwilu nawa apwile a kutokeka hamuwika . Chocho chalingile iye nyi matapwa eswe aali ku mbango jeswe jali . ³⁰Kwapwile matapwa nake nyi yimanyino , ,hamuwika nyi yimanyino ya palata . Yimanyino yeswe yapwile kumi nyi yisambano , yimanyino yali kushi lya tapwa litangu , yimanyino yali nawa ku tapwa lya muchali nyi ikwo nawa .³¹Mbazalele yapula njalo ja mutondo wa mukesha - njalo jitano ja matapwa a ku lumbu limuwika tabanakulu . ³²Jitano ja matapw a ku lumbu likwo lya tabanakulu , nyi njalo jitano ja matapwa a ku lumbu lya kunyima lya kuatalikisa ku chitokelo . ³³Iye yanjisa njalo mukachi ka matapwa ndusu , chenacho , chize ku songo limuwika , ndo kusongo likwo . ³⁴Yalamika olu ha matapwa . Yafula nguji ja olu , mwakunjishila je njalo , yalamika olu ha njalo .³⁵Mbezaelele yatunga chikalakala cha hina lilauluka , ufungo , nyi lya ngengu , nyi lya linyu lipema , cha kwola nyi akelupimi chitanga cha mwe chilangaji . ³⁶Yachisongela manguji a wana a mutondo wa mukesha , yafukaho olu . Nguji ja pwile ja olu , yazuzulwila yimanyino yiwana ya palata .³⁷Yatonga hina lya kufuka ku chikolo cha mbalaka . Lya hina lilauluka , ufunga , nyi lya ngengu , kuzachisa linyu lipema , chitanga cha mukwa kwola . ³⁸Nyi manguji jayo atano hamuwika nyi ngo jo . Yafuka olu hamasongo jo nyi ha mikambo yo nawa . Yimanyino yo yitano yapwile ya unengu .

¹Mbezale yasonga we mushete wa mutondo wa mukesha . Usuhe wawo wa mbandu jiali nyi chihanda chahanda cha hakachi ; utohe wawo wa mbandu yimuwika nyi chihanda cha hakachi ; chizundamo chawo cha mbandu yimuwika nyi chihanda cha hakachi . ²Yalamikaho oru ya kusayisa nyi muchima nyi haze yaufulila chipangula cha oru cha kujingilika kweswe . ³Yauzuzulwila ngo jiwana ja oru ku molu jawo awana , te ngo jiali ku lumbu likwo lyawo , nyi ngo jiali ku lumu likwo lyalwo .⁴Yasonga mikambo ya mutondo wa mukesha nyi yalifuka nyi oru . ⁵Yasa ye mikambo mu ngo ku malumbu ja mushete kusali , ya kumbachila we mushete . ⁶Yasonga nawa chitwamo cha keke cha olu . Usuhe wacho wa mbandu jiali nyi chihanda cha hakachi , nyi utohe wacho wa mbandu yimuwika nyi chihanda cha hakachi .⁷Mbazalele yafula akelupemi aali a milimo ya kutatula aafulile ku masongo eswe aali a ku chitwamo cha keke . ⁸Kelupimi umuwika ku songo likwo , nyi kelupimi mukwo ku songo likwo . Yafula e akelupimi ku chishindi chimuwika nyi chitwamo cha keke kwe ku masongo eswe aali jacho . ⁹Akelupemi yazazulula mapulwa jo kwilu nyi kunongamina ku chitwamo cha keke kuli ayo . A kelupima yalitala a meso jo umwe kuli mukwo nyi kutala kulutwe cha hakachi cha chitwamo cha keke .¹⁰Mbazalalele yasonga ye meso ya mutondo wa mukesha . Nyi usehe wacho wa mbandu jiali , nyi utohe wacho wa mbandu yimuwika , nyi chizundamo chayo cha mbandu yimuwika nyi nyi chihanda . ¹¹Iye yafuka nyi olu yitoma nyi kusangisa ya olu yittoma nyi kujingilika kweswe kwilu . ¹²Yafula mukomo wa kujingilika nyi utohe wacho wa chikambakamba chimuwika , cha kujingilika nyi olu chipangula cha mukomo . ¹³Yazazulula ku ngo jiwana ja olu nyi kuyikwachisa ku ngo yayo ku mbango jiwana , a kuze kwapwile molu awana .¹⁴Tuzeya ya tukwachisa ku mukomo muze mwatwama mikamo , akulinga akamate mesa . ¹⁵Yasonga ye mikambo kufuma ku mutondo wa mukesha nyi kuyifuka nyi olu , mwa kumbachila mesa . ¹⁶Yafula yikashi ya ha mesa , malonga , nguto , misenge , nyi milondo ya ku zachisa ha milambu . Kayifulyili , kufuma ku olu yitoma .¹⁷Yafula chikwachilo cha ndeya cha olu . Yafula che chikwachilo cha ndeya ku milimo ya kutatula , ewa nyi nganda yacho , nyi mukungo wacho , nyi misenge yacho , nyi mawundu jacho , nyi yitemo yacho , yeswe yapwile ya chishinda chimuwika . ¹⁸Mitango yisambano ya kuhachika ku masalyi jacho - mitango yitatu yacho ya kuhachika kusalyi likwo , nyi mitango yitatu ya chikwachilo cha ndeya ya chisenyisa kusalyi likwo . ¹⁹Mutango wakuputukila kwapwile misenge yitatu yalifwa nyi amendowa , nyi wundu limuwika nyi chitemo chimuwika . chochene ku mitango yeswe yisambano ya kuhachika ku salyi lya chechikwachilo cha ndeya .²⁰Helu lya chikwachilo cha ndeya , hakachi ya chikundo , hapwile misenge yiwana yalifwa nyi amendowa , nyi mawundu nyi yitemo . ²¹Hapwile chishinda mwishi lya mitango lya wundu limuwika lya chishinda chimuwika chayo , nyi wundu likwo mwishi lya mitango yikwo lya chishinda chimuwika . Chimuwika chishinda mwishi lya mitango lya mawundu atatu , lya chishinda chimuwika chayo . Chocho ha mitango yisambano ya kuhachika ku chikwachilo cha ndeya . ²²Mawundu jayo nyi mitango yayo yapwile ya chimuwika , che cheswe chapwile cha chitanga chimuwika lume cha kutatula cha olu ya kusayisa .²³Mbazalele yafula chikwachilo cha ndeya nyi ndeya yacho shimbiaali , mana jacho nyi yenga yacho ya olu ya kusayisa . ²⁴Yafula chikwachilo cha ndeya hamwe nyi yikashi yeswe yimuwika ya talentu ya olu ya kusayisa .²⁵Mbazalele yalinga chilumbilo cha insensu . Ka chitungile cha mutondo wa mukesha . Usuhe wacho wa mbandu yimuwika , nyi utohe wacho wa mbandu eswe a kulita ndwa lume , nyi chizundamo chacho cha mbandu jiali . Mbinga jacho ja kusonga ku mushinda umuwika wacho . ²⁶Yalamikaho ha chilumbilo cha insensu nyi olu ya kusayisa - helu lyacho , malumbu jacho , nyi mbinga jacho . Yachifula chipangula cha kujingilika kweswe cha olu .²⁷Yafula tuzeya twa olu , aali nyi kutuhachika kwishi lya chipangula chacho ku malumbu jiali ja mbango . Tuzeya two twakwachile mikambo kwaku mbachila chikambakamba . ²⁸Iye yasonga mikambo ya mutondo wa mukesha , nyi wo yalamikaho olu . ²⁹Yalinga maji asandu a kuwayisa wa insensu yitoma ya tumbuto twa lupembo mupema , nyi milimo ya mukwa kuchinga tumbuto twa lupembo mupema .

¹Mbazalele yalinga chilumbo cha milambu cha kulumba cha mutndo wa mukesha . Usuhe wacho wa mbandu yitano nyi utohe wacho wa mbandu yitano malumbu eswe a kulita ndwa lume nyi chizundamo chacho cha mbandu yitatu . ²Mbinga jiacho iye yayisongela ha mbango jiacho jiwana . Mbinga jacho te jakusonga kumutondo umuwika nyi che chilumbilo , kalamikaho unengu ³.Yafula yikashi yeswe ya che chilumbilo - ndeho , mapa , mbashiya nguto ja misako nyi yikombelo . Yikashi yeswe yacho yayifula ya unengu .⁴Yafula che chilumbilo , sambu ja unengu ja kusepekenya , ya kujila kushi lya mutomo wa kujingilika kweswe kushi , nyi kupwila mwe mukachi ka chilumbilo . ⁵Iye yazuzulwila mbango jiwana ja je sambu ja unengu ja kusepekenya mbango jiwana , ja kunyishilamo ye mikambo .⁶Mbazalele yasonga mikambo ya mutondo wa mukesha nyikulamikaho unengu . ⁷Iye yajisa ye mikambo mu ngaja mu malumbu a chilumbilo , ja kuchimbachila . Yachisonga chilumbilo nyi matabua , muchima mwacho mwamokomoko .⁸Yafula lumbasia lwa unengu nyi yalwo ya unengu . Yatutalilo twa mapwo akuvumbikila ku chikolo cha mbalaka ya chikungulwila .⁹Yatunga nawa Yize . Kulumbu lya kusule mahina a kuzezelekaho apwile amahina apema atoma , a kulakaji lya mbandu . ¹⁰Manguji jo apwile makumi aali yimanyino yo ya unengu a makumi aali . Ngo ja e manguji nyi mikambo , yo japwile ja palata .¹¹Kulumbu lya kusali lya kuto , a kulakaji lya mbandu , manguji jo makumi aali yimanyino yo makumi aali a unengu ngo ja hamanguji nyi mikambo yajo ja palata . ¹²Kulumbu lya kutalikisa ku chitokelo kwapwile mahina a kuzezeleka a makumi atanu a mbandu , manguji jo kumi . Yimanyino yo ngo ya hamanguji nyi mikambo yajo ja palata .¹³Yize nawa yapwile makumi atnu a mbandu ku sali lya kutalikisa ku chivumbuko . ¹⁴Mahina a kuzezeleka a kumi lya mbandu . O apwile nyi mbandu yitatu ja manguji jo atatu yimanyino yo yitatu . ¹⁵Chochene ku sali likwo lya kuujililo cha ku Yize kwapwile mahina a kuzezeleka a kumi lya mbandu , nyi manguji jo atatu nyi yomanyino yo yitatu . ¹⁶Eswe a kuzezeleka a ku Yize ha kujingilika kweswe kakutukila ku mahina apema atoma .¹⁷Yimanyino ya manguji kayitungile ya unengu . Ngo ja hamanguji nyi mikambo jajo japwile ya plata , nyi kumasongo jo kwa kulamika nyi plata .Manguji eswe a ku Yize apwile nyi mikambo ya plata , hina lya kufuka kuujililo cha ku Yize lyapwile nyi makumi aali kusuhwa kwa mbandu . ¹⁸Hina lya pwile lilauluka , lya ufungwo , nyi lya ngengu , nyi lipema litoma , nyi usuhe walyo wa makumi aali a mbandu . Yapwile makumi aali a mbandu nyi chizundamo nyi utohe walyo wa mbandu jitatu mu wusuku , lya kulita nyi mahina a kuzezeleka a ku Yize . ¹⁹Yapwile nyi yimanyino yo yiwano ya unengu nyi jo ja plata . Kumasongo jo kwa kulamika nyi plata . ²⁰Mbambo jeswe ja ku Tambanakulu nyi ja ku Yize kujingilika kweswe japwile ja unengu .²¹Achi te kwalula cha yuma ya ku tambanakulu , tambanakulu ya shindakenyo , chizechene ngwe ayalwile nyi kulita nyi liji lya , shimbi ya Mose . Ngwe milimo ya A - Levi ku kwoko lya Itama mwana walunga wa sasendote Alone . ²²Mbazelele mwana wa lunga wa O Uli mwana wa lunga wa Hur , wa ku vungu lya Yunda , walingile yeswe ambile Yehova kuli Mose . ²³Hamwe nenyi hapwile Ahalyambe , mwana wa Ahisamake , wa ku vungu lya Ndane , mu kwa kwola , hamawe chilangaji mukwa kwola nyi mahina alauluka , a ufungo , nyi a ngengu , nyi mahina apema atoma .²⁴Olu yeswe ya ha milimo ayipwishile ku milimo yeswe ya muma musandu - te Olu ya milambu yapwile ya makumi aali ataletu nyi nyi taletu livwa nyi makulakaji shimbiali a shekele nyikulita nyi shekele ya muma musandu . ²⁵Plata ya waze aalwile a ku chikungulwila yapwile ya makulakaji lya taletu nyi makulakaji shimbiali a shekele nyi makumi nyi shimbiali a shekele nyi shekele yitanu , nyikulita nyi ye shekete ya muma musandu , ²⁶kuli mutu mweswe mbeka yimuwika , yalita nyi chihanda cha hakachi cha shekele , nyikulita nyi ye shekele ya muma musandu . Kuli waze ewse hanapalika te waze hana alula , chize kuli akwa makumi aali a miaka ndo kuli makulwana ku makulakaji asambano a tununu nyi tununu atatu amalunga nyi makulakaji atano amalunga .²⁷Lye kulakaji lya talentu ja plata lya kuzuzulwila ye yimanyino ya muma musandu nyi yimanyino ya ku chikalakala cha hina - kulakaji lya himanyino lyalita nyi kulakaji lya talentu , talentu nyi chimanyino . ²⁸Mba yize yasalileho makulakaji nyi shimbiali nyi makumi shimbiali ya shekele , Mbazelele yafula ngo yahamanguji , yalamika ha masongo jalinguji , yafulila mikambo yajio . ²⁹We unengu wa milambu wapwile wa makumi shimbiali a talentu nyi tununu aali a shekele nyi makulakaji awana a shekele .³⁰Yafula nawa ye yimanyino ya kuujililo wa mbalaka ya chikungulwila , nyi chilumbilo cha unengu , nyi sambu jacho ja unengu , nyi yikashi yeswe ya kuchilumbilo , ³¹nyi yimanyino ya yize , kujingilika kweswe nyi yimanyino ya kuujililo wa ku Yize , mbambo jeswe ja ku tambanakulu , nyi mbambo jeswe ja ku Yize kujingilika kweswe .

¹Hamwe nyi mahina alauluka, myi aufungu, nyi angengu, o yatoma nyi mazalo akuvumbikila muma musandu, ngwe chizechene Yehova ambile kuli Mose.²Mbazalele yatonga efonde ya Olu, nyi yilauluka , nyi yaufungo, nyi yangengu, nyi apema atoma. ³Yatatula Olu yikapwe chipenya nyi kuyitela sambu, akazachise ku mahina alauluka, aufungo, nyi a ngengu, nyi apema atoma, milimo ya chilanganji.⁴Yalingila yipaya yaku tolokenya ya efonde, mba yayitolokenya kwe ku masongo aali. ⁵We muya wa ponda waulangakaji wapwile ngwe efonde; wapwile te wahina limuwika hamwe nyi efonde, aulingile nyi hina lya Olu, nyi lilauluka, nyi lyaufungo, nyi angengu, ngwe chizechene Yehova ambile kuli Mose.⁶Yatota mawe a sadonika, akunjisa mu masetu a Olu, a kwola ngwe kwola cha kazeya nyi majina ja ana amalunga A - yizalele. ⁷Mbazalele yasa ha yipaya ya efonde hanga akapwe mawe a chivulwiso hali A - yizalele, ngwe chize yehova ambile kuli Mose.⁸Yalinga chipwiko, milimo ya chilanganji, chalifwa nyi efonde. Yalinga nyi Olu, nyi hina lilauluka, nyi ufungo, nyi a ngengu, nyi litoma lipema. ⁹Malumbu jacho akulita ndwa, chakupama chipwika, usuhe wacho wachikambakamba chimuwika cha kupama.¹⁰Yanjisamo mikala yiwana ya mawe apema. ¹¹Mukala mutangu wa mawe wapwile nyi satiu nyi topajiu, nyi chambukulu. ¹²Mukala wa muchali wapwile nyi esemelanda, nyi safwila, nyi ndiyamante. Mukala wa muchitatu wapwile nyi jasendu, nyi angata, nyi amatita. ¹³Mukala wa chiwana wapwile nyi tukeza, nyi sandonyca, nyi jasepe. Mawe apwile a kunjisa mujimaselo jo ja Olu.¹⁴Apwile mawe kumi nyi mawe aali, apwile nyi kulita nyi majina jo ja ana amalunga ja Yizalele, vungu lyeswe te nyi kulita nyi jina lyalyo kana lisoneka. ¹⁵Yafulila ha chipwiko malengi aali ngwe mihipu, yakuhosa ya Olu yakusayisa. ¹⁶Yafula maselo aali a Olu nyi ngo jaali jaali ja Olu, yasela ngo jaali ku masongo aali a chipwika.¹⁷Yanjisa malenge aali a Olu akuhosa mu ngo jaali kumasongo ja chipwiko. ¹⁸Masongo aali akwo amalenge a olu a kuhosa ya njisa mu maselo aali. Yasa kulutwebya yipaya ya efonde.¹⁹Yafula ngo jaali ja Olu nyi kusa ha mbango ja chipwika, ku masongo mukamwihi nyi uze walihata nyi efonde. ²⁰Yafula nawa ngo jaali nyi kuwasa kwishi lya kulutwe lya chihanda cha yipahya yaal ya efonde, ku kamwihi nyi unungino wayo helu lya muya wa ponda wa ulangaji wa ku efonde.²¹Yakashila chipwiko ku ngo jacho nyi kungo ja ku efonde nyi wanda ulauluka, hanga akachise ha muya wa ponda wa ulangaji wa ku efonde. chino chapwile chocho hanga chipwiko kanda chikakasuluka kuze ku efonde. chino achilingile ngwe chizechene yehova ambile kuli Mose²²Mbazalele yatonga hina lya ngungu lya efonde lya kuseleka, lyeswe lukombo lilauluka. ²³Chapwile nyi chituwa cha mutwe hakachi. Chituwa chapwile nyi lupula wa kunjinguluka hanga hina kulichi kapulika. ²⁴Yatungila ha lupula kwishi lya lye hina lya ngungu lomana jilauluka, ufungo, nyi ja ngengu, nyi mahina apema atoma.²⁵Yafula yiwolowolo ya Olu ya kuyisa, yasa yiwolowolo hakachi ka lomana ha lupula wa hina lya ngungu ha kujinguluka, hakachi ka lomana _ ²⁶chiwolowolo nyi lomana , chiwolowolo nyi lomana _ kusongo lya lupula wa hina ngungu lya Alone ha kujinguluka kweswe lya kuvumbikila. Chizechene ngwe Yehova ambile kuli mose.²⁷Yatongela Alone nyi ana jenyi amalunga yikuto yamahina apema atoma. ²⁸Yatonga nyi kapusa wa hina lipema litoma, nyi mbone yipema ja hina lipema litoma, nyi putula ja hina lipema litoma, nyi muya wa ponda upema utoma nyi ulauluka, ²⁹nyi ufungo, nyi wangengu, mulimo wa mukwakwochela. Chino chinakapwa ngwe chizechene yehova ambile kuli Mose.³⁰Yafula chipenya cha ku chipangula chisandu cha Olu; ya kusayisa; yalaho sona jimwe, ngwe kwola cha hakazeya, " Musandu kuli Yehova. " ³¹Yachikashila helu lya kapusa nyi wanda ulauluka. Chizechene ngwe yehova ambile kuli Mose.³²Chocho mulimo wa Kutambanakulu, nyi waku mbalaka ya chikungulwila, yahwile. Atu A - Yizalele alingile yeswe. Yalinga yeswe nyi kulita chize Yehova ambile kuli Mose. ³³Yaneha Tambanakulu kuli Mose _ nyi ye mbalaka nyi yikashi yeswe, nyi sepe jayo, matabwa jayo, nyi njalo jayo, nyi manguji jayo, nyi yimanyino yayo; ³⁴nyi yifuko cha kutonga cha malambu a kuji a mapanga a kulomba achila, nyi chifuko cha mulambu a yipanyundu, nyi hina lya chikalakala lya kufuka nalyo, ³⁵mushete wa shindakenyo, hamwe nyi mikambo yawo nyi chifuko chakutomesa.³⁶Yaneha mesa, nyi yikashi yayo, nyi mbolo ja kutumbweka. ³⁸Nyi chikwachilo cha ndeya cha Olu ya kusahisa nyi je ndeya jacho ja kululikisa, hamwe nyi hikashi yeswe nyi maji a ndeya; ³⁷nyi chilumbilo cha Olu, nyi maji akuwahisa nyi isensu ya lupembo mupema; nyi hina lya kufuka nalyo chikolo cha Tambanakulu; ³⁹nyi chilumbilo cha unengu hamwe nyi sambu jacho ja unengu nyi mikambo yacho nyi yikashi yacho nyi lumbasia hamwe nyi nganda yalwo.⁴⁰Yaneha mahina akuzezeleka a ku yize hamwe nyi manguji nyi himanyino yayo, nyi hina lya chikolo cha ku yize; nyi muhipu halyo, nyi mbambo lyalyo, nyi hikashi yeswe ya milimo ya Tambanakulu, nyi mbalaka ya chikungulwila. ⁴¹Yaneha mazalo akulinga nyi ulangaji a kuvumbika muma musandu, mazalo asandu ja Alone sasendote nyi a ana jenyi amalunga, akavumbike usasendote.⁴²⁴³Chocho atu A - Yizazalele alingile mulimo weswe chizechene Yehova ambile kuli Mose. Mose yatala milimo yeswe, mba yatala, kumanyi te halinga yeswe. Chizechine Yehova ambile, hayilinga. Mba Mose yawahisa.

¹Mba Yehova yamba kuli Mose , ngwenyi , ²" Ha tangwa litangu lya kakweji mutangu mumwaka waha ukamika ye tabernakulu , ya mbalaka ya chikungulwila .³Ukajisemo we mushete wa shindakenyo , ukafuke mushete nyi hina lya chikalakala . ⁴Ukanehe mese yize yuma yize yinaatela kupwaho . Mba anehe chikwachilo cha ndeya nyi ukawike je ndeya ja cho .⁵Ukalumbike chilumbilo cha oru cha kwochela insensu kulutwe lya mushete wa shindakenyo , ukazezeleke hina lya kufuka kuujililo cha ku tabernakulu . ⁶Ukatumbike chilumbilo cha milambu ya kulumba kulutwe lya kuujililo cha ku tabernakulu , mbalaka ya chikungulwila . ⁷Ukutumbike longa linene lya kusanyina hakachi ka mbalaka ya chikungulwila nyi chilumbilo nawa ukasemo meya .⁸Ukajike yize ya kujingilika kweswe , nawa ukazezeleke hina kuujililo lya yize . ⁹Ukande maji a kuwayisa ye tabernakulu nyi yize yeswe yilimo , ukayise hatenga nyi yikashi yayo yeswe kuli yami ; mba muyipwa usandu . ¹⁰Ukawayise nyi maji chilumbilo cha milambu ya kulumba hamwe nyi yikashi yacho yeswe . Ukasele ku usandu che chilumbilo chikapwe chisandu cha hiana kuli yami . ¹¹Ukawahise longa lya kusanyina lya mbolozi nyi nganda yacho nawa ukayise kutenga kuli yami .¹²Ukanehe Alone nyi anenyi a malunga kuujilo cha kumbalaka ya chikungulwila nawa ukasanyise nyi meya . ¹³Ukajike Alone nyi mazalo asandu , ukamuwahise nyi maji nyi kumusa hatenga hanga akazate ngwe sasendote wami .¹⁴Ukanehe ananyi a malunga nyi ku wajika yikuto . ¹⁵Ukawawayise chizechene ngwe wawayishile atato hanga o akakuzachile usasendote . Ha kuawayisa nyi maji chikapwe kuli ayo ha usasendote wa mutolo ndusu yisemuko ya atu jo ." ¹⁶Chocho Mose walingile ; wakawile yeswe yize Yehova ambile . Iye walingile yuma yino yeswe .¹⁷Ha kakweji mutangu wa mwaka wamuchali ha tangwa litangu lya mwe kakweji ya jika ye tabernakulu . ¹⁸Mose ya jika ya tabernakulu , yala yimanyino yayo , yamika chivuvu jayo , yajisamo yayo , yamika manguji jayo . ¹⁹Yazazulula mbalaka helu lya tabernakulu nawa yasa chifuko cha ye mbalaka helu lyayo kwilu , chizechene ngwe Yehova ambile kuli Mose . ²⁰Yanda shindakenyo yasa mu mushete . Yasa milumbu ha mushete yanangika ha chifuko cha kujilo helu ha we mushete .²¹Iye wanehene mushete mu tabernakulu . Yazezeleka chikalakala cha hina yasweka we mushete wa shindakenyo , chizechene ngwe Yehova ambile kuli iye . ²²Iye wanehene mesa mu mbalaka ya chikungulwila , ku lumbu lya kusulo lya ku tabernakulu , haze lya chikalakala cha hina . ²³Iye wasele mbolo hamesa kumeso ja Yehova , chizechene ngwe Yehova ambile kuli iye .²⁴Iye yasa chikwachilo cha ndeya mu mbalaka ya chikungulwila , hatalanganyi nyi ye mesa , ku lumbu lya ku zango lya tabernakulu . ²⁵Yawika je ndeya kumeso ja yehova , chizechene ngwe Yehova ambile kuli iye .²⁶Iye wasele chilumbilo cha oru mu mbalaka ya chikungulwila kulutwe lya chikalakala cha hina . ²⁷Yochelaho insensu ya lupembo mupema , chizechene ngwe Yehova ambile kuli iye .²⁸Yazezeleka chikalakala cha hina ku chikungulwila waku tabernakulu . ²⁹Yatumbikila chilumbilo cha milambu ya kulumba kuujililo cha ku tabernakulu , ya ku mbalaka ya chikungulwila . ³⁰Yalambwilaho mulambu wa kulumba nyi mulambu wa wunga , chizechene ngwe Yehova ambile kuli iye . Yatumbika lumbashila lwa kusanyina hakachi ka mbalaka ya chikungulwila nyi chilumbilo , yasamo meya a kusana .³¹Mose , Alone , nyi anenyi amalunga apwile nyi ku sanyinaho ku moko jo nyi kumolu jo . ³²Apwile nyi kusana muze majila mu mbalaka ya chikungulwila nyi muze makundama ku chilumbilo , chizechene ngwe Yhova ambile kuli Mose . ³³Yamika yize ya kujingilika tabernakulu nyi che chilumbilo . Chocho , Mose wamanunwene milimo yeswe .³⁴Mba lelwa yilifuka ye mbalaka ya chikungulwila , nyi ye tabernakulu yiyizala nyi uhenya wa Yehova . ³⁵Mose te kahashile kujila mu mbalaka ya chikungulwila mumu te lye lelwa lya twamineho , nyi ye tabernakulu yazalile nyi uhenya wa Yehova .³⁶Muze lye lelwa mulizunduka ku tabernakulu , atu A - Yizalele masenya kulutwe ndusu muwungeji wo . ³⁷Alyoze nyi kate lelwa kulya zundukile kufuma ku tabernakulu , nyi o atu kechi kuya . Katwamine ndo tangwa lize mulizunduka . ³⁸Mumu te lye lelwa lya Yehova lyapwile ha tabernakulu ha mwalwa , nyi ufuku mwapwilemo kahia kenyi , kumeso ja atu ja A - Yizalele eswe ndusu muwungeji wo .

¹Yehova ya sanyika Mose nyi kuhanjika kuli iye mu mbalaka ya chiwanyino , ngwenyi , ²" Hanjika kuli atu ja Yizalele nyi kwalweza ngwo , ' Muze umwe mutu hakachi kenu maneha mulambu kuli Yehova , aka nehe mulambu wenyi wa yimuna , chipwe ha ngombe hanji ha panga .³Nyi mulambu wenyi mulambu wa kwocha wa ngombe , akalambule kuji keshi chipa . Aka mulambula ha chikolo cha chikungulwila , hanga mba akamutambule ku meso ja Yehova . ⁴Akase moko jenyi ha mutwe wa mulambu wa kwocha , mba aka musalakane ha kufuka shili yenyi .⁵Mba akashihe mwe kuji ngombe ku meso ja Yehova . Ana amalunga a Alone , asasendote , akambate manyinga nyi ku asapwila ha chilumbilo chize chili ha chikolo cha mbalaka ya chiwanyino . ⁶Akazuwe mulambu wa kwocha nyi kuteta mu ihanda .⁷Mba ana ja Alone amalunga , Asasendote , akase kahya ha chilumbilo kusa kanawa kunyi ku kahya . ⁸Mba ana ja Alone amalunga , Asasendote , akase yihanda , nyi we mutwe nyi maji , ha kunyi jize jili ha kahya kaze kali ha chilumbilo . ⁹Alyoze yihanda ya mujimo nyi molu jenyi aka ikose nyi meya . Mba sasendote akoche yeswe ha chilumbilo ngwe mulambu wa kwocha . Muukaneha vumba lipema lya yami ; muukapwa mulambu wa kwocha kuli yami .¹⁰Nyi mulambu wenyi muupwa wa kwocha umwe wapanga , hanji umwe wa pembe , akalambule kuji keshi chipa . ¹¹Aka mushihileku uto ya chilumbilo ku meso ja Yehova . Ana ja Alone amalunga asasendote , akasapwile manyinga jenyi muma sali eswe a chilumbilo .¹²Aka mutete mwihanda nyi mutwe wenyi hamuwika nyi maji , sasendote nawa akase ye yihanda ha kunyi jize jili ha chilumbilo , ¹³alyoze yihanda ya mukachi nyi molu aka yikose nyi meya . Mba sasendote mayilambula ye yeswe , nyi ku ilumba ha chilumbilo . Uli mulambu wa kwocha , mu ukatuhwisa vumba lipema lya Yehova ; ukapwe mulambu wa iye wa kwocha nyi kahya .¹⁴Nyi mulambu wenyi kuli Yehova mu u pwa wa tujila a kulumba , akalambule mu lambu wenyi watutela hanji ana a membe . ¹⁵Sasendote akanehe ku chilumbilo , aka honde mutwe wenyi , nyi ku mwocha ha chilumbilo . Mba manyinga jenyi aka hichishile kulumbu lya chilumbilo .¹⁶Akatukule chisakwilya nyi yize ilimo , akaimbile kulumbu lya chilumbilo lyatala ku chivumbiko , ku chihela cha uto . ¹⁷Aka mupule kumapulwa jenyi , alyoze kanda akamuhandununa mwihanda yali . Mba sasendote aka mulumbe ha chilumbilo ha kunyi jize jili ha kahya . Ukapwe mulambu wa kulumba , nawa mu ukatuhwisa vumba lipema lya Yehova ; mu ukapwa mulambu wa iye wa kwocha ha kahya .

¹Muze umwe maneha mulambu wa mbuto kuli Yehova , mulambu wenyi ukapwe wa unga wafufufnuka , nawa akaseho maji nyi insensu . ²Akatwale mulambu kuli ana amalunga a Alone asasendote , nawa sasendote akazomone kwoko lya unga wa ku fufunuka uli nyi maji nyi ye insensu . Mba sasendote aka lumbe we mulambu ha chilumbilo ngwe mulambu wa ku manyinako . Mu ukatuhwisa vumba lipema lya Yehova ; muukapwa mulambu wa kuli iye waha kahya . ³Chize cheswe chasala cha kumulambu wa unga ikapwe ya Alone nyi ana jenyi amalunga . Chapwa chuma chisandu cha hyana kuli Yehova hakachi ka milambu kuli Yehova ya kulumba .⁴Muze mulambula mulambu wa unga ushi kufutunuka uze wa kwocha mu mbaula , ukapwe mbolo ypvu ya unga wafufunuka wakuchinga nyi maji , chipwe mbolo yikalu yishi futunwiso , ya kushinga nyi maji . ⁵Nyi mulambu we wa unga wakwocha nyi chikango cha lata hinoloka , ukapwe wa unga wafufufnuka ku ushi futunwiso wa kuchinga nyi maji .⁶Uka upalule mu ihanda ukamwangine ho maji nawa . A u mulambu wa unga . ⁷Nyi mulambu we wa unga kauteleka mu chikango , ukapwe w unga wa fufunuka nyi maji .⁸Uka nehe mulambu wa unga wa kulinga kuli ino yuma kuli Yehova , akauhane kuli sasendote , mba iye maka uneha ku chilumbilo . ⁹Mba sasendote makanda imwe ku mulambu wa unga kupwa mulambu waku manyinako , mba maka ulambula ha chilumbilo . Mu ukapwa mulambu wa kwocha ,nawa muukatuhwisa vumba lipema lya Yehova . ¹⁰Yize mwikasala ku mulambu wa unga yikapwe ya Alone nyi ana jenyi ana amalungu . Chapwa chuma chisandu chahyana kuli Yehova hakachi ka milambu kuli Yehova ya kwocha .¹¹Nyiumwe mulambu wa wunga wakulambula kuli Yehova kamalinga nyi futunwiso , mumu futunwiso , hanji wuchi , keshi kuyi lumba mu mulambu wa kahya kuli Yehova . ¹²Muhasa kulambula kuli Yehova ngwe mulambu wa mihuko itangu , alyoze kechi kaizachisa kuneha vumba lipema ha chilumbilo . ¹³Mulambu weswe wa wunga aka use mungwa . Kanda uka taiza mungwa wa usendo wa Zambi yenu kuhona mu mulambu wenu wa wunga . Mu milambu yenu yeswe mu kapwe mungwa .¹⁴Nyi mulambula mulambu wa wunga wa mbuto itangu kuli Yehova , ukalambule ha mbuto ya wisu ya kwocha nyi kahya mba maitwa wunga . ¹⁵Mba ukasemo maji nyi insensu . Au we mulambu wa wunga . ¹⁶Mba sasendote makocha chihanda cha mbuto ya kundonda nyi maji nyi insensu ngwe mulambu wa chiwulwiso . Au mulambu wa kwocha wa kuli Yehova .

¹1Nyi kachi umwe malambula mulambu wa sambukila wa ngombe , chipwe kuji hanji chihwo , aka hane kashitu keshi kapalya kuli Yehova . ²Makasa kwoko lyenyi ha mutwe wa mulambu wenyi nyi ku mushihila ha chikolo cha mbalaka ya chiwanyino . Mba ana ja Alone amalunga asasendote aka mwangine manyinga ku masesa ja chilumbilo .³Mutu makahana mulambu uze wa sambukila mulambu wa kahya kuli Yehova . Maji akufuka chipwe analikwata nyi yihanda ya mukachi , ⁴nyi njiso jali nyi maji jahoaku myalangwe , nyi maji aha lyaji , nyi je njiso - akachize yeswe . ⁵Ana amalunga a Alone aka yoche ha chilumbilo hamuwika nyi mulambu wa kulumba , uze uli ha kunyi jize jili ha kahya . Au muukaneha vumba lipemalya Yehova ; muukapwa mulambu wakulumba kuli iye nyi kahya .⁶Nyi mulambu wa mutu wa sambukila kuli Yehova wa ha panga ; kuji hanji chihwo , aka hane mulambu ushi kapalya . ⁷Nyi mahana panga ha mulambu wenyi , aka mulambule kuli Yehova . ⁸Akase kwoko lyenyi ha mutwe wa mulambu wenyi nyi ku mu shahila kulutwe lya mbalaka ya chiwanyino . Mba ana ja Alone amalunga asapwile manyinga jenyiku masesa ja chilumbilo .⁹Akalambule mulambu wa kahya kuli Yehova wa ku itapo chamilambu wa sambukila . Maji , nyi muchila wa maji wa muwundu aka uchize kwe ku mutanda , nyi maji akufuka yihanda ya mukachi nyi maji eswe waze aliku kamwihi nyi yihanda ya mukachi , ¹⁰nyi njiso jali nyi maji jaho , aku myalangwe , nyi maji aku lyaji , nyi njiso - akaichize yeswe . ¹¹Mba sasendote akailumbe yeswe ha chilumbilo kupwa mulambu wa kahya wa ya kulya kuli Yehova .¹²Nyi mulambu wenyi muukapwa wa pembe , aka mulambule kumeso ja Yahevo . ¹³Akase kwoko lyenyi ha mutwe wa pembe nyi mu ku shiha kulutwe lya mbalaka ya chiwanyino . Mba ana amalunga a Alone akasapwile manyinga jenyi kumasesa ja chilumbilo . ¹⁴Mutu akalambule mu lambu wenyi wa kwocha kuli Yehova . Akachize maji waze akufuka ihanda ya mukachi , maji eswe ana kundama ku ihanda ya mukachi .¹⁵Akachize je njiso jali nyi maji waze aliko , waze ali ku myalangwe , nyi maji aku lyaji nyi je njiso . ¹⁶Sasendote akayilombe ha chilumbilo yeswe ize ili ha chilumbilo kupwa mulambu wa kwocha wa ya kulya , ikanehe vumba lipema . Maji eswe ambala a Yehova . ¹⁷Chino chikapwe chiyulo cha mutolo muisemuka ya atu muihela yeswe munukasa mazuwo jenu , hanga kanda nukalya maji chipwe manyinga . "'

¹Yehova yamba kuli Mose, ngwenyi, ²" Lweza atu ja Izalele, ' nyiumwe ma vulumuna te aye kachi zangile ku vulumuna, malinga chimwe cha yuma yize Yehova hanaikanjisa kulinga, nawa nyi malinga yuma imwe hanakanjisa, akalinge yuma ino. ³Nyi sasendote mukwa lutwe iye malinga shili nyi ku koka uhye hali atu, mba akalambule ha shili yenyi ize halinga chimnbembe wa kuji keshi chipa kuli Yehova kupwa mulambu wahashili.⁴Akanehe mwe chimbembe wa kuji ku unjililo wa mbalaka ya chikungulwila kumeso ja Yehova, akase kwoko lyenyi ha mutwe wenyi, nyi kushiha mwe kuji kumeso ja Yehova. ⁵Sasendote wakuwayisa nyi maji akande amwe manyinga amwe kuli kuji nyi kwa twala ku mbalaka ya chikungulwila.⁶Sasendote aka chupike munwe wenyi mu manyinga nyi kusapwile amwe isuho shimbyali kumeso ja Yehova, kulutwe lya chikalakala cha hina cha muma musandu mwahyana. ⁷Mba sasendote akase amwe manyinga ha mbinga ja chilumbilo cha insensu ya lupembo mupema kumeso ja Yehova, chize chili mu mbalaka ya chikungulwila, mba manyinga eswe waze asala amwe kuji aka zujile kushina lya chilumbilo cha milambu ya kulumba, chize chili ha chikola cha mbalaka ya chikungulwila.⁸Akachize maji eswe a mwe kuji wa mulambu waha shili; nyi maji aku fuka ingambyangambya, maji eswe aku ingambyangambya, ⁹nyi njiso jali nyi maji waze aliko, waze aku myalangwe, nyi maji aku lyayi, nyi je njiso - akaichize yeswe. ¹⁰Akaichize yeswe, chizechene aku chiza kuli ngombe wa chitapo cha mulambu wa sambukila. Mba sasendote akaikumbe ha chilumbilo cha milambu ya kulumba.¹¹Kupu lya mwe kuji nyi ifwo yeswe hiya sala, nyi mutwe wenyi nyi molu jenyi nyi ingambyangambya yenyi nyi we ufachi, ¹²ihanda yeswe ya mwe kuji - makambata ino ihanda yeswe haze lya chilombo ku chihela chize hanangu tomesena, kuze akumwangina uto; akoche ihanda yacho ha kunyi. Aka yochele ihanda ya cho kuma kuze aku mwangina uto.¹³Nyi chikungulwila cheswe cha Izalele mu chivulumuna mulonga wa susumuku, nawa chikungulwila ku chanyingikine ngwo ha vulumuna nyi kulinga chimwe cha yuma ize Yehova hanayikanjisa kulinga mba hahya, ¹⁴mba muze mulonga ha vulumuna hiwa soloka, mba akwa chikungulwila aka lambule chimbembe wa kuji wa mulambu wa hashili nyi ku muneha ku mbalaka ya chikungulwila. ¹⁵Makulwana ja chikungulwila makasa moko jo ha mutwe wa kuji kumeso ja Yehova.¹⁶Mba sasendote wa ku wayisa nyi maji akanehe amwe a manyinga a mwe kuji ku mbalaka ya chikungulwila, ¹⁷nyi mwe sasendote maka chupika munwe wenyi mu manyinga nyi ku sapwila yisuho shimbyali kumeso ja Yehova, kulutwe lya chikalakala cha hina.¹⁸Akase amwe manyinga ha mbinga ja chilumbilo chili kumeso ja Yehova, chize chili mu mbalaka ya chikungulwila, nawa aka zuzulwile manyinga eswe kushina lya chilumbilo cha mulambu wa kulumba, chize chili ha chikolo cha mbalaka ya chikungulwila. ¹⁹Akatete maji eswe nyi kwocha ha chilumbilo.²⁰Chocho akalinge nyi mwe kuji. Chizechene alingi;e nyi mwe kuji wa mulambu waha shili, chenacho akalinge nyi mwe kuji, nawa mwe sasendote akafuke shili yo, mba maka konekenayo. ²¹Akatwale mwe kuji haze lya chilombo nyi ku mwocha ngwe chize akochele mwe kuji mutangu. Au we mulambu wa ha shili ya chikungulwila.²²Muze mu kwa kuyula mavulumuna mulonga wa susumuku, ha chuma cheswecho, cha yuma ize Yehova Zambi yenyi hanayikanjisa kulinga nawa kahya, ²³mba shili yenyi ize ha vulumuna ha mulweza yo, akahehe pembe ha mulambu wenyi, kuji keshi chipa.²⁴Akase kwoko lyenyi ha mutwe wa pembe nyi ku mushiha mu chihela muze aku shihila milambu ya kulumba kumeso ja Yehova. Wapwa mulambu waha shili. ²⁵Sasendote akande manyinga a mulambu waha shili nyi munwe wenyi nyi kusa ku mbinga ja chilumbilo cha mulambu wa kulumba, nawa ma kazuzulula manyinga jacho ha shina ha chi lumbilo cha mulambu wa kulumba.²⁶Maji jaho eswe akaalumbe ha chilumbilo, ngwe chize akulumba maji aitapo ya milambu ya sambukila. Sasendote akafuke shili ya mukwa ku yula, mba mu kwa kuyula maka mukonekena.²⁷Nyi umwe mutu mweswawo mavulumuna mulonga wa susumuku, mukulinga chuma cheswaco cha yuma yize Yehova hana yikanjisa kulinga, mba muze meuluka ku hya chenyi, ²⁸nyi mamulweza shili ize halinga, akanehe mulambu wenyi chihwo cha pembe keshi chipa ha mulonga wenyi uze ha vulumuna.²⁹Akase kwoko lyenyi ha mutwe wa mulambu wa ha shili nyi kushiha we mulambu wa ha shili kuma kuze kwa mulambu wa kulumba. ³⁰Sasendote akambate amwe manyinga nyi munwe wenyi nyi kusa ku mbinga ja chilumbilo cha mulambu wa kulimba. Akazuzulwilw eswe manyinga ha shina lya chilumbilo.³¹Akatete ko maji eswe, chizechene akuteta maji ku milambu ya sambukila. Sasendote akoche ha chilumbilo akapwe lupembo mupema kuli Yehova. Sasendote aka mufukile shili yenyi, mba makamukonekena.³²Nyi mutu makaneha mwana panga akapwe mulambu wa ha shili, aka munehe chihwo keshi chipa. ³³Akase kwoko lyenyi ha mutwe wa mulambu wa ha shili nyi mukushiha kupwa mulambu waha shili kumakuze aku shahila mulambu w kulumba.³⁴Sasendote makanda ha munwe weny amwe manyinga a mulambu wa ha shili akaakomone ha mbinga ja chilumbilo cha mulambu wa ku lumba, mba manyinga eswe waze asala akaazujile ku shina lya chilumbilo. ³⁵Akateteko maji eswe , ngwe chize aku chiza maji ja mwana panga kuitapo ya milambu ya sambukila, nawa sasendote akailumbe ha chilumbilo helu lya milambu ya Yehova ya kulumba. Sasendote akafukile shili yenyi ize halinga, mba makamukonekena.

¹Nyi umwe mavulumuna mumu kahanyine uchela muze hanyingika imwe ize matela kuhana uchela chipwe kaimona hanji kuivwa , mambata uhenge wenyi . ²Chipwe nyi umwe kakwata chuma chize Zambi hanambe ngwenyi chaluchisa , chipwe mujimba wa kashitu wa luchisa yoze hafwa , chipwe mujimba wa chimuna waluchisa hanji kashitu wa luchisa yoze waku kalala mu mavu , chipwe kachinyingikine chize ha linga , hapwa wa luchisa nyi uhye .³Chipwe nyi makwata ku luchisa wa umwe , cheswacho luchisa wacho ali , nyi mba kachinyingikine , acho mapwa mukwa kuhya muze ha chinyingika . ⁴Chipwe umwe hali pupula kulishinga nyi mivumbo yenyi kulinga upi , chipwe kulinga upeme ,cheswa cho chize mutu malipupula kuli shinga , chipwe kachinyingikine , muze machinyingika , mba mapwa wa nyi uhye , muli cheswacho aha yuma ino .⁵Muze umwe mahula chimwe cha yuma yino , akashikise shili ize ha vulumuna . ⁶Mba aka nehe mulambu wenyi wa uhye kuli Yehova ha shili ize ha vulumuna , chimuna wa chihwo wa ku chendo , chipwe panga , chipwe pembe akapwe mulambu ha shili , nyi sasendote akamufukile shili yenyi .⁷Nyi kechi kuhasa kulanda panga , mba akanehe ngwe mulambu wenyi wa uhye wa shili yenyi tutele aali chipwe ana amembe aali kuli Yehova , umuwika ha mulambu wa shili nyi mukwo ha mulambu wa kulumba . ⁸Aka anehe kuli sasendote , Yoze makalambwila umuwika chitangu ha mulambu wa shili - aka honde mutwe wenyi ku mukonga alyoze kanda aka uchiza weswe kumujimba . ⁹Mba makasapwila amwe manyinga a mulambu wa shili ku lumbu lya chilimbilo , mba akazuzile waze hasala ku shina lya chilumbilo . AU we mulambu wa qha shili .¹⁰Mba akalambule kajila wa muchali mulambu wa kulumba , nyi kulita nyi shimbi , nyi sasendote akamukile shili yenyi havulumuna , nyi mwe mutu ku maka mukonekena .¹¹Mba nyi kechi kuhasa kulanda tutele aali , hanji ana amembe aali , mba akanehe ngwe mulambu ha shili yenyi chihanda chimuwika cha ku mi lya yihanda ya efa ya wunga wa ku fufunuka ukapwe mulambu wa shili .¹²Aka unehe kuli sasendote , mba sasendote ma zomona ha kwoko lyawo ngwe mulambu wa chiulwiso mba akaulambule ha chilumbilo , helu lya milambu ya kukumba ya Yehova . Au we mulambu wa ha shili . ¹³Sasendote aka mufukile ha shili yeswe yo ize mutu wacho halinga , mba mutu wacho mamukonekena . Ize mwikasalaho hamulambu ikapwe ya sasendote , chimuwika nyi mulambu wa wunga . "'¹⁴Mba Yehova yamba kuli Mose , ngwenyi , ¹⁵" Nyi umwe mavulumuna mba malinga chize cha litele ku yuma ya Yehova , mba yalinga te kachi nyingikine , akanehe mulambu wa uhye kuli Yehova . Mulambu wacho ukapwe kiji ya panga keshi chipa wa ha chendo ; ndando yenyi akaitese nyi kulita nyi shekele ja palata - te shekele ya muma musandu - kupwa mulambu wa uhye . ¹⁶Akalinge chize chinalite kuli Yehova hali chize halinga chipi nyi kulita nyi chize chisandu , aka wezeleho chihanda cha muchitano nyi kuhana kuli sasendote . Mba sasendote aka mufukile shili yenyi kuja panga wa mulambu wa uhye , nyi yoze mutu makamukonekena .¹⁷Nyi umwe mavulumuna mba halinga chize Yehova hana kanyisa kulinga , chipwe te kachinyingikine , nyi hindu hahya mambata uhenge wenyi . ¹⁸Akanehe kuji ya panga keshi chipa wa kuchiza mu chendo , nyikulita nyi ndando ya hapwila ngwe mulambu wa uhye kuli sasendote . Mba sasendote maka mufukila shili yenyi ha mulonga shili ize halinga , kuhona kunyingika , mba maka mukonekena . ¹⁹Wapwa mulambu wa uhye , chamwenemwene iye hapwa nyi uhye ku meso ya Yehova . "

¹Yehova yamba kuli Mose, ngwenyi, ²" Nyiumwe mavulumuna nawa mainga uhenge kuli Yehova ha kwonga mwenyembo wenyi kutwala ku chuma chize cha ufungo, chipwe chize chili mu kwoko lyenyi, hanji chimwe chize heya, chipwe nyi hamwesa lamba mwenyembo wenyi, ³hanji ha wana chuma chimwe chize mwenyembo wenyi hanatokesa mba mahonga ha chuma chacho, hanji malishinga mahuza, chipwe mu chikuma che swacho ngwe ino ize atu akuvulumuna, ⁴nawa nyi kachi ha vulumuna nawa hahya, akahilwise che swacho chize ha hupa hanji chuma ha tambula ku upinjiso, chipwe chize amukunjikile, hanji chize cha tokele mba ya chiwana.⁵Mu kuwezela, mu chuma cheswe chize halishinga mahuza, aka chihilwise cheswe nyi kuwezela helu chihanda chamuchitano cha ndanda yacho akaifwete kuli mwene hatangwa lize ma muhisa. ⁶Mba akanehe mulambu wenyi wa uhye kuli Yehova, kuji ya panga keshi chipa wa mu chendo yoze unalite nyi ndando inalite, mulambu wa uhye kuli sasendote. ⁷Sasendote makamufukila shili yenyi kumeso ja Yehova, nawa makamukonekena kuli chize ha hya nacho muilinga. "⁸Mba Yehova yamba kuli Mose, ngwenyi, ⁹" Ambila Alone nyi anenyi a malunga, ngwe, ' mulambu wakulumba shimbi ya mulambu wa kulumba : Mulambu wakulumba ukapwe ha kunyi jawo ha chilumbilo ufuku weswe ndo chimene, nyi kahya kaha chilumbilo mukawema shimbu yeswe.¹⁰Sasendote akazale chikuto chenyi cha lipema litoma, nawa akazale kaputula kenyi wa hina lipema litoma wa mukachi. Akande uto uze hiwa sala muze kahya hi kocha mulambu wa kulumba hachilumbilo, mba akase uto kusesa lya chilumbilo. ¹¹Akazule mazalo jenyi, mba akazale akwo eka hanga ambate uto haze lya chilombo kuchihela chipema.¹²Kahya ha chilumbilo kanunge kuwema. Kanda kajima, sasendote akaseho kunyi chimene ha chimene. Akase mulambu wa kulumba mungango jawo, nawa akoche ho maji a mulambu wa sambukila. ¹³Kahya kanunge kuwema ha chilumbilo shimbu yeswe. Kanda kajima.¹⁴Ayi ye shimbi ya mulambu wa wunga. Ana a malunga ja Alone aka ulambule kume ja Yehova kulutwe lya chilumbilo. ¹⁵Sasendote maka zomona kwoko lya wunga wa fufunuka wa mulambu wa wunga nyi ha maji nyi insensu ize ili ha mulambu wa wunga, mba makayocha ha chilumbilo yikachize vumba lipema kupwa mulambu wa chiulwiso.¹⁶Alone nyi anenyi a malunga akalye cheswe chize muchisala ku mulambu. Aka chilye ku chishi futunwiso mu chihela chisandu. Aka chilye mulwaza wa mbalaka ya chikungulwila. ¹⁷Kanda aka yocha nyi futunwiso. Hina chihanda kupwa chihanda cho cha mulambu wa kukumba. chuma chisandu cha hyana, kupwa mulambu wa hashili nyi mulambu wa uhye. ¹⁸Lunga mweswe wa ku chisemuka cha Alone maka chilya, chizechene hana chambe ku myaka ya mutolo ndusu mu yisemuko yenu, cha kwanda ha mulambu wa kulumba wa Yehova. Mweswe makapwa musundu.¹⁹Mba Yehova ya hanji kuli Mose nawa, ngwenyi, ²⁰" Au we mulambu wa Alone nyi anenyi a malunga, uze makalambula kuli Yehova ha tangwa lize mwana ha mwana ma muwahisa nyi maji: Chihanda chimuwika cha kumi lya yihanda ya efa ya wunga wafufunuka, chihanda mu chimene nawa chihanda chingoloshi.²¹Akailinge nyi maji mu chikango. Muze hai zambika, nukainehe mu kachi. Muihanda ya ku kanga nuka lambule mulambu wa wunga ukanehe vumba lipema kuli Yehova. ²²Mwana wa lunga wa sasendote mukwa lutwe yoze mapwa sasendote mukwa lutwe wa hakachi ka ana jenyi akailambule. Chino chikapwe chiyulo cha mutolo, yeswe akailambule kuli Yehova. ²³Mulambu weswe wa wunga wa sasendote aka woche weswe. Kanda akalya. "²⁴Yehova yamba kuli Mose nawa, ngwenyi, ²⁵" Hanjika kuli Alone nyi ana jenyi amalunga, ngwe, ' ayi ye shimbi ya mulambu wa ha shili: Mulambu wa ha shili akaushahile ha chihela haze mulambu wa kulumba aku ushahila kuli Yehova. ²⁶Sasendote yoze makaulambula ha shili maka ulya. Akaulile muma musandu mu ize ya mbalaka ya chikungulwila.²⁷Cheswacho muchikakwata kuifwo yawo mu chikapwa chisandu, nyi manyinga masapwila ha mazalo eswawo, ukaikose, chihanda chize asapwilanga ho, muma musandu. ²⁸Alyoze ndeho ya uma muze hautelekela akaipalule. Nyi haitelekela mundeho ya unengu, akaicheke nyi ku ikongona to nyi meya.²⁹Malunga eswe hakachi ka asasendote mahasa kulya imwe yawo mumu wapwa usandu wa hyana. ³⁰Alyoze kanda akalya mulambu wa ha shili uze manyinga jawa haneha mu mbalaka ya chikungulwila ha ku kukila mwe muma musandu. Akawoche.

¹Ayi ye shimbi ya mulambu wa uhye yino . Wapwa usandu wahyana . ²Akashihe mulambu wa uhye ha chihela cha kumushihila , akasapwile manyinga kujingilika ha chilumbilo . ³Akalambule maji eswe : muchila wa maji , nyi maji a ha yihanda ya muchima , ⁴je njiso jeswe jiali nyi maj jaho , a ku myalangwe , nyi maji a ha liayi , akaachize hamwe nyi njiso .⁵Mwe sasendote makayilumba ha chilumbilo mulambu wa kahya kuli Yehova . Awu we mulambu wa uhye . ⁶Malunga eswe hakachi ka asasendote mahasa kulya . Makalya homa hasandu wapwa usandu wahyana .⁷Mulambu wa uhye wapwa chizechene ngwo mulambu ha shili . Shimbi yimuwika yikwete . Muupwa wa mbala wa sasendote yoze mafuka nawo shili . ⁸Sasendote mweswe malambula mulambu wa kulumba hali umwe akazuke lye kupu lya mulumbu wa uze halambula .⁹Mba mulambu weswe wa wunga wa kwocha mu fono hanji wa kulinga mu chikango , hanji mu foma muukapwa wa mbala wa sasendote yoze maka ulambula . ¹⁰Mulambu weswe wa wunga , chipwe wa kuchinga nyi maji , chipwe umu ukapwe wa ana eswe a Alone mweswawo mutu nyi mutu .¹¹Yino ye shimbi ya chitapo cha mulambu wa sambukila mutu malambula kuli Yehova . ¹²Nyi umwe makaulambula ha kusakwila , akalambule hamwe nyi chitapo cha kusakwila yandanda kuyishi futunwiso , ya kuchinga nyi maji , nyi malikemba keshi futunwiso , a kulembula nyi maji , nyi yandanda ya wunga wafufunuka ya pwocha nyi maji .¹³Nawa ha mulonga wa kuhana kusakwila , akalumbe nyi sambukila chandanda chaufutunwiso . Sambukila ha kusakwila . ¹⁴Mba akalambule umuwika ukapwe mulambu wa kuzundula kuli Yehova . Muukapwa wa mbala wa sasendote mukwa kusapwila manyinga a mulambu wa sambukila .¹⁵Yoze mahana chitapo cha mulambu wa sambukila ha kusakwila akayilye tangwa lize lyene haulambula . Kanda achihichika nyichimwe chihanda chayo chikasale ndo chimene . ¹⁶Nyi chitapo cha mulambu wenyi muchikapwa cha chilakenyo , hanji cha vumbi , akachilye tangwa lize lyene hachilambula , mu kucha nawa makalya chize chasala .¹⁷Alyoze , chize yifwo ya chitapo chasala ndo tangwa lya muchitatu makachocha nyi kahya . ¹⁸Nyi yifwo yimwe ya chitapo cha mulambu wa sambikila makayilya ha tangwa lya chitatu , kanda ayitambula , kanda ayalula kuli mu kwa kulambula . Muyikapwa chuma cha luchisa , mweswe makayilya makambata uhenge wenyi .¹⁹Yifwo yize muyikakwata ha chuma cha luchisa kanda ayilya . Akayoche nyi kahya . Alyoze yifwo yasala , yoze unapeme mahasa kulya . ²⁰Alyoze , mweswawo makalya yifwo yachitapo cha mulambu wa sambukila wa Yehova - shimbu kali nyi luchisa makamuteta kuli atu jenyi .²¹Nyi umwe makakwata chimwe cha luchisa chipwe luchisa wa mutu hanji kashitu wa luchisa hanji luchisa , wa lwaji - mba chocho makalya yifwo ya chitapo cha mulambu wa sambukila wa Yehova , makamuteta kuli atu jenyi . "'²²Mba Yehova yamba kuli Mose , ngwenyi , ²³" Amba kuli A-Izalele ngwe , 'Kanda nulya maji apwe a ngombe , apwe a panga , apwe a pembe . ²⁴Maji a kashitu yoze malifwila , hanji maji a kashitu hamushiha kuli ngongo munulinga no cheswacho nunazange , alyoze kanda nwalya ka .²⁵Mweswawo makalya maji a kuli kashitu wa kulambula nyi kahya kuli Yehova , kumakamuteta kuli atu jenyi . ²⁶Kanda nukalya manyinga nyi amwe mu mazuwo jenu , atujila chipweatushitu . ²⁷Yoze makalya manyinga eswawo , makamuteta kuli atu jeni . "'²⁸Yehova yamba kuli Mose ngwenyi , ²⁹" Amba kuli A-Izalele ngwe , 'mweswe malambula chitapo cha mulambu wa sambukila kuli Yehova akanehe mulambu wenfyi kuli Yehova . ³⁰Chitapo cha Yehova cha kulumba ha kahya , akanehe nyi moko jenyi . Akanehe maji nyi pambo , hanga lye pambo akalihungisa mulambu wa kuhungisa kumeso ja Yehova .³¹Sasendote akalumbe e maji ha chilumbilo , alyoze pambo mulikapwa lya mbala lya Alone nyi anenyi . ³²Nukahane chilama cha chindume munukahana kuli sasendote chikapwe mulambu wa kuzundula wa ku yitapo ya milambu yenu ya sambukila .³³Sasendote , ana ja Alone , yoze makalambula manyinga nyi maji a milambu ya sambukila - chilama cha chindume muchika pwa nyichenyi . ³⁴Mumu hinatambula ku ana A-Izalele , pambo lya chitapo chakuhungisa , nyi chilama che chakuhana , nyi kuyihana kuli Alone ka sasendote nyi ana jenyi amalunga kupwa chihanda cho .³⁵Chino muchipwa chihanda cha Alone nyi anenyi a malunga cha ku milambu ya Yehova ya kulumba nyi kahya , ha tangwa lize aakunjikile kuli Yehova akamulingile usasendote . ³⁶Chino che chihanda chize Yehova wa alwezele kwaha kuli A-Izalele , hatangwa a wayishile asasendote . Muchikapwa chihanda cho ndusu ku yisemuka yeswe .³⁷Yino ye shimbi ya mulambu wa kulumba , nyi ya mulambu ha shili , nyi ya mulambu wa uhye , nyi ya kulitumbikila , nyi ya chitapo cha mulambu wa sambukila , ³⁸yize Yehova yatuma Moze ha mulundu wa Sinayi tangwa lize atumine A-Izalele akalumbule milambu yo kuli Yehova mu puya ya Sinayi . "'

¹Yehova yamba kuli Mose , ngwenyi , ²" Twala Alone nyi anenyi a malunga hamuwika nenyi nyi e mazalo nyi e maji a ha shili nyi kuji wa ngombe wa mulambu wa shli , nyi kuji a mapanga aali , nyi mulonga wa mbolo kuyishi ufutunwiso . ³Ukakungulule chikungulwila cheswe ku chikolo cha mbalaka ya chikungulwila . "⁴Chocho Mose walingile chize Yehova amutumine , mba chikungulwila chaswile ku chikolo cha mbalaka ya chikungulwila . ⁵Mba Mose yamba ku chikungulwila ngwenyi , " Chuma chino Yehova hachituma tuchilinge . "⁶Mose yaneha Alone nyi anenyi a malunga yaasanyisa nyi meya . ⁷Yamujika che chikuto yamujichika we muya wa ponda mu mbunda yenyi , yamusa lye hina lya ngungu nyi ye efonde , ya mujichikayo nyi muya wa ponda wa ulangaji wa ku efonde .⁸Yamusa che chipwiko , mba mu chipwiko yasa Ulimi nyi Tumimi . ⁹Yamusa chitambala ku mutwe wenyi , mba kuchitambala , kulutwe , wasele chipenya cha olu , che chipangula chisandu , chizechene ngwe Yehova wamutumine .¹⁰Mba Mose wanjile majia kuwyisa no , ya wayisa tambanakulu nyiyize yeswe yilimo yayisela ku usandu . ¹¹Yasapwila maji ha chilumbilo yisuho shimbyali , yawayisa chilumbilo nyiyikashi yacho yeswe , nyi sahanyi nyi nganda yalwo akayisele ku usandu wa Yehova .¹²Yazujila amwe maji a ku wayisa no hamutwe wa Alone yamu wayisa akamusele ku usandu . ¹³Mose yaneha ana ja Alone ja malunga nyi kwajika yikuto . Yaajichika miya ya ponda nyi kwajichika yitambala , chizechene ngwe Yehova amutumine .¹⁴Mose yaneha kuji ya ngombe wa mulambu wa shili , Alone nyi anenyi a malunga yasa moko jo ha mutwe wa kuji ya ngombe yoze haneha wa mulambu wa shili . ¹⁵Yamushiha nyi kwanda manyinga ha munwe wenyi , yaakomona ha mbinga ja chilumbilo , ha kujingilika nyi kupemesa chilumbilo , yazujila manyinga ku shina lkya chilumbilo , nyikachisela ku usandu wa Zambi hanga akafukile shili .¹⁶Yanda maji eswe a ha a yihanda yeswe yamukachi nyi ha lyayi m nyi njiso jali hamuwika nyi maji jaho , ayo Mose yayilumba ha chilumbilo . ¹⁷Alyoze mwe kuji , nyi kupu lyenyi , nyi yifwo yenyi , nyi ufwachi wenyi , ayo yayocha nyi kahya haze lya chilombo , chizechene ngwe Yehova amutumine .¹⁸Mose wakunjikile kuji ya panga ha mulambu wa kulumba , Alone nyi anenyi a malunga yasa moko jo ha mutwe wa kuji . ¹⁹Yamushiha nyi kusapwila manyinga kujingilika ha chilumbilo .²⁰Yahananwona mwe kuji ya panga ya lumba mutwe nyi yipinji nyi maji . ²¹Yakosa yiihanda yamukachi nyi molu mu meya , mba yalumba mwe kuji ya panga mweswe ha chilumbilo . Akapwe mulambu wa kulumba wa lupembo mupema , mulambu wa kahya kuli Yehova chizechene ngwe Yehova watumine Mose .²²Mba yakunjika panga mukwo , mukwo te yoze wa kwatumbikila ku usasendote , Alone nyi anenyi a malunga yasa moko jo ha mutwe wa kuji . ²³Alone yamushiha , mba Mose yanda manyinga yaakomona ha songo lya twitwi lya chindume lya Alone , nyi hamunwe wa shina wa kwoko lyaenyi lya chindume , nyi ha munwe wa shina wa kulu lyenyi lya chindume . ²⁴Yaneha ana ja Alone a malunga , mba yakomona amwe manyinga ha masonga ja matwi jo a chindume nyi ha minwe ya shina ya moko , nyi molu jo a chindume . Mba Mose yasapwila manyinga kwa kujingilika ha chilumbilo .²⁵Yanda e maji , nyi muchila wa maji nyi maji eswe a ha yihanda ya mukachi nyi maji a ha lyayi , nyi njiso jeswe jali nyi maji jano , nyi chilama cha chindume . ²⁶Kukatuka mutonga wa mbolo yize kuyishi futunwiso yatwama kumeso ja Yehova , yanda chandanda chimuwika kuchishi futunwiso , nyi chandanda chimuwika cha mbolo ya maji , nyi likemba umuwika , yayisa ha maji nyi ha chilama cha chindume . ²⁷Ayo yeswe yayitumbika mu moko ja Alone nyi mu moko ja anenyi a malunga akayihungisa mulambu wa kuhungisa kumeso ja Yehova .²⁸Mba Mose yayichiza ha moko jo nyi kuyilumba ha chilumbilo . Kupwa nyi mulambu wa kulumba . Yikapwe mulambu kulitumbikila ku usandu wakuneha lupembo mupema . Mulambu wa kahya kuli Yehova . ²⁹Mose yanda lye pambo yali hungisa mulambu wa kuhungisa kumeso ja Yehova . Lyapwile lya mbala lya Mose lya ku kuji ya panga mulambun wa kulitumbikila ku usasendote , chizechene ngwe Yehova wamutumine .³⁰Mose yanda chihanda cha maji kuwayisa nyi chihanda cha manyinga ; chapwile ha chilumbilo ; yasapwila hali Alone , nyi ha mazalo jenyi , nyi ha anenyi , nyi ha mazalo anenyi amalunga hamuwika nenyi . Chocho yasela ku usasendote , Alone nyi mazalo jo kuli Yehova .³¹Mba Mose yamba kuli Alone nyi anenyi a malunga ngwenyi , " Telekenu ye yifwo ku chikolo cha mbalaka ya chikungulwila , nukayilye kuze kwene hamuwika nyi mbolo yize yili mu mutonga wa kulisela kuusandu , ngwe chize nanwambile , ngwami , 'Alone nyi anenyi a malunga akayilye '. ³²Chize muchisala cha ku yifwo nyi mbolo nukachoche . ³³Kanda nutuhuka ku chikolo cha mbalaka ya chikungulwila ndo matangwa shimbyali , ndo matangwa jenu ja kulitumbikila ku usasendote hahwa . Mumu Yehova makanusela ku usasendote ha matangwa shimbyali .³⁴Chize halinga musono - Yehova wachitumine kuchilinga kunufukila shili . ³⁵Kwe ku chikolo cha mbalaka ya chikungulwila mukatwama matangwa shimbyali mwalwa nyi ufuku , nyi kufunga chiyulo cha Yehova , kuchina munufwa , mumu chocho angutumine . " ³⁶Chocho Alone nyi anenyi a malunga alingile yuma yeswe Yehova walwezele muli Mose .

¹Hatangwa lya muchinake Mose yasanyika Alone nyi anenyi a malunga nyi makulwana A-Yizalele . ²Yamba kuli Lone ngwenyi , " Anda chimbembe cha kuji akapwe malambu ha shili , nyi kuji ya panga keshi chipa akapwe mulambu wakulumba , ukaalambule kumeso ja Yehova .³Mba kuli A-Yizalele ngwe , " Andenu kuji ya pembe akapwe malambu ha shili , nyi chimbembe nyi mwana panga , eswe nyi aali a mwaka umuwika keshi chipeka , akapwe mulambu wa kulumba ; ⁴nyi kuji ya ngombe nyi kuji ya panga akapwe milambu ya sambukila , akaatape kumeso ja Yehova , nyi mulambu wa wunga wa kuchinga nyi maji , mumu musono Yehova kumasoloka kuli yenu . ⁵Mba yuma yeswe Mose waatumine yayineha kulutwe lya mbalaka ya chikungulwila , che chikungulwila cha A-Yizalele cheswe chakundama nyikumana kumeso ja Yehova .⁶Mose yamba ngwenyi , " Chino che chuma Yehova wanutumine kulinga , hanga uhenya wenyi usoloka kuli yenu . " ⁷Mose yamba kuli Alone ngwenyi , " Kundama ku chilumbilo ukalambule mulambu we ha shili nyi mulambu we wa kulumba , ukalifukile shili hali yena nyi hali e atu , neha nawa muklambu hali atu ukafuke shili yo , chizechene ngwe Yehova hatuma . "⁹Chocho Alone yakundama ku chilumbilo yashiha chimbembe cha mulambu wa shili , ya iye mwene . ⁸Mba ana ja Alone malunga amukunjikile e manyinga , iye yachupika munwe wenyi mui manyinga yaakomona ha mbinga ja chilumbilo mba manyinga yaazujila ku shina lya chilimbilo .¹⁰Alyoze , e maji , nyi njiso , nyi maji aha lyaji lya malambu ha shili yayilumba ha chilumbilo chizechene ambile Yehova kuli Mose . ¹¹Ye yifwo nyi kupu yayocha nyi kahya haze lya chilombo .¹²Alone yashiha mulambu wa kulumba , mba ana ja Alone a malunga yamukunjika e manyinga , iye yaasapwila kwa kujingilika ha chilumbilo . ¹³Mba yamukunjika mulambu wa kulumba , chihanda ha chihanda , nyi we mutwe , iye yayilumba ha chilumbilo . ¹⁴Yakosa yihanda ya mujimo nyi molu mba yiyilumba hamuwika nyi mulambu wa kulumba ha chilumbilo .¹⁵Alone yakunjika mulambu wa hali e au yanda pembe , wa malambu hashili ya e atu yamushiha ; yamulambula ha shili , chize chene ngwe pembe mutangu . ¹⁶Yakunjika mulambu wa kulumba yaulambula nyikulita nyi shimbi ya Yehova . ¹⁷Yakunjika mulambu wa wunga ; yauzomonaka nyi kwoko lyenyi lya to , yaulumba ha chilumbilo , wa kuweza helu lya mulambu wa kulumba wa chimene .¹⁸Washihile mwe kuji ya ngombe nyi mwe kuji ya panga , yitapo ya milambu ya sambukila , uze wapwile wa athu . Ana ja Alone a malunga yakunjika manyinga kuli iye , waze asapwilile kwa kunjingiulika ha chilumbilo . ¹⁹Chipwe chocho , apatwileko maji a kuli ngombe nyi a phanga , nyi muchila wa maji , nyi aha yihanda ya muchima , nyi njiso , nyi maji a na lyayi .²⁰Anjile yihanda yize atetele nyikuisa ha pambo , mba Alone yocha maji hachilumbilo . ²¹Alyoze pambo nyi chilama cha chindume Alone wayihungishile yikapwe mulambu wa kunungisa kumeso ja Yehova , nyikulita nyi shimbi ja Mose .²²Henaho Alone yazundula moko jenyi kuli atu yaawahisa ; mba yapalumuka kuze walambwile mulambu ha shili , nyi mulambu wa kulumba , nyi mulambu wa sambukila . ²³Mose nyi Alone yanjila mu mbalaka ya chikungulwila , muze yatuhuka yawahisa athu , mba uhenya wa Yehova hiusoloka kuli atu eswe . ²⁴Kahya kakatukile kumeso ja Yehova nyikwocha mulambu wa kulumba hamwe nyi maji ha chilumbilo . Muze atu eswe hachi mona , azelele mba yafulamana ha meso jo .

¹Nandambe nyi Ambihu , ana amalunga ja Alone , anjile mweswe chikwachilo chenyi , yasamo kahya , nyi insensu . Yalambula kahya keka kumeso ja Yehova , kaze iye ka atumine . ²Mba mwatuhukile kahya kumeso ja Yehova yaalaisha , yafwa kumeso ya Yehova .³Henaho Mose yamba kuli Alone ngwenyi , " Chino che chuma Yehova hamba ngwenyi , ' Mungusolola usandu wami kuli waze makakundama kuli yami . Kumeso ja e atu eswe mungukalema . "' Alone yaliholela lume . ⁴Mba Mose yasanyika Mishaele nyi Elizafwa , ana ja Uziele natu ya Alone , yanda kuli ayo ngwenyi , " Tweyenu nuzundule akwenu kulutwe lya muma musandu nukaachize mu chilombo . "⁵Chocho yeza yambata , mu yikuto yo , yaachiza mu chilombo , chizechene ngwe Mose haatuma . ⁶Mba Mose yamba kuli Alone nyi kuli Eliazale nyi kuli itama , anenyi a malunga ngwenyi , "Kanda nukasulula kambu jenu , chipwe mazalo jenu kanda nwapula , kuchina munufwa , kuchina ufwatulo ukapwile ha chikungulwila cheswe . Alone akwenu , vungu lyeswe lya Yizalele , mahasa kulilila kahya kano Yehova hawika . ⁷Kanda nutuhuka ku chikolo cha mbalaka ya chikungulwila , kuchina munufwa , mumu hananuwayisa nyi maji kuli Yehova . " O chocho alingile nyikulita nyi liji lya Mose .⁸Yehova yamba kuli Alone , ngwenyi, " ⁹Kanda ukanwa vinyu hanji kunwa chisasu , chipwe yena , chipwe ana je amalunga muze mununjila mu mbalaka ya chikungulwila , kuchina munufwa . Chino chikapwe chiyulo cha mutolo kuli yenu ndusu yisemuko yenu yeswe , ¹⁰chanutamba kuhandununa yisandu nyi yuma yeswayo nawa hakachi ka yuma yipema nyi yuma ya luchisa , ¹¹nukalongese A-Yizalele yiyulo yeswe yioze Yehova haakunjika kuli Mose . "¹²Mose yamba kuli Alone nyi kuli Eleazale nyi Ita,a , anenyi a malunga waze asala ngwenyi , " Andenu mulambu wa wunga uze wasala wa ku milambu ya kahya kuli Yehova , nukaulye kushi futunwiso ku lumbu lya chilumbilo , mumu usandu wahyana . ¹³Nukalye muma kusandu , mumu nyiwe nyi wa ane a malunga wa ku mulambu ya kahya kuli Yehova , mumu chocho hangutuma .¹⁴Pambo lya kuhungisa nyi chilama kahana kuli Yehova , nukalye kuchihela chipema Zambi hataiza . Yena nyi ana a malunga , nyi ane a mapwo hamwe nyi yena nukalye yihandu yino mumu hanakweheyo yikapwe chihanda che nyi che nyi cha ane a malunga , mya ku yitapo ya milambu ya sambukila ya A- Yizalele . ¹⁵Chilama che kuzundula nyi pembo lya kuhungisa , akayinehe hamuwika nyi milambu ya kahya ya maji , akayi kuhungisa kuli Yehova , Muukapwa wa yena nyi wa ane a malunga hamuwika nyi yena , chihanda chenu cha mutolo chizechene ngwe Yehova hamba . "¹⁶Mose yafupafupa mwe pembe wa mulambu ha shili , mba yawana hamwocha . Keshika watenukina nyi Eleazale nyi Itama , ana ja Alone waze asala ; ngwenyi , ¹⁷" Kuchi te kunwalile mulambu ha shili muma musandu , je wapwa usandu wahyana , mba Yehova hanwahawo kumbata uhenge wa chikungulwila , kufuka shili yo kumeso jenyi ? ¹⁸Talenu , Manyinga jawo kaanehene muchima lya mumu musandu , chanutela kachi kulya muma musandu , ngwe chize anulwezele . "¹⁹Mba Alone yamba kuli Mose ngwenyi , " Talenu , musono halambula mulambu wo ha shili nyi mulambu wo wa kulumba kumeso ja Yehova , hindu chino chuma kichalingiwa kuli yami musono . Kachi nalyanga musono mulambu ha shili , kachi chapemenanga kumeso ja Yehova nyi ? " ²⁰Muze Mose yevwa chino , chamuwahililile .

¹Yehova yamba kuli Mose nyi Alone , ngwenyi , ²" Ambenu kuli A-Izalele , ngwenyi , ' Wano e akwa mwono munuhasa kulya hakachi ka tushitu ali hashi .³Munuhasa kulya waze eswe ha tushitu ali nyi sende ja kupula mba kakusekula . ⁴Hindu , hakachi ka waze akusekula hanji kali nyi sende ja kupula , kunuchi kulya wano tushitu ngwe kamelu , mumu kakusekula alyoze , keshi sende ja kupula . Chocho akapwe wa luchisa kuli yenu .⁵Nyi sele , mumu ka kusekula alyoze keshi sende ja kupula , akapwe wa luchisa kuli yenu . ⁶Nyi mbalu , mumu kakusekula alyoze keshi sende ja kupula , akapwe wa luchisa kuli yenu . ⁷Nyi ngulu , mumu kali nyi sende ja kupula , alyoze keshi kusekula , akapwe wa luchisa kuli yenu . ⁸Yifwo yo kunuchi kuyilya , chipwe mijimba yo ya kufwa kunuchi kuyikwata . Akapwe a luchisa kuli yenu .⁹Tushitu waze atwama mu meya munukalya waze ali nyi yihehe nyi mahalo wika , hanji mu kalunga lwiji hanji mu njiji . ¹⁰Mba waze eswe keshi nyi yehehe nyi mahalo hanji mu kalunga lwiji hanji mu njiji , hakachi ka waze eswe akwenda mu meya akapwe mu meya nyi akwa mwono eswe atwama mu meya - akapwe a kuvwisa alwaji kuli yenu .¹¹Kumakapwa a kuvwisa lwaji kuli yenu kanda nulya yifwo yo ; mba , mijimba yo ya kufwa muyipwa ya kuvwisa lwaji . ¹²Keshika mweswe wa mumeya keshi chihehe nyi mahalo akapwe wa kuvwisa lwaji kuli yenu .¹³Wano e thujila makapwa a kuvwisa lwaji - nawa kanda nwalya mumu akuvwisa lwaji : nyi pupa , nyi chihungu , nyi chiselele , ¹⁴nyi hula-yula , nyi kambuya nyikulita nyi vungu lyenyi , ¹⁵nyi chikwakalo nyikulita nyi vungu lyenyi , ¹⁶nyi kakulu nyi chambamba , nyi ngavota , nyi chikoi nyikulita nyi vungu lyenyi .¹⁷Nuka vwile lwaji chingulu mukehe nyi munene , katovwi , ¹⁸nyi chozo nyi toji , nyi kuyu , ¹⁹chitwanjimbu , nyi chitokola nyikulita nyi vungu lyenyi , nyi kolokokwe , nyi kafukufuku .²⁰Waze eswe akwete mapulwa alyoze kakukalala hashi ha molu a wana akapwe a kuvwisa lwaji kuli yenu . ²¹Alyoze hakachi ka akwa mapulwa akukalala ha molu a wana munuhasa kulya waze ali nyi malinja a kutumbuka no hashi helu lya yilyato nawa . ²²Te wano munuhasa kulya ngwami makumbi nyikulita nyi vungu lyo , nyi mapasu nyikulita vungu lyo , nyi tuzombwela nyi kulita nyi vungu lyo , nyi luzeze nyi kulita nyi vungu lyo . ²³Alyoze akwa kukalala eswe akwete mapulwa akwenda nyi molu awana akapwe a kuvwisa lwaji kuli yenu .²⁴Munukapwa akwa luchisa ndo chingoloshi mweswawo maka kwata ku mijimba yo ya kufwa . ²⁵Mweswawo makambata chimwe cha ku mijimba yo ya kufwa makakosa mazalo jenyi mba makapwa wa luchisa ndo chingoloshi .²⁶Kashitu mweswe kali nyi chilyato cha kupula alyoze keshi nyi sende chikwo nawa keshi kusekula akapwe wa luchisa kuli yenu . Mweswawo maakwata malichisa . ²⁷Cheswe chize chakwenda ha malinja ha tushitu eswe akwendela ha molu a wana , makapwa a luchisa kuli yenu . Mweswe makwata ku mijimba yo ya kufwa makapwa wa luchisa ndo chingoloshi . ²⁸Yoze makambata mijimba yoya kufwa makosa mazalo jenyi mba iye makapwa wa luchisa ndo chingoloshi . Mumu o akwa luchisa kuli yenu .²⁹Hakachi ka akwa kukalala hashi , akapwe wa luchisa kuli yenu wano : nyi mukondo , nyi tumbi , nyi chitombwe , nyikulita nyi vungu lyenyi , ³⁰nyi kasulu , nyi chiku , nyi kasengele kwekwe , nyi musevu , nyi nongwena .³¹Ha tushitu eswe aku kalala , wano e tushitu waze aluchisa kuli yenu . Mweswe makaakwata muze te hafwa makapwa wa luchisa ndo chingoloshi . ³²Kweswako makaholokela muze te hafwwa , muchipwa cha luchisa , chipwe chikwachilo cha mutondo , chipwe uzalo , chipwe kupu , chipwe njeke . Chuma cheswacho cha milimo yeswayo , chatamba kuchisa mumeya ; muchipwa cha luchisa ndo chingoloshi . Mba muchipema . ³³Mumu ndoho yeswe ya uma chipwe cheswe chize kashitu wa luchisa makaholokela , cheswe muchikapwa mu ndoho muchikapwa chaluchisa , nyi ye ndoho nukayenyeke .³⁴Ya kulya yeswe haze meya ano hanaholokela nuyikapwa ya luchisa , mba ya kunwa yeswe muyikapwa mu chikwachilo cheswacho cha luchisa muyikapwa ya luchisa . ³⁵Chuma cheswacho haze chihanda chimuwika cha mijimba yo ya kufwa muyikaholokela muchikapwa cha luchisa ; chipwe fono hanji jiko , akayishihe tuyipinji . Mumu yapwa ya luchisa mba kuli yenu muyikapwa ya luchisa .³⁶Alyoze fuji lya meya hanji shima lya meya meya anji o makapema ; alyoze mweswawo makakwata ku mujimba yo ya kufwa halichisa . ³⁷Nyi kachi chimwe cha ku mijimba yo ya kufwa muchikaholokela ha mbuto yize nunambe kukuwa , muyikapema . ³⁸Alyoze nyi hasa meya ha mbuto , mba chimwe cha ku mijimba yo ya kufwa muyikaholokelaho , muyikapwa ya luchisa kuli yenu .³⁹Nyi umwe kashitu mafwa yoze te wa kulya kuli yenu , mweswe makwata ku mujimba wenyi wa kufwa mapwa waluchisa ndo chingoloshi . ⁴⁰Nyi yoze makalya mwimba wenyi wa kufwa makakosa mazalo jenyi mba makapwa wa luchisa ndo chingoloshi . Mweswe makambata mujimba wenyi wa kufwa makakosa mazalo jenyi mba makapwa wa luchisa ndo chingoloshi .⁴¹Mba kashitu mweswe wa kukalala ha mavu akapwe wa kuvwisa lwaji kuli yenu , kanda nukamulya . ⁴²Mweswawo kakulikoka ha jimo lyenyi , nyi yoze wakwenda ha molu a wana , nyi waze ali nyi molu anji anji - te a ku mavungu eswe akulikoka ha mavu , kanda nukaalya , akapwe a kuvwisa lwaji kuli yenu .⁴³Kanda nukalipwisa yenwene a lwaji kuli kashitu mweswawo wa kuli koka , chipwe kulichisa no hanga nukalipihise no, ka . ⁴⁴Mumu yami Yehova Zambi yenu . Keshika munukalihandununa , nukalisele ku usandu , se nyi yami nguli musandu . Kanda nukalichisa nyi kashitu nyiumwe mukwa kulikoka ha mavu . ⁴⁵Mumu yami Yehova nanuchijile ku chifuchi cha Engitu , ngukapwe Zambi yenu . Keshika munukapwa asandu , se nyi yami nguli musandu .⁴⁶Yino ye shimbi ya tushitu , nyi ya tujila, nyi ya akwa mwono eswe akwenda mu meya , nyi ya tushitu eswe akukalala hashi , ⁴⁷nukahandunune hakachi ka akwa luchisa nyi apema ,hakachi ka mukwa mwono yoze munuhasa kumulya nyi mukwa mwono yoze kunuchi kuhasa kumulya . "'

¹Yehova yamba kuli Mose ngwenyi , ²" Amba kuli A-Yizalele , ngwe , ' Nyi umwe pwo maka mita masema mwana wa luinga , makapwa wa luchisa matangwa shimbyali , chizechene ngwe ha matangwa a kulihandununa ha kujila chenyi chocho mapwa wa luchisa . ³Ha tangwa lyamuchinake mapwisa mwe mwana ngalami .⁴Mba pwo makapwa chizechene mu manyinga jenyi a kumupemesa makumi atatu a matangwa nyi matangwa atatu . Kanda akakwata nyichimwe chuma chisandu chipwe kunjila muma musandu ndo matangwa jenyi a kumupemesa hahwa . ⁵Alyoze nyi masema mwana wa pwo , makapwa wa luchisa semana jali , chizechene mu manyinga jenyi . Mba kupemesa cha naye muchikaheta ndo ku matangwa makumi asambano nyi matangwa asambano .⁶Muze matangwa jenyi a kumupemesa hahwa , apwe hali mwana wa lunga apwe hali mwana wa pwo akanehe mwana - panga wa mwaka umuwika akapwe mulambu wa kulumba , akahane nawa mwana - lyembe hanji katele akapwe mulambu ha shili . Kuchikolo cha mbalaka ya chiwanyino , kuli sasendote .⁷Mba iye maulambula kumeso ja Yehova akamufukile shili , mba mapema ku kuhita cha manyinga jenyi . Yino ye shimbi ya kutwala kuli pwo muze masema mwana apwe wa lunga apwe wa pwo . ⁸Nyi kahashile kulanda mwana - panga , akande tutele aali hanji ana - amembe aali , umwe akapwe mulambu wa kulumba mukwo a kapwe mulambu ha shili mwe sasendote mamufukila shili ; mba makapema . "'

¹Yehova yamba kuli Mose nyi Alone , ngwenyi , ²" Nyi kuli umwe mweswao uli ha kowa lyenyi nyi chijimbo mba kachilonda hanji chipeka , mba mu chalumuka nyi kupwa musongo ha kawa mu mujimba wenyi , achi muka mu twale kuli Alone sasendote wakulutwe , hanji kuli umwe hachi ka ana jenyi Asasendote .³Mwe sasendote matala kanawa musongo uli mukowa lya mujimba wenyi . Nyi wona ha kowa lya musongo hi walumuka kiupwa wutoma , mba nyi ngwe musongo muusoloka hi wanjila kushi lya kowa , mba chocho hi wapwa musongo wa lwambu . Chize sasendote ma mutalatala , katela kumu vuluka ngwo walu chisa . ⁴Alyoze nyi chipema chize ha kowa hi chapwa chitoma , mba chinasoloka kushi lya kowa , nyi ngwe wona kuwalumukine wutoma , mwe sasendote akamuchize lye wuli nyi musongo hamatangwa shimbiali .⁵Hatangwa lya muchishimbiali , mwe sasendote mamutala nawa nyi ngwe musongo uno hi watanjile , mba nyi kawanjihile mukowa . Nyi kawanjilile , chocho chizechene sasendote amuse wukawenyi hamwa tangwa shimbiali . ⁶Sasendote mamutala nawa ha tangwa lya muchishimbiali nyi ngwe musongo hi wafwilila mba kawa njilile mukachi ka kowa . Nyi hi chocho , mba mamuvuluka ka toma . Hi wapwa musongo . Katela kukosamazalo jenyi , mba ha pama .⁷Alyoze nyi musongo hi wanjila mu kowa muze te kali solola kuli sasendote hakuli pemesa , katela nawa kulisolola mwene kuli sasengote nawa . ⁸Mwe sasendote mamutala nyi kumona musongo nyi lu wanjila mukachi lya kowa . Nyi hi wa tanda , mba mwe sasendote mamuvuluka ngwenyi walu chisa . Hi wapwa musongo wa lwambu .⁹Muze musongo wa chikowa wa lwambu kali muli umwe , katela kumu neha kuli sasendote . ¹⁰Sasendote mamutala nyi kumona ngwe kali nyi chijimbo chitoma mu kowa , nyi ngwe wona hi walumuka wutoma , nyi mulyifwo yichila muchijimbo . ¹¹Nyi chocho , achi wapwa musongo wukulu mu kwowa . mba mwe sasendote mamuvuluka ngwenyi walu chisa . Kechi kamwajilila , mumu hapwa walu chisa .¹²Alyoze nyi musongo muutakana mweswe mu kowa lya mutu yoze nyi musongo kukatuka ku mutwe ndo ku yiliato , yenyi , kweswaka meso asasandote matala , ¹³alyoze sasendote hali iye nyi kumona musongo nhgwe hi watakana mujimba weswe nyi ka . Nyi chocho , mwe sasendote aka muvulike ngwo hatoma . Nyi hi chapwa chitoma , mba ha toma . ¹⁴Alyoze nyi yifwo yichila hi ya soloka kuli iye walu chisa .¹⁵I ye sasendote atale ha yifwo yichila amuvuluke ngwo kali wa luchisa mumu yifwo yichila ya luchisa . Hiwapwa musongo wa lwambu . ¹⁶Alyoze nyi yifwo yi chila muyalukuka kupwa yitoma nawa , mutu yoze aye kuli sasendote . ¹⁷Sasendote amutale nyi kumona ngwe yifwo hi yalumuka kupwa yitoma . Nyi chocho sasendote amuvuluke mutu yeo ngwo hatoma .¹⁸Nyi mutu hapwa nyi hute mukowa mba hute hi liaya , ¹⁹alyoze ha chihela hali cijimbo chitoma nyi chipeka , chichila chitoma , mba aka chilweze kuli sasendote . ²⁰Sasendote a chitale nyi kumona ngwe hi cha njila mukachi ka kowa , alyoze nyi wona ha walumuka kupwa wutoma . Nyi chocho , mba sasendote amuvuluke kupwa walu chisa . Hi wapwa musongo wa lwambu , nyi hi waputuka ha chihela haze hapwile hute .²¹Alyoze nyi sasendote matala nyi kumona ngwo wona awo hiwu tomako . Ngwo himukachi ka kowako alyoze hi watepuluka , achi sasendote aka mwajilile hama tangwa shimbiali . ²²Nyi hiwa tanjila mweswe mu kowa , mwe sasendote amuvuluke ngwo waluchisa . wapwa musongo wa lwambu . ²³Alyoze nyi chipeka chasala ha chihela chacho kucha tanjile , mba chapwa chipeta chahute , chocho sasendote akamuvuluke nwgo kana peme .²⁴Muze ngwe kowa hilya wema yifwo yichila yize yina weme muyi pwa ngwe yitoma aku ngwe yichila mba ngwe chipeta chitoma , ²⁵muze sasendote matala nyiku mona mba ngwe woma ha chipeka hi walumuka kowa . Nyi chocho , mba hi musongo wa lwambu . Hiwaputuka muchilonda cha kahia , mba sasendote amuvuluke ngwo walu chisa . Kapwa musongo walwambu .²⁶Alyoze nyi sasendote amutala nyi kuwana ngwo wona utoma kuushiho ha chipeka , mba kushi lya kowa hiwafwahilila , mba iye sasendote aka mwajilile ha matangwa shimbiali . ²⁷Mba chocho sasendote amutale ha matangwa shimbiali . Nyi hiwajilila mukachi ka kowa , achi sasendote amuvuluke ngwo katomene . Hi wapwa musongwo wa lwambu . ²⁸Nyi chipeka hi chatwama ha chihela chacho kucha tanjile mu kowa mba hi chafwilila , achi chijimbo china tuhuka kukuwema , nyi yoze sasendote amuvuluke ngwo katoma , mumu chikwo china palika ha chipeka chaku wema .²⁹Nyi lunga hanji pwo kapwa nyi musongo walwambu ha mutwe hanji ku change , ³⁰mwe sasendote a mutale mutu yono nyi kali nyi musongo wa lwambu a mone nyi kuwasolokele ngwe hiwanjila kushi lya kowa , kachi nyi ngwo hi yapwa usela , mukachi ka wona . Mba chocho , achi sasendote amuvuluke ngwo kapemene . Wapwa kuzwa , musongo wa lwambu ha mutwe mba kuchange .³¹Muze sasendote matala musongo wa kuzwa nyi kanjilile mukachi ka kowa , kambujila ku jeshiho , mwe sasendote mwa mwajilila mutu yoze kali nyi musongo wakuzwa ha matangwa shimbiali cheka nawa .³²Ha matangwa shimbiali sasendote matala musongo amone nyi hi watanda . Ngwe kambu ja usela ja kuhi , alyoze nyi musongo hiwa soloka mukachi ka kowa , ³³kana tela kumuteula , alyoze ha chihela cha musongo kanda nukateulaho ka , mwe sasendote amwajilile mutu yoze wuli nyi musongo wakuzwa hama tangwa akwo shimbiali .³⁴Hatangwa lya muchishimbiali sasendote matala musongo nyi hiwecha kutanda muchikowa . Nyi hiwasoloka mukachi kachi kowa , mwe sasendote amuvuluke gwo hatoma . Mutu katela kukosa mazalo jenyi achi mapwa mupema .³⁵Alyoze nyi musongo wa kuzwa hiwatanda chinji mu kowa muze sasendote hamu pemesa , ³⁶mwe sasendote amutale nawa . Nyi musongo hi watanda mukowa , sasendote kanda atonda kambu ja usela . Mutu yoze kapemene . ³⁷Alyoze nyi sasendote mamona ngwo musongo wa kuzwa hi wahwa kuatanjile nyi kambu jila hi ja soka ha chihela chize , chize musongo hi wahwa . Hana tomo , mwe sasendote amuvuluke ngwo hatoma .³⁸Muze lunga mba pwo mapwa nyi yipeka yitoma ha kowa , ³⁹mwe sasendote a mutale mutu yoze a mone nyi ngwe yipeka yitoma kuya temukine , ayo hi yapwa yimbulu mbulu yina tuhuka mu chikowa . Kana peme .⁴⁰Nyi kambu jalunga hi jimuhuluka kumutwe , kali nyi lwole , alyoze kana tomo . ⁴¹Kambu jaku lutwe nyi hijahuluka ha mutwe wenyi , nyi ngwe mutwe wenyi hapw nyi lwnja , kana peme .⁴²Alyoze nyi ngwo kali nyi chilonda chichila hanji chitoma ha lwaja lwenyi kulutwe wa mutwe wenyi , musongo wa lwambu uze hi wanjila . ⁴³Mwe sasendote amutale ngwe chijimbo chili ha chihela cha musongo ha lwanja hamutwe nyi ngwo hahuma nawa chili - tomo , che kusoloka cha musongo wa lwambu mu chikowa . ⁴⁴Nyi chocho , kali nyi musongo wa lwambu kapemene . Sasendote katela kumuvuluka ngwo kapemene mumu wamusongo ha mutwe wenyi .⁴⁵Mutu yoze wuli nyi musongo wa lwambu apwe nyi kuzala mazalo aku tonyoka , kambu jenyi majifukula , katela kufuka ha meso jenyi nyi kuheta ha muzulu wenyi mapwa nyi kusanyeka , ' kapemene , kapemene . ' ⁴⁶Matangwa eswe waze ali nyi musongo wa lwambu mapwa kapemene . Mumu kapemene kali nyi musongo wakutamda , aka twame wukawenyi . Katela kutwama haze lya chilombo .⁴⁷Hina lize lili nyi musongo wa mbumba , hanji hina lya wona wapanga nyi hina lya linyu , ⁴⁸hanji mumu twalo hanji mumbandwola ya hina lipema , litoma ku chiza ku wona wapanga hanji lingu , hanji chilumbumba cheswacho ana tunga nyi kambu - ⁴⁹nyi ngwe kuli hina lya mafo amatamba nyi lize lina chili kulyatomene , hangachilambu , kusepekenya nyi kutomga chikuto , hanji chwese chakutunga nyi lambu , muze mbumba hiya tanda , katela kuli sasendote .⁵⁰Sasendote atale ha chuma cha mbumba ; katela kwajilila cheswe acho chili nyi mbumba hamatangwa shimbiali . ⁵¹Ku matela kutala nawa hamatangwa shinbiali . Nyi ngwo hi yatanda ku hina hanji ku chuma cheswe chaku sepekenya hanji cha kutonga nyi wona wapanga hanji hina lya linyu , hanji chilambu hanji chize cheswe malinga nyi chilambu , mba chocho muyipwa mbumba yipi , nyi chuma chize ku chapemene . ⁵²Hina lize katela kulyocha , hanji cheswe cha ku sepekenya hanji cha kutonga cha wona wa panga hanji hina lya linyu , hanji chilambu hanji cheswe chakutunga nyi chilambu , cheswe a chize makawana nyi mbumba yipi , muyikaneha musongo . Chuma achize chatela cheswe kuchocha .⁵³Chize sasendote matala chuma chize nyi kumona ngwe mbumba hiyajila kuchi kuto hanji kuhina lya kusepekenya hanji lya kutonga nyi wona wapanga hinji linyu , hanji chuma cha lambu , ⁵⁴a chi iye matuma akose yuma ya mbumba yeswe mawana , a kayajilile ha matangwa shimbiali . ⁵⁵Mwe sasendote matala chuma cha mbumba chize akosanga . Nyi ngwe mbumba kuyalumukile chifwa chayo , nyi muze hiyatajile , kuyapemene . Nwatela kwocha chikuto a chize , chipwe heswaho mbumba yina twame .⁵⁶Muze sasendote matala achize chuma , alyoze nyi chipeka hi cha tepuluka mumu waku kosa , mba chocho katela kupatulako chihanda a chize chili nyi chipeka ha chikuto hanji ha lambu , lya kusepekenya hanji lya kutonga hina . ⁵⁷Nyi chipeka mu chisoloka cheka nawa mu chikuto , nyi ngwo mu hina lya kutonga mba lya kusepeka , hanji chuma cheswe cha kutunga nyi chilambu , nyi wuna tande . Nwatela kwocha yuma yeswe yili nyi chipeka . ⁵⁸Chikuto hanji chuma cheswe chaku sepeka hanji chaku tonga ku wona wa panga hanji hina lya linyu , hanji chilambu hanji cheswe chuma cha kutunga nyi lambu - nyi muwukosa chuma a chize chipeka muchi katukaho , chuma a chize nukachi kose kamuchiali , mba mu chipwa chitoma .⁵⁹Yino ye shimbi ya chipeka cha musongo kutwala ku chikuto cha wona wa panga hanji linyu , cheswe cha ku kusapekenya hanji cha kutonga kufuma ku wona wa panga hanji hina lya linyu , hanji lambu hanji chuma cheswe cha kutunga nyi lambu , hanga nukachi vuluke ngwo china peme nyi kucha pemene ."

¹Yehova yamba kuli Mose , ngwenyi , ²" Shimbi ya mukwa mbumba hatangwa lyakumupemesa yino . Akamunehe kuli sasendote .³Sasendote matuhuka mu chilombo akamweseka nyi musongo wambumba hiwamuhwa . ⁴Sasendote matumina hali yoze anambe kupemesa akande aali amwono , apema , tujila , hamwe nyi mutondo wa sendulu , nyi hina lyangengu , nyi yisope . ⁵Sasendote matumina ashihe kajila umuwika helu lya meya waze anende muchikwachilo cha ndeho ya uma .⁶Sasendote akande mwe kajila wamwono hamwe nyi mutondo wa sendulu , nyi hina lyangengu nyi yisope , akachupike yino yuma yeswe , hamwe nyi kajila wa mwono , mumanyinga ja kajila yoze hamushiha helu lya meya waze anende . ⁷Mba sasendote akasapwile meya yisuho shimbyali hali yoze anambe kumupemesa ku musongo , cheka nawa sasendote akawuluke ngwenyi kanapeme , mba sasendote makatusula kajila wa mwono akaye muchifuchi cha woya .⁸Mutu yoze mamupemesa akakose mazalo jenyi , akateule kambu jenyi jeswe , akasane mwene mumeya , mba mapema . Hakumanyisa yino akahiluke mu chilombo , alyoze makatwama haze lya mbalaka yenyi ndo matangwa shimbyali hahwa . ⁹Hatangwa lya mu chishimbyali akateule kambu jenyi jeswe jakumutwe , akateule wevu wenyi nyi yikenyi kenyi . Akateule kambu jenyi , nawa akakose mazalo jenyi akasane mwene mu meya mba mapema .¹⁰Hatangwa lyamuchinake akande ana amapanga aali akuji keshi chipa , nyi chihwo cha panga umuwika keshi chipa , nyi mulambu waunga wa yihanda yitatu yaku kumi lya yihanda ya unga wakuchinga nyi maji nyi njongo ya maji . ¹¹Mba sasendote mukwa kumupemesa mamanyisa yoze mutu hapemesa , hamuwika nyi yino yuma , kumeso ja Yehova kuchikolo ya mbalaka ya chikungulwila .¹²Sasendote akande kuji ya panga umwika akamulambule ngwe mulambu wauhye , hamuwika nyi njongo ya maji ; akayihungise yikapwe mulambu wakuhungisa kumeso ja Yehova . ¹³Akashihe mwana panga wakuji kuze akushihila mulambu washili nyi mulambu wakwocha ; muchihela cha mbalaka , mumu mulambu wa shili wa kundama kuli sasendote , ngwe mulambu wa uhye , mumu wapwa usandu kuhyana .¹⁴Sasendote akande amwe manyinga aku mulambu wa uhye akamusotwele mutwitwi lya chindume yoze hapemesa , nyi hamunwe wakwoko lyenyi lya chindume , nyi hamunwe wa shina lya kulu lyenyi lya chindume . ¹⁵Sasendote akande maji munjongo aka zujile mukwoko lyenyi mwene lya chimeso , ¹⁶akachupike songo lya munwe wenyi wa chindume mumaji ali mukwoko lyenyi lya chimeso , akasapwile amwe maji nyi munwe yisuho shimbyali kumeso ja Yehova .¹⁷Sasendote akande maji waze makasalaho akase mukwoko lyenyi , akanokele mutwitwi lya chindume lya yoze makapemesa , nyi hamunwe wa shina lyakwoko lyenyi lya chindume , nyi hamunwe washina lya kulu lyenyi lyachindume . Akase manyinga helu lya mulambu wa uhye . ¹⁸Maji waze makasala mukwoko lya sasendote akakwite ha mutwe wa yoze makamupemesa , mba sasendote akamuwahisa ku meso ja Yehova .¹⁹Mba sasendote akalambule mulambu wa shili hanga akawahise yoze makamupemesa ku luchisa wenyi , kulutwe akashihe mulambu wa kwocha . ²⁰Mba sasendote makalambula mulambu wa kwocha nyi mulambu wa unga ha chilumbilo . Sasendote makawahisa mwe mutu , mba makapwa wakupemesa .²¹Alyoze nyi ngwe chiswale kechi kuhasa ku wana yino yuma , akande kuji wapanga umuwika ha mulambu wa uhye akamu hungise , hanga akaliwahise mwene , akanehe nawa chihanda chimuwika chaku- kumi lya yihanda ya unga wakulumba wa kuchinga nyi hamulambu wa unga , nyi njongo ya maji , ²²hamuwika nyi tutela aali chipwe nyi ana amemba aali , waze mahasa kuwana ; umuwika mukapwa mulambu washili mukwo mulambu wa kwocha . ²³Hatangwa lyamuchinake akatwale hanga akamuwahise no kuli sasendote , kuchikolo cha mbalaka ya chikungulwila , kumeso ja Yehova .²⁴Sasendote akambate panga akamulambule , akambate nawa nyi njongo ya maji akayizundule helu ku meso ja Yehova . ²⁵Akashihe panga wamulambu wa uhye , akambate manyinga amwe amulambu wa uhye akasotwele mutwitwi lya chindume lya yoze makamupemesa , nyi hamunwe washina lyakwoko lyenyi lua chindume , nyi ha munwe washina lya kulu lyenyi lya chindume .²⁶Mba sasendote akazujile maji amwe mukwoko lyenyi mwene lya chimeso , ²⁷akasapwile nyi munwe wenyi , wakwoko lyenyi lya chindume amwe maji amukwoko lyenyi lya chimeso yisuho shimbyali kumeso ja Yehova .²⁸Mba sasendote akase amwe maji mukwoko lyenyi akasotwele mutwitwi lya chindume lya yoze mamupemesa , nyi hashina lya munwe wa kwoko lyenyi lya chindume , nyi ha munwe wa shina lyakulu lyenyi lya chindume , akasele homa haze hene asele manyinga amulambu wa uhye . ²⁹Akase amwe maji waze makasalaho ha mutwe wa yoze mamupemesa , hanga akamuwahise kumeso ja Yehova .³⁰Mba akalambule umwe katela , chipwe mwana lyembe , yoze mahasa kuwana - ³¹umuwika wa mulambu wa shili mukwo wa mulambu wa kwocha , hamuwika nyi mulambu wa unga . Mba sasendote makamuwahisa yoze anambe kuwahise kumeso ja Yehova . ³²Ayino ye shimbi ya mutu yoze uli nyi musongo wa mbumba , nyi ngwe mahona kuwana mulambu yakumupemesa nayo . "³³Yehova yamba kuli Mose nyi kuli Alone , ngwenyi , ³⁴" Muze munuheta ku chifuchi cha kanana chize nanuhele ku chizuka , nyi mungusa musongo uze mu utanda muzuwo mu chifuchi chize hinwazuka , ³⁵mwenya zuwo akaye kuli sasendote akamulumbunwine . Akambe ngwenyi , ' Chinasoloka ngwe musongo uli muzuwo lyami . '³⁶Sasendote akahane shimbi yakuchiza yeswe yuma yili muzuwo shimbu kanda achiya nyi kutala ushindakenyo wa musongo , kashika nyi chimwe chuma cha muzuwo makawuluka ngwenyi chili nyiluchisa . Kulutwe sasendote akaye akatale mwe muzuwo . ³⁷Akaseke kutala nyi musongo uli mu muchipupacha zuwo , nyi uli nyi yipeka yipeka ngwe mbundu nyi yichila hanji hiwa njila muchima . ³⁸Nyi muzuwo mwawanyiwa musongo , sasendote akatuhukemo akajile kuchikolo matangwa shimbyali .³⁹Sasendote akahilukileko nawa munyima ya matangwa shimbyali akeseke kutala nyi musongo hiwatanda muchipupa cha zuwo . ⁴⁰Nyi mauwanamo , sasendote akahane shimbi ja kuchiza mawe eswe makawana nyi musongo akambile kuchihela chaluchisa haze lya chihunda .⁴¹Aye makatumina kukwala mukachi ka zuwo lyeswe , nyi mavu eswe makakwala makazukwila kuma kuze kwa luchisa haze lya chihunda . ⁴²Akande mawe eka akasala kanjise muli waze hachizamo akazachise mavu aha akashingule nacho zuwo .⁴³Nyi musongo muukasangumuka nawa muzuwo lize hachiza mawe nyi kulikwala nyi kulishingula , ⁴⁴sasendote akaye mukulyeseka nyi musongo hi watanda muzuwo . Nyi ngwe muuli , ka musongo wa mbongolo , nyi zuwo mulipwa lya luchisa .⁴⁵Zuwo lino akalipuzule . Nyi mawe jalyo , nyi mitondo yalyo , nyi mavu eswe akushingula akambile haze lya chihunda kuma kuze kwa luchisa . ⁴⁶Chikwo nawa , mweswawo makanjilamo muzuwo shimbu lichili lyakwajila makapwa waluchisa ndo chingoloshi . ⁴⁷Mweswawo makapomba muze muzuwo akakose mazalo jenyi , nyi mweswawo makalilamo muze muzuwo akakose mazalo jenyi .⁴⁸Alyoze nyi sasendote maya nyi kutalamo mawana musongo kuwatanjile muzuwo lyakushingula , ka mawana musongo kuushimo hiwahwa , aka vuluke ngwenyi zuwo linapeme .⁴⁹Keshika sasendote akande tujila aali akapemese zuwo , nyi mutondo wa sendulu , nyi hina lya ngengu, nyi yisope . ⁵⁰Akashihe kajila umuwika mu chikwachilo cha uma helu lya meya waze anende . ⁵¹Akambate mutondo wa sendulu , nyi yisope , nyi hina lyangengu , nyi kaji kajila wa mwono akayichupike mu manyinga ja kajila wakufwa , nyi helu lya meya waze anende , akasapwile ha zuwo yisuho shimbyali .⁵²Keshika akapemese zuwo nyi manyinga ja kajila nyi helu lya meya waze anende , nyi kajila wa mwono , nyi mutondo wa sendulu , nyi yisope , nyi hina lya ngenegu . ⁵³Mba makatusula kajila wa mwono akaye kwenyi muchifuchi cha woya . Muli yino jila makawahisa zuwo , ka muli kapema .⁵⁴Yino muyikapwa ye shimbi ya kutwala kumusongo weswawo wa mbumba nyi yuma yize yakuneha uno musongo chipwe kuzwa , ⁵⁵yamusongo muma zalo nyi mu zuwo , ⁵⁶yakujimba , yimbulu, chipwe yilonda , ⁵⁷hakunyingika musongo uno kupwa waluchisa chipwe nyi hiwaluchisako . Ayino ye shimbi ya mbumba nyi misongo .

¹Yehova yamba kuli Mose nyi Alone , ngwenyi , " ²Ambenu kuli atu A - Izalele , nyi kwamba kuli ayo , muze umwe lunga mapwa nyi musongo wa kuhita ku mujimba wenyi , iye mapwa wa luchisa . ³Kulichisa chenyi chili mumu wa kuhita manyinga . Chipwe mujimba wenyi unachihichi chipwe hiwalitwamina , nyi hindu wapwa wa luchisa .⁴Muhela weswe mapomba muukapwa wa luchisa , nyi homa hesweho matwamaho muhapwa ha luchisa . ⁵Mweswewo makwata ku muhela wenyi akakose mazalo jienyi nyi kusana iye mwene , nyi meya , ma mapwa wa luchisa ndo chingoloshi .⁶Mweswewo matwama ha chuma kuze mwe mukwa musongo wa kuhita hatwama , awo mutu mahasa kukosa mazalo jenyi nyi kusana mu meya , mba mapwa wa luchisa ndo chingoloshi . ⁷Mweswewo makwata ku mujimba wa mukwa kuhita iye mahasa kukosa mazalo jenyi nyi kusana mweene mu meya , mba mapwa wa luchisa ndo chingoloshi .⁸Ngwe mukwa musongo wa kuhita mafwila mate hali umwe mupema , iye makakosa mazalo jenyi nyi kusana iye mweene mu meya , mba mapwa wa luchisa ndo chingoloshi . ⁹Selina yeswe haze mukwa kuhita makatwama muyipwa ya luchisa .¹⁰Kashika mweswawo makwata chuma cheswecho hichapwa kwishi lyenyi mapwa wa luchisa ndo chingoloshi , nyi , mweswewo makambata chuma cheswe a kakose mazalo jenyi nyi kusana mu meya , mba mapwa wa luchisa ndo chingoloshi . ¹¹Mweswawo mwe mukwa kuhita makwata kanda achikosongona moko jenyi nyi meya nyi kukosa mazalo jenyi nyi kusana mu meya , mba mapwa wa luchisa ndo chingoloshi . ¹²Yeswawo ndeho ya uma makakwata mu ka kuhita muyikapwa kuyishiha , nyi chikwachilo cheswe cha mutondo machikosongona mu meya¹³Muze hawuka mukwa kuhita ku kuhita chenyi , mba a ka lyalwila matangwa shimbyaali ha kulipemesa ; mba a kakosa mazalo jenyi nyi kusana muzhimba wenyi ku meya anende . Mba lye mapwa mupema . ¹⁴Ha hatangwa lya muchinake akambate tutela aali chipwe ana a membe aali mba akanjile kumeso ja Yehova kuuchilyilo wa mbalaka ya chikungulwila ; akaahane tushila kuli sasendote . ¹⁵Sasendote maalambula , umwe akapwe mulambu ha shili nyi mukwo akapwe mulambu wa kulumba , chocho sasendote mamufukila ha kuhita chenyi kumeso ja Yehova .¹⁶We swewo umwe lunga mamwanga mbuto yenyi ya ana , akasanyise mujimba weyi weswe mu meya ; mba mapwa wa luchisa ndo chingoloshi . ¹⁷Mazalo eswe hanji lamba lyeswe kuze amwanganyine ye mbuto akayikose mu meya ; mba yikapwe ya luchisa ndo chingoloshi . ¹⁸Mweswe lunga mapomba nyi pwo nyi mamwanga mbuto yenyi , eswe nyi aali akasane mu meya mba akapwe a luchisa ndo chingoloshi .¹⁹Muze mwana pwo kana hichisa , luchisa wenyi mukapwe matangwa shimbyaali , nyi mweswewo mamukwata mapwa wa luchisa ndo chingoloshi . ²⁰Heswaho mukapomba ha kuhandunuka chenyi muhakapwa ha luchisa ; hesweho makatwama muhakapwa nawa haluchisa .²¹Mweswawo makwata ku muhela wenyi mahasa mazalo jenyi nyi kusana iye mwene mu meya ; mba yoze mutu akapwe wa luchisa ndo chingoloshi . ²²Mweswawo makwata chimwe chuma haze mwana pwo hatwama iye akakose mazalo jenyi nyi kusana mu meya ; mba yoze mutu akapwe wa luchisa ndo chingoloshi . ²³Chipwe muhela hanji chuma cheswacho haze hatwama , muze machikwata , yoze mutu mapwa wa luchisa ndo chingoloshi .²⁴Nyi lunga mapomba nenyi , mba luchisa wa kuhandunuka chenyi meza hali lunga , iye mapwa wa luchisa ku matangwa shimbyali . Nyi muhela weswe makapomba muukapwa wa luchisa .²⁵Nyi mwaana pwo mahita manyinga ku matangwa anji alyoze hi ha matangwa jenyi a kuhandunuka ko chenyi , chipwe muchihyana matangwa jenyi a kuhandunuka , shimu matangwa eswe a kuhita chenyi makapwa wa luchisa , ngwe ku matangwa jenyi a kuhandunuka . Akapwe wa luchisa . ²⁶Muhela weswe mapomba ha matangwa eswe a kuhita kwa manyinga jenyi ukapwe kuli iye ngwe muhela mapomba mu matangwa cha kuhandunuka chenyi , nyi cheswacho chitwamo matwama muchipwa cha luchisa , chizechene ngwe luchisa wa kuhandunuka chenyi . ²⁷Mweswe makwata ku yino yuma mapwa wa luchisa ; akakose mazalo jenyi nyi kusana iye mwene mu meya , mba akapwe wa luchisa ndo chingoloshi .²⁸Alyoze nyi hapema ku kukatwuka ku kuhita kwa manyinga chenyi , mba akalyalwile matangwa shimbyaali , mba nyi kulutwe makapwa mupema . ²⁹Ha tangwa lyamuchinake akande tutela aali hanji ana a membe aali nyi kutwala kuli sasendote ku chikolo cha mbalaka ya chikungulwila . ³⁰Sasendote akalambule umuwika mulambu ha shili nyi mukwo akapwe mulambu wa kulumba , chocho iye mamufukila ha kuhita kwa manyinga chenyi cha luchisa ku meso ja Yehova .³¹Chocho nuka handununa atu A - Izalele kukatuka ku luchisa wo , mba kuchina makafwa mu luchisa wo , ha kuchisa tabernakulu yami , muze natwama hakuchi ko .³²Jino je shimbi kuli mweswawo uli nyi musongo wa kuhita manyinga , nyi lunga yoze matuwisa , mbuto yenyi nyikulipihisa nayo , ³³nyi kuli pwo uli nyi luchisa wa kuhandunuka chenyi nyi kuli mweswe uli nyi kuhita , chipwe lunga hanji chipwe pwo , nyi kuli lunga mapomba nyi pwo yoze uli mu luchisa . "'

¹Yehova ya hanjika kuli mose - chapwile hanyima ya kufwa cha ana ali ja Alone, muze ayile mukamwihi nyi Yehova mba yafwa. ²Yehova yamba kuli mose ngwenyi, " hanjika kuli ndumbwe alone umulweze kanda anjila mumuma musandu mukachi kachikalakala shimbu lyeswe, shimbu kanda chifuko cha kutomesa chize chili ha mushete. Nyi machilinga, mafwa, mumu mungukasolokela mu lelwa ha chifuko cha kutomesa.³Chino che chize Alone kanatela kunjila muma musandu. katela kunjila nyi musandu wa ngombe kapwa chitapo cha shili, nyi mukoko nwe chitapo cha kocha. ⁴Katela kuzala chikuto chisandu cha hina lya linyu lipema, nyi hamujimba wenyi akazale kaputula wa hina lya linyu mwene nyi kuzala muya nyi kusa. ⁵katela kutwala kuchi kuchikungulwila cha atu- ja A- Izazale ukatambule tuji a pembembe aali akapwe chitapo cha shili nyi panga umwe akapwe chitaponwa kulumba.⁶Alone kanatela kulambula chipembe ngwe chitapo cha shili, cha mwene, akatomese shili yenyi nyi ja akwa zuwo lyenyi. ⁷Mba katela kumbata pembe aali nyi kwahana ku meso ja Yehova hachijililo cha mbalaka ya chikungulwila.⁸Alyoze Alone kanatela kuta chela ha pembe aali, umwe wa Yehova, nyi mukwo wa Zazele. ⁹Alone katela kukujika pembe yoze chela hana holokela kupwa wa Yehova, nyi kuhana yoze pembe ngwe mulambu wa shili. ¹⁰Alyoze pembe yoze muchiholokela chela cha Zazele unatela kumuhilwisa mungunu ku meso ja Yehova, nyi kutomesa shili nyi kumuhanga mu puya ngwe Hazazele.¹¹Mba Alone makakujika chimbembe mulambu wa shili, yoze mapwa hiwenyi. Iye akalitomese nyi akwa jiko jenyi, mba akashihe chimbembe wa mulambu wa shili jenyi.¹²Alone makanda chikwachilo chinazala nyi makala akhya kukatuka ku chilimbilo ku meso ja Yehova, nyi mumoko jenyi kali nyi pembu wa kutwa insesu yipema, nyi kuyineha yino mukachika chikalakala. ¹³Iye kuze musa insesu hakahya kumeso ja Yehova hanga malelwa ku palikila mu insesu akafuke chifuko cha mushete kulinga chino hakwamba kanda ukafwa.¹⁴Mba mambata amwe manyinga a chipembe nyi kwasapwila nyi minwe yenyi kuchifuko cha mushete. Makasapwila amwe manyinga nyi minwe yenyi kapapa shimbiali kuchifuko cha mushete.¹⁵Mba mashaha pembe wa mulambu wa shili ja atu nyi kuneha manyinga mukachi ka mbalaka. Muze iye akalinge nyi wano manyinga ngwe chize chene alingile nyi manyinga ja chipembe: iye makasapwila manyinga ha chifuko cha mushete nyi kulutwe lya chifuko cha mushete. ¹⁶Akatenge utome wa chihela chisandu mumu ha ilinga ya luchisa ya ana ja Yizalele, hamulonga wa kufumba cho nyi hashili jo. Iye akalinge chino hambalaka ya chikungulwila, muze Yehova atwama hakachi ko, hakusoloka cha ilinga yo ya luchisa.¹⁷Nyiumwe mapwa mukachi ka mbalaka ya chikungulwila muze Alone majilamo nyi kutomesa muze muma mu usandu mwahyana, ndo muze matuhuka nawa muze mahwisa kulitomesa mwene nyi akwa jiko jenyi, nyi eswe chikungulwila cha Yizalele. ¹⁸Iye matuhuka maya kuchilumbilo chili ku meso ja Yehova nyi kuchitomesa, nyi iye mambata manyinga a chipembe nyi manyinga a pembe nyi kwasa kumbinga ja chilumbilo ndo kujingulula. ¹⁹Masapwilaho manyinga amwe nyi minwe yenyi kapapa shimbiaali nyi ku chitomeso nyi kuchi pemesa kuli Yehova, kuchi fumisa ku yilinga yaluchisa ya atu ja Yizalele.²⁰Muze hawisa kutomesa kutomesa chamuma musandu mwahyana, mu mbalaka ya chikungulwila, nyi chilumbilo, makakujika pembe wa mono. ²¹Mba Alone masa moko njenyi eswe ha mutwe wa pembe wamono nyi kumusolwela upi weswe wa atu ja Yizalele, kufumbuka cho cheswe, nyi shili jo jeswe. Mba iye masa jize shili ha mutwe wa pembe nyi kumuhanga pembe mumoko ja mutu walilulika ku mutetekela mupuya. ²²Nyi pembe makambata upi wa atu eswe mupuya. Muzemwene mupuya, mutu mamu hichika pembe maliyila.²³Mba Alone mahiluka mu mbalaka ya chikungulwila nyi kuzula chikuto cha linyu chize azalanga simbu kanda chijila muma musandu mwahyana, iye mahichika yikuto muzemwene. ²⁴Iye masana mujimba wenyi mu meya muma musandu, nyi kuzala uzalo wenyi wamashimbu eswe; mba iye matuhuka maya nyi kulambula mulambu wenyi wa kulumba nyi mulambu wakulumba wa atu, nyi chino malitomesa shili mwene nyi atu.²⁵Akoche maji a mulambu washili ha chilumbilo. ²⁶Mutu yoze wecha hazazele kuya, makosa mazalo jenyi nyi kusana mujimba wenyi mu meya; hanyima yacho, mahiluka ha chilombo.²⁷Nyi chipembe wa mulambu wa washili nyi pembe wamulambu washili, nyi manyinga jo hanatwala muma mwausandu nyi kutomesa shili, akatwale haze lya chilombo. Kuze o akoche kumbu yo, yifwo yo, nyi yamujimo yo. ²⁸Mutu wuno mucha yino yuma makosa mazalo jenyi nyi kusana mujimba wenyi mu meya; hanyima ya chino, mahiluka muchilombo.²⁹Muchipwa chiyulo che shimbu lyeswe mukakweji wa shimbiali, mutangwa lyakumi, mukalikehesa nawa kanda ukazata, chipwe mwana wakulisemena, chipwe njize yoze wakutwama nenyi. ³⁰Mumu hatangwa lino makanutomesa nyi kukuwahisa kushili je jeswe mba mupwa wakuwaha kumeso jia Yehova. ³¹Lye sambata lilemu lyakuhwima yena, nawa ukalikehese chino muchi kapwa chiyulo hakachi kenu.³²Mwe sasendote walutwe, yoze manuwahisa nyi maji nyi ku kumwaha wata wa usasendote wakulutwe muchihela cha tato, iye makatomesa nyi kuzala yizalo ya linyu, che kwamba ngwo, e mazalo a usandu. ³³Iye makatomesa muma musandu mwahyana; makatomesa mbalaka ya uwanyino nyi hachilumbilo, nyi atu eswe achikungulwila.³⁴Chino muchikapwa chiyulo che, kutomesa chili cha atu ja Yizalele hamulonga wa shili jo, kamuwika ha mwaka." Yino alingiwile ngwe chocho mose amwambile kuli Yehova.

¹Yehova yamba kuli Mose , ngwenyi , ²" Hanjika kuli Alone nyi anenyi a malunga , nyi ana A-yizaele eswe . Ambulwile chuma Yehova hanatumina : ³' Nyi mutu umwe waku vungu lya A-Yizalele mashiha ngombo , hanji panga hanji pembe muchilombo , hanji mashiha haze lya chilombo , hanga akalambule mulambu - ⁴Alyoze kamunehene kuchikolo cha mbalaka ya chikungulwila akalambule mulambu kuli Yehova kumeso ja Tambanakulu ya Yehova , mapwa nyi uhye wa manyinga . Hamwanga manyinga , keshika mamuteta hakachi ka atu jenyi .⁵Hanga kutumina chino atu ja A-Yizalele aka nehe yitapo ya milambu yehova kuchikolo cha mbalaka ya mbunga kuli sasendote akalambule chitapo ya milambu ya sambukila kuli Yehova , hi chezeko a kushiha mu chifuchi cha woya . ⁶Mwe sasendote akasapwile manyinga hachilumbilo cha Yehova ku chikolo cha mbala yachikungulwila ; akaalumbe e maji hanga akapwe lupembo mupema kuli Yehova .⁷Chocho atu akalitwamine kushihila yitapo kumahamba waze akulichisano . Yino mujipwa chiyulo chamutolo ndusu yisemuko yeswe . '⁸Amba kuli ayo nawa ngwe , 'Mutu mweswe wa kuvungu lya Ayizalele , hanji wa njize waze atwama hakachi ko , malambula mulambu wa kulumbala hanji chitapo ⁹hanji kaunehene kuchikolo cha mbalaka ya chikungulwila akaulambula kuli Yehova , akamutete kuli atu jenyi .¹⁰Nyi mutu mweswawo chipwe wa muzuwo lya Yizaelele , chipwe wa njize atwama ha kachi ko malya amwe manyinga , ngukasa meso jami akalimike nyi mukwa kulya manyinga nawa mungukamuteta hakachi ka atu jenyi . ¹¹Mumu mwono wa kashitu watwama mumanyinga jenyi . Hina nwaha manyinga jenyi ha chilumbilo akaa nufukilile no mwono wenyi , mumu manyinga enawo a kunufukilila no , mumu o akapwe we mwono .¹²Keshika namba ku vungu lya A-Yizalele ngwami mutu nyiwumwe malya manyinga hakachi ko , hanji chipwe njize watwama hakachi ko neye kanda akalya manyinga . ¹³Chikwo nawa mutu mweswewo wa kuvungu lya A-Yizalele , hanji chipwe kanjize watwama hakachi ko , nyi mazombo nyi ku shaha kashitu hanji kajila yoze walita nyi kulya , mutu yono chamutamba kuhichisa manyinga jenyi nyi kwashikila nyi mavu .¹⁴Mumu mwono wakashitu mweswe watwama mu manyinga . Keshika hingunambe kuli vungu lya A-Yizalele ngwami , " Kanda nulya manyinga a mukwa mwono nyi wumwe , mumu mwono wa mukwa mwono mweswe watwama mumanyinga jenyi , keshika mweswe maalya akamuteteko lume . "¹⁵Mutu mweswawo malya kashtu wakulifwila hanji wakupapulula kuli kashitu , chipwe mwenyembo hanji ka njize yoze watwama hachi kenu , akakose mazalo jenyi nawa akasane meya , akapwe wa luchisa ndo chingoloshi . Mba mapema . ¹⁶Alyoze nyi kaakosele mazalo jenyi hanji kasanyine mu mujimba wenyi , chocho akambate uhenge wenyi . "'

¹Yehova yamba kuli Mose , ngwenyi , ²" Hanjika kuli A- Izalele ngwe , ' Yami Yehova Zambi yenu . ³Kanda nulinga yuma yize akulinga akwa Engitu , kuze nwatwamine . Kanda nulinga yuma yize akulinga muchifuchi cha Kanana kuze nguna nu twala . Kanda nwenda mu yiyulo yo .⁴Munulinga yiyulo yami , nyi shimbi jami nwatela ku jifunga , hanga nukendemo , mumu nguli Yehova Zambi yenu . ⁵Keshika munufunga yiyulo yami nyi shimbi jami . Nyingwe mutu mononoka , matwama nyi mwono . Yami Yehova .⁶Kanda nuka kundama kuli umwe usoko nukamuzule . Yami Yehova . ⁷Kanda nuka zula uselesele wa noko , kali noko m kanda uka zula uselesele wenyi . ⁸Kanda uka zula uselesele wa mapwo ja tatenu , mumu wapwa uselesele wa tatenu .⁹Kanda uka zula uselesele wa ndumbwe , chipwe kali mwana wa tatenu chipwe kali mwana wa noko , chipwe wakulela hazuwo lyenu chipwe kweka . ¹⁰Kanda ukafukula uselesele wa mujilkulu we wapwo wakusema kuli mwane wa lunga chipwe mwane wapwo , mumu uselesele wo wapwa uselesele wa yena mwene . ¹¹Kanda ukafukula mwana pwo lya tatenu , wakulela mu zuwo lyenu , mumu kali ndumbwe .¹²Kanda ukafukula uselesele wa tatenu pwo , kali usoko wa tatenu . ¹³Kanda ukafukula uselesele wa yayo chipwe mwakwo ya noko . Kali usoko wanoko . ¹⁴Kanda ukafukula uselesele wa yayo chipwe mwakwo yatatenu , mumu , kanda u kundama kuli pwo lyenyi , kali tate nu pwo .¹⁵Kanda ufukula uselesele wa noko we no ; kalipwo lya mwane; kanda ukafukula uselesele wenyi . ¹⁶Kanda ukafukula uselesele wa nyalye , mumu kali uselesele wa yayenu .¹⁷Kanda ukafukula uselesele wapwo nyi mwanenyi wapwo ; nawa kanda utambula mwana mwanenyi walunga chipwe wa pwo hanga ukafukule uselesele wenyi ; kali usoko ; chili ungulungulu . ¹⁸Kanda umbata mwakwo chipwe yayo ya pwo lye hanga uhalikile nyi kufukula uselesele wenyi shimbu pwo lye mutangu kali nyi mwono .¹⁹Kanda ukundama kuli pwo nyi kumuzula shimbu achili ku zuwo likwo . ²⁰Kanda upomba nyi pwo lya mwe nyembo we nyi kuli kisa nenyi .²¹Kanda uhana nyi umwe wa ana je mukahya hanga ukalambule kuli Maleke , mumu kanda ukajilulula jina lya Zambi ye . Yami Yehova .²²Kanda uka pomba nyi lunga uka mutenge pwo ; chinapu chakuvwisa lwaji . ²³Kanda upomba nyi ka shitu ukali chise nenyi . Chipwe nyi umwe pwo kanda ali hana kuli kashitu ku pomba nenyi ; chinapukuhenga .²⁴Kanda nuli chisa yenwene mumajila wano , mumu mu majila wano eswe mavungu halichisa , mavungu nguna hange ku meso jenu . ²⁵Chifuchi hana chi chisa , chocho na alambile shili ja cho , na wa chifuchi hi cha saza waze atwama mo .²⁶Yenu , keshika , nwatela kufunga shimbi nyi yiyulo yami , nawa kanda nulinga nyi yimwe yuma yaku vwisa lwaji , chipwe mwe nyembo wa semuka muli A-Izalele chipwe ngize watwama ha kachi kenu . ²⁷Auno mwe lwaji atu amuchifuchi alingile , waze nwa wanyine , keshika chifuchi a chichi shile . ²⁸Keshika nangakanenu chifuchi mu chinu saza ngwe waze apwileko akwalu chisa , ngwe chize cha sajile waze apwileko .²⁹Mweswawo malinga yuma yalwaji , atu eswe makalinga yino yuma aka teteko kuli atu jo . ³⁰Keshika nwatela ku funga shimbi jami kanda nuka linga nyi jimwe ndako ja luchisa alingile waze atetekelele , hanga kanda nu lichisa ye nwene . Yami Yehova Zambi yenu .

¹Yehova yamba kuli Mose , ngwenyi , ²'' Hanjika ku mbunga yeswe ya atu ja Izalele wambe kuli ayo ngwe , lipwisenu asandu , mumu ami Yehova Zambi yenu nguli musandu . ³Mweswe alemese naye nyi tato , nawa nukafunge ma sambata jami . Yami Yehova Zambi yenu . ⁴Kanda nwa lumukina kutupwonya amokomoko , chipwe kuli lingila tu zambi ku ikungo . Yami Yehova yenu .⁵Muze mulambula chitapo cha mulambu wa sambikila kuli Yehova , nuka chilambule hanga aka nutambule . ⁶Akachilye tangwa lyo lyene lya ku chilambula , chipwe tangwa lya mu chali . Nyi chimwe mu chisala ndo tangwa lya muchitatu , aka choche ku kahya . ⁷Nyi cheswe machilya ha tangwa lya mu chitatu , chili kulya chaluchisa ; kanda aka chitambula , ⁸nyi mweswe yoze machilya makambata uhenge wenyi mumu hajilulula chuma chisandu cha Yehova , nyi mutu wacho aka muhandunune ha kachi ka atu jenyi .⁹Nyi hiwengula mbuto ya wande we , kanda ukengula mambango a wande we , chipwe ku kungulula mbuto ye yeswe ya mu wande . ¹⁰Kanda nukahela uva yenu ya mu wande , chipwe ku kungulula uva ize hiya holokela hashi mu wande wenu . Nu kaisele iswale nyi njize . Yami Yehova Zambi Yenu .¹¹Kanda ukeya kanda ukalyonga mahuza . Kanda nu hanjika mahuza umwe kuli mukwo . ¹²Kanda nukalishinga mahuza ha jina lyami nyi kusaula jina lya Zambi yenu . Yenu Yehova .¹³Kanda umwesa lamba mwenyembo we chipwe ku mwiyila . Fweto ya ngamba kanda itwama nyi yena ufuku weswe ndo chimene . ¹⁴Kanda nu shinga kafwa matwi chipwe kusa chi talingiso kulutwe lya kapuputa . Alyoze , nukevwile woma Zambi Yenu . Yami Yehova .¹⁵Kanda nulinga upatwilo wa mahuza . Kanda nulinga katonde kuli umwe mumu chiswale , nawa kanda nulinga katonde mumu iye mulemu . Alyoze , munu kapatwila mwenyembo we mu ululi . ¹⁶Kanda wendangana nyi kutwala saki ha kachi ka atu je , alyoze fupa kufunga mwono wa mwenyembo we . Yami Yehova .¹⁷Kanda upwila kole mukwenu mu mbunge ye . unatela mu umwene mwene kutenukina mwenyembo we hanga kanda akapwa nyi chihanda ha shili mumu wa iye . ¹⁸Kanda uka hilwisa upi chipwe nyi ka kucha hali mweswawo wa atu jenu , alyoze zanga mwenyembo we ngwe yena mwena . Yami Yehova .¹⁹Nuka funge shimbi jami . Kanda nukataiza imuna yenu kusema nyi vungu lyeka lya imuna . Kanda nu chinga mbuto jaali muze munu tumba wande wenu . Kanda nu zala mazalo akulinga ku mahina ali aku chinga .²⁰Mweswe yoze mapomba nyi mwana pwo kapinji yoze hatenda kuli lunga , alyoze kanda achi mukula hanji kumutusula , aka mukanyamise . Kanda nukashiha mumu pwo katusukile . ²¹Lunga akanehe mulambu wa uhye kuli Yehova ku chikolo cha mbalaka ya chiwanyino - kuja panga kupwa mulambu wa uhye . ²²Mba sasendote mafuka mulonga wenyi nyi kuja panga ha mulambu wa uhye kuli Yehova , ha shili yize hahinga . Mba shili ize halinga maikonekena .²³Muze mununjila mu chifuchi mba hi nwa tumba mutondo yeka nyi yeka ya kuhya , mihuko yayo muikapwa ngwe ya kujilika kuilya . Mihuko , mwikapwa ya kujilika kuli yenu ha myaka itatu . ²⁴Mba mu mwaka wa muchiwana mihuko yeswe mwikapwa isandu , mulambu wa uhaliso kuli Yehova . ²⁵Mu mwaka wa mu chitano munuhasa kulya ye mihuko , hinwashimbwila hanga mitondo yikeme cha kulumbama . Yami Yehova Zambi yenu .²⁶Kanda nukalya yifwo nyi imwe ichili nyi manyinga yayo . Kanda nuka hula ma shipilitu ha yuma ya kulutwe , nawa kanda nufupa kutetekela akwenu mu tachi ja milima . ²⁷Kanda nuka kelula kambu jenu ha mbalangwe chipwe kuteula masongo ja wevu wenu . ²⁸Kanda nu kaliteta ha mijimba yenu mumu wa afu chipwe kulisa chato ha mujimba we . yami Yehova .²⁹Kanda uka visa sonyi mwane wa pwo ha kumupwisa chikoi , kuchina chifuchi cheswe muchilimbukila mu ukoi mba chifuchi cheswe muchikazala nyi ungulungulu . ³⁰Fungenu sambata jami lemesa zuwo lyami lisandu . Yami Yehova .³¹Kanda nuya kuli waze akuhanjika nyi afu chipwe ma shipilitu . Kanda nwa fupa , kuchina manupihisa . Yami Yehova Zambi yenu .³²Uka katuke hali mukwa kambu jitoma nyi ku vumbika ku pwaho cha kashinakaji . Ukevwile Zambi woma . Yami Yehova .³³Nyi njize katwama hamwe nyi yenu mu chifuchi chenu , kanda numulinga nyi umwe upi . ³⁴Njize yoze watwama hakachi kenu aka pwe kuli yenu ngwe kasemukinyine mu Izalele yoze watwama hakachi kenu , nawa nuka muzange ngwe ye nwene , mumu nwa pwile njize mu Engitu yami Yehova Zambi yenu .³⁵Kanda nu patula nyi uhenge muze munutala usuhe , kulema , chipwe unji . ³⁶Nuka zachise mbalansa ja ululi , nyi pezu ja ululi , nyi efa ja ululi , nyi hine ja ululi . Yami Yehova Zambi yenu , yoze wanuchijile mu chifuchi cha Engitu . ³⁷Nuka funge yiyulo yami yesswe nyi shimbi jami jeswe , nyi kuihinga . Yami Yehova . "'

¹Yehova yamba kuli Mose , ngwenyi , ²" Hanjika kuli atu ja A - Yizalele ngwo , ' mweswao wa A - Yizalele , hanji wakanjize yoze watwama mu Yizalele mahana umwe lmwanenyi kuli Moleke , kanatela kumushiha . Atu muchifuchi kanatela kumwasa mawe .³Yami mwene mungusa meso jami nyi kulimika nyi mwe lunga kumunkamuteta hakachi ka atu jenyi mumu hahana mwanenyi kuli Moleke , nyi kuchisa kuma kwami kusandu nyi kujilula jina lisandu . ⁴Nyi kachi atu akwa chifuchi mafuka meso jo kuli mwe lunga yoze mahana umwe mwanenyi kuli Moleke , nyi kamushihile , ⁵mba yami mwene mungusa meso jami hali mwe lunga nyi munyachi wenyi , nawa kumunkatetako mutu mweswe malinga ukoyi mukulipihisa nyi utanji nyi Mokele .⁶Nyi umwe mutu mateuluka nyi kuhanjika nyi afu , chipwe kuli akwa mahamba nyi akwa tufutafuta nyi kulipwisa ngwe chikoyi kuli ayo , mungusa meso jami nyikulimika nenyi ; munguka mutetako hakachi ka atu jenyi . ⁷Kashika liselenu kuli yami pwenu asandu , mumu yami yehofa zambi yenu .⁸Nunatela kufunga shimbi jami nyi kujilinga . Yami yehova mukwa kunusela ku usandu . ⁹Mweswao matukana tato hanji naye pundu kanatela kumushiha . Hatuka tato hanji naye , kali wamulonga nawa kanatela kufwa .¹⁰Lunga malinga utanji nyi pwo lia mukwo , chekwamba ngwo , mweswao malinga utanji nyi pwo lya mukwo mukwo yoze alisulangana nenyi , lunga yose walinga utanji nyi pwo yoze kalinga utanji eswe akashihe . ¹¹lunga yoze mapomba nyi pwo lya tato , mafukula uselesele wa tato . Eswe mwana nyi pwo lya tato kanatela kwashiha . Manyinga jo akapwe hali ayo . ¹²Nyi lunga mapomba nyi pwo lya tembwa mwenenyi , eswe nyi aali akashihe . Halinga utanji wa undumbu . Kali nyi mulonga nawa kanatela kufwa .¹³Nyi lunga mapomba nyi lunga nyi mukwo , nyikumutenga pwo , eswe aali halinga chuma cha kuvwisa lwaji . Kali nyi mulonga nawa kanatela kufwa . ¹⁴Nyi lunga mambata pwo hamuwika nyi naye , acho ungulungulu . Kashika akaoche nyi kahia , nyi mwe lunga nyi mwe pwo eswe nyi aali , hakwamba nukachize ungulungulu hakachi kenu .¹⁵Nyi lunga maponba nyi kashitu , umwenemwene kanatela kumushiha , nyi mwe kashita akamushihe . ¹⁶Nyi pwo makundama kuli kashitu nyi kupomba nenyi , nukashihe pwo nyi mwe kashitu , kanatela eswe kwashiha . Kali nyi mulonga nawa kanatela kufwa .¹⁷Nyi lunga manda ndumbwenyi , mwana wa tato hanji mwana wa naye , mafukula uselesele wenyi , nyi ndumbwenyi mamona uselesele , acho chuma chasonyi . Akateteko ku meso ja ana ja atu jo . Mumu hafukula uselesele wa ndumbwenyi , kashika akambate uhenge wenyi . ¹⁸Nyi lunga mapomba nyi pwo shimbu achili ku mazuwo akamufukule uselesele wenyi , acho hafukula fuji lyenyi , fuji lya manyinga jenyi . Eswe aali lunga nyi pwo akatete hakachi ka atu jo .¹⁹Kanda ukafukula uselesele wa mwanakwo ya noko , chipwe ndumbu ya tatenu , mumu mukevwisa sonyi usoko we . Ukalimbachile uhenge we . ²⁰Nyi lunga mapomba nyi pwo lya natwenyi hakolesa sonyi natwenyi . kashika akambate mulonga wo , makafwa kwakuhona ana . ²¹Nyi umwe lunga mambata pwo lya yayo shimbu te yayo achili nyi mwono , chili cha sonyi . Kavumbikile yayo , nawa mungukatambula yuma yeswe yize makahinga ano kufuma ku yisemi jo .²²Chenacho kumunutela kulama shimbi jami nyi yiyulo yami yeswe ; munatela kwivwila hakwamba ngwo mu chifuchi muze ngunanutumumo nyi kutwama kuchichi kanusanza . ²³Kanda nukenda mu ndako ya mafuchi waze atwamamo , mumu halinga yino yuma yeswe . hinevwila kupiha yitanga yo yipi .²⁴Nambile kuli yenu , " kumunukahinga chifuchi cho ; mungukanwaha cho chikapwe nyi chenu , chifuchi chazalamo yamwa nyi wuchi . Yami Yehova Zambi yenu , yoze wanuhandununwine kufuma kuli atu akwo . ²⁵Kashika nwatela kuhandununa hakachi ka tushitu apema nyi tushitu a lushisa , nyi hakachi katujila a luchisa nyi apema . Kanda nukalipihisa yenwene nyi tushitu a lushisa chipwe tujila chipwe cheswacho chakukalala hashi , chize hinguna handununa kupwa chaluchisa kuli yenu .²⁶Nunatela kupwa akwa kujila mumu yehova , nguli mukwakujila , nawa ami hingunanuhandununa kufuma kuli atu eka , mumu nuli a yami mwene .²⁷Lunga chipwe pwo yoze mahanjika nyi aafu chipwe yoze mahanjika nyi mahamba kanatela kumushiha . Atu kanatela kwasa mawe . Kali nyi mulonga nawa kanatela kufwa . "

¹Yehova yamba kuli Mose ngwenyi, " Hanjika nyi asasendote, ana amalunga ja Alone, ukambe kuli ayo ngwo, ' Nyiumwe ,hakachi kenu makalichisa mwene mumu yawaze aze afu hakachi ka atu jenyi, ²ndo mapwa usoko wenyi wa ha muchima lume - hanji naye, hanji tato, hanji mwanenyi walunga, hanj mwanenyi wa pwo, hanji ndumbwenyi, ³hanji ndumbwenyi yoze kanda alimona nyi lunga, yiye hapwa usoko wenyi wa hakamwihi, mumu keshi lunga- haliyiye mahasa kulichisa.⁴Alyoze kanda akalichisa mumu wa usoko jenyi akwo nyikulijilulula. ⁵Asasendote kanda akali tewula kawewe hanji kuteta chihanda chawevu, hanji kulitetateta ha mujimba wenyi. ⁶Akapwe asandu kuli Zambi yo kanda akajilulula jina lya Zambi yo, mumu asasendote o kakulambula milambu yakulya kuli Yehova, mbolo ya Zambi yo. Kashika asasendote kapwa asandu.⁷Kanda ambata chikoi hanji pwo yoze hanalumbula, kanda ambata pwo wa kulakula kuli lunga lyenyi, mumu hana handununa hali Zambi yo. ⁸Nuka muhandunune, mumu mwewa kulambula kulya kuli Zambi yenu. Akapwe musandu kuli yenu, mumu yami Yehova mukwa kunusela ku usandu, nguli musandu. ⁹Mweswawo mwanawo pwo wa mweswawo sasendote malijilula ha kupwa chikoyi hajilula tato. Akamoche nyi kahya.¹⁰Sasendote yoze walutwe hakachi ka kwo, yiye ha mutwe wenyi hanamuwayisa nyi maji aku zuzulula, nyi yoze hana mutumbikila kuzala mazalo a wusasendote wa kulutwe, kanda aka kasulula kambu jenyi hanji kusonya mazalo. ¹¹Kanda akaya kweswako kuli mujimba wa mufu nyi kuli jilula mwene, chipwe mumu ya tato hanji naye. ¹²Sasendote wa kulutwe kanda aka hichika kuma kwa usandu kwa tambanakulu chipwe kujilula kuma kusandu kwa Zambi yenyi, mumu maji a Zambi yenyi a kumusela ku usandu ngwe sasendote wa kulutwe hapwa hali yiye yami Yehova.¹³Sasendote wa kulutwe aka mbate pwo yoze kanda alimona nyi lunga kupwa pwo lyenyi. ¹⁴Kanda ambata yoze wafwisa lunga, hanji wa kulakula, chipwe chikoi. Yiye kechi kambata mapwo akulifwa ngwo wano. Akambate wika pwo yoze kanda alimona nyi lunga wa kuli atu jenyi mwene. ¹⁵Chocho yiye kechi kajilula ana jenyi ha kachi ka atu jenyi, mumu yami Yehova, mukwa kumusela usandu."'¹⁶Yehova yamba kuli Mose, ngwenyi, ¹⁷" Hanjika kuli Alone nyikwamba ngwo, ' Nyiumwe chilema hakachi ka ana je ndusu yisemuko yo , kanda akundama kulambula kulya cha Zambi yenyi.¹⁸Mweswawo lunga yoze uli nyi ulema kanda akundama Yehova, ngwe yoze wapwa kapuputa chipwe yoze keshi kuhasa kwenda, hanji yoze halumbuka kumeso, ¹⁹hanji yoze uli nyi kwoko lyawondeka chipwe kulu, ²⁰hanji mukwa kunda munyima yenyi chipwe chimbinda, hanji yoze uli nyi meso kamwene kanawa, hanji kali nyi musongo, yilonda, kuzwa, hanji mbili ja kuwonda. ²¹Nyiumwe chilema hakachi ka ana ja Alone mwe sasendote kanda akundama akalambule milambu yakahya ya Yehova. Mutu yono kapwa chilema; kanda akundama mukulambula mbolo ya Zambi yenyi.²²Mahasa kulya ya kulya ya Zambi yenyi, chipwe yisandu yahyana chipwe ye yisandu. ²³Hindu, kanda akundama ku chikalakala hanji chilumbilo, mumu yiye chilema, hanga kanda ajilulula chihela chami chisandu, mumu yami Yehova, mukwa kwasela kusandu. "' ²⁴Chocho Mose wahanjikile wano maliji kuli Alone, kuli anenyi amalunga, nyi kuli atu eswe ja Yizalele.

¹Yehova yamba kuli Mose , ngwenyi , ²" Ambulwila Alone nyi anenyi amalunga , alweze akalihandunune ku yuma isandu ya atu ja Izalele , yize akungusela . Kanda akajilula jina lyami lisandu . Yami Yehova . ³Amba kuli ayo ; nyingwe hakachi ka ana jenu eswe ndusu ise muko yenu yeswe maka kundama kuyuma yisandu ize a Izalele akusela Yehova , shimbu kali nyi lichisa , auze mutu aka muteteko kumeso jami : Yami Yehova .⁴Nyi umwe waku munyachi wa Alone yoze uli nyi mbumba , hanji musongo wakuhita ku mu jimba wenyi , mahasa kulya ku yuma isandu alingila Yehova ndo hapema . Mwe swawo makwata cheswacho chaluchisa chaku katuka kuli mufu , hanji mukuli nunga nyi lunga yoze ha mwanga mbuto yenyi ya ana , ⁵chipwe mweswawo makwata kashitu yoze waku kalala yoze mamu pwisa waluchisa , chipwe mutu mwe swawo mamu pwisa waluchisa , luchisa wenyi apwe mwe swawo - ⁶mba sasendote yoze makwata yeswayo yaluchisa mapwa nyi luchisa ndo chingoloshi . Mba kanda alya yuma yeswayo isandu , ndo masanyisa mujimba wenyi mu meya .⁷Muze tangwa hilyanjila ,kumaka pema mba kulutwe mahasa kulya yuma isandu , mumu yapwa kulya chenyi . ⁸Aye katelele kulya yeswayo mawana ya kufwa chipwe hana mushihi kuli yitoji a mumusenge , yize malichisamwene . Yami Yehova . ⁹Asasendote akufunge chize hina kunjika , ku china makambata mulonga wacho nawa makafwa hakungu jilula . Yami Yehova nakwa jilika .¹⁰Nyi umwe chilambala mu zuwo lya sasendote ku wezelako njize jaka sasendote chipwe ngamba ja fweto , mahasa kulya yeswayo ya isandu . ¹¹Alyoze nyingwe sasendote malanda ndungo mwe swawo nyi mbongo jenyi , auze ndungo mahasa kulya kuyuma ize hatumbikila Yehova . Aana ja sasendote nyi ndungo anase mukila mu zuwo lyenyi , nyi neo nawa kanatela kulya nenyi kuli ize yuma .¹²Nyi mwana wapwo wa sasendote malimbata nyi chilambala , kanda alya ku milambu ya kuzundula nyi imwe ya yuma isandu . ¹³Alyoze nyingwe mwana wapwo wa sasendote ha fwisa lunga , hanji ha mulakula , nawa nyi ngwe keshi nyi mwana , nawa nyingwe mahiluka nyi kutwama muzuwo lya tato ngwe ha wanuke wenyi , mba malya kulya cha tato . Alyoze nyi umwe yoze keshi mu zuwo lya sasendote mahasa kulya chakulya chaka sasendote .¹⁴Nyi mutu malya chuma chisandu kachinyingikine , watela ku chifweta nawa kuli sasendote ; aka wezeho chihanda cha mu chitano kundando yacho nyikuchihilwisa kuli sasendote . ¹⁵Atu amu Izalele kanda ajilula yuma isandu ize aku lambula kuli Yehova , ¹⁶nyi kwapwisa ene kwatwika uhenge uze muwahisa ku kulya yuma isandu , mumu yami Yehova mukwa kwa sela ku usandu . "'¹⁷Yehova yamba kuli Mose , ngwenyi , ¹⁸" Amba kuli alone nyi ane nyi , nyi kuli atu eswe amu Izalele . Amba kuli ayo , ' Mwe swawo mukwa zuwo lya Izalele ,hanji njize watwama mukachika Izalele , muze maneha milambu upwe wakufweta chilakenyo , hanjiupwe wakumbunge yenyi mwene , chipwe mahana mulambu wakulumba kuli Yehova , ¹⁹nyingwe ma u tambula , atela kulambula kuji keshi chipa ku katuka ku ngombe , panga chipwe pemba .²⁰Alyoze kanda ukalambula yoze ulinyi chipa . Mumu chichi kumutambula hali yena . ²¹Mweswawo malambula chitapo cha mulambu wa sambukila ku katuka ku ngombe chipwe ku panga kuli Yehova haku manunu chilakenyo , hanji ku hana mulambu wawana waku mbunge , atela kupwa keshi nyi chipa mba hanga amutambule . Kanda mupwa ka palya muli kashitu .²²Kanda nukalambula yimuna waze apwa tu puputa , hanji itonji , hanji hateta chihanda , hanji nyi musongo wakuhita manyinga , hanji nyi mukule , hanji nyi yilonda . Kanda uhana kuli Yehova kwatenga mulambu wakahya ku chilumbilo . ²³Muhasa kuhana chawana akapwe mulambu wa mbunge kuji ya ngombe hanji mwanapanga yoze chitonji chipwe mukehe , alyoze milambu ngwe ayi kechi kautambula ngwe chilakenyo .²⁴Kanda nulambula nyi umwe chimuna kuli Yehova yoze uli ny mbili jenyi jakufwenya , hanji ja kuwonda , hanji jaku papulula , hanji ja ku teta . Kanda nuka chilinga chino mu chifuchi chenu . ²⁵Kanda ulambula kulya cha Zambi yenu china katuka kumoko ja kanda ka . Aze imuna kali nyi chipa nawa kali nyi kapalya muli ayo , kechi kataiza kuku salakana . "'²⁶Yehova yamba kuli Mose ngwenyi , ²⁷" Muze kuji ya ngombe hanjipanga hanji pembe masemuka , watela kutwama nyi naye matangwa shimbyali . Mba chize kutangwa lya mu chinake , mahasa kumutambula akapwe mulambu wa yawana wa kahya kuli Yehova .²⁸Kanda ushiha ngombe ha muwika nyi mwane nyi , eswe aali hatangwa limuwika . ²⁹Muze mutapa chakusakwilila kuli Yehova , watela kutapa mujila yakwoloka . ³⁰Aka chilye tangwa lyolyene lize ana atape . Kanda uhichika nyi chimwe ndo tangwa likwo . Yami Yehova .³¹Chocho nukafunge shimbi jami ndo nyi kuji linga . Yami Yehova . ³²Kanda nuka jilula jina lyami lisandu . Chatamba kungusela ku usandu kuli atu a Izalele . Yami Yehova mukwa kunusela ku usandu , ³³nanu chijile mu chifuchi cha Engitu ngu kapwe Zambi yo : Yami Yehova .

¹Yehova yamba kuli Mose ngwenyi : ²" Amba kuli atu ja Ayizalele , nawa hanjika kuli ayo ngwo , ' Yino ye yiwanyino ya kutongola ya Yehova , yize munulakenya kupwa yikungulwila yisandu , ye yiwaqnyino yami yakutongola .³Munulinga milimo ha matangwa asambano , alyoze hatangwa lya muchishimbyali mulipwa sambata yilemu ya kuhwia , che kukunguluka chisandu . kanda nukalinga milimo nyimwe mumu muyipwa sambata ya Yehova kweswako munutwama .⁴Yino yili yiwanyino ya kutongola ya Yehova ; yili yikungulwila yisandu chanutamba kuyilakenya ha matangwa ja yo : ⁵Hakakweji mutangu , ha tangwa kumi nyi lyamuchiwana lya kakweji ha chingoloshi , muhapwa chizomboka cha Yehova . ⁶Ha matangwa kumi nyi lya muchitanu lya kakweji yomwene muhakapwa chiwanyino cha mbolo kuyishi tutunwiso cha Yehova . Ha matangwa shimbyali munukalya , mbolo kuyishi futunwiso .⁷Ha tangwa litangu nukapwe nyi chikungulwila chisandu ; Kanda nukalinga milimo yilemu nyi yimwe . ⁸Munuhana mulambu wa yakulya kuli Yehova matangwa shimbyali . Hatangwa lya muchishimbyali munupwa nyi chikungulwila chisandu cha Yehova , nyi ha tangwa lyacho kand nulinga milimo yenu yinene . "'⁹Yehova yamba kuli Mose , ngwenyi , ¹⁰" Amba kuli vungu lya Ayizalele ngwe , ' Muze mununjila muchifuchi chize ngunanwehe , hanji muze munucha mbuto ja acho , chatamba kuneha chichita chatamba yitangu kului sasendote . ¹¹Yiye makahungisa chichi kumeso ja Yehova nyi kuchikinjika kuli Yehova , hanga akanutambule . Ha lye tangwa muze sambata hiyapalika mwe sasendote machihingisa nyi kuchikunjika kuli yami Zambi yenu .¹²Ha tangwa lize mumu kahungisa chichi cha mbuto nyi kuchikunjika kuli yami , nuka lambule kuji ya panga wa mwaka umuwika keshi chipa akapwe mulambu wakulumba kuliu Yehova . ¹³Mulambu wo wa wunga wa mbuto ja nona wa yihanda yaali ya ku yihanda kumi ya njongo ya efa ya wunga wa kufufunuka wa kuchinga nyi maji , akalambule mulambu wa kahya kuli Yehova , ukatuhwise lupembo mupema kuli Yehova , mulambu wukwo ukapwe wa vinyu ya kunwa , chihanda chamuchi wana cha njongo ya hine . ¹⁴Kanda nukalya mbolo , chipwe ya nona ja kwocha hanji ya nona ja wisu , ndo hatangwa lize nwahena mulambu kuli Zambi yenu . Chino chiyulo chamutolo ndusu yisemuko yenu yeswe , kweswako munutwama .¹⁵Chize ku tangwa lya halutwe lya sambata chize kutangwa nwanehene chichita cha mbuto ya nona mulambu wa kuhungisa - munwalula semana shimbyali ja muwundu . ¹⁶Munwalula makumi atano amatangwa lize lyatamba kupwa halutwe lya sambata yamu chishimbyali . Nukakunjike mulambu wa nona ja mbuto jaha kuli Yehova¹⁷Munuchiza muma zuwo jenu mbolo jali kulinga nyi yihanda yiali ya kuyihanda kumi ya njongo ya efa . Jikapwe ja wunga wakufufunuka ja kwocha nyi futunwiso ; jikapwe ja mbuto yitangu kuli Yehova . ¹⁸Nukakunjike mbuto hamuwika nyi shimbyali a mapanga a mwaka umuwika keshi chapa , nyi chimbembe changombe cha kuji umuwika , nyi kuji a mapanga aali . Akapwe mulambu wakwocha kuli Yehova , hamuwika nyi mulambu wa mbuto ya nona nyi milambu yo ya kunwa , te mulambu wa kahya wa lupembo mupema kuli Yehova .¹⁹Manulambula kuji yapembe umuwika mulambu ha shili , nyi kuji aali amapanga a mwaka umuwika akapwe chitapo , cha milambu ya sambukila . ²⁰Mwe sasendote mahungisa hamuwika nyi mbolo ya mbuto yitangu kumeso ja Yehova , nyi kuyikunjika kuli yiye kupwa mulambu hamuwika nyi ana mapanga aali . Yikapwe milambu yisandu ya sasendote kuli Yehova . ²¹Chanutamba kulinga chilakenyo hatangwa lyolyene . Nukapwe nyi chikungulwila chisandu , kanda nulinga milomo nyi yimwe yilemu . Chino muchipwa chiyulo cha mutolo kweswako munutwama ndusu muyisemuko yenu yeswe .²²Muze mukacha mbuto ya muchifuchi chenu , kanda nukacha minda yenu ndusu ndo ku njiza , chikwo nawa kanda nukahuhulola yize yinasala ha kucha . Munuka yihichikila yiswale nyi njize . Yami Yehova Zambi yenu . "'²³Yehova yamba kuli Mose , ngwenyi , ²⁴" Amba kuli A-Yizalele ngwo , 'Ha kakweji wa muchishimbyali , ha tangwa litangu lya kakweji munukafunga tangwa lilemu lya kuhwima chenu , chikapwe chiwuhwiso cha kuhumuna yitanga , nyi chikungulwila chisandu . ²⁵Kanda nulinga milimo nyi yimwe yilemu , munukakunjika mulambu wa kulinga nyi kahya kuli Yehova . "'²⁶Mba Yehova yamba kuli Mose , ngwenyi , ²⁷" Hatangwa lya muchikumi mukakweji wa muchishimbyali lye tangwa lya kufuka shili . Mulipwa tangwa lya chikungulwila chisandu kuli yenu , munuka likehesa mbunge jenu nyi kunjika kuli Yehova mulambu wa kahya .²⁸Kanda nulinga milimo nyi yimwe mumu ha lye tangwa lya kufuka shili hakufuka shili hali yenwene kumeso ja Yehova Zambi yenu . ²⁹Mweswawo kalikehesele hatangwa lyacho kumakamutetako kuli atu jenyi .³⁰Mweswawo malinga mulimo weswawo hatangwa lize , yami , yehova , munguka munongesa hakachi ka atu jenyi . ³¹Kanda nulinga mulimo weswawo halino tangwa . Yikapwe chiyulo cha mutolo ndusu yisemuko yeswe kweswako munutwama . ³²Tangwa lino ndo mulipwa kuli yenu sambata yilemu ya kuhwima , mba nyi kulikehesa mbunge jenu ha tangwa lya muchilivwa lya kakweji ha chingoloshi putu chingoloshi ku chingoloshi ndo ku chingoloshi munukafunga sambata yenu . "³³Yehova yamba kuli Mose , ngwenyi , ³⁴" Amba kuli atu A-Yizalele , ngwenyi ' Ha tangwa lya muchikumi nyi lya muchitano a kakweji wamuchi shimbyali che chiwanyino cha yisakila kuli Yehova chikapwe ndusu matangwa shimbyali .³⁵Hatangwa litangu mulipwa lya chikungulwila chisandu . Kanda nulinga milimo yilemu nyiyimwe . ³⁶Ha matangwa shimbyali munukalambula mulambu wakulinga nyi kahya kuli Yehova . Hatangwa lya muchinake munupwa nyi chikungulwila chisandu , nukalambule mulambu wakumbula nyi kahya kuli Yehova . Achino che chikungulwila chilemu , kanda nulinga milimo nyiyimwe yilemu .³⁷Yino ye yiwanyino ya kutongola ya Yehova , munu kajilakenya yikapwe yikungulwila yisandu nukakalambule milambu wa kahya kuli Yehova , mulambu wa kahya nyi mulambu wa nona , nyi yitapo nyi milambu yakunwa , mulambu weswe hatangwa lyawo . ³⁸Yino yiwanyino ya kuweza ku sambata ya Yehova nyi yawana yenu , nyi mulambu chilakenyo , nyi milambu yenu yeswe ya mbunge yize wakuhana kuli Yehova .³⁹Hakutwala ha chiwanyino cha yisakila , ha tangwa kumi nyi lyamuchitano lya kakweji wa muchishimbyali , muze hinwakunga mbuto ja muchifuchi , nufunge chiwanyino cha Yehova matangwa shimbyali . Hatangwa litangu mulipwa lilemu lya kuhwima . nyi tangwa lya muchinake nelyo mulipwa lilemu lya kuhwima .⁴⁰Ha tangwa litangu nukatambule mihako ya mitondo mitango ya Mingaji , nyi mitondo ya mafwo , nyi misombo yaku lwiji , mba nukawahilile kumeso ja Yehova Zambi yenu matangwa shimbyali . ⁴¹Ha matangwa shimbyali ha mwaka ha mwaka , munufunga chiwanyino cha Yehova . Chino chapwa chiyulo mutolo ndusu muyisemuko yenu yeswe kweswako atwama . Nukafunge chinochiwanyino muka kweji wa muchishimbyali .⁴²Munutwama muyisakila yikepe matangwa shimbyali . Eswe waze a semukina mu Yizalele atamba kutwama mu muyisakila matangwa shimbyali , ⁴³Hanga ana jenu yisemuko yeswe muyiza kulutwe , akanyingike chize yami natwamishile A-Yizalele mu yisakila muze nachijile muchifuchi cha Engitu . Yami Yehova Zambi yenu . "' ⁴⁴Chocho , Mose wambulwilile atu ja Ayizalele yiwanyino yakutongola ya Yehova .

¹Yehova yamba kuli Mose, ngwenyi, ²" Ambuila akwa Yizalele akunehene maji apema a kusolola a Olive amu ndeya, hanga yikatemuke ufuku nyi mwalwa.³Haze lya chikalakala cha shindakenyo mu mbalaka ya chikungulwila, Alone makayilulika, ufuku nyi mwalwa, ndeya yikapwa yakukwachisa kumeso ja Yehova. Chino muchikapwa chiyulo cha mutolo ndusu yisemuko yenu yeswe. ⁴Sasandote wa kulutwe akafunge ndeya nyi temo kumeso ja Yehova, ndeya cha Olu ya kusayisa.⁵Chatamba numbate wunga wakufufumuka nulinge nawo kumi lya mbolo nyi mbolo jiali. Mbolo yeswe muyipwa ya yihanda yali yali ya kumi lya yihanda ya njongo efa. ⁶Mba munukajilonga mu mikala yali, jisambano mu mukala, ha meso ya Olu kusayisa ha mesoja Yehova⁷Wa tamba kusa insesu yipema ha mikala yali hamwe nyi mbolo ngwe chivulwiso cha mulambu. Yino insesu ku muyikapwa mulambu wa kahya kumeso ja Yehova. ⁸Sambata ha sambata sasandote wa kulutwe chamutamba kululika mbolo kumeso ja Yehova hali A- Yizalele, ngwenyi chinyingi cha usendo wa mutolo. ⁹Wuno mulambu ku mukapwa wa Alone nyi ana jenyi, akajilile kumwe kuno kwa usandu, mumu che chihanda cha mulambu kuli Yehova chakululika kahya."¹⁰Halyapwila chasolokele chize mwana wa lunga wa umwe pwo ka Yizalele, yoze tato ka - Engitu, wayile hakachi ka atu ka A - Yizalele. Uno mwana wa ka Yizalele wazwelele nyi umwe lunga wa ka Yizalele mu chilombo. ¹¹Mwana wa lunga wa pwo ka Yizalele yashililika jina lya Yehova nyi kushinga Zambi, chocho atu yamutwala kuli mose. Jina lya naye Shilomete, mwana wa pwo wa Dibili, waku vungu lya ndane. ¹²Kamufungile ndo Yehova mwene aka hanjike kuzanga chenyi kuli ayo.¹³Mba Yehova yamba kuli Mose, ngwenyi, ¹⁴" mumbatenu mukwa kutuka Zambi haze lya chilombo. Waze eswe amuvwile kutukana akasa moko jo ha mutwe wenyi, mba akwa chikungulwila eswe akamwase mawe.¹⁵Unatela walumbunwine A - Yizalele nyi kwamba ngwenyi, ' mweswawo matuka Zambi yenyi akambate mulonga wenyi. ¹⁶Yiye yoze mashlilika jina lya Yehova akamwese mwene, apwe njize chipwe mwenyembo yoze unasemukina mu Yizalele. Nyi mweswewo masililika jina lya Yehova, akamushihe.¹⁷Yoze mashiha mutu, neye akamushahe. ¹⁸Nyi mweswewo mashaha chinuna cha mukwo, yiye akafwete, mwono ha mwono.¹⁹Nyi mweswewo mapihisa mwenyembo wenyi, akamulinge ngwe chizechene halinga kuli mwenyembo wenyi: ²⁰chifwaha ha chifwaha, liso ha liso, lizo ha lizo. Ngwe chizechene hapihisa kuli mutu, chocho neye akamupihise. ²¹Mweswawo mashiha chimuna akafwete, nyi mweswawo mashiha mutu akamushahe.²²Munupwa nyi shimbi yimuwika kuli mwenyembo nyi mwana wa kusemukila mu Yizalele, mumu Yehova Zambi yenyi."' ²³Chocho Mose yamba kuli atu ja Yizalele, nyi atu amutwihwishile haze lya chilombo, yoze washililikile Yehova. Amwashilw nyi mawe. A - Yizalele yalinga chize Yehova hatumina a kuli Mose.

¹Yehova yamba kuli Mose ha mulundu wa Sinai , ngwenyi , ²" Hanjika kuli Izalele ngwo , ' Muze munuheta kuchifuchi chize ngunanwehe , nyi chifuchi chikapwe nyi kulama sambata ya Yehova .³Munulima minda yenu myaka yisambano , nyi ha myaka yisambano munululyeka mitondo yenu ya uva nikuhela mihako yayo . ⁴Alyoze hamwaka wamuchishimbyali , sambata yikapwe uhwimino ulemu wachifuchi nwa telaku chilama , sambata ya Yehova . Kanda nulima minda yenu chipwe kululyeka mitondo yenu ya uva .⁵Kanda nukahela yize yalisokela , nawa kanda nuhela mbuto ya muzamba yize kanda alulyeka muminda yenu . Ukapwe mwaka ulemu wauhwimino mu chifuchi . ⁶Yeswe yize muyikasoka mu minda yize kunwalimine hamwaka wasambata muyikapwa yakulya yenu . Yenu , nyi kuli ngamba jenu a malunga nyi mapwo , nyi kuli ngamba yoze watwama nyi yenu nukakunge kulya , ⁷nyi yimuna yenu nyi tushitu a muchifuchi chenu akalye yeswe yize muyikasoka .⁸Alula masambata shimbyali mu mwaka , muyipwa ngwe , shimbyali ya myaka shimbyali , chekulinga ngwo mukapwe masambata shimbyali mu mwaka , muchilumbunuka ngwo makumi awana a myaka nyi myaka livwa . ⁹Mba munutuma liji litavwi nyi tachi kweswe ha tangwa lyamuchikumi lya kakweji wamuchishimbyali . Ha tangwa lya kufuka shili munukatuma liji lya litavwi nyi tachi ndusu chifuchi chenu cheswe .¹⁰Uselenu mwaka wa makumi atano a Yehova nyi kwambujola utuswilo muchifuchi cheswe kuli enyacho . Muukapwa mwaka wa uwahililo kuli yenu , nyi upite nyi ndungo makahiluka kumunyachi wenyi .¹¹Mwaka wamakumi atano mukukapwa uwahililo kuli yenu . Kanda nukatumba minda yenu chipwe kuhela mbuto mukalye yeswe yize yalisokela , nyi kululyeka uva wa ku mitondo yize kuyishi kululyeka . ¹²Mumu mwaka wa uwahililo , keshika ukapwe usandu kuli yenu . Munukalya yalisokela mu minda .¹³Mutu mweswe nuhilwise ku upite wenyi ha mwaka wa uwahililo . ¹⁴Nyi munulanjisa munda kuli usoko chipwe munulanda munda kuli usoko kanda nukalyonga chipwe kulinga chipi kuli umwe nyi muko .¹⁵Nyi munulanda munda kuli mwenyembo , chatamba kunyingika myaka yize hiyapalika nyi mihako yakulima ndo nyikuheta ha mwaka wa uwahililo . Nyi mwenyembo unalanjisa munda anyingike chocho neye . ¹⁶Nyi myaka yinji yasala kuheta ha mwaka wa uwahililo mu wezako ndando ya munda , nyi myaka yasala yikehe nyikuheta ha mwaka wa kuwahilila nyi ndando mutepuluka , mumu yize macha mu munda wa yoze malanda muyilita nyi myaka shimbu mwaka wa kuwahilila kanda . ¹⁷Kanda nulyonga , chipwe kuliluwisa umwe nyi mukwo ; alyoze , lemesenu Zambi wenu . Mumu nguli Yehova Zambi wenu .¹⁸Keshika munulinga kulita nyi yiyulo yami , fungenu shimbi jami , nyi kuyilinga . Chocho munukatwama kanawa muchifuchi . ¹⁹Chifuchi muchikema mbuto yacho , nawa munukapwa nyi kulya nyi kukuta nyi kutwama kanawa .²⁰Nyi munwamba ngwenu , ' Yika mutukalya ha mwaka wa chishimbyali ? Talenu , twahashile kutumba mbuto nyi kukungulula yakulya yetu . " ²¹Yami mungutuma kunuwahisa kwiza hali yenu ha mwaka wamuchisambano , chocho mukukema mbuto ya myaka yitatu . ²²Munukalima minda ha mwaka wa muchinake munukalya mihuko ya mwaka wa muchisambano nawa munukapwa nyi kulya cha mwaka kunyima nyi yize nunatuluka . Ndo kucha cha mwaka muchilivwa , munukalya kuli yize nwatulikile myaka yakunyima .²³Kanda nulanjisa chifuchi chenu kuli weka , mumu chifuchi hichami . Enu eswe nuli yilambala nyi myaka yenu yikehe ha chifuchi chami . ²⁴Mukataliliza atu kuhilwisa nawa minda jo yize walanjile ; nukataliliza nawa kulandulwisa minda kuchisemuko kuze nwalanjile . ²⁵Nyi mukwenu muka Izalele mapwa chiswale nyi ha chino malanjisa chihanda chimuwika cha upite wenyi , mba usoko wenyi ali hakamwihi akeze nyi kumuukula yize mukwo hanalanjisa .²⁶Nyi mutu kechi nyi usoko wa kuumukula upite wenyi , mba nyi hapwa nyi pichi nyi mbongo ja kulikulila . ²⁷Alule myaka yapalikaho kufuma ha shimbu alanjishilileho munda wenyi nyi kuhilwishila mbongo kuli yoze walanjile . Nahase kuhiluka ku upite wenyi . ²⁸Alyoze nyi kechi nyi upite wa kuukula munda wenyi mwene , munda muhukapwa wayoze mwene walanjile ndo nyi kuheta ha mwaka wa kuwahilila . Ha mwaka wakuwahilila , munda makamuhilwishila mwene yoze walajishile . Nyi uoite muhukahiluka kuli mwene mutangu .²⁹Nyi mutu malanjisa zuwo lya kujikinyina mu limbo , mahasa kuli kula ndo mwaka wa muwundu kufuma haze ayilanjishilile . Ha mwaka wa muwundu mapwa nyi tachi ja kuukula . ³⁰Nyi zuwo kahashile kuli kula ndo nyi mwaka hiwahwa , nyi zuwo lya kujikilila limbo mulipwa upite wa yoze walilanjile nyi chisemukochenyi . Kechi kalitusula ha mwaka wa uwahililo .³¹Alyoze mazuwo a mu yihunda yize kuyishi yipanga yajinguluka kali ngwe minda ya chifuchi . Mahasa kwakula , chiko nawa akahilwise ha mwaka wa kuwahilila . ³²Alyoze , ma zuwo ja Alevi ali mu membo jo mahasa kwakula kala shimbu .³³Nyi umwe hali Alevi mahona kukula zuwo lize alanjishile , mba zuwo lize alanjishile mu limbo chatamba kuli hilwisa ha mwaka wa kuwahilila , mumu mazuwo ja Alevi mu membo jo we upite wo hakachi ka atu a Izalelele . ³⁴Alyoze minda yize yili hakamwihi nyi mazuwo jo kanda akalanjisa mumu wapwa upite wo wa mutolo kuli Alevi .³⁵Nyi mukwenu muka limbo malumuka chiswale kahashile kulikwasa yiye mwene , munumukwasa ngwe chize mwakukwasa a njize chipwe ngwe mutu wakweka uli hakachi kenu . ³⁶Kanda umufwetesa mbwezo nyiyimwe chipwe kupichila hali yiye , alyoze vwila woma Zambi mukulinga chocho usoko we matwama nyiyena . ³⁷Kanda numwaha mbongo ha mbwezo , chipwe kumulanjisa ya kulya mumu wa mbongo . ³⁸Yami Yehova Zambi wenu , wa nuchijile muchifuchi cha Engitu , kulinga ngwami ngunwehe chifuchi cha Kanana , nawa ngupwe Zambi wenu .³⁹Nyi mukwenu malumuka chiswale nyikulilanjisa yiye mwene kuli yena , kanda wumuzachisa ngwe kapinji . ⁴⁰Akapwe kuli yena ngwe ngamba wa fweto . Apwe ngwe mutu unatwame shimbu yikehe nyi yena. Makakuzachila ndo nyi mwaka wakuwahilila . ⁴¹Mba makakatuka kuli yena , yiye nyi ana jenyi hamuwika , kumakaya kuli akwa munyachi wenyi nyi ku upite wa tato .⁴²Mumu o tuvumbi twami waze nachijile mu chifuchi cha Engitu . Kechi kulanjishiwa ngwe ndungo . ⁴³Kanda nwayula nyi ukalu , mba nwaha vumbi kuli Zambi wenu . ⁴⁴Mba kuli ndungo jenu a malunga nyi a mapwo , waze nwakufumisa kumavungu ali hakamwihi nyi yenu nukalande ndungo kuli wayo .⁴⁵Munahasa nawa kulanda ndungo kuli a njize waze atwama nyi yenu , waze asemukila muchifuchi chenu , anahase kupwa upite wenu . ⁴⁶Munuhasa kwaswanyisa nyi ana jenu ali nyiyenu, kukwachilila ngwe upite , nyi kwalinga ndungo a mutolo , mba kanda nuyula akwenu nyi ukalu hali atu ja Izalele nyi utenu .⁴⁷Nyi njize chipwe atu waze nwa twamano ha shimbu yikehe mapwa nyi upite , mba umwe mukwenu mukwa Izalele hapwa chiswale nyi kulilanjisa yiye mwene kuli yoze njize , chipwe kumunyachi wa yoze njize , ⁴⁸muze mukwenu mukwa yisalele hamulanda , munuhasa kumulanda nawa . Umwe muchisemuka chenyi mahasa kumukula yiye .⁴⁹Chipwe natu , chipwe musonyenyi , mamukula , chipwe umwe wamunyachi wenyi . Chipwe , nyi hapwa pichi malikula yiye mwene . ⁵⁰Aka livwashane nyi yoze mutu wamulanjile ; akalule myaka haze alilanjishile yiye mwene kuli yoze wamulanjile nyi myaka yasalako kuheta ha kumutusula muyipwa nyi kulita mbongo akufweta ngamba wafweto , nyi ha myaka makamuzachila yoze wamulanjile .⁵¹Nyi myaka kuyili yinji nyi kuheta hamwaka wakuwahilila , mahilwisa ndando yinalite ngwe yizeyene myaka . ⁵²Nyi kwasala myaka yikehe kuheta ha mwaka wakuwahilila , chocho akalitese nyi yoze wamulanjile , kulita nyi myaka yasalako shimbukanda nuheta ha mwaka wakuwahilila , mahasa kufweta mbongo ja kuli kula kukawula myaka .⁵³Munukamuyula ngwe ngamba nwatwama nenyi ha mwaka nyi mwaka kanda numuyula nyi ukalu . ⁵⁴Nyi kamukulile chocho , yiye makazata ndo nyi mwaka wa uwahililo , yiye nyi ana jenyi . ⁵⁵Kuli yami atu ja Izalele a ngamba .Ngamba jami nachijile mu chifuchi cha Engitu . Nguli Yehova Zambi wenu .

¹kanda nukalilingila tuponya, nyi nukazundula yuma yakusonga chipwe nguji lyaliwe lisandu, kanda nukasa kaponya wa kwola muchifuchi chenu yoze mukafukama, mumu nguli Yehova Zambi yenu. ²Nukafunge masambata jami nyi kulemesa zuwo lyami lisamdu. Yami Yehova.³Nyi mumwenda muyiyulo yami nyi kufunda shimbi jami nyi kusononoka, ⁴mba mungukanwaha vula mushimbu yayo; kamavu makemisa mihuko, nyi mitondo ya mumavu muyikema mihuko yaya.⁵Kuzungula chenu muchikatwalilila ndo kushimbu yakucha mbuto, nyi mbuto munukacha muyikoka ndo shimbu yakutumba yokwa. Munukalya mbolo nyi kukuta ka nyi kuttwama kanawa kuze munukalinga mazuwo muchifuchi. ⁶Mungukahana uhwimino mu chifuchi; munukapomba kuhona nyi chimwe cha kunuchinyisa. Mungukachiza tushitu yilyanyi kusuku nyi chifuchi, nyi poko yamukwale kuyichi kapalika mu chifuchi chenu.⁷Munukahuma akwa kole jenu, nyi kuholokela kuli yenu kupoko yamukwale. ⁸Atano amuli yenu makahuma kulakaji, nyi kulakaji amuli yenu makalima kumi lya tuminu; akwa kole jenu makaholokela kuli yenu ku poko yamukwale.⁹Mungukamutala nyi vumbi nyi kukanupwisa semi nyi kukanwokesa; mungukakolesa usendo wami nyi yenu. ¹⁰Munukalya yakulya munukatulika shimbu yinene. Munukaneha yakulya yize munutulika mumu munukafupa mwakutulikila ha kucha yaha¹¹Mungukasolola Tabanaku yami muli yenu, chichi kamweseka nawa. ¹²Mukenda hakachi kenu nyi kupwa Zambi yenu, nyiyenu munukapwa atu jami. ¹³Yami Yehova Zambi yenu, yoze wanuchijile muchifuchi cha Engitu, hanga nukahone kupwa ndungo jo. Namakwine mitondo ya kulu yenu nyikumwendesa nyi kwoloka.¹⁴Alyoze nyi kumuchi kangupajika, nyikuhona kwononoka shimbi jo, ¹⁵nyi munulelesa yiyulo yami nyi kweseka shimbi jami, ka nuchikahasa kwononoka shimbi jami jeswe, alyoze munikatangula usendo wami -¹⁶nyi munulinga yono yuma, mba munikalinga chino hali yenu, mukanangila woma hali yenu: mukanangika woma hali yenu, misongo nyi kachi yoze makenyeka meso nyi kuhulumuna myono yenu. Mumu akwa kole jenu makalya kufumbuka chacho, munu katumba mbuto jenu chamokomoko. ¹⁷Mungukalimika nyi yenu, nya akwa kole jenu makanuyula, nyi yenu munukachina, chipwe kwakuhona nyi umwe unanuhange.¹⁸Nyi ngwe munyima ya yino yeswe kunwangu pajikile, mba mukanukanunyamisa yisuho shimbiali ha shili jenu. Mungukamakuna kulenga chenu cha tachi. ¹⁹Mungukalumuna malilu ngwe utale nyi mavu jenyi mungukalumuna ngwe unengu. ²⁰Tachi jenu mujikazata chamokomoko, mumu mavu jenu keshi kema mbuto, nyi mitondo yenu mu chifuchi kuyichi kema mihuko.²¹Nyi munwenda nyikulimika nyi yami, nyi kuhona kungupajika, mungukaneha yisuho shimbiali ya yipupu hali yenu mu yihana milonga yenu. ²²Mungukanutumuna tushitu amuyambu, kumakanwiya ana jenu, makanongesa yimuna yenu, makanutepulula hanga jila jenu jikapwe jahululu.²³Nyi ngwe hanga munuchisako kwenda kwakuhona kutambula kululika chami nyi kutwali kwenda nyi kulimika nyi yami, ²⁴chenacho nyi yami mungukaya lutwe mukulimika nyi yenu, nyi yami mwene mukanu kanyamisa yisuho shimbiali mumu wa shili jenu.²⁵Mungukaneha poko yamukwale hali yize muyikaneha utenu hakuhana kufunga usendo. Munukalikungulula hamuwika mukachi ka yihunda, nyi kutuma musongo hali yenu kukuze, nyi kukanu kujika mumoko jakwa kole jenu. ²⁶Muze mungu kahonesa kulia chenu kwoka, kumi liama pwo makahasa kwocha mbolo jenu mu Forno yimuwika, mukanu pangila mbolo jenu Makaji, Pezalisa. Munu kalya alyoze kunuchika kuta.²⁷Nyi kunuchi kapajika nyi kulinga yino yuma, mba munweda kuya lutwe nyi kulimika nyi yami, ²⁸mba mukalimika nyi yenu mu utenu, nyi yami munguka nuzamisa kuhyana yisuho shimbiali kulita nyi milonga yenu.²⁹Manukalya misunya ya anenu ama lunga; munukalya misunya ya anenu amapwo. ³⁰Mukanongesa manangamo jenu, mungukapuzula yilumbilo yenu ya insesu, mungukalumbika mijimba ya afu jenu ha mijimba ya tuponya twenu, nyi yami mwene mungukanuvwila kole.³¹Mukalumuna yihunda yenu muyikapwa yahululu nyi kunongesa mazuwo jenu usandu. Mba chichi kawahilila nyi vumba yalupembo mupema wa milambu yenu. ³²Mukenyeka chifuchi nyi akwa kole jenu waze meza kutwamamo makakomoka halwenyeka. ³³Mukanumwangina ku mavungu, nyi kukachiza poko yamukwale nyi kunu kaula. Chifuchi chenu munuka chihichika, nyi yihunda yenu muyi muyikapwa yahululu.³⁴Mba nyi chifuchi muchikawahilila nyi masambata shimbu hichipwa chahululu nyi nuli mu chifuchi cha kole jenu. Hashimbu yize, chifuchi muchikahwima nyi kuwahilila masambata. ³⁵Muze muchikapwa kumushi atu, muchikahwima, chize muchikapwa kuhwima chize kanda nupwa nacho hama sambata jenu, muze nwatwaminemo. ³⁶Hakutwala kuli waze makasala muchifuchi cha akwa kole jenu, muka tuma woma mu mbunge jenu hanga chipwe kuholoka chalifwo muchilinyika nyi fuji muchi kanukasumuna, munuka china ngwe kuchina cha ku poko yamukwale. MUnukalimbuka, chipwe kukushi nyi yoze unanuhange.³⁷Munu katalyangila umwe hali mukwo ngwe waze ana hange ku poko ya mukwale, chipwe wakuli unanuhange. kunuchi kapwa nyi tachi jakumana kumeso ja akwa kole jenu. ³⁸Munukamona hakachi ka mavungu, nyi chifuchi cha akwa kole jenu muchi kanumbula. ³⁹Waze makasala mukachi kenu makasula mushili jo, muze muze muyifuchi yakwa kole jenu, nyi mumu wa shili ja tato neo makasula.⁴⁰Alyoze kachi makashikisa milonga yo nyi milonga yatato, nyi kufumbukila chize chapwile chaluchisa kuli yami, nyi muze endele mukulimika nyi yami - ⁴¹yize yangulingishile kulimika no nyi kwatwala kuchi fuchi cha akwa kole jo - nyi ngwe mbunge jo jaulima mujilikehesa, nyi matambula kufumba cha shili jo, ⁴²chenacho mukeuluka mumbunge usendo wami nakolesele nyi yakomba, usendo wami nakolesele nyi Yizake, nyi usendo wami nakolesele nyi Apalahama; nawa, mukeuluka nyi chifuchi.⁴³Chifuchi makachihichika hanga chikawahilile nyi sambata jacho shimbu hachihichika kumushi atu. Mba mazeya kulufumbo wa uhenge wo mumu o alelesele shimbi jami nyi mbunge jo ja upikali nyi yi yulo yami.⁴⁴Chipwe hano yeswe, muze achili mu chifuchi chakwa kole jo, chichi kalelesa, chipwe chichi keseka mukwanongesa eswe mukuhona kuhetesa usendo wami nya ayo, mumu yami Yehova Zambi yo. ⁴⁵Alyoze hamukunda wo mukakolesa usendo nyi tulamba two, waze nachijile muchi fuchi cha Engitu kumeso ja ma vungu, hanga ngukapwe Zambi yo. Yami Yehova."⁴⁶Yino ye yiyulo, nyi yuma yakutuma, nyi shimbI jize Yehova walingile mukachi kenyi chi atu ja Yizalele ku mulundu wa Sinai kuli Mose.

¹Yehova yamba kuli Mose ngwenyi , ²" Hanjika kuli atu ja Yizalele nyi kwamba ngwe , ' Nyi umwe malakenya chilakenyo kuli Yehova , akafwete nyi kulita nyi ndando jize makamutongwela .³Ndando munusela hali lunga chize kumyaka makumi aali amyaka ndo kumakumi a sambano amyaka muyipwa makumi atano ashekele ja palata , nyi kulita nyi shekele ya muma musandu . ⁴Nyi mapwa pwo ndando mamusela makumi atatu ashekele .⁵Uli nyi myaka itano ndo kumyaka makumi aali ndando yenyi makumi atatu ashekele , hali mapwo kumi lya shekele . ⁶Nyi mapwa nyikakweji umuwika ndo kumyaka itano ndando yalunga muyipwa shekele jitano ja palata , hali pwo shekele jitatu ja palata .⁷Nyi mahyana makumi a sambano amyaka lunga ndando yenyi kumi lya shekele nyi shekele jitano , hali pwo kumi lya shekele . ⁸Nyi mutu mahona kuhetesa chilakenyo kwesekesa nyi ndando yize mamusela , akatwale mwe mutu kuli sasendote , hanga akamusele ndando kwesekesa nyi kuhona chenyi .⁹Keshika nyi kwe chimuna malakenya mutu kutwala kuli Yehova , yihanda yeswe yachimuna muyipwa yisandu . ¹⁰Mutu kanda alumuna chipwe kusumbakenya chipema ha chipi , chipwe chipi ha chipema . Nyi ngwe ma chizako , chi muna umwe kuli mukwo , eswe nyi yoze achizeko mapwa asandu .¹¹Keshika , nyingwe chimuna alakenyenga mutu kuli Yehova waluchisa , Yehova kechi kumutambula , mwe mutu akatwale chimuna kuli sasendote . ¹²Sasendote makamusela ndando , kulita nyi upi wenyi . Ndando yeswayo makamusel asasendote ye nayo . ¹³Alyoze mwenya chimuna nyi makazanga kunukula , akawezeleko yihanda yitano ku ndando yenyi .¹⁴Nyi ngwe mutu masela zuwo lyenyi lisandu kuli Yehova , sasendote masela ndando nyikulita nyi upeme walyo hanji nyi upi walyo . Ndando makalisela sasendote , yenayo muyikapwa . ¹⁵Mba nyi mwenya zuwo mazanga kwikula , akawezeko chihanda cha ndando ku ndando , mba mulikapwa nyi lyenyi .¹⁶Nyi umwe masela chihanda chachihinga chenyi , ndando yacho muyikapwa kulita nyi mbuto yacho - homele yimuwika ya sevanda munusela ndando yamakumi atano ashekele ja palata .¹⁷Nyi hasela munda wenyi chize kumwaka wa uwahililo , ndando yacho nwasele . ¹⁸Alyoze nyi masela munda wenyi kulutwe lya mwaka wa uwahililo , sasendote akalule ndando yawo kulita nyi myaka yasalako ndo ku mwaka wa uwahililo , nyi ndando yawo nukatepulule .¹⁹Nyi ngwe mwenya munda mazanga ku ukula , akaweze chihanda cha ndando ku ndando , mba mu upwa nyi wenyi . ²⁰Nyi kakulile we munda , chipwe nyi haulanjisa ku mutu weka , kechi kaukula nawa . ²¹Keshika , we munda , nyi maukula hatangwa lya uwahililo , muukapwa mwambu usandu kuli Yehova , ngwe mulambu uze hiunahu kulambula kuli Yehova . Makauzuka kuli sasendote .²²Nyi ngwe mutu mahana chihanda chamunda , chize kuchakundamine ku mavu ja usoko , ²³sasendote akalule ndando yakuheta ndo kumwaka wa uwahililo , mwe mutu akafwete ndando hatangwa lize ngwe chawana chisandu ku meso ja Yehova .²⁴Ha mwaka wa uwahililo , munda muukahiluka kuli yoze waulanjishile , yoze wauzukile . ²⁵Ndando yize munukasa yikalite nyi shekele ya muma musandu , makumi aali angela makafwika shekele umuwika .²⁶Nyi umwe kanda akahana kapula -jimo wa chimuna , mumu kapula- jimo kapwa wambala wa Yehova ; chipwe wa ngombe chipwe wapanga , wambala wa Yehova . ²⁷Nyi ngwe chimuna mapwa waluchisa , mwenye ye akamulande handando ize hamusela , akawezeko chihanda cha ndando ku ndando . Nyi chimuna kamukulile , akamulanjise handando ize mamusela .²⁸Nyichimwe chuma mutu makatumbika kumeso ja Yehova , ku yuma yeswe mapwa nayo , chipwe mutu chipwe mutu chipwe chimuna , chipwe munda wa usoko wenyi , muchikalanjishiwa chipwe kukukula . Yuma yeswe maka tumbika muyikapwa yisandu kumeso ja Yehova . ²⁹Nyi umwe hamutumbikila shingo yakumwonwona hakachi ka atu kanda aka mukula . Yono mutu akamushihe .³⁰Chihanda chakumi cha ha mavu , chipwe chambuto ya mavu chipwe cha muhuko ya mutendo , yambala ya Yehova . ³¹Nyi ngwe mutu makula chakuchihanda chenyi cha kumi , akawezeko chihanda cha ndando .³²Chihanda chakumi cha ngombe chipwe cha mapanga , chimuna mweswe wakwalula kuli kafunga , wamuchikumi mapwa musandu kuli Yehova . ³³Kafunga kanda akasakula hali mupema nyi mupi chimuna , chikwo nawa kanda akasumbakenya . Nyi masumbakenya , ka eswe makapwa asandu . Kechi kamukula . "'³⁴Jino je shimbi jize Yehova watuminyine ha mulundu wa Sinayi kuli Mose ja atu ja Yizalele .

¹Mba Jerumbale ( chekwamba ngwo, Ngindyone) yalimeneka nyi tujita twenyi eswe, yajika nyi musumba wo ku sesa lya shima lya Halonde. Musumba wa Amindiyane yiupwa ku noleteyo muchimbongo kukamwihi nyi ku mulundu wa Mole.²Yehova yamba kuli Ngindiyone ngwenyi, "Tujita uli no oka naye chichi kunwaha kukumba Amindiyane, hakwamba A-Yizalele kanda alisambula kuli yami, ngwo, ' Kutachi ja yetwene hitwakumba.' ³Keshika, lweza tujita twe ngwe, " Mweswawo unevu woma , mweswawo unachikima, ahiluke nyi kuli handununa kuli yetu kufuma ku mulundu wa Ngilyande. "' Mba atu ali tununu makumi aali nyi aali yahiluka, nyi kumi lya tununu asalile.⁴Yehova yamba kuli Ngindiyane, " Hindu tujitu waze uli no oka naye . Apalumwise ku meya, kwenako mungukakuhandunwinawo. Nyi mungwamba kuli yena ngwami, awu mwe maya nyi yena, mwe maya nyi yena; mba nyi munwamba ngwami, yono kechi kuya nyi yena, mwenawo kechi kaya. "⁵Chenacho Ngindiyane wapalumwishine e tujita ku meya. Nyi Yehova yamba ngwenyi, " Handununa mutu mweswe yoze wakunwa meya kuzondama ha makungunwa jo. " ⁶Kulakaji jitatu anwine meya nyi moko . Akwo eswe yasaho makungunwa hakunwa meya.⁷Yehova yamba kuli Ngindiyane ngwenyi, " Nyi tujita kulakaji atatu wano anwine nyi moko jo, mungunulamwina nyi kunukwasa kukumba hali Amindyane . Lweza waze akwo asalaho ahiluke ku mahyo. " ⁸Mba waze asakwileho ambachile yakulya yo yeswe hamuwika nyi yitavwi. Ngindiyane wahilwishile malunga akwa Yizalele, mutu mweswe ku mbalaka yenyi, alyoze wasalile lume nyi malunga kulakaji atatu. Keshika chilombo cha Mindiyane yiupwa ku mwanda mu chikulo.⁹Ha ufuku uzewene Yehova yamulweza ngwenyi, " Katuka ! jingilikenu chilombo cho, mumu hina chihana mumoko je wukawukumbe. ¹⁰Alyoze nyi uli nyi woma palumuka ko, uye ku chilombo che hamwe nyi kavumbi ke Pula, ¹¹nwivwe yuma yize mahanjeka, mba munutakama nyi kujikiza nyi kwasa no jita, " hohene Ngindiyane yaya nyi kavumbi kenyi Pula, kupalumukina kusesa lya chilombo wa akwa kole jo.¹²Amindiyane, nyi Amaleke nyi mavungu a ku musamu te halizaza mu chikulo, kwoka cho ngwe makumbi . Nyi tumelu two yitoka ngwe masekeseke a ku mbumbulu yaku ka lunga lwiji.¹³Muze Ngindiyane ahetele kuze , yevwa umwe mutu te kalweza mukwo chiloto. Ngwenyi, "Tala ! Ami nalotanga, namonanga kambolo ka masa kanalangumukina ku chilombo wa Amindiyane. Yiliza ku mbalaka, nyi kupupa ko nyi tachi jinene kupupa ku zuwo yilwalumuka, yilitala mwilu. " ¹⁴Mba sepa lyenyi yamukumbulula ngwenyi , "Kushi chuma nyi chikwo ka awo uli mukwale wa Ngindiyane mwana wa Joashe, ka Yizalele. Zambi ha mwaha kukumba Amindiyane nyi tujita two tweswe. "¹⁵Muze Ngindiyane hevwa chiloto nyi ulumbunwiso wacho, yafukama hashi nyi ku wayila Zambi. Mba yahiluka ku chilombo cha Yizalele yamba ngwenyi, ' Katukenu! Yehova hakunjika tujita twa Amindiyane mu moko jenu. " ¹⁶Yahandununa kulakaji ya tujita twenyi mu mbunga jitatu, yahana chitavwi kuli mutu nyi mutu nyi mulondo wakuhona nyi chimwe mukachi, nyi soka lya kahya mukachi ka mulonda weswe.¹⁷Yamba kuli ayo ngwenyi , Talenu kuli yami nungwimbulule yize ngunalingi, kanyamenu ! muze yami munguheta ku sesa lya musumba , nungwimbulule yize mungulinga. ¹⁸Muze munguhumuna chitavwi, yami nyi waze nguli nawo, mba nyi yenu nawa munuhimuna yitavwi yenu mu masesa mweswe a chilombo nyi ku kololoka ngwenu, ' Mumu hali Yehova nyi mumu hali Ngindiyane!"'¹⁹Mba Ngindiyane nyi kulakaji lya tujita apwile nawo yakundama ku chilombo, te hakamwihi nyi hakachi ka ufuku. Te Amindiyane kana salakanyisaho tufunga, yemba yitavwi yo nyi kupuzwola milondo yo yapwile mumoko jo.²⁰Mbunga jeswe jitatu yijimba yitavwi yo nyi kupalula milondo yo . Ayo eswe akwa chile masoka jo akahya ku moko a chimuso nyi yitavwi ku moko jo a chindume hanga akolololwese. Yakololoka , " Mukwale wa Yehova nyi wa Ngindiyane . " ²¹Mutu mweswe yamana homa lyenyi ku sesa lya chilombo nyi Amindiyane nyi tujita two yachina. Yachina nyi kutetwoka.²²Muze kulakaji atatu embile yitavwi yo, Yehova yakolesa ma mbunge ja akwa Mindiyane kulizwelesa ene nyi ene nyi mikwale yo . Yachinyina ku Mbete shita kutalikisa ku Zelela, ndo ku njiza ya Ambele Mehola, kukamwihi nyi Tambate. ²³Malunga ja Yizalele akuvungu lya Nafatali, Ashele, nyi mbunga yeswe ya Manase yatambyeka , yakaula Amindiyane .²⁴Ngindiyane yatuma tunganda ku chifuchi cheswe cha milundu ya Epalaime, ngwenyi, " Palumukenu nwapatwize akwa Mindiyane talenu kanawa lwiji wa Yondawu, ndo ku Mbetembala nyi lwiji wa Yondawu. ²⁵Yakwata myanangana aali ja Amindiyane, Olembe, nyi Zembe. Yashihila Olembe ku liwe lya Olembe, yashihila Zembe kukamwihi no wa vinyu wa Zembe . Yahanga lume akwa Mindiyane, yamunehela nyi mitwe ya Olembe nyi Zembe mwe Ngindiyane te kali kusali likwo lya Yondawu.

¹Chapwile ha matangwa a Ahasheulu ( mwe Ahasheulu yono wayulile chize ku Yindya ndo ku Etiopya, helu lya kulukkaji ya yifuchi nyi makumi aali a yifuchi nyi yifuchi shimbyali ) , ²ha matangwa aze shimbu mwanangana Ahashuelu watwamine ha ngunja ya wanangana mwe mu mbala ya shushane.³Ha mwaka wamuchitatu wa kuyula chenyi, yalinga chiteleka hali alemu jenyi nyi tuvumbi jenyi. Maswalale akwa Peja nyi Mendya, nyi akwa lutwe, nyi alemu a yifuchi yatwama kumeso jenyi. ⁴Yasolola upite wa wanangana wenyi wa uhenya nyi ulemu wa ulamba wenyi wahyana matangwa anji- ngwe kulakaji nyi makumi nake a matangwa.⁵Muze matangwa waze hahwa, mwanangana yalinga chiteleka ha matangwa shimbyali. kuli atu eswe waze apwile mu mbala ya sushane, anene nyi akepe. Chapwile kuze ku yize ya jandine ya zuwo lya mwanangana. ⁶Kwapwile mahina atoma nyi ala nyi alauluka, akukasa nyi linyu lipema nyi ufungo ku ngo ja pulata ha manguji amawe a mamole. Yitwamo yapwile ya olu nyi pulata ha mawe a mamole, nawa achila, nyi atoma nyi a chizumwa, nyi ala.⁷Yaaha ya kunwa mumisenga ya olu. Musenge nyi musenge yalipwila nyi vinyu ya wanangana ya kulumbama nyi kulita nyi uhanyi wa mwanangana . ⁸Kunwa chapwile nyi kulita nyi shimbi yino, " Nyiumwe mashinjika mukwo, " mumu chocho mwanangana hahaana shimbi kuli tuvumbi eswe a mu zuwo lyenyi akalinge nyi upale wa mutu nyi mutu.⁹Mwazovu Vashitu iye nawa yalinga chiteleka hali mapwo a mu zuwo lya mwanangana Ahashuelu. ¹⁰Ha tangwa lya mu chishimbyali, muze te mbunge ya mwanangna yinawaha mumu vinyu, Yalweza Mehumane, nyi Mbezeta, nyi Halabona nyi Mbengeta, nyi Ambangata, nyi Zetale, nyi kalaka ( tuvumbi shimbyali aze akuvumbika kumeso ja mwanangana ) , ¹¹anehe mwazovu Vashiti kumeso lya mwanangana nyi chipangula cha wanangana. Akalweze atu nyi e alemu upeme wenyi, mumu wapwile chikolo mupema kumeso.¹²Alyoze mwazovu Vashiti kasolo kuta ku liji lya mwanangana lize tuvumbi amulwezele. Keshika mwanangana yatenuka chikolo, utenu wenyi wasasaminyine mumbunge yenyi.¹³Chocho mwanangana yamba kuli a mana, waze anyingikine tungonde nyi myaka ( mumu chocho mwanangana walingile nyi eswe waze anyingikine shimbi nyi upatwilo) . ¹⁴Waze alihachile nenyi apwile Kalashena, Shetale, Andamata, Tashi, Mele, Malasena, nyi memukane, alemu shimbyali a ku Peja nyi Mendya. Amwene meso ja mwanangana , ayo nawa apwile nyi yihela mu wanangana. ¹⁵Kulita nyi shimbi, kuchi mutumulinga mwazovu Vashiti mumu kasolo kuta ku liji lya mwanangana Ahashuelu, lize amulwezanga kuli tuvumbi? "¹⁶Memukana yamba ku meso ya mwanangana nyi alemu, " Mwazovu vashiti kalingile chipi kuli mwanangana wika, alyoze kuli alemu eswe nyi atu eswe waze ali muchifuchi cheswe cha mwanangana Ahashuelu. ¹⁷Mumu chuma chino mwazovu halinga muchisangiwa kuli apwo eswe. Mba malunga eswe malela kumeso jo. Mahanjika ngwo, ' Mwanangana Ahashuelu watumine anehe mwazovu Vashiti kuli iye, alyoze kasolo kuta. ' ¹⁸Nyi musono myazovu a Peja nyi Mendya ha kwivwa chuma chino cha mwazovu mamba mamba chimuwika kuli alemu eswe ja mwanangana. Chocho mukupwa sau nyi ufwatulo.¹⁹Nyi chinawahilamwe mwanangana, ahane shimbi ya mwanangana, ayisoneke mu shimbi ja Peja nyi ja Mendya, kuyichi kwalumuka, ngwo Vashiti kechi kunjila nawa kumeso ja mwanangana. Nyi mwanangana ahane ulamba wenyi kuli umwe wa muhyane. ²⁰Mba muze mambujola muchifuchi chenyi chinene shimbi yino ya mwanangana , mapwo eswe malemesa malunga jo, kuli anene nyi akepe. "²¹Chuma chino chapemene mwanangana nyi alemu jenyi , mba mwanangana yalinga nyikulita nyi liji lya Memukane. ²²Yatuma mikanda mu yifuchi yeswe ya mwanangana, chifuchi cheswe nyi kusoneka chako, nyi kuli atu eswe nyi kulita nyi limi lyo. Yahana shimbi ngwo lunga mweswe akayule zuwo lyenyi. Akambujole shimbi yino mu limi lya vungu lyeswe.

¹Kulutwe lya yino yuma, muze ufwatulo wa mwanangana Ahashuelu hiwatula, Yewuluka chize Vashiti nyi chize halinga. Yewuluka nawa ha shimbi yize hanahana hali iye. ²Keshika tuvumbi a mwananga waze amulingilile yamba ngwenyi, " Afupile mwanangana pwo mupema hali mapwo waze kanda achinyingika malunga.³Mwanangana akatongole mu yifuchi yeswe ya chiyulo chenyi yilolo, akakungulule eswe ana - mapwo apema waze kanda achinyingika malunga ku zuwo lya mapwo ku limbo lya Sushane. Akaakunjike kuli Hangayi, kavumbi wa mwanangana, mukwa kufunga mapwo, akahe yuma yo ya kulipemesa nayo. ⁴Mba mwana pwo yoze mwanangana mawahilila nenyi mapwa mwazovu kusalakana Vashiti. " Chuma chino chawahililile mwanangana, yachilinga.⁵Kwapwile umwe ka - Yunda mulimbo lya Sushane jina lyenyi Mondekayi mwana wa Njaile mwana Shimei mwana Kishi ka - Mbenjamine. ⁶Iye amuchijile te ku Yelusaleme hamwe nyi funge waze ambachile nyi Jokonyiya, mwanangana wa Yunda, Yoze Nembukanezole mwanangana wa Mbambilone ambachile.⁷Mondekayi walele Handasa, mwe, Esitele, mwana wa pwo wa natu wenyi, Mumu keshi nyi tato nyi naye. Mwana pwo yono kapwile chileza mupema chikolo. Mondekayi wamutambwile akapwe mwanenyi.⁸Muze shimbi ya mwanangana ha yambujola, ana mapwo anji awanehene kulimbo lya Sushane. Akaafunge kuli Hangayi. Esitele neye amunehene ku zuwo lya mwanangana nawa akaamufunge kuli Hangayi, funge wa ana mapwo. ⁹Mwe mwana pwo yamuwahila chikolo, yamulinga vumbi. Hohene yamwaha yuma yize yakulipemesa nayo nyi hamuwika nyi kulya chenyi. Nyi tuvumbi jenyi shimbyali waze chatamba kumwaha a ku zuwo lyamwananga, mba yamututulula ku yipatulo yize yahyana mu zuwolya mapwo.¹⁰Esitele te kanda achisolola vungu lyenyi, hanji chisemuko chenyi, mumu Mondekayi hamwaha shimbi kanda achisolola. ¹¹Nyi Mondekayi wendele tanga nyi tangwa kulutwe lya haze lya yize zuwo lya mapwo , anyingike nyi Esitele kanahinduka nyi kuchi anapu, nyi yize muyikalingika hali iye.¹²Muze shimbu yaheta lya umwe mwana pwo kunjila kuze kuli mwanangana Ahashuelu - nyi kulita nyi shimbi ya mapwo, wapwo weswe nahase kumanununa kumi lya tukweji nyi tukweji aali a kuli pemesa, tukweji asambano nyi maji a mila, nawa tukweji asambano nyi tumbuto twa lupembo mupema hamwe nyi yuma yize yakulipemesa mapwo - ¹³Muze mwana pwo maya kuli mwanangana, cheswacho mwana pwo mazanga mamwahacho kukatuka kuze ku zuwo lya mapwo, hakwamba akatwale ku zuwo lya mwanangana.¹⁴Ha chingoloshi manjila, mba ha kucha mahiluka ku zuwo lyamuchali lya mapwo, akamufunge kuli shashangaji, kavumbi ka mwanangana, mukwa kufunga mapwo waze kakutwama nyi lunga alyoze nyi pwo lyenyi ko. Keshi kuhiluka nawa kuli mwanangana ndo mwanangana mamuzanga chikolo mba ma musanyika ha jina lyenyi.¹⁵Mba muze ola ya Esitele yahetele ( mwana wa Ambihele, natu ya Mondekayi, yoze atambwile kupwa mwanenyi ) hilyaheta kunjila kuli mwanangana, kechile nyichimwe, shina chize mamwaha kuli kavumbi Hangayi, yoze wapwile funge wa mapwo, Eswe amu mwene Esitele amuzangile. ¹⁶Esitele amutwalile kuli mwanangana Ahashuelu mu zuwo lyenyi lya wanangana ha kakweji kamuchi kumi, kakweji ka Tembete, ha mwaka wamuchishimbyali wa kuyula chenyi.¹⁷Mwe mwanangana wazangile Esitele kuhyana mapwo eswe, yawana vumbi nyi ulemuku meso jenyi, kuhyana mapwo eswe waze kanda achinyingika malunga. Chocho wasele chipangula cha wanangana ha mutwe wenyi nyi kumupwisa mwazovu kusulakana Vashiti. ¹⁸Mwe mwanangana walingile chiteleka chinene kuli alemu anyi tuvimbi jenyi, " Chiteleka cha Esitele. " yasela utuswilo muyifuchi. Mba yahana yawana nyi kulita nyi vumbi lya mwanangana.¹⁹Muze akungulwile mapwo waze kanda achinyingika malunga chisuho chamuchali, Mondekayi watwamine mu chikolo cha mwanangana. ²⁰Esitele mba kanda alweza nyiumwe hali chisemuko chenyi hanji vungu lyenyi, chize Mondekayi hamwaha shimbi. Esitele wononokele Mondekayi, ha matangwa waze machimulele. ²¹Ha matangwa waze, shimbu Mondekayi watwamine mu chikolo cha mwanangana, aali a kuli tuvumbi a mwanangana, Mbingatani nyi Teleshe, akwa kufunga pito, evwile wuli mba afupile kushiha mwanangana Ahashuelu.²²Mondekayi ya chivwa, yalweza mwazovu Esitele, nyi Esitele yachilweza mwanangana mu jina lya Mondekayi. ²³Muze hasopa che chikuma hawana kumanyi chamwenemwene, mba yasukika eswe nyi aali ha mitondo. Yachisoneka mu mukanda wa sango kumeso ja mwanangana.

¹Kulutwe lya yino yuma, yalemesa Hamane mwana Ka - Angange Hamedata, yamusenyesa kulutwe yasa chitwamo chenyi ha helu lya alemu eswe waze eswe apwile no . ²Tuvumbi eswe a mwanangana waze apwile ha chikolo cha mwanangana ahetamine nyi kuwayila Hamane, mumu mwanangana hamusela shimbi chocho. Alyoze Mondekayi kahetamine chipwe kumuwayila.³Tuvumbi a mwanangana waze apwile ha chikolo cha mwanangana yamba kuli Mondekayi ngwo, " Kuchi te wakutangula shimbi ya mwanangana? " ⁴O yamwambacho ha tangwa nyi tangwa, aye kapanjikile. Chocho alwezele Hamane achitale nyi liji lya Mondekayi mulikola, mumu halweza ngwenyi nguli ka - Yunda.⁵Muze Hamane hamona ngwo Mondekayi kasolo ku hetama nyi kumuwayila, Hamane yatenuka chikolo. ⁶Hindu kazangile kushiha Mondekayi ukawenyi, mumu tuvumbi a mwanangana yamulweza vungu lya Mondekayi. Hamane wafupile kukuwisa vungu lyeswe lya Yunda, vungu lya Mondekayi, waze eswe apwile mu wanangana weswe wa Ahashuelu.⁷Mu kakweji mutangu (mwe kakweji ka Nisane ) , Mu mwaka wa kumi nyi myaka yaali ya mwanangana Aheshuelu, apwile kutaha ngombo kumeso ja Hamane, akatongole tangwa nyi kakweji. Ayo atahile ngombo ha tangwa nyi tangwa ndo ha kakweji ka kumi nyi wamuchaali ( mwe kakweji ka Andale).⁸Hamene yamba kuli mwanangana Ahashuela, " vungu limwe linamwangana hakachi ka yifuchi yenu yeswe mu wanangana yenu. Shimbi jo jalipwila nyi shimbi ja mavungu eswe, nawa keshi kufunga shimbi ja mwanangana, Kuchatambile mwanangana kuwatayiza kutwama. ⁹Nyi chinanuwahila, achisoneke nwakuwise, mba yami mungufweta kumi lya tununu twa talentu japulata kuli akwa kulingila mwanangana, ajise muzuwo jas upite wa mwanangana. "¹⁰Mba mwanangana yachiza kazeya ku kwoko lyenyi yahana kuli Hamane mwana wa Hamadata ka Angenga, mukwa kole wa A- Yunda. ¹¹Mwanangana yamba kuli Hamane, " Mungukahasa kuhilwisa mbongo kuli yena nyi atu je. Ukalinge no cheswacho chinakupemena. "¹²Henaho ha tangwa kumi nyi lyamuchitatu lya kakweji mutangu yasanyika akwa kusonyeka a mwanangana, Yasoneka nyi kulita yize yeswe Hamane wazangile kutuma kuli akwa kuyula ja mwanangana, waze apwile muyifuchi yenyi yeswe, kuli nguvulu akuli mavungu eswe, nyi alemu eswe akuli mavungu eswe, kuyifuchi yeswe nyi kulita nyi sona jo, nyi kuli mavungu eswe nyi kulita nyi limi lyalo. Yasoneka mujina lya mwanangana Ahashuelu nyi kuchijikila nyi kazeya ka mwanangana. ¹³Yatuma mikanda nyi mikeji kuyifuchi yeswe, ya mwanangana akakuwise, nyi kushiha, akanongese a Yunda, chize kuli ana a kemba ndo ku makulwana, ana nyi mapwo, mu tangwa limuwika lya kumi nyi lyamuchitatu lya kakweji kumi nyi wamuchali (mwe kakweji ka Andale) - akatambule upite wo wakupunda.¹⁴Ya weza soneka nawa ngwo shimbi yino ayambujole mu yifuchi yeswe. Mu yifuchi yeswe alwezele ngwo akalilulike ha tangwa lize. ¹⁵Mikeji yaya fuji nyi kulita nyi liji lya mwanangana. Nyi shimbi yayifumanyisa mu mbala ya Shushane. Mwanangana nyi Hamane yatwama mukunwa, alyoze chihunda cha Sushane yichilifwita nacho.

¹Muze Mondekayi hanyingika yino yeswe alingile, yasonya mazalo jenyi nyi kuzala chikeleyi nyi uto. Yaya hakachi ka chihunda, nyi kulila nyi muteto unene usasu. ²Yeza ndo kulutwe lya chikolo cha mwanangana, mumu wakuhi mahasa kunjila mu chikolo chamwananga nyi chikeleyi . ³Mu yifuchi yeswe, kweswe kuze liji nyi shimbi ya mwanangana hinahete, kwapwile kulinyenga chinene hakachi ka a Yunda, nyi kulitwamina kulya, nyi kulila nyi mbimbi. Anji yapomba nyi yikeleyi nyi uto.⁴Muze tuvumbi twa Esitele nyi a malunga yeza yamulwezacho, mba mwazovu yevwa chinyengo chinji. Yatuma mazalo akamujike Mondekayi ( amuchize chikeleyi, alyoze katambwile. ⁵Mba Esitele yasanyika Hataka, umwe wa tuvumbi a mwanangana yoze hasela kulingila Esitele. Yamutuma kuli mondekayi akanyingike chize chapwile nyi che chikuma.⁶Chocho Hataka wayile kuli Mondekayi ha lwaza wa chihunda kulutwe lya chikolo cha mwanangana. ⁷Mondekayi ya mulweza yeswe yize hiyalingika kuli iye, nyi ndando ya pundu yize Hamane halyalakenya kufweta ku upite wa mwanangana hali a Yunda akaakuwise. ⁸Chikwo nawa yamwaha papilo ya kusoneka nyi ye shimbi yize hasa mu Shushane akaakuwise. Yalinga chino hanga Hataka akachiwleze Esitele amulumbunwineyo, yamwamba nawa akanjile kuli mwanangana akalembelele kuli mwanangana ,nyi kumwita hali atu jenyi.⁹Chocho Hataka yaya nyi kulweza Esitile liji lya Mondekayi. ¹⁰Mba Esitile yamba kuli Hataka kuhiluka kuli Mondekayi kuya kumulweza. ¹¹Yamba ngwo, " Tuvumbi eswe a mwanangana nyi atu a muyifuchi eswe kananyingika ngwo nyi umwe lunga chipwe pwo maya kuli mwanangana manjila mu yize ya muchima kamusanyikine, kuli wika shimbi imuwika hali iye: Ngwo akamushihe - ndo yoze mwanangana mamwolwela lukanda wenyi wa olu aka twame nyi mwono. Makumi ama tangwa hapalika kangusanyikine. " ¹²Chocho Hataka yambulwila maliji ja Esitele kuli Mondekayi.¹³Mondekayi yatuma maliji wano: " Kanda unyonga mu mumbunge ye ngwe, yami wika hakachi ka A- Yunda eswe chichi kufwa mumu nguli mu zuwo lya mwanangana. ¹⁴Mumu nyi yena kwe muhola ha shimbu yino kulungunga , halyapwila ulamwino nyi upulwilo muusoloka kuli A- Yunda kumwe kuma kweka, alyoze yena nyi munyachi wa tatenu mu wukuwa. Iya yoze unanyingika hanji ha ola yino akuselele mu wanangana? "¹⁵Mba Esitele yatuma maliji wano kuli Mondekayi, " ¹⁶Yako, ukakungulule a Yunda eswe waze atwama mu Sushane, alitwamine kulya mumu hali yami. Kanda nunwa chipwe kulya ha matangwa atatu, ufuku chipwe mwalwa. Yami nyi tuvumbi twami twa mapwo nyi yetu mutulitwamina kulya chizechene. Mba mungunjila kuli mwanangana, acho ku chalitele nyi shimbi, nyi mungufwa mungufwa kwahwa. " ¹⁷Mondekayi wayile nyi kulinga yeswe yize Esitele a hanjikile kulinga.

¹Ha tangwa lyamuchitatu, Esitele yazala mazalo a wanangana jenyi, yamana mu yize ya muchima ya zuwo lya mwanangana, kulutwe lya zuwo lya mwanangana. Mwanangana te iye kana twama ha ngunja yenyi ya wanangana mu zuwo lya wanangana, hatalanganyi nyi chikolo cha zuwo. ²Muze mwangana hamona mwazovu Esitile kanamana mu yize ya muchima, yamuvwila vumbi. Mba mwanangana yazoza kuli Esitele lukanda lwa olu mu kwoko lyenyi. Chocho Esitele yakundama yasa kwoko lyenyi ha shina ya lukanda.³Mba mwanangana yamba kuli iye, " Yika unafupu, mwazovu Esitele? Chize unechi chika? Mungukwaha, ndo ku chihanda cha ha muchima wa wanangana. " ⁴Esitele yamba ngwenyi, " Nyi chinakupemena, Mwanangana nyi Hamane eze musono ku chiteleka chize hinamululikila. "⁵Mba mwanangana yamba ngwo, Ambulwilenu Hamane atambuke, chikapwe ngwe chizechene Esitele hamba. " Chocho mwanangana nyi Hamane ayile ku chiteleka chize Esitele hanalulika. ⁶Muze apwile nyi kuhana vinyu ku chiteleka, Mwanangana yamba kuli Esitele, " Chize unazange chika? maka kwaha. Chize unechi chika? ndo ku chihanda cha muchima cha wanangana, mungukwaha. "⁷Esitele yakumbulula, " Chize ngunazange nawa chize ngunechi hi chino, ⁸nyi hinawana vumbi kumeso ja mwanangana nawa nyi chinawahila mwanangana kungwaha chize ngunazange nyi kulinga chize ngunechi, mwe mwanangana nyi Hamane akeze ku chiteleka chize mungululika hamene mba munguka kumbulula ku chihula cha mwanangana. "⁹Hamana yaya tangwa lize nyi uwahililo nyi chiseke mu mbunge. Alyoze muze Hamane hamona Mondekayi ha chikolo cha mwanangana, kakatukile kuli iye chipwe kulisunga, yavwila ufwatulo Mondekayi wunji. ¹⁰Hindu, Hamane yasula yaya ku zuwo lyenyi. Yasaka masepa jenyi nyi pwo lyenyi Zeleshe. ¹¹Hamane yambulwila uhenya wa upite wenyi, nyi kulumbama cha ana jenyi nyi yuma yize mwanangana hamusenyesa, nyi chize hamuhyanyisa helu lya alemu eswe nyi tuvumbi a mwanangana.¹²Hamane yamba ngwenyi, Chipwe mwazovu Esitele katayijile chipwe umwe lunga ndo yami kuya hamwe nyi mwanangana ku chiteleka chize halulika. Nawa nyi hamene hangulakenya hamwe nyi mwanangana. ¹³Alyoze chino cheswe chamokomoko shimbu ngunamono ka Yunda Mondekayi kanatwama ha chikolo cha mwanangana. "¹⁴Mba pwo lyenyi Zeleshe yamba kuli Hamane nyi eswe masepa jenyi, " Lulika mutondo wa makumi atanu a mbandu . Mba hamene chimene hanjika nyi mwanangana akasukikeho Mondekayi. Mba ukaye unawahilila ku chiteleka nyi mwanangana. " Che chuma chino yichiwahila Hamane mba yalulikisa mutondo.

¹Ha ufuku uze kwanangana kahashile kupomba. Yatuma amunehene mukanda waku soneka sango ha yuma yize hinalingiwa mu kuyula chenyi, yatanga kulimwanangana nyi liji linene. ²Yachiwana chakusoneka ngwe Mondekayi wambulwile Bingatani nyi Teleshi, tuvumbi twa mwanangana akwa kufunga chikolo, waze afupile kushiha Ahashuelu. ³Mwanangana yahula ngwenyi, " Kuchi alinga kama nyi Mondekayi kumulemesa hanji kumuchichimyeka? " Tuvumbi a mwananagana waze amulingililile yamba ngwo, " Kamulingilile nyichimwe. "⁴Mwanangana yamba ngwenyi, " Iya uli mu yize? " Achi Hamane machinjila mu yize ya haze lya zuwo lya mwanangana akahanjike nyi mwanangana akasukike Mondekayi ha mutondo uze hanamululikila. ⁵Tuvumbi twa mwanangana yamba kuli iye, " Hamane kanamana mu yize. " Mwanangana yamba ngwenyi, " Mutayizenu anjile. " ⁶Muze Hamane hanjila, Mwanangana yamba kuli iye, " Kuchi chatamba kulinga kuli lunga yoze mwanangana kanawahilila kumulemesa? " Mba Hamane yamba mu mbunge yenyi, " Iya yoze mwanangana malemesa shina yami mwene? "⁷Hamane yamba kuli mwanangana, hali lunga yoze mwanangana kana wahilila kulemesa, ⁸anehe mazalo a wanangana, mazalo waze mwanangana ka kuzala, nyi kavwalu yoze mwanangana ka kwendelaho yoze uli nyi chipangula cha wanangana ha mutwe wenyi. ⁹Akunjike mazalo nyi kavwalu kuli yoze umwe wa alemu aze ahyana a mwanangana. Aka mujike mwe lunga yoze mwanangana kanawahilila kumulemesa, akamwendese ha kavwalu ku tapalo lya chihunda. Nyi kutambika mutambi kulutwe lyenyi ngwo, ' chocho kakulinga kuli lunga yoze mwanangana kanawahilila kumulemesa."'¹⁰Mba mwanangana yamba kuli Hamane, " Tambuka, ukande mazalo nyi kavwalu, ngwe chizechene hiwamba, ukalinge chino kuli Mondekayi ka Yunda yoze watwama ha chikolo cha mwanangana. Nyichimwe chuma kanda chikahona ku yuma yize hiwamba. ¹¹Mba Hamane yanda mazalo nyi kavwalu. Yajika Mondekayi ya mwendesa ndusu tapalo lya chihunda. Nyi kutambika ngwenyi, " chocho malinga kuli lunga yoze mwanangana kanawahilila kumulemesa! "¹²Mondekayi yeza nawa ku chikolo cha mwanangana. Alyoze Hamane ya yachinyina ku zuwo lyenyi, nyi kulinyenga nyi mutwe wenyi wa kufuka. ¹³Hamane yambulwila pwo lyenyi Zeleshi nyi masepa jenyi eswe ku yuma yeswe yalingikanga kuli iye. Mba akwa mana jenyi malunga, nyi pwo lyenyi Zeleshi, yamba kuli iye, " Nyi Mondekayi, yono haputuka ku kulimbula, apwa vungu lya a Yunda kuuchi kahasa kumukumba, alyoze kumulimbuka ku meso jenyi. " ¹⁴Shimbu machihanjika nyi iye, tuvumbi twa mwanangana yaheta. Yatambuka kuneha Hamane ku chiteleka chize Esitele hanalulika.

¹Chocho mwanangana nyi Hamane yeza ku chiteleka cha mwazovu Esitele. ²Ha tangwa lize lya muchali, muze apwile nyi kuhana vinyu, mwanangana yamba kuli Esitele, " Chize unazange chika, mwazovu Esitele? Kumuchikalingiwa. Chize unechi chika? mungukulingilacho, ndo ku chihanda cha ha muchima chawanangana. "³Mba mwazovu Esitele yakumbulula ngwenyi, nyi hinawana vumbi ku meso jenu, mwanangana, nawa nyi chakupemena, ungwehe mwono wami - chino che kwita chami, nawa ha kwita nyi wa atu jami ha kulemba. ⁴Mumu hanatulanjisa, yami nyi atu jami, akatukuwise, kutushiha, akatunongese. Nyi atulanjishile tukapwe ndungo, ngwe tuvumbi a malunga nyi mapwo, kachi chahanjikile, chipwe mwe mukwa kole kahashile kukungulula kuli mwanangana kufulwa chino." ⁵Mba mwanangana Ahashuelu yamba kuli mwazovu Esitele, " iya mwenawo? Yoze mahasa kuhamuka kutaka chuma chino mu mbunge yenyi iya? "⁶Esitele yamba ngwenyi, umwe mukwa kulimika, yoze mukwa kole, yono mwene chingulungulu Hamane! " Aho Hamane yevwa woma ku meso ja mwanangana nyi mwazovu. ⁷Mwanangana yakatuka ku chiteleka cha vinyu nyi ufwatulo yaya ku jandine ya zuwo lya mwanangana, mba Hamane kanama kulembelele kuli mwazovu Esitele ha mwono wenyi. mumu kananyingika ngwenyi mwanangana kanambe kungulinga chipi.⁸Mwanangana yahiluka kukatuka ku jandine ya ku zuwo lya mwanangana yanjila nawa ku chipatulo cha chiteleka kuze anahana vinyu. Kumanyi halimbilila ku muu haze Esitele kanatwama. Mwanangana yamba ngwenyi, Te kanafupu kulumbula mwazovu kwe kumeso jami nyi mu zuwo nyi? " Shimbu liji mulituhuka mu kanwa ka mwanangana afukile meso ja Hamane.⁹Mba Halambona , umwe wa tuvumbi kumeso ja mwanangana, yamba ngwenyi, " Mutondo wa makumi atanu a mbandu uli ha zuwo lya Hamane. Walulikanga hali Mondekayi, yoze wahanjikile chipema hali mwanangana. " Mwanangana yamba nwgenyi, " Musukikenuho. " ¹⁰Chocho yasukika Hamane ha mutondo uze iye te halulika hali Mondekayi. Mba ufwatulo wa mwanangana yiutula.

¹Ha tangwa lize mwanangana Ahashuelu yahana yeswe ya Hamane mukwa kole wa A-Yunda, kuli mwazovu Esitele, Mondekayi yeza kumeso ja mwanangana, mumu Esitele iye wambulwile kuli mwanangana chocho Mondekayi apwile kuli iye. ²Mwanangana yachiza kazeya kenyi, kaze hanatambula kuli Hamane, nyi ku kahana kuli Mondekayi. Mba Esitele yasela Mondekayi helu lya yuma yeswe ya Hamane.³Mba Esitele yamba nawa kuli mwanangana. Nyi kufulamana ku ilyato yenyi nyi kulembelela nyi masoji akachije shimbi jipi ja ka Angange Hamane, nyi kutaka chenyi chize atakile cha kulimika nyi A-Yunda. ⁴Mba mwanangana yazoza lukanda kuli Esitele, yahinduka yamana kumeso ja mwanangana.⁵Yamba ngwenyi, " Nyi chinawahila mwanangan, nawa nyi hinawana vumbi kumeso je, nyi che chikuma chinalulama kuli mwanangana, nyi yami ngunapeme kumeso jenyi, akasoneke shimbi kwalumuna mikanda yize asonekele Hamane mwana wa Hamendata ka Angange, mikanda yize asonekele akakuwise A-Yunda waze ali mu yifuchi yeswe ya mwanangana. ⁶Mumu kuchi munguhasa kumona chipi chino kwiza hali atu jami? kuchi munguhasa kumona kunonga cha usoko jami? "⁷Mwanangana Ahashuelu yamba kuli mwazovu Esitele nyi Mondekayi, " Talenu, hingunahana zuwo lya Hamane kuli Esitele, nawa hanamusukika ha mutondo, mumu hasa kwoko lyenyi hali A-Yunda. ⁸Soneka shimbi yikwo nawa kuli A-Yunda mujina lya mwanangana nukachijikile nyi kazeya ka mwanangana. Mumu shimbi jize hanasoneka mu jina lya mwanangana nyi kujikila nyi kazeya ka mwanangana nyiumwe mahasa kujalumuna. "⁹Mba ha yize ola yasanyika akwa kusonyeka a mwanangana, mu kakweji wa muchitatu, mwe kakweji ka Sivane, ha tangwa lya makumi ali nyi matangwa atatu mu kakweji wa muchitatu. Yasoneka nyi kulita nyi liji lya Mondekayi kuli A- Yunda. Yasoneka kuli akwa kuyula, kuli nguvulu nyi alemu amu yifuchi chize ku Indya ndo ku Kushi, kulakaji nyi makumi ali a yifuchi nyi yifuchi shimbyali, yasoneka ku yifuchi yeswe nyi kulita nyi sona jako, nyi kuli atu eswe nyikulita nyi limi lyalo, nyi kuli A- Yunda nyi kulita nyi sona jo nyi limi lyo.¹⁰Mondekay yasoneka mu jina lya mwanangana Ahashuelu nyi kuchikila nyi kazeya ka mwanangana. Yatuma mikanda mu moko ja mikeji hali tuvwalu a ku tambukisa a ku milimo a mwanangan, a kusema kuli tuvwalu a mwanangana. ¹¹Mwanangana yatayiza A-Yunda waze apwile mu yifuchi yeswe kuli kungulula hamuwika nyi kuli lamwina mwono: Akakuwise, akashihe, akanongese, tachi jeswe ja atu nyi chifuchi chize muchihasa kwapinjisa, ana jo nyi mapwo jo akatambule upite wa kupunda. ¹²Akachilinge ha tangwa lumuwika mu chifuchi cheswe cha mwanangana Ahashuelu, ha tangwa kumi nyi lyamuchitatu mu kakweji wa kumi nyi wamuchali, mwe kakweji ka Andale.¹³Yaweza nawa kusoneka chamuchali yahana ngwe shimbi yino ayambujole kuli atu eswe nyi kuyituma kuli atu eswe. A-Yunda akalilulike ha tangwa lize kulikala hali akwa kole jo. ¹⁴Chocho mikeji waze a kwenda ha mikeji atambu atuhukile waze apwile a ku milimo a mwanangana. Yaya kawashi. Nyi ye shimbi ayihanyine mu mbala ya Shushane.¹⁵Mba Mondekayi aye yatuhuka kumeso ya mwanangana nyi mazalo a wanangana alauluka nyi atoma, nyi chipangula chinene cha olu nyi hina lya ngungu lya linyu lipema nyi ufungo, nyi akwa chihunda cha Shushane ya likwiza nyi chiseke. ¹⁶A-Yunda apwile nyi pangu nyi uwahililo nyi chiseke nyi ulemu. ¹⁷Mu chifuchi cheswe nyi chihunda cheswe, kuze kweswe shimbi ya mwanangana hiyaheta, kwapwile uwahililo nyi chiseke kuli A-Yunda, chiteleka nyi tangwa lya kuhwima. Anji akuli mavungu a chifuchi alumukine A-Yunda mumu apwile nyi woma wa A-Yunda.

¹Mu kakweji wa kumi nyi wamuchali, mwe ka kweji ka Andale, ha tangwa kumi nyi lyamuchitatu, muze shimbi nyi liji lya mwanangana hiya kundama kuyilinga, tangwa lize akwa kole ja A-Yunda anyongene kwa yula, ya chalumuna. ²A- Yunda ayulile akwa kole jo. A-Yunda yalikungulula muyihunda yo mu yifuchi yeswe ya mwanangana Ahashuelu, akalikwate nyi waze ambile kwapinjisa. Wakuhi nyiumwe wahashile kulitachi no, nyi mumu atu eswe evwile woma.³Alemu eswe amu yifuchi, akwa kuyula, nguvulu, nyi akwa kulingila mwanangana, akwashile A-Yunda mumu evwile woma wa Mondekayi. ⁴Mumu Mondekayi wapwile munene mu zuwo lya mwanangana, nyi lufuma lyenyi lwayile ndusu nyi kuyifuchi yeswe, mumu yono lunga Mondekayi yaya nyi kuliwezela unene. ⁵A-Yunda ya lamba akwa kole jo nyi katana, kwashiha nyi kwanongesa, yalinga cheswacho chawahilile kuli akwa kole jo.⁶Mu mbala ya Shushane muze mwene A-Yunda yashiha kulakaji atano amalunga nyi kwakuwisa. ⁷Yashiha Pashandata, nyi Ndafone, nyi Asapata, ⁸Polata, nyi Andalya, Alindata, nyi ⁹Pamasa, nyi Alisayi, nyi Vaizata, ¹⁰nyi kumi lya ana ja Hamane mwana wa Hamandata, mukwa kole wa A -Yunda. Alyoze kuwupite ka kwachileko.¹¹Ha tangwa lize waze ashile mu mbala ya Sushanae, yalweze mwanangana. ¹²Mwnangana yamba kuli mwazovu Esitele, " A-Yunda hashiha kulakaji atano amalunga mu mbala ya Shushane, hamuwika nyi kumi lya ana ja Hamane. Nyi chocho kuchi halinga mu yifuchi yikwo ya mwanangana? Halyapwila yika unazange? Mungukwahacho. Chize unechi chika? Mungukakwahacho. "¹³Esitele yamba ngwenyi, " Nyi chinapemena mwanangana, atayize kama A-Yunda a mu Sushane alinge hamene chizechene ngwe shimbi ya musono, mba asukike e ana kumi a malunga ja Hamane ha mutondo. " ¹⁴Chocho mwanangana yamba ngwo akachilinge. Yahana shimbi mu Sushane, mba yasukika ana kumi a malunga ja Hamane.¹⁵A-Yunda waze apwile mu Sushane akungulukile hamuwika ha tangwa lya kumi nyi lyamuchiwana mu ka kweji wa Andale, nyi kushiha kulakaji atatu amalunga mu Sushane, ka kwachileko ku upite wo. ¹⁶A-Yunda akwo waze apwile mu yifuchi akungulukile hamuwika nyi kulamwina mwono wo, mba yapwa nyi uhwimino kuli akwa kole jo mumu ashihile makumi shimbyali atununu nyi tununu atano a waze aavwile kole, alyoze upite wo kakwachileko.¹⁷Alingile chino ha tangwa lya kumi nyi lyamuchitatu mu kakweji wa Andale. Ha tangwa lya kumi nyi lyamuchiwana ya hwima nyi kuaela tangwa lize likapwe lua chiteleka nyi uwahililo. ¹⁸Alyoze A-Yunda waze apwile mu Sushane yalikungulula hamuwika ha tangwa lya kumi nyi lyamuchitatu nyi tangwa lya kumi nyi lyamuchiwana. Ha tangwa lya kumi nyi lyamuchitano ya hwima nyi kupwisa tangwa lize lya chiteleka nyi uwahililo. ¹⁹Keshika A-Yunda amu yihunda yikepe, waze atwama muyihunda kuyishi yipanga ya mawe, o kakusela tangwa kumi nyi lyamuchiwana lya kakweji ka Andale ngwe tangwa lya uwahililo nyi kulya, nawa lye tangwa lya kutuma yawana umwe kuli mukwo.²⁰Mondekayi yasoneka yino yuma nyi kutuma mikanda kuli A-Yunda eswe waze apwile mu yifuchi ya mwanangana Ahashuelu, eswe hakamwihi nyi kusuku, ²¹akafunge tangwa lya kumi nyilyamuchiwana nyi tangwa lya kumi nyi lyamuchitano lya ka kweji ka Andale mu mwaka weswe. ²²Wano apwile matangwa waze A-Yunda awanyine uhwimino kuli akwa kole jo, nyi mwe kakweji yoze walumwine chinyengo chikapwe chiseke, nyi tangwa lya kulinyenga kupwa tangwa lya kuwaha. Akapwise matangwa a kulya nyi kuwahilila, nyi kutuma yawana ya kulya umwe kuli mukwo, nyi yawana kuli yiswale.²³Chocho A-Yunda yalilakenya kulinga uwahililo wuze aputukile, kulinga chize Mondekayi hanasoneka kuli ayo. ²⁴Ha yize ola Hamane mwana wa Hamandata ka Angange, mukwa kole wa Yunda eswe, watakile kukuwisa A-Yunda eswe, mba yataha pulu ( che kutaha ngombo ya pulu) , ku akuwisa nyi kwanongesa. ²⁵Alyoze muze chuma chaheta kuli mwanangana, aye yatuma shimbi mu mikanda hanga kutaka chino chipi Hamane atakila A-Yunda chikahiluke ha mutwe wenyi, hanga iye nyi ana jenyi asukike ha mitondo.²⁶Keshika yaluka matangwa wano ngwo Pulime, mumu ha jina lya Pulu. Mumu ha yuma yeswe yize hasoneka mu mukanda, nyi yuma yeswe yize hamona nyi kulingika kuli ayo, ²⁷A-Yunda asele shimbi nyi kulilakenya ayo ene . Shimbi yino ya yo ene, nyi minyachi yo, nyi waze eswe malifutula no. Akawahilile wano matangwa aali ha mwaka nyi mwaka .Akafunge wano matangwa aali nyi kulita nyi sona jacho ha kangonde wakufunjika mwaka ha mwaka kuchina muchihona. ²⁸Chatamba kwiwuluka wano matangwa nyi kufunga ndusu kuyisemuko yeswe, nyi munyachi weswe, nyi chifuchi cheswe, nyi chihunda cheswe. Matangwa wano a Pulime kanda ahona hakchi ka A-Yunda, hanga kwewuluka kanda akatoka hakachi ka minyachi yo.²⁹Mwazovu Esitele mwana wa pwo wa Abihele nyi mwe ka Yunda Mondekayi yasoneka nyi shimbi akakolesa mukanda wuno wamuchali wa pulime.³⁰Yatuma mikanda kuli eswe A-Yunda mu yifuchi kulakaji nyi kumi aali ayifuchi nyi yifuchi shimbyali ali mu wanangana wa Ahashuelu, kwatumina maliji a sambukila nyi umwenemwene. ³¹Mikanda yino yakukolesa matangwa wano a Pulime ha shimbu yize hanasela, nyi kulita nyi liji Mondekayi nyi mwazovu Esitele haaha. A-Yunda yataiza shimbi yino nyi minyachi yo, ngwe chizechene hanatayiza shimbu ya kulitwamina kulya nyi kuteta. ³²Liji lya Esitele lya kolesele yuma yino ya Pulime, keshika yasoneka mu mukanda.

¹Mba mwanangana Ahashuelu wafwetesele mulambu ha chifuchi nyi ja mbaka ya kalunga-lwiji . ²Nyi yitanga yenyi yeswe ya tachi nyi ndundo jenyi, nyi ulumbunwiso wa unene wa Mondekayi uze mwananga wamuselele, hanayisoneka mu mukanda wa sango ja myanangana ja Mendya nyi Peja.³Mondekayi mwe ka Yunda walihachile kuli mwanangana Ahashuelu. Wapwile chiyulo munene hakachi ka A-Yunda amutayijile hakachi ka usoko wenyi, mumu aye yafupa kuwahisa atu jenyi nyi kuhanjika sambukila ku munyachi wenyi eswe.

¹Yishima ya Solomone ya mwana wa Ndawichi, mwanangana wa Izalele. Yino yishima yakulongesa mana nyi kufumba, ²nyi kulongesa maliji a yinyingi, ³hanga ukatambule kufumba chayilinga ya ululi, upatwilo nyi kulita.⁴Yino yishima hanga yikahane mana kutwanuke, nyikuhana yinyingi nyi kuku fumba akweze. ⁵Eche akwa mana apanjike nyi ku wezela ku yilongesa, nyi atu amalinjekela alisele ulangaji, ⁶kwivwishisa yishima, yikuma, nyi maliji ja kwa mana nyi yijimbikilo yo.⁷Kwivwila woma wa Yehova we uputukilo wa yinyingi - yihepuke kakulelesa mana nyi kufumba. ⁸Mwanami, panjika kufumba cha tatenu nyikuhona kulituma longeso lya noko; ⁹muyikapwa chipangula cha vumbi cha hamutwe we nyi malenge akuzezeleka ha kota ye.¹⁰Mwanami, nyi yivulumunyi mazanga kukutwala mu uvulumunyi wo, kanda uya hamuwika no. ¹¹Nyi mamba ngwo, "tweya nyi yetu, tweya tulyonge mukutwaminyina cha manyinga, tweya tulisweke tukajikinyine waze atu keshi mulonga nyiumwe;¹²tweya tukamine amwono, ngwe chize shyole lyakumbata angunu, nyi kwapwisa ngwe waze akuya ku upinjilo; ¹³mutukawana yikumba yandando yinene; mutukazalisa mazuwo jetu nyi upite; ¹⁴mbila yuma ye nyi yetu, nyi mukukapwa nyingonga yimuwika"-¹⁵mwanami, kanda ukenda mu jila hamweno; kanda ukecha kulu lye likakwate muze makenda; ¹⁶molu jo kakuzomboka ku upi nyi kupwa nyi washi wakumwanga manyiga. ¹⁷Mumu chamokomoko kutela wanda ku meso ja umwe kajila.¹⁸Wano malunga kakulyonga mukutwaminyina manyinga jo ene - kakuyisela ene chihiso cha hanyono yo. ¹⁹Kashika jila ja mweswawo yoze wakuwana upite mujila ja ndombo wakuzuka nyi kumbata mwono wayoze unakwata nyi kuchilinga.²⁰Mana kakukololoka chinji mutapalo, kakutambika nyi liji mu yihela ya washi; ²¹helu lya mitwe lya zungo mu majila kakuteta, kujilila ha chikolo cha chihunda kakuhanjika maliji jenyi, ²²"Shimbu muka, enu twanuke jatwu, munukazanga kupwa twanuke? Shimbu muka, enu akwakulenya munukawahilila nyi kulenya chenu, nyi shimbu muka hali enu yihepuke, munukajinda yinyingi?²³Alumukenu kukufumba chami, mukamwangina shipilityu wami hali enu, mungukapwisa maliji kwanyingika kuli yenu. ²⁴Na nutambikile, nyi yenu nwahamikine kungupanjika; nahetele nyi kwoko lyami. Alyoze nyi umwe wakuhi yoze wangupanjikile. ²⁵Alyoze hinunalengulula shimbi jami nyi kuhona kupanjika ku kufumba chami.²⁶Nyi yami mukanuseha ha luyinda lwenu, nyi yami mungukanulenya muze woma muwiza - ²⁷muze woma mu unulamba ngwe kangonga nyi muze luyinda wenu makeza ngwe chijimbi, nyi muze lamba nyi yihuli muyikeza hali yenu.²⁸Kashika makangutambika, nyi yami chichikambulula; o makangufupa kanawa yami, alyoze kechi kanguwana. ²⁹Mumu o kajinda yinyingi nyi kuhona kusakula woma wa Yehova, ³⁰o kakapwile shimbi jami, nyi kulelesa kufumba chami.³¹³²³³O kumakakalya mihuko yakwenda cho, nyi kumihuko ya yitanga yo kumakakuta. Mumu wanuke wakuhwa muze o malumuka, nyi kulihandununa cha yihepuke cha kwanongesa. Alyoze mweswawo mangupanjika maka twama kanawa nyi kuhwima nyi woma wakuhi waupi."

¹Mwanami, nyi mutambula maliji jami nyi mufunga shimbi jami, ²nyi musela matwi je ku mana nyi mosa mbunge ye ku malinjekela.³Nyi unalilila chinyingi nyikukololokela malijekela, ⁴nyi muyifupa chizechene ngwe wakafupa palata nyi mufupa malijekela muze unafupu upite wakusweka, ⁵mba mununyingika ulumbunwiso wa kulemesa Zambi nyi kuwana chinyingi cha mwaene Zambi.⁶Mumu Yehova kakuhana mana; mukanwa lyenyi mwakufuma chinyingi nyi malinjekela. ⁷Iye kakulumbamisa mana angunu hali mukwa ululi; kapwa telo kuli waze akwenda nyi kutuwika cha mbunge; ⁸iye kakufunga majila a upatwilo a ululi iye kakuwahisa jila ya usandu jenyi.⁹Mba munukapwa nyi malijekela a ululi, upatwilo, kulita, nyi jila yeswe yipema. ¹⁰Mumu mana makanjila mu mbunge ye, nyi inyingi mwika pemena mu mwono we.¹¹Maselyekela makulayila; nyi malinjekela makufunga. ¹²Maka kupulula kuzhila ya uhenge, kuli waze akuhanjika yuma yipi, kuli waze akuhanjika yuma yipi, ¹³waze akumbila jila ja mukwa kwoloka nyi kwenda mu jila ja milima.¹⁴Kakuwahilila muze malinga yipi nyi ku wahilila mu inyonga yipi. ¹⁵Kakukakawula jila ipi, kakuzachisa mahuza nyi kusweka jila zho.¹⁶Mana nyi maselyekela emaka kulamwina ku chikoyi, pwo wa ndoko yipi nyi maliji jenyi ja kupyepyeta. ¹⁷Yoze waku chichika sepa lya ukweze wenyi nyi kuvulama usendo wa Zambi yenyi.¹⁸Mumu zuwo lyenyi kulyakushimbama ndo ku kufwa, majila jenyi jakutwala kuli api. ¹⁹Waze eswe a kuya kuli iye keshi kuhiluka nyi chipwe kuhilukila jila ja mwono.²⁰Chocho mukenda mu jila ja atu apema nyi kukaula majila ja atu akwa ululi. ²¹Mumu akwa ululi makatunga ma zuwo mu chihela, nyi waze akwa kutuwika mbunge maka twama mo. ²²Alyoze yingulungulu makachiza mu chifuchi, nyi waze ahona ufulyelo maka chizamo.

¹Mwanami, kanda ukavulama longeso lyami; ukafunge shimbi jami mu mbunge ye, ²mumu muyikakwaha kusuwa chamatangwa ni myaka ya mwono,³Kanda ukataiza utu wa zango ni umwenemwene ukakukatuke; ukaisoneke hambunge ye. ⁴Mba mukawana vumbi nyi malijekela apema kuseso ja Zambi nyi mutu.⁵Fuliela Yehova nyi mbunge ye yeswe kanda ukajikijila ha malijekela ja yena mwene; ⁶muyilinga ye yeswe ukamutaize nyi yiye makalulika majila je.⁷Kanda ulimona mukwa mana kuhyana; pwako nyi woma wa Yehova nyi kutewuluka ku yipi. ⁸Muchikapwa kuhinduka cha musunya we nyi kuhuzulula cha yifwaha ye.⁹Lemesa Yehova nyi upite we nyi mihuko yitangu ya kumbuka che cheswe, ¹⁰mba machila je makazala nyi kulumbama nyi yikwachilo ye, muyikasupwoka nyi vingu.¹¹Mwanami, kanda ulelesa kufumba cha Yehova nawa kanda ukapihilila kutenuka chenyi, ¹²mumu Yehova kakufumba waze a zanga, ngwwe chize tata akukanyamisa mwanenyi yoze anawahilila nenyi.¹³Yoze mawana kawaha; nyi iye nawa matabula, mali malijekela. ¹⁴Yize muwana mu mana yahyana yize muwana mu parata nyi kufumbuka chacho chahyana olu.¹⁵Mana kahyana mawe andando nawa chakuhi muzanga muchilita nenyi. ¹⁶Iye kapwa nyi matangwa anji kukwoko lya chindume lyenyi, nyi mukwoko lya chimose lyenyi mwapwa upite nyi ulemu.¹⁷Yilinga yenyi yapwa yilinga yaku wahisa nyi njila jenyi nja sambukila. ¹⁸Iye kapwa mutond wamono kuli waze makakwachilila; waze maka chikwata kawahilila.¹⁹Ku mana ja Yehova watangile hashi; kumalijekela iye waseleko malilu. ²⁰Mumalijekela jenyi jiji jazulukile nyi maselwa aholwele lyume.²¹Mwanami, kanda wecha yino yiku katuke kumeso je, funga liji lya mana nyi maselyekela. ²²Kumukapwa mwono ku mbunge yenyi kuzala cha vumbi kukota ye.²³Mba mukenda mujila ye yakujikiza nyi kulu lye kulichi kalukana; ²⁴muze mupomba, kuchi kevwa woma; meze mupomba, tulo twe kumakapwa a yema.²⁵Kanda wivwa woma wa mwongo wa susumuku, hanji wa kwonwona cha yingulungulu, muze machiza, ²⁶mumu Yehova kumakapwa ujikijilo we nyi yiye makafunga kulu lye, kuli chika kwachiwa.²⁷Kanda ukamina chuma chipema kuli waze chatamba, muze muchihasa kuchilinga. ²⁸Kanda wamba kuli mukwenu ngwo, " yako, ukeze cheka, nyi hamene kumunguka kwahacho," muze mopwa nyi mbongo.²⁹Kanda utakana yipi hali mukwenu - yoze unatwama hamuwika nyi kufulyela nyi yena muze keshi nyi chitela kuli yena. ³⁰Kanda ulitachika nyi mutu yoze ushinenyi chitela, muze kalungila nyi chimwe cha ku kuvulumuna.³¹Kanda uvwila ukwa mukwa kupupula chipwe kusakula nyiyimwe ya majila yenyi. ³²Mumu mukwa kupiya kapwa chzelwokeso kuli Yehova, alyoze kakulikata nyi mukwa ulu mu kukunuka.³³Shingo lya Yehova lili ha zuwo lya chingulungulu, alyoze yiye kakuwahisa muze mwatwama akwa ululi. ³⁴Yiye kakulenya akwa kulenya, alyoze kakupwa nyi vumbi kuli akwa kulikehesa.³⁵Akwa mana makahinga ulemu, alyoze yihepuke kufumbuka cho muchi kapwa sonyi.

¹Panjikenu, anami, kufumba cha tatenu, panjikenu hanga nukanyingike malinjekela. ²Ngunanuhe kufumba chipema; kanda nuhichika longeso lyami.³Muze napwile mwana wa tata, mwana, mukepe wa wika wa mama, ⁴wangulongesele kaha wambile kuli yami ngwenyi, "Mbunge ye yikalalaminye ku maliji jami; funga shimbi jami hanga upwe nyi mwono.⁵Kwata mana nyi malinjekela; kanda uvulama chipwe kupyanguka ku maliji a mukanwa lyami; ⁶Kanda wehuka mana mba makufunga; ukazange mba makulayila.⁷Mana che chuma chahyana, keshika kwata mana nyi ha yuma yeswe makwata kwata mana hanga ukapwe nyi malinjekela. ⁸Walemese mba makasenyesa kulutwe nyi mwakwata makusa ku ulemu. ⁹Masa chipangula cha vumbi ha mutwe we. Makwaha chipema cha uhenya.¹⁰Panjika, mwanami, nawa tambula maliji jami kaha mukapwa nyi myaka yinji mu mwono we. ¹¹Hinakulongesa mujila ya ndako ja mana; hinakusongwela mu7 majila a ululi . ¹²Muze mwenda, wakuhi makwika shimbo je nyi muzombo, kuchi katalinga.¹³Kakaminya ku kufumba chami , kanda uchehuka; uchifunge kanawa, mumu chinapu mwono we. ¹⁴Kanda uya mujila ya yingulungulu nawa kanda ulyata mu jila ya akwa kulinga upi. ¹⁵Kanda uyako, kanda wendelamo; Tewuluka ukahyane.¹⁶Wano atu kahashile kuya tulo ndo halinga chuma chibi kakwachiza tulo ndo malingisa umwe kutalinga. ¹⁷Mumu kakulya mbolo ya ungulungulu kakunwa vinyu ya upupilo.¹⁸Alyoze jila ya atu akwa ululi yapwa ngwe kutemuka cha kucha chakuliwezela tachi; muchitemuka ndo0 tangwa ha muchima. ¹⁹Jila ya yingulungulu yapwa ngwe mulima - kanyingikine haze matalingila.²⁰Mwanami, panjika ku maliji jami; ivwa kanawa maliji jami. ²¹Kanda yikutoka ku meso je ; uyifunge mu kachi ka mbunge ye.²²Mumu maliji jami kapwa mwono kuli yoze mayiwana muyiwuka musunya wo weswe. ²³Funga mbunge ye uyifunge kuhyana yuma yeswe mumu kwe kuuto ya mwono kwenako.²⁴Kanwa lya kupiya likatukeko kuli yena nyi maliji a kuhenga yipwe kusuku nyi yena. ²⁵Meso je atale kulutwe pundu meso je akalulame kulutwe.²⁶Lulamisa jila ya shimbo je ; mba majila je makawaha. ²⁷kanda ukapyasukila chipwe ku chindume chipwe ku chimeso; chiza kulu iye ku yipi.

¹Mwanami, panjia ku mana jami; sako matwi je ku malinjekela jami, ²kachi ulilongese ha malinjekela nyi mivumbo ye kachi yikafunge chinyingi.³Mumu mivumbo ya pwo weka kuyakusotwela nyi uchi nawa kanwa lyenyi lyasenena ngwe maji, ⁴alyoze kusongo kasasa ngwe usase, kambuka ngwe phoko ya mukwale.⁵Molu jenyi kakupalumukina ku kufwa; ngano jenyi jakuya ndo kumafuka. ⁶Aye keshi kunyonga ha jila ya mwono. Kwenda chenyi cha kulihiza; yiye kanyingikine kuze anayi.⁷Keshika, anami, ngwivililenu ; kanda nwehuka kupanjika kumaliji ja mukanwa lyami. ⁸Kanda nwiza hakamwihi nenyi nawa kanda nwiza kukamwihi nyi chikolo cha zuwo lyenyi.⁹Muli ayo jila uchikuhana ulemu we kuli eka chipwe myaka ya mwono we kuli mukwa uswi; ¹⁰hanga yilambala kanda akalya ja tachi je; ku kilikita che kanda chikaya mu zuwo lya tu ndaka.¹¹Kusongo lya mwono we mukaliteta muze musunya we nyi mujimba we mu ukalyenyeka. ¹²Mukamba ngwe, "Chokupihya navile ha kungu fumba nawa mbunge yami yalelesele kungu kanyisa!¹³Chononokene ku liji lya longeshi jami chipwe kusa twitwi lyami ku yilongeso. ¹⁴Kwasalile hakehe yami kulyenyeka hakachi ka chikungulwila, hakulikungulula cha atu."¹⁵Nwako meya amuchikwachilo che nawa nwako meya anaphukumuka mu shima lye. ¹⁶Te chatamba kumwanga meya kweswe nawa ma fuji ja meya je aka amwangakine muchinji cha atu? ¹⁷Akapwe hije wika nawa kanda akapwa ayilambala uli no.¹⁸Fuji lye alikisule nawa ukawahilile nyi pwo lya mukweze we, ¹⁹mumu kali phaji wa zango nawa kayi mupema. Mele jenyi akukuhwise phwila shimbu jeswe; akakuwahise nyi zango lyenyi shimbu jeswe.²⁰Mumu yika, mwanami, makukwachila kuli chikoyi? Yika mukwachila tulo ya chitanji cha phwo? ²¹Yehova kakutala ndako jeswe mutu akulinga nyi kutala majila akupalika eswe.²²Chingulungulu kakukwachika ku uhenge wenyi; mihipu ya shili yenyi muyikam,ukashisa. ²³Makafwa mumu ha kuhona kumufumba; maka pyasuka ha uhenge wenyi unji.

¹Mwanami, nyi hiwasa nbongo je ngwe chikwachilo kuli mwenyembo we, nyi inakamwaha chilakenyo ha chifungo kuli mutu yoze wa nyi ngikine, ²chekwamba hiwalyalila muheto yena mwene kuyilakenyo ye nawa hiwalihisa kumaliji ja mukanwa ke.³Muze hakuhisa nyi malijij je, mwanami, linga chino hanga ulilamwine, yena mwene, muze hiwaholokela mumoko ja mwenyembo we; yako uye uli kehese yena mwene nyi kutwala mulonga we kuli mwenyembo we.⁴Kanda wecha meso je aye tulo kanda unwongoka. ⁵Lilamwine yena mwene ngwe chize akulinga kayi muze anachina chinyanga, ngwe kajila kufuma mu muheto wa mukwa kumutela.⁶Tala kuli tungenyengenye, ena chilenda, uzewule ndako jenyi, ulilongese mana. ⁷Keshi mwata, kasongo, chipwe mukwa kuyula, ⁸alyoze kakulifupila yakulya yo mu nonga nyi wola yakucha kakutulika mbuto yize makalya.⁹Wola muka mupomba ha muhela, ena chilende? Shimbu muka muhinduka kama? ¹⁰"Nguchipombe kama chikehe, nguchinwongoke kama chekehe, nguchilisusuminye kama nguhwime" - ¹¹Alyoze uswale we mwiza ngwe mwiji nyi kufupa che ngwe muswale uli nyi uta wenyi.¹²Mutu wa mokomoko - mutu wa chingulungulu - kakutwama nyi kuhajika mahuza, ¹³kukenya kenya meso, nyi kuli wondwonda kuyilyato yenyi nyi kuli nyeka minwe yenyi.¹⁴Kakushinginyeka manyonga api mukachi kambunge yenyi, kweswako akuya kakuneha vunda. ¹⁵Kashika luyinda lwenyi meza susumuku, mukashimbu kakehe makamakwoka nyi kwawuka ka.¹⁶Yuma yisambano yize Yehova akwivwilamo kupiha, yuma shimbiali yapwa ya chizolyekeso kuli iye:¹⁷meso amutu kakulizelula, nyi limi lya ku lyonga, moko waze akumwanga manyinga ja atu akuhona mulonga, ¹⁸nyi mbunge yauhenya, nyi molu akutambuka aye nyi kulinga yipi, ¹⁹nyi chela yoze wakulamikiza akwo milonga nyi mutu yoze wakuneha vunda mukachi ka madumbu.²⁰Mwanami, lama shimbi ja tatenu kanda uvulyama longeso lya moko. ²¹Funga maliji jo mukachi ka mbunge ye; akashilile mukota ye.²²Muze munwenda, munusongwela; muze mupomba, munufunga; nyi muze muhindwika, manulongesa. ²³Mumu shimbi jili ndeya, nyi ulongeso we pangu; ku kanjisa chize cha kwiza nyi longeso ye njila ya mwono.²⁴Muchihasa kufunga kuma pwo api walimi lya kupyepyeka kwa pwo wandako ipi. ²⁵Kanda wivwa usolo wa upeme wenyi nawa kanda umutayiza kukukwata nyi yikenyi kenyi ya meso jenyi.²⁶Ndando ya chikoyi yapwa hamwe nyi ndando ya mbolo, mba pwo wa lunga ukuwika katonda mwono wupema. ²⁷Mutu matela kumbata kahya hapambo lyenyi kwakuhona kwocha mazalo jenyi nyi?²⁸Mutu matela kwenda hamakala akahya kwakuhona kuwema muchilyato? ²⁹Chimuwika nawa nyi mutu yoze maya kuli pwo mwenyembo wenyi nyi; mamukwata kechi kaya kwakuhona kumumwesa lamba.³⁰Atu kanda kalelesa mwiji muze meya kuzanga kuliwahisa chize mazanga mumu kanevu zala. ³¹Mba nyi mamukwata, iye mafweta shimbiali ya yize eyanga; iye unatela kuhyana yeswe nyi kulita nyi yuma yize yili muzuwo lyenyi.³²Yoze malinga utanji keshi nyimalijekela; yoze malinga chino kalyenyeka mwene. ³³Mbandwu nyi sonyi chamutamba nyi kumulelesa chichi kahwa hali iye.³⁴Mba chipululu chakupwisa mutu ufwatulo; kechi kusolwesa keke hatangwa lya kukala. ³⁵Kechi katayiza ndando neye kechi kamulanda, chipwe munumwaha ya wana yinji.

¹Mwanami, funga maliji jami nyi kufunga shimbi jami muli yena mwene. ²Lama shimbi jami upwe nyi mwono, funga shimbi jami ngwe katumba ka liso lye. ³Uyi kashile haminwe ye; uyi soneke hambunge ye.⁴Tongola mana ngwe, "uli ndumwami," nyi kusanyika malinjekela ngwo uli usoko wami, ⁵yikafunge kuli pwo wautanji, kuliji lyenyi.⁶Ku njanela lya zuwo lyami natalile ku chisakala. ⁷Namwene hakachi ka ana amalunga umwe mukweze keshi mana.⁸Yoze mukweze kanapalika ha tapalo hakamwihi nyi mbango, yaya ku zuwo lyenyi. ⁹Ha kujila cha tangwa, mu chingoloshi, mushimbu lya ufuku nyi mu milima.¹⁰Mba kwatakanyine nenyi umwe pwo. Kanazala ngwe chikoyi, nyi mbunge ya makuli. ¹¹Iye mukwa zungo nawa mukwa pami; molu njenyi katwamine mu zuwo lyenyi. ¹²Halyapwila mu majila, mba muyitanda, nyi muma mbango eswe iye kakuswaminyina.¹³Chocho yamu kwata nyi kumwaha mbenju, nyi ha meso heshi sonyi yamba kuli iye ngwenyi, " ¹⁴musono nahananga yitapo ya milambo ya sambukila nguli nayo, nahetesa chilakenyo chami, ¹⁵keshika hinatuhuka nyi kukutakana, nyi kuzanga ku tonda huma lye.¹⁶Hinala muhela wami, nyi mahina afwifwima kufuma ku chifuchi cha Engitu. ¹⁷Hinasa pwila muhela wami nyi maji a vumba lipema, yilombo, nyo kanela. ¹⁸Tweya, tuye tukalikuchise nyi zango.¹⁹Mumu lunga lyami keshi mu zuwo lyenyi; hanayi hanayi ungeshi usuku. ²⁰Haya nyi pakumuna lya mbongo; mba meza nawa hakakweji wa kuunduka." ²¹Nyi ulembekese wenyi wunji yamukumba; yamushinjila nyi kupyepyeka cha mivumbo yenyi.²²Susumuku lunga yakaula ngwe ngombe maya ku chishahilo, ngwe chi hepuke maya kumufumba mu kuli, ²³ndo mwivu muutuwa mu lyayi lyenyi. Kanyingikine ngwenyi mwono musalako.²⁴Keshika, ana jami, ngwivwenu; panjikenu ku maliji a mukanwa lyami. ²⁵Kanda mbunge ye yalumuke u ndako jenyi, kanda upyangukila mu majila jenyi.²⁶Mumu halimbwisa atu anji nyi yito; waze hashiha chihunji chinene. ²⁷Zuwwo lyenyi lyapwa jila ya kuya kuma kwa afu; nyi kupalumukina ku yipatulo ya afu.

¹Mana kakutambika nyi? Malijekela kakutambika liji lyenye nyi? ²Helu lya mulundu kusesa lya jila, hamakano ja majila, mana amumanyishine. ³Kulutwe lya kujila hakunjila mulimbo ku chikolo cha limbo, hehi nyi yajilo yalimbo, iye yakololoka.⁴"Kuli yenu, atu, yenu ngunatambika; liji lyami lya ana ja atu. ⁵Enu nuli nyi mana a wanuke, lilongesenu kupwa nyi mana; nyi yenu yihepuke, lilongesenu kupwa nyi mana a malijekela.⁶Panjikenu, mumu munguhajika yuma yipema, nyi mivumbo yami nyi yazuluka mukahajika yuma yakwoloka. ⁷Mumu kanwa lyami lya kuhanjika ya umwenemwene, nyi ungulungulu wapwa chizelyokeso ku mivumbo yami.⁸Yeswe yakufuma mu kanwa kami yaumwenemwene kumushi nyi chimwe chahenga hanji chipi. ⁹Yeswe yinalumbunuka kuli mutu mukwa malinjekela; maliji jami kapwa akwoloka kuli mutu yoze watwama nyi chinyingi.¹⁰Tambula kufumba chami chahyana parata; tambula chinyingi kuhyana kusakula Oru. ¹¹Mumu mana hyana yuma yandando; nyi chimwe wazanga chinalifu nyi yiye.¹²Ami, mana, katwama nyi malinjekela, nguli nyi chinyingi nyi maselyekela. ¹³Woma wa Yehova kuvutwokela upi. Nalinwa nyi akwakulivwa nyi kulivwimba mujila yipi.¹⁴Nguli nyi yinyingi nyi chiyulo chipema; nguli nyi malijekela; nyi tachi jatwana yi yema. ¹⁵Yami nakukwasa mianangana kuyula, nyi akwa kuyula kuhana shimbi jipema. ¹⁶Yami ngaji, kakuyula nyi kukwasa chami, atu alemu, nyi eswe akwakuyula hano hashi.¹⁷Nakuzanga eswe waze akunguzanga yami, nyi eswe waze akungufupa, kakunguwana. ¹⁸Natwama nyi upi nyi ulemu, upite wa myaka nyi ululi.¹⁹Mihuka yami yahyana Olu, chipwe Olu yipema; yakufumamo yipema kuhyana prata yipema. ²⁰Nakwenda mujila ya ululi, mukachi ka majila au patwilo. ²¹Yakufumamo, nakuhana yikumba kuli waze akungu zanga; nakuzalisa mazuwo jo nyi upite.²²Yehova yiye wangutangile mukuputuka, chitangu chamilimo yenyi yaku myaka. ²³Kufuma lume kumyaka katutengele - ku uputukilo kufumalume ku uputukilo, kufuma ku uputukilo wachifuchi.²⁴Shimbu te tulunga lwiji kanda achipwa, nasemukine - muze te kushi tuselyoke ameya. ²⁵Shimbu te milundu kanda yichipwa nyi mindundena te kanda, nasemukine.²⁶Nasemukine te shimbu Yehova kanda achitenga hashi nyi ye minda chipwe ye fufuta mu chifuchi. ²⁷Yami te napwile lilu, nyi shimbu lize afujikile mufunda wa mu jondo.²⁸Napwileko muze asele malelwa kwilu nyi muze tuselyoke amu jondo ha watenga. ²⁹Napwileko muze asele seteko ha kalunga lwiji hanga meya kanda ahyana shimbi jenyi, nyi muze asele seteko ya uputukilo wa hashi.³⁰Napwile ku sali lyenyi, ngwe mukwa kusongwela; napwile uwahililo wenyi tangwa ha tangwa, nawahililile ku meso jenyi matangwa eswe. ³¹Napwile wa kuwahilila ha chifuchi chenyi, nyi chiseke chami kupwa hamuwika nyi ana ja atu.³²Keshika, anami, ngupajikenu, waze akufunga shimbi jami mu kakisula. ³³Pajikenu ku shimbi jami nupwe nyi mana; kanda nulelesa longeso lyami. ³⁴Mumu yoze wakupanjika kuli yami kamu kisula. Makapwa nyi kulama ku chikolo tangwa ha tangwa, nyi kushimbwila ku chajilo chami.³⁵Mutu mwese manguwana, mapwa nyi mwono, makawana uwahililo muli Yehova. ³⁶Yoze mahona, malilimuna mwono wenyi; mweswao wakunguvutwokela kakuzanga kufwa."

¹Mana hatunga zuwo lyenyi; hasonga nguji shimbiali kukatuka mumawa. ²Hashiha yimuna jenyi, hachinga vinyu yenyi hasa mesa yenyi.³Hatuma tuvumbi twenyi amapwo; kanasanika ha chihela cha hyana a limbo, ⁴" iya chizuzuke? Eze anjile muno!" Yoze keshi nyi nyongo lipema yahanjika.⁵" Tweya, lyako kulya chami, nyi kunwa vinyu yino nachinga. ⁶Hichikenu yilinga ya yizuzuke nukatwame nyi mwono; nukende mujila ya malinjekela.⁷Mweswe mafumba mukwa kulenya mamukolesa sonyi, nyi mweswe makatenukina mukwa ungulungulu malikokela kupiya. ⁸Kanda ukanjisa mukwa kulenya, mwokomwoko makuvwila kole; kanjisa mukwa mana, mba makuzanga. ⁹Hana kuli mukwa mana, nyi yiye maliwezela mana; longesa mukwa ululi, nyi yiye mali wezela longeso.¹⁰Woma wa Yehova we wuputukilo wa mana, nyi kunyingika mwe musandu chapwa malinjekela. ¹¹Mumu kapalikila muli yami matangwa je makwoka, nyi myaka ya mwono we muyili kaliweza kuli yenu. ¹²Nyiwuli mukwa mana, mana je makuwahisa yena mwene, alyose nyi mulenya, muchimbata yena mwene."¹³Pwo chihepuke kakupwa nyi zungo; kapwa chizuzuke kanyingine nyi chimwe. ¹⁴Kakutwama ku chikolo cha zuwo lyenyi, ha chitwamo cha mu yihela ja limbo. ¹⁵Kakusanyika waze anapalika mumajila kuli atu akwenda mu majila jo.¹⁶" Ngwenyi chizuzuke mweswawo anjila muno," kanambe kuli waze keshi nyi malinjekela. ¹⁷"Meya akwiya ayema, nyi mbolo ya kulya kutenga cho kupema." ¹⁸Alyoze kanyingikine ngwenyi afu aliko, nyi ngeji jenyi mwe mu shiole ali.

¹Yishima ya Solomone. Mwana wa mana kakuneha kuwahilila kuli tato alyoze mwana chihepuke kakuneha chinyengo kuli naye. ²Upite wakuwanyina mu ungulungulu ushi kufumbuka, alyoze ululi wakupulula ku kufwa. ³Yehova keshi kwecha mukwa ululi kufwa nyi zala, alyoze kakuchinda solo lya chingulungulu.⁴Kwoko lya chilenda lyakupwisa mutu uswale, alyoze kwoko lya chikanyame lyakuneha upite. ⁵Mwana wa mana kakukungika ha shimbu ya mbuto, alyoze chasonyi kuli yoze wa kupomba ha shimbu ya kucha.⁶Kisu lya kuli Zambi lyakupwa hali yoze mukwa ululi. alyoze kanwa lya chingulungulu kulyakufuka luvundo. ⁷Mukwa ululi kakuneha uwahililo kuli waze akumwiwuluka, alyoze jina lya chingulungulu kumulikapola.⁸Yoze uli nyi mbunge ya mana matambula shimbi alyoze chihepuke mukwa kumbambula kumaka limbuka. ⁹Yoze wakwenda nyi kutuwika cha mbunge kakwenda mukujikiza, alyoze mukwa kuhengesa maliji jenyi, kumakamunyingika.¹⁰Yoze matenya liso kakuneha chinyengo, alyoze chihepuke mukwa kulimbambwila makalyenyeka. ¹¹Kanwa lya mukwa ululi kulyapwa fuji lya meya a mwono, alyoze kanwa lya chingulungulu kulyakufuka luvundo.¹²Kole kuyakuvundula ndombo, alyoze zango lyakufuka kutanguka cheswe. ¹³Mana katwama ha mivumbo ya mukwa maselyeka, alyoze mbwechi yamunyima ya yoze keshi kunyonga.¹⁴Akwa mana kakupachikila yinyingi, alyoze kanwa lya chihepuke lya kuneha lwenyeka mukamwihi. ¹⁵Upite wa pichi wapwa lye limbo lyenyi likolo; mba uswale wa chiswale mwe lwenyeka wenyi.¹⁶Fweto ya mukwa ululi yakutwala ku mwono; mba kufumbuka cha chingulungulu chakutwala ku shili. ¹⁷Kwatwama jila ya mwono kuli yoze matayiza kumufumba, alyoze mweswe machina ku mwolola makapyanguka.¹⁸Yoze masweka kole katwama nyi mivumbo ya mahuza, nyi yoze mukwa kulamikiza kapwa chihepuke. ¹⁹Nyi maliji hoka, kutanguka kuchishi kuhona, alyoze yoze wakulyanjeka nyi yize akuhanjika wa mana.²⁰Limi lya mukwa ululi lili palata yipema; mba mbunge ya chingulungulu kuyafwika yikehe wika. ²¹Mivumbo ya mukwa ululi yakulisa anji, alyoze yingulungulu kakufwa mumu wakuhona kunyonga.²²Kisu ya Yehova lyakupichisa nawa keshi kuwezako chinyengo. ²³Ungulungulu kuheha cha yihepuke, alyoze mana kapwa chakuwahilila kuli mukwa malinjekela.²⁴Chize chingulungulu akuvwila woma muchimuwana, alyoze chize mukwa ululi mazanga mamwahacho. ²⁵Yingulungulu kapwa ngwe chijimbi chize chakupalika keshika nawa, alyoze mukwa ululi kapwa fundamentu ya mutolo.²⁶Ngwe chize yapwa yinenga ku mazo nyi wishi ku meso, chenacho apwa chilenda kuli waze akumutuma. ²⁷Kuvwila woma Yehova chakwokesa matangwa, alyoze myaka ya chingulungulu muyikatepuluka.²⁸Kutalatala cha akwa ululi chili kuwaha cho, alyoze kutalatala cha yingulungulu muchikatoka. ²⁹Jila ya Yehova che kujikiza cha waze atuwika ma mambunge, alyoze chapwa kulyemyeka kuli akwa uhenga. ³⁰Mukwa ululi kechi kamukumba, alyoze chingulungulu kechi katwama muchihela.³¹Mukanwa lya mukwa ululi mwakukatuka mana, alyoze limi lya mupi makalitetamo. ³²Mivumbo ya mukwa ululi lya nyingika chize chinapemena, alyoze kanwa lya chingulungulu, lya myimgika chize chapihya.

¹Mbalasa yakwonga yapwa chizelwokeso ku meso ja Yehova, Alyoze mpezu ya ululi ya kumu muwahila chinji. ²Muze kulengumuka muchiza, nyi sonyi nawa mujiza, alyoze kulikehesa cha kuneha mana.³Kutuwika cha mbunge ja akwa ululi chakwasongwela ene alyoze kupiha cha akwa mafwefwe kumu chikanongesa ene. ⁴Upite ku ushi kukwasa ha tangwa lya ufwatulo, alyoze kulinga wuli muchikakuchiza ku kufwa.⁵Kwoloka cha mutu mungunu chakumu songwela mujila ya kwoloka, alyoze akwa upi makaholoka mumu wa upi wo. ⁶Kwoloka cha akwa ululi kucha kwa funga kanawa, alyoze akwa mafwefwe kumakakwa chiwa mu uhenge wo.⁷Muze mukwa upi mafwa , kakutalatala chenyi muchinonga nyi kutalatala cho chize chapwile nyi tachi mu chipwa chamokomoko. ⁸Ululi wa mutu kuwa kumulamwina ku lemba alyoze mukwa upi kumu ukamusalakana.⁹Mukanwa lya mutu chilembese mwakunongesa mwenyembo wenyi, alyoze mu yinyingi ya ululi atu kakwa funga kanawa. ¹⁰Muze mukwa ululi maya kulutwe, chihunda muchiwahilila; muze mukwa upi manonga, kwakupwa ku wahilila chinji. ¹¹Mukuwahisa chamukwa ululi, chihubda chakufumana; mukanwa lya ukwa upi chihunda cha kumwangana.¹²Lunga yoze malelesa sepa lyenyi keshi mana, alyoze lunga mukwa kwivwishisa kakuhola kulu. ¹³Yoze mweswe wakuya mukutwala saki kakusolola yakusweka, alyoze mukwa kushishika mu shipilitu kakusweka yikuma.¹⁴Kuze kukushi akwa kuyula, chifuchi cha kuholoka, alyoze kukumba chakwiza kuli akwa kuyula.¹⁵Mweswawo makahana chifungo muli chilambala chamwene mwene makachivwila kusasaminya, alyoze kusasaminya, alyoze yoze mweswe makajinda kuhana chijikilo mukumufulyelesa kali kanawa. ¹⁶Pwo mupema kakutambula vumbi, alyoze akwa upupilo kakutambula upite.¹⁷Mutu wakeke kakuli wahisa mwene, alyoze mukwa ndombo malijinda mwene. ¹⁸Mukwa kulinga upi makatambula fweto- yenyi alyoze yoze makuwa yuma yipema makatambula fweto yaumwene mwene.¹⁹Mutu wakulikehesa yoze wakulinga yakululama makatwalilila mukutwama, alyoze yoze wakulinga upi ku makafwa. ²⁰Waze akwa mbunge jipi kapwa chizelwokeso kuli Yehova, alyoze kakuwahilila muli waze jila jo jakwo jakwoloka.²²Pwenu nyi umwenemwene ha chino mukwa upi kechi kaya chakuhona ku mu mwesa lamba, alyoze chisemuka cha atu akwa ululi makafunga kanawa. ²¹Ngwe kazeya kakumuhombo wangulu ngwe pwo mupema wakuhona mana.²³Yilinga ya atu akwa ululi yakwatwala ku yipema, alyoze atu akwa kulinga upi yakwatwa la ku upatwilo. ²⁴Kwali umwe mukwa kuhana- mawezela kuhyana; mukwo keshi kuhana chize chinalite - hindu chamutwala uswale.²⁵Mutu wakuhana makawezelela nyi yoze wakuhana meya kuli akwo makatambula meya kuliye mwene. ²⁶Atu mashinga lunga yoze wakuhamika kulanjisa mbuto, alyoze mahana yiwape ha mutwe wa yoze wakuyi lanjisa.²⁷Kuli yoze mafupa kanawa yipema kakufupa nawa vumbi, alyoze kuli yoze wakulinga upi mu ukamuwana. ²⁸Waze afulyela mu upite wo maka- limbuka, alyoze ngwe lifwo, akwa ululi ku makalinduluka.²⁹Kuli yoze wakuneha ukalu mu zuwo lyenyi mwene makahinga fuji nyi chihepuke makapwa ndungo chikanyame mu mbunge.³⁰Muhuko wakwa ululi mutondo wa mwono, alyoze akwa ndombo kakwonwona myono. ³¹Talenu ! mutu wa ululi mamu- fweta hano hashi; mba kuhyana kufwetesa chingulungulu nyi chivulumunyi!

¹Mweswe mazanga amufumbe kakuzanga yinyingi, alyoze yoze keshi kuzanga kumukanjisa kapwa chihepuke. ²Yehova kakuhana vumbi kuli lunga mupema, alyoze mukwa kutaka yipi mamuhisa.³Mutu keshi kukola ku ungulungulu: alyoze chikota cha mukwa ululi kuchichi katukuka. ⁴Pwo wakushishika kapwa ngwe chipangula kuli mukwo - lunga; alyoze yoze maneha sonyi kapwa ngwe kupola mu yifwaha ya mukwo- lunga.⁵Manyonga a akwa ululi kakululama, alyoze yiyulo ya yingulungulu kuyakwonga. ⁶Maliji a yingulungulu katwala kukujikinyina kumwanga manyinga, alyoze kuhanjika cha akwa ululi muchikapulula.⁷Yingulungulu manuguna hikeshiko, alyoze zuwo lya mukwa ululi mulikola. ⁸Lunga maka muchichimyeka nyikulita nyi mana jenyi, alyoze mbunge ya kupihya makayilelesa.⁹Kanawaha yoze kanamulelesa alyoze kali nyi ngamba kuhyana yoze kakulilemesa hindu yakulya keshi nayo. ¹⁰Mutu mukwa ululi kakunyonga mwono wa chimuna chenyi, alyoze khekhe yayingulungulu yapwa uswi.¹¹Yoze nalima minda yenyi makapwa nyi yakulya yinji, yoze makaula yuma yamokomoko keshi mbunge. ¹²Chingulungulu kakuzanga kambwila wa atu api, alyoze chikota cha mukwa ululi chakwima.¹³Mutu mupi kakumukasa mu kambwila lya utanguko wa mivumbo yenyi, alyoze mukwa ululi makatuhuka mu lamba lyenyi. ¹⁴Kumihuko ya maliji jenyi mutu maka yuka nyi yuma yipema, ngwe chize ku milimo ya moko jenyi makakundula.¹⁵Jila ya chihepuke kuyapwa mu meso jenyi mwene, alyoze mukwa yinyingi kakupanjika ku yiyulo. ¹⁶Chihepuke kausolola ufwatulo wenyi washiwashi, alyoze chikanyame kakusweka tuka.¹⁷Yoze mahanjika umwenemwene masolola ululi, alyoze chela cha mahuza, masolola kwonga. ¹⁸Maliji amukwa kuhanjika kalusulusu yapwa ngwe kutuwa chakatana ; alyoze limi lya mukwa mana kulyakuwuka.¹⁹Kanwa lyakuhanjika umwenemwene kumakalikolesa lya mutolo. Alyoze limi lya mahuza lyapwa lya kashimbu wika. ²⁰Mwatwama kwonga mu mbunge ja waze akutaka yuma yipi; alyoze akwa kuyula nyi sambukila kali nyi uwahililo.²¹Chuma chipi kuchichi kupwa kuli mukwa ululi; alyoze yingulungulu kumakazala nyi yipi. ²²Kanwa lya mahuza kulyapwa chizelwokeso kuli Yehova, alyoze akwa kulinga umwenemwene kapwa akuwahilila kuli iye.²³Chikanyame kakusweka yinyingi, alyoze mbunge ya yihepuke yakwambujola uhepuke. ²⁴Kwoko lya chipakata kumulikayula, alyoze chileya mamusa ku wungamba.²⁵Kulema mu mbunge ya mutu kuchakumuhongesa, alyoze liji lipema kulyakumuwahisa. ²⁶Mukwa ululi kakupwa kasongo kuli mukwo, alyoze ndako ja chingulungulu kujakumuhengesa.²⁷Chilenda keshi kwocha yifwo yize ashihanga mu maya, alyoze chipalakata mazuka yikumba yipema. ²⁸Waze akwenda mu ndango ja ululi kakupwa nyi mwono nyi mu majla jajo kumushi kufwa.

¹Mwana wa mana kakwivwa kufumba cha tato, alyoze mukwa kulenya keshi kwivwa kukanjisa. ²Kufuma ku mihukop lya kanwa lyenyi mutu malya yuma yipema,alyoze mbunge ya mukwa mafwefwe mu kalya upupilo.³Yoze mafunga kanwa lyenyi mafunga mwono wenyi, alyoze yoze mazulula chikolo mivumbo yenyi makalyenyeka mwene. ⁴Pwila lya kulya lya chilenda lya kufupa hindu keshi nyi chimwe, alyoze pwiloa lya yoze mukwa kukilikita muyikatoha.⁵Mukwa ululi keshi kuzanga mahuza, alyoze chingulungulu kapwa chizelwokeso, nawa kakulikokela sonyi. ⁶Ululi kuwakufunga kukwa ululi mu jila, alyoze nungulungulu wakulimbula yivulumunyi.⁷Atu amwe kakuli chichimyeka ngwo pichi, alyoze keshi nyi chimwse, alyoze amwe kakuhana lume yeswe, hindu kali pichi. ⁸Ndando yakukula mwono wa mutu we upite wenyi, alyoze chiswale keshi kwivwa kukanjisa.⁹Lutemo wa mukwa ululi kakuwahilila, alyoze ndeya ya yingulungulu kumakayijimisa. ¹⁰Kulengumuka kuchakuneha kulitachiika, alyoze waze akwivwa kukanjisa kali nyi mana.¹¹Upite wakutambula ku milimo ya kulifuza mukatepuluka, alyoze yoze wakupita kukuhondangana chenyi kumakaliwezela. ¹²Muze ufulyelo hiwa sosoloka,kuwakuhongesa mbunge alyoze hakumona chize tunazange chapwa ngwe mutondo wa mwono.¹³Mweswe wa wakulelesa lye liji makalyonona, alyoze yoze wakulama shimbi makatambwila fweto. ¹⁴Longeso lya mukwa mana lyapwa ngwe uputukilo wa mwono, kukufumisa ku makambwila a kufwa.¹⁵Malinjekela apema kakuneha vumbi alyoze jila yakwa mafwefwe yi kalu. ¹⁶Atu amana kakulinga nyi chinyingi mukusakula cho cheswe, alyoze chihepuke kakusolola uhepuke wenyi.¹⁷Mukeji wa wungulungulu kakulimbukila mu kupinda kanganda wa kushishika kakuneha kuwuka. ¹⁸Yoze katayile kumufumba ma kapwa nyi uswale nyi sonyi, alyoze ulemu muwukaya kuli yoze makatayiza kumufumba.¹⁹Kumanununa chize kanazange chapemena mbunge ya mutu, alyoze kukatuka ku yipi chapwa chizelyokeso kuli yihepuke. ²⁰Nyi mu wenda nyi mukwa mana nyi yena nawa mopwa nyi mana, alyoze mweswawo masakula yihepuke kumakevwa kusasaminya.²¹Kwonona chakwiza hali akwa shili, alyoze atu akwa ululi kumakafweta nyi yipema. ²²Mutu mupema kakuhichika chihinga kuli ajikulu alyoze upite wa mukwa shili kakutulikila hali mukwa ululi.²³Wande wachiswale wakuhona kulimamo wakufumbisa kulya chinji, alyoze kakuchonwwona mumu hauhenge. ²⁴Yoze keshi kuzachisa mbwechi kakuvwila kole mwanenyi, alyoze yoze wamuzanga mamufumba kanawa.²⁵Mutu mukwa ululi kakulya ndo mayukisa mbunge yenyi, alyoze jimo lya chingulungulu lya kupwa nyi zala.

¹Pwo wa mana kakutunga zuwo lyenyi, alyoze pwo chiepuke kskushaha mwene nyi moko njenyi. ²Yoze wakwenda munjila nja ululi kakwivwila woma Zambi, alyoze yoze keshi nyi umwenemwene mumanjila njenyi makamulelesa.³Mukanwa kachihepuke mwakutuhuka yakuhilwisa hanyima, alyoze mivumbo yakwa mana mwikafunga. ⁴Kuze kukushi ngombe, nyi mwakulila mushikupwa majilo, alyoze uji wayakulya wakatuka kutachi nja ngombe.⁵Chela chamwenemwene keshi kulyonga, alyoze chela wama huza kakuhwima wika makuli. ⁶Akwa kulenya kafupa mana mba keshi kwawana, alyoze malijekela akwashiwa kakwiza kuli yoze wakulilongesa.⁷Katukamo ku mutu chihepuke, mumu kuchi kapwa chinyingi hamivwumbo yenyi. ⁸Mana a yoze mukwamana ka kunyingikina mwe mu njila nyenyi, alyoze kuseuka cha yihepuke mahuza.⁹Yihepuke kakulenya muze malambula mulambu wakulikonekena, alyoze hali akwa ululi kapwa nyi vumbi. ¹⁰Mbunge yakunyingika chize yinapihilila mumu kushi chilambala manyingika chiseke chenyi.¹¹Zuwo lya mutu yoze chingulungulu maka lyonona, alyoze mbala yakwa ululi muli waha. ¹²Kuli njila yakusoloka yipema kuli mutu alyoze kusula chacho chakutwala kukufwa.¹³Mbunge mwitela kusehejela hindu yina kolana alyoze chiseke muchisala nyi chinyengo. ¹⁴Akwa kuhona umwenemwene mu mbunge njila njo mu jika kamba, alyoze mutu mupema makatambula yize hiyenyi¹⁵Yoze uli nyi wanuke kakufulyela yeswe, alyoze chikanyame kaku nyonga ha kwenda chenyi. ¹⁶Mukwa mana kaku china nyi kukatuka ku upi, alyoze chihepuke kakulipwupwisa kusanda kukanyama.¹⁷Yoze wakupihilila washi kalinga yuma ya wuhepuke, nyi mutu yoze mataka wupi keshi ku muzanga. ¹⁸Akwa kuhona mana kakuswana wuhepuke, alyoze yikanyame fweto yo malinjekela.¹⁹Akwa upi makalihetamina hashi kuli waze apema nyi waze akwa upi makalihetamina hashi kuyi kolo ya kwa ululi. ²⁰Mutu chiswale keshi ku muzanga chipwe akwo, alyoze pichi kakwete masepa anji.²¹Yoze masolola kulelesa mwenyembo wenyi kana vulumuna, alyoze yoze masolola vumbi kuli chiswale mamuwahisa. ²²Kanda waze akwakutaka upi te kapyangukile? Alyoze waze malulika kulinga yipema makatamgula zango lipema nyi ufulyelo.²³Nyi kuhondangana cheswe chakuneha ku vumbuka, alyoze nyi hali pande wika, kucha kutwala ku uswale. ²⁴Fweto ya akwa mana wupite wo, alyoze kuseuka cha yihepuke chakwa nehena kuseuka chiji wika.²⁵Chela wamwene kaku lamwina myono, alyoze yoze mahjika makuli kakumukana.²⁶Muwoma wa Yehova che kukunuka cha ngolo; mu chikapwa chihwimino cha ana njenyi. ²⁷Woma wa Yehova mwe kaselwoke wa mono, hanga mutu akalunuke kufuma ku makambwila a ufwe.²⁸Ulemu wa mwanangana wapwa mu atu njenyi anji, alyoze kwakuhona atu nyi mwana wa mwanangana malyenyeka. ²⁹Mutu wakulihumikiza kapwa nyi malinjekela anji, alyoze akwa kwivwa uli washi kakusolola kuseuka.³⁰Mbunge yingunu kuyakuhana mwono mujimba, alyoze akwa uli wakupolesa ifwaha. ³¹Yoze wakupijisa chiswale kakusaula tangi yenyi, alyoze yoze masalola vumbi ku akwa kuhona kakulemesa iye mwene³²Yingulungulu kakulimbuka nyi ilinga yo yipi, alyoze mukwa ululi kapwa nyi uhwimino ndo mu ufwe. ³³Mana kahwimina mumbunge yakwa malinjekela, alyoze chipwe hakachi ka yihepuke kakusola mwene.³⁴Kulinga chipema cha kulemesa chifuchi, alyoze shili yakwivwisa sonyi atu anji. ³⁵Vumbi lya mwanangana lyapwa nyi tuvumbi waze akulinga nti mana, alyoze ufwetulo wenyi wapwa nyi waze akulinga yasonyi.

¹Kumbululo lya vumbi lya kuchiza ufwatulo, alyoze liji likalu lyakusangumuna utenu. ²Limi lya atu akwa mana lyakuhanj9ika yinyingi kanawa, alyoze kanwa lya yihepuke kulyakusolola kuseuka.³Meso ja Yehova kakumona kweswe, kakumona ha yipi nyi yipema. ⁴Limi lyakuwuka lyapwa mutondo wa mwono, alyoze limi lya uhenge lyakumakuna shipilitu.⁵Chihepuke kaku lelesa longeso ya tato, alyoze yoze mata kumukanjisa iye mukwa mana. ⁶Muzuwo lya mukwa ululi mwatwama upite unji, alyoze kufumbuka cha chingulungulu chakumu hana kupinda.⁷Miviumbo ya akwa mana yakuhana yinyingi , alyoze nhi chocho ko nyi mbunge yakwa yihepuke. ⁸Milambu ya akwa yingulungulu yapwa yizelwokeso kuli Yehova, alyoze kulemba cha mukwa ululi chapwa che kuwahilila chenyi.⁹Ndako ja chingulungulu japwa chizelwokeso kuli Yehova, alyoze iye kakuzanga yoze wakulinga yize ya ululi. ¹⁰Kufumba chikalu chinashimbwila yoze mweswe mehuka jila nyi yoze keshi kuzanga longeso kumafwa.¹¹Fuka nyi kwonwona chapwa zwalala kumeso ja Yehova; mba kuchi muchipwa nyi mbunge ja ana ja atu? ¹²Mukwa ku lenya keshi kuzanga yoze mamukanjisa ; kechi kuya kuli mukwa mana.¹³Mbunge yachiseke kuyakuwahisa ku meso, alyoze chinyengo mu mbunge chakumakuna shipilitu. ¹⁴Mbunge ya malinjekela yakuzanga chinyingi, alyoze kanwa ka yihepuke ka kulya kaseuka.¹⁵Matangwa neswe a mukwa kupinda kapwa api, alyoze mbunge yachiseke yapwa ngwe chilika chakulya chije chishi kuhwa. ¹⁶Chipema kupwa nyi yikehe nyi woma wa Yehova kuhyana kupwa nyi upite wunji nyi lamba.¹⁷Chipema kulya nyi mafwo mafwo nyi zango kuhyana kulya nyi ngombe munene wamaji nyi kole. ¹⁸Chifwatulo kakusangumuna jita, alyoze mutu yoze keshi kwivwa utenu kawashi ka kuholesa kulitachika.¹⁹Jila ya chilenda yili ngwe chihela chize chinajiki nyi mbimbo, alyoze jila ya mukwa ululi yakusoloka kanawa. ²⁰Mwana walunga wamana kakuneha kuwahilila kuli tato, alyoze chihepuke kakulelesa naye.²¹Yihepuke kakwivwa kanawa mutu yoze keshi nyi mana, alyoze yoze uli nyi malinjekela ka kwenda mu jila ya kwololoka. ²²Nyi kushi chiyulo kuhala ku kuchi kulumbunuka, alyoze ku wunji wa akwa kuyula ka kukumba.²³Mutu kakuwana kuwahilila muze mahana kumbululo lilemu lya kanwa kenyi; liji lya ha ola lyakulita lipema! ²⁴Kuli akwa mana jila yo yapwa yaku kanduka, hanga akahichike jila ya mwishi ya fuka.²⁵Yehova kakupupa zuwo lya mukwa kulengumuka, alyoze iye kakukinga yikwata ya tuliwa. ²⁶Manyonga ja chingulungulu kapwa chizelwokeso kuloi Yehova, alyoze maliji apema kapwa a ululi.²⁷Mutu yoze wakufumbuka kukatuka kuli chingulungulu ka kuneha kupinda ha chisemuko chenyi, alyoze yoze keshi kuzanga chindo mapwa nyi mwono. ²⁸Mbunge ya mukwa ululi yakunyonga shimbu kanda achi kumbulula, alyoze kanwa ka yingulungulu ka kuhanjika yuma yipi.²⁹Yehova kapwa kusuku nyi yingulungulu, alyoze iye ka kwivwa kulemba cha atu akwa ululi. ³⁰Pangu lya meso lya kuneha kuwahilila ku mbunge nyi sango lipema hi mwono upema ku mujimba.³¹Twitwi lyakupanjika ku kukanjisa cha mwono mulikatwama hakachi ka atu amana. ³²Yoze malituna maliji a kufumba kakulilelesa mwene, alyoze yoze wa kupanjika ku liji lya kumukanjisa ka kuwana malinjekela.³³Woma wa Yehova wakulongesa mana, nyi kulikehesa chakutetekela ulemu.

¹Kululika cha mbunge chili kuli mutu, alyoze kukumbulula chakukatuka mu limi lyenyi Yehova. ²Ndako jeswe ja mutu japemena kumeso jenyi mwene, alyoze Yehova kakweseka mashipilitu.³Kunjika yilinga ye kuli Yehova nyi kululika che muchikakola. ⁴Yehova katengele yuma yeswe nyi miulimo yayo, chipwer yingulungulu ha tangwa lya kupinda.⁵Mweswawo mukwa kulengumuka mu mbunge kapwa chizelwokeso kuli Yehova, alyoze pwenu nyi umwenemwene hachino, kechi kaya chakuhona kwamwesa lamba. ⁶Utu wa zango nyi umwenemwene kuyaku fwetela uhenge nyi kuwoma wa Yehova atu kakuchina yipi.⁷Muze ndako ja mutu jinawahila Yehova, kakupwisa mutu chipwe kuli akwa kole jenyi kupwa nyi sambukila nenyi. ⁸Chipema kupwa nyi kakehe nyi umwenemwene, kuhyana kufumbuka nyi uhenge.⁹Mu mbunge ya mutu kuyakuhala jila yenyi, alyoze Yehova kakusongwela shimbo jenyi. ¹⁰Chiyulo chakusakula chatwama ha mivumbo ya mwanangana; Kanwa lyenyi kulichi kutangula upatwilo.¹¹Seteko ya umwenemwene ya kukatuka kuli Yehova; pezu jeswe mu njeke japwa milimo yenyi. ¹²Kulinga ungulungulu chapwa chizelwokeso kuli myanangana, mumu kakukolesa ngunja nyi ululi.¹³Mivumbo ya ululi kakuwahilila myanangana, kazanga mutu yoze mahanjika maliji a ululi. ¹⁴Ufwatulo wa mwanangana wapwa ngwe mukeji wa kufwa; alyoze lunga wamana kakuhuhumuna utenu wenyi.¹⁵Mwono watwama mu pangu lya ku meso ja mwanangana nyi vumbi lyenyi lyapwa ngwe lelwa wa samakwasa. ¹⁶Kuzuka mana chapwa kuhyana olu. Kutembula malinjekela chipwe chakusakula kuhyana palata.¹⁷Jila yinene ya mukwa ululi yapwa kukatuka ku wupi; Yoze mafunga jila yenyi kakufunga mwono wenyi. ¹⁸Kulengumuka kuchakutetekele kunonga shipilitu yakuli zata yakutwala kuku limbuka.¹⁹Chawaha kulikehesa hamwe nyi yiswale kuhyana kulipangila upite nyi akwa kulengumuka. ²⁰Mweswawo manyonga longeso maka wana yipema. Nyi waze akwa kufulyela muli Yehova makayisa.²¹Yoze mukwamana mu mbunge kaku mutongola chikanyame nyi kuwaha cha liji kuchakwokesa longeso. ²²Malinjekela kapwa ngwe kaselwoke kuli yoze ulinacho, alyoze kufumba yihepuke chapwa uhepuke wo.²³Mbunge ya mukwa mana kuya kulongesa kanwa lyenyi kuyakuweza yinyingi ku mivumbo yenyi. ²⁴Maliji apema kapwa ngwe chishila cha wuchi - kakuyemesa mbunge nyi kuwuka yifwawa.²⁵Kuyili jila yize yakusoloka ngwe yinapeme kuliu mutu, alyoze kusula chacho kuchapwa mujila ya kufwa. ²⁶Zango lye kulya lyamukwa kukilikita lyekumuzachila; zala yenyi yaku mupwisa mwene.²⁷Mutu wa mokomoko kakuneha vunda nyi ku hanjika chenyi chapwa ngwo kahya ka kocha. ²⁸Mukwa kupihya kakusangumuna ndombo nyi mukwa kalundanganyishi kakuhandununa masepa apema.²⁹Mutu mukwa ndombo kakwonga mwenyembo wenyi nyi kumutetekela mu jila yawupi. ³⁰Yoze malahula nyi meso jenyi kakutaka yuma yipi; yoze mapakika mivumbo yenyi kakuneha yuma yipi.³¹Kambu jitoma japwa chipangula cha uhenya; kucha kuwana mu jila ya ululiu. ³²Chipema kulihumikiza utenu washi kuhyana akwa ndundo nyi yoze mayula shipilitu yenyi wahyana yoze mapupa limbo.³³Ngombo kakuyisakula mu kondo, alyoze mukwa kumanununa Yehevo.

¹Chipema kutwama mukulungunga nyi ka mbolo kuhhyana zuwo lya kulya nyi vunda. ²Ngamba wa mana mayula mwana yoze makolesa sonyi kumakapwa nyi chihanda ccha chihinga ha kachi ka mandumbu.³Ndeho ya kupemesa palata nyi lutengo wa olu, alyoze Yehova kakweseka mbunge. ⁴Aka kulinga upi kakupanjika ku mivumbo ya ungulungulu; mukwa mahuza kakusa matwi ku limi lya chihuka.⁵Yoze wakulenya chiswale kaku saula tengi yenyi nyi yoze mawahilila ha lamba lya mukwo kechi kaya kwakuhona ku mu mwesa lamba. ⁶Ajikulu kapwa chipangula cha makulwana nyi isemi kakuneha ulemu ku ana jo.⁷Maliji apema katela chihepuke; chipwe mivumbo ya mahuza kuyatelele mwana wa mwanangana. ⁸Chindo chapwa ngwe kamanga kuli yoze machihana; muze matenuka, kakukumba.⁹Mukwa kufuka utanguko kanapupu zango, alyoze mukwa kutokwela ha chikuma kakuhandununa masepa apema. ¹⁰Kutenuka cha kutwala kuli yoze uli nyi malinjekela kuhyana kulakaji lya mijiji muli chihepuke.¹¹Mutu mukwa upi kakuzanga nkukatukila akwo, keshika mamutumina mukeji wa kukenya. ¹²Chinapema kutakana osu yoze hatambula nanenyi kuhyana kutakana chihepuke mu uhepuke wenyi.¹³Yoze makundulula yipi ha yipema, yipi kuyichi kukatuka ku zuwo lyenyi. ¹⁴Kuputuka cha ndombo chapwa ngwe yoze majikula meya. Keshika litwamine kuhamika shimbu kanda achiputuka kuzwela.¹⁵Yoze masambisa chingulungulu nyi yoze mahisa mukwa ululi- eswe kapwa chizelwokeso kuli Yehova. ¹⁶Mumu yika chihepuke mafwetela ulongeso wa mana, muze keshi nyi malinjekela?¹⁷Sepa lya mutu kakuzanga matangwa eswe nyi ndumbu mwasemukiunyine kukwasa mu tangwa lya lamba. ¹⁸Lunga keshi mana kakulakenya nyi kumbata ulemu wa kufweta mukuli wa mwenyembo.¹⁹Mweswawo wazanga kulizwelesa kazanga shili; yoze manangana mu chikolo chenyi kanafupu akamonwonone. ²⁰Yoze uli nyi ndako mu mbunge keshi kuwana yipema ; yoze uli nyi limi lya kunyonga chipi kaku ho0lokela mu yuma yipi.²¹Mweswawo chisemi wa chihepuke kakulikokela chinyengo; nyi tato ya chihepuke keshi uwahililo. ²²Mbunge ya chiseke yapwa yitumbo yipema, alyoze shipilitu yize yamakuka ya kumisa ifwaha.²³Chingulungulu kaku tayijisa chindo cha kusweka ha kahengese mu majila a upatwilo. ²⁴Yoze wapwa nyi malinjekela kapwa kumeso ja mana, alyoze meso ja chihepuke kapwa kusongo lya hashi.²⁵Mwana chihepuke kapwa chinyengo kuli tato kapwa wakupihilila kuli nanye wamusemene. ²⁶Chikwo nawa, chapemene ku mwesa lamba akwa ululi; chipwe kulamba alemu mumu ha ululi wo.²⁷Yoze uli nyi chinyingi kakutepulula maliji nyi mukwa ku hwima mu shipilitu kali nyi malinjekela. ²⁸Chipwe chihepuke nyi mahola mamumona ngwe wa mana; muze mapakika kanwa, mamunyonga ngwo mukwa mana.

¹Yoze wakulichizako kanafupu upale wenyi mwene, ²Chihepuke keshi kuwanamo kuwahilila mu malinjekela, alyoze kakuzanga mbunge yenyi yilisolole wika.³Muze chingulungulu meza, kalelesa kaneza nawa nyi sonyi. ⁴Maliji a mu kanwa lya mutu kapwa ngwe meya asuku; kaselwoke ka mana kapwa ngwe kalwiji kakupukumuka meya.⁵Kuchapemene kupwa nyi katonde ku ungulungulu, chipwe kulituna upatwilo wa mukwa ululi. ⁶Mivumbo ya chihepuke kuyakunjila mu kulitachika nyi kanwa lyenyi kulyakusanyika kulambama.⁷Kanwa lya chihepuke kulyakumwonwona nawa kakufwa makambwila ya mivumbo yenyi. ⁸Maliji a mukwa kalundanganyishi kapwa ngwe chakulya chiyema alyoze kakunjila ndo mukachi chachihanda cha mu mujimba.⁹Nawa, yoze uli nyi lwelya mu milimo yenyi kapwa mwanakwo ya mukwa kwonona chinene. ¹⁰Jina lya Yehova lyapwa kaposhi mukolo; mukwa ululi machinyinamo nyi kumufunga kanawa.¹¹Upite wa pichi wapwa kuli iye limbo lyenyi likolo nyi mwene kakumona ngwe chipanga chisuku. ¹²Shimbu kanda achi holoka mutu wa mbunge ya kulivwimba, alyoze kulikehesa chakwiza nyi ulemu.¹³Yoze makumbulula shimbu kandevwa - chapwa cha kaseuka nyi sonyi. ¹⁴Shipilitu ya mutu kuyakujikiza mu kuyiza chenyi, alyoze iya mahisa shipilitu ya kumakuka?¹⁵Mbunge ya chikanyame kuya kuzukula yinyingi nyi kwivwa cha mukwa mana kulyakufupa yinyingi. ¹⁶Chawana cha mutu chakwazulula jila nyi kumuneha kuli atu alemu.¹⁷Yoze malyanga kulisamba mamumona ngwe mukwa ululi ndo mukwo meze mukumusopesa. ¹⁸Chela kuchakuholesa kulitachika nyi kuhandununa akwa ndundo.¹⁹Mukwenu nyi wamuvulumuna chikalu kuwana limbo chikolo, nyi kulitachika chapwa ngwe njalo ja mbonge. ²⁰Kufuma ku mihuko ya mukanwa lyenyi jimo lya mutu mulikuta; nyi kucha cha kufumbuka cha mivumbo yenyi.²¹Kufwa nyi mwono yapwa nyi chiyulo cha limi, nyi waze akulizanga makalya mihuko yalyo. ²²Mweswe mawana pwo mawana chuma chipema nyi kutambula vumbi kuli Yehova.²³Iswale kakulembelela ha kheke, nyi pichi kakukumbulula nyi utenu. ²⁴Yoze malizukila masepa anji malikokela kwonona, alyoze kwatwama sepa wakwiza muka mwihi kuhyana yoze wasemuka nenyi.

¹Chipema chiswale yoze wakwenda nyi kutuwika cha mbunge kuhyana chihepuke yoze wapiha ku mi vumbo yenyi. ²Chikwo nawa, hichipemako kupwa nyi mbunge ya kuhona chinyingi nyi yoze mazomboka mapyanguka.³Kuseuka cha mutu chakuhengesa ndako jenyi nyi mbunge yenyi kuya kulimika nyi Yehova. ⁴Upite kuwakwokesa masepa, alyoze chiswale kakuhandununa kuli masepa jenyi.⁵Chela wa mahuza kechi kahona kumumwesa lamba mukwa kuhanjika mahuza kechi kamupulula. ⁶Anji mafupa vumbi lya chihanyi nyi eswe kakuzanga kupwa masepa ja waze akuhana yawana.⁷Eswe mandumbu jenyi auno chiswale kamuzangile; mba kuchi muchipwa kuli masepa jenyi waze ali kusuku nenyi ! Maliji kakwakaula alyoze hanayi. ⁸Mutu mweswe wakutambula mana kazanga mwono wenyi, nyi yoze watwama nyi chinyingi makawana kuyuka.⁹Chela wamakuli makamumwesa lamba, alyoze yoze mahanjika mahuza makanonga. ¹⁰Kuchatetele chihepuke kutwama nyi upite upema chipwe ndungo akayule atu alemu.¹¹Maselyekela kakupwisa mutu mukoke kutenuka chapwa uhenya kuli kuzomboka utanguko. ¹²Ufwatulo wa mwanangana wapwa ngwe kuhiohia cha mwana ndumba, alyoze vumbi lyenyi lyapwa ngwe mume ha mwambu.¹³Mwana chihepuke kapwa lwenyeka kuli tato nyi kuli tachika cha pwo chapwa ngwe kusotwoka cha neya ndwe- ndwe. ¹⁴Mazuwo nyi upite kakuiswana kuli yisemi, alyoze pwo wamana kakufuma kuli Yehova.¹⁵Ulenda wakumbila mutu mutulo twakufwa, alyoze yoze keshi kuzanga kuzata mevwa zala. ¹⁶Mutu yoze mafunga shimbi mapwa nyi mwono, malyoze waze akulelesa makafwa.¹⁷Mweswawo watwama nyi kheke kuli yiswale kakuhana kuli Yehova neye kumaka mukundwilila yeswe yize alingile. ¹⁸Fumba mwane shimbu kutalatala kuchili alyoze kanda usa mbunge ye ha ku mushiha.¹⁹Mutu watwama nyi ufwatulo unji katela kumbata mulonga wenyi ; mumu nyi wa mupululoa, chakutamba kulinga nawa kamuchali. ²⁰Panjika ku yiyulo nyi kutambula kukanjisa, hanga ukapwe nyi mana kusongo lya mwono we.²¹Kululika chinji chili mu mbunge ya mutu, alyoze yiyulo ya yehova yenayo muyi kamana. ²²Kuzeyelela chenacho mutu azanga nyi mutu chiswale kapema kuhyana mukwa mahuza.²³Ulemu wa Yehova wakutwala atu ku mwono; yoze ulinawo matwama nyi kuyuka kechi kumona kupinda. ²⁴Chilenda masa kwoko lyenyi ha longa; alyoze keshi kuzanga kulitwala ku kanwa lyenyi.²⁵Lamba mukwa kulenya, nyi yoze watwama nyi mutu watwama nyi mana a wanuke apwe nyi mana; kanjisa mukwa malinjekela mba mapwa nyi yinyingi.²⁶Yoze wakwiyila tato hanji mahuma naye kapwa mwana wakuneha sonyi nyi kuneha sau. ²⁷Nyi walitwamina kupanjika kukukanjisa, mwanami, mukapyanguka kufuma ku maliji a chinyingi.²⁸Chela chitanganyanyi kakulenya upatwilo nyi kanwa lya chingulungulu kulya kumina uhenge. ²⁹Upatwilo hana ululika wa akwa kulenya nyi mijiji ya kulamba manyima a yihepuke.

¹Vinyi yapwa kulenya nyi kunwa chisasu chapwa kuzewla; mweswawo mapyasukila mukunwa keshi mana. ²Kuvwila woma mwanangana chinapu ngwe kwivwila woma mwana ndumba yoze wakwahya; kuli yoze wakumwihya nyi utenu wenyi wakuzanga kuvulumuna mwono wenyi.³Chapwa ulemu kuli yoze malihandununa ku ndombo, alyoze chihepuke kakulinjisa mu kuzwela. ⁴Chilenda cha mutu keshi kuzanga kuchipa ha chishika; kakufupa mbuto hashimbu yakucha alyoze keshi kuyiwana.⁵Yishinganyeka yamumbunge ya mutu yili ngwe meya asuku, alyoze yoze uli nyi malijekela makaswitamo. ⁶Mutu mweswe mambulula utu wenyi mwene, alyoze iya mahasa kuwana waumwene mwene?⁷Mutu mukwa ululi kakwenda mujila jingunu, nyi anenyi waze makamukaula mu nyima yenyi makawaha. ⁸Mwanangana yoze watwama ha nganja nyi ku zata milimo yaupatwilo kakusakula nyi meso jenyi upi weswe uze mumuwana.⁹Iya mamba ngwenyi, " hinapemesa mbunge yami; nguna tomo ku shili jami"? ¹⁰Pezu jeka nyi jeka nyi njongo kujatele - yeswe yapwa chizelwokeso kuli Yehova.¹¹Chipwe mukweze kaku linyingikina ku yitanga, nyi yilinga yenyi yinapeme nyi ululi. ¹²Matwi waze akwivwa nyi liso lize lyakumona - Yehova wayitangile weswe.¹³Kanda uzanga tulo ku china makutwala ku uswale; laula meso je mba mukapwa nyi yakulia yiji. ¹⁴" Chinapiha! chinapiha!" ngwenyi mukwa kulanda, alyoze muze maya kweka malisambula.¹⁵Kuyili Olu nyi mawe aji andando yinene, alyoze malimi akwate yinyingi akapwa ngwe mawe alemu. ¹⁶Mbata chikuto cha yoze unakalamwina chilambala, chikapwe unjiho yoze makalamwina pwo ukwete ndako yipi.¹⁷Mbolo yakufumbuka mu mahuza yakuyema, alyoze kusongo lyacho kanwa lyenyi mulikazala nyi tumawe. ¹⁸kuhala cheswe chakukola nyi chiyulo nyi kukanyama nyi hakulinga jita ndo nyi mana.¹⁹Chikungulu kakusola yakuhengama, kashika kand ukalipandakana nyi atu akwa kuhanjika chikolo. ²⁰Nyi mutu mashinga tato chipwe naye, ndeya yenyi makayijima mu milima pwi.²¹Uswana wa kuswama washi washi hakuputuka kushi kuwaha kulutwe. ²²Kanda wamba ngwe, " mungu kuhilwishila upi!" Shimbwila Yehova iye makakulamwina.²³Pezu jakwonga japwa chizelwokeso kuli Yehova. nyi mbalasa yakwonga ku yishi kuwaha. ²⁴Kwenda cha mutu chakukatu chakukatuka kuli Yehova. Kuchi mba iye mwene mahasa kunyingika jila?²⁵Muchipwa kambwila kuli mutu kuhajika washi, " chino chisandu, " nyi kuputuka kushinganyeka chize china lumbunuka muze iye halishinga. ²⁶Mwanangana wa mana kakusakula ngulu, kakupalikisa mutundo wakuzungula nacho helu lyo.²⁷Shipilitu ya mutu yapwa ndeya ya Yehova, yakuhengula yuma ya muchima. ²⁸Mutu wa zango nyi umwene mwene yaku kolesa mwanangana; kakolesa ngunja yenyi nyi zango.²⁹Uhenya waukweze tachi jo nyi ulemu wa atu amakulwana kanbu jo jitoma. ³⁰Mijiji yize yakutwa kuyaku chiza upi nyi kulaswola necho kucha kukosa mbunge

¹Mbunge ya mwanangana yapwa chitwetwe ngwe cha meya mukwoko lya Yehova; kakuyitalikisa kweswako mazanga. ²Jila yeswe ya mutu yapwa yipema ku meso jenyi mwene alyoze Yehova mwewa kupezalisa mambunge.³Kulinga ululi nyi upatwilo wapemena Yehova kuhyana chitapo. ⁴Meso akulizata nyi mbunge yakulengumuka nyi kulengumuka kwa mbunge - ndeya yakwa yingulungulu je shili.⁵Kuwaha cha kululika cha kutwala ku kulumbama wika, alyoze mweswe yoze malinga mukawashi chakutwala ku zala wika. ⁶Kuzuka upite nyi limi lya mahuza chapwa chishichishi chize chinahehuka nyi muheko wakushiha.⁷Ndombo ya kwa wungulungulu mu uka kahungumuna, mumu kasolo kulinga upatwilo. ⁸Jila ya mukwa uhye kuyahengahenga, alyoze yoze mukwa ululi kalinga ya kwoloka.⁹Chinawaha ku twama ha mbango ya fulumba kuhyana kutwama mu zuwo linene hamuwika nyi pwo mukwa kulitachika. ¹⁰Mbunga ya chingulungulu yaku zanga yuma yipi; mwenyembo wenyi keshi kuwana vumbi ku meso jenyi.¹¹Muze malamba mukwa kulenga, yoze wuli nyi wanuke matambula mana, nyi muze mafuma mukwa mana, matambula yinyingi. ¹²Mukwa ululi kakutala zuwo lya chingulungulu; yiye kakuneha yingulungulu ku kwonona.¹³Yoze wakujika matwi jenyi kuteta kwa yiswale, yiye nawa makateta, alyoze kechi ka mukumbulula. ¹⁴Chawana cha kutenga chakuholesa utenu nyi chawana cha kusweka mu tulo ku chakuholesa ufwatulo wa tachi.¹⁵Muze upatwilo hiwalingiwa, chakuneha uwahililo kuli akwa ululi, alyoze kuli akwa kulinga uhenge ka kwonona. ¹⁶Yoze makakashana jila ya malinjekela, yiye makapomba mu chikungulwila afu.¹⁷Mweswewo mazanga chiseke makapwa chiswale; yoze wazanga vinyu nyi maji kechi kapwa pichi. ¹⁸Chingulungulu ndando yenyi yakwa ululi, nyi mukwa mafwefwe ndando yenyi.¹⁹Chawaha kutwama puya kuhyana kutwama nyi pwo yoze wakulitachika nyi utenu. ²⁰Upite wa ndando yinene nyi maji ya pwa muzuwo lya mukwa mana, alyoze chihepuke kakuchimbulungunya cheswe.²¹Mweswe wakulinga ululi nyi utu wa zangowuno mutu makawana mwono, ululi, nyi ulemu. ²²Mukwa mana makumba limbo lya kwa ndundo nyi yiye kakulelelsa tachi ja ufulyelo wuze ajikijilamo.²³Mweswewo mafunga kanwa lyenyi nyi limi kanafungu mwono wenyi ku lamba. ²⁴Mukwa kulengumuka nyi mukwa ku;izata - "Mukwa kulenya" Lye jina lyenyi - yilinga yapwa hamuwika nyi mukwa kulivimba.²⁵Usolo wachilenda kuwakumushiha, mumu mwokwo jenyi kasolo kuhondangana. ²⁶Tangwa lyeswe kakwivwa usolo unene, alyoze mukwa ululi kakuhena keshi ku mina.²⁷Chitapo cha yingulungulu chapwa chizelwokeso; cha hyana kupihya muze machineha nyi manyonga a yingulungulu. ²⁸Chela wamahuza makafwa, alyoze yoze mukwa kwivwa makahanjika ha wola yeswe.²⁹Chingulungulu kakukalisa hameso jenyi, alyoze mukwa kwoloka kakululika majila jenyi.³⁰Mana akuhi, kushi malinjekela, nyi yiyulo yakuhi yize mu yihasa kulimika nyi Yehova. ³¹Kavwalu kakumululika ha tangwa lya jika, alyoze kukumba chapwa cha Yehova.

¹Jina lipema linapeme kuhyana upite unene nyi vumbi lyahyana palata nyi Olu. ²Pichi nyi yiswale kakwete chino hamu wika - Yehova yiye watangile eswe.³Chikamyame mamona ye yipi maswana , alyoze yihepuke masenya kulutwe malamba. ⁴Kwononona chawaze malikehesa nyi kuvwila Yehova woma muyipi upite, nyi ulemu, nyi mwono.⁵Mbimbo nyi makambwila yatwama mu jila ya mukwa ku pihya; yoze mafunga mwon wenyi mapwa kusuku nayo. ⁶Fumba mwana mujila yize chamutamba kuya muze mapwa kukuwana kechi kateuluka ku ku fumba chize.⁷Pichi kakuyula helu lya yiswale nyi yoze matambula mukuli mapwa ndungo kuli mwenya mukuli. ⁸Mweswe makuwa uhenge makacha lamba mba mbwechi ya utenu wenyi muyikasula.⁹Yoze uli nyi liso lya chihanyi mamuwahisa; mumu kakulyanyina kuli chenyi nyi yiswale. ¹⁰Huma mukwa kulenya, mba kulitachika muchinukatuka; ndombo nyi sonyi mujihwa.¹¹Yoze wazanga kupema cha mbunge kuvumbika mivumbo yenyi, mwanangana mapwa sepa lyenyi. ¹²Meso ja Yehova kakufunga yinyingi, alyoze kakununguna maliji a mukwa mafwefwe.¹³Chilenda kakwamba ngwenyi, "kwali ndumba mu tapalo! Mangu shiha mumu mwahululu. " ¹⁴Kanwa lya pwo weka yinapu ngwe wina usuku; utenu wa Zambi muhindukila mweswe malimbukilamo.¹⁵Uhepuke unakashiwila mu mbunge ya mwana, alyoze mbwechi ya kufumba mu yihuma. ¹⁶Yoze mapinjisa yiswale akaweze ku upite wenyi, chipwe kakuhana kuli pichi, meza kuhona.¹⁷Tela twitwi lye mwivu maliji a mukwa mana nyi kusela mbunge ye ku yinyingi yami, ¹⁸mumu chinapeme kuyifunga muchima lye, nyi eswe kali mu kanwa lye. ¹⁹Kwamba kujikiza che chipwe muli Yehova, nakulongesayo musono - nyi kuli yena.²⁰Chakusonekene kuli maliji apwila yashimbi nyi yinyingi, ²¹kukulongesa maliji amwenemwene, kwamba ukahane kumbulola lya umwenemwene kuli waze akutumine?²²Kanda wiyila chiswale mumu chiswale, chipwe kupinjisa akwa kuhona muchikolo cha limbo, ²³mumu Yehova makahanjikila milonga yo, nawa makapupa mwono waze apupile mwono.²⁴Kanda akapwa muusepa nyi yoze wa kuyula mu utenu nawa kanda ulyendela nyi chifwatulo, ²⁵kuchina hanji malilongesa ndako jenyi nyi kuliswika mu kambwila.²⁶Kanda upwa umwe yoze wakwolola kwoko kulinga chilakenyo, chipwe kuhana chifungo kumi kuli. ²⁷Nyiwano kufweta, yika muyihonesa kukutambula muhela we unapomboho.²⁸Kanda uchiza liwe lya jinza lya mwaka yize tushakulu jenu asele. ²⁹Mwakumona mutu ukwete chinyingi cha milimo yenyi nyi? Makamana ku meso ja mwanangana; kechi kamana ku meso ja mokomoko.

¹Muze mutwama nyi kulya nyi mukwa kuyula, tala kanawa yize ili halutwe lye, ²sako poko ku miliu ye nyi uli mutu mukwa kulya chinji. ³Kanda uzanga kulya chenyi chipema, mumu chapwa kulya cha kwongo.⁴Kanda uzata chikolo hanga upwa nyi upite; litwamine ku mana ja yena mwane. Musela meso je ku chuma chize ku chishiko? ⁵Muchiya, mumu chamwenemwene wakulisokela mapulwa ngwe pupa yoze wakuhumuka mwilu⁶Kanda utambula kulya cha yoze uli nyi liso lipi - kanda uzanga kalya chenyi chipema, ⁷mumu che apwa iye ka kwalula ndando ya kulya. "Lyako nyi nwako! " Mamba kuli yena, alyoze mbunge yenyi kuyishiko kuli yena. ⁸Muwiza kasaza koma kaze hiwalya nyi maliji je apema makatoka.⁹Kanda uhanjika mu matwi ja chihepuke, mumu malelesa mana a maliji je. ¹⁰Kanda usosolola njiza chikulu chipwe kunjila mu minda ya shiwa, ¹¹mumu chilamwina tachi ali nacho nyi kulemba ha kusopa nyi yena hakachi ko.¹²Sela munge ye kukufumba nyi matwi je ku maliji a yinyingi.¹³Kanda ulitwamina kufumba mwana, mumu nyi wamulamba nyi shikote, kechi kufwa. ¹⁴Yena mwene watela kumu lamba nyi shikote nyi kumupulula mwono wenyi kuma kwa kufwa.¹⁵Mwanami, nyi mbunge ye mwipwa nyi mana, nawa mbunge yami mwipwa nyi chiseke; ¹⁶Njiso jami muji kawahilila muze mivumbo ye mwikahanjika yuma ya ululi.¹⁷Kanda wecha mbunge ivwilile mukwa shili ipululu, alyoze pwako nyi woma wa Yehova matangwa eswe. ¹⁸Chamwenemwene kuli lutwe nyi kutalatala che kechi kachichizaho.¹⁹Hano - yena - mwanami, nawa pwako nyi mana nawa ukasongwele mbunge ye mu jila. ²⁰Kanda utwama hakachi ka waze akunwa chinji walwa, chipwe waze akulya yifwo chinji, ²¹mumu mukwa kuzengewa nyi akulya yifwo meza kupwa yiswale nyi kunongwoka muchikajika mutu nyi yipuzu.²²Ivwa kuli tatenu yoze wakusemene kanda ulelesa noko muze mapwa kashinakaji. ²³landa umwenemwene, alyoze kanda ulanjisa; landa mana, longeso nyi malinjekela.²⁴Tato ya mukwa ululi ka kuwahilila chikolo, nyi yoze masema mwana wa mana mazukako uwahililo. ²⁵Echa tatenu nyi noko akawahe nyi kwecha yoze wakusemene aka wahilile.²⁶Mwanami, ngwehe mbunge ye echa meso je ashishike ha majila jami. ²⁷Mumu chikoyi kapwa wina usuku, nyi pwo weka iye wumba lya kulipola. ²⁸Kaku swaminyina ngwe mwiji nyi kwokesa akwa kulikehesa hakachi ka atu akulinga upi.²⁹Aya akwa lamba? Aya akwa chinyengo? Aya akwa ndombo? Aya akwa kulinyenga? Aya akwa yilonda keshi yitela? Aya akwa kuchila Meso? ³⁰Waze akutwama shimbu ku walwa, waze akweseka kuchinga walwa.³¹Kanda utala walya shimbu yina chili muze mu yinatejima mu musenge nyi kusenunuka kanawa. ³²Ku songo muyisumana ngwe kapela nyi kusumana ngwe yenge. ³³Meso je kuma kamona yikomokeso nyi mbunge ye kumuyihanjika yuma ya kupihya.³⁴Mwopwa ngwe yoze unapombo ha kachi ka kalunga lwiji chipwe yoze unapombo helu lya nguji lya wato. ³⁵"Ka ngufufula," mwamba ngwe, "Alyoze chalemanyine. Hangulamba, alyoze chachivwile. Tangwa lika mukahinduka? Mungu fupa cheka nawa chakunwa."

¹Kanda uvwila ukwa atu api, chipwe kuzanga kulikata no, ²mumu mbunge jo kujakuzanga ndombo nyi mivumbo yo yakuhanjika kuhuka.³Kupalikila mu mana zuwo lyakutungiwa nyi kumalinjekela kakulikolesa. ⁴Ku yinyingi yipatulo yakuzala nyi upite upema wa ndando yinene.⁵Mukwa kutakama wamana kajikiza, nyi lunga wa chinyingi. Kakwokesa kutakama; ⁶Mumu ku yiyulo muhasa kwasa jika nawa ku unji wakwa yiyulo kwatwama ku kumba.⁷Mana asuha naye kuli chihepuke; aye muchota keshi kupakula kanwa lyenyi.⁸Kwatwama yoze wakunyonga kuli yipi - atu kakumuhika ngwo mwata wa yihulya. ⁹Nyonga lya uhepuke kulyapwa shili nanwa mukwa kulenya kapwa chizelwokeso kuli atu.¹⁰Nyi walezumuka nyi woma mu tangwa lya lamba, acho tachi je jikehe.¹¹Pulula waze anatwala ku kufwa nyi ku lamwina waze amakokela kuchishihilo. ¹²Chipwe mwamba ngwe, "Talenu, kutwachinyingikine nyichimwe ha chino," Shina yoze wakupezalisa mbunge kanyingika yize unambe nyi ? Yoze wakufunga mwono we, kachinyikine nyi? Te Zambi kechikahana kuli mweswe kulita nyi chize anatela?¹³Mwanami, lyako wuchi mumu upema, mulonga kusotwoka cha wuchi chiyema mu kanwa lye. ¹⁴Achino emana a mwono we - nyi wa wana, mukukapwa kwonona nyi kutalatala che kuchichi kapatuka.¹⁵Kanda uswaminyina nyi kushimbwia ngwe mutu chingulungulu yoze wa kupupa zuwo lya mukwa ululi! ¹⁶Mumu mukwa ululi kakulimbuka yisuho shimbyali hindu makatuka nawa, alyoze yingulungulu kakuhukana ha lamba.¹⁷Kanda uwahilila ha kuholoka chga mukwa kole we, nyi mbunge ye kanda yiwahilila muze mahukana, ¹⁸neka Yehova mamona nawa kechi ku wahilila nyi kuchizaho ufwatulo wenyi hali yiye.¹⁹Kanda wivwa uli hamulonga wa akwakulinga yipi, nawa kanda wivwa ukwa wa atu yingulungulu, ²⁰mumu mutui mupi keshi kwonona nawa makajima ndeya ya chingulungulu.²²Vwila woma Yehova, nyi myanangana, mwanami; kanda ulyendela nyi waze akuzanga kwalumukina, ²¹mumu susumuku lamba llyo mulikasoloka, yiya mahasa kunyingika kwenyeka chize kuli wano aali?²³Yino neyo yihanjika yakwa mana. Kupwa nyi katonde hakupatwila kuchapemene.²⁴Mweswe yoze wakwambila yingulungulu ngwenyi, "Uli mukwa ululi," makamushinga kuli atu nawa mavungu mamuvwila lwaji. ²⁵Alyoze waze akufumba yingulungulu makawahilila nyi yiwape yipema muyikakaula.²⁶Yoze wakuhana kumbululo lipema kakuhana mbeju hamivumbo. ²⁷Lulika, milimoye ya haze, nawa lulika yuma yeswe mu wande we; hanyima ya chocho, tunga zuwo lye.²⁸Kanda upwa chela wakuhisa mukwenu chitela chakuhi nawa kanda ulyonga nyi mivumbo ye. ²⁹Kanda wamba ngwe, "Chize yiye angulinga mungu mulingacho; mungumufweta ha yize halinga."³⁰Napalikile ku wande wa chilenda, napalikile ku munda wa uva wa yoze keshi mbunge. ³¹Mingonga hiyinasoko kweswe, hashi heswe hihanajiki nyi tunjate, nyi chipanga cha mawe hichina puzuka.³²Mba natalile nyi kuchizewula kanawa; namwene nyi kutambula longeso. ³³Tulo amwe akehe, kunongwoka hakehe, kulindanganyisa cha moko ha kuhwima - ³⁴chocho uswale muwiza hali yena, nawa kuhona che muchiza ngwe kajita nyi yitwa yenyi.

¹Yino ye yishima yikwo nawa ya Solomone, yize asonekene kuli malunga a Hezekiya, mwanangana wa A-Yunda. ²Chapwa ulemu kuli Zambi kufuka chuma, alyoze kuli myanangana chapwa ulemu kuhengula chuma. ³Ngwe malilu asuha kwilu nyi hashi hasuha kwishi, chocho mbunge ja myanangana keshi kuhasa kuyisa kuyihengula.⁴Chiza yinganga ku palata mba fuli makazachisa palata ku ufuli wenyi. ⁵Ngwe chochene, chize yingulungulu ku meso ja mwanangana mba ngunja yenyi muyikakolela mukulinga ya ululi.⁶Kanda wichichimyeka yenamwene ku meso ja mwanangana mba ngunja yenyi nuyikakolela mukulinga ya ululi.⁷Chawaha yiye akambe kuli yena ngwo, "Tweya kuno kulutwe," Kuhyana akakuvwise sonyi kumeso ja alemu. Yize hiwamona, ⁸kanda ulipupula kutuhuka kul tachika. Mumu kuchi mukalinga kusongo lyacho muze mukwenu makakukolesa sonyi?⁹Hanjika mulonga we hakachi ka yena nyi mukwenu ukawenyi nawa kanda usolola chuma chakusweka chamukwenu, ¹⁰neka yoze makwiva makakukolesa sonyi nawa nyi lusango mupi wahali yena yoze uchikusa koholesa.¹¹Mihuko ya olu mu mutonga wa palata lye liji lyakuhanjika haze hanalite. ¹²Kazeya wa olu chipwe chuma chakulinga nyi olu lye liji lya kutemukina mu twitwi lya kupanjika.¹³Ngwe chize kukema cha meya achishika a shimbu ya kucha mwe matuma kanganda wa ufulyelo kuli waze amutuma; kakuhuzulula mbunge ja myata jenyi. ¹⁴Maselwa nyi fuji yakuhona vula mwe yoze wa kulihalisa ha wana uze keshi kuhana.¹⁵Ha kulihumikiza chinji mukwa kuyula unahase kumulembejeka nawa nyi kwovula cha limi chakupalula chifwaha.¹⁶Nyi wawana wuchi, lyako nyi kulita - neka, kulya unji chinji, mukawusaza. ¹⁷Kanda ulyata kuli lye muzowo lya mukwenu kanji chinji; kuchina maliseka nyiyena mba kechi kukuzanga.¹⁸Mutu mweswe wakuhanjika mahuza hali mukwo kapwa ngwe muheto, hanji katana, hanji mwivu watwa. ¹⁹Mutu mukewa mafwefwe yoze wakufulyela ha shimbu ya lamba kapwa ngwe lizo lipi chipwe ngwe kulu lize lyasenena.²⁰Ngwe chize muthu yoze wakuzula mazalo mu chishika, chipwe ngwe vinenga ahinjila ha sonda, mwenawo wembila myaso kuli mulemu mbunge.²¹Nyi mukwa kole ye mevwa zala, mwehe kulya alye, nawa nyi kali nyi pwila, mwehe meya anwe, ²²Mumu mulumbikila makala akahya ha mutwe wenyi nawa Yehova makakwonona.²³Ngwe chize fuji ya ku note yakuneha vula, chocho limi lize lya kwambulula ya kusweka lya kuneha uli ha meso. ²⁴Chawaha kutwama ha mbango ya fulumba kuhyana muzuwo nyi pwo wa ndombo.²⁵Ngwe meya akekema kuli yoze uli nyi pwila, chocho lusango mupema wa kuchifuchi cha kusuku. ²⁶Ngwe lishima lize lya vunda chipwe fuji lyakuvundula chocho mutu mukwa ululi matayiza yingulungulu.²⁷Kuchapemene kulya wuchi unji chinji; chapwa ngwe kufupa ulemu ha ulemu. ²⁸Mutu yoze keshi kuhumikiza shipilitu yenyi kapwa ngwe chihunda hichinalyenyeka nawa hichina wuzuka.

¹Ngwe neve mu shimbu ya nonga chipwe vula mu shimbu ya kucha, chocho ulemu watelele chihepuke. ²Chize tujila akuphyekumuka nyi tupyasa muze mahumuka, chocho shingo lize kulishi kutela kulishi kupwila.³Shikote yapwa ya kavwalu, nyi lwoji lwapwa lwa chimbulu nyi mbwechi hanyima ya yihepuke. ⁴Kanda ukumbulula chihepuke nyi kulita nyi uhepuke wenyi, kuchina mulifwa nenyi.⁵Kumbulula chihepuke nyi uhepuke wenyi, kuchina alimone ngwe mukwa mana. ⁶Mweswawo matuma liji ku kwoko lya chihepuke ka kulichiza ilyato yenyi nyi kunwa vunda.⁷Ngwe molu a mukwa kalepa waze a kuzezala hashi kapwa chishima mukanwa ka yihepuke. ⁸Ngwe kukasa liwe mu chuma chize akwasa nacho hi chapwa kuhana kalemesa kuli chihepuke.⁹Ngwe mungonga yoze wakutuwa mu kwoko lya mukwa kuzengewa hi chapwa chishima mu kanwa ka chihepuke. ¹⁰Ngwe mukwa kwasa mivu yoze wakulemeka eswe waze anamujingilika chocho chihepuke chipwe mahana mulimo yoze mweswe wakupalika.¹¹'Ngwe chizechene kawa kakuhilukila ku yisaza yenyi, chocho apwa chihepuke yoze wakuhilwisa uhepuke wenyi. ¹²Unamono umwe yoze unalimono ngwe wa mana nyi? Chihepuke mahasa kutalatala kuhyana iye.¹³Chilenda ka kwamba ngwo, " Ndumba kwali mujila! Ndumba kali hakachi ya tapalo." ¹⁴Ngwe chizechene pito ya kwalumuka ha ndevaliso yacho, chocho chilenda akwalumwoka ha muhela.¹⁵Chilenda ka kusa kwoko lyenyi mu longa hindu keshi nyi tachi ja kuzundula longa helu ku kanwa lyenyi. ¹⁶Chilenda mu meso jenyi kapwa wa mana kuhyana malunga shimbyali waze akukumbulula nyi upatwilo upema.¹⁷Ngwe umwe yoze wa kukwata matwi ja kawa iye mukwa kupalika yoze wa kwivwa kupihilila ha ndombo yize hi nyiyenyi ko.¹⁸Ngwe chizaluke yoze wa kukonga kahya, mivu, nyi kufwa ¹⁹mwe umwe wa kwonga mwenyembo wenyi nyi kwamba ngwo, " Ngunahehe nyi ?"²⁰Nyi kunyi kujishiko, kahya mukajima; nyi ku kushi mukwa kuhanjika hali akwo, nyi milonga yakuhwa. ²¹Chizechene manungu ha makala nyi kunyi ha kahya, chocho chapwa nyi mutu wakulitacheka ka kuvundula ndombo.²²Maliji ja juhanjika hali mukwenu kapwa ngwe ka lupapa kayema; ka kunjila hashi mukachi ka yihela ya mujimba. ²³Ngwe sapa ya uma yakulamika nyi yinganga yapalata, chocho yapwa mivumbo yili nyi kahya nyi mbunge ya ungulungulu.²⁴Mukwa kole kakwonga nyi mivumbo yenyi nawa kakutulika kwonga muchima lyenyi. ²⁵Iye mahanjika nyi khekhe, alyoze kanda umufulyela,mumu kwatwama yizelwokeso shimbyali mu mbunge yenyi. ²⁶Chipwe kole yenyi yalifuka nyi kwonga, ungulungulu wenyi kuma kausolola ha meso ja chikungulwila.²⁷Mweswawo mafula wina kuma kalimbukilamo nyi yoze malangumuna liwe mulikamuhilukila. ²⁸Limi lya mahuza lishi kuzanga waze hilyalemeka nyi kanwa lya kuphyephyeka lya kuneha kwonwona.

¹Kanda ulisambisa ha tahwa lya hamene, mumu wanyingikine chize tangwa limuwika mulicha. ²Echa mutu weka akuchichimyeke hi kanwa lya yena mwene; chikapwe cha mutu mweka hi mivumbo ye ko.³Kulema cha liwe chipwe usekeseke- utenu wa chihepuka wahyana yali kulema. ⁴Kuli kukala cha ufwatulo nyi kuhungumuna cha utenu, alyoze yiya mahasa kulikoleza nyi ukwa?⁵Chawaha kukanjisa cha kusoloka hatoma kuhyana zango lya kusweka. ⁶Mbandu ja kasendo kujapwa ja kukwasa, alyoze mbeju ja mukwa kole ja kwoka.⁷Mutu yoze halya kukuta kakulituna nyi chishila cha wuchi, alyoze kuli mykwa zala, yuma yeswe yisasu muyipwa yiyema. ⁸Ngwe kajila yoze mendangana kuchika chaswa chenyi che apwa mutu yoze mendangana kuhichika kuma kwenyi.⁹Maji nyi yitumbo ya lupembo kakuwahisa mbunge, alyoze kuwaha cha kasendo yize muyikatuka mu yiyulo ya mu mbunge. ¹⁰Kanda wehuka sepa lye hanji sepa lya tatenu, nawa kanda ukaya ku zuwo lya ndumbu ye ha tangwa lya lamba. Shinaho mukwenu wa hakamwihi kuhyana ndumbwe wakusuku.¹¹Pwako nyi mana, mwanami, nyi kuwahilisa mbunge yami; mba ngukahase kukumbulula yoze mangulenya. ¹²Chikanyame kakumona ukala nyi kuswama, alyoze chihepuke kakusenya kulutwe nyi kuchimwene lamba.¹³Mbata mazala a yoze mahana chifungo cha chilambala, ukachikwate chishiko muze mahana chifungo hali pwo weka. ¹⁴Yoze mafumanyisa sepa lyenyi nyi kukololoka cha liji lya chimene, cho kufumana muchikapwa ngwe shingo.¹⁵Pwo mukwakulitachika kapwa meya akusotwokela ha tangwa lya vula; ¹⁶kumukanjisa chapwa ngwe kunyisa fuji, chipwe ngwe kukwata maji mukwoko lya utata.¹⁷Chikungo cha kwambwisa chikungo; ngwe chocho, mutu kakumukwasa kuli mukwo. ¹⁸Mukwa kufunga mutondo wa mukuyu makalya mihuko yacho, nyi yoze mavumbika kako makamulemesa.¹⁹Ngwe chize meya kakusolola chizulye cha chifwa cha mutu, chocho mbunge ya mutu yakusololo mwe mutu. ²⁰Ngwe chize Shiole nyi Apandole kuyishi kuzala nyi meso ja mutu keshi kukuta.²¹Ndoho yakupemesena ya palata nyi lutengo wa kahya ka olu; nyi mutu kakumweseka ha kumuchichimyeka. ²²Chipwe musohola chihepuke mu chinu nyi mwishi - hamwe nyi mbuto - hindu uhepuke wenyi kuuchikamukatuka.²³Tala kanawa chize pembe nyi mikoko je ali nawa sako mana ku ngombe je, ²⁴mumu upite kuwapwile wa myaka yamutolo. Chipwe chipangula chakutwama cha yisemuka yeswe nyi? ²⁵Unatela kunyingika muze mwamba hiwahwa nawa waha unasokoloka, nyi shimu mwambu wa kumulunndu ha yikungika.²⁶Ana mapanga makakwaha uzalo nyi pemba kapwa ndando ya munda. ²⁷Mukukapwa yamwa ya pembe che kulya cha yena - kulya cha akwa zuwo lye - nawa yakutakamisa muji

¹Atu yingulungulu ka kuchina chipwe kukushi yoze unahange, alyoze atu a ululi kanahamuka ngwe mwana ndumba. ²Ha kuvulumuna cha chifuchi, hi chapwa nyi akwa kuyula anji, alyoze ku mutu a malinjikela nyi yinyingi, kuyula chacho muchikalinduluka.³Chiswale yoze mayanjisa yiswale nyi akwo kapwa ngwe vula ya kuhungumuna yishi kuhichika kulya nyichimwe. ⁴Waze akwehuka shimbi kakuhalisa yingulungulu, alyoze waze akwa kufunga shimbi kakulimika no.⁵Atu api kanyingikine upatwilo, alyoze kuli waze akufupa Yehova yeswe hiyina lumbunukina. ⁶Chinapeme chiswale kwenda nyi mbunge yakutuwika kuhyana pichi uli nyi majila a wungulungulu.⁷Yoze wakufunga shimbi kapwa mwana wa malinjekela, alyoze yoze walikata nyi akwa kuzengewa kakukolesa sonyi tato. ⁸Yoze wakuwana upite nyi uhenga kakukungulula upite wenyi ku mukwo yoze mapwa nyi kheke ku chiswale.⁹Yoze matewulula twitwi lyenyi ku kwivwa ku shimbi chipwe kulemba chenu chapwa cha kuzelwokesa. ¹⁰Mweswe matwala mukwa ululi mujila ipi mwene malimbukina mu wina wenyi, alyoze angunu kulinga cho muchikapwa chipema.¹¹Pichi kakulimona kupwa nyi mana mu meso jenyi, alyoze chiswale yoze wanyingika ndako ja atu janamuhyana mana. ¹²Muze akwa ululi makumba, kwakupwa uhenya unene; alyoze muze yingulungulu manangana, atu kakuswama.¹³Mweswe masweka shili jenyi keshi kaya kulutwe, alyoze yoze masolola shili jenyi nyi kujimbila makawana kheke. ¹⁴Yoze watwama nyi woma matangwa eswe kawaha, alyoze mweswawo makalisa mbunge yenyi malimbukila mulamba.¹⁵Ngwe mwana ndumba yoze waku hiohya hanji ngwe usu yoze wakulihiza kapwa ngwe chingulungulu yoze wakuyula yiswale. ¹⁶Mwanangana yoze keshi malinjekela mapwa mukwa kupinjisa nawa, alyoze yoze kazangile chipululu makayuka myaka yinji.¹⁷Nyi mutu halitwika manyinga ja mutu mweswawo, makachina ndo kufwa nyi umwe makamukwasa. ¹⁸Mweswe menda nyi mbunge ya kutuwika mapwa nyi uhwimino, alyoze yoze watwama nyi ndako yipi malimbuka susumuku.¹⁹Yoze malima wande wenyi mapwa nyi kulya chinji, alyoze mweswao makaula atu amokomoko mapwa chiswale matangwa eswe. ²⁰Mutu watwama nyi umwenemwene katwam nyi kuwahilila chinene, alyoze mapwa pichi nyi kawashi ma mona lamba.²¹Hichipemako kupwa nyi katonde, alyoze ha kachi handa ka mbolo mutu matela kulinga upi. ²²Mutu chiminyi kakulipupwisa kupwa pichi, alyoze kanyingikine muze uswale muwiza.²³Mweswao makanjisa mutu, kulutwe makawana vumbi kuli iye kuhyana kuli yoze mamuphyephyeka nyi limi lyenyi. ²⁴Mweswawo meyila tato nyi naye ngwenyi, "Hi chipi ko," iye kapwa ngwe sepa lya chononwa.²⁵Mutu chizuzuke kulitachika, alyoze mukwa kufulyela muli Yehova makaya lutwe. ²⁶Yoze wafulyela mbunge yenyi mwene iye chihepuka, alyoze mukwakwenda nyi mana mamupulula.²⁷Yoze wakuhana kuli yiswale keshi kahona, alyoze mweswewo mafuka meso jenyi kuli ayo mapwa nyi mashingo. ²⁸Muze yingulungulu ma mana, atu kakuswama; mba muze makuwa, akwa ululi moka.

¹Mutu yoze makambula kanjikanji alyoze makalisa kota yenyi kumaka mwonona mususumuku nyikuwuka chakuhi. ²Muze akwa ululi moka, atu kaku wahilila, alyoze muze akwa yingulungulu mayula, atu matwa mikuma.³Mweswewo mazanga nawa mawahisa tato, alyoze yiye yoze malyendele nyi yikoyi kana mwange upite wenyi. ⁴Mwanangana kakukolesa chifuchi nyi wu patwilo, alyoze yoze mukwa kufwetesa chindo kakuchimbila hashi.⁵Yoze mapyepyeka mwenyembo wenyi kakulitela wanda wa muheto ha molu jenyi. ⁶Mu shili ya mutu mupi mwatwama kambwila, alyoze mukwa ululi kakwimba nyi kuwahilila.⁷Mukwa ululi kakunyingika shimbi ja chiswale; mwakwa ungulungulu keshi malinjekela a chinyingi. ⁸Akwa kulenya kakumulanga kahya mu limbo, alyoze waze akwa mana kakuchinda ufwatulo.⁹Muze mukwa mana mapwa nyi milonga nyi chihepuke, yiye kakutenuka nyi kuseha, kushi kupwa kuhwima. ¹⁰Akwa kumwanga manyinga kakwivwila kole yoze wa kuhona kapalya nyi kufupa mwono wa mukwa kwoloka.¹¹Chihepuke kasolola utenu wenyi weswe, alyoze mukwa mana ma ukokolola nyi kuholesa. ¹²Nyi mukwa kuyula mapanjika ku mahuza akwa kumuzachila jenyi eswe makapwa yingulungulu.¹³Chiswale nyi mukwa kupinjisa kapwa chimuwika, mumu Yehov kakwaha pangu eswe mumeso jo. ¹⁴Mwanangana nyi mapatwila chiswale mu umwenemwene, yiye ngunja yenyi muyikakola ya mutolo.¹⁵Mbwechi nyi kukanjisa kuyakuhana mana, alyoze nyi mwana mwamwesheleza cha kuhona kumufumba kakukolesa naye sonyi. ¹⁶Muze yivulumunyi mayula, yivulumunyi ka kwoka, alyoze akwa ululi kumakamona kulimbuka cha wa yivulumunyi.¹⁷Fumba mwana mba makakuvwisa; yiye makaneha uwahililo mu mwono wa. ¹⁸Kuze usolwelo wakuhi atu kakulumbuka, alyoze kawaha yoze wafunga shimbi.¹⁹Ngamba kechi ku tayiza kumufumba nyi maliji mumu chipwe kanevu, kushi kumbulwiso. ²⁰Unamono mukwa kulusuka mu maliji jenyi? Muli ufulyelo wahyana muchihepuke kuhyana muli yiye.²¹Yoze malela ngamba yenyi kanawa chize wanuke wenyi, ku songo lya cho kumukukapwa wukulu. ²²Chitenu kakuvundula ndombo nyi chifwatulo kakwokesa uvulumunyi.²³Kulivwa cha mutu chakumulimbwisa, alyoze yoze mukwa kuli kehesa mu shipilitu mwaha ulemu. ²⁴Yoze malyanyina nyi mwiji ka jinda mwono wenyi.²⁵Woma wa mutu waku neha makambwila, alyoze yoze mafulyela muli Yehova maka mufunga. ²⁶Anji waze akufupa kuwahila mukwa kuyula, alyoze Yehova mwe wupatwili wa mutu.²⁷Mukwa wuhenge kapwa chizelwokeso kuli akwa ululi, alyoze yoze jila yenyi yakwoloka kapwa chizelwokeso kuli chingulungulu.

¹Maliji a Agu mwana wa Jake chiteli mwe mutu wambile kuli Itiyele, kuli Itiyele nyi ukale: ²Chamwenemwene kunapwa ngwe kashitu kuhyana mutu mweswao, nawa chatwamine nyi alinjikela a utu. ³Chalilongesele mana, chipwe yinyingi yamwe musandu.⁴Iya waya kwilu nyi kuhiluka nawa? Iya hana ku kunjika fuji mu moko jenyi ? Iya hanakashila e meya mu mazalo jenyi? Iya hanalingi ma songo ja hashi. Jina lyenyi iya, nyi jina lya mwanenyi mwe iya? Chamwenemwene unamunyingika!⁵Liji lyeswe lya Zambi hana lyeseka; iye kapwa telo kuli waze akuwana uswano muli iye. ⁶Kanda uweza ku maliji jenyi, chipwe makukanjisa, nawa makumona uli kupwa mukwa mahuza.⁷Yuma yali nahulisa kuli yena; Kanda unguswekeleyo shimbu kanda nguchifwa: ⁸Senu ya mokomoko nyi mahuza hasuku nyi yami. Kanda nungwaha uswale chipwe upite ngwechenu ngulye ya kulya yize yili chihanda chami. ⁹Mumu nyi napwa nyi yinji, kuchina kanji mungukalituna nyi yenu nyi kwamba ngwo, " Yehova mwe iya ? Nawa nyi napwa shiswale nguna hase kwiya nyi kusaula jina lya Zambi yami.¹⁰Kanda usaula ngamba kumeso ja kako, chipwe makushinga nyi kukuhisa nyi mulonga.¹¹Kuchili chisemuko chize cha kushinga atato keshi kuwahisa anaye. ¹²Kuchili chisemuko chize chitoma muy meso jo, alyoze kasanyishine ku majilo jo.¹³Kuchili chisemuko chimwe chize meso jo kakulala mwilu, nyi ifuko ya meso hina tale mwilu! ¹⁴Kuchili chisemuko chimwe chikwete mazo ngwe mukwale nyi mbanga jo ngwe ma poko, hanga akenyeke yiswale hashi nyi kusutula akwa kuhona hakachi ka atu.¹⁵Zambo kali nyi ana aaliu amapwo: "Hana nawa hana, " che akulila kuyili yuma yitatu kuyishi tukuchisa, yiwana kuyishi kwamba ngwo, "Kwahwa!" ¹⁶Muma mwa afu; nyi jimo lya mumba; nyi chifuchi aze keshi meya; nyi kahya kaze keshi kwamba ngwo, "Kwahwa!" ¹⁷Liso lize lyaku lenya tato lyakulelesa ufumbo wa naye makanda nyi kuli chizamo mu chikolo makalitombongona nawa maka ilya kuli ana ja pupa.¹⁸Kuli yuma yitatu yize yinangupemena, alyoze chishi malinjekela: ¹⁹Jila ya pupa mwilu; jila ya kapela haliwe; jila ya wato hakachi ka kalunga lwiji, nyi jila ya mwana lunga nyi mwana pwo.²⁰Chocho yapwa ye jila chikoyo kakulya nawa makusumuna kanwa lyenyi nyi kwamba ngwo, "Chilingile chipi."²¹Hashi ka yuma yitatu kuyua kuchikimisa hashi, yeswe yiwana ka hashile kulikolweza nayo: ²²Ndungo muze hapwa mwanangana; nyi chihepuke muze a kuta; ²³Nyi pwo mupi nyi haya mu malo; nyi ndungo ya pwo muze hapwa swana ya kako.²⁴Yuma yiwana yikehe hano hasi alyoze mana anji yikwete: ²⁵Tungenyengenye twe tushitu keshi tachi alyoze kakulingila ya kulya cho mu mwaka wa nonga; ²⁶Tushitu waze keshi tachi, alyoze ka kutunga ma zuwo jo mu mawe.²⁷Makumbi keshi mwanangana, alyoze eswe kakutuhukila hamuwika. ²⁸Musulu, kakumukwata nyi moko aali, hindu katwama mu ma zuwo ja myanangana.²⁹Kuli yuma yitatu ya kwendesa kanawa nyi yiwana ya kupema kwenda cho: ³⁰Ndumba, mukwa kuhyana tushitu eswe nyi tachi- keshi ku kondonoka hali imwe; ³¹Kavwalu; nyi kuji ya pembe; nyi mwanangana yoze keshi kuhaze kumukatukila.³²Nyi hiwalinga uhepuke, ha kulinangamisa, chipwe nyi wanyonga chuma chipi - sako kwoko ha kanwa lye. ³³Chizechene kuchuka cha yamwa chakuneha maji a kulya nyi chizechene muwo wa umwe wa kichiza manyinga nyi ma uhonda, chocho yilinga yize akulinga makupihilila uakuneha Yunda.

¹Awano kali maliji a mwanangana Lemwele - longeso amulongesele kuli naye. ²Kuchi, mwanami? Chuma chika, mwana wa jimo lyami ? Yika unafupu, mwana wa shingo? ³Kanda uhana tachi je kuli mapwo, chipwe majila je kuli chize chakwonona myanangana.⁴Kuchapwile chuma cha myanangana, Lemwele, kuchi apwile myanangana kunwa vinyu, chipwe alemu kwivwa pwila lya walwa usasu, ⁵mumu muze manwa mavulama shimbi, akahengese upatwilo wa umwe mukwa kuyindama.⁶Hana kunwa chisasu kuli waze anambe kufwa nyi yinyu kuli waze ali mu luyinda. ⁷Akanwe hanga akavulami uswale wenyi hanga kanda akewuluka nawa hunya lyenyi.⁸Hanjikilako waze kahashile kuhanjika, hamulonga wa aze eswe ali mu luyinda. ⁹Ahakwile pwako ngaji mukwa ululi funga yiswale nyi akwa kuhona.¹⁰Iya mahasa kuwana pwo wa umwenemwene ? kulema chenyi chahyana mawe a ndando yinji. ¹¹Mbunge ya mukwo lunga muyi mufulyela, kechi kapwa chiswale nawa. ¹²Kakumulingila yuma yipema hi yipi ko matangwa eswe a mwono wenyi.¹³Kakufupafupa wona wapanga nyi linyu kakulinga milimo ya moko jenyi nyi chiseke. ¹⁴Kapwa ngwe chize akulinga mato ja akwa kulanjisa; kakuneha kulya chenyi kufuma kusuku. ¹⁵Kakulimeneka shimbu kuchili ufuku kakuhana kulya kuli akwa zuwo lyenyi, kakutetela milimo tuvumbi twenyi ama pwo yize anatela kulinga.¹⁶Kakwendesa munda mba maulanda; nyi tachi ja moko jenyi kakulima minda ya vinyu. ¹⁷Kali mukwa tachi kakuhondangana milimo kakutakamisa moko jenyi.¹⁸Kananyingika kanawa yikumba yalumbunuka ha ndando; ndeya yenyi kuyishi kujima. ¹⁹Makwata moko jenyi ku uhoselo, masa moko jenyi ha na nyingika wanda.²⁰Kakuzoza moko jenyi kuli yiswale; kakuzoza moko jenyi kuli akwa kuhuno. ²¹Keshi kuvwila woma neve hali akwa zuwo lyenyi, mumu akwa zuwo lyenyi eswe kakuzala mahina a chishika.²²Kakulitungila mahina alemu akuli fuka, kaku zala mahina apema a ufungo. ²³Lunga lyenyi hana muse chinyingi ha yikolo ya ku jilila, muze matwama hakachi ka makulwana a chifuchi.²⁴Kakutunga mazalo apema nyi kwalanjisa kuli akwa kulanda, nyi kutwala miya kuli akwa kulanda. ²⁵Kakulijika nyi tachi nyi ulemu, kapwa wakusehelela ha yuma yize muyiza kulutwe.²⁶Kakuhanjika nyi mana nyi shimbi ja longeso jili ha limi lyenyi. ²⁷Kakutala kanawa ku ndako ja akwa zuwo lyenyi keshi kulya kulya cha uleya.²⁸Ana jenyi kakukatuka nyi kumuvuluka ngwo kawaha, nyi lunga lyenyi kakumuhalisa,ngwenyi, ²⁹"Mapwo anji kakulinga yipema, alyoze yena hiunahyana eswe."³⁰Vumbi kulya kulyonga, nyi upeme waku meso wa moko moko, alyoze pwo yoze wakwivwila woma Yehova mamuhalisa. ³¹Hana kuli iye mihuko ya moko jenyi yitanga yenyi mwene yika muhalise muyikolo ya limbo.

¹Usolwelo wa Obadiya. Yehova yamba yino hamulonga wa Endomu: Twevwa lusango kukatuka kuli Yehova nyi kanganda hamutuma ku mavungu,ngwenyi, "Katuka! Tukatukenu kulimika nenyi mu jita!" ²Tala, hinakupwisa mukehe hakachi kamavungu; makakulelesa chinji.³Kulivwimba cha mbnge ye hichakwonga, ena watunga mu mena ja mawe, zuwo lye lyapwa kwilu; wakwamba mu mbunge ye ngwe, "Yiya manguhulumuna hashi?" ⁴Chipwe mulinangamisa ngwe pupa nawa chipwe mosa walo we hakachi ka tutongonoshi, hindu mungukahulumunako - Yehova che ahanjijka.⁵Nyikachi eji kejile kuli yena, kachi yingumba meza ufuku - chize makwenyeka! - kechikwiya yeswe yize mazanga? Nyi kachi akwa kuheka liva kejile kuli yena, kechi kuhichika yimwe lyakuhuhula? ⁶Chize Esau makamupupa, upite wenyi wakusweka makawupolongoza!⁷Malunga eswe masepa je makakuhanga ndo ku njiza. Waze watamine no nyi sambukila hakwonga nawa hakukumba . Waze alile mbolo ye hakutela miheto hashi lye. Muli yiye mushi malinjekela. ⁸"Chichikalinga ha tangwa lize" - Chino chekuhanjika cha Yehova - " Onwonemu akwa mana aku Endome nyi malinjekela mu mulundu wa Esau? ⁹Malunga je a ndundo makalishimwoka, Temani, hanga mutu mweswe akamutete ku mulundu wa Esau nyikwashaha.¹⁰Mumu ha upupilo walingile kuli mwanakwenu Yakomba, sonyi muyikakufuka, nawa kumaka kutetako myaka yamutolo. ¹¹Hatangwa lize yena wamanyine ku lumbu, ha tangwa lize yilambala ambachile upite wenyi, nyi tundaka anjilile ku yajilo yenyi, nyi kutela chela cha Yelusaleme, wapwile hamuwika no.¹²Kuchatambile kutala ha tangwa lya mwanakwenu, ha tangwa lya lamba lyenyi, nawa kuchatambile kuwahilila hakumona A-Yunda hatangwa lya kwaonwona; kanda ulisamba hatangwa lya luyinda. ¹³Kuchatambile kunjila ku chajilo cha atu jami hatangwa lya lamba; kuchatambile kutala kupinda cho hatangwa lya kuji-nyi-tomo chipwe kujwata ku yikumba yo hatangwa lya kwenyeka. ¹⁴Kuchatambile kumana ku makano nyi kushiha waze anaswame jita, nawa kanda uhana atu jenyi waze asalile hatangwa lya luyinda.¹⁵Mumu tangwa lya Yehova hilyakundama ku mavungu eswe. Chizechene walinga, chocho nawa makulinga; Yitanga ye muyikahilukila ha mutwe we. ¹⁶Chizechene hiwanwa ha mulundu wami wusandu, chocho akwa mavungu eswe kumakanwa matangwa eswe. Kumakanwa nyi kumina nawa muchikapwa ngwe kakapwileko.¹⁷Alyoze mu mulundu wa Zione kumukakapwa waze achinyine, nawa muukapwa usandu, nyi zuwo lya Yakomba kumazuka chihinga cho. ¹⁸Munyachi wa Yakomba muukapwa kahya, nyi munyachi wa Yosefa muukapwa mulengi, nawa munyanchi wa Esau muukapwa wambu wakuma, maakocha, nyi kuwema pwillili. Nyiumwe makasala ku munyachi wa Esau, mumu Yehova hachamba."¹⁹Akwa Nengeve makazuka mulundu wa Esau nyi atu a kuchikulo makazuka chifuchi cha A- Filisitiya. Kumakazuka chifuchi cha Efeleme nyi chifuchi cha Samaliya, nyi Mbenjamine makazuka Ngilyate.²⁰Funge akatujita wano akuli A-Yizalele kumazuka chifuchi cha A-Kanana ndo Zalafata. Mba funge a ku Yelusaleme, waze ali ku Shefalanda, makazuka membo a ku Nengeve. ²¹Akwa kulamwina kumakaya ku mulundu wa Zione akayule mulundu wa Esau, mba wanangana kumukapwa wambala wa Yehova.

¹Chikuma cha liji lya Yehova kuli Yizalele mu kanwa lya Malakayi. ²"kunakuzanga," chocho ana hanjika Yehova. Alyoze nwakwamba ngwo, " watuzanga kuchi?" Isau kapwile yayo ya Yakomba nyi?" che kuhanjika cha Yehova. "Hindu hingunazange Yakomba, ³alyoze Isau kangupihilila. Hinenyeka chifuchi chenyi cha kumilundu, nyi kuhichika chihanga chenyi chikapwe cha mikuza a mu puya."⁴Nyi Endome mamba ngwo. " hanatulamba hashi, alyoze mutuhiluka nyi kutungulula chize hichina puzuka," Yehova wa tujita mamba ngwo, "Chipwe atungulule, alyoze Yami mungupuzula. Amwe mawatongola kupwa chifuchi cha yingulungulu nyi ' atu aze yehova watenuka no myaka yeswe.' ⁵Meso jenu kumakamona chino, nawa mba munukamba ngwo, ' Yehova munene ha lya njiza ya Yizalele.'⁶"Mwana kakulemesa tato, nyi kavumbi kakulemesa mwata yenyi. Nyi ngwo yami, mba, nguli tatenu, ulemu wami uliho? Nyi ngo nguli mwata, mba woma nwakungwivwila uliho?" Chocho anambe Yehova wa Tujita kuli yenu asasendote, nwakulelesa jina lyami. Alyoze nwakwamba ngwo, 'Kuchi mba twakulelesa jina lye? ⁷Hakulambula kulya cha luchisa ha chilumbilo chami. Alyoze nwakwamba ngwo, kuchi twachichisa?' Hakuhanjika ngwo mutuhasa kulelesa mesa ya Yehova.⁸Hakulambula yimuna afwa meso, achi hi chipi ko? muze munulambula waze apwa yitonji nyi akwa misongo, achi hi chipi ko? Hanenu milambu yino kuli akwa nguvulu wenu! kumakachitayiza? chocho anambe Yehova wa Tujita. ⁹halyapwila nwa kuhula Zambi, hanga akatukwase. Alyoze Yehova watujita kakwamba ngwo nyi mutu mambata mu kwoko mulambu ngwe uno, te mapwa nyi vumbi kuli umwe?¹⁰"O , nyi kachi kwali umwe yoze majila pito ya tembele, hanga nukalitwamine kuwika kahya amokomoko hachilumbilo chami! Chevwile kuwaha nyi yenu," chocho anahanjika Yehova wa Tujita, "Kunguchikatayiza mulambu nyi umwe ku kwoko lyenu. ¹¹Mumu chize kuchivumbuko ndo ku chitokelo cha tangwa jina lyami muli pwa linene hakachi ka yifuchi nyi hayihela yeswe yize mocha Insensu nyi mulambu wakulinanga mu jina lyami. Mumu jina lyami mulipwa linene hakachi ka yifuchi" Chocho anambe Yehova wa Tujita. ¹²Alyoze yenu nwakulijilula muze munwamba ngwo mesa ya Mwene hiyapwa ya luchisa, nawa mihuko yayo, kulya chayo mutuhasa kulelesa.¹³Yenu nawa nwakwamba ngwo,' Ayi yikatalo yipwa haha,' mba nwakunyekununa," Chocho anambe Yehova wa Tujita. Nwakuneha waze yitonji hanji akwa chika chipwe amisongo; yino nwakuneha kupwa milambu. Te munguchitambula ku kwoko lye?" chino che anahanjika Yehova. ¹⁴"Akashingiwe mukwa kwonga yoze uli nyi kuji mulimba lyenyi mba mamulakenya nyi shingo mba mulambula kuli Mwene chize chinapiha! Mumu nguli Mwanangana munene" chocho anambe Yeova wa Tujita, "nyi jina lyami kakulivwila woma hakachi ka mavungu."

¹Keshika yenu asasendote, yino shimbi yili kuli yenu. Yehova wa Tujita kanambe ngwo, ²"Nyi kunushi kupanjika, nawa nyi kunushi kuchisa ku mbunge yenu mukulemesa jina lyami" " mba mungutuma shingo hali yenu, yiwape yenu munguyishinga. Chamwenemwene, hinawashinga, mumu kunushi kusa shimbi jami mu mbunge yenu.³Talenu, himungukanjisa mbuto yenu, mungukwita tuji ha meso jenu, tuji anakatuka ku milambu yenu, nyi yenu manumbata hamwe nayo. ⁴Mununyingika ngwo yami hinatuma shimbi yino kuli yenu, hanga usendo wami nyi levi ukakole," chocho anambe yehova wa Tujita.⁵"Usendo wami nyi iye wapwile mwono nyi sambukila, namuheleyo; hanga akevwe woma, mba yangwivwila woma yami, yachikima jina lyami. ⁶Shimbi ya mwenemwene yapwili mu kanwa lyenyi, mahuza kapwileho ha mivumbo yenyi. Iye wendele nyi yami nyi sambukila nyi ululi nawa watembwile anji ku uhenge. ⁷Mumu mivumbo ya sasendote chatamba kufunga yinyingi nyi atu chatamba kufumba shimbi kukatuka ku kanwa lyenyi, mumu iye mwe kanganda ka Yehova wa Tujita.⁸Alyoze hinwahambuluka mu jila ya umwenemwene. Hinwatalingisa anji kupwa ukuhona kufunga shimbi. Hinwalumbula usendo wa levi," chccho anambe Yehova wa Tujita. ⁹"Chocho hinanupwisa akwa kulela, nwasuka kumeso ja atu eswe, mumu ku nwafungile jila jami, alyoze hinwalinga katonde nyi shimbi."¹⁰Te eswe hi tata umuwika ko? Katutangile kuli Zambi umuwika? Kuchi te twakuhona ufulyelo umwe kuli mukwo, nyi kujilulula usendo wa tulamba jetu? ¹¹Yunda kalinga nyi mafwefwe. Halinga chuma chakuvwisa lwaji mu Yizalele nyi mu Yelusaleme. Mumu Yunda ha jilula chihela chisandu cha Yehova chize azanga, mba hanambate mwana wa tu zambi amwe atundaka. ¹²Keshika mutu yoze malinga chino Yehova akamuteteho ha mbalaka ya Yakomba, yoze mukwa kushindakenya nyi yoze mukwa ku kumbulula, hanji yoze maneha mulambu kuli Yehova wa Tujita.¹³Nyi chikwo nwakulinga: nwakufuka chilumbilo cha Yehova nyi masoji, nyi kulila nyi mikuma, mumu keshi ku utala mulambu chipwe ku utambula nyi vumbi ku moko jenu.¹⁴Alyoze nwakwamba ngwo, "Kuchi te kautambwile?" mumu Yehova wapwile chela hakachi ka yena nyi pwo wa mu ukweze we, kuwalalaminyine kuli iye, chipwe apwile sepa lye nyi pwo lye wa usendo. ¹⁵Iye katulingilile shipilitu nyi kuwasa hamuwika nyi? Mba kuchi te anulingilile kupwa umuwika? Mumu kafupile mulambu kuli Zambi. Chocho fungenu yenwene mu shipilitu yenu, niumwe kanda apwa nyi mafwefwe kuli pwo lya ukweze wenyi. ¹⁶"Mumu kulakula changupihila," chocho anambe Yehova, Zambi ya Yizalele, "Nyi yoze mafuka mazalo jenyi nyi upupilo," chocho anambe Yehova wa Tujita. " Keshika keyelenu kuli yenwene kanda nupwa nyi mafwefwe."¹⁷Hinwakatalisa Yehova nyi maliji jenu. Alyoze nwakwamba ngwo, "Mba kuchi te hi twamukatalisa?" Hakwamba ngwo, "Mweswe yoze wakulinga chipi kanapeme ku meso ja Yehova, iye kakuwahilila no," chipwe "Kuli ali Zambi wa upatwilo wa kulita?"

¹"Talenu, himungutuma kanganda kami, iye kuma lulika jila ha lutwe lya yami. Mba Mwene, yoze nwakufupa, susumuku meza mu tembele yenyi. Kanganda wa usendo yoze nwakuwahilila, talenu, meza," chocho anambe Yehova wa Tujita. ²Alyoze iya mahasa kumana ha tangwa lya kwiza chenyi? Iya mahasa kujikiza ha kusoloka chenyi? Mumu iye makapwa ngwe kahya ka mukwa kupemesa olu nawa ngwe sambau yakupemesa. ³Iye makatwama ngwe mukwa kupemesa nyi kuwayisa palata, iye makatomesa ana ja Levi. Iye makapemesa ngwe olu nyi palata, mba makaneha milambu ya ululi kuli Yehova.⁴Mba mulambu wa Yunda nyi Yelusaleme mu wuwahila Yehova, ngwe mu matangwa a shakulu, nawa ngwe mu matangwa a myaka ya kushi. ⁵"Mba mungukakundama kuli yenu ha upatwilo. Mungukapwa chela keshi kulaluka wa kuhisa yimbanda, nyi yitanji, nyi waze akwa kulishinga nyi mahuza, nyi hali waze akwiya fweto kuli mukwa milimo, nyi waze akupinjisa tuliwa nyi shiwa, nyi waze akukapula njize, nyi hali waze keshi ku ngwivwila woma," chocho anambe Yehova wa Tujita.⁶"Mumu yami, Yehova, chishi kwalumuka; keshika enu ana ja Yakomba kanunongesele. ⁷Chize ku matangwa ja tulamba twenu hi nwahambuluka ku shimbi jami nawa hinwajifungile ko. Hilukenu kuli yami nyi yami munguhiluka kuli yenu," Chocho anambe Yehova wa Tujita. "Alyoze nwaakwamba ngwenu, 'Kuchi mutuhiluka?'⁸Mutu mahasa kwiya kuli Zambi? hindu yenu nunangwiyi. Alyoze nwakwamba ngwenu, 'Kuchi tunakwiyila?' Ha yihanda yenu ya kumi nyi milambu. ⁹Nunashingiwa nyi shingo, mumu ha kwiya kuli yami, che chifuchi cheswe.¹⁰Nehenu yihanda yeswe ya kumi mu zuwo lya kutulikila, hanga mukapwe kulya mu zuwo, halyapwila nukangweseke nacho muli chino," chocho anambe Yehova wa Tujita, "Nyi chishi kunwazulwila manjanela a mu malilu nyi kunuzukwila yiwape yakulumbama hali yenu, ndo kukushi kapwa nawa chihela cha kutulikilaho yeswe. ¹¹Mungukanjishila mukwa kwonona mihuko ya mavu jenu, hanga keshi konwona kucha cha mafuchi enu. Mitondo yenu ya uva kuyishi kaholola mihuko shimbu kanda yichihya" Chocho anambe Yehova wa Tujita. ¹²"Mafuchi eswe makanutongola kupwa awaha, mumu munupwa chifuchi cha kuwahilila," chocho anambe Yehova wa Tujita.¹³"Maliji jenu hapwa atachi akulimika nyi yami," Chocho anambe Yehova. "Alyoze nwakwamba ngwenu, 'Kuchi twahanjika hakachi ka yetu kulimika nyi yena'? ¹⁴Hinwamba ngwenu, 'Chapwa chamokomoko kulingila Zambi. Chika mutufumbula ha kufunga shimbi yenyi chipwe kwenda nyi kulinyenga ku meso ja Yehova wa Tujita? ¹⁵Chocho halyapwila twakutambika waze akulinga chipi ngwo kawaha. Akwa kulinga chipi kakuwaha, nichikwo nawa alyoze kakweseka Zambi nyi kulilamwina.'"¹⁶Mba waze akwivwila woma Yehova ya hanjika kuli umwe nyi mukwo. Yehova yapanjika nyi kwivwa, mba yasoneka mukanda wa kwiuluka kumeso jenyi hali waze akwivwila woma Yehova nyi waze akulemesa jina lyenyi.¹⁷"Kumakapwa nyi ami," chocho anambe Yehova wa Tujita, "Upite wami yoze nazanga, ha tangwa lize mungukalinga. Mungukevwila keke, ngwe chizechene mutu akwivwila keke mwanenyi yoze wakumuvumbika. ¹⁸Mba nawa munukahandununa hakachi ka akwa ululi nyi akwa yingulungulu, hakachi ka yoze wakuwayila Zambi nyi yoze keshi kuwayila Zambi.

¹Mumu talenu, tangwa lineza, nyi kuyila ngwe lutengo, muze eswe akwa kulizata nyi eswe akwa kulinga yipi kumakapwa ngwe mwambu. Tangwa lize lineza muli kawocha," chocho anambe Yehova wa Tujita, "Hanga kushi kasala chipwe muji chipwe mutango. ²Alyoze yenu nwakwivwila woma jina lyami, tangwa lya ululi muli ka vumbuka nyi mapulwa mapwa a kuwuka. munuya haze, nyi kucha ngwe ngombe ku zuwo lyo. ³Halize tangwa kumunukalyata yingulungulu, mumu kumakapwa wuto mushi ya yilyato yenu halize tangwa mungukalinga," chocho anambe Yehova wa Tujita.⁴"Iwulukenu shimbi ja kavumbi kami Mose jize namulwezele mu Holepe hali a Yizalele eswe, yiyulo nyi maliji. ⁵Talenu, mungunutumina ka pulofeta Eliya shimbu kanda tangwa lize linene lya mwongo lya Yehova. ⁶Iye kumakatalisa mbunge ja atato kuli ana, nyi mbunge ja ana kuli atato, hanga kuchina mungwiza nyi kulamba chifuchi nyi kwonona cheswe."

¹Mukanda wa munyachi wa Yesu kilishitu, mwana Ndawicchi, mwana wa APalahama. ²Apalahama wapwile tata ya Izake , nawa Izake tato Yakomba, nawa Yakomba tato ya ³Yunda nyi a yayon nyi anakwo. Yunda wapwile tato ya Peleze nyi Zela kuliTama, Pelezi tato ya Heziloni, nyi Heziloni tato ya Lami.⁴Lami wapwile tato ya Amminandapi, Aminandapi tato ya Nashoni , nawa Nashoni tato ya Samone . ⁵Samone wapwile tato ya Mbowazi kuli Lahambu, Mbowazi tato ya Ombendi kuli lute, Ombendi tato ya Yese. ⁶Yese wapwile tato ya mwanangana Ndawichi, Ndawichi tato ya solomone kuli yoze pwo wa pwile wa uliya.⁷Solomone wapwile tato ya Lehombame, Lehombame tato ya Ambiya, Ambiya tato ya Asa. ⁸Asa wapwile tato ya Yehosofate, Yehosofate tato ya Yolame, nawa Yolame kalamba wa Uzziya.⁹Uziya wapwile tato ya Yotame, Yotame tato ya Ahaze, Ahaze tato ya Hezekiya . ¹⁰Hezekiya wapwile tato ya Manase, Manase tato ya Amoni, nawa Amoni tato ya Yosiya. ¹¹Yosiya wapwile kalamba wa Yekoniya nyi ana akwo hamwaka wakwatute lwilaku Mbambilonyi.¹²Kulutwe lya kwa tutulwila ku mbambilonyi Yekonya wapwile tato ya Salatile,Salatiye wapwile kalamba ka Zelombambele. ¹³Zelombambele wapwile tato ya Ambute, Ambute tato ya Eliyakimi, nawa Eliyakimi tato ya Azole. ¹⁴Azole wapwile tato ya Sandoke, Sandoke tato ya Akimi , nawa Akimi tato ya Eliute.¹⁵Eliute wapwile tato ya Eleazale, Eleazale tato ya Matana, nawa Matana tato ya Yakomba . ¹⁶Yakomba wapwile tato ya Yosefwe lunga lya Maliya , kuze kwasemukine Yesu, anavulika Kilishitu. ¹⁷Yisemuko yeswe chize kuli Apalahame ndo kuli Ndawichi yapwile kumi lya isemuko nyi isemuko i wana, kukatuka ha kwa tutulwila ku mbambilonyi ndo kuli Kilishitu yisemuko kumi nyi iwana.¹⁸Kusemuka cha Yesu Kilishitu chapwile ngwe chino , naye , Maliya , ha mulakenya kumumbata kuli Yosefwe , mba shimbu kanda alinunga , amuwanyine nyi ufumbo kuli shipilitu mu sandu. ¹⁹Alyoze Yosefwe , mukwo lunga wapwile mukwa ululi nawa kazangile kumuvwisa sonyi kumeso ja atu eswe, wambile kumwecha kutenga.²⁰Muze anyongene hali yino yuma , mungelo wamwene wa solokele kuli iye muchi lota, ngwenyi, '' Yosefwe mwana Ndawichi , kanda wivwa woma kutambula mukwenu pwo Maliya, mumu chize china seseka muli iye chakuli shipilitu musandu. ²¹Makasema mwana , nawa muka musanyika jina lyenyi Yesu , momo kuma kalamwina atu jenyi kufuma kushili.''²²Yino yuma yeswe yapwile hanga chika manunuke chize a hanjikile mwene ku kanwa lya pulofeta, ngwenyi , ²³'' Talenu , mwana pwo yoze kanda achilimona nyi lunga makapwa nyi ufumba maka sema mwana walunga , maka muluka jina Emanuel '' lina lumbununa ngwo , '' Zambi hamwe nyi yetu.''²⁴Yosefwe walawile mutulo twenyi walingile ngwe mungelo wamwene wa mwambile,nawa wa mutambwile mukwopwo. ²⁵Mba kalimwene nenyi ndo hasema mwana walunga . Yamuluka jina Yesu.

¹Muze te Yesu hasemuka mu Mbeteleme chihunda cha mu Yundeya ha matangwa ja mwanangana Helonde , akwa kutanga malunga akatukile kuchivumbo ahetele mu Yelusaleme nyi kwamba ngwo , '' ²kuli ali yono mwanalunga wasemuka wa Ayunda ? Twamona katongonoshi ku chivumbuko keshika tweza mukumuwahila .'' ³Muze mwanangana Helonde achivwile , walipikalile , nyi a Y elusaleme eswe hamwe nenyi .⁴Helonde mwakungulwile asasendote akwa kulutwe eswe nyi akwa kusonyeka ja atu , nyi yiye yahula ayo , '''kuli Kilishitu masemukina?'' ⁵yamba kuli iye , 'mu Mbeteleme chihunda chamu Yundeya , mumu hi chinasonewa kulya pulofeta , ⁶'Nyi yena , Mbeteleme , chifuchi Yunda , hi uli mukepe ko hakachi ka akwa kuyula ja Yunda , mumu muli yena kumakatutuka mukwa kuyula , iye makafunga atu jami mu A-Izalele.'''⁷Hohene Helonde watambikile akwa mana ku tenga wahulile shimbu lize lutongonoshi wasolokele. ⁸watumine ku Mbeteleme , ngwenyi , '' Yenu nyiku mufupa yono mwana . Muze munumuwana , nukeze nukangwmbulwile hanga nyi yami nawa ngukaye ngukamuwahile ''⁹Muze hevwa mwanangana , ayile mujila yo , nyi lutongonoshi yoze amwene kuchivumbuko watetekelele ndo yaheta nyi kumana haze hanakapwa mwana . ¹⁰Muze amwene lutongonoshi , awahililile nyi uwahililo unene.¹¹Anjilile mu zuwo ya mona mwe mwana hamwe nyi naye Maliya . Alyumbile nyi kumuwahila . no nyikupakula upite wo amulambwile yawana ya olu, nyi limbano , nyi mika . ¹²Zambi ya lweza muchiloto kuhona ku palika kuli Helonde , akatukile kuya kuchifuchi cho mujila yeka.¹³Muze haya , mungelo wa mwene yasoloka kuli Yosefwe mu chiloto ngwenyi , '' katuka , utwale mwe mwana nyi naye , uchinyine ku Engitu. Ukapwe ndo mungukakwambulwila , mumu Helonde mafupa mwe mwana kumwenyeka''. ¹⁴Uze ufuku Yosefwe watwalile mwe mwana nyi naye yaya nyiku Engitu. ¹⁵Wapwileko ndo kufwa cha Helonde . Hanga chika manunuke chize ahanjikile mwene kupalikila muli pulofeta , '' Mu Engitu natambikile mwanami.''¹⁶Hohene , Helonde , muze amwene ngwe akwa mana hamukekuna wevwile chikolo ufwatulo. Mba watumine akashihe ana malunga eswe mu Mbeteleme nyi manjiza jacho eswe chize ku myaka yali nyi waze kanda aheta ku myaka yali , nyi kulita nyi wola akwa mana ejile nyi kumulweza.¹⁷Hohene chamanunukine chize ahanjikile ku kanwa lya pulofeta Yelemiya , ' ¹⁸''liji alivwile mu Lama, kulila nyi kunenganya chinene, Lakela kana lilila anenyi , Iye wakanyine nyi ku muholesa , mumu kechi kamona nawa.''¹⁹Muze te Helonde hafwa , kumanyina , mungelo wamwene yasoloka, kuli Yosefwe mu chilota mu Engitu ngwenyi , ²⁰''katuka utwale mwe mwana nyi naye uye ku chifuchi cha Izalele , mumu hanafu waze afupile kwenyeka mwono wamwe mwana,'' ²¹Yosefwe ya katuka , yatwala mwana nyi naye , nyi kuheta ku chifuchi cha Izalele.²²Alyoze muze evwile ngwo Akeleu kanakayula mu Yundeya kusalakana tato Helonde , wevwile woma kuyako . Neye te Zambi hamutoweza mu chilota , wayile kweka ku yihunda ya Ngalileya . ²³Wahetele watwamine ku limbo analivuluka ngwo Nazale . Hanga chikamanunuke chize ahanjikile ku makanwa ja a pulofeta , ngwo kumakamuvuluka ngwo ka- Nazale.

¹Muma tangwa waze Yowano chipapachisa wejile nyi kwambujola sango lipema mupuya ya Yunda ngwemyi, '' ²Likonyekenu , mumu wanangana wa mumalilu hiunakundama'' . ³Mumu yono yiye atongwele mukanwa kapulofeta , Izaya ngwenyi , '' liji lya yoze unakololoka mu puya , lulikenu jila ya Mwene , ololenu jila jenyi.⁴Halyapwila Yowano wazalile yakuzala yenyi ya wona kamelu nyi muya walambu kujinhgilika mu zalilo yenyi. kulya chenyi chapwile makumbi nyi wuchi wa mumusenge. ⁵Hohene a Yelusaleme , nyi a Yundeya , nyi akwa chifuchi cheswe chakujingilika ka lwiji wa Yondawu ayile kuli yiye . ⁶Yowano wa papachishile muka lwiji ka yondawu, mukushikisa milonga yo.⁷Alyoze wa mwene atu anji akwa Falisewu nyi akwa Asatusewu kaneza ku upapachiso , yamba kuli ayo ngwenyi , yenu vungu lya yihili , yiya hanutoweza kuchina utenu uze muwizaho? ⁸Keshika imenu mihuko ya kutala kulikonyekena . ⁹Kanda nushinginyeka kwamba muli yenwene ngwenyi , Apalahame tuli nenyi kaka, mumu ngunambe kuli yenu ngwami chipwe ku mawe Zambi mahasa kusangula ana kuli Apalahame .¹⁰Chipwe halyapwila hasa njimbu ku miji ya mitondo . mutondo weswe ushi kwima mihuko yipema makayiteta nyi kuyimbila mu kahya . ¹¹Ngunapapachisa mumeya nulikonyeke. Alyoze yoze meza kunyima yami kakangana kuhyana yami , chatelele kujimbata haku jenyi . yiye kumakanupapachisa mu shipilitu usandu nyi mu kahya. ¹²Chifwilo chenyi mu kwoko lyenyi chili neye kumakakupemesa chahyana chizungwilo chenyi kumakakungila tiliku lyenyi muchila . Alyoze yizungu makayocha nyi kahya kaze kukeshi kuhasa kwima.''¹³Hohene Yesu yakatuka ku Ngalileya wajile mu yondawu kuli Yowano . ¹⁴Alyoze yowano wamukwikile , ngwenyi , ''chatamba ungupapachise yena , mba wuneza kuli yami , nyi ? ¹⁵Yesu wamukumbulwile ngwenyi , ''chitayize halyapwila mumu chocho chatutamba kumanununa ululi weswe .'' Hohene Yowano ya mutayiza.¹⁶Muze te hamupapachisa , Yesu watutukile mu meya , kumanyi malilu azulukile kuli yiye . Neye wamwene shipilitu wa Zambi kanahulumuka hali yiye. ¹⁷Nyi liji lyatuhukile mu malilu , muli yiye , yono mwe mwanami , nazanga chikolo , muli yiye ngunawahilila.

¹Henaho Yesu amutetekelele ku shipilitu ku mutwala mu puya hanga aka mweseke kuli ndyapu . ²muze hatwama matangwa makumi awana nyi makumi awana a ufuku , a kuhona kulya wevwile zala. ³Mukwa kweseka yeza kuli Iye nyi kwamba ngwenyi , ''nyi uli mwana wa Zambi, amba mawe wano alumuke mbolo''. ⁴Alyoze Yesu yakumbulula mba yamba ngwenyi , '''chinasonewa , 'mutu hiku mbolo wika ko ma mwena mono, alyoze ku liji lyeswe lize mulikatuka mukanwa ka Zanbi.''⁵Mba ndyapu yamutwala kulimbo usandu ya musa helu lya songo lya tembele, ⁶yamba kuli iye , ''nyi uli mwana Zambi , limbile hashi, chinasonewa ngwo , 'makecha Angelo nyi kukufunga yena, 'kuweza ho, 'o makakwokela ha moko jo, kuchina muhukana chilyato che ku liwe.'''⁷Yesu yamba kuli iye , '' cheka nawa chinasonewa ngwo, 'kanda ukeseka mwene Zambi ye.''' ⁸Cheka nawa , ndyapu yamutwala nawa helu lya mulundu usuku nyi kumulweza mawanangana a hano ha chifuchi cheswe nyi uhenya wacho. ⁹Yamba kuli iye, '' yeswe yino yuma mukakwahayo, nyi ngwe mulyumba hashi nyi kungu wayila yami.''¹⁰Yesu yamba kuli iye , '' katuka ha ndyapu ! chinasonewa, 'ukawaile mwene Zambi ye , iye wika ukamulingile.''' ¹¹Mba ndyapu yamu hichika , hohene, angelo yeza nyi kumuzachila iye .¹²Muze Yesu hevwa ngwo Yowano hamukunjika kuli ayo, wayile ku Ngalileya . ¹³Yahichika Nazala mba yaya nyi kutwama mu kapelenamu, limbo lize lya kusesa ya chitende cha Ngalileya manjiza ja Zapulone nyi Napatali.¹⁴Yino yasolokele hanga chikamanunuke chize a ambile ka pulofeta Isaya, ¹⁵''chifuchi cha Zembulunyi nyi chifuchi cha Naputali , kuya ngwe ku chitende , kuhyana Yondawu , Ngalileya ya kwa mavungu! ¹⁶Afu waze atwamine mumilima hamaona pangu linene , nyi waze atwamine mu chifuchi mu chizulye cha kufwa , ne wo pangu hilya solokela .''¹⁷Chize ize shimbu Yesu yaputuka kwambujola nyi kwamba ngwenyi , '' likonekenenu , mumu wanangana wama lilu hi weza ku kamwihi.''¹⁸Muze apwile nyi kusesa ku ngenge ya chitende cha Ngalileya , wamwene ndumbu nyi panga, Semone yoze avulukile ngwo Petulu , nyi mwanakwo Andeleu , kapwile akwa kuta yishi. ¹⁹Yesu yamba kuli ayo , '' tweyenu , nungukaule , muka nwalumuna akwa kukwata atu , '' ²⁰Hohene a hichikile moji nyi ku mukaula Iye .²¹Muze Yesu akatukile nyi kuya wamwene nawa mandumbu nyi panga , Tiyangu mwana Zebede, nyi Yowano mwanakwo. kapwile nyi tato Zebedeu mu ulungu te kana lulika moji jo . Yasanyika , ²²hohene a hichikile ulungu nyi tato o ya mukaula iye .²³Yesu wa palijikile mu Ngalileya , nyi kulongesa mu ma sunangonga jo , nyi kulongesa sango lipema lya wanangana nyi ku uka misongo ya kulihandununa nyi weji mukachi ka atu. ²⁴Mujimbu wenyi wayile lufuma mweswe mu chifuchi cha Silye , nyi atu anehene kuli iye eswe waze a yiyile yikola ya kuli hichika nyi yikola , nyi waze apwile nyi mahamba , akwa kalepu. Yesu wa ukile. ²⁵Mbunga yinene ya mukawile kukatuka ku Ngalileya , nyi Ndekapole , Yelusaleme, nyi ku Yundeya , nyi ku liyana Yondau.

¹Muze Yesu wamwene mbunga , ya kanduka ha mulundu . Mba muze hatwama hashi , tumbaji yeza kuli Iye . ²Wapakwile kanwa lyenyi nyi ku alongesa , ngwenyi , '' ³ka awha yiswale mu shipilitu ,mumu wanangana wa malilu nyiwo. ⁴Kaawaha waze akulinyenga , mumu kuma ka alembejeka.⁵Kaawaha akwa kushimbika , mumu kumaka hinga chifuchi cha hashi. ⁶Kaawaha waze akwivwa zala nyi pwila lya ululi, mumu kumakakuta. ⁷Kaawaha akwa kwivwa keke, mumu kumaka wana keke. ⁸Kaawaha akwa kupema mu mbuge , mumu kumakamona Zambi.⁹Kaawaha yitakanyishi, mumu makavuluka ngwo ana a Zambi. ¹⁰Kaawaha waze anahungumyona mumu ha luli, mumu wanangana wa malilu nyi wo.¹¹Kaawaha muze atu maanuchoka nyi muze maanu hungumyona nyi muze maanulamikiza ungulungulu mumu wa yami. ¹²Wahililenu nyi kulikwiza, mumu kwonononachenu chinene mwilu .Mumu chocho ahungumyonene apulofeta waze a liamgile.¹³''Nuli mungwa wa hashi . Alyoze kachi mungwa wa samuka , neka mauyemesa nawa? kuwatele nawa nyi chimwe shina ku umbila wika haze akaulyate kushi lya yilyato ya atu . ¹⁴Enu nuli pangu lya hashi . Limbo lize lya tungiwa ha mulundu keshi kuhasa kulisweka.¹⁵Chipwe atu keshi kuhasa kuwika ndeya akaise mushi lya mbango , alyoze hachikwachilo cha mbango, hanga yitemwine kuli eswe ali muzuwo . ¹⁶Chize chene pangu lipema likatemuke kumeso ja atu hanga akamone yitanga yenu yipema akachichinyeke Tatonu yoze uli mumalilu.¹⁷''Kanda nushinganyeka ngwenu neijile nyi kwonona shimbi hanji mikanda ya apulofeta . Chejile nyi kujonwona , alyoze mukujimanununa. ¹⁸Mumu pundu ngunambe kuli yenu ngwami ndo lilu nyi hashi muyikapalika , toshi limuwika hanji tona yimuwika kuyishi kapalika , nyi chimwe kushimbi , ndo yeswe muyiza kuhwa.¹⁹Keshika mweswawo matangula limuwika lya kuma liji ano akepe ahiana eswe a shimbi malongesa atu chocho kumakamuvuluka ngwo mukepe wahiana eswe mu wanangana wa malilu . Alyoze mweswawo maalinga nyi kwalongesa mwenawo kumakamuvuluka ngwo munene mu wanangana wa malilu. ²⁰Keshika ngunambe kuli yenu ngwami kunuchi kunjila nyichimwe mu wanngana wa malilu shina ululi wenu mu uhiana uze wa akwa kusonyeka nyi Afwliseu , kunuchi kanjila mu wanangana wa malilu.²¹Hinunevu ngwe achambile kuli ashskulu ngwo , '' kanda ushiha,'' nawa ngwo, mweswawo mashiha ma teta upatwilo. ' ²²Alyoze Ami ngunambe kuli yenu ngwami mweswawo matenuka nyi mukwo matela upatwilo; nyi mweswawo mamba kuli ndumbwenyi ngwenyi , ' yena mutu wamokomoko, ' mateta upatwilo uneneshi ngwenyi, yena chihepuke ,'' matala uptwilo wa ngehena ya kahya.²³Keshika kachi unalambula chawana che kuchilumbiko nyi kuze muwiuluka ngwe mukwenu chuma chimwe akulinacho, ²⁴hi chikako chawana che ku chilumbile , uliyile jila ye. Chitangu litese nyi ndumbwe , mba ulambule chawana che.²⁵Litese nyi kawashi nyi mukwa kole ye sshimbu uli nenyi hamwe mujila , kuchina hanji mukwakole ye makukunjika kuli mukwa kuyula myi mukwakuyula ma kamutwala kuli kapita, hanga akakumbile muzuwo lya ususu. ²⁶Pundu ngunambe kuli yena ngwami , kuchi katuhukamo nyi chimwe ndo mufweta kalumbongo keswe ka kusula.²⁷'' Hinunevu ngwe achambile ngwo , 'kanda ulinga utanji.' ²⁸Alyoze ami ngunambe kuli yenu ngwami mweswawo matala pwo mukumuvwila usolo halinga nenyi kulu utanji mu mbunge yenyi.²⁹Alyoze kachi ngwe liso lya chindume mulikutalingisa, litombongonemo hanga ulimbile . Mumu chinawaha utokese chihanda chimuwika kuchina mujimba we weswe ku umbila mu mungehena. ³⁰Nyi kachi kwoko lye lya chindume mulikutalingisa , litetteko ulimbile . Mumu chinawaha utokese chihanda chimuwika kuchina mujimba we weswe ku umbila mu ngehena³¹Achambile nawa ngwo , ' mweswawo malakula mukwo pwo , aka mwehe mukanda wa kutakula.'' ³²Alyoze ami ngunambe kuli yenu ngwami mweswawo malakula mukwo pwo , shina hachikuma cha hana lakula malinga utanji.³³'' Cheka nawa , hinunevu ngwo ashakulu ambile ngwo, ' kanda nulishinga , alyoze ukamanunune kuli mwene mashingo je. ³⁴Alyoze ngunambe kuli yenu kanda nulishinga nyichimwe , chipwe nyi lilu , mumu ye ngunja ya Zambi ; ³⁵chipwe nyi hashi , mumu che chitwamo cha yilyato yenyi ; chipwe nyi Yelusaleme, mumu lye limbo lya mwanangana munene.³⁶Chipwe kanda ulishinga nyi mutwe we ,mumu kushi kuhasa kupwisa lukambu umuwika mutoma chipwe mula . ³⁷Alyoze liji lyenu liapwe '' Ewa ewa '' , hanji ' ka , ka'' . Mumu yeswayo yahyana yino yakatuka kuli mwe mupi.³⁸'' Hinunevu ngwe chize ambile ngwo , ' liso ha liso , nyi lizo hz lizo.' ³⁹Alyoze ami ngunambe kuli yenu ngwami , kanda nukalimuka nyi ungulungulu . Alyoze , mweswawo makulamba ha tafu lya chindume mutewalwile likwo nawa.⁴⁰Kachi umwe mafupa kukusuma mulanga akuchize mbinja, mwehe nyi che chikuto che nawa . ⁴¹Mweswawo makukamba kuya nenyi kilometulo yimuwika , yako nenyi jiali. ⁴²Hana kuli yoze makwita , nyi nyi kuli yoze wazanga kukutambula mukuli kanda uka mumba nyimba .⁴³'' Hinunevu ngwe chize achambile ngwo , ukazange mwenyembo we nyi ukavwile kole mukwa kole ye.' ⁴⁴Alyoze ami ngunambe kuli yenu ngwami , zangenu akwa kole jenu wawa wahisenu waze akunushinga, lingenu kanawa kuli waze akunuvwila kole , lembenu hali waze akunu saula nyi waze akunuhungumyona . ⁴⁵Hanga nukapwe ana a Tatenu yoze uli mu malilu . Mumu kakauvumbula tangwa lyeni hali api nyi apama , nyi kakunokesa vula hali akwa ululi nyi hali yihengo.⁴⁶Mumu nyi kachi unazange waze akunuzanga , kwononona chika munuka wanyinamo? chipwe akwa kufwetesa lijimu keshi kulinga chimuwika nyi? ⁴⁷Mumu kachi nuna meneka andumbwenu wika , ika nunalingi kuhyana akwo? akwa mavungu keshi kulinga chocho nyi? ⁴⁸keshika pwenu angunu, ngwe Tatenu wa mwilu kapwa mungunu.

¹''Kayelenu kanda nukalinga hanga yenu yaululi kumeso jatu mukumoneka kuli ayo nyi ka kunuchi katambula kwononona nyichimwe Tata yoze uli mwilu . ²Keshika muze munuhana wana , kanda wimba chitavu kulutwe lye ngwe yilembese akulinga mu masunangonga nyi mu mikombwelo , hanga akachichinyeke kuli atu . chamwenemwene ngunambe kuli yenu, ngwami hanatambula kwononona cho.³Alyoze muze muhana yawana , kanda kwoko lye lya chimeso likanyingika chize kwoko lye lya chindume mulilinga ⁴hanga kuhana che chikapwe ku tenga. Nyi Tatenu yoze wakumona ku tenga kumakukundulula.⁵Muze mulemba , kanda upwa ngwe yilembese , mumu mafwila kulemba nyi kumana mu masunangonga nyi hamalindalinda ja matapalo hanga asoloke kuli atu. Pundu ngunambe kuli yenu ngwami, hanatambula kwononona cho. ⁶Alyoze yena , muze mulemba , njila muchipatulo che cha muchima . Ajila pito lye ulembe ulembe kuli Tatenu yoze uli kutenga kuma kukundula yona . ⁷Ha ku lemba , kanda nukokojola , ngwe akwa mavungu akulinga , o kaku shinganyeka ngwo matupanjika chetu chinji.⁸Keshika , kanda nukalifwa no , mumu Tatenu kananyingika yuma yize mwakufupa shimbu kanda nwita kuli iye . ⁹Ngwe chino keshika lembenu ngwenu; ''Tata uli mumalilu, jina lienu lipwe lisandu. ¹⁰Wanangana we wize.Upale ulingiwe hashi chizechene ngwe mwilu.¹¹Twehe kama musono mbolo yetu yize twakufupafupa. ¹²Utukonekele kama makongo , jetu ngwe chize twakukonekena waze ali makongo kuli etu. ¹³kanda ukatutwala kama kucheseko, alyoze tupulule kama kuli mupi , momo we wena ngana nyi je tachi , nyi uhenya , yeswe ndo kumyaka yeswe Amena.¹⁴Muze kachi munukonekena atu milonga , Tatenu wa mwilu nawa makanukonekena . ¹⁵Alyoze nyi kunushi kukonekena atu milonga yo , kachi Tatenu wamwilu kechi kanukonekena milonga yenu.¹⁶''Muze munulitwamina kulya, kanda nupwa ngwe ilembe se akuhonga mumu kakupihisa meso jo hanga akasoloke kuli atu ngwe kanalitwamina kulya . Chamwenemwene ngunambe kuli yenu ngwami , Hanatambula kwononona cho. ¹⁷Alyoze yena , muze mulitwamina kulya , wayisa mutwe wa usane nyi ku meso ¹⁸hanga kuchi kasoloka kuli atu ngwe unalitwamina kulya , alyoze kuli Tatenu yoze wakumona kutenga kuma kakukundulula.¹⁹'' Kanda nutulika upite hano hashi, haze ndulu nyi ngengeya kuyavungula, nyi eji ka kulokolamazuwo nyi kwiya . ²⁰Alyoze , litulikilenu upite mwilu , muze chipwe ndulu chipwe ngengenya kuyishi kuvungula , nyi eji keshi kulokola mazuwo chipwe kwiya ²¹Mumu muze mwene upite we uli muze mwene muyipwa mbunge ye nawa.²²Liso lyendeya luya mujimba , keshika , kachi liso lye mlipwa lingunu kachi mujimba weswe muuzala to nyi pangu. ²³Alyoze nyi liso lye mulipwa lipi , kachi mujimba we weswe muuzalato nyi mulima , mulima yipwa haha! ²⁴Nyiumwe kama mahasa kuzachila myata ali , mumu hanji mavwila kole umwe mazanga nukwo , kunwahashile kulingila Zambi nyi kulingila upite hamuwika.²⁵Keshika ngunambe kuli yenu ngwami , kanda nulipikala ha mwono wenu , chize munulya nyi chize mununwa; chipwe hamujimba wenu chize munuzala. Mwono kuwahyanyine kulya mujimba kuwahyanyine mazalo? ²⁶Talenu tujila amwilu . Keshi kukuwa chipwe keshi kucha chipwe keshi kukungila mu machila , alioze Tatenu wamalilu kakwahoka. Yenu kunwa yanyine chikolo nyi?²⁷Alyoze iya wamulyenu ha kulipikala mahasa kuweza mbandu yimuwika kuchi zundamo chenyi? ²⁸Mba te kuchi nunalipikila hama zalo? nyongenu kuyitemo yamu mande , ngwe chize muyitatuka. Kuyishi kukilikita , chipwe kuyishi kuhasa. ²⁹Hindu nguna mbe kulyenu ngwami , chipwe Solomone muuhenya wenyi kakazalile ngwe chimwe cha ku yitemo yino.³⁰Mba nyi Zambi chocho aku ujika mwambu wa muyambu, uze muupwa musono nyi hamene maumbila ha jiko , hi shinahoko chikolo yenu , enu akwafulyelo ukepe? ³¹Keshika kanda nulipikala ngwe, '' yika mutulya ? ' ha nji yika mutunwa ?' hanji ika mutuvwala?'³²Mumu yino yuma yeswe akwa mavungu kakayifupafupa , nyi Tatenu wamwilu kananyingika ngwe nwakufupafupa yino yuma yeswe . ³³Alyoze lyangenu kufupa wanangana wenyi nyi ululi , wenyi mba kumanuwezela yino yuma yeswe. ³⁴Keshika kanda nulipikila keshika ha tangwa lya hamene, mumu tangwa lya hamene nyi yipikalo yayo. Yipi ya tangwa lyeswe muyilita nyi lye tangwa .

¹''Kanda upatwila , nyi yena keshi kakupatwila . ²Mumu haupatwilwilo uze wene makupatwila , nyi setekoyize mweseka nacho , seteko yize makakweseka nayo.³Alyoze kuchi te mutala kukoma kakehe kali mu liso lya mukwenu alyoze unahono kuchiza mungowa mu liso lye? ⁴Kuchi te muwamba kuli mukwenu ngwe, ' shimbwila kuchize chipa muliso lye , ' kumanyi yena ulinyi mungowa muliso lye , ' ⁵Ena chiembekese! hanga kwanda munongwa muliso lye mba wande koma kakehe kali muliso lya mukwenu .⁶Kanda nuhana yuma yisandu kuli tuwa, nyi kumbila kakanga kenu kumeso jangulu . China hanji ma mulyata nyi sende jo, nyi mgwe ka mateuluka hanga akupule yena mu yipinji .⁷''Etenu , nyi yenu makanwaha . ⁸Mumu mweswe meta , nyi yenu mukachiwana . Ngongwelenu, nyi yenu makanwazulwila. Mumu mweswe yoze meta , kakutambula ; mweswe mafupa , mawana; nyi kuli yoze mutu mangongomweza, makamwazulwila . ⁹Hanji mutu umwe , mwanenyi mamwita mbolo aye mamwaha liwe? ¹⁰Hanji mamwita yishi , aye mamwaha kapela ?¹¹Chocho nawa , enu akwashili nwanyingika kuhana wana upema kuli ana jenu ,yuma yingahi yize Tatenu yoze uli mumalilu mahana yipema kuli waze akumwita ? ¹²Chocho yeswe keshika yuma nunazange atu alinge hali yenu , yenu lingenu chizechene hali ayo , chocho yino shimbi nyi yiyulo kuli polofeta.¹³'' Njililenu ka chikolo ka kehe . Mumu chikolo chinene nikutohwa yatwala kukwenyeka , nyi anji kakwendamo. ¹⁴Alyoze chikolo chize chatwala ku mwono , chikeha nyi yejila yikehe nyi waze akuyiwana akehe.¹⁵'' Zangamenu nyi ma pulofeta amauza , waze makeza kuli yenu muzalo wamapanga alyoze mumbunge kanapu tungunga akunuwumbula . ¹⁶Henukaanyingikila ku mihuko yo . Atuna hase kucha mihuko yipema kumihuko yipa? ¹⁷Chenacho , mujila yimuwika mutondo upema wkuhana mbuto yipema , nyi mutondo upi wakuhana mbuto yipi.¹⁸Mutondo upema kuhasa kwima mihuko yipi , chipwe mutondo wamokomoko kuhasa kwima mihuko yipema . ¹⁹Mutondo yeswe kuyishi kwima mihuko yipema makauteta nyi kuhimbila mu kahya. ²⁰Alyoze , hemunu kanyingika keshika kumihuko yo.²¹Alyoze nyi mweswe ko wakwamba kuli yami ngwenyi Mwene, mwene makanjila mu wangana wa malilu, ndo waze wika akulinga upala wa Tata wa malilu . ²²Atu anji kakwamba kuli yami ngwo ha tangwa lize ngwo , Mwene , mwene te kukwapulofetezele mu jina lyenu nyi jina lyenu kutwatuhwishile mahamba , mba jina lyenyi twakalingile yipupu yinji? ²³Keshika mukalumbula hatoma , ' chanunyingikine nilimwe tangwa ! katukenu kuli yami , yenu nwakulinga uhulya!.²⁴'' Chocho , mweswewo mevwa wano maliji jami nyi kwalinga mapwa ngwe mukwa kunyama yoze watungile zuwo lyenyi haliwe. ²⁵Vula yanokene , nyi mihwiji , nyi fuji yejile , yalambile ha zuwo , alyoze kulya puzukile , chocho alitungile ha liwe.²⁶Alyoze weswe mevwa wano maliji jami nyi keshi kuwalinga mungumupwisa ngwe chihepuke mutu watungile zuwo lyenyi ha masekeseke . ²⁷Keshika vula wanokene, nyi mihwiji yejile ,nyi fuji yapupile zuwo lize , mba ha puzuka , nyi kupuzuka chayo chapwile chinene.²⁸Muze Yesu hahwisa kuhanjjika wano maliji , mbunga alishimwokene ha uno longeso, ²⁹Wa alongesele ngwe uze umwe ukwete chiyulo, mba kuhona kupwa ngwe akakusonyeka jo.

¹Muze yesu asunukine kumulundu , mbanga yinene yamukawile . ²Haze hene kumanyi, muka mbunba wejile nyi kulyumba kuli yiye , nyi kwamba ngwenyi , ''mwene , nyi unazange, unahasa kunguwahisa.'' ³Yesu wolwele kwoko lyenyi nyi kumukwata , nyi kwamba ngwenyi , '' ngunazange wukiwa'' . Hazehene waukiwile ku mbumba yenyi.⁴Yesu yamba kuli yiye , '' kanda ukambila nyiumwe. Yako jila ye wulimwese kuli asasendote nyi kulambula chawana chize mose ambile, chikapwe shindakenyo kuli ayo.''⁵Muze apwile nyi kwiza mu kafwanaume , kapitau wejile kuli yiye, nyikulyumba kuli yiye ⁶nyi kwamba ngwenyi , '' Mwene , wamilimo wami hapomba muzuwo kendele nawa kali nyi kupinda chinji.'' ⁷Nyi Yesu yamba kuli yiye ngwenyi, '' mungwiza ngumuwuke.''⁸Kapitau wakumbwile ngwenyi , '' Mwene , yami chatelele ngwo yena wunjile mu zuwo lyami.''Hanjika lume liji nyi wamilimo wami mawukiwa. ⁹Mumu nyi yami nguli mutu asakwile mwishi lya chiyulo, nawa napwa nyi maswalale mwishi lya yami. Nakwamba kuli yono ngwami , yako neye maya , nyi kuli muko, 'tweya', neye meza, nyi kuli wamilimo wami , 'linga achize, ' neye malinga chizechene.'' ¹⁰Muze yesu achivwile , wakomokwne nyi kwamba kuli waze amukawile ngwenyi , '' umwenemwene ngunambe kuli yenu chawanyine nyi umwe wuli nyi ufulyelo upwahaha mu Izalele ka.¹¹Ngunanwambe ngwami , anji makeza kufuma ku chivumbuko nyi ku chitokelo , nyi kutwama ku mesa hamuwika nyi Apalahama , Izaka nyi Yakomba , muwanangana wa malilu. ¹²Mba ana awanangana makawambilila mu milima, akwo mukukapwa kulila nyi kulikopola ku mazo. '' ¹³Yesu wambile kuli kapitau ngwenyi ,'' yako! chizechene wafulyela chilingiwe kuli yena .'' Nyi wamilimo wahindukile yize yene ola.¹⁴Muze Yesu wanjilile muzuwo lya Petulu wamwene naye wenu hana pombo nyi kachiki. ¹⁵Yesu wakwachile kwoko lyenyi , nyi kachiki wamuhichikile neye wahindukile nyi kumuzachila.¹⁶Chingploshi , atu anehene kuli Yesu akwa andemonyu .Watuhwile mashipilitu nyi liji nyi kwawuka eswe ayijile. ¹⁷Mukulinga chize hanga chikamanuke chize ahanjikile kuli kapulofeta Izaya , ngwo yiye mwene wawukile nyi kufumisaho misongo yetu.''¹⁸Mba muze Yesu amwene mbunga yamu kunguluka , wa ambile ngwo akatuke aye sali lya kalunga lwiji lya Ngalileya . ¹⁹Akwa kusonyeka ejile kuli yiye nyi kwamba ngwo , '' Longeshi , ngunakukahula kweswe muya .'' ²⁰Yesu wambile kuli yiye ngwenyi , '' Mikuza kali nyi mena, nyi tujila a mwilu kali nyi yaswa , mba mwana mutu kechi nyi haze hakushachila mutwe wenyi.''²¹Umwe hatumbaji wambile kuli yiye ngwenyi , '' Mwene , ngutahize kama chitangu nguye kafunde tata. ²²Mba Yesu yamba kuli yiye ngwenyi , '' ngukawule , hichika afu akafunde afu jo ene.''²³Muze Yesu anjilile mu ulungu , tumbaji jenyi amukawile . ²⁴Kumanyi kwejile fuji yinene hakalunga lwiji chocho ulungu wafukiwile nyi makanya . Mba Yesu wapombele . ²⁵Tumbaji ejile nyi kumuhindwisa , nyi kwamba kuli Yiye ngwo , tulamwine kama Mwene ; tunatoko!''²⁶Yesu wambile kuli ayo, '' yika nunevwila woma , enu a ufulyelo wukehe ? '' yakatuka nyi kukanyisa fuji nyi meya . Hohene kwaholele nyi kulu. ²⁷Atu yalishimoka ngwo, '' mutu muka yono , wakulinga ngwo , fuji nyi meya yinamwivwila?²⁸Muze yesu ejile kusali liko lya chifuchi cha Angandala , atu ali akwa andemonu alitakanyine nenyi. Apwile nyi kutuhuka mumafuka nyi luchisa munene,nyi umwe wapalikile muli ayize jila wakwihi. ²⁹Kumanyi , akololokele ngwo , '' kuchi yena nyi yetu , mwana Zambi? weza nyikutuyanjisa shimbu mwaka kanda wiza?''³⁰Mba kwapwile chendo cha ngulu chalile , hakamwihi no . ³¹Ademonu alyumbile kuli Yesu ngwo , '' nyi watutunwisa, tutume muchendo cha ngulu ,'' ³²Yesu wahambile ngwo, '' yenu! andemonu atuhukile nyi kuya mungulu ; kumanyi , chendo changulu cheswe alundumukine ku mulundu nyi kuya ku kalunga lwiji yafwa nyi meya.³³Waze alishile ngulu achinyine ku limbo nyi kwambulula yeswe , chinene chize chasolokele kuli waze malunga apwile nyi mandemonu . ³⁴Nyi kumanyi , limbo lyeswe lya tuhukile nyi kumupatwiza Yesu . Muze amumwene , yalyumba kuli yiye ngwo ahichike chize chihela.

¹Yesu wanjilile mu ulungu , wazaukile wa hetele kulimbo lyenyi . ²Mumu , kanehene, mu kwa lepa kana pombo hamu hela . Yiye ha ku mona ufulyelo wo , Yesu wambile kuli mukwa kalepa ngwenyi mwanami , hamuka. Hakukone kena milonga ye.''³Talenu , amwe akuli akwaku sonyeka ka mbile mu mbunge jo ngwo, '' yono lunga kanashilika . '' ⁴Yesu kanyingikile yishinganye ka yo kambile ngwo , '' yika nuna nyongo yuma yipi mu mbunge jenu? ⁵Mumu chashi chika , kwamba ngwami, ' milonga ye haku konekena , ' nyi , 'nyi ngwo katuka wende '? ⁶Mba chocho nu nyingike ngwo mwana mutu kali nyi chiyulo hano hashi cha ku konekena milonga ,... '' yamba kuli mukwa kalepa , '' katuka , anda chalo che uye ku zuwo lye.''⁷Mba yoze lunga wakatukile wa yile kuzuwo lye nyi . ⁸Haze mbunga ya mwene chize , alishikishile kamu chichi mwekene Zambi , yoze wa hanyine chiyulo chipwahaha kuli atu. ⁹Shimbu Yesu mapalika kuze kulutwe, wamwene mwe lunga jina lyenyi Mateu hana twama mu mbalaka ya mukwaku tambula lijimu. Kambile kuli yiye , '' Ngukaule.'' Aye wakatukile wamu kawile .¹⁰Shimbu , Yesu atwamine nyi kulya mu zuwo , talenu , anji akwa kufwetesa lijimu nyi yivulumunyi kejile atwamine ku meso aye Yesu nyi tumbaji . ¹¹Muze Afwaliseu achimwene , kambile kuli tumbaji , kuchite Mulongeshi kanali nyi akwa kufwetesa lijimu nyi yivulumunyi?''¹²Alyoze Yesu haku chivwa , kambile , '' atu waze angunu keshi kufupa mbuki , Alyoze waze a yiza. ¹³Yenu nulilongese chize chinalumbuko ka . ' Mumu chejile nyikutambika akwa ululi ngwo alikonekene alyoze yivulu munyi.''¹⁴Hohene tumbaji twa Yowano kejile kuli lye nyi kwamba ngwo , '' yika yetu nyi Atufwaliseu twa kulitwamina kulya , mba tumbaji twayena keshi kuli twamina kulya?'' ¹⁵Yesu yamba kuli ayo , '' akwa ulungi mahasa kulinyenga shimbu sandungi mapwa hamwe nyi ayo? Alyoze matangwa makeza muze maka chiza sandungi , kuli ayo , Mba hohene makali twamina kulya.¹⁶Mutunyi wumwe mahasa kusa chanda chahina lyaha nyikusa ha hina likulu , mumu chando muchipapulula lya hina nyi chitutulu chahina muchipwa chinene.¹⁷Chipwe atu kechi kusa vinyu yaha mutuku ja malambu amwaka . Nyichocho malinga, aze malambu ma mengunuka nyi vinyu muyi mwangana nyi tuku muyifwa, mumu , kakusa vinyu yaha mutuku wamalambu ,Mba yeswe muyiwaha.¹⁸Haze hene Yesu wa pwile nyi kuhanjika ayi yuma kuli ayo , talenu , mukwakuyula kejile nyi ku wayila kuli iye . Yamba ngwenyi , Mwanami wa pwo halyapwila lume hafwa, alyoze tweya kama umuse kwoko hali iye , mapwa nyi mwono.'' ¹⁹Chize Yesu ya katukile nyi kumu kawula, nyi tumbaji twenyi amu kawile .²⁰Talenu , au pwo kapwile nyi musongo wa ku hita manyinga ha myaka kumi nyi ali wejile ku nyima ya Yesu nyi kumusa minwe kulupula wa hina lyenyi . ²¹Kambile nyi mbunge yenyi , '' ngwo kachi mungu salume minwe kuhina lyenyi , mungupwa mungunu,'' ²²Alyoze Yesu hakutewuluka kamumona, ya mwamba ngwo, '' ha muka , mwanami ; ufulyelo we hi wakupwisa mungunu .'' Yoze mwana pwo kapwile mungunu ha shimbu yize yene .²³Mumu Yesu kejile mu zuwo lya mukwa kuyula ka mwene akwa kwimba nyi mbunga kana lingi zungu chinji. ²⁴Yamba ngwenyi , '' lisekulenu , awu mwanapwo kafwile , kana pombo lume .'' Mba kamu sehele nyi ku mu hepwisa.²⁵Mba muze ya tuhwisa mbunga haze , wanjilile mu chipatulo wamu kwachile ku kwoko , mwana pwo wahindukile . ²⁶chifuchi cheswe kevwile lufuma.²⁷Achi Yesu wapalikile kuze , te tupuputa aali amukawile .Nyi kulila nyi kukololoka ngwo , '' Twivwile keke kama yena mwana Ndawichi. ²⁸Muze Yesu hanjila muzuwo , Tupuputa kejile kuli yiye . Yesu wambile kuli ayo ngwe nyi , '' Nuna fulyela ngwo , '' mungu hasa ku chino nyi?'' kambile kuli iye ngwo , '' Ewa Mwene.²⁹Hohene Yesu wasele minwe ha meso jo ngwenyi , '' chipwe kuli yenu nyikulita nyi ufulyelo wenu , '' ³⁰Hohene meso jo alawile . nyi Yesu waahele shimbi ayo ngwenyi, '' talenu ngwo nyi umwe mutu kanda aka chinyingika .'' ³¹Alyoze atuhukile nyi afumanyishine lufuma wenyi mu chifuchi chize cheswe.³²Shimbu machituhuka , talenu , kanehene kuli iye kamama wapwile nyi a ndemomu kuli Yesu . ³³Mba muze ha tuhwisa ndemonu , yoze kamama wahanjikile . Nyi mbunga alishikishilile ngwo, '' Achi ngwo kuchasolokele nyi limwe tangwa mu Isalele!'' ³⁴Alyoze Afwaliseu kambile ngwo , '' nyi tachi ja mwata wa a ndemonu , kaku tuhwisa nacho ndemonu''.³⁵Yesu kayile ku membo anene nyi ku yihunda . ka pwile nyi kulongesa muma sunangonga , jo nyi kwa mbujola sango lipema lya wanangana nyi kuwuka yikola nyi mana eswe ami songo. ³⁶Alyoze muze amwene mbunga , waavwilile keke , mumu ali katalishile nyi kulimbilambila . Kapwile ngwe mikoko waze keshi kafunga .³⁷Hohene yamba kuli tumbaji twenyi , Mbuto hi jahya , akwa kucha kali akehe . ³⁸Mba chocho ye shimbu ayi lembenu kuli mwenya kucha, chocho atume akwa milimo mu wande awu.

¹Yesu yasanyika akumi nyi ali tumbaji nyi kwaaha tachi ja hali Mashipilitu aluchisa , hanga achize mu atu , nyi kuuka misongo yamuta po weswe.²Mba majina ja tumbaji akumi ali wano . Mutangu, Semone { yoze alukile ngwo Petulu}, nyi Andeleu mwanakwo Tiyangu mwana Zembendeu , nyi Yowano mwanakwo ; ³Fwilipu , nyi Mbatolomeu; Tomase, nyi Mateu mukwa kufwetesa lijimu, Tiyangu mwana Alefweu nyi Lepeu nyi jina likwo Tateu; ⁴Semone kazelo nyi yundase ka kelyote , yoze nawa makamukuyika.⁵Wano akumi nyi ali Yesu waatumine . Yalweza ngwenyi , '' kanda nukaya kuyihela kuze kwatwama akwamavungu , nyi kunjila kuze kumambonge kwatwama Asamaliya . ⁶Yenu shinaho kuli mapanga akutoka aku zuwo lya Izalele; ⁷nyi muze munuya , ambujolenu nyi kwamba ngwenu, 'wanangana wa malillu hi wakundama.⁸Ukenu myeji hindwisenu afu , wayisenu akwa mbumba , nwatambula, chawana hanenu . ⁹Kanda nukambata olu , palata, chimwe lumbongo wakuzachisa mu kulanda . ¹⁰Kanda ukambata nyi chimwe muli pakumuna haungeji we , chimwe mbinja jiali, chimwe haku, chimwe mulumbu, mumu mukwa milimo katela kulya chenyi.¹¹Mweswamo mu limbo chimwe mu chihunda , nukahule yoze unatela , nyi kutwama kuze ndo muze munutukanuka nyi kuya . ¹²Nyi mununjila mu zuwo , yenu nukalimeneke. ¹³Nyingwe zuwo linalite , echenu kuunda chenu chipwe hamwe nyi ayo . Mba nyingwe kulitele , echenu kuunda chihiluke kuliyenu.¹⁴Kuli waze eswe keshi kanutanutambula nyi kunwivwilila kumaliji jenu , muze munulihandununa nyi kuhichika lize zuwo chimwe limbo yenu nukakukumune fufuta kuyi lyato yenu . ¹⁵Chaumwenemwene ngunambe kuli yenu ngwami , lamba lize lyasoloka likehe hachihunda cha sondoma nyi ngomola hatangwa lya upatwilo kuhyana lize limbo.¹⁶Talenu, nanutumine ngwe mapanga mukachi katungunge , chenacho pwenu akukanyama ngwe tupela nyi kuhomboka ngwe kakulimba ¹⁷Kanyamenu kuli atu! mumu makanutwala mu yota , nyi kunulamba muma sunangonga jo. ¹⁸Mba yenu makanuneha kuli nguvulu jo nyi myanangana jo mumu hali yami , mumu kumuchikapwa hi chinyingi kuli ayo nyi Akwa mavungu¹⁹Muze makanuhetesa yenu kuze, kanda nulipikala ngwenu yika munguhanjika , mumu yize mukahanjika ma kakwaha wola yacho. ²⁰Mumu hi yena mukanjikako , alyoze shipilitu ya Tatenu mwe makahanjika muli yena.²¹Ndumbwa panga makakujika ndumwenyi kukufwa, nyi tato kukujika mwanenyi . Ana maka katukatukila yisemi jo nyi kwatwala ndo kukufwa. ²²Yenu keshi kanuzanga kuli mweswe ha welo wa jina lyami. Mba mweswe mashimbika ndo kusongo makamulamwina . ²³Muze makanuhungumyona yenu mu lize limbo , yenu cheka nawa kukwo , mba chamwenemwene ngunambe kuli yenu ngwami , kunushi kahasa kupalika mu limbo lyeswe lya A Izalele ndo mwana mutu meza.²⁴'' Kambaji kechi kuhasa kuhyana longeshi wenyiko chimwe ndungo kuhyana mwata wenyi. ²⁵kunanu hali kambaji afwile hali longeshi wenyi , nyi mdungo afwile hali mwata wenyi . Nyingwe masanyika mwata wazuwo ngwo Mbelezepu, akwa zuwo lyenyi chocho!²⁶Keshika kanda nwachina , mumu kukushi chize hanafuku makahona kufukula, nyi chimwe nawa makasweka makahona ku chiwana. ²⁷yize mungunulweza yenu mumilima, yambenu nawa ha mwalwa, nyi yize mwivwa numatwi jenu , yikololokenu nyi maliji ahelu ayivwe.²⁸Kanda nwivwa woma nyi waze akushaha mujimba alyoze mahona kushaha alama. Alyoze shinaho , yoze menyeka ye alama nyi mujimba nyi kuyitwala mu Ngehena. ²⁹Kuma tujila ali malanda nyi lumbongo kamuwika nyi? ,Hindu nyi umwe maholoka hashi kwakuhona Tatenu kunyingika . ³⁰Alyoze chimwe kambu ja mumutwe we hanga jalula . ³¹Kanda wivwa woma . Yena uli mulemu kuhyana tujila nyi?³²Keshika mweswawo malikonyeka ku meso ja atu , Nyi yami ngumukonekena ku meso ja Tata wamumalilu. ³³Alyoze yoze keshi kungutayiza ku meso ya atu, Nyi yami chichi kamu tayiza kumeso ja Tata wamumalilu.³⁴'' Mba kanda nunyonga ngwenu nejile nyi kuneha sambukila hano hashi. chakejile nyi kuneha sambukila alyoze nanehene poko. ³⁵Mumu nejile nyi kuhandununa mutu nyi tata, nyi mwana wapwo nyi naye , nyi tembwamwana wapwo nyi tato pwo. ³⁶Akwakole ja mutu makapwa amu zuwo lyenyi mwene,³⁷Yoze mazanga tato nyi naye kuhyana yami wamokomoko ; Yoze mazanga mwene nyi walunga nyi hanji wapwo kuhyana yami wamokomoko . ³⁸Yoze mahona kumbata kulusu yenyi nyi kungukaula kali wamokomoko. ³⁹Yoze mawana mwono wenyi makautokesa. Mba yoze makatokesa mwono wenyi hali yami makauwana.⁴⁰''Mba yoze makanutambula kangutambula yami , nyi yoze mangutambula yami katambula yoze wangutumine. ⁴¹Yoze matambula pulofeta mujina lya pulofeta matambula wana wa upolufeta, nyi yoze matambula mukwa ululi mujina lya mukwa ululi makatambula wana wa mukwa ululi.⁴²Mweswawo mahana chuma chimwe chikehe kuyino yuma chimwe musenge wa meya hanga anwe mujina lya kambaji , chaumwenemwene Ngunambe kuli yenu ngwami , yoze mutu kechi katokesa nyi chimwe mu yawana wenyi''.

¹Muze te Yesu hamanuna kuhana shimbi kuli tumbaji twenyi kumi nyi aali , wakatukile kuze mukulongesa nyi kwambujola mu membo jo. ²Muze yowano evwile mu zuwo lya ususu yitanga ya kilishitu , watumine tumbaji twenyi ³wambile kuli iye ngwenyi , '' Yena yoze ambile mwiza, shina tutalile weka''?⁴Yesu wakumbulwile ngwenyi , '' Yena nukambulwile Yowano yize nunamono nyi yize nunevu . ⁵Tupuputa kanatambula meso , nyi yitonji kanende , akwa mbumba kanapeme, nyi afwa matwi kanevu , akufwa kanahinduka , nyi sango lipema halyambulula kulya kwa lamba. ⁶kayuka mweswawo keshi kuwana chitalingiso muli yami.''⁷Shimbu wano malunga akatukile nyi kuya , Yesu waputukile kuhanjika ku mbunga hali Yowano , '' Ika wailanga mu puya mukutala lumbungu unanyiki nyi fuji ? ⁸Alyoze yika nwayile nyi kutala mutu unazala mahina alifuna? waze akuzala mahina alefuna kakupwa mu ma zuwo ja myanangana.⁹Alyoze yika nwayilile mukutala a pulofeta ? Ewa , ngunambe kuli yenu , nyi umwe wahyana chikolo pulofeta. ¹⁰Achi chenacho iye anakamusonekenena, ' Talenu , ngunatumu kanganda kulutwe lya meso je, kumakalulika jila ye kulutwe lye'.¹¹Pundu ngunambe kuli yenu ngwami , Hakachi waze akusemuka kuli mapwo heshi umwe munenewahyana Yowano chipapachisa . Kuli yoze wakusulako mutu kali mulemmu muwanangana wama lilu kali mulemu kuhyana ngwechize ali. ¹²Chize ku matangwa ja Yowano chipapachisa ndo halyapwila , kakutambula wanangana wa malilu nyi tachi , nyi malunga atachi ayitambwile mu pami.¹³Mumu eswe apulofeta nyi ya shimi yeswe, yapulofwetezele ndo kuli Yowano ; ¹⁴Nyi unazange kuchitambula , Iye mwe Eliya yoze meza . ¹⁵Yoze uli nyi matwi akwivwa , evwe.¹⁶Alyoze ngwe aya mungutesa chisemuko chino? chinapu ngwe twanuke aze anatwama mu yitanda waze akutambika kuli akwo ¹⁷ngwo , ' twembanga ndembo kuli yenu, alyoze kunwakakinyine. twalinyenga , alyoze kunwalilile mbimbi'¹⁸Mumu Yowano wejile chipwe kalile chipwe kanwine, nyikwamba ngwo , ' ndemonu ukwete '. ¹⁹Mwe mwana mutu wejile nyikulya nyikunwa iye mamba ngwo, ' Talenu au mutu chizuzuke nawa kapwa chizengi, kasendo ka akwa kufwetesa lijimu nyi yivulumunyi !' Alyoze mana kakusolokela kuilinga yenyi.''²⁰Hohene Yesu waputukile kukanjisa membo kuze alingile yipupu yenyi yinji, mumu kakalikonekenene. ''' ²¹Lamba kuli yena , kalazene! Lamba kuli yena , Mbeteseta ! Mumu kachi yipupu yize alingile hakachi kenu ayilingile mu Telu nyi sendone kachi kanakalikonekena kulu nyi chikeleyi nyi uto. ²²Alyoze kumuchi kapwa chashi hali Telu nyi sendone ha tangwa lya upatwilo chikalu hali yena.²³Yena , kapenama , unashinganyeka ngwo makakunangamisa mwilu ? , yena kumakakuhulumuna ndo ku Heteze . Mumu kachi yipupu yize alingile muli yena , ayilingile mu sondome kachi kuchasala ndo tangwa lino. ²⁴Alyoze ngunambe kuli yena ngwami kumuchi kapwa chashi ha chifuchi cha sondome ha tangwa lya upatwilo chikalu hali yenu.''²⁵Ha mwaka uze Yesu wambile ngwo , '' Ngunahalisa yena , Tata , mwene wa lilu nyi hashi , mumu wahangekelo yino yuma kuli akwa mana nyi akwa malinjekelo, wayisolwelo kuli ana akemba . ²⁶Ewa , Tata , mumu chocho chakupemena. ²⁷Hana ngukunjika yuma yeswe kuli tata ; mba nyiumwe manyingika tata, shina ,mwe mwana mapalo kumusolola.²⁸Tweyenu kuli yami , yenu eswe nwakukilikita nyi kulemewa, nyi yami mungunuhwimisa. ²⁹Mbatenu kanga yami lilongesenu kuli yami, mumu nguli mukwa kushimbika mukwa kulilelesa mu mbunge , mba kumunu kawana uhwimino ku mbunge jenu . ³⁰Mumu kanga yami yashi nyi chiteli chami chilelu.''

¹Hamatangwa aze Yesu yapalika mu minda ha tangwa lya sambata . Tumbaji hevwa zala keshika yaputuka kuhulula mitwe ya tiliku alye . ²Alyoze Afwaliseu hakuchimona , yamba kuli Yiye ngwo, '' Tala , yumbaji twe kanalingi chize kuchalitele nyi shimbi kulinga ha tangwa lya sambata .''³Alyoze yiye yamba kuli ayo ngwenyi , kunwatangile chize alingile Ndawichi muze evwile zala , nyi waze apwile hamwe nenyi nyi? ⁴Wanjilile mu zuwo lya Zambi alile mbolo jakutumbyeka , jize shimbi kuyamutayijile kulya yiye chipwe waze apwile hamwe nenyi , alyoze asasendote wika.⁵Hanji kunwatangile mu shimbi ngwe ha masambata asasendote mu tembele kakutangula sambata hindu keshi chitela nyi? ⁶Alyoze ngunambe kuli yenu ngwami umwe munene wahyana tembele kuno kwali.⁷Alyoze kachi nwanyimgikine chize muchilumbunuka ngwo , '' Ngunazange keke hi chitapoko , '' kachi kunwahishile waze keshi chitela . ⁸Mumu mwe mwana mutu yiye mwene wa sambata ,''⁹Wakatukile kuze wanjilile musunangonga yo. ¹⁰Kumanyi mwapwilemo mutu nyi kwoko lya kusosewa . Amu hulile ngwo, ' muchilita nyi shimbi kuwuka ha tangwa lya sambata nyi? ' Hanga akamusume mulonga .¹¹Yiye wambile kuli ayo ngwenyi, ' Mutu muka hakachi kene , yoze mapwa nyi panga umuwika , kachi maholokela mu wina ha tangwa lya sambata , kechi kamukwata akamuchize mo? ¹²Mba mutu kanhyanyine chikolo panga nyi! chocho kevwe chinalite nyi shimbi kulinga kanawa ha tangwa lya sambata .'¹³Hohene yamba kuli mutu ngwenyi , ' Olola kwoko lye .' Mba walyolwele , nelyo lya hindukile , lingunu ngwe likwo . ¹⁴Alyoze Afwaliseu atuhukile amutwamine punga chize mahasa ku mushaha.¹⁵Alyoze Yesu hakuchinyingika , wayile kweka. Nyi mbunga jinji amukawile , waawukile eswe . ¹⁶Alyoze wa akanjishile chikolo kanda akamusolola , ¹⁷Hanga chikamanunuke , chize ahanjikile kanwa lya polofeta Yizaya , ngwenyi ,¹⁸'Tala , ngamba kami yoze hingunautongola ; nguna muzange chikolo , yoze muli yiyue mbunge yami yinawaha. Kumungukasa shipilitu wami hali yiye , mba kumakambujola upatwilo kuli akwa mavungu.¹⁹Kechi kalita chika chipwe kechi kakololoka ; mba nyiumwe kechi kevwa liji lyenyi mu matapalo. ²⁰Lumbungu wa kufwenya kechi kamumakuna; nyi wanda wa kuneha mwishi kechi kaijima , ndo masolola upatwilo ukakumbe, ²¹kujina lyenyi akwa mavungu kuma katalatala .'²²Hohene auchene kili umwe mukwa chizulye cha luchisa , kapuputa kanda kamama wamuwukile , chocho kapuputa kanda kamama wahanjikile wamwene. ²³Nyi mbunga jeswe alishimwokene , ambile ngwo , '' Yono mwe mwana Ndawichi, nyi?''²⁴Alyoze muze Afwaliseu achivwile , ambile ngwo , Yono keshi kutuhwisa ma ndemonyu shina nyi tachi ja mwata wa andemonyu .'' ²⁵Alyoze Yesu hakunyingika manyonga jo , wambile kuli ayo ngwenyi , '' wanangana weswe mu ulihandununa wene kumakaupwisa uhululu, limbo lyeswe hanji zuwo lyeswe mulilihandununa lyene kulichi kukola.²⁶Kachi satana matuhwisa satana, kachi malihandununa mwene. Ngwe kuchi kevwa wanangana wenyi mu ukola? ²⁷Kachi yami nakutwuhwisa a ndemonyu nyi tachi ja Mbelezepu, anenu ja malunga nyi tachi jaya akwatuhwisa? keshika makapwa akwa kunupatwila.²⁸Alyoze kachi yami nyi tachi ja shipilitu ya Zambi nakutuhwisa a ndemonyu , kachi wanangana wa Zambi hiwuneza hali yenu . ²⁹Hanji ngwe kuchi umwe mahasa kunjila muzuwo lya chitakame nyi ku punda yikwata yenyi shina hatangu makasa mwe chitakame? Mba mapunda lyakulu zuwo lyenyi . ³⁰Yoze keshi hamwe nyi yami kanalimika nyi yami, yoze keshi kukunga hamwe nyi yami,³¹Keshika ngunambe kuli yenu ngwami , mulonga weswawo nyi kusaula cheswacho kuma kaakonekenacho atu , alyoze kusaula shipilitu musandu kechi kaakonekenacho atu. ³²Mweswawo mahanjika liji lya ku limika nyi mwe mwana mutu , kumaka mukonekenalyo. Alyoze mweswawo mahanjika chakulimika nyi shipilitu musandu , kechi kamukonekenacho, chipwe ha mwaka uno, chipwe ha uze muwizaho.³³Pemesenu mutondo nyi mihuko yawomu yipwe yipema , hanji pihisenu mutondao nyi mihuko yawo muyipwa yipi, mumu mutondo mawu nyingika ku mihuko yawo. ³⁴Enu vungu lya yihili , ngwe kuchi munuhasa kukanjika yipema se nuli yingulungulu ? Mumu kukulumba ma cha mbunge kanwa mulihanjika. ³⁵Muta mupema ku upite upema wa mbunge masolola yuma yipema, nyi chingulungulu ku upite wa ungulungulu wa mbunge masolola yuma ya ungulungulu³⁶Alyoze ngunambe kuli yen ngwami liji lyeswe lya mokomoko lize atu mamba kumakalihambununa ha tangwa lya upatwilo. ³⁷Mumu kumaliji je makusambisa, nyi ku maliji je makakuhisa.'³⁸Hohene amwe akuli akwa kusonyeka nyi Afwaliseu amukumbulwile ngwo , ' Longeshi , tunazange kumona chilayi kuli yena .' ³⁹Alyoze waakumbulwile ngwenyi, '' chisemuko cha ungulungulu kanda cha utanji muchifupa chilayi. Nyi chilayi kechi kaahacho shina chize cha polufeta Yona. ⁴⁰Mumu chize chene ngwe Yona wapwile matangwa atatu nyi ufuku utatu mu jino lya yishi munene , chocho mwe Mwana mutu kumakapwa mushi lya mavu matangwa atatu nyi ufuku utatu .⁴¹Ha upatwilo akwa Ninive kumaka katuka hamwe nyi chimuko chino makachihisa. Mumu alikonyekene ha kwambujola cha Yona, mba talenu, umwe wanyana Yona kuno kwali.⁴²Ha upatwilo mwanangana wa pwo waku sango kumakahinduka nyi chisemuko chino mba makachihisa. Mumu yiye wakatukile ku masongo a hashi mukwivwa mana ja Solomau, mba umwe wahyana Solomau kuno , kwali.⁴³Alyoze chizulye wa luchisa muze te hatuhuka muli mutu , maya ndusu muma mumu , nyi kufupa uhwimino, alyoze keshi kuuwana . ⁴⁴Hohene mamba ngwenyi, '' munguhiluka kau zuwo lyami muze natuhukuli . Mba muze te haza , maliwana lyawashi lya kukomba lya kupemesa. ⁴⁵Hohene maya matwala hamwe nenyi yizulye aluchisa eka shimyali a ungulungulu ahyana yiye mwene , manjila matwamamo. Nyi songolya yoze mutu muliyhana kupiha. chizechene kumuchikapwa nawa ku chisemuko chino cha ungulungulu.⁴⁶Shimbu te machihanjika ku mbunga , kumanyi naye nyi ana kwo amanyine haze , nyikufupa kuhanjika nenyi . ⁴⁷Mba umwe wambile kuli yiye ngwenyi , '' Tala , noko nyi ana akwenu kanamana haze , kanafupu kuhanjika nyi yena ,''⁴⁸Alyoze yiye wakumbulwile yoze wahanjikile nenyi ngwenyi,''Mama yiya ? Ana akwetu aya?.'' ⁴⁹Wenyikine kuli tumbaji twenyi ngwenyi, '' Talenu , mama nyi anakwetu! ⁵⁰Mumu mweswawo malinga upale wa Tata yoze uli mu malilu , yiye mapwa mwanakwetu, nyi ndumbu ,nyi mama.''

¹Hlize tangwa Yesu watuhikile muzuwo nyi kutwama kusesa lya chitende. ²Mbunga yinene yakungulwikile kuli iye , chocho wanjilile mu ulungu yatwama aku mbunga kuyinamana kungenge .³Mba Yesu wahanjikile yuma yinji kuli ayo mwi yishima . Yamba ngwenyi ivwenu, njimi ngatuhuka nyi kukuwa. ⁴Muze apwile nyi ku kuwa , iwe mbuto iye holokela kusesa lya jila , mba tujila ejile nyi kuyilya . ⁵Mbuto yikwo yaholokelele hali mawe, haze haka pwile mavu anji . Hohene yasolokele mumu kuhakapwile mavu anji. ⁶Muze tangwa hi lyacha, yapapikile mumu ku yaka pwile nyi miji , nawa yalehukile.⁷Mbuto yikwo ya holokelele mu mingonga.mingomga yitatuka yiyi kaketesa. ⁸Mbuto yikwo yiholokela ha mavu apemamba yiyima mbuto , yimwe kulakaji, yikwo makumi asambano , yikwo makumi atatu. ⁹Kambala uli matwi , evwe.''¹⁰Tumbaji yeza yamba kuli Yesu , '' mumu waka wa kuhanjika ku mbunga muyishima?'' ¹¹Yesu yakumbulula yamba ngwenyi kuli ayo, '' hana nwehe lisesa lya kwivwa yijimbikilo ya wanangana wa malilu , mba kuli ayo kahele cho. ¹²Yoze ulinacho maka muwezele ho yinji, mba makapwa nayo yakulimbama. Alyoze yoze keshi nayo maka mutambula yo iye.¹³Keshika na kuhanjikisa no muyishima: chipwe kanamono, mba keshi kumona ; mba chipwe kanevu, mba keshi kwivwa, chipwe keshi kunyingika. ¹⁴Kuli ayo una manunuka upolofeta wa Izaya , uze unambe ngwo, 'chipwe kwivwa munwiva, alyoze nuchi kwivwa ; chipwe kutala kumunutala , alyoze kunuchi kunuchi kumona nyi chimwe.¹⁵Mumu wano atu mbunge jo hijinapapala, nyi kwivwe hichi na kalila, ha nafulu meso jo hanga a hone kutala nyi meso jo, chipwe kwivwe nyi matwi jo, hanji manyingika nyi mbunge jo, hanji mahinduka , ngwa hindwise;¹⁶Alyoze kapwaha meso jenu , mumu ka kutala ; nyi matwi jenu , mumu ka kwivwa. ¹⁷Chamwene mwene ngunambe kuli yenu ngwami apulofeta anji nyi malunga akwa ululi afwilile kumona yuma yino nu namono mba kaka yimwene ayo . Kafwilile kwivwa yuma yize nu nevu mba kaka yivwile ayo.¹⁸¹⁹Keshika yivwenu ku chishima cha njimiwa kuwile mbuto. Muze umwe mevwa liji lya wanangana mba kulyamulumbunukinyine, mba ndyapu muze meza ma hukukula yize yatumbiwanga mumbunge yenyi . Yino ye mbuto yize ana ka kuwa kusese lya jile.²⁰Yize ana kakuwa ha mawe yilimutu yoze mevwe liji mba hohene mauntambula nyi uwahilelo, ²¹Shimbu keshi nyi miji muli mwene mba manyongonona ha shimbu likepe. Muze luyinda chipwe yihungumyona muyiza mumu wa liji , hohene meche ufulyelo.²²Mba yize a kuwile mumingonga , mwe uze mutu mevwa liji , mba yipikalo ya muno muchifuchi nyi kwonga , cha upite muyi pinjisa liji, mba mapwa waku hona mihuko. ²³Mbuto yize akuwile hamavu apema, yono hi mutu yoze mevwe liji nyi kuli nyi kulinyingika . chocho mema mihuko nyi kuchiza yimbuto , machiza umwe kulakaji, mukwo makumi asambano, nyi chize ana katumba.''²⁴Yesu ya lweza nawa chishima chikwo kuli ayo. Yamba ngwenyi, ''Wanangana wa malilu wapwa ngwe mutu wakuwile mbuto yipema muwande wenyi. ²⁵Muze atu apombele, akwa kole jenyi ejile no yakuwamo mwambu wamokomoko mukachi ka tiliku ya katuka ko yaya. ²⁶Alyoze muze tiliku hi yasooka mafwa nyi kwima mbuto,nyi mwambu wamokomoko newo wasolokele.²⁷Ndungo a mwenya zuwo ejile yamba kuli iye , 'mwene, kunwa kakuwile mbuto yipema muwande nyi ? Mba kuchi hi mwapwa mwambu wamokomoko? ²⁸yamba kuli ayo , 'mukwa kole walinga achi? Ndungo yamba kuli iye , 'unazange etu tuye nyi ku yitukulamo nyi ?²⁹''Mba mwenya wande , yamba , ' ka mumu muze muno yukula mwambu wamokomoko, hanji mutukwila kumuwika nyi tuliku. ³⁰Echenu yeswe yikole hamuwika ndo kushimbu ya kucha . Haliyize wola ya kucha mu kalweza akwa kucha , '' chitangu chizenu mwambu wamokomoko nu ukase mikuta nyi ku wocha , mba muka kungulula tiliku yami mu utala wami.'''''³¹Mba Yesu yamba chishima chikwo kuli ayo. Yamba ngwenyi , '' wangana wa malilu walifwa nyi lunona wa mosetate yoze lunga anjile nyi kutumba muwande wenyi. ³²Yono lumbuto chamwenemwene kapwa mukehe chinji ha mbuto yeswe. Mba muze makola , ka kukola kuhyana yipota yeswe ya mutepa. Chocho wa kupwa mutondo , nyi tujila a mwilu meza ma tunga yaswa kumitangu yacho.'³³Yesu yalweza nawa chishimo chikwo. '' wanangana wa malulu kuunapu ngwe futunwiso yize umwe pwo anjile nyi kuchinga nyi mu njongo jitatu ja wunga ndo yiufutunuka weswe lukambo.³⁴Yino yuma yeswe Yesu yamba ku mbunga mwi shima ; chakuchi chize ambile kuli ayo chakuhona yishima. ³⁵Chino chapwile chocho hanga chimanuneke chize pulofeta umwe a hanjikile, muze ambile ngwenyi , '' Mukazulula kanwa lyami mu yishima . Mukahanjika yuma yize aswekele chize kukuputuka cha chifuchi cheswe,''³⁶Mba Yesu wahichikile mbunga yaya ya njila mu zuwo . Tumbaji yeza kuli iye yamba ngwo, '' lumbununa kuli yetu chishima cha mwambu wamokomoko mu wande .'' ³⁷Yesu ya kumbulula yamba ngwenyi , '' Mweswawo makuwa mbuto yipema kali mwana mutu. ³⁸Wande una pu chifuchi , nyi mbuti yipema , awa kanapu ana a wangana . Mwambu wa mokomoko kanapu ana ja ndyapu, ³⁹mba nyi mukwa kole wa kuwile yiye ndyapu. kucha che kusula cha myaka ya chifuchi , nyi akwa kucha angelo.⁴⁰Keshika , mwambu wamokomoko muze mu ukungulula nyi ku umbila mukahya , chocho muchipwa kukusula cha chifuchi. ⁴¹Mwana mutu makatuma tungelo jenyi , mba makachiza mu wanangana nyi yeswe yize ya kucha shili nyi waze eswe a kulinga uhulya. ⁴²Kumakayimbila muchitende chakahya, muze mumjukapwa kulila nyi kuli suma kumazo. ⁴³Mba atu akwa ululi kuma kakejima ngwe tangwa mu wanangana wa Tato . kambala uli nyi matwi evwe.⁴⁴''Wanangana wa malilu walifwa nyi upite wa kuhengeka mu wande . Umwe mutu ya jiwana ya jisweka . Nyi ha wahilila chenyi yaya , yalanjisa yeswe apwile nayo , hanga aulande auze wande . ⁴⁵Yamba kamuchali ngwenyi , wanangana wa malilu walufwa nyi mukwa chitanda ma fupa kakanga mupema. ⁴⁶Muze ha wana umuwika kakanga , yaya nyi ku lanjisa yeswe yize apwile nayo mba yamulanda .⁴⁷''Kamuchali wanangana wa malilu walifwa nyi lyoji lize mata mu chitende , mba muhafwa yishi amilali. ⁴⁸Muze hi lyazala , akwa kuta yishi yali kokela kusesa . Mba yatwama nyi kusakula waze apema nyi kusa muyikwachilo , alyoze api yambila.⁴⁹Chocho muchikapwa ha kusakula chachifuchi . Tungelo makeza nyi ku sakula akwa kupihisa muli akwa ululi. ⁵⁰Mba makambila mu chitende chakahya , muze makalila nyi kuli suma kumazo.⁵¹Nwa yisela chinyingi yino yuma yeswe nyi/.'' Tumbaji yakumbulula ngwo, ''eewa'' ⁵²Mba Yesu yamba kuli ayo , '' keshika longeshi mweswe yoze hapwa kambaji kuwanangana wa malilu kanapu ngwe mutu mwenya zuwo , yoze machiza yuma yikulu nyi yuma yaha ku upite wenyi.'' ⁵³Muze Yesu ha hwisa kwalweza yishima , ya katuka kuli ayo.⁵⁴Muze Yesu haheta ku mahyo mba yalongesa atu mu sunangonga . Chasolokele yalishimoka nyi kwamba ngwo , '' kulihi kuze yono mutu hanatambula mana nyi ipupu yatachi chize? ⁵⁵kuma yono hi mwana jose mukwa kusonga nyi? kuma hi mwana maliya ko? Tiyangu , Jose , Semone kuwezako nyi Yunda hi mandumbu jenyiko? ⁵⁶kuma mandumbu jenyi a mapwo tushi no mukachi ketu ? kuli kuze a chijile yeswe yumayi?''⁵⁷Yapwa chitangaliso kuli yiye . Mba Yesu yamba kuli ayo , '' kapulofeta keshi kulema muchi fuchi chenyi chipwe mu chisamuka chenyi . '' ⁵⁸Kakalingile ipupu yinji kuze mumu wakuhona kufulyela cho.

¹Hali alize shimbu nguvulu wa Helonde wavwile maliji ha Yesu. ²Wambile ndungo wenyi , '' awo Yowano chipapachishi ; hahinduka kukufwa. Halyoze tachi jina chizata muli iye.''³Mumu Helonde wakashile Yowano kulu, hanamukanyisa , hana muse mukamenga mumu wa Helonde , pwo lya mwako lya fwilipu. ⁴Mumu Yowano kanakalyeza nawa, hishimbiko kumumbata kupwa pwolye.'' ⁵Helonde makamusa ndo mafwa,mba kukuchina atu , mumu kamunyingika ngo mupolofeta.⁶Muze tangwa lyakusemuka Helonde lyahetelele, mwana wapwo wa Helonde wakinyine hakachi ko nyi upeme kuli Helonde. ⁷Mukukambulula , hohene wamwalekanyene nyi cheze amushikile.⁸Hakufuma haze amulongesele kuli naye , yamba ngwenyi, '' ngwehenu, wapapando, mutwe wa Yowano mupapachishi.'' ⁹Mwanangana wavwile chinyengo hichijize ana kamwita. Mba mumu hakushi chengi nyi waze atwamine nanyi kumesa nenyi , walingile chocho.¹⁰Keshika watumine aka patule Yowano mutwe mukamenga. ¹¹Nyi muze anehene mutwe wenyi nyi kumwaha mwana pwo nyeye kutwala kuli naye. ¹²Nyi tumbaji jenyi ejile , nyikuwanda mujimba wakufwa yaufunda muze yapalikile , kayile nyikumulyeza Yesu.¹³Mba muze Yesu wachivile chino , wafuminemo mu ulungu kuchihela chikwo kupenge ; Muze mbunga yavwile achi akawile hashi kufuma mulimbo ¹⁴Yesu wejile kuli ayo nyitala mbunga . Kavwile chikulikuli nyiku uka misongo.¹⁵Muze chingoloshi chahetele , tumbaji kejile kuli yiye nyi kuhanjika ngwo, '' achino chihela chapwa chapwa cha puya , nyitangwa hilyaya kulu mwangenu mbunga , aye kwihunda jo nyikulanda yakulya yo.''¹⁶Mba Yesu wambile kuli ayo , '' katelelele. kuya ahenu kulya ¹⁷.''Ambile kuli Iye ngwo , '' tulilume nyi mbolo jitano nyi yishi ali.'' ¹⁸Yesu yamba ngwenyi , '' yinehenu kuliyami.''¹⁹Yesu yamba atu kuli atu kutwama hayambu . Wanjile mbolo jitano nyi yishi ali. kutalamwilu nyikulembelela mbolo wahele kutumbaji , nyi tumbaji ayi hele mbunga . O ²⁰eswe kalile nyikukuta . atongwene yize yasalileho yize yipalupalu yiseke kumi nyi ali. ²¹Waze alile kapwile tununu atano malunga , hamuwika nyi mapwo nyi ana.²²Hazehene wambile tumbaji kunjila mu ulungu nyi kuya kusali lyikwo. Heze atwamine hasuku nyi mbunga . ²³Muze hamwanga mbunga , nyi chocho wayile kumulundu ukawenyi , nyikulemba . Muze chingoloshi chahetele , kapwile kuze kwene ukawenyi. ²⁴Mba ulungu wapwile hasuku nyi tunda , aukashile mumu fuji yalimikileno, mumu wafuji.²⁵Muze himukucha Yesu wakundamine kuli ayo wapwile nyi kwenda hameya . ²⁶Muze tumbaji amumwene kanenda hameya , alipikalile nyi kwamba ngo,'' Mujimu , '' atetele nyi woma . ²⁷Halyeze haze hene Yesu wahanjikile kuli ayo ngwenyi , '' pwenu akujikiza yami ; kanda nwivwa woma .''²⁸Petulu wamukumbwile ngwenyi , '' Mwene , nyiyena hanjika yami ngwize kuli yena hameya.'' ²⁹Yesu ngwenyi '' tweya'' Petulu wafumine mu ulungu nyi kwenda hameya kuya kuli Yesu. ³⁰Muze Petulu wamwene fuji yinene wevwile woma . Nyikuputuka kushindama , yalila nyi kwamba ngwo, '' Mwene ngulamwinenu!''³¹Yesu hohene wamukwachile kukwo, nyi kumukwata Petulu , yamba ngwenyi , '' yena waka ufulyelo wukehe , yika unayambashana?'' ³²Muze yesu nyi Petulu anjilile mu ulungu fuji yaholele. ³³Nyitumbaji mu ulungu aputukile kumulemba Yesu nyikwamba ngo , '' chambwende yena mwana wa Zambi.''³⁴Muze azaukile musali ejile mu chifuchi cha ngenezaleti. ³⁵Muze malinga amunyingikine Yesu , atumine maliji kweswe nyi kujinguluka chitende , anehene eswe akwakakuiza. ³⁶Alyumbile kuli iye , hanga asewika minwe ku lupula wa hina lyenyi , nyi waze eswe mamu kwata mapwa angunu.

¹Hohene akwa kusonyeka nyi Afwalise a ku Yelusaleme ejila kuli Yesu . Yamba ngwenyi, ²''Kuchite tumbaji twe aku tangula ndongo ja makulwana ? Mumu keshi kusana ku moko jo muze malya mbolo.'' ³Neye wa akumbulwile ngwenyi , '' kuchite nyi yenu nawa nwakutangula liji lya shimbi lya Zambi mumu wa ndongo jenu?⁴Mumu Zambi yamba ngwenyi , ' Lemesa tatenu nyi noko ; chikwo nawa ' yoze mahanjika yipi hali tato hanji naye akafwe.' ⁵Alyoze yenu nwakwamba ngwenu, Mweswawo wa kwamba kuli tato chipwe naye , '' chize wahashile kufumbuka nacho kuli yami hingunachihana kuli Zambi ,'' ⁶Neye keshi kulemesa tato .' Muli chino hununalelesa liji lya Zambi mumu ha ndongo jenu.⁷Yenu yilembekeshi! Yizaya wapolofetele kanawa hali yenu ngwenyi, ⁸'Wano atu kakungulemesa nyi mivumbo yo , alyoze mbunge jo jili kusuku nyi yami. ⁹Alyoze hamokomoko kakunguwayila mumu kakulongesa ngwe longeso shimbi ja atu.'''¹⁰Neye watambikile mbunga kuli yiye wambile kuli ayo ngwenyi , '' Yivwenu nuse chnyingi ¹¹Hi chize ko muchinjila mu kanwa muchipisa mutu alyoze , chize muchituhuka mukanwa, chino muchipihisa mutu.¹²Hohene tumbaji jenyi ejile kuli yiye ngwenyi , '' Unanyingika ngwo tu Faliseu kevwile wuli muze evwile liji lino?'' ¹³Yesu wakumbulwile ngwenyi , '' Mityondo yeswe yize Tata wa mwilu kayitumbile kumakayitukula. ¹⁴Ahichikenu , tetekelija tupuputa . kapuputa nyi masongwela kapuputa , eswe ali kumakalimbukila mu wina.''¹⁵Petulu wa mukumbulwile kuli Yesu ngwenyi, '' Tulumbunwine chishima chino.'' ¹⁶Yesu wambile ngwenyi , Nyi yenu nawa nawa hindu kunushi nyi chinyingi nyi ? ¹⁷Kunushi kunyingika kumanyi cheswacho muchinjila mu kanwa muchipalika mu jimo muchimbila mu musenge?¹⁸Alyoze yuma yize yeswe muyituhuka mu kanwa yakutuhuka mu mbunge . Ye yuma yakupihisa mutu. ¹⁹Mumu mu mbunge mwakutuhuka manyonga api, ungalwe utanji, upangala, wiji shindakenyo mahuza , nyi kushilika. ²⁰Yino yuma yakupihisa mutu . Alyoze kulya nyi moko keshi kusana kuchishi kupihisa mutu.''²¹Yesu wakatukile kuze wayile kweka ku yihunda ya ku Telu nyi Sendone. ²²kumanyi , pwo wa katukile kuchihunda chaku Kanana. Wakololokele ngwenyi , ''nguvwenu kama keke , Mwene , yena mwana Ndawichi! Mwanami wa pwo kakupinda chikolo nyi ndemonyu.'' ²³Alyoze kamukumbulwile lii nyilimwe . Tumbaji jenyi ejile kuli yiye alyumbile kuli yiye , ngwo , '' muhumenu , mumu kanakololoka ku nyima yetu.''²⁴Neye wakumbulwile ngwenyi , '' chakatumiwine shina ku napanga akutoka aku zuwo lya Yizalele.'' ²⁵Alyoze wejile nyi ku muwayila , ngwenyi , '' Mwene ngukwase kama.'' ²⁶Neye wakumbulwile ngwenyi , '' kuchawahile kuchize mbolo ya ana nyi kumbila kuli tuwa.''²⁷Neye pwo wambile ngwenyi , '' chocho , Mwene , mumu chipwe tuwa kakulya yifwenyufwenyu yize yakuholoka ku mesa ya akako.'' ²⁸Mba Yesu yamukumbululangwenyi , '' yena pwo , ufulyelo we unene; chikapwe kuli yena chizechene ngwe unazange . '' yize yene wola mwanenyi ya hinduka.²⁹Yesu wakatukile kuze wahetele ku sesa lya chitende cha Ngalileya . Neye wakandukile ha mulundu nyikutwamaho. ³⁰Nyi mbunga jinene ejile kuli yiye . amunehene yilema , tupuputa , tumama , nyi yitonji anji , nyi akwo akwa kuyiza . No ali alipupwishile kwatumbika ku yilyato ya Yesu , neye waawukile . ³¹Chocho mbunga ali shimokene muze amwene tumama kanahanjika , yitonji angunu , yilema kanende , tupuputa kanalaula ku meso .Achichimyekene Zambi wa Ayizalele.³²Yesu watambikile tumbaji jenyi kuli yiye Mwene , ngwenyi , '' Hinevwa keke hali mbunga mumu hanashimbula hamwe nyi yami matangwa atatu kulu keshi nyi chimwe cha kulya . Mba chazangile kwatuma nyi zala , hanga aye kuchina hanji malezumuka mu jila.'' ³³Tumbaji jenyi yamba kuli Yiye ngo , '' kuli mutuwana mbolo jipwahaha ja kukuchisa mbunga yipwa haha muno mu puya ?'' ³⁴Yesu wambile kuli ayo ngwenyi , ''Mbolo jingahi nulinajo?'' No ambile ngwo, '' shimbyali, nyi yishi amwe akehe.'' ³⁵Neye Yesu wambile mbunga atwame hashi.³⁶Wanjile mbolo shimbyali nyi yishi, wasakwilile , wajipalwile nyi kujihana kuli tumbaji jenyi . Nyi tumbaji jenyi ajihanyine ku mbunga . ³⁷Atu alile akuchile . Mba anjile , yipalupalu yize ya kusambuka yiseke shimbyali ya to. ³⁸Waze alile apwile tununu awana a malunga , kuweza mapwo nyi ana. ³⁹Neye washikele nyi mbunga wanjile mu ulungu mba wehetele ku manjiza ja Mandala.