¹ Awa’i sina’u i Yesus Kristus, suru i Daud, suru i Abraham.²Si Abraham mahawata’ si Ishak. Si Ishak sumurumai Si Yakub. Si Yakub mahawata’ si Yehuda bo mangawognga.³Si Yehuda mahawata’ si Peres bo si Zerah be si Tamar. Si Peres mahawata’ si Hezron. Si Hezron mahawata’ si Ram.⁴Si Ram mahawata si Aminadab. Si aminadab mahawata’ si Nahason. Si Nahason mahawata’ si Salmon.⁵Si Salmon mahawata’ si Boas be si Rahab. Si Boas mahawata’ si Obed be si Rut. Si Obed mahawata’ si Isai.⁶Si Isai mahawata’ si raja Daud. Si Daud mahawata’ si Salomoa karoang si Uria.⁷Si Salomo mahawata' si Rehabeam. Si Rehabeam mahawata' si Abia. si Abia mahawata si Asa. ⁸Si Asa mahawata' si Yosafat. Si Yosafat mahawata si Yoram. Si Yoram mahawata' di Uzia.⁹Si Uzia mahawata’ si Yotam. Si Yotam mahawata’ si Ahas. Si Ahas mahawata’ si Hizkia.¹⁰Si Hizkia mahawata’ si Manasye. Si Manasye mahawata’ si Amon. Si Amon mahawata’ si Yosias.¹¹Si Yosia mahawata’ si Yekhonya bo mangawognga a sêpe i mbeaneian a mBabel.¹²Ihalewet mbeaneian a mBabel si Yekhonya mahawata’ Sealtiel. Si Sealtiel mahawata si Zerubabel.¹³Si Zerubabel mahawata’ si Abihud. Si Abihud mahawata’ si Elyakim. Si Elyakim mahawata’ si Azor.¹⁴Si Azor mahawata’ si Zadok. Si Zadok mahawata’ si Akhim. Si Akhim mahawata’ si Eliud.¹⁵Si Eliud mahawata’ si Eleazar. Si Eleazar mahawata’ si Natan. Si Natan mahawata’ si Yakub.¹⁶Si Yakub mahawata’ si Yusuf karoang i Maria, ê nimahawata’ si Yesus ê patoton Kristus.¹⁷Yana du’utan bana : sangawulu bo êpat kasuru-suru be si Abraham mahad be si Daud, sangawulu bo êpat kasuru-suru be si Daud mahad mbeaneian a mBabel, bo sangawulu’ bo êpat kasuru-suru a mbeaneian a mBabel mahad si Kristus.¹⁸Tinawon i Yesus Kristus awahêm kelewa’i : A sêpê i Maria, inang-A, mêkamaulêng bo si Yusuf, behahua sia mahali-ali sakum i Tutuh Lênas, a talawe, si landua imênonow kele makaroangan.¹⁹Apa’an si Yusuf karianga, êsatow êlud nate bo ahi’i mabog mawata’pia i ngalan i karoanga a ndior i pahasa, mapandung sia tumaredisia karêngan i kaêtê-têw.²⁰Sumata’ a sakum sia monili-nilih i aho pandung, malaekat i Tuhan belia’nga a niwi bo kumua : “Yusuf suru i Daud, na’ kow matalo mindo si maria kele karoangu, nde kedong a pahali-alina awahêm behe i Tutuh Lênas.²¹Mahawata’sia kedong tuama bo iwêngalan Sia si Yesus, apa’an si Siam ê mawawia i tow-Na a norowi latahula.²²Sakum wa’aho ihamoali saniboho lêkêwêm ê mbehukua i Tuhan be nabi:²³kaulitana, wa’aho mangala’un mahali-hali bo mahawata’ai êsa hedong tuama, bo iwêngalan ilatahula Sia imanuel” ê mêkele wo : Ningumêlêd mahalas i hita.²⁴Ihawolohamai ambo’ona, si Yusuf kumi’it kele i pinêreta iaho malaikat i Tuhan be sia. Bendona si Maria kele karoanga.²⁵Sumata ahi’i imêsawatangan bo si Sia mahad sia mahawata’ai i mbata’na tuama bo si Yusuf mêngalan i i Sia Yesus.

¹Ahadêm si Yesus behatowai a Betlehem a toba i Yudea kasêpe i ndaja Herodes, mangahi mangatotumu, a ndoro Bahe’a Yerusalem,²bo mapêta’an : “bisana Sia, daja i tow i Yahudi ê wa’aho mbehatowe’mai? Imilahêm kamitahula i mbintang-A a ndoro’ Bahe? Kamitahula mahimoniri ‘ i Sia.”³A katanga’anoho i raja Herodes êni’aho, behahombo’ai sia teka lohow i Yerusalem.⁴Osa sinêsênam pahasa imam kapala bo toutêh a Torat i tow i Yahudi, osa pinangeleina katerangan be silatahula, bisana ê towan i Mesias.⁵Kua i latahula we sia : “A mBetlehem a toba i Yudea, apa’an kelewa’ahom bana mbehawatih a suang i kitab i nabi:⁶bo sihow Betlehem, toba i Tudea, sihow ahi’i hêmoho ni’it i kisit a nêsa’an be silatahula a makolano’ i Yehuda, apa’an behowêm ê lêmboan i nêsa tow makolano’, ê momilag i tow Hu Israel.”⁷Osa karêngan i kaête-têw si Herodes tumiang i aho mangatow i Majus bo karêngan i silsilah tuma’an be silatahula, ka isam pinêilahan iaho mbintang.⁸Osa sia masiu silatahula moho mBetlehem, kuana : “ moho bo pangita’un mau-maulêng a sakom wa’aho kedong bo tilaho a kaereanoho i homotahula Sia, iabarai we ahu sanihobo siahu hahu moniri i Sia.”⁹A mahatanga’oho i mangahodait iaho ndaja, matang silatahula. Bo pilahên, bintang ê wa’aho pinêilah i latahula bi bahe’ mamuna we silatahula ahad nihoamat bo sumondo’ a mbao i lesad, a mbisana mbana niaho kedong.¹⁰A kawilahanoho i latahula niaho mbintang, imêkahi’imio’ silatahula.¹¹Yana sumuang silatahula wiboho a suang i mbale bo milah i aho kedong karua i Maria, inang-A, osa kumuru moniri’i Sia. Silatahula hahi muha i lesad i mangahukuwna bo mawalad i powalad be Sia, awa’aho mas, manyan bo mur.¹²Bo apa’an bewawaturu’ a niwi, saniboho na’ malengoho we si Herodes, yana maleng silatahula a ndo’onga mêbe a andalan balina.¹³Matangoho hiaho mangatow i Majus, malaekat i Tuhan pilahên i Yusuf a niwi bo kumua : “Tumodêm, indon niana kedong teka i ninang-A, lumolahêm moho a Masir osa sumondo’io’ biboho ahad ahu kumua wehow, ênde si Herodes mangilah iana Kedong manutu’ lumimêd i Sia.¹⁴Yanasa tumod si Yusuf, indona niaho kedong teka i ninang-A a mbêngimio i aho, osa kumêndus a Masir,¹⁵bo mêto’op’ biboho ahad si Herodes mate. Ê wa’aho behamoali saniboho malêkêwêm ê mbehukua i Tuhan be nabi : “A Masir tiangêy-Ku mBata’Ku.”¹⁶Kailahanoho i Herodes, awahêm sia pinêtondeiêm i aho mangatotumu’ i majus, mare’emio sia. Osa sua masiu mêlimêd i pahasa heding a mBetlehem bo sakumêna, wa’aho mangahedong mahaumur dua ngata’un osa iwa-wa’, mêtêna’an bo tepo ê kinailahana a mangatotumu’ i majus wa’aho.¹⁷Karêngan iaho malêkêwêm kukua ê mbehukua i nabi Yeremia:¹⁸kinatanga’ anêm nunu’ a rama, kae’ bo isod ê tapemio’ ; si Rahel mapêkae i mangawata’na bo ahi’i sia mabog lêpeiên, apa’an silatahula alanêmoho.”¹⁹A matemoho si Herodes, malaekat i Tuhan pêilahên i Yusuf a niwi’ a Masir, kuana:²⁰Tumodêm, indonêm niana kedong teka i ninang-A bo matangêm moho a toba i Israel, apa’an silatahula ê mapandung lumimêd iana kedong, imatêm”.²¹Osa si Yusuf kahi tumod, beindona niaho kedong teka i ninang-A osa moho a toba i Israel.²²Sumata’ a tanga’anamoho, awahêm si Arkhelaus imamoalim daja a Yudea i sumaol si Herodes, amanga, matali sia moho wibonge. Apa’an besani a niwi, imohomange si Yusuf a sakumên i Galilea.²³Inaho’ama’na moho wibonge mutun sia a nêsa kota mahangalan Nazaret. Sakum wa’aho behamoali saniboho lêkêwêm kukua êmbehukua i manganabi, awahêm Sia patoton Tow i Nazaret.

¹Atepo wa’aho si Yohanes pembaptis tumod a padang tolandus i Yudea osa sumahai:²“Tumobatêm, ênde kaholano’an i sorga susutêm!”³kaulitana si Siam ê mbewanutu’ i nabi Yesaya a kakuana: “Bana nunu’ i totumu’ mane-nerewa’ a padang tolandus: Elurênêm ndalan tanu si Tuhan ; londolênêm ndalan tanu si Sia”.⁴Si Yohanes malatang jubah bul i unta wokol bolulang, bo pakanêna borit bo biluh a talun.⁵Yanasa mahi we sia mangatow i Yerusalem, a kêsan i Yudea bo a kêsan i lukad tapirig i Yordan.⁶Osa karêngan i monge’e i sea’na silatahula binaptis i Yohanes a londola i Yordan.⁷Sumata’a milah sia tado’o tow parisi bo tow Saduki mahi baptisên, kumua sia we silatahula : “Ei komotahula i suru i nulah dumerehe’. Siseiêm nihumua we komotahula, awahêm komotahula doro’na momorus a mboro’ ê niha-ahi?⁸Yanasa mamua’ange’bua’ iwêtêna’an pêtobatan.⁹Bo na’am dumeken, awahêm komotahula doro’na kumua a suang i natenu: Si Abraham awahêm amang i hamitahula ! Ênde ahu kumua we homotahula : Ningumêlêd do’na mawa-moali kedo-heding tanu si Abraham a mangawatu wa’i!¹⁰Boliung sinadiam a namut i kayu bo a sanga-sanga tud kayu ê tahi’i mehe wua’ ulit tubangên bo irupul mbaha.¹¹Si ahuh mabtis i homotahula i nahe maindo tanda’ i pêtobatan, sumata si Sia ê mahi lamalas be ahu ni’it moimbahut nde ahu bo siahu ahi’i iwêtêna’an lumoput i sapatu-Na. Si sia mahi maptis i homotahula i Tutuh Lênas bo i mbaha.¹²Iwataw a kama-Nam. Si Sia mahi mêrêsi i pakomoan-A osa sumêsên i nggandum-Na a suang i nggodong, sumata’ samut i kimuan ia’ho tutun-A a mbaha ê tahi’i hawatean”.¹³Yana mahim si Yesus a ngGalilea moai a Yordan be si Yohanes tanu baptisêna.¹⁴Sumata’ si Yohanes sumukud i Sia, kuana : “Siahu ê pêrêlu baptisên-U, osa si How ê moai we ahu?¹⁵Osa si Yesus sumowat, kuaNa we Sia: “Mande nia’i ihamoali, apa’an kelewa’ahom tutula kita mawalêkêw i pahasa pandung i Ningumêlêd”. Bo si Yohanes kahi kumi’it i Sia.¹⁶Pahawaptisênoho, si Yesus tilaho i lumuai a nahe osa a norasio’ waaho hahi langit ihawuyat osa sia. Mahawilah Tutuh Lênas kele melepad mombo mekad a mbaoNa,¹⁷osa katanga’anange nunu’ a sorga nihumua: “Wa’im mBataKu ê nihalêKu; be Siam Ahu mêtêna’an”.

¹Yanasa si Yesus balin i Tutuh moho a padang tolandus tanu wangêpe’an i niblis.²Osa, mahawogindisoho êpat-nga-wulu’ nga-ndo bo êpat-nga-wulu’ nga-wêngi, a mahad male’om si Yesus.³Osa mahi ê niaho tapatena’ osa humua we-Sia: “Sa How Bata’ i Ningumêlêd, pêretanêm saniboho nia’i mangawatu mamoali roti”.⁴Sumata sumawot si Yesus : “bana niwati-watih : Totumu’ menonow ahi’i wati’ a roti mange, sumata’ a pahasa kukua i lumuai a mba’ba i Ningumêlêd”.⁵Ahad i aho iblis mali i Sia moho a kota suci osa mêpa’ i Sia a mbung i mBale i Ningumêlêd,⁶osa humua we Sia: “ Sa how Bata’ i Ningumêlêd, iteleboho mbatangan-U a ndalêm, apa’an bana niwati-watih : A sakum si How pêretaNa mangamalaeka’Na osa silatahula mahi sumambat i How a palad i kamana, saniboho a’e-Nu na’am ihatukui a mbatu”.⁷Si Yesus kumua we sia : “Bana hahi niwatih-watih : Na’am kow mangêpe’ si Tuhan, NingumêlêdNu”,⁸osa niblis mali i sia hahi a mbao i ndungusan matatangio’⁹osa mawawonarah be Sia: “Pahasa iaho iehehum be-How, sa How sumalimbuhu sumiri’ i ahu”¹⁰Yanasa kumuam si Yesus besia : “sumenggot tapatena’! Apa’an bana niwati—watih : Sihow mulit sumiri’ si Tuhan, NingumêlêdNu, osa bati be Sia mange how mabakti!”¹¹Osa si tapatena’ mêpa’ange i Sia, bo seren, mangamalaekat mahi mongimoh si Yesus.¹²Sumata’ a katanga’anoho i Yesus, awahêm si Yohanes tiniho’om, kumêndusoho Sia a ngGalilea.¹³Mêpa’ange Sia i Nazaret osa mêtêwio’ a Kapernaum a sili’ i luah, a lukad i Zebulon bo si Naftali,¹⁴aniboho lêkêwêm kukua mbehua i nabi Yesaya:¹⁵“Tana’ i Zebulon bo tana’ i Naftali, têmbêran moho a saloyon, tapirig i na tetela’ i londola Yordan, Galilea, lukad i mangabangsa walina,¹⁶bangsa ê mênonow a karêndêman, imêilahêm i keraw bako’ osa tanu silatahula imututun a ndo’ong uyu-uyungên i pawate, i lumêmbom keraw”.¹⁷Tu’os tepo i aho si Yesus masahai : matobatêm ende kaholano’an i sorga susutêm!”¹⁸Osa a mêlapa-lapang si Yesus matapirig i luah Galilea, mêlilah Sia dua tow mapog, awa’aho si Simon êpatoton Petrus, bo si Andreas, pog-nga. Silandua samantara malolombo a luah, apa’an silandua tapalolombo’ i nda’.¹⁹Si Yesus kumua we silandua : “Ayom, lumasêm i-Ahu, bo komondua indoy-Ku tapalolombo’ i totumu’²⁰osa silandua hahi tilaho i mêpa’ange i lolombo’na bo mahalas i Sia.²¹Osa ihaworusoho wiboho Sia belilaNga hahi dua tow mapog, awa’aho si Yakobus bata’ i Zebedeus bo si Yohanes pog-nga, karuru i namang i landua, Zebedeus, mawu’tu-wu’tul i lolombo’ a suang i mbolutu. Si Yesus tumiang si landua,²²osa silandua tilahom imêpa’ange i mbolutu bo amanga, osa mahalas i Sia.²³Si Yesus kahi makêkêd a sêrêb i ngGalilea; si Sia mapêngajar a mangawale waibadatan bo masahai i Kukua i kaholanoan i Ningumêlêd teka mapawatala i pahasa mahados bo kahawelan a tutud aho mbangsa.²⁴Yanasa beharerem sahai sakum si-Sia a sêrêb i Siria osa binalimai pahasa totumu’ ta’pia paela, ê mahigon i moromahados bo dorot, ê papongaluman, ê mboringongotên bo ndupende, osa si Yesus imawamaulêng silatahula.²⁵Yanasa tow tado’o malulu-lulut i Sia. Silatahula a ngGalilea wo Dekapolis sa mahi, bo a Yerusalem bo Yudea bo a tetela’ i Yordan.

¹A pêilahênoho i Yesus ni aho tow tado’o, momao sia a mbao i libuton osa dumatuhoho Sia, mangahi mangamuriNa we Sia.²Si Yesus kahi molai mohodait bo mapêngajar silatahula, kuaNa:³“Maênowange totumu’ ê lêngei a sa’angên i Ningumêlêd apa’an silatahula ê mahasawa i kaholano’an i sorga.⁴Maênowange totumu’ ê manape-nape, apa’an silatahula mahi iborên.⁵Maênowange totumu’ ê moêmengio’, apa’an silatahula ê mahasawa i mbao i toba.⁶Maênowange totumu’ ê male’o wo hawêla’an i kaulitan, apa’an silatahula iwawawêde’.⁷Maênowange totumu’ mo’imun natena, apa’an silatahula mahaere koimunan.⁸Maênowange totumu’ bayo matena apa’an silatahula mahawilah i Ningumêlêd.⁹Maênowange totumu’ mapawasononoi, apa’an silatahula panoton mangawata’ i Ningumêlêd.¹⁰Maênowange totumu’ ê kinulêng apa’an i kaulitan, apa’an silatahula ê mahasawa i kaholano’an i sorga.¹¹Maênowange homotahula, sa apa’an si-Ahu komotahula sinero’ bo dina’i bo be homotahula tinena’an pahasa ê ta’pia.¹²Mêkahi’ bo mobeatêm, apa’an lawunu bako’ a sorga, apa’an kelewa’aho pinêda’im manganabi ê na muna i homotahula.¹³Komotahula awahêm asin i mbao i toba. Sa niaho nasin mêtêwang, asia malêng mawawo’asin i sia? Alannêmoho torona iwalina nitia’ bo tumidan i tow.¹⁴Komotahula awahêm keraw i mbao i toba. Kota iratu-ratuh a mbao i ndungusan ahi’i monah iharuru.¹⁵¹⁶Osahahi totumu’ ahi’i tumutu a sosoloan osa ituli’na a ndalêm i mbatang, sumata’ a mbao i kaki dian mahad ihaheraw i pahasa totumu’ biboho a suang i mbale.Kelewa’ahom merotange kerawnu sumulo a sasa’angên i tow; saniboho silatahula mêlilah i tatwaoinu ê maulêng bo mêdayow i namangu a sorga”.¹⁷Na’am komotahula kumatam, awahêm ahu mahi tumala i lala’ut i Torat suma kitab i manganabi. Mahi ahu ahi’i tumala i sia, sumata’ maindo lumêkêw i sia.¹⁸Ende aku kumua wehow : kaulitana kaeto’ alawe behatambulala langit bo bao i toba ia’i, sangawis suma sangatitigahe alahêm niwawatala a lala’ut i Torat, satalawe’ pahasa wehamoali.¹⁹Wa’aho kawalian sisei ê mawatala i nêsa’an pêreta i lala’ut i Torat mande ni’it i kisitio’, bo masusui helewa’aho a tow walina, sia iharatuh a lesad ni’it oi mbehen a suang i kaholano’an i sorga; sumata’ sisei ê mawatulid bo mawasusui i mangawêreta i lala’ut i Torat, sia iharatuh a lesad matatang a suang i kaholan’an i sorga.²⁰Yanasa ihua-hu wehow: sa towan i kaagama’anu ahi’i lebe ulit nde towan i kaaamaan i mangatoutêh i Torat bo mangaparisi, kaulitana homotahula ahi’i ihasuang a suang i kaholano’an i sorga.²¹Komotahula itumanga’am ê mbehekua we nawo-nawo’ i hita : Na’ mêlimêd; sisei ê mêlimêd mulit u’kumên.²²Sumata’ si Ahu kumua wehow: Êsa-êsa ê totumu’ mare’e i pog-nga mulit u’ kumên; sisei ê kumua a pognga : Kaper! Mulit iwêsa’ang ngGohuta i nAgama bo sisei ê kumua : Samêh! Mulid iwêkaroho a suang i naraka kumulu-kulubange.²³Apa’an wa’aho sa how mowalad i powala’nu mbao i mesbah bo how mahaimun i nawa-awa ê na suang i nate i pogngu wehow,²⁴iêpa’io’ powala’nu a ndior ia’ho mesbah bo moho mêsononoiwe’ bo wogngu, osa sumomba’ i mahi mowalad i aho powala’nu.²⁵Tilahomange sumononoi bo hasarunu kaeto’ kow makaru-karuawe’ boo sisia a tutud i ndalan, saniboho niaho kasarununa’ tumaro i how a nggola’tung osa wa’aho nggola’tung tumaro i how a kumaruana osa sihow iwawaruwa’ a torunggu.²⁶Si Ahu kumua wehow: kaulitana sihow ahi’i ihaluai wiboho, satalawe’ kow imaer i mbênangu ahad lêkêw.²⁷Komotahula itumanga’am i kukua: Na’ mêdêtuh. ²⁸Sumata si Ahu kumua wehow: Êsa-êsa totumu’ ê tumotong bene osa maewe’ i sia, imêdêtuhêm bo sisia a suang i natena.²⁹Yanasa sa bêlênu a kanoal mawaureng i how, su’sun bo itia’am niaho, apa’an lebe maulêng behow sa êsa a nitingan i mbatanganu ndusah nde batanganu iente-enteru iwasotoho a naraka.³⁰Bo sa kamanu a kanoal mawaureng i how, powotên bo itia’am niaho apa’an lebe maulêng behow sa êsa a nitingan i mbatanganu ndusah nde mbatanganu mente-enteru sumuang a naraka.³¹Bahukuam kahi : Sisei ê mawatared i karoangan mulit mehe surat cere we sia.³²Sumata’ si Ahu kumua wehow : Êsa’an totumu’ ê mawatared i karoanga songad apa’an nêdetuh, si sia mawawêdêtuh i karoanga; bo sisei ê kumaroang bo wene ê mbewawataradêm, sisia imêdêtuh.³³Komotahula itumanga’am kahi ê mbehukua a nawo-nawo’ i hita: Na’ mawasupa towo, sumata’ tikêmên supanu a ndior i Tuhan.³⁴Sumata’ si Ahu kumua wehow: Na’am mahasa masupa, maulêng na ngalan i langit, apa’an langit doratuhan i Ningumêlêd,³⁵suma a ngalan i mbaoitoba, apa’an baoitoba kohêmbangan i na’e-Na, suma-hahi a ngalan i Yerusalem, apa’an Yerusalem kota i kolana’ bako’; na’am kahi how masupa a ngalan i kohongu, apa’an sihow ahi’i mahasipapa mawasudo’ suma mawawuling i songoiting nutah.³⁶sa eyêm, pandungên i homotahula ihua : eyêm; sa ahi’i, pandungên i homotahula ihua: ahi’i. Asia ê nihaleot biboho a pana’pia’an sa mahhi.³⁷Komotahula itumanga’am kukua: Bêlên têbus bêlên bo ba’ang têbus ba’ang. Sumata’ si Ahu kumua wehow: Na’am komotahula sumaru i totumu’ itumawoi ta’pia wehow, sumata’ siseiange.³⁸Komotahula itumanga’am kukua: Bêlên têbus bêlên bo ba’ang têbus ba’ang.³⁹Sumata’ si Ahu kumua wehow: Na’am komotahula sumaru i totumu’ itumawoi ta’pia wehow, sumata’ siseiange sumepe' i piwi hanoalu, iehe-hahi wesia piwi holodinu.⁴⁰Bo a totumu' ê mapandung mahata' u i how apa'an maewe' i latangu, iehemange-hahi njuba'ngu.⁴¹Bo siseiange lumêse' i how lumapange êsa-mil karekang, lumapangange iwakaruana dua mil karekang.⁴²Mehe a totumu' ê mangelei wehow bo na'am tumulud i totumu' ê maibog tumombêng behow. hehow bo na'am tumulud i totumu' ê maibog tumobêng behow.⁴³Komotahula itumanga'am kukua: ihalêsange kahelenu totumu' bo ihare'e kasehe'nu.⁴⁴Sumata' si Ahu kumua wehow: Ihalêsange kasehe'nu bo sumobayangange tanu silatahula nihumulêng i homotahula.⁴⁵Apa'an kelewa'aho komotahula maindo bata-wata' i Namangu a sorga, niwawaluai i nêndo tanu tow ta'pia bo tow maulêng bo mawaêkad têka tanu totumu' ulit bo totumu' sea'.⁴⁶Sa homotahula mahalês i totumu' mahalês i homotahula, asia ê nupagngu? Hi'indom tapasa'aw i cukai kahi mawakelewa'aho?⁴⁷Bo sa homotahula bati-ange mawasiri'i mangawogngu asiam lebena a tinawoi i tow walina? Hi'indom totumu' ahi'i mahahilala i Ningumêlêd kahi mawakelewa'aho?⁴⁸Kawalianoho mulitange homotahula tolimonod, kelehahi amangu a sorga awahêm tolimomod.

¹“Imunên, na’ komotahula tumulid i kawajiban i agamamu a sa’ angên i tow saniboho seren i latahula, ênde sa helewa’ aho, komotahula ahi’ mahaere upag be Namangu a sorga.²Yanasa sa how mehe wowalad, na’ am kow tumerewa’ sakum wa’ aho, kele pawatulidên i tow kaliut a mangawale pawaibadatan bo a mangalorong, saniboho silatahula dayowên i tow. Si Ahu kumua wehow: Kaulitana silatahula imahaerem i nupa’ nga.³Sumata’ sa how mehe wowalad, na’ am kailahan i kama holodinu asia ê tinulid i kama hanoalu.⁴Merotoho niaho powala’ nu ihaehe haêtêtêw, yanasa Amangu ê mêlilah i ndumururu mehe bowalas behow.”⁵“Bo sa homotahula sumombayang, na’ am sumombayang kele totumu’ kaliut. Silatahula maibog mawapakua i sombayangnga karêngan matod a mangawale waibadatan bo a mangawolenggo’ an i têmbêran, saniboho silatahula seren i tow. Si-Ahu kumua wehow: Kaulitana silatahula imahaerem i nupa’ nga.⁶Sumata’ sa how sumombayang, sumuang a suang i kamaru, itakêw mbonang osa sumombayang be Namangu ê na lesad iru-ruru. Yanasa Namangu ê mêlilah i niru-ruru mehewalas behow.”⁷Osahi biboho a sombayangu na’ am komotahula melaya-layah kele kanaraman i totumu’ ahi’ i mahahilala i Ningumêlêd. Kuanange i latahula awahêm apa’ an katado’ oan i kodait a sombayangnya do’ na kawonge’ ean.⁸Yanasa’ na’ am komotahula hele silatahula, apa’ an Namangu mahailah asia ê pêrêlun i homotahula, atalawe’ komotahula mengelei we-Sia.⁹Apa’ an wa’ aho sumombayangange helewa’ i : Amang i hamitahula a kaumbungan, podayowênange ngalan-Nu,¹⁰Moaiêm kaholano’ an-U, ihamoalimange pandung-U a mbao i toba kele a kaumbungan.¹¹Beanai hamitahula a nêndo inia, kakanên i hamitahula ê niharoro’¹²bo apunganai hamitahula a kasea’ an i hamitahula, kele hamitahula hahi imapung a totumu’ imêsea’ behamitahula¹³bo’ am mali i hamitahula a pêtena’ an, sumata’ ilopotai hamitahula sakumên i ta’ pia. [Apa’ an Sihowêm ê maha-kaholano’ an bo imbahut bo konungaan ahad i koloko-lokona. Amin.]¹⁴Apa’ an sa homotahula mapung i kasea’ an i tow, Amangu a sorga mehe apung behow hahi.¹⁵Sumata’ sa homotahula ahi’ i mapung i tow, yanasa Amangu hahi ahi’ i mehe apung a kasea’ anu.”¹⁶“Bo sa homotahula mapuasa, na’ am leho tokia’ nu kele totumu’ kaliut. Silatahula malui i nggio i tokia’ na, saniboho tow mêlilah awahêm silatahula mêpua-wuasa. Si Ahu kumua wehow: Kaulitana silatahula imahaerem i nupagnga.¹⁷Sumata’ sa homotahula mapuasa, solonange kohongu bo beresin tokia’ nu,¹⁸saniboho na’ am pilahêm i tow awahêm kow mêpua-wuasa, sumata’ bati Amangu ê na lesad iru-ruru. Yanasa Amangu ê mêlilah i niru-ruru mehe bowalas behow.”¹⁹“Na’ am komotahula mamêsah i narta a mbaoitoba; a mbaoitoba êgat bo ta’ ikayong mêdusah iaho bo totahow mahi mobuhai osa tumahowi’ aho.²⁰Sumata’ semêsênêm tanu sihow arta a sorga; a sorga êgat bo ta’ ikayong ahi’ i medusah iaho bo totahow hi’ i mahi mobuhai osa tumahow iaho.²¹Apa’ an bisana mbana nartanu, biboho hahi ê natenu.²²Bêlên awahêm koheraw i mbatangan. Sa bêlênu mauleng, ihaheraw lohow i mbatanganu;²³sa bêlênu ta’ pia, dêndêm kahi lolow i mbatanganu. Yanasa sa heraw ê mbehow dendem, me’ e ndêndênga i karêndêman iaho.²⁴Ahêm mande êsatow doro’ na mata a ndua awo’. Apa’ an sa hele wa’ aho, dume’ e i nêsa bo mêlês i mbalina, suma sia mceman mata’ u mata be Ningemêlêd bo be mamon.”²⁵“Apa’ an wa’ aho Ahu kumua wehow: Na’ am maliang i katowanu, awasia ê kanên i homotahula suma luku’ un, bo ma’ am kahi maliang i mbatanganu, awasia ê latangên i homotahula. Hi’ indom niaho katowan mbanamai torona ênde kakanên bo batangan mbanamai torona ênde latang?²⁶Ponarahên mangamelepad a langit, ê tahi’ i mawalulumbo bo ahi’ i mêwênguwu’ bo ahi’ i mawasêsên i mbalun a nggodong, sumata’ pawean kan i namangu a sorga. Hi’ indom komotahula ê ni’ it mana-wana a mangamelepad wa’ aho?²⁷Siseiêm a nêsa’ an be how ê napa’ an kaliangana dona mawarohang sangaloasange a tutul i katowana?²⁸Bo ndeaho homotahula saliang i latangên? Tu’ tulanange mbungang bakung a mbondoi, ê nitumou hi’ imai matawoi bo hi’ imai makendong,²⁹sata’ Ahu kumua wehow: Si Salomo asakum pahasa kasiha’ anamange ahi’ i malatang kele halo’ orang i nêsa’ an a mbungang wa’ aho.³⁰Yanasa hele wa’ aho Ningumêlêd imawalo’ or i noho a mbondoi, ê na nêndo inia bana bo sando itia’ a mbaha, ahi’ indom Sia mindo wehawana hahi mawalo’ or i homotahula, ei totumu’ ahi’ i totoh maheman?³¹Apa’ an wa’ aho na’ am komotahula maliang bo humua: Asiam ê kanên i hamitahula?³²Pahasa iaho eren i mangabangsa ê tahi’ i mahahilala i Ningumêlêd. Ta’ sumata’ amangu ê na sorga mahailah, awahêm komotahula mapêta’ ar i pahasa iaho.³³Sumata pengereype’ kaholano’ an i Ningumêlêd bo kaulitana, yunasa pahasa iaho iwawarohang behow.³⁴Kawalian iaho na’ am komotahula maliang i nêndo sando, apa’ an êndo sando bana kasusaana i nêsa. Kasusaan i sangando tênamio’ tanu sangado.”

¹“Na’ komotahula gumola’ tung, saniboho homotahula hi’i gola’ tungên.²Apa’ an karêngan i pagola’ tungan ê nindon i homotahula hi’ i gola’ tungên bo sosokad ê niwasokad i homotahula, isokad kahi wehow.³Ndeahondom kow mahawilah i songoitung a mbêlên i pogngu, sedangndom mbalah a suang i mbêlênu ahi’ i ho’ ita’ uanu?⁴Kelembisandom kow do’ na humua a pogngu: Iehemai siahu mawaindo iana songoiting a mbêlênu, saraimbo bana mbalah a suang i mbêlênu.⁵Ei tow kaliut iwawaindowe’ mbalah a mbêlênu, yunasa how mahawilah totu’ u mawaluai iaho songoiting a mbêlên i pogngu.”⁶“Na’ komotahula mehe i narta lênas a mbaled bo na’ komotahula mowasot i mutiaranu a tiei, saniboho hi’ i wohêmbangana i na’ ena, osa sia sumaliku’ mêdayat i homotahula.”⁷7Mangelei, yanasa sihow kawean; mangere, yanasa komotahula mahaere; têkolên, yanasa mbonang buha’ an tanu sihow.⁸Apa’ an sanga-sanga (sasanga) tow ê mangelei, tumirima bo sasanga tow mangere, mahaere bo sasanga tow tumêkol, tanu sisia bonang buha’ an.⁹Awawana nêsa’ an behomotahula ê mehe watu a mbata’ na, sa sia mangelei roti,¹⁰suma mehe ulah, sa sia mangelei da’?¹¹Yanasa homotahula ê ta’ pia mahailah mehe bewehe ê maulêng a mangawata’ nu, nambon namangu ê na sorga! Si Sia maindo mehe ê maulêng be silatahula ê mangelei we-Sia.”¹²Pahasa asiamange ê papandungên i homotahula tulidên i tow be homotahula, tulidên kele wa’ aho hahi be silatahula. Wa’ ahom suang i sakumên i lala’ ut i Torat bo pahasa kitab i moronabi.¹³Sumuangêm mebe a mbonang kisêl wa’ aho, apa’ an moang mbonang bo bêladên têmbêran ê mogamat a kotutusan, bo tado’ o totumu’ sumuang mebe wiboho;¹⁴apa’ an kisêlêm mbonang bo kênêngêm ndalan ê mogamat i katowan, bo toyo’ totumu’ ê mahaere iaho.”¹⁵Mahatuh a moronabi towo ê mangahi wehow karêngan tumotalang kele domba, sata’ kaulitana silatahula awahêm serigala ahas.¹⁶A mbua’ nam komotahula maindo mahahilala silatahula. Awaro’ na totumu’ tumiwu’ bua’ i nangor a mangamahawatoh suma bua’ i nara a noho watoh?¹⁷Kele sa’ ahom êsasa ngatud maulêng mamua’ maulêng, sata’ tud ta’ pia mamua’ ta’ pia.¹⁸Ahi’ i ihamoali niaho tud maulêng samua’ i ta’ pia, suma hahi niaho tud ta’ pia mamua’ i maulêng.¹⁹Bo êsasa ngatud ê tahi’ i mamua’ i maulêng, nulit tubangên osa iwasot a suang i mbaha.²⁰Yana a mua’ nam komotahula maindo mahahilala silatahula.²¹Ahi’ i êsasan totumu’ tumerewa’ be Ahu: Tuhan, Tuhan! Ihasuang a suang i kaholano’ an i sorga, sumata’ sisia ê tumulid i papandungên i namay-Ku ê na sorga.²²A nêndo hasapêtan tado’ o totumu’ manerewa’ be Ahu: Tuhan, Tuhan, hi’ indom kamitahula imaposahai mi’ it a ngala-Nu, bo imelei i setang mi’ it a ngala-Nu, bo mawawana i kaunggangan mi’ it kahi a ngala-Nu?²³A tepo wa’ ahom Ahu momoha’ be silatahula osa humua: Ahi’ i Aku mahasa imahahilala i homotahula! Sumenggot be Ahu, pahasa homotahula i tapatulid kata’ pia’ an!”²⁴“Êsasa totumu’ nitumanga’ ia’ i kukua-Hu bo tulidêna, sisia mêkele wo totumu’ mosilih, nitumod i mbalena a mbao i mbatu.²⁵Ahad iaho mêkadai têka osa mahi ndunuh, osa kakab lumisoi iaho mbale, sata’ niaho mbale ahi’ i wehaelet apa’ an tinod a mbao i mbatu.²⁶Sata’ êsasa totumu’ nitumanga’ ia’ i kukua-Hu bo ahi’ i tulidêna, sisia mêkele wo totumu’ bodoh, nitumod i mbalena a mbao i nêlis.²⁷Ahad iaho mêkadai têka bo mahi ndunuh, osa kakab lumisoi iaho mbale, mahad ihaelet niaho mbale bo ime’ e karusahana.”²⁸Bo ahadêm si Yesus imawasapêt ia’ i kukua-Na, imobebem niaho tow tado’ o nitumanga’ i sasani-Na,²⁹Apa’ an sia imasai silatahula kele totumu’ mahaimbahut, ahi’ i hele mangatoutêh i Torat i latahula.

¹setelah Yesus turun dari bukit, orang banyak berbondong-bondong mengikuti Dia. ²Ahadêm si Yesus ilumolos a mbetel, mahi nêsa totumu’ ê nadosên i kusta, osa kumêpa moniri’ i Sia bo humua: “Tuang, sa si Tuang mabog, si Tuang do’na mawawayo i ahu.”³Osa si Yesus mayomoho i kama-Na, tumikêl iaho totumu’ osa humua: “Mabog Ahu, mamoalimange how bayo.” A noras iahomio’ bayom niaho totumu’ a kustana.⁴Osa si Yesus kumua wesia: “Imunên, na’am kow mêkua-hua sakum ê wai’i besiseiange, sata’ mohonêm, iwawaturu’ mbatanganu be si Imam osa mowalad powalad ê mbewêreta i Musa, maindo sairi we silatahula.”⁵Atepo si Yesus sumuang a Kapernaum, mahi nêsa tonaas sumauw i Sia osa mamohong be-Sia:⁶’Tuang, atahu melelet a mbale apa’an adosên i ndupened bo ni’itio’ sia mapongigon.”⁷Si Yesus kumua wesia: “Mahihêmange Ahu mawamaulêng i sia.”⁸Sata’ sowat iaho tonaas be-Sia: “Tuang, siahu hi’i iwêtênaan tumirima si Tuang a suang i mbalehu; kumuamange songotaga’ kodait, yana niaho natahu mêmaulêng.⁹Apa’an siahu mange êsa tow a mbawa’, bo a mbawa’ku banahahi mangawiong. Sa ahu humua a nêsa’an piong ê wa’aho: Matang!, yana matang sia, bo a nêsa hahi: Moai!, yana moai, suma hahi a nataku: Tawoiên nia’i!, yana tumawoi sia iaho.”¹⁰Amorus si Yesus itumanga’am sakum wa’aho, maerang Sia osa kumua we silatahula ê mahalas be-Sia: “Kumua Ahu we homotahula, kaulitana eman kelewa’i kaako’an ahi’i mahasaHu wewêtauw a mande êsatow a tutud i tow Israel.¹¹Kumua Ahu wehow: Tado’o tow mangahi a Timu bo a Malad osa dumatuh kuman makaruaan bo si Abraham, si Ishak bo si Yakub a suang i kaholano’an i sorga,¹²saraimbo mangahedong a Kahoano’an wa’aho maindo itia’a suang karêndêman ê ni’itio’ dêndêm, biboho kaerean I tabi wo kalêkêt i mba’ang.”¹³Osa si Yesus kumua wiboho a tona’as: “Malengêm bo mamoalimange wehow kele ê mbeemanu.” Yana a noras wa’ahomio imêmaulêngêm natana.¹⁴Iho’amatoho a mbale i Petrus, si Yesus kahi mêlilah si mamaepo i Petrus melelet apa’an makolotin.¹⁵Yana tinaka’-Na kama iaho mbene, osa tumala i makolotina.¹⁶Susutêm mawêngi balinai we si Yesus tado’o totumu’ ê pinongaluman i setang bo bati’i sangakêku’ kodait si Yesus melei iaho mangatutuh bo imawamaulêng i mangatotumu’ pahadosan.¹⁷Sakum wa’aho behamoali saniboho malêkêwêm kukua ê mbesahai i nabi Yesaya: “Si Siam ê lumihud ikahawelan i hita bo tumanggong i mahados i hita.¹⁸Anoras si Yesus mêlilah tow tado’o melipungêm i Sia, masiu Sia mêru’um a tetela’.¹⁹Osa mahi nêsatow toutêh i Torat kumua we-Sia: “Guru, siahu lumaêm i-How, bisana mangenohoan-Nu.”²⁰Kumua si Yesus besia: “serigala mahalaig bo melepad maharum, sata’ Bata’ i Totumu’ ahi’i mahalesad maindo waoan i kohong-A.”²¹Êsa totumu’ balina, awa’aho nêsa’an a muri’-Na, kumua we-Sia: “Tuhan, iwonge’emai ahu mohowe’ kumubur si wapahu.”²²Sata kumua si Yesus besia: “Lumasêm i-Ahu osa iwayaioho mangtow imate kumubur I mangatow imate I latahula.”²³Osa si Yesus sumake a suang i mbolutu osa mangamuri’-Na hahi lumas i Sia.²⁴Mêkombo’ monganusai kakab dêpêt biboho a luah, mahad niaho mbolutu, sinokuban i mbohol, sata’ di Yesus mêbo-o’o.²⁵Yana mahi ê mangamuri-Na mawawolo i Sia, kuana: “Tuhan, tulungênai, kita mawowasêm.”²⁶Kumua Sia we silatahula: “Ndeaho homotaula matalo, komotahula ê toyo’ neman?” Osa tumodoai si Yesus mobor’ I kakab bo wa’aho luah, yana niaho luah imêlênasio’.²⁷Osa maerang hiaho mangatotumu’, kuana: “Totumu’ asia nia’i Sia, mahad kakab bo uah kahi be Sia?”²⁸Iho’amatoho a tetela’, awa’aho na lukad i tow i ngGalilea, A kubur sa mahi moai dua totumu' solo-solongan i setang tuwauw si Yesus. silandua mahasilaka'anio, wa'aho kawalian ahêm mande êsatow baranei mêbe wiboho a ndalan.²⁹Osa silandua êwa'aho tumerewa': "Asia ê nurusan-Nu wo hamitahula, ei Bata' i Ningumêlêd? tepona?"³⁰Ahi'i rekang biboho we silandua songowa'anan bako' tiei maniu-niur mangilah kan.³¹Yana wa'aho mangasetang mangelei we-Sia, kuana: "Sa How mawaolah i hamitahula, iwasium kamitahula dumeso a songowa'anan tiei wa'aho."³²Si Yesus kumua we latahula: "Mohonêm!" osa mêluai silatahula osa sumolong biboho a mangatiei. yana mangêkad niaho songowa'an tiei a sili' i kotob a suang i luah osa mamate a suang i nahe.³³Yana lumolah mangatapahiaha iaho tiei osa ihaho'amatoho a kota bewosiritanam ê pahasa, teka sakum mangatotumu' ê solo-solongan iaho setang.³⁴Yana mêluaiai pahasa a kota sumauw si Yesus osa iwetauoho i latahula Sia, silatahula hahi sumosog, saniboho Sia lumolahêm a sakumên i latahula.

¹Ihaleotoho niaho isumakem si Yesus a suang i mbolutu osa tumetela'. osa ihomatoho Sia a kota-Na-mio'.²Yana, beatodai i tow we-Sia êsa totumu' dupened ê meleletio' a paho'oana. kawilahanoho i Yesus ê iman i latahula, kumua Sia wiboho a totumu' dupened: "Emanêm, ei bata'-Ku. Sea'nu beapunganêm."³Yana mongutêh ê tatahula toutêh i Torat a suang i natena: "Si Sia matena' i Ningumêlêd."⁴Sata' si Yesus mahailah i pahutêhên i latahula, osa humua: "Ndeana homotahula mongutêh sasakum ê ta'pia a suang i natenu?⁵Êmbisa ê mowolah, kumuamoai: Sea'nu beapunganêm, suma humuamoai: Tumodêm bo lumapangêm?⁶Sata' saniboho halahan i homotahula, awahêm a mbaoitoba ia'i "Bata' i Totumu' mahaimbahut mapung i sea'." - osa kumua Sia wiboho a totumu' dupened - : "Tumodêm, iatangêm paheletanu osa malengêm a mbalenu!"⁷Osa niaho totumu' tumod osa maleng.⁸Yana tow tado'o nimêmilah sakum wa'aho matalo osa mêdayow i Ningumêlêd ê nimehem imbahut kelewa'aho a totumu'.⁹Ihaworusoho i Yesus biboho, mêlilah Sia êsatotumu' mahangalan Matius mêdatu-ratuh a mbale i cukai, osa Sia humua wesia: "Lumasêm i Ahu." Yana metodai si Matius osa lumas i Sia.¹⁰Osa a noras si Yesus manganyan a mbale i Matius, mangahi mangatapasa'aw i cukai bo totumu' sea' osa kuman makaru-harua wo si Sia bo mangamuri'Na.¹¹A kawilahanoho i tow warisi sakum wa'aho, kumua silatahula a mangamurid i Yesus: "Onde'aho ngguru makan makaru-harua wo tapasa'aw i cukai bo totumu' mahasea'?"¹²Si Yesus imahatanga' iaho osa humua: "Ahi;i totumu' tombaoi ê mahawêrêlu dokter, sata' totumu' pahadosan.¹³Yana mohonêm osa silihên toro ia'i kukua: Ê papandungêyKu awa'i kobêlêsan bo ahi'i wowalad, apa'an mahi Ahu ahi'i tanu tumiang i totumu' ulit, sumata' totumu' mahasea.¹⁴Ahad iaho mahi mangamurid i Yohanes besi Yesus osa humua: Ondeaho hamitahula bo tow warisi mawapuasa, sata' mangamuri'-Nu ahi'i? ¹⁵Sowat i Yesus be silatahula: "Awaro' na mangaambe i mampilei tuama monape-nape kaêto' niaho mampilei iwakarua i latahula? Sumata' mahi tepona niaho mampilei indon be silatahula osa atepo wa'ahom silatahula mapuasa.¹⁶Alahêm nêsatow tumapal sangatiras i ndoho' ê tawe' ihumesut a latang koyongan, apa'an sa helewa'aho wa'aho ndoho' betapal mawarênet iaho latang, osa mahawako'ange ndaya'na.¹⁷Kelewa'ahohem anggor taleya ahi'i i suang a asuang i sapoi bolulang koyongamêm, apa'an sa helewa'aho wa'aho sapoi iharayt a mahad niaho nanggor motia' bo wa'aho sapoi mêtêeri. sata' anggor taleya iêpa i tow a sapoi taleya hahi, bo sa helewa'aho mawia silandua."¹⁸Karêpêt si Yesus mênunu' kelewa'aho we silatahula, mahi nêsatow kapal i mbale waaibadatan, osa moniri' i Sia osa humua: "Bata'ku wene imatewe'mio, sata ohonêm bo itikêl kama-Nu wesia, yana sia tumow."¹⁹Osa si Yesus kahi tumodoai osa lumas iaho totumu' iwakaru-harua i mangamuri'-Na.²⁰A tepo wa'aho êsa wene ê sangawulu' bo ruam ngata'un kaêto'anna mahigon i totonaw dumior sumusutai si Yesus a talihud osa mamos i ndoyot i njuba'-Nga.²¹Apa'an kuana a ndalêm i natena: "Asar amosêykumange njuba'-Nga, mênyaman ahu."²²Sata' si Yesus isumeleng osa tumotong i sia osa humua: "Iête'êm natenu, ei kedoy-Ku, emanu imawanaulêngêm i how." Yana tu'os tepo wa'aho imênyamanêm niaho mbene.²³A niho' amatoho si Yesus a mbale iaho kapala i mbale waibadatan osa mêlilah i mangatapasêput i poloit bo wuroso i tow tado'o,²⁴kumua Sia: "Mohonêm apa'an nia'i mbata'nu hi'i imate, sata' imo'o." sata' silatahula imêke'ke i Sia.²⁵Ahad besesem niaho tow tado'o, si Yesus sumuang osa tumaka' i kama iaho kedong, osa mêtodoai niaho kedong.²⁶Yana beharerem sahai sakum wa'aho a sakumên iaho lukad.²⁷A noras si Yesus lumawusêm i pahêben-Na wiboho rematang, dua totumu' buta mêlas i Sia osa mangomba-ngombal osa humua: "Ihlêsai hamitahula, ei Suru i Daud."²⁸A nisumuangêm si Yesus a nêsa wale, mahi niaho ndua totumu' buta we Sia osa kumua si Yesus be silandua: "Awaemanên i homotahula, awahêm Ahu do'na tumulid iaho?" Sumowat silandua: "Eyêm Tuhan, emanên i hamitahula."²⁹Osa si Yesus mamos i mbêlên i latahula osa humua: "Mamoalim behow kele i nemanu."³⁰Yana monuyat mbêlêt i landua. Bo si Yesus kahi tumêpu' sumani we silandua, kuana: "Atuhêm saniboho na'am mande êsatow mahailah sakum êwa'i.³¹Sumata' silandua lumuai osa imawarere i Sia a samumên iaho lukad.³²Lumuaiwe'moho ni aho ndua totumu' buta, pine'angêmai we si Yesus êsa totumu' lemo' ê solo-solongan i setang.³³A nieleioho ni aho setang, doro'nam ni aho totumu' lemo' mohoda-hodait. yana maerang tow tado'o, kuana: "Ê kelewa'i awe' mahasa winêlilah i tow a Israel."³⁴Sumata' tow warisi kumua: "Karêngan i ngalan i pangulun i setang Sia mahelei i setang."³⁵Kelewa'ahom si Yesus makêkêd a pahasa kota wo ro'ong; si Sia mapêsani a mangawale waibadatan bo maposahai i kukua i kaholano'an i sorga osa mapawatala i pahasa mahados bo kahawelan.³⁶Mêlilah iaho tow tado'o, ihali'is nate i Yesus i kobêlêsan be silatahula, apa'an silatahula kêpe wo behawere kêpom ndomba ê talahêm tapêmia.³⁷Yana kua-Na a mangamuri'-Na: "Uwu'un ulit tunaw, sumata' tapatawoi keleawa.³⁸Apa'an wa'aho mangelei a nawo' mahauwu'un, saniboho Sia masiumoai mangatawoi tanu wa'aho nuwu'un."

¹Si Yesus tumiang i sangawulu’ bo rua rasul osa meheimbahut be silatahula maindo mahelei i mangatutuh ta’pia osa mapawatala i pahasa mahados bo pahasa kahawelan.²Ewa’ im ngalan iaho sangawulu’ bo rua rasul: kaêsana si simon ê patoton si Petrus bo si Andreas pognga, bo si Yakobus bata’ i Zebedeus bo si Yohanes pognga,³si Filipus bo si Bartolomeus, si Tomas bo si Matius tapasa’aw i cukai, si Yakobus bata’ i Alfeus, bo si Tadeus,⁴si Simon tow i Zelot bo si Yudas Iskariot ê nihumanat i Sia.⁵Kasangawulu’ bo rua murid wa’aho besiu i Yesus osa besani-Na we silatahula: “Na’am komotahula sumea’ a ndalan i tow walina suma sumuang a suang I kota i tow Samaria,⁶sumata, mohomange a mangadomba wehaureng a tow Israel,⁷Pergilah dan beritakanlah : Kerajaan Sorga sudah dekat.⁸Iwawamaulêng tow wahadosan; iwawatow ê nimate; bayon ê tow kustan; ielei mangasetang. Komotahula imahaerem iaho a mbati’ pêrêseng, wa’aho kawalia iehe hahi a mbati’ pêrêseng.⁹Na’am komotahula mape’a-we’ang pera suma tambaga a mbakês i lubahanu.¹⁰Na’am komotahula me’ang balun a pahêbebean, na’am komotahula me’ang dua ngarêdah latang, sapatu suma butul, apa’an êsa tumotawoi têna mahaere i nupa’nga.¹¹Sa homotahula sumuang a kota suma ro’ong, pangalihên boboho êsatow iwêtêna’an osa sumondo’io besia ahad komotahula matang.¹²Sa homotahula sumuang i mbale i tow, sumiriange we silatahula.¹³Sa silatahula mêtêna’an tumirima iaho, wa’aho sisiri’nu iataro, sa tahi’i, wa’aho sisiri’nu malengai wehow.¹⁴Bo êsatow ahi’i tumirima i homotahula bo ahi’i tumanga’ i kodai’nu, lumuai osa lolahanai niaho kota suma wale osa tatangên sêbuna a na’enu.¹⁵Kumu Ahu wehow: kaulitana a nêndo gohuta’an tana’ i sodom bo Gomora ihawolahai ni gonêna ênde wa’aho kota.”¹⁶Milah, masiu Ahu i homotahula kele domba a tutud i serigala; wa’aho kawalian maindomange homotahula tondei kele ulah bo êlur kele mombo.¹⁷Sata’ mahatuh a sa’angên i pahasa tow; ênde mbana ê sumuma’ i homotahula a nggohuta i nagama bo silatahula duma’i i homotahula a mbale waibadatana.¹⁸Bo apa’an si Ahu, komotahula pangosenoho a ndior i mangamahaimbahut bo mangadaja kele sasairian tanu silatahula bo tanu mangatow ê tahi’i mahahilala i Ningumêlêd.¹⁹Sa Silatahula sumuma’ i homotahula, na’am komotahula maliang ê kelembisa bo ê nasia niulit ihua i homotahula, apa’an pahasia i aho ihahomba’ behow a norasio’ wa’aho.²⁰Apa’an ahi’i homotahula ê mênunu’, sumata’ Tutuh i namangu; si Sia ê mahi mênunu’ be homotahula.²¹Tow mehe i pognga limêdên, kele wa’aho hahi nêsa amang a mbata’na. Bo mangahedong manokolêm i matu’ana osa mêlimêdêm silatahula.²²Bo komotahula ihare’em i pahasa tow apa’an ngalay-Ku; sata’ totumu’ ê kumêtêr wahad a kasapêtana maindo mawia.²³Sa silatahula duma’i i homotahula a kota êsa, lomolah a kota walina; ênde Ahu kumua wehow: Kaulitana a talawe’ behao i homotahula mowonag a mangakota i Israel, Bata’ i Totumu; imahim.²⁴Êsa murid ahi'i lumebe a ngguruna; suma êsa ata a nawo'na.²⁵Tênam tanu êsa murid sa sia mamoali hele guruna bo tanu êsa ata sa sia mamoali hele nawo'na. Sa mahawale patoton beelzebul, nambom kahi suang i mbalena.²⁶Yana na'am komotahula matalo a sa'angên i latahula, nde talahêmai ê sono-sonowan ê tahi'i wuha'an bo alahêmai ê niru-ruru ê tahi'i hailahan.²⁷Asia ê nihua-Hu wehow a ndêndêm, ihuam ni aho a keraw; bo asia ê mbewuyung a talinganu, isahaiêm ni aho mamo a mbung i mbale.²⁸Bo na'am komotahula matalo we silatahula ê do'na lumimêd i mbatanganu, sumata' ahi'i mahaimbahut lumimêd i kanalu; matalomange i tud be sia ê mahaimbahut mawatutus maulêng i kanalu suma batangan a suang i naraka.Hi' indom dua melepad pisoh pahu'unên êsa hupang? ²⁹Sumata' mande êsa wisoh ahi'i ihakad a toba sa a luar i padung i nAmangu.³⁰Bo komotahula, utah a kohongumange tebe-tebe pahasa.³¹Wa'aho kawalian na'am komotahula matalo, apa'an komotahula lebe mahal ênde melepad pisoh tado'o.³²Êsasa totumu' ê monge'e i Ahu a ndior i totumu', si ahu hahi monge'e i sia a ndior i nAmay-Ku ê na Sorga.³³Sata' seseiange sumakal i Ahu ndior i totumu', si Ahu hahi sumakal i sia a ndior i nAmay-Ku a sorga."³⁴"Na'am komotahula mangatam, awahêm Ahu imahi tanu me'angai i sononoi a mbao i toba; si Ahu imahi ahi'i tahu me'angai i sononoi, sumata' tinomboya.³⁵Apa'an si Ahu imahi tanu mowalad i totumu' a namanga, kedong bebe a ninanga, epowene a mamaepona,³⁶bo kasaru i totumu' i siam mangatotumu' a sangasuang i mbalena.³⁷Siseiange mahalês i namang suma ninaga lumabo we Ahu, ahi'i sia iwêtêna'an be Ahu; bo siseiange mahalês i mbata'na tuama suma wene lumabo we Ahu, ahi'i sia iwêtêna'an be Ahu.³⁸Siseiange tahi'i lumihud i salibna osa lumas i Ahu, ahi'i sia iwêtêna'an be Ahu.³⁹Siseiange mongêtêr i kanaluna, katala'an sia i kanaluna, bo siseiange katala'an kanaluna apa'an si Ahu, malenga haerean.⁴⁰Siseiange sumupah i homotahula, isumupah sia i Ahu, bo siseiange sumupah i Ahu, isumupah i Sia ni sumiu i Ahu.⁴¹Siseiange sumupah i nêsa nabi kele nabi, mahaere sia upag a nabi, bo siseiange sumupah i nêsatow ulit kele towulit, tumirima sia upag i tow ulit.⁴²Bo siseiange mehe ahe utin mande wati mahasa i manggu a nêsa'an tow hisit êwa'i, apa'an sia muri'-Ku, kumua Ahu wehow: kaulitana ahi'i sia hatala'an i nupa'nga wesia."

¹Ihamoho si Yesus nisumani a sangawulu' bo rua muri'na, matang sia wiboho tanu sumani wo manahai kukua a mangakota i latahula.²A suang i penjara si Yohanes mahatanga' i sakum tinawoi i Kristus,³osa masiu i mangamuri'na tuma'an be sia: "Awa si How ni aho ê mahi suma hamitahula sumodo'pe'mai i tow walina?"⁴Si Yesus sumowat silatahula: "Mohonêm osa ihuamange we si Yohanes asia ê tinanga' bo pinilah i homotahula:⁵totumu' buta imahawilah, totumu'dupened behalapang,totumu' kustan imêbayo, totumu' bêngêl imahatanga', totumu' imatem bewawatow bo a mangatow lêngei kinua'an i Sahai Maulêng.⁶Maênowange totumu' ê tahi'i mawatape bo tumulud i Ahu."⁷Ahadêm mangamurid i Yohanes imalengêm, tumo'tol si Yesus mohodait biboho a tow tado'o a sakum si Yohanes: "Asia ê nohon i homotahula a padang gurun? Milah i tambelang maliso-lisoi ni worosêput i kakab?⁸Suma asia ê nohon i homotahula? Milah i totumu' malatang alus? Wa'aho totumu' malatang alus tampana a nggonggulang i kolano'.⁹Yana asia ê nohon i homotahula? Milah i nabi? Totu'u, bo si Ahu kumua wehow, me'e lebe a nabi.¹⁰Apa'an sakum sisia bana mbewatih: Serenai, si Ahu sumiu i sosiu-Hu mamuna we How, sisia mamirang i tutulênU a ndior-U¹¹SI Ahu kumua wehow: kaulitana a tutud i latahula ê mbehawata'ai i mbene ahêm mahasa lumêmbo êsa totumu' ê lebe wako be si Yohanes Pembabtis, sumata' ê ni'it i kisit a Kaholano'an i Sorga lebe wako' besia.¹²A kato'tol belêmboan i Yohanes Pembabtis ahadai wa'i, Kaholano'an i Sorga bewetow bo totumu' i mawawetow mêpe' sumonggulit i sia.¹³Apa'an pahasa nabi bo kitab Torat imanobuat mahad lêmboan i Yohanes¹⁴bo - sa homotahula maibog tumirima i sia - sisiam ê Elia ê wa'aho mahi.¹⁵Sisei mahatalinga, tumanga'ai sia!¹⁶Bo asia ê pêkeleay-Ku i mêkarêngan wa'i? Wa'aho silatahula kelemio' mangahedong mêdatu-ratuh a pasar bo tumerewa' a mangaambena:¹⁷Kamitahula masêput i poloit tanu sihow, sata' komutahula hi'i luma'sih, kamitahula makatar katar i tape sata' komotahula hi'i matape.¹⁸Apa'an si Yohanes imahi, hi'i sia makan, bo hi'i sia sinolongan i setang.¹⁹Lumalas Bata' i Totumu' mahi, si Sia makan bo maluku', bo silatahula kumua: Seren, si Sia êsatow sulamoh bo taluku', ambe i tapasa'aw i cukai bo totumu' mosea'. sata' imbahut i Ningumêlêd beulitan i tatawoina."²⁰Osa si Yesus tumo'tol sumero' i mangakota ê tahi'i mawêdis, mande wibohon Sia ni'it tado'o itumulid i mangamujisa'-Na:²¹"Masilaka how Khorazim! Masilaka how Betsaida! Apa'an sa a Tirus bo Sidon behamoali mangamujisat behamoalim a tutud i homotahula, êto'om silatahula imawêdis bo imakabung.²²Sumata' kumua Ahu wehow: A nêndo pagola'tungan i Tirus bo Sidon maindo ihawolahai nde tanggonganu.²³Bo sihow Kapernaum, awa how iwawahapet ahad a langit? Ahi'i, sihow iwawalolos mahad a lesad i toimatem! Apa'an sa a Sidon behamoali mangamujisat ê mbehamoali a tutud i homotahula, wa'aho kota tantu tumotoype' ahad êndo inia.²⁴Sumata' kumua Ahu wehow: a nêndo pagola'tungan, tanggongan i Sodom maindo lebe wolahai nde tanggonganu."²⁵A tepo i aho kumua si Yesus: "Dumayow Ahu i How, Amang, Tuhan i langit bo toba, apa'an pahasa i aho beruruNu a tosêrit bo towandei, sumata' bewawatara-Nu a tohisit.²⁶O Amang, êwa'ahom niwêtêna'an be How.²⁷Pahasa betarom be Ahu i nAmay-Ku bo alahêm mande êsatowange mahahilala i mBata' songad i Namang, bo alahêm mande êsatowange mahahilala i nAmang songad i mBata' bo totumu' i sia ê ni wêtêna'an iwawatarana.²⁸Moaiêm be Ahu, pahasa totumu' palo' kawel bo malihud tanêd, si Ahu mehe kasononoian behow.²⁹Lihudên pasangan ê mbewasay-Ku bo mulud be Ahu, apa'an si Ahu moêmeng bo polah nate bo kanalunu maindo mahaere kasononoian.³⁰Apa'an wa'aho pasangan bawesay-Ku êna' bo pape'angey-Ku hahi polah."

¹A tepo i aho, a nêndo Sabat, si Yesus mêbe a mbondoi i nggandum. Apa'an male'o, mangamuri'-Na kumêbit tangoan i nggandum bo kuman i aho.²Mêlilah i aho kumua mangatow Parisi we Sia: " Pilahên, mangamuri'-Nu itumawei êsa'an a tahi'i ro'na a nêndo Sabat."³Sumata' sowat i Yesus be silatahula: "Awahi'i winaca i homotahula asia ê tinulid i Daud, a noras sia bo silatahula imahalas i sia male'o,⁴kelembisa sia nisumuang a mBale i Ningumêlêd bo kelembisa silatahula kuman i roti weasil ê tahi'i rona kenên, maulêng sisia suma silatahula i mahalas i sia, kacoali mangaimam?⁵Suma awahi'i homotahula i maca a kitab Torat, awahêm a nêndo-êndo Sabat, mangaimam mawalah i lala'ut i Sabat a mBale i Ningumêlêd, sumata' ahi'i mêsea?⁶Kumua Ahu wehow: Bia'i bana ê lebe a mBale i Ningumêlêd.⁷Sa ulit pangartian i homotahula pandung ia'i kukua: Ê papandugey-Ku awahêm kobêlêsan bo ahi'i powalad, tantu homotahula ahi'i mahu'kum i totumu' alahêm sea?⁸Apa'an Bata' i Totumu' awahêm Tuhan a mbao i nêndo Sabat."⁹Thaworus biboho, si Yesus sumuang a mbale pawaibadatan i latahula.¹⁰Biboho bana nêsa totumu' ê nimatem kamana weta'. Silatahula tumaan be Sia: "Awaro' na mawamaulêng i totumu' a nêndo Sabat?" Pandung i latahula awahêm saniboho do'na mehesea' be sia.¹¹Sumata' ihumua si Yesus we silatahula: "Sa wana nêsa'an be homotahula mahadomba êsa osa niaho ndomba ihatia' a mboso a nêndo sabat, awahi'i tiho'ona osa iluaian?¹²Awahi'i totumu' lebe wako' mbaera nde ndomba? Apa'an wa'aho do'na tumawoi maulêng nêndo Sabat."¹³Osa kua i Yesus a totumu' wa'aho: "Iayomoai kamanu!" Osa iayonamoho, yana imobuligêm ni aho kamana, bo imemaulêngêm kele hamana walina.¹⁴Osa mêluai ni aho mangatow parisi osa mêkoaitan tanu lumimêd i Sia.¹⁵SUmata' si Yesus mahailah i panutu'un i latahula osa momorus biboho. Tado'o totumu' malalas si Yesus bo si Sia imawamaulêng i pahasa silatahula.¹⁶Si sia karêngan kêteh dumarang silatahula mapakua sa sisei Sia,¹⁷Saniboho malêkêwêm kukua ê mbehoyow i nabi Yesasa:¹⁸"Pilahên, wa'aho Nata-Hu ê mbesai-Hu ê behaley'-Ku, ê mbe-sia kanalu-Hu mêtêna'an; Si Ahu mêpa' i tutuh-Ku a mbao-Na bo si Sia mawaterewa' i lala'ut a mangabangsa.¹⁹Si sia ahi'i mêsaruan bo ahi' mawakeret bo ahi'i katanga'an i tow numu' -Na a mangaralan.²⁰Tambêlang ê lêku behalêkoi ahi'i iwawaêpas-Na, bo sumbu ê leho nêla'nga ahi'i iwawawate-Na, ahad Sia mawatung i aho lala'ut.²¹Bo be Siam mangabangsa mongea."²²Osa we' angênai we si Yesus êsatow solo-solongan i setang. wa'aho totumu' buta wo bo'bo, osa si Yesus mawamaulêng i sia, ahad ni aho si wobo' mohoda-hodait bo mêliliah.²³Yana maerang ni aho pahasa tow tado'o, kuana: "Si sia êwa'i kuanoho Suru i Daud."²⁴Sata' a katanga'anoho ni aho i totumu' parisi, kumua silatahula: "karêngan i mBeelzebul, bowirang i setang, si Sia mahelei i setang."²⁵Sata' kailahan i Yesus pangutêhên i latahula osa kumua we silatahula :"Esa'an kota suma pamalean ê mêtêri-têri ahi'i sipapa humêtêr.²⁶Kele wa'ahohêm sa Tapatena' melei i Tapatena'; sisia hahi mêtêri-têri bo masaru i siamio'; awahelembisa kaholano'an doro'na humêtêr?²⁷Yana sa Ahu melei i setang teka imbahut i Beelzebul, teka imbahut i sei mangadengarenu melei i sia? Apa'an ni aho silatahulam ê mamoali gola'tungu.²⁸Ta' sumata' si Ahu melei i setang teka i nimbahut i Tutuh i Ningumêlêd, yana kulitana Kaholano'an i Ningumêlêd i mahim behow.²⁹Suma awahelembisa totumu' do'na sumuang a mbale i nêsatow morowont osa kumadet i nartana satahi dali'na sogotên ni aho tow morowot? pahasogotênamoho doro'nam sia dumampok iaho mbale.³⁰Sisei tahi'i iwakarua-Hu, lumawah sia i Ahu bo sisei tahi'i sumêsên iwakarua-Hu, sisia mapawaêtared.³¹Wa'aho kawalian kumua ahu wehow: Pahasa dosa wo tena' totumu' ka'apungan, sata' tena' be Tutuh Lênas ahi'i apungan.³²Sa êsatow numu' asiamange sumaru i mBata' i Totumu', apungan sia, sumata' sa sia sumaru i Tutuh Lênas, ahi'i sia apungan, a mbao i toba ia'i ahi'i, bo a mbao i toba ê malengai hahi ahi'i.³³Sa sangatud pohong ihua i homotahula maulêng, yana maulêng kahi mbua'na; sa sangatud pohong ihua i homotahula ta'pia, yana ta'pia hahi mbua'na. apaa'an a mbua'na ni aho pohong kahalala'an.³⁴Ei komotahula i suru i nulah dumerehe', awahelembisa homotahula doro'na mênu asakumên i maulêng, saraimbo homotahulamio' ta'pia? Apa'an êmbenu' i mba'ba ihumaluad a nate.³⁵Totumu' maulêng mawalêmbo mangamulêng a pêwêndamana maulêng bo totumu' ta'pia mawalêmbo i mangata'pia a pêwêndamana ta'pia.³⁶Sata' kumua Ahu wehow: Pahasa hodait ahêm toro ê niênu i totumu' mulit sowatêna a nêndo wagohuta'an.³⁷Apa'an mi'it a kodai'nu sihow ulitan, bo mi'it kahi a kodai'nu sihow u'kumên."³⁸A tepo i aho mohodait tatahula toutêh Torat tow parisi be si Yesus: "Guru, kamitahula maibog mêilah êsa'an tanda' be How."³⁹Sata' sowa'-Na we silatahula: "Pekarênganan ê ta'pia wo ta'eman ia'i manutut êsa'an tanda'. sata be silatahula ahi'i hawean tanda' ahi'i walina i tanda' i nabi Yunus.⁴⁰Apa'an kale si Yunus imutun a suang i tian i nda' têlu ngando têlu ngawêngi, kelewa'ahohêm Bata' i Totumu' mutun kahi a tian i toba têlu ngando têlu ngawêngi.⁴¹A norasan i nggohuta'an mangatow i Ninewe maleng tumow karêngan i pêkarênganan wa'i bo mu'kum i sia hahi. Apa'an mangatow i Ninewe i aho imawêdis ahadêm nitumanga' i sasahai i Yunus, bo kaulitana ê mbia'i lebe we si Yunus!⁴²A Norasan i nggohuta'an, wa'aho kalono' a Selatan maleng tumow karêngan i pêkarênganan wa'i osa sisia mu'kum i sia hahi. Apa'an nia'i kolano a tepoh i mbao i toba sa mahi tanu tumanga' i sononoi i Salomo, bo kaulitana ê mbia'i lebe we si Salomo."⁴³Sa tutuh ta'pia lumuai a totumu', mêlaur sia a mangatampa tolandus mangilah sondo'an. Sata' sia ahi'i mahaere iaho.⁴⁴Osa sia humua: Siahu maleng moho a mbale wa'aho mbepa'kumange. Yana moho sia bo koamatanam wa'aho mbale kosong, bêrêsi kinakasan bo luboi mululum.⁴⁵Osa sia lumuai momayat i pitu roh balina ê lebe ta'pia wesia bo silatahula sumuang bo mogutum biboho. Yana amaha'na gio iaho totumu' lebe ta'pia nde nggio a pahamunan. Kelewa'aho hahi ê mamoali a pêkarênganan ta'pia êwa'i."⁴⁶A noras si Yesus menunu'pe bo wa'aho tow tado'o, ninang-A wo mangawog-Nga tomotod a luar bo dumongan sumauw i Sia.⁴⁷Yana êsatow kumua we sia: "Pilahên, inang-U wo mangawog-Ngu a luar baparipi sumauw i How."⁴⁸Sata' sowat i Yesus a totumu' ê wa'aho nimahi humua iaho we Sia: "Sisey ninay-Ku? Bo sisey mangawog-Ku?"⁴⁹Osa kua-Na, karêngan tumuru' i mangamuri'-Na: "Wa'i ninay-Ku bo mangawog-Ku!⁵⁰Apa'an siseiange ê tumulid i pandung i nAmay-Ku a sorga, sisiam mangawog-Ku tuama, sisiam mangawog-Ku wene, sisiam ninay-Ku."

¹A nêndo wa'aho lumuai si Yesus biboho a mbale osa dumatuh a sili' i luah.²Yana mangahi tow tado'o lulu-lulutênange osa lumipung i Sia, mahad Sia sumake a mbolutu osa rumatuh biboho, sarimbo tow tado'o pahasa tumotod a tapirig i luah.³3Osa tado'o sinakum imbewanguaNa bewapangande-Na we silatahula. Kua-Na: "Baha nêsatow tapakêlod mahah kumêlod.⁴A noras sia makêlod, wa'aho pêpês bana mbewangakad a têmbir i ndalan, osa mahi melepad kuman iaho ahad i talam.⁵Bana mbewangakad a toba batu watuan, ê tahi'i takura ê tobana, osa ni aho pêpês tilaho i manow, apa'an tobana nipis.⁶Sata' lumuaioho nêndo, ilumatoiêm sia bo mawêla apa'an ahi'i mamut.⁷Bana hahi mbehakad a tutud i kabu' i patoh, osa mahawako' ni aho kabu' bo mêkuwit i sia ahad i mate.⁸Bo bana mbewangakad a toba maulêng osa mamua': bana ê mahamatus ngalikun, bana ê nênêm ngawulu' ngalikun, bana ê têlu ngawulu' ngalikunn.⁹Sisei mahatalingan, tumanga'ange sia."¹⁰Yana mangahi mangamuri'-Na osa tuma'an be Sia: "Ndea'aho How mênunu' be silatahula i wapangande?"¹¹Sowat i Yesus: "Behow binean tutuh tahu mahailah i sosonom i Kaholano'an i Sorga, sata' be silatahula ahi'i.¹²Apa'an sisei ê mbana, sisia ê mbean, amahad sia kaaya'an; sata' sisei ê talahêm, asiamange mbesia pangindon besia.¹³Wa'aho kawalian si Ahu mênunu' iwapangande we silatahula; apa'an mandewe' mêlilah, ahi'i silatahula mahawilah bo mandewe' matanga' ahi'i silatahula mahatanga' bo ahi'i mahata'an.¹⁴Yana be silatahula lêkêwêm mbenobuat i Yesaya, ê mahaênu': Komotahula tumanga' bo mahatanga', sata' ahi'i mahata'an komotahula mêlilah bo mahawilah, sata ahi'i mahatiho'.¹⁵Apa'an ate ia'i mbangsa ihumunabêlêm, bo talingana tanêd matanga', bo bêlêna kupet tumakê-takêw; saniboho na'am silatahula mahawilah teka i mbêlêna bo mahatanga' teka i talingana bo mangarti teka i atena, osa sumomba'i mahad si Ahu ê mawamaulêng silatahula.¹⁶Sata' maênowange mbêlênu apa'an mahawilah bo talinganu apa'an mahatanga'.¹⁷Nde kumua Ahu wehow: kaulitana tado'o nabi bo taulit maibog mailah asia ê mbelilah i homotahula, sata' ahi'i mahawilah i aho, bo maibog tumanga' asia ê tinanga' i homotahula, sata' ahi'i mahatanga' iaho.¹⁸Apa'an wa'aho : tanga'an sondait ia'ho pangandean i tapakêlod.¹⁹A totowêsa ê mahatanga' i kukua sakum Kaholano'an i Sorga, sata' ahi'i mahatiho' iaho, mahi ê si ta'pia osa kumandet i mbehêlodêm a nate i aho totumu', êwa'aho pêpês ê mbêhêlod a têmbir i ndalan.²⁰Kêlod ê mbêhêlod a to'ba batu-watuan awa'aho totumu' ê nitumanga' i aho kukua osa tilaho i tumirima i aho karêngan i mbeat.²¹Sata' sia ahi'i imaut bo ihatahang sangaoras kêmoho. samahi pêkulêngan bo pêda'ian apa'an wa'waho kukua, totumu' wa'aho hahi tilaho sumakal.²²Ê mbehêlod a tutud i kabu' i patoh awa'aho totumu' itumanga' i aho kukua, osa kalikokoan i mbaoitoba i'ai bo totondei i ka'aya'an dumasêl iaho kukua amahad ahi'i mamua'.²³Ê mbehêlod a toba meulêng awa'aho totumu' nitumanga' iaho kukua bo mahata'an, bo apa'an wa'aho sia mamua', bana ê matus ngalikun, bana ê nênêm ngawulu' ngalikun, bana ê têlu ngawulu' ngalikun."²⁴Si Yesus kumayas kahi êsa wangandean be silatahula, kua-Na: "Sakum wa'aho Kaholano'an i Sorga iwangande totumu' ê kumêlod pêpês maulêng a mbondoina.²⁵Sata' a noras pahasa tow i mo'om, mahi ê kasaruna kumêlod pêpês i kuhun a nêpang iaho nggandum, osa moho.²⁶A tumowoho ni aho nggandum bo tumu'tolem manangoan, kawilahan kahi ni aho kuhun.²⁷Yana mangahi ê mangaata i aho mahawondoi wesia osa humua: Awo', awahi'i pêpês maulêng , ê mbehêlod i nawo' a mbondoi i nawo'? Bisana sa mahi ni aho kuhun?²⁸Sowat i aho nawo': Êsatow kasaru nitumawoi i aho. osa mohodait ni aho mangaata ata wesia: Yana awamaibog si nawo' saniboho hamitahula moho mangubut i aho kuhun?²⁹Sata' sia humua: Na'am, ndesa ni aho nggandum mêlas ihaubut a noras komotahula mubut i aho kuhun.³⁰Iwayai oho silandua tumowmakarua ahad tepona mangauwu'. A tepom wa'aho kumua ahu a mangatapanguwu': Sêsênêype' pahamunan ni aho kuhun bo pamoto'on tanu tutun, ahad i aho panêsênên ni aho nggandum a suang i nggodoyku."³¹Si Yesus kumayas êsa wangandean balina hahi be silatahula, kua-Na: "Sakum wa'aho Kaholano'an i Sorga kelemange batu i mostor, ê mbendo wo bewêpês i tow a mbondoina.³²Totu'u batuna wa'aho ni'it kisit a mangawêpês, sata' sa itumowêm, wa'aho mostor lebe wako' nde tu'inoho walina, do'na mamoali wohong, mahad mangamelepad a kakaban mahi mêdumun a mangasapa'nga."³³Osa si Sia isumirita wangandean ê wa'i we silatahula: "Sakum wa'aho Kaholano'an i Sorga kelemange ragi ê mbendo i nêsa wene osa ihayo'na a topong i têrigu têlu sukat(=êpat ngawulu' liter) mahad pahasa wa'aho kumapet (sumêha)."³⁴Kesan wa'aho behua i Yesus a tow tado'o a pangandean, bo ahêmai mbehua-Na we silatahula a tahi'i wewangande,³⁵Saniboho lêkêwêm kukua ê mbehua i nabi: "Si Ahu mapandung muha i mba'ba-Nu mapakua i pangandean, Si ahu mapandung mohodait a sakum niru-ruru tu'os katulid i mbaoitoba."³⁶Yana si Yesus kahi mêpa'ange i aho tow tado'o osa maleng. Mangamuri'-Na mangahi osa humua we Sia: "Iwawataram be hamitahula pangandean sakum kuhun wa'aho na mbondoi."³⁷Sumowat Sia, kua-Na: "Totumu' i humêlod pêpês maulêng awa'aho Bata' i Totumu';³⁸Bondoi awa'aho baoitoba. Pêpês maulêng wa'aho mangawata' i Kaholano'an bo kuhun i mangawata' i si ta'pia.³⁹Kasaru nihumêlod pêpês kuhun awa'aho si Tapatena', Oras i manguwu' awa'aho kasapêtan i katowan bo mangatapanguwu' awa'aho malaekat.⁴⁰Yana kalewa'aho kuhun sinêsên bo berupul a mbaha, kalewa'ahohêm na kasapêtan i katowa.⁴¹Bata' i Totumu' masiumai i mangamalaeka'-Na bo silatahula manêsên i pahasa asiamange ê mapawaureng bo pahasa totumu' matawoi i kata'pia'an a suang i Kaholano'an-A.⁴²Pahasa wa'aho iwawarupul a papêbaha'an; bibohom ê mbana nisod bo kalêkêt i mba'ang.⁴³A tepo wa'ahom mangatoulit maindo sumulo kele êndo a Kholano'an i nAmang i latahula. Sisei mahatalinga matanga'ange sia!"⁴⁴"Sakum wa'aho Kaholano'an i Sorga kele arta ilêbe-lêbêng a mbondoi, ê kinaerean i tow, osa malenga i lêbêng. Apa'an i kahi'na moho sia mêgu'un i pahasa sawana osa tumêlês i aho mbondoi.⁴⁵Kelewa'ahohêm sakum wa'aho Kaholano'an i Sorga kele êsatow mawadangang ê mangilah mutiara monunga.⁴⁶A kaereanamoho ni aho mutiara monungamio, imohom sia ihumu'un i pahasa sawana osa tumêlês i mutiara wa'aho."⁴⁷Kelewa'aho hahi sakum wa'aho Kaholano'an i Sorga kele lolombo' bewasot a saloyon, osa mahasapoi morowalina nda'.⁴⁸Mawundatoho puhêt wa'aho kosên i tow a tapirig, osa mêdatuhio, silatahula osa manêsên i nda' lo'or a loyan bo mangada' ahi'i lo'or itia' i latahula.⁴⁹Kelewa'ahohêm kahi na kasapêtan i katowan. Mangamalaekat mangahi mawatared i totumu' ta'pia a totumu' ulit,⁵⁰osa mêdupui i tota'pia a suang i papêbaha'an; bibohom kaerean i nisod bo kalêkêt i mba'ang.⁵¹Awa kawiowan i homotahula pahasa wa'aho? Silatahula sumowat: "Ei, kawiowan i hamitahula."⁵²Yana kumuam si Yesus be silatahula; "Wa'aho kawalian mangatoutêh i Torat, nitumirima sasani asakum wa'aho Kaholano'an i Sorga kele mahawale ê nilumuai i narta taleya bo hoyongan a powêndamana."⁵³Ihalawusoho si Yesus nimasirita i mangawangandean wa'aho, matang Sia wiboho.⁵⁴Ihaho'amatoho a ndo'ong-A, si Yesus mêsani i mangatotumu' biboho a mbale pawaibadatan i latahula. Yana maerang silatahula bo humua: "Bisana kinaeran-A i sononoi wa'aho bo imbahut tanu tumulid i mangamujisat wa'aho?⁵⁵Awahi'i Sia êwa'i bata' i tapatawoi i kayu? Ahi'i ninang-Nga mahangalan si Maria bo mangawog-Nga: si Yakobus, si Yusuf, si Simon bo si Yudas?⁵⁶Bo awahi'i mangawog-Nga wene pahasa karuru i hita? Yana bisana kinaerean-Na i pahasa wa'aho?⁵⁷Osa silatahula mahiding nate bo mêtulud iu Sia. Yana si Yesus kumua we silatahula: "Êsa nabi pasiri'in bisa-wisanamange sata' hi'i a ndo'ongamio bo a mbalena."⁵⁸Bo apa'an tahi'i emanên i latahula, ahi'i tado'o mujisat tinulid-Na wiboho

¹A tepo wa'aho iho'amat ê mangasahai sakum si Yesus be si Herodes kolano' mahalukad.²Osa sia humua a mangawêgaweina: "Ewa'im si Yohanes Pembabtis; sisia itumowêm a tutud i tow imatem bo wa'aho kawalian wa'aho mangaimbahu'na matawoi we Sia."³Apa'an totu'u si Herodes imasium tumiho si Yohanes, tumorunggu i sia mawawênjara i sia, behauwud a nimamoali we si Herodias, karoang i Pilipus pog-Nga.⁴Apa'an si Yohanes mahasa imerow i sia, kuana: "Ahi'i tumutul kow mindo si Herodias!"⁵Si Herodes mapandung lumimêd i sia, sata' sia matalo i tow tado'o ê matele' si Yohanes kele nabi.⁶Sata' a nêndo lumo'or i ta'un tinowan i Herodes, luma'sih mbata' i Herodias bene a tutud silatahula bo imawawêkahi' i nate i Herodes,⁷Mahad si Herodes imasupa mehe wesia asiamange ê pangeleiêna.⁸Yana pahatêna'anoho i ninaga, wa'aho kedong bene kumua: "Bean ahu wia'i kohong i Yohanes Pembabtis a nêsa baki."⁹Osa masusa nate i kolano', sata' apa'an supana bo apa'an mangasaheina pinêrêtanamange tanu mehe i aho.¹⁰Bewasiuna morog i kohong i Yohanes a pênjara¹¹osa kohong i Yohanes êwa'aho pineangai i tow a nêsa baki, osa iehe wiboho a mbene osa sia me'angoho a ninanga.¹²Ahad wa'aho mahi mangamurid i YOhanes Pembabtis mindo i mbangkena osa kumubur i sia. Osa silatahula moho humua we si Yesus.¹³Katanga'anoho i Yesus niaho sirita imomorusêm Sia wiboho osa mapandungêm kumêndus i mbatangan bo wolutu a lesad liai. Sata' tow tado'o imahatanga' i aho osa mêlas i Sia mêbe a têmbêran a mangakota i latahula.¹⁴Mobatunoho si Yesus a ndarat, mêlilah Sia i tow tado' omio', yana ihali'is nate-Na i kobêlêsan be silatahula osa Sia imawawaulêng silatahula i nadosên.¹⁵A mbawa'andom, mangamuri'-Na mahi we-Sia osa humua: "Lesad bia'i liai bo êndo susutêm dumêndêm iwasium ni'ange mangatotumu' maleng saniboho silatahula do'na tumêlês kakanên a mangaro'on."¹⁶Sata' si Yesus ihumua we silatahula: Silatahula ahi'i sana' maleng; komotahula musti mehe kan be silatahula."¹⁷Sowat i latahula: "Bana e mbehamitahula wia'i bati' lima roti bo dua nda'."¹⁸Si Yesus kumua: "Pe'angênai we Ahu".¹⁹Osa iwasium-Na ni aho mangatow mêdatuh a noho. Osa indo-Na moho ni aho lima roti bo rua da', si Yesus nguma'al a langit osa kumua i kamang, osa mamisung i aho roti osa mehe i aho a mangamuri'-Na, osa mangamuri'-Na mêbeteng a mangatow.²⁰Osa pahasa silatahula i human ahad i masuh. Osa panêsênên i tow mangawisung i roti wehaagat, sangawulu bo rua watang muhu-hu.²¹Ilumas ihuman ipa'io lima ngoribu tuama, ahi'i wetebe mbene bo mangahedong.²²Ihaleotoho i aho si Yesus tilahom isumiu i mangamuri'-Na sumake a mbolutu osa mamunam be Sia moho a tetela', karêngan wa'aho masiu Sia i mangatow mangaleng.²³Osa ihaworusoho ni aho mangatow bewahialeng-Nga, si Yesus mamao a mbêtêl tanu sumombayang si Sia i nêsa. Dumêndêmoho, si-Sia hêmange mbiboho.²⁴Bolutu i mangamuri'-Na tatahulam mil karekangana a têmbir i tapirig osa pobambi-bambingên i mbohol, apa'an kakab masupah.²⁵Do'nam onah têlu ngaoras mahi si Yesus be silatahula ilumapang a mbao i nahe.²⁶Kawilahanoho i mangamuri'-Na ê malapang Sia a mbao i nahe, mêkombo' silatahula osaSumawang : "Wa'aho panunggu!". osa silatahula morosawang apa'an matalo.²⁷Sata' si Yesus tilaho ihumua we silatahula: "Tumêtêng! Si Ahu nia'i, na' matalo!".²⁸Osa si Petrus sumawang osa sumowat i Sia: "Tuhan, si si How nia'na, isiumai ahu mahi we How lumapang a mbao i nahe."²⁹Kukua i Yesus: "Moaiêm!" Yana si Petrus lumolos a mbolutu osa lumapang a mbao i nahe mogamat si Yesus.³⁰Sata' a mahahêlamoho sia i sêputan i kakab, imatalom sia osa molaim ihalêbêng osa sumawang: Tuhan, tulungêna ahu!"³¹Tilaho si Yesus imayomoho i kama-Na, tumaka' i sia osa humua: "Ei totumu' ê kaut neman, ndeaho how mêbambing?"³²Osa silatahula sumake a mbolutu bo kakab kahi itumêtêngêm.³³Bo mangatotumu' ê na mbolutu moniri' i Sia, kuana: "kaulitana si How Bata' i Ningumêlêd."³⁴Ihaho'amatoho a tetela' silatahula mobatun a Genesaret.³⁵A kahilala'anoho si Yesus i mangatow wiboho, mangua silatahula a sêrêb iaho lukad. Yaha pahasa totumu' adosên binalaimai we Sia.³⁶Mamohong silatahula saroro'na ponge'an mamos i ndoyot i njuba'-Nga. Osa pahasa totumu' i mamos i Sia imêmaulêng.

¹Osa mahi ê tatahula tow parisi bo toutêh i Torat a Yerusalem be si Yesus osa humua: ²"Nde'aho mangamuri' -Nu makolan i lala'ut i nawo-nawo' i hita? Silatahula ahi'i makese i kama a talawe' kuman."³Sata' sowat i Yesus be salatahula: "Nde'aho komotahula hahi makolan a pêreta i Ningumêlêd mêtê' a lal'ut i nawo-nawo' nu?⁴Apa'an Ningumêlêd i humukua: Siri'in namangu bo inangu; bo hahi: Sisei ê mawasupa i namanga bo inanga mulit paten.⁵Sata' kua i homotahula: siseiange kumua a namanga suma a ninanga: Asia ê mbeahu ê ndo'na i toro tanu iwahiaha i how, betorom maindo powalad a Ningumêlêd.⁶Wa'aho totumu' alam sana' sumiri i namanga suma ninanga. Apa'an kelewa'aho kukua i Ningumêlêd itara i homotahula alam ihamoali mête' a lala'utnumio'?⁷

¹Ahad wa’aho mahi mangatotumu’ Parisi bo Saduki mapandung mangêpe’ Si Yesus. Silatahula mengalei saniboho Sia mawaturu’ êsaan tanda’ a sorga we silatahula.²Sata’ sowat I Yesus: “A mbawa’ ando apa’an langit meha’ komotahula humua : Êndo modaraw,³bo a mbasindo, apa’an langit meha’ bo leho, komtahula humua: Êndo tuka. Gio I langit kailahan I homotahula silihên sata mangatanda’ I zaman ahi’i.⁴Pêkarênganan ê ta’pia wo ahi’i mo’eman êwa’i manutut tanda’ iwalina a tanda’ I nabi Yunus.” Osa si Yesus mêpa’ io silatahula osa matang.⁵A noras mangamurid I Yesus tumetele’ i luah, silatahula i molingo me'ang roti.⁶Si Yesus kumua we silatahula : "Mahia-iaha bo mahatuh a ragi i totumu' Parisi wo Saduki!"⁷Yana silatahula mangutê-ngutêh osa êsatow kumua a balina : "Wa'aho wehua-Na apa'an kita ahi'i ime'ang roti."⁸Bo a kailahanoho i Yesus asia ê pohoda-hodaitan i latahula, kumua Sia: "Ndeaho homotahula mohoda-hodait sakum alahêm roti? Ei mangatotumu' ê kaut neman !⁹Awe' kahi homotahula imahawiow? Alam kaimunan i homotahula ê lima roti tanu wa'aho lima ngoribu tow bo tahula watang roti sinêsên i homotahula a mahad?¹⁰Suma haho ê pitu roti tanu wa'aho nêpat ngoribu tow bo tahula watang sinêsên i homotahula a mahad?¹¹Kelembisa roro'na homotahula ahi'i mahawiow awahêm hi'i roti ê pinanutu'-Ku. Kumua Ahu wehow : Mahatuh i ragi i totumu' Parisi wo Saduki."¹²A noras wa'aho kawiowaype' moi' i latahula awahêm ahi'i wewanutu'-Na saniboho silatahula mahatuh a ragi i roti, sumata' a sasani i totumu' Parisi wo Saduki.¹³Iho' amatoho si Yesus a sakumên i kaisarea Pilipi, tuma'an Sia a mangamuri'-Na : "Kua i tow, sisei ni aho mBata i Totumu?"¹⁴Sowat i latahula : "Bana ê kumua : si Yohanes Pembabtis, banamange ê kumua: si Elia bo bana hahi ê kumua si Yermia suma êsa'an tow a moronabi."¹⁵Osa si Yesus tuma'an be silatahula : "Sata' asia kuana' siseindom Ahuu wa'i?¹⁶Yana sowat i Simon Petrus : "Sihow awahêm si Mesias, Bata' i Ningumêlêd ê mênonow !"¹⁷Kua i Yesus besia: "Maênowange how Simon bata' i Yunus ênde tahi' i totumu' ê nimawatara i aho wehow, sumata' Away-Ku ê na sorga.¹⁸Osa hahi kumua Ahu wehow: "Sihow awahêm si Petrus osa a mbao ia'i mbatu karang tumod Ahu i jamaatKu osa pawate ahi'i mahasese i sia.¹⁹Behow ê mbeay-Ku i kusi'i Kaholano'an i Sorga. Asia sogotênu a mbao i to'ba ia'i ihasogot a sorga bo asia nilêpo'nu a mbao i toba ia'i ihalêpot a sorga."²⁰Osa si Yesus dumurang i mangamuri'-Na saniboho na kumua we siseiange awahêm Sia si Mesias.²¹Tu'os tepo wa'aho si Yesus tumo'tol mapawatara a mangamuri'-Na awahêm si Sia mulit moho a Yerusalem bo tumonggong tado'o wongigonên a tulung i morotu'a, moroimam kapala bo morotaoutêh i Torat, osa limêdên bo iwawatow a katêluna ngando.²²Sata' si Petrus kumose si Yesus a mbelit osa merow i Sia, kuana: "Tuhan, merotange Ningumêlêd mawarekang i aho ! Ê wa'aho ahi'i roro'na tumêna i How."²³Yana si Yesus sumeleng osa humua we si Petrus: "Kita' tapatena'. Sihow êsa watu wisudan tanu si Ahu, apa'an sihow hi'i mongutên asia ê pahutêhên i Ningumêlêd, sumata' asia pahutêhên i totumu'."²⁴Osa si Yesus kumua a mangamuri'-Na : "Êsatow ê maibog kumi'it i ahu, mulit sia sumakal i mbatangana, lumihud i salibna osa kumi'it i Ahu.²⁵Apa'an siseiange maibog mawawia i kanaluna, katala'an i kanaluna; sata' seseiange katala'an i kanaluna apa'an si Ahu, sisia mahaere i aho.²⁶Asia torona êsatow mahaere kêsan i mbao i toba sata' katala'an i kanaluna? Bo awasia ê ndo'na iehena maindo soal i kanaluna?²⁷Apa'an Bata' i Totumu' mahi wo konunga'an i nAmang-Nga pakihitên i mangamalaeka'-Na; a tepo wa'aho mahi Sia malas a nêsa-êsa tow mi'it a tatawoina.²⁸Kumua Ahu wehow : Kaulitana a nêpang i tow imahi wia'i bana ê tahi'i mate sa awe' silatahula mêlilah i mBata i Totumu' mahi kele Kolano' a Kaholano'an-Na."

¹Morus ênêm ngando si Yesus mali si Petrus, si Yakobus bo si Yohanes pognga, osa iwakaru-harua i latahula si Yesus mêtung a nêsa dungusan matatang. Biboho bati' ange silatahula.²Osa si Yesus tumotalang ambêlên i latahula, tokia'-Na sumulo kêpom nêndo, bo latanga-Nga i mêbudo' tokia'-Na sumulo kêpom nêndo, bo latanga-Nga i mêbudo' mêndaw kêpom keraw.³Yana kawilahan i latahula si Musa bo si Elia mohoda-hodait bo si Sia.⁴Kua i Petrus be si Yesus: "Tuhan, ime'em kaênowan i hamitahula tumotod bia'i a lesad. Sa how maibog, doro'na todêyku telu dasing, êsa tanu si How, êsa tanu si Musa bo êsa tanu si Elia."⁵Bo mohoita' umange a mênunu'pe' sia lumolos kambur ê kumera-herawêm muyung silatahula bo a suang i aho kambur katanga'an nunu' ihumua : " Wa'im Kedong ê nihalêy-Ku, be Siam Ahu mêtêna'an, tanga' anange Sia."⁶Mahatanga' i aho bewangahêpa mangamuri'-Na bo silatahula imatalomio'.⁷Osa si Yesus mahi we silatahula osa tumikêl silatahula karêngan kumua: "Tumodêm, na' matalo!"⁸Osa amatangoai silatahula i kohong, alam silatahula i mêlilah mande êsa tow songad si Yesus i nêsa.⁹A noras silatahula lumolos a ndungusan wa'aho, si Yesus sumani we silatahula : "Na' komotahula sumirita i aho pinêlilah be siseiange sa awe' mBata' i Totumu' bewawatow a nêpang i tow imatem."¹⁰Osa mangamuri'-Na tuma'an be Sia : "Sa hele wa'aho ndeaho mangatautêh i Torat kumua awahêm si Elia mulit pahamunan mahi ?"¹¹Sowat i Yesus : "Totu'u si Elia mahi osa mawawobulig i nasiamange,¹²bo kumua Ahu wehow : So Elia imahim, sata; mangatow hi'i mahahilala i sia, osa itumulid i sia mi'it i papandungên i latahula. Kelewa' aho hahi Bata' i Totumu' maindo mongigon tatawoi i latahula."¹³A tepo wa'aho imahawiowêm mangamurid i Yesus awahêm Sia i sumirita sakum si Yohanes Pambabtis.¹⁴A noras si Yesus bo mangmuri'-Na malengemoho wiboho a mangatow, mahi nêsatow tumauw si Yesus bo mamohong,¹⁵kuana: "Tuhan ihalêsai mbata'ku. Sisia adosên i mboringongot bo ni'it mahigon. Lê'têh sia iwakasuma' a mbaha bo hahi lê'têh iwakatia' a nahe.¹⁶Siahu imalim i sia a mangamuri'-Nu, sata' silatahula ahi'i mahasipapa mawamaulêng i sia."¹⁷Yana kua i Yesus: "Ei komotahula pêkarênganan ê tahi'i maheman bo moureng, tahulawe' kaêto'an Ahu mulit mutun a nêpang i homotahula? Pe'angênoai ni aho kedong!"¹⁸Karêngan i kêteh si Yesus misu' i sia, osa ni aho setang lumuai wesia osa wa'aho kedong imêmaulêng a norasio wa'aho.¹⁹Ahad wa'aho mangamurid i Yesus mahi bo a noras silatahula hêmange wo si Sia, mêta'an silatahula : "Ndeaho hamitahula ahi'i mahasipapa melei i aho setang?"²⁰Kumua Sia we silatahula : "Apa'an komtahula kuat kawaheman. Apa'an kele haako'an i mbatuna i mostorange komotahula mahasipapa kumua a ndungusan: Dumeso wia'i moho wiboho, yana ni aho ndungusan dumeso, bo alahêmoho ê ta' hamoali wehow.²¹[Kelewa'i ahi'i hasipapa'an ielei kacoli wo sombayang bo mapuasa!]²²A tepo si Yesus bo mangamuri'-Na makaru-harua a ngGalilea, kumua Sia we silatahula: "Bata' i Totumu' iwawataro a kama i totumu'²³bo silatahula lumimêd i Sia osa a kateluna ngando iwawatow Sia." Yana ate i mangamuri'-Na êwa' aho tapemio'.²⁴A noras si Yesus bo mangamuri'-Na lusutoho a Kapernaum mahi tapasa'aw i mbea i mBale i Ningumêlêd be si Petrus bo humua; "Awa nggurunu hi'i maer wa'aho mbea dua dirham?"²⁵Sowa'na : "Tatu mawaer." Osa sumuangoho si Petrus a mbale, si Yesus mamuna i tata'an : "Asia ê na nutê'ngu, Simon? Be sisei mangaholano' i mbao i toba ia'i mawasa' aw i mbea wo pajak? A towna suma toasing?"²⁶Sowat i Petrus : "A toasing!" Yanasa kua i Yesus besia: "Sa helewa' aho towna perei.²⁷Sata saniboho hita ahi'i mamoali batu wisudan be silatahula, mohonêm manoton a luah. Osa da' kahamunan katotonanu, taka' an osa wuha'an mba'bana, yana mahaera how doit êpat dirham a suanga. Indon ni aho osa iwaer be silatahula, tanu si Ahu bo hahi tanu sihow."

¹A tepo wa'aho mangahi ni aho mangamurid be si Yesus osa tuma'an: "Sisei ê ni'it bako' a suang i Sorga?"²Yana si Yesus tumiang êsa hedong kisit osa iwawatutudna we silatahula.³Osa thumua: "Ihua Hu wehow, kaulitana sa homotahula ahi'i matobat osa mamoali helewa'i kedong kisit, ahi'i homotahula ihasuang a Kaholano'an i Sorga.⁴Saraimbo seseiange ê mawa' i mbatangan osa mamoali helewa'i kedong kisit, sisiam ê ni'it bako' a suang i Kaholano'an i SOrga.⁵Bo siseiange sumupah i kedong kisit kelewa'i karêngan i ngalay-Ku, sisia i sumupah i Ahu.⁶Sata' seseiange ê mawaureng i nêsa'an bia'i a mangahedong kisit ê maheman be Ahu, lebe maulêng besia sa êsa watu pahilingan isogot a lehedna osa iwawalêbêng a ndalêm i saloyon.⁷Ihasalaka mbaoitoba karêngan i pahasa iwapawaurenga: Totu'u pawaureng musti wana, sata' ihasilaka totumu' ê mawawana i aho.⁸Sa kamanu suma a'enu mawaureng i how, powotên osa ni aho itia', apa'an lebe maulêng be how sumuang a katowan teka i kama wukoi suma hisol darape' karêngan i lêkêw ndua hama bo rua a'enu irupul a mbaha têlas.⁹Bo sa wêlênu mawaureng i how, pêsutên osa itia' ni aho, apa'an lebe maulêng be how sumuang a katowan karêngan i mahawêlên êsa darape' irupul a mbaha i karêngan i mahaêlên dua.¹⁰0Imunên, na' mawa-mawa' êsa'an a mangahedong wa'i. Apa'an si Ahu kumua wehow: Bana malaekat i latahula a sorga ê maindo matotong a tokia' i Namay-Ku ê na sorga.¹¹Apa'an Bata' i Totumu' mahi tanu mawawia i mbehatala.¹²Kelembisa na nutê'ngu? sa mahasawa sangatus ndomba, bo êsa'an be silatahula ihaureng, awa hi'i sia mêpa'io i siow ngawulu' bo siow a pêdungusan osa moho mangilah i aho mbehaureng?¹³Bo kumua Ahu wehow: Kaulitana sa sia doro'na humita i sia, lebe wako' kobeatana wiboho a nêsa darape' na siow ngawulu' bo siow ê tahi'i wehaureng.¹⁴Kelewa'aho hahi Namangu a Sorga ahi'i mapandung mande êsatowange a mangahedong wa'i ihatala."¹⁵Sa oras pogngu mêsea', isu'un sia a nêpa bêlên. Sa sia mahata'an i sasaninu malêngum sia hinaerea.¹⁶Sa sia hi'i mahata'an, malimai êsatow suma dua towe', saniboho mi'it a mbesani i ndua suma têlu sairi, wa'aho perkara ahi'i ihalikoko.¹⁷Sa sia hi'i maibog mahata'an silatahula ihuam perkarana a njama'at. Bo sa sia hi'i maibog tumanga' i njama'at, pilahênêm sia hele êsatow ê tahi'i mahahilala i Ningumêlêd suma êsatow tapasa'aw i cukai.¹⁸Kumua Ahu wehow: Kaulitana asia ê sogotên a mbaoitoba ia'i ihasogot a sorga bo asia ê nilêpo'nu a mbaoitoba ia'i ihalêpot a sorga.¹⁹Bo hahi kumua Ahu wehow: Sa ruatow be how a mbaoitoba ia'i mêduluh mangelei awasiamange, wa'aho pangeleiên latahula ponge'ean i Namay-Ku ê na sorga.²⁰Apa'an bisana ndua suma têlu tow sumêsên karêngan i ngalay-Ku, biboho Ahu a tutud silatahula."²¹Ahad i aho mahi si Petrus osa humua we si Yesus: "Tuhan, motahad mahatahula ahu musti mapung i pogku sa sia mêsea' beahu? Motahad mahawitu?²²Si Yesus kumua wehow: "Hi'i! Kumua Ahu wehow: "Hi'i motahad mahawitu, sumata' motahad mahawitu ngawulu' bo witu.²³Apa'an sakum Kaholano'an i Sorga kelemio' êsa holano' ê mapandung tumulid pêtebean bo mangaatana.²⁴A tumo'toloho sia tumulid a aho pêtêbean, bewawasa'angêmai wesia êsatow ê kawênangan sangawulu' ngoribu talenta.²⁵Sata' apa'an ni aho totumu' ahi'i mahaelei lumêkêw i mbenanga, wa'aho kolano' mereta saniboho sia gu'unên teka i mbata' bo haroanga bo wahasa sawana maindo bowaer i mbênanga.²⁶Yana sumalimbuhu ni aho nata moniri' i sia, kuana: "Eludêype', pahasa bênayku lêkêwêyku.²⁷Osa ihali'is nate i aho kolano' i kobêlêsan biboho a nata, a mahad sia imawawêrei osa mawatala i mbenanga.²⁸Sata' a lumuaioho ni aho nata' mêtauw sia wo êsa ata walina ê kawênangana sangatus dinar. Tumiho' sia osa lumo'ang i aho karuana, kuana: Baerên mbênangu!²⁹Yana kumêpa ni aho karuana, osa mamohong besia; Eludêype', wa'aho mbênangu lêkêwêyku.³⁰Sata' itumulud sia osa mawasuang i aho karuana a torunggu mahad i mbelêkêwnam bênanga.³¹Mêlilah i aho mangaharuana walina tapemio' osa kumua i pahasa wehamoali a nawo' i latahula.³²Wa'aho kolano' masiu tumiang i aho totumu' osa humua wesia: Ei ata ta'pia, pahasa wênangu bêtalahum apa'an sihow imamohong i aho weahu.³³Awahi' sihow hahi musti mahalês i karuanu kele ahu imahalêsêm i how?³⁴Yana imoboro’om ni aho nawo’na osa mehe I sia a tapêmo’ting, mahad sia mawalêkêw I pahasa wênanga.³⁵Yana Amay-Ku ê na sorga kumele i aho hahi we homotahula, sa homotahula êsa-êsa hi'i mapung i pogngu karêngan i katalimbatuan i natenu."

¹Ihalawusoho si Yesus bo wa’aho sasani-Na, matang Sia wiboho a ngGalilea osa iho’amat a sakumên I Yudea ê na tetela’ I londola Yordan.²Mangatow lumu-lulutange malalas I Sia osa imawawênyaman silatahula wiboho.³Yana mangahim mangatow Parisi we Sia maindo mangêpe’ I Sia. Tuma’an silatahula : “Awahêm si Sia ê Ningumêlêd I totumu’ to’ tol a katare itumulid silatahula tuama wo wene?⁴Jawab Yesus : " Tidakkah kamu baca, bahwa Ia yang menciptakan manusia sejak semula menjadikan mereka laki-laki dan perempuan?⁵Bo kukua-Na: Apa’an wa’aho tuama mêpa’ange i namang bo ninanga osa maêsa wo haroanga, mahad silandua maindo êsahêtêed.⁶Kelewa' ahom silandua alanêmoho rua, sumata' êsa. Apa'an wa'aho, asia ê mbewawaêsam i Ningumêlêd, ahi'i ro'na iwawatared i totumu'."⁷Kua i latahula we Sia: "Sa helewa'aho, asia kawalian si Musa imêreta mehe surat cere sa tow mawatared i karoanga?"⁸Kua i Yesus be si latahula : "Tatawoi i kahêtehan i natenu si Musa imonge'e we homotahula mawatared i karoangu, sata' to'tol ahi'i helewa'aho.⁹ata' kumua Ahu wehow : Siseiange mawatared i karoanga, darape' tatawoi i ndêtuh, osa kumaroang bo wene walina, sia imêdêtuh."¹⁰Wa'aho mangamurid kumua we Sia: "Sa helewa' aho pêtauwan i makaroangan, lebe maulêeng hi'i haweng."¹¹Sumata' Sia kumua we silatahula : "Ahi'i wahawa tow do'na mahawiow i aho, bati' silatahula ê tinutuh.¹²Bana tow ê tahi'i mata' u humaroang apa'an sia dali' itumow kelewa' aho a sapêrut i ninanga, bo bana tow itumulid i mbatangana helewa'aho tatawoi i pandungamio' apa'an i Kaholano'an i Sorga. Sisei ê ndo'na mahawiow merot sia mahawiow.¹³Osa tow malimai i mangahedong kisit be si Yesus, saniboho Sia mao i kama-Na we silatahula osa sumombayang tanu silatahula; sumata' mangamuri'-Na imoboro' i aho mangatow.¹⁴Sata si Yesus ihumua: "Iwayaioho niana mangahedong, na'am mapata-watas silatahula mahi we Ahu; nde mangatotumu' kelewa' ahom ê mahasawa i Kaholano'an i Sorga."¹⁵Osa Sia mao i kama-Na we silatahula bo ahadiaho matang Sia wiboho.¹⁶Bana nêsatow mahi we si Yesus, osa humua: "Guru, tatawoi maulêng awa ê musti towoiêuku saniboho mahaere halowidan?"¹⁷Sowat i Yesus: "Nde'aho how tuma'an be Ahu sakum asia ê maulêng? Bati' êsa ê maulêng. Sata' sa how maibog sumuang a maênow, ki'itanêm pahasa wêreta i Ningumêlêd."¹⁸Kua i aho tow be Sia: "Pêreta ê mbisa?" Kua i Yesus : "Na' mêlimêd, na' mêdêtuh, na' manahow, na'numu' sairi towo,¹⁹Siri' inange namangu wo ninangu bo ihalêsange kahelenu totumu' kele batanganumio'."²⁰Kua i aho taletomow we Sia: "Pahasa wa'aho kini' itaykum, asiawee' ê ta' lêkêw?"²¹Kua i Yesus besia: "Sa how mapandung mêtolimomod, mohonêm, gu'unên pahasa sawanu osa ni aho iehenum a mangatow lêngei, yana sihow mahaere arta a sorga, ahad i aho moai mahinêm lumas i Ahu."²²A noras ni aho taletumow mahatanga' i aho kukua, imalêngêm sia karêngan i tape, apa'an tado'i nartana.²³Si Yesus kumua a mangamuri'-Na : "Kumua ahu wehow, kaulitana tanêdio' a nêsatow siha' maindo sumuang a Kaholano'an i Sorga.²⁴Mahasawe' Ahu humua wehow, lebe wolah nêsa unta sumuang mêbe a mboso i ndarahum ênde nêsa tow siha' sumuang a Kaholano'an i Sorga."²⁵A noras mangamurid wa'aho tumanga' i aho, imêdika' io' silatahula osa humua : "Sa helewa'aho, siseiêm ê ndoro'na iwawawia?"²⁶Si Yesus tumotong silatahula osa humua : "Tanu a totumu' sakum wa'i ahi'i ro'na, sata' a Ningumêlêed asiamange doro'na."Upag mahalas si Yesus Kristus²⁷Osa si Petrus sumowat osa humua we si Yesus: "Kamitahula ê wa'i imêpa' amange i nawasiamange osa mahalas i How; yana awa ê ndo'na haerean i hamitahula?"²⁸Kua i Yesus be silatahula : "Siahu humua wehow, kaulitana a noras maleng pêngêdan, sa oras Bata' i Totumu' dumatuh a ndoratuhan i konunga'an-Na, komotahula, ê nilumasêm i Ahu, iharatuh kahi a sangawulu' bo rua bala' i Israel.²⁹Bo êsa-êsatow ê napa'an i ngalay-Ku mêpa'ange i mbalena, pognga tuama, suma pognga wene, amanga suma inanga, batawata' suma bondoina, maleng tumirima mahamatus ngalikun bo mahaere halowidan.³⁰Sata' tado'o tow ê pahamunan ihamoali a kahadan, bo ê kahadan ihamoali ê nihamuna."

¹Awahêm sakum Kaholano'an i Sorga mêkele wo êsa mahawale ê mbasindowe'mio' lumuai mangilah mangatumotawoi tanu uma i nanggora.²Ihaohomoho sia nimatetuam bo wa'aho mangatumotawoi sakum upag êsa dinar sangando, masiu silatahula moho a numa i nanggoro.³Onah tumiting i siow mbasindo maleng kahi sia lumuai osa pêlilahêna banawe' mangatow walina mêdatu-ratuh a pasar.⁴Kuana we silatahula : "Komotahula mangoho hahi a numa i nanggorku bo asia niwetena'an iehehu we homotahula. Osa silatahula mangoho.⁵Onah tumiting i sangawulu' bo rua bo tumiting i telu mbawa' ando maleng sia lumuai osa tumulid kele talewe'.⁶Onah tumiting i lima mbawa' ando maleng sia lumuai osa mohoamat mangatow walina hahi, osa kuana we silatahula " Nde'aho homotahula mêdatu-ratuhange wia'i maha'ando sangando?⁷Kua i latahula wesia: Apa'an alahêm totumu' mupag i hamitahula. Kuana we silatahula : Komotahula moho hahi a numa i nanggorku.⁸A noras mawengim wa'aho nawo' kumua a mandora : tiangênêm ni aho mangatumotawoi osa baerên nupag i latahula, to'tolên be silatahula i kahadanio' i sumuang mahad silatahula i nisumuang pahamunan.⁹Yana mangahi silatahula nitumo'tol itumawoi onah tumiting i lima osa silatahula tumirima mêkele êsa dinar.¹⁰Lumalas mangahi silatahula nisumuang a pahamunan, kuanange i latahula mahaere lebe tado'o, sata' silatahula hahi itumirima mêkele êsa dinar kahi.¹¹A noras silatahula matirimam, momonu-monud silatahula wiboho a nawo',¹²kuana: silatahula nisumuang kahadan wa'i bati' itumawoi sangaoras osa sihow mawawêkele silatahula bo hamitahula ê mahaando sangando i matawoi tanêd bo imahigon i kose'engan i nêndo.¹³Sata' ni aho nawo' sumowat i nêsaan be silatahula : pog, siahu ahi'i tumulid mogiwing behow. Awahi'i hita imatetuanêm êsa dinar sangando?¹⁴Indonêm mbetengu osa mohonêm; siahu maibog mehe a tow wa'i nidumuang kahadan mêkele kele wehow.¹⁵Awahi'i ahu webas mawatoro i sawahu kumi'it papandungên i natehu? Suma awa how manganat, apa'an ahu polah nate?¹⁶Kelewa' ahohêm kinahadan ihamoali behamuna bo ê mbehamuna ihamoali hinahadan."¹⁷A noras si Yesus mohonêm a Yerusalem, tumiang Sia kasangawulu' bo rua muri'-Na hêmoho osa humua we silatahula a tutud i ndalan :¹⁸Ia' italewe' kita moho a Yerusalem osa Bata' i Totumu' iehem a mangaimam kapala bo mangatoutêh i Torat, osa silatahula mêkad be Sia u' Kuman paten.¹⁹Osa silatahula mehe i Sia a mangabangsa ê tahi'i mahahilala i Ningumêlêd, saniboho Sia ponero-nero'on, da' in osa salibên, osa a katêluna nagndo Dia maleng iwawatow.²⁰Yana mahi ninang i mangawata' i Zebedeus bo wa'aho mangawata'na be si Yesus, osa kumêpa a sa'angên-Na maindo mangelei asi-asia we Sia.²¹Kua i Yesus : "Asia ê papandungênu?" Sowatna : "Beanai wêreta, sanobho nia'i ndua wata'ku do'na mahasa rumatuh a Kaholano'an-Nu, êsatow a tulung i kanoal-U bo êsatow hahi a kolodi-Nu."²²Sata' si Yesus sumowat, kua-Na : "Komotahula hi'i mahailah, asia ê pinangelei i homotahula. Awaro'na homotahula luku' i manggu ê musti luku' uy-Ku?" Kua i latahula we Sia: "Kamitahula ro'na."²³Si Yesus kumua we silatahula: "Manggu-Hu totu'u luku'un i homotahula, sata' sakum dumatuh a tulung i kanoal-Ku suma a tulung i kolodi-HU, ahi'i Ahu mahasipapa mepe i sia. Wa'aho ihaehe a mangatow be sisei Namay-Ku isumadiam i aho."²⁴Mahatanga' i aho mare'e ê kasangawulu' murid balina biboho ndua mapog.²⁵Sata' si Yesus tumiang lsilatahula osa humua: "Komotahula mahailah, awahêm mangawamarenta i mangabangsa mapêreta i dengarena karêngan i kamawesi bo mangatowako' mapawalapang i ndowotna karêngan i kamawesi bo mangatowako' mapawalapang i ndowotna karêeang i kêteh be silatahula.²⁶Ahi'i helewa' aho mbehomotahula. Siseiangan ê maibog maindo wako' a tutud i homotahula, merot sia maindo wosalinu²⁷bo siseiange maibog mamoali ihamuna a tutud i homotahula merot sia mamoali atuna;²⁸mêkele hele Bata i Totumu' imahi ahi'i maindo sinalian, sumata' maindo mehe i kanalu-Na mamoali olog tanu tow tado'o."²⁹Osa a noras si Yesus bo mangamuri'-Na lumuai a Yerikho, mangatow lulu-lulutêngane lumas i Sia.³⁰Bana ndua totumu' buta ê medatu-ratuh a sili' i têmbêran imahatanga', awahêm si Yesus mêbemai, osa silandua sumawang: "Tuhan, Suru i Daud, ihalêsai hamitahula!" ³¹Sata' wa'aho mangatow merow silandua saniboho silandua mêtêw. Sata' silandua mêngale-ngalea sumawang, kuana: "Tuhan, Suru i daud ihalêsai hamitahula !"³²Osa si Yesus timodio' osa tumiang silandua. Si sia humua: "Asia papandungên i homotahula saniboho tuludey-Ku wehow?"³³Sowat i latahula : "Tuhan, saniboho bêlên i hamitahula do'na mêlilah."³⁴Yana behali' is nate i Yesus i kobêlêsan, osa Sia mamos silandua osa a norasio' wa'aho silandua imêlilahêm osa mahalas si Yesus.Sa kelkk

¹A Noras si Yesus bo mangamuri'-Na susutêm a Yerusalem bo weho' amatêm a Betfage ê ndumatu-ratuh a Ndungusan i Zaitun, masiu si Yesus dua muri'-Na²Karêngan i sasani : "Mohonêm a ndo'ong ê wa'aho na sa' angênu, osa woboho homotahula tolaho mahatauw êsa keledai atinana isogo-sogot bo a taina bana kedonga. Buha' an ni aho keledai osa we' angênai silandua we Ahu.³Bo sa wana tow merow i homotahula, ihuamange: Si Tuhan mahawêrêlu i sia. Tilaho-Na-mange iwaleng."⁴Sakum wa'aho ihamoali saniboho lêkêwêm kukua ê mbehoyow i nabi.⁵Ihuamange a mangala'un i Sion : Pilahên, Kolano'nu mahi wehow, si Sia moêlud bo masake-sake a kelesai, êsa keledai wasakean tale atianana."⁶Yana matang ni aho ndua murid osa tumulid asia ê mbesiu i Yesus be silandua.⁷Me'ang silatahula i aho keledai atinana teka i kedonga, osa sanean i latahula i latang i latahula osa si Yesus sumake a mbaona.⁸orang banyak yang sangat besar jumlahnya menghamparkan pakaiannya di jalan, ada pula yang memotong ranting-ranting dari pohon-pohon dan menyebarkannya di jalan.⁹dan orang banyak yang berjalan di depan Yesus dan yang mengikuti-Nya dari belakang berseru, katanya : Hosana bagi Anak Daud, diberkatilah Dia yang datang dalam nama Tuhan, hosana di tempat yang mahatinggi!¹⁰Bo a noras Sia sumuang a Yerusalem, imêdika' lolow i aho kota osa kua i tow : "Sisei nia' i totumu'?"¹¹wa'aho mangatow sumowat : "Ewa'im nabi Yesus i Nazaret a ngGalilea."¹²Osa si Yesus sumuang a mBale i Ningumêlêd osa mawaolah i pahasa tow mapêdu' un bo mapanêlês a lesad i mBale i Ningumêlêd. Manikuang Sia i mangameya pawasalengan i ndoit bo mangawakul i tapadagang i mambo¹³Osa humua we silatahula : "Bana mbewatih: "Bale-Hu toton bale wasombayang. Sata' komotahula tumulid i sia dumun i totahow."¹⁴Yana mangahi mangatotumu' buta bo mangatotumu' kisol be Sia a suang i aho mBale i Ningumêlêd osa silatahula bewawamaulêng-Nga.¹⁵Sata' a noras mangaimam kapala bo mangatoutêh i Torat mêlilah i aho mangamujisat tinulid-Na bo mangahedong masahai a mBale i Ningumêlêd: "Hosana tanu Suru i Daud" ate i latahula mare' emio',¹⁶osa silatahula kumua we Sia: "Katanga'an-Nu asia niwapakua ia'i mangahedong?" Kua i Yesus be silatahula: "Katanga'ay-Ku; awe mahasa wacan i homotahula : A mbaba i mangabolot bo mangahedong manusu si How i sumadiam darayowên?"¹⁷Osa Sia lumolahai we silatahula bo moho a luar i kota a mBetania osa mo' omio' biboho.¹⁸A mbasindowe' a palapangan-Na malengoho a kota, si Yesus mahahêlam male'o.¹⁹Susut i têmbêran mêlilah Sia pohong ara osa Sia moho wiboho. Sata' sia hi'i imahaere wasi-wasia wiboho a pohong bati' kemoho mangatu' nana. Kuana wiboho a pohong : "Sihow alam maleng mamua' kaêto-êto'na!" Osa a norasio' wa'aho mawêla ni aho pohong ara.²⁰Mêlilah i aho mbehamoali imênganga mangamuri'-Na, osa humua: "Kelembisa totu'u ni aho pohong ara mohoita' umange mawêla?"²¹Si Yesus sumowat silatahula : "Si Ahu humua wehow, kaulitana sa homotahula maheman bo ahi'i wambing, kohotahula ahi'i wati' do'na tumulid asia ê tinulid-Ku a pohong ara wa'aho, sata' kahi sa homotahula kumua a ndungusan wa'i: Dumesom osa ihawasotêm a saloyon! Sakum wa'aho ihamoali.²²Bo asiamange ê pangeleiên i homotahula a sombayang karêngan i tolimomod kawaheman, tiriman i homotahula."²³Osa si Yesus sumuang a mBale i Ningumêlêd, osa a noras Sia masani wiboho, mahi mangaimam kapala bo matu-matu'a i mbangsa i Yahudi we Sia, osa tuma'an: "Karêngan i nimbahut ê mbisa si How imanulid i sakumên wa'aho? Bo siseindom ê nitumaro i aho nimbohut be How?"²⁴Sowat i Yesus be silatahula: "Siahu hahi mehe êsa pêta'anan behow bo sa homotahula mehe sosowatna we Ahu, si Ahu hahi kumua wehow karêngan i nimbahut ê mbisa Ahu, si Ahu hahi kumua wehow karêngan i nimbahut ê mbisa Ahu imanulid i sakumên wa'aho.²⁵5Bisana sa mahi mbabtisan i Yohanes? A sorga suma a totumu'?" silatahula imêkohodaitan a tutud i latahula, osa humua: "Sa ihua i hita: A sorga, kumua Sia we hita: sa helewa'aho, nde'aho homotahulla hi'i meman be Sia?²⁶Sata' sa hita humua: A totumu', matalo hita i mangatow, apa'an pahasa tow kumua wa'i si Yohanes nabi."²⁷Osa silatahula sumowat si Yesus: "Ahi'i hamitahula mahailah." Osa si Yesus kahi kumua we silatahula : "Sa helewa'aho, si Ahu hahi ahi'i humua wehow karêngan i nimbahut mbisa Ahu imanulid i sakumên wa'aho.²⁸Sata' asia na nute' ngu sakum wa'i : Êsatow mahawata dua hedong tuama. Moho sia a kedong matu'a osa humua: Kedoyku, mahah osa tumawoi êndoinia a numa i nanggor.²⁹Sowat i aho kedong : Eyêm, amang. Sata' ahi'i sia imahah.³⁰Osa ni aho totumu' moho a mbata'na haruana osa hahi kumua kelewa'aho. Bo wa'aho kedong sumowat: Hi'i ahu maibog. Sata a mahad manêsêl sia osa' imahahange.³¹Sisei ê mbe silandua wa'aho ê nitumulid i pandung i amanga?" Sowat i latahula : "Ê kahadan." Kua i Yesus be silatahula : "Siahu humua we homotahula, kaulitana mangatapasa'aw i cukai bo mangawene langgoi ihamuna we homotahula sumuang a Kaholano'an i Ningumêlêd.³²Apa'an si Yohanes imahi maindo tumuru' i ndalan kaulitan behow, bo komotahula ahi'i meman besia. Bo mande homotahula mêlilah i sia, sata' sa homotahula hi'i manêsêl bo komotahula hi' imai meman besia".³³Tanga'anai nêsa wangandean balina. Bana nêsa nawo' mahatana' muha uma i nanggor osa manu'ul tondoh a tambulehe'na. Kumokod sia woso pawakêrêsotan bo tumod salosai pawahiaha'an a suang i aho numa. Osa iwahiwasewana ni aho numa a mangatapatoyo' osa matang moho a ndo'ong balina.³⁴A tepo susutêm musung maniwu', masiu sia i mangaatana a mangatapatoyo' wa'aho tanu tumirima i mbua' ê maindo wetenga.³⁵Sata wa'aho mangatapatoyo' imaniho' i aho mangaata: silatahula mamakur i nêsa, lumimêd i mbalina bo manuwi' kahi i mbalina wo watu.³⁶Osa ni aho nawo' masiu hahi mangaata walina, lebe tado'o nde pahamunan, sata' silatahula hahi pinaasar mekele kele mangaharua i latahula.³⁷Amahad masiu sia imbata'na we silatahula, kuana: Bata'ku ihatihêd i latahula.³⁸Sata' a noras ni aho mangatapatoyo' mêlilah i aho mbata'na silatahula mêkodaitan a nêsa wo êsa: sisia awahêm mahaweteng, ayom limêdên i hita sia, saniboho mbetenga mamoali sawa i hita.³⁹Silatahula itumiho' i sia osa masot i sia a luar i aho numa i nanggor, osa lumimêd i sia.⁴⁰Yana a mahimoho ni aho mahauma i nanggor, asia ê tuludêna a mangatapatoyo' wa'aho?⁴¹Kua i latahula we-Sia : "Potatusên-Na ni aho mangatota' pia bo uma i nanggora iwahisewanam a mangatapatoyo' balina, ê mehe imbua'na wesia a tepona."⁴²Kua i Yesus be silatahula : "Awe' komotahula mahasamange imaca a Kaol: Batu itia' i mangatukang i mbangunan imamoalim batu du'una: Sakum wa'aho behamoali i Tuhan, êsa tatawoi mahaunggangan a mbêlên i hita.⁴³Wa'aho kawalian, si Ahu kumua wehow, awahêm Kaholano'an i Ningumêlêd indon behow osa itaro a nêsa bangsa ê mehe wua' i Kaholano'an wa'aho.⁴⁴Wa'aho kawalian, si Ahu kumua wehow, awahêm Kaholano'an i Ningumêlêd ndatugan i aho mbatu, mowuwuh sia.⁴⁵A noras mangaimam kapala bo mangatow Parisi mahatanga' i mangawangandean i Yesus, mahawiow silatahula, awahêm silatahula ê mbeêmo'-Na.⁴⁶Osa silatahula mangambut maindo tumiho' i Sia, sata' talo silatahula a mangatow, apa'an ni aho mangatow mapakua Sia nabi.

¹Osa si Yesus mohodait kahi bewangande-Na be silatahula :²"sakum kaholano'an i Sorga kêpom nêsa holano', ê tumulid pêsaheian i makaweng tanu wata'na.³Masiu isa i mangaatana maniang i mangatow ê mbinalu' um mahi a pêsaheian i makaweng wa'aho, sata' ni aho mangatow hi'i maibog mahi.⁴Masiu hahi sia i mangaatan walina, sanina: Ihuamange a mangatow wa'aho mbinalu' : Kaulitana pobulahan, sinadiahum, mangasapi tuama bo biagên pahiaha'an belusam; pahasa behasadiam, moaiêm bia'i a pêsaheian i makaweng.⁵Sata' mangatow wa'aho mbianalu' hi'i mikaya i sia; bana nimahah a mbondoina, bana nimoho i sumia pongika'ana,⁶bo ê mbalina i maniho i aho mangaatana, meda'i i sia, bo mêlimêd i sia.⁷Yana monganus ni aho kolano', osa masiu moho i mangaeionga mawaturasi i aho mangatapêlimêd bo manutu i kota i latahula.⁸Lumewet ni aho kumua sia a mangaatana: Pêsaheian i makaweng behasadiam, sata' mangatow tale winalu' hi'i mêtêna'an tanu wa'aho.⁹Wa'aho kawalian, mohonêm a mangawasulawidan i têmbêran osa balu-unai pahasa tow kasauwan i homotahula woboho moai a pêsaheian i makaweng wa'aho.¹⁰Yana moho ni aho mangaata osa panêsênên i latahula pahasa tow kinasauwana a amngatêmbêran, mangatota' pia bo mangatowmaulêng, ahad mawuling i sahei lêsad ni aho pêsaiheiang i makaweng.¹¹Sumuangoho no aho kolano' tanu mêtauw bo wa'aho mangasahei, mêlilah sia êsatow ahi'i malatang latang i pweta.¹²Kumua sia wesia: Ei pog, kelembisa how sumuangoai karêngan hi'i malatang latang i pesta? Sata' ni aho totumu' imêtêwoho.¹³Osa kua i aho kolano' a mangaatana: Batungan na'e wo hamana osa owasotoho noaho totumu' a suang i karêdêman ni'itio' ndêndêm, bibohom kaerean i kae' bo kalêkêt i mba'ang.¹⁴Apa'an tado'o ê tiniang, sata' toyo' sinisir."¹⁵Osa mangaleng ni aho mangatow Parisi; mêkodaitan silatahula kelembisa silatahula do'na sumambei si Yesus teka i nêsa iwêta'anan.¹⁶Masiu silatahula i mangamurid i latahula makarua wo mangatow i Herodian tuma'an be Sia: "Guru kailahan i hamitahula, Sihow awahêm êsatow ulit bo karêngan i mulit maturu' i ndalan i Ningumêlêd bo Sihow hi'i matalo we siseiange, apa'an Sihow hi'i matalo we siseiange, apa'an Sihow hi'i mohulu.¹⁷Ihuamai wee hamitahula kahêlaman-Nu : Awa wonge'ean mawaer i pajak be si Holano' suma ahi'i ?"¹⁸Sata' si Yesus mahailah i kata'pia'an i nate i aho silatahula osa humua: "Nde'aho homotahula mangêpe' i Ahu, ei mangatow kaliut?¹⁹Ituru' ai we Ahu ni aho kupang tanu pajak." silatahula mehe êsa dinar be Sia.²⁰Yana tuma'an Sia we silatahula : "Gambar bo watih i sei nia'i ?"²¹Sowat i latahula : "Gambar bo watih i Kolano' ". Osa kua i Yesus be silatahula : "Iehemange we si Holano' asia ê musti iehe i homotahula a Ningumêlêd." ²²Tumanga' i aho maerang silatahula bo lumolahai we si Yesus osa maleng.²³A nêndo wa'aho mahi we si Yesus tatahula tow Saduki, ê mahautêh, awahêm alahêm kabangkitan. Silatahula tuma'an be Sia :²⁴"Guru, si Musa ihumua, awahêm sa êsatow mate karêngan ahi'i mêpa'ange hedong, pognga musti humaroang bo wa'ahoo karoanga osa mawatow suru tanu wa'aho pognga.²⁵Sata a tutud i hamitahula bana pitu tow mapog. Ê matua kumaroang, sata' hi'i êto' mate. Bo apa'an sia hi'i imahaere suru, ipa'namio' ni aho karoanga tanu wognga.²⁶Kelewa' aho hahi ê karuana bo ê kateluna ahad i kawituna.²⁷Bo amahad, silatahula pahasa alam, wa'aho mbene hahi mate.²⁸Sisei ê nêsa'an biboho a pitutow ê mamoali karoang i aho mbene a nêndo pawatowan? Apa'an pahasa silatahula daket ihumaroang i sia."²⁹Si Yesus sumowat silatahula : "Komotahula ureng, apa'an komotahula ahi'i mahawiow i Kitab Suci bo imbahut i Ningumêlêd!³⁰Ênde na tepo i pawatowan totumu' hi'i kumaro-haroang bo ahi'i iwawaharoang. Sumata' mênonow kele malaekat a sorga.³¹Sata' sakum pawatowan i mangatow i matem awahi'i homotahula imaca asia ê mbehukua i ningumêleêd, a tepo Sia isumani :³²Siahum Ningumêlêd i Abraham, Ningumêlêd i tow imatem, sumata' Ningumêlêd i tow mênonow."³³Mangatow itumanga' i behanganga i sasaniNa.³⁴Katanga' anoho i mangatow i Parisi, awahêm si Yesus itumulid i aho mangatow Saduki behaêtêw, sumêsên silatahula.³⁵Bo êsatow we silatahula êsa toutêh i Torat tumu'an maindo mangepe' i Sia :³⁶"Guru, lala'ut ê mbisa ê nihatud a lalat'ut i Torat?"³⁷Sowat i Yesus besia : "Ihalêsange si Tuhan, Ningumêlêdnu, karêngan i tolimomod natenu bo karêngan i tolimomod kanalunu bo karêngan i tolimomod kaênowanu.³⁸Wa'ahom ê lalat'ut katudan bo ê kaêsana.³⁹Bo lala'ut ê karuana, ê mêkele wo wa'aho, awa'i : Ihalêsange kahelenu totumu' kele batanganumio'.⁴⁰Bia'im lala'ut itambe-tambeng kêsan i lala'ut i Torat bo kitab i manganabi."⁴¹A noras mangatow Parisi masê-sêsên, si Yesus tuma'an be silatahula, kua-Na:'' ⁴²Asia ê sosowa'nu sakum si Mesias? Suru i seindom Sia?" Kua i latahula we Sia: "Suru i Daud".⁴³Kua-Na we silatahula : "Sa helewa'aho, kelembisandom si Daud apa'an tuturu' i Tutuh do'na humua i Sia nawo'na a kakuana:⁴⁴Si Tuhan ihumukuam a Nawo'ku dumatuhêm a tulung i kanoal-Ku ahad mangakasaru-Nu iêpa'-Ku a mbawa' i na'e-Nu.⁴⁵Yanasa si Daud tumoto i Sia Nawo'na, kelembisa mamoali si Sia suruna hahi?"⁴⁶Ahêmai êsatowange mahasipapa isumowat i Sia, osa tu'os a nêndo i aho alam mande êsatow baranei tuma'an awa-awa we Sia.

¹Yana kumua si Yesus a mangatow bo a mangamuri’-Na, kua-Na:²”Mangatoutêh a Torat bo mangatow Parisi irumatuhêm a kaderi i Musa.³Wa’aho kawalian ki’itan bo tulidênêm awasiamange ê nisusui i latahula wehow, sata’ na’am ki’itan i homotahula mangatatawoi i latahula, apa’an silatahula masusui i aho sata’ hi’i matulid i aho.⁴Manogot silatahula i mangatotanêd tanêd, osa mêpa’ i aho a paluha i tow, sata’ silatahulamio’ ahi’i maibog sumait i sia.⁵Pahasa patawoiên ê tulidên i latahula bati’ bewanutu’ saniboho pêlilahên i tow; make silatahula tali sombayang bêladan bo doyot katangan;⁶Silatahula mabo-abong maratuh a lesad armatênio a pasaheian bo a lesad a ndiorio’ a mbale waibadatan;⁷silatahula mabog tumirima sisiri’in a pasar bo mabog patototn Rabi.⁸Sata’ komotahula, na’am komotahula awahêm mapog.⁹Bo na’am komotahula tumoto siseiange namang a mbao i toba ia’i, apa’an bati êsa Namangu, awa’aho si Sia ê na Sorga.¹⁰Na’am kahi homotahula patoton pahalasêng apa’an bati êsa pahalasênu, awa’aho si Mesias.¹¹Siseiange ni’it bako a tutud i homotahula, mabogange sia maindo sosalinu.¹²Bo siseiange mawatatang i mbatangan, sia iwawawehen bo siseiange mawaweheb i mbatangan, sia iwawatatang.¹³Silakam komotahula, ei mangatoutêh a Torat bo mangatow Parisi, ei komotahula mangatow kaliut, apa-apa’an komotauhla imanakêw i mangawonang i Kaholano’an i Sorga a ndior i tow. Apa-apa’an komotahulamio’ ahi’i sumuang bo komotahula mapar silatahula ê mangambut sumuang. ¹⁴[Silakam komotahula, ei mangatoutêh i Torat bo mangatow Parisi, ei komotauhla mangatow kaliut, apa-apa’an komotahula i manêpês i mbale i mangabalu sahahi homotahula mawa-wosêbu i mbêlên i tow teka i sombayang mangahatangan. Apa-apa’an wa’aho komotahula ulit tumirima u’kuman ê lebe tanêd.]¹⁵Silakam komotahula, ei mangatoutêh i Torat bo mangatow Parisi, ei komotahula mangatow kaliut, apa-apa’an komotahula lumaur a saloyon bo sumêrêb i mbao i tabo tanu mo’ting i mbati’ êsatow mamoali kohêrês i nagamanu bo ahadêm sia i tumobat tulidên i homotahula sia tow i naraka, ê maharua lebe ta’pia we homotahulamio’.¹⁶Silakam komotahula, ei mangawahalasên buta, ê kumua: Masupa Bale Suci, wa’aho supa ahi’i ulit; sata’ masupa tanu mas i mBale Suci, wa’aho supa sumogo-sogot.¹⁷Ei komotahula mangatow wo’doh bo mangatow buta, asiandom lebe wênting, mas suma Bale Suci ê mawawayo i aho mas?¹⁸Masupa tanu mesbah, wa’aho supa ahi’i ulit; sata’ masupa tanu pawasil ê na mbaona, wa’aho supa sumogo-sogot.¹⁹Ei komotahula i mangawuta, asiandom lebe wênting pawasil suma mesbah ê mawawyo i aho pawasil?²⁰Apa-apa’an wa’aho siseiange masupa tanu mesbah, masupa sia tanu mesbah bo hahi pahasa asiamange ê nipapa’ ambaona.²¹Bo siseiange masupa tanu Bale Suci, masupa sia tanu Bale Suci bo hahi tanu si Sia, ê mahutun biboho.²²Bo siseiange masupa tanu sorga, masupa sia tanu sorga, masupa sia tanu doratuhan i Ningumêlêd bo hahi tanu si Sia, ê mautu-utun (mututun) a mbaona.²³Silakam komotahula, ei mangatoutêh i Torat bo mangatow Parisi, ei komotahula mangatow kaliut, apa-apa’an pasangawulu’un i sulasi, naneis bo popa’as baerên i homotahula, sata’ ê ni’it penting a lala’ut i Torat iwayai i homotahula, awa’aho: kaadilan bo kobêlêsan bo koemanan. E nêsa musti tulidên bo ê mbalina na’ iwayani.²⁴Ei komotahula mangawahalasên buta, nênêh sapoiên i homotahula a luluku’unu, sata’ unta a suanga têpêsên i homotahula.²⁵Silakam komotahula, ei mangatoutêh w Torat bo mangatow Parisi, ei komotahula mangatow kaliut, apa-apa’an manggu wo pindah bayoan i homotahula a tulung i luara, sata na tulung i suanga mawuli-wuling i kinandet bo kasulamohan.²⁶Ei tow Parisi ê mbuta, bêrêsipe’ pahamunan na tulung i suang i aho manggu, yana a tulung i luara hahi mêbêrêsi.²⁷Silakam komotahula, ei mangatoutêh i Torat bo mangaparisi, ei komotahula mangatow kaliut, apa’an komotahula mêkele wo pakuburan ê sinawuan budo’, ê totu’u pêlilahên bêrêsi, sata’ ê na tulung i suanga mawuli-wuling i nduruhi bo pêbawalinaan i samêh.²⁸Kelewa’aho hahi homotahula, a tulung i luar i homotahula pêlilahên ulit a mbêlên i tow, sata’ na tulung i suanga komotahula mawuli-wuling i kahaliutan bo kasukagan.²⁹Silakam komotahula, ei mangatoutêh i Torat bo mangatow Parisi, ei komotahula i mangat kaliut, apa-apa’an komotahula tumulid i kubur i manganabi bo mawalo’or i tugu i mangatotumu’ de’dêm³⁰bo humua: Sa hamitahula i tumow a nawo-nawo’ i hita, tatu kamitahula hi’i makarua wo silatahula imêlimêd i aho manganabi.³¹Sata’ a kelewa’aho komotahula i sumairi a mbatangan i homotahulamio’, awahêm komotahula awahêm suru i tapêlimêd i aho manganabi.³²Yana, pulingên kahi totoroan i nawo-nawo’ nu !³³Ei komotahula i mangaulah, ei komotahula i suru i nulah dumerehe’! Kelembisandom doro’an homotahula do’na mawalêpot i mbatangan a nu’kuman i naraka?³⁴Wa’aho kawalian, pilahên, si Ahu isumiu wehow manganabi, mangatow mosilih bo mangatoutên i Torat: iwarua a tutud i latahula limêdên i homotahula osa salibên i homotahula, ê mbalina da’in i homotahula a mangawale pawaibadatanu osa kulêng i homotahula a kota moho a kota,³⁵saniboho homotahula tumanggong i mbua’ i mbeusahan i ndaha’ i tow ahêm sea’ to’tol be si Habel, wa’aho totumu’ ulit, ahad be si Zakharia suru i Berekhnya, ê mbelimêd i homotahula a nêpang i lesad lênas bo mesbah.³⁶Si Ahu humua wehom: Kualitana pahasa ia’i tanggongên i pêkarêngan wa’i !”³⁷”Yerusalem, Yerusalem, sihow ê nimêlimêd i manganabi bo matuwi’ bo watu i mangatotumu’ ê mbewasiu wehom! Mêbale-waleng Ahu mabog manêsên i mangawatan’nu, mekele wo atinana i ko’ko manêsên i mangawata’na a ndalêm i kalekebna, sata’ komotahula tia’am.³⁸Pilahên ni’ai mbalenu ihaêpa’ange bo maliai.³⁹Bo Siahu humua wehom: Tumo’tol ia’i talewe’ komotahula alam kahi mêlilah i Ahu, mahad komotahula humua: Kamangênange Sia ê mahi karêngan ngalan i Tuhan!”

¹Ihaworus ni aho si Yesus lumuai a mBale i Ningumêlêd, osa mako. Yana mahi mangamuri’-Na osa maturu i mangabanguan i mBale i Ningumêlêd.²Kumua sia we silatahula: “Komotahula mêlilah i pahasa wa’aho? Si Ahu kumua wehow, kaulitana alahêmi nêsawatu wia’i ihawayai mao-mao a mbatu walina, pahasa iwawawêru.”³A noras si Yesus mêdatu-ratuh a Dungus i Saitun, mangahi mangamuri’-Na we Sia tanu mohoda-hodait silatahula hêmoho wo si Sia. Kua i latahula: “Ihuamai we hamitahula, sawa ê ndom ni aho ihamoali no asia tanda’ inahian-Nu bo tanda’ i kasapêtan mbaoitoba?”⁴Sowat i Yesus be silatahula: “Matu-atuhên saniboho na’ bana totumu’ ê mawaureng i homotahula!⁵Apa-apa’an tado’o totumu’ mangahi karêngan make i ngalay-Ku osa humua: Siahum Mesias, osa silatahula maindo mawaureng i tow tado’o.⁶Komotahula maindo tumanga’ i nggongor i perang suma mangasina’u sakum perang. Sata’ maponarahange na’ komotahula maliang: Apa’an pahasa wa’aho musti ihamoali, sata’ wa’aho awe’ kasapêtana.⁷Apa-apa’an bangsa ihatod lumawah i mbangsa, bo kaholano’an lumawah i kaholano’an. Mêbana kale’oan bo bangguang a lesad wisanamange.⁸Sumata’ pahasa wa’aho to’tolaype’mio’ i pongigonan sumuang a saman taleya.⁹A têpo i aho komotahula iwawasua’ saniboho pêda’in, bo komotahula pêlimêdên bo ihare’e i pahasa bangsa apa-apa’an i ngalay-Ku,¹⁰bo tado’o tow maindo sumakal bo silatahula maindo mêkahanatan bo mêdere’ean.¹¹Tado’o nabi towo mêlêmbo osa mawaureng i tow tado’o.¹²Bo tatawoi imênado-nado’o kasukagan, yana bêlês i mbehatado’o tow maindo mutin.¹³Sata’ tow ê kumêtêr ahad a kasapêtana mawia.¹⁴Bo kukua i Kaholano’an wa’i maindo iwawarere a sêrêb i mbaoitoba mamoali sasairi tanu wahasa bangsa, sa alam ni aho mahinêm ê kasapêtana.”¹⁵”Iana sa homotahula mêlilah: Tapaturasioro tumotod a lesad lênas, mi’it a kukua ê mbehoyow i nabi Daniel – moro tapêmaca ulitên tumu’tul i sia –¹⁶yana mangatow ê na Yudea ulitên momorus i mbatangan moho a pêdungusan.¹⁷Totumu’ ê na pakakabaype’ a mbao i mbale na’am sia lumolos tanu mangindo i mangabarang a mbalena,¹⁸bo totumu’ ê na mbondoiwe’ na’am sia maleng moho mindo i latanga.¹⁹Silakam ê mangainang ê mahali-ali suma ê manusuwe’ i mbata’na a tepo i aho.²⁰Masombayangange, saniboho a noras komotahula momorus i mbatangan ê wa’aho na’ mêtêna’an a nêndo Sabat.²¹Apa’an a tepo i aho ihamoali pêda’ian ta’mêri kele i talawe’ mahasa wehamoali tu’os katere i mbaoitoba ahadai wa’i bo alam maleng mahasa ihamoali.²²Bo sa hele tepona ahi’i iwawahapui, yana a pahasa mênonow alanêmange ê malowid; sumata’ apa’an i mangatow sinilih tepo i aho iwawahapui.²³A tepo wa’aho sa wana tow humua we homotahula: Emoho, si Yesus bia’i, suma si Mesias biboho, na’ komotahula meman.²⁴Ende mangamesias towo bo manganabi towo mêlêmbo bo silatahula manulid tatanda ê ta’mêri bo mangamujisat, amahad sahelemange ro’na, silatahula hahi mawaureng i mangatow sinilih.²⁵Tikêmênange, si Ahu ihumuam behow a pahamunan.²⁶Yana, sa tow kumua wehow: Moho, si Sia a padang gurun, na’am komotahula moho wiboho; suma: Moho, si Sia a suang i kamar, na’am komotahula meman.²⁷Apa-apa’an mêkele wo kilat kumilat a ndoro’ i timu bo sumurahoho i sulona ahad a ndoro’ i malad, kele wa’ahom ê mahasa ahian i mBata’ i Totumu’.²⁸Bisana mbana mbangke, biboho mbana mbalilangan mêlipung.²⁹Tilaho a niwalawusoho pêda’ian a tepo wa’aho, êndo maindo rêndêm bo bulan alam sumulo bo mangabintang mêdabas a langit bo mangamakolano’ a langit mêdandu’.³⁰A tepo wa’aho kawilahan tanda’ i mBata’ i Totumu’ a langit bo pahasa bangsa a mbaoitoba monabi bo silatahula mahawilah i mBata’ i Totumu’ wa’aho mahi a mbao i kambur a langit karêngan i pahasa koimbahutan bo konunga’an-Na.³¹Bo si Sia mahiwêluai i mangamalaekat-Na karêngan manêput i turumpet ê ta’mêri koaridana osa silatahula manêsên i mangatow sinisir-A a nêpat du’una i mbaoitoba, a têpoh i langit a nêsa moho a têpoh i langit balina.³²Mindomai sasanian a pangandean sakum pohong ara: Sa mangasisina tumo’ tolêm mêtombal bo tumo’tolêm manalunge, kalahan i homotahula, awahêm musung i mahêndo susutêm.³³Kelewa’aho hahi, sa homotahula milah i’ai pahasa, kalahande, awahêm tepona susutêm, a mbaba’anêm i mbonang.³⁴Kumua Ahi we homotauhla: Kaulitana pêkarênganan wa’i ahi’i ihalewet, sa wahasa wa’i awe’ behamoali.³⁵Langit bo baoitoba ihaleot, sata’ Kukua-Hu ahi’i ihaleor.³⁶Sata’ sakum êndo wo oras i aho alahêm mandê êsatow ê mahalah, mangamalaetkat a sorga ahi’i, bo Bata’ kahi ahi’i bati’ Amang i nêsa.³⁷Apa’an mêkele wo tinêpo i Nuh, kelawa’aho hahi ê nihamoali a nahian i mBata’ i Totumu’.³⁸Apa-apa’an mêkele wo silatahula a tepo alawe’ ni aho nahe i ndunuh makan bo luku’, makaweng bo mapawahaweng, ahad na nêndo si Nuh sumuang a suang i mbahtera,³⁹bo silatahula ahi’i mahala awasia, atalawe’ ni aho nahe i ndunuh mahi osa imawatamublala i pahasa silatahula, kelewa’aho hahim nihamoali a nahian i mBata’ i Totumu’.⁴⁰A tepo wa’aho sa wana ndua tow a mbondoi, ê nêsa tow walin bo ê mbalina iêpa’io’ ;⁴¹sa wana ndua tow wene mêpuri-wurisi i mbatu pawahilingan, ê nêsatow balin osa ê mbalina iêpa’io’.⁴²Apa’an wa’aho mahia-iahamange, ênde homotahula hi’i mahalah a nêndo mbisa Ningumêlêd-Nu mahi.⁴³Sata’ kalahanange nia’i: Sa mahawele mahala sawa na mbêgi totahow mahi, matatu sia dali’im imahia-iaha, bo ahi’i mayai i mbalena wobuhaiên.⁴⁴Kawalian i aho, maindomange homotahula hahi sumadisadia, apa’an Bata’ i Totumu’ mahi a norase ê tahi’i hasokadan i homotahula.”⁴⁵”Sisei nata ê moeman bo mosilih, ê mbeatang i nawo’na a mangatowna tanu mehe we silatahula hakanên a tepona?⁴⁶Maênowange nata, ê koamatan i nawo’na itumulid i aho tawoiêna, a noras mahi ni aho nawo’na.⁴⁷Ihuahu we homotahula: Kaulitana ni aho nawo’na.⁴⁸Ihuahu we homotahula: Kaulitana ni aho nawo’na matang i sia mamoali tapahiaha i pahasa sawana.⁴⁹Sumata’ sa ni aho nata ta’pia bo humua a suang i natena: Nawo’ku ahi’i mahahi-ahi, osa sia tumo’tol mêwêmakur i mangaata walina, bo makan maluku’ karuru i mangatapololango.⁵⁰Yana nawo’ i aho nata mahi a nêndo ahi’i hinatebeana, bo a noras ê tahi’i hino’ita’uana,⁵¹osa mahi lumimêd i sia bo tumulid i sia mahahotika kale wo mangatow kaliut. Bobohom katanga’an bo kalêket i mba’ang.” Mangamangala’un mosilih bo mangamangala’un bodoh.

¹“A tepo wa’aho sakum Kaholano’an i Sorga kelewati’ sangawulu’ mangala’un, nimindo i sosoloana osa maho sumupah i makaweng tuama.²Lima we silatahula bodoh bo lima mosilih.³Wa’aho magamangala’un bodoh me’ang i sosoloana, sata’ ahi’i ime’ang solo,⁴songad wa’aho mangamangala’un mosilih me’ang i sosoloana bo hahi solo a totangan i latahula.⁵Sata’ tatawoi ni aho makaweng êto’ ahi’i talaho imahi, imaho’o’o’ o pahasa silatahula osa wehao’o.⁶Oras tutudêm i mbengi katanga’anange nunu’ i tow tumerawa’: Imahim makaweng! Supahênêm sia!⁷Pahasa wa’aho mangamangala’un mawolo osa mamu’tul i sosoloan i latahula.⁸Mangamangala’un bodoh kumua a mangamangala’un mosilih: Beanai hamitahula keleawa winana a solo i homotahula, ênde sosoloan i hamitahula toyo’ta’am mate.⁹Sata sowat i aho mangamangala’un mosilih: Hi’i, ndesa ahi’i roro’ tanu hamitahula bo tanu homotahula. Lebe maulêng komotahula moho a mapahu’un solo osa tumêlês biboho.¹⁰Sumata’, a mahohowe’ silatahula tumêlês, imahim ni aho makaweng osa silatahula i nisumadi-sadiam sumuang makaru-harua i sia a lesad i pêsaheian i makaweng, osa bonang betakêw.¹¹Hadiaho mahi ni aho mangamangala’un balina osa kumua: Tuang, nawo’, buha’anai hamitahula wonang!¹²Sata’ sia somowat: Siahu kumua wehow, kaulitana ahi’i ahu mahahilala i homotahula.¹³Apa’an wa’aho, mahia-iahamenge, ênde homotahula ahi’i mahoita’u i nêndo suma ora’na.”¹⁴Apa-apa’an sakum i Kaholano’an i Sorga kelemio’ êsatow ê mabong lumaur a luar i ndo’ong, imaniang i mangaatana osa mahi-iaha i nartuna we silatahula.¹⁵Ê nêsatow bineana lima talenta, ê nêsatow hahi dua bo êsatow walina hahi êsa, daraket behi’it a kaeleinana, osa sia matang.¹⁶Tilahom imoho ni aho ata itumirima lima talenta. Bawalaanga ni aho ndoit osa mahaere utung lima talenta.¹⁷Ata itumirima dua talenta hahi itumulid helewa’ aho osa imautung dua talenta.¹⁸Sata’ wa’aho nata itumirima êsa talenta imoho osa kumokod boso a toba osa dumuru i aho ndoit i nawo’na.¹⁹Êto’om behaworus ni aho malengai nawo’ i aho mangaata osa tumulid pêtebean bo silatahula.²⁰Wa’aho nata itumirima lima talenta mahi bo me’angai sia beutung lima talenta, kauan: Awo’, lima talenta bewahi-wahiaha weahu; pilahên, imahaerem ahu utung lima talenta.²¹Yana kua i aho nawo’na wesia: maulêngio’ ni aho tinuli’nu, ei ataku maulêng bo moeman, sihow imeman imaluha i sosowatênu a perkara hisit, siahu maleng mehe wehow sosowatên a perkara wako’. Sumuangêm osa iwakaruam a keana’an i nawo’nu.²²Osa mahi ni aho nata itumirima dua talenta, kuana: Awo’, dua talenta bewahi-wahia weahu: pilahên, imahaerem ahu utung dua talenta.²³Yana kua i aho nawo’na wesia: Maulêngio’ ni aho tinuli’nu, ei ataku maulêng bo moeman, sihow imeman imaluha i sosowatên a perkara wako’. Sumuangêm osa iwakaruam a keana’an i nawo’nu.²⁴Êwa’i mahi hahi nata wa’aho nitumirima êsa talenta bo humua: Awo’, kalahaku awahêm si nawo’ totumu’ ahas ê mêwênguwu’ a lesad bisana si nawo’ ahi’i mapamayu’.²⁵Apa-apa’an wo’aho ahu matalo osa moho itumutu i aho talenta i nawo’ a ndalêm i toba: Wa’i, tirimanêm kapunyaan i nawo’!²⁶Yana sowat i aho nawo’na: Ei komotahula, ata ta’pia wo malas, yana kalahanêm i homotahula, awahêm ahu mapanguwu’ a lesad bisana ahu ahi’i mawakêlod bo mapaniwu’ a lesad bisana ahu ahi’i mapamayu’?²⁷Apa-apa’an wa’ aho kaulitanam wa’ao ndoi’ku behenum a totumu’ mawalapang i ndoit, saniboho ihaaleykumai tirimayku sia teka i mbuanganga.²⁸Wa’aho kawalian indonêm ni aho talenta wesia osa iehem a totumu’ wa’aho mahasawa sangawulu’ talenta.²⁹Apa’an siseiange tow mahasawa, besia maleng bean, mahad sia mahasiha’. Sata’ sisei talahêm sawa, asiamange mbesia indon besia.³⁰Bo itia’amoho niana nata alahêm toro a suang i karêndêman ê ndêndêmio’. Bibohom kaerean i tatabi bo kelêkêt i mba’ang.”³¹Sa topom Bata’ i Totumo’ mahi wo Konunga’an-Na bo pahasa malaekat makaru-harua i Sia, yana Sia mahi rumatuh a ndoratuhan konunga’an-Na.³²Osa pahasa bangsa sêsênên a sa’angên-Na osa si Sia manared silatahula êsatow a nêsatow, mêkele wo gembala manared i ndomba a mbembe’,³³osa Sia mêpa i mangadomba a tulung i kanoal-A bo mangawembe’ a tulung i kolodi-Na.³⁴Osa ni aho Kolano kumua we silatahula ê natulung i kanoal-A: Ayom, ei komotahula ê kinamang i Namay-Ku, tirimanêm Kaholano’an ê sinadiam tanu sihow to’tol baoitoba bengêlêd.³⁵Apa’an a noras Ahu male’o, komatahula mahe we Ahu kanên, a noras Ahu kawêla’an, komotahula mehe we Ahu luku’un; a noras Ahu tow talib, komotahula mehe we Ahu panupangan;³⁶A noras Ahu makêda’ai, komotahula mehe we Ahu latangên; a noras ahu wahadosan, komotahula milah i Ahu; a noras Ahu a suang i torunggu, komotahula mimbat i Ahu.³⁷Yana wa’aho mangatotumu’ ulit sumowat i Sia, kuana: Tuhan, sawandom kamitahula milah i How male’o osa hamitahula mehe kanên be How, suma hawêla’an osa hamitahula mehe luku’un be How?³⁸Sawandom kamitahula malah i How kale tow lib, osa hamitahula mehe wanupangan be How, suma kêde’ai osa hamitahula mehe latangên be How?³⁹Sawandom kamitahula milah i How pahadosan suma a suang i torunggu osa hamitahula mowonag be How?⁴⁰Osa ni aho Kolano’ sumowat silatahula: Si Ahu humua wehow, kaulitana asiamange tulidên i homotahula tanu êsa’an a pog-Ku ê wa’i lêngei tiogan, tinulidêm i hamotahula tanu si Ahu.⁴¹Osa Sia humua hahi we silatahula i na kolodi-Na: Lumolah a sasa’angêy-Ku ei komotahula mangatotumu’ silaka, lumolahêmoho a suang i mbaha têlas ê sinadiam tanu setang bo mangamalaeka’na.⁴²Apa’an a noras Ahu mele’o, ahi’i Ahu wean i homotahula kenên; a noras Ahu kawêla’an, ahi’i Ahu wean i homotahula luku’un;⁴³A noras Ahu êsatow talib, ahi’i Ahu wean i homotahula wanupangan; a noras Ahu kêda’ai, ahi’i Ahu wean i homotahula latangên; a noras Ahu wahadosan bo a suang i torunggu, ahi’i homotahula milah i Ahu.⁴⁴Osa silatahula hahi sumowat i Sia, kuana: Tuhan, ka’isandom kamitahula imêlilah i How mele’o, suma kawêla’an, suma kale tow talib, suma keda’ai suma wahadosan, suma a suang i torunggu osa ahi’i i sumali i How?⁴⁵Yana sumowat Sia silatahula: Ihua-Hu wehow, kaulitana asiamange ê tahi’i tulidên i homotahula tanu a nêsa’an tow ê lêngei tiogan wa’i, komotahula ahi’i itumawoi i aho hahi tanu si Ahu.⁴⁶Osa wa’i silatahula sumuang a lesad pêda’ian-têlas.”

¹Ihalawusoho si Yesus bo wahasa wa’aho sasani-Na, kumua Sia a mangumuri’-Na:²”Kalahan i homotahula, awahêm dua ngadowe’ lumo’or i Paskah, yana Bata’ i Totumu’ iehem tanu salibên.”³A tepo wa’aho imanêsênêm mangaimam kapala bo mangatu’a i bangsa Yahudi a nggonggulang i Imam Bako’ mahangalan Kayapas,⁴bo silatahula imohoda-hodait êsa ta’ar tanu tumiho’ si Yesus karêngan i pomandei osa tanu lumimêd i Sia.⁵Sata’ silatahula humua: “Na’ a noras i palo’oran, saniboho na’ lumêmbo pêdika’an a tutud i tow.”⁶A noras si Yesus a mBetania, a mbale i Simon si Husta,⁷mahi nêsatow wene we Sia mape’a-we’ang êsa totangan marmar sua-suangan solo sapêng mahal. Wa’aho solo beusa’aga a kohong i Yesus, ê mêdatu-ratu’pe’ manganyan.⁸Mêlilah i aho mangamurid mare’e osa humua: “Ondowan nia’i poaburan?⁹Apa’an ni aaho solo do’na gu’unên mahal osa doi’na do’na iehe a mangatow lêngei.”¹⁰Sata’ si Yesus mahalah i nutêh i latahula osa humau: “Nde’aho homotahula mawasusa ia’i mbene? Apa’an sia itumulidêm êsa tatawoi maulêng be Ahu.¹¹Apa’an mangatow lêngei salalu wana mbehow, sata’ Ahu ahi’i maindo salalu iwakaru-harua i homotahula.¹²Apa’an karêngan i musah i aho solo a mbatangay-Ku, tumulid sia êsa ponekeban tanu kuburay-Ku.¹³Si Ahu umua wehow: Kaulitana bisanamange nia’i Kukua iwosahai a sêrêb i mbaoitoba, asia ê nia’i tulidêna i wapakuahahi tahu mangimun i sia.”¹⁴Ahad wa’aho moho êsatow a sangawulu’ bo rua murid wa’aho, mahangalan Yudas Iskariot, a mangaimam kepala.¹⁵Kumua sia: “Asia ê niehe i homotahula weahu, saniboho ahu tumaro i Sia we homotahula?” Silatahula imaer têlu ngawulu doit pera wesia.¹⁶Osa tu ‘os wa’aho sia mangila-ngilah tepo maulêng tanu tumaro si Yesus.¹⁷A nêndo kaêsana i nêndo wako’ Roti Ta’kinaboan mangahi mangamurid i Yesus be Sia bo kumua: “Ihabong-Ngu bisana hamitahula mawasadia i pêsaheian i Paskah tanu sihow?¹⁸Sowat i Yesus: “Mohonêm a kota be si A’itu bo ihua wesia: Koyow i ngGuru: tepo-Hu toyota’am mahi; a mbalenum Ahu mabog lumo’or i Paskah makaru-haru wo mangamuri’-Ku.”¹⁹Osa mangamuri’-Na tumulid kele i mbewasiu i Yesus be silatahula osa mawasadia i Paskah.²⁰Mawêngimoho, si Yesus dumatuh kuman karuru i sangawulu’ bo rua wa’aho.²¹Osa a noras mangayaype’ silatahula, kumua Sia: “Si Ahu kumua mehowkaulitana êsa’an be homotahula mawataro i Ahu.”²²Osa karêngan i nate tapemio’ mohodait silatahula êsa wo êsa we Sia: “Ahi’i siahu, Tuhan?²³Sowetên-Nam: “Sia ê mêdoro-ro bo si Ahu dumu’dul i kamana a suang ia’i pindan, sisiam ê mawataro i Ahu.²⁴Bata’ i Totumu’ totu’u matang mêkele wo behawatihêm sakum si Sia, sumata’ silakamio’ tow ê tatawoina Bata’ i Totumu’ wa’aho bewawataro. Awahêm lebe maulêng biboho a totumu’ sao’on sia ahi’i bewahawata’.”²⁵Si Yudas, ê wa’aho manutu mawataro i Sia sumowat, kuana: “Ahi’i siahu, Guru?” Kua i Yesus besia: “Sihow nihumuam i aho.”²⁶Osa a noras silatahula manganyape’, si Yesus mindo roti, kumua hamang, mamisu-misung i sia osa mehe i sia a mangamuri’-Na bo humua: “Indonêm, kumanêm, êwa’im mbatangay-Ku.”²⁷Ahad i aho mindo Sia i cawan, mêdayow osa mehe i sia we silatahula bo kumua: “Luku’um, komotahula pahasa, bia’i a cawan.²⁸Apa’an wa’im ndaha’-Ku, daha sasanian, beusah beteng i tado’o tow tanu pangapungan i ndosa.²⁹Sumata’ si Ahu kumua wehow: tumo’tol ia’i talewe alam Ahu laku’ a mbua’ i tud i nanggor wa’i ahad a nêndo Ahu luku’ i sia, awa’aho taleya, karuru i homotahula a suang i Kaholano’an i Namay-Ku.”³⁰Mahahataroho katar darayowên, moho si Yesus bo mangamuri’-Na a nDungus Zaitun.³¹Yana kumua si Yesus be silatahula: “Inia mbêgi pahasa homotahula mêbambing kawahemanu apa’an si Ahu. Apa’an bana mbewatih: Siahu lumimêd i nggembala osa wa’aho pa’anan i ndomba moburai.³²Sumata’ ihaleot Ahu nitumowêm, mamuna Ahu we homotahula moho a ngaGalilea.”³³Si Petrus somowat be Sia: “Mandewe” pahasa silatahula mobambing kawahemana apa’an Sihow, siahu ahi’i mahasa.”³⁴Si Yesus kamua wesia: “Siahu kumua wehow, kaulitana inia mbêngi, a talawe’ i humohoh ko’ko, sihow isumakalêm i Ahu mahatêlu.”³⁵Kua i Petrus be Sia: “mandewe’ ahu mate iwakarua-Nu, ahi’i ahu sumakal i How.” Pahasa Murid balina hahi ihumua kele wa’aho hahi.³⁶Yana ihomat si Yesus teka i mangamuri’-Na a nêsa lesad mahangalan Getsemani. Osa Sia humua mangamuri’-Na: “Dumatuhio” bia’i, karoro’an Ahu moho wiboho tanu sumombayang.”³⁷Bo Sia mali si Petrus bo rua wata’ i Zebedeus lumas i Sia. Yana tumo’tol Sia mahahêlam tape wo talo,³⁸osa kua-Na we silatahula: “Ate-Hu matapemio’, kêpom toyo’ta’am mate. sumondo’io’ bai’ bo mahia-iahamange wo si Ahu.”³⁹Yana sumoyatako Sia hisit, osa sumalimbuhu wo sumombayang, kua-Na: “O, Amay-Ku, sa helemange ro’na, mande nia’i cawan ihalewet be Ahu, sata’ na’am kale i panduy-Ku, sumata kale wo wandung-Ngu.”⁴⁰Ihaomoho ni aho malengoho Sia wiboho a mangamuri’-Na osa mohoamat silatahula mêbo’o-owe’. Osa kua-Na we si Petrus: “Awahi’i homotahula mahabaya mahia-iaha sangaoras bo si Ahu?⁴¹Mahia-iahamange bo masombayangange, saniboho homotahula na’ ihakad a suang i tetena’an: tutuh totu’u mohi’it, sata kêtêd kawel.”⁴²Osa Sia karuana malengako bo sumombayang, kua-Na: “O, Amay-Ku, ihamoalimai pandung-Nug!”⁴³Bo a noras malengai hahi Sia, koamatan-Na-mange silatahula mebo’o-owe’, apa’an bêlên i latahula tanêdêm.⁴⁴Bewayai-Na-oho silatahula wiboho osa mako wo sumombayang a katêlunam bo ihumua i sombayang ê wa’ahomio’.⁴⁵Ihaworus ni aho mahi Sia a mangamuri’-Na osa humua we silatahula: “Mo’om ia’i talewe’ bo lumêmêtêm. Pilahên, tepona imahim, awahêm Bata’ i Totumu’ batarom a kama i mangatow mosea’ .⁴⁶Tumodêm, ayomêm kita moho. Sia ê nitumaro i Ahu susutêm.”⁴⁷Oras mênunu’pe’ si Yesus imahim si Yudas, êsa’an tow wiboho a sangawulu’ bo rua murid, makaru-harua wo sisia sangalulut todo’o tow mape’a-weang tinomboya bo bambang, besiu i mangaimam kepala bo mangatu’a i mbangsa Yahudi.⁴⁸Totumu’ itumaro i Sia ihumuam êwa’i tanda’ be silataula: “Totumu’ timuayku, wa’ahom Sia, tiho’onêm Sia.”⁴⁹Osa tilahom sia i lumakad sumusut be si Yesus osa humua: “Siri’ Guru,” osa tumimu’ i Sia.⁵⁰Sata si Yesus kumua wesia: “Ei ambe, tanu wa’ahondom kow imahi?” Yana lumakadange silatahula tumaka’ si Yesus osa tumiho’ i Sia.⁵¹Sata’ êsatow we silatahula ê mahalas si Yesus lumuai i kamana osa lumolo i tinombaya osa itatabna a nata i Imam Bako’ ahad talingana behaêpas.⁵²Yana kua i Yesus besia: “Maleng iuma’ niana tinombaya a numa’na, apa’an siseiange mapake tinombaya, moturasi i tinombaya.⁵³Suma kuanumange, awahêm Ahu ahi’i ro’na sumawang a Namay-Ku, saniboho Sia tilaho humirim lebe a sangawulu’ bo rua ngawalas malaekat sumule i Ahu?⁵⁴Sa helewa’aho, kelembisandom lêkêwên ê mbewatih a Kaol, nihumua, awahêm musti ihamoali helewa’aho?”⁵⁵A tepo wa’aho si Yesus kumua a tow tado’o: “Kuanumange Ahu wa’i tapêdapok, yana homotahula mahi lêkêw bo tinomboya bo bambang tanu tumiho’ i Ahu? Kandati tebe i nêndo Ahu mêdatu-ratuh mapêsani a mBale i Ningumêlêd, bo homotahula ahi’i tumiho’ i Ahu.⁵⁶Sumata’ pahasa ia’i ihamoali saniboho malêkêw, niwati-watih a kitab i manganabi.” Osa pahasa murid wa’aho mêpa’io’ i Sia osa mêlolah.⁵⁷Tiho’onoho i latahula si Yesus, balin i latahula Sia suma’ang si Kayapas, Imam Bako’. Biboho isumêsênêm mangatoutêh i Torat bo matu-matu’a.⁵⁸Bo si Petrus a ndekang maalas i Sia motahad i lesad i Imam Bako’, osa ahad nimanuangêm, dumatuh sia a nêpang i mangawiong mapilah ikalawusan i aho perkara.⁵⁹Mangaimam kapala, bo wahasa Gohuta i nAgama mangila-ngilah sasairi towo we si Yesus, saniboho Sia do’na u’kumên paten,⁶⁰sata’ silatahula ahi’i ihumita, mande imêlêmbo tado’o sairi towo. Sata’ amahad mêtodai dua tow,⁶¹nihumua: “Totumu’ êwa’i ihumua: Siahu do’na mawaelet i mBale i Ningumêlêd osa maleng tumod i sia a têlu ngando.”⁶²Osa ni aho Imam Bako’ tumod bo kumua we Sia: “Awahi’i How sumowat i mangawetudu ia’i mangasairi we How?”⁶³Sata’ si Yesus imêtêwoho. Osa kua i aho Imam Bako’ be Sila: “Tanu Ningumêlêd mênonow, ihuamai we hamitahula, awa How si Mesias Bata’i Ningumêlêd, suma ahi’i.” ⁶⁴Sowat i Yesus: “Sihow ihumuan. Sumata, si Ahua kumua wehow, tumo’tol ia’i talewe’ komotahula mahawilah Bata’ i Totumu’ dumatuh a tulung i kanoal I Mahaimbahut osa mahi a mbao i kambur a langit.”⁶⁵Yana wa’aho Imam Bako’ dumayat i latanga osa humua: “Si Sia itumena’am i Ningumêlêd. Ondowaype’ kita mangilah sairi? Ia’i talewe’ tinanga’an i homotahula tetena’-Na.⁶⁶Kelembisa nihua i homotahula?” Silatahula isumowat bo humua: “Musti Sia u’kumên paten!”⁶⁷Osa silatahula mangêled a tokia’-Na bo mêdihu i Sia; mangatow walina imamakur i Sia,⁶⁸bo ihumua: “Êpe’an ihua we hamitahla, ei Meisas, siseindom nimamakur i How?”⁶⁹Karêpêt i aho si Petrus mêdatu-ratuh a luar i lesad. Yana mahi nêsa ata wene wesia, kuana: “Sihow hahi maindo makaru-harua wo si Yesus, wa’aho tow i ngGalilea?”⁷⁰Sata sia i sumakal i Sia a sa’angên i pahasa tow, kuana: “Ahi’i ahu mahalah, asia ê panutu’unu.”⁷¹A noras sia moho a tombonang, êsatow ata walina mêlilah i sia osa humua a mangatow wiboho: “Torumu’ wa’i makaru-harua wo si Yesus, wa’aho tow i Nazaret.”⁷²Osa isumakal kahi sia karêngan imasupa: “Ahi’i ahu mahahilala i aho totumu’.”⁷³Ahi’i êto’ lumalas mangatow wiboho mahi we si Petrus osa kumua: “Totu’u sihow hahi tow êsa’an be silatahula, wa’aho katu’tulan a kawatutulu.”⁷⁴Yana tumo’tolêm maponapa wo masupa: “Ahi’i ahu mahahilala i totumu’ wa’aho.” Bo a noras wa’aho ihumohohêm ko’ko.⁷⁵Yana mahaimun si Petrus asia mbehua i Yesus besia: “Alawe i humohoh ko’ko, sihow isumakalêm i Ahu mahatêlu.” Osa si lumuai bo mêkae i tapena.

¹A noras kumauha’anêm, pahasa imam kapala bo mangatu’a i mbangsa Yahudi isumêsên bo imindo wutusan tanu lumimêd si Yesus.²Silatahula imatung i Sia, osa mali i Sia bo tumaro i Sia we si Pilatus, kapala i aho ndo’ong.³A noras si Yuda, nitumaro i Sia, mêlilah, awahêm si Yesus bekadanêm u’kuman patên, imanêsêlêm sia. Osa sia maleng i aho ndoit pera têlu ngawulu be mangaiman kapala bo mangatu’a,⁴osa humua: “Siahu imêsea’am apa’an nitumaro i ndaha’ i tow alahêm sea’.” Sata’ sowat i latahula: “Asia kalahan i hamitahula wo wana? Wana kala’ngumio’ !”⁵Yana osa sia masotoho’i aho ndoit pera a suang i mBale Suci, osa lumolahai wiboho osa moho rumatong i mbatangan.⁶Mangaiman kapala mulut i aho ndoit pera osa humua: “Ahi’i mata’u sumuang ia’i ndoit a piti i powalad, apa’an nia’i doit i ndaha’.”⁷Mahawêkodaitanoho silatahula tumêlês bo wa’aho ndoit toba iwapakua Tana’i Tapakure’ tanu indon pawakuburan i tow talib.⁸Wa’ahom kawalianan tana’ wa’aho ahadai inia iwapakua Tana’ i nDaha’.⁹Karêngan wa’aho lêkêwêm kukua ê mbehoyow i nabi Yeremia: “Silatahula itumirima telungawulu’ doit pera, awa’aho baer i tinatu tanu êsatow bei’it a sosokad papaken a tutud i tow Israel,¹⁰bo silatahula mehe i aho ndoit tanu tana’ i tapakure’, kele i mbesan i Tuhan beahu.”¹¹Osa si Yesus iwawasa’ang a kapala i ndo’ong. Osa kapal i ndo’ong tuma’an be Sia: “Sihowndom kolano’ i tow Yahudi?” Sowat i Yesus: “Sihowio’ nihumuam.”¹²Sata’ a kahatam ê mbewoha’ i mangaimam kapala bo mangatu’a we Sia, ahi’i Sia isumowat asiamange.¹³Yana kua i Pilatus be Sia: “Awahi’i how itumanga me’e katado’oana i mbetudu ia’i mangasairi we How?”¹⁴Sata’ êsa hodaitange ahi’i Sia isumowat, ahadêm ni aho kapala i ndo’ong imaera-erang.¹⁵Imaindom naram a kapala i ndo’ong mawalêpot êsatow u’ku-u’ kumên a tebe i nêndo wako’ wa’aho ihi’it a sisirên i mangatow.¹⁶Bo a tepo wa’aho na suang i torunggu êsatow beharerem katapia’ana mahangalan Yesus Barnabas.¹⁷Apa’an silatahula isumêsênêm biboho, si Pilatus kumua we silatahula: “Sisei nihabog i homotahula ilêpo’ku tanu homotahula, si Yesus Barnabas suma si Yesus, ê patoton Kristus?”¹⁸Sisia totu’u mahalah, awahêm silatahula itumaro si Yesus karêngan i kanat.¹⁹A noras si Pilatus mêdatu-ratu’pe’ a kadera i nggohuta, karoanga i humoyow wesia: “Na’ kow suma’uh a perkara i aho totumu’ bako’, ênde apa’an i Sia siahu imongigomio’ a niwian kaungi.”²⁰Sata’ apa’an sosusub i mangaiman kapala bo matu-matu’a, tow tado’o mangambut mangelei saniboho si Barnabas ilêpot osa si Yesus u’kumên paten.²¹Kapala i ndo’ong isumowat bo humua we silatahula: “Sisei wiboho a ndua tow nihabog i homotahula ilêpo’ku tanu homotahula?” Kua i latahula: “Si Barnabas.”²²Kua i Pilatus be silatahula: “Sa helewa’aho, asia ê mustihu tulidên be si Yesus, ê patoton Kristus?” Pahasa silatahula itumerewa’: “Si Sia musti salibên!”²³Kuana: “Sata’ kata’ pia’an asiam ê tinawoi-Na?” Sata’ silatahula ni’it makalea sumawang: “Musti Sia salipên!”²⁴A noras si Pilatus mêlilah awahêm pahasa beika’ mahuow, dohanganio’ tumo’tolêm lumêmbo pêdika’an, mindo sia ahe osa kumese i kamana a sa’angên i tow tado’o osa humua: “Siahu ahêm sea’ a ndaha ia’i totumu’; wa’aho homotahula mahalah!”²⁵Osa pahasa wa’aho tow sumowat:“Mande daha’-Na iwawatanggong be hamitahula, bo a mangawata’ i hamitahula.”²⁶Osa sia lumêpot si Barnabas tanu silatahula, sata’ si Yesus dina’ina osa betorana tanu salibên.²⁷Ahadiaho mangasururaho i kapala i ndo’ong mali si Yesus moho a bale pagohuta’an. Osa tumiang i pahasa wiong sumêsên kumêkêd si Yesus.²⁸Silatahula imêloput i latang-Nga osa mawawêlatang jubah limba we Sia.²⁹Mayam êsa balalugi patoh osa mêpa’ i aho a mbao i kohong-Nga, Ahad i aho silatahula sumalibuhu a ndior-Na osa mahira-ira’ i Sia, kuana: “Siri bako’, ei kolano i tow Yahudi !”³⁰Silatahula i makêlad i Sia osa mindo i aho naog osa mowel i aho a kohong-Nga.³¹Ihaworusoho nimahira-ira’ i Sia loputên i latahula ni ahi njubah be Sia osa maleng mawalatang i latang-Nga we Sia. Ahad i aho silatahula mali i Sia lumuai tanu salibên.³²A noras silatahula malapang a luar i kota, mêtauw silatahula wo êsatow i Kirene mahangalan Simon. Wa’aho totumu’ lêse’en i latahula lumihud i salib i Yesus.³³Yana iho’amat silatahula a lesad mahangalan Golgota, sondai’na lesad i nduruhi.³⁴Osa silatahula mehe we Sia luluku’un anggor kinêmuan awêdu. Kananaman-Na-moho, ahi’i wehabog-Nga weluku’.³⁵Ihalawus nisumalib i Sia silatahula mêbete-teng i latang-Nga karêngan imahêkad bêlot.³⁶Osa silatahula dumatuh biboho mahiaha i Sia.³⁷Bo a mbao i kohong-Nga bepa’an patih nitumara i pinodalehan nde’aho Sia mbeu’kum: “Ewa’im si Yesus Kolano’ i tow Yahudi.”³⁸Makarua wo Sia wesalib dua tow tapêdapok, êsatow a tulung i kanoal bo êsatow a tulung i kolodi-Na.³⁹Mangatow ilumewet biboho mahira’ i sia bo karêngan maposeleng i kohong,⁴⁰silatahula kumua: “Ei Sihow ê mabog mawaelet i mBale Lenas osa mabog maleng tumod i sia a têlu ngando, iwawawiam mbatangan-Nu sa How Bata’ i Ningumêlêd, lumolosêm binana a salib !”⁴¹Kelewa’aho hahi mangaimam kapala iwakaru-harua i mangatoutên i Torat bo matu-matu’a imahira-ira’ i Sia bo silatahula ihuma:⁴²”Tow walina bewawawia-Na, sata’ mbatangan-Na-mio’ ahi’i hawia’an-Na! Si Sia kolano’ i Israel? Maulêngêm Sia lumolos biboho a salib osa kamitahula meman be Sia.⁴³Si Sia imao i paharawên-Na a Ningumêlêd: Maulêngêm Ningumêlêd mawawia i Sia, sa Ningumêlêd mêtena’an be Sia! Apa’an Sia ihumuan: “ Si Ahu awahêm Bata’ i Ningumêlêd.”⁴⁴Sedang mangatapêdapok ê sinalib iwaru-harua-Na imira’ kahi helewa’aho.⁴⁵Tumo’tol a tumiting i sangawulu’ bo rua karêndêman isumapuat a lolow i sakumên biboho ahad tumiting i têlu.⁴⁶Ipa’io tumiting i têlu sumawang si Yesus, bewakalea-Na-mio’: “Eli, Eli, lama sabakhtani?” Sondai’na: Ningumêlêd-Ku, Ningumêlêd-Ku, nde’aho How wayai i Ahu?⁴⁷Tumanga’ i aho, tatahulatow tumotod biboho ihumua: “Matiang Sia si Elia.”⁴⁸Osa tilahom imahi êsa’an be silatahula; mindo sia bungang karang, lumosoh i sia a nanggor mangilu, osa isue’na a sangawowot naog osa mawaluku si Yesus.⁴⁹Sata’ mangatow walina ihuman: “Na’, maulêngêm pilahêm i hita, awa mahi si Elia tanu mawawia i Sia.”⁵⁰Si Yesus maleng imakalea sumawang osa tumaro i kanalu-Na.⁵¹Bo pilahên, adiril a mBale Lênas behawarua tumo’tol a mbao ahad a ndalêm osa mangoawo’, bo mangadungus i mbatu bahaêta,⁵²bo mangahubur behaokang bo tado’o towlênas imamatêm itumow.⁵³Bo ihaleotoho kinatowan i Yesus, silatahula hahi meluai a kubur osa sumuang a kota lênas osa mawaturu’ i mbatangan a katado’oan i tow.⁵⁴Kapala i piong bo mangasururahona ê mahiaha si Yesus imatalomio’ a noras silatahula mêlilah i mangoawo’ bo awasia ê mbehamoali, osa humua: “Ulit si Sia Bata’ i Ningumêlêd.”⁵⁵Bo wiboho tado’o mbene a ndekang de mapilah, awa’aho mangawene imahalas si Yesus tumo’tol a ngGalilea tanu imasali we Sia.⁵⁶A tutud i latahula bana si Maria Magdalena, bo si Maria inang i Yakobus bo si Yusuf, bo mangawata’ i Zebedeus.⁵⁷Susutêm dumêndêm mahi êsatow siha’, tow i Arimatea, mahangalan si Yusuf bo imamoalim kahi murid i Yesus.⁵⁸Moho sia suma’ang si Pilatus osa mangelei i mbangke i Yesus. Si Pilatus imêreta iehem Sia wesia.⁵⁹Osa si Yusup kahi mindo i aho mbangke, sumawut i sia wo doho’ lenên budo’io.⁶⁰osa melet i sia a suang i kubura taleya, ê kinokodna a dungus batu, osa ahadêm nimirigoho êsa watu wako biboho a mbonang i kubur, imalengêm sia.⁶¹Sata’ si Maria Magdalena wo si Maria walina isumondo’pe’ mio biboho irumatuh biboho a sa’angên i kubur.⁶²Masindomai, awa’aho ihaworusoho nêndo masadi-sadia, mahi mangaiman kapala bo mangatow Parisi makaru-harua suma’ang si Pilatus,⁶³bo silatahula ihumua: “Tuang, kaimunan i hamitahula, awahêm wa’aho si tapawaureng a mênonowe’ Sia ihumua: Ihalewet têlu ngando maleng Ahu tumow.⁶⁴Wa’aho kawalian pêretanêmio’ miaha i aho kubur ahad katêluna ngando; sa tahu’i, mangamuri’-Na do’na mahi tumahow i Sia, osa humua a ndengare: Itumowêm Sia a tutud i tow i mate, amahad pomburengan ni’it kahadan lebe ta’pia êmbua’na ênde na pahamunan.”⁶⁵Kua i Pilatus be silatahula: “Ewa’ i mangatapahiaha tanu sihow, matang bo iaha’anêm ni aho kubur mau-maulêng.”⁶⁶Yana moho silatahula bo karêngan ikinarua i aho mangatapahiaha silatahula kumalawat i aho kubur bo miaha i sia.

¹Ihalewetoho nêndo i Sabat, susutêm lumuai nêndo a nêndo karudan duminggu wa’aho, imoho si Maria Magdalena bo si Maria walina, milah i ahi kubur.²Yana behamoli mangoawo’ dêpêt apa’an êsatow malaekat i Tuhan a langit de lumolos osa mahi wiboho a mbatu bo mirig i sia osa dumatuh a mbaona.³Tokia’na kêpom kilat bo latanga wudo’ kêpom salju.⁴Osa wa’aho mangataphiaha behêleh i talo osa imamoali kêpom mangatow i mate.⁵Sumata’ wa’aho malaekat ihuma wiboho a mangawene: “Na’am komotahula matalo; nde kalahayku homotahula mangilah si Yesus ê wa’aho mbesalib.⁶Alahêm Sia mbia’i, apa’an Sia itumowêm, mekele wo wehua-Nam. Ayom, pilahên lesad bineletan-Na.⁷Osa tilahonêm moho bo ihuamange mangamuri’-Na awahêm Sia itumowêm a tutud i tow i mate. Si Sia imamunam be homotahula imohom a ngGalilea; biboho homotahula mahawilah i Sia. Kuailtana siahu ihumuan be homotahula.”⁸Tilahom silatahula imoho mêpa’io’ i aho kubur, karêngan talo wo karêngan i mbako’ kahi’ bo malolah matiro-tiro’ moho humua i aho a mangamurid i Yesus.⁹Moho’ita’umange si Yesus mêtauw wo silatahula osa ihuma: “Sisiri behow.” Silatahula sumusut i Sia bo tumahuw i na’e-Na osa miniri’ i Sia.¹⁰Yana kua i Yesus be silatahula: “Na’ matalo. Moho osa ihuamange a mangawog-Ku, saniboho silatahula moho a ngGalilea, bo bibohom silatahula mêlilah i Ahu.”¹¹A noras silatahula a tutud i ndalan, mangahi tatahula tow a mangatapahiaha wa’aho a kota osa huma i pahasa wa’aho mbehamoali a mangaiman kapal.¹²Osa ihalawusoho nimohodait bo mangamatu-matu’a, mindo silatahula têpu’un bo mehe roit tado’o wiboho a mangasururaho¹³osa ihumua: “Musti ihua i homotauhla, awahêm mangamuri’-Na imahi wengi osa tumahow i Sia a noras komotahula mebo’-o’owe’’.¹⁴Bo sa sakum wa’i katanga’an i kapala indo’ong, kamitahula kumua wesia, ahad komotahula ahi’i mahaere likoko wasi-wasia.”¹⁵Silatahula tumiria i aho ndoit osa kumi’it kele wehua we silatahula. Osa sirita wa’i beharerem a tutud i tow i Yahudi ahadai wa’i.¹⁶Osa wa’aho sangawulu’ bo êsa murid matang moho a ngGalilea, a dungus beturu’um i Yesus be silatahula.¹⁷A noras mêlihat i Sia silatahula imoniri’i Sia, sata’ tatahula tow molulu seseng.¹⁸Si Yesus sumusut be silatahula osa ihumua: “Be Ahu bineanêm pahasa imbahut a Sorga bo a mbaoitoba.¹⁹Apa’an wa’aho mohonêm, tulidênange pahasa bangsa murid-Ku bo babtisenange silatahula a suang i ngalan i Namang bo Bata’ bo Tutuh Lênas,²⁰bo susuianange silatahula kumi’it i nasiamange ê mbewêreta-Hum behow. Osa kalahande, si Ahu maindo malalas be homotauhla ahad i kasapêtan i saman.”

¹Wa’im tino’tolan i kukua sakum si Yesus Kristus, bata iNingumêlêd. ²Kele iwati-watih a kitab i nabi Yesaya : “Pilahên, masiu Ahu i sosiu-Hu mamuna we-How, sumadia sia i ndalam tanu sihow. ³Bana nunu’ itow matere-terewa’ a padang gurun : sadianem dalan tanu si Tuhan londolênêm dalan tanu si Sia”.⁴si Yohanes pembaptis mahi a padang gurun osa tumerewa’ai : “matobatêm bo iehêm batanganu baptisên osa Ningumêlêd mawaapungêm i ndosanu”. ⁵mangahim besia mangatow a kêsanên lukad i Yudea bo wahasa tow i Yerusalem, osa karengan i mapangaku i ndosana silatahula binaptis a londola Yordan. ⁶Yohanes malatang jubah bul i unta bo wokol bolulang, bo pakanêna borit bo biluh i talun.⁷mbesahaina : Ihaleot ahu bana mahi siSia ê lebe moimbahut nde ahu : kumêpa bo muhamange i tali sapatuNa ahi’i ahu iwêtênaan. ⁸maptis ihomotahula ahe, sata’ siSia maptis ihamotahula Tutuh Lenas.”⁹tepo wa’aho mahi si Yeszus i Nazaret a tana’ ingGalilea, bo Sia binaptis i Yohanes a londola Yordan. ¹⁰namai a nahe, mêlilah Sia langit behauha, bo Monggonguot kêpom mombo lumolosai weSia. ¹¹katanga’aniloho nunu’ a sorga : “sihowêm mBata’ku ihalêsKu, behowêm Ahu mêtêna’an.¹²a niha wo rusoho ni’aho siMonggonguot matod i Sia moho a padang gurun. Biboho a padang gurun mutum Sia êto’na êpat ngawulu’ ngando, pinahêpêan i tapatena’’ ¹³Sia karuru i manga biagên silu mangamalaekat masali i Sia.¹⁴si Yohanes tiniho’ mahi si Yesus a ngGalilea monahai ikukua iNingumêlêd, ¹⁵kuaNa : “Endona imalêkêwêm ; Kaholano’an ; Ningumêlêd susutêm matobatêm bo memanêm i Kukua !”¹⁶si Yesus mêlapa-lapang masili’ i luah Galilea, mêlilah sia si Simon a bo si Andreas, pog i Simon. Silatahula mêpaso wasot i lolombo’ a luah apa’an silatahula tapalolombo inda’ ¹⁷si Yesus besilatahula : “Ayom, lumasêm i Ahu bo komotaula indoyKu tapalolombo’ i totumu”. Osa silatahula tilahom imêpa’io lolombo’na lumas i Sia. ¹⁸silatahula tilahom imêpa’io lolombo’na osa lumas i Sia.¹⁹ahi’i hapui ahad Sia lumawus i pahêbenNa, pelilahenNa si Yakobus, bata’Zebedeus, bo si Yohanes, pognga, mamu’tu-mu’tud ilolombo’ a suang i mbolutu. ²⁰si Yesus itumiang silatahula bo silatahula mêpa’io i namanya, si Zabedeus, a suang i mbolutu iwakaru-harua i mangatow wasewana osa lumas i Sia.²¹Silatahula behoamat a Kapernaum, iharawusoho Sabat tumotol Yesus tilaho sumuang asuang imbale Ningulemed bo sumusui, ²²Silatahula mahaerang tumanga pasusuianNa apaan Sia sumusui silatahula kele tou mahaimbahut ahii mekele pataasen Torat.²³wa’aho a suang i’aho mbale wa’ibadatan bana nêsatow dinasuh i tutuh ta’pia. Tow wa’aho i sumawang : ²⁴papandungên-Nu wo hamitahula, ei Yesus tow i Nazaret ? Mahi how manutu’ tumutus i hamitahula ? Kalahayku. ²⁵si Yesus i moboro’ isia, kuaNa : “mêtêw, lumuaiên be sia !” ²⁶tutuh ta’pia imêdandu randu’ i’aho totumu’, osa karêngan kumiah mo’arid lumuai sia we sia.²⁷silatahula imobeat, ahad silatahula i mapêkodait, kuana : “Asia nia’i ? êsa ajaran taleya. Mohoda-hodait Sia teka i nimbaut manga tutuh ta’pia hahi pinêrêtaNa bo silatahula ihumi’it be Sia.”. ²⁸tilaho weharerem sirita sakum sisia a pahasa du’u ingGalilea.²⁹wiboho a mbale wa’ibadatan si Yesus karêngan i Yakobus bo si Yohanes moho a mbale i Simon bo si Andreas. ³⁰mama epo i Simon malelet apa’an makolotin. Tilaho wehua i latahula kaadaana we si Yesus. ³¹Sia a mbeleletan i’aho mbene, osa karêngan itumaka i kamana iwawatodNa sia, osa makolotina behatalam. Ahadi’aho wa’aho mbene i sumêlêwir silatahula.³²a tumia’oho nêndo, peangenai we si Yesus pahasa tow wahadosan bo dinasuh i setang. ³³manêrên pehatow i’aho kota a ndior i mbonang. ³⁴Sia imawamauleng imangatow mahigon i mêbawalina’an mahados bo imelei i manga setang. Ahi’i wehena ni’aho mangasetang inumu’ apa’an silatahula mahahilala i Sia.³⁵anoras dendepe’, tumod Sia osa moho a luar. Moho Sia a lesad liai osa sumombayang biboho. ³⁶si Simon bo mangahamuna ilumasoho i Sia; ³⁷mahatau oho i Sia kumua silatahula : “pahasa tow mangilah-ngilah i How”.³⁸: “Ayomêm moho hita a lesad balina, a mangakota masusutan, saniboho boboho hahi Ahu sumahai i Kukua, nde tanu wa’aho si Ahu imahim’. ³⁹Sia moho a sêrêb i NgGalilea osa maposahai i Kukua a manga wale waibadatan ilatahula bo mahelei inganga setang.⁴⁰adosên i kusta mahi we si Yesus, bo karêngan isumalibuhu a ndior. A mamohong sia tutulungNga, kuana : “sa how mabog, do’na how mawamauleng iahu”. ⁴¹ateNa wahali’is i mbele’Na osa mayomoho Sia i kamaNa mamos i’aho totumu’ osa humua we sia : “mabog Ahu, memaulêngange how. ⁴²wa’aho behatalam ê mahados kusta i’aho totumu’, osa mewaulêng sia.⁴³Sia imaiso i’aho totumu’ maleng karêngan i kêtêh darandi : ⁴⁴na’am maosiri-sirita awa-awa sakumên êwa’i wesiseiange, sata’ mohonêm, iwawaturu’nu batanganu a nimam bo mowaladio’ powalad tanu pinêmaulênganu, ê mbewêreta i Musa, maindo sairi tanu silatahula.⁴⁵ni’aho totumu’ moho imapakua i’aho mbehamoali osa imawarere wisana mange, ahad si Yesus alam mata’u mawaturu’ sumuang a kota. Imêtêwêmio’ sia a luar a mangatampa liai ; sata tow a mororu’una imoroahimage we Sia.

¹ihaleotoho tahula ngando, ahad si Yesus imalengêmiloho a Kapernaum, beharerem sirirta, awahêm Sia a mbale. ²mangahi mangatow mêlilaw mahad alanêmange tampa, sedang na ndior i mbonang alanêmoho hahi. A mêsaha-sahai we’ Sia u Kukua we silatahula,³mangatow imahi me’angai êsa totumu’ dupened be Sia, patambalên i nêpat tow. ⁴ahi’i silatahula mata’u me’angoho i sia we Sia, tatawoi i’aho tow tado’o osa silatahula muha selet ê na mbaoNa, ihauha moho iroyot ilatahula paho’an, beleletan i’aho totumu’ dupened.⁵oho i Yesus ê neman i latahula, kuaNa wiboho a tow rupened : “Ei bata’Ku, oronu beapunganêm ! ⁶biboho bena hahi toutêh i Torat mêdatuh-ratuh, mapêndam silatahula a natena. ⁷nia’i totumu’ mohodait kelewa’aho ? Imoposêm sia i Ningumêlêd, sisei ê ndoro’na mapung i noro iwalina i Ningumêlêd kêmoho ?⁸a suang inateNa si Yesus tilaho imahalah, awahêm silatahula mapêndêm kelewa’aho, osa Sia humua we silatahula : “Nde’aho homotahula mapêndam kelewana asuang i natenu ? ⁹ê lebe gapang, kumua wia’i totumu’ dupened : boronu beapunganêm, sumua humua : Tumodêm, iatangêm paho’anu osa lumapang ?¹⁰saniboho halahan i hamotahula, awahêm na mbaoitoba Bata’i totumu’ mahaimbahut mapung i noko” kumua Sia wiboho a totumu’ dupened. ¹¹IhuaHu wehow tumodêm, iatangêm paho’anu osa malêngêm a mbalenu ! ¹²ni’aho totumu’ kahi, tilahom imatang i paho’ana osa mako lumuai a sa’a-sa’agên i’aho mangatow, ahad pahasa silatahula imaerang osa mapêdayow i Ningumêlêd, kuana. Ê kelewa’i alawe’ mahasa wilahên i hita”.¹³ni’aho moho hahi si Yesus a tapirig i luah, osa wahasa tow tado’o mangahi we Sia, osa sia sumani silatahula. ¹⁴anoras sia malapang mêbemai wiboho, mêlilah Sia si Lewi bata’i Alfeus medatuh-ratuh a mbale i cukai osa Sia humua we Sia : “Lumasêm i Ahu !” yana mêtodai si Lewi osa lumas i Sia.¹⁵a noras si Yesus mangaungan a mbale i’aho totumu’, tado’o tapasa’an i cukai bo tow imaoro makaru-harua manganyan bo si Sia wo mangamuri’Na, apa’an tado’o tow mahalas i Sia. ¹⁶i mangatoutêh i Torat a nulelen i Parisi, awahêm mangaungan Sia wo tapasa’aw i cukai bo wa’aho tow imaoro, kumua silatahula a mangamuri’Na : “Nde’aho Sia mangaungan karuru i tapasa’aw i cukai bo tow imaoro ?”¹⁷Yesus imahatanga’ i’aho osa humua we silatahula : “Ahi’i totumu’ tomboi ê mahawêrêlu walian, sata’ totumu ahadosan, mahi Ahu ahi’i tanu tumiang i totumu’ ulit, sumata’ tow imaoro”.¹⁸anoras manga murid i Yohanes bo manga totumu’ Parisi mapua wuasa, mangahi mangatow osa humua we si Yesus : “nde’aho manga murid i Yohanes bo manga murid i totumu’ Parisi mawapuasa, sata’ mangamuri’Na ahi’i ? ¹⁹i Yesus be silatahula : Do’nandom mangaambe i mampilai tuama mapuasa sedang ni’aho mampilei iwakaru-harua ilatahula ? Kaêto’ ni’aho mampilei iwakarua i latahula, ahi’i silatahula mata’u mapuasa.²⁰tepona mahasa mahi wa’aho mampilei indom be silatahula, osa a tepo wa’ahom silatahula mapuasa. ²¹mande êsatow tumapal i sangatiras ndoho’ awe’ihumesut a latang koyongan, osa mahawako’ ndayatna.²²hahi alahêm mande êsatow sumuang i nanggor taleya a suang i sopoi wolulang koyongan, apa’an sa helewa’aho wa’aho nanggor mawarayat i’aho sopai, awahad ni’aho nanggor bo sopoina dua-ruana daket ihatia’. Sata’ anggor taleya totu’mu iêpa kahi a sopoi taleya”.²³a nêndo sabat, si Yesus ilumapang a mbondoi i nggandum, osa a mêlapa-lapang mangamuriNa makêbit’ tangoan i nggandum. ²⁴kua i mangatow Parisi we Sia : “êmoho ! Nde’aho silatahula tumulid iwawasia tahi’i mata’u a nêndo sabat ?²⁵we silatahula : Awe’mahasandom komotahula imaca asia tinulid i Daud anoras sia wo silatahula i mahalasisia kinahawuan bo kinale’oan, ²⁶sia sumuang a mBale i Ningumêlêd a tepo si Abyatar tumaka-taka’ kele Imam Bako’ osa kuman i roti wasil wa’aho ê tahi’i mata’u kanên kaesali i mangaimam osa mehei’aho hahi a manga dengarena ?²⁷kua a i Yesus be silatahula : êndo sabat pinogimano tanu totumu’ bo ahi’i totumu’ tanu sabat, ²⁸Bata’ i totumu’ awahêm kahi Tuhan a nêndo sabat.

¹Yesus sumuang angonggulang. Biboho bana tou kamana weta i matau. ²mamilah-milah si Yesus, ndesa Sia mawamaulaeng itow nendo anendo Sabat, saniboho silatahula mepa sea be Sia.³i Yesus a totumu i mateu kamana weta : Ayom, tumod atutud!. ⁴kuaNa besilatahula : bisa donatuliden anendo Sabat, tumulid mauleng suma tapia, mawatow suma mate itow. Sumata silatahula batiimetewoho.⁵matape awahem kanat ilatahula osa Sia moboro milah atumapiri i Sia. Osa Sia kumua atou wiboho iyoyomai kamanu !iyoyamay kamanu imemaulengem. ⁶tow Farisi lumuai osa mekodaitau bo totumu Herodian lumimed i Sia.⁷si Yesus bo murit-muritNa menu aluah, bo tadoo totumu i Galilea lumas i Sia, osa a Yudea, ⁸Yerusalem, a Idumea, a tetela Yordan, bo asakum Tirus, bo Sidon tadoo totumu moay be Sia, ahadiaho silatahula tumanga pahasa tinulidNa.⁹esa bolutu tanu si Sia nde tadoo totumu, samiboho silatahula ahii moho kumuwit i Sia. ¹⁰si Sia i mamauleng i tadoo totumu, saniboho pahasa makelam mahados mepewasatau be Sia osa tumaka be Sia.¹¹tutuh tapia melilah i Sia, silatahula hatia osa ha salimbuhu a sasaangeNa osa mawasawang : Sihow bata i Ningumeled. ¹²Sia a kahetehana merow silatula kumua sisei sia.¹³si Yesus kumapet andungusan. Si Sia tumiang manga totumu i wetenaanNa bo silatahula moay be Sia. ¹⁴Sia tumantu sangawulu borua totumu lumas be Sia nde iwasiuNa kumua i kukua. ¹⁵bineaNa kawasa meley i kanalu. ¹⁶borua tatumu tinantuNa a wai : Si Simon beweangalaNa Petrus.¹⁷bata i Zebedeus, bo Yohanes pog i Yakobus, osa silandua binea-Na ngalau Boanerges. Besondait mangahendong korohu. ¹⁸kalawusan si Andreas, Filipus, Bartolomeus, Matius, Tomas, Yakobus bata i Alfeus, Tadeus, ¹⁹si Yudas Iskariot itumalihud i Sia.²⁰si Yesus sumuang a esa bale. Osa moay tatumu tadoo sumesen noay, kawalian kumapê silatahula ahii matâu. ²¹i sanganah-Na makatâan i’aho, silatahula morai minjo i Sia, awahem kua ilatahula si Sia ahi’i moho wu’tul. ²²pata’asen i Taurat i moay a Yerusalem kumua : “Si Sia pinongaluman i Belsebul “bo karengan pahalasen i sumesenggot. Si Sia mahelei i sumenggot.²³Yesus i’tumiang silatahula, osa kumua besilatahula pangandean kelembisa sumesenggot dona meley sumesenggot? ²⁴esa pakolanoan materi-teri, pakolanoan ahi’i haenet, ²⁵êsa pamalean materi-materi, pamalean niaho ahi’i haânet.²⁶sa sumesenggot sa monganus sumaang i’batangana mio bo sia materi-teri sisia hi’i haênêt sumata motahademio biboho. ²⁷ahemai totumu dona sumuang imbale itow morowot kumandet i’mangagogaidana satahi’i sagotenawe etotumu morowot iaho. Ahaidiaho dona sia manaharow ambale iaho.²⁸kumua behow : awahem pahasa sea bo popos i mangahedong dona apungan, ey pahasa popos bêhua i latahula. ²⁹sa tow esa mopos Monggongguot, ahi’i apungan kaeto-eto, sumata i mesea itunulid konohodan. ³⁰Sia kumua keleaho apaan silatahula kumua si Sia pinongaluman tutuh tâpia.³¹mangahi ninang bo mangawog i Yesus. Tumotod silatahula a luar, masiu silatahula totumu tumiang i Sia. ³²tow tado’o medatu-ratuh i lumipungem i Sia, kua i’latahula we Sia. Emoho, inang bo mangawog-Nga a luar, bo dumameji sumau itow.³³i Yesus besilatahula : Sisei minayKu bo sisei mangawog-Ku. ³⁴Sia i mangatow medatu-ratuh wa’ako natambulehe-Na osa kumua : “Wa’i minay-Ku bo mangawog-Ku. ³⁵ange ê tumulid i papandungen i Ningumeled, Sisiam pog-Ku tuama, si siam pog-Ku wene, si Siam ninay-Ku.

¹Mahasa si Yesus tumo’tol kahi masani a tapiring i luah. Yana mangahi mangatow tadoomio melipung i Sia, ahad Sia sumake a nesa wolutu sumua-sua osa dumatiehio bi boho, osa mangatoro tado’o waaho a toba, atapiring i’aho luah. ²mosani Sia, inawasia mange bewapangande we silatahula. Biboho a sasani-Na ihumua Sia we silatahula.³Bana nesatow tapakelod lumuai tanu kumelod. ⁴sia makelod sangaweteng i’aho pêpês behakad a sili indalan, osa mangahi melepad osa mangani’aho ahad mahawu. ⁵behakad a toba morowatu, ê tahi’i tado’o tobana, osa hahi ni’aho pêpês tiloha i tumow, apa’an nipis tobana.⁶6. Sata lumuaioai nendo, i lumatoieu sia osa mawe’la apaan i mamut. ⁷7. Sangaweteng kahi behakad a tutud i ka’ba pamato osa ni’aho kabu, mêbako-wako osa sumulisia ahad i mate, amahad ahi’i imamua.⁸sangaweteng behaked a toba mauleng, itomou sia karengan i talu’na osa mamua, bua’na bana ê telu ngawului ngalikum, bana ê nenem ngawulu ngalikum, bana e matus ngalikum. ⁹kua-Na “sisei mahatalinga tanu i watanga, tumangaange sia.!¹⁰siaainesa, manga awiNa bowa’aho sangawulu borua murid tumaan be sia sakum wa’aho pangandean. ¹¹: “Behow bineanem tatahu i kaholano’an i Ningumeled, sata’a mangatow a luar asiamange ihua a pangandean, ¹²mandewe melilah, ahi’i silatahula mahatu’tul, mandewe mahatanga, ahi’i silatahula mahala, saniboho ahi’i silatahula tumalihud osa mahaere apung.¹³kumua Sia we silatahula : “Ahi’indom kawiowan i homotahula mia’i pangandean ? Sa kelewaaho kelembisa homotahula doro’na mahawiow i pahasa wangandean balina ?. ¹⁴tapakêlod makelod i kukua. ¹⁵a’ sili i têmbêran, pawakelodan i’aho kukua, isiam silatuhula nitumanga i kukua, osa mahiêtapatena osa mindo i’aho kukua ê talawe kapui behelod besilatahula.¹⁶hahi embehêlod a toba morowatu, isiam ê mangatotumu i’aho kukua bo tilaho itumirimaisia karengan i kahi, ¹⁷silatahula imamut bo i humeter i’metaleweange ahadi’aho a noras mahi pêkumêngan suma weda’ian apa’an wa’aho kukua, tilaho silatahula sumakal.171819¹⁸ê mbalina isiam ê mbehelod a tutud i kabu’patoh, awa’aho nitiumanga, i’aho kukua. ¹⁹kaliangan ia’i mbaoitoba bo pawandei i kasiha’an bo mangahahabogên a sakum imbalina sumuangai medasel i’aho kukua amahad ahi’i mamua. ²⁰amahad ê mbehelod a toba mauleng, isiamtotumui i tumanga’ bo i sumupah i’aho kukua osa mamua, bana ê têlu ngawulu ngalikum, enem ngawulu ngalikum, bo bana matus ngalikum.²¹si Yesus kumua we silatahula : “Totumu me’ang sosoloan ahi’i osa i epa andalem i mbonut suma andalem i paha’oan, sumata saniboho iepa ambao i kaki dian. ²²ahalemai niru-ruru ê tahi’i i wawoturu, bo alehemai ê sono-sonoman ê tahi’i inauha. ²³mahatalinga tanu iwatanga, tumanga ange sia!.²⁴sia maleng kumua: “Tikêmên asia êtinanga’ i homotahula! Patoroan ê paken i homotahula mawatoro itorohahi i how, bo a teteb i’aho maleng kahi how dohangan. ²⁵sisei ê mahasawa, besia maleng bean, sata sisei ê tahi’i mahasawa, asiamange mbesia maleng indon be sia.²⁶kua i Yesus: “Kelewaim ni’aho sakum i kaholanoan i Ningumeled. Iwangande totumu ihumeled i pêpês a toba, ²⁷ambengi mo’o sia bo’a nêndo tumod sia, bo wa’aho pêpês sumalunge osa ni’aho salunge menata-natang, kelembisa kamoalina, ahi’i halahan i’aho totumu. ²⁸wo sisisamio’ mawulai wua, pahamunan tangoana, osa watuna, ahadio’ho mengawatuna mosueiêm isuanga.²⁹ni’aho mbua’na kahero-heroan, tilahonêm êdêbên itoru, apa’an musung imanguwu imahim.³⁰hahi: “Teka inawasia doro’na isondait i hita ni’aho kaholan’oan i Ningumeled, suma teka i pangandean mbisandom doro’nahita i wetenaana³¹wa’aho kaholano’an kelemange watuna i mostor ê mbewêpês a toba. Wa’aho mbatuna totu’u mi’it i kisit a pahasa wêpês ambaitoba. ³²sa sia ihelod tumow sia osa mamoali lebe wako’ a pahasa tu’ inoho walina osa manisi wako ahad manga melepad alangit do’na mêdumun a nuyungana.³³a pangandean kelewa’ aho siu imonahai i kukua we silatahula behirit a leawiowan ilatahula. ³⁴satahi’i a pangandean ahi’i Sia mohoda-hodait be silatahula sata’a mangamuri-Na mawasolusui Sia inawasiamange iwahudu;ai.³⁵nêndo wa’aho, a mbawa’andom, si Yesus kumua a mangamuri’Na: “Ayomêm kita mêru’um a tetela’. ³⁶silatahula i’aho tow tado’o osa mêru’ bo mali silatahula si Yesus iwakarua ilatahula ambolutu a sinakeanêm i Yesus osa mangawolutu walinahahi mahalas i Sia. ³⁷monganus ê kakab dêpêlio’ bo wohal mapotambu’ sumaang ambolutu, mahad no’aho mbolutu. Molaim mawuling inahe,³⁸tepo’aho si Yesus mebo’oowe’ a pangurian a nêsa paho’an. Yana manga muri-Na mamolo i Sia kumua we sia: “Guru’ahi’i yow mikaya sahita masilaka?” ³⁹Sia, moboro’ i’aho kakab osa kumua wiboho a luah: “mêtêw! Tumêtêngêm! Osa ni’aho kakab tumêtêng bo wa’aho luah inumêtêlêmio.⁴⁰Sia humua we silatahula : “Nde’aho komotahula matalo? “Nde’aho homotahula ahi’i maheman?”. ⁴¹silatahula osa mêkuhua’an anêsa wo êsa : “ Sisei êndom nia’i totumu mahad kakab bo luah kahi meman be Sia?”.

¹ihoamat silatahula am beta iluah, a toba tow Gerasa. ²pe mio Yesus ambolutu moai esa tow sinuangan tutuh tapia a pawakuburan metau i Sia.³iboho metew biboho, alam nemoho tow dona sumogod mande rante. ⁴sia binawatungen bo berante sumata rante dinudutna bawatung behawotala kawalian alahem moho esa tow dona i mawalam i sia.⁵bo bengi sia mawabebe a pakuburan bo mange dungusan osa mawasawang-sawang bo siamio mapakur batangara mio bo batuh. ⁶sia melilah si Yesus andekang Sia malolah mangila si Yesus osa inonirih i Sia.⁷kahatehena mawosawang sia, asia pandungu be ahu, hei Yesus bata ingeled tow a matatang. Tanu Ningumeled naam mahusilakan.⁸atalewe, Yesus kumua be sia: Hei sihow tutuh tapia, lumuai a tow iyai.⁹Sia tumaang a totumu i aho Sisei ngalanu? Sowatena, ngalaiku Legion, awahem kamitahula tado’o. ¹⁰mengeki teka serit sami boho Yesus naan, melei tutuh tapia lumuai a sakumen niboho.¹¹a palis indungusan tadoa tiei mangilah kan. ¹²mangatutuh mangelei be Sia: Iwasiu hamitahula dumeso a manga tiei, iwayai yoho kamitahula sumuang atiei. ¹³i mongeê pinangelei ilatahula, osa lumuai manga tutuh tapia sumuang a manga tiei iaho sangawalas tiei, aho ande-ande duangariba katadooan o melombo a tubir iluah, osa matedolowa asuang.¹⁴maliyaha tiei i malolah osa sumahai niboho a kota, a karoongan a sakum, osa meluai e tow milah asia ni mamuali. ¹⁵moai besi Yesus bo milah toro sinuangan ni boho dumatuh bo imakem latang bo nyamanem tow sinolongan ni Legion, osa silatahula mataloh.¹⁶isumairi i aho, sumahai besi latahula asia ni mamuali totumu sinolongan ni setan bo kelembia aho manga tiei, ¹⁷silatahula mesusuden si Yesus, boho sia mepanamio toba ilatahula.¹⁸iboho si Yesus sumake hahi a suang i mbolutu, pahamunan tow sinuangan sesenggot mangelei boho sia bewongee luma i sia. ¹⁹ahii mongee, sumata KuaNa be tow i boho, maleng ambalenu, a tow sangaroongu bo sumahai besilatahula pahasa asia tinuliden Tuhan behow bo kelembisa Sia imahales sihow. ²⁰i boho moho bo tumotor mewahai Dekapolis, pahasa asia tinulid i Yesus ambatangana bo silatahula mamulai maerang.²¹si Yesus maleng tumetela bo bolutu, tadoo tow medororo oho, moai osa sia, sisia biboho atapirih asilie i luah. ²²esa tow kapala imbale peribadatan ngulana Yairus, atepo siamilah si Yesus, sumalimboho sia muka inae-Na. ²³Pangleiku karengan hi ulit-ulit be Sia: Bataku bene pahadosan toyota i mate, moai ndoo bo iwao kamaNu ambaoNa be sia maloid bo osa tetap menonow. ²⁴si Yesus mohobo tow i aho, tadoo tow medororo Lumas i Sia bo mepewesetan ataiNa,²⁵biboho bana esa wene, sangawulu bo rua taong kaetoan makệlam totonaw. ²⁶imebaleng-waleng bahundamen i manga a tabib osa i mahawum pahasa wesia, sumata ahem moho berguna. ²⁷akoyow tanu si Yesus, osa atutud tadoo tow, sia sumusut besi Yesus alihut bo tumaka jubahNa.²⁸ihuana: Sa tinakum jubahNa ahu memauleng, ²⁹sio i aho behaso ndoong totonaw bo kahelamana, awahem batangan i maulenge a mahadona.³⁰i yoho hahi, kailahanni Yesus, osa bana ugat ikumuai ambatangana, osa sia sumeleng atutud i tadoo tow bo tumaan: sisei nitumaka in jubah Hu?.³¹sumowat, sihow miles kerembisa mangatow totomu i ange medororo ataiNu, bohoW tumaan si sei ni tumaka be ahu? ³²sia tumele asakumna osa mamilah sisei itumulid i aho.³³iyohow imamuali matalo bo ihele anoras mahaila asia ni mamuali ambatangan, tumod bo sumalimbuhu asaangen ni Yesus bo i kalondolan i nate masirita pahasa besia. ³⁴kuaNa ambene i boho, “hei kedoKu, kahemananu imawawiam no how, mohonem karua ini nenow bo behatalam mahados.³⁵si Yesus mohodait mahi tow sanganah i kapala bale i Ningumeled bo humua: batanu imatem, asia mbereguna how mawasusah-susah ing guru,³⁶si Yesus ahii wandung sirita ilatahula bo kumua a kapale imbale Ningumeled, “Naam matalo, maheman nange. ³⁷si Yesus ahiiwehena esa tow lumas i sio balina iaho si Petrus, si Yakobus bo si Yohanes, pog i Yakobus. ³⁸ihoamat ambale Ningumeled, biboho pilaheNa, manga tow meburoso, mekae bo menunu i kodait motengeh.³⁹sia sumuang mohodait sia amangatotumu i aho nde aho komotahula maburoso osa mekae? Kedongia i ahii imate sumata me boo. ⁴⁰silatahula imekeke i sia osa i yeleiNa pahaso totumu i boho, osa peangen Na amang boinang i kedong i boho bo silatahula i mahalas i sia sumang a kamar ikedong iboho.⁴¹takaana kama ikedong i yoho, kuaNa: Talita Kum, artina: Hei kedong, i hua hu behow, tumod.⁴²tepo i boho, aho kedong, tumod bolumapang umura imalekewem sangawulu borua ngataun.⁴³besilatahula naamnde esa tow mahailah i boho, osa wasiana silatahula mehe kan a kedong i boho

¹bi boho si Yesus sa matag osa mahi a tampa-Na, osa murit-muritNa Lumas bo si Sia. ²nendoi sabat sia mulaim masusuy am baleh gongulang bo jemaat bako maerang i tumanga i Sia osa si latahula kumua : Bisana kinaeraNa pahasa niana? Kumaulengan asia mange bene we Sia? Kelembisa ndom kamaNa tumuli mahaungangan kele wa ange?. ³Sia bas i kayu, bata i Maria po i Yakobus, Yoses, Yudas bo Simon? Bo awasia manga wonga wene bekarua bo hita? Osa si latahula matape osa tumuli Sia.⁴kua i Yesus besi latahula : “sa Nabi posirin bisana mange, balinaiaho a tapana mio bo amange tutu pônga, bo ambalena.” ⁵hi i mataii tumuli esa ungangan bi bonge. Balinaiaho emawamauleng petebei i tou pinahadosan o sa mepa kamaNa ambaô i latahula. ⁶maerang silatahula tatawoi silatahula ahu i ê mocman. Aha di aho Yesus lumapan sumusuy a doong bo doong.⁷tumiang sangawulu bo rua mang murit-murit ôho osa masiu Sia besilatahula rua borua. Sia mehe kawasa besialata hula lebe ambao de i manga tutuh.⁸imoyow besilatahula a paan naam maeng asia mange hamotahula. Inawalina aho wati butul, roti naam doit asuanga imbokolpun naam, ⁹make selop, maramirona make rua latang.¹⁰kumua Sia besi latahula : “sa bana a nesa i tampa komotahula tinirima nesa imbale, mutun nio bi boha aha matang bi bohoatampa i oho. ¹¹sabana tampa ahi i mabo tumirima i how osa satahi i si latahula tumanga i how, lumui atampa i ôho osa itatang niana sebu a naênu osa nioho mamoali soimun besilatahula.¹²si latahula mosahai atotumu osa dekende dona mebaleng. ¹³si latahula muser i tutuh. Osa silatahula meley i tutuh osa kinusuan i latahula tou pinahadosan bo solo osa imawawauleng i latahula.¹⁴i Raja Herodes si Yesus, osa ngalaNa kinahilalaan nemio osa kua i tou : “Yohanes Pembaptis taletumou a tutu tou imamatem osa ni aho kawasa-kawasa oho itumowoyen asuangâi Sia,”¹⁵hahi kumua : “Sia suma si Elia!” balina hahi kumua : “siSia nabi bo manga-manga nabi atepo i oho.¹⁶Herodes tumang i oho, kumua sia : “ ahi i Sia si Yohanes tu beepasa kuilehe, osa tumou hahi”¹⁷si Herodes masiu totumu tumiho i Yohanes osa bi natungan osa suang a sel behamamoali tatawoi Herodias, karoang i Pilipus ponga benjom i Herodes tinulina mamoali karoanga,¹⁸si Yohanes mahasa i merow si Herodes : “ahi i halal hou minjo karoangngi pôngu!” ¹⁹ni oho Herodes mahaweteng be si Yohanes. Manutu matei sia sumata ahi i matau, ²⁰ni oho Herodes mahaising de kalaihana, kawalian Yohanes touulit bo lenas bêyahaana. Sia tumanga i Yohanes natena mobambing-bambing osa i ôho kahelamana senang saban Sia tumang i sia.²¹tepo anoras ingâ-gâ be si Herodias, a hari jadi i Herodes tumuli perjamuan por manga tou wako bo sururaho bako. Bo manga to tumu pa pasirin angGalilea, ²²i ôho bata imbene Herodias osa tumere.Sia i mawa senang nate i Herodes bo pahasa manga tamuna, kuai Raja a kedong bene oho: “asia kahabogenu pangeleyenu besiahu osa i ehe hu we itow.²³sia sumupah besia : “asia mange pangeleiyenu pahasa i oho lehe hu be how, mandewe i warua i kaholanoan!” ²⁴kedong i oho osa moho tu maan besi mamana:” asia rona pangeleyeku? Sowana: kohong i Yohanes pembaptis!. ²⁵tumiro-tiro sia moho besidaja osa mangeley: i haboku iaitalewaio yehenu kohongngi Yohanes Pembaptis a nesa imbaki.²⁶mahatepa mio nate indaja, tatawoi supana amang totumu posirin ahi i sia matau tumulu i oho.²⁷daja sumiu esa bowirang bo pereta moho minjo kohongi Yohanes. Moho totumu i oho osa mepas kohong Yohanes asuang i panjara. ²⁸meang kohong i oho a nesa imbaki osa iehena a mangalaun i oho osa mangalaun i oho ichena aniranga, ²⁹murit-murit si Yohanes mahatanga i oho osa silatahula mahi minjo mayetna, osa iwawaweleti asuangngi lolembeng.³⁰rasul-rasul maleng sumesen bo si Yesus osa silatahula moai sumahai be Sia pahasa tinawoi i latahula bi sinahai. ³¹sia kumua besilatahula : “yomen moho a lesalilia osa kita mio osa lumemet anoras osa manga tado’o totumu moho moai, osa sedang kuman ahi’i. ³²matang silatahula osa sumandiri bo bolutu moho a tampa lesaliliai.³³bolutu lumapang tadoô totumu milah osa kalahan i latahula bisana ahoan i latahula osa silatahula mebe akakas si latahula pahamunan behoamat. ³⁴behaleotem si Yesus, sia milah atampa i oho sanga totumu bako tadoô mio osa behaisit nateNa im baweles besi latahula, hawalia i aho mekete silatahula bo domba ahem moho wenulong. Osa sia sumusui asia mange besilatahula.³⁵i nendo alakapui mawengi manga murit-muritNa be Sia osa kumuang tampa iya i liliai osa noras ia i mebengi. ³⁶moho si latahula, sarona silatahula moho tumeles kakanen a manga doong bo deretan a tambulehe iai.³⁷sowaNa : “kamotahula mehei kan! Besilatahula i hua i latahula be Sia” osa hamitahula tumeles roti baer i rua sangaratus dinar por mehe i han besilatahula? ³⁸kuaNa besi latahula: “tahula katadooan ni roti niana behamotahula? Bo pe silihen! Sinilihem i latahula kumua si latahula : “lima roti bo rua da”³⁹Sia masiu manga totumu i ôho? Osa pahasa dumatuh wesangan-sangawalas ambau oho hijô ⁴⁰si latahula dumatuh wesanga-sangawalas, bana sangatus bana lima ngawulu tou. ⁴¹sia minjo lima roti bo rua da i oho, sia milah a langit osa kumua kohomba, osa maniha-niha i roti osa iehena a murit-muritNa, osa iwebeteng pinebeteng a manga totumu i oho.⁴²pahasa silatahula kuman aha imasuh. ⁴³sinesen i tou manga tebina i roti imawuling rua liprong selain dari manga tebi inda. ⁴⁴lumas kuman roti i oho bana limangoribu tou tuama.⁴⁵Yesus mereta manga murit-muritNa sumakem ambolutu osa mamunan lumapang moho ambeta a Betsaida. Karepet i oho wasiuNa manga tou maleng. ⁴⁶di aho Sia metare bosilatahula. Sia moho andungusa sa sumombayang. ⁴⁷mahawengi bolutu aho atutu dem i luah, osa si Yesus kemoho atoba.⁴⁸panilaNga tanedio sialtahula madayung tatawoi kaka i depet, anoras tumiting telu ngawengi moai sia besi latahula lumapang ambao i nahe osa lumeot i latahula. ⁴⁹pilahen ilatahula Sia lumapang ambao i nahe, kuanange ilatahula siSia tutuh. Osa si latahula mawa sawa-sawang. ⁵⁰pasa ilatahula milah i sia osa silatahula mekombo. Osa Sia kumua besi latahula : “metewio ! Sia hu niai, naam i natalo!⁵¹sia sumake ambolutu bosilatahula osa metewem mio kaka i oho. Osa behangagaam bo likoko. ⁵²ihaleotoho ni aho kamoali i roti oho ahi i mange silatahulah mahalah, bo ate ilatahula menenet sumehi.⁵³oho atetela, Yesus bo manga muritNa mekad a Genesaret bo sumua biboho. ⁵⁴sialtahula lumuai ambolutu, tow tilaho mahihilasi Yesus. ⁵⁵malolah silatahula alohow i sakumen bo tumotol tumambal tow pahadosan ambao ipahooanabesi Yesus bisana mange koyowna Sia biboho.⁵⁶mange nohoaNa a manga do’ong, a kota-kota suma manga ro’ong, tow mao mangatow pahadosan a pasar bo mangelei be Sia iboho sialtahula bewongee mamos i nloyot in jubaNa mange, bo pahasa tow i mamos be Sia imamaulengem.

¹mahasa sangawalas tow Parisi bo tatahula toutêh i Torat a Yerusalem mahi sumauw si Yesus.²ilatahula, awahêm tatahula i murit-Na kuman bohama weli’i awa’aho teka i kama ahi’i i manjamo. ³mangatow Parisi kele mangatow i Yahudi walina ahi’i kuman sa tahi’i dali manjamo ikama, apa’an silatahula mataka a kanaraman i nawo-nawo ilatahula, ⁴apasar de maleng ahi’i silatahula kuman satahi’i dali mamuna mawawêrêsi i mbatangana. Tado’owe mbewatohei walina ê pataka’an i latahula, kelemange sakum mawayo i cawan, kêndi bo mangagogaidan tambaga.⁵wa’aho mangatow Parisi bo mangatoutêh i Torat wa, aho tuama’an be-Sia: “Nde’aho mangamuritNu ahi’i menonow maki’it a kanaraman i nawo-nawo’ i hita, sata’ kuman bo hama weli’i ?⁶6. Sowa-Na we silatahula: “Ulitio nobuat i Yesaya sakum homotahula, ei mengatotumu’ munapik! Apa’an bana niwati-watih: Wa’i mbangsa maponunga i Ahu têka i sêmu’na, sumata’ natena dekang beAhu.⁷7. Kuow silatahula mawaibadah be Ahu, saraimbo sasani i wawasani ilatahula isiam pereta itutumu?.⁸i Ningumêlêd i wayoi i homotahula tanu tumaka’ a kanaraman itotumu?. ⁹hahi si Yesus be silatahula: “Ulit pandei homotahula masaket i pêreta i Ningumeled, saniboko homotahula doro’na miaha i kanaraman mio. ¹⁰si Musa ihumuan: Siri’iuange namangu wo ninanga matoro mate.¹¹homotahula lumua: Sa êsatow kumua a namanga suma ninanga: Asia ê mbeahu, ê ndo’na i wawatoro tanu maliaha ihow, bewawatoran tanu dahes awa’aho pawasil be Ningumêlêd. ¹²kamotahula ahi’i hahi lumingo i Sia tumulid awasiamange tanu amanga bo ninanga. ¹³helea’aho kukua i Ningumêlêd i tara i homotahula alam matoro apa’an kanaraman ê wa’aho paki’itan i homotahula. Bo tado’owe’ kahi mbalina kelewa’aho ê patulidên i homotahula.¹⁴si Yesus meleng tumiang itow tado’o osa humua tanga’an Ahu osa tikêmên. ¹⁵mange na luar, ê sumuang atotow esa, ahi’i mata’u meli’i isia, sata asia ê lumuai a totowesa, ewa’ahow ê mawawêli’i isi. ¹⁶mahatalinga tanu iwawatanga’ mulitange sia tumanga!¹⁷Sia isumiang a nêsa wale tanu-tanu imomorus atow tado’o, mangamuri-Na tumaan be sia sakum sondait i’aho pangandean. ¹⁸owa’Na: “Awandom komotahulalahi ahi’i mahatiho’i’aho? Ahi’i kalahandom i homotahula awahêm asiamange naluar ê sumuang a suanga esa -esatow ahi’i mata’u mawaweli’i isia. ¹⁹ahi’i isumuang a suang i nate sata’ a suang i tiana, osa itia’ a pawasendian? “Bo kelewa’aho imomoha Sia pahasa kakanen sononoi.²⁰hahi: Asia nihakeai a nêsa-êsa tow, wa’ahom niwawa weli’i isia. ²¹asuanga lumuai, a nate itotumu, lumembo pahasa uteh ta’pia pahorowan, petahowan, pelimedan, ²²kasulamohan, kata’piaan, katondeian atehanat, tena, kasukagan, kahabalan. ²³kata’piaan ia’i asuanga re lumembo osamama weli’i itotumu.²⁴niboho si Yesus matang miloho a sakumên i Tirus. Sumuang Sia a nêsa wale bo ahi’i mabog awahêm banatow mahalahisia, sata’ beahian-Na ahi’i mata’u iruru. ²⁵êsa inang, ê mbata’na wene dasu-rasuhên i tutuh ta’pia, tilaho imahatanga sakum si Sia, osa imahi behahepa andior i nae-Na. ²⁶mbene tow i Yunani bangsa i Siro Penesia. Imamokang sia be si Yesus tanu melei iaho tutuh tapia a’mbata’na.²⁷si Yesus kumua we Sia: iwayaiwe, moho mangahedong, pahamamunan masuh, apa’an ahi’i iwêtêna’an mindo i roti sinadia tanu mangahedong bo wasotoho ambaled. ²⁸sumowat ni’aho mbene: “Ulit, Ningumeled. Sata kahi mbaled a lolongan i meya kuman imanga agat iwapotia i mangahedong.²⁹kua i Yesus biboho ambene: “Apa’an wana mangahodai’nu, ia’i talewe mohonêm nde ni’aho tutuh ilumuaiêm a mbata’nu” ³⁰mbene maleng a mbalena, osa ko’amatanoho ni’ aho kedong melelet a paho’an, sarambo wa’aho tutuh ilumuaiêm.³¹si Yesus mêpa’io kahi i sakumên i Tirus osa i moho a luah ingGalilea a tutud i sakumên i nDekapolis imebe a Sidon. ³²tow me’angai we Sia êsa totumu bêngêl bo ê taleho osa mamohong be Sia, sanibiho Sia tumêtêl i kama-Na wiboho a totumu.³³ahad beêbu’un i Yesus Sia atow tado’o ahad silatahula behaesam, mawasuang Sia humêlad bo kumokam i ndila’ i’aho totumu! ³⁴karêngan nguma’al a langit mangasêng si Yesus osa kumua we sia: “Efata I” soundaina: ihauham! ³⁵behauham talinga i’aho totumu bo anorasio’ wa’aho hahi behalepotêm sumogo-sogot i ndila’na, osa sia i mohoda-hodaitêm maulêng.³⁶si Yesus a mangatotumu’ biboho saniboho na’ mosiri-sirita i’aho be siseiange. Sata’ ni’it daranganNa silatahula, ni’it sumêrêb silatahula monirita i’aho. ³⁷imaerang bo imenganga osa humuas: “Asiamange tulidên-Na memaulêng, tulidên-Na mahatanga’ embêngêl, tulide-Na mohoda hodait ê mbo’bo.

¹wa’aho banahahi tow tado’o wiboho bako’ nduutana, bo apa’an silatahula ahêm kakanêu, tumiang si Yesus i manga muri-Na osa kumua: ²wehali’is i kobêlêsan a tow tado’o wai. Têlu ngandom silatahula mahalas i ahu osa silatahula ahêm kakanêu. ³silatahula iwasiu-Hu maleng ambalena karêngan i mêleo, i haelet silatahula a ndalan, apa’an bana mandekang sa mahi. ⁴manga muri-Na: “kelembisa na lesad liai helew’ai tow doro’na mehe han be silatahula mahad masuh? “⁵si Yesus besilatahula: “tahula roti wehow?” sowat ilahutala: “pitu” ⁶masiu sia i’aho tow tado’o medatuh a toba ahad i’aho mindo sia i’aho pitu roti, mêdayow, mamisu-misungisia osa mehe i’aho a mangamuri-Na tanu wêbetetengên, osa tumuhidi’aho a tow tado’o.⁷hahi mahada’ hi’itakura, osa i haomoho nihumua hamang, masiu sia saniboho hahi ni’aho nda’ iwebeteteng. ⁸silatahula humau ahad masuh. ahadi’aho panêsênên i tow mangawisung i roti wehasisa, pitu watang katado’oan. ⁹silatahula do’na onah epât ngoribu tow. Osa si Yesus masiu silatahula mangaleng. ¹⁰Sia isumake ambolutu wo mangamurit-Na osa meru’oho a sakumên i nDalmanata.¹¹melusutai mengatow Parisi osa mapeta’anan bo si Yesus. Tanu mengêpê i sia mangeli silatahulahu weSia êsaan tanda i sorga.¹²mangimbulu Sia a suang i nate-Na osa humua: “Ndeaho nia’i toiwiamai mangelei tanda? Kuana Ahu wehow, kaulitanua bia’i a toim’amai ahi’i mahasa wean tanda. ¹³Sia we silatahula: malengêm Sia isumake a mbolutu osa meru’oho a tetela.¹⁴mahaturu-turu, mangamurit i Yesus imolingo i me’ang roti, bati’ êsa mbesilatahula abolutu. ¹⁵si Yesus mawaimun be silatahula kua-Na: “mahiamange bo mahatuhange a ragi i tow Parisi bo ragi Herodes.¹⁶silatahula mamikir-mikir osa êsatow kumua ambalina: ‘Waaho we hua-Na apa’an kita alahêm roti.¹⁷anoras kalahahio i Yesus asia niwapekodaitan i latahula, kumua Sia: “Nde’aho homotahula mahatalinga, ahi’i ndom homotahula mahatanga? Alam ndom kaimunamange ihomotahula,¹⁸mahawêlêu, ahi'i ndom komotahula mahawilah bo komotahula mahatalinga, ahi'i ndom komotahula mahatanga? Alam ndom kaimunanange ihomotahula, ¹⁹Ahu imamisu-misung i lima roti tanu wa’aho lima ngoribu tow, tahula watang mauhuhu mangawisunga i roti sinêsên ihomotahula? “sowat ilatahula: “sangawulu bo rua watang.”²⁰a tepo pitu roti tanu wa’aho epat ngoribu tow, tahula watang mauhuhu mangawisunga i roti sinêsên ihomotahula? “Sowat ilatahula: “Pitu watang.” ²¹kuaNa we silatahula : “Awe’ kahi homotahula inahawiow ?”.²²iho’amatako si Yesus bo mangamuri-Na a mBetsaida. Biboho me’angai tow be si Yesus êsatotumu buta osa mamohang silatahula we Sia, saniboho Sia mamos i Sia. ²³si Yesus i kama i’aho totumui’ buta osa maki i sia lumuai a ndoong. Osa hêladan-Na mbêlên i’aho totumu’ bo amao i kama-Na wesia, bo tuma’an: “awa banam mbelila’ngu?”²⁴totumu’ tumotong asa’angên, osa humua: melilah ahu totumu’, apa’an melilah silatahula mahebebe, sata kuanaho hele mangawohong.”²⁵iwao i Yesus kamana-Na a mbeleu i’ahototumu, Yana mi’aho totumu’ ulit-ulit melilahem bo imêmaulengêm, ahad sia do’nem mêlilah inawasiamange karengan indaraw. ²⁶si Yesus masiu i sia maleng ambalena bo ihuana : “Mo’nam sumuang ando’ong!”.²⁷si Yesus karuru i mangamuri-Na matang moho a mangaro’ong kumêlêd i Kaisarea Pilipi. Apatutudan i ndalan tuma’an Sia a mangamuri-Na kua-Na : “Kua itow, sisei -ndom Ahu wa’i?” ²⁸ilahutala : “Bana êkumua si Yohanes Pembaptis bana hahi kumua : Si Elia, bana mange ê kumua : êsa’an a moronabi.”²⁹Sia we silatahula : “Sata’ asia kuanu, siseindom Ahu wa’i ? Yana sowat i Petrus : “Si how awahem si Mesias !”. ³⁰si Yesus dumarang silatahula karengan i kêtêh saniboho na’ mekua-hua siseiange sakum si Sia.³¹tumo’tolên si Yesus masani silatahula, awahêm Bata’ i totumu lumihud tado’o pongigonên, bo itulud i mangamatu’a, manga imam kapala bo manga tou i Torat, osa limedeu bo tumow i amihaleotoho têlungando. ³²ê wa’i behuaNam alam betahu-Na. Sata i Petrus ihumose si Yesus mondig aho osa merow i Sia.³³sumelengoho si Yesus osa tumotong a manga murid-Na moboro’ Sia si Petrus, kua-Na : “Sumaket tapatena’ apa’an sihow ahi’i mahuteh i pahutehem i Ningumêlêd, sumata asia ê pahutehen i totumu. ³⁴si Yesus itow tado’o bo mangamuri-Na osa humua we silatahula : “Sisei tow mapandung lumas i Ahu, sia musti sumakal imbatanganamio, lumihud ililihudêna osa lumas i Ahu.³⁵ sisei ê mabog mawawia i kanaluna, katala,an sia i kanaluna; sata siseiange katala’an i kanaluna apa’an Si Ahu wo apa’an i Kukua, mawawia sia i Sia. ³⁶forona i nesa tow mahasonggulit imbaoitoba, sata’katala’an sia i kanaluna. ³⁷asiandom ê dorona iehem tanu saol i kanaluna?³⁸siseiange monokia’ apa’an si Ahu bo aspa’an i Kukua-Hu a tutud i toiniamai ê tahi’ i mohi’it bo ê mo oro wa’i. Bata’ i totumu kahi monokia apa’an mi’aho totumu’ sa sia mahinem karêngan i konunga’an i namang-Na palalasên i manga malaekat lenas”.

¹hahi we silatahula : kumua ahu we hamotahula, kaulitana a tutud itow mahi wiai bana ê tahi’i mate sa alawe’ silatahula i melilah awahêm kaholanoan i Ningumêlêd imahim karengan i koimbahutan. ²Enêm ngando ahadi’aho balin i Yesus si Petrus, si Yakobus, bo si Yohanes bo iwakarua-karua i latêhu metung Sia a nêsa dungusan matatang. Biboho bati silatelu mio. si Yesus i tumokalang. Ambelen i latahula. ³latangNga budo’io menda-êndawên. Alahêmoho na mbaoitoba ia’i iwekere ilatang kelewa’aho.⁴kawilahan ilatahula si Elia iwakaru-harua i Musa, silandua mohoda-hodait bo si Yesus. ⁵si Petrus be si Yesus : “Guru, ime’em kaêna’an i hamitahula a lesad bia’i. Mauleng toden i hamitahula telu dasing, êsa tanu si how, êsa tanu si Musa bo êsa tanu si Elia. ⁶Sia kelewa’aho, apa’an ahi’i mahalah asia ê toro i huana, tatawoi i matalomio silatahula.⁷mahi kambur lumolong silatahula bo suanga i’aho kambur hatangaan ê nênu : “Waim mbata i hale’Ku, tangaanange Sia” ⁸moho’ita umange osa monarah silatahula a tambulêhe i latahula, alam silatahula imahawilah êsa towange bati’kemange si Yesus i nêsa.⁹silatahula matimboiêm biboho andungusan, sumani si Yesus besilatahula, saniboho silatahula na’ monirita we siseiange asia mbelahêm ilatahula wa’aho, sa alawe mbata’i toomu’ i tumow a tutud i tow imatem. ¹⁰silatahula italewe wesani osa mapeta;an a tutud ilatahula asia e têna-tênaan i tumowa tutud i tow imatem.¹¹tuma’an silatahula we Sia : “Ndaho mangatoutêh i Torat ihumua, awah’em si Elia moai pahamunan mahi? ¹²si Yesusn : “totu’u si Elia pahamunan mahi bo mawawobuling i nawasiamange. Bati, kelembisandom Sia tado’o nigonen bo iwoira? ¹³kumua Ahu wehomotahula : Totu’u si Eliaimahim bo mangatoro motuli-tulid i sia ni’it a pandung i latahula, kelem i mbewatik sakum si sia.¹⁴si Yesus, Petrus, Yakobus bo Yohanes maleng moay bo manga murit-murit balina, silatahula milah tado’o tutumu malipung-lipung i manga murid i’aho, bopataasen i Torat mape’ta’an i nawa-awa bo silatahula. ¹⁵totumu tado’o melilah si Yesus maerang pahasa silatahula osa matiro-tiro i sumupah i Sia. ¹⁶si Yesus tumaan besilatahula : “asia ê pataanan i hamotahula besilatahula?¹⁷i nesa tow biboho atow tadoo : “Guru, wai bataku pangengeku we how, apa’an sia dinasuhan i tutuh nimawawo’bo i’ sia. ¹⁸ni’aho tutuh mimbalu i sia, wa’aho tutuh mawasambet i sia a toba, osa ba’bana humalad, baanga mangalêkêt bo batangana metigoi. Kejang pinangeleihum a manga muritNa. Saniboho silatahula melei i’aho tutuh suamta silatahula ahi’i mahasipapa. ¹⁹kua i Yesus besilatahula. Ei kamotahula pêkarêngan ê tahi’i maheman, tahulawe kaêto’ ai Ku musti sumondo’io a tutud i hamotahula ? Tahulewekaeto’an Ahu musti melud ihomotahula ? Peangenai wia’i niana kedong!²⁰silatahula meangoi be Sia. Kawilahanoho i’aho tutuh si Yesus, kedong i’aho tilahowa behowarandu’ osa kedong i’aho behawasurio a toba osa imapolili-liligio, bo’babona hahi ihumalakad. ²¹Yesus tuma’an a namang i’aho kedong : tahulam kaeto’am ihumelam i ai? Kuana : Tous a kedope sia. ²²o ni’aho tutuh kumosesia a mbaha sumahahi i nahe tanu mawasilaka i sia, waaho kawalian sahow do’na tumulid awasia, tulungenai kamitahula bo ihalesasai kamitahula”²³i Yesus : Kuanu : sa how do’na ? Alahem ê tahi’i do’na tanu tow maheman! ²⁴amang kedong i’aho mawasawang : Mêman ahu. Tulungênai ahu ê wa’i tahi’i maheman. ²⁵sumesenoai, si Sia merow tutuh tapia i’aho sumeseno’ai, si Sia merow tutuh tapia i’aho karengan i kêtêh, kuaNa : Ei sihow tutuh mahatatawoi i’ai osa tow imebobo bo bengel, si Ahu mêrêtah i how, lumuai a kedong i ange osa mo’nam kau sumuang.²⁶i’aho lumuai osa mawasawang osa ke’dong i’aho beworanduk-randuk mi’o tah meri. Kedong i’aho kawilahan kepom i’mate kawalian totumu tado’o kumua : si Sia i’matem” ²⁷takaamaho i Yesus kama i kedong i'aho bo palona, osa sisia mio tumod.²⁸si Yesusn behoamat’em a mbale, bati mangamuritNa ê iwakaruna, silatahula tuma’an : Ndaho kamitahulah ahi’i matau melei aho tutuh tapia²⁹besilatahula : “E’wai ahi’i matau dieley bati dona i sombayang.³⁰Yesus bo mangamuritNa biboho osa lumeat i Ngalilea, osa si Yesus ahi’i mabog tado’o tow mahailah: ³¹sia karêpet masusui a mangamuritNa KuaNa besilatahula : “Bata i Totumu mainjo i wawalad a kama i totumu, osa silatahula lumimed i Sia, osa telu ngando Sia ahad lulimed maleng Sia tumow. ³²ahi’i mahalah kodait iaho, sumata ahi’i mahatolon tuma’an beSia.³³si Yesus bo mangamuritNa behoamatem a Kapernaum. Atepo si Yesus ambalem, tuma’an Sia a mangamuritNa : “Asia e pinohadi-hodiatan i hamotahula a tutud i kakas? ³⁴silatahula metew, mesasaru a tutud i kakas sisei ni’it imbako besilatahula. ³⁵si Yesus dumatuh botumiang i mangamurit iaho KuaNa besilatahula : “Sa êsa-êsaan totumu mabog a pahamunan, mainjo mange sia ahahadan i pahasa bo msali i pahasa.³⁶si Yesus minjo esa kedong kisit osa ipana a tutud i latahula, osa Sia tumahow i kedong i’aho bo kumua besilatahula : ³⁷i sumupah esa hehong kelewai a suang i NgalaiKu, sisia i sumupah i Ahu. Osa siseiange i sumupah i Ahu, ahi’i si Ahu ê sinupaNga, sata’ si Sia ni sumiu i Ahu”³⁸i Yohanes be si Yesus : Guru, imêilah kamitahulah êsatow ê tahii haruluh i hita mahelei i tutuh karêngan i ngalanNu, osa ni’aho totumu. inarangom i hamitahulah, apa’an ahi’i kasuluh i hita”³⁹kua i Yesus : kamotahula na’ mêrang ugah i sia! Ap’an alahem mande êsatow nitumulidem mujizat kare’ngan i ngalay Ku, doro’na anoras i’ahomio momapa i Ahu.⁴⁰tahi’i sumaru i hita, a tulung i hita sia. ⁴¹Ahu we hamotahula : Kaulitanna siseiange mehe lekua’an be hamotahula mahasa i manggu nahe lapa’an kamotahula kasuluh i Kristus, ahi’i sia hatala;an i nupangya.⁴²mawaureng i nêsia’an a mangahedong kisit ê maheman nia’i, lebe mauleng be sia sa êsa watu pawahilingen i hahut a lehe’na osa sia itia a saloyon. ⁴³mawaureng ihow, pawotên apa’an lebe mauleng kau menonow bo hama wukoi nde wo lêkêw ndua hamanu i tia’ a naraka, a suang i mbaha ahi’i hawatean, ⁴⁴tuadna ahi’i mate bo baha aluimate.⁴⁵sa a’enu mawaurung ikow, pawoten, apa’an lebe maulêng kou sumuang a katowan bo a’e hisol. Nde lekew ndua a’enu iwasotoho anaraka. ⁴⁶tuadna ahi’i i mate, bo bahana ahi’i mate.⁴⁷sa belenu mawaureng i how pêsuteu, apa’an lebe maulêng kow sumuang, a kaholona’an i Ningumêlêd bo mahawelen êsa nde bo mahawêlên dua i wasot a suang i naraka, ⁴⁸mangatuad i mbangke ahi’i mate bo baha ahi’i mate.⁴⁹totow’êsa saninen imbaha. ⁵⁰totu’u mauleng, sata sa asin metêwang, bo asi homotahula mawa asinisia? Mulitange hamotahula, salalu bana nasin ambatanganu bo salalu menonow senonoi a nêsa wo êsa.

¹matang si Yesus moho a sakum i Yudea bo asakum tetela i londola Yordan bo bibaho hahi tou tado’o mahi i melipung i Sia, bo kelei naramêm imasani hahi Sia silatahula. ²mahi mangatou Parisi, bo tanu mangêpê si Yesus tuma’an silatahula we Sia : “Awandom esa natuama pong’ean mawatared i nasebuna ? ³besilatahula : Asia pereta i Musa we hamotahula ? ⁴i latahula : Si Musa i monge’e besilatahula tanu mawatared isia karêngan i tumulid surat Totared.⁵kua i Yesus besilatahula : “Ende napa’an kahetahan inatenu Yana si Musa imatih ia’i pêreta tanu sikow. ⁶a tino’talan i mbaoitoba, Ningumeled-Ningumeled i ngumeled silatahula tuama bo wene,⁷i’aho tuama mepaio i anomange bo inanga osa maesa’an bo asebuna. ⁸silandua maindo Ningumeled êsa hêted. Kelewaaho silatahula alanemoho rua, suamta êsam. ⁹wa’aho asia mbewaêsaam i Ningumêlêd ahi’i mata’nu iwawawetared i totumu.¹⁰ambalem silatahula, waaho mangamurit tuma’an kahi we si Yesus a sakum wa’aho. ¹¹kuaNa we silatahula : Siseiange mawatared masebuna sa humaroang i mbene walina, menonow sia a pêdêtuhan bibaho a nasebuna. ¹²asebuna imawatared nautaman sa humaroang bo tuama walina, i mêdêtuh sia”¹³tow meangai i mangahedong kisit be si Yesus, saniboho Sia mamos silatahula sumata mangamuri-Na maboro i mangatow i aho. ¹⁴si Yesus milah i aho, si Sia moboro bo kuana besilatahula : iwayai niana mangahedong moai we Ahu, na’am maharapar-apar silatahula, apa’an mangatow kelewana ê mahasawa i Kaholanoan i Ningumeled.¹⁵Ahu kumua behomotahula : Kauilitana siseaiange tahi’i sumupah i Kaholanoan i Ningumeled kele esa kedong kisit, ahi’i sia sumuang a suanga.¹⁶sia tumahum i mangahedong i aho osa karengan imao Sia i kamaNa we silatahula osa Sia imahukati silatahula.¹⁷matangêm si Yesus lumawus i paheben-Na, mahi esa tow mola-molahange metau i Sia bo karengan i sumalimbuhut a sasaangen-Na tuma’an Sia. “Guru ê mauling, asia ê nulid tawoieyku tanu mahaere i katowan monohod? ¹⁸i Yesus : “Nde’ahu ihuanu Ahu mauleng ? Mande êsatow ahêm maulêng ihawalina Ningumeled kemeho ! ¹⁹kalahanum pahasa pereta i Ningumeled na’am melimed, naam medetuh, naam manahow, naam mawasirita towo, naam mina i sawa itow, siriku namangu bo minanga !²⁰kua i’aho totumu be Sia ! Guru, pahasa wa’aho kini’itaykum tu’motol ahu mangalitouwe”. ²¹si Yesus itumotong i Sia, osa kumua we sia : “Bati ê sawe kaherunganu : mohonêm, guunem asia e sawanu bo i wamehe ni’aho a mangatow lengei, yana mahaere how arta a kaumbungari, ahadi’aho mahinem mo’ai bo lumas i’Ahu.” ²²kodait i’aho. Sia matape, osa maleng sia karengan itape, apa’an tado’o ê nartana.²³si Yesus tumotong i mangamuri-Na a tambulehe-Na osa humua we silatahula : “Ime’em katanedan itow maharoit sumuang a suang i Kahalanoan i Ningumeled. ²⁴murit-Na maêrang tumanga i kodait-Na i’aho. Sumata si Yesus lumawus kahi : “Mangahedong-Ku, i me’em katanedan sumuang a suang i Kaholanoan i Ningumeled. ²⁵gapang êsa nuta lumeot amboso indarahusu i mangamio êsa tow siha sumuang a suang i Kahalanoan i Ningumeled.²⁶ni’i matalom osa kumua a tow esa bo mangawalina : “Sakêlêwa’aho, siseiange dona bewawalowid ? ²⁷milah silatahula osa kumua : “Tanu totumu kelewaaho ahi’i matau, sumata ahi’i kêlêwa’aho tanu Ningumeled. Apa’an asiamange dona tanu Ningumeled. ²⁸si Petrus besi Yesus : Pahasa kawunyaan i hamitalahu bepaamio pahasa hamitahula osa.²⁹i How ! “sowat i Yesus : i hua-Hu behamotahula, kaulitana sangatow lumas bea-Hu osa tatwoi i kukua mepaiô balena, ponga tuama bo wene, inanga bo nanaang, manga watana bo denga,³⁰i talewo io tou i oho maleng tumirima hahi matus ngolikun : Bale, manga wo tuama, Pog’na bene, inang, kedong bo bedeng, mandewe i wakalas pahasa kinulengan osa a saman i malengay Sia tumirima enou i lenas. ³¹tadoo manga totumu behamunam imamoali kahadan osa aho kinahadan behamoali mamuna.”³²bo murit-murit-Na a tutu i pahabean moho a Yerusalem bo si Yesus malapang a pahamunan. Murit-murit mahahelam kalatean osa manga totumu i lumas be Sia a lihuna mahalem i talo. ³³: “Ia italewe hita moho a Yerusalem osa Bata’i totumu’ mainjo i ehe a manga imam kepala bo manga mahailah io’ i Torat, bo silatahula i misa i Sia paten. Osa i ehe latahula Sia a manga bangsa-bangsa ahi i mahailala i Ningumeled, ³⁴Sia i wenero-nero, kineladan, pinotadel bo pinate osa osa a kateluna ngando Sia tumou.”³⁵si Yakobus bo si Yohanes manga bata i Zebedeus tumaih si Yesus bo kumua be Sia : Guru paharawen ihamitahula boho sihow merotange monge’e esa pangeleia ihamitahula. ³⁶Na besilatahula, asia ni habog ihomatahula ahu tumilid behomotahula. ³⁷ihua ilatahula, iwonge’e kamitahula dumatun asuang konunga’an Nu esa ambeta i kanoa-lu esa ambeta i kolodiNu.³⁸i hua i Yesus besi latahula, komotahula ahi i mahailah asia pinangelei ihomotahhula, awarona komotahula luhu cawan e musti hu luku’un bo binaptis tera baptisan emusti terima Ku, ³⁹Sowaten ilatahula i kamitahula dona, Yesus kumua besilatahula : Totu’u komotahula luku cawan emusti hu lukuun bo binaptis teka baptisan e musti hu teriman. ⁴⁰awasia dumatuh ambeta i kanoal ku bo a kolodi Hu, ahi’i ahu maha hak, mehe, nde we aho nde wa’aho i yehe amanga tow tanu sisei ni’aho besadiam.⁴¹i oho sangawulu murit balina moboro besi Yakobus bo si Yohanes. ⁴²timang i Yesus silatahula sa kumua : “kalaihan kamotahula ni oho wapakua pakolanoan bangsa-bangsa mapereta touna bo kamaim besi, osa manga totumu posirin malapang kawasanai a kahetahan i latahula.⁴³ahi i kawalian a tutu i hamotahula. Sey mabo mamoali bako a tutu be hamotahula, mamoali mange Sia iwasalinu. ⁴⁴sesey mabo i hawanu a tutu i hou, homoali mange Sia yongos apahasa hamotahula. ⁴⁵Bata i Totumu mahi ahi i sumali sumata masali osa mehe-Sia imbatanga-Na hamoali baer totumu tadoô.⁴⁶hoamat si Yesus bo mangamurit-Na a Yerikho. Atepo si Yesus lumuai a Yerikho, medororo bo mangamurit-Na bo tadoo totumu i molipungai, bana esatow tapongelei hi’i melilah, ngelana Bartimeus, bata i Timeus, dumatuh-ratuh a sili i kakas. ⁴⁷tinangana, awahem niaho si Yesus tow i Nazaret, tumo’tolem sia osa kumua : “Yesus, bata i Daud, ihalesange ahu ! ⁴⁸tow merow i sia saniboho metew. Sumata mahateh sia kumua : “Bata i Daud, ihalesange ahu !⁴⁹si Yesus sumondo sa kumua : “Tiangen sia ! Silatahula tumiang i aho tow ahi’i melilah osa mohodait besia : natenu, tumodoai, Si Sia tumiang ihow. ⁵⁰sia muka injubahna, sisia tumiro tumod bo moho sumuoah si Yesus.⁵¹si Yesus besia : “Asiamange kahabo’genu saniboho Ahu tumulid behow ?” Rabuni, saniboho ahu dona melilah !” ⁵²kua i Yesus besia : “Mohonem, kawahemanu i mawahowid i how ! “Anoras iwa’aho mange donan sia i melilah, osa sia lumas si Yesus a pangebean-Na.

¹si Yesus bo manga muritNa a susutem i Yerusalem metaian bo Betfage bo Betania a sakumen dungus Zaitun, Yesus masiu dua tow muritNa. ²i koyow : mohonem an doong sasangenu. Atepo i oho komotahula sumuang bi boho, komotahula tilaho bewetau esa keledai muda behasogot, awe ange mahasa sinakean ni tow. Ilepot keledai i oho bo pe angenoai. ³sawana tow mohodait behow, nde aho komotahula itumulid i oho, sowaten, si Ningumeled mahawarelu i aho sia tilaho iwalengena biai.⁴moho bo bewetau esa keledai muda besogot a muka i mbonang a luar a sili’i kakas, osa i lepot na. ⁵tahula tow bi boha mohodait besilatahula, asia panutuunu lumepot i keledai i oho, ⁶sowaten ilatahula, mekele bo behua i Yesus osa manga tow i oho mawawiolongo silatahula.⁷silatahula meang keledai i oho besi Yesus bo mangahid i latang ilatahula, osa si Yesus sumake ambaonai. ⁸totumu mosorabud latang a kakas, bahahahi mawasereb mangasisina mata benjo ilatahula ambedeng, ⁹malapang a pahamunan bo silatahula i mahalas a lihud meterehi Hosana, kamangenange moai angalan i Ningumeled,¹⁰kaholanoan imoai, kaholanoan nipapa ihita Daud Hosana atampa matatangi’iyo.¹¹a Yerusalem sumuang Sia a Bait Ningumeled bibohosia monarah pahasa sumata endo susutem bengi lumuai Sia moho a Betania, iwahalas bo sangawulu bo rua muridNa. ¹²mandomai ahadi’aho si Yesus bo sangawalu bo rua muria Na mepaiyo i Betania, Si Yesus mahelam maleo.¹³andekape sia melila kayu ara embanam tu’nana susutena moho milah sawana hoon asiamange a kayu i oho, sumata anoras siabehoamat bi boho, ahi’i Sia imahaera awa-awa ihawalina tumana mange nde ahiioras mamua ara. ¹⁴kuana a kayu ni oho”Naam mange esa tow kuma imbeanu ahad i kaeto-eto bo manga murid itumanga.¹⁵ihoamat si Yesus bo manga muriaNa a Yerusalem, ahadi’oho si Yesus sumuang am Bait Ningumeled, tilaho sia melei mangatow majual bo manekes a kital Bait Ningumeled manga meya tapasaleng doit bo manga bakal mapajual merpati bewolidtuana. ¹⁶ahi i iyehena tow meang mangagaidan a kital Bait Ningumeled.¹⁷sia sumusui besilatahula kuaNa : awahi i bewatih i bale Hu iwakua bale sombayang tanu pahasa bangsa sumata kamotahula imawamoalim bale imanga tahow. ¹⁸imam kapala bo beutehan a Torat sakum kajadian i oho, bo silatahula marameji mate i sia karna silatahula matalo, sia melilah tadoo tow merang e susuiyena. ¹⁹bengim silatahula maleng lumuai a kota.²⁰we a noras si Yesus bo manga muridNa lumeot, silatahula milah kayu ara imawawelam ahad imanga amud’na. ²¹mahaimun si Petrus asianem nimamuali, osa sia kumua besi Yesus, guru pilahen noho kayu ara besup Nu imawelam.²²ni Yesus silatahula : Emanem si Ningumeled. ²³humua behow kaulitana sisei ange kumua mange andungusan dumeso bo behasambet asuang i saloyon ! Asar ahi i likoko nat, sumata moeman awahem asia mange ihuana i oho, mamuali kawalian oho mamuali besia.²⁴ni oho kumua Ahu be how, asia ngawilah pangeleian bo isombayang, emanen nange komotahula itumiriman awa’aho i yehe be how.²⁵sa komotahula tumod sumobayang apangan atalewe sahele mange bana nawa-awa asuang imatenu a nesa tow, kasea-seanu.²⁶sa homotahula ahi’i maapungan, ndepapanu a sorga ahi i hahi mapung manga ikaseaanu.²⁷si Yesus bo manga muritNa behoamatem a Yerusalem. Anoras si Yesus lumapang a kital i Bait Ningumeled, moai be Sia imam kapala beutehan a Torat bo manga matua. ²⁸tumaan be sia : Karangan imbahut si how itumulid pahasa i oho ? Bo sisei ni mehu imbahut i oho we how, ahad kow tumulid pahasa i oho.²⁹ni Yesus besilatahula : si Ahu moha esa tata’an be how : bean nahu sowatna, osa ihua hu behow karangen imbahut ambisa, ahu itumulid i oho,³⁰i Yohanes i aho, a sorga suma totoumu bean ahu sowatna.³¹imepohodait a tutud, ilatahula, bokumua : saihua ihita sorga, sia kumua. Saheleaho komotahula ahi’i maeman be sia. ³²nde’aho nihua ihita a totoumu apaan silatahula matalo a tadoo totomu apaan pahasa tow, mangatam, awahem Yohanes totuu esa nabi. ³³silatahula sumowat besi Yesus, kamitahula ahii mahailah osa kumua si Yesus besilatahula : sahele aho, si Ahu hahi ahii kumua behow, teraimbahut asia, ahu itumulid pahasa iyoho.

¹si Yesus tumo’tol be silatahula a pangandean : “Bana nêsatow imuha bondoi i nanggor bo imanu’ul boso pawakêrêsotan i nanggor bo itumod solosai pahi’aha’an. Osa sia mahisewa i aho pomedengan a manga tapatawoi osa matang mahah a ndo’ong balina. ²amahimoho musunga, masiu sia êsa sosiuna biboho a mangatapatoyo’ tanu tumuirima i sangaweteng bua’iaho pomdengan be silatahula.³silatahula itumiho’ i aho sosiu bo mamakur isia, osa masiuisia maleng karêngan ahêm pine’ang.⁴aho masiu hahi sia êsa sosiu walina be silatahula. Totumu’ wa’i pinakur i latahula ahad mela’kohonga bo ni’itio’ bewewasokia’ i latahula. ⁵masiu sia sosiau walina hahi, bo totumu’ wa’i pinate i latahula.⁶talewê behaepa’ange êsa hêmanga kedong ihalîs. Amahad masiusia i sia be silatahula, kuana : “Bata’Ku isingên i latahula. ⁷ni’aho manga-tapatoyo imêkuhua’an a nêsa wo êsa. Sisia awahêm mahaweteng, ayom paten i hita sia, sani’aho nia’i mbeteng naindo sawo i hita.⁸itumiho’ i sia bo mateisia, osa masot i sia a luar i pomedengan i nanggor wa’aho. ⁹Ia’italewe’asia ê mainjo tulidên i aho mahawedeng i nanggor ? Mainjo sia mahi bo mawatutus i aho mangatapatoya’ osa siaa mawaake’ i aho mbedeng i nanggor a mangatow balina.¹⁰ahi’i mahasa homotahula imaca nia’nas : Batu ê mbetia’i manga-tapatod i manga-bangunan imamoalim batu du’una : ¹¹wa’aho behamoali a ndoro Ningumêlêd tow, êsa tatawoi mahaerangan a mbêlên i hita.” ¹²silatahula irumameji tumiho’ si Yesus, nde kailahan i latahula, awahe silatahula ê pinanutu’Na i aho pangandean. Sumata silatahula matalo i tou tado’o, yonara silatahula moho bo lumingomohoi Sia.¹³i aho bewasiu tatahula tow Parisi i bo Herodian tanu sumosogow i Sia teka êsa tata’an :¹⁴mangatotumu’ mohi bo kumua be Sia : “Tuang Guru, kailahan i hamitahula, si how awahêm êsatotumu’ Londol, bo si how ahi’i matalo be siseiange, nde si how ahi’i tapohulu, suamta’ karêngem londol masusui i ndalam kalondolem. Awa do’na mawaeri paja’ besi Kaisar surua ahi’i ? Awa hamitahula musti maer suma ahi’i? ¹⁵si Yesus mahailah ê katondeian i latahula, osa kumua be silatahula : Nde’aho homotahulah mangêpe’ i ahu ? Pe’ngênai êsa dinar sani’aho pêlilahên Ku !”¹⁶Pe’anganai i latahula. Yonara Sia tuma’an be silatahula : Gambar bo pataih i sei nia’i ? sowat i latahula : “Poto bo patih i Kaisar” ¹⁷kua i Yesus be silatahula : Iehemange be si Kaisar asia musti iehe i homotahula be si Kaisar bo be Ningumêlêd asia musti i ehe i homotahula be Ningumeled !” Imaerang io silatahula nitumanga’ i Sia.¹⁸be si Yesus tatahula tow Saduki, ê mahalilitud awahem alahêm ni’aho maleng tumour’ (sa imatêm). Silatahula tuma’an be Sia : ¹⁹Guru, si Musa imatih ia’i pêreta tanu kita: sa êsatow, ê mahawog tuama, mate karêngan mêpange i karoanga sumata’ ahi’i mêpa’ange kedong, pognga musti kumaroang, i aho karoanga bo mawalembo suru tanu wa’aho pogna.²⁰pitu towmapong. Ê kaesana kumaroang i nêsa wene bo mate karêngan ahi’i mêpaio suru.²¹ê karuana hahi kumaroang i sia bo ahi’i mêpa’io suru. Kelewa’aho hahi ê ketêluna. ²²kelewa’ahow lawasna, silawitu ahi’i i mêpa’io suru. Bo amahod, sa alam pahasa silatahula, wa’aho kahi mbene mate. ²³nêndo maleng tumow, sa silatahula maleng tumow, sisei ê mamoali karoang i aho mbene ? Nde silawitu imêkaroangêm i sia.²⁴i Yesus be silatahula : Komotahula ureng, ênde napa-apa’an komotahula ahi’i mangarti i kaol bo hahi imbahut i Ningumeled. ²⁵sa totumu’ maleng tumow a tutud i tow imatem, totumu’ ahi’i mêkaroang sumata’menonow kele malaekat a sorga.²⁶a sakum i maleng kinatowan i manga totumu imatem, awa ahi’i homotahula imaca i kitap i Musa, a sirita sêndi patohana, kelembisa nênu’ i mbehukua i Ningumêlêd besia : Siahu Ningumêlêd i Abraham, Ningumêlêd i Ishak bo Ningumêlêd i Yakub ? ²⁷sia ahi’imoko Ningumêlêd i tow i mate, sumata’ Ningumêlêd i totumu menonow. Komotahula totu’u ureng !”.²⁸êsatow mehailah io i Torat, ê nitumanga’ si Yesus bo mangatotumu’ Saduki mêtata’awan bo mahailah, awahêm si Yesus imehe sosowat ê têna a mangatotumu’ wa’aho, mahi we Sia bo totuma’an : “Lala’ut mbisa ê ni’itmo’ote’? ²⁹i Yesus : “Lala’ut ê ni’itmo’ote awa’i : Tanga’an, ei tow i Israel, Ngêlêdtow Ningumeled i hita wa’aho êsa. ³⁰Ihalêsange si Ngêledtrus, Ningumêlêd, karêngan i muhu-uhu natenu bo karêngan muhu-uhu kanalunas bo mauhu-uhu natêhnyu bo karêngan i mauhuhuh korowotanu. ³¹lala’ut karuana êwa’i : Ihalêsange kehelenu totumu’ kele batanganumio’. Alahêm lala’ut balina ê lebeête’ a ndua lala’ut wa’i³²kua i aho mahailo io’i lala’ut be si Yesus : “Tênamio’, Tuang Guru, ulit mbehuaNu wa’aho awahêm Sia êsa bo awahêm ê mbalina kacoali si Sia. ³³mahalês i Sia karengan i mauhu-uhu bo karengan i mauhu-uhu pangartian bo mauhu-uhu karowotan, bo hahi maheles i kahele totumu’ kele batanganio’ awahêm lebeête’ a pahasa darahes benanag bo darahes belusa.” ³⁴Yesus milah, kelembisa kawahulu isosowat i aho totumu’, bo kumua Sia be silatahu sia : “Sihow ahi’i rekang a kaholano’an i Ningumêlêd ! “ Bo nande êsatow ange alam baranei tuma’an asiamange be Yesus.³⁵a noras si Yesus masusui a mbale i Ningumêlêd, kumua Sia : kelembisa manga-mahailahio’ Torat do’na kumua awahêm si Mesias awahêm bata’ i Daud ? ³⁶Daud io’ a mbeawid i Tutuh Lênas ihumua : si Ngêlêdtow ihumuam sa tuanku : umatuhêm a ndoro i karoalKu ahad mangakasehedNu iepa’Ku a mbawa’i na’eNu. ³⁷Daud ange ihumua Sia tuang kelembisa do’na mamoali Sia bata;na kahi ? “mangatow ê têdo’o miniahatanga’ i Sia karêngan i tolimomod nate.³⁸mbesasani-Na si Yesus ihumua : “mahatu -atuhange a manga-mahalahio’ i Torat ê maibog mahebe-be malatang juba katangan bo maibog mêwênirina pawasiri’in a pasar, ³⁹maibog mêwêdatuh a tampa a mukamio’ a mbale pawaibadahan bo a tampa ormatênio’ a pêsaheian,⁴⁰mêwênêpês i mbale i manga-janda, sedang si latahula mawa-pêbodoh i tow teka i sombayang ê manga-hatangan. Silatahula iahtotu’u mainjo tumiriwa i nu’kuman ê lebe tanêd.⁴¹si Yesus masa’ang a piti papowaladan bo masilih kelembisa tow tado’o masung doit a piti wa’aho. Tado’o totumu’ soha mapahetado’o. ⁴²mahi nêsa janda lengei bo sumuang dua rimis, awa’aho êsa roit.⁴³timiang-Nga manga murit-Na bo kumua be si latahula : “kumua Ahu be how, kaulitana janda lêngei êwa’i imehe lebetado’o ênde pahasa totumu’ ênimasuang doit apiti papowaladan. ⁴⁴si latahula pahasa imehe a kalipa’ana, sumata’ janda êwa’i imehe a kaipitana, pahasa ê mbana be sia, awa’aho ê pahasa iwênonowna.”

¹si Yesus lumuai a mbale i Ningumêlêd, êsatow muritNa kumua we Sia : Tuang “Guru”, pilahên ime’em korowotan i aho manga watu bo kalo’oran i aho manga-gêdung ! ²si Yesus kumua we sia : “pilahênu nia’i, manga gedung bangun ? Alehem mande êsa mange mbatu mainjo iwaya uwao-wao ambatu walina, pahasa mainjo iwawawelet”.³si Yesus mêdatu-ratuh a mbao i ndengus Saitun, suma’a-a’ang i Ningumêlêd, si Petrus, si Yakobus, si Yohanes bo si Andreas mata’an êsa-êsa be Sia: ⁴“Ihuam behamitahula, sawa ni’aho ihamoali, asia ê têpaina, sa pahasa wa’aho ihoamat a kahawuama”⁵si Yesus tumo’tol kumua be silatahula : “mahiahamange sani’aha ahêm totumu’ mawaureng i homotahula ! ⁶mahi totumu’ tado’o karêngan mapake i ngalaKu bo kumua : Siahu Sia, bo silatahula mainjo mawaureng i tado’o tow.⁷sahomotahula mahatanga’ gonggow i pêrang suma manga-abar sakum pêrang, ma’am komotahula, likeke. Pahasa i aho musti ihamoali, sumata’ wa’aho awe kahawuana. ⁸bangsa mainjo tumod sumaru i mbongbo kaholano’an bangguang a mbaoitoba a morolesad, bo mainjo bana kale’oan. Pahasa i aho to’tolanwe’mio i pananggongon sumupah sonuan taleya.⁹komotahula wai, matu-atuh ! Komotahula mainjo iwowalad a nggohuta i nagarua bo komotahula mainjo pamakurên a ambale wa’imbadatan bo komotahula mainjo iwêsang’ang a ndior i monga-mohaimbahut bo mongo daja apa’an si Ahu, kelekasairian tanu silatahula. ¹⁰Kukua musti iwamunan isahai a pahasa bangsa.¹¹sa homotahula kosen bo iehe, na’am komotahula matalo i masia musti ihua i homotahula, sumata’ kumuamange asia nihomba be homotahula a noras wa’ahomio’, nde ahi’i homotahula ê mohoda-hodait, sumata’ tutuh Lênas. ¹²tow pog mainjo mehe i pognga tanu paten, kelewa’aho hahi nêsa amang a mbata’na. Bo manga hedong mainjo mêlawah a matu’ana bo mainjo mêlimêd silatahula.¹³mainjo ihare’e i pahasa tow apa-apa’an i ngalanKu. Sumata’ totumu’ ê kumêtêr ahad a kasapêtan mainjo sia lowid.¹⁴mahawilah tapê tutus ahas tumotod a tampa ê tahi’i humi’it manga tapêmaca musti tumu’tul i aho yanasa manga totumu ê na Yudea musti hemotahoho a pêdungusan. ¹⁵ê na pakakabanwe’ a mbao i mbale na’am lumolos bo sumuang mindo wasi-wasia a mbalena, ¹⁶totumu’ ê nambondoi’we na’am sia maleung mindo i latanga.¹⁷mangamame ê mahali-ali suma ê mapanusu i kedong manusuwe’ a tepo wa’aho.¹⁸saniboho pahasa wa’oho na’am ihamoali a musung utin. ¹⁹a tepo wa’aho mainjo ihamoali pêdai’an kele i tawe’ mahasa behamoali tumo’tol a katare imbaoitoba, ahad ia’i talewe’bo ê tahi’i maliug ihamoali. ²⁰samerot si Ngelêdtow ahi’i mawahopong i nêndona yanasa a pahasa mênonow alahem ê lowid, sumata’ tatawoi imangatow sinisir ê sinisir-Na, ei Ngêlêdtow i mawahopong i nêndona.²¹wa’aho ei totumu’ kumua behomotahula : Pilhên, ei Mesias bia’i suma : Pilahen, ei Mesias bibahê, na’am komotahula meman. ²²mange mesias tondei bo manganabi toudei mainjo mêlêmbo bo silatahula marulid têtêpai bo manga-mahaunggaugan karêngan mata’ar. sahelero’na, mawaureng i mange totumu’pinameleng. ²³komotahula ! Dali’-Kum bewanuna ihumua i pahasa wa’i behomotahula.²⁴a tewo wa’aho, a mbehaleotêm ni aho ndara’i, êndo mainjo mêdêudêm bo bulan ahi’i sumulo. ²⁵manga bintang mainjo a langit mêdalas rai, bo manga imbahut i langit mebangguang. ²⁶tepo wa’aho totumu’ mainjo makawilah i mBata’ i totumu’ mahi a sakumen i manga hambur karêngan i pahasa koimbahutan-Na bo korunga’an-Na. ²⁷a tepo wa’aho hehi Sia masiu mange malaekat-Na bo mawasêsên i manga totumu pinaweleng-Nga a nêpat du’u i mbaoitoba, tumo’tol a tepoh i mbao i toba mahad a têpoh i langit.²⁸ajarên a pangandean i tud ara. Sa mange sisira mêdu’ul osa tumo’tol manisi, kailaha i homotahula, wahêm oras i mahêndo susutêm. ²⁹hahi, sa homotahula mêlilah, i mango wa’aho ihomoali, kailahamio awahêm tepona susutêm, a mbabahanêm i mbonang.³⁰wehow : Kaulitana pêkarênganan wa’i ahi’i ihalewet, satolowe’ pahasa wa’aho behamoali.³¹bo baoitoba ihalewet, sumata kodait-Ku mainjo ahi’i ihalewet. ³²sakum êndo suma tepo wa’aho mande êsa tow ange alahêm, manga malaekat a sorga ahi’i, bo Bata’ kahi ahi’i bati’ kêmoho amang tuturu’ saniboho mahia-iaha.³³bo mahia-iaho mange ! Apa’an ahi’i kailahan i homotahula sawa nêndona mahi. ³⁴wa’aho mêkele kele êsatow i mahah, ê nimêpa’io i mbalena bo sumakêd i pawatawaêna a manga soriena, êsa-esa teka i tawoiêna, bo mêreta i mahiahe imbonang saniboho mahia-iaha.³⁵i aho mahia – iahamange, apa’an hi’i hailohan i homotahula sawa ni’aho mahawale maleng, susutem mawêngi, suma basindo medaparapawe’, ³⁶sasia mêtaliwe mahi na’am komotahula ko’amatana mêbo’o-o. ³⁷mbehua-Hu be homotahula, ihua-Hu a pahasa tow : mahia-iaha mange !

¹wako’ paskah bo êndo wako’ Ratu Hi’i Kinabo’ manjo tumo’tol dua ngandowe’. Manga-imam kapala bo manga Beutêhan Torat mangilah dolan tanu tumiho’ bo lumimêd si Yesus karêngan powandei ta’pia, ²silatahula ihumia : Na’am a noras pêlo’oran, sani’aho na’am lemêmbo kawurosoan a tutud i ndengare.”³si Yesus a mBetania, a mbale i Simon sihusta, bo mêdatu-ratuh manganyan, mahi nêsa wene mape’a-we’ang êsa pot porsêlen sua-suangan solo narwatu tulen ê mahal mbaera. Beta’anamoho lehed i aho pot, beusahNgam nia’ho solo ambao i kohong i Yesus. ⁴totumu’ ê nimare’e bo ikumua a nesa wo êsa : “Tanu, asia pino’ula’an i a’i solo narwastu ? ⁵nia’i solo do’na gu’umên lebe a têlu ngatus dinar bo do’na do’na iehe a manga tolêngei “ osa si latahula moboro’ i aho mbene.⁶si Yesus ihumua : Ilingomoho sia. Nde-aho homotahula mawasusa i sia ? Itumawoiêm sia êsa tatawoi ê maulêng be-Ahu. ⁷mangatolêngei salalu bana mbehow, bo komotahula do’na tumulung silatahula, sa homotahula mapandung i’aho, sumata’ si-Ahu ahi’i mainjo salalu iwakearu-harua i homotahula. ⁸itumawoiêm asia ndo’na tinawoina. Batanga-Ku sinoloanum kele kasadiaan tanu kubuan iAhu. ⁹kumua be homotahula : Bisanamange Kukua owosahai a sêrêb i mbaoitoba, asia ni’i tinawoina mainjo hahi ihua tanu mangimun i sia.?¹⁰imohom si Yudas Iskariot, êsa’an a sangawulu’borua murit wa’aho, amanga-imam kapala karêngan manutu’ mehe si Yesus be silatahula.¹¹imêkahi’ io’ tumanga’aho i aho bo silatahula irumandi mainjo mehe roit be sia. Ahadiaho eia mangilah kasêmpatan maulêng tanu mehe i Sia.¹²kaesana i nendo wako’ Roti ahi’i kinabo, anoras tow mêlusa domba paskah, manga murit i Yesus kumua we Sia : A lesad bisana mihaibog-Ngu ohoan i hamitahula sumadia i pêdekoman Paskah tanu si How ? ¹³Sia masiu i ndua murit-Na karêngan koyow : mohonêm a kota, biboho komotahula mêtauw bo êsa tow ê mape’a-we’ang tambayang sua-suangam ahe. Lasên sia. ¹⁴a mahawale ê suangêna : Koyow i tuangguru : bisana mbuni sunadia tanu si Ahu kanan a Paskah mekaru-harua, bo manga murit-Ku ?¹⁵ni’aho totumu’ tumuerue behomatahula êsa buni a mbao ê noang, êlêkêwem bo behasadiain. Biboho komotahula mawasadia i pêdekoman i Paskah tanu kita ! ¹⁶matang ni’aho ndua murit bo ilahusutoho a kota, belahilatahula kele ê mbehua i Yesus be silatahula. Osa silatahula mawasadia i Paskah.¹⁷mahi si Yesus makaru-harua bo sangawaulu’ bo rua murit wa’aho ¹⁸ndumatuh- oho silatahula wiboho bo karêpêt manganyan, si Yesus kumua : “Kumua Ahu be how kaulitana êsatow a tutud i homotahula mainjo mehe i Ahu, awa’aho Sia ê kuman bo si Ahu.” ¹⁹mêtape nate ilatahula bo mêngêsa-ngêsa kumua we sia : “Ahi’i siahu o ngêlêdtow ?”²⁰Sia : “Totumu’ wa’aho awa’aho nêsa’an be homotahula ê sangawulu’ bo rua wa’i, si sia ê Lumosoh i roti a nêsa wiring bo si Ahu. ²¹i Totumu’ totu’u mainjo mahah ni’it bo ê mbewatih sakum si Sia, ta,sumata’ silakamio’ totumu’ mahatatawoi i mBata’ i totumu behe. ni’it mauleng ni’aho totumu’ ahi’i bewahawata’²²a noras si Yesus bo manga murit-Na karêpêt manganyan, si Yesus mindo roti, mangelei kamang, menêri-nêri i aho osa meheiaho be silatahula bo kumua : “Indonêm, awa’im mbatangan-Ku.” ²³Ihaomoho ni’aho mindo Sia kowêr, mangelei karuang osa mehe iaho be silatahula, bo pahasa silatahula iluku’ kowêr wa’aho. ²⁴sia kumua we silatahula : êwa’im ndoha’ku, daha’i ndarandi, ê meusah tanu totumu’ tado’o. ²⁵Ahu be homotahula : Kaulitana si Ahu alam luku’ i mbua’ i tud i nanggor kaholano’an i Ningumêlêd.”²⁶oho silatahula i kahatarên dorayow, miloho silatahula a ndungus Saitun. ²⁷si Yesus kumua be silatahula : “Pahasa homotahula maijo mêbangguang kawaheman. Apa-apa’an bana mbewatih : mainjo ahu mamel i nggembala bo wa’aho manga-domba mainjo mêtatared.²⁸a malengêm Ahu itumow, mamanu Ahu we homotahula moho a ngGalilea.” ²⁹i Petrus be Sia : “mandewe silatahula mêbangguang kawahemana, siahu ahi’i”³⁰kua i Yesus besia : “Ihua Hu be how, kaulitana a nêndo i nia, i nia mbengimio’, a talawe’ ihumoho koko maharua, isumakalêm kow i Ahu mahatêlu ? ³¹karêngan ni’it nulit si Petrus kumua : “Mandewe’ ahu mate a niwakaru-harua-Nu, ahi’i ahu mainjo sumakal i How. Mangawalina hahi i humua kelewa’aho hahi.³²iho’amatoho si Yesus teka manga murit-Na a nêsa lesad mahagalam Getsêmani. Kua i Yesus a manga murit-Na : “Dumatuhêm bia’i, samantara ahu sumombayang. ³³Sia mali si Petrus, si Yakobus bo si Yohanes karua-Na. Matalamio’ Sio bo behêleh, ³⁴Kua-Na besilatahula : “Ate-Hu ni’itio’ mahados, kahêlaman kelemio matew. Sumondo’ io’bia’i bo mahio-iahamange.³⁵Sia hisit, sumalikokol a toba bo sumombayang saniboho, sahele do’na, oras wa’aho iwawaleot be-Sia. ³⁶: “O Abba, o Amang, alahêm ê tahi’i ro’na be how, indonai nia’i kowêr be-Ahu, sumata’ na’am asia ê pandung-Ku asia ê pandung-Ku, sumata’ asia ê papandungên-Nu !”.³⁷iaho malengai Sia, bo moho amat silatêlu mêbo-o’o. Bo sia kumua be si Petrus : “Simon, awahow mêbo-o’o ? Awa how ahi’i mahabaya mahia-iaha êsa ng oras ? ³⁸bo sumombayangange saniboho homotahula ahi’i ihaekat a pangepe’an, tutuh totu’u mohi’it sumata’ kêtêd kawel,” ³⁹Sia malêng moho bo sumombayang ê wa’ahomio’.⁴⁰a niha-aleng-Ngamai, ko’amatan-Na silatahula mebo-o’o, apa’an bêlên i latahula tanêdêm bo silatahula ahi’i mahailah asia nisowat il latahula be Sia. ⁴¹i aho malengei Sia a katêluna bo kumua be silatahula : “Mo’om ia’i talewe’ bo lumêmêtêm. Lêkêwêm. Orasna imahim, pilahên, Bata’ i totumu’ behe a manga-kama i manga maharo.⁴²mayom kita moho. Sia ê mowaled i Ahu susutêm.”⁴³si Yesus, lumuaira si Yudas, êsa’an a sangawulu’bo rua murit wa’aho, bo ilalasna sangawalas totumu’ anape’a-we’ang kobit bo powakur, bewasiu i manga imam kapala, beutêhan a Torat bo matu-matua. ⁴⁴ê nimowalad i Sia ihumuam ia’i têpai be silatahula : “Totumu’ ê timuanku, si Sia ni’aho, tiho’onêm Sia osa balin karua i kawi’an. ⁴⁵ihaho’amatuamoho wiboho tilahom sia imuna sumusut si Yesus osa kumua : “Tuang Guru,” osa tumiwu’ i Sia. ⁴⁶silatahula itumoka’ si Yesus bo tumiho’ i Sia.⁴⁷besilatahula bana ê mbiboho ilumolo i simalana, osa itatasna a nata i imam besar ahad behaêpas talingana. ⁴⁸i Yesus be silatahula : “Kuanumange Ahu tapênahow, yanasa meki homotahula teka kobit bo powakur tumiho’ i Ahu ? ⁴⁹susud i nêndo Ahu a tutud i homotahula masusui a mBale i Ningumêlêd, bo komotahula ahi’i tumiho’ i Ahu. Sumata’ musti iwawalêkêw ê mbewatih a Kaol. ⁵⁰pahasa wa’aho murit imêpaio’ bo mêlolah.⁵¹nêsa taletumow, ê natepo wa’aho bati’ malatang sangawêlad ndo’ho lenên tanu ihumolod a mbatangana, mahalas be Sia. Silatahula mapandung tumiho’ i sia, ⁵²sia i mawalêpot i ndohona bo osa malolah kumêda-hêda’ai.⁵³iaho si Yesus pine’ang suma’ang i mBalian Bako’. Osa pahasa balian kapal, matu-matu’a bo beutêan a Torat isumêsen biboho. ⁵⁴si Petrus a ndekang mahalas be Sia, ahad a suang i lesad i Balian Bak,’ bo biboho sia dumatuh a tutud i manga bowirang osa moneang atai mbaha.⁵⁵balian kapala, mahad pahasa mahisa’ i Agama mapangilah kasairian tanu si Yesus saniboho Sia do’na u’kumên paten, sumata’ silatahula ahi’i imahaere. ⁵⁶mange totumu’ mapakua kasairian towo sakum si Sia, sumata pahasa wa’aho mbesairi ahi’i mapêtêna’an nêsa wo êsa.⁵⁷tatahula tow sumairi lumawah i Sia karêngan i kohatam tondei ê wa’i : ⁵⁸itumanga’am nia’i totumu’ ihumua : si Ahu mainjo mawawelet i mBale Bayo titukid i kama i totumu’ êwa’i bo a têlu ngando tumod Ahu walina, ê tahi’i tinulid i totumu.’ ⁵⁹ia’i hahi besairi i latahula ahi’i mapêtênaan ê nesa wo êsa.⁶⁰Balian Bako tumod a tutud i pahisa’an bo tuma’an be si Yesus, Kuana : “Awa How ahi’i mehe sowat a manga-behatom i mangasairi wa’i sakum sihow ? ⁶¹Sia imêtêwoho bo ahi’. Isumowat wasi-wasia. Balian Bako’ wa’aho maleng tuma’an be Sia, kuana : “Awa How si Mesias, bata’i Eni’it “Parayowên ?” ⁶²i Yesus : “Si Ahu Sia, bo komotahula mainjo makowilah Bata’ i Totumu’ dumatuh a ndo’o i kamoal ê mahaimbahut bo mahi a tutud i kahambur a langit.”⁶³mBalian Bako’ wa’aho dumênet i latanga bo kumua : “Tanu asiawe’ kita pêrêlu sairiwe’?⁶⁴imahatanga’ am i ndoros-na be Ningumêlêd. Kelembisa nanutêhnu ?” osa karêngan i pinahinjoan silatahula itumêpu’, awahêm Sia musti u’kumên paten. ⁶⁵tumo’tolêm tatahula tow makêlad i Sia karengan kumua we Sia : “Ei nabi, êpe’an i hua ! Osa hahi manga bowirang momakur i Sia.⁶⁶wa’aho si Petrus a ndalêmwê, a lesad. Osa mahi nvsatow bene ata i mBalian Bako’, ⁶⁷akawailahoho iaho mben’e si Petrus mane-neang, sia itu motong i tokia’na bo kumua : “Si how hahi salalu iwakaru-harua i Yesus, tow i Nazaret wa’aho. ⁶⁸sia isumakal sia isia bo kuana : “Ahi’i ahu mahalilah bo ahi’i mangarti asia panutu’unu. Osa sia moho a lihos a ndior (bo ihumohohêm ko’ko).⁶⁹a noras ni’aho nata wene maleng melilah si Petrus, kumua hahi sia, a mangatotumu’ ê mbiboho : “Totumu’ wa’i awahêm êsa’an totumu’ i latahula”.⁷⁰‘ si Petrus maleng kahi i sumokal. Ahi’i êto’ luruala manga totumu’ ê mbiboho kumua hahi be si Petrus : “sihow wa’i totu’u êsa’an be silatahula, osahahi how tow ingGalilea,⁷¹tumo’tol si Petrus dumoros bo masupa : “Ahi’i ahu mahahilola i totumu’ê panotonoton i homotahula wa’i ! ⁷²a noras i aho ihumohohêm ko’ko a karuana. Yansa si Petrus mahaimun, awahêm si Yesus ihumohoh makarua si how isumakalêm i Ahu mahatelu. Osa sia i mêkae’em sêsêndu’an.

¹we’mio’ manga imam kapala karua i manga matu’a bo manga utê-utêhan a Torat bo pahasa Mahisa’ i nagama imatalian imahinjoanêm. Silatahula tumorunggu si Yesus osa mahi i Sia bo mowalad i Sia be si Pilatus. ²Pilatus tuma’ru be Sia : “Awa Si how ê ndaja i tow Yahudi ?” Sowat i Yesus : “Sihow-io’nihumua” ³manga imam kapala kumua totudu tado’o be Sia.⁴Pilatus maleng tuma’an be Sia, kuana : “Awaho ahi’i sumowat ? Pilahem ime’em katado’ona kohatam i latahula we how ! “ ⁵si Yesus alanemoho hahi isumowat, ahad si Pilatus imaerang.⁶kanaraman mawebêpot êsatow beu’kum a tebe i aho nêndo wako’, lumas a pangeleiên i tow tado’o. ⁷a tepowa’aho bana nesa tow makiangalan Barabas toru-torung gimgêu ai teka tahula tow tapalawaha balina. Silatahula imêliwêdêm a pinelawaham. ⁸mangahi tow tado’o bo mangelei saniboho kanaraman wa’aho ki’itan kahi.⁹Pilatus sumowat silatahula bo tuma’an : ‘Awa komotahula maibog samiboho bebasênku nia’i ndaja i tow Yahudi ? ¹⁰ku’lahan, awahêm mangaimaruru kapala imowaladêm, si Yesus apa’an kanat. ¹¹imam kapala isumusub i tow tado’o mangelei samiaho si Barabasêm ê mbebasen tanu silatahula.¹²Pilatus maharawe’kahi sumowat bo tuma’an be silatahula : “sahelewa’aho, asia ê tulidênku a totumu ê kua i homotahula daja i tow Yahudi? “ ¹³silatahula maleng tumerewa’, kua i latahula : “Ihalawat Sia!”¹⁴si Pilatus kumua we silatahula : “sumata’ kata’pia’an asia ê tinawoi-Na ? “sumata silata ni’it mo’arid tumerewa, : “Ihalawat Sia!”. ¹⁵apa’an si Pilatus maibog mawawêdê i nate i aho tow tado’o, belêpotua si Barabas tanu silatahula. Sumata’ si Yesus pinosambêtna osa behena tanu kalawaên.¹⁶manga sururaho mali si Yesus sumuang a nggulang, awa’aho bale pawahisa’an, bo maniang i pahasa sanganalas sumêsên. ¹⁷Silatahula imawalatang juba limba be Sia, imayam êsa balalugi patoh bo imao a ambae i kohong-Nga. ¹⁸i aho silatahula tumo’tol moniri’ i Sia, kua ilatahula i “ sisiri’, ei daja i tow Yahudi!”¹⁹imakur i kohong-Nga bo aog, bo ihumêlâd i Sia bo isumalimbulu moniri’ i Sia. ²⁰Ihaworuoho nimonero-nero’ i Sia silatahula ilumoput i aho jubalimba be Sia bo hahi mawawêlatang be Sia. Ahadiaho si Yesus binali a luar tanu ihalawat. ²¹Atepo wa’aho lumeotai esa tow mahangalan Simon, tow i Kirene, amang i Alaxander bo si Rupus, ê nakota osa mahime’mio’, bo totumu’ wa’aho belêse’ maluna i kalawait i Yesus.²²mali si Yesus a lesad i duhi. ²³silatahula mehe anggor kinerumuan mur be Sia, sumata Sia itumulud. ²⁴silatahula kuma i latang-Nga karengan malotiaho tumatu i beteng i nêsa wo êsa.²⁵tumiting i siow Sia halawat. ²⁶sanane nde’aho Sia mbeukum behua ap pawatih ê mbehaêpa’ biboho: “Daja i tow Yahudi” ²⁷wo Sia behalawat dua totahow, êsa tow a ndoro i kanoal-Na bo êsa tow a ndoro’i kolodi-Na. ²⁸Kelewa’ahom imalêkêwêm nas i kaol ê mahaênu’ : Sia mainjo ihatebe a tulud i mangatotumu seliba”.²⁹matalibai biboho mapêdoros i Sia, bo karêngan mohese-hese i kohong kumua silatahula : “Ei si how ê mapandung mawawêru’ i mbale lenas bo mapandung maleng mawatod a têlu ngando, ³⁰Lumolosên binana a kalawat bo iwawa-wia mbatangan-Nu!”³¹hahi manga imam kapala makarua wo utê-utêhan i Torat monero-nero’ i Sia a tutud i latahulamio’ bo silatahula mapakua : “tow walina bewawa-wia Na, sumata’ batang-Na mio’ahi’i Sia mahabaya mawa-wia. ³²si Mesias, Daja i Israel wa’aho, lumolosai wiboho a kalawat, saniboho pêlilahêm i hita bo emanêm, “Osahahi dua tow ê karuruna kinalawat irumoros kahi i Sia.³³Tumiting a sangawulu’ bo rua karêndêman ilumohow isumapuat a sakumên i lesad wa’aho bo imenet ahad tumi’ting i têl. ³⁴a tumiting i têlu tumiwa si Yesus karêngan nêrua’ mo’arid : “Eloi, Eloi, Lama Sabaktani ?” ê maha arti : NingumêlêdKu, NingumêlêdKu, nde’aho how mepa’io i’aho? ³⁵i aho, tatahulatow tumotod biboho kumua : PilahNingumêlêdKu, m, si Sia itumiang si Elia.³⁶mahi ê nêsatow teka bungang karang, lumosoh i aho a nanggor mangilu osa isue’na a sanga londolan naog bo mawaluku’ si Yesus osa kumua: “maulênga aondo’on i hita bo milash awa si Elia mahi tanu mawalolos i Sia” ³⁷tumiwa’ si Yesus karengan inenu’ bewakalea bo mowalad i kanaluna. ³⁸iaho kêndir i mbale Lenas behawarua a mbao mahad a ndalêm.³⁹kapala i sangawalas tumotod masa’angan bo si Sia melilah kawate-wateNa kelewa’aho, ihumuam sia : “Ulit, wa’i totumu’ awahêm Bata’ i Ningumêlêd !. ⁴⁰hahi mbene ê mindekang sa milah, besilatahula kele si Maria Magdalena, si Maria ninang i Yakobus muda bo si Yoses, teka si Salome. ⁴¹silatahula imalalasêm si Yesus bo i sumali i Sia a tepo Sia angGalilea. Bo bana hahi wiboho tado’o mbene walina ê niwahim a Yerusalem makaru-harua bo si Yesus.⁴²wa’aho êndo tumo’tolêm dumendêm, bo a nêndo i aho awahêm êndo paasai-sadia’nêm, awa’aho êndo sumuatow i Sabat. ⁴³kawalian si yusuf touri arimatea, êsa anggota i ngGohuta bako’ ê niwawêlit, ê manondo-nondo’ kahi i kaholano’an i Ningumêlêd imara-waranei i suma’ang si Pilatus bo mangelei i mbanke i Yesus. ⁴⁴Pilatus imaerang a tumanga’oho awahêm si Yesus imatem. Yanasa tumiang sia i kapala i sangawalas bo tuma’an besia awa totu’u si Yesus imatem.⁴⁵kinatanga’anam mbeterang i kapala i sangawalas, bewonge’ ena imehe i aho mbangke i Yesus be si Yusuf. ⁴⁶Yusuf kahi itumêlês doho Lenên, ahad i aho mawololos sia i mbongke i Yesus a kalawat bo sumawut bo doho’lenên wa’aho. Osa sia melet i sia a kubur ê mbehokod a ndungus batu. Ahad i aho bewolilidna êsa watu a mba’ba i mbonang i aho kubur. ⁴⁷Maria Magdalena bo si Maria ninang i Yoses imilah bisana mbineletan si Yesus.

¹norasi Sabat si Maria iang i Yakobus, teka si Salome i tumeles nanamur pe’angên a kubur bo sumolo si Yesus. ²a nêndo kaêsana duminggu wa’aho, a nilumuaiêm nêndo, moho silatahula a kubur.³silatahula a nêsa wo êsa : “Sisei mawawolig i aho mbatu a mba’ba i kubur tanu hita! “ ⁴sumusut oho, silata milah, belilahem, batu ê totu’u wako’io wa’aho behawoliligem.⁵silatahula sumuang a kubur bo milah silatahula esatow taletumow malatang juba wudo’ tumatuh-ratuh a ndoro’ i karoal. Silatahula hahi imeknubo’io, ⁶totumu’ taletumusur kumua we silatahula : “Na’matalo! Komotahula mangilah si Yesus tou i Nazaret, wa’aho ê mbehalawat. Malengêm Sia itumouw. Aram Sia wia’i. Pilahêm! Silatahula i melet i Sia wia’i. ⁷ia’italewe’ malengêm, ihuamange a manga muritNa bo be si Petrus : Sia imamu nam be homotahula moho a ngGalilea, biboho komotahulamahawilah i Sia, kele i mbehua-Nam be homotahula.”⁸silatahula lumuai bo maholah mêpa’io’ iaho kubur, apa’an kêleh bo mahataloan isumekubêm silatahula. Ahi’i wasi-wasia be siseiange tatawari matalo. Besi Petrus bo a mangaharuana kinopong i latahula ni’aho pahasa hoyow. Ahadiaho si Yesus-io’ karêngan toloh i manga muritNa monahai i’aho turuo’tol a luaian i nêndo ahad a tia’an i nêndo wa’aho e sasahai’ lênas bo ahi’ katutusan sakuru kawia’an têlas wa’aho.⁹si Yesus malengêm i tumow, basindowe’ a nêndo kaêsana duminggu i aho, pahamunan Sia imawaturu’ i mbatanganNa besi Maria Magdalen. Besia si Yesus mohasa imeles i pitu setang. ¹⁰nia’ho mbene mahaw imosahai-iaho be silatahula ê mêlêtêk mawalalas si Yesus, bo ê atepo wa’aho makabungwe’i mapêkae’ ¹¹a silatahula a mahatanga’oho awahem si Yesus itumowêm bo pinêlilahem ilatahula, ahi’i silatahula weruan.¹²Sia mawaturu i mbatangan a pael balina a nduatow a tutud i latahula, a noras silemdua a patutulan lumuai a kota. ¹³silatahula sumomba’i bo mangua i aho a manga harua walina, sumata’ sedang mbesilatahula wa’aho manga-harua ahi’i meman.¹⁴mawaturu’ Sia i mbatangan a sangawulu’ bo êsa totumu’ wa’aho a noras silatahula mangayaroe’ bo Sia isumero tahi’i meman i nate ilatahula apa-apa’an silatahula ahi’i meman i mangatotumu’ ê nimêlilahêm i Sia ahodêm maleng tinowan-Na. ¹⁵sia kumua be silatahula : “mahahem a sêrêb i mbasiotoba, iwongahai kukua a pahasa mênonour. ¹⁶ê maheman bo binaptis mainjo iwawawia, suamta sisei ê tahi’i maheman mainjo torunggum.¹⁷têpai êwa’i mainjo karuru i manga totumu’ maheman : silatahula mêwêmelai i manga setang ni’ta ngala-Ku, silatahula mainjo mawakodait a manga bahasa taleya we silatahula, ¹⁸mainjo tumaka’ i nulahbo wandewe silatahula luku’ diara mahawate, ahi’i silatahula masiloka, silatahula mainjo mao i kamatow pahadosan, bo totumu’ wa’aho mênyaman.¹⁹aho si Tuhan Yesus imohodait kelewa’aho be silatahula, behatangêm Sia miloho a sorga, osa dumatuh a ndoro’ikanoal i Ningumêlêd. ²⁰hahi imoho monahaai i Kukua a pahasa du’u bo si Ngêlêdtow karua matawoi bo mawaête’iaho Kukua teka manga tepai iwalalasna.

¹ê monunga, tado’o tow imongika’ tumutul a nabar asia niboho imamoali a pinalakadan hita, ²bêhua ilatahula be hita animamuna mainjo sairimbelen be seleweir Firman. ³solusu ianku pahasa asia imamoali bo mauleng a pinolaian-Na bo tepu’uiku iwatih apowatih’an teka ulum tanu sihow. ⁴kalaihannu pahasa bêwaturu bêhow ulit.⁵têpo Herodes, daja Yudêa, esa tow imam mahangalan Zakaria a sangalulut Abia towasebuna hahi, ilumolos a suru Harun, ngalanna Elisabet. ⁶ulit a soangen Ningumeled, bo me’nonow maki’it apahasa perêta bo bêtantu i Tuhan bo alahem da’i. ⁷ahem bata’ awahem si Elisabêt pesel bo silandua dakêt matuam’mio.⁸an’endo mahi giliran asongalulut’na Zakaria tumulud i tawo’ein-na kele imam a dior i Tuhan. ⁹beloterêi kele mbisa kabiasa’an tanu sisêi tumawoi imam, sisia bêhaturu tanu sumuang amBalê bayo bo numaang i ukupan biboho. ¹⁰waaho pahasa jamaat isumesên aluar bo sumombayang, a o’ras waaho endo numang i ukupan.¹¹i mawawilah bê si Zakaria esa malaêkat Tuhan i tumod a beta kano’al mêzba pawana’nagan i ukupan. ¹²pahasa wa’aho sia makombo’ bo matalo’ ¹³malaêkat wa’aho kumua bêsia, “Na’am matalo Zakaria, awahem simbayang’ngu bewongê’êm, bo Elisabet tow sebu’nu mahawata bo mahawata’ kêdong tuama iwengalan-nu sia Yohanes.¹⁴how kahi niit mekahi, yanasa tado’o hahi tow mekahi katowan-na wa’aho. ¹⁵sia mahi bako andior iNingumêlêd, bo ahii sia maleku anggor bo powelenku’un ketêh bo sia kahi mauhu-hum tuthn lenas tumo’tol a ka’ariman ninanga,¹⁶mahi tumulid tado’o tow Israel sumaliku’ bê si Tuhan Ningumeled ilatahula. ¹⁷Sia lumakad i mamuna si Tuhan a suang tutuh bo ka’wasa Elia tanu tumu. Lid atê manga amang sumaliku’ a manga bata’na be manga atê tow malawah a uteh manga tow ulit, bo kêlêaho sumadia tanu si Tuhan esa jama’at tena tanu sia.¹⁸kua Zakaria a malaêkat aho : “Kêlêmbisa kailahaiku sa wa’aho pahasa mamoali ? Ndê siahu matuam bo talêsebu niitem matu’a. ¹⁹malaêkat wa’aho bê sia : siahu Gabriel soselewir Ningumeled wi’ai ahu bêwasiu mahi mêhê abar mauleng behow. ²⁰how maindo wo’wo ahii êrê manunu ahad nendo pahasa wa’i ihamoali ndê ahii êman ambêhua hu ihata’ra kaulitanNa an êndoNa.²¹wa’aho tado’o tow manondo-non do si Zakaria. Silatahula i mêrang awahem eto io sia asuang mBalê ba’yo. ²²têpo sia lumua’i ahii êrê manu’nu wa’aho pinangartian ilatahul, awahem sia bana mêhê tepai be silatahula, apa-apaan sia mewowo. ²³endo gilira’na matugas a mBalê i Tuhan, sia malêng ambalê.²⁴eto, si Elisabet karoang-nga mahali ali, bo kaeto lima ngaulan ahii tumuru i mbatangan kuaNa : ²⁵esa tinulid i Tuhan tanu siahu, bo ia’italêwê sia matenaan kumusu pahasa sêro bêahu.²⁶bulan ka’enem Ningumeled masiu malaekat Gabriel moho a esa hota a Galilea bêngalan Nazaret, ²⁷nesa mangala’un mekahabog’an bo mahangalan si Yusuf a suru i Daud, ngalan mangalaun wa’aho si Maria. ²⁸Malaêkat wa’aho sumuang ambalê i Maria, sia mohodait, “siri, kohomba i Tuhan mahales be how”. ²⁹mekombo’ tumanga kodait wa’aho osa ana’tena lumembo ta’an wasia nar’ti siri wa’aho.³⁰i malaêkat bê sia : hêi Maria na’an talo, awahem how mahaêre bêlês kohomba a sa soangon Ningumeled. ³¹how mahali-ali, bo mahawata’ esa hêdong tua’ma bo ingalannu sia, Yesus. ³²Sia mamoali bako, wapakua Bata’i Ningumeled kohomba bê Sia a pakolano’an Daud, a nawoiNa, ³³Sia mamo’ali daja a sinuru’an Yakob ahad kaeto-etona bo kaholanoanNa ahii mahawu-hawu.³⁴Maria a malaêkat : kêlêmbisa pahasa wa’aho ihamoali, awahem ahu alawê bana karoang? ³⁵imalaêkat : Tu’tuh Lênas ilo’los amba’onu bo imbahut Ningumêled s kaumbungan sumapu’at ihiw, kawayu kêdong iwaha-wata’nu wa’aho ihua Lênas, Bata i Ningumêled.³⁶ulit’io Elisabet bata ipogngu wa’aho, si Sia samantara mahali-ali esa kedong tuama a têpo sia matu’am bo wai ilumapongem enem ngaulan tanu sisia e wapakua wa’aho pesel. ³⁷tanu Ningumeled ahem tahii ihamo’ali, ³⁸Maria : “ulit’na wai ahu sosiu i Tuhan ; ihamo’ali bê’ahu kukuaNu sa malaekat iyai mepa io isia.³⁹ngando si Maria, tilaho i lumapong lumas i dungusan a kota Yehuda. ⁴⁰sia sumuang a bali Zakaria, sa’sumiri bê si Elisabet. ⁴¹i Elisabet siri i Maria, bolot a tian Elisabet motandu-tandu karua sapuaten i Tutuh Lênas.⁴²sia sumuang “kamang bako bêhow a nepang pahasa wênê bo kamang i bua i kawênêanu. ⁴³ndo’o ahu wei ahad inang Tuhanku mahi mogamat i ahu? ⁴⁴ulit’na siri’nu hoamat a talingahu, bolot asuang i kawênêanu motanduh sa mekahi-hahi. ⁴⁵mekahi’io sia, a nêman ndê asia bêhua i Tuhan bê sia, bê hamoali.⁴⁶kua Maria : “kanalu’hu monunga si Tuhan, ⁴⁷atêhu mekahi ndê Ningumêlêd, kawiaku.⁴⁸Ndê si sia niminum kalengêian sosiuNa ulit’io wolai i nia pahasa suru mahi kumua bê ahu maenow. ⁴⁹Nde e’ moimbahut i tumawoi mangapinatuli-tulid bako bê ahu ngalanNa wana lenas.⁵⁰belesNa a kasuru-suru bo totumu talo bê sia. ⁵¹Sia mahimun i kawasaNa teka tinulid ikamaNa, bo mapatarê manga totumu e matatang atêna,⁵²kumumeng itotumu e imbahut a jaba’na bo mawateang tow lengei. ⁵³pahasa mauleng a totumu le’o bo masiu tow siha moho a kama hosong.⁵⁴nitumulung Israel, sosiuna, karengan sia mimun belesNa, ⁵⁵e dandiNa, a mawohita bê si Abraham bo suruna kaeto-eto.⁵⁶si Maria isumondo kaeto telungaulan makaru-karua bo si Elisabet osa maleng ambalêna. ⁵⁷malekew bulan i Elisabet, tanu mahawata esa hedong tuama. ⁵⁸i karo’ong bo manga pog’nga tumanga, awahem di Tuhan itumuru mbelesna e kêlê bako bê sia, mekahi-kahi silatahula karua i sia.⁵⁹mangahi silatahula a nendo kawaluna tanu sumunat a kêdong wa’aho, bo ingalan ilatahula sia Zakharia, pekêlêan ngalan i namanga. ⁶⁰Sumata’ i nangnga kumua : “na’am ingalan sia Yohanes” ⁶¹ilatahula bê sia : ahem a’nepang papoganu e ngalan kêlêwa’aho?⁶²Osa silatahula mêhê tepai a namangnga tanu tuma’an ngalan asia uêhênu a kêfong wa’aho. ⁶³ia mangêlêi batu powatihuhan, tanu patihan osa i watihna ngalana si Yohanes bo pahasa silatahula i merang.⁶⁴atêpo wa’aho mio, iha’uha semu’na bo halepot dila’na osa sia dumayow i Ningumeled. ⁶⁵pahasa totumu imututun a mahasilina imatalo, bo pahasa imamoali wa’aho i maindo bua i sirita bêhasereb maharungus Yudea. ⁶⁶pahasa totumu, e nitumanga’ meta’a tuan a natêna “malindo wasia kêdong wa’aho amahahad?⁶⁷Zakharia, amang’nga, mauhihi i Tutuh Lenas, osa manu’wuat, kuana: ⁶⁸bê si Tuhan, Ningumêlêd Israel, awahem Sia i mo’gamat aja’maatna bo mêhê palusan tanu silatahula.⁶⁹i mawatow esa sepak tanu kaenowan ihita a sinuruan Daud sosiuNa wa’aho. ⁷⁰ikukuaNa atêpo a talêwê asakum semud a mangakaru’ruNa, e Lanas. ⁷¹kasena bê hita, bo akama pahasa totumu e marê’ê i hita.⁷²mawaturu belesNa, anawo ihita, bo mangimun kahi i dandi’Na e lenas. ⁷³supa e bêhuaNa, bêsi Abraham, amang nawo i hita, awahem Sia kumombo i hita. ⁷⁴hita, halepot a ka’ma kasêhê ; do’na sumelewir be Sia ahii matalo. ⁷⁵kalenasa bo kaulitan andiorNa a kaeto-eto inumur i hita.⁷⁶si how, batahu, mahi to’ton karu’ru i Ningumeled amata’tang nde how i wasiu a’muna i Tuhan mirang idalan tanu si Sia. ⁷⁷mapa’kua anjamaatNa, a pangartian mahi kawia’an ê bêsanê apaha’pungan manga’oro ilatahula.⁷⁸kamang bo beles iNingumeled bê hita, bo kêlê’endo imbasindo mogamat ihita a kaumbungan. ⁷⁹sumulo bê silatahula a karendeman bo asuang patean, tanu apetulungan na’e ihita, a dalan sononoi enow.⁸⁰kedong wa’aho marohang mawako bo lebe dowot tutuh’na. Bo sia maha’ando a tolandus ahad anendo sia miit mawa’turu ibatangan a Israel.

¹wa’aho si Kaisar Agustus i lumuai esa perēnta masiu pahasa totumu i daptar, pahasa to tumu amba’o toba. ²pinolai’an madaptar a tēpo kinerius wali do’ong i Siria. ³moho pahasa totumu madaptar ibatangan wo esa.⁴hahi si Yusuf a’kotanamio a kota Nazaret a Galilea, a Yudea, a kota Daud e ngalana Betlehem, apa’an sia dali pamalēan a’ lolosan suru Daud. ⁵iharua bo si Maria, bobet na idaptar e samantara mahali-ali.⁶silatahula biboho, ihoamat e nendo so Maria mahawata. ⁷sia mahawa’ta esa hedong tua’ma, bata’na matua, osa sinawut’na i loyor bo binelet’na asuang indalid, nde’ ahem tampa beawitan tanu silatahula.⁸wa’aho bana manga pomiagen masondo a tolandus mahiaha a sanga wa’anan biagen ilatahula anoras bengo. ⁹hapui esa tow malaēkat i Tuhan mawaturu imbatangan asu’sut ilatahula bo konungaan i Tuhan sula isuwawut silatahula bo silatahula imatalo’mio.¹⁰kua imalaekat wa’aho besilatahula : “na’am matalo’, nde siahu mahi mēang abar mauleng tanu homotahula, abar iwekahi’io ‘ pahasa tatumu. ¹¹inia itumow kowia’an tanu komotahula, a wa’aho si Tialo, Tuhan. ¹²tepai’na : “komotahula mahi meta’uw esa kedong sinawut iloyor bo binēlēt asuang dalid.¹³ahi’i hapui malaekat waaho, iwahalas tado’o malaekat balina, e medayow i Ningumêlêd silatahula kumua : ¹⁴tanu Ningumêlêd a tampa a matatang, bo sononoi enow bao’toba a nepang i totumu e metenaan bê Sia.¹⁵Ahadem malaekat wa’aho mepa’angê silatahula bo matang a’sorga, mapomia iaho. Ihumua, anesa tow bo am balina “ayom hita mohu a Betlehem tanu milah asia e bêhamoali bibongê, kêlê bê hua i Tuhan bê hita”. ¹⁶Osa silatahula matiro-tiro matang bo meta’uw si Maria bo si Yusuf bo kêdong wa’aho e samantara binêlêtasuang dalid.¹⁷atêpo silatahula bêlah’nga silatahula mahata’u asia e bêhua bê silatahula asakum kedong wa’aho. ¹⁸pahasa totumu i mahatange i mêrang asakum asia bêwapakua i manga pomia’gen wa’aho bêsilatahula. ¹⁹si Maria asakum pahasa wa’aho pinapendam asuang ana’tena bo pasili-siliheno. ²⁰pomiagen wa’aho imalêng a osa dumayow bo monunga i Ningumêlêd ndê pahasa atinanga bo belilah ilatahula, i metu’ kêlê e bêhua i malaekat.²¹atêpo malekew walungando, ahiitoro sia sunaten Sia bêwengalan Yesus, waaho ngalan bêtoto Malaekat ngalan a’ tabe sia a’suang tian i mama-Na.²²atêpo malekew endo bayo’ari, ihiita a u’kum Torat Musa, silatahula mêang i Sia a Yerusalem tanu itaro-Na bêsi Tuhan. ²³bêwatih asuang u’kum Tuhan, “Pahasa manga hedong tuama matu’a ahi’itare bayo’an tanu Ningumêlêd”. ²⁴tanu mowalad powalad, ihiit asia be’hua asuang u’kum Tuhan, wa’aho esa par mêlêpad tekukur suma duahedonga imêlêpad merpati.²⁵Yerusalem esa tow bêwengalan Simeon, sia esatow ulit bo eman masondo-sondo kalowidan tanu Israel, tutuh lenas ambaona, ²⁶Tutuh Ningumêlêd bêha turu be sia ahii mate sa awe sia imilah Msias e bêrandi i Tuhan.²⁷mahi a Balê Ningumêlêd sakum Tutuh Lenas Atêpo tialo, Bata waaho pêangen sumuang i matua-Na tuliden be Sia, asia e bêtantu i u’kum Torat. ²⁸kedong wa’aho, tahuan-Na iwahalas modayow Ningumêlêd, kua’na: ²⁹Tuhan, iwaya yoho sosiu-Nu wai moko a’suang sononoi enow, kêlê a kukua- Nu.³⁰nde beleku imilahem kalowidan bê How. ³¹le- How kawia’an tanu apahasa tow, ³²e imamoali, bēhatara tanu manga tow walina, bo maindo konunga’an tanu umat-Na, Israel.³³amang bo inag-Nga inang-Nga i mērang’io pahasa asia e bēhua-Na. ³⁴Simeon maberkati silatahula bo bēhua bēsi Maria, inang Kēdong wa’aho, “Ulit’io Kedong wai tinantu tanu mawatia suma mawatow tado’o totumu Israel, si Sia mamoali te’pai mawalembo ēpesasa’ ruan. ³⁵esa pedang mahi lepad kanaluu’mio, ibohom hamoali tara uteh atē tado’otow.³⁶bana si Hana esa nabi bēnē bata Fanuel a suku Asyer sia niitem mio matua. Pitungataun sia mekaroang iwakarua i karoanga. ³⁷sia imebalum, umura walungawulu bo epat ngetaum. Ahii mahasa lumolahai Balē Ningumēlēd endo wengi mahibadah mpuasa bo masombayang. ³⁸atēpo wa’aho wē i ahi sia be boho bo dumayow a Ningumēlēd bo mokodait sakun Kēdong wa’aho apahasa tow e masondo lepo’an tanu Yerusalem.³⁹ahadem bē’hao pahasa tinulid kumiit le’kum Tuhan, silatahula malēng a kota Nazaret a Galilea. ⁴⁰waaho mawako bo maindo dowot, mawuling kawandeian bo beles kohomba i Ningumeled bana bēsia.⁴¹taun matua i Yesus moho a Yêrusalem tanu marayakan Paskah. ⁴²numura sangawulu borua ngataun silatahula moho a Yerusalem. ⁴³nendo waaho silatahula lumapang malēng, si Yesus bēhapa’angē a Yerusalem ahi’i konaita’uan matua-Na. ⁴⁴ilatahula Sia iwahalas sangalapang bo silatahula, sangandom belapangan pangilahen Sia anepang mangawog bo akarua ilatahula,⁴⁵bēwetauw Sia silatahula mebalēng a Yerusalem mangilah i Sia. ⁴⁶ngando Sia iwetauw ilatahula asuang Bait Ningumēlēd, Sia dumatuh atutud i alim ulama, osa matanga bo sumaliku mata’an bēsilatahula. ⁴⁷pahasa totumu matanga i Sia, mahērang’ io a kawandeian-Na masowat pahasa iyēhē bē Sia.⁴⁸matua-Na be’Sia, mahanga’ngamangē silatahula, osa kodait ina-Nga be Sia, “Dē, ndēaho How tumulid kēlēwai bēhmitahula ? Amang-Nga bo siahu likoko mangilah i How” ⁴⁹bē silatahula “ ndēaho komotahula mangilah Iahu ? Bo ahii kailahan homotahula, awahem Ahu hiitoro bana asuang batē Namang-Ku? ⁵⁰ahii pangartian asia behodait-Na bē silatahula.⁵¹medoro matang a Nazaret, bo Sia mēnet tumow pahiahaan ilatahula, pahasa waaho iepa ina-Nga andalem inate. ⁵²si Yesus marohang mawako bo marohang bako kawandeian-Na bo lēbē ihales i Ningumêlêd bo totumu.

¹ata’un hasangawulu bolina apamarêta’an kaisar Tiberius, atêpo Pontius Pilatus maindo walondo’ong Yudea bo Herodes daja sakumen Galilea, Filipus pog’nga daja sakumên iturea bo Trakhonitis bo Lisanias daja sakumên Abilênê. ²Hanas bo Kayafas imamoali imam besar, mahi Kukua Ningumêlêd be si Yohanis bata’ i Zakaria a tana tolandus,³imahi Yohanes behalohow asakumên Yordan bo tumêrêwa? Matobat bo iêhê batanganu baptisen Ningumêlêd mahi apung asêanu.⁴bana bêwatih a kitap nubuat Yesaya : “Bana nu’nu matêrê-têrêwa a tana tolandus, sadia nangedalan tanu si Tuhan, londoleni dalan tanu siSia,⁵kalobahan mahi tuahan bo enesa dungusan mahi mamoali kalobahan e molenggo-lenggo i wawalandol morowoso panuahan. ⁶pahasa totumu mahi mamilah kaênowan i Tuhan.⁷sia kumua a tado’o totumu imengehi bêsia tanu baptisen, kuana : Hei, komotahula suru inulah dumêrêhê si sei nihumua bêhomotahula ibohom lumolah batangan amboro amahahi?⁸manga bua’ambendu wekêlê bo petobatan, bo na’mikir asuang inatênu : si Abraham amang ihamitahula! Ihua-hu bê homotahula : Ningumêlêd dona tumulid monge bata Abraham a batu-watu wai!⁹sadiam anamut kayu bo anesa kayu ahii mamua mauleng, mahi tabungen bo itia asuang baha”¹⁰totumu mataan bê sia : “sa kêlê wa’aho asia etoro tuliden homotahula ? ¹¹: sisei bana dua imbit betengana ahii wa’na, bo sisei bana kahanen kêlêwaaho pêbêtengêna”.¹²mahi tapasa’aw bêlasting tanu baptisen bo silatahula tumaan bêsia : “asia toro tuliden ihamitahula?” ¹³: “naam suma’aw lêbê tado’o asia betantu tanu sihow”.¹⁴manga rajurit tuma’an bêsia : asia toro tuliden ihamitahula? Sowat Yohanes bêsilatahula : “naam mangandêt bo naam kuleng bo doro’a gaji tanu batanganu”¹⁵tado’o totumu masondo bo maharaw bo pahasa mangatê asuang natêna a sakum Yohanes, osa sia si Mesias. ¹⁶sumowat bo mohodait apahasa totumu waaho : siahu mabaptis komotahula teka ahê, sumata sia e lêbê imbahut darapêku mahi bo muha talisapatuNa ahii toro.¹⁷akamaNa tanu meresi a’ sosilian-Na sesenan bekow-Na asuang balêan-Na sumata sebuilekat wa’aho tinutu-Na asuang baha e hii kawatêan.¹⁸tadoo tuturu balina Yohanis mawasahai Kukua atado’o merow tow. ¹⁹ihaworus sia i merow daja Herodes apa’paan kamoali besi Herodias, karoang ipognga, bo a pahasa katapia’an walina e tinulidna, ²⁰aho lêbê mêtapia, isuanga si Yohanis a’suang tutupan.²¹wa’aho bêhalolow tado’o totumu binaptis bo atêpo hahi Yesus binaptis bo a karepet masombayang be hauha langit. ²²lumolos Tutuh Lenas pekêlêan mêlêpad merpati ambaoNa. Bo kinalaananem enunu alangit : si how a Bata’ku ihales-Ku, be how Ahu metena”.²³si Yesus molai tumawo’i iepa’io umura telungawulu ngata’un kumiit a’pakatamen itow, si Sia bata’ i Yusuf, bata’ Eli. ²⁴Matat, bata’ Lewi, bata’ Malkhi, bata’ Yanai, bata’ Yusuf,²⁵Matica, bata’ Amos, bata’ Nahum, bata’ Hesli, bata’ Nagai, ²⁶Maat, bata’ Matica, bata’ Simei, bata’ Yosekh, bata’ Yoda,²⁷Yohanan, bata’ Resa, bata’ Zerubabel, bata’ Sealtiel, bata’ Neri, ²⁸Malkhi, bata’Adi, bata’ Kosam, bata’ Elmadam, bata’ Er, ²⁹Yesua, bata’ Eliexer, bata’ Yorim, bata’ Matat, bata’’ Lewi,³⁰Simeon, bata’ Yehuda, bata’ Yusuf, bata’ Yonam, bata’ Elyakim, ³¹Melea, bata’ Mina, bata’ Matata, bata’ Natan, bata’ Daud, ³²Isai, bata’ Obed, bata’ Boas, bata’ Salmon, bata’ Nahason,³³Aminadab, bata’ Admin, bata’ Armi, bata’ Hezron, bata’ Perez, bata’ Yehuda, ³⁴Yakub, bata’ Ishak, bata’ Abraham, bata’ Terah, bata’ Nahor, ³⁵Serug, bata’ Rehu, bata’ Peleg, bata’ Eber, bata’ Salmon,³⁶Kenan, bata’ Arpakhsad, bata’ Sem, bata’ Nuh, bata’ Lamekh, ³⁷Metusalah, bata’ Henokh, bata’ Yared, bata’ Mahalaleel, bata’ Kenan, ³⁸Enos, bata’ Set, bata’ Adam, bata’ Ningumêlêd.

¹e pinuling i Tutuh Lenas, mebalêng a londola Yordan osa pêangên i Tutuh Lenas a toba kauha’an. ²Sia sumondo epatngawulu ngando bo tinena i setang kaeto biboho sia ahii i human awa-awa bo halêot endo wa’aho malêo Sia.³tapetena mohodait bê Sia : “sa how Bata’ Ningumêlêd, i wasiu batu yai mamoali roti. ⁴Yesus bêsia : “Bana bêwatih ; totumu tumow ahii bati roti oho”⁵sia mêang Yesus a nesa tampa amatatang bo kewilanga mohosia bêturunam bê sia pahasa kerajaan bao toba. ⁶tapetena bê sia : pahasa imbahut wa’aho bo kaholanoan-na mahi ie’hehu bê how, nde pahasa wa’aho bêhê bêahu bo siahu mêhê bêsisei ange a pandungku. ⁷how maakuru-huru bêahu pahasa sawa-Hu.⁸si Yesus mohodait bêsia : “Bana bêwatih, sihow musti kumuru besi Tuhan Ningumêlêd,nu bo bati bê sia how sumali.⁹sia mêang si Yesus a Yerusalem bo iwaona Sia ambung’a Balê Ningumêlêd osa mohodait bê Sia? Sa’how Bata o Ningumêlêd, mawatia oai batangan-Nu bi’ai andalem. ¹⁰bana bewatih : kêlê sihow sia imerêta maga malaêkat-Na. ¹¹silatahula mahi sumambat a’ ênu ahii hawisud ambatu.¹²Yesus kua-Na, “Bana kukua : Na’am how matêna si Tuhan, Ningumêlêd’nu! ¹³tapetêna ahadan pahasa pêtêna; an wa’aho, sia mundur bê sia, bo sumondo endo mauleng.¹⁴imbahut Tutuh, Yesus malêng angGalilea, bo bêhasereb Abar, sakum Sia behalo a sakumen daêrah oho. ¹⁵wa’aho Sia mahajar a mangawalê ibada wo pahasa totumu marayow i Sia.¹⁶malêng a Nazaret a tampa pinebakoan-Na, kumiit a kanaraman-Na anoras sabat Sia sumuang am’bale ibada, osa tumod mawaca i Kaol. ¹⁷binêan kitap i nabi Yesaya bo haworus binuha’aNa, Sia imahaêrê nas bewatih :¹⁸i Tuhan bana bê Ahu, ndê sakum Sia tumutuhem i Ahu, tanu mapohodait abar mauleng apahasa totumu lengêi, bo sia masiu Ahu. ¹⁹mapakua pawawerêi’an a mangatowtinahang, mawaweret mangatotumu kinulêng, tanu mapakua taun kamang Tuhan i mahi”²⁰iaho Sia tumakêw kitap wa’aho malêng-iwalêng a pejabat osa dumetuh; bo bêlên’ itow asuang imbale ibada wa’aho pahasa mahatotong bê Sia. ²¹Sia molai mahajar silatahula, kodaitNa : “anendo imia malêkêw nas ia’i anoras komotahula tumanga” ²²pahasa totumu wa’aho mawatotu’u Sia bo silatahula mêrang kahi manga kodait lo’or e bêhua-Na, osa kua’i latahula : “Bo’ahii Sia wai bata’i Yusuf ?²³Sia mohodait besilatahula : “Tantu homotahula hahi mohodait poleku’wai bêa’Hu : Hêi balian mawanyaman im’batangan-Nu mio. Tulidên bi’aiwê, atampa pahamuna-Na wai pahasa a tinanga’ e bêhamo’ali a Kapernaum! ²⁴kodait-na kahi : Ihu’aHu bêhomotahula : ulit’na ahii bana nabi e normatên a’ ndalid tampana.²⁵Ahu kumua bêhow, bo kodaitKu wai ulit : a sinêpe’an Elia mahaere tadoo bênê balu langit bê tekew kaeto telu ngata’un bo enem ngawulan ahii i lumolos têka imamoali kinalêoan dêpet i lumohow do’ong. ²⁶si Elia bewasiu ahii onêsa be silatahula, sumata anêsa wêne balu a Sarfat a toba Sidom. ²⁷sinepe’an nabi Elia tado’o tow husta a Israel bo ahem nesa bê silatahula e menyaman, ebalina dorapê Naaman tow Siria wa’aho.²⁸ioho ni’it moboro pahasa totumu ambalê ibada wa’aho. ²⁹tumod, osa mêlêi Yesus lumuai a hota bo mêang Sia akitab i dungusan tampa kota i’aho bêtêpa Sia akitob. ³⁰Sia ilumêot a nêpang latahula osa moho.³¹Yesus moho a Kapernaum a nêsa kota angGalilea, osa mahajar biboho a nendo-endo sobat. ³²mêrang tumanga beajarA, apa’an kodait’Na puling kawasa.³³balê ibada’ wa’aho bana êsa tow e sinolongan setang bosia matorêwa-torêwa’ ³⁴How, Yesus tow Nazaret, asia tuliden-Nu be hamitahula, mahi how tumurasi kamitahula? Kailahanku siSei How E Lênas a Ningumeled”.³⁵Yesus moboro, Kua-Na “metêw, lumuai bêsia !. Bo sêtang wa’aho isêndow’na tow i’aho atutu’ tado’o tow, osa lumuai bê sia bo ahii bê adosna. ³⁶pahasa totumu mêrang osa kumua enesa tow a balina, kodait’na : imê’em hi’imêri kodait wai ! Awahem teka puling pe’bawa bo kawasa Sia mêhê pêrêta a tutuh tapia bo silatahula lumuai. ³⁷bêhasereb nabar asakum i Sia bisa-wisana a sakumen wa’aho.³⁸bêlolahan Yesus balê ibada wa’aho bo moho ambale Simon. Biboho êpo wêne Simon makolotin dêpet silatahula mangêlei Yesus ibohom tulungên sia. ³⁹si Yesus tumod a silina mawasakel i mahados i’aho, bo mahados i’aho bêpa am mio bêsia. Bêne aho laho itumod bo sumelêwir besilatahula.⁴⁰iboho lume’otêm nendo, pahasa totumu mêang bêSia, mangatotumu pahadosan, e mapongigon mowalina mahados. Ie’pana kamaNa amba’o ilahutala anêsa-esa bo mawanyaman silatahula. ⁴¹tado’o totumu imelu’ai osa tapangepê wa’aho tumêrêwa : si how awahem Bata Ningumêlêd osa i hêtêh-nga dumarang silatahula bo ahii silatahula dona mapokodait, awahem silatahula mahailah Sia Mesias.⁴²korangad’ nendo Yesus lumapang moho anesa tampa ilia-liai oho. Sumata tado’o totumu mangilah Sia, iwetauwNa dumamêji tumahang Sia ibohom na’am lumolahai besilatahula. ⁴³Sia mohodait bêsilatahula : kêlê akota-kota walina Ahu toro mahatau Kukua kadajo’an Ningumêlêd nde tanu wa’aho Ahu bewasiu. ⁴⁴Sia mapawata’u Kukua asuang manga wale ibada’ a Yudea.

¹anendo Yesus i tumod asaloyon luah Genesaret, tado’o totumu i lumulut tow bê Sia tumanga kukua i Ningumêlêd. ²milah dua bolutu atembira saloyon manga tapelolombo i lumolas bo mêresi lolombo’na. ³humapet sumuang a nêsa bolutu wa’aho, ambolutu Simon, bo masiu Sia ibohom bolutu’na itulud kisit a saloyon. Osa Sia dumatuh bo mapahajar a totumu tado’o amba’o ibolutu.⁴hoamat kodait, Sia kumua besi Simon” itulud atampa lêbv dalêm sa iwarut lolombo’nu tanu tumiho da”. ⁵sumowat, “guru be sangawengim kamitahula ihumêpa tawoi’i bo ahii hamitahula mahatiho awa-awa, sumata awahêm sihow masiu ahu tumêpa lolombo. ⁶haworus tinulid ilatahula, mahatiho tado’o mio da’ bako, ahad puhêt i latahula molai medenet. ⁷silatahula mêhê tepai amanga karua’ naam bo lutud walina sa iboho silatahula mahi karuan-na, bo silatahula wa’aho mahi osa silatahula makarua masuang a dua bolutu wa’aho têka da’ ahad toyota ihalened.⁸Simon Petrus milah a behamoali wa’aho, sia kumuri asaangen Yesus bo mohodait : “Tuhan lolahan ahu, nde ahu totumu sêa ! ⁹sia bo pahasa totumu makaru-harua teka sia humombo endê tado’o mio da’ tiniho ilatahula. ¹⁰we Yakobus bo Yohanes manga bata Zabedeus e mainjo karua Simon kodait Yesus besi Simon, “Na’am matelo molai yaitalewe how tapalolombo. ¹¹halêot silatahula kumosê manga bolutu oho a’silina silatahula’we lumolahai apahasa wa’aho osa lumas Yesus.¹²mahasa Yesus a’suang esa kota, biboho bana esa totumu kusta sata’ sia milah Yesus isumalimbuhu’ mio sia bo mangêlêi : “Tuang, sa’ tuang maibog tuang dona meresih ahu. ¹³si Yesus imaiyo kamaNa sumawu totumu wa’aho makodait : “Ahu maibog hamoali be how” beresih atêpo wa’aho wê hatala mahados kustana.¹⁴dumarang totumu wa’aho iwangua bê sisêi angê mohonêm iwawaturu batangan-nu bê imam bo mêhê’ sosiri tanu binayo’annu sosiri kele a pinerêta Musa, kêlê tanda tanu silatahula.¹⁵abar asakum Yesus, lêbê behasereb dekang bo imangahi totumu tado’o belulu-lulut be Sia tanu tumanga Sia bo tanu mawanyaman mahados ilatahula. ¹⁶Sia, tumarêd, batangan amange tampa eli’ai bo sombayang.¹⁷endo Yesus mahajar, banatahula totumu Farisi bo utêhan Torat duamtuh matanga. Silatahula imahi a Yerusalem bo apêdo’ongan angGalilea bo Yudea. Kawasa Tuhan mahalas Sia, ahad sia dona mawamauleng mangatow pahadosan.¹⁸imahi tahulatow, mêang êsa totumu alam halapang’ bêlêlêten ambao pahooan an’dior i Yesus. ¹⁹silatahula ahii do’na mêang apa’paan tow tumaw wiboho, ihapêt ilatahula ambao imbale osa ilolos sia teka karua pahoona a’tutud tow tado’o a saangen Yesus.²⁰Yesus milah eman ilatahula kodaitNa : “Hei, pog se’anu beapunganêm. ²¹manga’utê-utêhan Torat bo manga totumu Farisi mamikir asuang natê’na sisêi totumu wai baranêi mahojat Ningumêlêd ? Sisei dona mapung asêa, satahii Ningumêlêd i nêsa?²²Yesus mahailah ênuteh ilatahula, osa mohodait besilatahula: asia a nuteh suang natê homotahula? ²³mauleng i kodait : se’anu beapung anêm, suma kumua : Tomodêm bo lumapangêm? ²⁴ibohom kailahan homotahula, awahem amba’oitoba wai Bata’totumu maoimbahut mahapungi sea, kodait’na atotumu alam halapang wa’aho “Behow i kodait-Ku, tumodêm, iatangêm paho’an-nu bo malêng ambalê-nu !²⁵matiro bê sia tumod, andior latahula osa matang ipaho’an-na, sa maleng ambale’na karua monidayow Ningumêlêd. ²⁶totumu wa’aho ihumombo, osa dumayow i Ningumêlêd, bo silatahula talotiogan kodait’na : Endo ini kamitahula isumairi a bêhamo’ali niit mahaêrangan.²⁷wa’aho lumu’ai, Sia milah esatow tapasa’aw belasting e mangalan Lewi, somantara dumatu-ratuh ambalê belasting kodait Yesus bêsia ayam lumas bêaHu! ²⁸loho si Lewi bo lumolahai apahasa wa’aho osa ilumas i Sia.²⁹Lewi sumadia êsa pesahe’ian bako tanu Sia ambalêna bo tado’omio tapasa’ani bêlasting bo mangatotumu walina lumas makarua kuma bo’si Sia. ³⁰Farisi bo bêutê-utêhan Torat sumu-sumudange, amanga mu rit Yesus kodaitna : ndê aho komotahula kuman bo boluku wakarua bo tapasaaw belasting bo totumu sêa? ³¹sawat Yesus besilatahula kuaNa” ahii totumu nyaman ihabog balian, sumata totumu ; pahadosan. ³²mahi ahii tanu tumuang totumu ulit, sumata totumu sêa, ibohom silatahula matobat?³³totumu Farisi wa’aho mohodait besi Yesus : mangamurit Yohanis lêteh mapuasa. Bo masombayang, kêlewaaho kahi manga murit tow Farisi, sumata’ mangamuritNa kuman bo malêku. ³⁴Yesus besilatahula do’na masiu mangesahêi mapuasa apesahêian makawêng, kaêto makaweng tuama iwakaru-harua ilatahula? ³⁵mahi êndo’na makaweng tuama wa’aho injon bêsilatahula.³⁶si Yesus sumirita bêsilatahula pongandêan wai, ahii bana totumu e tumapal imbit koyongan be sangatiras doho animbit talêya wa’aho. Balêngen doho tatapal e talêya wa’aho ahii tena bo animbit koyongan.³⁷wê ahem totumu e tumahui anggor tale’ia asuang sopoi koyongan ndê anggor talê’ia wa’aho dumenet sopoi i’aho bo anggor iboho behatie osa sopoi oho mowuwuh. ³⁸anggor e tale’ia, ahii toro i’êpa asuang sopo’i e tale’ia. ³⁹ahêm êsa totumu iluku anggor matua maibog luku anggor tale’ia ndê sia kahi kumua : “anggor matua wa’aho mauleng”.

¹sangaendo sabat, atêpo Yesus malapang apangumaan gandum, murit-muritNa matiwu tango’an gandum bo pakanên’na papesuten i kamana. ²tahula totumu i Farisi kumua : ndêaho komotahula tumulid a tahii rona a nendo sabat?³Yesus sumowat silatahula : “Ahii komotahula imaca asia tinulid, atêpo sia amahalas kalêoan. ⁴sia isumuang amBale Ningumêlêd bo minjo roti bêwulah osa kinana bo bêhêna a manga mahlasa, kandati roti oho hi’i matou kanen songa’di manga imam? ⁵Yesus kahi besilatahula “ Bata totumu awahêm Tuhan ba’o oras sabat.⁶sabat balina Yesus sumuang amBalê ibada, osa mapengajar, biboho bana êsa tow imatê kama a’ kanoala. ⁷Torat bo mangatotumu Farisi mamirit-mirit Yesus osa Sia mêmaulung totumu anoras sabat, ibohom silatahula bana sanê tanu mawasêa bê Sia. ⁸Sia mahailah apikiran ilatahula osa kumodait a totumu matê kamana waaho : “polonai bo tumod a tutud! “ Wa’aho mowolomai totumu wa’aho sa tumod.⁹si Yesus kumua besilatahula osa ahu tuma’an bêkamotahula : dorona anendo sabat, tumulid mauleng suma tumulid tapia mawalowid aseng itotumu suma mawawotutus? ¹⁰Sia monorah kumêkêd be homotahula pahasa osa kuana tow atotumu pahadosan, “i’yayom’ai kama’nu” totumu wa’aho itumulid kêlêa’aho, bo imemauleng kamana. ¹¹ihausahai boro ilatahula, osa silatahula mehohodaitan, asia ê mahi tulide ilahutala besi Yesus.¹²oho moho si Yêsus a’dungusan tanu somombayang bo asanga wengi, Sia masombanyang a Ningumêlêd. ¹³nendo Yesus tumiang i murit-Na osa sumisir anepang ilatahula sangawulu bo rua tow, ê iwapakua rasul ;¹⁴bangalan’Na Petrus, bo Andrêas pog Simon, Yakobus bo Yohanes, Filipus bo Bartolomeus, ¹⁵bo Tomas, Yakobus bata’ Alfeus bo Simon ê patoton tow Zelot, ¹⁶ bata’ Yakobus, bo Yudas Iskariot e ahadi’aho mamoali tapekanat.¹⁷Yesus bosilatahula lumolos bo sumondo anêsa tampa a kalobahan biboho isumêsênêm sangatado’oan bako a manga muritNa bo tado’o towalina ê mahi a milolow Yudea bo a Yerusalem bo a sakumen saloyon Tirus bo Sidon. ¹⁸mahi tanu matanga Sia bo tannu iwêmaulêng a mahados ilatahula bo silatahula ambeimbahut sakum mangatutuh tapia sarona iwemauleng. ¹⁹pahasa katado’o totumu wa’aho dumameji takaa’na, nde bana kawasa ê lumuai be-Sia bo pahasa totumu wa’aho bewemauleng-Nga.²⁰Yesus monarah a manga murit-Na bo kumua : kaenowana hei komotahula ê lengei sakum komotahula ê mahasawa kaholanoan Ningumêlêd. ²¹hei komotahula talewe i’ai maleo nde komotahula mahi iwawa-wêde, kaênowanai, hei komotahula talewe’ iai kumae, nde komotahula, sande Bata totumu.²²komotahula, sande Bata totumu tow ê mare’e komotahula bo sa silatahula mawatared komotahula bo masero’ komotahula bo tumulud ngalannu kêlewaaho e tapia. ²³anoras wa’aho bo kaenowan nde ulitna lowu’nu bako asorga, nde kelewa’aho hahi nawo ilatahula i pinatulidan manganabi.²⁴masilaka komotahula, hei komotahula ê siha’, nde asuang kasihaannu komotahula imahaêrem panguborannu. ²⁵komotahula ê noras wai bêsuh, nde komotahula maleo silakamio komotahula anoras wai mêkeke, nde komotahula mahi matape mio bo mêka’e.²⁶komotahula sa pahasa totumu. Marayow komotahula, nde kelewaaho hahi enawo ilatahula ipinatulid manga nati towo.²⁷komotahula i tumanga am be Ahu, si Ahu kumua : ihalês kasêhêdnu, tumulid mauleng atotumu ê mare’eihow. ²⁸kamang tanu totumu, isumupai ihow; isombayangio tanu totumu imonapah ihomotahula.²⁹i sumêpe piwinu’ êsa, iêhe hahi besia piwinu walina, bo sisei manginjo ijubanu, ilongomoho Sia minjo i tatangu. ³⁰sisêi etotumu mangelei behow bo naam maleng pangeleien atotumu e minjo sawanu.³¹kelembisa komotahula maibog ibohom totumu matulid behomotahula, tuliden kahi kelewaaho besilatahula. ³²osa komotahula imahales totumu’ ê nimahales i homotahula, asia jasanu? Nde mangatotumu be oro kahi mahaleswe amangatotumu ê mahales silatahula. ³³sa homotahula matulid mauleng atotumu e matulid mauleng be homotahula, asia jasanu? Mangatotumu be oro kahi matulid kelewaaho. ³⁴sa komotahula mawawinjom awasia mange atotumu yanasa komotahula maharaw kahi tumirima awasia besia, asia jasa’nu? Mangatotumu bêoro kahi mawawinjam amanga totumu bêoro, saniboho silatahula maleng tumirima mekele tado’o.³⁵komotahula mahales kasêhednu bo tumulid mauleng besilatahula bo minjam karuai tahii, paharawen balenga , waaho kaera kahi bako bo komotahula kahi mamoali manga bata i Ningumêlêd Ê matatang, nde Sia mauleng asuang mangatotumu ê hii mahalah mangimun beles bo a sasaangen mangatotumu tapia. ³⁶polah nate iwekele Amang murah hatingu awahem polah nate.³⁷komotahula mahisa, saniboho komotahula ahii hisa’an. Bo naam komotahula mau’kum, waaho komotahula hii u’kumên, apungan bo komotahula mahi beapung.³⁸bo komotahula mahi bean : sa’ukuran ê mauleng ê beto’dos bo beye’ye bo lumebes a luar bo beusa asuang patahuanu nde a patorpan ihamotahula make tanu matoro pangkuanmu bo beukur behow.³⁹Yesus masirita besilatahula sapangandean : do’na totumu alam melilah kumahat perumpamaan ; dapatkah tow alam melilah? Hiire silandua ihatia asuang boso? ⁴⁰murit ahii yebe angguruna sumata siseiange ê mbehalawus pahajar-na mekele bo guruna.⁴¹how milah kêmber asuang bêlen pogngu, sumata balah asuang bêlen-nu nêsa ahii halahanu? ⁴²how do’na makua apogngu, pog iehe mai ahu meluai wana sahember asuang belen-nu, samantara balah i suang belen-nu ahii hawilahanu? Hei totumu kaliut iluainu moho mbalah ambelennu, nde how hahi milah keas tanu mawaluai kember ioho ambelen ipogngu”.⁴³hii bana sangatud kayu ê maulêng imawausua’ bu’ ahii mauleng, bo hahi bana sangatud kayu e tahii maulêng imawawua’ bua e mauleng. ⁴⁴saêsa kayu kinilala a bua’na nde anohopamatohan totumu ahii maniwu bua ara bo amangapatoh hii tinuwuan bua anggor.⁴⁵emauleng mapeluai ambêhamoali anatena ê mauleng, bo totumu e tapia mapeluai ambehamoali anatena e tapia nde asia iwapakua samudna, ilumuai a natêna!⁴⁶komotahula sumaha bea’Hu! Tuhan, Tuhan, sumata komotahula ahii tumulid wasia e behua-Hu? ⁴⁷e mahi bea-Hu bo tumanga kodaitKu satuliden-na Ahi mahi mawaturu be homotahula, besisei sia dona ponekêlêan; ⁴⁸iwêkele esatow ê nitumod bale : totumu wa’aho ikumokod dare-ralemen be epuana batu sane amba’ona : atepo mahi ahedunuh, bale waaho ahii dona ihaêye nde waaho bale tinulid morowot.⁴⁹siseiange tumanga kodaitKu, sumata ahii tuliden-na, sia mekele bo esatow itumod bale ambao toba ahem sane, yanasa suangen ahedunuh, bale waaho tilaho haêlet bo mêri karusahanna”.

¹si Yesus imohodait asaangen tado’o totumu, Sia moho a Kapernaum.²bana eastow towira, sia bana esatow sosiu niit bêormatna. Sosiu waaho pahadosan depet bo toyota’ matê. ³towira waaho itumanga sakum si Yesus, sia imasiu tahula tua-tua Yahudi be Sia tanu mangêlei, saniboho Sia mahi mawamemauleng isosiuna. ⁴mahi besi Yesus bo ni’it silatahula mahitulung, kuana : sisia dona tulungen-Nu, ⁵sia mahales bangsa hita, bo sisia e nitumanggong pawangunan mbale ibada hamitahula.⁶si Yesus moho iwakarua bo silatahula, atêpo Yesus toyota’ ho’amat ambalê wa’aho tawira wa’aho masiu mangakaruana bêsi Yesus tanu mohodait be Sia : Tuang na’am mawasusa-susa, awahem ahu ahii rona tumirima ma si Tuang asuang mbalêhu; ⁷wa’aho siahuwe makatam batangaku ahii rona, tanu mahi bê how. Sumata ihodait angê esangataga i kodait sosiuhu oho imemauleng. ⁸siahu nêsa bawa tow, bo ambawa aku hahi perajurit. Sa’ahu kumua a nêsa tow perajurit waaho : Moho ! Tantu sia moho bo anêsa tow kahi ! Mahi tantu sia mahi, suma asosiuhu, Tawo’iyen waii tantu sia tawoiyenna.⁹Yesus itumanga pekodaitan wa’aho Sia mêrang kahi isia, osa sumêlêng atados totumu ê mahalas i Sia. Sia mohodait “Ahu kumua bêhomotahula, êman kahakoan wai ahii mahasa iwetauHu, mangdêwê’ anêpang Israel !. ¹⁰ihalêot mangatotumu e bêwasiu wa’aho malêng ambalê kinawilahana waaho malêngem imenyaman.¹¹Yesus moho anesa kota e bewêngalan Nain. Mangamurit-Na moho medoro-roro têka Sia bo we totumu tado’o iwakaruaNa belulu-luten. ¹²Sia susutêmatepohndoong kota bana totumu imatê tinambal aluar kedong tuama kedong tulong inangnga balu botado’o totumu a kota oho mahalas balu oho. ¹³atêpo Tuhan melilah balu wa’aho bêhaêye io natê-Na asakum imbelesna, osa Yesus kumua bêsia : “naam mêkae! ¹⁴sumusut apatambalên nioho osa saitenNa bo manga matambal isumondo, Sia mohodait : Hei kedong talê tumow, Ahu numu’ behow, tumod’ai ! ¹⁵mawolomo’ai totumu wa’aho bo dumatuh molai menunu, bo itaro i Yesus a iangnga.¹⁶totumu wa’aho imatalo bo silatahula irumayow Ningumêlêd karêngan kumua, “satow nabi wako ilomembom atutud pahasa hita, “bo Ningumêlêd imimbat umatNa. ¹⁷benasêreb nabar sakum Yesus behalohow Yudea bo bêhalohow a’ sakumen.¹⁸Yohanes imahaêre abar sakum kinamoalian waaho amanga muritna, ¹⁹maniang rua totumu anepanga bo masiu silatahula moho tuma’an besi Tuhan : “siHow niaho mahi wa’aho suma mustire kamitahula sumondo tow walina ? ²⁰ru’a totumu wa’aho hoamat bêsi Yesus silatahula kumua : “Yohanes tape’ baptis masiu ihamitahula tumaan bêhow : sihow hahi imahi oho suma mustire kamitahula sumond’ai esatow walina.²¹wa’aho Yesus imawawemauleng totumu apahasa mahados papongigonên bo amangatutuh tapia, bo Sia kumombo pawilahan a tado’o totumu ahi’i melilah. ²²Yesus sumowat besilatahula : mohonem, bo ihuamange be Yohanes asia niboho bêlah ihomotahula bo tinanga : totumu ahii melilah i milah, totumu ahi i halapang, totumu kusta binayo’an totumu bêngel itumanga, totumu imatê malêng itumow bo totumu lenge’i pinewawataahan abar mauleng. ²³kaenowanai totumu e hi’i matapê bo matulud Iahu”.²⁴bêwasiu Yohanes wa’aho imoho, iwolai Yesus mohodait akatado’an totumu wa’aho sakum si Yohanes “ tanu awasia komotahula moho atana’tolandus ? Mamilah a’ok bêiye’ye ikakab kumêlêmoho kumêlêmai ? ²⁵tanu awasia komotahula moho ? Mamilah totumu malatang lo’or bo menonow akaayan, tampana a resaa daja. ²⁶tanu awasia komotahula moho? Milah i nabi ? totu’u, bo sia Hu kumua behomotahula, awahwm lêbê a nabi.²⁷asakum sia bana bêwatih : pilahenai Ahu imasiu sosiu Hu imamuna be How ia mahi isumadia ndalannu a’sasaangeNu andior-U. ²⁸kumua bêhomotahula : anepang silatahula e bêwahawata ibêne ahii bana satotumu e lêbê wako besi Yohanes, sumata ni’it kisit asuang kaholano’an Ningumêlêd lêbê wako bêhow.²⁹totumu tado’o mahat’an imbêhua-Na besuang manga’tapasaaw bêlasting, mangaku katotu’an Ningumêlêd, nde silatahula imêhêm ibatangan binaptis sakom Yohanes. ³⁰mangatotumu Farisi bo ute-utehan Torat tia’kem tumirima ita’ar Ningumêlêd tanu batangan ilatahula. Silatahula tia’kem baptisen Yohanes.³¹Yesus : Bowasia mahi pangande’an HU amanga totumu zaman wai; bp saniboho silatahula wa’aho ihawe’kêlê. ³²wa’aho mekêlê mangahêdong dumatuh a pasar e sangarudu sumawang ambalin : kamitahula sumeput ipoloit tanu sihow, sumata komotahula ahii masa’e kamitahula ihumatar i kaharen tapê sumata’ komotahula tiakem meka’ê.³³Yohanes pembaptis imahi, sia bo kuman roti bo ahi’i luku’ anggor bo komotahula kumua : sia sinolongan i sêtang. ³⁴Bata’ totumu mahi, sia kuma bo luku’ bo komotahula kumua : pilahenai, Sia satotumu sula’tai bo taleku’ karuru tapasa’aw belasting bo totumu oro. ³⁵koêmanan katotu’uan sakum pahasa totumu kaêrêana?³⁶Farisi imundang si Yesus tanu mahi human ambalena Yesus mahi ambale itotumu Farisi wa’aho, osa dumatuh kuman. ³⁷wa’aho bana esa tow bênê a kinahilaan. Kêlê esa tow be’oro. Atepo bene wa’aho itumanga, awahem si Yesus samantara manga’nyan ambalê totumu Farisi wa’aho imahi sia mapeang esa tampayang sua-suangan solo sapêng. ³⁸mêkaê sia moho tumod abelakang i Yesus atainae-Na osa dumames nae-Na wa’aho teka ahêmbelene saêkana inutahnga kêlêwa’aho hahi tinimuana naê-Na sapanolina kaisolo sapeng wa’aho.³⁹totumu Farisi i mundang Yesus milah ioho Sia humua andalen natê’na, “ sa Sia wai nabi, tantu Sia mahailah. Sisêi kahi bo tow asia hahi bêne atikanaNa yai, tantu kailahanNa awahem bêne aho mekêle-wototumu bêoro. ⁴⁰Yesus makodait besia “ Simon, bana e pandung ihua-Hu Bêhow, “ sowat i Simon : ihuanêmai, guru”.⁴¹dua totumu mahawenang anesa totumu tapengekad idoit, anesa totumu mawenang limangatus dinar bo balina limangawulu. ⁴²silatahula ahi’i mahabaya maêr, wa’aho pinangusuna benang karua totumu wa’aho. Siseiêniai anêpang ilahutala e ni’it mahales sia ? ⁴³Simon : nakurê sia ni’it tado’o kinusu benang’nga, kua i Yesus besia : “To’tuu pikiranu wa’aho.⁴⁴samantara isumêlêng ambênê wa’aho. Sia kumua besi Simon “sihow milah bênê wa’i? Siahu isumuang ambale’nu mêresi ina’ê Hu, sumata Sia irumames na’eHu karua mahê’bêlên bo isumêka têka nutahnga. ⁴⁵ahi’i itumimu bêaHu, sumata tuos Ahu sumuang sia ahi’i sondo-sondo ana natimu ana’eHu.⁴⁶ahi’i isumolo kohong Hu têka solo, sumata sia isumolo nae-Hu têka solo sapeng. ⁴⁷wa’aho Ahu kumua bêhow : sê’ana e tado’o wa’aho be’apunganem ndê sia itumulid tado’o beles. Sumata totumu kiding, kisitio kahi Sia itumulid beles.⁴⁸Sia kumua a bênê wa’aho “sêa nu beapunganem”. ⁴⁹silatahula ê dumatuh kuman karuaNa imikir asuang inate ilatahula “Sisei Sia wai, saniboho Sia dona mahapung se’a? ⁵⁰Yesus ikumua a bênê wa’aho “êmannu i mawalowid ihow, mohonem teka enow !.

¹eto ihaleôt wa’aho Yesus malapang makeked a mangahota bo sumuang lumuai ndo’ong mapawa’abar Injil pakola noan Ningumêlêd. Karuangawulu muritNa makarua bo Sisia. ²hahi katahula tow bênê e bêwemauleng a tutuh tapia bo mahados, wai Maria w wapakua Magdalena, e bêlepot a kawitu tutuh tapia. ³karoang khuza bandahara Herodes, Susana bo tado’o bênê walina manga wênê wai isumelweir sangalulud wa’aho teka kahaya’an ilatahula.⁴tado’o totumu malu’lulut mahi, wa’aho mangatotumu akota bo ando’ong imeduutanemoho batangan bo si Yesus sumirita Sia anesa pangan de’an : ⁵esa’totumu marut bibit lumuai tanu marut ibibitna. Anoras wa’aho sia mamarut. Iwarua bibit wa’aho bêhatia atembir ndalan, osa tinumidan totumu bo mangamê lêpad, ambao i mangan ahad mahawu. ⁶hatia atoba mangawatu, sa oras sia tumow, latoy nde tobana pêlaahem ahê,⁷kahi hatia atutud nohotunêng bo oho wa’aho tumow medoro-ro bo kuwit. Ena ahad matê. ⁸sangatihad hatia atoba e mauleng, bo itomow ahad imawua mahamatus kali lipa. Ihamorus mohodait kelewa’aho Yesus tumerewa : sisei bana talinga tumanga ênêten sia tumanga.⁹muritNa tuma’an be Sia, asia panutuun pangande’an ioho. ¹⁰Yesus sumowat. Behomotahula bine’anem kohomba tanu mahalah dururu kaholano’an Ningumêlêd, sumata mangatotumy walina sakum waaho isirita asuang pangande’an, ibohom mandêwe mapanu’tul silatahula ahi’i mahailah mapilah matanga, bo mangarti.¹¹arti pangande’ian : bibit ewa’aho kukua Ningumêlêd. ¹²behatia a tembir ndalan i’oho ewa’aho totumu i tumanga ahadiaho mangahi setang sa manginjo i Kukua oho a suang nate latahula saboho komotahula na’am mahêman bo kinalowidan. ¹³atoba mangawatu iwangandê atotumu anoras itumanga kukua wa’aho, tinirimana karua kahi inate, sumata kukua wa’aho ahi’i imamut asuang nate’na silatahula eman hi’i hapui bo oras mahi tapengepê silatahula sumakal.¹⁴a toba tuneng pamatohan iwangandê totumu itumanga kukua wa’aho sumata maliang asakum silatahula maibog menonow akalo’oran imbao toba, pahasa waaho ihumuwit silatahula mahad ahi’i mamua malutu. ¹⁵atoba hemel wa’aho totumu e nitumanga kukua wa’aho, osa iêpa’na asuang inate mauleng bo mawaluai bua.¹⁶bana totumu mawa elab sosoloan osa kaloban u tampayang, suma iêpa’na andalan ipaho’oan, sumata iêpa’na ambao kakidian iboho pahasa totumu sumuang asuang bale dona melilah sulona. ¹⁷alahêm ênesa’an iharu’ru ê tahi’i mahi i tara, bo alahêm êsa beruru ê tahii bêtara. ¹⁸wa’aho, komotahula panu’tulan kawatanga’, nde sisei mahasawa besia mahi bean, sumata sisei ê hii mahasawa darape’na mahi indon bêsia.¹⁹bo mangawog Yesus imahi bê Sia, sumata’ silatahula hi’i behoamat bêsia apa’an totumu tado’o. ²⁰imabar bê Sia “Inang bo manga wog-ngu bana aluar bo maibog maetau bê How”, ²¹sinowatNa silatahula, “Inang Hu bo mangawog Hu êwa’aho silatahula ê matanga kukua Ningumêlêd bo patulidenna.²²wa’aho Yesus sumakê sumuang ibolutu makarua bo manga muritNa, osa Sia mohodait besilatahula : ayom hita tumetela’ ambêta’ iluah. Osa silatahula meru’ ²³iboho silatahula mawerupe, Yesus imo’o. Mekombo lumolosai kakab morowios aluah, ahad bolutu wa’aho sinokuban imbohol mahad silatahula ambahaya.²⁴mangamuritNa mahi imolo Sia: kuana, guru, guru hita motutusem ! Sa Sia tumod osa mawasondo i kakab bo ahê i oho. Kakab bo ahe wa’aho itumeteng bo luah waaho imelenasemio. ²⁵kua-Na besilatahula” bisana e koêmanan-nu? Osa matalomio silatahula bo mêrang osa kumua anesa tow bo walina ; sisei tow i’ai saniboho sia mehe pereta a kakab bo ahe bo homotahula humi’it be Sia?²⁶isumuad Yesus bo manga muritNa, a’toba itow Gerasa ambêta Galilea. ²⁷oho Yesus a toba imahi esatuama a kota wa’aho matauw Sia, totumu wa’aho sinolongan mangasetang bo êto’om sia ahi’i mapelatang bo hi’i sumondo ambale, sumata apawakuburan.²⁸sia imilah Yesus, sia tumoreba osa ihasalikokod a sa’saangeNa bo bêhuana krua enud io : “asia pandung-Ngu bêahu, hei Yesus Bata’Ningumêlêd Ȇ matatang ? Pangelein ku bê How, saniboho how naam mawasiksa ahu. ²⁹wa’aho kumua kelewa’aho ndê perêta i Yesus tutuh tapia wa’ahi lumuai besia leteh sia pakawasa’an i tutuh tapia wa’aho mahad mandêwe kama bo a’êna batungan irante bosia iaha’an kisêl. Pedudutena rante wa’aho osa pe’angen itutuh tapia wa’aho a tanatolandus.³⁰tumaan atotumu wa’aho, “sisei ngâlanu,” sowaten itotumu waaho “ngalanu Lêgion apa’an sia sinolongan i setang. ³¹tapia waaho mangêlei niit saniboho si Yesus ahii mêlêi silatahula asuang kitob pawatê.³²tampa wa’aho bana sangawa’anan tiei moniu-niur ikanawe apalis indungusan. Mangatutuh tapia wa’aho mangelei ni’it besi Yesus saniboho pongê’eian sumuang amangatiei waaho Bo Yesus mongê’e. ³³lumua’i manga setang a totumu wa’aha sasumuaang tiei wa’aho. sangawa’anan tiei wa’aho mêlombo’ atembir i kitob hasuang aluah osa matemolemet.³⁴mangatapahiaha itiei waaho imilah asia e behamoali, silatahula malolah osa iwasirita asakum wa’aho akota bo apedo’ongan tambulêhêna. ³⁵meluai monga totumu tanu mamilah asia e nimamoali. Silatahula mahi be Yesus bo tumauw totumu e bê’epa’amio manga setanga waaho dumatuh a nae Yesus sia imelatangem bo memaulengem.³⁶enimelilah sia’nêsa asakum wa’aho imahatau besilatahula kelembisa totumu e sinolongan setang wa’aho be wawalowid. ³⁷apahasa tow asakumen Galilea mangêlês bêsi Yesus saniboho sia kemange nde silatahula niit matalo. Yanasa kumapet Sia asuang bolutu osa mebaleng meru.³⁸totumu wê’êpa’ange manga setang waaho imangêlêi saniboho sia iwongê’e iwahalasNa. Sumata si Yesus masiu isia moho, kuaNa: ³⁹ambalênu bo iwasirita epahasa wa’aho e tinulid Ningumêlêd. Totumu waaho imoho makêkeked lumohow kota bo mapa’hatau apahasa asia e pinatulid Yesus ambatangana.⁴⁰Yesus malêng, tado’o totumu isumupah i Sia, nde pahasa silatahula masondo-sondo’o i Sia. ⁴¹moai êsatow bengalan Yairus. Sia kapala imbale ibada; osa sumalimbuhu amuka a’e Yesus, sia mangelei besi Yesus, ibohom Yesus mahi ambalêna. ⁴²batana wênê esa-esana, iêpa’io umura sangawulu bo rua ngataun, toyota’ mate. Asuang belapangan moho wiboho Yesus mepewesêtan a tado’o totumu.⁴³bana esa tow wênê, sangawulu’um bo rua ngata’un mapongigon totonaw, bo hi’i mahatoro i memauleng sisei angê. ⁴⁴muna sumusut Yesus a talihudan bo itumaka tepoh juba’Na, a sanga’oras iahamio, ihasondo e totunaw.⁴⁵kua Yesus : sisei e nimamos i Ahu ?. Bo nde ahem etow mangaku mohodait si Petrus : “guru tado’o tow sumesesen bo makuwit i How” ⁴⁶Yesus mohodait : “bana êsatow itumaka bê Ahu, nde Ahu mahalelam bana kawasa ilumuai ambatanganKU”⁴⁷bene wa’aho mamilah awahem e tinulidna waaho kinailahan, sia imahi têka kelêh. Sumalimbuhu an’dior-Ra bo sumirita a tado’o totumu asia ndê sia tumaka i Sia bo awahem anoras wa’aho we behamoali menyaman. ⁴⁸kuaNa ambênê waaho, “Hei bata’Ku êmannu e imawalowid ihow, mohonem teka lowid.⁴⁹si Yesus menu’nuwe, imahi esa tow a pamalêan kapala mbale paibadatan wa’aho bo kumua : bata;nu lêot imate mo’nam how manusa-nusa i guru. ⁵⁰tinanga i Yesus bo kumua bêsi Yairus naam talo, êmanenangê bo bata’nu malowid.⁵¹ambale Yairus, Yesus dumarang ahii dona esa tow lumas sumuang bo si Yesus iwalina si Petrus, Yohanes bo Yakobus bo amang kedong waaho bo iangannga. ⁵²tow mekaê bo matabi akêdong waaho. Yesus imahi bo kumua: “naam mêka’ê, ndê sia ahii imatê, sumata ima’o. ⁵³imebihis Sia ndê silatahula mahalah awahem kêdong waaho imatêm.⁵⁴tako’an Yesus kama kedong waaho bo sumawang, kuaNa “Hei kêdong tumod’oai.! ⁵⁵bêhawalêngai tutuh kedong wa’aho bo anoras waaho mio sia tumow tumod. Osa Yesus masiu silatahula mêhê kan a kêdong waaho. ⁵⁶imêrangio ematua kêdong waaho sumata si Yesus dumarang mahatau bê siseiyange wê asia e bêhamotahula wa’aho.

¹tumiang kasangawulu bo’rua muritNa, osa mêhê kawasa bêsilatahula tanu mahêlêi tutuh tapia bo mapemauleng mahados. ²Sia masiu silatahula moho memauleng totumu ados bo mapawa sereb inabar asakumen Ningumeled maperêta kêlê Daja.³bêsilatahula “naam mêang awasia mangê asuang pahebêbêan-nu, naam mêang butul, suma kakanen, roti suma doit sumadua latang. ⁴sa komotahula tinirimam asuang esa walê, mutumio biboho mahad komotahula matang biboho.⁵bisana komotahula ahi’i tinirima anoras lumuaiem a kota wa’aho itatang sebu apaladnaê’nu mamoali po’imun besilatahula. ⁶imahahem silatahula makeked pahasa do’ong karepet mawasereb Kukua bo mapawamauleng tow pahadosan apahasa tampa.⁷e mapereta angGalilea, itu manga asakum pahasa imamoali wa’aho sia likoko. Nde bana ihumua, yanasa Yohanes pembaptis malêngem itumow. ⁸hahi enihumua awahem si Elia imawaturuwe. Towalina kumua awahem sa tow nabi a manganabi talêwe itumow. ⁹kumua “siahuwe imasiu totumu tumatab kokong Yohanes” sumata totumu wai sisei totu’una Sia? Bana tado’o e tinangku sakum Sia. Osa Herides maberusa tanu milah Yesus.¹⁰Yesus maleng bo isirita ilatahhula be si Yesus pahasa pinatawoi osa si Yesus mêang silatahula dumu’u anesabua hote e bengalan Betsaida mahad bati silatahula karuaNa. ¹¹sumata tado’o totumu imahailah osa lumas be sia. Yesus tumirima silatahula masirita besilatahula sakum kelembisa Ningumeled mapereta kêle Daja. Bo siawe mapenyaman totumu ados anepang ilatahula.¹²waaho molaim dumendem mangahi kasangawulu bo rua muri”Na be Sia bo kumu : “Pak tampa wai anêbu, lêbe mauleng silatahula dona mangilah kakanen bi paloseran ando’ong bo asakumen do’ong. ¹³si Yesus sumowat besilatahula, “komotahula ahi’i toro mamehe kan besi latahula.”! Silatahula sumowat : “ê bana behamitahula ahi’i lebe darape lima roti bo dua nda’, iwalina osa kamitahula moho maneles kakanên tanu pahasa tow wai. ¹⁴lima ngoribu tow tuama biboho. Kua i Yesus a manga muritNa : “iwasiua mo’ai silatahula dumatuh sanga-sabgawalas, do’na inah lima ngawulu tow sangawa’anan.”¹⁵manulid bo masiu pahasa totumu waaho dumatuh. ¹⁶haleot wa’aho Sia imindo i lima roti bo rua da’ waaho. Sia ngma’al a kambur kumua kamang, osa mamisu-misung roti wa’aho bo iehena a katado’on tow. ¹⁷silatahula ipahasa ihuman ahad besuh osa sinêsen manga poro-woro’ iroti esisa tado’ona sangawulu bo rua watang.¹⁸anendo, atepo si Yesus sumombayang sia nêsa, imahi manga murit’Na be Sia. Osa Sia tumaan be silatahula, “Kua i tow sisei ndom Ahu wa’i? ¹⁹ilatahula’, bana ê kumua si Yohanes pembaptis, bana kahi kumua si Elia, bana kumua esatow nabi atalewe e nimebaleng itumow.²⁰si Yesus tumaan besilatahula, sata’ kumiit behomotahula mio? Sisei-ndom Ahhu wa’i. “sowat Petrus : Mesias a Ningumeled”. ²¹si Yesus dumarang silatahula karêngan kêteh saniboho na’ mekua-hua siseiange sakum si Sia. ²²si Yesus kumua : awahem Bata’ i totumu mananggong tado’o pongigonen bo itulud i mangamatua’, manga imam kapala bo manga utêhan i Torat, osa limeden bo iwawatow a kateluna ngando.²³apahasa silatahula : awahem sa’satow maibog lumas i Ahu, sia mulit sumakal imbatangana, maluhaisalibna tebeinêndo bo lumas i Ahu. ²⁴siseiange maibog mawalowid inaseng-nga. katala’an asengnga, sata; siseiange katalaan asengnga karengan si Ahu sia kahi ilowidna, ²⁵toro’na esatow kumessan imbao toba sata’ sia iwowuwuh suma mawadungi imbatangan mio?²⁶siseiange monokia karengan i Ahu bo kodaitku mBata i totumu we kahi monokia karengan totumu, wa’aho, sawa’Sia mahi mahasa asuang konungaan-Na bo asuang konungaan wapa bo manga malaekat lenas. ²⁷kumua behomotahula : Katotu’uanan a nepang totumu imahi biai baa e tahi’i kahi mate satalawe silatahula imilah kaholanoan Ningumêlêd.²⁸onah walungando ahadem Yesus Yesus mapahajar asakum waaho Sia mali Petrus, Yohanes bo Yakobus ambao nêsa dungusan tanu sumombayang. ²⁹si Yesus tumotalang, bo latangNga budo’io menda-êndawên,³⁰kawilahan si Musa bo si elia silandua mohoda-hodait tanu kapateanNa mahi lêkewên-Na a Yerusalem. ³¹imawaturu imbatangan asuang konungaan bo mohodait tanu kapateanNa mahi lêkewênNa a Yerusalem.³²wa’aho Petrus bo mangakruana behao’om, atepo mekombo silatahula bo imilah si Yesus sumulo-sulom bo ruatow waaho itumod iwakaruaNa. ³³si Petrus mohodait besi Yesus, “bapak guru, ime’em kaêna’an ihamitahula alesad bia’i. Mauleng toden ihamitahula telu dasing, êsa tanu si How, êsa tanu si Musa, bo êsa tanu si Elia. Sata’ si Petrus ahii mahailah asia êtoro ihuana wa’aho.³⁴sia mohodait kele’aho, imahi kambur muyung silahutala, anoras silatahula sumuang a asuang kambur wa’aho, imatalomio silatahula. ³⁵kinata’ananio nu’nu asuang kambur waaho ihumua : “waim mBata-Ku e sinilihKu; tanga’anai Sia. ³⁶nu’nu wa’aho hasondo, silatahula milah si Yesus sia nêsa biboho. Bo mangamurit wa’aho iruru-runa, bo anoras wa’aho silatahula ahi’i sumirita besiseiange asia e belah ilatahula wa’aho.³⁷mai, anoras silatahula lumolos andungusan waaho, imahi tow tado’o lulu-lutenange tumauw si Yesus. ³⁸a totumu tado’o wa’aho matoreba kuana : “Guru pangeleienku saniboho How mogamat bata’ku, nde sia êsana bata’ku. ³⁹sia dinatuhan itutuh osa mêkombo sia mawasawang bo tutuh wa’aho iworandu-randuna mahad babana humalakad Tutuh waaho ahii sumondo mekuleng isia, bo toyota’ ahi’i lilahana. ⁴⁰piangeleihum amanga muriNa saniboho silatahuka melei tutuh wa’aho, sumata silatahula ahii toro.⁴¹i Yesus : Hei komotahula pêkarêngan ê tahi’i maheman bo ê urêng, tahulawe kaêto’aiku musti sumondo’io atutud ihamotahula. Tahulawe kaetoan. Ahu mêlud ihomotahula? Peangenai wia’i niaho kedong! ⁴²kedong wa’aho isusut besi Yesus. Setang waaho isambetna a toba bo iworandu-randuna. Sumata si Yesus moboro tutuh tapia waaho têka kêteh bo imemauleng kedong wa’aho, osa iwalengnga a namangnga.⁴³imaêrangio pahasa totumu wa’aho karengan kahako’an Ningumeled. 43bAnoras pahasa tow waaho maêrangwê karengan sagala ê pinatulidNa si Yesus kumua a mangamuri’Na. ⁴⁴bo kêkêmenio pahasa kodait itu wai’i : Bata’ totumu kahi ie’he asuang ikama totumu” ⁴⁵ahi’i mangarti kodait wa’aho nde artina dumururu tanu silatahula, ahad silatahula ahi’i êre apangartianna. Bo silatahula hi’i waranei tumaan arti kukua-Na waaho.⁴⁶pesasaruan anêpang manga murit i Yesus asakum sisei niit bako anepang ilatahula. ⁴⁷Yesus mahailah asuang nuteh ilatahula, karengan wa’aho Sia mindo esatow kedong kisit iwa’ona asiliNa. ⁴⁸kumua be silatahula : “Siseiange ê tumirima kedong wai asuang ingalan-Hu, sisia itumirima Ahu bo siseiange e tumirima i Ahu, sia itumirima Sia, e imasiu iAhu karengan e kisitio anepang ihomotahula Siamio e banggoronggang.⁴⁹i Yohanes, “Guru, belah ihamotahula esatow mahelei setang mêinjo ngalanNu, osa aparan ihamitahula totumu waaho, karengan sia ahi’i karu’ru ihita. ⁵⁰i Yesus besia : naan darangan ihomotahula nde siseiange ahii sumaru ihomotahula, sisia bana andoro komotahola.⁵¹susut si Yesus iatang a sorga Sia minjo tinêpu tanu moho a Yerusalem. ⁵²siawe imasiu totumu moho mamune iSia manga totumu e bewasiu wa’aho moho, osa sumuang anesa ro’ong a Samaria tanu sumadia oahasa awa-awa beteng i Yesus. ⁵³mangatow Samaria waaho ahi’i maibog manirima iSia, apa’an ebeanNa mohoa Yerusalem.⁵⁴manga muriNa wa’aho Yakobus bo Yohanes mahailah sakum behamoali waaho, silatahula kumua : Tuhan awa how mabog, ibohom, kamitahula masiumai baka ilolos akambur tanu mamate imangatotumu wai? ⁵⁵si Yesus sumeleng imoboro siilatahula” ⁵⁶wa’aho silatahula silatahula moho andoong walina.⁵⁷si Yesus bo mangmuritNa tumerusem pangêbean ilatahula, apatu’tudan indalan êsatow kumua besi Yesus : siahu kahi beHow, bisana mange’ohoanNu. ⁵⁸i Yesus besia : serigala sawana amboso, bo melepad sawana andumun, sumata mBata’. Totumu ahi’i wanatampa tanu bo’owan kokongNga.⁵⁹sia kumua anesatow walina : lumas iaHu ! Sumata totumu waaho kumua ; mapermisiwe ahu manuna kumubur inamangku. ⁶⁰si Yesus kumua besia : iwayaio totumu imatem kumubur itow imate : sumata sihow mohonêm bo mapawa sêreb awahem kolanoan Ningumêlêd imolaim mapêreta.⁶¹êsatow walina kahi kumua : siahu mahi mapelas be How, Tuhan sumata mapermisiwe ahu mamuna apongêean sanganahKu. ⁶²si Yesus kumua, “êsa’satow e sumadia tanu mapajêko sumata sumeleng a talihudan, ahi’i pantas a kalonaoan Ningumêlêd.

¹wa’aho Tuhan itumuru pitungawulu murit walina, osa masiu silandua silatahula amunaNa a nêsa-êsaan do’ong bo tampa enimbatenNa. ²besilatahula : “Uwu’un mamang tado’o sumata tapatawoi kiding. Nde waaho imanga lei a tuang mahasawa uwuun, saniboho siSia kumirim mangatapatawoi tanu panguwuan waaho.³totu’una ahu masiu iho motahula kêlê kedong domba itu tud i serigala. ⁴mame’ang sopoi suma ka-kanen suma sanimaê naam mehe siri besisei ange kaeto asuang ipahebean.⁵komotahula sumuangem anesa wale, iwamuna ihodait : sononoi ênow tanu balewai. ⁶biboho bana totumu e maibog dame, siri damenu wa’aho mahi mahaando besia, sa’ahii maleng iwebaleng siridamenu waaho. ⁷asuang mbale wa’aho, tirimanio asia e niwobulahai behomotahula ende totumu imatawoi mahaimbahut tumirima i upagnga, naam moreso-reso mbale.⁸komotahula mahi anêsa doong bo biboho komotahula tinirima karua imauleng, kanen awasia mange e bewobulah tanu komotahula. ⁹pemaulengenai mangatow ados ando’ong wa’aho, bo isiritamio a mangatotumu biboho awahem Ningumeled tiro mahi behow.¹⁰osa homotahula mahi anesa roong bo biboho komotahula ahi’i tinirima, lumuai andalan bo ihodait, ¹¹sêbu indo’ongngu enihumapet anae i hamitahula, itatang ihamitahula kêle bewaaimun behomotahula. Sumata’ kailahanai awahem alam kapui tepo Ningumeled susu’t, ¹²a nêndo kiamat tow Sodom mahi lebe gampang beapungan iNingumeled darape totumu andoong nai.¹³how Khorazim !, masilaka how Betsaida! apa’an sa a Tirus bo a Sidon behamoali manga mujisa’ e behamoali atutud i homotahula eto’om silatahula imawedis bo imakabung. ¹⁴anêndo pongisaan, tanggongan Tirus bo Sidon mahi lêbe wolah adorape tanggongannu. ¹⁵si how Kapernaum asia how mahi ihapet ahad a langit ? Ahi’i sihow mahi iwawalolos mahad a lesad i towimatem!.¹⁶i matanga behomotahula, sia itumanga be Ahu, bo sisei’ange itumulud ihomotahula iAhu, sia itumulud i Sia ê nimasiu iAhu.¹⁷kawitungawulu murit waaho i mangaleng têka i mekahi bo kumua : “Tuhan manga setag kahi talo be hamitahula tanu ngalanNu. ¹⁸kua i Yesus besilatahula “ si Ahu i mahawilah tapetêna behatia kêle kilat a langit. ¹⁹Ahu i mamehem kawasa behomotahula tanu tumumid i nulah bo lamu-lamu bo kawasa tanu tumohong i korowotan kasehed, ahad ahi’i bana e mahi mawasilaka komotahula. ²⁰keleaho keanawe makahi ende manga tutuh wa’aho matalo be how, sumata i wekahiai nde ngalannu bana behadaptar a sorga.²¹wa’aho we si Yesus i mekahi asuang i Tutuh Lenas bo kumua : si Ahu monindayow be How, Amang, Tuhan i langit bo baotoba nde belohowna waaho How i rumuru tanu tow utêhan bo pandei, sumata How betaram a totumu kisit, ya Amang wa’ahomai e bewetena’an be How.²²betarom be Ahu asakum i NamangKu bo ahi’i bana êsatow we’e mahailah sisei’ai. Kedong sewalina Amang bo sisei’ai Namang sewalina hedong bo amangatotumu be sisei kedong waaho monge’e mawatara asakum waaho.²³waaho isumelengai si Yesus amanga muritNa i sumandiri bo kumua : “mosononoi’io bêlen imelilah asia e mbelah i homotahula. ²⁴ihua Hu be homotahula : tado’o nabi bo daja maibog mamilah asia e belah ihomotahula, sumata ahi’i kawilahanna, bo maibog tumanga asia e tinanga i homotahula, sumata ahii kinatangan’na.²⁵anendo tumodai êsatow utehan Torat tanu mangêpe besi Yesus, kuana : Guru asia e ni’it tulidenky tanu mahaere towan ê têlas? Asia binaca iboho? ²⁶i Yesus besia : asia ê bewaatih asuang i u’kum Torat ? Asia binaca iboho? ²⁷i totumu wa’aho mahales si Tuhan, Ngelednu teka lêkew anatenu bo teka lekew akanalunu bo lekew korowotannu bo teka lekew kosononoiannu, bo mahales i kahêlênu totumu mêkele batanganu mio”. ²⁸i Yesus be sia : kasowatnu waaho ulit, tuliden kelewaaho sa how mahi lowid.²⁹tanu mawahabenaran i batanganna totumu wa’aho mohodait be si Yesus : Bo siseiai kahelehu totumu ? ³⁰i Yesus : Bana êsa totumu ilumolos a Yerusalem moho a Yerikho; sia behatia a kama manga perampok ê hi’i bati pangandetena mahad-mahawu, sumata pamakurenawe bo ihaleot waaho moho iepa’na iwarua mate,³¹bana êsatow imam ilumolos ilumeot andalan waaho, sia imilah totumu wa’aho sumata beleotanna sia ambeta itemberan. ³²êsa totumu Lewi mahi atampa waaho, atepoiboho sia umahawilah totumu wa’aho, beleotanna sia ambeta i kakas.³³imahi êsa tow Samari, ê samantara asuang indalan atampa waaho, bo atepo iboho sia i mahawilah itotumu waaho, iharanduio natena sakum imbêlês. ³⁴sumusut a totumu waaho osa mameresi mangapela’na teka i nanggor bo beundam na teka isolo ahadiahao perbanena mangapelai’ waaho, ihapetna totumu wa’aho ambao keledaina mio, osa peangena atampa toterusna imawiana. ³⁵sia iehena dua dinar a mahasawa toterusan waaho kuana : “undamenio sia bo sa’how mabelanja lêbe awai, mahi baeranhu anendo ahu mebaleng.³⁶a nepang katelu totumu wai lumas a pendapatnu wana kahele totumu a tow ê behatia akama mangaperampok wa’aho. ³⁷i totumu waahoo i “totumu itumuruai kobelesna be Sia ! Kua i Yesus besia : mohonen tulidenai kelewaaho.³⁸si Yesus bo manga muritNa lumawus i patutulên osa ihoamat anêsa roong. Biboho êsa wêne, bengalan Marta, i tumirima i Sia mawit a mbalena. ³⁹Marta mahawog bene mahangalan Maria si Maria wai dumatuh dumedet bo si Tuhan Yesus matanga i manga pangajaranNa.⁴⁰si Marta tasibu mio a tawoiena asebu sia mahi be si Yesus bo mohodait : Tuhan asiam Tuhan ahii maduli imayai ahu metawoi siahu inesa. Iwasiumai sia makarua iahu !. ⁴¹Marta besowati i Tuhan “sihow maliang bo tasibu mamikir wai bo waaho, ⁴²ê penting bati êsa. Bo si Maria i sumisirem e mauleng, e tahi’i mahi indon be sia.

¹mahasa si Yesus i sumombayang anêsa lêsad mahasombayangoho, êsa tow a manga muritNa kumua, Tuhan, êpe ajaren kamitahula sombayang kêle bewaturu i Yohanes a mangamuritna : masombayang.²si Yesus mapakua be silatahula : osa komotahula sumombayang i huamange kelewai ; Amang podayowênange ngalanNy moaiêm kaholanoan-U.³kamitahula êsa-êsa nêndo kakanên i hamitahula ê niharoro. ⁴apunganai kamitahula a kasea’an i hamitahula, kele hamitahula hahi imapung atotumu i mesea’ behamitahula, bo na’am mali i hamitahula a patena’an.⁵kuaNa besilatahula ; sa’ êsatow a nepang ihomotahula a tutud imbengi moho ambale anêsatow karuana bo ihumua besia : sobat pinjamanai beahu telu roti, ⁶êsatow karuahu samantarawe lumawus patutuleni mawit ambalehu bo ahu ahi’i wana awa-awa andoro ieubulah tanu besilatahula. ⁷sia e nasuang i mbale waaho hahi sumowat : Naam ahu datungên bonang be takewem bo ahu karua mangahedonghu i mamo’am; siahu ahi’i mahaêretumod bo i wamehena a pog. ⁸kumua behow : mandewe sia ahi’i maibog tumod bo iwamehena be Sia, nde totumu waaho mekele sobatna sumata’ nde giona e ahi’i monokia waaho sia mahi tumodpe bo mamehe besia asia e papandungena.⁹waaho Ahu kumua behow : mangelei, yanasa mahi be’an behow ; mangilah, yanasa homotahula mahi maahaêre, tumekol yana ê mbonang mahi binuhaan e betengnga. ¹⁰sa’esa tow ê mangelei, tumirima bo sa’esa tow ê mangilah, imahaere bo sa’esatow ê tumekol betenga bonang binuhaan.¹¹ihomotahula bowana ê namang sa’batana mangelei da’ darapena mahi mamêhe ulah a mbatana waaho saol inda? ¹²sa’sia mangelei ateluh, mahi bean besia lamu-lamu? ¹³homotahula ê tapia mahalah mahehe powehe e mauleng a mangabata’nu, awasia. Amang-ngu e nasorga ! Sia mahi mamehe Tutuh Lenas besilatahula e mapangelei be Sia.¹⁴a nendo si Yesus i melei tutuh tapia lumuai anesatotumu wowo. Ihaleot tutuh tapia wa’aho ilumuai, totumu wa’aho molai menunu. Osa i maerangio totumu tado’o. ¹⁵bana anepang ilatahula ihumua : “sia imelei isetang kawasa Beelzebul, kapala setang”.¹⁶kahi e imangelei êsatêpai asorga be Sia, tanu mangêpe be Sia. ¹⁷si Yesus mahailah a nuteh ilatahula osa kumua : sa êsa pakolanoan materi-teri ulit mowuwuh, bo êsa pamalean e meteri-teri ulit motutus.¹⁸kahi pakolanoan niblis e meteri-teri pakolanoan waaho mahi medusah. Komotahula kumua si Ahu imelei i tutuh tapia nde kawasa Beelzebul. ¹⁹helewaaho teka kawasa sisei karurunu melei manga tutuh tapia waaho? Manga karurunu waaho si sia mio e niwawatare awahem komotahula sea ! ²⁰si Ahu imelei tutuh tapia têka kawasa Ningumeled bo waaho maha’arti Ningumeled bewolaim mapereta a tutudi homotahula.²¹êsatotumu morowot, teka ikêlid lêkew, imiaha imbalenamio pahasa sawana tantu lowid. ²²osa satoto ê lêbe morowot sumerang bo mawahala i sia waaho totumu e lebe morowot mahi kumandet manga kelid pongapogan sakum mahasawa ambale waaho osa iwêbetetengnga ilohow mangabarangna. ²³ahi’i iwakarua Hu sia lumawah be Ahu bo totumu ê hi’i imasesen bewakaruaHu, sia e niwawawêtared.²⁴Sa tutuh tapia lumuai a totumu, melaur sia amangtampa tolandus mangilah sondoan sata sia ahii mahaere iaho sia humua : siahu maleng moho ambale embepa kumange. ²⁵Yana moho sia koamatanam wa’aho mbale beresi, kinakasan be beator loor. ²⁶Osa sia lumuai bo mowayat i pitu tutuh balina e lêbe ta’pia wesia bo silatahula sumuang mutun biboho. Yana amaha’na gio iaho totumu lebe tapia nde anggio apahamunan.²⁷si Yesus menunu’pe, sumahai’io satow bêne anêpang tado’o totumu osa kumua be sia : kaenowan’io inang i mahali-ali i How bo susu i nimanusu i How”. ²⁸Sia kumua : Ê nênow si latahula ê nimatanga kukua iNingumeled bo e pinahiaha’an-na.²⁹Karêngan mangatotumu masê-sêsen bo si Sia, si Yesus ilumawus i kodaitNa kuaNa: pekarêngan wai pekarêngan e tapia silatahula mahabogen nesa tanda, sumata besilatahula ahi’i mahi bine’an tanda iwalina tanda i nabi Yunus. ³⁰Nde kêle si Yunus i maindo tanda anu mangatotumu i Niniwe, kelewaaho kahi mBata’ i totumu mahi maindo tanda tanu pekarengan ia’i.³¹wa’aho gohuta’an i ratu a selatan waaho kahi malengtumow iwakarua manga totumu a pekarêngan wai bosia kahi gumolatung i silatahula. Nde ratu wai mahi a têpok baoitoba tanu tumanga i sononoi Salomo bo katotu’uana e bana biai lêbe we si Salomo !.³²i gohuna’an mangetotumu i Niniwe kahi malengtumow bersama pekarêngan wai bo silatahula kahi gohut’na. Nde mangatotumu i Niniwe wa’aho i matobat a nendp silatahula. itumanga’an isasahai’an i Yunus, bo kaulitanna e bana biai lêbe asakum i Yunus !.³³bana nêsatotumu’we e mawa’elab sosoloan osa iwa’oba a lolongan imbale suma andalem iba’tang, sumata iwa’on ambao na’e dian, ibohom pahasa totumu e sumuang dona melilah i sulona. ³⁴wana sosoloan imbatangan-nu. Sa bêlen-nu mauleng, sulo’na lumohow imbatangan-nu, sumata sa’ belenu tapia dendemio batangan’nu. ³⁵wa’aho mulit’io sulo embana behow, naam maindo karendeman. ³⁶ihalow sulo ambatangannu, bo ahii bata beta’ imbatangan e ndedem, yana lohowena hahi sulo ihawekele sa sosoloan tumerang i how teka i sulona.³⁷si Yesus mapengajar, sa’totumu Farisi i mundang i Sia tanu kuman ambalena. Waaho i sumuangai Sia ambael waaho, osa dumatuh kuman. ³⁸i Farisi waaho i milah sakumen waaho bo sia i merang, nde si Yesus ahii ihumese i kamaNa atalewe i human.³⁹si Tuhan i humua besia. Komotahula i mangatotumu i Farisi komotahula manayo i manggu bo pindan a tulung i luara, sumata atulung i suanga mawuli-wuling i kinandet bo katapia’an. ⁴⁰mangatotumu bodo, boahi’ai. Sia e nimawamoali atulung i luara, isa hahi e nimawamoali atulunge suanga. ⁴¹kahi iehemai suanga kêle powalad bo ulit’nu pahasanai mahi mainjo tanu behow.⁴²silaka komotahula, hei mangatotumu i Farisi apa’an komotahula mawaer pasangawuluan a sulasi, naneis bo pahasa pêkelean tuinoho, sumata komotahula i mamyai ka’adilan bo bêles i Ningumeled Ê nesa mi’it patuliden êwalina naam i wikaya.⁴³komotahula hei mangatotumu i Farisi nde komotahula maibog maratuh a lesad munamio ambale ibada’ bo maibog matirima ormat a pasar. ⁴⁴komotahula nde komotahula bewekele kele kubur etahi’i bepa’an tanda ; mangatotumu e mahebe ambao’na ahi’i kailahan-na.⁴⁵a nepang manga’utehan waaho isumowat bo ihumua be Sia : “Guru têka kodait kelewana, si how i medoros kamitahula kahi. ⁴⁶Sia i sumowat : silakamio komotahula kahi, hei manga’ utêhan Torat, nde komotahula i mawa’wao manga tanggongann e tahi’i kalihudan i tow, sumata komotahula sandiri ahi’i sumait tanggongan wa’aho teka nesa tundu’pe.⁴⁷komotahula nde komotahula tunulid i kubur i manganabi sumata nawo-wanowu belimed ilatahula. ⁴⁸kelewaaho komotahula mangaku awahem komotahula mawatotu’u pinatuli-tulid i nawo-nawonu, nde silatahula i melimed manganabi wa’aho komotahula i tuumulid o kubur.⁴⁹wa’aho ute-utêhan Ningumeled i kumua : Ahu mahi masiu be silatahula manga nabi bo manga rasul bo iwarua a nepang manga nabi manga rasul waaho kahi silatahula melimed bo mêkuleng. ⁵⁰a pêkarêngan wai ukumundu daha lumohow nabi ê be haiyu tuos baoitoba tinulid. ⁵¹andaha Habel ahad daha i Zakaria e be limêd a nepang mesba bo mBale Ningumelêd. Mahaturu, Ahu i humua be how : pahasa waaho kahi i hundu a pekarengan wai.⁵²komotahula, hei mangautêhan Torat, nde homotahula be i manginjo ku’si pengailahan, komotahula mio ahi’i sumuang asuang bo totumu e imongikaya tanu sumuang asuang homotahula pahaparan.⁵³ahadem si Yesus matang a lesad waaho, mangautêhan Torat bo mangatow Farisi ahii sumondo modawat bo lebesanNa teka balina walina ta’an. ⁵⁴wa’aho silatahula dumameji manoton i Sia, saniboho silatahula mere tumiho i Sia sa’ana asakum bewapakuaNa.

¹waaho moribu-ribu totumu katadoo’an i sumesêsên, ahad silatahula mekuhupetan osa si Yesus molai maturu, tinotolan a manga muritNa, kuaNa : mahatuh sumaang i kabo, wa’aho kahaliutan totumu i Farisi.²nesa mange iharuru, ê tahii itara, bo ahii bana enesamange e niruru e tahi’i kahi kinalahan. ³wa’aho asia e mbehua ihomotahula asuang indedem kahi katangan asuang i sulo, bo asia iwobuyung ihomotahula a talinga asuang i kamar kahi iwahatau ambao imbung bale.⁴kumua behamotahula, hei mangakaruaHu naande komotahula talo sumaang silatahula ê ere dona mate imbatangan bo ahadiaho hii ere itumulid awa-awa hahi. ⁵Ahu mahi mawaturu behomotahula sisei eniit ihatalo ihomotahula. Ihatalo Sia e ihaworus imate bana imbahut tanu mawatepa itotumu asuan imaraka. Ulitna Ahu kumua behomotahula ihatalomai Sia.⁶melepad suit guunen lima uri dua roit. Mande keleaho hii esauriwe ê kolingoan i Ningumeled. ⁷utah akohongnguwe katebeanna lohowêna. Yanasa naam matalo, nde komotahula lebe bana mbaer andarape tado’o melepad suit.⁸Ahu kumua behomotahula tebesa e monge’e i Ahu a sasa’ange i totumu mBata’ totumu sere mahi monge’e sia a sasa’angen i manga malaekat Ningumeled. ⁹sisei ange isumakal i Ahu a sasa’angen i totumu, sia mahi sakalen a sasa’ange manga malaekat Ningumeled. ¹⁰kumua awasiamange lumawah amBata totumu, sia maindo beapungan sumata siseiange e mojat Tutuh Lenas sia ahii maindo beapungan.¹¹tow mawasaang ihomotahula a mangagohuta suma a mangapamareta bo mangagolatung naamde komotahula matalo kelembisa bo awasia e musti ihua ihomotahula tanu mabela imbatangan numio, ¹²awaaho mio we Tutuh Lenas maindo majar behomotahula asia e musti ihua ihomotahula.¹³anepang totumu tado’o kumua besi Yesus “Guru ihuamange apogku saniboho sia mebeteng tataro tanu siahu. ¹⁴kua i Yesus besia : pog, bosisei imatang iAhu mainjo golatung suma tapahêpang ambao ihomotahula. ¹⁵hahi besilatahula “mahiahamange bo mahatuh sumaang pahasa kosulamohan, nde mande esatow melebe-lebes kasihoanna penonowana ahi’iai betambeng darape ahasihoanna waaho.¹⁶Sia ihumua besilatahula esa pangandean, kuaNa, “bana esatow siha tobana imelebe-lebes buana. ¹⁷tumaan asuang natena : asiaonah e mustihu tuliden nde ahu ahii bana lêsad bisana ahu mêpa bua i tobahu. ¹⁸kuana : êwai mabihu tuliden awahem ahu medusah manga baleanhu boahu mahi tumulid a lêbewako biboho mahihu i wangepa pahasa gandumku karua manga sawahu mbalina. ¹⁹waaho hahi ihuahu ambatangan humio: sihow imauteung pahasa e mauleng kinesananum bo ahii mahawaru kaêto metau-taun. somonde’pe ini ! Kuman bo luku’io akanumanaman penonowannu !²⁰Ningumeled kumua besia “ hei tow bodoh ambegi mio wai kinalunu benjom behow bo asia ni’aho sinadiam tanu sisei niaho? ²¹ihamoali a totumu e mawasesen kasihaan tanu batanganamio, sumata ahii imongikaya maindo siha asasangen iNingumeled.²²si Yesus mohodait amanga muritNa, nde wa’aho Ahu kumua behow naam maliang apenonowan-nubo asia pandungg ihamotahula kanen bo naam maliang kahi a mbatangan bo asia hahi pandung kamotahula pakên. ²³waaho lêbewenting darape kakanen bo batangan lêbewenting darape lantang.²⁴manga melepad koah ahi’i marut bo latang ahi’i manngawu bo alahem balêan sumata kahi binean kan i Ningumeled. Kêlê karêkang kamotahula lêbê a manga mêlepa i aho. ²⁵anepang ihomotahula nde a’ kaliangana karohangan sanga repa a’ndalan penonowan. ²⁶sahomotahula hi’i mahabaya itumulid sawa e niit kisit, nda deaho homotahula maliang mahi bêhamoali walina.²⁷kêlêmbisa mangabunggang bakung ê tahi’i mangêndong bo ahi’i mahayam sumata ahu homua behow Salomo a pahasa konunga’an lo’or a nesa manga bungang i oho. ²⁸sa’ oho ambedeng endo ini a bana bo sando bêtia a’suang baha kêlêaho bêlo’or, Ningumeled kêlêaho hahi kamotahula, hei tow ahi’i maheman.²⁹naam ndê mawasaru asia niao kanen ihamotahula be asia leku’un bo naam matapê natenu. ³⁰i oho pinangilah manga bangsa a mbaoitoba a tahi’i mahilala Ningumeled sumata amang Ngu mahalah awahem komotahula totu’u mabog io pahasa’i oho.³¹pangilahen kerajaanNa ndê pahasa boho irohang kahhi bê how. ³²matalo, komotahula sangawa’anan kisit ! Nde Amang ngu metenaan imêhêm behomotahula karajaan nioho.³³pahasa sawanu bo iyêhê tanu powalad tuliden manga sopoi e tahi’i dona mambali matua esa arta a sorga ahi’i mahawu, bo ahi’i dona susuten tahow bo hi’i dusahen i niwes. ³⁴bisana bepaan kasihaannu, biboho hahi epa’an inatênu.³⁵lubahannu mênêt bakesen bo sosoloanu mênêt melab. ³⁶pandung kamotahula mêkelê mangatow e manondo-nondo ituanga ê maleng a pinakawêngan, iboho, sa’ sia mahi bo tumekol ambonang tilaho binuhaan binang tanu sisia.³⁷io mangasosiu e konoamatan ituangga imahi-hiaha anoras sia mahi. Ahu kumua behomotahula : “totu’una sia hahi i makes i lubahan-na bo bewonge’em silatahula dumatuh kuman bo sia kahi imahi sumelewir besilatahula. ³⁸sa’ sia, mahi atutud imbêngi suma akora’nga inendo bo kinoamatan silatahula itumulid kelewa’aho, wa’aho mosononoi mio silatahula.³⁹imunenai : osa mahawale mahalah oras tahula tapenahow mahi, sia ahi’i hahi mawayai balena pouhayen. ⁴⁰kamotahula hahi sumadi-sadia ndê mBata’ i totumu mahi anoras ahi’i komotahula mohoitau.⁴¹i Petrus, “Tuhan, kamitahula’ re epanutu’un têka pangandêian waaho suma we apahasa tow ? ⁴²i Tuhan “ Yana sisei a tapahurus imbale ê moêman bo utê-utêhan ê mahi iatang sakum ituanga mainjo tapêreta. ⁴³sosiu ê kinaêrean ituangnga itumulid i tawoien-na waaho, asakum tuanga wa’aho mahi. ⁴⁴kumua behomotahula, ulitna tuanga wa’aho hahi mangatang Sia maindo mandor apahasa sawana.⁴⁵osa siu wa’aho tapia bo kumua asuang inatêna : Tuangku ahi’i mangahi osa sia molai mepa’tanggongan a mangasosiu tuama, bo mangasosiu wênê bo kuman luku’ ahad mapololango, ⁴⁶tuangnga wa’aho kahi mahi anendo etahi’i pinangande-ngandena, bo atêpo ahii kailahanna sia kahi pinate tinulid kotikana teka manga totumu e hi’i moêman.⁴⁷sosiu emahailah i kahabogen ituangnga sumata ahi’i imongikaya suma ahii imatulid asia e behabog ituangnga sia hahi tumirima tado’o tanggongan. ⁴⁸siseiangê ahi’i mahailah i kahabogên i tuangnga bo matulid asia musti pêangen tanggongan, sia hahi tumiriam kisit tanggongan êsasatow e bêsia tado’o ê bêhe, darapê’na hahi tado’o tuntutan, bo besisei sia tado’o bêhê-êman, darapena hahi lêbê tado’o hahi tinuntut.⁴⁹Ahu mahu tanu tumepa baha amba’o itoba bo ime’ema Ahu maharaw baha wa’aho e melala ! ⁵⁰musti tumirima baptisen, bo ime’ema kasusaan i nate’Hu, asakum wa’aho i melawu-lawus.⁵¹sumangka awahem Ahu mahi tanu meangai damê ambao i toba ? ahi’i huaHu behomotahul, ahi’i dame, sumata pesasaruan. ⁵²molai yai talêwê bana pesasaruan anêpang limatow asuang esawalê, telu lumawah indua, bo sua lumawah i telu. ⁵³hahi mesasaruan, amang lumawah bata’na tuama bo manga tuama ilumawah amangnga, inang lumawah bata’na bênê bo bata’ bênê lumawah inangnga. Êpo bene matua lumawah inêpona bêne bo epo bêne lumawah êpona bêne matua.⁵⁴ihumua hahi a totumu tado’o sa’ komotahula melilah kambur kumapêt andoro tianênd, tilaho komotahula kumua : mahi hahi teka, bo asakum waaho totu’u ihamoali. ⁵⁵sa’homotahula milah i kakab sumeput bibuli komotahula kumua : Endo mahim pas’io bo sakum wa’aho totu’u ihamoali. ⁵⁶mangatow kaliut, pa’el bao’itoba bo langit kilalan i homotahula, ndê’aho homotahula hi’i dona milah i zaman yai,⁵⁷nde’aho how hahi ahi’i têpu’un nu’mio esa etotu’u? ⁵⁸sa’how teka saru’nu moho sumaang i pamareta, dumameji medame teka sisia kaeto apatu’tudan dalan, saboho na’am kow kosêna a matepu’ bo matepu itarona how a mahowod bo mahowo i oho itumêpam ihow a’suang tutupan. ⁵⁹kumua behomotahula : sihow ahi’i hahi lumuai biboho, satalawe how imaer benangngu ahad imalekew.

¹Atepo i’aho mangoai be si Yesus mangatotumu meangoai koyow sakum mangatow i Galilea, bo daha’na sinauhan i Pilatus bo da’ha berahes e berahes ilatahula. ²Sowat i Yesus besilatahula : kuana mange manga tow i Galilea i’ai lebe wako pineseana darape’ sea pahasa tow Galelia balina, awahem silatahula ihuetam n’kur i aho? ³Ahi’i ! kua-Ku behamotajhula. Sumata sahele kamotahula hi’i mawedio, kamotahula pahasa motutus kelewaaho.⁴Suma kuanumange sangawulu bo walu tow, e nimate dunatungan i candi asusut i Siloam, lebe wako pinesbana darape pinesaan i managtotumu balina? Ê sumondo-sondo a Yerusalem? ⁵Ahi’i kua-Ku behomotahul. Sumata sahele kamotahula hi’i mawedis, kamotahula pahasa matutus kelewaaho.⁶Osa si Yesus kumua pangandean kelewai : Esatow mahasawa tud ara tenitumow ambedeng anggurna, osa sia moai tanu mangilah bua â tud ioho, sumata sia ahi’i mahaêrê. ⁷Osa sia kumua besilatahula mahatow imbedeng anggor iaho: Telu ngataunem ahu moai mapangilah bu’a itud ara iai bo siahu ahii mahaere. Tubangenem tud ini ! Nda tosawan sia menonow a toba iyai ahem bereguna.⁸Sowat itow iaho : Tuang, ilingomoho sia tumow itaun i yai. Siahu maindo mapacal itoba atumapirina osa mehe kohemel besia. ⁹Merotange ta’um sumailai sia mamua; tak satahii tubangenem sia !¹⁰Atepo si Yesus a masusui asuang i nesa bale i Ningumeled a nendo sabat. ¹¹Biboho bana esa bene sangawuluh bo walu ngataun dinasuh i tutuh ahad sia pahadosan ahadi meketud lihuna osa ahi’i matau tumod mauleng.¹²Anoras si Yesus melilah imbene iaho, sia tumiang i sia bo kuana besia: “Hei inang, mahadosnu i memaulengem” ¹³Osa sia mepak i kamaNa ambene iaho, osa anoras iaho tumodoai bene iaho, osa marayow i Ningumeled. ¹⁴Sumata kapala imbale ibadat mare’e awahem si Yesus mawamauleng itow a nendo sabat, osa sia kumua a manga totumu tadoo: “Bana enem gando iwatawoy. Kawalianiaho moayem anendo iaho osa iwamauleng bo naam a nendo i sabat.¹⁵Sumata si Tuhan sumowat i Sia, kuaNa : “Hei manga totumu munapik, awa ahii tebe i nesatow behomotahula lumepot isapi suma keledaina a nendo i sabat a kurungana bo peangena atampa palekuan? ¹⁶Awa ahii bene iai, e sangawulu bo walu ngataun sinogot a tutuh, dorona ilepatem a sinohotan iaho, nde sia makele wo Abraham?¹⁷Bo anoras Sia mohodait kelewai, pahasa kasaruNa maharasa monalia bo pahasa tow tado’o mekahi apa’an pahasa perkara monunga alam tinulidNa.¹⁸Si Yesus tuma’an, “Kelêasia sakum kaholanoan Ningumeled, bo kelêmbisa Ahu mêhe pangandeanna? ¹⁹Sia bewaangande batu’na i mostor, ê bêndo be beambur i tow ambondoi’, ba’tu na waaho tumow maindo tud bo mangamelêpad tumulid dumun a mangasisina.²⁰Bo sia kumua hahi : “kelembisa Ahu hahi mangande i kaholano’an Ningumêlêd, ²¹Sia bewangande kabo ê beindo i nesawêne bo iwosauhnga i topong terigu telu sukat ahad lohowena.²²Ahad’iaho Yesus lumapang kumêked sumuang lumai i hota bo manga desa iwahalas mapaturu bo lumawus i nêbe’an Na a Yerusalem. ²³Bo bana êsatow ihumua be Sia, “Tuhan kisit ange totumu ê iwelowid. ²⁴Sowaten i Yesus a mangatotumu biboho “Mongugatio tanu sumuang lumeot ibonang pêset wa’aho. Ndê ahu kumua behomotahula. Tado’o totumu hahi mebendu tanu sumuang, sumata ahi’i hahi ere.²⁵Sa’ mahawale itumod bo tumakew bonang komotahula hahi itumod aluar bo maêkonêkol inbonang osa kumua : Tuang, buha’anai bonang kamitahula bo Sia hahi sumowat kumua besilatahula, Ahu ahi’i mahailah bisana homotahula mahi. ²⁶Wa’aho komotahula kumua : kamitahula ihuman bo lu’ku bêwakarua-Nu, bo si How i maturu mangaralan kota hamitahula. ²⁷Sumata Sia hahi kumua behomotahula : Ahu ahi’i mahailah bisana homotahula mahi, lumuai andiorKu, hei komotahula pahasa i matulid a katapia’an.²⁸Biboho hahi kaêrêan kaê bo papongigonen, osa homotahula hahi i milah si Abraham, bo si Isak bo si Yakob pahasa nabi asuang i kaholanoan Ningumeled, sumata komotahula mangê bêtêpa a luar. ²⁹Mangatow hahi mangahi a timor a warat bo a utara a selatan osa silatahula hahi dumatuh kuman asuang kaholano’an Ningumêlêd. ³⁰Bo totu’u bana totumu e kahadon e hahi imaindo totumu e bêhamuna bo bana totumu e bêhamuna e hahi maindo totumu a kahadan.³¹Anoras wa’aho imangahi tatahula totumu Farisi bo kumua bêsi Yesus : “mohonem, naam eto atampa wai, ndê pahawon Herodes mati how, ³²Sinowatan Yesus bêsilatahula : mohonem osa ihumangê a serigala waaho : SiAhu mahêlêi sêtang bo mapawa mauleng totumu, anendo inia bo sando bo anendo kateluna si Ahu hahi iharawot. ³³Sumata endo inia bo sando bo kandoan Ahu lumawus inebê’anKu, ndê ahii mauleng esatow nabi pinatê osa ahi’i a Yerusalem.³⁴Yerusalem, Yerusalem, sihow e nimamatê manganabi, bo imapanu imbatu a manga totumu e bewasiu behomotahula! Mêbale-walêng Ahu mahatenêm sumesên mangatotumunu, pekêlê’an nimangaikoko isumesen i mangabata’na asuangi kalêkêbna, sumata komotahula tia’kem. ³⁵Ulitna balênu wai belingom bo lia’i. Sumata Ahu kumua bêhow : komotahula alam milah i Ahu ahad a têpo komotahula kumua : Bewaberkati Sia e mahi a asuang ingalan Tuhan !

¹A’ nendo i Sabat Yesus moai a mbale’ i nesa Pahalasan i manga tow Farisi i human biboho. Pasaha i molulutai modawa-dawat i Sia mauleng suma ta’pia. ²I mahi esa tow pahadosan a’e’ bo kama i morolembutem tumotod a sasaangeNa. ³Kua i Yesus a manga beutehan a torot bo manga tow Farisi, kua- Na : “Bo do’na pemaulengan tow a endo i Sabat suma ahii?⁴Pahasa bati metetewio. Osa takaa-Na kama tow pahadosan osa iwamauleNga osa iwasiuNa sia mohonem. ⁵BehuaNa a manga tow : Si sei behomotahula ahii iluai batana suma sapina behasuang a’ pariri, mande a nendo sabat ? ⁶Silatahula ahii baranei lumawah i Sia.⁷Apa’an Yesus milah, awahem manga sahei mongika dumatuh a tampa pasirian, behuaNa ajaraniai besi latahula. ⁸Sahow beundang a pesta pakawēngan, nai dēhow dumatuh a tampa pasirian, ndesa silatahula imundangem esatow lebe pasirian ndesihow. ⁹Saniboho sia, imundangm ihomotahula, naam moai osa kumua behow : lehe tampa iai besia. Awahem kaw monokia nde moho dumatuh atampa behen (ambawa).¹⁰Sumata sarehow beundang, moho dumatuh atampa behen (ambawa). Mane’ mahawale moai kumua behow : karua ayom dumatuh atampa mauleng. Asakumiboho Sihow tumirima siri’ a sasa’angan i pahasa tamu balina. ¹¹Awahem pahasa tow matatang imbatangan sisia ambawa bo sisei kênêng batangan, sisia ipa’ amatatang.¹²Behua i Yesus a tow mawalu i Sia : “Sarehow tuulid pesahei’an endo suma pesaheian bengi, na de how mawalu (mawenot) manga karuanu bo manga sanganah suma sanga waleanu bo manga katainu siha’, apa-apaan silatahula mêbawalasan osa mawalu (mawenot) i how, osahow mahaere suli’ (balas).¹³Sumata sarehow tumulid pesaheian, mawalu (mawenot) manga tow lengei, tow da’i bo tow ahii halapang, keleaho tow ahi’i melilah. ¹⁴Asakumeniaho sihow ênow, nde silatahula alahemoho nawa’awa iwalasna behow. Osa how mahaere balas (suli’) a nendo kinatowan i manga tow mauleng.¹⁵Tumanga i kodait i aho a nesa manga sahei kumua besi Yesus : “Mosononoi tow sinahei a Kerajaan Allah. ¹⁶Sumata kua i Yesus besia: Bana esa tow tumilid pesaheian bako osa sia mawalu (mawenot) tadoo tow. ¹⁷Pamuna’an pesaheian iwalai, behuana asosiuna ihuamange a manga pinamenot : ayom nde pahasa sinadiam.¹⁸Sumata pahasa silatahula kumua ahu mahiapung. Apahamunan kumua besia : siahu itumeleswe bondoi osa mohowe pilahen, pangeleyeku apunganange ahu. ¹⁹Balina kumua siahu itumeleswē lima par sapi kabiri nde musti moho êpe’an, pangeleyeku apunganange ahu. ²⁰Balina kumua siahu ihumaroape mio kalianemoho ahi’i ahu matau moai.²¹Malengai sosiuna osa behuana pahasa a tuang. Osa moboro tuanga behuana a sosiuna : mapatiro moho a pahasa dalan bo dalan a kota peangenoai manga tow lengēi bo manga tow da’i, tow ahi’i melilah bo manga tow ahi’i halapang. ²²Sosiu lumapor : tuang asia pinereta i tuang belapaikum, sumata banawe tampa.²³Behua i tuang a sosiuna : moho andalan bako bo têmbêram osa lesē’ēn manga tow biboho sumuang, nde balēhu hi’i toro satahi’i pulingen. ²⁴Apa’an ihuaHu behow: Hi’i rona esa tow a’manga tow ê wa’i bēnot kuman pakanen pesahēianku.²⁵Asakumeniaho tado’o totumu lululutenange lumas si Yesus a’ ndalaNa. Osa pilaheNa silatahula kuaNa : ²⁶Sa’esa tow moai bea Hu ahi’i sia mare’e si wapana, si mamana, karoanga, bo manga bata’na, pogna tuama suma bene’, bo kanaluna mio, ahi’i sia mamoali muritKu. ²⁷Sisei ahi’i mabog maluha i salibna bo lumas si Tuhan, ahi’i sia mamoali murit-Ku.²⁸Sisei asakumen i homotahula sa’tumod esa menata ahi’i dumatu’pē osa tumulid bo tumēbē imbaēra ndesa ahii doro doit mawalawug tawoieniaho? ²⁹Saniboho sabepa’nam daleh sa’ahi’i halawus, osa pahasa tow milah monero’ i sia, ³⁰Kuanilatahula : tinodemilatahula, sumata ahii ihalawus.³¹Osa, kolano sisei moho mapêpang lumawah kolano balina ahi’i dumatuhpe osa tumimbang, kēlēmbosa sangawuluribu tow do’na lumawah duangawuluribu tow ? ³²Sa’ahii, kumirim sosiu, asakumen kasēhēd dekape’ osa tumaan pangebean kosononoian. ³³Keleaboho esa-esa tow asakumen i homotahula, ahi’i mabog lumepot pahasa sawana, ahii rona mamoali muridku.³⁴Asin totu’u mauleng, sumata saaho nasin metawar, kelembisa do’nawe mo’asin? ³⁵Alanemoho mbaera mauleng ambondoi keleaboho pupuk, betia’na mange moho. Sisei bana talinga tumanga, sarorona tangaannange.

¹Manga tow matagi belasting bo mangatow kaoroan mahi besi Yesus tanu tumanga be Sia. ²Kawalian momuno’-munod mangatow Parisi bo mangatow bēutehan a torat, kuana : “Sia tumirima mangatow mahaoro bo kuman wakaru-harua i yatahula.³Kawalian Sia kumua pangandean yai bēsi yatahula : ⁴Sisea a nepang kamotahula e mbana matus domba, osa sia katala’an esa domba a’ nepanga, ahi’i mepa’io esiow ngawulu bo siow a’tana kauha’an bo moho mangilah e mbehaureng i oho ahad i kaērēana? ⁵Bo sa kinaērēanam i pa’na ambao paluhana karua kahi.⁶Bo hoamatoho sia ambalē sia maniang mangaharua bo manga kataina kuana besilatahula : mekahi wakaru-haruahu apa’an dombahu e mbehatahula kinaērēakum. ⁷Siahu kumua bēhomotahula : kēlēaho hahi bako kahahi’in a Sorga apa’an esa tow e matobat, lumēbē-lēbē kahahi’in apa’an siow ngawulu bo siow totumu mauleng bo anhi’i sama kaoroan.⁸Suma bene sisei mbana doit sangawulu, bo sa’sia katala’an esa a’nepanga hi’i tumutu sosoloan bo mangakas ambale osa pangilahena bo silihina ahad kaereana. ⁹Bo sa kinaereana sia maniang mangakaruana bo mangakataina osa kumua: mekahi medoro-roro bo siahu apa’an doitku e mbehatala kinaērēanku. ¹⁰Ihuahu behomotahula : kēlēwaaho hahi bana kahahi’in a malaikat-malaikat Ningumeled apa’an esa tow kaoroan e matobat.¹¹Yesus kumua hahi: “Bana tow mahawata’ dua kedong tuama. ¹²Kua kedong kahadan bēsiwapana : Pa’ iyehenemai beahu bētēng arta sawa i hita e tanu betengku. Osa siwapana mebeteng ka’aya’ana be silatahula.¹³Tatahulla nendo oho kedong kahadan jumual pahasa betenga oho osa moho a’ ndo’ong dekang. Bibuli sia maroyal arta betenga oho karua menonow manayo-nayow. ¹⁴Oras doitna inahawum pahasa, lumembo seseped kalêoan a’suang ndo’ong oho bo sia makelam lengey.¹⁵Osa sia moho bo matawoi a patuangen a ndo’ong oho. Tow oho masiu sia ambondoi tanu mahiaha tieina (biagen). ¹⁶Osa sia mabog kuman tubas pakanen itiei, sumata ahem sisei ange mehe kan besia.¹⁷Osa sia makelam ke’ada’anna kuana: ime’em katado’oan tow pawaeran i wapahu melebe-lebes (melipa-lipa) pakanen, sumata siahu biai matem kaleoan. ¹⁸Siahu mahahelamem moho besi wapahu bo kumua besia: Pa’ siahu mahaorow sa’ang Sorga bo besi wapa. ¹⁹Siahu hi’i mekele patoton bata i wapa’, tuliden ahu kele tow pahaeran iwapa.²⁰Osa sia tumod bo moho besiwapana. Anoras sia a’ ndekape, si wapana imalahem isia, osa atena haeye apa’an beles. Siwapana malolah tumirima i sia, tahua’na bo tumimu’ i sia. ²¹Kua batana besia : Pa siahu mahaorow sa’ang sorga bo besi wapa, siahu hi’i mekele patoton bata i wapo.²²Sumata siwapana kumua a mangasosiuna : Titoan pêangen noai juba’ a’ mauleng i wake besia bo suangan sising a’ tunduna bo sapatu a’ naena. ²³Bo minjo kedong sapi kemel, bēlusa sia bo ayom kita kuman karua kahi. ²⁴Apa’an bata’ku yai i matēm sa’ta malengem tumou, Sia behatalam sa’ta malengem moai. Osa silatahula mekahi-hahi.²⁵Sumata bata’na matua a mbedeng bo a noras sia maleng susutem imbale, sia tumanga enu’ poloit bo katar mala’sih-la’sih (masaē-saē). ²⁶Osa sia tumiang esa tow sosiuna osa tuma’an besia, asia artina pahasa oho. ²⁷Sowaten i sosiuna : Tualinu malengem moai bo siwapanu lumusa kedong sapi kemel, apa’an sia tumirima maleng karua mauleng.²⁸Kawalian kedong matua oho moborog bo ahi’i sia mabog sumuang. Osa siwapana lumuai bo numu bēsia. ²⁹Sumata sia kumua bēsi wapana, kuana: Kēlēm kaeto’an ahu maselewir siwapa bo ahi’i ahu mahasa lumawah perēnta wapa, sumata si wapa awē mahasa mēhē esa kēdonga bembe osa makahi-hahi bo manga haruahu. ³⁰Sumata awē kapui mahi ba’ta iwa’pa e maroya-royal arta kasiha’an wapa wakaru-harua teka bēnē sundal, yanasa si wapa imalusan kedong sapi kemel tanu sisia.³¹Kua wapana bēsia : ba’ta ku sihow salalu wakaru-haruahu, bo pahasa sawa i’wapa mekēlēwo sawanu. ³²Lo’oren hita mekahi bo mekahi-hahi apa’an tualinu i’matem sata’ malengem i’ tumou, sia bēhatalam bo malēngem kinaērēan.

¹Kuani Yesus a manga murid Na: Bana tou siha’, sisia mahurus indoit bo pahasa kapunyaana. Aho tou siha’ mahaērē laporan awahem kapunyaana bati’ bewaroyal aho mahurus indoit. ²Tinianga aho mahurus indoid osa kuana : Asia tinanga’ku behoaw. Iehemoi pahasa tawoiyenu. Molai wai, alanemoho hou matawoi beahu.³Pikirana, asiawe’ patowoyeiku nde ahu belepotem i mahatoriahu. ahi’i ahu mahaelei mapacol. Mono’kia’ kahi ahu sa bati’ mapangelei. ⁴Pikireiku, sa ahu betia’am maharusiahu, mohonemahu wakarua am bale i latahula.⁵Tiangen aho mahurus indoit pahasa tou em bana benang. Kumua sia a touesa : Tahula benangu a mahurusiahu ? ⁶Mangatus tampayang solo zaitun. Kuan aho mahurus indoit : wa’ie surat benangu. Dumatuh sa iwatih : lima ngawulu’ tampayang. ⁷Kumua sia a tou karuana : Tahula benangu ? Kuana : sari’bu karong gandum. Kuai aho mangurus indoit : Wa’ie surat benangu, iwatih walu ngawulu’ iwaluha.⁸Aho pahalasen mahurus indoit ahi’i wu’tul muji kawandeian manga pegawaina, nde manga tou pandei mahurus tawoien , dalana matutul maheman be Sia. ⁹Kuani Yesus kahi, tanga’an : paken kasiha’anu ambawoito’ba mahaērē karua, nde kasiha’an ambawoito’ba alanemoho berguna; kamotahula mahaērē penonowan lenas.¹⁰Totumu’ papercayan asakomi ki’ding, ahi’i papercarcayan asakom bako. Sumata’ tou ahi’i papercayan asakom ki’ding, ahi’i hahi papercayan asakom bako’. ¹¹Awahem, sa kasiha’an ambowoito’ba alam papercayan, sisei mercaya kasiha’an kanalu ? ¹²Sa kapunya’an to balina, behamotahula ahi’i emanen, sisei ma’bo mēhē wēhow sa ahi’i sawanu?¹³Ahemoho totumu matawoi an dua pahalasen, totu’u hemoho totumu’ bati’ mahales a nesa pahalesan. Kēlēwaoho hahi kita ahi’i ro’na matawoi tanu besi Ningumeled bo kasiaha’an imbawoito’ba.¹⁴Pahasa i’ boho tinanga’an tou Parisi . Manga tou Parisi bewake’ke i latahula nde kalahan i latahula ahi’i bu’tul, pinasēro-sēro ange. ¹⁵Osa Sia kumua besilatahula : Kamotahula mawaturu’ i nu’gatnu , sumata’ kalahanio’i Ningumeled natēnu. Asia kahelaman i tou matatang , ki’ding a Ningumeled.¹⁶Hukum torat bo kitab manga na’bi mamuali a talēwē’ aha’dai Yohanes. A tepo i boho kolanoan Ningumeled behua a pahaa tou , sumata pahasa tou mekandet sumuang. ¹⁷Le’be gampang langit bo to’ba hatala, nde nesa behua i hukum torat hatala.¹⁸Pahasa tou mawatare’ karoanga osa sumanga se’bu bo bene balina; mape’detuh sia, bo sisei i humawēng im bene betarē’ i karoanga, tape’detuh sia.¹⁹Bana tou siha’ salalu malatang ga’ga . Susu’inendo mawaturu’ kasiha’ana. ²⁰Bana aho tou lengei ngalana Lazarus, batangana mulingem i kuwes, mēlēlēt am bonang im bale i tou siha’. ²¹Kuman sia bati’ mapulut kan wakatia’ a meya i tou siha’ . Manga balēd mahi ma sēmēt kuwes i Lazarus.²²Ao tou lengei mate osa pe’angen malaekat moho dumatuh sa tahuwen Abraham. ²³23 Aho tou siha’ matē osa ku’buren. A ku’bur siksa mio’ sia, maponarah ambao mapilahi Lazarus tahutahuwen Abraham.²⁴Sa sia tumērēwah : Abraham tulungenai ahu. Iwasiumoho si Lazarus mepa’ tundu’na a nahe osa iepa’ am ba’bahu nde pelanemio’ ba’bahu bo maha’dosio’ kawali angem baha.²⁵Ta’ kuani Abraham: Ke’dong, imunen, awahem kau tumirima i pahasa kalooran penonowan, se’dang Lazarus tumirima i pahasa besae. Yaitalēwē’ sia mahaērė pangi’boran , sa sihou mahaêrê kasiksaan. ²⁶Anepang kamondua ngumanga’nga mange kitob a tahi’i kaleoton.²⁷Kuana, sa helewaoho, pangeleieiku iwasiu sia moai am bale i matuahu, ²⁸lima we’ po’ko , maleng iwawaimun a manga po’kuahi’i kumelam kasiksaan.²⁹Sumata’ kuani Abraham : Behua i Musa bo manga nabi, tanga’an i latahula angem behua. ³⁰Sowat tou i’boho : Ahi’i, Bapa Abraham, sa bana moai a nepang a tou i matem besilatahula, mato’bat silatahula. ³¹Kuani Abraham be sia : Sa silatahula ahi’i matanga’ asia mbehua i Musa bo manga na’bi , ahi’i ma’bo silatahula mapercaya mande esa tou tumou a nepang i latahula.

¹Yesus kumua a murid-muridna : ahii re bana mapawa’ureng sumata masilaka mio totumu e pinatulid’na. ²Awahem lêbê mauleng sa esa batu gilingan bewatês alehêna, bo sia bêwasot a saloyon, apaan mapawaureng esa a manga totumu akahawahem i’ai.³Iyahanio batangan nu, sa ponguitumawoi sêa perowên sia, bo sa sia manêsêi apungan sia. ⁴Sa sia matulid i sêa behow mahawitu sangando bo mahawitu kahi sia mebeleng behow bo kumua siahu manêsêi sihow imapung isia.⁵Osa kua i mangarasul be si Tuhan: dohanganio kawahêman kamitahula. ⁶Sowat i Tuhan : sa wana êman homotahula kelekakoan batu na imostor ange komotahula dona kumua akayu iyai ihaubut osa hawayu a saloyon, bo sia kumiit be how.”⁷Si sêi atutud i homotahula ê bana esa tow be wasiu mapajeko suma manga tupomiag mahi yahan i mbiagen bes sia, kumua ambewasiu i oho sa sia malêng ambondoi : ayom ia italêwê kumanem. ⁸Bo ahii isaliku na sia hhai ambewasiu ioho : sadianêm kaneiku sogotênêm lubahanu bo sumêlêwirêm ai ahu aha malêkew ihuman bo iluku’um, bo halêotoho ioho donamhow kuman bo luku.⁹Bo sia itumirima bêlês ambêwasiu ioho apa’an sosiu ioho itumulidêm asia niaho bewasiu besia? ¹⁰Kêlê aho hahi komotahula sa homotahula itumulidêm apahasa ioho bewasiu bêhow, maindo komotahula kumua : kamitahula iwapsaiu ahêm moho bêrêguna kamitahula bati i itumulid asia dona tuliden.¹¹Ambelapangana a Yerusalem Yêsus lumas pasuwuan i Samaria bo Galilêa. ¹²Atepo sia sumuang andoong sia. Silatahula sumondo io i tumod andêkang. ¹³Bo tumêrêwa : Yesus, guru, ihalêsai kamitahula.¹⁴Sasia mamilah silatahula bo kumua : mohonem iwawawilah mbatangan nu a imam-imam, atepo silatahula atutud indalan silatahula mamoali mêmaulêng. ¹⁵Esa totumu be silatahula atêpo milah awahêm sia maulêngêm, imaleng osa monunga Ningumêlêd karua enu moarit. ¹⁶Sa humuru asasa angên anae i Yesus bo dumayow beSia totumu ioho awahêm tow isamaria.¹⁷Sa si Yesus kumua : na’kure kasangawulu tow tadi pahasa imamoali maulêng? Nda wisana nyaho siow tow ioho? ¹⁸Ahii bana nde atutud ihomotahula imebaleng tanu marayow Ningumêlêd apaan ioho tow asing iai? ¹⁹Sa sia kumua a totumu ioho, “tumoiloho bo mohonêm emannu imawalowid ihow.²⁰Atinaanan manga totumu i Parisi, sa pakolanoan Ningumêlêd iaho mahi Yesus sumowat kuanare pakolanoan Ningumêlêd mahi ahêm tanda-tanda batangan. ²¹Nde totumu hii rona mapakua pilahên sia bana bêai suma bana sia i buli ! De totuumia pakolanoan Ningumêlêd a tutu’d ihomotahula”²²Sia kumua a muri-muritNa mahi tepona komotahula mabog milah anendo bata itotumu ioho bo komotahula ahii pinelilanga. ²³Bo totumu kahi kumua bêhow : pilahen sia biboho pilahên sia bana be ai naam komotahula mohobiboho naam komotahula lumas. ²⁴Mekelê-kelê kilat mawatêrang atepo’h i langit kêlê hahi ioho bata itotumu andedo ahiana.²⁵Sata sia tumanggong tadoo pakêlamêna atalêwê bo betulu’d i angkatan iai. ²⁶Imekele behamoali a zaman i Nuh kele aho hahi anêndo-nêdo bata itotumu. ²⁷Silatahula kuman bo luku, sila tahula kumawêng bo mapawahaweng aha’d anêndo i Nuh asuang bolutu, osa mahi nahe ndupuk imawawotutus silatahula pahasa.²⁸Kêlê hahi oho imamoali a zaman la silatahula kuman bo luku, kamotahula matêlês bo majual, komotahula mamyu bo momangun. ²⁹Sata anendo Lot lumuai a Sodom ilumolos têka baha bo têka belêreang alangit bo imawawatutus silatahula pahasa.³⁰Kele hahi iboho anêndo bisana bata itotumu bewawaturuum ambatanga. ³¹Siseiange anêndo ioho samantara akakapan ambao imbale bo manga-gogaidan bana asuang imbale naam sia lumolos tanu panginjona kele aho hahi totumu samantara ambondai, naam sia sumombai.³²Imunenange karoang iLot. ³³Siseiyange dumameji mahiaha i nasengnga sia hahi katala’an i naseng, bo siseiange katalan nasenganga sia hahi iwawalowidna.³⁴Ahu kumua bêhow : ambengi ai bana dua totumu ambao esa pahooan, enesa hahi peangen bo balina bepanamio. ³⁵Bana dua totumu bênê medoro-doro mahiling esa totumu kahi pineang bo balina bêpaiyo. ³⁶Sa wana dua totumu ambodoi, ê nesa totumu piriêang balina hahi bêpaiyo. ³⁷belum diterjemahkan³⁷Kuana be si Yesus bisana si Tuhan? “kuaNa be silatahula bisana bana totumuh imate boho dumun i melepa nasar.

¹Kuan Ningumêlêd, bana pangandean bēsi latahula awahem sama sobayang na’am nde sumu’u su’ud. ²Kuan-Na : A suangikota bana Hakim ahi’i matola a Ningumeled bo, ahi’i masiri’ i kahēle tou.³Bo, a kota aho bana mbene balu me balē waleng bēsi Hakim saro-ro’na perkara na bē to’gas. “Tulunganai yahu suma’ang ka suruhu, kuani balu i oho. ⁴Anendo i meleo-leolem itulu’ i hakim. Sumata’ a suang inatena “ Mandewe ahu hi’i matalo a Ningumeled, bo ahi’i masir’ esa bo esa. ⁵Sumata’ balu iya’i mawa susah mio iahu, lēbē baē ahu mawamu’tul i sia.⁶Kuan Ningumeled : “Atu atuhen asiia mbehua hakim ta’pia. ⁷Ahi’i re Ningumeled mewu’tuli mangatou sinisir-Na tumerewa endo wo wengi be Sia ? Awasia me sau-sau a talewē osa tumulung bēsi latahula ? ⁸Kuai ku behow : Sia tilaho mewu’tuli hamutahula. Sumata’, sa Bata’i totumu’ moai, do’nahem Sia mahaēre eman am bao to’ba ?⁹A mangatou mahahelam wandey bo milah bēhēn tou walina, kuan ni Yesus a pangandean iyai. ¹⁰Bana tua tou am Bait Ningumeled osa sumombayang : Esa tou Farisi bo walina mawata’gi blasteng.¹¹Tou Farisi tumod, osa sumombayang a natena helewai : wa’i ahu kumua makase be Sia, ndeahu hi’i taouwalina, soro’do, ta’pia ahi’i tapedetuh bo hi’i mekēlē wo ange tapena’gi imblasting. ¹²Susud i minggu maharua ahu maharua ahu mapulasa, mahēhē sepersepuluh a pakaereiaku.¹³Sumata’ wa’aho mawata’gi im blasting tumotod andekangio, ahi’i sia waraney manga’al a langit, sa sia mamel im batangana sa kumua : oh Ningumeled, belesanoai yahu tou sea. ¹⁴IhuaHu behow : Wa’i totumu’ maleng am balena tanu tou matutul a Ningumeled, nde to balina ahi’i moho bu’tul. Awahem, sisei mapawa tatang i batangan i wawa’Na, bo sisei ma wawa’ im batangan iwawa tatang Nga.¹⁵Mangoai pahasa tou ma me’ang manga ke’dong kisit besi Yesus, osa taka’ana silatahula. Pinilah i manga muridNa osa mo’boro’ a manga tou bi’boho. ¹⁶Sumata’ tiniang i Yesus silatahula sa kuanNa : Iwaiaiyoho manga ke’dong moai beaHu bo na’am aparen silatahula, nde silatahula e na kolanoan Ningumeled. ¹⁷Kuai Ku behow : Kauliutan sisei sumahei Kolanoan Ningumeled kele ke’dong kisit, ahi’i sia sumuang a suanga.¹⁸Bana turu i Yahudi tu maan basi Yesus, “tuang guru mauleng, asia tulideku satoro’na menonow teku ? ¹⁹Nde aho ahu kuana mauleng ? Kuan ni Yesus besia. Ahem moho mauleng kele Ningumeled. ²⁰Kalahanum asia perêta-perêta i Ningumeled : Na’am mapedetuh, Na’am maptêh, Na’am mapanahow, Na’am matowo, bo hormaten si wapa’ bo si mama nu. ²¹Pahasa pereta kini’i tanem a mudawe kuan ni tow oho.²²Tumanga’ oho, kuan ni Yesus, banawe tulide’nu : gu’unenu pahasa sawa nu osa iehe ndoit nu a tow lengei, mahaere how kaaya’an a sorga. Aha’demioho, moai osa lumas be Ahu. ²³Sata’ tepo totumu’ ioho tumanga, imetape nde sia kaya mio.²⁴Kalahan ni Yesus sa totuu’ ioho matape mio nate na, wa’aho kawalian kuan Na; susah mio touw siha mamuali nanggota i surga. ²⁵Lebe gampang unta sumuang âmbos o indaraham nde touw siha’ sumuang nga sorga.²⁶Silatahula kumua sisei i mangata’an kumua : saheleura’aho sisei onas do’na di selamatkan? ²⁷Kuan ni Yesus : “Ahi’i katuliden i totumud, katuli’dan Ningumeled.²⁸kuani Petrus : “Pilahem pahasa ka punyaanihita bepa’amio osa kumasi Amang. ²⁹“maheman” kuan ni Yesus. “tou mepa’ io balena, bo karoanga, bo manga wog’na si Amang, iang, mangahedong nde sumelewir a Ningumeled. ³⁰Tou i oho balasena tumirima tado’o mio atinepi anendo mahahad, Sia tumirima kaeto-kaeto penonowan.³¹Si Yesus tumiang kasangawulu borua i marid Na, osa kuana, “tangaah! Mayom kita iya’i talewe moho a Yerusalem. Bibuli’, pahasa bewatihem i manganabi asakum asia a mamuali am bata’i Ningumeled. ³²Nde Sia iehe a mangatouw yangahi’i mahahilala i Ningumeled, pasero-pasero. Diroros, bo ihumelad be Sia. ³³Silatahula kumuleng, osa matei Sia, sumata’, tumod Sia anendo ka teluna.³⁴Pahasa oho hi’i kinototouan, i manga murid-murid i Yesus arti i kodai’Na beruru besi latahula. Silatahula hi’i mahata’u asia i wapakuaNa³⁵Oras si Yesus alakapui a Yerikho bana tou li’i mapilah dumaturatuh a sili’ i kakas bo mapangelei. ³⁶36 Oras tou ioho tumanga tado’o totumu lumeot, tuma’an sia “Asia ni’oho” ³⁷37 Kuan mangatou bêsia, Yesus touw i Nazaret lumeot.³⁸Osa sia tumerewa’ : “Yesus bata’ i Daud, tulunganoai yahu” ³⁹Osa silatahula a pahamunan, numu’ besia metewaho. Ni’it tumerewa: “bata’ i Daud tulunganoai yahu”⁴⁰Osa si Yesus sumondo’ bo sumiu, peangenai bea HU. Atepo aho bi’bohom Sia, osa ta’anan ni Yesus. ⁴¹Asia ne kala’bogena sa’boho tulidei Ku be louw? Kuani tou oiho : Ngeled touw; bohoahu do’na melilah.⁴²Kuani Yesus besia : “meli’lahem kou. Imanmu bewawalowi’dem kou? ⁴³Atepoioho sia melilah, osa, lumas be Sia, osa dumayou i Ningumeled pahasa tou i’milah dumayow a Ningumeled.

¹Yesus sumuang a kota Yerikho bo lumapang menerunerus lumeot a kota. ²Biboho bana esa tow ngalana Zakheus, pahalasan tapasa’aw i mbelastin, bo sia tow siha.³Sia dumameji milah sa totu’u si Yesus, ahi’i hem belilanga nde tado’o totumu, nde batangana lopēng. ⁴Osa sia malolah mamuna a tado’o totumu, osa sia kumapet a kayu ara nde milah si Yesus, lumēot biboho.⁵Ihoamatoho si Yesus a’tampa wiboho, pilahe-Na moho ambao behuana: “Zakheus, tiroan lumolos, endoinia Aku (Yesus) mawit a mbalenu. ⁶Zakheus tilahom ilumolos nde sia tumirima si Yesus karua i kahi. ⁷Sumata’ tado’o tutumu i milah osa suusuutenangē, kuanilatahula : si-sia (Yesus) i mawit a mbalē tow mawuliwuling i sēa.⁸Si Zakheus tilahom itumod kuana be si Tuhan i “Tuhan, iwarua a mbetê ku i ēhēhu a manga tow lengēy bo’ pineras sa bana benjohumai besilatahula male’ku iwaleng mahapat kinowi. ⁹Behua i Yesus besia: “lai talēwē mamoali kalowidan a mbalē iai, apa apaan tow iai bata’ i Abraham. ¹⁰Apa’an bata’ i Ngêlêd tow i mahi mangalah bo mawalosid imbēhatala.¹¹Maindo silatahula imahata’an i sia biboho, Yesus tumerus i kodaitNa a nesa pangandēan, nde sia susutem a Yerusalem bo kuanilatahula, awahem Kerajaan Allah tilahonem kaeilahan. ¹²Awahem behuaNa : Bana esa tow bako imatang a’nesa doong dēkang tanu’ di nobatkan mamoali daja biboho, asakumeniaho imebalengoai.¹³Osa sia mamang sangawulu tow nata’ sa bēana sangawulu mina bēsilatahula, kuana : Pakēnangē madagang ahad ahu malēngoai. ¹⁴Sumata manga tow sebangsanya mare’e i sia, osa silatahula ihumirim sosiu lumas isia osa kumua : kamitahula ahi’i mabog sia mamoali daja bēhamitahula. ¹⁵Bo imamoali, anoras sia imalēngemai, asakum sia dinobatkan mamoali daja, bēwasiuna maniang manga sosiuna, pinamēan doit, osa pongitauna tahula kautungan i latahula.¹⁶Tow pahamunan imoai ihumua : Tuang, mina i tuang esa banam kautungan sangawulu mina. ¹⁷Bēhuana bēsia : maulengio tatawoinu, hai natana’ maulengio kau nde makiit a’ perkara kiding, kalianemoho tirimanange kawasa a sangawulu mina.¹⁸Mangahi kadua behuana : Tuang, mina ituang banan kautungan lima mina. ¹⁹Kuana bēsia : kawasanu lima kota.²⁰Sosiu kateluna emoai osa bēhuana: Tuang, wai mina ituang, bepa’ku mangē a suangi leso. ²¹Awahemahu matalo si tuang, apa-apa’an situang tow keteh’ : tuang minjo asia ahi’i bēpa’ ituang osasituang maniwa asia ahi’i bewamarut i tuang.²²Kuana a tow i aho’ : Hei nata ta’pia, hakimeku how asia niaho kodaitnu. Nde kalahanumahu totumu ketēh, osa minjo asia ahi’i bepa’ku bo maniwu ahi’i bewamarutku. ²³Sahēlē aho, ndēaho doitku ahi’i bēhēnu a tow mawalapang i ndoit ? Sahu malēngem moai do’nam injoku rēntēna.²⁴Osa bēhuana a manga tow tumotod i boho : injonoho niaho mina esa bēsia osa iyēhē a tow sangawulu mina. ²⁵Bēhua ilatahula bēsia : Tuang si sia imahērēm sangawulu mina.²⁶Sinowatna : ihua-Hu bēhootahula : sisēi tow imahaerem, sisia malēng bēan, sumata’ sisēi alahemoho, awahem besia maleng injom, kēlēaboho asia mbēsia. ²⁷Sumata pahasa kasaruhu, ahi’i mabog ahu mamoali dajana, peangenoai silatahula biai’ osa patēn si latahula a sasa’angen imbeleku.²⁸Bo aha’dem bēhuana pahasa iaho Yesus mamunam bēsilatahula ndē lumawus moho a Yerusalem.²⁹Anoras sia susutem a Betfage bo Betania, a ndungusan ngalana Bukit Zaitu, Yeus masiu dua tow atahNa. ³⁰Bo bēhoyowna : “moho kamotahula a ndo’ong a’ sasaangenu : A noras kamotahula sumuang biboho, kamotahula mahaērē esa keledai (kawayo) mudawē bakewakesem, awi mahasa sinakēan itow. ³¹Sawana tou tumaan bēhow : Ndē aho ilepot i homotahula ? Sowaten kēlēwai : Tuhan.³²Imangohom silatahula ahombēwasiu, asianiaho behua besilatahula kelenio waho behua i Yesus. ³³Asakum silatahula lumepotiaho keledai, kuandeiaho mahasawa kêlêdai : Ndeaho ilepot ihamotahula niaho keledai ? ³⁴Bēhua ilatahula : Pakēn i Tuhan ndē perlu. ³⁵Osa pēangenoho ilatahula Kedonga i kêlêdai besi Yesus, osa bēalasan manga latang ilatahula, osa tinaka si Yesus ihapēt ambao i keledai. ³⁶A samantara Yesus sumake-sakē a kêlêdai manga tow biboho mangalas latang ilatahula a ndalan.³⁷Asakumen sia (Yesus) susutem a’ Yerusalem, a ndalan lumolos a Bukit Zaitun, pahasa tow bo atahNa mahalas bēsia (Yesus) mekahi hahi osa maroyow Ningumeled bo enu’ moanid apa-apaan pahasa mujisat belahem ilatahula. ³⁸Bua ilatahula : “Paberkatinange Sia i moai keleitu Raja a ngalan i Tuhan, mosononoi enow a Sorga bo lo’or a tampa a matatang”.³⁹Mangawana tow Farisi mahalas a tow tado’o behuana besi Yesus : “Guru nu’anoho’ manga atahNu”. ⁴⁰SowateNa : ihuaHu behow : sasilatahula metew, pahasa batu i ai mawasawang”.⁴¹Anoras si Yesus mahasusutem bo pilahena kota iaho, bewate-Na, ⁴²Wai, totuu ndom saiai talēwe si how mangarti asia niaho enow mosononoi. Sumata iai talēwē’ i rururu ambelenu.⁴³Apa-apaan a nendo ahiana manga kasarunu kumeked ihow bo kubu, osa kinepunge kow bo kinuwite kow a pahasa kumelad. ⁴⁴Bo iwawawotutusna how bo manga townu kēlēaho bo dinding bētonu, ahi wayay esa batu ihapa’io a mbatu balina nde hii halahunu osa sawa, Ningumeled moai milah i how.⁴⁵Si Yesus sumuang a mbait Ngeled tow osa polaiana mawasalat (mawaolah) pahasa mapajual biboho. ⁴⁶BehuaNa a manga tow : “Bana bēwatih: Awahem balē-Hu balē pawasombayangan. Sumata tinulid i homotahulla dumun i tow tahoi”.⁴⁷A tēbēinendo sia mahajar a suang imbalē Ngeled tow. Imam-imam kepala bo bēutehan a torat bo manga tow pawahisingen a bangsa Israel maberusa mawawotutus i sia. ⁴⁸Sumata ahi’i kalahan ilatahula, ndē pahasa towna mabog tumanga i sia.

¹Mahasa a’nendo atepo Yesus masusui tado’o tow ambale Ningumêlêd bo mapakua kukua’Na, mangoai Imam-Imam bo kautehan Torat bo mangamatua biboho, ²Bo silatahula tumaan bēsi Yesus : “Ihua moai bēhamitahula teka kuasa 3-6 nasia how itumulid pahasa oho, bo sisēi enimehe kuasa ioho behow !³Sowaten Yesus bēsilatahula : “Siahu hahi tuma’an behomotahula, ihua moai beaHu: ⁴Baptisan i Yohanes, a’Sorga suma a’totumu?⁵Silatahula sumilih a nepang Yatahula, bo kumua : sa’siahu a’Sorga, ihuana : Nda dēaho kamotahula ahi’i mercaya besia ? ⁶6 Sumata sahita kua : a’totumu, pahasa tow manu’wi batu bēhita, apa’an yatahula mēman : awahem Yohanes esatow Nabi.⁷Osa sowaten ilatahula : awahem silatahula ahi’i mahalah bisana samahi baptisan ni’oho. ⁸Osa kua Yesus besilatahula : “Sa kēlēaboho, siaHu hahi hi’i humua bē homotahula imbahut bisana siaHu humua pahasa i’ oho.⁹Si Yesus kumua pangande’an yai a’tadoo totumu : Esa tow muha bondoi anggor, osa isewana a’manga tapatoyo, ahad matang a’ndo’ ongtow a’ noras kēlē kaeto’an. ¹⁰Bo a’noras mahim nendona, masiu sia a’nesa sosiuna moho a manga tapatoyo’, saniboho silatahula mēhē sangatihad a’ bua’ bedeng anggor oho besia. Sumata manga tapatoyo oho, mamel sosiuioho bo bēwasiu maleng karua kama kuow.¹¹Halawus oho sumiu sia esa sosiuna balina, sumata’ sosiunaioho pinamēl bo bēwawasokia iyatahula, osa bēwawalēng karua kama kuow (bewasiu mateng karua kama kuow. ¹²Halawus oho sia masiu sosiu ka’telu, sumata tow oho hahi pinēla’an i latahula osa bētēpa a bondoi oho.¹³Kawalian kuanituang bēdēng anggor oho : Asia e doro’na tulidenku ? Siahu masiu bata’ku enihalesku, tantu i hatihed yatahula. ¹⁴Sumata a noras manga tapotoyo milah i’ mbata’na, silatahula sumesen mohodait, kuana : sia tinaroan bētēng, ayon kita mate sia, sa’boho beteng yai mainjo sawaihita.¹⁵Osa silatahula tumepa sia a’luar bēdēng oho bo matē i sia. Yait talewe asia e’ tuliden i tuang bondoi anggor i oho bēsilatahula ? ¹⁶Sisia moai bo mawawotutus manga tapotoyo’ i oho, bo mēhē kapercayaan a’ tow walina. Tumanga i oho kua ilatahula: sa’ro-rona na’am.¹⁷Sumata Yesus monarah yatahula bo kumua: “sa’ hēlēaho asia arti nas yai: Batu e mbetia manga tapatawoi bangunan i mamoalim batu penjuru ? ¹⁸Sasisei hatia a’ mbao batuioho, sia maindo hawuwuh, bo sasisei katuihan batu ioho, sia mawuwuh.¹⁹Osa manga utehan aurat bo Imam-imam maberusa tumiho Sia bo oras i oho mio, awahem kalahan yatahula, silatahula e panutu’un-Na, tanu pangandēian ioho, sumata silatahula matalo a’tado’o tow. ²⁰Manga utehan Taurat bo Imam-imam mamilah-milah si Yesus. Silatahula masiu bē-Sia tapedawat kuanangē tow londol (moulit). Saboho silatahula dona sumosogow- Sia teka tata’anan bo sumerahkan. Sia be makolano bo kuasa walinegeri.²¹Manga totumu i oho tuma’a be-sia : Guru kalahan hamitahula pahasa kodairNu bo ajaran-Nu humi’it bo sihow ahi’i milah i tokia, sumata karua londol mahajar dalam Ningumeled. ²²Awa kamitahula dona mahaēr belasting besi Kaisar suma tahi’i.²³Sumata kalahan Yesus pandung yatahula e tapomandei, Osa kumua besilatahula : ²⁴Ituruai be Ahu doit, gambar bo patih i sēi bana bēsia ? “sowaten yatahula” Gambar bo patih i Kaisar.²⁵Osa kua Yesus besilatahula : Sa’ hēlēwaaho i yehe besi Kaisar asia e katotu’uan iyehe homotahula besi Kaisar bo besi Ngeledtow asia e katotu’uan iyehe besi Ngeledtow ! ²⁶Bo silatahula ahi’i dona sumosogow i Sia suang wakodait-Na a’ sa’ang tado’o tow. Silatahula ērang sowat-Na oho bo silatahula metew.²⁷Yanasa mangoai bēsi Yesus tahula tow Saduki, e tahi’i mangaku bana kebangkitan. Silatahula tuma’an bē-Sia : ²⁸Guru, Musa i’matih atoran yai tanu hita : Sa’ esa tow w mahawog tuama, matē sumata karoanga menonowe sumata sia ahem kēdong, pog’nga ahi toro mekaroang bo karoang ipog’nga oho bo mēhē kēdong tanu pog-na oho.²⁹Bana pitu tow mapog. Ematua mekaroang bo esa bēnē, osa matē ahi’i mēhē ( mapa’ io) kedong. ³⁰Osa bēnē oho pekaroangen itualina karuana, ³¹Osa katelu’na bo kēlēaho melalasan oho motahad pog kawituna, pahasa silatahula matē karua ahi’i mepag kēdong, ³²pahadana bēnē aho hahi matē. ³³Kelembisa yai talēwē teka bēnē oho, sisei a’nepang manga totumu i oho e mainjo karoanga ahad nendo ke’bangkitan ? apa’an silawitu daket ihumatoangi sia.³⁴Sowat Yesus besilatahula : manga totumu baotoba yai kawēng bo humaroangem. ³⁵Sumata silatahula e atamen metena’an tanu mahaērē bagēan suang baotoba e balina oho bo suang kebangkitan a nepang tow matē, a hi’i kumaroang bo bēwekaroang. ³⁶Apa’an silatahula hi’i rona matē, silatahula keleitu malaikat-malaikat bo silatahula mangahedong Ningumeled, apa’an silatahula maleng bēwawatow.³⁷A’ sakum maleng tumou manga tow mate Musa i humua suang nas tanu tuneng patoh, bisana Ningumeled behua Allah Abraham, Allah Ishak bo Allah Yakub. ³⁸Sia ahi’i Allah tow mate sumata Allah tow menonow, apa’an a sa’ang Sia pahasa tow menonow.³⁹Tumanga oho tahula tow utehan Taurat kumua: “Guru asia bēhua-Nu humi’it io. ⁴⁰Apa’an silatahula alam baranei tuma’an awasia-sia besi Yesus.⁴¹Sumata Yesus kumua bēsilatahula : Kēlēmbisa totumu dona kumua, awahem Mesias mekele-wo bata’ Daud ? ⁴²Apa’an Daud sia’nesa humua suang kitab Mazmur : Tuhan i humua besi Tuangku : dumatuh a’mbeta kanoal-Ku. ⁴³Ahad tuliden-Ku manga kasēhēd-Nu mekele kembangan naê-Nu. ⁴⁴Osa Daud humua Sia tuanga’, kēlembisa hahi sia bata’na?⁴⁵A’noras pahasa tow tado’o itumanga, Yesus kumua a’manga mudir-murid-Na (tomasikola), ⁴⁶Mahatuh a’manga ute-utehan Taurat e mabog mahebēbē mapakē jubah katangan bo mabog tumirima irmat a’pasar, e mabog dumatuh a tampa muka balē gonggulang bo a tampa pa ormatan suang pesaheian, ⁴⁷E lumamed bale manga balu bo e momandei belen toe teka sombayang e kata-hatangen. Silatahula oho tatum maindo tumirima ukuman e lēbē taned.

¹Tepo si Yesus mawahapet inamona, bela’Na mangatouw siha sumuang powalad a papowala’dan. ²Bela’na lahi inesa balu lengei sumuary rua peser a papowala’dan. ³Osa Sia kumua : “KuaiKu besia Totu’u balu lengei i mehe lêbe ta’do’o a pahasa tou uria’i. ⁴Nde pahasa ihamotahula imehe powalad a kasiha’an awahem balu iyai i mehe â kalengei yana, lebê bēhē na pahasa sawana.⁵Katado’oan itow masirita tanu balê Ngeledtouw bo maera-erang i gonggulang beorange’ im batu lo’or bo morowalina go’gaida powala’dan kuani Yesus : ⁶“Asia bela’ru wia’i moai nen do’na bisana ahem batu waluna, pahasa bēlololem”⁷Bo murid-muridNa tuma’an besi Yesus, kuana : “Guru, sawa nioho mamuali ? Bo Asia tandana sawa aho mamulai? ⁸KuaNa : “mahatuh saniboho kamutahula hi’i laurang. Nde tado’o totumu mangoai bo make ingalanKu bo, kumua : siahum Sia bo, orasna susutem mio na’am kamutahula lumas. ⁹Bo sa houw tumanga tanu panindoaian bo pemberontakan na’am kumombo nde pahasa ioho mamuali a pahamunan sumata’ ni’oho awe’ tepona pataha’dan¹⁰Yesus lumawus siritaNa, KuaNa,” esa bangsa masusure bo bangsa walina, esa negara sumerary negara walina. ¹¹Bisana mange e mamuali mangua wokdepet, kale’oan bo sopala maha’dos. Behamuali ê mahataloan bo depet a langit.¹²Sumata’ pahasa’ioho awe’ mamuali, kamutahula tiho’on bo siksan ; bêserakan a mangawalê ibadat bo tutupan-tutupan, suma’ang besi daja-daja, bo mangakawasa apa’an ngalaiku. ¹³Na’aho mainjo teponu sumairi.¹⁴Wa’aho kawalian eneteh asuang natena, sa’boho kamutahula na’am pikiren lêbê mamuna tumo gas. ¹⁵Nde, siahu mio a mehê sononoi bêhouw sani boho kamutahula hi’i ro’na sumaang bo, sumepa manga iwekelenu.¹⁶Bo kamutahula i serahkan i matu’anu, mangawo’ngu bo wahasa morowo; nde anepang mangarowo’ngu bana ê panen. ¹⁷Kamutahula ire’e pahasa touw apa-apa’an ngalaiKu. ¹⁸Sata’ ahem sangawêlad utah ikohongu ilatahula. ¹⁹Sahamutab meigad be Sia kaerean penonowanu.²⁰Sa hamutahula milah Yerusalem kinepungem i mangasururaho, alakapui Yerusalem moterih. ²¹Atêpo wa’aho mangatow Yudea lumolas andungusanm yang ngakota mangungsi, a pedusunan, na’am sumuang a kota. ²²Waho kawalian tepo pesuli’dan bisana pahasa be watih be lekewen.²³Masilaka nde pahasa matu’a wene malia-liali, ma susu a kedong kisid tepo i oho moai bewawahisel depet a pahasa negeri bo murka a pahasa bangsa. ²⁴Bo silatahula a matê am beleh i sa’bel pe’angen kele tahanan a pahasa bangsa, bo Yerusalem a tando-tando’on i bangsa-bangsa yangahi’i zaman manga bangsa.²⁵Bo wana tanda-tando a matahari, bulan bo bintang-bintang, ambai to’ba manga bangsa matalo, bo likoko sumaang gonggor bo bolol i saloyon. ²⁶Totumu mate ikataloan apa’an ma lia-liang apa’an asia mamuali amboi to’ba ya’i nde kuasa i langit a meyek.²⁷Atepoi, oho totumu milah batag Ningumeled mahi asuangi kambin bo lahua sa’ana bo kalo’oraNa. ²⁸Pahasa i oho molai mamuali, tumod osa iatang tokia’nu apa’an kolowid anu susutem.²⁹Osa Yesus kumua pangandean ni yai besilatahula, pilahenange kayu ara suma kayu asiamange. ³⁰Sahouw milah manga kayu oho i sumalengem kalahan i hamotahula musung inendo alakapui. ³¹Kele aho hahi, sa hamotahula milah imamoalim kalahanemio. kaholanoa’an Ningumeled alam kapui.³²SiaHu kumua behouw : Totuu nde sangare’ngan niyai hi’i haleod, satalewe pahasa mamuali. ³³Langit bo bao to’ba ihaleod, sumatag kodaiku ahi’i haleod.³⁴“Laha’an batanganu, saniboho atêna na’am mawuling mowesta-westa bo mapololango teka kahabogem-kahabogem (mangakabohanga) bao to’ba sanibiho endo Ningumeled na’am hi’i makapui hati’a ambatangana kele soso’gour. ³⁵Apa’an Sia irumatug pahasa touw ambao to’ba yai.³⁶Mahia-hiaha salalu osa masombayang, saniboho kamutahula mahaêrê karowotanu lalepot â pahaso mamuli bo saniboho kamutahula etê tumod â sa saangen Bata’i totumu.³⁷A’ koranga nendo, Yesus masusui â Bait Ningumeled bo ambengi Sia kumuai bo mo’ mangê a dungusan Zaitun ngalara. ³⁸Bo basindowe pahasa totumu tado’o mahe be Sia a suang Bait Allah tanu tumanga i Sia.

¹A nendo wako’ bana e roti alahemoho e ragi, iwakua i paskah, susutem. ²Manga kapala i Imam bo utehan i torat mangilah dalan kelembisa matei Yesus nde hatalo i latahula e tou ta’doo.³Awahem sinuangi setang si Yudas, mahangalan Iskariot, esa a sangawulu’ bo rua murid i Yesus. ⁴Yudas Iskariot moho besi Iman Kapala bo manga kapala i Bait Ningumuled osa masirita bo silatahula, kelembisa sumarakan si Yesus besilatahula.⁵Mekahihahi’ silatahula me ponge’ean mehe roit besia. ⁶imonge’e sia osa molai a nendo i hoho mangilah sia tepo maulengsumoro i Yesus besilatahula sumata’ ahi’i halahan i ta’doo tou.⁷Hoamat nendo wako’ roti ahemoho ragi, a noras i nendo pahasa tou mate i domba paskah. ⁸Sa iwasiu i Yesus si Petrus bo si Yohanes : Mohonem, sa’dianem pesaheien i paskah osa kita kuman. ⁹Kuani latahula be Sia : Bisana kahabo’genNu tuli’dan i pesaheian?¹⁰Sowat Na : Sahow sumuang a kota, kamotahula metauw i tou mape’ang i poci suasuangan i nahe . Lasan sia am bale tinerusana. ¹¹Osa ihua a mahawale : Tuang Guru ituma’an ituma’an behow : Bisana tampa i hita kuman paskah?¹²Sa ituru’nu behow pores bako am bao alam lekewem, bi’bohom e tampa sa’dian. ¹³Osa matang silatahula mo milah kelei mbehua Yesus. Sa silatahula suma’dia i pesaheian paskah.¹⁴A tepo nam, Yesus dumatuh kuman wakarua i manga murid Na. ¹⁵Kuan Na besilatahula : Habo’Ku mio’ kuman paskah wakarua i hamotahula atalewe’ Ahu mongi’gon. ¹⁶Apa’paan kumua Ahu behow : Ahi’i Ahu kuman aha’di kalekewan Kaholano’an Ningumeled.¹⁷Aha’diaoho, minjo Sia cawan, dumayow, osa kumua : Injon nia’i osa pe’betengen i hamotahula, ¹⁸Nde Ahu kumua behamotahula : Molai ya’i talewe’ alanemoho Ahyu luku’ aha’di moai e Kaholano’an Ningumeled.¹⁹Sa Sia minjo roti, dumajow, mamisung i roti sa mehe besilatahula , kuaNa : Wa’i e batangaiku, ieheHu be hamota mainjo pangimunen beaHu. ²⁰Kelewaoho hahi tinuli’Na a cawan, kuanNa : Wa’i cawan dinandian an daha’Ku tahu kamotahula.²¹Sumata’ pilahen, kama i tou isumarakaniaHu , wekaruharua a meya ya’i. ²²Nde bata’ i Ningumeled miloho kele im behua, sumata’ masilaka sisei sisei e sumarakan i Sia. ²³Sa silatahula metataanan , sisei a nepang i hamotahula tumili’ kelewa’oho.²⁴Mamuali pahisea’an a manga murid Yesus, sesei le’be wako’ a nepangilatahula. ²⁵Kuan Yesus besiatahula : Daja2 i bangsa2 mapereta i rayat latahula bo manga tou tumuli’ kakuasaan, iwapakua pelindung-pelindung.²⁶Sumata’ kamotahula ahi’i moho kelewaoho, sisei em bako’ a nepang hamotahula, sisia mu’dewa bo mamuali sosiu. ²⁷Nde sisei le’be wako’ , dumatuh kuman, suma sumelewir i tou ? Bo ahi’i moho sosiu in dumatuh kuman ? Ta’ ahu a tutud ihamotahula mainjo sosiu.²⁸Kamotahula i wapakarua a pahasa pengape’an kele i pakelameiku. ²⁹Bo Ahu mutus mahawunya i Kerajaan tanu kamotahula, kele Amangku imutus tanu Siahu. ³⁰Awahem kamotahula luku’ bo human esa meya bo siahu a kerajaanKu bo hamotahula dumatuh a kaholanoan i Ningumeled ma piriksa sangawulu’ borua bala’ Israel.³¹Simon, Simon, pilahen, tuntuten ni setang kamotahula sisiren kele sumisir i gandum. ³²Sumata’ ahu sumombayang tanu sihow, boho pahemannanu ahi’mate. Bo sihow, sa how manesel, waoho mainjo nu’gat i manga morowo’.³³Sowat i Peterus : Niungumeled, siahu suma’disadia sumuang bo matea tutupan bo sihow. ³⁴Sumata’ kuai Yesus behow, Peterus, inia ko’ko ahi’i hemoho kumohoh , a talewe’ kau sumakal maha telu beaHu, ahi’i how mahilala i Ahu.³⁵Kuana besilatahula: Awahe Ahumasiu i kamotahula alahemoho pundi2, balun; bo selop, banawe’ kurang behamotahula ? ³⁶Sowat i latahula : Mande wati’ esa ahi’i. KuaNa besilaahula : Sumata’ ya’i talewe’ sisei mahawunya pundi2, musti pe’angen. Kelewaoho hahi maha balun; nde sisei talahemoho awa2 , i’jual e latang osa tuleles sa’bel.³⁷Waoho kawalian, ihuaHu behamotahula : Malekewem asia mbehua i kaol : Te’ben sia anepang i manga tapelawah, nde asia mbe watih tanu siaHu i malekewem. ³⁸Kuani latahula : Ningumeled, wa”i dua sa’bel, sowadNa : do’nam.³⁹Sa moho si Yesus a luar kota, tumerus soho a tampa biasa Bukit Zaitun. Manga muridNa ilumas i Sia. ⁴⁰Ke lusut’oho kuaNa : sumombayang boho hamotahula ahi’i mawerdosa.⁴¹Sa Sia dumekang a manga muridNa kele i karekangan masot im batu. Sumalimbuhu Sia osa sumombayang : ⁴²AmangKu, sa roro’na injonai ange cawan , sumata’ ahi’i kaha’bo’gaiku, tantu mamuali kele kahabo’gaNu.⁴³Sa mawaturu’ malaekat a langit mehe u’gat be Sia. ⁴⁴Le’be nemio’ Sia matalo osa sumombayang uliulit. Metitisoho torola kele raha’ a to’ba.⁴⁵Sa Sia tumo’ moho milah manga muridNa, awahem manga muridNa me’bo’oo i tape. ⁴⁶KuaNa besilatahula : Ndeaho hamotahula me’bo’oo ? Tumo’ sa sumombayang, boho hamotahula hi’i hatia’ a seseped.⁴⁷Menunu’pe si Yesus , imoaiem sangalulut tou , awahem murid i Yesus si Yudas iwakarua i latahula. Lumuaioai si Yudas sa moho tumimu’ i Yesus. ⁴⁸Kuani Yesus besia : Hai Yudas, behenum Bata i Ningumeled kararengan titimu’.⁴⁹Kawilahanoho ilatahula bo si Yesus asia e nimamoali, kuanilatahula : Ngeled Tou, bo hamitahula tumindoi i sa’bel silatahula ? ⁵⁰Esa tou besilatahula tumindoi imam besar osa hara’bas talingana kanoal. ⁵¹Sumata’ kuani Yesus : Kahim, sa Sia mulut bo tumaka talinga i boho osa maleng itepel e talingana, maleng imemauleng.⁵²Kumua si Yesus besi Imam-imam kepala bo manga kapala pengawal Bait Allah: Kuanumoho Ahu tou ta’pia, kamotahula moai karua i sabel. ⁵³Te,be i nendo Ahu a nepang i hamotahula am Bait Allah. Wa’im nendo i hamotahula , bo wia’i e karendeman.⁵⁴Si Yesus tiniho’ osa pineang a tampa i boho. Kinahat Sia am bale i Imam Besar. Peterus mahalas molulu rekang. ⁵⁵Atutu’ kital im bale i’boho , tumulud baha silatahula osa kumeke’dio. Aho si Peterus irumatuh a tutu’ ilatahula.⁵⁶Bana newa hamba bene imilah sia dumaturatuh a susut im baha; pamilamilahena, osa i huana : Sihow wakaruharua i Sia. ⁵⁷Sumata sinakal i Peterus, kuana : Ahi,i, ahi,i kalahaiku Sia ! ⁵⁸Ahihapui esa tou milah sia sa huana : sihow hahi esa bosilatahula ! Sumata’ kuai Petrus : Ahi’i, siahu ahi’i.⁵⁹Bo asakum sangaoras esa tou balina ihumua osa tine’pu’umio : Totu’u, sihow mawahalas bo si Sia , nde how tou i Galilea. ⁶⁰Sumata’ behua i Petrus : Ahi’i kalahaiku asia nioho behuanu beahu, anorasiaho, ihumohohem e ko’ko.⁶¹Osa sumelengoho si Yesus milah si Petrus. Kinumunanemio’ i Petrus asia ko’dait i Yesus besia. Alawe’ ko’ko i kumohoh a nendoinia, maha telum kau isumakal i Ahu. ⁶²Osa sia lumuai bo mekae sinesenduanio’.⁶³Bo manga totumu itumahang si Yesus moneronero’ bo ma pakur i Sia. ⁶⁴Kinolo’ban i latahula e tokia’Na sa tuma’an : Ihua moai sisei mapamakur i How ? ⁶⁵Bo ta’doo hahi sero’ behua i latahula beSia.⁶⁶Bo akoranga inendo behasesenem manga matumatu’a tou Yahudi bo imam2 kapala tekai kautehan i torat, sa silatahula moho suma’ang mahkamah agama. ⁶⁷Kuana : Sa How Messias, ihua be hamitahula. Sowat Yesus : Mandewe’ ihua Hu behow, sumata ahi’i emanenu, ⁶⁸bo mandewe’ Ahu tumaan kelewaoho behow, sumata’ ahi’i how maheman’⁶⁹ya’i talewe’ Bata’ i Ningumeled i dumatuhem a kanoal i kaholano’an Ningumeled. ⁷⁰Kuani latahulai pahasa : Sahelewaoho, sihow bata’ i Ningumeled ? ⁷¹Sa kuani latahula : Asiawe’ sama’ sairi i hita ? Kinataanganem i hita am ba’baNa mio.

¹Pahasa sidong wa’aho itumod osa mêang si Yesus suma’ang Pilatus. ²Biboho silatahula molai matudu Sia, kuana : “Kinoamatan ihamitahula awahem totumu wai i mawaurêng tow ihamitahula, bo irumarang mawaêr belasting besi Kaisar, bo asakum mbatangaNa, behuaNa awahem Sia Kristus waaho Daja”.³Pilatus mata’an beSia : “Totu’u how daja i tow Yahudi? Sowatem i Yesus: keleikua’nu. ⁴Kua Pilatus a mangaimam kapala bo pahasa tow waaho: ahii ahu ihumita sêa, asia atotumu wai. ⁵Sumata kinetêhanemio ilatahula : teka itoturuNa Sia matusuk pahasa tow i Yudea, angGalilea ahad biai.⁶Anoras Pilatus tumanga waaho sia tuma’an awasia totumu wa’aho satoro Galilea. ⁷Oras kailahana awahem si Yesus sa’tow anderetan Herodes, ihirim’na si Yesus suma’ang Herodes, a têpo wa’aho kahi a Yerusalem.⁸Anoras Herodes imilah si Yesus, imekahi’io sia ndê eto’om Sia mabof imilah si Yesus, karêngan leteh sia matanga a sakum i Sia, ndê hahi sia maharaw mamilah kêlêmbisa Yesus mawatulid esa tanda. ⁹Sia sumaru tado’o pataanan besi Yesus, sumata si Yesus ahii sumowat wasi-wasia. ¹⁰Karepet wa’aho mangaimam kapala bo mangautehan Torat mamuna-muna manepa mangatudu’an tanêd be Sia.¹¹Osa Herodes bo sururahom, ma’oro, manêro-nêro Sia, bo mawawakê juba’ kabasaran be Sia, osa Sia bewalêng bêsi Pilatus. ¹²Bo anoras waaho hahi imakaruruan Herodes bo Pilatus, atalêwe silatahula mekawatê.¹³Osa Pilatus manesen mangahapala imam bo rayat, ¹⁴sa mohodait besilatahula homotahula i mêangai totumu wai bêahu, kelê esatow mapawa’urêng i rayat. Belahem homotahula mio awahem ahu i mirisami-Sia, awahem manga sêa betudu homotahula bê Sia ahem ê bê’êrêhu bê sia.¹⁵Bo si Herodes kahi ahem, waaho kawalian sia maleng behirim bê hamitahula. katotu’una alahem mangesêa e tinulidNa ê niwalas teka u’kumen matê. ¹⁶Yana pamêlenku Sia, osa pahialengan Sia. ¹⁷Ndê Sia mulit mawaluai esatow tanu silatahula anendo wako wa’ako.¹⁸Sumata silatahula medoro’ro tumorêwa “limeden Sia, iluai si Barabas tanu hamitahula” ¹⁹Barabas bêsuang a torunggu apa’an bana e nipaangus imamoali asuang kota bo apa’an bana pinamatê.²⁰Pilatus maibog mawawaleng si Yesus, nde wa’aho sia mebalêng mohodait atotumu tado’o wa’aho. ²¹Sumata silatahula tumêrêwa “salipên Sia, salipên Sia! ²²Kua i Pilatus a kateluna besilatahula : Katapia’an awa wê tinotu’una tinulid totumu i’ai ? Ahem esamange sêa ekinaêrêan be Sia, ê malas teka ukuman mate. Yanasa ahu hahi mamakur i Si, osa ilepot Sia.²³Sumata teka tumerewa silatahula melese bo manuntu ibohom Sia salipen, bo ahadna silatahula mautung teka têrêwa ilatahula. ²⁴Osa si Pilatus tumepu, iboho tinuntut ilatahula bêwongê’e. ²⁵Bo Sia mahialêng totumu e bêsuang asuang i torunggu ndê pinekurêan bo pinamatêan, sumata si Yesus bêake bêsi latahula tanu tuliden a kahabogna.²⁶Atêpo iboho silatahula mali Yesus, silatahula tumahang esatow mahangalan Simon a Kirêne, lusu’pêmai aluar kota, osa iawa’waluha salip wa’aho ambao paluhana, ibohom lihudenna karengan mahalas si Yesus.²⁷Kêlê katadoo’onio totumu mahalas bêSia. Amepanga tado’o wênê mapongiso, mapekaê iSia. ²⁸Yesus isumêlêng bêsilatahula sa mohodait : “Hêi manga manglaun Yerusalem, na’am komotahula mekaê i Ahu, sumata mekaê imbatangan-nu mio bo mangabata’nu.²⁹Nde, pilahen, mahasa hahi hoamat tow kumua : sononoi’o bênê pesel bo balê imbolotna ahimahasa mahawata, bo susuna ahii mahasa sinusu. ³⁰Osa mahi molai mapakua a mangadungusan ihawio tumulung ihamitahula! Bo ambêtêlên tuahanem hamitahula! ³¹Nde sa’ a kayu menonowe, tinulidêm i totumu kele wa’i, ndawasia tuliden ilatahula a kayu i mawelam.³²Bo bana hahi dua balina totumu tapia tanu ukumen mate, be haharua bo si Yesus.³³Atepo’waaho sialtahula bêhoamat atampa bêwengalan Tengkorak, silatahula sumalip si Yesus biboho, bo hahi rua tow tapia, esatow ambêta kanoal-A bo walina ambêta i kolodiNa. ³⁴Yesus ihumua : ‘Ya Amang apunganai silatahula, ndê sialtahula ahi’i mahailah asia e tinulid ilatahula. “bo silatahula tumia Lot tanu pebêtêngan i nimbitNa.³⁵Tado’o tutumu i tumod biboho bo pahasa imelilah. Mangamakolano masêro’ i Sia, kuana : “tow’walina iwawalowidNa, lingonoho inia Sia mawalowid i mbatangaNa mio, sa’ sia totu’u Mesias, totumu e sinisir i Ningumêlêd.³⁶Mangaperajurit wê monêro-nêro i Sia silatahula i mayo inanggor mangilu bê Sia. ³⁷Bo kumua : “Sa’ How totu’u daja itow Yahudi, iawalowid e batangaNu! ³⁸Bana hahi bêwatih amabo i kohongNga : “waimio daja i tow Yahudi.³⁹a’tow tapia bêtambêng wa’aho i mojat i Sia, kuana : “boahi’i How si Kristus! Iwawalowid batangaNu bo hamitahula! ⁴⁰Sumata e nesatow i merow sia, kuana : “na’kure how maatalowe a Ningumeled samantara how imahaêrê ukuman e mekêle. ⁴¹Hita memang pantas ukumen ndê hita itumirima balasan bewekêlê teka tinulid i hita, sumata totumu wai ahi’i itumulid awasia mange e sêa.⁴²Osa sia ihumua : “Yesus imunenangê ahu, osa how mahi kêlê daja. ⁴³Kua Yesus bêsia : “Si ahu ihumua bê how, ulitna, endo inia kahi how makarua teka si Ahu asuang Firdaus.⁴⁴Atepo inia manê-onah oras sanga wuluborua samêdên dêm sumawut pahasa doong ioho aha’d noras telu, ⁴⁵de endo ahii kumêraw, bo pampêle bait bayo bêhawarua.⁴⁶Sa si Yesus sumaha’d kareua enu moari” ya amang asuang ikamaNu bêtarohum kanaluHu” bo hore kumua kêlêyai sia tumarom kanaluNa. ⁴⁷Atepo pawahalasan palulutan milah asia nyaho imamoali, Sia mapêloot Ningumêlêd kuaNa totuu, iai awahêm totumu maulêng.⁴⁸Bo onah pahasa totumu tadoo, imahi mêdudu iboho tanu paponarahên, mila’h asia imamoali ioho, mangaleng komotahula osa memel ibatang. ⁴⁹Oahasa totumu imahailala si Yesus a susut, akêlê manga wênê amalalos Sia agalitêa tumo’d andekang ngio bo milah pahasa ioho.⁵⁰ana totumu ngalana Yusuf. Sia tow majelis besar bo esa totumu mauleng hahi totuu. ⁵¹Sia hii sêtuju aputusan bo itatawoi majêlis ioho sia dali Arimatêa, esa kota Yahudi bo sia manondo-nondo kerajaan Ningumêlêd.⁵²Sia imoho sumaang si Pilatus bo mengêlêi imbangkê i Yesus. ⁵³Bo atepo sia lumolas imbangkê ioho sia sinawutna indoho lênên, sa bêlêtêna asuang i kubur akinoko asuang indungusan imbatu, atalewe perna binêlêtan imbangke.⁵⁴Endo iai awahêm endo pasadian bo sabat toyotaan molai. ⁵⁵Bo manga wênê imahi medoro-roro ka’si Yesus angGalilea, lumas aho bo komotahula melilah i kubur ioho bo kêlêmbisa bangkêna ambinêlêtan. ⁵⁶Bo imalêng silatahula sumadia rempa-rempa bo solo mur.

¹Sata ambasindowe mio anêndo pertama duminggu aho sila tahula moho akubur mapeang i wonamur a sinadianam ilatahula. ²Batu behawolili a kubur ioho. ³Atepo sumuang be silatahula ahii imetauw bangke Tuhan Yesus.⁴Atepo homotahula tumato mêtêwio mamikir mikir ioho lusut-lusut mange dua totumu tumoto atai ihamotahula imakem latang makila-hilat. ⁵Komotahula niit kataloanio kumuru mio ikohong, sumata andua itotumu ioho kumua bê homotahula de aho homotahula mangila’h Sia i tumow, atutu’d totumu imate?⁶Si Sia ahêm beai, sia malengem itumow, imunêangê ambe huama be homotahula atêpo sia ang Galilea. ⁷Awahêm bata itotumu betraona akama mangatotumu mapêsêa bo salipên, bo maleng itomowakateluna ngando.⁸Kaimunanêm ihumotahula ambehua i Yesus ioho. ⁹Bo hahi silatahula sumombai akubur, silatahula isumiritam pahasa ioho akasangawulu bo esa murit bo apahasa morowog balina. ¹⁰Manga wênê iaho Maria a Magdala, bo Yohana bosi Maria mama i Yakobus bo manga wênê balina hahi ê makaru-harua i hamotahula nde hihuanêmoho manga rasul.¹¹Sumata komotahula manga hodait ioho atalahem suanga bo homotahula hii mahêman amanga wene ioho. ¹²Mandêna kêlê iaho Petrus tumo’d osa tumiro-tiroange moho akubur ioho tepo sia lumo’t oho asuanga sia milah bati doho budo io sa sia moho bo Sia tumaan andalem inatena asia imamoali.¹³Anêndo ioho bana dua totumu a manga murit Yesus moho anesa doang ngalana Emaus. Do’na onah pitu mil kare-kangana a Yerusalêm. ¹⁴Sila tahula mohoda-hodait sakum apahasa i mamoali.¹⁵Atepo komotahula mohoda-hodait bo metatahuian pikiran, imahim si Yesus inesa sumusu’d homotahula, osa lumapang medo-roro ka homotahula. ¹⁶Sata bana ê mahapar ibêlên i homotahula. Saniboho komotahula dona mahailala i Sia.¹⁷Yesus ihumua be homotahula: Asia’we e niwasirita homotahula a sakum komotahula andalan? Osa sumondo o’ai komotahula karua tokia bêsaê. ¹⁸Esat tow be homotahula ngalana Klêopas sinowatNa bana how esa-esa-na tow asing a Yerusalêm, ahii kalahan asia mamoali iboho anêndo-nêndo akahadan iai?¹⁹Kua-Na be silatahula, asia êni aho? Sowat ilatahula asia imamoali be si Yesus tow Nazaret. Sia awahem esa nabi ê kuwasa suang patawoi’en bo pakodaitan asasa’angen Ningumêlêd bo saangen pahasa bangsa kamitahula. ²⁰Sumata manga imam kapala bo manga-wahalasên kamitahula itumaro’m Sia tanu ukumên matê bo komotahula i sumalipem i Sia.²¹Pada hai kamitahula atalêwê i maharaw, awahêm Sisia êmahim tanu mawalêpot bangsa Israel. Sumata atepo ioho i lumeot telu ngando pahasa ioho imamoali.²²Sata tatahula manga- wênê a sakumen i kamitahula imawahomba kamitahula basindowêmio silatahula mohoakubur, ²³Bo hii imêtauwi bangkeNa. Samohotahula mahi karua nabar awahêm bêlahêm behomotahula malaikat-malaikat, ihumuam awahêm sia tumow. ²⁴Bo tatahula karua kamitahula moho akubur ioho bo imahaêrê awahem totuu bêwapakua i manga wene ioho sata komotahula hii mila’h i Sia.²⁵Sa sia kumua be homotahula : “Ei komotahula totumu bodoh; kele kangêrêna i natenu. Aha’h komotahula hii maheman pahasa iyaaho, ambêwapakua i nabi! ²⁶Hii ndom si Yesus i humêlam pahasa ioho tanu sumuang akalooranNa? ²⁷Sa sia mawatara be homotahula asia bewatih sakum sia asuang pahasa kitab bayo molai a kitab-kitab Musa bo kitab-kitab nabi-nabi.²⁸Komotahula sumusut i doong oho’an i homotahula, sa sia tumawoi de mapandung tumêrus pala-palapanga. ²⁹Sata komotahula niit belêseNa kuana: sumondo io iwakarua teka ihamitahula, de êndo alakapui mawêngi bo alakapui endo tumia. “osa sumuang sia tanu sumondo iwakarua i latahula.³⁰Tepo sia dumatu’h kuman karua ihomotahula, sia minjo roti, kumua dayow osa imama-ruam bo imamêhêm bêhomotahula. ³¹Atepo ioho behauhaam bêlêna ilatahula bo silatahula hahi mahailala sia, sata sia behatalanemoho atutud i latahula. ³²Kua ilatahula anesa tow balina, bo’ahi’i natê hita kumulu, atepo sia masirita sêhita atutud indalan bo atêpo sia mapawatara kitab bayo be hita?³³Sa tumo’ioloho silatahula bo mêbalêng a Yerusalêm biboho silatahula mahaêrê kasanguwulu inêsa murit ioho. Silatahula sumêsên teka manga harua ilatahula. ³⁴Kua ihomotahula ioho, totuuona’h si Tuhan itumow bo imawaturuum ibatangan bê siSimon. ³⁵Sa dua totumu ioho re isumiritam asia nyaaho mamoali atutu’d indlaan bo kêlêmbisa komotahula mahailala sia atêpo sia mama-rua i roti.³⁶Bo atepo silatahula mêsirita sakum ioho, Yêsus lusut tange tumo’d atutud ilatahula bo kumua bêlatahula sononoi enow be homotahula. ³⁷Silatahula kumombo bo matalo bo masangka awahem silatahula imilah kanalu.³⁸Sata sia kumua besilatahula deaho komotahula kumombo bo asia dê lumêmbo akalianga a suang nate homotahula? ³⁹Pilahen kamaHu bo aêhu siahu inêsa kamen iAhu pilahenai awahem kanalu alahem kete’d bo dunina, kêlê homotahula milah iyahu. ⁴⁰Sa kumua keleyai sisia imawailahem kama na bo aeNa be silatahula.⁴¹Bo atêpo silatahula awe maheman apaan kahina bo maerang be huana be homotahula banare behow kakanen be ai? ⁴²Sa silatahula imehem be Sia sangaworo da’ginoreng, ⁴³Sia benjona bo kanêna asasa’angen imbelen ilatahula.⁴⁴Sia kumua be silatahula wai kodait, abehuahu be how atepo ahuu makaharu-harua teka homotahula de awahem belekewem pahasa bewatih sakum iahu asuang kitab itorat i musa bo kitab manga nabi bo kitab Mazmur.⁴⁵Sa sia mamuha pikiran latahula ahad silatahula mangarti kitab bayo. ⁴⁶BehuaNa be silatahula bana bêwatih kêlê iai: Mesias musti kumelam bo tumow atutu’d i tow imatê akateluna na ngando. ⁴⁷Bo hahi, asuag ingalanNa nabar sakum patobatan pahapungan a sêa musti iwapakuam apahasa bangsa polain a Yêrusalêm.⁴⁸Komotahula awahêm sairi apahasa wai. ⁴⁹Bo ahu kumirim bêhow asia arandi iAmangHu sumata komotahula musti sumondo asuang kota iai aha komotahula ambêlêkêwêm karua kawasa atampa matatang.⁵⁰Sa Yesus mamêang silatahula a luar ikota isumusud’ Bêtania. Biboho sia imatangêm ikamaNa bo maberkati i silatahula. ⁵¹Bo atepo sia imaberkati i silatahula, sia imêtarêh bo silatahula bo beatang a sorga.⁵²Silatahula sumalimbuhu bo kumuru bê sia, sa silatahula malêng a Yerusalêm karua niit mêkahi io. ⁵³Komotahula lêtêhên asuang bait Ningumêlêd bo mawaloor Ningumêlêd.

¹Aketare Waaho kukua, Ku kuai boho i wakaru-haruai Ngeledtow. Bo Kukuai boho Ningumeled. ²Aketare Sia wakaru-haruai Ngeledtow. ³Pahasa tinulidNa tanu si Sia. Sitahii si Sia alahem e mamoali a pahasa tinulid.⁴Penonowan be Sia bo penonowan sulo a totumu. ⁵Suloi boho sumuloi karendeman. Karendeman iboho hii mahaelei.⁶Bana nesa tow be wasiumai i Ngeledtow, ngalana Yohanes; ⁷mahi Sia mainjo sairi sumairi suloi boho, saniboho pahasa emanen i tow. ⁸ Ahii Sia suloi boho, sumata iwawasairina suloi boho.⁹Kaulitan suloi boho, isumuloi pahasa tow imahi ambaoitoba.¹⁰Awahem Sia ambaoitobam, bo baoitoba tinuli,Nam. Sumata baoitoba hii mahahilala i Sia. ¹¹Mahi Sia ambeteng kapunyaaNa, sumata mangatotumuNa hii tumirima i Sia.¹²Ta’ pahasa tow tumirima i Sia, binea Na kawasa saniboho mainjo manga ba’ta i Ngeledtow, waaho silatahula maheman i ngala’Na. ¹³Manga totumu imbaoitoba ahii a kahabongen i keted sumadaha, hii hahi kahabongen imbatangan kahaeween i tuama, sumata a Ngeledtow samamoali.¹⁴Kukuai boho i mainjom totumu, osa metewio behita, bo belahem i hita konuangaa Na, waaho konungaan behebe Sia tanu Kedong Tulong mawuli-wuling imbeles kohoba bo kaalitan. ¹⁵Si Yohanis i sumairi tanu si Sia sahuana: “Waisa Sia, panutuuiku embehuahu: Lumalas beahu mahi Sia i lumeotai be ahu. Nde Sia daliim bana, nde Sia banam atalewe ahu bana.¹⁶Nde pinuliNgam kitai pahasa i tumirima imbele’Na bo hohomba Na. ¹⁷Nde hukum torat behei Musa, sumata beles kohombe bo kaulitan mahi be si Yesus Kristus. ¹⁸ Ahem totumu mahasa meilah i Ngeledtow, sumata Kedong Tulong i Ngeledtow a ndumatu-natuh a kaholanoan i Namang si Sia e mbewawaturu.¹⁹ Waim aho mbe sairi i Yohanes a tepo silatahula masiu i tow Yahudi bo Yerusalem bo manga imam bo tow i Lewi besia sa tumaan: “Sisei ndo kow?” ²⁰pangakui ku hii ahu motowo kuana: “Hii ahu si Mesias.” ²¹Osa taanan ilatahula be sia: “Sa hele aho sisei ndo kow? Elia? Sowatena: “Ahii!” Sihow nabi malengai?” osa sowatena: “Ahii!”²² Osa kuan ilatahula be sia: “Sa hele aho sisei ndo kow? Nde sowaten i hamitahula besilatahula i masiu i hamitahula. Awa kuanu tanu batanganu mio?” ²³Sinowa’na: “Siahu aho totumu menunu metere-terewa a tinia: Londolen dalan i Ngeledtow kele mbenua nabi Yesaya.²⁴Nde a nesaan i tow be wasiu bana e manga tow i Farisi. ²⁵Tumaan si latahula be Sia, kuana: “Nde aho how e mabaptis, sa tahii how si Mesias, hii si Elia, bo haii nabi a maleangai?”²⁶sowaten i Yohanes silatahula, kuana: “Baptiseiku silatahula i nahe, sumata a tu’tud, totu’dan i hamotahula si Sia e tahii hamilalaan i hamotahula, ²⁷waaho Sia, e maleng mahi be ahu, muhai tali sapatu Na Awi ahu ro’na. ²⁸ Wai imamoali am Betani atetela i londolai Yordan, ambinaptisan i Yohanes.²⁹Mandomai pilahen nange si Yesus mahi we silatahula sa kuana: “Pilahen mbata i Ngeledtow e nimayoi sea imbaoitoba.” ³⁰ Si Sia aho panutuuiku sa kuaiku: Heleotoho weahu bana tow mahi, mamuna we ahu, nde Sia banam awe ahu. ³¹Bo siahu pahamunan awe mahahilala i Sia, nde waaho ahu mahi maptis i nahe, saniboho Sia itura a Israel.³²Osa i sairi i Yohanes, kuana: “Bela’kum monggongguot ilumolos a langit kele mombo sa matewio ambaoNa. ³³Ahii kahilalaaiku Sia, Sumata si Sia e nimasiu iahu maptis i nahe, bo kukuana beahu: Sa how meilah monggongguot lumolos a tow sa metewio ambaoNa, si Sia e maptis bo monggongguot. ³⁴Bo waaho bela’Kum bo i sairihu: Wai Sia Bata i Ngeledtow.³⁵ Mandomai tumotod dio si Yohanes biboho dua tow muri’na. ³⁶ Pilahena mange si Yesus mebemai, kuana: “Pilahem bata i Ngeledtow.³⁷ Kataanan iboho ndua murid asia nioho mbehuana, osa silatahula moho lumas si Yesus. ³⁸Sa si Yesus milah alihud, pilahe’Na, silatahula malalasem si Yesus sa kuana besilatahula: “Asia pangilahen i hamotahula?” Kuan ilatahula we-Sia: “Rabi (Guru), bisana pahatuna Nu?” ³⁹KuaNa besilatahula: “Mahinem bo wilahen i hamotahula.” Sa silatahula mahi milah bisana pahatuna Na, anendoi boho silatahula sumondoio boho i wakaru-harua Na; tepoi boho tumiting i nepat onah.⁴⁰Waaho nesa tow karuana tumanga oho siai kodait i Yohanes laho ilumas Yesus waaho si Andreas, pog i Simon Petrus. ⁴¹ Andreas e pahamunan be wetauw i Simon, pog nga, sa huana be sia: “Bewetauwem i hamitahula si Mesias (artina: Kristus).” ⁴²Mapea-weang sia si Yesus. Totongan Sia i Yesus sa kuana: “Sihow Simon bata i Yohanes, i wengala’ne kow Kefas (artinya: Petrus).”⁴³ mandomai si Yesus matangem moho a galilea . We tau’Ngasi Filipus, sa kuana: “Lumasem i Ahu.” ⁴⁴Filipus tou i Betsaida, doong i Andreas bo si Petrus. ⁴⁵Filipus metauw bo si Natanael sa kuana wesia: “Bewetauwem i hamitahula Sia, e mbehua i Musa am bukui Torat bo manga nabi, waaho si Yesus, ba’ta i Yusuf a Nazaret.”⁴⁶Kuan Natanael be Sia: “Awa nioho mauleng mahi a Nazaret? ⁴⁷Kuan i Filipus be sia: “Mayom sawilahen!” Pilahen i Yesus si Natanael mahi we Sia sa i huana be sia: “Pilahen, wai totu-totuu tow Israel, ahii sia walsu!” ⁴⁸kuan i Natanael be Sia: “Kelembisa sa hu kahilalaa Na? Sowaten i Yesus be sia: “ Awe kow tiniang i Filipus, belakum kow lumililiw a tud i kayu ara.⁴⁹Kuaan i Natanael be Sia: “Rabi, si How Bata i Ngeledtow si How Dajai tow Israel!” ⁵⁰Sowaten i Yesus, kuana: “Nde nihuaHu we how: bela’Ku kow a lumililiw a tud kayu ara, awa eman ne num? Kawilahanu e mamoa-moali lebe wako biboho.” ⁵¹Osa i hua i Yesus be Sia: i huahu behamotahula, awahem kawelahanu langit behauha osa malaekat i Ngeledtow kumapet lumolos a mbata i Ngeledtow.

¹nendo kateluna bana makaweng a Kana a Galilea, ninang i Yesus biboho; ²Yesus bo manga muridNa be not a pakawengan iboho.³Kahawuan noho anggor silatahula, kuan i ninang i Yesus be silatahula: “Kinahawuanem anggor silatahula.” ⁴Kuan i Yesus besia: “Asia nihabogngu beaHu, inang? Osa awe Ahu behoamat.” ⁵Sumata kuan i ninang i Yesus boho amanga matuhid: “Asia mbehua behamotahula, tuliden!”⁶Biboho bana enem tampayang sinadia pakesean papanjamoan lau’d i tow Yahudi. Suang i tampayang esa dua telu buyung. ⁷Kuan i Yesus boho a manga matuhid: “Suanganem manga tampayang iana pulingen i nahe.” sasuangan i latahula ahad nmawuling. ⁸Osa kuan i Yesus besilatahula: “Wai kalokongen saweangenem a kapalai pesta.” Tilahom pineang ilatahula.⁹Naaman noho i kapala pesta e nahe, enimamoali anggor hii kalahan ilatahula sa wisana sa weangenai sa tiange’na makaweng tuama, ¹⁰Sa kuana be Sia: awahem samanga tow mobulah anggor numanam mawede oho sia, osa waaho hii numanam, sumata kow mahepapa anggor hii numanam ahadainia.¹¹Waaho tinulid i Yesus a Kana Galilea, pahamuna’na tinulidan tanda-tanda Na. Osa waahom beturuNa konungaanNa, sa emanen i manga murid’Na Sia.¹²Haworusoho nioho moho si Yesus a Kapernaum, iwalalas i mama Na bo manga pog’Nga bo manga muri-murit Na, bati tahula ngando silatahula i sumondo io bi boho.¹³Endoi boho pawalooren Paskah tou Yahudi matang moho a Yerusalem. ¹⁴Asuang i mbalē wasesengan koamata’Na manga mahuun i sapi, bēmbe domba bo mombo, bo masaleng doid medatu ratuh biboho.¹⁵ Tumulid Sia cambok atali osa i wogussunNa silatahula a mbale i Ngeledtou e pahasa bembe domba sapi, bo waaho doit besurabu;Na a toba bo waaho meya pinamolisuang Nga” ¹⁶Waaho manga tibo-tibo i mombo Kua’Na: Injon pahasa wai sa naan tuliden i jamotahula mbulei NamaKu mainjo tampa papajualan.¹⁷ O sa kalimunan i manga muri’d Na, awahen bewatih: Beles tanu balē Nu mawasengit i Ahu. ¹⁸ Manga tou i Yahudi saangen ilatahula si Yesus kuana: Tanda a sia beturunu bihamitahula osa How tumilid kēlē wai behamitahula? ¹⁹Sowaten i Yesus bēsilatahula: Lolohon nilai mbalei Ngeledtou, bati telu ngado malēngen KinatndaiKu.²⁰Osa kuan iboho tow i Yahudi be Sia: Epat ngawulubo enem ngataun e tou i tumod imbalei Ngeledtou Osa si Hou dina momangun telu ngango? ²¹Sumata andian’Na balei Ngeleledtou waaho batanga’Na. ²²Haworus oho, sa Sia malēngem itumow a tou i mate, sakaimunan ilatahula Kaol bo kadait behuan i Yesus.²³ Samantara Sia a Yerusalem tepoi nendo palooren paskah, tadoo totumu maheman i Ngala Na, ndē belahem ilatahula e tanda-tanda tinulid Na. ²⁴ Sumata si Yesus kēlēitu nii emane’na batanga’Na besilatahNa, ndē kahilalaaNa pahasa silatahula, ²⁵Nde ahem nesa tou mehe sairi be di Yesus tanu totumu, nde kalahaNa suang i natei tou.

¹Bana nesa tou i Parisi ngalana Nikodemus, sisia mapiwid Agama Yahudi. ²Ambengi Sia mahi bē si Yesus sa kuana: “ Rabi, kalahan i hamitahula How bēwasiu i Ngeledtou mahi Guru nde talahem e tou do’na tumulid tanda keletinuli’d Nu: sa tahii dulu luhi Na.³Sowaten i Yesus, kua Na: I hua Hu bēhanotahala, awahem satou hii malēngtumow, hii sia meilah i Kaholanoan i Ningumeled. ⁴Kuan Nikodemus bēSia: “Kēlembisa totumu malēng i wawatow, osa sia matuam?⁵Awa sia done malēng sumuang ambēlembiana. A manama sa maleng i wawatow? ⁶Sowaten i Yesus: I huaHu behamotahula, awahem sa wana tou hii i wawatou anahe no monggongguot, hii Sia sumuang Kaholanoan Ngeledtou.⁷Asia nitumow a keted, waaho keted, sai tumow a monggongguot awaboho monggongguot. ⁸Naam i hacranyu, i huaHu be hambotahula: Kamotahula maleng i wawantow.⁹ Kakab i woroseput’na bisana habog’nga Sa kataananu enenuna, ta’hii halahana bisana sasia mahi suma bisana nohoana, kelelaho habi manga tou i tumow amonggongguot. ¹⁰ Sowaten Nikodemus, kuana: Kelembisa nilai dona mamoali? ¹¹Sowaten i Yesus: Sittow masusui a Israel, sa hii halahanu nioho?¹²Ihuahu behamotahula, awahen kamitahula mododa hodait asia nioho kalahan i hamitahula osa i Sairi i hamitahu. Ia asia embelah, Sumata hii tiriman i hamotahula besairi i hamitahula. ¹³Hii emanen i hamotahula, tepo Ahu mesiri-sirita bo hamotahula masirita i Sorga?¹⁴Awe bana tou i miloho a sorga, satahii siSia i lumolos a sorga, waaho mbata i Ngeledtou. ¹⁵Bo kele Si Musa beatanga matatang e nulaha a tinia, keleaho hahi bata i Ngeledtou iatang ihita matatang.¹⁶ Saniboho pahasa tou miheman i Sia mahaere katowang telas. ¹⁷Keleaoho kahakoan mbeles i Ngeledtou ambaoitoba yai, sa iyeheNa mai bataNa Tulong, sa sisei maheman i Sia hii masilaka, Sumata mahaere katowan telas. ¹⁸Nda Ngeledtou i masia imbata Na masii ambaoitoba hii sa mahi menghakimi baoitoba, sumata tanu mawa selamat i hita be Sia.¹⁹Sisei maheman i Sia, hii Sia uk’kuemn, sa sisei hii mahewan, ta’tu sia kele beu’kumen, nde sia tahii maheman i ngalan kedong Tulong i Ngeledtou. ²⁰Waim aho nu’kuman i boho: Sulo i mahim ambaoitoba, sumata totumu bati mabog i karendeman nde e sulo, nde tatawoi ilatahula ta’pia. ²¹Nde sisei e tumulid ta’pia, mareeisulo sahii mahi a suloiboho, manga wawawoina ta’pia hii haturu. Sumata sisei sia tumulid mauleng, mahi Sia a sulo, saniboho i haturu tatawoina tinulidna a sasaangen i Ngeledtou.²²Halawus soho nioho moho si Yesus bo manga muri’d Na a tobei Yudea sa sumondo io biboho wakaru-harua sa mabaptis. ²³Osa si Yohanes maptis a Ainon, atai salim, nde bibohotadoo nahe, sa manga totumu moho biboho sa baptisen, ²⁴Nde tepoiboho si Yohanes awe besuang a tutupan.²⁵Osa maisalaan e murid i Yohanes bo nesa tou Yahudi Pinahisalaan waaho e penyucian. ²⁶Osa silataNa mahi besi Yohanes osa kuana be sia-sia, “Rabi, waaho tou i wakaru-haruai nu a tetelai londola. Yordan bo tanu sisia sinairia num, si sia e nimaptis bo pahaja tou i moho be sia.²⁷Sowaten i Yohanes: Ahem tou dona minjo kele sisia sa ahem kohomba behe besia a sorga. ²⁸Kamotahula, dona sumairi, awahem behuana: Si Ahu hii Mesias, Sumata ahu bewasiu Na mamunamai.²⁹Maha wunya i boho makaweng bene, waaho makawengtuama. Tumotod ataina osa tangaana, karuai kahi tumanga i kodaid makaweng tuama. Waaho i wekahiku, sa wai i wekahiku mio. ³⁰Lebe Sia mebako, sumata siahu lebe mekisid.³¹ Sisei sia ambao samahi tatu sisia lebe ambao, sisei sia e nambaoitoba samahi, waaho nambaoitoba mohoda-hodait kodait mbaoitoba. Sisei na sorga sa mahi pahasa sisia nambao. ³²I sumairi sia asia aho mbela’Nga bo tinanga’Na, ta sêdang i towesa ahem mabog itumanga iboho be sairi Na. ³³ Sisei i tumanga i sairiNa, mangaku sia, awahem Ngeledtou i boho ulit.³⁴Nde sisei mbewasiui Ngeledtou, sisia kumuai kukuai Ngeledtou, nde behonba i Ngeledtou monggongguo’Na hii hasondo. ³⁵ Mutu-utu mahales mBataNa bo i sumarakan i pahasa be Sia. ³⁶ Osa sisei maheman BataNa, mahaera sia katowan telas, sisei sia tahii maheman Bata Na hii sia milah i katowan, sumata nawedu i Ngumeled bana ambaona.

¹Kalahan nohoi Tuhan Yesus, waaho manga tou Parisi i tumanga, awahen sia imahaera ba binaptis i latahulan lebe tadoo a murid Na nde waaho si Yohanes. ²Mandewe si Yesus hii i maptis, sumata manga muri’d Na. ³Yesus a Yudea matang moho a Galilea.⁴Lumeotoho sia i samaria. ⁵Osa sia i hoamatoho andoong samaria ngalana Sikhar maredetan a toba behei Yakub atalewe ambatanai Yusuf.⁶Biboho bana pariri Yakob. Palo io si Yesus andalan, iboho kawalina dumatuh hio Sia atai pariri. Endoi boho tumitingen onah sangawulu borua. ⁷ Osa mahi nesa wenei samaria tumimba ahe, kuani Yesus be sia: Beanai ahu lekuun. ⁸Nde manga muri’dNa imohom andoong tumeleskan.⁹ Osa kuan iboho mbenei Samaria be Sia: Ndeaho How, tow Yahudi, mangelei lekuun beahu tow samaria? (Nde tou Yahudi hii mekacua bo tow Samaria). ¹⁰Sowaten i Yesus besia: Saniboho kalahunu nioho kohomba i Ngeledtou bo sisei Sia enihumaa be how: Beanai Ahu lekuun! Kelemange how i mangeleyem be sia bo sia imehem behow ahei katowan.¹¹Kuan iboho mbene be Sia: “Ngeledtou, Ahem timba Nu pariri iai dalem mio, osa wisana kaerea Nu ahei katowan iboho? ¹²Awa Sittow lebe wako nde namang i hamitahula Yakob, e nimehei pariri behamitahula bo sia iluku asuanga, sisia bo manga batana bo biagena?¹³Sowaten i Yesus besia kuana: sa sisei luku inahei yai, male’ng sia kawelaan, ¹⁴Sumata sisei sia luku ahe iyehe Hu, alam sia kawelaan ahad aeto-eto. Balengen ahe i yehehu be sia, mainjo lumbuhan ambatanga’na, alam ihasondo medoyo-royong ahad penonowan telas.¹⁵Kuan benei boho beSia: Tuhan beanai ahu waaho nahe, saniboho ahu alam kawelaan osa mo’nam maleng mahi tumimba aher. ¹⁶ Kuan Yesus be Sia: Mohonen, tiangen karoangu sa mahi wiai.¹⁷Kuan benei boho: Ahem karoaku. Kuan i Yesus be Sia; “Humiit kuanu, awehen kow ahem karoang. ¹⁸Nde how lima karoangu bo iaitalewe, hii karoangu. Rai talewe kow nabi.¹⁹Kuan benci boho be Sia: Tuhan iai talewe behaturuum be ahu awahem kow nabi. ²⁰Nawo i hamitahulu i Sumalimbuhu andungusan iai, ta’kuan i hamotahula, waaho Yerusalem moho pa salimbuhuan.²¹Kuan i Yesus besia: “Emanenu Ahu, hei bene, teponam nia, awahem kamotahula masalimbuhu besi mutu-utu hii andungusan bo ahli a Yerusalem. ²²Kamotahula sumalimbuhu a tahii kahilalaan ihami tahula, nde kaselamatan mahi a tow i Yahudi.²³ Sumata wai teponan bo wehoamatem nian, manga kasemba totuu masemba i mutu-utu a monggongguot bo a kaulitan; nde pandung i mutu-utu masemba kele waaho. ²⁴Mutu-utu waaho monggongguot sa sisei masembai Sia, totuu masemba i sia, amonggongguot bo kaulitan.”²⁵Sowaten iboho mbene be sia: kalahaiku nioho siMesias mahi, iwapakua Kristus, sa sia mahi, mahi sia kumuai pahasa behanitahula.” ²⁶Kuan i Yesus be sia: “Si Ahu sia, e mohode-hodait-be how.²⁷Tepoi boho mahi e manga muri’d Na sa i haerang i latahula, awahem Sia mohoda-hodaid bo esa wene. Sumata ahem mbaranei tumaan: Asia pandung i hamotahula? Suma: Asia niwesiri-sirita i hamotahula we sia?²⁸Osa beepaam mio imbenei boho e tampayang’nga osa sia moho andoong osa ihuana a manga totumu biboho; ²⁹“mayom, pilahen! Biboho bana nesa tou ihumua beahu a sia nioho tinuli’ku. Awa Sia nioho Kristus? ³⁰Osa silatahula moho andoong osa mahi besi Yesus.³¹Samantara e manga muri’d Na Misû i Sia, kuana: “Rabi, kumarem”. ³²Sumata kua Na be silatahula: Beahu bana pakanen ahlii hahilalaan i hamotahula. ³³Osa manga muri’d mekuhuuan a nesa hele anesa: Awa bana tow mapea-weang awa sia mange be sia tanu kanen?³⁴Kuan i Yesus be silatahula: PakaneiKu waaho tumulid kahaboge Na imasiu Ahu bo mawahâo i tawoye’Na. ³⁵ Awa behaam i hamotahula? Epatngaula’pe teponam manguwu? Sumata i huahu be hamotahula: Pilahen kumeked i how totongan e manga wedeng kuningem hawue-wuem sauwuun. ³⁶Italewe tapanguwu biaeranem lokona i sumesen bua i penonowan kaeto-eto, osa tapalulumbo bo tapanguwu mekêwekêle mekahi.³⁷Nde niai humiit kuai kodait : esa tow malulumbo sa balina e manguwu. ³⁸Iwasiu HU how manguwu asia tahii kaereanu tow walina dumameji sa hamotahula mahi tumiwi imbendui latahula.³⁹Bo tadoo tow Samaria andoongi boho emanen ilatahula be Sia nde kodaid imbenei boho, isumairi ; Kua Na we ahu pahasa nioho tinulidku. ⁴⁰Ihoamat oho how Samariai boho be si Yesus, pengeleyen latahula be Sia, saniboho Sia sumondo io besilatahula, osa Sia sumondo io dua ngando kaetoan.⁴¹Osa lebe tadoo tou imeman pahasa kodai’dNa. ⁴²Sakuan ilatahula ambenei boho : “Emanen ihamitahula, sumata ahii sa apa-apaan mbehuanu, ta’kinataananem i hamitahula be Sia bo hamitahula, awahem totuu si Sia juruselamat imbaoitoba.⁴³Karuana ngando si Yesus matang biboho moho aGalilea, ⁴⁴Nde si Yesus isumairi, awahem bana nabi ahii wasiriin andoonga. ⁴⁵Ihoamat oho sia angGalilea, beormatia sia itow Galilea, nde mbelahe ilatahula assia tinuli’d Na a Yerusalem boho a pesta, nde tekai silatahula mbewakarua a pesta.⁴⁶Osa si Yesus maleng moho a Kana angGalilea, biboho Sia itumuli ahe mainjo anggor bo a Kapernaum be nesa tow pegawai istana, bata’na pahadosan. ⁴⁷ Tangaana moho, si Yesus imahim a Yudea samahi moho angGalilea, tilahom sia imoho be si Yesus pangeleya’na iwawawemauleNga bata’na nde aho keding toyo’ta imate.⁴⁸Osa kuan i Yesus be sia : sa how imilah i tanda mujizat, hii emanen’nu. ⁴⁹Kuan iboho pegawai istana be Sia : Tuhan mahinem a talewe i mate mbata’ku. ⁵⁰Kuan i Yesus be Sia : “mohonem, menonow bata’nu ! Emanen i totumu iboho kodait i Yesus be sia osa sia moho.⁵¹Andala’npe mio sia i mangahim e manga pog’nga mehe abar awahem mbata’na menonow. ⁵²Taanan’na be silatahula, tumiting tahula kedongi boho memauleng sowaten ilatahula : kaii hoa-hoa tumiting i nesa alam sia behow.⁵³Kaimunan i wapa’na, tapoi boho se huan i Yesus besia. “bata’nu menonow”. Totuu ndom osa emanen’na bo pahasa sangana’nga. ⁵⁴Bo waahom tanda karuana tinulid i Yesus malengoho Sia a Yudea moho angGalilea.

¹Halawusoho nioho bana nendo walooren i tow Yahudi, osa si Yesus matang moho a Yerusalem. ²A Yerusalem atai imbonang bako domba bana nesa papaan kuaan itow Ibrani Betesda ; lima elesad’na. ³Biboho ammanga lesad tadoo totumu pahadosan meleked manga totumu bu’ta, manga tow bakui bo tou hii helapang, manondo-nondo kaluad inahei papaani boho. ⁴Nde matepo-tepo lumolosai malaekat i Ngeledtou a papaan meye inahei boho, sa sisei tilaho sumuang meye oho kaluad inahe, memauleng, asia mange mahado’na.⁵Biboho bana nesa tou telu ngawulu bo walu ngatau sia pahadosan. ⁶Kawilahan noho i Yesus sia meleled bibohom bokalahaNa, awahem etoom sia kelewaaho, kuaNa wesia : mabog kow memauleng?⁷Sowaten ibooho papaani bange sa nahe molai meye kumaluad samantara ahu mahehowe, boho apapaan, tow walina pahamunan nde siahu. ⁸Kuan Yesus be sia “tumodem, peangen niana pahooanu sa lumapang.⁹Tuos iboho imemaulengem totumu iboho sa iatangan pahooan na sa lumapang. Sumata endoi boho sabat.¹⁰Iboho kawalian manga tou Yahudi kumua boho atow memaule’ng pe mio-inia endo sabar hii how mataumeang i pahooan’nu. ¹¹Sumata kuana besilatahula : tow imawawemauleng iyahu, si Sia nihumua beahu : latang pahoooany sa lumapang.¹²Taanan ilatahula wesia : sisei nioho totumu ihumua behow : latang pahooanu sa lumapang ? ¹³Sumata weaho tow imemaulengem hii mahalad sisei aho totumu, nde si Yesus behatala nemoho a tutud i katadooan totumu biboho.¹⁴ Mohoitau mange iwetauw i Yesus sia ambalei Ngeledtou osa kumua be sia : sihow imemaulengem, mo’nam tumulid sea, saniboho how mainjo ta’pia, ¹⁵Tilahom ilumuai towi boho. Osa mohona iworosirita atow Yahudi, awahem si Yesus i mawawemauleng i ahu.¹⁶Iboho kawalian manga tow Yahudi dumameji mauwah si Yesus, nde sia nitumulid iboho anendo sabat. ¹⁷Sumata kuan i Yesus besilatahula : “si wapaha matawoi ahad inia, iboho kawalian Ahu tumawoi. ¹⁸Boho kawalian manga tou Yahudi lebe dumameji i mate si Yesus, hii sawati waaho sia hii mikaya i sabat, sumata kahi Sia kumua Ngeledtou si wapaNa mutu-utuna bo wekelena batanga Na bo Ngeledtou.¹⁹Osa kuan i Yesus sumowad silatahula, kuaNa : Ihuahu be hamotahula, awahem kedong hii mahaelei tumawoi sa wati batanga’Na mio. Sa hii Sia mila mutu-utu tumawoi nde asia tawoyen mutu-utu, waaho hahi tawoyen i kedong. ²⁰Nde mutu-utu mahalas i kedong sa ituruNa be Sia epahasa tinawoiNa mio, keleaho Sia ituruna be Sia e manga tawoyen osa hahi mange tawoyen bako osa hahi manga tawoyen iboho osa ihaerang ihamotahula.²¹Nde kele mutu-utu mawatow i mangatow i mamatem bo maleng mawatow, keleaho hahi kedong mawatow sisei e nihabog’Nga. ²²Mutu-utu hii mahahim iseiseiange, sumata besarakanem e pahakiman niboho pahasa a kedong, ²³Saniboho pahasa tow masiri kele silatahula masiri i namang mutu-utu. Sisei how hii masiri i kedong, kele mange how hii masiri i namang mutu-utu, i masiu i Ahu.²⁴Ihuaha be hamotahula : sisei sia matang kodai’ku osa maheman be Sia imasiu i Ahu, mahaere sia katowai telas bo ahii sia uk’kumen, nde Sia irumesom a pawate a menonow.²⁵Ihuahu behamotahula : awahem tepona ihoamatem, bo hoamatem awahem manga tow imamatem mahataan kodoid bata i Ngeledtou bo silatahulai nimahatanga, malêng tumow.²⁶Ndekele namang mutu-utu bana katowan ambatanga’Na mio, kele aho hahi beheNa batNa mahaere katoan ambatangNa mio. ²⁷Osa beheNan kawasa be Sia murus, nde Sia bata itotumu.²⁸Naam i haerang ihamotahula nioho, nde topona hoamatem nde pahasa tow asuangi kubut mahataan i kodai’Na. ²⁹Sa silatahulai ni matuli-tulid mauleng male tumow a penonowan kaeto-eto, ta’silatahula matuli-tulid ta’pia male’ng tumow sa uk’kumen.³⁰Hii ahu matau tumulid wasi wasia ambatangaiKu mio, mutus Ahu asia nioho kinataanaiKu, bo pahuruseiku ulit adil, nde nia hii kahabogeiku, sumata kahabogena i masiu i Ahu. ³¹Sahu sumairi tanu batangaiKu mio, tatu sairi Hu hii humiit, ³²Bana mbalina sumairi tanu si Ahu ta’ kalahaiku, awahem be sairiNa tanu si Ahu totuu ulit.³³Kamotahula i hamirim bewasiu besi Yohanes osa sia isumairim i kaulitan. ³⁴Sumata Ahu hii erlu sairi i kaheletou, sumata ihuahu niai, saniboho hamotahula maselamat. ³⁵ Si Sia nioho sasoloan a melalap bosumelo bo hamotahula mahahelam ahii hapui suloi boho.³⁶Sumata bana nisairiHu lebe wenting a nisairi Yohanes, waaho pahasa tawoyen iyehe i mutu-utu be Ahu, saniboho nioho tulideiku. Waaho niho tawoyen tulideiKu iaitalewe, bo waho, mbe sairi tanu si Ahu, awahem namang mutu-utu nimasiu i Ahu. ³⁷Mutu-utu nimasiu i Ahu. Si Sia nisumairi tanu si Ahu. Hii maahasa tangaan ihamotahula kodaina. GioNa hii mahasa kawilahan ihamotahula. ³⁸Bi kukuaNa hii mahasa sumondo io behow, nde tahii emanen i hamotahula sia e masiuNa.³⁹ Silihen ihamotahula emanga Kaol, ndesa sangkan ihamotahula si Sia kamotahula bana katowan telas sumata mande suang i Kaol sumairi tanu si Ahu, ⁴⁰Ta’ kamotahula hii mabog mahi we Ahu mahaere iboho katowan.⁴¹Hii Ahu mabog siriin itow, ⁴²Sumata kamotahula, kalahaiku mio suang inate hamotahula hii mahales i Ngeledtou.⁴³Mahi Ahu tanu ngalan i Nama’Ku, mutu-utu Hu, ta’ kamotahula hii tumirima i Ahu ; stow walina mahita ngalan mio, tiriman i hamotahula. ⁴⁴Kelembisa hamotahula meman, kamotahula hii mabog siriin itow walina hii mabog sumiri tanu Ngeledtou pahemanu.⁴⁵Naam kamotahula sumangka, awahem mahu mahatau asasaangen i mutu-utu e ni mahatau ihamotahula waaho si Musa, waaho si Musa, be sia hamotahula mepa paharawanu. ⁴⁶Nde sa hamotahula waheman be si Musa, tatu hahi hamotahula maheman be Ahu. ⁴⁷Ta’ sa hamotahula meman asia nioho mbewati’nga kelembisa hamotahula maheman asia mbehuaHu?

¹Haworus oho nioho matang si Yesus moho atetela iluah Galilea, haaho luah Tiberias. ²Tadoo totumu luluten mange malalas i Sia, nde tadoo mujizat-mujizat mawawemauleng, i totumu pahadosan tinulid’na. ³Sa si Yesus metung ambaoi ndungusan sa dumatuh biboho wakaru-haruai manga muri’d Na.⁴Pashah, endo pawalooren i tou Yahudi ala’kapui. ⁵ Pilahen noho Yesus kumekêdNa, sa monarah, awahem tadoo totumu luluten mange mahi we Sia, kuan Yesus besi Filipus “ Bisana telesan ihita kipul roti, saniboho silatahula dona kuman ? ⁶ Waaho behua i Yesus, mangepe be sia, nde kalahaNa asai e tulide’Na.⁷Sowaten i Filipus be Sia : “roti kipul baer i dua ngatus dinar ahii ro’ro mande silatahula mahaere mange mekele hisid. ⁸Kuan i mari’dNa si Andreas pog i Simon Petrus be Sia; ⁹bana kedong biai lima ngawowote roti kipul bo dua enda, sumata awa niange doro a totumu kele ange katadooan ?¹⁰Kuan i Yesus : i wasium manga totumu iana medatuh”. Tampai boho tadoo noho, oasa medatuh manga totumu iboho hii hahurag a lima ngoribu katadooan manga tuama. ¹¹Tilahom si Yesus i minjo roti, sa i sombayaNga sa webetengen besilatahula a medatuh-ratuh biboho. Keleaho hahi tinuli’dNa a manga da, katadooan nihabog ilatahula. ¹²Asahoho silatahula kuaNa a manga muri’dNa : sesenen niana manga powa’na saniboho ahem niwoula.¹³Tilahom sinesen, sangawulu bo rua bonut e powo’na i lima roti lebe hahi kuman noho silatahula. ¹⁴Kawelahan noho imanga totumu e mujizat tulid’na, kuan ilatahula : Awahes Sia totuu nabi e mahi ambaoitoba. ¹⁵ Kalahan i Yesus, silatahula mahi sa weangen ilatahula Sia karuai peleseen iatang ilatahula Sia daja, moho Sia menyingkir imbe ange, siSiai nesa.¹⁶Bawaandom molainem dumendem manga murid i Yesus moho aluah, sa manake mabolutu. ¹⁷Sa tumetela moho a Kapernaum. Alam dendemem awe si Yesus imahi tumauw silatahula. ¹⁸Bohol i saloyon bako bae kakab depet.¹⁹Meru oho silatahula awe onah dua telu mil karengkangan, pilahen ilatahula si Yesus mahebebe ambaoi nahe sumusud ohoi bolutu. Matalo mio silatahula. ²⁰Sumata kuan i Yesus besilatahula : “siAhu niai, naam matalo. ²¹Isake ilatahula Sia ambolutu, hii makapui be heramatem silatahula a suaan.²²Mandomai tadoo we totumu awe i maleng a tetela, meilah ahem bolutu bati io waaho hii si Yesus i sumake ambolutu karua i manga muri’dNa, bati manga muri’dNa eni matang. ²³Makapui imahim bolutu a Tiberias sumua tai kinanan ilatahula roti, a nisombayanag ngoho i Tuhah.²⁴Tadoo aho manga totumu meilah oho si Yesus bo manga muridNa alam biboho i sumakem silatahula ambolutu moho a Kapernaum mangilah si Yesus. ²⁵ Iwetouw oho i manga totumu si Yesus ambeta i saloyon kuan ilatahula be Sia : “Rabi, kaisa how behoamatai wiai?"²⁶Sowaten i Yesus silatahula : “ I huahu behamotahula, awahem kamotahula mangila i Ahu, ahi asa hamotahula imilahem i manga tanda, sumata komotahula ihumanem roti osa hamotahula masuhem. ²⁷Matawoi, hii sa tanu kakanen mahaere kabinasaan, sumata tanu kakanen e tahang abad penonowan. Telas, eniehe Bata i Ngeledyiu behow ; nde siSia e sa be sia matu-utu, Ngeledtou, tapel Na.²⁸Osa kuan ilatahula beSia : “Asia tuliden ihamitahula, saniboho kamitahula tumawoi i tawoyen ihabog i Ngeledtou. ²⁹Sowaten i Yesus besilatahula : “waim tawoyen papandungen i Ngeledtou, yanasa kamotahula maheman beSia ambewa siumai i Ngeledtou.³⁰Osa ihuai latahula beSia : “tanda wasia we tinuli’d Nu, saniboho kamitahula milah bo maheman i How ? Tawoyen asia e tuli’deNu ? ³¹Nawo ihamitahula i human mana a tinia, kele embewatih : silatahula bineaNa kan roti a sorga”.³²Osa kuan i Yesus besilatahula : Ihuahu behamotahula awahem hii si Musa e nimehe roti behamotahula a sorga. Sumata Namangku mutu-utu nimehe roti behamotahula roti totuu a sorga. ³³Nde roti a Ngeledtou waahoo roti ilumolos a sorga e mahehe penonowan ambaoitoba”. ³⁴ Osa kuan ilatahula be Sia : Ngeledtou, beanai hamitahula roti na hasondo”.³⁵ Kuan i Yesus besilatahula : “si Ahu roti katowan; sisei sia mahi we Ahu, alam sua maleo, bo sa sisei maheman i Ahu, alam sia kawelaan. ³⁶Sumata ihua hu be hamotahula ; mande hamotahula imilahem iahu, hii hamotahula meman. ³⁷Pahasa behei NamangKu beaHu maleng mahi be Ahu, bo sisei sia mahi be Ahu hii Sia itiKu.³⁸ Nde Ahu nilumolos a sorga hii tumulid pandu’Ku sumata pandung i Ngeledtou i masiu i Ahu. ³⁹ Osa wai pandu’Nga i masiu i Ahu, saniboho pahasa beheNa be Ahu ahem nihatala sumata male’Ku iwawatow a nendo mahahad. ⁴⁰ Nde wai pandung i Namangku, sanibohp pahasa tou milah keding sa maheman i Sia mahaere katowan telas, saniboho male ku iwawatow a nendo mahahad.⁴¹Mosau-sauna mio tou i Yahui be Sia, nde mbehua Na : “ Si Ahu roti ilumolos asorga”. ⁴²Kuan ilatahula : hii Sia niai si Yesus, bata i Yusuf, mama bo wapa Na kahilalaan ihita ? Kelembisa Sia kumua : ilumolos Ahu a sorga ?⁴³ So’waten i Yesus be silatahula : “naam kamotahula mosau-sauna”. ⁴⁴ Tow esa ahen do’na mahi we Ahu satahii sia kosen i mutu-utu i masiu i Ahu. Bo sia maleku iwawatow anendo mahahad. ⁴⁵Bana mbewatih akukua i nabi-nabi : bo pahasa silatahula susuyan i mutu-utu. Bo sisei nitumanga bo tumirimai mbesusui i mutu-utu, mahi be Ahu.⁴⁶Wai ahem mbaera, awahem bana totumu imilahem si mutu-utu. Bati siSia mahi a Ngeledtou, si Siam nimilah i mutu-utuh. ⁴⁷ Ihuahu behamotahula ; kaulitan sasisei maheman, mahaere sia katowan telas.⁴⁸Si Ahu roti penonowan. ⁴⁹Nawoku ihumanem manna a tinia ta silatahula i matem.⁵⁰Waim roti ilumolos a sorga : sisei sia kuman i sia, hii sia mate. ⁵¹Si Ahu roti penonowan, ilumolos a sorga swana tow kuman roti iaia penonowan ahad kaeto-eto, bo roti iehehu waahu ketédKu, ieheHu tanu penonowan ambaoitoba.⁵²Manga tou Yahudi i mekahanjoan anesa hele anesa sa kuan ilatahula : kelembisa sia mehe i keted Na kanen ihita”. ⁵³Kuan i Yesus besilatahula : i hua hu behamotahula, awahem sa hamotahula kuman i keted Bata iNgeledtou boluku indahaNa, hii hamotahula menonow ambatanga nu,⁵⁴Awahem sisei sia uman i kete’Ku boluku indahaKu mahaere sia katowan telas bo male’Ku sia iwawatow anendo mahahad. ⁵⁵Nde kete’ku totu-totu kakanen bo daha’ku totu-totu palekuun. ⁵⁶Sa sisei kuman i kete’Ku bo luku ndaha’Ku, metewio sia be Ahu bo Ahu be sia.⁵⁷Kele mange si mutu-utu menonow i masiu i Ahu bo Ahu menonow tanu mutu-utu, keleaho hahi sa sisei e kuman i Ahu, menonow sia nde si Ahu. ⁵⁸ Wai roti ilomolos a sorga, hii sa hele roti pinakan inawo-nawo i mamatem. Sasisei kuman i roti yai, penonowana ahad kaeto-eto”. ⁵⁹Pahasai boho kuan i Yesus a Kapernaum kele bewasusui Na ambale wasesenan.⁶⁰Kataanan nohoi latahula nioho kodait kuan i manga murid i Yesus : taned io kodait iai sisei ndona tumanga ? ⁶¹Kalahan i Yesus asuang i nateNa. Awahem manga muridNa mosau-sauna hawali wiboho, kumua be silatahula : “Awa kodait iboho mawataned kawahema’nu ?⁶²Osa kelembisa, sa hamotahula milah Bata i Ngeledtou kumapet bisana nutunaNa atalewe? ⁶³Monggonguot e mehe penonowan, ahem bereguna i keted. Pahasa kodait be huahu behamotahula waaho monggongguot bo penonowan.⁶⁴Sumata esaan behamotahula bana tahii meman. “nde awe moho kalahanem i Yesus, sisei tahii meman bo sisei i sumatakan isia. ⁶⁵Osa kuaNa : nde aho behua hum behamotahula : tow esa ahem dona mahi we Ahu satahii kohomba i mutu-utu be Sia.⁶⁶Molai wiboho tadoo muridNa malengilihud alam ilumas i Sia. ⁶⁷Osa kuan i Yesus a kasangawulu bo rua i muri’d Na : “Awe hahi hamotahula alam mabog moho ? ⁶⁸Sowaten i Simon Petrus be Sia : “Ngeledtou, besisei e nohoan i hamitahula ? Kodai’Nu waaho kodait tumow kaeto-eto ; ⁶⁹Emanen ihamitahula bo kalahanem, awahem kow waaho leo a Ngeledtou.⁷⁰Sowaten i Yesus besilatahula : “Hii halahan i hamotahula si Ahu ni sumisir ihamotahula sangawulu borua? ⁷¹Panutuiku waaho si Yudas, bata i Simon Iskariot, nde sisia e sumarakan si Yesus, sisia nesa kasangawulu bo ruai murid.

¹Haworus soho nioho mahebebe si Yesus makeked ingGalilea, nde Sia hii mabog sumondo io a Yudea, nde biboho manga tou i Yahudi mahawe-awe io mate si Yesus. ²Tapoi boho maha susutem nendo walooren i Yahudi, waaho nendo walooren pondok daun.³Osa kuan i manganpog i Yesus be Sia : matangem biai moho a Yudea. Saniboho manga muri’dNa milah kelembisa tinulidNu. ⁴Nde alahem totumu tumawoi atampa iruru ru, sa mabog a sasaangen i pahasa. Sa how mabog tumulid kelewai ituru mbatangaNu ambaoitoba.⁵Nde manga pog Nga hii menan i Sia. ⁶Sa sowaten i Yesus besilatahula : “tepo hu behoamat, sumata kamotahula bana tepo. ⁷Baoitoba hii mareei hamotahula, sumata sia mareei i Ahu, nde nisairihu sia nde pahasa tatawoina tapia.⁸Mohonem kamotahula biboho apesta. Awe Ahu mohoi boho nde tepohu awe i malekew. ⁹Keleaho kua Na besilatahula, osa Sia sumbondo io angGalilea.¹⁰Sumata maho moho manga pog i Yesus boho a pesta, makapui moho mange si Yesus biboho hii mawaturu sumata metetew. ¹¹Manga tou Yahudi mangilah i Sia biboho a pesta sa kumua : “Bisana Sia?¹²Tadoo kataanan mobuyu-buyung manga totumu iboho i Sia. Bana kumua : “totumu mauleg sia”. Bana hahi kumua : “Hii, mawasesat Sia i tow”. ¹³Sedang i tow esa ahem mbaranei momoha asasaangenNa nde matalo i manga tow i Yahudi.¹⁴ Awe behalawus pesta iboho, Yesus sumuam ambale wasesenan osa masusui biboho. ¹⁵Haerangio ioho mange tou Yahudi sa humua : “Kelembisa totumu iange mahalah osa sia hii marikola”. ¹⁶ Sowaten i Yesus besilatahula “besusui be Ahu hii sa be Ahu mio besi Ngeledtou, sumata siSia nimasiu i Ahu.¹⁷Sa sisei mabog tumulid kahabogNa, kalahana enioho besusui Hu a Ngeledtou samahi, keleaho hahi iwenunu be Ahu mio. ¹⁸Sa sisei menunu imbatangana mio kele mange sia mangilah ngalan tanu batanga na mio, sumata sanangilah ngalan tanu si Sia i nimasiu, totumu sia ahem ekatotuuan besia.¹⁹Awa ahii si Musa imehe i hukum Torat behow ? Sumata ahem moho tow esa itumulid iboho hukum Torat. Ndeaho hamotahula dumameji mate i Ahu ? ²⁰Manga totumu iboho sumowat : “sinuang kow isetang ; sisei endumameji mate i How ?²¹Sowaten i Yesus silatahula : bati esa e tulideiKu sumata i haerang i hamotahula. ²²Iboho kawalian bewahataum i Musa saniboho kamotahula sunaten awahem sunat iboho hii besi Musa sa mabi, sumata a nawo-nawo ihita osa kamotahula sumunat itow a nari sabat !.²³Sawana sunaten anari sabat, naam lumawah hukum Musa, ndeaho hamotahula maree i Ahu, nde Ahu imawawemauleng esa tow anari sabat. ²⁴Naam urusen kele ambelahem, sumata urusen a kaulitan.²⁵Manga tow i Yerusalem mekua-hua : “Ahii sisia nioho paten ilatahula”? ²⁶ Sa pilahen menunu Sia ahem moho kumua was-wasia be Sia. Awa pahinjon matuai hita totuu mahalahem, awahem si Sia nioho Kristus ? ²⁷ Sumata totumu iboho hii halahan ihita sa sia tou inawa, sumata sa si Kristus mahi ahem nesa tow mahalah sasia tow inawa”.²⁸Tepo si Yesus masusui ambale Ngeledtou, ihuaNa : awahem Ahu kahilaan ihamotahula bo kalahan ihamotahula bisana Ahu sa mahi ; sumata Ahu mahi hii sa panduKu, ta Ahu bewasiu na ta totuu hii kahilalaan ihamotahula. ²⁹KahilaaKu Sia. Nde Ahu mahi be Sia. Bo siSia nimasiu i Ahu.³⁰ilatahula tihoon Sia, sumata ahem mbaranei sumait i Sia, nde awe tepona. ³¹Ta akatadooan itotumu tadoo mange meman i Sia. Sa humua : “Sa Kristus mahi, kebe tadoo mujizat tulide Na bo lebe a tukide Na wai ? ³²Tadoo e manga tou Farisi itumanga bo tadoo mobuyu-buyung asia nioho si Sia, keleaho hahi manga imam pahinjon matua bo manga tou Farisi masiu i manga mahiaha ambale Ngeledtou tumiho i Sia.³³ Kuan i Yesus : “Alam kapui tepona Ahu iwakaruai hamotahula haworus soho moho Ahu be Sia niwasiu i Ahu. ³⁴ Pengilahen ihamotahula Ahu, ta hii Ahu iwetauw. Nde tahii hamotahula hii matau mahi a pahutunai Ku”.³⁵Kuan iboho manga tou Yahudi anesa hele anesa : Bisana nohoan Na nde hita iwetau’Nga ? Awa panduNga moho be silatahula a mahutun a doong itou atou Yunani masusui atou a tou Yunani ? ³⁶ Asia nioho kodaid behuaNa : Kamotahula mangilah i Ahu sumata kamotahula hii metaw i Ahu. Sa hamotahula matau mahi a pahutunaiKu.³⁷Bo anendo mahahad, waaho patahadan palooren, tumod si Yesus sa humua : “sa sisei how kawelaan mahisia be Ahu sa luku !. ³⁸Sisei sia maheman i Ahu, kele mbehuai Kaol, asuang inatena dumoyong doyong i nahei katowan.³⁹Pandung Nga waaho monggongguot e kaerean ilatahula i maheman be Sia nde monggongguot awe i mahi, nde si Yesus awe dinayow.⁴⁰Tahula aho tow akatadooan itotumu tumanga i manga kodait : “si Sia niai totu-totuu abi totuu mahi. ⁴¹kumua : “wai Sia Mesias”. Sumata balina kumua : “Ahii, Mesias hii angGalilea sa mahi. ⁴²Nde Kaol ihumua, awahem si Mesias suru i Daud andoong mBetlehem, atalewe pinahutuan i Daud”.⁴³Akatadooan i totumu silatahula imekahanjoan tatawoiNa. ⁴⁴Manga wana totumu biboho esaan besilatahula maboh tumiho si Yesus ; esaan besilatahula ahem mbaranei sumait i Sia.⁴⁵Waaho manga mahiaha moho besi imam-imam kapalai tow Farisi, sa kuan ilatahula : ndeaho tahii pineangai ihamotahula Sia ? ⁴⁶Sowaten iboho manga mahiaha : “Awe bana maha tow menunu kele totumu iboho !.⁴⁷Sowaten iboho manga tou Farisi be silatahula : “Awa kamotahula mbehaureng ? ⁴⁸Bana nesaan behamotahula manga mapiwid meman i Sia, suma bana nesaan behamotahula manga tou Farisi ? ⁴⁹Sumata manga totumu iboho hii mahalah iboho hukum Torat, tenan i katula silatahula !⁵⁰Nikodemus, esaan besilatahula, atalewe i mahim be Sia, kumua besilatahula : ⁵¹hukum Torat ihita mahu’kum itow, awe kinataanan awe kalahan asia tinulidNa ? ⁵²Sowaten ilatahula : “Awa how tow ingGalilea ? Silihen e Kaol osa kalahanu ahem e nabin mahi angGalilea.⁵³Osa silatahula maleng, ambalei latahula,

¹Sumata si Yesus moho ambukit Zaitun. ²Dapa-rapa we moho sia asuangem imbale wasesenan, pahasa tow imahim be Sia, irumatuhem mio Sia masusui be silatahula. ³Osa manga ahli-ahli Torat bo manga tow Farisi maangai beSia esa wene i mabela. Beepa ohoi latahula mbenei boho a tu’tud.⁴Osa kumua besi Yesus : Rabi waange mbene tiniho ihamotahula sia mabela. ⁵Pereta i Musa a hukum Torat panuwiin e manga wene kelewaaho, kelembisa ndekenNu akelewaaho ? ⁶Kele waaho mbehua ilatahula mangepe be Sia, nde biboho do’na kaereaan ilatahula mee Sea be Sia. Kumuru nemoho si Yesus sa iwatih i tundu Na atoba.⁷Hii hasondo silatahula menaa-naan be Sia, tilahom Sia i tumod sa humua besilatahula : “sisei nesaan behamotahula hii werdosa, sisia e pahamunan tumuwi imbatu ambenei bange. ⁸Tilahom Sia melang ihumuru sa matih atoba.⁹Sumata kataonan noho ilatahula kodaid iboho, ilumolahem silatahula mengesa-ngesa molai amatua ahad ihapa io si Yesus sisiai nesa bo wa’aho mbene metew io atampana. ¹⁰sa si Yesus tumod sa humua besia : “Hei bene, bisana silatahula ? Awa ahem anesaan totumu iboho mu’kum ihow ? ¹¹Sowaten’na : Alahem, Tuhan. “Osa kuan i Yesus : “Si Ahu we hii mu’kum ihow. Mohonem, osa mo’nam maleng tumulid sea molai iaitalewe.¹²Osa kuan i Yesus boho akatadooan totumu kuanNa : “si Ahu suloi mbaoitoba, sisei sia lumas i Ahu, hii sia lumapang a karendeman, sumata sia mahere suloi penonowan”. ¹³Kuan imanga tou Farisi be Sia : “Sihow sumairi imbatangaNU, sairinu hii humiit.¹⁴Sowaten i Yesus besilatahula : Mande Aku sumairi ambatangaiKu mio sumata sairi Hu totuu, nde kalahai Ku, bisana Ahu samahi bo wisana nohoaiKu. ¹⁵Urusen i hamotahula kele sokad itotumu, sedang itowesa ahem e nuruseiKu, ¹⁶Sa Hu murus, uruseiKu nioho totuu. Nde Ahu hii wati towesa. Sumata Ahu wakaru-haruaNa i masiu i Ahu.¹⁷Bo asuang i kotab Torat ihamotahula bewatih, sairi indua tow totuu. ¹⁸Si Ahu nioho nisumairi imbatangaiKu mio, bo mutu-utu nimasiu i Ahu, isumairi tanu si Ahu.¹⁹Osa kuan ilatahula be Sia : “Bisana mutu-utu Nu ? Sowaten i Yesus : “Mauleng Ahu, keleaho mutu-utuh Hu hii hahilalaan ihamotahula. Sa hamotahula mahahilala i Ahu, kahilalaan i hamotahula mutu-utuHu. ²⁰waaho mbehuai Yesus a mahepa indoid, waaho Sia masusui ambales Ngeledtou. Osa ahe nesaan besilatahula i tumiho i Sia, nde tepoNa alawe.²¹kuan i Yesus boho akatatooan totumu : “Mohonem Ahu osa ahu pangilahen ihamotahula sumata kamotahula mate apa-apaan indosa ihamotahula. Atampa ohoai Ku ahi kaahian ihamotahula”. ²²Osa kuan iboho manga tou Yahudi : “Awa sia dumai i batangan osa noho ihuNa : tampa ohoaiku ahii kaahian ihamotahula.²³Osa kuaNa besilatahula : “Kamotahula andalem samahi, si Ahu ambao, kamotahula ambaoitoba yai, si Ahu ahi ambaoitoba samahi. ²⁴Iboho kawalian ihuahu behamotahula, awahem Ahu mate apa-apaan sea i hamotahula ? Sa hii emanen ihamotahula, awahem Sia hu Sia, mate hamotahula apa-paan sea hamotahula.²⁵Osa kuai latahula be Sia : “ Sisei ndo kow ? “ kuan i Yesus besilatahula : “Asia mbereguna Ahu masirita bo kamotahula ? ²⁶Tadoo e nihuaHu bo uruseku tanu hamotahula, sumata sia, nimasiu i Ah, totuu, bo asia nioho kinatangai Ku be Sia, waaho nihua ambaoitoba”. ²⁷Hii halahan ilatahula, awahem behua Hu besilatahula tanu mutu-utu.²⁸Osa kuan i Yesus : “Sa iatang ihamotahula emBata i Ngeledtow waahom kalohaan ihamotahula awahem si Ahu Sia, osa Ahu hii tumulid wasi-wasia ambatangaiKu mio, sumata Ahu mesiri-sirita, iboho hal-hal, kele mbesusui i mutu-utu be Ahu. ²⁹Bo Sia i masiu i Ahu, piwiwide Na Ahu, hii ahu ilingoNa siahu nesa, nde Ahu itumulid asia iwetenaan be Sia. ³⁰Iwaha hua moho i Yesus e pahasa, tadoo totumu imeman i Sia.³¹Osa kuaNa amanga tou Yahudi amaheman i Sia : “sa hamotahula uli-ulit a kukuaHu, kamotahula totu-totuu muri’Ku. ³²Osa kalahan ihamotahula kaulitan, bo kaulitan iboho mawamerdeka ihamotahula. ³³Sowaten ilatahula : “kamitahula surui Abraham bo hii mahasa i mainjo a’ta be sisei ange. Kelembisa how dona humua : kamotahula merdekan ?³⁴Kuan i Yesus besilatahula : “IhuaHu behamotahula, awahem sa tou tumulid dosa, waaho tai dosa. ³⁵Bo a’ta hii sumondoio ambae, ta kedong sumondo io sia asuang imbale. ³⁶Iboho kawalian sa kedong mawamerdeka i hamotahula, kamotahula totu-totuu merdeka.³⁷“Kalahaiku, awahem kamotahula surui Abraham, sumata kamotahula dumaemeji mate iahu a KukuaHu ahem kaerean tampa a suang ihamotahula. ³⁸Asia kawilahan a mutu-utu, waaho nihuaHU, keleaho hahi tuliden i hamotahula bo asia nioho kinatangaan a namang’ngu”.³⁹Sowaten ilatahula be Sia : “Namang ihamitahula si Abraham”. Kuan i Yesus besilatahula : “Sahamotahula manga batak Abraham, tatu hamotahula tumawoi i tawoyen tinawoi i Abraham. ⁴⁰Sumata tawoyen ihamotahula waaho dumamejo mate i Aku ; si Ahu tow esa ihumua i kaulitan be hamotahula, waaho kaulitan kinatangaan a Ngeledtou ; tawoyen kelewai hii tinawoi i Abraham. ⁴¹Kamotahula tumawoi i tawoyen i wapanu mio. “sowaten ilatahula : kamitahula hii itumow a mabela-bela. Mutu-utu i hamitahula esa, waaho Ngeledtou.⁴²Kuan i Yesus besilatahula : “satotuu Ngeledtou waaho mutu-utu, kamotahula mahales iahu, nde Ahu lumuai bo mahi a Ngeledtou, bo Ahu mahi hii kahabogeiku mio, ta siSia nimasiu i Ahu. ⁴³Asia kawalian kamotahula hii mahalah i kawakodaiKu? Bo hii katihoan ihamotahula Kukua Hu. ⁴⁴Sertang emainjo namangu bo hamotahula mabo tumulid ikahabogen i namangu. SiSia nioho tamate totumu atalewe bo penonowana hii a kaulitan, nde sia be Sia ahem kaulitan. Sa Sia kumua towo, kumua siai kahabogena mio, nde sia tatowon bo namang apahasa towo.⁴⁵Nde Ahu ihumuai kaulitan be how, hii emanen ihamotahula Ahu. ⁴⁶Sisei nesaan behamotahula tumuruai awahem Ahu itumulid dosa ? Sa Ahu kumua totuu, ndeaho hamotahula hii meman iahu ? ⁴⁷Sa sia a Ngeledtou samahi, kinatangaana Kukua i Ngeledtou ; Wa'aho seba’nga kamotahula hii kinataanan, nde hamotahula hii a Ngeledtou sa mahi.⁴⁸Manga tou Yahudi i sumowad si Yesus : Ahii totuu sahamitahula kumua awahem kow tow Samaria sa sinuang i setang. ⁴⁹Sowaten i Yesus : “Ahii Ahu sinuang i setang, sumata ahu mormat mutu-utuHU sa kamotahula hii mahormat i Ahu.⁵⁰Sumata ahu ahii mahi ormat tanu si Ahu bana nesa mangilah isia osa siSia hahi e murus. ⁵¹Ihuahu behamotahula : Awahem sisei Sia makiit KukuaHU, hii sia mahabelam mate ahad kaeto-eto”.⁵²Kuan imanga tou Yahudi be Sia : “iai talewe kalahan ihamitahula, awahem kow sinuang i setang, nde si Abraham i matem keleaho kahi manga nabi, mande how kumua : sisei makiit KukuaHu, hii sia mahahelam pawate ahad kaeto-eto. ⁵³Awa sihow lebe wako nde e namang Abraham, e nimatem ! Bo sisei pekehan imbatangaNu?⁵⁴Sowaten i Yesus : sa Ahu marayow batangai Ku mio, tanu konungaanKu kisid ahem baera. Mutu-utu Hu e monunga i Ahu, osa sisei hamotahula ihumua : sisei Ngeledtou hamitahula, ⁵⁵sumata kamotahula hii mahahilala i Sia, osa ahu tatowan, kele hamotahula. Sumata Ahu mahahilalai Sia boahu makiit KakuaNa. ⁵⁶Abraham papanu mekahi sia e meilah bo Sia mekahi”.⁵⁷Osa kuan imanga tou Yahudi be Sia : “Umuru awe lima ngawulu ngataun sa siHow imilahem si Abraham”? ⁵⁸Kuan Yesus be silatahula : “Ihuahu behamotahula, awahem awe si Abraham imamoali, Banam Ahu”. ⁵⁹Osa silatahula minjo batu osa tumuwi i Sia ; sumata si Yesu behatala nemoho iepana mio Balei Ngeledtou.

¹Tepo si Yesus lumeotai, melilah Sia towesa buta a ketowai. ²Tumaan e manga muridNa be Sia : “Rabi, sisei e nitumulid dosa, totumu wai suma matuana, nde Sia tumowai buta ?³Sowaten i Yesus : “Hii sisia hii hahi matuana, sumata tatawoi i Ngeledtou bewawaturu be sia. ⁴Kita musti tumawoi itawoyen Na imasiu i Ahu, selama kauhaan ahad imbengi, alahemoho totumu hii matawoi. ⁵Selama Ahu ambaitoba, si Ahuu suloi mbaoitoba”.⁶IhuaNa moho pahasai boho, kumelad Sia atoba, osa kion wosauh atoba, osa ihusuna moho ambelen i tou iboho tadi. ⁷Sa kuana be Sia : “Mohonem, kesean batanganu medano a papaan Siloam”. Arti i Siloam : “Be utus”. Tilahom imoho totumu iboho, emedanom Sia sa maleng belena melilahem.⁸Sumata manga katai bo silatahula, atalewe mahahilala i Sia kumua : “Awa sia niai, e mananamba-nambat ? ⁹Bana hahi kumua : “Hii, sumata sia mekele bo sisia”. Kuai totumu iboho : “Totuu, siahu nioho”.¹⁰Kuan latahula be sia : kelembisa mbelenu sa meilah ? ¹¹Kuana : waaho totumu wapakua si Yesus nioho isumauh toba, behusuna ambeleku sa huana beahu : mohonem a Siloam osa medano kesean mbatanga, i meilahem ahu”. ¹²O kuai latahula besia : “Bisana Sia ? Sowatena : “Hii halahaiku”.¹³Tilahom pineang ilatahula aho manga totumu buta a manga tou Farisi. ¹⁴endo kasauh i Yesus iboho taba mawaweilah imbelen itowioho, endo sabat. ¹⁵Iboho kawalian manga tou Farisi tumaan besia, kelembisa mbelenu sameilah. Sowatena : kinusuaNa toba bewosauh em embeleku osa pahi wedanoana ahhu, osa wai ahu meilah.¹⁶Osa kuan iboho tou Farisi iwarua : “Totumu iai hii a Ngeledtou samahi, nde Sia hii mahalah mahiaha i nari sabat”. Iwarua hahi kumua : kelembisa tou werdosa dona tumulid mujizat kelewai ? Osa silatahula mekahanjoan. ¹⁷Osa kuan ilatahula boho atou buta : “Bo sihow, asia nihua-hua be Sia, nde nimawaweilahem belenu ? “sowatna : “Awahem sia esa nabi”. ¹⁸Sumata nioho manga tow Yahudi hii mena, nde tadi sia buta osa sia maeila’pe, osa tiangen ilatahula matua-na.¹⁹Osa tumaan besilatahula : “Wai mbata’nu, kuana sia tumowai buta ? Saheleaho ndeaho sia malengem melilah ? ²⁰Sowaten i matuana : “Kalahan i hamitahula, sia bata ihamitahula awahem Sia tumowai buta, ²¹sumata ndeaho iai talewe sia melilahem, hii kalahan ihamitahula, bo sisei e nimawaweilah belena hii halahan ihamotahula. Taanan be Sia, sisia toh dewasam, mahalah Sia masiri-sirita, tanu sisia mio.²²Matuana kumua helewai, nde silatahula matalo imanga tou Yahudi, nde manga tou Yahudi imekodaitanem awahem sa Sia kumua si Sia Mesias, iebuum. ²³Iboho kawalian matuan kumua : “sisia dewasam, taanan besia”.²⁴Osa maleng tiangen ilatahula aho tou buta sa kuan ilatahula be Sia : “Ihua kaulitana asasangen i Ngeledtou; kalahan ihamitahula totumu iboho tou werdosa”. ²⁵Sowatna : “Awa totumu iboho tou werdosa, hii halahaiku ; sumata bana kalahaiku waaho ahu, iai talewe ahu meilahem”.²⁶Kuan ilatahula be Sia asia tinulidna behow ? Kelembisa sia mawailah imbelenu? ²⁷Sowatna : “Behua hum behamotahula ; behuahum sumata kamotahula hii mahataan, ndeaho maleng taanan ihamotahula ? Mane kamotahula mabog mainjo muridNa hahi ? ²⁸Karuai sero silatahula kumua be Sia : “si How murid i totumu iboho kamitahula manga murid i Musa. ²⁹Kalahan ihamitahula Ngeledtou a kukuana besi Musa, sa waaho si Sia hii halahan ihamitahula sa wisana Sia sa mahi”.²⁸Osa masero silatahula kumua be sisi: "sihow murid Si Yesus Tialo sata tahula murid-murid Musa. ²⁹Kailahan'nio awahem Ningumeled imehe a'bar besi Musa, Sa;ta a sakum Si Sia kami tahula hi'i mahailah bisana Si Sia mahi³⁰Sowatena besilatahula : “Balina mange hahi hamotahula hii mahalah sa wisana Sia sa mahi, sedang Sia i mawawilahem imbeleku. ³¹Kalahaiku, awahem Ngeledtou hii tumanga imanga tou werdosa, sumata manga totumu saleh bo matulid i panduNga.³²Atalewe ahadai nia hii mahassa kataanan, bana tow mawaweilah i tou buta a katowna. ³³Satotumu iboho a Ngeledtou samahi, hii Sia matau tumulid wasi-wasia. ³⁴Sowaten ilatahula : “sihow niai itumow apaan andosa-osa how mahi mengajar i hamitahula ? “osa ielei ilatahula sia lumuai ndoong.³⁵Kataanan noho i Yesus sia beluayem ilatahula. Osa iwetau Nga sia sa kuana : “ Emanenu embata i Ngeledtou. ³⁶Sowatena : “sisei Sia, Tuhan ? Saniboho ahu meman i Sia. ³⁷Kuan i Yesus besia : “si how hii wati i milah i Sia ; sumata si Sia menunu be how, siSia nioho”. ³⁸Kuana : “Emanei ku, Tuhan ! Osa sia sumalimbuhu we Sia.³⁹Kuan Yesus : “Mahi Ahu ambaoitoba murus, saniboho sa sisei hii meilah melilah sia, osa sisei sia melilah, mainjo buta. ⁴⁰Kodait iai kinataanan tou Farisi wiboho osa kuan latahula be Sia : “awa nioho berarti sa hamitahula mebuta ?”. ⁴¹sowaten i Yesus besilatahula : sumaoon kamotahula buta, hii hamotahula berdosa, sumata komotahula kumua : melilah kamitahula tatu tetap ndosanu”.

¹Ihuahu behamotahula : Awahem sisei sia e sumuan a kurungan i domba satahii sumuang a mbonang, sumata kumapet atondoh, sisiah nioho totumu tahow bo tow tapengandet. ²Sumata sisei sia mebe ambonang, sisia nioho gembalai domba.³Tanu sisia buhaan imahiaha embonang bo mariga domba mahatan i suarana osa sia tumiang domba-dombana mangesa-ngesa melalasan i ngalana mapiwid sa lumuai. ⁴Pahasa domba pineangam lumuai, sisia pahamanun lumapang silatahula bo domba-domba iboho malalas isia. Nde kahilalaana suarana.⁵Sumata esa tou tasikela hii iehe ilatahula lumas, sumata silatahula melolah, nde tou tasikela hii tangan ilatahula. ⁶Waaho mbehua i Yesus a dandean besilatahula, sumata hii halahan ilatahula panduNga sa kuaNa kelewai besilatahula.⁷Osa melang ihua i Yesus : “IhuaHu behamotahula, awahem Siahu mbonang imanga dombai boho. ⁸Pahasa tow imahi awe Ahu bana, awahem sia tahow bo tepangandet, bo domba-domba boho hii tumanga ilatahula.⁹Si Ahu mbonang, sisei sumuang mebe be Ahu maselamat sia bo sia sumuang lumuai boi wetauw atinia. ¹⁰Tahow mahi bati tanu manahow mamate bati mawasilaka, mahi ahu saniboho silatahula mahaere hatowan, bo wana pahasa a katadooan.¹¹Si Ahu gembala mauleng behe nasenga tanu domba-dombana, ¹²sedang sia tou bati mapahiteteh hii sia gembala bo hii sia mahiaha domba-dombana mio, meilahoho i lahuw mahi tumiho bo mawawesipona i manga dombai boho. ¹³Lumolah sia nde bati tow tapahi teteh bo hii mapikaya manga dombai boho.¹⁴ Si Ahu gembala mauleng bo kahilalaiku domba-dombaHu, ¹⁵kele si mutu-utu mahahilala i Ahu bo Ahu mahahilala Namang mutu-utu, bo Ahu i mehem inase’ku tanu domba-dombaHu. ¹⁶Bana we mbeahu domba-domba walina, ahii a kurungan biai manga domba waaho pa kuhatei Ku nde silatahula matanga suraHu bo silatahula mainjo songowaanan bo esa gembala.¹⁷Mutu-utu Amang mahales i Ahu, iboho kawalian beheHu e nase’ngKu osa maleku tiriman. ¹⁸Ahem e towesa minjo be Ahu suumata mehe i pandungKu mio. Si Ahu kawasa mehe bo maleng. Wai tawoyeiku aneemang mutu-utu Hu.¹⁹Sa silatahula mekahanjoan nih manga tou Yahudi : Apa-paan kodait ilatahula. ²⁰sia sinuana i tutuh p imepadelaan : Ndeaho kamotahula tumanga i Sia ? ²¹kumua : “Waaho hii kodait i tow sinuang i tutuh mawailah imbelen i manga tou buta.²²Alakapui ihoamat i nendo walooren lumoor imBalei Ngeledtou a Yerusalem tepoi boho utin. ²³Bo si Yesus mahebebe amBalei Ngeledtou, alohos iSalomo. ²⁴Kinekedem moho Sia i tou Yahudi osa kumua be Sia : tepo suwawe kow lumingo i penonowan ihamitahula menonow akalikokoan ? Sa how si Mesias ihuam behamitahula.²⁵Kuan i Yesus besilatahula : “Behuahum behamotahula ta’hii ahu emanen. Tawoyen tinuli’Ku bati Ngalan i Namang’Ku mutu-utu waaho nisumairi tani si Ahu. ²⁶Hii emanen ihamotahula, nde hamotahula ahii domba-dombaHu.²⁷Manga dombaHu mahataan suaraHu. Kahilalaan ilatahula salumas i Ahu. ²⁸Osa Ahu mehe katowan telas be Silatahula osa silatahula binasa ahad kaeto-eto bo ahem etow kumanded a kamaHu.²⁹Nama’ku, e nimehe besilatahula bo be Ahu lebe wako apahasa bo ahem kumandet a kama NamangKu mutu-utu. ³⁰Si Ahu bo mutu-utu Namangku waaho esa. ³¹Belangen manga tow Yahudi minjo batu sa tumu isi si Yesus.³²Kuan i Yesus besilatahula : Tadoo tawoyen a namaKu beturuku be how osa how manawi i Ahu? ³³Sowaten i tow Yahudi : i manuwi hii satawoyen. Sumata isumero i Ngeledtou mande bati towesa mekele imbatanganNu bo Ngeledtou.³⁴Kuan i Yesus be silatahula : Awa hii bewatih a Kaol i Torat behua hum a kukua kamotahula tutuh setang ? ³⁵Sa silatahula, bes sisei kukua iai kuaan allah osa kuai Kaol hoo matau tale’den. ³⁶Kumuawe kow kelewaaho be Sia be leno i Namang mutu-utu be wasiuNa ambaoitoba; Awa be kow i sumero i Ngeledtou nde behuahu : si Ahu Bata i Ngeledtou.³⁷Sahi hii tumulid tawoyen i Nama’Ku, naam Ahu emanen, ³⁸saniboho tulideiku satahii emanenu Ahu, emanen tawoyen saniboho kalahan awahem Namang mutu-utu be Ahu keleaho Ahu a Namaku. ³⁹Binalengem ilatahula mepe tumiho si Yesus, ta’awe kinajoan ilatahula.⁴⁰Osa si Yesus moho ambeta i Yordan, a tampa i Yohanes pembaptis osa sumondo io biboho. ⁴¹Osa tadoo totumu i mahi we Sia, sa kumua Yohanis hii tumulid tanda, sumata pahasa ulit totuu”. ⁴²Osa tadoo totumu biboho meman i Sia.

¹Bana esatow pahadosan, ngalana si Lazarus, sia mahutun a Betania, doong i Maria bo tualina Martha, ² si Maria ewai bene mahasa i sumolonae i Ningumeled teka i solo mur bo sumawu i nutanga.³Bo si Lazarus pahodosan nioho pog-na dua bene i boho mehe koyow be si Yesus. “Tuhan, sia i halesnu, pahadosan.” ⁴Tangaan noho i Yesus, koyow i boho, kua-Na: “Mahados i boho ahii me’ang pawate, sumata i wawaturuna konungaan i Ningumeled kawalian mahados i oho, bata i Ningumeled a konungaan.⁵Yesus dali mahales si Martha bo kahana bo si Lazarus, ⁶sumata osa kataanaNa awahem si Lazarus pahadosan sia sumangaja mutan dua ngando a tampa bisana pahutunanNa; ⁷sumasa i haworusoho nioho, kumua Sia a manga murid-Na: “mayom hita maleng a Yudea.”⁸Manga murid i boho kumua be siai: Rabi, i haworupe moho manga tow Yahudi mepe tumuwi i How, maboh pe kow maleng bi bonge. ⁹Sowaten ni Yesus: “Bo ahii sangawalu bo rua jam sangando sisey malapang koa-hoa aena ahii besiasukud, nde sia milah sulo mbaotoba yai.¹⁰Sumata sa esa tow lumapang ambengi, aena i hasuhud nde sulo ahii bana ambatangana.” ¹¹Kelewaaho kua Na, bo ihaworusoho kuaNa besilatahula: “Lazarus pog itita behahoom, sumatu Ahu moho wiboho tanu molo o sia amboona.”¹²Osa kumua manga murid-Na be Sia: “Ngeled tow, sa sia behao’o sia memauleng.” ¹³sumata pandung i Yesus behao’o sia kele i matem, osa sinangka ilatahula, kua ni Yesus nde aho, behao’o keleana. ¹⁴Iboho kawalian kua ni Yesus: “Lazarus i matem;¹⁵sumata biawia a noho ahii Ahu imahi a tepo iboho, nde kele aho lebe mauleng behow , saniboho komotahula mahaila maeman, mayom hita moho iyaitalewe be sia.” ¹⁶osa si Tomas fiwapakua Didimus, kumua a manga karuana waaho murid-murid balina: “Mayomem hita mohonem mande hita mate to si Sia.”¹⁷Osa i hoamatoho si Yesus, kinahaerea Na, Lazarus epat ngando melelet asuangi kubur. ¹⁸Batania atai i Yerusalem, kira-kira dua mil karekangana. ¹⁹Bi boho tado’o tow Yahudi i moiayem besi maria bo si Martha mibor silatahula i matepe nde pinatean i pognga. ²⁰Osa si Maria tumanga awahem si Yesus imoai moho sia metau i Sia, sumata si Martha mutun ambale.²¹Osa kua i Martha besi Yesus: “Ngelet Tow, osa How biai, pog-ku ahii i mate. ²²Sumaya i yai talewe kalalahaiku, awahem Ngeled Tow, mehe be How pahasa asiamange pangeleyen be Sia, ²³kua i Yesus be si Martha, wa aho pog-ngu maleng tumow,²⁴kua i Martha be Sia: “ i Kalahaiku awahem sia maleng tumow a tepo mange tow maleng tumow a nendo maahad. ²⁵Sowaten ni Yesus: awahem Si Ahu male towan bo penonowan siseingawila maeman be Ahu, maleng tamow mande sia i matem, ²⁶osa pahasa tow menonow bo maeman be Ahu ahii mate ka eto-eto awa emanenu niai,²⁷Sowaten i Martha; Eyem, Ngeled Tow, emahem ku nde siai How, Mesias bata i Ningumeled, sia i moai amba’o e’toba. ²⁸Osa i huane kelewaanho, moho sia tumiang pog-nga si Maria, bo mobuyung be sia: “Guru bisana sia tumiang ngihow.” ²⁹Tamanga i yoho, Maria tilaho tumod osa moho tamau si Yesus.³⁰Sumata atepo i yaho si Yesus awe be hoamat an-doong ngiboho. Si bibohowe besi Martha tumau i Sia. ³¹Awahem manga tow Yahudi i wakarua i Maria ambale i boho mibor i sia awahem si Maria tilaho tumod moho lumuai silatahula lumas i sia nde sia awahem moho a kubur kumae bibaho. ³²Atawele si Maria sumondo a tampa i Yesus bo milah i Sia, sumalimbuhu sia asaang i naeNa bo kamua be Sia: “sahelemange si How bi yai, pog ku ulit ahii i mate.”³³Awahem si Yesus melilah si Maria mekae bo manga tow Yahudi moai mekarua i Sia osa beheye nate-Na. Niitio sia mahales bo kumua: ³⁴“Bisana sia bineletanu?” Sowaten nilatahula: “Ngeled Tow, mayom osa pilahen.” ³⁵Osa mekae si Yesus. 36Kua ni mangatow Yahudi: “Pilahem ahii gapang belena be sia!”³⁶Kua ni mangatow Yahudi: “Pilahem ahii gapang belena be sia!” ³⁷Sumate a esaan besilatahula kumua: “Sia mawawilah belen alam milah, ahii sia mahaelei tumulid osa tow iyai ahii mate?”³⁸Osa bahaeya ate i Yesus, osa Sia moho a kubur i boho. Kubur i boho esa boso kinoloban im batu. ³⁹Kua ni Yesus: “Iyatang niana mbatu! Marta, pog i tow imate iyoho, kumus be Sia: “Ngeled Tow sia mahow bow awahem epat ngando sia mate.” ⁴⁰sowaten ni Yesus: “Awahem be hua Hu behow: sa sihow maeman sihow melilah akonungaan i Ningumeled?”⁴¹Osa silatahula matang batu i yoho, osa si Yesus kumaal ambao bo kumua: “Amang, si Hu dumayow besi How, awahem si How tinanganum Ahu. ⁴²Kalahaiku, awahem Sihow salalu tumanga i Ahu kumua boho silatahula maeman, awahem si How i masia i Ahu.”⁴³Bo ihaworu soho kumua kalewaaho, matere-terewa: “Lazarus, moay lumuai!” ⁴⁴Tow imatem i yoho, moay lumuai ae bo kamana sogo-sogo tepe in doho kapan bo amena kolo-kolobay i doho peluh. Kumua si Yesus besilatahula: “Buhaan doho-doho i boho bo ilingomo si moho.”⁴⁵Tado’o atutud tow Yahudi mahi milah si Maria bo sisia mio nesa i milah asia tinulid i Yesus, maeman be sia. ⁴⁶Sumata bana tow moho kesi tow Farisi bo sumirita besilatahula, asia mange tinulid i Yesus i yoho.⁴⁷Osa imam-imam kepala bo manga tow Farisi tumiang mahkama Agama sumesen bo silatahula kumua: “Asia mange tuliden ihita! Awahem tow iyai tumilid tadoo mahaerangan. ⁴⁸Sa ilingomoho ihita Sia, awahem pahasa tow maeman be sia bo tow Roma mangoai bo kumendet tampa suci ihita bo bangsa i hita.⁴⁹Sumata esa tow a nepang ilatahula, waoho si Kayafas, Imam Boko a taong i boho, kumua besilatahula komotahula ahii mahailah asia mange, ⁵⁰Bo komotahula ahii hawalui, awahem lebe bereguna behomotahula, sa esa tow mate tanu bangsa ihita darape pahasa bangsa ihita motutus.”⁵¹iboho kuana ahii ambatangana mio, sumata kele Imam Bako a taong ngiboho sia manobuat awahem si Yesus mate tanu bangsa i boho. ⁵²Bo ahii bangsa i boho mio, sumata tanu mawasesen bo mawaesaan manga bata i Ningumeled i matetaredanem. ⁵³Polainan a nendo i boho silatahula mahatowan mate i Sia.⁵⁴Osai i boho si Yesus ahii mawaturu takatodoan i tow a nepang manga tow Yahudi, Sia matang bi boho moho a tai tara tandus a esa kota ngalana Efraim bo biboho Sia mutun i wekaharua murid-murid-Na. ⁵⁵Atepo i yoho endo i raya Paskah tow Yahudi susutem bo tadoo tow an doong i yoho matang moho a Yerusalem tanu bayo imbatangan atalawe Paskah.⁵⁶Silatahula mangilah si Yesus bo sa tumod a suang Bait Allah silatahula kumua Esa bo mangawaline: “Kelembisa pandungu? Awahem Sia mahihahi a pesta?” ⁵⁷Karepet iboho imam-imam baho bo tow farisi imehem pereta saniboho manga totumu mahailah bisana Sia, mawatau boho silatahula dona tumiho i Sia.

¹Enem ngando awe Paskah i Yesus mahi am Baitani a pahutunan i Lazarus binatunan i Yesus a tutu i tou i matem. ²Biboho tinulidan perjamuan tanu Sia bo si Martha sumelewir, bo esaan silatahula kuman bo si Yesus bo si Lazarus. ³Osa maria minjo i warua solo Narwastu murni matatang baera, awahem sumola nae i Yesus osa sumawu ambatanganabo bow i solo semerbak apahasa bale ioho.⁴Sumata Yudas Iskariot esaan a murid-murid i Yesus boisumeiahkan i Sia. Kuana: ⁵“Kuana nde aho solo Narwastu iai ahii guunen telu ngatus dinar bo doi’na i yehe a pasa totumu lengei?” ⁶Wai behua ahii osa milah mangatow alahemretala kumata nde sia Niit tow tahow in doit be pa a suang ikas taka-taka ana.⁷Kuai i Yesus: “I wiaroho sia tumuli bo mimun in endo kinuburan Na. ⁸Nde mangatou lengey bana behow, sumata Ahu ahii niit bana behomotahula.”⁹Katadooan bako tow Yahudi tumanga si Yesus bana bibong bo silatahula mahi ahi bati bawali i Yesus sumata mahi milah si Lasarus nde binatumon i Ningumeled a patutudan i tow imatem. ¹⁰Imam-imam kepala makodaitan osa mate si Lazarus, ¹¹nde kawaliana manga tow Yahudi mepa’io silatahula bo maeman be si Tialo.¹²Sando handoan tado tow mahi tumuli pesta botumanga be si Yesus atutud indalan mogamat a Yerusalem, ¹³paha ilatahu, manginjo tunana palem, osa moho sumupa i Sia, osa sumupah isia bo mongonangaran: “Hosana! Beanange hamang Sia mahi besi Tialo, Daja Israel!”¹⁴Yesus mahaere esa keledai muda, osa Sia sumake ambao na, kele bana be watih: ¹⁵“Naaman matalo, e wulan i Sion, pilahem, Dajanu mahi dumatuh, ambao imbata i keledai.”¹⁶Pinolaian murid-murid i Tialo ahii mohoi tanu ioho sumata iboho Yesus be eluden, maimunange silatahula, iboho Kao tanu si Sia, bo silatahula hahi i tumuli tanu si Sia.¹⁷Tou tadoo me dederengan bo sia sa Sia tumiang si Lazarus lumai a lelembeng osa iwawatou Na, atutu i tow i matem, mehe bo mawatau asia tinuliNa. ¹⁸O kawalian totumu tadoo imoho sumupah i Sia, nde silatahula tumanga, i Sia tumuli mahaerang ioho. ¹⁹Osa ihua atotumu i Parisi anesa bo esa balina: “Kamotahula mio i milah hio ahem kinaerean pilahen pahasa tou ambai toba lumalas be Sia.”²⁰A sakum ilatahula i matang beribadah a nendo, paloopen bo manga tow Yunani. ²¹Manga totumu ioho moho be si Filipus, bo a sakumi Betsaida a Galilea kumuai sia: “Tuang, mabo hamitahula metau be si Tialo.” ²²Filipus moho mawatau be si Andreas; Andreas bo Filipus kumai kahi besi Tialo.²³Sumata si Tialo Kuana besilatahula hewai: Teponam bata i totumu dayowen. ²⁴Kumua Ahu be hamo tahula kelewai sa batuna i gandum ahii hatia ambao i toba ba mate, sia kelemange esawatu na. Sumata sa sia mate, tadoo buana kaelean.²⁵Sa si sei Sia mahales, imbatangana, sia kata laan im batangana ambai toba yai. Sia miaha ahad kaeto-eto. ²⁶Sa si sei Sia sumelewir i Ahu, dona sia lumas be Ahu bo bisana mange Ahu, biboho kahi Ahu bana selewirai-Ku. Sasisei sumelewir i Ahu iormati i Namang.²⁷Wai hamalu minum asia ona i hua Hu? Injon noi Ahu yaitalewe? Ahii, nde Ahu mahi yai talewe. ²⁸Amang, konungaan i ngalana-Nu!” osa kinatangaan kodait a sorga: “Ahu monunga be-Sia bo ahu monunga be Sia mange!” ²⁹Tado tow lumotod biboho tumanga bo kuana, asia tanga i koruhu. Bana hahi kuana: “esa so siu Ningumeled kumai be Sia.”³⁰Kuai i Itialo enu: “TinangaNa ahi hawalia i Ahu, sumata hawali i homotahula.” ³¹Yai talewe wolai wotutus bai toba bo manga: kawasaim baotoba i tepa aluar;³²awahem Ahu, iatang hahi ambai kauhaan panginjoku pahasa tow lumas be Ahu. ³³Wai be huana kelembisa kamoalian Sia mate.³⁴Kuai i pasa totumu ioho: “Tinangaam i hamitahula a kaol i Tourat, si Mesias menonow ahad kaeto-eto; kelembisa ona How kelewaho, sa sia Bata Amatatang? Besilatahula siseidom Bata i Totumu ioho? ³⁵Kuan ni Yesus besilatahula: “Bati kemange hisit hahi sulo bana be homotahula. Sa sulo ioho bana bêhomotahula uli’tennange iboho osa karendeman ahii mimbahut i homotahula; sa sisei lumapang a karendeman, ahii halaha bisana nohoana. ³⁶Uliten nanga a sulo iboho, sa sulo i boho bana behow, iboho hahi hamotahula moho.” si Tialo moho, rumuru a patutudan i latahula.³⁷Mandêwê si Yesus tumulid tadoo maêrang anamo im bêlên ilatahula, mande ahii kumuit akaulitan be-Sia, ³⁸iboho malekewe kukuai behua i Yesaya: “Tuhan, be sisei ona tangaan i hita? Bo sisei ona tumaka i kama i Tuhan bo ituru kawasa-Na?³⁹Osaibou silatahula ahii maulid nde si Yesaya kumuai helewai: ⁴⁰“Sia im mawa wata i mbelen bo maheteh oho nate ilatahula iboho silatahula ahii milah ibelen bo i pa asuang nate. Iboho hahi sumalihu mawawemauleng be silatahula”.⁴¹E wai behua i Yesaya, nde imilahem konungaana, bo kumua be si Sia. ⁴²Mande tadoo mapiwit mahaulit be-Sia, sumata hahi manga tow Farisi silatahula ahii kumai i matutul totuu , i boho silatahula ahii itia. ⁴³Nde silatahula mabogange kaumbung itow ahii kaumbung i Ningumeled.⁴⁴Sumata kuai i Yesus: “Sa sisei maulit be-Ahu, sia ahii hahi maulit be-Ahu, sumata be Sia, suma Ngeled tow i masiu i Ahu; ⁴⁵bo sa sisei i milah i Ahu, pilahena kahi Sia, i masiu i Ahu.⁴⁶Ahu imahim ambai toba kele i sulo, bo sa sisei tou maulit besia-Hu, ahii hapa andalem i karendeman. ⁴⁷Bo sa esa tow tumanga behua-Hu, sumata ahii tinulidna, si Ahu ahii mainjo mahurus, nde Ahu mahi matepu ambaoitoba, sumata mawa watun kaseaan.⁴⁸Sa sisei tumulud i Ahu, ahii tumanga i kodai-Hu, nde Sia ahem matepu, e waaho kukuai be huaNa, waaho mainjo matepu a mahahad. ⁴⁹I hua-Hu ahii bati batangaiku, sumata Amang, i masiu i aHu, bo humua asia nioho i huanu suma ihuaHu. ⁵⁰Bo kalahaiku, asia mbe hua-Na mainjo penonowan amahahad. Asa asia nihuaHu, i hua Hu kelembisa behua i Namang-Ku.”

¹A talewe nendo i paskah awe i molai, kinalahem i Yesus, mahim tempona Sia alam ambaotoba mebalengem besi Amang-Nga. Kelei Sia mahales murid-murid-Na, tebei i nendo aha i Sia mahales silatahula aha mahi tepona. ²Silatahula kuman medoro, osa tutuh mobuyung be si Yudas Iskariot, bata i Simon tu kumanat i Sia.³Kalahan i Yesus, awahem amang-Nga pahasa i aho behem i Amang-Nga be-Sia bo Iningumeled Sia samahi bo Sia maleng nahi Aningumeled. ⁴Osa tumo si Yesus bo muhai juba-Na. Osa Sia minjo sanga tiras boho lenan osa ihekena a lubahan, ⁵osa Sia tumingis ahe anesa im loyan, bo sia molai kumese i manga ae i murid-murid-Na Osa sia sumawu indoho a mbeheke a lubahan-Na.⁶Osa i hoamat sia be si Simon Petrus. Osa hua i Petrus be-Sia: “Ningumeled, si How kumese i naehu?” ⁷Kuan i Yesus be sia: “Asia tinulid-Ku, ahii kalahanu, sumata mahasannu kalahanu. ⁸Kuani i Petrus be-Sia: “Ahii how kumese i aehu ahad kaeto-oto.” Kuani i Yesus: “satahi i Ahu kumese i how , ahii how hamaere tanu si Ahu.” ⁹Kua i Simon Petrus be si Ningumeled: “Ningumeled, naam bati ae hu, aha kama bo kohuku!”¹⁰Kua i Yesus besia: “Nde sisei alam i medano, sia monam kumese imbatangana ambalina sia wati kumese naena, aha ni oho sia i meberesim pahasa, Kamotahula beresim sumata ahii pahasa.” ¹¹Osa kalahaNa, sisei sumarakan i-Sia. Osa Sia kumua: “Ahii i pahasa komo tahula beresih.”¹²be haom Sia kumese na e i latahula, maleng pinake-Na latang-Nga osa Sia melengoai a tampa-Na. Osa Sia kumua besilatahula: “Pinangartianem i hamotahula asia tinuli-Ku besi hamotahula? ¹³Kua i hamotahula Guru bo Ningumeled, totu’u beHa tutul ku i hamotahula, to tuu Sia-Hu Guru bo Ningumeled. ¹⁴Aho kamoalian Sia-Hu kumese haenu, Sia-Hu i Ningumeled bo Gurunu, aha di oho kamotahula mekahesean i nae hahi; ¹⁵aho kamoalian besusu-Hu besi hamotahula, kelei i oho kamotahula tumulid ni oho tinulid-Hu besi hamotahula.¹⁶Kua-Hu be hamotahula: tumotuu tou i Jongos ahi i lebe matatang de tuanga, osa wati tou sosiu sesia i masiu. ¹⁷Sakalahan i kamotahula pahasa i yai, makaruai kahi kamotahula, kamotahula matuli. ¹⁸Ahi i kamotahula pahasa a-Hu kumua, kalahai-Hu, Sisei sinisir-Hu. Kelei oho malekew kaol iya i: Tow i human roti-Hu, beatangam tumitna ia-Hu.¹⁹Wai talewe iyow kua-Ku be kamotahula, alawe nioho i mamoali, moeman kamotahula, bea-Hu bo sia-Hu Sia. ²⁰Kua-Hu be hamotahula: tumotuu sisei tumirima tou sosio-Hu, sia tumirima iya-Hu sia i tumiriman sosiu-Hu.”²¹Mahodait i oho Sia mayenatena: Osa sumahai kua-Ku be hamotahula, totumu esa tow sumerakan iya-Hu.” ²²murid-murid ioho matetelean esa bo balina, maside-side silatahula tatawoi hii kalan ilatahula si sei masud-Na.²³Esa tow atutu murid-murid-Na, ihale-Na mio sumandar asusut i-Sia ambeta a ikanoa-Na. ²⁴Amanga murid ioho Simon Petrus mehe tepai: “Taanan noha sisei masud-Na!” ²⁵Sumeleng murid i ndomatuh susut bo Sia: “Ngeledtow sisei nioho?”²⁶Sowaten i Yesus: “Sisia nioho, de besia a-Hu mehe i roti, sa alam belosoh-Hu.” alam i monodait oho Sia minjo roti, belosongan osa lehena be si Yudas, bata i Simon Iskariot. ²⁷Bo alam tinirima i Yudas roti i oho, sia sinolongan i tutuh. Osa kumua si Yesus asia kahaboganu tuliden angetalewe io.”²⁸Ahem esa ilatahula a tutu idumatu kuman pinangartian i latahula, asia maksud i Yesus be huana be si Yudas. ²⁹Sumata Yudas tumaka-taka mahepa bana sumangka, awahem Yesus masiu i sia tumeles asia mange perelun a prayaan i oho. Osa mahe asia a manga totumu lengey. ³⁰Yudas tumirima roti i oho osa senge moho. Atepo nendo i oho imebengim.³¹Alam i mohom behaworusem si Yudas, kumua si Yesus: “Talewe io Bata I Ngeledtow akonungaan a suang i Sia. ³²A konungaan i Ningumeled Sia asuang imbatanga-Na, osa pinongunaan Sia nia i talewe. ³³Manga moro bata-Ku, kopong ngio tempo Sia-Hu bana medoro bo kamotahula. Kamotahula mainjo mahi magilah iya-Hu, bo mekele asia tu be Hua-Hu a manga totumu Yahudi: A tampa a-Hu moho, ahii matau kamotahula mahi, kele waaho hahi kua-Ku behamotahula ange talewe iyo.³⁴Sia-Hu mehe koyow taleya be hamotahula, kelei oho kamotahula mekahalesan nage; mekele bo sia-Hu mahales i kamotahula kelei oho kamotahula mekahalesan nange. ³⁵Kelei oho kalahan pahasa manga totumu, awahem kamotahula manga murid-Ku, sa helewaaho hamotahula mekahalesan.”³⁶Kumua Simon Petrus besi Yesus: “Ngumeled, bisana ohoa-Nu?” sowat i Yesus: “Atampa a-Hu moho, sihow ahii matau lumas i a-Hu angetalewe, sumata mahasa moho how lumas bo Sia-Hu. ³⁷Kua i Petrus be-Sia: “Ngumeled, nde aho ahu ahii matau lumas i-Hou ange talewe? Iehe-Hu kanaluhu be-How!” ³⁸sowat i Yesus: “kinalu-Nu e iehe-Hu bea-Hu? Tumotuu kua-Hu be how: awemoho koko i kumoho mahatelu sinakalanam A-Hu.”

¹“Na’am likoko nateno; emanenange Ningumeled, emanenange be-Sia. ²Ambale i Wapa-Hu tedoo pahutunan. Sitahii kelewaaho tantu si Ahu kumua behow. NdeAhu maho wiboho sumadia tampa tanu sihow. ³Bo sa siahu i mohom biboho osa i sumadiam tampa tanu sihow, si Ahu maleng moay biboho osa meang i hamotahula a tampa-Hu, sanibo a tampa sinondoai-Ku, kamotahula bibaho.⁴Osa bisana nohoai-Ku, kamotahula mebe biboho.” ⁵Kua i Tomas be-Sia: “Ningumeled, ahii kalahan i hamitahula bisana nohoan-Nu; mamoali kelembisa kamitahula mahala kakas i boho?” ⁶kua i Yesus besilatahula: “Si Ahu kakas bo kaulitan bo penonowan. Ahemoho esa totumu e moai bea-Hu, satahii mebe be-Ahu. ⁷Sahelemange komotahula mahailala i Ahu, tatum kamotahula mahailala i-Namang-Ku. Yaitalewe kamotahulah mahailala i Sia bo i malahem i Sia.”⁸Kua i Filipus be-Sia: “Ningumeled, ituruoai Amang ioho be hamitahula, waaho donam behamitahula.” ⁹Kua i Yesus besia; Kelem kaetoan si Ahu i wakaru-haruan i hamotahula, Filipus, sumata kamotahula ahii mahailala i-Ahu? Siseiange e nimilah i Ahu, sisia imilahem Amang amatatang; kelembisa how kumua: Amanga matatang i turu oai niaho behawitahula.¹⁰Awa how ahii maheman? Awahem Ahu asokumeu i Namang bo Amang asakumei-Ku? Asia e nihua-Hu behomotahula, ahii Ahu kumua ambatangan-Ku mio, sumata Amang, osakum si Sia e nitumulid patawoyen-Na. ¹¹Emanenange be Ahu , awahem si Ahu asakum i Namang bo Amang asakum i Ahu: suma ahii hahi, pahemanen a patawoien mio.¹²Si Ahu kumua behow: Totu’u siseiange maheman be Ahu, sisia tumulid i patawoien i tunulid Kum bo tawoyen lebewaho io. Nde Ahu moho a Namang; ¹³bo asia mange pangeleyen asakum i Ngodai-Ku, si Ahu tumulid iaho, saniboho Amang dayowen a mbata-Ku. ¹⁴Sa hamotahula mangelei asiamange bea-Hu asakum ngalai-Ku, tulide-Kum nioho.”¹⁵“Samotahula mahales i Ahu, kamotahula tumulid i pahasa i wasiu-Hu. ¹⁶Si Ahu mangelei a Namang-Ku, osa Sia mehe behamotahula esatow bowotung balina saniboho Sia wakarua i hamotahula ahad i kaeto-eto, ¹⁷e waaho kaulitan i Monggongguot. Baoitoba ahii tumirima i Sia, nde baoitoba ahii milah i Sia bo ahii mahailala i Sia. Sumata kamotahula mahailala i Sia, nde si sia i wakurua i hamotahula osa sumondo io be hamotahula.¹⁸Ahii ahu mepaio i hamotahula kele alam matua maleng Ahu moai behamotahula. ¹⁹Kisit kemange tepo bo baoitoba alam kahi milah i Ahu, sumata kamotahula milah i Ahu, nde si Ahu menonow bo kamotahula dahet menonow. ²⁰Atepo iaho kamotahuha mahailah, awahem si Ahu asakum i Namang-Ku bo kamotahula asakum be Ahu bo si Ahu asakum ihamotahula.²¹Siseiange tumakah i pereta-Hu osa tulidena sisia e mahales i Ahu. Osa siseiange mahales i’ahu, sisia ihales i’Namang-Ku bo AmangKu mahales i’sia bo tumuru i batanga-Na mio besilatahula. ²²Si Yudas, hi i Iskariot, kumua be Sia: “Ningumeled, asia kawalian osa-How mawaturu imbatangan-Nu be kamotahula bo ahii ambaoitoba?”²³sowat i Yesus: “Sahele esa tow mahales i Ahu, osa sia tumulid i Kukua-Hu bo Amang-Ku mahales i sia bo kamitahula moai besia osa metew i wakarua-ruana. ²⁴Siseiange ahii mahales i Ahu, ahii sia tumulid i Kukua-Hu; bo kukua kinataanan i hamotahula ahii moho bea-Hu, sumata a Namang e masiu i-Ahu.²⁵Pahasa i aho i hua-Hu behamotahula, kaeto Ahu i wakaru-karua i hamotahula. ²⁶Sumata mahawaibor, wai Monggongguot, e mbewasiu i Namang ambatangai-Ku Sisia e masahai asiamange behomotahula bo mapawaimun behomotahula bo pahasa bewapakua-Na behamotahula. ²⁷Sosonoi enow ipak-Ku mio behow. Sosonoi enou-Hu i yehet-Hu behamotahula, bo asiamange e niye-Hu ahii moho mekele bo asia eniyehe imbaoitoba behow. Naam ka’atean bo keleh natenu.²⁸Kamotahula itumangaan, awahem si-Ahu ihumuam behow. Si-Ahu moho, sumata maleng Ahu moai behamotahula sarorona kamotahula mahales i-Ahu, awahem kamotahula. Mekahi nde si-Ahu moho Anamang-Ku, nde Amang lebe wako be-Ahu. ²⁹Osa i atalewe kahi si-Ahu kumua behamotahula atalewe nioho mamoali, sa miboho kamotahula saniboho mamoali. ³⁰Si-Ahu alam eto kahi mohoda-hodait bo kamotahula, apaan mahaimbahut i mbaoitoba yai moai bo ahii sia mahaimbahut mande kisitio ambatangai-Ku. ³¹Saniboho baoitoba mahailah, awahem si-Ahu mahales i Namang bo awahem si-Ahu itumulid asia mange e mbewasiu i Namang bea-Hu, tumodem mayom kita biyai sa matang.³⁰Si Ahu hii kumodait tado'o be Si how nde kawasa baoitoba wai matena mahi. Si Sia hii kawasa mande kisit be siahu. ³¹Sumata kailahanio baoitoba awahem Si Ahu mahales Si Amang, Si Ahu tumuli mekele mio kolano Si Amang be Si Ahu. Tumodem, mayomem pahasa mohonem biai

¹“Si Ahu tud i nanggor e nulit bo si Amang-Ku tapogimanona. ²Tebe i sisina bea-Hu ahii mamua, poroge-Na bo tebe isisina mamua, beresi-Na, saniboho sia mamua tadoo.³Kamotahula dali’im beresi nde i Kukua e mbehua-Hu behow. ⁴Sumondoio be-Ahu bo si-Ahu asuang hamotahula kele mangasisina ahi’i mamua ambatanganamio, sasia hi’i sumondo atud i nanggor, keleahoahi kamotahula ahii mamua, sahamotahula ahii sumondo be-Sia.⁵Si-Ahu tut inanggor bo kamotahula mangasisina. Siseiange sumondo be-Ahu, bo si Ahu asuanga, sisia mamua tadoo, nde satahii bo si-Ahu kamotahula ahii matou tumawoi asia mange. ⁶Siseange ahii sumondo be-Ahu, sisia i tia a luar kele sisina osa mawela, osa sesendu i totumu osa iwasot a suang imbaha osa tutuu. ⁷Sahele kamotahula sumondo be-Ahu bo Kukua-Hu sumondo behamotahula, pangeleyen asiamange e nihabogugu, bo kamotahula.⁸Akelewaaho Amang-Ku parayowen, awaaho sa kamotahula mamua tadoo bo keleahohahi kamotahula manga murit-Ku. ⁹Keleaho Amang mahales ia-Hu, keleahahahi Ahu mahales ihamotahula sumondoio a suang imbele-Ku hahi.¹⁰Sakamotahula makiit i pereta-Hu, kamotahula sumundo asuang imbele-Ku, kele si-Ahu makiit i pereta i NamangKu bo sumondo a suang imbele-Na. ¹¹Pahasa iaho ihua-Hu behamotahula, saniboho kosononoyai-Ku, a suanga i hamotahula bo bako io kosononoyaku.¹²Wai pereta-Hu, saniboho kamotahula dahet makahalesan, kele si-Ahu mahales i homotahula. ¹³Alahem moho beles e lebe wako darape beles i nesa tow i mehe imbatangana tanu mangaharuana.¹⁴Kamotahula meleke bokarua-Hu, sahele kamotahula tumulid asia pereta-Hu be homotahula. ¹⁵Si-Ahu alam tumoto hahi i hamotahula ata/sosiu, nde sasiu ahii mahalah, asia e tinulid i nawona/tuanga, sumata si Ahu tumoto i hamotahula karua, nde si Ahu i humuam behamotahula asiamange e kinataana-Ku a Namang-Ku.¹⁶Ahii kamotahula e nisumisia i-Ahu, sumata si Ahu e nisumisir i hamotahula. Bo si-Ahu i tumatu i hamotahula, saniboho kamotahula moho bo mehe bu’a bo bua’nu iaho tatu, saniboho asia e pangeleyen i hamotahula a Namang karua i Ngala-Ku, iehe-Na behow. ¹⁷Wai pereta-Hu behow: ihalesange mangatow balina.”¹⁸Sahele baoitoba mare’e i how, imuneunange awahem sisia pahamuuan i mare’e i-Ahu darape sihow/kamotahula. ¹⁹Sahelemange kamotahula dali ambaoitoba, tantu baoitoba mahales ihamotahula ke sawana. Sumata apa’an kamotahula ahi’i dali ambaoitoba, sumata si-Ahu enisumisir i hamotahula amaoitoba, awahem ahokawalian baoitoba mare’e i hamotahula.²⁰Imunen asia e mbehua-Hu behamotahula: Esatow ata ahiimoho lebe matatang darape tuanga: Darape silatahula imaua-uah ia-Hu, silatahula hahi e maua-uah ihamotahula; sahele silatahula kumiit i kukua-Hu, silatahula hahi kumiit i kodaitnu: ²¹sumata pahasa iaho maindo tuliden ilatahula behamotahula karengan i ngalai-Ku, nde silatahula ahi’i mahailala i Sia, e nimasiu i-Ahu. ²²Sahelemange si-Ahu ahii moho imoay i mahoda-hodait be silatahula, silatahula tantu ahii i mesea. Sumata silatahula alam mosau-sauna apa-apaan sea ilatahula.²³Sisei maree i-Ahu kele mange sia i maree i Namang-Ku. ²⁴Satahii Ahu ahii itumawoi atutud ilatahula kele ahii tumulid itow walina, silatahula ahem sea. Sumata iai talewe mandewe silatahula imilahem pahasa ibaho, sumata iharee ilatahula Ahu bo Namang-Ku. ²⁵Sumata kukua e mbewatih a kaol i torat lekewen ilatahula iharee ilatahula Ahu ahem sea.²⁶Sumahi e Mahibor a niwasiu-Hu a’Namang moai, waaho kaulitan i monggongguot e mbehe i Namang si Sia moho Sumairi tanu si-Ahu. ²⁷Sumata i sairi ihamotahula, nde hamotahula pahamunan bewakarua-rua-Hu.

¹Pahasa iyai i hua-Hu besi hamotahula, nioho kamoakan kamotahula naam matape osa tumulu Ia-Hu. ²Kamotahula iebu, bana mahi tempona kamotahula anesai tou mahi mate i hou sangkana sia mabakti a Ningumeled.³aho kamoalian Silatahula tumuli kelei i oho, kamoalian silatahula ahii mahailala bae sia-Hu bo si Amang-Hu. ⁴Pahasa iai kua-Ku besihamotahula ahokomomoalian imun i hamotahula sa mahi tempona apaan beimun-Hu besi hamotahula. Pahamunan iai ahii kua-Hu besihamotahula aho kamoalian atepo iai Sia-Hu banawe medoro-rowe bo sihamotahula,⁵aho kamoalian wai talewe Sia-Hu moho be Sia de Sia i mutus Ia-Hu, bo ahem esa tou atu-tu i hamotahula tumaan bisana ahoa-Nu? ⁶Aho kamoalian kua-Ku niai behamotahula, ahokamoalian natenu tinenai tape. ⁷E totuu kua-ku besihamotahula: “Awahem matoro be hamotahula, sa a-Hu moho, mawaibor i oho ahii mahi besi hamotahula akamoalian sa a-Hu moho, sia-Hu masiu Sia be hamotahula,⁸bo sa sia mahi, mawawulit kaseaan imbaoutoba, ulit bo mawatepu. ⁹A kaseaan ekawalian silatahula maulit bea-Hu, ¹⁰a kaulitan de a-Hu moho besi Amang, bo kamotahula ahii milah a-Hu hahi; ¹¹a sumata mawatutus, sumata mahaimbahut baotoba ia i bewotutusem,¹²tadoo er mio i hua-Hu be hamotahula. Sumata wai talewe kamotahula awe mahatangong. ¹³Sumata sa-Sia mahi, bo tutuh maulit, sia mato i kamotahula a suang a kaulitan; awahem sia menunu ambatanga-Na mio, sumata pahasa kinatangaa-Na enioho i Hua-Na bo Sia sumahai be kamotahula asia-sia mange atepo samahi. ¹⁴Sia momonunga ia-Hu, awahem Sia sumahai be kamotahula asia tinirima-Na bea-Hu.¹⁵Asia mange sawa Nama-Hu, nioho sawa-Hu; awahem kua-Hu: isahai-Na be hamotahula asia tirima-Na bea-Hu. ¹⁶Kopongem mio tempona bo kamotahula ahii milah ia-Hu hahi bo alakapui tempona kamotahula milah ia-Hu.”¹⁷Tumanga ioho peteben manga murid-Na kumua esa boesa asia sondaitna Sia kumua be hita: “Alakapui tempona kamotahula ahii milah iya-Hu? Bo Alakapui tempona kamotahula milah iya-Hu? Bo A-Hu mobo besi Amang?” ¹⁸sumata ihua ilatahula: “Asia sondaitna sia kumua alakapui tempona,¹⁹kalahan si Yesus sa silatahu tumaan be-Sia, osa Sia kumua besilatahula: “Bana a kamotahula menunu asia tu behua-Hu tadi, e alakapui tempona bo kamotahula ahii milah ia-Hu hahi?” ²⁰kua-ku be kamotahula: tumotuu kamotahula kumae bo symawang, osa baoitoba sumenang; sumata kamotahula sumape, sumata tapenu mamoali kasenangan, ²¹esa bene tumape atepo sia mahawata, sumata saalam i mahawataan Sia kinoligoanam pakelamena, ekawalian isumenangem de esatou i tumouwem ambaoitoba lai’²²Kelewaaho hahi kamotahula ange telewe mahahelam i tape, sumata ahu milah ihamotahula hahi bo atenu kumahi bo ahem esa tou diana kahinu ioho beho. ²³Bo anendo ioho ahem kamotahula tumaan asia-sia mange bea-Hu. Kua-Hu be hamotahula: tumotuu asia mange pangeleiyenu besi Amang, asuang i ngala-Ku iehe-Na be hamotahula. ²⁴Aha niai kamotahula awe imangelei asia mange asuang i ngala-Hu. Mangeleyem de kamotahula mahaesa osa mawuling niana kahinu.²⁵Pahasa iai kua-Ku be kamotahula bo pangandean mahi tempona a-Hu kumu-Hua besi kamotahula ahii bo pangandean, sumata sumendot sumahai i Amang be kamotahula bo pangeandean, sumata sumendot sumahai i Amang be kamotahula.²⁶A nendo ioho kamotahula sumombayan asuang i ngalai-Ku. Bo ahii a-Hu kumua behamotahula awahem pangeleiye-Ku kamotahula besi Amang. ²⁷Awahem amang mahales be kamotahula de kamotahula mahales ia-Hu bo maheman, awahem a Ningumeled a-Hu sa mahi. ²⁸A Amang a-Hu sa moai bo a-Hu moai asuang ambaoi toba; Lepa-Hu mia niange baoutoba bo moho besi Amang.²⁹Kumua murid-murid-Na: “Pilahen, nia i talewe io bewohanum ahii make pangandean, ³⁰wai kalahan hamitahula, awahem pahasa kinalahai-Nu bo ahii parelu tow tumaan be-Hou. Osa ioho hamitahula moeman be-How awahem Aningumeled-Hou samahi, ³¹sowati i Yesus besilatahula: “Talewe moeman hamotahula?³²Lahem imahim tepona, awahem imahi, awahem moroesa i kamotahula bewetare-taredan atapana mio. Bo bepaam mio ikamotahula Sia-Hu nesa. Sumata ahii sia-Hu nesa, awahem amang i wekales bo-Sia-Hu. ³³Pahasa ioho kua-Ku bekamotahula, aha diaho kamotahula mahaerah sononoi enow asuang ia-Hu. Asuang imbaoitoba kamotahula medai pauahem. Sumata ugatan natenu, bewotutus-Kum baoitoba.

¹Kelewaaho be hua i Yesus osa sumaang a langit bo kumua; Amang wai imakim konungaan Imbata Nu. Iboho mbata Nu mehe kaenowan behow. ²Kelemange how imehe besia kawasa ambao i penonowan kele ahohahi Sia mehe penonowan akaeto eko behita paha.³Sa ahad kaeto-eto, besisei bineana. Konungaan ahadimahahad. Iboho silatahula mahala i How esa Amang akahondolan bo mohoitau Yesus Kristus be wasiu Nu. ⁴Siahu mehe akaenowan behow a mbaotoba bo dalan tumuli tawoyen behenu beahu. ⁵Keleaboho, Amang beanai ahu konungaan behow io bo konungaan behow a kaholanoan atalewe baoitoba yai bana.⁶Si Ahu tumuru ngalaNu a pahasa tow, bo how mehe beahu ambai toba. Silatahula behowio bo How mehe silatahula behow bo hahi silatahula mehem bo tumanga i kukuaiNu. ⁷Wai hahi kalahan i pahasa, si how i mehe hahi besi how io. ⁸Nde pahasa kukuai beheNu behuahu kahi besilatahula bo silatahula tinirimanam. Kalahamio siahu mahi behow bo kumiit sasihow io masiu iahu.⁹Siahu monguman tanu silatahula, ahii tanu baitoba. Siahu monguman sumata tanu silatahula. Asia binehena besia betengu. ¹⁰Bo pahasa a beteku bo betengu bo betengu betehu kahi bo hahi Aku akaenowan andalem ilatahula. ¹¹Siahu ahem asuang imbaoitoba, sumata silatahula bana asuang imbaitoba. Bo ahu mahi behow Amang akalondolan, iahaan nange silatahula asakum ingalanNu, nde ngalanu i mehe esa kele i hita.¹²Akaeto how iwakaru itatahula ahu miaha silatahula a suang i ngalaNu. Nde ngalanNu i mehe beahu bo i miaha ilatahula nde ahii bana esa tow wange binasa iboho malekew asia be watih, asuang kaol. ¹³Sumata yai talewe ahu mahi behow, kumuai pahasa nde awahem Ahu banawe asuang imbaitoba mawuling i kahiku ilatahula pahasa. ¹⁴Si Ahu i mehem kumuaiNu besilatahula bo silatahula maree imbaitoba, kele Ahu ahii asuang baitoba.¹⁵Si Ahu ahii mangelei, sumata how i minjo besilatahula ambaitoba iai, sumata kahi how i miaha silatahula a katakpiaan. ¹⁶Silatahula ahi ambaitoba mekele boahu ahii ambaitoba. ¹⁷Kaol ilatahula asuang i tutul Kukuai-Nu. Matutul,¹⁸mekele bo sihow bewasiu-Na asuang imbaoitoba, ¹⁹bo Ahu kumaol batangai Ku tanu ilatahula i boho silatahula hahi i kaol a matutul.²⁰Bo, ahii tanu silatahula mange ahu monguman sumata kahi tanu manga tow maheman Besia. ²¹I boha silatahula pahasa mainjo esa, i wekele Na Amang asua-Ku bo Ahu asuanggu I bohohahi silatahula asuang ihita, iboho baotoba maeman nde sihow hahi i masiu ya-Hu.²²Bo Ahu i mehem besilatahula konungaan bo how mehe be ahu. Iboho silatahula mainjo esa kele behita hahi esa. ²³Siahu asuang ihomotahula bo how asuaku iboho silatahula a matutul mainjo esa, bo baito ba mahalah, sihow i masiu iahu. Bo sihow mahales besilatahula, kele haki how mahales Ia-Hu.²⁴Amang-Ku, Ahu mabog iboho bisana mangehow dakit i wakaruharuanu, bo silatahula beheNu be ahu. Nde how imahales beahu atalewe bana baitoba.²⁵Amang tumbihii mongiwing makadem baitoba iyai ahii mahailala i How, bo kalahan ilatahula si How io imasiu ya-Hu. ²⁶Bo bewahatau Hum ngala-Nu besilatahula osa ahu maleng mawatau, saniboho beleNu ambehe Nu beaHu. SiaHu asuang ilatahula bo hahi ahu asuang ilatahula.

¹Haworus sange Yesus kumua i pahasa lumuai sia biboho me dororo bo murid-muridNa bo silatahula mohoam beta i londola Kidiron. Biboho bana esa taman bo Sia hahi sumuang a taman ioho medororo bo murid-muridNa. ²Yudas, i tumalihud be si Yesus, mahalah kahi tampa a pasesenan bo murid-murid-Na. ³Awahem mahi si Yudas hahi biboho sangareret sururaho bo manga mahiaha i Bait Itialo bewasiu i imam-imam kapala bo manga tow Farisi bo sosoloan, sulu bo sunapang.⁴Iboho Yesus mahalah i pahasa asia i homoali anibatangaNa dumior andior bo kumai be silatahula, sisei pangilahem i homotahula? ⁵Sowaten ilatahula: “Yesus a Nasaret.” i hua Na besilatahula: “Si Ahu Nioho.” Yudas i tumalihud i Sia tumotod hahi biboho i wakaruaharua i latahula.⁶Awahem sia humua besilatahula: “Sia-Hu Nioho” Mundarem sia osa hatia a toba. ⁷Awahem kahi Sia tumaan: “Sisei ndom pinangilah ihomotahu?” kuai ilatahula: “Yesus a Nazaret.”⁸Sowaten i Yesus. “Behuahum behomotahula Sia-Hu nioho.” sa Sia-Hu pinangilah i homotahula. I wayai yoho silatahula moho. ⁹Keleiaboho lumekewem kukuai-Na. Imbehua Na nde silatahula i sumeahkan mio be How Ora’inesa alahem bewiai Ku pohod.¹⁰Osa, Simon Petrus imeang sabel osa telebana sabel ioho osa i waona a hamba Imam Wako. Osa mawarudut i talinga hanoal. Ngalan i hamba ioho Malhkus. ¹¹Ihua i Yesus be si Petrus: “I Suang sabeluh nde Ahu luku’pe cawan behe i Namang Ku be Ahu.”¹²Awahem manga sururaho bo perwira bo manga mahiaha bewasiu tow Yahudi tumiho si Yesus bo mebakes i Sia. ¹³Osa silatahula meang i Sia apahamunan besi Hanas nde Hanas epo’i Kayafas, a taunioho mainjo imam bako. ¹⁴Awahem kahi si Kayafas imehe wengaran a manga tow i Yahudi: iboho lebe bereguna sa esa tou mate tanu pahasa i bangsa.¹⁵Simon Petrus bo esa tow murid balina mahalas be si Yesus. Murid ioho mahahilalah imam bako bo sia sumuang medororo bo si Yesus a kital i Istana imam bako. ¹⁶Sumata si Petrus metewio a luar susut im bonang, osa murid balina hahi a mahahilala Imam Bako. Maleng lumuai masirita sirita bo wene makiaha am bonang osa meang si Petrus sumuang.¹⁷Awahem kuan ni hamba wene mahiaha imbonang be si Petrus: “Awahem kahi how murid tow ioho? Sowaten i Petrus, Ahii!” ¹⁸Awahem hamba-hamba bo manga mahiaha im Bait i Tialo i masangem i kamo imbaha. Nde kaholotinan a tepo iboho, bo silatahula tumotod metetew boho. Si Petrus kahi tumod metetew medororo bo silatahula.¹⁹Awahem i wolai imam bako tumaan besi Yesus tanu i murid-murid Na bo tanu i wahajar Ra. ²⁰Sowaten i Yesus besia: Ahu kumuai i totuu besilatahula ambaitoba: Ahu mahajario a manga wale ibadat bo Bait Itialo atampa i pahasa tow Yahudi sumesen: Ahu ahii wana mohodait maruru. ²¹Nde aoho How tumaan i Ahu? Taanamange besilatahula, i tumanga asia mbe HuaNa, besilatahula; “Kalahannio, ilatahula asia behua-Hu.”²²Awahem i huana nioho, esatow mahiaha bo tumotot biboho, sumepek i namoNa osa kumuai: “Keleaboho sowakNu a Imam Bako?” ²³Sowaten Yesus besia: “Sa Kuaiku oho mesea, ituruk kaseaana, sumata totu mbehua-Na, nde aho how semepek i Ahu?” ²⁴Yanasa Hanas Humisim si sogo-sogoten besi kayafas, imam bako ioho.²⁵Simon Petrus tumotot metetew. Kuai manga tow boho besia: “Awahekahi kan hahi esatow murid Na?” ²⁶Sia sumakal, kuana: “Ahii” Kuai esa hamba Imam Bako, esatow sangana a hamba pinorongan i Petrus tahingana: “Awahekou belaku a taman medororo bo sia?” ²⁷Awahem si Petrus sumakal uo hahi bo Atepo ioho kumohohem koko.²⁸Osa silatahula imeang si Yesus a Kayafas osa moho ambale pawapirisaan. Basindowe mio nendoi oho. Silatahula mio ahii sumuang ambale pawapirisaan, de hii mabo batangan ilatahula mesameh, awahem silatahula kumanem i Paskah. ²⁹Osa i oho lumuai si Pilatus sumupah ilatahula bo kumua: “Asia tinuduhan ikamotahula a totumu iai?” ³⁰Sowaten ilatahula besia: “Satahii Sia tow tapia, hamitahula ahii sumesakum i How behow!”³¹Kua i Pilatus besilatahula: “Injon Sia bo isaangem Sia bo kaol i torat-Nu” ihua mangetou Yahudi ioho: “Hamitahula ahii dona mate nesatou.” ³²Ekawalian oho lekewem kaol Si Yesus, kele waaho Kua-Na kelembisa kawate-wate-Na.³³Osa mahi hahi si Pilatus ambale papirisaan, osa tumiang si Yesus bo tumaan be-Sia: “SiHow niai Daja tou i Yahudi?” ³⁴Sowat i Yesus: “Asia behuanu ioho asuang i natenumio, osa bana totumu balina i humua besi How awahem Ia-Hu?” ³⁵Kua i Pilatus: “Awahem ahu tou Yahudi? Bangsa mu mio bo imam-imam kapala i sumelakan beahu; asia tinulinu?”³⁶sowaten i Yesus: “Ahii koholanoan-Hu ambaoitoba ia i” Sa ambaoi toba iai kohalanoan-Hu; ndayona manga sosiu-Hu ilumawahem i how, keleoho ah-Hu ahii iehe amanga tou Yahudi, kelei oho kahalanoai-Ku ahii biai.” ³⁷Osa kua i Pilatus be-Sia: “Janasa Hou endaja?” Sowat i Yesus sihow ihumua, awahem ahu daja tanu ioho a-Hu tumou bo tanu ioho a-Hu i mahi ambaoi toba iai; i boho ahu mehe sairi; Asakum akaulitan esa tow, tumanga enu-Hu.”³⁸Kua i Pilatus be Sia: “Asia kaulitan i oho?” Alam imohodaiten kelewaaho, lumuai Si Pilatus moho sumupah mangatow Yahudi bo kumua besilatahula.” Siahu ahii mahaere kaseaan asia mange be-Sia. ³⁹Sumata behamotahula bana maharanem atebei Paskah Ahu mawalepot esa tow wanu hamotahula. Osa mabo kamotahula a-Hu lumepot daja tow Yahudi behamotahula?” ⁴⁰sa sumawang ilatahula: “Naan si Sia, sumata si barabas!” si Barabas awahem tapenahow.

¹Awahem Pitatus minjo si Yesus bo masiu tow mawel i Sia. ²Manga sururaho mangayam esa balahigi pamotohon bo i epale ambai i kohong-Nga. Osa pakean ilatahula Sia juba ungu, ³osa dumior andior ilatahula sa kumuai: “Siri daja tow Yahudi!” Osa silatahula sumepek i namo-Na.⁴Pilatus lumuai hahi osa kumuai besilatahula: “Pilahen ahu meang Sia lumuai be hamotahula, awahem kalahan i homotahula ahu ora inesa ahii kinaean kaseaanNa.” ⁵lumuai si Yesus, pinakean balalugi pamatohan bo make i jubah ungu. Osa kuai i Pilatus besilatahula: “Pilahem totumu ioho!” ⁶Atepo imam-imam kapala bo manga mahiaha milah i Sia, i sumawangem silatahula: “I salib Sia, i salib Sia!” kuai i Pilatus besilatahula: “Injon Sia bo salibNga; nde ahu ahii mahaera kaseaanNa.”⁷Sowaten manga tow Yahudi be sia: “Hamitahula bana u’kum bo u’kum ioho paten, nde Sia maharasa batanga-Na Bata i Tialow.” ⁸Atepo pilatud tumanga behuana medohong talona. ⁹Osa sia sumuang i gedung pahurusan, bo kumuai i Yesus: “Bisana asalMu?” sumata Yesus ahii sumowat be sia.¹⁰Awahem kuai Pilatus be Sia: “Ahii how mabognumu bo siahu? Ahii How mahalah, osa ahu mekawasa mehe i wekar beHow bo makawasa sumalib i How?” ¹¹Sowaten i Yesus: “Si how ahii mahasawa imbahut asiamange be Ahu, sa imbaut ioho ahii iyehe be how ambao, nde: sia, i sumerahkan Ahu behow, nde bako seana.”¹²Awaboho Pilatus maberusaha mehe paleyen be Sia, sumata mangatow Yahudi mawasawang: “Sa how mehe welear be Sia, si how ahii kamai Kaisar. Esa bo esa tow e mahahelam batangana daja, sia lumawah i Kaisar.” ¹³Atepo Pilatus mahataan kodait iho masiu, sia meang si Yesus lumuai, bo sia dumatuh a kadera pahurusan, atampa ngalana Litostrotos, am bahasa Ibrani Gabata.¹⁴Endo ioho kasadiaan i Paskah, do’na-ona tumiting sangawulu borua. Kuai i Pilatus a mangatow Yahudi: “Wai dajamu!” ¹⁵sa silatahula mawasawang: “Enyahkan Sia! Enyahkan Sia! Salipen Sia! Kuai Pilatus besilatahula: “Hiitoro ahu sumalib i ndajamu?” Sowaten imam-imam kapala: “Hamitahula ahii mahasawa da’ja osa wati Kaisar!” ¹⁶Ahadem Pilatus tumato besilatahula osa i salib. Silatahula tumirima si Yesus.¹⁷Osa lumihud salibNa Sia moho lumuai moho a tampa ngalana Lesad induhi Kohong, ambahasa Ibrani: Golgota. ¹⁸Bo biho Sia be salib ilatahula bo iwekaharua Sia, sinalib dua tow balina, ambeta bo ambeta, si Yesus a tutud.¹⁹Bo si Pilatus masiu mapekahi pawatil ambao i kayu kalawat wa’aho enu’na: “Yesus tow Nazaret, Daja i tow Yahudi.” ²⁰Tadoo tow Yahudi imaca pawatih iboho, awahem tampa bisana Yesus sinalib lesadna a susut i kota bo manga kodait iboho bewatih am bahasa Ibrani, bahasa Latin bo bahasa Yunani.²¹Osa kua imam-imam kapala tow Yahudi besi Pilatus: “Naam kow matih: daja tow Yahudi, sumata bati Sia kumua si Ahu Daja tow Yahudi. ²²Sowaten ni Pilatus: “Asia mbe watih, waaho mio iwatih.”²³ihaworusoho manga sururaho iyoho sumalib i Yesus, silatahula manginjo i talanga osa pebetengen mamuali epat ngosilang, tanu esa-esa sururaho esa ngosilang- bo juba-Na hahi benjo ilatahula. Jubah ioho ahii dinahum, ambaona ahad andalem, bati esatenenun mio. ²⁴Awahem iboho silatahula kumua esa wo esa balina naam kita membeteng mamuali tahulanga wong sumatalebeh mauleng kita lumotem maindo tumantu sisei e mahaeren keleaho saniboho imalekewem be watih a Kaol: “Silatahula imebeteng latangKu anepang ilatahula bo silatahula ilumo i jubah-Hu” waaho tinulidem manga sururaho iyoho.²⁵Bo atai salib Yesus tumotod inang-Nga bo pog i mang-Nga, Maria karoang i Klopas, bo Maria Magdalena. ²⁶Anoras si Yesus melilah i inang-Nga bo murid i halesNa ambeta Na, kumua Sia be si Inang-Nga, Inang, waim batanu!” ²⁷Osa kua-Na be si murid-Na: “Wai inangnu!” bo anoras iboho, murid iboho tumirima sia ambalena.²⁸Haleotoho ni’aho, kalahanem i Yesus, awahem asiamange behalawusem, kua-Na saniboho lekewem e mbawatih a Kaal - : “Si Ahu kawelaan!” ²⁹biboho bana nesa songaboto nanggor mangilu. Osa silatahula isumue bungang karang, embelosohom a nanggor mangilu, a sangawowat hisap osa mawasabah i’aho a mba’ba i Yesus. ³⁰Haleotoho si Yesus luku i nanggor mangidu, kumua Sia: “Imalekewem.” Osa Sia kumuru i koho-Nga bo mehe imbawanga-Na.³¹Nde endo i’aho endo kasadiaan bo saniboho a nendo i sabat manga i mayet i’aho alam i tambeng a kayu kalawat apaan sabat i’aho endo endo wako osa moai mangatow i Yahudi besi Pilatus osa mangelei besilatahula saniboho mayet ilatahula ilolosem. ³²Osa mangoais manga susuraho osa lumekuk i nae i tow pahamunan osa ae i tow walina behalawat medoro-roro bo si Yesus. ³³Sumata atepo silatahula hoamat lu si Yesus osa milahem i Sia i matem, silatahula ahi’i ilumekuk i nae,Na.³⁴Sumata esa tow amanga susuraho i;aho sumahul itiuha-Na bo lokab, bo Tialo bo lumuai ndaha bo ahe. ³⁵Osa tow e milah i’aho mio e nimehe sairi i’ai bo sairina i humiit, bo sisia mahailah, awahem sia kumua i kaulitan, saniboho kamotahula hahi meman.³⁶Apa’an i’aho behamoali, sani’aho malekewem e i wati-watih a suang i Kaal. ³⁷Bo bana hahi nas e nihumua: “Silatahula mainjo tumotong i Sia e sinahul ilatahula.”³⁸Alam behaletemoho Yusuf Arimatea – sia murid i Yesus, sumata maru-ruru de matalo amanga tow Yahudi- mangelei besi Pilatus, de pinogeane bangke Yesus ilolos bo bewonge i Pilatus asia pinangelena i’oho. Osa sia mahi mawalolos mayet i’oho. ³⁹Bo si Nikodemus mahi biboho. Sia pahamunan imahi ambengi i’oho besi Yesus. Sia meang solo mur bo sinauhan solo gaharu, petebei oho lima ngawulu kati tanenan.⁴⁰Silatahula minjo mayet i Yesus, sinawut bo doho i lenan beamburan bubu kelei sondait tou Yahudi salumebeng mayet. ⁴¹Susut atampa i Yesus sinalipan bana nesai taman bo asuang i taman i’oho bana lelembeng taleya mande esa tow awe mahese belebeng bi boho. ⁴²Anendo oho kasadian tou Yahudi, de lelembeng oho ahii dekang tampana, osa iepa ilatahula mayet i Yesus bi boho.

¹Pahamunan i nendo a minggu i aho, ambasindowe mio a tepo endo dendepe, moho si Maria Magdalena a kubur i yoho bo milah awahem batu i kubur benjom. ²Malola sia metau si Simon Petrus bo murid balina ihales i Yesus bo kuana besilatahula; “Tuhan benjom i tow a kubur ra bo kamitahula ahii matau bisana bepaan ni Sia.³Osa matang si Petrus bo murid balina moho a kubur. ⁴Silandua maholah medororo, sumata aho murid balina malolah lebe motiro nde si Petrus osa pahamunan beho amal a kubur. ⁵Sia moho lumo a suanga bo milah doho kapan bepa a toba, sumata ahii sia sumuang a suanga.⁶Osa mahi si Simon Petrus lumalas i sia bo sumuang a suang i kubur i yoho, pilahena doho kapan bewao a toba, ⁷osa doho peluh a kohong i Yesus ahii wao-wao atai doho kapan ni yoho. Sumata a sili tampa balina bo beha likunem.⁸Osa sumuang kahi murid balina pahamunan beho amat a kubur bo sia milah bo moeman. ⁹Nde ahadayai silatahula awe mohiitau suang i Kaol i humua, awahem Sia stahii toro sa tumow anepang i tow i matem. ¹⁰Osa maleng silandua murid i yoho ambale.¹¹Sumata si Maria tumod a tai kubur i yoho bo mekae. Teka mekae-hae sia moho milah asuang i kubur i yoho. ¹²Bo mahawilah sia dua kiong i Ningumeled ma pelatang budi, esa idumatuh ambeta kohong bo balina ambeta inae a tampa binaoan mayat i Yesus. ¹³Kua i kiong Ninfumeled be sia: “Inang, nde aho how mekae?” sowaten i Maria besilatahula: “Tuhanku benjom i tow bo si ahu ahii mahailah bisana Sia bewao.”¹⁴ihalawusoho kumua kelewaaho sia milah a lihud bo melilah si Yesus tumotod bi baho, sumata sia ahii mahailah, awahem i boho si Yesus. ¹⁵Kua i Yesus besia: “Inang, nde a how mekae? Sisei papangilahenu?” Kuana mangeonah i Maria, tow iboho mahai iyaha i taman, osa kumua be sia, “Tuang sa sihow i minjo i Sia, ihua be ahu, bisana sia be waoan i tuang boho ahua dona minjo i Sia.¹⁶Kuani Yesus be sia: “Maria!” Maria sumeleng bo kumua be-Sia am bahasa Ibrani: “Rabuni”!, toro “Guru”. ¹⁷Kua Yesus be sia: “Naam kow tumaka i Ahu, sumata mohonem be manga Wong-Ku, bo ihua besilatahula awahem iyatalewe mohonem besi Amang-Ku, bo Amang-Nu be Ningumeled Ku bo Ningumelednu.” ¹⁸Maria Magdalena moho bo kumua a manga murid: “Si Ahu i melilahem si Tuhan!” bo awahem Sia nihumua asia mimamuali be sia.¹⁹Anora endo bengim a nendo pahamunan a minggu iyoho sumesen murid-murid i Yesus a esa tampa bo manga bonang behusi nde silatahula matalo a tow-tow Yahudi. Atepo i yoho moai si Yesus bo tumod atutud ilatahula bo kuana: “Sononoi enow hanukomotahula.” ²⁰Bo ihaworusoho kumua kelewaaho, Sia tumuru kama-Na bo totoasoy Na besilatahula. Murid-murid iboho mekahi ahoras silatahula melilah si Tuhan.²¹Osa kua i Yesus mahasawe: “Sononoi enow tanu kamotahula mekele si Amang mahales si Ahu, kelewaaho hahi iyaitalewe si Ahu mahales i komotahula. ²²Bo ihalawusoho kumu kelewaaho, Sia manaput silatahula bo kumua: “Tirimanem Tutuh Lenas.” ²³Sahomotahula mapung sea i tow, seanu beapungan bo sa komotahula mawawatara sea i tow sea bana keleaho hahi sea na bana.²⁴Sumata si Tomas sisia nesa a sangawulu bo rua manga murid kelebehua i Didimus, ahii hii silatahula iwakarua, anoras si Yesusmoay biboho. ²⁵Yanasa kua manga murid balina besia: “Kamitahula imelilahes si Tuhan!”, sumata si Tomas kumua besilatahula: “Satalewe ahu imilah boso i paka a kama Na, bo satalewe ahu isuang tundanu asuang am boso bo isuang tunauka a suang i totoasoy Na, mahasa-hasa ahii ahu emaneiku.²⁶Walu ngando ahadiaho manga murid i Yesus maleng imahim a suanga imbale i Tomas i wakaharua ilatahula samantara manga bonang behusi, si Yesus maru bo Sia tumod atutud ilatahula bo kumua: “Sononoi enow tanu komotahula!” ²⁷Ahadiaho Sia kumua besi Tomas: “I Yepe tundunu biai bo pilahen kama Ku itaro e kamanu bo isuang asuang i totoasoyKu bo naam kow ahii hahi maeman sumata amanen.”²⁸Tomas sumowat i Sia: “Si Tuhanku bo Ningumeledku.” ²⁹Kuani Yesus be Sia: “Nde how imelilahem i Ahu osa how maeman mekahi iyokomotahula ahii melilah, sumata maeman”.³⁰Dali tadoowe tepai tinulid i Yesus asaang imbelen manga muridNa ahii bewatih a kitab i ya’i. ³¹Sumata pahasa i wati-watih biai bewatihem saniboho komotahula maeman, awahem si Yesus Mesias, baya i Ningumeled bo awahem komotahula i emanu mahaere enonow a ngala-Na.