¹Kumatalikilo, Leza wakalenga majulu anyika. ²Inyika teyakalikwe chiimo akubula chintu. Mudima wakali atala maanzi malamfu. Muuya wa Leza wakali kweenda ataala amanzi.³Leza wakati, ''Akube mumuni,'' alimwi mumuni wakaba. ⁴Leza wakubona mumuni, kuti mubotu. Wakanzania mumuni kuzwa mumudima. ⁵Leza wakawuzika mumuni ''sikati,'' alimwi mudima wakuyita ''mansiku'' ''Awo kwakaba goko achifumo, izuba lyakutanguna.⁶Leza wakati, ''Akube mulengalenga akati kamanzi, alimwi uwanzanie manzi kuzwa kumanzi. ⁷Leza wakalenga mulengalenga akwanzania manzi akali munsi amulengalenga wamaanzi akali ajulu amulengalenga. Kwakaba mbubo. ⁸Leza wakayita mulengalenga ''Ijulu'' kwakaba igoko akuseni izuba lyabili.⁹Leza wakati, ''Akube kuti manzi alimunsi amulengalenga ayoboloke aamwi kubusena bomwe, akuti ntundubwi iboneke.'' Kwakaba mbubo. ¹⁰Leza wakawuzika intundubwi kuti ''Inyika,'' alimwi maanzi akayobolokede amwi wakawuzika kuti ''ndwizi.'' wakabona kuti nchibotu.¹¹Leza wakati, ''Inyika isyusye mweemvwe: azisyu zizyala mbuto, amisamu ilambuto ilimumichelo, umwi awumwi mbuli mumusyobo wawo.'' Kwakaba mbubo. ¹²Inyika yakazyala mweemvwe, michelo yakazyala imbuto yayo ayimwi mbuli mumisyobo yayo, aalimwi minsamu yakazyala michelo ilambuto ilimulinguwo, kwinda mumusyobo wayo. ¹³Kwakaba goko achifumo, izuba lyatatu.¹⁴Leza wakati, ''Akube mimuuni kwanzania isikati kuzwa kumansiku aalimwi azibe mbuli zitondezyo, zyazyiindi, zyamazuba amyaka. ¹⁵Azibe mumuuni kumulengalenga kuti zipe mumuuni anyika.'' Kwakaba mbubo.¹⁶Leza wakachita mimuuni mipati ibili, mumuuni mupati wakwendelezya buzuba, amumuni munini wakweendelezya mansiku. Wakalenga inyenyeezi alimwi. ¹⁷Leza wakazibika mumulengalenga kuti zipe mumuni aanyika, ¹⁸Kuti zyeendelezye buzuba aamansiku, akwanzania mumuuni kuzwa kumudima. Leza wakabona kuti nchibotu. ¹⁹Awo kwakaba igoko achifumo, izuba lyane.²⁰Leza wakati, ''Maanzi azuzigwe amwelwe mupati wazilenge, alimwi abayuni bawuluke atala anyika mumulengalenga wajulu.'' ²¹Leza wakalenga zilenge zipati, alimwi, mbuli zilenge zipati, zipona kuzwa kumisyobo yazyo, zilenge ezyo zyeenda azezyo zizwide mumaanzi busena boonse, aboonse bayuni balamababa kwinda mumisyobo yabo. Leza wakabona kuti nzibotu.²²Leza wakabalongezya, kaamba kuti, ''Muzyalisye akuvula, akuzula mumaanzi amulwizi. Bayuni abavule anyika. ²³Kwakaba goko akuseni, izuba lyamusanu.²⁴Leza wakati, ''Nyika izyale zilenge zipona, achiimo mbuli musyobo wacho, zivubwa, zintu ziyavula abanyima banyika, achimwi mbuli musyobo wacho.'' Kwakaba mbubo. ²⁵Leza wakalenga zinyama zyamunyika kwinda mumisyobo wazyo, zivuubwa mbuli mumisyobo wazyo azyonse ziyavula aanyika kwinda mumusyobo wazyo. Wakabona kuti nchibotu.²⁶Leza wakati, ''Atupange muntu muchikozya chesu, mbuli mubube bwesu. Aababe abwendelezi aatala abaswi bamulwizi, aatala abayuni bakujulu, aatala zivubwa, aatala anyika yoonse aatala alizyonse zinyama ziyavula anyika.'' ²⁷Leza wakalenga muntu muchinkozya chakwe. Muchikozyanio chakwe wakamulenga. Baalumi abanakazi wakabalenga.²⁸Leza wakabalongezya alimwi wakati kuli mbabo, ''Amuzyalane, akuvula, muzuzye nyika, akwiibombya. Mube abweendelezi aatala lyabaswi bamulwizi, aatala lyabayuni bakujulu, alimwi aatala azintu zyoonse zyeenda aatala anyika. ²⁹Leza wakati, ''Amubone, ndamupa zyoonse zizyala imbuto eeyo ili aatala anyika yoonse, ayonse minsamu ilamuchelo ooyo ulembuto mukati kayo. Ziyoba zilyo kulindinywe.³⁰Kuli woonse munyama wanyika, kuli boonse bayuni bamajulu alimwi kuli choonse eecho chiyavula anyika, alimwi kuli choonse chilengwa chiyoya ndapa yoonse minsamu kuti chibe chakulya.'' Kwakaba mbubo. ³¹Leza wakabona zyoonse nzyakachita. Amubone, chakabotesya. Kwakaba goko achifumo, izuba lyamusanu alimwi.

¹Mpawo majulu anyika zyakamana, alimwi azyoonse zintu zyakazuzizye nzizyo. ²Mubuzuba bwamusanu aabili Leza wakasika kumagolelo a mulimu wakwe ngwakachita, alimwi aboobo wakalyookezya mubuzuba bwamusanu aabili kuzwa kumulimu wakwe. ³Leza wakalongezya izuba lyamusanu aabili akulisalazya, nkambo mulindilyo wakalyokezya kuzwa kumulimu wakwe ngwakachita mukulenga kwakwe.⁴Eezi nzizyakachitika aatala amajulu alimwi anyika, eelyo nizyakalengwa, mubuzuba oobo Jehova Leza mbwakalenga nyika amajulu. ⁵Takwe mateyo akali aba pe munyika, alimwi kakutakwe musamu pe wakali wamena, nkaambo Jehova Leza takalinaachita mvula kuti iwe aatala anyika, alimwi tekwakali muntu pe sikupanda nyika. ⁶Pesi sikunkwe wakanyampuka kuzwa aansi alimwi wakatiliila nyika yoonse.⁷Jehova Leza wakabumba muntu kuzwa kulusuko lwenyika, alimwi wakayoyela mumpemo zyakwe muuya wabuumi, alimwi muntu wakaba chintu chipona. ⁸Jehova Leza wakabyala chilili kubuzwezuba, mu Edeni, alimwi oko wakabika muntu ngwakapanga.⁹Kuzwa kunyika Jehova Leza wakachita misamu yoonse kuti ikomene eyo iyeebeka kumenso alimwi kili mibotu kukulya. Eezi zyakali kubikilizya musamu wabuumi wakali aakati kachilili, alimwi musamu waluzibo lwabubotu a bubi. ¹⁰Mulonga wakali kuzwa ku Edeni kutilila chilili. Kuzwa waawo wakaanzana akuba milonga yone.¹¹Izina lyawakutanguna ngu Pisyoni. Nguwo ukunkila munyika yoonse ya Havila, oko kuli ngolida. ¹²Ingolida yayeyo inyika nimbotu. Alimwi kwakaliko mundalila alimwi abbwe lya onikisi.¹³Izina lyamulonga wabili ngu Gihoni. Ooyu ukunkila kunyika yoonse ya Kkusyi. ¹⁴Izina lyamulonga watatu ngu Tigilisi, alimwi ukunkila kubuzwezuba bwa Asiha. Mulonga wane ngu Yufuletisi.¹⁵Jehova Leza wakabweza muntu akumubika muchilili cha Edeni kuti achibeleke alimwi akuchibamba. ¹⁶Jehova Leza wakalayilila muntu, kati, ''Kuzwa kumisamu yoonse ilimuchilili ulaangunukide kukwiilya. ¹⁷Pesi kuzwa kumusamu waluzibo lwabubotu alimwi a bubi utakalyi, nkaambo mubuzuba notakalye kuzwa kulinguwo, nchobeni uyoofwa.''¹⁸Mpawo Jehova Leza wakati, ''Tachili chibotu pe kuti muntu abe alike. Ndiyomupangila mugwasyi umweelede.'' ¹⁹Kuzwa kunyika Jehova Leza wakalenga banyama boonse bamumuunda abayuni boonse bamumulengalenga. Mpawo wakabeeta kumuntu kuti abone akubawuzika mazina. Kufumbwa muntu mbakawuzika chimwi chilengwa, ndilyakaba izina lyacho. ²⁰Muntu wakawuzika mazina kuzivubwa zyoonse, kubayuni boonse, alimwi kuli woonse munyama wamumuunda. Pesi kumuntu lwakwe tekwakajanika mugwasyi umweelede pe.²¹Jehova Leza wakachita n'onzi mpati ziwide muntu, aboobo muntu wakoona. Jehova Leza wakagwisya kamwi katumpango alimwi wakajala nyama aawo mpakagwisya kampango. ²²Akampango ako Jehova Leza nkakagwisya kuzwa kumuntu, wakalenga mwanakazi akumweta kumuntu. ²³Muntu wakamba kuti, ''Echino chiindi, ooyu ndifuwa lyamafuwa aangu, anyama yenyama yangu. Uyoyitwa ''mukayintu,' nkambo wakagwisigwa kuzwa kumuntu.''²⁴Nkenkako mwalumi uyosiya wisi abanyina, uyojatana amukayintu wakwe, alimwi bayoba nyama yomwe. ²⁵Boonse bakalimaya, mwaalumi a mwanakazi wakwe, pesi tibakali abweeme pe.

¹Lino inzoka yakalijisi maanu kwinda bamwi boonse banyama bamumuunda oyo Jehova Leza ngwakalenga. Wakati kumwanakazi, ''Mbaakamba na nchoonzyo Leza, 'Tamwelede kulya kuzwa kumunsamu wamuchilili'?'' ²Mwanakazi wakati kunzoka, ''Ngatulalya michelo kuzwa kuminsamu yamuchilili, ³pesi aatala amuchelo wamunsamu uli aakati kachilili, Leza wakati, ''Tamwelede kuulya pe, nikuba kuuguma, na kuti uyofwa.'''⁴Inzoka yakati kumwanakazi, ''Nchobeni tokoyofwa pe. ⁵Nkaambo Leza ulizi kuti mubuzuba mbomuyowulya menso aako ayojulika, alimwi uyooba mbuli Leza, kuziba chibotu achibi.'' ⁶Eelyo mwanakazi nakabona kuti munsamu wakali mubotu kuchilyo, alimwi wakali kubotezya kumenso, alimwi munsamu ulayandika kuti umwi abe musongo, wakabweza umwi wamichelo yawo akwiilya. Mpawo wakapa lubo imwi michelo kumulumi wakwe ngwakali aawe, alimwi wakiilya.⁷Menso abo boonse kabali babili akajulika, alimwi bakaziba kuti bali maya. Bakasuma matu amukuyu akulichitila zilivumbyo. ⁸Bakamvwa musoso wa Jehova Leza kayobweenda muchilili muchiindi chakubomba kwezuba, elyo mwaalumi a mwanakazi wakwe bakayuba kuzwa kubuliwo bwa Jehova Leza aakati kaminsamu yamuchilili.⁹Jehova Leza wakayita mwaalumi akwaamba kuti, ''Uli kuli?'' ¹⁰Mwaalumi wakati, ''Ndakumvwa muchilili, alimwi ndayowa, nkaambo ndali maya. Aboobo ndalisisa.'' ¹¹Leza wakati, ''Ngwani wakwaambila kuti wali maya? Sa walya kuzwa kumunsamu ooyo ngundakakulayilila kuti utakawulyi?''¹²Mwaalumi wakati, ''Mwanakazi nguwakandipa kuti ndibe anguwe, wandipa muchelo uzwa kumunsamu, alimwi ndawulya.'' ¹³Jehova Leza wakati kumwanakazi, ''Ninzi eechi nchuwachita?'' Mwanakazi wakati, ''Inzoka yandeena, alimwi ndawulya.''¹⁴Jehova Leza wakati kunzoka, nkaambo kakuti wachita eechi, watukwa webo olike aakati kazivuubwa zyoonse alimwi abanyama boonse bamumuunda. Uyoyenda abula bwako, alimwi mbulongo mboyoolya mumazuba woonse abuumi bwako. ¹⁵Ndiyobika inkondo aakati kako amwanakazi, alimwi aakati kambuto yako ambuto yakwe. Uyowuma mutwe wako, alimwi uyoluma kasiindi kakwe.''¹⁶Ku mwanakazi wakati,''Ndiyovuzya machise mukuba abana; muumachise moyootumbuka bana. Chiyandisyo chako chiyooba kumulumi wako, pesi uyokweendelezya.''¹⁷Kuli Adamu wakati,''Nkaambo kakuti waswiilizya ijwi lya mwanakazi wako, alimwi akulya kuzwa kumunsamu, aatala azeezyo nzindakakulayilila webo, kuti, 'Utakalyi kuzwa kuli nguwo,' ilitukidwe inyika akaambo kako; kwiinda mumachise aamulimu uyoolya kulingawo woonse mazuba abuumi bwako. ¹⁸Iyokuzyalila maamvwa a mitubetube, alimwi uyoolya izisyu zyamumuunda. ¹⁹Amitukuta yakubusyu uyoolya chibunge, kusikila ukabweede kunyika, nkaambo kuzwa kuli njiiyo nkuwakazwa. Nkaambo uli bulongo, alimwi kubulongo uyobweeda.''²⁰Muntu wakawuzika mwanakazi wakwe izina lyakuti Eva nkaambo wakali banyina bazipona. ²¹Jehova Leza wakachitila Adamu amwanakazi wakwe zisamo zyechikuumbaalimwi wabasamika.²²Jehova Leza wakati, ''Lino muntu waba mbuli ndiswe, kuziba chibotu achibi. Aboobo lino tayelede kuzumizigwa kuti asikile aluboko lwakwe, abweze kuzwa kumunsamu wabuumi, awulye, apone kwalyoonse.'' ²³Nkiinkako Jehova Leza wakamutandila aanze kwachilili cha Edeni, kuti apande nyika ooko nkwakabikwa. ²⁴Aboobo Leza wakatanda muntu kuzwa muchilili, alimwi wakabika kkelubbimu kubuzwezuba bwachilili cha Edeni, alimwi afulo limweka lyakali kuzyunguluka koonse koonse, kuti likalinde kunzila yamunsamu wabuumi.

¹Mwalumi wakaziba banakwe Eva bakaminta akuzyala Kkayini. Wakati, ''Ndazyala mwalumi alugwasyo lwa Jehova.'' ²Mpawo wakazyala mwanikakwe Abbelo. Lino Abbelo wakaba mwembeli, pesi Kkayini wakalima nyika.³Nikwakaba chiindi Kkayini wakayeta imwi michelo yenyika mbuli chipo kuli Jehova. ⁴Pesi Abbelo, wakeeta bamwi babana batanzi babutanga bwakwe amafuta. Jehova wakatambula Abbelo achipo chakwe, ⁵Pesi Kkayini achipo chakwe takwe nakamutambula pe. Awo Kkayini wakanyema loko, wakasyulungana.⁶Jehova wakati kuli Kkayini, ''Nkambonzi niwanyema alubo nkambonzi niwasyulungana? ⁷Na wachita chitaluleme, chibi chilakuyubilila amulyango akuyanda kukwendelezya, pesi uyelede kuzizunda.''⁸Kkayini wakambula kuli Abbelo mwanike wakwe. Kwakaba nibakali mumyuunda, Kkayini wakabukila mwanike wakwe akumujaya. ⁹Mpawo Yahuwe wakatikuli Kkayini, ''Ulikuli Abbelo mwanike wako? ''Wakati, ''Nsiizi pe. Ndime na nindibamba mwanike wangu?''¹⁰Jehova wakati, ''wachitanzi? ¹¹''Lino watukwa webo kuzwa kubulongo, ibwakajula mulomo wabo akutambula bulowa bwamwanike wako kuzwa kujanza lyako. ¹²Wakulima inyika, kuzwa, kuzwa lino ali njiyo tichikakutebwidi nguzu zyayo uyoba sikwempeta akuba simutuntuli anyika.''¹³Kkayini wakati kuli Jehova, ''Chisubulo changu nchipati kwindilila mpunkonzya. ¹⁴Nchobeni, wandigwisya buzuba obuno kuzwa kunyika eeyi, alimwi ndiyosiswa kubusyu bwako. Ndooba sikwempeta asimutuntuli munyika, alimwi kufumbwa undijana uyondijaya.'' ¹⁵Jehova wakati kuli nguwe, ''Kufumbwa ujeya Kkayini, uyopegwa mulandu zyiindi zyindulwidwe musanu azibili.'' Mpawo Jehova wakabikka kufumbwa umujana, oyo muntu muntu atamulwanisyi.¹⁶Awo Kkayini wakazwa kubusyu bwa Jehova akuyokkala munyika ya Nodi, kubuzwezuba Edeni. ¹⁷Kkayini wakaziba mukakwe wakaminta. Wakazyala Inokki. Wakayaka chisi wachipa zina ndyakapede mwanakwe Inokki.¹⁸Kuli Inokki kwakazyalwa Iladi. Iladi wakaba wisi wa Mehiyayeli. Mehiyayeli wakaba wisi wa Metusela. Metusela wakaba wisi wa Lameki. ¹⁹Lameki wakalikwatila banakazi bobile. Izina lyawumwi kali Ada, azina lyawumwi kali Zila.²⁰Ada wakazyala Jabbali wakali wisi wababo bakali kukkala mumatente ibakali azivubwa. ²¹Izina lyamukulana wakwe kali Jubbali. Wakaliwisi wababo bakalizya tuntimbwaanyeele. ²²Pesi Zila, wakazyala Tubala - Kkayini, mufuzi wazibulo zyamukuba azyabutale. Muchizi wa Tubali - Kkayini wakali Naama.²³Lameki wakati kubanakazi bakwe, ''Ada a Zila, amuswilizye kujwi lyangu; Inywe nubanakazi ba Lameki, Amuswilizye nzingamba. Nkambo ndakajeya mwalumi wakandichisa, mulombwana wakandichudula. ²⁴Na Kkayini wapegwa mulandu zyiindi musanu azibili, lino Lameki uyopegwa mulandu zyiindi zili makumi musanu abili amusanu atubili.''²⁵Adamu wakoona amwanakazi wakwe lubo, elyo wakazyala alimwi mwana mulombe. Wakamupa izina lyakuti Seti mpawo wakati,'' Leza wandipa uumbi mwana muchibaka cha Abbelo, nkambo Kkayini wakamujaya.'' ²⁶Mwana mulombe wakazyalwa kuli Seti wakamupa izina lyakuti Inoshi. Kuli cheecho chiindi bantu bakatalika kwiita zina lya Jehova.

¹Ayaa ngimakani amazyalane a Adamu. Mubuzuba Leza nakalenga bantu, wakabachita baba muchikozyanio chakwe. ²Wakalenga mwalumi amwanakazi. Wakabalongezya akubapa izina lyakuti mbantu nibakalengwa.³Eelyo Adamu nakapona myaka mwanda amakkumi ataatu, wakaba wisi wamwana mulombe umukozezye, muchikozyanio chakwe, elyo wakamwita zina lya Seti. ⁴Adamu nkali waba wisi wa Seti. Wakapona myaaka myaanda musanu ayitatu. Wakaba wisi wabana biingi balombe abasimbi. ⁵Adamu wakapona minyaka, (930) myanda musanu ayine amakumi otatwe, mpawo wakafwa.⁶Eelyo Seti nakapona minyaka mwanda amusanu, wakaba wisi wa Enosi. ⁷Nkali waba wisi wa Enosi, wakapona minyaka myanda musanu ayibili (807) mpawo wakaba wisi wabana balombe abasimbi bingi loko. ⁸Seti wakapona minyaka (912) myanda musanu ayine akkumi ayibili, elyo wakafwa.⁹Awo Enosi nkali wapona minyaka myanda musanu ayine, wakaba wisi wa Kkenani. ¹⁰Nkali waba wisi wa Kkenani, Enosi wakapona (815) minyaka myanda musanu ayitatu a kkumi amusanu. Wakaba wisi wabana biingi balombe abasimbi. ¹¹Enosi wakapona (905) minyaka myanda musanu ayine amyaka musanu, awo mpawo wakafwa.¹²Eelyo Kkenani nakapona minyaka iili makkumi musanu aabili, wakaba wisi wa Mahalaleli. ¹³Nkali waba wisi wa Mahalaleli, Kkenani wakapona minyaka myanda musanu ayitatu amakkumi oone (840). Wakaba wisi wabana balombe abasimbi biingi. ¹⁴Kkenani wakapona (910) minyaka myaanda musanu aine ilekkumi elyo wakafwa.¹⁵Elyo Mahalaleli wakali wapona minyaka makkumi musanu alimwi amusanu, wakaba wisi wa Jaledi, ¹⁶Nkali waba wisi wa Jaledi, Mahalaleli wakapona minyaka myanda musanu ayitatu amakkumi atatu. Wakaba wisi wabambi bana balombe abasimbi. ¹⁷Mahalaleli wakapona minyaka (895) myanda musanu ayitatu amakkumi musanu ayine aminyaka musanu, elyo wakafwa.¹⁸Eelyo Jaledi wakapona minyaka (162) mwanda amakkumi musanu amyaka yobile, Wakaba wisi wa Inokki. ¹⁹Nkali waba wisi wa Inokki, Jaledi wakapona minyaka myanda musanu ayitatu. Wakaba wisi wabana biingi balombe abasimbi. ²⁰Jaledi wakapona minyaka (962) myanda musanu ayine amakkumi musanu alimwi aminyaka yobile mpawo wakafwa.²¹Eelyo Inokki nkali wapona minyaka makkumi musanu alimwi amyaka musanu, wakaba wisi wa Metusela. ²²Inokki wakeenda a Leza minyaka myanda yotatwe nkali waba wisi wabana balombe abasimbi biingi. ²³Inokki wakapona (365) minyaka myanda yotatwe amakkumi musanu alimwi aminyaka musanu. ²⁴Inokki wakeenda a Leza, mpawo wakiinka, nkambo Leza wakamubweza.²⁵Eelyo Metusela wakali wapona minyaka mwanda amakkumi musanu atatu aminyaka musanu ayibili, wakaba wisi wa Lameki, ²⁶Nkali waba wisi wa Lameki, Metusela wakapona (782) minyaka myanda musanu ayibili amakkumi musanu aatatu aminyaka yobile.Wakaba wisi wabana balombe abasimbi biingi. ²⁷Metusela wakapona minyaka (969) myanda musanu ayine amakkumi musanu alimwi aminyaka musanu ayine. Mpawo wakafwa.²⁸Elyo Lameki nkali wapona minyaka mwanda amakkumi musanu aatatu amyaka yobile, wakaba wisi wamwana mulombe. ²⁹Wakamuzika izina lya Nowa, nkati, ''Oyu ulatupa kulyokezya kuzwa kumilimu yesu akumilimu ichisa yamanza esu, njitwelede kuchita nkambo kanyika Jehova njaka tuka.''³⁰Lameki akapona myaka myanda musanu ayine amusanu nkali waba wisi wa Nowa. Wakaba wisi wabambi bana balombe abasimbi. ³¹Lameki wakapona minyaka (777) myanda musanu ayibili aminyaka musanu ayibili. Mpawo wakafwa.³²Nkali Nowa wapona myaka myanda musanu, wakaba wisi wa Shemu, Hamu, a Jafeti

¹Zyakachitika awo nibakatalika kuvuzyania anyika alimwi bana basimbi bakazyalwa kuli mbabo, ²ikuti bana ba Leza balombe bakabona kuti bana babantu basimbi bakali kwebeka. Bakalijanina bakayintu, kufumbwa ooyo ngubakasala. ³Yahuwe wakati, ''Imuuya wangu tawukoyokkalilila mubantu kwalyoonse nkambo mbantu benyama. Bayopona kwamyaka (120) ili mwana amakkumi obile.''⁴Kwakali bantu mampumbwa munyika mazuba aayo, amazuba atobela alimwi. Eechi chakachitika aawo bana ba Leza balombe nibaka kwatana abana babantu basimbi, akuba bana ambabo. Aaba bakali balumi basinguzu bachiindi, baluumi bempuwo.⁵Jehova wakabona kuti kubisya kwabantu kwindilila munyika, alimwi kuti bunangatizi bwamizezo yamumyoyo yabo bwakali kwinkilila anembo akubisya. ⁶Jehova wakalibeteka mukuti wakali walenga bantu aanyika, alimwi zyakamuchisa mumoyo wakwe.⁷Nkenkaako Jehova wakati, ''Ndiyolobya bantu mbindakalenga kuzwa kuntandabale yenyika - ibantu abanyama, ezinyamankata ziyavula abayuni bamujulu, nkambo ndili amawuse akuti ndakabalenga.'' ⁸Pesi Nowa wakajana luzyalo kumenso a Jehova.⁹Ezi nzezintu zyakali kuchitika kazilangena a Nowa. Nowa wakali mwalumi uululeme, alimwi katakwe kampenda mubantu bamazuba akwe. Nowa wakeenda a Leza. ¹⁰Nowa wakaba wisi wabana balombe botatwe: Shemu, Hamu, a Jafeti.¹¹Inyika yakali abubbinginizi kunembo lya Leza, alimwi yakazwide lupyopyongano. ¹²Leza wakabona nyika; amubone, yakali abusofwazi, nkambo boonse benyama bakali babbinginizya munzila zyabo anyika.¹³Leza wakati kuli Nowa, ''Ndili bwene kuti chaba chiindi chakulobya akugozya zyonse zipona, nkambo inyika yazula lupyopyongano kwinda muli mbabo. Nchoonzyo, ndiyolobya nyika. ¹⁴Liyakile bwato bwamusamu wa Sayipulesi. Upange twaanda mubwato, alimwi ubujale ansakizi mukati ampobuli anze. ¹⁵Mboobu mbotazichite: ibulamfu bwabwaato bweelede kuba myanda yotatwe yamakkiyubbiti; ibusasa bwabo bube makumi musanu bwamakkiyubbiti, alimwi bulamfu bwabo bwato bube makumi otatwe amakkiyubbiti.¹⁶Upange kaluli kabwaato, alimwi ukamaninsye kakali akkiyubbiti kuzwa aatala - ansonge yabbazu lyabo. Ubikke ikkoma kubbazu lyabwato alimwi uchite selelelo lyaansi, alyabili, alimwi aselelelo lyatatu. ¹⁷Swilila, ndamba kweeta izambangulwe lyamanzi enyika, kuti kufwe choonse chenyama chili amuuya wabuumi kuzwa munsi lyakujulu. Choonse ichili anyika chizofwa.¹⁸Pesi ndiyotalika chizuminano changu anduwe. Uyonjila mubwato, iwebo, abana bako, abakayintu bako, abamuka bana bako uyoba aabo. ¹⁹Kuzinyama zyoonse zipona zyamisyobo yonse uyobweza zibili kumisyobo yonse ukazibike mubwato, kuti zikapone anduwe, zyoonse ibeenze abazyazi.²⁰Kubayuni kuzwa kumisyobo yabo boonse, alimwi akubanyama kuzwa kumisyobo yabo, akuli choonse chintu chiyavula aanyika chamusyobo wacho, izibili kumisyobo yoonse ziyoza kuli nduwe kuti ukazilele kazipona. ²¹Libunganisizye yoonse misyobo yachakulya ilyigwa uyilondole, kuchitila kuti chikabe chakulya chako ambabo.'' ²²Alimwi Nowa wakazichita eezyo Leza nzyakamulayilila, alino wakazichita.

¹Jehova wakati kuli Nowa, ''Kweza iwebo ampuli yako, munjile mubwato, nkambo ndabona kuti muzyalane eeli ulasalala kunembo lyangu. ²Kubanyama boonse basalala uyoyeta bali musanu ababili beenze alimwi musanu ababili bazyazi. Kuzwa kubanyama basofwede, kuli mbabo ukabweze babili, mwenze amuzyazi wakwe. ³Alimwi kubayuni bamumulengalenga, ukabweze musanu ababili beenze abazyazi bali musanu ababili, kuti kulondolwe buzyalane bwabo kubuyanza bwanyika yoonse.⁴Nkaambo mumazuba alimusanu aabili ndiyochita kuti imvula ikawe aanyika kwamazuba aali makumi oone amansiku aali makkumi aane. Ndiyolobya kuzwa abuyale bwenyika choonse chipona nchindakalenga.'' ⁵Nowa wakachita zyoonse Jehova nzyakamulayilila.⁶Nowa wakali amyaka ili myanda musanu awumwi yakuzyalwa awo izambangulwe nilyakeza anyika. ⁷Nowa, bana bakwe balombe, mukayintu wakwe, abamukabana bakwe bakanjila mubwaato boonse akambo kamanzi aazambangulwe.⁸Ibanyama ibasalala abanyama basofwede, bayuni, azyonse ziyavula aanyika, ⁹zibili zibili, mwenze amuzyazi, zyakeza kuli Nowa akunjila mubwato, mbubonya mbuli Leza mbwakalayilila Nowa. ¹⁰Zyakachitika kuti musule amazuba musanu aabili imanzi azambangulwe akazula enyiika.¹¹Mumwaka wakuzuzya myaka myanda musanu awumwi yabuumi bwa Nowa, mumwezi wabili, wabuzuba bwakkumi amusanu amazuba obile mumwezi ooyo, muzuba ndilyo elyo, imibanzo yoonse yabunike bupati bwakaanduka bwajulika, alimwi impulunguzyo zyajulu zyakajulika. ¹²Imvula yakatalika alimwi yakawa aanyika kwamazuba makkumi aane amansiku aali makkumi aane.¹³Mubuzuba mbubobo Nowa abana bakwe balombe, Shemu, Hamu, a Jafeti, amukaintu wa Nowa, abakayintu babana bakwe botatwe kabali antoomwe, bakanjila mubwaato. ¹⁴Bakanjila boonse antomwe awumwi munyama mbuli mumisyobo yabo, alimwi awumwi musyobo wazivuubwa mbuli musyobo wazyo, alimwi achimwi chintu chiyavula chakali kuyavula anyika mbuli musyobo wazyo,awumwi musyobo wazyuuka chili amabaaba.¹⁵Izibili kulizyoonse zyenyama izyakali zyamuuya wabuumi zyakaza kuli Nowa alimwi zyakanjila mubwato. ¹⁶Ibanyama bakanjila bakali beenze abazyazi bamisyobo yoonse; zyakanjila mbuli Leza mbwakali wamulayilila. Mpawo Jehova wakajala ikkoma musule lyabo.¹⁷Mpawo izambangulwe lyakasika anyika kwamazuba makumi oone, alimwi maanzi akavula alimwi akanyampula bwaato akubutola ajulu anyika. ¹⁸Imaanzi akasinsinkania kuvumba nyika, alimwi bwaato bwakayibuka aatala lyamuyaba wamaanzi.¹⁹Imaanzi akatanta kuvulisya anyika chakuti zyoonse zilundu zilamfu zyakali munsi lyamulengalenga zyakavumbwa. ²⁰Maanzi akatanta kwamakkiyubbiti kkumi amusanu aatala lyansonge yazilundu.²¹Zyoonse zintu zipona ezyo zyakali kweenda aanyika zyakafwa - bayuni, zivuubwa, banyama bamulusaka, zyoonse zinyamankala zipona izyakali kupona mubwiingi bwamweelo wanyika, aboonse bantu. ²²Boonse banyamankala bapona ibakali kupona anyika, aabo bakayoya muuya wabuumi, kuzwa mumpemo zyabo, bakafwa.²³Nkokwamba kuti choonse chintu chipona ichakali aatala anyika chakakukululwa chaloba, bantu abanyama ezintu ziyavula abayuni bamumulengalenga. Zyoonse zyakaloba kuzwa aanyika. Nowa biyo abaabo mbakali aabo mubwaato mbibakachaala. ²⁴Imaanzi akakkala aanyika kwamazuba mwaanda amakkumi musanu

¹Leza wakayibaluka Nowa, abanyama bamusokwe boonse, azivuubwa zyoonse nzyakali aazyo mubwaato. Leza wakachita luuwo kuti luunge aajulu lyanyika, lino manzi akasanguna kuyuminina ansi. ²Tusawu tunikide amilyango yamujulu yakajalwa, mpawo yakayimikila kuwa. ³Maanzi azambangulwe akalikuya buyuminina bunini bunini kuzwa aanyika, lino kumamanino aamazuba ali mwaanda amakumi musanu maanzi akalikuya buyuminina ansi.⁴Bwaato bwakaboola bwakkala mumweezi wamusanu ayibili, mubuzuba bwakkumi amusanu aabili bwamweezi, aatala azilundu zya Alalati. ⁵Maanzi akeendelelela kuyosa ansi kusikila mumweezi wakkumi. Mubuzuba butaanzi, mitwe yazilundu yakaboneka.⁶Kwakaba kuti kumazuba ali makumi aane Nowa wakajula zipulunguzyo zyabwaato mbwaakachita. ⁷Wakatuma chikwangala mpawo wakawuluka wakayinka kajokela kusikila maanzi ayuminina munyika.⁸Mpawo wakatuma nziba kuyoobona na maanzi akayuminina kuzwa aatala lyanyika, ⁹pesi nziba teyakajana busena pe bwakukkazika kuulu kwayo, alimwi yakaboola kuli nguwe mubwaato, nkaambo maanzi akachilivumbide nyika yoonse. Wakatandabika kuboko kwakwe, mpawo wakiibweza akwiileta akwiinjizya mubwaato anguwe.¹⁰Wakalinda ambi mazuba alimusanu aabili alimwi alubo wakatuma nziba kuzwa mubwato; ¹¹"Nziba yakabweeda kulinguwe igolezya. Boona kumulomo wakwe kuli itu ite lyamu oliva lyakatyoolwa.Lino Nowa wakaziba kuti maanzi akayuminina aansi anyika. ¹²Wakalinda aambi mazuba alimusanu aabili, alimwi watuma nziba lubo aanze.Teyakaboola lubo kulinguwe.¹³Nichakaba myaanda ilimusanu awuumwi mumwaaka wakusanguna, mumwezi wakusanguna, mubuzuba butaanzi bwa mwezi, maanzi mpakayuminina kuzwa anyika. Nowa wakavununa chakalivumbisizye bwaato, walanga aanze, akubona kuti, mubone busyu bwanyika bwakali bwayuma. ¹⁴Mumwezi wabili, mumazuba amakumi aabili amusanu aabili bwamweezi nyika yakali yayuma.¹⁵Leza wakati kuli Nowa, ¹⁶"Kuzwa aanze aabwaato, webo, mwanakazi wako, bana bako abanakazi, babana bako mbumuli aabo. ¹⁷Gusya aanze chinyama choonse chamusyobo woonse nchulaacho -------- bayuni, banyama, azyoonse zintu ziyavula eezyo ziyavula anyika kwitila kuti zivulisye loko anyika kuti zizyalaane akuvuzyaana akati kanyika".¹⁸Aboobo Nowa wakazwa aanze abana bakwe, amwanakazi wakwe, abanakazi babana bakwe, mbakali aabo. ¹⁹Choonse chinyama chipona, choonse chintu chiyavula, amuyuni woonse, zyoonse zyeenda anyika mukweenda mumisyobo yazyo, zyakazwa mubwaato.²⁰Nowa wakayaka chipayililo cha Jehova. Wakabweza bamwi banyama basalala abayuni bamwi basalala, akupayizya chipayizyo chakuumpa aachipayililo. ²¹Jehova wakabotelwa kununkilila kwa aloma mpawo wakati mumoyo wakwe, "Nsikatuki limbi nyika ankaambo kabantu, nekuba kuti makanze amyoyo yabo mabi kuzwa kubunini. Nekuba kujeya zyoonse zipona, mbuli mbundakachita. ²²Mbubonya nyika kichiliwo, chiindi chambuto akutebula ,chakutontola akupya, miinza akulwaka, sikati amansiku tazikoyoomana.

¹Mpawo Leza wakalongezya Nowa abana bakwe, alimwi wakati kuli mbabo, "Amuzyalisye, muvule, alimwi muzuzye nyika. ²Kuyoosya kwako akukankamya kwako kuyooba aatala aazinyama zyoonse zyamunyika, aatala abayuni bakujulu, aatala azyuuka ziyavula aanyika, aatala answi zyoonse zyamulwizi. Zyapegwa mumaboko aako.³Zintu zyoonse zyeenda zipona ziyooba chakulya chako. Mbuli mbundakupa zibyalo zyakamweemvwe, ndakupa lino zyoonse. ⁴Pesi iwe toyelede kulya nyama abuumi bwayo- buli mulinjiyo.⁵Pesi bulowa bwako, buumi buli mubulowa bwako, ndayanda mbadalo. Kuzwa kujaanza lyamunyama ndiyooliyanda. Kuzwa kujaanza lyakufumbwa muntu ooyo, kuzwa kuluboko lwajaya mwana wakwabo, ndiyoyanda bupanduluzi aatala abuumi bwamuntu ooyo. ⁶Ooyo utila bulowa bwamuntu kwiinda kumuntu bulowa bwakwe buyoolilwa nkaambo kwali muchiimo cha Leza kuli wakalenga muntu. ⁷Mbuli nduwe, zyalisya muvule, zuzya nyika yoonse akuvula mulinjiyo."⁸Mpawo Leza wakambuula kuli Nowa akubana bakwe balombe mbakali aabo, wakati, ⁹"Mbuli ndime, swiilila! Ndiyoozuzukizya chizuminano anduwe alunyungu lwako lukutobela, ¹⁰alimwi azyuuka zyoonse zipona zili aanduwe, abayumi, zivuubwa, azilengwa zyaansi zili aanduwe, kuli zyoonse zyakazwa mubwaato, kuyoosika kuzilenge zili munyika.¹¹Ndilaano kuzuzukizya chizuminano changu anduwe, takukwe limbi aawo nyama yoonse niyonyonoyonwa ameenda azambangulwe. Takuchiyoobi limbi zambangulwe liyoonyonyoona nyika." ¹²Leza wakati, "Eechi nchitondeezyo chechizuminano nchilikuchita akati kangu anduwe azyuuka zyoonse nzyolaazyo, alunyungu loonse lutobela. ¹³Ndabika fulichoongwe wangu kumayoba. Alimwi chiyooba chitondeezyo chachizuminano akati kangu anyika.¹⁴Kuyooba kuti ndakwela muyoba atala aanyika alimwi fulichoongwe uyoolibonia kumayoba. ¹⁵Elyo ndiyoyibulukwa chizuminano, eecho chili aakati kangu anduwe azyuuka zipona zyanyama yoonse. Maanzi tachiyoobi zambangulwe kukunyonyoona nyama yoonse.¹⁶Fulichoongwe uyooba kumayoba alimwi ndiyomubona, kuti ndikayibulukwe chizuminano chitamani aakati ka Leza azyuuka zipona zyoonse zyanyama yoonse eezyo zili aanyika." ¹⁷Mpawo Leza wakati kuli Nowa, "Eechi nchitondeezyo chachizuminano nchindazuzukizya aakati kangu anyama yoonse ilaanyika."¹⁸Bana balombe ba Nowa bakazwa mubwaato bakali Syemu, Hamu, a Jafeti. Hamu wakali wisi wa Kkenani. ¹⁹Aaba botatwe bana balombe ba Nowa, alimwi kuzwa kulaaba nyika yoonse yazulila.²⁰Nowa wakatalika kuba mulimi alimwi wakabyala chilili. ²¹Wakanywa umwi wayini alimwi wakakolwa, wakalilede katazweete mutente lyakwe.²²Mpawo Hamu, wisi waba Kkenani, wakabona chintanda chawisi akwaambila bana bakwabo bobile aanze. ²³Aboobo Syemu a Jafeti bakabweza mulembo akuubika aamakwiiko aabo boonse, akweenda chifunda sule alimwi bavumba chintanda chawisi, masyu aabo kalangide kumbi, aboobo tebakabona chintanda chawisi.²⁴Mpawo Nowa nakabuka kukukolwa kwakwe, wakayiya nzyakachitilwa amwana wakwe mulombe munini. ²⁵Aboobo wakati, ulitukidwe Kkenani. Ngabe mulanda kubalanda bamukulana."²⁶Wakati lubo, "Ikaka Jehova, Leza wa Syemu, ngalongezegwe, alimwi kaka Kkenani ngabe mulanda wakwe. ²⁷Ikaka Leza ngayungizye busena bwa Jafeti, alimwi chite muunzi wakwe mumatente a Syemu. Ikaka Kkenani ngabe mulanda wakwe."²⁸Musule aazambangulwe Nowa wakapona myaaka ili myaanda yotatwe amakumi musanu. ²⁹Mazuba woonse a Nowa aakali myaka ili myaanda musanu ayine amakumi musanu, alimwi wakafwa.

¹Aaba bakali balunyungu lwabana ba Nowa, bategwa, Syemu, Hamu, a Jafeti. Bana bakazyalwa kulimbabo musule lyazambangulwe.²Bana ba Jafeti mbaba Goma, Magogi, Madayi, Javani, Tubbalu, Misyeki, a Tilasi. ³Bana ba Goma mbaba Asyakenazi, Lipati, a Togama. ⁴Bana ba Jovani mbaba Elisya, Tasyisyu, Kkitimu, a Dodanimu. ⁵Kuzwa kutusuwa bantu bakaanzanisigwa mpawo bakayinka kunyika zyabo, umwi awumwi amulaka wakwe, mbulikuluzubo lwabo, kuzisi zyabo.⁶Bana ba Hamu mbaba Kusyi, Mizilayimu, Puti a Kkenani. ⁷Bana ba Kkusyi mbaba Sebba, Havila, Sabbata, Lama, a Sabbuteka. Bana ba Lama mbaba Syebba a Dedani.⁸Kkusyi wakaba wisi wa Nimulodi, wakaba mutaanzi kuba muzundi anyika. ⁹Wakali muvwimi singuzu kunembo lya Jehova. Ncheenchicho nchikwambwa kuti, "Mbulu Nimulodi, singuzu muvwimi kunembo lya Jehova. ¹⁰Busena butaanzi bwabwami bwakwe bwakali Bbabbiloni, Uluki, Akkadi, a Kkalune, munyika ya Syina.¹¹Kuzwa kunyika wakiinka ku Asiliya wakuyaka Ninivu, Lehobboti, Ayili, Kkala, ¹²a Luseni, chakali aakati ka Ninivu aKkala. Wakali muunzi mupati. ¹³Mizilayimu wakaba wisi wa Luditi ba Anamiti, ba Lehabbiti, ba Naputuhiti, ¹⁴ba Patulusiti, ba Kkasiluhiti (ooko Mafilisitiya nkwakazwa) aba Kkafutoli.¹⁵Kkenani wakaba wisi wa Sidoni, mwana wakwe mutaanzi, aba Heti, ¹⁶Alubo ba Jebbusi, aba Ampoli, aba Gigasyi, ¹⁷ba Hiviti, aba Akkiti, aba Sinati, aba ¹⁸Avadi, aba Zemali, mpawo aba Hamati. Kusule lyaluzubo lwaba Kkenani bakazulila koonse.¹⁹Kumugaano waba Kkenani wakali kuzwa ku Sidoni, kulangide ku Gela, kule mbuli ku Gaza, mpawo mbuli umwi mbayinka kunembo lya Sodomu, Gomola, Adina, a Zebboyimu, mbuli kule mbuli ku Lasya. ²⁰Aaba bakali bana ba Hamu, kuluzubo lwabo, kumulaka wabo mumanyika aabo alubo amuzisi zyabo.²¹Alubo bana bakazyalwa kuli Syemu, mukulana wa Jafeti. Syemu alakwe wakali syanyinakulu wabantu boonse ba Ebba. ²²Bana ba Syemu mbaba Elamu, Asya, Alifazadi, Ludi, a Alamu. ²³Bana ba Alamu mbaba Uzi, Hulu, Geta a Misyekki.²⁴Alifazadi wakaba wisi wa Syela, alimwi Syela wakaba wisi wa Ebba. ²⁵Ebba wakali abana babili. Zina lyawumwi wakali Pelegi, kumazuba aakwe nyika yakali yanzeene, zina lyamukulana wakwe wali Jokkitani.²⁶Jokkitani wakaba wisi wa Alumodadi, Syelefu, Hazalimaveti, Jela, ²⁷Hadolamu, Uzalu, Dikkila, ²⁸Obbalu, Abbimayelu, Syebba, ²⁹Ofili, Havila, a Jobbabbu. Boonse aaba bakali bana ba Jokkitamu.³⁰Busena bwabo bwakalikuzwa ku Mesya, woonse musinzo kusikila ku Sefa, chilundu chakujwe. ³¹Aaba bakali bana ba Syemu, mbuli kuluzubo lwabo akumulaka wabo, munyika zyabo mbuli muzisi zyabo.³²Aaba bakali baluzubo lwabana ba Nowa, mbuli kumazyalane, kuzisi zyabo. Kuzwa kuzisi bakaanzanisigwa akwiinka atala lyanyika nikwakamana zambangulwe.

¹Lino nyika yoonse yakali kubelesya mulaka uumwi alimwi amabala akozyene. ²Mbuli mbubakeenda kujwe bakajana nyika ntandabale munyika ya Sinala alimwi bakakkala nkuko .³Bakati kuli umwi awumwi, "Musike, atuchite zitina akuzyuumpa changuzu." Bakaba azitina kutali mabwe amulambo mbuli chiyasyo. ⁴Bakati, "Musike tuliyakile muunzi ang'anda ndafu, kaluli kayo kayoosika kujulu, alimwi tulichitile zina lyesu. Natetwachita, tulaanzanisigwa anyika yoonse."⁵Aboobo Jehova wakasika kuzoobona muunzi ang'anda ndamfu yakayakwa aazyalane lya Adamu. ⁶Jehova wakati, "Mulange mbantu bamwi bali amulaka umwi alimwi basanguna kuchita eezi, lino taakwe zibayooyanda kuchita zitakakachile kuzwidilila kulimbabo. ⁷Musike atwiinke ansi alimwi tukanyonyonganie mulaka wabo nkukonya kuchitila kuti batakamvwanaani chabochabo."⁸Lino Jehova wakabanzaania kuzwa awo munyika yoonse alimwi bakaleka kuyaka muunzi. ⁹Nkikaako zina lyawo lyakalikutegwa Bbabbelu nkaambo ooko Jehova wakanyonyonganya mulaka wanyika yoonse alimwi kuzwa aawo Jehova wakabaanzania atala anyika yoonse.¹⁰Eeli lyakali zyalane lya Syemu. Syemu wakali amyaaka ili myaanda alimwi wakaba wisi wa Alifozadi nikwakayinda myaaka iibili kuzwa kuzambangulwe. ¹¹Syemu wakapona myaaka ili myaanda musanu kali waba wisi wa Alifozadi. Nkwakaba lubo wisi wabambi balombe abasimbi.¹²Chiindi Alifozadi nakapona myaaka mukumi aatatu amusanu, wakaba wisi wa Syla. ¹³Alifozadi wakapona myaaka ili myaanda iine ayitatu kali waba wisi wa Syela. Wakaba lubo wisi wabambi balombe abasimbi.¹⁴Elyo Syela nakapona kwa myaaka makumi aatatu, wakaba wisi wa Ebbeli. ¹⁵Syela wakakkala myaaka myaanda ine ayitatu kali waba wisi wa Ebbeli. Wakaba lubo wisi wabambi balombe abasimbi.¹⁶Elyo Ebbeli wakapona kwamyaaka ili makumi aatatu ayine wakaba wisi wa Pelegi. ¹⁷Ebbeli nakapona kwamyaaka myaanda yone amakumi aatatu kali waba wisi wa Pelegi.Wakaba lubo wisi wabambi balombe abasimbi.¹⁸Elyo Pelegi wakapona kwamyaaka ili makumi aatatu, wakaba wisi wa Leyi. ¹⁹Pelegi wakapona kwamyaaka ili myaanda ibili amusanu ayine kali waba wisi wa Lewu. Wakaba lubo wisi wabambi balombe abasimbi.²⁰Elyo Pewu wakapona kwamyaaka ili makumi aatatu ayibili, wakaba wisi wa Selugi. ²¹Pewu wakapona kwamyaaka ili myaanda ibili amusanu ayibili wakaba wisi wa Selugi. Wakaba lubo wisi wabambi balombe abasimbi.²²Elyo Selugi wakapona kwamyaaka ili makumi aatatu, wakaba wisi wa Naholi. ²³Selugi wakapona kwamyaaka ili makumi aabili kali waba wisi wa Naholi. Wakaba lubo wisi wabalombe abasimbi.²⁴Elyo Naholi wakapona kwamyaaka ili makumi aabili amusanu aabili ayine, wakaba wisi wa Tela. ²⁵Naholi wakapona kwamyaaka ili mwaanda amakumi musanu aane kali waba wisi wa Tela. Wakaba lubo wisi wabambi balombe abasimbi. ²⁶Tela nakamana kupona kwamyaaka ili makumi musanu aabili wakaba wisi wa Abbulamu, Naholi, a Halani.²⁷Lino aaya akali mazyalani a Tela. Tela wakaba wisi wa Abbulamu, Naholi, a Halani alimwi Halani wakaba wisi wa Loti. ²⁸Halani wakafwa wisi Tela nakachili muumi munyika njakazyalilwa, mu Uli waba Kkasidi.²⁹Abbulamu a Naholi bakakwata banakazi. Zina lyamwanakazi wa Abbulamu wakali Salayi alimwi zina lya mwanazi wa Naholi wali Milikka, mwana wa Halani, wakali wisi wa Milikka a Isikka. ³⁰Lino Salayi wakali musundi, tewakali aamwana pe.³¹Tela wakabweza Abbulamu mwana wakwe, Loti mwana wamwanike wakwe Halani, a Salayi mukamwana wakwe, mwanakazi wamwana wakwe Abbulamu, antoomwe bakazwa mu Uli yaba Kkasidi, kuti bayinke munyika ya Kkenani. Pesi bakasika kuli Halani akukkala nkuko. ³²Tela wakapona kwamyaaka ili myaanda ibili amusanu awuumwi wakafwida mu Halani.

¹Lino Jehova wati kuli Abbulamu, "Zwa munyika yako, akuluzubo lwako, alimwi kuzwa kumpuli yamawuso, kuya kunyika eeyo njendakakutondeezye. ²Ndiyookuchita chisi chipati, alimwi ndiyookulongezya, akuchita zina lyako libe pati, mpawo uyooba chilongezyo. ³Ndiyolongezya aabo bakulongezya, pesi kufumbwa ooyo utakulemeki ndiyomutuka. Kwiinda mulinduwe zyoonse mpuli zyanyika ziyolongezegwa."⁴Aboobo Abbulamui wakiinka, mbuli Jehova mbwakamwaambila kuti achite, a Loti wakiinka aamwi anguwe. Abbulamu wakali amyaaka ili makumi musanu aabili amusanu nakasiya Halani. ⁵Abbulamu wakabweza Salayi, mwanakazi wakwe, Loti, mwana wamukulana, azyoonse mbono nzyakali waba aazyo, mpawo abantu aabo mbakali wajana mu Halani. Bakazwa akwiinka kunyika ya Kkenani, mpawo wakusika kunyika ya Kkenani.⁶Abbulamu wakiinda munyika mbuli kale ku Syekkemu, lumweenya a Mole. Kuchiindi eecho ba Kkanana bakali kukkala munyika. ⁷Jehova wakali bonia kuli Abbulam, mpawo wakati, "Kulunyungu lwako ndiyoyipa nyika." Aboobo ooko Abbulamu wakayakila Jehova chipayililo, ooyo wakali walibonia kuli nguwe.⁸Kuzwa aawo wakayinka kunyika yachilundu kuya kujwe lya Bbeteli, ooko nkwakasimpide tende lyakwe, a Bbeteli wakaya kumbo mpawo Ayi wakaya kujwe. Ooko wakayaka chipayililo cha Jehova mpawo wakiita zina lya Jehova. ⁹Elyo Abbulamu wakiinkilila anembo alweendo, nkayobwiinka nkalangide Negevi.¹⁰Kwakali nzala munyika aboobo Abbulamu wakiinka waselukila mu Ejiputi kuya kukkala, mbukunga nzala yakali mpati munyika. ¹¹Nakali kuyanda kunjila mu Ijiputi, wakati kuli Salayi mwanakazi, "Boona aawa, ndilizi kuti uli mwanakazi mubotu. ¹²Aawo bamu Ijiputi nibayookubona bayooti, 'Ooyu mwanakazi wakwe,' pesi webo bayokubamba nkoli muumi. ¹³Ukaambe kuti ulimuchizi wangu, nkokuti kukabote kuli ndime nkaambo kaako, akuchitila buumi bwangu buka nunuke nkaambo kako."¹⁴Zyakachitika kuti aawo Abbulamu nakanjila mu Ijiputi, bamu Ijiputi bakabona kuti Salayi wakali mubotu loko. ¹⁵Mwana musimbi wa Falawo wakamubona, mpawo wakamulumbayizya kuli Falawo, mpawo mwanakazi wakatolegwa kumpuli ya Falawo. ¹⁶Falawo wakabamba Abbulamu kabotu nkaambo kakwe mwanakazi, mpawo Abbulamu wakatambula mbelele ang'ombe, beenze bama donki, balanda bachaluumi, balanda bachanakazi, madonki mazyazi, mpawo ankamela.¹⁷Elyo Jehova wakapenzya Falawo ang'anda yakwe azisubulo zipati nkaambo ka Salayi, muka Abbulamu. ¹⁸Falawo wakiita Abbulamu mpawo wakati, "Niinzi eechi nchwandichitila? Nkaambonzi nwatakandaambila kuti mwanakazi wako? ¹⁹Nkamboonzi nwakati, "Muchizi wangu,' Aboobo ndakamutola kuti abe mwanakazi wangu? Lino nkikaako ngoyu mwanakazi wako. Komutola, mpawo wiinke nkoya." ²⁰Elyo Falawo wakapa malayilile kubaalumi atala anguwe, mpawo bakamubuzya kuti ayende, ayinke aamwi amwanakazi wakwe a zyoonse nzyakali aazyo.

¹Lino Abbulamu wakayinka ku Ijiputi alimwi wakayinka ku Negevi amwanakazi wakwe, azyoonse nzyakalaazyo. Loti alakwe wakayinka aamwi ambabo. ²Lino Abbulamu wakali zwidilide mubanyama, siliva, angolida.³Wakayinkila aanembo alwendo kuzwa ku Negevi kuya ku Bbeteli, kubusena ooko tende lyakwe nkulyakabede kale, akati ka Bbeteli a Ayi. ⁴Wakayiinka kubusena oobo kwakali chipayililo nchakali wayaka musule. Aawa wakayita zina lya Jehova.⁵Lino Loti ooyo wakali kweenda a Abbulam, lungundu amatende. ⁶Busena tebwakali kukonzya pe kubagwasizya boonse kupona aafwifwi antoomwe, nkaambo buvubi bwabo bwakali bwiingi loko, zyakapa kuti batakonzyi pe kukkala antoomwe. ⁷Alubo kwakaba kutamvwanaana aakati kabeembeli bazivuubwa zya Abbulamu abeembeli bazivuubwa zya Loti. Ba Kkenani aba Pelezi bakali kupona mubusena eecho chiindi.⁸Lino Abbulamu wakaambila Loti kuti, "Kutabi nkondo aakati kako andime,aakati kabeembeli bako abeembeli bangu; kumamanino tuli mpuli. ⁹Nyika yoonse tayili kunembo lyako na? Inkila kunembo akulyanzyaania lwako kuli ndime. Kuti wiinka kuchimwesi ime ndilinka kuchilisyo. Nikuba kuti iwe wayiinka kuchilisyo, ime ndilayinka kuchimwesi."¹⁰Lino Loti wakalanga, mpawo wabona ntandabale yoonse ya Jodani yakali yamasena yoonse kuyoosika ku Zowa, mbuli chilili cha Jehova, mbuli nyika yaku Ijiputi. Eezi zyakachitika Jehova katana mwaya Sodomu a Gomola. ¹¹Lino Loti wakalisalila ntandabale ya Jodani alimwi kwenda kuya kunembo kujwe, mpawo nzubo zyakanzaana kuluumwi awumwi.¹²Abbulamu wakapona kubesena bwaku Kkenani, alimwi Loti wakapna aakati kamyuunzi yantandabale.Wakabika matende aakwe kule kule mbuli ku Sodomu. ¹³Lino bantu baku Sodomu bakali basizibi babi loko kuli Jehova.¹⁴Jehova wakati kuli Abbulamu musule Loti kali wazwa kuli nguwe, "Langa kuzwa mubusena mbwiimvwi kuya kunyika, kumusanza, akumbo. ¹⁵Yoonse eeyi nyika njwaabona ndiyoyipa kuli nduwe akulunyungu lwako loonse.¹⁶Ndiyoochita lunyungu lwako lukavule mbuli lusuko lwanyika, Lino kuti muntu kakonzya kukkala lusuko lwanyika, mpawo lunyungu lulakonzya kubalwa ¹⁷yenda utobele bulamfu abusasa bwanyika nkaambo ndiyookupa njiyo." ¹⁸Lino Abbulamu wakabweza tende, akusika, mpawo wakkala mumweenya wa Mamule, eeyo ili mu Hebbuloni, mpawo wakayaka chipayizyo kuli Jehova.

¹Kwakaba kuti kumazuba a Amulafelu, mwami wa Syina, Aliyoki mwami wa Elasa, Kkedolema, mwami wa Elamu, Tidalu, mwami wa Goyimu, ²aawo nibakachita nkondo a Bbela mwami wa Sodomu, Bbisya, mwami wa Gomola, Syinabbu mwami wa Adima, Syimebba, mwami wa Zebbayimu, amwami Bbela (alubo wayitwa kuti Zowa).³Aaba bami balimusanu bakatobela musule bakaswaanana antomwe musena lya Sidimu (alubo lyiitwa kuti lwizi lwamunyo). ⁴Kkumi ayibili myaaka bakakukutawukila Kkedolema, pesi mumwaaka wakkumi ayitatu bakapapa. ⁵Mpawo mumwaaka wakkumi ayine, Kkedolema abaami aabo bakali aanguwe bakasika alimwi bakalwisya Lifeyimu mu Asyitaloti Kkanayimu, mu Zuzayiti mu Hamu, ba Emiti mu Syevi Kkiliyatayimu, ⁶mpawo ba Holiti munyika yabo yachilundu cha Seyili, kulaale mbuli Elu Palani, ili afwifwi akunkanda.⁷Mpawo bakapiluka akusika ku Eni Misipati (alubo yitwa kuti Kkadesi), akuzunda zyoonse zisi zyaba Amaleki, alimwi aba Amoli bakakkede mu Hazazoni Tama. ⁸Mpawo mwami wa Sodomu, mwami wa Gomola, mwami wa Adima, mwami wa Zebbayimu, amwami wa Bbela (alubo wiitwa kuti Zowa) bakazwa akuyoobambila nkondo mumusena wa Sidimu ⁹kwiiminana aa Kkedolilayoma, mwami wa Elamu, Tidalu, mwami wa Goyimu, Amulafelu, mwami wa Sina, Aliyokki, mwami wa Elasa; baami bane aatala abali musanu.¹⁰Lino musena wa Sidimu wakazwide malindi aataala, alimwi mbuli baami ba Sodomu a Gomola mbubakachija, bakawida mumoomo. Aabo bakasyaala bakachijIla kuzilindi. ¹¹Elyo mwami wakabweza zyoonse zintu zya Sodomu a Gomola azyoonse zyakuligwasya, akwenda mUnzila yabo. ¹²Nibakayinka bakabweza alubo Loti, mwana wamukulana wa Abbulamu wachaalumi, wakali kukkala mu Sodomu, azintu zyakwe zyoonse.¹³Umwi wakali waloboka wakasika wabuzya Abbulamu mu Hibbulu. Wakali kukkala mumisamu eeyo yakali ya Mamule, mu Amoli ooyo wakali mukulana wa Esikkolu a Ana, aabo boonse bakali babunyina ba Abbulamu. ¹⁴Lino Abbulamu nakamvwa kuti basinkondonyina bakajata nzubo zyakwe, wakatuma bakwe bali myaanda itatu akkumi amusanu abatatu bayiidwe baluumi aabo bakazyedwe mung'anda yakwe, wakabatobela kusikila ku Dani.¹⁵Wakabapambula baluumi bakwe kwiminana aambabo mansiku akubalwisya, alimwi wakabatobela kusikila ku Hobba, eeyo ili kulubazu lwakunyika ya Damasikkasi. ¹⁶Elyo wakaboozya lubo boonse buvubi, alimwi wakaboozya munyina wakwe Loti azilongo zyakwe, antoomwe abanakazi abamwi bantu .¹⁷Kuzwa Abbulamu nakaboola kuzwa kukuzunda Kkedalema abaami aabo bakali aanguwe, mwami wa Sodomu wakayinka kukuyooswanana aanguwe kumusena wa Syave ( alubo wiitwa kuti musena wa mwami). ¹⁸Melukkizedekki mwami wa Salemu, wakeeta chibbubbu awayini. Wakati mupayizi wa Leza wamajulu.¹⁹Wakamulongezya wati, "Alongezegwe Abbulamu kuzwa kuli Leza wamajulu, mulengi wajulu anyika. ²⁰Alongezegwe Leza wamajulu, wakaaba basinkondo nyokwe mujaanza lyako.''²¹Mwami wa Sodomu wakati kuli Abbulamu, "Ndipe bantu alimwi ubweze zilongo zibe zyako.'' ²²Abbulamu wakati kumwami wa Sodomu, "Ndinyampwide kuboko kwangu kuli Jehova, Leza wamajulu mulengi wajulu anyika, ²³kuti nsikoyoobweza luchinda, chaanzyo, chansangu, nakuti chimwi chako, kuchitila kuti utakaambi kuti, 'Ndakachita Abbulamu muvubi." ²⁴Taakwe nchintakabweze kunze kwamukubusi nzyakalya alimwi achaabilo chabaalumi eecho chakayinka andime. Muleke Ana, Asikkolu, a Mamule babweze zipanzi zyabpo.

¹Nikwakamana eezi zintu jwi lya Jehova lyakasika kuli Abbulamu muchilengano kaliti, "Utayoowi Abbulamu! Ndime ntobo yako abulumbu bwako bupati." ²Abbulamu wakati, "Mwami Jehova, uyoondipaanzi, mbukunga nsijisi mwana, asimulya zina lyang'anda yangu ngooyu Eliyeza waku Damasikko?" ³Abbulamu wakati, "Lino mbotandipede lunyungu, bona, simuzyalwa aalikke mung'anda yangu nguyoondilida zina."⁴Lino amubone, jwi lya Jehova lyakasika kulinguwe, lyakati, "Ooyu mwaalumi takoyoolya zina lyako pe; pesi oomwe uyoozwa kumubili wako nguyoolya zina lyako." ⁵Lino wakamutola aanze, alimwi wakati, "Langa kujulu, ubale nyenyeezi, na ulakonzya kuzibala." Mpawo wakati kuli nguwe , "Alimwi mbuluyooba lunyungu lwako."⁶Wakasyoma Jehova, mpawo wakamubala mbuli mululami. ⁷Wakati kulinguwe, "Ndime Jehova, wakakugwisya kuzwa ku Uli wamuchisi chaba Kkaludi, akukupa eeyi nyika kuti uyoyikone." ⁸Wakati, Mwami Jehova, mbobuli mbunkonzya kuziba kuti njoyikona?"⁹Elyo wakati kulinguwe, "Undiletele ng'ombe nzyazi yamwaaka itatu, ampwizi yampongo ili amyaaka itatu, ambelele zyamyaaka itatu, anziba, amwana wankwilimba." ¹⁰Wakamuletela eezi zyoonse, wazyaandula aakati, mpawo wakabika chipanzi chimwi achimwi kuchipanzinyina, pesi takaandula bayuni pe. ¹¹Lino bayuni nibakaseluka kuzoolya nyama, Abbulamu wakabatanda¹²Lino zuba nilyakabbila, Abbulamu wakoona ng'onzi mpati alimwi, bona, mudima mupati usiya mbii uyoosya wakamuwida. ¹³Mpawo Jehova wakati kuli Abbulamu, "koziba chalusinizyo kuti basilunyungu bako bayooba banasinakooma munyika itali yabo, ooko bayooba bazike akupenzegwa kwamyaaka ili myaanda yone.¹⁴Ndiyoochibeteka chisi eecho nchibayoobelekela, lino kusule lyacheechi bayoozwa ambono zyiingi. ¹⁵Pesi muyoyinka kuli bamawuso muluumuno, alimwi muyozikkwa muziimo zibotu. ¹⁶Mumukowa wane bayooboola ookuno, nkaambo milandu yaba Amoli tina kuzula."¹⁷Zuba nilyakabbila mpawo kwakasiya mbii, amubone, chilongo chamulilo chisuka busi abbalabala lyalampi zyakayinda aakati kazipanzi. ¹⁸Muleelyo zuba Jehova wakatanguna chizuminano a Abbulamu, wakati, "Kulunyungu lwako ndiliwo kumupa eeyi nyika, kuzwa kumulonga wa Ijiputi kuya kumulonga mupati, mulonga Yufuleti. ¹⁹Ba Kkeni, ba Kkenizi, ba kkadimoni, ²⁰ba Hiti, ba Pelizi, ba Lifayiti, ²¹ba Amoli, ba Kkenani, Gegasiti, aba Jebbusi."

¹Lino Salayi, mwanakazi wa Abbulamu, taakwe nakazyede nikuba mwana kulinguwe, pesi wakali aamulanda wachanakazi, mu Ijiputi, zina lyakwe kali Haga. ²Lino Salayi wakati kuli Abbulamu, "Langa, Jehova wandikasya kuba aabana. Koya ukalale amulanda wangu. Ziyoochitika eezyo kuti ndiyooba abana anguwe." Abbulamu wakaswilizya jwi lya Salayi. ³Kwakali kwayinda myaaka ili kkumi Abbulamu kapona munyika eeyo ya Kkenani ooyo Salayi, mwanakazi wa Abbulamu, wakapa Haga, mulanda wakwe mu Ijiputi kumulumi wakwe mbuli mwanakazi wakwe. ⁴Aboobo wakaba abulidilano a Haga, alimwi wakaminta. Eelyo nakabona kuti waminta, wakabalangila kali aakunyansya simalelo wakwe.⁵Elyo Salayi wakati kuli Abbulamu, "Ooku kubisya kuli aalindime nkaambo kako. Ndakupa mulanda wangu mwanakazi umukumbate amaboko, alimwi mpakabona kuti watumbuka ndakanyansigwa kumeso aakwe. Alubo Jehova wakatonga aakati kangu anduwe." ⁶Pesi Abbulamu wakati kuli Salayi, "Langa aawa mulanda mulanda wako mwanakazi ulimunguzu zyako, chita kulinguwe nchoyanda anga nchiboto . Aboobo Salayi wakamujata bubi, anguwe, mpawo wakachija kuzwa kulinguwe.⁷Mungelo wa Jehova wakamujana kumbali aakasensa kamaanzi munkanda, kasensa kakali kunzila yaku Suli. ⁸Wakati, "Haga mulanda wa Salayi, wazwa kuli alimwi uyakuli?" Elyo wakati, "Ndikuchija kuli simalelo wangu Salayi."⁹Alimwi mungelo wa Jehova wakati kulinguwe, "Bweeda kulusimalelo wako, alimwi ukalifwiinsye kubweendelezi bwakwe." ¹⁰Elyo mungelo wa Jehova wakati kuli nguwe, "Ndiyookomezya kapati lunyungu lwako, mpawo luyoochita kuti mweelwe walo utakabaliki."¹¹Mungelo wa Jehova alubo wakati kulinguwe, "Langa, uli aada alimwi uyoozyala mwana mulombe, mpawo uyoomulika zina lya Isyumayeli, nkaambo Jehova wamvwa mafwabi aako. ¹²Uyooba ndonki yamulusaka yamuntu. Uyooba mukali kumuntu woonse alimwi muntu woonse unooli mukali kulinguwe, mpawo uyoopona kaanzene kubananyina."¹³E;yo wakapa zina eeli kuli Jehova wakambawide aawe, "Nduwe undibona," nkaambo wakati, "Ndichikonzya kuya kunembo kandibona loko na, nikuba wazwa aakundibona?" ¹⁴Nkikaako chikala chakali kutegwa Bbiyeli Lahayi Loyi; langa, kali aakati a Kkadesi Bbeledi.¹⁵Haga wakazyalila Abbulamu mwana mulombe, alimwi Abbulamu wakamulika zina mwana mulombe ooyo Haga ngwakazyala, Isyumayeli. ¹⁶Abbulamu wakali amyaaka ili makumi musanu aatatu amusanu awumwi. Aawo Haga nakazyala Isyumayeli kuli Abbulamu.

¹Lino Abbulamu naakaba aaminyaka ili makkumi musanu aane aali aaminyaka misanu ayine, Jehova wakalibonya kuli Abbulamu alimwi wakaamba kuti kulinguwe, ''Ndime Leza Singuzu zyoonse. Enda kunembo lyangu, alimwi ukabule kampenda. ²Mpawo ndiyoosimya chizuminano changu aakati kangu anduwe, alimwi ndiyokuvuzya chakwiindilila.³Abbulamu wakakkotamika busyu bwakwe aansi alimwi Leza wakaambula anguwe, wakati, ⁴''Mbuli lwangu, kolanga, chizuminano changu chilaanduwe. Uyooba wisi wamanyika miingi. ⁵Tachikwe pe zina lyako nilichiyooba Abbulamu, pesi izina lyako liyooba Abbulahamu - nkaambo ndakusala kuti ube wisi wamakkamu mukkamu aamanyika miingi. ⁶Ndiyookuchita kuti ukazyalisye, alimwi ndiyoochita zisi zyiingi zyako, alimwi baami bayoozwa kulinduwe.⁷Ndiyoosimwa chizuminano changu aakati kandime anduwe alunyungu lwako musule lyako, kwiinda mumazyalane aabo woonse kuchizuminano chitamani, kubaLeza wako akulunyungu lwako musule lyako. ⁸Ndiyoopa kulinduwe, akulunyungu lwako musule lyako, inyika oomo mumwakali kukkala, nyika yoonse yaKkenani, kuti ikabe buvubi butamani, alimwi ndiyooba Leza wabo.''⁹Lino Leza wakati kuli Abbulahamu, ''Mbuli lwako, weelede kubamba chizuminano changu, webo alunyungu lwako musule lyako kwiinda mumazyalane aabo woonse. ¹⁰Eechi nchizuminano changu, nchimweelede kubamba, aakati kandime a nduwe abalunyungu lwako musule lyako: Woonse mwaalumi aakati kenu weelede kupalulwe. ¹¹Mweelede kupalulwa munyama yalukanda lwe ndomo zyanu, aboobo eechi chiyooba chitondeezyo chachizuminano changu aakati kandime a nduwe.¹²Woonse mwana mulombe uli aamazuba aakutumbukwa ali musanu aatatu weelede kupalulwa, kumazyalane abantu bako woonse. Eechi chibikilizya muntu woonse uuzyalya mu'anda yako awooyo wakawulwa kuzwa ku muzwakule uutali umwi wabalunyungu lwako. ¹³Ooyo uuzyalwa mu'anda yako alimwi awooyo woonse wuulwa amali yako uleelede kupalulwa. Akaako chizuminano changu chiyooba munyama yako kuchizuminano chitamani. ¹⁴Kufumbwa mwaalumi utapalwidwe pe nyama yalulomo lwakwe uyoowandanisigwa kuzwa kubantu bakulimbabo. Watyola chizuminano changu.''¹⁵Leza wakati kuli Abbulahamu, ''Mbuli Salayi mukkazi wako, utazomwiiti kuti Salayi limbi. Pesi, izina lyakwe liyooba Sala. ¹⁶Ndiyoomulongezya, alimwi ndiyokupa mwana mulombe kwiinda kulinguwe. Ndiyoomulongezya, alimwi uyooba banyina bazisi. Baami ba bantu bayoozwa kulinguwe.''¹⁷Mpawo Abbulahamu wakakkotamika busyu bwakwe aansi, alimwi wakaseka, alimwi wati mumoyo wakwe, ''Kujana mwana wazyalwa na amwaalumi uli aaminyaka ili mwaanda? Alimwi kujana Sala, uli aaminyaka makkumi musanu aane azyale mwana mulombe? ¹⁸Abbulahamu wakati kuli Leza, ''Oo kuti Isyumayeli apone kunembo lyako!''¹⁹Leza wakati, ''Pe, pesi Sala mukayintu wako uyookuzyalila mwana mulombe, alimwi weelede kuyoomuzika kuti Ayizekki. Ndiyosimya chizuminano changu anguwe mbuli chizuminano chitamani alunyungu lwakwe luchiza musule lyakwe. ²⁰Mbuli Isyumayeli, ndakumvwa. Langa, ndiyoomulongezya alimwi ndiyomuchita kuti akazyalisye alimwi ndiyomuvuzya chakwiindilila. Uyooba wisi wa baami bali ikkumi ababili alimwi ndiyomuchita kuti akabe chisi chipati. ²¹Pesi chizuminano changu ndiyochiimika a Ayizekki, ooyo Sala ngwatakazyale kulinduwe kuchiindi eechino kumunyaka uuza.''²²Lino nakamaninsya kwaambula anguwe, Leza wakazwa kuli Abbulahamu. ²³Mpawo Abbulahamu wakabweza Isyumayeli mwana wakwe mulombe, aboonse aabo bakazyalilwa mu'anda yakwe, abaabo boonse bakawulwa amali yakwe, woonse mwaalumi aakati kabaalumi ban'anda ya Abbulahamu, alimwi bakapalula inyama yalulomo lwabo buunsi mbubo oobo, mbuli Leza mbaakamwaambilide.²⁴Abbulahamu wakali aaminyaka iili makkumi musanu aane aali aminyaka ili musanu ayine nakapalulwa munyama yalulomo lwakwe. ²⁵Alimwi Isyumayeli mwana wakwe mulombe wakali aaminyaka iili kkumi ayitatu aawo nakapalulwa munyama yalulomo lwakwe. ²⁶Mubuzuba mbubonya oobo Abbulahamu a Isyumayeli mwana wakwe mulombe boonse bakapalulwe. ²⁷Boonse baalumi been'anda yakwe bakapalulwa aantomwe anguwe, kubikilizya abaabo bakazyalilwa mugunzi alimwi abaabo bakawulwa kubazwakule.

¹Yawe waklibonya kuli Abbulahamu aakati kamasamu aa Mamule, nakakkede amulyango watente sikati mukupya kwe zuba. ²Wakalanga kujulu alimwi, langa, wakabona baalumi batatu kabiimvwi kuzwa kulinguwe. Eelyo nakabona, wakachijaana kuyobatambula kuzwa kumulyango watente alimwi wavundama aansi aanyika.³Wakati, ''Mwaami, na ndajana luzyalo mumenso aako, utayindi mbali akusiya mulanda wako. ⁴Muleke kweetwe twaanzi, musambe ndyato, alimwi mulyookezye munsi lyamunsamu. ⁵Amuleke ndilete chakulya chiche, kuchitila kuti mulibukulusye lwanu. Kuzwa aawo mulayinka anzila yenu, mbukunga mwaza kumuzike wenu.'' Limwi bakati, ''Chita mbuli mbuwamba.''⁶Mpawo akufwambana Abbulahamu wakanjila mutente kuli Sala, akuti, ''Fwambana, bweza zyeelesyo zitatu zyabusu bunante bwa fulawa, kkopa, upange chibunge.'' ⁷Mpawo Abbulahamu wakachijanina kubutanga, alimwi wabweza chana cha n'ombe chiteteete chibotu, akupa mubelesi, ooyo wakafwambana kuchibamba. ⁸Wakabweza masase, amalili, alimwi amwana wen'ombe wakali wabambwa, a kubika kulya kunembo lyabo, alimwi wakiima kumbali lyabo munsi lyamusamu bo kabali kulya.⁹Bakati kulinguwe, ''Ulikuli Sala mukayintu wako?'' Wakasandula, ''Omiya, mutente.'' ¹⁰Wakati, ''Nchobeni ndiyooboola chakutaleka kulindinywe muchiindi chakulwaaka, alimwi bona, Sala mukkazi wako uyooba amwana mulombe.'' Sala wakalikuswiilizya kali aamulyango watente, lyakali musule lyakwe.¹¹Lino Abbulahamu a Sala bakali bachembaala, bakali biindilila loko kuminyaka yakuzyala, alimwi Sala wakali wiinda minyaka yamwanakazi njakkonzya kuzyala bana.Nkinkaako ¹²Sala wakaliseka, akulyaambila kuti, ''Kandili ndazakala oobu a simalelo wangu wakkomena, kujana lino ndakujana na kubotelwa ooku?''¹³Yawe wakati kuli Abbulahamu, ''Nkaambonzi Sala naseka akwaamba kuti, 'Ndiyomuzyala na nchobeni mwana, kendi ndachembaala'? ¹⁴Sena kuli chintu chiyumu kuli Jehova? Kuchiindi nchindaamba, kulwaaka, ndiyoboola kulinduwe. Kuchiindi chakasibe mbuli cheechi mumunyaka uza Sala uyooba a mwana mulombe.'' ¹⁵Mpawo Sala wakazikaka alimwi wati, ''Tendaseka pe,'' nkaambo wakali wayowa. Wakasandula wati, ''Pe, waseka.''¹⁶Mpawo baalumi bakanyampuka akweenda kabakunuka kabalangide Sodomu. Abbulahamu wakiinka aambabo kubabona munzila yabo. ¹⁷Pesi Jehova wakati, ''Ndisise na kuli Abbulahamu kuti niinzi ncheyanda kuti ndichite, ¹⁸mbuli kuti Abbulahamu chanchobeni uyooba chisi chipati alimwi chili aanguzu, alimwi zisi zyoonse zyenyika ziyoolongezegwa mulinguwe? ¹⁹Nkaambo ndakamusala kuchitila kuti alayilile bana bakwe aben'anda yakwe kuti bakalondole inzila ya Jehova, akuchita bululami a bubotu, kuchitila kuti Jehova nga ulaleta aatala a Abbulahamu eezyo nzyakaamba kulinguwe.''²⁰Mpawo Jehova wakati, ''Akaambo kakulila aatala a Sodomu a Gomola kupati, alimwi akaambo chibi chabo chipati loko, ²¹ndiyooyinka aansi aawo a kubona kulila kuli aatala anguwe ooko kwakasika kulindime, na kuti bakazichita nchobeni. Na pe, ndiyoziba.''²²Nkaako baalumi bakachengunuka kuzwa ooko, alimwi biinka kabalangide Sodomu, pesi Abbulahamu wakachaala kayimvwi kunembo lya Jehova. ²³Mpawo Abbulahamu wamusikila wati, ''Uyoonyonyoona na baluleme a basizibi aantomwe?²⁴Amwi kuli makkumi musanu baluleme mudolopo. Uyoolinyonyoona na akutalondola busena akaambo ka bali kkumi baluleme balimo oomo? ²⁵Akukabe kule kuzwa kulinduwe kuyoochita chintu chili boobo, kujaya baluleme a babi, kuti baluleme bajatwe bweelene ababi. Akukabe kule anduwe! Sena sikubeteka wanyika yoonse takoyoochita chibotu?'' ²⁶Jehova wakati, ''Kuti na ndajana mu Sodomu baalumi bali makkumi aali musanu baluleme mukati ke dolopo, mpawo ndiyoyokola busena boonse akaaambo kambabo.''²⁷Abbulahamu wakasandula alimwi wati, ''Langa, ndalipeda kwaaambula ku Mwaami wangu nikuba kuti ndilibiyo lusuko adota! ²⁸Ani kuti kwalela musamu ku makkumi musanu baluleme? Uyoonynyoona na dolopo lyoonse akubulila kwa musanu?'' Alimwi wakati, ''Tandikoolinyonyoona pe, na ndajana nkuko makkumi aane amusanu.''²⁹Wakaambula kulinguwe alubo, a kuti, ''Ani kuti kakuli makkumi aane aajanika nkuko?'' Wakasandula, ''Tandikwe kuyoochichita pe akaambo kamakkumi aane.'' ³⁰Wakati, ''Inche kaka utanyemi pe, Mwaami, kuti ndaambule. Amwi makkumi atatu balajanika nkukooko.'' Wakasandula, ''Tandikwe kuyoochichita na ndajana makkumi atatu nkuko.'' ³¹Wakati, ''Langa, ndalipeda kwaambula ku Mwaami wangu! Amwi makkumi aabili balakujanika nkuko.'' Wakasandula, ''Tandikoyoochinyonyona pe akaambo ka makkumi abili.''³²Wakati, ''Inche kaka utanyemi, Mwaami, alimwi ndiyowambuula aaka kamamanino. Amwi kkumi liyojanika nkuko.'' Mpawo wakati, ''Tandikoyooyinyonyoona pe akaambo ka bali kkumi.'' ³³Jehova wakeenda anzila yakwe mpawawo nakamana kwaambula a Abbulahamu, alimwi Abbulahamu wakabweda kumunzi.

¹Bangelo babili bakasika ku Sodomu goko, Loti naka kkede amulyango wamunzi. Loti wakababona, wakanyampuka kuti aswaanane aabo, mpawo wakavundama abusyu bwakwe ansi. ²Wakati, ''Akaka nobasimalelo bangu, ndamukumbila kuti munyonele kun'anda yamuzike wanu, mukkale mansiku aano, akusamba ndyato zyenu. Mpawo muyobuka chifumo akutola lweendo lwanu.'' Alimwi bakati, ''Pe, tuyobuchesya mansiku katuli mubbuwa lyadolopo.'' ³Pesi wakabakombelezya loko, mpawo bakayinka anguwe, alimwi bakanjila mun'anda yakwe. Wakabamba chakulya alimwi wabajikila chibunge chitakwe busweezyo, alimwi bakalya.⁴Pesi kabatana wona, baalumi bamuchisi, baalumi ba Sodomu, bakazyunguluka n'anda, baniini a bapati, bantu boonse bakayoboloka kuzwa kumabbazu woonse achisi. ⁵Bakayita Loti, alimwi bakati kulinguwe, ''Balikuli baalumi baza kulinduwe goko? Beete kulindiswe, kuti tubazibe.''⁶Akaako Loti wakazwa alimwi wajala kkoma wayinka kuli mbabo. ⁷Wakati, ''Ndamukumbila nobakkulana bangu, mutachiti bubi. ⁸Amubone, ndilijisi basimbi babili batanaziba nikuba mwaalumi. Amuleke, ndamukkumbila, ndibape kulindinywe, alimwi mukachite kulimbabo kufumbwa chibotu kumenso eenu. Biyo mutachiti chintu kuli baaba bantu, nkaambo baza mucheenzule chakaluli kangu.''⁹Bakati, ''Bweedela musule!'' Bakati alubo, ''Ooyo wakaza kuzokkala mbuli muzwakule, alimwi lino wakaba mubetesi wesu! Lino tuyochita bubi bwiindilide alinduwe kwiinda alimbabo.'' Bakamulwisya kapati mwaalumi, kulwisyanya a Loti, alimwi bakali baamba kutyola kkoma.¹⁰Pesi baalumi bakatalamuna maboko aabo alimwi bakwela Loti mun'anda akujala kkoma. ¹¹Mpawo beenzu ba Loti bakoofwazya bantu boonse bakali aanze en'anda, boonse baniini a bapati, kuchitila kuti bakawuumpulike baakuyandawula mulyango.¹²Mpawo baalumi bakati kuli Loti, ''Ulaawumwi na uumbi omuno? Uli aabakwansa na, bana bako balombe a bana bako basimbi, a kufumbwa ngoli aawe muchisi, bagwisye omuno. ¹³Nkaambo twaamba kunyonyoona busena obuno, nkaambo bubi bwabo kuli Jehova bwavulisya nchaatutuma kuzoochinyonyoona.''¹⁴Loti wakiinka aanze alimwi wakaambula abakwansa bakwe, baalumi bakasyomezezye kukkwata bana bakwe basimbi, alimwi wakati, ''Chakufwambana, amuzwe aabusena oobu, nkaambo Jehova uyanda kunyonyoona chisi.'' Pesi bakwaansa bakwe bakabonaanga mudanta. ¹⁵Nikwakaba kubuchedo, bangelo bakasungilizya Loti, kabati, ''Kamuya, bweza mukkazi wako a bana bako basimbi bali aano, kuti utasukutizyi muchisubulo chachisi.''¹⁶Pesi wakakkala. Aboobo mwaalumi wakajata jaanza lyakwe, a jaanza lya mukkazi wakwe, a maanza a bana bakwe basimbi babili, nkaambo Jehova wakamufwida luzyalo. Bakabagwisya aanze, alimwi babakkazika aanze kwachisi. ¹⁷Nibakabagwisya aanze, umwi wa baalumi wakati, ''Amuchije abuumi bwanu! Mutachebuki musule, nikuba kukkala mubbuwa. Mukalobokele kuchilundu kuti mutakanyonyooki.''¹⁸Loti wakati kulimbabo, ''Pe, kaka, nobasimalelo bangu! ¹⁹Mulanda wanu wajana luzyalo kumenso aanu, alimwi mwanditondeezya buuya bupati akufutula buumi bwangu, pesi nsikkonzyi kulobokela kuzilundu, nkaambo lunyonyooko luyoondeezya, alimwi ndiyoofwa. ²⁰Langa, echiya chisi chiboneka okuya chili aafwifwi kukuchijila kuli nchicho, alimwi nchiniini. Akaka, muleke ndobokele nkuko (tachili chiniini na?), alimwi buumi bwangu buyoofutulwa.''²¹Wakatim kulinguwe, ''Nchibotu, ndiyookupa chikumbizyo eechi alimwi, kuti nsikoyoonyonyoona chisi nchuwaamba. ²²Fwambaana! Lobokela nkuko, nkaambo nsikkonzyi kuchita chintu kusikila usike nkuko.'' Nkinkaako chisi chakali kutegwa Zowali.²³Izuba lyakali lyazwa aawo Loti nakasika ku Zowali. ²⁴Mpawo Jehova wakawisya aatala a Sodomu a Gomola salifa a mulilo uuzwa kuli Jehova kuzwa mu mulenga-lenga. ²⁵Wakanyonyoona zisi eezyo, amabbuwa woonse, abantu boonse bamuzisi, amisamu yoonse iimena aanyika.²⁶Pesi mukkazi wa Loti, wakali musule lyakwe, wakachebuka musule, mpawo wakaba chuulu chamwinyo. ²⁷Abbulahamu wakabuka chifumo loko alimwi wayinka kubusena nkwakayimvwi kunembo lya Jehova. ²⁸Wakalanga aansi ku Sodomu a Gomola akunyika yoonse yamabbuwa. Wakalanga alimwi wakabona, busi bwakali kuunta kuzwa aanyika mbuli busi bwabbila lyamulilo.²⁹Aboobo Leza wakanyonyoona zisi zya mabbuwa, Leza wakayita Abbulahamu kumizeezo. Wakatuma Loti kuzwa aakati kalunyonyooko aawo nakanyonyoona zisi oomo Loti mwakali kukkala.³⁰Pesi Loti wakatanta kuzwa ku Zowali kuyookkala muzilundu abana bakwe basimbi babili, nkaambo wakayowa kukkala mu Zowali. Aboobo wakakkala munkomwe, we abana bakwe basimbi babili.³¹Mutaanzi kukuzyalwa wakati kumuniini, ''Taata wesu wachembaala, alimwi tatukwe mwaalumi ngutukonzya koona aawe pe mbuli kuchiyanza chanyika yoonse. ³²Koza, ngatuchite taata wesu anywe wayini, alimwi tuyowona aanguwe, kuchitila kuti tukakkomezye luzubo lwa taata.'' ³³Aboobo bakachita wisi kuti anywe wayini mansiku aayo. Mwana mutaanzi wakanjila alimwi wawoona awisi wakwe; wisi takaziba pe kuti mwana wakalala chiindi nzi, nikuba kuti wakabuka chiindi nzi.³⁴Buzuba butobela mwana mutaanzi wakati kumwanike wakwe, ''Swiilila, mansiku ayinda ndakoona a taata. Atumuchite kuti anywe lubo wayini mansiku aano, alimwi weelede kunjila akoona aawe, kuchitila kuti tukomezye luzubo lwa taata. ³⁵Aboobo bakamuchita wisi wabo kuti anywe lubo mansiku aayo, alimwi wakanjila akoona aawe. Wisi taakaziba pe kuti mwana wakalala chiindi nzi, nikuba kuti wakabuka chiindi nzi.³⁶Aboobo bana basimbi boonse ba Loti bakamitisigwa a wisi wabo. ³⁷Mwana mutaanzi wakazyala mwana mulombe, alimwi wakamuuzika kuti Mowabbu. Wakaba wisi wabaMowabbu basunu. ³⁸Kumwana musimbi muniini, alakwe wakazyala mwana mulombe, alimwi wakamuuzika kuti Bbeni Ami. Nguwe wakaba wisi wabantu ba Amoni basunu.

¹Abbulahamu wakeenda kuzwa ooko kaya kunyika yaNegevi, alimwi wakakkala aakati ka Kkadesyi a Suli. Wakali muzwakule wakali kukkala mu Gela. ²Abbulahamu wakaamba aatala aSala banakwe, ''Muchizi wangu.'' Aboobo Abbimeleki mwaami wa Gela wakatumwa alimwi wakamubweza Sala. ³Pesi Leza wakaza kuli Abbimeleki mansiku muchiloto, alimwi wakati kulinguwe, ''Bona, ulimwaalumi uufwide nkaambo kamwanakazi nguwatola nkaambo mbana muntu.''⁴Lino Abbimeleki taakalinaasika pe aafwifwi anguwe alimwi wakati, ''Mwaami, kujana wajaya na nyika iiluleme? ⁵Taakamba na lwake mwini kulindime, 'Muchizi wangu?' Nikuba we lwakwe wakaamba, 'Munyaandumi wangu.' Ndakazichita eezi mubuntu bwamoyo amukubula mulandu kumaanza aangu.''⁶Mpawo Leza wakati kulinguwe muchiloto, ''Iyii, ndalizi kuti mubuntu bwamoyo wako wakachita eechi, alimwi ndakakukasya kuti undibisizye. Nkinkaako tendakakuzumizya pe kuti umugume. ⁷Nkinkaako, bwedezya mukayintu wamuntu, nkaambo musinsimi. Uyookukombela, alimwi uyoopona. Pesi ikuti tewamubwedezya, ziba kuti iwe abako boonse nchobeni muyoofwa.''⁸Abbimeleki wakabuka chifumo loko alimwi wakayita balanda bakwe boonse kulinguwe. Wakabaambila zyoonse zintu eezi, alimwi bantu bakayowesya loko. ⁹Mpawo Abbimeleki wakayita Abbulahamu akwaamba kuti kulinguwe, ''Niinzi nchimwachita kulindiswe? Ndakubisizya biyeni, kuti weete alindime alimwi akubwaami bwangu chibi chipati? Wachita eezyo ziteelede kuchitwa kulindime.''¹⁰Abbimeleki wakati kuli Abbulahamu, ''Niinzi chakuchitya kuti uchite chintu eechi?'' ¹¹Abbulahamu wakati, ''Nkaambo ndakayeya, 'Nchobeni takwe kuyowa Leza pe abusena oobu, alimwi balandijaya nkaambo kamukayintu wangu.' ¹²Nikuba boobo, nchoonzyo muchizi wangu, mwana musimbi wa taata, pesi uutali mwana musimbi wa baama; alimwi wakaba mukayintu wangu.¹³Aawo Lea naakandichita kuti ndisiye n'anda ya taata alimwi nkenjobweendenda kubusena abusena, ndakati kulinguwe, 'Weelede kunditondezya busyomesi oobu mbuli mukayintu wangu: Kufumbwa kubusena ooko nkutwaya, wamba aatala andime, ''Munyandumi wangu.'''' ¹⁴Mpawo Abbimeleki wakabweza mbelele a basune, alimwi bazike baalumi a banakazi, akubapa kuli Abbulahamu. Mpawo wakabwedezya Sala, mukayintu wa Abbulahamu, kulinguwe.¹⁵Abbimeleki wakati, ''Langa, inyika yangu ilikunembo lyako. Kkala kufumbwa akubotezya.'' ¹⁶Kuli Sala wakati, ''Langa, ndapa munyandumi wako chuulu cha nsiliva. Njakusitizya kufumbwa mulandu aatala anduwe kumenso aabaabo bali aanduwe, alimwi akuli boonse bali aanduwe, alimwi kunembo lyaboonse, mwachitilwa kabotu chakumaninina.''¹⁷Mpawo Abbulahamu wakakomba kuli Leza, alimwi Leza wakasilika Abbimeleki, banakwe, a bazike bakwe bechanakazi kuchitila kuti bakonzye kuba aabana. ¹⁸Nkaambo Jehova wakali wachitila banakazi boonse ben'anda ya Abbimeleki kuti batakazyali pe kwalyoonse, nkaambo ka Sala, mukayintu wa Abbulahamu.

¹Yawe wakaswiilila Sala mbuli mbaakaamba kuti uyoochita, alimwi Jehova wakachitila Sala mbuli mbakali wasyomezya. ²Sala wakamita alimwi wazyalila Abbulahamu mwana mulombe kubuchembele bwakwe, kuchiindi chili mbuli eecho chakabambidwe Leza nchaakali waamba kulinguwe. ³Abbulahamu wakawuzika mwana wakwe mulombe, ooyo umwi ngwaakazyalilwa, ooyo Sala ngwaakazyala, Ayizekki. ⁴Abbulahamu wakapalula mwana wakwe Ayizekki naakali waba aamazuba musanu aatatu, mbuli Leza mbaakamulayilila.⁵Abbulahamu wakali aaminyaka iili mwaanda yakuzyalwa nakazyalilwa Ayizekki. ⁶Sala wakati, ''Leza wandichita kuti ndiseke; woonse uumvwa uyooseka aantomwe andime.'' ⁷Alubo wakati, ''Ngwani wakali kuyoowamba kuli Abbulahamu kuti Sala uyoolela bana, alimwi ndamuzyalila mwana mulombe ku buchembele bwakwe!''⁸Mwana wakakkomena akulesegwa, alimwi Abbulahamu wakabamba ipobwe pati mubuzuba Ayizekki nakalesegwa. ⁹Sala wakabona mwana wa Hagayi mu Egepita, ngwakazyalila Abbulahamu, kamuseka.¹⁰Akaako wakati kuli Abbulahamu, ''Mutande mwanakazi muzike amwana wakwe, nkaambo mwana ooyu wa mwanakazi muzike takabi sikulya lukkono amwana wangu, Ayizekki.'' ¹¹Eechi chintu chakamuchisa kapati Abbulahamu akaambo kamwana wakwe mulombe.¹²Pesi Leza wakati kuli Abbulahamu, ''Utalili akaamboka ka mwana mulombe, alimwi akaambo ka mwanakazi muzike. Swiilila majwi aakwe woonse ngaawamba kuli nduwe aatala akaka kaambo, nkaambo kwiinda muli Ayizekki izyalane lyako muliyoovuzigwa. ¹³Ndiyoochita alubo mwana mulombe wa mwanakazi muzike kuba chisi, nkaambo ndizyalane lyako.''¹⁴Abbulahamu wakabuka chifumofumo, wabweza chibunge, achinkuli cha maanzi, alimwi wapa Haga, wabika aakkuko lyakwe. Wamupa mulombe akumwaanda. Wakeenda akuzelengana mulusaka lwa Bbeyasebba. ¹⁵Aawo maanzi akali mu chinkuli nakamana, wakasiya biyo mwana munsi lyachimwi chiteyo. ¹⁶Mpawo wakayinka, alimwi waakaukkala aansi kulekule anguwe, wakasibe mbuli wakuwaala kavwi, nkaambo wakati, ''Nditalangi aatala alufu lwa mwana.''Mbuli nakakkede kuzwa kulinguwe, wakanyampula ijwi lyakwe alimwi walila.¹⁷Leza wakamvwa ijwi lya mwana mulombe, alimwi angelo wa Leza wakayita Haga kuzwa kujulu, alimwi wakati kulinguwe, ''Niinzi chikukataazya Haga? Utayowi, nkaambo Leza wamvwa ijwi lya mulombe nkwabede. ¹⁸Nyampuka, busya mwana mulombe, alimwi musungwaazye, nkaambo ndiyoomuchita kuba chisi chipati.''¹⁹Mpawo Leza wakajula menso aakwe, alimwi wakabona chikala chamaanzi. Wakayinka alimwi wazuzya maanzi muchinkuli, alimwi wapa mulombe aakunywa. ²⁰Leza wakali aamulombe, alimwi wakakkomena. Wakakkala munkanda akuba sikavwi. ²¹Wakali kukkala munkanda ya Palani, alimwi banyina bakamujanina mukayintu kuzwa kunyika ya Egepita.²²Kwakasika kuchiindi eecho Abbimeleki a Pikkolu muzuluzi wabasilumamba bakwe nibakaambula kuli Abbulahamu, bakati, ''Leza uli aanduwe kulizyoonse nzyochita. ²³Lino akaako konkezya aLeza aano kulindime kuti tokoyooyendelezya chakubeja kulindime, nikuba kubana bangu, nikuba kulunyungu lwangu. Tondeenzya kulindime alimwi akunyika njiwakakkede kusyomeka kuchizuminano nchindakatondeezya kulinduwe.'' ²⁴Abbulahamu wakati, ''Ndilakonka.''²⁵Abbulahamu alubo wakanyontawukila Abbimeleki aatala achikkala chamaanzi babelesi ba Abbimeleki nchibakabweza kuzwa kulinguwe. ²⁶Abbimeleki wakati, ''Tandimwizi pe wakachita chintu eechi. Tewakandaambila pe lutaanzi kusikila lino; takwe nchindalinaamvwa pe do sunu.'' ²⁷Akaako Abbulahamu wakabweza imbelele alimwi abasune akuzipa kuli Abbimeleki, alimwi bantu babili bakabumba chizuminano.²⁸Mpawo Abbulahamu wakabamba bana bambelele bazyazi bali musanu ababili abaliike kuzwa mubutanga. ²⁹Abbimeleki wakati kuli Abbulahamu, ''Mbupanduluzi buli buti oobu bwabana bembelele bali musanu ababili mbuwabika aabalike?'' ³⁰Wakasandula, ''Aaba bana bembelele bazyazi bali kusanu ababili mbuyootambula kuzwa ku luboko kwangu, kuti chikabe bukamboni bwangu, kuti ndakasya chikkala eechi.''³¹Akaako wakuuzika busena oobo Bbeyasebba, nkaambo ooko kabali babili bakakonka chikonke. ³²Bakabumba chizuminano ku Bbeyasebba, alimwi mpawo Abbimeleki a Pikkolu, muzuluzi wabasilumamba bakwe, bakabweeda kunyika ya baFilisitiya.³³Abbulahamu wakabyala musamu wa Tamalisiki mu Bbeyasebba. Ooko wakakomba Jehova, Leza walyoonse. ³⁴Abbulahamu wakakkala kali mweenzu munyika ya baFilisitiya mazuba miingi.

¹Kwakaba kuti nikwakayinda zintu eezi Leza wakasunka Abbulahamu. Wakaamba kutikulinguwe, ''Abbulahamu!'' Abbulahamu wakati, ''Ndili aano.'' ²Mpawo Leza wakati, ''Bweza mwana wako mulombe, mwana wako mulombe uumwi biyo, ooyo ngoyanda, Ayizekki, alimwi uyinke kunyika ya Moliya. Ukamupede nkuko ooko mbuli chipayizyo chakutenta aatala aachimwi chazilundu ooko, nchindiyookwaambila.'' ³Akaako Abbulahamu wakabuka chifumofumo, waanga mbon'olo yakwe, alimwi wakabweza babili balanda bakwe baalumi bachiniini, aantomwe a Ayizekki mwana mulombe wakwe. Wakatema inkuni zya chipayizyo chatununkilizyo, mpawo wanjila mulweendo lwakwe kaya kubusena oobo Leza mbwakali wamwaambila aatala.⁴Mubuzuba bwatatu Abbulahamu wakatambya menso aakwe alimwi wabona busena kabuchili kule. ⁵Abbulahamu wakati kubaalumi bachiniini bakwe, ''Muchaale aawa ambon'olo, alimwi ime a mulombe tuyooyinka kunembo ookuya. Tuyookomba alimwi tukaboole lubo kulindinywe.'' ⁶Mpawo Abbulahamu wakabweza inkuni zyachipayizyo wazibika aali Ayizekki mwana wakwe mulombe. Wakabweza mumaboko aakwe mulilo a chipanga; alimwi bakiinka aatomwe kabali babili.⁷Ayizekki wakaambuula kuli wisi wakwe Abbuahamu alimwi wati, ''Taata wangu,'' alimwi wakati, ''Mpaano, mpundili mwana wangu mulombe.'' Wakati, ''Bona, ngoyu mulilo a nkuni, pesi ani ilikuli imbelele yachipayizyo chakutenta?'' ⁸Abbulahamu wakati, ''Leza lwakwe mwini uyoopa imbelele yachipayizyo chakutenta, mwana wangu.''Aboobo bakayinkilila kunembo, aantomwe kabali babili.⁹Nibakasika kubusena ooko Leza nkwaakamwaambila azyankuko, Abbulahamu wakayaka chipayililo nkuko ooko alimwi wakabika inkuni aali nchicho. Mpawo wakaanga Ayizekki mwana wakwe mulombe, wamulazika aachipayililo, aatala aankuni. ¹⁰Abbulahamu wakatandabika luboko lwakwe wabweza ipanga kuti ajaye mwana wakwe mulombe.¹¹Mpawo angelo wa Jehova wakamwiita kuzwa kujulu wati, ''Abbulahamu, Abbulahamu!'' alimwi wakati, ''Ndili aano.'' ¹²Wakati, ''Utabiki jaanza lyako aatala a mulombe, nikuba kuchita chimwi chintu chimuchisa, nkaambo lino ndaziba kuti ulamuyoowa Leza, nkaambo takwe niwakakila amwana wako mulombe, mwana wako mulombe uumwi biyo, kulindime.''¹³Abbulahamu wakatambya menso aakwe kujulu alimwi wakabona, musule lyakwe kmwakali mugutu wambelele wakapatide meja aakwe mumasamu. Abbulahamu wakayinka wabweza mugutu wamupeda mbuli chipayizyo chakutenta aabusena bwa mwana wakwe mulombe. ¹⁴Aboobo Abbulahamu wakiita busena oobo kuti, ''Jehova uyoopa,'' alimwi mbubwaambwa ambuli sunu, ''Aachilundu cha Jehova kuyoopegwa.''¹⁵Angelo wa Jehova wakayita Abbulahamu lwabili kuzwa kujulu ¹⁶alimwi wati - mbubo oobu mbwaamba Jehova, ''Alwangu ndakonkezya kuti nkaambo kakuti wachita eechi chintu, akuti tewakaka amwana wako mulombe, mwana wako mulombe uumwi biyo, ¹⁷nchobeni ndiyookulongezya alimwi ndiyoovuzya izyalane lyako mbuli nyenyeezi zyakujulu, alimwi mbuli museele uuli kunkomwe yalwizi; alimwi balunyungu lwako bayoovuba milyango yabasinkondonyina.¹⁸Kwiindila mubana bako zisi zyoonse zyaansi zyoolongezegwa, nkaambo waswiilizya ijwi lyangu.'' ¹⁹Akooko Abbulahamu wakabweeda kubaalumi bakwe baniini, alimwi bakanyampuka aantomwe baya ku Bbeyasebba, alimwi wakaakukkala ku Bbeyasebba.²⁰Kwakaba kuti musule lyazeezi Abbulahamu wakalwiidwa kuti, ''Alakwe Milika wazyalila mwana wakwanu Naholi bana.'' ²¹Bakali Uzi mwana wakwe mutaanzi, Bbuzi mukulana wakwe, Kemuyeli wisi wa Alamu, ²²Kkesedi, Hazo, Pilidasyi, Jidilafu, a Bbetuyeli.²³Bbetuyeli wakaba wisi wa Lebeka. Aaba mbana bali musanu abatatu Milika mbaakazyalila Naholi, mukulana wa Abbulahamu. ²⁴Simamambe wakwe, ooyo izina lyakwe lyakalikutegwa Lewuma, alakwe wakazyala Tebba, Gahamu, Tahasyi, aantomwe a Maaka.

¹Sala wakapona minyaka iili mwaanda amakumi obile amusanu ayibili. Eeyi njeminyaka yabuumi bwa Sala. ²Sala wakafwida mu Kiliyati Abba, nkokuti, mu Hebbuloni, muchisi cha Kkenani. Abbulahamu wakoomoka akulila Sala.³Mpawo Abbulahamu wakabuka alimwi wakazwa kumutunta wamukakwe, mpawo wakambula abana baHiti, wakati, ⁴''Ndili muzwakule aakati kanu. Ikaka amundizumuzizye kuti nchite mavwikilo akati kanu, ikuti nkazike mufu wangu.''⁵Bana ba Heti bakasandula Abbulahamu, bakati, ⁶''Swiilila ndiswe, simalelo wangu. Uli mwana wa mwaami wa Leza uli aakati kesu. Zika mufu wako kufumbwa nkosala kumavwikilo eesu mabotu. Takwe naba omwe aakati kesu uukonzya kukukasya mavwikilo aakwe, kuchitila kuti uvwike mufu wako.''⁷Abbulahamu wakabuka wakkotamina bantu banyika, kubana ba Heti. ⁸Wakaambula ambabo, wakati, ''Na kamuzumina oobo kuti ndizike mufu wangu, mpawo amundiswiilile mpawo mundikumbilile kuli Efuloni mwana mulombe wa Zohali. ⁹Mumukumbile kuti anduuzizye pako lyamumabwe aa Makkapela, ndyajisi, lili kumagolelo aamunda wakwe. Amuulo uuzwide nganduuzizye aantanganana nkabuli busena bwamavwikilo.''¹⁰Lino Efuloni wakalikkede aakati kabana balombe ba Heti, alimwi Efuloni mu Hiti wakavwiila Abbulahamu mukumvwa bana balombe ba Heti, aabo boonse bakanjila kumulyango wa dolopo, wakati, ¹¹''Pe, simalelo wangu , ndiswiilila. Ndakupa muunda, alimwi a pako lyamumabwe lili mukati. Ndawupa kulinduwe kumenso aabana balombe ba bantu bangu. Ndawupa kulinduwe kuti uzike bafu bako.''¹²Mpawo Abbulahamu wakakkotama lwakwe kunembo lyabantu banyika. ¹³Wakaambula kuli Efuloni mumatwi abantu banyika, wakati, ''Pesi kuti kozumina, ikaka ndiswiilila. Ndiyowubbadalila muunda. Bweza mali kuzwa kulindime, alimwi ndiyoovwika mufu wangu ooko.''¹⁴Efuloni wakaavwiila Abbulahamu, wakati, ¹⁵''Ikaka, simalelo wangu, swiilila kulindime. Chimpanzi chanyika hichita myaanda yone yama syekeli aa nsiliva, niinzi eecho aakati kangu anduwe? Zika mufu wako!'' ¹⁶Abbulahamu wakaswiilila Efuloni alimwi Abbulahamu wakeela imali ansiliva yakaambwa mumatwi aabana ba Heti, myaanda yone yama syekeli ansiliva mbuli mbubakali kweela basambazi.¹⁷Aboobo muunda wa Efuloni, wakali mu Makkepela, wakali aafwifwi a Mamule, nkokuti, muunda, apako mumabwe lyakali mukati, alimwi amisamu yoonse yakali mumuunda anyika yoonse iili mumugaano, yakapegwa ¹⁸kuli Abbulahamu akuula aakati kabana ba Heti, kunembo lyabaabo boonse bakanjila kumulyango wedolopo lyakwe.¹⁹Musule lyacheechi, Abbulahamu wakazika Sala mukakwe mupako lyamabwe lyakali mumuunda wa Makkapela, iwakali aafwifwi ku Mamule, nkokuti, Hebbuloni, munyika ya Kkenani. ²⁰Aboobo muunda apako lyamabwe lyakali mukati lyakapegwa kuli Abbulahamu kuti alivube kuti bube busena bwamavwika bwazwa kubana balombe ba Heti.

¹Lino Abbulahamu wakali wachembaala loko alimwi Jehova wakali mulongezezye muzintu zyoonse. ²Abbulahamu wakati kumulanda wakwe, ooyo wakali mupati kuli basin'anda bakwe alimwi wakali mubambi wazezyo nzyakali aazyo, ''Bika kuboko kwako kunsi achibelo changu ³alimwi ndiyokuchita kuti ukakonke kuli Jehova, ooyo Leza wamajulu alimwi ooyo Leza wenyika, tokoyojani mwanakazi wa mwana wangu mulombe kuzwa kubana basimbi ba baKkenani, mbeyakide munzi aakati kabo. ⁴Pesi iwe weelede kwiinka kunyika yakulindiswe, alimwi kunzubo zyangu, alimwi ukajanine mwanakazi mwana wangu mulombe Izaka.''⁵Mulanda wakati kulinguwe, ''Anikuti mwanakazi kaya kunditobelakunyika eyi? Ani ndikabweze na mwana wako ndikabwede awe kuzwa kunyika nkuwazwa? ⁶Abbulahamu wakati kulinguwe, "Ba akasimpe kuti utakabwezi mwanaangu kuti ubwede awe okuya. ⁷Jehova leza wakujulu, oyo wakandigwisya kuzwa kunganda yandende alimwi kuzwa kunyika yanzubo zyangu, alimwi oyo wakandisyomezya chinkonke chinichini wakati, 'Ku lunyungu lwako ndiyokupa nyika eyi,' uyotuma angelo wakwe kunembo musulaako, alimwi uyojanina mwanaangu mulombe mwanakazi kuzwa ooko.⁸Pesi na mwanakazi katayandi kukutobela, mpawo iwe uyowangunuka ku chikonke changu. Luzutu iwe toyelede kubwedezya mwana wangu okuya.'' ⁹Aboobo mulanda wakabika kuboko kwakwe kunsi lyachibelo cha Abbulahamu simalelo wakwe, alimwi wakakonkezya kulinguwe aatala amajwi aaya.¹⁰Mulanda wakabweza kkumi lyambon'olo zya simalelo wakwe alimwi wakanyampuka. Wakabweza lubo anguwe zipo zyamisyobo yoonse kuzwa kuli simalelo wakwe. Wakanyampuka alimwi wakaya kubusena bwa Alam Nahaleyimi, kuchisi cha Neha. ¹¹Wakachita kuti mbongolo zyakwe zifugame aansi kunze lya chisi kumbali esawu lya manzi. Lyakali golezya, chiindi bakayintu nibaya kuyoteka manzi.¹²Mpawo wakati, ''Jehova, Leza wa simalelo wangu Abbulahamu, ndipe kuzwidilila sunu alimwi tondeezya chizuminano chisyomekede kuli simalelo wangu Abbulahamu. ¹³Langa, aawa mpundiimvwi akasensa kamanzi, alimwi bana basimbi ba baalumi bachisi balasika kuzoteka manzi. ¹⁴Leka zichitike oobu. Eelyo nindati kumwanakazi muniini, 'Ikaka tula nongo yako kuti nkanywe,' alimwi akatedi kulindime, 'Nywa, alimwi ndiyonywisya ankamela zyakoazilazyo, elyo abe nguwe oyo nguwe tondekela mulanda wako Izaka. Azezi ndiyo ziba kuti watondezya chizuminano chisyomekedekuli Simalelo wangu.¹⁵Kwaba kuti nikuba naka manisya kwambula, amulange, Lebekka wakaza anongo yakwe yamanzi amakkuko akwe. Lebekka wakazyalwa kuliBbetuweli mwana mulombe waMikka, mwanakazi waNaho, mukulana wa Abbulahama. ¹⁶Mwanakazi munini wakali mubotu loko alimwi nkali nakalindu. Takazi mwalumi. Wakiinka ansi kukasensa, wazuzya nongo yakwe alimwi wakazwa.¹⁷Aboobo mulanda wakachijana kuyomuswanizya alimwi wati, " Ikaka ndipe nywe bunini manzi kuzwa munongo yako," ¹⁸wakati, "Nywa simalelo wangu," alimwi wakafwambana kutula nongo mumaboko akwe, alimwi wakamupa wanywa.¹⁹Elyo nakamana kumupa akunywa, wakati "Ndiyotekela ankamela zyako manzi azilazyo kusikila zikamane kunywa." ²⁰Elyo wakafwambana alimwi wapimpa nongo mumutiba , aboobo wakachijana lubo kusawu kukuteka manzi, alimwi wakatekela inkamela zyakwe zyoonse manzi.²¹Mwalumi wakamwebela chumunizi kuti abone kana Jehova wazwidilizya lwendo kana pe. ²²Mankamela nakamanisya kunywa, mwalumi wakagwisya chisila changolida chakala bulemu bwechisela chaShekkeli, alimwi anchoko zyangolida zyobile zyakumaboko zilabulemu buli maShekkeli makumi, ²³alimwi wakabuzya, "Uli mwana musimbi wani? Ndambile kaka, kulibusena na kunganda yawuso kuti swebo tukoone kwabusiku?"²⁴Wakati kulinguwe, "Ndimwana musimbi wa Bbetuweli mwana mulombe waMikka, oyo ngwakazyala kuliNaho." ²⁵Wakati lubo kunguwe, "Tulabwingi bwizu alimwi azyakulya, alimwi abusena bwakoona kuti ukamanisye busiku."²⁶Elyo mwalumi wakakkotama aansi alimwi wakakkomba Jehova. ²⁷Wakati, " Ngalumbwe Jehova, Leza wasimalelo wangu Abbulahamu, wakatasiya chizuminano chakwe chakusyomeka alimwi kusyomekesya kuli simalelo wangu. Mbuli kuli ndime, Jehova wandizulwida wandilulamika kunganda yaLuzubo lwasimalelo wangu.²⁸Elyo mwanakazi munini wakachijana alimwi wakabuzya basinganda yabanyina atala azintu ezi zyoonse. ²⁹Lino Lebekka wakali amunyandumi, alimwi izina lyakwe wakali Labbani. Labbani wakachijana kumwalumi wakali aanze kumugwagwa wakukasensa. ³⁰Elyo nakabona chisita alimwi anchoko kumaboko amuchizi, alimwi elyo nakamvwa mabala aLebekka muchizi wakwe, " Ezi nzizyo oyu mwalumi nzyawamba kulindime," wakinka kumwalumi alimwi akumubona, wakalimvwi kumbali ankamela zyakwe kukasensa.³¹Elyo Labbani wakati, "boola iwe nolongezedwe waJehova. Kaambonzi noyimvwi aanze? Ndakubambila nganda, alimwi abusena bwenkamela." ³²Aboobo mwalumi wakaza kunganda alimwi akwangununa nkamela. Nkamela zyakapegwa bwizu alimwi azyakulya, oyu mwalumi wakapegwa manzi akusamba mawulu akwe amawulu ababo mbakalabo.³³Bakabika chakulya kunembo lyakwe kuti alye, asi wakati, " Nsikoyolya kusikila ndambe ezyo nzyeyelede kwamba." Aboobo Labbani wakati, "Ambula." ³⁴Wakati, "Ndilimulanda wa Abbulahamu. ³⁵Jehova ulimulongezezye simalelo wangu alimwi waba mupati. Wakamupa mbelele angombe, ansiliva angolide, balanda balumi abanakazi, ankamela amadonki.³⁶Sala, mwanakazzi wasimalelo wangu, wakazyala mwana mulombe kulisimalelo wangu mubuchembele bwakwe, alimwi wiisi wakamupa zyonse zyakwe. ³⁷Simalelo wangu wakandichita kuti ndikonke, kwamba kuti, 'Iwe toyelede kutolela mwanangu mwanakazi kubana babaKanana basimbi, munyika mundakayaka munzi. ³⁸Pesi kuti, welede kwiinka kumpuli yandende, alimwi kunzubo zyangu, alimwi ukajanine mwana wangu mwanakazi.'³⁹Ndakati kuliSimalelo wangu, ' Amwi mwanakazi takoyonditobela.' ⁴⁰Asi wakati kulindime, Jehova, oyo ngwetobela uyotuma mungelo anduwe alimwi uyozwidilizya nzila yako, aboobo uyotolela mwanangu mwanakazi kuzwa kuluzubo lwangu alimwi kuzwa kumpuli yaluzubo lwandende. ⁴¹Asi uyowangununwa muchikonke changu kuti wakuza kuluzubo lwangu alimwi batakukupa nguwe. Elyo uyowangununwa kucikkonke changu.'⁴²Aboobo ndasika sunu kutusensa, alimwi ndati, 'O Jehova, Leza wasimalelo wangu Abbulahamu ikaka, kuti nkochita mukwambisya nkopanga lwendo lwangu luzwidilile - ⁴³Ano mpwebede ndimvwi kumbali akasensa kamanzi - leka oyo mwanakazi uza kukuteka manzi, ngundiyowambila kuti, " Ikaka ndipe twanzi tuche munongo ndinwe," ⁴⁴Mwanakazi uyoti kulindime "Nywa, alimwi ndiyotekela ankamela zyako maanzi " - abe nguwe nguwasalila mwana wasimalelo wangu.'⁴⁵Nkesena manisya kwambula mumoyo wangu, Lebekka wakaza anongo yakwe amakukko alimwi wakaya ansi kukasensa alimwi wakakuteka manzi. Aboobo ndakati kulinguwe, 'Ikaka ndinywisye. ⁴⁶'Wakafwambana kuseluzya nongo yakwe kuzwa amakkuko alimwi wakati, 'Nywa, alimwi ndiyopa nkamela zyako manzi azilazyo.' Aboobo ndakanywa , alimwi wakanywisya nkamela azilazyo.⁴⁷Ndakamubuzya alimwi ndati, ulimwanani webo? Wakati ndilimwana musimbi waBbetuweli, mwana mulombe waNaho ngwakazyalilwa aMikka.' Elyo ndamubika chisita mumpemo alimwi anchoko kumaboko akwe. ⁴⁸Elyo ndakavundama ansi alimwi ndakakomba Jehova, alimwi ndalongezya Jehova, Leza wasimalelo wangu Abbulahamu, oyo wakandenzya munzila mbotu kuti ndijane musimbi wamwana wasimalelo wangu kunzubo zyakwe.⁴⁹Nkikaako, kuti kamulibambilide kunditondezya luyando luteli alimwi akusyomeka kuli simalelo wangu, mundambile, pesi kuti pe mundambile lubo, kwitila kuti ndizibe kuti ndelede kulanga kululyo kana kuchimwensi."⁵⁰Elyo Labbani aBbetuweli bakasandula alimwi bati, "Chintu chazwa kuli Jehova, tatukonzyi kwambula ayebo zibi na zibotu. ⁵¹Langa, Lebekka ezi zilikulinduwe. Mubweze alimwi wende, aboobo, antela walikuyoba mwanakazi wasimalelo wako, mbuli Jehova mbakamba."⁵²Elyo mulanda waAbbulahamu nakamvwa majwi abo, wakakotama ansi enyika kunembo lyaJehova. ⁵³Mulanda waketa zilongo zyansiliva azilongo zyangolida, azikobela akuzipa Lebekka. Wakapa lubo zipo ziyandisi kumunyandumi wakwe akuli banyina.⁵⁴Elyo we abalumi mbakalabo bakalya akunywa. Bakakkala nkukoko busiku boonse, nibakabuka kuseni, wakati, "Amunditume ndiye kulisimalelo wangu." ⁵⁵Munyandumi wakwe abanyina bakati, "Leka mwanakazi munini akale andiswe kwamazuba mache, ambweni alikkumi. Musule aaya ulenda."⁵⁶Pesi wakati kulimbabo, " Mutandijalili, Kambo Jehova wandizwidilizya munzila yangu. Amunditume munzila yangu kuti ndiye kuli simalelo wangu." ⁵⁷Bakati, " Tulita mwanakazi munini alimwi tubuzye." ⁵⁸Aboobo bakamwita Lebekka alimwi bamubuzya, "Ulinka na amwalumi oyo? " Wakasandula, " Ndilinka."⁵⁹Aboobo bakazumizya muchizi wabo Lebekka, antomwe amulanda wakwe mwanakazi, mulwendo lwamulanda waAbbulahamu abalumi bakwe. ⁶⁰Bakalongezya Lebekka, alimwi bakati kulinguwe, " Muchizi wesu, ukabe banyina bezyulu zilikkumi zyazyulu, alimwi lunyungu lwako lukavube milyango yababo batakuyandi."⁶¹Elyo Lebekka wakanyampuka alimwi we abalanda bakwe basimbi bakatanta nkamela, alimwi bakatobela mwalumi. Aboobo mulanda wakabweza Lebekka alimwi winka munzila yakwe. ⁶²Lino Izaka wakali kukala kuNegevi alimwi wakali wakali wabola kuzwa kuBbiya Lahayi Loyi.⁶³Izaka wakinka anze kukuyesesya mulukuba golezya. Elyo nakalanga kunembo, wakabona nkamela kaziyobuza! ⁶⁴Lebekka nakalanga alimwi elyo wakabona Izaka wakasotokela ansi kuzwa enkamela. ⁶⁵Wakati kumulanda, ngwani oyu mwalumi uyobwenda mumunda kuti aswanizye ndiswe?" Mulanda wakati, " Ngusimalelo wangu." Wakabweza veyili, alimwi walivumba.⁶⁶Mulanda wakapandulwida Izaka zyonse zintu nzyakachita. ⁶⁷Elyo Izaka wakamweta mutente lyabanyina Sala, alimwi wakabweza Lebekka, alimwi wakaba mwanakazi wakwe, alimwi wakamuyanda. Aboobo, Izaka wakumbulizigwa musule akufwa kwabanyina.

¹Abbulahamu naakabweza uumbi mwanakazi; izina lyakwe wakali Kketula. ²Wakamuzyalila Zimulani, Jokoshani, Medani,Midiyani, Ishibbeki, a Shuwa. ³Jokoshani wakaba wisi a Shebba a Dedani bakali bantuma a Siliyeni, Letushi, alimwi abantuma Lewumi. ⁴Bana balombe ba Midiyeni bakali ba Efaha, Efa, Hanoku, Abbida, a Eludaha. Boonse aba bakali babuzyalane bwa Ketula.⁵Abbulahamu wakapa zyoonse nzyakavubide kuli Aizekki. Nikuba boobo, awo nakachilikupona, wakapa zipo ⁶kubana balombe babamwi banakazi akubatandila kunyika yakubuzyezuba, kule a Ayizekki, mwana wakwe.⁷Aaya akali mazuba amyaka yabuumi bwa Abbulahamu njaakapona, imwaanda amakkumi musanu ama kkumi obile aali aminyaka musanu. ⁸Abbulahamu wakayoya chakwelelezya alimwi wafwa mumwelwe mubotu wachiimo chakukomena, imwalumi mupati uuli abuumi buzwide alimwi wakali bungikene kubantu bakwe.⁹Ayizekki a Ishumayeli, bana bakwe balombe bakaamuvwika munkumbwi ya Makkipelaha, mumuunda wa Efoloni. Mwana mulombe wa Zohola mu Hitayiti, uuli afwifwi a mamule. ¹⁰Ooyu muunda Abbulahamu wakali wuula kuzwa kubana balombe ba Hitayiti. Abbulahamu wakavwikkwa nkukooko amwanakazi wakwe sala. ¹¹Musule alufu lwa Bbulahamu, Leza wakalongezya Ayizekki mwana wakwe mulombe, alimwi Ayizekki wakakkede afwifwi a BiyaLahayi Loyi.¹²Lino aba bakali babuzyalane bwa Isyumayeli, mwana mulombe wa Abbulahamu, Hagali muna Ijipiti, mubelesi wa sala, ngwakazyala kuli Abbulahamu.¹³Aya akali mazina abana balombe ba Isyumayeli, mbuuli mukutobelana kwabo mukuzyalwa: Nebbayiyoti mutaanzi kuzyalwa kuli Isyumayeli, Keda, Adibbela, Mibbisamu, ¹⁴Mishima, Duma, Masa, ¹⁵Hadadi, Tema, Jeta, Napishi, a kkedema. ¹⁶Aaba bakali bana balombe ba Isyumayeli, aya akali mazina abo, kumyunzi yabo, amumayakalane aabo; ikkumi ababaili bana balombe babwaami mbuuli mumisyobo yabo¹⁷Eeyi yakali minyaka yabuumi bwa Ishumayeli, mwanda amakkumi otatwe amuasanu aminyaka yobile. Wakayoya kwamwelelezyo akwe mpawo wafwa ,alimwi kulibunga kubantu bakwe. ¹⁸Bakapona kuzwa ku Havila kusika ku Ashawu, oko kufwifwi aku Ijipiti, kuti umwi kayenda kalangilide ku Asiliya. Bakapona mukusulana kuli umwi awumwi.¹⁹Eezi nzizyakachitika kazilangene a Ayizekki, mwana mulombe wa Abbulahamu. Abbulahamu wakaba wisi wa Ayizekki. ²⁰Ayizekki wakali aminyaka yakuzyalwa ili makkumi one awo nakabweza Libbekka mbuuli mwanakazi wakwe, mwana musimbi wa Bbetuwelu imu Alamini waku Padani Alamu, muchizi wa Labbani imu Alamiyeni.²¹Ayizekki wakakomba kuli Jehova kuchitila mwanakazi wakwe, alimwi Jehova wakasandula nkombyo yakwe, alimwi Libbekka mwanakazi wakwe wakaba abula. ²²Ibana bakaputuuka antomwe mulinguwe, alimwi wakati,'' nkaambonzi ezi nizilikuchitika kulindime?'' wakayinka kukubuzya Jehova atala achechi.²³Jehova wakati kulinguwe,'' izisi zyobile zili mubula wako , alimwi bantu bobile bayowanzanisigwa kuzwa mulinduwe. Muntu omwe uyoba anguzu kwiinda umwi, alimwi mupati uyogwasya munini.''²⁴Nichakaba chiindi chakuti atumbuke, amubone, mwakali mabile mubula bwakwe. ²⁵Mwana mutaanzi wakazwa aanze kasalala koonse mbuuli chisamo chilaaboya. bakamwiita zina lyakwe kuti ngu Isawu. ²⁶Musule aboobo, mwanike wakwe wakazwa aanze. Kuboko kwakwe kwakajisilidi kasindi ka Isawu. Wakayitwa kuti Jakkobbu. Ayizekki wakali aminyaka yakuzyalwa ili makkumi musanu alimwi nakabatumbuka mwanakazi wakwe.²⁷Bakakkomena balombe, alimwi Isawu wakaba muvwimi uuli aluzibo, mwaluumi wamuuda, pesi Jakkobbu wakali mwaalumi uuwumwine, wakali kumana chiindi chakwe muzibbakasa. ²⁸Lino Ayizekki wakali kuyanda Isawu nkaambo wakali kulya banyama mbakali kuvwima, pesi Libbekka wakali kuyanda Jakkobbu.²⁹Jakkobbu wakajika musinza. Isawu wakasika kuzwa kumulimu, alimwi wakali demukide mumafuwa. ³⁰Isawu wakati kuli Jakkobbu, '' ndisanine amusinza oyu usalala. Inche, ndakatala!'' Nkinkaako izina lyakwe lyakayitwa kuti Edomu.³¹Jakkobbu wakati,'' saansina nduuzizye chelelo chako chakuzyalwa.'' ³²Isawu wakati,'' Bona,ndaamba kufwa. mbubotuunzi chelelo chakuzyalwa kulindime ?'' ³³Jakkobbu wakati,''talika ukonkezye kulindime,'' aboobo Isawu wakakonkezya chikonke alimwi muli eeyonzila wakawuzya cheelelo chakwe chakuzyalwa kuli Jakkobbu. ³⁴Jakkobbu wakapa Isawu chibunge amusinza wa Lentulusi. Wakalya akunywa, wanyampuka akweenda munzila yakwe. Mukuchita boobu Isawu wakanyansya cheelelo chakwe chakuzyalwa.

¹Lino inzila yakaba munyika, kutali inzila ntaanzi yakaliwo mumazuba a Abbulahamu. Ayizekki wakiinka kuli Abbimeleki, mwami wamu Filisitiya ku Gela.²Lino Jehova wakalibonia kuli nguwe akuti,'' utayinki ku Ijipita,'' pona munyika eyo njindakakubuzya kuti upone mulinjiyo. ³Kkala munyika njiyeeyi, alimwi ndiyooba anduwe alimwi ndiyookulongezya, mbuuli kuli nduwe alimwi akuzyalane lyako, ndiyookupa nyika eezi zyoonse alimwi ndiyokuzizikizya chikonke echo nchindakakukonkezya kuli Abbulahamu wuso.⁴Ndiyovuzya zyalane lyako mbuuli nyenyezi zyakujulu, alimwi ndiyoopa kuzyalane lyako nyika eezi. Kwiinda muzyalane lyako zisi zyoonse zyanyika ziyoolongezegwa. ⁵Ndiyochita echi nkaambo Abbulahamu wakalemeka jwi lyangu alimwi wakabamba malayilile angu.''⁶Aboobo Ayizekki wakakkala mu Gela. ⁷Elyo mwaalumi wabusena naakamubuzya aatala amwanakazi wakwe, wakati,'' muchizi wangu.'' wakwaamba kuti mwanakazi wangu,'' nkaambo wakayeeya kuti,'' mwaalumi wabusena oobu ulandijaya kuti abweze Libbekka, nkaambo mubotu loko.'' ⁸Kali Ayizekki waba oko kwachiindi chilamfu Abbimelekki, mwaami wama Filisitiya zyakachitika kalangide anze aampulumguzyo wakalanga, wabona, Ayizekki kaliikubukusa Libbekka, mwanakazi wakwe.⁹Abbimelekki wakayita Ayizekki kuli nguwe alimwi wakati,'' Langa,nchobeni mwanakazi wako. Nkaambonzi niwati, 'muchizi wangu ?' '' Ayizekki wakati kuli nguwe,'' Nkaambo ndayeeya kuti umwi ulabona wandijaya kuti amubweze.'' ¹⁰Abbimelekki wakati,'' Niinzi eechi nchuwatuchitila ? umwi wabantu ulabona chamuubila koona amwanakazi wako, alimwi wayinoyeta mulandu alindiswe.'' ¹¹Aboobo Abbimelekki wakachenjezya bantu boonse alimwi wakati,'' kufumbwa uujata mwaalumi ooyu nikuba mwanakazi wakwe kasimpe uyoobikkwa kulufu.''¹²Ayizekki wakabyala zilyo munyika eyo alimwi wakatebula muli nguwo munyaka mwaanda ayindulwidwe, Jehova wakamulongezya. ¹³Mwaalumi wakabaabwami, alimwi wakakkomena akukkomena alimwi zyingi kusika kusikila waba mulemu. ¹⁴Wakali aambele zyiingi angombe, ampuli, mpati. Mafilisitiya bakabaabbivwe kulinguwe.¹⁵Lino zikkala zyoonse zyakasyidwe abalanda bawisi mumazuba Abbulahamu wisi, Ma Filisitiya ¹⁶bakazyiimikizya akuzizuzya muse. Abbimelekki wakati kuli Ayizekki,'' zwa awa kulindiswe, mbuuli kuti ulaanguzu kwiinda ndiswe.'' ¹⁷Aboobo Ayizekki wakeenda kuzwa awo alimwi wakaakukkala mumumpata wa Gela,alimwi wakapona nkukoko.¹⁸Alubo Ayizekki wakafukulula lubo zikkala zyamanzi, nzibakasyide mumazuba Abbulahamu wisi. Mafilisitiya bakali bazimikizya kuzwa naakafwa Abbulahamu . Ayizekki wakayita zikkala amazina omwe ayo wisi ngakakali kuzyita.¹⁹Chiindi balanda ba Ayizekki nibakasya mumampata, bakajana nkukooko chikkala chizwa maanzi ayenda. ²⁰Bembeli ba Gela bakalikukkazyania abeembeli ba Ayizekki, alimwi bakati,'' Aya maanzi ngeesu.'' A boobo Ayizekki wakayita chikkala eecho kuti Isekki,'' nkambo bakakkazyania anguwe.²²Mpawo bakasya chimbi chikkala, alimwi bakakkazyania anchicho, lubo , aboobo wakachipa zina lya ''Silna.'' ²¹Wakazwa oko alimwi wakasya lubo chimbi chikkala, pesi tebakakazyania atala anchicho. Aboobo wakachuuzika kuti Liwoboti, alimwi awakati,''Lino Jehova watupa mweenya alimwi tuyozwidilila munyika.''²³Mpawo Ayizekki wakeenda kuzwa awo kusika ku Bbiyeshebba. ²⁴Jehova wakalibonia kulinguwe mansiku ngayayo alimwi wakati,'' Ndime Leza wa Abbulahamu wuso. Utayoowi, ndilaanduwe alimwi ndiyokulongezya alimwi ndiyo vuzya izyalane, nkaambo kamulanda wangu Abbulahamu. ²⁵Ayizekki wakayaka chipayililo nkukooko alimwi wayita kuzina lya Jehova. Oko wakasyidila tente lyakwe, alimwi balanda bakwe bakasya chikkala.²⁶Mpawo Abbimelekki wakeenda kulinguwe kuzwa ku Gela, kali a Ahuzati, mwenzinyina, a Fikkolu, mupati waba silumamba bakwe. ²⁷Ayizekki wakati kuli mbabo,'Nkaambonzi nimuza kulindime, mbuunga ulandizonda alimwi wanditandila kule kuzwa kulinduwe?''²⁸Mpawo bakati,'' Twabona chaantanganana kuti Jehova walaanduwe. Aboobo twayeeya kuti kwede kube chikonke akati kesu, iyi, akati kesu anduwe. Aboobo atuchite chizuminanao anduwe, ²⁹Kuti taakwe, nikuyo tuchisa, mbuuli mbutwakatakuchisa, alimwi mbuuli mbutwakakaujata obotu alimwi twakakweenzya mulumuno. Nchobeni, alimwi ulilongezezegwe a Jehova.''³⁰Áboobo Ayizekki wakachita pobwe kuli mbabo alimwi bakalya akunywa. ³¹Bakabuka chifumofumo, alimwi bakakonka chikonke kuli umwi awumwi. Mpawo Ayizekki wakati ngababweede, alimwi bakamusiya muluumuno.³²Ndilyonya ndilelyo zuba balanda ba Ayizekki bakaza alimwi bakamubuzya atala achikkala nchibakali basya. Bakati,'' twaajana maanzi.'' ³³Wakayita chikkala kuti Shibba, aboobo izina lya muunzi oyo litegwa Biyeshebba kusika sunu.³⁴Eelyo Isawu naakaba aminyaka ili makkumi aane, wakakkwata mwanakazi Juditi mwana musimbi waBiiyeli mu Hitayiti, alubo Basemati mwana musimbi wa Eleni mu Hitayiti. ³⁵Bakeeta nsoni kuli Ayizeki a Lebeka.

¹Lino Ayizekki wakali wachembaala ameso akwe akali agubi kuti takachili kubonape, wakayita Isawu, mwana mupati, akwamaba kuti kuli nguwe,'' Mwanaangu.'' Isawu wakati kuli nguwe,'' Ndilaano.'' ²alimwi Ayizekki wakati,''bona awa, Ndachembaala, Tandizi buzuba bwakufwa kwangu.³Nkinkaako bweza zivwimyo zyako, inkomo yako abuta bwako, akuya mulusaka akuyondivwimina munyama. ⁴Undichitile chakulya chinono, mbubonya mbuli mbiyandisya, akwileta kulindime kuti ndilye akukulongezya nkitanaafwa.''⁵Lino Libbekka wakamvwa chiindi Ayizekki nakali kwambula a Isawu mwanaakwe. Isawu wakaya mulusaka kukuyovwima munyama akumweta. ⁶Libbekka wakaambila Jakkobbu mwanaakwe akwamba kuti,'' bona awa, Ndamvwa wuso kawambuulaa a Isawu mukulana wako. wakati, ⁷'undetele nyama yamulusaka akundichitila chakulya chinono, kuti ndilye mpawo ndikulongezye kunembo lya Jehova kanditanaafwa.'⁸Lino nkinkaako, mwanaangu, swilila jwi lyangu mbuuli mbikulayilila. ⁹Koya kubutanga akundiletela mpongo zibili zyebeka; alimwi ndiyokuchitila chakulya chinonokuzwa kuli mbabo kuzwa kuli wuso, mbuuli mbayanda. ¹⁰Ukamutolele wuso, kuti akiilye, kuti akulongezye kalutana sika kufu lwakwe.''¹¹Jakkobbu wakati kuli Libekka banyina,''Bona, Isawu mukkulana wangungusimavwele, mpawo ime ndibulungusene. ¹²Alimwi ndeende akandigume, alimwi ndiyoba mbuuli silweno. Ndiyoleta lutuko aalindime akutalongezegwa.''¹³Banyina bakati kulinguwe,'' Mwanaangu, leka lutuko lube alindime. swiilila jwi lyangu , alimwi akwiinka, ubeete kulindime.'' ¹⁴Elyo Jakkobbu wayinka akubweza tupongo akututola kuli banyina, alimwi banyina bakachita kulya kunono, mbuuli wisi mbwakali kuyanda.¹⁵Libbekka wakabweza zyakusama zibotu zya Isawu, mwana wakwe mupati, nzyaakalazyo munganda,akusamika Jakkobbu, mwana wakwe munini. ¹⁶Wakamuzambilila zikkumba zyabana bampongo mumaboko akwe amunsingo yakwe. ¹⁷Wakabika kulya kunono ansima eeyonjakabambide mumaboko amwana wakwe Jakkobbu.¹⁸Jakkobbu wakaya kuli wisi mpawo wakuti,'' Ndeende wangu.'' Wisi wakati,'' Ndili ano; nduweni, mwanaangu?'' ¹⁹Jakkobbu wakati kuli wisi, ''Ndime Isawu mwana wako mutaanzi. Ndachita mbuuli mbuwamba kuli ndime. Lino kkala akulya imwi nyama yamusokwe, kuti undilongezye.''²⁰Ayizekki wakati kumwanaakwe,''wafwambaana biyeni kwijana, mwanaangu?'' wakati,'' Nkaambo Jehova Leza wako wandiletela.'' ²¹Ayizekki wakati kuli jakkobbu,'' kweza afwifwi andime, kuti ndikugume, mwanaangu, akwiiya kuti ulimwana wanguna choonzyo Isawu na pe.''²²Jakkobbu wakaya kuli Ayizekki wisi wakwe; alimwi Ayizekki wakamuguma akwaamba,'' ijwindijwi lya Jakkobbu, pesi maboko maboko a Isawu,.'' ²³Ayizekki tewakamuziba pe, nkaambo maboko akwe akali amavwele, mbuuli maboko amukkulana wakwe Isawu, aboobo Ayizekki wakamulongezya.²⁴Wakati,'''Nduwena mwanaangu Isawu?'' wakasandula,'' Ndime.'' ²⁵Ayizekki wakati, eta kulya kuli ndime, mpawo ndilye nyama yako yamusokwe, kuti ndika kulongezye.'' Jakkobbu wakaleta kulya kuli nguwe. Ayizekki wakalya alimwi Jakkobbu wakaleta wayini, mpawo wakanywa.²⁶Mpawo wisi Ayizekkiwakati kulinguwe, kuza afwifwi lino mpawo undimyonte, mwanaangu.'' ²⁷Jakkobbu wakaza afwifwi akumumyonta, mpawo wakamununkizya bweema bwazisamo zyakwe mpawo wakamulongezya. Wakati ,'' Bona, ibwema bwa mwanaangu buli mbuli bwema bwamuunda oyu Jehova ngwakalongezya.²⁸Nichabota Leza akupe chimpanzi chamuume wakujulu, chimpanzichamafuta amunyika, azilyo zyiingi awayini mupya.²⁹Chilabota bantu bakubelekele amasi bakuvundamine. Ukabe mwami akkati kabakkulana bako, Alimwi nichabota bana babanyoko bakakukkkotamine, awoonse ukutuka akatukwe, alongezegwe woonse ukulongezya.''³⁰Mbaakakmana biyo Ayizekki kulongezya Jakkobbu, alimwi Jakkobbu wakanywebuka kuzwa munsi lya wisi Ayizekki, Isawu mukulana wakwe wakaboola kuzwa kukuvwima. ³¹Alimwi wakajika kulya kunono akutola kuli wisi. Wakati kuli wisi,'' Ndeende, buka ulye imwi nyama yamusokwe, kuti ukandilongezye.''³²Ayizekki wisi wakwe wakati kuli nguwe,'' Nduweni?'' wakati, Ndime mwana wako, mutaanzi, Isawu.'' ³³Ayizekki wakakankamaloko akwamba kuti,'' Nngwani wakavwima nyama yamusokwe akwileta kulindime?'' Ndakiilya lyoonse kotanakusika, mpawo ndamulongezya. Nchobeni, uyoolongezegwa.''³⁴Elyo Isawu nakaamvwa majwi awisi, wakalila akulilila kupati, alimwi wakati kuli wisi,'' Ndilongezye, mebo alimwi,ndeende.? ³⁵Ayizekki wakati,'' Mukkulana wako waza ano achalweno akubweza zilongezyo zyako.''³⁶Isawu wakati,'' sa tewawuzikwa Jakkobbu?''Nkaambo wandeena tubili. Wandibwezela bupati bwangu, alimwi, bona, lino wabweza chilongezyo changu.'' Mpawo wakati, ''Tewandibambila zilongezyo zyangu na?'' ³⁷Ayizekki wakasandula akwaamba kuli Isawu, ''Langa, ndamuchita simalelo wako, alimwi ndamupeda banike bakwe boonse mbuuli bazike bawe, akumupa zilyo awayini. Ndikuchitilenzi chimbi, mwanaangu mulombe?''³⁸Isawu wakati kuli wisi,'' tokwe chimbi na chilongezyo changu,ndeende,Ndilongezye, andime,ndeende.? Isawu wakalila chakoompolola³⁹Ayizekki wisi wakwe wakasandula akwamba kuti kulinguwe,'' Langa, busena mbuyokkala buyoba kule kuzwa kubuvubi bwanyika, kuzwa kule amume atala lyanyika. ⁴⁰Uyopona apanga, alimwi uyobelekela mwanikaako. Pesi eelyo wakumubukila, uyozungania mukkuli wakwe kuzwa kunsingo yako.''⁴¹Isawu wakasula Jakkobu nkaambo kachilongezyo eecho wisi nchakamupa. Isawu wakati mumoyo wakwe,'' Mazuba aakulila ndeende abafwifwi; akwinda ndiyo jaya mwanike wangu Jakkobbu.'' ⁴²Majwi a Isawu mwana wakwe mupati akambila Libbekka. Lino wakatuma akwiita Jakkobbu mwana wakwe munini akwamba kuli nguwe,'' Bona, mukulana wako Isawu ulakanza atala anduwe akubamba kukujaya⁴³Lino nkinkaako, mwanaangu, ndiswiilile akuchijila kuli Labbani, kumunyaandumi wangu mu Halani ⁴⁴ukkale anguwe kayindi kanini, kusikila aleke kunyema kwakwe. ⁴⁵Kusikila kunyema kwamukkulana wako kumane kuli nduwe, akuluba ezyo nziwakamuchitila. Mpawo ndiyotuma akukuboozya kuzwa ooko. Nhaambonzi nintamuswekelwe moonse kamulibabili mubuzuba bomwe?⁴⁶Libbekka wakati kuli Ayizekki.'' bwandikataazya buumi nkambo kabana basimbi ba Heti. Na Jakkobbu wabweza umwi wabana ba basimbi ba Heti mbuuli mwanakazi, mbuuli banakazi aba, bamwi bana basimbi bamunyika, mbubotuunzi buyoba mubuumi kuli ndime.?''

¹Izekki wakayita Jakkobbu, akumulongezya akumulayilila , '' toyelede kukwata mwanakazi pe kuzwa kubanakazi baku Kkenani. ²Buka, koya ku Padamu Alamu, kunganda ya Bbetuweli wisi wabanyoko akukwata mwanakazi uuzwa oko, umwi wabana ba Labbeni, munyaandumi wabanyoko.³Nechakonzeka Leza simanguzu akulongezye, akuzyazye akukuvuzya, kuchitila kuti mukabe makamu aabantu . ⁴Nechakonzeka amupe choolwe cha Abbulahamu kulinduwe, alimwi kulunyungu lwakwe muluse lwako, ikuti mukakone nyika eeyo nkomwakali kukkala, eeyo Leza njaaka mupa Abbulahamu.''⁵Aboobo Izeyikki wakatuma Jakkobu.Jakkobu wakaya ku Padamu Alamu, kuli Labbani mwana wa Bbetuweli mu Alamu, munyaandumi wa Libbeka, banyina Jakkobbu a Isawu.⁶Lino Isawu wakabona kuti Isakki wakalongezya Jakkobbu akumutuma ku Padani Alamu, koya kwata nkukooko. Wakabona alimwi kuti Izekki wakamulongezya akumupa malayilile, kuti,'' Toyelede kukwata mwanakazi uuzw ku Kkenani.'' ⁷Isawu wakabona alubo kuti Jakkobbu wakaswilila wisi abanyina, alimwi wakiinka ku Paddani Alamu.⁸Isawu wakabona kuti banakazi baku Kkenani tabamubotezyi pe Ayizekki wisi. ⁹Aboobo wakiinka kuli Isyumayeli,akukkwata, kunze kwabanakazi aabo mbakalabo, Mahalati mwana musimbi wa Isyumayeli, mwana mulombe wa Abbulahamu muchizi wa Nebbayoti, kuti abe mukakwe.¹⁰Jakkobbu wakazwa ku Bbalisebba akweenda kuya ku Halani. ¹¹wasika aali bumwi busena alimwi wakakkala aawo mansiku woonse, nkambo izuba lyakali lyabbila, Wakabweza lyamabbwe aakulobo busena, wakalisegela,akulala aansi kulobo busena kuti awone.¹²Wakabona akulota muntambiliko uuzwa aansi, impela yawo yakasika kujulu abangelo ba Leza bakali kutanta aali nguwo. ¹³Boona, Jehova wakaliimvwi aajulu aawo akwaamba kuti,'' Ndime Jehova, Leza wa Abbulahamu wuso, alimwi Leza wa Ayizekki. Busena aawo mpolede, Ndiyoopa kulinduwe akulunyungu lwako.¹⁴Lunyungu lwako luyooba mbuuli lusuko lwanyika, alimwi muyoosaalila koosika kububbila, kuya kubuzwezuba, kuya kunyika, akumusanza kwiindila muli nduwe akwiindila kulunyungu lwako impuli zyoonse zyanyika ziyo lingezegwa ¹⁵.Boona, ndinoli aayebo alimwi ndiyokubamba kufumbwa nkotakaye. Ndiyokuboozya lubo kuliino nyika; akaako nsikoyokusiya pe. Ndiyokuchitila zyoonse eezyo nzindakakusyomezya.''¹⁶Jakkobbu wakasinsimuka kuzwa kungonzi, mpawo wakatii,'' Nchobeni Jehova mwali mubusena oobuno, alimwi teendazi pe.'' ¹⁷Wakayoowa akwamba kuti,'' Buyoosya biyeni busena oobu ! Nchobeni eyi ninganda ya Leza. oyu mulyango wakujulu.''¹⁸Jakkobbu wakabuka achifumo akubweza bbwe elyo ndyakasegede. Wakalyiimikizya mbuuli musemu akulitila mafuta ajulu aalyo. ¹⁹Wakabuuzika busena oobo kuti Bbeteli, pesi zina lyaboobo busena lyakazibinkene kuti Luzi.²⁰Jakkobbu wakakkonkezya chikonke, wamba,'' Naa Leza wabaandime akuyondibamba munzila eyi njendiyobwenda, akundipa nsima kuti ndilye, akundipa zizwaato kuti ndizwaate, ²¹kuchitila kuti ndikabweede kabotu kunganda yandeende,mpawo Jehova uyoba Leza wangu. ²²Mpawo eeli bbwe ndindachita musemu liyoba liyoba bbwe lisalala. Kuzwa kuli zyoonse nzyondipa nchobeni ndiyogwisya chakkumi akubwedezya kulinduwe.''

¹Mpawo Jakkobbu wakeenda mulwendo lwakwe akusika kunyika yabantu bakujwe. ²Naakalanga, wakabona chikkala mumuunda, alimwi, bona, matanga aatatu ambelele akali lede ambali lyacho. Nkaambo kuzwa kuchikkala echo bakali kunywisya matanga, abbwe lijalide mulomo wachikkala echolyakali pati. ³Elyo matanga nalikubungana nkuko ,beembeli bakakungulusya bbwe kuzwa kumulomo wachikkala akunywisya mbelele, akubika ibbwe alubo atala amulomo wachikkala, kubwedezya abusena bwalyo.⁴Jakkobbu wakati, kulimbabo,'' Nobakwesu muzwa kuli? Bakasandula,'' Tuzwa kuli Halani.'' ⁵Wakati kuli mbabo,'' mulimuzina Labbani mwana wa Naho?'' Bakati'' Tulimuzi.'' ⁶Wakati kulimbabo,'' ulikabotu na?'' Bakati'' ulikabotu, alubo, Langa okiya, Lakkeli mwanaakwe musimbi uleza ambelele.''⁷Jakkobbu wakati,'' mubone, mpaakati kabuzuba. Tachili chiindi chamatanga kuti abunganisigwe antomwe. Mwelede kunywisya mbelele akwenda mpawo muzileke zikachele.'' ⁸Bakati,'' Tatukonzyi kuzinywisya kusikila matanga woonse abunganisigwe antomwe. Baalumi mbibayakulungisya ibbwe kuzwa kumulomo wachikkala,mpawo tuyonywisya mbelele.''⁹Jakkobbu nakachili kwambula ambabo, Lakkeli wakaza ambelele zyawisi, nkaambo wakali kuzyembela. ¹⁰Eelyo Jakkobbu nakabona Lakkeli, mwana musimbi wa Labbani, munyaandumi wabanyina, ambelele zya Labbani, munyaandumi wabanyina, Jakkobbu wakeza kunembo, wakulungusya bbwe kuzwa kumulomo wachikkala akunywisya tanga lya Labbani, munyaandumi wabanyina.¹¹Jakkobbu wakamyonta Lakkeli akulilisya. ¹²Jakkobbu wakambila Lakkeli kuti wakali luzubo lwawisi, akuti wakali mwana wa Libbekka. Mpawo wakachijaana akuyobuzya wisi.¹³Elyo Jakkobbu nakamvwa makani atala amwana wamuchizi wakwe, wakachijaana kuyomuswaana, wamukumbata, wamumyonta, akumuleta kunganda yakwe. Jakkobbu wakambila Labbani zyoonse zintu ezi. ¹⁴Labbani wakati kulinguwe,'' ulifuwa lyangu anyamaa yangu loko.'' mpawo Jakkobbu wakakkala anguwe kwakachibe mwezi omwe.¹⁵Mpawo Labbani wakati kuli Jakkobbu,'' uyondibelekela biyo na nkambo kakuti ulilizubo? Ndaambile, niyi chiyoba mufolo wako? ¹⁶Lino Labbani wakali abana basimbi bali babili. Zina lyamupati wakali Liya, azina lyamuniini wakali Lakkeli. ¹⁷Meso a Liya akali abulilila, pesi Lackeli wakali mubotu muchiimo amukubonwa. ¹⁸Jakkobbu wakayanda Lakkeli, mpo wakati,'' Ndilabelekela Lakkeli kwaminyaka ili musanu ayibili, mwanaako musimbi munini.''¹⁹Labbani wakati,'' chalimbubo kuti ndikupe nguwe, kwinda kuti ndimupe uumbi mwalumi. Kkala andime.'' ²⁰Nkokuti Jakkobbu wakabelekela Lakkeli kwaminyaka ilimusanu ayibili ;alubo chakaboneka kuli nguwe kali amazuba mache biyo, akambo kaluyando ndwakalalo kuli nguwe.²¹Mpawo Jakkobbu wakati kuli Labbani,'' Ndipe mwanakazi wangu, nkaambo mazuba angu azulila kuchitila kuti ndimukkwate!'' ²²mpawo Labbani wakabungaania antomwe boonse baalumi bachilawu akuchita pobwe.²³Mumansiku, Labbani wakabweza mwanaakwe musimbi Liya akumuleta kuli Jakkobbu, oyo wakoonawe. ²⁴Labbani wakapa mubelesi wakwe wachanakazi zilipa mumwanaakwe Liya, kuti abe mubelesi wakwe. ²⁵Kuseni, bona, wakali Liya! Jakkobbu wakati kuli Labbani, '' Niinzi eechi nchiwachita kulindime? Tendakabelelkela Lakkeli na kuli nduwe? nkaambo nzi mpo niwandichengela?''²⁶Labbani wakati,'' Tachili chiyanza chesu kupa mwana musimbi munini kutali kuti mutaanzi kukuzyalwa. ²⁷Maninsya mviki yabwiinga yamwana musimbi oyu , alubo tuyokupa uumbi lubo mukuyondibeekela imbi minyaka ili musanu ayibili.''²⁸Jakkobbu wakachita obo, akumaninsya mviki ya Liya. Mpawo Labbani wakamupa Lakkeli mwanaakwe musimbi mbuuli mmwanakazi wakwe alakwe. ²⁹Labbani alubo wakati bbila kumwanaakwe musimbi Lakkeli, kuti abe mubelesi wakwe. ³⁰Mpawo Jakkobbu wakoonawe awe Lakkeli, alakwe, pesi wakali kuyanda Lakkeli kwiinda Liya. Mpawo Jakkobbu wakabelekela Labbani minyaka ili musanu ayibili imbi.³¹Jehova wakabona kuli Liya wakatali kuyandwa, mpawo wakamujula zyalilo lyake, pesi Lakkeli takali abana. ³²Liya wakaminta akuzyala mwana mulombe, akumwita zina lya Lubbeni. Nkaambo wakati,'' Akambo kakuti Jehova walanga atala amakataazyo angu; nchobeni lino mulumi wangu uyakundiyanda.''³³Mpawo wakaminta alubo akuzyala mwana mulombe. Wakati'' Akambo kakuti Jehova wazimvwa kuti tandiyandwi, nkinkaako wanddipa alubo oyu mwana mulombe,'' akumwita zina lya Simiyoni. ³⁴Mpawo wakaminta lubo akuzyala mwana mulombe. Wakati'' Lino mulumi wangu chiindi echino ulakunamatila kulindime, nkaambo ndamuzyalila bana balombe batatu.'' Nkinkako zina lyakwe wakategwa ngu Levi.³⁵Wakaminta alubo akuzyala mwana mulombe wakati,'' Chiindi echino ndiyo tembawula Jehova.'' Nkinkaako wakamuti zina lyakwe ngu Juda; mpawo wakayimakuba abana.

¹Eelyo Lakkeli nakabona kuti tazyalilide Jakkobbu mwana, Lakkeli wakaba eebbivwe amukulana wakwe. Wakati kuli Jakkobbu, ''Ndipe bana, kana ndifwe.'' ²Lunyemo lwa Jakkobbu lwakapyida Lakkeli. Wakati, ''Ndili aabusena bwa Leza na, ooyo wakukasya kuti ube abana?''³Wakati, ''Langa, kuli mulanda wangu Bbila. Konjila kulinguwe, ambweni walikutumbuka bana kumazwi angu, alimwi ndiyooba aabana anguwe.'' ⁴Aboobo wakamupa mulanda Bbila mbuli mukayintu, alimwi Jakkobbu wakanjila kulinguwe.⁵Bbila wakaminta alimwi wazyalila Jakkobbu mwana mulombe. ⁶Mpawo Lakkeli wakati, ''Leza wanjilila alimwi wamvwa ijwi lyangu akundipa mwana mulombe.'' Akaambo kacheechi wakamuuzika izina lya Dani.⁷Bbila, mulanda wa Lakkeli wakaminta lubo alimwi wakazyalila Jakkobbu mwana mulombe wabili. ⁸Lakkeli wakati, ''Akulwisyania kupati ndakalwisyania amukulana wangu alimwi ndazunda.'' Wakamuuzika zina lyakwe kuti Nafutali.⁹Eelyo Liya nakabona kuti wiimikila kuba abana, wakabweza Zilupa, mulanda wakwe, alimwi wamupa Jakkobbu mbuli mukayintu. ¹⁰Zilupa mulanda wa Liya wakazyalila Jakkobbu mwana mulombe. ¹¹Liya wakati, ''Eechi nchoolwe!'' aboobo wakamuuzika zina lyakuti Gaadi.¹²Mpawo Zilupa, mulanda wa Liya wakazyalila Jakkobbu mwana mulombe wabili. ¹³Liya wakati, ''Ndabotelwa! Nkaambo bana basimbi bayondiita kuti kubotelwa.'' Aboobo wakamuuzika zina lya Asya.¹⁴Lubbeni wakanjila muchiindi chakutebula witi alimwi wakajana michelo mumuunda. Wakiiyeta kulibanyina Liya. Mpawo Lakkeli wakati kuli Liya, ''Ndipe iimwi michelo yamwana wako mulombe.'' ¹⁵Liya wakati kulinguwe, ''Ninkani niini na kulinduwe, kuti wakanditolela mulumi wangu?'' Lino uyanda kutola michelo yamwana wangu mulombe na, ayilayo?'' Lakkeli wakati, ''Mpawo uyoowona aandunwe mansiku aasunu, mukuchinchana amichelo yamwana wako mulombe.¹⁶Jakkobbu wakaza kuzwa kumuunda igolezya. Liya wakazwa aanze kuyoomuswanizya alimwi wakati, ''Weelede kusika kulindime, nkaambo ndakuula amichelo ya mwana wangu.'' Aboobo Jakkobbu wakawona a Liya mansiku ngaayo. ¹⁷Leza wakaswiilizya kuli Liya, alimwi wakaminta akuzyalila Jakkobbu mwana mulombe wasanu. ¹⁸Liya wakati, ''Leza wandipa mbadalo yangu nkaambo ndapa mulanda wangu wachanakazi kumulumi wangu.'' Wakamuuzika zina lyakuti Isakka.¹⁹Liya wakaminta alubo alimwi wakazyalila Jakkobbu mwana mulombe wamusanu awumwi. ²⁰Liya wakati, ''Leza wandipa chipo chibotu. Lino mulumi wangu uyoondilemeka, nkaambo ndamuzyalila bana balombe bali musanu awumwi. Wakamuuzika zina lyakuti Zebbuloni. ²¹Kuzwa aawo wakamuzyalila mwana musimbi alimwi wakamuuzika zina lya Dayina.²²Leza wakayita Lakkeli wamuyeya alimwi wakamuswiilizya. Wakamuchita kuti abe eeda. ²³Wakaminta alimwi wakazyala mwana. Wakati, ''Leza wagwisya buuse bwangu.'' ²⁴Wakamuuzika zina lyakuti Jozefu, wakati, ''Jehova wandiyungizizya umbi mwana mulombe.''²⁵Musule Lakkeli nkali wazyala Jozefu, Jakkobbu wakati kuli Labbani, ''Nditume, kuchitila kuti ndikonzye kwiinka kumunzi wangu ndemwini alimwi kuchisi changu. ²⁶Ndipe banakazi bangu alimwi abana bangu aabo mbindakakubelekela, alimwi ndiinke, mbuli mbozi mulimu ngundakakupa.''²⁷Labbani wakati kulinguwe, ''Na ndajana choolwe kubusyu bwako, imikila, nkaambo ndakayiya mukubelesya nguzu eezyo Jehova nzyakandilongezya kuchitila nduwe.'' ²⁸Mpawo wakati, ''Amba mbadalo yako, alimwi ndiyoobbadala.''²⁹Jakkobbu wakati kulinguwe, ''Ulizi mbundakakubelekela, alimwi mbuli zivubwa zyakombuzyakeenda andime. ³⁰Nkaambo wakali aaziche nkesinaasika, alimwi zyayungizigwa mubwiingi. Jehova wakulongezya kufumbwa nkundakabeleka. Lino ndiilili nensikape kuli ben'anda yangu ndemwini alubo?''³¹Aboobo Labbani wakati, ''Ndikubbadale anzi?'' Jakkobbu wakati, ''Tokoyoondipa chintu pe. Na ulachita chintu eechi akaambo kangu, alubo ndiyoosanina butanga bwako alimwi ndikabubambe. ³²Ndileke ndiinde mulutanga lwako sunu, kendikugwisya kuzwa kulimbubo imbelele zyoonse zili abusansiile alimwi, zili amabatamabata mbelele, alimwi iisiya aakati kambelele, alimwi ili amabatabata na busansile aakati kempongo. Eezi zinoli nimbadalo yangu.³³Kuzikatila kwangu kuyondipeda bukamboni mumazuba aatobela, wazooboola kuzoolingula mbadalo zyangu. Zyoonse eezyo zitakwe busansiike alimwi zili aamabatamabata aakati kempongo, alimwi azisiya aakati kembelele, na kwajanikana iimwi aantomwe anzizyo, zinoli zyabalwa kuti zyakabbigwa.'' ³⁴Labbani wakati, ''Zyazuminika. Akukabe mbuli kumajwi aako.''³⁵Mubuzuba oobo Labbani wakagwisya bapule bempongo bakali amweengo amabatamabata, alimwi zyoonse mpwizi zyakali abusansile a mabatamabata, zyoonse zyakali zyakali amubala uutuba mulinzizyo, alimwi azyoonse zisiya aakati kambelele, alimwi wakazipa mumaboko abana bakwe balombe. ³⁶Labbani alubo wakabika lweendo lwamazuba otatwe aakati kakwe a Jakkobbu. Aboobo wakiinkilila kunembo kayembela butanga bwa Labbani bwakasyede.³⁷Jakkobbu wakabweza ntabi ntete zyamwiingili, azyamu alumondi alimwi azyamuse, alimwi wapapula mibala iituba mulinzizyo, alimwi wachita kutuba kwamukati kwachisamu kuti kuboneke.ooko kwakali mukaponda. ³⁸Mpawo wakabika tuponda ntwakali wapapula kunembo lya mutiba wamanzi awo mpuzinywida. Zyakaminta eelyo nizyakalikuza kuzoonywa.³⁹Lutanga lwakali kutantana kunembo lyaponda; alimwi zyakazyala zili amyeengo, zili abusansile, alimwi zili amabatamabata nini. ⁴⁰Jakkobbu wakagwisya mbelele eezi, pesi wakachita zyoonse kuti zilange banyama bali amyeengo alimwi zyoonse mbelele zisiya zyakali mubutanga bwa Labbani. Mpawo wakaligwisizya butanga bwakwe alike mwini alimwi takazibika aantomwe amatanga a Labbani.⁴¹Kufumbwa lyoonse imbelele zisimide nizyakali kutantana, mpawo Jakkobbu wakali kubika tuponda kumenso aambelele muzinywido, kuchitila kuti ziminte aakati katuponda. ⁴²Pesi kufumbwa eelyo tudandala twabanyama mubutanga nitwali kusika, takali kubika tuponda pe kunembo lyato. Aboobo tudandala twabanyama twakali twa Labbani, alimwi zisimide zyakali zya Jakkobbu.⁴³Mwaalumi wakazwidilila kapati. Wakali amatanga mapati, balanda banakazi alimwi abalanda baalumi, alimwi nkamela a madonki.

¹Lino Jakobbu wakamvwa majwi aabana ba Labbani, akuti bakati, ''Jakobbu wabweza zyoonse eezyo zyakali zyandeende, alimwi ndubono lwandende lwamupa buvubi.'' ²Jakobbu wakabona ndangilo kumenso kwa Labbani. Wakabona kuti mizezo yakwe kuli nguwe yakali yasiyana. ³Mpawo Jehova wakati kuli Jakobbu, ''Bweda kunyika yamawuso akunzubo zyako, alimwi ndinoli aanduwe.''⁴Jakobbu wakatuma akwita Rashelu a Leya kumuunda kumbelele zyakwe ⁵akubambila kuti, ''Ndabona kuti mizezo yawuso kli ndime yasiyana, pesi Leza wandeende wali andime. ⁶Mulizi kuti ninguzu zyangu zyoonse zyapa kuti ndigwasye wuso.⁷Wuuso wandena alimwi wasandula bulumbu bwangu mumweelwe wakkumi, pesi Leza taana muzumizya pe kuti andichise. ⁸Aanoli wamba kuti, ''Banyama balamabbata bayooba mufolo wako; mpawo lyoonse tanga liyoozyala bana bali amabbata. Aanoli wamba kuti, ''Izilamyengo ziyoba ngomufolo wako; mpawo langa lyonse tanga liyozyala bana bali amyeengo. ⁹Muli eyi inzila Leza wabweza lubono lwawuso akulupa ndime.¹⁰Lomwe muchiindi chakuzyalana, ndakabona mumaloto basipule bampongo ibakali achembela atanga lyampongo,Bapule bakali aamyengo-myengo, bakali amabbata, abali abusenseele, abali amawubimawubi. ¹¹Mungelo wa Leza wakati kuli ndime mumaloto, ''Jakobbu.'ndakati, ''Ndili aano.''¹²Wakati nyampula menso aako ubone boonse basipule bampongo ibali kuzyazya itanga. Bali amyengo myengo, zilamabbata mabbata azili amawubi mawubi, nkambo ndazibona zyoonseni Labbani nzyali kukuchitila. ¹³Ndime Leza wa Bbeteli, ooko nkowakachita chizuminano kuli ndime. Lino nyampuka uzwe aanyika eeyi ubwede kunyika nkuwakazyalilwa.''¹⁴Lakkeli a Liya bakasandula kabati kuli nguwe, ''kuli chimpanzi na kana lukono lwesu mung'anda yandeende. ¹⁵Tali kutuchita mbuli bazwakule na ? Nkambo watuuzya alimwi walya walobya imali yesu. ¹⁶Nkambo boonse buvubi Leza mbwabweza kuzwa kuli ndende bwaba bwesu lino abana besu. Nkiinkako linobu, kufumbwa nzyakwaambila Leza, uzichite.''¹⁷Mpawo Jakobbu wakanyampuka alimwi wabikka bana bakwe balombe abanakazi bakwe amankamelo. ¹⁸Wakabinga zyoonse zivubwa zyakwe kunembo lyakwe, antomwe alubono lwakwe loonse, kuswanizya azivubwa nzyakali wajana mu Padani Alamu. Mpawo wakatalika kweenda kuya kuli wisi Ayizeki kuyika ya Kkenani.¹⁹Awo Labbani nakaya kukugela imbelele zyakwe, Lakkeli wakabba boonse baleza bang'anda yawisi. ²⁰Alimwi Jakobbu wakena Labbani imu Alamiyeni, akutamwambila kuti wakali kuyanda kweenda. ²¹Aboobo wakachija azintu zyoonse nzyakali azyo akutozya kuchilundu chenyika ya Giliyadi.²²Mubuzuba bwatatu Labbani wakabuzigwa kuti Jakobbu wakachija. ²³Aboobo wakabweza inzubo zyakwe wamutobela ikwalweendo lwamazuba musanu aabili. Wakamwiinda muchilundu chenyika ya Giliyadi.²⁴Lino Leza wakeza kuli Labbani mu Alameyani muchiloto mansiku akumwambila kuti, ''Ubone kuti towambuli a Jakobbu nikuba mububotu kana mububi.'' ²⁵Labbani wakamwinda Jakobbu. Lino Jakobbu wakali wayaka chibbakasa chakwe munyika yamuchilundu. Alimwi Labbani wakakkala enzubo zyakwe muchilundu chenyika ya Giliyadi.²⁶Labbani wakati kuti Jakobbu, ''Wachitanzi, kuti wakandena alimwi wachijisya bana bangu basimbi mbuli bazike benkondo? ²⁷Nkaambonzi niwakenda chakusisikizya akundiyuba kotandambili pe? Ndakali kunokugwisya chakubotelwa anyimbo, mweembo katulizya miimbo. ²⁸Tewakandizumizya kumyoonta bazukulu bangu balombe abana bangu banakazi lwanzano lubotu. Lino wakacita bufubafuba.²⁹Chilimunguzu zyangu kuti ndikunyonyone, pesi Leza wawuso ijilo mansiku wakandaambila kuti, ''Ubone kuti towambuli a Jakobbu izibotu kana izibi.'' ³⁰Lino wachija nkambo wazimba kubweda kung'anda yawuso. Pesi nkambonzi niwabba baleza bangu?''³¹Jakobbu wakasandula Labbani wakati, ''Nkambo ndakayowa akuyeeya kuti ulandinyanga bana basimbi nchindakenda chakusisikizya. ³²Kufumbwa wabba baleza bako takoyoyinkilila anembo akupona. Kaziliwo inzubo zyesu, saluula kuli nzindaazyo kufumbwa ichako ubweze.'' Nkambo Jakobbu takazi pe kuti Lakkeli wakali wabba baleza.³³Labbani wakanjila mubbakasa lya Jakobbu wakunjila mubbakasa lya Liya, amucibbakasa chabanakazi bobile babelesi, pesi takwe pe nakabajana. Wakazwa mubbakasa lya Liya akunjila mubbakasa lya Lakkeli.³⁴Lino Lakkeli wakali wabweza baleza bempuli, wababika muchibbula chankamela, akukkala etala ambaabo. Labbani wakafunuka kuyandula mubbakasa lyoonse, pesi tabajene. ³⁵Wakati kuli wisi, ''Utanyemi, simalelo wangu, mukuti tendayimikila kunembo lyako, nkukuti ndili muchiindi changu chakusofwaala.'' Aboobo wakayandula pesi takabajana pe baleza bempuli yakwe.³⁶Jakobbu wakanyema alimwi wakakazyania a Labbani. Wakamwambila kuti, ''Nguuli mulandu wangu? Ncheechi chibi changu, eecho nchiwanditobelela abukkali? ³⁷Nkambo wavwima mulizyonse nzendazyo. Niinzi nchiwajana kuli zyoonse zintu zyako? Zitondezye aawa kunembo lyenzubo zyesu, kuchitila kuti babone mubi akati kesu tobabili.³⁸Ndakali anduwe kwaminyaka makumi obile. Imbelele zyako mpwizi ampongo zyako mpwizi takwepe nizyakasowa, aboobo taakwe nindakalya inyama yambelele kuzwa kutanga lyako lyambelele. ³⁹Tendakakwetela chakayawulwa amunyama. Anukuti, kubulika kwacho lyakaba penzi lyangu. Wakali kundibbadalisya woonse munyama wasweka, nikuba kuti wabbigwa sikati kana wabbigwa mansiku. ⁴⁰Aawo mpundakabede; isikati kupya kwakandinyeela, alimwi impeyo mansiku; alimwi taakwe nindakoona.⁴¹Minyaka makumi obile ndali mumpuli yako. Ndakakubelekela minyaka ikkumi ayine nkelanga bana bako basimbi bobile, alimwi iminyaka musanu awumwi nkekulangila imbelele zyako. Wakasandula mufolo wangu myeelwe ikkumi. ⁴²Adokuti Leza wandeende, Leza wa Abbulahamu, ayooyo Ayizeki ngwayowa, bali andime. Nkasimpe kuti lino wali kunditanda chinkwamanza. Leza wabona kudyamizigwa kwangu akuti ndakabeleka chenguzu, alimwi wakakukaka ijilo mansiku.''⁴³Labbani wakasandula akubuzya Jakobbu kuti, ''Ibana basimbi mbana bangu, ibazukulu mbazukulu bangu, alimwi iitanga lyambelele nimbelele zyangu. Zyoonse nzyobwene nimbelele zyangu. Pesi ninzi nzenkonzya kuchita sunu kubana babo mbibakazyala? ⁴⁴Nkokuti lino, atuchite chizuminano, alimwi chibe chabukamboni aakati kako andime.''⁴⁵Nkinkaako Jakobbu wakabweza ibbwe akulijimpa mbuli imbandama. ⁴⁶Jakobbu wakati kunzubo zyakwe, ''Amubunganie mabwe.'' Aboobo bakabwezelela mabwe bachita mulwi. Mpawo bakalya mpawawo amulwi wamabwe. ⁴⁷Labbani wakalyuzika kuti Jega Saha Duta, pesi Jakobbu wakalyiita kuti Giliyadi.⁴⁸Labbani wakati, ''Eeli idwi mbukamboni aakati kangu anduwe sunu.'' Nkiinkako izina lyalyo lyakateegwa Galiidi. ⁴⁹Alubo lyiitwa kuti Mizipa, nkambo Labbani wakati, ''Jehova abone aakati kangu anduwe, aawo nitutachiboneki kuli umwi awumwi. ⁵⁰Kuti tewakubajata kabotu bana bangu basimbi, kana kuti ukabweze bamwi banakazi batali bana bangu, nikuba kuti taakwe uumbi muntu ngutuli awe, boona, Leza ngukamboni aakati kako andime.''⁵¹Labbani wakati kuli Jakobbu, ''Bona idwii eeli, alimwi boona imbandama, eyo njindajimpa aakati kako andime. ⁵²Eeli idwi ngukamboni, alimwi eeyi mbandama ngukamboni, ikuti nsikoyoyinda imulwi oyu kuza kulinduwe, alimwi kuti tokoyoyinda imbandama eeyi kuza kulindime, kukuyochita lunyonyono. ⁵³Akube kuti Leza wa Abbulahamu, a Leza wa Naholi, baleza bawisi, batutonge.'' Jakobbu wakakonka akuyowa wisi Ayizeki.⁵⁴Jakobbu wakachita chipayililo aachilundu alimwi wakayita inzubo zyakwe kuti balye chilyo. Bakalya alimwi bakabuchesya mpawawo achilundu. ⁵⁵Ichifumo nibwakacha Labbani wakabuka, wamyonta bazukulu bakwe balombe abana bakwe basimbi akubalongezya. Mpawo Labbani wakeenda kabweeda kumunzi wakwe.

¹Jakkobbu alakwe wakaya kunzila yakwe, mpawo baangelo ba Leza bakamuswaana. ²Jakkobbu nakababona, wakati, "Ooyu musasa wa Leza," mpawo wakawulika busena oobo kuti Mahanayimu.³Jakkobbu wakatuma batumwa kunembo lyakwe kuya kumwana wakwabo Isawu munyika ya Seyili muchilawo cha Idomu. ⁴Wakabalayilila kuti, "Ncheechi nchomuyoowamba kuli simalelo wangu: 'Mboobu muzike wako Jakkobbu mbwaamba: 'Ndakali kukkala a Labbani, mpawo wakachelezya kubweeda kwangu kusikila lino. ⁵Ndili aa ng'ombe, madonki, amatanga, babelesi bachaalumi, ababelesi bachanakazi. Ndatuma makani aaya kuli simalelo wangu, kuchitila kuti ndijane luzyalo mumeso aako.⁶Batumwa bakajokela kuli Jakkobbu akwaamba kuti, "Twakiinka kumwana wakwanu Isawu. Uliikuza kuti azooswanane anduwe, amyaanda yone yabaalumi mbalaabo." ⁷Mpawo Jakkobbu wakayoowa loko akutakkalinkana. Mpawo wakapambukania bantu mbakali aabo mumisasa ibili, amatanga aambelele, abutanga bwang'ombe, ankamela. ⁸Wakati, Na Isawu wasika kumusasa umwi akuulwisya, mpawo musasa usyaala uyoochija."⁹Jakkobbu wakati, "Leza wataata Abbulahamu, a Leza wataata Ayizekki, Jehova, ooyo wakati kulindime, "Bweeda kunyika yako akumukowa wako alimwi ndiyokusumpula,' ¹⁰tandeeleli kunchito zyako zyoonse zyazizuminano zyakusyomeka azyoonse zyakukkazikila moyo nzwakandichitila ndimuzike wako. Nkaambo amusako wangu biyo ndakazubuka Jodani ooyu, mpawo lino ndajoka amisasa ibili.¹¹Inche ndivune kuzwa kujanza lyamwana wakwesu, kuzwa kujaanza lya Isawu, nkaambo ndilamuyoowa, kuti ulikuza akuzoondilwisya amamama ali abana. ¹²Pesi wakati, 'Ndiyookusumpula chakutaleka. Ndiyoochita lunyungu lwako mbuli museele wakulwizi, utakonzeki kubalwa nkaambo kamweelwe walo.'''¹³Jakkobbu wakakkala aawo kwabusiku oobo. Wakabweza zimwi nzyakalaazyo wazichita zipo zya Isawu, mwana wakwabo: ¹⁴myaanda ibili yampongo mpwizi abapule bali makumi aabili, myaanda ibili yambelele nzyazi abapule bali makumi aabili, ¹⁵makumi aatatu aa nkamela zinyonsya abana bazyo, makumi oone aa ng'ombe nzyazi abapule bali kkumi, makumi aabili aa madonki mazyazi abapule bali kkumi. ¹⁶Eezi wakazipa mujaanza lyabazike bakwe, tanga limwi alimwi kuli lyalo. Wakati kubazike bakwe, "Amwiinde kunembo lyangu mpawo musiye mweenya kubutanga bumwi abumwi."¹⁷Wakalayilila muzike mutaanzi, akwaamba kuti, "Na Isawu mukulana wangu wakuswana akukubuzya, kuti, 'Ino muli bakulini? Muya kuli? Mbibani banyama aaba bali kunembo lyanu?' ¹⁸Mpawo ukaambe kuti, 'Mbibamulanda wako Jakkobbu. Nchipo chatumwa kuli simalelo Isawu. Alimwi boona, uliikuza musule lyesu.'''¹⁹Jakkobbu alubo wakalayilila kabunga kachibili, katatu, akubaalumi boonse bakali kutobela matanga. Wakati, "Muyoowamba chintu chimwi kuli Isawo mwakumuswana. ²⁰Muleede kwaamba lubo, 'Mulanda wako Jakkobbu uliikuza musule lyesu."' Nkaambo wakayeeya kuti, "Ndiyoomutontozya aazipo nzindili kutuma kunembo lyangu. Elyo mukayindi, na ndaakumubona, ampweni uyoonditambula." ²¹Mpawo zipo zyakiinka kunembo lyakwe. Lwakwe mwini wakakkala busiku oobo mumusasa.²²Jakkobbu wakabuka muchiindi chamansiku, akubweza banakazi bakwe babili, bazike bakwe banakazi babili, abana bakwe balombe bali kkumi awumwi. Wakabatola mutala lya Jabbokku. ²³Munzila eeyi wakabatola mutala lyakalonga alubono lwakwe loonse.²⁴Jakkobbu wakasyaala aliikke, mpawo muntu wakapulaana aawe kusikila kubuchedo. ²⁵Muntu nakabona kuti takonzyi kumuzunda, wakawuma nsonyo ya Jakkobbu. Nsonyo ya Jakkobbu yakakwiduka nakali kupulaana aawe. ²⁶Muntu wakati, "Ndileke ndiinke, nkaambo kucha kwasika." Jakkobbu wakati, "Tandikuleki ado undilongezye."²⁷Muntu wakati kuli nguwe, "Nduweni zina lyako?" Jakkobbu wakati, "Jakkobbu." ²⁸Muntu wakati, "Zina lyako talichiyoowambwi limbi kuti Jakkobbu, pesi Izilayili. Nkaambo walwisyana aa Leza abantu alimwi wazunda."²⁹Jakkobbu wakamubuzya kuti, "Inche ndaambile zina lyako." Wakati, "Nkamboonzi nubuzya zina lyangu?" Mpawo ndilyonya wakamulongezya. ³⁰Jakkobbu wakawulika busena zina lyakuti Peniyelu nkaambo wakati, "Ndabona Leza kumeso kumeso, alimwi buumi bwangu bwangunuka."³¹Zuba lyakazya Jakkobbu nakali kwiinda Peniyelu. Wakali kusunkuta nkaambo kansonyo yakwe. ³²Nchincheecho sunu bantu ba Isilayili nchibatalyi milambi yansonyo ili kumaswananinano ansonyo, nkaambo muntu wakachisa milambi muchiindi chakukwidula nsonyo ya Jakkobbu.

¹Jakkobbu wakalanga kunembo mpawo, laanga, Isawu wakali kuyobuza, mpawo wakala baalumi bakali miyanada iine. Jakkobbu wakkanzaniya akati Liya, Lakkelu mpawo abalanda banakazi babili. ²Eelyo wakabika balanda banakazi abana babo kunembo, katobelwa a Liya abana bakwe, mpawo katobelwa a Lakkelu mpawo a Josefu wakumamaninsizyo kuli boonse. ³Welwakwe wakiinka kunembo lyabo. Wakafugama musanu atubili kunembo aabuwa, Mane kosika afwifwi amukkulana wakwe.⁴Isawu wakachijaana kaya kukumutambula, wakambundila, wabika maboko aakwe, mpawo wamumyonta. Mpawo wakalila. ⁵Eelyo Isawu nakalanga kunembo, wakabona mwanakazi abana. Wakati,'' Mbana aba Leza mbakapa chaluzyalo kumulanda wako.''⁶Mpawo balanda banakazi bakaza kunembo abana, mpawo bafugama aansi. ⁷Katobela Liya alubo abana bakwe bakaza kunembo bafugama aansi. Kumamaninsizyo Jozefu a Lakkelubakaza kunembo bafugama aansi. ⁸Isawu wakati,'' Uliikwambanzi atubunga ootu ntundaswaana?'' Jakkobbu wakati,'' kujana choolwe kuzwa kuli simalelo wangu.''⁹Isawu wakati,'' ndaazyo kale, mukulana. Libambile nzolaazyo. ¹⁰''Jakkobbu wakati,'' Inee, ikaka, Naandajana choolwe kunembo lyako, mpawo tambula chipo changu chizwa mumaboko aangu, nkaambo nchoonzyo, ndabubona busyu bwako, mpawo kuli mbuuli kubona Leza, mpawo wanditambula. ¹¹Ikaka tambula chipo chakeetelwa nduwe, nkaambo Leza wakandibamba chaluzyalo, mpawo nkaambo ndaazyo ndaazyo zikkwene,'' Ngu Jakkobbu kulikumusungilizya, mpawo Isawu wakiitambula.¹²Mpawo Isawu wakati,'' Tube munzila yesu. Ndeenda kunembo lyako.'' ¹³Jakkobbu wakati kulinguwe,''simalelo wangu ulizi kuti bana mbanini, mpawo imbelele angombe zilokunyonsya twana tunini. Kuti zyabingwa changuzu bunsi bumwi boonse banyamankala balafwa. ¹⁴Ikaka leka simalelo abe kunembo lyamulanda wakwe. Ndileenda bunini, amunyansu wabanyamankala kunembo lyangu,amunyansu wabana, mane nkasike kuli simalelelo wangu ku Siye.''¹⁵Isawu wakati,'' leka ndikusiile bamwi babaalumi mbindaabo.'' pesi Jakkobbu wakati,'' Nkaambo nzimwa chita eezi? Leka ndijane choolwe kunembo amwami wangu.'' ¹⁶Aboobo Isawu elyo zuba wakatalika kubweeda ku Siye. ¹⁷Jakkobbu wakiinka ku Sakkoti, wakali yakila nganda, mpawo wakachita mwenzule wazivuubwa. Nkinkaako zina lyabusena lyakali kutegwa Sakkoti.¹⁸Awo Jakkobuu nakazwa ku Padani Alamu, wakasika obotu kumuunzi waku Shekkemu, Oyo wakali munyika ya Kkenani. Wakakkala afwifwi amuunzi. ¹⁹Mpawo wakawula chimpanzi chanyika oko nkwakabikide matente kuzwa kumwana wa Hama, Wisi Shekkemu,amwaanda wa siliva. ²⁰Oko wakabika chipayililo mpawo wachiita kuti Eli Elohe Izilayeli.

¹Lino Dayina mwana musimbi wa Liya ooyo ngwakazyala kuli Jakkobbu, wakazwa waya kuyooswanana abanakazi bachinini bamunyika oomo. ²Siekkemu mwana mulombe wa Hamoli mu Hivayiti, mwana wamwami wanyika, wakamubona. Wakamubweza wawona aanguwe, aboobo wakamufwisya bweeme. ³Wakayobolwa kuli Dayina, mwana musimbi wa Jakkobbu. Wakalikumuyanda mwanakazi wachinini ooyo alimwi wakali kumwambuuzya buteete.⁴Siekkemu wakambuula awisi Hamoli, wati, "Mundijanine mwanakazi wachinini ooyu kuti abe mwanakazi wangu." ⁵Lino Jakkobbu wakamvwa kuti wakasofwaazya Dayina mwana wakwe musimbi. Bana bakwe balombe bakali aa zivuubwa zyakwe kumuunda, aboobo Jakkobbu wakajata moyo wakwe kusikila baboola.⁶Hamoli wisi wa Siekkemu wakazwa waya kuli Jakkobbu kuyowambuula anguwe. ⁷Bana balombe bakwe Jakkobbu bakaboola banjila kabazwa kumuunda nibakamvwa kaambo aaka. Baalumi aaba bakasokwa. Bakalibilide kapati nkaambo wakasampawula Isilayili kwiinda mukoona amwana musimbi wa Jakkobbu, nkaambo eechi nchintu chitakayelede kuchitwa pe.⁸Hamoli wakambuula aabo, kaamba kuti, "Mwana wangu mulombe Siekkemu ulamuyanda mwana wanu musimbi. Inche ngamumupe kuti abe mwanakazi wakwe. ⁹Amunjilane andiswe mumakwatanizi, anywebo mubweze bana besubasimbi kuba banu. ¹⁰Muyookkala andiswe, alimwi nyika inoowangunukide kuli ndinywe kuti mukkale akuchita makwebo mulinjiyo, akuba alubono,"¹¹Siekkemu wakati kuli wisi akubakulana bakwe, "Ngandijane luse mumeso aanu, alimwi kufumbwa nchimutandaambile ndiyoopa nchicho. ¹²Ngamundaambile kufumbwa luselo lwanabwiinga azipo zyoonse mbuli mbumuyanda, alimwi ndiyoopa nchimwaamba kuli ndime pesi amundipe mwana wanu musimbi kuti abe mwanakazi wangu." ¹³Bana ba Jakkobbu bakasandula Siekkemu a Hamoli wisi chalweeno, nkaambo Siekkemu wakasofwaazya Dayina muchizi wabo.¹⁴Bakati kuli mbabo, "Tatukwe nitunga tulachita chintu eechi pe, kupa muchizi wesu kuli kufumbwa utapalwidwe; nkaambo aaya masampu kuli ndiswe. ¹⁵Nkuuli boobu biyo bwiime nkutunga tulazuminana andinywe: kuti na mwapalulwa mbuli mbutubede, kuti na mwalumi woonse uli akati kenu wapalulwa. ¹⁶Elyo tuyoomupa bana besu basimbi, alimwi tuyoobweza bana benu basimbi kuti babebkulindiswe, alimwi tuyookkala aamwi akuba bantu bamwi. ¹⁷Pesi na kuti temwatuswiilizya akuba bapalwidwe, aboobo tuyoobweza muchizi wesu mpawo tuyoozwa.¹⁸M ajwi aabo akabotezya Hamoli a mwana wakwe Siekkemu. ¹⁹Mwalumi muniini ooyo tewakachedwa pe kuchita eecho nchibakaamba, nkaambo kakuti wakakondelwa kumwana musimbi wa Jakkobbu, alimwi nkaambo kakuti wakali muntu wakali kulemekwa kapati mung'anda yawisi²⁰Hamoli a Siekkemu mwana wakwe bakaya kmulyango wa Dolopo alimwi bakwambuula abaalumi bamu Dolopo, bati, ²¹"Aaba bablumi bali aluumuno andiswe, nkikaako ngabakkale munyika akuchita makwebo mulinjiyo nkaambo, masimpe, nyika nimpati alimwi ilibazulide. Ngatubweze bana babo basimbi kuba banakazi besu, aswebo tubape bana besu basimbi.²²Nkuuli boobu bwiime abuliike aaba baluumi mbubaypoozumina kukkala andiswe akuba bantu bamwi : kuti na mwalumi umwi awumwi akati kesu wapalulwa, mbuli mbubapaludwe. ²³Lino teenga zivuubwa zyabo ambono zyabo- boonse banyama babo zilaba zyesu? Aboobo ngatuzumionane ambabo, alimwi bayookkala aakati kesu."²⁴Boonse baalumi bamu Dolopo bakaswilila Hamoli a Siekkemu, mwana wakwe. Woonse mwaalumi wakapalulwa. ²⁵Mubuzuba bwatatu aawo nibakachili mumachiswe, bana babili bamwi babana ba Jakkobbu (Simiyoni a Levi, bakulana ba Dayina), umwi awumwi wakabweza panga lyakwe alimwi babukila dolopo lyakakwabilidwe, alimwi bakajaya baalumi boonse. ²⁶Bakajaya Hamoli amwana wakwe milombe Syekkemu a panga. Bakabweza Dayina kuzwa kun'anda ya Syekkemu alimwi bazwa beenda.²⁷Bamwi bana ba Jakkobbu bakaboola kumitunta akuduntuula Dolopo, nkaambo bantu bakasofwaazya muchizi wabo. ²⁸Bakabweza zivuubwa zyabo, matanga aa ngo'mbe zyabo, mbong'olo zyabo, azyoonse zyakali mu Dolopo azyakali mumyuunda yakali zyungulukide dolopo ²⁹buvubi bwabo boonse. Boonse bana babo abanakazi babo, bakababweza. Bakabweza nikuba zyoonse zyakali mumaanda.³⁰Jakkobbub wakati kuli Simiyoni a Levi, "Mwandeetela penzi, kundichita kuti ndinunke kuli bamuna nyika, ba Kkenani aba Pelizi. ndilimuche kumweelwe. Kuti na balibungania antoomwe akundilwanya, aboobo ndiyoonyonyonwa, mebo abang'anda yangu." ³¹Pesi Simiyoni a Levi bakati, "Sena Siekkemu wakali kunoochita muchizi wesu mbuli kuti uli asimamambbe?"

¹Leza wakati kuli Jakkobbu,'' buka, uye ku Bbeteli, ukakkale nkuko. Uyake chipayililo cha Leza nkuko, iwakali binia kuli nduwe niwakachija kuli Isawu mukkulana wako.'' ²Mpawo Jakkobbu wakati kuli basingand yakwe akuli boonse mbakali aabo, ''Amusowe ba leza beenzu bali akati kenu, amulisalazye nobeni, akusama zisamo zimbi. ³Mpawo tunyampuke tuye ku Bbeteli. Ndiyoyaka chipayililo oko cha Leza, oyo wakandivwiila kubuzuba bwamafwabi, alimwi wakali aandime koonse nkundakali kuya.''⁴Aboobo bakapa Jakkobbu baleza beenzu bakali mumaboko aabo, amalangulangu akali mumatwi aabo. Jakkobbu wakazivwikila munsi amu Okku afwifwi a Shekemu. ⁵Elyo nibakeenda, Leza waka batumina buyoofu bwakawida mumadolipo akabengelede, Lino bantu aba tebaka nibandila bana wa Jakkobbu.⁶Lino Jakkobbu wakasika ku Luzi, (nkokuti, Beteli), uli munyika zya Kkenani,we boonse bantu bakali abo. ⁷Wakayaka chipayililo oko akuzika busena kuti Eli-Bbeteli, nkaambo oko Leza wakalibonia lwakwe mwani kulinguwe, nakali kuya buchija mukkulana wakwe. ⁸Dibbola, muleli wa Libbekka, wakafwa. Wakazikwa ku Bbeteli oko munsi lyamusamu mu Okku elyo musamu wakawuzikwa kuti Aloni Bbakkuti.⁹Lino Jakkobbu nakazwa ku Padani Alamu, Leza wakalibonyi lubo kuli nguwe alimwi waka mulongezya. ¹⁰Leza wakati kulinguwe,'' izina lyako nduwe Jakkobbu, pele zina lyako talichitwi kuti Jakkobbu. Izina lyako lizowambwa kuti Izilayeli.''Aboobo Leza wakayita zina lyakwe Izilayeli.¹¹Leza wakati kuli nguwe,'' ndime Leza singuzu zyoonse. Zyalisya akuvula. Musyobo ankamu zya misyobo iyozwa mulinduwe , abaami bayoba akati kamukowa wako. ¹²Inyika eeyo njindakapa Abbulahamu a Ayizekki, ndayipa nduwe. Amukkowa wako uuchiza awalo ndawupa nyika eeyo.'' ¹³Leza wazwa kulinguwe kubuse nkwakali kwaambulawe.¹⁴Jakkobbu wakayimika munsemu abusena awo mpakambulisyania anguwe , mensemu wabbwe. Wakatila chipayizyo chakunywa alinguwo alimwi wakatila mafuta atala. ¹⁵Jakkobbu wakayita zina lyabusena oko Leza nkwakambulisyania aangwe, Bbeteli.¹⁶Bakeenda kuzwa ku Bbeteli. Nikwakachisyede kainzo kuya ku Ifulati, Lashelu wakamyonga. Wakaba abuyumu mukumyonga kwakwe. ¹⁷Nikwakayindila kumyonga, sikutumbusya wakati utayoowi, ikwalino uyoba awumbi mwana mulombe.'' ¹⁸Naakamba kufwa, akuyoya kwakwe kwakufwa wakamulika zina lya Bbenoni. ¹⁹Lashelu wakafwa nkabela wakazikwa muzila zyaku Efulati(nkokuti Bbetelehema). ²⁰Jakkobbu wakayimikizya musemu atala lyakabanda. Nchitondeezyo chakabanda ka Lashelu sunu.²¹Izailayeli wakalonga wakuyaka tente lyakwe kunembo lyangazi ndamfu lyakulingula mbelele. ²²Nkabela Izilayeli nakachili kukkala munyika eeyo, Lubbeni wakoona Bbeliha simamambe wawisi, nkabela Izilayeli wakamvwa acheechi. Lino Jakkobbu wakali abana balombe bakali kkumi ababili.²³Bana bakwe kuli Leya mbaaba. Lubbeni, mwana mutaanzi wa Jakkobbu, a Simiyoni, Levi, Juda, Izakka, a Zebbuloni. ²⁴Bana bakwe kuli Lakkeli mba Jozefu a Bbenjamini. ²⁵Bana bakwe kuli Bbiliha, mulanda wachanakazi wa Lashelu, mbaaba Dani a Nafitali.²⁶Bana ba Zilufa, mulanda mwanakazi wa Leya, mba Gadi a Asha.Aba boonse mbana ba Jakkobbu mbakazyalilwa a Padani Alamu. ²⁷Jakkobbu wakasika kuli Izakka , ndeende wakwe, mu mamule mu kkiliyati Abba (nkokuti Hibbuloni), oko Abbulahamu a Ayizekkinkubakali kukkala.²⁸Ayizekki wakapona minyaka ili mwanda amakkumi aali musanu aatatu. ²⁹Ayizekki wakayoya kwamamaninsizyo mpawo wafwa, eelyo wakayobolwa kuli basikale bakwe, munene uuzwide mazuba. Isawu a Jakkobbu, bana bakwe, bakamuvwika.

¹Aaya ngemazyalane a Eswau (alubo kayitwa kuti Idomu). ²Esawu wakabweza banakazi bakwe kuzwa kuba Kkenani. Aaba mbibanakazi bakwe: Ada mwana musimbi wa Elomi mu Hiti; Olibbama mwana musimbi wa Ana, muzukulumusimbi wa Zebbiyoni mu Hivi; ³alimwi Bbasemati, mwana musimbi wa Isyumayeli, muchizi wa Nebbayoti.⁴Ada wakazyala Elifazi kuli Esawu, alimwi a Bbasemati wakazyala Lewulu. ⁵Oholibbama wakazyala Jewusyi, Jalamu a Kkola. Aaba mbibana ba Esawu mbaakazyalilwa munyika ya Kkenani.⁶Esawu wakabweza banakazi bakwe, bana bakwe balombe, bana bakwe basimbi, aboonse ba sin'anda yakwe, azivuubwa zyakwe - boonse bamwi banyama bakwe, alimwi abuvubi bwakwe boonse mbwakabunganisizye munyika ya Kkenani, akwiinka kunyika ilikule kuzwa ku mukulana wakwe Jakkobbu. ⁷Wakachita eechi nkaambo buvubi bwabo bwakali bwiingi loko kuti bakale aantomwe. Inyika njibakakkede teyakachilikubazulila pe akaambo kambono zyabo. ⁸Aboobo Esawu, alibo uuzibinkene kuti Idomu, wakakkala munyika yachilundu cha Siyelie.⁹Aba ndolunyungu lwa Esawu, sinsiku wama Idomu munyika yachilundu cha Siyeli. ¹⁰Aaya ngaakali mazina aabana balombe ba Esawu: Elifazi mwana mulombe wa Ada, mwanakazi wa Esawu; Lewulu mwana mulombe wa Bbasemati, mwanakzi wa Esawu. ¹¹Bana balombe ba Elifazi bakali Temani, Oma, Zefo, Gatamu a Kkenazi. ¹²Timuna, simamambe wa Elifazi, mwana mulombe wa Esawu, wakazyala Amaleki. Aaba bakali bazukulu balombe ba Ada, mwanakazi wa Esawu.¹³Aaba mbibakali bana balombe ba Lewulu: Nahati, Zela,Syama, a Miza. Aaba mbibakali bazukulu balombe ba Bbasemati, mwanakazi wa Esawu. ¹⁴Aaba mbibakali bana balombe ba Oholibbama, mwanakazi wa Esawu, kali mwana musimbi wa Ana alimwi muzukulu musimbi wa Zibbiyoni. Wakazyalila Esawu Jewusyi, Jalamu a Kkola.¹⁵Eeyi njemikowa aakati kalunyungu lwa Esawu: lunyungu lwa Elifazi, mwana mutaanzi wa Esawu: Temani, Omali, Zefo, Kkenazi, ¹⁶Kkola, Gatamu, a Amaleki. Eeyi njiyakali mikowa yakazwa kuli Elifazi munyika ya Idomu. Bakali bazukulu balombe ba Ada.¹⁷Eeyi njemikowa kuzwa kuli Lewulu mwana mulombe wa Esawu: Nahati, Zela, Syama, Miza. Eeyi njiyakali mikowa yakazwa kuli Lewulu munyika ya Idomu. Bakali bazukulu balombe ba Bbasemati, mwanakazi wa Esawu. ¹⁸Eeyi yakali mikowa ya Oholibbama, mwanakazi wa Esawu: Jewusyi, Jalamu, Kkola. Eeyi njiyakali mikowa yakazwa kuli Oholibbama mwanakazi wa Esawu, mwana musimbi wa Ana. ¹⁹Aaba mbibakali bana balombe ba Esawu (wakazibinkene kali Idomu) alimwi aaba bakali baami babo.²⁰Aaba bakali bana balombe ba Siyeli mu Holiti, bakkali banyika: Lotani, Syobbalu,Zibbuyoni, Ana, ²¹Disyoni, Eza, a Disyani. Eyinjimikkowa ya ba Holiti bakali baseyili munyika ya Idomu. ²²Bana balombe ba Lotani bakali Holi, a Hemeni, Timuna kali muchizi wa Lotani.²³Aba bakali bana balombe ba Syobbalu: Aluvani, Manahali, Ebbala, Seepo a Onamu. ²⁴Aba bakali bana balombe ba Zibbiyoni:Ayiya a Ana. oyu ngu Ana wakajana tusawu tubila mulusaka, kali kwembela madonki a Zebbiyoni wisi.²⁵Aba bakali bana balombe ba Ana: Disyoni a Holibbama, mwana musimbi wa Ana. ²⁶Aba mbakali ban balombe ba Disyoni: Hemadamu, Eshibbani, Itilani, a Kelani. ²⁷Aba mbakali bana balombe ba Eza :Bilihani, Zavani, a Akkani. ²⁸Aba mbakali bana balombe ba Disyani: Uzi a Alani.²⁹Eyi njiyakali mikkowa yamaHolaiti:Loti.Shobalu, Zibbiyoni, a Ana, ³⁰Disyoni, Eza, Disyani: Eyi njiimikkowa yaba Holayiti, mukwiinda mumikkowa yabo ilembedwe munyika ya Seyeli.³¹Aba bakali bami bakendelezya munyika ya Edomu awo kakutanaba mwami,wakali kweendelezya akati kabana ba Izilayeli: ³²Bbela mwana mulombe wa Bbiya, wakeendelezya mu Edomu, lino izina lya dolopo lyake lyakali Dinabba. ³³Bbela nakafwa, mpawo Jakkobbu mwana mulombe wa Zela wa Bbozila, wakeendelezya mubusena bwakwe.³⁴Jakkobbu wakafwa , Hushumu wakali wanyika yaba Temunayili, wakeendelezya mubusena bwakwe. ³⁵Husyumu nakafwa, Hadadi mwana mulombe wa Bbedadi wakazunda ba Midiyanayili munyika ya Mowabbu, wakeenelezya mubusena bwakwe.Izina lye dolopo lyakwe lyakali Aviti. ³⁶Hadadi naakafwa, mpawo Samula wamasileka wakeendelezya busena bwakwe.³⁷Eelyo Samula nakafwa, mpawo Syawulu wa Lihobboti uuli ambali lyamulonga wakeendelezya busena bwakwe. ³⁸Eelyo Syawulu naakafwa, mpawo Bbalu-Hanani mwana mulombe wa Kkido wakeendelezya busena bwakwe. ³⁹Eelyo Bbalu -Hanani wakeendelezya mubusena bwakwe. Izina lyadolopo lyakwe ngu Paayu. Izina lyana lyamwanakazi wakwe wakali Mehetabbelu, mwna musimbi wa Matiledi, muzikulu musimbi wa Mi Zahabbu.⁴⁰Aaya ngakali mazina abasilutwe bamikowa kuzwa kuzyalane lya Isawu,mukwindila mumikowa yabo amumasena aabo amuma zina aabo: Timuna, Aluva,Jeteti, ⁴¹Oholibana, Ela,Pinoni, ⁴²Kenazi, Temani, Mibbiza, ⁴³Magidiyeli, akamu. Eeyi njimikkowa yabasilutwe ya Idomu, mukwiinda mukukkala kwabo munyika njjibakabwezya. Oyu ngu Isawu, wisi waba Idomu.

¹Jakkobbu wakalikukkala munyika oomo wisi mwakali kukkala, munyika ya Kkenani. ²Eezi zyakali zichitiko aatala aJakkobbu. Josefa, ooyo wakali mulombe ulaminyaka ilikkumi amusanu ayibili, wakalikwembela butanga abakkulana bakwe. Wakali abana balombe ba Biliha abana balombe ba Zilupa, banakazi bawisi. Josefa wakeeta makani mabi atala ambabo kuliwisi.³Lino Izilayeli wakayandisya Josefa kwinda bana bakwe balombe boonse nkambo wakalimwana wabuchembele bwakwe. Wakamuchitila jansi bbotu. ⁴Bakulana bakabona kuti wisi wakamuyandisya kwinda bakulana bakwe boonse. Bakamusula alimwi tebakachili kwambula kabotu pe anguwe.⁵Josefa wakalota alimwi wakambila bakulana bakwe aatala anchicho. Bakayindilila kumusula. ⁶Wakati kulimbabo, "Aakaka amuswilizye chiloto nchindakalota.⁷Amubone, twalikwaanga misunta yamayila mumuunda, musunta wangu wakabuka wayima nji, alimwi amubone, misunta yanu yakazyunguluka akukotamina musunta wangu." ⁸Bakulana bakwe bakati kulinguwe, "Nchobeni uyootwendelezya na? Ndisimpe na kuti uyotwendelezya? Bakayindilila kumusula loko nkaambo kaziloto amajwi aakwe.⁹Wakalota alimwi ichimbi chiloto waambila bakulana bakwe. Wakati, "Mubone, ndalota chimbi chiloto: Izuba amwezi anyenyezi zili kkumi ayimwi zyandikotamina." ¹⁰Wakachambila wisi mbuli mbakabuzya bakulana bakwe mpawo wisi wakamukalalila. "Nchichili chiloto eecho nchiwalota? Nkasimpe na kuti banyoko, ime abakulana bako nchobeni tuzosika tuzokuvundame aansi kuli nduwe?" ¹¹Bakulana bakwe bakaba abbivwe anguwe, pesi wisi wakamba kaambo mumizeezo yakwe.¹²Bakulana bakwe bakayinka kuya kukwembela mbelele zyawisi kuSyekkemu. ¹³Izilayeli wakati kuli Josefa, "Ani bakulana bako tabalokwembela mbelele zyawuso na kuSyekkemu? Boola alimwi nkutume kuli mbabo." Josefa wakati, "Ndilibambilide." ¹⁴Wakati kulinguwe, "Yinka lino ukakubone kuti kulikabotu na abakulana bako alubo kuti bulikabotu na butanga, mpawo undizide aajwi."Aboobo Jakkobbu wakamutuma kuzwa kumusena waHebbuloni, alimwi Josefa wakaya kuSyekkemu.¹⁵Umwi mwalumi wakajana Josefa. Boona, Josefa wakali kuyabwenda mumuunda. Ooyu mwalumi wakamubuzya, "Ulangulaanzi?'' ¹⁶Josefa wakati, ''Ndookuyandula bakulana bangu. Ndambile inche ooko nkubalo kweembelela imbelele." ¹⁷Mwalumi wakati, bazwa aabusena oobu, ndabamvwa nkabalokuti , ''Atuye kuDotaani."' Josefa wakatobela bakulana bakwe alimwi akuyobajana kuDotaani.¹⁸Bakamubona kachili kule ambabo , alimwi katanasika afwifwi ambabo bakayandula nzila yakuti balamuchita byeni. ¹⁹Bakulana bakwe bakati kuli umwi awumwi, "Mulange ooyo sizilito uzabuza. ²⁰Mubole lino, aboobo, atumujaye akumuwaala muli limwi lyamalindi. Tulowamba kuti, 'munyama wamusokwe wamulya. Tuzozibona kuti ziloto zyakwe."²¹Lubbeni wakamvwa alimwi wakamuvuna kumaanza aabo. Wakati, "Atutatoli buumi bwakwe." ²²Lubbeni wakati kulimbabo, "Mutatili ganzi. Mumuwalile mudindi lilimunkanda, pesi muleke kubikka janza alinguwe" - kuchitila kuti amuvune kuzwa kujaanza lyabo kuti amwete lubo kuli wisi.²³Nikwakasika awo Josefa nakasika kubakulana bakwe, bakamusamununa chikobela chakwe chibotu. ²⁴Bakamubweza akumuwalila mudindi . Idindi telyakaala chintu pe mukati.²⁵Bakakkala aansi kuti balye insima. Bakatambya meso abo alimwi balanga, alimwi, amubone, mulongo waba Isyumayeli wakalikuzwa ku Giliyadi, ankamela zyabo kabanyampwide zilisyo amusamu atununkilizyo. Bakalikuya bweenda kabanyapwide kabaya kuIgipiti. ²⁶Juda wakati kubakulana bakwe, ''Chitupa mpinduunzi kuti twajaya mwanike wesu akuvwikkila ganzi lyakwe?²⁷Mubole, alimwi tumuuzizye ma Isyumayeli alimwi tatubiki maanza esu pe alinguwe. Nkambo mwanike wesu, ninyama yesu. Bakulana bakwe bakamuswilizya. ²⁸Basambazi baba Midiyona bakayinda mpawo, bakulana bakwe bakagwisya Josefa kuzwa mudindi. Bakawuzya Josefa ku ma Isyumayeli a makumi aabili ansiliva. Ba Isyumayeli bakayinka awe ku Ijipiti.²⁹Lubbeni wakabweda kudindi, amubone, Josefa taakachilimo pe mudindi. Wakadelula zisamo zyakwe. ³⁰Wakabweeda kubakulana bakwe akwamba kuti, "'Mulombe tachiko pe! Alimwi ime njinke kuli?''³¹Bakafunda mpongo mpawo bakabweza chigogo cha Josefa akuchinika muganzi. ³²Mpawo bakacheta kuli wisi akwamba kuti, "Twajana eechi. inche langa amwi nchicho chigogo chamwanaako naakuti pe." ³³Jakkobbu wakachilangisisya akwamba kuti , Nchigogo chamwana wangu. Munyama wamusokwe wamulya. Josefa nchobeni wazavulwa.³⁴Jakkobo wakadelula zigogo zyakwe akubika saka muchikungu. Wakalila mwanakwe kwamazuba miingi. ³⁵Boonse bana bakwe balombe abasimbi bakabuka kuti bamumbulizye, pesi wakakaka kumbulizigwa. Wakati, ''Inchobeni ndoyinka aansi mukabanda nkindobulila mwanaangu." Wisi wakamulilila. ³⁶Ba Midiyeni bakamuzya kuIjipiti kuli Potifa , umwi silutwe waFalo, mupati wabasikamulinda.

¹Zyakachitika muleecho chiindi kuti Juda wakasiya bana bakwabo akuyokkala awumwi mu Adulamayiti, izina lyakwe kateegwa ngu Hila. ²Ooko wakaswana mwana wechanakazi wamwalumi waku Kkenani zina lyakwe kateegwa Shuwa. Wakamukwata akuyowonawe.³Wakaminta akuzyala mwana mulombe. Wakamuuzika izina lyakuti Elu. ⁴Wakaminta lubo akutumbuka mwana mulombe. Oyo ngwakawuzika izina lyakuti Onani. ⁵Wakaminta lubo alimwi wakazyala mwana mulombe ngwakawuzika izina lyakuti Shila. Kwakali ku Chezibbu oko nkwakamuzyalila.⁶Juda wakajanina Elu mwana wakwe mulombe wabubele mwanakazi. Izina lyakwe walikuteegwa Tama. ⁷Elu, mwana mutanzi wa Juda, wakali mubi mumenso aa Jehova. Jehova wakamujaya.⁸Juda wakati kuli Onani, ''Koya unjile kumwanakazi wamukulana wako. Uchite mulimo welede malinyina kulinguwe, kuti uzyalile mukulana wako mwana.'' ⁹Onani wakaziba kuti mwana takozoba wakwe pe. Kufumbwa mpakali kunjiila kumwanakazi wamukulana, wakali kusubila aansi bwalumi bwakwe kuti atazyalili mukulana mwana. ¹⁰Nzyakachita zyakali zibi mumenso aa Yahweh. Yahweh wakamujaya alakwe.¹¹Aboobo Juda wakati kuli Tama, mukamwana wakwe, ''Kakkale mung'anda yawuso mbuli mukamufu kusikila mane Shila, mwana wangu mulombe akkomene.'' Nkambo wakayowa, ''Kuti amwi alakwe afwe, mbuli bakkulana bakwe.'' Tama wakeenda wakukkala kung'anda yawisi.¹²Musule echindi chilamfu, mwana wa Shuwa, mwanakazi wa Juda,wakafwa. Juda wakuumbulizigwa alimwi wakaya kuli bageli bembelele zyakwe ku Timuna, we amwenzinyina Hila mu Adulamayiti. ¹³Tama wakambilwa kuti, ''Langa, wusozyala uyobuya ku Timuna kuyogela mbelele zyakwe.'' ¹⁴Wakazwatununa zisamo zyakwe zyabumukamufu akulivumba anselelemba yakwe akulivulingilizya. Wakakkala kumanjililo a Enaimu, afwifwi amugwagwa uuya ku Timuna. Nkambo wakabona kuti Shila wakomena pele takomupegwa kuli nguwe kuti abe mwanakazi wakwe.¹⁵Eelyo Juda nakamubona wakayeya kuti mahule nkambo wakalivumbide busyu bwakwe. ¹⁶Wakaya kuli nguwe kumbali amugwagwa, akwamba kuti ''Koboola kaka, ndizumizye ndiwone ayebo''- nkambo takwe nakaziba kuti ngumukamwana wakwe elyo we wakati, ''Ulandipaanzi kuti uwoone andime?''¹⁷Wakati, ''Ndiyokutambikizya kapongo kanini kuzwa mubutanga.'' wewakati, ''Ulandipa mbejiinzi yachijatizyo kotana kukatumizya kapongo?'' Wakati, ''Ino inga ndilakupa mbejiinzi?'' ¹⁸Wakavwiila, ''Chisimyo chako akakole alimwi amufunko uuli mukuboko kwako.'' Wakamupa nzizyo elyo wakanjila woonawe, mpawo wakaminta nkambo kakwe.¹⁹Wakabuka wiinka. Wakazwatununa selelemba yakwe wazwata zizwato zyabumukamufu bwakwe. ²⁰Juda wakatumizya kapongo kanini amwenzinyina mu Adulamayiti kuchitila kuti aboozezegwe imbeji yakwe kuzwa kujanza lyamwanakazi, pele tamujene pe.²¹Elyo mu Adulamayiti wakabuzya baalumi bamubusena oobo, ''Ino ulikuli muhule wakali ku Enaimu kumbali amugwagwa?'' Bakati, ''Takwe pe nikwakali muhuule pe okuno.'' ²²Wakabweda kuli Juda akuyowamba kuti, ''Nsiyomujene. Alimwi balumi bamubusena oobo baamba kuti, ''Takwepe nikwakali muhuule pe okuno.'' ²³Juda wakati, ''Ngaalondole biyo izintu eezyo kuti tutawusigwi. Nchobeni, ndatumizya kapongo aaka kanini, pele toyomujene pe.''²⁴Zyakachitika kuti kusule amyeezi yotatwe Juda wakambilwa kuti, Tama mukamwana wako wakahuula alimwi masimpe ulaada lyabuhule.'' Juda wakati, ''Amumweete okuno azoteentwe.'' ²⁵Eelyo naketwa aanze, we wakatumizya ijwi kuli wisizyala, ''Ayooyo mwalumi uulezintu ezi ndimintide.'' Wakati mulangisisye kuti ezi zintu nzizyani, chisimyo atukole alimwi amufunko.'' ²⁶Juda wakaziziba mpawo wakati, ''Walo uliluleme kwinda ndime, nkambo tendakamupa kuli Shila mwana wangu kuti abe mwanakazi wakwe..'' Taakwe nakonawe lubo pe.²⁷Chakachitika kuti echindi chakutumbuka amubone mwida lyakwe mwakali mambile. ²⁸Nakali kusoonoka zyakachitika kuti umwi mwana wakagwisya kuboko, awosikutumbusya wakatola busumyo busalala waanga kukuboko alimwi wakati, ''Ooyu nguwazwa kusanguna.''²⁹Kwakaba kuti mpakabwedezya kuboko kwakwe mukati, alimwi amubone munyina wakazwa kusanguna. Sikutumbusya wakati, ''Ino mbuwazopulumuka.'' Aboobo wakawuzikwa izina lyakuti Pelezi. ³⁰Lino alakwe wakalabusumyo busalala kukuboko kwakwe, alimwi wakawuzikwa zina lyakuti Zela.

¹Jozefu waketwa ku Ijipiti. Potifa imubelesi wa Falo iwakali mupati wabasikulinda alimwi kali muna Ijipiti, wakamweta kuzwa kuba Isyumayili, ibakali bamweta kunsi ooko. ²Jehova wakali a Jozefu alimwi wakaba mwalumi uzwiidilila. Wakali kukkala mung'anda yasimalelo wakwe muna Ijipita.³Simalelo wakwe wakabona kuti Jehova uli anguwe akuti Jehova wakachita kuti zyoonse nzyakali kuchita zizwidilile. ⁴Jozefu wakajana insoni kukubona kwakwe. Wakamubelekela Potifa. Potifa wakamuchita mwendelezi wang'anda yakwe Jozefu azyonse nzyakali aazyo, wakazibika mumabambe aakwe.⁵Zyakachitika kuzwa kuchindi nakamuchita mwendelezi wang'anda yakwe awezintu zyoonse nzyakali ezyo, kuti Jehova wakalongezya ng'anda ya muna Ijipiti akaambo ka Jozefu. Ikulongezyakwa Jehova kwakali azintu zyoonse nzyakali aazyo Potifa mung'anda yakwe amumuunda. ⁶Potifa wakabika zintu zyoonse nzyakali azyo mubulondozi bwa Jozefu. Takachilikwe kuyeeyanzi pe ado chakulya nchakali kulya. Lino Jozefu wakali mubotu akwebeka.⁷Zyakachitika musule acheechi nkuti bakazi basimalelo wakwe bakawaala menso aabo kuli Jozefu akwamba kuti, ''Laala andime.'' ⁸Pesi wakakkaka akwambila bana simalelo wakwe kuti, ''Boona, simalelo wangu talangisisyi pe kuli nzindichita mung'anda, alimwi wakabikka zyoonse nzyalazyo kubulondozi bwangu. ⁹Takwe mupati kwinda mbebede pe mung'anda oomu. Takweepe nchasiside kuli ndime pesi kuli nduwe, nkambo uli mwanakazi wakwe. Mboobuli lino mbundinga ndilachita bubi bupati oobu alimwi ndibisye kuli Leza?''¹⁰Wakali kwambila Jozefu buzuba abuzuba, pesi wakamukkakila kulala anguwe nakuti kuba anguwe. ¹¹Zyakachitika biyo limwi zuba kuti wakanjiila mung'anda kukuchita mulimu wakwe. Takwe muntu wang'anda wakalimo mung'anda omo. ¹²Wakamujata azisamo akwamba kuti, ''Laala andime.'' Wakasiya zisamo zyakwe mujanza lyakwe, wachija, alimwi wayinka aanze.¹³Zyakachitika awo, nakabona kuti wamusila zisamo zyakwe mumaboko aakwe alimwi wachijila aanze, ¹⁴ikuti wakayita bantu bang'anda yakwe akubaambila, ''Amubone Potifa wakeeta oyu mu Hibbulu kuti azotuseke swebo. Wanjila akuza kuli ndime kuti azolale andime, alimwi ndakwiila. ¹⁵Zyachitika nkuti aawo nandimvwa kukwiila, wachija kasiya zisamo zyakwe kuli ndime, wachija, akuya aanze.''¹⁶Wakabikka zizwaato zyakwe afwiifwi anguwe mane simalelo wakwe waboola kumunzi. ¹⁷Wakamwambila oobu bupanduluzi, ''Imubelesi mu Hibbulu nguwakatwetela, walinjide kuzondiseka. ¹⁸Izyachitika nkuti nindakwiila wandisiila zizwato zyakwe wachija wayaanze.''¹⁹Zyakachitika obo kuti, awo simalelo wakwe nakamvwa bupanduluzi mbwakamwambila mwanakazi akwe, ''Eezi nzyandichitila mubelesi wako,'' wakanyema loko. ²⁰Simalelo wa Jozefu wakamubweza wamubika muntolongo, ibusena mwakali kujalilwa baange ba Mwami. Wakalimo muntolongo.²¹Pesi Jehova wakali a Jozefu kamutondezya kusyomeka muchizuminano. Wakamupa insoni kumenso aamupati wantolongo. ²²Imupati wentolongo wakapa baange boonse ibakali muntolongo mujaanza lya Jozefu. Kufumbwa nzibachita ooko, zyakali kwendelezegwa a Jozefu. ²³Mupati wentolongo takwe nakapengaana pe achintu kufumbwa chakali mujaanza lyakwe, nkambo Jehova wakali anguwe. Kufumbwa nchakachita, Jehova wakachizwidilizya.

¹Nikwakainda chiindi, Sikwaba zyakunywa wamwami waku Ijipita a sikujika chinkwa wamwami bakabisizya simalelo wabo, mwami waku Ijipita. ²Falo wakabanyemena basimulimo aba babili, silutwe wabasikwaba zyakunywa asilutwe wabasikujika chinkwa. ³Wakabajalila mung'anda silutwe wabasikulinda muntolongo omo Jozefu mwakajalilidwe.⁴Silutwe wabasikulinda wakababikka mumaanza a Jozefu, alimwi Jozefu wakabakutawukila. Bakakkala muntolongo kwakayindi. ⁵Bobile aba bakalota ziloto - sikwaba zyakunywa asikujika chinkwa wa mwami waku Ijipita bakalijalilidwe muntolongo - awumwi wakalota chakwe mansiku omwe, alimwi chimwi chiloto kachijisi bupanduluzi bwacho.⁶Jozefu wakaza kulimbabo kuseni alimwi wakababona. Ababone bakaliwuside. ⁷Wakababuzya basimilimo ba Falo mbakajalilidwe aabo mung'anda yasimalelo wakwe, wati, ''Nkambonzi mulangika kamusulwidwe sunu?'' Bakamwambila, ⁸Antomwe, ''twalota chiloto alimwi takwe unga wachipandulula.'' Jozefu wakabaambila, ''Íno bupanduluzi tebwa Leza ? Kamundaambila, ndakomba.''⁹Mupati wabasikwaba zyakunywa wakambila Jozefu chiloto chakwe. Wakamwambila wati, ''Muchiloto changu ndabona, chisiko chamusansa chali anembo lyangu. ¹⁰''Achisiko kwalimitabi iitatu, mbiyasyuuka, yafulula alimwi chikkata chamasansa chabizwa ¹¹''Nkomesi ya Falo yalimujanza lyangu. Ndabweza masansa alimwi ndaadinina munkomesi ya Falo, mpawo ndipedekezya Falo mujanza lyakwe.''¹²Jozefu wakamwambila wati, ''Bupanduluzi bwacho mboobu. Mitabi iitatu mazuba aatatu. ¹³Mumazuba aatatu Falo uyokusumpula akukubwedezya kumulimu wako. Uyobikka nkomesi mujanza lya Falo, mbuli niwakali sikwaba zyakunywa wakwe.¹⁴Pele ukandiyeeye zyakukwendela kabotu ndakomba, ukandichitile buuya. Ukandambwide kuli Falo andigwisye muntolongo omu. ¹⁵Nkambo zyanchonzyo ndakajomonwa kunyika yama Hebbulayo. Akokuno takwe chibi nchindakachita chindiwazya mudindi eli.''¹⁶Mupati wabasikujika chinkwa nakabona bupanduluzi bwabota, wakati kuli Jozefu, ''Ambe ndakalota, Alimwi, mulange zisuwo zitatu zyachinkwa zyakali amutwe wangu. ¹⁷Chisuwo chakali ajulu chakali amisyobo yoonse yakulya kujikilwa Falo, pele tuyuni twakalya kulya muchisuwo kachilamutwe wangu.''¹⁸Jozefu wakamwambila wati, ''Bupanduluzi mboobu, zisuwo zitatu mazuba aatatu. ¹⁹Mumazuba atatu Falo uyokudyunkula mutwe wako akukulengelezya amusamu tuyuni tuzolya mutunta wako.''²⁰Kwakaba kuti mubuzuba bwatatu bwakali mbobuzuba bwakuzyalwa kwa Falo. Wakachita pobwe lyababelesi bakwe boonse - wasumpula mutwe wamupati wabasikwaaba zyakunywa alimwi amutwe wamupati wabasikujika chinkwa akati kababelesi alimwi. ²¹Wakabwedezya mupati wabasikwaaba zyakunywa kumulimo wakwe alimwi wakabikka nkomesi mujanza lya Falo alubo. ²²Pele mupati wabasikujika chinkwa wakamwangilila, mbuli Jozefu mbwakamupandulwida. ²³Pele mupati wabasikwaaba zyakunywa takwe nakamuyeeya pe Jozefu, pele wakaluba atala anguwe.

¹Kwakasika aakauti kumamanino aminyaka iibili iizwide eelyo Falo wakalota. Bona, wakaliimvwi kumbali a Nayile. ²Bona, in'ombe zili musanu azibili zyakasika kazizwa muli Nayile, zyeebeka alimwi kazineneede, alimwi zyakali kuchela mumatete. ³Bona, izimbi n'ombe zili musanu azibili zyakasika kazitobela eezi kuzwa muli Nayile, kaziteebeki alimwi kazikotede. Zyakayimikila kumbali lyazimwi n'ombe kunkomwe ya mulonga.⁴Mpawo in'ombe ziteebeki kazikotede zyakalya in'ombe zili musanu azibili zyeebeka kazineneede. Mpawo Falo wakabuka. ⁵Mpawo wakalala alimwi wakalota lwabili. Bona, mitwe yanseke ili musanu ayibili yakasika aasiko lyomwe, kiineneede alimwi kili mibotu. ⁶Bona, mitwe iili musanu ayibili, iikotede akutentwa aluwo lwa kujwe, yakasyuuka musule lyayo.⁷Mitwe iikotede yakamena iili musanu ayibili iineneede alimwi kayizwide. Falo wakabuka, alimwi, bona, te ndiloto. ⁸Kwakasika aakuti ikuseni muuya wakwe wakakatazikana. Wakatuma akwiita basondi boonse abasyabusongo bamu Ijipiti. Falo wakabaambila maloto aakwe, pesi takukwe naba omwe wakakonzya kwaapandulula kuli Falo.⁹Mpawo silutwe wabasikubweza nkomeki wakati kuli Falo, ''Sunu ndokuyeya aatala amilandu yangu. ¹⁰Falo wakanyemena balanda bakwe, alimwi wakandibika muchitokesi mun'anda yamupati wabalindizi, silutwe wabapeka chinkwa andime. ¹¹Twakalota iloto mansiku omwe, we andime. Twakalota umwi awumwi muntu kakweendelana mbuli mubupanduluzi bwaloto lyakwe.¹²Kwakaliwo wakali aandiswe ooko mwaalumi waba Hibbulu, mulanda wamupati wabalindizi. Twakamwaambila alimwi wakatupandulwida maloto eesu. Wakapandulwida umwi awumwi wesu mbuli kulota kwakwe. ¹³Kwakasika akuba mbuli mbaakatupandulwidide, kwakaba mbubo. Falo wakandibweedezya amulimu wangu pesi umwi wangu wakamwaanzika mulukole.''¹⁴Mpawo Falo wakatuma akwiita Jozefu. Bakamugwisya akufwambaana mumulindi uusiya zwi. Wakalinyoola, wazwata zimbi zizwato, alimwi wakasika wanjila kuli Falo. ¹⁵Falo wakati kuli Jozefu, ''Ndakalota, pesi takwe sikupandulula iloto. Pesi ndamvwa aatala anduwe, kuti eelyo niwamvwa iloto ulakonzya kulipandulula.'' ¹⁶Jozefu wakasandula Falo, wakati, ''Tachili mulindime pe. Leza ulasandula Falo achoolwe.''¹⁷Falo wakaambula kuli Jozefu, ''Mumaloto angu, bona, kandiimvwi kunkomwe ya Nayile. ¹⁸Bona, in'ombe zili musanu azibili zyakasika kuzwa muli Nayile, zineneede kazyeebeka, alimwi zyakali kuchela mumatete.¹⁹Bona, izimbi n'ombe zili musanu azibili zyakasika musule lyazo, zitakwe nguzu, kaziteebeki, alimwi kazikotede. Takwe mpundakali ndabona munyika yoonse ya Ijipiti kuteebeka kuli mbuli kwazyo. ²⁰In'ombe zikoteede kaziteebeki zyakalya in'ombe ntanzi zili musanu azibili zineneede. ²¹Eelyo nizyakazilya tekwakali kuzibikana kuti zyazilya, nkaambo zyakachili kutayebeka mbuli mbuzyakabede lutanzi. Mpawo ndakabuka.²²Ndakalanga muloto lyangu, alimwi, bona, mitwe misanu ayibili yakasika aatala aasiko lyomwe, iizwide kili mibotu. ²³Bona, imbi mitwe ili musanu ayibili - kinyanide, kiikotede, alimwi kiitentedwe aluwo lwa kujwe - yasyuuka musule lyayo. ²⁴Imitwe iikotede yakamena imitwe ili musanu ayibili mibotu. Ndakaambila basondi maloto aaya, pesi takwe naba omwe walikukonzya kundipandulwida pe.''²⁵Jozefu wakati kuli Falo, ''Imaloto a Falo ngamwi. Ezyo Leza nzyayanda kuchita wazyaamba kuli Falo. ²⁶In'ombe mbotu zili musanu azibili minyaka iili musanu ayibili, alimwi imitwe mibotu iili musanu ayibili minyaka iili musanu ayibili. Maloto ngamwi.²⁷In'ombe zikotede kaziteebeki zili musanu azibili zyakasika kazitobela eezi minyaka ili musanu ayibili, alimwi lubo mitwe iikotede yakatentwa aluwo lwa kujwe ili musanu ayibili inoli minyaka iili musanu ayibili yenzala. ²⁸Nchicho chintu eecho nchindakaamba kuli Falo. Eecho Leza nchayanda kuchita wachiyubununa kuli Falo. ²⁹Langa, minyaka iili musanu ayibili yakooloka kupati iyoosika munyika yoonse ye Ijipiti.³⁰Minyaka iili musanu ayibili yenzala iyootobela musule, alimwi ikooloka koonse kuyoolubikana munyika ya Ijipiti, alimwi inzala iyoonyonyoona inyika. ³¹Igoloka linoli kalitachiyeyegwi pe munyika akaambo kanzala izotobela nkaambo inoli nkali loko. ³²Ikuti iloto lyiindululwe kuli Falo nkukuti kaambo kakatangunwa aLeza, alimwi Leza lino-lino ulakachita.³³Lino Falo ngayanduule mwaalumi uuchenjede alimwi uli abusongo, alimwi amubike abe mweendelezi wanyika yoonse ya Ijipiti. ³⁴Amuleke Falo asale basilutwe munyika, alimwi abazumizye bakabweze chasanu muzilyo zya Ijipiti muminyaka iili musanu ayibili yakooloka.³⁵Amuleke babunganye kulya koonse kwaminyaka eeyi mibotu iyobuza alimwi babambe kulya aansi abweendelezi bwa Falo, ikuti kulya kuzoobelesegwe mumadolopo. Bayelede kukubamba. ³⁶Ikulya kunoli kwanyika yoonse kwaminyaka iili musanu ayibili yanzala eeyo inoli munyika ya Ijipiti. Muleeyi nzila inyika tikoyoojayigwa anzala pe.''³⁷Oku kuchenjezya kwakali kubotu kumenso aFalo akumenso kwabalanda bakwe. ³⁸Falo wakati kubalanda bakwe, ''Nga tulajana na mwaalumi uli mbuli oyu, mulinguwe muli Muuya waLeza?''³⁹Aboobo Falo wakati kuli Jozefu, ''Mbulu kuti Leza wakautondeezya zyoonse, takwe umbi uchenjede kali abusongo mbuli nduwe. ⁴⁰Uloyendelezya n'anda yangu, alimwi mbuli kumajwi aako ibantu bangu boonse bayooyendelezegwa. Luzutu kuchuuno chabwaami nkwesinoli mupati kwiinda nduwe.'' ⁴¹Falo wakati kuli Jozefu, ''Langa, ndakubika mweendelezi munyika yoonse ya Ijipiti.''⁴²Falo wakagwisya inweenwe yabwaami kuzwa kuluboko lwakwe alimwi wazwatika luboko lwa Jozefu. Wakamuzwatika zizwato ziteteete zya bwaami, alimwi wabika incheni yangolida munsingo yakwe. ⁴³Wakamuti ayende munkalaki yabili eeyo njaakalayo. Baalumi bakoompolola kunembo lyakwe, ''Tyola izwi.'' Falo wakamubika waba mweendelezi wanyika yoonse ya Ijipiti.⁴⁴Falo wakati kuli Jozefu, ''Ndime Falo, alimwi kunze kwako, takwe mwaalumi uyonyampula kuboko kwakwe na kuulu kwakwe munyika yoonse ya Ijipiti.'' ⁴⁵Falo wakawuzika Jozefu izina, ''Zafenati Paniya.'' Wakamupa Asenati, mwana musimbi wa Potifa mupayizi wa Oni, mbuli mwanakazi wakwe. Jozefu wakeendelezya nyika ya Ijipiti.⁴⁶Jozefu wakali aminyaka iili makkumi aatatu eelyo nakiima kunembo lya Falo, Mwaami wa Ijipiti. Jozefu wakazwa kunembo lya Falo, alimwi wakiinka munyika yoonse ya Ijipiti. ⁴⁷Muminyaka iili musanu ayibili yakooloka inyika yakaba abutebuzi bwiingi.⁴⁸Wakabunganya kulya koonse kwaminyaka ili musanu ayibili kwakali munyika ya Ijipiti alimwi wabika kulya mumadolopo. Wakabika muli limwi alimwi dolopo ikulya kwakali kuzwa mumyuunda yakalizyungulukide. ⁴⁹Jozefu wakabunganya ikulya mbuli musele wamulwizi mubwiingi bwakuti wakaleka kubala, nkaambo tekwakachili kubalika pe.⁵⁰Jozefu wakaba aabana balombe babili minyaka yenzala kiitanaasika pe, aabo Asenati, mwana musimbi wa Potifa mupayizi wa Oni, mbaakamuzyalila. ⁵¹Jozefu wakawuzika mwana wakwe mutanzi izina litegwa manase, nkaambo wakati, ''Leza wachita ndaluba mafwabi aangu ampuli ya taata.'' ⁵²Wakawuzika izina lyamwana mulombe wabili Ifulemu, nkaambo wakati, ''Leza wandichita ndaba aamichelo munyika yamafwabi aangu.''⁵³Iminyaka iili musanu ayibili yazyiingi eeyo yakali munyika ya Ijipiti yakasika kumamanino. ⁵⁴Iminyaka ili musanu ayibili yanzala yakasanguna, mbuli mbaakamba Jozefu. Kwakaba nzala munyika yoonse, pesi munyika yoonse ye Ijipiti mwakali kulya.⁵⁵Eelyo nyika yoonse ya Ijipiti niyakaba anzala, bantu bakakkwiilila Falo akaambo kachakulya. Falo wakati kubantu boonse ba Ijipiti, ''Amwiinke kuli Jozefu alimwi muchite eezyo nzyawamba.'' ⁵⁶Inzala yakazulila busyu boonse bwa nyika yoonse. Jozefu wakajula zimumbwa zyoonse alimwi wawuzizya bamu Ijipiti. Inzala yakakomena munyika ya Ijipiti. ⁵⁷Inyika yoonse yakali kusika ku Ijipiti kuzowula chakulya kuli Jozefu, akaambo kenzala yakali yaba nkali loko munyika yoonse.

¹Lino Jakkobo wakaziba kuti kwakali kulya ku Ijipiti, wakati kubana bakwe balombe, ''Nkaambonzi nimulikulangana?'' ²Wakati, ''Mulange aawa, ndamvwa kuti kuli zilyo ku Ijipiti. Muselukile nkuko ooko alimwi mukatuulile kuzwa nkuko aboobo twalikupona a kutafwa.'' ³Bakulana ba Jozefu bakaselukila nkuko kuyoowula zilyo ku Ijipiti. ⁴Pesi Jakkobo taakatuma Bbenjamini pe, mwanike wa Jozefu, aamwi abakulana bakwe, nkaambo wakati, ''Ndiyowa kuti amwi ibubi bukasike kulinguwe.''⁵Ibana balombe ba Izilayeli bakasika kuzoowula aakati kabaabo bakasikide, nkaambo inzala yakali munyika ya Kkenani. ⁶Lino Jozefu wakali mweendelezi mupati aatala anyika. Nguwe wakali kuuzizya bantu boonse banyika. Bakulana ba Jozefu bakasika akukotamina aansi kulinguwe amasyu aabo kaalangide nyika.⁷Jozefu wakabona bakulana bakwe alimwi wakabaziba, pesi wakalisisa we lwakwe mwini kuli mbabo alimwi wakaambula chabukali ambabo, alimwi wakati kulimbabo, ''Nkuukuli nkumwazwa?'' Bakati, ''Kuzwa kunyika yeKkenani kuzowula kulya.'' ⁸Jozefu wakaziba bakulana bakwe, pesi bo tebakamuziba pe.⁹Mpawo Jozefu wakayeya maloto ngakali walota aatala ambabo, alimwi wakati kulimbabo, ''Muli bawuzyi! Mwaza kuzoobona busena butakwabililidwe bwa nyika yesu.'' ¹⁰Bakati kulinguwe, ''Pe, simalelo wangu. Balanda bako baza kuzowula kulya. ¹¹Tuli bana balombe ba mwaalumi umwi toonse. Tuli baalumi basyomekede. Balanda bako tensi bawuzyi pe.''¹²Wakati kulimbabo, ''Pe, mwaza kuzobona busena butakwabililidwe bwanyika.'' ¹³Bakati, ''Iswe tobalanda bako tuli balombe ikkumi ababili, bana balombe bamwaalumi uumwi wanyika ya Kkenani. Langa, imunini loko buunsi bwasunu uli ataata, alimwi umwi wesu tachiponi pe.''¹⁴Jozefu wakati kuli mbabo, ''Nzizyo nzindaamba kulindinywe; muli bawuzyi. ¹⁵Azezi muloosunkwa. Abuumi bwa Falo, tamuloozwa pe aano, ado kuti mwanike wanu muniini loko asike aano. ¹⁶Mutume umwi wanu alimwi akeete mwanike wanu. Munoli muntolongo, ikuti majwi anu akasunkwe, ikuti muli simpe na mulindinywe. Na amwi, abuumi bwa Falo, simpe loko muli bawuzyi.'' ¹⁷Wakababika boonse muchitookesi kwamazuba aatatu.¹⁸Jozefu wakati kulimbabo mubuzuba bwatatu, ''Muchite eechi alimwi mupone, nkaambo ndiyowa Leza. ¹⁹Na kamuli baalumi basyomekede, muchite umwi wanu asyaale oomu muntolongo, pesi mwiinke, mubweze kulya nkaambo kanzala yaba en'anda zyanu. ²⁰Mweete mwanike wanu muniini loko kuli ndime ikuti majwi aanu akatambulike alimwi tamuzofwi pe.'' Aboobo bakachita mbubo.²¹Bakati kuli umwi awumwi, ''Isimpe ndiswe basimulandu aatala amwanama mukuti twakabona mulinguwe koomba kwa muuya wakwe aawo nakali kutukombelezya alimwi takwe nitwakaswiilila. Nkinkaako koomba ookum nchikwasika aatala andiswe.'' ²²Lubbeni wakabasandula, '''Tendakamwaambila na, 'Mutabisizyi mulombe,' pesi temwakali kuswiilila pe? Lino, mulange, igazi lyakwe lyayandwa alindiswe.''²³Tebakaziba pe kuti Jozefu wakali bamvwide, nkaambo kwakali mupanduluzi aakati kabo. ²⁴Wakazwa aakati kabo waakulila. Wakaboola kuimbabo alimwi wakaambula kulimbabo. WakabwezaSimiyoni kuzwa aakati kabo alimwi wamwaanga kunembo lyamenso aabo. ²⁵Mpawo Jozefu wakalayilila balanda bakwe kuti bazuzye masaka aabakulana bakwe azilyo, alimwi babike mali yawumwi awumwi musaka lyakwe, alimwi babape bulilu bwamulweendo. Zyakachitilwa mbabo.²⁶Bakulana bakabika zilyo zyabo aamadonki alimwi bakanyampuka kuzwa aawo. ²⁷Mbuli umwi wabo nakajula isaka lyakwe kuti asanine idonki lyakwe nibakali kulyookezya, wakabona imali yakwe. Bona, yakali aamulyango wasaka lyakwe. ²⁸Wakati kubakulana bakwe, ''Imali yangu yabweedezegwa. Mwiibone; ili musaka lyangu.'' Imyoyo yabo yakayaaya alimwi bakalanganakabakankama kuli umwi awumwi, kabati, ''Niinzi eechi eecho Leza nchaatuchitila?''²⁹Bakaya kuli Jakkobo, wisi wabo munyika ya Kkenani alimwi bakamwaambila zyoonse zyakachitika kuli mbabo. Bakati, ³⁰''Imwaalumi, mwaami wanyika, wakaambula chabukali kulindiswe alimwi wakayeya kuti tuli bawuzyi munyika. ³¹Twakati kulinguwe, 'Tuli baalumi basyomekede. Tatweensi bawuzyi pe. ³²Tuli balombe bali kkumi ababili, bana bataata wesu. Umwi tachiponi pe, alimwi muniini loko buunsi oobuno uli aataata wesu munyika ya Kkenani.'³³Imwaalumi, mwaami wanyika, wakati kulindiswe, 'Acheechi ndiyoziba kuti muli baalumi basyomekede. Musiye umwi wanu andime, mubweze kulya mutolele bali munzala kun'anda zyanu, alimwi munjile nzila yanu. ³⁴Mukeete mwanike wanu muniini loko kulindime. Mpawo ndiyooziba kuti tamweensi bawuzyi pe, pesi kuti muli baalumi basyomekede. Mpawo ndiyowangununa mukulana wanu ndikamupe, alimwi munoosunza munyika.'''³⁵Kwakasika aakuti nibakalikugwisya zilyo mumasaka aabo, ikuti, bona, umwi awumwi chikkwama cha nsiliva chakali musaka lyakwe. Eelyo bo a wisi wabo nibakabona zikkwama zyabo zye nsiliva, bakayowa. ³⁶Jakkobo wisi wabo wakati kulimbabo, '''Mwandimvwisya machise nkaambo kabana bangu. Jozefu tachiponi pe, Simiyoni wiinka, alimwi mulabweza Bbenjamini ayinke. Zyoonse zintu eezi tazizuminani andime.''³⁷Lubbeni wakaambula a wisi, kati, ''Ulakonzya biyo kujaya bana bangu balombe babili ikuti ndataakuboozya Bbenjamini kulinduwe.'' ³⁸Jakkobo wakati, ''Mwana wangu mulombe takooseluka ayinke andinywe pe. Nkaambo imukulana wakwe wakafwa alimwi nguwe alike uusyeede. Ikuti ibubi bwasika alinguwe munzila njimwiinda, mpawo muyovwikka imvwi zyangu mumafwabi ku Syiyoli.''

¹Lino nzala yakakomenesya munyika. ²Lino kwakaba nibakamaninsya kulya zilyo nzibakagwisizye mu Ijipiti, wisi wabo wakati kulimbabo, ''Amwiinke lubo; mukatuulile zilyo.''³Juda wakamwaammbila, ''Ulya muntu nchibeni wakatuchenjezya, 'Tamukoyoobona busyu bwangu limbi anze kwakuti mwanike wanu kali aandinywe.' ⁴Na mwatutuma aamwi amwanike wesu tulaseluka alimwi tukamuulile chakulya. ⁵Pesi na temwamutuma, tatukooyinka. Nkaambo uulya mwaalumi wakati kulindiswe, 'Tamukoyoobona busyu bwangu limbi anze kwakuti mwanike wanu kali aandinywe.'''⁶Izilayeli wakati, ''Nkaambonzi nimwandijata bubi akwaambila mwaalumi uulya kuti muli amwanike uumbi?'' ⁷Bakati, ''Mwaalumi wakabuzya mubunike aatala andiwe alimwi ampuli yesu. Wakaamba kuti, 'Wuso wanu uchipona na? Muchili awumbi na mwanike?' Twakamusandula mbuli kumibuzyo eeyi. Twali kuyooziba biyeni kuti uyoowamba kuti, 'Mukeete mwanike wanu?'''⁸Juda wakaambila Izilayeli wisi, ''Tuma mulombe ayinke andime. Tuyoonyampuka akwiinka kuchitila kuti tupone akutafwa, aamwi iswe, iwe, alimwi abana besu. ⁹Mebo ndiyooba chisyomezyo chakwe. Uyondibweza kandili mwiiminini. Na kuti tendaakumuboozya kulinduwe alimwi akumubika kunembo lyako, mpawo mebo andikabweze kusolwa kwalyoonse. ¹⁰Nkaambo na tetwakanonokede, simpe kwalino nikuli twaboola aano lwabili.''¹¹Wisi wabo Izilayeli wakabaambila kuti, ''Na kuti kakuli boobo, lino muchite eechi. Amubweze zimwi zibotu loko zyamichelo yanyika muzikkwama zyanu. Mutolele muntu chipo - atumwi tumabbona alimwi abuchi, tununkilizyo abutwizyo, amandongo ama alumondi. ¹²Mubweze mali iyindulwidwe tubili mumaboko anu. Kumali eeyo yakabwedezegelwe kukujula masaka anu, mwiibweze alubo mumaanza anu. Ambweni kwakaba kulubizya.¹³Alubo mubweze mwanike wanu. Amunyampuke alimwi mwiinke lubo ku mwaalumi. ¹⁴Leza Singuzuzyoonse amupe luzyalo kunembo lya muntu, kuchitila kuti amwaangunwide umwi wanu a Bbenjamini. Na mebo ndafwidwa bana bangu, mebo ndafwidwa. ¹⁵Baalumi bakabweza chipo eechi alimwi mumaboko aabo bakalibwezede imali iyindulwidwe tubili, kabali aBbenjamini. Bakanyampuka alimwi baselukila kuIjipiti akwiima kunembo lya Jozefu.¹⁶Eelyo Jozefu nakabona Bbenjamini antomwe ambabo, wakaambila mubanzi waan'anda yakwe, ''Mundeetele baalumi mun'anda, jaya munyama utujikile, nkaambo baalumi bayoolya andime sikati.'' ¹⁷Mubanzi wakachita mbuli Jozefu mbakaamba. Wakeeta baalumi mun'anda ya Jozefu.¹⁸Baalumi bakaliyowede nkaambo bakeetwa kun'anda ya Jozefu. Bakati, ''Eechi nkaambo kemali njitwakabwedezegwa mumasaka eesu kuchiindi chitanzi nitwakazide kale, kuti ayandule mwenya aatala andiswe. Ulakonzya kutwaanga kutubweza mbuli bazike akutola madonki eesu.'' ¹⁹Bakayinkila mubanzi wamun'anda ya Jozefu, akwaambula aawe amulyango we n'anda yakwe, ²⁰akuti, ''Simalelo wesu, twakalizide lutanzi kuzowula zilyo.²¹Ichakachitika ncheechi, nitwakasika kubusena nkotukkala, nitwakajula masaka esu, alimwi nitwakalanga, woonse muntu wakajana mali yakwe mukujula saka lyakwe, imali myesu yakalikkwene mubulemu bwayo. Twazaayo lubo mumaanza esu. ²²Imwi mali twazaayo alubo mumaanza esu kuzowula zilyo. Tatuzi pe kuti ngwani wakabika mali yesu mumasaka esu.'' ²³Sikubanza wakati, ''Luumuno ngalube kulindinywe, mutayowi. Leza wanu a Leza wawuso wanu nguwenya wakabika mali yanu mumasaka enu. Ndakatambula mali zyanu.'' Sikubanza mpawo wakagwisya Simiyoni anze kuli mbabo.²⁴Sikubanza wakabanjizya baalumi mun'anda ya Jozefu. Wakabapa manzi alimwi bakasanzya mawulu aabo. Wakapa kulya ku madonki aabo. ²⁵Bakabambilila zipo zyakuboola kwa Jozefu sikati nkaambo bakali bamvwa kuti bayoolya nkuko.²⁶Eelyo Jozefu nakasika kumunzi, bakeeta zipo zyakali mumaboko aabo mun'anda, akufugama aansi kunembo lyakwe. ²⁷Wakababuzya aatala abuponi bwabo alimwi wakati, ''Wuso wanu ulikabotu na, munene ngumwakalikwaamba? Uchipona na?''²⁸Bakati, ''Mulanda wako taata wesu ulikabotu. Uchipona.'' Alimwi bakafugama akumupa bulemu. ²⁹Eelyo nakanyampula menso akwe wakabona Bbenjamini mwanike wakwe, mwana mulombe wabanyina, alimwi wakati, ''Oyu ngomwanike wanu muniini na ngumwakandaambila?'' Mpawo wakati, '''Leza abe aluzyalo kulinduwe, mwanaangu.''³⁰Jozefu wakafwambaana kuzwa mun'anda, nkaambo wakajatikana kapati aatala amwanike wakwe. Wakayanduula busena bwakuyoolilila. Wakaya kuliimwi n'anda yakwe akuyoolila nkuko. ³¹Wakasanzya busyu bwakwe akuzwa anze. Wakalijata lwakwe mwini, wakati, ''Mwaabe kulya.''³²Balanda bakaabila Jozefu alike alimwi bakulana kabali abalike. Ba Ijipita awo bakalya anguwe kabali abalike nkaambo kakuti ba Ijipita tebakali kulya chinkwa aantomwe ama Hibbulu, eechi chakali kutondwa kuma Ijipita. ³³Bakulana bakwe bakalikkede kunembo lyakwe, mutanzi kwiindila mubuzyalwe bwabo, abaniini kwindila mubukubusi bwabo. Baalumi bakaligambide aantomwe. ³⁴Jozefu wakatumina zibeela kulimbabo kuzwa muchikkafu chakali kunembo lyakwe. Pesi chibeela cha Bbenjamini chakiindulwidwe musanu kwiinda nichiba chawumwi wabakulana bakwe. Bakanywa alimwi bakabotelwa.

¹Jozefu wakalayilila mulindi wanganda yakwe wati, " Zuzya abantu azilyo, mubwingi mbubakonzya kunyampula, alimwi bika mali aamuntu awumwi mumulomo wesaka lyakwe . ²Bika yangu nkomeki yasiliva mumulomo wesaka lyamunini, alimwi antomwe emali yakwe ya zilyo." Mulindi wanganda wakachita mbubonya Jozefu mbwaka mwambila.³Chindi chamafumina, elyo bantu bakategwa beende lwabo amadonki abo. ⁴Nibakazwa kunze achisi pesi tebakali na bbilisya pe, Jozefu wakati kumupati wanganda yakwe, "Nyampuka tobela bantu aba, alimwi nuwakubezya ukabambile kuti, ' Nkambonzi nimubwedezya chibi kuchibotu? ⁵Eyi tesi ninkomeki eyo mwami wangu njanywida alimwi njabelesya kukusondya? Mwachita chibi, eechi chintu nchimwachita."'⁶Mulindi wanganda yakwe wakababweza akwamba majwi aya kulimbabo. ⁷Bakati kulinguwe, " Nkambonzi mwami wesu naamba majwi aya alibobu? Kuzwa kubalanda bako chilatondwa kuchita chintu chilobu.⁸Langa, mali njitwajana mumulomo yamasaka, twayibozya lubo kuli nduwe kuzwa kunyika yaKkenani. Mbubuli lino mbutunga tulabba munganda yamwami wako isiliva na ingolida? ⁹Na kulumwi wabalanda utajanwe ayo, ngakafwe, alimwi aswebo tuyoba bazike bamwami." ¹⁰Mulindi wanganda wakati " Lino aboobo akube mbubonya mbulimajwi enu. Oyo uyojanwa enkomeki uyoba muzike wangu, alimwi nobamwi munoli tamujisi mulandu."¹¹Mpawo awumwi muntu wakafwambana kweta saka lyakwe akulitula ansi, alimwi awumwi wakajula saka lyakwe. ¹²Mulindi wanganda wakalangula. Wakatalikila kumupati akuyosyalizya kumunini, alimwi inkomeki yakajanwa musaka lyaBbenjamini. ¹³Lino bakadelula zyakusama zyabo. Awumwi muntu wakanga donki lyakwe akubweda kudolopo.¹⁴Juda abakulana bakwe bakaza kuliJozefu kunganda. Wakachiliwo alimwi bakavundama kunembo lyakwe ansi. ¹⁵Jozefu wakati kulimbabo, nchinzi eechi nchimwachita? Sa tamuzi kuti muntu ulimbuli ndime ulachita zyakusonda?"¹⁶Juda wakati, " Tulambanzi kumwami wesu? Tulambulanzi? Nanka tulalipandulula byeni lwesu tubeni? Leza wajana buubi abalanda bako. Langa tulibazike bamwami, toonse ayooyo wajanwa ankomesi." ¹⁷Jozefu wakati, " Azibe kule ambebo, kulatondwa kuchita obo. Mwalumi oyu uli amaboko ajanwa ankomeki, oyo muntu uyoba muzike wangu pesi nywebo nobamwi amwinke mulumuno kuliwuso."¹⁸Mpawo Juda wakaza afwifwi kulinguwe wakati," Mwami wangu, ince leka mulanda wako awambule ijwi mumatwi aMwami wangu, alimwi utalekeli bukali bwako amulanda wako, nkaambo uli mbuli Falo. ¹⁹Mwami wangu wakabuzya balanda bakwe, wati mulawuso na naanka mukulana?'²⁰Twakati kumwami wesu, ' Tuli ataata munene amwana wabunene bwakwe, munini loko. Pesi mukulana wakafwa, alimwi we lwakwe nguwe wasyala abanyina, awisi ulamuyandisya.' ²¹Mpawo wakati kubalanda , 'Mumwete kulindime kuti ndimubone.' ²²Musule lyaya, twakati kumwami, 'Mulombe takonzyi kusiya wisi. Nkaambo ayosiya wisi oyo wisi uyofwa.'²³Mpawo wakatu kubalanda bako, ' Kuti temwaza amwanike wanu mulombe tamukozobona busyu bwangu limbi.' ²⁴Mpawo chakasika chindi nchitwakabweda kumulandako ndendesu, twakamwambila majwi amwami. ²⁵Taatesu wakati, "Amubwede lubo mukawule chakulya." ²⁶Mpawo twakati, "Tatuko bweda pe. Kuti mwanike wesu nkaali aswe, alimwi tulinka, swebo tatukuyonkonzya kubona busyu muntu oyu ado kuti mwanike wesu twiinke awe.'²⁷Mulanda wako taatesu wakati kulindiswe, "Mulizi kuti mwanakazi wangu wakandizyalila bana balombe bobile. ²⁸Omwe wabo wakenda kuzwa kulindime alimwi ndakati, " Nchobeni ndakati ulikwamwidwe mutumpanzimpanzi, alimwi tandichimubwene kuzwa lili." ²⁹Lino na mwandibwezela oyu kuzwa kulindime, alimwi kuchisa kwasikila nguwe muyoselezya imvwi zyangu kuzwa mukabanda.'³⁰Lino na, ndakusika kumulanda wako taatesu alimwi mulombe katutakwawe pe, kuzwa buumi bwakwe ulabutula kubumi bwamulombe, ³¹ziyochitika nzyakuti, nayobona mulombe taliaswebo uyofwa. Balanda bako bayoselezya imvwi zyamulanda wako taatesu mukabanda.' ³²Nkaambo mulanda wako waba musimyi nkaambo kamulombe kulitaatesu alimwi wakati, " Ikuti tendamweta kulinduwe, njoba amulandu kulitaatesu lyoonse.'³³Lino na, ince mundileke nsyale ndemulanda wako achibbaka chamulombe muzike kumwami wangu, alimwi alekwe mulombe ayinke abakulanabakwe. ³⁴Nkambo nsikonzyi kwinka kuli taatesu na mulomb katutali awe. Ndayowa kubona bubi obo buyosika kuli taatesu."

¹Lino Jozefu wakakachilwa kulizyotolola kwakwe mwini kunembo lyabo boonse balanda bakimvwi anguwe. ²Wakambula chakompolola wati, "Woonse muntu uyelede andisiye." Aboobo takwe mulanda wakachimvwi awe elyo Jozefu nakachilikuliziby lwakwe kubakulana bakwe. Wakalila akompolola ma-Ijipiti akamumvwa, benganda yaFalo bakamvwa. ³Jozefu wakati kubakulana bakwe, "Ndime Jozefu. Uchipoona na taata? " Bakulana bakwe takwe nibakamusandula nkaambo bakaliku kankama nkaambo kakuba kwakwe.⁴Elyo Jozefu wakati kubakulana bakwe muze, " Muze afwifwi kulindime ikaka. Wakati, "Ndime Jozefu mwanike wanu, ngumwaka wuzizya kuIjipiti. ⁵Mutapengi, na kulinyemena lwanu kuti mwakanduzya me okuno, nkaambo Leza wakandituma kunembo lyanu kuti nkamubambile kupona. ⁶Kwaminyaka eyi yobile kulya kwabulika munyika, alimwi kuchili imbi ilimusanu iyobuza kutabulike kulima na kutebula.⁷Leza wakandituma kunembo lyanu kuti mubambile mube bafutuki munyika, kuti mube baponede alwangunuko lupati. ⁸Aboobo teensi ndinwe mwakandituma okuno pesi nguLeza, alimwi wakandichita kuti ndibe wisi waFalo, mwami wanganda yakwe yoonse, amweendelezi wenyika yoose yaIjipiti.⁹Mufwambane alimwi mwinke kulitaata akuyomwambila kuti, 'Ezi nzenzizyo nzyawamba mwana wako Jozefu, " Leza wandichita mwami wabaIjipiti boonse. Boola ansi kuli ndime, utanonoki. ¹⁰Uyokkala muchisi chaGosheni, alimwi unoli afwifwi andime, Iwe abana bako, ambelele zyako, angombe zyako, azyoonse nzoli azyo. ¹¹Njokupa nkuko kaambo kuchili myaaka misanu yabbalangwe, aboobo tokoza kukufwaba, iwe empuli yako azyonse nzyoli azyo.'"¹²Langa, menso ako abone, ameso amwanike wangu Bbenjamini, kuti mulomo wangu nguwambula kuli nduwe. ¹³Uyomwambila taata atal abulemu bwangu muIjipiti azyoonse nzimwabona. Mukafwambane akundetela taata okuno."¹⁴Wakakumbata mwanike Bbenjamini munsingo akulila, alakwe Bbenjamini wakalila ansingo yakwe. ¹⁵Wakaba myonta boonse bakulana bakwe akulila alimbabo. Kuzwa awo bakambula awe.¹⁶Impuwo yatwambo yakakwambulwa munganda yaFalo: '''Bakulana baJozefu basika." Zyakabotezya Falo abalanda bakwe kapati. ¹⁷Falo wakati kuli Jozefu , ''baambile bakkulana bako, Amuchite eechi amwange banyama banu mwinke ku kkenani. ¹⁸Mubweze uso wanu ampuli zyanu mpawo musike kulindime. Ndiyomupa bubotu bwanyika.¹⁹Lino mwalayililwa, kuti muchite boobu, amubweze zikkochikala kuzwa munyika ya Ijipiti zibe zyabana abanakazi banu. Mubweze wuso wanu akuza. ²⁰Mutalikataazyi anzimulaazyo, nkaambo bubotu boonse bwenyika ya Ijipiti mbubwenu.''²¹Bana ba Izilayeli bakachita mbuboobu. Jozefu wakabapa zikkochikala, nkwindililaa mumalayilile a Falo, aali aamwi wabapa abulilu bwamu lweendo. ²²Kuli boonse kuli boonse wakabapa chizwaato chakucchincha, pesi Bbenjamini wakamupa myaanda yotatweyamaali yansiliva amusanu wazizwaato zyakuchincha. ²³Kuli wisi wakatumizya ezi: madonki aali kumi kaabwezede zintu zibotu zyamu Ijipiti amadonki aalikkumi mazyazi kabwezede zilyo, chibunge, aamwi kaabwezelede wisi zyamulweendo.²⁴Aboobo wakabatuma bakulana bakiinka. Wakabaambila kuti, ''Mubone tamukakalazyani mulweend.'' ²⁵Bakeenda kuzwa mu Ijipiti akusika munyika yamu Kkenani, kuli Jakkobbu wisi wabo. Bakamwaambila kuti '' Jozefu uchipona, alimwi nguwe mwendelezi wachisi choonse cha Ijipiti.'' Moyo wakwe wakagamba, nkaambo takali kuzumina anzibakamwaambila. ²⁶Bakamwaambila woonse majwi aa Jozefu ngakambila. Eelyo Jakkobbu nakabona zikkochikala eezyo Jozefu nzyakatumizya kuti zikamu bweze, imuuya wa Jakkobbu wisi wakamutambula. Izilayeli wakati,'' kwazulila. Jozefu mwana wangu uchipona. Ndilayinka akuyomubona nketanaafwa.²⁷Bakamwambila majwi oonse Jozefu ngakali wabambila. Jekkobbu nakabona nkalaki zyakali zyatumwa aJozef kuti zizomubweze, muuya waJekkobbu ndendabo wakabukulusigwa. ²⁸Izilayeli wakati," Kwazulila. Jozefu mwanangu uchipona. Ndilinka ndikamubone nkesena fwa pe."

¹Izilayeli wakasanguna lwendo lwakwe azyonse nzyakalazyo akuya ku Bbelisyeba. Oko wakakupa zipayizyo kuli Leza wa wisi Ayizeki. ²Leza wakaambula a Izilayeli muchiyubunuzyo mansiku, wakati, ''Jakobo , Jakobo.'' Wakati, ''Ndiliwaano.'' ³Wakati ''Ndime Leza wawuso. Utayowi kuya ku Ijipiti, nkambo njokuchita chisi chipati nkuko. ⁴Njoyenda ayebo kuyaku Ijipita, aboobo njokuboozya alimwi mpawo Jozefu uyokuvumba meso ako amaboko akwe mwini.''⁵Jakobo wakabuka kuzwa ku Bbelisyeba. Bana ba Izilayeli bakamubweza Jakobo wisi wabo, bana babo, abamakayintu babo, muzikochikala ezyo Falo nzyakatumide kuzomubweza. ⁶Bakabweza zivuubwa ambono nzibakali babungika munyika yaKkenani. ⁷Bakasika mu Ijipita abana bakwe balumi, abana bakwe babana bakwe basimbi, aboonse balunyungu lwakwe.⁸Aya ngemazina abana baalumi ba Izilayeli bakaza mu Ijiputi. Jakobo azyalane lyakwe, Lubbeni, mwana mutanzi wa Jakobo; ⁹bana ba Lubbeni, Hanoki, Palu, Heziloni, a Kkalimi; ¹⁰ibana ba Simiyoni, Jemuyeli, Jamini, Ohadi, Jakkini, Zowali, a Shawulu, ibana bamwanakazi mu Kkenani; ¹¹abana bamu Levi, Geshomu, Kkohati, a Melali.¹²Ibana balombe ba Juda kwakali Elu, Onani, Shela, Pelezi, a Zela, ( pesi Elu a Onani bakali bafwa munyika ya Kkenani) Bana ba Pelezi kwakali Heziloni a Hamulu. ¹³Ibana ba Izakka kwakali Tola, Puwa, Lobbu, a Shimuloni; ¹⁴Ibana balombe ba Zebbuluni kwakali Seledi, Eloni, a Jaleli ¹⁵Aba bakali bana balombe ba Liya mbakazyala kuli Jakobo mu Padani Alamu, antomwe amwana wakwe musimbi Dina. Bana bakwe balombe antomwe abasimbi bakali mukkumi atatu - abatatu¹⁶Ibana balombe ba Gadi kwakali Zefoni, Hagi, Shuni, Ezibboni, Eli, Alodi, a Aleli. ¹⁷Ibana balombe ba Asha kwakali Imuna, Ishiva, Ishivi, a Bbeliya; alimwi Sela wakali muchizi wabo. Ibana balombe ba Bbeliya kwakali Hebba a Malikiyeli ¹⁸Aba bakali bana balombe ba Zilipa, abo Labbani mbakapa mbakazyala kuli Jakobe - kkumi amusanu awumwi kubabika antoomwe.¹⁹Ibana balombe ba mukayintu wa Jakobo mbakazyalilwa a Lakkeli kwakali Jozefu a Bbenjamini. ²⁰Mu Ijipita Manase a Efulemu mbakazyala Jozefu kuli Esinati, imwana musimbi wa Potifela mupayizi wa Oni. ²¹Ibana balombe ba Bbenjamini kwakali Bbela, Bbeka, Ashibbelu, Gela, Namani, Ehi, Loshi, Mupimu, Hupimu, a Alidi. ²²Aba mbebana balombe ba Lakkeli bakazyalwa kuli Jakobo - kkumi abane kubabikaantomwe.²³Mwana mulombe wa Dani wakali Hushimu. ²⁴Bana balombe ba Nafutali kwakali Jaziyeli Guni, Jeza, a Shilemu ²⁵Aba mbebana balombe Jakobo mbakazyala kuli Bbiluna abo Labbani mbakapa Lakkeli mwanakwe musimbi - musanu ababili antomwe.²⁶Abo boonse bakayinka ku Ijipita a Jakobo bakali bazyalani lyakwe, kutabala bana balombe babakayintu ba Jakobo, bakali makumi musanu awumwi. ²⁷Antomwe abana ba Jozefu bakazyalilwa mu Ijipiti, mweelwe wempuli yakwe bakaya ku Ijiputi bakali makumi musanu aabili.²⁸Jakobo wakatuma Juda kunembo lyakwe kuli Jozefu kuti atondezye nzila kunembo lyakwe iyaku Gosheni, aboobo bakasika kunyika ya Gosheni. ²⁹Jozefu wakabambila nkalaki yakwe akuyo swanizya Izilayeli wisi mu Gosheni. Wakamubona, wamukumbata mukosi, akulila munsingo yakwe kwachiindi chilamfu. ³⁰Izilayeli wakati wakati kuli Jozefu , ''Lino leka mfwe, nkambo ndabona busyu kuti uchipona.''³¹Jozefu wakati kubananyina akung' anda yawisi, ''Ndilayinka akuyowambila Falo kuti, 'Bakwesu abang' anda yataata, bakali munyika ya Kkenani, baza kuli ndime. ³²Balumi mbembezi, nkambo bakali babambi bazivuubwa. Bazabutanga bwabo, ang' ombe zyabo azyonse nzibakali azyo.'³³Ziyochitika nayomwita Falo akubuzya, 'Muchita mulimoyi?'' ³⁴Mukatedi, ''Tubalanda bako tuvuba lubono kuzwa kubu kubusi bwesu kuyosika sunu, iswebo abasikale besu.'' Muchite ezi kuti mukkale munyika ya Gosheni, nkambo wonse mweeembeli nchisesemyo kubantu bamu Ijipiti.''

¹Mpawo Josefa wakayinka akuyowambila Falo, "Taata abakwesu, ambelele zyabo, angombe zyabo azyoonse nzebalaazyo basika kuzwa kunyika yaKkenani. Bona, balimunyika yaGosheni." ²Wakabweza bakwabo bali musanu akuyo bazibya kuli Falo.³Falo wakati kubana nyina, "Muchita mulimu nzi?" Bakati kuli Falo, "Ibalanda bako mbembezi, mbuli basikale besu.'' ⁴Mpawo bakati kuli Falo, "Tuzide biyo kuzokkala muchindi chifwiifwi munyika. Tachikwe machezezyo aambono zyabazike bako nkambo nzala yakkomena muchisi cha Kkenani. Elyo lino ikaka leka bazike bako bakkale munyika yaGosheni."⁵Mpawo Falo wakambula kuli Josefa , kati, "Wuso abana nyokwe baza kulinduwe. ⁶Inyika ya Ijipiti ilikunembo lyako. Kkazika wuso abana nyokwe mubusena bubotu, munyika yaGosheni. Na kozi baalumi bakonzya akati kabo, babike babambe zivubwa zyangu."⁷Mpawo Josefa waketa Jakkobo wisi akumwimika kunembo lya Falo. Jakkobo wakalongezya Falo. ⁸Falo wakati kuli Jakkobo, ''Wapona kwachiindi chilamfu byeni? ⁹Jakkobo wakati kuli Falo, "Minyaka yanyendo zyangu ilimwaanda amakumi atatu. Minyaka yabumi bwangu miche alimwi nkichisa. Tensi yaba milamfu mbuli yabasikale bangu pe. ¹⁰Mpawo Jakkobo wakalongezya Falo akuzwa kubusyu bwakwe.¹¹Mpawo Josefa wakakazika wisi abananyina. Wakabapa busena munyika ya Ijipiti, busena bubotu kwiindilila, muchisi chaLamesesi, mbuli Falo mbakalayilila. ¹²Josefa wakapa kulya kuli wisi, bananyina antomwe aboonse banganda yawisi mbuli kuvula kwabo aasuwa.¹³Lino tekwakachili kulya pe munyika yoonse; nkambo nzala yakali yakomena. Inyika ya Ijipiti anyika ya Kkanani yakali yoomba nkambo kanzala. ¹⁴Josefa wakabungania mali yoonse yakali munyika ya Ijipiti anyika ya Kkenani akuwuzya zilyo kubantu bakala munyika ezi. Mpawo Josefa waketa mali eyi kunganda ya Falo.¹⁵Elyo mali yonse yamunyika ya Ijipiti a Kkenani niyaka mana, boonse bantu bakasika kuli Josefa bati, "Tupe kulya! Nkamboyi nchetutafwe kunembo lyako kambo kakuti imali yesu yamana?" ¹⁶Josefa wakati, "Naakuti imali yanu yamana mwete mbono zyenu kuti mupe kulya kuli zicheede. ¹⁷Abobo baketa mbono zyabo kuli Josefa. Josefa wakabapa kulya akuchinchana ambongolo, mbelele, ngombe amadonki. Wakabasanina achinkwa kalo kuchinchaana azivubwa munyaka oyo.¹⁸Nwakamana oyo munyaka, bakaboola kuli nguwe munyaka wakatobela bamba kuti kili nguwe, "'Tatukosisa kuli simalelo wesu kuti mali zyesu zyamana , ingombe zyesu zyoonse zyaba zyasimalelo wesu. Takwe zyasyala pe kumeso asimalelo , ado mibili yesu. ¹⁹Tufwideeyi kunembo lyameso iwebo anyika yesu? Tuule iswe anyika akuchincha akulya alimwi iswe anyika yesu tulaba bazike ba Falo. Tupe imbuto kuti tupone, kuti tutafwi , nyika itanyonyoki."²⁰Aboobo Josefa wakawula nyika ya Ijipiti nkawulila Falo. Aboobo woonse muna Ijipiti wakawuzya muunda nkambo nzala yakali yakomena. Muli yeyi nzila, inyika yakaba yaFalo. ²¹Ibantu wakabachita bazike kuzwa kumagolelo aamugaano kuyosikila kulilimwi bbazu lyamamanino. ²²Kwakacheede biyo nyika yabapayizi eyo Josefa njakatawula, nkambo bapayizi bakalikupegwa chaabilo. Bakalikulya chaabilo Falo nchakali kubapa. Abobo tensi bakawuzya pe nyika yabo.²³Josefa wakambila bantu kuti, "Amubone, sunu inywebo anyika zyanu ndamuulila Falo. Lino njeyi mbuto yanu, yakuti mukabyale myunda. ²⁴Kuchindi chakutebula mwelede kupa chipanzi chasanu kuli Falo alimwi zipanzi zine ziyoba zyanu, nzyambuto yamyunba yanu alimwi nzyakulya mumpuli zyanu alimwi nzyabana banu."²⁵Bakati, '''Wafutula mawumi esu. Katujane luzyalo kumeso aako. Tuyoba balanda ba Falo.'' ²⁶Aboobo Josefa wakachita waba mulawu ubeleka munyika ya Ijipiti kusikila sunu, kuti chipanzi chomwe muli zili musanu nchicha Falo. Kusiya biya nyika yabapayiza njiyakataba ya Falo.²⁷Aboobo Isilayeli wakakkala munyika ya Ijipiti mubusena bwa Gosheni. Bantu bakwe bakajana buvubi oko. Bakazyalisya akuvula loko. ²⁸Jakkobo wakapona munyika ya Ijipiti minyaka ili kkumi amusanu ayibili, aboobo minyaka yabuumi bwakwe Jakkobe yakali mwanda amakkumi one alaminyaka musanu ayibili.²⁹Nichakaswena afwiifwi chiindi chakufwa kwa Isilayeli, wakita mwanakwe Josefa akumwambila kuti, "Naakuti ndajana luzyalo kumeso ako, bika kuboko kwako munsi achibelo changu, akunditondezya chaluzyalo achakusyomeka. Ikaka mutakandivwiki mu Ijipiti. ³⁰Nindayo wona abamataata, uyondibweza kuzwa mu Ijipiti uyondivwika kubusena bwazyuumbwe zyabamataata." ³¹Isilayeli wakati, "Konka kulindime ," awo Josefa wakakonka kulinguwe. Mpawo Isilayeli wakakotama ansi kumutwe wabulo bwakwe.

¹Chakasika aatala lyazintu eezi, kuti umwi wakaambila Jozefu kuti, ''Langa, wuso ulichisidwe.'' Aboobo wakabweza bana bakwe balombe bobile, Manase a Ifulemu. ²Eelyo Jakkobbu nakaambilwa, ''Langa, mwana wako mulombe Jozefu wasika kuzokubona,'' Izilayeli wakaliyumya-yumya alimwi wakkala abulo.³Jakkobbu wakati kuli Jozefu, ''Leza Singuzuzyoonse wakalibonia kulindime ku Luzi munyika ya Kkenani. Wakandilongezya ⁴alimwi wakati kulindime, 'Bona, ndiyokuchita kuti ukabe amichelo, alimwi ndiyokuvuzya. Ndiyochita kuzwa mulindime imbungano yamanyika. Ndiyoopa nyika eeyi kulunyungu lwako mbuli buvubi bwalyoonse.'⁵Lino bana bako balombe babili, aabo bakatumbukwa kulinduwe munyika ya Ijipiti nkesinaasika kulinduwe munyika ya Ijipiti, mbibangu. Ifulemu a Manase bayooba bangu, mbuli Lubbeni a Simiyoni mbubali bangu. ⁶Bana mbolaabo musule lyabo bayooba bako; bayoolembwa munsi lyamazina abakulana babo bachaalumi mulukono lwabo. ⁷Pesi lwangu, eelyo nindakazwa ku Padeni, kukuusa kwangu Lakkeli wakafwa munyika ya Kkenani munzila, nkakuchili musinzo kuya ku Efulati. Ndakamuzika nkuko munzila yaku Efulati'' (njenjiyo Betelehemu).⁸Eelyo Izilayeli nakabona bana balombe ba Jozefu, wakati, ''Mbaani aaba?'' ⁹Jozefu wakaambila wisi, '''Mbana bangu balombe, abo Leza mbakandipa okuno.'' Izilayeli wakati, "Beete kulindime, ikuti ndibalongezye.'' ¹⁰Lino menso a Izilayeli akali aagubilizi akaambo kaminyaka yakwe, aboobo takachilikubona pe. Aboobo Jozefu wakabeeta afwifwi kulinguwe, alimwi wakabamyonta akubakumbata.¹¹Izilayeli wakati kuli Jozefu, ''Tendakalikuyeeyela kubona busyu bwako pe limbi, pesi Leza wandizumizya kuti ndibone bana bako.'' ¹²Jozefu wakabeeta kuzwa aakati kamazwi a Izilayeli, alimwi wakavundama a busyu bwakwe kunyika. ¹³Jozefu wakabatola boonse babili, Ifulemu muluboko lwakwe lwachilisyo kunembo lya luboko lwa Izilayeli lwachimweensi, alimwi Manase muluboko lwakwe lwachimweensi kunembo lya luboko lwa Izilayeli lwa chilisyo, alimwi wakabeeta afwifwi kulinguwe.¹⁴Izilayeli wakasikila luboko lwakwe lwachilisyo alimwi walutandabika aatala lyamutwe wa Ifulemu, wakali muniini, alimi luboko lwakwe lwachimweensi aatala lyamutwe wa Manase. Wakapiyania maboko aakwe, nkaambo Manase mwana mutanzi. ¹⁵Izilayeli wakalongezya Jozefu, nkali kuti, ''Leza ooyo nkubakeenda kunembo lyakwe bamataata Abbulahamu a Ayizekki, Leza ooyo uchindibambide ambuli sunu, ¹⁶mungelo wakandivuna kulizyoonse zichisa, ngalongezye balombe aaba. Izina lyangu ngalikawuzikwe alimbabo, alimwi azina lyamataata aangu Abbulahamu a Ayizekki. Ngabakomene akuba nkamu enyika.''¹⁷Eelyo Jozefu nakabona wisi kabikide luboko lwakwe aatala amutwe wa Ifelemu, tezyakamubotezya pe. Wakaweza luboko lwawisi lwachilisyo kuzwa ku mutwe wa Ifulemu kuya kumutwe wa Manase. ¹⁸Jozefu wakaambila wisi, ''Tensi mbubo, taata wangu; nkaambo ooyu ngonguwe mwana mutanzi. Bika luboko lwako lwachilisyo aatala amutwe wakwe.''¹⁹Wisi wakakkaka alimwi wakati, ''Ndilizi, mwana wangu mulombe, ndilizi. Alakwe uyooba muntu, alimwi alubo uyooba mupati. Pesi mwanike wakwe uyooba mupati kwiinda nguwe, alimwi lunyungu lwakwe luyooba makkamu amanyika.'' ²⁰Izilayeli wakabalongezya buzuba oobo amajwi aaya, ''Bantu ba Izilayeli bayowamba zilongezyo kwiinda mumazina aako nkabati, 'Leza akuchite kuti ube mbubonya mbuli Ifulemu a mbuli Manase.''' Muli yeeyi nzila, Izilayeli wakabika Ifulemu kunembo lya Manase.²¹Izilayeli wakati kuli Jozefu, ''Bona, ndaamba kufwa, pesi Leza uyooba andinywe, alimwi uyomuboozya kunyika yabamawuso. ²²Kulinduwe, mbuli ooyo uli aatala lyabakulana bakwe, ndilakupa chilundu chinkuneme nchindakabweza kuzwa kuma Amoliti apanga lyangu a kanta kangu.''

¹Mpawo Jakobo wakayita bana bakwe balombe alimwi wakati,: ''Amulibunge nywebo antomwe, kuti ndimwambile nywebo echo chiyochitika kulindinywe mubuzuba buza. ²Amubungane lwenu akuswilila, inywe nobana ba Jakobo. Amuswilile kuli Izilayeli, wuso wanu.³Lubbeni, ulimwana wangu mutanzi, inguzu zyangu, amatalikilo akusima kwangu, uyimvwi mubulemu, amunguzu. ⁴Utayimikiziki mbuli manzi alokwenda, tokoyoba abupati pe, nkambo winka atala lya buulo bwa wuso. Aboobo wusofwazya; winka ataala lyamukaintu wangu.⁵Simiyoni a Levi mbanyina. Zilwisyo zyalumamba zyaabo ngemapanga aabo. ⁶Omuuya wangu, utanjili mumvwiyo zyabo; Utaswanani mumibunga yabo, nkambo moyo wangu uli abulemu kulizezyo. Amunyemo zyabo bakajaya bantu. Amukunyema kwabo bakatyola musune.⁷Alunyemo lwabo lutukwe, abobo lwakali kuyoosya - alimwi akunyema kwabo kwabo kwakali kuyumu. Ndiyoba pambula muli Jakobo aa kubamwayusya muli Izilayeli.⁸Juda, ibakkulana bako bayokutembawula. Ikuboko kwako kuyoba atala ansingo zyaba sinkondonyokwe. Ibana bawuso bayokukkotamina kunembo lyako.⁹Juda mwana wa mulavu. Mwanangu mulombe wazunda kuli basinkondonyokwe.Wakakotama aansi, wenda mbuli mulavu, mbuli mulavu muzyazi. Ngwani unga uyomubusya ?¹⁰Inkoli tikoyomana kuzwa kuli Juda, Nuuba mufunko wabwami waakati kazituta zyakwe, mane Shilo akasike. Ngonguwe manyika ngatakaswilile.¹¹Uulanga mbongolo yakwe kumisansa, Amwana wembongolo yakwe inzyazi nimbotu, wasanzya zyakusama zyakwe muwayini, aa chikobela chakwe mumusinza wamasansa. ¹²Menso akwe ayoosalala pyu mbuli wayini, mpawo ameno akwe ayotuba buu mbuli malili.¹³Zebbuloni uyookala kunkomwe yawisi. Uyoba inkomwe yamaato, achisi chakwe. Chiosika aku Sidoni.¹⁴Izakkala nimbongolo isimide, iilala akati kazimpati zyambelele. ¹⁵Wakabona nchilyokezezyo chibotu aayalo nyika ibotezya. Uyogogomeka ikkuko lyakwe kukuyumuna mpawo waba muzike kumulimo.¹⁶Dani uyobeteka bantu bakwe mbuli umwi wamisyobo ya Izilayeli. ¹⁷Dani uyoba inzoka kumbali lya mugwagwa, Inzoka ilabuyoka munzila eeyo iluma mbizi kunsumba, kuti sikutanta weyo awide musule. ¹⁸Ndalindila lufutuko lwako, Jehova.¹⁹Gadi - basikutanta bayokufumpa, pesi takwe uyofumpa tusimbi twabo. ²⁰Asha zilyo zyakwe ziyonenesya, mpawo uyoopa zinono zya Mwami. ²¹Nafutali ninsya iyangunukide; mpawo uyoopa zinono zyamwami.²²Jozefu ngomutabi uuzyalisya michelo, mutabi uzyalisya afwifwi a kasensa, mitabi yakwe ilatandabala abulambo. ²³Basitunta bayomufumpa mpawo akumudubula akumupenzya.²⁴Pesi buta bwakwe kabuchilimvwi njii, mpawo maboko ayoba enguzu wa Jakobo, nkambo kazina lya mwembeli, imwaala wa Izilayeli.²⁵Leza wabamawuso uyokugwasya aa Leza singuzu uyokulongezya azilongezyo zyaku julu, azilongezyo zyimikide zyaansi anyika, aa zilongezyo zyankolo aa-zya zyalilo.²⁶Izilongezyo zyawuuso nzipati kwiinda zilongezyo zyachiindi zyazilundu nanka zintu ziyandisi tulundu twachindi. Zibe amutwe wa-Jozefu, zibe atala lyamusinsimi wamutwe wabana bababunyina.²⁷Bbenjamini nguumpe ulanzala. Chifumo ulalya indume, alimwi igoko ulandania inyama.''²⁸Eyii njemisyobo ilikkumi ayibili yaba Izilayeli. Eechi nchenchicho nchibakambilwa kuliba mawisi nakabalongezya. Awumwi-awumwi wakalongezegwa achilongezyo chmwelede. ²⁹Nkinkako wakabalayilila mpawo wabambila, ''Ndamba kwiinka kubantu bangu. Mukandizike kuli bamataata musempo lili mumuunda wa Efuloni mu Hititi, ³⁰Musempo eelyo lilimumunda wa Machipela, lili kufwifwi aku Mamule munyika yaKkenani, muunda oyo Abbulahamu ngwakawulide kuti ube mawumbwe kuzwa ku Efuloni mu Hitite.³¹Nkuko nkuba vwikila Abbulahamu a Sla mukakwe; nkuko nkubakavwikila Ayizeki a Lebeka mukakwe; mpawo nkuko ndavwikila Liiya. ³²Muunda aa musempo lilimunguwo lyakawulidwe kuzwa kubantu ba Heti.'' ³³Lino Jakobo nakamaninsya kulayilila banabakwe, wakaboozya zituta zyakwe abulo wafwa, wayinka kulibasinsiku bakwe.

¹Mpawo Jozefu wakayoowa zyakachitika kuti awida abusyu bwa wisi, alimwi walila aali nguwe wamumyonta. ²Josefu wakalayilila balanda bakwe basilisi kuti bayanike mutunta wa wisi. Aboobo basilisi bakayanika mutunta wa Izilayeli. ³Bakabweza mazuba aali makkumi one, ngumweelwe wamazuba akuyanika mutunta. Ba Ijipiti bakamulila mazuba aali makkumi aali makkumi aali musanu aabili.⁴Eelyo mazuba aakulila naakayinda, Jozefu wakaambila basinganda ba Falo, kuti,'' Lino ndajana choolwe mumeenso aanu , ikaka amwaambile Falo, kuyi, ⁵Tata wakandikonkezya, wakati, boona, ndamba kufwa. Mukandizikke kukabanda kangu nkindakalisyida munyika ya kanani.Nkoko nkotakandizike.'' Lino njinke nkazikke Taata, mpawo njooboola.'' ⁶Falo wakasandula ,'' koya ukazike wuso, mbuuli mbwakakukonkezya.''⁷Jozefu wakiinka kukuzika wisi. Aboonse balanda ba Falo bakayinka awe abapati basinganda yakwe, Bonse bapati ba Ijipiti, ⁸Antomwe aboonse babe nganda ya Jozefuaba bunyiina, abutanga bwabo, mpawo angombe zyabo zyakasyaalamunyika ya Gosheni. ⁹Inkalaki alimwi abasimabbiza abalabo bakiinka anguwe .Yakali nkamu mpati loko yabantu.¹⁰Lino nibakasika ku Bbuwa lya chipolelo cha Atadi kulubazu lumwi lwa Jodani, bakalila kupati kuyoosya loko. Nkukonya Jozefu wakachita mazuba musanu aabili nkaaliikulila wisi. ¹¹Nkinkaako bantu banyika, ba kanana, nibakabona kulila mubbuwa lya Atadi, bakati,'' oku kulila kwaba Igipita kulayoosya loko,'' Eechi nchenchicho busena nchibwaka wuzikwa kuti Abel Mizilayimu, ilimutala lya Jodani.¹²Aboobo bana bakwe bakamuchitila mbubonya mbwakabalayilila. ¹³Bana bakwe bakamubweza akumutola kunyika ya Kanana mpawo bamuzika musempo lili mumyunda yamayumbwe. Oyo ngwakawulide kuzwa kuli Ifuloni mu Hitayiti. ¹⁴Amane kuzika wisi, Jozefu wakabweeda mu Ijipita, we, ababunyiina mpawo aboonse abo baka musindikide kukuzikka wisi.¹⁵Lino babunyiina ba Jozefu nibakabona kutiwisi wabo wafwa, bakati, ''Ambweni Jozefu uyootusula akutuboozezya bubi boonse mbutwakamuchitila?'' ¹⁶Aboobo bakatumina Jozefu, mulaazyo wakuti,'' wisi naakatalina kufwa, wakalayilila kuti, ¹⁷''mbuboobo mbubobo mbumwelede kwambila Jozefu,'' Ikaka ulekelele bubi bwaba kkulana bako mpawo azibi zyabo nebakakuchitila bubi.'' Lino ikaka lekelela balanda ba Leza ba wuso.'' Jozefu wakalila lino nibakamwaambila.¹⁸Ibakkulana bakwe abalabo bakayinka akuvundama abusyu kunembo lyakwe. Bakati,''Bona, tulibalanda bako.'' ¹⁹pesi Jozefu wakabasandula,'' Muta yoowi saamebo ndimuchibaka cha Leza? ²⁰Inywe, mwakayeeya kundichitila bubi, pesi Leza wakabusandula akubuchita bubotu, kuti alondole , mawumi abantu banji, mbuuli mbumubwene sunu. ²¹Nkinkaako lino mutayoowi. Njoomulela nywebo abana banu.'' Mbwakabawumbulizya akubakkazika myoyo yabo.²²Jozefu wakakkala mu Ijipiti, antomwe ampuli yawisi . wakakapona kwamyaaka iili mwaanda akkumi. ²³Jozefu wakabona bana ba Ifulemu bamuzukulu watatu. Alubo wakabona bana ba Makiya bana balombe balombe ba Manase, abo waka bekidwe amazwi a Jozefu.²⁴Jozefu wakambila bakkulana bakwe,'' mebo ndaamba kufwa; pesi Leza nchobeni unoomuswaya akumu zulwida munyika ino kuti muye kunyika eyo njaka konzezya kupa Abbulahamu, kusika kuli Isaka, akuli Jakkobbu.'' ²⁵Mpawo Jozefu makachita bana balombe ba Isilayeli kukonka chikonke. Wakati, ''Leza nchobeni unoomuswaya. kuchiindi echo mulelede ku bweza zifuwa zyangu kuzwa okuno.'' ²⁶Aboobo Jozefu wakafwa, kali amyaka iili mwaanda akkumi lyomwe. Bakayani mutunta wakwe akumubika muchilondwedo mu Ijipiti.

¹Aya ngawo mazina abaana balombe ba Izilayeli bakaza a Jakobo mu Ijipita, aawumwi ang'anda yakwe: ²Lubbeni, Simiyoni, Levi a Juda, ³Isakka, Zebbuloni, a Bbenjamini. ⁴Dani, Nafitali, Gadi a Aasha. ⁵Boonse bantu aabo bakali lunyuungu lwa Jakobo bakali makumi musanu aabili mumwelwe. Jozefu wakali waaba mu Ijipita kale.⁶Mpawo Jozefu, bakkulana bakwe boonse, aalyoonse izyalane bakafwa. ⁷Ba Izilayeli bakazyalisya bakavulisya loko mumweelwe, alimwi bakaba enguzu loko; Inyika yakazwide mbaabo.⁸Lino mpawo kwakabuka mwami mupya mu Ijipita, ooyo wakatazi pe aatala a Josefa. ⁹Wakati kubantu bakwe, ''Mubone, ba Izilayeli bavuzyania alimwi balenguzu kwinda ndiswe. ¹⁰Muboole tulangane aabo chabusongo, ambweni balinkilila akuyabuvula mumwelwe wabo, mpawo kuti inkondo yabuka, bayogwasyania abasinkondoma, akulwana andiswe, alimwi akuyoosiya nyika.''¹¹Eelyo bakabika basikubabikkila basikubalanga kuti babapenzye amilimu milemu. Ba Izilayeli bakayakila Falo zimumbwa: Pitomu a Lamisese. ¹²Pesi ba Ijipita bakayinkilila aanembo akubapenzya, abalabo ba Izilayeli nibakavulisya mumwelwe bakasaalila. Eelyo ba Ijipita bakatalika kubayoowa.¹³Ba Ijipita bakachita kuti ba Izilayeli babelesegwe achalunya. ¹⁴Bakachita kuti buumi bwabo buyume amilimu miyumu yabulongo bwezitina, ayoonse misyobo yamilimu yamumyunda. Milimu yoonse njibakayelede kuchita yakali miyumu.¹⁵Mpawo mwami wa Ijipita wakaambula abasikutumbusya ba Hibbulu; izina lyawumwi wabo wakali Syifula alimwi umwi wabo wakali Puuwa. ¹⁶Wakati, ''Kuchiindi nimugwasizy banakazi ba Hibbulu achuno chakutumbuka, mulange kuchindi nibatumbuka. Kuti kali mulombe, mpawo mwelede kumujaya.'' ¹⁷Pesi kuti kaali musimbi, welede kupona. Pesi basikutumbusya bakayoowa Leza alimwi tebakachita mbuli mwami wa Ijipita mbwakalayilila; kwinda kuti, bana balombe bapone.¹⁸Mwami wa Ijipita wakiita basikutumbusya akwaamba kuti kuli mbabo, 'Nkambonzi nimwachita eechi, alimwi mwaleka bana balombe balikupona?'' Basikutumbusya bakasandula Falo, ¹⁹''Banakazi bachi Hebbulu tabali mbuli ba Ijipita pe, balenguzu alimwi balafwambana kukutumbuka sikutumbusya katana kusika kulimbabo.''²⁰Leza wakabakwabilila aba bantu mbusi. Bantu bakavuzyania mumweelwe akuuba anguzu loko. ²¹Nkambo kakuti, basikutumbusya bakali kuyoowa Leza, wakabapa mpuli. ²²Falo wakalayilila boonse bantu bakwe, ''Mwelede kuwala woonse mwana mulombe mumulonga, pesi woonse mwana musimbi mumuleke akapone.

¹Linomwaalumi wa mukowa wa Levi wakakwata mwanakazi mu Levi. ²Mwanakazi wakaminta alimwi wakatumbuka mwana mulombe. Naakabona kuti mwana mulombe uuzyalikene kabotu, wakamusisa kwa myeezi itatu.³Pesi nakatachili kukonzya ku musisa, wakabumba chisuwo cha matete akuchisinka anzuka. Mpawo wakabika mwana mukati alimwi wachibika aakati kamatete mumanzi kumbali lya mulonga. ⁴Muchizi wakwe wakayimikila kule-kule kuti abone chitachitike kulinguwe.⁵Mwana musimbi wa Falo wakaza kuzoosamba ku mulonga aawo basikumulinda bakali kuyoobweenda kabatobezya mulonga. Wakabona chisuwo aakati kamatete alimwi wakatuma umwi musimbi wabasikulinda kuti akachibweze. ⁶Eelyo nakachivununa, wakabona mwana. Langa mwana wakali kulila. Wakamufwida luzyalo alimwi wakati, ''Ooyu nkasimpe ngumwi mwana wa ba Hebbulu.''⁷Mpawo muchizi wa mwana wakati kumwana musimbi wa Falo, ''Ndiinke na alimwi nkakuyandwiide mwanakazi mu Hebbulu sikukulelela mwana?'' ⁸Mwana musimbi wa Falo wakati kulinguwe, ''Koya.'' Aboobo mwana musimbi muniini wakayinka alimwi wakweeta banyina ba mwana.⁹Mwana musimbi wa Falo wakati kulibanyina bamwana, '''Bweza mwana ooyu alimwi umulele, alimwi nzokubbadala mufolo wako.'' Aboobo mwanakazi wakabweza mwana alimwi wakumulela. ¹⁰Eelyo mwana nakakomena, wakamweeta kumwana musimbi wa Falo, alimwi wakaba mwana mulombe wakwe. Wakamuuzika kuti ngu Mozesi alimwi wakati, ''Nkaambo ndakamugwisya mumanzi.''¹¹Ewlyo Mozesi nakali wakomena, wakayinka kubantu bakuli mbabo akulanga milimu yabo miyumu. Wakabona umwi waku Ijipiti kali kuuma mu Hebbulu, umwi wabantu bakwe mwini. ¹²Wakalanga kunzila eeyi ayilya, alimwi nakabona kuti takwe wakaliwo pe, wakajaya mu Ijipiti akusisa mubili wakwe mumuseele.¹³Wakabweda lubo buzuba butobela alimwi wakabona ba Hebbulu babili kabalookulwana. Wakati kuluumwi wakabisizye, ''Nkaambonzi nulookuchisa mweenzinyokwe?'' ¹⁴Pesi mwaalumi wakati, ''Ngwani wakuchita kuti ube muzuluzi a kuba mubetesi aatala andiswe? Ulokubamba kundijaya na mbuli mbuwakajaya uulya mu Ijipiti?'' Mpawo Mozesi wakayowa alimwi wakati, ''Eecho nchindakachita nchobeni chakazibinkana kuli bamwi.''¹⁵Lino Falo nakamvwa aatala acheechi, wakeezya kujaya Mozesi. Pesi Mozesi wakachija kuzwa kuli Falo akuyookkala munyika ya Midiyeni. Ooko wakakkede kumbali lya chikala. ¹⁶Lino mupayizi wa Midiyeni wakali aabana basimbi bali musanu ababili. Bakaza, bateka manzi, alimwi bazuzya zinywido kuti banywisye lutanga lwa wisi. ¹⁷Beembeli bakasika akweezya kubatanda, pesi Mozesi wakayinka alimwi wabagwasya. Mpawo wakanywisya lutanga lwabo.¹⁸Eelyo basimbi nibakabweeda kuli Lewuli wisi wabo, wakati, ''Nkaambonzi nimwafwambaana kusika kumunzi sunu?'' ¹⁹Bakati, ''Mu Ijipita watuvuna ku beembeli. Alubo watutekela manzi alimwi wanywisya lutanga.'' ²⁰Wakati kubana bakwe basimbi, ''Ani uli kuli? Mwamusiilaanzi? Mumwiite kuti akonzye kulya andiswe.''²¹Mozesi wakazumina kukkala amwaalumi, ooyo wakamupa mwana wakwe musimbi Zipola kuti amukwate. ²²Wakazyala mwana mulombe, alimwi Mozesi wakati zina lyakwe ngu Gesyomu; wakati, ''Ndakalikkede munyika yabwenzu njesizi.''²³Musule lya chiindi chilamfu, mwaami wa Ijipiti wakafwa. Ba Izilayeli bakatongawuka akaambo kamulimu wabuzike. Bakalilila lugwasyo, alimwi kukwiila kwabo kwakasika kuli Leza akaambo kabuzike bwabo. ²⁴Eelyo Leza nakamvwa kulila kwabo, Leza wakayeya chizuminano chakwe a Abbulahamu, a Ayizeki alimwi a Jakkobbu. ²⁵Leza wakabona ba Izilayeli alimwi wakamvwisisisya chiimo chabo.

¹Lino Mozesi wakachilikwembela tanga lyambelele lya Jetulo wisizyala, mupayizi waku Midiyani. Mozesi wakabinga tanga lyambelele kule kubbazu lyakunkanda akusika ku-Holebbu, kuchilundu cha Leza. ²Ooko mungelo wa Jehova nkwakalibonia kulinguwe mumabangabanga amulilo mulusaka. Mozesi wakalangisisya, mpawo, chiteyo chakali kuyaka, pesi chiteyo techakali kupya pe. ³Mozesi wakati, ''Ndazyunguluka kumbali mbone chintu chigambya, nkamboyi chiteyo nichitalokupya.''⁴Eelyo Jehova nakabona kuti wakazyungulukila kumbali kuti abone, Leza wakamwita kuzwa muchiteyo kuti, ''Mozesi, Mozesi. ''Mozsi wakati, ''Mpaano mpumbede.'' ⁵Leza wakati, ''Utaazi afwifwi ! Gusya insangu zyako kumawulu, ibusena mpobede mpoyimvwi ninyika ibambilidwe ndime.'' ⁶Wakayungizya kuti, ''Ndime Leza wawuso, Leza wa Abbulahamu, Leza wa Izaka, a Leza wa Jakobo.'' Mpawo Mozesi wakalivumba kumenso, mbubonya mbwakayowede kulanga Leza.⁷Jehova wakati, ''Ndibwene loko mapenzi abantu bangu bali mu Ijiputi. Ndimvwide loko kompolola kwabo nkambo kababo bababelesya, mbuli mbunzi machise aabo. ⁸Ndaza aansi kuzobaangununa kuzwa kumanguzu aba Ijiputi nguunzi akubagwisya kunyika eeyi kuya kunyika mbotu, mpati, kunyika iyenda malili, abuchi; dokulubbazu lwa Kkenani, ba-Hititi, Amolayiti, Pelezitisi, aba Jebbusayiti.⁹Lino kompolola kwabantu ba Izilayeli kwasikila kulindime. Mukuyungizya, ndabona mafwabi akachitwa aba Ijiputi. ¹⁰Lino mpawo, ndakutuma kuli Falo kuti ukabone bantu bangu, ba Izilayeli, kuzwa mu Ijiputi.''¹¹Pesi Mozesi wakati kuli Leza, ''Ndimeni mebo, unga ulakonzya kuya kuli Falo akuyobozya bana ba Izilayeli kuzwa ku ijiputi?'' ¹²Leza wakamusandula, ''nchobeni ndayebo. Eechi chiyoba chitondezyo kuli nduwe kuti ndime ndakakutuma. Niwayobagwisya bantu kuzwa ku Ijiputi, muzondikomba muchilundu eechi.''¹³Mozesi wakati kuli Leza, ''Ndayoyinka kuba Izilayeli akubambila kuti ngu Leza wandituma kuli ndinywe; ani bayondambila kuti, ''Ngwani izina lyakwe?'' Njobambila kutyeni?'' ¹⁴Leza wakati kuli Mozesi, ''NDIME NGU NDIME.'' Leza wakati lubo kuli Mozesi, ''Uyelede kwamba kuti kuma Izilayeli, ''NDIME nguwe nguwandituma kulindinywe.'' ¹⁵Leza wakati lubo kuli Mozesi, ''Uyelede kwambila ba Izilayeli, Jehova, Leza wabamawuso, Leza wa Abbulahamu, Leza wa Ayizeki, a Leza wa Jakobo, wandituma kulindinywe. Eeli ndizina lyangu mpaka kukabe kutamani, oobu mbubo mbuntakayeyegwe kumazyalane oonse.¹⁶Ýinka ukabunganie bazululi ba Izilayeli antomwe. Ukabambile kuti, 'Jehova, Leza wabamawuso, Leza wa Abbulahamu, awaba Ayizeki, awa Jakobo, waliyubununa kulindime akuti, 'Ninchobeni ndakamulangisisya alimwi ndakabona nchakachita kuli ndinywe mu Ijiputi. ¹⁷Ndakasyomezya kumugwisya mumakatazyo mu Ijiputi kuyosika munyika yaba Kkenani, Hititi, Amoli, Pelizayiti, Hivayiti antomwe aba Jebbusayiti, nyika iyenda malili abuuchi.'' ¹⁸Bayoswilizya nduwe. Iwebo abaalu ba Izilayeli munyika kumwami wa Ijiputi, uyelede kuyomwambila Jehova, Leza waba Hebbulayo, waswanana andiswe lino atwende mazuba otatwe'' alwendo kuyosika munkanda, kukulipeda kuli Jehova, Leza wesu.'¹⁹Pesi ndizi kuti mwami wa Ijiputi takoyokuzumizya dokuboko kwakwe kukaangilwe. ²⁰Ndiyotandabika kuboko kwangu akubalwisya ba Ijiputi, amalele nginchita akati kabo. Kuzwawo, uyokuzumizya kwinka. ²¹Njobaapa aaba bantu luzyalo kuzwa kuba Ijiputi aabobo eelyo, nimwayoyenda, mutakeendi kamutakwe nchimujisi - mumaboko. ²²Woonse mwanakazi akakumbile nsiliva a ngolide azyakuzwata kuli Ijiputi aba simayakilane akufumbwa mwanakazi ngwakkala aawe aang'anda. Muyobikka kubanabenu balombe abasimbi. Munzila eyi muyozunda ba Ijiputi.''

¹Mozesi wakasandula, ''Ani kuti nibatayondisyoma nikuba kundiswilila akwamba kuti, "Yawe tana kuliyubununa pe kulinduwe? ²Yawe wakamwambila kuti, '"Ninzi eecho chili mujanza lyako? Mozesi wakamba kuti, "Musako". ³Yawe wakati, "Waala aansi, "Mozesi wakawaala aansi, eelyo wakasanduka waba nzoka. Mozesi wakachija chibundasule.⁴Yawe wakambila Mozesi kuti, "Taandabika janza lyako wiijate kumuchila". Eelyo wakatandabika janza akwijata . Nzoka yakasanduka yaba musako lubo mujanza lyakwe. ⁵Eechi chiyoba chitondezyo chiyochita kuti basyome kuti Yawe, Leza wabamataata, Leza wa Abbulamu, Leza wa Isaaki a Leza wa Jakobe, walibonia kuli nduwe.⁶Aluubo Yawe wakamwambila kuti, "Lino bika janza lyaako mukati kachikobela chako". Aboobo Mozesi wakabika janza lyakwe mukati kachikobela chakwe, awoo nakagwisya, kuboko kwakwe kwakali kwaba achipele chituba buu mbuli nyengenge. ⁷Yawe wakati bika kuboko kwako lubo". Eelyo Mozesi wakabika lubo muchikobela chakwe, awo nakakugwisya, wakabona kwapona lubo, mbuli mubili woonse.⁸Yawe wakamba kuti, "Kuti tebakusyoma - Na tebakuswilila kuchitondezyo chakusanguna changuzu zyangu nikuba kusyoma kuli nchicho, aboobo bayosyoma chitondezyo chabili. ⁹Naa kuti tebakusyama kuzitondezyo zibili zyanguzu zyangu, nikuba kukuswilila, mpawo ukateke manzi amumulonga akwatila atala anyika njumu . Manzi ngutakateke ayoba mbuli bulowa aanyika njumu.¹⁰Mpawo Mozesi wakambila Yawe, "kuti mwami nsikonzyi pe kwambula kabotu, nikuba kuzyindi zyakinda nakuba kuchindi nchemwambula amulanda wanu. Ndila bebezya alimwi lulimi lulakankam". Yawe wakati kuli nguwe, ¹¹"Ngwani wakalenga mulomo wamuntu? Ngwani wakachita muntu kuti kawambula nikuba kuti tawambuli na kuboona na kuba moofu. Teensi ndime na ndi Yawe? ¹²Yino koya ndinola yebo ammulomo wako akuyokuyisya mboyelede kuyowambula kabotu. ¹³Pesi Mozesi wakati, "Mwami, ikaka kotuma umwi biyo, naabi umwi ngomu yanda kutuma".¹⁴Mpawo Yawe wakanyemena Mozesi. Wakati, ulibuti Aaloni, mukulana wako mulevi? Ndizi kuti uwambula kabotu. Aboobo uyobuza kuzoswanana aayebo, alimwi nakubona, uyobotelwa mumoyo wakwe. ¹⁵Uyomwambila alimwi uyomubika mabala akwamba mumulomo wakwe. Ndiyoba amulomo wako antomwe aamulomo wako, aboobo njomutondezya antomwe mbumuyochita. ¹⁶Uyokwambwida abantu. Uyobasimulomo wako, alimwi uuyobanga kulinguwe ndime, ndi Leza. ¹⁷Uyobweza musako ooyu mujanza lyako. Anguwo uyochita zitondezyo".¹⁸Eelyo Mozesi wakabweda kuli wisizyala Jetulo, "Ndileke ndibwede kunzubo zyangu zili ku Egepita akuyobabona kuti bachipona na". Jetulo wakambila Mozesi kuti, "koyinka mulumuno! ¹⁹Yawee wakambila Mozesi mu Midiyana, "Yinka, bweeda ku Egipita nkambo baalumi boonse bakasitole buumi bwako tabachiwope bakafwa". ²⁰Mozesi wakabweza bakayintu bakwe abana bakwe balombe wababika aadonki. wakabweda kunyika ya Egipita akubweza musako wa Leza mujanza lyakwe.²¹Yawee wakati kuli Mozesi, "nwabweda ku Egipita ukachite zitondezyo kunembo lya Falo zyoonse zigambyo ezyo nzindabikka mugunzi lyako. Pesi ndiyoyumya moyo wakwe, aboobo takayoleka bantu kuti biinke pe. ²²Uyelede kubambila kuti Falo, ''Mbubobu mbwamba Jehova: Izilayeli mwana wangu, mwana wakusanguna, ²³aboobu ndamba obu kuli nduwe, '''Leka mwana wangu mulombe, kuti andikombe''. Pesi mbwakaka kuti ayende, ndiyeleya bana bako, bana batanzi.''²⁴Lino mukati kalweendo, nibakayimikila kwabusiku, Leza wakaswanana aMozesi akuyanda kweezya kumujaya. ²⁵Mpawo Zipola wakabweza kafulo kwbwe jumu libosya akuyanda akumupalula mwana wakwe mulombe akujaya kumawulu akwe. Mpwo wakamba kuti, ''''Nkasimpe uli asibwiinga kuli ndime mubwindila mubulowa.'' ²⁶Lino Jehova wakamuleka alikke. Wakati, ''Nduwe sibwiinga wamubulowa'' Nkambo kabupalule.²⁷Jehova wakambila Aaloni ''kuyinka munkanda akuswanana a Mozesi.'' Aaloni wakayinka, waswanana awe muchilundu chaLeza, alimwi wakamumyonta. ²⁸Mozesi wakambila Aaloni majwi a Jehova kuti Leza wamutuma akwamba zyoonse zitondezyo zya Jehova anguzu nzyakamulayilila kuti azichite.²⁹Mpawo Mozesi a Aaloni bakayinka akubungania boonse bapati bamu Isilayeli. ³⁰Aaloni wakambula majwi woonse Jehova ngakambide kuli Mozesi. Alimwi wakatondezya zitondezyo anguzu kunembo lyabantu. ³¹Bantu bakasyoma. Nibakamvwa kuti Jehova wayeya Izilayeli akuti wamvwa akubona kupenzegwa, mpawo bakakotama ansi akumukomba.

¹Musule akuchitika kwazintu ezi, Mozesi a Aaloni bakayinka kuli Falo bakuti, ''Nzeezi Yawe, Leza wa Izilayeli, nzyawamba: 'Leka bantu bangu bayinke, kuchitila kuti bakabe pobwe lykusekelela ndime munkanda.'' ²Falo wakati, ''Ngwani Yawe? Nkambonzi ninjelede kuswilila kujwi lyakwe alimwi kuti ndileke ba Izilayeli kuti bayende? Nsimuzi Yawe; aboobo, nsikoyoleka Izilayeli ayende.''³Bakati, ''Leza waba Hibbulu waswanana andiswe leka twende lwendo lwamazuba atatu munkanda akupayilila kuli Yawe Leza wesu kuchitila kuti atatuumyi amalwazi a panga.'' ⁴Pesi mwami wa Ijipita wakati kuli mbabo, ''Mozesi a Aaloni, nkambonzi nimulikugwisya bantu amulimo wabo? Amubwede kumulimu wanu.'' ⁵Wakati alimwi, ''Kwaba bantu biingi lino munyika yesu, alimwi mulokubalesya milimu yabo.''⁶Muzuba ndilelyo, Falo wakapa malayilile kubendelezi akuli basikubabelesya. Wakati, ⁷''Kutali mbuli kusanguna, tuchiyelede kupa bantu bwizu limbi kuti bawume zitina. Baleke bayinke bakalyete bwizu beni. ⁸Nikuboobo, uyelede kuyanda kuli mbabo mwelwe ukozyania wazitina mbuli mbubali kuchita lutanzi. Utatambuli ziche, nkambo mbakandu. Nkiinkako nchibawompolola, tuleke tuyinke tukapayilile Leza wesu. ⁹Yungizya kulema kwamulimu kubantu kuchitila kuti bawubambe akutachinoswilila makani akubeja.''¹⁰Eelyo bapati ababelesyi babantu bakayinka bakwambila bantu bati, ''Nzeezi Falo nzyawamba: Nsichikamupi limbi bwizu.'' ¹¹Nywe lwanu mulelede kwinka akulijanina bwizu nkomukonzya kubujana, pesi kulema kwamulimu wenu takukowubisigwa pe.''¹²Eelyo bantu bakamwayika munyika yonse ya Ijipita kukuyandula zisiko-siko zyabwizu. ¹³Basikubabelesya bakabasungwazya akuti, ''Mumaninsye milimu yenu, mbuli kuti bwizu bwapegwa kulindinywe.'' ¹⁴Basimulimu ba Falo bakawuma basikubabelesya baba Izilayeli, abo bantu mbibakabikkide kuti babe bapati babasimulimo. Bapati bamulimu bakaliswini kubabuzya kuti, ''Nkambonzi nimwatagwisya zitina zyonse nzimwambilwa, nikuba jilo kana sunu, mbuli mbumwalikuchita lutaanzi?''¹⁵Elyo basikubabelesya ba Izilayeli bakeza kuli Falo akulila kulinguwe. Bakati, nkambonzi nujata balanda bako enzila ilibobu? ¹⁶Takuchikwe bwizu buchipegwa kubalanda bako alimbi, pesi bachitwambila: mupange zitina! 'Swebo, tubalanda bako, tulikumvwa nikuba lino, ¹⁷Pesi Falo wakati, ''Mulibakandu ! Mulibakandu ! Mulati, 'tuzumizye tuye tukapayile kuli Yawe. ¹⁸Eelyo lino mubwede kumulimu. Takuchikwe bwizu buyopegwa kulindinywe, pesi muyelede kuchinochita mwelwe ukozyania wazitina.''¹⁹Basikubabelesya bana ba Izilayeli bakabona kuti bakali mumapenzi nibakabuzigwa, ''Tamuyelede kuchesya mwelwe walubbe wezitina. ²⁰Bakaswanana a Mozesi a Aaloni, bakayimvwi aanze ang'anda yamwami, bakalizwide kuzwa kuli Falo. ²¹Bakati kuli Mozesi a Aloni, ''Yawe alange kuli ndinywe akumupenzya, nkambo mwatuchita chisampawuzyo mumeso a Falo abalanda bakwe, mwabikka ipanga mujanza lyabo kuti batujaye.''²²Mozesi wakabwedakuli Yawe akuti, ''Mwami, nkambonzi mwetela mapenzi kubantu aaba? Nkambonzi niwakandituma lutanzi? ²³Kuzwa kuchindi chindaza kuli Falo akwambula awe muzina lyako, wachita mapenzi kubantu aba, alimwi takwe aniwangununa bantu bako abunini.''

¹Eelyo Jehova wakati kuli Mozesi, '' Lino uyoobona nzinjohita kuli Falo. Uyochibona echi, nkambo uyoobaleka kuti beende akambo kajanza lyangu jumu. Akaambo kajanza lyangu jumu, akambo kajaanza lyaangu jumu uyoobenzya kuzwa kunyika yakwe.''²Leza wakaambula kuli Mozesi kulinguwe, '' Ndime Jehova. ³Ndakalibonia kuli Abbulahamu, kuli Ayizekki, mpawo akuli Jakkobbu mbuuli Leza singuzu zyoonse; pesi akambo kazina lyangu, Jehova, Tendakazibikene kuli mbabo. ⁴Alimwi ndakabamba chizuminano changu ambabo, kuchitila kuti ndibape nyika ya kkenani, Nyika njibakkala mbuuli beenzu, nyika njibakali kukkala-kkala. ⁵Aboobo, ndimvwide kutongela kwa Izilayeli aabo ba Igipita mbibakachitide bazike, Mpawo ndiyeeya chizuminano changu.⁶Nkaambo kaako, muteeci kuba Izilayeli,' Ndime Jehova njomugwisya kuzwa kubwaange Egepita,Njoomwangununa kuzwa kumanguzu aabo. Njomuvuna akulibonia kwanguzu zyangu, mpawo anchito mpati zyalubeta. ⁷Ndiyomuleta kulindime mbuuli bantu ngu, mpawo njooba Leza wanu, wakamugwisya kuzwa mubwaange bwa Igipita.⁸Ndiyoomuyiisya munyika njindakakonkezya kuli Abbulahamu, kuli Ayizekki, mpawo kuli Jakkobbu njoopa mbuuli lukkono lwanu. Ndime Jehova .!!! ⁹Awo Mozesi wakabuzya bana ba Izilayeli eechi , Teebakakonzya kumuswiilila akambo kakuchisa kwamyoyo yabo akambo kabuyumuyumu mbubakasweene.¹⁰Eelyo Jehova wakati kuli Mozesi, kati, ¹¹''yiinka ubuzye Falo, mwami wa Igipita, kuti aleke bantu ba Izilayeli kuti bazwe munyika yakwe.'' ¹²Mozesi wakati kuli Jehova,'' kuti ba izilayeli tebakandiswilila, Nkaambonzi Falo natakandiswilile, mbuuli mbutakonzyi kwaambula oobotu?'' ¹³Jehova wakaambula kuli Mozesi akuli Aloni. Wakabapa malayilile kuba Izilayeli akuli Falo, mwami waEgipita, agwisye ma Izilayeli kuzwa muchisi cha Egepita.¹⁴Aba basilutwe bamaanda zyabamawisi: Bana balombe ba Lubbeni, mwana mwana mutaanzi wa Izilayeli, Wakati Hanokki, Palu,Heziloni, mpawo akkani. Aaba zyakali nzubo zya Lubbeni. ¹⁵Bana balombe ba Simiyoni kwakali Jamuyeli,Jamini,Ohadi,Jakkini,Zohali, mpawo shawuli mwana mulombe wa wamwanakazi mukkanana.Aba zyakali nzubo Simiyoni.¹⁶Ngaaya mazina abana balombe aalembedwe ba Leevi, aantomwe azyalani lyabo. kwakali Gelisoni, kohati,mpawo Melali. Levi wakapona kusikila waba aminyaka iili mwaanda amakkumi atatu aalaminyaka musanu ayibili. ¹⁷Bana balombe ba Gelisoni kwakali libbimu mpawo a Shimeyi, mumpuli zyabo. ¹⁸Bana balombe Kkolati kwakali Amulamu , Iziha, Hebbuloni a Uziyeli Kkohati wakapona munyika minyaka iili mwaanda amakkumi aatatu aminyaka iitatu. ¹⁹Bana balombe ba Melali kwakali Mahili aMushi. Aba bakaba zyalanilyaba Levi aantomwe alunyungu lwabo.²⁰Amulamu wakakkwata Jokkebbedi, muchizi wawisi. Wakamuzyalila Alonia Mozesi, Amulamu wakapona minyaka iili mwanda amakkumi aatatu amusanu ayibili eelyo wakafwa. ²¹Bana balombe ba Izalakwakali kkola, Nefegi, a zikkili. ²²Bana balombe ba Uziyeli Mishayeli, Elizafani,a Sitili.²³Aloni wakakkwata Elishabba ,mwana musimbi wa Aminadabu, muchizi wa Nashoni. Wakamuzyalila Nadabu mpawo a Ahibu, Eliyeza a Hamala ²⁴Bana balombe ba Kkola kwakali Asili , Elikana a Abbiyasafu. Eezi nzizyo nzubo zyakkola. ²⁵Eliyeza, mwana wa Aloni wakakkwata uumwi wabana basimbi ba Patiyeli. Wakamuzyalila Fayinasi. Aba bakali basimitwe bangandayabawisi akati kaba Levi, mukwiindilila mumikowa wabo.²⁶Aba balumi babili bakali Aloni a MOzesi kuli mbabo J ehova nkwakati,'' mugwisye ba Izilayeli kuzwa kunyika ya Egipita, kwiindila munkamu zyabantu bakulwana.'' ²⁷Aloni a Mozesi bakawambuula a Falo, mwami wa Egepita, abazumizye kugwisya bana ba Izilayeli kuzwa mu Egepita. Aba bakali mbabo bamwi Mozesi a Aloni.²⁸³⁰Eelyo Jehova nakambula kuli Mozesi munyika ya Egepita , ²⁹wakati kuli nguwe,'' Ndime Jehova. Wamba kuti kuli Falo, mwami wa Egepita, zyoonse nzitakwambile. Pesi Mozesi wakati kuli Jehova,'' nsikonzyi kwaambula obotu, abobo nkaambonzi Falo natakandiswilizye.''

¹Jehova wakati kuli Mozesi, ''bona, ndakuchita mbuli Leza kuli Falo. Aaloni mukulana wako uyoba musinsimi wako. ²Uyowamba zyoonse nzindakakulayilila kuti uwambe. Aaloni mukulana wako uyowambila Falo kuti aleke bantu ba Izilayeli kuti bazwe munyika yakwe.³Pele njoyumya moyo wa Falo, alimwi ndiyobika zigambyo zyiingi, munyika ya Ijiputi. ⁴Pele Falo takoyoswilila, aboobo ndiyobika janza lyangu ku Ijiputi akugwisya makamu aampi yangu yabanlumi, bantu bangu, bantu ba Izilayeli, kuzwa munyika ya Ijipita alubeteko lupati. ⁵Ba Ijipita bayoziba kuti ndime Jehova nenjotandabika janza lyangu ku Ijipita akupozya bana ba Izilayeli kuzwa akati kabo.⁶Mozesi a Aaloni bakachita oobo; bakachita mbubonya Jehova mbwakabalayilila. ⁷Mozesi wakali amyaka ilimakumi alimusanu atatu, alakwe Aaloni wakali amyaka ilimakumi ali musanu aatatu aminyaka itatu nibakambuula a Falo.⁸Jehova wakati kuli Mozesi a Aaloni, ⁹''Lino Falo aakuti kulindinywe, ''Amuchite maleele, eelyo uwambile Aaloni, bweza musako wako uwuwaale aansi kunembo lya Falo, ikuti ibe nzoka.'' ¹⁰Mpawo Mozesi a Aaloni bakiinka kuli Falo, elyo bakachita mbuli Jehova mbwakalayilila. Aaloni wakawaala ansi musako wakwe kunembo lya Falo akubalanda bakwe, mpawo yabanzoka.¹¹Eelyo Falo alakwe wakayita basongo bakwe abachapi. Bakachita zikozyenie kumabiibo abo. ¹²Umwi awumwi mwalumi wakawaala musako wakwe aansi, mpawo misako yakanzoka. ¹³Pele musako wa Falo wakayumisigwa, eelyo takwe nakaswilila, mbuli Jehova mbwakamba.¹⁴Jehova wakati kuli Mozesi, ''Moyo wa Falo wayuma, eelyo wakaka kuti bantu bayinke. ¹⁵Yiinka kuli Falo chifumo akuyaanze akuya kumanzi. Yima ankomwe yamulonga uswanune anguwe, bweza mujanza musako wako wakasanduka kuba inzoka.¹⁶Umwambile kuti, ''Jehova waba Hebbulayo, wandituma kulinduwe kuti ndikwambile, 'Leka bantu bangu biinke, ikuti bakandikombe munkanda. Kusikila lino tonakuswilila.'' ¹⁷Jehova wamba echi: ''Acheechi uyoziba kuti ndime Jehova. Ndiyowuma manzi ali mumulonga Nayili amusako ulimujanza lyangu, elyo mulonga uyosanduka kuba bulowa. ¹⁸Ibaswi abo balimumulonga bayofwa, amulonga uyonunka. Ba Ijiputi tabakoyokonzya kunywa maanzi mumulonga.''¹⁹Lino Jehova wakati kuli Mozesi, ''Ambila Aaloni, bweza musako wako uvungunune janza lyako kumaanzi a Ijiputi,akumilonga yabo, akutulonga twabo, akumalambwa abo, akumikala yabo yoonse, kuti maanzi abo abebulowa. Chiita oobo kuti kube bulowa munyika yoonse ya Ijipita, nikuba muzibikilo zyabo zyezisamu azyamabwe.''²⁰'Mozesi a Aaloni bakachita mbuli Jehova mbwakalayilia. Aaloni wakanyampula musako mpawo wawuma maanzi alimumulonga, kumenso a Falo abalanda bakwe. Manzi woonse mumulonga akasanduka kuba bulowa. ²¹Abaswi bali mumulonga bakafwa, amulonga wakatalika kununka. Ba Ijipita tebakakonyza pe kuywa maanzi amumilonga ya Ijipita. ²²Pesi aba basimabibo ba Ijipita bakachita mbubonya abo amabibo aabo. Aboobo moyo wa Falo wakayumisigwa, eelyo wakakkaka kuswilila kuli Mozesi a Aaloni, mbuli Jehova mbwakaamba kuti ziyochitika.²³Eelyo Falo wakafutumuka mpawo wayinka mung'anda yakwe. Taakwe nakaswilila abunini kulicheechi. ²⁴Boonse ba Ijipita bakasya kumbali amulonga kuti bajane manzi akunywa, pele tebakakonzya kwajana manzi amumulonga lwawo. ²⁵Mazuba musanu aabili akayinda awo Jehova nakamana kusofwazya mulonga.

¹Mpawo Jehova wakati kuli Mosesi, ''Yinka kuli Falo ukamwambile kuti, Jehova wamba bobu: Leka bantu bangu bayinke kuti bandikombe. ²Kuti wakaka kubaleka kuti bayinke, ndapenzya nyika yako yoonse abasyachande. ³Mulonga uyoyambwa abasyachande. Balazwa oko banjile munganda yako, munganda yakulala, abulo bwako. bayoyinka kubantu bako, akuzikko, amuzyaambikwa zyako. ⁴Basyachande bayokusikila, abantu bako, abazike bako boonse.⁵Jehova wakambila Mosesi, "ambila Aroni ,''Tandabika janza lyako akaponda kako atala lyamulonga , atulonga, amalambwa. Kuti muzwe basyachande atala lyadolopo lya Egipita". ⁶Aroni wakatambika janza lyakwe atala lyamanzi a Egipita, ezyo basyachande bakazwa bazuzya dolopo lyoonse lya Egipita. ⁷Pele basimabibo bakachita bukozyenie kumabibo abo; bakaleta basyachande atala anyika zya Egipita.⁸Mpawo Faro wakita baMosesi a Aroni wati, "Mukombe kuli Jehova kuti agwisye basyachande kuzwa kulindime akubantu bangu. Elyo njobaleke bantu kuti bayinke, kuti bakapayile kuli nguwe". ⁹Mosesi wakati kuli Faro, ''Ulijene mwenya kundambila ndilili noyanda kuti nkukombele, bazike bako, abantu bako, ikuti basyachande bakagwisigwe kuzwa kulinduwe akumaanda aako bakkale mumulonga luzutu".¹⁰Faro wakati, "Junza''. Mosesi wakati, "akube mbuli mbowamba, kuti ukazibe kuti taakwe naba omwe uli mbuli Jehova, Leza wesu. ¹¹Basyachande bayozwa kulinduwe akumaanda ako, akubazike bako, akubantu bako. Bayokkala mumulonga luzutu". ¹²Mosesi a Aron bakazwa kuli Faro. Nkabela Mosesi wakakwilila kuli Jehova akaambo kabasyachande aabo mbakaletela Faro.¹³Jehova wakachita mbuli Mosesi mbwakakumbila: Basyachande bakafwa mumanda, amumabetekelo aabo amumyuunda yabo. ¹⁴IBantu bakabungika antoomwe muzilwi zilwi, anyika yakanunka. ¹⁵Pele Faro nakabona kuti kwaba buyoyelo, wakayumya moyo wakwe alubo takwe nakaswilila Mosesi a Aron, mbubonya Jehova mbwakaliwamba kuti ulachita.¹⁶Jehova wakati kuli Mosesi, "ambila Aroni, 'tandabika kaponda kako ume lusuko lwako lwansi, kuti lusanduke kuba mansenya muchisi choonse cha Egipita"'. ¹⁷Bakachita obo. Lino Aron nakatambika janza lyakwe akaponda kakwe akuma lusuko ansi, mansenya akasika kubantu akubanyama. Loonse lusuko lwakali ansi lwakaba mansenya muchisi choonse chaEgepita.¹⁸Basimabibo bakasoleka abalo mubuchapi bwabo kuti bachite mansenya, pele tebakachikonzya. Elyo kwakaba mansenya kubantu akubanyama. ¹⁹Mpawo basimabibo bakambila Faro, "Oyu munwe waLeza". Pele moyo waFaro wakayumisigwa, elyo wakakaka kubaswilila. MbuliJehova mbwakamba Faro mbwakelede kuchita.²⁰Jehova wakati kuli Mozesi, "buka chifumo ukayime kunembo lya Faro anoyinka kumulonga. Umwambile kuti, 'Jehova wamba kuti: Leka bamtu bangu kuti bazwe bandikombe . ²¹Pele kuti tewaleka bantu bangu kuti bayinke njotuma matanga amazi kulinduwe, akubazike bako, akubantu bako, akumaanda anu. Maanda aba Egepita ayozula matanga amazi, aalo ansi mpobayimvwi ayozula mazi.²²Pele mubuzuba obo ndiyobamba chisi cha Gosheni bwandene, inyika bantu bangu mobakkede, kuti kutabi matanga amazi oko. Echi chiyochitwa kuti mukazibe kuti ndime Jehova mukati kanyika eezi. ²³Njowandanya bantu bangu abantu bako. Echi nchitondezye changuzu zyangu chiyotola busena junza"". ²⁴Jehova wakachita obo, matanga mapati amazi akasika munganda ya Faro amumaanda abazike bakwe. Amunyika zyoonse zya Egepita, inyika yanyonyoka nkambo kamatanga amazi.²⁵Falo wakayita Mozesi a Aaloni wati, "kamuya, mukapayile Leza wenu munyika yesu." ²⁶Mozesi wakati, "tachiluleme kulindiswe kuchita oobo nkambo zipayizyo nzituchitila Jehova Leza wesu nzisesemyo kuliba Ijipita, kuti twachita zipayizyo kumeso abo ezyo zisesemya ba Ijipita, tabakoyotutulula mabwe? ²⁷Pe, ndweendo mazuba otatwe kusika munkanda kuti tuchite kuti tukapayile Jehova Leza wesu, mbuli mbwakatulayilila."²⁸Falo wakati , ''ndamuzuminina kuti mwinke mukapayilile Jehova wenu munkanda pele mutayinki kule. Amundikombele" ²⁹Mozesi wakati, ''lino ndazwa biyo kulinduwe ndiyokomba kuliJehova kuti matanga amazi akuleke , Falo, abazike bako abantu bako junza. Pele utatweni limbi kukutaleka bantu kuti bakapayile Jehova.³⁰Mozesi wakazwa kuli Falo wakukomba kuli Jehova. ³¹Jehova wakachita mbuli kukumbila kwaMozesi; elyowakagwisya matanga anzikuzwa kuliFalo, akubazike bwakwe, akubantu bakwe. Taakwe neliba lyomwe lyakasyala. ³²Pele Falo weakayumya moyo wakwe lubo kuchindi echi, taakwe nakabaleka bantu kuti bayinke.

¹Mpawo Jehova wakati kuli Mozesi, ''koya kuli Falo ukamwambile kuti; Jehova Leza wama Hibbulu, wakamba eechi: ''Muleke bantu bangu beende kuchitila kuti bakandikombe.'' ²Pesi na mwakaka kuti beende, na kamuchibabikide musule, ³Mpawo luboko lwa Jehova luyoyeta chiyoosyo kuzivubwa zyanu zili mumunda - mabbiza, madonki, inkamela, ang'ombe ambelele. ⁴Pesi Jehova uyoyita musiyano akati kazivuubwa zyama Izilayeli akuzivuubwa zyaku Ijipiti, kuchitila kuti takwe munyama wama Izilayeli utakafwe pe.⁵Jehova takachincha chindi, wakati, nijunza ninsikachite chintu echi munyika eyi.'' ⁶Jehova wakachita echi izuba litobela. Zyonse ng'ombe zyamu Ijipiti zyakafwa, pesi takwe nikuba umwi munyama wama Izilayeli wakafwa, takwe nikuba umwi munyama. ⁷Falo nakalangisisya, alimwi, amubone, takwe nikuba umwi munyama wama Izilayeli wakafwa. Pesi moyowakwe wakali achiguni, aboobo takalekela bantu kuti beende.⁸Mpawo Jehova wakati kuli Mozesi akuli Aaloni, ''Amubweze amuzuzye maanza anu amulota kuzwa ku Kkilini. Iwebo, Mozesi, welede kusowa mulota k ujulu mumuuya Falo kalangilizizye. ⁹Luyoba lusuko lunante atala enyika yoonse ya Ijipiti. Buyochita busina azilonda kuti zikajaye bantu abanyama mukati kenyika yoonse ya Ijipiti. ¹⁰Aboobo Mozesi a Aaloni bakabweza bakabweza mulota kuzwa ku Kkilini akwimikila kunembo lya Falo. Mpawo Mozesi wakasowa mulota mumuya. Mulota wakabachitya matumpwiza azilonda kuti zijaye bantu abanyama.¹¹Alimwi basimabibo nibakali kukonzya kutobelezya Mozesi nkambo kamatumpwiza akala busina bwakali alimbabo akuli boonse bamwi ma Ijipita. ¹²Jehova wayumya moyo wa Falo, aboobo Fallo takaswilizya Mozesi a Aaloni. Ezi zyakali mbuli mbakambide kuli Mozesi kuti Falo uyochita.¹³Mpawo Jehova wakati kuli Mozsi, ''ubuke chakufwambana kuseni, uyimikile kunembo lya Falo, akwamba kuti kulinguwe, 'Jehova, Leza wama Hibbulu wamba eechi; Leka bantu bangu biinke kuchitila kuti bakandikombe. ¹⁴Mbuli echi chiindi ndiyotumizya zikankamaninsya mulinduwe lwako omwini, kubalanda akubantu bako. Ndiyochita echi kuchitila kuti mukabone kuti takwe umwi ulimbuli ndime munyika yoonse.¹⁵Pesi lino ndilelede kusika aluboko lwangu akukusoka abantu bako amalwazi alimwi muyolonzegwa kuzwa kunyika. ¹⁶Pesi zyakali mukambo aka ndakamuzumizyankuti mupone: Kuchitila kuti izina lyangu likambawukwe kwindila munyika yoonse. ¹⁷Uchili kulinyampuka lwako omwini akati kabantu banguakutabalekela kuti beende.¹⁸Swilizya junza atala achindi echi, ndiyoyeta ichivulamabwe chikali, eezyo zitanaboneka mu Ijipiti kuzwa izuba nizyakasanguna kusikila lino. ¹⁹Mpawo lino, tuma muntu akayandule zivubwa zyanu azyonse nzemulazyo zivubwa zyenu azyonse nzemulazyo mumunda kubusena bulikabotu. Woonse muntu amunyama ezyo zilimumuunda alimwi tazyetedwe kumunzi - chivulamabwe chiyosika kulimbabo - alimwi bayofwa.''²⁰Mpawo aba balanda ba Falo basyoma muli Jehova ijwi lyakasika chakufwambana kuti beete bazike baabo azivuubwa mumanda. ²¹Pesi abo bakatabweza ijwi lya Jehova chakubosya bakasiya bazike baabo mumyuunda yabo.²²Mpawo Jehova wakati kuli Mozesi, ''Nyampula ijanza lyako kujulu kuchitila kuti kube chivulamabwe munyika ya Ijipiti, kubantu akubanyama, azyonse amisamu yamumyunda ya Ijipiti. ²³Mozesi wakasika amusako wakwe kujulu alimwi Jehova wakatuma muzuzumina, chivulamabwe atulabi aansi. Alubo wakawisya chivulamabwe munyika ya Ijipiti. ²⁴Aboobo kwakaba chivulamabwe atulabi zivwelengene. kazichisa loko, mbulikuti teyakaliwo munyika yoonse ya Ijipiti kuzwa niyakaba chisi.²⁵Kwinda minyaka yoonse ya Ijipiti, chivulamabwe chakajaya zyoonse zyakali mumyunda, boonse bantu abanyama chakajaya woonse munsamu mumyunda akutyolola minsamu yoonse. ²⁶Kupela domunyika ya Gosheni, ma Izilayeli nkubakali kukkala, techakaliwo pe chivulamabwe.²⁷Mpawo Falo wakatuma bantu akwambila Mozesi a Aaloni wakati kulimbabo, ''Ndabisya ichindi echi Jehova uliluleme, alimwi imebo abantu bangu tulibasizibi. ²⁸Atukombe kuli Jehova, nkambo ndiyomuleka kuti mweende, alimwi tamukoyokkala aawa limbi pe.''²⁹Mozesi wakati kulinguwe, ''lino ndazwa mumunzi, ndiyowanzania maanza angu kuli Jehova tulabi tuyomana, alimwi takukabi limbi chivulamabwe. Munzila njiyeyi muyoziba kuti ijulu ndilya Jehova. ³⁰Pesi mbuli ndinywe akubalanda bako, ndilizi kuti tamunalemeka Jehova Leza chanchobeni.''³¹Lino butonje a bbali zyakanyonyonwa, bbali yakali yalampa kusika mumatwi, atonje yakali yaba abuluba. ³²Pesi i wiiti a sipeliti tezyakanyonyonwa pe nkambo zyakali zilyo zinonoka. ³³Eelyo Mozesi nakasiya Falo a munzi, wakayanzania maanza akwe kuli Jehova, tulabi achivulamabwe zyakamana, alimwi imvula takwepe niyakasika aansi limbi.³⁴Eelyo Falo nakabona kuti imvula, chivulamabwe atulabi zyamana, wakbisya lubo akuyumisya moyo wakwe, wakabisya lubo akuyumisya moyo wakwe, antomwe abalanda bakwe. ³⁵Imoyo wa Falo wakayuma, aboobo takaleka bantu ba Izilayeli kuti beende, mbuli Jehova mbaakambide kumanza a Mozesi.

¹Yahweh wakati kuli Mozesi, "Kuya kuli Falo mbulikuti ndakakumya moyo wakwe amyoyo yabalanda bakwe. Ndakachita echi kuti ndimutondezye nguzu zyangu akati kabo. ²Ndakachita lubo echi kuchitila kuti muzobuzye bana banu abazukulu zintu nzindakachita, mbundakajata Ijipiti inzila iiteelede, alimwi mbundakapa zitondeezyo zisiyene-siyene zyanguzu zyangu akati kabo. Munzila eeyi muyoziba kuti ndime Yahweh.''³Aboobo Mozesi aAloni bakaya kuli Falo akuti kuli nguwe, "Jehova, Leza wama Hibbulu, wamba kuti echi: ''Kwachiindi chilamfu chilibieni nchimuyokaka kulifwiinsya kunembo lyangu? Muleke bantu bangu beende kuchitila kuti bakandikombe. ⁴Pesi naa mwakaka kuti bantu bangu beende, swilizya, juunza ndiyoyeta nsozi mukatimkanyika yako.⁵Ziyovumba atala lyanyika kuchitila kuti takwe nikuba uumwai utakabone nyika. Ziyolya kufumbwa zyakachede kuchivulamabwe. Ziyolya lubo woonse musamu ukomenena munyuunda. ⁶Ziyozuzya ng'anga yako, eezyo zyoonse zyabalanda bako, azezyo zyoonse zyama Ijipiti - zimwi zitanabonegwa nikuba wuso nikuba abasyanyokulu, takwe nizyakabwenwe kuzwa buzuba nibakali ansi ambulisunu.''' Mpawo Mozesi wakazwa weenda kuzwa kuli Falo.⁷Balanda ba Falo bakati kulinguwe, "Kwachindi chilibuti mwalumi oyu nchayotupenzya? Muleke ma Isilalayiti beende kuchitila kuti bakakombe Jehova Leza wabo. Tonakuzibona na kuti Ijipita yajayigwa?'' ⁸Mozesi a Aloni bakeetwa lubo kuli Falo, wakati kulimbabo, ''Mweende mukakombe Yahweh Leza wanu. Pesi bantu bali batayoyende?''⁹Mozesi wakati, ''Tuyoyenda abanike nike besu abapati, abana balombe besu abasimbi. Tuyoyenda ambelele zyesu ang'ombe, mbuli kuti twelede kuchuta pobwe lyaJehova. ¹⁰Falo wakati kulimbabo, ''Ikaka Jehova abe andinywe chakasimpe, naa ndamulekelelal kuti mwende abanini banu beende. Mulange mulabubi mumiyeyo. ¹¹Pepe! Mweende, kufumbwa mwalumi akati kanu, akukomba Jehova, mbulikuti ezyo nzimuyanda. '' Mpawo Mozesi aAloni bakagwisigwa kuzwa kubube bwa Falo.¹²Mpawo Jehova wakati kuli Mozesi, ''Nyamuna luboko lwako kunyika ya Ijipiti kunsozi, kuti zinjile munyika ya Ijipito akulya musamu woonse ulimulinjiyo, zyoonse zyakasiyigwa achivulamabwe.'' ¹³Mozesi wakasisya musako wakwe kunyika ya Ijipiti, alimwi Yahweh wakeeta moya kunyika boonse buzuba oobo amansiku. Nikwakali mansiku, moya wakujwe waketa nsozi.¹⁴Nsozi zyakeenda mukati kanyika yoonse ya Ijipiti akunjila loonse lubbazu lwayo. Takwe nikwakali chikungo chansozi zilobo munyika, alimwi takwe zili boobo ziyosika munyika kuzwa ezi. ¹⁵Zyakavumba nyika yoonse aboobo yakasiya. Zyakalya masamu woonse munyika amichelo yoonse yamisamu yakasiyigwa achivulamamwe.Mukati kanyika yoonse yaIjipiti, takwe musamu wakamwemvwe wakachala, nikuba umwi musamu nikuba musamu mumunda.¹⁶Mpawo Falo wakayita Mozesi a Aloni chakufwambana akuti, ''Ndakabisizya Jehova Leza wako anduwe. ¹⁷Lino mpawo, ndilekelele milandu yangu kwachiindi echi, alimwi ukombe kuli Jehova Leza wako kuti abweze lufu olo kule andime.'' ¹⁸Aboobo Mozesi wakenda kuzwa kuli Falo akukomba kuli Jehova.¹⁹Jehova waketa guwo lisimide kuzwa kumbo eelyo lyakabweza nsozi akuzitola mulwizi lwamatete; takwe nikuba imwi nsozi yakachaala munyika ya Ijipiti. ²⁰Pesi Yahweh wakayumya moyo waFalo, alimwi Falo takalekela maIsilalayiti kuti beende.²¹Mpawo Yahweh wakati kuli Mozesi, ''Tambika jaanza lyako kujulu, kuchitila kuti kube mudima munyika ya Ijipiti, mudima umvwigwa.'' ²²Mozesi wakasisya jaanza lyakwe kujulu, alimwi kwakaba mudima mupati munyika yoonse ya Ijipiti kwamazuba aatatu. ²³Takwe umwi wakalikubona umwi lubo; takwe wakasiya munzi wakwe kwamazuba aatatu. Aboobo boonse ma Isilalayiti bakali a lambe kunyika nkubakali kukkala²⁴Falo wakayita Mozesi akuti, ''Enda ukakombe Yahweh. Nikuba impuli yako yelede kweenda anduwe, pesi ng'ombe zyako ambelele zyelede kuchala. ²⁵Pesi Mozesi wakati, ''Tuzumizye kuti tuchite zipayizyo akumpa tununkilizyo kuchitila kuti tukazipedekezye kuli Yahweh Leza wesu. ²⁶Ng'ombe zyesu zilelede kweenda azilazyo andiswe, takwe nikuba butanga bwazyo bweelede kuchala musule, mbulikuti twelede kuzibweza kuti zikakombe Leza wesu. Mbulikuti tatuzi kuti mbyeni mbutwelede kukomba Yahweh kusikila tukanyampuke ooko.''²⁷Pesi Yahweh wakayumya moyo wa Falo, alimwi taakabalekela kuti beende. ²⁸Falo wakati kuliMozesi, , ''Enda kuzwa kuli ndime! Chenjela achintu chimwi, kuti tokoyondidona lubo, mbulibuzuba notazobone busyu bwangu, uyofwa. ²⁹Mozesi wakamba, ''Iwe lwako wambula. Tandikoobona busyu bwako lubo.''

¹Lino Yawe wakambila Mozesi kuti, ''kuchili chuumo chimwi echo nchindiyoleta ali Falo mu Ijiputi. Kwainda eecho eecho, uuyomuleka mukeende kuzwa okuno. Lino ayomuleka kuti mukeende uyomutandila kule. ²Layilila bantu aabo kuti woonse mwalumi amwanakazi kuti akumbile kulinguwe ngwayakilene aawe zintu zyensiliva azintu zyengolida.'' ³Lino Yawe wakachita kuti ba Ijipiti bayande kubotezya ba Izilayeli. Kwinda boobo, mwalumi Mozesi wakali kubotezya mumeso abalanda ba Falawo abantu bamu Ijipiti.⁴Mozesi wakati, ''Yawe waamba oobu: 'mbuli akati kamansiku ndayinda mu Ijipita. ⁵Boonse bana batanzi munyika ya Ijipita bayoofwa, kuzwa kumwana mutanzi wa Falawo, ukkede achuuno chabwami, kuyosika kumwana mutanzi wamuzike mwanakazi ulikusule lyaziyo linokuziya, akuli boonse bana batanzi bazivuubwa.⁶Lino kuyoba kulila kupati munyika yoonse ya Ijipiti, kutali mbuli kwakabwenwe na kuyoba alubo. ⁷Pesi takwe naba mubwa uyokkuwa kufumbwa kumuntu wa Izilayeli, nekuba kumuntu na munyama. Munzila njiyeyi muyoziba kuti ba Ijipiti ndilababweza munzila isiyene aba Izilayeli. ⁸Boonse aaba bazike bako, Falawo, bayoseluka aansi kuli ndime akundivundamina. Bayowamba kuti, 'koya, webo abantu boonse bakutobela!' kusule lyayaaya ndiyozwa.'' Mpawo kuli Falawo kafundikide abukali.⁹Yawe wakambila Mozesi kuti, 'Falawo takokuyokuswilila pe. Nkinkaako kuti ndikachite zyiingi zigambyo munyika ya Ijipiti.'' ¹⁰Mozesi a Aaloni bakachita zigambyo eezi kunembo lya Falawo, pesi Yawe wakayumya moyo wa Falawo, mpawo Falawo tewakalekela bantu ba Izilayeli kuti bazwe munyika yakwe.

¹Yawe wakambila Mozesi a Aaloni munyika ya Ijipiti. Wakati, ²''kuli ndinywe, mwezi uno uyoba matangunino yamyezi, mwezi mutaanzi wamwaka kuli ndinywe.³Wambila imbungano ya Izilayeli, 'mubuzuba bwamwezi uuno umwi awumwi ulelede kubweza kabelele na kana kampongo, imwi ayimwi mpuli ichite obo, kabelele kayimwi ayimwi ng'anda. ⁴Na beng'anda bacheya kukabelele mwalumi ambabambene aabo beleede kubweza kabelele na inyama yakana kempongo eeyo inga ilazulila kumwelo wabantu. Yelede kuzulila kuli woonse kuti balye, aboobo belede kubweza inyama izulila boonse.⁵Kabelele kenu naa kana kampongo takelede kuba akampenda, kagutu kamwaaka umwi. Welede kubweza imwi yambelele na impongo. ⁶Weleede kukabamba kusikila mubuzuba bwakkumi atune bwamwezi ooyo. Mpawo imbungano yoonse ya Izilayeli yelede kujaya banyama aaba igolezya. ⁷Mulelede kubweza bumwi bulowa akububika aatala lyamabazu aabili amulyango aatala lyazikunguzyo zyamaanda mumuyolyida nyama. ⁸Mwelede kulya inyama mansiku aayo, mwamana kwiyoka mumulilo. Mwiilye achinkwa chitakwe bumena, azisyu zilula.⁹Mutakilyi kili mbisi na kijikidwe amanzi. Kwinda boobo, mwiyoke mumulilo amutwe wayo, myeendo azyamukati. ¹⁰Tamwelede kwisiya kusikila bukache. Mwelede kuumpa kufumbwa chicheede nibwacha. ¹¹Mbubobu mbumwelede kwiilya: kamulyangide muzibuno, ansangu kumawulu anu amifunko mumaboko aanu. Mwelede kulya chakufwambana. Ndipobwe lyakwindilila lya Yawe.¹²Yawe waamba obu: Ndiyoyinda akati kanyika ya Ijipiti busiku oobo akujaya boonse bana babantu batanzi ababanyama bali munyika ya Ijipiti. Ndiyoyeta chisubulo kuliba Leza ba Ijipiti. Ndime Yawe. ¹³Bulowa buyoba chitondezyo amaanda aanu chakuboola kwangu kuli ndinywe. Eelyo ndabona bulowa, ndiyoyindilila kuli ndinywe nindiyolwisya nyika ya Ijipiti. Luumo olu talukoyomusikila pe akumujaya. ¹⁴Buzuba oobu buyoba buzuba bwakuyeeya kuli ndinywe, mbumwelede kuyeya mbuli pobwe kuli Yawe, kwindilila kumazyalani anu, ncheezyanisyo nchimwelede kubamba mbuli pobwe kwalyoonse.¹⁵Muyolya chinkwa chitakwe bumena mumazuba alimusanu aabili. Mubuzuba butanzi muyogwisya bumena kuzwa kumaanda anu. Kufumbwa ulya chinkwa chila bumena kuzwa kubuzuba butanzi kuyosikila buzuba bwamusanu aabili, muntu oyo weelede kugwisigwa mu Izilayeli. ¹⁶Mubuzuba butanzi kuyooba kubungana kusalalisya kuli ndime, mpawo mubuzuba bwamusanu aabili kuyoba kubungana kuliboobu. Takwe mulimu uyoochitwa mumazuba aaya, kunze kwakujikila boonse kuti balye. Oyu ngomulimu unga ulachitwa aandinywe.¹⁷Mwelede kulemeka ipobwe lyachinkwa chitakwe ibumena nkambo mbobuzuba obo mbundakagwisya mukwanzanisigwa kwanu munyika ya Ijipiti. Aboobo mulelede kulemeka buzuba oobu mumazyalane aanu woonse mbuli chezyanisyo kwalyoonse. ¹⁸Mwelede kulya chinkwa chitakwe bumena kuzwa golezya lyabuzuba bwakkumi aane bwamwezi mutanzi wamwaaka kusikila golezya lyabuzuba bwamakkumi abili abumwi bwamwezi.¹⁹Kumazuba alimusanu aabili, takwe bumena bwelede kujanwa mumaanda anu. Kufumbwa ulya chinkwa chilabumena welede kutandwa mumunzi wa Izilayeli, nikuba kuti muntu oyo muzwakule naba muzyalwe wamunyika yenu. ²⁰Tamwelede kulya chintu chipangwa abumena. Kufumbwa nkumukkala, mwelede kulya chinkwa chitakwe bumena.''''²¹Mpawo Mozesi wakayita bapati boonse ba Izilayeli wabaambila kuti, ''kamuya mukasale tubelele na twana twampongo ooto tuyozulila kusanina impuli zyenu alimwi mukajaye kabelele kakwindilila. ²²Mpawo mukabweze mumpusa wahisopu akunika mubulowa oobo bunoli muchisambilo. Mukazile bulowa buli muchisambilo kujulu achikkunguzyo aminsende kuzwa aanze amulyango wang'anda kusikila buchee.²³Nkambo Yawe uyoyinda akati akulwanya ba Ijipiti. Nayobona bulowa bwakuchikunguzyo akuminsende iibili, uyoyindilila kumilyango yanu alimwi takoyozumizya basikujaya kuti basike kumaanda enu kuti bamujaye.²⁴Mwelede klemeka chitiko echi. Ooyu nguyoba mulawu wanu walyoonse abana banu. ²⁵Eelyo nimuyonjila munyika eeyo Yawe njayomupa mbuli mbwakasyomezya kuchita, mulelede kulemeka bukombi oobu.²⁶Na bana banu bamubuzya kuti, bwambanzi bukombi bwamusyobo ooyu?' ²⁷mpawo mwelede kwamba kuti, wayindilila, nkambo Yawe wayindilila mumaanda aba Izilayeli bali mu Ijipiti muchindi nakali kubalwanya ba Ijipita. Wakaangununa impuli zyesu.'' Mpawo bantu bakavundamina Yawe akumukomba. ²⁸Ba Izilayeli bakachita mbubonya mbuli Yawe mbwakalayilila Mozesi a Aaloni.²⁹Zyakachitika akati kabusiku kuti Yawe ajaye boonse bana batanzi munyika ya Ijipita, kuzwa kumwana mutanzi wa Falawo, wakakkede achuno chabwami, kusikila kumwana mutanzi wamuntu ulimuntolongo abana batanzi bazivuubwa. ³⁰Falawo wakabuka akati kabusiku - we, abalanda bakwe, aba Ijipita boonse. Kwakaba kulila kupati mu Ijipita nkambo tekwakali ng' anda yakatali amuntu wakafwide pe.³¹Falawo wakayita Mozesi a Aaloni mansiku akubambila kuti, munyampuke, muzwe akati kabantu bangu, inywe aba Izilayeli. Kamuya, mukakombe Yawe, mbuli mbumwambide kuti muyanda kuchita. ³²Amubweze mbelele zyenu ang' ombe zyenu, mbuli mbumwamba mpawo mwinke alimwi mundilongezye.'' ³³Lino ba Ijipita bakakulubizya kapati kuti babatande munyika, nkambo bakaamba kuti, ''toonse tuyofwa.''³⁴Aboobo bantu bakabweza mupelela wabo kabatabikide bumena. Zilongo zyabo zyakali zyaangwa kale amilembo amakkuko aabo. ³⁵Lino bantu ba Izilayeli bakachita mbuli Mozesi mbwakabambila. Bakakumbila ba Ijipita zintu zyansiliva, azintu zyangolida mpawo azyakusama. ³⁶Yawe wakachita ba Ijipita kuyanda kubotezya ba Izilayeli. Aboobo ba Ijipita bakabapa kufumbwa nchibakakumbila. Munzila njiyeyi, ba Izilayeli bakabbida ba Ijipita.³⁷Lino ba Izilayeli bakeenda kuzwa Lamasesi kusikila ku Sikkoti. Bakali mweelwe wakasiyande kuba kumyanda yazyululu zili makkumi alimusanu alimwi (600,000) wabalumi benda amawulu, kuyungizya abanakazi abana. ³⁸Makamu avwelengene alawo akeenda aabo, antomwe ambelele ang'ombe, amweelwe mupati wazivuubwa. ³⁹Bakajika chinkwa chitakwe bumena mumimpelela eeyo njibakeeta kuzwa ku Ijipita. Teyakali abumena nkambo bakali batandwa kuzwa ku Ijipita akubula mweenya wakubamba chakulya. ⁴⁰Lino ba Izilayeli bakali kukkala mu Ijipita kwamyaka ili myanda iine amakkumi aatatu. (430)⁴¹Kumamanino amyaka iili makumi ilimyanda iine amakumi aatatu, mubuzuba oobo, boonse makamu abasilumamba ba Yawe bakazwa kunyika ya Ijipita. ⁴²Oobu bwakali busiku bwakulindila, bwa Yawe mbwakaba gwisya kuzwa kunyika ya Ijipita. Oobu bwakali busiku bwa Yawe kuti alemekwe aboonse ba Izilayeli mumazyalane aabo boonse.⁴³Yawe wakambila Mozesi a Aaloni, ''ngoyu mulawu wapobwe lyakwindilila: Takwe muzwakule uunga ulaabana mukulya. ⁴⁴Nikuba boobo, muzike woonse waba Izilayeli, uwulidwe amali, nga ulalya amana kupalulwa.⁴⁵Ibeenzu ababelesi tabelede kulya kufumbwa chakulya. ⁴⁶Lino kulya kulelede kulyidwa mung'anda imwi. Tamwelede kubweza inyama izwa mung'andampawo tamwelede kupwaya kafuwa kayo.⁴⁷Iguunzi lyoonse lya Izilayeli lilelede kulemeka ipobwe. ⁴⁸Na kuli mwenzu ngumukkala aawe alimwi akuyanda kulemeka ipobwe lyakwindilila kuli Yawe, baluzubo bakwe balumi baleelede kupalulwa. Mpawo ngaulabola akulilemeka. Nga ulaba mbuli bantu bakazyalilwa munyika. Nikuba boobo, takwe muntu utapalwidwe unga ulalya kufumbwa chakulya.⁴⁹Mulawu nguwoyu ulabeleka kuli boonse bazyalwa muchisi akubeenzu bakkala akati kenu. ⁵⁰Lino bana ba Izilayeli bakachita mbubo mbuli mbwakabalayilila Mozesi a Aaloni. ⁵¹Nikwakaba buzuba mbubbobo Yawe wakagwisya Izilayeli kuzwa munyika ya Ijipita ankamu zyaba silumamba zyabo.

¹Kuzwaawo Yahuwe wakambuula kuli Mozesi, wakati, ²''Kondibikila ambali bonse bana balombe batanzi - nkambo kufumbwa chitaanzi kukujula izyalilo akati kaba Izilayeli unoli nguwangu, nibaba bantu neziba zinyamankala.''³Mozesi wakati kubantu, ''Elizuba kamunoliyeeya mumizezo yenu, buzuba mbomwakazwa anze lya Ijiputi, kamuzwa anze mung'anda yabuzike, kwinda kujanza ijumu lya Yahuwe ndyakamugwisya alyo kuzwa mubusena obu. Takwe chibunge chilabumena chelede kulyigwa. ⁴Mulazwa anze a Ijiputi obuno ibuzuba , mumwezi wa Abbibbi. ⁵Elyo Yahuwe nayomweeta munyika yaba Kkenanayiti, Hititisi, Hivanayitisi, alimwi aba Jebbusayisi, inyika njakakonkezya basikale kuti uyomupa, inyika ikunka malili abuchi - mpawo mwelede kubamba eyiinzila yabukombi mumwezi oyu.⁶Kwamazuba musanu awabili mwelede kulya chibunge chitakwe bumena; mubuzuba bwamusanu aabili kuyoba ipobwe lyakulemeka Yahuwe. ⁷Chibunge chitakwe bumena chelede chikalyigwe mumazuba musanu aabili; takwepe chibunge chila bumena chelede kuyobonwa akati kamigaano kenu.⁸Mubuzuba obo mwelede kuyoti kubana benu, 'Echi chilibobu nkambo kazezyo Yahuwe nzyakandichitila elyo nindakazwa anze lya Ijiputi.' ⁹Echi chiyoba chibalusyo chako kujanza lyako, alimwi nchibalusyo ankumu yako. Echi chilibobu kuti mulawu wa Yahuwe ukakkale mumulomo wako, nkambo nkujanza ijumu elyo Yahuwe ndyakakugwisya alyo kunze lya Ijiputi. ¹⁰Nkenkaako mwelede kubamba mulawu oyu mbuli mbubambilidwe chindi kuzwa kumunyaka akumunyaka.¹¹Eelyo Yahuwe akumusisya munyika yaba Kkenani, mbuli mbwakasyomezya ndinywe abasikale kuti uyozichita, alimwi akwaba nyika kulindinywe, ¹²mwelede kuyobika kumbali kuli Yahuwe izitanzi kukuzyalwa kumazyalilo woonse. Zyonse zitanzi kuzyalwa kumbono zyenu zyonse ezyo zyeenze, ziyoba zya Yahuwe. ¹³Bonse bana batanzi bama donki mwelede kubaliya amwana wambelele. Kuti kotakonzyi kuzokawula lubo, elyo uyelede kukatyola insingo yako. Pesi bonse bana batanzi kubawula kuti bajoke.¹⁴Elyo mwana wako ayokubuzya, ''Echi chambaanzi?'elyo uyelede kuyomwambila, ''Kwakali kujanza ijumu Yahuwe ndyakatugwisya alyo anze kuzwa mu Ijiputi, kuzwa mung'anda yabuzike. ¹⁵Elyo Falo wakaka chakuyumya moyo kuti atuleke twende, Yahuwe wakajaya zyonseni zyakali zitanzi kukuzyalwa mu Ijiputi, zyonse zitanzi kubantu ezitanzi kubanyama. Nchenchicho nchendimukupayila kuli Yahuwe zyonse zyenze ezyo zitanguna kujula izyalilo pesi bonse batanzi bana balombe ndilababoozya.' ¹⁶Echi chiyoba chiyeezyo kumaanza enu, alimwi nchiyeezyo ankumu zyenu, nkambo kwakali kujanza jumu lya Yahuwe ndyakatugusya alyo iswebo aanze lyaku Ijiputi.''¹⁷Elyo Falo nakazumizya bantu kuti binke, Leza takabazulwida enzila iyinda kuba Filisitina, nekuba kuti eyi njiyakali mfwifwi. Nkambo Leza wakati, ''Ambweni ulabona bantu bakachinche mizezo yabo elyo bakuswanana enkondo alimwi bakajokele lubo ku Ijiputi. ¹⁸Nkinkaako Leza wakazulwida bantu chakubanzemusya kwindila munkanda manedo ku Lwizi lwa Matete. Bana ba Izilayeli bakeenda chakuzwa anze kanyika yaba Ijiputi bakali bambilide inkondo.¹⁹Mozesi wakabweza zifuwa zya Jozefu, nkambo Jozefu wakali wakonkezya ku bana ba Izilayeli wakati, ,''Leza chakasimpe uyomuvuna, alimwi mwelede kubweza zifuwa zyangu akwinka azyo.'' ²⁰Ibana ba Izilayeli bakalonga beenda kuzwa ku Sakkoti alimwi bakakukkala ku Etamu kumagolelo enkanda. ²¹Yahuwe wakayo bwenda kunembo lyabo kalimujoba lyamulilo kuti abape mumuuni. Mansika wakali kubazulwida kali mumusumpululu wamulilo kuti abape mumuuni. Muleeyi nzila bakeenda mansiku esikati. ²²Yahuwe takwepe nakabanyanzya kuzwa kumatalikilo ibantu musumpululu wejoba wamubuzuba niliba ejoba lyamansiku kuli musumpululu wamulilo.

¹Mpawo Jehova wakaambula kuliMozesi, kati, ²" Amba kubana Isilayelikuti belede kuleya akuyaka musasa kunembo lya Pi Hahiloti, akati kaMigidoli, alwizi, kabatana sika Bbalu Zefoni. Mukayake musasa ambali lyalwizi zilangane a Pi Hahiloti. ³Falo uyowamba atalal abana Isilayeli, balikujontayila munyika. Nkanda yabajalila.⁴Ndiyoyumya moyo waFalo, alubo uyobaandila. Ndiyojana bulemu akaambo kaFalo abasilumamba bakwe boonse. Bana Ijipiti bayoziba kuti ndime Jehova. "'Mpo bana Isilayeli bakayaka musasa mbuli mbubakali balayililwa. ⁵Elyo mwami nakambilwa kuti bana Isilayeli bachija, Miyeyo yaFalo ababelesi bakwe bakabukila bantu. Bakati, " Ino twachitanzi? Twangununa bana Isilayeli kukutubelekela."⁶Mpawo Falo wakabambila nkalaki zyakwe akubweza basilumamba bakwe anguwe. ⁷Wakabweza nkalaki zilimyanda misanu, muyimwi isalidwe azimwi zyonse nkalaki zyaIjipiti, antomwe abasimilimo muzyonse. ⁸Jehova wakayumya moyo waFalo, mwami waIjipiti, alimwi mwami wakaandila bana Isilayeli. Lino bana Isilayeli bakali beenda chakukondwa. ⁹Pesi bana Ijipiti bakabaandila, antomwe ambongolo ankalaki, basimbongolo bakwe, abasilumamba bakwe. Bakabayinda bana Isilayeli kumusasa ambali lyaLwizi kubbazu lya Pi Hahiloti, kutana sika Bbalu Zefoni.¹⁰Elyo Falo nakasika afwifwi, bana Isilayeli bakalanga kunembo akugamba. Bana Ijipiti bakalikubatobela, alubo bakayowa. Ba Isilayeli bakalila kuliJehova. ¹¹Bakati kuli Mozesi, " Akambo kakuti tatukwe tubanda na muIjipiti, ikuti utubweze kuti tuzifwide munkanda? Nkambonzi nuwatujata obu, kutugwisya anze lyaIjipiti? ¹²Ezi tazili nzizyo na nzitwakakwambila muIjipiti? Twakati kulinduwe, ' Tusiye atulike, kuti tubelekele bana Ijipiti.' Zyalikuba mbubo kulindiswe kubabelekela kwiinda kufwida munkanda."¹³Mozesi wakati kubantu, " Mutayowi . Mwime buuyo mubone kunwa kwanu oko Jehova nkwatamupe sunu. Nkambo takukwe nimuyobabona alubo bana Ijipiti aba mbomubwene sunu. ¹⁴Jehova ulakumulwanina, alubo mwelede kuyoyima biyo."¹⁵Mpawo Jehova wakati kuliMozesi, ' Nkambonzi webo, Mozesi, nuswini kwiita kulindime? Ambila bana Isilayeli kuti baye kunembo. ¹⁶Nyampula musako wako, tandabika ajanza lyakoatala lyalwizi akulwandula mububili kuchituila kuti bantu baIsilayeli biinde mulwizi anyika njumu. ¹⁷Kazizibwe kuti ndiyoyumya myoyo yabana Ijipiti kuti bakatobele. Ndiyojana bulemu ankambo kaFalo abasilumamba bakwe, nkalaki zyakwe, abasimbongolo bakwe. ¹⁸Mpawo bana Ijipiti bayoziba kuti ndime Jehova elyo ndakujana bulemu nkambo kaFalo, nkalaki zyakwe, abasimbongolo bakwe."¹⁹Mutumwa waLeza, oyo walikwenda kunembo lyankamu yaIsilayeli, wakazwa akuya kusule lyabo. Musumpululu wajoba wakeenda kuzwa kunembo lyabo akwima kusule lyabo. ²⁰Ijoba lyasika akati kamusasa waIjipiti amusasa waba Isilayeli. Lyakali joba lisiya kubana Isilayeli, kuti limwi bbazu telyakaza afwifwi alimwi busiku boonse.²¹Mozesi wakatandabika janza lyakwe atala lyalwizi. Jehova wakachunda lwizi lwaboola amuuwo mupati wakujwe busiku boonse obo akuchita lwizi kuba nyika njumu. ²²Munzila eyi manzi akapambukana. Bana Isilayeli bakeenda akati kalwizi anyika njumu. Manzi akabachitila bulambo kululyo lwabo akulumwensi lwabo.²³Bana Ijipiti bakabaandila. Bakabatobela kusika akati kalwizi - mbongolo zyonse zyaFalo, nkalaki, abasi mbongolo. ²⁴Pesi muzyiindi zyachifumo, Jehova wakalanga ansi alibasilumamba baIjipiti kwinda mumusumpululu wamulilo ajoba. Wakaleta kuyowa akati kabana Ijipiti. ²⁵Mavili ankalaki zyabo zyakajatwa, abasimbongolo bakeenzya abuyumu. Mpo bana Ijipiti bakati, " Atuchije, kuzwa ku-Isilayeli, nkambo Jehova ulikubalwanina kulwisya ndiswe."²⁶Jehova wakati kuliMozesi, "Tandabika janza lyako atala lyalwizi kuchitila kuti manzi nga alabweda atala lyabana baIjipiti, nkalaki zyabo abasimbongolo babo." ²⁷Mpo Mozesi wakatandabika janza lyakwe atala lyalwizi, akubweda kubube bwaloelyo nikwaba kuseni. Bana Ijipiti bakachijala mulwizi, alubo Jehova waka baandila akati kalwizi bana Ijipiti. ²⁸Manzi akabweda akuvumba nkalaki zyaFalo, basimbongolo, abasilumamba boonse bakatobede angolo mulwizi. Takwe umwi wakafutuka.²⁹Nikuba obo, bana Isilayeli bakeenda anyika njumu mukati kalwizi. Manzi akali bulambo bwabo kululyo lwabo akulumwensi lwabo. ³⁰Jehova mpo wakafutula bana Isilayeli buzuba obo kuzwa kujanza lyabana Ijipiti, alimwi bana Isilayeli bakabona bana Ijipiti bafwide kumbali lyalwizi. ³¹Elyo Isilayeli nakabona nguzu mpati Jehova nzyakabelesya kulwisya bana Ijipiti, bantu bakalemeka Jehova akusyoma muliJehova akumulanda wakwe Mozesi.

¹Elyo Mozesi abantu ba Izilayili bakayimba lwiimbo oolu kuli Jehova. Bakayimba, "Ndiyoyimbila Jehova nkaambo wazunda chabulemu; mbong'olo amweenzyi wayo wakazisowela mulwizi.²Yahweh ninguzu zyangu alwiimbo, wakandibeda lufutuko lwangu. Ooyu ngu Leza wangu alimwi ndiyoomutembawula, Leza wa taata, ndiyomusumpula. ³Jehova muzundi; Yahweh ndizina lyakwe.⁴Wakawaala nkalaki zya Falo abasilumamba mulwizi. Basimulimu basalidwe ba Falo bakabbizigwa mu Lwizi lwa Matete. ⁵Bunike bwakabavumba; bakabbila mubunike mbuli bbwe.⁶Luboko lwako lwachilisyo, Jehova, luli aabulemu munguzu; luboko lwako lwachilisyo, Jehova, wakamwaya basinkondo. ⁷Mubupati wakasowa aabo bakakubukila. Wakatumina bukali bwako; bwakabalobya mbuli zisense. ⁸Akuyoya kwampemo zyako maanzi akaba ntunduundu; maanzi ayeta akayimikila mulwi; maanzi malamfu aakayuma mumoyo walwizi.⁹Sinkondo wakati, 'Ndiyobaandilila, ndikabayinde, ndiyoobanyanzya nzibalaazyo; chiyandisyo changu chiyoozulila kuli mbabo; ndiyoosomona panga lyangu; luboko lwangu luyoobanyonyoona.' ¹⁰Pesi wakawungya luuwo lwako mpawo lwizi lwakabavumba; bakabbila mbuli lubulo mumaanzi makali. ¹¹Nguni uli mbuli nduwe, Jehova, akaati katuleza leza? Nguni uli mbuli nduwe, uli aajulu mubusalali, ulemekwa muntembawuzyo, uchita malele?¹²Wakatandabika luboko lwako lwachilisyo, mpawo nyika yakabamena. ¹³Muchizuminano chako cheelede wakazulwida bantu mbwakavuna. Munguzu zyako wakabazulwida kubusena busalala ooko nkukkala¹⁴Bantu bayoomvwa, alimwi bayookankama; buyoofu buyoojata bakkala mu Filisitiya. ¹⁵Mpawo baami ba Idomu bayoyoowa; basilumamba baku Moyabbu bayookankama; bakkali boonse baku Kkenani bayoyaaya.¹⁶Buyoofu akukankama kuyoowida aalimbabo. Nkaambo kanguzu zyaluboko lwako, bayooba mbuli bbwe litasunzuluki mane bantu bako bakayinde, Jehova- mane bantu mbwakavuna bakayinde.¹⁷Uyoobayobola akubabyala achilundu chalukono lwako, abusena, Jehova, mbwakachita kuti kukkalwe mumo, busalala, Mwami wesu, oobo maboko aako mbwakayaka. ¹⁸Jehova uyooyendelezya kwalyonse alyoonse."¹⁹Nkaambo mbong'olo zya Falo zyakeenda ankalaki zyakwe abeenzyi mulwizi. Jehova wakaboozya maanzi akulwizi aalimbabo. Pesi ba Isilayili bakeenda aanyika njumu mukati kalwizi. ²⁰Miliyemu musinsimi wachanakazi, muchizi wa Aloni, wakabweza nsaka, aboonse banakazi bakazwa kabali ansaka, balazyana aanguwe. ²¹Miliyemu wakayimba kuli mbabo: "Mwiimbe kuli Jehova, nkaambo wazunda chabulemu. Mbong'olo amweenzyi wayo wakazisowela mulwizi."²²Mpawo Mozesi wakasolwedela bantu kuzwa ku Lwizi lwa Matete. Bakazwa baya kunkanda ya Syuli. Bakeenda kwamazuba aatatu munkanda mpawo kakutajaniki maanzi. ²³Mpawo bakasika ku Mala, pesi tebakakonzya pe kunywa maanzi nkaambo akali kulula. Elyo bakawulika busena oobo kuti Mala.²⁴Mpawo bantu bakatongawukila Mozesi akwaamba kuti, '''Tulanywaanzi?" ²⁵Mozesi wakalila kuli Jehova, mpawo Jehova wakamutondeezya musamu. Mozesi wakawusowela mumaanzi, mpawo maanzi akaba manono kukunywa. Nkuko ooko Jehova wakabapa mulawu muyumu muyumu, alimwi nkuko ooko wakabasunka. ²⁶Wakati, "Na mwaswiilila kabotu loko kujwi lya Jehova Leza wanu, akuchita chiluleme mumeso aakwe, akupempeka matwi kumalayilile aakwe akuswiilila milawo yakwe yoonse- tandikwe kuyoobika chilwazi aalindinywe eecho nchindibika kuba Ijipiti, nkaambo ndime Jehova umusilika."²⁷Mpawo bantu bakasika ku Elimu, ooko kwali misawu yamaanzi ili kkumi ayibili amakumi musanu aabili aa misamu itegwa palumu. Bakakkala nkuko ooko kumbali aa maanzi.

¹Bantu bakeenda kuzwa ku Elimu, alimwi luundu loonse lwaba Isilayeli lwakasika munkanda ya Sini, ili akati kaElimu a Sinayi, mubuzuba bwakkumi amusanu mumweezi wabili kabali bazwa munyika ya Ijipiti. ²Luundu loonse lwabaIsilayeli bakatongawukila Mozesi a Aloni munkanda. ³Ba Isilayeli bakati kuli mbabo ," kansi twakafwa biyo kujaanza lya Jehova kunyika ya Ijipiti nitwali kkede munsi lyampoto zyanyama akulya chibunge chakukkuta. Nkambo watugwisya watunjizya munkanda eyi kuti luundu lwesu loonse lujayingwe anzala."⁴Mpawo Jehova wakati kuli Mozesi," Ndiyoomuwisizya chibunge ansi kuzwa kujulu. Bantu bayoyinka bakakubunganizye chipanzi chabuzuba bumwi abumwi kuchitila kuti ndibasunke ndibone na pepe bayoyenda kumulawu wangu. ⁵Kuyosika mubuzuba bwamusanu alimwi, awo mpubayobunganizya tukkwana tubili mukuvula mbuli zyalikubunganizigwa buzuba abuzuba,akujika nzibeeta."⁶Mpawo Mozesi a Aloni bakati kubantu boonse ba Isilayeli, " Igoko muyoziba kuti nguJehova wakamugwisya nywebo kuzwa munyika ya Ijipiti. ⁷Chifumo muyobona bulemu bwa Jehova, kambo ulamvwa kutongooka kwanu atala anguwe. Ndiswe bani mbumunga mulatongawukila?" ⁸Alubo Mozesi wakati, "Muyoziba echi Jehova nayomupa nyama goko achibunge chifumofumo chakumukkutya- kambo wakamvwa matongawuko ngimwakambula atala anguwe. Nguni Aloni andime? Matongawuko anu tali atala andiswe; alatala aJehova."⁹Mozesi wakati kuli Aloni, "Ambila luundu loonse lwabantu ba Isilayeli, 'Amuze afwifwi kuli Jehova, nkambo wamvwa matongawuko anu.''' ¹⁰Nichakaba mbubonya, Aloni wakambula kuluundu loonse lwabantu ba Isilayeli, mpawo bakalanga kunembo lyankanda, alimwi, amubone bulemu bwaJehova mbubyakaboneka mujoba. ¹¹Mpawo Jehova wakambula kuli Mosesi wati, ¹²"Ndamvwa matongawuko abantu baIsilayeli. Bambile kuti, ''Igoko muyolya nyama, achifumo muyokkuta chibunge. Mpawo muyoziba kuti ndime Jehova Leza wanu."¹³Nilyakaba goko, basiakancele bakasika akuzuzya busena mpubakakkede. Chifumo lume lwakaboneka kaluzyungulukide busena. ¹⁴Lume nilwakasansamuka, oko atala lwankanda kwakali tuntu tunini tulimbuli gweenda twakali anyika. ¹⁵Bantu ba Isilayeli nibakachibona, bakati kuli umwi awumwi, ''Ninzi echi?" Tebakazi pe kuti chakaliinzi. Mosesi wakati kulimbabo, "'Chibunge Jehova nchamupa kuti mulye.¹⁶Oyu ngumulayizyo Jehova ngwamupa: Mwelede kubunganisya umwi awumwi akati kanu nchayanda kulya, i oma ya umwi kalizulila mweelwe wabantu bakwe mbubobu mbumuyobunganisya: Mubunganisye zyiingi zyakulya zyamuntu woonse ukkala mudumba lyanu. "' ¹⁷Bantu ba Isilayeli bakachita obo. Bamwi bakabungania zyiingi, bamwi bakabungania ziche. ¹⁸Nibakayelesya achelesyo cha oma, abo bakabungania zyiingi takwe nchibakali acho chichede, ababo bakabungania ziche takwe nichakacheya. Muntu umwi wakabungania zyiingi zimuzulila kwakuyanda kwakwe.¹⁹Mpawo Mozesi wakati kulimbabo, "Takwe umwi welede kusiya nikuba chimwi kusikila kuseni. ²⁰Nikuba boobo, tebakaswilila Mozesi. Bamwi babo bakasiya tumwi mane chifumo, pesi twakazyala nkonye alimwi twabola. Mpawo Mozesi wakanyema atala ambabo. ²¹Bakabungika chifumofumo. Umwi awumwi muntu wakabungika chizulila kulya buzuba obo. Izuba nilyakawumpa, kwakayaya.²²Nichakati mubuzuba bwamusanu abumwi bakabungika chibunge chindulwidwe, ma oma abili amuntu. Bazulwidi boonse baluundu bakasika akwamba eechi kuli Mozesi. ²³Wakati kulimbabo,"Nchechi Jehova nchaamba: Junza mbobuzuba bwakulyokezya, sabata isalala mubulemeko bwa Jehova. Muyoke kufumbwa nchimuyanda kuyoka akujika kufumbwa chomuyanda kujika choonse chiyochala amuchibambe kusika chifumo."'²⁴Aboobo bakachilika ambali kusika chifumo, mbuli Mozesi mbakabalayilila. Techakabola, na kuba ankonye mukati. ²⁵Mozesi wakati, "Ngamulye chakulya echo sunu, nkambo sunu mbuzuba bubambidwe mbuli Sabata kuti tulemeke Jehova. Sunu takwe nimuyochijana mumyuunda.²⁶Muyobungika mumazuba musanu abumwi, pesi buzuba bwamusanu aabili niSabata. MuSabata munoli takukwe mana." ²⁷Nichakaba mubuzuba Bwamusanu aabili bamwi bantu bakeenda anze kuyobungika mana, pesi takwe nchibakajana.²⁸Mpawo Jehova wakati kuli Mozesi, "'Uyosika lili kukaka milayizyo amilawu yangu? ²⁹Bona, Jehova wamupa Sabata. Lino mubuzuba bwamusanu abumwi ulamupa chibunge chamazuba abili. umwi wanu weelede kukkala kubusena bwakwe; takwe welede kuzwa anze abusena bwakwe mubuzuba bwamusanu abili." ³⁰Lino bantu bakalyookezya mubuzuba bwamusanu abili.³¹Bantu ba Isilayeli bakawuzika chakulya kuti "mana." Chakalikutuba mbuli mwana wanseke ya kkoliyanda, munse wacho wakali mbuli wafaasi achitidwe abuchi. ³²Mozesi wakati, "Nchechi Jehova nchakamulalayilila: Amuchite oma lilondolwe mukwinda muzyalane lyabantu banu kuchitila kuti lunyungu lwanu luzobone chibunge nchindakamusanizya munkanda, kuchindi nchindakamugwisya munyika ya Ijipiti".³³Mozesi wakati kuli Aloni, "Bweza mpoto mpawo ubike oma lya mana mukati. Chilondolwe kunembo lya Jehova kuti chikabambwe mukwinda mumazyalane abantu. ³⁴Mbuli Jehova mbwakalayilide Mozesi, Aloni wakachilondola kumbali lya Akki lyamulawu wachizuminano. ³⁵Bantu ba Isilayeli bakalya mana myaaka makkumi aane lumwi basika kunyika njibakakkala. Bakalya kusika kumugaano wanyika ya Kkenani. ³⁶Lino oma chipanzi chakkumicha Efa.

¹Loonse luundu lwa Isilayeli lwakeenda kuzwa munkanda yazibi, bakutobelezegwa malayilile a Jehova. Bakalala ku Lefidimu, pesi tekwakali maanzi pe kuti bantu banywe. ²Nkinkako bantu bakanyoontokela Mozesi nkambo kabwiime bwabo kabati, ''Kotupa manzi akunywa.'' Mozesi wakaamba wati, Nkambonzi nimundikalalila ?'' ³Bantu bakali anyota mpati, mpawo bakang'ung'una atala a Mozesi. Bakati, ''Nkamboonzi niwakatugwisya mu Ijiputi? Kuzotujazya inyota iswebo abana besu azivuubwa zyesu?''⁴Aboobo Mozesi wakalayilia Yawe , ''Ino ndichite byeni abantu aaba? Baamba kulibambila kunditulula amabwe.'' ⁵Yawe wakati kuli Mozesi, ''Yinka kunembo lyabantu, alimwi weende aabo bamwi basilutwe baba Izilayeli. Kobweza musako nguwakawumya mulonga, weende. ⁶Ndiyoyimikila kunembo lyako mpawo awo abbwe lya Holebbu, alimwi uyowuma ibbwe. Manzi ayoozwa mulindilyo kuti bantu bakanywe.'' Mpawo Mozesi wakachita echi mumeso abasilutwe baba Izilayeli. ⁷Obo busena wakabwita kuti Masahi a Mulibba nkambo kakung'ung'una kwaba Izilayeli alimwi nkambo kakuti bakasunka Mwami kabaamba kuti, ''Saa Yawe uli akkati kesu nakuti pepe?''⁸Mpawo basilumamba babantu baba Ameleki bakeza balwanisya Izilayeli ku Lefidimu. ⁹Aboobo Mozesi wakaamba wati kuli Joshuwa, ''Saluuzya baalumi muzwe anze mwende mubalwanisye ba Ameleki. Junza ndizoyimikila atala a kulundu a musuku wa Leza mujanza lyangu. ¹⁰Aboobo Joshuwa wakalwana aba Ameleki mbuli Mozesi mbwakalayilila, awo Mozesi, Aaloni, a Huli bakaya atala a kukalundu.¹¹Awo Mozesi wakanyampwide maboko akwe mujulu, Izilayeli wakalikuzunda; awo naakali kuselusya maboko akwe kulyokezya, Amaleki wakalikusanguna kuzunda. ¹²Aawo maboko a Mozesi nakanoonga walemenwa maboko kunyampula, Aaloni a Huli bakaanyampula maboko akwe, muntu umwi kubbazu lyakwe limwi, awumwi kuli limbi ibbazu. Aboobo maboko aa Mozesi akali lulamikidwe kusikila kubbila kwezuba. ¹³Aboobo Joshuwa wakazunda ba Ameleki a panga.¹⁴Jehova wakati kuli Mozesi, ''Lemba ezi mubbuku ubale Joshuwa kamvwide, nkambo ndiyozimania kuyeeyegwa kwaba Ameleki kuzwa kunsi lyamajulu.'' ¹⁵Mpawo Mozesi wakayaka chipayililo akuchaamba kuti ''Yawe nintobo yangu.'' ¹⁶Wakati, ''Nkambo kuboko kwangu kwakanyampulwa kuchuno cha Yawe - ikuti Yawe akatangune inkondo a Ameleki kuzwa kuzyalane akuzyalane.''

¹Jetulo mujpayizi waku Midia, syayinazyala wa Mozesi ,wakamvwa zyoonse ezyo Leza nzyakachitila Mozesi abantu ba Isilayeli. Wakamvwa kuti Jehova wakagwisya Isilayeli kuzwa mu Igipiti. ²Jetulo syayinazyala wa Mozesi wakatolelezya Zipola, mwanakazi wa Mozesi, naakamaninsya kumujosya kumuunzi, ³abana bakwe balombe babili, ⁴izina lyawumwi mwana mulombe ngu Geshomu, nkaambo Mozesi wakamba kuti, '' Leza wabasikale bangu wakandigwasya wakandivuna kuzwa kupanga lya Falo.⁵Jetulo, syayinazyala wa Mozesi, wakaza abo bana balombe ba Mozesi amwanakazi wakwe wabeeta kulinguwe Mozesi munkanda oomo mwakaliyakide muchilundu cha Leza. ⁶Wakati kuli Mozesi, ''Imebo ndisyanyokozyala Jetulo, ndiliikuboola kuli nduwe amwanakazi wako abana boko balombe babili.⁷Mozesi wakazwa waya kukuyoswanana asyanyinazyala, wakakotama aansi akumumyonta. Bakajuzyania mpawo banjila amwi mumusasa ⁸Mozesi wakaambila syanyinazyala zyoonse Yahweh nzyaakachita kuli Falo akuba Ijipiti nkaambo kaba Izilayeli, atala aboonse buyumuyumu mbubakaswanana abo kabali munzila, a Yahweh mbwakabavuna.⁹Jetulo wakakondelelwa atala aboonse bubotu Yahweh mbwakachitila ba Isilayeli, bwakuti wakabavuna kuzwa mumaboko aba Ijipiti. ¹⁰Jetulo wakati, ''Yahweh ngalumbayizigwe, nkaambo wamuvuna kuzwa muma boko aba Ijipiti akuzwa kuluboko lwa Falo, wabavuna bantu kuzwa mukuboko kwaba Ijipiti. ¹¹Lino ndaziba kuti mupati kwiinda kwiinda ba Leza boonse, nkaambo awo ba Ijipiti nibakapenzya ba Isilayeli chaluuni, Leza wakabafutula bantu bakwe.''¹²Jetulo syayinazyala wa Mozesi, wakeeta chipo chakutenta aachipayizyo kuli Leza. Aloni abapati ba Izilayeli boonse bakaza kuzo susulaaamwi kunembo lya Leza aantomwe asyayinazyala wa Mozesi.¹³Mubuzuba butobela Mozesi wakakkala ansi kukubeteka bantu. Bantu bakayimikila nkabamuzyunguukide izuba lyoonse kuzwa kusenikoosika goko. ¹⁴Syanyinazyala a Mozesi nakabona nzyakachitila abantu, wakati, ''Niinzi eechi nchulikuchita kubantu? Nkaambonzi nukkala aansi awuikke mpawo bantu boonse balimvwi akukuzyunguluka kuzwa kuseni kusikila goko?''¹⁵Mozesi wakati kuli syanyinazyala, ''Bantu baza kulindime kuzobuzya malayilile aa Leza. ¹⁶Chiindi nibaba atwambo, balaza kuli ndime. Ndilalisalila akati kamuntu kuzwa kuli uumwi, mpawo ndilabayiisya imbeta amilawu ya Leza.''¹⁷Syanyinazyala a Mozesi nakamba kuti kuli nguwe, ''Ncholiikuchita tachili kabotu pe. ¹⁸Masimpe muyowizuuka, iwe abantu bali aanduwe. Ooyu mukuli mulemu kapati kulinduwe. Tuukonzyipe kuuchita iwebo akulike. ¹⁹Ndiswiilizye. Ndilakupa nchenjezyo, alimwi Leza uyooba aamnduwe, nkaambo ulimwimikilili wabantu kuli Leza, mpawo ulayeta twaambo twabo kulinguwe. ²⁰Weelede kubayiisya imbeta amilawu yakwe. Welede kubatondeezya nzila njibeelede kwenda ayoamulimu ngubelede kuchita.²¹Atala azeezi, weelede kusaluzya balumi basimilimu kuzwa kubantu boonse, balumi balemeka Leza, balumi bakasimpe basula mpindu iizwa mulweno. Welede kubabika kubantu kuti babe bazulwidi bazyuulu, myaanda , makkumimusanu, abakkumi. ²²Bayoobeteka twaambo tonse twabantu tubuka,pesi twambo tuyumu bayotweta kulinduwe. Lino twaambo tunini toonse, balabeteka bonya beni. Muleeyo inzila kuyowuba kulinduwe, alimwi bayokunyampuzya mukuli. ²³Na wachichita eechi, alimwi naa kuti Leza wakulayilila kuti uchite oobo, alimwi uyokonzya kukukakatila, alimwi bantu boonse bayoobweda mumiinzi yabo kabakutikene.²⁴Aboobo Mozesi wakaswilizya majwi asyayinazyala alimwi wakachita zyoonse nzyaakamba. ²⁵Mozesi wakasala bakozu kuzwa kuli ba Izilayeli boonse akubachita kuti babe basilutwe babantu, basilutwe bazyuulu, myaanda, makumi musanu abakumi. ²⁶Bakababeteka bantu mbuli mbukwelede. Twaambo tuyumu bakatweta kuli Mozesi, pesi lwabo beni bakabeteka twaambo toonse tunini. ²⁷Mpawo Mozesi wakachita kuti syanyinazyala ayende, alimwi Jetulo wakajokela munyika yakulimbabo.

¹Mumweezi wachitatu kuzwa bantu ba Izilayeli nkabali beenda kuzwa muchisi cha Ijipiti, mubuzuba bomwe, bakaza kunkanda ya sinayi. ²Kuzwa akusiya Lefidimu alimwi bakaza kunkanda ya Sinayi, bakakkala munkanda kunembo lyachilundu.³Mozesi wakaya kuli Leza . Jehova wakiita kuli nguwe kuzwa kuchilundu alimwi wati,''weelede kwambila nganda ya Jakkobbu, bantu ba Izilayeli: ⁴wakabona nzindakachita kuma Ijipiti, mbuuli mbindakakubweza mumababa egumbe akukweeta kuli ndime. ⁵Lino eelyo, kuti watobelezya loko akuswilizya jwi lyangu akulondola chizuminano changu, eelyo uyoba chipo changu chiyandisi akati kabantu boonse, nkaambo yoonse nyika njiyangu . ⁶Uyooba dolopo lyaba payizi alunyungu lusalala kuli ndime. Aaya ngimajwi ngoyelede kwambuula kubantu ba Izilayeli.''⁷Mpawo mozesi wakasika akuyiisya baapati babantu. wakabika kunembo lyabo woonse majwi ayo Jehova ngakamulayilila. ⁸Boonse bantu bakasandula aantomwe akuti,''Tuyochita zyoonse ezyo Jehova nzyawamba. ''Eelyo Mozesi wakaboola kuzowamba majwi abantu kuli Jehova. ⁹Yahweh wakati kuli Mozesi, ''Ndiyooza kuli nduwe mujoba jumu kuchitila kuti bantu bamvwe nindanoowambula anduwe akusyoma kwalyoonse.'' Eelyo Mozesi wakaamba majwi abantu kuli Jehova.¹⁰Yahweh wakati kuli Mozesi, ''Yinka kubantu. Sunu ukababike kule andime, akubachita ba wache zyakuzwaata zyabo. ¹¹Kuli bambilila buzuba bwatatu,nkaambo muzuba lya tatu Jehova uyoosika aansi kukalundu ka sinayi.¹²Mweelede kuyobika migaanu koonse kuzyunguluka chilundu kubantu. Utedi kuli mbabo, Amuchenjele loko kuti tamwiinki kuchilundu nikuba kujata migaanu. Kufumbwa uujata chilundu kasimpe uyoojayigwa. ¹³Takwe jaanza lyawumi litakajate muntu ooyu. nikyba boobo uyotululwa na kudubulwa. Nikuba chikabe chinyamankala na muntu, uyojayigwa. Eelyo mweembo wakumvwikka kulila, uyooza kundyato lyachilundu.''¹⁴Eelyo Mozesi wakaseluka kuzwa kuchilundu waya kubantu. Wakabika kulekule bantu kuli Jehova alimwi bakawacha zyakuzwaata zyabo. ¹⁵Wakati kubantu amulibambile muzuba lya tatumutayinki afwifwi abanakazi benu.''¹⁶Muzuba bwatatu, eelyo nikwakachili kuseeni, kwakali guwo atulabi ajoba jumu muchilundu, amuzumo wamwembo. Boonse bantu bakabungene bakayoowa. ¹⁷Mozesi wakeeta bantu kuzwa nkubakabungene kuti baswaanane a Leza, alimwi bakayima kundyato ya chilundu. ¹⁸kalundu ka sinayikakali kazulila busi nkaamboJehova wakaselukila mulinkako mumulilo abusi. Busi bwakaya kujulu mbuuli busi bwe ziba, alimwi chonse chilundu chakateketa changuzu.¹⁹Eelyo muzuzumo wamweembo niwakalila mujulu a mujulu, Mozesi wakaambula, alimwi Leza wakamusandula mujwi. ²⁰Jehova waseluka muchilundu cha sinayi ajulu lyachilundu, alimwi wakayiisya Mozesi aajulu eelyo Mozesi wakayinka. ²¹Jehova wakati kuli Mozesi,'' Inka aansi ukalabike bantu, chimwichiindi balamwayuula kuli Jehova kuti alange alimwi biingi babo bayonyonyoka. ²²Leka bapayizi kabiyo baza afwifwi andime balikkazike lwabo beni kulale- kabalibambilila lwabo kukuboola kwangu-kuchitila kuti nditakanyonyooni kwiminana ambabo.''²³Mozesi wakati kuli Jehova,''bantu tabakoozape kuchilundu cha Sinayi, mbuuli mbuwatulayilila: kukubika migaano izyungulukide chilundu akukkala kulaale kuli Jehova.'' ²⁴Jehova wakati kulinguwe,'' inka aansi ukeete Aloni ayebo, pesi mutachiti kuti bapayizi abantu bamwaye kuzwa akuza kuli Jehova, nikuba ulamwaya kwiminana abo.'' ²⁵Eelyo Mozesi wakaya aansi kubantu akuyowambuulabo.

¹Leza wakamba majwi aya: ²''Ndime Jehova Leza wenu, wakamugwisya kuzwa munyika yaku Ijiputi, kuzwa mung'anda yabuzike. ³Mutabi abamwi ba Leza kunembo lyangu.⁴Mutakalichitili chikozyanio chibezedwe chili mbuli chili kujulu, nikuba chili aansi ano, nikuba chili kunsi amanzi. ⁵Mutakazifugamini kuli nzizyo nikuba kuzikomba nkambo ndime Jehova, Leza wenu, ndime Leza sibuzuba. Ndipa chisubulo kububi bwaba sinsiku akweta chisubulo kulunyungu, kumazyalane atatu alyane kuli babo batandiyandi me. ⁶Pesi ndiyotondezya luyando kuzyuulu kulabo bandiyanda alimwi akubamba milawu yangu.⁷Muatakabwezi zina lya Jehova Leza wenu chabuyo, nkambo nsikoyomujata oyo utakwe mulandu ubweza zina lyangu chabiyo.⁸Yeya buzuba butegwa sababta, mukabusalazye kuli ndime. ⁹Muyobeleka akuchita milimu yenu kwamazuba alimusanu abumwi. ¹⁰Pesi buzuba bwamusanu aabili mbuzuba butegwa sabata bwa Jehova Leza wenu. Muli mbubo mutakachiti nikuba mulimu, iwebo, nikuba mwanako mulombe, nikuba mweenzu wako ukkede amulyango. ¹¹Mumazuba alimusanu abumwi Jehova wakalenga ijulu anyika, ilwizi, azyonse zili mumo, alimwi wakalyokezya muzuba lyamusanu abili. Nkiinkako Jehova wakalongezya izuba litegwa sabata akulilongezya.¹²Lemeka wuso abanyoko, kuchitila kuti upone chiindi chilamfu munyika Jehova Leza wako njanokupa. ¹³Utajayi nikuba umwi. ¹⁴Utachiti bwamu.¹⁵Utakabbidi umwi. ¹⁶Utakaambi chakubeja kumwenzinyokwe. ¹⁷Utakeemuzyi ng'anda yasimabambanwa wako, utakeemuzyi mwanakazi wasimabambanwa wako, mulanda wakwe mwalumi, mulanda wakwe mwanakazi, musune wakwe, indonki yakwe, nikuba chintu chasimabambanwa wako.''¹⁸Bantu bonse bakabona mabbalubalu atulabi, alimwi bakamvwa ijwi lyamweembo, akubona chilundu kachizwa busi. Bantu nibakachibona bakateketa akwimikila kule. ¹⁹Bakati kuli Mozesi, ''Aambula andiswe alimwi tuyokuswilizya; pesi utazumizyi Leza ambule andiswe, amwi tulafwa.'' ²⁰Mozesi wakati kubantu, ''Mutayowi, Leza waza kuzomusunka kuchitila kuti bulemu bwakwe bube mulindinywe, kuchitila kuti mutakabisyi. ²¹Aboobo bantu bakiima kule, alimwi Mozesi wakinkila mudima usiya awo Leza mpakabede.²²Jehova wakati kuli Mozesi, ''Eezi nzizyo nzoyelede kubuzya bana ba Izilayeli: 'Nywebo lwanu mwabona kuti ndakambula andinwe kuzwa kujulu. ²³Tamukoyolichitila lwenu ba Leza bambi kunze kwangu, baleza bansiliva nikuba baleza bangolida.²⁴Mukandichitile chipayililo chabulongo changu, akapayilile alinchicho chipayizyo chakuumppa, azipayizyo zyakuswanana, Imbelele zyenu chita zina lyangu kuti lilemekwe, ndiyobola kulindinwe akumulongezya. ²⁵Kuti mwandichitila chipayililo chabbwe, mutakachiyakili amabwe apandwidwe, nkambo kuti wabelesya zibelesyo zyako alinchicho, unoli wachisofwazya. ²⁶Toyelede kwinka kuchipayililo changu kumatambiliko, kuchitila kuti chinswe chako chitakaboneki antanganana.''

¹Lino aaya ngemalayilile ngoyelede kuti ubike kunembo lyabo:²Na wawula mulanda mu Hebbulu, uleelede kukubelekela kwaminyaka iili musanu awumwi, alimwi mumunyaka wamusanu ayibili uyoyenda kaangunukide katakwe kuliya chintu pe. ³Na wakaza aalike, uleelede kwiinka kaangunukide; na ulikkwete, eelyo banakwe baleelede kwaangunuka kwiinka aantomwe amulumi. ⁴Na simalelo wakwe wakamupa mwanakazi akuzyala bana balombe na basimbi, mwanakazi abana bakwe bayooba basimalelo aakwe, alimwi mwaalumi uleelede kweenda kaangunukide alike.⁵Pesi kuti mulanda waamba biyo wati, ''Ndilayandisya simalelo wangu, banangu, alimwi abana bangu; nsikonzyi kuzwa chakwaangunuka,'' ⁶eelyo simalelo wakwe uleelede kumutola kuli Leza. Simalelo wakwe uleelede kumweeta kumulyango na kumunsende, alimwi simalelo wakwe amudonkole kutwi kwakwe ansunda. Eelyo mulanda uyoomubelekela kwabuumi bwakwe boonse.⁷Na muntu wawuzya mwana wakwe musimbi mbuli mulanda, tayelede pe kwaangunuka mbuli balanda baalumi. ⁸Na tamubotezyi simalelo wakwe, ooyo wakamuyandide mwini, eelyo uleelede kumuleka awulwe abweede. Takwe cheelelo kumusambala kubazwakule. Takwe cheelelo eecho, nkaambo wamuchitila chalweeno.⁹Na simalelo wakwe wayanda kumukkwatya kumwana wakwe mulombe, beelede kumuchitila mbubo mbuli mwana wakwe musimbi. ¹⁰Na walikkwatila uumbi mwanakazi tayelede kuchesya chakulya chakwe, zyakuzwaata, nikuba zyeelelo zyamakkwatano. ¹¹Pesi kuti taamupa eezi zintu zyotatwe, eelyo uyoyenda katakwe kuliya mali pe.¹²Kufumbwa uwuma muntu chakumujaya, nchobeni ooyo muntu uleelede kujayigwa. ¹³Na muntu takwe naachita achaali, pesi anukuti chakutalibambila eelyo njoomulangwiida kwakuchijila. ¹⁴Na mumntu wajaya mwenzinyina achaali mukwiindila mumizeezo yalweeno, eelyo amumugwisye nikuba kuti ulaachipayililo cha Leza, kuchitila kuti alakwe afwe.¹⁵Kufumbwa muntu uwuma wisi nikuba banyina ninchobeni uleelede kujayigwa. ¹⁶Kufumbwa muntu uubba muntunyina - nikuba kuti sikubba wamuuzya, na muntu ooyo wajanika mumaboko aakwe - ooyo sikubba bantu uleelede ajayigwe. ¹⁷Kufumbwa muntu uutukila wisi nikuba banyina nchobeni uleelede kujayigwa.¹⁸Na bantu balwana alimwi umwi wuuma mweenzinyina abbwe niba mfayindi, alimwi ooyo muntu taafwa pe, pesi wachiswa biyo; ¹⁹mpawo kuti wapona akukonzya kweenda amufunko, sikumuuma uleelede kuliya chiindi nchaakamusowela; alimwi uleelede kuliya kumusilisya kabotu. Pesi ooyo muntu takwe mulandu wakujaya pe.²⁰Na muntu wawuma muzike wakwe mwaalumi na mwanakazi amufunko, alimwi na muzike wafwa nkaambo kaluuma, eelyo ooyo muntu nchobeni uleelede kupegwa chisubulo. ²¹Nikubaboobo, na mulanda wapona kwalimwi na aabili mazuba, simalelo wakwe tayelede kupegwa chisubulo pe nkaambo unoli wasweekelwa mulanda.²²Na baalumi balwana akuumikizya mwanakazi uleeda alimwi wasowa katakwe amwi mpaachisigwa , eelyo sikuuma nchobeni uleelede kuliya mbuli mbwawamba mulumi wamwanakazi, alimwi uleelede kuliya mbuli mbubakabeteka babetesi. ²³Pesi kuti wachisigwa kapati eelyo uleelede kuliya buumi kubuumi, ²⁴liso kuliso, lino kulino, jaanza kujaanza, chituta kuchituta, ²⁵kupya kukupya, chilonda kuchilonda, na mubunda kumubunda.²⁶Na muntu wawuma linso lyamulanda wakwe mwaalumi naba mwanakazi akulinyonyona, eelyouleelede kwaangununa muzike mbuli luliyo nkaambo kalinso lyakwe. ²⁷Na wakulumbula lino lyamulanda wakwe mwaalumi naba mulanda mwanakazi uleelede kwaangununa muzike mbuli luliyo lwalino lyakwe.²⁸Na musune wayasa mwaalumi naba mwanakazi nkabela wafwa, musune ooyo uleelede kutululwa mabwe, alimwi inyama yawo tiyeelede pe kulyigwa; pesi mwani musune tayeelede kupegwa mulandu pe. ²⁹Pesi na kuti musune uli aachimbo kale chakuyasa, alimwi munaawo wakachenjezegwa nikubaboobo taakubamba alimwi wajaya mwaalumi naba mwanakazi, ooyo musune uleelede kutululwa alakwe, alakwe munaawo uleelede kujayigwa. ³⁰Na luliyo lwayandikana nkaambo kabuumi bwakwe, ulelede kuliya kufumbwa nchiwambilwa kuti aliye.³¹Na musune wayasa mwana mulombe naba musimbi, muni musune uleelede kuchita mbubo mbuli mulawu ngumwaambilwa kuti achite. ³²Na musune wayasa muzike mwaalumi naba mwanakazi, munimusune uleelede kuliya masyekeli aansiliva aali makkumi otatwe, awulawo musune uleelede kujayigwa amabwe.³³Na muntu wajula mulindi, nikuba wasya mulindi akutawuvumba, alimwi musune niiba mbongolo yawida mukati kawo, ³⁴muni mulindi uleelede kuliya. Uleelede kupa mali kuli mwani munyama, alimwi mutunta wamunyama ulaba wakwe.³⁵Na musune wamuntu wayasa musune wamweenzinyina nkabela wafwa, eelyo baleenda kusambala musune uuchipona akwaabana mali, alimwi akwaandwidana musune uufwide. ³⁶Pesi na chakalizibikene kuti ooyo musune wakli aachimbo chakuyasa kale alimwi munaawo tawubambide pe, uleelede nchobeni kuliya musune kumusune, alimwi iifwide ilaba yakwe.

¹Na muntu wabba musune niiba mbelele akwiijaya nikuba kwisambala, eelyo uleelede kuliya basune balimusamu aachimanga chamusune woomwe ambelele zyomwe achimanga chambelele. ²Na mubbi wajanwa kalokudonkola, alimwi wawumwa chakufwa, mukaambo kaliboobo takwe muntu upegwa mulandu wakujaya pe akaambo kakuchita kwakwe. ³Pesi kuti izuba lyamuzwida katanadonkola, mulandu wakujaya ulapegwa kumuntu wamujaya. Mubbi uleelede kuliya. Na katakwe nchalaacho, mpawo uleelede kusambalwa nkambo kakubba kwakwe. ⁴Na munyama wabbigwa wajanwa kalimuumbulu mujanza lyakwe, nekuba kuti musune, imbongolo, niiba mbelele, uleelede kuliya zyiindililde.⁵Na muntu wachezya lubono lwakwe mumuunda na mumasansa akulekela lubono lwakwe, alimwi lwakulyida mumunda wamwenzinyina, uleelede kuliya bubotu bwamuunda wakwe abubotu bwamasansa akwe.⁶Na mulilo wabuka akutenta lubaya lwamamvwa kuchitila kuti zilyo zilimumalwi, azilyo zyimvwi, nuuba muunda wapya, sikutenta uleelede nchobeni kuliya.⁷Na muntu wapa mali neluba lubono kumwenzinyina kuti alulondole kabotu, alimwi kuti lwabbigwa kung'anda yasikulondola, na kuti mubbi wajanwa. Oyo sikubba uleelede kuliya zyiindulwidwe. ⁸Pesi kuti sikubba taajanwa, mpawo mwani ng'anda uleelede kuza kubabetesi kuti kukabonwe kuti ateni wakabika jaanza lyakwe kulubono lwamweenzinyina. ⁹Kukukatazyania koonse atala achimwi chintu, naba musune, imbongolo, imbelele, zyakuzwata, akufumwa chiswekede nchawamba kuti, ''Echi chichangu ,'' lukazyanio lwabo bobile luyeledwe kweetwa kubabetesi. Oyo babetesi ngubayojana mulandu uleelede kuliya zyiindulwidwe kulisimayakilanwe wakwe.¹⁰Na muntu wapa mwenzinyina lubono, musune, imbelele, nekuba kuumbwa munyama wakuvuba, alimwi kuti wafwa nanka kulumwa nanka kubwezegwa kakutakwe nekuba woomwe wakamubona, ¹¹chikonke kuli Jehova cheelede kuchitwa abaaba bobile, kuti takwe naba womwe akati kabo wakabikka jaanza lyakwe alubono lwasimamayakilane. Munaalo welede kuzitambula eezi, alimwi mwenzinyina tokoyoliya pe. ¹²Pesi kuti lwaka bbigwa kuzwa kulinguwe, umwi uleelede kuliya kuli mwani lubono. ¹³Na munyama wazapawulwa, muleke umwi ayete munyama mbuli chitondezyo. Takoliya echo chazapawulwa pe.¹⁴Pesi na muntu wakumbila munyama kulisimayakilane alimwi munyama wachiswa na wafwa katali kuli mwanaawo, umwi wakwe uleelede nchobeni kuliya. ¹⁵Pesi kuti walikuli mwanawo, mwenzinyina tayelede kuliya pe; na munyama walikubeleka chakufolola, uyoliyigwa amali yamufolo wayo.¹⁶Na mwaalumi weneena nakalindu utana kukwatwa, alimwi walalawe, uleelede nchobeni kumuchita banakwe akuliya lubono ndwayitilwa. ¹⁷Na wisi wakakilila kumupa , uleelede kuliya mali ayelene alubono lwabanakalindu.¹⁸Mutazumizyi musondi kuti apone. ¹⁹Kufumbwa muntu uulala amunyama welede kufwa.²⁰Kufumbwa muntu upayila kuli leza umbi utali Jehova ullelede kujayigwa. ²¹Tamweelede kubisizya mweenzu nekuba kumudyamizya, nkambo mwakali beenzu munyika ya Ijipiti.²²Mutapenzyi naba omwe mukamufu naa muchaala. ²³Naa kuti mwabapenzya, alimwi bakkwila kulindime, nchobeni ndiyomvwa kulila kwabo. ²⁴Bukkali bwangu buyobuka, alimwi ndiyomujaya apanga; banakazi bene bayoba bamukabafu, abana benu bayoba bamuchala.²⁵Na wakweletya mali kufumbwa kuli umwi wabantu bangu bachete akati kanu, toyelede kumubeda mbuli sikukweletya nekuba kumuliyisya mpindu. ²⁶Na watola chibaki chamwenzinyokwe chakusyomezya, uleelede kuchibweedezya izuba kalitana bbila, ²⁷nkambo nchicho luzutu chakuvumba chakwe; nchechicho chibaki chamubili wakwe. Nchiili chimbi nchanga ulalivumba aacho? Elyo nayoyita kulindime, ndiyo mumvwa nkambo ndilimubombe moyo.²⁸Toyelede kusampawula ndime, Leza, nanka kutukila mweendelezi wabantu bako.²⁹Toyelede kuyooleka kupayizya zyabutebuzi bwako na zikandilo zya wayini yako. Uyelede kundipa mwana mutaanzi wabana bako balombe. ³⁰Uleelede alimwi kuchita mbubo kubasune bako ambelele zyako. Kwamazuba musanu aabili zileeledwe kuba antomwe amanyina, pesi mubuzuba bwamusanu aatatu uleelede kuzipa kuli ndime. ³¹Muyoba bantu basalala kuli ndime. Nkenkaako tamweelede kulya nyama yakalumwa abanyama mumunda pe. Asi, kuti muleelede kwiisowela babwa .

¹Tamwelede kwamba zyakubeja atala awumwi. ²Utagwasyanyi awumwi muntu sizibi kuti uwambe bukamboni bwakubeja. Mutatobeli bbunga kukuchita bubi, kana kupa bukamboni bwakubeja kuti utobele banji kukukusandula bululami. ³Tamwelede kutondezya kuvuninina muntu muchete mukukkachilwa kwakwe.⁴Na mwaswana musune kana mbongolo yasinkondonyokwe nkili yasweka, mwelede kwibozya umupe. ⁵Na mwabona mbongolo yamuntu ngotayandi yawida amutolo, tamwelede kusiya muntu oyo. Kasimpe mwelede kumugwasya ambongolo yakwe.⁶Mutasoweli kumbali bululami bwamuchete mukuya kwakwe. ⁷Mutaswanani abamwi mukutamikizya bwakubeja, alimwi utajayi utakwe mulandu na mululami, nkambo nsikyoleka kubabeteka bataluleme. ⁸Mutabwezi masinkamulomo, nkambo masinka mulomo alofwazya abo babona, alimwi alasandulwa majwi abantu baluleme. ⁹Muta dyamizyi mwenzu, nkambo mulibwizi buumi bwamwenzu, nkambo inywe mwakali beenzu munyika ya Ijipita.¹⁰Kwamyaka musanu awumwi muyobyala imbuto munyika yenu alimwi akubungika butebuzi. ¹¹Pesi mumunyaka wamusanu ayibili muyoyisiya nkitalimidwe, kuti bachete balakkati kabantu benu bakalye. Ezyo nzibasiya, banyama bamusokwe bakalye. Muyochita mbubo mumyanda yamasansa amyunda yama olifa.¹²Mumazuba musanu alimwi muyochita milimo yanu, pesi mubuzuba bwamusanu aabili mwelede kulyokezya. Muchite eechi kuti musune wanu ambongolo yanu zilyokezye, alimwi kuti mwana mulombe wamuzike wako mwanakazi akufwambana mwenzu ngaula lyokezya akubukuluka. ¹³Swilila zyoonse nzindaamba kulinduwe. Utadomboli mazina abaleza, kana kuti mazina abo amvwigwe mumulomo wako.¹⁴Mwelede kweenda kuti muka ndichitile ipobwe tutatu amunyaka. ¹⁵Mwelede kubamba ipobwe lyachinkwa chitawe buswezyo. Mbuli mbundaka mulayilila, muyolya chinkwa chitakwe buswezyo kwamazuba musanu aabili. Kuleecho chindi, muyolibonia kunembo lyangu mumwezi utegwa Abbibbi, chibambilidwe makkanze aya. Kwakali mumwezi oyo ngumwakazwa aawo mu Ijiputi. Pesi tamwelede kulibonia kunembo lyangu chinkwamanza¹⁶Mwelede kubamba ipobwe lyakutyola, kabalwebalwe kamilimo yenu nimwakabyala mumyunda yenu. Alubo mwelede kubamba pobwe lyakubika aamwi kumamanino amunyaka, mpumubweza nzyomwatebula kuzwa mumyunda yenu. ¹⁷Baalumi benu boonse belede kulibonia kunembo lya Mwami Jehova tutatu mumunyaka umwi awumwi.¹⁸Tamwelede kupeda bulowa kuzwa kuzipayizyo nzimweta kulindime chibunge chilabuswezyo. Mafuta kuzwa kuchipayizyo kupobwe tayelede kusyala mansiku woonse kusikila kuseni. ¹⁹Mwelede kweeta michelo mitaanzi miyandisi kunyika yako mung'anda yangu, ing'anda ya Jehova Leza wako. Toyelede kubilisya kana kempongo mumalili abanyina.²⁰Ndiyotuma mungelo kunembo lyako kukukwabilila munzila yako, alimwi akakwete kubusena mbwekubambilide. ²¹Mumuswilizye alimwi mumulemeke mutamunyemyi, nkambo takoyolekelela insotoko zyanu. Izina lyangu lilanguwe. ²²Na chamasimpe mwamuswilila ijwi lyakwe akuchita zyonse ezyo nzendamwambila, Elyo ndiyoba sinkondonyina abasinkondonyokwe alimwi ndiyoba sikulwanisya kuli basikukulwanisya.²³Angelo wangu uyobakunembo lyanu akuyomweta kuliba Amoli, Hiti, Pelizi, Kkenani, Hivi, alimwi akuba Jebbusi. Ndiyobanyonyona. ²⁴Tamwelede kukkotamina ba Leza babo, kubakkomba, kana kuchita mbuli mbubachita. Pesi, mwelede kubanyonyona akubazapawula minseme yamabwe. ²⁵Mwelede kukkomba Jehova Leza wenu alimwi uyolongezya chinkwa amanzi anu. Ndiyogwisya zilwazi kuzwa akkati kenu.²⁶Takwe mwanakazi uyobula kuzyala na kusowa mwana wakwe muminyaka yenu. Ndiyomupa buumi bulamfu. ²⁷Ndiyotuma kuyoosya kulaabo bamunyika nkomuyobuya. Ndiyojaya bantu boonse mbimutakaswane. Ndiyochita kuti boonse basinkondonyokwebaka mufutatile chakuyoowa. ²⁸Ndiyotuma zyuuka zijaya kunembo lyanu ezyo zitakatande ba Hivi, ba Kkenani aba Hiti kuzwa kunembo lyanu. ²⁹Nsikoyo batanda kunembo lyenu mumwaka omwe, kuti nyika itakabi tongo, alimwi banyama bamusokwe bayomuvulila loko.³⁰Pesi, ndiyobatanda bunini bunini kuzwa kuli ndinywe ado mukazyalisye akuvuba nyika. ³¹Ndiyobika migano kuzwa kulwizi lwamatente kuyosika kulwizi lwaba Filisitiya, akuzwa kunkanda kuyosika kumulonga wa Lifutelete. Ndiyomupa luzundo kubantu bakkala munyika, muyobatanda kuzwa kulindinywe. ³²Mutakachiti chikkonke ambabo na abaleza babo. ³³Batakakkali munyika yenu, na kumuchita kuti mundibisizye. Na mwakukomba ba Leza babo, nchobeni chiyomubeda chilebyo.''

¹Mpawo Jehova wakati kuli Mozesi, ''kweza kulindime - iwebo, Aaloni, Nada, Abbihu, abali makkumi musanu aabili abapati ba Izilayeli, alimwi mukandikkombe kulale. ²Mozesi alikke nguyelede kuswena afwifwi andime. Aba bamwi tabelede kuza afwifwi, nikuba kuti bantu baswene baze awe.''³Mozesi wakiinka akwambila bantu majwi a Jehova ambeta zyakwe. Bantu boonse bakasandula ajwi lyomwe akwamba kuti, ''Tuyochita majwi oonse Jehova ngawamba.'' ⁴Mpawo Mozesi wakalemba aansi majwi oonse a Jehova'Chifumo, Mozesi wakayaka chipayililo munsi lyesimpilo lyachilundu akubamba musumpululu yamabwe alikkumi aabili, kuti mabwe ayiminine mikowa ilikkumi ayibili, kuti mabwe ayiminine mikowa ilikkumi ayibili yaba Izilayeli ilikkumi ayibili ya Izilayili.⁵Wakatuma ba Izilayeli bakubusi abachalumi kukuyopeda zituuzyo zyakutenta alimwi azituuzyo zyabulyidilano zyabasune kuli Jehova. ⁶Mozesi wakabweza chisela chabulowa mpwao wabika mumitiba, akusansila chimwi chisela achipayililo.⁷Wakabweza ibbuku lyechizuminano alimwi wakalibalila mujulu kubantu. Bakati, ''Tulochita zyoonse Jehova nzyawamba. Tuyoswilila.'' ⁸Mpawo Mozesi wakabweza bulowa akusansila abantu wakati, ''Oobu mbulowa bwachizuminano obo Jehova mbwachitila ndinywe akumupa chisyomezyo amajwi aya woonse.''⁹Mpawo Mozesi a Aaloni, Nadabbu, Abbihu, abali makumi musanu aabili bapati ba Izilayeli bakiinka muchilundu. ¹⁰Bakabona Leza wa Izilayeli. Kunsi amawulu akwe kwakabonwa mbuli chibuye chamabwe chakachitidwe asafili nkakubalangala mbuli ijulu lwalyo. ¹¹Leza takabika kuboko kubapati baba Izilayeli. Bakabona Leza, alimwi bakalya akunywa.¹²Jehova wakati kuli Mozesi, ''Kweza kulindime muchilundu alimwi ukakkale nkuko. Ndiyokupa zilembelo zyamabwe amulawu amilazyo njendilembede, kuti ukabayiisye.'' ¹³Eelyo Mozesi wakinka asikumugwasya Joshuwa alimwi bakatanta muchilundu cha Leza.¹⁴Mozesi wakati kubapati, ''Amukkale alimwi mutulinde ado tubole kulindinywe. Aaloni a Huli balandinywe. Kuti nkakuli ujisi makani, ayinke kulimbabo.'' ¹⁵Eelyo Mozesi wakayinka muchilundu, mpawo joba lyakachivumba chilundu.¹⁶Bulemu bwa Jehova bwakali achilundu cha Sinayi, ajoba lyakachivumba kwamazuba ali musanu alimwi. Mubuzuba bwamusanu abumwi wakiita kuli Mozesi kuzwa mujoba. ¹⁷Kulibonia kwabulemu bwa Jehova bwakali mbuli mulilo uyakisya atala achilundu kumenso aba Izilayeli. ¹⁸Mozesi wakanjila mujoba akutanta muchilundu wakkala atala lyachilundu kwamazuba makkumi oone amansiku makkumi aane.

¹Jehova wakaambuula kuli Mozesi, ²''Ambila bana ba Izilayeli kuti batole zipo zyangu kuzwa kumuntu woonse uusungwazigwa amoyo uuzumina. Amutambule zipo zyangu kubantu boonse bazumina mumyobo yabo. Uleelede kutambula eezi zipo zyangu .³Nzeezi zipo nzimweelede kutambula kuli mbabo: ngolide, nsiliva, amukuba; ⁴masani aasikkaka, masani aamusinza wanyangu, amasana aasalala pyu amasani aatuba, aboya bwampongo; ⁵zikumba zyabagutu zisalazidwe; azisamu zyamuunga; ⁶mafuta aamalampi amubusena busalala bwakukombela; misamu yamafuta aakunana, atununkilizyo twakutenta, ⁷mabwe aa onikisi aambi mabwe ayebeka ayelede kubikwa muchikombelo chakupayizi amukatobo kachaamba.⁸Amubaleke bandichitile chikombelo kwiitila kuti ndikkale aakati kabo. ⁹Muleelede kuchita mbubonya mbuli mbondiyoomutondeezya mumizeezo chikombelo azibelesyo zyacho zyoonse.¹⁰Baleelede kuti bachite ibbokesi lyazisamu zyamuunga. Bulamfu bwalyo bube tukkokola tobile achisela, abwaamba bwalyo kakkokola komwe achisela, abwiime bwalyo kakkokola komwe achisela. ¹¹Uleelede kuzilulula mukati aanze angolida iisalala, aatala aacho alimwi ulibikile mukkome wangolida chakuzyunguluka bulamfu bwalyo.¹²Uleelede ufule inchoko zyone zyangolide, akuzibika ajulu aamawulu one aabbokesi, inchoko zyobile kulubazu lumwi anchoko zyobile kuli lumwi lubazu. ¹³Uleelede ubeze miziyo yamuunga akwiiziluluzya ingolida. ¹⁴Uleelede uchite miziyo wiisyomeke munchoko zyakumabazu, kuti mukonzye kubweza bbokesi.¹⁵Miziyo iileelede kusyaala munchoko zyabbokesi; tazyeelede kugwisigwa pe kulindilyo. ¹⁶Uleelede ubike mubbokesi milawu yachizuminano. ¹⁷Uleelede kuchita chijazyo changolide chaluswaanizyo. Bulamfu bwacho bube tukkokola tobilwe achisela, abwaamba bwacho kakkokola komwe achisela. ¹⁸Uleelede kuchita bobilwe bakkelubi bangolinda iipwayidwe kumpela zyobile zyachijazyo chachuuno chaluswaanizyo.¹⁹Chita Kkelubi umwi wamagozezyo aamwi aachuuno chaluzyalo, awumwi Kkelebi wamamanino wagozezyo limbi. Zyeelede zichitwe mbuli chipanzi chachuuno chaluzyalo. ²⁰Bakkelubbi balatandabika mababa aabo akuvumbilila chuuno chaluzyalo, amasyu aabo aalangene, masyu abakkelubbi alange chuuno chaluzyalo. ²¹Mweelede kubika chuuno chaluzyalo aatala lyabbokesi, alimwi mukati kabbokesi mweelede kubika milawu njendikukupa.²²Nkukonya kubbokesi nkutuyooswaninana andinywe. Ndiyoowambula anduwe kuzwa kujulu lyachuuno chaluzyalo aakatikati kabakkelubbi bobile bali aabbokesi lyachizuminano ooko nkwesiyookwaambile milawu yoonse njowelede kulayilila bana ba Izilayeli.²³²⁴Uleelede kuchita tafula lyamuunga. Bulamfu bwalyo bube tukkokolaa tubili, abwaamba bwalyo kakkokola komwe, abwiime bwalyo kakkokola komwe achisela. Uyiziluluzye ingolida iisalala akwiichita mukkome uyizyungulukide wamgolida.²⁵Uchite mubalo uyizyungulukide uli aabwaamba bwajanza, awooyo mubalo ube aamoongola wangolida koonse koonse. ²⁶Weeledei uchite nchoko zine zyangolida akubika nchoko kuzyooko zyone zyakumawulu aayo. ²⁷Aafwifwi kumubalo kuyooba inchoko zitakajate miziyo yakunyampuzya tafula.²⁸Weeledde kuchita miziyo kuzwa kumusamu wa akkasiya alimwi ukuuvumbe angolida kuti tafula likanyampuzigwe aanzizyo. ²⁹Uleelede kuchita mitiba, amyuungo, azilongo amfulu zyakupayizya, zyoonse uzichite aangolide iisalala. ³⁰Uleelede kubika zibunge zyamabonwabonwa aatafula kubusyu bwangu chiindi choonse.³¹Uleelede kuchita chiimikilo chalampi changolida iisalala kunsi lyacho amubili walo abe achifulamubisi. Nkomeki zyacho atunkuli twacho, amalubaluba aacho zyoonse ziyoojatilila mulinchicho. ³²Nkabela mumabazu aacho muyoozwa mitabi iili musanu awumwi - mitabi yotatwe kulubazu lumwi, alimwi mitatbi yotatwe kulubazu alumwi lwachiimikililo chalampi.³³Mutabi umwi awumwi uubezedwe ankomeki zyotatwe zili mbuli michelo wa alumondi zili atunkuli amalubaluba mitabi yoonse ilimusanu awumwi iizwa kuchiimikililo ibe mbubonya oobo. ³⁴Awo achimikililo chini abezwe inkomeki zyone zilimbuli michelo ya alumondi zili atunkuli amalubaluba.³⁵Kuleelede kuba chikkazikilo chamatu kunsi aantabi zyobile zyakutanguna - zichitidwe mbuli chintu chomwe anchicho, alimwi aachikkazikilo chamatu munsi lyantabi zyobile - alubo chichitidwe mbuli chintu chomwe anchicho. Munzila njiyeeyo kweelede kube chikkazikilo chamatu munsi lyantabi zyobile zyatatu, zichitidwe mbuli chintu chomwe anchicho. Kweelede kube mbubo kuntabi zili musanu ayimwi zyiindilila kuzwa kuchikkalilo chalampi. ³⁶Zikkazikilo zyazyo zyamatu antabi zyeelede kuba chintu chomwe anchicho, chomwe chipanzi chamulimu wabufule bwangolide iisalala.³⁷Weelede kuchita chikkazikilo chalampi amalampi aacho ali musanu aabili, akubamba malampi aacho kuti ape mumuni kukuzwa kulinchico. ³⁸Mamano ankayi zyawo zyoonse zibe zyangolide iisalala. ³⁹Belesya talenta lyoomwe lyangolida iisalala kukuchita chikkazikilo chelampi azibelesyo zyacho. ⁴⁰Bona kuti wazichita mbubonya mbuli muchikozya nchiwakatondeezegwa achilundu.

¹Uyake idumba lyakukombela lili amakketeni aabambidwe amulembo mubotu alimwi awuulu yamuteme, yantumbula, iiswankukide kinengulwidwe mbuli Kkelubbimu. Ooyu uyooba mulimo wasikubeza munkutwe abusongo. ²Ibulamfu bwalimwi alimwi kketeni bwelede kuba makumi obile amusanu awatatu makkiyubbiti, ibusasa bube aane kweelana bupati. ³Imakketeni musanu ayelede kujatanisigwa kulimwi alimwi, alimwi amwi aali musanu lubo ayelede kujatanisigwa kuli limwi alimwi.⁴Welede kupanga myoondo yamubala wamuteme kutobelezya aanze lyamunkome wamamanino aakketani lyenkama yomwe. Munzila njiyo ikozyenie, uyelede kuchita mbubo kotobelezya aanze amunkume wakketeni lyamamanino munkama yabili. ⁵Welede kupanga myondo makumi musanu kukketeni lyakusanguna, alimwi upange myoondo makumi musanu kukketeni lyamamanino kunkama yabili. Uchite eezi kuchitila kuti imyondo isandikane umwi awumwi. ⁶Welede kuchita zikobela zyangolida zili makumi musanu alimwi uswanizye makketeni antoomwe azikobekelo kuchitila kuti dumba lyakukkombela lijatane.⁷Welede kuchita makketeni aaboya bwampongo akuchita bbakasa litavumbe idumba. Welede kuchita makketeni aya abe kkumi alimwi. ⁸Ibulamfu bwakketeni lyomwe bube makkiyubbiti makumi otatwe, alimwi busasa bwakketeni lyomwe bube makkiyubbiti oone. Limwi alimwi lyamakketeni alikkumi alimwi lyelede kukozyania kukomena aamwi. ⁹Welede kuswanizya makketeni musanu kuli limwi alimwi amwi makketeni aali musanu alimwi aswanizigwe kuli limwi alimwi. Welede kwaavunga tubili ikketeni lyamusanu alimwi kunembo lyabbakasa.¹⁰Welede kuswanizya myondo makumi musanu kumukkome wakketeni lyamamanino lyankomo ntanzi, alimwi mondo makumi musanu kumukome wakketeni lyamamanino eelyo liswanana ankama yabili. ¹¹Welede kuchita zikobekelo makumi musanu zyamubala wabbulonzi alimwi uzibike mumyondo. Mpawo uswanizye bbakasa antomwe Kuchitila kuti chibe chintu chomwe.¹²Ichisela chakketeni chisyaala, eelyo bbazu lichaala kalilengelede kuzwa kumakketeni abbakasa, ayelede kulengelela kusule lya dumba. ¹³Kwelede kuba kkiyubbiti yomwe yakketeni kuti limbi bbazu - eelyo lyachala kubulamfu bwakketeni lyabbakasa lyalede kulengelela kumabbazu aadumba. Kubbazu lyomwe akuli limbi bbazu, kuti lichivumbe. ¹⁴Welede kuchitla dumba ichivumbyo chachikkumba chembelele chakayanikwa kachisalala, alimwi achimwi chivumbyo chachikkumba chisukidwe kuti chiinde aatala aachechiya.¹⁵Welede kuchita busanza bwiimvwi njii bwa dumba kuzwa kumasamu aa akasiya. ¹⁶Bulamfu bwayimwi ayimwi impanda bwelede kuba ikkumi lyamakkiyubbiti, alimwi ibusasa bwelyo bwelede kuba kkiyubbiti yomwe achisela. ¹⁷Kwelede kuba inkanka zyobile zyachisamu muchisansa chomwe izyakuswanizya zisanza kuli chimwi achimwi. Welede kuchita zyonse zisanza zyadumba muli njiyeyi inzila. ¹⁸Iwachita zisanza izyadumba, welede kuchita zisanza makumi obile aabbazu lyakunsi.¹⁹Welede kuchita mazeteko aansiliva aali makumi oone atayinke kunsi lyamasanza aali makumi obile. Kwelede kube mazeteko obile munsi lyasanza tanzi kuti zibe zilyatililo zyazyo zyobile. ²⁰Kubbazu lyabili lya dumba kubbazu lyakumbo, welede kuchita masanza makumi obile ²¹amazeteko azyo aansiliva makumi oone. Kwelede kuba mazeteko obile munzi lyamasanza itanzi, mazeteko obile kuchisanza chitobela, kaziyobiya mbuboobo.²²Kubbazu lyakusule edumba kubbazu lyakububbila, welede kuchita zisanza musanu achimwi. ²³Welede kuchita zisanza zyobile zyamakkona akusule lyadumba. ²⁴Eezi zisanza zyelede kwaanzana kunsi, pesi kaziswenene ajulu kulubalo lomwe. ²⁵Kwelede kuba mbubobu kuli woonse obile makkona akusule. Kwelede kuba zisanza musanu azitatu, antomwe amazeteko azyo ansiliva. Kwelede kuba mazeteko aali kkumi amusanu alimwi mubwingi, mazeteko obile munsi lyasanza litobela, alimwi kaziyabuya mbubobu.²⁶Welede kuchita zisamu zyamu akkasiya zyiingene - zili musanu nzyazisanza zyalimwi ibbazu lyedumba. ²⁷Zili musanu zisamu zyingene nzyakuli limbi bbazu lya dumba, alimwi zisamu zyiingene zili musanu nzyabbazu lyakusule adumba kububbila. ²⁸Izisamu zyiingene zili aakkati kazisanza, nkokuti; akkati aakkati kukuya mujulu, zyelede kusika kumagolelo akumagolelo.²⁹Welede kuvumba zisanza angolida. Welede kuchita bwaanzo bwazyangolide, kuchitila kuti zibeleke mbuli zijatizyo zyazisamu zyiingeene, alimwi welede kuvumba zisamu zyiingeene angolide. ³⁰Welede kwimikizya idumba munzila itobela njiwakatondezegwa aachilundu.³¹Welede kuchita kketeni lyamubala wamuteme, muntumbula awuulu iyebeka, alimwi amulembo uumaninide, uli abweengo bwakkelubbimu, imulimu wasimulimu uuli aaluzibo. ³²Welede kuzyaanzika aazisanza zyoonse zyamusamu wa zisanza zyelede kuba azikobekelo zyangolida zibikidwe amazeteko angolide oone, ³³Welede kwanzika makketeni munsi lyazikobekelo, alimwi welede kweeta mukati ibwaato bwabukamboni. Ikketeni ndyakwanzanisya busena busalala kubusena busalalisya.³⁴Welede kubika chivunisyo chabulemu abwaato bwabukamboni, ichili mubusena busalalisya. Welede kubika tafula aanze aakketeni. ³⁵Welede kubika chikkalilo chelampi kachileyene atafula kubbazu lyakuunsi aanyika kwadumba itafula lyelede kuba kubbazu lyakujulu.³⁶Welede kuchita mulengalenga kumulyango wabbakasa. Welede kuuchita amubala wamuteme, wamuntumbula, azibelesyo zyeebeka, amulembo uumaninide uuvungidwe, mulimu wasikuluka. ³⁷Ikwa mulengalenga, welede kuchita mbandama musanu zyamu akkasiya alimwi uzivumbe angolida. Izikobekelo zyazyo zibe zyengolide, alimwi welede kusala mazeteko aazyo aabbulonzi aali musanu.

¹Uyelede kuyaka chipayililo chamusamu wamu-akasiya, tukokola tuli musanu kutandabala atukokola tuli musanu bwaanda. Chipayililo chelede kuba aamabbazu ayelene atukokola tutatu kuya kujulu. ²Uyelede kuyingizigwa zyooko zyacho amusune. Imeja ayolundwa mbuli chimwi chibeela achipayililo, alimwi uyelede kuwavumba amukuba.³Uyelede kulunda zibelesyo zyaachipayililo: mpoto zyamulota alubo amafocholo, ndido, fologwe yanyama, ampani zyamulilo. Uyelede kulunda zibelesyo ezi uzilunde kobelesya mukuba. ⁴Uyelede kuchita munkombe wachipayililo, anjatanisyo yamukuba. Lunda mubalo wamukuba aliwumwi awumwi mukome wazyoko zyone.⁵Uyelede kubika mukombe munsi aalumpimpito lwachipayililo, aakati akati kuyansi. ⁶Chita minkulu yachipayililo, ibe yamu-akasiya, mpawo uyivumbe amukuba.⁷Iminkulu eyi ibikwe mumibalo, alimwi minkulu eyi iyelede kuba kumabbazu achipayililo obile, kuti ichibweze. ⁸Uyelede kulunda chipayililo chikwankwamuke amapulanga. Uyelede kuchilunda munzila njwakatondezegwa ajulu achilundu.⁹Uyelede kuyakila dumba lyakukombela. Kuyelede kuba zilengelela kumusansa kwalubaya, zilengelela zyamasani matete awosedwe aalitukokola tuli mwanda bulamfu. ¹⁰Zilengelela zyelede kuba misumpululu makumi abili, zila zikazikilo zyamukuba zilimakumi abili. Kwelede lubo kuti kube zikobelo zijisilidi amisumpululu antomwe akabulo kasiliva.¹¹Munzila ikozyania, kubbazu lyakujwe, kwelede kuba zilengelela tukokola tuli mwaanda bulamfu bulamisumpululu makumi aabili azikazikilo, zikobelo zijisilidi kumisumpululu akabulo kasiliva. ¹²Kutobezya lubaya kuumbo kwelede kuba mulembu ulatukokola tuli makumi masanu kulampa. Kwelede kuba musumpululu ilikuumi aazikazikilo zili kuumi. ¹³Lubaya lwelede kuba tukokola tuli makumi musanu kubuzwazuba.¹⁴Zilengelela zyalimwi bbazu lyamulyango lyelede kubatukokola tulikuumi amusanu. Zyelede kubamisumpululu itatu ilazikazikilo zyotatwe. ¹⁵Eli limwi bbazu lyelede kuba azilengela kuumi amusanu bulamfu. Zyelede kuba misumpululu itatu ilazikazikilo zyotatwe. ¹⁶Mulyango walubaya welede kuba mulembu ulatukokola makumi obile bulamfu. Mulembo welede kulundwa amubala wamuteeme, muntumbula, azibelesyo zisalalisya amasani matetete awosedwe, mulimu wasikupanga lwebo. Lyelede kuba amisumpululu yone azibikilo zyoone.¹⁷Yoonse misumpululu yalubaya iyelede kuba atuubulo twasiliva, zikobekelo zyasiliva azikazikilo zyamukuba. ¹⁸Bulamfu bwalubaya bwelede kuba tukokola tuli mwaanda , ibbazu lyalo libe tukokola tuli mwaanda, Ibbazu lyalo libe tukokola makumi masanu aamasani mebesi awosedwe ilengelede bwanda boonse, azibikilo zyamukuba. ¹⁹Zyoonse zibelesyo zyelede kubelesegwa mubbakasa lyakukkombela , antomwe aampeki zyatente lyabbakasa alubaya zyelede kulundwa amukuba.²⁰Welede kulayilila ibantu baIzilayeli kuti bete mafuta amu-oliva, isalala asinidwe aamalampi kuchitila kuti ayake chindi choonse. ²¹Mutente lyakuswananinwa, anze amulembo ulikunembo lyadumba lyakukombela libambide bbokesi lyabukamboni, Aaloni abana bakwe balombe belede kubambala malampi kuyaka kunembo lyaJehova kuzwa goko kuyosika kuseni. Eechi chiyandikana kuba mulawu utamani kumazyalani abantu ba Izilayeli.

¹Lyiitile Aloni mukulana wako abana bakwe balombe - Nadabu, Abbihu, Eliyaza, a Itamala - kuzwa akati kabana baIsilayeli kuchitila kuti bandibelekele mbuli bapayizi. ²Welede kuchitila Aloni, mukulana wako, zisamo zisalidwe kulindime. Ezi zisamo zinoli zyabulemu bwakwe abweebesi. ³Welede kwaambula kubantu boonse balaabusongo mumoyo, abo mbindakazuzya amuya wabusongo, kuchitila kuti nga bala chitila Aloni zisano zitamuchite kuba kubbazu kubelekela ndime mbuli mupayizi wangu.⁴Zisamo ezyo nzibelede kuchita nzyakukaango, efodi, logwe, jansi lyabbulukwe, aluchinda , amwinga nkwa. Belede kuchita zisamo ezi zisalidwe kulindime. Zinoli zyamukulana wako Aloni abana bakwe kuti nga bandibelekele mbuli bapayizi. ⁵Basikuluka belelde kubelesya sila bbotu nkookuti yangolide, muteme, musinzanyangu, azisalalisya.⁶Belede kuchita efodi yangolide, yasyamuteme, musinaanyangu, alyamasila antwayini. Welede kuba mulimu wamuntu upedwe kukozya. ⁷Yelede kuba aazipanzi zibili zyamakwiko zijananizidwe kumoombe ibili yatala. ⁸Mukumba ukuzwidwe kabotu welede kuba mbuli efodi; chelede kuchitwa achintu chomwe a efodi, lichitidwe asila lyangolida, syamuteme, musinzanyangu, achisalalisya. ⁹Welede kubweza mabwe aabili aa kisi akwaalemba alingawo mazina abana ba Isilayeli.¹⁰Mazina aabo alimusanu alimwi ayelede kuba aabbwe lyomwe, amazina alimusanu alimwi ayelede kuba alilimbi bbwe, mukutobelana akuzyalwa kwabana. ¹¹Amulimu wasikulemba mubbwe, mbulimukulembwa kuli achitondezyo, welede kulemba mabwe aabili ali amazina abana ba Isilayeli. Welede kwiilika mabwe muzikkalilo zyagolide. ¹²Welede kubika mabwe aabili azipanzi zyamakwibo a Efodi, kuti abe mabwe akuyeeya bana baJehova aatala abana ba Isilayeli. Aloni uyobweza mazina aabo kunembo lyaJehova amakwibo akwe abili mbuli chiyeezyo kulinguwe.¹³Welede kupanga zikkalilo zyagolide ¹⁴amacheni aabili aalukene angolide ngingini mbuli lusungo, alimwi welede kujatanizya macheni kuzikkalilo.¹⁵Welede kuchita chakukaango chakupangisya mizeezo, mulimu wasimulimu ukonzesya, ubambidwe mbuli efodi. Ichitwe agolide, syamuteme, musinzaaanyangu abulowa busalisya, abwasila bbotu. ¹⁶Cheelede kwelana mabazu oonse one. Welede kuvunga chakukaango twiindulwidwe. chelede kuba chaampa chomwe busasa.¹⁷Welede kubika mulinchicho milongo yone yamabwe mayandisi. Mulongo mutaanzi ube a lubbi, a topazi, a ganeti. ¹⁸Mulongo wabili welede kuba a emalaludi, safile, a dayamondi. ¹⁹Mulongo watatu welede kuba a jasinti, a geti, a ametisiti. ²⁰Mulongo wane welede kuba a bbeleleli, a onikisi ajasipa. Mwelede kwayilika muzikkalilo zyangolide.²¹Mabwe ayelede kubambwa mbuli mazina abana baIsilayeli. Ayelede kuba mbuli malembelo ali anwenwe yachitondezyo, izina alimwi kalyiimikilila mikowa ili kkumi ayibili. ²²Welede kuchita alichakukaango macheni mbuli lusungo, mulimu ulukidwe wangolida nginingini. ²³Welede kuchita nwenwe zibili zyangolide zya chakukaango alimwi welede kuzijatanisya kumyombe iibili ya chakukaango. ²⁴Welede kujatanisya macheni angolida kumabazu amyombe ya chakukaango.²⁵Welede kujatanisya imwi mitwe yamacheni alukibwe kuzikkalilo zyobile. Mpawo welede kujatanizya eezyo kuzipanzi zyamakwibo a efodi nkwili kunembo. ²⁶Welede kupanga nwenwe zyobile zyagolide, alimwi welede kuzibika kumabbazu abili aachakukaango, kumupendelo kuswena kumoombe wamukati.²⁷Welede kupanga alubo zimbi nwenwe zibili zyangolide alubo welede kuzijatanizya ansi kwazipanzi zibili zyamakwiko zyakunembo lya efodi munsi amombe atala lyamukumba ubambidwe kabotu waefodi. ²⁸Belede kwaanga chakukaango anwenwe yacho kunwenwe ya efodi zilalusungo lyasyamuteme kuchitila kuti nga chilajatikizya kwinda biyo lukumba lwa efodi lulukidwe. Echi chiliboobu chichitilwa kuti chakukaango chitabi chitajatene kuzwa ku efodi.²⁹Elyo Aloni nanjila mubusena busalala, welede kubweza mazina abana baIsilayeli atala lyamoyo wakwe muchipanzi chakukaango chakupanga mizeezi, mbuli chiyeezyo cheendelela kunembo lyaJehova. ³⁰Welede kubika Yulimu aTumimu muchipanzi chakukaango chakupanga mizeezo, kuti bakabe atala lyamoyo wa Aloni elyo naya kunembo lya Jehova. Nkokuti Aloni unoli kabweza lyonse zyakubamba mizezo yabantu ba Isilayeli atala amoyo kunembo lya Jehova.³¹Uyopanga logwe lya efodi lyonse lyaluchinda lyasyamuteme. ³²lyeelede kuba abbanga lyasyamuteme akati. Ibbanga lyelede kuba aalupeto luzyunguluka kuchitila kuti litadeluki. Oyu welede kuba mulimu wasikuluka.³³Ansi aalupeto mwelede kupanga mapomegilaneti asyamuteme, musinzanyangu , abuyale busalalisya kabuzyungulukide . Milangu yangolide yelede kuba akati kazyoonse zizyungulukide. ³⁴Kwelede kube mulangu wangolide a pomegilaneti, mulangu wangolide a pemogilaneti - alubo kaziya buya - kuzyunguluka lupeto lwalogogwe. ³⁵Ilogwe lyelede libe ali Aloni elyo nabeleke , kuchitila kuti kulila kwayo imwike elyo nanjila mubusena busalala kunembo lyaJehova alubo elyo nazwa. Ezi ziliboobo kuti atafwi.³⁶Welede kuchita ndido yangolide nginingini akulemba alinjiyo, mbuli bulembo buli achitondezyo, ''Kusalala kuli Jehova.'' ³⁷Welede kujatanisya ndido eyi zyaalusungo yasyamuteme kunembo lyachibikilo. ³⁸Chelede kuba ankumu ya Aloni; Welede kunyampuka lyoonse kufumbwa bubi bunga bulajanwa kuzipayizyo zyazipo zisalala ezyo bana Isilayeli nzibakabika kulubazu lwa Jehova . Chibikilo chelede kuti lyoonse chibe kunkumu yakwe kuti Jehova nga ulatambula zipo zyabo.³⁹Welede kuchita jansi asila bbotu, akubamba chikalilo cha sila bbotu. Welede kuchita alubo sila lyamwinga nkwa, mulimu wasikusuma.⁴⁰Zyabana baAloni, welede kupanga majansi, mwingankwa, amincinda yakumutwe zyabulemu bwabo abwebesi. ⁴¹Welede kusamika Aloni mukulana wako, abana bakwe kabali anguwe. Welede kubananika, ubakombele, akubabika kulubazu lwangu, kuchitila kuti bakandibelekele mbuli bapayizi.⁴²Welede kubachitila zyakusama zyakunsi zyamasila kuvumba nyama zyabo zyazintanda, ezyo ziyobavumba kuzwa muchibuno kusika muzibelo. ⁴³Aloni abana bakwe belede kusama zisamo ezi elyo nibanjila mutente lyakubunganina naa elyo nibasika achipayililo kukubeleka mubusena busalala. Belede kuchita eezi kuti kuti batakabi abubi nkambo inga balafwa. Oyu ngumulawo walyoonse wa Aloni abasilunyungu lwakwe musule lyakwe.

¹Lino eezzi nzinzyo nzyotakachite kukubasalazya kuchitila kuti bandimanine milimu mbuli mupayizi. Bweeza musune momwe muniini a mbelele zyobile kakutakwe katongauka, ²chinkwa chitakwe buseezyo, azibunge zitakwe busezyo zyavwelanisigwa amafuta. Aboobo mubweze zibunge zitakwe busweezyo zinanikidwe mafuta. Muchite zibunge kubelesya busu bunante bwewiti.³Mukazibikke muchizuma chomwe, mukazyeete muchizuma alimwi mukazitondezye amusune wangombe alimwi amigutu yobile yambelele. ⁴Mwelede kutondeezya Aloni abana bakwe balombe kumulyango watente lyakubunganina. Mwelede kosanzya Aloni abana bakwe balombe mumaanzi.⁵Mwelede kubweza zizwaato akuzwatika Aloni ejansi, chikole cha efodi, efodi, achipanzi chakukango mwaange chitete- chikumba chalukkumba lwamuchikungu cha efodi kachimuzungulukide. ⁶Ukabikke tebbeni amutwe wakwe akubikka musini usalala aajulu engwani. ⁷Eelyo bweza mafuta aakunanika alimwi uwatile ejulu lyamutwe wakwe, alimwi muleyi nzila uwananike.⁸Welede kweeta bana bakwe balombe akubazwatika majansi aali mboobo. Welede kuzwatika Aloni abana bakwe balombe alutambo akubazwatika zikobela amunene mumutwe yabo. ⁹Milimu yabupayizi iyoba yabokwamilayo myinimyini. Muleyi nzila welede kulangisisya Aloniabana bakwe balombe kuli mbaabo kuti bakandimanine milimu.¹⁰Mwelede kuyeta basunu boonse kunembo lya tente lyakubunganina, alimwi Aloni abana bakwe balombe belede kubbikka maanzi aabo ajulu amitwe yazyo. ¹¹Mwelede kujaya basune kunembo lyaJehova amulyang watente lyakuswangano.¹²Mwelede kubweza limwi gaze lyabasune akulibika ameja akuchipayililo aminwe gaze, alimwi mwelede kuyotila limwi gaze alubuwa lwachipayililo. ¹⁴Mwelede kubweza oonse mafuta avumbidwe zipanzi zyamukati, alimwi mubweze kabiyo chivumbyo chachini ensa zyobile amafuta aali azninzyo, mukazitente zyoonse achipayililo. ¹³Pesi mbuli nyama yabasune, kabiyo azikkumba zyabo amasya , mwelede kozitente aanze alubuwa lwakuswanana. Chiyoba chipo chabubi.¹⁵Mwelede kubweza kabiyo mugutu wa mbelele womwe, Aloni abana bakwe balombe beleede kubika maboko aabo amitwe yazyo. ¹⁶Mwelede koojaya kagutu kambelele eelyo mukabweze mgazi lyazyoakwisansila kuli oonse mabazu achipayililo. ¹⁷Mwelede konenga kagutu wambelele muzipanzi zipanzi akusanzya zyamukati amawulu awo aachipayililo. ¹⁸Eelyomukatente yoonse mbelele. Chiyoba chipayizyo chitentendwe kuli Jehova, bwema bobotu, chipayizyo chichitidwe kuli Jehova aamulilo.¹⁹Mwelede kabiyo kuyobweza umwi mugutu wambelele, alimwi Aloni abana bakwe balombe beleede kuyobikka maanza aabo amutwe wacho. ²⁰Eelyo welede kuyojaya mugutu wambelele akobweeza alimwi ngaze lyawo. Mukabikke kumpela lyakutwi lwa Aloni lwakuchilisyi. Alimwi akumpela lyamatwi akuchilisyo abana bakwe balombe, aazyala zyako zyamaboko achilisyo, akutunwe twabo tupati twakumaulu akuchilisyo. Eelyo mwelede kosansila gaze kamwimina achipayilo kumabazu oonse.²¹Mwelede kobweza alimwi gaze eelyo liiliachipayililo aamwi mafuta akunanika, alimwi mukamusansuile oonse Alonoi azisamo zyakwe, alimwiaboobo kubana bakwe balombe akuzisamo zyabo. Aloni uyosalazigwa eelyo kulindime, nkikaakoezisamo zyabo, abana bako balombe anguwe.²²Mwelede koobweza mafuta amugutu wambeleele , emuchila unenede , amafuta aayo avumbide zyamukaati, chivumbyo chaachini, insa zyobilezyakuchilisyo- chamugutu wanbeleleoyu chamupayizikukunanikwa kwakwe kulindime. ²³Bweza chinkwa chomwe, chibunge chachinkwa chchitwa aamafuta aamafuta achitwa achibunge chomwe kuzwa muchizuma chachinkwa chitakwe busweesyo eecho chili kunembo lya Jehova.²⁴Mwelede kubika eezi mumaboko a Aloni amumaboko abana bakwe balombe akuzinyampula kunembo lyangu kuchipo chinyampwidwe kunembo lyaJehova. ²⁵Mulelede eelyo kuyobweza chakulya chizwa mumaboko aabo akuchitenta kuchipayililo achipo chitentendwe chiyogwisya bwema bubotu kulindime, chiyooba chipayizyochichitimdwe kulindime amulilo.²⁶Mwelede kobweza mpongo kuchisamo chakaango. Aloni kakupedekezegwa kwakwe akunyampuka kujulu kuchipo chinyampwidwe kunembo lya Jehova , alimwi chiyoba chipanzi chako. ²⁷Mwelede kondisalazya nkolo zyakunyampulwa kwazipo eezyo zinyampwidwe, achibelo eecho chakalikugwisigwa kumu payizi_ zyobile nkolo eezyo zyakanyampwidwe, achibelo eecho chaka gisisigwe Aloni abana bakwe balombe. ²⁸Eechi chiyayinkilila anembo chipo cha Aloni abana bakwe balombe. Kuyoba kubunganisya kwazipo kuzwa kuma Izilayili kukupeda kuli Jehova kuzipanzi zyazipo zyabo.²⁹Zisamo zisalala zya Aloni ziyolondolwa kabiyo mulunyungu lwakwe musule lyakwe. Bayonanikwa muli mbabo amulimu mupati kulindime muli mbaabo. ³⁰Mupayizi umuzwidilizya kuzwa akati kabana bakwe, ooyo uza mutenti lyamuswangano kukuzondimanina mulimu aabusena busalala, uyozwata nzizyeezyo zisamo kwamazuba musanuaabili.³¹Mwelede koobweza mugutu wambelele kulindime kukupegwa busena bwaba payizikulindime alimwi mukajike nyama yawo mubusena busalalisya. ³²Aloni abana bakwe balombe welede kulya nyama yamugutu wambelele achinkwa eecho chilimuchi zuma chili amulyango watenti lyamuswangano. ³³Belede kulya nyama achinkwa eecho chakapedwe kukubbadala kuli mbaabo akubananika, kuti basalazigwe kuli ndime. Taakwe naba oomwe uyolya chakulya eecho nkaambo bayochibweza mbuli chisalazigilwe kuli ndime, chilondendwe kulindime. ³⁴Kuti imwi nyama yachipo chabunanike, nikuba chimwi chachinkwa, chisyaala buseni butobela, eelyo mwelede kochitenta. Tachelede kolyiigwa nkaambo chiindi chasalazigwa kulindime.³⁵Muli eeyi nzila, kukutobela zyoonse eezyo nzindamulayilila kuti muchite, mwelede kobweza Aloni abana bakwe balombe. Kwamazuba musanun aabili mwelede kobabambila. ³⁶Woonse mazuba mwelede kpeda musune mbuli chipo chisofwede chakubweda lulana. M welede kusalazya chipayililo akuchichita lubwedululano kulinchincho, alimwi mwelede kuchinanika kuchitila kuti chisalazigwe kulindime. ³⁷Kwamazuma musanu aabili mwelede mwelede kubweda kuchipayililo akuchisalazya kuli Jehova. Eelyo chipayilo chiyosalazigwa bumaninide kulindime. Nikuba chijata chipayililo chiyosalala kuli Jehova.³⁸Mweledekuyindulula kupa achipayililo buzuba abuzuba mbelele zyobile zilaminyaka womwe wakuzyalwa. ³⁹Mbelele yomwe mwelede kwipeda kuseni alimwi imwi mbelele mwelede kwipeda nilyabbila zuba.⁴⁰Embelele ntaanzi, pa chakkumi cha efa chabusu bunante buvwelanisigwe achipanzi chane che hini yamafuta kuzwa kumafuta a Oliva adinidwe , alimwi achipanzi chachinechahini ya wayini⁴¹Mwelede kupeda mbelele yabili kumabbililo azuba. Mwelede kupeda chipo kuzilyo zikonzyania mbuli chilyo chakuseni, achipo chakunwa chikonzyania. Eezi ziyoyeta bweema bununkilila kulindime, chiyoba chipayizyochachitwa kulindime amulilo. ⁴²Eezi ziyoba zipayizyo zitentwa kwindilundwi kuzwa kumazyalane eenu, kumulyango watente lyamuswangano kunrmbo lya Jehova, oko nkutakaswanane andime kukuyowambula anywebo nkuko.⁴³Ooku nkuko nkwitakaswanane abana ba Izilayili, itenti iyosalazigwa kulindime mubulemu. ⁴⁴Ndiyosalazya tenti lyamuswanganoachipayililo kuli eezi kuti zikabe zyangu andikke. Aboobo ndiyosalazya Aloni abana bakwe balombe kuti bakandimanine milimu mbuli bapayizi.⁴⁵Ndiyopona aakati kabana ba Izilayili akuyoba Leza wabo. ⁴⁶Bayoziba kuti ndime Jehova Leza wabo wakabagwisya kuzwa kunyika ya Ijipiti kuchitila kuti ndikapone aakati kaabo. Ndime Jehova, Leza wabo.

¹Ukachite chipayililo chakutentela tunkilizyo. Ukachichite azisamu zyamuuna. ²Bulamfu bwacho bukabe tukokola tobile. Meja acho ayelede kuchitwa chimpanzi chimwi anchicho.³Uyelede kuvumba chipayililo chatununkilizyo angolida isalala - ajulu lyacho, mabazu acho, ameja acho. Ukachite chizyunguluko chamuganu wenolide yacho. ⁴Ukachite nwenwe zyobile zyengolide kuti zikajatane kunsi lyamugano kumabazu acho alangene. Inwenwe zikabe zijatizyo zyazisamu kukubwezesya chipayililo.⁵Ukachite masamu azisamu zyamuunga, ukazivumbe angolide. ⁶Ukabike chipayililo chatununkilizyo kunembo lyamulembo eelyo lili kubbokesi lyabukamboni. Chinoli kunembo amulyango wakubwedululana oyo unoli ajulu achibbokesi yabukamboni, oko nkwesika swanane anduwe.⁷Aaloni welede kutenta tununkilizyo tulaabwema bununikilila mukucheda chifumo. Welede kutenta elyo nayasya lampi, ⁸Aaloni uyasya lampi alimwi golezya kuti tununkilizyo tupye mulinchicho lyoonse kunembo lya Yahweh kuzwa mumazyalane enu. ⁹Pesi tuyelede kupayilila tununkilizyo tumbi achipayililo chatununkilizyo, nikuba chomwe chitentwa chipayizyo nikuba chipayililo chazilyo. Toyelede kutila chipayizyo chakunywa alinchicho.¹⁰Aaloni welede kumana milandu kumeja alyo kamwi amunyaka. Aganzi lyachipayizyo lyachibi uyomana milandu kamwi amunyaka kwinda mumazyalane enu. Chili maninide kusalazigwa kuli Jehova.''¹¹Lino Yahweh wakambula kuli Mozesi, wakati, ¹²''Niwayobala bantu bakwa Izilayeli, mpawo umwi awumwi, uyopa chipo chakuvunia bwakwe kuli Jehova. Muyochita echi nimwakuzwa akubabala, kuchitila kuti kutakabi ntenda pe akati kabo nimwayobabala. ¹³Wonse muntu ubalidwe kukabalwebalwe uyobbadala chimpanzi chasekeli lyansiliva, kwindila mubulemu bwasyekeli lyachikombelo ( Sekeli lilakozyania mbuli makumi obile amagelasi ). Echi chibela chasekeli chiyoba makumi chipayizyo kuli Yahuwe. ¹⁴Wonse muntu ubalidwe, kuzwa kuminyaka makumi obile akuzyaligwa nkaziya kunembo, welede kupa chipayizyo kulindime.¹⁵Elyo bantu nibayoopa chipo echi kulindime kuchitila kumaninsya milandu yabuumi bwabo, bavubi tabelede kupa kwinda achibeela chasekeli, alimwi bafwaba tabeelede kupa ziche. ¹⁶Welede kutambula mali eyi yakumaninsya milandu kuzwa kuba Izilayeli alimwi muyoyibika kumilimo yatente lyakubunanina. Chelede kuba chibalusyo kuba Izilayeli kunembo lyangu, kumania milandu yabuumi bwabo.''¹⁷Mpawo Jehova wakambula kuli Mozesi, wakati, ¹⁸''Welede kuchita ibbede ipati lyamukuba kalila chikkazikilo chamukuba, ibbede lyakusambila. Uyolibika aakati katente lyakubunanina achipayililo, alimwi welede kubika maanzi mulindilyo.¹⁹Aaloni abana bakwe boonse belede kusamba maboko abo amawulu abo amanzi alii mulindilyo. ²⁰Eelyo nibayoyinka mutente lyakubunanina nikuba nibayoswena afwifwi achipayililo kukundimanina milimu akuumpa chipayizyo, belede kusamba amanzi kuti batakafwi. ²¹Belede kusamba maboko abo amawulu abo kuchitila kuti batafwi. Eechi chelede kuba mulawu kwalyoonse wa Aaloni alunyungu lwakwe kuzwa kumazyalane abantu babo.''²²Mpawo Yahweh wakambula kuli Mozesi wakati, ²³''Bweza obu butwizyo bunante : myanda ilimusanu yasekeli ya muula ukunka, 250 masekeli alabweema bununkilila sinamoni, 250 masekeli alabwema bunkilila bwamisale, ²⁴miyanda ilimusanu yamasekeli ya kkasiya, kiyeledwe abulemu bwa sekeli abusena bwakulisalazya, antomwe akankuli kamwi kamafuta a olifa. ²⁵Welede kuchita mafuta akunanika asalala avwelanisizigwe obu, imulimu wasikupanga muunde. Ayoba mafuta akunanika asalala, abambilidwe ndime.²⁶Welede kunanika itente lyakubunganina amafuta aya, nkabela kulelede abbokesi lyabukamboni, ²⁷itebuli antomwe azyonse zibelesyo zyalyo, chikkazikilo chelampi azibelesyo zyacho, tununkilizyo twachipayizyo, ²⁸chipayililo chakutentela zipo azyonse zibelesyo zyacho, ibbede achikkazikilo chalyo.²⁹Uyelede kuzipambwida ndime zibe zisalali kuli ndime. Kufumbwa echo chitakazigume achilacho chiyosalala. ³⁰Welede kumunanika Aaloni abana bakwe balombe akuba pambwida kulindime kuchitila kuti baka ndimanine milimu mbuli bapayizi. ³¹Welede kwambila bana ba Izilayeli, ''Aya ayelede kuba mafuta akunanika apambwidwe kabikilidwe mbali kuli Yahweh kwinda mumazyalane abantu boonse.³²Tayelede kunanikwa achikanda chamuntu, nikuba kuchita amwi mafuta alimbuli aya munzila ikozyenie, nkambo aya apambididwe Yahuwe. Welede kuzichita mbuleyi inzila. ³³Kufumbwa uuchita muunde ukozyenie anawo, nikuba ubika umwi wawo alumwi, oyo muntu uyelede kugwisiwa kuzwa kubantu bakwe.''³⁴Yahuwe wakati kuli Mozesi, ''Bweza butwizyo - amasitekisi, ama onika, alimwi a galubbanumu - abutwizyo bunona antomwe atununkilizyo tunambene, ayimwi myeelwe iyelene. ³⁵Mukayichite muchiimo chatununkilizyo, avwenganisigwe amuntu uchita muunde, alunidwe amwinyo, unambene upambwidwe. ³⁶Muyowuziya ukabe muvwelevwele munante mukawubike kumbali abbokesi lyakubukamboni, elyo lilimutente lyakubunganina, oko nkutakaswanane andinywe. Muyochitola mbuli chintu chisalalisya kulindime.³⁷Atwalo otu tununkilizyo ntoyochita, toyelede kuchita tumwi tununkilizyo twenu anzila ikozyenie. Twelede kuba katusalalisya kuli ndinywe. ³⁸Kufumbwa uuchita chimwi chikozyania acho kubelesya mbuli muunde uyogwisigwa kuzwa kubantu bakwe.''

¹Lino Yawe wakambula kuli Mozesi, wakati, ²''Bona, ndamwita ezina Bbezalili mwana mulombe wa Uli kali mwana mulombe wa Hee, wakumukowa wa Juda.³Ndazuzya Bbezaleli a Muuya wangu, kumupa busongo, kumvwisisisya, alimwi aluzibo, lwakukonzya kuchita milimu isiyenesiyene, ⁴kubamba, akuchita milimo yamaboko chabuchenjezu abusongo, alimwi akubelesya ngolida, nsiliva abutale; ⁵alimwi kutema akubamba mabwe akubeza zisamu- kuchita milimu yoonse yaluzibo amaboko.⁶Mukuyungizya kuli nguwe, ndasala Oholiyabbu mwana mulombe wa Ahisamaki, wamukowa wa Deni. Ndabika kukonzya kwabuchenjezu mumyoyo yabaabo boonse basongo, kuchitila kuti bachite zyoonse nzindakakulayilila ezi zijatikizya ⁷iteente lyakuswanana abbokesi lyabukamboni, chivunisyo chalulekelelo chilabbokesi azilongo zyoonse zyamutente ⁸itafula azibelesyo zyalyo, achizikitizyo chiini chalambi azibelesyo zyacho zyoonse, chitentelo atununkilizyo, ⁹achitentelo chazipo zyakuumpilizya azibelesyo zyacho zyoonse, amutiba mupati achikkazikilo chawo.¹⁰Eezi zijatikizya zikobela zinantisigwe kulukwa, zikobela zisalala zya Aloni mupayizi azeziya zyabana bakwe balombe, babambilidwe ndime kuti bazoobeleke mbuli bapayizi. ¹¹Eezi azilazyo zijatikizya mafuta abunanike atununkilizyo tunono twabusena busalala. Aaba bazibi bamilimu yabuchenjezu kumaboko bayelede kuchita zintu zyoonse ezi mbubonya mbunda kulayilila.''¹²Lino Yawe wakati kuli Mozesi, ¹³''Kowambila bana ba Izilayeli: ''Nchobeni mwelede kubamba buzuba bwa sabata ya Yawe. nkambo ezi chiyooba chitondezyo aakati kakwe andinywe kwinda mumazyalani aabantu kuchitila kuti mukazibe kuti ngu Yawe ulipambwida ndinywe. ¹⁴Aboobo amubambe masabata nkambo kulijata mbuli basalali, libambilidwe nguwe. Wonseni imuntu ulinyongania nchobeni welede kujayigwa. Kufumbwa uubeleka musabata, Ooyo muntu nchobeni welede kudyunkulwa kuzwa kubantu bakwe. ¹⁵Mulimu uyochiwa mumazuba musanu abumwi pele izuba lyamusanu aabili lyelede kuba Sabata lyakulyokezya kuzwide, lisalala kunembo lya Yawe. Kufumbwa uuyochita mulimu nuuba ulibyeni munsabata nchobeni welede kujayigwa.¹⁶Aboobo bana ba Izilayeli bayelede kubamba Sabata. Bayelede kwibamba mumazyalani aabantu baabo mbuli chizuminano chikkalilila. ¹⁷Isabata lyoonse iyoba chitondezyo aakati ka Yawe abana ba Izilayeli, nkambo mumazuba musanu alimwi Yawe wakachita ijulu anyika, alimwi mubuzuba bwamusanu aabili wakalyokezya alimwi wakakkatalukwa.''¹⁸Leza nakamana kwambula a Mozesi achilundu cha Sinayi, wakamupa mapapali obile amabwe akalembedwe chizuminano, akalembedwe aluboko lwakwe mwini.

¹Bantu nibakabona kuti Mozesi wanonoka kuseluka kuzwa muchilundu, bakabunganina Aaloni akumwambila kuti, ''koboola, tuchitile chikozyanio kuti chikeende kunembo lyesu. Nkambo kaboobu Mozesi, mwalumi wakatugwisya kuzwa munyika ya Ijiputi , tatuzi pe kuti niinzi chakachitika kulinguwe. ²Aboobo Aaloni wakati kulimbabo, ''Amugwisye malangulangu angolida woonse ali kumatwi abanakazi benu akumatwi abana benu balombe abasimbi mwayete kulindime.''³Boonse bantu bakagwisya malangulangu angolida oonse ngibakalisamikide kumatwi abo akwayeta kuli Aaloni. ⁴Wakatambula ingolida kuzwa mumaboko abo wabumba - bumba achibelesyo wachita chikozyanisyo chakanamani. Eelyo wakati, ''aba mbaleza benu, Izilayeli, bakamugwasya munyika ya Ijipita.''⁵Aaloni nakabona eechi, wakayaka chipayililo kunembo akanamani mpawo waambilizya: wakati, ''Ijunza kunolipobwe lyakulemeka Jehova.'' ⁶Bantu bakafuma kubuka buzuba butobela bapa chipayizyo chakutenta mpawo beeta zyakulya zyakulyida amwi. Eelyo bakakkala aansi kuti balye akunywa, mpawo bakanyampuka akusobana.⁷Mpawo Jehova wakambila Mozesi kuti, ''Koya chakufwambana, nkambo bantu bako, mbwakagwisya munyika ya Ijipita balinyongania. ⁸Bafwambana basiya inzila eeyo njindakabalayilila. Babumba chikozyanio muchiimo chakanamani bakaamba kuti, ''Aaba mbaaleza benu, Izilayeli, aabo bakamugwisya munyika ya Ijipita.''⁹Eely Yawe wakati kuli Mozesi, ''Ndabona bantu aaba. Langa, mbayumu mikosi. ¹⁰Elyo lino, uteezyi kundimikizya bukali bwangu buyoba buyobawumpa, Eyo ndiyobazimania. Mpawo ndiyochita chisi chipati kuzwa kulinduwe.'' ¹¹Pesi Mozesi wakeezya kutontoozya Yawe Leza wakwe. Wakati, ''Yawe, nkamboonzi lunyemo lwako nilwayaka atala abantu bako, aabo mbiwakagwisya kuzwa munyika ya Ijipita anguzu mpati akuboko kulenguzu?¹²Nkamboonzi ba Izilayeli nibamba kuti, wakabazulwida amoyo mubi kuti akabajaye muzilundu akubazimania kuzwa kubusyu bwanika? Kochengunuka kuzwa kubukali bwako buumpa akuzwa kuchizuminano chachisubulo chili abantu bako. ¹³Koyeya Abbulahamu a Ayizeki a Izilayeli, balanda bako, aabo mbiwakakonkezya kulinduwe omwini akwamba kulimbabo, ''Ndiyovuzya lunyungu lwenu mbuli inyenyezi zili mumajulu, mpawo ndiyopa lunyungu lwenu loonse inyika eeyi njindakaamba. Bayoyikona kwalyoonse.'' ¹⁴Mpawo Yawe wakalekelela bantu bakwe kuchisubulo nchakali wayanda kubapa.¹⁵Eelyo Mozesi wakachengunuka akuseluka kuzwa kuchilundu, kajisi mabwe aabili mapapali amilawu yechizuminano mujanza lyakwe. Aayo mabwe akali lembedwe kumabazu oonse, kunembo akusule. ¹⁶Mabwe akulimulimu wakwe Leza, abulembo bwakali bulembo bwakwe bwa Leza, bwakali lembedwe amabwe.¹⁷Joshuwa nakamvwa kuyowela kwabantu nibakali koompolola, wakati kuli Mozesi, ''Kuli kuyowela kwenkondo mumusasa. ¹⁸Pesi Mozesi wakati, ''Tekompolola kwasikuzunda pe, alimwi tekuyowela kwabantu bazunda pe, pesi nkuyowela kwakwimba nkwendilokumvwa.''¹⁹Mozesi nakasika kumusasa wakabona kanamani, abantu kabali kuzyana. Wakanyema loko. Wakawala ansi mabwe mapapali kuzwa mumaboko akwe akwapanduula munsi lyachilundu. ²⁰Wakabweza kanamani ako wakawumpa, wakakuuya bwaba busu, mpawo wabubika mumanzi. Mpawo wakachita kuti bantu ba Izilayeli banywe.²¹Aboobo Mozesi wakati kuli Aaloni, ''Ino niinzi bantu aaba nchibachita kulinduwe, chachita kuti weete chibi chipati chiliboobu kulimbabo?'' ²²Aaloni wakati, ''Utaleki bukali bwako kuti buumpe, simalelo wangu. Ulibezi bantu aaba, mbubazibide kuchita bubi. ²³Bakati kulindime, tuchitile leza utende kunembo lyesu. Nkambo ooyu Mozesi, mwalumi wakatugwisya munyika ya Ijipita tatuzipe kuti ninzi chakachitika kulinguwe. ²⁴Eelyo ndakamba kuti kulimbabo, ''Wonse ujisi kufumbwa ngolida, ngayizunune.'' Bakandipa ingolida mpawo ndakayiwalila mumulilo, kuzwawo kwakazwa kanamani.''²⁵Mozesi nakabona kuti bantu banyongana ( nkambo Aaloni wakabachita kuti bakake kwendelezegwa,zyakachita kuti basinkondonyina babaniake ) ²⁶Eelyo Mozesi wakayimikila kumulyango wamusasa akwamba kuti, ''Woonse ulikubbazu lya Yawe, ngaboole kulindime.'' Boonse ba Levi bakabungana kulinguwe. ²⁷Wakati kulimbabo, Yawe, Leza waba Izilayeli, wamba eechi: 'Mwalumi umwi awumwi aange ipanga lyakwe kubbazu lyakwe abwede musule akuya kunembo kuzwa kumulyango akumulyango wamusasa woonse, ajaye mwana wakwabo, mwenzinyina, a simayakilane wakwe.''²⁸Ba Levi bakachita muli Mozesi mbwakabalayilila. Mubuzuba oobo bantu bakasisike kuzyulu zitatu zyabakafwide. ²⁹Mozesi wakati kuli Levi, sunu, nkambo umwi awumwi wenu wabweza ntamo atala amwana wakwe amwana wabanyina, kuti Yawe amupe choolwe sunu.''³⁰Mubuzuba butobela Mozesi wakati kubantu, ''Mwakachita chibi chipati loko. Lino ndilatanta kuli Jehova. Antena inga ndlachita kuti mulekelelwe chibi chenu.'' ³¹Mozesi wakabweda kuli Yawe wamba kuti, ''Maawe, aaba bantu bakachita chibi chipati alimwi balibumbila chileza changolida. Pesi lino, weenche balekelele chibi chabo; ³²Pesi kuti tewachita mbubobo, kondizima mubbuku ndiwakalemba.''³³Yawe wakati kuli Mozesi, kufumbwa wakandibisizya, ooyo muntu ndiyomuzima kuzwa mubbuku lyangu. ³⁴Aboobo lino koya uzulwide bantu kuya kubusena nkundakakwambila. Bona mungelo wangu uyoyenda kunembo lyako. Pesi mubuzuba mbundiyobasubula, ndiyobasubula nkambo kachibi chabo.'' ³⁵Yawe wakatuma chisubulo kubantu nkambo bakabumba kanamani, aako Aaloni nkakababumbila.

¹Mpawo Jehova wakaambula kuli Mozesi, ''Yinka kuzwa aano, webo abantu aabo mbuwakagwisya kuzwa muchisi cha Ijipiti. Yinka kunyika eeyo njindakakonkezya kuli Abbulahamu, kuli Ayizeki, akuli Jakkobo, eelyo nindakati, 'Ndiyoyipa kulunyungu lwako.' ²Ndiyotuma mutumwa kunembo lyako, alimwi ndiyowanda baKkanana, abaAmoli, abaHiti, abaPelizi, abaHivi, abaJebusi. ³Kamuya kunyika eeyo ikunka malili abuchi, pesi nsikoyooyinka andinywe, nkaambo mulibantu bayumu myoyo. Ulabona ndaakumujaya.''⁴Eelyo bantu nibakamvwa majwi aaya aamakatazyo, bakalila, alimwi takwe naba omwe wakasama bulungu. ⁵Jehova mbakaambila Mozesi, ''Ambila bana ba Izilayeli, 'Muli bantu bayumu myoyo. Na ndeenda aakati kenu nikuba muchiindi chinini, ndilakonzya kumujaya. Ikwalino amuzwatunune bulungu bwanu kuchitila kuti nkaliyeeyele kuti njoochitaayi andinywe.''' ⁶Akaako ba Izilayeli nibakasama bulungu bwabo kuzwa kuchilundu cha Holebbu akuya kunembo.⁷Mozesi wakabweza tente akulikankamina aanze amusasa, kulekule kuzwa kumusasa. Wakati nditente lyakubunganina. Woonse uukumbila kuli Jehova kufumbwa nchayanda ayinke kutente lyambunganino, aanze amusasa. ⁸Eelyo Mozesi nakalikuzwa kuya kutente, bantu boonse bakalikwiimikila amilyango yamatente aabo akulanga Mozesi kusikila akanjile mukati. ⁹Chiindi choonse Mozesi nakali kunjila mutente, musumpuululu wajoba wakali kusika aansi akwiimikila kumulyango watente, alimwi Jehova wqkqlikwaambula kuli Mozesi.¹⁰Chiindi choonse bantu boonse nibakali kubona musumpuulula wa joba kuyimvwi amulyango watente, bakali kubuka akukomba, awumwi muntu kumulyango watente lyakwe. ¹¹Jehova wakanoonga waambula aMozesi kubusyu-akubusyu, mbuli muntu mbawambula kumweenzinyina. Mpawo Mozesi wakanoonga wabweda kumusasa, pesi mulanda wakwe Josyuwa mwana wa Nuni, mwaalumi muniini, wakali kusyaala mutente.¹²Mozesi wakatik uli Jehova, ''Langa, wakalikwaamba kuli ndime, 'Bweza bantu aaba mulweendo lwabo,' pesi tewandizibya pe kuti ooyo ngotakanditume aawe ngwani. waamba wati, 'Ndilikwizi we azina, alimwi webo wajana choolwe kumenso aangu.' ¹³Lino na ndajana choolwe kumenso aako, nditondeezye nzila zyako kuchitila kuti ndikuzibe akwiinkila kunembo kukujana choolwe kumenso aako. Koyeya kuti eeyi nyika mbantu bako.''¹⁴Jehova wakasandula, ''Buliwo bwangu ndemwini buyooyinka anywebo, alimwi ndiyomupa kulyookezya.'' ¹⁵Mozesi wakati kulinguwe, ''Na kuti buliwo bwako tebweenda andiswe, utatubwezi pe kuzwa aano. ¹⁶Nkaambo muliimwi nzila ndiyooziba biyeni kuti ndajana choolwe kumenso aako, mebo abantu bako? Takunoli kuti na wayinka andiswe mebo abantu bako tuyoosiyana abamwi bali aatala aanyika?''¹⁷Jehova wakati kuli Mozesi, ''Ndiyokuchitila eecho chintu nchuwakumbila, nkaambo wajana choolwe kumenso aangu, alimwi ndikwizi webo azina.'' ¹⁸Mozesi wakati, ''Ikaka nditondeezye bulemu bwako.''¹⁹Jehova wakati, ''Ndiyoochita boonse bubotu bwangu bukayinde kunembo lyako, alimwi ndiyolyaamba azina lyangu 'Jehova' kunembo lyako. Ndiyooba aaluzyalo kufumbwa ngunchiyoobeda aaluzyalo alimwi akutondeezya aaluse kufumbwa ngunchiyoobeda aaluse.'' ²⁰Pesi Jehova wakati, ''Tukoyoobona busyu bwangu nkaambo takwe ubona busyu bwangu akupona.''²¹Jehova wakati, ''Bona, kulibusena aafwifwi andime; uyooyimikila abbwe eeli. ²²Kayindi bulemu bwangu nibuyooyinda aawa, ndiyokubika mulwaanzi luniini lwabbwe akukuvumba ajanza lyangu kusikila nkayinde. ²³Mpawo ndiyoogwisya kuboko kwangu alimwi uyoobona isule lyangu, pesi busyu bwangu tabukoyoobonwa pe.''

¹Yawe wakati kuli Mozesi, ''Bweza mabwe apapalete aabili mbuli akutanguna. Ndilalemba amabwe apapalete aya majwi akali amabwe akumatangunino, mabwe ngiwakapwachuula. ²Koli walibambila kuseni alimwi, usike ejulu achilundu cha Sinayi, alimwi ukalitondezye kunembo lyangu ejulu lyachilundu.³Kutabi umbi uuza anduwe. Uutazumizyi naba aani kuti aboneke naaba ali achilundu. Kutabi imbelele nanka ng'ombe zichela kunembo lyachilundu.'' ⁴Eelyo Mozesi wakabeeza mabwe apapalete abili mbuli matanzi, wakabuka kuseni alimwi wakatanta achilundu chaSinayi, mbuli Jehova mbwakamulayilide. Mozesi wakabweza mabwe apapalete mujanza lyakwe.⁵Yawe wakaseluka aansi mujoba alimwi wakayimikila a Mozesi nkukoko alimwi wakamba izina ''lya Jehova.'' ⁶Jehova, Leza sibuya alimwi ngusiluzyalo, uutafwambani kunyema, alimwi ngusiluyando akusyomeka kuyinkilila kakufwasuka. ⁷Ubamba luyando luteeli kuzyuulu, ulekelela bubi, ndubizyo, alimwi azibi. Nekubabobo takwe nayolekelela basizibi, uyoyeta chisubulo nkambo kachibi chabamawisi kubana babo alimwi kubazukulu, mane kuzyalane lyatatu alyaane.''⁸Mozesi wakafwambana kukotama alimwi wasikukomba. ⁹Mpawo wasikuti, ''Na lino ndajana choolwe kumenso ako, Mwami wangu ikaka yenda akati kesu nkambo bantu aba mbasimutwe muyumu. Lekelela milandu yesu azibi zyesu, alimwi utubweze mbuli lukono lwako.''¹⁰Yawe wakati, ''Bona, ndaamba kuchita chizuminano kunembo lyabanrtu bako boonse, Ndilachita malele atana kuchitwa munyika yoonse nikuba muchisi nichiba ichili. Bantu boonse mbokkede abo bazobona milimu yangu, nkambo nchintu chiyoosya nchindokuchita andinywe. ¹¹Amuchite nchindimulayilila sunu. Ndamba kugwisya kunembo lyanu ma Amoli, baKkenani, ba Hiti, ba Pelizi, ba Hiviti alimwi aba Jebbusiti.¹²Uchenjele utakachiti chizuminano ababo bakkala munyika oko nkoyobuya, inga bayoba kakole akati kenu. ¹³Pele mwelede kuyomwaya zipayililo zyabo, mukolomone minsi yamabwe, alimwi mutemene aansi ziyako zyabo zya Ashela. ¹⁴Nkambo tamwelede pe kukomba bambi baleza, nkambo Jehova izina lyakwe ngusibuzuba,' ngu Leza sibuzuba.¹⁵Aboobo muchenjele mutachiti chizuminano abakkede munyika eyo, nkambo balaamuka abaleza babo alimwi balapayilila kuli baleza babo. Mpawo umwi wabo uyomutamba alimwi muyolya zimwi zyachipayizyo chakwe, ¹⁶Kuzwa awo muyosika abakubweza bana basimbi bakwe kubapa bana banu balombe, alimwi bana basimbi bakwe bayowamuka abaleza babo, alimwi bayochita kuti bana benu balombe bakaamuke abaleza babo. ¹⁷Mutalichitli baleza babumbidwe alotwe.¹⁸Mwelede kubamba pobwe lyechinkwa chitakwe busweezyo. Mbuli mbundakamulayilila, mwelede kulya chinkwa chitakwe buswezyo kwamazuba musanu aabili muchiindi chibikidwe mumwezi wa Abbibbi, nkambo kwakali mumwezi wa Abbibbi nimwakazwa mu Ijipiti.¹⁹Boonse bana batanzi mbibangu, nikuba woonse mweenze wakutanguna wazivuubwa zyako, nikuba kuzwa kung'ombe na kumbelele. ²⁰Ulelede kunununa mwana mutanzi wadonki a mwana wembelele, na wakachilwa kumuula lubo ulelede kumutyola nsingo. Ulelede kunununa boonse bana balombe batanzi. Takwe naba omwe uyelede kusika kulindime kali chinkwa-maanza.²¹Ulakonzya kubeleka kwamazuba musanu alimwi, pele muzuba lyamusanu aabili ulelede kulyokezya. Nikuba muchiindi chakufolola alimwi akutyola ulelede kulyookezya. ²²Uyelede kuyeya pobwe lyamviiki abutebuzi butanzi bwawiiti, alimwi uyelede kuyeeya a pobwe lyakubungania kwakumana kwamunyika.²³Zyiindi zitatu mumunyaka balumi benu boonse belede kulibonia kunembo lya Mwami Jehova Leza wa Izilayeli. ²⁴Nkambo ndiyowanda zisi kunembo lyako alimwi ndiyoyungizya migaano yako. Takwe naba omwe uyolombozya kubweza nyika yako kuti ibe yabo kuti watanta kukuyolibonia kubusyu bwa Jehova Leza wako zyiindi zitatu mumunyaka.²⁵Toyelede kupa bulowa bwachipayizyo changu abuswezyo, nikuba kufumbwa nyama yazwa kuchipayizyo chepobwe lya Pasika tiyelede kuchaala kusika kuseni. ²⁶Uyelede kweta kabalwebalwe kebesi kamumuunda wako kung'anda yangu. Toyelede kujika mwana wempongo mumalili abanyina.''²⁷Yawe wakati kuli Mozesi, ''Lemba aansi majwi aya, nkambo mukwendelana amajwi aya ndilachita chizuminano anduwe alimwi a Izilayeli.'' ²⁸Mozesi wakakkala oko a Jehova kwamazuba makkumi aane amansiku, takwe nakalya chakulya nikuba kunywa manzi. Wakalemba amabwe majwi achizuminano, milazyo ilikkumi.²⁹Lino Mozesi nakaseluka aansi kuzwa kuchilundu cha Sinayi amabwe aabili achizuminano mujanza lyakwe, teensi wakalizi kuti chikumba chabusyu bwakwe chakali chamweka chiindi nakali kwambuula a Leza. ³⁰Lino Aaloni abama Izilayeli nibakabona Mozesi, chikumba chabusyu bwakwe chakali kumweka alimwi bakayoowa kuswena afwifwi kulinguwe. ³¹Pele Mozesi wakabayita, alimwi Aaloni abazuluzi boonse bembungano bakasika kulinguwe. Mpawo Mozesi wakambuula ambabo.³²Nichakayinda eechi, bantu boonse ba Izilayeli bakasika kuli Mozesi, alimwi wakabambila milayizyo yoonse Jehova njakamupa kuchilundu cha Sinayi. ³³Lino Mozesi nakamana kwaambula ambaabo, wakalivumba lembo kubusyu bwakwe.³⁴Elyo lyoonse Mozesi nakalikwinka kunembo lya Yawe kukwambula aawe, walikugwisya lembo, manedo azwe aanze. Nakali kuzwa aanze, walikubambila bana ba Izilayeli ezyo nzyakalayililwa kuti azyambe. ³⁵Lino bana ba Izilayeli nibalikubona busyu bwa Mozesi kabumweka walikulivumba lubo lembo kubusyu bwakwe manedo abwede kuyowambula a Jehova.

¹Mozesi wakeendelezya choonse chisi chabana ba Izilayeli akwamba kuti kulimbabo ,''Eezi nzezintu ezyo Jehova nzyakamulayilila kuti muchite . ²Mumazuba ali musanu alimwi mulimu unoli wachitwa, pesi kuli ndinywe, izuba lyamusanu aabili lyelede kuba zuba lisala, buzuba butegwa sabata bumaninide bwakulyokezya, busalala kuli Jehova, Nikuba boobo kuli nikuba mulimu na mubuzuba butola kulufu. ³Tamwelede kuyasya mulimo nikuba mulimwi ng'anda yenu mubuzuba butegwa sabata.''⁴Mozesi wakambula aaluundu loonse lwaIsilayeli,wakati, '''Echi nchichitu Jehova chakalayilila. ⁵Amubweze chipo cha Jehova,kuli boonse bala moyo uzumina.Amwete zipayizyo kuli Jehova-ingolida, ansiliva,amukuba, ⁶simakaka,musinza wanyangu,abukkotani busalala alimwi amilembo mibotu;aboya bwa mpongo; ⁷4 zikumba zyabagutu zichitidwe busalala azikumba zyebeka;azisamu zyamu akkasiya; ⁸amafuta amumalampi,atununkilizyo twamafuta akunanika alimwi abwema bununkilila, ⁹amabwe abulungusene aamwi mabwe ayebeka kukwabika ku efodi alimwi azipanzi zyakukango.¹⁰Boonse balumi balaluzibo akati kanu baleelede kusika akuchita zyoonse ezyo Jehova nzakalayilila- ¹¹kudumba lyakukombela atente lyalyo,achilivumbyo chalyo,misemo yazyo, azikunguzyo, amisemu,alimwi azikkalilo; ¹²abbokesi amayako alyo,achivumbyo chakumana milandu, amulembo wakujazya.¹³Baketa tafula azisamu zyacho, azyoonse zibelesyo, alimwi achibunge chabuliwo, ¹⁴achikkalilo chalampi lyamumuni; azibelesyo zyalyo, amalampi, alimwi amafuta amalampi; ¹⁵atununkilizyo twachipayililo amisemo yacho, amafuta akunanika alimwi abwema bununkilila; awanzikwa amulyango wadumba lyakukombela; ¹⁶chipayililo chazipayizyo zitentedwe kazilaa mukuba yacho alimwi amisemo azibelesyo;alimwi abbede pati lilachibikilo.¹⁷Bakeeta zilengelezyo kulubuwa amisemo alimwi azikkalilo, alimwi amulembo kumulyango walubuwa ; ¹⁸alimwi amapegi atente zyadumba lyakukombela akulubuwa, kubikka aamwi amakole. ¹⁹Bakeeta zisamo zyeebeka loko kukuzobelekela abusena busalala, zyakusama zisalala zya Aloni mupayizi abana bakwe balombe, kuti bakabeleke mbuli bapayizi.''²⁰Mpawo boonse baluzubo lwaIsilayeli lwakanyampuka akwenda akuzwa kubuliwo bwa Mozesi. ²¹Kuliwoonse uwakala moyo uumunyangania ayooyo ulamuuya achiyandisyo chakuza alimwi akweta chipayizyo kuli Jehova chakuyasya dumba lyakukombela, akuli zyonse zibelesyo zyamilimu yamukati, alimwi azyamalembo asalala. ²²Bakasika, boonse balumi abanakazi,boonse bakalamyoyo izumina. Bakeeta zisita, amalangulangu, anwenwe, azyakusama zyakulibotezya, ayoonse misyobo yakusama yangolida. Boonse bakapedekezya zipayizyo zyangolida mbuli chipayizyo kuli Jehova.²³Boonse bakala simakaka, amusinza wanyangu, kana kuti boya busalala, amulembo uyebeka,aboya bwampongo, azikumba zyabagutu zisalala, na kuti zikumba zyeebeka bakazyeta. ²⁴Woonse muntu wakachita chipayizyo cha nsiliva nakuti chamukuba bakazyeeta mbuli zipayizyo kuli Jehova, alimwi woonseni wakala chisamu chamu akkasiya chakali kulangika kumulimu chakeetwa.²⁵Woonse mwanakazi wakalaluzibo wakachita bukkotani amaboko akwe alimwi bakeeta ezyo nzibakachita-zyasimakaka, azyamusinza wanyangu,azyaboya busalala, nakuti mulembo uyebeka. ²⁶Boonse banakazi bakala myooyo yakabakopa alimwi bakalaa abusongo bakachita boya bwampongo.²⁷Balu baketa mabwe abezedwe alimwi amabwe mebesi akabikwa mu efodi achibela chakaango; ²⁸bakeeta butwido amafuta amumalampi, kali mafuta akunanika, akutununkilizyo tununkilila. ²⁹BaIsilayeli bakeeta chipayizyo chakulimvwida kuli Jehova; kuzwa kumwalumi akusika kumwanakazi bakala myoyo yakulimvwida bakeeta zyakubelesya zyoonse kumulimu wa Jehova ngwakabalayidide kwinda muli Mozesi kuti ukachitwe.³⁰30 Mozesi wakati kuli baIsilayeli,'' Amubone, Jehova wakita azina kuli Bbezaleli mwana mulombe wa Uli amwana mulombe wa Huli, kuzwa kuluzubo lwa Juda. ³¹Wakazuzya Bbezaleli amuuya, kukumupa busongo,akumvwisisya, amaanu, kuliwoonse mulimu wamaboko, ³²kukubumba zyebeka akubeleka mungolido, amunsiliva, alimwi amuli zyamukuba; ³³akugonka akubikka mabwe akubeza zisamu-kuchita yoonse misyobo yazyeebeka azyababezi.³⁴34 Wakazikka mumoyo wakwe kuti ayisye, boonse we aHoliyabu mwana mulombe wa Ahisamaki, kuzwa kuluzubo lwa Dani. ³⁵Wakabazuzya boonse aluzibo kukuchita yoonse misyobo yamilimu ,kukubeleka mbuli basimilimu yamaboko, mbuli basikubeza masamu, ambuli basikuyala malembo yabasimakaka,ayamuzinza anyangu,ayaboya busalala azisamo zyeebeka, alimwi mbuli basikuluka.Kuli babezi kuli yoonse milimu, alimwi kuli babumba zyebeeka.

¹Lino Bbezaleli a Ohaliyabbu abantu boonse bala luzibo ndubapedwe a Jehova kukuziba kuchita kufumbwa mulimu mukuyaka busena busalala bayelede kuchita milimu kwindila mulizyonse ezyo Jehova nzyakabalayilila.''²Mozesi wakiita Bbezaleli, Ohaliyabbu, awonse muntu wakala luzibo ndwakapedwe mumiyeyo, a Jehova, alimwi ababo balamyoyo yakali kupyida kuchita milimu. ³Bakatambula kuzwa kuli Mozesi zyoonse zipo nzibakali betela kuyasya busena busalala. Bantu bakachili kweta zipo zyakulimvwida chifumo achifumo kuli Mozesi. ⁴Lino woonse muntu wakali aluzibo wakali kubeleka mubusena busalala kabazwa kumilimu eyo njibakali kuchita.⁵Bantu bachita milimu yamaboko bakabuzya Mozesi, ''Bantu balikweta zyiingi zyindilide kwinda zyiingi kuchitila mulimu wa Jehova eeyo njakatulayilila swebo kuti tuchite.'' ⁶Lino Mozesi wakalayililwa kuti takwe umwi mubusena ucheeta zimwi zipo zyakuyasyanbusena busalala. Mpawo bantu bakaleka kweta ezyo zipo. ⁷Bakali baba azyakubelesya zyindilide kuvula kumilimu.⁸Aboobo woonse muntu wakali kuchita milimu yamaboko akati kabo boonse bakayaka idumba lyakukombela amalembo alimakumi akachitidwe kuzwa kumulembo wamusyobo wasimakaka, musinza wenyangu, aboya busalala kalabwanze bwa Kkelibbimu. Oyo wakala luzibo lwamilimu yamaboko. ⁹Bulamfu bwalimwi alimwi lembo bwakali makumi obile alamusanu aatutatu tukokola, busasa bwatukokola toone. Woonse malembo akalelene. ¹⁰Bbezaleli wakaswanizya malembo alimusanu kulilimwi alimwi, alimwi amwi malembo alimusanu wakaswanizya limwi kuli limwi.¹¹Wakachita tukole twamusyobo wasimakaka kabatobelezya kumpela kumamanino alembo muchbaka chomwe, alimwi wakachita zikozyania kwindilila kumpela kwamamanino alembo muchibaka chabili. ¹²Wakachita tukole tuli makumi musanu kulembo tanzi atuli makumi alimusanu tukole kumpela lyamamanino alembo kumundando wabili. Abobo tukole otu twakali langene kuli kamwi akamwi. ¹³Wakachita zijatilizyo zyengolide zili kkumi amusanu akuswanizya malembo amwi angawo kuchitila kuti idumba lyakukombela lijatane.¹⁴Bbezaleli wakachita malembo abooya abooya bwempongo kuti libe tente ajulu edumba lyakukombela; wakachita kkumi alimwi ayaya malembo. ¹⁵Bulamfu bwalimwi lembo bwakali tukokola tulimakumi atatu, abusasa bwalimwi bwakali tukokola tone. Limwi alimwi lyamalembo alikkumi alimwi lyakalelene. ¹⁶Wakaswanizya malembo alimusanu kuli limwi alimwi aambi alimusanu alimwi kuli limwi alimwi, ¹⁷Wakachita tukole tuli makumi alimusanu kumamanino ampela lyalembo kuchibela chitanzi, atukole tulimakumi alimusanu kumamanino ampela alembo eelyo liswanizya chibeela chabili.¹⁸Bbezaleli wakachita zijatizyo zyamukuba zili makumi alimusanu kuswanizya tende antomwe kuchitila kuti libe chintu chomwe. ¹⁹Wakachitla dumba lyakukombela chilivumbyo chazikumba chamugutu wambelele ipentedwe busalala, chimbi chilivumbyo chachikumba chebeka kuti chiinke ajulu achecho.²⁰Bbezaleli wakachita zisamu zyimvwi kaziya kujulu kuza kuzisamu zyamuunga zyadumba lyakukombela. ²¹Bulamfu bwachimwi chikunguzyo bwakali tukokola tuli kkumi, abusasa bwachimwi chikunguzyo bwakali kakokola komwe achisela. ²²Chimwi achimwi chikunguzyo chakala nkanka zyazisamu zibili kukuswanizya zikunguzyo zikunguzyo amwi. Wakachita eezi kuli zyonse zikunguzyo zyadumba lyakukombela. ²³Wakachita zikunguzyo zyadumba lyakukombela muleyi inzila: Makumi abili azikunguzyo kubbazu lyakumusansa.²⁴Bbezaleli wakachita zikkazyo zyansiliva zili makkumi one kazyiinka munsi azikunguzyo zili makumi abili. Kwakali zikkazyo zibili munsi kwachikunguzyo chomwe kuti ziswanizyenzikunguzyo amwi, alimwi zikkazyo zibili munsi achimwi zikunguzyo kuswanizya zikunguzyo amwi. ²⁵Kubbazu lyabili lyedumba lyakukombela, kubbazu lyakunyika, wakachita zikunguzyo zilimakumi abili ²⁶azikunguzyo zyansiliva zili makumi ane zyezyo. Kwakali zikkazyo izibili munsi kwachikunguzyio chitanzi, izibili zikazyo munsi lyachikunguzyo chitobela, alimwi kaziyobuya.²⁷Kusule lyadumba lyakukombela nkulili kumbo, Bbezaleli wakachita zikunguzyo zili musanu achimwi. ²⁸Wakachita zikunguzyo zibili kumabbazu akusule adumba lyakukombela.²⁹Eezi zikunguzyo zyakalaanzene munsi lyezyo pesi kaziswenene ajulu munwenwe yomwe. Wakachita izibili zyazyo muliyeyi inzila kuzyooko izibili. ³⁰Kwakali izikunguzyo zili musanu azitatu, amwi azikkazyo zyazyo zilimakumi musanu akamwi kuli zyoonse, zikkazyo zibili munsi lyechikkunguzyo chitanzi, izibili zikkazyo munsi lyachikkunguzyo chitobela, alimwi kaziyobiya.³¹Bbezaleli wakachita minkulu yezisamu zyamuunga misanu yezikunguzyo yabbazu lyomwe lyedumba lyakukombela, ³²Minkulu ilimusanu kuzikunguzyo zyalimbi ibbazu lyadumba lyakukombela, aminkulu ilimusanu kuzikungzyo kumabazu lyakusule adumba lyakukombela lyakuumbo. ³³Wakachita minkulu akati kazikunguzyo, ili, akati kajulu, kusikila kumamanino akumasimpilo. ³⁴Wakavumba zikunguzyo angolide. Wakazichita nwenwe zyengolide, kulinzyo kuti zibe zijatyo zyaminkulu, alimwi wakavumba minkulu angolide.³⁵Bbezaleli wakachita malembo amusyobo wasimakaka, amusinza wenyangu,azyaboya busalala, alimwi amulembo uyebeka, kuli muchimo chamakkelebbimu, milimu yabantu balaluzibo. ³⁶Wakachita mulembo misemo iine yamusamu wamuunga, alimwi wakivumba angolide. Abobo wakachita ngobyobyo zyangolide kumisemo, wakaziyungizya zikkazyo zyansiliva zyone zyazyo.³⁷Wakachita chilengelezyo kumulyango watente. Chakachitidwe mumusyobo wasimakaka, musinzanyangu, aboya bwembelele, kabelesya mulembo uyebeka, mulimu wabasiyala malembo. ³⁸Abobo wakachita zilengelezyo zyamisemo zilimusanu kazila ngobyobyo. Wakavumba ajulu azyo aziponda zyalyo zyangolida. Zikkazyo zyalyo zili musanu zyakali chitidwe kuzwa kumukaba.

¹Bbezalelu wakachita bbokesi lyazisamu zyamuunga .Bulamfu bwacho bwakali tukokola tubili achisela,busasa bwalyo bwakali kakokola komwe achisela; abulamfu bwalyo bwakali kakokola komwe achiseela. ²Wakachivumba mukati aanze angolide iili njiyo akulichitila mugaanu wangolide uuzyungulukide ajulu alyo. ³Wakalibumbila mbalo zyone zyengolide zyantamo zyalyo zyone, ambalo zibili kuli limwi bbazu.⁴Wakachita zisamu azisamu zyamuunga akuvumbya ngolide. ⁵Wakabika zisamu mulubalo kubbazu lyabbokesi, kuchitila kuti babwezwe bbokesi. ⁶Wakachita chijazyo chakumana milandu changolide iili njiyo.Bulamfu bwacho bwakkali tukokola tubili achiseela, abusasa bwacho bwakali kakokola achiseela.⁷Bbezalelu wakachita makkelebbimu aabili awumwidwe angolide kachili kumpela lyamamanino achijazyo chakumana milandu, ⁸Kkelebbimu limwi lyakumamanino achuijazyo chakumana milandu, alimwi kkelebbu lyakalilya lyalilyalimwi bbazu. Lyakachitidwe mbuli chimpanzi chachijazyo chakumana milandu. ⁹Kkelebbimu chakajula mababa aacho akuvumba chijazyo chakumana milandu angawo. Kkelebbimu lyakatangana alyeenzina akulanga kunembo lyakati akuchijazyo chachuno chaluzyalo.¹⁰Bbezelelu wakachita tafula lyamusamu wamuunga.Bulamfu bwalyo bwakali tukokola tubili, busasa bwalyo bwakali kakokola komwe, abulamfu bwalyo bwakali kakokola komwe achisela. ¹¹Wakakavumba angolide ilinjiyyo akubika mugaanu wengolide iilinjiyonkakazyungulukide julu. ¹²Wakakachita kaluli keelanisisigwe kuboko komwe busasa, kali aamuganu uuzyungulukide wangolide wachikunguzyo. ¹³Wakakayakila imbalo zyone zyangolide akujatanisya mbalo muzyoke zyone, oko kwakali kujinka ntamo zine.¹⁴Imbalo zyakali gumide kukaluli kukupa busena kumayako, kuchitila kuti babweze tafula. ¹⁵Wakachita ziyako kuzwa kumasamu akkasiya akuvumbya angolide, kuchitila kuti babweze tafula. ¹⁶Wakachita zibelesyo ezyo zitakabe aajulu atafula- mabede, bachoncho,tubede, anongo zibelesegwa kukutulidila zipayizyo. Wakazichita kuzwa kungolide inambene.¹⁷Wakachita chikalilo chalampi changolide iipwayidwe inambene. Wakachita chikalilo chalampi ezeteko lyacho aluuti. Inkomeki yacho, izeteko lyacho lilimbuli matu, alimwi malubaluba acho akabumbwa kkajisini kachili chimwi. ¹⁸Mitabi iili musanu awumwi yakayungizigwa kuzwa kumabbazu aacho- mitabi yobile yakayungizigwa kuzwa bbazu, amitabi iitatu yachikalilo chalampi yakayungizigwa kuzwa kuli limwi bbazu. ¹⁹Mutabi mutaanzi wakaleenkomesi zyotatwe zichitidwe mbuuli malubaluba, ankomesi zyotatwe zichitidwe mbuuli malubaluba a alimondi kuluumwi mutabi, azeteko lyamatu alubaluba. Yakali kozyeniyembuuli yoonse mitabiili iili musanu awumwi iyungizizigwe kuzwa kuchikalilo chalampi.²⁰Achikalilo chalampi lwacho, luuti lulakati lwakali nkomesi zyone zyakalundidwe mbuli malubaluba a alimondi amazeteko alyoalimbulitu. ²¹Kwakali zeteko lilaabime bwatu ansi achipanzi chamutabi- chichitidwe mbuuli chimpanzi chomwe chalyo, lilimuchiimo chatu ansi amutabi wabili- abobo wakachitidwe chimwi chimpanzi mbuli nchicho. zyakali kozyeniye biyo zyoonse kumitabi ilimusanu awumwi kuziyungizwa kuzwa kuchikazikilo chalampi. ²²Mazeteko abo alimuchimo chatu woonse akali chibeela chomwe chumidwe chamulimuyangolide inini.²³Bbezaleli wakachita chikalilo chalampi amalampi achoalimusanu aabili, amimano azibikilo zyazyozyangolide inini. ²⁴wakachita chikalilo chalampi azibelesyo zyachoatalenta yomwe yangolide inini.²⁵Bbezalelu wakachita chipayililo chatununkilizyo. Wakachichita amusamu amu akkasiya. Bulamfu bwacho bwakali kakokola komwe., abusasa bwacho kakakola komwe. Chakalelene woonse mabazukalane, abulamfu bwacho bwakali tukokola tobile. Meja acho akapangidwe mbuuli chimwi chibeela anchoncho. ²⁶Wakavumbila chipayililo chatununkilizyo angolide nini- ajulu lyacho, mabbazu aacho, ameja acho.²⁷Wakachita alubo mugaanu uuzyungulukide wengolide kulinchicho. Wakachita nwenwe zyobile zyengolide kuti zijatikizigwe kuli nchicho munsi amugano kumazuba aacho abili aalangene. Inwenwe zyakali zijatizyo zyazisamu kukubweza chipayililo. ²⁸Wakachita zisamu ezyo amusamu wamu akkasiya, akwaavumbila angolida. ²⁹Wakachita mafuta asalala akunanika bweema bununkilila bwatununkilizyo, kuli mulimu waba simuunde.

¹Bbezaleli wakachita chipayililo chazipayilo zitentwa zyamusamu mu akkasiya. Chakali makkiyubbiti musanu ibulamfu amakkiyubbiti musanu ibusasa - chiswi. bwelene - alimwi makkiyubbiti otatwe mubwiime. ²Wakayungizya kuzyooko zyecho zyone izyiimo zili mbuli meja amunkabe. Imeja akachitidwe achipanza chomwe achipayililo alimwi wakachijala abbulonzi. ³Wakachita zyoonse zibelesyo zyachipayililo - mpoto zyedota, mafocholo, mabbavu, tusumu twanyama, ankangilo zyamulilo. Wakachita zibelesyo zyonse eezi abbulonzi.⁴Wakachita jazyo lubuwa lya chipayililo, anjatano mulimu (netiweki) yabbulonzi itakabikwe munsi lya leegi, muchisela bwiime kuya aansi kumakkalilo. ⁵Wakabumba mibalo yone yazyooko zyone zyajazyo lyabbulonzi, kuti zibe zijatizyo zyamayako.⁶Bbezaleli wakachita mayako amusamu mu akkasiya alimwi walamba aabbulonzi. ⁷Wakabikka mayako mumbalo kumabazu aachipayililo, kuti iwajate. Wakachita kuti chipayililo chibe pako, kabelesya mapulanga.⁸Bbezaleli wakachita ibbavu lya abbulonzi ipati achikkalilo chalyo chabbulonzi, wakachita bbavu kabelesya ziboniboni zyabanakazi ibakali kubeleka kumulyango wabbakasa lyamumbunganino.⁹Alimwi wakenga lubuwa lwabusena. Izyakalengelezegwa kubbazu lyakunsi aanyika kwalubuwa zyakali zyamulembo umaninide, imwanda wamakkiyubbiti kukulampa. ¹⁰Zilengelezegwa zyakajimpikwa ndengelezyo zili makumi obile, zili amakkalilo aabbulonzi aali makumi obile. Kwakali zikobekelo zyakabikidwe kundengelezyo, alimwi atubulo twansiliva.¹¹Munzila yomwe anjiyeyo, kubbazu lyakujwe, kwakali zyakalengelezegwa zili mwaanda omwe wamakkiyubbiti kulampa izili andengelezyo makumi obile, makumi obile makalilo aabbulonzi, zikobekelo kazibikidwe kundengelezyo, akutubulo twansiliva. ¹²Izilengelezegwa kubbazu lyakububbila zyakali makumi musanu aamakkiyubbiti kulampa, kazili andengelezyo amakkalilo aalikkumi. Izikobekelo atubulo twandengelezyo zyakali zyansiliva.¹³Alimwi ilubuwa lwakali makkiyubbiti makumi musanu kulampa kubbazu lyakubuzwezuba. ¹⁴Izilengelezegwa kubbazu lyomwe lyamulyango zyakali makkiyubbiti kkumi amusanu kalampa. Zyakali andengelezyo zyotatwe amakalili otatwe. ¹⁵Kuli limwi bbazu lyamulyango walubuwa kwakali zilengelede alimwi zili makkiyubbiti kkumi amusanu kulampa, zili andengelezyo zyotatwe azikalilo zyotatwe. ¹⁶Zyonse zyakalengelede kuzyunguluka lubuwa zyakachitidwe amilembo imanide.¹⁷Izikkalilo zyandengelezyo zyakachitidwe abbulonzi. Izikobekelo atubulo twandengelezyo zyakachitidwe ansiliva, achivumbyo chaatala aandengelezyo chakachitidwe a nsiliva. ¹⁸Ichisitilizyo chakumulyango walubuwa lyakali makkiyubbiti makumi obile kulampa. Ikketeni lyakachitidwe amibala yamuteme, muntumbula, amalembo abekema, milembo ilukikene, alimwi yakali makkiyubbiti makumi obile kulampa. Yakali makkiyubbiti makumi obile kulampa amakkiyubbiti musanu ibwiime, mbuli makketeni aalubuwa. ¹⁹Lyakali amakalilo aabbulonzi one azikobekelo zya nsiliva. Izivumbyo zyaatala aazyo atubulo twacho twakachitidwe ansiliva. ²⁰Zyonse nkaanka zyabbakasa lyachikombelo alubuwa zyakachitidwe aabbulonzi.²¹Eechi nchechiimo chamabambe aachikombelo, ichikombelo chachizuminano, mbuli mbuchakabwezwa kakutobelezegwa malayilile aa Mozesi. Wakali mulimo waba Levi munsi lyabwendelezi bwa Itama mwana wa Aloni mupayizi. ²²Bbezaleli mwana wa Uli waku Heli, kuzwa kumukowa wa Juda, wakachita zyoonse Yawe nzyakali walayilila Mozesi. ²³Oholiyabbu mwana wa Ahisamaki, kuzwa kumukowa wa Deni, wakabeleka a Bbezaleli mbuli simawumbwe, mbuli simulimo musongo, alimwi mbuli mubambisi mumibala yamuteme, muntumbula, awuulu ibekema, amumilembo imaninide.²⁴Yoonse ingolide yakabelesegwa aamulimo, mumilimo yonse yendelana abusena busalala ingolide izwa kujwe lyazipo - yakali matalenta makumi obile amusanu atune amashekeli myanda makumi musanu awabili amakumi otatwe, yakeelwa achimo chamashekeli aasankichwali. ²⁵Insiliva yakazwa kuluundu yakali kulema mwanda wamatalenta achuulu chili amyanda makumi musanu amakumi obile ili amakumi musanu aabili amusanu, mukwendelana amashekeli asankinchuwali, ²⁶nakuti ibbeka lyomwe kumuntu amuntu, chendelana achisela chasyekeli, yakeelwa ashekeli lyamasankinchuwali. Oyu mweelwe wkajanki mubwingi bwabantu bakabalwa mubwingi bwabo mubusena, aabo bali amiyanda makumi obile akwiinda - (603,550) mbantu mubwingi bwabo.²⁷Mwanda omwe wamatalenta ansiliva akabambwa lyaba chikkalilo chabusena busalala alimwi azikalilo zyazisitilizyo - zikalilo mwanda omwe, talenta lyomwe lyachikalilo chomwe. ²⁸Kuli zyakachala (1,775) mashekeli ansiliva, Bbezaleli wakachita zikobela zyandengelezezyo, wajala aatala andengelezezyo, alimwi wakachita tubulo twezyo. ²⁹Ibbulonzi yakazwa kujuwe lyazipo yakali kulema matalenta makumi musanu aabili, a (2,400) mashekeli.³⁰Ezi wakazibelesya kuchita makkalilo akumulyango wakubbakasa lyambunganino, chipayililo cha abbulonzi, ikkoma lyacho lyebbulonzi, zyoonse zibelesyo zyachipayililo. ³¹makalilo alubaya lwalubuwa, makalilo amulyango walubuwa, zyonse nkaanka zyebbakasa lya chikombelo, azyonse nkaanka zyebbakasa lyalubuwa.

¹Bakabelesya yamubala wamuteme amuntumbula, amubala usalala, bakachita zisamo zilukikene zyakubelesya mubusena busalala. Bakachita zisamo zya Aaloni zyabusena busalala, mbuli Yawe mbwakali walayilila Mozesi.²Bbezaleli wakapanga efodi yaangolide, yamuteme, muntumbula, ayamubala usalala wewuulu, alimwi amulembo ulukikene. ³Bakapwaya mazenge angolide akwanengulula kwachita tubulo, kuti batubelesye mumibalo yamuteme, mintumbula, amubala usalala wawuulu, amumilembo ilukinkene, kumilimu yamubelesi munkutwe.⁴Bakachita zimpanzi zyamakkuko a efodi, bajatanisya zyooko zyajulu zyobile kuli nchicho. ⁵Ilukumba lwacho lwamuchibuno lulukinkene lwakali mbuli chiimo; chakachitidwe aamulembo ulukinkene wangolide, muteme, muntumbula amubala usalala, biyo mbuli Yawe mbwakali walayilila Mozesi.⁶Bakabeza ibbwe lya Onikisi, livumbikizigwe aanzila zyamabambe angolide, zibambidwe abulumatizi mbuli abukozyenie amazina abana ba Izilayeli balombe. ⁷Bbezaleli wakazibika azimpanzi zyamakuko ac efodi kuti abe mabwe akwibalukwa bana ba Izilayeli balombe, mbuli Yawe mbakali walayilila Mozesi.⁸Wakachita chimpanzi chakukango, mulimo wamubelesi munkutwe, lweebo lupya mbuli efodi. Wakachichita angolide, amuteme, muntumbula, alimwi amubala wawuulu, amulembo umaninide. ⁹Chakali chamweelwe uyelene. Bakavunga tubili chimpanzi chaakango. Chakali abwanza bumwi mubusasa.¹⁰Bakabamba milongo yone yamabwe mebesi muli nchicho. Mulongo mutanzi wakali aalubbi a topazi, alimwi alimwi a ganeti. ¹¹Mumulongo wabili mwakali lya emalaludi, a safile, alimwi lya dayamondi. ¹²Mumulongo watatu mwakali aa jasinsi, a ageti alimwi a ametiyisiti. ¹³Mulongo wane wakali aa bbelilu, a onikkisi, alimwi lya jasipa. Mabwe akabambidwe muchiimo changolida.¹⁴Kwakali mabwe ikkumi aane, alimwi kalyimvwilidi izina lyabana ba Izilayeli balombe, alimwi kalijisini azina lyaumwi wamikowa ilikkumi ayibili. ¹⁵Achimpanzi chakango bakachita inketani mbuli tukole, ulukidwe mbuli ingolide loko. ¹⁶Bakapanga nchoko zyangolide zyobile anwenwe zyangolide zyobile, alimwi bakajatanisya nwenwe zyobile kuzyooko zyobile zyachimpanzi chankolo.¹⁷Bakabikka zisitilizyo zyengolida zyobile zilukidwe munwenwe zibili kuzyooko zyachimpanzi chakukango. ¹⁸Bakajatanisya zimwi impela zyobile zibambidwe. Bakazijatanisya ezimpanzi zyekkuko lya efodi kunembo lyayo.¹⁹Bakapanga inwenwe zyobile angolide akuzibika kulizimwi izyooko zyobile zyachimpanzi chakukango, kumbali afwifwi amugaano wamukati. ²⁰Bakapanga zimbi inwenwe zyangolide zyobile akuzijatanisya akunsi lyezimpanzi zyekkuko zyobile zyakunembo lya efodi, afwifwi amukkome wayo ataala lyaluvumba lwamuchibuno cha efodi.²¹Bakapanga chimpanzi chakukango chenwenwe zyecho kunwenwe zyaku efodi akukkole lyamuteme, kuchitila kuti likonzye kujatanisigwa biyo ataala lyalukumba lwa efodi lwamuchibuno lulukinkene. Eezi zyaklikuchitilwa kuti chimpanzi chakukango chikachilwe kujatanisigwa kuzwa ku efodi. Eezi zyakachitwa mbuli Yawe mbakali walayilila Mozesi.²²Bbezaleli wakachita igubo lya efodi lyonse amulembo wamuteme biyo, mulimo wasikuluka. ²³Lyakali aabbanga lyamutwe aakkati. Ibbanga lyakali amunkome ulukidwe kuzyunguluka bwanzo kuchitila kuti utadeluki. ²⁴Kumupeto wakunsi, bakachita ma pomegilaneti amuteme, muntumbula amubala usalala alimwi lyamulembo umaninide.²⁵Bakapanga milangu yengolide loko, alimwi bakabika milangu akati kama pomegilaneti kuzyunguluka mukkome wakunsi lyegubo, aakati a pomegilaneti imulangu a pomegilaneti, ²⁶imulangu alimwi a pomegilaneti - kumukkome wegubo kuti Aaloni abeleke kasamide. Eezi zyakali mbuli Yawe mbwakali walayilila Mozesi.²⁷Bakapanga amajansi amulembo umaninide a Aaloni abana bakwe. ²⁸Bakapanga itabbeni amulembo umaninide, i owoneti kkwalibba lyakumutwe lyamulembo umaninide, zisamo zyamukati zyamulembo umaninide, ²⁹alimwi a sashi lyamulembo umaninide wamuteme, muntumbula, abbalabala yani, imulimo wasikuluka. Eezi zyakali mbuli Yawe mbwakali walayilila Mozesi.³⁰bakachita indyido yamusini usalala wangolide; akulemba alinjiyo, mbubonya mbuli mbokulembwa anwenwe, ''Busali kuli Yawe.'' ³¹Bakajatanisya ku mukkome lukole lwamusyobo wamuteme kujulu lyamukkome. Eezi zyakachitwa mbuli Yawe mbwakalayilide Mozesi.³²Nkokuti imulimo wachikombelo, ibbakasa lyamiswangano, wakamaninina. Bantu baku Izilayeli bakachita zyoonse, bakatobelezya woonse malayilile aayo Yawe ngaakali wapa kuli Mozesi. ³³Bakeeta chikombelo kuli Mozesi - ibbakasa azyonse zibelesyo zyelyo, injatanisyo zyelyo, mayasyo; ³⁴zivumbyo zyezikumba zya lamu zyakachindululwa amubala usalala, ivumbyo lyechikumba chimaninide, alimwi akketani lyakusitikizya ³⁵ibwato bwabukamboni, alimwi amayako alimwi avunisyo champwido.³⁶Bakeeta itebuli, zyonse zilongo zyelyo, achinkwa chezipo; ³⁷chikazikilo chalayiti chengolide loko azimunisyo zyecho kazili mulongo, atulongolongo twelyo amafuta azimunisyo; ³⁸ichipayililo changolide, mafuta aamananike, atununikilizyo; indengelezyo yamulyango wachikombelo; ³⁹chipayililo chabbulonzi ajazyo lyecho lyabbulonzi amayako aalyo azilongo abbavu pati akkazikilo lyelyo.⁴⁰Bakeeta zilengelezegwa zyalubuwa a ndengelezyo zyazyo azikkazikilo, alimwi achisitilizyo chamulyango walubuwa; tukole twalyo ankaanka zyebbakasa; azyoonse zibelesyo zyamulimo wachikombelo, ibbakasa lyambunganino. ⁴¹Bakeeta zisamo zyakalukidwe kumaninina zyakubelesya mubusena busalala, zisamo zisalala zya Aaloni mupayizi abana bakwe, kuti babeleke mbuli bapayizi.⁴²Mbombubo bantu baku Izilayeli mbubakachita woonse mulimo mbuli Yawe mbwakali walayilila Mozesi. ⁴³Mozesi wakalangisisya woonse mubeleko, alimwi, amulange, bakali bawuchita. Mbuli Yawe mbwakali walayilila, bakawuchita mbubo loko. Mpawo Mozesi wakabalongezya.

¹Mpawo Yawe wakambula a Mozesi, wakati, ²''Mubuzuba butanzi bwamwezi mutanzi wamunyaka mupya welede kwimika chikombelo, ibbakasa lyambunganino.³Weelede kubika ibbokesi lyabukamboni muli ndilyo, alimwi weelede kusitikizya bbokesi achisitilizyo. ⁴Weelede kweeta tafula mukati akubamba kabotu eezyo zintu zyalyo. Mpawo weelede kweeta mukati chikkazikilo chazimunisyo akubamba zimunisyo.⁵Weelede kubika chipayililo chatununkilizyo chamubala wengolida kunembo lyabbokesi lyabukamboni, alimwi weelede kubika chisitilizyo kumulyango wachikombelo. ⁶Weelede kubika chipayililo chakuumpa zipayizyo kunembo lyamulyango wachikombelo, ibbakasa lyamuswangano. ⁷Weelede kubika bbavu pati akati kebbakasa lyambunganino achipayililo alimwi welede kubika maanzi mukati.⁸Welede kuyakila lubuwa luchizyungulukide, alimwi welede kwaanzika chisitilizyo kumulyango walubuwa. ⁹Welede kubweza mafuta akunanika unanike chikombelo azyonse zilimukati. ¹⁰Welede kuchibika bwanzeene azyoonse zyalweebo lwacho kuli ndime; mpawo chiyoba chisalali. Welede kunanika chipayililo chazipayizyo zyuumpwa azyonse zilongo zyacho. Welede kuchibamba kumbali chipayililo kuli ndime alimwi chiyoba chisalali loko kuli ndime. ¹¹Welede kunanika ichisambilo chaabbulonzi achikkalilo chalyo alimwi uchibambile kubbazu kulindime.¹²Weelede kuyooyeta Aaloni abana bakwe balombe kumulyango wabbakasa lyambunganino alimwi ukabasanzye amanzi. ¹³Welede kuyozwatika Aaloni zisamo zibambilidwe kubbazu kuli ndime, ukamunanike akumubika kubbazu kuchitila kuti akabeleke mbuli mupayizi wangu.¹⁴Weelede kuyoyeeta bana bakwe ukabazwatike majansi. ¹⁵Welede kuyobananika mbuli mbuwakananika wisi kuchitila kuti bakandibelekele mbuli bapayizi. Kunanikwa kwabo kuyobachitya bupayizi bwalyoonse kwinda mubuzyalwe bwabantu babo.'' ¹⁶Eezi nzyakachita Mozesi; wakatobelezya zyonse nzyakamulayilide Yawe. Wakazichita zyoonse eezi.¹⁷Nkokuti chikombelo chakayakwa mubuzuba butanzi bwamweezi mutanzi mumunyaka wabili. ¹⁸Mozesi wakayaka chikombelo, wakabika chikkalilo chacho mpucheelede, wakiimikizya busanza bwacho, waswanizya atubulo twacho, alimwi wakiimikizya mbandama andengelezyo zyacho. ¹⁹Wakayabika chivumbyo aatala lyachikombelo akubika bbakasa ataala lyacho, mbuli mbaakali wamulayilila Yawe. ²⁰Wakabweza zilembelo zyechizuminano akuzibika mubwaato alimwi wakabika chivunisyo champwido aali nchicho.²¹Wakeeta bbokesi muchikombelo. Wakayimikizya chisitilizyo kuti lisitikizye bbokesi lyabukamboni, mbuli mbakali wamulayilila Yawe. ²²Wakabika tafula mubbakasa lyakubunganina,kubbazu lyakujwe lyachikombelo,kunze lyachisitilizyo. ²³Wakabika chinkwa atafula mbuli mbukwelede kunembo lya Yawe, alimwi mbuli Yawe mbwakali walayilila.²⁴Wakabika chikkazikilo chazimunisyo mubbakasa lyakubunganina, mukwiinga kuzwa kutafula, kubbazu lyakunsi lyachikombelo. ²⁵Wakayasya zimunisyo kunembo lya Yawe, mbuli mbaakali wamulayilila Yawe.²⁶Wakabika chipayililo chatununkilizyo chamubala wangolide mubbakasa lyachibunganino kunembo lyachisitilizyo. ²⁷Wakatenta kanunkilizyo kanunkilila muli nchicho, mbuli mbwakamulayilide Yawe.²⁸Wakaanzika chisitilizyo kumulyango wachikombelo. ²⁹Wakabika chipayililo chazipo ziteentwa kumulyango kuchikombelo, ibbakasa lyakubunganina muswangano. Wakapa kuli nchicho ichipo chakutenta alimwi achipo chamuseke wazilyo, mbuli mbwakamulayilila Yawe. ³⁰Wakabikka ichisambilo akati kabbakasa lyambunganino achipayililo, alimwi wakabika maanzi akusamba muli ndilyo.³¹Mozesi, Aaloni abana bakwe balombe bakasamba maboko amawulu aabo mubbavu. ³²Kufumbwa chiindi nibakali kunjila mubbakasa lyakubunganina lyamuswangano alyonse nibakali kuya mujulu kuchipayililo. Bakalisanzya, mbuli Yawe mbwakalayilide Mozesi. ³³Mozesi wakayakila lubuwa kazyunguluka chikombelo achipayililo. Wakabika chisitilizyo kumulyango walubuwa. Muli eeyi inzila, Mozesi wakamaninsya mulimo.³⁴Mpawo ijoba lyakajala ibbakasa lyachibunganino chamiswangano, alimwi bupati bwa Yawe bwakazuzya chikombelo. ³⁵Mozesi takwepe nakakonzya kunjila mubbakasa lyachibunganino nkambo ijoba lyakali lyakali lyakkala alinchicho, akuti bupati bwa Yawe bwakali bwazuzya chikombelo.³⁶Kufumbwa chindi ijoba nilyakali kuvumbulwa achikombelo, bantu bakwa Izilayeli bakali kutalika kweenda mulwendo lwabo. ³⁷Pesi ikuti ijoba telyanyampuka aachikombelo aawo bantu tebakali kweenda pe. Bakali kukkala manedo mubuzuba mbulyayonyampulwa. ³⁸Nkambo ijoba lya Yawe lyakali atala lyachikombelo abuzuba,alimwi mulilo wakwe wakali aatala lyaacho mansiku, aantanganana kunembo kumaboneno aabantu boonse bakwa Izilayeli mulwendo lwabo loonse.

¹Jehova wakayita kuli Mozesi alimwi wakaambula kulinguwe kuzwa mutente lyakuswaanana, wakati, ²''Ambuula kubantu ba Izilayeli alimwi ubaambile, 'Eelyo kufumbwa mwaalumi kuzwa aakati kenu weeta chipayizyo kuli Jehova, eta mbuli chipayizyo chako munyama, nikuba kuzwa kutanga lyen'ommbe nikuba kulungundu lwambelele³Na chipayizyo chakwe kachili chipayizyo chakutentwa kuzwa ku tanga, weelede kupa n'enze itakwe kampenda pe. Uleelede kupa aamulyango watente lyakuswaanana, kuchitila kuti ikatambulwe kunembo lya Jehova. ⁴Uleelede kulowampa lubono lwakwe amutwe wachipayizyo chakutentwa, alimwi mpawo chiyootambulwa kachiimvwilidi nguwe kukuchita kubukulusigwa kwakwe mwini.⁵Mpawo uleelede kujaya mupule kunembo lya Jehova. Bana baombe ba Aloni, bapayizi, bayoopa igazi aloimwi lisansiilwe achipayililo eecho chili amulyango watente lyakuswanana. ⁶Mpawo uleelede kufunda chipayizyo chakutentwa alimwi achinenge zibe zituli.⁷Mpawo bana balombe ba Aloni bayookutula mulilo aachipayililo alimwi babambe inkuni zili amulilo. ⁸Mpawo bana balomba ba Aloni, bapayizi, bayoobika zituli, kuswaanizya mutwe amafuta, aankuni zili amulilo ooyo uli achipayililo. ⁹Pesi zyamukati amawulu aacho weelede kuzisanzya amanzi. Mpawo mupayizi uyootenta zyoonse zili achipayililo mbuli chipayizyo chipayizyo chakutentwa. Chiyoogwisya bweema bununkilila kuli ndime; chinoli nchipayizyo chachitilwa ndime amulilo.¹⁰Na chipayizyo chakwe chachipayizyo chakutentwa kachizwa kulungundu, imwi yambelele na imwi yampongo, weelede kupa keenze katakwe kampenda. ¹¹Uleelede kuyookajayila kulubazu lwa kumusanza kwachipayililo kunembo lya Jehova. Bana balombe ba Aloni, bapayizi, bayoosansiila gazi lyako kumabazu woonse achipayililo.¹²Uleelede kukanenga kabe zituli aamwi amutwe alimwi amafuta aako, alimwi mupayizi uleelede kubika zituli aankuni zili amulilo ooyo uli achipayililo, ¹³pesi zyamukati alimwi amawulu uleelede kuzisanzya amanzi. Mpawo mupayizi uyoopalila koonse, alimwi akatente achipayililo. Nchipayizyo chakutentwa, alimwi chiyogwisya bweema bunubkilila kuli Jehova; chinoli nchipayizyo chachitilwa nguwe amulilo.¹⁴Na chipayizyo chakwe kuli Jehova kuti chibe chipayizyo chakutentwa chabayuni, mpawo uleelede kweeta mbuli chipayizyo nikuba nziba na mwana wankwilimba. ¹⁵Imupayizi uleelede kucheeta kuchipayililo, agwisye mutwe wacho, alimwi achitente achipayililo. Mpawo igazi lyacho lyeelede kuyogwisigilwa kumbali lya chipayililo.¹⁶Uleelede kugwisya chiyangilo azili mulinchicho, alimwi akuchisowela kumbali lyachipayililo kulubazu lwa kujwe, kubusena bwadota. ¹⁷Uleelede kuyoyidelula ijulike amababa aayo, pesi tayelede kwiwanzanya pe kuti ibe zipanzi zibili. Mpawo mupayizi uyoyitenta achipayililo, aankuni eezyo zili amulilo. Iyooba chipayizyo chakutentwa, alimwi iyogwisya bweema bununkilila kuli Jehova; iyooba chipayizyo chachitilwa nguwe amulilo.

¹Eelyo umwi ayeta chipayizyo chazilyo kuli Jehova, chipayizyo chakwe cheelede kuba busus bunante bwa bbale, alimwi uyotila mafuta alimbubo akubika tununkilizyo alimbubo. ²Uyotola chipayizyo kubana balombe ba Aloni bapayizi, alimwi ooko mupayizi uyogwisya busu bunante bwa bbale buzuzya jaanza buli aamafuta atununkilizyo alimbubo. Mpawo mupayizi uyootenta chipayizyo aachipayililo mbuli chipayizyo chiiminini. Chiyogwisya bweema bununkilila kuli Jehova; chinoli nchipayizyo chachitilwa nguwe amulilo. ³Kufumbwa chiyoosyala chachipayizyo chazilyo chiyooba cha Aloni abana bakwe balombe. Chilasalalisya kuli Jehova kuzwa kuzipayizyo kuli Jehova zyachitwa amulilo.⁴Eelyo waakupa chipayizyo chazilyo chitakwe busweezyo bwayokwa muchikko, cheelede kuba chibunge chiteteete chabusu bunante bwa bbale bwaswanizigwa amafuta, nikuba chibunge chiyumu chitakwe busweezyo, chinanikidwe mafuta. ⁵Na chipayizyo chako chazilyo chayokelwa muchiyokelo chabutale chisalebete, cheelede kuba cha busu bunante bwa bbale butakwe busweezyo bwaswanizigwa amafuta.⁶Uleelede kuchikkwamuuna muzipanzi alimwi utulide mafuta alinchicho. Eechi nchipayizyo chazilyo. ⁷Na chipayizyo chako chazilyo chilijikidwe muchijikilo, cheelede kachichitidwe abusu bunantde bwa bbale a mafuta.⁸Uleelede kweeta chipayizyo chazilyo kuli Jehova chichitidwe kuzwa kuzintu eezi, alimwi chiyoopedekezegwa ku mupayizi, ooyo utakacheete ku chipayililo. ⁹Mpawo mupayizi uyobweza zimwi kuzwa ku chipayizyo chazilyo mbuli chipayizyo chiiminini, alimwi uyoochitenta achipayililo. Chinoli nchipayizyo chichitidwe amulilo, alimwi chiyogwisya bweema bununkilila kuli Jehova. ¹⁰Chiyoosyaala ku chipayizyo chazilyo chiyooba cha Aloni abana bakwe balombe. Chilasalalisya kuli Jehova kuzwa kuzipayizyo kuli Jehova zyachitwa amulilo.¹¹Takwe chipayizyo chazilyo nchoyoopa kuli Jehova chiyochitwa abusweezyo, nkaambo towelede kutenta busweezyo, nikuba buchi, mbuli chipayizyo chachitwa amulilo kuli Jehovaa. ¹²Uyoozipa kuli Jehova mbuli zipayizyo zya michelo mitanzi, pesi tazikoyoobelesegwa kukugwisya bweema bununkilila pe achipayililo. ¹³Uleelede kulunga chimwi achimwi chazipayizyo zyako zyazilyo amwinyo. Towelede pe kuzumizya mwinyo wachizuminano cha Leza wako kuti ukabulike kuzipayizyo zyako zyazilyo. Azipayizyo zyako zyoonse uleelede kupa mwinyo.¹⁴Na wapa chipayizyo chazilyo chamichelo mitanzi kuli Jehova, pa zilyo zipya ziyokedwe aamulilo alimwi zyaziigwa kuba busu. ¹⁵Mpawo uleelede kubika mafuta atununkilizyo alimbubo. Eechi nchipayizyo chazilyo. ¹⁶Mpawo mupayizi uyootenta chipanzi chazilyo zyaziigwa a mafuta a tununkilizyo mbuki chipayizyo chiiminini. Eechi nchipayizyo chachitwa amulilo kuli Jehova.

¹Na umwi wayeta chipayizyo kachili chipayizyo chabulyidilano cha munyama kuzwa kutanga, nikuba n'enze na mpwizi, uleelede kupa munyama utakwe kampenda kunembo lya Jehova. ²Uyoobika luboko lwakwe aatala amutwe wa chipayizyo chakwe alimwi akachijaye kumulyango watente lyakuswaanana. Mpawo bana balombe ba Aloni bapayizi bayosansila gazi kumabazu a chipayililo.³Mwaalumi uyopa chipayizyo chachipayizyo chabulyidilano amulilo kuli Jehova. Mafuta aajala na aanamatide kuzizo zyamukati, ⁴alimwi a nsa zyobile amafuta aazyo aabambene achibuno, a chipanzi cha chini, aantomwe a nsa - uyoogwisya zyoonse eezi. ⁵Bana balombe ba Aloni bayootenta aatala achipayililo aamwi achipayizyo chakutentwa, chili aankuni zili amulilo. Eezi ziyoopa bweema bununkilila kuli Jehova; chiyooba chipayizyo chichitidwe kuli nguwe amulilo.⁶Na chamwaalumi chipayizyo chachipayizyo chabulyidilano kuli Jehova kachili chizwa ku lungundu; indyalumi na mpwizi, weelede kweeta chipayizyo chitakwe kampenda. ⁷Na kapa mbelele kuchipayizyo chakwe, mpawo weelede kupa kunembo lya Jehova. ⁸Uyoobika luboko aatala aamutwe wachipayizyo chakwe akwiijaya kunembo lyatente lyakuswaanana. Mpawo bana balombe ba Aloni bakasansiile gazi kumabazu aachipayililo.⁹Mwaalumi uyoopa chipayizyo chazipayizyo zyabulyidilano kachili chipayizyo chichitidwe amulilo kuli Jehova. Mafuta, muchila uneneede udyunkwidwe aafwifwi amusana, amafuta aajala zizo zyamukati a woonse mafuta ali aafwifwi azizo zyamukati, ¹⁰a nsa zibili amafuta aazyo, ali muchibuno, achipanzi chachini, aamwi a nsa - uleelede kugwisya zyoonse. ¹¹Mpawo mupayizi uyochitenta a chipayililo mbuli chipayizyo chakutentwa chakulya kuli Jehova.¹²Na chipayizyo cha mwaalumi kayili mpongo, mpawo uyoyipa kunembo lya Jehova. ¹³Uleelede kubika luboko lwakwe aamutwe wampongo alimwi akijaye kunembo lyatente lyakuswaanana. Mpawo bana balombe ba Aloni bakasansiile gazi lyayo kumabazu achipayililo. ¹⁴Mwaalumi uyoopa chipayizyo chakwe chichidwe amulilo kuli Jehova. Uyoogwisya mafuta aajalide zizo zyamukati, a woonse mafuta ali aafwifwi azizo zyamukati.¹⁵Uyoogwisya alubo insa zibili amafuta alaalinzizyo, ali muchibuno, achipanzi chachini aamwi a nsa. ¹⁶Mupayizi uyootenta zyoonse achipayililo kachili chipayizyo chakutentwa chakulya, kuti zyeete bweema bununkilila. Woonse mafuta azwa kuli Jehova. ¹⁷Chiyooba chipona kwalyoonse chamulawukwiindila mumazyalane abantu bako mubusena boonse nkuyooyaka munzi, kuti utakalyi mafuta na gazi.'''

¹Yawe wakaambula a Mozesi, wakati, ²''Wambila bantu bakwa Izilayeli, 'Eelyo umwi nabisya katayandide kuti abisye, mukuchita kufumbwa zintu eezyo Yawe nzyakalayilila kuti zitanoochitwi, alimwi na wachita chintu eecho chikasigwa, zitobela zyeelede kuchitwa. ³Na kakuli kuti mupayizi mupati wabisya mukweeta bubi kubantu bakwe, mpawo ngakapede kuchibi chakwe nchakachita ikapule kachili kanini katakwe kampenda kuli Yawe mbuli muliiyo wechibi.⁴Weelede kweeta sipule kumulyango wedumba lyembungano kunembo lya Yawe, abike maanza akwe amutwe wasipule, alimwi akajaye sipule kunembo lya Yawe. ⁵Mupayizi munanike uyoobweza bumwi bulowa bwa sipule akubutola kudumba lyakubunganina.⁶Mupayizi uyoobbizya munwe wakwe mubulowa akusansila bumwi bulowa musanu atubili kunembo lya Yawe, kunembo lyamulembo wachisitilizyo chabusena busalalisya. ⁷Mpawo mupayizi uyobika bumwi bulowa aameja a chipayililo chatununkilizyo kunembo lya Yawe, ichili mudumba lyakubunganina, alimwi uyotila bumwi boonse bulowa a chikkalilo chachipayizyo chazipayizyo zitentwa, eechi chili amulyango wadumba lyakubunganina.⁸Uyoogonkola inyama yoonse yasipule wachitulo chazibi; imafuta ayo avumba nyama yamukati, luvumbula lwamafuta loonse ilujisini azyamukati, ⁹insa zyobile aluvumbula luli alinzizyo, zibambene a lulyang'anga, aantomwe aluvumbula lwachini, aantomwe ensa - akazigonke zyoonse eezi. ¹⁰Uyoyinenga yoonse, mbuli mbwayinenga kuyigisya kuli sipule wachipayizyo chachituzyo chalumuno. Mpawo mupayizi uyozitente zipanzi eezi achipayililo kazili zipayizyo zyakutenta.¹¹Ichitobo chapule alimwi ayimwi nyama yasyala, aantomwe amutwe wayo alimwi amawulu aayo azyamukati alimwi abufumba, ¹²ayimwi yoonse nyama yapule - ngakabweze eeyi yoonse akwitola aanze ambungano akwitola kubusena oobo mbobakasalazizya ndime, ooko nkobasowela mulota; bayotenta nyama isyede ankuni. Beelede kuyotenta nyama isyede eeyo ooko kusowelwa mulota kuchaala.¹³Na imbungano yoonse ya Izilayeli yabisya kitayandide kubisya, alimwi imbungano kitazi kuti babisya akuchita zintu eezyo Yawe nzyakalayilila kuti zitachitwi, alimwi na balimvwa mulandu, ¹⁴mpawo, eelyo chibi nchibakachita chazibinkana, mpawo mbungano yoonse yeelede kuyopa chituzyo chapule munini wachituzyo chachibi kunembo lya dumba lyakubunganina. ¹⁵Bapati bembungano bayobika maboko amutwe wapule kunembo lya Yawe, alimwi pule uyojayigwa kunembo lya Yawe.¹⁶Mupayizi munanike uyoyeta bumwi bulowa bwapule kudumba lyembungano, ¹⁷alimwi mupayizi uyoobbizya munwe wakwe mubulowa akuyoolisansila musanu atubili kunembo lya Yawe, kunembo lya chisitikizyo.¹⁸Uyobika bumwi bulowa ameja achipayililo eecho chili kunembo lya Yawe, eecho chili mukati kedumba lyakubunganina, alimwi uyotila boonse bumwi bulowa etako lyachipayililo chazituzyo zyakutentwa, eecho chili amulyango wadumba lyembungano. ¹⁹Uyonenga akugwisya mafuta kuzwa kulinchicho akuyochitenta achipayililo.²⁰Eezyo nzenzizyo nzyayelede kuchita apule. Mbubonya mbuli mbwakachita apule utililwa zibi, mbombubo mbwayelede kuyochitila pule oyu, alimwi mupayizi uyopa chituuzyo cha bantu, alimwi bayolekelelwa. ²¹Uyobweza pule akumugwisya anze kwembungano akuyomutenta mbuli mbwakatenta pule mutaanzi. Eechi nchechituuzyo chazibi zyembungano.²²Na muzuluzi wabisya katakwe chilangilizyo chakubisya, mukuchita kufumbwa chezintu Leza wakwe nzyakakasya kuti zitanoochitwi, ²³alimwi uli azibi, mpawo chibi chakwe nchakachita chazibisigwa kuli nguwe, uleelede kulyeetela mpongo yachipayizyo, pule utakwe kampenda.²⁴Uyobika kuboko kwakwe amutwe wampongo akwiijana abusena aawo mpubajiila zituzyo zitentwa kunembo lya Yawe. Eechi chinoli nchituuzyo chezibi. ²⁵Mpawo mupayizi uyootola bulowa bwachituuzo amunwe wakwe akuyobubika aameja a chipayililo chazituuzyo zitentwa, alimwi uyootila aanze bulowa eethako lya chipayililo chazituzyo zitentwa.²⁶Uyotenta mafuta woonse achipayililo, mbubonya mbuli mafuta aachipayililo chazituuzyo zya luumuno. Mupayizi uyoobamba chituuzyo chamuzuluzi katulangene ezibi zyakwe, alubo mweendelezi uyoolekelelwa.²⁷Na umwi wabantu biyo wabisya katakwe chilangilisyo chakubisya, mukuchita kufumbwa chazintu eezyo Yawe nzyaakamulayila kuti atachiti, alimwi aawo nazootilimuka akulimvwa mulandu, ²⁸mpawo chibi chakwe nchakachita chazibinkana, mpawo weelede kuyoyeta mpongo yachipayizyo chakwe, mpwizi itakwe kampenda, kayili yachibi nchakachita.²⁹Uyoobika maboko aakwe ajulu lya chituuzyo akujaya chituuzyo chazibi abusena bwazituuzyo zyakutentwa. ³⁰Mupayizi uyoobweza bumwi bulowa amunwe wakwe akuyobika ameja achipayililo chazituuzyo zitentwa. Uyotila anze obo bumwi boonse bulowa bwasyaala eetako lya chipayililo.³¹Uyonengula mafuta wonse, mbubonya mbuli mbwanengwa akugusya mafuta achipayizyo chezituuzyo zyalumuno. Mupayizi uyotenta woonse achipayizyo kuti apange bweema bubotu bwa aloma kuli Yahuwe. Mupayizi uyochita chituuzyo chamuntu, alimwi uyolekelelwa.³²Kuti mwalumi weeta mwana mbelele kuti nchechipayizyo chazituuzyo, uyelede kweta kakali kazyazi katakwe kampenda kechibi. ³³Uyobika ijanza amutwe wachituuzyo chezibi akuyojayila chituuzyo chazibi abusena awo mpobajayila zituuzyo zitentwa.³⁴Mupayizi uyobweza bumwi bulowa bwechituuzyo chezibi amunwe wakwe akuyonanika ameja achipayililo chezituuzyo zitentwa, alimwi uyotila anze bulowa boonse etako lyechipayililo. ³⁵Uyonenga akugusya woonse mafuta, mbubonya mbuli mafuta akabelele mbwanengwa akugusigwa kuzwa kuchituuzyo chechipayililo cha Yahuwe kachipangidwe amulilo. Mupayizi uyochita chituuzyo chakwe chezibi ezyo nzyakachita chazibi ezyo nzyakabisya, alimwi muntu oyo uyolekelelwa.

¹Namuntu wabisya nkambo kakuti takwepe naapa bukamboni bwazeezyo nzyakabona nzyakelede kupa bukamboni, kazitakwe kuti wakazibona na wakazimvwa biyo atala nzizyo, uyoba simulandu. ²Na kuti umwi waguma nichiba chilibuti echo Leza nchakaamba kuti chilisofwede, kazitakwe kuti mafuwa achinyama chisofwede nakuti mafuwa achinyama chivuubwa nakuti munyama uyavula aansi, nikuba kuti takwe nakezi kuti ninzi nzyakachita, unoli wasofwaala alubo waba simulandu.³Nikuba kuti waguma busofwazi bwaumwi, kufumbwa busofwazi, alubo kuti wazichita mukutaziba, alimwi uyoba simulandu awo kupela nayoziba atala anchicho. ⁴Na kuti umwi wakonka chakufwambana amulomo wakwe kachita zitaluleme, na kuchita ziluleme, kufumbwa kuti chilibiyeni echo muntu nchakonka chakufwambana muchikonke, nikuba kuti takwepe nchezi atala nchiicho, awo nayoziba atala nchicho, mpawo uyoba simulandu, kufumbwa kulichimwi chazeezi.⁵Kuti muntu waba simulandu mulichimwi chazeezi zintu, uyelede kulila kufumbwa chibi nchakabisya. ⁶Mpawo uyelede kweeta chituuzyo chezibi kuli Yahuwe kachili chezibi nzyakachita, kanyama kazyaazi kezivuubwa nikaba kabelele nakuti kapongo, nchituuzyo chezibi, alimwi mupayizi uyochita chipayizyo chakulekelelwa kwazibi zyakwe.⁷Kuti katakonzyi kuula kabelele, elyo ulelede kweta chituuzyo chezibi kazili inziba zyobile nakuti bana benkwilimba kuli Yahuwe, omwe ngwechituuzyo chezibi oyumwi ngwechituuzyo chitentwa. ⁸Ulelede kuzyeta kumupayizi, nguwe uyopa chimwi chitaanzi kacxhili chituuzyo chezibi - uyonengetezya mutwe kuzwa kunsingo pesi takoyodyunkula chakumaninizya pe kuzwa kuchitimbitimbi. ⁹Elyo uyosansiila bumwi bulowa bwechituzyo chezibi kubbazu limwi lyechipayililo, mpawo uyominununa bumwi boonse bulowa kuzwa etako lyechipayililo. Echi nchituuzyo chimaninsya milandu.¹⁰Mpawo uyelede kuyopeda kayuni kabili mbuli chituuzyo chitentwa, mbuli mbokwambidwe mumalayilile, alimwi mupayizi uyopanga chipayililo chakwe chezibi ezyo nzyakachita, alimwi oyo muntu uyolekelelwa.¹¹Ikuti katakonzyi kuyowula inziba zibili nikuba bana benkwilimba bobile, elyo ulelede kweeta chekkumi chabusu bunante mbuli chipayizyo chezibi zyakwe, tayelede kubika mafuta nikuba tununkilizyo alinchicho, nkambo nchituuzyo chezibi.¹²Uyelede kucheeta kumupayizi, alimwi mupayizi uyofonkola ijanza lizwide lyabusu kabwiminina chituuzyo alimwi akabutente achipayililo, ejulu azituuzyo zipangwa amulilo wa Yahuwe. Echi nchituuzyo chezibi. ¹³Mupayizi uyochita chipayizyo chezibi kufumbwa oyomuntu nzyakachita, alimwi muntu oyo uyolekelelwa. Ezyo zitakasyale kuchituuzyo ziyoba zyamupayizi, mbubonya mbuli chituuzyo chamayiila.''¹⁴Mpawo Yahuwe wakambula a Mozesi, wakati, ¹⁵''Na muntu wabisya alimwi wachita mukutasyomekana mubwendelene azintu ezyo zyakwa Yahuwe, pesi wazichita katayandide obo, elyo ulelede kweeta chituuzyo chakwe chezibi kuli Yahuwe. Echi chituuzyo chelede kuba mugutu utakwe kampenda kuzwa kubutanga; bulemu bwacho bwelede kuba nsiliva amashekeli --akuchisalazizyo --mbuli chituuzyo chezibi. ¹⁶Ulelede kukkutikania Yahuwe kulezyo nzyakabisya mukuswanana azezyo zisalala, alimwi welede kuyungizya kamwi kampanzi kuli nchicho akuyopa mupayizi. Alimwi mupayizi uyochita chipayizyo chakwe amugutu oyo wechituuzyo chakwe amugutu oyo wechituuzyo chezibi, alimwi oyo muntu uyolekelelwa.¹⁷Ikuti umwi wabisya mukuchita kufumbwa ezyo Yahuwe nzyakalayilila kuti zitanochitwi, nikuba kuti wazichita mukutaziba, unoli waba sizibi alimwi ulelede kulinyampwida mulandu wakwe. ¹⁸Uyelede kweeta mugutu utakwe kampenda kechibi kuzwa mubutanga, kazyendelana amuulo wamazubaayo, mbuli chituuzyo chezibi kumupayizi. Alimwi mupayizi uyochita chipayizyo chakwe kazyendelana ezibi nzyakabisya, azeziya nzyakabisya mukutaziba, alimwi uyolekelelwa. ¹⁹Eechi nchituuzyo chamilandu, alimwi unoli ngusizibi kunembo lya Yahuwe.''

¹Jehova wakambula aMozesi, kuti, ²"Na umwi wanu wabisya akutasyomeka kuli Jehova akubisya munyika zyendelana azimwi zichitwa akusyomeka, na kusigwa mukubambwa kwakwe, azimwi ezyo zyakabbidwe, na kuti kupenzegwa ababunyina, ³naa wajanika kuti basimayake nyina wasowa akubeja anchicho, nikuba kukonkezya zyakubeja kuli zezi zintu muntu unoli wabisya, ⁴aboobo kuti wabisya alimwi wajanwa kali amulandu, uyelede azibozye zyoonse nzyakabbide akutola achanguzu, azezyo nzyakapedwe, azezyo zyakaswekede nzyakajana.⁵Kukuyungingizya akuli zimwi zintu nyakonka zyakubeja, uyelede kuzibozya mubuzwide kuyungizya chisela chimwi chamusanu wabulemu bwacho akubbadala kuli ulaacho mubuzuba obbombwajanwa kalamulandu. ⁶Alimwi ulelede kweta chipaizyo chazibi kuli Jehova, amwana wambelele utakwe kapenda kuzwa mubutanga buli abulemu bwendelana achecho chindi, mbuli chipo chazibi kumupaizi. ⁷Mupaizi uyochipeda kuli Jehova, aboobo uyolekelelwa kuzibi zyoonse nzyakachitide."⁸Mpawo Jehova wakambula a Mozesi, kuti, ⁹"Wambila Aloni abana bakwe balombe, kuti, ''Echi ngumulawo wachipaizyo chakutenta: Chipaizyo chakutenta chelede kubikwa mubbila lyamulilo busiku boonse mane doo kuseni, aulawo mulilo wachipaililo unokkede kuyaka.¹⁰Mupayizi ulazwata zisamo zyakwe, ulazwata chibbudula kunsi azisamo. Kanobweza itwee linochala mumulilo niwanotenta chipayizyo chakutenta, ulelede kubikka itwe kumbali. ¹¹Uyelede akkulule chikobela chakwe akuzwata chimbi chikobela kuti atole itwe anze alubuwa luyayidwe.¹²Mulilo kuchipayilio unokkede kuyaka. Tuyelede kuzima pe, alimwi mupayizi unotenta nkuni kuseni abuzuba abuzuba. Ulelede kubamba chipayizyo chakutenta chelede, alimwi ulelede kutenta alinchicho amafuta azipayizyo zyalumuno. ¹³Mulilo uyelede kuti kukkede kuyaka lyoonse achipayililo. Tuyelede kuzima pe.¹⁴Oyu ngumulawu wazilyo zyachipo. Bana balombe ba Aloni balazitola kunembo lya Jehova kunembo achipayililo. ¹⁵Lino mupayizi agwisye inkankamanza yabusu bunante bwafulawa bwachipayizyo chabusu achamafuta atununkilizyo tuli achipayizyo chazilyo, azitente atala achipayililo kuti tugwisye myunde inunka kabotu kuti twiminine chipayililo.¹⁶Aloni abana bakwe balombe belede kulya zyoonse zili buti zichala kuchipayizyo. Zyelede kuligwa kakutakwe bumena mubusena busalala. Belede kulinda anze alubuwa amatente akubunganina. ¹⁷Tazyelede kujikwa abumena pe. Ndobapa mbuli chipanzi chachipayizyo changu chilundidwe amulilo. Chilindilide kusalala, mbuli chipayizyo chazibi achipayizyo chamilandu. ¹⁸Woonse mwalumi akati kanzubo zya Aloni ulelede kuzilya, mbuli mbukwambwa lyoonse kumazyalani ako, zyabwezwa kuzwa kuchipayililo chamulilo zyakachitilwa Jehova. Kufumbwa uchijata anga waba musalali."'¹⁹Lino Jehova wakambula lubo aMozesi, kuti, ²⁰"Echi chipayizyo cha Aloni abana bakwe balombe nchibayotula kuli Jehova mubuza umwi mwana nananikwa: chipanzi chakkumi chachisuwo chabusu bunante mbuli mbukuchitwa kale chipayizyo chabusu, chisela chabo kuseni a chisela chimwi goko.²¹Chiyochitwa amafuta mumpani yakujikila. Na chabizwa, mucheete mukati, kachikwamwidwe mukape chipayizyo chabusu kuti chikagwisyw mweema ununka kabotu kuli Jehova. ²²Mwana amupayizi mupati oyo uyanda kuba mupayizi mupati akati kabana ulelede kuchipayizya. Mbuli mbukwambidwe lyoonse, zyoonse zyelede kutentelwa Jehova. ²³Zyoonse zipayizyo zyakutenta zyabusu zyabapayizi ziyomanina kupya. Tzyelede kuligwa pe.''²⁴Jehova wakambula lubo a Mozesi, kuti, ²⁵''Wambila Aloni abana bakwe balombe kuti , 'Oyu ngumulawo wachipayizyo chazibi: Chipayizyo chazibi chelede kujeelwa awo abusena chipayizyo chakutenta mpuchijeeledwe kunembo lya Jehova. Chilasalalisya bwindilide. ²⁶Mupayizi uchipeda kuchibi ulelede kuchilya. Cheledwe kulidwa mubusena busalala mulubuwa lwatente lyakubunganina.²⁷Kufumbwa chilibuti chiguma nyama chilasalazigwa, na bulowa bwaguma chikobela, uyelede kuchisanzya, kubbazu nkuchasansilidwe, mubusena busalala. ²⁸Pesi kalongo muchalikujikilwa kelede kupwayigwa. Na chajikwa muchilongo chamukkuba, chelede kupalwa akusanzigwa amanzi anjoloma.²⁹Kufumbwa mwalumi akati kabapayizi ulelede kuchilya nkambo chilasalalisya. ³⁰Pesi chipayizyo chazibi chilabulowa bweetwa akati katente lyakubunganina kuti balekelelwe mubusena busalala tachelede kuligwa pe. chelede kutentwa.

¹Ooyu mulawu wachipayizyo chakubisya. Ulasalalisya loko. ²Baleelede kujaya chipayizyo chakubisya chijayidwe nkukooko kubusena bwakujiila, alimwi baleelede kiusansiila gazi lyacho akuzyunguluka koonse achipayililo. ³Woonse mafuta aacho alimukati kacho apayizigwe: amafuta amuchila, amafuta aali aatala azyamukati, ⁴ansa zyobile alimwi amafuta ali aatala lyazyo, eezyo zibambene kuchikungu, azivumbide chini, aantomwe ansa - zyoonse eezi zillelede kugwisigwa.⁵Mupayizi uleelede kuzitenta zipanzi eezi achipayililo mbuli chipayizyo chachitwa aamulilo kuli Jehova. Eechi nchechipayizyo chakubisya. ⁶Woonse mwaalumi aakati kabapayizi balakonzya kukya chipanzi chachipayizyo eechi. Cheelede kulyidwa mubusena busalala nkaambo chilasalalisya.⁷Chipayizyo chachibi chilakozyania achipayizyo chakubisya. Mulawu omwe ngubeleka kuli zyobile. Nzyabapayizi aabo bachita kubwedezyania ambabo. ⁸Mupayizi upayila chipayizyo chamuntu chakutenta ngawajana chitobo chakwe kuchipayizyo eecho.⁹Choonse chipayizyo chabusu eecho chikangwa achikangilo, alimwi choonse chipayizyo chiliboobo chijikwa muchikangilo na muchiyokelo chiyooba chamupayizi ooyo uchipayila. ¹⁰Choonse chipayilo chazilyo, chibe chiyumu na chiswanizigilwe amafuta, mubweelene chilaba chalunyungu loonse lwa Aloni.¹¹Ooyu ngomulawu wachituzyo chazipayilo zyalumuno eezyo bantu nzibayoopa kuli Jehova. ¹²Na umwi wapa kuti ape kulumba, mpawo uleelede kuchipa kachili achituzyo chazibunge zipangidwe kazitakwe busweezyo, pesi nkachivweelene amafuta, azibunge zipangidwe kazitakwe busweezyo, pesi zinanikidwe amafuta, alimwi azibunge zipangidwe abusu bunante oobo buvweelene amafuta.¹³Alubo akaambo kakupa kulumba, uleelede kuchipa aantomwe achipayizyo chalumuno chazibunge zyazinkwa zipangidwe a busweezyo. ¹⁴Uleelede kupa umwi awumwi wamisyobo yazipayizyo eezi mbuli chipayizyo chapedekezegwa kuli Jehova. Chinoli chabapayizi aabo basansiila gazi lyazipayizyo zyalumuno achipayililo.¹⁵Muntu uutula chipayizyo chalumuno nkaambo kakupa kulumba uleelede kulya nyama yachipayizyo chakwe muzuba lyakupayila. Tayelede kusiya chintu kulinchicho kusikila mubuzuba butobela chifumo. ¹⁶Pesi na chituzyo chachipayizyo chakwe nchakaambo kachikonke, na kaambo kakupa chakulimvwida mumoyo, nyama ileelede kulyigwa muzuba eelyo ndyaapa chituzyo chakwe, pesi kufumbwa zichaala kulinchicho zilakonzya kulyigwa muzuba litobela.¹⁷Nikubaboobo, kufumbwa nyama yachituzyo iisyala muzuba lyatatu ileelede kutentwa. ¹⁸Na imwi nyama yachituzyo chawumwi chachipayizyo chalumuno yalyigwa muzuba lyatatu, tikoyootambulika pe, nikuba tikoyoopedekezegwa kuli yoyo wiipayilila. Chilaba chintu chisesemya , alimwi muntu ooyo uchilya uyobweza mulandu wachibi chakwe.¹⁹Kufumbwa inyama iguma chintu chisofweede tiyeelede kulyigwa pe. Yeelede kutentwa. Kuli yoonse nyama, muntu uuleleme ulakonzya kwiilya. ²⁰Akubaboobo, usofweede uulya nyama izwa kuchituzyo chachipayizyo chalumuno echo cha Jehova - ooyo muntu uleelede kutandwa kuzwa kubantu ba kulimbabo.²¹Na umwi wajata kufumbwa chintu chisofweede - nibuba busofwazi bwamuntu nibuba bwamunyama uusofwede na busofwazi, chintu chisesemya - alimwi na walya nyama yachipayililo chachituzyo chalumuno eecho cha Jehova, ooyo muntu uleelede kutandwa kuzwa kubantu bakulimbabo.'''²²Mpawo Jehova wakaambula kuli Mozesi, kati, ²³''Ambila bana ba Izilayeli alimwi utedi, 'Tamweelede kulya mafuta a n'ombe, mbelele, na mpongo. ²⁴Mafuta amunyama uufwa nkatali chipayizyo, na mafuta amunyama waumwa abanyama bamulusaka alakonzya kubelesegwa kulizimwi, pesi tamweelede kumulya pe chanchoonzyo.²⁵Kufumbwa uulya mafuta amunyama ayo muntu ngapayizya mbuli chituzyo chakutentwa kuli Jehova, ooyo muntu weelede kutandwa kuzwa kubantu bakulimbabo. ²⁶Tamweelede kulya gazi abuniini mumakkalilo anu, nikuba lizwa kukayuni na munyama. ²⁷Kufumbwa ooyo uulya gazi, ooyo muntu weelede kutandwa kuzwa kubantu bakulimbabo.'''²⁸Akaako Jehova wakaambula kuli Mozesi alimwi wati. ²⁹''Ko bambila bantu ba Izilayeli akuti, 'Ooyo uupa chipayizyo chalimuno kuli Jehova weelede kweeta chipanzi cha chipayizyo chakwe kuli Jehova. ³⁰Chipayizyo cha Jehova chichitwe amulilo, maboko aakwe mwini akacheete. Weelede kweeta mafuta aantomwe alukkolo, kuchitila kuti lukkolo lukavukuuzigwe mbuli chipayizyo chachivukuuzyo kunembo lya Jehova.³¹Mupayizi uleelede kutenta mafuta achipayililo, pesi lukkolo luyooba lwa Aloni alunyungu lwakwe. ³²Mweelede kupa chibelo chamweendo wachikungu wakuchilisyo ku mupayizi mbuli chipayizyo kuzwa kuchituzyo chazipayizyo zyalumuno.³³Mupayizi, umwi walunyungu lwa Aloni, ooyo uupa igazi lya zipayizyo zyalumuno alimwi amafuta - ulajana chibelo chakuchilisyo mbuli chibeela chakwe chachipayizyo. ³⁴Nkaambo ndabweza kuzwa kubantu ba Izilayeli, ilukkolo lwachipayizyo chachivukuuzyo, alimwi chibelo nzenzizyo zyakasangwa, alimwi zyakapegwa kuli Aloni mupayizi abana bakwe mbuli chaabilo chabo chamazuba woonse.³⁵Eechi nchinchicho chaabilo cha Aloni abalunyungu lwakwe kuzwa kuzipayizyo zya Jehova zichitwa amulilo, muzuba eelyo Mozesi nakazipedekezya kuli Jehova mumulimu wamupayizi. ³⁶Eechi nchenchicho chaabilo eecho Jehova nchakalayilila kuti bachipegwe kuzwa kubantu ba Izilayeli, mubuzuba oobo mbwakananika bapayizi. Chinookede kachili chabilo chabo lyoonse kwiinda kumazyalane woonse.³⁷Ooyu ngomulawu wachipayizyo chakutenta, chachipayizyo chazilyo, chachipayizyo chachibi, chipayizyo chakubisya, chipayizyo chakusalizya, alimwi achituzyo chazipayizyo chalumuno, ³⁸abo Jehova mbakapa milawu kuli Mozesi aatala achilundu cha Sinayi mubuzuba oobo mbwakalayilila bantu ba Izilayeli kuti batule zipayizyo zyabo kuli Jehova munkanda ya Sinayi.'''

¹Yahuwe wakambula kuli Mozesi, kuti, ²''Bweza Aloni abana bakwe balombe, zyakusama amafuta akunanika mupule wachipayizyo chazibi, abagutu bambelelebabili alimwi achisuwo chazibunge chitakwe busweezyo. ³Bungania imbungano yoonse kumulyango wakubunganina."⁴Mpawo Mozesi wakachita ezyo Yahuwe nzyakamulayilila, alubo mbungano yakabungana aamwi kumulyango watente lyakubunganina. ⁵Mpawo Mozesi wakati kumbungano, "Eechi nchicho Yahuwe nchalayilila kuti chichitwe."⁶Mozesi wakeeta Aloni abana bakwe balombe akubasanzya amanzi. ⁷Wakazwatika Aloni chigogo akumwanga lukumba muchibuno chakwe, wakamuzwatika antambo akubika efodi alinguwe, wakamwangila efodi alinguwe ili alutambo lweebeka ndwakanzya aalinguwe muchibuno.⁸Wakabikka sami lyakaango aali nguwe, alimwi musami lyakaango wakabikka Ulimu a Tumimu. ⁹Wakamuzwatika chitambala amutwe, alimwi achitambala, kunembo aacho, wakabika mbede yangolida, musini usalala, mbuli Yahuwe mbakali wamulayilila.¹⁰Mozesi wakabweza mafuta akunanika, wananika chikombelo azyoonse zyakali mumo akuzipeda kuli Yahuwe. ¹¹Wakasansila mafuta akunanika aachipayililo kwazyiindi zili musanu azibili akunanika chipayililo azyoonse zibelesyo zyacho, achisambilo atako lyacho kuti azibambile Yahuwe.¹²Wakatila amwi mafuta akunanika aamutwe waAloni akumunanika kuti amusalazye. ¹³Mozesi wakeeta bana balombe ba Aloni akubazwatika zizwato. Wakabaanga mulembo kumitwe yabo mbuli Yahuwe mbakamulayililde.¹⁴Mozesi wakeeta mupule wakupayizya chibi, alubo Aloni abana bakwe balombe bakabikka maboko aabo aamutwe wasipule ooyo ngubakeetede mbuli chipayizyo chachibi. ¹⁵Wakamujaya, mpwo wabweza bulowa wabubikka ameja aachipayililo amunwe wakwe, wasalazya chipayililo, wakatila bulowa aatako lyachipayililo akuchisala kuli Leza kuchitila kuti kube bumwi mulinchicho.¹⁶Wakabweza mafuta woonse aayo akali mukati, mwakaputidwe chini, ansa zibili amafuta aazyo, alubo Mozesi wakazitenta achipayililo. ¹⁷Pesi, pule achitobo, anyama yakwe, amafumba wakazitentela aanze aalubuwa, mbuli Yahuwe mbakali wamulayilila.¹⁸Mozesi wakimikizya mugutu wambelele kuti chibe chipayizyo chakumpa, alubo Aloni abana bakwe balombe bakabikka maboko aabo aamutwe wamugutu wambelele. ¹⁹Wakamujaya akusansila bulowa bwakwe kumabazu woonse achipayililo.²⁰Wakanenguula mugutu wambelele waba zikkata zikkata, alimwi wakatenta mutwe azikkata amafuta. ²¹Wakasanzya zyamukkati ansumba amaanzi, alimwi wakatenta mugutu wambelele woonse aachipayililo. Chakali chipayililo chitentedwe chakali abwema bubotu bwa aloma, chituzyo chakachitwa aamulilo kuli Yahuwe mbuli Yahuwe mbakalayilide Mozesi.²²Eelyo Mozesi wakatola umbi mugutu wambelele, mugutu wakusalazya, alimwi Aloni abana bakwe balombe bakabikka maboko aabo amutwe wamugutu wambelele. ²³Aloni wawukajaya, alimwi Mozesi wakabweza bumwi bulowa, akububikka kumpela akutwi kwa Aloni kwakuchilisyo, akulambika kuchaala chakuboko kwachilisyo chakwe, akuchala chipati chakukuulu kwakwe. ²⁴Wakeeta bana baAloni balombe, wakabikka bulowa bumwi kumpela kwamatwi aabo akuchilisyo, akuchala chipati chakukuulu kwabo kwakuchilisyo. Mpawo Mozesi wakasansila bulowa kumabazu woonse aachipayililo.²⁵Wakabweza mafuta, mafuta amuchila, awoonse mafuta aayo akaali mukati, akasiside chini, insa zibili amafuta aazyo achibelo chakuchilisyo. ²⁶Muchisuwo chazibunge chitakwe busweezyo eecho kunembo lya Yahuwe, wakabweza chibunge chimwi chitakwe buswezyo, achimwi chibunge chakananikidwe mafuta, amweendo, akuzibikka aamafuta aachibelo chakuchilisyo. ²⁷wakazibikka zyoonse mumaboko aaAloni amumaboko abana balombe ba Aloni akuzivukuzya kunembo lya Yahuwe mbuli chipayizyo chakuvukuzya.²⁸Mpawo Mozesi wakazibweza kuzwa kumaboko aabo akuzitenta achipayililo mbuli chipayizyo chakuumpa. Zyakali zyakupayizigwa zyakagwisya bweema bununka kabotu bwa Aloma. Chakali chipayizyo chakachitwa amulilo kuli Yahuwe. ²⁹Mozesi wakabweza katiti akukavukuuzya mbuli chituzyo chakuvukuuzya kuli Yahuwe. Chakali chaabilo cha Mozesi chamugutu wambelele kunanikwa kwamupayizi, mbuli Yahuwe mbakamulayilide.³⁰Mozesi wakabweza amwi mafuta aakunanika abulowa bwakali achupayililo; wakasansila eezi ali Aloni, azizwato zyakwe, abana bakwe balombe, azizwato zyabana bakwe anguwe. Muli eyi nzila wakatula Aloni azizwato zwakwe, abana azizwato zyabo kuli Yahuwe.³¹Eelyo Mozesi wakati kuli Aloni abana bakwe, "Bizya nyama kumulyango watente lyakubunganina, akulya chibunge chili muchisuwo chakusalazigwa, mbuli mbundakulayilila, kuti, Aloni abana bakwe balombe bayozilya. ³²Kufumbwa eecho chichaala kunyama na kuchibunge welede kuzitenta. ³³Twelede pe kuzwa aanze amulyango wakunjilila kwamazuba aali musanu aabili, kusikila kumazuba akunanikwa kwako akazuzikizigwe. Nkambo Leza ulakusalazya kwazyiindi zili musanu azibili.³⁴Eecho chachtwa zuba eeli - Yahuwe wakachilayilia kuti chichitwe kuti kuchitwe bumwi kulinduwe. ³⁵Uyokkala sikati amansiku kwazyiindi zili musanu azibili kumulyango wakuswanana, akubamba imbeta zya Yahuwe, kuti atafwi, nkambo eezi nzindakalayilwa." ³⁶Eelyo Aloni abana bakwe balombe bakachita zyoonse zintu eezyo Yahuwe nzyakali wabalayilila kwiindila kuli Mozesi.

¹Mubuzuba bwamusanu atatu Mozesi wakiita Aaloni abana bakwe abapati ba Izilayili. ²Wakati kuli Aaloni, ''Bweza mwana ang'ombe kuzwa mutanga chibe chipayizyo chazibi, amugutu utakwe kampenda wakutenta achipayizyo, akuzipeda kuli Jehova.³Uyelede kwambila bantu ba Izilayili ikuti, ''Amubweze moongo wampongo chibe chipayizyo chezibi amusune amwana wambelele, zyoonse kazila amunyaka umwi kazitakwe kampenda, zibe chipayizyo chakutenta; ⁴Alubo mubweze musune amugutu abe chipayizyo chalumuno kufutula kunembo lya Leza, achipayizyo chazilyo zivwelene amafuta, nkambo sunu Jehova ulalibonia kuli nduwe.'' ⁵Mpawo bakayeta zyoonse Mozesi nzyakabalayilila kutente nkubakali kuswananina, ambungano zyonse zyaba Izilayili bakasika akukomba kunembo lya Jehova⁶Mpawo Mozesi wakati, ''Eezi nzizyo Jehova nzyakamulayilila kuti muchite. Eelyo, kuti bulemu bwakwe bukalitondezye kuli ndinywe.'' ⁷Mozesi wakati kuli Aaloni, ''Swena afwifwi achipayililo alimwi uzope chipayizyo chezibi akutenta chipayizyo, akulivumbila mulandu lwako abantu, akupa chipayizyo chabantu kuti uvumbile milandu yabo, mbuli Jehova mbwakalayilila.⁸Aboobo Aaloni wakayinka afwifwi akujaya mwana weng'ombe wachipayizyo chazibi, wakali wakwe. ⁹Ibana ba Aaloni balombe bakatondezya bulowa kuli nguwe akutompa kanwe kakwe mukati akubika ameja achipayililo.¹⁰Nekuba boobo wakatenta mafuta azivumbide insaa, chini achipayililo mbuli chipayizyo chezibi mbuli Jehova mbwakalayilila Mozesi. ¹¹Inyama echitobo wakazitenta aanze amusasa.¹²Alimwi wakajaya chipayizyo chakutenta, abana bakwe bapa bulowa, oobo mbwakasansiila woonse mabazu achipayililo. ¹³Mpawo bakamupa chipayizyo chakutenta, chimpanzi echimpanzi, antomwe amutwe, akuzitenta achipayililo. ¹⁴Wakasanzya zyamukati amawulu akuzitenta atala echipayizyo chakutenta achipayililo.¹⁵Aaloni wakatondezya chipayizyo kubantu - Impongo, mpawo wakazibweza mbuli chipayizyo chazibi zyabo akwijaya; Wakayipayilila kuba chipayilo chezibi mbuli mbakachita kumpongo ntaanzi. ¹⁶Wakatondezya chipayizyo chakutenta akuumpa kuli Jehova mbwakalayilila. ¹⁷Wakapedekezya chipayilo chezilyo wakazuzya ijanza lyakwe anzizyo akuzitenta achipayililo aantomwe achipayizyo chakutenta chakuseni.¹⁸Wakajaya alubo musune amugutu achipayizyo chachipo chaluumuno, chakali chabantu. Bana ba Aaloni bakamupa ganzi, Eelyo ndyakasansiila mabazu woonse achipayililo. ¹⁹Nikubaboobo, bakanenga mafuta amupule weng'ombe amugutu, muchila unenede, amafuta abumba insa zyamukati, avumbide chini.²⁰Bakabweza zimpanzi zyakanengwa kuzigwisizya akuzibikka akatiti, alimwi Aaloni wakatenta mafuta achipayililo. ²¹Aaloni wakavukuzya katiti amwendo wachilisyo mbuli chipo chakuvukuzya kunembo lya Jehova, mbuli Mozesi mbwakalayilila.²²Mpawo Aaloni wakanyampula maboko akwe kubantu akubalongezya, mpawo wakaseluka aansi kuzwa kukupayila chipayizyo chezibi, chipayizyo chakutenta, achipayizyo chalumuno. ²³Mozesi a Aaloni bakanjila mutente lyakuswanana, mpawo wakabbuda lubo akulongezya bantu, Alimwi bulemu bwakalibonia kubantu boonse. ²⁴Mulilo wakaseluka kuli Jehova akulombya chipayizyo chakutenta amafuta achipayililo. Bantu boonse nibakabona eezi bakavundama aansi.

¹Nadabba a Abbihu, bana ba Aaloni, awumwi wakabweza chitentelo chakwe, wabikka mulilo, atununkilizyo. Alimwi bakapayizya Jehova mulilo ngwatakazumizya, ngwatakabalayilila kuti bawu payizye. ²Elyo kwakazwa mulilo mulilo kuli Jehova akuba nyonyoona, alimwi, bakafwa kunembo lya Yahuwe.³Mpawo Mozesi wakati kuli Aaloni, ''Ezi nzizyo Yahuwe nzyakali kwambula chindi nakati, 'Njoyubununa busalali bwangu kuli aabo baswena kuli ndime. Njolumbayizigwa akuli bonse bantu.'' Aaloni takwe anchaakamba. ⁴Mozesi wakayita Misayeli a Elifaza, bana ba Izilayeli wisilenzi wa Aaloni, akubambila kuti, ''Amubole okuno akubweza banabakwanu akubagwisya kunembo lyabusena busalala akubatola anze lyamalabba.''⁵Elyo bakeza afwifwi akubabweza, nkabachizwete zibaki zyabo, babatola anze lyamalabba, mbubonya Mozesi mbwakalayililwa. ⁶Alimwi Mozesi wakati kuli Aaloni akuli Eliyazeli a Alutamala, bana bakwe, ''Mutanolekeli masusu anu mumitwe yenu katebede, alimwi mutadeluuli zyakusama zyenu kuchitila kuti mutafwi, alimwi kuti Jehova atanyemi ambungano yoonse. Pesi amuzumizye nzubo zyenu, engánda yoonse ya Izilayeli, balile nkambo kabaabo mulilo wa Jehova ngwakabika kuti bapye. ⁷Tamwelede kuzwa anze lyatente lyambunganino, mulaafwa, nkambo bunanike bwamafuta a Jehova buli alindinhwe.'' Alimwi bakachita mbubonya Mozesi mbwakalayilila.⁸Yahuwe wakambula a Aaloni, wakati, ⁹''Utanywi wayini nanka kufumbwa chikola, nanka bana bako abo baali ayebo, chiindi nimuya mutente lyambunganino, kuti mutafwi. Echi chiyoba chizuminano chalyoonse mumazyalani anu woonse, ¹⁰kwanzania zisalala azyabuyo, azisofwede a zitasofwede, ¹¹kuchitila kuti mukayisye bantu ba Izilayeli zyonse zizuminano zya Yahuwe nzyakalayilila kwinda kuli Mozesi.''¹²Mozesi wakambula a Aaloni a Eliyazela a Alumatala, abana bakwe basyede, ''Mubweze zilyo zyakupayizya ezyo zisyala kupayizizya Yahuwe zyakutenta akuzilya kazitakwe bumena kumbali lyachipayililo, nkambo nchintu chisalalisya. ¹³Mwelede kuchilya mubusena busalala, nkambo nchaabilo chako abana bako chaabilo chachipayizyo nchatentelwa Yahuwe, nkambo eechi nchenchicho nchindakalayililwa kuti nkwambile.¹⁴Lukolo lwakangununwa achibelo chakatulilwa Yahuwe, mulelede kuzilya abusena busalala nkazitambulika kuli Leza. Iwebo abana bako balombe abasimbi mulelede kuzilya nzimwapegwa, nkambo nchenchicho nchibamupa mbuli chabilo chako achabilo chabana bako kuzwa muzituuzyo nzibapayizya bantu ba Izilayeli. ¹⁵Chibelo chakapedekezegwa alukolo lwangununwa, bazyete antomwe azipayizyo zyamafuta zyakutenta akuzivukuzya kunembo lya Yahuwe. Ziyoba zyako abana bako anduwe mbuli chaabilo kwalyonse, mbuli Yahuwe mbakalayilila.''¹⁶Lino Mozesi wakabuzya atala ampongo yakupayizya zibi, alimwi kwakazojanwa kuti yatentwa kale. Mpawo wakanyemena Eliyazala a Alutamala, bana ba Aaloni bakasyede; wakati, ¹⁷''nkambonzi temwalya chipayizyo chezibi abusena busalalisya, nkambo nchechintu chisalalisya, alimwi Yahuwe wamupa kuti mutole zibi zyambungano, akumana milandu kunembo lyakwe? ¹⁸Amubone, bulowa bwacho tebwaletwa mukati mubusena busalala, alimwi mwalelede kuchilya mubusena busalala, alimwi mbundakalayilila.''¹⁹Mpawo Aaloni wakasandula Mozesi, ''Bona, sunu balichitila chipayizyo chezibi akutenta chipayizyo kunembo lya Yahuwe, alimwi echichintu chakachitika kulindime sunu. Na ndalya chipayizyo chazibi sunu, chilamubotezya na Yahuwe?'' ²⁰Nakamvwa oobo Mozesi wakakkutisika.

¹Yahuwe wakambula kuli Mozesi alimwi akuli Aaloni, kati, ²''Wambula kubantu ba Izilayeli, utedi, 'Ezi nzezintu zipona nzimukonzya kulya akati kabanyama boonse balimunyika.³Mulakonzya kulya kufumbwa munyama ulensumba zyanzene alimwi kaselula. ⁴Nekubabobo bamwi babanyama tabaseluli nikuba kabalensumba zyanzeene, alimwi tamwelede pe kubalya banyama bali mbuli nkamela nkambo ilaselula pesi tikwe nsumba zyandeene pe. Aboobo nkamela ilisofwede kulindinywe.⁵Alakwe chibila, nkambo ulaselula pesi takwe nsumba zyanzene, alakwe ulisofwede kulindinywe. ⁶Akalako kasulwe, nkambo kalaselula pesi takakwe insumba zyanzeene, kalisofwede kulindinywe. ⁷Ngulube nikuba ilansumba zyanzeene, tayiseluli, ilisofwede kulindinywe. ⁸Tamwelede kulya kufumbwa nyama zyazyo, nikuba kuguma mituunta yazyo. Zilisofwede kulindinywe.⁹Banyama bakkala mumaanzi mbimukonzya kulya mbabo boonse balatuyambyo amakwa, nanka mulwizi nikuba mumilongo. ¹⁰Pesi zyonse zilengwa zipona zitakwe tuyambilo amakwa mulwizi nanka mumilonga, kujatikizya zyoonse zyeenda mumaanzi alimwi azilengwa zipona zyoonse zili mumaanzi - zyeelede kumusesemya.¹¹Mbukunga zilamusesemya, tamwelede kulya nyama zyezyo; aboobo mitunta yazyo iyelede kumusesemya. ¹²Kufumbwa chikkala mumanzi alimwi kachitakwe tuyambyo amakwa chilasesemya kulindinywe.¹³Kubayuni tuyuni twelede kumusesemya alimwi ntomutelede kulya nkambo tulasesemya ntootu: chuungwe, ¹⁴ikkubi alimwi a syatongo, biimbe, kufumbwa musyobo wabalubanze, ¹⁵misyobo yoonse yabachikwangwala, ¹⁶tumba alimwi achipolo, kadoondwe alimwi kufumbwa musyobo wamagumbe.¹⁷Mwelede kusesemwa alakwe sikabandwa, insika alimwi a siyaswimuumba, ¹⁸syapililyo alimwi a sikusiku aba moomba, ¹⁹tongola, kufumbwa amusyobo wankolekole, ing'angayabayuni, alimwi aka mpembelezya akalako.²⁰Toonse tuuka tulamababa twenda amawulu aane tulasesemya kulindinywe. ²¹Mulakonzya kulya kufumbwa musyobo watuuka tuuluka oto lubo tweenda amawulu aane kupela na katujisi mawulu alempingu zyakusotoka anyika. ²²Mulakonzya kulya kufumbwa musyobo wansozi, nswabanda, ediingo nanka chamusokonia. ²³Pesi toonse tuuka tuluka tulandyasyo zyone twelede kusesemya kulindinywe.²⁴Mulasofwala kuyosika goko abanyama aba na mwaguma mutunta wabo. ²⁵Nabaani ubweza umwi wamitunta yazyo uyeleede kwaacha zisamo zyakwe alimwi ulaba usofwede mane kuyosika goko.²⁶Munyama woonse ulensumba zyanzeene kazitaanzene bumaninide nanka utaseluli ulisofwede kulindinywe. ²⁷Kufumbwa chintu cheenda abula bwacho akati kabanyama boonse ane balisofwede kulindinywe. Nabaani uuguma mutunta uliboobu ulasofwala mane likabe goko. ²⁸Kufumbwa ubweza mutunta ulibobo uyelede kwaacha zisamo zyakwe alimwi uyelede kwacha zisamo alimwi ulasofwala mane kukabe goko. Aba banyama bayosofwala kulindinywe.²⁹Kubanyama bayavula aansi anyika, aba mbibanyama banosofwede kulindinywe: silukobo, imbeeba, misyobo yoonse yabasyadolyo bapati, ³⁰ziliinde, kalindibwami, ikkwamala, ibbulu, alimwi achamuntambwe.³¹Kubanyama boonse bayavula, aba mbibanyama batondwa kulindinywe. Kufumbwa ubaguma nibafwide uyosofwala manelikabe goko. ³²Na umwi wabo wafwa alimwi wawida alichimwi chintu, echo chintu chilasofwala, nichiba chakalundwa achisamu, mulembo, chikkumba, nikuba amasaka. Kufumbwa chichibelesegwa chelede kubikwa mumanzi, chiyosofwala manelikabe goko. Mpawo chiyosalala. ³³Nkambo konse ikalongo kabulongo omo na awo munyama usofwede mpawida, kufumbwa chilimumo mukalongo chilasofwaala, alimwi mulelede kupwachula kalongo aako.³⁴Kufumba chakulya chinga chilaligwa pesi kulimanzi azwa mukalongo aka chilisofwede. Kufumbwa chinywigwa chizwa mukalongo kalibobu chilisofwede. ³⁵Kufumbwa chintu awo umwi wamitunta eyii mpawida chilasofwala, nakuti ibe woveni nichiba chitofu chinini, chelede chipocholwe tube tufwapula zilisofwede alimwi zyelede kukkala kazisofwede kulindinywe.³⁶Kasensa nakuti chikala chitekwa manzi chikkala kachisalede; pesi kufumbwani uguma mutunta ulisofwede. ³⁷Nakuti kufumbwa chimpanzi chamutunta chawida kufumbwa embuto zyakubyala, eyimbuto inochisalala. ³⁸Pesi kuti na manzi abikwa embuto, alimwi na chimwi chimpanzi chamutunta chawida alinjiyo, awo imbuto ilasofwala kulindinywe.³⁹Na umwi munyama ngomuzumizigwa kulya wafwa, awo oyo uguma mutunta wawo ulasofwala manedo kukabe goko. ⁴⁰Kufumbwa ulya umwi wamitunta uyelede kuyowacha zisamo zyakwe alimwi ulasofwala mane likabe goko. Kufumbwa muntu ubweza mutunta uliboobu ulawacha zisamo zyakwe alimwi ulasofwala mane kukabe igoko.⁴¹Munyama woonse uyavula anyika ulasesemya, tayelede pe kulyigwa. ⁴²Kufumbwa chintu cheenda aabula, alimwi, kufumbwa chenda amawulu aane, na kufumbwa chintu chilamawulu miingi - boonse banyama bayavula enyika, aba tamwelede kubalya, nkambo balasesemya.⁴³Tamwelede kulisofwazya azilenge zipona ezyo ziyavula; tamwelede kulisofwazya anzizyo, kuti mukachitwe babi anzizyo. ⁴⁴Nkambo ndime Yahuwe Leza wenu. Mulelede kulibamba musalale, abobo, alimwi ngamusalale, nkambo ndasalala. Tamwelede kulisofwazya nobeni amusyobo kufumbwa wamunyama uyenda enyika. ⁴⁵Nkambo ndime Yahuwe, wakamugwisya munyika yaku Ijiputi, kuti nzobe Leza wenu. Aboobo mulelede kusalala, nkambo ndilasalala.⁴⁶Oyu mulawu ulazyakuchita abanyama, tuyuni, zyoonse zilenge zipona ezyo zyeenda mumaanzi, alimwi ezilengwa zyoonse ziyavula anyika, ⁴⁷Kuti kube kusiyanisigwa akati kazisofweede azisalala, akati kazintu zipona zinga zilaligwa azintu zipona zinga tazikoligwa.''

¹Jehova wakati kuli Mozesi, ²''Koya ukambuule kubantu ba-Izilayeli, ukambe kuti, na mwanakazi waminta akutumbuka mwana mulombe , aboobo ulasofwala kwamazuba aakwe alimusanu abili mbuli mbakali wasofwala kwamweezi. ³Mubuzuba bwamusanu aatatu lulomo lwamwana mulombe lwelede kupalulwa.⁴Eelyo kusalazigwa kwamwanakazi kuzwa kubulowa bwakwe kuyoyimikilila anembo kwamwazuba aali makumi aatatu alatutatu. Tayelede kujata nekuba chomwe chintu chisalala na kunjila mudumba lyambungano kwamazuba akusalazigwa kwakwe katana zulila. ⁵Pesi na kwazyalwa mwana musimbi eelyo ulasofwala kwamviki zibili, mbubonya mbali kumazuba akutondwa kwakwe. Eelyo kusalazigwa kwabanyina kwinkilila kunembo kwamazuba aali makumi musanu akkumi amusanu alimwi. (60)⁶Nakamana mazuba akusalazigwa kwamwana mulombe na musimbi, welede kweeta mwana wambelele ula mwaka uumwi mbuli chipayizyo chakutentela, amwana wankwilimba na inziba mbuli chipayizyo chzibi, kumulyango wedumba lyembunganino, kumupayizi.⁷Mpawo uyopa chipayizyo eecho kunembo lya Jehova akumubozya, alimwi uyosalazigwa kuzwa kubulowa bwakwe. Ooyo mulawu wamwanakazi ooyo utumbuka mwana mulombe na musimbi. ⁸Na katakonzyi kweta mwana wambelele, eelyo weelede kweeta inziba izibili na bana benkwilimba bobile, uumwi abe mbuli chipayizyo chezibi, alimwi mupayizi uyomuswanizya, eelyo mwanakazi uyosalala.''

¹²Jehova wakambula kuliMozesi a Aloni, wakati, "Wakati kufumbwa muntu awo naaba akuzimba niiba nsanga, nikaba kabata kalibonina loko, aachikumba chamubili wakweino mpawo kanjilwa tuzunda, mpawo kwaba chilwazi³Aboobo mupayizi ulachisenuuka chilwazi muchikumba chamubili wakwe. Na kuti boya buli aabusena kulichilwazi bwatuba alimwi kuti naa chilwazi kachilangikaanga chilinikide kwinda kuba ejulu biyo lyachikumba, nkokuti mbulwazi butabukila. Musule akusenuukwa kwakwe amupayizi , welede kumwamba kuti tasalali pe. ⁴Na kuti kabata kalibonia loko muchikumba chamubili wakwe kakatuba, alimwi kakalangikaanga takabbide loko pe kunsi achikumba, alimwi kuti boya bulaabusena bulachilwazi teebwasanduka kutuba, nkokuti mupayizi welede kumupambula oyo ulaabulwazi kwamazuba musanu aabili.⁵Mubuzuba bwamusanu aabili, mupayizi weleede kumusenuuka kuti abone kuti we muluzibo lwakwe bulwazi teebwiindilia na, akutayendelela muchikumba chamubili. Kuti teebwachita boobo. ⁶Mupayizi welede kumupambula lubo kwamazuba musanu aabili. mupayizi uyoomusenuuka alimwi mubuzuba bwamusanu atubili kuti abone kuti abone kuti bulwazi buli mbubombubo, alimwi teebwiindilila akuyendebuka muchikumba chamubili. Kuti teebwindilila, mupayizi uyowambilizya kuti oyu muntu wasalala. Nifumukwa biyo. Weelede kusapa ngubo zwakwe, elyo wasalala.⁷Pele kuti fumukwa lyindilila musule akulitondeezya kwakwe kumupayizi akukusalazigwa kwakwe, ino welede kulolitondeezya lubo kumupayizi. ⁸Mupayizi uyosenuuka kuti abone kuti naa fumukwa lyindilila muchikumba chamubili. Na kuti lyiindilia, eelyo mupayizi weelede kuzibisya kuti tasalali pe. Mbulwazi butabukila.⁹Kuti bulwazi bwechikumba chamubili butabukila bwaba mumuntu, oyu muntu welede kweetwa kumupayizi. ¹⁰Mupayizi ulamusenuuka kuti abone na kakuli aazimbide katuba muchikumba chamubili, akuti na boya bwasanduka kutuba, na kuti kulinyama ichisa awo aazimbide. ¹¹Kuti kiiliwo, nkokuti mbulwazi bwachikumba chamubili butasilikiki, alimwi mupayizi weelede kuzibisya kuti tasalali. Takoomupambula pe, nkaambo tasalali kale pe.¹²Na kuti chilwazi chasaalila muchikumba chamubili woonse akuzuzya chikumba chamubili woonse mumuntu ooyo ulaachilwazi kuzwa kumutwe mane do kumawulu aakwe, mbuli mukubona kwamupayizi, ¹³elyo mupayizi weelede kumusenuuka kuti abone na chilwazi chazuzya mubili wakwe woonse. Na kakuli mbubo, mupayizi welede kuzibisya kuti muntu oyo ulaachilwazi ulasalala. ¹⁴Pele kuti kwalibonia nyama iichisa aalinguwe, unooli tasalali pe.¹⁵Mupayizi weelede kulanga nyama iichisa akumwaamba kuti tasalali pe nkaambo nyama iichisa tiisalali pe. Mbulwazi butabukila. ¹⁶Pele kuti nyama iichisa yasanduka yatuba alimwi nkokuti oyo muntu weelede kuya kumupayizi. ¹⁷Mupayizi uyoomusenuuka kuti abone naa nyama yasanduka kutuba. Na kakuli boobo, mupayizi ulazibisya kuti oyo muntu ulasalala.¹⁸Na muntu kali aakalonda achikumba chamubili alimwi kapona, ¹⁹alubo aabusena bwakalonda kwatuba kakuzimbibe niliba bbata lilibonia loko, kalisalala salala - butuba, ino lyeelede kutondeezegwa kumupayizi. ²⁰Mupayizi ulalisenuuka kuti abone na liboneka kalinikide kunsi achikumba, alimwi do boya bulimpawo bwasanduka kutuba. Na kakuli mbubo, mupayizi welede kumwaamba kuti tasalali pe. Mbulwazi butabukila, na kuti chakala aawo aakali kalonda.²¹Pele na mupayizi wasenuuka, wasikubona kuti taakwe boya butuba mulindilyo, alimwi kuti taakwe munsi lyachikumba pesi kuti lyawumbuka, eelyo mupayizi welede kumupambula kwamazuba musanu aabili. ²²Kuti bwasaalila loko muchikumba, eelyo mupayizi welede kumwaamba kuti tasalali pe. Mbulwazi butabukila. ²³Pele kuti ibbata lilibonia loko lwakalililamubusena bwalyo kalitayendebuki pe, nkokuti nibbata lyakalonda elyo mupayizi weelede kumwaamba kuti ulasalala.²⁴Kuti chikumba kachipya anyama iichisa yakupya yasalala - butuba naakuti bbata lituba, ²⁵eelyo mupayizi uyoolisenuuka kuti abone naa booya buleebbata eelyo bwasanduka kutuba, akuti naa lilangika kalinikide kunsi echikumba. Kuti kakuli boobo, nkokuti mbulwazi butabukila. Bwazwida aapyide, ino mupayizi weelede kumwaamba kuti tasalali pe. Mbulwazi butabukila.²⁶Na kuti mupayizi wasenuuka wasikujana kuti taakwe boya butuba mubbata alimwi kuti tabumo munsi aachikumba pesi lyawumbuka, awo mupayizi welede kumupambula kwamazuba musanu aabili. ²⁷Eelyo mupayizi welede kumusenuka mubuzuba bwamusanu atubili. Kuti lyasaalila loko muchikumba, awo mupayizi welede kumwaamba kuti tasalali pe. Mbulwazi butabukila. ²⁸Kuti na bbata lyakalilila mubusena bwalyo kalitasaalili muchikumba pesi lyawumbuka biyo nkokuti nkuzimba kuzwa mukupya, awo mupayizi welede kumwamba kuti ulasalala, nibbata biyo lyakupya.²⁹Na kuti mwaalumi na mwanakazi kajisi bulwazi butabukila aamutwe naaba aakalezu, ³⁰awo mupayizi welede kumusenuuka muntu ooyo kuti abone kuti naa ulabulwazi butabukila akuyanda kubona kuti do bulangika kabunikide kunsi echikumba, alimwi kuti kuli boya na bwasyamuntondo, buuba mukati. Kuti kabaliwo awo, mupayizi weelede kumwaamba kuti tasalali pe. Nchipele.³¹Na kuti mupayizi wasenuuka chilwazi chibaba akubona kuti tachiwo kunsi echikumba, alimwi kuti takwe boya busiya mukati, awo mupayizi ulamupambula muntu alaabulwazi bubaba kwamazuba musanu aabili.³²Aabuzuba bwamusanu atubili mupayizi uyosenuuka bulwazi akubona kuti teebwasaalila na. Kuti kakutakwe boya bwasyamuntondo, alimwi kuti bulwazi kabulangika kuti bulinikide kunsi aachikumba, ³³awo welede kunyoolwa, pesi busena bulechilwazi tabweelede kunyoolwa pe, alimwi mupayizi welede kumupambula muntu ulaabulwazi kwamazuba musanu aabili lubo.³⁴Mubuzuba bwamusanu aabili mupayizi uyosenuuka bulwazi kubona kuti bwimikila na kusaalila muchikumba. Kuti kabulangika kutanika kwinda chikumba, awo mupayizi welede kumwaamba kuti ulasalala. Oyo muntu welede kusapa zisamo zyakwe, aboobo uyoosalala.³⁵Pesi kuti bulwazi bubaba bwasaalila loko muchikumba musule mupayizi kali wamwaamba kuti ulasalala, ³⁶eelyo mupayizi welede kumusenuuka lubo. Na bulwaazi bwasaalila muchikumba, mupayizi tachelede kuyandula boya bwasyamuntondo pe. Muntu oyu tasalali pe. ³⁷Pesi kuti mumaboneno amupayizi bulwazi bubaba bwiimikila kusaalila alimwi boya busiya bwamena mubusena obo, nkokuti bulwazi bwapona. Ulasalala alimwi mupayizi welede kumwaamba kuti ulasalala.³⁸Na kuti mwaalumi naba mwanakazi kalaa mabata atuba aachikumba, ³⁹mupayizi welede kumusenuuka oyo muntu kuti abone kuti mabata taatabukili loko, nkokuti ndifumukwa lyafumpuka muchikumba. Ulasalala.⁴⁰⁴¹Kuti susu lyamwaalumi lyakuluka mumutwe wakwe, ngusimpanza, pesi ulasalala. Na susu lyakwe lyakuluka kunembo amutwe wakwe, alimwi nkumu yakwe kiitakwe susu, ulasalala.⁴²Pesi kuti kakuli kalonda kasalala salala - butuba aampanza yakwe aankumu, mbulwazi butabukila bwamunjila. ⁴³Elyo mupayizi welede kumusenuuka kuti abone do kuzimba kwabusena bulechilwazi chitabukila muchikumba. ⁴⁴Kuti kakuli boobo, nkokuti ulaabulwazi butabukila alimwi tasalali. Mupayizi nchobeni kumwaamba kuti tasalali pe nkaambo kachilwazi chakwe chilaamutwe wakwe.⁴⁵Muntu ulaabulwazi butabukila weelede kuzwata zizwato zidelukide, susu lyakwe lyelede kulengelela biyo alimwi weelede kuvumba busyu bwakwe kusika aampemo yakwe alimwi koompolola, 'Nsisalali, nsisalali.' ⁴⁶Mazuba woonse ngalabulwazi butabukila unooli katasalali. Nkaambo tasalali abulwazi bukonzya kusaalila, weelede kukala alike. Weelede kukkala kunze amusasa.⁴⁷Chisamo chatapukilwa tuzunda twachipele, nichiba chaboya naa chabuluba, ⁴⁸kufumbwa chilukidwe kuzwa kuboya nikuba kubuluba naa chikumba kufumbwa chintu chakachitwa eechikumba - na kuti kakuli twatapukila twakamweemvwe naa tusalala - ⁴⁹salala aachisamo, aachikumba, chintu chilukidwe kufumbwa chintu chakabambwa kuzwa kuchikumba nkokuti nchipele chisaalila; cheelede kutondeezegwa kumupayizi.⁵⁰Mupayizi weelede kuchisenuuka echo chintu kuti inga chilaba atuzunda twachipele na; weelede kupambulwa kufumbwa chintu chilaatuzunda twachipele kwamazuba musanu amazuba obile. ⁵¹Weelede kuzoosenuuka lubo kubawo kwachipele buzuba bwamusanu atubili. Naa chasaalila muchisamo na kufumbwa chilukidwe aboya nichiba chikumba kufumbwa kuti mulinchincho mwakabelesegwa chikumba, nkokuti, nchipele chijaya nkokuti echo chintu tachisalali. ⁵²Weelede kuchuumpa echo chisamo, nichiba chilukidwe aboya naa buluba, nichiba chikumba kufumbwa chakachitwa aachikumba kufumbwa chintu mulinchicho mujanika chipele chijaya, nkaambo chilakonzya kuzyala bulwazi . Echo chisamo chelede kutetwa loko mane chilote.⁵³Kuti mupayizi wachisenuka chisamo eecho,mpawo wabona kuti tuzunda twachipele tetwasaalila muchisamo naa muchisamo chilukidwe aaboya naa buluba nichiba chikumba, ⁵⁴elyo uyoobalayilila kuti bachisape echo chisamo mulinchicho mwajanika tuzunda twachipele , alimwi weelede kuchipambula lubo kwamazuba musanu amazuba obile. ⁵⁵Elyo mupayizi uyosenuuka chisamo musule aakusapwa kwacho echo chisamo chajanika atuzunda twachipele. Na chipele techasanduka mubala nikuba kuti techasaalila, tachisalali pe. Weelede kuchuumpa echo chisamo, nikuba kuti mpaali mputwachitapukila tuzunda twachipele.⁵⁶Na mupayizi wachisenuuka chisamo, alimwi kuti aalya ayeeyelwa tuzunda twachipele atubuluka nichisampwa , awo welede kudelula chibela chakatapukilwa kuzwa kuchisamo choonse nikuba kuzwa kuchikumba, naa kuzwa kuchisamo chilukidwe. ⁵⁷Naa kuti aawo aakalokela ziyeeyelwa kuti zilaatuzunda twachipele muchisamo kazichiboneka, naa muchisamo chilukiidwe , nikuba muchintuunzi zwacho chechikumba, nkokuti chilikusaalila. Weelede kuumpa kufumbwa chintu chileechipele. ⁵⁸Chisamo , kufumbwa chilukidwe kuzwa kuboya nikuba buluba, naa chikumba - naa kufumbwa chintu chakachitwa aachikumba - naa wachisapa chintu echiya, echiya chakatampukilidwe chazwa, awo chintu eecho ngachisapwe lubo lwabili, elyo chiyoosalala.⁵⁹Ooyu ngomulawo aatala azeziya zitapukila chaboya naa kuti chabuluba, naa kufumbwa chilukidwe kuzwa kuboya naa buuba, nikuba chikumba, kufumbwa chintu chakachitwa achikumba, kuchitila kuti uchaambe chilasalala naa kuti tachisalali.

¹Jehova wakaambula a Mozesi, wakati,'' ²00yu nguyoba mulawu wabantu basimalwazi mubuzuba bwakwe bwakusalazigwa. Welede kweeta kumupayizi.³Mupayizi uyoozwa mugunzi, kuyoolangisisya muntu kuti bulwazi bwachikumba butabukila bwaponana. ⁴Mpawo mupayizi uyolayilila kuti ooyo welede kusalazigwa welede kubweza tubbili tupona, tuyuni tuswankukide, musamuwa seela, sikaleti yani, ahayisopu. ⁵Mupayizi uyomulayilila kuti akajaye kamwi kayuni aatala amanzi mapya aali mukalonga.⁶Awo mupayizi uyoobweza kayuni kuumbulu amusamu wa seda, asikaleti yani ahayisopi alimwi uyanike zyoonse zintu eezi, aantomwe akayuni kawumbulu, mugazi lyakayuni kakajayigwa aatala lyamaanzi mapya, ⁷Mpawo mupayizi uyoosansila maanzi aya kumuntu welede kusalazigwa kuzwa kubulwazi tuli musanu atubili, alimwi mupayizi uyowambilizya kuti wasalala. Mpawo Mupayizi uyowangunona kayuni kawumbulu mumyundai julikide.⁸Muntu uulikusalazigwa uyoosanzya zisamo zyakwe, uyoogela susulyakwelyoonse, akulisanzya mumaanzi, aboobo uyosalala. Musule lyabobo welede kuza mugunzi, pesi uyookala aanze ebbakasa lyakwekwamazuba musanu aabili. ⁹Mubuzuba bwamusanu aabili welede kugela susu lyakwe lyoonse mumutwe, alimwi weelede kugela ndezu azikowe zyakwe. Welede kugela lyoonse susu lyakwe, alimwi welede kusanzya zisamo zyakwe akusamba lwakwe mu maanzi, mpawo unooli wasalala.¹⁰Mubuzuba bwamusanu aatatu welede kubweza bana ba mbelele beenze bobile batakwe kampenda, komwe kakabelele kapwizikatakwe kampendakabi kali aamunyaka omwe wakazyalwa, atutatu kukkumi lyaka efa kafulawa iswenene amafuta mbuuli chipo chazilyo, atanda lyomwe lyamafuta. ¹¹Mupayizi umusalazya uyoyimikizya muntu uyelede kusalazigwa, aantomwe azeezyo zintu, kunembo lya Jehova kumulyango wabbakasa lyamuswaangano.¹²Mupayizi uyoobweza kana kakabelele keenzeakukaaba mbuuli chipo chakulibeteka, antomwe atanda lyamafuta, uyobabekelela kuchipo chakulekelela kunembo lya Jehova. ¹³Welede kujaya mbelele ngenze mubusena mubajayila chipo chakubisya azipo zitentwa, mubusena bwa chikombelo, nkaambo chipo chakubisya ncha mupayizi, mbuuli mbukubede chipo chakulibeteka, nkaambo nchisalali loko.¹⁴Mupayizi uyoobweza limwi gaze liyachipo chakulibeteka akulibika aampela lyakutwi kwakuchilisyo chamuntuuyelede kusalazigwa, kuchaala chakukuboko kwakwe kwakuchilisyo, ¹⁵Mpawo mupayizi uyoobweza mafuta kuzwa mutanda atile mujaanza lyakwe lyakuchimweensi, ¹⁶atompe kanwe kakwe mumafuta aalimujaanza lyakuboko kwechimweensi, asansiile aamwi mafuta akanwe kakwe kaliikwindulula tuli musanu atubili kunembo lya Jehova.¹⁷Mupayizi uyobika amwi mafuta aali mujaanza lyakwe kupmela yakutwi kwamuntu uyanda kusalazigwa,akuchaala chakwe chakukuboko kwakuchilisyo, Weelede kubika mafuta aaya atala lya ganzi aazwa kuchipo chakuli beleka, ¹⁸kumafuta amwi achaala mujaanza lyamu payizi, uyoowabika aamutwe wamuntu uuyand kusalazigwa, alimwi mupayizi uyoowamba milandu yakwe kunembo lya Jehova.¹⁹Mpawo mupayizi uyoopa chipo chazibi akwaambilizya ooyo uyanda kusalazigwa akambo kabusofwaazi bwakwe, alimwi musule lyaboobo uyoojaya chipo chaku lenta. ²⁰Mpawo mupayizi uyopa chipo chakutenta chipo chazilyo aachipayiililo, mupayizi uyomwambilizya muntu ooyu, alimwi mpawo uyoba musalali.²¹Nikuba boobo, kuti muntu ooyu kali muchete katakwe lubono oolu, aawo uyobweza mbelele ngenze yomwe ikabe chipo chakuli beteka chiyolekelelwa, kukumuchitila chaambilizyo, akamwi kakkumi lyamunsuma wafulawa iswenene amafuta kuti chibe chipo chazilyo, atanda lyamafuta kuti chibe chipo chazilyo, atanda lyamafuta, ²²aantomwe anziba zyobile naakuti bana benkwilimba bobile, kufumbwa nzyakkonzya akujana; kayuni komwe kayoba chipo chazibi kamwi kakabe chipo chakutenta. ²³Mubuzuba bwamusanu atutatu weelede kuzyeeta kukusalazigwa kumupayizi, kumanjililo aabbakasa lya muswaangano, kunembo lya Jehova.²⁴Mupayizi uyobweza mbelele yachipo, alimwi uyoyibweza atanda lyamafuta amu olivi, alimwiuyoozinyampwida mujulu awo. nazotondezya kuli Jehova. ²⁵Uyojaya mbelele yachipo chakulibeteka, alimwi uyobweza limwi gaze lyachipo chakulibeteka akulibika ampela lyakutwi kwachilisyo kwayoyo uyanda kusalazigwa akuchaala chakuboko kwakwe kwachilisyo, akuchaala chakuulu kwakwe kwachilisyo.²⁶Mpawo mupayizi uyotulida amwi mafuta mujanza lyakuboko kwakwe mwini kwachimweensi. ²⁷Alimwi uyoosansila akanwe kakwe kachaamwi mafuta aali mujanza lyakwe lyachimwensi kayindulula kuli musanu atubili kunembo lya Jehova.²⁸Mupayizi aawo uyobika amwi mafuta aali mukuboko kwakwe ampela lyakutwi kwachilisyo chayooyo uyanda kusalazigwa, kuchhaala chakubokokwakwe chkuulu kwakuchilisyo, ali mbubo busena mpabika ganzi lya chipo chakulibeteka, ²⁹uyobika aamwi mafuta aachala mujaanza lyakwe aamutwe wayoyo uyanda kuslazigwa, kukuchita chaambilizyo chakwe kunembo lya Jehova.³⁰Weelede kwaba imwi nziba nakuti mwana wankwilimba, kufumbwa mbuli muntu mbakonzya kujana_ ³¹komwe mbuuli chipo chazibi akamwi mbuli chipo chaku tenta, aantomwe achipo chazilyo. Mpawo mupayizi ulachita chaambilizyo chayoyo uuyanda kusalazigwa kuli Jehova. ³²Ooyu ngumulawu wamuntu uulabulwazi bwachikumba butabukila, uutakonzyipe kujana mweelo wazipo zyakusalazigwa kwakwe.³³Jehova wakaambula kuli Mozesi a Aloni, wakati, ³⁴awo nimwaza mubusena bwa Kkenani oobo mbundakamupa mbuuli chakujata, alimwi kuti ndabika bulwazi bwa nkubi oobo bwendelela munganda mubusena mbumujisi ³⁵mpawo ooyo mwani nganda welede kwamba kuti, ''kubaanga kulindime kulichintu chili mbuuli bulwazi bwa nkubi munganda yangu.³⁶Mpawo mupayizi uyoolayilila kuti bagwisye zyoonse zili munganda katanaanjila kuti akabone bukamboni bwa nkubi, kuchitila kuti takukabi chintu chisofweede munganda. Musule lya bobo mupayizi ³⁷welede kunjila kuti akabone nganda. Welede kulangisisya kuti nkubi akubona kuti tayili kubulambo bwanganda, akubona kuti chiboneka akamwemvwemvwe kana kusalalasalala mubulindilindi bwabulambo. ³⁸Kuti nganda kayili aankubi, mpawo mupayizi ulazwa anze anganda ajale mulyango wanganda kwamazuba musanu abili.³⁹Mpawo mupayizi uyooboola lubo mubuzuba bwa musanu amazuba obile kuzolangisisya akubona kuti nkubi yeendelelana kubulambo bwanganda. ⁴⁰Kuti kayili yendelela mpawo mupayizi uyolayilila kuti bakagwisye mabwe aayo ali azitondeezyo zya nkubi alimwi basowe mubusena busofweede aanze adolopo.⁴¹Uyooyanda kuti boonse bulambo bwa mukati kenganda bupalwe, alimwi beelede kubweza zyoonse zitabukilidwe bulwazi zyapalwa bazitole aanze adolopo bakazisowe mubusena busofweede. ⁴²Beelede kuyoobweza amwi mabwebabike oomu mwagwisigwa mabwe, alimwi beelede kubelesya bulongo bupya kukubuumuna nganda.⁴³Kuti nkubi yaboola lubo akutabukila munganda oomo mwakagwisigwa mabwe alimwi alimwi bulambo bwaka palwa akubuumunwa lubo, ⁴⁴Awo mupayizi welede kunjila akulangisisya nganda kuti abone kuti kubi yasaalila, nkokuti nkubi ilajaya yasaalila, nkokuti nkubi ilajaya alimwi nganda ilisofweede.⁴⁵Inganda yeelede kumwayigwa. mabwe, mapulanga abuulongo boonse bwakubuumuna munganda bwelede kubwezwabukasowegwe mubusena busofweede kunze aadolopo. ⁴⁶Mukuyungizya, kufumbwa uunjila munganda mumazuba ngiijalidwe uyoosofwala mane golezya. ⁴⁷Kufumbwa ulala munganda weelede kusanzya zisamo zyakwe, alimwi kufumbwa walyida munganda weelede kusanzya zisamo zyakwe.⁴⁸Kuti mupayizi wanjila munganda kukuyilangisisya kuti abone kuti nkubi yasaalila na munganda musule akubumunwa bupya, mpawo, kuti nkubi yamana, uyoowambilizya kuti nganda yasalala.⁴⁹Mpawo mupayizi welede kubweza tuyuni tobile twakusalazya nganda, azisamu zya seda, asikaleti yaani, ahayisopu. ⁵⁰Uyojaya kamwi katuyuni aatala lyamaanzi kumulonga ⁵¹uyoobweza zisamu zya seda, ihayisa isikaleti yani, akayuni kawumbulu, akuzinika mugazi lyakayuni kajiigwa mumaanzi mapya, akusansiila nganda musanu atubili.⁵²Uyosalazya nganda agazi lya kayuni amaanzi mapya, akayuni kawumbulu, azisamu zya seda, Hayisopu asikaleti yaani. ⁵³Pesi uyoleka kayuni kawumbulu kakeenda kuzwa mudolopokuya kumasena aajulikene. Mulieeyi nzila weelede kuchita chaambilizyo changanda, alimwi iyoosalala.⁵⁴Ooyu ngomulawu wamalwazi aachikkumba woonse atabukila. azintu zyeetelezya malwazi aali boobu, alimwi akukubabwa, ⁵⁵alimwi azya nkubi muzisamo amunganda . ⁵⁶Kukuzimba, kukufumuka, akubbazu libalukide, ⁵⁷kukubona kuti ndiilili chimwi chazyiimo eezi nichisofweede nakuti kusalala. Ooyu ngomulawu wamalwazi aachikkumba aatabukila ankubi.

¹Jehova wakambila Mozesi a Aaloni kuti, ²''Amwaambile bana ba Izilayeli, akwamba kuti kulimbabo, 'Na muntu wasensa kuzwa kumubili wakwe, ulasfwala. ³Kusofwala kwakwe kuba akaambo kakusensa. Na mubili wakwe ulasensa nekuba wakangwa kukusensa, ulisofweede.⁴Kufumbwa bulo mpalala bulasofwala, achoonse nchakkala chilasofwala. ⁵kufumbwa uguma bulo bwakwe ullelede kusanzya zizwato zyakwe akulisanzya mumanzi, akusofwala mane kusikila kumabbililo.⁶Ayooyo ukkala kufumbwa chikkalo sikusensa nchakkede, oyo muntu uleelede kusanzya zizwato zyakwe akusamba mwini mumanzi akusofwala mane kusikila kumabbililo. ⁷Ayooyo uguma mubili wasikusensa uleelede kusanzya zizwato zyakwe akusamba mwini, akusofwala mane kusikila kumabbililo.⁸Na muntu ulesenselwa waswida umwi utasofwede, elyo oyo muntu ulelede kusanzya zizwato zyakwe akusamba mwini mumanzi, alimwi uyosofwala mane kusikila kumabbililo. ⁹Kufumbwa chikkalilo nchakkala sikusensa chilasofwala.¹⁰Lino oyo uguma nechiba chimwi chintu nchakakkede sikusensa ulasofwala mane kusikila kumabbililo, ayooyo ubweza zintu ziliboobo uleelede kusanzya zizwato zyakwe akusamba mwini mumanzi; uyosofwala mane kusikila kumabbililo. ¹¹Kufumbwa muntu sikusensa ngwaguma katana samba maboko aakwe amanzi ulelede kusanzya zizwato zyakweakusamba mwini mumanzi, alimwi uyosofwala mane kusikila kumabbililo. ¹²Kufumbwa chilongo nchajata sikusensa chilelede kupwachulwa, azyoonse zilongo zyachisamu zilelede kukumbwa mumanzi.¹³Lino sikusensa nasalazigwa kuzwa kukusensa kwakwe, eelyo uleelede kuli balila mazuba musanu aabili akusalazigwa kwakwe; elyo ulelede kusanzya zizwato akusamba mwini mumanzi ayenda, mpawo uyosalala. ¹⁴Muzuba lyamusanu aatatu uleelede kubweza inziba zyobile akuza kunembo lya Jehova amulyango watente lyakubunganina; oko nkwayelede kupeda bayuni kumupayizi. ¹⁵Mupayizi ulelede kuzituula, imwi ibechipayizyo chezibi alimwi imwi ibe chipayizyo chakutenta, alimwi mupayizi ulamuvumbila milandu yakwe kubusyu bwa Jehova nkambo kasenselwa lyakwe.¹⁶Na mwalumi wasowa bwalumi bwakwe, elyo ulelede kusamba mubili wakwe woonse mumanzi, uyosofwala mane kusikila kumabbililo. ¹⁷Azyakusama zyoonse naba matobo oonse alokeledwe bwalumi zilelede kusanzigwa amanzi; ziyosofwala mane kusikila kumabbililo. ¹⁸Na mwalumi woona amwanakazi alimwi wasuba bwalumi bwakwe, boonse bobile balelede kusamba mumanzi akusofwala mane kusikila kumabbililo.¹⁹Na mwanakazi waya kumwezi, kusofwala kwakwe kulayinkilila kwamazuba musanu aabili, alimwi kkufumbwa utakamugume uyosofwala mane kusikila kumabbililo. ²⁰Awoonse mpalala muchindi chakusensa kwakwe alasofwala; awonse mpakkala alasofwala.²¹Kufumbwa muntu uguma bulo bwakwe ulelede kusanzya zizwato zyakwe akusamba mwini mumaanza; oyo muntu uyosofwala kusikila kumabbililo. ²²Kufumbwa uguma kufumbwa chintu nchakkala uleelede kusanzya zizwato zyakwe mwini mumanzi; oyo muntu ulasofwala kusikila kumabbililo. ²³Nekuba kuti mpaabulo nekuba kufumbwa chintu nchakkala na kuti wachiguma, oyo muntu uyosofwala kusikila kumabbililo.²⁴Na muntu wonawe , alimwi kuti isenselwa lyakusofwala kwakwe lyamuguma, uyosofwala kwamazuba musanu aabili. Bulo boonse awawo mpalala kulasofwaala.²⁵Na mwanakazi wanjila kumwezi kumwezi kwamazuba miingi atali mazuba muchindi chakwe chakusensa bulowa nekuba kwindilizya mazuba akusensa bulowa nekuba kwindilizya mazuba aakusensa kwakusofwala kwakwe, uyooba alimwi mbuli mumazuba ngali muchiindi chakusensa kwakwe. Ulisofwede. ²⁶Kufumbwa bulo mpalala kuchindi choonse chakusensa bulowa chiyoba kulinguwe mbuli bulo mbwalala kuchindi chakunjila kumwezi, alimwi kufumbwa chintu chonse nchakkala chiyosofwala mbuli kusofwala kwakwe kwachindi chakunjila kumwezi. ²⁷Kufumbwa muntu uguma nechiba chomwe chazeezyo zintu uyosofwala; ulelede kusanzya zizwato zyakwe akusamba mwini mumaanzi, alimwi uyosofwala kusikila kumabbililo.²⁸Pesi na wasofwazigwa kuzwa bulowa kukusensa kwakwe, elyo uyolibalila mazuba musanu aabili, alimwi musule azezyo uyosalala. ²⁹Mubuzuba bwamusanu atatu uyobweza inziba zyobile nekuba bana benkwilimba bobile akubayeta kumupayizi kumanjililo etnte lyakubunganina. ³⁰Mupayizi uyopeda kayuni komwe mbuli chipayizyo chezibi akamwi mbuli chipayizyo chakutenta, alimwi uyovumba mulandu wakusofwala kwakusensa bulowa kunembo lya Jehova.³¹Mbubobu mboyelede kwanzania bantu ba Izilayeli kuzwa kubusofwazi bwabo, elyo tabakoyofwa nkambo kabusofwazi bwabo, akusofwazya idumba lyangu lyakukombela, oomo mwendikkala akati kabo.³²Eyi njemilawu yakufumbwa muntu ulasenselwa, yakufumbwa mwalumi usuba bwalumi bwakwe akumusofwazya, ³³Kufumbwa mwanakazi unjila kumwezi, akufumbwa muntu ulaasenselwa, naba mwaalumi naba mwanakazi, alimwi akufumbwa mwalumi ukkala amwanakazi usofwede.''

¹Jehova wakamba kuli mozesi- eechi chakali chiindi chakufwa kwabana balombe ba Aloni bobile nibakiinda afwafwi aJehova alimwi bakafwa. ²Jehova wakati kuli Mozesi," Aambila Alonimunyokwe alimwi umwambile kuti atanozi kufumbwa chiindi mubusena busalalisya mukati kachisitikizyo, kunembo lyachivunisyochakubozezya eecho chilabbokesi lyamulawo. Na wachita uyoofwa, nkaambo ndalibonia mujoba aajuulu achivunisyo chakubwedezegwa.³Aboobo mbobu Aloni mbelede kuza mubusena busalala. Weleede kunjila akapule kaniinini kangombe mbuli chipayizyo chachibi, amugutu mbuli zipayizyo zyakutenta. ⁴Welede kuzwaata idembo lisalalisya atelemuka, alimwi azwate dembo litelemuka munsi lyakwe, alimwi welede kuzwata lukumba mulukumba lyalembo litelemuka aachimbala chasani lituba mumutwe. Eezi zikkobela zisalala weleede kusamba mubili wakwe mumaanzi alimwi eelyo alizwatike zikobela eezi. ⁵Weleede kubweza kuzwa kubbungano yabantu ba Izilayili mpongo ngalumi zyobile mbuli chipayililo chachibi amugutu mbuli chipayizyo chakutenta.⁶Eelyo Aloni weleede kutula mupule wangombe mbuli chipayizyo chchibi, eecho chiyooba chakwe kuti aliboozeezye ampuli yakwe. ⁷Eelyo weleede kubweza mpongo zyobile aazyete kunembo lyaJehova kumulyango watente lyakubunganina.⁸Eelyo Aloni weleede kuwala chisolo kumpongo zyobile, choomwe chisolo cha Jehova, alumwi chimwi chisolo chakampongo keswelelo. ⁹Eelyo Aloni welede kweeta mpongo eeyo yawidwa chisolo cha Jehova, alimwi apede mpongo eeyo mbuli chipayizyo chazibi. ¹⁰Pesi mpongo yawidwa chisolo champongo yenswelelo yelede kweetwa kunembo lya Jehova, kayichipona kubozezya akwiitandilwa mbuuli mpongo ye nsowelelo munkanda.¹¹Eelyo Aloni welede kweeta mupule wangombe mbuli chipayizyo chachibi, chitabe chakwe welede kulibozezya we ampuli yakwe, eelyo welede kujeya mupulewangombe mbuli chipayizyo chachibi kulinguwe.¹²Aloni welede kubweza chitentelo chizwide makala amulilo kuzwa kuchipayililo kunembo lya Jehova, amaanza aakwe aazwide tumunkilizyo tunante akweta zintu eezi mukati kachisitikizyo. ¹³Ooko welede kubikka tununkilizyo amulilo kunembo lya Jehovas kuti ijoba kuzwa kutununkilizyo livumbe chivunisyo chakubozeezya ajulu lyachizuminano chamulawu mwelede kuchita eechi kuti atafwi.¹⁴Eelyo welede kubweza bumwi bwabulowa bwamupule wangombe akubusansayila akanwe kwakwe kunembo lyachivunisyo chakubozezya. Welede kusansayila bumwi bwabulowa amunwe wakwe zyiindi zilimusanu azibili kunembo lyachivunisyo chakuboozya.¹⁵Eelyo welede kujaya mpongo yachituzyo chachibi nkukuti chabantu akweeta bulowa bwayo mukati kachisitikizyo. Ooko weleede kuchita mbuli mbwakachita kubulowa bwamupule wangombe: weleede kubusansayila aatala kwachivunisyo chakubozezya akunembo lyachivunisyo chakuzeezya. ¹⁶Weleede kuchita kubozezyana kwabusena busalalisya nkaambo kachinto zibi zyabantu ba Izilayili akaambo kakupapila azibi zyabo zyoonse. Weleede kuchitaeezi akudumba lyakubunganina ooko Jehova nkwakala akati kabo, abuliowo bwanchinto zyabo zibi.¹⁷Takwe welede kuba mudumba lyakubunganina aawo Aloni nanjila akuchita ziboozyo amubusena busalala, mane azwe aanze amanisya kuchita chibozezyo chakwe mwini ampuli yakwe ambungano yoonse ya Izilayili. ¹⁸Weleede kwiinka aanze achipayililo kunembo lya Jehova akuchita chiboozyo chacho, akubweza bumwi bwabulowa bwamupule wangombe abumwi bulowa bwampongo akububikka ameja achipayilo chizyunguluka choonse. ¹⁹Weleede kusansayila bumwi bwabulowa aatala akamwe kakwe tulim tulimusanu atubili kukuchisalazya akuchibambila Jehova, kuzwa kunchinto zitasalali zyabantu ba Izilayili.²⁰Na wamanisya kubozezya busena busalala tente lyakubunganina, achipayililo, welede kupendekezya mpongo ngumi. ²¹Aloni welede kubikka maboko aakwe oonse amutwe wampongo ipona akwambilila alinjiyo boonse kukachilwa kwabantu ba Izilayili, akupapila kwabo, azibi zyabo zyoonse. Eelyo welede kubika bubi amutwe wampongo akwitanda mpongo nkilangwidwe amuntu ulibambilide kuzwilwida mpongo munkanda. ²²Mpongo ibweze bubi alinjiyo boonse bwabantu kubusena butakwe muyoliliyoli. Ooko kunkanda mwalumi welede kuleke mpongo yiinke akwangunuka.²³Eelyo Aloni welede kubweda mutente lyakubunganina akugwisya chizwato eecho nchazweete katananjila mubusena busalala akuyosiyAa zizwato eezyo mukati. ²⁴Welede kusamba mubili wake mumaanzi mubusena busalala akuzwaata zizwaato zyakwe; eelyo azwe aanze atula chipayilo chakutenta chabantu, alimwi munzila eeyi achite chiboozo chabantu bakwe achabantu.²⁵Welede kutenta mafuta achipayililo chachibi aatala achipayililo. ²⁶Mwalumi ooyo uleka mpongo yanswelelo welede kusanzya zyakusama zyakwe akusamba mubili mumaanzi; kuzwa aawo abole kumusasa.²⁷mupule wangombe wachipayizyo chchibi ampongo yachipayizyo chachibi uula mubola bwaketwa kuchita chiboozyo mubusena busalala, weleede kubwezwa akutolwa aanze amusasa. Ooko bakatente zitobo nyama, abufumba. ²⁸Mwalumi ooyo uitenta zipayiizi welede kusanzya zikobela zyake akusamba mumaanzi, musule azeezi, weleede kubola kumusansa.²⁹Uoba mulawo kulindinywe moonse kuti mumwezi wamusanu ayibili, mubuzuba bwakkumi bwamweezi, welede kulibombya akutachita mulimo, nikuba mwana muzyale na muzwakule ooyo upona aakati kanu. ³⁰Eechi nkaambo mubuzuba bwakuboozyo chiyochitilwa nduwe akukusalazya kuzwa kuzibi zyanu zyoonse eelyo uyosalala kunembo lyaJehova. ³¹Ndizuba lisalala litegwa Sabata lyakulyokezya kwanu alimwi welede kulibombya akutachita mulimu ooyu. Ooyu uyoba mulawu aakati kanu moonse.³²Mupayizi mupati, ooyo utakananikwe akubinkwa kuba mupayizi mubusena bwawisi welede kuchiita chiboozye akuzwaata chikobela chitelemuka, nkukuti, chikobela chisalala. Weleede kuchiita kuboozya kwabusena bvusalalisya. ³³Welede kuchita chiboozyo chatenti lyakubunganina akwachipayiyilo, alimwi welede kuchita kuboozya kwabapayizi akwabantu boonse bambungano.³⁴ooyu uyooba mulawu wanu kwalyoonse kuchita kboozya kwabantu ba Izilayili nkaambo kazibizyabo zyoonse kamwi mumwaaka umwi awumwi lyoonse.''Eechi chakachitwa mbuli Jehova mbwakalayilila Mozesi.

¹Jehova wakambula a Mozesi, kuti, ²''Kambile Aaloni abana bakwe balombe aboonse bantu ba Izilayeli. Ubabuzye eezyo Jehova nzyakulayilila: ³Kufumbwa mwalumi uzwa ku Izilayeli ujaya musune, kana kabelele, nikuba wajayila kunze kwamusasa, kuti achite chipayizyo - ⁴Na tayeta kumulyango wedumba lyakubunganina kuti achipe kachili chipayizyo kuli Jehova katanasika kudumba lyakukombela, ooyo muntu ulamulandu wakutila bulowa, alimwi muntu oyo welede kugusigwa akati kabantu bakwe.⁵Makanze amulazyo ooyu ngakuti bantu ba Izilayeli bayoyeta zipayizyo zyabo kuli Jehova kumulyango wadumba lyakubunganina, kumupayizi kuti batule ziipo zyabulyidilane kuli Jehova, kwinda kuti bapayizye zipayizyo alubuwa. ⁶Mupayizi uyosansiila bulowa kuchipayililo cha Jehova kumulyango wedumba lyakubunganina, uyowumpa mafuta nkambo kanchicho kuti bagwisye bweema bununkilila kuli Jehova.⁷Bantu tabachelede kupa zipayizyo zyazikozyanio zyempongo, nkambo bachita aanga mbaamu. Ooyu ngomulazyo unoliwo kwalyoonse kumazyalane abantu babo.⁸Welede kwamba kuti kulimbabo, 'Kufumbwa wakwa Izilayili, nikuba kufumbwa muzwakule ukkala ambabo, uupa chipo chakumpilizya nikuba chipayizyo ⁹alimwi tacheeta kumulyango wedumba lyakubunganina kuti akonzye kupayilila kuli Jehova, ooyo mwalumi welede kugwisigwa kuzwa akati kabantu bakwe.¹⁰Na umwi muntu wan'anda yakwa Izilayeli, nikuba muzwakule uukala aakati kabo walya gazi, ndiyoomubusizya bukkali bwangu ooyo muntu uulya gazi alimwi ndiyoomugwisya kuzwa kubantu bakulimbabo. ¹¹Nkambo buumi bwamunyama bulimulubulowa bwakwe. Ndamupa bulowa bwabo kulindinywe kuti muchite chozezyo kuchipayililo nkambo kabuumi bwenu, nkambo mbulowa ibuchita kubozezya, nkambo mbulowa bubozya buumi.¹²Nkinkako ndamba kubantu ba Izilayili kuti takwe akati kenu welede kulya bulowa, nikuba muzwakule ukkede akati telede kulya bulowa. ¹³Kufumbwa wabantu bakwa Izilayili, nkuba kufumbwa muzwakule ukkala akati kanu, uvwima banyama na bayuni belede kulyigwa, oyo muntu welede kutila bulowa bwako alimwi akuvumba anyika.¹⁴Nkambo buumi bwamunyama buli mubulowa. Nkinkaako nchindakamba kubantu ba Izilayili, 'tamwelede kulya kufumbwa bulowa bwamunyama, buumi bwamunyama oonse buli mubulowa bwakwe, kufumbwa ubulya welede kutandwa.''¹⁵Imuntu wonse oyo ulya munyama walifwida nikuba wajayigwa abanyama bamusokwe, nikuba muntu uzyaligwa mumonya nikuba muzwakule ukkala akati kabo, welede kusanzya zisamo zyakwe, akulisanzya amanzi, alimwi uyosofwala kusika goko. Eelyo uyosalala. ¹⁶Pesi kuti tasanzya zisamo zyakwe welede kunyampula mulandu wakwe.''

²Jehova wakambula kuli Mozesi, kuti ¹" Ambula kubantu baIzilayeli alimwi wambe kulimbabo, 'Ndime Jehova Leza wanu . ³Mutakachiti zintu nzibakali kuchita bantu bamu Ijipiti, ooko nkumwakali kukkalakuchindi chakayinda. Mutakachiti zintu eezyo bantu bamuKkenani, kunyika nkwenjomutola. Mutakatobeli tunsiyansiya twabo.⁴Milayo yangu njomuyelede kuchita, alimwi imbeta zyangu nzimuyelede kubamba , ikuti mukeende mulinzizyo, nkaambo ndime Jehova Leza wanu. ⁵Nkinkaako amubambe milayizyo yangu amilawu yangu. Na muntu wiibamba, uyopona nkaambo kanjiyo. Ndime Jehova.⁶Kutabi muntu uswenene afwifwi awaluzubo lwakwe akuvumbula meya. Ndime Jehova. ⁷Utavumbuli chintanda chabanyoko; mbanyoko, utabavumbuli chintanda chabo. ⁸Utavumbuli chintanda chabanakazi bawuso nkambo nchitanda chawuso.⁹Utavumumbuli chintanda chamuchizi wako, nikuba kuti mwana wawuso musimbi na mwana wabanyoko, nikuba kuti wakakkomenena mumunzi wenu kana kuti kule anduwe. ¹⁰Utavumbuli chintanda chamwanako mwalumi na mwana wamwana wako wechanakazi, nkaambo chintanda chabo nchintanda chako." ¹¹Utavumbuli chintanda chamwana musimbi wamwanakazi wawuso, ngwakakomezya mumpuli yawuso, mbukuli muchizako.¹²Utavumbuli chintanda chamuchizi wawuso, nkaambo nduzubo lwa wuso. ¹³Utavumbuli chintanda chamukulana wabanyoko nkambo nduzubo lwabanyoko. ¹⁴Utavumbuli chintanda chamukulana wawuso , nkonkuti utasweni afwifwi abanakwe nkambo mbanyokulu.¹⁵Utavumbuli chintanda mukamwana nkambo mwanakazi wamwanako; toyelede kuvumbula chintanda chakwe. ¹⁶Utavumbuli chintanda chamwanakazi wamukkulanako,nchitanda chamukulanako.¹⁷Utavumbuli chitanda chamwanakazi achamwanakwe musimbi, alimwi toyelede kubweza mwana wamwana wakwe mulombe, na mwana mwana musimbi wamwana wakwe musimbi kumuvumbula chintanda chakwe. ¹⁸Utakwati mwanakazi wamukkulanako mbuli mwanakazi wako wabili akuvumbula chintanda mwanakazi wako kachipona.¹⁹Utasweni kumwanakazi akumuvumbula chintanda chakwe kuchindi chakwe chamwezi. ²⁰Utalali amwanakazi wasimabambanwa wako akulisofwazya anguwe munzila eyi.²¹Mutakapedi naba umwi wabana banu kuti bakabikwe mumulilo, kuti mukapayizye kuli Molekki, nkambo tamwelede kusampawula zina Leza wanu. Ndime Jehova.²²Utawoni amwalumi nyokwe mbuli koona amwanakazi , ayo malweza. ²³Utawoni amunyama akulisofwazya awe.Nikuba mwanakazi atalipedi koona amunyama ; olo ndupilingano.²⁴Utalisofwazyi azezi nzila, nkambo mulizezi nzila inyika zilisofwede, zisi nzyensikatande kunembo lyenu. ²⁵Inyika yakasofwala, aboobo ndapenzya chibi chabo alimwi nyika yakabaluka bantu bakede mulinjiyo.²⁶Nkikaako nywebo amubambe mbeta zyangu amilayizyo yangu, alimwi mutachiti zisesemyo ezi, naba muzyalwe waIzilayeli naba mweenzu ngumukkala awe. ²⁷Obu mbububi bantu balimunyika mbubakachita abo bamunyika eyi, abo bakakkede omu kamutanasika, alimwi lino nyika yasofwala. ²⁸Nkikaako amuchenjele kuti inyika itakamuluki anwebo mwakwisofazya, mbuli mbuyakaluka bantu bakali kunembo lyanu.²⁹Kufumbwa uchita chimwi chazisesemyo ezi, bantu bachita zintu ezi bayogwisigwa kuzwa mubantu babo. ³⁰Aboobo mubambe mbeta zyangu mutachiti ziyanza zisesemwa zyakali kuchitwa omuno kamutanasika, ikuti mutakalisofwazyi anzizyo. Ndime Jehova Leza wanu."

¹Jehova wakambula kuliMozesi, wakati, ²" Ambula ngano zyoonse zyabantu baIzilayeli alimwi uteedi kulimbabo, mulelede kusalala, nkaambo mebo ndiJehova Leza wanu ndasalala. ³Umwi awumwi welede kulemeka banyina awisi, alimwi mulelede kubamba masabatha angu. Ndime jehova Leza wanu. ⁴Mutabwedeli zikozyano zyabuyo nikuba kulichitila baleza balubulo.Ndime Jehova Leza wanu.⁵Nimutuula chituzyo chabulidilano kuliJehova, mulelede kuchitula kuti mukatambulike. ⁶Mulelede kuchilya buzuba obo mbumwachitula, na mubuzuba butobela. Na kulichasyala kusikila kuzuba lyatatu, chelede kutentwa amulilo. ⁷Na chaligwa choonse muzuba lyatatu ninyama isofwede; tiyelede kutambulwa, ⁸alimwi umwi awumwi uchilya welede kuzumina mulandu wakwe nkaambo wasofwazya ech chisalala kuliJehova, alimwi oyo muntu ulatandwa kuzwa kubantu bakwe.⁹Nimwatyola butebuzi bwanyika yanu, tamwelede kumanisya kutebula muzyooko zyamumyunda yenu, nikuba kubungika butebuzi bwanu boonse mbumwatebula. ¹⁰Mutabungiki masansa woonse kuzwa munda wamasansa, nekuba kubungika masansa ayo akawida ansi mukati kamuunda wanu, mulelede kwasila bachete abenzu. Ndime jehova Leza wanu.¹¹Mutabbi. Mutabeji. Uteni mwenzinyokwe. ¹²Utakonki chakubeja muzina lyangu akusofwazya zina lyaLeza. Ndime Jehova.¹³Utadyamizyi simabambanwa wako na kumubbida. Mpindu zyamubelesi muzike tazyelede kukkal kulinduwe mansiku woonseni kusikila kuseni. ¹⁴Utatuki musinke matwi na kubikka chilebyo kunembo lyamoofu. Pesi, kuyowa Leza wako. Ndime Jehova.¹⁵Mutachityi lubeta kuba lwabuyo. Mutatondezyi kusalula kulumwinkaambo kakuti muchete , alimwi mutatondezyi kusalula kuli umwi nkaambo muyandisi, pesi, beteka simabambanwa wako chakululama. ¹⁶Utanoyendi bulengelela bantu bako, pesi yandula kukwabilila buumi bwasimabambanwa wako. Ndime Jehova.¹⁷Utasuli mukulana wako mumoyo wako. Mwelede kutapatila simabambanwa wako chabululami mbubonya mutakabani muchibi nkaambo kanguwe. ¹⁸Utabwedezyi na kujatila kufumbwa nkoto atala kufambwa bantu bako, pesi ulelede kuyanda simabambanwa wako mboli mbuliyanda. Ndime Jehova.¹⁹Ulelede kubamba mbeta zyangu. Mutezyi kuzyazya banyama banu abanyama bamisyobo imbi. Utavwelani misyobo ibili zyambuto isiyene nubyala mumunda wako, Utazwati chisamo chakachitwa amisyobo yamilembo obile akaswanizigwa antomwe.²⁰Kufumbwa ulala amusimbi muzike uwakatangilwa amwalumi, pesi tana kupegwa mbeji na kupegwa lwangunuko, welede kusubulwa. Telede kujiigwa pe nkaambo tewakangunikide pe. ²¹Mwalumi welede kweta chipayizyo chamulandu zyakwe kuti Jehova kumulyango watente lyakubunganina - mugutu mbuli chipayizyo chamulandu. ²²Elyo mupayizi achite luswanizyo lwakwe amugutu wachipayizyo chamulando kunembo lyaJehova, wachibi eecho nchakachita. Elyo chibi nchakachita chiyolekelelwa.²³Nimuyosika munyika akubyala minsamu yamisyobo yoonse iligwa, mwelede kuchita kuti michelo njizyala ikasigwe kuligwa . Michelo yelede kukasigwa kulindinywe kwamyaka yotatwe. Tiyelede kuligwa. ²⁴Pesi mumwaka wane micheelo yoonse iyosalala, nchipayizyo chakulumbayizya kulya micheelo. ²⁵Mumwaka wamusanu mulakonzya kulya michelo, kamuli mwalindila kuti misamu izyalisye. Ndime Jehova Leza wanu.²⁶Mutalyi kufumbwa nyama ichili abulowa mulinjiyo. Mutayanduli kuziba zyajunza alimwi mutayanduli kwendelezya bamwi amanguzu abusondi. ²⁷Mutalikululi kuzyoko zyamasusuanu akumabazu amitwe yanu na kugela mamanino achilezulezu chako. ²⁸Mutanengi mibili yanu nkambo kabafu na kubika bulembo amibili yanu. Ndime Jehova wanu.²⁹Utasofwazyi mwanako musimbi akumuchita kuba simamambe, na chisi chiyowida kubumambe anyika ilazula bukompami. ³⁰Muleleede kubamba maSabata angu akulemeka busena bwadumba lyangu. Ndime Jehova.³¹Mutabwedeli kulibaabo bambula abafwide na myuuya, mutabayandawuli, elyo bayomusofwazya . Ndime Jehova Leza wanu.³²Mwelede kubuka kunembo lyamuntu ulamvwi kumutwe akulemeka buliwo bwamunene. Mwelede kuyowa Leza wanu. Ndime Jehova.³³Na mwenzu wakkala akati kanu munyika yanu, mutamuchitili kufumbwa chitaluleme. ³⁴Mweenzu ukkala andinywe abe mbuli muzyalwa mu-Isilayeli ukkala akati kanu kulindinywe, alimwi mwelede kumuyanda, nkaambo mwakali beenzu munyika yaIjipiti. Ndime Jehova Leza wanu.³⁵Mutabelesyi chakubeja mumakani akwelela nimweleka bulamfu, abulemu, na buvule. ³⁶Mulelede kubelesya chipimyo chelene, ankomesi iyelene. Ndime Jehova Leza wanu, wakamugwisya munyika yaIjipiti. ³⁷Mulelede kuswilila imbeta zyangu zyoonse amilawu yangu, akwichita. Ndime jehova.'"

¹Jehova wakambia Mozesi, kuti, ²Ambila bantu ba Izilayeli,'' Kufumbwa muntu umwi aakati kaba Izilayeli, na mwenzu ukala mu Izilayeli upedekezya bana kuli Moleki, welede kujayigwa. Bantu bamunyika belede kumutulula mabwe.³Alimwi ndiyobusizya bukali bwangu kuloyo muntuakumugwisya aakati kabantu bakwe kambo wapa mwana wakwe kuli Moleki,wakusofwazya busena bwangu busalala akubbulubania izina lyangu lisalala. ⁴Na bantu bamunyika bajala menso abo kuloyo muntu chiindi napeda umwi wabana bakwe kuli Moleki, nakuti tibamujaya, ⁵mpawo ime lwangu ndiyobusizya bukali bwangu kuloyo muntu aluzubo lwakwe, alimwi ndiyomugwisya ayoyo wamuka kuti asobane bumambi a Moleki.⁶Muntu upilukila kuyowambula abantu bambula abakafwa, na kulabo bambula amyuya kuti bamuke ambabo, ndiyobusizya bukali bwangu kuloyo muntu; ndiyomugwisya kuzwa akati kabantu bakwe. ⁷Aboobo amulisalazye alimwi musalale, nkambo ndime Jehova Leza wenu.⁸Mwelede kubamba imbeta zyangu akuzitobelezya. Ndime Jehova umucita basalali. ⁹Ooyo utuka wisi na banyina welede kujigwa. Watuka wisi na banyina, ulamulandu alimwi welede kufwa.¹⁰Mwalumi uchita bumambi amwanakazi wamwaluminyina, chamba kuti, kufumbwa uchita bumambi amwanakazi wasimabambanwa wakwe - sibumambi mwalumi asibumambi mwanakazi boonse belede kujayigwa. ¹¹Na mwalumi wona amwanakazi wawisi, uvumbula chintanda chawisi. Boonse mwana mulombe amwanakazi wawisi belede kujayigwa. Bulowa bwabo bulatala lwabo. ¹²Na mwalumi wona amukamwana, boonse belede kujayigwa. Bachita zitondwa. Balamulandu mpawo belede kufwa.¹³Na mwalumi wona awumwi mwalumi, mbuli mwanakazi, boonse aba bachita chisesemyo. Belede kwanchobeni bajigwa. Balamulandu mpawo belede kufwa. ¹⁴Na mwalumi wakwata mwanakazi wakwata abanyina lubo, obu mbubi. Belede kutentwa, boonse mwalumi abanakazi, kuti ktabi bubi akati kenu.¹⁵Na mwalumi wona amunyama, nchobeni welede kujayigwa, alimwi welede kujaya munyama. ¹⁶Na mwanakazi wayinkila munyama akona awe, mwelede kujaya mwanakazi amunyama. Nchonzyo belede kujayigwa. Balamulandu welela lufu.¹⁷Na mwalumi wabweza muchizi wakwe, mwana musimbi wayisi na mwana musimbi wabanyina, alimwi ngawamuvumbula chintanda, akubona chintanda chakwe, nchintu chipamawuse. Belede kugwisigwa kumenso abantu babantu babo. Wavumbula chintanda chamuchizi, alimwi welede kubweza mulandu wakwe. ¹⁸Na mwalumi wona amwanakazi muchindi chakwe chitondwa akuvumbula chintanda chakwe, wavumbula kukkunka kwakwe, kasensa kabulowa bwakwe. Boonse mwalumi amwanakazi belede kugwisigwa kuzwa akati kabantu babo.¹⁹Toyelede kuvumbu chintanda chamukulana abanyoko, na muchizi wawuso, kaambo uyoliyuusisya nsoni kunzubo zyako zilafwifwi. Welede kubweza mulandu wako. ²⁰Na mwalumi wona abanyinakulu, ngawubula wisilenzi. balabweza mukuli wechibi chabo, alimwi bayofwa nkabatakwe baana. ²¹Na mwalumi wakwata mwanakazi mukulana wakwe nkakuli mukulana uchipona, zyusisya nsoni. Kunoli talemeka mukulana, alimwi ime ndilobweza kubaana babo kufumbwa lubono ndubakona kubazyali babo.²²Abobo mwelede kubamba mbeta zyangu zyoonse amilayizyo yangu yoonse ; mwelede kwiswilila nkokuti nyika njindikumweta kuti mukale mulinjiyo itamuluki pe. ²³Muteendi mutunsiyansiya twenyika ntwensikagwisye kunembo lyenu,nkbali bachita eezi zintu zyoonse, alimwi ime tandichibayandi pe.²⁴Ndakati kulindinywe, '''Muyokona nyika yabo; Ndiyoyipa kulindinywe kuti mukikone ; inyika ikunka malili abuchi. Ndime Jehova Leza wanu,wakakwanzania kuzwa kulibamwi bantu. ²⁵Abobo welede kusiyanisya akati kabanyama basalala abasofwede, abayunibasofwede abasalala.Toyelede kulisofwazya abanyama basofwede na bayuni na chilengwa chiyavula anyika, eecho nchindakasala mbulizisofwede kuzwa kulindinywe.²⁶Welede kubamusalali, kuli ndime, Jehova, ndasalala, alimwi ndakakwanzania kuzwakuli bamwi bantu, nywebo mulibangu.²⁷Mwalumi na mwanakazi wambula abakafwa na wambula amyuya nchobeni welede kujayigwa. Bantu belede kumutulula mabwe. Balamulandu alimwi belede kufwa.

¹Jehova wakaambila Mozesi,'' wambila bapayizi, bana balombe ba Aloni, Alimwi ubaambile, Takwe aakati kanu uutakalisofwaazye nkaambo utakafwide bantu bakwe akati kwenu, ²Ado luzibo takwe lwafwifwi banyina , yisi mwanaakwe mulombe, mwanakwe musimbi, mukulana, ³nikuba muchizi wakwe utanaziba mwaalumi ulangilide mbuuli kuti taakwe mwulumi- nkaambo uyomuchita utasalali.⁴Pesi tayelede kuchita utasalalikuli bamwi baluzubo mpawo mpawo akulisofwaazya mwini. ⁵Bapayizi tabeelede kugela mumutwe nikuba kugela zilezu zyabo, nikuba nsimbo amibili yabo. ⁶Beelede kusalala kunembo lya Leza akutawusisya zina lya Leza wabo, bapayizi balelede kupeda chipayizyo chakulya cha Jehova, Chinkwa cha Leza wabo.Nkenkaako bapayizi balelede kusalala.⁷Tabeelede kukwata naba mwanakazi mwamu. Alimwi usofwede, Alimwi tabelede kukwata wakalekwa kuzwa kuzwa kumulumi wakwe, nkaambo balaanzene a Leza wabo. ⁸Uzomusala, nkaambo nguwe upa chinkwa kuli Leza wenu. Uwelede kuba musalali kuli ndinywe, nkamo ime, Jehova umuchita kuti musalale, Ndasalala. ⁹Kufumbwa mwana musimbi wakufumbwa mupayizi uulisofwazya, akuba sibwaamu uwusisya wisi. Uleledwe kutentwa.¹⁰Oyo mupayizi mupati akati kabakkulana bakwe, oyo ulamutwe wakatulidwa mafuta ananikidwe kuti azwate gubo lyamupayizi mupati, tabeelede kulela masusu kana kudeluula zizwato zyakwe tayelede kugela na kudelula zisamo ¹¹zyakwe.Tayelede kwiinka kufumbwa alimubili ufwida akulisofwaazya, nekuba wayisi nekuba banyina. ¹²Mupayizi mupati, tayelede kusiya busena bwaku payilila yakudumba nekuba kusofwaazya nganda yakukombela Leza wakwe,nkambo ulisalazigwe mbuuli mupayizi mupati akunanikwa kakunanikwa amafuta a Leza wakwe.Ndime Jehova.¹³Mupayizi mupati welede kukwata musimbi mbuuli mwanakazi wakwe. Tayelede kukwata mukamufu, mwanakazi wakalekwa, mwanakazi mwaamu. ¹⁴Tayelede kukwata musyobo wabanakazi aabo. Ulelede kukwata utanaaziba mwaalumi kuzwa kuluzubo lwakwe. ¹⁵Aboobo tayelede kulisofwaazya abana bakwe, Akati kabantu bakwe ndime Jehova, umuchita kuti asalale.¹⁶Jehova ewakaambula kuli Mozesi, wati, ¹⁷Ambila A loni akumwaambila, kufumbwa walunyungu lwakwe kuzwa kumazyalane aabo ulemene tayelede kutalika kutalika kupa chakulya kuli Leza wakwe.¹⁸Kufumbwa muntu ulemene tayelede kwambula a Jehova, mbuuli moofu kana mwalumi kana mwalumi takonzyi kweenda, oyo utalimbuli bayelede kuba nekuba kulaba muchiimo, ¹⁹muntu ulakuboko kulemene na kulu, ²⁰muntu uula koto kusule naba ukotede zyiindilide naa mufwifwi, na muntu ulapenzi lyamenso, na ulabulwazi, zilonda bwele na uzibidwe ²¹takwe muntu akati kamazyalane a Aloni mupayizi ulemene mubili uswena kuzochita chipo chifwa amulilo wa Jehova. Oyo mwaalumi ulemene mubili , tayelede kuswena afwifwi kukupeda chinkwa cha Leza wakwe.²²Uyelede kulya chakulya cha Leza wakwe, kana kuti bamwibasalalisya, naba bamwi basalalisya, naba bamwi basalala. ²³nekuba bobo tayelede kunjila kusila ligaanwidwe niikuba kuza afwifwiachipayililo, kambo mulima kuchitila kuti tasofwaazyi busena bwangu busalala, kambo ndime Jehova, ²⁴Aboobo Mozesi wakaamba majwi Aloni, kubana bakwe balimbe, Alimwi akuliboonse bantu ba Izilayeli.

¹Jehova wakambuula a Mozesi, wakati, ²"Ambula a Aloni abana bakwe balombe, baambile kuti basosoloke kuzintu zisalala zyabantu baku Isilayeli, eezyo nzibakabambila kuli ndime. Tabelede kuubawusya zina lyangu lisala. Ndime Jehova. ³Ubaambile kuti, 'Kuti umwi walunyungu lyako mubuzyalane boonse wasika kuzintu zisalala eezyo bantu ba Isilayeli nzibabambila Jehova, aawo nasofweede, ooyo muntu welede kugwisigwa kunembo lyangu: Ndime Jehova.⁴Takwe mulunyungu lwa Aloni uli abulwazi bwachikumba butabukila, naa kuti chilwazi chisensa kuzwa mumubili wakwe, uukonzya kulya chimwi chazipayizyo zyachitilwa Jehova ado asalale. Kufumbwa uujata kufumbwa chintu chisofweede kwindila mukugumana abafwide, naa kuti mukugumana amwaalumi usensa igoni, ⁵naa kuti kufumbwa uuguma kufumbwa chinyama chiyavula eecho chimupa kusofwaala, naa kufumbwa musyobo wabusofwaazi bunooliwo - ⁶mpawo mupayizi utakagume kufumbwa chisofweede uyosofwaala mane golezya. Tayelede kulya kufumbwa chazintu zisalala, ado kuti asambe mubili wakwe mumaanzi.⁷Aawo izuba nilyabbila, unooli wasalala. Musule akubbila kwazuba ukonzya kulya kufumbwa kuzintu zisalala, nkambo nzyakulya kwakwe. ⁸Tayelede kulya kufumbwa chintu chajanika kachifwide naa kuti chajayigwa amunyama wamulusaka, eezyo nzyakonzya kulisofwaazya anzizyo. Ndime Jehova. ⁹Mupayizi welede kutobelela malayile aangu, kuti pe balaba basimulandu wachibi alimwi bakonzya kufwa akaambo kakundinyansya. Ndime Jehova ubachita kuti basalale.¹⁰Takwe muntu aanze ampuli yamupayizi, kuswanizya beenzu bamupayizi na kuti babelesi mbawulide, ibakonzya kulya kufumbwa chintu chisalala. ¹¹Pesi kuti mupayizi wawula kufumbwa muzike a mali yakwe, ooyo muzike ukonzya kulya kuzintu zyabambilidwe Jehova. Bampuli yamupayizi abazike bazyedwe mung'anda yakwe, abalabo balakonzya kulya anguwe kuli eezyo zintu.¹²Kuti mwana musimbi wamupayizi kakwetwe awumwi muntu utali mupayizi, takonzyi pe kulya chimwi chamwaabo wazipo zisalala. ¹³Pesi kuti mwana musimbi wamupyizi ngu muka mufu, kuti wakalekwa, alimwi kuti takwe mwana, akuti wakabweeda kukukkala kung'anda yawisi mbuli mubusimbi bwakwe, ukonzya kulya chakulya chawisi. Pesi takwe muntu utali wamumpuli yamupayizi ukonzya kulya chakulya chamupayizi.¹⁴Kuti muntu walya chakulya chisalala katazizi, aawo weelede kuchibbadalila kumupayizi; welede kuyungizya kamwi kumusanu wacho alimwi achibweedezye kumupayizi. ¹⁵Bantu baku Isilayeli tabelede kunyasya zintu zisalala eezyo nzibakanyampula mujulu akupedekezya kuli Jehova, ¹⁶akulichita kuti babweze chibi eecho chiyoobapa kulibeteka mukulya chilyo chisalala, nkaambo ndime Jehova uubachita kuti basalale."¹⁷Jehova wakaambuula kuli Mozesi, wakati, ¹⁸"Ambuula a Aloni abana bakwe balombe, akubantu boonse ba Isilayeli ubaambile kuti, 'Kufumbwa muna Isilayeli nkana kuti muna sinabbanga ukkala muIsilayeli, aawo nibapedekezya zipayilo - na nchakuzuzikizya chizuminano, na kuti chipo chakuliyandila, kana bapedekezya Jehova chipayizyo chakutenta, ¹⁹kuti kachelede kutambulika, beelede kupedekezya munyama uutakwe kampenda kuzwa kung'ombe, mbelele, na impongo.²⁰Pesi toyelede kupa kufumbwa chili aakampenda. Nsikoyochitambula pe kachiimina nduwe. ²¹Kufumbwa uupa chipayizyo chazipo zyakubungana kuzwa kutanga na kulutanga kuya kuli Jehova kukuzuzikizya chizuminano, na kuti mbuli chipo chakuliyandila, tacheelede kuba akampenda kakutatambulika. Takwelede pe kuba abulima mumunyama.²²Toyelede pe kupa munyama uutakuboni, mulima, kana uutyokede, na kuti uli aabukoto, zilonda kana kuti bweele. Toyelede pe kupa zili boobu kuliJehova mbuli chipayizyo chamulilo aachipayililo. ²³Ukonzya kupedekezya mbuli chipo chakuliyandila musune kana mbelele eeyo yachiimo chinyongene naa kaniini, pesi chipo chili boobo tachikoyotambulika pe kuchizuminano.²⁴Utapi kufumbwa munyama ukubukide, upwayidwe, udelukide na kuti uzibidwe kuli Jehova. Utachiti boobo mukati kanyika yako. ²⁵Utapedekezyi chibunge chaLeza wako kuzwa kukuboko kwamuzwakule. Aabo banyama banyongene alimwi bali abulima muli mbabo, tabakoyootambulika pe kuchiimo chako."²⁶Jehova wakambula kuli Mozesi akwamba kuti, ²⁷"Chiindi mwana wang'ombe na kuti mbelele na kuti mpongo wazyalwa, welede kukkalilila abanyina kwamazuba musanu aabili. Mpawo kuzwa mubuzu bwamusanu amazuba otatwe kaziya kunembo, ukonzya kutambulika mbuli chipayizyo kuchipo chichitwa amulilo kuliJehova.²⁸Utajayi ng'ombe nzyazi na kuti mbelele aantomwe amwana wayo, zyobile mubuzuba boomwe. ²⁹Aawo nowaba chipo chakulumba kuli Jehova, welede kuchaaba munzila iitambulika. ³⁰Yeelede kulyigwa mubuzuba bomwe oobo mbuchaabwa. Toyelede kusiya kampanzi kayo kuti kabuchesye. Ndime Jehova.³¹Nkinkaako welede kubamba milawu yangu akuyitobelezya. Ndime Jehova. ³²Toyelede kusofwaazya zina lyangu lisalala. Ndeelede kuzibinkana mbuli musalali abantu baku Isilayeli. Ndime Jehova uukuchita kuti usalale, ³³ooyo wakamweeta aanze aanyika ya Ijipiti kuti ndibe Leza wanu: Ndime Jehova.

¹Jehova wakaambula kuli Mozesi: ²''Ambuula kubantu ba Izilayeli. alimwi waambe kuli mbabo, 'Aaya ngemapobwe akasalwa kuli Jehova, ngimweelede kwaamba mbuli mbungano zisalala; ngimapobwe aangu aazibikene.³Mulakonzya kubeleka mazuba ali musanu alimwi, pesi zuba lyamusanu aabili ndizuba lya Sabata lyakulyookezya, imbungano isalala. Tamweelede kubeleka pe akaambo kakuti ni Sabata ya Jehova mumasena woonse ngimukkala.⁴Aaya ngemapobwe asalidwe aJehova, imbungano zisalala nzimweelede kwaambilizya aachiindi cheelede: ⁵Mumweezi mutanzi, mubuzuba bwa kkumi aane bwamweezi kulundindiwana, ni Pasika ya Jehova. ⁶Mubuzuba bwakkumi amusanu bwamweezi nguwooyo ndi Pobwe lya Zibunge zitakwe busweezyo kuli Jehova. Kwamazuba ali musanu aabili muleelede kulya zibunge zitakwe bumena.⁷Zuba tanzi muleelede kutantamuka akuyoolibungania aantomwe; tamweelede kuchita milimu pe izibinkene. ⁸Muleelede kutondeezya chipayizyo chazyakulya kuli Jehova kwamazuba ali musanu aabili. Zuba lya musanu aabili ndyakuswaanana libikidwe kumbali kuli Jehova, alimwi mubuzuba oobo tamweelede pe kuchita nikuba mulimu ulibuti ngomuzibide.'''⁹Jehova wakaambula kuli Mozesi, wati, ¹⁰''Ambuula kubantu ba Izilayeli alimwi utedi kulimbabo, ''Nimwayosika kunyika njesikamupe, alimwi mwayotebula, mpawo muleelede kweeta inkama yamichelo yakusanguna yazilyo kumupayizi. ¹¹Uyoonyampula inkama yazilyo kunembo lya Jehova alimwi akiipe kuli nguwe, kuti ikakonzye kutambulika muchiimo chako. Muubuzuba kwiinda Sabata aawo mupayizi mpayoyinyampula akutondezya kulindime.¹²Mubuzuba noyonyampula nkama yazilyo akwiitondezya kulindime, uleelede kupa mbelele n'enze ili amunyaka womwe wakuzyalwa alimwi itakwe kampenda mbuli chipayizyo chakutentwa kuli Jehova. ¹³Chipayizyo chazilyo cheelede kuba tubili mukkumi muzisuwo zyafulawa nante iiswanizigilwe amafuta, chipayizyo chichitwa amulilo kuli Jehova, kuti chiigwisye bweema bununkilila, alimwi aantomwe azyakunywa zyachipayilo zya wayini, atunemulini. ¹⁴Tamweelede kulya zibunge pe, nikuba zilyo zisanzidwe nikuba zitete, mane do mubuzuba mbubo mbumuyooyeta eechi chipayizyo kuli Leza wanu. Eechi chiyooba mulawu uukkalilide lyoonse kwiinda mumazyalane abantu, munyika zyoonse nzimukkkala.¹⁵Kutalikila kubuzuba butanzi liyamana Sabata - eelyo lyakalizuba nimweeta inkama yachakulya mbuli chipayizyo chakuvukuuzya - mubale mviki zizwide zili musanu azibili. ¹⁶Mweelede kubala mazuba ali makkumi alimusanu, liyokonzya kuba zuba kakutanasika buzuba bwa Sabata. Mpawo muleelede kutondezya chipo chazilyo zipya kuli Jehova.¹⁷Muleelede kweeta zibunge kuzwa mumaanda zyobile zichitidwe kuzwa kuzibili mukkumi yachisuwo. Zyeelede kazichitidwe abusu bunante bwafulawa alimwi kaziyokedwe aantomwe abusweezyo; ziyooba chipayizyo chakuvukuuzya zyamichelo yakusanguna kuli Jehova. ¹⁸Muleelede kweeta aantomwe azibunge bana bembelele zili musanu azibili zili amunyaka womwe wakuzyalwa alimwi kabatakwe tumpenda, womwe mupule muniini, alimwi bagutu bobile. Beelede kuba chipayizyo chakutentwa kuli Jehova, aantomwe achipayizyo chazilyo alimwi azipayizyo zyakunywa. chipayizyo chichitidwe amulilo alimwi chigwisya bweema bununkilila kuli Jehova.¹⁹Weelede kupa omwe pule wampongo chibe chipayizyo chazibi, mbuli chipayizyo chabulyidilano. ²⁰Mupayizi weelede kuzivukuuzya aantomwe achibunge amichelo mitanzi kunembo lya Jehova, akuzitola kulinguwe mbuli chipo kulinguwe aantomwe ambelele zyobile. Chiyoba chipayizyo chisalala kuli Jehova kubapayizi. ²¹Mweelede kuchita loompololo muzuba ndilyonya. Kuyooba imbungano iisalala, alimwi tamweelede kuchita milimu izibinkene. Ooyu uyooba mulawu uutakakkalilile kwalyoonse kubantu akumazyalane munyika zyoonse ooko nkumukkala.²²Nimwayotebula munyika yanu, tamweelede kutebula chakumaninsya muzyooko zyamumunda, alimwi tamweelede kuvulula pe mukutebula kwanu. Mweelede kuzisiila bachete a beenzu. Ndime Jehova Leza wanu.'''²³Jehova wakaambula kuli Mozesi, wati, ²⁴''Ambuula kubantu ba Izilayeli alimwi utedi, 'Mumweezi wamusanu ayibili, izuba tanzi lyamweezi ooyo ndizuba lyakulyookezya lyenu, chichitiko chitanooli akulizya myeembo, alimwi embungano isalala. ²⁵Tamweelede kuchita milimu pe njimuzibide, alimwi muleelede kupa chipayizyo chichitidwe amulilo kuli Jehova.'''²⁶Mpawo Jehova wakaambula a Mozesi, kuti, ²⁷''Lino zuba lyakkumi lyayoyu mweezi wqmusanu ayibili ndizuba lyakubwedulana. Lyeelede kuba mbungano iisalala, eelyo mweelede kulibombya lwenu beni alimwi akweeta kuli Jehova chipoayizyo chamulilo.²⁸Tamweelede kuchita mulimu mubuzuba oobo nkaambo mbuzuba bwakubwedulana, kuchita kubwedulana kwenu kunembo lya Jehova Leza wenu. ²⁹Kufumbwa ooyo utalibombyi mubuzuba oobo weelede kutandwa kuzwa kubantu bakulimbabo.³⁰Kufumbwa ooyo uuchita umwi mulimu mubuzuba oobo, ime, Jehova, ndiyomunyonyoona kuzwa aakati kabantu bakuli mbabo. ³¹Tamweelede pe kuchita mulimu niwuba ulibuti muzuba eelyo. Eechi chiyooba mulawu walyoonse kwiindila kumazyalane abantu bako mumasena mumukkala. ³²Eeli zuba liyooba kulindinywe i Sabata lyakulyookezya kwanchoozyo, alimwi mweelede kulibombya nobeni mubuzuba bwamusanu aane bwamweezi igoko. Kuzwa goko kuyosika goko muleelede kubamba Sabata yenu.''³³Jehova wakaambula kuli Mozesi, wakati, ³⁴''Ambuula kubantu ba Izilayeli, kuti, 'Muzuba lyakkumi amusanu zuba lyamweezi liyooba Pobwe lya Ziyako kuli Jehova. Liyootola mazuba ali musanu aabili.³⁵Muzuba tanzi kweelede kuba mbungano isalala. Tamweelede kuchita milimu njimuzibide pe. ³⁶Kwamazuba ali musanu aabili mweelede kupa chipayizyo chichitidwe amulilo kuli Jehova. Kuzuba lyamusanu aatatu kweelede kuba mbungano iisalala, akuchita chipayizyo chichitidwe amulilo kuli Jehova. Eeyi nimbungano yakusungwaala, alimwi tamweelede kubeleka pe milimu njimuzibide.³⁷Aya mapobwe aasalidwe kuli Jehova, aayo ngimweelede kwamba mbuli mbungano zisalala kukupa chipayizyo amulilo kuli Jehova, chipayizyo chakutentwa alimwi chipayizyo chazilyo, zituzyo azipayizyo zyakunywa, chimwi achimwi kuziba lyacho. ³⁸Ayaa mapobwe anoli akuyungizya kuma Sabata a Jehova azipo zyenu, zyoonse zikonke zyenu, azipo zyanu nzimupa kukuyanda kwanu kuli Jehova.³⁹Zilangene aatala aPobwe lya Ziyako, mubuzuba bwakkumi amusanu bwamweezi wamusanu ayibili, nimwanoobungika michelo yamunyika, mweelede kubamba pobwe eeli lya Jehova mazuba ali musanu aabili. Zuba tanzi linoli lyakulyookezya, azuba lyamusanu aatatu alyalo lilaba lyakulyookezya kubotu.⁴⁰Muzuba tanzi mweelede kubweza michelo mibotu kuzwa kumisamu, mitabi yamupalumu, alimwi ntabi zili amatu zyamisamu iivwevwene, alimwi misamu yamutulonga, alimwi muyoobotelwa kunembo lya Jehova Leza wako kwamazuba ali musanu aabili. ⁴¹Kwamazuba ali musanu aabili umwi awumwi munyaka mweelede kusekelela pobwe eeli lya Jehova. Eechi chiyoba mulawu ukkalila lyoonse kwiindila kumazyalane abantu bako mumasena woonse ooko nkomukkala. Mweelede kusekelela pobwe eeli mumweezi wamusanu ayibili.⁴²Mulelede kukkala mutudumba tunini kwamazuba alimusanu aabili.Boonse bazyalilidwe mu Isilayeli belede kukkala mutudumba tunini kwamazuba ali musanu aabili, ⁴³aboobo kuti luzubo azyalani azyalani,balayiya mbuli mbundakachita bantu baIsilayeli kuti bakkale mumadumba nindakabagwisya munyika yaIjipiti.Ndime Jehova Leza wanu.'' ⁴⁴Muliyeyi nzila,Mozesi wakambilizya kubantu baIsilayeli mapobwe awambidwe aJehova.

¹Jehova wakambila Mozesi, wati, ²''Layilila bantu bakwa Izilayeli kuti bakamwetele mafuta anchobeni akwumwa kuzwa ku Olivu kuti akabelesegwe kuchimunisyo, uchitila kuti mumuni uyinkilile anembo kumunika.³Aanze kwamulembo wechisitilizyo chachipulo chachizuminano, mung'anda yamuswangano, Aaloni uyelede kwimikila aanembo, kuzwa mansiku kuyosika kuseni, uyelede kukkala kaamunikide chimunisyo kunembo lya Jehova. Eechi chilaba chalyoonse kulunyungu lwabantu bako. ⁴Mupayizi mupati uyelede kumunika zimunisyo kunembo lya Jehova, zimunisyo zili achimangiilo chawo changolida yakasimpe.⁵Muyelede kubweza busu bunante buziyidwe chakuzukila mpawo mujike zinkwa zilikkumi azibili anjiyo. Kuyelede kuba zyekkumi zyobile chimwi achimwi. ⁶Kowabamba kuminchali ibili, zili musanu achimwi mumundando umwi , ajulu atebuli lyengolida yanchobeni kunembo lya Jehova.⁷Mwelede kubika tununkilizyo mumbali amindando yazinkwa kukwimikilila chipo. Tununkilizyo ootu tunotentelwa Jehova. ⁸Muzuba lyoonse litegwa Sabata mupayizi mupati uyelede kubamba chinkwa kunembo lya Jehova kwimikilila bantu bakwa Izilayeli, mukutondezya chizuminano chitamani. ⁹Chipo eechi chinoli cha Aaloni abana bakwe bechalumi, mpawo bayolyida kubusena busalala, nkambo nchaabilo chizwa kuchipo kuli Jehova chakachitwa amulilo.''¹⁰Lino chakachitika mwana mulombe wamwanakazi mu Izilayeli, uula wisi wakali waku Ijiputi, wakaya akkati kabantu ba Izilayeli. Oyu mwana mulombe wamwanakazi mu Izilayeli mumusasa. ¹¹Mwana mulombe wamwanakazi mu Izilayeli wakambula bubi azina lya Jehova alimwi wakamutuka Leza, aboobo bantu bakamutola kuli Mozesi. Banyina bakwe bakali kutegwa Selomiti, mwana wamwanakazi wa Dibbili, kuzwa kumukowa wa Dani. ¹²Bakamubamba muntolongo kusikila Jehova lwakwe wakwamba kuyanda kwakwe kulimbabo.¹³Mpawo Jehova wakambula Mozesi, wati, ¹⁴''Mubweze mwalumi wakatuka Leza mumugwisye aanze lyamusasa. Bonse aabo bakamumvwa bayelede kubika maboko aabo amutwe wakwe, mpawo choonse chibunga cheelede kumutulula.¹⁵Uyelede kuyopandulula kubantu ba Izilayeli ukatedi, ''Kufumbwa uyotukila Leza wakwe uyelede kubweza zibi zyakwe. ¹⁶Ooyo uwambula bubi ezina lya Jehova uyelede kuti nchobeni wajayigwa. Yonseni mbungano iyelede kumutulula kitaleki, tazikwe kuti mwenzu tazwi muchisi kana kuti mwanamuzyale wamu Izilayeli. Kuti umwi wambula bubi ezina lya Jehova, uyelede kuti ajayigwe.¹⁷Ikuti umwi muntu wawuma muntunyina chakumujaya, uyelede kujiigwa. ¹⁸Kuti naba umwi wawuma munyama wamuntu, chakumujaya ulelede kumubbadala, buumi kubuumi.¹⁹Kuti naba umwi wachisya simayakilane wakwe kuti chichitwe kulinguwe mbuli mbachita simayakilane wakwe. ²⁰Kufuyuka kukufuyuka, linso kulinso, lino kulino. Mbuli mbwakamuchisa muntunyina, aboobo uyelede kuchitilwa alakwe mbuli mbwamuchitila. ²¹Kufumbwa ujaya chinyama chamuntu uyelede kuchibbadela, mpawo kufumbwa wajaya muntu uyelede kujayigwa.²²Mwelede kuba amulawu ukozyenie yaboonse beenzu amwana muzyale wamu Izilayeli, nkambo ndime Jehova Leza wenu.'' ²³Aboobo Mozesi wakambila bantu bakwa Izilayeli, alimwi bantu bakagusya mwalumi aanze kumusasa, ooyo wakatukila Jehova. Bakamutulula amabwe. Bantu bakwa Izilayili bakabweza malayilile a Jehova baatola kuli Mozesi.

¹Jehova wakaambula kuli Mozesi aachilundu cha Sinayi, kati, ²''Wambuula kubantu ba Izilayeli alimwi utedi kuli mbablo, 'Mwaakusika kunyika eeyo njindakamupa, mpawo inyika iyeelede kuchitwa kuti ibambile Sabata lya Jehova.³Uleelede kubyala muunda wako kwaminyaka iili musanu awumwi, alimwi kwaminyaka iili musanu awumwi uleelede kuukwezwiida muunda wa masaansa wako akubweza masaansa. ⁴Pesi mumunyaka wamusanu ayibili, i Sabata yakulyookezya kusalilidwe nyika yeelede kubambwa, i Sabata ya Jehova. Toyeelede kubyala muunda wako na kukwezwida muunda wako wamasaansa.⁵Toyelede kweendelezya mabambe akutebula kufumbwa eecho chakalimenena lwacho, alimwi toyeelede kweendelezya mulimu wakutebula kufumbwa misaansa iimene mumuunda wamisaansa itakwezwidwe. Ooyo uyooba munyaka wakulyookezya kuli mumulawu wanyika. ⁶Kufumbwa chimena munyika iitanamena mumunyaka wa Sabata chiyooba chilyo kulinduwe. Iwe, bazike bako bachaalumi abachanakazi, abazike bako bawulidwe amazwakule bakkala aandinywe balakonzya kubungika kulya, alubono, ⁷lwako alimwi abanyama bamusokwe balakonzya kulya kufumbwa chizwa munyika.⁸Muleeled kubika kumbali ma Sabata ali musanu aabili mumunyaka, nkokuti, zyiindi zili musanu azibili mumunyaka umwi awumwi, kuti kube ma Sabata ali musanu aabili aaminmyaka, zisisya makkuni aane aalamusanu ayine minyaka. ⁹Mpawo uleeled kulizizya aajulu mweembo koonse mubuzuba bwa kkumi bwamweezi wamusanu ayibili. Mubuzuba bwakusalazigwa uleelede kulizya mweembo kunyika yako yoonse.¹⁰Uleelede kubika kumbali munyaka wa makkumi alimusanu kuli Jehova alimwi ukoompolole lwaangunuko kunyika yoonse alimwi akulizyoonse zipona mulinjiyo. Uyooba munyaka wakusekelela kulindinywe, aawo lubono abazike baleelede kubwedezegwa kumukowa wabo.¹¹Munyaka wamakkumi musanu uyooba munyaka wakusekelela kwanu. Tamweelede kubyala na kweendelezya mabambe aakutebula. Mulye kufumbwa zilimenena, alimwi mubungike masaansa aamena kumisaansa iitakwezwiidwe. ¹²Nkaambo munyika wakusekelela, ooyo unoosalala kulindinywe. Muleelede kulya michelo eeyo ilimenena mumyuunda.¹³Muleelede kubwedezya muntu woonse lubono lwakwe mumunyaka wakusekelela. ¹⁴Na wawuzya nyika kuli ngoyakilene aawe na kuula nyika kuli ngoyakilene aawe, toyelede kweena na kubisizyania umwi awumwi.¹⁵Na wawula nyika kuli simayakilane wako, langa mweelwe yaminyaka alimwi azilyo zinga zilatebulwa kuyoosika kulsekelelo lutobela. Simayakilane wako uulikuuzya nyika weelede kuzilangisisya alakwe eezyo. ¹⁶Minyaka myiingi kuyoosika kulusekelelo lutobela iyooyungizya muulo wanyika, alimwi minyaka miche kuyoosika kulusekelelo lutobela iyooselusya muulo, nkaambo myeelwe yakutebula nyika njiyoopa ileendelana amyeelwe yaminyaka iilimusule aalusekelelo lutobela. ¹⁷Toyelede kweena na kubisizyania umwi awumwi; anu kuti, uleeled kulemeka Leza wako, nkaambo ndime Jehova Leza wako.¹⁸Aboobo muleelede kutobelezya mbeta zyangu, mubambe milawu yangu, alimwi mwiichite. Mpawo muyookkala munyika chakukkwabililwa. ¹⁹Nyika iyyozyala michelo, alimwi muyoolya chakukkuta akupona ooko mulukkwabililo.²⁰Mulakonzya kwaamba kuti, ''Tuyoolyaanzi mumunyaka wamusanu ayibili? Langa, tatukonzyi kubyala na kubangania michelo yesu.'' ²¹Ndiyoolayilila chilongezyo changu kuti chize alindinywe mumunyaka wamusanu awumwi, alimwi iyyozyala butebuzi bukkwene kwaminyaka iitatu. ²²Muyoobyala mumunyaka wamusanu ayitatu alimwi muyooyinkilila kunembo kulya zyaminyaka yamusule akulya zibambidwe. Mane do kutebula kwamunyaka wamusanu ayine kukasike, muyookonzya kulya kulizilondwedwe zyaminyaka yakiinda.²³Nyika tiyeeled kuuzigilwa kumuntu uyanda kukkalila limwi, nkaambo nyika njiyangu. Moonse mulibazwakule alimwi mulibasikukkala mazuba mache munyika yangu. ²⁴Muleeled kutobelezya zyeelelo zyachilubuzyo chanyika yoonse njimuula; muleelede kuzumizya kuti nyika ikawulwe lubo ampuli ooko nkumwakiwulide. ²⁵Na muna Izilayeli-nyokwe wafwaba alimwi akambo kaako wawuzya lubono lwakwe, mpawo waluzubo lwakwe uuli wafwifwi uleelede kusika alimwim awununune eecho munyina nchawuzya.²⁶na muntu katakwwe siluzubo sikunununa lubono lwakwe, pesi naw wavuba alimwi wakonzya kuchinununa, ²⁷mpawo ulakonzya kubala minyaka kuzwa nyika niyakawuzigwa alimwi abwedezye imali iisyeede kumuntu wakayiwulide. Mpawo ulakonzya kubweeda kulubono lwakwe. ²⁸Pesi na katakonzyi kubozya nyika lwakwe mwini, mpawo nyika njakawuzya iyoosyalal kili mumanza awoyo wakayiwula kuyoosika kumunyaka wakusekelela. Kumunyaka wakusekelela, inyika iyoobwedezegwa kumuntu wakayiwuzya, alimwi mwanaayo uyoobweda kunyika yakwe.²⁹Na muntu wawuzya n'anda iilimudolopo lilaabulambo, mpawo ulakonzya kwiwula lubo kakutana yinda munyaka kuzwa mpuyakawuzigwa. Kuumunyaka uukkwene uli aachelelo chakwiinununa. ³⁰Na n'anda teyanununwa mumunyaka umwi uuzwide, mpawo n'anda iilimudolopo lili abulambo iyooba lubono lwasikwiiwula alunyungu lwakwe kwalyoonse. Tiikonzyi kubwedezegwa mumunyaka wakusekelela.³¹Pesi maanda aamugunzi litazyungulukidwe abulambo iyoolangwa mbuli muunda wamunyika. Zilakonzya kuunununwa, alimwi zileelede kubwedezegwa mumunyaka wakusekelela. ³²Nikubaboobo, maanda aaba Levi mudolopo aabo alakonzya kuunununwa kufumbwa chiindi.³³Na umwi waba Levi taawunununa n'anda njakawuzya, mpawo n'anda yakawuzigwa mudolopo mwiibede iyelede kubweedezegwa mumunyaka wakusekelela mnkaambo maanda aalimudolopo lyaba Levi ndubono lwabo aakati kabantu ba Izilayeli. ³⁴Pesi myuunda iizyungulukide madolopo aabo ilakonzya kutawuzigwa pe nkaambo kwalyoonse ndubono lwaba Levi.³⁵Na muntu wamunyika yenu waba muchete, alimwi tachikonzyi kulisanina, mpawo muleelede kumugwasya mbuli mbumugwasya muzwakule na kufumbwa muntu uukkala mbuli wakunze aakati kanu. ³⁶Mutamwiilikili na kweezya kujana mpindu kulinguwe kufumbwa nzila iilibuti, pesi mulemeke Leza wenu kuchitila kuti munyokwe ayinkilile kunembo kukkala andinywe. ³⁷Tamweelede kumukkweletesya mali alimwi mutayilikili imwi aajulu, nekuba kumuuzizya chakulya kuti mujane mpindu. ³⁸Ndime Jehova Leza wanu, wakamugwisya munyika ya Ijipiti kuti ndikamupe nyika ya Kkenani, alimwi kuti ndibe Leza wanu.³⁹Na muntu wamunyika yanu waba muchete alimwi waliwuzya kulindinywe, tamweelede kumubelesya mbuli muzike pe. ⁴⁰Mukamujate mbuli sikubelekela uubbadalwa. Weelede kuba mbuli muntu uukkala andinywe kwachiindi chifwifwi. Ulamubelekela kusikila kumunyaka wakusekelela. ⁴¹Mpawo uyoozwa aakati kenu, we abana bakwe, alimwi uyoobweeda ku luzubo lwakwe aku lubono lwawisi.⁴²Nkaambo mbalanda bangu mbindakagwisya munyika ya Ijipiti. Tabeelede kuuzigwa mbuli bazike. ⁴³Tamweelede kubeendelezya chabukali, pesi muleelede kulemeka Leza wanu. ⁴⁴Mbuli kubazike benu baalumi abanakazi, aabo mbimukonzya kweeta kuzwa kuzisi zimuzyungulukide, mulakonzya kuula bazike kuzwa kulimbabo.⁴⁵Mulakonzya lubo kuula bazike kuzwa kubazwakule bapona aakati kanu alimwi kuzwa kunzubo zyabo zili aakati kanu, aabo bakazyalilwa munyika yanu, alimwi balakonzya kuba lubono lwanu. ⁴⁶Mulakonzya kupa bazike bali boobo mbuli lukono lwabana benu bazomutobela, kubajata mbuli lubono, alimwi akubachita bazike chalyoonse, pesi tamweelede kweendelezya bananyokwe aakati kabantu ba Izilayeli chabukkali.⁴⁷Na muzwakule nikuba umwi muntu uukkede andinywe kwachiindi chifwifwi wavuba, alimwi na umwi mu Izilayeli-nyokwe waba muchete alimwi walyuuzya kumuzwakule, na kuli umwi waluzubo lwabazwakule, ⁴⁸naamana kuulwa muna Izilayeli-nyokwe, ulakonzya kuulwa lubo. Umwi wamumpuli yakwe ulakonzya kumuunununa.⁴⁹Zilakonzya kuti ngu wisilenzi wa muntu, na mwana wa wisilenzi, ooyo uumunununa, na nabani waluzubo lwakwe. Nikuba, na kuti waba uuvubide loko, ulakonzya kulinununa mwini. ⁵⁰Ulelede kukombelezya muntu wakamula; belede kubala minyaka kuzwa munyaka mpakaliwuzya kuli sikumula kuyosika kumunyaka wakusekelela. Mulo wachilubuzyo chakwe weelede kuba mali iyendelana aakuti basimulimo babbadalwa biyeni, kwamywelwe yaminyaka ulakonzya kwiinkilila kunembo kubelekela oowo wakamuula.⁵¹Na kuti kakuchili minyaka myiingi kuyoosika kumunyaka wakusekelela, weelede kubbadala mbuli muulo wachilubuzyo mali yeendelana aamyeelwe yaminyaka eeyo. ⁵²Na kuli biyo minyaka miche kuyoosika kumunyaka wakusekelela, mpawo uleelede kwaambusyania asikumuula kuti atondeezye myeelwe yaminyaka iicheede kusika kumunyaka wakusekelela, alimwi uleelede kubbadalila kunununwa kwakwe zyeendelana amyweelwe yaminyaka.⁵³Uleelede kujatwa mbuli sikubeleka uubbadalwa munyaka amunyaka. Weelede kubona kuti tajatwi chabukali. ⁵⁴Na taanununwa anzila eezi, mpawo weelede kubeleka kuyoosika kumunyaka wakusekelela, we aantomwe abana bakwe. ⁵⁵Kulindime bantu ba Izilayeli mbazike. Mbazike bangu abo mbindakagwisya kunyika ya Ijipiti. Ndime Jehova Leza wanu."

¹''Tuyelede kuchita nichiba zikozyano,alubo tuyelede kunyampula kujulu chitondeezyo chibezedwe naa kuti musamu wamabwe usalala, alimwi tuyelede kubikka musamu wamabwe munyika yako njomufugamina, nkambo ndime Jehova Leza wako. ²Uleelede kubamba buzuba butegwa Sabataakulemeka lubuwa lusalala lwangu.Ndime Jehova.³Kuti wayenda mumilawo yangu akubamba milawo yangu akutobela njiyo, ⁴mpawo ndiyokupa mvula muchiindi chayo; nyika iyotebula zyakabyalwa, amisamu yamuunda uyotebula michilo yayo.⁵Kupola mayila kuyoyendelela kusika kuchiindi chakuchela masansa, alubo kuchelwa kwama sansa kuyoyungizigwa kusika kuchiindi chakubyala. Uyoolya chibunge chakukkutisika akukkala kabotu ooko nkuyo chita munzi munyika ⁶.Ndiyoopa lumuno munyika; uyoolala ansi kakutakwe chintu chitakamuyoosye. Ndiyoobweza banyama bayoosya akubabika kule anyika, apanga talikoyoyinda munyika yanu.⁷Uyotandania basinkondo nyokwe, alimwi bayojayigwa apanga kunembo lyanu. ⁸Balimusanu bayotandania bali mwanda, abali mwaanda, abali mwaanda banu bayotandania zyuulu zilikkumi; basinkondo bako bayojayigwa kunembo lyako apanga.⁹Ndiyolanga ali ndinywe chaluzyaloakuchita butebuzi akumungizizya; ndiyopanga chizuminano changu andinywe. ¹⁰Uyoolya chakulya chibambidwe nkaambo uyoyanda akubikkila kwachakutebula chipya.¹¹ndiyobikka dumba lyakukombela akati kako, alubo tandiyokusula pe. ¹²Ndiyoyenda akati kako akuba leza wako, alubo muyoba bantu bangu. ¹³Ndime Jehova Leza wako, wakamugwisya kuzwa munyika ya Ijipiti, kuchitila kuti mutakabi balanda. Ndatyola jokolyansimbi ansingo yanu akumuchita kuti mweende kamwiivwi chakusankamana.¹⁴pesi na tewaswilila kulindime, akutatobela milayo, ¹⁵akuti na mwakaka kubambila akusula milayo, kuchitila kuti tukoyotobela milayo yangu yoonse, pesi kutyola chizuminano changu-¹⁶kuti wachita eezi zintu, mpawo ndiyochita eechi kulinduwe: ndiyobika kuyowa alinduwe, zilwazi antuntu maanzi ziyonyonyona meso akugwisya buumi bwanu. Uyobyala mbuto zzyako atakwe chintu, nkaambo basinkondo bako bayolya butebuzi bwanu.. ¹⁷Ndiyokusisila busyu bwangu , alubo uyakuzundawa abasinkondo bako. balumio bakusula bayomwendelezya alubo uyochija , nekuba takwe naba uumwi ukutandania.¹⁸Kuti musule azeezi zyoonse tewandiswilila, mpawo ndiyokupa chisubulo chilimusanu ayibili chaluuni azibi zyako. ¹⁹Ndiyakugwisya kulisumpula mumanguzu aako. Ndiyakuchita julu atala lyako mbuli butale alubo nyika yako mbuli mukuba. ²⁰Nguzyu zyako ziyakubelesegwa atakwe chintu, nkaambo nyika yako tiyokozya zitebulwa, amisanu yanu munyika tikoyozyala michelo yayo.²¹kuti weenda chakulwisya ndime akutandiswilila ndiyoleta musanu ayibili tachiindi chakuumwa alinduwe, mukwendelana azibi zyako. ²²Ndiyotuma banyama bamusokwe bakumulwisya, bayomufulila abana banu, kunyonyona zivubwa zyanu, akumuchita tuche mumelwe kuti migwagwa yanu ibule chintu²³Kuti aliuzeezi zyoonse tewatambula kubambulula akuya kunembo kuyobwenda chakukanzyana andime, ²⁴mpawo ndiyoyenda chakukazya kuli nduwe, alubo ime ndimwini ndiyokupa mpindi ilimusanu ayibili nkaambo kazibi zyako.²⁵Ndiyoleta panga alinduwe kuti uyubuluke kutyola chizuminano. Uyobungana antoomwe mukati kadolompo lyanu, alubo ndiyotuma chilwazi akati kanu ooko, mpawo eelyo muyowabwa mumaboka abasinkondonyokwe. ²⁶Ninditagwisye chakulya kwanu, banakazi balikkumi bayokonzya kubumba chibunge chimwi muchiyokelo, alubo bayomwabila chibungu abulemu bwacho. uyolya pesi tuyokokkutisika.²⁷Kuti tewaswilila kulindime kuli eezi zintu, pesi kwinkilila kunembo akweenda kukazyana andime, ²⁸mpawo ndiyoyenda chikazyana anduwe mubukali alubo ndiyokupa chisubulo na kuti chiinda musanu ayibili zyiinda zyibi zyako.²⁹Uyakulya mubili wabana bako; uwolya mubili wabasimbi bako. ³⁰Ndiyonyonyona busena bwako bulajulu, kugonka tununkilizyo twaziyakilo, akuwalila zidumbu kuzidumbu chazikozyano alubo ime ndimwini muyondisesemya.³¹Ndiyakusandula madolopo kuba matongo amabuwa akukombela. Tandikobotelwa pe aloma yazipayizyo zyako. ³²Ndiyakunyonyona nyika. Basinkondo nyoko bayokkala ooko bayogamba alunyonyoko. ³³Ndiyakumupazula aakati kazisi, alubo ndiyakubwedezya panga akukutobela. Nyika yanu iyakutakatwa, amadolopo anu ayonyonyonwa.³⁴Mpawo nyika iyobotelwa kumaSabata kwachiindi kayitakatidwe kulibasinkondo munyika. Kuchiindi eecho nyika iyolyokezya akunonenwa Sabata. ³⁵Mbuli mboyitakatidwe, ayakulyokezya, chiyakuba chilyokezezyo chitali Sabata yanu, nimuyokkala mulinjiyo. ³⁶Kulibaabo batakachale munyika zyabasinkondo babo, ndiyotuma kuyowa mumyoyo ysabo kuchitila kuti na kuti muzuzumino watyu wuunga utakakuyosyi alubo uyakuchija aanga kuti wakali wakali kuchija panga. Uyakuwa nikuba kuti takwe nikuba woomwe ukutandania.³⁷Uyakulimbana umwi awumwi aanga kuti walikuchija kuzwa kupanga, nikuba kuti takwe umwi ukwandilila. Tukoyoba anguzu zyakwimikila kunembo abasinkondo. ³⁸Uyonyonyoka akati kazisi, anyika yabasinkondonyokwe lwayo iyomujaya. ³⁹Aabo batikachale akati kako bayomana akulilya muzibi zyabo, mumo munyika zyabasinkondo nyokwr, alubo nkaambo kazibi zyabamawisi bayolilya abalo.⁴⁰Asi kuti bazumina zibi zyakoazibi zyabamawisi, amilandu yakujayigwa njibakatasyomeka kulindime, akweenda zikazyana andime- ⁴¹chakandipa kupilukanakukazyana ambaabo alubo ndakabeeta munyika yabasinkondonyina - kuti myoyo itapalwidwe ikonzye kulifwinsya , alubo na batambula chisubulo chazibi zyasbo, ⁴²mpawo ndiyoyeya chizuminano Jakobo, chizuminano changu a Iyizeki, achizuminano changua Abbulahamu; alubo, ndiyouyeya nyika.⁴³Nyika iyotakatwa ambabo, aboobo bayakubotelwa kumazuba aSabata kichitakatidwe kabatawo. Bayoliya luliyo lwazibi zyabo nkaambo lwabo beni bakakaka malayilile akumusula milayo yangu.⁴⁴Kunze kwazeezi zyoonse, kuti baba munyika yabasinkondonyina tandikoyobaka nikuba kubasula kuti ndinyonyone chakumanizya akusowa chizuminano changu ambabo, nnkaambo ndime Jehova leza wanu. ⁴⁵Pesi akaambo kazeezi ndiyoyeya chizuminano chamizimu yanu chindakagwisya munyika ya Igipiti kumeso azisi, kuchitila kuti ime ndili Leza wabo. Ndime Jehova.⁴⁶Njeyi milayo, mabambe, amilawo yaJehova njakachita mwini akati kabo alubo bantu ba Izilayili kuchilundu chaSinai kuli Mozesi.

¹Jehova wakaambula kuli Mozesi alimwi wakati, ²''Ambuula abantu baku Izilayeli alimwi ubambile kuti, 'Na umwi wachita chikonke chiyandisi kuli Jehova, belesya myeelwe iitobela.³Mweelwe wako wabulemu wamwaalumi kuzwa kuminyaka ili makkumi aabili kusika kuminyaka yamakkumi ali musanu alimwi yakuzyalwa kweelede kuba makkumi alimusanu yama syekeli ansiliva, kuzwa kusyekeli yabusena busalala bwakukombela. ⁴Kumwanakazi waminyaka iikozyene yakuzyalwa myeelwe yanu yeelede kuba makkumi aatatu a masyekeli.⁵Kuzwa kuminyaka ilimusanu kusika kumakkumi abili yakuzyalwa mweelwe yanu yabulemu kubaalumi yeelede kuba makkumi abili aama syekeli, alimwi kubanakazi ndikkumi lyamasyekeli. ⁶Kuzwa kumweezi womwe wakuzyalwa kusika kuminyaka ili musanu myeelwe wabulemu kumwaalumi yeelede kuba musanu masyekeli aansiliva, akumwanakazi yeelede kuba aatatumasyekeli aansiliva.⁷Kuzwa kuminyaka ili makkumi ali musanu alimwi kaziya kujulu myeelwe yanu yabulemu yeelede kuba kkumi amusanu lyamasyekeli, alimwi kubanakazi ndikkumi lyamasyekeli. ⁸Pesi na muntu ulikuchita chikonke tayelede kuliya mweelo wabulemu, mpawo muntu wapegwa uleelede kupedekezegwa ku mupayizi, alimwi mupayizi uyoopa bulemu kumuntu ooyo amweelo wabulemu kuli ooyo ulikuchita chikonke nzyakonzya.⁹Na eecho chakonkezegwa kali munyama uutambulika kuli Jehova, kufumbwa lubazu lwamunyama ooyo upegwa kuli Jehova nga lwsalala. ¹⁰Muntu tayelede kuchichincha nikuba kugwisya chibotu akubika chibi, nikuba chibi achibotu. Na wagwisya umwi munyama kabika umwi, zyoonse cho alimwi achagwisigwa nga zyasalala.¹¹Nikuba boobo, na eecho nchaakonkezya kuti ape Jehova nchobeni kachitasalali, zyakuti Jehova takoyoochitambula, mpawo muntu uleelede kweeta munyama ku mupayizi. ¹²Mupayizi uyochipa bulemu, amuulo wachisamblilo chabanyama. Kufumbwa muulo mupayizi ngwakapa kubanyama, ooyo ngunoli muulo wacho. ¹³Na munaacho kali achiyandisyo chakuboozya, mpawo musanu kumweelo ulayungizigwa kumuulo wacho wakuboozegwa.¹⁴Eelyo mwaalumi aakubika kumbali n'anda yakwe mbuli chipo chisalala kuli Jehova, mpawo mupayizi uyoobika bulemu bubotu nikuba bubotu. Kufumbwa mupayizi nchaapa bulemu, chiyooba mbubonya. ¹⁵Pesi na munaacho ooyo wakabika kumbali n'anda yakwe kali achiyandisyo chakubozya, uleelede kuyungizya musanu wabulemu bwacho kumuulo wakuchiboozya, alimwi chiyooba chakwe.¹⁶Na muntu wabika kumbali imwi nyika yakwe, mpawo bulemu bwacho, mpawo bulemu bwayo bunoyelanisigwa amuulo wambuto iyaandikana kukwiibyala - ihoma yabbale iyowulwa amakkumi musanu aasyekeli zye nsiliva.¹⁷Na wabika kumbali muunda wakwe mumunyaka wapobwe lyakusekelela, bulemu bwawo buyooba mbubo. ¹⁸Pesi na wabika muunda wakwe kumbali kuzwa kumunyaka wakusekelela, mpawo mupayizi uleelede kubalila muulo wamuunda amyeelwe yaminyaka ichisyede kusikila kumunyaka uutobela wakusekelela, alimwi muulo wawo uleelede kuseluzigwa.¹⁹Na muntu wabika muunda wakwe kali achiyandisyo chakuboozya, mpawo uleelede kuyungizya musanu wabulemu, alimwi chiyooba chakwe. ²⁰Na taayanda kuboozya muunda, na wakawuzya muunda kuluumwi muntu, tawukonzyi kuyoobozegwa alimbi kulinguwe. ²¹Aawo, muunda, eelyo niwalekezegwa mumunyaka wakusekelela, uyooba chipo chisalala kuli Jehova, mbuli muunda ooyo wakapegwa chakumaninizya kuli Jehova. Uyooba wamupayizi.²²Na muntu wabika kumbali muunda wakwe ngwakawula, pesi ooyo muunda kawutali chipanzi chanyika yampuli yakulimbabo, ²³mpawo mupayizi uyoopa bulemu bwamuulo wawo kusikila kumunyaka wakusekelela, alimwi muntu uleelede kuliya bulemu bwawo mubuzuba oobo mbuli chipo chisalala kuli Jehova.²⁴Mumunyaka wakusekelela, uyoboboozegwa kumuntu nkuwakawulidwe, kuli muni muunda. ²⁵Yoonse myeelo ileelede kubikwa abulemu bwabusena busalala bwakukombela mumasyekeli. Makkumi abili amagela aleelede kweelana a syekeli limwi.²⁶Tawo pe uyoobika mwana mutanzi aakati kabanyama, mbuli kuti bana batanzi mbi ba Jehova kale; nikuba musune na mbelele nzizya Jehova. ²⁷Na kali munyama uutasalali, mpawo munaawo ullelede kuwuulw lubo kumweelwe wawo, chipanzi chimwi mumusanu chileelede kuyungizigwa kumuulo. Na munyama taaboozegwa, mpawo ullelede kuulwa amuulo wabikwa.²⁸Pesi tachiwo pe muntu nchapeda kuli Jehova, kuzwa kuzintu zyoonse nzyali aazyo, nikuba muntu na munyama, na nyika yampuli yakwe, cheelede kuuzigwa na kuboozegwa. Zyoonse eezyo zyakapegwa zilasalala loko kuli Jehova. ²⁹Takwe mpindu njowelede kuliya kumuntu wakapegwa kulunyonyoono. Ooyo muntu uleelede kujayigwa.³⁰Choonse chekkumi chanyika, nikuba zilyo zyakabyalwa munyika na michelo kuzwa kumisamu, nzizya Jehova. Zilasalala kuli Jehova. ³¹Na umwi muntu waboozya kufumbwa chekkumi, uleelede kuyungizya mumusanu kumweelo wacho.³²Mbuli kuli chekkumi cha tanga lyen'ombe na lyempongo, kufumbwa chiinda aakati kanzila ya mweembeli, chimwi mukkumi chileelede kubikwa kuli Jehova. ³³Mweembeli tayelede kuyanduula zilikabotu na banyama babi, alimwi tayelede kugwisya umwimkuli umwi. Na wachincha kwalyoonse, mpawo zyoonse azezyo zyachinchigwa anzizyo zilasalala. Tachikaboozegwi pe.'''³⁴Aaya ngemalayilile ayo Jehova ngakapa kuchilundu chaku Sinayi kuli Mozesi yabantu ba Izilayeli.

¹Jehova wakambuula kuli Mozesi mutente lyakubunganina munkanda ya Sinayi. Eechi chakachitika mubuzuba butanzi bwa mweezi wabili mumwaka wabili kakuli kuti bantu ba Izilayeli kabali bazwa kunyika ya Ijipita. Jehova wakati, ²''Amuchite kubalwa kwabantu boonse ba Izilayeli muluzubo lumwi alumwi, mumpuli zyabamawisi. Mubabale amazina. ³Mubale baalumi boonse, awumwi muntu, uli amyaka ilimakumi aabili nakwiinda. Mubale boonse banga balalwana mbuli basilumamba ba Izilayeli. Iebo a Aaloni mwelede kulemba mweelwe wa baalumi bali munkamu zyabasilumamba.⁴Mwaalumi uzwa kumukowa umwi, awumwi musyobo, muzulwidi wamukowa, welede kubeleka anduwe mbuli muzulwidi wamukowa wakwe. Awumwi muzulwidi welede kuzulwida baalumi bayolwanina musyobo wabo. ⁵Aaya ngimazina abazulwidi belede kulwana antomwe anduwe: kuzwa musyobo wa Lubbeni, ⁶kuzwa kumukowa wa Simiyoni, Elizuli mwana wa Seluweli mwana wa Zulishadayi;⁷Kuzwa kumusyobo wa Juda, Nasoni mwana mulombe wa Aminadabu; ⁸kuzwa kumusyobo wa Isakka, Nataniyeli mwana mulombe wa Zuwala; ⁹kuzwa kumusyobo wa Zebbulani,Eliyabu mwana mulombe wa Heloni;¹⁰Kuzwa kumusyobo wa Ifulemu mwana mulombe wa Jozefu, Elisama mwana mulombe wa Amihudi, kuzwa kumusyobo wa Manase, Gamaliyeli mwana mulombe wa Pedahuzuli, ¹¹kuzwa kumusyobo wa Bbenjamini, a Bbinadani mwami wa Gidiyoni,¹²Kuzwa kumusyobo wa Dani, Ahiyeza mwana mulombe wa Amisadayi, ¹³kuzwa kumusyobo wa Asa, Pagiyeli mwana mulombe wa Okkalani; ¹⁴kuzwa kumusyobo wa Gadi, Eliyasafu mwana mulombe wa Dewuyeli; ¹⁵alimwi kuzwa kumusyobo wa Nafutali, Ahila mwana mulombe wa Enani.''¹⁶Aaba mbibaalumi bakasalwa kuzwa kubantu. Bakazulwida misyobo yabamawisi. Mbibakali bazululi bamikowa mu Isilayeli.¹⁷Mozesi a Aloni bakabweeza baalumi aaba, bakalembwa amazina, ¹⁸aantomwe a baalumi aba bakabungania baalumi boonse ba Izilayeli mubuzuba butaanzi bwamwezi wabili. Mpawo umwi awumwi mwaalumi wamyaaka ili makumi obile akwiindilila wakaziba basikale bakwe. Wakeelede kuulika mazina amikowa ampuli zyalunyungu kuzwa kulibamawisi. ¹⁹Mpawo Mozesi wakalemba myeelwe yabo munkanda ya Sinayi, mbuli Jehova mbakamulayilide kuti achite.²⁰Kuzwa kulunyungu lwa Lubbeni, mwana mulombe mutaanzi wa Izilayeli, kwakabalwa mazina aboonse baalumi bali aminyaka ili makkumi obile yakuzyalwa nakwiindilila bakonzya kuya kunkondo, kuzwa kumalembe aabamawisi bamikowa empuli zyabo. ²¹Bakabala 46,500 baalumi kuzwa kumusyobo wa Lubbeni.²²Kuzwa kulunyungu lwa Simiyoni kwakabalwa mazina aboonse baalumi bali aminyaka ili makkumi obile yakuzyalwa nakwiindilila bakonzya kuya kunkondo, kuzwa kumalembe aabamawisi bamikowa empuli zyabo. ²³Bakabala baalumi59,300 kuzwa kumusyobo wa Simiyoni.²⁴Kuzwa kulunyungu lwa Gadi kwakabalwa mazina aboonse baalumi bali aminyaka ili makkumi obile yakuzyalwa nakwiindilila bakonzya kuya kunkondo, kuzwa kumalembe aabamawisi bamikowa empuli zyabo. ²⁵Bakabala 45,650 baalumi kuzwa kumusyobo wa Gadi.²⁶Kuzwa kulunyungu lwa Juda kwakabalwa mazina aboonse baalumi bali aminyaka ili makkumi obile yakuzyalwa nakwiindilila bakonzya kuya kunkondo, kuzwa kumalembe aabamawisi bamikowa empuli zyabo. ²⁷Bakabala 74,600 baalumi kuzwa kumusyobo wa Juda.²⁸Kuzwa kulunyungu lwa Isakka kwakabalwa mazina aboonse baalumi bali aminyaka ili makkumi obile yakuzyalwa nakwiindilila bakonzya kuya kunkondo, kuzwa kumalembe aabamawisi bamikowa empuli zyabo. ²⁹Bakabala 54,400 baalumi kuzwa kumusyobo wa Isakka.³⁰Kuzwa kulunyungu lwa Zebbuloni kwakabalwa mazina aboonse baalumi bali aminyaka ili makkumi obile yakuzyalwa nakwiindilila bakonzya kuya kunkondo, kuzwa kumalembe aabamawisi bamikowa empuli zyabo. ³¹Bakabala 57,400 baalumi kuzwa kumusyobo wa Zebbuloni.³²Kuzwa kulunyungu lwa Efulemu mwana mulombe wa Jozefu kwakabalwa mazina aboonse baalumi bali aminyaka ili makkumi obile yakuzyalwa nakwiindilila bakonzya kuya kunkondo, kuzwa kumalembe aabamawisi bamikowa empuli zyabo. ³³Bakabala 40,500 baalumi bazwa kulunyungu lwa Efulemu.³⁴Kuzwa kulunyungu lwa Manase mwana mulombe wa Jozefu kwakabalwa mazina aboonse baalumi bali aminyaka ili makkumi obile yakuzyalwa nakwiindilila bakonzya kuya kunkondo, kuzwa kumalembe aabamawisi bamikowa empuli zyabo. ³⁵Bakabala 32,200 baalumi kuzwa kumukowa wa Manase.³⁶Kuzwa kulunyungu lwa Bbenjamini kwakabalwa mazina aboonse baalumi bali aminyaka ili makkumi obile yakuzyalwa nakwiindilila bakonzya kuya kunkondo, kuzwa kumalembe aabamawisi bamikowa empuli zyabo. ³⁷Bakabala 35,400 baalumi kuzwa kumusyobo wa Bbenjamini.³⁸Kuzwa kulunyungu lwa Dani kwakabalwa mazina aboonse baalumi bali aminyaka ili makkumi obile yakuzyalwa nakwiindilila bakonzya kuya kunkondo, kuzwa kumalembe aabamawisi bamikowa empuli zyabo. ³⁹Bakabala 62,700 baalumi kuzwa kumusyobo wa Dani.⁴⁰Kuzwa kulunyungu lwa Asya kwakabalwa mazina aboonse baalumi bali aminyaka ili makkumi obile yakuzyalwa nakwiindilila bakonzya kuya kunkondo, kuzwa kumalembe aabamawisi bamikowa empuli zyabo. ⁴¹Bakabala 41,500 baalumi kuzwa kumusyobo wa Asya.⁴²Kuzwa kulunyungu lwa Nafutali kwakabalwa mazina aboonse baalumi bali aminyaka ili makkumi obile yakuzyalwa nakwiindilila bakonzya kuya kunkondo, kuzwa kumalembe aabamawisi bamikowa empuli zyabo. ⁴³Bakabala53,400 baalumi kuzwa kumusyobo wa Nafutali.⁴⁴Mozesi a Aaloni bakabala boonse baalumi, aantomwe a baalumi balikkumi ababili bakali kuzulwida misyobo ilikkumi ayibili ya Izilayeli. ⁴⁵Aboobo bonseni bantu ba Izilayeli kuzwa kuminyaka ilimakumi obile na kwiinda, boonse bakonzye kulwana munkondo, bakabalwa mumpuli zyabo. ⁴⁶Bakabala 603,550 baalumi.⁴⁷Pesi bantu bakali balunyungu luzwa kuli Levi tebakabalwa pe, ⁴⁸nkaambo Jehova wakali wamba kuli Mozesi, ⁴⁹''Tamweelede kubala musyobo wa Levi na kubabikilizya mumweelwe wabantu ba Izilayeli.⁵⁰Kwinda boobo, mutume ba Levi kuti babambe idumba mumalembe achizuminano, akubamba zyonse zibelesyo zilimudumba. Ba Levi baleelede kunyampula tente, alimwi baleelede kunyampula zibelesyo zili mutente. Beelede kubamba chikombelo akuchita musasa uzyungulukide idumba.⁵¹Eelyo dumba niliyogwisigwa kuya kulibumbi busena, ba Levi baleelede kuli mwaya. Eelyo idumba nilyeelede kuyakwa, ba Levi baleelede kuyoliyaka. Kufumbwa mwenzu usika afwifwi edumba uleelede kujayigwa. ⁵²Eelyo bantu ba Izilayeli nibayoyaka matente aabo, awumwi muntu weelede kuchita bobu afwifwi andembela eyi yankamu ya basilumamba.⁵³Nikuba boobo, ba Levi baleelede kuyaka matente abo kuzyunguluka dumba lyechizuminano chakuli fwinsya kuti lunyemo lwangu lutasikili bantu ba Izilayeli. Ba Levi beelede kubamba dumba lyechizuminano chamilawu.'' ⁵⁴Bantu ba Izilayeli bakachita eezi zintu zyoonse. Bakachita zintu zyoonse ezyo Jehova nzyakabalayilila kwiinda muli Mozesi.

¹Jehova wakaambula lubo kuli Mozesi a Aloni, wakati, ²''Umwi awumwi waba Izilayeli weelede kukkala mbuli mbwayanda, andembela zya n'anda zyabamawisi babo. Bayookala kabazyungulukide itente lyakubunganina kuma bazu woonse.³Aabo bayookkala kujwe kwa tente lyakubungaanina, oko zuba nkuli zwida, mbankamu ya Juda alimwi bayookala mbuuli mbubayada. Nasyoni mwana wa Aminadabu nguwe muzuluzi wabantu ba Juda. ⁴Mweelwe wabantu ba Juda ngu 74,600.⁵Musyobo wa Isakka weelede kubambana amusyobo wa Juda. Netanelu mwana mulombe wa Zuwa weelede kuzulwida basilumba ba Isakka. ⁶Mweelwe wankamu yakwe ngu 54,400 bantu.⁷Musyobo wa Zebbuloni weelede kubambana a Isakka. Eliyabbu mwana mulombe wa Heloni weelede kuzulwida basilumamba ba Zebbuloni. ⁸Mweelwe wankamu yakwe ngu 57,400.⁹Woonse mwelwe wabantu bakali mumusasa wa Juda ngu 186,400. Bayookkala lutaanzi.¹⁰Kubbazu lyakumusanza kunoli musasa wa Lubbeni mbuli mbubayanda. Muzuluzi wamusasa wa Lubbeni ngu Elizu mwana mulombe wa Syedewu. ¹¹Mweelwe wankamu yakwe ngu 46,500.¹²Simiyoni weelede kubambana a Lubbeni. Muzuluzi wabantu ba Simiyoni ngu Syelumuyeli mwana mulombe wa Zulisadayi. ¹³Mweelwe wabantu munkamu yakwe ngu 59,300.¹⁴Musyobo wa Gadi nguutobela. Muzuluzi wabantu ba Gadi ngu Eliyasafi mwana mulombe wa Dewuweli. ¹⁵Mweelwe wankamu yabantu bakwe ngu 45,650.¹⁶Mweelwe wabantu boonse bakatumidwe kumusaasa wa Lubbenni, mbuli munkamu zyabo, ngu 151,450. Mbibayotobela lwabili kukkala.¹⁷Chitobela, itente lyakuswaanana lyeelede kuzwa anze a ba Levi aakati kamisasa yoonse. Bayelede kuyozwa mumusasa mbuli mukunjila kwabo mumusasa. Woonse mwaalumi weelede kali aabusena bwakwe, andembela yakwe.¹⁸Kubbazu lyakumbo kunoli zimpanzi zyamusasa wa Efulemu munsi aamakkalilo abo. Muzuluzi wabantu ba Efulemu ngu Elisyama mwana mulombe wa Amihudi. ¹⁹Mweele wankamu ngu 40,500.²⁰Afwifwi ambabo musyobo wa Manase. Muzuluzi wa Manase ngu Gamaliyeli mwana mulombe wa Pedazuli. ²¹Mweelwe wankamu yakwe ngu 32,200.²²Uutobela unoli mukkowa wa Bbenjamini. Muzuluzi wa Bbenjamini ngu Abbidani mwana mulombe wa Gidiyoni. ²³Mweelwe wankamu yakwe ngu 35,400.²⁴Boonse abo bakabalidwe mumusasa wa Efulemu ngu 108,100. Mbibatakabe batatu ku kukkala.²⁵Kubbazu lyakunyika kunoli nkamu zyamusasa wa Dani. Muzuluzi wa bantu ba Dani ngu Ahiyeza mwana mulombe wa Amisyaddayi. ²⁶Mweelwe wankamu yakwe ngu 62,700.²⁷Bantu bamusyobo wa Asya bakakkala babambana a Dani. Muzuluzi wa Asya ngu Pegiyeli mwana mulombe wa Okkilani. ²⁸Mweelwe wankamu yakwe ngu 41,500.²⁹Musyobo wa Nafutali nguutobela. Muzuluzi wa Nafutali ngu Ahila mwana mulombe wa Enani. ³⁰Mweelwe wankamu yakwe ngu 53,400.³¹Boonse abo bakabalwa mumusasa wa Dani ngu 157,600.. Bayoochalila kuzwa mu musasa, munsi lya ndembela yabo.''³²Aaba mba Izilayeli, bakabalwa mbuli mumpuli zyabo. Boonse bakabalwa mumisasa yabo mbuli munkamu zyabo, bali 603,550 ³³Pesi ba Levi tebakabalikizigwa pe aantomwe abantu ba Izilayeli, mbuli Jehova mbakalayilila Mozesi.³⁴Bantu ba Izilayeli bakachita zyoonse eezyo Jehova nzyakalayilila Mozesi. Bakakkala kumbali andembela zyabo. Bakazwa mumusasa amikowa yabo, mbuuli mumabambe ampuli zyabamawisi babo.