¹Witu eng ketareanna Empung si simiwola e langit wo em bumi. ²Em bumi e reiy’pe’la sighio wo e reiy’la sisapa; kasa reiydem en simongkouwi e lawanan wangko’, wo e Roh ni Empung e mapera-perar witu natas en dano.³O mee mouw nuwu’ Si Empung: “Mamuali mouw en terang.” O laa en terang i ti’i e minamuali. ⁴Empung si limoo’ kaa en terang i ti’i e le’os, laa o peta’atasen-Nami en terang i ti’i waki reiydem. ⁵Wo si Empung si ngimaranla en terang i ti’i oat, wo reiydem i ti’i wengi. O mamuali mouw e mawengido wo mamuali mouw e memo’odo, ni’itu mouw e nendo kasa ketare-tare.⁶O mee mouw nuwu’ si Empung; “Mamuali mouw eng ka’aya’an witu nuner e reiy’ sa mina’asa rano kaa laa meteta’atasi e rano waki rano.” ⁷Takar si Empung si simiwola eng ka’aya’an wo Nisia si tima’atasi e rano wia em bawa’ eng ka’aya’an i ti’i waki rano witu natasna. Wo mamuali mouw tuana. ⁸Laa o ngaranala ni Empung eng ka’aya’an i ti’i langit. O mamuali mouw e mawengido wo mamuali mouw e memo’odo, ni’i tu mouw e nendo karua.⁹O mee mouw nuwu’ si Empung: “Satorona e reiy’ sa mina’asa rano wia em bawa’ e langit maerur witu e nesa paeruran, i ka’ayo paloo’on em pera.” Wo mamuali mouw tuana. ¹⁰Laa o ngaranala ni Empung em pera i ti’i ketana’an, wo nieruran e rano i ti’i nginaranan-Nala tasik. Empung si limoo’ kaa em baya nyi’a i ti’i e le’os.¹¹O mee mouw nuwu’ si Empung: “Satorona en tana’ mapatoumi en suru-suru sobor, tanemen-tanemen mewatuna, e reiy’ sa mina’asa minegheghioan e nakana em bu’ana mawua’la wu’ana mewatuna, rio wawean tanemen-tanemen wia em bumi.” Wo mamuali mouw tuana. ¹²En tana’ i ti’i minapatoumi suru-suru sobor, e reiy’ sa mina’asa minegheghioan en tanemen wawean watuna wo e reiy’ sa mina’asa minegheghioan e nakana-nakana mawua’la wu’ana mewatuna. Empung si limoo’ kaa em baya nyi’a i ti’i e le’os. ¹³O mamuali mouw e mawengido wo mamuali mouw e memo’odo, ni’i tu mouw e nendo katelu.¹⁴O mee mouw nuwu’ si Empung: “Mamuali mouw se pakakas-pakakas i paterang waki ka’aya’an kaa laa meteta’atasi e noat waki wengi. Ma’anouw se pakakas-pakakas i paterang i ti’i se mamuali kowa’ maturu’la e nedo-nedo tataap wo e nendo-nendo wo en te’un-te’un, ¹⁵Wo tanume se paterang wia eng ka’aya’an ma’anouw se pakakas-pakakas i ti’i tumerangi em bumi.” Wo mamuali mouw tuana.¹⁶Takar si Empung si simiwola se rua pakakas i paterang kasela i ti’i, si lebe sela si laa kumuwasala e noat wo si lebe rintek si laa kumuwasala em bengi, wo sumiwola kangkasi se sumesena’-sumesena’. ¹⁷Empung si minee em baya nyi’a i ti’i waki ka’aya’an kaa laa tumerangi em bumi, ¹⁸wo kaa laa mekekontoiyla e noat wo em bengi, wo kaa laa meteta’atasi en terang waki reiydem. Empung si limoo’ kaa em baya nyi’a i ti’i e le’os. ¹⁹O mamuali mouw e mawengido wo mamuali mouw e memo’odo, ni’i tu mouw e nendo kaepat.²⁰O mee mouw nuwu’ Si Empung: “Satorona witu eng gorem en dano maroina-roina’ se matou-tou, wo satorona se wara se mangateteleuw wia natas em bumi malease eng ka’aya’an.” ²¹Takar si Empung si simiwola se tekapen-tekapen en tasik se kasela wo em baya minegheghioan ne matou-tou se maoghe-oghe, se maroina-roina’ witu eng gorem en dano, wo se reiy’ sa mina’asa minegheghioan se wara kale’ekewan. Empung si limoo’ kaa em baya nyi’a i ti’i e le’os.²²Laa o berkatela ni Empung em baya nyi’a i ti’i, e nuwu’-Na: “Sumena mouw wo mawesouw eng kelaker ma’an wutanola en dano witu eng gorem en tasik, wo satorona se wara-wara wia em bumi se maawes eng kelaker.” ²³O mamuali mouw e mawengido wo mamuali mouw e memo’odo, ni’i tu mouw e nendo kalima.²⁴O mee mouw nuwu’ si Empung: “Sa torona em bumi e rumo’umi e reiy’ sa mina’asa minegheghioan ne matou-tou, se tekapen papiaran wo se tekapen maoyouw wo se reiy’ sa mina’asa minegheghioan ne tekapen siru.” Wo mamuali mouw tuana. ²⁵Empung si simiwola se reiy’ sa mina’asa minegheghioan ne tekapen siru wo se reiy’ sa mina’asa minegheghioan ne tekapen papiaran wo se reiy’ sa mina’asa minegheghioan ne tekapen maoyouw wia en saruan em bumi. Empung si limoo’ kaa em baya nyi’a i ti’i e le’os.²⁶O mee mouw nuwu’ si Empung: “Le’osouw Kita sumiwola sitou i ki’it e lumian wo eng gio Ta, rio sea makakuwasa wia se sera’-sera’ witu en tasik wo se wara-wara waki reghe-reghesan wo wia se tekapen papiaran wo wia se minapekasa em bumi wo wia se reiy’ sa mina’asa tekapen maoyouw se maanap wia em bumi.” ²⁷Takar si Empung si simiwola sitou i ti’i neiy i ki’it e lumian-Na, neiy i ki’it e lumian ni Empung siniwo-Nala sia; tuama wo si wewene siniwo-Nala sea.²⁸Empung si minerkatla nisea, o laa si Empung si mineela nuwu’ wia nisea: “Murang wo muyunouw wo maawesla eng kelaker; wutanola em bumi wo i tu’utukola i tu, kumontoiyola witu se sera’-sera’ waki tasik wo se wara-wara waki reghe-reghesan wo witu se reiy’ sa mina’asa tekapen maanap wia em bumi.” ²⁹O mee mouw nuwu’ Si Empung: “Loo’onouw neiy i wee-Kula nikoo e reiy’ sa mina’asa tanemen-tanemen wawean watuna wia minapekasa em bumi wo e reiy’ sa mina’asa akana-akana em bu’ana wawean watuna; ni’i tu mouw e laa mamuali kekaanennu.³⁰Ta’an wia se reiy’ sa mina’asa tekapen wia em bumi wo se reiy’ sa mina’asa wara waki reghe-reghesan wo se reiy’ sa mina’asa se maanap wia em bumi, se mekenyawa, ni’i wee-Kula en tanemen-tanemen lisouw mamuali kekaanen nea.” Wo mamualila tuana. ³¹Takar si Empung si limoo’ e reiy’ sa mina’asa en siniwo-Nala i ti’i, e nuli-ulit kasa le’os. O mamuali mouw e mawengido wo mamuali mouw e memo’odo, ni’i tu mouw e nendo kaenem.

¹Tuana mouw neiy i sampetla e langit wo em bumi wo e reiy’ sa mina’asa em pumpunena. ²Katoroan si Empung witu e nendo kapitu nu simampetla em pepa’ayangen en siniwo-Na i ti’i, mena’ mola Sia witu e nendo kapitu witu e reiy’ sa mina’asa pepa’ayangen en siniwo-Na mola i ti’i. ³O laa si Empung si minerkatla e nendo kapitu i ti’i wo kumudusla nyi’a, karengan witu mouw e nendo ni’i tu Sia mena’mi waki e reiy’ sa mina’asa em pepa’ayangen em pinasiwoani en siniwo-Na mola i ti’i.⁴Tuana mouw na’asaren e langit wo em bumi witu nedo kinesesiwo. Eng katoroan si Empung TUHAN nu simiwola em bumi wo e langit, – ⁵e reiy’pe’la kongkom sapa tu’u wia em bumi, e reiy’pe’ limentut en tanemen-tanemen sapa tu’u waki patar, karengan si Empung TUHAN si reiy’pe’ timumpami e naro meiy wia em bumi, wo e reiy’pe’la sitou kaa laa metetaliakala en tana’ i ti’i; ⁶ta’an wawean semu wia em bumi limongkot minea waki atas wo kumekosi minapekasa en saruan em bumi i ti’i⁷eng katoroanouw e ni’itu si Empung TUHAN si simiwomi sitou i ti’i waki riawu tana’ wo sumengola asengan em patou-touan mea witu eng gorem en sesepunanna; tuana mouw sitou i ti’i minamuali makhluk e matou-tou.

Sitou wo en taman Eden

¹Sapa tare si leloiy’ nyi’a mouw si kasa lali’iket waki se minapekasa ne tekapen wia eng ketana’an se siniwola ni Empung TUHAN. Si leloiy’ i ti’i si limila’ wia si wewene i ti’i: “Tantu mouw si Empung si minee nuwu’: Em baya nakana wia eng gorem en taman i yi’i te’a pekekaanen niouw em bu’ana, e reiy’ ku’a?” ²O laa en singkom ni wewene i ti’i wia si leloiy’ i ti’i: “Em bu’ana nakana-nakana wia eng gorem en taman i yi’i en toro i te kaanen neiy, ³ta’an en tanume em bu’ana nakana em bia eng keuneran en taman, Empung si minee nuwu’: Te’a kouw kumaan ka’apa tu’u rumingkap em bu’ana i ti’i, sangari koo mate.”⁴Ta’an si leloiy’ i ti’i si limila’ wia si wewene i ti’i: “Ma’an mekasa kouw reiy’ mate, ⁵ta’an si Empung si minete’ula, kaa witu e nedo nikouw nu kumaan nyi’a em berennu e laa i kawuka’, wo nikouw kouw laa mamuali tanu si Empung, mete’u en tanume e le’os wo e lewo’.” ⁶Wewene i ti’i si limoo’, kaa em bu’ana nakana i ti’i e le’os pekekaanen wo en sedaap paloo’ola, awes kangkasi nakana i ti’i mengaruiy e nate karengan mawee pangartian. Laa o sia medomi waki wu’ana wo kaanenna wo neiy i weenala kangkasi si ka’awuna si mewali-wali ampit nisia, wo si ka’awuna tu’u si kimaan nyi’a.⁷Takar i kawuka’ mouw em beren nea nu rua wo nisea se mete’u, kaa nisea se poteiy; laa o sea menewi-newik e laleiyna nakana ara wo sumiwo cidako. ⁸Eng katoroan nisea nu liminga nerasan eng ke’angan ni Empung TUHAN, si mengela-ngelang witu eng gorem en taman i ti’i witu e nendo reiy’ rawoiy, kumirongouw sitou wo si ka’awuna i ti’i witu si Empung TUHAN witu nelet e nakana-nakana witu eng gorem en taman.⁹Ta’an si Empung TUHAN si kimeret sitou i ti’i wo mee nuwu’ wia nisia: “Wisa ku’a re’en nikoo?” ¹⁰Sia mingkot: “Katoroan niaku nu liminga, kaa Nikoo koo wia eng gorem en taman i yi’i, niaku ku mineide’, karengan niaku ku poteiy; karengan e ni’itu niaku ku kimirong.” ¹¹Nuwu’-Na: “Seiy ku’a re’en si minakite’ula wia nikoo, kaa nikoo koo poteiy? Sapa ku’a re’en koo kimaani waki wu’ana nakana, neiy-Ku i palouw nikoo kumaan e ni’itu?”¹²Sitou i ti’i si miningkot: “Wewene si neiy i tampa-Mula witu en siri’ku, nisia mouw si minee wu’ana nakana i ti’i wia niaku, takar ku kumaan.” ¹³Kamurian o mee mouw nuwu’ si Empung TUHAN wia si wewene i ti’i: “Sapa ku’a re’en en siniwomu mola i yi’i?” E wingkot ni wewene i ti’i: “Leloiy’ i ti’i si minonge’la niaku, takar ku kumaan.”¹⁴Laa o mee mouw nuwu’ si Empung TUHAN wia si leloiy’ i ti’i: “Karengan nikoo koo simiwo en tuana, i kakutokouw nikoo witu nelet ne reiy’ sa mina’asa papiaran wo witu nelet ne reiy’ sa mina’asa tekapen en talun; ampit e tiannu mouw koo laa manap wo riawu en tana’ mouw e laa kaanennu esa nga umur em patou-touannu. ¹⁵Niaku Ku laa sumiwola palewo’an witu nelet nikoo wo ni wewene i yi’i, nelet ne see’mu wo ne see’na; see’na se laa rume’esekla eng kokongmu, wo nikoo koo laa rume’esekla en tu’umirna.”¹⁶Nuwu’-Na wia si wewene i ti’i: ”Em pedis rawoiymu e nedo nu megandong e laa-Ku siwon kasa laker; ampit eng kasa rara koo laa tumimea’la sioki’mu; ta’anouw nikoo koo laa sumerit wia si ka’awumu wo nisia si laa makakuwasa witu nikoo.”¹⁷O laa e nuwu’-Na wia sitou i ti’i: “Karengan nikoo koo liminga e leila’an ni ka’awumu wo kumaani waki wu’ana nakana, neiy-Ku i perentala wia nikoo: te’a mekekaani waki nyi’a, takar i kakutokouw en tana’ karengan nikoo; ampit em pedis e rawoiy koo laa sumeromi em bene’mu waki tana’ esa nga umur em patou-touannu: ¹⁸eng kongkom tetunean wo en dukut tetunean e laa i wua’nala i wee nikoo, wo en tanemen-tanemen waki patar e laa mamuali kekaanennu; ¹⁹ampit e lumogo koo laa sumero eng kekaanennu, i ka’ayo koo mareng kasi mamuali tana’, karengan waki witu mouw koo niedomi; karengan koo riawu wo nikoo koo laa mareng mamuali riawu.”²⁰Sitou i ti’i si minee ngaran Hawa wia si ka’awuna, karengan nisia mouw si minamuali ina’ em baya ne matou-tou. ²¹Wo si Empung TUHAN si simiwo labung kuli’ ni tekapen i wee sitou wo i wee si ka’awuna i ti’i, laa o makela nyi’a wia nisea.²²O mee mouw nuwu’ si Empung TUHAN: “Eng kaulitna sitou i ti’i si minamuali mouw tanu si meta’esa’an waki Nikita, mete’u en tanume e le’os wo e lewo’; takar en teakan te’a i ka’ayo sia rumepala lawasna wo medo kangkasi em bu’ana nakana em patou-touan i ti’i wo kumaan nyi’a, i ka’ayo sia tumou i wee eng keure-urena.” ²³O laa si Empung TUHAN si minure’mi nisia waki taman Eden rio sia tumaliakala en tana’ waki wisa sia niedomi. ²⁴Nisia si simere’ sitou i ti’i wo waki esa nga weka sedangan en taman Eden i tampa-Nala em pirala kerub ampit en santi melaya-layas wo masea-sear, kaa laa ma’alarla e lalan mea waki akana em patou-touan.

¹Kamurian sitou i ti’i si minaesala nouwak ampit si Hawa, ka’awuna, wo gumandongouw si wewene i ti’i, laa o tumimea’la si Kain; takar em pokeiy ni wewene i ti’i: Niaku ku minaka’ato mola sioki’ tuama karengan e nale’an ni TUHAN.” ²Tumodongla nyi’a sia i patounala si Habel, tuari ni Kain; wo si Habel si minamuali rumerawir ne membe’ domba, Kain si minamuali tumetani’.³Ni’itu nu pira mola nga edo eng keurena, takar si Kain si mineela esa nga weteng sesempe witu em bua’na en tana’ i ti’i wia si TUHAN tanume en tetule sesempe; ⁴Habel kangkasi si simempela en tetule sesempe waki se oki’ polon ne membe’ dombana, nyi’a i yi’i em barewes-barewesna; takar si TUHAN si limo’orla si Habel wo en tetule sesempena i ti’i, ⁵ta’an si Kain wo en tetule sesempena e reiy’ lino’or-Na. O laa nate ni Kain mina kasa pasu’, wo eng giona en tedur.⁶E nuwu’ ni TUHAN wia si Kain: “Ka’a natemu em pasu’ wo eng giomu en tedur? ⁷Sapa ku’a re’en eng giomu e reiy’ mouw laa sumena’, sa koo sumiwo le’os? Ta’an sa koo reiy’ sumiwo le’os, dosa si timegha’ mouw witu en saruan em pepalen; sia si kasa mawilot nikoo, ta’an nikoo koo lewo’ sa reiy’ kumuwasala witu nyi’a.”⁸Pokeiy ni Kain wia si Habel, tuarina: “Meiy mouw kita mea waki patar.” Eng katoroan nisea nu waki patar, i kasenge’mi winewe mouw ni Kain si Habel, tuarina i ti’i, laa o munu’ nisia. ⁹E nuwu’ ni TUHAN wia si Kain: “Wisa si Habel, tuarimu i ti’i? “E wingkotna: “Reiy’ kete’uangku! Sapa ku’a re’en niaku ku ma’ala-alar si tuariku?”¹⁰E nuwu’-Na: “Sapa mouw en siniwomula i yi’i? E raa’ ni tuarimu i ti’i waki tana’ e marekeiymi wia-Niaku. ¹¹Takar en teakan, i kakutokouw nikoo, i katereki wa’akat waki tana’ e ngimangala en sumana kaa laa mesesungkuli e raa’ ni tuarimu i ti’i waki lawasmu. ¹²Sakawisa koo metetaliakala en tana’ i ti’i, takar en tana’ i ti’i e reiy’ laa meela wua’na kawutana kasi wia nikoo; nikoo koo mamuali esa tou matingka-tingkas wo malepu-lepu wia em bumi.”¹³Em pokeiy ni Kain wia si TUHAN: “Nukumangku i ti’i e lebe sela ta’an en toro tanggongengku. ¹⁴Nikoo koo masere’me niaku en teakan wia tana’ i yi’i wo niaku ku laa i kakirongi waki sinaru-Mu, esa tou matingka-tingkas wo malepu-lepu wia em bumi; takar seiy i te si laa maatoan ampit niaku, tantu mouw si laa munu’ niaku.” ¹⁵E nuwu’ ni TUHAN wia nisia: “Ma’an mekasa e reiy’! Seiy i te sia si munu’ si Kain e laa i suli’la wia nisia e makapitu lumepet.” Kamurian si TUHAN si minee kowa’ wia si Kain, rio sia te’a wunu’un ni seiy i te tu’u si maatoan ampit nisia.¹⁶O laa si Kain rumo’umi waki sinaru ni TUHAN wo sia tumataap waki tana’ Nod, waki esa nga weka sedangan Eden.

¹Nyi’i mou eng kelat ne see’ ni Adam. Witu e nedo sitou i ti’i nu siniwola ni Empung, siwon-Na mouw sia neiy i ki’it eng gio ni Empung; ²tuama wo wewene siniwo-Nala sea. Nisia si minerkatla nisea wo mineela ngaran “Tou” wia ni sea, witu e nedo nisea nu siniwola.³Nu reiy’ mouw si Adam nu timou esa nga atus telu nga pulu’ nge te’un, sia si minapaurangla siesa tuama i ki’it eng gio wo e lumianna, laa o meela ngaran Set wia nisia. ⁴E numur ni Adam, nu reiy’ mouw e minapaurangla si Set, e nuwalu nga atus nge te’un, wo sia mapaurangla se oki-oki’ tuama wo wewene. ⁵Ni’itu mouw si Adam si mina’ayola e numur siouw nga atus telu nga pulu’ nge te’un, laa o sia mate.⁶Nu reiy’ mouw si Set nu timou esa nga atus lima nge te’un, sia mapaurangla si Enos. ⁷Wo si Set si timoupe’ uwalu nga atus o pitu nge te’un, nu reiy’ mouw nisia nu minapaurangla si Enos, wo nisia si minapaurangla se oki-oki’ tuama wo wewene. ⁸Ni’itu mouw si Set si mina’ayo e numur siouw nga atus mapulu’ o rua nge te’un, laa o sia mate.⁹Nu reiy’ mouw si Enos nu timou siouw nga pulu’ nge te’un, sia mapaurangla si Kenan. ¹⁰Wo si Enos si timoupe’ uwalu nga atus mapulu’ o lima nge te’un, nu reiy’ mouw nisia nu minapaurangla si Kenan, wo nisia si minapaurangla se oki-oki’ tuama wo wewene. ¹¹Ni’itu mouw si Enos si mina’ayo e numur siouw nga atus lima nge te’un, laa o sia mate.¹²Nu reiy’ mouw si Kenan nu timou pitu nga pulu’ nge te’un, sia mapaurangla si Mahalaleel. ¹³Wo si Kenan si timoupe’ uwalu nga atus epat nga pulu’ nge te’un, nisia nu minapaurangla si Mahalaleel, wo nisia si minapaurangla se oki-oki’ tuama wo wewene. ¹⁴Ni’itu mouw si Kenan si mina’ayo e numur siouw nga atus mapulu’ nge te’un, laa o sia mate.¹⁵Nu reiy’ mouw si Mahalaleel nu timou enem nga pulu’ o lima nge te’un, sia mapaurangla si Yared. ¹⁶Wo si Mahalaleel si tomoupe’ uwalu nga atus telu nga pulu’ nge te’un, nisia nu minapaurangla si Yared, wo nisia si minapaurangla se oki-oki’ tuama wo wewene. ¹⁷Ni’itu mouw si Mahalaleel si mina’ayo e numur uwalu nga atus siouw nga pulu o lima nge te’un, laa o sia mate.¹⁸Nu reiy’ mouw si Yared nu timou esa nga atus enem nga pulu’ o rua nge te’un, sia mapaurangla si Henokh. ¹⁹Wo si Yared si timoupe’ uwalu nga atus nge te’un, nisia nu minapaurangla si Henokh, wo nisia si minapaurangla se oki-oki’ tuama wo wewene. ²⁰Ni’itu mouw si Yared si mina’ayola e numur siouw nga atus enem nga pulu’ o rua nge te’un, laa o sia mate.²¹Nu reiy’ mouw si Henokh nu timou enem nga pulu’ o lima nge te’un, sia mapaurangla si Metusalah. ²²Wo si Henokh si timou makasewok ampit si Empung eng keurena telu nga atus nge te’une’ kasi, nisia nu minapaurangla si Metusalah, wo nisia si minapaurangla se oki-oki’ tuama wo wewene. ²³Ni’itu mouw si Henokh si mina’ayo e numur telu nga atus enem nga pulu’ o lima nge te’un. ²⁴Wo si Henokh si timou makasewok ampit si Empung, laa o sia reiy’ mouw wia, karengan nisia si niadetouw ni Empung.²⁵Nu reiy’ mouw si Metusalah nu timou esa nga atus uwalu nga pulu’ o pitu nge te’un, sia mapaurangla si Lamekh. ²⁶Wo si Metusalah si timoupe’ pitu nga atus uwalu nga pulu’ o rua nge te’un, nisia nu minapaurangla si Lamekh, wo nisia si minapaurangla se oki-oki’ tuama wo wewene. ²⁷Ni’itu mouw si Metusalah si mina’ayo e numur siouw nga atus enem nga pulu’ o siouw nge te’un, laa o sia mate.²⁸Nu reiy’ mouw si Lamekh nu timou esa nga atus uwalu nga pulu’ o rua nge te’un, sia mapaurangla siesa oki’ tuama, ²⁹wo mee ngaran Nuh wia sia, pokeiyna: “Sioki’ i yi’i si laa mee pangiboran wia nikita witu em pepa’ayangen ta wuta em pedis o rawoiy wia en tana’ neiy nouw i kakutok ni TUHAN.”³⁰Wo si Lamekh si timoupe’ lima nga atus siouw nga pulu’ o lima nge te’un, nisia nu minapaurangla si Nuh, wo nisia si minapaurangla se oki-oki’ tuama wo wewene. ³¹Ni’itu mouw si Lamekh si mina’ayo e numur pitu nga atus pitu nga pulu’ o pitu nge te’un, laa o sia mate.³²Nu reiy’ mouw si Nuh nu maka umur lima nga atus nge te’un, sia mapaurangla si Sem, Ham wo si Yafet.

¹Eng katoroan se tou i ti’i nu muleiy maawes eng kelakerna wia en saruan em bumi, wo i wee nisea timoumi se oki-oki’ wewene, ²takar se oki-oki’ ni Empung se limoo’, karengan se oki-oki’ ni tou i ti’i se wulouw-wulouw, laa o sea medola ka’awu witu nelet ne wewene-wewene i ti’i, seiy i te si’i kepa’ar nea. ³O mee mouw nuwu’ si TUHAN : “Roh-Ku e reiy’ laa eng kaure-urena mena’ witu eng gorem ni tou, karengan sitou i ti’i nyi’a mouw si le’ona, ta’an e numurna e laa esa nga atus rua nga pulu’ nge te’un i te.” Witu e nedo ni’itu se tou-tou raksasa se wia em bumi, wo kangkasi witu e nedo nu reiy’ mouw nyi’a, eng katoroan se oki-oki’ ni Empung nu rimetenla se oki-oki’ wewene ni tou, wo se wewene-wewene i ti’i se timimea’la oki’ i wee nisea; se yi’i mouw se tou-tou waraneiy witu en zaman purbakala, se tou-tou makangaranan.⁵Katoroan linoo’ ni TUHAN, kaa eng kalewo’an ne tou eng kewangko’ wia em bumi wo kaa e reiy’ sa mina’asa eng kepa’aran natena e reiy’ mena’ mawu’ala kalewo’an i te karengan, ⁶takar meneselouw si TUHAN, kaa Nisia si simiwo mola sitou wia em bumi, wo eng kapualitan i ti’i e mina’aripla nate-Na.⁷O mee mouw nuwu’ si TUHAN : “Niaku Ku laa rume’imi sitou siniwo-Kula i ti’i waki saruan em bumi, le’os sia tou ka’apa tu’u tekapen wo se tekapen-tekapen maoyouw wo se warea-wara waki reghe-reghesan, karengan Niaku ku menesel, kaa Niaku ku simiwo mola nisea.” ⁸Ta’an si Nuh si minaka’ato e nupus karunia witu em beren ni TUHAN.Na’asaren ni Nuh ⁹Nyi’i mouw e na’asaren ni Nuh: Nuh nisia mouw siesa tou ulit wo reiy’ si sering witu nelet ne tou-tou eng kezamanna; wo si Nuh i ti’i si timou makasewok ampit si Empung. ¹⁰Nuh si minapaurangla se telu oki’ tuama: Sem, Ham wo si Yafet.¹¹Sapa tare em bumi i ti’i en teri mouw witu en sinaru ni Empung wo minawuta mouw ampit eng kaketean. ¹²Empung si limoo’ em bumi i ti’i wo e nuli-ulitouw teri ulit, karengan em baya ne tou se makelangla em patou-touan en teri wia em bumi.¹³O mee mouw nuwu’ si Empung wia si Nuh: “Niaku ku timenggolola kaa laa mekekawusla em patou-touan ne reiy’ sa mina’asa makhluk, karengan em bumi e mina wuta mouw ampit eng kaketean nea, Ni’itu mouw Niaku ku laa merere’ila nisea mewali-wali ampit em bumi. ¹⁴Sumiwo mouw i wee nikoo e nesa bahtera kayu gofir; em bahtera i ti’i e lewo’ sa reiy’ siwonnu matempa-tempa wo e lewo’ sa reiy’ pi’otennumi ampit em pepi’ot waki luar wo waki ghorem. ¹⁵Teinti’i mouw koo lewo’ sa reiy’ sumiwo em bahtera i ti’i; telu nga atus hasta eng kelabotna, lima nga pulu’ hasta eng kapenarna wo en telu nga pulu’ hasta eng kerakekna.¹⁶Sumiwo mouw atep witu em bahtera i ti’i wo i sampetola em bahtera i ti’i i ka’ayo esa nga hastami waki atas, wo i paasouw em pepalenna witu em po’otna; siwonouw em bahtera i ti’i mekeransun wawa’, nuner wo natas. ¹⁷Karengan eng kaulitna Niaku ku laa mapa eiy e rano ampuan lumi’ikeri em bumi kaa laa merere’ila ne reiy’ sa mina’asa se matou-tou wo se mekenyawa wia en solong e langit; se reiy’ sa mina’asa wia em bumi se laa mate mapuneng.¹⁸Ta’an ampit nikoo Niaku ku laa sumiwola en teta’aran-Ku, wo nikoo koo laa ghumorem mea witu eng gorem em bahtera i ti’i: nikoo mewali-wali ampit se urangmu wo si ka’awumu wo se ka’awu ne urangmu. ¹⁹Wo waki e reiy’ sa mina’asa ne matou-tou, wia ne reiy’ sa mina’asa makhluk, waki em baya nea se lewo’ sa reiy’ alinnu se esa nge paar mea witu eng gorem em bahtera i ti’i, rio ka’alaran em patou-touan nea mewali-wali ampit nikoo; raghar wo mereiy laka’ wo upa’ se lewo’ sa reiy’ alinnu.²⁰Waki se reiy’ sa mina’asa minegheghioanne wara wo waki se reiy’ sa mina’asa minegheghioan ne tekapen, waki se reiy’ sa mina’asa minegheghioan ne tekapen maoyouw wia en saruan em bumi, waki em baya nea i ti’i se lewo’ sa reiy’ meiy wia nikoo esa nge paar rio maalar em patou-touan nea. ²¹Wo nikoo, paalinouw i wee nikoo e reiy’ sa mina’asa en toro kaanen; erurenola ni’itu wia nikoo kaa laa mamuali kekaanen i wee nikoo wo i wee nisea.” ²²O laa si Nuh si timuanala em baya nyi’a i ti’i; minakatena’ tanu neiy i perentala ni Empung wia nisia, tuana mouw en tinuananala.

¹Laa o mee mouw nuwu’ si TUHAN wia si Nuh: “Ghumoremouw mea witu eng gorem em bahtera i ti’i, nikoo wo se esa nga pumpun em balemu, karengan nikoo mouw si linoo’o-Ku ulit witu en sinaru-Ku witu nelet ne tou en zaman i yi’i. ²Waki se reiy’ sa mina’asa tekapen se toro kaanen se lewo’ sa reiy’ edonnu pitu nge paar, raghar wo si mereiyna, ta’an wia se tekapen se reiy toro kaanen esa nge paar, raghar wo si mereiyna; ³wo kangkasi se wara-wara waki reghe-reghesan se pitu nge paar, laka’ wo si upa’ o rio maalar em patou-touan ne see’ nea wia minapekasa em bumi.⁴Karengan em pitupe’ nga endo kasi Niaku Ku laa tumumpame e naro wia natas em bumi epat nga pulu’ nga endo epat nga pulu’ nga wengi eng kaurena, wo Niaku ku laa rume’imi waki saruan em bumi e reiy’ sa mina’asa em bia, en siniwo-Kula i ti’i.” ⁵O laa si Nuh si timuanala e reiy’ sa mina’asa neiy i perentala ni TUHAN wia nisia.⁶Nuh si makaumur enem nga atus nge te’un, eng katoroan e rano ampuan nu mineiy lumi’ikeri em bumi. ⁷Ghumoremouw si Nuh mea witu eng gorem em bahtera i ti’i mewali-wali ampit se urangna wo si ka’awuna wo se ka’awu ne urangna karengan e rano ampuan i ti’i.⁸Waki se tekapen toro kaanen wo se tekapen reiy’ toro kaanen, waki se wara-wara wo waki se reiy’ sa mina’asa ne maanap wia en saruan em bumi, ⁹meiy mouw se esa nge paar meiy matola si Nuh witu eng gorem em bahtera i ti’i, raghar wo mereiy laka’ wo upa’, tanu neiy i perentala ni Empung wia si Nuh. ¹⁰Nu reiy’ mouw em pitu nga endo wo meiy mouw e rano ampuan limi’ikeri em bumi.¹¹Witu e nedo numur ni Nuh enem nga atus nge te’un, witu en sumedot karua, witu nendo kamapulu’ o pitu sumedot ni’itu, witu e nedo ni’itu mouw minakewe’ e reiy’ sa mina’asa eng kembu’an e lawanan wangko’ eng kasa hebat wo i kawuka’ mouw e nansouw-ansouw waki langit. ¹²Wo tumumpa mouw e naro repet limi’ikeri em bumi epat nga pulu’ nga endo epat nga pulu’ nga wengi eng kaurena.¹³Witu nendo i ti’i kangkasi o ghumorem mouw si Nuh ma’an si Zem, Ham wo si Yafet, urang ni Nuh, wo si ka’awu ni Nuh, wo se telu ka’awu ne urang-urangna mewali-wali ampit nisia, mea witu eng gorem em bahtera, ¹⁴nisea i ti’i wo se reiy’ sa mina’asa minegheghioan ne tekapen siru wo se reiy’ sa mina’asa minegheghioan ne papiaran wo se reiy’ sa mina’asa minegheghioan ne tekapen maoyouw se maanap wia em bumi wo se reiy’ sa mina’asa minegheghioan ne wara, nyi’a i yi’i se reiy’ sa mina’asa ne werasinen makateteleuw;¹⁵waki se reiy’ sa mina’asa ne matou-tou wo mekenyawa meiy mouw se esa nge paar meiy matola si Nuh witu eng gorem em bahtera i ti’i. ¹⁶Wo se ghimorem i ti’i nyi’a mouw se raghar wo mereiy laka’ wo upa’ waki se reiy’ sa mina’asa ne matou-tou, tanu neiy i perentala ni Empung wia si Nuh; o laa si TUHAN si minalen em pepalen em bahtera i ti’i witu muri ni Nuh.¹⁷Epat nga pulu’ nga endo eng kaurena e rano ampuan i ti’i limi’ikeri em bumi; e rano i ti’i e minurep wo mangkat em bahtera i ti’i, i ka’ayo limentuti kerakek waki bumi. ¹⁸Eng katoroan e rano i ti’i maawes-maawes wo minurep ampit eng kahebatna wia natas em bumi, malengki-lengki’ mouw em bahtera i ti’i witu natas saruan en dano.¹⁹Wo en dano i ti’i eng kahebatna maawesi mali’ikeri em bumi, wo en sinongkouwannala e reiy’ sa mina’asa kuntung rakek wia minapekasa en solong langit, ²⁰neiy i ka’ayo mapulu’ o lima hasta witu natasna e maawes-maawes en dano i ti’i, i ka’ayo eng kuntung-kuntung en tinutuwna.²¹Laa o mate mapunengouw se reiy’ sa mina’asa ne matou-tou, se maoghe wia em bumi, se wara-wara, se papiaran wo se tekapen siru wo se reiy’ sa mina’asa ne tekapen maanap, se maroina-roina’ wia em bumi, ampit em baya ne tou. ²²O mate mouw se reiy’ sa mina’asa ne wawean asengan em patou-touan witu en sesepunanna, se reiy’ sa mina’asa se wia eng ketana’an.²³Tuana mouw rine’ila ni Empung e reiy’ sa mina’asa em bia, e reiy’ sa mina’asa em bia en saruan em bumi, le’os se tou ka’apa tu’u se tekapen wo se tekapen maanap wo se wara-wara waki reghe-reghesan, i ka’ayo em baya nyi’a i ti’i e rine’imi waki atas em bumi; si Nuh i te si neiy i katele’u matou-tou wo se reiy’ sa mina’asa mewali-wali ampit nisia witu eng gorem em bahtera i ti’i. ²⁴Wo kumuwasa mouw en dano i ti’i wia natas em bumi esa nga atus lima nga pulu’ nga endo eng kaurena.

¹Takar si Empung si ghimenang si Nuh wo se reiy’ sa mina’asa ne tekapen siru wo se reiy’ sa mina’asa ne papiaran, se mewali-wali ampit nisia witu em bahtera i ti’i, wo si Empung si simiwola e reghes mawi’iwis matoromi em bumi i ka’ayo en dano i ti’i en timaghas. ²O penetouw eng kebu’an-kebu’an en dano e lawanan wangko’ ma’an e nansouw-ansouw waki langit wo mena’ momi e naro repet waki langit, ³wo meketaghasomi en dano i ti’i waki saruan em bumi. Tuana mouw eng kapetaghas en dano i ti’i nu reiy’ mouw e nesa nga atus lima nga pulu’ nga endo.⁴Witu en sumedot e kapitu, witu e nendo eng kamapulu’ o pitu en sumedot ni’itu, i kera’aserouw em bahtera i ti’i witu eng kakuntungan Ararat. ⁵I ka’ayo en sumedot e kamapulu’ meke taghasola en dano i ti’i; witu en sumedot e kamapulu’, witu en tanggal esa sumedot e ni’itu, kaloo’anouw en toka-toka eng kuntung.⁶Nu limangkoiy mouw epat nga pulu’ nga endo, takar si Nuh si minuka’ e nansouw siniwonala witu em bahtera i ti’i. ⁷Wo sia mayame siesa nga ipus wara keleak; wo si wara i ti’i si mateleuw mea o meiy, i ka’ayo en dano i ti’i minaperami waki atas em bumi.⁸Kamurian i wayanala siesa nga ipus wara pombo kaa laa meleloo’, sapa ku’a re’en en dano i ti’i eng kimo’okosomi waki saruan em bumi. ⁹Ta’an si wara pombo i ti’i si reiy’ minaka’ato tampa kontoiyan e ne’ana wo marengouw sia minurikit mea matola si Nuh mea witu eng gorem em bahtera i ti’i, karengan wia minapekasa em bumi waweane’ rano; o laa si Nuh si timempayala e lawasna, sinikopna si wara i ti’i wo alinna ghumorem mea witu eng gorem em bahtera i ti’i.¹⁰Nisia si ma’ena’ pitu nga endo kasi, kamurian i wayanami kasi si wara pombo i ti’i waki bahtera; ¹¹melelaa e nedo mawengido marengouw si wara pombo i ti’i meiy matola si Nuh, wo witu en tetongko’na nialina e nesa laleiyna en zaitun en segaya’. Witu mouw o kaketeu’ala ni Nuh, kaa en dano i ti’i eng kimo’okosomi waki atas em bumi. ¹²Tumodongla nyi’a em pina’ena’na kangkasi em pitu nga endope’ kasi, kamurian i wayaname si wara pombo i ti’i, ta’an si wara i ti’i si reiy’ mouw minarengi kasi wia nisia.¹³Witu en te’un kaenem nga atus o esa, witu en sumedot kasa ketare-tare, witu en tanggal esa sumedot e ni’itu, e minapera momi en dano waki atas em bumi; kamurian si Nuh si minuka’la em pepenet em bahtera i ti’i wo meloo-loo’; pakaloo’o-loo’onouw en saruan em bumi e muleiy mouw mapera. ¹⁴Witu en sumedot e karua, witu nendo e karua ngapulu’ o pitu en sumedot e ni’itu, bumi em pera mouw.¹⁵Wo mee mouw nuwu’ si Empung wia si Nuh: ¹⁶“Rumo’u momi waki bahtera i ti’i, nikoo mewali-wali ampit si ka’awumu ma’an se urang-urangmu wo se ka’awu ne urang-urangmu; ¹⁷se reiy’ sa mina’asa tekapen se mewali-wali ampit nikoo, reiy’ sa mina’asa se matou-tou: se wara-wara, tekapen wo se reiy’ sa mina’asa tekapen maoyouw se maanap wia em bumi, i reo mouw rumo’umi mewali-wali ampit nikoo, rio em baya nisea i ti’i se rumoina’ wia em bumi, ma’an sumena wo maawes eng kelaker wia em bumi.”¹⁸Laa o rumo’u momi si Nuh mewali-wali ampit se urang-urangna wo si ka’awuna wo se ka’awu ne urang-urangna. ¹⁹Se reiy’ sa mina’asa ne tekapen siru, se reiy’ sa mina’asa ne tekapen maoyouw wo se reiy’ sa mina’asa wara, em baya ne maoghe wia em bumi, siesa o siesa i ki’it eng giona, se rimo’umi kangkasi waki bahtera i ti’i.²⁰O laa si Nuh si rimedeiyla mezbah i wee si TUHAN; wia se reiy’ sa mina’asa ne tekapen se toro kaanen wo waki se reiy’ sa mina’asa ne wara se toro kaanen edonna mola pirala nga ipus, laa o sia meela sesempe tinunu witu natas e mezbah i ti’i. ²¹Eng katoroan si TUHAN nu minou en sesempe sedaap i ti’i, o mee mouw nuwu’ si TUHAN witu eng gorem e nate-Na: “Niaku ku reiy’ mouw kumutok em bumi i yi’i kasi karengan sitou, ma’anouw tu’u neiy i lentuti natena nyi’a mouw e lewo’ rengan waki nu oki’pe’, wo Niaku ku reiy’ mouw laa munengla kasi e reiy’ sa mina’asa se matou-tou tanume en tinuana-Ku mola. ²²Eng kaurean em bumi wiape’, e reiy’ laa maena-ena’ e noras makeror wo meupu’, ghe’egher wo pasu’, ra’ar wo aro, oat wo wengi.”

¹O laa si Empung si minerkatla si Nuh wo se urang-urangna ma’an minee nuwu’ wia nisea: “Murang o muyunouw wo mawesouw eng kelaker ma’an wutanola em bumi. ²Se laa meide’ wo se laa kori’ wia nikoo se reiy’ sa mina’asa tekapen wia em bumi wo se reiy’ sa mina’asa wara waki reghe-reghesan, se reiy’ sa mina’asa ne maoghe wia en saruan em bumi wo se reiy’ sa mina’asa ne sera’ wia en tasik; witu eng gorem e lawasmu mouw em baya nyi’a i ti’i i sarakan.³E reiy’ sa mina’asa ne maoghe’ se matou-tou, se laa mamuali kekaanennu. Niaku ku minee mola em baya nyi’a i ti’i wia nikoo tanukan kangkasi en tanemen-tanemen lisouw. ⁴E le’ona i te waweane’ imukurna, nyi’a i yi’i en daa’na, te’a pekekaanennu.⁵Ta’an en tanume en daa’ miou, nyi’a i yi’i e nyawa miou, Niaku ku laa kume’i en suli’na; waki se reiy’ sa mina’asa tekapen, Niaku ku laa kume’i nyi’a, wo waki se susur tou Niaku ku laa kume’i e nyawa ni kasuat en tou. ⁶Seiy si timoa’la en daa’ ni tou, en daa’na e laa i katoa’ ni tou, karengan si Empung si simiwola sitou i ti’i neiy i ki’it e lumian-Na nuesa. ⁷Wo nikouw, murang o muyunouw wo mawes eng kelaker, i ka’ayo reiy’ i keila’ eng kelakermu wia natas em bumi, yon, mawesouw eng kelaker wia natasna,”⁸O mee mouw nuwu’ si Empung wia si Nuh wo wia se urang-urangna se mewali-wali ampit nisia: ⁹“Eng kaulitna Niaku ku simiwola en teta’arang-Ku ampit nikouw wo ampit ne see’mu, ¹⁰wo ampit ne reiy’ sa mina’asa makhluk matou-tou se mewali-wali ampit nikouw: se wara-wara, se papiaran wo se tekapen-tekapen siru wia em bumi se mewali-wali ampit nikouw, ne reiy’ sa mina’asa se rimo’umi waki bahtera i ti’i, se reiy’ sa mina’asa ne tekapen wia em bumi.¹¹Takar Kusimiwola en teta’arang-Ku ampit nikouw, kaa rengan e yi’i reiy’la si matou-tou si laa re’inla e rano ampuan kasi, wo reiy’ mouw laa wawean kasi e rano ampuan kaa laa merere’ila em bumi.” ¹²Wo si Empung si minee nuwu’: “Nyi’i mouw eng kowa’ teta’aran en siniwo-Kula e nelet Niaku wo nikouw ma’an se reiy’ sa mina’asa makhluk matou-tou, se mewali-wali ampit nikouw, see’ o see’, i wee eng keure-urena: ¹³Em borang-Ku ni’i wee-Ku waki linaak, rio i tu mamuali kowa’ teta’aran nelet Niaku wo em bumi.¹⁴Sakawisa eng kamurian Kumapa eiymi e linaak wia natas em bumi wo em borang i ti’i eng kaloo’an waki linaak, ¹⁵takar Niaku ku laa ghumenang en teta’arang-Ku em bia mouw e nelet Niaku wo nikouw ma’an e reiy’ sa mina’asa ne makhluk se matou-tou, e reiy’ sa mina’asa se mekenyawa, i ka’ayo em pakasa’an e rano e reiy’ mouw kasi mamuali rano ampuan kaa laa mepepunengla e reiy’ sa mina’asa se matou-tou.¹⁶Sa em borang i ti’i em baki linaak, takar Niaku ku laa lumoo’ nyi’a, i ka’ayo Aku ghumenang en teta’arang-Ku ke’ekel e nelet ni Empung wo e reiy’ sa mina’asa ne makhluk se matou-tou, e reiy’ sa mina’asa ne makhluk se wia em bumi.” ¹⁷O mee mouw nuwu’ si Empung wia si Nuh: “Nyi’i mouw eng kowa’ tata’aran en siniwo-Ku nelet Niaku wo e reiy’ sa mina’asa ne makhluk se wia em bumi.”

¹Nyi’i mouw se see’ ni Sem, Ham wo ni Yafet, urang-urang ni Nuh, ni’itu nu reiy’ mouw e rano ampuan i ti’i i patou mouw se urang-urang tuama i wee nisea.²See’ ni Yafet nyi’a mouw si Gomer, Magog, Madai, Yawan, Tubal, Mesekh wo si Tiras. 3 ³See’ ni Gomer nyi’a mouw si Askenas, Rifat wo si Togarma. ⁴See’ ni Yawan nyi’a mouw si Elisa, Tarsis, tou eng Kitim wo se tou Dodanim. ⁵Waki nisea i yi’i mouw sea sumera se bangsa-bangsa en daerah li’ilik em pante. Ni’itu mouw se see’ ni Yafet, siesa o siesa witu en tana’na, ampit em baasana nuesa, i ki’it eng kaum wo em bangsa nea.⁶See’ ni Ham nyi’a mouw si Kush, Misraim, Put wo si Kana’an. ⁷See’ ni Kush nyi’a mouw si Seba, Hawila, Sabta, Raema wo si Sabtekha; urang-urang ni Raema nyi’a mouw si Syeba wo si Dedan.⁸Kush si minapaurangla si Nimrod; nisia mouw si kasa ketare-tare tou makakuwasa wia em bumi; ⁹nisia siesa tou mengengasu si waraneiy witu en sinaru ni TUHAN, karengan e ni’itu si patotoren ne tou: “Tanu si Nimrod, siesa tou mengengasu si waraneiy witu en sinaru ni TUHAN.” ¹⁰Ketare-tare eng karajaanna neiy i karedeiyi waki Babel, Erekh, wo e Akad, em baya nyi’a e waki tana’ Sinear.¹¹Waki wanua i ti’i sia mea waki Asyur, laa o rumedeiyla e Niniwe, Rehobot-Ir, Kalah ¹²wo e Resen witu nelet e Niniwe wo eng Kalah; ni’itu mouw eng kota wangko’ i ti’i. ¹³Misraim si minapaurangla se tou Ludim, tou Anamim, tou Lehabim, tou Naftuhim, ¹⁴tou Patrusim, tou Kasluhim wo se tou Kaftorim; waki nisea i yi’i mouw e nasal ne tou Filistin.¹⁵Kana’an minapaurangla si Sidon, urangna tu’a, wo si Het, ¹⁶ma’an se tou Yebusi, tou Amori wo se tou Girgasi; ¹⁷tou Hewi, tou Arki, tou Sini, ¹⁸tou Arwadi, tou Semari wo se tou Hamati; kamurian i kasera mouw se kaum-kaum ne tou eng Kana’an i ti’i.¹⁹Daerah ne tou eng Kana’an nyi’a mouw e waki Sidon matorome eng Gerar i ka’ayome waki Gaza, tumorome en Sodom, Gomora, Adma wo en Zeboim i ka’ayo waki Lasa. ²⁰Ni’itu mouw se see’ ni Ham i ki’it eng kaum nea, i ki’it em baasa nea, i ki’it en tana’ nea, i ki’it em bangsa nea.²¹I patou mouw kangkasi se urang-urang i wee si Sem, ama’ em baya ne oki’ ni Eber ampit si pekaka’an Yafet. ²²See’ ni Sem nyi’a mouw si Elam, Asyur, Arpakhsad, Lud wo si Aram. ²³See’ ni Aram nyi’a mouw si Us, Hul, Geter wo si Mas.²⁴Arpakhsad minapaurangla si Sela, wo si Sela minapaurangla si Eber. ²⁵I wee si Eber minatoumi se rua urang tuama; ngaran ni esa nyi’a mouw si Peleg, karengan witu en zamanna em bumi minaweteng, wo ngaran ni tuarina nyi’a mouw si Yoktan.²⁶Yoktan minapaurangla si Almodad, Selef, Hazar-Mawet wo si Yerah, ²⁷Hadoram, Uzal wo si Dikla, ²⁸Obal, Abimael wo si Syeba, ²⁹Ofir, Hawila wo si Yobab; ni’itu mouw em baya se see’ ni Yoktan.³⁰Daerah paena’an nea e minitar waki Mesa matorome en Sefar, ni’itu mouw eng kakuntungan waki esa nga weka sedangan. ³¹Ni’itu mouw se see’ ni Sem, i ki’it eng kaum nea, i ki’it em baasa nea, i ki’it en tana’ nea, i ki’it em bangsa nea.³²Ni’itu mouw se reiy’ sa mina’asa kaum ne urang-urang ni Nuh i ki’it en see’ nea, i ki’it em bangsa nea. Wo waki nisea i ti’i mouw i kasera se bangsa-bangsa wia em bumi ni’itu nu reiy’ mouw e rano ampuan i ti’i.

¹Sapa tare e minapekasa em bumi, e nesa baasana wo e nesa kapasusuiyna. ²Takar mae mouw sea mea waki esa nga weka sedangan wo tumo’upla en tana’ patar waki tana’ Sinear, laa o mena’ mouw sea maname.³Sea lumila’ siesa wia se walina: “Meiy mouw kita sumiwola tela wo tumunu nyi’a makale’o-le’os.” ⁴O kangkasi em pokeiy nea: “Meiy mouw kita rumedeiyla i wee nikita e nesa kota ampit e nesa pewale en tokana ma’ayo mea waki langit wo meiy mouw kita sumero ngaran, rio kita reiy’ i kasera wia minapekasa em bumi.”⁵Laa o tumumpa mouw si TUHAN kaa meiy meleloo’ eng kota wo em pewale neiy i redeiyla ne oki-oki’ nitou i ti’i, ⁶wo Sia mee nuwu’: “Nisea i yi’i se esa bangsa ampit se esa baasa i wee em baya nea. Nyi’i en tare mouw kasa ketarean em pe’inakuten nea; muleiymi en teakan sapa tu’u kangkasi en tiro’en neala, e reiy’la e reiy’ laa toro katuana’an. ⁷Le’osouw Kita tumumpa wo sumero-serokla maname em baasa nea, i ka’ayo sea reiy’ mouw mangarti kasi em baasa niesa o niesa.”⁸Tuana mouw nisea neiy i sarakanla ni TUHAN waki witula minea waki minapekasa em bumi, wo nisea se minena’ maredeiyla eng kota i ti’i. ⁹Ni’itu mouw eng karenganna i ka’ayomi en teakan e ngaran eng kota i ti’i em patotoren Babel, karengan witu mola en sinero-serokala ni TUHAN em baasa ne minapekasa em bumi wo witu mola sea i sarakanla ni TUHAN mea wia minapekasa em bumi.

¹O mee mouw nuwu’ si TUHAN wia si Abram: “Rumo’u momi waki wanuamu wo waki se patuari-patuarimu wo waki wale ni ama’mu i yi’i mea waki wanua e laa-Ku i tudu’la wia nikoo; ²Niaku ku laa sumiwola nikoo mamuali bangsa kewangko’, wo merkatla nikoo ampit sumiwola e ngarannu kasa kasine’uan; wo nikoo koo laa mamuali berkat. ³Niaku ku laa merkatla se tou-tou maberkatla nikoo, wo kumutok se tou-tou makutok nikoo wo eng karengan nikoo se kaum wia en saruan em bumi se laa maka’ato berkat.”⁴Laa o mea mouw si Abram tanu neiy i nuwu’la ni TUHAN wia nisia, wo si Lot tu’u si kimi’it mewali-wali ampit nisia; Abram si makaumur pitu nga pulu’ o lima nge te’un, eng katoroan nisia nu rumo’umi waki Haran. ⁵Abram si minali si Sarai, ka’awuna, wo si Lot, oki’ ni patuarina, wo e reiy’ sa mina’asa em budel e niato nea wo se tou-tou kina’atoan nea waki Haran; nisea se minae waki tana’ Kana’an, laa o i ka’ayola witula.⁶Abram si kimelang timorola em banua i ti’i i ka’ayo mea waki e nesa tampa tawi en Sikhem, nyi’a i yi’i e nakana en tarbantin waki More. Nedo ni’itu se tou Kana’an se maena’ witu em banua i ti’i. ⁷Katoroan e ni’itu TUHAN si minapa’atola en tou wia si Abram wo mee nuwu’: “Niaku ku laa meweweela em banua i yi’i wia se see’mu.” Takar i redeiynala witu e mezbah i wee si TUHAN si minapa’ato mola en tou wia nisia.⁸Kamurian sia sumoro’mi waki witula o mea waki kakuntungan waki esa nga weka sedangan em Betel. Sia maas en dasingna ampit em Betel waki esa nga weka talikuran wo e Ai waki esa nga weka sedangan, laa o sia rumedeiyla witu e mezbah i wee si TUHAN wo makeret e ngaran ni TUHAN. ⁹Nu reiy’ mouw i tu o mae mouw si Abram wo mekewa’akatouw sia makelang mea waki tana’ Negeb.

¹Takar rumo’u momi si Abram waki Mesir mea waki tana’ Negeb ampit si ka’awuna wo e reiy’ sa mina’asa kapunyaanna, wo si Lot tu’u si mewali-wali ampit nisia. ²Sapa tare si Abram si kasa kaya, kelaker papiaran, perak wo e masna.³Nisia si makelang waki tetulian mea waki tetulian, waki tana’ Negeb i ka’ayo waki tawi em Betel, waki wisa en dasingna ketare-tare rimedeiy, nelet em Betel wo e Ai, ⁴mea waki tampa e mezbah en siniwona ketareanna maname; witu mouw si Abram kimeret e ngaran ni TUHAN.⁵O kangkasi si Lot, si kimi’it mewali-wali ampit si Abram, si makapunya domba wo sapi wo en dasing. ⁶Ta’an em banua i ti’i e reiy’ awes eng kapelas i wee nisea sa laa mena’ mewali-wali, karengan em budel nea eng ka’asa’an, i ka’ayo nisea se reiy’ mete’u mena’ mewali-wali. ⁷Karengan e ni’itu mamuali mouw em patokol e nelet em baya ne rumerawir ni Abram wo ne rumerawir ni Lot. Nedo ni’itu se tou Kana’an wo se tou Feris se maena’ witu em banua i ti’i.⁸Takar lumila’ mouw si Abram wia si Lot: “Te’a mouw satorona wawean em patokol nelet niaku wo nikoo, wo nelet em baya ne rumerawirku wo ne rumerawirmu, karengan nikita i yi’i kita mekalo. ⁹E reiy’ ku’a re’en e minapekasa em banua i yi’i minawuka’ i wee nikoo? Le’osouw i tampasi en toumu waki niaku; sa koo kumawii, takar niaku ku laa lele’os, sa koo laa lele’os, takar niaku ku kumawii.”¹⁰O laa si Lot si limease en tu’usanna wo loo’nna mouw, kaa e minapekasa eng Kewong Yordan kelaker rano, tanu en taman ni TUHAN, tanu en tana’ Mesir, i ka’ayo mea waki Zoar, – eng kapualitan i ti’i minamuali nu reiy’pe’ si TUHAN nu rime’ila en Sodom wo eng Gomora. – ¹¹Karengan e ni’itu Lot si mineleng i wee nisia e minapekasa eng Kewong Yordan i t’i, laa o sia mae waki esa nga weka sedangan wo sea meta’atasan.¹²Abram si minena-ena’ waki tana’ Kana’an, ta’an si Lot si minena-ena’ waki kota-kota eng Kewong Yordan wo dimasing waki tawi en Sodom. ¹³Sapa tare se tou en Sodom se kasa lewo’ wo se makadosa wia si TUHAN.¹⁴Nu reiy’ mouw si Lot nu tima’atasi waki si Abram, o mee mouw nuwu’ si TUHAN wia si Abram: “Tu’usanouw eng kaledongmu wo lo’onomi waki tampa rinedeiyannu i ti’i lumoo’me sedangan wo talikuran, amian wo timu, ¹⁵karengan e minapekasa wanua em palo’onnula i ti’i e laa-Ku i weela wia nikoo wo wia se see’mu eng kaure-urena.¹⁶Wo niaku ku laa sumiwola se see’mu tanu riawu en tana’ eng kelakerna, i ka’ayo, sa wona’na wawean si toro rumeken e riawu en tana’, se see’mu tu’u se toro i te laa rekenen kangkasi. ¹⁷Tumiro’ mouw, kelangenouw em banua i ti’i i ki’it eng kelabot wo eng kapenarna, karengan wia nikoo mouw e laa-Ku i weela em banua i ti’i.” ¹⁸Nu reiy’ mouw i tu Abram si simoro’la en dasingna wo minena-ena’ waki tawi nakana-nakana en tarbantin waki Mamre, tawi eng Hebron, laa o i redeiynala e mezbah witu i wee si TUHAN.

¹Witu en zaman ni Amrafel, raja Sinear, Ariokh, raja Elasar, Kedorlaomer, raja Elam wo si Tideal, raja Goyim, o mamuali mouw, ²kaa se raja-raja i yi’i se maseke’ mesaru si Bera, raja Sodom, Birsya, raja Gomora, Syinab, raja Adma, Syemeber, raja Zeboim wo si raja em banua Bela, nyi’a i yi’i em banua Zoar.³Raja-raja se tinotorla mamuri i yi’i em baya nea se minaasa’an wo meiy waki kewong en Sydim, nyi’a i yi’i en Tasik Wurasen. ⁴Mapulu’ o rua nge te’un eng keurena nisea se tu’utuk wia si Kedorlaomer, ta’an witu en te’un kamapulu’ o telu sea rumangu. ⁵Witu en te’un kamapulu o epat meiy mouw si Kedorlaomer ampit se raja-raja mewali-wali ampit nisia, laa o sea kumalala se tou Refaim waki Asyterot-Karnaim, tou Zuzim waki Ham, tou Emim waki Syawe- Kiryataim 6 ⁶wo se tou Hori waki kakuntungan nea mekengaran Seir, i ka’ayo waki El-Paran waki li’ilik em patar kaerisan.⁷Nu reiy’ mouw i tu murikitouw sea wo i ka’ayola waki En-Mispat, nyi’a i yi’i eng Kadesh, wo kumalala minapekasa en daerah ne tou Amalek, wo kangkasi se tou Amori, se maena’ waki Hazezon-Tamar. ⁸Laa o rumo’u momi si raja em banua Sodom, raja em banua Gomora, raja em banua Adma, raja em banua Zeboim wo si raja em banua Bela, nyi’a i yi’i em banua Zoar, wo tumiro’ se barisan paseke’na sumu’usuk nisea waki kewong en Sidim, ⁹Sumu’usuk si Kedorlaomer, raja Elam, Tideal, raja Goyim, Amrafel, raja Sinear, wo si Ariokh, raja Elasar, se epat raja simu’usuk se lima.¹⁰Waki kewong en Sidim i ti’i wisa-wisa i te wawean parigi aspal. Eng katoroan si raja Sodom wo si raja Gomora nu timingkasla en tou, ka’anu mouw sea mea witu eng gorem e nyi’a wo se tou-tou timele’upe’ matou-tou se timingkase en tou mea waki kakuntungan. ¹¹E reiy’ sa mina’asa em budel en Sodom wo eng Gomora ampit e reiy’ sa mina’asa bahan kekaanen eng kinaat ne kesaru, laa o sea mea. ¹²O kangkasi si Lot, oki’ ni patuari ni Abram, ma’an em budelna, niali ne kesaru, laa o sea mea – karengan si Lot i ti’i si maena’ waki Sodom.¹³Kamurian meiy mouw siesa tou matingka-tingkas wo sumusuiyla eng kapualitan i yi’i wia si Abram, sitou Ibrani i ti’i, si maena’ tawi nakana-nakana en tarbantin kapunyaan ni Mamre, tou Amori i ti’i, patuari ni Eskol wo ni Aner, nisea i yi’i se ka’ampit-ka’ampit kaasa ni Abram. ¹⁴Eng katoroan si Abram nu limingla, kaa si urang ni patuarina si kinetaangan, takar i oghena mola se tou-touna minelati mouw, nyi’a i yi’i nisea se minatou witu em balena, telu nga atus mapulu’ o uwalu tou eng kelakerna, laa o kumi’it se kesaru i ka’ayo waki Dan.¹⁵Wo witu nedo wengi mawetengouw sea, nisia wo se hamba-hambana i ti’i, kaa laa mesesu’usuk se kesaru; nisea se kimalala wo kumi’it se kesaru i ka’ayo waki Hoba waki esa nga weka amian en Damsyik. ¹⁶Alinna mouw sumoup e reiy’ sa mina’asa em budel i ti’i; si Lot kangkasi, urang ni patuarina i ti’i, ampit em budelna e nialina neiy i wareng, tuanakan kangkasi se wewene-wewene wo se tou-touna.

¹Kamurian meiy mouw nuwu’ ni TUHAN wia si Abram witu e nesa pineleloo’: “Te’a mouw meide’, Abram, Niaku mouw ku kekelungmu; tetoromu e laa kasa wangko’.” ²Abram si miningkot: “Yon EMPUNG Tuhan, sapa ku’a re’en e laa-Mu i weela wia niaku, karengan niaku ku laa tumayan reiy’ ampit e makaurang, wo si laa sumani’la em baleku nisia mouw si Elieser, tou en Damsyik i ti’i.” ³O kasi em pokeiy ni Abram: “Nikoo koo reiy’ mineela wia niaku see’, i ka’ayo siesa hambaku ee sangari si laa mamuali sumesani’ku.”⁴Ta’an meiy mouw e nuwu’ ni TUHAN wia nisia, en tuana: “Sitou i yi’i si reiy’ laa mamuali sumesani’mu, reiy’ si walina si urang karenganmu, nisia mouw si laa mamuali sumesani’mu.” ⁵O laa si TUHAN si minali si Abram mea witu luar ma’an minee nuwu’: “Ma’awa’ mouw lumoo’ mea waki langit, rekenenouw se sumesena’-sumesena’, sa koo toro rumekenla nisea.” Takar e nuwu’-Na wia nisia: “Tuana mouw eng kelakerna ee sangari se see’mu.”⁶O laa me’emanouw si Abram wia si TUHAN, takar si TUHAN si minaparekenla eng kapualitan i ti’i wia nisia tanume eng kaulitan. ⁷O kasi e nuwu’ ni TUHAN wia nisia: “Niaku mouw ku TUHAN, si minali nikoo rimo’umi waki Ur-Kasdim kaa laa meweweela em banua i yi’i wia nikoo mamuali kapunya’annu.” ⁸Em pokeiy ni Abram: “Yon EMPUNG Tuhan, waki wisa ku’a re’en aku mete’u, kaa niaku ku laa makapunyala nyi’a?”⁹E nuwu’ ni TUHAN wia nisia: “Edonouw i wee-Niaku siesa nga ipus sapi mereiy makaumur telu nge te’un, siesa nga ipus membe’ mereiy makaumur telu nge te’un, siesa nga ipus domba raghar makaumur telu nge te’un, siesa nga ipus wara wukur wo si esa nga ipus oki’ ni wara pombo.” ¹⁰Edonna mola em baya nea i ti’i i wee si TUHAN, kinetor pinarua, laa o i reta’nala e weteng-weteng i ti’i e nesa witu li’ilik em walina, ta’an se wara-wara i ti’i se reiy’ kinetor pinarua. ¹¹Eng katoroan se wara-wara lela’ se timeka’ witu le’ona ne tekapen-tekapen i ti’i, takar si Abram si minure’la nisea.¹²Melelaa mouw siendo nu tumenem, katekelanouw si Abram ampit eng kare’erep. Laa o tumumpa mouw limi’ikeri nisia eng kasa reiydem e mekeide’en. ¹³E nuwu’ ni TUHAN wia si Abram: “Kete’uanola ampit e makauli-ulitna kaa se see’mu se laa mamuali tou wo’oseiy witu e nesa wanua, e reiy’ kapunyaan nea, wo kaa nisea se laa atan wo siasan, epat nga atus nge te’un eng keurena.¹⁴Ta’an se bangsa laa ma’ata nisea, se laa-Ku ukumen, wo nu reiy’ mouw i tu nisea se laa rumo’umi ampit maali em budel kelaker. ¹⁵Ta’an nikoo koo laa mea wia se nene moyangmu ampit eng kale’osan; nikoo koo laa i le’osla witu nedo em puti’ mouw em bu’ukmu. ¹⁶Ta’an se see’ e kaepat se laa marengi wia nyi’i, karengan nu reiy’pe’ i tu eng kalewo’an ne tou Amori i ti’i e reiy’pe’ lekep.”¹⁷Eng katoroan siendo nu timenemola, wo nendo minareiydem, takar kaloo’anola e ramporan e maawun ma’an em barung e maapi limangkoiy witu nelet eng kaketor-kaketor e le’ona i ti’i. ¹⁸Witu nedo ni’itu mouw si TUHAN nu simiwola en teta’aran ampit si Abram ma’an mineela nuwu’: “Wia se see’mu mouw i wee-Kula em banua i yi’i, muleiymi waki teberan Mesir i ka’ayo waki teberan e wangko’ i ti’i, en teberan Efrat: ¹⁹nyi’a i yi’i en tana’ ne tou eng Keni, tou Kenas tou Kadmon, ²⁰tou Het, tou Feris, tou Refaim, ²¹tou Amori, tou Kana’an, tou Girgasi wo ne tou Yebus i ti’i.”

¹Sapa tare si Sarai, ka’awu ni Abram i ti’i, si reiy’ sioki’. Sia si makapunya siesa hamba wewene, tou Mesir, Hagar ngaranna. ²Lumila’ mouw si Sarai wia si Abram: “Nikoo koo mete’u, TUHAN si reiy’ mineela niaku tumimea’la oki’. Karengan e ni’itu le’osouw retenela si hambaku i ti’i; wo’o wona’na kaa nisia mouw niaku ku toro maka’atola siesa oki’.” Wo si Abram si limingala e lelila’an ni Sarai. ³Ni’itu mouw si Sarai, ka’awu ni Abram i ti’i, si minedola si Hagar, hambana, tou Mesir i ti’i, – nyi’a i yi’i eng katoroan si Abram nu mapulu’ mouw nge te’un maena’ waki tana’ Kana’an, – laa o i weenala wia si Abram, tu’atuamana, laa mamuali tu’awewenena. ⁴Abram si timawila si Hagar, laa o gumandongouw si wewene i ti’i. Eng katoroan si Hagar nu mete’ula, kaa nisia si megandong, takar i papokeiynamokela kumeng si nyorana i ti’i.⁵Laa o lumila’ mouw si Sarai wia si Abram: “Pasero’an em peme’itangku i yi’i nyi’a mouw en tanggongannu; niaku mouw si mineela si hambaku witu em pinalarmu, ta’an en tare mouw i te sia nu mete’ula, kaa nisia si megandong, i papokeiyna mokela kumeng niaku; TUHAN satorona si mamuali Akim nelet niaku wo nikoo.” ⁶Em pokeiy ni Abram wia si Sarai: “Hambamu i ti’i si witu wawa’ eng kakuwasaannu; siwonouw wia nisia sapa em paloo’onnula le’os.” O laa si Sarai si malotoiy si Hagar, i ka’ayo sia timingkas timele’ula nisia.⁷O laa si mala’ekat ni TUHAN si mineiy matola nisia witu en tawi e nesa kebu’an waki patar kaerisan, nyi’a i yi’i tawi eng kebu’an waki lalan me’a waki Syur. ⁸Em pokeiyna: “Hagar, hamba ni Sarai, waki wisa ku’a re’en o koo meiy wo wisa ku’a re’en em pelaa’annu?” E wingkotna: “Niaku ku timingkas timele’umi si Sarai, nyoraku.”⁹Laa o pokeiy ni Mala’ekat ni TUHAN i ti’i wia nisia: “Marengouw wia si nyoramu, ma’anouw koo i lotoiy witu e wawa’ eng kakuwasaanna.” ¹⁰O kasi em pokeiy ni Mala’ekat ni TUHAN i ti’i wia nisia: “Niaku ku laa sumiwo kasa melaker se see’mu, i ka’ayo se reiy’ mete’u karekenan karengan eng kelakerna.”¹¹Tumodongla nyi’a em pokeiy ni Malaikat ni TUHAN i ti’i wia nisia: “Nikoo koo megandong wo laa tumimea’ siesa oki’ tuama wo laa ngumaranla nisia Ismael, karengan si TUHAN si liminga mola en tanume em palotoiyan nikoo i ti’i. ¹²Siesa tuama me’ulu-ulur si keledai siru, tuana mouw ee sangari sioki’ i ti’i; lawasna e laa sumu’usuk susur tou wo lawas ne susur tou e laa sumu’usuk nisia, wo witu en tampa paena’anna nisia si laa mero em baya se patuarina.”¹³Kamurian Hagar si ngimaranla si TUHAN si minee mola e nuwu’ wia nisia i ti’i ampit en totoran: “Nikoo mouw si El-Roi.” Karengan em pokeiyna: “E reiy’ ku’a re’en wia nyi’i ku lumoo’ Nisia si limoo’ mola niaku?” ¹⁴Karengan e ni’itu em parigi ketare em patotoren ne tou: parigi Lahai-Roi; e reta’na nelet eng Kadesh wo em Bered.¹⁵O laa si Hagar si timimea’la siesa oki’ tuama i wee si Abram wo si Abram si ngimaranla sioki’ tinimea’la ni Hagar i ti’i Ismael. ¹⁶Abram si makaumur uwalu nga pulu’ o enem nge te’un, eng katoroan si Hagar nu timimea’la si Ismael i wee nisia.

¹Eng katoroan si Abram nu makaumur siouw nga pulu’ o siouw nge te’un, takar si TUHAN si minapa’atola en tou wia si Abram wo mee nuwu’ wia nisia: “Niaku mouw ku Empung Si Kasakuwasa, tumou mouw witu en sinaru-Ku ampit e reiy’ si sering. ²Niaku ku laa sumiwola teta’aran e nelet Niaku wo nikoo, wo Niaku ku laa sumiwo nikoo kasa melaker.”³Laa o mongkotouw si Abram, wo si Empung si minee nuwu’ wia nisia: ⁴“Waki se suat-Ku, nyi’i mouw en teta’aran-Ku ampit nikoo: Nikoo koo laa mamuali ama’ ne kelaker bangsa. ⁵Karengan e ni’itu ngarannu e reiy’ mouw kasi Abram, ta’an i te Abraham, karengan nikoo koo neiy-Ku mouw i tantula mamuali ama’ ne kelaker bangsa. ⁶Niaku ku laa sumiwo nikoo meurang wo muyun kasa melaker; nikoo koo laa siwong-Ku mamuali bangsa-bangsa, wo wia nikoo e laa meiy se raja-raja.⁷Niaku ku laa sumiwola teta’aran e nelet Niaku wo nikoo ampit se see’mu see’ o see’ mamuali teta’aran ke’ekel, rio Niaku ku mamuali Empungmu wo Empung ne see’mu. ⁸Wia nikoo wo wia se see’mu e laa i wee-Kula em banua i yi’i e nena’annu tanume sitou wo’oseiy, nyi’a i yi’i minapekasa en tana’ Kana’an e laa i wee-Kula mamuali kapunya’annu eng kaure-urena; wo Niaku ku laa mamuali Empung nea.”⁹O kasi e nuwu’ ni Empung wia si Abraham: “Witu en suatmu, nikoo koo lewo’ sa reiy’ tumiboiy en teta’aran-Ku, nikoo wo se see’mu see’ o see’. ¹⁰Nyi’i mouw en teta’aran-Ku, e lewo’ sa reiy’ tiboiyan niouw, en tata’aran nelet Niaku wo nikouw ma’an se see’ mu, nyi’a i ti’i susur tuama witu nelet miouw se lewo’ sa reiy’ sunaten; ¹¹e lewo’ sa reiy’ mouw ketoren eng kuli’ khatannu wo ni’itu mouw e laa mamuali kowa’ en teta’aran nelet Niaku wo nikouw.¹²Se oki’ makaumur uwalu nga endo se lewo’ sa reiy’ mouw sunaten, nyi’a i yi’i susur tuama witu nelet miouw, see’ o see’: le’os si minatou witu em balemu, ka’apa tu’u si tineles ampit e loit wia si meta’asaan tou wo’oseiy, ta’an si reiy’ neiy i kaghorem see’mu. ¹³Se tou minatou witu em balemu wo se tou tinelesmu ampit e loit se lewo’ sa reiy’ sunaten; takar witu e le’onamu mouw en teta’aran-Ku i ti’i e mamuali teta’aran ke’ekel. ¹⁴Wo sitou reiy’ sinunat, nyi’a i yi’i si tuama reiy’ kinetor eng kuli’ khatanna, takar sitou i ti’i si lewo’ sa reiy’ re’ini waki elet ne tou-tou esa nge bangsana: nisia si simangkalola en teta’aran-Ku.”¹⁵Tumodongla nyi’a Empung si minee nuwu’ wia si Abraham: “En tanume si ka’awumu Sarai, te’a mouw koo matotor nisia kasi Sarai, ta’an Sara, ni’itu mouw e ngaranna. ¹⁶Niaku ku laa merkatla nisia, wo waki nisia kangkasi Niaku ku laa meela wia nikoo siesa oki’ tuama, awes tare Niaku ku laa merkatla nisia, i ka’ayo sia mamuali ina’ ne bangsa-bangsa; raja-raja bangsa-bangsa se laa tumoumi waki nisia.”¹⁷Laa o i katu’utukouw si Abraham wo kume’eke’ ampit e limila’ witu eng ghorem e natena; “Wo’o wona’na ku’a re’en toro wia siesa tou makaumur esa nga atus nge te’un i patoumi siesa oki’ wo wo’o wona’na ku’a re’en si Sara, si makaumurouw siouw nga pulu’ nge te’un i ti’i si tumimea’la siesa oki’?” ¹⁸Wo si Abraham si limila’la wia si Empung: “Oh, sa wona’na si Ismael si neiy i kepa’arla tumou witu en sinaru-Mu!”¹⁹Ta’an si Empung si minee nuwu’: “Reiy’, ta’an i te si ka’awumu Sara mouw si laa tumimea’la sioki’ tuama i wee nikoo, wo nikoo koo laa ngumaranla nisia Ishak, wo Niaku ku laa sumiwola en teta’aran-Ku ampit nisia mamuali teta’aran e ke’ekll i wee se see’na. ²⁰En tanume si Ismael, Niaku ku liminga mola em pakiweennu; nisia si laa-Ku berkaten, siwong-Ku murang wo muyun wo kasa melaker; nisia si laa mapaurangla se mapulu’ o rua raja, wo Niaku ku laa sumiwola nisia mamuali bangsa wangko’. ²¹Ta’an en teta’aran-Ku e laa-Ku siwon ampit si Ishak, si laa i patoumi ni Sara i wee nikoo en te’un e laa meiy witu nedo tanukan e yi’i kangkasi.”²²Nu simampetola minee nuwu’ wia si Abraham, lumongkotouw si Empung tumele’ula si Abraham. ²³Nu reiy’ mouw i tu Abraham si kimeretla si Ismael, oki’na, wo em baya ne tou se minatou witu em balena, o kangkasi em baya ne tou tinelesna ampit e loit, nyi’a i yi’i susur tuama se waki ghorem em balena, laa o sia kumetorla eng kuli’ khatan nea witukan e nendo ni’itu kangkasi, tanu neiy mouw i nuwu’la ni Empung wia nisia.²⁴Abraham si makaumur siouw nga pulu’ o siouw nge te’un eng katoroan kinekeketor eng kuli’ khatanna. ²⁵Wo si Ismael, oki’na, si makaumur mapulu’ o telu nge te’un eng katoroan kinekeketor eng kuli’ khatanna. ²⁶Witu i te nendo ni’itu kangkasi si Abraham wo si Ismael, oki’na, sinunat. ²⁷Wo em baya se tou witu eng gorem em bale ni Abraham, le’os se minatou witu em balena, ka’apa tu’u se tineles ampit e loit wia se tou wo’oseiy, se sinunat mewali-wali ampit nisia.

¹Kamurian si TUHAN si minapa’atola en tou wia si Abraham tawi nakana en tarbantin waki Mamre, nisia si rimuber witu em pepalen en dasingna witu nendo te’etel. ²Eng katoroan nisia nu kuma’atla, sia lumoo’ se telu tou rimedeiy witu en saruanna. Nu linoo’ona mola sea, sia tumingkasi waki pepalen en dasingna sumungkulela nisea, laa o mongkotouw sia ma’ayo waki tana’,³ampit limila’: “Tuangku, sa aku minaka’ato mola e nupus ni tuangku, te’a mouw satorona pelelangkoiyen si hambamu i yi’i. ⁴Ma’anouw i edomi rano oki’, oasanouw e ne’amu wo rumuberouw maseng wia em bawa’ nakana i yi’i; ⁵ma’anouw kumedomi esa nga ketor roti, rio se tuang-tuang sumegaya’mi kasi; kamurian toro mouw se tuang-tuang mapawee-weela em pakela-kelangan ne tuang-tuang; karengan se tuang-tuang se mineiy mouw wia en tampa ni hambamu i yi’i.” E wingkot nea: Siwonouw tanu em peiyla’mula i ti’i.”⁶O laa si Abraham si makarengan minea waki dasing matola si Sara ma’an limila’: “Makarenganouw! Medo telu sukat topong kasa le’os! Ro’omesenouw i tu wo siwonouw roti tabuleleng!” ⁷Laa o tumingkasola si Abraham wia se lembu sapina, sia medo siesa nga ipus oki’ ni sapi si leme’pe’ wo le’os e le’ona wo meela nyi’a wia siesa bujangna, o laa sitou i yi’i si makarengan simiwola nyi’a. ⁸Kamurian edonna en dadih wo en susu ma’an sioki’ ni sapi siniwona mola i ti’i, o laa i akirnala witu en sinaru ne tou-tou i ti’i; wo sia rumedeiy witu en tawi nea witu em bawa’ nakana i ti’i, eng katoroan nisea nu mekaan.⁹Laa o pokeiy nea wia nisia: “Wisa ku’a re’en si Sara, ka’awumu?” E wingkotna: “Weti’ime, waki ghorem en dasing.” ¹⁰Wo nuwu’-Na: “Eng kaulitna Niaku ku laa marengi te’un tumodong ma’atola nikoo, witu nedo ni’itu mouw si Sara, ka’awumu, si laa makapunyala siesa oki’ tuama.” Wo si Sara si malingala witu em pepalen en dasing witu muri-Na.¹¹Sapa tare si Abraham wo si Sara se tu’a mouw wo langkoiy mouw e numurna wo si Sara si reiy’ mouw pabulanen. ¹²Ni’itu mouw kume’eke’ mouw si Sara witu eng gorem e natena, em pokeiyna: “Laa sumerit ku’a re’en niaku, ni’itu niaku nu welesouw, sapa tare si tuangku si tu’a mouw?”¹³Laa o mee nuwu’ si TUHAN wia si Abraham: “Ka’a ku’a re’en si Sara si make’eke’ wo meiyla’: Uli-ulit ku’a re’en niaku ku laa tumimea’la sioki’, sapa tare niaku ku tu’a mouw? ¹⁴Wawean ku’a re’en wo’o sapa tu’u e wona’ i wee si TUHAN? Witu nedo neiy mouw i tantula i ti’i, en te’un tumodong, Niaku ku laa marengi matola nikoo, witu nedo ni’itu mouw si Sara makapunyala siesa oki’ tuama.” ¹⁵O laa si Sara si kimelong, em pokeiyna: “Niaku ku reiy’ kime’eke’,” karengan nisia si meide’; ta’an si TUHAN si minee nuwu’: “Reiy’, memang koo kime’eke’!”

¹Se rua mala’ekat i ti’i neiy i ka’ayola waki Sodom witu nedo mawengido. Lot si rimuber witu em pepalen leloangan en Sodom wo eng katoroan nu limoo’ nisea, tumo’orouw sia sumungkulela nisea, laa o maongkot ampit eng giona mina’ayo mea waki tana’, ²ampit limila’: “Tuang-tuang, meiy mouw tumuli wia em bale ni hambamu i yi’i, mapawengi mola wia nyi’i wo oasanola ne’amu, takar memo’ondo wo’odo se tuang-tuang se toro mouw mapawee-weela em pakela-kelangan ne tuang-tuang.” E wingkot nea: “Reiy’, nikeiy keiy laa mapawengi waki pelein.” ³Ta’an karengan nisia si kasa mapupus nisea, o tumuli mouw sea wo ghumorem witu eng gorem em balena, kamurian sia tumiro’la kekaanen i wee nisea, sia tumunu roti reiy’ siragi, laa o sea kumaan.⁴Ta’an nu reiy’pe’ nisea nu timekel, se tuama-tuama waki kota Sodom i ti’i, waki se muda i ka’ayo se tu’a, takar se pakasa’an eng kota, e reiy’la si timele’u, se mineiy lumedong em bale i ti’i. ⁵Sea maaleiy wia si Lot: “Wisa ku’a re’en se tou-tou mineiy wia nikoo em bengi i yi’i? Alinouw sea rumo’umii meiy wia nikeiy, rio keiy make nisea.”⁶Laa o rumo’umi si Lot tumo’upla nisea, mea witu en saruan em pepalen, ta’an em pepalen neiy i palenena witu murina, ⁷wo sia lumila’: “Patuariku waya, te’a mouw satorona masiwo lewo’. ⁸Nikouw kouw mete’u, niaku ku makapunya se rua oki’ wewene se reiy’pe’ ma’an mekasa se’unla ne tuama, le’osouw sea alingku rumo’umi meiy wia nikouw; siwonola wia nisea tanu em paloo’on niouwla le’os; ta’an i te te’a kouw mesesapa-sapala se tou-tou i yi’i, karengan nisea se memang mineiy kaa meiy meteterung wia eng gorem em baleku.”⁹Ta’an nisea se limila’: “Rumo’u mouw!” O kasi em pokeiy nea: “Tou i yi’i si mineiy wia nyi’i tanume sitou wo’oseiy wo nisia si pa’ar mamuali akim witu nikita! En teakan nikeiy keiy laa sumiasa nikoo e lebe ta’an se rua tou i ti’i!” Laa o sea sume’esek se tou i ti’i, nyi’a ti’i si Lot, ampit eng kakete, wo nisea se timawi kaa laa metetubal em pepalen.¹⁰Ta’an se rua tou i ti’i se rimepala lawas nea, kumeong si Lot ghumorem witu eng gorem em bale, laa o maleni em pepalen. ¹¹Wo sea rumapala em beren ne tou-tou se witu en saruan em pepalen em bale i ti’i, waki si rintek i ka’ayo si sela, i ka’ayo reiy’ mouw maka ka’ara’an kasi se tou-tou i ti’i menero-nero em pepalen.¹²Wo se rua tou i ti’i se limila’ wia si Lot: “Seiy ku’a re’en se kaummu se wiape’ nyi’i kasi? Manuang ka’apa oki’mu tuama, oki’mu wewene, ka’apa seiy i te se kaummu wia eng kota i yi’i, alinouw sea rumo’ume wia en tampa i yi’i, ¹³karengan nikeiy keiy laa mepepunengla en tampa i yi’i, karengan kelaker e nga’angal i penga’angal ne tou en tanume eng kota i yi’i witu en sinaru ni TUHAN; karengan e ni’itu mouw si TUHAN si timokemi nikeiy mepepunengla nyi’a.”¹⁴O rumo’u momi si Lot, wo sumusuiy ampit se rua pememanuangenna, se laa mekekaweng ampit se rua oki’na wewene, em pokeiyna : “Tumo’orouw, rumo’u mome wia en tampa i yi’i, karengan si TUHAN si laa mepepunengla eng kota i yi’i.” Ta’an nisia si linoo’ i te ne rua pememanuangenna i ti’i tanume sitou si menguwa-nguwak i te. ¹⁵Katoroan em beena rimetikouw, se rua mala’ekat i ti’i se mase’esek si Lot, o rio mario-rior, em pokeiyna: “Tumo’orouw, alinouw si ka’awumu wo se rua oki’mu se wia nyi’i, rio koo te’a mate mere’i karengan eng kalewo’an eng kota i yi’i.”¹⁶Katoroan nisia nu mangere-ngerer, takar e lawasna, lawas ni ka’awuna wo lawas ne rua oki’na en tiniboiyan ne rua tou i ti’i, karengan si TUHAN si laa mangiupusla nisia; o laa se rua tou i ti’i se rimawir nisea mea waki luar kota wo mayala nisea maname. ¹⁷Nu reiy’ mouw se rua tou i ti’i nu rimawir nisea i ka’ao mea waki luar kota, lumila’ mouw siesa tou: “Tumingkasouw, lawirenouw e nyawamu; te’a mouw malengemi wia muri, wo te’a mouw ma’ena’ wisa i te tu’u kangkasi wia eng Kewong Yordan, tumingkasouw mea waki kakuntungan, rio koo reiy’ mate mare’i.”¹⁸Em pokeiy ni Lot wia nisea: “Te’a mouw satorona tuana, tuangku. ¹⁹Ulit tu’u si hambamu i yi’i si kinarunia mola en tongkoupusen witu en sinarumu, wo si tuangku si simiwo mola kamura’an wangko’ wia niaku ampit minalarla em patou-touangku, ta’an sa aku lewo’ sa reiy’ tumingkas mea waki kakuntungan, tantu mouw niaku ku laa katodeiyan eng kacilaka’an i ti’i, i ka’ayo mate mouw aku. ²⁰Ulit tu’u eng kota weti’ime i ti’i e nawes eng ketawi wona’na kaa laa tumingkas mea maname; eng kota i ti’i e noki’; iyonala satorona niaku tumingkas mea maname. E reiy’ ku’a re’en eng kota i ti’i e noki’? Sa tuana, e nyawaku e laa ka’alaran.”²¹Singkom ni malaikat i ti’i wia nisia: “Le’osouw, witu eng kapualitan i yi’i tu’un em pengiweennu e laa kusungkulen ampit e le’os; nyi’a i yi’i eng kota en tinotormula i ti’i e reiy’ i laaku pangapepule’itela. ²²Meriorouw, tumingkasouw mea maname, karengan niaku ku reiy’ mete’u sumiwo sapa-sapa, nu reiy’pe’ niukoo nu ma’ayo mea maname.” Ni’itu mouw eng karenganna ngaran eng kota i ti’i em patotoren Zoar.²³Siendo si rimetikouw materangi em bumi, eng katoroan si Lot nu i ka’ayola waki Zoar. ²⁴Kamurian si TUHAN si timumpami e naro walelang wo napi witu en Sodom wo eng Gomora, nasalna e waki si TUHAN, waki langit; ²⁵wo i pangapepule’it-Na mola eng kota-kota i ti’i wo eng Kewong Yordan wo em baya ne penduduk eng kota-kota ma’an en tumetou-tumetou witu en tana’.²⁶Ta’an si ka’awu ni Lot, si makelang maki’itla nisia, si limenge mea wia muri, wo sia mamuali pa’asek wuras. ²⁷Eng katoroan si Abraham e memondope’ minea waki tampa nisia nu rimedeiy witu en sinaru ni TUHAN i ti’i, ²⁸wo tumu’use waki katoroan en Sodom wo eng Gomora ma’ane waki pakasaan tana’ eng Kewong Yordan, takar loo’onna mouw e nawun wia em bumi e minumbunge waki atas nulur e nawun waki awu peranoan.²⁹Tuana mouw witu nedo si Empung nu minunengla eng kota-kota waki Kewong Yordan wo minangapepule’itla eng kota-kota paena’an ni Lot, takar si Empung si ghimenang si Abraham, o laa i ro’u-Nami si Lot waki keuneran en tampa neiy i panga-pepule’itela i ti’i.

¹O laa si Abraham si rimou’mi witu minea waki tana’ Negeb wo nisia si timaang waki elet eng Kadesh wo en Syur. Nisia si minena’ waki Gerar tanume sitou wo’oseiy. ²Eng karengan si Abraham si limila’ mola en tanume si Sara, ka’awuna: “Sia si patuariku,” takar si Abimelekh, raja Gerar, rimeo medo si Sara. ³Ta’an witu nedo wengi si Empung si mineiy wia si Abimelekh witu e nesa ipi ma’an minee nuwu’ wia nisia: “Nikoo koo lewo’ sa reiy’ mate eng karengan si wewene si niedomu mola i ti’i; karengan nisia si waweanouw ka’awu.”⁴Sapa tare si Abimelekh si reiy’pe’ timawila si Sara. O lumila mouw sia: “Tuhan! Sapa ku’a re’en Nikoo koo munu’ se bangsa e reiy’ siselok? ⁵E reiy’ ku’a re’en sitou i ti’i nuesa si limila’la wia niaku: Sia si patuariku? Wo si wewene i ti’i nuesa si limila’ mola: Sia si patuariku. Ni’itu mouw eng kapualitan i yi’i en tinuanakula ampit e nate lenas wo ampit e lawas lenas.”⁶Laa o mee mouw nuwu’ si Empung wia nisia witu nipi: “Niaku ku mete’u kangkasi, kaa nikoo koo timuana mola eng kapualitan i ti’i ampit e nate lenas, takar Niaku tu’u ku minape’ mola nikoo kaa laa sumiwo en dosa witu Niaku; karengan e ni’itu Niaku ku reiy’ minayala nikoo sume’u nisia. ⁷Ni’itu mouw en teakan, i warengola si ka’awu ni tou i ti’i, karengan nisia siesa nabi; sia si laa sumombayang i wee nikoo, takar koo minena-ena’ matou-tou; ta’an sa koo reiy’ marengla nisia, kete’uanola, nikoo koo tantu mouw mate, nikoo wo em baya ne tou se mewali-wali ampit nikoo.”⁸E nendo kawo’odoanna memo’odope’ Abimelekh si kimeret em baya ne hambana wo makite’ula e minapekasa eng kapualitan i ti’i wia nisea, o laa kasa mouw meide’ se tou-tou i ti’i. ⁹Kamurian si Abimelekh si kimeret si Abraham wo lumila’ wia nisia: “Pasiwo-siwon sapa ku’a re’en en tinuanamula i yi’i witu nikeiy, wo kaselokan sapa ku’a re’en en tinuanakula witu nikoo, i ka’ayo koo minapa eiy en dosa wangko’ witu en touku wo eng karaja’angku? Nikoo koo simiwo mola eng kapualitan-kapualitan e reiy’ waar wia niaku.”¹⁰O kasi em pokeiy ni Abimelekh wia si Abraham: “Sapa ku’a re’en e maksutmu, takar koo timuanala eng kapualitan i yi’i?” ¹¹O laa si Abraham si limila’: “Niaku ku ghimenang: Meiyde’la si Empung e reiy’la wia en tampa i yi’i; tantu mouw niaku ku laa wunu’un karengan si ka’awuku. ¹²Awes kangkasi nisia si uli-ulit patuariku, oki’ ni ama’ku, ta’an reiy’ oki’ ni ina’ku, ta’an eng kamurian sia mamuali ka’awuku.¹³Eng katoroan si Empung nu rumeo niaku lumepu rumo’umi waki wale ni ama’ku, lumila’ mouw niaku wia si ka’awuku: I tudu’ mola nupusmu wia niaku, nyi’a i yi’i: i lila’ mola en tanume niaku wia susur en tampa wisa kita i ka’ayola: Sia si patuariku.” ¹⁴Kamurian si Abimelekh si minedo membe’ domba wo lembu sapi, hamba tuama wo wewene, laa o meela em baya nyi’a i ti’i wia si Abraham; Sara, ka’awu ni Abraham, kangkasi si neiy i warengla wia nisia.¹⁵Wo si Abimelekh si limila’: “Em banuaku i yi’i neiy i kawuka’ i wee nikoo; tumataapouw, wisa i te koo pa’ar.” ¹⁶Laa o pokeiyna wia si Sara: “Neiy mouw i weekula wia si patuarimu esa nga riwu syikal perak, ni’itu mouw en tuu’ eng kalenasannu i wee em baya ne tou se mewali-wali ampit nikoo. Takar witu e reiy’ sa mina’asa kapualitan nikoo koo i ulitela.”¹⁷O laa si Abraham sumombayang wia si Empung, wo si Empung si lime’osela si Abimelekh wo si ka’awuna wo se ata-atana wewene, i ka’ayo sea tumimea’la oki’. ¹⁸Karengan eng ketarena si Tuhan si minenetola eng gandongan ne susur wewene witu istana ni Abimelekh karengan si Sara, ka’awu ni Abraham i ti.

¹TUHAN si mineela ghenang si Sara, tanu neiy i nuwu’-Nala, wo si TUHAN si timuanala wia si Sara tanu neiy i ta’ar-Nala. ²Takar gumandongouw si Sara, laa o sia tumimea’la siesa oki’ tuama i wee si Abraham witu eng katu’anna, witu nedo neiy mouw i tataapla, minatoroan ampit e nuwu’ ni Empung wia nisia. ³Abraham ngimaranla sioki’na si tare mouw i patoumi i ti’i Ishak, si neiy i patoumi ni Sara i wee nisia. ⁴Kamurian si Abraham si simunat si Ishak, oki’na i ti’i, eng katoroan nu makaumur uwalu nga endo, tanu neiy i perentala ni Empung wia nisia.⁵Sapa tare si Abraham si makaumur esa nga atus nge te’un, eng katoroan si Ishak, oki’na, minatoumi i wee nisia. ⁶Lumila’ mouw si Sara: “Empung si simiwo mola niaku kime’eke’; susur tou se luminga nyi’a se laa kume’eke’ karengan niaku.” ⁷O kasi em pokeiyna: “Seiy ku’a re’en eng ketarena si toro lumila’la wia si Abraham: Sara si matoto’ sioki’? Ta’anouw niaku ku timimea’ mola siesa oki’ tuama i wee nisia witu eng katu’anna.”

¹Nu reiy’ mouw em baya nyi’a i ti’i Empung si mina’awa’ si Abraham. Sia si minee nuwu’ wia nisia: “Abraham,” o laa en singkomna: “Yon, Tuhan.” ²E nuwu’-Na: “ Edonouw sioki’mu pengesan i ti’i, si’i koupusmu, nyi’a i yi’i si Ishak, mea mouw waki tana’ Moria wo i sempe mola sia maname tanume en tetule tinunu witu meta’esaan eng kuntung e laa-Ku i lila’la wia nikoo.” ³E nendo kawo’odoanna memo’ondope’ tumo’orouw si Abraham, sia maasla en sesakean wia si keledaina wo kumeret se rua tou bujangna ma’an si Ishak, oki’na; sia mi’asla kangkasi lungu i wee si tetule tinunu i ti’i, laa o mae mouw sia wo mea waki tampa neiy i lila’la ni Empung wia nisia.⁴Katoroan witu nendo katelu Abraham si limease en tu’usanna, kaloo’anna momi en tampa i ti’i waki wa’akat. ⁵Em pokeiy ni Abraham wia se rua bujangna i ti’i: “Tumele’u mouw kouw wia nyi’i ampit si keledai i yi’i; niaku ma’an sioki’ i yi’i keiy lumaa weti’ila; keiy laa sumombayang, nu reiy’ mouw i tu keiy marengi wia nikoo.” ⁶O laa si Abraham si minedo lungu i wee en tetule tinunu i ti’i wo i pesa’annala witu natas em paluka ni Ishak, oki’na, kasuatan witu lawasna nialina e napi wo em paai’. Tuana mouw nisea nu rua makelang mewali-wali.⁷Laa o lumila’ mouw si Ishak wia si Abraham, ama’na: “Ama’.” En singkom ni Abraham: “Yon, oki’ku.” O mueiy mouw sia: ”Wia nyi’i waweanouw api wo lungu, ta’an wisa ku’a re’en sioki’ ni domba i wee en tetule tinunu i ti’i?” ⁸En singkom ni Abraham: “Empung si laa tumiro’la sioki’ ni domba i wee en tetule tinunu i wee-Nisia, oki’ku,” Tuana mouw nisea nu rua makelang mewali-wali.⁹I ka’ayo mola sea waki tampa neiy i lila’la ni Empung wia nisia. O laa si Abraham rumedeiyla Mezbah witu, ransunenna mola e lungu, wa’akesenna si Ishak, oki’na i ti’i, wo i reta’nala witu mezbah i ti’i, witu natas e lungu. ¹⁰Nu reiy’ mouw i tu Abraham si rimepala lawasna, laa o medo em paai’ kaa laa merereret si oki’na.¹¹Ta’an maleiy momi si Mala’ekat ni TUHAN waki langit wia nisia: “Abraham, Abraham.” En singkomna: “Yon, Tuhan.” ¹²Laa o Sia mee nuwu’: “Te’a pewewunu’un sioki’ i ti’i wo te’a pekekurannu sia, karengan eng kinakete’uang-Ku mola en teakan, kaa nikoo koo meide’la si Empung, wo nikoo koo reiy’ meware-wareng mesesarakan sioki’mu pengesan wia-Niaku.”¹³O laa si Abraham si limenge wo lumoo’ siesa nga ipus domba raghar witu murina, en sungena neiy i kesa’ang witu en talunoki’. Abraham si minedo si domba i ti’i, laa o i tulenala tanume en tetule tinunu sawel si oki’na. ¹⁴Wo Abraham si ngimaranla en tampa i ti’i: “TUHAN si timiro’la“; karengan e ni’itu i ka’ayo en teakan em peiyla’an ne tou: “Waki atas eng kuntung ni TUHAN, e laa i tiro’la.”¹⁵I wee eng karuana maleiy momi si Mala’ekat ni TUHAN waki langit wia si Abraham, ¹⁶em pokeiy-Na: ”Niaku ku tumiwa’ kaa en tou-Ku nuesa – tuana mouw e nuwu’ ni TUHAN – : Karengan nikoo koo simiwo mola en tuana, wo nikoo koo reiy’ meware-wareng mesesarakanla sioki’mu pengesan wia-Niaku, ¹⁷Takar Niaku ku laa merkatla nikoo makaloko-lokon wo sumiwo se see’mu kasa melaker tanu se sumesena’ waki langit wo tanu neris waki li’ilik en tasik, wo se see’mu i ti’i se laa rumuberla eng kota-kota ne kesaruna.¹⁸Karengan se see’mu mouw em baya ne bangsa wia em bumi se laa maka’ato berkat, karengan nikoo koo limingala e nuwu’-Ku.” ¹⁹Kamurian marengouw si Abraham wia se rua bujangna, wo nisea se mewali-wali minae waki Bersyeba; wo si Abraham si minena’ waki Bersyeba.

¹Sara si timou esa nga atus rua nga pulu’ o pitu nge te’un eng keurena; ni’itu mouw e numur ni Sara. ²Kamurian mate mouw si Sara waki Kiryat-Arba, nyi’a i ti’i eng Hebron, waki tana’ Kana’an, o laa si Abraham si mineiy ma’arip wo maame’ wia nisia.³Nu reiy’ mouw i tu Abraham si timo’or wo tumele’ula si ka’awuna minate i ti’i, laa o lumila’la wia se bani Het: ⁴“Niaku i yi’i ku tou wo’oseiy wo mato’u-to’u wia nelet miouw; weean i tela satorona wewaruga’an kapunya’an wia niaku wia en tana’ miouw i yi’i, rio satorona niaku ku toro malila wo lume’osla si ka’awuku minate i ti’i.”⁵Bani Het se miningkot si Abraham: ⁶“Luminga mouw wia nikeiy, tuangku. Tuangku i yi’i siesa raja wangko’ wia eng kauneran neiy; ni’itu mouw i le’osola si ka’awumu minate i ti’i witu wewaruga’an neiy em pineleng, e reiy’ laa wawean siesa tou tu’u wia nikeiy si sumede’ metetiro’la e wewaruga’an nea i wee nikoo kaa laa melele’osla si ka’awumu minate i ti’i.”⁷Kamurian tumo’orouw si Abraham laa o mongkot wia se bani Het, penduduk em banua i ti’i, ⁸ma’an limila’ wia nisea: “Sa kouw miyon, kaa niaku ku malila wo lume’osela si ka’awuku minate i ti’i, takar linganola niaku wo ale’enouw kumiweela ampit eng kasa wia si Efron bin Zohar, ⁹rio sia meela wia niaku eng goa Makhpela kapunya’anna i ti’i, e rimeta’ waki tempok em penguma’anna; le’osouw i tu i weenala wia niaku ampit e narga wuta kaa laa mamuali wearuga’an kapunya’angku witu eng kauneran niouw.”¹⁰Witu nedo ni’itu Efron si witu witu eng keuneran ne bani Het. Takar e wingkot ni Efron, tou Het i ti’i, wia si Abraham ampit e liningan ne bani Het, ne em baya ne tou se mineiy witu em pepalen leloangan kota: ¹¹“Reiy’, tuangku, linganola niaku; em penguma’an i ti’i ni’i weekula wia nikoo wo eng gua waki ti’ime tu’u ni’i weekula wia nikoo; witu en sinaru em beren ne tou-tou ka’esa nge bangsaku ni’i weekula ni’itu wia nikoo; i le’osola si ka’awumu minate i ti’i.”¹²Laa o mongkotouw si Abraham witu en sinaru ne penduduk em banua i ti’i ¹³ma’an limila’la wia si Efron ampit e lininga nea: “Eng kaulitna, sa koo pa’ar, linganola niaku: niaku ku mear narga em penguma’an i ti’i; sungkulenomi i tu waki niaku, rio aku toro lume’osla si ka’awuku minate i ti’i maname.”¹⁴E wingkot ni Efron wia si Abraham: ¹⁵“Tuangku, linganola niaku: esa nga werot tana’ ampit e narga epat nga atus syikal perak, sapa em penoronna ni’itu i wee nikita? I le’osola si ka’awumu minate i ti’i.” ¹⁶O laa si Abraham si miniyon e nusul ni Efron, takar timbangenna mola em perak i pewewee si Efron, kumura eng kelaker eng kiniweena ampit e liningala ne bani Het i ti’i, epat nga atus syikal perak, tanu eng kenaramen witu nelet em baya ne belante’.¹⁷Tuana mouw em penguma’an ni Efron, e rimeta’ waki Makhpela waki esa nga weka sedangan Mamre, em penguma’an wo eng goa maname, ma’an e reiy’ sa mina’asa nakana witu em penguma’an i ti’i, awesla witu minapekasa en tana i ti’i i ka’ayo mea waki tebir-tebirna, ¹⁸neiy i sarakan wia si Abraham minamuali tana’ tineles, witu en sinaru em beren ne bani Het i ti’i, witu en sinaru em baya ne tou se mineiy witu em pepalen leloangan kota.¹⁹Nu reiy’ mouw i tu Abraham si lime’osla si Sara, ka’awuna, witu eng gorem eng goa em penguma’an Makhpela i ti’i, waki esa nga weka sedangan Mamre, nyi’a i ti’i eng Hebron waki tana’ Kana’an. ²⁰Tuana mouw waki se suat ne bani Het penguma’an ampit eng goa maname neiy i sarakan wia si Abraham minamuali wewaruga’an kapunya’anna.

¹Sapa tare si Abraham si tu’a mouw wo langkoiy mouw e numurna, ma’an binerkatla ni TUHAN witu e reiy’ sa mina’asa kapualitan. ²Lumila’ mouw si Abraham wia si hambana kasa tu’a witu eng gorem em balena, si minamuali kuwasa witu e reiy’ sa mina’asa kapunyaanna, em pokeiyna: “Le’osouw i reta’la lawasmu witu nakana em pa’aku, ³rio aku medola en tiwa’mu kaa si TUHAN, Empung si makapunya e langit wo si makapunya em bumi, kaa nikoo koo reiy’ laa medo i wee sioki’ku siesa ka’awu waki elet ne wewene Kana’an e witu neletna em paenangku. ⁴Ta’an nikoo koo lewo’ sa reiy’ mea waki wanuaku wo wia se patuari-patuariku kaa laa ma’edo siesa ka’awu i wee si Ishak, oki’ku.”⁵Laa o lumila’ mouw si hambana i ti’i wia nisia: “Wo’o wona’na si wewene i ti’i si so’o kumi’iti niaku meiy wia em banua i yi’i; e lewo’ sa reiy’ mouw aku maali sioki’mu i ti’i mareng waki wanua wisa si tuangku rimo’umi?” ⁶Ta’an si Abraham si limila’ wia nisia: “Awas, te’a pa’alinnu sioki’ku i ti’i mareng mea maname. ⁷TUHAN, Empung si makapunya langit, si kimeretola niaku waki wale ni ama’ku ma’an waki wanua ne patuari-patuariku, wo si minee mola nuwu’ wia niaku, ampit si timiwa’la wia niaku, teinti’i: wia se see’mu mouw e laa-Ku i weela em banua i yi’i – Nisia mouw kangkasi si laa tumoke si mala’ekat-Na kumelang witu reriormu, i ka’ayo koo toro medo siesa ka’awu maname i wee sioki’ku.⁸Ta’an sa si wewene i ti’i si so’o kumi’iti nikoo, takar i kewaya mouw koo waki tiwa’mu wia niaku i yi’i; ta’an i te, te’a mouw sioki’ku i ti’i pa’alinnu mareng mea maname.” ⁹O laa si hamba i ti’i si rimeta’la lawasna witu rarem nakana em pa’a ni Abraham, tuangna, wo tumiwa’ wia nisia en tanume eng kapualitan i ti’i.¹⁰Kamurian si hamba i ti’i si minedola se mapulu’ nga ipus wia se onta ni tuangna wo mea ampit minaali e minegheghioan barang maka arga eng kapunya’an ni tuangna; tuana mouw sia minae timorome Aram-Mesopotamia mea waki kota Nahor. ¹¹Maname i reona mouw si onta i ti’i mena’ witu luar eng kota tawi e nesa parigi, witu nedo e nendo mawengido, witu nedo se reraa-reraa rimo’umi kaa laa metetimba rano.¹²Laa o lumila’ mouw sia: “TUHAN, Empung ni tuangku Abraham, siwonouw satorona ka’ayoan em pelaangku wia nendo i yi’i, i papa’ato mola e nupus o lale’-Mu wia si tuangku Abraham. ¹³Wia nyi’i niaku ku rimedeiy wia en tawi eng kembu’an, wo se oki-oki’ wewene ne penduduk eng kota i yi’i se mineiy rimo’umi kaa laa metetimba rano. ¹⁴Satorona mamuali mouw teinti’i: sioki’ reraa, wia si seiy aku lumila’: Ale’en i wingila en sempemu i ti’i, rio aku kumoo’, wo si miningkot: Kumoo’ mouw, wo se onta-ontamu kangkasi se laa weeangku kumoo’ – nisia mouw satorona si’i tantu-Mula i wee si hamba-Mu, Ishak; takar ampit en tuana e laa kakete’uangku, kaa Nikoo koo minapa’ato mola e nupus o lale’-Mu wia si tuangku i ti’i.”¹⁵Nu reiy’pe’ nisia nu simampet meila’, takar meiy mouw si Ribka, si neiy i patoumi i wee si Betuel, oki’ tuama ni Milka, ka’awu ni Nahor, patuari ni Abraham; sempena em paali-alinna witu natas em palukana. ¹⁶Sioki’ reraa i ti’i si kasa wulouw eng giona, siesa reraape’, reiy’pe’ ma’an mekasa maesala nouwak ampit si tuama; sia tumumpa witu eng kebu’an i ti’i wo mumpun en sempena, laa o mareng lumongkot.¹⁷Kamurian tumingkasouw si hamba i ti’i matola nisia ampit limila’: “Toro i te weeani niaku kumoo’la rano oki’ witu en sempemu i ti’i.” ¹⁸E wingkotna: “Kumoo’ mouw, tuang,” takar makarenganouw neiy i tumpanala en sempena i ti’i witu lawasna, ma’an wineeanna sia kumoo’.¹⁹Nisia nu simampetouw mineela si hamba i ti’i kumoo’, lumila’ mouw sia: “Le’osouw i wee se onta-ontamu kangkasi i timbakumi rano, i ka’ayo em baya nea se mateu-teula kumoo’.” ²⁰Kamurian makarenganouw i toa’nala en dano witu en sempena i ti’i witu eng gorem e lalir, laa o tumingkasouw sia mekasape’ kasi waki parigi kaa laa metetimba rano wo i timbanala i wee em baya se onta ni tou i ti’i.²¹Wo sitou i ti’i si memee-mee ghenang wia nisia ampit minakapenes en tou kaa laa meme mete’ula sapa ku’a re’en si TUHAN si simiwola em pakela-kelanganna mua’ ka’apa reiy’. ²²Nu reiy’ mouw se onta-onta i ti’i nu minateu-teu mola kimoo’, takar sitou i ti’i si minedola karabu mas esa nga parua syikal eng kawuterna, wo esa nge paar kulalo lawas e mapulu’ syikal mas eng kawuterna, ²³ma’an limila’: “Oki’ ni seiy ku’a re’en nikoo? Le’osouw i lila’lami wia niaku! Wawean ku’a re’en waki wale ni ama’mu tampa petetekelan i wee nikeiy?”²⁴O laa e wingkotna wia nisia: “Ama’ku si Betuel, oki’ ni Milka, si timimea’la nisia i wee si Nahor.” ²⁵O kasi em pokeiy ni reraa i ti’i: “Le’os oam, le’os eng kekaanen ne onta kelaker wia nikeiy, tampa petetekelan tu’u wawean.”²⁶Laa o kumururouw sitou i ti’i wo mongkot masempe si TUHAN, ²⁷ma’an limila’: “Lino’orouw si TUHAN, Empung ni tuangku Abraham, si reiy’ kimeong sumoup e nupus-Na wo lale’-Na waki si tuangku i ti’i; wo si TUHAN si rimawirola niaku witu lalan mea waki wale ne patuari-patuari ni tuangku i yi’i !”²⁸Tumingkasouw si reraa i ti’i mea sumusuiyla e minamuali i ti’i waki wale ni ina’na. ²⁹Ribka si maka punya patuari tuama, ngaranna Laban. Laban si timingkas mea witu luar meiy matola sitou i ti’i, mea witu eng kebu’an eng ketare, ³⁰nu linoo’ona mola eng karabu i ti’i wo eng kulalo witu lawas ni patuarina, wo nu liningana mola e lelila’an ni Ribka, patuarina, e lininga: “Tuana mouw neiy i lila’la ni tou i ti’i wia niaku.” nisia si minatola sitou i ti’i, rimedeiye’ witu esa nga weka ne onta-ontana witu en tawi eng kembu’an i ti’i,³¹wo lumila’: “Meiy mouw koo si binerkatla ni TUHAN, ka’a koo rumedeiy witu luar, e nulitna neiy mouw i tiro’kula wale i wee nikoo, wo kangkasi en tampa ne onta-ontamu.” ³²Ghumoremouw sitou i ti’i mea witu eng gorem em bale. Pangkulenola en sesakean ne onta-onta, wineeala oam wo kekaanen wia se onta-onta i ti’i, laa o alimi rano pa’oas e ne’a i wee sitou i ti’i wo se tou-tou mewali-wali ampit nisia.³³Ta’an eng katoroan i sakeiyla eng kekaanen witu en sinaruna, lumila’ mouw sitou i ti’i: “niaku ku reiy’pe’ laa kumaan nu reiy’pe’ i pa’ayokula e nower paali-alingku i yi’i.” E wingkot ni Laban: “I laa mouw!” ³⁴Laa o lumila’ mouw sia: “Niaku i yi’i ku hamba ni Abraham. ³⁵TUHAN si kasa minerkatla si tuangku i ti’i, i ka’ayo sia minekaya mouw; TUHAN si minee mola wia nisia se membe’ domba wo se lembu sapi, e mas wo em perak, ata tuama wo wewene, onta wo keledai.³⁶Wo si Sara, ka’awu ni tuangku i ti’i, nu tu’a mouw, si timimea’ mola sioki’ tuama i wee si tuangku i ti’i; wia sioki’na i ti’i neiy mouw i weela ni tuangku e reiy’ sa mina’asa em budel kapunya’anna. ³⁷Tuangku i ti’i si minedo mola en tiwa’ku: Nikoo koo reiy’ laa medo i wee sioki’ku siesa ka’awu witu nelet ne wewene Kana’an, em banuana e niena’angku i yi’i, ³⁸ta’an nikoo koo lewo’ sa reiy’ mea waki wale ni ama’ku wo wia se kaumku kaa laa ma’edo siesa ka’awu i wee sioki’ku.³⁹E wingkotku wia si tuangku i ti’i: Wo’o wona’na si wewene i ti’i si so’o kumi’iti niaku. ⁴⁰Ta’an em pokeiyna wia niaku: TUHAN, witu en sinaru-Na niaku matou-tou, si laa tumoke si mala’ekat-Na rumapitla nikoo, wo laa sumiwo em pakela-kelangannu mua’, i ka’ayo koo laa medo i wee sioki’ku siesa ka’awu wia se kaumku wo waki wale ni ama’ku. ⁴¹Tare mouw koo i kewayami waki en tiwa’mu wia niaku, sa koo i ka’ayome wia se kaumku wo sea reiy’ meela si wewene i ti’i wia nikoo; witu i te eng kapualitan i ti’i mouw koo i kewayami waki en tiwa’mu wia niaku.⁴²Wo nendo i yi’i niaku ku neiy i ka’ayomi witu eng kembu’an ketare, laa o pokeiyku: TUHAN, Empung ni tuangku Abraham, mepa’arouw satorona Koo sumiwo mua’ em pakela-kelangan kinelangangku i yi’i. ⁴³Wia nyi’i ku rimedeiy wia reten eng kembu’an i yi’i; satorona mamuali en teinti’i: Sakawisa siesa reraa meiy wia luar kaa meiy metetimba rano wo niaku ku lumila’ wia nisia: Ale’en weeani aku kumoo’la rano oki’ witu en sempemu i ti’i, ⁴⁴wo sia mingkot: Kumoo’ mouw, wo i wee se onta-ontamu kangkasi se laaku i timba rano, – sia mouw satorona si ka’awu, neiy mouw i tantula ni TUHAN i wee sioki’ ni tuangku i ti’i.⁴⁵E reiy’pe’ kasi aku simampet meila’ witu eng gorem e nateku, Ribka si mineiy mouw maali-ali en sempe witu natas em palukana, wo tumumpa witu eng kembu’an i ti’i, laa o tumimba rano. Em pokeiyku wia nisia: Ale’en weeala niaku kumoo’. ⁴⁶Makarenganouw sia tumumpami en sempe i ti’i witu natas em palukana ma’an limila’: Kumoo’ mouw, wo se onta-ontamu kangkasi se laaku weean kumoo’. Laa o ku kumoo’, wo se onta-onta i ti’i kangkasi se wineeanna kumoo’.⁴⁷Nu reiy’ mouw i tu niaku ku minueiyla wia nisia: Oki’ ni seiy ku’a re’en nikoo? E wingkotna: Ama’ku si Betuel oki’ ni Nahor si tinimea’la ni Milka. Laa o i pakekula si karabu witu en sesepunanna wo eng kelana witu lawasna. ⁴⁸Kamurian kumururouw aku wo mongkot masempe si TUHAN, ma’an malo’or si TUHAN, Empung ni tuangku Abraham, si rimawirola niaku witu lalan e ulit kaa laa ma’edo sioki’ wewene patuari ni tuangku i yi’i i wee sioki’na.⁴⁹Ni’itu mouw en teakan, sa kouw pa’ar meteturu’la e nupus wo lale’ wia si tuangku i ti’i, i pakite’u momi wia niaku; wo sa reiy’, i pakite’umi kangkasi wia niaku, rio kete’uangku andi lumenge mea lele’os ka’apa mea kawii⁵⁰O laa si Laban wo si Betuel se miningkot: “Em baya nyi’a eng kine’e eiyna e waki si TUHAN; nikeiy keiy reiy’ toro lumila’la wia nikoo e le’osna ka’apa e wurukna. ⁵¹Loo’on, Ribka si witu en saruannu, alinouw sia wo mea mouw, rio sia mamualila ka’awu ni oki’ ni tuangmu, tanu neiy i nuwu’la ni TUHAN.”⁵²Eng katoroan si hamba ni Abraham i ti’i nu liminga e lelila’an nea, mongkotouw sia ma’ayo waki tana’ masempe si TUHAN. ⁵³Kamurian si hamba i ti’i si rimo’umi se lelo’or mas wo perak ma’an e labung kawangkoan, wo meela em baya ni’itu wia si Ribka; o kangkasi wia se patuarina wo wia si ina’na wineeannala en tetaber wangun-wangun.⁵⁴Nu reiy’ mouw i tu kumaan wo kumoo’ mouw sea, sia wo se tou-tou mewali-wali ampit nisia, wo nisea se timekel witu. Memo’odona nisea nu timo’orouw, lumila’ mouw si hamba i ti’i: I waya mouw aku mareng wia si tuangku.” ⁵⁵Ta’an si patuari ni Ribka si limila’, ma’an si ina’na kangkasi: “I wayape’la sioki’ reraa i ti’i mena’ wia nikeiy wona’na mapulu nga endope’ kasi, kamurian toro mouw koo mea.”⁵⁶Ta’an e wingkotna wia nisea: “Te’a mouw petetaangen niaku, kasuatan si TUHAN si simiwo mola em pakela-kelangangku minua’; i waya mouw aku, rio aku mareng wia si tuangku.” ⁵⁷Em pokeiy nea: “Le’osouw kita kumeret sioki’ reraa i ti’i wo wueiyen wia nisia nuesa.” 58 ⁵⁸Laa o sea kumeret si Ribka wo lumila’ wia nisia: “Pa’ar ku’a re’en koo mea ma’an sitou i yi’i?” E wingkotna: “Pa’ar.”⁵⁹Takar si Ribka, patuari nea i ti’i, wo si inang maala-alar nisia ma’an si hamba ni Abraham wo se tou-touna neiy i wayala sea mea. ⁶⁰Wo nisea se minerkatla si Ribka, em pokeiy nea wia nisia: “Patuari meiy, satorona koo mamuali mangariwu-riwu laksa, satorona se see’mu se laa rumuberla eng kota-kota ne kesaruna.”⁶¹Laa o mantalouw si Ribka ma’an se hamba-hambana wewene, wo sea sumeret onta kumi’it sitou i ti’i. Tuana mouw si hamba i ti’i minali si Ribka laa o kumelang mareng. ⁶²Sapa tare si Ishak si mineiy mouw waki matoromi em parigi Lahai-Roi; nisia si maena’ waki Tana’ Negeb.⁶³Melelaa mawengido Ishak si kasuatan rimo’umi kaa laa mengela-ngelang waki patar. Sia lumease en tu’usanna, takar linoo’name wawean onta-onta mengeiy. ⁶⁴Ribka kangkasi si limease en tu’usanna wo eng kineleloo’ona si Ishak, tumumpa momi sia waki si ontana. ⁶⁵Em pokeiyna wia si hamba i ti’i: “Seiy ku’a re’en si tuama i ti’i si makelang waki patar matoromi nikita?” E wingkot ni hamba i ti’i: “Nisia mouw si tuangku i ti’i.” O laa si Ribka si minedola em peporongna wo morongouw sia.⁶⁶Kamurian si hamba i ti’i si simusuiyla wia si Ishak e reiy’ sa mina’asa en tinuananala. ⁶⁷O laa si Ishak si minali si Ribka mea waki ghorem en dasing ni Sara, ina’na, wo medo nisia mamuali ka’awuna, Ishak si moupusla nisia wo tuana mouw sia ni’iborla nu reiy’ mouw si ina’na nu timayan.

¹Abraham si minedola kangkasi siesa ka’awu, ngaranna Ketura. ²Wewene i ti’i si timimea’la i wee nisia si Zimran, Yoksan, Medan, Midian, Isybak wo si Suah. ³Yoksan minapaurangla si Syeba wo si Dedan. See’ ni Dedan nisea mouw se tou Asyur, tou Letush wo se tou Leum. ⁴Se oki-oki’ ni Midian nisea mouw si Efa, Efer, Henokh, Abida wo si Eldaa. Ni’itu mouw em baya nea se see’ ni Ketura.⁵Abraham si mineela em baya em budel kapunya’anna wia si Ishak, ⁶ta’an wia se oki-oki’na se kina’atoanna wia se gundik-gundikna nisia si mineela tetaber; kamurian sia rumeo nisea – ni’itupe’ nisia nu matou-tou – timele’ula si Ishak, oki’na, wo mea waki esa nga weka sedangan, waki Tana’ Sedangan.

¹Takar lumentutouw eng kelalenan waki wanua i ti’i. – Nyi’i e reiy’ kelalenan eng kasa ketare-tare, e minamuali mola witu en zaman ni Abraham. Karengan e ni’itu Ishak si minea waki Gerar, wia si Abimelekh raja ne tou em Filistin.²O laa si TUHAN si minapa’atola en tou wia nisia ampit minee nuwu’: “Te’a mouw mengea waki Mesir, mena’ mouw wia em banua e laa-Ku i lila’la wia nikoo. ³Mena’ mouw wia em banua i yi’i tanu sitou wo’oseiy, takar Niaku ku laa rumapitla nikoo o merkat nikoo, karengan wia nikoo mouw wo wia se see’mu e laa-Ku i weela e minapekasa em banua yi’i, wo Niaku ku laa mewewutala en tiwa’ neiy-Ku mouw i ta’arla wia si Abraham, ama’mu.⁴Niaku ku laa sumiwola melaker se see’mu tanu se sumesena’ waki langit; Niaku ku laa meweweela wia se see’mu e minapekasa em banua i yi’i, wo karengan se see’mu em baya ne bangsa wia em bumi se laa maka’ato berkat, ⁵Karengan si Abraham si liminga mola e nuwu’-Ku wo minalar eng kalewo’sareiy’anna wia Niaku, nyi’a i ti’i e reiy’ sa mina’asa perenta, eng katantuan wo e nukum-Ku.”⁶Ni’itu mouw mena’ mouw si Ishak waki Gerar. ⁷Katoroan se tou-tou witu en tampa i ti’i mawueiy en tanume si ka’awuna, lumila’ mouw sia: “Sia si patuariku,” karengan nisia si meide’ lumila’la: “Sia si ka’awuku,” karengan eng genangna: “Wo’o wona’na niaku ku wunu’un ne penduduk en tampa i yi’i karengan si Ribka, karengan e wulouw eng giona.” ⁸Ni’itu nu pira mola eng keure nisia maname, witu e mekasa tumebo momi si Abimelekh, raja ne tou Filistin i ti’i waki teteboan, takar linoo’ona si Ishak memilo-milotan ampit si Ribka, ka’awuna.⁹O laa si Abimelekh kumeret si Ishak wo lumila’: “Eng kaulitna nisia si ka’awumu, ma’an tu’una koo limila’: Sia si patuari ku?” E wingkot ni Ishak wia nisia: “Karengan eng genangku: Wo’o wona’na niaku ku mate karengan nisia.” ¹⁰Ta’an si Abimelekh si limila’: “Sapa mouw kangkasi en siniwomu mola i yi’i wia nikeiy? Wure’ kasa mamuali, si meta’esa’an tou wia se bangsa i yi’i tumekel ampit si ka’awumu, sa tuana nikoo koo minapa eiy mouw eng kaselokan wia nikeiy.” ¹¹O laa si Abimelekh si mineela perenta wia se minapekasa bangsa i ti’i: “Seiy si rumeung sitou i yi’i ka’apa si ka’awuna, tantu mouw nisia si neiy ukumen paten.”¹²Takar kumerorouw si Ishak witu en tana’ i ti’i wo witu en te’un i ti’i kangkasi nisia si minaka’ato wua’na limepet maka esa nga atus; karengan nisia si binerkatla ni TUHAN. ¹³Wo sitou i ti’i si minekaya, takar makaurela mekekayala, i ka’ayo sia minamuali kasa kaya. ¹⁴Nisia si makapunya se kawang ne membe’ domba wo ne lembu sapi ampit kelaker se pareo-reo, i ka’ayo se tou em Filistin i ti’i se oki’ ghenang wia nisia.¹⁵E reiy’ sa mina’asa parigi, eng kiniar witu en zaman ni Abraham, ama’na, eng kiniar ne hamba-hamba ni ama’na i ti’i, em pinenetola ne tou em Filistin wo en tinawunan ampit en tana’. ¹⁶Laa o pokeiy ni Abimelekh wia si Ishak: “Rumo’u mome wia keuneran neiy karengan nikoo koo minamuali mouw kasa makakuasa ta’an nikeiy.” ¹⁷Ni’itu mouw rumo’u momi si Ishak witume wo dumasingouw sia waki kewong eng Gerar, wo sia mena’ witu.¹⁸Kamurian si Ishak si kimiar sumoup em parigi-parigi kiniar witu en zaman ni Abraham, ama’na, wo em pinenetola ne tou em Filistin si Abraham nu minate mouw; totorenna mola ngaran em parigi-parigi i ti’i i ki’it e ngaran-ngaran neiy nouw i weela ni ama’na.¹⁹Eng katoroan se hamba-hamba ni Ishak nu makiar waki kewong i ti’i, sea matola witu eng kembu’an makeresoti ranona. ²⁰Laa o me’isingouw em baya ne rumerawir ni Gerar ampit em baya ne rumerawir ni Ishak. Em pokeiy nea: “Rano i yi’i eng kapunya’an neiy.” Wo si Ishak si ngimaranla em parigi i ti’i Esek, karengan nisea se me’ising ampit nisia maname.²¹Kamurian sea kumiar em parigi walina, wo sea me’ising kangkasi en tanume ni’itu. Takar si Ishak si ngimaranla em parigi i ti’i Sitna. ²²Sia sumoro’mi waki witula wo kumiar kasi parigi walina, ta’an en tanume em parigi i yi’i nisea se reiy’ me’ising. Em parigi i yi’i nginarananna Rehobot, wo sia lumila’: “En teakan si TUHAN si minee mola kale’aran wia nikita, i ka’ayo kita toro murang wo muyun wia em banua i yi’i.”²³Waki witula sia mea waki Bersyeba. ²⁴O laa witu em bengi ni’itu TUHAN si minapa’atola en tou wia nisia ma’an minee nuwu’: “Niaku mouw ku Empung ni ama’mu Abraham; te’a mouw meide’, karengan Niaku ku merapitla nikoo; Niaku ku laa merkatla nikoo wo sumiwo lumaker se see’mu karengan si Abraham, hamba-Ku i ti’i.” ²⁵Nu reiy’ mouw i tu Ishak si rimedeiyla mezbah witu wo makeret ngaran ni TUHAN. Nisia si minaasla en dasingna witu, o laa se hamba-hambana se makiar parigi witu.²⁶Meiy mouw si Abimelekh waki Gerar meiy matola nisia, mewali-wali ampit si Ahuzat, kalona, wo si Pikol, kapala ne pasukanna. ²⁷Ta’an em pokeiy ni Ishak wia nisea: “Ka’a kouw mineiy matola niaku? E reiy’ ku’a re’en kouw ri’iris wia niaku, wo rimeo momi niaku rumo’umi waki tana’mu?”²⁸E wingkot nea: “Nikeiy keiy limoo’ mola nuesa, kaa si TUHAN si merapitla nikoo; karengan e ni’itu keiy lumila: le’osouw kita sumiwola en tiwa’ kelale’an, nelet nikeiy wo nikoo; wo le’osouw keiy ma’akes teta’aran ampit nikoo, ²⁹kaa nikoo koo reiy’ laa sumiwo lewo’ wia nikeiy, tanu nikeiy keiy reiy’ rumeung nikoo, wo tanu nikeiy ledos sumiwo le’os wia nikoo wo mayala nikoo mea ampit e le’os; e reiy’ ku’a re’en nikoo en teakan si binerkatla ni TUHAN.”³⁰Kamurian Ishak si timuanala pesakeiyan i wee nisea, laa o sea kumaan wo kumoo’. ³¹E nendo kawo’odoanna memo’ondope’ meniwa-niwa’anouw sea. Kamurian si Ishak si minayame nisea, wo sea tumele’ula nisia ampit e le’os.³²Witu nendo ni’itu meiy mouw se hamba-hamba ni Ishak makite’ula wia nisia en tanume em parigi kiniar nea mola, ampit e limila’ wia nisia: “Nikeiy keiy minaka’ato mola rano.” ³³Laa o ngarananna mola em parigi i ti’i Syeba. Karengan e ni’itu ngaran eng kota i ti’i Bersyeba, i ka’ayo en teakan.³⁴Eng katoroan si Esau nu maka umurouw epat nga pulu’ nge te’un, sia medo si Yudit, oki’ ni Beeri tou Het, wo ni Basmat, oki’ ni Elon tou Het, minamuali ka’awuna. ³⁵Se rua wewene i ti’i se limentutla eng kange’engetan e nate i wee si Ishak wo i wee si Ribka.

¹Eng katoroan si Ishak nu tu’a mouw, wo em berenna eng kewurouw, i ka’ayo sia reiy’ mouw mete’u maloo’ola kasi, keretennamola si Esau, sioki’ polonna, ampit limila’ wia nisia: “Oki’ku.” En singkom ni Esau: “Ya, ama’.” ²Lumila’ mouw si Ishak: “Loo’on, niaku ku tu’a mouw, niaku ku reiy’ mete’u kawisa e nedo pateangku.³Takar en teakan, edonouw en saliatannu, lulut en tingkana wo em borangmu, mea mouw waki patar wo pengasu momi i wee niaku si esa nga ipus tekapen; ⁴siwonouw i wee niaku eng kekaanen sedaap, tanu neiyku i kepa’arla, nu reiy’ mouw i tu alinomi wia niaku, wo rio aku kumaan, rio aku merkatla nikoo, nu reiy’pe’ niaku nu mate.”⁵Ta’an si Ribka si limingala nyi’a, eng katoroan si Ishak nu limila’la wia si Esau, oki’na. Si Esau nu minea mouw waki patar mengasu si esa nga ipus tekapen kaa laa pa’alinnami si ama’na, ⁶lumila’ mouw si Ribka wia si Yakub, oki’na: “Liningaku mola si ama’mu si limila’ wia si Esau, kaka’mu: ⁷Alinouw i wee niaku siesa nga ipus tekapen wo siwonouw i wee niaku eng kekaanen sedaap, wo rio aku kumaan, wo rio aku merkatla nikoo witu en sinaru ni TUHAN, nu reiy’pe’ niaku nu mate.⁸Takar en teakan, oki’ku, linganouw e lelila’angku tanu ni’i perentalakula wia nikoo. ⁹Mea mouw waki tampa ne membe’ domba ta, edonomi maname se rua oki’ ni membe’ se le’os, takar niaku ku laa sumiwola nisea mamuali kekaanen sedaap i wee si ama’mu, tanu eng kasa kepa’aranna. ¹⁰Alinouw i tu wia si ama’mu, wo rio kaanenna, rio sia merkatla nikoo, nu reiy’pe’ nisia nu mate. “¹¹O laa em pokeiy ni Yakub wia si Ribka, ina’na: “Ta’an si Esau, kaka’ku, nisia siesa tou werasinen e nouwakna, kasuatan niaku i yi’i eng kuli’ku e nere. ¹²E wo’o wona’na si ama’ku si laa rumingkap niaku; takar ee sangari sia si laa mapokeiyla kaa niaku ku pa’ar manginsero’la nisia; ampit en tuana niaku ku mapa eiy eng kutok witu en touku wo reiy’ em berkat.”¹³ta’an si ina’na si limila’ wia nisia; “Niaku mouw ku mesa’an eng kutok i ti’i, oki’ku; linganouw tare e lelila’angku, mea mouw edoni se membe’-membe’ i ti’i.” ¹⁴Laa o sia mea medo se membe’-membe’ i ti’i wo mali nisea wia si ina’na; nu reiy’ mouw i tu si ina’na si simiwo eng kekaanen kasedaap, tanu eng kasa kepa’aran ni ama’na.¹⁵Kamurian Ribka si minedo e labung wangun punya ni Esau, oki’ polonna, labung tinu’utulanna waki wale, laa o reona mouw paken ni Yakub, oki’na taweng. ¹⁶Wo eng kuli’ ni oki’ ni membe’ i ti’i neiy i so’okepnala witu e rua lawas ni Yakub wo witu lee’na ere i ti’i. ¹⁷Laa o sia meela eng kekaanen kasedaap wo e roti siniwona mola i ti’i wia si Yakub, oki’na.¹⁸Tuana mouw si Yakub nu ghimorem mea witu en tampa ni ama’na ma’an limila’: “Ama’!” En singkom ni ama’na: “Ya, oki’ku; seiy ku’a re’en nikoo?” ¹⁹Em pokeiy ni Yakub wia si ama’na: “Niaku mouw ku Esau, oki’mu polon. Tinuanaku mola, tanu neiy i lila’la ni ama’ wia niaku. Tumo’orouw, rumuberouw wo kumaanouw e le’ona pinengasu e linutu’ku i yi’i, rio si ama’ merkatla niaku.”²⁰O laa si Ishak lumila wia sioki’na i ti’i: “Repet kangkasi koo minaka’ato nisia, oki’ku!” E wingkotna: “Karengan si TUHAN, Empungmu, si simiwo niaku mina’ayola em pelaangku.” ²¹Laa o pokeiy ni Ishak wia si Yakub: “Meiy mouw tumawimi, oki’ku, wo rio aku rumingkapla nikoo, sapa ku’a re’en nikoo i yi’i sioki’ku Esau ka’apa reiy’.”²²Takar si Yakub si rimetenla si Ishak, ama’na wo si ama’na i ti’i si rimingkapla nisia ma’an limila’: “Sa en totor, palingani Yakub; sa lawas, lawas ni Esau.” ²³Ni’itu mouw si Ishak si reiy’ makasine’u nisia, karengan e lawasna em berasinen tanu e lawas ni Esau, kaka’na. Ishak si laa mouw mebeberkatla nisia,²⁴Ta’an nisia si minueiype’: “Nulit ku’a re’en nikoo i yi’i koo oki’ku Esau?” E wingkotna: “Iyoon!” ²⁵Laa o lumila’ mouw si Ishak: “I tawi momi eng kekaanen i ti’i wia niaku, wo rio aku kumaan e le’ona pinengasu linutu’la ni oki’ku, rio aku merkatla nikoo.” Ni’itu mouw neiy i tawinala eng kekaanen i ti’i wia si ama’na, laa o sia kumaan, nialina kangkasi e nanggor wia nisia, laa o sia kumoo’.²⁶Lumila’ mouw si Ishak, ama’na, wia nisia: “Meiy mouw tumawi-tawimi wo sionganola aku, oki’ku.” ²⁷Laa o meiy mouw si Yakub timawi-tawi wo siongannamouw si ama’na. Eng katoroan si Ishak nu minou em bouna labung ni Yakub, o berkatnala sia, em pokeiyna: “Eng kaulitna em bou ni oki’ku nyi’a mouw en tanume em bou em patar binerkatla ni TUHAN.²⁸Empung si laa meemi wia nikoo e leleiydem waki langit wo en tana’-tana’ rebur wia em bumi wo eng gandum ma’an e nanggor mineloko-lokon.²⁹Bangsa-bangsa se laa tu’utuk wia nikoo, wo se suku-suku bangsa se laa mongkot wia nikoo; mamuali mouw tuang wia se patuari-patuarimu, wo se oki-oki’ ni ina’mu se laa mongkot wia nikoo. Seiy si kumutok nikoo, i kakutokola sia, wo seiy si maberkatla nikoo, binerkatola sia.”³⁰Nu reiy’ mouw si Ishak nu simampet minerkatla si Yakub, wo en tare mouw i te si Yakub nu rimo’umi timele’ula si Ishak, ama’na, marengomi si Esau, kaka’na, waki mengasu. ³¹Nisia kangkasi si timiro’la kekaanen kasedaap, laa o alinna wia si ama’na. Em pokeiyna wia si ama’na: “Ama’, tumo’orouw wo kumaan e le’ona pinengasu linutu’la ni oki’mu, rio koo merkatla niaku.”³²Ta’an em pokeiy ni Ishak, ama’na, wia nisia; “Seiy ku’a re’en nikoo i yi’i?” En singkomna: “Niaku mouw sioki’mu, oki’ polonmu, Esau.” ³³Laa o i kasenge’ mouw si Ishak ampit eng kasana ma’an limila’: “Seiy ku’a re’en ee pasil sia, si mengasu tekapen i ti’i wo si minali momi nyi’a wia niaku? Niaku ku kimaanola em baya nyi’a, nu reiy’pe’ nikoo nu mineiy, wo minerkatla nisia; wo nisia si minena-ena’ tou binerkatla.”³⁴Nu reiy’ mouw si Esau nu limingala e lelila’an ni ama’na i ti’i, mengea-ngakouw sia ampit eng kasa ente’ witu eng kange’engetan e natena ma’an limila’ wia si ama’na: “Berkatenola kangkasi niaku i yi’i, ee ama’!” ³⁵E wingkot ni ama’na: “Tuarimu si mineiy mola ampit e le’ekok wiles wo kimaatola em berkat i pewewee nikoo i ti’i.”³⁶Em pokeiy ni Esau: “E reiy ku’a re’en minakatena’ e ngaranna Yakub, karengan nisia si makarua mouw lume’ekok niaku, Eng hak kapolonangku eng kinaatna mouw, wo en teakan eng kinaatna kangkasi em berkat i pewewee niaku.” Laa o pokeiyna: “Sapa ku’a re’en si ama’ si reiy’la berkat walina i wee niaku?” ³⁷O laa si Ishak si miningkot si Esau, em pokeiyna: “Eng kaulitna pinopoku mouw sia minamuali tuang wia nikoo, wo em baya ne patuarina se neiyku i weela wia nisia mamuali hambana, wo winalunangku mouw sia ampit eng gandum wo nanggor; takar wia nikoo, sapape’ kasi en toro siwongku, ee oki’ku?”³⁸Em pokeiy ni Esau wia si ama’na: “E nesa i te i ti’i ku’a re’en em berkat wia nikoo, ee ama’? Berkatela kangkasi niaku i yi’i, ee ama’!” Wo ampit en totor kaente’ mame’ mouw si Esau.³⁹O laa si Ishak ama’na mingkotla nisia: “Eng kaulitna en tampa paena’annu e laa wa’akati waki tana’-tana’ rebur wia em bumi wo wa’akati waki leleiydeman waki langit waki atas. ⁴⁰Nikoo koo laa tumou waki santimu wo nikoo koo laa mamuali hamba ni tuarimu. Ta’an e laa mamuali ee sangari, sakawisa koo me’inakut makauli-ulit, takar nikoo koo laa lumawami em bongkouw i ti’i waki lo’ongmu.”

¹Kamurian Ishak si kimeretla si Yakub, laa o merkatla nisia ma’an minowerla wia nisia, em pokeiyna: “Te’a ma’edomi ka’awu waki se wewene Kana’an. ²Tumiro’ mouw, mea mouw waki Padan-Aram, mea waki wale ni Betuel, ama’ ina’mu, wo medo momi witu siesa ka’awu wia se oki’ ni Laban, patuari ni ina’mu.³Satorona Empung Si Kasakuasa si merkatla nikoo, sumiwo nikoo murang wo muyun wo sumiwo nikoo mamuali kelaker, i ka’ayo koo mamuali esa nga eruran bangsa-bangsa. ⁴Satorona Sia si meela wia nikoo em berkat ni’i pewewee si Abraham, wia nikoo ma’an wia se see’mu, i ka’ayo koo makapunyala em banua i yi’i em paena’annu tanume sitou wo’oseiy, e neiy mouw i weela ni Empung wia si Abraham.”⁵Tuana mouw si Ishak nu minayala si Yakub, laa o mae mouw si Yakub minea waki Padan-Aram, wia si Laban oki’ ni Betuel, tou Aram i ti’i, patuari ni Ribka ina’ ni Yakub wo ni Esau.⁶Eng katoroan si Esau nu limoo’, kaa si Ishak si minerkatola si Yakub wo minayala nisia mea waki Padan-Aram kaa laa ma’edomi ka’awu witula – witu nedo nisia nu minerkatla nisia nisia si minowerola wia si Yakub: “Te’a mouw ma’edomi ka’awu waki elet ne wewene Kana’an” – ⁷wo kaa si Yakub si limingala e leila’la ni ama’ wo ni ina’na, wo mea waki Padan-Aram,⁸takar si Esau tu’u si minete’ula, kaa se wewene Kana’an i ti’i se reiy’ i kepa’arla ni Ishak, ama’na. ⁹Karengan e ni’itu sia mea wia si Ismael wo medo si Mahalat minamuali ka’awuna, e walinana wia se rua ka’awuna wia mow. Mahalat nisia mouw sioki’ ni Ismael oki’ ni Abraham, tuari ni Nebayot.

¹Kamurian rumo’u momi si Yakub witula wo mea waki wanua ne Bani Sedangan. ²Eng katoroan nisia nu tumu’use eng kaledongna, linoo’oname wawean e nesa parigi waki patar, wo wawean telu ngaeruran ne membe’ domba ghimoleiy witu en tawi nyi’a, karengan waki parigi i ti’i mouw se tou mawee kumoo’ se ngaeruran- ngaeruran ne membe’ domba i ti’i. Sapa tare em batu pepenet em parigi i ti’i en sela; ³wo sakawisa se reiy’ sa mina’asa ngaeruran ne membe’ domba i ti’i rawiren merur mea maname, takar se rumerawir-rumerawir se moloni em batu i ti’i waki sumana em parigi, o laa se membe’ domba i ti’i se weean kumoo’; kamurian i warengola kasi em batu i ti’i mea witu en sumana em parigi i ti’i.⁴Mueiy mouw si Yakub wia nisea: “Patuari waya, waki wisa ku’a re’en nikouw i yi’i o meiy?” E wingkot nea: “Nikeiy i yi’i keiy waki Haran o meiy.” ⁵O kasi em pokeiyna wia nisea: “Sumine’u ku’a re’en nikoouw si Laban, puyun ni Nahor?” E wingkot nea: “Kasine’uan neiy.” ⁶Tumodongla nyi’a em pokeiyna wia nisea: “Lawir ku’a re’en sia?” E wingkot nea: “Lawir! Ta’an loo’on, i ti’ila si mengeiy sioki’na wewene, Rahel, ampit se membe’ dombana.”⁷Laa o pokeiy ni Yakub: “E nendo noate’, e reiy’pe’ nedona kaa laa ma’erurla se papiaran; weeanouw kumoo’ se membe’ dombamu i ti’i, kamurian mea mouw rumawirla nisea kasi.” ⁸Ta’an e wingkot nea: “Nikeiy keiy reiy’ mete’u tumuanala ni’itu eng keurean se reiy’ sa mina’asa ngaeruran ne tekapen i ti’i se reiy’pe’ minaerur; tare mouw em batu i ti’i i kedengi waki sumana em parigi wo keiy mee kumoo’ se membe’ domba meiy.”⁹Kasuatan sia nu mengila-ngila’ ampit nisea, meiy mouw si Rahel ampit se membe’ domba ni ama’na, karengan nisia mouw si merawirla nisea. ¹⁰Eng katoroan si Yakub nu limoo’ si Rahel, oki’ ni Laban patuari ni ina’na, ampit se membe’ domba ni Laban, sia meiy tumawila, laa o moloni em batu i ti’i waki sumana em parigi, wo mee kumoo’ se membe’ domba i ti’i.¹¹Kamurian si Yakub si sumiongla si Rahel ma’an maame’ ampit en totor kaente’. ¹²O laa si Yakub si simusuiyla wia si Rahel, kaa nisia sioki’ ni patuari ni ama’ ni Rahel, wo sioki’ ni Ribka. Takar tumingkasouw si Rahel mea sumusuiyla nyi’a wia si ama’na.¹³Makarengan nu reiy’ mouw si Laban nu limingala nabar en tanume si Yakub, oki’ ni patuarina i ti’i, tumingkasouw sia sumungkul nisia, laa o kume’ekep wo sumiong nisia, kamurian mali nisia mea waki walena. Takar si Yakub si simusuiyla eng kapualitan tanume nisia wia si Laban. ¹⁴Em pokeiy ni Laban wia nisia: “Eng kaulitna nikoo koo esa nga raa’ esa nga le’ona ampit niaku.” Takar mena’ mouw si Yakub wia nisia lekep esa nga sumendot eng keurena.¹⁵Kamurian lumila’ mouw si Laban wia si Yakub: “Ma’an tu’una karengan nikoo nyi’a mouw koo kawanua patuariku, koo ma’ayang wia niaku ampit reiy’ weean tetoro? I lila’ momi wia niaku sapa e waar mamuali tetoromu.” ¹⁶Laban si makapunya rua oki’ wewene; si lebe tu’a ngaranna Lea si lebe muda ngaranna Rahel. ¹⁷Lea reiy’ masena’ em berenna, ta’an si Rahel i ti’i si rinda wo wulouw eng giona. ¹⁸Yakub si moupus wia si Rahel karengan e ni’itu sia lumila’: “Niaku ku pa’ar ma’ayang wia nikoo pitu nge te’un eng keurena rio aku maka’ato si Rahel, sioki’mu lebe muda i ti’i,”¹⁹En singkom ni Laban: “Kasa mouw le’os sia i weekula wia nikoo ta’an se tou walina; takar mena’ mouw wia niaku.” ²⁰Ni’itu mouw ma’ayangouw si Yakub pitu nge te’un eng keurena rio maka’ato si Rahel i ti’i, ta’an em pitu nge te’un i ti’i e linoo’ona i tela tanu em pira nga endo, karengan e nupusna wia si Rahel.²¹Nu reiy’ i tu lumila’ mouw si Yakub wia si Laban: “I wee momi wia niaku si laa mamuali ka’awuku i ti’i, karengan eng keurena nendoku e lekepouw, rio ku laa mouw kumaweng ampit nisia.” ²²O laa si Laban si mineri’ em baya se tou witu en tampa i ti’i wo sumiwola pesakeiyan.²³Ta’an witu nedo wengi niedonala si Lea, oki’na, wo alinna wia si Yakub. Takar si Yakub tu’u si rimetenla nisia. ²⁴Awes tare si Laban si mineela si Zilpa, atana wewene, wia si Lea, oki’na i ti’i, mamuali atana. ²⁵Ta’an witu nedo memo’odo kaloo’anouw kaa si ti’i si Lea! Laa o lumila’ mouw si Yakub wia si Laban: “Sapa mouw ku’a re’en en siniwomula witu niaku i yi’i? E reiy’ ku’a re’en rio ku maka’ato si Rahel niaku ku mina’ayang wia nikoo? Ka’a koo lume’ekok niaku?”²⁶E wingkot ni Laban: “Reiy’ kenaramen sitou sumiwo en tuana wia en tampa meiy i yi’i, i kawengla si tuarina lebe rerior ta’an i te si kaka’na. ²⁷Lekepene’la rerior em pitu nga endo kinawengannu ampit sioki’ku i yi’i; kamurian sioki’ku walina tu’u si laa i weela wia nikoo tanume en tetoro, asal koo ma’ayange’la kangkasi wia niaku em pitu nge te’une’ kasi.”²⁸akar si Yakub si simiwola en tuana; nisia si limekepla em pitu nga endo kinawenganna ampit si Lea, kamurian si Laban si mineela wia nisia si Rahel, oki’na i ti’i, minamuali ka’awuna. ²⁹Awes kangkasi si Laban si mineela si Bilha, atana wewene, wia si Rahel, oki’na i ti’i, mamuali atana. ³⁰Yakub si timawila si Rahel kangkasi, awesla nisia si kasa moupusla si Rahel ta’an wia si Lea. Tuana mouw nisia si mina’ayang kangkasi wia si Laban em pitupe’ nge te’un kasi.

¹Katoroan linoo’ ni Rahel, kaa nisia si reiy’ tumimea’la oki’ i wee si Yakub, tumayurouw sia wia si kaka’na i ti’i, laa o lumila’ wia si Yakub: “Weeanola wia niaku oki’; sa reiy’, niaku ku laa mate.” ²Takar tu meiy mouw nupi’ ni Yakub wia si Rahel wo sia lumila: “Niaku ku’a re’en ku sawel ni Empung, si minape’ mola nikoo gumandong?”³Em pokeiy ni Rahel: “I yi’i si Bilha, ataku wewene, retenenouw sia, rio sia tumimea’la oki’ witu em pinalarku, wo rio karengan nisia niaku tu’u ku makapunyala see’.” ⁴Takar i weenala si Bilha, atana i ti’i, wia si Yakub mamuali ka’awuna wo si Yakub si timawila si ata i ti’i.⁵Bilha si gimandong, laa o tumimea’la siesa oki’ tuama i wee si Yakub. ⁶Lumila’ mouw si Rahel: “Empung si minee momi ka’adilan wia niaku, o kangkasi e lininga-Na mola numanku wo wineean-Na momi aku siesa oki’ tuama.” Karengan e ni’itu mouw sia ngumaranla sioki’ i ti’i Dan.⁷Gumandongouw kangkasi si Bilha, ata wewene ni Rahel, laa o tumimea’la sioki’ tuama karua i wee si Yakub. ⁸Lumila’ mouw si Rahel: “Niaku ku kasa mouw hebat ma’edoan ampit si kaka’ku, wo niaku tu’u ku minuntung.” Takar sia ngumaranla sioki i ti’i Naftali.⁹Eng katoroan linoo’ ni Lea, kaa nisia si reiy’ mouw tumimea’la kasi, edonala si Zilpa, atana wewene, wo i weenala wia si Yakub mamuali ka’awuna. 10 ¹⁰Wo si Zilpa, ata wewene ni Lea, tumimea’la sioki’ tuama i wee si Yakub. ¹¹Lumila’ mouw si Lea: “Eng kamang mineiy mouw.” Takar sia nuimaranla sioki’ i ti’i Gad.¹²Wo si Zilpa, ata wewene ni Lea, si timimea’la sioki’ tuama karua i wee si Yakub. ¹³Lumila’ mouw si Lea: “Niaku i yi’i ku aruiy! Tantu mouw se wewene se laa tumotorla niaku aruiy.” Takar sia ngumaranla sioki’ i ti’i Asyer.¹⁴Eng katoroan si Ruben witu noras meupu’ gandum minea mengela-ngelang, atonala waki patar em bu’ana en dudaim, laa o alinna wia si Lea, ina’na. Em pokeiy ni Rahel wia si Lea: “Weeani pirala aku em bu’ana en dudaim kina’atoan ni oki’mu i ti’i.” ¹⁵E wingkot ni Lea wia nisia: “Sapa ku’a re’en e reiy’pe’ awes wia nikoo minedola si ka’awuku? En teakan kangkasi koo pa’ar kasi ma’edo em bu’ana en dudaim ni oki’ku? Em pokeiy ni Rahel: “Sa tuana ma’anouw sia tumekel ampit nikoo wengi i yi’i tanu en sawel em bu’ana en dudaim ni oki’mu i ti’i.”¹⁶Eng katoroan si Yakub witu nedo mawengido waki patar o meiy, mea mouw si Lea matola nisia, ma’an limila’: “Nikoo koo lewo’ sa reiy’ tumuli wia niaku wengi i yi’i, eng kaulitna karengan nikoo koo nieramku mouw ampit em bu’ana en dudaim ni oki’ku.” Karengan e ni’itu tumekelouw si Yakub ampit si Lea em bengi ni’itu. ¹⁷O laa si Empung si limingala naleiy ni Lea. Lea si gimandong wo tumimea’la sioki’ tuama kalima i wee si Yakub. ¹⁸Laa o pokeiy ni Lea: “Empung si minee momi en tetoroku, karengan niaku ku minee mola si ataku wewene wia si ka’awuku.” Takar sia ngumaranla wia sioki’ i ti’i Isakhar.¹⁹kamurian si Lea si gimandong kangkasi wo tumimea’la sioki’ tuama kaenem i wee si Yakub. ²⁰Lumila’ mouw si Lea: “Empung si minee momi tetaber wangun wia niaku; mekasa i yi’i si ka’awuku si laa mena’ mewali-wali ampit niaku, karengan niaku ku timimea’ mola se enem oki’ tuama i wee nisia.” Takar sia ngumaranla sioki’ i ti’i Zebulon. ²¹Nu reiy’ mouw i tu sia tumimea’la siesa oki’ wewene wo ngumaranla sioki’ i ti’i Dina.²²Laa o ghumenangouw si Empung wia si Rahel; Empung si limingala naleiyna ma’an minuka’la eng gandonganna. ²³Takar gumandongouw si Rahel wo tumimea’la siesa oki’ tuama. Lumila’ mouw sia: “Empung si rime’i mola nirangku.” ²⁴Takar sia ngumaranla sioki’ i ti’i Yusuf, kasuatan limila’: “Satorona si TUHAN si mawesi esa oki’ tuama kasi i wee niaku.”

¹Kalingaanouw wia si Yakub se oki-oki’ ni Laban se meila’ en tuana: “Yakub si minedo mola e reiy’ sa mina’asa em budel kapunya’an ni ama’ ta wo waki budel i ti’i mouw sia rumedeiyla e reiy’ sa mina’asa eng kekayaanna.” ²O kasi kaloo’an wia si Yakub waki ghio ni Laban, kaa si Laban si reiy’ mouw kasi tanu e limangkoiyla wia nisia. ³Wo mee mouw nuwu’ si TUHAN wia si Yakub: “Marengouw mea waki wanua ne nene moyangmu wo wia se kaummu, wo Niaku ku laa rumapitla nikoo.”⁴Nu reiy’ mouw i tu Yakub si rimeo kumeret si Rahel wo si Lea kaa laa meiy waki patar, meiy waki tampa ne membe’ dombana, ⁵wo sia lumila’ wia nisea: “Linoo’oku momi waki ghio ni amamu, kaa nisia si reiy’ mouw kasi tanu e limangkoiyla wia niaku, ta’an si Empung ni ama’ku si rimapitla niaku. ⁶O kangkasi nikouw nuesa kouw mete’u, kaa niaku ku mina’ayangola esa nga kaente-ante’ku wia si ama’mu.⁷Ta’an si ama’mu si simiwo mouw le’ekok wia niaku wo minaka pulu’ mouw rumoba en tetoroku, ta’an si Empung si reiy’ minayala nisia sumiwo lewo’ wia niaku. ⁸Sakawisa sia lumila’: se ti’itikan-ti’itikanouw se laa mamuali tetoromu, takar se reiy’ sa mina’asa membe’ domba i ti’i se maka’ato oki’ ti’tikan-ti’itikan; wo sakawisa sia lumila’: se warotan-warotanouw se laa mamuali tetoromu, takar se reiy’ sa mina’asa membe’ domba i ti’i se maka’ato oki’ warotan-warotan. ⁹Tuana mouw si Empung minedo se papiaran ni ama’mu wo meela nisea wia niaku.¹⁰Witu mekasa witu noras ne membe’ domba i ti’i pa’ar mabibit takar niaku ku mine’ipi wo limoo’, kaa se raghar-raghar mabibitla se membe’ domba i ti’i se warotan-warotan, ti’itikan-ti’itikan wo se kolongan-kolongan. ¹¹Wo si Mala’ekat ni Empung minee nuwu’ wia niaku witu nipi i ti’i: “Yakub! E wingkotku: Ya Tuhan!¹²Laa o Sia mee nuwu’: Kuma’atla koo wo loo’onouw, kaa se reiy’ sa mina’asa raghar se minibitla se membe’ domba i ti’i se warotan-warotan, ti’itikan-ti’itikan wo se kolongan-kolongan, karengan e linoo’o-Ku mouw waya en tinuanala ni Laban i ti’i wia nikoo. ¹³Niaku mouw ku Empung si waki Betel i ti’i, witu e wisa koo minisu’la en tugu, wo witu e wisa koo tima’arla wia-Niaku; takar en teakan, tumiro’ mouw koo, rumo’u mome wia em banua i yi’i wo marengouw waki wanua ne kawanua patuarimu.”¹⁴O laa si Rahel wo si Lea se miningkot si Yakub, em pokeiyna: “E reiy’ ku’a re’en e reiy’ mola kasi weteng ka’apa sesani’ meiy witu eng gorem em bale ni ama’ meiy? ¹⁵E reiy’ ku’a re’en nikeiy i yi’i keiy i papokeiyna mokan tanu se tou wo’oseiy, karengan nisia si minangkerouw nikeiy? O kangkasi em beteng meiy eng kina’apuna mola waya. ¹⁶Ta’an em baya eng kakaya’an, e niedo mola ni Empung wia si ama’ meiy, ni’itu mouw em punya meiy wo ne oki-oki’ meiy; takar en teakan, siwonouw em baya neiy i nuwu’la ni Empung wia nikoo.”¹⁷Laa o tumiro’ mouw si Yakub, i seretnala se oki-oki’na wo se ka’awu-ka’awuna witu natas ne onta, ¹⁸rawirennala se minapekasa papiaranna wo e reiy’ sa mina’asa sapa eng kina’atoanna mola, nyi’a i yi’i se papiaran kapunya’anna, se kina’atoanna mola waki Padan-Aram, ampit e maksut mea waki si Ishak, ama’na, mea waki tana’ Kana’an.¹⁹19 Sapa tare si Laban si minea mouw kumunting em bu’uk ne domba-dombana. Eng katoroan e ni’itu mouw si Rahel rimongkit en terafim ni ama’na. ²⁰Wo si Yakub si limi’ibusla si Laban, tou Aram i ti’i, ampit e reiy’ minakite’ula wia nisia, kaa nisia si metetingkas. ²¹Tuana mouw nisia nu timingkas ampit e reiy’ sa mina’asa em budel kapunya’anna, Sia mea, lumewetla en teberan Efrat wo kumelang matorome eng kakuntungan Gilead.

¹Yakub si minapa wee-weela em pakela-kelanganna, laa o maatoanouw se mala’ekat-mala’ekat ni Empung ampit nisia. ²Eng katoroan si Yakub nu limoo’ nisea, lumila’ mouw sia: “I yi’i se suraro ni Empung.” Karengan e ni’itu ngarananna mouw en tampa i ti’i Mahanaim.³Nu reiy’ mouw i tu Yakub si rimeo se tetokena rumerior matola si Esau, kaka’na, mea waki tana’ Seir, en daerah Edom. ⁴Sia si minerentala wia nisea: “Teinti’i mouw kouw lumila’la wia si tuangku, wia si Esau: Teinti’i mouw em pokeiy ni hambamu Yakub: Niaku ku minena’ mola wia si Laban tanume sitou wo’oseiy wo maena’ witu eng keurean i yi’i. ⁵Niaku ku makapunya mouw lembu sapi, keledai wo membe’ domba, ata tuama wo wewene, wo niaku ku rimeo i pakite’ula eng kapualitan i yi’i wia si tuangku, rio aku maka’ato e nupusmu.”⁶Kamurian marengouw se neiy i toke i ti’i wia si Yakub wo lumila: “Nikeiy keiy mina’ayo mola wia si kaka’mu, wia si Esau, wo nisia tu’u si kasuatan wia lalan ma’atola nikoo, patepe-teperen ne epat nga atus tou.” ⁷Laa o kasa mouw meide’ si Yakub wo mapedam se’esek e nate; takar winetengnala se tou-touna se mewali-wali ampit nisia, membe’ dombana, lembu sapi wo se ontana minamuali rua pasukan. ⁸Karengan eng genangna: “Sa si Esau meiy rumego se pasukan esa, i ka’ayo mekala, takar se pasukan neiy i katele’u se laa i kaliseiy.”⁹Kamurian lumila’ mouw si Yakub: “Oh Empung ni neneku Abraham wo Empung ni ama’ku Ishak, oh TUHAN, si minee mola nuwu’ wia niaku: Marengouw waki wanuamu ma’an wia se kawanua patuarimu wo Niaku ku laa sumiwo le’os wia nikoo – ¹⁰ma’an mekasa niaku ku reiy’ waar kaa laa sumungkul e reiy’ sa mina’asa e nupus wo eng kelale’an neiy-Mu i papa’atola wia si hamba-Mu i yi’i, karengan niaku ku minali i te em bewuluku i yi’i e nedo niaku nu limeweti en teberan Yordan i yi’i, ta’an en teakan minamuali mouw rua pasukan.¹¹I waya momi satorona niaku waki lawas ni kaka’ku, witu lawas ni Esau, karengan niaku ku meide’ wia nisia, e wo’o wona’na o sia meiy mewewunu’ niaku, o kangkasi se ina’-ina’ ampit se oki-oki’na. ¹²E reiy’ ku’a re’en Nikoo koo minee mola nuwu’: Tantu Niaku ku laa sumiwo le’os wia nikoo wo sumiwola se see’mu tanume neris waki tasik, eng karengan eng kelakerna e reiy’ mete’u rekenen.”¹³Laa o tumekelouw sia maname witu em bengi ni’itu. Kamurian edonna momiu waki sapa em bia nisia e nesa sesempe i wee si Esau, kaka’na, ¹⁴nyi’a i ti’i se rua nga atus membe’ mereiy wo se rua nga pulu’ membe’ raghar, rua nga atus domba mereiy wo rua nga pulu’ domba raghar, ¹⁵telu nga pulu’ onta se kasuatan matoto’la ma’an se oki-oki’na, epat nga pulu’ sapi mereiy wo mapulu’ sapi raghar, rua nga pulu’ keledai mereiy wo mapulu’ keledai raghar. ¹⁶I sarakanna mola em baya nyi’a i ti’i wia se ata-atana kaa laa tayuran, susur nga eruran i tampas, wo sia lumila’ wia nisea: “Kumelangouw kouw rumerior wo tayuranouw rio wawean woang witu nelet ngaeruran esa wo ngaeruran walina.”¹⁷I perentana mola wia se kasa rerior: “Sakawisa si Esau, kaka’ku, maatoan ampit nikoo wo mueiy wia nikoo: Seiy ku’a re’en si tuangmu? Wo wisa ku’a re’en em pela’annu? Wo kapunya’an ni seiy ku’a re’en se papiaran witu reriormu i ti’i? – ¹⁸Wingkotenouw: “Kapunya’an ni hambamu Yakub; nyi’i mouw en sesempe’ neiy i papa’alimi wia si tuangku Esau, wo si Yakub nuesa tu’u si wia muri meiy.”¹⁹Tuana mouw neiy i perentanala le’os wia se karua ka’apa tu’u wia se katelu wo wia se pakasaan tou se makelang merawirla se ngaeruran ne tekapen i ti’i, em pokeiyna: “Tanu e lelila’la’angku eng ketare mouw ni’i lila’ miouwla wia si Esau, sakawisa kouw maatoan ampit nisia; ²⁰wo nikouw kouw lewo’ sa reiy’ lumila’la kangkasi: Hambamu Yakub nuesa si wia muri meiy.” Karengan eng genang ni Yakub: “Le’osouw ku lume’osela natena ampit en sesempe neiy i aterla rerior, kamurian tare mouw aku laa lumoo’ eng giona; e wo’o wona’na sia laa sumungkul niaku ampit e le’os.” ²¹Ni’itu mouw en sesempe i ti’i neiy i aterla rerior, ta’an nisia nuesa si minapawengi witu em bengi ni’itu witu en tampa pedasinganna.

¹Yakub tu’u si limease en tu’usanna, wo loo’onna mouw si Esau mengeiy ampit patepe-teperen ne epat nga atus tou. Takar i sarakanna mola se esa nga weteng waki se oki-oki’ i ti’i wia si Lea wo se esa nga weteng wia si Rahel ma’an wia se rua ata wewene i ti’i. ²Nisia si timampala se ata-ata wewene i ti’i ma’an se oki-oki’ nea waki rerior, Lea ma’an se oki-oki’na witu muri nea, wo si Rahel ma’an si Yusuf waki kasa muri. ³Wo nisia nuesa si makelang witu rerior nea wo sia maongkot ma’ayo en tana’ maka pitu, i ka’ayo sia ma’ayome waki tawi ni kaka’na i ti’i.⁴Ta’an si Esau si timingkasi matola nisia, ke’ekepenna sia, rawaken e lee’na wo sionganna sia, laa o mengari-ngaripanouw sea. ⁵Kamurian si Esau si limease en tu’usanna, kinaloo’anna mouw se wewene-wewene wo se oki-oki’ i ti’i , laa o sia mueiy: “Seiy ku’a re’en se tou mewali-wali ampit nikoo i ti’i?” E wingkot ni Yakub: “Se oki-oki’ se neiy mouw i karuniala ni Empung wia si hambamu i yi’i.”⁶Nu reiy’ mouw i tu tumawi mouw se ata-ata wewene i ti’i ma’an se oki-oki’na, laa o sea maongkot. ⁷Tumawi mouw kangkasi si Lea ma’an se oki-oki’na, wo sea tu’u maongkot. Kamurian tumawi mouw si Yusuf ma’an si Rahel, wo nisea kangkasi se maongkot. ⁸Lumila’ mouw si Esau: “Sapa ku’a re’en maksutmu ampit se minapekasa pasukan se minasungkulouw ampit niaku eng ketare?” E wingkotna: “Kaa laa maka’ato nupus ni tuangku.”⁹Ta’an em pokeiy ni Esau: “Niaku ku makapunya eng kelaker, tuariku; tiboiyanouw sapa em bia nikoo.” ¹⁰Ta’an em pokeiy ni Yakub: “Te’a mouw satorona tuana; sa wona’na aku minaka’ato mola nupusmu, sungkulenouw en sesempeku i yi’i waki lawasku, karengan memang lumoo’ eng giomu nyi’a mouw i wee niaku pape’anen limoo’ eng gio ni Empung, wo nikoo tu’u koo minepa’ar sumungkul niaku. ¹¹Sungkulenouw satorona en tetaber kowa en tetabeaku i yi’i, e nialiku momi wia nikoo, karengan si Empung si minee mola karunia wia niaku wo niaku tu’u ku makapunya em baya-wayana.” Laa o pengelu-ngelurennala si Esau, i ka’ayo niedona.¹²Em pokeiy ni Esau: “Le’osouw kita mae kumelang mapawee-wee; niaku ku laa rumapitla nikoo.” ¹³Ta’an si Yakub si limila’ wia nisia: “Tuangku si mete’u, kaa se oki-oki’ i yi’i se reiy’pe’ kasa ente’, wo mewali-wali niaku wawean se membe’ domba wo se sapi matoto’pe’, sa merio-rior, esa nga endo i te, takar se minapekasa ngseruran ne tekapen i ti’i se laa mate. ¹⁴Ma’anouw satorona si tuangku kumelang rumeriorla waki si hambamu i yi’i wo niaku ku pa’ar ampit eng kasa maato-ato maensong melaa i ki’it eng ke’angan ne tekapen, se makelang witu e reriorku wo maki’it eng ke’ang ne oki-oki’, i ka’ayo aku i ka’ayola witu si tuangku waki Seir.”¹⁵Laa o pokeiy ni Esau: “Sa tuana, le’osouw ku tumele’ula wia nikoo se pirala tou waki se matepe-teper niaku.” Ta’an si Yakub si limila’: “Te’a mouw tuana! Ma’anouw aku maka’ato nupus ni tuangku i te.” ¹⁶Ni’itu mouw marengouw si Esau witu nendo ni’itu kumelang mea waki Seir. ¹⁷Ta’an si Yakub si minae waki Sukot, laa o rumedeiyla wale, wo i wee se papiaranna siniwona en sabua-sabua. Ni’itu mouw eng karenganna en tampa i ti’i nginaranan Sukot.¹⁸Witu em pakela-kelangannami waki Padan-Aram i ka’ayo mola si Yakub ampit e lawir waki Sikem, waki tana’ Kana’an, laa o sia dumasing witu esa nga weka sedangan eng kota i ti’i. ¹⁹Kamurian telesenna mola wia se oki-oki’ ni Hemor, ama’ en Sikhem, esa nga werot tana’, en tampa nisia nu timo’orla en dasingna, ampit e narga esa nga atus kesita. ²⁰Sia si rimedeiyla mezbah witu wo nginaranannala ni’itu: “Empung Israel nyi’a mouw si Empung.”

¹Witu e mekasa mea mouw si Dina, oki’ wewene ni Lea neiy i patounala i wee si Yakub, limalesla se wewene-wewene witu em banua i ti’i. ²Eng katoroan e ni’itu kaloo’anouw sia ni Sikhem, oki’ ni Hemor, tou Hewi, raja em banua i ti’i, o laa si Dina i ti’i si neiy i tingkasna wo winantianna. ³Ta’an i kewa’akesouw natena wia si Dina, oki’ ni Yakub; sia si moupus wia si reraa i ti’i, wo limomponla nate ni reraa i ti’i.⁴Karengan e ni’itu lumila’ mouw si Sikhem wia si Hemor, ama’na: “Edonouw i wee niaku si reraa i yi’i kaa laa mamuali ka’awuku.” ⁵Kalinga’anouw ni Yakub, kaa si Sikhem si kimewurla si Dina. Ta’an se oki’na se waki patar metayur wia se papiaran nea, Ni’itu mouw si Yakub si minenesla eng kapualitan i ti’i i ka’ayo sea marengi.⁶O laa si Hemor ama’ ni Sikhem, minea matola si Yakub kaa laa sumusuiy ampit nisia. ⁷Kasuatan e ni’itu se oki-oki’ ni Yakub se minarengomi waki patar, wo se liminga mola eng kapualitan i ti’i se tou-tou i yi’i se rara ate wo se kasa moupi’ karengan si Sikhem si simiwo mola en sering witu nelet ne tou Israel ampit minantila sioki’ wewene ni Yakub, karengan en tuana i ti’i e reiy’ waar tuananla.⁸Sumusuiy mouw si Hemor wia nisea i ti’i: “Nate ni Sikhem oki’ku e minepa’arla sioki’mu; satorona nikouw kouw meela nisia wia nisia mamuali ka’awuna ⁹wo ma’anouw kita mengedo-ngedoan: i wee mola se reraa-reraa miouw wia nikeiy wo edonouw se reraa-reraa meiy. ¹⁰Mena’ mouw wia nikeiy: em banua i yi’i em binuka’ i wee nikouw; mena’ mouw wia nyi’i, kelanganola em banua i yi’i ampit e waya’an em pa’ar, wo mena-ena’ mouw wia nyi’i.”¹¹O laa si Sikhem lumila’ wia si ama’ ni oki’ i ti’i wo wia se kaka’-kaka’na: “Ma’anouw satorona aku maka’atola nupusmu, niaku ku laa meela wia nikoo sapa eng kiweennu; ¹²ma’anouw tu’u kouw mesa’anla wia niaku e loit redeiyan wo e loit nantaran takura i te tu’u eng kelaker, niaku ku laa meela sapa eng kiween niouw; ta’an i wee mouw si reraa i ti’i wia niaku mamuali ka’awuku.” ¹³O laa seoki- oki’ ni Yakub se miningkot si Sikhem wo si Hemor, ama’na, ampit e le’ekok wiles. Karengan si Sikhem si kimewurola si Dina, tuari nea i ti’i,¹⁴lumila’ mouw sea wia se rua tou i ti’i: “Nikeiy keiy reiy’ mete’u sumiwo en tuana, meweweela si tuari meiy wia siesa tuama reiy’ makasunat, karengan eng kapualitan i ti’i mekeirangen i wee nikeiy. ¹⁵Ampit i te en sarat i yi’i keiy toro mene’la em pakiweennu: nikouw kouw lewo’ sa reiy’ masuat tanu nikeiy, nyi’a i ti’i susur tuama witu nelet miouw se lewo’ sa reiy’ sunaten, ¹⁶tare mouw keiy laa meela se reraa-reraa meiy wia nikouw wo medo se reraa-reraa miouw; takar keiy laa mena’ wia nikoo wo nikita ta laa mamuali esa bangsa. ¹⁷Ta’an sa kouw reiy’ lumingala e lelila’an neiy wo kouw reiy’ sunaten, takar nikeiy keiy laa medo sumoup sioki’ i ti’i, laa o mea.”¹⁸O laa si Hemor wo si Sikhem, oki’ ni Hemor, se miniyonla neiy i pa’ayo neala. ¹⁹Wo si taretumou i ti’i si reiy’ limodok timuanala nyi’a, karengan nisia si pa’ar wia sioki’ ni Yakub, awes kangkasi nisia sitou kasa pasighi’in witu nelet ne minapekasa kaum ne me’urangna.²⁰Laa o mea mouw si Hemor wo si Sikhem, oki’na i ti’i, waki pepalen leloangan eng kota nea wo sea sumusuiy wia se penduduk eng kota i ti’i: ²¹“Se tou-tou i ti’i se pa’ar tumou male’o-le’osan ampit nikita, i waya mola sea mena’ wia em banua i yi’i wo makelangela nyi’a waya’an em pa’ar; e reiy’ ku’a re’en em banua i yi’i nawes eng kapelasna i wee nisea? Takar kita toro medo se reraa-reraa nea mamuali ka’awu ta wo kita toro meela se reraa-reraa ta wia nisea.²²Ta’anouw i te ampit en sarat i yi’i se tou i ti’i se miyon mena’ mewali-wali ampit nikita, i ka’ayo kita mamuali esa bangsa, nyi’a i ti’i susur tuama witu nelet ta se lewo’ sa reiy’ sunaten tanu nisea nu makasunat. ²³Papiaran nea, em budel nea, wo e reiy’ sa mina’asa ne tekapen nea, e reiy’ ku’a re’en em baya nyi’a i ti’i e laa mamuali kapunya’an ta? Ta’an i te i waya mola kita yumonla em pengiween nea, i ka’ayo sea mena-ena’ mena’ wia nikita.”²⁴Takar e neiy i pa’ayola ni Hemor wo ni Sikhem, oki’na i ti’i, e liningala em baya ne tou se mineiy merur witu em pepalen leloangan eng kota i ti’i, laa o sea sunatenouw se susur tuama, nyi’a i yi’i susur se oki’ sela mouw witu eng kota i ti’i. ²⁵Witu nendo katelu, eng katoroan nisea nu kasuatan peme’itan eng kerara’an, meiy mouw se rua oki’ ni Yakub, nyi’a i ti’i si Simeon wo si Lewi, kaka’-kaka’ ni Dina, nu reiy’ mouw siesa o siesa minedola en santina, sea rumego eng kota i ti’i ampit e reiy’ meide-ide’ ma’an mawunu’ se susur tuama. ²⁶O kangkasi si Hemor wo si Sikhem, oki’na, winunu’ nea ampit em beren en santi, wo sea medo si Dina waki wale ni Sikhem, laa o mea.²⁷Kamurian meiy se mouw se oki-oki’ ni Yakub mekaatla se tou-tou kinawunu’anouw i ti’i, laa o rumemu’ eng kota i ti’i, karengan si tuari nea si kinewurola. ²⁸Membe’ dombana wo se lembu sapina, keledaina wo e reiy’ sa mina’asa em bitu eng gorem wo em bitu luar eng kota i ti’i e niali nea; ²⁹e reiy’ sa mina’asa kakaya’anna, em baya ne oki’na wo se wewenena se tinaang wo rinemu’ nea, o kangkasi minapekasana em bia em bale-wale.³⁰Yakub limila’ wia si Simeon wo si Lewi: “Nikouw kouw cimilaka mola niaku ampit minu’ulela e ngaranku wia se penduduk em banua i yi’i, wia se tou Kana’an, wo se tou Feris, e nulitna nikita i yi’i kita toyo’ i te eng kelakerna; sakawisa sea maasa’an sumu’usuk nikita, tantu mouw nisea se laa mewe nikita mekala, wo nikita ta laa punengela, niaku ma’an se esa nga pumpun em baleku.” ³¹Ta’an e wingkot nea: “Ka’a ku’a si tuari ta si tinuana neala tanu siesa wewene sa’amek!”

¹Empung si minee nuwu’ wia si Yakub: “Tumiro’ mouw, mea mouw waki Betel, mena’ mouw witu, wo siwonouw witu e mezbah i wee si Empung, si minapa’ato mola en tou wia nikoo, eng katoroan nikoo nu timingkasi waki si Esau, kaka’mu.” ²Laa o lumila’ mouw si Yakub wia em baya ne esa nga pumpun em balena wo wia em baya ne tou se mewali-wali ampit nisia: “Wa’akatenola se dewa-dewa wo’oseiy se witu eng keuneran niouw, lenasenola en toumu wo to’oranouw labungmu. ³Meiy mouw kita tumiro’ wo mea waki Betel; niaku ku laa sumiwo mezbah witu i wee si Empung, si miningkotomi niaku witu masa kase’esekangku wo si rimapitola niaku witu lalan kinelangangku.”⁴Nisea se simarakanla wia si Yakub e reiy’ sa mina’asa dewa wo’oseiy se kapunya’an nea wo se karabu-karabu witu en talinga nea, o laa si Yakub tumanemla nyi’a witu rarem nakana sela tawi en Sikhem. ⁵Nu reiy’ mouw i tu mae mouw sea. Wo eng kaente’an waki si Empung en timoromi eng kota-kota kaledong nea, i ka’ayo se oki-oki’ ni Yakub se reiy’ kini’it.⁶Laa o ma’ayo mola si Yakub waki Lus waki tana’ Kana’an – nyi’a i ti’i em Betel -, nisia wo em baya ne tou se mewali-wali ampit nisia. ⁷I redeiyna mola e mezbah witu, wo nginaranannala en tampa i ti’i El-Betel, karengan si Empung si minapa’ato mola en tou wia nisia witu, eng katoroan nisia nu timingkasi waki si kaka’na. ⁸Katoroan si Debora, inang ma’ala-alar ni Ribka, nu mate, neiy i le’osla sia waki esa nga weka lua’an em Betel witu rarem nakana sela, nginaranan ne tou: Nakana Wangko’ Pengame’an.⁹Nu reiy’ mouw si Yakub nu mineiy waki Padan-Aram, takar si Empung si minapa’atola en tou kangkasi wia nisia wo merkatla nisia. ¹⁰E nuwu’ ni Empung wia nisia: “Ngarannu Yakub; muleiy en teakan ngarannu e reiy’ mouw Yakub, ta’an i te Israel, ni’itu mouw e laa mamuali ngarannu.” Takar si Empung si ngimaranla nisia Israel.¹¹O kasi e nuwu’ ni Empung wia nisia: “Niaku mouw ku Empung Si Kasakuasa. Murang o muyunouw wo mawes eng kelaker; esa bangsa, awes tare esa nga eruran bangsa-bangsa, se laa mamualimi wia nikoo, wo se raja-raja se laa asali waki nikoo. ¹²Wo em banua i yi’i neiy mouw i wee-Kula wia si Abraham wo wia si Ishak, e laa-Ku i weela wia nikoo wo kangkasi wia se see’mu.” ¹³Laa o lumongkotouw si Empung tumele’ula si Yakub witu en tampa Nisia nu minee nuwu’ wia nisia.¹⁴Kamurian si Yakub si rimedeiyla tugu witu en tampa i ti’i, nyi’a i yi’i en tugu watu; nisia si minapasempela tetule neiy i wu’uwus wo timoa’la lana witu natasna. ¹⁵Yakub si ngimaranla en tampa witu wisa si Empung minuwu’ mola wia nisia “Betel “.

¹Nyi’i mouw se see’ ni Esau, nyi’a i ti’i si Edom. ²Esau si minedo se wewene-wewene Kana’an minamuali ka’awuna, nyi’a i yi’i si Ada, oki’ ni Elon tou Het, wo si Oholibama, oki’ ni Ana oki’ ni Zibeon tou Hewi, ³wo si Basmat, oki’ ni Ismael, tuari ni Nebayot.⁴Ada si timimea’la si Elifas i wee si Esau, wo si Basmat si timimea’la si Rehuel, ⁵wo si Oholibama si timimea’la si Yeush, Yaelam wo si Korah. Ni’itu mouw se oki-oki’ ni Esau, se neiy i patoumi i wee nisia waki tana’ Kana’an.⁶Esau si minali se ka’awu-ka’awuna, oki-oki’na tuama wo wewene wo em baya ne tou se witu em balena, se papiaranna, se reiy’ sa mina’asa tekapenna wo e reiy’ sa mina’asa em budelna eng kina’atoannala waki tana’ Kana’an, laa o mea mouw sia waki wanua walina wo sia tumele’ula si Yakub, tuarina i ti’i. ⁷Karengan em budel kapunyaan nea en taleus laker, i ka’ayo sea reiy’ mouw mete’u mena’ mewali-wali, wo em banua tine’upan nea e reiy’ mouw mete’u muat nisea karengan eng kelakerna se papiaran nea i ti’i. ⁸Takar mena’ mouw si Esau waki kakuntungan Seir; Esau ni’itu mouw si Edom.⁹Nyi’i mouw se see’ ni Esau, ama’ ne tou Edom, waki kakuntungan Seir. ¹⁰Ngaran ne oki-oki’na nyi’a mouw: si Elifas, oki’ ni Ada ka’awu ni Esau; Rehuel, oki’ ni Basmat ka’awu ni Esau. ¹¹Se oki-oki’ ni Elifas nyi’a mouw si Teman, Omar, Zefo, Gaetam wo si Kenas. ¹²Timna nyi’a mouw si gundik ni Elifas oki’ ni Esau; nisia si timimea’la si Amelek i wee si Elifas. Ni’itu mouw se puyun ni Ada ka’awu ni Esau.¹³Nyi’i mouw se oki-oki’ ni Rehuel: Nahat, Zerah, Syama wo si Miza. Ni’itu mouw se puyun ni Basmat ka’awu ni Esau. ¹⁴Nyi’i mouw se oki-oki’ ni Oholibama, ka’awu ni Esau i ti’i, oki’ ni Ana oki’ ni Zibeon; sia si timimea’la i wee si Esau: si Yeus, Yaelam wo si Korah.¹⁵Nyi’i mouw se kapala-kapala ne kaum bani ni Esau: see’ ni Elifas oki’ polon ni Esau, nyi’a mouw si kapala ne kaum Teman, kapala ne kaum Omar, kapala ne kaum Zefo, kapala ne kaum Kenas, ¹⁶kapala ne kaum Korah, kapala ne kaum Gaetam, wo kapala ne kaum Amalek; ni’itu mouw se kapala-kapala ne kaum Elifas waki tana’ Edom; ni’itu mouw se see’ ni Ada.¹⁷Nyi’i mouw se see’ ni Rehuel oki’ ni Esau: kapala ne kaum Nahat, kapala ne kaum Zerah, kapala ne kaum Syama wo kapala ne kaum Miza; ni’itu mouw se kapala-kapala ne kaum Rehuel waki tana’ Edom; ni’itu mouw se see’ ni Basmat ka’awu ni Esau. ¹⁸Nyi’i mouw se see’ ni Oholibama ka’awu ni Esau: kapala ne kaum Yeush, kapala ne kaum Yaelam, kapala ne kaum Korah; ni’itu mouw se kapala-kapala ne kaum Oholibama, ka’awu ni Esau oki’ ni Ana. ¹⁹Ni’itu mouw se bani Esau, nyi’a i yi’i si Edom, wo ni’itu mouw se kapala-kapala ne kaum nea.

¹Sapa tare si Yakub, nisia si maena’ waki wanua tine’upan ni ama’na, nyi’a i yi’i waki tana’ Kana’an. ²Nyi’i mouw e na’asaren ne see’ ni Yakub. Yusuf, witu e nedo nu makaumur mapulu’ o pitu nge te’un – ni’itu mouw si mudape’ – minenaram merawirla se membe’ domba, mewali-wali ampit se patuari-patuarina, se oki-oki’ ni Bilha wo ni Zilpa, se rua ka’awu ni ama’na. Wo si Yusuf si mina’ayola wia si ama’na nabar en tanume eng kalewo’an ne patuari-patuarina.³Israel si lebe moupusla si Yusuf ta’an em baya se oki’na walina, karengan si Yusuf i ti’i mouw sioki’na neiy i patoumi witu e masa tua’na; wo nisia si rimeo sumiwo eng karaiy kasa wangun i wee nisia. ⁴Ni’itu nu linoo’o mola ne patuari-patuarina, kaa si ama’na si lebe moupusla si Yusuf ta’an em baya ne patuarina, takar mari’irisouw nisea i ti’i wia nisia wo se so’o mesapala nisia ampit e le’os.⁵Witu e mekasa me’ipi mouw si Yusuf, o laa nipina i ti’i neiy i susuiynala wia se patuari-patuarina; karengan e ni’itu mouw nisea se lebe mouw mari’iris kasi wia nisia. ⁶Karengan em pokeiyna wia nisea: “Wa’awa’an lingala e nipi pinei’ipikula i yi’i:⁷Paloo’ola nikita ta kasuatan waki uma mewa’akes eng ke’ekes-ke’ekes eng gandum, laa o tumo’orouw eng ke’ekesku wo en timaga’ minakaredeiy; kamurian meiy mouw eng ke’ekes-ke’ekes em baya miouw lumedongla wo maongkot witu eng ke’ekesku i ti’i.” ⁸O laa se patuari-patuarina lumila’ wia nisia: “Sapa ku’a re’en nikoo koo pa’ar mamuali raja witu nikeiy? Sapa ku’a re’en nikoo koo pa’ar kumuwasa witu nikeiy?“ Ni’itu mouw maka ri’irisola nisea wia nisia karengan e nipina wo karengan e lelila’anna i ti’i.⁹Laa o sia me’ipila kangkasi e nipi walina, neiy i susuiynala wia se patuari-patuarina. Em pokeiyna: “Niaku ku mine’ipi kangkasi: Paloo’ola siendo, sumendot wo se mapulu’ o esa sumesena’ maongkot masempe wia niaku.” ¹⁰Nu reiy’ mouw eng kapualitan i yi’i neiy i susuiynala wia si ama’ wo se patuari-patuarina, takar sia si togoren ni ama’na: “Nipi sapa e nipimu i ti’i? Ma’an tu’una niaku wo si ina’mu ampit se patuari-patuarimu maongkot masempe wia nikoo i ka’ayo en tana’?“ ¹¹Takar iri ate mouw se patuari-patuarina wia nisia, ta’an si ama’na si kimirongla eng kapualitan i ti’i witu eng gorem natena.

¹Witu nedo ni’itu Yehuda si timele’ula se patuari-patuarina wo tumo’upla wia sitou Adulam, ngaranna Hira. ²Witu Yehuda si lmoo’ sioki’ wewene ni tou eng Kana’an; ngaran ni tou i ti’i nyi’a mouw si Syua. O laa si Yehuda kumaweng ampit si wewene i ti’i wo rumetenla nisia.³Wewene i ti’i si gimandong, laa o tumimea’la sioki’ tuama wo ngumaranla sioki’ i ti’i Er. ⁴Nu reiy’ mouw i tu wewene i ti’i si gimandong kasi, laa o tumimea’la sioki’ tuama wo ngumaranla sioki’ i ti’i Onan. ⁵Kamurian si wewene i ti’i tumimea’la sioki’ tuama mekasape’ kasi, wo ngumaranla sioki i ti’i Syela. Yehuda si waki Kezib, eng katoroan sioki’ i ti’i nu i patoumi.⁶Nu reiy’ mouw i tu Yehuda si minedola i wee si Er, oki’ polonna, siesa ka’awu, mekengaran Tamar. ⁷Ta’an si Er oki’ polon ni Yehuda i ti’i, nyi’a mouw si lewo’ witu em beren ni TUHAN, takar si TUHAN si minunu’ nisia.⁸Laa o lumila’ mouw si Yehuda wia si Onan: “Tawinola si ka’awu ni kaka’mu i ti’i, kumawengouw ampit nisia tanume sawel ni kaka’mu wo i to’oromi see’ i wee si kaka’mu.” ⁹Ta’an si Onan si mete’u, kaa e reiy’ nisia si makapunya se see’na ee sangari, karengan e ni’itu susur sia tumawila si ka’awu ni kaka’na i ti’i, nisia si minayala mani’na i katea’, rio sia te’a mee see’ wia si kaka’na. ¹⁰Ta’an em patuanannala i ti’i nyi’a mouw lewo’ witu em beren ni TUHAN, takar si TUHAN si minunu’ nisia kangkasi.¹¹Laa o lumila’ mouw si Yehuda wia si Tamar, manuangna i ti’i: “Mena’ mouw tanume si balu waki wale ni ama’mu, i ka’ayo sioki’ku Syela i ti’i nu sela mouw,” karengan eng genangna: “Wo’o wona’na sia mate tanu se rua kaka’na i ti’i.” Takar mea mouw si Tamar wo mena’ waki wale ni ama’na.¹²Ni’itu nu pira mola eng keurena mate mouw sioki’ ni Syua, ka’awu ni Yehuda. Ma’apula mengasi’ mea mouw si Yehuda waki Timna, wia se tou mengengunting em bu’uk ne domba-domba nea, minewali ampit si Hira, kalona, tou Adulam i ti’i. ¹³Eng katoroan i abarla wia si Tamar: “Ama’ manuangmu si kasuatan wia lalan mengea waki Timna kaa laa mekekunting em bu’uk ne domba-dombana,” ¹⁴takar pangkulennala labung kebaluanna, sia make sesalelengen wo peporong, laa o mea rumuber waki pepalen paghoreman mea waki Enaim e lalan mengea waki Timna, karengan linoo’ona, si Syela si sela mouw, wo nisia si reiy’ neiy i weela kangkasi wia si Syela i ti’i kaa laa mamuali ka’awuna.¹⁵Eng katoroan si Yehuda nu limoo’ nisia, em pokeiyna i te nisia siesa wewene sa’amek, karengan nisa si timutuwla eng giona. ¹⁶Laa o lumenge mouw si Yehuda minatola si wewene witu li’ilik e lalan i ti’i ma’an limila’: “Meiy mouw, niaku ku pa’ar metetawila nikoo,” karengan nisia si reiy’ mete’u, kaa si wewene i ti’i si manuangna. Wueiyen ni wewene i ti’i: “Sapa ku’a re’en e laamu i weea niaku. Sa koo tumawila niaku?”¹⁷Wingkotna: “Niaku ku laa mapa’alimi wia nikoo siesa nga ipus oki’ ni membe’ waki se membe’ dombaku.” Em pokeiy ni wewene i ti’i: “Asal koo meela en tanggonganna, i ka’ayo koo nu mapa’alimi nisia wia niaku.” ¹⁸Wueiyenna: “Sapa ku’a re’en en tanggongan e lewo’ sa reiy’ i weekula wia nikoo? “ E wingkot ni wewene i ti’i: “E wewa’ilmu ma’an eng kelanamu wo em bewulu’ witu lawasmu i ti’i. “ Laa o i weenala em baya nyi’a i ti’i wia nisia, Takar sia tumawila nisia. Si wewene i ti’i si gimandongi waki nisia.¹⁹Tumo’orouw si wewene i ti’i, laa o mea, pangkulennala en sesalelengenna wo pakennala tu’u e labung kebaluanna. ²⁰Sapa tare si Yehuda, sia mapa’alimi sioki’ ni membe’ i ti’i ampit nieletan ni kalona, tou Adulam i ti’i, kaa laa ma’edomi sumoup en tanggonganna waki lawas ni wewene i ti’i, ta’an si wewene i ti’i si reiy’ mouw kina’atoannala kasi.²¹Sia memue-mueiy waki paena’an ni wewene i ti’i: “Wisa ku’a re’en si wewene lela’, si rimuber eng ketarena witu li’ilik e lalan waki Enaim i ti’i?” E wingkot nea: “Reiy’la wia nyi’i wewene lela’.” ²²Marengouw sia wia si Yehuda wo lumila’: “Reiy’ niatoku sia; wo kangkasi se tou-tou witu en tampa i ti’i se limila’: Reiy’la wewene lela’ wia nyi’i.” ²³Laa o lumila’ mouw si Yehuda: “Ma’anouw em barang-barang i ti’i tiboiyanna, rio kita reiy’ mamuali wu’ana penero-nero’an ne tou; e nulitouw sioki’ ni membe’ i ti’i neiy mouw i papa’alikula, ta’an reiy’ niatomu si wewene i ti’i.”²⁴Nu reiy’ mouw wona’na en telu nga sumedot i abarola wia si Yehuda: “Tamar, manuangmu, si sima’amek, awes tare si gimandongola waki pesa’amekanna i ti’i.” O laa em pokeiy ni Yehuda: “Alinouw si wewene i ti’i, rio tunun.” ²⁵Nedo nu paalin, wewene i ti’i si rimeo tou wia si manuangna lumila’la: “Waki si tuama maka punya em barang-barang i yi’i mouw niaku gimandong.” O kangkasi neiy i lila’nala: “Soisapeenouw seiy si makapunya e wewa’il ma’an eng kalana wo em bewulu’ i yi’i? “ ²⁶Yehuda si simoisap em barang-barang i ti’i, Laa o lumila’: “E reiy’ niaku, ta’an si wewene i ti’i mouw si ulit, karengan memang niaku ku reiy’ mineela nisia wia si Syela, oki’ku.” Wo nisia si reiy’ mouw minaesala nouwak kasi ampit si wewene i ti’i.²⁷Witu nedo si wewene i ti’i nu metetimea’, pakaloo’o-loo’onouw wawean oki’ kambar witu eng gorem eng gandonganna. ²⁸Wo eng katoroan nisia nu tumimea’, siesa wia se oki’ i ti’i si rumo’umi lawasna, laa o tiboiyan ni biang, wa’akesna ampit em banaang kirmizi ma’an limila’: “I yi’i mouw si ketare rimo’umi.”²⁹Eng katoroan sioki’ i ti’i nu kimeong sumoup lawasna, rumo’u momi si patuarina tuama, wo si biang i ti’i si limila’: “O pasil eng kaente’na koo limampat mineiy wia luar,” takar sioki’ i ti’i si nginaranan Peres. ³⁰Nu reiy’ mouw i tu rumo’u momi si patuarina tuama lawasna em bina’akesola em banaang kirmizi i ti’i, o laa wia nisia wineean ngaran Zerah.

¹Sapa tare si Yusuf si niali mouw waki Mesir; wo si Potifar, siesa tou Mesir, pegawai istana ni Firaun, kapala pengawal ni raja, si timelesi nisia waki lawas ne tou Ismael se minalila nisia witu. ²Ta’an si TUHAN si rimapitla si Yusuf, i ka’ayo sia minamuali esa tou reiy’ maena-ena’ mawua’ witu em pepa’ayangenna; takar mena’ mouw si Yusuf witu em bale ni tuangna, tou Mesir i ti’i.³Nu linoo’ mola ni tuangna, kaa si Yusuf si rinapitla ni TUHAN wo kaa si TUHAN si simiwo minee wua’na witu e reiy’ sa mina’asa em pina’ayangna, ⁴takar si Yusuf si minaka’ato e nupus ni tuangna, wo sia toro masempungla nisia; wia si Yusuf wineeannala kuwasa witu em balena wo minapekasa eng kapunya’anna neiy i sarakannala witu eng kakuwasa’an ni Yusuf.⁵Rengan nisia nu mineela eng kuwasa witu eng gorem em balena wo e reiy’ sa mina’asa eng kapunya’anna wia si Yusuf, TUHAN si minerkala em bale ni tou Mesir i ti’i karengan si Yusuf, i ka’ayo em berkat ni TUHAN wawean witu e reiy’mina’asa kapunya’anna, le’os waki wale ma’an tu’u waki uma. ⁶E reiy’ sa mina’asa kapunya’anna neiy i sarakannala witu eng kakuwasa’an ni Yusuf, wo ampit en sesawangan ni Yusuf nisia si reiy’ mouw perlu kasi metetu’utulela en sapa-sapa tu’u ta’an i te waki kekaanenna nuesa. Sapa tare si Yusuf i ti’i e mekepa’aren eng kalakuanna wo wangun eng giona.⁷E minelet pirala nga edo ka’awu ni tuangna si matu’usla si Yusuf ampit en serit, laa o pokeiyna: “Meiy mouw tumekel ampit niaku.” ⁸Ta’an si Yusuf si simede’ wo lumila wia si ka’awu ni tuangna i ti’i: “Ampit en sesawangangku si tuangku i ti’i si reiy’ mouw kasi matu’utul sapa em bia em bale i yi’i wo nisia si minee mola e reiy’ sa mina’asa kapunya’anna witu eng kakuwasa’angku, ⁹awes tare wia em bale i yi’i nisia si reiy’ lebe wangko’ eng kuwasana ta’an niaku, wo e reiy’la e reiy’ neiy i sarakannala wia niaku, e reiy’ siwalina ta’an i te nikoo, karengan nikoo koo ka’awuna. Kumura mouw ku’a re’en e wona’na aku metetuanala eng kalewo’an e wangko’ i yi’i wo sumiwo dosa witu si Empung?”¹⁰Ma’anouw tu’u waki nendo o nendo si wewene i ti’i maelur si Yusuf, Yusuf si reiy’ melelingala neluranna i ti’i kaa laa tumekel witu en siri’na wo maesala nouwak ampit nisia. ¹¹Witu nendo mekasa ghumoremouw si Yusuf mea witu eng gorem em bale kaa laa metetuanala em pepa’ayangenna, kasuatan waki se esa nga pumpun em bale i ti’i siesa tou tu’u e reiy’la si witu em bale. ¹²O laa si wewene i ti’i tumiboiy e labung ni Yusuf kasuatan limila’: “Meiy mouw tumekel ampit niaku.” Ta’an si Yusuf si timele’ula labungna witu lawas ni wewene i ti’i wo tumingkas rumo’umi.¹³Eng katoroan linoo’ ni wewene i ti’i, kaa si Yusuf si timele’ula labungna witu lawasna wo tumingkasola mea witu luar, ¹⁴keretenna mola se esa nga pumpun em bale i ti’i, o laa em pokeiyna wia nisea: “Loo’on, nialinami meiy wia nyi’i siesa tou Ibrani, rio sitou i yi’i si toro mangimpa’ayangela nikita. Tou i yi’i si timawila niaku kaa laa tumekel ampit niaku, ta’an niaku ku mereke-rekeiy ampit en totor kaente’. ¹⁵Wo eng katoroan liningana kaa niaku ku rimekeiy esa nga kaente-ente’na, i tele’unala labungna wia niaku, laa o sia tumingkas mea waki luar.”¹⁶O kasi i weenala e labung ni Yusuf i ti’i witu en siri’na, i ka’ayo si mekewale nu marengi. ¹⁷E lelila’an i ti’i kangkasi mouw neiy i asarla ni wewene i ti’i wia si Potifar, em pokeiyna: “Hamba tou Ibrani si nialimumi mineiy wia nyi’i i ti’i mineiy wia niaku kaa meiy mangimpa’ayangela niaku. ¹⁸Ta’an eng katoroan niaku nu rimekeiy esa nga kaente-ente’na, tu tele’una mola labungna wia niaku, laa o sia tumingkas mea waki luar.”¹⁹Tare mouw i te lingala ni tuangna e lelila’an neiy i asarla ni ka’awuna wia nisia: teinti’i o tuana mouw niaku pinatuanala ni hambamu i ti’i, takar tumo’orouw nupi’na. ²⁰Laa o sikopen ni tuangna si Yusuf wo i ghoremla witu eng gorem em penjara, en tampa ne tinaang-tinaang ni raja kinalero. Tuana mouw si Yusuf pinenjarala maname.²¹Ta’an si TUHAN si rimapitla si Yusuf wo mineela e nupus o lale’-Na wia nisia, wo simiwo si Yusuf koupusan i wee si kapala penjara i ti’i. ²²Karengan e ni’itu si kapala penjara si minemanla em baya ne tinaang witu eng gorem em penjara i ti’i wia si Yusuf, wo e reiy’ sa mina’asa pepa’ayangen e lewo’ sa reiy’ tuanan witu, nisia mouw si maalar nyi’a. ²³Wo si kapala penjara si reiy’ masewokla em baya neiy i emanla wia si Yusuf, karengan si TUHAN si merapitla nisia wo sapa em pina’ayangna en siniwo ni TUHAN minua’.

¹Nu reiy’ mouw em baya nyi’a i ti’i o mamuali mouw, kaa si sumesiwo kekoo’on ni raja Mesir wo si sumesiwo rotina se simiwo eng kaselokan witu si tuangna, raja Mesir i ti’i, ²takar moupi’ mouw si Firaun wia se rua pegawai istanana, si kapala sumesiwo kekoo’on wo si kapala sumesiwo roti i ti’i. ³Sia si timaang nisea witu em bale ni kapala tumeteper ni raja, witu em penjara tampa ni Yusuf kinalero.⁴Kapala tumeteper ni raja si timampala si Yusuf mewali-wali ampit nisea kaa masempungla nisea. Tuana mouw nisea nu tinaang pirala nga edo eng keurena. ⁵Witu mekasa me’ipi mouw nisea nu rua – le’os si sumesiwo kekoo’on ka’apa tu’u si sumesiwo roti ni raja Mesir, se tinaang witu em penjara i ti’i – siesa o siesa wawean ipina, witu esa nga wengi i te kangkasi, wo e nipi niesa o niesa i ti’i wawean em penoronna nuesa.⁶Eng katoroan witu nedo memo’odo Yusuf si mineiy wia nisea, makarengan linoo’na, kaa nisea se masusa ate. ⁷Laa o sia mueiy wia se pegawai-pegawai istana ni Firaun se tinaang mewali-wali ampit nisia witu em bale ni tuangna i ti’i: “Ka’a ku’a re’en e nendo i yi’i eng giomu eng katedur e ni’itu?” ⁸E wingkot nea wia nisia: “Keiy mine’ipi, ta’an reiy’la tou si toro mangimpenoronla nyi’a.” O laa em pokeiy ni Yusuf wia nisea: “E reiy ku’a re’en Empung si mawelarla em penoron e nipi? I susuiyomi satorona e nipimu i ti’i wia niaku.”⁹Kamurian si sumesiwo kekoo’on i ti’i si simusuiyla nipina wia si Yusuf, em pokeiyna: “Witu nipiku i ti’i kaloo’ala wawean nakana nanggor witu en saruanku. ¹⁰Nakana nanggor i ti’i wawean telu seputna wo em berukan tare nakana i ti’i simurumi, em bungangna e minodolouw wo em pare-parena wuta em bu’ana nanggor e wowos. ¹¹Wo witu lawasku wawean eng kower ni Firaun. Em bu’ana nanggor i ti’i niedoku, laa o puusengku witu eng kower ni Firaun, kamurian i pa’ayokula eng kower i ti’i witu lawas ni Firaun.”¹²Em pokeiy ni Yusuf wia nisia: “Teinti’i mouw em penoron e nipi i ti’i: en telu seputna i ti’i em penoronna en telu nga endo; ¹³witu en telu nga endo i yi’i nikoo koo i rakekla ni Firaun wo marengla nikoo witu em pangkatmu eng ketareanna wo nikoo koo laa mapa’ayola eng kower mea witu lawas ni Firaun tanu eng kasa ketare-tarena, eng katoroan nikoo nu minamuali sumesiwo eng kekoo’onna.¹⁴Ta’an, ghenangenola niaku, sakawisa eng ka’ada’annu minale’osouw ee sangari, i tudu’ mola en tarumakasemu wia niaku ampit sumusuiyla eng kapualitan en tanume niaku wia si Firaun wo ale’enouw rumo’ume niaku wia em bale i yi’i. ¹⁵Karengan niaku ku rinongkit pinu’isi tuana i te waki wanua ne tou Ibrani wo wia nyi’i tu’u ku reiy’ ma’an mekasa timuanala sapa-sapa eng kimarenganla niaku o waar i ghoremi wia eng gorem e ruragh tutupan i yi’i.”¹⁶Nu linoo’o mola ni kapala sumesiwo roti, kumura eng kale’os em penoron e nipi i ti’i, lumila’ mouw sia wia nisia: “Niaku tu’u ku mine’ipi kangkasi. Kaloo’anouw niaku ku masu’u-su’un en telu poro pinumpunan em pengaanen. ¹⁷Witu em poro atas wawean minegheghioan kekaanen i wee si Firaun, en siniwo ni sumesiwo roti, ta’an se wara-wara se kimaani nyi’a waki ghorem em poro em bitu natas eng kokongku.”¹⁸Yusuf si miningkot: “Teinti’i mouw em penoron e nipi i ti’i: en telu poro i ti’i em penoronna en telu nga endo; ¹⁹witu en telu nga endo i yi’i si Firaun si laa rumakekla nikoo, rumakeke waki atas, wo sumangkong nikoo witu e nesa pa’asek, wo se wara-wara se laa kumaani e le’omu waki nouwakmu.”²⁰Wo mamuali mouw witu nendo katelu, e nendo kinatouan ni Firaun, takar si Firaun si simiwola sesakeiyan i wee em baya ne pegawaina. Nisia si rimakekla si kapala sumesiwo kekoo’on wo si kapala sumesiwo roti i ti’i witu eng keuneran ne pegawaina: ²¹si kapala sumesiwo kekoo’on i ti’i si neiy i warengnala witu en jabatanna, i ka’ayo sia minpaa’ayola kangkasi eng kower witu lawas ni Firaun; ²²Ta’an si kapala sumesiwo roti i ti’i si neiy i sangkongna, tanu neiy i aleiyla ni Yusuf wia nisea. ²³Ta’an si Yusuf si reiy’ mouw ghinenang ni kapala sumesiwo kekoo’on i ti’i, ta’an i te si liniurnala.

¹Ni’itu nu limangkoiy mouw rua nge te’un eng keurena, me’ipi mouw si Firaun, kaa nisia si rimedeiy witu li’ilik en teberan Nil. ²Kaloo’anouw waki teberan Nil i ti’i rimo’umi se pitu nga ipus sapi wangun paloo’ola wo se rebur nouwakna; laa o kumaan en dukut witu li’ilik en teberan i ti’i. ³Kamurian kaloo’anouw kangkasi se pitu nga ipus sapi walina, rimo’umi waki ghorem en teberan Nil i ti’i, se wuruk paloo’ola wo rukus nouwakna, laa o rumedeiy witu esa nga weka ne sapi-sapi eng ketare, witu li’ilik en teberan i ti’i.⁴Sapi-sapi wuruk paloo’ola wo se rukus nouwakna i ti’i se kimaan se pitu nga ipus sapi wangun paloo’ola wo se rebur i t’i. Laa o mawongke mouw si Firaun. ⁵Nu reiy’ mouw i tu katekelanouw kasi sia wo me’ipi eng karuana: Kaloo’ala limentuti waki e nesa tangkup em pitu wulis gandum e wuena wo le’os. ⁶Ta’an eng kamurian kaloo’ala kangkasi timoumi em pitu wulis eng gandum rukus wo weles kaa e reghes sedangan.⁷Wulis rukus i ti’i lime’ouw em pitu wulis wuena wo wesu eng ketare. Laa o mawongke mouw si Firaun. E wona’na nisia si me’ipi! ⁸Witu nedo memo’odo balisa mouw natena, laa o reona mouw kereten em baya se kasasigha’ wo em baya ne tou maka tine’u waki Mesir. Firaun si minasarla nipina wia nisea, ta’an siesa tou tu’u reiy’la si toro mangimpenoronla nyi’a wia nisia.⁹aa o lumila’ mouw wia si Firaun si kapala sumesiwo kekoo’on: “Nendo i yi’i niaku ku mapedam padung metetotorla eng kaselokangku eng ketareanna. ¹⁰E nedo ni’itu si tuangku Firaun si moupi’ wia se pegawai-pegawaina, wo tumaang niaku witu em bale ni tumeteper e istana, mewali-wali ampit si kapala sumesiwo roti. ¹¹Witu e nesa wengi i te kangkasi keiy me’ipi, niaku wo si kapala sumesiwo roti i ti’i; siesa o siesa maka ipi ampit em penoronna nuesa.¹²Mewali-wali ampit nikeiy wewean maname si taretumou Ibrani, hamba ni kapala tumeteper e istana i ti’i; nikeiy keiy mina’asarla nipi meiy wia nisia, laa o i lila’nala em penoron nyi’a wia nikeiy e nipi meiy siesa o siesa. ¹³Wo en tanu neiy i lila’nala wia nikeiy em penoron nyi’a, tuana mouw kangkasi e minamuali: niaku ku neiy i warengla witu em pangkatku, wo si kapala sumesiwo roti i ti’i si neiy sangkong.”¹⁴Kamurian si Firaun rumeo kereteni si Yusuf. Makarenganouw sia i ro’umi waki tutupan; sia si simukur wo simawel labung, laa o mea sumaru si Firaun. ¹⁵Lumila’ mouw si Firaun wia si Yusuf: “Niaku ku mine’ipila, wo siesa tou tu’u e reiy’la si toro mangimpenoronla nyi’a, ta’an liningaku mola en tanume nikoo: ampit luminga i te nipi koo toro mangimpenoronla nyi’a.” ¹⁶Yusuf si simingkom si Firaun: “E reiy’ ma’an mekasa niaku, ta’an i te si Empung kangkasi si laa mabarla eng kale’osan wia si tuangku Firaun.”¹⁷Laa o lumila’ mouw si Firaun wia si Yusuf: “Witu nipiku i ti’i, niaku ku rimedeiy witu li’ilik en teberan Nil; ¹⁸laa o kaloo’anouw waki teberan Nil i ti’i rimo’umi se pitu nga ipus sapi rebur nouwakna wo wangun paloo’ola, wo kumaan en dukut witu li’ilik en teberan i ti’i.¹⁹Ta’an kamurian kaloo’anouw kangkasi rimo’umi se pitu nga ipus sapi e walina, kuli’ simaput en duiy, kasa wuruk paloo’ola wo rukus nouwakna; reiy’pe’ ma’an mekasa ku lumoo’ se kawuruk ni’itu wia minapekasa en tana’ Mesir. ²⁰Se sapi rukus wo wuruk i ti’i se kimaan se pitu nga ipus sapi rebur se ketare-tare. ²¹Sapi-sapi i yi’i se ghimorem mea witu eng gorem em po’ot nea, ta’an ma’anouw tu’u ghimoremouw mea witu eng gorem em po’ot nea, se reiy’ mouw linoo’ola oki’ i te tu’u eng kowa’na: paloo’ola e minena’ masuat eng kawurukna tanu eng ketarena. Laa o mawongke mouw aku.²²Tumodongla nyi’a witu nipiku i ti’i ku limoo’ limentuti waki e nesa tangkup em pitu wulis eng gandum wesu wo le’os. ²³Ta’an kamurian kaloo’anouw kangkasi timoumi em pitu wulis pera, e rukus wo weles karengan e reghes sedangan. ²⁴Wulis e rukus i ti’i eng kimaan em pitu wulis e le’os eng ketare. Neiy mouw i asarkula eng kapualitan i yi’i wia em baya ne kasasigha’, ta’an siesa tou tu’u e reiy’la si toro mangimpenoronla nyi’a wia niaku.”²⁵O laa em pokeiy ni Yusuf wia si Firaun: “E rua nipi ni tuangku Firaun i ti’i masuat. Empung si minakite’u mola wia si tuangku Firaun sapa e laa petetuanan-Na. ²⁶Se pitu nga ipus sapi e le’os i ti’i nyi’a mouw em pitu nge te’un, wo em pitu wulis eng gandum e le’os i ti’i nyi’a mouw em pitu nge te’un kangkasi; e rua nipi i ti’i masuat.²⁷Se pitu nga ipus sapi rukus wo wuruk, se rimo’umi kamurian, maksutna em pitu nge te’un, tuanakan kangkasi em pitu wulis eng gandum e reiy’ sisapa wo em beles karengan e reghes sedangan i ti’i; maksutna e laa wawean pitu nge te’un kelalenan. ²⁸Nyi’i mouw e maksud lelila’angku, eng katoroan niaku nu lumila’ wia si tuangku Firaun: Empung si minapa’ato mola wia si tuangku Firaun sapa e laa petetuanan-Na. ²⁹Kete’uanola tuangku, e laa meiy em pitu nge te’un kalokonan wia minapekasa en tana’ Mesir.³⁰Kamurian e laa lumentut em pitu nge te’un kelalenan; takar e laa liurela e reiy’ sa mina’asa kalokonan i ti’i wia en tana’ Mesir, karengan eng kelalenan i ti’i manginrukusperala em banua i yi’i. ³¹Nu reiy mouw i tu e laa reiy’ kaloo’an kasi em balulang-walulang eng kalokonan wia em banua i yi’i karengan eng kelalenan i ti’i, karengan eng kasa hebatna eng kelalenan it’i. ³²I ka’ayo minaka rua nipi i ti’i simoupi i wee si tuangku Firaun e maka penoron: eng kapualitan i ti’i neiy mouw i tantula ni Empung wo si Empung si laa makarengan tumuanala nyi’a.³³Eng karengan e ni’itu, le’osouw si tuangku Firaun sumerola siesa tou maka ghenang le’os wo sama’, wo mopola nisia mamuali kuwasa witu en tana’ Mesir. ³⁴Le’osouw kangkasi si tuangku Firaun sumiwo en teinti’, nyi’a i yi’i tumampala se sumesodak-sumesodak wia em banua i yi’i wo witu em pitu nge te’un kalokonan i ti’i se murut esa nga palima witu em bua’na en tana’ Mesir.³⁵Nisea se lewo’ sa reiy’ merurla e reiy’ sa mina’asa sesiwon kekaanen witu en te’un-te’un le’os e laa meiy i yi’i wo, witu wawa’ eng kuwasa ni tuangku Firaun, se meruri eng gandum waki kota-kota tanume en sesiwon kekaanen, ma’an tumu’utulela nyi’a. ³⁶Tuana mouw e reiy’ sa mina’asa en sesiwon kekaanen i ti’i e mamuali walun i wee em banua i yi’i witu em pitu nge te’un kelalenan e laa mamuali wia en tana’ Mesir, rio em banua i yi’i te’a mapuneng karengan eng kelalenan i ti’i.”

¹Nu reiy’ mouw i Yakub nu minaka’atola abar, kaa wawean gandum waki Mesir, lumila’ mouw sia wia se oki-oki’na: “Ka’a kouw metetu’usan i te?” ²O kasi em pokeiyna: “Liningaku mola, kaa wawean gandum waki Mesir; mea mouw maname wo tumelesouw gandum maname i wee nikita, rio kita mena-ena’ matou-tou te’a mate.” ³Laa o mea mouw se mapulu’ patuari ni Yusuf kaa mea meteteles gandum waki Mesir. ⁴Ta’an si Yakub si reiy’ minayala si Benyamin, tuari ni Yusuf, mea mewali-wali ampit se patuari-patuarina, karengan eng genangna: “Wo’o wona’na sia toron eng kacilaka’an ee sangari.”⁵Ni’itu mouw witu nelet ne tou mineiy tumeles gandum ka’atoanola kangkasi se oki-oki’ ni Israel, karengan wawean kelalenan waki tana’ Kana’an. ⁶Eng kasuatan e ni’itu Yusuf si minamuali mouw tumetu’utul waki wanua i ti’i; nisia mouw si mewangker eng gandum wia se minapekasa rakyat em banua i ti’i. Ni’itu mouw eng katoroan se patuari-patuari ni Yusuf nu mineiy, wia nisia mouw sea sumaru wo mongkot ampit eng giona ma’ayo mea waki tana’.⁷Eng katoroan si Yusuf nu limoo’ se patuari-patuarina, makarenganouw sea sine’unna, ta’an nisia si ma’asa-asar tanu mokan nisia sitou wo’oseiy wia nisea; sia si timogor nisea ampit e rimekak, em pokeiyna: “Wisa o meiy kouw?” E wingkot nea: “Waki tana’ Kana’an kaa meiy meteteles sesiwon kekaanen.” ⁸Memang si Yusuf si sumine’u se patuari-patuarina i ti’i, ta’an nisia si reiy’ kasine’uan nea.⁹O laa i kaghenangola si Yusuf e nipi-nipina en tanume nisea. Lumila’ mouw sia wia nisea: “Nikouw i yi’i kouw tumetegha’, kouw mineiy kaa meiy meleloo’ witu e wisa em banua i yi’i reiy’ tinayuran.” ¹⁰Ta’an e wingkot nea: “Reiy tuangku! Ta’an i te kaa meiy meteteles sesiwon kekaanen se hamba-hambamu i yi’i mineiy. 11 ¹¹Nikeiy nu waya i yi’i keiy oki’ waki siesa ama’; nikeiy i yi’i keiy tou redeiy; hamba-hambamu i yi’i keiy reiy’ tumetegha’.”¹²Ta’an nisia si limila’ wia nisea: “Reiy! Nikouw kouw mineiy kaa meiy meloo-loo’ sa wisa em banua i yi’i reiy’ tinayuran.” ¹³O laa e wingkot nea: “Hamba-hambamu i yi’i keiy mapulu’ o rua tou, keiy nu matuari, oki’ waki siesa ama’ waki tana’ Kana’an, ta’an si taweng en teakan si waki si ama’ meiy, wo siesa si reiy’ mouw wia kasi.”¹⁴O laa em pokeiy ni Yusuf wia nisea: “Tuana mouw! En tanu mouw neiyku i lila’la wia nikoo eng ketare: nikouw i yi’i kouw tumetegha’. ¹⁵Witu eng kapualitan i yi’i kangkasi kouw lewo’ sa reiy’ i wa’awa’: kaa em patou-touan ni Firaun, nikouw kouw reiy’ mete’u rumo’ume wia nyi’i, sa si patuarimu taweng i ti’i si reiy’ meiy wia nyi’i. ¹⁶I reo mouw siesa wia nikouw laa sumungkule si tuarimu i ti’i, ta’an nikouw i yi’i kouw lewo’ sa reiy’ minena-ena’ kinurung wia nyi’i. Ampit en tuana e lelila’annu en toro i wa’awa’, sapa ku’a re’en tu ulit, wo sa reiy’, kaa em patou-touan ni Firaun, eng kasa uli-ulitouw nikouw i yi i kouw tumetegha’.” ¹⁷Wo i ghoremna mola sea mewali-wali witu eng gorem em petaangan telu nga endo eng keurena.¹⁸Witu nendo eng katelu lumila’ mouw si Yusuf wia nisea: “Siwonouw teinti’i, takar nikouw kouw laa mena-ena’ tumou, niaku ku talo si Empung. ¹⁹Sa kouw tou redeiy, ma’anouw waki nikouw nu matuari tumele’u siesa tou kinakurungan wia em bale petaangan, ta’an mea mouw kouw, alinouw eng gandum kaa laa ma’ompasla narem ne esa nga pumpun em balemu. ²⁰Ta’an si patuarimu taweng i ti’i si lewo’ sa reiy’ alin niouwmi wia niaku, rio e lelila’annu i ti’i em pakaloo’o-loo’ola e nulit wo kouw te’a mate.” Tuana mouw en siniwo nea.²¹Nisea se meila’ siesa wia se walina: “Uli-ulitouw kita timanggong em bua’na en dosa ta witu si tuari ta i ti’i: e reiy’ ku’a re’en kita limoo’ kumura eng kase’esek natena, eng katoroan nisia nu maaleiy en tongkoupusen wia nikita, ta’an kita reiy’ limingala ni’i paaleiyna. Ni’itu mouw eng karenganna eng kase’esekan i yi’i en timoro nikita.” ²²O laa si Ruben si miningkot nisea: “E reiy’ ku’a re’en eng ketareanna ku limila’la wia nikoo: Te’a mouw kouw sumiwo en dosa witu sioki’ i ti’i! Ta’an kouw reiy’ limingala lelila’angku. En teakan en daa’na eng kine’imi wia nikita.”²³Ta’an nisea se reiy’ mete’u, kaa si Yusuf si mete’u e lelila’an nea, karengan nisea se minake siesa tou sigha’ baasa. ²⁴Takar si Yusuf si rimo’umi en tou waki nisea, laa o mame’. Kamurian sia marengi wia nisea wo mesesusuiy ampit nisea; sia medomi si Simeon waki elet nea; laa o i reo tongkorun witu en sinaru em beren nea. ²⁵Nu reiy’ mouw i tu Yusuf si minerentala, kaa en tampa eng gandum nea e laa pumpunan ampit eng gandum wo kaa e loit nea siesa o siesa e laa i warengla witu eng gorem eng karongna, ma’an em balun nea wia lalan e laa i weela wia nisea. Tuana mouw en tinuanala ne tou wia nisea i ti’i.²⁶Nu reiy’ mouw i tu sea tu’u muat eng gandum i ti’i witu natas ne keledai nea, laa o mae mouw sea. ²⁷Eng katoroan siesa tou minuka’la eng karongna kaa laa mewewee kumaan si keledaina witu en tampa niena’an, linoo’onala e loitna em bitukan eng gorem en sumana eng karongna. ²⁸Em pokeiyna wia se patuari-patuarina: “Loitku neiy i warengla; loo’on, em bitukan eng gorem eng karongku!” O laa nate nea minatewang wo sea metetu’usan matenggo’ogho ampit limila’: “Sapa mouw kasi en siniwo ni Empung wia nikita !”²⁹Eng katoroan nisea nu i ka’ayola wia si Yakub, ama’ nea, waki tana’ Kana’an, nisea se mina’asarla e reiy’ sa mina’asa em pine’an neami, em pokeiyna: ³⁰“Tou i ti’i, nyi’a i yi’i si minamuali tuang witu em banua i ti’i, si timogorola nikeiy ampit rimekak wo matuanala nikeiy tanume se tumetegha’ em banua i ti’i. ³¹Ta’an em pokeiy meiy wia nisia: Nikeiy keiy tou redeiy, keiy reiy’ tumetegha’. ³²Nikeiy keiy mapulu’ o rua matuari, oki-oki’ ni ama’ meiy; siesa si reiy’ mouw wia kasi, wo si taweng en teakan si waki si ama’ meiy, waki tana’ Kana’an.³³Laa o pokeiy ni tou i ti’i, nyi’a i yi’i si minamuali tuang witu em banua i ti’i, wia nikeiy: Waki kapualitan i yi’i niaku ku laa mete’u, sapa ku’a re’en nikouw kouw tou redeiy: waki nikouw nu matuari kouw lewo’ sa reiy’ mouw tumele’ula siesa tou wia niaku; kamurian maali mouw gandum kaa laa ma’ompasla e narem ne esa nga pumpun em balemu wo mea mouw; ³⁴Laa o alinomi wia niaku si patuarimu taweng i ti’i, takar niaku ku laa mete’ula, kaa nikouw kouw reiy’ tumetegha’, ta’an tou redeiy; wo niaku ku laa marengla si patuarimu i ti’i wia nikoo, wo toro mouw kouw kumelangla em banua i yi’i ampit e waya’an i te.”³⁵Eng katoroan nisea nu minanginreiy’sisapala eng karong nea, kaloo’ala wawean en sompoiy-sompoiy loit niesa o niesa witu eng karongna; wo eng katoroan nisea ma’an si ama’ nea limoo’ en sompoiy-sompoiy loit i ti’i, kineide’anouw sea. ³⁶Wo si Yakub, ama’ nea, lumila’ wia nisea: “Nikouw kouw simiwola niaku kinaliongan se oki-oki’ku: Yusuf si reiy’ mouw wia kasi, wo si Simeon si reiy’ mouw wia kasi, en teakan si Benyamin tu’u si laa pa’alin niouw kangkasi. Niaku mouw i yi’i si tumanggong em baya-wayana i ti’i!”³⁷Laa o lumila’ mouw si Ruben wia si ama’na: “Se rua oki’ku tuama se toro wunu’unnu, sia reiy’ alingkumi wia nikoo; i sarakanola sia witu lawasku, takar nisia si alingkumi mareng wia nikoo.” ³⁸Ta’an e wingkotna: “Sioki’ku i ti’i si reiy’ laa mea maname mewali-wali ampit nikouw, karengan si kaka’na si minate mouw wo nisia mokan si timele’u; sa sia toron eng kacilaka’an wia lalan pekekelangan niouw, takar tantu mouw nikouw kouw laa sumiwola niaku nu puti’ mouw wu’uk i yi’i tumumpa mea waki kaoatan ne tou minate karengan e mengasi’.”

¹Ta’an eng kasa hebat eng kelalenan waki wanua i ti’i. ²Wo nu reiy’ mouw eng gandum nialimi waki Mesir i ti’i mina’apu mouw kinaan, lumila’ mouw si ama’ nea: “Mea mouw kasi tumelesi toyo’ en sesiwon kekaanen i wee nikita.”³O laa si Yehuda mingkot nisia: “Tou i ti’i si ngime’enge’ mola nikeiy ampit e makauli-ulit: Nikouw kouw reiy’ toro lumoo’ eng gioku, sa si tuarimu i ti’i si reiy’ wia mewali-wali ampit nikouw. ⁴Sa koo pa’ar mayala si tuari meiy mea mewali-wali ampit nikeiy, takar keiy pa’ar mea maname wo tumeles en sesiwon kekaanen i wee nikoo. ⁵Ta’an sa koo so’o mewewayala nisia mea, takar nikeiy keiy reiy’ laa mea maname, karengan sitou i ti’i si limila’ mola wia nikeiy: Nikouw kouw reiy’ toro lumoo’ eng gioku, sa si tuarimu i ti’i si reiy’ mewali-wali ampit nikouw.”⁶Laa o lumila’ mouw si Israel: “Ka’a kouw mapa eiy eng kacilaka’an wia niaku ampit minakite’ula wia sitou i ti’i, kaa waweane’ si tuari miou esa?” ⁷E wingkot nea: “Sitou i ti’i si minueiy mouw nikeiy ampit e makauli-ulit en tanume nikeiy nuesa wo en tanume se kawanua patuari ta: Matou-toupe’ ku’a re’en si ama’mu? Waweane’ ku’a re’en tuarimu kasi? Wo nikeiy keiy minakite’u mola em baya nyi’a wia nisia tanu eng kaulitna. Kumura keiy o toro tumikala kaa nisia si laa lumila’: Alinomi wia nyi’i si tuarimu.”⁸Laa o lumila’ mouw si Yehuda wia si Israel, ama’na: “I waya mola sioki’ i ti’i mea mewali-wali ma’an niaku; takar keiy laa mouw tumiro’ wo mea, rio kita minena-ena’ matou-tou wo te’a mate, le’os nikeiy ka’apa tu’u nikoo wo se oki’ meiy. ⁹Niaku mouw si tumanggong nisia; nikoo koo toro kume’imi nisia waki niaku; sa aku reiy’ malimi nisia wia nikoo wo tumampala nisia witu en sinarumu, takar niaku mouw si makadosa wia nikoo i wee eng keure-urena. ¹⁰Sa kita reiy’ mengure-ngure, takar tantu mouw nikeiy en teakan keiy minakarua mola minareng.”¹¹O laa si Israel, ama’ nea, lumila’ wia nisia: “Sa tuana, sumiwo mouw teinti’i: Edonouw em bua’na kasa le’os wia em banua i yi’i witu en tampa eng gandummu wo alinouw wia sitou i ti’i tanume en sesempe: en toyo’ balsam wo toyo’ madu, damar wo en damar ladan, wu’ana em bi’ouw wo wu’ana em badam. ¹²Wo mali mouw loit makarua lumepet eng kelakerna: e loit neiy mouw i warengla witu eng gorem en sumana eng karong-karongmu i ti’i e lewo’ sa reiy’ mouw alin niouw sumoup; wo’o wona’na ni’itu e nesa kalikokoan.¹³Paalinouw kangkasi si tuarimu i ti’i, tumiro’ mouw wo marengouw kasi wia sitou i ti’i. ¹⁴Empung Si Makakuasa satorona si sumiwo sitou i ti’i mee en tongkoupusen wia nikoo, rio sia mayala se patuarimu e walina i ti’i ma’an si Benyamin marengi. En tanume niaku i yi’i, sa i kase’esek ku kaliongan se oki-oki’ku, ma’anouw kangkasi kaliongan!” ¹⁵O laa se tou-tou i ti’i se minedo en sesempe i ti’i wo medo e loit maka rua lumepet eng kelakerna, ma’an si Benyamin kangkasi; sea tumiro’ wo mea waki Mesir. Kamurian rumedeiy mouw sea witu en saruan ni Yusuf.¹⁶Eng katoroan si Yusuf nu limoo’ si Benyamin mewali-wali ampit nisea, lumila’mouw sia wia si kapala em balena: “Alinouw se tou i yi’i mea witu eng gorem em bale, i reretola esa nga ipus tekapen wo tiro’onola i tu, karengan se tou-tou i yi’i se laa kumaan mewali-wali ampit niaku wia nendo marorake i yi’i.” ¹⁷Tou i ti’i si timuanala tanu neiy i lila’la ni Yusuf wo alinna mouw se tou-tou i ti’i mea witu eng gorem em bale ni Yusuf.¹⁸Laa o keide’anouw se tou-tou i ti’i, karengan nisea se niali mea witu eng gorem em bale ni Yusuf. Em pokeiy nea: “E minamuali kapualitan kita nialimi wia nyi’i, nyi’a mouw eng kapualitan e loit neiy i warengla witu eng gorem eng karong ta witu eng ketarena i ti’i, wo rio kita regon wo sikopen wo rio kita atan wo se keledai ta se edon.” ¹⁹Karengan e ni’itu sea rumetenla si kapala em bale ni Yusuf i ti’i, wo lumila’ wia nisia witu en saruan em pepalen em bale: ²⁰“Toro sumusuiyla tuang! Nikeiy eng ketareanna keiy mineiy wia kaa meiy meteteles en sesiwon kekaanen,²¹Ta’an eng katoroan nikeiy nu i ka’ayola waki tampa niena’an wo muka’la eng karong meiy, kaloo’anouw e loit meiy siesa o siesa ampit e reiy’ kinare’uan eng kelakerna em bitukan eng gorem sumana eng karong. Ta’an en teakan nikeiy keiy minalimi nyi’a sumoup. ²²Loit walina meiy e niali meiymi kangkasi wia nyi’i kaa laa i peteteles en sesiwon kekaanen; nikeiy keiy reiy’ mete’u seiy si mineela e loit meiy i ti’i witu eng gorem eng karong meiy.” ²³Ta’an e wingkotna: “Maka penesouw, te’a meide’; Empungmu wo si Empung ni ama’mu si minee mola wia nikoo em budel neiy i katenem witu eng gorem eng karongmu; loitmu i ti’i en sinungkulku mola.” Kamurian i ro’una momi si Simeon wo alinna wia nisea.²⁴Nu reiy’ mouw sitou i ti’i nu minalila nisea witu eng gorem em bale ni Yusuf, weeannala rano, rio sea moas e ne’a; keledai nea kangkasi se wineeanna kumaan. ²⁵Nu reiy’ mouw i tu sea timiro’la en sesempe nea ma’ena’la si Yusuf nu meiy witu nedo marorake, karengan nisea se liminga mola, kaa nisea se laa kumaan witu.²⁶Eng katoroan si Yusuf nu minarengomi, sea mali en sesempe em bia nisea i ti’i wia si Yusuf witu eng gorem em bale, laa o maongkot wia nisia i ka’ayome en tana’. ²⁷Nu reiy’ mouw i tu sia mueiy wia nisea sapa ku’a re’en sea lawir; o kasi em pokeiyna: “Sapa ku’a re’en si ama’mu si tu’a mouw patotoren noiuwla i ti’i si lawir? Matou-tou pe’ ku’a re’en sia?”²⁸E wingkot nea: “Hambamu, ama’ meiy, si lawir; nisia si matou-toupe’. ”Nu reiy’ mouw i tu kumururouw sea wo maongkot. ²⁹Eng katoroan si Yusuf nu tumu’use wia nisea, linoo’ona mouw si Benyamin, tuarina, esa nga ina’ ampit nisia, laa o pokeiyna: “I yi’i mouw ku’a re’en si tuarimu taweng i ti’i si neiy miouw mouw i penoto-notorla wia niaku?” O kasi em pokeiyna “Empung satorona si meela upus karunia wia nikoo, oki’ku!”³⁰O laa makarenganouw si Yusuf rumou’mi witu, karengan e natena eng kasa ma’arip malelola si tuarina i ti’i, wo seronna mola en tampa kaa laa ma’ame’; sia ghumorem witu eng gorem e ri’irir, laa o mame’ witu. ³¹Nu reiy’ mouw i tu rumi’amusouw sia wo sia mapatuu’ mea witu luar. Sia si timaang natena wo lumila’: “I sakeiy momi eng kekaanen.”³²O laa i sakeiy momi eng kekaanen, i wee si Yusuf neiy i ketampas, i wee se patuari-patuarina neiy i ketampas wo i wee se tou Mesir se mewali-wali mekaan ampit nisea i ti’i neiy i ketampas; karengan se tou Mesir se reiy’ toro mekaan mewali-wali ampit se tou Ibrani, karengan eng kapualitan i ti’i e nesa kawengi’isan i wee se tou Mesir. ³³Patuari-patuarina i ti’i se rimuber witu en saruan ni Yusuf, waki si polon i ka’ayo si taweng i ka’ayo sea metetu’usan ampit e ma’erang. ³⁴Laa o i sakeiyi wia nisea en sesakeiyan waki meja ni Yusuf, ta’an eng kina’atoan ni Benyamin e maka lima lebe laker ta’an se susur tou e walina. Laa o kumoo’ mouw sea wo mepa’a-pa’ar mewali-wali ampit nisia.

¹Nu reiy’ mouw i tu i perentana mola wia si kapala em balena: “Pumpunanouw eng karong ne tou-tou i ti’i ampit eng gandum, takura en toro alin nea, wo i reta’ mola loit niesa o niesa witu eng gorem sumana eng karongna. ²Wo em pialaku, em piala perak i ti’i, i reta’la witu eng gorem sumana eng karong ni oki’ taweng ma’an e loit wewear eng gandumna kangkasi.” Takar siwonna mola tanu neiy i lila’la ni Yusuf.³Katoroan memo’odona nendo en terang tana’, tou se minayame nisea ma’an se keledai nea. ⁴Ta’an tare mouw i te sea nu rumo’umi waki kota i ti’i, e reiy’pe’ kasi rou’ eng kewa’akatna, lumila’ mouw si Yusuf wia si kapala em balena: “Tumiro’ mouw, ki’itenouw se tou-tou i ti’i, wo sakawisa koo i ka’ayola wia nisea, i lila’ mola wia nisea: Ka’a kouw simuli’ e le’os ampit e lewo’? ⁵E reiy’ ku’a re’en nyi’i em piala pepaken ni tuangku kaa laa mekekoo’ wo e naram pepakenna kaa laa metetebo? Nikouw kouw simiwo lewo’ ampit timuanala en tuana.”⁶Eng katoroan i ka’ayola wia nisea, i abarna mola wia nisea e lelila’an ni Yusuf i ti’i. ⁷E wingkot nea wia nisia: “Ka’a si tuangku si meila’la lelila’an en tuana? Wa’akatouw wia se hamba-hambamu i yi’i kaa laa sumiwo en tuana!⁸E reiy’ ku’a loit e niato meiyla witu eng gorem sumana eng karong meiy e niali meiy momi sumoup wia nikoo waki tana’ Kana’an? Ma’an tu’una keiy rumongkiti e mas ka’apa perak waki wale ni tuangmu? ⁹Wia si seiy waki se hamba-hambamu i yi’i ka’atoan em piala i ti’i, ma’anouw sia mate, nikeiy kangkasi i yi’i keiy laa mamuali ata ni tuangku.” ¹⁰Nu reiy’ mouw i tu lumila’ mouw sia: “Iyoon, nusulmu i ti’i e le’os; ta’an wia si seiy ka’atoan em piala i ti’i, nisia i te si laa mamuali ataku wo nikouw nu walina i ti’i kouw laa i kewayami waki kaselokan.”¹¹Laa o makarenganouw nisea siesa o siesa tumumpala eng karongna witu en tana’ wo siesa o siesa muka’ eng karongna. ¹²Wo si kapala em bale i ti’i si simoisap nyi’a maka le’o-le’os; nisia si kimetare wia si polon i ka’ayo wia si taweng; takar ka’atoanola em piala i ti’i witu eng karong ni Benyamin. ¹³Laa o sea kumurensangla eng karaiy nea wo siesa o siesa muatla wia si keledai nea, wo sea mareng waki kota.¹⁴Katoroan si Yehuda wo se patuari-patuarina i ka’ayola waki ghorem em bale ni Yusuf, Yusuf si witupe’, mongkotouw sea ma’ayome waki tana’ witu en saruanna. ¹⁵Lumila’ mouw si Yusuf wia nisea: “Em pasiwo-siwon sapa mouw ku’a re’en en tinuana miouwla i yi’i? E reiy ku’a re’en kete’uan niouw, kaa sitou tanu niaku i yi’i si tantu toro tumebo?”¹⁶Nu reiy’ mouw i tu lumila’ mouw si Yehuda: “Sapa mouw ku’a re’en e laa meiy i lila’la wia si tuangku, sapa mouw ku’a re’en e laa meiy i wingkot, wo ampit en sapa ku’a re’en keiy laa mulitela en tou meiy? Empung si minapa’ato mola eng kaselokan ne hamba-hambamu i yi’i. Takar nikeiy i yi’i, ata ni tuangku mouw nikeiy, le’os nikeiy ka’apa tu’u sitou wia si seiy kina’atoala em piala i ti’i.” ¹⁷Ta’an e wingkotna: “Wa’akatouw waki niaku kaa laa sumiwo en tuana! Wia si seiy si kina’atoan em piala i ti’i, nisia mouw si laa mamuali ataku, ta’an nikouw i yi’i, mea mouw sumoup ampit e lawir wia si ama’mu.”

¹Eng katoroan e ni’itu Yusuf si reiy’ mouw mete’u tumaang e natena kasi witu en sinaru em baya ne tou se rimedeiy witu retenna, laa o rumekeiy mouw sia: “I reo mouw rumo’ula em baya ne tou wia nyi’i.” Takar e reiy’la siea tou tu’u si timele’u minena’ witu mewali-waali si Yusuf, eng katoroan nisia nu minapasine’ula en touna wia se patuari-patuarina. ²Nu reiy’ mouw i tu mame’ mouw sia ente-ente’, i ka’ayo kinalinga’an wia se tou Mesir wo wia se esa nga pumpun e istana ni Firaun. ³Wo si Yusuf si limila’ wia se patuari-patuarina: “Niaku mouw si Yusuf! Matou-toupe’ ku’a re’en si ama’? “Ta’an se patuari-patuarina se reiy’ mete’u mingkot nisia, karengan nisea se meide’ wo matenggo’ogho’ mesesarula nisia.⁴O laa em pokeiy ni Yusuf wia se patuari-patuarina i ti’i: “Meiy mouw tumawi-tawimi.” Takar tumawi mola sea. Em pokeiyna kasi: “Niaku mouw si Yusuf, patuarimu, neiy miouw i wangker waki Mesir. ⁵Ta’an en teakan, te’a mouw masusa ate wo te’a mouw meneselela en tou, karengan nikouw minangker niaku mineiy wi’i, karengan kaa laa ma’alar em patou-touan niouw Empung si rimeo niaku kumetaremi nikouw. ⁶Karengan rua mouw nge te’un wawean kelalenan witu em banua i yi’i wo eng keurean lima nge te’une’ kasi se tou se reiy’ laa majeko ka’apa mupu’.⁷Takar Empung si rimeo mouw niaku kumetaremi nikouw kaa laa meram eng kato’orongan ne see’mu wia em bumi i yi’i wo kaa laa ma’alar em patou-touannu, i ka’ayo se esa nga weteng wangko’ wia nikoo se ka’ale’an. ⁸Ni’itu mouw e reiy’ mouw nikouw si rimeo niaku meiy wi’i, ta’an si Empung; Nisia mouw si timampa momi niaku tanume si ama’ i wee si Firaun wo tuang ne minapekasa istanana wo tanume si kuwasa e minapekasa en tana’ Mesir.⁹Makarenganouw kouw mareng wia si ama’ wo i lila’ mola wia nisia: Teinti’i mouw em pokeiy ni Yusuf, oki’mu: Empung si timampa momi niaku tanume si tuang witu minapekasa Mesir; meiy mouw matola niaku te’a mouw mengena-ngena’. ¹⁰Nikoo koo laa mena’ waki tana’ Gosyen wo laa rumeten wia niaku, nikoo ma’an se oki’ wo puyunmu, membe’ domba wo se lembu sapimu wo e reiy’ sa mina’asa eng kapunya’annu. ¹¹Mana mouw niaku laa malar nikoo – karengan eng kelalenan i yi’i wawean lima nge te’une’ kasi – rio koo te’a malengeiy mewali se esa nga pumpun em balemu wo em baya ne tou se kimi’it mewali ampit nikoo.¹²Wo nikouw kouw limoo’ mola ampit em beren nuesa, wo si patuariku Benyamin kangkasi, kaa en sumaku nuesa e limila’la nyi’a wia nikoo. ¹³Karengan e ni’itu i asarola wia si ama’ e reiy’ sa mina’asa eng kewangko’angku wia em banua Mesir i yi’i, wo e reiy’ sa mina’asa e linoo’o miouw mola, kamurian makarenganouw alini si ama’ meiy wi’i.”¹⁴Laa o rawakennamouw e lee’ ni Benyamin, tuarina i ti’i, wo mame’ mouw sia, wo mame’ mouw kangkasi si Benyamin witu em paluka ni Yusuf. ¹⁵Yusuf si simiong em baya se patuarina i ti’i ampit e nupus wo sia maame’ ampit rimawak nisea. Nu reiy’ mouw i tu tare mouw se patuari-patuarina menusu-nusuiy ampit nisia.¹⁶Eng katoroan witu eng gorem e istana ni Firaun nu liminga nabar, kaa se patuari-patuari ni Yusuf se mineiy, eng kapualitan i ti’i en sinungkul ampit e le’os ni Firaun wo ne pegawai-pegawaina. ¹⁷Laa o lumila’ mouw si Firaun wia si Yusuf: “I lila’ mola wia se patuari-patuarimu: Siwonouw teinti’i: muatanouw se tekapen-tekapennu wo mea mouw waki tana’ Kana’an, ¹⁸sungkulenouw si ama’mu wo se esa nga pumpun em balemu wo meiy mouw matola niaku, takar niaku ku laa meela wia nikoo sapa eng kasa le’os wia en tana’ Mesir, i ka’ayo kuow laa me’an eng karewuran en tana’ i yi’i.¹⁹Tumodongla nyi’a nikoo koo maka’ato perenta lumila’la wia nisea: siwonouw teinti’i: alinouw eng kareta waki tana’ Mesir i wee se oki-okimu wo se ka’awu-ka’awumu, sungkulenomi si ama’mu maname wo meiy mouw wi’i. ²⁰Te’a mouw kouw mapedam moupus metetele’umi em barang-barangmu, karengan sapa eng kasa le’os wia minapekasa en tana’ Mesir i yi’i nyi’a mouw eng kapunya’annu.”²¹Tuana mouw en tinuanala ne oki-oki’ ni Israel i ti’i. Yusuf si mineela eng kareta wia nisea i ki’it em perenta ni Firaun; o kangkasi neiy i weela wia nisea e walun wia lalan. ²²Wia nisea siesa o siesa se wineeanna esa nga ketor sesawelen wo wia si Benyamin si wineeanna telu nga atus loit perak wo lima nga ketor sesawelen. ²³E walinana ni’itu wia si ama’na i papa’alinala se mapulu’ nga ipus keledai raghar, minuatan ampit e sapa eng kasa le’os waki Mesir, awes kangkasi se mapulu’ nga ipus keledai mereiy, minuatan ampit eng gandum wo roti wo eng kekaanen i wee si ama’na witu em pekekelangan.²⁴Kamurian sia mayala se patuarina ampit e limila’ wia nisea: “Te’a mouw memero-meroan wia lalan.” ²⁵Tuana mouw sea nu rimo’umi waki tana’ Mesir wo i ka’ayo waki tana’ Kana’an, wia si Yakub, ama’ nea. ²⁶Nisea se mina’asarla wia nisia: “Yusuf si matou-toupe’, awes tare nisia mouw si minamuali kuasa witu minapekasa en tana’ Mesir.” Ta’an nate ni Yakub e minena’ ghe’egher, karengan nisia si reiy’ mouw me’emanla nisea.²⁷Ta’an eng katoroan nisea nu mina’ayola wia nisia e reiy’ sa mina’asa lelia’an neiy i totorla ni Yusuf, wo eng katoroan linoo’ona eng kareta neiy i papa’alimi ni Yusuf kaa meiy mesesungkul nisia, takar tumo’orouw sumoup eng kaketeran ni Yakub, ama’ nea i ti’i. ²⁸Em pokeiy ni Yakub: “Awesouw ni’itu; sioki’ku Yusuf si matou-toupe’; niaku ku pa’ar mea lumoo’ nisia, nu reiy’pe’ aku mate.”

¹Ni’itu mouw mae mouw si Israel ampit e reiy’ sa mina’asa eng kapunya’nna wo sia i kaa’ayola waki Bersyeba, laa o i sempenala en tetule rineret wia si Empung ni Ishak ama’na. ²O mee mouw nuwu’ si Empung wia si Israel witu em pineleloo’ e nedo wengi: “Yakub, Yakub!” En singkomna: “Ya, Tuhan.” ³O laa e nuwu’-Na: “Niaku mouw ku Empung, Empung ni ama’mu, te’a mouw meide’ mea waki Mesir, karengan Niaku ku laa sumiwo nikoo mamuali bangsa kewangko’ maname. ⁴Niaku nuesa si laa rumapitla nikoo mea waki Mesir wo tantu mouw Niaku kangkasi ku laa mali nikoo mareng; wo e lawas ni Yusufouw e laa lumikepla em pepi’ipit em berennu ee sangari.”⁵Laa o rumo’u momi si Yakub waki Bersyeba, wo se oki-oki’ ni Israel se minali si Yakub, ama’ nea, ma’an se oki’ wo se ka’awu nea, wo sea sumeretla eng kareta neiy i papa’ali ni Firaun kaa laa sumungkul nisea. ⁶Nisea se minaali kangkasi se papiaran nea wo em budel nea, eng kina’atoan nea waki tana’ Kana’an, laa o i ka’ayo mola sea waki Mesir, nyi’a i yi’i si Yakub wo se minapekasa ne see’na se mewali-wali ampit nisia. ⁷Oki-oki’ wo se puyun-puyunna tuama wo wewene, se minapekasa ne see’na se nialina mouw mea waki Mesir.⁸Nyi’i mouw e ngaran-ngaran ne bani Israel se mineiy waki Mesir, nyi’a i yi’i si Yakub ma’an se see’na. Oki’ polon ni Yakub nyi’a mouw si Ruben. ⁹Oki-oki’ ni Ruben nyi’a mouw si Henokh, Palu, Hezron wo si Karmi. ¹⁰Oki-oki’ ni Simeon nyi’a mouw si Yemuel, Yamin, Ohad, Yakhin wo si Zohar ma’an si Saul, oki’ niesa wewene Kana’an. 11 ¹¹Oki-oki’ ni Lewi nyi’a mouw si Gerson, Kehat wo si Merari.¹²Oki-oki’ ni Yehuda nyi’a mouw si Er, Onan, Syela, Peres wo si Zerah; ta’an si Er wo si Onan se minate waki tana’ Kana’an; wo se oki-oki’ ni Peres nyi’a mouw si Hezron wo si Hamul. ¹³Oki-oki’ ni Isakhar nyi’a mouw si Tola, Pua, Ayub wo si Simron. ¹⁴Oki-oki’ ni Zebulon nyi’a mouw si Sered, Elon, wo si Yahleel ¹⁵Ni’itu mouw se see’ ni Lea, si timimea’la i wee si Yakub waki Padan-Aram se oki-oki’ tuama ma’an si Dina kangkasi, oki’na wewene. Ni’itu mouw em baya nea, tuama wo wewene, eng kelakerna se telu nga pulu’ o telu nga imukur.¹⁶Oki-oki’ ni Gad nyi’a mouw si Zifyon, Hagi, Syuni, Esbon, Eri, Arodi wo si Areli. ¹⁷Oki-oki’ ni Asyer nyi’a mouw si Yiswa, Yiswi wo si Beria; Serah nyi’a mouw si patuari nea wewene; wo se oki-oki’ ni Beria nyi’a mouw si Herber wo si Malkiel. ¹⁸Ni’itu mouw se see’ ni Zilpa, nyi’a i yi’i si hamba wewene si neiy mouw i weela ni Laban wia si Lea, oki’na wewene, wo timimea’la se oki-oki’ i wee si Yakub; em baya nea se mapulu’ o enem nga imukur.¹⁹Oki-oki’ ni Rahel, ka’awu ni Yakub, nyi’a mouw si Yusuf wo si Benyamin. ²⁰I wee si Yusuf minatou si Manasye wo si Efraim waki tana’ Mesir, se neiy i patoula ni Asnat i wee nisia, oki’ wewene ni Potifera, imam waki On. ²¹Oki-oki’ ni Benyamin nyi’a mouw si Bela, Bekher, Asybel, Gera, Naaman, Ehi, Rosh, Mupim, Hupim wo si Ared. ²²Ni’itu mouw se see’ ni Rahel, se neiy mouw i patoula i wee si Yakub, em baya nea eng kelakerna se mapulu’ o epat nga imukur.²³Oki’ ni Dan nyi’a mouw si Husim. ²⁴Oki-oki’ ni Naftali nyi’a mouw si Yahzeel, Guni, Yezer wo si Syilem. ²⁵Ni’itu mouw se see’ ni Bilha, nyi’a i yi’i si hamba wewene neiy i weela ni Laban wia si Rahel, oki’na wewene wo si timimea’la se oki-oki’ i ti’i i wee si Yakub – em baya nea eng kelakerna se pitu nga imukur.²⁶Em baya ne tou se neiy i ka’ayomi waki Mesir mewali-wali ampit si Yakub, nyi’a i yi’i se oki-oki’na nuesa, ampit e reiy’ karekenan se ka’awu ne oki-oki’na, em baya nea eng kelakerna se enem nga pulu’ o enem nga imukur. ²⁷Oki-oki’ ni Yusuf se minatou i wee nisia waki Mesir se rua tou. Ni’itu mouw se me’urang ni Yakub se neiy i ka’ayola waki Mesir, em baya nea eng kelakerna se pitu nga pulu’ nga imukur.²⁸Yakub rimeo si Yehuda kumelang rumerior matola si Yusuf, rio si Yusuf si meiy waki Gosyen meiy matola si ama’na. Kasuatan e ni’itu i ka’ayo mola sea waki tana’ Gosyen. ²⁹O laa si Yusuf si minasangla eng karetana wo mea waki Gosyen, matola si Israel, ama’na. Eng katoroan sia nu maatoan ampit nisia, rawakennala e lee’ ni ama’na wo keure maame’ witu em palukana. ³⁰Lumila’ mouw si Israel wia si Yusuf: “En teakan toromouw aku mate, niaku nu limoo’ mola eng giomu wo mamete’ula kaa nikoo koo matou-toupe’.”³¹Kamurian lumila’ mow si Yusuf wia se patuari-patuarina wo wia se me’urang ni ama’na i ti’i: “Niaku ku laape’ mesesaru si Firaun wo makite’ula wia nisia: Se patuari-patuariku wo se me’urang ni ama’ku, se maena’ waki tana’ Kana’an, se mineiy mouw wia niaku; ³²se tou-tou i ti’i se rumerawir membe’ domba, karengan nisea i ti’i se mengengalar se papiaran, wo se membe’ dombana, lembu sapina wo e reiy’ sa mina’asa eng kapunya’anna em paali-alin nea mouw.³³Sakawisa si Firaun kumeret nikouw wo mueiy: Sapa ku’a re’en em pepa’ayangennu? ³⁴Takar mingkotouw: Hamba-hambamu i yi’i se mengengalar se papiaran, rengan waki oki’pe’ i ka’ayomi en teakan, le’os nikeiy ka’apa tu’u se nene moyang meiy – ampit e maksut rio kouw toro mena’ waki tana’ Gosyen.” – Karengan se reiy’ sa mina’asa rumerawir membe’ domba nyi’a mouw e nesa kawengi’isan i wee se tou Mesir.

¹Kamurian mea mouw si Yusuf makite’ula wia si Firaun: “Ama’ku wo se patuari-patuariku ma’an se membe’ dombana, lembu sapina wo e reiy’ sa mina’asa kapunya’anna se mineiy mouw waki tana’ Kana’an, wo en teakan nisea se waki tana’ Gosyen.” ²Waki elet ne patuari-patuarina i ti’i nialina se lima tou sumaru si Firaun.³Firaun si minueiy wia se patuari-patuari ni Yusuf i ti’i: “Sapa ku’a re’en em pepa’ayangennu?” E wingkot nea wia si Firaun: “Hamba-hambamu i yi’i se rumerawir domba, le’os nikeiy ka’apa tu’u se nene moyang meiy.” ⁴O kasi em pokeiy nea wia si Firaun: “Nikeiy keiy mineiy kaa meiy ma’ena’ wia em banua i yi’i tanume sitou wo’oseiy, karengan e reiy’ mola kasi patar rukut i wee se ngaeruran se papiaran ne hamba-hambamu i yi’i, karengan e me’ulit eng kelalenan i ti’i waki tana’ Kana’an; takar en teakan, iyonala se hamba-hambamu i yi’i mena-ena’ wia en tana’ Gosyen.”⁵Laa o lumila’ mouw si Firaun wia si Yusuf: “Ama’mu wo se patuari-patuarimu se mineiy mouw wia nikoo. ⁶En tana’ Mesir i yi’i e minawuka i wee nikoo. I turu’ mola wia si ama’mu wo wia se patuari-patuarimu en tampa pa’ena’an witu en tampa kasa le’os wia em banua i yi’i ma’anouw sea mena’ wia en tana’ Gosyen. Wo sa koo mete’u witu nelet nea se tou-tou e lali’ket, i tampa mola sea mamuali tumetegha’ ne ternakku.”⁷Yusuf si minali kangkasi si Yakub, ama’na, sumaru si Firaun. O laa si Yakub si minaleiyla berkat i wee si Firaun. ⁸Kamurian mueiy mouw si Firaun wia si Yakub: “Pira mouw nge te’un e numurmu? “ ⁹E wingkot ni Yakub wia si Firaun: “En te’un-te’un linepuangku tanume sitou wo’oseiy eng kelakerna esa nga atus telu nga pulu’ nge te’un. Te’un-te’un em patou-touangku i ti’i en toyo’ i te wo e wuruk eng ka’ada’anna, e reiy’ mina’ayo numur ne nene moyangku, nyi’a i yi’i eng kelakerna en te’un nisea nu malepu-lepu tanume se tou wo’oseiy.” ¹⁰O laa si Yakub maleiyla berkat i wee si Firaun, nu reiy’ mouw i tu rumo’u momi sia waki saruan ni Firaun.¹¹Yusuf si timudu’la wia si ama’na wo se patuari-patuarina en tampa kaa laa mena-ena’ wo wia nisea tana’ kapunya’an waki tana’ Mesir, witu en tampa kasa le’os witu em banua i ti’i, waki tana’ Rameses, tanu neiy i perentala ni Firaun. ¹²Wo si Yusuf si minalar si ama’na, se patuari-patuarina wo se esa nga pumpun em bale ni ama’na ampit eng kekaanen, i ki’it eng kelaker ne oki’-oki’ nea.

¹Nu reiy’ mouw i tu wawean tou si limila’la wia si Yusuf: “Ama’mu si rara’an!” Laa o alinna mouw se rua oki’na, Manasye wo si Efraim. ²Eng katoroan neiy i pakite’ula si Yakub: “Mineiy mouw sioki’mu Yusuf wia nikoo,” takar si Israel si minerurla em pakasa’an eng kaente’anna wo tumekelouw sia witu en tetekelanna.³Lumila’ mouw si Yakub wia si Yusuf: Empung, Si Kasakuasa si minapa’ato mola en tou wia niaku waki Lus waki tana’ Kana’an wo merkatla niaku ⁴ma’an minee nuwu’ wia niaku: Niaku mouw si simiwo nikoo minurang minuyun, wo Niaku ku laa sumiwo nikoo maawes eng kelaker wo mamuali esa ngaeruran bangsa-bangsa; Niaku ku laa meela em banua i yi’i wia se see’mu laa mamuali kapunya’anna eng kaure-urena.⁵Takar en teakan se rua oki’mu se minatou i wee nikoo wia en tana’ Mesir, nu reiy’pe’ niaku nu mineiy wia nikoo wia Mesir, niaku mouw si makapunya si Efraim wo si Manasye masuat tanu si Ruben wo si Simeon. ⁶wo se see’mu se ka’atoannu nu reiy’ mouw nisea, nikoo mouw si makapunya, ta’an witu wewetengan en sani’ ngaran nea e laa totoren tumo’otolela e ngaran ne rua patuarina i ti’i. ⁷Sa niaku, witu nedo em pinakela-kelangangkumi waki Padan, niaku ku kinepatean si Rahel waki tana’ Kana’an wia lalan, eng katoroan nikeiy keiy reiy’ mouw pirala eng kewa’akati kasi waki Efrata, wo niaku ku lime’osela nisia maname, witu en siri’ e lalan mea waki Efrata” – nyi’a i ti’i em Betlehem.⁸Eng katoroan si Israel nu limoo’ se oki-oki’ ni Yusuf i ti’i, mueiy mouw sia: “Seiy ku’a re’en se yi’i?” ⁹E wingkot ni Yusuf wia si ama’na: “I yi’i mouw se oki-oki’ku se neiy mouw i weemi ni Empung wia niaku wia nyi’i.” Takar em pokeiy ni Yakub: “Retenomi sea wia niaku, rio berkatengkula sea.” ¹⁰Sapa tare em beren ni Israel eng kewurouw karengan eng katu’anna, ni’itu mouw nisia si reiy’ mouw mete’u kasi lumoo’. Kamurian si Yusuf si rimetenla nisea wia si ama’na: wo sea siongan wo ke’ekepen ni ama’na.¹¹Laa o lumila’ mouw si Israel wia si Yusuf: “Reiy’ pa’ara-arapengku, kaa niaku ku laa lumoo’ eng giomu kasi, ta’an en teakan si Empung awes tare si mineela niaku lumoo’ se see’mu.” ¹²O laa si Yusuf si kimeongi nisea waki elet eng kurur ni ama’na, wo sia mongkot ampit eng giona ma’ayo mea waki tana’. ¹³Nu reiy’ mouw i tu Yusuf si timiboiy nisea nu rua, ampit e lawas lele’os tiniboiyanna si Efraim, nyi’a i ti’i witu esa nga weka kawii ni Israel, wo ampit e lawas kawii si Manasye, nyi’a i ti’i witu esa nga weka lele’os ni Israel, laa o i retennala sea wia nisia.¹⁴Ta’an si Israel si minayatla lawas lele’osna wo i reta’nala witu natas eng kokong ni Efraim, ma’anouw tu’u nisia si taweng, wo e lawas kawiina witu natas eng kokong ni Manasye – ni’itu mouw lawasna en simabe’ang, ma’an nouw tu’u si Manasye si polon. ¹⁵Nu reiy’ mouw i tu berkatenala si Yusuf, em pokeiyna: “Neneku wo si ama’ku, Abraham wo si Ishak, timou mola witu en sinaru ni Empung; Empung i ti’i, tanume si Empung si minamuali mola rumerawirku keurean em patou-touangku i ka’ayomi en teakan, ¹⁶wo tanume si Mala’ekat si minaya momi niaku waki reiy’ sa mina’asa bahaya Nisia mouw satorona si merkatla se tou-tou muda i yi’i, i ka’ayo ngaranku ma’an e ngaran ne nene wo ne ama’ku Abraham wo si Ishak, kasa kasine’uan eng karengan nisea wo i ka’ayo sea maawes-maawes mamuali kasa ka’asa’an eng kelakerna wia em bumi.”¹⁷Eng katoroan si Yusuf nu limoo’ kaa si ama’na si rimeta’la lawas lele’osna witu natas eng kokong ni Efraim, eng kapualitan i ti’i e linoo’ona reiy’ le’os; laa o tiboiyanna e lawas ni ama’na kaa laa mesesoro’la nyi’a waki atas eng kokong ni Efraim mea witu natas eng kokong ni Manasye. ¹⁸Em pokeiyna wia si ama’na: “Te’a mouw tuana, ama’ku, karengan si yi’i mouw si polon, i reta’ mola e lawas lele’osmu mea witu natas eng kokongna.”¹⁹Ta’an si ama’na si simede’, em pokeiyna: “Niaku ku mete’u, oki’ku, niaku ku mete’u; nisia kangkasi si laa mamuali esa bangsa wo nisia kangkasi si laa mamuali wangko’ eng kuwasana; ma’anouw tu’u tuana, si tuarina si laa lebe wangko’ eng kuwasana ta’an nisia, wo se see’ ni tuarina i ti’i se laa mamuali ka’asa’an bangsa-bangsa sela.” ²⁰Laa o berkatenna mola nisea witu nedo ni’itu, em pokeiyna: “Ampit tumotorla e ngarannu mouw se tou Israel se laa merkatla, en tuana: Empung satorona si sumiwo nikoo tanu si Efraim wo tanu si Manasye.” Tuana mouw neiy i reriornala si Efraim ta’an si Manasye.²¹Kamurian lumila’ mouw si Israel wia si Yusuf: “Reiy’ mouw ure kasi niaku ku laa mate, ta’an si Empung si laa rumapitla nikouw wo mali nikouw mareng mea waki wanua ne nene moyangmu. ²²Wo en teakan niaku ku meela wia nikoo tanume eng kalebeannu ta’an se patuari-patuarimu, e nesa ru’urna eng kuntung eng kinaatkumi ampit en santi wo en tingkanaku waki lawas ne tou Amori.”

¹Kamurian si Yakub si kimeret se oki-oki’na wo lumila: “Meiy mouw merur, rio ku makite’ula wia nikoo, sapa e laa pe’anen niouw witu nendo kamurian. ²Merurouw kouw wo linganouw, ee oki-oki’ ni Yakub, luminga mouw wia si Israel, ama’ mu.³Ruben, nikoo mouw sioki’ polonku, kaente’angku wo eng kinetareni eng kaketerangku, nikoo mouw si’i paketa-ketare witu eng kewangko’an, si’i paketa-ketare witu eng kaawoan. ⁴Nikoo si makeresot tanume en dano, reiy’ mouw kasi nikoo si’i paketa-ketare, karengan nikoo koo limongkotola witu en tampa tetekelan ni ama’mu; nedo ni’itu nikoo koo limangkoiy mouw eng kalenasan nyi’a. Nisia si limongkotola witu em patekelangku!⁵Simeon wo si Lewi se matuari; saliatan nea nyi’a mouw em pakakas kalewo’an. ⁶Te’a mouw satorona si imukurku kumi’it witu em paasa-asa’an nea, te’a mouw satorona e rohku maesa’an ampit e rerewokan nea, karengan witu eng keupi’an nea se minunu’ mola tou wo witu eng kawengi’isanna nisea se kimetorola eng kenter ni sapi.⁷I kakutouw eng kaupi’an nea, karengan eng kaupi’anna eng kete, i kakutokouw eng kasa kaupi’an nea, karengan eng kasa kaupi’anna e wengi’is. Niaku ku laa memete-metengla nisea witu nelet ne oki-oki’ ni Yakub wo sumarakan nisea witu nelet ne oki-oki’ ni Israel.⁸Yehuda, nikoo koo laa lo’oren ne patuari-patuarimu, lawasmu e laa mubel e lo’ong ne kesarumu, wia nikoo se laa mongkot se oki-oki’ ni ama’mu.⁹Yehuda nyi’a mouw si tanu sioki’ ni singa: nu rima’akepola, nikoo koo lumongkot witu e nesa tampa kerakek, heiy oki’ku; nisia si makepa wo magholeiy tanu si singa raghar ka’apa tanu si singa mereiy; seiy ku’a re’en si berani mongkela nisia?¹⁰Bewulu’ eng karaja’an e reiy’ laa rumo’umi waki si Yehuda ka’apa tu’u en sesine’u em paperenta’an waki elet e ne’ana, i ka’ayo sia meiy si mekehak witu nyi’a, takar wia nisia se laa tu’utuk se bangsa-bangsa.¹¹Nisia si laa mantungla si keledaina witu nakana nanggor wo sioki’ ni keledaina witu nakana nanggor pineleng; sia si laa kumemes em pakeanna ampit e nanggor wo labungna ampit en daa’ em bu’ana nanggor. ¹²Em berenna e laa mamea’ karangan e nanggor wo em ba’angna e laa maputi’ karengan en susu.¹³Zebulon si laa mena’ waki li’ilik em pante tasik, sia si laa mamuali sesuwa’an eng kapal, wo em paakaranna e laa masiri’an ampit en Sidon.¹⁴Isakhar nyi’a mouw si tanu si keledai e nente’ en duiyna, si mangakepa kinopit em pemesa’anenna, ¹⁵eng katoroan linoo’ona, kaa niena’an i ti’i e le’os wo em banua i ti’i e wangun, takar i ta’anna mola em palukana kaa laa mepepesa’an, laa o mamuali ata e rodi.¹⁶Sapa tare si Dan, sia si laa madilela se bangsana tanume si meta’esa’an suku Israel. ¹⁷Satorona si Dan si mamuali tanu si leloiy’ witu lalan, tanu si leloiy’ biludak witu nenus si timongko’ en tu’umir ni kawalo, i ka’ayo si simake wia nisia si’i ka’anu mea witu muri. ¹⁸Niaku ku mengena-ngena’la eng kelawiran waki-Nikoo, ee TUHAN.¹⁹Gad, sia si laa regon ne sumeserok, ta’an nisia si laa rumego en tu’umir nea ²⁰Asyer, eng kekaanenna e laa lumokon makaloko-lokon wo nisia si laa meela kekaanen ne raja-raja. ²¹Naftali nyi’a mouw si tanu si rusa mereiy neiy i kewaya; sia si laa tumimea’la se oki-oki’ wulouw.²²Yusuf nyi’a mouw si tanu nakana em bu’a-wu’ana sobor nakana em bu’a-wu’ana sobor witu eng kembu’an. Em pangana-pangana limongkot minatasla em beton. ²³Ma’anouw tu’u se tumetingkana-tumetingkana se rimeungola nisia si timingkanala nisia wo rimego nisia,²⁴Ta’anouw en tingkanana e minena-ena’ te’etep wo lalupa e lawasna e minena’ pulut, karengan nale’an Ni Kasaente’ kumekelung ni Yakub, eng karengan si rumerawirna si Kuntung Watu Israel,²⁵karengan si Empung ni ama’mu si laa male’ nikoo, wo kaa ni Empung Si Kasakuasa, si laa merkatla nikoo ampit em berkat waki langit waki atas, ampit em berkat lawanan wangko’ e reta’na waki wawa’, ampit em berkat wu’ana em be’wer wo eng gandongan.²⁶Berkat ni ama’mu e limantouwla em berkat eng kuntung-kuntung rengane’ eng ketareanna, nyi’a i yi’i eng kasa sedaap waki kentur-kentur e mina abad-abad; em baya nyi’a i ti’i e laa tumumpa mea witu natas eng kokong ni Yusuf, mea witu natas watuna eng kokong ni tou si kasa wuntul witu nelet ne patuari-patuarina.²⁷Benyamin nyi’a mouw si tanu si serigala mera’akep; witu nedo memo’odo sia kumaan si pengaanenna wo witu nedo mawengido sia si memete-meteng eng kinaatna.”²⁸Ni’itu mouw em baya nea nu suku Israel, se mapulu’ o rua eng kelakerna; wo ni’itu mouw neiy i lila’la ni ama’na wia nisea, eng katoroan nisia nu minerkatla nisea; susur tou binerkatnala ampit em berkat ni’i peweweela wia nisea siesa o siesa.

¹laa si Yusuf si minaparewala en touna kume’ekep eng gio ni ama’na ampit e maame’ wo sumiong nisia. ²wo si Yusuf si minerentala wia se mengelot-mengelot, nyi’a i ti’i se hamba-hambana, kaa laa mererampala mayat ni ama’na; takar se mengelot-mengelot i ti’i se rimampala mayat ni Israel. ³Eng kapualitan i ti’i e mepadungla epat nga pulu’ nga endo eng keurena, karengan en tuana mouw eng keurena e nedo pepadungen kaa laa mererampala, wo se tou Mesir se miname’la nisia pitu nga pulu’ nga endo eng keurena.⁴Nu limangkoiy mola e nendo-nendo paame’an i ti’i, lumila’ mouw si Yusuf wia se esa nga pumpun e istana ni Firaun: “Sa wona’na aku maka’atola nupusmu, i lila’ mola wia si Firaun, ⁵kaa si ama’ku si rimeo mola niaku tumiwa’, em pokeiyna: Reiy’ mouw ure kasi aku laa mate; witu e warugaku eng kiniarku mola waki tana’ Kana’an, witu mouw e le’osannula niaku. Eng karengan e ni’itu, iyonala niaku mea maname, rio aku lume’osla si ama’ku; kamurian ku laa marengi.” ⁶Laa o lumila’ mouw si Firaun: “Mea mouw maname wo i le’osola si ama’mu i ti’i, tanu neiy mouw i reonala nikoo tumiwa’.”⁷Laa o kumelangouw si Yusuf mea maname kaa laa melele’osla si ama’na, wo mewali-wali ampit nisia kumelangouw em baya ne pegawai-pegawai ni Firaun, se tu’a-tu’a waki istanana, wo em baya ne tu’a-tu’a waki tana’ Mesir, ⁸ma’an se esa nga pumpun em bale ni Yusuf kangkasi, se patuari-patuarina wo se esa nga pumpun em bale ni ama’na; se oki-oki’na i te ma’an se membe’ domba wo se lembu sapina se neiy nea i tele’ula waki tana’ Gosyen. ⁹Le’os eng kareta ka’apa tu’u se tou-tou mesake-sake kawalo se kimi’it minea maname mewali-wali ampit nisia, i ka’ayo e maongko-ongkoran i ti’i eng kasa ka’asa’an.¹⁰Nu reiy’ mouw nisea nu neiy i ka’ayo mea waki Goren-Haatad, witu e lewet en teberan Yordan, takar sea sumiwola witu e na’aripan eng kasa maka’aripen wo rungkea’; wo si Yusuf si simiwola pengasi’an pitu nga endo eng keurena karengan si ama’na i ti’i. ¹¹Eng katoroan se penduduk em banua i ti’i, tou-tou eng Kana’an, limoo’ em pengasi’an waki Goren- Haatad i ti’i, lumila’ mouw sea: “Nyi’i mouw em pengasi’an ne tou Mesir kasa rungkea’.” Ni’itu mouw eng karenganna en tampa i ti’i nginaranan Abel-Mizraim, e rimeta’ waki lewet Yordan.¹²Oki-oki’ ni Yakub se timuanala wia nisia, tanu neiy i owernala wia nisea. ¹³Oki-oki’na se minater nisia mea waki tana’ Kana’an, wo sea lume’osla nisia witu eng goa waki penguma’an Makhpela en tinelesola ni Abraham waki si Efron, tou eng Het i ti’i, kaa laa mamuali wewaruga’an kapunya’an, nyi’a i ti’i em penguma’an waki esa nga weka sedangan Mamre. ¹⁴Nu reiy mouw si ama’na nu neiy i le’osla, marengouw si Yusuf waki Mesir, nisia wo se patuari-patuarina wo em baya ne tou se kimi’it minea maname mewali-wali ampit nisia kaa laa melele’osla si ama’na i ti’i.

¹O laa si Musa rumeo merur sè pakasa’an jema’ah Israel wo lumila’ wia nisè a: “Nyi’i mouw e nuwu’ nèiy i perentala ni TUHAN kaa laa tuananla. ²Enè m nga èndo eng keurena toro matuanala pepa’ayangen, ta’an witu nè ndo kapitu e lèwo' ’ sa rèiy' ’ mouw wawean paasè ngan kudus i wèè nikoo, nyi’a i yi’i en sabat, nè ndo paasè ngan wuta i wèè si TUHAN; susur tou si matuanala em pepa’ayangen witu nè ndo i ti’i, si lèwo' ’ sa rèiy' ’ mouw ukumen patèn . ³Te’a mouw koo metetutung api wisa i tè tu’u witu en tampa paena’annu witu nè ndo Sabat.”

¹TUHAN kimeret si Musa wo mee nuwu’ wia nisia waki ghorem en Dasing Pinasungkulan: ²“Sumusuiy mouw wia se tou Israel wo i lila’la wia nisea: Sakawisa siesa nga touan witu e neletmu si laa mesesempela en sesempe wia si TUHAN, e lewo’ sa reiy’ mouw en sesempemu neiy miouw i sempela i ti’i e waki se papiaran, nyi’a i yi’i waki se lembu sapi ka’apa waki se membe’ domba.³Sa wona’na en sesempena en tanula en tetule tinunu waki si sapi, e lewo’ sa reiy’ mouw sia manginsempela siesa nga ipus raghar si reiy’ sisering. Nisia si lewo’ sa reiy’ mali nisia mea waki pepalen en Dasing Pinasungkulan, rio si TUHAN si mepa’arla nisia. ⁴O laa nisia si lewo’ sa reiy’ rumeta’la lawasna mea witu natas eng kokong ni tetule tinunu i ti’i, i ka’ayo i wee nisia en sesempe i ti’i ni’i kepa’ar kaa laa sumiwola pale’osan i wee nisia.⁵Kamurian e lewo’ sa reiy’ mouw sia rumeret si sapi i ti’i witu en sinaru ni TUHAN, wo se oki-oki’ ni Harun, imam-imam i ti’i, se lewo’ sa reiy’ sumempela e raa’ ni sapi i ti’i wo sumereuwla nyi’a witu esa nga kaledong e mezbah em bitu en saruan em pepalen en Dasing Pinasungkulan. ⁶Kamurian e lewo’ sa reiy’ mouw sia kumuli’la en tetule tinunu i ti’i wo mengeto-ngetorla nyi’a i ki’it e weteng-weteng neiy i ketantu.⁷Oki-oki’ ni imam Harun se lewo’ sa reiy’ mouw mee api witu natas mezbah wo rumansun kayu witu natas napi i ti’i. ⁸Wo nisea se lewo’ sa reiy’ tumu’utul eng kaketor-kaketor en tetule i ti’i wo eng kokong ma’an em barewesna witu natas eng kayu kasuatan melayas witu natas e mezbah. ⁹Ta’an em pumpun en tianna wo em beti’isna e lewo’ sa reiy’ mouw oasan ampit en dano wo minapekasana i ti’i e lewo’ sa reiy’ tunun ni imam witu natas e mezbah tanume en tetule tinunu, tanume en tetule napi-apian em beuna maka’aruiyen i wee si TUHAN.¹⁰Sa wona’na en sesempena i wee en tetule tinunu nyi’a mouw e waki se membe’ domba, le’os waki se domba, ka’apa tu’u waki se membe’, e lewo’ sa reiy’ mouw sia manginsempela siesa nga ipus raghar si reiy’ sisering. ¹¹E lewo’ sa reiy’ mouw sia rumeret nisia witu en siri’ e mezbah esa nga weka amian witu en sinaru ni TUHAN, o laa e lewo’ sa reiy’ mouw se oki-oki’ ni Harun, imam-imam i ti’i, sumereuwla en daa’na witu e mezbah esa nga kaledongna.¹²Kamurian e lewo’ sa reiy’ mouw sia mengeto-ngetorla nyi’a i ki’it em beteng-weteng neiy i ketantu, wo mewali-wali eng kokongna wo em barewesna tu’utulenouw em baya nyi’a i ti’i en tu’utulen ni imam witu natas eng kayu eng kasuatan melayas witu natas e mezbah. ¹³Pumpun en tian wo em beti’isna e lewo’ sa reiy’ mouw oasanna ampit en dano, wo minapekasa nyi’a i ti’i e lewo’ sa reiy’ mouw i sempela ni imam wo tunun witu natas e mezbah: ni’itu mouw en tetule tinunu, nesa tetule napi-apian em bouna maka’aruiyen i wee si TUHAN.¹⁴Sa wona’na en sesempena wia si TUHAN tanula en tetule tinunu waki si wara, e lewo’ sa reiy’ mouw sia sumempela en tetulena i ti’i waki si wara wukur ka’apa waki sioki’ ni wara pombo. ¹⁵Imam si lewo’ sa reiy’ mali nisia mea waki mezbah, laa o muus eng kokongna wo tumunu nisia witu natas mezbah. En daa’na e lewo’ sa reiy’ i ubel rumo’umi witu eng kedir e mezbah.¹⁶Na’eruranna ma’an em bu’ukna e lewo’ sa reiy’ mouw i sea’la wo i tea’ mea witu li’ilik e mezbah esa nga weka sedangan, waki tampa riawu. ¹⁷Wo nisia si lewo’ sa reiy’ kumurensang si wara i ti’i witu nakana en tetelewna, ta’an reiy’ ka’ayo i keta’atas; o laa si imam si lewo’ sa reiy’ tumunu nisia witu natas e mezbah, witu natas eng kayu kasuatan melayas; ni’itu mouw en tetule tinunu, e nesa tetule napi-apian em beuna maka’aruiyen i wee si TUHAN

¹“Sakawisa siesa tou laa mesesempela en sesempe tanume en tetule sesakeiy wia si TUHAN, satorona en sesempena i ti’i en topong kasa le’os wo nisia si lewo’ sa reiy’ tumoa’la lana ma’an lumamurla kamania witu natasna. ²O laa en tetule i ti’i e lewo’ sa reiy’ alinna wia se oki-oki’ ni Harun, imam-imam i ti’i. Nu niedo momi waki tetule i ti’i en topong esa nga rongkem ampit e lana ma’an e minapekasa kamaniana, takar si imam si lewo’ sa reiy’ mouw tumunu em baya nyi’a i ti’i witu natas e mezbah tanume em beteng ghena-ghenangan en tetule i ti’i, tanume en tetule napi-apian em bouna maka’aruiyen i wee si TUHAN. ³Tetule sesakeiy esa nga kalebena nyi’a mouw neiy i kawee i wee si Harun wo se oki-oki’na, nyi’a i yi’i em beteng kasa kudus waki e reiy’ sa mina’asa en tetule napi-apian ni TUHAN.⁴Sakawisa koo laa mesesempela en sesempe tanula en tetule sesakeiy waki sapa en tinunu witu eng gorem en tetunuan roti, e lewo’ sa reiy’ mouw i tu waki topong kasa le’os, tanula e roti tabuleleng reiy’ siragi, siniwo ampit e lana, ka’apa roti tari’ipis reiy’ siragi linamurla ampit e lana. ⁵Sa wona’na en tetulemu tanula en tetule sesakeiy waki rinarang witu natas rerarangan, e lewo’ sa reiy’ mouw i tu waki topong kasa le’os, siniwo ampit e lana, tanume e roti reiy’ siragi.⁶Tetule i ti’i e lewo’ sa reiy’ pengeto-ngetoren, laa o toa’annu mola lana witu natasna; ni’itu mouw en tetule sesakeiy. ⁷Sa wona’na en sesempemu tanula en tetule sesakeiy waki linutu’ witu eng gorem rumping, e lewo’ sa reiy’ mouw ni’itu en siniwomi waki topong kasa le’os mewali-wali e lana.⁸Takar en tetule sesakeiy en siniwo i ki’it meta’esa’an eng kenaramen ni’itu e lewo’ sa reiy’ mouw i sempemula wia si TUHAN, nyi’a i yi’i e lewo’ sa reiy’ i pa’ayola wia si imam, si mali nyi’a mea waki mezbah. ⁹Kamurian si imam si lewo’ sa reiy’ muntuli waki tetule sesakeiy i ti’i em beteng ghena-ghenanganna laa o tumunu nyi’a witu natas e mezbah tanume en tetule napi-apian em bouna maka’aruiyen i wee si TUHAN. ¹⁰Tetule sesakeiy esa nga kalebena nyi’a mouw em beteng ni Harun wo ne oki-oki’na, nyi’a i yi’i em beteng kasa kudus waki e reiy’ sa mina’asa en tetule napi-apian ni TUHAN!¹¹E nesa tetule sesakeiy neiymu i sempela wia si TUHAN te’a mouw siwon mekeragi, karengan waki ragi ka’apa waki rina’ e reiy’ toro kouw tumunu wo’o sapa tu’u tanume en tetule napi-apian i wee si TUHAN. ¹²Ta’an tanume en sesempe waki wua’na eng kasa ketare-tare en toro i sempe miouwla nyi’a wia si TUHAN, ta’an te’a mouw pa’alin waki atas e mezbah mamuali e wou maka’aruiyen. ¹³Wo susur en sesempemu tanula en tetule sesakeiy e lewo’ sa reiy’ mouw wu’uwurannula wuras, te’a mouw koo mepepeparla em buras teta’aran ni Empungmu waki tetule sesakeiymu; ma’an e reiy’ sa mina’asa en sesempemu e lewo’ sa reiy’ mouw i sempemula em buras.¹⁴Sa wona’na koo mesesempela en tetule sesakeiy waki ketareani em bua’na wia si TUHAN, e lewo’ sa reiy’ mouw koo sumempela em bulis eng gandum rinarang witu natas napi, wineti’ eng gandum weru, tanume en tetule sesakeiy waki ketareani em bua’na eng gandummu. ¹⁵E lewo’ sa reiy’ mouw lamurennu lana wo weeannu kamania witu natasna; ni’itu mouw en tetule sesakeiy. ¹⁶E lewo’ sa reiy’ mouw si imam si tumunu tanume e ghena-ghenanganna, esa nga weteng waki wineti’ eng gandumna wo e lanana ma’an e minapekasa eng kamaniana tanume en tetule napi-apian i wee si TUHAN.”

¹Sa wona’na en sesempena tanula en tetule kelawiran, takar sa wona’na si’i sempenala i ti’i waki si sapi, siesa nga ipus raghar ka’apa siesa nga ipus mereiy, e lewo’ sa reiy’ mouw sia maali si reiy’ sisering mea witu en sinaru ni TUHAN. ²O laa nisia si lewo’ sa reiy’ rumeta’la lawasna witu natas eng kokong ni sesempena i ti’i wo rumeretla nisia witu en saruan em pepalen en Dasing Pinasungkulan, o laa se oki-oki’ ni Harun, imam-imam i ti’i se lewo’ sa reiy’ mouw sumereuwla en daa’na witu e mezbah esa nga kaledongna.³Kamurian waki tetule kelawiran i ti’i nisia si lewo’ sa reiy’ sumempela em barewes limi’ikerla em pumpun en tian, wo e reiy’ sa mina’asa warewes eng kimerut witu em pumpun en tian i ti’i tanume en tetule napi-apian i wee si TUHAN, ⁴wo kasi e rua wu’ana e rereenan wo em barewes kimerut witu nyi’a, em bitu rereenan wo en sesaput nate e lewo sa reiy’ i ta’atasnala ma’an em bu’ana rereenan i ti’i. ⁵Oki-oki’ ni Harun se lewo’ sa reiy’ tumunu nyi’a witu natas e mezbah, nyi’a i yi’i witu natas en tetule tinunu eng kasuatan patunun witu natas e napi, tanume en tetule napi-apian em bouna maka’aruiyen i wee si TUHAN.napi, tanume en tetule napi-apian em bouna maka’aruiyen i wee si TUHAN. ⁶Sa wona’na en sesempena i wee en tetule kelawiran i wee si TUHAN nyi’a mouw e waki se membe’ domba, esa nga ipus raghar ka’apa esa nga ipus mereiy, e lewo’ sa reiy’ mouw sia mangin-sempela si reiy’ sisering. ⁷Sa wona’ sia manginsempela siesa nga ipus domba tanume si tetulena, sia si lewo’ sa reiy’ mali nyi’a mea witu en sinaru ni TUHAN. ⁸O laa nisia si lewo’ sa reiy’ rumeta’la lawasna mea witu natas eng kokong ni sesempena i ti’i wo rumeret nisia witu en saruan en Dasing Pinasungkulan, o laa se oki-oki’ ni Harun se lewo’ sa reiy’ sumereuwla en daa’na witu e mezbah esa nga kaledongna.⁹Kamurian waki tetule kelawiran i ti’i nisia si lewo’ sa reiy’ manginsempela em barewesna tanume en tetule napi-apian i wee si TUHAN, nyi’a i yi’i em pakasa’an nipusna e makawarewes e lewo sa reiy’ kinetor tawi witu en duiy muri, wo em barewes limi’ikerla em pumpun en tian, wo e reiy’ sa mina’asa warewes eng kimerut witu em pumpunna en tian i ti’i, ¹⁰wo kasi e rua wu’ana rereenan wo em barewes kimerut witu nyi’a, em bitu rereenan, wo sesaput nate e lewo’ sa reiy’ i ta’atasnala ma’an em bu’ana rereenan i ti’i. ¹¹Imam si lewo’ sa reiy’ tumunu nyi’a witu natas e mezbah tanume eng kekaanen tanula en tetule napi-apian i wee si TUHAN.¹²Sa wona’na en sesempena siesa nga ipus membe’, sia si lewo’ sa reiy’ mali nisia mea witu en sinaru ni TUHAN. ¹³O laa nisia si lewo’ sa reiy’ rumeta’la lawasna witu natas eng kokong ni membe’ i ti’i wo rumeret nisia witu en saruan en Dasing Pinasungkulan, o laa se oki-oki’ ni Harun se lewo’ sa reiy’ sumereuwla en daa’na witu e mezbah esa nga kaledongna. ¹⁴Kamurian waki si membe’ i ti’i nisia si lewo’ sa reiy’ manginsempela em barewes limi’ikerla em pumpun en tian, wo e reiy’ sa mina’asa em barewes kimerut witu em pumpun en tian i ti’i tanume en sesempena tanula en tetule napi-apian i wee si TUHAN,¹⁵wo kasi e rua wu’ana rereenan wo em barewes kimerut witu nyi’a, em bitu e rereenan wo en sesaput nate e lewo’ sa reiy i ta’atasnala ampit em bu’ana rereenan i ti’i. ¹⁶Imam si lewo’ sa reiy’ tumunu em baya nyi’a i ti’i witu natas e mezbah tanume eng kekaanen tanula en tetule napi-apian minamuali wou maka’aruiyen. E reiy’ sa mina’asa warewes nyi’a mouw eng kapunya’an ni TUHAN. ¹⁷Nyi’i mouw e nesa katataapan i wee eng keurena i wee nikouw see’ o see’ waki e reiy’ sa mina’asa tampa paena’annu: te’a mouw ma’an mekasa kouw kumaan em barewes wo en daa’.”

¹TUHAN minee nuwu’ wia si Musa: ²“I lila’ mola wia se tou Israel: Sakawisa siesa nga touan reiy’ ampit tinu’utu’ sumiwo dosa witu nesa kapualitan neiy i palouw ni TUHAN wo sia memang timuanala e meta’esa’an waki nyi’a, ³takar sa wona’na si simiwo dosa i ti’i si imam ni’isu’la, i ka’ayo se bangsana se kimi’it simelok, e lewo’ sa reiy’ mouw sia manginsempela wia si TUHAN karengan en dosa siniwona mola i ti’i, siesa nga ipus sapi raghar sobor si reiy’ sisering tanume en tetule pare’i en dosa.⁴Nisia si lewo’ sa reiy’ mali si sapi i ti’i mea witu em pepalen en Dasing Pinasungkulan, mea witu en sinaru ni TUHAN, o laa nisia si lewo’ sa reiy’ rumeta’la lawasna mea witu natas eng kokong ni sapi i ti’i, wo rumeret si sapi i ti’i witu en sinaru ni TUHAN. ⁵Imam si ni’isu’la i ti’i si lewo’ sa reiy’ medomi esa nga weteng waki raa’ ni sapi i ti’i, laa o mali nyi’a mea witu eng gorem en Dasing Pinasungkulan.⁶Imam si lewo’ sa reiy’ sumosouwla en tetudu’na mea witu en daa’ i ti’i, wo mi’ipikla toyo’ waki raa’ i ti’i, maka pitu witu en sinaru ni TUHAN, witu en saruan em peremel reri’irir en tampa kudus. ⁷Kamurian si imam i ti’i si lewo’ sa reiy’ lumamurla toyo’ waki raa’ i ti’i witu en sunge-sunge e mezbah patunuan nukupan waki wewoun, em bitu en sinaru ni TUHAN witu eng gorem en Dasing Pinasungkulan, wo em baya en daa’ esa nga kalebena e lewo’ sa reiy’ i toa’nala wia em beteng wawa’ e mezbah tetule tinunu em bitu en saruan em pepalen en Dasing Pinasungkulan.⁸E reiy’ sa mina’asa warewes ni sapi raghar tetule pare’i en dosa i ti’i e lewo’ sa reiy’ i wuntulnami waki si sapi i ti’i, nyi’a i yi’i em barewes limi’ikerla em pumpun em po’ot wo e reiy’ sa mina’asa warewes eng kimerut witu em pumpun em po’ot i ti’i. ⁹wo kasi e rua wu’ana rereenan wo em barewes kimerut witu nyi’a, em bitu rereenan, wo en sesaput nate e lewo’ sa reiy’ i ta’atasnala ampit em bu’ana rereenan i ti’i, ¹⁰masuat tanu neiy i wuntuli waki si sapi tetule eng kelawiran. Imam si lewo’ sa reiy’ tumunu em baya nyi’a witu natas e mezbah tetule tinunu.¹¹Sapa tare eng kuli’ ni sapi raghar i ti’i wo e reiy’ sa mina’asa le’ona, ma’an eng kokong wo em beti’isna wo em pumpun em po’otna wo en te’ina, ¹²ni’itu mouw si sapi raghar i ti’i minapekasana si lewo’ sa reiy’ alinna mea witu luar em pedasingan, mea witu nesa tampa e lenas, mea waki tampa patea’an riawu, wo si sapi i ti’i si lewo’ sa reiy’ tununna i ka’ayo ma’apu witu natas e lungu waki tampa patea’an riawu.¹³Sa wona’na se simiwo en dosa ampit e reiy’ tinu’utu’ i ti’i se pakasa’an umat Israel, wo se jama’ah se reiy’ minena’asla nyi’a, i ka’ayo sea timuanala e meta’esa’an kapualitan neiy i palouw ni TUHAN, wo nisea se simelok, ¹⁴wo sakawisa en dosa siniwo nea i ti’i kakete’uan, e lewo’ sa reiy’ mouw se jama’ah i ti’i se mangin-sempela siesa nga ipus sapi raghar sobore’ tanume si tetule pare’i en dosa. Sapi i ti’i si lewo’ sa reiy’ alin nea mea waki saruan en Dasing Pinasungkulan. ¹⁵O laa em baya ne tu’a-tu’a ne umat i ti’i se lewo’ sa reiy’ rumeta’la lawas nea mea witu natas eng kokong ni sapi raghar i ti’i witu en sinaru ni TUHAN, wo si sapi i ti’i si lewo’ sa reiy’ reretan witu en sinaru ni TUHAN.¹⁶Imam si ni’isu’la si lewo’ sa reiy’ mali esa nga weteng waki raa’ ni sapi i ti’i mea waki ghorem en Dasing Pinasungkulan. ¹⁷Imam si lewo’ sa reiy’ sumosouwla en tetudu’na witu eng gorem en daa’ i ti’i wo mi’ipikla nyi’a maka pitu witu en sinaru ni TUHAN, witu en saruan em peremel.¹⁸Kamurian waki e raa’ i ti’i e lewo’ sa reiy’ i lamurna toyo’ witu en sunge-sunge e mezbah em bitu en sinaru ni TUHAN witu eng gorem en Dasing Pinasungkulan, wo em baya en daa’ esa nga kalebena e lewo’ sa reiy’ i toa’nala wia em beteng wawa’ e mezbah tetule tinunu em bitu en saruan en Dasing Pinasungkulan. ¹⁹E reiy’ sa mina’asa warewes e lewo’ sa reiy’ i wuntulnami waki si sapi i ti’i wo tununna witu natas e mezbah.²⁰Teinti’i mouw e lewo’ sa reiy’ siwonna ampit si sapi raghar i ti’i: tanu en siniwona ampit si sapi raghar tetule pare’i en dosa, tuana mouw e lewo’ sa reiy’ siwonna ampit si sapi i ti’i. Ampit en tuana si imam i ti’i si simiwola pale’osan i wee nisea, i ka’ayo sea minaka’ato ka’ampungan. ²¹Wo e lewo’ sa reiy’ mouw sia mali si sapi raghar i ti’i mea witu luar em pedasingan, laa o tumunu nisia i ka’ayo ma’apu tanu nisia nu timunu mina’apu si sapi raghar eng kasa ketare-tare. Ni’itu mouw en tetule pare’i en dosa i wee se jama’ah.²²Sa wona’ si simiwo en dosa i ti’i siesa tou i pamuka-muka reiy’ ampit en timu’utu’ timuanala e meta’esa’an kapualitan neiy i palouw ni TUHAN, Empungna, i ka’ayo sia simelok, ²³takar sa wona’na en dosa siniwona mola i ti’i ni’i pakite’ula wia nisia, e lewo’ sa reiy’ mouw sia mali tanume en sesempena siesa nga ipus membe’ raghar si reiy’ sisering.²⁴O laa e lewo’ sa reiy’ mouw sia rumeta’la lawasna mea witu natas eng kokong ni membe’ i ti’i wo rumeret nisia witu en tampa kenaramen ne tou mareret en tetule tinunu witu en sinaru ni TUHAN; ni’itu mouw en tetule pare’i en dosa. ²⁵Kamurian e lewo’ sa reiy’ mouw si imam medomi ampit en tetudu’na en toyo’ waki raa’ ni tetule pare’i en dosa i ti’i, laa o lumamurla nyi’a witu en sunge-sunge e mezbah tetule tinunu. Raa’ esa nga kalebena e lewo’ sa reiy’ mouw i toa’nala wia em beteng wawa’ e mezbah tetule tinunu.²⁶Ta’an e reiy’ sa mina’asa warewes e lewo’ sa reiy’ tununna witu natas e mezbah, tanukan kangkasi em barewes tetule kelawiran. Ampit en tuana imam si simiwola pale’osan i wee sitou i ti’i karengan en dosana, i ka’ayo sia maka’ato ka’ampungan.²⁷Sa wona’na si simiwo en dosa ampit e reiy’ tinu’utu’ i ti’i siesa tou waki se rakyat kenaramen, wo nisia si timuanala e nesa kapualitan neiy’ i palouw ni TUHAN, i ka’ayo sia simelok, ²⁸takar sa wona’na en dosa siniwona mola i ti’i ni’i pakite’ula wia nisia, e lewo’ sa reiy’ mouw sia mali tanume en sesempena karengan en dosa siniwona mola i ti’i, siesa nga ipus membe’ mereiy si reiy’ sisering.²⁹O laa e lewo’ sa reiy’ mouw sia rumeta’la lawasna mea witu natas eng kokong ni tetule pare’i en dosa wo rumeret si tetule i ti’i witu en tampa en tetule tinunu. ³⁰Kamurian si imam si lewo’ sa reiy’ medo ampit en tetudu’na en toyo’’ waki raa’ ni tetule i ti’i, laa o lumamurla nyi’a witu en sunge-sunge e mezbah tetule tinunu. Em baya en daa’ esa nga kalebena e lewo sa reiy’ mouw i toa’nala wia em beteng wawa’ e mezbah.³¹Ta’an e reiy’ sa mina’asa warewes e lewo’ sa reiy’ mouw i ta’atasnala, tanukan kangkasi em barewes tetule kelawiran neiy i ta’tasla, laa o lewo’ sa reiy’ mouw tunun ni imam witu natas e mezbah mamuali wou maka’aruiyen i wee si TUHAN. Ampit en tuana si imam si simiwola pale’osan i wee sitou i ti’i i ka’ayo sia maka’ato ka’ampungan.³²Sa sia mali siesa nga ipus domba tanume en sesempena minamuali tetule pare’i en dosa, e lewo’ sa reiy’ mouw sia mali siesa nga ipus mereiy si reiy’ sisering. ³³O laa e lewo’ sa reiy’ mouw sia rumeta’la lawasna mea witu natas eng kokong ni tetule pare’i en dosa i ti’i, wo rumeret nisia mamuali tetule pare’i en dosa witu en tampa kenaramen ne tou mareret en tetule tinunu.³⁴Kamurian si imam si lewo’ sa reiy’ medo ampit en tetudu’na en toyo’ waki raa’ ni tetule pare’i en dosa i ti’i, laa o lumamurla nyi’a witu en sunge-sunge e mezbah tetule tinunu. Em baya en daa’ esa nga kalebena e lewo’ sa reiy’ mouw i toa’nala wia em beteng wawa’ e mezbah. ³⁵Ta’an e reiy’ sa mina’asa warewes e lewo’ sa reiy’ mouw i ta’atasnala, tanukan kangkasi em barewes ni domba tetule eng kelawiran neiy i ta’atasla, o laa si imam si lewo’ sa reiy’ tumunu em baya nyi’a i ti’i witu natas e mezbah witu natas e reiy’ sa mina’asa en tetule napi-apian ni TUHAN. Ampit en tuana si imam si simiwola pale’osan i wee sitou i ti’i karengan en dosa siniwona mola, i ka’ayo sia maka’ato ka’ampungan.

¹Sakawisa siesa nga touan sumiwo dosa, nyi’a i yi’i sa sia luminga siesa tou makutokla, wo sia toro mamuali sairi karengan nisia si limoo’ ka’apa minete’ula nyi’a, ta’an nisia si so’o mee katerangan, takar nisia si lewo’ sa reiy’ tumanggong eng kaselokanna nuesa. ²Ka’apa kawisa siesa nga touan tumena’ wia em bo’o sapa makari’irisen, le’os em bangke ne tekapen siru e makari’irisen, ka’apa em bangke ne tekapen e makari’irisen, ka’apa em bangke ne tekapen se maroina’ e makari’irisen, reiy’ ampit mamete’ula eng kapualitan i ti’i, takar nisia si minamuali makari’irisen wo simelok.³Ka’apa sakawisa sia tumena’ wia e makari’irisen e nasal waki sitou, ampit eng kari’irisan sapa i te tu’u kangkasi nisia si mamuali makari’irisen, reiy’ ampit mete’ula eng kapualitan i ti’i, ta’an eng kamurian nisia si minamete’ula nyi’a, takar nisia si simelok. ⁴Ka’apa sakawisa siesa nga touan tumiwa’ pepar ampit en sumpingna laa mesesiwo e wuruk ka’apa e le’os, en tiwa’ sapa tu’u kangkasi neiy i totorla ni tou ampit em pepar, reiy’ ampit mamete’ula eng kapualitan i ti’i, ta’an eng kamurian nisia si minamete’ula nyi’a, takar nisia si simelok witu meta’esa’an eng kapualitan i ti’i.⁵Ni’itu mouw sakawisa sia simelok witu meta’esa’an eng kapualitan i ti’i, e lewo’ sa reiy’ mouw sia makula en dosa siniwona mola i ti’i, ⁶wo e lewo’ sa reiy’ mouw sia sumempela wia si TUHAN tanume en tetubuus en selok karengan en dosa i ti’i siesa nga ipus mereiy waki se domba ka’apa membe’, mamuali tetule pare’i en dosa. Ampit en tuana si imam si simiwola pale’osan i wee sitou i ti’i karengan en dosana.⁷Ta’an sa wona’na sia reiy’ makawoo laa metetiro’la membe’ ka’apa domba, takar tanume en tetubuus en selok karengan en dosa siniwona mola i ti’i, e lewo’ sa reiy’ mouw sia sumempela wia si TUHAN rua nga ipus wara wukur ka’apa rua nga ipus oki’ ni wara pombo, siesa nga ipus si mamuali tetule pare’i en dosa wo siesa nga ipus kasi si mamuali tetule tinunu. ⁸E lewo’ sa reiy’ mouw sia maali nyi’a wia si imam, wo si imam i ti’i si lewo’ sa reiy’ mouw sumempela si wara i wee en tetule pare’i en dosa i ti’i. Wo e lewo’ sa reiy’ mouw sia muus eng kokongna witu nakana e lo’ongna, ta’an reiy’ i ka’ayo i keta’atas. ⁹Toyo’ waki raa’ en tetule pare’i en dosa i ti’i e lewo’ sa reiy’ mouw i pi’ipiknala mea witu eng kedir e mezbah, ta’an en daa’ esa nga kalebena e lewo’ sa reiy’ mouw i ubel mea witu luar witu em beteng wawa’ e mezbah; ni’itu mouw en tetule pare’i en dosa.¹⁰Si karua si lewo’ sa reiy’ mouw siwonna mamuali tetule tinunu, minatoroan ampit e natoran. Ampit en tuana si imam si simiwola pale’osan i wee sitou i ti’i karengan en dosa siniwona mola, i ka’ayo sia maka’ato ka’ampungan.¹¹Ta’an sa wona’na sia reiy’ makawoo metetiro’la rua nga ipus wara wukur ka’apa rua nga ipus oki’ ni wara pombo, takar e lewo’ sa reiy’ mouw sia mali tanume en sesempena karengan en dosana i ti’i esa nga mapulu’ efa topong kasa le’os mamuali tetule pare’i en dosa. E reiy’ toro weeanna lana wo wu’uwuranna kamania witu natasna, karengan e ni’itu mouw en tetule pare’i en dosa.¹²O laa e lewo’ sa reiy’ mouw i tu alinna wia si imam wo si imam i ti’i si lewo’ sa reiy’ mouw medo witu nyi’a esa nga rongkem tanume em beteng ghena-ghenanganna, laa o tumunu nyi’a witu natas e mezbah witu natas e reiy’ sa mina’asa tetule napi-apian ni TUHAN; ni’itu mouw en tetule pare’i en dosa. ¹³Ampit en tuana si imam si simiwola pale’osan i wee sitou i ti’i karengan en dosana witu meta’esa’an eng kapualitan i ti’i, i ka’ayo sia maka’ato ka’ampungan. Esa nga alebena nyi’a mouw em beteng ni imam, masuat tanu en tetule sesakeiy.”

¹TUHAN minee nuwu’ wia si Musa: ²“Sakawisa siesa nga touan sumiwo en dosa wo minaruba lale’ witu si TUHAN, wo makelongla wia si kasuatna em barang neiy i emanla wia nisia, ka’apa em barang neiy i sarakanla wia nisia ka’apa em barang kinaatna, ka’apa sakawisa sia timuana mola em paperasan wia se kasuatna, ³ka’apa sa sia minatola em barang neiy i kaliong, wo kumelongla nyi’a, wo sia tumiwa’ towo – witu eng kapualitan sapa i te tu’u en siniwo ni esa nga touan, i ka’ayo sia makadosa – ⁴sakawisa ampit en tuana sia sumiwo en dosa wo simelok, takar e lewo’ sa reiy’ mouw sia marengla em barang kinaatna mola ka’apa em pinerasna mola ka’apa neiy mouw i emanla wia nisia ka’apa em barang neiy i kaliong niatonala i ti’i,⁵ka’apa e reiy’ sa mina’asa eng kinelongnala ampit en tiwa’ towo. E lewo’ sa reiy’ mouw sia mear en sesawelna kawutana ampit mawes esa nga palima; e lewo’ sa reiy’ mouw sia sumarakan nyi’a wia si makapunya nyi’a witu nendo nisia nu sumempela en tetule tetubuus en selokna. ⁶Tanume en tetule tetubuus en selokna e lewo’ sa reiy’ mouw sia sumempela wia si TUHAN siesa nga ipus domba raghar si reiy’ sisering waki se membe’ domba, si linoo’o mouw, mamuali tetule tetubuus en selok, ampit sumarakanla nisia wia si imam. ⁷Imam si lewo’ sa reiy’ sumiwola pale’osan i wee sitou i ti’i witu en sinaru ni TUHAN, i ka’ayo sia maka’ato ka’ampungan witu eng kapualitan sapa i te tu’u en siniwona i ka’ayo sia simelok.”

¹TUHAN minee nuwu’ wia si Musa: ²“Keretenouw si Harun wo se oki-oki’na mewali-wali ampit nisia, wo edonouw e labung-labung, lana ne’isu’, wo sapi raghar tetule pare’i en dosa, rua domba raghar wo lo’olo’ pinumpunan e roti reiy’ siragi, ³laa o reo mouw merur se pakasa’an umat mea waki saruan pepalen en Dasing Pinasungkulan.”⁴Musa si timuanala tanu neiy i perentala ni TUHAN wia nisia, laa o merurouw se umat i ti’i waki saruan en Dasing Pinasungkulan. ⁵Lumila’ mouw si Musa wia se umat i ti’i: “Nyi’i mouw e nuwu’ neiy i perentala ni TUHAN kaa laa tuananla.”⁶O laa si Musa rumeo si Harun wo se oki-oki’na tumawi, wo oasanna mouw sea ampit en dano. ⁷Nu reiy’ mouw i tu i pakena mola eng kameja wia nisia, i wa’akesnala ne’ereten, i pakenala eng kameja, i pakenala e labung efod, i wa’akesnala em bewa’akes e labung efod wo i kebetnala em bewa’akes i ti’i wia nisia.⁸I pakena mola em pepenet em be’ewer wia nisia wo i lumina witu eng gorem em pepenet em be’ewer i ti’i Urim wo en Tumim. ⁹Kamurian i weenala e reriker kokong witu eng kokongna, wo witu natas reriker eng kokong i ti’i witu esa nga weka rerior wineeannala leli’ilik mas, nyi’a i yi’i lelo’or tuintung eng kudus, tanu neiy i perentala ni TUHAN wia si Musa.¹⁰Musa si minedo lana ne’isu’, laa o isu’unna mola en Dasing Lenas ma’an e reiy’ sa mina’asa em bitu eng goremna wo eng kinudusnala em baya nyi’a i ti’i. ¹¹I pi’ipikna mola toyo’ waki lana i ti’i witu e mezbah maka pitu wo isu’ennala e mezbah i ti’i ma’an e reiy sa mina’asa em pakakasna, wo kangkasi em pusung paoasan ma’an en to’otolanna kaa laa mekekudusla nyi’a.¹²Kamurian i toa’nala toyo’ waki lana peisu’an i ti’i witu natas eng kokong ni Harun wo isu’enna mouw sia kaa laa mekekudusla nisia. ¹³Musa rimeo se oki-oki’ ni Harun tumawi, laa o i pakena mola eng kameja wia nisea, i wa’akesnala ne’ereten wo i kulilitnala en susu’un, tanu neiy i perentala ni TUHAN wia si Musa.¹⁴I reona mouw mali sapi raghar tetule pare’i en dosa, o laa si Harun wo se oki-oki’na rumeta’la lawasna mea witu natas eng kokong ni sapi raghar tetule pare’i en dosa i ti’i. ¹⁵Sapi i ti’i si rineret, o laa si Musa si minedo en daa’na, kamurian ampit en tetudu’na i lamurnala en daa’ i ti’i witu en sunge-sunge e mezbah esa nga kaledongna, wo ampit en tuana linenasna momi e mezbah i ti’i waki dosa; e raa’ esa nga kalebena neiy i toa’nala witu em beteng wawa’ e mezbah. Ampit en tuana eng kinudusnala e mezbah i ti’i wo en siniwoannala pale’osan i wee nyi’a.¹⁶O edonomi e reiy’ sa mina’asa warewes eng kimerut witu em pumpun em po’ot, sesaput nate, rua wu’ana rereenan ma’an em barewesna, o laa si Musa tumunu nyi’a witu natas mezbah. ¹⁷Ta’an si sapi raghar i ti’i ampit eng kuli’, le’ona wo en te’ina en tinununa mina’apu waki luar em pedasingan, tanu neiy i perentala ni TUHAN wia si Musa.¹⁸Kamurian neiy i reona mali domba raghar tetule tinunu, o laa si Harun wo se oki-oki’na se rimeta’la lawasna witu natas eng kokong ni domba raghar i ti’i. ¹⁹Domba i ti’i si rineret, o laa si Musa sumereuwla en daa’na witu mezbah esa nga kaledongna.²⁰Domba i ti’i si pinengeto-ngetor i ki’it em beteng-weteng neiy i ketantu, o laa si Musa tumunu eng kokongna wo em beteng-wetengna wo em barewesna. ²¹Ta’an em pumpun em po’ot wo em beti’isna nioasan ampit en dano, o laa si Musa tumunu si minapekasa domba raghar i ti’i witu natas mezbah. Ni’itu mouw en tetule tinunu, em bouna maka’aruiyen; nyi’a i yi’i e nesa tetule napi-apian i wee si TUHAN, tanu neiy i perentala niTUHAN wia si Musa.²²Kamurian i reona mali domba raghar walina, nyi’a i yi’i si domba sesempe em paberkatan, o laa si Harun wo se oki-oki’na rumeta’la lawasna witu natas eng kokong ni domba raghar i ti’i. ²³Domba raghar i ti’i si rineret, o laa si Musa medomi toyo’ waki raa’na wo lumamurla nyi’a witu eng kekenengan en talinga lele’os ni Harun, witu em bewangko’ en tetudu’ lawas lele’os wo witu em bewangko’ ne’a lele’osna. ²⁴Musa rimeo se oki-oki’ ni Harun tumawi, laa o lumamurla toyo’ waki raa’ i ti’i witu eng kekenengan en talinga lele’os nea, witu em bewangko’ lawas lele’os wo witu em bewangko’ ne’a lele’os nea, o laa si Musa sumereuwla e raa’ esa nga kalebena witu mezbah esa nga kaledongna.²⁵Edonna mola em barewesna, nipusna warewesen, e reiy’ sa mina’asa em barewesna kimerut witu em pumpun em po’ot, sesaput natena, rua wu’ana rereenan ma’an em barewesna wo em pa’a lele’osna. ²⁶Wo waki ghorem lo’olo’ pinumpunan roti reiy’ siragi, em bitu en sinaru ni TUHAN edonna momi nesa roti tabuleleng reiy’ siragi, nesa roti tabuleleng siniwo ampit e lana wo nesa roti tari’ipis, laa o i reta’nala witu e reiy’ sa mina’asa em barewes wo witu natas em pa’a lele’osna, ²⁷wo i weena em baya nyi’a witu em palarna lawas ni Harun wo witu em palarna lawas ne oki-oki’na, wo i sempenala em baya nyi’a tanume en sesempe i patuu’ witu en sinaru ni TUHAN.²⁸Kamurian Musa si minedomi em baya nyi’a waki palarna lawas nea, laa o tununna witu natas e mezbah, nyi’a i ti’i witu natas en tetule tinunu. Ni’itu mouw en sesempe paberkatan kaa laa mamuali wou maka’aruiyen; ni’itu mouw e nesa tetule napi-apian i wee si TUHAN. ²⁹Musa si minedo em be’ewer ni domba i ti’i, wo sumempela nyi’a tanume en sesempe i patuu’ witu en sinaru ni TUHAN. Ni’itu mouw eng kina’atoani ni Musa tanume em betengna waki si domba raghar sesempe paberkatan i ti’i, tanu neiy i perentala ni TUHAN wia si Musa.³⁰Wo kasi si Musa si minedomi toyo’ waki lana ne’isu’ wo waki raa’ witu natas e mezbah i ti’i, laa o i pi’ipiknala wia si Harun, witu labungna, wo kangkasi wia se oki-oki’na wo witu labung ne oki-oki’na. Ampit en tuana binerkatna mola si Harun, labungna, wo kangkasi se oki-oki’na wo labung ne oki-oki’na.³¹Lumila’ mouw si Musa wia si Harun wo wia se oki-oki’na: “Lutu’unouw e le’ona i ti’i witu en saruan pepalen en Dasing Pinasungkulan; manamome e lewo’ sa reiy’ kouw kumaan nyi’a ampit e roti em bitu eng gorem e lo’olo’ i wee en sesempe paberkatan, tanu neiyku mouw i perentala ampit limila’: Harun wo se oki-oki’na se lewo’ sa reiy’ mouw kumaan nyi’a. ³²Wo sapa en timele’u waki le’ona wo roti i ti’i e lewo’ sa reiy’ mouw tunun niouw ma’apu ampit e napi. ³³Te’a mouw kouw merero’umi waki saruan pepalen en Dasing Pinasungkulan keurean pitu nga endo, i ka’ayo wia malekepna em pewangko’an paberkatan, karengan em pewangko’an paberkatan e laa mapawee-wee pitu nga endo eng keurena.³⁴Tanu en siniwo wia nendo i yi’i, tuanakan kangkasi neiy i perentala ni TUHAN en siwon niouw ee sangari kaa laa mesesiwola pale’osan i wee nikoo. ³⁵Witu en saruan pepalen en Dasing Pinasungkulan e lewo’ sa reiy’ mouw kouw mena’ oat o wengi pitu nga endo eng keurena, wo kouw lewo’ sa reiy’ tumuana eng kalewo’sareiy’annu wia si TUHAN ampit e lale’, rio te’a mouw kouw mate, karengan en tuana mouw neiy i perentala wia niaku.” ³⁶Takar si Harun wo se oki-oki’na se timuanala e reiy’ sa mina’asa nuwu’ neiy i perentala ni TUHAN ampit nieletan ni Musa.

¹Witu nendo kauwalu Musa kimeret si Harun ma’an se oki-oki’na wo em baya ne tu’a-tu’a Israel, ²laa o lumila’ mouw sia wia si Harun: “Edonouw i wee nikoo nuesa siesa nga ipus sapi sobor, i wee en tetule pare’i en dosa, wo siesa nga ipus domba raghar i wee en tetule tinunu se rua-ruana se reiy’ sisering, kamurian i sempe mola ni’itu witu en sinaru ni TUHAN.³Wo wia se tou Israel e lewo’ sa reiy’ mouw koo lumila’, teinti’i: Edonouw siesa nga ipus membe’ raghar i wee en tetule pare’i en dosa, wo siesa nga ipus oki’ ni sapi wo siesa nga ipus domba, siesa o siesa se makaumur esa nge te’un wo se reiy’ sisering, i wee en tetule tinunu. ⁴Wo kasi siesa nga ipus sapi wo siesa nga ipus domba raghar i wee en tetule kelawiran, rio i tulela witu en sinaru ni TUHAN, wo en tetule sesakeiy en siniwo ampit e lana, karengan wia nendo i yi’i TUHAN si laa mapa’atola en tou wia nikoo.” ⁵Kamurian alin nea mouw sapa neiy i perentala ni Musa mea waki Dasing Pinasungkulan, laa o tumawi mouw se pakasa’an umat i ti’i wo rumedeiy witu en sinaru ni TUHAN.⁶Em pokeiy ni Musa: “Nyi’i mouw e nuwu’ neiy i perentala ni TUHAN siwon niouw, rio eng kewangko’an ni TUHAN e loo’on wia nikoo.” ⁷Em pokeiy ni Musa wia si Harun: “Meiy mouw tumawi witu mezbah, siwonouw en tetule pare’i en dosa wo en tetule tinunumu, wo siwonola em pale’osan i wee nikoo nuesa wo i wee se bangsa i ti’i; nu reiy’ mouw i tu siwonouw en sesempe ne bangsa i ti’i wo sumiwo mola pale’osan i wee nisea, tanu neiy i perentala ni TUHAN.”⁸Takar tumawi mouw si Harun wia mezbah, wo reretenna mouw sioki’ ni sapi si laa mamuali tetule pare’i en dosa i wee nisia nuesa. ⁹Oki-oki’ ni Harun se mina’ayola en daa ni sapi i ti’i wia nisia, wo si harun sumosouwla en tetudu’na mea witu eng gorem en daa’ i ti’i wo lumamurla nyi’a witu en sunge-sunge e mezbah. E raa’ esa nga kalebena neiy i toa’nala witu em beteng wawa’ mezbah.¹⁰Warewes, wu’ana rereenan wo en sesaput nate waki si tetule pare’i en dosa i ti’i en tinununa witu natas e mezbah, tanu neiy i perentala ni TUHAN wia si Musa. ¹¹Ta’an e le’ona wo eng kuli’na en tinununa mina’apu waki luar em pedasingan.¹²Kamurian sia rumeret si tetule tinunu, o laa se oki-oki’ ni Harun se simarakan en daa’ ni tetule i ti’i wia nisia, takar si Harun si simereuwla nyi’a witu mezbah esa nga kaledongna. ¹³O kangkasi neiy i sarakan neala wia nisia en tetule tinunu i ti’i i ki’it em beteng-weteng neiy i ketantu ma’an eng kokongna laa o tununna witu natas e mezbah. ¹⁴Pumpun em po’ot wo em beti’isna nioasanna wo tununna ampit en tetule tinunu witu natas e mezbah.¹⁵mouw si membe’ raghar si laa mamuali tetule pare’i en dosa si’i pewewee se bangsa i ti’i, laa o reretenna wo i sempenala tanume si tetule pare’i en dosa tanu si kasa ketare-tare. ¹⁶Kamurian alinna mouw si tetule tinunu mea witu mezbah, wo siwonna minatoroan ampit natoran. ¹⁷Tumodongla nyi’a alinna mouw en tetule sesakeiy wo edonnami esa nga rongkem waki nyi’a, laa o tununna witu natas mezbah, witu li’ilik en tetule tinunu witu nedo memo’odo.¹⁸Nisia si rimeret kangkasi sapi wo domba raghar se laa mamuali tetule kelawiran i wee se bangsa i ti’i, o laa se oki-oki’ ni Harun se simarakanla en daa’ ne tetule i ti’i wia nisia, takar si Harun si simereuwla nyi’a witu mezbah esa nga kaledongna. ¹⁹Ta’an e reiy’ samina’asa warewes waki si sapi wo waki si domba raghar i ti’i, nyi’a i yi’i e nipus warewesen, warewes timutuwla em pumpun em po’ot, wu’ana rereenan wo en sesaput nate,po’ot, wu’ana rereenan wo en sesaput nate, ²⁰e reiy’ sa mina’asa warewes i ti’i neiy i reta’ neala witu natas em be’ewer ne rua tetule i ti’i, o laa si Harun tumunu e reiy’ sa mina’as em barewes i ti’i witu natas mezbah. ²¹Em be’ewer wo em pa’a lele’os i ti’i neiy i sempela ni Harun tanume en sesempe i patuu’ witu en sinaru ni TUHAN, tanu neiy i perentala ni Musa.²²Harun minayat e rua lawasna wia se bangsa i ti’i, laa o merkatla nisea, kamurian tumumpa mouw sia, nu reiy’ mouw sia nu simempela en tetule pare’i en dosa, tetule tinunu, wo en tetule kelawiran. ²³Ghumoremouw si Musa wo si Harun mea witu eng gorem en Dasing Pinasungkulan. Nu reiy’ mouw nisea nu rimo’umi, sea merkatla se bangsa i ti’i, laa o kaloo’anouw eng kewangko’an ni TUHAN wia se pakasa’an bangsa i ti’i. ²⁴Wo rumo’u momi napi waki sinaru ni TUHAN, laa o rumengisla en tetule tinunu wo e reiy’ sa mina’asa em barewes witu natas mezbah. Eng katoroan se minapekasa bangsa i ti’i nu limoo’ nyi’a, merio-rio mouw sea, laa o maongkot masempe.

¹Kamurian se oki-oki’ ni Harun, Nadab wo si Abihu, siesa o siesa se minedo em bewaa’anna, meela napi witu eng goremna ma’an rimeta’la nukupan witu natas e napi i ti’i. Ampit en tuana nisea se simempe mola witu en sinaru ni TUHAN e napi ne wo’oseiy reiy’ neiy i perenta-Nala wia nisea. ²Takar rumo’u momi napi waki sinaru ni TUHAN, laa o rumengisla nisea nu rua, i ka’ayo minate witu en sinaru ni TUHAN.³Lumila’ mouw si Musa wia si Harun: “Nyi’i mouw neiy i nuwu’la ni TUHAN: Wia sitou si retuk wia-Niaku Kumapaloo’o-loo’ola eng kakudusang-Ku, wo witu en saruan ne minapekasa bangsa i ti’i e laa-Ku i papa’atola eng kewangko’ang-Ku.” Wo si Harun si minakapenes en tou. ⁴Kamurian si Musa kumeret si Misael wo si Elsafan, oki-oki’ ni Uziel, ito’ ni Harun, laa o lumila’ mouw sia wia nisea: “Meiy wia nyi’i, poponomi se patuari-patuarimu i yi’i waki saruan en tampa kudus mea waki luar em pedasingan.”⁵Sea meiy, wo mopo e mayat nea nu rua, minakepe’ kameja, mea waki luar em pedasingan, tanu neiy i lila’la ni Musa. ⁶Kamurian lumila’ mouw si Musa wia si Harun wo wia si Eleazar wo si Itamar, oki-oki’ ni Harun: “Te’a mouw kouw mengasi’ wo te’a mouw kouw ma’arip, rio te’a kouw mate wo te’a si TUHAN moupi’la se pakasa’an umat i yi’i, ta’an se patuari-patuarimu, nyi’a i ti’i se minapekasa bangsa Israel, nisea mouw se lewo’ sa reiy’ mame’ karengan e napi neiy i layasla ni TUHAN i ti’i. ⁷Te’a mouw kouw merero’umi waki saruan pepalen en Dasing Pinasungkulan, rio te’a kouw mate’, karengan e lana ne’isu’ ni TUHAN em bitu natasmu.” Nisea se timuanala minatoroan ampit e lelila’an ni Musa.

¹O laa si TUHAN mee nuwu’ wia si Musa wo si Harun, em pokeiy-Na wia nisea: ²“I lila’ mola wia se tou Israel, teinti’i: Nyi’i mouw se tekapen-tekapen se toro kaanen niouw waki se reiy’ sa mina’asa tekapen maka ne’a epat se wia natas em bumi:³susur tekapen se makasulu kewe’, nyi’a i ti’i se en suluna makawoang labot, wo se ngumenga’anga’ rukut se toro kaanen niouw. ⁴Ta’an e nyi’i mouw se reiy’ toro kaanen niouw waki se ngumenga’anga’ rukut ka’apa waki se makasulu kewe’: onta, karengan se memang ngumenga’anga’, ta’an se reiy’ makasulu kewe’; reiy’ toro i tu i wee nikoo.⁵O kangkasi si pelanduk, karengan memang ngumenga’anga’, ta’an reiy’ makasulu kewe’; reiy’ toro i tu i wee nikoo. ⁶O kangkasi si kelinci, karengan memang ngumenga’anga’, ta’an reiy’ makasulu kewe’, reiy’ toro i tu i wee nikoo. ⁷Tuanakan kangkasi si wi’o, karengan memang makasulu kewe’, nyi’a i ti’i en suluna makawoang labot, ta’an si reiy’ ngumenga’anga’; reiy’ toro i tu i wee nikoo. ⁸Le’ona ne tekapen-tekapen i ti’i te’a mouw pekekaanen niouw wo em bangkena te’a mouw peleleleren niouw; reiy’ toro em baya nyi’a i ti’i i wee nikoo.⁹Nyi’i mouw se toro kaanen niouw waki se reiy’ sa mina’asa ne matou-tou witu eng gorem en dano: reiy’ sa mina’asa se makawiring wo se makaso’osop witu eng gorem en dano, witu eng gorem en tasik, wo se witu eng gorem en teberan, ni’itu mouw em bayana se toro kaanen niouw. ¹⁰Ta’an e reiy’ sa mina’asa se reiy’ makawiring ka’apa makaso’osop witu eng gorem en tasik wo witu eng gorem en teberan, waki se reiy’ sa mina’asa ne maroiyna-roiyna’ witu eng gorem en dano wo waki se reiy’ sa mina’asa makhluk matou-tou se witu eng gorem en dano, em bayana i ti’i eng kari’irisan i wee nikoo.¹¹Eng kaulitna e lewo’ sa reiy’ mouw em bayana i ti’i eng kari’irisan i wee nikoo; le’ona te’a mouw pekekaanen niouw, wo em bangkena e lewo’ sa reiy’ mouw ri’irisen niouwla. ¹²Reiy’ sa mina’asa se reiy’ makawiring wo reiy’ makaso’osop witu eng gorem en dano, nyi’a mouw eng kari’irisan i wee nikoo.¹³Nyi’i mouw e lewo’ sa reiy’ ri’irisen niouwla waki se wara-wara, te’a mouw pekekaanen, karengan em bayana i ti’i nyi’a mouw eng kari’irisan: wara rajawali, ko’oko’taka sokom wo se sikep en tasik; ¹⁴sikep mea’ wo se sikep item i ki’it e minegheghioanna; ¹⁵susur wara keleak i ki’it e minegheghioanna; ¹⁶wara onta, wara loyot, ma’apas wo se sikep walanglee’ i ki’it e minegheghioanna;¹⁷wara manguni, wara suminsim, wo wara loyot sela; ¹⁸wara loyot puti’, wara re’erep pera’, wara ko’oko’taka; ¹⁹wara terempeak, pokok i ki’it e minegheghioanna, kolo’oket wo se peret.²⁰Reiy’ sa mina’asa tekapen maanap wo makatetelew wo makelang ampit e nepat ne’ana nyi’a mouw se kari’irisan i wee nikoo. ²¹Ta’an nyi’i mouw se toro kaanen niouw waki se reiy’ sa mina’asa tekapen maanap wo makatetelew wo se makelang ampit e nepat ne’ana, nyi’a i ti’i se makapunya pa’a witu esa nga weka atas ne’ana kaa laa i pakompo’ witu natas en tana’. ²²E nyi’i mouw se toro kaanen niouw waki eletna: kompo-kompo’ i ki’it e minegheghioanna, nyi’a i ti’i se kompo-kompo’ lisouw i ki’it e minegheghioanna, se kompo-kompo’ kunir i ki’it e minegheghioanna, wo se kompo-kompo’ walangsangit i ki’it e minegheghioanna. ²³Esa nga walinana se reiy’ sa mina’asa ne tekapen se maanap wo se makatetelew wo se makane’a epat nyi’a mouw se kari’irisan i wee nikoo.²⁴Em baya se tumodongla se laa makari’irisenla nikouw – susur tou si tumena’ wia em bangkena, si mamuali makari’irisen i ka’ayo siendo nu tumenem, ²⁵wo susur tou si maalimi waki bangkena si lewo’ sa reiy’ mouw moas e labungna wo nisia si minamuali makari’irisen i ka’ayo siendo nu tumenem –,²⁶nyi’a i yi’i se reiy’ sa mina’sa ne tekapen se makasulu kewe’, ta’an se reiy’ makawoang labot, wo se reiy’ ngumenga’anga; sreiy’ toro em bayana i ti’i i wee nikoo wo susur tou si tumena’ wia nisia, si mamuali makari’irisen. ²⁷Tuanakan kangkasi e reiy’ sa mina’asa ne makelang ampit em palar ne’ana witu nelet ne reiy’ sa mina’asa tekapen se makelang ampit e nepat ne’ana, em bayana i ti’i se reiy’ toro i wee nikoo susur tou si tumena’ wia em bangkena, si mamuali makari’irisen i ka’ayo siendo nu tumenem. ²⁸Wo seiy si maali-ali em bangkena, si lewo’ sa reiy’ mouw moas e labungna wo nisia si minamuali makari’irisen i ka’ayo siendo nu tumenem. Reiy toro em bayana i ti’i i wee nikoo.²⁹Nyi’i mouw e reiy’ toro i wee nikoo witu nelet ne reiy’ sa mina’asa tekapen se maanap wo maroina-roina’ wia natas em bumi: kawok rapa, kawok, wo se pekak i ki’it e minegheghioanna ³⁰wo se landak, kerobar, wo se toro’okek, kelobi’ wo se kesa’ mereput.³¹Ni’itu mouw em bayana se reiy’ toro i wee nikoo witu nelet ne reiy’ sa mina’asa tekapen se maroina’. Susur tou si tumena’ wia se tekapen-tekapen i ti’i nu reiy’ mouw se tekapen-tekapen i ti’i nu mate, se mamuali makari’irisen i ka’ayo siendo nu tumenem. ³²Wo e reiy’ sa mina’asa wo’o sapa e mamuali makari’irisen, sa siesa nga ipus si minate waki se tekapen-tekapen i ti’i si lumenta’ mea witu natasna: pakakas kayu sapa i te ka’apa labung ka’apa kuli’ ka’apa karong, susur em barang i peka’arala i wee e nesa wo’o sapa tu’u, e lewo’ sa reiy’ mouw i ghorem mea witu eng gorem en dano wo mamuali makari’irisen i ka’ayo siendo nu tumenem, kamurian e mamuali lenas kangkasi. ³³Sa siesa nga ipus waki se tekapen-tekapen i ti’i i kera’aragh mea witu eng gorem e nesa kure’, takar e reiy’ sa mina’asa em bitu eng goremna e minamuali makari’irisen wo eng kure’ i ti’i e lewo’ sa reiy’ pete’en niouwla.³⁴Witu eng kapualitan i ti’i e reiy’ sa mina’asa kekaanen en toro kaanen, sa tena’an en dano waki kure i ti’i, e mamuali makari’irisen, wo e reiy’ sa mina’asa kekoo’on en toro koo’on witu eng kure’ tanu ni’itu, e mamuali makari’irisen. ³⁵Sa em bangke ni esa nga ipus waki se tekapen-tekapen i ti’i i kera’aragh mea witu natas e nesa barang, ni’itu e mamuali makari’irisen; patunuan roti wo en tungku e lewo’ sa reiy’ mouw rimu’umuken, karengan em baya nyi’a i ti’i e makari’irisen wo e lewo’ sa reiy’ mouw makari’irisen kangkasi i wee nikoo;³⁶ta’an eng kebu’an ka’apa em parigi e minuat rano, e minena-ena’ lenas, kasuatan seiy si tumena’ wia em bangke ne tekapen-tekapen i ti’i si mamuali makari’irisen. ³⁷Sakawisa em bangke ni esa nga ipus waki se tekapen-tekapen i ti’i i kera’aragh mea witu natas en tetanemen sapa tu’u e laa i pekekerorla, takar en tetanemen i ti’i e minena-ena’ lenas. ³⁸Ta’an sakawisa en tetanemen i ti’i linamurola rano, o laa mea witu natasna ruma’aragh em bangke ni esa nga ipus waki se tekapen-tekapen i ti’i, takar e makari’irisenouw en tetanemen i ti’i i wee nikoo.³⁹Sakawisa mate si meta’asa’an nga ipus tekapen si minamuali kekaanen i wee nikoo, takar seiy si timena’ wia em bangkena si mamuali makari’irisen i ka’ayo siendo nu tumenem. ⁴⁰Wo seiy si kumaani waki bangkena i ti’i, si lewo’ sa reiy’ mouw moas e labungna, wo nisia si mamuali makari’irsen i ka’ayo siendo nu tumenem; tuanakan kangkasi seiy si mali em bangkena si lewo’ sa reiy’ mouw moas e labungna, wo nisia si mamuali makari’irisen i ka’ayo siendo nu tumenem.⁴¹Reiy sa mina’asa ne tekapen se maanap wo se maroina-roina’ wia natas em bumi, nyi’a mouw eng kari’irisan, te’a mouw pekekaanen. ⁴²Reiy’ sa mina’asa se maanap ampit em po’otna wo e reiy’ sa mina’asa se makelang ampit e nepat ne’ana, ka’apa e reiy’ sa mina’asa se makane’a laker, em baya ne neiy i kaghorem tekapen se maanap wo maroina-roina’ wia natas em bumi, te’a mouw pekekaanen niouw, karengan em bayana i ti’i nyi’a mouw se kari’irisan.⁴³Te’a mouw kouw sumiwo en toumu ri’iris karengan susur ne tekapen maanap wo maroina-roina wo te’a mouw koo manginri’irisela en toumu ampit em baya nyi’a i ti’i, i ka’ayo koo mamuali makari’irisen karengan e nyi’a. ⁴⁴Karengan Niaku mouw si TUHAN, Empungmu, takar e lewo’ sa reiy’ mouw kouw kumudusla en toumu wo e lewo’ sa reiy’ mouw kouw kudus, karengan Niaku i yi’i ku kudus, wo te’a mouw kouw manginri’irisela en toumu ampit en susur ne tekapen maroina-roina wo se maanap wia natas em bumi. ⁴⁵Karengan Niaku mouw si TUHAN si rimawiromi nikouw rimou’mi waki tana’ Mesir, rio mamuali Empungmu; mamuali mouw kudus, karengan Niaku i yi’i ku kudus.⁴⁶Ni’itu mouw nukum en tanume se tekapen maka ne’a epat, wara-wara wo se reiy’ sa mina’asa makhluk matou-tou se maoghe witu eng gorem en dano wo e reiy’ sa mina’asa makhluk se maroina-roina’ wia natas em bumi. ⁴⁷nyi’a i yi’i kaa laa mememange’anla nelet ne makari’irisen ampit ne lenas, nelet ne tekapen se toro kaanen ampit ne tekapen se reiy’ toro kaanen.”

¹TUHAN minee nuwu’ wia si Musa, en tuana: ²“I lila’ mola wia se tou Israel: Sakawisa siesa wewene tumimea’ wo tumimea’la sioki’ tuama, takar makari’irisenouw sia eng keurean em pitu nga endo. Masuat tanu witu nendo-nendo nisia nu kimewur e roko’ nisia si makari’irisen. ³Wo witu nendo kauwalu e lewo’ sa reiy’ mouw kule’iten e le’ona eng kuli’ khatan ni oki’ i ti’i.⁴Tumodongla nyi’a telu nga pulu’ o telu nga endo eng keurena si wewene i ti’i si lewo’ sa reiy’ mena’ ma’ena’la em pelelenasani waki raa’ timimea’, reiy’ toro sia tumena’ wia e nesa wo’o sapa tu’u eng kudus wo reiy’ toro sia megheghoreme witu en tampa kudus, i ka’ayo minalekepouw e nendo-nendo palenasanna. ⁵Ta’an sa wona’na sia timimea’la sioki’ wewene, takar makari’irisenouw sia eng keurean rua duminggu, masuat tanu witu nedo nisia nu kimewur e roko’; tumodongla nyi’a enem nga pulu’ o enem nga endo eng keurena nisia si lewo’ sa reiy’ mena’ ma’ena’la em pelelenasani waki raa’ timimea’.⁶Sa lekepouw e nendo-nendo palenasan nisia, takar i wee sioki’ tuama ka’apa sioki’ wewene e lewo’ sa reiy’ mouw alinna siesa nga ipus domba makaumur esa nge te’un tanume si tetule tinunu wo siesa nga ipus sioki’ ni wara pombo ka’apa wara wukur tanume si tetule pare’i en dosa mea witu em pepalen en Dasing Pinasungkulan, ampit sumarakanla nisia wia si imam.⁷Imam i ti’i si lewo’ sa reiy’ manginsempela nisia witu en sinaru ni TUHAN wo sumiwola pale’osan i wee si wewene i ti’i. Tuana mouw si wewene i ti’i linenasi waki tiisan en daa’na. Ni’itu mouw nukum en tanume si wewene timimea’la sioki’ tuama ka’apa sioki’ wewene. ⁸Ta’an sa sia reiy’ makawoo laa metetiro’la siesa nga ipus membe’ ka’apa domba, takar e lewo’ sa reiy’ mouw sia medo se rua nga ipus wara wukur ka’apa se rua nga ipus wara pombo, siesa nga ipus tanume si tetule tinunu wo siesa nga ipus kasi tanume si tetule pare’i en dosa, wo si imam i ti’i si lewo’ sa reiy’ sumiwola pale’osan i wee si wewene i ti’i, takar lenasouw sia.”

¹TUHAN minee nuwu’ wia si Musa wo si Harun: ²“Sakawisa witu eng kuli’ nouwak ni esa nga touan wawean lintup ka’apa lenup-lenup ka’apa sela’auw, e wo’o wona’na mamuali rumara lepra witu eng kuli’na, nisia si lewo’ sa reiy’ alin wia si imam Harun, ka’apa wia si meta’esa’an waki elet ne oki-oki’na, imam-imam i ti’i.³Imam si lewo’ sa reiy’ mouw lumoo’ e rumara witu eng kuli’ i ti’i, wo sa em berasin witu en tampa rumara i ti’i minaroba mouw minaputi’, wo rumara i ti’i em paloo’ola lebe rarem waki kuli’, takar ni’itu e rumara lepra; sa sia imam limoo’ eng kapualitan i ti’i, e lewo’ sa reiy’ mouw sia mapaloo’o-loo’ola sitou i ti’i si makari’irisen. ⁴Ta’an sa wona’na em bitu eng kuli’na i ti’i en sela’auw i te puti’ wo e reiy’ paloo’ola lebe rarem waki kuli’, wo em berasinena e reiy’ minaroba minaputi’, imam si lewo’ sa reiy’ kumalero sitou i ti’i pitu nga endo eng keurena.⁵Witu nendo eng kapitu e lewo’ sa reiy’ mouw si imam lumoo’ nisia; sa i ki’it linoo’anna e rumara i ti’i e minena-ena’te wo e reiy’ kimere witu eng kuli’, imam si lewo’ sa reiy’ kumalero nisia pitu nga endo kasi i wee eng karuana. ⁶Kamurian witu nendo eng kapitu e lewo’ sa reiy’ mouw si imam lumoo’ nisia i wee eng karuana; sa e rumara i ti’i minakeas wo reiy’ kimere witu eng kuli’, imam si lewo’ sa reiy’ mapaloo’o-loo’ola nisia si lenas; ni’itu e lenup-lenup i te. Sitou i ti’i si lewo’ sa reiy’ moas e labungna wo sia mamuli lenas.⁷Ta’an sa wona’na e lenup-lenup i ti’i eng kimere wia eng kuli’, nu reiy’ mouw nisia nu kimiwee loo’on ni imam kaa laa i papaloo’o-loo’ola si lenas, e lewo’ sa reiy’ mouw sia kumiwee loo’on eng karuana. ⁸Sa i ki’it e linoo’an ni imam e lenup-lenup i ti’i eng kimere witu eng kuli’, imam si lewo’ sa reiy’ mapaloo’o-loo’ola nisia si makari’irisen; ni’itu e rumara lepra.⁹Sakawisa siesa nga touan tena’an lepra, nisia si lewo’ sa reiy’ alin wia si imam. ¹⁰Sa i ki’it linoo’an ni imam witu eng kuli’na wawean lintup puti’ e rimoba em berasinna minamuali puti’ wo wawean le’ona siru limentut witu e lintup i ti’i, ¹¹takar e lepra minanupouw em bitu eng kuli’na. Imam si lewo’ sa reiy’ mapaloo’o-loo’ola nisia si makari’irisen ampit e reiy’ mouw toro kumalero nisia, karengan sitou i ti’i si memangouw makari’irisen.¹²Sa wona’na leprana i ti’i limentut wisa-wisa i te witu eng kuli’, i ka’ayo timutuwla minapekasa eng kuli’ ni tou rara’an i ti’i, waki kokong i ka’ayo ne’ana, esa nga pira en toro linoo’ ni imam, ¹³wo sa i ki’it e linoo’anna lepra i ti’i en timutuwla minapekasa nouwak ni tou i ti’i, takar nisia si lewo’ sa reiy’ i papaloo’-loo’oa lenas ni imam; nisia minapekasana si minaroba mouw minaputi’, ni’itu mouw nisia si lenas. ¹⁴Ta’an witu nedo wawean kinaloo’an le’ona siru wia nisia, makari’irisenouw sia.¹⁵Sa le’ona siru i ti’i loo’on ni imam, sia si lewo’ sa reiy’ mapaloo’o-loo’ola sitou i ti’i si makari’irisen, karengan e le’ona siru i ti’i e makari’irisen, wo ni’itu e rumara lepra. ¹⁶Ka’apa sakawisa e le’ona siru i ti’i e lumosi’ maroba minamuali puti’, e lewo’ sa reiy’ mouw sitou i ti’i meiy wia si imam. ¹⁷Sa i ki’it linoo’anna e rumara i ti’i minaroba mouw minamuali puti’, e lewo’ sa reiy’ mouw si imam mapaloo’o-loo’o’la sitou i ti’i lenas; memang nisia si lenas.¹⁸Sakawisa witu eng kuli’ niesa nga touan wawean kupes e minale’osola, ¹⁹ta’an witu en tampa eng kupes i ti’i limentuti eng kesa puti’ ka’apa en sela’auw e puti’ bamea-mea’, e lewo’ sa reiy’ mouw sitou i ti’i kumiwee loo’onn ni imam. ²⁰Sa i ki’it e linoo’anna en sela’auw i ti’i em paloo’on lebe rarem ta’an eng kuli’ wo em berasinena mina roba mouw minamuali puti’, takar si imam si lewo sa reiy’ mapaloo’o-loo’o’la sitoui ti’i si makari’irisen, karengan e rumara lepra mouw e limentuti witu eng gorem eng kupes i ti’i.²¹Ta’an sa wona’na en sela’auw i ti’i loo’on ni imam wo kaloo’ala reiy’la siwerasin puti’ wia nisia, wo e reiy’ lebe rarem waki kuli’, awes tare e limosi’, imam si lewo sa reiy’ kumalero sitou i ti’i pitu nga endo eng keurena. ²²Wo sa wona’na en sela’auw i ti’i memang makere witu eng kuli’, imam si lewo’ sa reiy’ mapaloo’o-loo’o’la nisia si makari’irisen; ni’itu e rumara lepra. ²³Ta’an sa wona’na en sela’auw i ti’i e minena-ena’te woreiy’ makere, takar ni’itu em balulang eng kupes, wo si imam si lewo’sa reiy’ mapaloo’o-loo’ola sitou i ti’i si lenas.²⁴Ka’apa sakawisa witu eng kuli’ niesa nga touan wawean linup karengan e napi wo e le’ona siru limentut witu e linup i ti’i minamuali sela’auw puti’ bamea-mea ka’apa puti’, ²⁵takar si imam si lewo’ sa reiy’ lumoo’ en sela’auw i ti’i; sa kaloo’ala em berasin witu en sela’auw i ti’i minaroba minamuali puti’ wo en sela’auw i ti’i em paloo’ola lebe rarem waki kuli’, takar e limentut witu eng gorem e linup i ti’i nyi’a mouw e rumara lepra, wo si imam si lewo sa reiy’ mapaloo’o-loo’o’la sitou i ti’i si makari’irisen; ni’itu e rumara lepra.²⁶Ta’an sa wona’na i ki’it linoo’anna e reiy’la witu en sela’auw i ti’i em berasin puti’ wo en sela’auw i ti’i e reiy’ lebe rarem waki kuli’, awes tare e limosi’, imam si lewo’ sa reiy’ kumalero sitou i ti’i pitu nga endo eng keurena. ²⁷Witu nendo kapitu imam si lewo’ sa reiy’ lumoo’ kasi nisia; sa wona’na en sela’auw i ti’i e memang makere witu eng kuli’, takar e lewo’ sa reiy’ mouw si imam mapaloo’o-loo’ola nisia si makari’irisen, ni’itu e rumara lepra. ²⁸Ta’an sa wona’na en sela’auw i ti’i e minena-ena’te wo reiy’ makere witu eng kuli’, awes tare e limosi’, takar ni’itu eng kesa linup wo si imam si lewo’ sa reiy’ mapaloo’o-loo’ola nisia si lenas, karengan ni’itu em balulang e linup.²⁹Sakawisa siesa tuama ka’apa wewene maka’ato rumara witu eng kokong ka’apa witu en sokom, ³⁰imam si lewo’ sa reiy’ lumoo’ e rumara i ti’i; sa i tu paloo’ola lebe rarem waki kuli’, wo wawean witu nyi’a em bu’uk alus eng kunir, takar si imam si lewo’ sa reiy’ mapaloo’o-loo’ola sitou i ti’i si makari’irisen, karengan ni’itu eng kudis eng kokong, nyi’a i yi’i lepra eng kokong ka’apa lepra en sokom.³¹Wo sakawisa i ki’it linoo’anna e rumara kudis i ti’i reiy’ paloo’ola lebe rarem waki kuli’ wo reiy’la witu nyi’a em bu’uk item, takar si imam si lewo’ sa reiy’ kumalero sitou tinena’ e rumara kudis i ti’i pitu nga endo eng keurena.³²Witu nendo eng kapitu imam si lewo’ sa reiy’ lumoo’ e rumara i ti’i; sa kaloo’ala eng kudis i ti’i e reiy’ makere wo reiy’la e wu’uk kunir witu nyi’a, wo eng kudis i ti’i reiy’ paloo’ola lebe rarem waki kuli’, ³³takar sitou i ti’i si lewo’ sa reiy’ sumukur, en tampa i te eng kudis i ti’i e reiy’ toro sukurenna. O laa si imam si lewo’ sa reiy’ kumalero sitou tinena’ eng kudis i ti’i i wee eng karuana pitu nga endope’ kasi.³⁴Kamurian witu nendo eng kapitu imam si lewo’ sa reiy’ lumoo’ kasi eng kudis i ti’i; sa kaloo’ala, eng kudis i ti’i reiy’ makere witu eng kuli’, wo reiy’ paloo’ola lebe rarem waki kuli’, takar si imam si lewo’ sa reiy’ mapaloo’o-loo’ola sitou i ti’i si lenas, wo nisia si lewo’ sa reiy’ moas e labungna wo sia mamuali lenas.³⁵Ta’an sa wona’na eng kudis i ti’i memang makere witu eng kuli’, nu reiy’ mouw nisia neiy i papaloo’o-loo’ola lenas, 36 ³⁶wo i ki’it e linoo’’an ni imam eng kudis i ti’i makere witu eng kuli’, takar si imam si reiy’ mouw perlu kasi sumero em bu’uk kunir, memang sitou i ti’i si makari’irisen. ³⁷Ta’an sa wona’na i ki’it linoo’an ni imam eng kudis i ti’i e minena-ena’te, wo wawean wu’uk item en timou witu eng kudis i ti’i, takar eng kudis i ti’i e minale’osouw, wo sitou i ti’i si lenas, wo si imam si lewo’ sa reiy’ mapaloo’o-loo’ola nisia si lenas.³⁸Sakawisa witu eng kuli’ niesa tuama ka’apa wewene wawean sela’auw-sela’auw, nyi’a i yi’i en sela’auw-sela’auw puti’, ³⁹imam si lewo’ sa reiy’ lumoo’ola; sa kaloo’ala witu eng kuli’na wawean sela’auw-sela’auw limosi’ wo em puti’, takar eng kerotar i te e limentut witu eng kuli’na, wo sitou i ti’i si lenas.⁴⁰Sakawisa em bu’uk eng kokong niesa tuama mera’aragh, wo nisia si minaro’opong i te, nisia si lenas. ⁴¹Sa wona’na em bu’ukna mera’aragh witu esa nga weka saruanna, wo sia maro’opong esa nga weka saruan, nisia si lenas.⁴²v 42 Ta’an sakawisa witu eng kokong e ro’opong i ti’i, esa nga weka atas ka’apa esa nga weka saruan, wawean rumara em puti’ bamea-mea, takar e rumara lepra mouw e limentut witu em beteng eng kokong ro’opong i ti’i. ⁴³O laa si imam si lewo’ sa reiy’ lumoo’ nisia; sa kaloo’ala kaa eng kesa witu em beteng eng kokong ro’opong i ti’i em puti’ bamea-mea’ wo paloo’ola nyi’a tanu e lepra witu eng kuli’, ⁴⁴takar sitou i ti’i si rara’an lepra, wo nisia si makari’irisen, karengan e rumara witu eng kokongna i ti’i.⁴⁵Sitou rara’an lepra si lewo’ sa reiy’ lumabung eng kurensang-kurensang, bu’ukna neiy i kea’awar wo kasi nisia si lewo’ sa reiy’ tumutuwla eng giona kasuatan mengale-ngaleiy: Makari’irisen! Makari’irisen! ⁴⁶Kaurean sia nu tinena’ e rumara i ti’i, nisia si minena-ena’ makari’irisen; memang nisia si makari’irisen; nisia si lewo’ sa reiy’ mena’ neiy i kasea’, witu luar em pedasingan ni’itu mouw en tampa paena’anna.⁴⁷Sakawisa witu labung wawean kowa’ lepra, witu labung wu’uk ni domba ka’apa labung lenan, ⁴⁸andi witu em banaang minepelabot ka’apa em banaang timilawana, andi witu eng kuli’ ka’apa e nesa barang kuli’, ⁴⁹– sa eng kowa’ witu em barang-barang i ti’i em bamea-mea’ mouw eng keliurna, takar ni’itu e lepra – eng kapualitan i ti’i e lewo’ sa reiy’ i papaloo’ wia si imam.⁵⁰Sa eng kowa’ i ti’i e linoo’o mola ni imam, nisia si lewo’ sa reiy’ sumea’la si makapunya eng kowa’ i ti’i pitu nga endo eng keurena. ⁵¹Witu nendo kapitu nisia si lewo’ sa reiy’ lumoo’ eng kowa’ i ti’i kasi; sakawisa eng kowa’ i ti’i eng kimere witu labung ka’apa em banaang minepelabot ka’apa em banaang timilawa ka’apa witu eng kuli’, andi i wee em barang sapa tu’u eng kuli’ i ti’i pinake, takar ni’itu nyi’a mouw e lepra lewo’ kasa, wo em barang i ti’i e makari’irisen. ⁵²Nisia si lewo’ sa reiy’ tumunu em barang-barang wawean kowa’ i ti’i, karengan ni’itu e lepra lewo’ kasa; em barang-barang e lewo’ sa reiy’ tunun ma’apu.⁵³Ta’an sa wona’na i ki’it e linoo’an ni imam eng kowa i ti’i e reiy’ kimere witu em barang-barang i ti’i, ⁵⁴takar si imam si lewo’ sa reiy’ merentala tou moas em barang wawean kowa’ i ti’i, o laa nisia lewo’ sa reiy’ sumea’la nyi’a pitu nga endo kasi i wee eng karuana. ⁵⁵Kamurian nu reiy’ mouw em barang i ti’i nu nioasan, imam si lewo’ sa reiy’ lumoo’ eng kowa’ i ti’i kasi; sa kaloo’ala rupa eng kowa’ i ti’i e reiy’ minaroba, ma’anouw tu’u reiy’ kimere, takar em barang i ti’i e makari’irisen, wo koo lewo’ sa reiy’ tumunu nyi’a ma’apu, karengan eng kowa’ i ti’i e mekeraremola witu esa nga weka muri ka’apa esa nga weka saruan.⁵⁶Wo sa wona’na i ki’it linoo’an ni imam eng kowa’ i ti’i e limosi’ mouw ni’itu nu nioasanola, takar nisia si lewo’ sa reiy’ kumurensangi nyi’a waki barang-barang i ti’i. ⁵⁷Ta’an sa wona’ eng kowa’ i ti’i kaloo’an kangkasi witu em barang-barang i ti’i, takar ni’itu e lepra kasuatan malentut; em barang wawean eng kowa i ti’i, e lewo’ sa reiy’ mouw tununnu ma’apu. ⁵⁸Ta’an em barang-barang nioasannu mola, i ka’ayo eng kowa’ i ti’i e minere’i momi witu nyi’a, e lewo’ sa reiy’ mouw oasan i wee eng karuana, tare mouw mamuali lenas.⁵⁹Ni’itu mouw nukum en tanume e lepra em bitu labung wu’uk ni domba ka’apa lenan ka’apa witu em banaang minepelabot ka’apa witu em banaang timilawa ka’apa witu en susur em barang kuli’ kaa laa mapaloo’o-loo’ola e lenas ka’apa e makari’irisenna.”

¹TUHAN minee nuwu’ wia si Musa: ²“Nyi’i mouw e lewo’ sa reiy’ mamuali ukum en tanume sitou rara’an lepra witu nendo linenasan nisia: nisia si lewo’ sa reiy’ alin wia si imam,³wo si imam si lewo’ sa reiy’ mea witu luar em pedasingan; sa i ki’it linoo’an ni imam e rumara lepra i ti’i minale’osomi waki nisia, ⁴takar si imam si lewo’ sa reiy’ merentala, rio i wee sitou si laa pelelenasen i ti’i edoni se rua nga ipus wara matou-tou wo se toro kaanen, o kangkasi eng kayu aras, roko’ kirmizi wo em pepi’ipik. ⁵Imam si lewo’ sa reiy’ merentala rio si wara esa nga ipus si reretan witu natas eng kure’ pinumpunan rano maso’oso’.⁶Ta’an si wara matou-toupe’ si lewo’ sa reiy’ mouw edonna mewali-wali ampit eng kayu aras, roko’ kirmizi wo em pepi’ipik, o laa mewali-wali ampit si wara i ti’i em baya nyi’a e lewo sa reiy’ i sosouwna mea witu eng gorem en daa’ ni wara si rineretanola witu natas en dano maso’oso’ i ti’i. ⁷Kamurian nisia si lewo’ sa reiy’ mi’ipik maka pitu wia sitou si laa pelelenaseni waki lepra i ti’i wo ampit en tuana limenasla nisia, o laa si wara matou-tou i ti’i si lewo’ sa reiy’ mouw i wayana mea waki patar.⁸Tou si laa pelelenasen i ti’i si lewo’ sa reiy’ mouw moas e labungna, sumukur minapekasa em bu’ukna wo moas nouwakna ampit en dano, takar nisia si minamuali lenas. Nu reiy’ mouw i tu nisia si toro mouw ghumorem mea witu eng gorem em pedasingan, ta’an si lewo’ sa reiy’ mena’ witu luar en dasingna nuesa pitu nga endo eng keurena. ⁹Takar witu nendo eng kapitu nisia si lewo’ sa reiy’ sumukur minapekasa em bu’ukna: wu’uk eng kokong, sokom, alis, awes tare e reiy’ sa mina’asa em berasinena e lewo’ sa reiy’ sukuren, labungna e noasan, wo nouwakna e noasan ampit en dano; takar nisia si minamuali lenas.¹⁰Witu nendo kauwalu nisia si lewo’ sa reiy’ medo se rua nga ipus domba raghar se reiy’ sisering wo siesa nga ipus domba mereiy makaumur esa nge te’un si reiy’ sisering wo en telu esa nga mapulu’ efa topong kasa le’os siniwo ampit e lana tanume en tetule sesakeiy, ma’an e nesa log lana. ¹¹Imam si metetuanala em pelenasan i ti’i si lewo’ sa reiy’ tumampala sitou si laa pelelenasen mewali-wali ampit en sesempena witu en sinaru ni TUHAN witu en saruan pepalen en Dasing Pinasungkulan.¹²Wo nisia si lewo’ sa reiy’ medo si domba raghar si esa nga ipus wo manginsempela nisia tanume en tetubuus en selok mewali-wali ampit e lana esa log i ti’i, wo nisia si lewo’ sa reiy’ manginsempela nyi’a tanume en sesempe i patuu’ witu en sinaru ni TUHAN. ¹³Domba raghar i ti’i si lewo’ sa reiy’ reretanna witu en tampa ne tou mareret en tetule pare’i en dosa wo en tetule tinunu, witu en tampa kudus, karengan en tetule tetubuus en selok, tuanakan kangkasi en tetule pare’i en dosa, nyi’a mouw em beteng ni imam; ni’itu mouw em beteng kasa kudus.¹⁴Imam si lewo’ sa reiy’ medomi toyo’ waki raa’ tetubuus en selok i ti’i wo si lewo’ sa reiy’ lumamur’la nyi’a witu eng kekenengan en talinga lele’os ni tou si laa pelelenasen wo witu em bewangko’ lawas lele’os wo witu em bewangko’ ne’ana lele’os. ¹⁵Imam si lewo’ sa reiy’ medomi toyo’ waki lana esa log i ti’i wo tumoa’la witu em palarna lawas kawii ni imam nuesa; ¹⁶nisia si lewo’ sa reiy’ sumosouwla en tetudu’ lele’osna witu e lana em bitu em palarna lawas kawiina i ti’i wo en toyo’ waki lana i ti’i e lewo’ sa reiy’ mouw i pi’ipiknala ampit en tetudu’na maka pitu witu en sinaru ni TUHAN.¹⁷Waki lana esa nga kalebena imam si lewo’ sa reiy’ lumamur’la toyo’ witu en talinga lele’os ni tou i ti’i, witu em bewangko’ lawas lele’osna wo witu em bewangko’ ne’a lele’osna, witu en tampa wisa en daa’ tetubuus en selok neiy i lamur’la. ¹⁸Wo sapa en timele’u waki lana i ti’i e lewo’ sa reiy’ mouw i lamur’la witu eng kokong ni tou si laa pelelenasen. Ampit en tuana imam si simiwola pale’osan i wee sitou i ti’i witu en sinaru ni TUHAN.¹⁹Imam si lewo’ sa reiy’ manginsempela en tetule’ pare’i en dosa wo ampit en tuana si simiwola pale’osan i wee sitou si laa pelelenaseni waki makari’irisenna, wo nu reiy’ mouw i tu nisia si lewo’ sa reiy’ rumeretla tetule tinunu. ²⁰Kamurian si imam si lewo’ sa reiy’ manginsempela en tetule tinunu wo en tetule sesakeiy witu natas e mezbah. Ampit en tuana si imam si simiwola pale’osan i wee sitou i ti’i, takar nisia si minamuali lenas.²¹Ta’an sa wona’na sitou i ti’i sitou lengeiy wo reiy’ makawoo, nisia si lewo’ sa reiy’ medo domba raghar esa nga ipus i te tanume en tetubuus en selok i wee en sesempe i patuu’, rio siwoala pale’osan i wee sitou i ti’i, o kangkasi esa nga mapulu’ efa topong kasa le’os siniwo ampit e lana i wee en tetule sesakeiy. Wo e nesa log lana. ²²Wo kasi se rua nga ipus wara wukur ka’apa se rua nga ipus wara pombo i ki’it eng kawooanna, siesa nga ipus si lewo’ sa reiy’ mamuali tetule pare’i en dosa wo siesa nga ipus kasi si mamuali tetule tinunu. ²³Witu nendo kauwalu nisia si lewo’ sa reiy’ mali em baya nyi’a i wee em pelelenasan nisia wia si imam, witu en saruan em pepalen en Dasing Pinasungkulan, witu en sinaru ni TUHAN.²⁴Kamurian si imam si lewo’ sa reiy’ medo domba tetubuus en selok wo e lana esa log i ti’i, o laa si imam si lewo’ sa reiy’ manginempela em baya nyi’a tanume en sesempe i patuu’ witu en sinaru ni TUHAN. ²⁵Nisia si lewo’ sa reiy’ rumeret si domba tetubuus en selok wo si imam si lewo’ sa reiy’ medomi toyo’ waki raa’ tetubuus en selok i ti’i wo lumamur’la nyi’a witu eng kekenengan en talinga lele’os ni tou i ti’i wo witu em bewangko’ lawas lele’os wo em bewangko’ ne’a lele’osna.²⁶Wo si imam si lewo’ sa reiy’ tumoa’mi toyo’ waki lana i ti’i witu em palarna e lawas kawiina nuesa, ²⁷o laa en toyo’ waki lana i ti’i e lewo’ sa reiy’ mouw i pi’ipikla ni imam ampit en tetudu’ lele’osna maka pitu witu en sinaru ni TUHAN.²⁸Kamurian si imam si lewo’ sa reiy’ lumamuri toyo waki lana i ti’i witu eng kekenengan en talinga lele’os waki sitou si laa pelelenasen, witu em bewangko’ lawas lele’osna wo witu em bewangko’ ne’a lele’osna, witu en tampa wisa linamurala en daa’ tetubuus en selok i ti’i. ²⁹Wo e lana esa nga kalebena e lewo’ sa reiy’ mouw i lamurna witu eng kokong ni tou si laa pelelenasen, rio siwoala pale’osan i wee sitou i ti’i witu en sinaru ni TUHAN.³⁰O laa nisia si lewo’ sa reiy’ manginsempela siesa nga ipus waki se rua wara wukur ka’apa sioki’ ni wara pombo, si niali ni tou i ti’i i ki’it eng kaawooanna, ³¹siesa nga ipus tanume si tetule pare’i en dosa wo siesa nga ipus kasi tanume si tetule tinunu, witu esa nga weka en tetule sesakeiy. Ampit en tuana si imam si simiwola pale’osan i wee sitou si laa pelelenasen witu en sinaru ni TUHAN. ³²Ni’itu mouw nukum en tanume em pelelenasan siesa tou si tinena’ lepra si reiy’ makawoo.”³³TUHAN minee nuwu’ wia si Musa wo si Harun: ³⁴“Sakawisa kouw ghumorem waki tana’ Kana’an e laa-Ku i peweweela wia nikoo mamuali kapunya’annu wo Niaku ku mapa eiy eng kowa’ lepra witu nesa wale waki wanua kapunya’annu i ti’i, ³⁵takar si mekewale i ti’i si lewo’ sa reiy’ meiy makite’ula nyi’a wia si imam: Wawean paloo’ola tanu eng kowa’ lepra waki waleku.³⁶Takar si imam si lewo’ sa reiy’ merentala rio em bale i ti’i e reiy’la sipumpun, nu reiy’pe’ nisia nu meiy lumoo’ eng kowa’ lepra i ti’i, rio te’a mamuali makari’irisen e reiy’ sa mina’asa em bitu eng gorem em bale i ti’i, wo nu reiy’ mouw i tu tare mouw i te meiy si imam kaa laa meleloo’ nyi’a. ³⁷Sa i ki’it e linoo’anna eng kowa witu eng kedir em bale i ti’i en tanula e lewong-lewong baliso-lisouw ka’apa bamea-mea’ eng keliurna, em paloo’ola lebe rarem ta’an en saruanna eng kedir i ti’i, ³⁸imam si lewo’ sa reiy’ rumou’mi waki wale i ti’i, laa o rumedeiy witu en saruan em pepalen em bale, wo kumusi’ em bale i ti’i pitu nga endo eng keurena.³⁹Witu nendo kapitu imam si lewo’ sa reiy’ meiy sumoup; sa i ki’it e linoo’anna eng kowa’ lepra i ti’i eng kimere mouw witu eng kedir em bale i ti’i, ⁴⁰takar si imam si lewo’ sa reiy’ merentala rio se tou tumu’il em batu-batu tinena’ eng kowa’ i ti’i wo tumea’ nyi’a mea waki luar eng kota mea waki e nesa tampa makari’irisen.⁴¹Wo nisia si lewo’ sa reiy’ kumi’ikis em bale i ti’i esa nga weka ghorem makaledong, wo eng ki’ikisan en spesi i ti’i e lewo’ sa reiy’ mouw i wu’uwusla mea waki luar eng kota mea waki e nesa tampa makari’irisen. ⁴²Wo se tou se lewo’ sa reiy’ medo em batu-batu walina, laa o maas nyi’a tanume en sawel em batu-batu ketare, wo lewo’ sa reiy’ medo en spesi walina wo sumepesi em bale i ti’i.⁴³Ta’an sa wona’na eng kowa’ i ti’i e lumentut kasi witu eng gorem em bale i ti’i, nu reiy’ mouw em batu-batuna nu tinu’il wo nu reiy’ mouw em bale i ti’i nu kini’ikis, awes tare nu reiy’ mouw en sinepesila kasi, ⁴⁴wo sa si imam si meiy wo i ki’it e linoo’anna eng kowa’ i ti’i eng kimere witu eng gorem em bale, takar e lepra lela’ mouw em bitu eng gorem em bale i ti’i, wo em bale’ i ti’i e makari’irisen.⁴⁵Em bale i ti’i e lewo’ sa reiy’ mouw robe’en, nyi’a i yi’i em batuna, eng kayuna wo e reiy’ sa mina’asa en spesi em bale i ti’i, laa o alin em baya nyi’a mea waki luar eng kota waki e nesa tampa makari’irisen. ⁴⁶Wo sitou ghumorem mea witu eng gorem em bale i ti’i eng keurean em bale i ti’i pinenet, si mamuali makari’irisen i ka’ayo siendo nu tumenem. ⁴⁷Wo sitou si tumekel witu eng gorem em bale i ti’i si lewo’ sa reiy’ mouw moas e labungna; tuanakan kangkasi sitou si kumaan witu eng gorem em bale i ti’i si lewo’ sa reiy’ mouw moas e labungna.⁴⁸Ta’an sa wona’na si imam si meiy wo i ki’it e linoo’anna eng kowa’ i ti’i e reiy’ kimere witu eng gorem em bale i ti’i, nu reiy’ mouw en sinepesila, takar si imam si lewo’ sa reiy’ mouw mapaloo’o-loo’ola em bale i ti’i e lenas, karengan eng kowa’ i ti’i neiy mouw i kaliong.⁴⁹Kamurian, kaa laa melelenasla em bale i ti’i, e lewo’ sa reiy’ mouw sia medo se rua nga ipus wara, kayu aras, roko’ kirmizi wo em pepi’ipik. ⁵⁰Wara siesa nga ipus si lewo’ sa reiy’ mouw reretenna witu natas eng kure’ pinumpunan rano maso’oso’. ⁵¹Laa o sia lewo’ sa reiy’ medo eng kayu aras wo em pepi’ipik, roko’ kirmizi wo si wara matou-toupe’ i ti’i wo sumosouwla em baya nyi’a witu eng gorem en daa’ ni wara rineretanola wo witu eng gorem en dano maso’oso’ i ti’i, kamurian nisia si lewo’ sa reiy’ mi’ipik witu em bale i ti’I makapitu.⁵²Ampit en tuana nisia si lewo’ sa reiy’ lumenasla em bale i ti’i ampit en daa’ ni wara, rano maso’oso’, si wara matou’tou, kayu aras, pepi’ipik, wo e roko’ kirmizi. ⁵³Wo si wara matou-tou i ti’i si lewo’ sa reiy’ i wayanala mea waki luar eng kota waki patar. Ampit en tuana nisia si simiwola pale’osan i wee em bale i ti’i, takar em bale i ti’i minamuali lenas.⁵⁴Ni’itu mouw nukum en tanume susur e rumara lepra, kudis eng kokong, ⁵⁵tanume e lepra witu e labung wo em bale’ 56 ⁵⁶tanume eng kesa, lenup-lenup wo en sela’auw, ⁵⁷kaa laa mewewee teturu’ witu eng kapualitan makari’irisen ka’apa witu eng kapualitan lenas; ni’itu mouw nukum en tanume e lepra.”

¹TUHAN minee nuwu’ wia si Musa wo si Harun: ²“Sumusuiy mouw wia se tou Israel wo i lila’la wia nisea: Sakawisa e mekeirangen ni esa tuama maro’umi tiisan, takar makari’irisenouw sia karengan en tiisan i ti’i. ³Teinti’i mouw eng kari’irisanna minato’orongan ampit en tiisanna i ti’i: sa e mekeirangenna mayala en tiisanna i ti’i sumo’oso’, ka’apa sa e mekeirangenna tumaang nyi’a, i ka’ayo reiy’ rimou’mi tiisanna, takar ni’itu mouw e makari’irisenna.⁴Susur en tetekelan, tinekelan ni tou si marou’mi en tiisanna i ti’i si mamuali makari’irisen, wo susur em barang rinuberannala e mamuali makari’irisen kangkasi. ⁵Susur tou si tumena’ wia en tampa patekelanna si lewo’ sa reiy’ mouw moas e labungna, moas e nouwakna ampit en dano wo nisia si mamuali makari’irisen i ka’ayo siendo nu tumenem.⁶Seiy si rumuber witu natas em barang rinuberanola ni tou tuana si lewo’ sa reiy’ mouw moas e labungna, moas e nouwakna ampit en dano, wo nisia si mamuali makari’irisen i ka’ayo siendo nu tumenem. ⁷Seiy si tumena’ wia nouwak ni tou tuana, si lewo’ sa reiy’ mouw moas e labungna, moas e nouwakna ampit en dano wo nisia si minamuali makari’irisen i ka’ayo siendo nu tumenem.⁸Sakawisa sitou tuana rumura’la sitou lenas, e lewo’ sa reiy’ mouw sitou i yi’i moas e labungna, moas e nouwakna ampit en dano wo nisia si mamuali makari’irisen i ka’ayo siendo nu tumenem. ⁹Wo susur en sesakean rinuberala ni tou tuana e mamuali makari’irisen.¹⁰Susur tou si tumena’ wia e nesa tinampa’ala ni tou eng ketare si mamuali makari’irisen i ka’ayo siendo nu tumenem. Seiy si minopo nisia, si lewo’ sa reiy’ mouw moas e labungna, moas e nouwakna ampit en dano wo nisia si mamuali makari’irisen i ka’ayo siendo nu tumenem. ¹¹Wo susur tou si tumena’ witu sitou tuana, kasuatan sitou i yi’i si reiy’ minoas lawas rerior ampit en dano, si lewo’ sa reiy’ mouw moas e labungna, moas e nouwakna ampit en dano wo nisia si mamuali makari’irisen i ka’ayo siendo nu tumenem. ¹²Sa sitou i ti’i si tumena’ witu eng kure’, ni’itu e lewo’ sa reiy’ mouw pete’enla, wo susur em pakakas eng kayu e lewo’ sa reiy’ mouw oasan ampit en dano.ampit en dano. ¹³Sakawisa sitou tuana si weresi mouw waki tiisanna, nisia si lewo’ sa reiy rumeken pitu nga endope’ kasi kaa laa toro i papaloo’o-loo’ola lenas, laa o moas e labungna, moas e nouwakna ampit en dano maso’oso’, takar nisia si minamuali lenas. ¹⁴Witu nendo kauwalu nisia si lewo’ sa reiy’ medo se rua nga ipus wara wukur ka’apa se rua nga ipus oki’ ni wara pombo, wo meiy witu en sinaru ni TUHAN, witu em pepalen en Dasing Pinasungkulan, wo sumarakan se wara-wara i ti’i wia si imam. ¹⁵O laa si imam si lewo’ sa reiy’ manginsempela nyi’a, siesa nga ipus tanume en tetule pare’i en dosa wo siesa nga ipus kasi si tanume en tetule tinunu. Ampit en tuana si imam si simiwola pale’osan i wee sitou i ti’i witu en sinaru ni TUHAN karengan en tiisanna.¹⁶Sakawisa siesa tuama neiy’ i katoa’ e mani’na, nisia si lewo’ sa reiy’ moas e minapekasa nouwakna ampit en dano wo nisia si mamuali makari’irisen i ka’ayo siendo nu tumenem. ¹⁷Susur labung wo susur eng kuli’, eng kinatoa’an e mani’ i ti’i, e lewo’ sa reiy’ mouw oasan ampit en dano wo mamuali makari’irisen i ka’ayo siendo nu tumenem. ¹⁸O kangkasi siesa wewene, sa siesa tuama tumekel ampit nisia ampit wawean toa’an e mani’, takar nisea nu rua se lewo’ sa reiy’ moas e nouwakna ampit en dano wo nisea se mamuali makari’irisen i ka’ayo siendo nu tumenem.¹⁹Sakawisa siesa wewene rumou’mi en tiisan, wo en tiisan i ti’i nyi’a mouw en daa’ waki mekeirangenna, nisia si lewo’ sa reiy’ pitu nga endo eng keurena witu eng kewur e roko’na, wo susur tou si tumena’ witu nyi’a, si mamuali makari’irisen i ka’ayo siendo nu tumenem. ²⁰E reiy’ sa mina’asa wo’o sapa en tinekelanna keurean nisia nu kewur e roko’ e mamuali makari’irisen. Wo e reiy’ sa mina’asa wo’o sapa e ruberanna e mamuali makari’irisen kangkasi.²¹Susur tou si tumena’ wia en tetekelan ni wewene i ti’i si lewo’ sa reiy’ mouw moas e labungna, moas e nouwakna ampit en dano nisia si mamuali makari’irisen i ka’ayo siendo nu tumenem. ²²Susur tou si tumena’ wia e nesa barang rinuberala ni wewene i ti’i si lewo’ sa reiy’ mouw moas e labungna, moas en tou ampit en dano wo nisia si mamuali makari’irisen i ka’ayo siendo nu tumenem. ²³O kangkasi witu nedo nisia nu tumena’ witu e wo’o sapa em bitu en tetekelan ka’apa witu natas em barang rinuberala ni wewene i ti’i, nisia si mamuali makari’irisen i ka’ayo siendo nu tumenem.²⁴Sa wona’na siesa tuama tumekel ampit si wewene i ti’i, wo sia tena’an eng kewur e roko’ ni wewene i ti’i, takar nisia si mamuali makari’irisen eng kaurean pitu nga endo, wo susur en tetekelan tinekelanna e mamuali makari’irisen kangkasi.²⁵Sakawisa siesa wewene manga endo-endo eng keurena maro’umi tiisan, nyi’a i yi’i en tiisan en daa’ reiy’ witu nedo eng kewur e roko’na, ka’apa sakawisa sia maro’umi en tiisan lebe ure waki edo eng kewur e roko’na, takar eng keurean en tiisan e makari’irisen i ti’i si wewene i ti’i nyi’a mouw si tanu witu nendo-nendo eng kewur e roko’na, nyi’a i yi’i si makari’irisen. ²⁶Susur en tetekelan tinekelanna, eng keurean nisia nu maro’umi en tiisan, e lewo’ sa reiy’ mouw i wee nisia tanu en tetekelan witu nedo eng kewur e roko’na wo susur em barang rinuberannala e mamuali makari’irisen masuat tanu eng kemakari’irsen eng kewur e roko’na. ²⁷Susur tou si tumena’ wia em barang-barang i ti’i si mamuali makari’irisen, wo nisia si lewo’ sa reiy’ moas e labungna, moas e nouwakna ampit en dano, wo nisia si mamuali makari’irisen i ka’ayo siendo nu tumenem.²⁸Ta’an sa wona’na si wewene i ti’i si lenasouw waki tiisanna, nisia si lewo’ sa reiy’ rumeken pitu nga endope’ kasi, nu reiy’ mouw i tu tare mouw sia minalenas. ²⁹Witu nendo kauwalu nisia si lewo’ sa reiy’ medo se rua wara wukur ka’apa se rua oki’ ni wara pombo wo mali nyi’a wia si imam waki pepalen en Dasing Pinasungkulan. ³⁰Imam si lewo’ sa reiy’ manginsempela siesa nga ipus tanume si tetule pare’i en dosa wo siesa nga ipus kasi tanume si tetule tinunu. Ampit en tuana si imam si simiwola pale’osan i wee sitou i ti’i witu en sinaru ni TUHAN, karengan en tiisanna e makari’irisen i ti’i.³¹Tuana mouw kouw lewo’ sa reiy’ lumiseiyi se tou Israel waki kemakari’irisenna, rio sea te’a mate witu eng kemakari’irisenna, sa sea memakari’irisenla en Dasing Lenas-Ku em bitu eng keuneran nea i ti’i.”³²Ni’itu mouw nukum en tanume siesa tuama maro’umi tiisan ka’apa neiy i katoa’ e mani’na eng kimarenganla nisia makari’irisen, ³³wo en tanume siesa wewene si makakewur e roko’ wo en tanume siesa nga touan, le’os tuama ka’apa tu’u wewene, si maro’umi tiisan, wo en tanume si tuama timekel ampit si wewene makari’irisen.

¹Nu reiy’ mouw se rua oki’ ni Harun nu minate, e minamuali witu nedo nisea nu timawi mea witu en sinaru ni TUHAN, o mee mouw nuwu’ si TUHAN wia si Musa. ²E nuwu’ ni TUHAN wia nisia: “I lila’ mola wia si Harun, kaka’mu, rio sia te’a waya’an i te nedo megheghorem mea witu eng gorem en tampa kudus witu muri em peremel, mea witu en saruan em pepenet pale’osan em bitu natas en tabut rio te’a sia mate; karengan Niaku ku mapa’atola en tou witu linaak witu natas em pepenet pale’osan.³Teinti’i mouw eng kelelaa ni Harun megheghorem mea witu eng gorem en tampa kudus i ti’i, nyi’a i yi’i ampit maali siesa nga ipus sapi raghar sobor i wee en tetule pare’i en dosa wo siesa nga ipus domba raghar i wee en tetule tinunu. ⁴Nisia si lewo’ sa reiy’ makela kameja lenan eng kudus wo nisia si lewo’ sa reiy’ tumutuwla e mekeirangenna ampit en salana lenan wo nisia si lewo’ sa reiy’ make ne’ereten lenan wo kumulilitla reriker kokong e lenan; ni’itu mouw e labung kudus e lewo’ sa reiy’ pakenna, nu reiy’ mouw nisia nu minoas e nouwakna ampit en dano. ⁵Waki se umat Israel nisia si lewo’ sa reiy’ medomi se rua nga ipus membe’ raghar i wee en tetule pare’i en dosa wo siesa nga ipus domba raghar i wee en tetule tinunu.⁶Kamurian si Harun si lewo’ sa reiy’ manginsempela sapi raghar kaa laa mamuali tetule pare’i en dosa i wee nisia nuesa wo ampit en tuana nisia si simiwola pale’osan i wee nisia wo i wee se me’urangna. ⁷Nisia si lewo’ sa reiy’ medo se rua nga ipus membe’ raghar i ti’i wo tumampala nyi’a witu en sinaru ni TUHAN witu en saruan em pepalen en Dasing Pinasungkulan,⁸wo lewo’ sa reiy’ kumoba’ witu se rua membe’ raghar i ti’i, e nesa koba’ i wee si TUHAN wo e nesa i wee si Azazel. ⁹O laa si Harun si lewo’ sa reiy’ manginsempela membe’ raghar si tinena’ eng koba’ i wee si TUHAN i ti’i wo sumiwo nyi’a tanume en tetule pare’i en dosa. ¹⁰Ta’an si membe’ raghar tinena’ eng koba’ i wee si Azazel si lewo’ sa reiy’ mouw i tampala matou-tou witu en sinaru ni TUHAN kaa laa mesesiwola pale’osan, laa o i wayame i wee si Azazel mea waki patar kaerisan.¹¹Harun si lewo’ sa reiy’ manginsempela sapi raghar si laa mamuali tetule pare’i en dosa i wee nisia nuesa wo sumiwola pale’osan i wee nisia wo i wee se me’urangna; nisia si lewo’ sa reiy’ rumeret si sapi raghar i ti’i.¹²Wo nisia si lewo’ sa reiy’ medo em bewaa’an pinumpunan wuta em baana napi waki atas e mezbah witu en sinaru ni TUHAN, ma’an esa nga takur wuta e nukupan waki wewoun eng giniling i ka’ayo minarinte’na, laa o mali nyi’a ghumorem mea witu muri em peremel. ¹³Kamurian nisia si lewo’ sa reiy’ rumeta’la e nukupan i ti’i witu natas e napi em bitu en sinaru ni TUHAN, i ka’ayo nawun e nukupan i ti’i timutuwla em pepenet pale’osan em bitu natas nukum ni Empung, rio sia te’a mate.¹⁴O laa nisia si lewo’ sa reiy’ medomi toyo’ waki raa’ ni sapi raghar i ti’i wo mi’ipikla nyi’a ampit en tetudu’na witu natas em pepenet pale’osan witu em beteng en saruan, wo witu en saruan em pepenet pale’osan i ti’i nisia si lewo’ sa reiy’ mi’ipikla toyo’ waki raa’ i ti’i ampit en tetudu’na maka pitu.¹⁵O laa nisia si lewo’ sa reiy’ rumeret si domba raghar kaa laa mamuali tetule pare’i en dosa i wee se bangsa i ti’i wo mali en daa’na ghumorem mea waki muri em peremel, kamurian e lewo’ sa reiy’ mouw siwonna ampit en daa’ i ti’i tanu en siniwona ampit en daa’ ni sapi raghar, nyi’a i yi’i nisia si lewo’ sa reiy’ mi’ipikla nyi’a witu natas em pepenet pale’osan wo witu en saruan em pepenet pale’osan i ti’i. ¹⁶Ampit en tuana nisia si simiwola pale’osan i wee en tampa kudus i ti’i karengan e reiy’ sa mina’asa eng kemakari’irisen ne tou Israel wo karengan e reiy’ sa mina’asa kaselokan nea, sapa i te tu’u kangkasi en dosa nea. Tuana mouw e lewo’ sa reiy’ siwonna ampit en Dasing Pinasungkulan e minena-ena’ witu nelet nea witu eng keuneran e reiy’ sa mina’asa eng kemakari’irisen nea.¹⁷Siesa tou tu’u si reiy’ toro meiy witu eng gorem en Dasing Pinasungkulan, sa si Harun ghumorem kaa laa mesesiwola pale’osan witu en tampa kudus i ka’ayo sia rumou’mi, nu reiy’ mouw en simiwola pale’osan i wee nisia nuesa, i wee se me’urangna wo i wee se minapekasa jama’ah ne tou Israel. ¹⁸Kamurian e lewo’ sa reiy’ mouw sia mea waki luar waki mezbah em bitu en sinaru ni TUHAN, wo sumiwola pale’osan i wee e mezbah i ti’i. Nisia si lewo’ sa reiy’ medomi toyo’ waki raa’ ni sapi raghar wo waki raa’ ni domba raghar i ti’i wo lumamurla nyi’a witu en sunge-sunge e mezbah esa nga kaledongna. ¹⁹Kamurian nisia si lewo’ sa reiy’ mi’ipiki toyo’ waki raa’ i ti’i witu e mezbah i ti’i ampit en tetudu’na maka pitu wo lumenasla ma’an kumudusla nyi’a waki e reiy’ sa mina’asa eng kemakari’irisen ne tou Israel.²⁰Nu simampetouw en simiwola pale’osan i wee en tampa kudus wo en Dasing Pinasungkulan ma’an e mezbah, nisia si lewo’ sa reiy’ manginsempela membe’ raghar si matou-toupe’ i ti’i, ²¹wo si Harun si lewo’ sa reiy’ rumeta’la e rua lawasna witu natas eng kokong ni membe’ raghar si matou-tou i ti’i wo maakula witu natas eng kokong ni membe’ i ti’i e reiy’ sa mina’asa eng kaselokan ne tou Israel wo e reiy’ sa mina’asa e linangkoiy nea, sapa i te tu’u kangkasi en dosa nea; nisia si lewo’ sa reiy’ makitanggongla em baya nyi’a i ti’i mea witu natas eng kokong ni membe’ raghar i ti’i wo eng kamurian mayame nisia mea waki patar kaerisan ampit nieletan ni esa nga touan si kasa mouw timiro-tiro’ i wee ni’itu. ²²Tuana mouw si membe’ raghar i ti’i si lewo’ sa reiy’ mater e reiy’ sa mina’asa eng kaselokan ne Israel mea waki tana’ rese, wo si membe’ i ti’i si lewo’ sa reiy’ i wayala waki patar kaerisan.²³Nu reiy’ mouw i tu Harun si lewo’ sa reiy’ ghumorem mea witu eng gorem en Dasing Pinasungkulan wo mangkulela e labung lenan, em pinakena eng katoroan nisia nu ghimorem mea witu eng gorem en tampa kudus wo si lewo’ sa reiy’ tumele’umi nyi’a maname. ²⁴Nisia si lewo’ sa reiy’ moas e nouwakna ampit en dano witu e nesa tampa kudus wo makela e labungna nuesa, o laa nisia si lewo’ sa reiy’ rumo’umi wo manginsempela en tetule tinununa nuesa wo en tetule tinunu ne bangsa i ti’i; ampit en tuana nisia si simiwola pale’osan i wee nisia nuesa wo i wee se bangsa i ti’i.²⁵Kamurian nisia si lewo’ sa reiy’ tumunu em barewes en tetule pare’i en dosa witu natas e mezbah. ²⁶Takar sitou si mayala si membe’ raghar i wee si Azazel i ti’i si lewo’ sa reiy’ moas e labungna, moas e nouwakna ampit en dano wo nu reiy’ mouw i tu tare mouw toro ghumorem mea witu em pedasingan.²⁷Sapi raghar wo si membe’ raghar tetule pare’i en dosa, en daa’na niali mouw ghimorem kaa laa mesesiwola pale’osan witu eng gorem en tampa kudus, e lewo’ sa reiy’ alin rumo’umi waki pedasingan, wo eng kuli’na, le’ona wo en te’ina e lewo’ sa reiy’ tunun ma’apu. ²⁸Seiy si timunu em baya nyi’a i ti’i, si lewo’ sa reiy’ moas e labungna, moas e nouwakna ampit en dano wo nu reiy’ mouw i tu tare mouw toro ghumorem mea witu em pedasingan.²⁹Nyi’i mouw e lewo’ sa reiy’ mamuali katataapan kaa laa eng keure-urena i wee nikouw, nyi’a i yi’i witu en sumedot kapitu, witu en tanggal kamapulu’ sumedot ni’itu kouw lewo’ sa reiy’ kumumengla en tou ampit e moso wo te’a mouw kouw metetuanala e nesa pepa’ayangen, le’os se tou Israel tulen ka’apa tu’u se tou wo’oseiy se maena’ witu eng keunerannu. ³⁰Karengan witu nendo ni’itu e lewo’ sa reiy’ siwoala pale’osan i wee nikoo kaa laa melelenasla nikouw. Nikouw kouw laa lenaseni waki e reiy’ sa mina’asa en dosamu witu en sinaru ni TUHAN. ³¹Nendo ni’itu e lewo’ sa reiy’ mamuali sabat, nendo paasengan wuta, i wee nikoo wo nikouw kouw lewo’ sa reiy’ kumumengla en tou ampit e moso. Ni’itu mouw e nesa katataapan i wee eng keure-urena.³²Wo em pale’osan e lewo’ sa reiy’ siwon ni imam si ni’isu’ mola wo si pinopo mola kaa laa kumulu en jabatan imam sumawelela si ama’na; nisia si lewo’ sa reiy’ makela e labung lenan, nyi’a i yi’i e labung kudus. ³³Nisia si lewo’ sa reiy’ sumiwola pale’osan i wee en tampa kasa kudus, i wee en Dasing Pinasungkulan wo i wee e mezbah, o kangkasi em baya ne imam wo i wee se minapekasa bangsa i ti’i, nyi’a i yi’i se jema’ah i ti’i.³⁴Ni’itu mouw e lewo’ sa reiy’ mamuali katataapan i wee eng keure-urena i wee nikoo, rio mekasala esa nge te’un siwoala pale’osan i wee se tou Israel karengan e reiy’ sa mina’asa en dosa nea.” Takar si Harun si timuanala tanu neiy i perentala ni TUHAN wia si Musa.

¹TUHAN minee nuwu’ wia si Musa: ²“sumusuiy mouw wia si Harun wo wia se oki-oki’na wo wia se minapekasa tou Israel, wo i lila’la wia nisea: Nyi’i mouw e nuwu’ neiy i perentala ni TUHAN: ³Susur tou waki se kaum Israel si rimeret sapi ka’apa domba ka’apa membe’ witu eng gorem em pedasingan ka’apa witu luarna, ⁴ta’an si reiy’ minali nyi’a mea witu em pepalen en Dasing Pinasungkulan, kaa laa i pesesempela tanume en sesempe wia si TUHAN witu en saruan en Dasing Lenas ni TUHAN, eng kapualitan i ti’i e lewo’ sa reiy’ i rekenla wia sitou i ti’i tanume e nutang raa’, karengan nisia si timoa’ mola raa’, wo sitou i ti’i si lewo’ sa reiy’ mouw re’ini waki keuneran ne bangsana.⁵Maksutna rio se tou Israel se maali en tetule rineret nea, eng kenaramen i pasempe neala waki patar, wia si TUHAN waki pepalen en Dasing Pinasungkulan ampit sumarakanla nyi’a wia si imam, kaa laa i pesesempela wia si TUHAN tanume en tetule kelawiran. ⁶Imam si lewo’ sa reiy’ sumereuwla en daa’na witu e mezbah ni TUHAN witu en saruan em pepalen en Dasing Pinasungkulan wo tumunu em barewesna mamuali wou maka’aruiyen i wee si TUHAN.⁷Te’a mouw sea manginsempela kasi en tetule nea wia se jin-jin, karengan masempe se jin-jin i ti’i nyi’a mouw en sa’amek. Ni’itu mouw e lewo’ sa reiy’ mamuali katataapan i wee eng keure-urena i wee nisea see’ o see’.⁸Wo e lewo’ sa reiy’ mouw i lila’mula wia nisea: Susur tou waki se kaum Israel ka’apa waki se tou wo’oseiy se maena’ waki keuneran nea, si sumempela en tetule tinunu ka’apa en tetule rineret, ⁹ta’an si reiy’ minali nyi’a mea waki pepalen en Dasing Pinasungkulan rio i sempela wia si TUHAN, takar sitou i ti’i si lewo’ sa reiy’ mouw re’ini waki elet ne tou-tou esa nge bangsana.”

²

¹TUHAN minee nuwu’ wia si Musa: ²“Sumusuiy mouw wia se pakasa’an jema’ah Israel wo i lila’la wia nisea: Kudusouw kouw, karengan Niaku, TUHAN, Empungmu, kudus. ³Susur tou witu nelet miouw si lewo’ sa reiy’ mouw masighi’la si ina’na wo si ama’na wo malar e nendo-nendo sabat-Ku; Niaku mouw si TUHAN, Empungmu. ⁴Te’a mouw kouw melelenge witu em paepungen-paepungen wo te’a mouw koo mesesiwo i wee nikoo si dewa tinoa’; Niaku mouw si TUHAN, Empungmu.⁵Sakawisa kouw manginsempela en tetule kelawiran wia si TUHAN, nikouw kouw lewo’ sa reiy’ sumanginsempela nyi’a tuana, i ka’ayo si TUHAN si mepa’arla nikouw. ⁶Wo e lewo’ sa reiy’ mouw i tu kaanen witu nendo minanginsempela nyi’a ka’apa toro kangkasi witu nendo kawo’odoanna, ta’an sapa en timele’u i ka’ayo nendo katelu e lewo’ sa reiy’ mouw tunun ma’apu. ⁷Sa wona’na kaanen kangkasi witu nendo katelu, takar ni’itu minamuali e nesa e ri’iris wo si TUHAN si reiy’ mepa’arla sitou i ti’i. ⁸Seiy si kumaan nyi’a, si laa tumanggong eng kaselokanna nuesa, karengan nisia si limangkoiy mouw eng kakudusan en sesempe kudus em bia si TUHAN. E nyawa ni tou i ti’i e lewo’ sa reiy’ mouw re’ini waki elet ne tou-tou esa nge bangsana.⁹Witu nedo nikouw nu mupu’ em bua’na en tana’mu, te’a mouw koo sumampur em penguma’annu ma’apu-apula i ka’ayo witu li’ilikna, wo te’a mouw koo mepepuruti sapa en timele’u waki peupu’annu. ¹⁰O kangkasi en tele’u-tele’u em bu’ana nanggormu te’a mouw petetipu’unnu i wee eng karuana wo em bu’ana mangalelenta’ waki uma anggormu te’a mouw pepepurutennu, ta’an em baya nyi’a i ti’i e lewo’ sa reiy’ i tele’umula i wee se tou lengeiy wo i wee se tou wo’oseiy; Niaku mouw si TUHAN, Empungmu.¹¹Te’a mouw kouw mererongkit, te’a mouw kouw tumowo, wo te’a mouw kouw matowo siesa wia si kasuatna. ¹²Te’a mouw kouw matiwa’ en towo karengan e ngaran-Ku, rio koo te’a lumangkoiy eng kakudusan e ngaran ni Empungmu; Niaku mouw si TUHAN.¹³Te’a mouw koo mepeperas si kasuatmu en tou wo te’a mouw koo mekekaat; te’a mouw petetaangennu en tetoro ni esa tou memema’ayang esa nga endoan i ka’ayo nendo kawo’odoanna. ¹⁴Te’a mouw koo kumutokla sitou lunteng wo witu e rerior ni tou rapa te’a mouw koo mewewee watu kasu’usu’an, ta’an nikoo koo lewo’ sa reiy’ meide’la si Empungmu; Niaku mouw si TUHAN.¹⁵Te’a mouw koo sumiwo em biles witu em paadilan; te’a mouw koo merapit se tou lengeiy ampit e reiy’ kewaarna wo te’a mouw koo ka’ruiyan ne tou-tou wangko’, ta’an nikoo koo lewo’ sa reiy’ madilela se tou kasuatmu ampit eng kaulitan. ¹⁶Te’a mouw koo mea o meiy maabarla en sero’ witu nelet ne tou-tou esa nge bangsamu; te’a mouw koo me’iwet em patou-touan ni kasuatmu en tou; Niaku mouw si TUHAN.¹⁷Te’a mouw koo mereri’iris si patuarimu witu eng gorem e natemu, ta’an nikoo koo lewo’ sa reiy’ makaredeiy tumogor sitou kasuatmu wo te’a mouw koo mapa’eiy en dosa witu en toumu karengan nisia. ¹⁸Te’a mouw koo make’i en sesuli’, wo te’a mouw mawee dendam wia se tou-tou esa nge bangsamu, ta’an i te i koupusola si kasuatmu en tou tanukan en toumu nuesa; Niaku mouw si TUHAN.¹⁹Nikouw kouw lewo’ sa reiy’ tumiboiy witu eng katataapang-Ku. Te’a mouw i pekekawengla se rua nga ghioan papiaran wo te’a mouw pewewu’uwuran em penguma’annu ampit e rua nga ghioan tetanemen, wo te’a mouw mepepake e labung siniwo waki rua nga ghioan bahan.²⁰Sakawisa siesa tuama maesala nouwak ampit siesa wewene, nyi’a i yi’i siesa ata wewene si witu em bawa’ eng kuwasa ni tuama walina, ta’an si reiy’pe’ ma’an mekasa tinubuus wo si reiy’ kangkasi wineean en surat kowa’ merdeka, takar em pasiwo-siwon i ti’i e lewo’ sa reiy’ mouw ukumen; ta’an te’a mouw sea nu rua se ukumen paten, karengan si wewene i ti’i si reiy’pe’ minerdekala. ²¹Tuama i ti’i si lewo’ sa reiy’ mali en tetubuus en selokna wia si TUHAN witu em pepalen en Dasing Pinasungkulan, nyi’a i yi’i siesa nga ipus domba raghar tanume si tetule tetubuus en selok. ²²Imam si lewo’ sa reiy’ sumiwola pale’osan i wee sitou i ti’i ampit si domba raghar tetule tetubuus en selok witu en sinaru ni TUHAN, karengan en dosa siniwona mola, i ka’ayo sia maka’atomi ampungan waki dosana i ti’i.²³Sakawisa kouw ghimoremome witu em banua i ti’i wo tumanem minegheghioan akana em bu’a-wu’ana, te’a mouw koo metetipu’ em bu’ana eng keurean telu nge te’un wo te’a mekekaan nyi’a. ²⁴Ta’an witu en te’un kaepat e lewo’ sa reiy’ mouw e reiy’ sa mina’asa wu’ana e mamuali sesempe kudus tanume e lelo’or-lelo’or i wee si TUHAN. ²⁵Tare mouw witu en te’un kalima nikouw kouw toro kumaan em bu’ana, rio em bua’na e nawesan i wee nikoo; Niaku mouw si TUHAN, Empungmu.²⁶Te’a mouw koo mekekaan e wo’o sapa en daa’na em bitupe’. Te’a mouw koo matuanala en tebo ka’apa e wenti’. 27 ²⁷Te’a mouw kouw mesesukur li’ilik em bu’uk eng kokongmu wo te’a mouw koo meteterila li’ilik en sokommu. ²⁸Te’a mouw koo meghegha’arotla nouwakmu karengan sitou minate wo te’a mouw koo megheghoritla kowa’-kowa’ witu eng kuli’mu; Niaku mouw si TUHAN.²⁹Te’a mouw koo meteteri eng kalenasan ni oki’mu wewene ampit sumiwola nisia wewene sa’amek, rio em banua i ti’i te’a matuanala em pesa’amekan, i ka’ayo em banua i ti’i wuta ampit em pasiwo-siwon sa’amek. ³⁰Nikouw kouw lewo’ sa reiy’ malar e nendo-nendo sabat-Ku wo masighi’la en tampa kudus-Ku; Niaku mouw si TUHAN.³¹Te’a mouw kouw melelenge wia si imukur ni minate ka’apa witu e roh-roh memementi’; te’a mouw kouw mesesero nisea wo ampit en tuana e mamuali makari’irisen karengan nisea; Niaku mouw si TUHAN, Empungmu.³²Nikoo koo lewo’ sa reiy’ tumo’or rumedeiy witu en sinaru ne tou puti’ mouw em bu’uk wo nikoo koo lewo’ sa reiy’ mee sighi’ wia sitou lebe tu’a wo nikoo koo lewo’ sa reiy’ meide’la si Empungmu; Niaku mouw si TUHAN.³³Sakawisa siesa tou wo’oseiy mena’ wia nikoo waki wanuamu, te’a mouw koo melelotoiy nisia. ³⁴Sitou wo’oseiy si minena’ wia nikoo si lewo’ sa reiy’ masuat i wee nikoo tanu sitou Israel tulen waki eletmu, I koupusola sia tanu en toumu nuesa, karengan nikouw kangkasi kouw tou wo’oseiy eng ketareanna waki tana’ Mesir; Niaku mouw si TUHAN, Empungmu.³⁵Te’a mouw kouw sumiwo em biles witu em paadilan, en tanume nukuran, tetimbangan wo en sukatan. ³⁶Neraca e nulit, watu timbangan e nulit, efa e nulit wo eng hin e nulit e lewo’ sa reiy’ mouw paken niouw; Niaku mouw si TUHAN, Empungmu si minali nikouw rimo’umii waki tana’ Mesir. ³⁷Tuana mouw kouw lewo’ sa reiy’ tumiboiy witu e reiy’ sa mina’asa eng katataapang-Ku wo e reiy’ sa mina’asa natorang-Ku ma’an matuanala em baya nyi’a i ti’i; Niaku mouw si TUHAN.”

¹TUHAN minee nuwu’ wia si Musa: ²“Nikoo koo lewo’ sa reiy’ lumila’ wia se tou Israel: Susur tou, le’os waki elet ne tou Israel ka’apa tu’u waki elet ne tou wo’oseiy se maena’ witu eng keuneran ne tou Israel, si simarakan siesa waki se oki-oki’na wia si Molokh, tantu mouw nisia si ukumen paten, nyi’a i yi’i se rakyat em banua se lewo’ sa reiy’ mitirla nisia ampit em batu.³Niaku nuesa ku laa sumu’usuk sitou i ti’i wo laa rume’imi nisia waki keuneran ne bangsana, karengan nisia si simarakan siesa waki se oki-oki’na wia si Molokh, ampit e maksut mereri’irisla en tampa kudus-Ku wo lumangkoiy eng kakudusan e ngaran-Ku kudus. ⁴Ta’an sa wona’na se rakyat em banua se menet em beren witu sitou i ti’i, katoroan nisia si simarakan siesa waki se oki-oki’na wia si Molokh, wo reiy’ mukum nisia paten, ⁵takar Niaku nuesa si laa sumu’usuk sitou i ti’i ma’an se kaumna wo laa rume’imi nisia waki keuneran ne bangsana wo em baya ne tou se neiy i kaki’it minesa’amek kimi’itla nisia, nyi’a i yi’i minesa’amek ampit masempe si Molokh.⁶Tou si limenge wia si imukur ne minate ka’apa wia e roh-roh mementi’, nyi’a i yi’i si minesa’amek ampit minueiy wia nisea, Niaku nuesa si laa sumu’usuk sitou i ti’i wo rume’imi nisia waki keuneran ne bangsana. ⁷Takar nikouw kouw lewo’ sa reiy’ kumudusla en toumu, wo kudusouw kouw, karengan Niaku mouw si TUHAN, Empungmu.⁸Tuana mouw kouw lewo’ sa reiy’ tumiboiy witu eng katataapang-Ku wo matuanala nyi’a; Niaku mouw si TUHAN si kimudusla nikouw. ⁹Sakawisa wawean siesa nga touan si kimutokla si ama’na ka’apa si ina’na, tantu mouw nisia si ukumen paten; nisia si kimutokola si ama’na ka’apa si ina’na, takar en daa’na en timorola nisia nuesa.¹⁰Sa siesa tuama si minesa’amek ampit si ka’awu ne tou walina, nyi’a i yi’i si minesa’amek ampit si ka’awu ni kasuatna en tou, tantu mouw nisea nu rua se ukumen paten, le’os si tuama ka’apa tu’u si wewene se minesa’amek i ti’i. ¹¹Sa siesa tuama tumekel ampit siesa ka’awu ni ama’na, ni’itu mouw nisia si limangkoiy eng hak ni ama’na, tantu mouw nisea nu rua se ukumen paten, wo en daa’ nea en timoro nisea nuesa. ¹²Sa siesa tuama tumekel ampit si manuangna wewene, tantu mouw nisea nu rua se ukumen paten; nisea se simiwo mola e nesa pasiwo-siwon wu’ul, takar en daa’ nea en timoro nisea nuesa.¹³Sa siesa tuama tumekel ampit si tuama eng kenaramen ne tou maesala nouwak ampit si wewene, ni’itu mouw nisea nu rua se simiwola eng kawu’ulan, tantu mouw nisea se ukumen paten wo en daa’ nea en timoro nisea nuesa. ¹⁴Sa siesa tuama medo siesa wewene wo si ina’na, ni’itu e nesa pasiwo-siwon sa’amek; nisia wo se rua wewene i ti’i se lewo’ sa reiy’ tunun, rio te’a wawean em pasiwo-siwon sa’amek witu eng keuneran niouw.¹⁵Sa siesa tuama makio’an ampit siesa nga ipus tekapen, tantu mouw nisia si ukumen paten, wo si tekapen i ti’i tu’u si lewo’ sa reiy’ wunu’un niouw kangkasi. ¹⁶Sa siesa wewene tumawila si tekapen sapa tu’u kaa laa makio’an, e lewo’ sa reiy’ mouw wunu’unnu si wewene wo si tekapen i ti’i; nisea se tantu mouw ukumen paten wo en daa’ nea en timoro nisea nuesa.¹⁷Sa siesa tuama medo si patuarina wewene, oki’ ni ama’na ka’apa oki’ ni ina’na, wo sea maesala nouwak, takar e ni’itu e nesa pasiwo-siwon pales, wo nisea se lewo’ sa reiy’ re’inla witu en saruan ne tou-tou esa nge bangsana; sitou i ti’i si minongka’ mola e mekeirangen ni patuarina wewene, takar nisia si lewo’ sa reiy’ tumanggong eng kaselokanna nuesa. ¹⁸Sa siesa tuama tumekel ampit siesa wewene si makakewur roko’, ni’itu mouw nisia si minongka’la e mekeirangen ni wewene i ti’i wo minuka’ em pepenet en tiisanna kasuatan si wewene i ti’i tu’u si minayala em pepenet en tiisan en daa’na i ti’i niongka’la, nisea nu rua se lewo’ sa reiy’ re’ini waki keuneran ne bangsana.¹⁹Te’a mouw koo ma’ongka’la e mekeirangen ni patuari wewene ni ina’mu ka’apa patuari wewene ni ama’mu, karengan e mekeirangen ni esa kariana nuesa mouw em binuka’, wo nisea se lewo’ sa reiy’ tumanggong eng kaselokan nea nuesa. ²⁰Sa siesa tuama tumekel ampit si ka’awu ni patuari ni ama’na, ni’itu mouw nisia si limangkoiy eng hak ni patuari ni ama’na. nisea se minapa’eiy en dosa witu en touna, wo nisea se laa mate ampit e reiy’ mina’anak. ²¹Sa siesa tuama medo si ka’awu ni patuarina, ni’itu e nesa kakewuran, karengan nisia si limangkoiy eng hak ni patuarina tuama, wo nisea se reiy’ laa maanak.²²Tuana mouw nikouw lewo’ sa reiy’ tumiboiy witu e reiy’ sa mina’asa eng katataapang-Ku wo e reiy’ sa mina’asa natorang-Ku ma’an matuanala em baya nyi’a i ti’i, rio kouw te’a i kero’la ni wanua mea wisa Niaku mali nikouw kaa laa mena’ maname. ²³Te’a mouw kouw kumi’it eng kenaramen ne bangsa se laa-Ku i sere’ waki reriormu: karengan em baya nyi’a i ti’i en tinuana nea mola, i ka’ayo Niaku ku senso’ maloo’ola nisea.²⁴Ta’an wia nikoo Niaku ku minee mola nuwu’: Nikouw mouw si laa rumuberla en tana’ nea wo Niaku mouw si laa meela nyi’a wia nikoo mamuali kapunya’annu, e nesa wanua masewe-sewel en susu wo rina’na; Niaku mouw si TUHAN, Empungmu,si tima’atasi nikouw waki se bangsa-bangsa walina. ²⁵Nikouw kouw lewo’ sa reiy’ memange’ani se tekapen toro kaanen waki se reiy’ toro kaanen, wo se wara-wara reiy’ toro kaanen waki se toro kaanen, rio te’a kouw mesesiwo en toumu mari’iris karengan se tekapen maka ne’a epat wo se wara-wara wo ne reiy’ sa mina’asa se maanap wia en saruan em bumi, se neiy-Ku mouw i ta’atasla rio reiy’ toro kaanen niouwla.²⁶Kudusouw kouw i wee-Niaku, karengan Niaku i yi’i, si TUHAN, kudus wo Niaku si tima’atasomi nikouw waki se bangsa-bangsa walina, rio kouw mamuali kapunya’ang-Ku.²⁷Sakawisa siesa tuama ka’apa wewene selaran ni imukur ni minate ka’apa e roh mementi’, tantu mouw nisea se ukumen paten, nyi’a i yi’i nisea se lewo’ sa reiy’ pitiren ampit em batu wo en daa’ nea en timoro nisea nuesa.”

¹TUHAN minee nuwu’ wia si Musa: “Sumusuiy mouw wia em baya ne imam, oki-oki’ ni Harun, wo i lila’la wia nisea: Siesa imam si te’a mouw mereri’irisla en tou ampit sitou minate witu nelet ne tou-tou esa nge bangsana, ²ta’an i te sa si minate i ti’i nyi’a mouw si patuari kasa kareten, nyi’a i yi’i: ina’na, ama’na, oki-oki’na tuama ka’apa wewene patuarina tuama, ³patuarina wewene, si reraape’ wo si kerut wia nisia karengan si reiy’pe’ makapunya ka’awu, ampit nisea i ti’i toro mouw sia mapari’irisela en tou.⁴En tanula si tu’atuama te’a mouw sia rumi’irisla en tou witu nelet ne tou-tou esa nge bangsana wo ampit en tuana si limangkoiy eng kakudusanna. ⁵Te’a mouw sea merero’opong esa nga weteng eng kokongna, wo te’a mouw sea mesesukur e li’ilik en sokomna, wo te’a mouw sea megheghoritla eng kuli’ nouwakna. ⁶Nisea i ti’i se lewo’ sa reiy’ kudus i wee si Empungna wo te’a mouw sea lumangkoiy eng kakudusan e ngaran ni Empungna, karengan nisea mouw se minanginempela e reiy’ sa mina’asa tetule napi-apian ni TUHAN, kekaanen ni Empung nea, wo karengan e ni’itu e lewo’ sa reiy’ mouw sea kudus.⁷Te’a mouw sea medo siesa wewene sa’amek ka’apa si wewene teri mouw eng kalenasanna ka’apa siesa wewene tina’atasola ni ka’awuna, karengan e nemam i ti’i eng kudus i wee si Empungna. ⁸Wo nikouw kouw lewo’ sa reiy’ mapokeiyla nisia kudus, karengan nisia mouw si minanginsempela eng kekaanen ni Empungmu. Nisia si lewo’ sa reiy’ kudus i wee nikoo, karengan Niaku, TUHAN, si kimudusla nikouw nyi’a mouw si kudus. ⁹Sakawisa sioki’ wewene ni esa imam minayala eng kaormatanna langkoiyen ampit en suma’amek, takar nisia si limangkoiy eng kakudusan ni ama’na, wo nisia si lewo’ sa reiy’ tunun ampit e napi.¹⁰Imam si kasa sela witu nelet ne patuari-patuarina, si ni’isu’la ampit timoa’la e lana ne’isu’ witu natas eng kokongna wo si pinopola ampit minakela wia nisia e reiy’ sa mina’asa labung kudus, te’a mouw mewewayala em bu’ukna mineroiy wo te’a mouw sia kumurensang e labungna. ¹¹Te’a mouw sia tawi wia em baya ne mayat, awes tare te’a mouw sia rumi’irisla en tou ampit e mayat ni ama’na ka’apa ina’na. ¹²Te’a mouw sia merero’umi waki tampa kudus, rio te’a langkoiyenna eng kakudusan en tampa kudus ni Empungna, karengan e lana ne’isu’ ni Empungna, e minapaloo’ola kaa nisia si neiy mouw i wuntulela, em bitu natas eng kokongna; Niaku mouw si TUHAN.¹³Nisia si lewo’ sa reiy’ medo siesa wewene si reraape’. ¹⁴Siesa balu ka’apa wewene tina’atasola ka’apa si tineri eng kalenasanna ka’apa si wewene sa’amek, te’a mouw pa’edon, ta’an i te e lewo’ sa reiy’ siesa reraa’ waki elet ne tou-tou esa nge bangsana, ¹⁵rio te’a sia lumangkoiy eng kakudusan ne see’na witu nelet ne tou-tou esa nge bangsana, karengan Niaku mouw si TUHAN, si kimudusla nisia.”¹⁶TUHAN minee nuwu’ wia si Musa: ¹⁷“I lila’ mola wia si Harun, teinti’i: Susur tou waki elet ne see’mu see’ o see’ si walangan e nouwakna, te’a mouw meiy metetawi kaa laa mesesempela eng kekaanen ni Empungna,¹⁸karengan susur tou si walangan e nouwakna si reiy’ toro meiy tumawi: tou rapa, tou pekol, sitou walangan eng giona, sitou taleus labot em betengna, ¹⁹sitou repu’ e ne’ana ka’apa lawasna, ²⁰sitou toba’an ka’apa sitou kubut nouwakna ka’apa si rapa em berenna, sitou sela’auwen ka’apa kudisen ka’apa si teri en tata’na. ²¹Susur tou waki see’ ni imam Harun, si walangan e nouwakna te’a mouw ma’eiy kaa laa mesesempela e reiy’ sa mina’asa tetule napi-apian ni TUHAN; karengan e nouwakna em balangan te’a mouw sia ma’eiy metetawi kaa laa mesesempela eng kekaanen ni Empungna.²²En tanume eng kekaanen ni Empungna, le’os e sesempe-sesempe kasa kudus ka’apa tu’u en sesempe kudus en toro kaanenna. ²³Ta’an i te te’a mouw sia ma’eiy i ka’ayo mea waki peremel wo te’a mouw sia ma’eiy waki mezbah, karengan nouwakna em balangan, rio te’a langkoiyenna eng kakudusan e minapekasa en tampa kudus-Ku, karengan Niaku mouw si TUHAN, si kimudusla nisea.” ²⁴Tuana mouw si Musa nu mina’ayola e nuwu’ i ti’i wia si Harun ma’an se oki-oki’na wo wia em baya ne tou Israel.

¹TUHAN si minee nuwu’ wia si Musa: ²“I lila’ mola wia si Harun wo se oki-oki’na, rio sea maato-ato witu en sesempe-sesempe kudus eng kinudusla ne tou Israel i wee-Niaku, rio te’a sea lumangkoiy eng kakudusan e ngaran-Ku kudus; Niaku mouw si TUHAN. ³I lila’ mola wia nisea: Susur tou witu nelet miouw see’ o see’, nyi’a i yi’i waki elet ne reiy’ sa mina’asa see’mu se mineiy tumawi witu en sesempe-sesempe kudus eng kinudusla ne tou Israel i wee si TUHAN, kasuatan nisia si witu eng ka’ada’an makari’irisen, takar sitou i ti’i si laa re’ini waki sinaru-Ku; Niaku mouw si TUHAN.⁴Siesa nga touan waki see’ ni Harun si rara’an lepra ka’apa si maro’umi tiisan, te’a mouw mekekaan en sesempe-sesempe kudus, nu reiy’pe’ nisia minalenas; wo sitou timena’ wia e wo’o sapa e makari’irisen karengan sitou minate ka’apa sitou neiy i katoa’ e mani’na ⁵ka’apa sitou timena’ wia siesa nga ipus tekapen maanap si rimi’irisla nisia ka’apa wia si meta’esa’an tou si rimi’irisla nisia, ampit eng kari’irisan sapa i te tu’u nisia si mamuali makari’irisen, ⁶sitou timena wia en tuana i ti’i si mamuali makari’irisen i ka’ayo siendo nu tumenem wo te’a mouw sia mekekaani waki sesempe-sesempe kudus, nu reiy’pe’ sia nu moas e nouwakna ampit en dano.⁷Nu reiy’ mouw siendo nu timenem, tare mouw sia mamuali lenas wo nu reiy’ mouw i tu toro mouw sia kumaani waki sesempe-sesempe kudus i ti’i, karengan e ni’itu mouw e minamuali kekaanenna. ⁸Te’a mouw sia mekekaan em bangke ka’apa en tele’u ni tekapen lela’, rio te’a sia mamuali makari’irisen karengan e nyi’a; Niaku mouw si TUHAN. ⁹Wo nisea se lewo’ sa reiy minena-ena’ tumiboiy witu eng kalewo’sareiy’anna witu Niaku, rio witu eng kapualitan i ti’i te’a sea mapa’eiy en dosa witu en touna wo mate karengan e nyi’a, karengan nisea se limangkoiy eng kakudusan eng kalewo’sareiy’an i ti’i; Niaku mouw si TUHAN, si kimudusla nisea.¹⁰Susur se tou karengan te’a mouw mekekaan en sesempe kudus; tuanakan kangkasi si limepu maena’ wia si imam ka’apa tu’u sitou mengengedo tetoro. ¹¹Ta’an sakawisa siesa nga touan tinelesouw ni imam ampit e loitna si minamuali ata tinelesna, takar sitou i ti’i si toro kumi’it kumaan nyi’a, tuanakan kangkasi se minatou witu em balena.¹²Sakawisa sioki’ wewene ni imam makaka’awula sitou karengan, te’a mouw sia mekekaani en sesempe wuntul waki sesempe-sesempe kudus. ¹³Ta’an sakawisa si wewene i ti’i mamuali balu ka’apa si tina’atasla, wo sia reiy’ makaoki’, wo si minarengouw waki wale ni ama’na tanu nedo nisia nu reraape’, takar nisia si toro kumaan waki kekaanen ni ama’na; ta’an susur tou karengan te’a mouw mekekaan nyi’a.¹⁴Sakawisa siesa nga touan ampit e reiy’ tinu’utu’ kimaan en sesempe kudus, nisia si lewo’ sa reiy’ mee en sesawelna wia si imam ampit mawes esa nga palima. ¹⁵Te’a mouw witu si imam lumangkoiy eng kakudusan en sesempe-sesempe kudus ne tou Israel e neiy i wuntulela i wee si TUHAN, ¹⁶karengan ampit en tuana nisea se minapa’eiy wia se tou Israel eng kaselokan e lewo’ sa reiy’ tubuusen, sakawisa sea kumaan en sesempe-sesempe kudus nea, karengan Niaku mouw si TUHAN, si kimudusla nisea.”¹⁷TUHAN si minee nuwu’ wia si Musa: ¹⁸“Sumusuiy mouw wia si Harun ma’an se oki-oki’na wo wia em baya ne tou Israel wo i lila’la wia nisea: Seiy i te tu’u waki se umat Israel wo waki se tou wo’oseiy witu nelet ne tou Israel si minanginsempela en sesempena, le’os en tanula e nesa sesempe nazar ka’apa tu’u en tanula e nesa sesempe kepa’a-pa’aran, e laa i pesesempe neala wia si TUHAN tanume en sesempe tinunu, ¹⁹takar rio si TUHAN si mepa’arla nikouw, e lewo’ sa reiy’ mouw en sesempe i ti’i e reiy’ sisering waki si sapi raghar, domba ka’apa membe’.²⁰E reiy’ sa mina’asa wawean walang e nouwakna te’a mouw i pesesempe miouwla, karengan ampit e ni’itu TUHAN si reiy’ mepa’arla nikouw. ²¹O kangkasi sakawisa siesa nga touan sumempela wia si TUHAN en tetule kelawiran tanume wewear e nazar wuntul ka’apa tanume en tetule kepa’a-pa’aran waki si sapi ka’apa membe’ domba, takar en tetule i ti’i e lewo’ sa reiy’ mouw e reiy’ sisering, rio si TUHAN si mepa’arla nisia, te’a mouw e nouwakna wawean walang oki’ i te tu’u.²²Tekapen si rapa ka’apa si repu’ ruiy, si pali’an ka’apa si kupesan, si sela’auwen ka’apa si kudisen, em baya nyi’a i ti’i te’a mouw i pesempemula wia si TUHAN wo se tekapen tuana te’a mouw i pewewee miouw tanume en tetule napi-apian i wee si TUHAN witu natas e mezbah. ²³Ta’an siesa nga ipus sapi ka’apa domba si taleus labot ka’apa taleus potot em betengna toro i te i sempemula tanume en tetule kepa’a-pa’aran, ta’an tanume en tetule nazar ni TUHAN reiy’ laa mekepa’arenla si tekapen i ti’i.²⁴Ta’an si tekapen en tata’na eng kinalompitan, linuwek, kina’anut ka’apa kinule’it, te’a mouw i pesesempe miouwla wia si TUHAN; te’a mouw koo mesesiwo en tuana waki wanuamu. ²⁵O kangkasi waki lawas ne tou wo’oseiy te’a mouw kouw manginsempela wo’o sapa waki em baya nyi’a i ti’i tanume eng kekaanen ni Empungmu, karengan em baya nyi’a i ti’i en teri mouw wo wawean walang e nouwakna; TUHAN si reiy’ laa mepa’arla nikouw karengan en sesempe-sesempe i ti’i.”²⁶TUHAN minee nuwu’ wia si musa: ²⁷“Sakawisa siesa nga ipus oki’ ni sapi ka’apa oki’ ni domba ka’apa oki’ ni membe’ i patoumi, takar e lewo’ sa reiy’ mouw i tu mena’ pitu nga endo ampit si inangna, ta’an rengan e nendo kauwalu wo e mapawee-weena TUHAN si mepa’arla si tekapen i ti’i sa i sempela tanula en tetule napi-apian i wee-Nisia.²⁸Siesa nga ipus sapi ka’apa membe’ te’a mouw kouw merereretla mewali ampit sioki’na witu esa nga endo i te kangkasi. ²⁹Wo sakawisa kouw rumeret en tetule syukur i wee si TUHAN, nikouw kouw lewo’ sa reiy’ rumeretla nisia eng katuanana, i ka’ayo si TUHAN mepa’arla nikouw. ³⁰Witu nendo ni’itu i te kangkasi en tetule i ti’i e lewo’ sa reiy’ kaanen; te’a mouw kouw tumele’ula sapa-sapa witu nyi’a i ka’ayo memo’odo; Niaku mouw si TUHAN.³¹Ampit en tuana nikouw kouw lewo’ sa reiy’ tumiboiy witu em perenta-Ku wo matuanala nyi’a; Niaku mouw si TUHAN. ³²Te’a mouw melelangkoiy eng kakudusan e ngaran-Ku kudus, rio Aku kudusela witu eng keuneran ne tou Israel, karengan Niaku mouw si TUHAN, si kimudusola nikouw, ³³si minali nikouw rimou’mi waki tana’ Mesir, rio Aku mamuali Empungmu; Niaku mouw si TUHAN.”

¹TUHAN minee nuwu’ wia si Musa: ²“Sumusuiy mouw wia se tou Israel wo i lila’la wia nisea: E nendo-nendo wangko’ neiy i tataapla ni TUHAN e lewo’ sa reiy’ i pakite’u miouwla tanume e nedo pinasungkulan kudus, e nedo pewangko’an neiy-Ku i tataapla, nyi’a mouw en tumodongla.³Enem nga endo eng keurena toro matuanala pepa’ayangen, ta’an witu nendo kapitu e lewo’ sa reiy’ mouw wawean sabat, e nendo paasengan wuta, nyi’a i yi’i e nendo pinasungkulan kudus; te’a mouw koo metetuanala esa pepa’ayangen; ni’itu mouw en sabat i wee si TUHAN waki e reiy’ sa mina’asa tampa paena’annu.⁴Nyi’i mouw e nendo-nendo wangko’ neiy i tataapla ni TUHAN, nendo-nendo pinasungkulan kudus e lewo’ sa reiy’ kete’uan niouwla siesa o siesa witu e nedona tataap. ⁵Witu en sumedot kasa ketare-tare, witu en tanggal kamapulu’ o epat en sumedot i ti’i, witu nendo mawengido, wawean Paskah i wee si TUHAN. ⁶Wo witu nendo kamapulu’ o lima en sumedot i ti’i wawean e nendo wangko’ Roti Reiy’ Siragi i wee si TUHAN; pitu nga endo eng keurena kouw lewo’ sa reiy’ kumaan e roti reiy’ siragi.⁷Witu nendo eng kasa ketare-tare kouw lewo’ sa reiy’ sumiwola pinasungkulan kudus, te’a mouw kouw metetuanala e nesa pepa’ayangen wuter. ⁸Nikouw kouw lewo’ sa reiy’ manginsempela en tetule napi-apian wia si TUHAN pitu nga endo eng keurena; witu e nendo kapitu e lewo’ sa reiy’ mouw wawean pinasungkulan kudus, te’a mouw kouw metetuanala e nesa pepa’ayangen wuter.”⁹TUHAN minee nuwu’ wia si Musa: ¹⁰“Sumusuiy mouw wia se tou Israel wo i lila’la wia nisea: Sakawisa kouw i ka’ayola waki wanua e laa-Ku i peweweela wia nikoo, wo kouw mupu’ em bua’na, takar nikouw kouw lewo’ sa reiy’ malimi esa nga ke’ekes wua’na ketare-tare waki peupu’annu wia si imam, ¹¹wo si imam i ti’i si lewo sa reiy’ mouw mapatuu’la eng ke’ekes i ti’i witu en sinaru ni TUHAN, rio si TUHAN si mepa’arla nikouw. Imam si lewo’ sa reiy’ mapatuu’la nyi’a witu nendo nu reiy’ mouw en sabat i ti’i.¹²Witu nendo nikouw nu mapatuu’la eng ke’ekes i ti’i kouw lewo’ sa reiy’ manginsempela siesa nga ipus domba makaumur esa nge te’un si reiy’ sisering, tanume en tetule tinunu i wee si TUHAN, ¹³ma’anouw ampit en tetule sesakeiyna waki rua nga mapulu’ efa topong kasa le’os, siniwo ampit e lana, tanume en tetule napi-apian i wee si TUHAN nyi’a i yi’i e wou maka’aruiyen, ma’anouw ampit en tetule tetoa’anna waki esa nga paepat hin anggor. ¹⁴I ka’ayola witu nendo i ti’i kangkasi te’a mouw kouw mekekaan roti, ka’apa e weti’ gandum ka’apa eng gandum weru, i ka’ayo kouw minaali mola en sesempe ni Empungmu; ni’itu mouw e nesa katataapan i wee eng keure-urena i wee nikouw see’ o see’ waki e reiy’ sa mina’asa tampa paena’annu.¹⁵Kamurian nikouw kouw lewo’ sa reiy’ rumeken, muleiymi waki nendo nu reiy’ mouw en sabat iti’i, nyi’a i ti’i e nendo nikouw nu minali eng ke’ekes en sesempe i patuu’la, e lewo’sa reiy’ lekep pitu nga duminggu; ¹⁶i ka’ayo witu nendo nu reiy’ mouw en sabat eng kapitu kouw lewo’ sa reiy’ rumeken lima nga pulu’ nga endo; laa o kouw lewo’ sa reiy’ manginsempela en tetule sesakeiy em beru wia si TUHAN.¹⁷Waki tampa paena’annu kouw lewo’ sa reiy’ maali e rua roti i patuu’ e lewo’ sa reiy’ siniwo waki rua nga mapulu’ efa topong kasa le’os wo en tinunu ni’itu nu sinewokouw ampit e ragi tanume nuluna em bua’na i wee si TUHAN. ¹⁸Mewali e roti i ti’i kouw lewo’ sa reiy’ manginsempela pitu nga ipus domba makaumur esa nge te’un si reiy’ sisering wo siesa nga ipus sapi raghar sobor wo se rua nga ipus domba raghar; em baya nyi’a i ti’i e lewo’ sa reiy’ mouw mamuali tetule tinunu i wee si TUHAN, ma’anow ampit en tetule sesakeiyna wo en tetule-tetule tetoa’anna, e nesa tetule napi-apian em bouna maka’aruiyen i wee si TUHAN. ¹⁹Kamurian kouw lewo’ sa reiy’ manginsempela siesa nga ipus membe’ raghar tanume si tetule pare’i en dosa wo se rua nga ipus domba makaumur esa nge te’un tanume en tetule kelawiran. ²⁰Imam si lewo’ sa reiy’ mapatuu’la em baya nyi’a mewali e roti nuluna em bua’na i ti’i tanume en sesempe i patuu’la witu en sinaru ni TUHAN, mewali se rua nga ipus domba i ti’i. Em baya nyi’a i ti’i e lewo’ sa reiy’ mouw mamuali sesempe kudus i wee si TUHAN wo nyi’a mouw em beteng ni imam. ²¹Witu nendo i ti’i kangkasi kouw lewo’ sa reiy’ makite’ula e nendo wangko’ wo kouw lewo’ sa reiy’ sumiwola pinasungkulan kudus, te’a mouw kouw metetuanala e nesa pepa’ayangen wuter; ni’itu mouw e nesa katataapan i wee eng keure-urena waki e reiy’ sa mina’asa tampa paena’annu see’ o see’.²²Witu nedo nikouw nu mupu’ em bua’na en tana’mu, te’a mouw koo mesesampur em penguma’annu ma’apu-apula i ka’ayo waki li’ilikna wo te’a mouw koo mepepuruti sapa en timele’u waki peupu’annu, em baya nyi’a i ti’i e lewo’ sa reiy’ mouw i tele’umula i wee se tou lengeiy wo i wee se tou wo’oseiy; Niaku mouw si TUHAN, Empungmu.”²³TUHAN minee nuwu’ wia si Musa: ²⁴“I lila’ mola wia se tou Israel, teinti’i: Witu en sumedot eng kapitu, witu en tanggal esa sumedot i ti’i, nikouw kouw lewo’ sa reiy’ sumiwola e nendo paasengan wuta eng ginenangla ampit masengo no’olingen, nyi’a i yi’i e nendo pinasungkulan kudus. ²⁵Te’a mouw kouw metetuanala e nesa pepa’ayangen wuter wo kouw lewo’ sa reiy’ manginsempela en tetule napi-apian wia si TUHAN.”²⁶TUHAN minee nuwu’ wia si Musa: ²⁷“Ta’an laa witu en tanggal kamapulu’ en sumedot kapitu i ti’i e wawean nendo Pale’osan; nikouw kouw lewo’ sa reiy’ sumiwola pinasungkulan kudus wo lewo’ sa reiy’ kumumengla en tou ampit e moso wo manginempela en tetule napi-apian i wee si TUHAN.²⁸Witu nendo i ti’i te’a mouw kouw metetuanala e nesa pepa’ayangen; ni’itu mouw nendo Pale’osan kaa laa mesesiwola pale’osan i wee nikoo witu en sinaru ni TUHAN, Empungmu. ²⁹Karengan susur tou si witu nendo i ti’i si reiy’ kimumengla en tou ampit minoso, si lewo’ sa reiy’ mouw re’ini waki elet ne tou-tou esa nge bangsana.³⁰Susur tou si matuanala e nesa pepa’ayangen witu nendo i ti’i, sitou i ti’i si laa-Ku punengeni waki keuneran ne bangsana. ³¹Te’a mouw kouw metetuanala e nesa pepa’ayangen; ni’itu mouw e nesa katataapan i wee eng keure-urena i wee nikoo see’ o see’ waki e reiy’ sa mina’asa tampa paena’annu. ³²Ni’itu e lewo’ sa reiy’ mamuali e nesa sabat, e nendo paasengan wuta i wee nikoo, wo nikouw kouw lewo’ sa reiy’ kumumengla en tou ampit moso. Muleiymi witu em bengi tanggal kasiouw en sumedot ni’itu, waki siendo nu tumenem i ka’ayo siendo nu tumenem, nikouw kouw lewo’ sa reiy’ mangko’la en sabatmu.”³³TUHAN minee nuwu’ wia si Musa: ³⁴“I lila’ mola wia se tou Israel, teinti’i: Witu nendo kamapulu’ o lima en sumedot kapitu i ti’i wawean nendo wangko’ Lekouw Laleiyna i wee si TUHAN pitu nga endo eng keurena.³⁵Witu nendo kasa ketare-tare e lewo’ sa reiy’ mouw wawean pinasungkulan kudus, te’a mouw kouw metetuanala pepa’ayangen wuter. ³⁶Pitu nga endo eng keurena kouw lewo’ sa reiy’ manginsempela en tetule napi-apian wia si TUHAN, wo witu nendo kauwalu kouw lewo’ sa reiy’ sumiwola pinasungkulan kudus wo manginsempela en tetule napi-apian wia si TUHAN. Ni’itu mouw e nendo wangko’ paeruran, te’a mouw kouw metetuanala e nesa pepa’ayangen wuter.³⁷Ni’itu mouw e nendo wangko’ neiy i tataapla ni TUHAN, e lewo sa reiy’ i pakite’ula tanume e nendo pinasungkulan kudus kaa laa manginsempela en tetule napi-apian wia si TUHAN, nyi’a i ti’i en tetule tinunu wo en tetule sesakeiy, tetule rineret wo en tetule-tetule ney i wu’uwus, susur nendo eng kelakerna neiy i tataapla i wee nendo ni’itu, ³⁸e reiy’pe’ neiy i kaghorem e nendo-nendo Sabat ni TUHAN wo e reiy’pe’ neiy i kaghorem en tetule-tetulemu ka’apa e reiy’ sa mina’asa en tetule nazarmu ka’apa e reiy’ sa mina’asa en tetule kepa’a-pa’arannu, e laa i pesesempe miouwla wia si TUHAN.³⁹Ta’an laa witu nendo kamapulu’ o lima en sumedot kapitu i ti’i witu nedo maerurla em bua’na en tana’mu, nikouw kouw lewo’ sa reiy’ sumiwola pewangko’an i wee si TUHAN pitu nga endo eng keurena; witu nendo kasa ketare-tare e lewo’ sa reiy’ mouw wawean em paasengan wuta wo kangkasi witu nendo kauwalu e lewo’ sa reiy’ wawean em paasengan wuta.⁴⁰Witu nendo kasa ketare-tare kouw lewo’ sa reiy’ medomi em bu’ana-wu’ana waki akana-akana e wangun, pela’apa’-pela’apa’ nakana-nakana eng korma, rangkang-rangkang waki akana-akana e rirung wo waki akana-akana eng gandarusa wo nikouw kouw lewo’ sa reiy’ merio-rio witu en sinaru ni TUHAN, Empungmu, pitu nga endo eng keurena. ⁴¹Nikouw kouw lewo’ sa reiy’ mangko’la nyi’a tanume em pewangko’an i wee si TUHAN pitu nga endo eng keurena witu esa nge te’un; ni’itu mouw e nesa katataapan i wee eng keure-urena i wee nikoo see’ o see’. Witu en sumedot kapitu kouw lewo’ sa reiy’ mangko’la nyi’a.⁴²Witu eng gorem e lekouw-lekouw laleiyna nikouw kouw lewo’ sa reiy’ mena’ pitu nga endo eng keurena, susur tou tulen waki Israel si lewo’ sa reiy’ mouw mena’ witu eng gorem e lekouw-lekouw laleiyna, ⁴³rio kete’uala ne see’mu, kaa Niaku ku rimeo mouw se tou Israel mena’ witu eng gorem e lekouw-lekouw eng kaurean Niaku nu rimawir nisea nu reiy’ mouw e rimou’mi waki tana’ Mesir, Niaku mouw si TUHAN, Empungmu.” ⁴⁴Tuana mouw si Musa nu mina’ayola wia se tou Israel e nuwu’ tanume e nendo-nendo wangko’ neiy i tataapla ni TUHAN.

¹TUHAN minee nuwu’ wia si Musa: ²“I perenta mola wia se tou Israel, rio sea mali wia nikoo e lana zaitun linuwek en tulen i wee en solo, rio en solo en toro tutungan wo mena-ena’ melayas.³Harun si lewo’ sa reiy’ minena-ena’ matu’utul en solo-solo i ti’i witu en sinaru em peremel kimelungla en tabut ukum, witu eng gorem en Dasing Pinasungkulan, waki mawengido i ka’ayo memo’odo, witu en sinaru ni TUHAN. Ni’itu mouw e nesa katataapan i wee eng keure-urena i wee nikoo see’ o see’. ⁴Witu natas en sesoloan mas lenas e lewo’ sa reiy’ mouw minena-ena’ tu’utulenna en solo-solo i ti’i witu en sinaru ni TUHAN.”⁵

¹TUHAN minee nuwu’ wia si Musa waki kuntung Sinai: ²Wewene-wewene i yi'i minaruiy se bangsa i ti'i mea waki tetule rineret i wee si empung nea, o laa se bangsa i ti'i kumi'it kumaani waki tetule i ti'i wo sumempe si empung ne tou-tou i ti'i. peweweela wia nikoo, takar en tana’ i ti’i e lewo’ sa reiy’ maka’ato paasengan tanume en sabat i wee si TUHAN.³Enem nge te’un eng keurena koo lewo’ sa reiy’ kumerorla em penguma’annu, wo enem nge te’un eng keurena koo lewo’ sa reiy’ mepangala e numa anggormu wo merurla em bua’na en tana’ i ti’i, ⁴ta’an witu en te’un kapitu e lewo’ sa reiy’ mouw wawean i wee en tana’ i ti’i e nesa sabat, e masa paasengan wuta, e nesa sabat i wee si TUHAN. Em penguma’annu te’a mouw pekekerorannula wo numa anggormu te’a mouw pepepanga’annu.⁵Wo sapa en timoumi rimesouw waki peupu’annu i ti’i, te’a mouw pe’upu’unnu wo em bu’ana nanggor waki akana nanggormu e reiy’ pinanga’ala, te’a mouw petetipu’unnu. Te’un i ti’i e lewo’ sa reiy’ mamuali te’un paasengan wuta i wee en tana’ i ti’i. ⁶Wua’na en tana’ keurean en sabat i ti’i e lewo’ sa reiy’ mouw mamuali kekaanen i wee nikoo, nyi’a i yi’i i wee nikoo nuesa, i wee se atamu tuama, i wee se atamu wewene, i wee se tou mengengedo tetoro wo i wee se tou wo’oseiy witu neletmu, em baya ne maena’ wia nikoo. ⁷O kangkasi i wee se papiarannu, wo i wee se tekapen lela’ se witu en tana’mu, e reiy’ sa mina’asa wua’na en tana’ i ti’i e mamuali kekaanenna.⁸Tumodongla nyi’a koo lewo’ sa reiy’ rumeken pitu nge te’un sabat, nyi’a i yi’i maka pitu em pitu nge te’un; i ka’ayo e masa pitu nge te’un sabat i ti’i masuat ampit e nepat nga pulu’ o siouw nge te’un. ⁹Laa o koo lewo’ sa reiy’ mapalingala legu’an en sesebungen wisa-wisa i te witu en sumedot kapitu witu en tanggal kamapulu’ en sumedot ni’itu; witu nendo wangko’ Pale’osan nikouw kouw lewo’ sa reiy’ mapalingala legu’an en sesebungen i ti’i wisa-wisa i te waki minapekasa em banuamu.¹⁰10 Nikouw kouw lewo’ sa reiy’ kumudusla en te’un kalima nga pulu’, wo makite’ula eng kewaya’an waki wanua i ti’i i wee se pakasa’an ne maena’ witu. Ni’itu e lewo’ sa reiy’ mamuali te’un Yobel i wee nikoo, wo nikouw kouw lewo’ sa reiy’ siesa o siesa mareng waki tana’ kapunya’anna wo wia se kaumna.¹¹Te’un eng kalima nga pulu’ i ti’i e lewo’ sa reiy’ mamuali te’un Yobel i wee nikoo, te’a kouw mekekeror, wo sapa en timou rimesouw witu en te’un i ti’i te’a pe’upu’un niouw, wo nakana nanggor e reiy’ pinanga’an te’a petetipu’un niouw em bu’ana. ¹²Karengan en te’un i ti’i nyi’a mouw en te’un Yobel, e lewo’ sa reiy’ mouw i tu kudus i wee nikoo; wua’na en te’un i ti’i em pekekaanen niouw e lewo’ sa reiy’ edoni waki penguma’an.¹³Witu en te’un Yobel i ti’i nikouw e lewo’ sa reiy’ siesa o siesa mareng waki tana’ kapunya’anna. ¹⁴Sakawisa kouw mangker wo’o sapa wia si kasuatmu ka’apa tumelesi waki nisia, te’a mouw kouw mekekerotan siesa o se walina.¹⁵Sakawisa koo metetelesi waki si kasuatmu e lewo’ sa reiy’ mouw i ki’it eng kelakerna en te’un nu reiy’ mouw en te’un Yobel, wo sakawisa sia mangker wia nikoo e lewo’ sa reiy’ mouw i ki’it eng kelakerna en te’un meupu’. ¹⁶Maka selala eng kelakerna en te’un i ti’i, maka sela mola em petetelesan nyi’a, wo maka rintekla eng kelakerna en te’un i ti’i, maka rintekola em petetelesan nyi’a, karengan eng kelakerna em peupu’unouw ni’i wangkerna wia nikoo. ¹⁷Te’a mouw kouw mekekerotan siesa o se walina, ta’an nikoo koo lewo’ sa reiy’ meide’la si Empungmu, karengan Niaku mouw si TUHAN, Empungmu,¹⁸Tuana mouw kouw lewo’ sa reiy’ matuanala eng katataapang-Ku wo mena-ena’ tumiboiy witu natorang-Ku ampit matuanala nyi’a, takar kouw laa mena’ witu en tana’mu ampit e le’oseng kale’osan. ¹⁹Tana’ i ti’i e laa mee wua’na, wo nikouw kouw laa kumaan i ka’ayo mawesu wo mena’ maname ampit e le’os eng kale’osan.²⁰Sakawisa kouw mueiy: Sapa ku’a re’en e laa kaanen neiy witu en te’un kapitu i ti’i, reiy’ ku’a re’en nikeiy keiy reiy’ toro kumeror wo reiy’ toro merurla em bua’na en tana’ meiy? ²¹Takar Niaku ku laa merentala em berkat-Ku wia nikoo witu en te’un kaenem, rio weeanna wua’na i wee en telu nge te’un. ²²Witu en te’un kauwalu kouw laa kumeror, ta’an kouw laa kumaani waki e wua’na ure i ka’ayola wia en te’un kasiouw, i ka’ayo ghumorem em bua’na, kouw laa kumaan e nure.”

¹”Te’a mouw kouw mesesiwo paepungen i wee nikoo, wo bubuneka ka’apa tugu paepungen te’a mouw koo mereredeiyla i wee nikoo; o kangkasi em batu makalumi te’a mouw kouw metetampala witu em banuamu kaa laa maongkot sumempe wia nisia, karengan Niaku mouw si TUHAN, Empungmu. ²Nikouw kouw lewo’ sa reiy’ malar e nendo-nendo Sabat-Ku wo masighi’la en tampa kudus-Ku, Niaku mouw si TUHAN.³Sa wona’na kouw tumou kumi’it eng katataapang-Ku wo minena-ena’ timiboiy witu em perenta-Ku ma’an matuanala nyi’a, ⁴takar Niaku ku laa meela nikouw aro witu masana, i ka’ayo en tana’ i ti’i e mee wua’na wo nakana-nakana waki penguma’annu e laa mee wu’ana.⁵Eng keurena noras mapisul i wee nikoo e laa i ka’ayo wia noras matipu’ em bu’ana nanggor wo eng keurena noras matipu’ em bu’ana nanggor e laa ma’ayo wia noras makeror. Nikouw kouw laa kumaan eng kekaanennu i ka’ayo mawesu wo mena’ witu em banuamu ampit e le’os eng kale’osan. ⁶Wo Niaku ku laa mee e le’os eng kale’osan witu eng gorem em banua i ti’i, i ka’ayo kouw laa ghumoleiy ampit reiy’ senge’enla en sapa tu’u; Niaku ku laa rume’imi si tekapen lela’ waki wanua i ti’i, wo en santi e reiy’ laa lumeas waki wanuamu.⁷Nikouw kouw laa kumi’it si kesarumu, wo nisea se laa mate witu en sinarumu karengan en santi. ⁸Lima tou waki eletmu se laa kumi’it se esa nga atus, wo se esa nga atus tou waki eletmu se laa kumi’it se esa nge laksa wo em baya se kesarumu se laa mate witu en sinarumu karengan en santi.⁹Wo Niaku ku laa lumenge wia nikoo wo laa sumiwo nikouw maanak muyun ma’an maawes eng kelaker wo Niaku ku laa tume’etepla en teta’aran-Ku ampit nikouw. ¹⁰Nikouw kouw laape’ kumaan em bua’na ure waki niupu’ limangkoiyla, wo em bua’na ure i ti’i e laa i ro’u miouwmi kaa laa tumu’utul em beru.¹¹Niaku ku laa tumampala en Dasing Lenas-Ku witu eng keunerannu wo nate-Ku e reiy’ laa masenso’ lumoo’ nikouw. ¹²Ta’an Niaku ku laa meiy witu eng keunerannu wo Niaku ku laa mamuali Empungmu wo nikouw kouw laa mamuali umat-Ku. ¹³Niaku mouw si TUHAN, Empungmu, si minali nikouw rimo’umi waki tana’ Mesir, rio kouw te’a kasi mamuali ata nea. Niaku ku rimepu’ mola eng kayu bongkouw em bitu natasmu wo simiwo nikouw kumelang taga’.”

¹TUHAN minee nuwu’ wia si Musa: ²“Sumusuiy mouw wia se tou Israel wo i lila’la wia nisea: Sakawisa siesa tou tumotorla e nazar wuntul wia si TUHAN en tanume sitou i ki’it em paloo’ala pepaken i wee ni’itu,³takar en tanume narega i wee si tuama waki se makaumur rua nga pulu’ nge te’un i ka’ayo se makaumur enem nga pulu’ nge te’un, narega i ti’i e lewo’ sa reiy’ lima nga pulu’ syikal perak, timbangen i ki’it en syikal kudus. ⁴Ta’an sa wona’na ni’itu siesa wewene, takar e narega i ti’i e lewo’ sa reiy’ telu nga pulu’ syikal.⁵Sa wona’na ni’itu en tanume siesa tou waki se makaumur lima nge te’un i ka’ayo se makaumur rua nga pulu’ nge te’un, takar i wee si tuama e narega i ti’i e lewo’ sa reiy’ rua nga pulu’ syikal wo i wee si wewene e mapulu’ syikal. ⁶Sa wona’na ni’itu en tanume siesa tou waki se makaumur esa nga sumedot i ka’ayo se makaumur lima nge te’un, takar i wee si tuama e narega i ti’i e lewo’ sa reiy’ lima syikal perak, wo i wee si wewene en telu syikal perak.⁷Sa wona’na ni’itu en tanume siesa tou makaumur enem nga pulu’ nge te’un ka’apa lebe, sa wona’na ni’itu en tanume si tuama, takar e narega i ti’i e lewo’ sa reiy’ mapulu’ o lima syikal wo i wee si wewene e mapulu’ syikal. ⁸Ta’an sa wona’na sitou i ti’i si taleus lengeiy laa mewewear e narega i ti’i, takar e lewo’ sa reiy’ mouw i sarunala sitou neiy i nazarnala i ti’i wia si imam, wo si imam si lewo’ sa reiy’ lumoo’o nisia; minatoroan ampit eng kaawooan ni tou minee nazar i ti’i imam si lewo’ sa reiy’ tumantula e naregana.⁹Sa wona’na ni’itu neiy i kaghorem tekapen si toro i sempela tanume en sesmpe wia si TUHAN, takar sapa tu’u em baki si tekapen i ti’i e neiy i pakisempela ni tou i ti’i wia si TUHAN e lewo’ sa reiy’ mouw kudus. ¹⁰Te’a mouw sia mesesawelela nyi’a wo te’a mouw sia meteto’or nyi’a, e le’os ampit em bu’ul ka’apa em bu’ul ampit e le’os. Ta’an sa sia tumo’orla kangkasi siesa nga ipus tekapen ampit siesa nga ipus tekapen walina, takar le’os si tekapen i ti’i ka’apa tu’u si teto’orna si lewo’ sa reiy’ mouw kudus.¹¹Sa wona’na ni’itu siesa nga ipus waki se tekapen reiy’ toro kaanen si reiy’ toro i panginsempela tanume si sesempe wia si TUHAN, takar si tekapen i ti’i si lewo’ sa reiy’ i sarunala wia si imam, ¹²wo si imam si lewo’ sa reiy’ tumatapla e naregana i ki’it e le’os ka’apa em bu’ulna, wo tanu e linoo’ala ni imam tuana mouw e minamualina. ¹³Wo sa wona’na sitou i ti’i si pa’ar tumubuusla nyi’a kangkasi, nisia si lewo’ sa reiy’ mawesla esa nga palima wia naregana i ti’i.¹⁴Sakawisa siesa tou si kumudusla em balena tanume en sesempe kudus i wee si TUHAN, takar si imam si lewo’ sa reiy’ tumataapla e naregana i ki’it e le’os ka’apa em bu’ulna, wo tanu e narega neiy i tataapla ni imam tuana mouw e lewo’ sa reiy’ tiboiyan te’etep. ¹⁵Ta’an sa wona’na sitou kimudusla i ti’i si pa’ar tumubuus em balena, takar nisia si lewo’ sa reiy’ mawes e nargana ampit esa nga palima waki loit aregana wo em bale i ti’i e mamuali kapunya’anna tu’u.¹⁶Sa wona’na siesa nga touan si kumudusla esa nga weteng waki penguma’an kapunya’anna i wee si TUHAN, takar e naregana e lewo’ sa reiy’ mouw minatoroan ampit eng kineroranna, nyi’a i yi’i esa nga homer kineroran tetanemen jelai e maka arga lima nga pulu’ syikal perak.¹⁷Sa wona’na sia kumudusla em penguma’anna muleiymi waki te’un Yobel, takar e naregana e lewo’ sa reiy’ mouw tiboiyan te’etep. ¹⁸Ta’an sa wona’na sia kumudusla em penguma’anna nu reiy’ mouw en te’un Yobel, takar si imam si lewo’ sa reiy’ rumeken e nargana i wee sitou i ti’i minatoroan ampit en te’un-te’un timele’upe’ i ka’ayo wia en te’un Yobel, wo narga i ti’i e lewo’ sa reiy’ i ro’umi waki aregana.¹⁹Wo sa wona’na sitou kimudusla nyi’a si uli-ulit pa’ar tumubuus em penguma’anna i ti’i, takar nisia si lewo’ sa reiy’ mawes nargana ampit esa nga palima waki loit aregana wo em penguma’an i ti’i e minena-ena’ kapunya’anna. ²⁰Ta’an sa wona’na sia reiy’ tumubuus em penguma’an i ti’i, awes tare em penguma’an i ti’i neiy mouw i wangkerna wia se tou walina, takar e reiy’ mouw mete’u tubuusen kasi. ²¹Ta’an witu nedo i kewayami witu en te’un Yobel, em penguma’an i ti’i e lewo’ sa reiy’ mouw kudus i wee si TUHAN, masuat tanu em penguma’an neiy’ i wuntulela i wee si TUHAN. Imamouw si lewo’ sa reiy’ makapunya nyi’a.²²Wo sa wona’na sia kumudusla i wee si TUHAN em penguma’an tinelesna mola wo reiy’ neiy i kaghorem penguma’an kapunya’anna eng ketareanna, ²³takar si imam si lewo’ sa reiy’ rumeken i wee nisia e narga naregana i ka’ayo wia en te’un Yobel wo sitou i ti’i si lewo’ sa reiy’ mouw sumempela e narega i ti’i witu nendo ni’itukan kangkasi tanume en sesempe kudus i wee si TUHAN.²⁴Witu en te’un Yobel em penguma’an i ti’i e lewo’ sa reiy’ i warengla wia sitou minangker nyi’a wia nisia, nyi’a i yi’i wia sitou eng ketare-tarena makapunya en tana’ i ti’i. ²⁵Wo e reiy’ sa mina’asa narega e lewo’ sa reiy’ i ki’it en syikal kudus, en syikal i ti’i e lewo’ sa reiy’ rua nga pulu’ gera eng kawuterna.²⁶Ta’an laa sioki’ polon, tanume sioki’ polon minamuali hak ni TUHAN waki elet ne tekapen, si reiy’ toro kudusela ni seiy i te tu’u, le’os siesa nga ipus sapi ka’apa tu’u siesa nga ipus membe’ ka’apa domba, ni’itu eng kapunya’an ni TUHAN. ²⁷Ta’an sa wona’na i tu waki elet ne tekapen reiy’ toro kaanen, takar e lewo’ sa reiy’ mouw sitou tumubuus nyi’a i ki’it e naregana ampit mawes esa nga palima wo sa wona’na reiy’ tinubuus, e lewo’ sa reiy’ mouw i wangker i ki’it e naregana.²⁸Ta’an laa e reiy’ sa mina’asa neiy mouw i wuntulela ni esa nga touan i wee si TUHAN waki e reiy’ sa mina’asa kapunya’anna, le’os sitou ka’apa tekapen, ka’apa tu’u em penguma’an kapunya’anna, reiy’ toro i wangker wo reiy’ toro tubuusen, karengan e reiy’ sa mina’asa neiy i wuntulela nyi’a mouw eng kasa kudus i wee si TUHAN. ²⁹Susur tou si neiy i wuntulela, si lewo’ sa reiy’ regon witu nelet ne tou, reiy’ toro tubuusen, tantu mouw nisia si ukumen paten.³⁰Tuanakan kangkasi e reiy’ sa mina’asa sesempe esa nga mapulu’an waki tana’, le’os waki wua’na en tanemen witu en tana’ ka’apa tu’u waki wua’na nakana-akana, nyi’a mouw eng kapunya’an ni TUHAN; ni’itu mouw en sesempe kudus i wee si TUHAN. ³¹Ta’an sa wona’na siesa nga touan si pa’ar tumubuus kangkasi esa nga weteng waki sesempe esa nga mapulu’anna i ti’i, takar nisia si lewo’ sa reiy’ mawes esa nga palima.³²En tanume e reiy’ sa mina’asa sesempe esa nga mapulu’ waki se lembu sapi ka’apa membe’ domba, takar waki e reiy’ sa mina’asa se limangkoiyi waki wawa’ em bewulu’ ni rumerawir e nedo parekenen, susur si kamapulu’ si lewo’ sa reiy’ mamuali sesempe kudus i wee si TUHAN. ³³Te’a mouw pemele-melengen wisa si le’os wo wisa si wuruk, wo te’a mouw peteto’oran; sa wona’na sitou si tumo’orla nyi’a kangkasi, takar le’os si tekapen i ti’i ka’apa tu’u si teto’orna si lewo’ sa reiy’ mouw kudus wo si reiy’ toro tubuusen.”³⁴Ni’itu mouw em perenta-perenta neiy i perentala ni TUHAN wia si Musa waki kuntung Sinai kaa laa i pa’ayola wia se tou Israel.