¹Shitapu shyu Luvamba lwa Yesu Kristo, mwana wa Daudi, mwana wa Abrahamu. ²Abrahamu yivula Isaka, Isaka yivula Yakobo, Yakobo niyivula Yuda, na vamwavo veve. ³Yuda niyivula khu Tamara vaana Perezi nende Zera Perezi niyivula Hezironi,Hezironi niyivula Raama.⁴Raama yivula Aminadabu; Aminadabu yivula Nashoni, Nashoni yivula Salmoni. ⁵Salumoni ni yivula Boaz khurula khu Rahabu; Boaz yivula Obedi khurula khu Rutsi; Obedi yivula Yese. ⁶Yese yivula Mwami Daudi, Daudi mwami yivula Solomon khurula khu mukhali wali wa Uria.⁷Solomon yivula Rehoboamu, Rehoboamu yivula Abiya, Abiya ni yivula Asa. ⁸Asa yivula Yehoshafati, Yehoshafati Yoramu; Yoramu yivula Uzia.⁹Uzia yivula Yotsamu, Yotsamu yivula Ahazi. Ahazi yivula Hezekia ¹⁰Hezekia yivula Manaase; Manaase yivula Amoni; Amoni yivula Yosia; ¹¹Yosia yivula Yehoyakini na avamwavo veve inyanga ya vaisraeli vahilwa muvuhambe Babilonia.¹²Lwavalerwa khurul muvuhambe Babilonia,Yehoyakini yivula Shalitieli, Shalitieli yivula Zerubabeli; ¹³Zerubabeli yivula Abihudi, Abihudi yivvula Eliakimu, Eliakimu yivula Azori. ¹⁴Azori yivula Sadoki; Sadoki yivula Akimu, Akimu yivula Eliudi.¹⁵Eliudi yivula Eliazari, Eliazari yivula Matsani, Matsani yivula Yakobo; ¹⁶Yakobo yivula Yosefu: musaza wa Mariamu wivula Yesu ulaangwa Kristo. ¹⁷Makhula koosi khurangila Abrahamu khudukha khu Daudi ni makhula likhomi na kane; khurula khu Daudi khudukha inyanga yuvuhambe vwa Babilonia ni makhula likhomi na kane; khurula inyanga yu vuhambe vwa Babilonia khudukha khu Kristo ni makhula likhomi na kane.¹⁸Khwivulwa khwa Yesu khwalindi. Mariamu mama wewe lwayali ni yavekhwa khu Yosefu, nashili mukhana mujima, yanyolekha nali ni nda khuvirila khu zinguulu tsya Roho Mutakatifu. ¹⁹Yosefu musaza wewe yali mundu mulunji, shiyenya khudukha mutsisoni, yenya khumulekha kalaha.²⁰Lwayali naganakanaanga makhuva yaka, henza ingerosi yu mwami yalolekha khuye mu malooro,na yavoola," Yosefu musoleli wa Daaudi, ukha heenda nukhulekha khumuvukula Mariamu khuva mukhali wowo.Shichila uvelekhelwe ni khuvunyali vwa Roho Mutakatifu. ²¹aliivula mwaana muyai,liira lye ulamulanga Yesu, shichira ye alahonyinya vandu khurula mu vwoni vwavo."²²Kavele ndio kadukhe kavoolwa nu mwami khuvirila khu muporofeti; ²³Heenza, mujima alaheriza, alivula mwana; valamulaanga Imanueli;kali khuvola Nyasaye halala na khutse.²⁴Yosefu lwa yavukha khurula mutsindoolo, yakhola shiinga ingelosi yu mwami ya muvoolera; navukula mukhali wewe. ²⁵Shiyaali naye khudukha lu mwana yivulwa; na mukulikha liira Yesu.

¹Yesu yiivulwa mu Bethlehemu yi Vuyuda zinyiinga tsya Herode mwami, heenza, vajeli varula ivukwi ni va dukha Yerusalemu. ²Vareeva alihena wivuliilwe mwami wa vayuda? Shichira khuloli ing'ereng'ani yeye khurula ivukwi, khwiitsi khumusigamira. ³Herode mwami lwayahulira yaga yakanakaana nasumbukha mu mwoyo kwekwe, halala na Yerusalemu yoosi.⁴Ni ya khavunjeritsa vasalisi , na vang'odi va vandu yakhaviritsa livoola lyavo," Kristo yivuliilwe hena?" ⁵Vamuvoolera Mubethelehemu yi Vuyuda, khuli kang'odwa nu muporofeti; ⁶Bethlehemu lidala li Vuyuda, shyuli mutiti muvuyuda, shichira mwimilili alarulamu ulivaliinda vandu va Israeli.⁷Herode yavalaanga vajeli na vareva mulyenyeritsa inyiinga yi ing'ereng'ani yalolekha khuvo. ⁸Yavaruma khutsya Bethlehemu; na vola, mutsyi mukhaviritse mwaana, mwakhamunyola munderele likhuva, khandi inze ndize khumusigamira."⁹Lwavali vakhamala khuhulira mwami, vatsya, ing'ereng'ani yavalola ivukwi yali imbeli wavo khandi, yiitsa ni sinjira hu mwana yali. ¹⁰Lwa valola ing'ereng'ani vayanzitswa nu vuyanzi vukali.¹¹Vamanya ni vinjira munsu, valola khaana na mama wewe Mariamu, vamusikamira, nivafungula tsikipa tsyavo, vamuha vihanwa; izahabu, vihuunya mwayu mulahi na manemane. ¹²Nyasaye yavakaya mumalooro,vavule khukalukha wa Herode, valonde khunjira yiindi yukhutsya mushivala shavo.¹³Lwavali vakhatsya, heenza ingerosi yu mwami ya lolekha khu Yosefu mumalooro, navola vuukha uvukule mwaana na mama wewe, mwilukhile Egepeti, mumenye yo khudukha lwa ndimuvolera likalukha,shichira Herode akhavaanga khumwononyinya mwana. ¹⁴Ya vukha navukula mwaana halala na mama wewe mbutukhu, ni vatsya Egepeti. ¹⁵Vamenya yo khudukha likhutsa lya Herode, kadukhe khurwekhitswa kavoolwa nu Mwami nu khung'odwa nu muporofeti, wavola "khurula Egepeti nanji mwana wanje."¹⁶Lwa Herode yalola umali khukatswa na vajeli, yitsula vurima na ruma vasikali, vadukhe khwiira vaana voosi vali mu Bethlehemu ni mihiga jiviri anoho hasi nu mutsiinzakho tsyosi khulondekhana ni ya vajeinyiinga li vavula khukalukha khuye.¹⁷Kalaakwa nu mu porofeti Yeremia kamanya kadukha khurwekhitswa, ¹⁸Mwoyo kuhulilikhanga Rama,lilila, lilisioma linyikhi, Raeli alililanga vaana veve, akhavujirira khuhonjeritswa, shichira shivaliho.¹⁹Lwa Herode ya khutsa, Ingerosi yu mwami yalolekha khu Yosefu mumalooro nali Egepeti. ²⁰"Vukha na uvukule mwana na nyina wewe, uzi Israeli, yavo vakhavanga liiva lyu mwaana vamali khukhutsa." ²¹Yavukha, navukula mwaana na mama wewe niviitsa mushivala sha Israeli.²²Lwa yahulira Arkelao naye yali niyamihanga Ivuyahudi,havugono ha tata wewe Herode, yaria khutsyayo.Nyasaye lwayali namukayi mumalooro yavira natsya Galilaya. ²³Yikhala mulidala lya Nazareti, kadukhe khukhurwekhizwa kavoolwa na vaporofeti, alalangwa mnazarayo.

¹Mumatukhu yako Yohana mubatisi, yiilwatsa mushangalangwe shi Vuyuda. ²Navoolanga ,mwikanile munye,shichila vwami vwa Nyasaye vuli hiimbi. ³Na wuyu naye wa Isaya muporofeti yavoola makhuva keke naavoola, makambo kaa oyo uhanzukhaanga mushangalangwe, muloombe injira yu mwami, mulunjikhitse rhujira rhwerhwe.⁴Na Yohana mwene woyo yali ni inguvu yalombelwa khu vwoya vwi ingamia, nu lukhova lwishisero mushisindi shyeshye, na shyukhulia sheshe shali tsiisichi nu vuushi vwu mbulimo. ⁵Vandu voosi va Yerusalemu ni Ivuyuda, halala na madala koosi kali hiimbi nu mujera gwa Yorodani va mwitsila. ⁶Na ya vabatisa mu mujera gwa Yorodani, na nivikanira vwoni vwavo.⁷Na vutswa lwa ya lola vafalisayo na masadukayo niviitsa mbunyishi khubatiswa, yavavoolera, "O munye likhula lyi tsinsukha, wiina yamuvoolera munyala khwihononokha vurhima vwa Nyasaye vwitsanga?" ⁸Mulerhe makhuyu kamanyinyanga likanila. ⁹Muvule khukanakaana nu khwivoolera, muli vaana va Abrahamu; mvoolera, Nyasaye ali novunyali khuchengulila Abrahamu vaana khurhula khu machina yaka.¹⁰Lwene yulu ihaywa yirhechekhitswe khurhema misaala khurhanjira khumiri,khulwayako musaala kwosi kuvula khwama makhuyu malahi kularhemwa, nu khusuvwa mumulilo. ¹¹Inze mubatisanga mumatsi khutukhila mulikanila, navutsa woyo wiitsanga inyuma wanje ali ni tsingulu khuumbira, vilarho vyevye shinyala khuchinga taawe: mwenoyo yiitsa khuvabatisa mu Roho mutsyenukhu, nu mumuliro. ¹²Lutelu lwelwe lukhwelula ali nalwo mumukhono kwekwe, aliitsa khweya hasi hehe maavunjelitse inganu yeye mushachi, navutswa ikhulio ilasambwa mumulilo kukhatsimanga taawe.¹³Yesu yiitsa khurhula Galilaya natukha khu Yorodani, ha Yohana yali atukhe khubatiswa naye. ¹⁴Yohana yacheliza khumukaya na muvoolelra, yinze ndukhana khubatiswa na yiwe na wiiza khwinze? ¹⁵Yesu yamuvoolela, lekha kave ndiono khulwenuyulu, shichila kakhutukhila khurhwekhitsa vulunji vwoosi. Na Yohana yamanya na mwiyamira.¹⁶Na Yesu lwa yali niya khabatiswa, yarhula mumatsi vulunji; na heenza likulu lyikukha khuye,na lola Roho wa Nyasaye yikha khuye khuli Shituti, ni shiyela khu murhwi kwekwe. ¹⁷Mwoyo khurhula mwikulu kwavoola, "Uyu neye mwana wanje muyanze, nyanzizwa naye"

¹Yesu yimililwa na Roho Mutakatifu mushangalangwe, atukhe khuchelitswa na shetani. ²Na lwa yali ni yakhahoonga vuchila lilya matukhu makhomi kane, mmbasu nu vutukhu, yahulila inzala. ³Na muchelitsi yamanya niyiitsa khuye, namuvoolela, "Niiva uli mwana wa Nyasaye, loomba majina yaga kave mikati". ⁴Yesu yarevula na muvoolela kang'odwa, "Muundu shialava mwoyo shichila mikati taawe, nikhali alava mwoyo shichila vuli likhuva lirula mumunwa kwa Nyasaye.⁵Shetani yamuhila mu litala litakatifu, namuvikha khu shisekese shi litempeli ⁶Na muvoolela, "Niiva uli mwaana wa Nyasaye, isuuve hasi ; shichila kang'odwa, alahaana tsingerosi vakhulinde:na mmakhono kavo valakhuchinga ikulu, uvule khwisikarhala shilenje shyoshyo."⁷Yesu yamuvoolela, kaang'odwa khandi, "ukhachelitsa mwami Nyasaye wowo." ⁸Khandi shetani yamuvukula na muhila khushikulu shirambi muno, na mumanyinya vwami vwoosi vwishivala, nu vukhumi vulimu. ⁹Na muvoolela, "vindu yivi ndakhuha, niva ulagwa hasi usikamile."¹⁰Na Yesu yamanya na muvoolela, rhula khu inze, shetani: shichila kaang'odwa" yiwe ulasikamila Nyasaye ye wonyene nu khumurhumikhila." ¹¹Shetani yamanya na lekhana naye, heenza tsingelosi viitsa ni vamurhumikhila.¹²Lwa Yesu yahulila Yohana umali khuvikhwa mushivoho, yarhula natsya Galilaya. ¹³Ni yakharhula Nzareti, yiitsa namenya {Kapenaum} ili himbi khunyanza, mutsinzakho tsya Zabulon na Naphtali.¹⁴Kakholekha ndi khukatukhe kaalagwa nu muporofeti Isaya, lwayavoola, ¹⁵" Mushivala shya Zabulon, nu mushivala shya Nephthali, munjira yi inyanza, imbeli wa Yorodani, Galilaya ya vanashivala! ¹⁶vandu vamenya mushisundi valooli vulavu vugali; na khuyavo vamenyanga mushivala nu mu shinini shyi shisundi shilikhuza, khuvo vulavu vusenukhe."¹⁷Khurhula inyiinga yeyo Yesu yarhanga khwilwatsa, na voola "Mwikanile; shichila vwami vwu mwigulu vuli hiimbi."¹⁸Lwa Yesu , yali na cheendanga khu luchiinga lwi inyanza ya Galilaya, ya loola vaamwavo vavili, Simoni, walangwa Petro, na Andrea amwavo wewe, nivasuuvanga ineti yavo mu inyanza: shichila vali valuvi vi tsisutsi. ¹⁹Yavavoolela, "Hambi munonde, nadamukhola a valuvi va vandu." ²⁰Valekha vwangu tsineti tsyavo, nivamulonda.²¹Lwa Yesu yali na rhula haweneyaho, yamanya alole vamwaavo vandi vavili: Yakobo mwaana wa zebedayo, na Yohana amwavo wewe, vali mu lyarho na papa wavo Zebedayo, nivanavanga tsineti tsyavo, navalaanga. ²²Navo valekha vwangu lyarho na papa wavo, ni vamulonda.²³Yesu yajeenda mu Galilaya mwoosi, ni yiilwatsa mu masinakoki gavo, nu khulandiza Ivanjeli yu vwami vwu mwigulu, na honyinya malwale koosi, nuvudedekhere vw0osi muvandu. ²⁴Lukhumu lwelwe lwalanda mu Syria yosi; ni vamulerela vandu voosi valwale vitsinganu tsyoosi, vaminikha na yavo vali na matimoni, vashiinda indulume, vafokoya,na va honyinya vosi. ²⁵Mukanda mukali kwamulonda, khurhula Galilaya , na Dekapoli, na Yerusalemu, na Yuda, nu khulujerekha lwu muchela kwa Yorodani.

¹

¹Muheenze mukhakhola vulunji vwenyu imbeli wa vandu, mudukhe khulolekha navo:khulwayako shimulanyola matanyi khu Tata wenyu uli mwikulu. ²khulwayako, lwamuhananga vukhonyi khu vamanani, mukhavooleli vuli mundu woosi khumwitsominywe.Mukhava khuli vakaati vafarisayo vikholakholitsa khulolekha valunji mumatempeli nende khutsinjira,khu vandu vavitsomiye.Kakirhikali vavoolera munyee vamala khunyola matanyi kavo koosi.³Navutswa lwamukhonyanga vamanani kholi ndio vujila khuvoolelakhu mundu woosi khuli mukhonyanaanga; mukhalomba shiumukhono mukhali kurulitse mukhono mulunji kumanye taawe: ⁴Haani vukhonyi vwenyu khu vandu muvwivisu;na Tata wenyu uloola kamukhola mu vwivisu aliitsa khumurunga matanyi kee.⁵Lwamusaala, mukhava khuli vandu vikholakholitsanga khuva valunji: shichira vayanza khusaala mumasinagoki nende ni vasinjire muvwavukhanilo vwi tsinjira, shichira valolekhe na vandu kakilikali vavolera, vanyola khale mirungo chavo . ⁶Nikakhali munyee lwa musaalanga, mwinjire munsu, ma mwikale miliango,musaale khu TaTa wenyu uli havwivivisu: na Tata wenyu uloola muvwivisu alamuha mirungu. ⁷Navutswa lwa munye musaala, mukharumikhila mukhuva manyiikhi kavutswa khuli vitsihiri vasaalanga; shichira vakanakaana valahulilwa khu makhuva kavo manyiikhi.⁸Khulwayako, mukhava khuli yavo:shichira Tata wenyu yamanya lienya lienyu, nu mushili khu mureeva. ⁹Munyee musaale ndi:"Tata weerhu uli mwigulu, lyiira lyoolyo lyiitsominywe; ¹⁰Vwami vwovwo vwiitse, vulaaliri vwovwo vukholwe mwiirova munu,khuli vukholwa mwiikulu.¹¹Leero Ukhuhe vyuukhulya vyeerhu vya khase. ¹²Ukhusamiihe vwooni vweerhu, khuli khu samiiha vakhwoonooneranga. ¹³Ukhakhuhila mu macheritso mba, navutswa ukhurulitse mu tsiimbi.Shichira vwaami .Ni tsingulu, nu vukhumi. Ni vyoovyo ,mihiika ni mihiika. Amen.¹⁴Shichira nu khusamiiha vandu vamwoonooneranga Tata weru wumwigulu alamusamiiha munyee. ¹⁵Navutswa munye muvula khusamiiha vandu vamwoonooneranga, khandi Tata wenyu shaliitsa khumusamiha vutamanu vwenyu vwamukholanga.¹⁶Makhaandi lwa muhonga vuchila khulya, mukhava, khuli vakaati, viviikha vuveereri mutsimoni tsiavo nu khwisamukhitsa, vadukhe khulolekha na vandu vahongi vuchila liilya. kakirhikali muvolera munyee, vaamala khunyola matanyi kavo. ¹⁷Navutswa munyee, lwa muhonga vuchila liilya mwivakhe makura mmurwi khandi musaave mumoni. ¹⁸Muvule khulolekha khu vandu muhongi vuchila liilya: na Tata uloola mu vwivisu, aliitsa khumurunga..¹⁹Mukhivikhila miandu khulilova khunu, hatsisere nu vurerelembe vyononyinya viononyinya viindu, khandi ha vanuuli vinjira nu khwiva. ²⁰Navutswa mwivikhile munye vene maviikhilo kenyu mwigulu, ha tsisere noho vurerelembe vikhononyinyaanga, na ha vanuuli vakhinjira nu khwiiva. ²¹Na miandu chocho chiliitsa khuva na noho hu mwoyo kwokwo kuliva khandi.²²Imoni neyo itaha yu muvili. khu imoni niva indahi muvili kwosi kulava nu vulavu. ²³Navutswa imoni niva indamanu, muvili kwosi kulitsula shisundi.Na nikava vulavu vuli mumunye vulava ni shisundi, kalava muli mushisundi muno! ²⁴Shihaliho nu mundu uunyala khurumikhila vami vaviri, shichira ala dunyira mulala, na ayanze wuundi, anaho alayanza mulala, na wundi alamuchaya.Shunyala khurumikhila Nyasaye ni tsisendi.²⁵Khu lwayako vavolera munyee, mukhahendeli limenya lyenyu, shiana sha ninyanye, noho shina shamung'wa, anoho khu muvili kwenyu sha mwifwala.Vulamu shiuvwavira shiukhulia, nu muvili shikuvira tsinguvu tsyukhwifwala. ²⁶Mulolere khu manyonyi kumwikulu: shikarakaanga na shikachesaanga, anoho khwivikhila mushaji. na Dada weru wu mwigulu akalikhitsaanga.Munye shiumuli valayi khuvira manyonyi?²⁷Wiina khumunye uheenda mwoyo, anyala khwiimeta vurambi vu mukhono mulala? ²⁸Shichira shiina muheendera mwoyo shamufwala?Muheenze khu vimuli vili mumilimi khuli vidukha.Shivikhola mihiinsi, anoho khwinavira tsinguvu. ²⁹Navutswa muvoolera munye, Khali Solomoni muvukhumi vwevwe shiyafwaala khu khuli lilala khu yaka.³⁰Khu niiva Nyasaye anyala khufwaala vimuli vyii mirimi, viliho nunundi, na mukamba viremwa nukhuvikhwa mumulilo. shalavafwaala munye khuvira yivi, o munye vili suuvila litiititi? ³¹Khu lwayako mukhakanakani, nu khuvoola, khulanyanya shiina? anoho khulang'wa shiina?anoho, khulifwaala shiina?³²Vandu vitsihiri tsindi navyo vyakhavaanga, na TaTa wenyu wu mwikulu yaamanya muli nilyenya li vindu yivi. ³³Navutswa mukhaave vwami vwa Nyasaye, nu vulunji vwevwe,na vindu yivi vyosi mulametwa[mulahelwa]. ³⁴Khu lwayako mukhakanakani ka mukamba; mukaamba kulikanakaanila vindu vyakwo kwene. Lekhi Vuli litukhu live nu vutiinyu vwalio liene.

¹Mukhakakhalachiri vandi,khu na munye mulivula khukhalachirwa. ²Shichira likhalaka lyukhalaka, nalyo lyulikhalajirwa nalyo,shichero shyu chererangamu nashyo shyulicherelwamu.³Shichira shiina ulolanga shisaala shili mu imoni ya amwavo wowo na yiwe shyulola shitonye shyu musaala shili mu imoni yoyo? ⁴Anoho unyala ndii khu khumuvoolera amwavo wowo, lekha ndulitse shisa mu imoni mwo: naiyiwe mwene nuli ni shitonye shyu musaala shili mu imoni yoyo? ⁵Vukaadi khwikhola khola uli muluunji , ranga urulitse shitonye shili mu imoni yoyo, khu unyale khulola vulahyi, utukhe kkhurulitsa shisaala shili mu imomi ya amwavo wowo.⁶Mukhaha tsisimbwa vindu vitakatifu, anoho mukhasuvi tsilulu tsyenyu imbeli wi tsimbiitsi tsikhitse tsiasenaka a khandi tsivakalukhane nu khuvarandulamu vitonye.⁷Musaale na munye mulahelwa, mukhaave na munye mulanyola: mwikulihitse na munye muligulilwa. ⁸Shichila vuli asaalanga ahelwanga: na woyo ukhavanga anyolanga: na uyu yigulihitsanga aligulilwa. ⁹"Anoho nu wiina khu munye nikakhavele mwaana wewe na musava mukati alamuha lijina? ¹⁰Anoho mwaana na musava isutsi alamuha inzukha?¹¹Niiva munye va muli voni mwamanya khuhana khu vaana venyu vihanwa vilayi , ni khanga ligali kha Tata wenyu wu mwikulu alavaha vindu vilayi yavo vamusaalanga? ¹²Khulwayako shyosi shyosi sha wakhayanzi vandu vakhukholele, na yiwe vakholele ndyo .Yili nalyo lilako na vaporofeti.¹³Mwinjile khuvirila mu muliango mulunji: shichira muliango muvambalalu ni injila imbayuukhu yimililanga mulitivitsa, navo vandu vavirilakhuyo ni vanyikhi. ¹⁴Navutswa shilivwa ni shinyerere na injira ni indinyu ihilanga vandu mulivamwoyo, na ni vatiititi vajinyolanga.¹⁵"Muve vacheli khu vaporofeti vu vuvehi vamwitsilanga nivikholanga khuva makoondi , navutswa mukari mwavo ni visalang'ong'o vinyala khumurandulanyinya nu khumulia khuli tsimbiitsi. ¹⁶Mulavamanya khulondekhana khu vikholwa vyavo.Tooto,khunyala khuhatuula matunda ki misabibu khurula khu misaala cha mawaa, anoho makhuyu khurula khu marakaluu? ¹⁷Khulwayako vuli musaala mulahi kwamanga matunda malahi, navutswa musaala mutamanu kwamanga matunda matamanu.¹⁸Musaala mulahi shyukunyala khwama matunda matamanu, khandi musaala mutamanu shyukunyala khwama matunda malahi. ¹⁹Vuli musaala kukhaminyanga matunda malahi kuremakanyinyangwa ma kusuvwa mumulilo. ²⁰Khu lwayako mwiitsa khuvamanya khulondekhana khu vikholwa vyavo.²¹Shichira shikali vuli mundu unanganga mwami mwami: aliitsa khwinjila mwikulu navutswa ni akholanga vulalili vwa Paapa wanje ali mwikulu. ²²Litukhu yelo, vanyikhi valiitsa khumbolela mwami, mwami shyukhwarulitsa vuporofeti mulira lyolyo, khandi mulira lyolyo khwakhunga matemoni?khandi mu lira lyolyo khwakhola mihiinsi chi vilolekhitso? ²³na inze ndiitsa vavolele havulavu shindavamanya taawe, ruli khuyinze munye vakholi vu vutamanu.²⁴Khu lwayako uhulilanga makhuva kaanje nukhukakhola, alasasanyinywa nu mundu mucheli yumbakha insu yeye khu lwanda. ²⁵Imbula lwayakhuva, michelela cha maatsi chikholomokha nu vushindu vvwishihutsutsu nuvuduya insu yeyo, navutswa shiyakwa taawe, shivune yali niyumbakhwa khu musinji ku lwanda.²⁶Khu vuli uhulilanga mang'ana kaanje yaka, ma avule khu kakhola, asasanywa nu mundu musilo, yumbakha insu yeye khu muyeeshe. ²⁷imbula lwa yakhuva, michelela cha maatsi chikholomokha, na, vushindu vwiimbuutsa nuvuhuutsa nuvuduya insu yeneyo nayo yakwa hasi nu muhumu mukali.²⁸Lwa Yesu yali yakhamala khuvoola makhuva yaka mukanda kwa vandu vamuhulikhitsa vachenya khulondekhana khu mechitso keke. ²⁹Shivune yechitsa khuli mundu wuvunyali, shiyali khuli vechitsi vavo va malako.

¹Lwa Yesu yiikha haasi khurula khushikulu,mukanda mukali kwamulonda. ²Na mundu wali yalwala vuchele yiitsa na musikamila imbeli wewe na voola, "Mwami, niva unyala khwenya unyala khundakasa. ³Yesu yamanya nanyiila mukhono kwekwe na mutiila, na muvoolelala, ndenya; takasikha.munyinga yeyo mundu woyo natakaswa vuchele vwevwe.⁴Yesu yamanya namuvoolela, ukhavoolela shyosi shyosi khu mundu wosi wosi. Navutswa tsia wilolekhitse khu musalisi na urulitse shihanwa shalakwa na Musa shive shilolekhitso khuvo!⁵Yesu lwa yinjila Kapenaumu, mwimilili wa vasikali va varoma mulala yiitsa khumureva, ⁶Na mu volela "mwami murumikhi wanje a koni hasi ingo alwala indulume na anyakhanaga muno. ⁷Yesu yamuvoolela, nditsa khumuhonyinya.⁸Navutswa musikali woyo yamuvoolela, Mwami inze shindukhane yiwe khwinjile munsu mwanje; na vutswa voolaza ling'ana lilala vutsa na murumikhi wanje alahona. ⁹Inze ndi mundu ali hasi ha vimilili vandi khandi vandi vali hasi hanje mu maloko.Lwambolela mulala tsia atsitsanga na wundi hamba yitsanga, na khumurumikhi wanje khola yiishi akholanga. ¹⁰Yesu lwa yahulila mang'ana yaka, yachenya navolela yavo vamulondanga, kakirhikali vavoolelanga,shili khulolakhu lisuuvila likali khuli yili mu Israeli.¹¹Muvoolela ndii vanyikhi valiitsa khurula ivukwi ni imatiooli navo valikhale hasi halala na Abrahamu, na Isaaka, na Yakobo mu vwami vwu mwikulu. ¹²Navutswa vaana vu mbwami valiitsa khusuvwa ilwaanyi mushisundi, iweneyo vandu valitsa khulilila nu khuteteyitsa mino. ¹³Yesu yavoolela musikali woyo,"tsia ingo nako ka usuuvile kalarwekhizwa khu yiwe.Ma murumikhi woyo yahona khurula mutsisa yetso.¹⁴Lwa Yesu yiinjila munsu mwa Petero, yamunyola nakhuvizala wa Petro nakoni khushitali na lwalanga murengo. ¹⁵Yesu yamukumila khu mukhono kwekwe ma murengo kumurula, navukha naranga khuvaha shiukhulia.¹⁶Lwa hamukolova hatukha vamulerela vandu vanyikhi vali na matimoni; nakhunga matimoni khu likhuva lyelye, nakhuvahonyinya valwale vosi. ¹⁷Khu ndii karwekhitswe kavoolwa nu muporofeti Isaya ndii:" Ye mwene yavukula vudedekhele vweru, nahonyinya vulwale vweru."¹⁸Lwa Yesu yaloola mukanda mukali kwa vandu kutsiitsajililanga khumedekha yavoolela veechitswi veve vambukhe, nukhutsia khu luchelekha lwa khavili lwi inyanza ya Galilaya. ¹⁹Na mweechitswi mulala wililako yiitsa khu Yesu na muvoolela, mweechitsi, inze ndakhulonda hosi hosi hutsia. ²⁰Navutswa Yesu yamuvoolela "vivwe vili nitsimbangaywa tsiavo, na manyonyi ku mbwerefu kali ni vitsu vyavo, navutswa inze mwaana wu muundu mbula hukhuvikha murwi kwanje."²¹Mweechitswi wundi namuvoolela, mwami mbee munwa mbalyo nzii khuyavila isee wanje. ²²Navutswa Yesu yamuvoolela, "Nonda, lekha vakhutsa vayavile vakhutsu vavo."²³Lwa Yesu yinjila muliaro veechitswi veve vamulondamu. ²⁴Na heenza imbuutsa indulu yahuutsa munyanza na viguvuli vienya vikhunikha lyaro yelo:navutswa Yesu yali nakoni. ²⁵Veechitswi veve vitsa khumuvukhitsa na vavola "Mwami, khusole khudivanga!²⁶Navutswa Yesu yavavoolela shichira shiina muritsanga, munye avali ni lisuuvila litiititi?. Naysinjila, nakondekhela imbuutsa nni inyanza: na vyahonjela, vwirulili vuvaho muno. ²⁷Vandu vachenya varevana, nu mundu wa lukanu shiina uyu, khali vushindu ni inyanza vimuritsanga?"²⁸Lwavadukha hanjelekha ha Genesareti vandu vavili va matimoni vakaana naye.vandu yava vamenya mu viliindwa na vahenditsanga shikha shyamundu avulakhuvira khu injila yeyo. ²⁹Vahanzukha ni vavoola "wenya shiina khukhutse yiwe mwaana wa Nyasaye? Wiitsi hanu khukhutambitsa inyinga yeru ni shili?.³⁰Ihaale hati haliho ni shiduma shi tsimbiitsi ni tsilitsanga. ³¹Matimoni yako katsianyinya khumusaya ni kamuvolelanukhukhunga nuyaanza lekha khutsi mu shiduma shi tsimbiitsi yezo. ³²Nayakavoolela " tsii" , na karula nikinjiramu na shiduma shiosi sharekukha maliviri khutsia mululiva lwi inyanza ma kadivila mu maatsi kiinyanza.³³Avaayi vi tsimbiitsi viitsa vilukhila mwitaala ni viivala vuli shindu na kikholekha khu yavo vali na matimoni. ³⁴Na heenza litaala lyosi liitsa khwaganila Yesu: na lwa vamulola vamusaya arule khuluchelekha lwavo.

¹

¹Yesu yalaanga veechitswi veve likhomi na vavilili halala,navaha vunyali vu khurulitsa motimoni nu khuhonyinya vuli tsikavira tsyu vulwale vwosi.²Mira ka varumwa likhomi na vavili nako yaka; wukhuranga, Simioni, wavalanganga Petero na Andrea, amwavo wewe;Yakobo mwikhula wa Sividayo, na Yohana, amwavo wewe; ³Filipo na Bartholomeyo; Tomas na Matayo musololi wu vushuru, Yakobo,mwikhula wa Alufayo, na Lebbaeus, lira lielie liakhavili Tadayo. ⁴Simioni,wakwaniranga shivala shieshie, na Yuda Isikarioti,woyo yatsama Yesu.⁵Yava likhomi na vavili Yesu yavaruma, navalaka navoola, mukhatsiakhu muzinjira tsia vandu vitsihiri mba, khandi mukhatsiakhu mulitala liosi lia vasamria tawe. ⁶Navutswa mutsi khu makondi kakora ki inzu ya va Israeli. ⁷Lwamurula numutsia mwirwatse nimuvoola,vwami vu mwigulu vuli himbi.⁸Muhonyinye vulwale musimukukhitse vakhudzu,muhomole vuvuchere,murulitse matimoni.Shihanwa yishi munyoli vutsa, khandi munye muhane vutswa. ⁹Mukhachinji ithahabu,anoho ifetha,anoho tsisenti muvisikolo vienyu tawe. ¹⁰Mukhuchingi musiko chukhusumiramu khu luchendo, anoho tsinguvu tsivili, anoho virharo vivili anoho zipigolo tsivili:shchjira muhinziri atukhana aherwe shiukhulia shalia.¹¹Na mulitaala nu mukitsi kwosi kwa mwinjiramu mukhave mundu amwinjiritsa, amumenye munzu mwemwe khutukha lwa murula mwitala mwenomo. ¹²Na lwa mwinjira munzu mwosi ,muhane milembe khu vandu vu munzu mwenomo. ¹³Na inzu yeneyo nili yukhwinjiritsa vacheni, milembe chenyu chilava khuvo; na nivambakhana khumwinjiritsa shivanyola mirembe chenyu tawe.¹⁴Na vuli muundu wosi uvula khumwinjiritsa,anoho avula khulikhitsa mirwatso kenyu, lwa muva numurula munzu anoho mwitala mwenomo, musungusule lukushi lwavo lurule khu virenje vienyu. ¹⁵Vavooleranga kakirikali ndi, litukhu liu khukhalajirwa,Nyasaye yitsa alolere tsimbavasi tsinyikhi vandu va menyanga mu mataala ka Sodoma na Gomorra, khuvira vandu vi litaala lienelo!¹⁶Henzi muruma khu makondi hakari hi vivwe:muve vacheri khuli tsinzukha, khandi vahooma khuli vituti. ¹⁷Mwilinde khu vandu , shichira valiitsa khumukumira vamuhire mushiina, khandi valiitsa khumushuta vivoko mu masinagoki kavo. ¹⁸Muliitsa khuhirwa mu shina imbeli wa vamihi na vami shichira lira lianje, khulilolekhitsa khuvo khandi khutsihiri tsindi.¹⁹Lwavalitsa khumukumira, mukhahendi mwoyo khuli mumoloma anoho shamuvoola tawe, shichira mulaherwa shamuvola isaa yeneyo. ²⁰shichira shivali munye mumoloma tawe, navutsa Roho wa tata wenyu alamolomera mumunye.²¹Amwavo alatsama amwavo wewe khutukha yirwe, khandi tata alatsama mwana wewe.Vaana valiitsa khuhangalitsa vivuli vavo nu khuchira virwe. ²²Mulahimwa na vandu voosi shichira lira lianje:Navutswa woyo yikhutsira khutukha limala alahonyinywa. ²³Navutsa niva mulatambitswa mulitala lilala,mwilukhire mulitala lindi: muvolera kirhikali ndi,numushiri khutaala mu matala kosi ka Israeli, mwana wu mundu alava nakalukhe.²⁴Mweechitswi shianyala khuva mukali khuvira mweechitsi wewe tawe, shinga murukwa khuva mukali khuvira muruchi wewe. ²⁵Khu lwayako mweechitswi anyala khuva khuli mweechitsi wewe khaandi murumwa anyala khuva khuli muruchi wewe, nikava valaangi mwimiriri wi inzu Beelzabub, na vandu vi inzu yeneyo valilangwa mira kafwana ndina?²⁶Mukharia vandu venavo tawe, shichira shivulaho shindu shiakhunikhwa shiitsa shivule khukhunulwa; khandi shiaviswa shiitsa shivule khumanyikha. ²⁷Shamuvolera mushisundi, mukavoole mbulavu mbasu, nakamuhulira nimoonyanga mwirwatse nu musinjire khuvisekese vi zinzu.²⁸Mukharia yavo vira mmbiri, kwonyene.Navutswa shivali nuvunyali vwu khwira mwoyo:Navutswa murii woyo uli nu vunyali vu khutivitsa mwoyo nu mmbiri mu shihatisi. ²⁹Manyonyi kalaangwa tsimiri kavili shikakulitswangwa ling'ondo lilala? Na livulakhu ho linyaala khukwa hasi vuchira lienya lia tata wenyu. ³⁰Khali liiswi lili khumirwi chenyu lia valizwa. ³¹Mukhava nu vurii tawe, muli nu vukuli vukali khuviritsa tsimiri tsinyikhi.³²Mundu wosi ulinziyama imbeli wa vandu, ninze khandi nditsa khumwiyama imbeli wa tata wanje ali mwiikulu. ³³Navutswa mundu woosi unzambakhana imbeli wa vandu, khandi inze nditsa mwambakhane imbeli wa tata wanje ali mwiikulu.³⁴Mukhakanagani ndiitsa khulera milembe mulirova tawe.Shinditsa khulera milembe navutswa shivavi. ³⁵Shichira nditsa khulera liavukhana hakari wu mundu na tata wewe, mukhana na mama wewe, khandi vanakhuvizala vakhana na vanakhuvizala vavo. ³⁶Na vaziku vu mundu valava vandu vinzu yeye mwene.³⁷Woyo uyanza tat we anoho mama wewe khuvira inze shitukhara khuva ni inze; khandi woyo uyanza mwikhula wewe anoho mwana wewe mukhana khuviritsa inze, shiatukhana khuva niinze. ³⁸Mundu uvula khujinga musalaba kwekwe, khandi anonde, shiatukhire khuva ni inze. ³⁹Vuli mundu woosi ukhava khulinda liva mwoyo lielie mwene alalikoritsa:na woyo akoritsa liva mwoyo lielie shichira inze alalinyola.⁴⁰Mundu woosi yinjiritsa munye, yinjiritsa inze, khandi mundu yinjiritsa inze, yinjiritsa woyo yaruma inze. ⁴¹Mundu yinjiritsanga muporofeti shichira nu muporofeti, alanyola mirungu chu muporofeti.Khandi mundu yinjiritsanga mundu ukholanga vulunji shichira akholanga vikholwa viu vulunji, alanyola mirungu chu mundu akholanga vikholwa viu vulunji.⁴²Khandi mundu yitsa ahekhu mulala khu vatiti yava shikombe sha maatsi mashindu shijira nu mwegitswi wanje, .muvolera kagelikali, shialikoritsakhu mirungo cheche tawe.

¹Lwa Yesu yali yakhamala khuhana mivaalo kukhwilwaza khu veechitswi veve likhomi na vavil, yaranga lujendo lu khutsia khwechitsa nu khwilwatsa mu mataala kali hiimbi iweneyo. ²Na Yohana nali mucheela, yahulila mihiinsi cha Kristo, yamanya amurhumile valala khuveechitswi veve na mareva. ³Na vamureva Yesu, "Niyiwe wenyekha khwitsa, anoho khulindilile khulola wundi ?"⁴Yesu naye yavarevulila navavolera, "Kalukhi mutsii khuvolera Yohana , yako kamulolanga nu khuhulila hanu. ⁵Avavekhu vikukha tsimoni nu khulola, valema vajendanga, valwala vuchele vahoona, na tsitimbiti vakalukhizilwa lihulila, vakhuzu visimukukhanga khurula mu likhutsa, na Ivanjeli yilwatswa khu vamanani. ⁶Vali ni ikhaavi vakhahaya hayanga khulondekhana khu mihiinsi chianje."⁷Lwa veechitswi va Yohana vali vakharulaho nu khwanza lujendo lwavo, Yesu yamoloma khu mukanda kwaliho khulondekhana khu Yohana."Lwa mwatsia khulola Yohana mushangalangwe, mwatsitsa khulola shina sha mwasuuvilanga khulola?- shitundu shivina vina mu imbuza? ⁸Khu lwayako , mwatsitsa khulola shina -mundu niyifwali tsinguvu tsyu vukuuli vunyikhi ?Kakilikali vandu vivikha tsinguvu tsyuvukuli vunyikhi vamenyanga mutsinsu tsia vami!⁹

¹Inyinga yeneyo Yesu yavirila mumulimi kwavali varakamu inganu inyinga yi lisabato.Vechitswi veve valini inzala nivaranga khwamula imu nu khulia. ²Vafarisayo vavalola nu khumuvoolera Yesu, "Heenza vechitswi vovo vakhola shikholwa sha malako keru kakaya kavule khukholwa khu litukhu lilisabato"³Navutswa Yesu yavavoolera, "Shumwasoma khu ka Daudi yakhola mumatukhu ka yali ni inzala, halala na yali navo? ⁴Daudi yinjira mulitempeli lya Nyasaye ma nalia halala na yali navo mukati mutakatifu vavule khulia, nikhali kwalilwa na vasalisi vonyene.⁵Shiumwasoma khu mumalako ka Musa khuli vasalisi varumikha mulitempeli khulitukhu lilisabato khuli vononyinyanga lisabato lienelo; navutswa valolekha vavula vudamanu vwosi? ⁶Navutswa mbavoolera, hanu khuli nu mundu mukali khuvira litempeli.⁷Mwakhamanyi khuli mang'ota matakatifu kavoolanga , ndenya tsimbavasi , tsikhali tsisadaka tsyu musango,Shumwakhakhalajile vavula vudamanu. ⁸Shichira mwana wu mundu naye mwami wi litukhu li lisabato."⁹Lwayali na mali khurula yaho, yamanya niyinjira mulisinakoki liavo. ¹⁰Na khwaliho nu mundu wali nu mukhono kwalema.Na khwaliho na vandu vakhava shivune shiukhurumikhila khumuyaala Yesu,Vafarisayo vamureva Yesu, "Kadukhana khuhonyinya mundu mulidukhu li lisabato.?"¹¹Yesu yavareva, "Wakhava musadza shi mu munye, niva yali ni likondi lilala lyonyene, ma likondi zana nilikwile muvulina khulidukhu lilisabato, shiyakha likumile alikhwese lirulemu? ¹²Mundu shali nu vukuli vunyikhi khuvira likondi! Khulwayako malako keru kavuchilila khukhola vulahi mulidukhu lilisabato.¹³Nalwo lwa Yesu yavoolera mundu woyo, "Nyira mukhono kwo ."Yamanya nanyira na nu kuhona;nukukalukha vulahi lhuli mukhono khundi mulamu. ¹⁴Navutswa vafarisayo varulaho nivatsia khulomba shikhalo khuli vanyala khumwira.¹⁵Navutswa Yesu lwayamanya kavali ni valokhitsanga, yamanya arule hawenaho.Vandu vanyikhi vamulonda, naye yavahonyinya vosi. ¹⁶Navutswa yavakaya vakhazia khulomba amanyikhe khuvandu. ¹⁷khudukha karhwekhitswe kahandikwa nu muporofeti Isaya lwayavoola,¹⁸"Loli, murumikhi wanje murovole, muyanze wanje wu mwoyo kwanje kuyanzitswa naye.Ndavikha Roho wanje muye. Naye aliitsa khwilwatsa khu vandu voosi katooto kaanje.¹⁹Shialiitsa khulembana anaho khulanjilila,mundu avulakhuho uliitsa khu-hulila khu muhaanda mwoyo kwekwe. ²⁰Shialiitsa khuva mululu khu vandu vatetekhele, anoho khukwana yavo vavula tsingulu taawe.Aliitsa khutsililila khwikhutsilakhulola katooto nikamali khurwekhitswa. ²¹Vandu vi tsimbia tsiosi valiitsa khura lisuuvilitswa liavo muye."²²Navamulerela Yesu mundu wa matimoni kuvuvekhu khandi ki itimbiti.Yamuhonyinya, khulwayako muvekhu itimbiti yamoloma nu khulola. ²³vandu vosi vajenya khu yaka, nivavoola, wuyu shali mwana wa Daudi?"²⁴Na vafarisayo vahulila shilolekhitso yishi ,vavoola, "Wuyu shakhunga matimoni navustwa arumikhila Belezebuli mukhongo wa matimoni." ²⁵Yesu yamanya inganakani yavo na vavoolera, vwamihi vwosi vukavukhanaga vulera khusambukha, na shavuli litaala nohomba insu ikavukhananga shirasinjira.²⁶Shetani nakhunga Shetani, yikavukhanyinya mwene Khumwene.Khu vwami vwe vwakhasinjire ndi? ²⁷Na niva khunga matimoni khurumikhila Belzabub, na vana venyu navo vakakhunga ni varumikhila wina? Shichira yaka valiitsa khuva vakhalaji venyu.²⁸Navutswa niiva khunga matimoni khu muya kwa Roho wa Nyasaye, mumanye vwami vwa Nysaye vwayitsa khumunye. ²⁹Makhandi ndio wina unyala khwinjira muinsu yu mundu wizingulu yonone vindu vye niyakhrangi khuvoha woyo witsingulu mbilio khu yononyinye insu yeye. ³⁰Mundu ukhali nintse shi avujeritsa nintse, ukhavunjeritsa halala ninze ye nu musalanyinyi.³¹Mbavoolera , vwoni na manyeko vyosi vandu valasamihwa , navutswa khunyega Roho mulahi wa Nyasaye shivulaverwa. ³²Woyo umolomanga khu mwaana wa Adamu vutamanu, alaverwa tsimbavasi, navutswa ulomoloma vutamanu khu Roho wa Nyasaye , shialaverwa mulilova yili anoho mulilova liitsanga.³³Mudukhe khulomba musaala mulahi na makhuyu kakwo kalava malahi, anoho mulomba musaala mutamanu na makhuyu kakwo kalava matamanu, shichira musaala kulamanyikha khu lwa makhuyu kakwo. ³⁴O munye lwivulu lywi vihirikomo, shichira muli vatumanu, munyalandi khuvoola malahi? Khurula khulikanakana linyikhi lya vili mumwoyo, munwa kumolomanga. ³⁵Mundu mulahi khurula mulivikhiro lyinyikhi lyu mwoyogwe alalera vindu vilahi.Na mundu mutamanu khurula mulivikhiro lyu mwoyogwe alarera mayoolo.³⁶Mbavavoole, inyinga yi likhalachilwa vandu valikhaane shivune sha vuli ling'ana litsimbakha lyu mundu yavoola. ³⁷Shichira khu makhuva koko mwene ulavalitswa vulunji, khandi khu mukhuva koko mwene ulakhalachilwa."³⁸Valala khu vang'odi na vafarisayo vamurevulila, "Mweechitsi, khwakhayanzi khulola shilolekhitso khurula khuyiwe". ³⁹Navutswa Yesu yavarevulira navavoolera, "Munye likhula litamanu ni lyu vuheyi mureva shilolekhitso.Navutswa shivulaho shilolekhitso shamuherwa, shikhali shilolekhitso shu muporofeti Yona . ⁴⁰Khuli Yona yali mataukhu kavaka mmbasu nu vutukhu munda mwi isutsi ,khandi ni ndio mwaana wu mundu alakhave matukhu kavaaka mmbasu nu vutukhu mu mwoyo kwilirova.⁴¹Inyinga yi litukhu lilikhalchirwa vandu va Nineve valakhasinjile ni likhula yili nu khumukhalachila.Shichira vo vikanila khuvirila khulilwatsa lya Yona , Navutswa heenzi, mundu uli mukali khuvira Yona ali hanu.⁴²Muruchi wi shikhali wa Sheba aliitsa khusinjila khumuyaala inyinga yi litukhu liu khukhalachilwa, shichila yachenda khurula mushivala shieshie shili isavaalu, natsia khuhulila meechitso kuvusitsa ku mwami Solomoni , na heenzi, mundu alihanu mukali mmbunyikhi khuvira Solomoni.⁴³Lwa litimoni lirula mu mundu, lichendachenda mushivala shumu nilikhava ha lihulukhila, navutswa lwalivula khunyola hukhuhulukha ⁴⁴limanya livoola ndakalukha mu yinzu yanje yandarulamu, lwene lwa likalukha nu khunyola nili inzere nu khunihizwa. ⁴⁵limalizia khuvukula matimoni kandi saba matamanu khulivira nu khwinjira nako kamenye muwenomo.Na liiva lyu mwimala lyelye adamana khuvira mwiranga.Nindio kalakhave khu vandu vatamanu vi likhula matukhu kanu."⁴⁶Lwa Yesu yali nashimoloma khuvandu,mamawe na vamwavove vasinjira ilwanyi, nivenya vamolome naye. ⁴⁷Mundu wundi yamanya amuvoolele,Heenza mamawo na vamwavovo vasinjile ilwanyiyeyo navenya khumoloma nive."⁴⁸Na Yesu yamurevulira namuvolera, "Ni wina uli mama wanje na vaanga wina vali vamwavo vanje?" ⁴⁹Ma nanyira mukhonokwe nu khusona khu veechitswive nukhuvoola, "Heenzi yava navo mama wanje na vamwavo vanje! ⁵⁰Woyo ukhola lyenya lya Tata wanje uli mwikulu, navo vamwavo,na vambotswa na mama."

¹Mulitukhu lieneyelo, Yesu yarula ilwanyi wi insu na yikhala khuluchinga lwi inyanza. ²Mukanda mukali kwa vandu kwivunjiza hayali, naye nazia khwikhala muliaro na mukanda kusinjila khuluchinga.³Yamanya na vavoolera mang'ana manyikhi khuvirila mutsinganu, navooila: Mumitsi yarula nu vukuutsa khumiitsa. ⁴Lwayamiitsa, vukuutsa vulala vwakwa khunjila, na manyonyi kiitsa nikavuvootsa vukuutsa zana. ⁵Vukuutsa vundi vwakwa khulwanda, hakhali na malova manyikhi na vukuutsa vwameela vwangu vujila malo kukhuhilamu mili. ⁶Navutswa liuva liakha niliva mmbasu mululu, viragwa vieenevo vyasambwa shichila mili javo jiali khwikulu.⁷Vukuutsa vundi vwakwa mushisakha sha mawa kivikunga kavukhunikha ni ing'inini . ⁸Vukuutsa vundi vwakwa mumalova manulu, nuvumela nuvudukha,nuvwama imu, vulala vwaminya imia khu imia,vundi vwaminya makhomi sita khumia, nuvundi makhomi kavaka mkhumia. ⁹Woyo uli na maroyi kukhuhulilra,na ahulire.¹⁰Aveechitswi veve viitsa, nivamureva, shichira shina umolomanga khu vandu khuvirila mutsinganu? ¹¹Na Yesu yavarevulila ndi:Shichira munye mwahelwa vucheli vukhumanya tsisiri tsyu vwami vu mwigulu, navutswavo shivahelwa vucheli vwenovo mba. ¹²Khuwoyo ulinavyo, alameetwa khandi, ave navyo muvunyikhi. Navutswa woyo uvula shindu shiosi, khali shakanakananga alinasho aliitsa khunulwa.¹³Yishi nasho shivune shichira nimoloma khuvo khuvirila mutsinganu:Khali niiva valolanga, vavule khulola. khali niiva vahulikhizanga, navutswa shivalahulila nu khumanya. ¹⁴Khuvo vurwekhizi vu vuporofeti vwa Isaya vuladukha vwa Nyasaye yavoola:"kakilikali mulahulikhitsa navutsa shiu mulahulila, makhandi mulaheenza, navutswa shiumulalola nu khumanya."¹⁵Shichila vwongo vwavo vwalindaala,na maroyi kavo kayikala ,na tsimoni tsyavo tsiavekhula,nikakhali ndio vakhaloli ni tsimoni tsyavo, makhandi vakhahulile na moroyi kavo nu khumanya nu vwongo vwavo nu khukalukhana, nu khwitsa khwinze khuvahonyinye".¹⁶Navutswa tsya kasitswa tsimoni tsyienyu, shichila tsilolanga: khandi maroyi kenyu shichila kahulilanga. ¹⁷Kakilikali muvoolela, vaporofeti na vandu valunji vanyikhi vali nilienya liukhulola vindu yivi vyamulolanga,navutswa shivavilola taawe, khali khuhulila kamuhulilanga, na shivahulilakhu.¹⁸Khahulikhitsi , khand mweeche ku lukanu lu mulimi yatsia khumitsa vukuutsa luvoolanga. ¹⁹Mundu lwa hulilanga likhuva lyu Vwami vwu mwigulu, na akorwa khumanya, naho naho, mutsiku woyo yiza, amunula imu iveza yarakwa mumwoyo kwekwe. Yuvu navwo vukuutsa vwamitswa khunjila.²⁰Vukuutsa vwakwa khulwanda, ni yavo vandu vahulilanga likhuva na khuvwangu valivukula nu khusangala. ²¹Navutswa shilinjila mukari mumioyo chavo na khandi shivanyala khulilinda limenye muvo.Lwa vanyola vutinyu noho khutambizwa shichira likhuva, vakhutsa mioyo vwangu nu khukalukha inyuma.²²Vukuutsa vwakwa mu mawaa ki vikungu navo vandu vahulilanga likhuva, nikhali shichila linyakhizwa li shivala ni liluvwa liu khwenya khuva vahinda, viira likhuva muvo ma varikala vandu vavula vyamo . ²³Vukuutsa vwamitswa mu mulova manulu, ni vandu vahulilanga likhuva, khandi valimanya; valala imia khu imia, vandi makhomi sita khu imia na vandi makhomi kavaga khu imia khurula khu viti vyarakwa.²⁴Yamanya na vavoolela lukanu lundi:Vwami vu mwikulu vunyala khusasanyinywa khu mundu wa mitsa vukuutsa vulahi mumulimi kwekwe. ²⁵Navutswa lwavandu vali vakonanga, mutsiku wewe yiza namitsa mumulimi zana vukutsa vwa mavaanze mu inganu yali yarakwa ma nazia vishili khumera. ²⁶Lwavyamera, nividuka nalwo mavanze kalolekha kamel a halala ni inganu.²⁷Avayinziri vu mwene mulimi viza vamuvolera mukhongo.Shiu wamitsa vukuutsa vulahi mu mulimi kwokwo? shichira shina mavanze kanyolekhemu? ²⁸Yamanya na vavolera, mutsiku naye wakhola yako.Navayinziri vamureva, "Wenya khuzii khwiha mavanze khukarulizamu?"²⁹Mwene mulimi yavavoolela, Lekhi, shichila lwamuva mwiha mavanze inganu khandi ilihikha halala nako. ³⁰Lekhi viosi inganu na mavaanze vidukhile halala khudukha mu inyinga yi lichesa.Munyinga yi lichesa ndiza mbolele vachesi, "murange khuvunjiza mavaanze halala nu khuvoha muviduma nu khuvisamba,ma muvunjize inganu nukhulera mushiachi shianje."³¹Na Yesu yamanya na vavoolera lukanu lundi:"Vwami vu mwikulu vuli khuli lukuutsa luti muno khuli lwilisavakhwa, lwa mundu yavukula namitsa mumulimi kwekwe. ³²nalwo nu lutiititi muno khuvira vukuutsa vundi vwosi, navutswa nulwakhameela nulukali muno khuvira virakwa vindi viosi.Lukwitsa musaala ma manyonyikitsa khumbakha vitsu viavo mu tsisia tsiakwo.³³Yesu yamanya na vavoolera lukanu lundi."Vwami vu mwigulu vuli khuli mamela ku mundu mukhali yavukula nazukanyinya mu vijero vivaga vyuvusi ni kalomba shinokho shiosi khuvimba."³⁴Yesu yavamolomera makhuva yaka kosi khu mikanda cha vandu na rumikhila tsinganu; na shivulaho shayavavolela vuchila khurumikhila tsinganu. ³⁵Yesu yakhola yako kosi khurwekhitsa ku muporofeti yalii niyavoola;"Ndakhunula munwa kwanje mbamolomele mutsinganu.Ndavilwatsila makhuva kaviswa khurula lilombwa lilirova, khurula mu musinji kwi lilova."³⁶Yesu yamanya alekhane ni shituma sha vandu, niyinjira muinsu;Veechitswi veve viitsa khuye ni vamureva khuvulile ku lukanu lwa "mavanze mumulimi " lweechitsanga. ³⁷Yamanya na vavoolela :Woyo wamitsa vukuutsa vulahi ni mwana wa Adamu. ³⁸Mulimi navo vandu vu mushivala; vukuutsa vulahi, navovandu vu mu vwami; mavaanze, navo vandu vu mutamanu woyo; ³⁹khandi mutsiku wamitsa mavaanze,neye Ibilisi; lichesa, nalio shiheeli shi lilova; khandi vachesi, navo tsingelosi.⁴⁰Khuli mavaanze kavunjelitswangwa nu khusambwa mu mulilo, ni ndio khandi kaliitsa khukholekha matukhu ki shiheeli. ⁴¹Mwaana wa Adamu aliitsa kuruma tsingelosi tsitsie khuvunjitsa khurula mu vwami vuli mundu wosi uchila vandu nivakhola vwoni, ⁴²ma vitsa vavasuve mu muliro mwitsa muve nu khulumanya miino. ⁴³Nalwo lwa valunji viitsa vaakhe vulavu khuli liuva mu vwami vwa Tata wavo.Woyo uli na maroyi na a hulire.⁴⁴Vwami vu mwikulu vuli khuli livikhilo liitsahabu liaviswa mumulimi, liu mundu mulala yajilola yajivisa khandi mumulimi zana,Nali nu vuyanzi yatsia khukulanyinyavyosi vyayali navyo atukhe khukula mulimi tsana. ⁴⁵Vwami vu mwikulu vuli khuli mushilanyinyi khulomba vukhala,akhavanga machina malahi kuvukuli vululu.(ilulu) ⁴⁶Lwa yanyolakhu shisia shia machina zana kuvukuli kenako..⁴⁷khandi vwami vu mwikulu vuli khuli ineti ya valuvi vasuva mu inyanza khuluva tsisutsi tsinganu tsinyikhi. ⁴⁸Lwa yali niyitsule tsisutsi valuvi vajikhwesa khulujinga vikhala nu khudola tsisutsi tsindahi nu khutsivikha muvicho vilahi, navutswa tsisutsi tsinadamanu vatsisuva.⁴⁹Ni ndio kiza kave inyinga mu matukhu ki shiheeli, Tsingelosi vitsa vakavulanyinye vandu vatamanu khurula mu valunji. ⁵⁰Viitsa vavasuve vandu vali vatamanu mumulilo mwitsa muve ni khwikhula nu khulumanyinya miino.⁵¹Yesu yamanya na reva, "mumanyi yako koosi kamuvoolere? Navo vamuvoolera "Nyee". ⁵²Yamanya na vavoolera," vuli mwechitsi wosi wamalako wechitsa makhuva khulondekhana khu vwami vu mwikulu anyala khusasanyinywa khu mwene insu urulitsanga mulivikhilo lie vindu viyia ni vikhulu." ⁵³Yesu lwayali ya khamala khweechiza tsinganu yitsi, yahama na rula ho.⁵⁴Lwa yatukha mu litaala li ingo wavo, yeechitsa vandu mumasinagoki na vandu vamuhulila vali nilichenya nukhureeva "Mundu wuyu anyoli hena vusitsa yuvu ni tsingulu tsiu khukhola vilolekhitso yivi? ⁵⁵Uyu shali mwikhula wu mufundi wi vindu vitsimbahu?Nyina wewe shiali ulangwa Maria, na vamwavo veve Yakobo, Yosefu, Simoni na Yuda? ⁵⁶Na vambotso veve vosi shivali hanu halala na khutse? Mundu wuyu yanyola hena vindu yivi viosi?⁵⁷Vamanya vavihirizwe naye ni vamwambakhana.Navutswa Yesu yavavoolera,"muporofeti shiahelwa luyali iwavo, nikhali muvivala vilwayi". ⁵⁸Yesu shimanya akhole vilolekhitso vinyikhi iwavo tawe, shichila vandu venavo vambakhana khumusuuvila.

¹Mumatukhu kenako , mwami Herode yamihanga lusomo lwa Galilaya, yahulila lukhumu khulondekhana khu Yesu. ²Navoolera varukwa veve, "Wuyu ni Yohana Mubatisi; yayisimukukha khurula mbakhutsu.Khulwayako tsingulu yitsi tsili khumiyinzi muye."³Herode yali yamukumila Yohana, khumuvoha,nu khumuvikha muvuhambe shichila Herodia, mukhali waliinji wa amwavowe Philipo. ⁴Shichila Yohana yali yamukaya nu khumuvoolera, "Maloko kambakhana yiwe khuhira mukhali wa amwavowo." ⁵Shavulila shiti Herode amwire, navutswa yaria vandu, shichila vandu vali vamusuvila khuli muporofeti.⁶Na litukhu lyukhwizukhitsa nu khwikhonyera livulwa lia Herode liadukha, mukhana wa Herodia yasieva vulahi hakari hishiduma nu khuyanzitsa Herode. ⁷Mulimanyinya uyanzitswe, yarevula indagano yu khwisuha khu mukhana wuyu, ndi shyosi shareva alamuha.⁸Namali khutsuvwa na mamawe,,mukhana yareva, "Umbe yaha , khuyibesheni yiyi, murwi kwa Yohana mubatisi lweneyulu." ⁹Mwami yikosa naverera khu lireva yili, navutswa shichira lisuha lye makhandi shichira yavo vosi valiho mulilia yelo naye, yamanya arumane vamukholere khuli yareva.¹⁰Yarumana Yohana asinzwe wayali mucheela. ¹¹Nivalera murwi kwekwe khu ibesheni nu khuhana khu mukhana, na mukhana na vukula nu khuhilila mamawe. ¹²Na vechitswi va Yohana viza nivavukula muvili kwe, nivazia khumura.Nivakhamala yaka vazia nivamuvoolera Yesu kali kakholekhe.¹³Na lwa Yesu yahulila yaka,yanina liaro natsia mushangalangwe.Lwu mukanda kwahulila luveka lwayatsia, vamulonda khuvilenje nivarula mumatala. ¹⁴Na Yesu yitsa imbeli wavo nu khulola mukanda mukali muno.Yavavererera nu khuhonyinya valwale vavo.¹⁵Lwa halukolova hatukha, veechitswi veve vitsa khuye nivavoola, "Hanu ni mushangalangwe,na tsisaa tsitsile muno.Lakhula mukanda kutsi,khuvatukhe khutsia mutsisomo tsiavo khwikhavila shyukhulia."¹⁶Navutswa Yesu yavavoolera , "Havulaho shivune shyukhuvalakhula vatsi ihale.Vahii shavanyala khulia." ¹⁷Navo vamuvoolera, "Khuli vutswa ni mikati chiranu ni tsisutsi tsivili zionyene." ¹⁸Yesu yavavoolera, "Ndereli ."¹⁹Yesu voolera mukanda vikhale hasi khuvulimo vwi shikuri.navukula mikati chali chiranu nende tsisutsi tsivili.Naheenzi mwikulu, yakasitsa nu khutong'olanyinya mikati nu khukavulila veechitswive, navo vanza khuhana khu mukanda. ²⁰Vandu voosi valia na nivikura.Na nivavunjitsa matonye karikala ki mikati chatong'olanywa--viluvi likhomi na vivili ni vitsule. ²¹Na vandu valia vali vadukha tsielefu tsiranu tsia vasatsa, nu khukhavalitse vandu vakhali na vaana.²²Na vwangu , Yesu yavaruma veechitswi ve vinjire muliaro nu khutsia imbeliwe khulujereha lwi inyanza, naye narikala nashiruma mikanda khuhuya. ²³lwayali niyakhamala khulakhula mikanda jitsile, yanina khushikulu ye mwene khusala.Khulukolova lwakhutukha, yaliyo wonyene. ²⁴Na liaro liali litsile ihale munyanza khurula khulujinga, na nilinuywa vutinyu imbuuza khandi ni vikuvuli vinyanza, shichila imbuuza yi shihunguzu yali nivalumba khukalukha inyuma..²⁵Mutsisa tyukhulinda tsikhola khanne muvudukhu, Yesu yavalolkhera navitsiranga, khandi najendanga khumazi ki inyanza. ²⁶Lwa veechitswive vamulola najenda khu inyanza, vasumbukha nu khuvoola, "ni shinanyenzo", nivalila nuvuri. ²⁷navutswa Yesu yamoloma khuvo navoola, "Mukhikosa mba! Niinze! mukharii mba."²⁸Na Petero yamuvoolera, "Mwami niva niwe, nanga nditse khuive ninjenda khumazi." ²⁹Yesu yamulanga, "Hamba." Khulwako Petero yikha muriaro najenda khu mazi natsia khu Yesu. ³⁰Navutswa, Petero lwayalola imbuza inditoho , yamanya naria.Na lwayanza khusikhira manyanza.yalira nukhuvoola,"Mwami mbonyinya!.³¹

¹Valala khuvafarisayo na vang'odi khurula Yerusalemu viitsa khu Yesu nivavoola, ²Shichila shina veechitswi vovo vononyinya malako ka vakhulundu? Shivisaavanga makhono kavo lwa valiitsa mikati tawe. ³Yarevula navavoolera, na shichira shina munye mwononyinyanga malako ka Nyasaye ni miima chenyu?⁴Nyasaye yavoola, "Mwitusominye tata na mama wowo, na woyo unyekanga tata anaho mama wewe alakhutsa likhutsa. ⁵Navutswa munye muvoola, ulivoolera tatawe anaho mamawe, shyosi shitukhananga khukhonywa na inze ni shihanwa khu Nyasaye; ⁶woyo shadukhane khuhana luyali khu tata wewe.khulwi injila khuli yiyi umalikhulomba ling'ana lia Nyasaye khuvula shivune, shichila miima chenyu.⁷Munye vakaadi, lilava khuli Isaya yaporofeta khumunye, na voola. ⁸Vandu yava vanzitsominyanga ni minwa chavo, navutswa mioyo chavo jili ihale na inze. ⁹Navo vasikamilanga shikhaya, niveechitsa meechitso kavandu."¹⁰Yamanya nalanga shiduma shisunde khuye, navavoolera hulikhitsi, mumanye- ¹¹Shishili shinjiranga mumunwa nashyo shononyanga mundu, navutswa ni yeshyo shirulanga mumunwa, nashyo shimwononyinyanga.¹²Veechitswi veve vamwitsila, navavoolela, "umanyikhu vafarisayo vadunya lwa vahulila likhuva yili? ¹³Yesu yerevula navavoolela,Shirakwa shiosi, shyavulakhurakwa na tata wanje wu mwikuulu , shilikhwa. ¹⁴Valekhi yavo ni vimilili vavekhu.Muvekhu niva alamwimilila muvekhu woshionyo , voosi valakwa muvwina."¹⁵Naye Petro yarevula na voolela Yesu, "Khwivalile ku luganu yulu luvoola." ¹⁶Yesu yavavolela, Khali munye khandi muvula vucheri vwilimanya? ¹⁷Shyumumanya shyosi shinjiranga mumunwa, shivirilanga munda ma shisuvwa muvulimo anoho muvwina?¹⁸Navutswa virulanga mumunwa virulanga mumwoyo; navyo vilombanga mundu khuva nuvudamanu. ¹⁹Mumwoyo virulamu , livoola lidamanu, vwiri, vuheyi, vwivi, khuhana livola lyuvuvehi, na manyego; ²⁰Yako nako kalombanga mundu khuva nuvudamanu; navutswa khulia vujira khwisaava makhono shukhulombakhu mundu khuva nuvutamanu taawe.²¹Yesu yarula yaho, natsya luvga lwa mataala ka Tiro na Sidoni. ²²Heenza mukhali mukanani yarulanga muluvega lweneyolo yarulila na hanzukha nu khuvoola"Umbele tsimbavasi mwana wa Daudi! mwaana wanje mukhana anyakhizwa vutamanu ni litimoni." ²³Yesu shiyarevula shindu shyosi.Veechitswi veve viitsa khuye khumusaya nukhuvoola, mulekhe azii, shichila akhulombelanga liyoko.²⁴Yesu yarevula, shindarumwa khumundu woosi mba, navutswa khumakondi kakora, ki inzu ya Israeli." ²⁵Naye yiitsa na musikamira, na voola, mwami, khonya. ²⁶Yarevula namuvoolera, shiuvuli vulahi khuvukula [ mukati ] kwa vaana nukhusuvila vaana visimbwa.²⁷Naye yamanya navoola, kali ndio mwami, navutswa, khali tsisiimbwa shitsilitsanga khu matonye kakwitsanga hasi hii imesa ya vami vavo. ²⁸Na Yesu yamurevulila,, o mukhali yiwe lisuvila liolio ni likali kave khuyive khuli lyenya lyolyo.Khurula inyinga yeyo mukhana wewe yahona.²⁹Yesu ya rula yaho natsia himbi ni inyanza ya Galilaya, natsya khushikulu, ni yikhala hasi. ³⁰Vandu vanyikhi viitsa khuye vamulerela valema,vavekhu,tsitimbiti, na vandi vanyikhi. Vavavikha hasi hii vilenje vyevye atukhe khuvahonyinya; ³¹Shituma shali nilijenya khuvaloola tsitimbiti ni vamolomanga, valema nivajendanga, vavekhu ni valolanga, ni vitsominya Nyasaye wa Israeli.³²Yesu yalanga veechitswi veve na vavoolela, ndi ni livelela khu shiduma yishi,shichira vavere ni inze matukhu kavaaka, na vavula shyukhulia na shindavaruma vatsii ni inzala, shichila vanyaal khushindira khu injila. ³³Veechitswi veve vamuvoolela, nakhunyole hena mikati mushangalangwe munu, khudukhe khuliikhitsa nu khwikuritsa mukanda mukali khuli yuku? ³⁴Yesu yavareva, muli ni mikati changa?Vamuvoolera "chiranu na chivili nu rusutsi rutitiiti" ³⁵NaYesu yavavoolela mukanda, yikhali hasi khuvunyasi.³⁶Yavukula mikati chali chiranu na chivili ni tsisutsi, ni yakhamala khusanditsa mwisaala, natong'olanyinya na vaha veechitswi veve. Na veechitswi veve nivagavulila mukanda. ³⁷Vandu voosi valia ni vikura.Ni vavunjiza matonye karikala ni kiizula viluvi viranu na vivili. ³⁸Voosi valia vali vandu tsielefu tsinne, nukhukhavalitse vakhali na vaana. ³⁹Na Yesu yamanya arume mukanda khutsya ingo, naye na nina mu liaro natsya muluveka lwa Magadani.

¹Vafarisayo na vasadukaoyo vamwitsila khumujeritsa, vamureva avamanyinye vilolekhitso virulanga mwikulu. ²Yarevula, na vavoolera, lwayitukha halukolova mumanya muvoola, mulenjero kulavakhu mulahi lelo, shichila likulu ni limuchi.³Na mumavwevwe, muvoola,lelo khulava ni imbudza; shichira likulu ni limuchi khandi liikhaanga.Munye vatamanu , mwamanya lina likulu lifwana; navutswa shiumumanya vilolekhitso vitsinyinga. ⁴Munye likhula litamanu nu lyuvuheyi mukhava shilolekhitso,nikhali shivula shindi shamuhelwa, navutswa shiliho ni shilolekhitso shyu muporofeti Jona yamulekhera ma natsya.Na Yesu yalekhana navo natsya handi.⁵Lwa vechitswi vadukha lujerekha lundi, vali vivilire khuvugula mikati. ⁶Yesu navachelihitsa, "Muhenze mwilinde khu mamera ka vafarisayo na vasadukayo." ⁷Vechitswi varevana vene khu vene nivakanagana nu khuvoola, Ni shichira khuvuli khuvukula mikati. ⁸Na Yesu yamanya inganagani yavo, yavavolera," O munye virisuvira liti, shichira shina muganaganga khuvene nukhuvola ni shichira khuvuli khuvukula mikati?"⁹Mushili khumanya? khali shiumwtsulitsanga mikati chali jiranu na jiviri chalilwa ni tsielefu tsiranu, khandi viruvi vianga mwavunjitsa.? ¹⁰anoho mikati chali saba chalilwa na vandu tsielefu tsinne, na ni viruvi vianga vya matonye vya rikala numuvukula?¹¹Kali ndina shumumanya shimolome khumunye shichira mikati? Muhenze nu khwilina khu mamera kavafarisayo na kavasadukayo". ¹²Na vamanya ni vamanya ndi shiyavoola khu mamera kumukati, navutswa vihenze nu khwilinda khurula khu mechitso ka vafarisayo na vasadukayo.¹³Na lwa Yesu yatsya muluega lwa Kaisarea-Filipi, yareva vechitswi ve navola," vandu vavola mwana wa Adamu ni wina?" ¹⁴Navo vavola, "vandu valala vavola uli Yohana mubatisi; na vandi vavola uli Elijah, vandi Yeremia, anoho mulala khu vaporofeti." ¹⁵Naye yavavoolera, "Navutswa na munye muvoola inze ndi wina?" ¹⁶Simoni Petero narevula nu khuvoola, "Yiwe uli Kristo mwana wa Nyasaye Umenyanga."¹⁷Yesu yarevula na muvolera, "Ukasitswe yiwe Simoni Bar-Yona; shichira muvili na masai shivikhuvulile yaka, navutswa Tata wanje Uli mwikulu. ¹⁸Inze khuvoolera, yiwe ni Petero, na khwiwe ndumbakha likanisa lyanje; khali miliango chishihatisi shijilanyala khulikura.¹⁹Ndakhuha tsifungu tsyu vukhumi vu mwikulu,shyosi sha uvoha hasi hanu shilavokhwa mwikulu, na shyosi shuvoholola hasi hanu , shilavohololwa mwikulu." ²⁰Yesu yavakaya vavule khuvolera mundu wosi ndina yali Yesu Kristo.²¹Khurula inyinga yeyo Yesu yilolekhitsa khu vechitswi veve, khuli kamudukhila khutsya Yerusalemu , ma anyakhitswe muvindu vinyikhi, vya vasakhulu na vasalisi na vang'odi;adukhe khwirwa,ma yisimukukhe lidukhu lya khavaka. ²²Petero yamuvukula haluvega, naranga khumukondekhera nu khumuvolera, "shikadukhana mwami yako shikalakhunyola.!" ²³Navutswa Yesu yakalukhana namuvolera Petero, "Tysa inyuma wanje yiwe Shetani! ukhava shisundi khwinze, shichira kauvoolanga shikali ka Nyasaye, navutswa kavandu."²⁴Inyinga yeyo Yesu yavavoolera vechitswi ve ,mundu wosi wenya khunonda, yikaye mwene, ma yitiukhe musalaba kwe mwene nu khunonda. ²⁵Woyo wilinda liiva lye alalikoritsa, na woyo ukoritsa liiva lye shichira yinze, alalinyola. ²⁶Kalamukhonya shi mundu khunyola miandu chi shivala shiosi ma akoritse liivamoyo lye? na mundu anyala khuhana shina havukono hi liiva lyelye?²⁷Shichira mwana wu mundu aliitsa nuvukhumi vwa Tata wewe halala nitsingelosi tsietsie, nalw lwalirunga vuli mundu khulondekhana khu vikholwa vye. ²⁸Kakilikali muvoolera munye, khuli na vandu vasinjire valala namunye hanu. vakhalole likhutsa , khudukha lwavalilola mwana wa Adamu niyitsanga muvwami vwevwe.

¹

¹Inyiinga yeneyo vechitswi vitsa khu Yesu nivamureva," ni wina mukali mu vwami vu mwigulu?" ²Na Yesu yalanga mwana mutiti, namusinjiritsa hakari havo, ³Navoola, muvoolera, kakilikali, mukhakalukhana muve khuli vaana vatiti, munye shumulinjira mu vwami vu mwikulu .⁴Khu lwayako mundu woosi wichehitsanga khuli mwana mutiti wuyu , naye ali mukali muno mu vwami vu mwikulu. ⁵Na khandi mundu woosi winjiritsa mulala khuyava vana vatiti mu lira lianje, alava niyinjiritsa inze. ⁶Navutsa mundu yituhitsa khu mulala khuyava vasuuvira muinze, vwakhavere vulahi lichina lisungwe mwing'ori mwemwe ma asuvwe mmululiva lwi inyanza.⁷Nuvutinyu mushivala shichira vindu vichira vandu nivi tuhizwa , nu khukhola vwoni! Vindu yivi vilitsa: Navutsa vulava vutinyu khu mundu wa macheritso kenako kizirakhu! ⁸Khu lwayako, mukhono kwokwo, anoho shirenje shioshio nishikhuhira mmbwoni, ureme nu khuvirulitsa khwiiwe.Shichira nivulahi iwe khwinjira muvulamu nu wafwokoya anoho nu walema khuvira khuva ni makhono kaviri ni vilenje viviri, mausuvwe mu muliro kwi mihika ni mihika.⁹Niva imoni yoyo nay ichiranga ukhole vwoni,chihe usuve ihale niwe mwene, nuvulahi khinjira muvulamu ni imoni indala, khuvira khuva ni tsimoni tsiviri, ma usuvwe mu shihatisi shu muliro.¹⁰Muhenzelitse, muvule khuchaya mulala khu vatiti yava, shichira muvolera kakilikali, tsingelosi tsiavo mwikulu tsihenza inyanga yoosi mmoni mwa tata wanje ali mwigulu. ¹¹Shichira mwana wu mundu yitsa khuhonyinya vandu vakora.¹²Mukanakana ndina? mundu niyavaya makondi imia iindala na lilala khuko likore, shalekhanga makondi makhomi tisa na tisa, ma atsia mmbikulu, khukhava likondi lilala likori? ¹³Na lwalinyoolanga,muvooleranga kakilikali, avetsaanga nuvuyanzi mbiririra khulikondi lienelo, khuvira makondi kandi makhomi tisa na tisa kavuli khukora. ¹⁴Khali ni ndio, shililikhu lienya lia Tata wenyu ali mwikulu, ndi mulala khu vatiti yava atukhe khutiva.¹⁵Amwavo wowo na khukosera, tsia umuvolere, numuli vutswa naye vaviri, na khuhulire ulava nu mukhonyi khurula mmbwoni. ¹⁶Navutsa navula khukhuhulikhitsa, vukula mundu wundi mulala anoho, vaviri niwe mwene, khu khuvira khu minwa cha valolikhitsi vaviri anoho vavaka khuvuli likhuva litinye.¹⁷Nava umuchaya nu khuvula khuvakhulikhitsa, muvoolere vi likanisa, nachayi khuvahulikhitsa, vilikanisa, ave khumunye khuli mundu wi shivala khandi khuli musololi wu vushuru.¹⁸Muvooleranga kakilikali, shiosi shamuvoha mulilova, shiravohwa mwigulu, khandi shiosi shia muvoholola mwirova shiravohololwa mwikulu. ¹⁹Khandi muvoolera ndi, nikava vandu vaviri valahulikhitsana mulirova khu shindu shiosi shia vareva, Tata wavo ali mwigulu alavakholera. ²⁰Shichira havundu hosi havandu vakaniire vaviri anoho vavaka mulira lianje, inze ndava hakari havo.²¹Peteroyatsia khu Yesu namureeva, mwami, kenyekha mmberere amwavo wanje mulisuuvira nakholere vutamanu; muverere hali saba? ²²Yesu yamuvoolera, khuvoolera yiwe, hali saba tawe.Navutsa khutukha makhomi saba hali saba,²³Khu vwami vu mwigulu vusasanyinywa nu mwami mulala, wenya khurunilitsa livikhiro lielie na varumikhiri veve. ²⁴Lwa yaranga lirunilitsa mundu mulala yalerwa khuye naye yali nilikoovi lielie tsitalanta tsielefu likhomi. ²⁵Navutsa shichira shiyali nuvunyali khurunga mwami wewe yahana malako ndi akulitswe yemwene halala nu mukhali wewe na vaana ni vindu vyosi viayali navyo, varunge likovi lienelo.²⁶Murumikhili woyo yakwa imbeli wu mwami wewe, namwikanira, namuvoolera, mwami wanje ikhutsire niinze, ndakhurunga likovi liolio liosi. ²⁷Mwami wu murumikhiri uyu ;,yamuvera tsimbavasi namuvoholola, namulekhera likoovi lielie liosi.²⁸Murumikhiri mwene mulala woyo yarula natsia ilwanyi, na yanyola mulala khuvarumikhi vashienye,naye yali ni likov lielie tsidinari imia indala: yamukumira, namumika mwing'ori, namuvolera, ndunga likovi lianje liosi. ²⁹Muhinziri wavahinzilanga naye yakwa hasi muvilenje vievie, namusaya, namuvoolera, ikhutsire niinze ndakhurunga likovi liolio liosi.³⁰Navutsa yambakhana khumuhulilitsa, namuvukula namuhira muchera, khutukha lwarunga likovi lienero liosi. ³¹Lwa vahinziri veshienye valola kayali nakholi, vali ni shiverera, na nivatsia khwivalila muruchi wavo kosi kali nikikholekhe.³²Na muruchi wewe yamanya na langa murumikhiri uyu, namuvoolera, "O yiwe murukwa mutamanu, inze khuvlekhere likovi lianje liosi, shichira umbolere khole ndio: ³³Niwe khandi shiuvere uverere murumikhi woshionyo, khuli inze khuvererere?³⁴Muruchi wewe yali nu vurima, namuhira murumikhiri wenoyo muchera khusalilitswa khutukha lwa runga likoovi liosi. ³⁵Ni ndio khandi Tata wanje wu mwigulu yitsa amukholere, nikava munye, khurula mu mioyo chenyu shimulavera vamwavo venyu mulisuuvira tsimbavasi.

¹Na lwa Yesu yali yakhamala mang'ana yaga, yarula Galilaya,nu khutsia mushivala sha Ivuyuda, injerekha wu mujera kwa Yorodani. ²Mukanda mukali kwa mulonda naye yavahonyinya iweneyo.³Vafarisayo vamwitsira khumujeriza,nu khumureva, "Ni khumalako mundu khumukhunga mukhaliwe khu lwishivune shosi?" ⁴Yesu yavrevulira, navavoolera "shu mwasoma ha kavoola, woyo wavalomba khurula mwiranga yavalomba musadza nu mukhali?⁵Woyo wavalomba yavoola khandi, "Shichira yaga, musadza alalekha Tata wewe na mama wewe, nu khuhambana nu mukhaliwe, na vavili yavo, valakholekha muvili mulala. ⁶Khulwayako vanyasaye avikhi halala, akhavaho mundu wu khuvavukhanyinya."⁷Navo vamureva, "Shichira shina Musa yavikha lilako mukhali aherwe ibalwa yu khumwavukhanyinya alero akhunganyinywe." ⁸Na yavavoolera, "Kali khurulana khu vutinyu vu mioyo chenyu, Musa yaviyamira khukhunga vakhali venyu, navutswa khurula muliranga shikali ndio mba. ⁹Inze muvoolera, wosi ukhunga mukhali we, ni kakhali shichira vuheyi, nu khuhira wundi, akhola vuheyi.Na woyo umulera umali khulekhwa akhola vuheyi."¹⁰Vechitswi vamanya vavoolere Yesu, " Niva keneyako nako kaliho hakari hu musaza nu mukhaliwe, nuvulahi khuvula khuhira." ¹¹Na Yesu yavavoolera, Shivali vosi vanyala khwiyama mang'ana yaga, ni kakhali khuyavo vaherwa na Nyasaye. ¹²Valiho viziri viivulwa khurila munda mwa vanyina, na valiho viziri vilomba vene khuva viziri shichira vwami vu mwikulu.Woyo wukhuchimira amechitso yaga akachimire."¹³Na vamulerela avana vatiti avavikhire mikhono nu khuvasalira, navutswa vechitswi vavakondekhera. ¹⁴Nikhali Yesu yavakaya, "Lekhi vana vatiti vitse khuyinze, mukhavakayi tawe.Shichira vwami vu mwikulu vuli khu vana khuli yava." ¹⁵Yesu yavavikha mikhono khu vana, ma na rulaho nu khutsia.¹⁶Mundu mulala yitsa khu Yesu namureva, "mwechitsi mulahi, shina shilahi shanyala khukhola ndukhe khunyola livamwoyo likhahera mba?" ¹⁷Na Yesu yamurevulila, shichira shina unanga mulahi?Shaliho mulahi navutswa mulala , naye ni Nyasaye:Nu wenya khwinjira mu vwami linda malako."¹⁸Musaza woyo namureva, :malako shina? Yesu yamuvoolera, "Ukhira ta, Ukhaheya ta, ukhiva ta, ukhahana lihenzeliza lyu vuvehi, ¹⁹Uhe tata wowo na nyina wowo luyali: umuyanze murende wowo khuli wiyanza."²⁰Musaza muvukha woyo yamuvolera, "Yaga kosi ndakavikha khurula muvwana vwanje. shina shindi?' ²¹Yesu yamurevulila, "Nu wenyi khuva mulunji, tsia ukulitse vyu ulinavyo na uhane khu vadakha, ulava ni livikhiro mwikulu : awize unonde." ²²Na vutswa,lwa muvukha woyo yahulira livoola yero, yamanya averere munonono:shichira yali ni miandu toto²³Yesu yavavoolera vechitswi veve, "Ka toto mbavoolera, nu vutinyu muhinda khwinjira mu vwamihi vu mwikulu. ²⁴Khandi mbavoolera,irhakhave vudorho khu ingamia khwinjira mulina li isindani khuvirha mundu muhinda khwinjira mu vwamihi vwa Nyasaye."²⁵Lwa vechitswi vahulila yaga, vali ni lijenya, ni vavoola ,Wina unyala khuhona?' ²⁶Yesu yavahenza nu khuvavoolera, "khu vandu ni madinyu, navutswa khu Nyasaye vindu vyosi vinyalikhanga." ²⁷Petero yamureva ndi: Henza kwalekha vyosi khukhulonda.Shina sha khunyola?"²⁸Yesu yavarhevulila,"Kakilikali mbavoolera, munyinga imbya lwa mwana Adamu nayikhale khushisako shye shyu luyali,munye vamwanonda khandi mulikhale khuvisoko likhomi na vivilli, nu khukhalajila tsihiri likhomi na tsivili zia visiraeli.²⁹Na shamulala walekha tsitsu , vamwavo, vambotswa, Tata , Nyina vana anoho mulimi shichira liira lianje, valakhanyole hali imia nu mukavwa kwi livamoyo likhahela mba. ³⁰Navutswa vanyikhi vali vukhuranga, valakhave vukhumalikhitsa, na vukhumala valakhave valakhave vukhuranga.

¹

¹

¹Yesu yamoloma navo khandi mutsinganu, navoola: ²Vwami vu mwikulu vuli khulii mwami mulala, walomba shiserero shyu mwana wewe muyayi. ³Naruma vayinzili veve khuvalanga vacheni vali valangwa mushiserero, navutswa nivambakhana khwitsa.⁴Yaruma khandi vaynziri vandi khukalukhila khuvalanga vacheni vali valangwa ,"Henzi malii khudekha vyukhulia.Tsijirishi nitsing'ombe tsianje tsivere tsikhomeru tsisinzilwe khale, na vulishindu shili shirejekhe.Hambi mushiserero."⁵Navutswa shivakhulihitsa mba, nikhali vazia khumiyinzi chavo, mulala yazia mumulimi mwe, na wundi khu [viashara] vwuvukhala vwevwe. ⁶Navandi vakumila vayinziri vu mwami yavarumila khuvalanga , ni vavasalilitsa, nu khuvira. ⁷Mwami woyo yavukula vurhima nukhuruma vasikali veve khuzia khwira avalumindi yavo nu khusamba litaala lyavo.⁸Yamanya navoolera vayinziri veve, shiserero shitukhi, na yavo valangwa shivatukhananga tawe. ⁹Khulwayako tsii khutsinjira, mulange vandu vanyikhi khuli munyala, ma muvinjiritse mushiserero. ¹⁰Vayinziri vatsia khutsinjira, nukhuvunjiza vandu vosi vavanyola, vadamanu na valahi: khu shiserero shitsula vajeni.¹¹Lwa mwami yitsa khulola vajeni, yalolamu musadza mulala yakhali ni tsinguvu tsyu mushiserero. ¹²Na mwami yamureva, "Mulina yiwe, witsi ndina munu vuchira inguvu yishiserero? naye shiyali nu lyukhuvoola.¹³Mwami yamanya avoolere vayinziri veve, muvohi makhono ni vilenje, mumurultse ilwanyi nu khumusyuva mushisundi , hanukhuve nu khulila nu khuteteitsa mino. ¹⁴Vanyikhi valalangwa, navutswa vatiti navo varovolwa.¹⁵Na Vafarisayo vamanya varule ilwanyi khatsia khulokhitsa khuli vyala khumuyaala Yesu na mang'anake. ¹⁶Vamanya vamurumile vechitswi vavo , nivali halal na vasikali va Herode[maherode] .Nivavoolera Yesu," mwechitsi, khumanyi yiwe n wa kilikali, khandi wechitsa injira ya nyasayemu vwa kilikali.Khandi syuhenderanga mwoyo ka vandu vavoolanga:shichira shuhenzanga khuli mundu ali khandi shyuli niliyanzilila vandu valla ni liavukhanyiya. ¹⁷Khu lwa yako khuvoolere, ukanagana shina? nililako mundu khuhana vushuru khu kaisari,anoho tawe?¹⁸Navutswa Yesu yamnya vali ni inganagani indamanu, navavoolera," shichira shina mwitsi khunjeritsa, munye vagadi? ¹⁹Manyinyi ligongolo litsisendi tsia murungila vusuru." Nivamulera ligongolo li tsisendi tsi idenari.

¹

¹

¹

¹

¹Asubuhi mavwevwe, vimilili vakhongo va vasalisi na vasakhulu va vandu vikhala shikhalo nishiviritsa Yesu yirwe. ²Vamanya ni vamuvoha nu khumuhila khu mwami Pilato.³Lwa YUda yali natsami Yesu, lwayalola Yesu umali khukhalajilwa, yikosa nu khuverera ma nakalukhiza mang'ondo ki tsishilinji makhomi kavaka ki ifetha khu vakhongo va vasalisi na vasakhulu. ⁴Navoola "kholi vwoni lwanditsi khutsama mundu wa masayi malunji." Navo vamurevulira "Keneyako ni shina khukhutse? wihenze mwene." ⁵Na Yuda yamanya avasuvile tsishilinji makhomi kavaka tsyavali vamuhele havali mulitempeli, natsia khwisunga.⁶Vakhongo va vasalisi vavukula tsisenti tsenetso ni vavola "shikatukhana khumalako khuvikha tsisenti khuli yitsi mwivikhilo shichira ni mirungo chi shisayi." ⁷Vamanya varevane khuli vakharumikhile, vavitsa vatsirumikhire khukula mulimi ku mulonji ma kuve kukhuyavilamu vakhutsu vali vacheni. ⁸Shichira yako, mulimi kweneyoko kwalangwa "mulimi kwi shisayi"khutukha khali khalunu.⁹Na kamanya karhwekhizwe khuli muporofeti Yeremia yavoola,"vamanya vavukule makongolo kitsisenti makhomi kavaka, ki ifetha, vukuli vwaviritswa na vana va Israeli khumurunga. ¹⁰ni vahana khukula mulimi ku mulonji, khuli mwami yali yambolera."¹¹Inyinga yiyi Yesu yasinjila imbeli wu mwami, na mwami na mureva, "Yiwe neye mwami wa vayuhudi?"Yesu yamurevulira "uvoola ndio." ¹²Navutswa lwayayalwa na vakhongo va vasalisi na vasakhulu lwenolo shiyarevulakhu shindu shosi mba. ¹³Na Mwami Pilato yamureva, "shiuhulilanga vindu via vakhuyalilakhu?" ¹⁴Navutswa Yesu shiyamurevulilakhu lindi,kalomba mwami arikale mwichenya.¹⁵Vuli litukhu lyu mulukha kwa Pasaka, Mwami yali nu mwima kukhuvoholola muvohe mulala wa ivololi ya vandu venyanga khurula muvuhambe. ¹⁶Muyinyinga yeneyo khwali nu muvohwa wanyakhitsanga vandu muno wa valanga Barabba.¹⁷Lwavali vivunjelitse halala, Pilato yavareva"mwenya mbohololere muvohwa shina?''' Barabba anonho Yesu wulangwa Kristo?'" ¹⁸Naye yali na manyi vamulerela Yesu shichira imbotokha. ¹⁹Lwayali khu shisako shyu vukhalaji, mukhaliwe yarumana ling'ana mundu woyo avula vwoni.Shichira mumaloro kanje nunundi nyakhitswe khulondekhana khuye."²⁰Vakhongo va vasalisi na vasakhulu vamanya vavolela mukanda mureve Baraba avohololwe na Yesu yirwe., ²¹Mwami Pilato yavareva khandi ,Ulena khuvavili yava wamwenya mulakhulile khurula mushivoho?'Ni vavoola, "Barabba!". ²²Na Pilato yavareva, "mwenya khole ndina Yesu ulangwa Kristo?" Na vosi varevulila khulala "avambwe!".²³Pilato yavareva, "shichirashi? Mayolo shina kachira avambwe?" Navutswa valanjilitsa nu khuvoola ikulu "avambwe!, avambwe!." ²⁴Pilato lwayanyola avula shakhola, na vandu vasahili nunkhwenye Yesu yirwe, yavukula matsi, nasava makhono keke imbeli wu mukanda na avoola:"Inze mbula vutamanu mushisayi shyu mundu wuyu.Yaka kali khumunye."²⁵Na vandu vosi vamanya vavoola, "shisalia shia masayike shive khukhuze na vana veru." ²⁶Na yamanya na vavoholera Barabba khurula muvuhambe khuli venya.Navutswa yahana Yesu khuhulwa mishaliti ma namuhana khuvambwa.²⁷Na vasikali vu mwami vamuhila Yesu munzu yu vwami ni vamuvoyong'ana na vasikali vosi. ²⁸Vamunavula tsinguvu nu khumufwala iganza yimuji. ²⁹Valinga ingara ya mahwa kivikunga khuli itaji ni vamuvikhila khumurwi, ni vamuvikhira lusala mumukhono kwe mulunji, vasikama imbeliwe nu khumukhomolera nu khumuvoolera, "Urina mwami wa vayuhudi!".³⁰Vamurutsila maree, nivavukula lusala lwavali vamuhele nu khumukhupa khumurwi lukhukalukhila. ³¹Lwa vali vamali khumukholera shihenyehenye, vamufwalula ikanza yavali vamufwali nu khumufwala khandi inguvu yeye, ni vamuhira khuvambwa.³²Lwavarula khutsia, vamunyola mundu khurula Kirene walangwa Simoni, wa vamanya vamunike khutsingulu khumukhonya Yesu khujinga musalaba. ³³Lwa vadukha havalanga Goligotsa,kali khuvoola,"havundu hi shihanga". ³⁴Vamuha iwayini yali ni tsukanyinywe na maatsi ki indulwe ang'wi. Na lwayatsamakhu shiyajing'wa tawe.³⁵Lwavali vakhamuvamba , vagavana tsinguvu tsie khutsikhuvila ikura.Khu kara, khu karwekhitswe kavoolwa nu muporofeti, vakavana tsinguvu, khandi nivkhuvirakhu ikura. ³⁶Vikhala heneyaho khumuvikhila lilindwa litinyu. ³⁷Hikulu hu murwi kwekwe vamuhandikila khumusalaba,mang'ota, kasomanga:"UYU NI YESU MWAMI WA VAYAHUDI"³⁸Vivi vavili vavambwa halala naye,mulala khumukhono mulunji na wundi khumukhono kushikata. ³⁹Vandu vali vavira khunjira haweneyaho vamuvungulila manyeko nu khunuya mirwi chavo.

¹

¹yili nalio liranga li ivangeli ya yesu kristo,mwana wa nysasye. ²khuli kang'odwa mushitabu shiu mupofeti isaya,'' henza,inze ndumamanga murumwa wanje imbeli wowo,alikhulombera injira yoyo. ³mwoyo ku mundu kulangiriranga mushangalangwe, nu kuvoola,lombeli mwami inijira yeye,mulunjikhitse mihanda gyegye.''⁴Yohana yitsa mwijendanyama ni yiina vandu mmadzi,ni yilwadzanga likanira liu khusamehwa vwoni vwoni khuvirila mu liinwa mmadzi. ⁵shivala shiosi shi ivuyudakhandi vandu voosi khurula yerusalemu vatsia khuye.Na yaviina mmadzi mmuchera kwa yorodani,ni vikanira vwoni vwavo. ⁶Yohana yifwalanga inguvu yu vwoya vwi ingamia,nukhanda lwi shisero mushisindi sheshe,na yanyanga tsisiji nu vushi vu muliru.⁷khandi yilwadza, navoola, ''mulala uli nu vunyali khuvira inze alitsa; na inze shindukhana khwinama nu khu voholola mikoye chi vilaro vyevye. ⁸inze ndamwina mmadzi,navutsa uyu alamubatisanu muliro kwa Roho Mtakatifu.''⁹kikholekha mmatukhu kenaako Yesu yitsa khurula nazareti mugalilaya,na yiinwa mmadzi mumuchera kwa yorodani na Yohana. ¹⁰na lwa Yesu yarula mmadzi,yalola likulu nilikukhanga na Roho niyikhaanga khuye khu lukanu lwi shituti. ¹¹mwoyo kwarula mwukulu nikuvoola, ''wuyu nu mwana wanje muyanze,wandayanzitsa naye.''¹²na Roho yamanya namunika khutsia mwichendanyama. ¹³yamenya mwichendanyama matukhu makhomi kanne,nachelitswangwa na setani.yamenya ni tsinyama tsiu muliru,na khandi tsingelosi vamurumikhiranga.¹⁴na lwa yohana yali niyakhakumirwa,Yesu yitsa natukha mugalilaya ni yilwatsanga ivangeli ya nyasaye. ¹⁵naye yavoola, ''Inyanga itukhi,vwami vwa nyasaye vulu himbi.mwikanire musuuvire ivangeli.''¹⁶na lwa yesu yali nacheenda khuinyanza ya galilaya,yalola simioni na anderea amwavo wewe nivavikha miluvo munyanza,shijira vali valuvi. ¹⁷Yesu yavavolera, ''hambi, munonde inze,na ndamulomba khuva valuvi va vandu.'' ¹⁸na vwangu valekha mikono chavo nivamulonda.¹⁹na lwa yisunda imbeli hatiti,yalola Yakobo mwana wa zebedayo na yohana amwavo wewe; vali muliaro nivalombanga miluvo chiavo. ²⁰yavalanga navo valekha ise wavo zebedayo muliaro navahinziri,nivalonda Yesu.²¹khandi vatsia kaperenaumu,na mulitukhu li lisabato,Yesu yinjira mulisinagogi niyekitsa. na vachenya khu mekitso keke ²²,shijira yavekitsa khuli mundu ali nuvunyali na shiyekitsa khuli vang'odi.²³inyanga yeneyo,khwali nu mundu mulisinagogi liavo yali nilidimoni muye yakhuva lukhwiri, ²⁴navoola, ''khuli na shina niwe,Yesu wa nazareti? witsi khukhutivtsa? khwakhumanya.uli mutakatifu wa nyasaye!'' ²⁵Yesu yakondekhera lidimoni lienero nalivorera, ''honjera na urule muye!'' ²⁶lidimoni liamuruula hasi na nilirula muye nilikhuva lwikhwiri lugali.²⁷vandu vosi vali nilichenya,nivarevana, ''shina yishi? mekitso mahyia kuvunyali! akhunga madimoni nako kamuritsanga!'' ²⁸lukhumu lwelwe lwalanda mushivala shiosi shia galilaya.²⁹lwavarula mulisinigogi,vinjira munzu ya simioni na anderea,nivali halala na yakobo na yohana. ³⁰na munakhuvizala simioni yali nagoni nali mulwale luhuudza,na vivalira yesu. ³¹na Yesu yamukumira mukhono,namusinjiritsa,na lihuudza lwamulekha naranga khuvarumikhira.³²hamukolova liuva niliakhayera,vamulerela vandu vali nuvulwale khandi vali na madimoni. ³³litaala liosi vivunjeritsa hamuliango. ³⁴na yahonyiya vanyikhi vali ni tsikhudzu lukanu lukanu nakhunga madimoni manyikhi,nakakayakavule khumoloma shichira kammanya.³⁵yavukha mavwevwe,shivala nishishi mwami natsia havwivisu khutsia khusaala. ³⁶simioni halala nende vavali navo vamukhava. ³⁷vamunyoola nivamuvoolera, ''vandu voosi vakhukhavanga.''³⁸na yavavolela, ''chendi khutsi mumatala kandi,ndilwatse khuyo khandi.shichira nashio shivune shachira nindiza.'' ³⁹na yechenda mugalilaya yoosi,niyilwadzwa mumasinagogi kavo khandi nakhunga madimoni.⁴⁰na mundu wu vuchere yitsa khuye.namusaaya;nasikama namuvolera, ''nuyanza,umbonyinye.'' ⁴¹na yesu yamuverera,na nyira mukhono kwekwe namutira,namuvolera, ''nilienya lianje.uhone.'' ⁴²na vwangu vuchere vwamulekha nahona.⁴³na Yesu yamukaya vutinyu namuruma atsi ihale. ⁴⁴namuvolera, ''ukhavolerakhu mundu wosi shindu shiosi tawe,navutsa utsi wimanyinye khumusalisi,ma uhaane vihanwa viukhwitakasa khuli musa yalaka,khuli shilolekhitso khuvo.''⁴⁵navutsa lwa yarula ilwanyi yanza khulandidza munono,nu khwilwaza khandi khulandidza likhuva,khali yesu shiyali anyala khwiinjira mulitala havulavu,navutsa yikhala ilwanyi havundu havwivisu.na vandu vatsiririra khwitsa khuye khurula mutsimbega tsiosi.

¹matukhu mati nikavira Yesu yakalukha mulitaala lia kapernaumu,na makhuva ni kalanda ndi ali hango. ²vandu vanyikhi vivunjeritsaho vwiyangu vuvula khurikalakhu khali hamuliango,na Yesu yali niyilwazanga likhuva.³vandu vanne vamulerela mundu yafwokoya niva muchingi. ⁴na lwa valechelerwa khwisunda himbi khu Yesu shichira shituma sha vandu,vasambula inzu mushisekese hayali nali,niva lomba injira,nivikhiziraho shiselo shu mundu yali yafwokoya yakonakhu.⁵na lwa yalola lisuuvira liavo,Yesu yavolora mundu yafwokoya, ''mwana wanje,khusamehi vwoni vwovwo.'' ⁶na valala khu vang'odi vali nivikhale hawenaho,nivaranga khukanakana mu myoyo chavo, ⁷shichira shina mundu uyu amoloma ndi? anyeka nyasaye! ni wina unyala khuveera vandu vwoni nakhali nyasaye wonyene?''⁸Yesu yamanya kavali nivakanakanga mumyioyo chavo.navarerva, ''shichira shina mukanakananga vindu khuli yivi mu myoyo chenyu? ⁹shiliena shili shangu,khuvolera mundu yafwokoya, 'khuvere vwoni vwovwo.' inoho khumuvolera, 'sinjira uvukule shisero shosho uchende'?¹⁰navutsa khu mumanye ndi mwana wu mundu ali nuvunyali mu lilova khuveera vwoni, ''yavolera mundu yafwokoya, ¹¹''khuvolelanga,sinjira,vukula shisero shosho,utsi munzu mwomwo.'' ¹²yasinjira navukula shisero shieshie,narula munzu imbeli wavandu voosi,na voosi vali nilichenya nivaha nyasaye vukhumi,ni vavoola , ''khushiri khulolakhu shindu khuli yishi.''¹³Yesu yarula natsia khulichinga lwi inyanza,na shituma shiosi shiatsia khuye navekitsa. ¹⁴lwayali naviringa yalola levi mwana wa alufayo niyikhale munzu yavasololeramu vushuru namuvolera, ''nonda.'' naye yasinjira namulonda.¹⁵Yesu lwayali nalitsanga shukhulia munzu mwa levi na vasololi vandi vuvushuru vanyikhi na vooni valia naye halala na veki veve ,shichira vali vanyikhi navo vamulonda. ¹⁶lwa vang'odi,nivali vafarisayo,valola yesu nalitsanga na voni halala na vasololi vuvushuru,vareva veeki veve, ''shichira shina alitsanga halala na vasololi vuvushuru na voni?''¹⁷lwa Yesu yahulira yaka yavavolera, ''vandu vali valamu shivenya mushirikhi tawe;navutsa yavo vali nuvulwale navo venya mushirikhi.shinditsa khulanga valunji,navutsa voni.''¹⁸veeki va Yesu nende vavafarisayo vahonga khulia.vandu vandi vitsa niva mureva, ''shichira shina veeki va yohana nende vavafarisayo vahonganga khulia,navutsa veeki vovo shivahongakhu khulia tawe?'' ¹⁹Yesu yavolera, ''valina vu mundu uselele vanyala khuhonga khulia nivali nu musadza uselele? inyanga yosi lwavali nu musadza uselele,shivanyala khuhonga khulia tawe.²⁰navutsa tsinyinga tsitsanga tsi uselele alarulidzwaho khuvo,na mutsinyinga tsienezo vitsa vahonge khulia. ²¹mundu avula khuho anyala khunavira shilaka shiyia khunguvu ikhulu.nakhola ndiono,shilaka shiyia shililinga ashirandule inguvu ikhulweyo,na inguvu yeneyo ilarandukha vutamanu.²²shaliho nu mundu uvikhanga idivai impia mumusero makhulu.nakhola ndiono idivai ilaraanya masero makhulu naye alakoritsa idivai na masero kukhuvikhamu idivai.idivai impia ivikhwangwa mu masero mahyia.''²³litukhu lilisabato Yesu yavirila mumulimi kwavarakamu inganu,na veeki veve vanza khwamula imu yi nganu nivaviranga mumulimi chenecho. ²⁴na vafarisayo vareva yesu, ''lola,shichira shina veeki vovo vakholanga vindu vya malako kakayanga khukhola khulitukhu lilisabato?''²⁵Yesu yavavolera,shumwasomakhu ka Daudi yakhola lwa yali ninzala-ye halala na vandu vayali navo- ²⁶khuli lwa yatsia munzu ya nyasaye abiathar nali musalisi mukali,nalia mukati mutakatifu,kukhenyenakhu mundu wundu wosi khuliakhu nivakhali vasalisi vonyene,na khandi yahakhu vandu vayali navo?''²⁷Yesu yavolera, ''litukhu lilisabato lialombelwa mundu,navutsa mundu shiyalolombwa shichira litukhu lilisabato tawe. ²⁸khulwayako mwana wu mundu nu mwami,khandi mwami wilitukhu lilisabato.''

¹khandi Yesu yinjira mulisinagogi,na mundu yalimu nu mukhono kwa nyera. ²na vamuhenzilitsa khuhimbi valole nikava alamuhonyinya mulitukhu lilisabato khuvamuyale.³Yesu yavolera mundu yali niyanyera mukhono, ''vukha witse usinjire hakari havandu yava.'' ⁴Yesu yavareva, ''`Ni vulahi khukhola malahi litukhu lilisabato inoho khukhola vutamanu; khuhonyinya liva mwoyo inoho khwira?''navutsa vashiring'ana voosi.⁵Yesu yavahenza nuvurima,na naverea shichira mioyo chavo chali mitinyu,na yavolera mundu wu mukhono kwaniala, ''nyiira mukhono kwokwo.'' naye yanyira mukhono kwekwe nakwo nikuhona. ⁶na vafarisayo varula ilwanyi nivaranga khulokhitsa halala navandu valala varulanga mumukanda kwa herode khuli vanyala khwira Yesu.⁷na Yesu halala na vekidzwi veve viyahula nivatsiakhunyanza,na shituma shikali sha vandu shavalonda khurula galilaya nivuyuda ⁸khandi khurula yerusalemu,idumea,luveka lwa yorodani himbi na matala ka tiro na sidoni.lwa vahulira vindu vya yali nakholanga,shituma shikali shitsa khuye.⁹Yesu yavolera vekidzwi veve vamulombere liaro,shijira shituma shiminakana khuye. ¹⁰naye yahonyinya vandu vanyikhi ,khandi vandu voosi vali nuvulwale viminilitsa khuye vatukhe khumutirakhu vutsa.¹¹lwa madimoni kamulola,ka kwa hasi imbeli wewe nikakhuva tsikhwiri,nikavoola, ''uli mwana wa nyasaye.'' ¹²naye yakakaya vutinyu kavule khumuvuula.¹³Yesu yanina natsia mushikulu,nalanga yavo vayenyanga,nivitsa khuye. ¹⁴yarovola likhomi na vaviri [navalanga varumwa] vave naye avarume vatsi khwirwatsa likhuva, ¹⁵khandi vave nu vunyali vukhurulitsa madimoni. ¹⁶yarovola likhomi na vaviri: simioni,wayamanya nalanga petero;¹⁷yakobo mwana wa zividayo,na yohona amavo wa yakobo,wayakulikha lira lindi mwana wiligulu, ¹⁸na anderea,filipo,bartholomayo,matayo,tomasi,yakobo mwana wa alufayo,tadayo,simioni mukanani, ¹⁹na yuda iscarioti,yitsa azame Yesu.²⁰Yesu yakalukha ingo,na shituma shivunjeritsa khandi,khali shivali vanyala khulia shikhulia tawe. ²¹lwa vandu vi inzu yeye vahulira,vatsia vamukumire shichira vakanakana ni vola, ''alalukhe.'' ²²na vang'odi vali nivaruli yerusalemi vavoola, ''mukali wa madimoni alangwa beezebul amenya muye'' khandi ''khuvirila khu tsingulu tsiu mwamihi wa madimoni arulitsanga madimoni muvandu.''²³Yesu yavalanga vitse khuye naye yamoloma navo khuvirala mutsinganu navareva, ''setani ayala khukhunga ndina setani?'' ²⁴nikava vwami vwakavukhana,vwami vwenovo shivunyala khusinjira tawe. ²⁵niva inzu yakavukhana,inzu yeneyo shinyala khuva nuvunyali vu khusinjira mba.²⁶nikava setani alivukhila mwene khwikwana, ma akavukhane,shi anyala khusinjira mba,navutsa alutukha khushiheri shieshie. ²⁷shaliho nu mundu unyala khwnjira munzu yu mundu wishikhavira,yive vindu vievie vuchira khuranga khumuvoha,khu yive vindu viu munzu mwemwe.²⁸muvolera kakirikali,vwoni vwosi vwa vana vandu vakholanga valaverwa tsimbavasi,khali manyeko kosi kavanyekananga, ²⁹navutsa woyo unyekanga Roho mtakatifu shiali verwa tsimbavasi tawe,navutsa alakhalakilwa nu vwoni vwa khazozo.'' ³⁰Yesu yavola yaka shichira vali nivavoolanga, ''ali nilidimoni.''³¹mama wa Yesu na vamwavo veve vitsa nivasinjira ilwanyi wi inzu.nivarumanyinya likhuva ndi venya khulola Yesu. ³²na shituma shali nishikhale himbi khuye na niva muvolera, ''mama wowo na vana venyu vayayi na vakhana vali ilwanyi wi inzu vakhukhavanga.''³³Yesu yarevula navareva, ''ni vanga wina vali mama wanje na vamwavo vanje?'' ³⁴na yahenza vandu vali vuikhale himbi khuye navola, ''henzi,yava navo mama khandi na vamwavo vanje! ³⁵vuli mundu woosi ukhola vulali vwa nyasaye,mundu mwenoyo naye amwavo wanje,khandi mbodzwa wanje,khandi mama wanje.''

¹Yesu yaranga khwekitsa vandu khandi khuluchinga lwi inyanza ya galilaya,na mukanda mukali kwivunjiretsa khuye.yinjira mu liaro liali munyanza,na niyikhalamu.shituma sha vandu shiosi shali khuluchinga lwi inyanza. ²Yesu yavekitsa vindu vinyikhi mutsinganu,na mumekitso keke byaka nako kayavavolera.³''hulikhitsi! mulimi yarula nu vukutsa natsia khumitsa. ⁴lwayali namitsanga,vukutsa vulala vukwa khunjira,na manyonyi kitsa nikavotsa. ⁵vukutsa vundi vwakwa khulwanda havwakhali na malova manyikhi.na vwamera vwangu,shichira shuvwali nililova linyikhi.⁶navutsa lumbasu kwakha,kwasamba virakwa vitoro,shichira shiviali nimili tawe,vianiala. ⁷vukutsa vundi vwakwa khu mahwa.kamela nikavutsoma,na shivwaminya viamo tawe.⁸na vukutsa vundi vwakwa mmalova makunamu ,na virakwa nivimela,nivitukha khandi niviama vugutsa,vilala viama viamo makhomi kavaka,vindi ni viama makhomi sita na vundi nivwaminya imia indala.'' ⁹Yesu navavolela, ''mundu uli na maroyi kukhuhulira,ahulile!''¹⁰lwa Yesu yali nali wonyene,vandu vali himbi khuye halala na vakitwsi veve vamureva khulondekhana ni tsinganu tsienezo. ¹¹naye yavavolera, ''munye mwaherwa vucheri khumanya makhuva kivisa ku vwami vwa nyasaye.navutsa yavo vali ilwanyi shindu shiosi valavolerwa mutsinganu, ¹²khu nivahenza,vavule khulola,khandi nivahulira vavule khuva nilimanya,navutsa nivakalukhana nyasaye alavaveera vwoni vwavo.''¹³Yesu yavareva, ''mushili khuhulirakhu luganu yulu? mulihulira ndi tsinganu tsindi tsiosi?'' ¹⁴mmitsi amitsa likhuva lia nyasaye. ¹⁵yava navo vali khuli vukutsa vwakwa khunjira,wilikhuva liraakwa.lwa vahulira likhuva lia nyasaye,setani yitsa vwangu khandi avanuula likhuva lirakilwe muvo.¹⁶na yavo vali khuli vukutsa vwarakwa khunjira; yavo,vahulira likhuva valinjilitsa nuvuyanzi. ¹⁷navutsa shichira shivali ni mili tawe,vikhutsira hatiti.navutsa lwa vutinyu inoho litambizwa litukhaanga shichira likhuva lia nyasaye,vwangu avakalukha inyuma.¹⁸nakhandi vandi vali khuli vukutsa vwarakwa mmahwa.yavo navo vahulira likhuva, ¹⁹navutsa shichira lihendera mwoyo vindu viumushivala yumu,nukhwikomba vuruchi,khandi khwikomba vindu vindi viosi,vikalila likhuva lienelo,alivula khwaminya vkutsa vundi. ²⁰yavo varakwa mmalova manulu navo vahulira likhuva,valihuchilila,mavama makhuyu; valala makhomi kavaka,vandi makhomi sita,vandi khali imia indala.²¹Yesu yavavolera, ''ulera itaha munzu ivikhwa hasi mushiruvi inoho hasi hishitali? ulera itaha uchivikhaa khumesa ²².shichira shivulaho shindu shaviswa shivula khumanyikha,khandi shiosi shakhunikhwa shilivula khukhunulwa. ²³mundu wosi ali namaroyi kukhuhulira,ahulire.''²⁴Yesu yavavolera, ''muhenzelitse makhuva kamuhuliranga,shichira shichero shurumikhiranga khupima,shilarumikhirwa khwiwe khandi,na ulamedwa vinyikhi. ²⁵shichira alinasho,alamedwa vinyikhi,na woyo avula,khali shali nasho alanulwa.''²⁶Yesu khandi yavola, ''vwami vwa nyasaye vuli khuli mundu yatsia khumitsa vukutsa mmulimi kwekwe. ²⁷akona vutukhu avukha mmbasu,mavukutsa vumera nukhuvirukhanavutsa ye mwene khali amanyi khuli kikholeka mba. ²⁸lilova liene nalio lilombanga virakwa khumeera nu khwama makhuyu:khurangila khushivula,musoka,nende vukutsa vwene. ²⁹lwa virakwa vivetsa niviakhakhomera,mundu mwene achesanga ni ikhoni shichira lichesa livetsa litukhi.''³⁰Yesu khandi yavareva, ''khunyala khusasanyinya nashina vwami vwa nyasaye,inoho khunyala khurumikhila liganu shina khwivala vwami vwa nyasaye? ³¹vuli khuli lukutsa lwi li,lisavakhwa,lwa vurakwangwa,nalwo lukutsa luti muno khu vukutsa vwosi mwilova. ³²navutsa nivwakharakwa,vumeera avukwa musala mukali,akulomba tsisia tsangali na manyonyi kumbakhamu vidzu.''³³khuvirila khu tsinganu khuli yitsi,Yesu yilwatsa likhuva,khutukha khuli vanyala khuhulira, ³⁴shiyamolomakhu khuvo vuchira khurumikhira tsinganu tawe.navutsa lwayarikala wonyene na vekidzwi veve,yavivalila shindu shiosi.³⁵litukhu lienelo,hamukolova,yesu yavolera veeki veve, '' khwambukhe khutsi luveka lundi lwinyaza yolo.'' ³⁶veeki valeekha shituma,nivinchira muliaro muliaro,nivatsia na yesu.maaro kandi khandi kaziana navo. ³⁷inyanga yeneyo imbutsa indulu yahutsa inyanza,vikuvuli vya mmadzi nivianza khwinjila muliaro,himbi liaro lizule madzi.³⁸nuvutsa yesu yali nali muliaro inyuma nakoni khubilo.veeki veve vamuvukhitsa niva mureva, ''mwekitsi,shuhendakhu mwoyo khwenya khukhutsa tawe?'' ³⁹yesu yavukha, nakondekhela shuhungudzu nashivolela, ''sinjila, ''navolela inyanza, ''honjela! imbutsa yahonjela,na inyanza nililenjela.⁴⁰yesu yama nareva veeki veve, '' shichira shina muli nuvuri? muvula lisuuvira?'' ⁴¹veeki varia muno nivareva, ''mundu shina uyu,imbutsa ni vikuvuli vi inyanza vimuhulilanga?''

¹Yesu na veeki veve vatukha injelekha khu luveka lundi lwi inyanza ya galilaya,mu lusomo lwa vagerasi. ²lwa yesu yali niyikha khurula mu liaro, yakana nu mundu wi lidimoni liali liamenya muye narula muvilindwa havayavilanga vakhutsu.³yamenya mmbilindwa.shayalikhuho numundu wali anyala khumuvoha khali ni minyololo. ⁴yali yavohwa tsinyinga tsinyikhi makhono ni vilenje na masiri khali ni minyololo.navutsa yatong'olanyinyanga minyololo na masiri kenako,na shalikhuho mundu yali anyala khumukura tawe.⁵matukhu kosi mbasu nu vutukhu yali yamenya muvilindwa,nu mbigulu, yakhuvanga tsikhwiri niyikhalakanyinya na machina muchi. ⁶lwa yalola yesu nashishili ahale,yilukhaka maliviri natsia namusikamila.⁷yalangilila nu mwoyo mukali navoola, ''Yesu mwana wa nyasaye ali ikulu,shina shawenya khukhola khwinze? khusayanga mulira lia nyasaye mwene,ukhandambitsa mba.'' ⁸shichira yesu yali nilivolele, ''yiwe litimoni litamanu,rula mmundu uyu.''⁹Yesu yamureva, ''ulangwa wina.'' naye yarevula navoola, ''lira lianje vananganga legioni,shivune khuli vanyikhi.'' ¹⁰naye yasaya yesu avule khukhunga matimoni kenako karule mu lusomo lwenolo.¹¹na shituma shikali shi shayo shi tsingulume shali ni shayanga himbi khushikulu, ¹²madimoni kasaya yesu, nikamuvolela, ''khurume khutsi mutsingulume,khwinjile mutsio.'' ¹³Yesu yakiyamila,madimoni karula mmundu woyo nikinjila mutsingulume,na shayo shiosi shakholomokha khurula khushikulu nitsitsia munyanza, himbi tsingulume tsielefu tsivili nitsikhamila munyanza.¹⁴vandu vali nivayitsanga tsingulume vilukha maliviri nivatsia khulanditsa kali kikholekhe mumatala nu mmikitsi,na vandu nivarula nivatsia khulola kali kikholekhe. ¹⁵lwa vatukha khu yesu valola mundu wa madimoni kalimu manyikhi,niyikhale khandi nafwali tsinguvu nali mulamu; navo vali nuvurii.¹⁶yavo vali nivaloli kali kakholekhe khu mundu wa madimoni kali ni kamenya mu,vivaalila vandi muvurambi,khandi nivavolela kikholekhe khu tsingulume. ¹⁷navo varanga khumusaya arule mulusomo lwavo.¹⁸lwa yali ninyinjila muliaro,mundu wa madimoni kali nikamenyamu yamusaya vatsi naye. ¹⁹navutsa yesu yamukaya,namuvolela, ''tsia ingo wowo khandi khu vandu vovo uvavoleleku mwami akhukholele,khandi khuli akhuverere tsimbavasi.'' ²⁰na mundu woyo yasimukha natsia,naranga khwilwadza mulitaala lia decapolis makhuva makali ka yesu yali namukholele,na vandu voosi vali nilichenya.²¹lwa yesu yali ni yakhambukha khu luveka lundi lwi inyanza ya galilaya muliaro,shituma shikali vivunjelitsa khuye,nali khuluchinga lwi inyanza. ²²mundu mulala khu vakali vilisinagogi yalangwa jairo,yitsa,na lwa yalola yesu,yakwa havilenje vievie namusikamila. ²³namusaya muno likali,navoola, ''mwana wanje muti wishikhana ali himbi khukhutsa,khusayanga iwe,hamba umuvikhilekhu mikhono chocho atukhe khuhona nu khumenya.'' ²⁴na yesu yatsia na jairo ingo wewe,na shituma shikali shiamulonda nivaminakana himbi khuye.²⁵na mukhali wundi yaliho yali niyaratsa masayi mihika likhomi na chivili. ²⁶yali yanyakhana muno mu mikhono cha vashirikhi na yarumikhila shindu shiosi shiayali nasho khuvushilikhi vwevwe,na vukhala vukhuhona liva lielie lyatsililila khuva litamanu. ²⁷lwa mukhali mwenoyo yahulila makhuva shichila yesu,yarulila mushituma inyuma na tila khu inguvu yeye.²⁸mukhali uyu yakanakana mmwoyo kwekwe navoola, ''ningumila vutsa khuinguvu yeye,ndahona.'' ²⁹lwa yatira khu yesu,khuratsa masayi khwekhwe khwasinjila,na yahulila mumbiri mwemwe ahoni khurula khulinyakhana lielie.³⁰na yesu yamanya vwangu tsingulu tsiruli muye,yishevukha mushituma nareva, ''wina utiri khutsinguvu tsianje?'' ³¹veeki veve vamuvolela, ''ulola shituma yishi yosi viminakila khwiwe,niwe ureva wina utili khwinze?'' ³²navutsa yesu yahenza yiyi neyo khulola mundu yali namutili.³³mukhali mwenoyo lwa yamanya kali nikikholekhe khuye,yali nuvuri natechela.niyitsa naskwa imbeli wa yesu namusikamila khandi namuvolela kiligali kosi. ³⁴yesu yamuvolela, ''mwana wanje wishikhana,lisuuvila liolio likhuhonyinye,utsi ni milembe,na uhonyinywe khurula khulinyakhana liolio liosi.''³⁵lwa yesu yali nashimolomamga,vandu vitsa khurula jairo mukali wilisinagogi,nivavoola, ''mwana wowo wishikhana akhutsi,shichira shina utsilile khusumbula mwekitsi?''³⁶yesu lwa hulira kavali nivavoli,yavolela jairo mwimili wilisinagogi, ''ukharia mba.suuvira vutsa.'' ³⁷yesu shiyahujililakhu mundu wundi wosi khumulonda nakhali petero,,yakobo na yohana, amwavo wa yakobo. ³⁸vatukha munzu yu mwimili wilisinagogi,na yesu yalola vandu nivakhola liyoko linyikhi; vali nivalilanga nukhwikhuula.³⁹yesu lwa yinchila munzu,yavareva, ''shichila shina mulilanga tsikhwili? mwana akhutsi tawe navutsa akonanga.'' ⁴⁰vandu vasekha yesu vamukholela shihenyehenye.yesu yavakhunga navukula ise mwana na nyina mwana na veeki veve,natsia humwana yali nali.⁴¹yesu yakumila mukhono ku mwana wa jairo namuvolela, ''talitha,koum!'' nikali khuvoola,''mwana wishikhana muti,khuvolela,vukha.'' ⁴²na vwangu mwana yavukha naranga khuchenda [naye yali ni mihika likhomi na chivili].vandu vosi vali nilichenya likali muno. ⁴³yesu yavakaya vutinyu ndi mundu wosi akhamanyakhu tawe.navavolela vamuhe shukhulia.

¹Yesu yarula iweneyo nakalukha mulitala liavo,na veeki veve vamulonda. ²lwa litukhu lilisabato liatukha,yaranga khwekitsa mulisinagogi.vandu vanyikhi vamuhulikhitsa ni vachenya.navo varevana, ''mundu uyu anyola hena mekitso yaka kosi?'' '' nuvecheli vulukanu shina yuvu vwa yahelwa?'' ''vilolekhitso shina yivi vya kholanga khu mikhono cheche?'' ³wuyu shiali mufundi.mwana wa mariya nali amwavo wa yakobo na jose na yuda na simioni? vavozo veve shivali hanu nakhutse? vandu yava visikarila khu yesu.⁶⁴yesu yavavolela, ''mupurofeti ahelwa luyali havundu hosi,nuvutsa shiahelwa luyali mulitala liavo,muvikho veve khandi muvandu vinzu yeye.'' ⁵shiyakholakhu shilolekhitso shiosi, nukhali khuvikha mikhono cheche khuvandu valwale vatiti navahonyinya. yesu yali nilichenya shichila shivali nilisuuvila.naye yarula natsia mumatala navekitsa.⁷yesu yalanga veeki veve likhomi na vavili naranga khuvaruma vuli vavili,navaha vunyali vu khukhunga madimoni, ⁸khandi navolela vavule khuchingakhu shindu shiosi khuluchendo,nikhali ipikolo yonyene-mukhajingakhu mukati,inoho musiko,inoho tsisendi muvisikolo vienyu- ⁹mwifwale vilaro,navutsa mukhifwali zinguvu tsivili tawe.¹⁰yesu yavolela, ''inzu yosi yamwinjalamu mwikhalemu khutukha lwa murula mwitala mwenomo ¹¹litaala liosi lia vavula khumwinjiritsa inoho khumuhulikhitsa,lwa murula mwitala mwenomo,musungusule lukushi luli khuvilenje vienyu khuli shimanyinyilo khuvo.''¹²varula nivatsia khwilwadza ndi kenyekha vandu vikanile. ¹³vakhunga madimoni manyikhi,nivavekha valwale vanyikhi makura nivavahonyinya.¹⁴mwami herode yahulila makhuva yaka,shichila lira lia yesu liali lilandi havundu hosi.vandu valala vavola, '' yohana mubatisi yisimukukhe,nashio shivune vilolekhitso vitsingulu vikholekha khuvirila muye.'' ¹⁵vandi vavola, ''ni elija,'' khandi vandi nivavoola, ''nu mulala khuva forofeti vali va khale.''¹⁶navutsa lwa herode yahulila yavola, ''yohana,wantakutula murwi yisimukhi.'' ¹⁷shichira herode yali narumi vandu khukumira nu khuvoha yohana mucheela,shivune yali nahili herodias,mukhali wa amwavo wewe ulangwangwa filipo.¹⁸shuichila yohana yavolela herode, ''shivuli vulahi iwe khuvukula mukhali wa amwavo wowo tawe.'' ¹⁹navutsa herodias yali nu vurima khu yohana na khandi yenya khumwira,navutsa shiyanyalitsa tawe, ²⁰shivune herode yali yaria yohana mubatisi;yamanya ndi nu mundu mulunji khandi mutakatifu,naye yamulindanga vulahi.lwa yahulikhitsanga yohona yali nilihenda mwoyo,navutsa yamuhulikhitsanga nu vusangali.²¹inyanga yatukha lwa herode yalombela vandu musango kwi lilia kukhwitsukhitsa litukhu lielie liu khwivulwa,vandu va yamiha navo,vimilili va vasikali na vimilili khurula mu lusomo lwa galilaya. ²²mwana mukhana wa herodias yinjilamu nasieva,naye yayanzitsa herode navacheni veve vosi.mwami herode yavolela mwana mukhana uyu, ''ndeeva shindu shiosi shiawenyanga na inze ndakhuha.''²³herode yamwisuhila namuvolrla, ''ndeeva shiosi shiawenyanga,ndakhuha,khali nuwenyi khukavane hakari mu vwami vwanje,'' ²⁴mwana mukhana uyu yarula ilwanyi natsia khu nyina wewe namureva,''ni save shina?'' nyina wewe yamuchipa, ''murwi kwa yohona mubatisi.'' ²⁵yirukhaka vwangu nakalukha khu mwami herode,nareva,navoola, ''ndenya umbe murwi kwa yohana mubatisi nukuli khu khusahani.''²⁶yaka kalomba mwami herode navelela,navutsa shiyali yambakhane tawe shichila yali niyisuuhi imbeli wa vacheni vosi. ²⁷mwami yaruma mulala khu vasikali veve na malako alere murwi kwa yohana.musikali mwenoyo yasimukha natsia mucheela na narema murwi kwa yohan mubatisi. ²⁸na yalera murwi kwenoko nukuli khusahani naha mwana wishikhana oyo,naye naha nyina wewe. ²⁹lwa veeki va yohana vahulila muhalo,vitsa nivavukula mmbili kwa yohana nivatsia khuyavila mushilindwa.³⁰varumwa vakalukha khu yesu nivamwivalila vuli shindu shiosi shiavali nivakholi khandi nivekitse. ³¹yesu yavavolela, ''hambi khutsi havandu vavula khuhulukhe.'' shichila vandu vanyikhi vali vitsanga nivarula,na shivalikhu khali nu vwiyangyu vukhulia tawe. ³²vanina muliaro nivatsia havundu havandu vavula nivavaho tsa vonyene.³³navutsa vandu vavalola nivasimukhanga na vanyikhi vavamanya,na vavatsukha khu vilenje khurula mumatala kosi,na varanga khutukha havundu henaho imbeli wa yesu na veeki veve. ³⁴lwa yesu yikha khurula muliaro,yalola shituma shikali navavelelela tsimbavasi shichira vali khuli makondi kavula mwayi.naye yaranga khuvekitsa vindu vinyikhi.³⁵lwa shivala shiali nishakhamwama,veeki veve vatsia khuye nivamuvolela,''shivala shimwami khale na hakhuli hanu ni havwivisu. ³⁶ruma vandu yava vatsi mutsisomo nende mmikitsi chili himbi vikulile shindu shia valia.''³⁷yesu yarevula navavolela,''munye muvahe shindu shia valia.'' navo vamureva, ''khutsi khukule mikati chitukha tsidinari tsimia tsivili khuvahe vanyanye?'' ³⁸yesu yavareva,''muli ni mikati changa? tsi mulole.'' lwa vanyola,vamuvolela, ''khuli ni mikati chiranu nende tsisutsi tsivili.''³⁹yesu yavolela veeki veve vikhalitse vandu muvituma hasi khuvunyasi. ⁴⁰vikhala hasi muvituma viimia khandi via makhomi kharanu. ⁴¹yesu yavukula mikati chiranu nende tsisutsi tsivili,nahenza mwikulu nasanditsa nyasaye.yatong'olanyinya mikati naha veeki veve vakavulile vandu.khandi yakavulanyinya tsisutsi tsivili tsienetso khu vandu vosi.⁴²vandu voosi valia nivikura. ⁴³vavunjelitsa matonye kimikati ni tsisutsi tsiali nitsrikale,viluvi likhomi na vivili ni vitsule. ⁴⁴vandu vasadza valia mikati vali tsieelefu tsiranu.⁴⁵yesu yavolela veeki veve vinjile muliaro vatsi imbeli wewe luveka lundu, mulitala lia bethsaida,naye nashiseevula shituma shia vandu khutsia. ⁴⁶lwa yamala khulekhana navo,yatsia khu vwevwe mushikulu khusaala. ⁴⁷lwa hamukolova hatukha,liaro liali litukhi hakari munyanza, na yesu narikale wonyene khuluchinga.⁴⁸yesu yalola veeki veve nivanyakhananga khukhwesa mikoye,shihunguzu shiali nishihuutsanga imbeli wavo.himbi tsisaa tsinne tsiuvutukhu yesu yavatsila,nachendanga khu matsi,na yenya khuvavira. ⁴⁹navutsa lwa vamulola nachendanga khu matsi,vakanakana ni shinanyenzo ni vakhuva tsikhwiri, ⁵⁰shichila vamulola nivatechela.yesu yamoloma navo navavolela,'' muve nikholo! ninze! mukhava nuvuri!''⁵¹yesu yinjila muliaro lia valimu,na shihunguzu ni shihonjela.navo vali nilichenya likali muno. ⁵²shichira shivamanya shivune shi mikati cha vandu vanyanya tawe.mioyo chavo chali mitinyu.⁵³lwa vambukha injelekha,vatukha mu lusomo lwa gennesaret ni vavoha liaro liavo khulichinga hawaneho. ⁵⁴lwavarula muliaro, vandu vamunyilitsa vwangu, ⁵⁵nivavatsukha mutsimbeka tsiosi mulosomo lwenolo,nivamulerela valwale khu visero viavo hawosi havahulila ali.⁵⁶hawosi ha yesu yatsitsanga mmikitsi,inoho mumatala,inoho mumilimi,vavikhanga valwale mutsisokoni.vamusaya ahuchilile vandu venavo vatire vutsa khulupindo lwi inguvu yeye,na vosi vatilakhu vahonanga.

¹vafarisayo na valala khu vang'odi vali varuli yerusalemi vivunjelitsa ha yesu yali nali.²valola valala khu veeki veve nivalitsa shiukhulia vuchira khusava makhono. ³[shichila vafarisayo navayuda vosi shivalitsakhu shiukhulia nivakhasavi makhono kavo vulahi muno,shichila ni mekitso kavanyola khurula khu vakuuka vavo. ⁴inyinga lwa varula musokoni,shivanyala khulia nivakhsavi,khandui valondanga miima chindi minyikhi chavanyola khurula khuvakuuka,khuli khwokitsa vikombe,ni tsinyungu,tsisahani,nende tsimesa tsiavanyanyilakhu.]⁵vafarisayo na vang'odi vareva yesu, ''shichila shina veeki vovo vavuula khulonda miima cha vakuuka,navutsa valitsa mukati na makhono kavakhasaavi?''⁶yavarevulila nava volela, isaya yaporofeta vulahi khumunye vagaadi.khuli kang'odwa, 'vandu yava vambetsa tsa luyali khu minwa chavo,navutsa mioyo chavo chili ihale ninze. ⁷lisikama liavo ni vutsa imberi wanje,vekitsanga malako ka vandu.'⁸mulekha malako ka nyasaye nukhulonda miima cha vandu.'' ⁹yesu yavavolela khandi, '' mulekha malako ka nysasaye mutukhe khulonda miima chenyu! ¹⁰musa yavavolela, 'uhane luyali khu tata wowo khandi khu nyina wowo,' khandi, 'woyo wosi unyekanga tata wewe inoho nyina wewe kenyekhananga yiirwe.''¹¹navutsa munye muvoola, 'woyo uvoleranga tata wewe inoho nyina wewe, ''vukhonyi vwosi vuvele unyole khurula khwinze ni korban'' [ne khuvola' 'shihanwa'], ¹²shimulekha akholele tata wewe na nyina wewekatukhana tawe. ¹³mulomba likhuva lia nyasaye khuva vutsa khuvirila khu miima chenyu cha mwekitswa.ni vindu vinyikhi visasananga viamukholanga.''¹⁴yalanga shituma khandi navavoolela, ''mbulikhitsi,munye voosi,na muve nilimanya. ¹⁵shishiliho shindu shiosi shirula ilwanyi wu mundu shinyala khumwononyinya lwa shimwinjiranga.ni shindu shirulanga mmundu nashio shimwononyinyanga.'' ¹⁶woyo ulina maroyi kukhulira,lekhi ahulire.¹⁷lwa yesu yalekha shituma niyinjila munzu,veeki veve vamureva khulondekhana khu lukanyu lwenolo. ¹⁸yesu yavareva,''munye khandi khutukha lwenulu muvula limanya? shumumanyi shindu shirulanga ilwanyi wu mundu shishinyala khumwonona, ¹⁹shichira shishinyala khwinjila mmwoyo kwekwe mba,shivira shitsia munda mwemwe ashirula ilwanyi? na khumang'anayaka yesu yatasa vyiukhulia viosi.²⁰yesu yavoola, ''shindu shirula mumundu nashio shimwononyinyanga. ²¹shichira khurula mukari mumundu,mmwoyo kwekwe,tsirulamu tsinganakani tsindamanu,vuheyi,vwvi, vulumindi, ²²khutsia mmbakhana,likomba litamanu,vutamanu,vuvehi,imbotokha,manyeko,vwiloli,vusiro. ²³vindu vitamanu yivi viosi navio virulanga mukari mumundu,khandi navio vilombanga mundu khwonekha.''²⁴yesu yamanya arule hawenaho natsia mulusomo lwa tiro na sidoni. yinjila munzu na shiyenyakhu mundu amanye wali tawe,navutsa shiyali anyala khwivisa mba. ²⁵mukhali mulala wu mwana wewe wishikhana mutiti yali nilitimoni,lwa yahulila khulondokhana khu yesu,yitsa nakwa havirenje vievie. ²⁶mukhali mwenoyo yali muyunani khurula mushivala shia syria.yasaya yesu akhunge litimoni lirule mu mwana wewe wishikhana.²⁷yesu yamuvolela, ''lekha vana varange khulia mbalio.shichira shivuli vulahi khuvukula shikhulia shia vana usiuvile tsisimbwa.'' ²⁸navutsa mukhali oyo yamuvolela, ''nyee,mwami,khali tsisimbwa tsinyanyakhu madonye ka vana kakwile hasi himesa.''²⁹yesu yamuvolela, ''khurulana khu limoloma liolio,uli muvoholole khutsia.litimoni liruli mumwana wowo wishikhana.'' ³⁰yakalukha munzu mwemwe nanyola mwana wewe wishikhans akoni khu shitali,na litimoni liruli muye litsile.³¹yesu khandi yarula mulosomo lwa tiro, navirila sidoni muinyanza ya galilaya natsia khutukha mulosomo lwa decapolis. ³²vamma vamulerele mundu yali idimbiti ni shivoyo,nivamusaya amuvikhilekhu mikhono chiechie.³³yesu yamurulitsa mushituma na muhila havwivisu,navikha vitere vievie mumaroyi ku mundu mwenoyo ,nasutsa mare,khandi nakumila khu lulimi lu mundu mwenoyo, ³⁴yesu yehenza ikulu mwikulu,niyirulila miuya,namuvolela, ''ephphatha'',nukhuli khuvola, ''yikukha!'' ³⁵khurangila hawenaho maroyi keke kikukha,shivoho shiu lulimi lwe shanguha,na niyanza khumoloma vulayi.³⁶yesu yavkaya vakhavolelakhu mundu wosi tawe.navutsa lwayavakayanga nalwo lwa vatsilililanga khulanditsa lukhumu lwelwe. ³⁷vali nilichenya khuvira shichero,ni vavola, ''akholi vindu viosi vulahi.khali alomba tsidimbiti khuhulila khandi vavula khumoloma vamolome.''

¹mutsinyinga tsienezo,khwaliho khandi nishituma shikali,na shivali nishindu shiukhulia tawe.yesu naye yalanga vekitswi veve navavolela, ²ndi nu vuvereri khu shituma yishishivune ndi vavele ninzi mikamba chivaka na shivali nishindu shia valia tawe. ³nivaruma mitsingo tsiavo nivakhalile, vanyala khushindila khunjira.valala khuvo varule ihale.'' ⁴vekitswi veve vamurevulila, ''nukhunyole hena mikati chukhutuka chinyala khwkuritsa vandu yava mushangalangwe khuli hanu?''⁵yesu yavareva, '' muli ni mikati changa?''nivavola ,'saba.'' ⁶yesu yalaka shituma shikhale hasi mbunyasi naye navukula mikati saba,nasanditsa ,natong'olanyinya.naha vekitswi veve,navo nivahana khu shituma.⁷khandi vali ni tsisutsi tsindititi,na lwayali nikhasanditsa,yalaka vekitswi veve vakavile vandu khandi. ⁸vanyanya ni vikura,nivavunjertsa matonye kali nikarikale ,mihinda saba. ⁹vali himbi vandu tsielefu tsinne.navalakhula vazi mu tsingo tsiavo. ¹⁰yesu yinjila vwangu muliaro na vekitswi veve,nivatsia mulusomo lwa dalmanutha.¹¹na vafarisayo vitsa nivaranga khuhangalitsana naye.nivamureva shilolekhitso khurula mwikulu,,khumucheritsa. ¹²yirulila mumwoyo na voola, ''shichila shina lwivulu yuvu lukhavanga shilolekhitso? likali mmbolelanga,lwivulu yulu shilulahelwakhu shilolekhitso shiosi tawe.'' ¹³yesu yavalekha,niyinjila muliaro khandi, natsia luveka lundi.¹⁴na vekitswi vivilila khuvukula mikati.vali vutsa nu mukati mulala muliaro. ¹⁵yesu yavalaka, navavolela, ''muhenzelitse khandi mwilinde khu mamera ka vafarisayo khandi ka herode.''¹⁶vekitswi veve varanga khurevana vene khu vene, nivavoola, ''avoola ndio shichila khuvula mukati.'' ¹⁷lwa yesu yamanya ndio,yavareva,shina shamurevananga shichila muvula mikati? mulola tawe inoho muvula limanya?mushili ni mioyo mitinyu?¹⁸muli ni tsimoni,mulola tawe? muli na maroyi,muhulila tawe? mwutsikhitsa tawe? ¹⁹lwa ndasiavulanyinya mikati chiranu khu vandu tsielefu tsiranu,mwavunjelitsa matonye mihinda changa?'' nivamuvolela, ''luikhomi na chiviri.''²⁰na lwa ndasiavulanyinya mikati saba khu vandu tsielefu tsinne,mwavunjelitsa madonye mihinda changa?'' vekitswi ni revula, ''saba.'' ²¹yesu yavareva, ''shichila shina muvula limanya?''²²yesu na vekitswi veve vatukha bethsaida.vandu vamulerela mundu muvekhu nivamusaya amuhonyinye. ²³yesu yakumila mundu muvekhu oyo mukhono namuhila ilwanyi wu mukitsi.yasudza khutsimoni tsiu mundu muvekhu oyo namuvikhirakhu mikhono,namureva, ''ulolakhu shindu shiosi?''²⁴mundu muvekhu oyo yahenza ikulu navoola, ''ndola vandu vasasana khuli misaala chichendanga.'' ²⁵na yesu khandi yamuvikhirakhu mikhono khutsimoni tsietsie,na tsimoni tsiu munduyu tsikukha,nalola vindu viosi vulayi. ²⁶yesu yamuseevula khutsia ingo wewe namulaka, ''ukhakalukhakhu mumukitsi yuku khandi tawe.''²⁷yesu yarula halala na vekitswi veve natsia mu mukitsi cha caesarea philippi.ni vali khunjila yareva vekitswi veve, ''vandu vavoola inze ndi wina?'' ²⁸vamurevulila ni vamuvolela, ''yohana mubatisi.vandi vavoola uli, 'elija', na khandi vandi vavoola, 'uli mulala khu vaporofeti vali vakhale.'''²⁹na yesu yavareva, ''na munye muvoola inze ndi wina?'' petero yarevula navmuvolela, ''uli kristo.'' ³⁰yesu yavakaya vakhava volelakhu mundu wosi ye ni wina tawe.³¹na yesu yaranga khuvekitsa ndi mwana wumundu alanyakhitswa khu vindu vinyikhi,na alambakhanwa na vakhulundu na vasalisi nende vang'odi,na aliirwa,matukhu kavaka nikakhavira alisimukha khurula mmbakhudzu. ³²yamoloma makhuva yaka havulavu.na petero yamuhila haluveka namukondekhera.³³navutsa yesu yishevukha na henza vekitswi veve,naye nakondekhera petero namuvolela, ''kalukha inyuma wanje,saitani! inganakani yoyo shiili khu vindu via nyasaye,navutsa khu vindu via vandu.'' ³⁴yesu yalanga shituma halala vekitswi veve navavolela, ''nikava mundu wosi yenya khunonda,yiyambakhane mwene,ma avukule musalaba kwekwe,anonde.³⁵shichila mundu wosi wenya khuhonyinya liva mwoyo lielie alalikoritsa,na mundu wosi akoritsa liva mwoyo lielie shichila inze khandi khulondekhana ni ivangeli alalihonyinya. ³⁶mundu nanyole vukhala shina khuva ni shindu shiosi mushivala,na akoritse liva mwoyo lielie? ³⁷ni shindu shina shiu mundu anyala khuhaana khu anyole liva mwoyo lielie khandi?³⁸mundu wosi andolela tsisoni halala na mang'ana kanje mu lwivulu yulu luvuheyi nu vwoni,mwana wu mundu yitsa amulolele tsisoni lwa yitsa muvukhumi vwa tata wewe ni tsingelosi vatakatifu.''

¹yesu yavavolela.''muvolela kakirikali,khuli na valala khu munye vasinjile yahavavula khulolakhu likhudza khutukha valole vwami vwa nyasaye ni vwitsa ni tsingulu.'' ²matukhu sita nikavira,yesu yavukula petero na yakobo na yohana navimilila khutsia mushikulu shirambi,wavali vutsa vonyene.likondo lia yesu liakalukhanyinywa imbeli wavo. ³tsinguvu tsia yesu tsiang'ang'a muno,tsindavu mbirilila,tsindavu kuviritsa khuli mundu wosi mushivala anyala khufuya.⁴elija na musa vavalolekhela,nivamolomanga na yesu. ⁵petero yarevula na volela yesu, ''mwekitsi,ni vulahi muno khuva hanu,khulwayako lekha khumbakhe matili kavaka,lilala liolio,lindi lia musa,lindi lia elija.'' ⁶[petero halala na veshenye vali nuvuri,nivakorwa shukhuvola.]⁷lilesi litsa nilivakhunikha voosi.na mwoyo kwarula mulilesi nikuvoola, ''wuyu nu mwana wanje wandayanza.mumuhilikhitse.'' ⁸na lwavahenza,shivalolakhu mundu wundi wosi navo,navutsa yesu wonyene.⁹lwa vali nivakholomokhanga khurula mushikulu nivikha hasi,yesu yavakaya vakhavolelakhu mundu wosi shavali nivaloli khutukha mwana wu mundu yisimukhe khurula muvakhudzu. ¹⁰vavikha makhuva yaka mumyoyo chavo,navutsa nivarevana vene khu vene, ''khusimukha khurula muvakhudzu'' ni khuvoola shina.¹¹vekitswi va yesu vamureeva, ''shichila shina vang'odi vavoolanga elija aliitsa wukhuranga?'' ¹²yesu yavavolela, ''elija aliitsa wukhuranga nukhukalukhitsa vindu viosi khuli viali muliranga.na shichila shina kang'odwa ndi mwana wu mundu alatambitswa khu vindu vinyikhi nakhuchaywa? ¹³navutsa muvolela munye ndi elija yayitsa,navamukholela kosi kavenya,khuli kali kang'odwa khulondekhana khuye.''¹⁴lwa yesu halala na veeki veve vayali navo lwa vakalukha khu vekitswi vandi,valola shituma shikali shivakhumberitse,na vang'odi vali nivarevana navo marevo. ¹⁵lwa valola yesu,shituma shosi shali nilichenya na virukhaka vatsia khu yesu nivamushelitsa. ¹⁶yesu yareva veeki veve, ''ni shina sha murevana na vang'odi?''¹⁷mundu mulala mushituma yarevula namuvolela, ''mwekitsi,nderi mwikhula wanje khwiwe.ali nilitimoni limulomba avula khumololma. ¹⁸limukumira alimulasa hasi munyikha,arula lukhole mmunwa nasia mino,makhandi yuma vutsa.mbolele veeki vovo vakhunge litimoni lienili,navutsa valechelelwe.'' ¹⁹yesu yavavolela, ''munye likhula livula khusuuvira,ndamenya namunye khutukha lina?ndikhutsile namunye khutukha lina? ndereli inu mwana mwenoyo.''²⁰vamulerela mwana wishiyayi woyo.lwa litimoni lienelo lialola yesu,liamusalasa hasi nashinda.mwana wishiyayi yakwa hasi na lukhole luranga khurula mmunwa. ²¹yesu yareva tata wewe, ''mwana uyu yakhava ndi khurula lina?'' tata wewe yamurevulila, ''khurula lwayivulwa. ²²vulikhase limusiuvanga mumuliro inoho mmadzi licheritsanga khumwiira.nikava unyala khukhukholela shindu shosi,khulolele tsimbavasi ukhukhonye.''²³yesu yamuvolela, ''''niva unyala'? vindu viosi vinyalikhanga khu usuuvilanga.'' ²⁴vwangu ise mwana yalangilila navoola, ''suuvile! khonya wambula khuva nilisuuvila!''' ²⁵lwa yesu yalola shituma nishirukhanga khutsia wali,yakondekhera litimoni lienelo nalivolela, ''yiwe litimoni likhamolomanga khandi livula khuhulila,khulakanga,rula muye na ukhakalukhu muye khandi tawe.''²⁶litimoni lialila,nililomba mwana wishiyayi nashinda nalio nilirula muye.mwana wishiyayi mwenoyo yalolekha khuli mukhudzu,na vandu vanyikhi vavoola, ''akhudzi.'' ²⁷na yesu yamukumila mukhono namusinjilitsa,na mwana wishiyayi mwenoyo yamanya nasinjila mwene.²⁸lwa yesu yinjila munzu,veeki veve vamureva havwivisu, ''shichila shina khutse khuvuli khukhunga litimoni lienelo?'' ²⁹yesu yavavolela, ''liu lukanu yulu shilinyala khukhungwa vuchila lisaala nilihonga khulia.''³⁰varula hawenaho nivavirila igalilaya.na yesu shiyenyakhu mundu woosi amanye wavali nivali, ³¹shichila yali niyekitsanga vekitswi veve.yesu yavavolela, ''mwana wa adamu atsizanga khuhanwa mu mikhono cha vana vandu,navo valamwira.naye niyakhwirwa,litukhu likhola khavaka alisimukha khandi.'' ³²navo shivamanya ka yesu yavavolela mba,na khandi varia khumureva.³³vatukha kaperanaumu.lwa yesu yinjira munzu yareva vakitswi veve, ''ni shina shamurevane khunjila nukhwitsanga?'' ³⁴navutsa vosi vashiring'ana.shichila vali nivarevane khunjila hakari havo ni wina mukali khuvo. ³⁵yesu yikhala hasi nalanga veeki veve likhomi na vavili navavolela, ''woyo bwenya khuva wukhuranga atukhane khuva wukhumalikhitsa khu voosi khandi ave murumikhili wa voosi.''³⁶yesu yavukula mwana mutiti namuvikha hakari havo.yavukula mwana mwenoyo mmakhono keke navolela veeki veve, ³⁷mundu wosi winjilitsanga mwana mutiti khuli uyu mulira lianje yinjilitsanga inze; na mundu wosi yinjilitsanga inze,yinjlitsanga woyo yaruma inze.''³⁸yohana yamuvolela, ''mwekitsi,khuloli mundu nakhunga matimoni mulira liolio akhulamukaya shichila shialondekhana nakhutse tawe.'' ³⁹navutsa yesu yavolela, ''mukhamukayi tawe,shichila shalikhuho numundu wosi akholanga vilolekhitso mulira lianje anyala khumoloma vutamanu khwiinze.⁴⁰mundu akhahingana na khutse ni weru. ⁴¹mundu wosi amuha shikombe shia madzi mung'wi mulira lianje,shichila muli veeki vanje,muvolela kagilikali,shalikoritsa matanyi keke mba.⁴²mundu wosi achila vatiti vasuuvila inze visikarale,vwakhavele vulahi lichina livohwe mwing'ori mwemwe ma asuvwe munyanza. ⁴³mukhono kwokwo nikuchilanga ukhole vwoni,rema kurulekhu.nuvulahi khwinjila miliva mwoyo nu mukhono mulala khuvira uve nacho chivili ma usuvwe mushatisi,wu mulilo kuvulanga khutsima. ⁴⁴[havundu hu mulilo kwakhanga vuchila khutsima,khandi tsinyende tsivulanga khukhudza.]⁴⁵na shirenje shioshio nishikhuhila muvwoni,rema shirulekhu.nuvulahi khwinjila muliva mwoyo ni shirenje shilala khuviritsa khuva navyo viosi ma usuvwe mushihatisi. ⁴⁶[havundu hitsinyende tsivalitsanga tsikhakhutsanga tawe ,khandui humulilo kuvasambanga kukhatsimanga tawe.]⁴⁷niva imoni yoyo ilachila ukhole vwoni,chiihe.nuvulahi winjile mu vwami vwa nyasaye ni imoni indala khuvira uve natsyo tsiosi tsivili na usuvwe mushatisi, ⁴⁸wi tsinyende tsikhakhutsanga,khandi wumulilo kukhatsimanga.⁴⁹shichila vuli mundu alalungwa nu munyu khuli vuli musango kulungwangwa nu munyu. ⁵⁰munyu nu mulahi,navutsa nikava munyu tsana kulakoritsa muzanzamu,wakhakukhola ndi kuve nu muzanzamu khandi? muve nu munyu mukari mwenyu,nakhandi mumenye ni milembe vuli mundu nuweshenye.''

¹yesu yarula havundu henaho natsia mulusomo lwa yudeya niyambukha muchela kwa yorodani,na shtuma shitsa khuye.naye yavikitsa khuli kwali mwima kwekwe. ²vafarisayo vitsa khuye khumuchelitsa nivamureva, '' ni vulahi mundu musadza khulekhana nu mukhali wewe?'' ³yesu yavareva, ''musa yavalaka ndina?'' ⁴vamuvolela, ''musa yakhuha munwa mundu musadza khuhandikila mukhali wewe ibalwa yukhulekhana,nukhumukhunga.''⁵yesu yavavolela, ''ni shichila mioyo chenyu chali mitinyu nako kachila musa navahandikila lilako yili.'' ⁶navutsa khurula muliranga, 'nyasaye yalonga musadza nu mukhali.'⁷khu shivune yishi mundu musadza alalekha tata tata wewe khandi nyina wewe ma ahambane nu mukhali wewe, ⁸na vosi vavili valava muvili mulalala.' ⁹khulwayako sha nyasaye yunganyinye,akhavaho nu mundu wavukhanyinya tawe.''¹⁰lwavali munzu vekitswi veve vamureva khulondekhana ni likhuva lienili. ¹¹yesu yavavolela, ''mundu musadza wosi alekhananga nu mukhali wewe ma ahile mukhali wundi,akholanga vuheyi naye. ¹²mukhali wosi alekhananga nu musadza wewe nukhutsia lukhali khu musadza wundi,akhola vuheyi.''¹³vandu vamulerela vana vatiti avavikhilekhu mikhono cheche,navutsa vekitswi veve vavakondekhela. ¹⁴navutsa lwa yesu yalola shikholwa shenesho,shiyayanzitswa nasho tawe,navavolela, ''lekhi vana vatiti vitse khwiinze,mukhavakayi mba,shichila vwami vwa nyasayenu vwandu vichehitsanga khuli yava.¹⁵muvolela kagilikali,mundu wosi alivula khuvuchilila vwami vwa nyasaye khuli mutiti shalinjilamu tawe.'' ¹⁶yesu yavukula vana mmakhono keke navakasitsa,navavikhilakhu mikhono cheche khuvo.¹⁷lwa yaranga luchendo,mundu mulala yilikhaka natsia khuye,namusikamila khandi nmamureva, ''mwekitsi mulahi,nyala khuklhola ndina ndukhe khunyola liva mwoyo likhahelenga mba?'' ¹⁸yesu yamuvolela, ''shichila shina unanganga mulahi? shi halikhuho nu mundu mulahi nakhali nyasaye vutsa wonyene. ¹⁹wamanya malako: 'ukhiira mba,ukhaheya mba,ukhiiva mba,ukhichisila wundi,ukhakangila woshionyo,uhe tata wowo na nyina wowo luyali.'''²⁰na mundu uyu yavolela yesu, '' mwekitsi khurula nindi muvukha ndalonda malako yaka kosi.'' ²¹yesu yamuhenza namuyanza.namuvolela, ''ucheherwa vutsa shindu shilala.tsia ukulitse viosi viuli navyo ukavile vatakha ,na iwe ulava ni miandu mwikulu.mawitse,unonde.'' ²²lwa mundu mwenoyo yahulila ndiono,makhunya kitsula muvweni vwevwe,nurula nu vuveleli mu mwoyo shichila yali ni miandu minyikhi mbirilila.²³yesu yishevukha na volela vekitswi veve, ''nuvutinyi vukali ndina khuvaruchi khwinjila mu vwami vwa nyasaye!'' ²⁴na vekitswi vali nilichenya khu makhuva keke.navutsa yesu yavavolela khandi, ''vana munye,ni vutinyu ndina khu yavo vavikha lisuuvila liavo mu miandu chavo khwinjila mu vwami vwa nyasaye! ²⁵nivutoro ingamia khwinjila muinduhu yisindani khuvira mundu muruchi khwinjila mu vwami vwa nyasasye.''²⁶vali nilichenya likali muno na nivarevana, '' nikali ndiono khu wina anyala khuhonyinywa?'' ²⁷yesu yavahenza navavolela, ''khu vandu shikanyalikha tawe.navutsa khu nyasaye tawe.shichila khu nyasaye vindi vyosi vinyalikhanga.'' ²⁸petero yaranga khumumolomela namuvolela, ''henza,khulekhi vindu vyosi na khukhulonda iwwe.''²⁹yesu yarevula navola, ''muvolela kagilikali,shaliho nu mundu wosi yalekha inzu yeye, inoho vamwavo veve,inoho vavotso veve,inoho nyina wewe ,inoho tata wewe,inoho vana veve inoho milimi cheche shichila inze na khandi shichila ivangeli ³⁰avula khunyola hali mia mumatukhu kanu: tsinzu na vamwavo,navavotso na vaanyina,na vana ni milimi,,halala nukhutambitswa,nukhunyola liva mwoyo likhahelanga,mushivala shitsanga. ³¹navutsa vanyikhi vali vukhuranga, valava vukhumala,na vukhumala vala vukhuranga.''³²vali khunjila ni vatsitsanga yerusalemi,na yesu yimila imbeli wavo.vekitswi vali nilichenya,na vandu vali vamulonda inyuma vali nuvuri.na yesu yavukula vekitswi veve likhomi na vavili haluveka khandi niyanza khuvavolela vindu vitsitsanga khwikholekha khuye. ³³''henzi, khutsatsanga muyerusalemi,na mwana wu mundu alahanwa khu vasalisi vakali na vang'odi.navo valamukhalakila likhudza nukhumuhana khu vandu vitsihili. ³⁴navo valamukholela shihenyehenye,valamusutsila mare,valamulandula,nu khumwira.navutsa matukhu nikavira kavaka,alisimukha.''³⁵na yakobo na yohana,vikhula va zebedayo, vitsa khu yesu nivamulela, ''mwekitsi,khwenya ukhukholele shiosi sha khukhureva.'' ³⁶yesu yavareva, ''mwenya mukholele shina?'' ³⁷navo vamuvolela, ''ukhuhuchilile khwikhale niwe muvukhumi vwovwo,mulala khu mukhono kwokwo mulunji na wundi khu mukhono kwokwo mukata.''³⁸navutsa yesu yavavolela, ''shumumanyi shamurevanga tawe.mulanyala khung'wa shikombe shanzinzanga khung'wa inoho mulanyala khubatiswa nishibatiso shya nziza khubatiswa nashyo?'' ³⁹navo vamuvolela, ''khulanyala.'' yesu yavavolela, ''shikombe shang'wa mulang'wa, khandi shibatisio shambatiswa nashio,munye khandi mulabatiswa. ⁴⁰navutsa mundu wikhala khu mukhono kwanje mulunji inoho mukhono mukata shali ninze uhananga,navutsa ni khu yavo valomberwa.''⁴¹na lwavandi likhomi vahulila mang'ana yaka,valolela vurima yakobo na yohana. ⁴²yesu yavalanga vitse khuye navavolela, ''munye mwamanya ndi vandu vatukhile khwamiha vandu vitsihili vali nuvunyali vukhuvamiha,khandi vimilili vavo vali nuvunyali khuvo.⁴³navutsa shikava ndiono khumunye tawe.mundu wosi yenya khuva mukali hakari henyu ave murumikhili wenyu, ⁴⁴na mundu wosi yenyanga khuva wukhuranga khumunye ave murukwa wenyu munye voosi. ⁴⁵shichila mwana wu mundu shi yitsa khurumikhirwa,navutsa khuva murumikhi,nukhuhaana liva mwoyo lyelye khuvoholola vandu vanyikhi khurula muvwoni vwavo.''⁴⁶yesu halala na vekitswi veve vatukha yeriko.na lwayali narulanga yeriko na vekitswi veve ni shituma shikali,mundu muvekhu mulala wali musasavi walangwa bartimayo,naye yali mwana wa timayo,yikhalanga khulujinga lwiinjila. ⁴⁷naye lwayahulila ni yesu munazareti,yaranga khuhanzukha navoola, ''yesu,mwana wa daudi,umbelele tsimbavasi!'' ⁴⁸vandu vanyikhi vakondekhala mundu muvekhu uyu,nivamuvolela ahonjele.navutsa yatsililila khuhanzukha navoola, ''yesu mwana daudi,umbelele tsimbavasi!''⁴⁹yesu yasinjila navalaka vamulange.valanga mundu muvekhu uyu,vamuvolela, ''tinya mwoyo! sinjila! akhulanganga.'' ⁵⁰yasiuva likoti lyelye,nasila ikulu,natsia ha yesu yali nali.⁵¹yesu yamurevulila namuvolela, ''ni shina sha wenya khukholele?'' mundu muvekhu yamuvolela, ''mwekitsi,ndenya khulola khandi.'' ⁵²yesu yamuvolela, ''tsia.lisuuvila lyolyo limali khukhuhonyinya.''yamanya nalola khandi,namulonda khunjila.

¹yesu na vekitswi veve lwavali himbi khutukha yerusalemi,vatukha mu mamatala ka betsefage nende bethany kali himbi khushikulu sha misayituni,na yesu yaruma vekitswi veve vavili ²navavolela, ''mutsi mukitsi kuli imbeli wenyu.lwa mwinjilamu,mulalola shimoli shi isukhili shu mundu ashili khuninakhu.muvoholole munderele. ³na mundu wosi namureva, ' shichila shina mukhola yaka?' mumuvolele, 'muruchi achienyanga na alachikalukhitsa vwangu.'''⁴vekitswi va yesu vatsia na nivanyola shimoli shi isukhili nishivohelwe hamuliango kwi inzu. ⁵lwa vali nivavohololanga,valala khu vandu vali nivasinjile hawenaho vavavolela, ''mukhola shina,khuvoholola shimoli shi isukhili?'' ⁶vavolela khuli yesu yali navavolele,na vandu yavo vavalekha nivatsia.⁷valerela yesu shimoli shi isukhili nivaalakhu, tsinguvu tsiavo,naye niyikhalakhu. ⁸vandu vanyikhi vaala tsinguvu tsiavo khu muhanda,vandi nivaala masambu kavali nivaremi khurula mu milimi. ⁹yavo vali imbeli wewe nende yavo vamulonda inyuma wewe valangilitsa, ''hosanna!ali nuvukasu woyo wiitsanga mulira liu mwami. ¹⁰vwakasitswa vwami vwitsanga vwa kuka weru daudi! hosanna ikulu mwikulu!''¹¹na yesu yinjila yerusalemi natsia mu litempeli.nahenza khu vindu vyosi.shichila shivali shali nishimwami,yatsia bethany halala na vekitswi veve likhomi na vavili. ¹²litukhu lilondakhu lwa vali nivarula bathania,yesu yahulila inzala.¹³lwa yali nashili ihale yalola musala ku mukhuyu nukwama masambu,naye yatsia alole nikava kuli na makhayu,na lwa yisunda himbi yanyola vutsa masambu konyone,shichila shiyali inyinga yi mikhuyu khwaminya makhuyu tawe.. ¹⁴na yesu yakumolomela navola, ''mundu shaliliakhu makhuyu khandi khwiiwe mba.'' na vekitswi veve vahulila mang'ana kenako.¹⁵yesu halala na vekitswi veve vatukha yerusalemi,naye yinjila mwitempeli nakhunga vandu vosi vali vakulitsanga nukhukula vindu multempeli.natingulanyinya tsimesa tsya vandu vakalukhanyinga tsisenti ni visako vya vandu vakulitsanga vitutu. ¹⁶na shiyahuchililakhu mundu wosi achingekhu shindu shosi mulitempoeli shinyala khukulikha tawe.¹⁷yavekitsa navavolela, ''shi kang'otwa, 'inzu yanje ilalangwa inzu yi lisaala khu tsihili tsyosi'? ¹⁸vasalisi vakali navang'oti lwa vahulila ka yesu yali navoli,vakhava injila khuli vanyala khumwira.shichila vamuria shivune shituma shosi shali nilichenya khu mekidzo keke. ¹⁹lwa hamukolova hatukha,yesu halala na vekitswi veve varula mulitala lienelo.²⁰lwa vali nivachendanga mavwevwe,valola musala ku mukhuyu bnu kuniali khutukha khu mili. ²¹petero yitsukhitsa ka yesu yali navoli navola, ''mwekitsi,lola! musala ku mukhuyu ku lami kuniali.''²²yesu yarevula navavolela, ''muve nilisuuvila mu nyasaye. ²³muvolela kagilikali mundu wosi navolela shikulu yishi,rinyukha na wisiuve munyanza,' na avule khuva nilihayahaya mumwoyo kwekwe navutsa asuuvile ndina kavoli kalakholekha,yako nako ka nyasaye akhola.²⁴khu lwayako vavolelanga,vyosi vya musava mulisaala,musuuvile ndina mulanyola,khandi mulava navyo. ²⁵na munye lwa musinjila nu musaala,muvele tsimbavasi mundu wosi wamwisikarilakhu,khandi khu tata wenyu wi mwikulu naye atukhe khumuvela munye tsimbavasi khu mayolo kenyu.'' ²⁶navutsa munye nimuvula khuvavela,khandi tata wenyu wimwukulu shalavavela munye mayolo kenyu.²⁷vatukha yerusalemu khandi.lwa yesu yali nachendanga mulitempeli,vasalisi vakali,halala navang'oti.na vasakhulu vitsa khu yesu. ²⁸nivamureva, ''ni khuvanyali shina vukhola vindu yivi,na wina yakhuha vunyali vukhukhukhola vindu vienivi?''²⁹yesu yarevula navavolela, ''ndavareva munye lirevo lilala,na mumbe marevuli,na inze ndamuvolela nu khuvunyali shina vwakholanga vindu yivi. ³⁰shipatiso sha yohana sharula mwikulu inoho khu vandu? mbi marevuli.''³¹navo vavolelana vene khu vene,ni vavola, ''niva khulavola khurula mwikulu,alakhuvolela shichila shina mwavula khumusuuvila? ³²nikhuvoola khu vandu....'' shichila varia vandu,vandu vosi vali vassuuvila yohana yali muporofeti wa kiligali. ³³varevula niva muvolela, ''khumanyi mba.'' na yesu yavarevulila navavolela, ''khali inze shimuvolelakhu ni vunyali shina vwa kholela vindu yivi.''

¹na yesu yaranga khuvekitsa mutsinganu.navavolela, ''mundu mulalayarakamulimi kwi misabibu,niyeva,nalima lina lirambi liu khamulilamu idivai.yumbakha munaara kwa vandu khusinjilakhu nivalinda mulimi,nakotekhitsa mulimi kwenoko khu valimi natsia khuluchendo mushivala shi ihale. ²inyanga yatukha,naruma murumikhili wewe khu valimi yavo,atukhe khunyolakhu makhuyu ki misabibu. ³navutsa vamukumila,nivamukhuva,niva mwirukhanyinya vuchila shindu shosi.⁴khandi yavarumila murumikhili wundi,nivamwarana lukuma mmurwi,nivamuha tsisoni. ⁵naruma murumikhili wundi khandi,na wuyu vwamira.na vandi vanyikhi vavakholela malala mele,nivakhuva valala khandi ni viira vandi.⁶yirikala nu mundu mulala wukhuruma,mwana wewe wayayanza,yamuruma lukhumala,navoola,''valaha mwana wanje mwikhula wanje luyali. ⁷''navutsa vandu vakotesha mulimi vavolelana,wuyu naye mwikhula wa mwene mulimi,hambi khumwire,na miandu chiechie chilava cheru.''⁸vamukumila,nivamwiira,nivamusuuva ilwanyi wu mulimi kwi misabibu. ⁹khu lwayako,mwene mulimi kwi misabibu nakhole shina? allitsa nukhwiira vandu vakotesha mulimi kwekwe kwi misabibu ma khandi akotekhitsile vandu vandi.¹⁰shu mwasoma ling'ota yili? lichina lia vumbakhi vambakhana livula vukhonyi,liamanya niliva liu mumbeka khuvira machina kandi koosi. ¹¹likhuva yili lia rula khu mwami,nalio niliu khuchenyinya mutsimoni tsieru?''' ¹²navo vakhava khukumila yesu,navutsa varia vandu: shichila vamanya avooli lukanu lwenolo khuvo,navamulekha nivatsia iwavo.¹³vamurumila valala khu vafarisayo nende vandu khurula khu mukanda kwa herode vamureke khumakhuva keke mwene. ¹⁴lwa vatukha khuye,vamuvolela, ''mwekitsi,khwamanya ndi uli mundu wakiligali,khandi uvulakhu shindu shikhuheendtsanga mwoyo shichila mundu.khali uvula liheenda mwoyo liosi shichila liiva liu mundu,navutsa wekitsa kakiligali khulondekhani ni injila ya nysasaye.nu vulahi khuhana vusuru khu kaisale inoho khuvule khuhana? khuhane inoho khuvule khuhana? ¹⁵navutsa yesu yalola vwikholo kholitsi vwavo navavolela, ''shichila shina munjelitsanga? ndereli tsisendi ndolekhu.''¹⁶vamulerela navavolela, ''likondo lia wina nende mang'ota ka wina kali khu isenti yiyi?'' nivarevula, '' ya kaisale.'' ¹⁷yesu yarevula navavolela, ''muhe kaisalevindu vyevye na muhe nyasaye vindu vili vya nyasasye.'' vali nilichenya khuye.¹⁸vasudukayo vitsa khuye,vavula khusuuvila ndi lisimukha lia vandu vakhutsa livulaho.navo vamureva nivavola, ¹⁹mwami,musa yakhuhandikila khutse navoola,nikava amwavo wu mundu alakhudza alekhe mukhali wewe,na shiyali nu mwana,katukhilanga amwavo wewe akalukhitse mukhali wenoyo atukhe khumwivulila vana.²⁰valiho vamwavo varanu na vavili: wukhurangayahila mukhali nakhutsa vuchila mwana. ²¹wakhavili yamukalukhitsa;nakhutsa vuchila mwana,khandi wakhavaka kali vutsa ndiono. ²²vosi saba vakalukhitsa mukhali mwenoyo navo vakhutsa vuchila vana: mulimala mukhali woyo yamanya nakhudza. ²³khu lwayako,lwa vandu vitsa visimukhe khurula mulikhudza,,mukhali wuyu yitsa ave mukhali wa wina? shichila vosi saba vava naye khuli mukhali wavo.''²⁴yesu yarevula,navavolela, ''yishi nasho shivune shichila ni mukora,shichila shumumanyi mang'ota khandi tsingulu tsia nyasaye? ²⁵shichila lwa vandu visimukhanga khurula mulikhudza,shivahilananga inoho khutsia lukhali,navutsa vali khuli tsinjelosi mwikulu.²⁶navutsa khulondekhana na vakhutsu khwisimukha,shumwasoma mang'ota mushitabu shia musa,khulu nyasaye yamoloma naye mushisakha,navolela musa, ''inze ndi nyasaye wa abraham khandi nysasaye wa isaka khandi nysasaye wa yakobo? ²⁷shiali nyasaye wa vakhudzu tawe,navutsa nyasaye wa vandu vali mwoyo.khu lwayako mwakorwa.''²⁸mulala khu vang'oti yitsa nahulikhitsa limoloma liavo;naye yalola ndi yesu avarevulile vulahi muno.naye yamanya nareva yesu, ''ni lilako lilena lili likali khu malako kosi?'' ²⁹yesu yarevula, ''lilako lili likali nili, 'hulira yiwe isiraeli,mwami nyasaye weru nu mwami mulala. ³⁰na yiwe umuyanze mwami nyasaye wowo nu mwoyo kwokwo kwosi,nitsinganagani tsyotsyo tsyosi,niliva liolio liosi,khandi nitsingulu tsiotsio tsiosi: yili nalio lilako liukhuranga. ³¹lyakhavili nalio yili,yiwe uyanze murende wowo khuli wiyanza mwene.lilikhuho lilaka blindi liviri yaka tawe.''³²mung'oti yavolela yesu, ''mwekitsi mulahi! yiwe uvoli kagilikali: shichila nyasaye nu mulala ;nashaliho nyasaye wundi nakhali ye wonyene: ³³khandi khumuyanze nu mwoyo kweru kwosi,khandi nilimanya lieru lyosi,khandi niliva lieru liosi,khandi nitsingulu tsieru tsyosi,makhandi khuyanze murende khuli khwiyanza khutse vene,yaka kaviri tsisadaka tsiukhusambwa nukhukhola misango chindi chiosi.'' ³⁴lwa yesu yalola arevule nuvucheli,yamuvolela, ''yiwe shuli ihale nu vwami vwa nyasaye tawe.'' khurula inyinga yeneyo avulakhu mundu wosi yali anyala khumurevakhu marevo kosi.³⁵yesu yarevula navoola,lwayali niyekitsanga mulitempeli, ''shichila shina vang'oti vavolanga ndi kristo nu mwana daudi? ³⁶shichila daudi mwene yavola khuvirila mu roho mutakatifu, 'mwami yavolela mwami wanje,yikhala khu mukhono kwanje mulunji khutukha lwambikha vaziku vovo hasi hi vilenje vyiovyo.' ³⁷nikava daudi mwene amulanganga mwami,khu kristo anyala khuva ndina mwana wa daudi?''' shituma shiamuhulikhitsa nuvuyanzi muno.³⁸na yesu mumekitso keke yavavolela, ''mwilinde na vang'odi,shichila vayanzanga khwifwala tsakanzu tsindambi nu khuchenda musokoni nukhushelizwa na vandu. ³⁹vayanza kwikhala khu visako vimbeli mumasinagogi nende havundu hali nuluyali ha vandu vali numulukha kukhunyanya; ⁴⁰valitsanga vindu vya vakhunzakhali,nivikholanga vasalanga lisalaala lirambi,yava valiitsa khunyola likhalakilwa lili likali muno.''⁴¹na yesu yikhala himbi nilisandaku lilivikhilo litsisenti mulitempeli; nayahenza nalola khuli vandu vaslakhulamu tsisenti tsiavo.na vandu vanyikhi vali varuchi vahana vindu vinyikhi. ⁴²yitsa mukhali mulala mukhunzakhali,mutakha,nalakhulamu tsimingili tsivili,tsisenti tsilombanga ling'ondo.⁴³yesu yalanga vekitswi veve navavolela, ''muvolela kagikali,mukhunzakhali wuyu uhani vinyikhi khuvira vosi vamali khuhana tsisenti tsiavo; ⁴⁴shichila vosi vamali khuhana, vahaani mbunyikhi vwavo,navutsa mukhali wuyu muvujehelu vwevwe,ahaani vindu vyosi vyali navyo,khali vulamu vwevwe.''

¹lwa yesu yali narulanga mulitempeli,mulala khu vekitswi veve yamuvolela, ''mwekitsi,lolakhu machina yaka kuhkhuchenyinya nende tsinzu tsiukhuchenyinya!'' ²yesu yamurevulila namuvolela, ''ulola tsinzu tsingali yitsi? livulakhuho lichina khali lilala litsa lirikale muvwiyangu vwalio,liitsa livule khusuvwa hasi.''³na yesu yali niyikhale khu shikuli shya mzeituni,imbeli wilitempelim,petero halala na yakobo nende yohana na andereya vamureva muvwivisu, ⁴''khuvolelekhu,vindu yivi vitsa vikholekhe inyinga shina? khandi shina shiliva shimannyilo ndi vindu yivi vili himbi khwikholekha?''⁵yesu yavavolela, '' mujelihe mundu wosi akhamukatakhu tawe. ⁶vandu vanyikhi valitsa mulirha lyanje nivavoola, 'inze naye kristo,' navo valakoritsa vandu vanyikhi.⁷lwa muhulila mahe nende makhuva khulondekhana na mahe,mukhahenda mumioyo chenyu tawe,shichila vindu khuli yivi vitsa vikholekhe,navutsa shiheli shilava shishili khutukha. ⁸shivala shilitsa khukwana shivala shindi,na vwami vulitsa khukwana nu vwamu vundi.shivala shitsa shitechele havundu hosi,khandi inzala yitsa iveho.vindu yivi vili vutsa khuli khulumwa khu mukhali wenya khwivula mwana wewe wu khuranga.⁹mwilinde.mulakumilwa nukhuhanwa muyalwe mushiina,nukhuhuulwa mumasinagogi kavo.mwakhasinjile imbeli wa vamihi nende vami shichila inze khuli lilolekhitsa khuvo. ¹⁰navutsa mwilwatse ivanjeli khutsihili tsiosi khuranga shiheli nishishili khutukha.¹¹navutsa lwava mukumila nukhuvahila mushiina,mukhahendi mioyo khulondekhana nende shya muvola.shichila inyanga yeneyo,inoho mukhakanakana kamuvoola,navutsa kosi kamuhelwa inyanga yeneyo muvoole,shichila shyali munye mumolomanga,navutsa roho mutakatifu. ¹²mundu alatsama amavo wewe khwiirwa,khandi tata alatsama mwana wewe;. na vana valinjilila vivuli vavo nakhulomba viirwe. ¹³vandu voosi valavasinyikhila shichila lira lyanje;navutsa mundu wosi yikhutsila khutukha khu limala,alahonyinywa.¹⁴navutsa lwa mulola shindu shitamanu shu vwononi,shya volwa nu muporofeti daniel, nishisinjile washikhatukhananga khuvula khuva [woyo asomanga ave nilimanya.] hene yaho vali ivuyuda vilukhile muvikulu, ¹⁵mundu ali khushisekeshe shiinzu avule khwiikha hasi munzu,khandi akhinjilamu khuvukulakhu shindu shyosi tawe, ¹⁶na woyo ali mumulimi akhakalukha khuvukula inguvu yeye tawe.¹⁷O vayaye,valakhave vutinyu khu vakhali valiva nivahelitsa,khandi yavo valiva niva nunyinyanga tsindana mutsinyinga yetso! ¹⁸musaale vindu yivi vivule khwikholekha inyinga yuvushindu. ¹⁹shichila mumatukhu yako khulakhave nilinyakhana likali, lishili khuvakhuho khurula nyasaye nalonga lilova,khutuka inyinga inu,khandi shilitsa livekhuho tawe. ²⁰navutsa mwami alavula khwimbihitsa matukhu kenako, shalikhuho nu mundu yali ahone tawe,navutsa shichila vandu vachekulwa varovole veve,yayimbihitsa matukhu kenako²¹niva mundu wosi alamuvolela,henza kristo ali yaha,inoho ali yaho mukhasuuvili tawe. ²²shichila valarulila vandu vanyikhi nivilanga kristo khandi vaporofeti vuvuvehi valarulila nukhukhola vilolekhitso ni vindu vyu khuchenyinya vatukhe khukoritsa,nikanyalikhana,khali varovole va nyasaye. ²³muchelihe! inze mali khumuvolela vindu yivi vyosi nivishili khwikholekha,²⁴navutsa linyakhana lya matukhu yako nilikhahuwa,liuva litsa likwi shisundui,nu mweli nakwo nukuvule khwakha vulavu vwako, ²⁵tsing'inig'ini tsitsa tsyakulukhe khurula mumalesi,na tsingulu tsili mwigulu tsidza tsitechelidzwe. ²⁶hene yaho viitsa valole mwana wu mundu niyitsanga mumalesi nitsingulu tsingali nu vukhumi. ²⁷naye yitsa arume tsinjelosi veve khuvunjelitsa halala varovole veve khurula mutsimbeka tsinne tsi lilova,khurula khushiheli shi lilova khutukha khu shiheli shyu mwikulu.²⁸mweke khurula khu musala ku mukhuyu.lwa tsisia tsykwo tsiranganga khusevukha nukhurulitsa masambu matoro,mumanyanga inyanga yukhuraka itukhi. ²⁹khu lwayako,,lwa mulola vindu yivi nivikholekha,mumanye ali himbi khwitsa,himbi hamuliango.³⁰muvolela kagilikali,likhula yili shililarulaho khutukha vindu yivi vyosi vikholekhe, ³¹likulu nilllova vilavira,navutsa mang'ana kanje shikalavira tawe. ³²navutsa khulondakhana nilitukhu nende inyinga shaliho nu mundu yamanya,khali tsinjelosi vali mwikulu shivamanyi,khali mwana shiyamanya tawe,navutsa tata vutsa wonyene.³³muhenze! mulinde mulisaala shichila shumumanyi lwi inyinga yeyo itukha. ³⁴mwana wu mundu ali khuli mundu arulanga hango hehe natsia muluchendo,ma alekhela varumikhili wewe vunyali vukhulinda inzu yeye,na vuli mundu miyinzi cheche,navolela mulindi wu muliango alinde vulahi.³⁵mulinde shichila shumumanyi inyinga ya mwene inzu akalukha; hawundi alakalukha hamukolova,inoho muvutukhu hakari,inoho alakalukha inyinga yitsi taiwa tsalakulanga,inoho mavwevwe. ³⁶khase alitsa vwangu amunyolekhitse numukonanga. ³⁷kambolela munye,mbolela voosi,mulinde''

¹nikarikale matukhu kavili khutukha khu mulukha kwi lisabato nende mulukha kukhulia mukati kwalombwa vuchila mamela: vasalisi vanene na vang'odi vakhava khuli vanyala khukumila yesu muvwivisu nukhumwira. ²vavoola,khuvule khumukimila khu litukhu lyu mulukha kwi lisabato; inoho vandu vanyala khukhola shilache.³lwa yesu yali mulitala lya bethania, munzu ya simioni yali niyalwala vuchere,yali niyakhale khumesa nalitsanga,mukhali mulala yinjilamu ni shi muka shya makura ku vukuli vululu,nako kali numwayu mulahi.yaranya shumuka natsukhila yesu mukura kenako khu murwi kwekwe. ⁴vandu vandi valiho valala vashendekha mumioyo chavo,nivavola, ''shicila shina yononyinye makura ku vukuli khuli yaka? ⁵kavele kakulitswe tsidinari tsimia tsavaka ma tsisenti tsienezo valaha vatakha.'' vakondekhala mukhali mwenoyo vululu muno.⁶yesu yavavolela, ''mulekhe mukhali uyu ave.shichila shina mumutambitsanga? akholi muhinzi mulahi khwinze. ⁷shichila muli navatakha vuli lwosi,na inyanga yosi yamwenya khuvakholela malahi,mulavakholela,navutsa inze shimulava ninze khase. ⁸uyu akholi kanyalitsa:yitsi lwambeli khuvekha mmbili kwanje makura nukushili khuyavilwa. ⁹likali muvolelanga,hawosi wi ivangeli yilwatsa mulilova lyosi,shindu shu mukhali uyu akholi shitsa khumulomwakhu khumutsukhitsa.''¹⁰na yuda isikarioti,mulala khu vekitswi veve likhomi na vavili,yatsia khuvasalisi vakali khumutsama. ¹¹na lwa vasalisi vakali vahulila ndio,vali nuvuyanzi,nivalaka khumuha tsisenti. naye yakhava khuli anyala khumutsama.¹²khulitukhu lyu khuranga lyu mulukha kukhulia mukati kwalombwa vuchila mamela,lwa vasinzanga makondi ku mulukha kwi lisabato,vekitswi veve vamuvolela, ''ni hena wawenya khutsi khukhulombele wakhunyala khulila shiukhulia shu mulukha kwi lipasaka?'' ¹³yaruma vavili khu vekitswi veve navavolela, ''mutsi mulitala,na mundu musadza nachingi madzi munyungu alamwakanila,mumulonde. ¹⁴na hanjila munzu,mwinjilemu,amuvolele mwene inzu, 'mwekitsi arevanga inzu yavacheni ilihena,wanyanyila shukhulia shu mulukha kwa pasaka na vekitswi vanje?'''¹⁵naye alavamanyinya inzu ingali ikulu yavalombi vulahi; hawenaho mukhulombele ¹⁶vekitswi veve varula nivatsia mulitaala.vanyola vindu vyosi khuli yesu yali navavolele,na nivalomba shukhulia shu mulukha kwa pasaka.¹⁷lwa hamukolova kwatukha.yitsa na vekitswi veve likomi na vivili. ¹⁸lwa vali nivikhale khumesa nivalitsanga,yesu yavola, ''muvolela kagilikali.mulala khu munye wakhulitsa naye alantsama.'' ¹⁹na vosi varanga khuvelela,nivamureva shavuli mulala '',ninze?''²⁰yesu yarevua navavolela, ''ni mulala khu likhomi na vavili, mulala utonjeranga ninze mulutavo lulala. ²¹mwana wu mundu kagilikali alatsia khuli kahaandikwa khulondakhana naye.navutsa vulava vitinyu khu mundu khuvirila khuye mwana wu mundu alatsamwa! vwali vuve vulahi alavula khwivulwa²²lwa vali nivalitsanga,yesu yavukula mukati,nakukasitsa,natong'ola,navaha navola, ''vukuli,munyanye: yuku nu mmbili kwanje.'' ²³navukhula shikombe,nasanditsa,navaha: navosi nivang'welamu ²⁴yesu yavavolela, ''yaka ni masaai kanje ki indakano impia.khasundukhanga shichila vanyikhi. ²⁵muvolela kagilikali,shindang'wakhu khandi makhuyu ku musabibu khutukha litukhu lianditsa khung'wa vuhya mu vwami vwa nyasaye.''²⁶lwa vali vakhimba lwimbo,varula nivatsia khu shikulu shya mzeituni. ²⁷yesu yavavolela, ''munye vosi mulanzirukha,shichila kahandikwa, 'ndarumula mwayi,na makondi kalasalana.'²⁸navutsa nindakhisimukhitswa,ndatsia imbeli wenyu mulitala lya galilaya.'' ²⁹petero yamuvolela, ''khali vosi nivirukha, inze ndirukha mba.''³⁰yesu yamuvolela, ''likali khuvolelanga,nundi-yee,vutukhu vwa nundi-itaiwa nishili khulakula khavili,ulanzambakhana hali khavaka.'' ³¹navutsa petero yavola nuvuluvilili, ''khali kava ndakhudza niwe, khwambakanakhu munjila yosi tawe.''khandi vosi vavola ndiono.³²vatukha havundu halangwangwa gethsemane,navolela vekitswi veve, ''yikhali yaha inze nishisaala.'' ³³yavukula petero,yakobo na yohana naranga khuva nilinyakhana mumwoyo kwekwe. ³⁴yesu yavavolela, ''mwoyo kwanje kuli nu vuveleli,khutukha khu shikha shu khukhudza.rikali yaha mulinde.''³⁵yisunda imbeli hati,nakwa hasi mahunama nasaala ndi nikanyalikha isa yiyi ivule khumutkhila. ³⁶yavola, ''abba,tata,vindu vyosi vinyalikha khuiwe.rulitsa shikombe yishi khuinze.navutsa shikali khuli lienya lianje,navutsa lienya lyolyo.''³⁷lwa yakalukha yanyola vosi nivakonanga,navolela petero, ''simioni ukonanga?shuvele khali uhenzekhu khali isa indala yonyene tawe? ³⁸mulinde nu musaala shivune muvule khukwa mumachelizo.kagilikali mwoyo kwirechekhe.navutsa mmbili nimutetekhele.'' ³⁹khandi yastsia nakalukha khusaala,navoola makhuva malala mele.⁴⁰na lwa yakalukha khandi yanyola nivakoni tsindoli khandi, [shichila vali nivarenjetsanga,] khali shivali nende shavanyala khumuvolelela. ⁴¹yitsa khuvo khandi lwakhavaka,navavolela, ''koni sasa,muhulukhe ; lutukhi,,inyinga itukhi; henzi,mwana wu mundu azamwangwa mumikhono cha vandu voni. ⁴²sinjili; chendi khutsi.lola,woyo unzamangaamali khutukha.''⁴³hene yaho,lwa yali naashimolomanga,yuda,mulala khu yavo likhomi na vavuili, yitsa halala nu mukanda mukali khurula khu vasalisi vakali nende vang'odi na vakhulundu, nivali ni vivavi na marimo, ⁴⁴yuda yali navahele shimanyilo,navavolela, ''wandenya khuvusa naye wenoyo,mumukumile.mumurulitseho mumulembe.'' ⁴⁵lwa yuda yatukhaho,yatsia tsa vulunji khu yesu navola, ''mwekitsi,mwekitsi,'' naye navusa. ⁴⁶navo vamukumila nivamuhila.⁴⁷navutsa mulala khuvo yali nasinjile himbi yazomola shivavi,narema murumikhili wu musalisi mukali,nakutula liroyi lyelye. ⁴⁸yesu yavareva, ''munye mwitsi khukumila mwivi nivivavi na marimo? ⁴⁹ndavelenge na munye vuli litukhi mulitempeli nimwekitsanga,nashimwangumila tawe.navutsa yaka kakholekhe khutukhitsa mang'oda.'' ⁵⁰vosi vali na yesu vilukha nivamulekha.⁵¹muyayi muvukha,yali niyifwali tsa luvaava lwonyene.yalonda yesu.na vayayi vandi vavukha vamukumila, ⁵²yilukha shahonyo nalekha luvaala lwelwe.⁵³vahila yesu khu musalisi mukali.na halala naye vali vivunjelitse vasalisi voosi vakali,na vakhulundu nende vang'odi. ⁵⁴na petero yamulonda hanyuma,nivinjila mulwamyi lwi inzu yu musalisi mukali,niyikhala navarumikhi nivoora mulilo khu shorelo.⁵⁵na vasalisi voosi vakali ni shina shosi sha vayahudi vakhava vushahidi khulondekhana khu yesu khu vamwire.navutsa vavunyola tawe. ⁵⁶vandu vanyikhi valera vushahidi vuvehi khu yesu,navutsa khali makhuva kavo kavavola katsianakana tawe.⁵⁷valala vasinjila navachinila yesu; nivavola, ⁵⁸''khwahulila navolanga ndononyinya litempeli yili lialombwa ni mikhono,na khu matukhu kavaka,ndumbakha litempeli lindi vuchila mikhono.'' ⁵⁹khali ndio makhuva kavo katsianakana mba.⁶⁰musalisi mukali yasinjila hakari havo nareva yesu, ''uvulakhu lirevuli lyosi lyosi lyu khuvaha khulondekhana na makhuva yaka kosi? nishina shyavandu yava vakhuyalilanga?'' ⁶¹navutsa yesu yahonjela na yarevulakhu shindu shosi tawe.khandi mukali wa vasalisi yamureva navoola, ''yiwe ne kristo,mwana wa woyo yakasidzwa? ⁶²yesu yavola, ''ninze; khandi mulalola mwana wu mundu niyikhale khu mukhono mulunji kwi zingulu niyitsanga na malesi ku mwukulu.''⁶³hene yaho,mukali wa vasalisi yarandula tsinguvu tsyetsye navola, ''ni shina shakwenyela valolekhitsi vandi? ⁶⁴vene mulile na nyeka nyasaye.likhalaka lyenyu lili ndina? na voosi vamukhalakila likhudza. ⁶⁵vandi varanga khumusutsila mare,nivamukhunikha mmoni,nivamurumula tsinguume nivaoola, ''porofeta ni wina akhurumule!'' khali valindi valindaho vamuvukula nivamusamula tsikhovi.⁶⁶lwa petero yali niyakhale mulwanyi,mulala khu vakhana vu musalisi mukali yitsa khuye. ⁶⁷yalola petero niyoranga mulilo,yamuhenza namumikha imoni navola, ''yiwe khandi muvetsanga na yesu mnazareti.'' ⁶⁸navutsa petero yambakhana navoola, ''shimumanyi,khandi khali ngorwa shuvoolanga.''narula natsia hamuliango,na itaiwa nilakula.⁶⁹navutsa mukhana murukwa yalola petero naranga khuvolela yavo vali vasinjile naye, '' musadza wuyu nu mulala khuvo!'' ⁷⁰navutsa petero yambakhana. khandi lwi inyanga yali niyakhavira indidi,vandu vali vasinjile himbi na petero vamuvolela, '' kagilikali uli mulala khu vekitswi va yesu,shichila urulanga mulitaala lya galilaya.''⁷¹navutsa petero yaranga khulama nukhwisuha navola, ''inze manyikhu mundu wamumolomakhuyu tawe.'' ⁷²itaiwa yalakula lwakhavili,na petero niyitsukhitsa makhuva ka yesu yali namuvolele: ''itaiwa nishili khulakula khavili,ulava nunzambakhane hali khavaka,'' na lwayakanakana khu kenako yaranga khulila.

¹mumavwevwe,vasalisi vakali,navasakhulu nende vang'odi halala nishikhalo shyosi vikhala halala nivalokhitsa ka vakhola, vavoha yesu nivamuhila,navamuhana khu pilato. ²na pilato yamureva, ''niwe mwami wa vayahudi?'' yesu yerevula, ''yiwe ne uvoli ndiono.'' ³vasalisi vakali vamuyala khu vindu vinyikhi.⁴pilato yamureva khandi, ''uvulakhu marevuli kosi? lolakhu vindu vinyikhi vya vakhuyalilakhu!'' ⁵navutsa yesu shiyarevulilakhu pilato shindu shyosi tawe,na yako kamuchenyinya.⁶shya inyinga yu mulukha kwa pasaka,pilato yali nu mwiima ku khuvoholola muvohe mulala, wa vayahudi venyanga avohololwe. ⁷khwali nu mundu mulala yalangwangwa barabbas,yali niyavohwa muchela halala na vandu vanuli, khandi vandu viira vandu mumatukhu ki shileeche. ⁸na shituma shya vandu shitsa khu pilato nivahanzukha nivamureva avakholele khuli amanya avakholelanga mu tsinyinga tsiavira.⁹pilato yavarevulila navavolela, ''mwenyanga muvoholele mwami wa vayahudi?'' ¹⁰shichila yali namanyi vasalisi vakali valera yesu khuye shichila vali nimbotokha naye. ¹¹navutsa vasalisi vakali vahambiza mulilo mushituma shya vandu vahanzukhile pilato avavohololele barabbas.¹²pilato yavarevulila khandi navavolela, ''khole ndina wuyu wamulanganga mwami wa vayahudi?'' ¹³valangilila nivavoola, ''avambwe!''¹⁴pilato yavavolela, ''shichila shina,vutamanu shina vwakholi?'' navutsa vatsililila khulangilitsa ikulu muno nivavola, ''avambwe!'' ¹⁵pilato yenya khuyanzitsa vandu,khu lwa yako yavavohololela barabbas.yalandula yesu namuhana atsi khuvambwa.¹⁶vasikali vamwimilila nivamuhila mulwanyi lu mukari,lwa valanganga mupreatoriamu; nivalanga halala mukanda kwa vasikali vosi. ¹⁷nivafwala yesu inguvu ya sambarao,nivalukha ingara ya mahwa nivamufwala khu murwi kwekwe. ¹⁸nivaranga khukhuvila yesu isuluti nivavola, '' uhindile mwami wa vayahudi!''¹⁹vamurumula khumurwi ni pokolo yu mwanzu khandi niva musutsila mare. vamusikamila khandi nivamwinamila. ²⁰lwa vali nivakhamala khumukholela shihenyehenye,vamunavula inguvu yi sambarao nivamufwala zinguvu tsietsie mwene,nivamwilila khumuhila khutsia khuvambwa. ²¹vakana nu mundu mulala khunjila,lira lyelye yalangwangwa simioni, khurula mulitaala lya kurene,yali tata wa isikanda nende rufus,nivamunika amukhonye khujinga musalaba.²²vasikali valera yesu khutuka havundu halangwangwa golgotha,kavoolanga ni havundu hivihanga. ²³vamuha idivai nitsukanyinywe nulu yasi lwa valanganga manemane,navutsa yesu yambakhana khuching'wa. ²⁴na lwa vali nivakha muvamba,varandula tsinguvu tsye tsye,nivakhuva tsikura khumanyinya inguvu ya shamulala kenyekha anyole.²⁵tsyali tsisa tsivaka tsia mavwevwe inyinga ya vamuvamba. ²⁶khandi mang'oda ka mayalo keke kahandikwa, ''mwami wa vayuda.'' ²⁷vamuvamba halala na vivi vavili,mulala khu mukhono kwekwe musatsa na wundi khu mukhono kwekwe mukhali. ²⁸na mang'ota karwekitswa,kavoolanga, ''yavalidzilwa halala na vooni.''²⁹khandi vandu voosi vaviraho vamunyeka,niva nuyanuya mirwi chavo nivavola, ''aha! yiwe wavoola unyala khwononya litempeli khandi uliumbakhe khu matukhu kavaka, ³⁰ihonyinye yiwe mwene wikhe khurula khu musalaba!''³¹munjila indala yeneyo vasalisi vakali vamukholela shihenyehenye halala na vang'odi,khandi nivavoola, ''yahonyinya vandi,navutsa shya nyala khwihonyinya mwenwe. ³²kristo mwami wa israeli,yikha urule khumusalaba,khulole khukhusuuvile.'' yavo vayali navambilwe navo khandi vamunyeka.³³lwa tsiatukha tsisaa sita tsia mbasu,shisundi shiakhunikha shivala shyosi khutukha tsisaa tisa tsya hamukolova. ³⁴khu tsisaa tisa tsya hamukolova,yesu yalila nu mwoyo mukali, ''eloi,eloi,lama sabachthani?'' kavoolanga, ''nyasaye wanje,nyasaye wanje,shichila shina undekhi?'' ³⁵na valala khuvali nivasinjileho, lwa vahulila vavola, ''lola,alanga elija.''³⁶mulala khu vandu venavo yilukhaka, navukula shilaka, niyinikha mu idivai,navoha khu lwanzu namuha ang'wi. mundu wuyu yavoola, ''lekhi khulole nikava elija alitsa khumurulitsa khumusalaba.'' ³⁷yesu yalila nu mwoyo mukali manakhudza. ³⁸na luvaala lu mulitempeli lwa randukh hakari khurula ikulu khutukha hasi.³⁹lwa mukali usinjilila vasikali vandi yali nasinjile imbeli wa yesu yolola khuli yalila khandi khuli yakhudza,yavoola, ''na kilikali,mundu uyu yali mwana wa nyasaye.'' ⁴⁰khwaliho navakhali vaheenzela ihale.hakari havo yalimaria magadalena,maria nyina yakobo mutiti nende jose,na solome; ⁴¹{yavo vamulondanga nivamurumikhila lwa yali mulitaala lya galilaya;} na vakhali vandi vanyikhi vitsa naye khutukha muyerusalemu.⁴²na lwa hamukolova hatukha,shichila liali litukhu lyukhwirechekhela litukhu lili sabato, ⁴³yosefu wa arimathea,mundu wu luyali,naye khandi yali niyalindilila vwami vwa nyasaye. yastsia nuvuluvilili khu pilato nasava muvili kwa yesu. ⁴⁴na pilato yachenya nikava yesu yali namali khukhudza khale; naye yalanga musinjilili wa vasikali imia indala namureva nikava yesu amali khukhudza.⁴⁵lwa musinjilili wa vasikali imia indala yamuvolela akhudzi,yaha yosefu mmbili kwa yesu. ⁴⁶yosefu yakula luvaala, niyikhitsa muvili kwa yesu khurula khu musalaba,namuvoha muluvaala,namuvikha mushilindwa shali nishayevwa mulwanda.nakolongominya lichina nilishinga muliango kwi shilindwa. ⁴⁷malia magadalena nende malia mama wa joses valola havundu ha vamuvikha mushilindwa.

¹lwa litukhu lilisabato lyali niliakhavira,mariya magadalena,mariya nyina yakobo,na solome vakula makura kahunyanga mwayu mulahi nivatsia khuvekha khu mmbili kwa yesu. ²nikushili mavwevwe khu litukhu lyukhuranga khwisidza,liuva niliakharula ivukwi,vasimukha nivatsia khushlindwa³vavolelana vene khu vene, ''ni wina wanakhu kolongominyile lichina khurula khu muliango kwi shilindwa?'' ⁴na lwa vahenza,valola lichina nilikolongominywe lirulitswe mumuliango,shichila lyali likali muno.⁵lwa vinjila mushilindwa,valola muyayi muvukha niyikhale khu mukhono mulunji,nafwali inguvu indavu tseere,na vali nuvrii. ⁶na yavavolela, ''mukharia mba,mukhaava yesu.mnazareti,yavamba.yisimukhi! ali hanu mba.loli havundu havavele nivamuvikhi ⁷navutsa mutsi, muvolele vekitswi veve na petero, ''yimile imbeli wenyu atsitsanga mulitaala lya galilaya.mulamulola khuli yamuvolela.''⁸varula ilwanyi vwangu na ni virukha khurula mushilindwa; shichila vali nivatechelanga khandi ni vali nilichenya.na shivavolelakhu mundu wosi shindu tawe shichila vali nuvuri.⁹lwa yesu yisimukukha mavwevwe litukhu lyu khuranga khu lisitsa,yalolekha khuranga khu mariya magadalena,woyo wayakhungamu matimoni saba. ¹⁰na yatsa navolela yavo vali naye lwa vali nivikhulanga khandi nivalilanga. ¹¹navo lwa vahulila ali mwoyo,naye alolekhele maria magadalena,shivasuuvila tawe.¹²yaka lwa kali nakakhamala khwikholekha,yesu yalolekha khu likondo lukanu lundi khu vandu vavili nivachendanga khutsia mushivala shiavo. ¹³vakalukha nivatsia khuvolela vekitswi vandi, navutsa vava suuvila mba.¹⁴yesu khandi yalolekha khu vekitswi lilkhomi na mulala nivikhale khumesa nivanyanyanga,naye yavakondekhela shichila khuvula lisuuvila nende khuva ni mioyo mitinyu,shichila shivasuuvilakhu yavo valola yesu lwayali niyisimukhi khurula mmbakhudzu. ¹⁵yesu yavavolela, '' musimukhe mutsi mulilova lyosi na mwilwatse ivanjeli khu vilombe vyosi. ¹⁶mundu wosi asuvila nu khwinwa mmadzi alahonyinywa,na mundu wosi avula khusuuvila aliitsa khukhalakilwa.¹⁷na vilolekhitso yivi vilalondekhana na vandu vava nilisuuvila: mulira lyanje valakhunga matimoni.khandi valamoloma ni tsinimi tsimpia. ¹⁸valakumila tsinzukha ni mikhono chavo;khandi khali nivang'wa shindu shu khuviira,shishinyala khuva salilitsa tawe.valavikha mikhono chavo khu vandu valwalwa,navo valahona.''¹⁹lwa mwami yesu yali niyakhamala khumuloma navo,yavukulwa natsia mwikulu niyikhala khu mukhono musadza kwa nyasaye. ²⁰na vekitswi veve vasimukha,nivatsia khwilwatsa havundu hosi,mwami nahinzila halala navo,nakhola vilolekhitso khumanyinya likhuva lyelye ni lya kiligali

¹Khu Tseofilo, vaandu vanyiikhi vachimira mihiinsi chyu khuhaandiika makhuuva khuloondekhana khu viindu vyakholekha mu khutse. ²Vahaandiika makhuuva khu ka khwavoolerwa na yavo valola viindu vyeene yevo nivikholekhaanga, khurhula mu lirhaanga khaandi niviirwaatsa likhuuva. ³Khulwayako, yiwe Tseofilo, lwa inse mweene mali khurhuniiritsa vulahi vweene khuloondekhana khu viindu vyeene yevo vyoosi khurhula mu lirhaanga, ndoli nu vulahi khukhuhaandiichirakhu mu injira indahi makhuuva keene yako, ⁴nikanyalikha umanye ka tooto koosi khuloondekhana khu viindu vya weechitswa.⁵Tsakalya, warhulaanga mu mukaanda kwu vusaaliisi kwa Apicha; Mukhali weewe yalaangwaangwa Lisaaveeti; khaandi yali mwiitsukhulu wa Haruni. ⁶Voosi vaviri vali vaandu vyi likhola lyu vuluunji imberi wa Nyasaaye; khaandi vali vayaansitsa Nyasaaye, shichira valoondaanga malako ku Mwaami Nyasaaye, nivakhola ka yeenyanga, vuchira khukhola shiindu shitaamaanu. ⁷Vali ni vashishiri khwiivulakhu mwaana woosi, shichira Lisaaveeti yali mukhali mukuumba; khaandi vo vaviri, vali vasaakhula muno.⁸Litukhu liindi , Tsakalya yali nakholaanga muhiinsi kweekwe khuli musaaliisi mu Liteembeeri, khaandi naarhweekhitsaanga muhiinsi kweekwe kwa vuli litukhu. ⁹Yarhovolwa khuvirhira khu ikuura , khuli mwiima kwu vusaaliisi khutsya mu liteembeeri lyu Mwaami Nyasaaye khusaamba vubani khu vwaali. ¹⁰Lwa isaa yatuukha yu khusaamba vubani, shituma shya vaandu vali ni vali irwaanyi, nivasaalaanga.¹¹Khulwayako, ingerosi yu Mwaami Nyasaaye yalolekha khu ye, niisiinjiire khu luveka lwu mukhono muluunji kwu vwaali vwu khusaambirakhu vubani. ¹²Lwa Tsakalya yalola ingerosi yeene yeyo, yali ni licheenya, naarhya. ¹³Navutswa ingerosi yeene yeyo yamuvoolera," Tsakalya, lekha khurhya! Nyasaaye umali khukhuhulira lisaala lyoolyo; khaandi mukhali woowo Lisaaveeti atsyitsaanga khukhwiivulira mwaana wi shiyaayi, Uliitsa khumukulikha lyiirha Yuhaana.¹⁴Uliitsa khuva nu vuyaansi nu khusaangaala , khaandi vaandu vanyiikhi valiitsa khuyaansa, ni yaakhiivulwa. ¹⁵Aliitsa khuva muundu wi tsiingulu imberi wu Mwaami; khaandi aliitsa khuvula khung'waakhu itivaayi anoho malwa.Rooho Mutakatifu aliitsa khwiitsula mu ye, khali naashishiri khwiivulwa.¹⁶Aliitsa khaandi khukalukhitsa Vaisraeli vanyiikhi khu Mwaami Nyasaaye, uli Nyasaaye waavo; ¹⁷aliitsa khwiimirira imberi wu Mwaami mu tsingulu nu vunyali vunyiikhi, khuli vwu Muporofeeti Iriicha. Aliitsa khuhaambanyinya khaandi vaataata na vaana; aliitsa khukalukhanyinya vaandu veeve."¹⁸Tsakalya yarheeva Ingerosi, "Nyala khumanya ndi , niiva yaka kaliitsa khuva ka kyirikali? Ndi musaakhulu, khaandi mukhali waanje nu musheere mutsiriru," ¹⁹Ingerosi yamurhevulira, "Niinse Khavulyeeri. Siinjiraanga imberi wa Nyasaaye ; na naye undumi nomolome na yiwe khukhuvoolera mang'ana malahi yaka. ²⁰Heensa! Utsitsaa khuhoonjeera, nu khurhamwa khulomoloma, khutuukha inyiinga lwa yaka kaliitsa khurhwekhitswa, shichira waambakhaane khusuuvira makhuuva kaanje."²¹Vaandu vali nivalindiriraanga Tsakalya vali ni licheenya, shichira Tsakalya , yiikhala khu luhoono mu Liteembeeri. ²²Tsakalya yarhula irwaanyi, vuchira khulomolomakhu khu vo; navutswa vamanya ndi Tsakalya uloli malolo mu liteembeeri. Lwa Tsakalya yarhamwa khulomoloma, yavacherera vuli shiindu shyoosi na makhono keeke. ²³Lwa Tsakalya yali naamali matukhu ku muhiinsi kweekwe kwu vusaaliisi mu Liteembeeri, yakalukha naatsya ingo weewe.²⁴Lwa matukhu kaandi kali ni kakhavira, mukhali weewe Lisabeti yahelitsa, vuchira khurhulakhu muunsu khu mwieli chiranu. ²⁵Yavoola, Nunundi Mwaami Nyasaaye ukhoonyi; umali khundulitsa mu tsisoni imbeli wa vaandu!"²⁶Khu mweli kwa sita khurhula Lisabeti navelekha mwaana, Nyasaaye yarhuma Ingelosi Gaburieli khutsia mu litaala lili mu Lusomo lwa Galilaya halaangwangwa Nazareti, ²⁷khu mwaana wi shikhaana muchima walaangwangwa Mariya waselelwa nu muundu walaangwangwa Yosefu, wali nali mwitsukhulu wu Mwaami Daudi. ²⁸Ingelosi yasimukha natsia khu Mariya, namuvoolera,"Mireembe! Yiwe wakaasitswa muno, Mwaami Nyasaaye ali nayiwe!" ²⁹Mariya yali nilinyaakhana linyiikhi mu mwooyo khuloondekhana khu likhuuva lya ingelosi yamuvoolera, nava nilicheenya shya kavoolaanga.³⁰Ingerosi yamuvoolera ,"Malya, lekha khurhya, shichira Nyasaaye umali khukhulolera tsimbavasi. ³¹Utsitsaa khuverekha, na nuwiivule mwaana wi shiyaayi, wa wiitsa umukulikhe lyiirha Yeesu. ³²Aliitsa khuva ni tsingulu, khaandi aliitsa khulaangwa Mwaana wa Nyasaaye Uli Ikulu khu vyoosi. Mwaami Nyasaaye aliitsa khumwaamiihitsa khuva mwaami, khuli kuuka weewe Tawuti. ³³khaandi aliitsa khwaamiiha vyiitsukhulu va Yakopo mihika ni mihika; ma vwaami vweevwe shyuvuliitsa khuhwa!"³⁴Malya yavoolera ingerosi, "Ndi mwaana wi shikhaana muchima, na ndaamanyakhu musaatsa woosi mba, yaka kanyala khwiikholekha mu injira shina?" ³⁵Ingerosi yamurhevulira, "Rooho Mutakatiifu aliitsa khukhukhuunikha khuli liruumbi, khaandi tsingulu tysa Nyasaaye Uli Ikulu khu vyoosi tsiriitsa khuva na yiwe. Khulwayako, khuloondekhana khu shivune yishi, Mwaana mutakatiifu mweene woyo, aliitsa khulaangwa Mwaana wa Nyasaaye.³⁶Heensa mwiikho woowo Lisaaveeti atsitsaanga khwiivula mwaana wi shiyaayi, khali niiva nu musheere. Woyo wavavoolaanga nu mukhali mukuumba, ali niinda yi myeeri sita. ³⁷Shivulakhuho shiindu shyoosi shirhamaa Nyasaaye." ³⁸Malya yavoola "Ndi murhumikhi wu Mwaami Nyasaaye; nu vulahi khwiikholekha khu inse khuli uvooli."Khulwayako Ingerosi yamulekha .³⁹Mu matukhu keene yako, Malya yasimukha naatsya vwaangu mu litaala liri mu shivala shyi vikulu shya Yudeya, ⁴⁰Yiinjira muunsu ya Tsakalya , naasheeritsa Lisaaveeti. ⁴¹Lwa Lisaaveeti yavuchiirira mireembe chya Malya, mwaana yiinuuya muunda mweemwe, na tsingulu tsya Rooho Mutakatiifu, ni tsiitsula mu Lisaaveeti.⁴²naavoola nu mwooyo mukali,"Uli mukhali wakaasitswa muno mu vakhali vaandi voosi, khaandi mwaana wa wiivula waakaasitswa! ⁴³Shichira shiina likhuuva yiri ni likholekha khu inse, ndi maama wu Mwaami waanje khwiitsa khuunjeniha? ⁴⁴Lwaambuchiiriire mireembe chyoochyo, mwaana uli muunda mwaanje yiinuuyi, ni lisaangaala. ⁴⁵Ali ni ikhaavi muundu uli ni lisuuvira ndi ku Mwaami Nyasaaye amuvoolera, kaliitsa khurhwekhitswa!⁴⁶Malya yavoola, "Mwooyo kwaanje kwiitsoominyaanga Mwaami Nyasaaye; ⁴⁷khaandi saangaalaa mu mwooyo kwaanje, shichira Nyasaaye muhonyinyi waanje.⁴⁸Shichira umali khuunsitsukhitsa inse murhumikhi weewe mwiicheehitsi! Khurhaanjira nuunundi vaandu va makhula koosi, valiitsa khuunaanga wakaasitswa. ⁴⁹Shichira Mwaami Nyasaaye umali khuukholera viindu vyi tsingulu. Lyiirha lyeelye ni litakatiifu;⁵⁰aloleraanga tsimbavasi yavo voosi vamuheetsaanga luyali khurhula khu likhula lirala khutuukha khu likhula liindi. ⁵¹Naye wakhola viindu vyu khuchenyinya khuvirhira mu vunyali vweevwe; naasalaanyinya vaandu viirola mu ka valookhitsaanga khukhola koosi mu myooyo chyaavo.⁵²Naye wiikhitsa vu vunyaali khurhula mu visako vyaavo vyu vwaami, khaandi naachiinguula ikulu vyiicheehitsi. ⁵³Umali khwiikurhitsa vali ni insala ni viindu virahi, nu khukhuunga vahiinda makhono meere.⁵⁴Umali khurhweekhitsa liraka lya yaloomba na vaakuuka veerhu, khaandi wiitsi khukhoonya murhumikhi weewe Israeli. ⁵⁵Wiitsukhiitse khulolera Apurahaamu tsimbavasi tsyeetsye, khaandi khu vyiitsukhulu veeve voosi mihika ni mihika.⁵⁶Malya yamanya naamenya na Lisaaveeeti hiimbi khu myeeri chivaka; ma naakalukha ingo waavo. ⁵⁷Lwa litukhu lyali ni lyaakhatuukha lya Lisaaveeti khwiivula mwaanawe, yiivula mwaana wi shiyaayi. ⁵⁸Varheende veeve na vyiikho veeve, vahulira ndi Mwaami Nyasaaye umuloleere tsimbavasi tsyukhuchenyinya, nivasaanga mu lyiikhooya lyeelye.⁵⁹Na kiikholekha khu litukhu lya munaane, viitsa khusheva mwaana; khaandi niveenya khumukulikha lyiirha Tsakalya, khuli taata weewe yali naalaangwaangwa. ⁶⁰Navutswa maama weewe yavoola," Avule khulaangwa ndyo, navutswa alalaangwa Yuhaana." ⁶¹Vamuvoolera ,"Avulakhuho mwiikho woowo woosi , ulaangwaa ndyo!"⁶²Vamanya vamanyinye vimanyinyiro khu taata weewe, ni vamurheeva ni lyiirha shiina lya yeenyaanga mwaana weewe ave naalaangwaangwa. ⁶³Tsakalya yarheeva shiindu shyu khuhaandiikakhu, naahaandiikakhu, "Lyiirha lyeelye ni Yuhaana." Voosi vali ni lichenya!⁶⁴Isaa yeene yeyo, munwa kwa Tsakalya kwiikukha, lulimi lweelwe nu luvoholokha, naarhaanga khuiomoloma, nu khwiitsoominya Nyasaaye, ⁶⁵Varheende veeve voosi varhya; ma makhuuva khuloondekhana khu viindu vyeene yevo, nikalaanda vuli hawoosi mu shivala shyi vikulu shya Yudeya. ⁶⁶Vaandu voosi vahulirakhu ndyo, vakanakana makhuuva yaka nu khukaviikha mu myooyo chyaavo, nu khurheeva, "Mwaana wuyu atsitsaanga khuva mwaana wa lukanu shina?" Na kamanyikhana havulavu ndi tsingulu tsyu Mwaami Nyasaaye tsiri mu ye.⁶⁷Taata weewe Tsakalya yiitsulwa na Rooho Mutakatiifu, ma naarhaanga khuvoola vuporofeeti vweevwe: ⁶⁸"Yiitsoominywe Mwaami Nyasaaye, uli Nyasaaye wa Israeli; shichira umali khwiitsa khukhukhoonya khutse vaandu veeve nu khukhuvoholola.⁶⁹Ukhuheere muhonyinyi wu vunyali, Mwiitsukhulu wu murhumikhi weewe Tawuti, ⁷⁰khuli yali ni yalaaka khuvirhira mu vaporofeeti veeve vatakatiifu mu matukhu kavirha khale. ⁷¹ndi aliitsa khukhuhonyinya khurhula khu vatsuku veerhu, khurhula khu tsingulu tsya yavo vakhuhiimaanga.⁷²Yavoola uliitsa khuveera tsimbavasi vaakuuka veerhu, nu khwiitsukhitsa indakano navo iri indakatiifu, ⁷³Ya yali ni yiisuuhira kuuka weerhu Apurahaamu, ⁷⁴na umali khukhuhonyinya khurhula khu vatsuku veerhu, aliitsa khukhukhola khumurhumikhire vuchira vurhyi, ⁷⁵nikanyalikha khuve vatakatiifu khaandi valuunji imberi weewe khu matukhu keerhu koosi ka khushishiri mwooyo.⁷⁶Yiwe uli Mwaana waanje , uliitsa khulaangwa muporofeeti wa Nyasaaye Uli Ikulu khu Vyoosi; shichira uliitsa khwiimira imberi wu Mwaami khumulombera injira , ⁷⁷khuvoolera vaandu veeve khuli valiitsa khuhonyinywa, nu khusamiihwa khurhula mu vwooni vwaavo.⁷⁸Nyasaaye weerhu nu mwiirhuuliri khaandi wi tsimbavasi. Aliitsa khuchira vulavu vweevwe vuleerhaanga vuhoonyinyi vukhwaakhire. ⁷⁹khaandi vwaakhire yavo voosi vamenyaanga mu shisuundi shyi likhutsa, khukwiimirira mu injira ireerhaanga mireembe."⁸⁰Mwaana yavirukha naava ni tsingulu mu muviri nu mu rooho; khaandi yamenya mu shaangalaangwe khutuukha lwa yalolekha havulavu khu Vaisraeli.

¹

¹Mu muhika kwa likhomi na kharanu muvwaamihi vwa Tiberio, Mwaami wa Rooma.Pontio Pilato naye nali gavana wu lusomo lwa Yudeya.Heroode yali mwaamihi wu lusomo lwa Galilaaya; khaandi amwaavo weewe Filipu naye walii mwaami wi tsisomo tsya Itureya nende Iturakoniti;.Lusania naye walii mwamihi wa Abilene; ²mu matukhu ka Anasi na Kayafa, nivalii vasaalisi vakali. Liikhuuva lya Nyasaaye lyatuukha khu Yohaana, mwaana wa Zakaria namenyaanga mu shyangalaangwe.³Yohaana yacheenda cheenda hoosi mulusomo luli nhamucheera kwa Yorodani. na vilwatsiraanga, "Mwikanire khurhula mu vwooni vweenyu, mupatiswee,khu Nyasaaye amusamihe vwooni vweenyu."⁴Khuli kahaandiikwa mu shitapu shyu muporofeti Isaya: "Muundu ahaansukhaanga mu shangalaangwe, navoola, loombi injira yu Mwaami; luunjikhitsi injira yavirhirakhu!⁵Sha vuli luhoongo, luliitsa khwiirilitswa, sha vuli shikulu nende rhukulu viliitsa khulekhaanyinywa.Mihaanda chiikotakota chiliitsa khukololokhitswa, na tsiinjira tsindamaanu tsya makooko tsiliitsa khuloombwa vulahi, ⁶na vaandu voosi valiitsa khuloola vuhonyinyi vwa Nyasaaye ahaanaanga."⁷Vituma vya vaandu vyaatsia khulola Yohaana avapatise.Khulwayako , Yohaana yavavoolera, "Munyee vaandu va mulorekhaanga khuli vaana vi tsinsukha! Nu wiina waamuvoolera munyala khwiihononokha liikhalachirhwa lyaa Nyasaaye ali hiimbi khulolerekha?⁸Mwiikanire khurhula mu vwoono vweenyu nu khwaama matuunda ku khumanyinya mwayikaniira, na mukhaansa khwivoorerana veene khu veene ndi Aburahamu ni kuuka weerhu.Muvoolera kilikali ndi Nyasaaye anyala khu kalukhanyinya machina yaka khuuva viitsukhulu va Aburahamu!⁹Khali nuunundi ihaywa imali khurhechekhitswa khurheema misaala khurhaanjila khu mirii.Vuli musaala kwoosi kuvulaa khwaama matunda malahi,kuliitsa khurhemwa nu khusuvwa mu muliiro."¹⁰Vaandu varheva Yohaana, "Ni shiina sha khunyaala khu khukhola?" ¹¹Yohaana yavarhevulira,"Muundu ulii ni tsinguvu tsiviri khutuukha akhoonye muumdu uvula inguvu yoosi;khaandi muundu uli ni shukhulya yenyeekha akhoole malala meere."¹²Valala ku vasololi vwu vushuuru vasimukha ni viitsa khu Yohaana avapatise, na nivamurheeva,"Mweechitsi, ni shiina shyakhunyala khukhoola?" ¹³Naye yavavoolera, "Muukhasololi tsiseenti tsinyiikhi khuvirha tsyaa vavirhitsa."¹⁴Vasikali valala vamureeva khaandi, "khali khutse , ni shina shya khunyala khukhoola?' Na Yohaana yavarhevulira, "Mukharhumikhiri tsingulu khunuula muundu tsiisenti, anoho vuveehi khuvoola shiindu shitaamanu khu muundu woosi.Navutswa muvuchiirire mirhuungu cheeyu."¹⁵Lwa vaandu vali ni valindiliraanga nu mwooyo kwoosi , voosi varhaanga khurheevana veene khu veene mu myooyo, niiva Yohaana anyala khuva naye Masha. ¹⁶Khulwayako,Yohaana yavavoolera voosi, :Mupatisaanga na maatsi, navutswa wooyo uli nu vunyaalikhumbirha yiinsaanga. Mbulakhuvunyali vwukhiinama nu khumuvoholola vilarho vyevye. Naye wiithsaanga aliitsa khu mupatisa mu Rooho mutakatifu nende mulilo.¹⁷Ali nu lutelu lwu khwiilula mu makhoono keeke khwiilula imuu yoosi khaandi khuvunjelitsa inganu mu shiteera shyeshye, navutswa aliitsa khu saamba ikhuulyo yiimu mu muliiro kulivula khutsiminywa.¹⁸Yohaana yiirwaatsa khu vaandu mu tsingulu tsiindi lukanu; na vavoolera va kalukhaane .ni kali makhuuva malahi khu vaandu. ¹⁹Navutswa lwa Yohaana ya koondekhera mwaami Herode Mutetrachi khuluswaa lu khunuula amwaavo weewe mukhali walaangwa Herodyasi, halala ni viindu viindi vitaamaanu vya Herode yakholaanga, ²⁰Khumeeta khu keene yako koosi, Herode yakhola shiindu shitaamaanu, shyu khumukumirha nu khumuvoha Yohaana mucheerha.²¹Lwa vaandu voosi vali vivakhapatiswa,Yeesu khaandi yapatiswa .Lwa yali nasaalaanga, likulu likukha, ²²na Rooho Mutakatifu yiitsa khu Yeesu ni tsingulu mu liikoondo khuli li shituti.Mwooyo kwarhula mwikulu nu kuvoola "niiwe Mwaana waanje wa ndayaansa;nyaansitsangwa na yiiwe."²³Lwa Yeesu ya rhaanga muhiinsiro kweekwe, yaali nali ni mihika hiimbi makhomi kavaka., mwaana wa Yosefu (khuli vaandu va kanakanaanga).Yosefu yali mwaana wa Eli: ²⁴mwaana wa Matsati,mwaana wa Leevi; mwaana a Meleki, mwaana wa Yanai, mwaana wa Yosefu.²⁵Yosefu yali mwikhula wa Matatsia mwaana wa amosi, mwaana wa Nahumi,mwaana wa Hesili, mwaana wa Nakai, ²⁶mwaana wa Mahatsi, mwaana Matatsia, mwaana wa Shemeni mwaana wa Yoseki, mwaana wa Yuda,²⁷Yuda yai mwaana wa Yohanani, mwaana wa Resa,mwaana wa Zerubabeli,mwaana Shalitieli, ²⁸mwaana wa Neli,mwaana wa Kosamu, mwaana wa Elimotamu, mwaana wa Eri, ²⁹mwaana wa Yoshwa,mwaana wa Eliezeri, mwaana wa Yoramu, mwaana wa Matsati, mwaana wa Levi.³⁰Levi yali mwaana wa Simoni, mwaana wa Yuda, mwaana wa Yosefu,mwaana wa Yonamu, mwaana wa Eliakimu, ³¹mwaana wa Meleha, mwaana wi shiyaayi wa Mena, mwaana wa Matatsia, mwaana wa Natsani, mwaana wa Daudi, ³²mwaana wa Yese, mwaana wa Obedi, mwaana wa Boatsi, mwaana wa Salumoni, mwaana wa Nahashoni,³³mwaana wa Aminadabu, mwaana wa Adimini, mwaana wa Arini, mwaana wa Hetsironi, mwaana wa Peretsi, mwaana wa Yuda, ³⁴mwaana wa Isaka, mwaana wa Aburahamu, mwaana wa Tera, mwaana wa Nahori, ³⁵mwaana wa Seruki, mwaana waRehu, mwaana wa Peleki, mwaana wa Eberi, mwaana wa Shela.³⁶mwaana wa Kainani, mwaana wa Arafakisadi, mwaana wa Shemu, mwaana wa Nuhu, mwaana wa Lameki, ³⁷mwaana wa Matsushela, mwaana wa Enoko, mwaana wa Yaredi mwaana wa Mahalaleli, mwaana wa Kenani, ³⁸mwaana wa Enoshi, mwaana wa Setsu, mwaana wa Adamu; Adamu yali mwaana wa Nyasaaye.

¹

¹Muliitukhu liindi lwa Yeesu yali nasiinjire khulujiinga lwi inyaantsa ya Genesareti ,mukhung'aano kwa vaandu vamiinakana nu khumuvoyong'aana ni veenya khulikhiitsa ling'aana lya Nyasaaye. ²Na yalola maarho kaviri nikasundiirhwe himbi khulujiinga lwi inyaantsa.Valuvi veene vali varhulimu, nivochitsaanga tsineti tsyaavo. ³Yeesu yiinjira muliarho lilala khu maarho kali ni kaliho, na liayinjiramu liali lya Simoni, namureeva alisuundekhu hatitiiti khurhula khuluchiinga.Yeesu yikhalamu na niyeechitsa vaandu nali muliarho liene yero.⁴Lwayamala khulomoloma , yamuvolera Simion" suunda liarho mululiiva lwiinyaansa ma ulakhuule tsinenti khuluva." ⁵Simioni yamurhevulira "Mwaami, khunyaakhaane mbutukhu vwoosi na khunyoolikhu tsisutsi mba; navutswa shichira ling'aana lyolyo ndalakhula tsinet." ⁶Lwavali vamali khulakhula tsineti tsyaavo,:vajimira tsisutsi tsinyiikhi muno. ⁷Vamanya valaanga valuvi vashiavo, yavo vali khuliarho luvega lundi vitse khuvakhoonya, na vitsa nivitsulitsa marho koosi kaviri tsisutsi nikaansa khwiiyina mukarhi.⁸Petero lwayalola ndio, yakwa hasi hi vileenje vya Yeesu khu masikamo, na voola, rhula haandi yaha, shivune yinse ndi mwooni, oh Mwaami. ⁹Yacheenya halala na vayali navo, khu shivuumba shi tsisutsi tsya vanyoola. ¹⁰Khaandi kali ndyo khu Yakobo halala na Yohana, vaana va Zebedayo yavo vahaambana na Simoni.Na Yeesu yavavoolera Simoni, ukharhia mba, khurhula khaluunu ulava muluvi wa vaandu. ¹¹Nii lwavali vakhaleerha maarho kaavo khulujiinga, valekhana ni vyoosi nu khumuloonda .¹²Lwa Yeesu yali nali mulitaala lilala mu mataala keene yako, muundu yiitsaho wali yalwaala vuchele.Lwa muundu mweene wooyo yalola Yeesu, yasikama imberi weewe na musaaya nayaaansa ," Mwaami, niiva wenyaanga, unyala khukhola khuva munihu." ¹³Na Yeesu yanyiira mukhono kweekwe natiira khuye.Yeesu yavoola "mbuchiliire va munihu".Na vuchele vwarhula mu muundu mweene woyo vwaangu.¹⁴Na haweene yaho Yeesu yamukaya "Ukhavoolerakhu muundu woosi , navutswa simukha , utsii vuluunji khu musaalisi akhukoole,khaandi uhaane shihanwaa shyu khukholerwa musango kwa Musa yalaaka, khuli shimanyinyilo, khu vaandu voosi vamanye ndi umali khuhona."¹⁵Navutswa lukhumu khulondekhana khu Yeesu lwatsilila khulanda vuli hawoosi, ma vituma vya vaandu vanyiikhi niviivunjelitsa halala khumuhuliikhitsa ,nu khuhonyinywa khurhula muvulwaale vwyaavo. ¹⁶Na mbunyiikhi Yeesu yivisaakhu a khurhulaho nukhutsia ha vaandu vavula, khulukhusaala.¹⁷Liitukhu lindi , lwa Yeesu yali ni yeechitsaanga, vafarisayo na veechitsi va malako khurhula vuli muchitsi chu lusomo lwa Galilaya, Yudeya na Yerusalemu, vali ni vikhaaleho.Tsingulu tsyu Mwaami Nyasaaye tsyaali na Yeesu khuhonyinya vaandu vali valwaale.¹⁸Vaandu valala viitsaho, nivachiinji khu shitali muundu wafwookoya; vachelitsa khumwiinjilitsa muinsu, khutsia khumuviikha imbeli wa Yeesu. ¹⁹Navutswa lwavanyoola havulakhuho hukhumwiinchilitsira shichira shituma sha vaandu, vaniina ikuulu khushisekese, niviikula havundu havamwiikhitsila nali khu shitali sheeshe khutuukha hakari hi shituma sha vaandu imberi wa Yeesu .²⁰Lwa Yeesu yaalola lisuuvira lya vaandu veene yavo vali nalyo, yavoola,"Mulina waanje, vwooni vwovwo vusamihelwe." ²¹Veechitsi va malako na vafarisayo, varaanga khwireevana, "Uyu ni muundu shina unyekaanga Nyasaaye?Nyasaaye woonyene naye uli nu vunnyali vukhusamiha vaandu khurhula mu vwooni, navutswa wundi avulakhuho!²²Lwa Yeesu yamanya kavali ni vakanakanaanga, yavareeva , shichira shina mukanakanaanga muryo mu myooyo cheenyu? ²³Nu vutoro khuvoolela muundu wafwookoya uyu, "Umali khusemehwa khurhula mu vwooni vwovwo, anoho khumuvoolera, sinjira uchende? ²⁴Navutswa ndamumanyinya ndi Mwaana wu Muundu ali nu vunyali khuliirova khusemeha vaandu khurhula mu vwooni."Khulwa yako , Yeesu yavoolera muundu wafwokoya mweene woyo,"Siinjira, vukula shitali shyoshyo, utsi ingo!"²⁵Heene yaho nalwo lu muundu mweene woyo yasiinjira vwaangu imbeli wavo voosi, na vukula shitali shyeshye shayali nakoniikhu, natsia ingo ni yitsoominyaanga Nyasaaye, ²⁶Vaandu voosi vali ni liicheenya linyiikhi! varhia ni vitsoominya Nyasaaye nivavoola, khuloli nunundi viindu vyu khucheenyinya!"²⁷Yaka nikamali khwikholekha, Yeesu yarhulaho na tsya ilwanyi,nalola musololi wu vushurhu walaangwa Levi, niyikhaale mu insu ya vasololelamu vushurhu .Yeesu yamuvoolera , "Noonda". ²⁸Levi yasinjira, nalekha vuli shiindu shyoosi, namuloonda.²⁹Khulwayako, Levi yalombera Yeesu vucheni vukali vwu liilya mmunsu mweemwe; khaandi khwalimu na vasololi vu vushurhu vanyiikhi na vaandu vaandi mu liilyaa lyeene yelo. ³⁰Valala khu vafarisayo na veechitsi va malako, vali mu shituma shyavo, vang'uung'uunira veechitswi va Yeesu. Vareeva, "Shichira shiina uliitsaanga shyukhulya , khaandi nu khung'wa halala na vasololi vu vushurhu nende vooni vaandi?" ³¹Yeesu yavarevulira, "Vaandu valamu shivanyala khweenya mushilikhi taawe; navutswa yavo valwalaanga voonyene vutswa. ³²Shindiitsa khulaanga vaandu vilikhola lyu vuluunji taawe, navutswa vaandu vooni khwiikanira."³³Vaandu valala vavoolera Yeesu, "veechitswi va Yohana vahoongaanga vuchira khulya shya khase khoosi nivasaala, khaandi veechitswi va vafarisayo, vakholanga ndyo; navutswa veechitswi vovo, valiitsanga shyukhlia nivang'wa." ³⁴Yeesu yamurhevulira,"Mukanakanaanga munyala khukhoola vucheni nu khuhoonga vuchira khulya shyukhulya, musaatsa uselelaanga mwiiha nali navo? ³⁵Navutswa liitukhu liriitsa khutukha lwa musaatsa useleraanga mwiiha, aliitsa khurhulitswaho; nalwo valihoonga vuchira khulya mu matukhu keene yaako."³⁶Yeesu yavavoolera khaandi lukanu yulu:"Muundu avulakhuho urandulaanga shiraka shi inguvu impya khaandi anaavira khu inguvu ikhulu.Niiva aliitsa khukhola ndyo, aliitsa khuva narandule inguvu impya;khaandi shiraka shi inguvu impya shishinyala khuva shilala ni shi inguvu ikhulu taawe.³⁷Muundu avulakhuho unyala khutsukha idivai impya mu maseero makhulu ki idivai;niiva aliitsa khukhola ndyo, idivai impya ilarulaka maseero keene yako na idivai khusundukha; na maseero khwoonekha. ³⁸Navutswa idivai impya itsukhwaangwa mu masero mahyia! ³⁹Muundu avulakhuho wenyanga khung'wa idivai impya, namali khung'wa idivai ikhulu ,shichira avoolaanga "Ikhulu neyo indahi '"

¹Khuliitukhu lindi lilisabato, Yeesu yali nacheedaanga khukhalakanyira mu milimi chya varakamu inganu.Veechitswi veeve varaanga khwaamula imuu yi inganu,nukhuvuunga mu makhono kaavo khaandi ni valya. ²Navutswa Vafarisayo valala vareeva,"Shichira shiina mukholaanga ka malako keerhu kambakhanaanga khuvulwa khukholwa khuliitukhu li Lisabato?"³Yeesu yavarhevulira, "Mushiri khusoomakhu shiindu khulondekhanakhu ka Daudi yakhola, mu matukhu kaye halala na vaandu va yali navovali ni insala? ⁴Daudi yiinjira muunsu ya Nysaaye, navukula mukati mutakatifu, nakulya khaandi nahaakhu khali vaandu vali naye.Muundu avulakhuho wali nu vunyali vu khulya mukati kweene yoko, navutswa ni vasaalisi voonyeene viyamilwa khulya khulondekhana khuli malako keerhu kavoolaanga." ⁵Yeesu yavavoolera, "Mwaana wu Muundu, naye uli nu vunyali khuliitukhu li Lisabato."⁶Nakikholekha khu litukhu liindi li lisabato, Yeesu yiinjira mu liisinakoki ni yeechitsa.Muundu yalimu wu mukhono kweekwe musaatsa kwali nu kwaalema. ⁷Vechitsi va malako na vafarisayo valala, vaheensekhitsa valole niiva Yeesu anyala khumuhonyinya khulitukhu li Lisabato, nikanyalikha vanyole shivune shinyala khuchira vamuyaale. ⁸Navutswa Yeesu yamanya ka vakanakanaanga, navoolera muundu wali niyalema mukhono mweene woyo,"Haamba usiinjire hanu,"Muundu mweene woyo yiitsa na siinjiraho.⁹Yeesu yavarheeva,"Murheevaanga, malako keerhu kavuchiriraanga khukhola khuliitukhu li Lisabato viindu vilahi anoho viindu vitaamanu, khuhonyinya vulamu anoho khutivitsa?" ¹⁰Khulwa yako,Yesu yishevukha navaheensa voosi;navoolera mundu mweene woyo, "Kololokhitsa mukhono kwookwo."Muundu mweene woyo ya kukololokhitsa, nu kuhona. ¹¹Navutswa veechitsi va malako nende vafarisayo, vali nu vurhima, nivarhaanga khuhreevana veene khu veene kavanyala khumukhola Yeesu.¹²Na kikholekha mu matukhu yako, Yeesu yasimukha natsia khusaala khu shikulu, namalayo vutukhu vwoosi nasaalaanga khu Nyasaaye. ¹³Lwavwali nu vusheere mu mavweevwe, yalaanga veechitswi veeve narhovolamu likhomi na vaviri, vayalaanga Varhumwa:¹⁴Miirha kavo nikali Simoni (wa yakulikha liirha Petero) nende amwaavo weewe Andereya; Yakobo nende Yohaana, Filipu nende Patsolomeyo, ¹⁵Maatayo na Tomasi, Yakobo mwaana wa Alufayo, nende Simoni wakwanilaanga shivala shyeshye, ¹⁶Yuda mwaana wa Yakobo, nende Yuda Isikarioti, wamanya natsaama Yeesu.¹⁷Lwa Yeesu yali na mali khwiikha hasi khurhula khushikulu , yasiinjira mu lwomeera, halala nu mukaanda kwa veechitswi veeve vanyiikhi.Mukaanda mukali kwaliho kwa vaandu khurhula mu lusomo lwa Yudeya khaandi khurhula Yerusalemi khaandi mu mataala ka Tiro nende Sidoni, kali khuluchiinga lwiinyaansa.Vali viitsi khuhonyinywa khurhula mu vulwaale vwaavo. ¹⁸Vaandu va matimoni kanyakhitsaanga viitsa nivahonyinywa khaandi. ¹⁹Mukaanda kwa vaandu voosi, vacheelitsa khumutiirakhu,shichira tsingulu tsiarhulaanga muye ni tsivahonyinya voosi.²⁰Yeesu yaheensa khu veechitwsi veeve na voola,"Muli nu vukaasu munyee va muli va manani, shichira vwaami vwa Nyasaaye nu vweenyu. ²¹"Muli nu vukaasu va muli ni insaala nuunundi,shijiira muliitsa khwiikurhitswa.Muli nu vukaasu munyee vamulilaanga nuunundi, shichira muliitsa khusekha nu muli nu vuyaansi.²²"Mulii nu vukaasu lwa vaandu vamuhiimaanga, va mwambakhana, ni vamunyeka, nu khuvoola viindu vitaamanu khu munye, shichira Mwaana wu Muundu ! ²³Musaangale mulitukhu yero. na muyaanse shichira shihaanwa shamuliitsa khurhungwa mwikulu ni shikali; ni ndyo khaandi vakuuka vaavo vakholera vaporofeti.²⁴Wahii! Navutswa muli khu vutiinyu munye vamuli vahinda nuunundi;shichira mwamala khuleminywa myooyo khale. ²⁵"Wahii! Muli khuvutiinyu munye vamwikurha vinyiikhi nunundi, shichira insaala iliitsa khumumala! Muli khuvutiinyu munye vamusekhaanga khalunu, shichira muliitsa khwiikhula numulila!²⁶Wahii! Muli hu vutiinyu munye va vaandu voosi va mwitsoominyaanga, shichira ni ndyo khaandi vakuuka vavo vakholera vaporofeti vu vuvehi.²⁷"Navutswa muvooleraanga munye vamumbuliraanga ndi muyaanse vatsiku veenyu, khaandi mukholere yavo vamuhiimanga malahi. ²⁸Mukaasitse yavo vamulaamanga, musaalile yavo vamukholeranga viindu vitaamanu.²⁹Niiva muundu alakhusamula lukhovi khu luseeya, mumuhe luseeya lundi khaandi; niiva muundu aliitsa khuvukula isa yeenyu, mumulekhe avukule likoti khaandi. ³⁰Haana khuvaandu voosi viindu vyaa vamusavaanga, khaandi lwu muundu wundi avukulaanga shiindu shyeenyu, mukhamurheevi amukalukhitsire mba.³¹Mukholere vaandu viindu khuli munye mwenyanga vo vamukholere khaandi. ³²"Niiva mulayaansa vaandu vamuyaansa voonyeene vutswa, nu vukhala shina vwa muli navwo? Khali vaandu vooni vayaansa yavo vavayaansa. ³³Niiva mulakholera malahi vaandu vamukholeraanga malahi vonyeene vutswa, nu vukhala shina vwa muli navwo? khali vaandu vooni vakholaanga ndyo. ³⁴Niiva mulahaana shiindu khu vandu vamwenyaanga valimurhunga,nu vukhala shiina vwa muli navwo?Khali vaandu vooni shi vahaananga khu vaandu vooni, ma vamaveenya valirhungwa muvunyiikhi khaandi.³⁵Navutswa muyaanse vatsiku veenyu , khaandi muvakholere malahi.Muhaane vuchira khukalukhitsilwa; na murhungo kweenyu kuliiva mukali. Muliitsa khuva vaana va Nyasaaye Uli Ikulu khu vyoosi, shichira nu mulahi khu vaandu vambakhanaanga khusanditsa khaandi viimani. ³⁶Muve vaandu vi tsimbavasi, khuli Taata weenyu ali wi tsimbavasi.³⁷Mukhakhalachira vaandu mba, khu Nyasaaye alivula khumukhalachira, mkhatula vaandu, khu Nyasaaye alivula khumutula.musamihe vaandu, Nyasaaye, alimusamiha.³⁸Muhe vaandu, khu Nyasaaye aliimuha.Ni kilikali, muliitsa khunyoola shipimo shitsuure, vukhoonyi nu mwooyo mulala, na vwitsule mu makhono keenyu-- vwoosi vwa munyala khukaasitswa navwo.Shipimo sha mupimiramu vaandi, nashyo shya Nyasaaye aliitsa khumupimiramu."³⁹Yeesu yavavoolera lukanu yulu:muundu muvekhu anyala khwimirirakhu muvekhu wundi?Shivanyala khukwa voosi vaviri muvwiina? ⁴⁰Mweechi shaali mukali khuvira mweechitsi weewe taawe, navutswa mweechi woosi namali khweechitswa aliitsa khuva khuli mweechitsi weewe.⁴¹Khulwa yako , shichira shiina ulolaanga khasaala khali mumoni ya amwavo woowo, navutswa shyunyala khulola kumiingo ku kusaala kuli mu moni yoyo taawe? ⁴²Anoho wakhavoolera ndi amwavo woowo "Mwaana werhu lekha khurhulitse khasaala khali mumoni mwoowo , navutswa yiwe mweene shyunyala khulola kumiingo kukusaala kuli mumoni mwoomwo taawe?Yiwe wikholakholitsaanga khulolekha uli wi liikhola lyu vuluunji! Rhaanga urhulitse kumiingo ku kusaala kuli mumoni mwoomwo, khu ulole vulahi vweene khuli urhulitsa khasaala khali mumoni ya amwavo woowo.⁴³Musaala mulahi shyukwamanga matunda mataamanu, anoho musaala mutaamanu shyukwamaanga matunda malahi taawe. ⁴⁴Vuli musaala kwoosi kwamanyikhana, shichira matunda ka kwo;shichira matunda ku mukhuyu shikanyala khuhatulwa khurhula khu misaala cha mawaa;anoho matunda ki misabibu khuhatulwa khurhula khu minyenya taawe.⁴⁵Muundu mulahi ali ni viindu vilahi khurhula mulivikhiro lyu mwooyo kweekwe; na khaandi akhola viindu vilahi; khaandi muundu mutaamanu ali ni viindu vitaamanu mu livikhiro lyu mwooyo kweekwe, ma akholanga viindu vitaamanu. Muundu alomolomaanga khulondekhana khu kaali nako mu mwooyo kweekwe.⁴⁶Shichira shiina munaangaanga, "Mwaami, Mwaami", navutswa numwaambakhana khukhola ka muvooleraanga? ⁴⁷Vuli muundu woosi unondaanga nu khuhulira makhuuva kaanje nu khukakhola, nsiitsa khumumanyinya khuli ali. ⁴⁸Ali khuli muundu yumbakhaanga insu yeeye, ayavaanga haasi muliirova khuviikha musiinji kweekwe khu lwaanda.Lwa micherera cha maatsi chiitsa ni chichelitsa khupomola insu tsana, inyoolekha yatiinya khukwa, shichira yumbakhwa vulahi.⁴⁹Navutswa muundu uhulilaanga makhuuva kaanje khaandi avula khukakhola , ali khli muundu yumbakhaanga insu yeeye vuchira khuyava musiinji; lwa michelera cha maatsi chikholomokhaanga chyihilana insu yeene yeyo vwaangu, ma yiikwa haasi munyiikha mukali.

¹Yeesu , lwayali yakhamala khuvolera vaandu vii ndu vyeene yivi vyoosi, yasimukha nukhutsia mulitaala lya Kaperenamu.²Mwiimiriri wi shikosi sha vasikari va varooma yali nu murhumikhi weewe wa yali ni ya yaansa.Murhumikhi mweene wooyo yali mulwaale khali hiimbi khukhutsa. ³Lwa mwiimiriri wa vasikari mweene wooyo yahulira makhuuva shichira Yeesu, yarhuma vasakhulu va vayahudi khu Yeesu, khumureeva khwiitsa khuhonyinya murhumikhi weewe. ⁴Lwa vasimukha ni viitsa khu Yeesu , vamusaaya nu mwooyo kwoosi, ni vavoola "Tooto, atukhana umukholere ka yeenyaanga", ⁵shichira ya yaansa vaandu vi shivala shyeerhu, khaandi naye wa khumbakhira Lisinakoki."⁶Khu lwa yako Yeesu yasimukha natsia navo .Lwa yali nali hiimbi khutuukha khu insu , mwiimiriri wa vasikali mweene wooyo yarhuma valina veeve khu Yeesu, vamuvoolere,"Mwaami lekha khunyaakhana; mbula vunyali vu khukhwinjilitsa mu insu yaanje. ⁷Nashyo shivune shichira ni mbula khwiitsa khukhulora.Navutswa voolakhu vutswa ling'aana khu murhumikhi waanje ahone. ⁸Khali inse ndi muundu uli haasi ha viimiriri vaandi vali nu vunyari; khaandi ndi na vasikali vaandi haasi hanje,Mboleraanga musikali mulala," simukha utsii", khaandi atsia,khaandi mbolera wundi , "Hamba," na yiitsa; mbolera murukwa waanje," Khola yishi," na akhola."⁹Lwa Yeesu yahulira yaka, yali ni liicheenya, na kalukhana navoolera shituma shya vaandu vamuloondanga,"Muvooleraanga ndi shili khuloorakhu muundu uli ni liisuuvira khuli yili, khali mushivala shya Israeli". ¹⁰Vaandu vali ni varhumiilwe khu Yeesu, vakalukha muunsu yu mwiimiriri wa vasikali wa varooma mweene wooyo, ni vanyola murhumikhi weewe nali mulaamu.¹¹Matukhu ni kamali khuvirha mati, Yeesu yasimukha nu khutsia mu litaala lyalaangwangwa Naini, halala na veechitswi veeve ni shituma shikali sha vaandu. ¹²Lwa yali nali hiimbi khutukha khu shilivwa shilitaala yeelo, yaalora vaandu ni vachiinji mmbiri ku mukhutsu--- mwaana muteerhwa woonyene wu mukhuuntsakhali; shituma shikali shya vaandu vanyiikhi khurhula mu liitaala vali nu mukhuntsakhali mweene wooyo. ¹³Lwa Mwaami Yeesu yamolora, yamulorera tsimbavasi, namu voolera, 'Lekha khuliira" ¹⁴Nolwo lwa Yeesu yasimukha natsia khukumira khulisaanduku lyu mukhutsu; khu yavo vali nivajiinji vasiinjire vuluunji.Na Yeesu navoola, "Musaatsa muvuukha khuvooleraanga ndi vukha." ¹⁵Mukhutsu mweene wooyo yiikhala, naraanga khulomoloma, na Yeesu namuhaana khu mama wu mwaana mweene wooyo.¹⁶Vaandu voosi varhi, ni varhaanga khwiitsoominya Nyasaaye ; ni vavoola"Muporofeti wii tsingulu umali khunyoorekha mu khutse veene! Nyasaaye umali khwiitsa khuhonyinya vaandu veeve, ¹⁷Makhuuva khu vilorekhitso vya Yeesu yali nakholi , kalaanda havundu hoosi mu lusomo lwa Yudeya khaandi mushivala shili hiimbi naho.¹⁸Lwa veechitswi va Yohaana vavoolera Yohaana khulondekhana khu vilorekhitso yivi vyoosi, yalaanga veechitswi vaviri khuvo ¹⁹navarhuma khu Mwaami Yeesu vamurheeve, "Niiwe wa Yohaana yavoola uliitsa khwiitsa anoho khutsililire khuliindilira wundi.? ²⁰Lwa veechitswi veene yavo vatukha khu Yeesu ,vavoola "Yohaana Mupatisi ukhurhumi khu yiiwe khukhurheeve, Ni yiwe wa yavoolaanga uliitsa khwiitsa anoho khutsililire khuliindilira wuundi?"²¹Mu matukhu keene yako Yesu yahonyinya vaandu vanyiikhi, vali nivalwaala tsiikhutsu na va matimoni kali ni kiinjira muvo; khaandi nahonyinya vaandu vanyiikhi , vali nivavekhula ni valoola. ²²Yeesu yavarheevulira,"Kalukhi mutsii khuvoolera Yohaana, kamunyee veene muloli khaandi nu muhulira:vaandu vavekhula valolaanga, vaandu valeema vachednaanga,;vaandu valwaala vucheere vahoni, vaandu vali tsitiimbiti vahuliraanga, vaandu vakhutsu visimukukhaanga khurhula mu liikhutsa, na vamanani viirwaatsirwa Ivaanjeri. ²³Ali nu vukaasu muundu uvulaanga khuhayahaya mwisuuvira khulondekhana khu yiinse."²⁴Lwa varhumwa va Yohaana valivamali khurhulaho,Yeesu yarhaanga khu lomoloma khu viyuma vya vaandu makhuuva khu Yohaana, navoola, "Lwa mwasimukha nu mutsia mu shangalangwe, mwasuuviraanga muliitsa khulola shiina?Shituundu shi imbuutsa ihuutsanyinyaanga? ²⁵Ni shiina sha mwaatsia khulolra? Muundu niyifwaali tsinguvu tsyu vukuli vululu?Vaandu vifwaalanga tsinguvu khuli tsyeenetso, vamenya mu tsiinsu tsya vaami . ²⁶Mbooleri, ni shiina shya mwatsya khulora? Muporofeti? Ni kilikali, mu vooleraanga ndi khali khuvirha muporofeti.²⁷Yohaana naye wa mahaandiko Matakatifu kavoolaanga makhuuva khulondekhana khu,"Nyasaaye yavoola, ndiitsa khurhuma murhumwa waanje imberi woowo;khwiitsa khu khuloombera injira." ²⁸Yeesu yavavoolera, "Muvooleraanga kilikali ndi mu vaaandu voosi vamenyaanga mu shivala shiinu, muundu avulakhuho uli nu vunyali vunyiikhi khuvirha Yohaana; navutswa wooyo uli wa haasi muno mu vwaami vwa Nyasaaye, naye uli nu vunyali khuvirha Yohaana."²⁹(lwa vaandu voosi vahulila makhuuva keene yako,khali vasololi vu vushurhu nivalimu, vitsoominya Nyaaaye khuli ali wi likhoola lyu vuluunji;shichira Yohaana mupatisi yali wavapatisa; ³⁰navutswa vafarisayo na veechitswi va malako vambakhana lyeenya lya Nyasaaye ali nalyo khulondekhana khuvo,ni vambakhana Yohaana khuvapatisa.)³¹"Vaandu va matukhu kanu nyala khu vasasanyinya khu shiina,khaandi valolekhaanga khuli shiina? ³²Valorekhaanga khuli vaana ni viikhare khu shiirhu.Vaana shituma shya shilala shilaanjiriraanga, ni shivoolera shiindi, "Khwa mwiimbira tsinyimbo tsi shiserero shu khuhilana, navutswa mwambakhana khusyeeva;khwamwiimbira tsinyimbo tsyu khwiikhula, navutswa mwambakhana khwiikhula!"³³Yohaana mupatisi yiitsa , nahoonga vuchira khulya, khaandi vuchira khung"wakhu idivai; nu mumuvoolera , "Litimoni lili muye" ³⁴Mwaana wu Muundu yiitsa, nalya shyukhulya khaandi naang"wa, ma numuvoola"Lolikhu muundu wuyu! Nu muundu mwiinyeeseri khaandi nu mutaandi wi idivai, nu muliina wa vasolori vu vushurhu na vooni vaandi!" ³⁵Khulwa yako, vusitsa vwa Nyasaaye vumanyikhaanga khuva vwatooto khuvirira mu vaandu voosi vamuvuchiriraanga."³⁶Mulala khu vafarisayo yaloomba vucheni litukhu liindi, na laanga Yeesu khwiitsa khulya shyukhulya naye.Yeesu niyakhiinjira muunsu mu muundu mweene woyo, yiikhala nukhulya. ³⁷Nu mukhali mwooni wu mwitaala lyeenelo, yahulira Yeesu yiitsaanga vucheni muunsu yu mufarisayo; yiitsa ni ichupa yu vukuli vululu niyitsule makura ku mwaayu mulahi ku khwiiveha, ³⁸ma niyisokonyora inyuma wa Yeesu, havileenje vyee. Naraanga khutsukhurhula maliika keeke; nukweeya vilenje vya Yeesu ni liiswi lyu khumurhwi kweekwe. Yatsunsuuna vilenje vya Yeesu na muvekha makurha ku mwaayu mulahi.³⁹Lwa mufarisayo yali nalaanji Yeesu yalola ndi, yireevana mweene,"Niiva ni kilikali muundu wuyu nu muporofeti, shiyakhamanyi nu mukhali shiina umutiirakhu uyu khaandi amenyaanga limenya lya lukanu shiina,shichira nu mukhali wu kholaanga vwooni. ⁴⁰Yeesu yamurheevulila, Simoni, ndi ni likhuuva lya ndenyaanga khukhuvoolera."Nalwo lwa Simoni yamurheeva, "Mweechitsi, ni likhuuva shina, mboolera likhuuva lyeene yero?⁴¹"Litukhu liindi, muundu yikopitsa vaandu vaviri tsisendi tsi tsidinari.Mulala yamuha tsidinari tsimia tsirhaanu( mirhungu chi mihika chirhaanu), na wundi tsidinari makhomi karhaanu (mirhungu chi mieli chiviri) . ⁴²Lwa varhamwa khurhuunga, yamanya na vasamiha voosi.Nu wiina khuvo unyala khuyaansa muno mwikopitsi mweene woyo? " ⁴³Simoni yamurheevulira, "Suuviraanga nu muundu wali ni likoovi linyiikhi wi tsidinari tsimia tsirhaaanu lwayasamihwa."Khulwa yako Yeesu yamuvoolera, "Uvooli vulahi."⁴⁴Yeesu yishevukha naheensa mukhali mweene woyo, navoolera Simoni,"Ulora mukhali wuyu ?Khurhula lwa ndinjire muunsu mwoomwo , wambakhane khumba maatsi kwiikhwisaava vilnje vyaanje, nikhali mukhali uyu usaavitse vilenje vyaanje na maliika keeke, khaandiweeyi vilenje vyaanje ni liiswi lyeelye. ⁴⁵Shyunsunsunikhu taawe;navutswa khurhula lwa ndiinjire munu,ashili khulekha khunsunsuna vilenje vyaanje.⁴⁶Yiwe shyumbekhikhu murhwi kwaanje makurha ta; navutswa umali khevekha vileenje vyaanje makurha. ⁴⁷Khu lwa yako, muvooleraanga ndi umali khusamihwa khurhula mu vwooni vweevwe vunyiikhi, amanyinyaanga vuyaansi vunyiikhi; navutswa muundu umali khusamihwa, hatiititi amanyinyaanga vuyaansi vutiititi."⁴⁸Yeesu yavoolera mukhali mweene woyo, "Umali khusamihwa khurhula mu vwooni vwoovwo." ⁴⁹Khulwa yako vaandu vali nivaliitsaanga shyukhulya naye, varaaanga khuvoolerana veene khu veene, "Uyu nu muundu shiina, khali asamihaanga vaandu khurhula mu vwooni?" ⁵⁰Nalwo lwa Yeesu yavoolera mukhali mweene woyo, Lisuuvira lyolyo limali khukhuhonyinya.Simukha utsii mu mireembe.

¹Matukhu mati lwakamala khuviirha, Yeesu yacheenda na khalakanyila mu mataala nu mu michiitsi, niyrwaatsa Ivanjeri khulondekhana khu vwaami vwa Nyasaaye.Veechitswi veeve likhomi na vaviri ,vasimukha ni vatsia naye. ²Khaandi vaandu vakhali vaandi vali ni vahonyinywa khurhula mu mirooho mitaamanu nu vulwaale , vasimukha nivatsia naye;navo ni Mariya, walaangwangwa liirha lindi Magadalena; wa matimoni saba kali ni karhulamu; ³na Yoani, nali mukhali wa Kutsa wali mulala khu varhumikhi vasinjiriraanga insu yu mwaami ya Herode;Susana, na vakhali vaandi vanyiishi varhumikhila miandu chavo khukhonya Yeesu na veechitswi veeve.⁴Lwa shituma shikali shya vaandu vakaanira halala, khaandi vaandu ni varhula mu mataala lukanu , Yeesu yavavoolera lukanu yulu, ⁵"Litukhu lilara, muundu yasimukha natsia khumitsa vukuutsa vweevwe. Lwa yali namitsaanga vukuutsa mu mulimi, vulalakhuvwo vwakwa khunjira, ma vaandu ni vavuseena ni vileenje, khaandi manyonyi kiitsa ni kavuvootsa, ⁶Vukuutsa vuundi vwakwaa khu lwaanda;lwa vwaama, vwaniala shichira liirova liali na maatsi mati.⁷Vukuutsa vuundi vwakwa mu mawa,; nu vwaama khaandi mawa ni kavutsoma. ⁸Vukuutsa vundi vwakwa mulirova liinulu, manuvumeera; ma nuvwaama vyaamo imia indala."Lwa Yeesu yavoola ndyo, yamalira khuvoola, Wooyo uli na marhoyi ku khuhulira, na ahurikhitse."⁹Khu lwa yako, veechitswi varheeva Yeesu avavoolere shya lukanu lweene yolo luvoolaanga; ¹⁰ma Yeesu na vavoolera, "Munye mwaheerwa vucheri khumanya kaaviswa ku vwaami vwa Nyasaaye ; navutswa vaandu voosi, valiitsa khu kanyola khuvirila mu tsiinganu, khu khali vaheensa shivaliitsa khulola,khaandi ni va hulikhitsa, shivaliitsa khumanya taawe.¹¹"Yaka nako ku lukanu khu mumiitsi luvoolaanga:lukuutsa ni likhuuva lya Nyasaaye. ¹²Vukuutsa vwakwa khuunjira,navo vaandu vahuliraanga likhuuva; navutswa Ibilisi yitsaanga khaandi avanuula likhuuva khurhula mu myooyo chyavo,,khuvikalira vavule khu suuvira nu khuhonyinywa. ¹³Vukuutsa vwakwa mu tsimbuyee(lwaanda) navo vaandu vahuliraanga likhuuva ;valiinjritsa nu vusaangali, navutswa shilinjilaanga muvo mukarhi taawe; vasuuviraanga khu lwinyiinga intiititi,navutswa lwa matukhu ka macheritso kiitsaanga, valekha liisuuvira.¹⁴Vukuutsa vwakwa mu mahwa,navo vaandu vahuliraanga likhuuva; navutswa liheenda mwooyo ni myaandu , ni likoomba lyu mu limenya lyu mushivala shiinu liitsulaanga mu myooyo chyaavo, ma lisuuvira lyaavo lyoonekha, khaandi shivanyala khuhiindira taawe. ¹⁵Vukuutsa vwakwa mulirova liinulu, navo vaandu vahuliraanga likhuuva,vahaanda khu nu mwooyo mulahi khaandi kwi liisuuvira, ma viikhutsira khutuukha lwa vaama matuunda.¹⁶Avulakhuho muundu uhaambitsaanga itaaha ma achikhunikhira mu muhiinda, anoho achiviikha mulwaalo mwiishitali, navutswa achirenjekhaanga khu shikurhu shi itaaha, khu vaandu vinjila munsu valole vulaavu. ¹⁷Shiindu shyoosi shaviswa shiliitsa khuvikhwa havulavu;khaandi shiindu shyoosi shakhunikhwa shiliitsa khukhuunulwa. ¹⁸Muve vacheeri khu kamuhulira,Muundu ulii ni shiindu shyoosi aliitsa khumeetwa viindu viindi mu vunyiikhi, navutswa muundu uvula shiindu shyoosi, khali shitiititi shali nashyo, aliitsa khunuulwa."¹⁹Litukhu liindi mama wa Yeesu na vamwaavo va Yeesu viitsa khuye,navutswa shivatuukha khuye taawe,shichira shituma sha vaandu. ²⁰Muundu wundi yavoolera Yeesu,"Mama woowo na vamwaavo voovo vasiinjire ilwaanyi, khaandi venyaanga khulomoloma na yiiwe." ²¹Navutswa Yeesu yamurheevulira nu khu muvoolera, "Mama waanje na vamwaavo vaanje ni yavo vahuliraanga likhuuva lya Nyasaaye, ma vakhola kiliikhuuva lyeene yelo livvoolaanga.²²Litukhu liindi Yeesu yiinjira mulyarho na veechitswi veeve, navavoolera, "Cheendi khwaambukhe khutsi luveka luundi lywi inyaansa yoolo!" Vasimukha niivatsya. ²³Lwa vali nivambukhaanga inyaansa, Yeesu yakona tsindoolo.Naho noho imbuutsa inditoho yahuutsa khuyinyaansa, na maatsi ni karaanga khwiitsula mulyarho,khali ni vava mu marhava.²⁴Veechitswi vatsia khu Yeesu ni vamuvukhitsa ; ni vavoora, "Mweechitsi! Khuli hiimbi khukhutsa! nalwo lwa Yeesu yavukha nu khukondekhera imbuutsa ni vikuvuli; visinjira khali maatsi nikasiinjira. ²⁵Yeesu yavarheeva, Lisuuvira lyeenyu lili heena?'' Veechitswi varhia,nivacheenya ni va voolerana veene khu veene,Nu muundu shiina uyu?akondekhera nu khuhaana malako khu imbuutsa ni vikuvuli viinyaansa na vimuhulira!"²⁶Yeesu na veechitswi veeve vambukha ni lyarho nivatuukha lusomo lwa Gerasini, khuluveka luli ivuukwi wii inyaansa ya Galilaya. ²⁷Lwa Yeesu yali ni yakharhula mulyarho, yaakaana nu muundu wa matimoni kali muye.Muundu mweene woyo yacheendaanga sheekenye khu lwa matukhu manyiikhi, niyiirhukha khumenya haango; navutswa namenyaanga muviliindwa wa vayaviraanga miviri cha vakhutsu.²⁸Lwa muundu mweene woyo yalola Yeesu, yalira ma na sikama imberi weewe,nu khuhaansukha nu mwoyo mukali, "Yeesu, Mwaana wa Nyasaaye Uli Ikulu khu Vyoosi! Weenya khukhola ndiina yinse! Nuyaansa ukhasaalilitsa, ²⁹Muundu mweene woyo yavoola ndyo shichira Yeesu yali na koondekhere litimoni khurhula muye.Litimoni lya mukumiraanga vuli khase; khali niiva yali muvohee, yali yavohwa ni minyololo chi vivhya khu vileenje vyeevyee na makhono keeke; navutswa yaakutulanyinyaanga minyolo, ma litimoni limuhila mu shaangalaangwe.³⁰Yeesu yamurheeva, "Liirha lyoolyo nu wiina?" Muundu mweene wooyo yamurhevulira, "Legioni,"Shichira matimoni manyiikhi kali kayinjira muye. ³¹Matimoni keene yako kamusaya Yeesu nayaansa avule khukakhunganyinya khutsia mu shihatisi.³²v32Shituma shikali shi shyayo shi tsiingulume, shaliho nitsiliitsaanga shyukhulya khuundulu khwii shikulu.Matimoni kaasaya Yeesu nayaansa akavujilire khutsia mu tsiingulume.Na Yeesu yakaseevula katsii. ³³Matimoni kaarhula mu muundu mweene wooyo, nikiinjira mu tsiingulume ,ma shayo shyoosi shi tsiingulume ni shikholomokha khurhula khu shikulu, nitsitsia mu inyaansa ma nishikhamiramu.³⁴Lwa vaandu valiindaanga tsingulume valoola kali ni kakholekhe, vilukhaka ni vavoolera vaandu vi litaala likali khaandi shya havuundu hoosi. ³⁵Vaandu vasimukha nivatsia khulola makhuva kali ni kikholekhe,na lwavatuukha khu Yeesu, vanyoola muundu wi litimoni lyaalimu ni lirhuli muye, niyiikhale hiimbi khu Yeesu, ni yiifwaali tsiinguvu khaandi nali mulamu; ma ni varhia.³⁶Vaandu vali ni valooli keene yako, vavoolera vaandi khuli muundu wi litimoni lyalimu yali na honi. ³⁷Nalwo lwa vaandu voosi mu lusomo lwa Gerasini,vavoolera Yeesu arhule mu lusomo lwaavo, shichira vali ni vatecheeraanga.Na Yeesu yiinjira mu lyarho na rhulaho.³⁸Muundu wa Yeesu yali narhulitseemu matimoni , yasaaya Yeesu nayaansa vatsi naye; navutswa Yeesu yamukhuunga, namuvoolera, ³⁹Kalukha ingo woowo, uvoolere vaandu koosi ka Nyasaaye akhukholere."Khu lwa yako, yasimukha natsia nakhalakanyila mu litaala likali,navoola makhuuva khulondekhana khu viindu vya Yeesu yali na mukholere.⁴⁰Lwa Yeesu yakaalukha khurhula luveeka luundi lwi inyaansa, shituma sha vaandu vali ni vamuliindiliraanga. ⁴¹Muundu walaangangwa Yairo, waliinji mwiimilili wi liisinakoki yatuukhaho.Naasikama havileenje vya Yeeus, na murheeva nayaansa yiinjire khu muunsu mweemwe, ⁴²shichira mwaana weewe wi shikhaana mulala woonyene, yali nali ni mihiika liikhomi na chiviri, yaali na khutsaanga.Lwa Yeesu yali na tsitsaanga, vituma vya vaandu vali hiimbi khumuseenaka muliminakana lyaliho.⁴³Khwaliho nu mukhali wali wanyakhana khu lwi mihiika likhomi na chiviri, shichira khurhaatsa masahi vuchira khunyola mushilikhi; ⁴⁴yiitsira inyuma wa Yeesu, natiirha khu lupiindo lwi inguvu ya Yeesu,na khurhaatsa khweekhwe khwa masahi khwasiinjirha vwaangu.⁴⁵Yeesu yarheeva, "Nu wiina utiiri khwiinse wooyo?" Lwa vaandu voosi vali ni vambakhanane, Petero yavoola,"Mweechitsi, vaandu ni vanyiikhi, khaandi vakhumiinaanga! ⁴⁶Navutswa Yeesu yavoola,"Muundu untiirhikhu; shichira mbuliire tsingulu nitsirhulaanga mwiitse.'⁴⁷Lwa mukhali mweene wooyo yaalola ndi shanyala khwiivisa; yiitsa na techeeraanga, na sikama ha vilenje vya Yeesu, na muvoolera havulavu imbeli wa vaandu voosi shivune shijili na mutiirhakhu, ma khaandi khuli ya honyinywa vwaangu. ⁴⁸Yeesu ya muvoolera,"Mwaana wi shikhaana waanje, liisuuvira lyolyo limali khu khuhonyinya; simukha utsii mu mireembe."⁴⁹Lwa Yeesu yali na shiiomolomaanga,muundu wundi yarhumwa khurhula mu insu ya Yairo, khwiitsa khuvoola,"Mwaana wi shikhaana wowo umali khukhutsa; lekha khunyakhitsa mweechitsi vutswa." ⁵⁰Navutswa lwa Yeesu yahulira ndyo, yavoolera Yairo,"leka khurhia; suuvira vutswa, naye alahona."⁵¹Lwa Yeesu yali yakhutukha ha insu ya Yairo, shiyavuchiirilakhu muundu wundi woosi khwiinjiramu, na khali Petero, Yohaana, Yakobo halala na taata na maama wu mwaana. ⁵²Vaandu voosi valiho, vali muliliirha nu khwiikhula.Navutswa Yeesu yavavoolera,"Lekhi khulira. Mwaana ashili khukhutsa;navutswa akonaanga tsindoolo." ⁵³Vaandu voosi vamusekha, shichira vali ni vamanyi mwaana yali na mali khukhutsa.⁵⁴Lwa Yeesu yakumira ku mwaana mweene wooyo, yalaanga, "Mwaana waanje, vukha! ⁵⁵Mwaana mweene wooyo yaraanga khweeserhana , ma nasinjira vwaangu; na Yeesu navoola"Muhii shyukhulya shalya." ⁵⁶Viivuli vu mwaana mweene wooyo vali ni liicheenya, navutswa Yeesu yaavakaya vavule khuvoolerakhu muundu kali ni kakholekhe.

¹Yeesu yalaanga halala veechitswi veeve likhomi na vaviri,navaha tsinguul nu vunyali vu khukhuunga matimoni koosi nu khuhonyinya vaandu vulwaale. ²Yeesu ya va rhuma khutsia khwirlwaatsa makhuuva khuloondekhana khu vwaami vwa Nyasaaye, khaandi khuhoonyinya vaandu vali ni valwaala.³Yavoola,"Mukhachiingi khu shiindu shyoosi khu lucheendo, anoho musiiko ku khusuumiramu, anoho mukati anoho tsisenti.Khali mukhajiingi inguvu yiindi ya khaviri. ⁴Havuundu hoosi ha vamuliinjilitsa, muliitsa khumenya muunsu mweene yomo , khutuukha lwa muliitsa khurhula mulitaala lyeene yelo.⁵Niiva vaandu valiitsa khwaambakhana khu mwiinjilitsa, lwa muliitsa khuva nu murhulaanga mu litaala lyaavo, mwenyekha musuunguse lukushi luli khuvireenje vyeenyu, khuvamanyinya ndi muleechi." ⁶Veechitswi vaarhula nivatsia, nivavirira hawoosi mu michiitsi, nivirwaatsaanga Ivaanjeri khaandi nivahonyinya vaandu vali nivalwaala vuli havuundu hoosi.⁷Lwa Herode, yali nali mwaami wu lusomo lwa Galilaya yahulira vuli shiindu shyoosi shyali nishikhorekhaanga, yali ni liiheenda mwooyo, shichira likhuuva lyahulilikhana, nilivoolwaangwa ndi Yohaana Mupatisi umali khwiisimukukha khurhula mu liikhutsa. ⁸Vaandi vavoolaanga ndi Eliya umali khulolekha;na vaandi ni vavoola ndi, mulala khu vaporofeti va khale umali khwiisimukukha khurhula mu liikhutsa. ⁹Herode yavoola,"Niinse wakhalaka murhwii kwa Yohaana; navutswa ni wiina wuyu, wambuliraanga viindu vinyiikhi khulondekana khuye?" Yakhaava khuli anyala khumolora Yeesu.¹⁰Lwa varhumwa vakalukha , vavoolera Yeesu kavali ni va kholi.Yeesu yavavukula natsia navo mulitaala lya Bethesaida. ¹¹Lwa vituma vya vaandu vahuulira ndyo,vamuloonda.Yeesu yaviinjilitsa, nalomoloma khuvo makhuuva khuloondekhana khu vwaami vwa Nyasaaye, khaandi na honyinya yavo veenyaanga khuhonyinywa.¹²Lwa lyuuva lyaali liraangaanga khuyeera, veechitswi veeve likhomi na vaviri, vatsya khu Yeesu ni vavoola, "Seevula vaandu khu vatsii mu michiitsi nu mumiliimi chili hiimbi hanu vikhaavire shyukhulya shya valyaa khaandi havenya khukona; shichira havuundu hanu ni hiivisu." ¹³Navutswa Yeesu yavavoolera ,"Munye veene muvahee shyukhulya sha vanyala khulya." navo vavoola, :khuli vutswa ni mikati chirhaanu ni tsisutsi tsiviri tsyonyeene --- hawuundi nukhutsire khuvakulira shyuukhulya shitukha vaandu yava voosi." ¹⁴Khwaliho na vasaatsa vatukha hiimbi tsiheelefu tsirhaanu.Navutswa Yeesu yavoolera veechitswi veeve,"Vavooleri viikhare mu vituma, vuli shilala, hiimbi khuli vaandu makhomi karhaanu karhaanu."¹⁵Veechitswi veeve vakhola ndyo;nivikhalitsa vaandu voosi hasi. ¹⁶Yeesu yavukula mikati chirhanu ni tsisuutsi tsiviri, naheensa mwikulu, nasaanditsa Nyasaaye shichira vyoo. Yatong'olanyinya , khaandi naaha veechitswi veeve vakavuliire vaandu. ¹⁷Vaandu voosi valya, ni viikurha.Khulwa yako, veechitswi vavuncheeritsa mihiinda lihomi na chiviri chi shyukhlya chaarhikala.¹⁸Liitukhu lindi, lwa Yeesu yali nasaalaanga ye woonyeene, veechitswi veeve vatsia khuye.Yavarheeva," Vituma vya vaandu vivoola yiinse ndi wiina?" ¹⁹Vamurhevuliira, "Valala vavoolaanga uli Yohaana Mupatisi; vaandi vavoolaanga uli Eliya; navutswa valala vavoolanga uli mulala khu vaporofeti vali vakhale wiisimukukha khurhula mu liikhutsa."²⁰Yeesu yavarheeva, "Navutswa munye muvoolaanga yiinse ndi wiina?"Petero yamurheevulira, "Uli Masiha wa Nyasaaye." ²¹Navutswa Yeesu yavakaya vavule khuvoolerakhu muundu makhuuva keene yako. ²²Yeeesu yavoola khaandi, "Khutuukha Mwaana wu Muundu aliitsa khunyakhana khuvirhila mu viindu vinyiikhi, ma vasaakhulu, vasaaliisi vakali,na veechitsi va malako, vamwambakhane.Aliitsa khwiirhwa navutswa matukhu kavaka ni kakhavirha, aliitsa khwiisimukukhitswa khurhula mu liikhutsa."²³Yeesu yavavoolera voosi, "Niiva muundu yenyaanga khunoonda, aliitsa khwiilekhitsa liiva lyelye, nu khujiinga musalaba kweekwe shya khase khoosi;ma anoonde. ²⁴Muundu wenyaanga khu honyinya vulamu vweevwe, aliitsa khuvukorhitsa; navutswa muundu weenyaanga khukorhitsa vulamu vweevwe shichira liirha lyaanje, aliitsa khuvuhonyinya. ²⁵Nu vukhala shiina vwa muundu anyala khunyola ,niiva anyala khunyola shya shiindu shyoosi mu shivala, navutswa akorhitse vulamu vweevwe anoho akurhwee?²⁶Niiva muundu alandolera inse na meechitso kaanje tsiisoni, Mwaana wu Muundu aliitsa khumulolera khumulolera tsisoni, lwa aliitsa khukaluka mu vukhumi vweevwe khaandi mu vukhumi vwa Taata weewe, halala ni tsingerosi tsindakatifu. ²⁷Musuuviritsa ndi khuli na vaandu valala haanu valiitsa khuvula khukhutsa, nivashili khulola Vwaami vwa Nyasaaye."²⁸Matukhu nikakhavirha hiimbi munane, lwa Yeesu yali na mali khuvoola viindu vyeene yevo, yavukula Petero, Yohaana, na Yakobo nasimukha navo khutsya khusaala khu shikulu. ²⁹Lwa Yeesu yali nasaalanga, likoondo lyelye lyakalukhana, ma tsinguvu tsyetsye nitsyang'aang'aa vulavu tswee.³⁰Na heensa vaandu vaviri , nivali Musa nende Eliya valolekha ni valomoloma na Yeesu, ³¹vaalorekha mu vukhumi vu mwikulu ni valomoloma na Yeesu khulondekhana khuli arhweekhitsa lyeenya lya Nyasaaye vwaangu yuvu, lwa aliitsa khukhutsira mu Yerusalemi.³²Petero na veshyeenye vaviri vali vakonaanga tsindoolo,navutswa lwa vaavukha, valoola vukhumi vwa Yeesu nende vaandu vaviri, nivasiinjire naye. ³³Lwa vaandu veene yavo vali ni valekhaanga Yeesu, Petero yavoolera Yeesu, "mwaami nu vulahi khuli hanu! Khuluumbakha matili kavaka,lilala lyolyo, liindi lya Musa, na liindi lya Eliya"(Shikali yali namanyi makhuuva ka yavoolaanga taawe).³⁴Lwa yali na shivoola yaka, malesi kiikha ni kava khunikha; ma veechitswi veeve ni varhia lwa malesi kali ikulu wavo. ³⁵Mwooyo kwarhula mu malesi, nu kuvola, "Uyu naye Mwaana waanje , wa ndarhovola, mumuhuliikhitse!" ³⁶Lwa mwooyo kweene yoko kwali nu kumali khuvoola ndyo, vanyola Yessu nali woonyene vutswa.Veechitswi veeve vaveho vutswa mulishiling'ana shichira keene yako koosi, ni vavula khuvoolerakhu muundu ka vali ni valoori mu matukhu keene yako.³⁷Khulitukhu lyaloondakhu , Yeesu na veechitswi veeve vavaka vakholomokha hasi nivarhula khu shikulu , na shituma shikali sha vaandu va mwakaanila Yeesu. ³⁸Muundu mulala khurhula mu shituma sha vaandu, yalaanjirhira navoola,"Mweechitsi, nuyaansa mbeentserakhu mwaana waanje muteerwa wuyu. ³⁹Litimoni limwiinjililaanga, ma raanga khukhupa tsikhwiiri nu khulanjirira.Limusiuvaanga hasi , ashiinda, ma luhuulu lwaansa khurhula mumunwa mweemwe.Liamenya limusaliritsaanga vuchira khu mulekha. ⁴⁰Mboolere veechitswi voovo nivayaansa valikhuunge, navutswa varhaamilwe khulikhuunga."⁴¹Yeesu yamurheevulira khu lukhuvoola, "Munye liikhula litaamanu lyativa,khaandi vilisuuvira litiititi! Mweenyaanga mbe na munye khutuukha luhoono shiina? Mwenyaanga ntsilirire khwiikhutsira na munyee khutukha liina?Leerha muyayi woowo yaha." ⁴²Lwa mwaana yali naleerhwaanga,litimoni lyamurhula hasi, narhaanga khushiinda.Navutswa Yeesu yakondekhera litimoni ,nahonyinya mwaana mweene woyo, naha taata weewe.⁴³Vaandu voosi vali ni licheenya , shichira vunyali vwi tsingulu tsya Nyasaaye. Lwa vaandu vali nivashikanakana khu viindu vya Yeesu yali na kholaanga, Yeesu yavoolera veechitswi veeve, ⁴⁴"Mukhiviriri mukhuuva kaanje ndi Mwaana wu Muundu atsitsaanga khutsaamwa khu vaandu ⁴⁵Navutswa veechitswi veeve vakorhwaa kayali na voolaanga.Vali vaviiswa limanya, khu valivula khumanya; khaandi varhia khumurheeva shya makhuuva keene yako kavoolaanga.⁴⁶Veechitswi va Yeesu varheevana veene khu veene nu wiina wali mukali muno' ⁴⁷Navutswa lwa Yeesu yali namanyi ka vakanakanaanga,yavukula mwaana na musiinjilitsa hiimbi khuye, ⁴⁸na vavoolera Muundu wiinjilitsaanga mwaana uyu khuvirhira mu liirha lyaanje, ansinjilitsaanga; khaandi muundu unsinjilitsaanga, shikanyala khuva ansinjilitsaanga woonyene taawe,navutswa yinjilitsaanga khaandi woyo wanduma; shichira muundu uli mutiititi mu munye voosi, naye mukali muno."⁴⁹Yohaana yalomoloma navoola, :Murhuchi, khulooli muundu na khuungaanga motimoni mu liirha lyolyo, ma khulamukaya alekhe, shichira shyali mulala khu shituma shyeru." ⁵⁰Navutswa Yeesu yamuvoolera, "Muvule khumukaya, shichira woyo ukhahiinganyinyaanga munye nu weenyu."⁵¹Lwa matukhu kali hiimbi khutukha ka Yeesu ahiliilwa mwiikulu; yakanakana nava nu vuha vukhutsia Yerusalemi. ⁵²Yarhuma varhumwa imbeli weewe, ni vatsia mu muchiitsi kuli Samaria khumurhechekhera havundu. ⁵³Navutswa vaandu vi iweeneyo vambakhana khumwiinjilitsa ; shichira yali ni liichomo lyu khutsia Yerusalemi.⁵⁴Lwa veechitswi veeve , ni vali Yakobo, na Yohaana valola ndyo, varheeva ,"Mwaami, weenyaanga khusaale mulirho kurhule mwiikulu khwiitsa khuvamulula?" ⁵⁵Yeesu yishyevukhu navakondekherha. ⁵⁶Khu lwa yako, Yeesu na veechitswi veeve vasimukha ni vatsia mu muchiitsi kuundi.⁵⁷Lwa vali ni vali khu lucheendo lwaavo, muundu wundi yavoolera Yeesu."Ndiitsa khu khuloonda shya havundu hoosi haweenyaanga khutsia." ⁵⁸Yeesu ya muvoolera, "Vivwee vimenyaanga mu vwiina, na manyonyi kamenyaanga muvitsu; navutswa Mwaana wu Muundu avulakhu havundu hanyala khukona na huluukha."⁵⁹Yeesu yavoolera muundu wundi ,"Noonda." Navutswa muundu mweene woyo yavoola, "Mwaami, leekha nsi ndange khuyavirha mmbiri kwa taata waanje mu shiliindwa." ⁶⁰Navutswa Yeesu yamuvoolera, "Leekha vaandu vakhutsu vayavirhee mu shiliindwa mmbiri cha vaandu vakhutsu vaavo veene; navutswa simukha utsi khwirwaatsa makhuuva khulondekhana khu vwaami vwa Nyasaaye."⁶¹Muundu wundi yavoola, "Mwaami ndiitsa khu khuloonda; navutswa leekha nsii khuhaana mireembe chu khulekhana khuvaandu vi insu yaanje." ⁶²Yeesu yamuvoolra, Muundu uvukulaanga lijeembe lyu khulimira nu khwiishevukha inyuma avula vukhonyi mu Vwaami vwa Nyasaaye."

¹Lwa matukhu mati kali kamali khuvirha, Mwaami yarhovola vaandu makhomi saba na vaviri, navarhuma shya vaviri khutsia imbeli weewe mu shya litaala khaandi shya havundu hosi wa yenyaanga khutsia' ²Yeesu yavavoolera,:Liichesa ni linyiikhi muno; navutswa isavu ya ya vachesi ni inditiiti, khu lwa yako, khutuukha musaale khu Mwaami mweene liichesa ameete vachesi vu khuchesa mu mulimi kweekwe.³Ruli hanu mutsii! Loli , murumaanga khuli vimeeme vya makoondi khutsia mu ving'aang'a . ⁴Mukhachiingikhu shiveti shi tsirupya anoho musiko ku khusumirhamu, anoho vilaaro; khaandi muvule khusiinjilakhu khu muhaanda,nu khuhaana mireembe khumuundu woosi.⁵Insu yoosi yamwiinjiramu, raanji muvoole, "Mireembe chive muunsu yumu!" ⁶Niiva muundu uleraanga mireembe amenyamu, mireembe chyeenyu chiliitsa khuva naye; navutswa nakhamenyamu , mireembe chyeenyu chiiliitsa khumukalukhira. ⁷Mwiikhare muunsu mweene yomo, numulya nu khung'wa shyoosi sha vamuha, shichira muhiinsiri utukhiire khurhuungwa; khaandi muvule khuhuyahuya khurhula muunsu yiyi nu mutsia muyiindi.⁸Mulitaala lyoosi lya mwiinjira khaandi vamwiinjilitsa , muliitsa khulya shyoosi shavaliitsa khuva ni vamuheere, ⁹nu muhonyinya vaandu valwaala mu litaala lyeenelo, nu khuvavoolera,"Vwaami vwa nyasaaye vumali khwiitsa hiimbi na munye."¹⁰Navutswa lwa mwiinjira mu litaala lyoosi, ma vaandu vali mulyo vambakhane khu mwiinjiltsa, tsi mu tsiinjira tsi litaala lyeenero nu muvoola, ¹¹khali lukuushi lwi litaala lyeenyu luli mu vilenje vyeeru,khusungusula khu mumanyinya ndi mukholi shiindu shitaamaanu;navutswa khutuukha mumanye ndi vwaami vwa Nyasaaye vumali khwiitsa hiimbi na munye.! ¹²Muvooleraanga ndi khu litukhu lyu khu khalachirwa, Nyasaaye aliitsa khuloolera tsimbavasi vaandu vi litaala lya Sodomu khuvira litaala yili!¹³Woyi khu yiwe Koratsini! Muliitsa khuva nu vutiinyu muno. Woyi khu yiwe litaala lya Betsesaida muliitsa khuva khaandi khuvutiinyu muno.Niiva vilolekhiitso vyakholelwa mu munye, vyakhakholwelwe mu mataala ka Tiro na Sidoni, khani vaandu viyiwene yeyo vayikanira khale, nivikhale, nivifwaali tsinguvu tsya makunia khaandi ni vamali khwiivekha liikooshe. ¹⁴Navutswa khu litukhu lyu khukhalachirwa,Nyasaaye aliitsa khulolera tsimbavasi vaandu va mataala ka Tiro na Sidoni khuvira munye, ¹⁵Munye vaandu vi litaala lya Kapernamu, mu kanakananga muliitsa khuheerwa vukhumi khutukha mwikulu?Muliitsa khusuvwa hasi mu shihatisi!"¹⁶Yeesu yavoolera vechitswi veeve, "Muundu umuhulihitsaanga , ambulikhitsaanga,Muundu wambakhanaanga munye ,ansambakhanaanga,Muundu unsambakhanaanga, yambakhanaanga woyo wanduma."¹⁷Vaandu makhomi saba na vaviri vakalukha nu vuyaansi unyiikhi muno, nivavoola,"Mwaami,khali matimoni kakhuhulira, lwa khwalomoloma khuvirhila mu liirha lyolyo," ¹⁸Yeesu yavarheevulira,' Ndalola Shetani niyakulukhaanga khuli luheni, nuluhemukhaanga khurhula mwikulu. ¹⁹Huliikhitsi! Mali khumuha vunyali vu khuseenaka khu tsiinsukha ni tsiinge; khaandi khukuurha tsingulu tsyoosi tsyu mutsiku.Shiindu shivulakhuho, shliitsa khumusalilitsa munye. ²⁰Navutswa muvule khusaangala shichira matimoni kamuhulilaanga, nikhali musangale shichira miirha keenyu kahaandikwa mwikulu."²¹Mumatukhu keene yako,Yeesu yali nu vuyaansi vunyiikhi vurhulaanga khu Rooho Mutakatifu, navoola,:Taata, Mwaami wi likulu nende liirova! Khusaandinsaanga shichira wavisa vaandu vu vusitsa khaandi vi limanya viindu yivi; navutswa wamanyinya vaandu valolekhaanga khuli vaana vatiititi.Nikhali, Taata, kikholekha karyo khulondekhana khu lyeenya lyolyo.²²Sha vuli shindu shyoosi ndaheerhwa na Taata waanje; khaandi muundu avulaho wamanya Mwaana , nakhali Taata; khaandi muundu avulaho wamanya Taata , nakhali Mwaana nende yavo vu Mwaana arhovola khumanyinya Taata."²³Nalwo lwa Yeesu yiishevukha veechitswi veeve, na vavoolera mu vwiivisu,"Muli ni ikhaavi shichira muuloli ka muloolaanga! ²⁴Muvooleraanga ndi vaporofeti vanyiikhi na vaami viikoombaanga valoore khu ka muloolaanga; navutswa vaarhamilwa khuloola.Vali ni lyeenya lyu khuhulira ka muhuliraanga, navutswa vaarhamwa khuhulira."²⁵Mweechitsi waa malako yasiinjira na cheelitsa khurheeka Yeesu, na rheeva,"Mweechitsi, ni shiina shinyala khuloomba, khunyoole vulamu vwi mihika ni mihika?'" ²⁶Yeesu yamurheevulira, "Ni shiina sha mahaandiiko Matakatifu kavoolaanga? Unyala khukasooma ndiina?' ²⁷Mweechitsi mweene wooyo yahaana marheevuli ndi, "Uyaanse Mwaami Nyasaaye, uli Nyasaaye woowo nu mwooyo kwoosi,ni liiva lyoolyo lyoosi, ni tsiingulu tsyotsyo tsyoosi , nende tsinganakani tsyootsyo tsyoosi, khaandi uyaanse murheende woowo, khuli mweene wiyaansa." ²⁸Yeesu yamuvoolera, "Uhaani marheevuli malahi muno; khoola ndyo khutsiitsachirire khuva mwooyo."²⁹Navutswa mweechitsi wa Malako, khulu khwiikhola mweene khuva wi liikhola lyu vuluunji, yarheeva Yeesu,"Nu wiina murheende waanje?" ³⁰Yeesu yamurheevulila, "Litukhu liindi muundu yali nakholomokhaanga khurhula Yerusalemi, natsitsaanga mu litaala lya Yerhiko, ma vaandu vanuuli ni vamukhamarha.Nivamufwaalula tsinguvu tsyeetsye, nivamurhumula;ni viirhukha nu khumwiivala narhikaliile hiimbivutswa ni lya ha mwooyo.³¹Khu lwi ikhavi indahi, musaaliisi yali na kholomokhaanga khu muhaanda kweene yoko.Lwa yaalola muundu mweene woyo, yacheenda navirhila handulu haand. ³²Khali muundu ya rhulaanga mu vaandu vu luvaamba lwa Leevi yaakhoola khaandi ndyo.Lwa yalola muundu mweene wooyo yacheenda na virhila khundulu haandi.³³Navutswa Musamarhia, wali khu lucheendo lweelwe navirhila khu muhaand kweene yoko, yatuukha hu muundu mweene woyo yali niyaalikhitswe. Lwa yamulola, yamulolera tsimbavasi, ³⁴yaatysa khuye ma navekha makurha nende idivai khu makuule ku muundu mweene woyo nu khukavoha.Yamuchiinga na muviikha khu ipuunda yeeye, namuhira mu insu ya vacheeni, wa yamuliinda vulahi. ³⁵Litukhu lya loondakhu, yavukula tsidinarhi tsiviri ,namuha muliindi wi insu ya vacheeni.Yamuvoolerha, "Umuliinde vulahi;khaandi shya shiindu shyoosi shya uliitsa khurhumikhila khuye, ndiitsa khukhurhuunga lwa ngalukha."³⁶Yeesu yamurheeva, "Nu wiina khu vavaka veene yavo, wa ukanakanaanga yakhoola khuli murheende watooto khu muundu wa vanuuli vakhamarha nu khulumiinda? ³⁷Mweechitsi wa malako yarheevula,"Muundu wamuvererera nu khumulolera tsimbavasi."Yeesu yamuvoolera,"Simukha utsii , ukhoole khuli yakhoola."³⁸Lwa Yeesu na veechitswi veeve vali ni vali khu lucheendo lwaavo, vatuukha mu muchiitsi mwa mukhali walaangwangwa Malita yamwiinjilitsa haango heehe. ³⁹Malita yali nu mwaana wavo amwaavo weewe walaangwangwa Mariya, wali niyikhale havilenje wu Mwaami khaandi na huliikhitsa mechitso keeke.⁴⁰Navutswa Malita yali ni liheend mwooyonu muhiinsirho kwoosi kwa yakhoolaanga.Yasimukha natsia khu Yeesu na murheeva,"Mwaami shyunyala khumbeenderakhu mwooyo, mwaana wi shikhaana weerhu wuyu, undekheere kholaanga mihiinsi chyoosi woonyeene taawe? Muvoolere yiitse khukhonya," ⁴¹Navutswa Mwaami yamurheevulira, "Malita, Malita uheendaanga mwooyo nunyakhana , shichira viindu vinyiikhi; ⁴²navutswa shiindu shilala hyoonyene, shya utukhana unyole, Marhiya urhovoole shiindu shilahi;shiliitsa khuvula khurhulitswa khuye."

¹Litukhu liindi, Yeesu yali na saalaanga havluveka lulala.Lwayali namali khusaala,mulala khuveechitswi veeve yamuvoolera, "Mwaami ukhweechitse khusaala, khuli Yohaana Mupatisi yeechitsa veechitswi veeve."²Yeesu yavavoolera ,"Lwa muva nu musaala khusaala musaale, "Taata , liirha lyoolyo litsoominywe.Vwaami vwoovwo vwiitse.³Vuli litukhu ukhuhee vyukhulya vyeerhu vyakhase. ⁴Ukhusaamiihe vwooni vweerhu, khuli khutse khusaamiihaanga yavo vakhukoseraangaUkhakhuhira mu machelitso mba."⁵Khulwa yako Yeesu yavavoolera, "Nu wiina khu munye aliva nu muliina, ma atsi khuye hakarhi mu vutukhu, navoola, "Mulina waanje,khonyaakhu mikati chivaka; ⁶shichira mulina waanje khurhula mulucheendo utukhi ha waanje, na yiinse mbulakhu shyukhulya shyoosi shyanyala khumutekhera." ⁷Na ye ali muunsu amurheevulire,"Ndiikale khale mulyaango.Lekha khusumbula;vaana vaanje vaakoni niinse mu shitali.Shinyala khuvuukha mushitali yumu khuhe mikati. ⁸Muvooleraanga ndi, khali niiva waambakhaane khuvuukha mushitali mwaali, amuhe mukati,shichira nu mulina weewe, navutswa shichira liitsiitsachirira lyu khwiikulikhitsa nu khusaayasaaya, alavuukha nu khumuha shiindu shyoosi shya adakhaanga.⁹"Khaandi muvooleraanga ndi, musaale, na mulaheerwa; mwikuliikhitse, na munye muliikulilwa mulyaango. ¹⁰Shichira muundu woosi usaalaanga, aheelwaangwa, khaandi muundu wukhavaanga , anyoolaanga; khaandi muundu wikulihitsaanga , yikulilwaangwa.¹¹Ni taata shiina mumunye , wa mwaana weewe na musava vushuma, amuheetsa lichina? vukhala vu khumuha isutsi amuhe insukha? ¹²anoho alamusava liivuyu, naye amuhe likhala { ing'e}? ¹³Niiva munye vamuli vataamaanu mwaamanya khuha vaana veenyu vihaanwa vilahi, ni vyaanga mu vunyiikhi vya Taata weenyu uli mwikulu, aliitsa khuhaana Rooho Mutakatifu khu vaandu vamusaalaanga!"¹⁴Yeesu yakhuunga litimoni lyaali nilyambakhana khulomoloma (itiimbiti) .Lwa litimoni lyarhula mu muundu mweene woyo, yaarhaanga khulomoloma, ma shituma sha vaandu ni varhikala ni liicheenya. ¹⁵Navutswa vaandu valala khuvo vavoola, "Ah, ni Beletsabuli, mukhoongo wa matimoni , naye umuheensaanga tsingulu tsyu khukhuunga matimoni."¹⁶Vaandu valala khuvo vachelitsa khureeka Yeesu,niveenya avahee shilorekhitso khurhula mwikulu. ¹⁷Navutswa Yeesu yamanya tsinganakani tsyaavo na vavoolera,"Vwaami vwoosi vwavukhane shyuvunyala khusiinjira,khaand insu isolanaanga ikwiitsaanga.¹⁸Niiva Shetaani alakavukhanamu mweene, vwaami vweevwe vwakhasinjire ndina?Shichira muvoolanga yinse khunga matimoni khuvirhila mu Beletsabuli. ¹⁹Niiva Beletsabuli akhuunga matimoni, Vimilili veenyu navo vakhuunga matimoni khuvirhila mu wiina? Khu lwa yako navo valiitsa khuva vakhaalachi veenyu. ²⁰Navutswa niiva khuunga matimoni khuvirhila khu shitere shya Nyasaaye, vuchira liheenda mwooyo vwaamihi vwa Nyasaaye vumali khwiitsa khu munye.²¹Muundu wi tsingulu lwa aveetsa yiyavaale vyuuchi vyeevye vyu vulwaani nu khuliinda imbiinga yeeye, miandu chyeechye chivetsaanga mu mireembe, ²²Navutswa lwa Muundu wi tsingulu humani arhuliraangayo nu khumukuurha, amunuulaanga vyuuchi vyeevye vya yasuuviramu, ma yikavulirha miandu chyali chyu muundu wi tsingulu ²³Muundu waambakhanaanga khu khoonya yinse,, kilikali naye mutsiku, na muundu waambakhanaanga khu vuunjeeritsa na yiinse, kilikali nu musalaanyinyi.²⁴Lwa litimoni lirhulaanga mu muundu, licheenda cheendaanga mu shangalaangwe, nilikhaava havundu hu khuhulukhira.Navutswa lwa livula khunyoola havundu heene yaho, livoolaanga, "Ndakalukha muunsu yaanje mwa ndarhulaamu. ²⁵Lwa litimoni likalukhaanga muunsu mweene yomo, linyolaanga insu yeeneyo niili inihu khaandi niili mu mireembe. ²⁶Khu lwa yako , limanya likalukhayo khutsia khulaanga matimoni kaandi saba kali ni tsingulu khulivirha khwitsa khumenyamu. Khu liiva lyu muundu mweene woyo liveetsaanga litaamaanu khuvirha lyukhurhaanga."²⁷Lwa Yeesu yamala khuvoola makhuuva yaka, muundu mukhali wali nali mushituma shya vaandu, yalaanjilira,"Ali nu vukaasu mukhali wa khwivula ni tsimbeere tsya khununyinya! ²⁸Navutswa Yeesu yavoola,"Niikhali vali nuvukaasu yavo vahuliraanga likhuuva lya Nyasaaye, khaandi nu khutsiiririra khuliloonda."²⁹Lwa vituma vya vaandu vyali ni vimetekhaanga, Yeesu yavoola,"Vaandu va matukhu kanu khu ni vataamaanu! Vaandeevaanga vakhoolere shilorekhitso, navutswa valiheelwakhu shilorekhitso shyoosi mba, niikhali shilorekhitso shya Yoona! ³⁰Khuli Muporofeti Yoona yali shilorekhitso khu vaandu vi litaala lya Nineve, khaandi ni ndyo Mwaana wu Muundu aliitsa khuva shilorekhitso khu vaandu va matukhu kanu.³¹Murhuchi wi shikhali wi Isavaalu ( Sheeba), aliitsa khusiinjira ayaale vaandu va matukhu kanu khu liitukhu lyu khukhalachilwa shichira yacheenda khurhula mu shivala shyeeshye niyiitsa khuhulira meechitso ku vusitsa ku mwaami Solomoni; Heensi! Muundu mukali wi tsingulu khuvirha Solomoni ali hanu.³²Vaandu vi litaala lya Nineve valiitsa khusiinjira vamuyaale munye khu litukhu lyu khukhalajilwa, shichira vikanira lwa vahulira Yoona niyirwaatsaanga, khaandi Heensi! Muundu ali hanu wi tsingulu tsinyiikhi khuvirha Yoona!³³Avulakhuho muundu uhaambitsa itaaha ma achivikha hivisu anoho muhiinda, navutswa avikhaanga ikulu khu shikurhu shi itaaha, khu muundu woosiyinjiramu alore vulavu vweene yovo. ³⁴Imoni yooyo ili khuli itaaha yu mmbiri kwookwo.Niiva tsimoni tsyeenyu ni tsinamu, mmbiri kweenyu kwoosi kuli nu vulavu vunyiikhi.Navutswa ni tsivula vulamu, mmbiri kweenyu kuli mu shisuundi shinyiikhi muno. ³⁵Khu lwa yako, muheense muloore ndi vulavu vuli mu munye, vukhava shisuundi mba. ³⁶Niiva mmbiri kweenyu kwoosi kuli nu vulavu vunyiikhi, khaandi havundu halala khukwo havula shisuundi, kuliitsa khuva nu vulavu vunyiikhi muno, khuli vulavu vwi itaaha vumwakhiraanga."³⁷Lwa Yeesu yali na mali khulomoloma,Mufarisayo yamwiinjilitsa khulya naye.Yiinjilamu niyikhala naalya. ³⁸Mufarisayo mweene wooyo yali ni licheenya, lwa yaloola Yeesu aliitsaanga shyukhulya vuchira khusaava mikhono.³⁹Navutswa Mwaami yamuvoolera, "Munyee vafarisayo mwochitsaanga ilwaanyi wi shikoombe shyeenyukhaandi wi ibakuli yeenyu, navutswa mukarhi mweenyu mwayitsula likhoyi, vunuuli nu vutaamaanu. ⁴⁰Muli vaandu vasirho! Musuuviraanga Nyasaaye waloomba ilwaanyi, shali khaandi waloomba mukarhi taawe? ⁴¹Haani viindu vili mu vikoombe vyeenyu nu mu tsibakuli tsyeenyu khu vamanani, na viindu vyoosi khu munye vive viniihu.⁴²"Navutswa munye vafarisayo, muli khuvutiinyu muno! shichira muhanaanga khu Nyasaaye shitierhi shyi likhomi khu vya mucheesaanga vi viluungu, khuli itania, vituungu, liivokoyi ni tsingutsa tsiindi tsihuunya mwayu mulahi, navutswa mwaachaaya khukhoola vwakilikali nu khuyaansitsa Nyasaaye.Muve nu mukhoolaanga ndyo , vuchira khuchaaya kaandi.⁴³Munye vafarisayo muli khu vutiinyu muno, shichira mwayaansa khwikhala khu visako vilahi muno imbeli mu lisinakoki, nu muheerwa mireembe chyu luyali na vaandu mushyiirhu. ⁴⁴Munye muli khu vutiinyu muno,! Shichira muli khuli viliindwa vikhalorekhaanga, vya vaandu vaseenakhu vuchira khuvimanya."⁴⁵Muundu mulala khu veechitsi va malako yamuvoolera,"mweechitsi ukhunyekaanga lwa uvoola ndyo." ⁴⁶Yeesu yavoola,"Munye veechitsi va malako, muli khu vutiinyu muno! Shichira mutyuukha vaandu misiko militoho chya vakhanyala khuchiinga, navutswa munye veene murhaamwa khuvakhoonya khuchichiinga.⁴⁷Munye muli khuvutiinyu muno! Shichira muloombanga viliindwa vilahi vya vaporofeti,va vakuuka veenyu viirha. ⁴⁸Munye veene mwiyamaanga ndi mwalora ka vakuuka veenyu vakhola; viirha vaporofeti, nu muloomba viliindwa vyaavo.⁴⁹Khuloondekhana khu shivune shyeeneshyo, vusitsa vurhulaanga khu Nyasaaye vwavoola,"ndiitsa khuvarhumira vaporofeti na varhumwa.Valiitsa khwiirha valala khuvo, nu khunyaakhitsa vaandi. ⁵⁰Vaandu va matukhu kaleero valiitsa khusaalilitswa, shichira viirha vaporofeti voosi khurhula shivala ni shiloongwa, ⁵¹khuraanjilra khu Abili yiirhwa khutuukha khu Zakarhia wiirhwa; yiirhilwa hakarhi hu vwaali na havuundu Hatakatifu.Ni khali, muvooleraanga ndi vaandu va matukhu kaleero, valiitsa khusaalilitswa shichira vo voosi.⁵²"Munye veechitsi va malako, muli khu vutiinyu muno!Shichira mwaaviikha lufungu lwikulaanga mulyaango kwi insu yu vucheri; navutswa munye veene mwarhamilwa khwiinjiramu; khaandi mwikaliraanga vaandu vacheelitsaanga khwiinjiramu."⁵³Lwa Yeesu yali namali khulomoloma, veechitsi va malako na Vafarisayo, varhaanga khumurheeva marheeva matiinyu; khaandi ni vamuvoorela alomolome makhuuva khulondekhana khu viindu vinyiikhi, ⁵⁴nivaliindiliraanga khumukumira, niiva anyala khulomoloma shiindu shitaamaanu shyoosi.

¹Lwa vaandu vanyiikhi mu tsihelefu vali nivakani halala, muvunykhi khli ni varhaanga khusenakana veene khu veene,Yeesu yavoolera veechitswi veeve khurhaanga "Muvee vacheri khu mameera ka Vafarisayo, nakhwo khuvoola khwiikhola khola khwaavo khukhuva valuunji.²Shivulakhuho shiindu shyoosi shakhunikwa shirivula khukhunulwa, khaandi shyoosi shyaviswa shiliitsa khumanyikhana havulavu. ³Khu lwa yako, shiindu shyoosi shya mwavoolera mushisuundi, shiliitsa khuhuliirikhana mmbaasu nu kwaakhaanga.Shiindu shyoosi shya mwamoonya mu vwiivisu muunsu yikaalwe, shiliitsa khulaanjiritswa khurhulira mu viseekese vi tsiinsu.⁴Muvoolera munye valina vaanje, mukharhii vaandu virhaanga muviri , navutswa nivamali keene yako, shivali ni shiindu shiindi shyoosi shitaamaanu shyavanyala khukhola taawe. ⁵Navutswa nda mumanyinya wa muha luyali:Muhee Nyasaaye luyali, shichira na mali khwiirha, ali nu vunyali vu khusyuuva mu shihaatisi. Muvooleraanga kirikali ndi naye wa muha luyali!⁶Mushili khumanya ndi manyonyi ki tsimili karhanu ka kulitswaangwa tsisenti tsiviri?Khali Nyasaaye, shyanyala khwiivirira linyonyi lilala khuko taawe, ⁷Khali liiswi lyoosi lili khu mirhwi chyeenyu lyavaalitswa.Mukharhia mba , muli nu vukhuli vululu muno khuvirha tsimili tsinyiikhi.⁸Mu vooleraanga ndi muundu u voolaanga ha vulavu imbeli wa vaandu nu waanje, Mwaana wu Muundu aliitsa khukhoola malala meere khuye imbeli wi tsingerosi tsya Nyasaaye. ⁹Navutswa muundu unyambakhanaanga imbeli wa vaandu, Mwaana wu Muundu aliitsa khu mwambakhana imbeli wi tsingerosi tsya Nyasaaye. ¹⁰"Muundu unyeekaanga Mwaana wu Muundu, aliitsa khusaamiihwa; navutswa muundu unyeekaanga Rooho Mutakatifu, aliitsa khuvula khusaamiihwa.¹¹Lwa vamuleerha imbeli wa Masinakoki anoho khu vagavana anoho vaamiihi, muvule khuheenda mwooyo khuli lwa mwishiinga veene anoho shya muvoola; ¹²shichira Rooho Mutakatifu aliitsa khumweechitsa isaa yeene yeeyo, shya mwenyekhaanga muvoole."¹³Muundu mulala mushituma sha vaandu yavoolera Yeesu, "Mweechitsi, voolera amwaavo waanje angavulirekhu miandu chya taata weerhu yakhuleekheerha inse naye." ¹⁴Yeesu yamuvoolera, "Mulina waanje nu wiina waamba vunyali vu khuva mukhalachi anoho khukavulira munye vaviri miandu?' ¹⁵Nalwo yavavoolera,"Muheense vulahi; khaandi muve vacheeri, shichira vung'ang'a lukanu lwoosi, shichira vulamu vwa tooto vu muundu, shyuvuliho shichira vunyiikhi vwi miandu chyeechye taawe.¹⁶Yeesu yavavoolera lukanu yulu:"Litukhu liindi khwaaliho nu muundu muhiinda wali nu mulimi munuulu kwaminyaanga virhakwa vilahi. ¹⁷Yaraanga khukanakana mweene, "Ni shiina shya nyala khukhoola lwaambula havuundu ha mbiikha vyukhulya vyancheesa. ¹⁸Yavoola, "manyi vulahi shya nsiitsaanga khukhoola.Ndasaambula vyaachi vyaanje, khaandi nduumbakhe vikali.Namwo mwanganjira imu yaanje nende viindu vyoosi vya ndi navyo. ¹⁹ma ndivoolere mweene, uli ni viindu vinyiikhi, vyunyala khurhumikhila khu mihika minyiikhi.Vulamu vulava vulahi; ndalya nukhuung'wa ni ndiikhonya."²⁰Navutswa Nyasaaye yamuvoolera,"Musiilo yiiwe, ukhutsa vutukhu vwa leero.Nu wiina uliitsa khunyola viindu vyoosi, vya wiviikhila mweene?" ²¹Yeesu yamalikhitsa nu khuvoola, "Ni ndyo katsitsaanga khu kholekha khu muundu wiviikhilaanga mweene miandu, navutswa shyaali muhiinda imbeli wa Nyasaaye taawe?"²²Nalwo lwa Yeesu yavoolera veechitswi veeve , muvoolera ndi mukhaheendikhu mwooyo mulimenya lyeenyu, khuloondekhana khu shyukhulya shya mulya anoho tsinguvu tsya mwiifwaala. ²³Vulaamu vuli nu vukhoonyi muno khuvirha shyukhulya; khaandi mmbiri kuli nu vukhoonyi khuvirha tsinguvu.²⁴Henseli khu makhokho; shikaraakanga vukuutsa anoho khucheesa;kavula insu yu khuviikhamu viindu anoho vyaachi; nikhali, Nyasaaye akaliikhitsaanga vulahi.Mutuukhirha khunyoola muvunyiikhi khuvirha manyonyi! ²⁵Nu wiina khu munye , wi liheenda mwooyo lyeelye linyala khumuloomba amenye nu khwitasa mihika? ²⁶Khu niiva shyunyala khukhola ndyo khali hatiititi khuli shyeenesho taawe, shichira shiina muheendelaanga viindu viindi mwooyo?²⁷Looli khuli mawua kumbulimo ( khuli Linalikhokho) kameelaanga: shikahiinsilaanga, anoho khwiifwaala tsinguvu taawe.Navutswa muvooleraanga ndi khali Mwaami Solomonini ni miandu chyeechye chyoosi, shiyalikhu ni tsinguvu tsiindahi muno khuli lilala khu mawua ki vimuli yaka taawe. ²⁸Munye vaandu vamuli ni lisuuvira litiititi! Navutswa niiva Nyasaaye afwaalaanga vunyasi vuli haanu mushikurhi lweene yulu khaandi mukaamba vusyuuvwa mumuliro, shaliitsa khumufwaala khuvirhana muno.²⁹Muvule khukanakaniilakhu mu myooyo khuloondekhana khu shiindu shyamulya anoho shyamung'wa, anoho khuheenda mwooyo khuloondekhana khu keene yako. ³⁰Vaandu vi tsimbya tsyoosi mu shivala shinu vaheenderaanga viindu vyeene yevo mwooyo khu lwa matukhu koosi.Navutswa Taata weenyu wamanya ndi mweenyaanga viindu vyeene yevo.³¹Niikhali muheendere mwooyo vwaami vweevwe, khu amuhee viindu vyeene yevo vyoosi. ³²"Munye vamuli khuli shyayo shitiititi shya makoondi, muvule khurhia, shichira Taata weenyu ayaansitswaangwa khumuha vwaami.³³Mukulitse viindu vya muli navyo vyoosi muhe vaandu vataakha tsisenti tsyeene yeetso Mwiinyoolere veene visiko vi tsisenti,vinyala khuvula khurhaandulwaa, khaandi mwivikhiire liviikhiro linyala khuvula khuhwa mwikulu, wa mwiivi akhanyala khutukhaho, khaandi wa tsinguyi tsikhanyala khuvula khwoononyinya. ³⁴Mwooyo kweenyu kuvetsaanga inyiinga yoosi hi miandu chyeenyu chili.³⁵Muve vaandu virheechekha khukhoola shya shiindu shyoosi, nu mwiifwaala liikhoola mihiinsi ni tsitaaha tsyeenyu nitsyakhaanga, ³⁶Khuli varhumikhi valiindaanga murhuchi waavo khukalukhu khurhula mushiseerero shyukhuhirana. khu vamwikulile mulyaango vwaangu , lwa yiitsa khwikulikhitsa khu mulyaango.³⁷Vali ni ikhaavi varhumikhi yavo vu murhuchi waavo anyoola ni vali imoni ndaavu, khaandi ni virheechekha lwava na kalukhaanga!Muvoolera kilikali ndi, aliitsa khurhulitsa likoti lyeelye nukhuvavoolera viikhale haasi, nu khuvaaha shyukhulya. ³⁸Niiva aliitsa khukalukha hakarhi mu vutukhu,anoho mu isaa tisa mu vutukhu, khaandi avanyoore ni vashiheensaanga, varhumikhi veene yavo vali ni ikhaavi.³⁹Navutswa keenyekha mumaanyee ndi, niiva mweene insu, aliitsa khuva na maanyi isaa yu mwiivi yiitsaanga, shiyakhalekhi insu yeeye yiinjililwe taawe. ⁴⁰Munye khaandi mwirheechekhe; shichira Mwaana Wu Muunndu aliitsa khwiitsa isaa ya muvula khumaanya yiitsaanga.⁴¹Petero yarheeva "Mwaami lukanu yulu luli khu khutse voonyene anoho khali khu vaandu voosi?" ⁴²Mwaami Yeesu yamurhevulira,"Nu wiina uli murhumikhi musuuvilwa khandi ulii nu vusitsa? Nu murhumikhi wu murhuchi weewe aha vunyali vu khusijirira vaandu vi insu yeeye, khaandi ahe varhumikhi vaandi shyukhulya shyaavo khu isaa yenyeekhaanga. ⁴³Ali ni ikhaavi murhumikhi woyo, wu murhuchi weewe alikalukha nu khumunyoola nakhoolaanga ndyo. ⁴⁴Muvoolera kakirikali, ndi murhuchi mweene wooyo aliitsa khumuha vunyali vu khusiinjirira miandu chyeechye chyoosi.⁴⁵Navutswa niiva murhumikhi mweene wooyo aliitsa khwivoolera,"Murhuchi waanje ucheereve khukalukha, ma arhaanje khurhumula varhumikhi vasatsa na varhumikhi vakhali khaandi akorheele muliilya nu khutaanda, ⁴⁶Khu murhuchi wu murhumikhi mweene wooyo aliitsa khukalukha khu litukhu lyu murhumikhi akhamanyi ni isaa yakhamanya.Murhuchi mweene wooyo aliitsa khumurheemanyinya muvitonye ma amukhoole khusaanga halala na vaandu vavula vusuuvilwa mu vutiinyu vwaavo⁴⁷Murhumikhi waamanya ku murhuchi weewe yeenyaanga akhoole, navutswa yaambakhanaanga khukhoola, aliitsa khuhuulwaa vivoko viluulu muno. ⁴⁸Navutswa murhumikhi wakhamanya ku murhuchi weewe yeeyaanga. niikhali akhoolaanga shiindu shinyala khuloomba asalilitswe, shyaliitsa khu shyutwa vivoko vinyiikhi taawe.Vinyiikhi vyeenyeekha khurhula khu muundu waheerwa mu vunyiikhi, vinyiikhi khuvirha shicheero vyeenyekha khurhula khu muundu wa heerwa mu vunyiikhi khuvirha shycheero.⁴⁹Ndaamala khwitsa khu haambitsa muliro khulirova,maku khuli ndikoombaanga kuve nu kwaakha khale! ⁵⁰Ndii ni lipatiswa lyaambirhilaamu;khaandi nyakhanaanga mu mwooyo kwaanje,lwa shiri khurhweekhitsa keene yako!⁵¹Mukanakanaanga ndiitsa khuleerha mireembe mu shivala? Aawa, shichiri ni mireembe taawe, navutswa ni lyaavukhana; ⁵²khurhaanjira nuunundi vuli insu ya vaandu varhaanu, iliitsa khwaavukhanamu, vavaka khu vaviri khaandi vaviri khu vavaka. ⁵³Vataata valiitsa khwaavukhana na vaana vaavo; khaandi vaana vi shikhaana na vamwaavo vaavo, vakuukhu vishiyaayi na va nakukhuulu vi shikhaana, na nakhuvitsala alaavukhana na nyiina muyayi ."⁵⁴Yeesu yavoolera vaandu vali mu shituma:Inyiinga ya mulolaanga maleesi ni kavuukha imatioli, haweene yaho mu mamuvoola, imbula yiitsaanga na ni ndyo kaveetsaanga. ⁵⁵Na lwamulolaanga vushyindu nuvuhuutsa khurhuula isavaalu, muvoolaanga, khutsiitsa khuva nu muleenjeero, na kama kikholeekha ndyo. ⁵⁶Munye viikhoolakhonyinyi vu khuloreekha valuunji, munyalitsa khu heensa khulirova nu khumaleesi mwikulu nu khuvoola khuli shivala shitsitsaanga khuva.Shichira shiina mukorhwaa khwiivaala shya matukhu kanu kavoolaanga?⁵⁷Shichira shiina mwambakhanaanga khwikhalachira veene khukhoola likhoola lyu vuluunji? ⁵⁸Lweene lwa muveetsaanga kkhunjira nu mutsiku woowo muhiiranaanga khumuyaalitsi,cheelitsi khuli munyala khuhulikhitsaana naye veene khu veene mushiri khunjira nashiri khukhuhira khumukhalachi, na mukhalachi akhuaane khumusikali ukhuvooha mucheera. ⁵⁹Muvoolera ndi muliitsa khuvula khulakhulwa khurhula mushivoho numushiri khurhuunga tsisenti tsyoosi tsi yipoonti yu uvasiirhwe."

¹Mu yinyiinga yeene yeyo , vaandu valala vali nivaliho vavoolera Yeesu makhuuva khulondekhana khu Va Galilaya va Pilato yali ni yiirha, lwa vali nivahaanaaga vihaanwa vyu khukholera misaango khu Nyasaaye. ²Yeesu yavavoolera, "Mukanaganaanga Vakalilaya veene yavo vali ni vaakhoola vwooni vunyiikhi khuvirha Vakalilaya vaandi voosi, kachira viirhwa munjirha khuli yeene yeeyo? ³Aawa, muvoolera ndi shikali ndyoono taawe! Navutswa niiva mushiri khwiikanira khurhula mu vwooni vwyeenyu, khali munyee voosi muliitsa khukhutsa khuli vo vakhutsa.⁴Anoho ni shiina shya khunyala khuvoola khuloondekhana khu vaandu likhomi na munane vaakhutsa, lwu munaarha kwa Silohamu kwaakwa khuvo? Mukanakanaanga navo vali vakhoola vwooni vunyiikhi khuvirha voosi vamenyaanga mu Yeerhusalemi? ⁵Muvooleraanga, shikali ndyoono taawe! Navutswa numushiri khwiikanira khurhula mu vwooni vweenyu , kahli myunye voosi muliitsa khukhutsa khuli vo vaakhutsa."⁶Nalwo lwa Yeesu yavavoolera lukanu yulu: Khwaliho nu muundu wali ni yarhaaka musaala ku mukhuyu mu muliimi kweekwe kwii misapipu. Muundu mweene wooyo yasimukha nu khu tsya khuhaatuula lituunda khu musaala kweene yoko, navutswa shi yanyoola khukhu lituunda lyoosi mba. ⁷Khu lwa yako ,yaavoolera museemberhi wu mulimi kweekwe, "Loola, khumihika, chivaka yiichi , mmeenyi ni ntsitsaanga mbaatule liituunda khurhula khu musaala ku mukhuyu yuku:navutswa mbulakhu lituunda lyoosi lyaa nyoolakhu. Kurheemere haasi ! Shichira shiina kutsilirire khumala vunuuka vwa valova?⁸Navutswa museemberi mweene wooyo yarheevulira mweene mulimi, "Mwaami , kuleekhe kuve , khukuhee muhika kuundi; ntsiitsaanga khukuseemberera khaandi ndeekhu imboleeya. ⁹Niiva kulaama matuunda khumuhiika kuloondakhu , vuliitsa khuva vulahi muno! Navutswa niiva shyukunyala khwaama matuunda taawe, unyala khukurheemera haasi."¹⁰Litukhu liindi li Lisapato, lwa Yeesu yali niyeechitsaanga mu lisinakoki, ¹¹yaaloola mukhali wuundi naalimu wi litimoni lyaali lwaalitsa khumihika liikhomi na munane.Yali wakokhooma mukoongo, khaandi avulakhu khuli wali unyala khuluunjikhitsa.¹²Lwa Yeesu yamuloola yamulaanga, namuvoolera, "Mukhali yiiwe, umali khuhoona khurhula mu vulwaale vwoovwo." ¹³Khu lwa yako , Yeesu yaviikha makhono keeke khu yee, na yakololokha vwaangu, khaandi niyitsoominya Nyasaaye. ¹⁴Navutswa mwiimiliri wi Lisinakoki, yiitsula vurhima , shichira, Yeesu yali na hoonyinye muundu khu liituukhu li Lisaapato.Yavoolera vaandu, "Khuli na matuukhu sita ku khukhoola mihiinsi.Mwiitse mu matuukhu keene yako muhoonyinywee, navutswa khu lituukhu lilisaapato taawe."¹⁵Mwaami yamurheevulira "Munye vamwiikhoola khoolaanga khuva valuunji! Mulala khu munye shya vohololaanga ichirhishi anoho ipuunda yeeye khurhula mushiiko, khuchihira khung'waa maatsi khuliitukhu li Lisaapato? ¹⁶Mukhali wuyu, shyaali mwiitsukhulu wa Abrhahamu wa Shetaani yanyaakhitsa khumihika likhomi na munane; shyaanyala khuvula khuhoonyinywa khurhula mu vulwaale vweevwe khulitukhu li Lisaapato?"¹⁷Lwa Yeesu yali na shivoolaanga ndyo, vatsiku veeve voosi valoola tsiisoni, na vaandu voosi niviikhonya khuloondekhana khu viindu vyoosi vyu khucheenyinya vya yali naakholi.¹⁸Yeesu yarheeva, "Vwaami vwa Nysaaye vuli khuli shiina? Ni shiina shya khunyala khusaasanyinyakhu? ¹⁹Kali khuli lukuutsa lutiititi muno, lwa muundu yavukula namiitsa mu mulimi kweekwe.Lwa meera nu kuva musaala, ma manyonyi ni kiitsa, nikuumbakha vitsuu vyaavo mu tsiisya tsyaakwo."²⁰Yeesu yarheeva khaandi, "Ni shiina shyaanyala khusaasanyinya khu nu vwaami Vwa Nyasaaye? ²¹"Vuli khuli mameera ku mukhali yavukula natsukaanyinya mutsilita 40 tsyu vusii khutuukha lwa shinokho shyoosi shyaviimba.²²Yeesu yasimukha na khalakanyira mu mataala nu mu michiitsi, niyeechitsaanga nali khu lucheendo lweelwe lu khutsya Yerhusalemi. ²³Muundu wuundiyamurheeva, "Mwaami, ni isaavu indiititi yoonyene ya vaandu, valiitsa khuhoonyinywa?" Yeesu yamurheevulirha, ²⁴"Mucheelitse khwiinjirha khuvirhila mu mulyaango munyeerere; shichira ni kiliikali vaandu vanyiikhi valiitsa khuchelitsa khwiinjira khuvirhilamu, navutswa shivalinyaala khwiinjira.²⁵Mweene insu aliitsa khusiinjira nukhwikala mulyaango ; lwa muliitsa khuva numusiinjire ilwaanyi nu mwiikulikhitsaanga khu mulyaango, nu muvoola, "Mwaami, khwiikulire mulyaango! Aliitsa khumurheevulira, Shinyala khumanya wa murhula taawe! ²⁶Muliitsa khurhaanga khuvoola, "Khwalya nu khung'wa nayiwe,khaandi nu weechitsa mu mataala keerhu, ²⁷Navutswa mweene insu aliitsa khuvoola, Shinyala khumanya wa murhuli taawe.Munye vaandu vooni voosi, rhuli haanu!²⁸Muliitsa khulirira havundu heene yaho, numuteteitsa miino, lwa muliitsa khuloola Abrhahamu ,Isaka na Yaakobo na vaporofeti voosi nivali mu vwaami vwa Nyasaaye; navutswa munye nu musyuvirhwe ilwaanyi. ²⁹Vaandu valiitsa khwiitsa khurhula mu tsaimbeka tsii ivukwii na imatiori, ni ivaale ni isavaalu, ma vikhale khulya mu vucheeni vu liilya mu vwaami vwa Nyasaaye. ³⁰Yavo vali vu khumalilikha lweeneyulu, valiitsa khuva vukhurhaanga , khaandi yavo vali imbeli lweene yulu, valiitsa khuva vukhumaliilikha.³¹Mumatukhu keene yako, Vafarisayo valala viitsa, nivavoolera Yeesu, "Wiilukhee khurhula haanu, utsii haawuundi, shichira Heroode akhaava khukwiirha." ³²Yeesu yavavoolera, "Simukhi mutsi muvoolere shivwee yeesho: "Loola,khungaanga matimoni khaandi mbonyinyaanga vaandu valwaala nuunundi khaandi mukaamba; na khulitukhu lyaa khavaka, ndamanya mbee nimali muhiinsi kwaanje. ³³Khu lwayako khutukha ntsii khulucheendo lwaanje nuunundi na mukaamba khaandi ni liitukhu liloondakhu;shichira shyuvuli valahi muporofeti khwiirhilwa yihaale weene khurhula Yerhusalemi taawe.³⁴Yiiwe Yerhusalemi, yiiwe litaala likali lya ,Yerhusalemi! Wiirhaanga vaporofeti, uvarhasa na machina yavo vali varhumwa va Nyasaaye akhurhumilaanga! Hali khaanga ni njelitsaanga khuvunjelitsa halala vaandu voovo voosi khuli ingokho ivunjeelitsaanga viminyooli vyaayo mutsimbaha ya tsyayo; navutswa wayambakhana! ³⁵Loolakhu! Liteemperi lyolyo lyalekwa lyeere. Khuvooleraanga ndi uliitsa khuvula khundoola matukhu kashiri khutuukha lwa uliitsa khuvoola, Nyasaaye akaasitse wooyo wiitsaanga khuvirhila mu liirha lyu Mwaami."

¹Khulitukhu liindi li Lisaapato,Yeesu yasimukha natsia khulya mu insu yu mulala khu vimilili va vafarisayo; navamuheensekhitsa. ²Muundu wali nu vulwaale vu khuviimba vilenje na makhono,yiitsa khu Yeesu. ³Yeesu yalomoloma khu veechitsi va malako na vafarisayo,navareeva,"Malako keerhu kavuchiliraanga khuhoonyinya khu litukhu li Lisaapato anoho khuvula khuhoonyinya?'⁴Navutswa voosi vashirhing'ana. Khu lwayako Yesu yavukula muundu wooyo nu khumu hoonyinya nu khumuvoolera atsi. ⁵Yeesu yamanya arheeve vaandu, "Niiva mulala khu munye alava ni ichirhishi anoho mwaana ma ikwii mu vwiina khulitukhu li Lisaapato, aliitsa khuleekha khumukhweesa khurhulamu?" ⁶Navutswa vaandu vashirhing'aana vuchira khumurheevulila shiindu shyoosi khu koosi kayarheeva.⁷Lwa Yeesu yaloola khuli vacheeni vivukulirha visako vyuluyali ha mesa, yavavoolera lukanu yuulu: ⁸"Lwa muundu avetsaanga na mulaanji mu shiseerero shyu khuhilaana,muvule khwiivukulirha havundi hu luyali lwamwinjilaanga, shichira muundu wuundi uli nu vunyali khumuvirha anyala khuva ni yalaangwa; ⁹ma leero muundu wamulaanga munye vaviri , anyala khwiitsa amuvoolere ,"Yiwe sinjilirha muundu wuyu, na uliitsa khuloola tsisoni luvoolerwa yikhala inyuma.¹⁰Navutswa lwa uveetsaanga nu laanjirhwee , yikhala havundu hakhutukhire, khu lwa muundu yakhulaanga yiitsa, akhuvoolere,"Mulina,haamba wiikhale khushisako shili shyu luyali yaho, ma uheelwe luyali mu vacheeni voosi valaangwa. ¹¹Muundu wiikalihiitsaanga mweene khuvirha vaandi, aliitsa khucheehitswa,khaandi wiicheehitsa mweene, aliitsa khuheelwa lichiinguulwa."¹²Yeesu yavoolera muundu wali na mulaanji,"Lwa uvetsaanga nu haana shyukhulya shya mmbasu anoho shyu khulukoloova,ukhalaanganga valina voovo,anoho vaamwaavo voovo anoho viikho voovo anoho varheende voovo vali vahiinda; shichira navo valiitsa khukhulaanga khaandi, ma vave vakhurhuunji ka waavakhoolera.¹³Navutswa luloombaanga vucheeni vwu lilya, laanga vaandu vamanani,vafwookoya, valeema na vaveekhu; ¹⁴khaandi uliitsa khukaasitswa, shichira vavula lwa vanyala khukhurhuunga. Nyasaaye aliitsa khukhurhuunga khulitukhu lya vaandu valahi valiitsa khwisimukukhitswa khurhula mu liikhutsa."¹⁵Lwa muundu mulala khuvo wali ni yiikhale halala na Yeesu ha mesa mulilya yahulirha yaka, yavoora,"Vali niikhaavi yaavo vikhalaanga, nivalya muvucheeni vuliilya mu vwaami vwa Nyasaaye! " ¹⁶Navutswa Yeesu yamuvoolera, "Liitukhu liindi , muundu mulala yaloomba vucheeni vywi liilya vukali, na laanga vaandu vanyiikhi. ¹⁷Lwa litukhu li liilya lyatuukha, muundu mweene wooyo yarhuma murhumikhi weewe khuvooleera vaandu vali nivalaanjilwa, "Haambi' shichira viindu vyoosi vili virheecheekhe nuunundi.¹⁸Navutswa vaandu voosi , varhaanga khuhaana vivune vyaavo vyu khuvula khwiitsa.Muundu wu khurhaanga yamuvoolera,Nguli mulimi, khutuukha nsii khukulurha; khusaayaanga nuyaansa umbeere, mbula vwiiyaangu. ¹⁹Wundi khaandi navoola, "Nguli tsichirishi likhomi tsyukhulimira, na ndenyaanga khutsya khutsichelitsa,khu khusaaya nuyaansa umbeere, mbula vwiiyaangu. ²⁰Wuundi navoola, "mbiiri mukhali vwaangu yuvu, khu lwayako, shinyaala khwiitsa khukhuloola taawe.²¹Murhumikhi woyo yakalukha na voolera murhuchi weewe shya vuli shiindu shyoosi, shya vali nivavooli.Murhuchi mweene wooyo yali nu vurhima, navoolera murhumikhi weewe "Simukha utsii vwaangu mu mihaanda nu mutsiinjira tsinyerere tsyu mwitaala;ma underheere haanu vaandu vamanani, vafwookoya,vaveekhu na valeema. ²²Murhumikhi wooyo yavoola" Mwaami mali khukhoola shya shiindu shyoosi shyu umbooleere; navutswa khu shiliimu vwiiyaangu vwa vaandi.²³Murhuchi mweene woyo yamuvoolera, "Simukha utsi mumihaanda nu mu ysinjiira tsinyerere, uvaloombe vaandu viitse khwiinjila, khu insu yaanje yiitsule. ²⁴Muvooleraanga munye voosi ndi khali mulala khu vaandu vali nivalaangwa veene yavo, aliitsa khuvula khutsaantsama khu shyukhulya shyaanje."²⁵Lwa vituma vikali vyali viyuunji khuloonda Yeesu, Yeesu yishevukha navavoolera, ²⁶"Niiva muundu yeenyaanga khunoonda, khutuukha yambakhane taata weewe na nyiina weewe, mukhali weewe, vaamwaavo veeve na vaambootso veeve, khali nu vulamu vweevwe mweene; na narhamilwa khukhola ndyo, shya nyala khuva mweechitswi waanje taawe. ²⁷Muundu wambakhanaanga khuchiinga musalaba kweekwe nu khunoonda, shyanyala khuva mweechitswi waanje taawe.²⁸Nu wiina khu munye weenyaanga khuumbakha munaara, avula khurhaanga nu khwiikhala hasi , amanye vukuuli vu munaara kweene yoko kunyala khuvukula, nu kheensa aloole niiva ali ni tsiseenti tsinyala khumala muhiinsi kweene yoko? ²⁹Nakhakholi ndyo, ma arhaanjitse musiinji, navutswa avula vunyali vukhuumbakha , vaandu va veetsaanga ni valooli kakhoolaanga, avarhaanga khumukhoolera shiheenyeheenye; ³⁰ni vavoola, "Muundu wuyu yiilukhachila khuumbakha, navutswa yarhamwa khumala muhiinsi.³¹"Anoho nu mwaami shiina, atsiitsaanga khulwaana nu mwaami wuundi, avulaanga khwiikhala hasi nu kwiirheevana niiva alarhumikhila vasikali veeve tsiheelefu likhomi, khutsia khulwaana nu mwaami wuundi uli na vasikali tsiheelefu makhomi kaviri? ³²Niiva shyali ni tsingulu tsyukhumulwaana, lywu mwaami wuundi wooyo aveetsaanga na shili ihaale weene, yilukhachirha khurhuma murhumwa weewe khutsya khurheeva vamolome khuleerha mireembe. ³³Mu inchira indala ntsere, muundu avulakhuho mu munye unyala khuva mweechitswi waanje, na khalekhi vuli shiindu shyoosi shyali nashyo.³⁴Muunyu nu mulahi; navutswa niiva muunyu kulakorhitsa shinochi sha kwoo,kukhoolwa ndiina khu khaandi kukalukhe khuva muunyu? ³⁵Kuvulakhu vukhoonyi khali hati khu mulimi anoho khuloombwa imboleeya; nashyo shichira vaandu vakusyuva ihaale weene.Muundu uli na marhooyi ku khuhuulira, na uhuulikhitse."

¹Yatukhu inyiinga vasolooli vwu vushurhu vali ni viitsa khu Yeesu khumuhulikhitsa na lomolomaanga. ²Valala khu Vafarisayo na Veechitsi va Malako, varhaanga khung'uung'uuna , nukhuvoola, "Muundu wuuyu yiinjilitsaanga vaandu vooni, na khaandi nalya navo."³Khu lwayako Yeesu yavavoolera lukanu yuulu: ⁴"Khuvoole, niiva mulala khu munye ali na makoondi yimya indala ma akorhitse lilala khuko, avule khuleekha makoondi karhikaale makhomi tisa na tisa mu lwayiro, nu khutsya khukhaava liikoondi lilala likorhi lyeene yeero khutuukha lwa alinyoola? ⁵Na inyiinga lwa alinyoolaanga, alichiingaanga khu maveeka keeke nali nu vuyaansi.⁶Lwa atuukhaanga mumuchitsi kweekwe , alaangaanga valina veeve na vareende veeve halala, nu khuvavoolera."Haambi mwikhoyere ni yinse shichira mali khu nyoola likoondi lyaanje lyali ni lyakorha." ⁷"Munjira indala ntsere, muvooleraanga, ndi khuliitsa khuva nu vuyaansi vunyiikhi mwiikulu, shichira mwooni mulala wikanirhaanga khuvirha vaandu vi likhola lyu vuluunji makhomi tisa na tisa vambakhanaanga khwikanira.⁸"Khvoole mukhali uli ni tsishilinji lkhomi tsyaloombwa khu ifetsa, ma akorhitse likongolo lilala khutsyo, anyala khukhola shiina?Alavula khuhaambitsa itaaha, nu khuyeentsa muunsu mweemwe khukhava iseenti yeeneyeyo, khutuukha lwa achinyoora. ⁹Lwa ava niyakhachinyoora alalaanga halala valina veeve na vareende veeve, avavooleere,"Haambi mwikhoyere ni inse shichira mali khunyoora isenti yi ishilinji yaanje iveere ni koorhi. ¹⁰Mu injira indala ntsere, muvooleraanga ndi tsingerosi tsya Nyasaaye tsivetsaanga nu vuyaansi vunyiikhi shichira muundu mwooni mulala umali kwiikanirha,"¹¹Yeesu yatsiririra khuvoola, "Litukhu liindi, khwaliho nu muundu wali na vaana vi shiyaayi vaviri,. ¹²Mwaana mushye yavoolera taata weewe, "Taata , mbee shikha shyaanje khu miandu cho nuunundi.Taata weewe yakavulira vaana veeve vaviri veene yavo miandu chyeechye.¹³Matukhu matiititi ni kakhavirha, mwaana mushye yavuncherhitsa miandu chye chyoosi na kulitsa, na hamirha mushivala shi yihaale muno.Nali yiweeneyo yamalirha tsisenti tsyetsye khulimenya liishivala livula vukhonyi. ¹⁴Lwa yali yamali khurhumikhila tsisenti tsyoosi na shyoosi sha yali nashyo, inyinga yi insala yakwa mushivala mweene yomo; naye yali mu vunyaakhani.¹⁵Yamanya natsia khuhaandiika khukhola ikaasi haango hu muundu mulala wi shivala shyeene yesho.Muundu mweene wooyo yamurhuma khutsya khukhoola mihiinsi mu mulimi mweemwe, ku khuha tsingulume shyukhulya. ¹⁶Yiikoomba khulya vyukhulya vi tsingulume tsyaliitsakhu; navutswa avulakhuho muundu wamuheetsakhu shyukhulya shyoosi.¹⁷Lwa muyayi wooyo yali yakhacheliha," Vahintsili voosi va taata waanje yasamuliitsa khumukhoolera mihiinsi vali ni vyukhulya vinyiikhi, khali vivarhama khumala, navutswa insala yeenyaanga khutsirhila haanu! ¹⁸"Nda simukha ngalukhe khu taata waanje, muvoolere, "Taata waanje, ndaakhoola vwooni khu Nyasaaye khaandi khu yiiwe; ¹⁹Khali shindukhana khulaangwa mwaana woowo taawe; khoola mbe khuli mulala khu vahiitsili voovo, va wasamulitsa."²⁰Yarhula natsya khu taata weewe. "Navutswa lwa yali nashili khuunjira ihale weene khurhula ingo, taata weewe yamuloola.Yamuloolera tsimbavasi, niyiirhukhaka, natsya khu mukhumbeerera khaandi natsuntsuna mwaana weewe mweene wooyo. ²¹Mwaana mweene wooyo ya muvoolera taata weewe, "Taata waanje, ndaakhoola vwooni khu Nyasaaye khaandi khu yiiwe; khu lwayako shindukhire khulaangwa mwaana woowo taawe."²²Navutswa taata weewe yavoorera varhumikhi veeve, "Leerhi vwaangu inguvu indaahi yeene, mumufwaale; khaandi mufwaali ipete khu mukhoono kweekwe ni vilaaro mu vileenje vyeevye. ²³Musiinsili shimooli shikhoomeru yeeyo, khwikhoyere liilya lilinyoolekha lyelye. ²⁴Shichira mwaana waanje wali yakhutsa navutswa, khu lwa leero munyooli nashili mwooyo; yali yaakorha navutswa nunundi khumali khumunyoola,khulwa yako varaanga hwiikhoyera lilya lyu khunyoolekha lyelye.²⁵"navutswa mwaana weewe , muyayi mukhuluundu yali nali mu mulimi.Lwaa yiitsa nali hiimbi khutuukha khu insu,yahulila vaandu viimbaanga tsinyiimbo tsyu vuyaansi nu khusieva. ²⁶Yalaanga murhumikhi mulala, namurheeva amwiivalire makhuuva kali ni kikhoolekhaanga. ²⁷Murhumikhi mweene wooyo yamuvoolera, "Amwaavo woowo umali khukalukha haango haanu, na taata woowo umusiinsile shimooli shikhomeeru, shichira umali khunyoolekha na shili mwooyo khaandi mulamu.²⁸Mwaana mukhuluundu yali nu vurhiima vunyiikhi muno, niyaambakhana khwiinjira muunsu.Khulwa yako, taata weewe yaiitsa ilwaanyi khumusaaya na yaansa yiinjire; ²⁹navutswa yavoolera taata weewe, "Loola, mihika yichi chyoosi, ndaamenya haanu ni khukhooleraanga mihiinsi khuli murhukwa, khaandi shili khwaambakhanakhu malako kooko koosi. Ni shiina sha waambaakhu?Khali ushiri khumbaakhu imbuli, khu ndikhoyerekhu na valina vaanje. ³⁰Navutswa mwaana woowo wuyu wamalila miandu chyu waamuha khu vakhali ni vakhoolaanga vulaaya; navutswa lwa amali khukalukha haango , umusinsiile shimooli shikhoomeru!³¹Taata weewe yamurheevulira, mwaana mukhuluundi ndi"Mwaana waanje, vuli khase khoosi umenyaanga ni inse, khaandi miandu chya ndi nacho chyoosi ni chyochyo ³²Vuvere vulahi khwiikhoyere nu khuyaansa , shichira amwaavo woowo yali waakhutsa, navutswa nuunundi ashili mwooyo; yali yaakorha, navutswa nuunundi khumali khumunyoola."

¹Yeesu yavoolera khhaandi veechitswi veeve, "Khwaliho nu muundu mulala muhiinda wali nu muhiinsili wasinjililaanga miandu chyechye. Yatsamilwa ndi muhiinsili weewe arhumikhilaanga miandu chyechye mu injira indamaanu ²Muhiinda wooyo yaalaanga muhiinsili weewe, namurheeva, "Makhuuva shiina kambulilaanga khu yiwe?Mboolera khu shiindu khuli uliindaanga miandu chyaanje, shichira shyunyala khutsianyinya khusinjilila miandu chyaanje khaandi taawe.³Muhiinsili wooyo yirheevana mweene, "Shimanyi nyala khukhoola shiina nuunundi? Murhuchi waanje yenyaaanga khusinjilitsa khu mihiinsi chyaanje? Na mbula tsingulu tsyukhulima, na khaandi ni tsisooni khusavasava vaandu viindu vyaavo. ⁴Manyi shaansitsa khukhoola khurhula nuunundi, khu lwa sinjilitswa khu mihiinsi chyaanje, mbee na valina vanyiikhi vukhuntsijilitsa mu tsiinsu tsyaavo.⁵Khulwayako yalaanga shya mulala khu vaandu vali na makoovi ku murhuchi weewe.Namurheeva muundu wu khurhaanga , "Uli ni likoovi lyu murhuchi waanje lituukha shiina? ⁶Naye yamurheevulila, "Lituukha mapiipa imya indala ka makurha ku musayituni."Yamuvoolera, "Vukula ikaratasi yooyo ya makoovi, wikhale hasi vwaangu, uhaandike ulii ni likoovi makomi karhaanu. ⁷Yarheeva wuundi,"uli ni liikoovi lituukha shiina?Naye yamurheevulira, "Makunia ki yingaanu imya indala."Yamuvoolera, "Vukula ikaratasi yooyo ya makoovi, wikhale hasi nu khuhaandiika uli ni likoovi makhomi munane.⁸"Murhuchi mweene wooyo yitsoominya muhiinsili wambakhaana khuva musuuvilwa khuvirhira mu vucheeri vweevwe; shichira vaandu vu mushivala shinu ,, vali nu vucheeri vunyiikhi khukhoola makhuuva kaavo ku mu shivala shinu khuvirha vaandu vamenyaanga mu vulavu." ⁹Yeesu yatsiririra khuvavoolera,"Muvooleraanga ndi murhumikhire miandu chyu mushivala shinu khwiinyoolera valina, khu lwa chiliitsa khuhwa, muliinjilitswa haango hii mihika ni mihiika..¹⁰Muundu uli musuuvilwa mu viindu vitiititi, nu musuuvilwa mu viindu vinyiikhi; na muundu wambakhanaanga kuva musuuvilwa mu viindi vitiititi, sha nyala khuva musuuvilwa mu viindu vinyiikhi taawe. ¹¹Niiva mwayambakhana khuva vasuuvilwa khusinjilira miandu chya mwanyoola mu shivala , nu wiina wa namuhee khusinjilira miandu cha tooto? ¹²Niiva mwa yambakhana khuva vasuuvilwa khu miandu chya vaandu, nu wiina uliitsa khumuha miandu chyeenyu munye veene?¹³Avulakhuho murhumikhi unyala khurhumikhira va rhuchi vaviri; anyala khuhima mulala, nu khuyaansa wuundi, anoho aliitsa khuva musuuvilwa khu mulala khaandi alecheeritse wuundi.Shyumunyala khurhumikhila Nyasaanye neende tsisenti taawe."¹⁴Vafarisayo vali ni vayaansa tsiseenti, vahulira makhuuva keene yako koosi, vamuchaya Yeesu. ¹⁵Navutswa Yeesu yavavoolera, Munye navo vamwiikhoolakhoolaanga khuva valuunji imberi wa vaandu; navuvtswa Nyasaaye wamanya kali mu myooyo chyeenyu; shichira viindu vya vaandu vitsoominyaanga mu shivala shinu, vilolekhaanga khuli ni shifwavu imberi wa Nyasaaye.¹⁶"Malaako ka Musa na mahaandiko ka Vaporofeti kaliho khutuukha khu matukhu ka Yohaana Mupatisi.Khurhaanjila mumatukhu keene yako, Ivanjeeri khuloondekhana khu Vwaami vwa Nyasaaaye yamala khwiirwaatswa; khaandi sha vuli muundu woosi arhumikhilaanga tsingulu khwiijilamu. ¹⁷Navutswa nu vutoorho likulu ni lirova khurhulaho khuvirha khali indukurha intiititi yeene ya Malako khuvula khurhweekhitswa.¹⁸"Musaatsa ukhungaanga mukhali weewe, khaandi ahila mukhali wuundi akholaanga vuheeyi; na khaandi musaatsa uhiilaanga mukhali wu musaatsa weewe yakhuunga, akholaanga vuheeyi naye.¹⁹"Liitukhu liindi khwaliho nu muundu muhiind, yali niyifwaala tsinguvu tsya sambarhau tsyu vukuli vululu muno, na vuli litukhu, yali yamenya limenya lyu khwiiyaansitsa mweene. ²⁰Hashilivwa heehe,muunu mumanani wa valaangaanga Latsaro yikhalaho, yali yayitsula makule khu mmbiri kweekwe. ²¹yaliho nu khwiikoomba khulya shyukhulya shyali ni shirhoonyi hasi khurhula khu imesa yu muhiinda mweene wooyo,Tsisiimbwa tsyatsitsaanga khumukhoomba mu makule keeke.²²Na yiinyinga yatukha mumanani mweene wooyo yakhutsa nahilwa ni tsingerosi khwiikhala hiimbi na Abrajhamu mwiikulu .Muundu muhiinda wooyo yakhutsa, nayavilwa mushiliindwa. ²³Muhiinda mweene wooyo nali mu shihaatisi , khaandi nali mulinyaakhani linyiikhi, yachiinguula tsimoni tsyeetsye naaloola Abrahamu ihale weene, na Latsaro niyikhaale hiimbi khuye.²⁴Khu lwa yako yaalaanga nu mwooyo mukali, "Taata Abrahamu, umbeere tsimbavasi na undumire Latsaro wooyo, nambula atsi khwiinikha shitere shyeshye mu maatsi nu khwiitsa khundonyiinyila khululimi lwaanje imburhu ya maatsi kashinditse lulimi, shichira salilitswa vululu muno mumuliro yumu!"²⁵"Navutswa Abrahamu yavoola, "Mwaana waanje wamanya ndi mulimenya lyolyo , wali waheelwa vuli shiindu shyoosi shilahi; navutswa Latsaro shiyali yaheelwakhu shiindu shyoosi taawe.Navutswa nuunun ndi amali khuleminywa mwooyo hanu,; nikhali usalilitswaanga vululu muno. ²⁶Khumeeta khu keene yako, hakarhi heeru na yiwe, khuli nu vwiina vu luhoongo lurhaambi,khali yavo venyaanga khwaambukha khurhula ha khuli hanu kwiitsa wa uli yeeyo,shivanyalakhu taawe.Muundu anyalakhu khwambukha khurhula wa uli yeeyo khwiitsa khulucherekha wa khuli yinu.²⁷Muhiinda mweene wooyo yavoola, "taata Abrahamu, nuyaansa khandumire Latsaro ²⁸shichira ndi na vamwaavo vaanje varhanu . Lekha atsi mu vaandu vi insu ya taata waanje khuvachelihitsa, khu valivula khwiitsa havuundu ha nyakhanilaanga hanu.²⁹Navutswa Abrahamu yavoola,"Vamwaavo voovo vali na Malako ka Musa na khaandi na mahaandiko ka Vaporofeti;Lekha vahulikhitse sha kavoolaanga. ³⁰"Yaavoola "Taata Abrahamu, shikali ndyonio taawe; navutswa niiva muundu mulala ,anyala khutsya khuvo, niyisimukuhitswe khurhula mu liikhutsa, valatuukha khwiikanira khurhula mu vwooni vwaavo. ³¹Abrahamu yamuvoolera,"Niiva varhamwa khuhulikhitsa Malako ka Musa na Mahaandiko ka Vaporofeti, valiitsa khuvula khusuuvira khali niiva muundu anyala khwiisimukukha khurhula mu likhutsa,"

¹Yeesu yavoolera veechitswi veeve, viindu vichiraanga vaandu nivakhoola vwooni vili hiimbi khwiikhorekha; navutswa muundu uchiraanga viindu vyeene yeevo nivikholekha, ali khuvutiinyu muno! ²Vwakhaveere vulahi muundu khuli mweene wooyo, khusuungwa lichiina likali khuli lyu khusyierakhu mwiing'orhi mweemwe, nu khusuuvwa mu inyaansa, khuvirha khuchira mulala khu vatiititi yava khukwa mu vwooni.³Khu lwa yako muvee vacheeri khuloondekhaana khu ka mukholaanga ! Niiva musuuviri washyionyo alava na khooli vwooni, mumukoondekhere, khaandi niiva alikanirha, mumusaamihe. ⁴Niiva alakhukholera vwooni khali saba khulitukhu lilala, na vuli lwoosi lwa yiitsaaanga khu munye navoola, mali kwiikanira, khutukha mumusaamihe."⁵Varhumwa vavoolera Mwaami, "Khukhonye khuve ni lisuuvira li tsingulu!" ⁶Mwaami yarheevulira, "Niiva munyala khuva ni lisuuvira li tsingulu khuli lukuutsa lutiititi muno khuli lwi lisavaakhwa, mwakhavooleere musaala kusaasaanga mukhuyu yuku, "Rhiinyukha ni miiri, wirhaache mu nyaansa! khaandi kwahiyaamire makhuuva keenyu."⁷"Niiva mulala khumunye anyala khuva nu muhiinsiri wu mumulimi, anoho wayitsaanga makoondi.Lwa yitsaanga na rhula mu mulimi, mumuvooleraanga haamba vwaangu wikhale hasi ha shiivwa khulia shyukhulya? ⁸Shikaveetsa ndyo taawe! Nikhali , shumulamuvoolera "Khuloomere shyukhulya shya halukoloova, na wiifwaare inguvu yu khuhiinsirira nu tekhaanga, ma khaandi ulakhukavulira khulii nu khung'wa; ma nukhwaakhamala khulya, unyala khulya shyoshyo?⁹Ndeeva ndi amanya asaanditsa muyiitsiri weewe shichira ukholi kayavoolerwa akhole? ¹⁰Khu lwa yako nindyo khaandi kali khu munye. Lwa muveetsaanga nu mumwakhamala khukhoola koosi ka mwavoolerwa mukhole, vooli, "Khutse khuli vutswa varhumikhi, khukholi vutswa kakhweenyekhanaanga khukhole."¹¹Na yaka kiikhoolekha lwa Yeesu yali nali khu lucheendo lwee natsiitsaanga Yerhusalemu, yaloonda khumpaka khuli hakari ha Samara na Galilaya. ¹²Lwa yali niyiinjilaanga mumuchitsi kuundi, yaakaana na vaandu likhomi vali ni valwaala vuchele; na vali ni vasiinjire ihale weene khurhula khuye, ¹³na ni valaanjilira ;"Yeesu Murhuchi! Khuveere tsimbavasi.!"¹⁴Lwa Yeesu yaloola vaandu veene yavo, yavavoolera , "Rhaanji mutsi khu vasaalisi vamukoole."Lwa vali nivatsiitsaanga vakholwa khuva vanihitswe . ¹⁵Lwa mulala khuvo yaloola uhonyiinywe, yakalukha ni yitsoominyaanga Nyasaaye, na laanjilira nu mwooyo mukali. ¹⁶Yiitsa nu khusikama ha vileenje vya Yeesu, nu khumusaanditsa.Muundu mweene wooyo yali Musamaria.¹⁷Yeesu yarheeva, "Shyu muveere vaandu likhomi lwa murhumi mutsii khwimanyinya khu vasaalisi, ma mulahoona? Vaandi tisa valeehe? ¹⁸Shichira shiina muundu mucheeni wuuyu, naye ukalukhee woonyene khusaanditsa Nyasaaye? ¹⁹Khu lwayako , Yeesu ya muvoolera "Siinjira utsi; liisuuvira lyolyo liimali khukhuhoonyinya."²⁰Valala khu Vafarisayo varheeva Yeesu lwu Vwaami vwa Nyasaaye vuliitsa khwitsa.Yeesu yavarheevulira, "Vwaami vwa Nyasaaye ,shuvuliitsa khwitsa munjira ya mwiitsa muloole ni tsimoni tyseenyu nu vwiitsaanga. ²¹Shyukhulikhuho muundu wiitsa avoole "Loola vuli haanu! anoho Loola vuli yeeyo! shichira vwaami vwa Nyasaaye vuli mu munye."²²Kulwayako Yeesu yavavoolera veechitswi veeve, "Matukhu kaliitsa khwiitsa lwa mwiitsa mweenye khuloola litukhu lilala khu matukhu ku Mwaana wu Muundu, navutswa mwiitsa muvule khuliloola. ²³vaandu viitsa vaveho , viitsa vamuvoolere, "Looli,yeeyo! anoho Looli haanu! Navutswa mukhatsiyo, anoho mukhavaloondiyo. ²⁴Khuli luheeni luhemukhaanga mumalesi nu khwakhitsa vulavu khurhula luveka lulala khutukha luundi, ni ndyo haandi Mwaana wu Muundu nave khulitukhu lyeelye.²⁵Navutswa khurhaanga , Mwaana wu Muundu yiitsa anyakhaane vululu muno, nu khwaambakhanwa na vaandu vilikhula lya matukhu kanu. ²⁶Khuli lwa kikhoolekha mu matukhu ka Nuhu, ni ndyo khaandi kiitsa kikhoolekhe mu matukhu ku Mwaana wu Muundu. ²⁷Vaandu vatsitsachiirira khulya nu khung'wa; vaandu vasaatsa na vakhali ni vahirhana, khutukha khu litukhu lyu khumalilikha lwa Nuhu yiinjila mulyarho.Maatsi ki michelera kiitsa manyiikhi ni kamulula vaandu voosi.²⁸Khaandi ni ndyo kikhoolekha mu matukhu kali ka Looti.Vaandu voosi vatsitsachiirira khulya nu khung'wa; ni vakuula nu khukulanyinya,khaandi ni varhaaka nu khuumbakha. ²⁹Navutswa lwi litukhu lwa Looti yarhula mu litaala lya Sodomu, muliro na salufa vyarhoonya khurhula mwiikulu, ni viirha vaandu voosi.³⁰Nindyo khaandi kaliitsa khwikholekha khu liitukhu lyu Mwaaan wu Muundu aliitsa khumanyinywa. ³¹"Khulitukhu lyeeneyero, muundu uli ikuulu khushiseksese shiinsu akhiikha khutsya khwinjira muunsu khuvukula viindu vyeevye, munjira indala ntsere , muundu uli mu muliimi akhakalukhakhu muunsu.³²Mwiitsukhitse kikhoolekha khu mukhali wa Looti! ³³Muundu woosi uchelitsaanga khuhonyinya vulamu vweevwe, aliitsa khuvukorhitsa; navutswa muundu ukorhiitsaanga vulamu vweevwe, aliitsa khuvuhonyinya.³⁴Kilikali muvoolera, muvutukhu vweene yovo, khulitsa khuva na vaandu vaviri ni vakoni khu shitali shilala; mulala aliitsa khuvukulwa, na wuundi alarhikwa inyuma. ³⁵Khuliitsa khuva na vakhali vaviri muluchina vasyeetsaanga vyaakhulya halalala; mulala aliitsa khuvukulwa, na wuundi yivalwe inyuma. ³⁶Vaandu vaviri viitsa vave ni vahiinsilaanga mu mulimi; mulala aliitsa khuvukulwa, na wuundi yivalwe inyuma."³⁷Khulwa yako veechitswi veeve vamanya vamurheeva,"Mwaami ni heena?" Yeesu yavarheevulira, "Havuundu hoosi hu mmbiri ku khutsi kuli, manyonyi ki tsiinditso kivuncheritsa havundu heene yaho."

¹Yeesu yavavoolera veechitswi veeve lukanu yuulu, khu veechitsa ndi shya khasee khoosi khutuukha vasaale vuchira khukhutsa mwooyo, ²Yavoola, Muli taala liindi, khwalimu nu mukhalachi wali niyambakhana khurhia Nyasaaye anoho khuha vaandu luyali.³khaandi khwaliho nu mukhutsakhali mulitaala lyeene yero, wali ni yamenya natsitsaanga khuye khumurheeva na yaansa amukhonye "Kholeera vwatooto khu vatsiku vaanje." ⁴Mukhalachi mweene wooyo yambakhana khumukhonya khu matuukhu manyiikhi; navutswa lukhumalilikha yirheeva mweene, "Khali niiva shindarhia Nyasaaye anoho shimbeetsaanga vaandu luyali taawe, ⁵nikhali, shichira mukhutsakhali wuuyu, unyakhitsaanga, ntsitsaanga khumukholera vwatooto khu vatsiku veeve.Niiva shinyala khumukholera ndyo taawe, alasinya shichira khutsitsachiirira khwiitsa khweekhwe!"⁶Nalwo lu Mwaami yavoola, "Hulikhitsi khuli mukhalachi mutaamaanu mweene wooyo yavoola." ⁷Nyasaaye sha liitsa khukholera vaandu veeve vayarhoovola vwatooto niivali yavo vamuliliraanga mmbasu nu vutukhu? Shalavukula luhoono khuvakhonya! ⁸Muvooleraanga, aliitsa khuvakholera katooto khaandi alakhola vwaangu.Navutswa lu Mwaana wu Muundu aliitsa khwiitsa,kanyala khuva ni kilikali aliitsa khunyoola vaandu khu lirova nivali ni lisuuvira?⁹Yeesu yavoola lukanu yulu khaandi khu vaandu valala, vikhola kholitsaanga khuva valuunji nu khuchaya vaandi. ¹⁰Litukhu lilala vaandu vaviri vasimukha ni vatsya mu Liteembeeri khusaala: mulala khuvo yali Mufarisayo, na wuundi musololi wu vushuru.¹¹"Mufarisayo yasinjila haluveka na saala, "Nyasaaye khu saandinsaanga shichira shindi kuhli vaaandu ----vuvung'aang'a , vambakhanaanga khukhoola katooto, vaveehi, anoho khuli musoleri wu vushuru wuuyu taawe. ¹²Mboonga vuchira khulya shyukhulya hali khaviri khulisiitsa;khaandi khuheetsaanga shitieri shi likhomi khurhula khu viindu vyoosi vyanyoolaanga khu mirhuungo chyaanje."¹³"Navutswa musolori wu vushuru yasiinjira ihale, niyambakhana khuheensa mwikulu, navutswa yatuuya, khu shiliirhu shyeeshye nu khuvoola, "Nyasaaye umbeere tsimbavasi shichira ndi muundu mwooni ¹⁴Muvoolera ndi musololi wu vushuru yakalukha ingo weewe, nakhoolerwe khuva wi likhoola lyu vuluunji khuvirha Mufarisayo wooyo; shichira muundu wikalihitsaanga mweene khuvirha vaandi, aliitsa khucheehitswa, navutswa muundu wicheehitsaanga mweene, aliitsa khukalihitswa."¹⁵Vaandu valala valeerha vaana vatiititi vavo khu Yeesu avavikhilekhu makhono keeke.Veechitswi veeve vavavoolera nu khuvakoondekhera khu khoola ndyo. ¹⁶navutswa Yeesu yalaanga vaana veene vyavo khwiitsa khuye, naavoola ,"Leekhi vaana vatiititi viitse kwiinse, khaandi muvule khuvakaya, shichira vwaami vwa Nyasaaye ni vwa vaandu khuli yava. ¹⁷Muvooleraanga kilikali ndi muundu wiitsa khuvula khunyoola vwaami vwa Nyasaaye khuli mwaana mutiititi, aliitsa khuvula khwiinjilamu!¹⁸Mwimilili mulala muyahuti yarheeva Yeesu,"Mweechitsi mulahi, ni shiina shyanyala khukhoola, khu nduukhe khunyoola vulamu vwu mihika ni mihika?" ¹⁹Khu lwayako Yeesu yamurheevulira,"Shichira shiina unangaanga mulahi?Muundu avulakhuho mulahi nakhali ni Nyasaaye woonyene. ²⁰Waamanya malako yaka, "Ukhiirha mba, ukhiiva mba, ukhachikhirha vaandi ta, khaandi uhee taata woowo na mmama woowo luyali." ²¹Muundu mweene wooyo yamurheevulira, "Ndaloonda malako yaka koosi khurhula ni ndi muvukha."²²Lwa Yeesu yahulira yako, yamuvoolera, "Ushili ni shiindu shilara sha wenyekhaanga ukhole.Ukulitse viindu vyuli navyo vyoosi, ukavile vamanani tsiseenti tsyeenetso; na ulava ni livikhiro mwikulu; ma wiitse unoonde." ²³Navutswa lwa muundu mweene wooyo yahulira ndyo, yaveerera muno, shichira yali nu vuhiinda vunyiikhi.²⁴Lwa Yeesu yamuloora na veerere, yavoola, "Nu vutiinyu muno vaandu vahiinda kwiinjira mu vwaami vwa Nyasaaye! ²⁵Nu vutoorho muno khu ingamia khwiinjira mu induhu yiisindani, khuvirha muundu muhiinda khwiinjra mu Vwaami Vwa Nyasaaye."²⁶Yaavo vamuhulira navoola ndyo varheeva, "Khu nu wiina unyala khuhonyinywa?" ²⁷Yeesu yavarheevulirha, " Ka muundu akhanyalitsa khukhola, koosi kanyalikha khu Nyasaaye."²⁸Navutswa Petero yavoola, "Loola, khwamala khuleekha tsiinsu tsyeerhu na vyoosi , nu khukhuloonda." ²⁹Yeesu yamuvoolera ,"Muvooleraanga katooto ndi woosi walekha insu yeeye anoho mukhali weewe anoho vamwaavo veeve anoho taata weewe anoho mmama weewe, anoho vaana veeve, shichira vwaami vwa Nyasaaye, ³⁰aliitsa khunyoola viindu vinyiikhi muno mu matukhu kanu,khaandi mu matukhu kaliitsa khuvaaho vulamu vwi mihika ni mihika."³¹Yeesu yavalerha halala veechitswi veeve likhomi na vaviri, navahira haluveka, nu khuvavoolera , "Heensi, khutikuulukhaanga khutsya Yerhusalemi, khaandi vuli shiindu shyoosi shahaandiikwa na vaporofeti khuloondekhana khu Mwaana wu Muundu, shiliitsa khurhwekhitswa. ³²Na haanwe khu vaandu vi tsyimbya tsiindi. Valiitsa khumukhoolera shiheenyeheenye, nivamunyeeke nu khumusutsirha maree. ³³Viitsa vamushute ni shivoko nu khumwiirha, navutswa matukhu kavaka nikakhavirha, yiitsa yisimukukhitswe khurhula mu likhutsa."³⁴Navutswa veechitswi veeve, shivalihu nilimanyikhitsa shiindu shyoosi khuloondekhana khuviindu vyeene yevo taawe.Vaviswa shivune shya makhuuva keene yako; khaandi vakorhwa khumanya ka Yeesu yali na lomolomaanga khu loondekhanakhu.³⁵Lwa Yeesu yali nali hiimbi khutuukha mu litaala lya Yerhicho, muundu muvekhu yali niyikhaale khundulu khu muhaanda sava savaanga. ³⁶Lwa muundu mweene wooyo yahulira shituma shya vaandu ni vavirhaanga, yarheeva shyali ni shikholekhaanga. ³⁷Na yavoolerwa, "Yeesu wa Natsareti avirhaanga haanu."³⁸Khulwayako muundu muvekhu wooyo yarhaanga khulanjilira, "Yeesu! Mwaana wa Dauti! Mbela tsimbavasi!" ³⁹Navutswa vaandu voosi, vali imbeli vamukondekhera, nivamuvoolera ashiring'ane; navutswa yatsilirhira khulanjilirha ikulu muno, nu khuvoola, "Mwaana wa Dauti! Mbela tsimbavasi!"⁴⁰Yeesu yasiinjira nu khuvoola, vamulerere muundu mweene wooyo; navutswa lwa yisuunda hiimbi, Yeesu yamurheeva, ⁴¹"Ni shiina shya weenya khukholere?'Naye yamurhevulira, "Mwaami, ndeenya tsimoni tsyaanje tsiloore khaandi."⁴²Yeesu yamuvoolera, "Loola! Lisuuvira lyolyo limali khukhuhonyinya." ⁴³Muundu mweene wooyo yaloola vwaangu;naloonda Yeesu, nukhusaanditsa Nyasaaye.Lwa shituma shya vaandu valoola ndyo, voosi vitsoominya Nyasaaye.

¹Yeesu yinjira mu litaala lya Yerhiko, khaandi yali nakhalakanyinyaanga mulyo. ²khwaliho muundu walangwaangwa Tsakayo; yali musololi mukali wu vushurhu khaandi yali muundu muhiinda.³Yeenya khumanya Yeesu nu wiina;navutswa na rhamirwa, shichira shituma shya vaandu ,khaandi yali muundu mwiimbi muno. ⁴Tsakayo yirukhaka natsya imberi wi shituma shya vaandu, na niina khumusaala ku mukhuyu aloore Yeesu, wali navirhiraanga khunjira yeene yeyo.⁵Yeesu lwayatukha haweene yaho, yaheensa ikulu, namuvoolera "Tsakayo, yikha hasi vwaangu , shichira nuunundi ntsitsaanga khukhucheniha muunsu mwoomwo." ⁶Tsakayo yamanya ni yikha hasi vwaangu,niyinjilitsa Yeesu muunsu iweewe nali nu vusaangali. ⁷Lwa vaandu valoola yaka,varhaanga khung'ung'una nu khuvoola "Muundu wuyu atsire ndina khucheniha muunsu yu muundu mwooni!⁸Navutswa Tsakayo yasinjira navoolera Mwaami, "Hulikhitsi! Ntsitsaanga khuhaana yinusu yi miandu chyaanje khu vaandu vamanani; khaandi niiva ndayivirhakhu muundu shiindu shyoosi, ntsitsaanga khumuruunga hali khaane mu vunyiikhi." ⁹Yeesu yavoolera Tsakayo,"Nuunundi yiwe halala na vaandu vi insu yooyo mumali khuhonyinywa, shchira khali yiwe mweene ni mwitsukhulu wa Abrhahamu. ¹⁰Khu lwayoko, Mwaana wu Muundu yiitsa khukhaava nu khuhonyinya vaandu vakorha."¹¹Lwa vaandu vali vashihulikhitsaaanga makhuuva keene yako, Yeesu yatsililira khulomoloma nu khuvavoolera lukanu.Na yali nali hiimbi khutuukha Yerhusalemi,na vaandu ni vakakana ndi Vwaami vwa Nyasaaye vulitsa khuhiimbi yukhu khulolekha vwaangu. ¹²Khu lwa yako, Yeesu yavavoolera ,"Litukhu liindi, muundu mulala khurhula mu insu yu vwaami, yasimukha natsya mu shivala wa yamanya ni yamihitswa, ma khaandi alikalukha.¹³Lwa yali nashiri khusimukha yalaanga vahinsiri veeve likhomi, navakavila sha mulala isenti yi itsahabu nu khuvavoolera, "Mutsi khushiranyinya nu khuloomba vukhala mu tsisenti yitsi khutuukha lwa ndikalukha. ¹⁴"Navutswa vaandu vu mushivala shyeeshye vamwambakhana, khali ni varhuma vaandu inyuma weewe vavoole,"Khwambakhane muundu wooyo khuva mwaami weerhu." ¹⁵"Muundu mweene wooyo yamihitswa nava Mwaami, khaandi nakalukha.Yavoolera vahiinsri veeve khwiitsa khulolekha imberi weewe, khweenya khu manya vukhala vwa vali ni valoomba .¹⁶Muhinsirhi wu khurhaanga yiitsa na sinjira imberi weewe na voola, "Mwaami khurhula khu shivuumba shyoshyo shi tsisenti tsya waamba ndaloomba vukhala vwi tsisenti likhomi. ¹⁷Mwaami yavoolera muhinsiri mweene woyo, "Uli muhinsiri mulahi,shichira uveere musuuvirwa khu matiititi,ulava musinjiliri wa mataala makali likhomi."¹⁸Muhinsiri wa khaviri yiitsa imberi wewe, navoola, "Mwaami tsisenti tsyawamba, ndaloomberakhu vukhala vwi tsindi tsirhaanu." ¹⁹Mwaami yamurheevulira, "Yiwe ulasinjilira mataala makali karhaanu."²⁰Muhiinsiri wuundi yiitsa imberi weewe, navoola, "Mwaami isenti yooyo nayo yiyi.Ndachivisa mu shirhaka shi inguvu, ²¹Inse ndakhurhia, shichira uli muundu mutiinyu litiiva.Uvukulaanga viindu vya yiwe mweene ukhamanyi khuli vyanyoolekha, khaandi ucheesaanga ha wakharhaakakhu.²²Mwaami yavoolera muhisiri mweene wooyo, "Khurhula khu makhuuva ku munwa kwokwo ndakhukhalachira, yiwee muhinsri mutaamaanu. Wamanya ndi mutiinyu, uvukulaanga hayakhaviikha khaandi ucheesaanga ha ndavula khurhaaka. ²³khu lwayako, shyuwakhavikhi tsirhubya tsyaanje muunsu yukhushiranyinya, ndatsinyoola halala nu vukhala lwa ngalukha?²⁴Mwaami yavoolera yavo vali nivasiinjireho, "Munuuli shivuumba yesho na mumuhee wooyo wi vivuumba likhomi. ²⁵Navutswa navo vavoola, "Mwaami ali khale ni vivumba likhomi."²⁶Muvooleraanga "Muundu uli ni shiindu shitiititi aliitsa khu heelwa vinyiikhi; navutswa muundu uvula shiindu shyoosi, khali shali nashyo shitiititi aliitsa khunuulwa. ²⁷Navutswa khuvatsiku vaanje , vavula khweenya mbimirire nu khuvamiha, valerhi virhwee imberi waanje."²⁸Lwa Yeesu yali namali khuvoola ndyo, yavimirira khutikuluukha khutsya mu Yerhusalemi.²⁹Lwa yatuukha hiimbi mu mataala ka Betsefaage na Betsaania, ha shikuulu shya Misayituni, yarhuma veechitswi veeve vaviri, ³⁰naavoola, "Tsii mumuchitsi kuli imbeeri weenyu yooko; lwa muva nu mwiinjiramu, mulanyoola shimooli shi isukhirhi shya muundu ashili khuninakhu taawe, mushivoholore nu khunderera. ³¹Niiva muundu woosi almurheeva, shina shichiraanga nu mushivoholola? Mumu voolere ndi, "Mwaami ashyeenyaanga."³²Khulwa yako , veechitswi vaviri varhumwa yavo, vatsya , nivanyoola vuli shiindu khuli Yeesu yali navavoolere. ³³Lwa vali nivavohololaanga shimooli shi isukhirhi, veene vavarheeva, :Shichira shiina muvohololaanga mwaana wi isukhiri? ³⁴Nivavavoolerea, "Mwaami ashyeenyaanga." ³⁵Valeerhela Yeesu, na nivasyiuvakhu tsinguuvu tysaavo khu mwaana wi isukhiri(Mwaana wi ipuunda) ni va muninyinyakhu Yeesu, ³⁶Lwa Yeesu yali ni yakhaninakhu, vaandu vaala tsinguuvu tsyaavo khu muhaanda.³⁷Lwa Yeesu yali ni yakhiikha khurhula khu shikulu shya Misayituni, shituma shikali shya veechitswi veeve voosi, varhaanga khusaanditsa Nyasaaye; khaandi khumwitsoominya nu mwooyo mukali, shichira viindu vyu khucheenyinya vya vali ni valoori; ³⁸nivavoola"Yakaasitswa Mwaami witsaanga mu Liirha lyu Mwaami, mireembe mulikulu,khaandi vukhumi mwiikulu likali!"³⁹Valala khu Vafarisayo vali ni vali mumukaanda vamuvoolera Yeesu,"Mweechitsi, koondekhera veechitswi voovo vashiring'ane" ⁴⁰Navutswa Yeesu yavarheevulira, "Muvoolera ndi niiva valashiring'ana, machina yaka kalaraanga khuliira."⁴¹Lwa yali nali hiimbi khutuukha mu litaala likali lya Yerhusalemi, yalilira litaala likali lyeene yelo, ⁴²navoola, "ndikoomba mulava nu mumanyi nuunundi viindu vileraanga mireembe! Navutswa nuunundi mwaviswa viindu vyeene yevo.⁴³Matukhu kiitsaanga lwa vatsiku veenyu valiitsa khumukhung'ana nu lukaka, khaandi khumuseera khurhulira mu tsimbeka tsyoosi. ⁴⁴Vallitsa khubomola litaala likali lya Yerhusalemi, nu khwiirha vaandu vamenyamu.Livulakhuho lichina liliitsa khurhikala ni lichelekhe khu liindi, shichira mwayambakhana khumanya yinyiinga ya Nyasaaye yiitsa na muhonyinya."⁴⁵Yeesu yiinjira muliteemberi, narhaaanga khukhuunga vaandu vakulaanga viindu nu khukulitsira muweene yomo; ⁴⁶navavoolera, "Kahaandiikwa mu Mahaandiko Matakatifu ndi Nyasaaye yavoola,"Liteemberi lyaanje lilalaangwa insu yi lisaala, navutswa mulikholi khuva luhaangaywa lwa vanuuli!"⁴⁷Vuli litukhu lwa Yeesu yechitsaanga mu Liteemberi,vasaalisi vakhongo, na vang'oti na vimiriri va vaandu, vakhaavaanga khuli vanyala khumwiirha. ⁴⁸navutswa shivanyoolakhu injira yu khumwiirha taawe, shichira vaandu voosi vatsilirila khumuhulikhitsa.

¹Litukhu liindi, lwa Yeesu yali nali mu lwaanyi lwi Liteembeeri, niyechitsaanga vaandu khaandi niyirwatsaanga Ivaanjeeri, vasaalisi vakali na veechitsi va malako, halala na vasakhulu, vatuukhaho ²nivamurheeva,"Khuvoolere, nu vunyali shiina vuli navwo vuchiraanga nukhola viindu yivi? Nu wiina wakhuha vunyali yuvu?"³Yeesu yavarheevulira,"Lekhi nuunundi murheeve lirheeva lilala; mboliri, ⁴vunyali vwa Yohaana khupatisa vwarhula khu Nyasaaye anoho khu vaandu?"⁵Varhaanga khurheevana veene khu veene, nivavoola, "Ni shiina shya khunyala khuvoola? Niiva khunyala khuvoola, :Khurhula khu Nyasaaye, alarheeva, "Shichira shiina numuvula khusuuvira Yohaana? ⁶Navutswa niiva khulavoola,"khurhula khu vaandu , vaandu voosi valakhulasa na machina:shivune vali ni lisuuviritswa ndi Yohaana yali moporofeti."⁷Khulwa yako, vamurheevulira, shyukhumanyi wa vwarhula mba. ⁸Yeesu yavavoolera,"Khaandi yinse shindamuvoolera nu vunyali shiina vuchiraanga ni khola viindu yivi taawe."⁹Yeesu yavoolera vaandu lukanu yulu: "Litukhu liindi, khwaliho nu muundu wali niyarhaaka misapipu mu mulimi kweekwe,nu khulekhera valimi vi ikandarasi, ma natsya mu lucheendo khu matukhu manyiikhi. ¹⁰Lwa matukhu ku khucheesa matunda ki misapipu katukha, yarhuma murhumikhi khu valimi vi ikandarasi yavo vamuheekhu matunda ku mulimi kweekwee.Navutswa vakandarasi vamuhula nu khumukhuunga mweere.¹¹Khaand yamanya arhuume murhumikhi wuundi:Khaandi ni vamuhuula nu khumukholera viindu vi tsisoni nu khumukhuunga mweere. ¹²Khaandi na rhuma ukhola khavaka. vamanya vamusalilitse murhumikhi mweene woyo, khaandi nu khumusyuiva ilwaanyi.¹³Mweene ulimi kwi misapipu yirheeva, "Ni shiina sha nyala khukhola?Ntsitsaanga khurhuma mwaana wanje wa ndayaansa: hawundi vanyala khumuhulihitsa nu khumuha luyali lwa vamuloola. ¹⁴Navutswa lwa vakandarasi yavo vamuloola, varheevana veene khu veene,"Wuuyu naye mwaana wa mweene mulimi, cheendi khumwiirhe, khu myaandu chyeechye chiliva chyeerhu!"¹⁵Khu lwayako vamukhuunga khurhula mumulimi kwi misapipu, vamusyuva ilwanyi nu khumwiirha. Mukanakana ni shiina shyu mweene mulimi kwi misapipu anyala khuvakhoola ? ¹⁶Aliitsa khu viirha vakandarasi yavo nu khuhaana mulimi kwi misapipu khu vakandarasi vaandi.Lwavahulira ndyo, vavoola,"Kakhikhoolekha ndyo mba.!"¹⁷Navutswa Yeesu yavaheensa nu khuvarheeva, "Maandiko Matakatifu yaka kavoola shiina?"Lichina lya vuumbakhi vambakhana livula vukhoonyi lianyoolekha khuva lyu mubeka yu mungotioli khuvirha machina kaandi koosi. ¹⁸Vuli muundu woosi ukwa khulichina yeero, alamunikha nu khukwa vitonye, na woyo wa lichina yeero limukwiirha, liramusya khukwa vuvungulukhu.'"¹⁹Veechitsi va Malako na vasaalisi vakali, vacheelitsa khukumirha Yeesu haweene yaho vwaangu, shichira vali vamanyi ndi avooli lukanu lweene yolo khuvanyeka; navutswa ni varhya vaandu. ²⁰Khu lwa yako, vakhaava vwiiyaangu vu khumunyoola.Vamurhumirha varhunikhitsi nu khumucheelitsa na marheeva, khu vamunyoore mu makhuuva keeke vivune vyu khumukumira, khu vamuyale khu vimiliri na vitsingulu tsya Gavana wa Varhoma.²¹Vamurheeva Yeesu, "Mweechitsi, khuumanyi uvoola nu khweechitsa vulahi khaandi shurhiitsakhu muundu woosi woosi navutswa weechitsa katooto khulondekhana khu lyeenya lya Nyasaaye ali nalyo khu vaandu. ²²Khuvoolere, kali muluunji khu malako keerhu khukhutse khuhaana vushuru khu Mwaami Kaisarhi, anoho ahwa?"²³Navutswa Yeesu yamanya vupere vwaavo, navarheeva, ²⁴"Manyinyikhu ling'ondo li idenarhi.Ni likoondo ni liirha lya wiina vilikhu?" Na voosi vayeerhitsa, "Kaisarhi!"²⁵Naye yavavoolerha,"Muhaane khu Kaisarhi viindu virhi vya Kaisarhi, khaandi khu Nyasaaye viindu vya Nyasaaye". ²⁶Varhamwa khumukumirha nali mu vaandu voosi ni valiho, khuloondekhana khu ka yali na vooli; navutswa vacheenyinywa na marheevuli ka yavaha, ni vashiring'ana.²⁷Valal khu Vasadukayo, vavoolaanga ndi lisimukukha lya vaandu vakhutsa khurhula mu likhutsa livulaho, viitsa khuye, ²⁸nivamurheeva, "Mwechitsi, Musa yakhung'otera liilako, niiva amwaavo wu muundu yakhutsa nu khulekha mukhali, na vutswa vuchira vaana; amwaavo weewe aliitsa khuhila mukhutsakhali mweene wooyo nu khutsitsachiritsa lwiivulu lwa amwaavo weewe.²⁹Khwaliho na vamwaavo saba:Wu khurhaanga nahira mukhali, nakhutsa vuchira khwivulakhu naye mwaana woosi, ³⁰khaandi wa khaviri yahira mukhutsakhali mweene woyo; ³¹khaandi wa khavaka na hila mukhutsakhali mweene wooyo.Vamwaavo voosi saba, vakalukhitsaanga mukhali mweene wooyo,navo nivakhutsa vuchira khwiivulakhu vaana. ³²Mulimala mukhali mweene wooyo yakhutsa. ³³Khulwayako, khu litukhu lya vaandu viitsa khwiisimukukha, mukhali wuuyu aliitsa khuva wa wiina? Shichira vamwaavo voosi saba vamulerhaanga khuva mukhali waavo."³⁴Yeesu yavarheevulira,Vaandu vasatsa na vakhali va matukhu kanu valeerhanaanga nu khutsya tsikhali. ³⁵Navutswa vaandu vatukhira khunyoola shivala yesho, khaandi lisimukukhaanga khurhula mu likhutsa mu matukhu kaliitsa khuvaho, shivalerhanaanga nu khutsya lukhali. ³⁶Khaandi shivakhutsa khaandi.Valiitsa khuva khuli tsingerosi.Ni vaana va Nyasaaye shichira vayisimukukhitswa khurhula mu likhutsa.³⁷Navutswa khu shisakha shyakhaanga muliro vuchila khuhwa, khali Musa yamanyinya ndi vaandu vakhutsa visimukukhaanga khurhula mulikhutsa; shichira alaangaanga Mwaami Nyasaaye, Nyasaaye wa Abrhahamu, Nyasaaye wa Isaka,khaandi Nyasaaye wa Yakobo. ³⁸Ni Nyasaaye wa yavo vali mwooyo navutswa shali wa vaandu vakhutsa taawe, shichira vaandu voosi vali mwooyo shichira ye."³⁹Valala khu veechitsi va Malako vavoola, "Mweechitsi uvooli lirheevuli lilahi." ⁴⁰Muundu avulakhuho wachelitsa khaandi khurheeva Yeesu marheeva kaandi.⁴¹Navutswa Yeesu yavarheeva,"Vanyala ndiina khuvoora Masiha aliitsa khuva mwitsukhulu wa Dauti? ⁴²Dauti mweene avoolaanga mu shitabu shi tsitsaburi,"Mwaami Nyasaaye yavoolera Mwaami waanje: Yikhala hanu khuluveka lyu mukhono kwaanje musaatsa ⁴³khutuukha lwa khukuurhira vatsiku voovo nu khuvavikha hasi hi vileenje vyovyo. ⁴⁴Dauti yamulaanga "Mwaami" Masiha khu anyala khuva ndina mwitsukhulu wa Dauti?'⁴⁵Lwa vaandu voosi vali ni vamuhulikhitsaanga, Yeesu yavoolera veechitswi veeve, ⁴⁶"Muve vacheri shichira veechitsi va Malako, vaayaansa khucheenda cheenda nivifwaari tsikaansa tsyaavo tsindaambi, nu khu sheeritsana mireembe chyu luyali khu shiirhu; khaandi virhovoleraanga visoko vya hiikulu mu Masinakoochi; na havuundu halahi khu shiivwa shya hikulu mu vucheni. ⁴⁷Navo vyiihooneraanga tsiinsu tsya vakhali vakhuunsakhali nu khu vanuula myaandu chaavo; khaandi khwimanyinya mu masaala kali marhaambi: navo valala veere vyiitsa vaherhwee likhalachirwa likali.

¹Yeesu yahhensa na loola vaandu varhuchi ni valakhulaanga vihaanwa vyavo mu livkhiro lyu muliteemberi. ²Yaloola mukhali mulalal mukhutsakhali mutakha nalakhulaanga vihera viviri mwivikhiro tsana. ³Yamanya na voola, muvoolera katooto mukhali mukhtsakhali mutakha wuuyu alakhulimu shihaanwa shivirhi vaandu voosi. ⁴Vaandu vaandi vahaani vihaanwa khurhulana khuvunyiikhi vwi viindu vyavali navyo khu Nyasaaye,Navutswa mukhali mukhutsakhali wuuyu mu vumanani vweewe,umali khuhaanashyoosi shyaveere nashyo, shiveere shimukhoonye mu limenya lyeelye.⁵Lwa valaala khu veechitswi va Yeesu vali valomolomaanga makhuuva khulondekhana khu Liteembeeri; khuli lyali khusitsahwa na machina kuvukulu nu vihaanwa vyavikhwamu khu Nyasaaye, Yeesu yavavoolera, ⁶viindu vyoosi khuli vya muloolaanga matukhu kaliitsa khutukha lwa lichina khali lilala shililiitsa khurhikala-khu mu makono kalio taawe;koosi kaliitsa khutong'olanyinywa nu khusyuvwa hasi."⁷Khulwa yako vamanya vamurheeve ,"Mweechitsi,ni liina lwa makhuuva ku uvoolaanga yaka kiitsa kiikholekhe?Ni shilolekhitso shiina shiitsa shimanyinye kali hiimbi khwikholekha?" ⁸Yeesu yavavoolera, Muve vacheeri, muvule khukaatwa nu muundu woosi,Vaandu vanyiikhi valiitsa khwiitsa khuvirhila mu liirha lyaanje, ni vavoola,"Niyinse Kristo! khaandi, Matukhu kamali khutuukha! Mukhavaloondi mba. ⁹Lwa muhurhira vulwaani ni limonya lwu vulwaani, mukhatecheri mba,viindu yivi vitukhana khurhaanga khuvirha navutswa matukhu kukhumalilikha kalava kashirhi khutukha hiimbi."¹⁰Yeesu yatsilirila khuvavoolera, Vival viliitsa khulwaana vivala viindi, khaandi vwaami vuliitsa khwiinjilira vwaami vuund ¹¹Shivala shiliitsa khutechera vutamaanu muno, insala iliitsa khuva khavuundu hoosi nu vulwaale khuliitsa khuva ni viindu vicheeni ; ni viindu vyu khutechelitsa ni viitsaanga khurhula mwiikulu.¹²Yaka ni kashiri khukholekha , valiitsa khuvachimira nu khuvataambitsa, khuvahirha khumuyaala mu masinakoki, nu khuvohwa muvuhaambe, valiitsa khuvayala imbeli wa vaamihi na Vagavana shichira liirha lyaanje. ¹³Na yuvu navwo vyiitsa vuve vwiiyaangu vweenyu vu khwirwaatas Ivaanjeeri.¹⁴Mwiirhulire mu myooyo cheenyu, muvule khuheenda mwooyo khu londekhana khu ka numuvoole khwiishiinga veene; ¹⁵shichira ntsiitsa khumuha makhuuva nu vusitsa,vwa khali mulala khu vatsiku veenyu, akhanyala khwambakhana anoho khu kalukhanyinya ka muvoolaanga khuva ku vuvehi taawe.¹⁶

¹Na litukhu lyali lili hiimbi khutukha lyu khulya mukati kwaloombwaanga Vuchira Mamera, kwalaangwaangwa lilya li Lipasaka. ²Vasaalisi vakali na veechitsi va Malako,vali ni vahimaanga khuli vanyala khumwiirha Yeesu; navutswa varhia vaandu.³Na shetaani yinjra mu Yuuda wa valaangaanga Isikarioti,nali mulala khu veechitswi vali likhomi na vaviri. ⁴Yuuda yasimukha nukhutsya khwichavana na vasaalisi vakali na vaandu vasinjiliraanga valiindi vi Liiteembeeri makhuuva khuli anyala khutsama Yeesu khuvo.⁵Vayaansitswa muno ni limoloma yeero nivahulikhitsana khumurhuunga tsisenti. ⁶Yuuda yavuchirira khukhola ndyo, akhaave vwyiiyaangu vukhumutsama navutswa hakhali mutsimoni tysi shituma sha vaandu khumanya kakholekhe.⁷Litukhu lyu khulya mikati chikhalimu na mamera, lwa vasinsaanga vimeeme vya makoondi khullya halala nu mikati cheeneyecho. ⁸Yeesu yarhuma pteek;Yeesu yarhuma Petero,na Yohaana na voola "Tsi murhechekhitse hakhuliira shyukhulya shyu mukati kwi Lipasaka khu khutukhe khuchilya. ⁹Navo vamurheeva , "Ni heena ha weenyaanga khutsi khwiirhechkhitsa?"¹⁰Yeesu yavarheevulira,"Lwa mweenya khuva numwinjiraanga mu litaala likali, mulaakaana nu muundu nachingi maatsi mu mutuunji. Muloondi muunsu yatsya khwiinjiramu. ¹¹Muvoolere mweene yiinsu,"Mweechitsi arheevaanga, Ni heena wakhuli ni insu ya vacheeni , ha inse na veechitswi vaanje khuliirhamu shyukhulya shi Lipasaka?"¹²Amanya amumanyinye vwiiyaangu vukali vwaasiitsirwa vacheeni muunsu ingali ikulu mu yikorofa, ha muloomba khuva hirheechekhe vulahi." ¹³Vasimukha ni vatsya, ni vanyoola viindu vyoosi vili khuli Yeesu yali navavoolere; ni valoomba vyukhulya vi Lipasaka khuva virheechekhe.¹⁴Lwa issa yali nimali khutuukha, Yeesu yikhala haasi na veechitswi veeve ha shiivwa [ha meesa ] khulya shyukhulya shi Lipasaka. ¹⁵Yamanya avavoolere,"Ndaava ni likoomba muno khulya shyukhulya shi Lipasaka yiri na munye nishiri khu saliritswa. ¹⁶Navutswa muvoolera ndi shindalya khu khaandi shyukhulya sha Lipasaka khutuukha karhweekhitswe mu vwaami vwa Nyasaaye.¹⁷Na Yeesu yavukula shikoombe shilimu ni idivai, na lwayali yakhasaanditsa, yavoola, "Vukuli yiishi, mukavulane veene khu veene. ¹⁸"Muvoolera ndi, shindang'waakhu khaandi idivai ya matuunda ku Musaabibu , Vwaami vwa Nyasaaye nu vushiri khwiitsa taawe."¹⁹[19 Yeesu yavukula shitonye shyu mukati, nu khusaanditsa Nyasaaye, na munakanyinya nu khuvaaha, navoola,"Yuku nakwo muviri kwaanje, kwa haanwa shichira munye, mukholeenge yaka khu lukhuntsitsukhitsa." ²⁰Mu yinjira indala nseere, lwa vali ni vakhalya shyukhulya shukhumala, Yeesu yavukula shikoombe shilimu ni idivai navoola, "Shikoombe shi idivai yiyi nashyo lilakano liihya lya Nyasaaye, lihambaanyinywa na masahi kaanje, kasundulwa shichira munye.]²¹Navutswa, "Looli, mukhono kwu muundu untsamaanga kuli haanu khuliitsaanga naye khu shiivwa yishi. ²²Mwaana wu Muundu atsitsaanga khukhutsa khuli Nyasaaye yalaka kalikhoolekha. Navutswa shivi muno khu wooyo utsitsaanga khumutsaama!" ²³Na veechitswi varhaanga khurheevana veene khu veene, nu wiina khuvo wali natsitsaanga khukhola ndyo.²⁴Khaandi veechitswi va Yeesu varhaanga khu haangalitsana veene khu veene, khu loondekhana khumanya nu wiina khuvo yali mukali muvo. ²⁵Yeesu yavavoolera,"Vaami va vaandu vi tsyimbya tsiindi, vali nu vunyali vunyiikhi khuvo, na khaandi yavo vali nu vunyali khuvo, vilaangaanga veene "Veene shivala".²⁶Navutswa munye shimutukhana khuva ndyo taawe.Nikhali uli mukali muno mumunye aliitsa khuva khuli mutiititi; khaandi mwimiriri ave naye murhumikhi. ²⁷Nu wiina uli mukali? Wooyo wikhalaanga khuheelwa shyukhulya khu shiivwa, anoho wooyo uteekhaanga nu khuhaana?Ka tooto shali avetsaanga wooyo wiikhalaanga nu khuheelwa shyukhulya khu shiivwa?Navutswa inse ndi mu munye khuli murhumikhi.²⁸Nu munye mwamenya niinse mu vutiinyu vwaanje vwoosi. ²⁹Lweene yulu mukavuliraakhu vwaami, khuli Taata waanje yangavulirakhu vwaami, ³⁰khu muliilya shyukhulya khaandi muliing'wa ha shiivwa shyaanje [ ha meesa haanje ] muvwaami vwaanje; khaandi muliikhala khu visoko vyu vwaami, nu khukhalachira tsyimbya likhomi na tsiviri tsya Israheli.³¹"Simioni, Simioni! Uheense, Shetaani umali khuvuchiliirwa khumuchelitsa munye voosi, khu mwavukhanyinya nu khu rhulitsamu vali valahi na vataamanu, khuli mulimi aseretsaanga inganu khu rhulitsamu mukhuutsi ³²Navutswa mali khu khusaalira uvule khuva ni lisuuvira liteteekhere, lwanuuve nu wa khakalukha khu yiinse, utinyinyiritse vasuuviri voshyoonyo mu lisuuvira.³³Petero yamuvoolera, "Mwaami ndirecheekhe khutsya halala niiwe , have muvuhaambe [mucheera ] anoho mwiikhutsa." ³⁴Yeesu yamuvoolera, "Khuvoolera Petero, Itaaywa nishiri khulakula nuunundi vutukhu, ulanyambakhana khali khavaka nu voola shumanyi mba."³⁵Yeesu yarheeva veechitswi veeve,"Lwa ndamurhuma khutsya mumatala vuchira shiveti shi tsisenti , musiiko khaandi ni vilaarho, khwalikhuho sha mwacheeherwa mu matukhu keene yako?"Navo varheevula, "Awah, shivula ." ³⁶Yeesu yavavoolera,"Navutswa khu lwa leero, wooyo uli ni shiveti shi tsiseenti anoho musiiko lekhi achiinge, Lekhi khaandi muundu uvula shivaavi leero akuulitse likoto lyeelye nu khukula shivaavi.³⁷Muvoolera ndi "Maahaandiko Matakatifu kavoolaanga khuyiinse khutuukha karhweekhitswe, "Ya saanga mulinyakhaana lya vaandu vataamaanu." ³⁸Na veechitswi veeve va voola, "Mwaami , heensa, khuli yahaa ni vivaavi viviri." Naye yavavoolera, " Lilomoloma yili lituukhi."³⁹Yeesu yaarhula mulitaala likali, natsya khu shikulu shya Misayituni khuli kwaali mwiima kweekwe ,na veechitswi veeve valoondekhana naaye. ⁴⁰Lwa vaatuukha khushikulu, Yeesu yavavoolera, "Musaale muvule khukwa mulicheeritswa."⁴¹Yeesu yiireeha haamberi hu vuraambi vwu lulaasa lichiina khurhula khuvo nasikama haasi nu khurhaanga khusaala, ⁴²navoola, "Taata , niiva ni vulaaliri vwoovwoo, ndulitsiraho shikoombe shilinyaakhana yiishi: na kakhava khu vulaaliri vwaanje taawe, navutswa leekha vulaaliri vwoovwo vukhoolekhe."⁴³Khu lwayako Ingerosi yalorekha khuye khurhula mwiikulu , ni mu tinyiiritsa khuva ni tsingulu. ⁴⁴Naali mu linyakhana linyiikhi ya saala luhoono likali na tsincheri tsyetsye tsyarhoonya khuli masahi karhoonya haasi khulirova.⁴⁵Lwa Yeesu yasiinjira khurhula mu lisaala, yakalukha khu veechitswi veeve, yavanyola ni vakonaanga tsindoolo , khurhulanu nu khuveerera ⁴⁶nava rheeva, "Shichira shiina mukonaanga tsindoolo? Vuukhi musaale, muvule khu kwa mu macheritso."⁴⁷Lwa Yeesu yali na shiloomolomaanga, heensa mukaanda kwa vaandu kwa tuukhaho, nu kwimilirirwaa na Yuuda , nali mulala khu veechitswi likhomi.Ni yiitsa imberi hiimbi khu Yeesu khumusheeritsa lyu khumutsuunsuna khuluseeya. ⁴⁸navutswa Yeesu yamurheeva, ""Yiive Yuuda , utsaama Mwaana Wu Muundu ni liitsuunsuna khuluseeya?"⁴⁹Lwa veechitswi va Yeesu valoola sheenya khuloondakhu, vamurheeva, "Mwaami khuvarheeme ni shivaavi?" ⁵⁰Na mulala khu veechitswi va Yeesu yakhalaka liirhoyi lyu khu mukhoono musaatsa lyu murhumikhi wu musaalisi mukali. ⁵¹Navutswa Yeesu yamuvoolera, "Leekha hatuukhi !" Nachiimira khu shirhooyi sheene yesho nu khumuhoonyinya.⁵²Yeesu yavoolera musaalisi mukali halala na vimirili va valiindi vi Liteembeeri, khaandi na vasakhulu vali niviitsi kkhumukumirha, "Shichira shiina muntsitsiira khuli ndi mwiivi nu mwiyavale vivaavi ni vikong'o? ⁵³Ndaava na munye khase khoosi vuli liitukhu muliteembeeri , shyu mwaantiirakhu muhono ta.Navutswa yiyi neyo inyiinga yeenyu yu khungumira, yu vunyali vwi shisuundi vwaamihaanga.⁵⁴Nalwo lwa va mukumirha Yeesu, nu khumuhira mu insu yu musaalisi mukali.Navutswa Petero yaloondakhu inyuma ihalekhu. ⁵⁵Lwa vali ni vakha haambitsa muliro hakari mu lwaanyi, ni viikhala khwiivuunjeritsa halala, Petero yiikhala hakari haavo.⁵⁶Mwaana mukhaana murhumihki muvo yamulolekhitsa Petero niyikhalaaga lwa lumemo lwaakha, namuumikha tsimoni tsye khuye , nukhuvoola, "Muundu wuuyu khaandi aveere naye." ⁵⁷Navutswa Petero yambakhana, navoola, "Mukhali yiwe inse mumanyi mba!" ⁵⁸Khu lwi inyiinga intiitiiti yali yakhavirha, muundu wuundi yamulaviilitsa Petero, nu khuvoola, "Yiwe khaandi uli mulala khuvo." Navutswa Petero yambakhana nu khu voola, "Musaatsa yinse shiindi mulala khuvo mba."⁵⁹Inyiinga yi isaa indala yakhavirha, muundu musaatsa wuundi yaluvirira nukhuvoola, "Tooto muundu wuuyu avere na Yeesu, khali lirheevula li limoloma lye limanyinya nu Mukalilaya." ⁶⁰Navutsw Petero yambakhana, "Yiiwe inse manyikhu kuvoolaanga taawe." Naho heeneyaho lwayali nashilomolomaanga, itaaywa yaalakula.⁶¹Mwaami yishevukha ha yali na heensa Petero, na Petero yitsukhitsa makhuuva ka Yeesu yali namuvolelenje ndi, "Itaaywa ni shili khulakula nuunundi uma uve nu nyambakhane khali khavaka." ⁶²Petero yamanya na rhula ilwaanyi na rhaanga khulila.⁶³Vaandu vali ni vamukumire Yeesu vamu khoolera shiheenyeheenye nu khumukhula . ⁶⁴Vamukhunikha tsiimoni nu khumuvoolera, "Khoola vu porofeti vu khukhuvoolera nu wiina ukhutuyi?" ⁶⁵Vamoloma makhuuva kaandi manyiikhi ku khumunyekanyinya.⁶⁶Lwa vwaasha nukushili mu mavweevwe, vasaakhulu va vaandu viivunjitsa khalala, vasaalisi vakhuluundu, na vang'ooti na veechitsi va Malako.Vamuvukula nu khumuhira imberi wii shikhaalo shavo, ⁶⁷ni vavoola, "Niiva yiwe naye Masiya [Kristo ], khuvorere." Navutswa yavavoolera, " Khali nimuvorera shu mulasuuvira mba, ⁶⁸na nimurheeva, shumulava ni liirheevuli lya mundevuliira mba.⁶⁹Navutswa khurhula nuunundi, Mwaana wu Muundu aliikhala haluveka lu khu mukhono muluunji ku vunyali vwa Nyasaye. ⁷⁰Na voosi vamurheeva, "Ka tooto, uli Mwaana wa Nyasaaye?" Yeesu yavavoorea, "Munye veene mu voolaanga niinse ye." ⁷¹Vamanya ni varheevana, "Khweenyera shiina vashahidi vaandi? Khutse veene khuhulire khurhula mu munwa kweekwe."

¹Vaandu vi shikhaalo shyoosi sha sinjira, ni vamuhiira Yeesu imbeeri wa Pilato. ²Varhaanga khumuyala ni vavoora, "Khunyooli muundu wuuyu na koyanyinyaanga vaandu vi shivala sheerhu, akaaya vaandu khurhuunga vushuru khu mwaami Kaisari, avoolaanga yee mweene ni Kristo, uli Mwaami'.³Pilato yamurheeva, na voola, "Yiive uli mwaami wa Vayahudi?" Yeesu yamurheevulira nu khuvoola,"Yiive uvoolaanga." ⁴Pilato yavoolera vasaalisi vakali ni shituma, "Yiinse ndolaakhu vutaamaanu vu muundu wuuyu ali navyo mba." ⁵Navutswa vatsyanyinya khuvoola,"Akoyanyinya vaandu, nu khweechitsa mu Yudeya mwoosi, khurhaanjila Galilaya khali na hanu."⁶Khu lwayako Pilato yahulira varhaala Igalilaya, yavarheeva niiva muundu wuuyu yali mugalilaya. ⁷Lwa yanyoola nu mukalilaya haasi hu vwaami vwa Herode, yavoora vahire Yeesu khu Herode, shichira khali yali niyiitsi mu Yerhusalemi inyiinga ya matukhu keeneyako.⁸Lwa Herode yamuloola Yeesu yali nu vuyaansi mbirhirira, shichira yali yayenya khumuloola matukhu manyikhi.Yali yahulira manyikhi khuloondekhana khu mihiinsi chyee na yenyaanga amuloolekhu nakhoola vilolekhitso. ⁹Herode yamurheeva Yeesu, viindu mu mang'ana manyiikhi, navutswa Yeesu shiyamurheevulirhakhu shiindu shyoosi mba. ¹⁰Vasaalis vakali na Vang'ooti vatsiririra khutiinyilitsa khumuyala.¹¹Herode nali halala na vasikali veeve vamuloola Yeesu khuli shiindu vutswa, nivmukholera shiheenyeheenye nu khumunyekanyinya. Vamufwaala inguvu yu vukuli vululu nu khumurhuma akalukhitswe khu Pilato. ¹²Khulitukhu lilara lyeeneyili Herode na Pilato vakwa valiina navutswa hanyuma halya vali vatsiku vavirhaana.¹³Pilato yalaanga halala vakali va vasaalisi na vimiriri khaandi nu mukaanda kwa vaandu ¹⁴nu khuvavoorera, " Muleerhi muundu wuuyu khu yiinse, nali khuli muundu ukorhitsa vaandu: khaandi , heensi, yinse murheevi nu murhunikhitse nali imberi weenyu, shinyoolikhu mataamaanu khuye khuloondekhana na kamumuyaliraanga.¹⁵Khali Herode avula vutaamaanu vwa anyoli na khooli, nashyo shivune shichira namukalukhitsa khu khutse, na heensi , khuvulakhuho shivune shitukhana khwiirhwa shyu muundu wuuyu yakhoola. ¹⁶Khu lwa yako ndahaana vutswa lilako ashuutwe vivoko nu khulakhulwa." ¹⁷Na inyiinga yu vucheeni vwi Lipsaka ,Pilato yali nu mwiima khuvoholora muvohwa mulala wa vayahudi venyaanga khurhula mu vuhaambe.¹⁸Navutswa voosi valaanjilira khulala nu khuvoola, "Mwiire! Mwiire! Khuvoholorere Parappa!" ¹⁹Parappa yali muundu muvoohwa muvuhaambe shichira khuhiinganyinya vamihi khaandi mwiiri wa vaandu.²⁰Pilato yachelitsa khulomoloma navo khaandi, nali ni lyeenya lyu khumulakhula Yeesu. ²¹Navutswa valanjilira, vavoolaanga, "Muvaambe, muvaambe." ²²Yavarheeva lwa khavaka, "Shichira shiina, nu vwooni shiina vwa muundu wuuyu ya khola ? Yinse shimunyolikhu nu vutaamaanu vutuukhana yee khwiirwa taawe. Khulwa yako namali shivoho shukhushutwa viviko ndamuvoholara."²³Navutswa vanichiritsa lyeenya lyaavo nu khulanjilira ikulu nu khukalukhira ndi atuukhana khuvaambwa.Lihaantsukha lyaavo nu khunichilitsa khwavaha likurha khu Pilato . ²⁴Pilato yamanya akhalachire Yeesu khwiirwa khuli vaandu veenya avakhoolere. ²⁵Yavavoholorera wa venya alakhuulwe yali nali mushivokho khuli muhingani khu vwamihi khaand mulumiindi.Navutswa yahaana Yeesu khu vulaalili vwaavo.²⁶Lwa vasikali vamurhulitsaho vumuhirhaanga, vamuchimirha muundu Simoni wi litaala lya kurene, nivamunika khuchiinga musalapa nu khuloonda khu Yeesu hanyuma.²⁷Shituma shikali shya vaandu vamuloonda.Vakhali vali navo ni va lilaanga, nu khuveerera shichira Yeesu. ²⁸Navutswa ya viishevukha nu khvavoolera "munye vakhali vamumenyaanga Yerhusalemi, lekhi khulira shichira inse, navutswa muliilire munye veene na vaana veenyu.²⁹Heensi matukhu kiitsaanga lwa vaandu viitsa vavoole vali ni ikhavi vakhali vakuumba vitsiinda tsyaavo tsyakhiivulakhu vaana, khaandi vakhali vi tsimbeere tsyaavo tsyakhanunyinyakhu." ³⁰Nalwo lwavalirhaanga khuvoolera vikulu, khukwiiri, na khuvoolea viliitsa khukhunikhi. ³¹Shichira niiva vakhoola yaka khu musaala kushiri muvisi, ni shiina shiitsa shikolekhe khu musaala kwiitsa kuve ni muumu?"³²Vaandu vaandi vasaatsa vaviri vali vakhola vwooni vutaamaanu, vahiilwa khutsya khwiirwa halala na Yeesu..³³Lwa vatuukha havuundu tsana halaangangwa, "Ha shihaanga" Va vambilaho Yeesu, na vaandu vaviri vali ni vakhola viindu vitaamaanu - mulala khuluveka lu mukhoono musaatsa kwa Yeesu na wuundi khumukhoono mukhali . ³⁴Yeesu yavoola, "Taata, uvasamiihe, shichira shivamanyi kavakhoolaanga taawe." Nava khupirha inguvu yeeye isiimbi nu khichikavana.³⁵Khwali na vaandu vali ni va siinjireho, ni vaheensaanga , na vimiriri vavayahudi va mukhoolera shiheenye heenye nivavoola ,"Ya hoonyinyaanga vaandi mulekhi naye yihoonyinye mweene,yaava nali naye Masiiya wa Nyasaaye yarhoovola!"³⁶Vasikali vamunyekanyinya, nivatuukha khuye nu mu ng'weekhitsa malwaa malulu, ³⁷nivavoola, "Niiva uli Mwaami wa Vayahudi, kha yihonyinye yiiwe mweene!" ³⁸Hiikulu khu musalaba kweekwe vali vahaandiikikhu "WUYU NAYE MWAAMI WA VAYAHUDI."³⁹Mulala khu viivi vaviri wali navavaambiilwe naye yamunyeaka khwu khuvoola, "Yiiwe uli Masiiya? Shyu wiisola mweene khaandi ukhusole." ⁴⁰Navutswa mwiivi waashyeenye yamukoondekheera,na voola,"Shyurhiitsa Nyasaaye taawe, shyukhalachirhwe likhutsa khuli ye akhalachiirhwe? ⁴¹Khutse likhalachiirwa lyeerhu ni lya tooto khuloondekhana khu vutaamaanu vwa khwakhola.Navutswa wuyu shiyaakholakhu vwooni ta."⁴²Yamuvoora Yeesu, "Yeesu unsiitsukhitse lwa weenya khuva nu wiinjiraanga vwaami vwoovwo." ⁴³Yeesu yamurheevulira, "Kyiirikali khuvoolera, nuunundi utsiitsa khuva na inse mu Paradiso."⁴⁴Lwa yatuukha musaa sita tsya mmbasu, lyuuva lyasiinjira khwaakha na shivala shyoosi shali mu shisuundi khutuukha mu tsisa tisa tsya halukoloova ⁴⁵lwi lyuuva lyaatsima nu khumwaama.Na luvaala lwaashingaanga hamberi mu liteembeeri lwa rhaandukhanumu hali khavirhi.⁴⁶mu lukhwiirhi lyu mwooyo mukali , Yeesu yalirha, "Paapa, mumakhono kooko mbaana mwooyo kwaanje." Niiyakhavoola ndyo, yakhutsa. ⁴⁷Lwa mukhoongo wa vasikali wa varoma yalola koosi kakhoolekha,yahaana luyali khu Nyasaaye, nu khuvoola,"Ka tooto muundu wuuyu yali wi lyiikhola lyu vuluunji."⁴⁸Na khwaaliho nu mukaanda kwa vaandu vali ni viitsi khuloola koosi kikholekhaanga, varhulaho ni viituya khu vyilirhu nu khuveerera. ⁴⁹Voosi vali vamumanya na vaandu vakhali vamuloondaanga khurhula Galilaya, vasiinjirha ihaale hatiitiiti, ni vatoovanaanga yaka koosi ni kiikholekhaanga.⁵⁰Khwali nu muundu walaangwa Yosefu khurhula mulitaala lya Arimatseya, mu lusomo lwa Yudeya.Yali mulala khu vaandu vi shikaalo shya Vayahudi, muundu mulahi munoo, wi lyiikhola lyu vuluunji ⁵¹navutswa ye shiyiiyamana ni likhoola lyaavo na yaliindirira khuloola vwaami vwa Nyasaaye.⁵²Muundu wuuyu yaatsya khukhu Pilato, na rheeeva aheerween muviri kwa Yeesu. ⁵³Yiikhitsa haasi muviri kwa Yeesu, na kuvooha vulahi mu luvaala lwu khunyaalukha {luvaala lwa lineni} nu khu kuviikha mu shyiliindwa shyayavwa mwiichina hu muundu woosi yakhali yaviikwakhumu.⁵⁴Mu lituukhu lyu khwiirhecheeekhera Lisapato, lyaali ni lili hyiimbi khurhaanga. ⁵⁵Vakhali vali ni valoondi Yeesu khurhula mu lusomo lwa Galilaya, nu khuloola khuli muviri kwa Yeesu kwarheelwa mushirhiindwa. ⁵⁶Vakalukha ingo, nivatsia khuloomba viindu vihuunyaanga mwaayu mulahi{marashi} na makurha ku khuveekha khumukhutsu.Navutswa valiinda va soose mu lituukhu li Lisabaato khuloondekhana na marako.

¹Khu liitukhu lyu khurhaanga li lisiitsa {jumapiri} mu mavweevwe asubuhi,vakhali veene yavo vashiivirha khutsia khushiliindwa sha Yeesu nivali na marashi ka matumusi kavali vatuyake halala na makurha kukhuvekha khumukhutsu. ²Vanyoola lichina lyukhukhunikha mu shilyaango ni likolongomiinywe kharhula khu shiliindwa. ³Vinjiramu, navutswa vanyoola muviri kwa Yeesu nu kuvulamu.⁴Munyiinga intiitiiti yavaliho mulicheenya, heensa vaandu vaviri vasiinjira havali nivifwaali tsinguvu tsyaakhaanga. ⁵Vakhali yavo nivitsulwe ni tsindeenga, vinaminya mirwi chaavo nu khuheensa haasi, na vaandu yavo vavarheeva, "Shichira shiina mukhaavaanga vali mwooyo mu vakhutsu?"⁶Shali haanu mba, navutswa amali khusimukukha: mwiitsukhitse khuli yali yamuvoolera lwa yali na munye mu Galilaya, ⁷lwa yavoola ndi Mwaana wu Muundu khutuuka ahaanwe mu makhono ka vaandu vooni nu khuvaambwa, na khu lituukhu lya khavaka aliitsa khu simukukha khurhula mu likhutsa."⁸Vaandu vakhali yavo viitsukhitsa makhuva yako khuli Yeesu yali yavavoolera ⁹nivakalukha ingo khurhula hashiliindwa nu khuvavoolera makhuuva koosi khu veechitswi likhomi nu mulala na vaandi voosi, ¹⁰Vakhali yavo vali Mria Makadalena, Yohaane, Maria mama wa Yakobo, na vakhali vaandi vatuukhitsa makhuuva yaka khu varhumwa va Yeesu.¹¹Khu varhumwa va Yeesu , makhuuva ka vakhali vavavoolera kavafwananira khuli tsiimbakha, khu lwayako shivavasuuvira khali hati. ¹²Niikhali Petero yasiinjira nu khuvatsukha atuukhe khu shiliindwa, khutukhaho , yasiinjira, niyiinama khuheensamu.Yaloola tsyiimbaala tsyu muviri kwalimu tsirhikaareemu.Ptero yasimukhanu khutsia ingo weewe, nali mwicheenya khu kali kakholekhe.¹³Haandi khu litukhu lyeene yero khwaliho na vasuuviri khuvo vaviri vasimukha khutsia khulucheendo mwi taala lya Emmau, lwali lucheendo lwi tsiikilomita likhomi ni indala khurhula Yerhusalemi. ¹⁴Vali ni vasherenyinyaa khu makhuuva ki viindu vyoosi vyali ni vyakholekhaaneenga.¹⁵Kiikhoolekha mu inyiinga lwa vali ni valomolomaanga nu khurheevana khuloondekhana khu kali kiikholekhe,Yeesu mweene yiisuunda hiimbi khuvo nu khwiiyunga navo khulucheendo yolo. ¹⁶Navutswa tsimoni tsyaavo tsyakhunikhwa vavula khumulavikhitsa ye nu wiina.¹⁷Yeesu yavarheeva, Ni makhuuva shiina ka munye vaviri mulomolomakhu nu khurheevana lwa mucheendaanga? Vasiinjira yaho nu khumuheensa ni liveerera. ¹⁸Mulala khu vasuuviri vaviri yavo walaangwaangwa Kilyopa yamurheevulira, "Yiwe woonyene mu Yerhusalemi naye muundu ushiri khumanya viindu vyaayikholekhemu mu matukhu kanu?¹⁹Naye yavarheeva,"Viindu shiina?" Navo vamurheevulira,"Viindu khuloondekhana khu Yeesu mu Natsareti, yaliinji muporofeti, khaandi wu vunyali mu vikholwa nu muling'aana imberi wa Nyasaaye na vaandu voosi, ²⁰na khuli vakhoongo va vasaalisi na viimiriri veerhu vamuhaana khukhalachirhwa likhutsa nu khumuvaamba.²¹Khwali khwsuuvira ndi naye yali natsiitsa khuvooholora Vaisraeli khurhula mu vurhukwa vwa va Rooma.Na khumeeta khu keene yako nuunundi ni litukhu likhola khavaka khurhula yaka koosi khiikholekha.²²Navutswa khaandi, valala hu vaandu vakhali va khuveetsa navo vakhucheenyinye , lwa vatsiire khukoonya ha shiilindwa kushilri mu mavweevwe nuunundi. ²³Vanyooli muviri kwa Yeesu kuvula mushiliindwa, viitsi nivavoolaanga valooli khaandi tsingerosi moni na moni tsivavoolere ali mwooyo. ²⁴Vasaata valala vaveere na khutse vatsiire khushiliindwa, nu khunyoola kali vutswa khuli vakhali vakhuvoolere. Navutswa shi vamuloorikhu Yeesu tsana mba."²⁵Yeesu yavavoolera, "Oo muli vasaatsa vasirho veene muno, khaandi myooyo chyeenyu chyiri chyu khusiirhoora khu lwu khusuuvira makhuuva koosi ka vaprofeti vavoola. ²⁶Shikatuukhanaanga Masiya anyakhaane nu khusaliritswa shichira viindu vyeeneva khu yiinjire mu vukhumi vweevwe taawe? ²⁷Yeesu yarhaanga khuvivaalirha makhuuva kali ni kavoolwa khuloondekhana khu ye mweene mu Mahaandiko Matakatiifu khurhaanjira mu vitabu vya Musa na Maandiko ka vaporofeti voosi.²⁸Lwa valoondi va Yeesu vaviri veene yavo vali hiimbi khutukha mu muchiitsi mwa vachenihamu, Yeesu yiikhola khuli avirhaanga nu khutsiririra nu lucheendo. ²⁹Navutswa vamumushiinga khuvirha nu khumuvoolera, nuyaansa khwiinjire ukone haweerhu nuunundi shichira vutukhu vutuukhi.Khu lwayako Yeesu yakovera niyiinjira amenye navo vutukhu vweene yovo.³⁰Kikholekha ndi lwa yali ni yakhikhala navo khu varhaange khulya, yavukula mukati, nu khusaanditsa nu khutong'olanyinya, ma navahaa. ³¹Nalwo lwi tsimoni tsyaavo tsyikukha, ni vamumanya, navutswa yakorha khurhula mu tsimoni tsyaavo ³²Vavoolerana veene khu veene,"Myooyo cheerhu chivuli khukhusaamba khurhula mukari,lwa aveere na lomolomaanga na khutse khuunjira, khaandi lwa akhu khunulireenje sha mahaandiko kavoolaanga?"³³Vasiinjira isa yene yeyo nu khurhaanga lucheendo lwu khukalukha Yerhusalemi.Nivanyoola vali lihomi nu mulala ni vivuunjeritse halala na vaandi va vali navo, ³⁴na vavavoolera, "Ni kiryikali Mwaami yisimukukhe, khaandi ulolekhe khu Simoni." ³⁵Khu lwayako vavavoolera viindu vyaali vikholekhe khunjira, na khuli Yeesu yamanyikhana khuvo inyiinga yali na mekulanyinyaanga mukati.³⁶Na lwavali va lomolomaanga viindu yivi, Yeesu mweene nu mweene yasinjira hakarhi havo nu khuvavoolera, "Mireembe chive khu munye." ³⁷Navutswa viikosa nukhutecheera muno khaandi nivarhia, ni vakanakana vali ni valoolaanga shinaanyeenso.³⁸Yeesu ya vavoolera, "Shichira shiina mu sumbukha mu myooyo cheenyu? Shichira shiina muli na marheeva mu myooyo cheenyu? ³⁹Loli makhono kaanje ni vileenje vyaanje, shali ni inse mweene.Ntiiri khu mulore. Shichira shinaanyenso shivula muviri ni vikuumba, manya mu ndolaanga ni ndi." ⁴⁰Lwa yali amali khuvoola yaka, ya vamanyinya makhono kee ni vileenje vyee.⁴¹Lweene lwa veechitswi veeve vali vashiri khusuuvira shichira vali nu vusaangaali ,na nivacheenya. Yeesu yavavooolera "Mulikhu ni shyukhulya shyoosi yaha ndiikhu? ⁴²Na vamuha shitonye shi isutsi shali ni shiteekheerhwe. ⁴³navukula nalya vechitswi veeve ni vamuheensaanga.⁴⁴Yeesu yavavoolera, "Yaka nako mang'ana kaanje kandalomoloma khu munye lwa ndali na munye, ndi koosi kali kahaandiikwa mu Lirako lya Muusa na Vaporofeti na khaandi mu Tsaburhi khutuukha karhweekhitswe."⁴⁵Na yamanya na viikula tsinganakani tsyaavo khu vatuukhe khumanya mang'oota. ⁴⁶Yavavoolera, "Kahaandiikwa, ndi Masiya alasaliritswa nu khwiisimukukha khurhula mu vakhutsu khu liitukhu lya khavaka. ⁴⁷Liikanirha nu khusaamiihwa khu vwooni khutukhe khwiirwaatswa mu liirha lyeelye khu tsihiirhi tsyoosi, khu rhaanjira mu Yerhusalemi.⁴⁸Munye muli valolekhitsi va mang'ana yaka. ⁴⁹Heensi , murhumirhaa liraka lya Taata waanje khumunye: Navutswa muliinde muli taala lya Yerhusalemi, khutuukha lwa muviikhwa tsingulu khurhula mwikulu."⁵⁰Khu lwayako Yeesu yavimirirha veechitswi veeve khurhula mu litaala likali lya Yerhusalemu khutukha lwavali hiimbi Betsani.Heene yaho yachiingula makhono ke yikulu nu khuvakaasitsa. ⁵¹Na kiikholekha, lweene lwa yali na vakasitsaanga, ya valekha ya chiingulwa ikulu nu khutsya mwikulu.⁵²Veechitswi veeve vamusikamirha nu khusaala khu ye , nu khukalukha Yerhusalemi ni vali nu vuyaansi vunyiikhi. ⁵³Vaatsitsachirira khuva mu Liteembeeri vuli khase mulichiingula nu khwiitsoominya Nyasaaye.

¹shitabu shyu khukhuranga shandahandika,o theofilo,shivaala gosi ka yesu yaranga khukhola nu khwekitsa. ²khutukha litukhu lya yavukulwa khutsia mwikhulu,, lwa yali ni yakhahana malako khu varumwa veve va yarovola khuvirila khuroho mutakatifu. ³khandi yalolekha khuvo mwene, nali mwoyo,ni vilolekhitso vinyikhi khu matukhu makhomi kane.vamulola,naye yamoloma navo makhuva khulondekhana khu vwami vwa nyasaye.⁴khandi lwa yavukana navo, yavalaka vavule khurula mu yerusalemi, navutsa valinde shihanwa shya tata yalaka,shya yavola, ''mwahulila khurula khu inze ⁵ndi yohana yina vandu mmatsi, navutsa munye mulavatiswa mu roho mutakatifu mu matukhu matiti kiitsanga.''⁶lwa vavukana halala vamureva,nivavoola, ''mwami, ulakalukhitsila israel vwami?'' ⁷yavavolela, ''shikali khu munye khumanya tsinyinga inoho matukhu ka tata wanje yalaka khu tsingulu tsyetsye. ⁸navutsa mulanyola tsingulu lwa roho mutakatifu khwitsa khumunye, na mula valolekhitsi vanje mu yerusalemi,khandi mu tsisomo tsyosi tsya yudeya nende samaria khandi khutukha khu shiheli shi lillova.''⁹khandi lu mwami yesu yali niyakhamala khuvoola vindu yivi, lwa vali nivahenzanga ikulu, yajingwa ikulu,na lilesi lyamukhunikha nilimuvisa khurula mmoni mwavo. ¹⁰lwa vurumwa vali nivashihenzanga mumalesi, yesu natsitsanga mwikulu, vandu vavili vifwali tsinguvu tsindavu vasinjalaho navo; ¹¹nivavavoolela, munye vandu va galilaya, shijila shina musinjile yaha muhenza mwikulu? yesu uyu avukulwe khuhilwa mwikulu khurula khu munye, alakalukha munjila indala yeneyo khuli munye mumuloli natsitsanga mwikulu.¹²vamanya ni vakalukha yerusalemi khurula mushikulu shilangwangwa mizeituni, shili himbi yerusalemi,luchendo lwi litukhu lili lisabato. ¹³lwa vatukha, vanina munzu yikolofa wa petero na yakobo na yohana na andereya, filipo, na tomas, bartholomeyo, na matayo,yakobo mwana wa alfayo,na simoni wakwanilanga shivala shyeshye,nende yuda mwana wa yakobo vali nivamenya. ¹⁴yava voosi vamenya nu mwoyo mulala mu lisaala, halala na vakhai vandi na maria mama wa yesu,na vamwovo veve.¹⁵mumatukhu yako petero yasinjila hakari ha vasuuvili, vali himbi imia indala na makhomi kavili navoola, ¹⁶''vandu vosi na vamwavo,kenyekhananga mang'odo karwekhitswe ka roho mutakatifu yamoloma khuvirila khu munwa daudi khulondekhana khu yuda, woyo yimilila yav yavo vakumila yesu.¹⁷shichila yali mulala khukhutse naye yali nilisanga muvurumikhili yuvu. ¹⁸na mundu uyu yakula mulimi na madanyi ku vwoni vwevwe; yakwila murwi, niyatikha mmbili kwekwe, mala keke kosi nikasundukha ilwanyi. ¹⁹vandu vosi vamenyanga yerusalemi vahulila makhuva yaka, navo vakulikha shikuri shenesho mu lumolo lwavo ''akeldema,'' nakho khuvoola, ''shikuri shya masayi''²⁰shichila kang'odwa mu shitavu shi isabuli, 'hango hehe halalekhwa, khandi mundu shyalamenya ho mba, na vurumikhi vwevwe wundi alavukula.'²¹katukhananga, khulwa yako, mundu mulala khu yava yali halala na khutse matukhu kosi ku mwami yesu yinjila khandi narula hakari heru, ²²khurangila khu libatiswa lya yohana khutukha inyinga ya yinjilitswa mwikulu narula khukhutse,yakholekha mulolekhitsi halala na khutse khu lisimukhitswa lyu mwami yesu. ²³navo vachekula vandu vavili, yosefu, yalangwangwa barasabas, nivamukulikha, yusto nu wundi matthia.²⁴navo vasaala ni vavoola, ''ive, mwami, wamanya mioyo cha vandu vosi, khulwa yako ukhuvulile khu yava vavili ni wina wurovole ²⁵atukhe khuvukula vurumikhi vu vurumwa vwa yuda yalekha natsia havundu hehe mwene.'' ²⁶navo vavakhuvila tsikura, nayo ikura yakwila matthia; naye yavalizwa halala na varumwa likhomi nu mulala.

¹lwa lyatukha litukhu lya pentekoste, vali halala vosi nu mwoyo mulala. ²khandi nonoho muhumu kwarula mwikulu khuli muhumu kwishihuzuzu shikali na ni kwizula munzu mwa vali nivakhale. ³khandi tsialolekha khuvo tsinimi tsiavukhane khuli mulilo, na tsikhala khuvo shya mulala. ⁴na vosi vizula roho mutsienukhu,nivaranga khumoloma mu tsinimi tsindi khuli roho yavaha vunyali.⁵khandi valiho vayahudi vamenya mu yerusalemi, vandu virulitsa khu mihinzi cha nyasaye,,khurula mu tsihili tsindi tsyosi hasi hi lilova. ⁶lwa liyoko linielo lyahulilikhana, shituma shitsa halala,na voosi vali nilichenya shichila mundu shya mulala yahulila ni vomolomanga mu lulimi lwelwe. ⁷vachenya khandi nivahuka niva voola, ''loli, yava voosi vamolomanga, shivali vandu vu khurula igalilaya?⁸shichila shina shya mulala weru khuvahulilanga kavavoolanga mu lumolo lweru lwa khwivulilwamu? ⁹vaparathia khandi vamedi nende vaelami, khandi vandu vamenyanga mu lusomo lwa mesopotamia, nu muvuyahudi khandi kappadocia, khandi khurula luveka lwa pontus nende ivuhindi, ¹⁰khurula mutsimbeka tsya frigia nende pamphila, khandi khurula ekepeti nu mutsisomo tsya libya nuhenzi kurene, khandi nende vacheni varuli ivuroma, ¹¹vakirete na vaarabu, khuva hulilanga nivavoolanga mutsimolomo tsyeru mihinzi mikali cha nyasaye.''¹²vosi vali nilichenya nivakoyana; nivarevana vene khu vene, '' yaka kavola shina?'' ¹³navutsa vandio vakhola shihenyehenye niva voola, ''vadandi iwaini impya.''¹⁴navutsa petero yasinjila halala na vandi likhomi nu mulala, nachingula mwoyo kwekwe navolela, '' vandu va yudea na munye vosi vamenyi vu muyerusalemi, mumanye ndi, khandi muhulikhitse makhuva kanje. ¹⁵shichila vandu yava shivadandi tawe khuli mukanakanga, shichila lwenulu ni tsisaa tsivaka tsya mavwevwe.¹⁶navutsa yuvu nu vuporofeti vwa vwaforofetwa nu muporofeti yoeli: ¹⁷kalitsa khuva mmatukhu kukhumala, yahova nyasaye avoolanga,nditsa khutsukha roho kwanje khu vandu vosi: vana venyu vayayi nende vana venyu vi shikhana valitsa khu porofeta, na vavukha venyu valitsa khulola malolo, khandi vasakhulu valalora maloro:¹⁸na khandi khuvarumikhili vanje vasatsa nende vakhali, mumatukhu kene yako, nditsa khuvatsukhila roho kwanje, navo vitsa vaporofete: ¹⁹na inze ndamanyinya vindu vyu khuchenyinya mumalesi ikulu khandi vilolekhitso mulilova hasi hanu; masayi, mulilo nu lwoshosho lu mwoshi.²⁰liuva lilakalukhanyinywa likwi shisundi, na mweli kulakwa khuli masayi,litukhu lyu mwami likali nilishili khutukha. ²¹na kalitsa khuva mundu wosi ulianila khu lira lyu mwami alitsa khuhonyinywa.''²²munye vandu visiraeli, muhulile makhuva yaka; yesu wa nazareti, mundu yamanyinywa khu munye na nyasaye ni vikholwa vikali ni vindu vyu khuchenyinya ni vilolekhitso vya nyasaye yakhola khuvirila muye hakari henyu, khuli munye vene mwamanya. ²³mundu uyu yahanwa khu munye, khulondekhana khu lyenya lya nyasaye yali niyaviritsa litsa likholekhe, khandi khulondekhana khuli yali niyamanya khale; na munye mwamuvamba khumusalaba, numumwira ni mikhono cha vandu voni. ²⁴navutsa nyasaye yamwisimukhitsa khurula muvakhutsu, namuvoholola khurula khu vululu vwi likhutsa,shichila shikali kanyala khunyalikha akumilwe nilikhutsa tawe.²⁵shichila daudi yamoloma khulondekhana khuye navoola, 'ndolola mwami imbeli wanje khazozo, shichila ali khumukhono kwanje mulunji, khulwa yako shinyala khusundwa mba. ²⁶khulwa yako mwoyo kwanje kwali nuvuyanzi khandi lulimi lwanje lwali nuvusangali. khandi muvili kwanje kulamenya mulisuuviritswa.²⁷shichila shulalekha mwoyo kwanje mushatisi, khandi shulahuchilila muvili ku mutakatifu wowo khukundila mushilindwa tawe. ²⁸niwe wamanyinya limenya lichilanga vulamu nuvuvaho; khandi khuvaho khwokhwo khuchilanga sangala muno.'²⁹vamweru, nu vulayi inze khumulo nuvuluvilili khulondekhana khu kuka weru daudi, ndi yakhutsa narelwa mushilindwa, khandi shilindwa shyeshye shili nakhutse khali lwenulu. ³⁰khulwa yako, yali muporofeti na khandi yali yamanya nyasaye yali yayisuha ndi aliitsa khukhola mulala khu vitsukhulu veve khuva mwami, khuli daudi yalingi' ³¹yalola kitsa kikholekhe mumatukhu kitsanga, naye yamololma khulondekhana khu lisimukha lya kristo, ndi shiyalekhwa mushatisi, inoho muvili kwekwe shu kwakundila mushilindwa tawe.³²yesu uyu, nyasaye yamwisimukhtsa, na khandi khutse voosi khuli valolekhitsi veve. ³³khu lwa yako naye umali khuchingulwa nu khwikhalitsa khu luveka lu mukhono mulunji kwa nyasaye, naye shichila anyoli shihanwa shya roho mutakatifu shya tata yalaka, akhutsukhile ya kamulolanga khandi nukhuhulila.³⁴shichila daudi shiyanina natsia mwikulu, navutsa avoolanga, 'mwami yavolela mwami wanje, ''yikhala khu mukhono kwanje mulunji ³⁵khutukha lwanomba vaziku vova khuva shisako shivilenje vyovyo.''' ³⁶khu lwa yako, katukhane visiraeli vosi vamanye ndi, nyasaye umali khumukhola mwami khandi kristo, yesu wamwavamba uyu.''³⁷na lwa vahulila yaka, vahulila khuli shindu shivaroza mu miyo chavo, navo vareva petero na varumwa vandi, ''vamwavo, khukhole shina?'' ³⁸petero yavavolela, ''mwikanile mubatiswe, shya mulala wenyu, mulira lya yesu kristo, mutukhe khulekhelwa vwoni vwenyu, na mulanyola shihanwa shya roho mutakatifu. ³⁹shichila nyasaye yalaka shihanwa yishi khumunye, nu khu vana venyu, na voosi vali ihale, va nyasaye aliitsa khulanga vitse khuye.''⁴⁰na makhuva kandi manyikhi,yalolekhitsa khandi navatinyilitsa, khandi navavolela, '' mwihonyinyinye khurula khu likhula lishamu yili.'' ⁴¹navo yavo viyema likhuva lyelye ni vasuuvila vabatiswa, khandi litukhu lyenelo vametekha himbi vandu tsielefu tsivaka. ⁴²khandi virulitsa khuhulikhitsa mekitso ka varumwa, nivakaana halala, nukhumeka mukati khandi nu mulisaala.⁴³varumwa vakhola vindu vinyikhi vyukhuchenyinya khandi nivilolekhitso na vuri vwiza khu vandu vosi. ⁴⁴na vandu vosi vali nivasuuvile vikhala halala khandi vakavulana vindu vya vali navyo shilala, ⁴⁵khandi vakulitsa vindu vya vali navyo,nivakavulanyinya hakari havo khulondekhana ni lyenya lya shavuli mulala wavo yali nalyo.⁴⁶khandi matukhu kosi vahonganga mu litempeli, nu mwoyo mulala. khandi vamekanga mukati mutsingo tsyavo, khandi vakavulananga shukhulia shavo nuvusangali nu mwoyo mulayi, ⁴⁷vitsominya nyasaye khandi nivavuchililwa khu vandu vosi, na shavuli litukhu nyasaye yametanga vandu vahonyinywangwa.

¹petero na yohana vali nivatsitsanga mulitempeli isa yilisaala,sa tisa ya hamukolova. ²hali nu mundu muleme khurula munda ya mama wewe nalerwa hashirivwa shi litempeli shalangwangwa shilayi. vamuvikhaho vuli litukhu asave vukhonyi khu vandu vatsitsanga mulitempeli. ³lwa yalola petero na yohana nivenya khwinjila mu litempeli, yavasava vukhonyi.⁴na petero halala na yohona vamumikha tsimoni tsyavo, nivamuvolela, '' khuhenze.'' ⁵naye yavahenza, nasuvilanga alanyola vukhonyi khurula khuvo. ⁶navutsa petero yamuvolela, ifeza ni zahabu inze mbula, navutsa shyandi nashyo, nashyo shyakhuhenzanga. mulira lya yesu kristo mnazareti, sinjila uchende.⁷yamukumila mukhono kwekwe mulunji na musinjilitsa, nonoho vilenje vyevye na masikamo kanyola tsingulu. ⁸yaruma ikulu nasinjila, naranga khujenda; naye yinjila halala navo mulitempeli, nachendanga,narumarumanga, khandi niyitsominyanga nyasaye.⁹na vandu vosi vamulola nachendanga niyitsominyanga nyasaye. ¹⁰nivamanya uyu naye mundu wasavingi vukhonyi hashilivwa shilayi shi litempeli; khandi vali nilichenya nilihuka khulondekhana khu kali nikakholekhe.¹¹lwa mundu muleme yali nahonyinywa yali nashihandi khu petero na yohana,vandu vosi vilukhaka maliviri nivatsi havundu halangwangwa mukuru kwa solomoni, nivachenya muno. ¹²lwa petero yolola yako,yarevula navavolela, shichila shina muchenyalanga yaka? shichila shina mukhuumikhe tsimoni khukhutse, khuli ni khutse khu tsingulu tsyeru inoho khu vutakatifu vweru khulombi mundu uyu alachenda?¹³nyasatye wa abrahamu, khandi wa isaka, khandi wa yakobo, nyasaye wa vatata veru, naye ukhuminye murumikhili wewe yesu. naye wa mwazama nu mumwambakhana imbeli wa pilato,lwa yenya khumulakhula atsi. ¹⁴navutsa munye mwambakhana uyu yali mutakatifu khandi mulunji, na numwenya muhelwe mulumindi.¹⁵khandi munye mwiira woyo yarangitsa liva mwoyo, na nyasaye yamwisimukhitsa mu vakhutsu; nakhutse khuli valolekhitsi va makhuva kenaka. ¹⁶na khuvirila mulisuuvila mu lira lyelye, alombi mundu uyu khuva nitsingulu, wamulola uyu khandi wa mwamanya.lisuuvila mu yesu lihele mundu uyu vulamu vwamulolanga nali navwo imbeli wenyu munye vosi.¹⁷na khandi vamweru, inze ndamanya mwakhola vujila limanya, khandi khali vamihi venyu. ¹⁸navutsa vindu vya nyasaye yavola imbeli khu minwa cha vaporofeti vosi, ndi kristo wewe aliitsa khusalilitswa, amali khurekhitsa lwenulu.¹⁹khu lwayako, mwikanile, mukalukhane, vwoni vwenyu vurulizwe; khu tsinyinga tsiukhusositsa tsitse khurula imbeli wu mwami; ²⁰nyasaye aliitsa khumukhola muve nu vuyanzi mumatukhu ku mwene yaviritsa, khandi allitsa khumurumila yesu,ali masihi,wayali niyarovola khale.²¹wa katukhilanga likulu limuvukule, khutukha khutsinyinga tsyu khukalukhitsa vindu vyosi khuli vyali khurula mu liranga, vya nyasaye yamoloma khuvurila khu minwa cha vaporofeti vatakatifu khurula lilova ni liranga. ²²musa likali yavola, mwami nyasaye aliitsa khumurovolela muporofeti khuli inze khurula mu munye vene.mumuhulikhitse mu vuli shindu shyosi shyavoola. ²³khandi kaliitsa khuva mundu ulivula khuhulikhitsa muporofeti mwenoyo aliitsa khutivitswa arulitswe mu vandu.²⁴nyee, khandi vaporofeti vosi khurula khu samweli navandi vosi vitsa inyuma wewe, vavola khandi makhuva khulondekhana khu ka khulolanga lwenulu. ²⁵munye muli vana va vaporofeti na khandi vana vi lilakano lya nyasaye yalakana na vakuka veru, lwa yavolela aburahamu, khuvirila khu vitsukhulu vyovyo, tsihili tsyosi tsyi lilolva tsyilakasitswa. ²⁶lwa nyasaye yisimukhitsa mwana wewe yesu, yamuruma khumunye khuranga amukasitse, amukalukhanyinye shya mulala wenyu khurula muvutamanu vwenyu.

⁴¹lwa petero na yohana vali nivamolomanga na vandu, vasalisi nende musinjilili wi litempeli na vasadukayo vitsa khuvo, ²vali nilihenda mwoyo likali shichila petero na yohana vali nivekitsanga vandu nukhulanditsa khuvirila mu yesu lisimukhitswa khurula mmbakhutsu. ³vavakumila ni vavavikha mishivoho, khutukha litukhu lilondakhu, shichila shivala shyali nishakhamwama. navutsa vanyikhi khuvo vali niva hulile milwatso vasuuvila; khandi isavu ya vandu vasatsa vasuuvila vali himbi tsiehelefu tsiranu.⁵khandi katukha litukhu lyalondakhu vimilili vavo halala navakhulundu na vang'odi, ⁶khandi annasi musalisi mukali, na kayafa, khandi yohana nende alekisanda,na vandu vosi vali vikho vu musalisi mukali, vivunjelitsa halala nivakanila vosi mu yerusalemi. ⁷lwa vali nivakhavikha petero na yohana mumuse hakari, vavareva, ni khutsingulu shina inoho muliira shina, lya mukholelamu yaka?⁸ma petero, niyitsule roho mutakatifu, yavavolela, munye vamihi va vandu navakhulundu va israeli, ⁹niva litukhu lya lelo khuyalwanga shichila shikholwa shilayi shikholelwe khu mundu mulwale uyu, khuli lwahoni; ¹⁰kamanyikhane khu munye vosi ndi nu khu vandu vosi vamenyanga mu isiraeli, ndi mu liira lya yesu kristo mnazareti, wa munye mwavamba khumusalaba, khandi wa nyasaye yisimukhitsa khurula muvakhutsu, khu liira lyelye mundu uyu asinjile imbeli wenyu nali mulamu.¹¹yili nalyo lichina lya munye vumbaki mwambakhana, navutsa likholekhe lichina lyu khumbakha mukona. ¹²khandi shukhuli nu vuhonyinyi mu mundu wundi wosi, shichila shikhuli ni liira lindi hasi hi lilova lya khwahelwa hakari ha vandu lya khunyala khuhonyinywa khuvirila khulyo.¹³lwa volola petero na yohana ni vandu vali ni ikholo khandi nivamanya ni vandu vutsa khuli vandu vandi, vandu vakhatsiakhu musukulu tawe, vali nilichenya,nivanza khumanya ndi vali halala na yesu. ¹⁴shichila valola mundu yali nahonyinywe nasinjile halala navo, shivalikhu ni shindu shyosi shyu khuvola khuvo tawe.¹⁵navutsa lwa vavolela varule mushina, vavolelana vene khuvene, ¹⁶ni vavola,nikhukhole ndina vandu yava? shichila ni kakilikal shilolekhitso shikali shikholekhe khuvirila khuvo, na vandu vosi vamenyanga mu yerusalemi valoli, na khali khutse shikhunyala khwambakhana tawe. ¹⁷navutsa khukavule khulanda khutukha ihale mu vandu, khuvakaye vavule khumolakhu inoho khwekitsakhu mundu wosi khuvirila mu liira lya yesu. ¹⁸ma valanga, nivavalaka vavule khumulomakhu inoho khwekitsakhu mundu wosi khuvirila mu liira lya yesu.¹⁹navutsa petero na yohana varevula nivavoola, munye vene mwikhalakile,niva nu vulahi imbeli wa nyasaye khuhulila munye khuvira nyasaye. ²⁰shichila khutse shikhunyala khulekha khumoloma khu vindu vya khulola nu khuhulila.²¹navo lwavamala khuvarikhitsa, vava lakhula nivatsia.shivanyolakhu shivune shyali shichile vavasitswe tawe, shichila vandu vosi vali nivitsominyanga nyasaye khu kali nikikholekhe. ²²mundu yali nakholelwe shilolekhitsi yesho yali mundu aviri mihika makhomi kane.²³lwa vali nivakhalakhulwa,petero na yohana vakalukha khu vandu vavo, nivavavolela vindu vyosi vya vasalisi vakali navakhulundu vali nivavavolele. ²⁴navo lwa hulira, valangilila khu nyasaye nu mwoyo mulala ni vasaala nivavoola, mwami, yiwe walomba likulu ni lilova ni inyanza nende vyosi vilimu. ²⁵yiwe wamoloma khuvirila khu munwa ku murumikhili wowo daudi,shichila shina vandi vi tsihili valola vurima, shichila shina vandu vakanakanga khukhola vindu vya vutsa?²⁶varuki vi lilova vasinjile halala, na vamihi vavunjelitsane halala khuhingana nu mwami nyasaye nende masihi wewe.²⁷shichila kilikali, herode na pontius pilato, halala na vandu vi tsihili khandi na vandu visiraeli, vavunjelitsa halala mu litala yili khuhingana nu mwana wowo mutakatifu, wawavekha makura, ²⁸vakana halala ni vakhola vindu vyosi vya yiwe mwene wali nu viritsa viliitsa khwikholekha khuvirila mu tsingulu tsyotsyo khandi lyenya lyolyo.²⁹lwenulu, mwami, henza lirikhitsa lyavo: uhe varumikhili vovo ikholo vilwatse likhuva lyolyo vujila vuri. ³⁰unyile mukhono kwokwo khuhonyinya, khandi ukhole vilolekhitso nende kukhuchenyinya khuvirila mu liira lyu mwana wowo mutakatifu yesu. ³¹lwa vali vakhamala khusaala,havundu havali nivakanile halala hatechela, vosi vizulwa na roho mutakatifu na vanza khwilwatsa likhuva lya nyasaye nu mwoyo kwi ikholo.³²shituma shya vandu vanyikhi vasuvila vali nu mwoyo mulala khandi ni inganagani indala.shiyaliho nu mundu mulala khuvo yavola shindu shayali nashyo ni shyeshye, navutsa vasanga vindu vyosi halala. ³³varumwa valolekhitsa nitsingulu lisimukhitswa lyu mwami weru yesu kristo, na tsimbavasi tsya nyasaye tsyali khuvo vosi muvunyikhi.³⁴shayaliho nu mundu wosi hakari hava yachehelwa khu shindu shyosi tawe, shichila vosi vali ni miandu chi milimi inoho tsinzu vakuliza nivalera tsisenti tsyavakulitse, ³⁵nivavikha hasi hi vilenje vya varumwa: nivakavulanyila vuli mundu khulondekhana khu lichelwa lyelye.³⁶khandi yosefu, wa varumwa vamulanga liira lindi baranaba { nilikalukhanyinywe ni khuvola, mwana wu khuleminya mwoyo, inoho khutinyiritsa}, wi inzu ya lawi, khurula mu lusomo lwa saipurasi, ³⁷yali nu mulimi, yakulitsa, naleratsisendi tsyenezo havilenje vya varumwa.

¹khandi mundu mulala yalangwangwa anania, halala nu mukhali wewe safira vakulitsa khu mulimi kwavo, ²navo nivavisa khu shitonye shyu vukuli, mukhali wewe yamanya yaka kosi, nivahila shitonye shyali nishirikale, nivavikha hasi hi vilenje vya varumwa.³peter yavoola, ''anania shichila shina nuhuchilila shetani khwitsula mu mwoyo kwokwo uvehele roho mutakatifu nukhuvisa shitonye shindi shi tsisendi tsyu kulize mulimi? ⁴luvele nushili khukuliza mulimi kwenoko, shikuvele tsa nukuli kwokwo, khandi lukulize, tsisendi tsyenezo tsyosi shitsivele tsyotsyo? shichila shina ukanakane shindu khuliyishi mu mwoyo kwokwo khukhola ndiono? yiwe shuvehele vandu tawe, navutsa uvehele nyasaye.'' ⁵lwa anania yahulila makhuva kenako, yakwa hasi nakhutsa,na vuli mundu wosi yahulila kikholekha yali nuvurii. ⁶vayayi valaho vasinjila nivalingila muvili kwekwe muluvala,nivatsia khuyavila mushilindwa.⁷tsisa tsivaka ni tsiakhavira, mukhali wewe yitsa niyinjila, nakhamanyi shyali nishikholekhe. ⁸petero yamuvolela, ''mbolela nikava mukulize mulimi tsisendi yitsi.'' naye yarevula navola, ''nyee, khukulize ndio.''⁹petero yavolela safira, ''shichila shina muhulikhitsane nu musatsa wowo khuchelitsa roho wu mwami? henza,vilenje vya vasatsa vatsile khuyavila musatsa wowo mushilindwa vali hamuliango, khandi valakhujinga yiwe vakhuhile ilwanyi.'' ¹⁰nonoho yakwa hasi hi vilenje vyevye nakhutsa.lwa vayayi vinjilamu,vanyola nakhutsi, nivamujinga vamuhila ilwanyi, nivayavila mushindwa himbi hi shilindwa shyu musatsa wewe. ¹¹vandu vi likanisa na vandu vandi vosi vatechela lwa vahulila vindu vyali nivikholekhe.¹²vilolekhitso nende vindu vyu khuchenyinya vinyikhi vikholekha khuvirila khu mikhono cha varumwa.vandu vosi vasuuvila vakanilanga mu lusimbu lwa slolomoni. ¹³mundu avulakhuho yachelitsa khuhambana navo, navutsa vandu vavaha luyali.¹⁴vandu vasuuvila vatsililila khumetekha khu luveka mwami,vituma vya vandu vastsa na vandu vakhali. ¹⁵khandi vachinga vandu valwale nivalerwa khunjila, nivavakonyinya khu vitali nu khuviselo, khu lwa petero ava naviranga, nambula shinini shyeshye shavakwila. ¹⁶khandi vandu vitsa muvituma vinyikhi khurula mu matala kali himbi yerusalemi, valera valwale na vandu vosi va matimoni kanyakhitsinga, na voosi vahonyinywa.¹⁷mukali wa vasalisi nende mukanda kwa vasadukayo valolela varumwa imbotokha, ¹⁸vakumila varumwa nivavavoha mushivoho.¹⁹navutsa mu vutukhu vwenovo injelosi yu mwami yikula miliango chu mishivoho nivarulitsa ilwanyi, nivavolela, ²⁰mutsi musinjile mulitempeli mwilwatsile vandu mukhuva kosi ki liva mwoyo. ²¹lwa vahulila yaka, vinjila mu litempeli nu vwenya khusha ni vekitsa.navutsa mukali wa vasalisi vosi yitsa, na veshe va yali navo,nivalanga shiina nu mukanda kwosi vasakhulu visiraeli, nivarumanyinya varumwa valarwe khurula mushivoho.²²navutsa vasikali vavaruma vavanyola mushivoho tawe, nivakalukha nivavavolera, ²³khunyoli miliango chu mushivoho nichikale vulahi,khandi vasikali nivasinjile hamuliango, navutsa lwakhwikule muliango, khunyolikhu mundu mukari tawe.²⁴musalisi mukali nu mukali wa vasinjilili wi litempeli lwa vahulila makhuva kenako,vali nilichenya linyikhi khulondekhana khu shindu shyali nishikholekhe khu varumwa. ²⁵mundu mulala yitsa navavolela, vandu vamuvele numuvohi, vasinjile mulitempeli vakitsanga vandu.²⁶ma munyapala yatsia halala na vasikali nivavalera navutsa vuchila tsingulu; shijila varia vandu,vali vanyala khuvalasa na majina. ²⁷lwa vali nivakhavalera, vavasinjilitsa imbeli wi shina.musalisi mukali yavarevelitsa, ²⁸navola,khwamukaya nukhumulaka muvule khwekitsakhu vandu mu lira lya yesu, navutsa, henzi,mekitso kenyu kitsule mu litaala lya yerusalemi, nakhandi mwenya khulera masayi ku mundu uyu khu khutse.²⁹navutsa petero halala na varumwa vandi varevula ni vavola, kakhutukhilanga khuhulila nyasaye khuvira vandu. ³⁰nyasaye wa vakuka veru yisimukhitsa yesu, wa mwira khuvirila khumusunga khu musalaba. ³¹nyasaye amali khumuchingula khu mukhono kwekwe mulunji khuva mwami khandi muhonyinyi,khulera likanila khu visiraeli khandi lilekhelwa lyu vwoni. ³²khutse khuli valolekhitsi vi vindu yivi halala na roho mutakatifu, wa nyasaye yaha yavo vosi vamuhulilanga.³³lwa vahulila yaka, vavihilitswa ni venya khwira varumwa. ³⁴navutsda mufarisayo mulala yalangwangwa gamalieli, mwekitsi wa malako yali niyahelwa luyali na vandu vosi, yasinjila mu shina navola varumwa vahilwe ilwanyi khu vwiyangu vutiti.³⁵na yavavolela, munye vandu visiraeli, mwihenze khu kamukanakanga khukholela vandu yava. ³⁶shichila matukhu yaka nikashili khutukha, mundu mulala wavalanganga theuda, yarulila navola nu mundu wishivune, na vandu himbi tsimia tsinne vamulonda. yamanya niyirwa, na vandu vosi vali nivamulondi vasalana nivava vutsa. ³⁷lu mundu uyu yali niyakhakhutsa, yuda wa galilaya yarulila khandi mumatukhu ku khuvalitsa vandu nakhwesa vandu vandi nivamulonda. khandi naye yativa, na vandu vosi vamulonda vasalana.³⁸muvolelanga, mulekhane na vandu yava, shichila nikava mihinzi yiji nija vandu, jilakora vutsa. ³⁹navutsa niva ni mihinzi cha nyasaye, shi mulanyala khuvikalila tawe; khali mulinyola nu mukwananga na nyasaye.⁴⁰khandi vahuchilila khu makhuva keke.valanga varumwa ni vinjila, nivavakhuva khandi nivavakaya vavule khwekitsakhu vandu mu lira lya yesu, nivavalakhula vatsi. ⁴¹navo varula imbeli wi shina nivasangalanga ndi vavalitswe khutukhila khulekanyinywa shichila lira lya yesu. ⁴²na vuli litukhu mulitempeli, vatsililila khwekitsa nu khwilwatsa makhuva malahi ka yesu kristo.

¹mu matukhu yaka , lwa valondi va yesu vametekha, vayahudi vamolomanga lukiriki vang'ung'una khu vayahudi vamolomanga luheburania shijila vakhuntsakhali vavo shivahelwangwa shiukhulia shavahelwanga vuli litukhu tawe.²varumwa vali likhomi na vavili valanga vituma vya valondi va yesu nivavavolela, shivuli vulahi khutse khulekhe khwilwatsa likhuva lya nyasaye, khutsi khukavula shikhulia khu vandu. ³khu lwa yako,vamweru,murovole vandu saba khurula hakari henyu, vandu vali ni miima milahi, vandu vizula roho nu vucheli,vakhurovola vakhole mihinzi yiji. ⁴navutsa khutse,khulatsililila mulisaala nu khwilwatsa likhuva lya nyasaye.⁵livola lyavo lyayanzitsa shituma sahyosi: navo vachekula stefano, mundu yitsula lisuuvila khandi roho mutakatifu, na filipo, na prokoro,na nikanoro,na timona,na peramenas,na nikolausi yakholwa khulonda idini ya vayahudi khurula mu litaala lya antokia. ⁶vasuuvili valera vandu yava imbeli wa varumwa,nivavasalila khandi nivavavikhila mikhono.⁷na likhuva lya nyasaye lyazililila khulanda, na isavu ya valondi va yesu mu yerusalemi yatsililila khumetekha mu vunyikhi, khandi isavu inyikhi ya vasalisi viyema lisuuvila yili.⁸na stefano,niyitsule lisuuvila nitsingulu, yakhola vindu vikali vyu khuchenyinya ni vilolekhitso hakari havandu. ⁹navutsa varulila vandu valala vali vi lisinagogi lya langwangwa lisinagogi lya vandu vavohololwa, vandu va kurene nende alekisandaria, nakhandi na vandi khurula kilikia ni ivuhindi. vandu yava vahangalitsananga na stefano.¹⁰navutsa shivanyala khukura vucheli na roho wa stefano yamolomelamu tawe. ¹¹khu lwa yako vahana asoya khu vandu valala vavole, khuhulile stefano namolomanga manyeko khu musa khandi khu nyasaye.¹²vavwanyinya mulilo mu vandu,na vasakhulu khandi vang'odi, nivakumila stefano nivamuhila imbeli mushina. ¹³vasinjiltsa valolekhitsi vu vuvehi,ni vavola, mundu uyu shalekhanga khunyeka litempeli lyeru litakatifu khandi khu malako ka musa. ¹⁴khumuhilile navolanga yesu wa nazareti uyu alononyinya litempeli yili khandi akalukhanyinye miima cha musa yakhuha. ¹⁵mundu wosi yali niyakhale mu shina yamumikha tsimoni na valola mmono mwemwe nu mufwana khuli mmoni mwi injelosi.

¹mukali wa vasalisi yamureva, vindu vya vavola yivi ni vya kilikali? ²stefano yarevula navola, vamweru na vatata, mbulikhitsi;nyasaye wu vkhumi yalolekhela kuka weru aburahamu lwa yali mu lusomo lwa mesopotamia, nashili khwitsa khumenya mu litala lya harani; ³namuvolela, rula mushivala shyoshyo, ulekhe vandu vovo, utsi mushivala shya nzintsanga khukhumanyinya.⁴yamanya narula mushivala shya vakalidayo natsia khumenya mu litala lya harani;khurula hawenaho,lwa tata wewe yali niyakhakhutsa, nyasaye yamulera mushivala yishi,shamumenyamu lwenulu. ⁵shiyamuhakhu shivali yishi khuli miandu tawe khali vutsa havundu hukhusena vutsa shilenje.navutsa yamulaka- khali nikava abuharamu yali nashili khunyola mwana tawe-ndi alitsa khumuha shivala yishi khuli miandu chyechye halala ni vitsukhulu vyevye vitsa vitse inyuma wewe.⁶yaka nako ka nyasaye yavolela aburahamu , ndi vitsukhulu veve valitsa khumenya mushivala shuvucheni khu vwiyangu vutiti,na vandu vishivala shenesho valitsa khuvalomba khuva varukwa vavo nukhuva tambitsa mihika tsimia tsinne. ⁷na ihili yitsa ivakhole khuva vahambe nditsa vakhalakile, nyasaye avolanga:nikakhavira, vitsa varuleyo vitse vandumikhile hanu. ⁸na nyasaye yamanya naha aburahamu indakano yi shishevo:aburahamu yivula isaka, khandi yamusheva litukhu lya munane; isaka yivula yakobo; na yakobo yivula vakuka veru likhomi na vavili⁹khu vakuka veru vali nimbotokha khu yosefu,nivamulitsa ekepeti; navutsa nyasaye yali halala naye, ¹⁰naye yamurulitsa mu linyakhana lyelye lyosi,namuha livuchililwa nu vucheli imbeli wa faraho,mwami wa ekepeti, na faraho yamukhola khuva mwamihi mushivala shya ekepeti nu khu vandu vosi vi inzu yeye.¹¹inzala ni linyakhana likali vitsa mu shivala shya ekepeti nu mushivala shya kanani; na vatata veru shivali vanyala khunyola shukhulia tawe. ¹²navutsa lwa yakobo yahulila ndi khuli ni shukhulia mushivala shya ekepeti, yaruma vatata veru khu luchendo lu khuranga. ¹³mu luchendo lwa khavili yosefu yivula khuvamwavo veve,na vandu vinzu ya yosefu vamanykha khu farao.¹⁴khandi yosefu yarumanyinya vamwavo veve khutsia khulera yakobo ise wewe yitse ekepeti, halala na vikho veve,vosi isavu yavo yali makhomi saba na varanu. ¹⁵khu lwa yako yakobo yasimukha natsia mu shivala shya ekepeti, naye yakhutsilayo, halala na vise veru. ¹⁶vajingwa ni vahilwa khutukha mu litaala lya shekemu khandi niva yavilwa mushilindwa shya aburahamu yali niyakula khuvukuli vwi ifeza khu vikhula hamori mu shekemu.¹⁷lwa inyinga yi indakano ya nyasaye yolomba na aburahamu yali nili himbi,vandu veru vametekha muvunyikhi mushivala shya ekepeti, ¹⁸khutuka inyanga yu mwami wundi yarulila niyamiha ekepeti,mwami yali niyakhamanya shindu shyosi khulondekhana na yosefu. ¹⁹mwami uyu yakada vandu veru khandi ni honela vise veru, navanikilitsa vavule khuvisa zindana zivulwe, zitukhe khwirwa.²⁰inyanga yeneyo musa yivulwa;naye mulayi munono, nalelelwa nukhulikhitswa mieli jivaka munzu ya ise wewe. ²¹naye lwa yasuvwa ilwanyi, mkhana wa farao yamuvukula namulela khuli mwikhula wewe.²²musa yekitswa mu vucheli vwosi vwa ekepeti, naye yali nu vunyali mu limoloma lyelye khandi mu likhola lyelye. ²³na lwa yatukha mihika makhomi kane, yakanakana mu mwoyo kwekwe khutsia khuchendelela vamwavo veve,vana va isiraeli. ²⁴yolola mulala khuvo nanyakhitswangwa, musa yamukayila khandi numurungitsila shisalia woyo yali nanyakhitswangwa niyira mundu mu ekepeti mwenoyo: ²⁵yakanakana vamwavo veve valava nilimanya ndi nyasaye, khuvirila khu mukhono kwa musa, avalerelanga vuhonyinyi, navutsa shivamanya tawe.²⁶litukhu lya londakhu yitsa nanyola nivakwananga, nachelitsa khuvavukhanyinya, navavolela, munye muli vamwavo, shichila shina mulembananga vene khu vene? ²⁷navutsa woyo yali niyonele murende wewe yamulukura, namureva, ni wina yakhurovola khuva mwamihi khandi mukhalaki khukhutse? ²⁸wenya khunzira khuli mu ekepeti mukolova?²⁹lwa musa yahulila makhuva yako; yilukha nakwa mucheni mushivala shya midiani, naye yivulilayo vana vayayi vavili. ³⁰lwi mihika makhomi kane chali ni cha khavira,injelosi yu mwami yalolekha khuye mushangalangwe shyu mushikulu shya sinai,khuli mililo kwakhanga mushisakha.³¹lwa musa yalola mulilo kwenoko, yali nilichenya khu kayali nololanga; lwa yisunda himbi alole vulayi,mwoyo ku mwami kwitsa, ³²nukumuvolela,inze ndi nyasaye wa vaise vovo, nyasaye wa aburahamu, nyasaye wa isaka, khandi nyasaye wa yakobo.na musa yarenga na khandi yimanya nehenzakhu khandi tawe.³³na nyasaye yamuvolela, ruliza vilaro, shichila havundu husinjile yaha, ni havundu hatakatifu. ³⁴ndoli linyakhatswa lya vandu vanje vali mu shivala shya ekepeti; khandi mbulile lishenya lyavo, na inze ndikhi hasi hanu khuvalerela vuhonyinyi.hamba ndenya khurume yiwe utsi ekepeti.³⁵musa uyu wavambakhana,nivavola ni wina yakhurovola khuva mwamihi nu mukhalaki khukhutse? naye vutsa mulala wa nyasaye yaruma khuva mwamihi khandi muhonyinyi khuvirila khu tsingulu tsi injelosi yamulolekhela mushisakha shakha mulilo. ³⁶musa yavimilila navarulitsa mu shivala shya ekepeti,lwa yali niyakhakhola vilolekhitso ni vindu vyu khuchenyinya mu shivala shya ekepeti,nu khu inyanza imuji, nu mushangalangwa mihika makhomi kane. ³⁷uyu naye musa malala mwene yavolela vana visiraeli, nyasaye alitsa khumurumila muporofeti khuli inze, khurula hakari ha vamwavo venyu.³⁸uyu naye yali nilivukana mushangalangwe halala ni injelosi yamoloma naye mu shikulu shya sinai, khandi na vise veru: khandi naye yahelwa makhuva kali mwoyo akhuhe khutse. ³⁹navutsa vise veru shi vamuhulikhitsa tawe, vwamwambakhana arule khuvo, na mu mioyo chavo vakalukha ekepeti. ⁴⁰inyinga yeneyo vavolela haruni, khulombele vanyasaye vakhwimilile,shichila musa uyu, yakhwimilila khurula ekepeti, khutse khumanyi kikholekhe khuye mba.⁴¹khu lwa yako matukhu kene yako valonga shifwanani shi shimoli, nivalera nivalera vihanwa khu musambwa,nivasangala shichila muhinzi kwi mikhono chavo. ⁴²navutsa nyasaye yavambakhana, navalekha vasale khu tsing'ining'ini tsyu mwikulu, khuli kang'odwa mu shitabu shya vaporofeti, o munye inzu ya isiraeli,mwasinzile inze vihanwa vi tsinyamani khandi vihanwa vindi vyosi khu mihika makhomi kane chamwali mushangalangwe?⁴³yee, munye mwavukula lihema lyu musambwa kulangwangwa moloka, ni ing'ining'ini yu musambwa kulangwangwa rephani,ni vifwanani vya mwalomba muvisaale: na inze ndamujinga muhile ihale muvire babuloni.⁴⁴vise veru vali ni lihema li lilolekhitsa mushangalangwe, khuli nyasaye yalaka lwa yamoloma na musa, ndi alombe khulondekhana khuli nyasaye yamumanyinya. ⁴⁵vise veru mu inyinga yavo,nivimililwanga na yoshua,vavukula lihema tsena nivitsa nalyo khutukha lwa vakula miandu chi shivala shya kanani,va nyasaye yakhunganyinya imbeli wi tsimoni tsya vaise veru,lihema lienili lyamenya mushivala khutukha mu tsinyinga ya daudi; ⁴⁶naye yanzitsa nyasaye, namureva amuhuchilile khumbakha inzu ya nyasaye wa yakobo.⁴⁷navutsa solomoni naye naye yumbakhila nyasaye inzu. ⁴⁸navutsa, nyasaye uli ikulu shamenyanga muzinzu tsyumbakhwa ni mikhono cha vandu, khuli muporofeti avolanga, ⁴⁹likulu ni shisako shanje shyu vwamihi, lilova ni shisako shi vilenje vyanje; mwami avola ndi , ni inzu likanu shina ya munyala khunzumbakhila, inoho ni havundu shina wanyala khuhulukhila? ⁵⁰shukuli mukhono kwanje kwalomba vindu yivi vyosi?⁵¹munye vandu vamang'ori matinyu, vamwakhashevwa mwoyo na maroyi,inyinga yosi muhangalitsanga roho mutakatifu; mukhola vutsa khuli vise venyu vakhalanga. ⁵²ni muporofeti alena wa vise venyu vavula khudambitsa? vira vaporofeti valolekhitsa imbeli litsa lyu mulunji; wa munye khandi mukwile vatsami na viiri veve: ⁵³vamwanyola malako ka mwalerelwa ni injelosi navutsa shimwakalinda tawe.⁵⁴lwa vandu vi shina vahulila makhuva yaka,vasinyikha mu mioyo chavo navalumanyinya mino kavo shichila stefano. ⁵⁵nuvutsa, niyutsule roho mutakatifu, yumikha tsimoni mwikulu,nalola vukhumi vwa nyasaye;nalola yesu nasinjile khu mukhono mulunji kwa nyasaye. ⁵⁶navolaloli, ndolanga likulu likukhe,na mwana wu mundu asinjile khu mukhono mulunji kwa nyasaye.⁵⁷khu yaka, vandu vali mushina vakhunikha maroyi kavo,ni vahanzukha khu miyo chi ikulu,nivavatsukha vatsia khuye. ⁵⁸nivamuhila ilwanyi wi litala nivanza khumulesa na majina.na valoli vavikha tsinguvu tsyavo hasi hi vilenje vyu muyayi yalangwangwa saulu.⁵⁹navo lwa valesa stefano na majina, yanira khu mwami navola, mwami yesu, vukula mwoyo kwanje. ⁶⁰nasikama nalila nu mwoyo mukali , mwami, ukhavakhalakila khu vwoni yuvu tawe. lwa yamala khuvola ndio,yakona tsindolo.

¹khandi sauli yahujilila likhutsa lyelye.lidambitsa likali lyaranga khu livukana lyali mu litala lya yerusalemi; na valondi va yesu vosi vasalanyinywa mutsisomo tsyosi tsyi ivuyuda khandi samaria,nivakhali varuma vonyene. ²vandu vali vihaana khu nyasaye vayavila mmbili kwa stefano navo valila tsikhwili tsyu khwikhula ni shivela shikali. ³navutsa saulu yajelitsa khutivitsa likanisa, niyinjila vuli munzu,nakhwesesa vandu vosi vastsa na vakhali, navahila mushivoho.⁴khu lwa yako vandu vali nivasalanyinywe, vatsia vuli havundu hosi nivalwatsa likhuva. ⁵filipo naye yatsia natukha mu litala lya samaria navilwatsila kristo⁶na vandu nu mwoyo mulala vahulikhitsa makhuva ka filipo yali navolelanga,nivahulilanga nivalola vilolekhitso vya yakhola. ⁷shichila madimoni karula mu vandu vanyikhi vakali kamenyamu, nikahanzukhanga,na vanyikhi vali ni vafwokoya khandi valeme vosi vahonyinywa. ⁸vwaliyo vuyanzi vunyikhi mulitala yelo.⁹navutsa khwaliyo nu mundu mulala mulitala yalangwa simioni,yalingi mulochi,yolokanga vandu va samaria, niyimanyinya ndi yali mundu wi shivune. ¹⁰vasamaria vosi khurula khu vana khutukha khuvasakhulu vamuhulikhitsanga, nivavola, mundu uyu natsyo tsingulu tsya nyasaye tsingali. ¹¹na vamuhulikhtsa shichila inyinga indambi yali yavachenyinya ni liloko lyelye nuvulakuli.¹²navutsa lwa vasuvila filipo lwa yilwatsa ivangeli ya makhuva malahi ku vwami vwa nyasaye ni lira lya kristo, vinwa mmatsi, vosi vasatsa na vakhali. ¹³khali simioni mwene yasuvila,na lwa yali niyakhinwa mmatsi yatsililila khumenya na filipo,naye yali nilichenya, lwa yalola vilolekhitso nende vindu vyu khuchenyinya nivikholekhanga.¹⁴lwa varumwa vali yerusalemi vahulila ndi samaria vahuchilile likhuva lya nyasaye, varuma yo petero na yohana: ¹⁵lwa vatukhayo, vavasalila vanyole roho mutakatifu. ¹⁶shichila khutukha inyinga yeneyo, roho mutakatifu yali nashili khwikhakhu khali khu mulala wavo: navutsa vali vutsa vabatiswa mu lira lyu mwami yesu. ¹⁷na petero na yohana vavavikhila mikhono chavo, navo nivanyola roho mutakatifu.¹⁸lwa simioni yalola vandu nivanyolanga roho mutakatifu khuvirila khuvikhilwakhu mikhono cha varumwa,yajelitsa khuvaha tsisendi. ¹⁹navola mumbekhu vunyali yuvu,khali ize mundu wosi wambikhilakhu mikhono chanje anyole roho mutakatifu.²³²⁰navutsa petero yamuvolela, tsisendi tsyotsyo tsidive halala niwe,shichila ukanakananga shihanwa shya nyasaye shikulwangwa ni tsisendi. ²¹yiwe shuli nilisanga inoho shitonye mu makhuva yaka, shichila mwoyo kwokwo shikuli vulunji na nyasaye tawe. ²²khu lwa yako wikanile vwonekhu vwovwo yuvu, usale khu mwami,nava nayanza akhulekhele inganakani yu mwoyo kwokwo. shichila ndolanga uli mululu khuli vwi indulwe khandi mushivoho shyu vwonekhu.²⁴simioni yarevula navola,munye musalile khu mwami vene khu shindu shyosi shya muvoli shivule khwikholekha khwinze.²⁵lwa vamala khulolekhitsa nu khwilwatsa likhuva lyu mwami,petero na yahana vakalukha yerusalemi, ni vilwatsa ivangeli mu mikitsi minyikhi cha vasamaria.²⁶na injelosi yu mwami yamoloma na filipo , ni vola, rula utsi luveka lwi isavalu, khu injila ikholomokhanga khurula yerusalemu khutsia mu litala lya gaza,injila yeniyi ili mushangalangwe. ²⁷yarula natsia, henza,khwali nu mundu khurula mushivala shya kushi {eziopia},mundu shitsili yali nuvunyali nahinziranga hasi ha kandake,mukhali wamihanga vandu vosi va kushi {eziopia}, naye yali musinjilili wi we vuruji vwevwe. yali niyitsi yerusalemi khusala. ²⁸yali nakalukhanga mushivala shyavo niyakhali mulikale lyelye,khandi yali nasomanga shitabu shyu muporofeti isaya.²⁹na roho yavolela filipo, yisunde himbi na uvele himbi ni likale lyelye. ³⁰na filipo yavatsukha natsia himbi naye,nahulila asomanga shitabu shyu muporofeti isaya, namureva,uli nilimanya lya makhuva ka usoma yaka? ³¹naye yamuvolela, nyala khumanya ndina mundu nakhanzivalile? yinjilitsa filipo mu likaale lyelye nivakhalamu naye.³²tsimbaso tsya mang'odo tsyu mundu mweneyo yali nasomanga tsyali, yahilwa khuli likondi lizitsanga khusinzwa, khandi khuli mwana wi likondi ali imbeli wa vaveki va maswa keke muvuhonjeru, khandi shiyakhunulakhu munwa kwekwe tawe. ³³vamuha tsisoni vuchila khumukholela kakilikali: ni wina unyala khwivaala lwivulu lu vitsukhulu vyevye?shichila liva mwoyo lyelye lyarulitswaho mulilova.³⁴khandi shitsili yareva filipo, navoola, khusayanga,umbolele muporofeti uyu amoloma khu wina, khuye mwene inoho mundu wundi? ³⁵na filipo yakhunulwa munwa kwekwe, narangila vutsa khu luvaso lwenolo, namwilwatsila yesu.³⁶lwa vali nivatsitsanga khunjila, vatukha ha matsi kali nikali na shitsili navola, lola,matsi yaka; ni shina shinyala khunzikalila mbule khwinwa? ³⁷filipo yamuvolela, nuva nusuvila nu mwoyo kwokwo kwosi, unyala khwinwa.naye yamurevulila namuvolela,suvile ndi yesu kristo nu mwana nyasaye. ³⁸naye yasinjilitsa likaale lyelye,navo vosi nivikha mumatsi, filipo ni shitsili, naye yamwina mmatsi.³⁹lwa varula mmatsi, roho wu mwami yachinga filipo namuhila ihale, na shitsili shiyamulolakhu khandi tawe, navutsa yatsia muluchendo lwelwe nasangalanga. ⁴⁰navutsa filipo yalolekha mu litala lya azoto navirila mulusomo lwenolo niyilwatsanga ivangeli mu mataala kosi khutukha lwa yatukha kaisalia.

¹navutsa saulu ,nashitsilililanga khusioma nu vululu khuli anyala khwira valondi va yesu,yatsia khu musalisi mukali, ²namureva amuhe zibalua tsya masinagogi kali mu litaala lya dameski, khu nanyola khu vutsa mundu wosi alondanga injila yiyi, ave musatsa inoho mukhali, avalere yerusami nivavohelwe.³lwa yali nali khuluchendo, nali himbi khutukha damesiki: nonoho vulavu wakha khuye vukali nuvumukhumbelitsa khurula mwikulu: ⁴yakwa hasi nahulila mwoyo nikumuvolelanga, saulu, saulu, shichila shina undambitsanga?⁵naye yarevula, uli wina yiwe, mwami? mwami yavola, inze ndi yesu,wu dambitsanga: ⁶natechelanga khandi nali nilichenya yavola, mwami,wenya inze khole shina? na mwami yamuvolela,sinjila utsi mulitala, na ulavolelwa shakenyekhananga ukhole. ⁷na vandu vali naye khuluchendo vasinjila vutsa vuchila likhuva lyosi lyukhuvola, shichila vahulila mwoyo, navutsa valolakhu mundu mwene yamoloma tawe.⁸saulu yavukha khurula hasi, na lwa yakhunula tsimoni, shi yali anyala khulola shindu tawe, navukumila mukhono vamwilila khutukha mu litala lya damesiki. ⁹khu matukhu kavaka yali muvekhu, shiyalyakhu inoho khung'wakhu shindu shyosi tawe.¹⁰yaliho mulondi wa yesu mulitala lya damesiki yalangwa anania;mwami yamulanga mumalolo namuvolela, ananaia! naye yaruvula navola,henza, ndi hanu, mwami. ¹¹na mwami yamuvolela,rula utsi munjila ilangwangwa inunji,,munzu ya yuda ureve mundu ulangwangwa saulo, khurula mu litala lya tarisa;shichila henza, asalanga, ¹²naye aloli mumalolo mundu alangwa anania niyinjilanga, namuvikhilanga mikhono,atukhe khunyola khulola khandi.¹³anania yarevula, mwami, mbulile khurula khu vandu vanyikhi vikholwa vyu mundu uyu,khuli asalilitse vandu vovo vatakatifumu yerusalemi. ¹⁴naye anyoli vunyali khurula khu vakali va vasilisi khuvoha mundu wosi hanu yaniranga khu lira lyolyo. ¹⁵navutsa mwami yamuvolela,,tsia:shichila uyu ni shicho shyanje shyandovole, khuchinga lira lyanje nu khulihila imbeli wa vandu vi tsihili tsindi,khandi khu vami, nukhu vana visiraeli: ¹⁶shichila ndamumanyinya vindu vinyikhi vyu khumusalilitsa shichila lira lyanje.¹⁷khu anania yarula, natsia niyinjila munzu; namuvikhila mikhono navola, amweru saulu, mwami,nali mwami yesu,yakhulolekhela khuluchendolwa wali nuwitsanga, andumi,utukhe khunyola khulola khwokhwo,na wizule roho mutakatifu. ¹⁸nonoho vindu vyarula mutsimoni tsyetsye vifwana makhambaya,na tsimoni tsyetsye tsyalola khandi,nasinjila ni yinwa mmatsi. ¹⁹naye yalia shukhulia nanyola tsingulu.namenya na valondi va yesu vali damaesiki khu matukhu katukhi.²⁰naye yaranga khwilwatsa kristo mumasinagogi,navola nu mwana wa nyasaye. ²¹navutsa vosi vamuhulila vali nilichenya, nivavola, shyali naye uyu mundu wayiringi vandu vayanirenge khulira yili mu yerusalemi,khandi nashyo shivune shimuleri hanu,akumile vandu avahili khu vakali va vasalisi nivavohelwe? ²²navutsa saulu yametekha muno mutsingulu,nayalomba vayahudi vamenyanga damesiki khuva nilihenda mwoyo,shichila yavamanyinya ndi yesu naye kristo.²³lwa matukhu manyikhi kali nikavira,vayaudi valokhitsa khuli vanyala khumwira. ²⁴navutsa sauli yavolelwa kosi kavali nivalokhitse. valinda muvilivwa vutukhu nu mmbasu vatukhu khumwira. ²⁵navutsa valondi va yesu vamuvukula vutukhu, nivamwikhitsila khuvirila mwisisi, vamwikhitsa navamuvikhi mushiluvi {mishikapu}.²⁶na saulu lwa yatukha yerusalemi,yajelitsa khuhambana na valondi va yesu,navutsa vali nuvurii,shivali nilisuvila ndi akwile mulondi wa yesu tawe. ²⁷navutsa baranaba yamuvukula,namulera khu varumwa,navavolela khuli saulu yali naloli mwami khunjila,na khandi mwami yali namolome naye, na khandi khuli yali saulu yali niyilwatsi lira lya yesu nuvuluvilili mu litala lya damesiki.²⁸naye yamenya navo, nachenda navo havundu hosi mu yerusalemi.khandi niyilwatswa vuchila khuria khuvirila mu lira lyu mwami yesu. ²⁹naye yahingana na vayahudi vamolomanga lukiriki, navutsa inyinga yosi vakhavilitsanga vajelitsa khuli vanyala khumwira. ³⁰lwa vamwavo vamanya makhuva yaka,vamuhila kaisalia nivamuruma ihale mu litala lya tariso.³¹khu lwa yako likanisa lyosi mu tsisomo tsya yudea,galilaya khandi samaria vali nimilembe, niviyumbakha,khandi nivachenda mu vuri vwa nyasaye nu khulemimywa mioyo na roho mutakatifu,likanisa nilimetekha isavu. ³²khandi katukha, lwa petero yivira mulosomo lwosi, yatukhila vandu vatakatifu va nyasaye vamenyanga mu litala lya luda.³³yanyolayo mundu mulala yalangwa ainea,shichila yali yakona mushitali mihika munane, shichila yali yafwokya. ³⁴petero yamuvolela, ainea,yesu kristo akhunhonyinyanga.sinjila,ulombe vukono vwovwo,naye yasinjila vwangu. ³⁵khu lwa yako vandu vosi vamenya mu litala lya luda khandi mu litala lya sharoni lwa valola mundu uyu, vakalukhila mwami.³⁶mu litala lya yopa khwaliho nu mulondi wa wa yesu yalangwa tabitha [nukalukhanyinye kavola dorcas] mukhali uyu yali ni vikholwa vilayi na khandi yalolelanga vatakha tsimbavasi navaha vukhonyi. ³⁷mumatukhe kenako yalwala nakhutsa, lwa vali nivakhamusinga, vamuvikha munzu mukolofa ikulu.³⁸shichila litala lya luda lyali himbi ni litala lya yopa, na valondi va yesu vali nivahulile petero aliyo,varuma vandu vavili khuye, vamusaye yitse vwangu vuchila khucheleva. ³⁹petero yasinjila narula navo.lwayatukha vamuhila munzu ikulu: na vakhunzakhali vosi vasinjila ho nivikhulanga nivamanyinya petero tsinguvu tsya dorcas yavashonela, lwa yali nashili navo.⁴⁰petero yavarulitsa vosi ilwanyi,nasikama nasala; lwa yakalukhana nahenza mmbili ku mukhutsu, na vola, tabitha,vukha.nakhunula tsimoni: na lwa yalola petero,yamanya niyikhala. ⁴¹petero yamukumila mukhono numusinjilitsa,na yalanga vatakatifu va nyasaye na vakhunzakhali,namuhana khuvo nali mwoyo. ⁴²likhuva yili lyamanyikha mulitala lyosi lya yopa, na vandu vanyikhi vasuuvila mu mwami. ⁴³na petero yamenya matukhu manyikhi mu litala lya yopa, naye yamenya nu mundu yalangwangwa simioni, munavi wa vindu vya maselo.

¹khwali nu mundu mu litala ly kaisalia yalangwangwa koronelia, yali mwimilili wa vasikali imia indala wu mukanda kwa vataliani. ²yali mundu mulayi, yaria nyasaye halala na vandu vi inzu yeye, khandi yakhonyanga vatakha na yasala nyasaye inyanga yosi.³tsisaa tisa tsyumbasu, yolola malolo injelosi ya nyasaye nimwitsilanga,nimulanga,koroneli! ⁴lwa koroneli yalola injelosi yeyo yali nuvuri,navola,ni shina, mwami? naye namuvolela,masala koko ni vihanwa vyovyo vitukhi wa nyasaye khuli shindu shyu khwitsukhitsa imbeli wewe. ⁵ruma vandu mu litala lya joppa valange mundu alangwa simioni,lira lyelye lindi alangwa petero: ⁶yamenya nu mundu alangwa simioni munavi wi vindu vya masero, inzu yeye ili khulujinga lwi inyanza.⁷lwa injelosi yamoloma naye yali niyakhatsia,koroneli yalangwa varumikhili veve vavili vu munzu,khandi nu musikali mulala khu yavo vamurumikhilanga yali ni yaria nyasaye; ⁸lwa koroneli yamala khuvivalila vindu yivi vyosi,yavaruma khutsia mu litala lya joppa.⁹litukhu lilondakhu,nivali khuluchendo lwavo,khandi nivali himbi khutukha mwitala, petero yanina mukolofa khusala himbi tsisaa sita tsyu mbasu. ¹⁰yahulila inzala niyenya shindu shukhulia,navutsa lwa vali nivashilombanga shukhulia,shindu khuli tsindolo shammbira mmoni, ¹¹nalola likulu nilikukhe, khandi shindu khuli luvala luvambalalu lwikhanga hasi mwilova,nilwikhitswangwa nilukumwile khu tsimbeka tsyalwo tsinne. ¹²mukari mwasho tsyalimu tsinyamu tsyu lukanu lwosi tsyijendelanga khu vilenje vinne, ni vindu vimola hasi, na manyonyi ki ikulu.¹³mwoyo kwa moloma na petero nikuvola, sinjila, petero,usinze khandi unyanye. ¹⁴navutsa petero yavola,auwa, mwami; shijila shili khuliakhu shindu shyosi shonekhe inoho shononyinywa. ¹⁵khandi mwoyo kwamoloma naye lwakhavili nikuvola,shindu shya nyasaye atakasi,yiwe ukhashilanga shitamanu tawe. ¹⁶yaka kikholekha hali khavaka, ma luvala lwa zana nilukalukhitswa mwukulu.¹⁷lwa petero yali nashili mulichenya shya mololo kaloli kavolanga, henza,vandu vali nivarumilwe na karoneli,lwa vali nivakhareva inzu ya simioni,vali nivatukhi nivasinjile mushilivwa. ¹⁸valanga,nivareva niva simioni, alangwa khandi petero amenya munzu mwenemo.¹⁹petero lwa yali nashikanakanga khulondekhana khu malolo ka yali naloli,roho yamuvolela, henza,vandu vavaka vakhukhavanga. ²⁰rula,wikhe hasi utsi navo,ukhahayahayitsa khuvula khutsia navo shichila ninze varumi. ²¹khu petero yikha khurula mukolofa natsia khu vandu yavo navavolela,ninze wamukhavanga.shivune shina shijilanga nimukhava?²²varevula nivavolela petero,musinjilili wu mukanda kwa vasikali imia indala va varoma,lira lyelye nali koroneli,mundu mulunji asalanga yaria nyasaye,khandi vayahudi voosi vamuha luyali,injelosi imuvolele arumane utsi munzu mwemwe, ahulile kuvola. ²³petero yavinjilitsa munzu navavolela vakonemu.litukhu lyalondakhu,yavukha niyirechekha natsia navo,khandi vandu valala khu vasuuvila khurula mu litala lya yoppa vatsia halala navo.²⁴litukhu lyalondakhu vinjila mu litala lya kaisalia.koroneli yali navalindililanga; naye yali nalangi vikho veve nende valina veve va himbi.²⁵lwa petero yali nali himbi khwinjila munzu, koroneli yatsia khumwakanila, nakwa hasi hi vilenje vyevye namusikamila. ²⁶navutsa petero yamusinjilitsa, namuvolela, sinjila! inze ndi mundu vutsa.²⁷lwa petero yali nashimolomanga na koroneli,yinjila munzu nanyola vandu vanyikhi nivivunjelitse mu. ²⁸petero yavolela, munye vene mwamanya ndi khulondekhana khu malako shikatukhananga mundu muyahudi khuva nu vulala inoho khucheniha mundu wi ihili yindi.navutsa nyasaye amanyinye mbule khulangakhu mundu wosi wonekhe inoho yononyinywa. ²⁹nasho shivune shichili inze ni nditsa vujila mahangali. khu lwa yako murevanga ni shivune shina shijili nurumanyinya nditse.³⁰koreneli yamuvolela,mutukhu kane kaviri mbele nindi mulisala lyu khuhonga khulya munzu mwanje tsisaa tisa tsya hamukolva; na henza, mundu yasinjila imbeli wanje ni tsinguvu tsyang'ang'anga. ³¹navola, koroneli,nyasaye ahulile lisala lyolyo,na nyasaye yitsukhitse vihanwa vyu hananga imbeli wewe. ³²khu lwa yako ruma mundu atsi mu litala lya yoppa,atsi akhulangile mundu alangwa simioni khandi lira lyelye lindi ni petero. amenya munzu yu mundu alombanga vindu vya masero naye alangwangwa simioni,inzu yeye ili himbi nuluchinga lwi inyanza. ³³vwangu ndarumanyinya witse.ukholi vulayi khwitsa.nundi khuli hanu vosi imbeli wa nyasaye khuhulikhitsa shindu shyosi shyu mwami akhuvolele uvole.³⁴petero yakhunula munwe kwekwe navola,kakilikali ndolanga nyasaye shyali nu vwahuli khu vandu tawe. ³⁵navutsa vuli muhili yosi,vuli mundu wosi aritsanga nyasaye nukhukhola kali ku vulunji amuhujililanga.³⁶likhuva lya nyasaye yaruma khu vana visiraeli,niyilwatsanga milembe khuvirila khu yesu kristo,naye mwami wa vosi. ³⁷likhuva yili munye mwalimanya,lyalanditswa mulusomo lwosi lwa yudea, khurangila galilaya,inyuma wi libatiswa lya yohana yilwatswa; ³⁸khuli nyasaye yavekha yesu wa nazareti na makura ka roho mutakatifu ni tsinguly: naye yachenda havundu hosi nakhola malayi,khandi nahonyinya vandu vosi vali nivihonelwa na ibilisi,shichila nyasaye yali halala navo³⁹khandi khutse khuli valolekhitsi vi vindu vyosi vya yakhola mu shivala shyosi shivuyuda khandi mu yerusalemi yosi; naye vwamira khuvirila khumusunga khu musala: ⁴⁰litukhu lya khavaka,nyasaye yamwisimukhitsa khurula mmbakhutsu, namulolekhitsa havulav; ⁴¹shikali khu vandu vosi, navutsa valolekhitse varovolwa imbeli na nyasaye, nivali khutse,vakhwalia nukhung'wa halala naye lwa yali niyakhisimukha khurula mu vakhutsu.⁴²khandi nakhulaka khwilatsile vandu nukhulolekhitsa ndi naye wa nyasaye yarovola khuva mukhalaki wa vandu vali mwoyo nende vakhutsa. ⁴³vaporofeti vamoloma khuye nivavola, mundu wosi amusuvila alavelerwa vwoni vwevwe khuvirila mu lira lyelye.⁴⁴lwa petero yali nashimolomanga vindu yivi, roho mutakatifu yikha khu yavo vosi vali nivahulikhitsanga milwatso keke. ⁴⁵mukanda kwa vandu vali veshevwa navo vasuvila mu yesu,vali nivachendi na petero, vali nilichenya,shichila khandi roho mutakatifu yikha khu vandu vitsihili.⁴⁶shichila vavahulila nivamolomanga mu tsinimi tsyindi khandi nivitsominyanga nyasaye.khu lwa yako petero yarevula, ⁴⁷ni wina anyala khukaya vandu yava vavule khwinwa mmatsi, vandu vanyoli roho khuli khutse khwanyola? ⁴⁸naye yalaka vinwe mmatsi mu lira lyu mwami.navo vamusaya amenyekhu navo matukhu mati.

¹varumwa halala na vamwovo vali mulitala lya yudea vahulila ndi khandi vandu vitsihili viyemi likhuva lya nyasaye. ²lwa petero yakalukha natukha mu litala lya yerusalemi,mukanda kwa vandu vashevwa vahangalitsana naye, ³nivavola,yiwe uchenihe vandu vashili khushevwa khandi unyanyi shukhulia halala navo.⁴navutsa petero yaranga khwivala muvuvambalalu khurula muliranga, navola, ⁵ndali mulitala lya yoppa nisalanga: na lwandarenchetsa,ndalola malolo, shindu shikha khurula mwikulu,khuli luvala lukali,lwikhitsa hasi mutsimbeka tsyalo tsyine,na lwikhitswa khuinze. ⁶lwa ndikula tsimoni tsyanje nimbenza vulayi,ndalola tsyinyama tsyi vilenje vinne tsyu mulilova,ni tsyinyama tsyumbulimo,ni vindu vimola hasi,na manyonyi kabulukhanga mwikulu.⁷ndahulila mwoyo nukumbolela,petero,sinjila,usinze, unyanye. ⁸navutsa ndamuvolela, auwa,mwami: shindu shyonekha inoho shitamanu shishili khwinjilakhu mu munwa kwanje tawe. ⁹navutsa mwoyo kwarevula khurula mwikulu khandi,nikuvola,shindu shya nyasaye amali khutakasa [khwokitsa], ukhashilanga shonekha tawe. ¹⁰yaka kikholekha hali khavaka, na vindu vyenievo vyosi vyakhweswa nivikalukhitswa mwikulu khandi.¹¹henza,nonoho vandu vavaka vali nivasinjile imbeli winzu yandalimu, vali nivarumilwe khurula mu litala lya kaisalia khwitsa khwinze. ¹²roho yambolela nzi navo, mbule khuhaya haya.vamwavo veru yava sita [varanu nu mulala] vatsia halala ninze, nukhunjila munzu yu mundu uyu. ¹³yakhuvolela khuli yali naloli injelosi nisinjile munzu mwemwe nimuvolela, ruma vandu mu litala yoppa vatsi khulera simioni alangwa khandi petero; ¹⁴alamwivalila makhuva kachila yiwe na vandu vinzu yoyo munyole vuhonyinyi.¹⁵lwa daranga khuvivalila,roho mutakatifu [mutsienukhu] yikha khuvo, khuli yikha khukhutse muliranga. ¹⁶nditsukhitsa makhuva ku mwami, khuli yavola, kakilikali yohana yiina vandu mmatsi, navutsa munye miliinwa [mulabatiswa] mu tsingulu tsya roho [mutsienukhu] mutakatifu.¹⁷khu nikava nyasaye yavaha shihanwa shilala shyele khuli shya yakhuha lwa khwasuvila khu mwami yesu kristo,inze ndali wina mbingane na nyasaye? ¹⁸lwa vahulila vindu yivi, vashiling'ana, nivitsominya nyasaye,nivavola, khali khu vandu vitsihili, nyasaye avehele likanila lileranga liva mwoyo.¹⁹khu yavo vasalana khulondekhana khulindambitswa lyarulana khu stefano varula nivachenda khutukha foenike, saipurasi nende antokia,vilwatsila vutsa vayahudi vonyene. ²⁰navutsa valala khuvo, vandu khurula saipurasi khandi kirene, vitsa antokia nivamoloma navaguriki,nivavilwatsila ivangeli ya makhuva malayi khulondekhana khu mwami yesu. ²¹mukhono ku mwami kwali halala navo, isavu inyikhi ya vandu vasuvila nivalonda mwami.²²makhuva kivindu vyali nivikholekhanga kahulikhana mu likanisa lyali mulitala lya yerusalemi,navo varuma baranaba, natsia khutukha mu litala lya antokia. ²³lwa yatukha nalola tsimbavasi tsya nyasaye,yali nuvuyanzi khandi navatinyilitsa vamenye mu mwami nu mwoyo mulala. ²⁴shichila yali mundu mulayi khandi mundu yitsula roho mutakatifu ni lisuvila,na vandu vanyikhi vametekha khu mwami.²⁵baranaba yasimukha natsia khukhava saulu mulitala lya tarisa. ²⁶lwa yamunyola, yamulera mu litaala lya antokia.khu vwiyangu vu muhika mulala vakana halala nilikanisa [ livukana ] nivikitsa vandu vanyikhi. valondi va yesu valangwa vakirisito lukhuranga lwene mu litala lya antokia.²⁷mumatukhu kenako valala khu vaporofeti varula muyerusalemi nivatukha mu litala lya antokia. ²⁸mulala khuvo, yalangwa agaba,yasinjila nalolekhitsa nitsingulu tsya roho mutakatifu ndi inzala ingali ilitsa mu lilova lyosi.nako kirwekhitswa mu matukhu ka klaudia.²⁹khu valondi va yesu,khulondekhana nu vunyali vwa shavuli mulala wavo,valalila khuruma vukhonyi vukhukhonya vamwavo vavo vali mu lusomo lwa yudeya. ³⁰vakhola ndiono,navarumanyinya tsisendi tsyavo khu varumwa khuvirila khu mikhono cha baranaba na saulu.

¹inyinga yeneyo mwami herode yaranga khudambitsa vandu valala vi likanisa. ²yiira yakobo amwavo yohana ni shivavi.³lwa yalola kayanzitse vayuda,yakumila petero khandi.nako kali matukhu kukhulia mukati kukhali na mamela. ⁴khandi lwa yamala khumukumila,yamuvikha mushivoho,namuvikha khu vituma vinne vya vasikali khumulinda, yenyanga amulere imbeli wa vandu litukhu lilisabato nilyakhavira.⁵khu petero yavikhwa munzu ya vavohe,navutsa livukana lyatsililila khumusalila nu mwoyo mulala khu nyasaye. ⁶vutukhu,khu vushi mukamba kwene herede amulere mushina,petero yali nakoni hakari ha vasikali vavili,navohelwe ni minyololo, na vasikali vandi vali nivalindi mushilibwa shinjilanga munzu ya vavohe.⁷khandi henza, injelosu yu mwami yitsa nililolekha khuye,na vulavu vwakha munzu ya vavohe: yasamula petero mumbalu namuvukhitsa, namuvolela,sinjila vwangu. na minyololo charonya nijirula khu mikhono chyechye. ⁸injelosi yamuvolela ,fwala vilaro vyovyo.naye yakhola ndio.injelosi yamuvolela,ifwale inguvu yoyo ma unonde.⁹petero yalonda injelosi khutukha ilwanyi.na shiyali nilimanya ndi ki injelosi yakholanga kali kilikali.yakanakananga alola malolo. ¹⁰lwa vali nivakhavira khu vasikali valindanga shilivwa shukhuranga nende shyakhavili,vatukha khu shilivwa shyalombelwa vivya shinjilanga mu litala likali; nashyo shyavikukhila vutsa shene; nivarula nivatsia ilwanyi khu muhanda mukali kwi litala, na injelosi yalekhana na petero.¹¹lwa petero yikalukhila mwene,yavola,ndakhamanya ni kakilikali mwami arumi injelosi yeye khumbonyinya khurula mu mukhono kwa herode, khandi khurula khu vindu vyosi vya vandu vayahudi vavele nivakanakananga vinyala khwikholekha. ¹²lwa yali niyakhamanya kenako, yatsia munzu mwa mariya nyina yohona, khandi yalangwangwa maliko,havandu vanyikhi vali nivakanile nivasalanga.¹³lwayikulitsa khu muliango kwi shilivwa, mkhana murukwa yalangwa loda yitsa khuhulikhitsa. ¹⁴lwayamayilitsa mwoyo kwa petero, shichila vuyanzi vunyikhi shi yikula muliango tawe,navutsa yavazukha natsia munzu navavolela petero asinjile ilwanyi wi shilivwa. ¹⁵navo vamuvolela,uli mulalu.navutsa yatsililila khuvavolela ni kakilikali nindio kali. nivavola, ni injelosi yeye.¹⁶navutsa petero yatsililila khwikulitsa, na lwa vikula muliango,vamulola nivachenya muno. ¹⁷navutsa petero yavachingila mukhono vahonjele, navivalila khuli nyasaye yali numurulitse munzu ya vavohe.navola,mutsi muvolele yakobo navamwavo makhuva yaka. narula natsia havundu handi.¹⁸lwa vwashya, vasikali vali nilihenda mwoyo ni shina shyali nishikholekhe khu petero. ¹⁹lwa herode yamukhava navula khumunyola,yarevekhitsa valindi khandi nahana lilako viirwe. khu herode yamanya narula mu lusomo lwa yudeya natsia mulitala lya kaisalia namenya iweneyo.²⁰khandi herode yali nuvurima na vandu va matala ka tiro na sidoni: vatsia khuye nu mwoyo mulala, na vahombelitsa blasito wali mulina wavo,khandi mukhonyani wu mwami, avakhonye,nivareva milembe shichila shivala shyavo shyanyolanga shukhulia khurula mu shivala shyu mwami. ²¹khu litukhu lyali nilirovolwe herode yifwala zinguvu tsyu vwami niyikhala khu shisako shyu vwamihi,nalomoloma khu vandu.²²vandu vakhuva isango nivavola,yoko nu mwoyo ku munyasaye, shukuli ku mundu tawe. ²³nonoho injelosi yu mwami yamusamula,shichila shi yaha nyasaye vukhumi, nanyanywa nitsinyende, nakhutsa.²⁴navutsa likhuva lya nyasaye litsililila khumetekha nililanda havundu hosi. ²⁵khandi baranaba na sauli vakalukha khurula yerusalemi lwa vali nivakhamala vuhinzili vwavo,vitsa na halala na yohana, yalangwa lira lindi maliko.

¹mulivukana lya antokia, valimu vaporofeti na vekitsi.vali baranaba,simioni { alangwa nigeri },lukia khurula mu litala kirene,manaheni [ yali niyalelwa nu mwamihi herode ], na saulu. ²lwa vali nivasalanga nu khuhonga khulia shukhulia,roho mutakatifu yavola,munzahulile baranaba na saulu, khukhola mihinzi cha ndavalangila. ³lwa vali vakhamala khuhonga vuchila khulia shukhulia,nukhusala,nukhuvavikhila mikhono vandu yava,vavaruma.⁴khu lwa yako baranaba na saulu,lwa vali nivakharumwa na roho mutakatifu, vatsia nivatukha mu litala lya seleukia; khurula iweneyo vambukha nivatsia saipurasi. ⁵lwa vali nivali mu litala lya salamis, vilwatsa likhuva lya nyasaye mu masinagogi ka vayahudi: na vali yohana khuli mukhonyani wavo.⁶lwa vali nivakhavira havundu hosi mu shisulu shya saipurasi khutukha mu litala lya pafosi,,vanyolayo mundu mukhumu, muyahudi yali muporofeti wu vuvehi, lira lyelye yalangwa bari- yesu. ⁷mukhumu mweneyo yali mulina wu mwamihi wi shisulu shya saipurasi,yalangwangwa serigia paulu,naye yali mundu wu vucheli vunyikhi.khu mwamihi mwenoyo yalanga baranaba na saulu, shichila yenyanga khuhulila likhuva lya nyasaye. ⁸navutsa elymas, mukhumu [ nindio lira lyelye nilikalukhanyinywe livolanga ] yavahinganyinya, niyenyanga khwikalila mwamihi avule khulonda lisuvila.⁹khu saulu, {ulangwa khandi paulu,} niyitsule roho mutakatifu yumikha tsimoni tsyetsye khuye, ¹⁰navola, o yiwe mwana wa ibilisi,waitsula tsinganu tsyosi tsyu vuvehi nuvutamanu,yiwe mutsiku wu vulunji vwosi,khandi uchelitsanga vuli inyinga yosi khukalukhanyinya kakilikali ku mwami khuva vuvehi?¹¹henza mukhono ku mwami kuli khwiwe,na ulavekhula,shulalolakhu liuva khu inyanga indidi.nonoho,lwoshosho ni shisundi vikwa khu elyma;niyanza khukhava mundu amukumila mukhono amuchenditse. ¹²lu mwamihi yalola kali nikokholekhe, yasuvila,shichila yali nilichenya khu mekitso ku mwami.¹³paulu navalina veve varanga luchendo niva nina muliaro khurula mu litala lya pafosi,nivatukha mu litala likali lya periga lili mu pamufila.na yohana yavalekha nakalukha yerusalemi. ¹⁴paulu na valina veve vachenda nivarula mu litala periga nivatukha mu litala lya antokia lili pisidia.litukhu {lyukhuhulukha} lilisabato vatsia mulisinagogi nivikhala hasi. ¹⁵lwa vali nivakhamala khusoma malako ka musa nende mang'odo ka vaporofeti, valindi vilisinagogi varumanyinya likhuva nivavola, vamweru,numulikhu likhuva lyosi lyu khutinyilitsa vandu munu, muvavolele.¹⁶khu paulu yasinjila nichela nu mukhono kwekwe navola, vandu visiraeli na munye va mwaria nyasaye, hulikhitsi. ¹⁷nyasaye wa vandu yava visiraeli yarova vise veru khandi najikungula vandu inyinga lwa vamenya mu shivala shya ekepeti, khandi nu mukhono kwi tsingulu yavimilila navarulitsamu. ¹⁸khu mihika makhomi kane yikhutsila khu miima chavo mushangalangwe.¹⁹lwa yamala khutivitsa tsihili saba tsyamenyanga mushivala shya kanani, yahana shivala shenesho khu vandu veve vamenyemu. ²⁰inyuma wi vindu yivi yavaha vakhalaki khu mihika himbi tsimia tsinne na makhomi karanu khutukha khu muporofeti samweli.²¹vamanya nivasava vahelwe mwami, na nyasaye yavaha sauli mwikhula wa khishi, mundu khurula mu luvamba lwa benjameni, navamiha khu mihika makhomi kanne. ²²lwa nyasaye yamurulitsa khu vwamihi, yamihitsa dauidi khuva mwami; nalolekhitsa khu daudi navola, nyoli daudi mwikhula wa yesse, mundu wu mwoyo kwanje kuyanzi,alarwekhitsa lyenya lyanje lyosi.²³khurula mu lwivulu lu mundu uyu khulondekhana khuli nyasaye yalaka, yakhola yesu khuva muhonyinyi wa visiraeli. ²⁴yesu nashili khwitsa yohana yilwatsa likanila khuvirila mulibatiswa khu vandu vosi visiraeli. ²⁵lwa yohana yali namalanga mihinzi chyechye, yareva, mukanakananga inze ndi wina? inze shindi naye wamulindanga tawe. navutsa hulikhitsi,aliho yitsanga inyuma wanje, khali inze ndukhanekhu khumunavulakhu vilaro vyevye tawe.²⁶munye vamweru,vana vu lwivuli lwa aburahamu,khandi yavo khu munye vamuritsanga nyasaye,likhuva khulondekhana khu vohonyinyi yuvu lyarumwa khukhutse. ²⁷shichila vandu vamenya yerusalemi na vamihi vavo shivamunyanya tawe,khandi shivamanya makhuva khulondekhana khu vuporofeti kasomwanga vuli litukhu lilisabato nivamukhalakila.²⁸khali kava shivali nishivune shyu kwenya yiirwe,vareva pilato ndi yesu yiirwe. ²⁹lwa varwekhitsa vindu vyang'odwa khulondekhana khuye, vamurulitsa khumusala nivamuvikha mu shilindwa.³⁰navutsa nyasaye yamwisimukhitsa khurula mmbakhutsu. ³¹yalolekha matukhu manyikhi khu yavo vayarula navo galilaya khutukha yerusalemi.vandu yava navo valolekhitsi veve khu vandu.³²khu lwa yako khumuvolela makhuva malahi ku vunyanzi,khuli nyasaye yalaka vise veru, ³³nyasaye arwekhitsile khutse, vana vavo,khuvirila khwisimukhitsa yesu khandi; khuli kang'odwa musabuli yakhavili,yiwe uli mwana wanje,litukhu lya lero mmali khu khwivula. ³⁴na khulondekhana khumwisimukhitsa khurula mmbakhutsu,shyalakundila mushilindwa khandi tawe,yavola ndi,ndakhuha tsikhavi tsindakatifu tsyakilikali tsyandali ndalaka daudi.³⁵khandi avola musabuli yindi, shulalekha mutakatifu wowo akundile mushilindwa tawe. ³⁶shichila lwa daudi yali niyakharumukhila shivune shya nyasaye mulikhula lyelye,yakhutsa,nyavilwa mushilindwa halala vise veve na mmbili kwekwe kwakunda. ³⁷navutsa, uyu wa nyasaye yisimukhitsa khurula mu likhutsa khandi,shiyakundila mushilindwa tawe.³⁸khu kamanyikhane khumunye ndi, vamweru, khuvirila khu mundu uyu nyasaye akhuvelelelanga vwoni vweru: ³⁹khandi khuvirila khuye vosi vasuvilanga valombwa khuva valunji khurula khu vindu vyosi, vya malako ka musa kali kavule khukhulomba khuva valunji.⁴⁰khu muhenze vulahi ndi vindu vyosi va vaporofeti vavola vivule khurwekhitswa khu munye; ⁴¹loli,munye vachayi,khandi muchenye nu khutiva: shichila kholanga mihinzi mumatukhu kenyu,mihinzi cha muvula khusuvila, khali mundu namuvolela.⁴²lwa paulu na baranaba varula mulisinagogi, vandu vitsihili tsindi vavasaya vamolomekhu makhuva kenako khandi mulisabato litsanga. ⁴³lwa livukana liuwa mulisanagogi,vayahudi vanyikhi nende vandu vi tsimbia tsindi valonda paulu na baranaba, vamoloma navo,nivavasaya vatsilile khumenya khuvirila mu tsimbavasi tsya nyasaye.⁴⁴lisabato lyalondakhu, vandu vosi vu mulitala vakana halala khuhulila likhuva lyu mwami. ⁴⁵lwa vayuda valola vituma,valolela varumwa imbotokha navamoloma vutamanu khu vindu vya paulu yavola nivamunyeka.⁴⁶navutsa paulu na baranaba vamola vuchila khuria nivavavolela, vuvele vulayi likhuva lya nyasaye lilwatse khumunye khuranga.navutsa shichila muliambakhane na mwivukule khuva shimutukhana khunyola liva mwoyo, henzi, khutsitsa khuvandu vitsihili tsindi. ⁴⁷shichila nindio nyasaye yalaka, navola, khuruvole yiwe uve vulavu vwa vandu vitsihili, ulere vuhonyinyi khutukha khu shiheli shi lilova.⁴⁸lwa vandu vitsihili vahulila ndio,vali nuvusangali nivaha khuminya likhuva lyu mwami. na vanyikhi vali nivarovolwa khunyola liva mwoyo likhahela mba vasuvila. ⁴⁹na likhuva lyu mwami lyalanda mulosomo lwenolo lwosi.⁵⁰navutsa vayuda vavwanyinyina mulilo mu vakhali vi tsimbia tsindi vali nivahelwa luyali,khandi vasalanga nyasaye,na vasatsa vimilililanga litaala lyenelo,nivarangitsa khudambitsa paulu na baranaba navavakhunga khurula mulosomo lwavo. ⁵¹navutsa paulu na baranaba vasungusula lukushi khurula khu vilenje vyavo khumanyinya ndi valeki,nivatsia mulitala lya ikonia. ⁵²na valondi va yesu vitsula vuyanzi na roho mutakatifu.

¹na katukha mulitala lya ikonia paulu na baranaba vinjila halala mulisinagogi lya vayahudi, vilwatsa vulahi muno khutukha shituma shikali shya vayahudi na vakuriki vasuvila. ²navutsa vayahudi, vali nivambakhana khusuvila vahambitsa mulilo mu tsinganagani tsya vandu vitshili nivavalomba khuhinganyinya vandu vasuvila.³vamenyayo matukhu manyikhi,nivilwatsanga vuchila vuri nitsingulu tsyu mwami,naye yalolekhitsa khu likhuva lyelye li tsimbavasi,nahuchilila viloleklhitso ni vindu vyu khuchenyinya nivikholekha khuvirila khu mikhono cha varumwa. ⁴navutsa vitumwa vya vandu mulitala vyali nilyavukhana:valala vali khuluveka lwa vayahudi na vandi vava khuluveka lwa varumwa.⁵lwa vandu vitsihili na vayahudi halala na vimilili vavo vachelitsa khuvarindila khandi ni venya khuvalesa na machina, ⁶lwa varuma vamanya makhuva kenako, vilukha nivatsia mu matala ka lusitura na deribe mulusomo lwa likaonia nu mulusomo lundi lwavakhumbelitsa: ⁷nivatsilila khwilwatsa ivangeli iweneyo.⁸mulitala lya lusitura, khwaliyo nu mundu mulala,yali ni yafwokoya vilenje khurula munda mwa nyina wewe,na yali yachendakhu tawe. ⁹mundu uyu yahulila paulu namolomanga: paulu yamumikha tsimoni khuye naye nalola ali nilisuvila lyu khumuhonyinya, ¹⁰yahanzukha nu mwoyo mukali namuvolela, sinjila vulunji khu vilenje vyovyo. na mundu uyu yaruma ikulu naranga khuchenda.¹¹lwa shituma shyalola ka paulu ya;li nakholi,valangilitsa mu lulomolomo lwavo lwa lukaonia, vanyasaye vikhi khukhutse khuli vandu. ¹²nivakulikha baranaba ''zeusi'' na paulu nivamukulikha ''herimesi'', shichila naye yamolomanga muno ¹³musalisi wu munyasaye kwa zeusi, wi litempeli lyelye lyali ilwanyi wi litala, yalera ing'ombe ichilishi ni vimuli mushilivwa,shichila ye nende vandu venyanya khuhanila varumwa vuhanwa.¹⁴navutsa lwa varumwa,baranaba na paulu vahulila,varandula tsinguvu tsyavo nivatsia ilwanyi vwangu mushituma,nivalila ikulu, ¹⁵nivavola,vandu munye, shichila shina mukhola vindu yivi? khutse khuli vandu khuli munye,khuli ni mivili khuli munye,na khumwilwatsilanga mukalukhane murule khuvindu vya vutsa yivi mwitse khu nyasaye ali mwoyo, yalomba likuli,ni lilova khandi ni vindu vyosi vili muvyo. ¹⁶mumatukhu kavira yahuchilila tsihili tsyosi khuchenda mutsinjila tsyavo vene.¹⁷navutsa khali ndio, shiyavalekha vuchila khuhana lilolekhitsa,ndi yakhola malayi khandi navaha imbula khurula mwikulu khandi shimiyo shyu vwamu, namuha vyukhlia khandi niyitsulitsa miyoyo chenyu nu vuyanzi. ¹⁸khali namakhuva yaka kosi,vwali vutinyu khu paulu na baranaba khukaya vutuma khuvula khuvasinzila tsinyama tsyu musango kwi viahanwa.¹⁹navutsa vayuda vandi vitsa khurula mu litala lya antokia na ikonia nivakatilitsa shituma shya vandu, nivalasa paulu na machina,nivamukhwesesa nivamurulitsa ilwanyi wi litala, nivakanakananga akhutsi. ²⁰navutsa lwa valondi va yesu vali nivasinjile nivavoyong'ane khuye,,yasinjila niyinjila mwitala? litukhu lilondakhu,vatsia mulitala lya deribe na baranaba.²¹lwa vali nivakhilwatsa ivangeli mulitala lyenelo khandi nu khulomba valondi va yesu vanyikhi,vakalukha mu litala lya lusitura,nivatsia khutukha ikonia na antokia. ²²vatsilila khutinyiritsa mioyo cha valondi va yesu,nivavaluvilitsa khutsilila mu lisuvila,nivavola, khulinjila muvwami vwa nyasaye khuvirila mulinyakhana linyikhi.²³lwa vamala khuvarovolela valindi vuli mukanisa, khandi lwa vali nivakhasala nukhuhonga khulia shukhulia, vavavikha khu mwami,wa vali vasuvila. ²⁴vavirila mulitala lya pisidia nivatukha pamufilia. ²⁵lwa vali nivakhilwatsa mu litala lya periga, vakholomokha nivatsia attalia. ²⁶khurula iweneyo vanina muliaro nivambukha khutukha antokia,wa vavikhwa khu tsimbavasi tsya nyasaye shichila mihinzi cha vali nivakhamala.²⁷lwa vatukha mu litaala lya antokia vavunjelitsa halala vandu vilikanisa,nivavavolela vindu vyosi vya nyasaye yali nakholi khuvirila khuvo,khandi khuli yali niyikule muliango kwi lisuvuila khu vandu vi tsihili. ²⁸vamenya matukhu manyikhi na valondi va yesu.

¹khandi vandu valala varula mu lusomo lya yudeya nivaranga khwekitsa vamweru, nivavola,nukhashevelwe khuli malako ka musa kavolanga,shyunyala khuhonyinywa tawe. ²paulu na baranaba varanga khuhangalitsana navo nivareva marevo.khu paulu na baranaba halala na vandi khurula hakari havo, varovolwa khutsia yerusalemi khwakana na varumwa na vasakhulu khulondekhana khu lirevo lyenelo.³khu lwa yako lwa varumwa { nilivukana } nilikanisa, vavirila mu matala ka foinike na samaria nivavolela vandu khuli vandu vitshili vakalukhane nu khulonda nyasaye.na makhuva kenako kalera vuyanzi vunyikhi khu vamweru. ⁴lwa vatukha yerusalemi,vakanilwa nilivukana na varumwa khandi na vasakhulu,nivavavolela vindu vya nyasaye yali nakholi khuvirila khuvo.⁵navutsa valala vi livukana lya vafarisayo,vasinjila nivavola, katukhile vashevwe khandi vavolelwe valonde malako ka musa. ⁶khu varumwa na vasakhulu vakana halala nukhukanakana khu lirevo lyenelo.⁷lwa vali nivakhamala khumoloma muvurambi, petero yasinjila navavolela,vamweru,mumanyi khuli matukhu kaviri hanyuma yaho,khuli nyasaye yarovola, vandu vitshili vahulile ivangeli khuvirila khu munwa kwanje nukhusuvila. ⁸nyasaye yamanya mwoyo, yavalolekhitsila nukhuvaha roho mutakatifu,khuli yakhuha khutse. ⁹yavukhanyinyakhu khutse navo tawe,lwa yokitsa mioyo chavo nilisuvila.¹⁰khu lwa yako,shichila shina khuchelitsanga nyasaye,nukhuvikhila valondi va yesu muchochi khu maveka kavo kwa vise veru na khutse vene khwalechelelwa khuchinga? ¹¹navutsa khusuvilanga khulahonyinywa khuvirila mu tsimbavasi tsyu mwami yesu, khuli vo khandi valitsa khuhonyinywa.¹²shituma shyosi shya shiring'ana nivahulikhitsanga baranaba na paulu nivavolelanga vilolekhitso ni vindu vyu khuchenyinya vya nyasaye yali nakholi hakari ha vandu vitsihili khuvirila khuvo.¹³lwa vamala khumoloma,yakobo yarevula, navola,vamwavo,mbulikhitsi: ¹⁴simioni akhwivalile khuli nyasaye mutsimbavasi tsyetsye yakhonya vandu vitshili khu avukulemu vandu khu lira lyelye.¹⁵makhuva ka vaporofeti katsiananga nako, khuli kang'odwa, ¹⁶inyuma wi vindu yivi ndakalukha, ndumbakha khandi lihema lya daudi,lyali nilyakwa, ndaranga khuchumbaka vuyakha khandi ndajisinjiltsa: ¹⁷khu vandu varikala vati vakhave mwami, khumetakhu vandu vosi vitsihili vandalanga ni lira lyanje. ¹⁸yaka nako ka nyasaye avolanga,yakhola vindu vyamanyikha khurula khale¹⁹khwa lwa yako likhalaka lyanje nili,khukhasumbulakhu vandu vitsihili vakalukhananga nivitsa khu nyasaye tawe: ²⁰navutsa khuvahandikile nukhuvavolela valekhane khulia vyukhulia vyonekhe,virulitswe khu misambwa,khandi valekhe vuheyi, nitsinyama tsivorolwe ling'ori na nu khungwa masai. ²¹shichila malako ka musa kilwatsa vuli mulitala khurula matukhu ka khale na khandi kilwatswanga mumasinagogi vuli litukhu li lisabato.²²nako kayanzitsa varumwa na vasakhulu, nilivukana lyosi, khurovola yuda, yalangwa khandi barisabba,na sila,wa li mwimilili wa vamweru, nivavaruma halala na paulu na baranaba khutsia antokia. ²³vavahandikila ibalua nimikhono chavo vene, nivola, khurula khu varumwa na vasakhulu, vamwavo venyu,khu vamwavo veru vitsihili tsindi vali antokia,mushivala shya syria khandi na kililia: milembe²⁴shichila khulile vandu valala khurula khukhutse,vujila munwa kweru,vamusumbulanga na makhuva kukhumunyikhitsa nu khwononyinya tsinganakani tsyenyu,vavolanga,khutkha mushevwe khandi mulonde malako ka musa; ²⁵kakhuyanzitse khutse, nikhuli ninganakani indala, khurovola vandu nukhuvaruma halala navayaze veru baranaba na saulu, ²⁶vandu virulitsa khali khukhutsa shichila lira lyu mwami weru yesu kristo.²⁷khu lwa yako khurumi yaho yuda na sila, khandi valavavolela vindu vilala vyele nu munwa kwavo. ²⁸shichila kayanzitse roho mutakatifu halala na khutse,khuvule khumuvikhila musiko mukali navutsa vindu yivi vutsa vyenyekhanga; ²⁹mulekhane ni vyukhulia virulitswe khuli vuhanwa khu misambwa,muvule khung'wa masayi,mulekhe khulia inyama yu muruku kwosi kwisungi inoho kwa vavorole ling'ori, khandi mulekhe vuheyi.numulekhana ni vindu yivi, mulava numukholi vulayi. khumwenyala malayi.³⁰lwa varumwa vavasevula, vakholomokha nivatsia mu litala antokia: lwa vakanyinya shituma shyosi halala,vahana ibalua: ³¹lwa vandu vasoma ibalua yeneyo,vasangala shichila yava lemimya mioyo. ³²yuda na sila, khandi vali vaporofeti vatinyilitsa vamwavo na makhuva manyikhi nivavavikha tsingulu.³⁵³³lwa vali navakha menyakhu navo, vavaruma ni milembe khurula khu vamwavo, khu yavo vali nivavaruma. ³⁴navutsa kayanzitsa sila amenyekhuyo hati. navutsa paulu na baranaba varikala antokia halala na vandi,nivilwatsanga likhuva lyu mwami.³⁶matukhu lwa kali nikavirakhu, paulu yavolela baranaba, khukalukhe khutsi khuchendalela vamweru vuli mulitala wa khwilwatsakhu likhuva lyu mwami, khulole khuli vatsilililanga. ³⁷baranaba yenya vatsi halala na yohana, yalangwa khandi maliko. ³⁸navutsa paulu yalola shivuli vulayi khuvukula maliko, shichila yavalekha pamufila na shiyatsililila navo khu mihinzi.³⁹vahangalitsana vululu mulimoloma, nivavukhana, baranaba yavukula maliko nivambukha nivatsia saipurasi. ⁴⁰navutsa paulu yavukula sila navarula, lwa vamwavo vamusalila nivamuvikha khu tsimbavasi tsyu mwami. ⁴¹yakhalakanyila khuvirila mu shivasla shya siria nende kilikia,natinyilitsa mavukana.

¹paulu yatsililila nuluchendo lwelwe natukha mu mutala ka deribe na lusitura,mulondi wa yesu mulala yaliyo yalangwa timoteo mwana wu mukhali muyahudi yali niyasuvila, navutsa ise wewe yali mukuriki. ²vamwavo vosi vali lusitura na ikonia vamoloma vulayi khuye. ³paulu yenya khuchenda naye, khu yamuvukula namusheva shichila vayahudi vali mutsimbeka tsyenezo, shichila vosi vali vama nya ise wewe nu mukuriki.⁴vachenda nivavirila mumatala, vahanananga malako ka valonda ka varumwa vali nivaviritse na vasakhulu vali yerusalemi. ⁵khu muvukana kanyola tsingulu mulisuuvila khandi nikametekha isavu vuli litukhu.⁶paulu na valina veve vakhalakanyinya mutsisomo tsya firikia na galatia, shichila roho yali navakayi khwilwatsa likhuva lyosi mulosomo lwi ivuhindi. ⁷lwa vatukha himbi mulitala lya misia, vachelitsa khwinjila mu litala lya bizinia, navutsa roho yavikalila, ⁸navavira misia, nivatukha mu litala turoha.⁹paulu yalola malolo vutukhu;yalola mundu khurula makedonia nasinjile,namusayanga navola, hambakhu makedonia ukhukhonyekhu. ¹⁰lwa paulu yalola malolo kenako,vwangu khwaranga khwirechekha khutsia makedonia,shichila khwalola ndi nyasaye akhulangi khutsi khuvilwatsila ivangeli.¹¹khwambukhila mu liaro nu khurula mulitala lya turoha,nukhutsia vulunji khutukha mulitala lya somoturake, na litukhu lilondakhu nukhutukha nehapoli. ¹²khurula iweneyo khutsia nukhutukha filipi,litala likali lyu lusomo lwa makedonia, lya varoma vamihanga,nukhumenyakhu mulitala lyenili matukhu manyikhi. ¹³litukhu lilisabato khwarula ilwanyi wi shilivwa shali himbi khumuchela,hakhwakanakana khunyala khunyola havundu hukhusala.khwikhala hasi nukhumolomela vakhali vali nivakanileho.¹⁴mukhali mulala yalangwa lidia,yakulitsanga tsinguvu tsya zambarao, khurula mu litala lya tsiatira,yasala nyasaye,yakhuhulikhitsa.nyasaye yikula mwoyo kwekwe khuhulikhitsa kosi ka paulu yekitsa. ¹⁵lwa yinwa mmatsi halala na vandu vinzu yeye,yakhusaya navola,niva muloli ndi musuvilifu khu mwami,hambi mumenye munzu mwanje.naye yakhunikilitsa.¹⁶na katukha,lwa khwali nukhutsitsanga havundu hu khusala, khwakana nu mukhana murumwa yali nilitimoni lyu vukhumu,naye yalerelanga varuchi veve tsisendi tsinyikhi khuvirila khu mihinzi chu khuvolela vandu kitsa kikholekhe. ¹⁷mukhali yoalondanga paulu halala na khutse nalangilitsa, navola,vandu yava nivarumukhimili va nyasaye ali ikulu muno. vamwilatsilanga injila yu vohonyinyi. ¹⁸yakhola yaka matukhu manyikhi.navutsa paulu,yasinyikha naye,niyishevukha navolela litimoni yelo, khulaka mulira lya yesu kristo urule mu mukhana uyu. na lyarulamu isa yeneyo.¹⁹lwa varuchi veve valola vwiyangu vu khuyola tsisendi vuwele, vakumila paulu na sila nivava khwesesa nivavahila musokoni imbeli wa vimilili vali nivaliyo, ²⁰nivavahila khu vakhalaki, nivavola,vandu yava nivayahudi, nae vasumbulanga muno mwitala lyeru yili. ²¹vekitsanga mima chya malako keru ka voroma kavula khuhuchilila inoho khunyala khuvula khukhola.²²na shituma shyosi shya vandu vahambana navo nivinjilila paulu na sila:na vakalaki varandula tsinguvu tsyavo, nivalaka valandulwe tsindovoshi. ²³lwa vali nivakhamala khuvalundula ni mishaaliti, vavasyuva munzu ya vavohe ni valaka musikali avalinde vutinyu. ²⁴lwa yanyola lilako yelo,musikali yavasyuva munzu ya vavohe yu mukari navohela vilenje vyavo hakari hi tsifulemu tsindidoho tsi misala.²⁵himbi muvutukhu hakari lwa paulu na sila vali nivasalanga nivimba tsyinyimbo tsyukhwitsominya nyasaye,na vavohe vandi vavahulikhitsanga. ²⁶nonoho shivala shyarenga,na muse kwi inzu ya vavohe kwatechelitsa: nonoho miliango chyosi chikukha,na mimyololo chya katukha khurula khu mikhono chya vandu nichyikwa hasi.²⁷musikali wi inzu ya vavohe yavukha narula mutsindolo nalola miliango chyi inzu ya vavohe nichyikukhe chyosi,yatsomola shivavi shyeshye niyenya khwiyira mwene,shichila yali ninganagani vavohe vilukhe vosi. ²⁸navutsa paulu yalangilitsa nu mwoyo mukali, navola, ukhisalilitsa tawe,shichila vosi khushili munu.²⁹musikali yarumanyinya valere tsitaha navatsukha niyinjilamu,narenga nu vurii,ya kwa imbeli wa paulu na sila, ³⁰navarulitsa ilwanyi, navareva,vandu munye,khole shina ndukhe khunyola vuhonyinyi? ³¹vamuvolela,suvila khu mwami yesu yesu,na ulahonyinywa,yiwe,halala na vandu vinzu yoyo.³²vamwilwatsila likhuva lyu mwami, halala na vandu vali vamenya munzu yeye. ³³musikali mwenoyo yavavukula mutsisaa tsyenezo tsyuvutukhu, navokitsa makule kavoye halala na vandu vosi vinzu yeye vinwa mmatsi vwangu. ³⁴yalera paulu na sila munzu mwemwe,navalombela shyukhulia nivalia,nasangala likali halala na vandu vinzu yeye,shichila vasuvile mu nyasaye.³⁵lwa mbasu kwatukha,vakhalaki varumanyinya likhuva khu vasikali, nivavola,lakhuli vandu yavo vatsi. ³⁶musikali yavolela paulu makhuva kenako, navola,vakhalaki varumi likhuva khwinze muvohole mutsi.khu lwayako ruli ilwanyi,mutsi ni milembe.³⁷navutsa paulu yavavolela,vakhulandule havulavu vuchila khukhuyala,nakhutse khuli varoma,nivakhusyuva mu mushivoho.lwenulu venya khukhuvoholola muvwivisu? auwa, lekha vene vitse vakhwimilile vakhurulitse ilwanyi. ³⁸vasikali vavolela vakhalaki makhuva yaka,na lwava hulila ndi paulu na sila ni varoma vali nuvuri. ³⁹vakhalaki vitsa nivavaseva tsimbavasi,nivavarulitsa mushivoho,nivavavolela vatsi ihale varule mulitala.⁴⁰navo varula munzu ya vavohe nivatsia minzu mwa lidia,lwa valola vamwavo,vavatinyiritsa nivasimukha nivarula mwitala.

¹lwa vakhalakanyila mu matala ka amufipoli na appolinia,vatukha mu litala lya tesalonike,lisinagogi lya vayahudi lyaliyo. ²na paulu, khuli kwali mwima kwekwe,yinjilamu narevana navo marevo khulondekhana khuli mang'odo kavolanga.³yakhunula tsimbaso khandi niyivala, katukhana kristo asalilitswe khandi yisimukhe khurula mu vakhutsu; na khandi yesu, wa ndilwatsa wuyu, naye kristo. ⁴valala khuvo vasuvila nivungana halala na paulu na sila,khali isavi ingali ya vakuriki vasala nyasaye,khandi khali valala khu vakhali vimilililanga.⁵navutsa valala khu vayahudi vavula khusuvila,vizula imbotokha,nivavukula vandu vali ni miima mitamanu khurula musokoni nivavavunjelitsa halala.nivaranga shileche shyu khulera vukoyanu mu litala likali.vinjilila jason munzu mwemwe nivakhavanga khurulitsamu paulu na sila vavalere ilwanyi khu vandu. ⁶lwa vavula khuvanyolamu,vakhwesesa jason na vamwavo vandi nivava hila imbeli wa vimilili vi litala,ni vakhuva tsikhwili, nivavola,vandu vakalukhanyinyanga shivala ikulu hasi vatukhi hanu khandi; ⁷vandu yava jason avinjilitse munzu mwemwe:vachaya malako ka kaisali,khandi vavolanga khuli nu mwami wundi alangwangwa yesu.⁸vahenditsa mwoyo shituma shyosi halala na vimilili vi litala lwa vahulila vindu yivi. ⁹navutsa lwa vavukula tsisendi tsyukhuvasinjilila khurula khu jason na veshe,vavavoholola vatsi.¹⁰vutukhu vwenovo vamwavo varuma paulu na sila nivatsia mu litala lya bereya.lwavatukhayo, vinjila mulisinagogi lya vayahudi. ¹¹vandu va berea vali vandu valayi khuvira vandu va tesalonike,shichila viyema likhuva nu mwoyo mulala,nivahenzilitsa tsimbaso vuli litukhu kholola nikava ka paulu yekitsanga ni kakilikali. ¹²khu lwa yako vanyikhi vavo vasuvila,khali vakhali valala vakuriki vasala nyasaye khandi vasatsa vanyikhi.¹³navutsa lwa vayahudi va tesalonike vamanya paulu yilwatsanga likhuva lya nyasaye mu litala lya berea, vatsyayo khukhola shileche nivavwanyinya mulilo mushituma shya vandu. ¹⁴na vwangu,vamwavo varuma paulu khutsia khu luchinga lwi inyanza,navutsa sila na timateo varikala mu litala lya berea. ¹⁵yavo vali ni vimilila paulu vamuhila ihale khutukha mulitala lya athene: lwa vali nivalekhanga paulu iweneye, yavavolela vatsi vavolele sila na timateo vitsi vwangu khuli kanyalikha.¹⁶lwa paulu yali navalindanga mu litala lya athene,mwoyo kwekwe kwikosa shichila yolola vifwanani vi misambwa vyaizula mulitala lyenelo. ¹⁷khu vuli litukhu mulisinagogi yavolelana na vayahudi na vandu vandi vasalanga nyasaye,khandi khali musokoni na vandu vosi vanyolekha yo.¹⁸valala khu vekitsi vasomela vucheli vwa mekitso ka va epikuria nende sitoiki,vahangalitsana khandi nivamoloma na paulu.valala khuvo vareva, ni shina shyu mundu wimolominyinga uyu achelitsanga khuvola? vandi vavola, afwana khuli mundu alanga vandu valonde vanyasaye vacheni, shichila yali niyalwatsanga ivangeli khulondekhana na yesuni lisimukhukha khurula mbakhutsu.¹⁹vavukula paulu nivamuhila mushikhalo shya areopagu,nivavola,khuvolelekhu mekitso shina macheni kawekitsa yaka? ²⁰shichila vindu vyawekitsa nivicheni khumaroyi keru.khu lwayako khwenya khumanya makhuva khulondekhana ni vindu vyenivi. ²¹vandu vamenya mulitala lya athene na vacheni vamala vwiyangu vwavo khwilwatsa inoho khuhulikhitsa khulondekhana khu shindu shicheni.²²khu paulu yasinjila hakari hu vwali vwa areopagu navola, munye vandu va athene, ndola mulimenya lyenyu lyosi mwakumila idini. ²³shichila lwambiri havundu hosi nimbetsa vijo vyenyu vyamusalakhu,ndoli vwali vwahandikwakhu. khu nyasaye ukhamanyikhane.shya munye musala vujila khumanya, naye wamwilwatsilanga nundi.²⁴nyasaye yalomba lilova ni vindu vyosi vilimu,naye nu mwami wi likulu ni lilova,shamenya mumatempeli kumbakhwa ni mikhono chya vandu tawe. ²⁵khandi shyarumikhilwangwa ni mikhono chya vandu,khuli yenya shindu shyosi,shichila naye uhetsanga vandu vulamu,myuya chyu khwesesa khandi vuli shindu shyosi.²⁶khurula khu mundu mulala yalomba vuli ihili yavandu khumenya vuli havundu hosi mulilova,yamanya khale matukhu ka venyekhanga khumenya,khandi havundu havitsa khuva nivamenyanga; ²⁷khu vatukhe khukhava nyasaye,khandi haundi vanyole khuli vikombanga khumumanya.naye shyali ihale wene na shya mulala weru tawe.²⁸shichila muye khuli mwoyo,khuchendanga khandi khuliho; khuli mulala muhandiki wi tsyinyimbo yavola,khutse khuli vutsa khuli vana veve. ²⁹,shichila khuli vana va nyasaye,shikakhutukhile khukanakane ndi nyasaye ali khuli izahabu,inoho ifeza,inoho lichina-vindu vyavazwa khandi vyu mundu yakanakana.³⁰khu matukhu ku vusilo,nyasaye yikhola alola tawe;navutsa lwenulu yenya vandu vosi havundu hosi vikanile. ³¹yaka kali ndio shichila nyasaye yaviritsa khale litukhu lyayitsa akhalakile lilova lyosi muvulunji,khuvirila khu mundu wa yarovala.nyasaye yahana shimanyilo shyu mundu uyu khu mundu wosi khuvirila khumwisimukhitsa khurula mbakhutsu.³²lwa vandu va athene vahulila makhuva ka vakhutsu khwisimukha,valala vakholela paulu shihehenye,vandi nivavola khulakhuhulikhitsakhu khandi khu likhuva yili. ³³inyuma wa kenako,paulu yarula mu shikhalo shyavo. ³⁴navutsa vandu valala viyunga naye nivasuvila, mulala khuvo yali dionisiu mulala khu vishakhalo shya areopago,mukhali yalangwa damara,khandi na vandi halala navo.

¹inyuma wi vindu yivi paulu yarula mu litala lya athene natsia mu litala lya korintho. ²iweneyo yanyolayo muyahudi yalangwa akwila,yivulwa mulitala lya pontia, ,naye yali naruli khuvwangu yuvu mushivala shya italia numukhali wewe pilisila,shichila mwami wa varoma claudia yali nahani lilako vayahudi vosi varule mulitala lya varoma,paulu yatsia navo, ³na shichila vakholanga mihinzi milala,yatsia namenya navo,nivahinzila,shichila vosi vanavanga mahema.⁴vuli litukhu lilisabato milisinagogi,paulu yahangalitsana mulimoloma navo,nachelitsa khuhombelitsa vayahudi na vakuriki khusuvila. ⁵lwa sila na timateo vitsa khurula makedonia,paulu yatsuvwa mu mwoyo nalolekhitsa khu vayahudi ndi yesu ni kristo.⁶navutsa lwa vayahudi vamuhangalitsa nivamunyeka, paulu yasungusula inguvu yeye khuvo navavolela, masayi kenyu kave khu mirwi chenyu munye vene,ndi munihu.khurula lwenulu nzitsa khu vandu vitsihili.⁷yarulayo niyinjila munzu mu mundu yalangwa titius yusito,mundu yasalanga nyasaye.inzu yeye yali himbi khu lisinagogi. ⁸krispa yali mwimilili wi lisinagogi,yasuvila mu mwami,halala na vandu vinzu yeye; vandu vu mulitala lya korintho lwa vahulila yaka,vasuvila khandi nivinwa mmatsi.⁹mwami yamoloma na paulu mu maloro ku vutukhu namuvolela ukharia tawe, navutsa wilwatse, ukhahonjela tawe; ¹⁰shichila ndi halala niwe,na avulaho mundu akhusalilitsa,shichila ndi na vandu vanyikhi mulitala yili. ¹¹paulu yamenyayo muhika mulala ni mieli sita,niyekitsanga likhuva lya nyasaye.¹²lwa galliyo yamihitswa khuva gavana wa varoma mu lusomo lwa akaya,vayahudi valangana halala,nivakumila paulu nivamuhila mushina, ¹³nivavola,mundu uyu avolela vandu vasale nyasaye munjila indamanu ya malako kakayanga.¹⁴lwa paulu yali nali himbi khukhunula munwa amolome,gallio yavolela vayahudi,munye vayahudi,niva ni kakilikali,muyalanga mundu uyu shichila vindu vitamanu inoho vutamanu vundi vwa yakhola,nyala khumuhulikhitsa. ¹⁵navutsa shichila yaka ni marevo khulondekhana na makhuva,na miira na malako kenyu munye vene, mumale makhuva kenyu.shindenyi khuva mukhalaki wi vindu yivi tawe.¹⁶nayavakhunga khurula mu shina. ¹⁷vakuriki vosi vakumila sosithene,mwimilili mukali wi lisinagogi, nivamulandula imbeli wi shina.na gallio khali yahenda khu mwoyo khu kavakhola tawe'¹⁸paulu lwayali niyakhamenyayo matukhu manyikhi,yasimukha nalekha vamwavo,niyambukha natsia mushivala shya siria na pilisila nende akwila.nashili khwambukha khurula mulitala lya kengurea,yavekwa liswi lyelye khulondekhana khuli yali niyisuhi. ¹⁹lwa vatukha mulitala lya efeso,paulu yalekha pilisila na akwila iweneyo, navutsa ye mwene yatsia mulisinagogi nahangalitsana nukhumoloma na vayahudi.²⁰lwa vamureva atsilile khumenyakhu navo matukhu manyikhi,paulu yambakhana. ²¹lwayali navalekhanga,yavola,ndakalukha khandinyasaye nava nayanza.khu lwa yako paulu yambukha natsia mu litala lya efeso.²²lwa paulu yatukha kaisalia,yatikulukha natsia yerusalemu khutsia khuha vandu vilivukana milembe,nakholomokha natsia mulitala lya antokia. ²³lwa yamenyayo matukhu mati,paulu yasimukha navirila mutsisomo tsya galatia na firigia,natinyiritsanga valondi vosi va yesu.²⁴na muyahudi mulala yalangwa apollo,yivulwa alekisandaria,yitsa efeso.yali mmolomi mulayi khandi yali yamanya vulayi tsimbaso tsyahandikwa. ²⁵apollo yali niyekitswa munjila yu mwami.khandi yilwatsa nitsingulu tsinyikhi khandi yekitsa makhuva ka kilikali khulondekhana khu yesu,navutsa yamanya vutsa libatisa lya yohana lyonyene. ²⁶apollo yaranga khwilwatsa mulisinagogi vuchila khuria.navutsa lwa pilisila na akwila vamuhulikhitsa, vamuvukula nivamuhila haluveka nivamwivalila injila ya nyasaye mu vunyukhu.²⁷lwa apollo yenya khwambukha khutsia mulitala lya akaya,vamwavo vamutinyiritsa khandi vahandikila valondi va yesu vali mulitala lya akaya vamwinjilitse. lwa yatukhayo,yavakhonya muno yavo vasuvila khuvirila khu tsimbavasi. ²⁸shichila yakura vayahudi likali imbeli wa vandu vosi,navanyinya khuvirila khu mang'odo ndi yesu naye kristo.

¹lwa apollo yali nali mulitala lya korintho,paulu yavirila mushivala shi ikulu niyitsa mulitala lya efeso:yanyolayo valondi va yesu, ²yavareva,lwa mwasuvila,mwanyola roho mutakatifu? navo vamuvolela, auwa, khali khushili khuhulillakhu roho mutakatifu aliho.³paulu yavareva, mwabatiswa libatiswa lilena? nivavola, libatiswa lya yohana. ⁴paulu yarevula navola,yohana yina vandu mmatsi navavolela vikanile vwoni,navolela vandu vasuvile mu woyo yitsa inyuma wewe,naye nali kristo yesu.⁵lwa vahulila ndio,vabatiswa mulira lyu mwami yesu. ⁶lwa paulu yavavikhila mikhono,roho yikha khuvo,nivamoloma ni tsinimi tsyimbia nivaporofeta. ⁷na vosi halala vali vasatsa likhomi na vavili.⁸paulu yinjila mulisinagogi khandi namoloma vuchila vuri khu mieli chivaka, nahangalitsana navo,nachelitsa khuvavolela kakilikali khulondekhana nu vwami vwa nyasaye. ⁹navutsa valala khuvo vali vahaka khandi vavula khusuvila varanga khumoloma vutamanu khulondekhana khu injila yu mwami imbeli wi shituma.khu paulu yavalekha navukula valondi va yesu natsia navo,namoloma navo vuli litukhu munzu yavekitsilamu vandu ingali ili havundu havalanga turanu. ¹⁰kikholekha ndio khu mihika chivili,khu vandu vosi vamenya mulosomo lwi vuhindi vahulila likhuva lyu mwami, vosi vayahudi na vakuriki.¹¹nyasaye yakhola vilolekhitso vyu khuchenyinya khuvirila khu mikhono cha paulu: ¹²khali vitambaya vyu mukhono ni vyambalia vyarula khumbili kwekwe,vyahilwa khu valwale navo vahona, khandi mi roho mitamanu charula muvo.¹³vayahudi valala vachenda chendanga havundu hosi,nivakhunga miroho mitamanu,vachilitsa khurumikhila lira lyu mwami yesu khukhola ndio,nivavola,khumukondekhelanga milira lya yesu wa paulu yilwatsanga. ¹⁴navo vali vana saba vu mukhali wa vasalisi wa vayahudi yalangwa sikeva navo vakholanga ndio.¹⁵roho mutamanu kwarevula,yesu ndamumanya,khandi paulu ndamanya; navutsa munye muli vanga wina? ¹⁶na mundu wa roho mutamanu kwali muye yaruma khuvo,nanakura nitsingulu,navarumula tsinguma,nivirukha munzu mwenemo shekenya. ¹⁷makhuva yaka kamanyikha khu vayahudi vosi na vakuriki vamenyanga mulitala lya efeso.vosi varia, nivahana vukhumi khu lira lyu mwami yesu.¹⁸khandi vanyikhi vali nivasuvile vitsa niviyama havulavu,khandi nivavola imbeli wa vandu miima chavo mitamanu cha vali nivakhola. ¹⁹vanyikhi vakholanga vindu vyu vukhumu valera vitabu vyavo halala nivavisamba imbeli wa vandu;lwa vavalitsa vukuli vwene,vwali tsifeza tsiehelefu makhomi karanu. ²⁰khu likhuva lya nyasaye lyalanda havundu hosi nilitsililila khuva nitsingulu.²¹lwi vindu yivi vyali niviwele,paulu yakanakana mu mwoyo kwekwe khuvirila makedonia na akaya, khutsia yerusalemi,navola, lwamba nindakhavakhuyo,ndatsiakhu khandi mulitala lya roma ²²paulu yaruma varumikhili veve vavili makedonia,timateo na erasito.navutsa ye mwene yarikala mu lusomo lwa asia.²³mumatukhu kenako,khwali ni shileche shinyikhi mu litala lya efeso shichila injila yu mwami. ²⁴mundu mulala yali mwiranyi wi vivia yalangwa demeturio,yalombanga vifwanani vi litempeli lya vyu musambwa kwa aretemi khurula khu ifeza,kwamulera vukhala vunyikhi hala na vahinzili vandi. ²⁵yavunjelitsa halala vandu vosi vavakhola navo mihinzi chyenezo navavolela,vandu munye,mumanyi khuvirila khu mih nzi yichi khulomba tsisendi tsyinyikhi.²⁶munye vene muhulile khandi muloli,shikali vutsa mulitala efeso ,navutsa mulusomo lwosi lwa asia,paulu uyu akalukhanyinye mioyo cha vandu,avavolenga vanyasaye valombwa ni mikhona cha vandu ni vanyasaye tawe: ²⁷shikali vutsa mihinzi cha khukhola chilachaywa,navutsa khandi litempeli lyu munyasaye weru mukhali alangwa aritemi lilavalitswa khuva shindu vutsa,na vukhumi vu musambwa kwenoko vulononyinywa,musambwa kwa vandu vosi vasalakhu mulusomo lwa asia khandi mushivala shyosi.²⁸lwa vahulila yaka,vitsula vurima ni vakhuva tsikhwili,nivavaola,aritemi wi litala lya efeso ali ni tsingulu tsinyikhi. ²⁹litala lyosi litsyula vukoyanu,nivakumila gayo na aristarika,vali nivaruli makedonia,vachendanga na paulu,nivavahila mu shikuri shi mivayo.³⁰paulu yenya atsi khunjila mu shituma shya vandu, navutsa veeki vamukaya. ³¹khandi vimilili valala mu lusomo lwa asia vali valina va paulu vamurumanila likhuva nivamusayanga avule khwinjila mu shikuri shi mivayo. ³²vandu valala valangilitsanga shindu shilala na vandi valangilitsa shindi lukanu,shijila vandu mushituma vali nivakoyani.vandu vanyikhi khali shivali nivamanyi shivune shivali nivavukanilekhu tawe.³³varulitsa alesikanda mushituma shya vandu,vayahudi nivamulumba imbeli.khu alesikanda yajinga mukhono niyenya vandu vamuhulikhitse,niyenya khuvola makhuva keke ku khwishinga,shichila vavola naye yachila vindu yivi vyosi nivikholekha. ³⁴navutsa lwa vamanya nu muyahudi,vosi vakhuva liyoko himbi tsisaa tsivili nu mwoyo mulala, nivavola,aretemi wi litala lya efeso ni mukali khandi ali ni tsingulu tsinyikhi.³⁵lwa muhandiki wi litala yahonjelitsa vandu,yavavolela,munye vandu vi litala lya efeso,mundu shina aliho akhamanyi ndi litala lya efeso nalyo litempeli lilimu nu musambwa kwi tsingulu kwa aretemi nende musambwa kwakukha khurula mwikulu? ³⁶mundu avulakhuho anyala khwambakhana vindu yivi.khulwayako, muhonje muvule khukholakhu shindu shyosi shitamanu. ³⁷muleri vanmdu yava hanu,navo shivivi vindu mulitempeli inho shivanyeki nyasaye weru mukhali tawe.³⁸khu lwa yako,niva demeterio na viranyi vi vivia vali naye venya khuyala mundu wosi,shina shili havulavu na khandi vamihi vi tsisomo valiho.vanyala khutsia mu shina iweneyo. ³⁹navutsa muva muli ni likhuva lindi,linyala khuviritsilwa vutsa havulavu mushikhalo shya vandu vosi. ⁴⁰khunyala khuyalwa khu makhuva kikholekhe nundi,khuvulakhu shivune shya khunyala khuhana khwishinga khu shileche nu vukoyanu vwikholekhe. lwa yamala khuvola ndi, yamala shina.

¹lwa liyoko lyali nilikhawa, paulu yalanga veeki navatinyilitsa,navasevula nasimukha natsia makedonia. ²lwa yali niyakhavirila mutsisomo tsyenetso tsyosi,khandi niyakhavatinyilitsa na makhuva manyikhi,yatukha kreeke. ³lwa yali niyakhamenyayo mieli chivaka,vayahudi varanga khulokhitsa khuli vanyala khumwira lwa yali nali himbi khwambukha atsi mushivala shya siria,khu yakanakana khukalukha avirile mu lusomo lwa makedonia.⁴vandu vamulonda khutukha mu lusomo lwa asia vali sopateri,mwikhula wa pirrihi khurula mu litala lya berea; arisitariko na sekunda,vosi vi litala lya tesalonike,gayo wi litala lya deribe, natimateo;tikiko na trufima khurula lusomo lwa asia. ⁵navutsa vandu yava vimila imbeli nivakhulindila mu litala lya turoha. ⁶khwambukha khurula mu litala lya filipi inyuma matukhu ku khulia mukati khuvula mamela,na khwachenda matukhu karanu nikhuvatukhila mu litala lya turoha.nukhumenyayo lisitsa lilala {matukhu saba }.⁷litukhu lyukhuranga khwisitsa,lwakhwali khwakani khumeka mukati,paulu yamoloma na vasuuvili.yali niyerechekhanga khusimukha litukhu lilondakhu,yilwatswa muvurambi khutukha muvutukhu hakari. ⁸khwali ni tsitaha tsinyikhi wa khwali ni khwaakanile.⁹muyayi yalangwa eutike,yali niyikhale mulitilisha na tsindolo nitsimuhila.lwa paulu yatsililila khwilwatswa,muyayi uyu,nashikonanga, yakwa khurula mukolofa yakhavaka nivatola hasi nakhutsi. ¹⁰paulu yikha hasi,namukhumbelela,navavolela, mukhahendi mwyo tawe,shichila ashili mwoyo.¹¹paulu yakalukha ikulu mukolofa,nameka mukati nalia,natsililila khwilwatsa khutukha mavwevwe,narulayo. ¹²vavukula muyayi mweneyo nali mwoyo nivamuhila ingo,nivaleminywa mu mioyo muno¹³khutse khwatsia imbeli wa paulu mu meli nukhwambukha nukhutsia mu litala lya asosi,wa khwenya khuninye paulu mu meli,shichila yenya khuchenda khu vilenje khutukha iweneyo. ¹⁴lwa khwakanila asosi,khwamwinjilitsa mu meli nikhutsia khutukha mu litala lya mitilene.¹⁵litukhu lyalondakhu khwambukha nikhurulayo,nikhutukha mu litala lya kihosi.litukhu lya khavili lyalondakhu,khwambukha nikhutukha mu litala lya samosi,na litukhu lyalondakhu khandi khwatukha mu litala lya miletu. ¹⁶shichila paulu yali ninganagani yukhutsililila nu luchendo lwelwe vuchila khuvirila mu litala lya efeso,shichila shi yenya khumala vwiyangu vwevwe mu lusomo lwa asia,yenya khutukha yerusalemi,nikanyalikha khulitukhu lya penteskosti.¹⁷khurula mu litala lya miletu,yarumanyinya likhuva mu litala lya efeso nalanga vasakhulu vi likanisa vakane navo. ¹⁸lwa vatukha yavavolela,munye vene mwamanya, khurula litukhu lyu khuranga lya ndasena shilenje shyanje mu lusomo lwa asia,khuli ndamenya na munye. ¹⁹ndarumikhila mwami nu mwoyo ku khwichehitsa nukhulila,na machelitso kandavirilamu khuli lwa vayahudi valokhitsa khuli vanyala khunzira. ²⁰mwamanya shindamuvisakhu shindu shyosi shyali shyu vokhonyi khu munye,lwa ndamwilwatsilanga havulavu khandi mu tsingo tsyenyu, ²¹ndalolekhitsa khu vayahudi na vakuriki ndi vikanile khurula mu vwoni khu nyasaye,khandi vasuvile mu mwami weru yesu kristo.²²henzi,lwenulu nziza yerusalemi,mwoyo kwanje kutinyi, shichila shimanya katsitsa khwikholekhayo khwinze tawe: ²³navutsa roho mutakatifu andolekhiziranga vuli mu litala ndi livohwa ni shivi vinindanga. ²⁴navutsa shimbalitsanga liva mwoyo lyanje khuva shindu khuinze,ndenya vutsa khurwekitsa mihinzi chyu mwami yesu kristo yamba,khwilwatsa ivanjeli yi tsimbavasi tsya nyasaye.²⁵lwenulu,loli,manya likali munye vosi vandachendimu nindilwatsanga vwami vwa nyasaye,mundolakhu khandi tawe. ²⁶khu lwayako valolekhitsiranga litukhu lya lero,masayi ku mundu wosi kalikhu khu inze tawe. ²⁷shichila shindavisakhu shindu shyosi khumunye lwa ndamwilatsila lyenya lyosi lya nyasaye.²⁸mwilinde munye vene,ni shayo shyosi shya roho mutakatifu yamurovola khuva valindi.muve vayi valayi vi likanisa lya nyasaye,lya yakula na masayi keke mwene. ²⁹manyi likali lwamba nindakharulaho,vihulukhu vilulu viltsa hakari henyu,na shivilavelelela shayo tawe. ³⁰khali khurula mu munye vene,vandu valarulila nukhukoyanyinya kakilikali,khu vakhwese veeki vavalonde.³¹khu lwayako mwilinde,na mwitsukhitse khu mihika chivaka shindalekha khumwekitsa shyavuli mulala khumunye vutukhu nu mbasu nindilinga malika. ³²lero muvikhanga khu nyasaye nu khulikhuva lyelye litsimbavasi,linyala khumumbakha nukhumuha vukasu halala na yavo vosi vatakaswa.³³shindikombakhu ifeza,inoho izahabu inoho inguvu yu mundu wosi tawe. ³⁴munye vene mwamanya ndahinzila ni mikhono chyanje khunyola shyanyanya halala nende va khwali navo. ³⁵muvindu vyosi ndamumanyinya khuli munyala khukhonya vandu vatetekhele khuvirila khukhola mihinzi,nu mwitsukhitsa makhuva ku mwami yesu, khuli yavola, khuhana khuli nuvukasu vunyikhi khuviritsa {khuvukula} khunyola.³⁶lwa yali niyakhamoloma vindu yivi,yasikama hasi nasala navo vosi. ³⁷vosi valila vutinyu,nivakhumbelela paulu mwing'ori nivamuvusa. ³⁸vali ni shivera shikali shichila ka paulu yali navavolele,ndi shivalamulolakhu khandi tawe.vamuhelekhitsa natsia khunina mumeli.

¹lwa khwalekhana navo nivatsia,khwambukha nikhutsia vulunji ni khutukha mulitala lya kosi,litukhu lyalondakhu ni khutukha mu litala lya rodesi,na khurula iweneyo khwatsia mu litala lya patara. ²lwa khwanyola imeli yambukhanga khutsia mu litala lya foinike,khwaninamu nikhutsia.³khwalola shisulu shya saipurasi,nikhushilekha khu mukhono mukhali kwi liaro, ni khwambukha nikhutsia siria,mulitala lya tiro,wi meli yali nitsitsanga khwikhitsa misiko chya yali nichingi. ⁴khwanyolayo vandu vasuvila,nikhumenyayo lisitsa lilala.khuvirila khu roho vakaya paulu avule khutsia yerusalemi.⁵lwa khwamala matukhu keru ku menyayo,khwasimukha nikhuranga luchendo,vandu vosi,halala na vakhali vavo na vana,vakhuhelekhitsa khutukha lwa ⁶mwitala.khwasikama khu luchinga lwi inyanza, nikhusala. nikhusevulana.nikhunina mumeli,,na vandu vosi nivakalukha mutsingo tsyavo⁷lwa khwamala luchendo lweru khurula mu litala lya tiro,khwatukha mu litala lya putolemahi.nikhutsia khushelitsa vamweru nikhumenyakhu navo litukhu lilala. ⁸litukhu lyalondakhu khwasimukha nikhutsia mu litala lya kaisaria,nikhwinjila munzu mwa filipo.mwilwatsi,woyo yali mulala khu yavo saba varovolwa,na khwemenya naye. ⁹mundu mweneyu yali na vana vakhana vanne vachima,navo vali vaporofeti.¹⁰lwa khwali nikhumenyayo khu matukhu manyikhi,muporofeti mulala yalangwa agabu yitsa narula indangu mu lusomo lwa yudeya. ¹¹yitsa wa khwali navukula lukhanda lwa paulu,niyivohela vilenje vyevye ni mikhono chyechye mwene navola,roho mutakatifu avola ndi,nindyo vayahudi vali yerusalemi vatsisa khuvoha mwene lukhanda yulu,nukhumuhana mu mikhono chya vandu vitsihili.¹²lwa khwahulila makhuva yaka khutse halala na vamenyi vu mulitala yelo,khwamusaya avule khutikulukha khutsia yerusalemi. ¹³na paulu yarevula,mukhola shina,lwa mulilanga numuvelelitsa mwoyo kwanje? shichila ndirechekhe,shikali vutsa khuvohwa vilenje na makhono,navutsa khandi khukhutsila yerusalemi shichila lira lyu mwami yesu. ¹⁴lwa khwalechelelwa khumuhombelitsa,khwa shiring'ana nikhuvola, vulalili vu mwami vwikholekhe.¹⁵lwa khwali ni khwamenyayo matukhu manyikhi,khwavukula misiko chyeru nikhutikulukha khutsia yerusalemi. ¹⁶vandu vasuvila valala khurula mu litala lya kaisaria vatsia halala na khutse,vitsa nu mundu mulala yalangwa mnason,mundu khurula saipurasi,yali mulala khuva vandu vasuvila vu khuranga,kenyekhananga khumenye munzu mwemwe.¹⁷lwa khutukha mu yerusalemi,vamweru vakhwinjilitsa nuvusangali. ¹⁸litukhu lyalondakhu paulu yakhuvukula nikhutsia khu yakobo,na vasakhulu valiho. ¹⁹lwa yavaha milembe,yivala shyavuli shilala, shilala vya nyasaye yali nakholi hakari havandu vitsihili khuvirila khu vuhinzili vwevwe.²⁰lwa vahulila yaka, vaha nyasaye vukhumi, nivamuvolela,ulolanga amwavo,khuli vayahudi tsiehelefu tsinyikhi vasuvile; na vosi vali ni lyenya lyukhulonda malako. ²¹na vavolelwa iwe ndi wekitsanga vayahudi vosi vamenyanga hakari hi tsihili tsindi valekhane na malako ka musa, na khandi uvavolelanga vavule khusheva vana vavo na khandi vavule khulonda miima chyeru.²²khukhole ndina? shichila valahulila witsi uli hanu. ²³khu lwa yako ukhole ka khukhuvolela: khuli na vasatsa vanne hanu vamali khwisuha. ²⁴vukula vandu yava mutsi khukhola navo mulukha ku khwitakasa,uvarungile mirungu chyenyekhananga,khu vaveke liswi lyavo,na mundu wosi alamanya vindu vya vavola khwiwe ni vuvehi.valamanya yiwe umenyanga khulondekhana na malako ka musa.²⁵navutsa khulondekhana na vandu vitshili vasuvila,khwavahandikila likhalaka lyeru ndi vilinde ni vyukhulia virulizwe khuli vihanwa khu misambwa, vavule khung'wa masayi,khandi vavule khulia tsinyama tsyimiruku zisungi inoho tya vavorole ling'ori,kandi valekhane nu vuheyi. ²⁶litukhu lyalondakhu paulu yavukula vasatsa venevo natsia khukhola mulukha kwi khwitakasa navo. nivatsia mulitempeli khuvavolela lwa matukhu ku khwitakasa kiitsa khuwa,khandi lwa shihanwa shiitsa shihanwe khu vuli mulala wavo.²⁷lwa lisitsa lyali lili himbi khuwa,vayahudi valala khurula mu lusomo lwa asia,valola paulu mulitempeli,nivavwanyinya mulilo mu shituma nivamukumila. ²⁸valangilitsa nivavola,munye vandu visiraeli, khukhonyi.wuyu naye mundu yekitsanga vandu vosi havundu hosi vindu vyu khuhinganyinya visiraeli,malako ka musa ni litempeli yili.khumeta khu kene yako yinjilitse vandu vitsihili mu litempeli khandi amali khwononyinya havundu hatakatifu ²⁹shichila vali nivamuloli na trofimo mu litala, mundu khurula efeso, nivakanakana yali namwimjilitse mu litempeli.³⁰litala lyosi likosa,na vandu vosi vavatsukha nivakumila paulu:nivamukhwesesa nivamurulitsa mulitempeli:nivikala miliango vwangu. ³¹lwa vali nivachelitsanga khu mwiira, makhuva katukhila musinjilili mukali wu mukanda kwa vasikali,ndi vandu vakwananga mu yerusalemi.³²vwangu yavukula vimilili va vasikali navasikali nivatsia mushituma shya vandu: lwa valola musinjilili wa vasikali na vasikali,valekha khulandula paulu. ³³khu musinjilili wa vasikali yisunda himbi nakumila paulu,navola avohwe ni minyololo chivili. nareva ni wina ne akholi lihyolo shina.³⁴valala mushituma valangilitsa nivavola shindu shilala na vandi vavola shindi:na shichila musinjilili wa vasikali shiyali anyala khumanya kakilikali shichila liyoko lyali linyikhi,yavola paulu ahilwe wa vasikali vamenyanga.. ³⁵lwa yatukha khu viiko vyu khwinjilaho,yajingwa na vasikali shichila shituma shya vandu vali valuli muno. ³⁶shichila shituma shya vandu shyavalonda inyuma nivatsililila khulangilitsa mumwiire.³⁷lwa paulu yali nali himbi khwinjila munzu ya vasikali vamenyamu, yavolela mukali asinjililanga vasikali,unyala khumbujilila khuvolekhu shindu? mukhongo yamureva,wamanya khumoloma lulimi lwa vakuriki? ³⁸shali niwe mundu khurula ekepeti khu matukha kavira warangitsa mahingani na vandu tsiehelefu tsinne vandu vu khwira vandu vakhulonda mushangalangwe?³⁹paulu yamuvolela,ndi muyahudi,khurula mu litala lya tarisa mu lusomo lya kilikia.ndivulwa mu litaala lyamanyikhana muno,khusayanga,nuyanza umbekhu vwiyangu molomekhu na vandu yava. ⁴⁰mukhongo lwa yamuha vwiyangu,paulu yasijila khu viiko najingula kukhono kwekwe khu vandu vahonjele vamuhulikhitse,lwa vandu vali nivashiring'ane zi,yavamolomela mu luheburania,navola,

¹vamwavo na vise veru,mbulikhitsi lwa mbolanga makhuva kanje ku khwishinga imbeli wenyu. ²lwa shituma shya hilila paulu navamolomelanga mu lumolomo lu luheburania,vahonjela likali: navola,³inze ndi muyahudi,yivulwa mu litala lya tarisa mu lusomo lwa kilikia,navutsa ndatukhila mu litala yumu hasi hu mwekitsi ulangwa gamaleli.ndekitswa khulonda malako vutinyu khulondekhana mu malako ka vakuka veru,khandi ndali ndayihana khu nyasaye, khuli munye muli nundi. ⁴ndadambitsa vandu valonda injili yiyi khali nukhuviira,ndavavoha nukhuvahila munzu ya vavohe vosi halala vasatsa na vakhali. ⁵khuli musalisi mukali na vasakhulu vosi vanyala khulolekhitsa:vamba tsibalua tsya vamweru mu litala lya damasika, na ntatsyayo nivalera yerusalemi nivavohelwe vasalilitswe.⁶kikholekha lwa ndali khuluchendo nindi himbi khutukha damasika,himbi tsisa sita tsyumbasu vulavu vukali khurula mwikulu vwakha nivukhumbelitsa. ⁷inze ndakwa hasi nimbulila mwoyo nikumbolela, saulu,saulu,shichila shina untambitsanga inze? ⁸inze ndarevula, yiwe uli wina,mwami? naye yambolela, inze ndi yesu wa nazareti,wutambitsanga.⁹yavo vakhwali navo valola vulavu nivaria; navutsa shivahulila mwoyo kwamoloma ninze. ¹⁰ndareva, khole shina, mwami? mwami yambolela inze,sinjila utsi mu litala lya damasika,iweneyo valakhuvolela shindu shyosi shya warovolelwa khukhola. ¹¹shindali nyala khulola tawe shichila vulavu yovo vwang'ang'a likali,na vandu va khwali navo vankumila mukhono nivatsimilila khutukha mu litala lya damasika.¹²iweneyo ndakanayo nu mundu yalangwa anania,mundu yali niyihana nu mwoyo kwosi khulonda ka malako ka musa kavolanga na khandi vayahudi vosi vamenyayo vamolomanga khuye vulayi. ¹³,yitsa nasinjila himbi khu inze,navola, amweru saulu,unyole khulola,isa yeneyo,tsimoni tsyanje tsikukha nimulola.¹⁴nambolela,nyasaye wa vaise veru akhurovole yiwe khumanya lyenya lyelye, khulola mulunji wewe khandi khuhulila mwoyo kwekwe nikurulanga mu munwa kwekwe mwene. ¹⁵na iwe ulava mulolekhitsi wewe khu vandu vosi khulondekhana ni vindu vyu loli nu khuhulila. ¹⁶khu ulinda shina? sinjila, winwe mmatsi,wokitse vwoni vwovwo,wanile khu lira lyu mwami.¹⁷lwa ndakalukha mu yerusalemi, na lwa ndali nindi mu litempeli nisalanga, ndarenjetsa; ¹⁸ndamulola,nambolela, khola vwangu urule yerusalemi,shichila shiviyema lilolekhitsa lyolyo khulondekhana khu inze tawe.¹⁹inze ndavola, mwami,yava vene vamanya ndi inze ndavoha vandu,nivahula yavo vosi vali nivasuvila mu iwe vuli mu lisinagogi. ²⁰lwa viira stefano mulolekhitsi wowo,ndali nisinjiliho khandi nisanganga khu liirwa lyelye khandi ninindi tsinguvu tsya vandu va mwiira. ²¹navutsa yambolela, tsia, shichila ndakhurma ihale wene khu vandu vitshili.²²vamuhulikhitsa khutukha lwa yavola yaka.nivalangilila navavola mundu uyu yiirwe,shyatukhane khumenya tawe. ²³,lwa vali nivalangilitsanga nivachinga tsyinguvu tsyavo mwikulu khandi nivasuva lukushi muvushindu, ²⁴mukhongo wa vasikali yahala lilaka paulu yinjilitswe munzu ya vasikali vamenyamu,navola arevelitse marevo nalandulwa, khu khali ye mwene amanye shivune shichilanga vandu nivakhuvila paulu liyoko ndiono.²⁵lwa vali nivakha muvoha ni mikoye, paulu yareva musikali yali nasinjile himbi khuye, malako kavolakhu mulandule mundu muroma ashili khuyalwa? ²⁶lu musikali yahulila ndio, yatsia khu mukhongo wa vasikali namuvolela, namureva, wenya khukhola shina, mundu uyu yivula mushivala shyeru shya varoma.²⁷mukhongo wa vasikali yitsa namureva,mbolela,yiwe uli muroma? paulu narevula nyee. ²⁸mukhongo wa vasikali yamuvolela,inze ndarunga mirungu minyikhi khukholwa muroma.navutsa paulu yamuvolela inze ndivulwa muroma. ²⁹khu vandu vali nivatsitsa khumureviltsa marevo vamulekha vwangu.mukhongo wa vasikali khandi yali nuvuri, lwa yamanya ndi paulu ni muroma, naye amuvohi ni mikoye.³⁰litukhu lilondakhu,mukhongo wa vasikali yenya khumanya shivune shichila vayahudi nivayala paulu. khu yamuvoholola vivoho nalaka vasalisi vakali na vandu vi shina vosi vakane halala, nalera paulu hasi namuvikha hakari havo.

¹paulu yahenza vulunji khu vasanji vishina navola,vamweru,ndamenya imbeli wa nyasaye ni inganagani ili indayi khutukha litukhu lya lelo. ²musalisi mukali anania yavolela yavo vali nivasinjile himbi naye vamusamule khumunwa. ³paulu yamuvolela,nyasaye khandi alakhu samula yiwe,lisisi lyavekha ilanji indavu,wikhale khukhalakila khulondekhana khu malako,niwe utong'ola malako khuvola vandu vasamule?⁴vandu vali vasinjile himbi naye vamuvolela, unyekanga mukali wa vasilisi vosi wa nyasaye? ⁵paulu yarevula navola,shimbele nimanyi ni musalisi mukali tawe:shichila kang'odwa, ukhamolomakhu shindu shitamanu khu mwimilili wa vandu venyu tawe.⁶navutsa lwa paulu yalola luveka lulala vali vasadukayo na luveka lundu vafarisayo,yalangilitsa ikulu mushina, vamwavo vanje,inze ndi mufarisayo, mwana wu mufarisayo: ni shichila lisuvilitswa lya ndi nalyo khulondekhana ni lisimukha lya vakhutsu nalyo lijilanga ninzalwa. ⁷lwa yavola ndio,vafarisayo na vasadukayo varanga khuhangalitsana,na shituma shyakavukhana. ⁸shichila vasadukayo vavolanga,lisimukha lya vakhutsu livulaho,tsinjelosi tsivulaho,roho zivulaho,navutsa vafarisayo viyema vindu vyenevo vyosi.⁹vandu vatsililila khulangilila,na vang'odi vali vu mukanda kwa vafarisayo vasinjila nivahangalitsana nivavola, mundu uyu uvulakhu shindu shitamanu shyakholi:haundi roho inoho injelosi imolome neye,khuvule khukwana na nyasye. ¹⁰lwa varanga khuhangalitsana vululu,mukhongo wa vasikali yaria paulu anyala khurandulanyinywa vitonye, yaruma mukali wa vasikali atsi amurulitse ni tsingulu hakari havo na amulere munzu ya vasikali vamenya mu.¹¹litukhu lyalondakhu mwami yasinjila himbi naye namuvolela,uve ni ikholo,shichila untolekhitse mu yerusalemi, khandi khutukha untolekhitse mu litaala lya roma.¹²lwa mbasu kwali nikwakhatukha,valala khu vayahudi valokhitsa khuli vakhola nivisuha nivavola shyivalyakhu inoho khung'wakhu shindu shyosi khutukha lwa viira paulu. ¹³vali vandu vaviri makhomi kanne valokhitsa makhuva kenako.¹⁴vatsia khu vakali va vasilisi navasakhulu nivavavolela,khwisuhitsane shyukhuliakhu shindu shyosi nikhushili khwiira paulu tawe. ¹⁵khu lwayako, mutsi khu mukhongo wa vasikali vosi, mwikhole khuli mwenya khumurevelitsa marevo vulayi, na khutse,khwirechekhe khumwiira nashili khutkha mushina.¹⁶navutsa mwana muyayi wu mukhana wanga paulu yahulila vali nivakonekhe,khu yatsia niyinjila havundu wa vasikali vamenyanga navolela paulu. ¹⁷paulu yalanga mulala khu vasinjili wa vasikali namuvolela, hila mwana muyayi uyu khu mukhongo wa vasikali,shichila ali ni shindu shya yenya khumuvolela.¹⁸khu yavukula mwana muyayi woyo namuhila khu mukhongo wa vasikali vosi namuvolela,paulu muvohe anangi , alambolela ndere mwana muyayi uyu khuive,ali ni shindu shya yenya khukhuvolela. ¹⁹mukhongo wa vasikali vosi yamukumila mukhono namuhila havundu havwivisu namureva, ni shina shya wenya khumbolela?²⁰mwana muyayi uyu yamuvolela,vayahudi vahulikhitsane vakhureve mukamba ulere paulu mushina, vikhole khuli venya khumanya kakilikali khulondekhana khu paulu. ²¹navutsa ukhiyema tawe, shichila khuliho na vandu vaviri makhomi kanne vamukonekhe.visuhitsane khuvula khulyakhu inoho khung'wakhu shindu shyosi khutukha viire paulu.khali lwenulu virechekhe, valindilila vutsa wiyeme²²khu mukhongo wa vasikali vosi yalakhula muyayi natsia, namulaka,ukhavolelakhu mundu wosi umbolele vindu yivi tawe. ²³khu yalanga vasikali vavili vasinjililanga vandi navavolela,muvukule vasikali tsimia tsivili virechekhe khu luchendo lukhutsia ihale khutukha kaisaria,khandi na vandi makhomi saba vitsipalasi, khandi vandi tsimia tsivili vamarimo, mulasimukha tsisa tsyivaka tsyu vutukhu. ²⁴khandi muhe paulu tsipalasi tsyaninakhu, khandi mumuchenditse vulayi khutukha khu mwamihi felikisi.²⁵na yang'oda ibalua khu lukanu yulu: ²⁶inze kilaudia lusiha khung'odera yiwe wahelwa luyali: nyola milembe ²⁷mundu uyu yakumilwa na vayahudi na yali nali himbi khwiirwa navo nditsa khuvo na vasikali nimuhonyinya,shichila ndonyola ndi ni muroma.²⁸inze ndenya khumanya shivune shichila vamuyala, khu ndamuhila mu shina shyavo. ²⁹ndanyola vamuyala khulondekhana khu marevo ka malako kavo venenavutsa shindalolakhu shitamanu shya yakhola shinyala khuchila yiirwe inoho avohwe tawe. ³⁰lwa ndavolelwa khuli vayahudi vali nivamukonekhe vamwire,vwangu murumi khwiwe na khandi mbolele vayali veve valere mayalo kavo khuye imbeli wowo.³¹khu vasikali valonda malako,nivavukula paulu nivamuhila mulitala lya antipaturi. ³²litukhu lyilondakhu,vasikali vachendanga khu vilenje vakomukha nivakalukha havundu ha vasikali vamenyanga, nivalekha vasikali vitsipalasi nivatsia naye. ³³lwa vasikali vitsipalasi vatukha kaisaria vahana ibalua khu mwami felikisi,khandi nivahana paulu khuye.³⁴lwa felikisi yasoma ibalua,yareva paulu arulanga mu lusomo lulena,lwa ya manya ndi arulanga mu lusomo lwa kiliki; ³⁵yavola, ndakhuhulitsakhu, lwa vandu vakhuyalanga vatukha hanu.nahana lilako paulu avikhwe munzu yu mwami herode.

¹lwa matukhu karanu kali nikakhavira,mukali vasalisi vosi anania,na valala khu vasakhulu,nu mundu mulalala yali ni yasomela malako yalangwa teritulla vakholomokha nivatsia mu litala lya kaisaria nivatsia imbeli wu mwami nivayala paulu. ²lwa paulu yasinjila imbeli wu mwamihi, teritula yaranga khumuyaala navola,khuvirila khu lyamiha lyolyo khuli ni milembe minyikhi,khandi shivala shyeru shili ni likalukhana linyikhi likhonya vandu veru. ³khutse khwahujilila vindu yivi matukhu kosi mutsimbeka tsyosi ni lisandutsa likali, felix wu luyali lukali.⁴khu mbule khuvukula vwiyangu vwovwo vunyikhi,khusayanga ukhuhulikhitsekhu mmbwimbi. ⁵khurunikhitse khunyoli mundu uyu nu mundu mutamanu khuvira shichelo,khandi naye ulombanga vayahudi mu lilova lyosi khuvula khuria malako,khandi naye mwimilili wi livukana lya vandu valangwangwa vanazareni. ⁶khali achelitse khwononyinya litempeli,nashio shivune shichili ni khumukimila.⁷navutsa mukhongo wa vasikali vosi alangwa lusiha,yitsa namuvukula nitsingulu namurulitsa mu mikhono chyeru. ⁸navola vandu venya khuyala paulu vitse khu yiwe.numurunikhitsa khu vindu yivi,khali yiwe mwene ulava ni limanya khu vindu vya khumuyalilakhu. ⁹vayahudi vahambana halala khuyala paulu,nivavola,nikakilikali.¹⁰navutsa lwa mwamihi yijinga mukhono navolela paulu amolomekhu, paulu yarevula, inze ndi ni limanya wakhava mukhalaki wi shivala yishi khu mihika minyikhi,khu lwa yako ndi nu vuyanzi khwivaala makhuva kanje imbeli wowo. ¹¹khuli umanyi,matukhu kakhavira likhomi na kavili khurula lwa ndatsia yerusalemi khusaala. ¹²shivanyolakhu mulitempeli nimbangalitsananga nu mundu wosi tawe,inoho nimbambitsanga mulilo mu vandu, mulisinagogi inoho mu litala. ¹³khali vene vanyala khwivaalakhu vulayi vindu vichilanga nivanzala tawe.¹⁴navutsa ndiyema imbeli wowo, khulondekhana khu injila yiyi, yavalanganga livukana lititi,ndumikhilanga nyasaye wa vaise veru, suuvilanga vindu vyosi vyang'odwa mu malako ka musa khandi mang'odo ka vaporofeti. ¹⁵ndi ni lisuviltswa mu nyasaye,lya vandu yava khandi vali nalyo,ndi khulitsa khuva ni lisimukhitswa lya valunji na vatamanu. ¹⁶khu lwa yako inyanga yosi njelitsa khuva ni inganagani ili inntayi imbeli wa nyasaye na vandu vosi.¹⁷lwi mihika minyikhi chivele ni chya khavira, nishili khutsiakhu yerusalemi,ndatsiayo khuhilila vamanani vihanwa vyu khuva khonya nende vihanwa vyu khukhola misango. ¹⁸lwa ndali nikhoyala yaka,vayahudi khurula mu lusomo lwa asia vanyola mu litempeli nikhola musango ku khwitakasa,vuchila shituma vandu khandi vuchila liyooko. ¹⁹vandu venevo kenyekhenke vave hanu imbeli wowo vanzale nikava vali ni shindu shyosi shyu khunzala.²⁰kakhali ndio, vandu valala yava vavole ni vatamani shina vwa valola khu inze lwa ndayalwa mu shina shyavo, ²¹nikakhali vutsa shindu shilala shya ndalangilitsa lwa ndasinjila hakari havo, nimbola, ni shichila lisuvilitswa lyanje khulondekhana nilisimukha lya vakhutsu nashyo shivune shijilanga nisnjile imbeli wenyu khuyalwa.²²khu felikisi, yali niyamanya manyikhi khulondekhana khu injila yu mwami, yasunda litukhu lyu khulikhitsa shiyalo,navola, lusiha mukhongo wa vasikali vosi yitsa khurula yerusalemi, ndakhala khulondekhana ni vindu vichilanga ni vakhuyala. ²³na yavolela musikali asinjilililanga vasikali imia indala va varoma,avikhe paulu muvuhambe,navutsa ahujilile valina veve khumulola nu khumuha shindu shyava niyenya.²⁴matukhu lwa kali nikavira katukhile, felikisi yakalukha halala nu mukhali wewe,naye yali muyahudi,narumanyinya paulu yitse naye yamuhulikhitsa niyivala khulondekhana khusuvila mu kristo. ²⁵lwa paulu yamwivalila khulondekhana khu makhuva ku vulunji,khwilinda munjila indayi, ni likhalakilwa litsanga,felikisi yahulila yatechela navolela paulu, rula utsyi, lwanyola vwiyangu vundi ndarumanyinye witse.²⁶yali nilisuvila ndi paulu alamuhakhu alamuhakhu asoya amuvoholole;khu yarumanyinya vuli inyanga yosi namoloma naye. ²⁷navutsa lwa chyali nichakhavira mihika chivili, mundu yalangwa poriku fesito yamiha havukono vwa felikisi, na shichila felikisi yenya khuyanziza vayahudi, yalekha paulu mushivoho.