¹Iki mati mala Mfumwa Herode,erongie mkono wake ha bhakristo esa kubhainyala. ²Akamkoma Yakobo mndwabho Yohana na mhandi.³Ekimebhone kila ahira chabhaizirija Bhayahudi, akamgura wa Petro. Iyo yeokie ni misi ya mikate isigerwa amira.⁴Ekimemgure akamgera jela akabhika mbotu nne ja malong'oni ja kumrinda esa anamfunye mati Pasaka yabhetia/yasia.⁵Iki Petro akabhikwa jela kake bhakristo wakamuombea na lunyariki hake Izubha. ⁶Kabla mfumwa Herode esimemngole, icho kio Petro okie eshinjie ghati ya malong'oni bheri echungiwe minyororo miri; na malong'oni bhengi bhokie bhekirinda lughwi lwa shighati lwa jela.⁷Kamtungo, malaika bhake Mzuri bhakamfumia aho aho na kiangaji kikabhonekana ndeni ya jela, kikambigha Petro mbai mmwe kikambhusha akaghamba,"Bhuka ugwangu". Na minyororo hena mikono jikagwa "malaika akambhura "Kudokanye na udoke bhiratu bhyako." Petro akahira hubho.⁸ Malaika akambhura wa, "Chunga ileleta lako la shighati uniratere".⁹Hubho Petro akamratera malaika na kufuma nae. Osokie emaije iti kila kihiriwe ni malaika ne cha kididi, okie eosha iti eteokie ebhona ndoto. ¹⁰Mati Bhemebhetie askari wa kubhoka na wa keri bhefikie hena lughwi lwa menya lwakubhatika hena kighongo,lukajughuka lujenye.bhefumie shighati na kugura zia, malaika akamshighia aho.¹¹Mati Petro ekumanyie, akaghamba, "Iki natwarija kididi iti Mzuri amtuma malaika kunifunya hena mkono wake Herode, na magheshijio ma bhandu bha Kiyahudi." ¹²Ekimetisibhe hubho akatonga hena nyumba yake Mariam mee Yohana eye izina lingi emanyikane sa Marko na bhakristo bhengi bhokie bhatorana aho bhetasa.¹³Ekimegonge lughwi la mvere ,mhiri ndima eitangwa Rhoda niye etongie kumchunguia. ¹⁴Na ekimesikie iezi lake, Petro akaizirihiwa mpaka akaremwa kumchunguia badala yake akahunduka ekimatuka chumbani na kughamba iti Petro eimuke hena lugwi lwa shighati. ¹⁵Hubho Bhakambhura, "We una luhungu." Kake akabhahakikishia iti neye. Bhakaghamba,"Uo ni malaika wake".¹⁶Kake Petro akaendelea kugonga lughwi na bhekimemjughuie bhakabhona iti niye bhakaitalwa mno. ¹⁷Petro akabhabhonya na mkono bhahuje na akabhabhura bhundu Mzuri emngolie jela.Akaghamba," Mbhureni Yakobo na bhandugu ibhi bhindu."alafu akafuma na kutonga handu hengi.¹⁸Iki hekimeche bhala malong'oni bhekaingiwa ni fole mburi yake Petro. ¹⁹Mati Herode emwendie na kumsobha, ekimechunguze bhala malong'oni akaghamba bhakomwe.Hubho akafuma Yudea akatonga mhaka Kaesarea akaikaa uko.²⁰Iki Herode akareghijishwa mno ni bhandu bha Tiro na Sidoni. Bhemtongie bhose handu hamwe. Bhekamsemba Blasto mhiri ndima wa Mfumwa abhaghenje. Aho bhekasemba lubhoro, amu Isanga labho linauhia kijo kufuma ha Isanga labho Mfumwa. ²¹Ula msi bhebhikiane ukimefike, Herode edokie suke ja mfumwa,akaikaia kichumbi cha kifumwa na kuteta nabho.²²Bhandu bhakabigha kilozo, "Ii ni ngori ya ngooma esi ya mundu!" ²³Aho aho malaika wake mzuri akamgusha sii amu osokie amuinga Izubha nguma,akaliwa ni manyongo akafa.²⁴Kake kiteto chake Mzuri kikaeha na kuongejika.²⁵Mati Barnaba na Sauli bhekimekenje ndima uko Yerusalemu, bhemuonjie Yohana eye izina lingi emanyikane sa Marko bhakahunduka nae.

¹Na uko Anitia hena ikanisa labho, heokie na bharoti na bhalosha. Nabho ne Barinaba na Simioni (ula eitangwa Nigeri), na Lukio ula Mkirene, na Manaeli (mndwabho ndeni mmwe mfumwa Herode),na Sauli. ²Ikaoka iti mari bhetasa na kuchunga Ngoro Mshenete akaghamba, ''Nisabhurieni Barinaba na Sauli, bhanihirie ndima ila nabhaittangia''. ³Bhekimekenje kuchunga na kutasa, bhakabhabhikia maghaza kubhatasia, ukwade bhakabhaaghanya.⁴Barinaba na Saulo bhakamsikija Ngoro Mshenete bhakasea bhakatonga ipe la Seleukia. Aho bhakaonja ngalawa bhakazoka mtano Kipiro. ⁵Magheri bheokie kighongo cha salami, bhakachila kiteto cha Mzuri hena masinagogi ma Bhayahudi. Bheokie pia na Yohana Mariko ekibhaghenja ndima.⁶Bhakaronga bhakabhetia ghati na ghati ya isanga ilo lose mtano bhakafika Pafo. Aho Pafo bhakamkicha mghanga m'mwezu Myahudi, mroti wa maungo, eitangwa Bari-Yesu. ⁷Mndu uo eokie mbuyae akida m'mwe echee eitanwa Serigio Paulo. Akida uo akabhaitanga Barinaba na Sauli bhaze hakwe ekioka na nyami ya kusikija kiteto cha Mzuri. ⁸Kake Elima, (kieza cha izina la ula mghanga,) akakunda kubhakinda Barinaba na mghenji wakwe bhasimchilie ula akida ndumi ja Mzuri, na akaghesha kumketa uo akida asioke na luingidaki hakwe Mzuri.⁹Kake Sauli, eye eitangwa Paulo, ekioka na Ngoro Mshenete, akamngolia ijiso ¹⁰ula mghangha akaghamba, ''We mwana wa ula mkeleki, uizue mihiro mibhibhi na bhuring'a, we eye uu mringa wa bhila bhiose bhiinare, amba unereshigha kukoda zia ja Mzuri jirongeke?''¹¹Na too iki, mkono wa Mzuri woho wanga yako, jkmunerebajika meso usibhone zano hena igheri ili. Aho aho meso makwe makagwa narumbe na kija. Elima akabhoka kurima rima aho eenda mndu wa kumgura mkono ambhonye zia. ¹²Ula akida ekimerebhone icho chahirika akaoka na luingidaki hakwe Mzuri amu malosha ma Mzuri memuitalishe.¹³Ibhio bhikimesie, Paulo na bhaghenji bhakwe bhakakwea ngalawa bhakazoka bhakatonga Perige ha isanga la Pamtilia. Aho niho Yohana ebhashighie akahunduka Yerusalemu. ¹⁴Bhakafuma Perige bhakazoka mtano Antokia hena isanga la Pisidia. Msi wa kutasa bhakaingia hena isinagogi bhakaikasi. ¹⁵Kitamo cha sharia yakwe Musa na bhila bhia bharoti bhikimesomwe, bhala bharongori bha ilo isinagogi bhakatuma muondo habho Paulo bhakabhabhura, ''Bhamndwetu, kaja muhete ndumi yose iinare na yakugera ngoro tubhureni.''¹⁶Niho Paulo akaimuka akabharongia mkonpo akabhabhura, '' Lanye bhome bha Israeli na bhose bhala bhemwanjela Izubha, sikijeni. ¹⁷Izubha wa bhandu abha Israeli, ebhasabhure bhapapa bhabho na akabhaketa kubaja na kuoka bheingi, igheri bheokie hena isanga la misiri, na hena mkono wake akabhangola uko. ¹⁸Na hena igheri lidindikia sa miaka makumi mane akabhagumiria uko ha ishighati la ngarange.¹⁹Izubha wabho akabhalelia na kunyamara masanga mafungate uko Kanani na kubhainga maoke bhugabhi bhuabho. ²⁰Ebhahirie ibho bhiose hena igheri la miaka maghana mane na makumi masano. Ukwade Izubha akabhainga bhachili bhakabharongoria mtano igheri lakwe mroti Samweli.²¹Ikafika handu bhakamsemba bhaingwe mfumwa, Izubha akabhainga Sauli ara Kisi, wa mbare ya Benjamini. Akabharongoria igheri la miaka makumi mane. ²²Akamngola Sauli ha bhurongori bhua kifumwa chakwe, akamsabhura Daudi aoke mfumwa wabho. Ni uwo Daudi eye Isubha emwanjele akaghamba, ''Nambhona Daudi mwanake Jese, mndu eizihirija ngoro yangu; eye enerehira bhila bhiose nikundie.''²³Kufuma ha ibhee la mndu uu, Izubha abhaetie Israeli mkija, eye ni Yesu, sabhundu eghambie. ²⁴Kake esa ichi kihirike, Isubha emrongoje ini Yohana abhachilie Bhaisraeli bhashighe ng'oki jabho bhatizwe. ²⁵Igheri Yohana ekikenja ndima yakwe ebhabhurie bhandu, ''Mohomuosha iti mi niani? Amba mi niyee, kake yoeni amu enereza ukwade, eye nisiinare ata kulegheja mikwa ja bhiratu bhiakwe.''²⁶Bhamndwetu, bhana bha ibhee lakwe Iburahimu, na bhala muoho nabho ebho bhemtasa Izubha, ni hetu bhose kiteto ichi cha lukio chatuziia. ²⁷Amu abho bheikaa Jerusalem na bharongori bhabho tebhemtisibhe bho, sabhula bhundu bhesiitomoki bhitamo bhia bharoti bhenasomiwa misi jose ja itasi, na hena hubho bhekahira bhila ebhio bharoti bherotie bhakachwa mburi iti Yesu akomwe.²⁸Bhakamsemba Pilato achwe mburi iti akomwe, ata bhekimeende bhubhibhi bhuake bhakabhusobha. ²⁹Bhekimekenje kuhira bhila bhiose bhirotiwe ni bharoti wanga yakwe, bhakamseja sii ya ula mti eng'angiwe bhambhika na mbira.³⁰Kake izubha akamketa aruke ha bhefuie. ³¹Na hena misi miingi akabhonekana ni bhala efumie nabho Galilaya akaza nabho Jerusalemu. Ebho iki nibho bhakara bhakwe ha bhandu.³²Hena hubho icho nicho chotuketa tubhachilie ndumi jedi jila bhapapa bhetu bhebhuriwe ni bharoti iti jinereoka: ³³Na Izubha atuinga swi bhana bhabho lusiligi lwa kubhona icho ebhabhurie bhapapa bhetu, hena kuoka iti amketa Yesu aruke. Ichi necho chetamiwe hena luombo lwa keri: 'We niwe Mwana wangu, naoka Bhabheo yoo.' ³⁴Na hena bhula emketie aruke kufuma ha bhefuie esa mwiri wakwe usishine, itamiwe hubhu, 'Ninebhainga unywi bhishenete bhiakididi, bhila Daudi ebhatasie.'³⁵Ichi nicho ehoeghamba hena luombo lungiwa, 'Esikamshighe Mshenete Wakwe anyamarwe ni kifwa.' ³⁶Amu ata Daudi hena igheri lakwe emerehire bhila Isubha ekundie, esobheke, mwiri wakwe ukanyamarika, na ngoma yakwe ikabhikwa hamwe na ja bhakakaye. ³⁷Kake uu eye Izubha emketie aruke teshiniwe ye mwiri.³⁸Hena hubho bhamndwetu, itisibhikane henyu iti, ni ha uwo eye ndumi ja kushighiwa ngoki tohotujichila.³⁹ Kubhetia ye, kila eye emwingidaki eneoka einare ha bhila bhindu ebhio sharia yakwe Musa ikinamtara iti teinare yee.⁴⁰Ena hubho mukuyoe bhila bhindu bharoti bherotie iti bhineregura bhandu bhisibhazie. ⁴¹'Munisikije nywi mna ludao, mnereitalwa msie! Amu hena ndima nohonihira misi ja yoo; Ndima eyo temwikaiingidaki, ata akicha mndu ekubighia lugunda.'"⁴²Paulo na Barinaba bhakaoka iti bhehobhefuma, bhandu bhakabhasemba bhaze msi wa itasi bhachile bhiteto ibho. ⁴³Igheri la kutasa likimesie, Bhayahudi bheingi na bhala bhenatasa kuatera zia ya kutasa ya kiyahudi bhakamwatera Paulo na Barinaba, akateta nabho na kubhagera ngoro bhaikae ha mvono wakwe Izubha.⁴⁴Uo msi wa itasi umerefike, hafuhi kighongo chose kikatorana aho kusikija kiteto cha Mzuri. ⁴⁵Bhayahudi bhemerebhone isanga lose ilo la bhandu bhakaketa kiru, bhakabhabhura bhandu iti bhetehobhekengwa na bhakamrigha Paulo.⁴⁶Kake Paulo na Barinaba bhakateta na ngiria mbaha bhakabhabhura, ''Cheinare iti kiteto chakwe Izubha kibhaziie ini, na kihirike hubho, kake m'merekisue na kukibhona iti kisina mbucha na iti bhusima bhua ndarasi tebhubhainare nywi, yoeni iki yatuketa kubhagharukia bhandu bhengi. ⁴⁷Amu ni hubho Mzuri etuaghanye tuhire akatubhura, 'Nakubhika uoke kiangaji cha bhandu bha masanga mengiwa, esa uete lukie masangeni hose.''⁴⁸Abho bhandu bha masangeni bhekimesikie icho echila, bhakaizihiriwa na kukiisisa kiteto cha Mzuri. Na bheingi bhala bhuzima bhua ndarasi bhuebhatarie bhakaoka na luingidaki. ⁴⁹Na kiteto cha Mzuri kikazarika isanga ilo lose.⁵⁰Kake bhala Bhayahudi bhakabhasosoia bhache bhazuri bhala bhekungolie ha ndima ya Mzuri, hamwe na bharongori bhose bha isanga ilo, bhabhasue Paulo na Barinaba nabho bhakabhakinya mtano bhakabhangola shighati ya mihaka jabho. ⁵¹Paulo na Barinaba bhakagumirian ibho, bhesibhabhurie chochose, bhakatonga jabho. Bhakaronga zia bhakatonga Ikonia. ⁵²Na bhala bhakiristo bhebhashighie aho bhakaizihiriwa, na Ngoro Mshenete akaza wanga yabho.

¹Na yeokie iti magheri Paulo na Barinaba bheokie Ikonia, bheingie ha isinagogi la Bhayahudi, bhakachila ndumi ejo jiketie mbotu mbaha ya Bhayahudi na Bhayunani kumuuhia Mzuri. ²Kake Bhayahudi bhala bheokie bhesina lusiligi na ndumi ijo bhakabhasosoiya Bhayunani bhabhasue abho bhamndwabho bha kingoro.³Bhakaikaa aho Ikonia igheri ieza, bhechila ndumi ja Mzuri bhesina fole amu zinya ja Mzuri jeokie wanga yabho. Izubha mwenye akabhajughuia na kubhainga bhandu mvono wake ula unaza kubhetia kiteto chakwe, akabhaketa Paulo na Barnaba bhahire maitalisho. ⁴Ila mbotu ya bhandu hena kighongo icho ikaghabhanyika, bhengi bhakaoka bhewaho mbai ya bhandumi na bhengiwa mbai ya bhala Bhayahudi.⁵Ikafika igheri Bhayahudi na Bhayunani bhakagheshijia kubhasosoia bharongori bhabho bhabhahirie bhibhibhi na kubhabigha manoo Paulo na Barinaba. ⁶Bhemeremanye icho, bhakadindika bhakatonga Likonia, Lisira na Deribe na masanga ma hafuhi, ⁷na aho bhakachila kiteto chakwe Mzuri.⁸Aho Lisira heokie na mndu m'mwezu ebhiie maghu too kubhoneka, eokie esiidima kubhata. ⁹Uo mundu emsikie Paulo echila. Paulo akamyoa meso na kubhona lula luingidaki eokie nalo lwa kukijwa. ¹⁰Akamtetia na ngori mbaha akambhura, ''Imuka.'' Ula mndu akapehuka, akabhoka kujunguluka junguluka aho.¹¹Ila mbotu ya bhandu ikimebhone kila Paulo ahira, bhakakweja ngori bhakateta hena lumi lwa Kilokonia bhakaghamba, "Ngoma jatuziia hena fana ja bhandu." ¹²Bhakamwitanga Barnaba ''Zeu'' na Paulo ''Harime'' amu bhebhonie iti nie eokie mchili. ¹³Mrisha wa ila ngoma iitangwa Zeu eye kisiko chakwe cheokie shighati ya kighongo icho, akaete zao na bharo ha mvera wa kighongo icho, esa ye hamwe na mbotu iyo ya bhandu bhangole itasi.¹⁴Kake Barinaba na Paulo bhekimesikie kila bhekundie kuhira, bhakagura mtwi bhakabh adindikia ¹⁵na kubhabhura, ''Bhaisanga, nize mkundie kuhira bhindu ibhi? Uswi ni bhandu sanywi. Twaza kubhaetie ndumi jedi iti msitase ngoma iji ejo jisina lughenjo, kake mubhike luing'idaki lwenyu hakwe Izubha eikaa ndarasi, ula eye elungie wanga na sii, na mape, na kila kindu chose bhihete. ¹⁶Aho kae Izubha ebhashighirie bhandu bhahire kihabho,¹⁷Kake ehirie bhindu esa akubhonyanye iti ewaho, ehirie bhiedi kuete vua na kijo hena magheri makwe,akabhaibhusha na kubhaizihirija.'' ¹⁸Lumolesha ulo lwabho Paulo na Barinaba lusejie luing'idaki lwabho kungola itasi ilo, kake bherinake hena ngoro jabho bhekundie kungola itasi ilo.¹⁹Kake Bhayahudi kufuma Antonia na Ikonio bhakaza na kubhasosoia bhandu bhambighe mano Paulo. Bhakambigha na kumbulula shighati ya kighongo bhekiosha iti afwa. ²⁰Bhandumi bhakaza bhakaimuka kumjunguluka. Akaimuka na kuhunduka ndeni ya kighongo. Heabho lake akatonga Derbe hamwe na Barnaba.²¹Bhakachila ndumi jedi ja kiteto cha Mzuri hena kighongo icho mtano bhandu bheingi bhakagharuka bhakaoka bhandumi bha Mzuri. Ibhi bhiose bhimehirike bhakahunduka Lista, bhekabhetia Ikonia mtano bhakafika Antiochi. ²²Hena bhighongo bhiose ibhio bhebhihundukie, Paulo na Barinaba bhebhagerie ngoro bhala bhaloshwa bhasha na kubhagera lumolesha bhagurie luingidaki ulo. Bhakabhabhura iti esa mndu aingie ha kifumwa cha Izubha, enebhetia bhuasi bhuingi.²³Hena kila mbotu ya bhandumi abho bhasha bhakabhasabhuria bharongori, bhakachunga na kutasa hamwe nabho ,na bhekimekenje kuhira ibhi bhiose, bhakabhabhika msongorana ha Mzuri, eye bhebhikie luingidakilwabho hakwe. ²⁴Bhakafuma aho bhakabhetia kighongo cha Pisidia mtano bhakafika Pamfilia. ²⁵Bhemerefike Periga bhakachila kiteto cha Mzuri na bhakaronga kutonga Atalia. ²⁶Kufumia aho bhakakwea ngalawa na kutonga Antiochi, hala eho bhetasiwe bhauhie lubhoro lwa Izubha hena ila ndima eyo bhafikija tiricho.²⁷Aho Antiochi bhebhaetie bhandu bhose hamwe, bhakabhabhura bhindu bhiose bhila Izubha abhaghenja kuhira na bhula Mzuri mwenye abhajughuia lughwi bhandu bha masanga mengiwa bhaingie bhaoke na luingidaki hakwe. ²⁸Bhakaikaa aho hamwe na abho bhandumi bhengiwa igheri ieza.

¹Bhandu bhatare bhezie kufuma Judea bhekilosha bhamndwabho ' bhakabhura mhaka mtabhanwe kuringana na mikare yabho Musa msikaidime kushigha ngoki. ²knidu iki kietie mjutano pada. Bhamndwabho bhakambhura iti Paulo na Barinaba nabhaghosi ghengi bhatonge Yerusalem hena bhandumi kubhabhura bhuri ii.³Bhekimetume ni kanisa bhebhetie hose Phienicia na Samaria bhakabhura bhundu bhayahudi bhegharuke.hakaoka na bhamundwabho bhakaizihiwa pada. ⁴Bhekimeze Yerusalem bhekauhiwa nezo ni bhandumi na bhaghosi na kanisa bhekibhabhura bhaisanga na bhandu bha Mzuri bhakabhabhura bhundu Mzuri abhahiria na bhose bhakaizirihiwa.⁵kake bhandu bhatare ebhokokie bha bhare ya Bhafarisayo,bhaimka na bhakaghamba" Ni chedi kubhatabhana na kbheimukeubhaamru kuringana na shari jake Musa. " ⁶Bhandumi na bhaghosi bhakarunganyika hamwa bhakagheshijia icho kindu.⁷Baada ya mjutano mweza petro akaimuka akabhabhura bhomndwabho mzuri ebhasabhure kufumana naywuhena momo wa bhayahudi ibhaidime kusikia injlii na kuamini. ⁸Mzuri eye emaije ngoro jetu na mashahidi bhabho ,na kubhainga Ng,oro Mshenete sabhundu etuingie swii, ⁹na esitutofautishe ghati yetu na bho,nakuketa ngoro jetu kuzera.¹⁰Iki nizee kumghesha Mzuri ,kubhikia igogolo hena singo yabhandumi nauswii na bhapapa bhetu bhenye tusiidima kulitika. ¹¹kake tuamini tunekijwa sabhundu bho bhekijiwe hena lubhoro lwa yesu.Na bhandu bhose bhakahuja chwii bhekimsikija Paulo na Barnabas bhundu bhekibhabhura maitalisho ma mzuri ebhahirie kubhetia ha Bhayahudi.¹³Baada yakushigha kuteta yakobo akabhabhura "Bhamndwetu ni sikijeni mi. ¹⁴simion ebhabhurie bhundu Mzuri aho kubhoka akabhagheja bhayahudi esa kubhafuna bhandu hena izina lake.¹⁵Na kufumana na ichi kiteto cha bharoti bhakaitikijana sabhundu ¹⁶kitamiwe, 'Hena hubhu ninehunduka na kuareha iyanda lake Daudi eloleokie langwa; nineliketa liimke wa hena ibhyo bhose. ¹⁷Bhala bhebaki bhenemuenda Mzuri hamwe na Bhayahudi bhala bheitangwa hena lzina langu mwenye kuhira ibhi bhindu bhyose. ¹⁸Uu ni Mzuri eyemanyikane na esina mhaka na jose ni ndima jake too ndarasi.¹⁹Hena magheshijio mangu msibhagasigasi bhayahudi bhala bhamgharukia Mzuri; ²⁰kake tubhatamie iti bhakashinghe bhindu bhibhibhi bhyakutasa ngoma na mikare mibhibhi, kufumana nakuitisha dumu ; kunyama na sakame. ²¹kufuma na mimogho yakae hena bhhandu bha kila kighongo ebho bhokie bhekichila na kusoma bhindu bhake Musa hena nyumba ya Mzuri kila jumapili.²²kikaoka chedi hena bhandumi na bharongori na nyumba ya mzuri bhose kumsabhura Yuda izina lingi Barnaba na Sila, ebho bhokie bharongori bha nyumba ya mzuri aho bhakabhatuma na Paulo na Barnabab Atioki. ²³Bhakatama bhakaghamba bharongori ,Bhandumi , bhamndwabho bhayahudi bha Antioch ,Syria na Cicilia, gezia.²⁴Tukasikia iti bhandu ebho tusibhaingie shari , bhakatonga shighati hetu bhakabhasumbua hena malosho mabho mebhasumbua ngoro jenyu. ²⁵Ikioka chedi kuitikijana kusabhura bhaighosi tubhatume hamwe na Paulo, ²⁶na barinaba bhandu bhala bheamue kutesha moo wabho hena izina Yesu Mkija wetu.²⁷Hena hubho nabhatuma Yuda na sila ebho bhenebhabhura kindu kimwe. ²⁸kioka chedi ngoro mshenete aoke hamwe nanywu esa miagho mibaha jisibhaemeiye bhesho: ²⁹mushighe kutasa ngoma kuitisha dumu na miikare mibhibhi na mkashighana na ibhibhindu kineoka chedi henu kimboha.³⁰Bhekimeshighiriwe bhakatonga Antiokia bhekimerunganye bhandu hamwe bhakaingija ilalu ³¹Bhekimesome bhakaizirihiwa amu bhengeriwe zinya. ³² Yuda na Sila hamwe na bharoti bhakabhagera lumolesha bhamundwabho hena kiteto na kubhagera zinya³³Bheikee aho hena igheri kadori bhekatumwa na lubhoro kufuma habhamndwabho ebho bhebhatumie habho na bhala bhetumiwe hamwe nabhokake. ³⁴³⁵Paulo na Barnabana bhengi bhakaika Antiokia bhekilosha na kulosha kiteto cha Mzuri³⁶Baada ya misi mitare Paulo akambhura Barinaba "Tuhunduke ha lsanga bhamundwetu turebhayowa bhala tubhashighie bhekiteta kiteto cha Mzuri na bhundu bhoho. ³⁷Barinaba ekundie kutonga hamwe na Yohana eye eitangwa Mariko. ³⁸kake Paulo akabhona esichedi kutonga na Mariko amue eokie ebhashighie Pamfilia na ekashigha ndima.³⁹Hakafumia mjutano ghati yabho bhakashighana na kila mundu akatonga kihake Barinaba akatonga na Mariko bhakatonga jabho Cyprus. ⁴⁰kake Paulo akamsabhura sila hena mate ma mzuri akabhetia Siria na Cilicia ekingera nyumba ya Mzuri. ⁴¹Na akatonga kubheti Syria na Ciliccia , bhekibhakera zinya.

¹Paulo eitungululie mbotu akaghamba, "Bhamndwetu, mtano iki nebharirie bhyedi mbele yake M'zuri." ²Kuhani m'baha Anania akabhaazerija bhala bheimuke hafuhi naye bham'huiye luhi lwa momo. ³Aho Paulo akam'talua, 'Izubha iti mwenye enekuhuiya luhi we uikee sa nganda ibhiriwe ilongo ijewa. Uidimaze kuoka aha unichuiye mburi nibighwe kisharia na kunu uoho uibaa sharia hena kuinga nibighwe? (close quote?)⁴Bhaka bheimuke hala bhembhurie Paulo, "Um'righaze juhani m'baha wakwe lzubha?" ⁵Paulo akatalua, "Nesetwaarije iti ni kuhani m'baha. Amu kitamiwe iti, "Usirem'teta m'rongori wa bhandu bhako ubhibhi."⁶Paulo emebhone iti hena ila mbotu mondo nee Masadukayo na bhengi nee Mafarisayo aho akakweja ngori hena ila mbotu, "Bhamndwetu bha kingora, mi ni Mfarisayo mwana wa Mafarisayo. Mi naetwe hena sharia anu nitwarije iti bhefuiye bheneruka." ⁷Ekimetete hubho mjutano ghati ya Mafarisayo na Masadukayo unuuke mbotu ikaoka kihanya. ⁸Amu Masadukayo bheghamba iti hesina kuruka, hesina malaika na hesina ngoro kake Mafarisayo bheghamba iti bhyose ibhyo bhioho."⁹Kilozo kibuuke ghati ya bhaloshi bha sharia hufuma na Mafarisayo bhekaimuka bhemenga, bheghamba, "Twabhona uu mndume esina itekwa. Ubhonaze akija ngoro kana malaika ateta naye." ¹⁰Mati mjutano m'baha ubuuke, m'fumwa m'rongori akaonda iti Paulo eidima kuchuwa bhiberendu berendu. Hena na ulo akabjabhura bharinji bhake bhaitanye iyo mbotu na bhamuonje Paulo bharruingije hena ijumba.¹¹Kio kiaterie Mzuri eimjie mbai yakeue akaghamba, "Bhundu utetie mwajimwaji kula Yerusalemu, ureneimuka nami hubho uko Roma."¹²Hekimeche, Bhayahydi bheikee ngilibhata bhakala mina:bhakaghamba iti bhesikale kana kunywa bhasitem'koma Paulo. ¹³Heena bandu jujelal makumi maane ebho bheliiye iyo njama."¹⁴Bhetongie hena makuhani bhafumwa na kughamba, "Twakuingija bhajenye hena ng'oki mbaha, ya kusala chochose m'tano tun'kome Paulo." ¹⁵Iki, shigha m'fumwa m'rongori amwete henyue, esa sa mukuoshe sa m'kundie jum'ghenja nezo. Uswi tubharirie kum'koma esi'mefika aha."¹⁶Kake heena mwana wa mndwabho Paulo esikie bhundu bhekim'bhariria; hena ulo akaingia hena lila ijumba akamtindia. ¹⁷Paulo wanga ya iyo njama. Paula akaitanga mmwe wa maaskari akam'bhura, "Mtike uu m'bwange hake mfuma m'baha amu ena kindu cha kumtindia."¹⁸Askari emuonjie ula m'busange akamutika hake m'fumwa mrongari na akam'bura, "Paulo, m'rechungwa eniitange hakwe, akanisemba nimuete uu m'bwange hako. Ena kinelu cha kukutindia." ¹⁹Mfumwa mrongori akam'gura m'kono akamtika mbai kumbhujanya, "ni kini ichi ukundie kunitindia?"²⁰M'bwange akaghamba, "Bhayahudi bhaitikija kukusemba yabho umtike Paulo hena botu amu bhekundie kubhitwarija nezo bhindu bhyakwe. ²¹Kake usireitikija amu hena bhandu kukula majumi maane bhekundie kumbhinya. Bhakuitangia ngoki bho bhajenye, ya kusala kana kusanywa mtano bham'kome. Iki bhakukomboghanya, bheteindie tiki italuo lako.²²Aho mfumwa mrongon' emshighie m'bwange atonge, ukwaede akamtabhasha, "Usiredeseria mundu iti wanitindia ibhi bhindu." ²³Akamwitangia askari bheeri na kubhabhura, "Onja maaskari maghana meeri bhonge mtano Kaisaria, hamwe na bhakwea farasi makumi mafuugate, na bhande maghana meeri bhehete machumo. Mnefuma saa ndatu ja ²⁴kio. Na umwinge Paulo nyamao eyo inemfisha nezo (mashoghwe) hake Felikisi m'rongori'.²⁵Aho ekatama kitamo sa idi: ²⁶Mi Claudia Lisia, nakutamia we M'fumwa Felikisi Mrogori iji ngezia. ²⁷M'undu uu echungiwe ni Bhayahudi na bhekundie kum'koma, izie na maaskari kum'kija nikimetwenrije iti efuma Roma.²⁸Nekundie kutwarija iti ni kini bhemuishtakie kake nikamtika hena mbotu. ²⁹Nikakulosha itu mabhujano sharia jabho bhajenye, eokie eshitakiwa wanga ya kake hesena kushitakiwa ekwo kukimwinga akomwe kana achungwe. ³⁰Nikatwarija iti hena echo bhekundie nicho nikatuma abho bhemwishita kie bhakuetie ibhyo bhiteto Kiboha."³¹Iki, mala maaskari bhakamuonja Paulo na kumtika kio ichoicho sa bhundu bheazerijwe imtano Antipatri. ³²M'si wa keeri maaskari bheeng bhatonge naye, bhebhashighie bharekwea farasi nabho bhajenye bhekahunduka hena ijumba. ³³Mari bharekwea farasi bhefikie Kaisaria bhemwingie m'baha wa isauga kila kitamo bhekamtika Paul nakumshigha hakwe.³⁴M'baha emesome kila kitamo ebhujanye iti Paulo afuma isanga ani; emetwarije iti afuma Tilikia, ³⁵akaghamba; "Nineisikija mburi yako mari bhekuishitakie bhafika aha. Aho, akashigha Paulo aikae ekiyoiwa hakwe Herode.

¹Misi misano ibhetie, Anania eye kuhani m'baha, bhaghosi bhatare na mchili eitangwa hala Tetule bhefikie Kaisaria. Abha bhaghosi bhetongie kumlinganya Paulo hakwe m'baha. ²Paulo emeimuke msongorana wa m'baha, Paulo Tertlo ebhokie kumlingauya em'bhura, "Kufumana naure tuna lubhoro lubaha; na kubhetia hena isanga letu, ³hena ulo twangola haika na tuneuhia bhiose unehira, m'baha Filekisi."⁴Na kusatesha magheri mako, twakusemba, hena kifuhi usikije ii mburi yetu fuhi. ⁵Amu twatwarija mndu uu ni mring'a na ehoeinga Bhayahudi bhose masangeni kutanatana. Ye ni mrongori wa Bhanazareti. ⁶Ereghesia kulidaa ihekalu, uswi naswi tukamchunga.⁷Kake mari, Lisia, mfumwa wa machumo ezie, emfunyie Paulo hena maghaza metu akam'bhonya zia ya kutonga. ⁸Ukam'bhujanya Paulo bhiose ibhi, na ereewe, ureidima kutwarija iti tumlinganyie kini." ⁹Bhayahudi bhegurane, bhekamwishitaki Paulo, bhekaghamba iti ibhio bhios ni bhia kidi.¹⁰Kake m'baha ekimemwitange Paulo atete, Paulo akatalua, "Nitwarije iti too miaka miingi weokie mchwam'sun wa ili isanga, iki naizirihiwa kukujughua hako. ¹¹Uidima kula m'ma iti misi isifikie ikumi na miiri too ufume kutasa Jerusalemu; ¹²"bhemeni kichije hena ihekalu, neseokie nijutana na m'ndu wowose, na nisitanyie mbotu, hena masinagogi kana hena isanga, ¹³na bhesikaidime kukubhura kididi kufumana na bhyla bhenihugauie.¹⁴Kake niitikijia ichi hako, kuringaua na bhula bhundu bheitanga kindu, nire hubho nimhiria Izubha wa bha papa bhetu bherongore. Mi ni mkididi hena bhiose bhioho hena sharia na bhitami bhio bharidumi . ¹⁵Nirehete ulwo lusiligi hena lzubha, bhundu abha bhome bhose bhehuindie, kuza hena kuruka bhala bhefuiye, ¹⁶hena ulo, nioho nighesha nisioke na mabarabara hakwe Mzuri na bhandu hena ibhi bhiose.¹⁷Igheri liingi limebhetie nizie kuete lughenjo hena isanga langu na bhibala bhia Kughula. ¹⁸Nimehire hubhu Bhayahudi bhengi kufuma Asia bhenikichije nikihira itasi la kukuzerija hena ihekalu, heseena mbotu kana kilozo. ¹⁹Abha bhandu bhegeshijie kuoka msongorana nawe, bhatete kila echo bhenishitakia, akija bhena chochose.²⁰Kake, ere abha bhandu bhatete itekwa langu bhelibhonie mari nineimuka msongorana na mbotu ya Bhayahudi; ²¹isite ichi kindu kimwe niboghoke mari niimuke ghati yabho: "Ne wanga ya kuruka kwa bhefuiye nicho nioho nuhukumiwa yoo ni ynywi."²²Felikisi eitwarije nezo iyo Zia, hena ulo akabhaketa Bhayahudi bhainde Akaghamba, 'Mari Lisia eneeza kufumia Yerusalemu nineghshijia mburi yako." ²³Aho bhakatuma mrinji m'baha bhamrinde Paulo, kake bhasiime mbuyae wowose kumghenja kana kumselia.²⁴Misi ikimebhetie, Felikisi ehunduke na Drusila mche wake, Myahudi, etumane Paulo atikwe hakwe amsikije imani yakwe hena Yesu Kristo. ²⁵Kake Paulo emeritindie wanga ya bhwedi, kukuinga nganyi na wanga ya msi m'baha wake Mzuri wa kuchwa mburi, Feliksi eingiwe ni fole; na akatalua, "Hena iki tonga, kake nikapata igheri, ninekuitanga."²⁶Ere aho aho, eoshie iti Paulo ekimwinga Kibala, iki akaoka emwitangaitanga na kuteta naye. ²⁷Kake miaka miiri imebhetie, Porkio Festo, eonjie Kiringo chakwe Feliksi cha bhubaha. Kake Feliksi ekusembit ha Bhayahudi, hena ulo emshighie Paulo hena kichungo.

¹Paulo, mndumi wake Yesu Kristo, eitangwe kuoka mchili,na kukebwa hena wanga ya bhuchili bhwake Izubha. ²Ii niyo ila bhuchili ebhubhikiekiaze kae kubhetia bharoti bhake hena bhutami bhushenenete. ³Ni kuratera mwana wake, eyebhoneke kufuma luzungu lwake Daudi hena bhundu bhwa muri.⁴Ye erarishwe kuoka mwana wa Izubha hena zinya ja Ngoro Mshenenete hena kufufuiwa bhe fuiye, Yesu Kristo Mfumwa wetu. ⁵Kubhetia ye twauhia mvono na bhundumi hena nganyi ya bhutikiji ghati ya maisanga mose ,hena wanga ya izina lake. ⁶Ghati ya maisanga ama,nywi bhulabhula mwaitwangwa kuoka bhake Yesu Kristo.⁷Idafwa ili ni la bhose bheho Rumi, bhekundiwe na Izubha, bheitangwe kuoka bhandu bhashenenetwa. Mvono na uoke henyu, na lubhoro kufuma hakwe Izubha Papa wetu na Mfumwa Yesu Kristo.⁸Mboko, nimwinga haika Izubha wangu hena Yesu Kristo hena wanga yenyu bhose, hena bhula luitikiji lwenyu luchilwa hena isanga lose. ⁹Hena kuoka iti Izubha nimkididi wangu, eye nimhiria hena ngoro yangu hena bhuchili bhwa mwanawake, bhundu niika hena kubharanga. ¹⁰Misiyose nitasa hena matasi mangu iti hena zia yoyose nioke tiricho kuoka na mabhwendi iki hena mikundire yake Izubha hena kuza kwenyu.¹¹Nina nyami kubhabhona, nesa niidime kubhainga nywi lubhajo la kiingwa cha ngoro, niidime kubhagerazinya. ¹²Itio, nibhariria kugerwa ngoro hamwezu nanywi, hena zia ya bhuitikiji bhwa kila mmwezu wetu,henyu na hangu.¹³Iki bhamndwetu, sikundie msobhe kutwarija iti, kandu kengi nabhariria kuza henyu, kake nakindirijwa mhaka iki.Nikundie hubhu nesa kuoka na maduda henyu sa yeho bhulabhula ghati mwa bhandu bha maisanga. ¹⁴Niabhwa na bhayunani na bhagheni bhulabhula, bhechee na bhatukuzi. ¹⁵Hena hubho, hena mbai yangu, mi nioho tayari kurarisha bhuchili henyu bhulabhula nanywi muoho uko Roma.¹⁶Hena bhula nisiibhonia soni bhuchili, hena kuoka ni bhwidimo bhwake Izubha uwete lukio hena kila mwiitikiji, hena Myahudi mboko na hena Myunani bhulabhula. ¹⁷Hena bhula kididi chake Izubha bhoneshwa kufuma bhutikiji,s bhundu itamiwe,''eyee einare eikaa hena bhuitikiji.''¹⁸Bhula ibigho lake Izubha labhonekana kufuma majumbini wanga ya matekwa na mabhibhi mose ma bhandu,ebho hena zia ya kujirara kunabhisa kididi. ¹⁹Ii ni hena bhula,mose meidimika kutisibhikana wanga ya Izubha ni mwaji habho.Bhula Izubha abhatwarajisha.²⁰Amu bhindu bhyakwe bhisibhonekana nezo bhyaoka mwaji too kulungwa kwa isanga. Metisibhikane kubhetia bhindu bhilungiwe.Bhindu ibhi ni luidimo lwake lwa ndarasi na jadi ya kiizubha.Mifumire yake,bhandu abha bhesina kushighia. ²¹Ii ni hena bhula ,hatahubho bhetisibhe uu Izubha, bhesimwisise yee sa Izubha, wala bhesimwingie haika.Mbai yakwe bhaoka bhatukuzi hena magheshijio mabho,na ngoro jabho jenye kutukuzia jigeriwe kija.²²Bhekuitange kuoka bheche, kake bhakaoka bhetukuzie. ²³Bhakagharusha kirimi chake Izubha esina bhunyamari hena fana ya bhusho bhwa mndu ena bhunyamari, na ya ndeghe,ya nyamao jina maghu mane,na ya bhilungwa vitongamlandala.²⁴Hena hubho Izubha ebhashighie bharatere nyami ja ngoro jabho hakujirara, hena muri yabho kudaishwa ghati yabho. ²⁵Ni bho bhegharushe kididi chake Izubha kuoka maongo, na ebho bhetasia na kuhiria vilungwa mbai ya mulunga, eye eisiswa ndarasi.Esae.²⁶Ena ii, Izubha ebhashighie bhaatere nyami jabho ja soni,hena kuoka bhache bhabho bhegharushe kutumia kwabho ha jadi hena kila choho msundurunya na jadi. ²⁷Sa bhula, bhome bhulabhula bhakashigha kutumia kwabho kwa jadi hena bhache na kuokahena na mulakolako wanga yabho bhajenye.Abha bheukie bhome ebho bhehirie na bhome bhaghenji bhisiinare ,na ebho bheuhie ibigho liinare matekwa mabho.²⁸Hena bhula bhesuiye kuoka na Izubha hena kutwarija kwabho, ebhashighie bhaatere akili jabho jisifaiye, bhahire bhindu bhila bhisifaiye.²⁹Bhaizujwa na mabhibhi mose, matekwa,mlakolako na bhuring'a.Bhaizujwa na kiru,bhukomi, ibhoo, maongo ,na magheshijio mabhibhi. ³⁰Bhoo bhulabhula ni bhaluteto, bhalinganyi,na bhenye kumsua Izubha.Bhenye kusembekanya,kinyongo,na mafuti.Bhoo ni bhalunga mabhibhi, na bhesibaika habharebhabhona bhoo. ³¹Bhoo bhesina kutwarija ; bhesiaminika, bhesina kukunda kwa jadi, na bhesina na bhaazi.³²Bhetisibhe kanuni jakwe Izubha,iti bhandu bhehira bhindu bhya aina iyo bhekundikane bhakomwe.Kake si tiki bhehira bhindu ibho,bhoo bhulabhula bheitikijiana na bhala bhehira bhindu ibho.

¹Hena hubho usina lakusemba,we umchuiyachila, hena amu hena bhila ubhichuiachila ungi ukugera habhibhi wemwenye.Hena amu we uchuachila uhira bhindu bhindu bhilabhila. ²Kake tutisibhe iti kuchuachila hakwe Izubha ni kwa kididi wanga yabho bhehira bhindu sa ibhyo.³Kake we gheshijia ili, we eye ubhachuiachila bhala bhehira bhindu ibho kabhe nawe uhira bhindu ibho ibhyo.Ngea erepughunyuka kuchuiwachila yake Izubha ? ⁴Kana uohogheshijia kadori muno wanga ya bhwingi bhwa bhwedi bhwake, kushesha hena ibigho lake, na kugumiria kwake? Ngea, usimaije iti bhwedi bhwake ukundikane tukuazerije hena toba/.⁵Ena kuringana na kudinda kwako na hena ngoro yako isina na toba wakubhikia mwenye kishigha cha mabigho hena msii ula wa mabigho, itio,msii ula wa kujughuiwa wa kuchuiwachila ya kididi yake Izubha. ⁶Ye emuiha kila mundu ifungu kuringana na mahiro make; ⁷Hena bhala ebho hena lugiri lwa mahiro medi bhaenda kuisiswa, nganyi na kusakunyamarika, ebhainga bhumoo bhwa ndarasi.⁸Kake hena bhala ebho ni bhenandambi, bhesinanganyi hakididi ena kuinganganyi bhubhibhi,mabigho na oro ikahe iza. ⁹Izubha eete bhusobhi na bhwasi wanga ya kila muri wa mundu ahira mabhibhi, hena muyahudi mboko,na muyunani bhulabhula.¹⁰Kake luisiso, nganyi na lubhoro iza hena kila mundu ehira medi, hena Muyahudi mboko, na hena Muyunani bhulabhula. ¹¹Hena amu esina kukundiwa hena Izubha. ¹²Hena amu sa bhula bheengi bhasobha esina sharia bheteka esina sharia,na sa bhula bheengi bhasobha kuringana na sharia bhechuiwachila hena sharia.¹³Amu si bhasikiji bha sharia ebho bhenye kididi msongorona na Izubha, ena ni bhala bhehira sharia bhetariwa kuinara. ¹⁴Hena amu bhandu bha maisanga,ebho bhesina sharia,bhehira hena jadi bhindu bhya sharia, bho bhaoka sharia hena muri jabho, haho bho bhesina sharia¹⁵Hena ili bhebhonesha iti mahiro mekundikane hena mukare wa sharia matamwa ndeni ya ngoro jabho. Magheshijio mabho bhulabhula mebhatinda bho, na kugheshija kwabho bhajenye kana menabhashitaki kana kubharinda bho bhajenye ¹⁶na bhulabhula hena Izubha. Ama menefumia hena msi ewo Izubha enechuiachila mbiso ja bhandu bhose, kuringanana na bhuchili bhwangu,Hena zia ya Yesu Kristo.¹⁷Tughambe iti ukuitanga mwenye muyahudi, eikesi hena sharia, eseja na kukwisisa hena Izubha, ¹⁸Twarija makundo make, na kuineghena bhindu ebhwo bhikoronyikana na bhyo, ukwaade na kuazerijwa na sharia. ¹⁹Na tughambe iti una ng'iria iti we mjenye ni murongori wa bhesibhona kiangaji hena bhala bheho kijani, ²⁰Muwareha wa bhatukuzi, mlosha wa bhana, na iti una hena sharia bhundu bhwa ilosho na kididi.²¹We ra ,uchilia ungi, ngea, usikulosha mwenye? we we uchila usihibhe, ngea we usihibha? ²²We ughamba usishinde, ngea usishinda? we uwisuiye ngoma, ngea uhibha hanyumba yake Izubha.²³We ukuisisa hena sharia,ngea usiohousundukanya Izubha hena kubaa sharia? ²⁴Hena bhula ''izina lake Izubha lioho lisunduranywa ghati ya bhandu bha maisanga hena wanga yenyu,'' sa bhunduitamiwe.²⁵Hena bhula kutabhanwa kididi kubhe akicha ukasikija sharia, kake akicha we ni wakuigharuka sharia,kutabhanwa kwako kuoka kusakutabhanwa. ²⁶Hubho, ikaoka, mundu esitabhanwe ehoendelea kugura mikundire ya sharia,ngea kusakutabhanwa kwake kusiuhiwa sa iti atabhanwa? ²⁷Na ye esimetabhanwa hena jadi esikuchwiachila kicha akakoromija sharia? Ii ni hena bhula una bhutami bhutamiwe na bhutabhani bhulabhula kake bado ure mgharuka wa sharia²⁸Hena amu ye esi muyahudi eyee hena hali ya shighati ;nete kutabhanwa esi kula eko ni kwa shighati tiki hena muri. ²⁹Kake ye ni muyahudi eho hena ndeni, na bhutabhani ni bhwa ngoro,hena ngoro, esi hena bhutami. Luisiso lwa mundu wa mikare iyo esifumana na bhandu kake mefuma hakwe Izubha.

¹Ade ni bhukumbia ani eyo nabho muyahudi? Na bhukumbia bhwa bhutabhani ni bhuhi? ²Ni chedi muno hena kila zia. Lubhoko ya mose, wayahudi bhedambikiwe kujughuiwa kufuma hena Izubha.³Kake, ineokaze akicha bhengi bha bhayahudi bheseokie na bhuitikiji? ngea, kusakuitikijia kwabho kunereketa ukididi wake Izubha kuoka ubhibhi? ⁴Hai esiubho. Mbai yakwe, shigha Izubha abhonekane kuoka kididi, hata akija kila mundu ni wamaongo. Akija bhundu yookie itamiwe,'' Esa iti uidime kubhonekana kuoka mwenye kuinara hena bhiteto bhyako, na uidime kulela igheri uingia hena kuchuiwachila.''⁵Kake ikaoka ubhibhi bhwetu bhwabhonyanya kididi chake Izubha, tughambe kini? Izubha esi mkea akangola ibhigho lake, ngea eho hubho/nateta kufumana na kindu cha kibhandu. ⁶Hai esiubho; Ni kibhuhi ra esa Izubha enechuwachila isanga?⁷Kake ikaoka kididi Izubha kubhetia maongo mangu enangola luisiso fada hena wanga yake, hena kini niroho bado nichuiwachila sa mwenye ng'oki? ⁸Hena kini tusighambe, sa bhundutwalinganyiwa na sa bhengi bhundubhethibitishiwa iti tughamba," tuhire ubhibhi,nesa medi maze"? kuchuiwachila wanga yabho ni ya kididi.⁹Ni kini raa/tukubighania bhajenye /Hesina pia. hena kuoka swi twakenja kubhalaumu bhayahudi na bhayunani bhose hamwezu, ena kuoka bheho sii ya ng'oke. ¹⁰Ii ni sa bhunduitamiwe;''Esina mwenye kididi atammwezu.¹¹Hesina mundu eye etisibhe. Hesina mundu eye ehoemwenda Izubha. ¹²Bhose bhagharuka.Bho hena bhumwezu bhaoka bhesina mbucha. Hesina ehira mabhwedi, hai, hata mmwezu.¹³Miringi yabho ni mbira yoho mwaji. Lumi lwabho lwabhakenga. Bhusungu bhwa igulali iyoho sii ya momo yabho. ¹⁴Momo yabho iizue mbiagho na lubhabho.¹⁵Maghu maabho mena kudidikia kuitisha sakame. ¹⁶Bhunyamari na bhwasi bhuoho hena zia jabho. ¹⁷Bhandu abha bhesimetwarija zia ya lubhoro. ¹⁸Hesina kufoleka hakwe izubha msongorona ha meso mabho''¹⁹Iki twatisibha iti chochose sharia ighambacho na bhala bheho sii ya sharia. Ii ni nesa iti kila momo uchungwe, na hubho iti isanga lose liidime kuhira hakwe Izubha. ²⁰Ii ni iti hesina muri unetariwa kididi hena mihiro ya sharia msongorana meso makwe. Henakuoka iti kubhetia sharia henaza kutwarija kwa ng'oki.²¹Kake iki esibho sharia, kididi chake Izubha chatisibhikana. Ishughudiwe hena sharia na bharoti. ²²Iyo ni,kididi chake, Izubha kubhetia luitikiji hena Yesu Kristo hena bhala bhose bhenaluitikijio. Amu esina makoranyiko.²³Hena kuoka bhose bhahira ng'oki, kudughukiwa na kirumi cha Izubha. ²⁴Bhatariwa kididi bhesho hena mvono wakwe hena zia ya lukio uoho hena Kristo Yesu.²⁵Hena amu Izubha emungolie Kristo Yesu aoke bhuguranisho hena zia ya bhuitikiji hena sakame yakwe. Emungoliye Kristo sa bhushahidi bhwa kididi chakwe,hena bhula kushighiria ng'oki jibhetie ²⁶Hena kugumiria kwake .Ibhyo bhiose bhifumirie nesa kubhonesha kididi chake igheri ili la iki. Ii yookie aidime kuimusha mwenye kuoka kididi, na kubhonyanya iti enamtaria kididi mundu wowose hena bhula bhuitikiji hena Yesu.²⁷Kuohi ra kukuisisa/kwakembwa. Hena mshighi ihi? Mishighi ya mihiro? hai, kake hena mishighi ya bhuitikiji. ²⁸Hubho twohotukoromijia iti mundu enatariwa kididi hena bhuitikiji esina mihiro ya sharia.²⁹Kana Izubha ni Izubha wa bhayahudi tiki? Ngea ye si Izubha wa bhandu bha maisanga bhulabhula? Nihubho, nibhamaisanga bhulabhula. ³⁰Ikaoka hena kididi Izubha ni mmwe, ebhataria kididi ebho bha kitabhani hena bhuitikiji, na bhesimetabhanwa hena zia ya bhuitikiji.³¹Ngea swi twaigharusha sharia hena bhuitikiji? hai nete lukumbire lwa ibhyo,swi twaibhonyanya sharia.

¹Tughamba kini waa iti Abrahamu, papa wetu hena bhundu bhwa muri, abhonekana? ²Hena amu ikaoka Abrahamu etariwe kididi hena mihiro, ekioka na bhulasia bhwa kukuisisa, kake si msongorona hakwe Izubha. ³Henaze matami meghambaze? "Abrahamu emwiitikijie Izubha, na ikatarwa hakwe kuoka kididi."⁴Iki hena mundu ehira ndima, maiho makwe mesitariwa kuoka ni mvono, kake kuoka ni sile. ⁵Kake hena mundu esihira ndima kake emwamini ye eye emtaria kididi esioka mtaua, bhuitikiji bhwake mundu uwo yatariwa kuoka kididi.⁶Daudi bhulabhula enateta kutasiwa wanga ya mundu eye Izubha emtaria kididi esibho mihiro. ⁷Eghambie,''bhenaitasi bhala ebho mabhibhi mabho mashighiwa na ebho ng'oki jabho jafunikirwa. ⁸Atasiwa mundu ula eye Mfumwa esimtaria ng'oki.''⁹Ikira ngea matasi ama ni hena bhala bhetabhanwe tiki? hena amu twaghamba,''hena Abrahamu bhuitikiji bhwake bhutariwe kuoka ni kididi.'' ¹⁰Hubho bhutariweze ra? igheri Abrahamu eokiye hena kitabhani,kana esime tabhanwa? Isiokie hena kutabhanwa, kake hena kusakutabhanwa.¹¹Abrahimu euhiye lubhano la kutabhanwa.Uu uokiye lubhano lwa kila kididi cha bhuitikiji ebhoeokiye nabho esime tabhanwa.Mafumio ma mifumire ii ni iti ihirike kuoka papa wa bhose bhemwiitikijia, hata kicha bheho hena kusa kutabhanwa.Ii ina mbhonyanyo iti kididi kiretariwa habho. ¹²Ii bhulabhula ibhonyanya kuoka Abrahamu ehirike papa kitabhani esi tiki hena bhala bhefumana na kitabhani,kake bhulabhula bhala bhyatera mabhato ma papa wetu Abrahamu. Na ii niyo bhuitikiji eokie nabho hena bhesitabhanwe.¹³Hena amu isiokiye hena sharia iti kiaze kingoliwe hake Abrahamu na luzungu lwake, kiaze ichi cha iti bheoka bhahoja bha isanga. Isibhokuoka, iokie kubhetia kididi cha bhuitikiji. ¹⁴Hena amu sa bhala bha sharia ee nibho bhahoja, bhuitikiji bhwaoka bhesho, na kiaze chagharuka. ¹⁵Hena bhula sharia inaete ibigho, kake hala eho hesina sharia,bhulabhula hesina kusebaika.¹⁶Hena bhula ii ili hufumia hena bhuitikiji, nesa iyoke hena mvono.Mifumire yakwe, kiaze ni bumwaji hena luzungu lose. Na bharebhonwa abha esi tiki bhala bhetisibhe sharia, hata bhulabhula bhala ebho ni bhuitikiji bhwake Abrahamu. Hena amu ye ni papa wetu swi bhose, ¹⁷Sa bhunduitamiwe, ''nakuosha we kuoka papa wa maisanga meengi.'' Abrahamu eokie hena kuokia kwa ula ehomwitikiji, yaani, Izubha eye enabhainga bhefuiye bhumoo na kubhiitanga bhindu ebho bhisibho nesa bhiidime kuoka.¹⁸Hamwe na mibhonekano jose ja shighati, Abrahamu hena ng'ria emuitikijie Izubha hena misi jiziye.Hubho akaoka papa wa maisanga meengi, kuringana na kila kitetiwe,''...nihubho unereoka luzungu lwako.'' ¹⁹Ye esiokie munana hena bhuitikiji. Abrahamu etetie iti muri wake mwenye waidibha kufwa- eokie na kueha kwa afuhi miaka ighana limwe. Bhulabhula etikijiane na mikare ya kufwa ya ndeni yake Sara.²⁰Kake hena icho kiaze cha Izubha, Abrahamu asibundika hena kusabhuitikjio. Hata egeriwe zinya hena bhuitikiji na emmwisise Izubha. ²¹Eokie ekitwarija kididi cha kuoka kila echo Izubha engoliekiaze, eokie bhulabhula na luidimo lwa kukoromijia. ²²Hena hubho ii bhulabhula itariwe hakwekuoka ni kididi.²³Iki isitamiwe tiki hena ikumbio lakwe,iti ''itariwe hakwe.'' ²⁴Itamiwe hena wanga yetu bhulabhula, hena ebhobhebhikiwe kutariwa, swi ebho tunaluitikijio hena ye emfufule Mfumwa wetu Yesu kufuma habhefuiye. ²⁵Uu ni ula eye engoliwe hena wanga ya matekwa metu na kubhushwa nesa tupate kutariwa kididi.

¹Hena kuoka twatariwa kididi hena zia ya bhuitikijio tuhete lubhoro na Izubha kubhetia Mfumwa wetu Yesu Kristo. ²Kubhetia ye swi bhulabhula tuhete luidimo hena zia ya luitikiji hena mvono uu ewo ndeni yake tuimuke.Tuizirihiwa hena ng'iria etuinga Izubha hena wanga ya ukoade,ng'iria eyo tushiriki hena kirumi chake Izubha.³Esi ili tiki, kake bhulabhula tuizirihiwa hena bhwasi bhwetu. Tutisibhe iti bhwasi bhumogha kugumiria. ⁴Kugumiria kubhona kukundika, na kukundika kubhona ng'iria hena wanga ya ukoade. ⁵Ng'iria ii isichua mlakolako, hena bhula lukundo lwake Izubha waitishwa hena ngoro jetu kubhetia Ngoro Mshenenete, eye engoliwe hetu.⁶Hena maitituokie ture tiki bhanana, hena igheri lifaiye Kristo efuiye hena wanga ya bhabhibhi. ⁷Hena kuoka ineoka kudinda mmwe kufwa hena wanga ya mundu ena kididi.Iini iti, hengi mundu ekikaria kufwa hena wanga ya mundu wedi.⁸Kake Izubha atuingakididi chalukundo lwake mwenye hetu,hena bhula igheri tuokie turebhadongo bhenye ng'oki, Kristo efuiye hena wanga yetu. ⁹Adeyake muno ya bhyose, iki hena kuoka twatariwa kididi hena sakame yakwe, tunekijwa hena iyo kufuma hena ibigho lake Izubha.¹⁰Hena kuoka, ikaoka igheri tuokie bharing'a, tuguranishwe na Izubha hena zia ya kifwa cha mwanawake, kukela muno, ade ya kuoka twaidibha kuguranywa, turekijwa hena kwikaa kwake. ¹¹Esibho hubhu tiki, hata bhulabhula tuizirihiwa hena Izubha kubhetia Mfumwa YesuKristo, kubhetia ye eye iki twauhiya mkuranyiko uu.¹²Hena hubho ra akija kubhetia mundu mmwezu ng'oki iingie, isangeni, hena zia ii kifwa kikaingia hena zia ya ng'oki .Na kifwa kikalandala hena bhundu bhose, hena bhula bhose bhehirie ng'oki. ¹³hena kuoka muhaka sharia, ng'oki iyokie isangeni, kake ng'oki isitarika igheri hesina sharia.¹⁴Hata hubho, kifwa kiitore kufuma Adamu muhaka Musa,hata wanga ya bhala ebho bhesihiriye ng'oki sa kusakubaika hena Adamu, eye ni fana wa ye eye ekiza. ¹⁵Kake hata hubho, tona ya bhesho si sa itekwa.Hena kuoka ikaoka hena itekwa la mmwezu bheengi bhakafwa, kukela muno mvono wake Izubha na tona hena mvono wa mundu mmwezu, Yesu Kristo,yakela kuongejeka hena bheengi.¹⁶Hena kuoka tona si sa mifumire ya ula eye ehirie ng'oki.Hena kuoka hena mbayo iingi, kuchuwa chila ya ibigho izie hena bhula ya itekwa la mundu mmwezu.Kake hena mbayo iingi, kiingwa cha bhesho kilakifuma hena kutariwa kuinara kizie ade ya matekwa meengi ¹⁷Hena amu, ikaoka hena itekwa la mmwezu, kifwa kiitore kibhetia mmwezu,kukela muno bhala ebho bheneuhia mvono mwingi hamwezu na kiingwa cha kuinara bhaitora kubhetia kuikaa kwa mmwezu, Yesu Kristo.¹⁸Hubho raa sa kubhetia itekwa limwe bhandu bhose bhezie hena kuchuiwa chila, kiba kubhetia ihiro limwe la kuinara kuzie kutariwa kuinara kwa kuikaa hena bhose. ¹⁹Hena kuokasa kubhetia kusakubaika hena mundu mmwezu bheengi bhehiriwe bhenye ng'oki, hubho kubhetia kubaika ha mmwezu bheengi bhenehirwa bhenye kuinara.²⁰Kake sharia iingie hamwezu, nesa iti itekwa liidime mlandala.Kake handu eho ng'oki iyongejeke kuoka nyingi, mvono uongejeke hata kukela. ²¹Ii ifumirie nesa iti, sa ng'oki bhulaitore hena kifwa, nihubho hata mvono uidima kuitora kubhetia kuinara hena wanga ya kuikaa kwa ndarasi kubhetia Yesu Kristo Mfumwa wetu.

¹Tughambe kini raa?Tusongere hena ng'oki nesa mvono uongejeke? ²Hai nete. swi tufuiye hena ng'oki, tuidimaze waa kuika hena iyo? ³Ngea msimaije wa kuoka bhala bhebatizwe hena Kristo bhebatizwe hena kufwa kwake?⁴Tuokie twajikwa hamwezu naye kubhetia ubatizo hena kifwa .Ii ihirike nesa iti sa bhula Kristo ebhushijwe kufuma hakifwa kubhetia kirumi chake Papa, nesa iti naswi tuidime kusela hena bhusha bhwa kuikaa. ⁵Amu ikioka twaguranishwa hamwezu naye hena fana ya kifwa chake, bhulabhula tuneguranishwa hena kufufulwa kwake.⁶Swi tumaije ubhu, undu wetu wa kaye bhubhanikwe hamwezu naye, nesa iti muri wa ng'oki unyamarwe. Iiifumirie nesa iti tusisongerie kuoka bharuo bha ng'oki. ⁷Ye efuiye aketwa mwenye kuinara kuringana na ng'oki.⁸Kake sa twafwa hamwezu na Kristo, tunabhitikiji iti tuikaa hamwezu naye bhulabhula. ⁹Tumaije iti Kristo afufulwa kufuma hena bhefuiye, na iti si esifuiye waa. kifwa kisimwitora waa.¹⁰Amu hena mondo wa kifwa echoefuiye hena ng'oki, efuiye kandu kamwe hena wanga ya bhose.Hata hubho,kuikaa ehoeikaa hena wanga yaIzubha. ¹¹Hena zia iyo iyo, nanywi bhulabhula mkundikane kukutara kuoka mwafwa hena ng'oki, kake moo hena Izubha hena Kristo Yesu.¹²Hena bhula ubho usiitikijie ng'oki itore muri wako nesa henatiki uidime kubaikia mlakolako jake. ¹³Usingole mbayo ja muri wako hena ng'oki sa bhiombo bhisina na kuinara,kake kungoleni bhenye hena Izubha, sa bheho moo kufuma hakufwa. Na jingoleni mbayo ja miiri yenyu sa bhiombo bhya kuinara hake Izubha. ¹⁴msiinge ng'oki ibhaitore.Hena kuoka msioho sii ya sharia,kake siiya mvono.¹⁵Nikini waa? Tuhire ng'oki hena kuoka tusioho sii ya sharia,kake sii ya mvono? Hai nete. ¹⁶Msitwarije kuoka kwake ye eye mkungola bhenye sa bhazoro niye eye nywi muoka bhazoro bhake, ye mukundikane kumwinganganyi? Ii ni kididi hata sa nywi ni bharuo hena ng'oki eyo eyete kifwa, kana bharuo bha nganyi uwete kuinara.¹⁷Kake aikwehaika Izubha `Hena kuoka muokie bharuo bha ng`oki kake mwabaika kufuma ngoroni ila miringanire ya ilosho elomwingiwe. ¹⁸Mwaoshwa bhahuru kufuma henye ng'oki, na mkaoshwa bhuruo bha kuinara.¹⁹Niohoniteta sa mundu hena bhula ya bhunana bhwa miiri yenyu. Hena amu sa bhula mungoliye bhirungo bhya miiri yenyu kuoka bharuo hena kujirara na bhubhibhi, hena bhundu iyoiyo, iki ngoleni bhirungo bhya miiri yenyu kuoka bharuo bha kuinara hena kuzerijwa. ²⁰Hena kuoka matimuokie bharuo bha ng'oki, muokie bhuhuru hae na kuinara. ²¹Hena igheri ilo, muokie na iduda lihi hena bhindu eyo hena iki mbhona soni henaibho/ Hena kuoka mifumire ya bhindu ibhyi ni kifwa.²²Kake hena kuoka iki mwaoshwa bhahuru hae na ng'oki na mwahirika bharuo hena Izubha, mna iduda hena wanga ya kuzerijwa.Kufumia ni mvono wa ndarasi. ²³Hena kuoka maiho ma ng'oki ni kifwa, kake kiingwa cha bhesho cha Izubha ni bhumoo bhwa ndarasi hena Kristo Yesu Mfumwa wetu.

¹Kana msimaije, bhamndwetu bhangu [henakuoka niohoniteta na bhandu bheitisibhe sharia inamwiitora mundu ekioka moo?²Hena amu muche euhiwe echungiwe na sharia hena ula munduume wake ekioka vumoo, kake ikaoka munduume wake afwa, eokaabhikwa mahuru kufuma sharia ya ngasu. ³Hubho raa, igheri munduume wake ereho eikaa,ikaoka aikaa na munduume ungi, eitangwa mshindi.Kake ikaoka munduume wake akafwa,eho bhuhuru wanga ya sharia,hubho esioka mshindi ikaoka eikaa na munduume ungi.⁴Hena hubho,bhamndwetu bhangu, nanywi bhulabhula muhirike bhefuiye hena sharia hena zia ya muri wake Kristo. Yaoka hubhu nesa mpate kuguranywa na bhingi, hakwe ye eye efufulwe kufuma hakifwa nesa tuidime kumbhonia Izubha manduda. ⁵Hena amu matituokie hena mikare ya muri, mlakolako ja ng'oki jisamijwe hena bhirungo bhyetu hena zia ya sharia ya kukibhonia kifwa maduda.⁶Kake iki twajughuiwa kufuma hena sharia. Twaifuiya ila mikare itukindiye. Nesa swi tuidime kuhira hena mikare misha ya Ngoro, na si hena mikare ya kae ya bhutami.⁷Tughambeze raa/ Sharia ni ng'oki ? Hai nete.Hata hubho, nisikitwarija ng'oki, isikioka hena zia yaya sharia. Hena kuoka nisikitisibha kukunda sa sharia isighambie,''usikunde''. ⁸Kake ng'oki ikapata handu hena amri na ikaete ndeni yangu kila mbare ya kukunda. Hena amu ng'oki esibho sharia yafwa.⁹Nami niokie bhumoo aho kubhoka esibho sharia, kake likinaze lila iyaghanyo, ng'oki ipatie bhumoo, nami nikafwa. ¹⁰lila iyaghanyo na elo likiete bhumoo ligharuke kuoka kifwa hangu.¹¹Hena amu ng'oki ipatie ngalo hena lila ighanyo na likanikenga. Kubhetia ilo ighanyo, linikomie. ¹²Hubho sharia ni bhushenete, na lila iyaghanyo lishenete, ha bhukididi, na bhwedi.¹³Hubho raa ila yeho hedi iyokie kifwa hangu mi/ Isioke hubho waa.Kake ng'oki, nesa ibhonekane kuoka ni ng'oki ena kubhetia ila yedi, iyetie kifwa ndeni yangu. Ii iokie nesa iti kubhetia lila iyaghanyo, ng'oki iongejeke kuoka mbibhi muno. ¹⁴Hena amu tutisibhe kuoka sharia jadi yakwe ni ya ngoroni, kake mi ni mundu wa mwirini. Nataghijwa sii ya bhuruo bhwa ng'oki.¹⁵Amuu elonilihira, nisilitwarije henabhwedi. Hena kuoka lila nilikundie kulihira, nisilihira, na lila nisilikundie, nilo nilonilihira. ¹⁶Kake akicha nikalihira lila nisilikundie, narehiana na sharia ya kuoka sharia ni yedi.¹⁷Kake iki esi mi irungo langu lioholihira ilo, kake ni ila ng'oki iyika ndeni yangu. ¹⁸Hena amuu nitisibhe kuoka ndeni yangu, yaani ndeni ya muri wangu, lisiikaa nakindu chedi. Hena kuoka mlakolako wa eloleho nezo lioho ndeni yangu, kake nisilihira.¹⁹Hena amuu lila ledi nilikundie nisilihira, kake lila libhibhi nilo nilo nilihira. ²⁰Iki akicha nilihira lila nisilikundie, esi mii mwenye nilihira, kake ni ila ng'oki ikaa ndeni yangu. ²¹Natwarija ,waa, hena miimukire ndeni yangu ya kukunda kuhira elo lienare, kake ubhibhi kididi uwoho ndeni yangu.²²Hena amuu naizirihiwa sharia yake Izubha hena bhundu bhwa ndeni. ²³Kake nabhona miimukire eyo ikoranyike hena bhirungo bhiya muri wangu.Ibigha ngondo wanga ya miimukire misha hena bhuongo bhwangu. Iniosha mi iruo hena miimukire ya ng'oki ioho hena bhirungo bhya muri wangu.²⁴Mi ni mundu wa kiiyo; Ni ani enenikija na muri uu wa kufwa? ²⁵Kake haika hena Izubha hea Yesu Kristo Mfumwa wetu ;Hubho raa.Mi mwenye hena bhungo bhwangu niihiria sharia yake Izubha. Kake, hena muri niihiria miimukire ya ng'oki.

¹Hena hubho raa hesina kuchuiwa chila ya ibigho wanga yabho bheho hena Kristo Yesu. ²Hena kuoka miimukire ya Ngoro wa bhumoo ula uwoho hena Kristo Yesu yaniosha mi kuoka bhuhuru hae na miimukire ya ng'oki na kufwa.³Hena amu kila echo sharia iremiwe kuhira hena bhula iokie nana hena muri, Izubha akahira. Akamtuma mwana wakwe wa kirote hena fana ya muri wa ng'oki aoke itasi la ng'oki, na akaichuiya chila ng'oki hena muri. ⁴Ehirie ubhu nesa bhurongori bhwa bhuimuke ndeni yetu, swi tusihotutonga hena kuatera bhindu bhya muri, kake hena kuatera bhindu bhya Ngoro. ⁵Bhala bhewatera muri bhena gheshijia bhindu bhya muri, kake bhala bheitera Ngoro bhenagheshijia bhindu bhya Ngoro.⁶Hena kuoka mbharirio wa ni kufwa, kake mbharirio wa Ngoro ni moo na lubhoro. ⁷Ii ni hena bhula ulambharirio wa muri ni bhuring'a wanga yake Izubha, hena amu esiibaikia sharia yake Izubha,nete isiidima kuibaikia. ⁸Bhala bheuwatera muri bhesiidima kumwizirihija Izubha.⁹Hata hubho, msioho hena muri kake hena Ngoro, kakicha ni kididi iti Ngoro wa Izubha eikaa ndeni yenyu. Kake akicha mundu esina Ngoro wake Kristo, ye esi wake. ¹⁰Akicha Kristo eho ndeni yenyu, muri wafwa hena bhindu bhya ng'oki, kake ngoro ni umoo hena bhindu bhya kuinara.¹¹Ikaoka Ngoro wa ula eyeefufule Yesu kufuma hakifwa enaikaa ndeni yenyu, ye ula emfufule Kristo kufuma hena bhefuiye einga bhulabhula miiri yenyu ya kufwa enamoo hena zia ya Ngoro yake, eikaa ndeni yenu.¹²Hubho raa, bhamndwetu,swi tunasile, kake si hena muri iti tuikae hena bhundu bhwa muri. ¹³Amu ikaoka mwiikaa hena bhundu bhwa muri, muoho afuhi kufwa, kake ikaoka hena Ngoro mukome mihiro ya muri, nanywi muikaa.¹⁴Amu kicha sabhundu bhengi bherongojwa na Ngoro wake Izubha, abha ni bhana bhake Izubha. ¹⁵Hena kuoka mwasiuhia ngoro wa bhuzoro waa hata mwiituke.Mbai yakwe, muhiye ngoro ya kuketwa kuoka bhana, ebho henabho tuiya,''Apa, papa''.¹⁶Ngoro njenye inatutindia hamwezu ngoro jetu ya kuoka tu bhana bhake Izubha. ¹⁷Ikaokatu bhana, raa tuu bhahoja bhulabhula, bhahoja bhake Izubha.Na swi tuu bhahoja hamwezu na Kristo, ikaoka hena kididi tulabhwasi na ye nesa tuuhiye kukirumiwa hamwezu nayee.¹⁸Hena kuoka nitara bhwasi bhwa igheri ili kuoka si kindu nikiringanisha na kirumi kijughuiwa hetu. ¹⁹Hena amu bhilungwa bhyose bhulabhula bhiyuwa hena kuituka kwingi kujughuiwa hena bhana bhake Izubha.²⁰Hena amu bhulungire bhulabhula bhusejiwesii ya bhubatili, esi hena kukunda kwake, kake hena bhula yake ye ebhisejie.Ni hena luingidaki ²¹iti bhulungire bhujenye nabho bhubhikwa bhuhuru na kungolwa hena bhuzoro bhwa bhunyamari, na kuingijwa hena bhuhuru bhwa kirumi cha bhana bhake Izubha. ²²Hena amu tutisibhe ya kuoka ulungwa nao bhulabhula ubhabhiwa na kulabhwasi hena lubhabho hamwezu hata iki.²³Esi hubho tiki, ila na swi bhenye tuoho na mboghi ya Ngoro - swi bhulabhula tubhabhiwa hena marungo metu, tukiinda kuoshwa bhana, eyo lukiyo lwa miiri yetu. ²⁴Hena Amu ni hena luingidaki ulu tukijiwe. Kake kindu kiokieluingidakiwa kikabhonekana esina luingidaki waa, hena amu ni ani enaluingidaki nakila ehoekibhona/ ²⁵Kake tukaokanaluingidaki hakindu tusikiyoiye, tukiinda hena lugumirio.²⁶Hena bhundu ubhu hubhu,Ngoro nayo inatughenja hena bhunana bhwetu.Hena amu tusimaije kutasa bhundu ikundikane, kake Ngoro njenye inatutasia hena kuwajwa kusiidimika kutetwa. ²⁷Na ye efufunya ngoro enautisibha bhuongo bhwa Ngoro, hena bhula inatasa hena wanga yabho bhamwiitikijia kuringana na makundo make Izubha.²⁸Naswi tutisibhe kuoka hena bhose bhemkundie Izubha, ye enahira bhindu bhose hamwezu hena bhwedi, hena bhala bhose bheitangwe hena kukunda kwake. ²⁹Hena bhula bhala bhose ebhatisibhe too jadi, bhulabhula ebhasabhure too jadi bharinganishwe na fana ya mwana wake, nesa ye aoke mbhonwa wa mboko ghati ya bhamndwetu bhengi. ³⁰Na bhala ebhasabhure too jadi, abho ebhaitange bhulabhula.Na bhala ebhaitange, abho ebhatarie kuinara. Na bhala ebhatarie kuinara, abho bhulabhula akabhaisisa.³¹Tughambe kini ikim wanga ya bhindu ibhi? Izubha akaoka mbai yetu, ni ani eho wanga yetu? ³²Ye esimshighirija mwana wakwe mwenye kake emngoliye hena wanga yetu swi bhose esobhaze ktubhighania na bhindu bhose hamwezu naye?³³Ni ani erebhashitaki bhadangwa bhake Izubha? Izubha niye mwenye kubhataria kididi. ³⁴Ni ani enebhachuia chila yaibhigho? Kristo Yesu niiye efuiye hena wanga yetu, na kukela ibhyo hubho, ye bhulabhula efufuke. Naye eitora hamwezu na Izubha handu ha nganyi, na waa niiye etutasia swi.³⁵Ni ani enetutanya na lukundo lwake Kristo? Kusobha, kana bhwasi, kana ubhibhi kana zaa, kana ndenga kana ipanga? ³⁶Sa bhundu itamiwe, ''Hena ikimbio lako tuhotukomwa hemsi puti.Tukatariwa sa ng'onji ya sikwa.''³⁷Hena bhindu ibhi bhyose swii tu twakela bhashahidi hena ye etukundie. ³⁸Hena amu naidibha kukengerijwa iti nete kifwa nete bhuzima nete malaka, nete bhyitori nete bhindu bhioho, nete bhindu bhiziye, nete zinya, ³⁹Nete bhioho wanga,nete bhioho sii, nete kilungwa chochose, kisiidima kukukemba na lukundo lwake Izubha, eye ni Kristo Yesu mfumwa wetu.

¹Naghamba kididi hena Kristo. Nisighamba maongo, na igheshijio langu lishuhudia hamwezu nami hena Ngoro Mtakatifu, ²Iti hena kiiyo kibaha na mabhine mesisiya ndeni ya ngoro yangu.³Iti ninanyami mi mwenye kuseswa na kukembwa hae na Kristo hena wanga ya bha mndwetu, bhala bha luzungu lwangu hena muri. ⁴Bho ni bhaisrael.Bheho na mikare ya kuhirika bhana, bha kirumi, bha maghano, na tona ya sharia ,kumbaikia Izubha, na kiaze. ⁵Bho nibharongori esa Kristo aza hena nganyi kudoka muri uu-eye ye ni Izubha wa bhyose.Nayee aisiswe ndarasi. Esae.⁶Kake si iti bhiaze bhyake Izubha bhyalelwa kuhirika. Amu si kila mundu eho Israel ni mwiisrael inoti. ⁷Esihubho hata hena luzungu lwa Abrahamu kuoka ni bhana bhake singisi. Kake, ''ni kubhetia Isaka lungu lwako luitangwa.''⁸Ii ni iti, bhana bha muri si bhana bhake Izubha. Kake bhana bha kiaze bheyowa kuoka sa luzungu. ⁹Amu ili nilo kiteto cha kiaze; ''Hena magheti ama niza, na Sara eingwa mwana.''¹⁰Esi ili tiki, kake ade yakwe Rebeka kupata Ndeni hena mundu mmwezu,Isaka papa wetu- ¹¹Iti bhana bheokie bado bhesimebhoneka na eokie esimehira kindu chochose chedi kana kibhibhi, nesa iti ukundire wake Izubha kuringana na bhusabhuro uimuke,nete si hena mihiro, kake ni hena bhula ya ula eitanga. ¹²Ichiliwe hakwe, ''Mbaha emuhiria mdongo.'' ¹³Sa bhundu imere tamwa;''Yakobo nimkundie, kake Esau nimsuiye.''¹⁴Kicha waa tuteta kini? Ngea hena ubhibhi hena Izubha? Hai esina. ¹⁵Hena kuoka eghamba hake musa,''nioka na lusario hena ula neremwinga lusario, na nereoka na lusario ula neremwiinga lusario.'' ¹⁶Hena hubho raa,si hena bhula ya ye ekundie, nete si hena bhula ya ye eye enadindika, kake hena bhula ya Izubha, eye enabhonesha lusario.¹⁷Hena kuoka bhutami bhunaghamba hake farao, ''Hena muimukire uu wambucha nikubhushije, nesa iti nibhoneshe zinya jangu hena wee, na nesa iti izina langu lirarishwe hena isanga lose.'' ¹⁸Hubho raa, Izubha enaoka na kushighiya hena wowose emkundiye, na hena eye enamkunda, enamuhira kuoka egolong'e.¹⁹Ade uneghamba hangu, ''hena kini ereho ebhona itekwa? ni uhi eye emerekenja kugurumia makundo make?'' ²⁰Mkunduru wake, mundu, we u wani utalua mkunduru na Izubha? Hena luidimo lolose lwa kilakijughiwe kuteta hena haulaekijugha,'' Nikini unihiriye hubhu mi?" ²¹Ngea mjugha enaoka esina kuinara wanga ya teri kuareha kindu hena kukitumia hambucha kufumana na ibhumba lilalila, na kindu kingi hena kukitumia ha kila musi?²²Nize kicha Izubha, eye ena bhutayari bhwa kubhonya oro yakwe na kuhira zinya yake kutisibhikana, efaiye hena kugurumia bhwa kutosha bhyiombo bhya oro bhibhikiwe hena kunyamarwa/. ²³Nize kicha ehirie hubhu nesa iti abhonyanye bhuingi bhwa kirumi chake wanga ya bhyiombo bhya lushighio, ebho ekenjije kubhiareha hena wanga ya kirumi/. ²⁴Nize kicha eyarehe ili bhulabhula hetu, eye bhulabhula etuitange,si tiki kufuma hena bhayahudi,kake bhulabhula kufuma hena bhandu bha maisanga/.²⁵Sa ehoeghamba bhulabhula hena Hosea ;'' nibhaitanga bhandu bhangu ebho bhesiokie bhandu bhangu,na mkundwa wake eye esikundiwe. ²⁶Na ineoka iti hala imereghambwa habho,''Nywi si bhandu bhangu; hala bheitangwa ''bhana bhake Izubha eho moo.''²⁷Isaya ehoeiya kufumana na Israel,'' akicha matario ma bhana bha Israel mekioka sa teri ya ipe, iyoka ni mabaki ebho bhenerekijwa. ²⁸Hena kuoka Mfumwa enelionja iteto lakwe wanga ya isanga, terekie na hena bhuinari. ²⁹Na sa bhundu Isaya eghambie mboko, ''Sa Mfumwa wa malong'oni esitushighie nyumba luzungu hena wanga yetu, tukioka sa Sodoma, na tukihirwa sa Gomora.³⁰Tughamba kini raa ? iti bhandu bha maisanga ebho bheokie bhesienda kuinara, bhepatie kuinara, kuinara hena bhuitikiji. ³¹Kake Israel, eye endiye sharia ya kuinara,esifikie.³²Henakini esi hubho? Hena bhula bhesiyendie hena luitikiji, kake hena mihiro.Bhebighie msadara wanga ya inoo la msadara, ³³Sa bhunduyoho yakenjwa kutamwa,'' Yoowa, nayaja inoo la msadara hena sayuni na lughamba lwa kusobha.Ye eye enaluitikiji hena ili esiingiasoni.''

¹Bhamndwetu, nyami ya ngoro yangu na itasi langu hena Izubha ni hena wanga yabho, hena wanga ya lukio lwabho. ²Hena kuoka nabhashuhudia iti bhenalunyariki hena wanga ya Izubha, kake si hena wanga ya kutwarija. ³Hena kuoka bhesitisibhe kuinara kwake Izubha, na bhehobheenda kujenga kuinara kwabho bhenye. Bhesiokie bhakubaika hena kuinara kwake Izubha.⁴Hena kuoka Kristo niye tiricho wa sharia hena wanga ya kuinara ha kila mundu mwiitikiji. ⁵Hena kuoka Musa etama kuatera kuinara eko kunaza kufumana na sharia;''Mundu eye enahira kuinara ha sharia eikaa hena kuinara uku.''⁶Kake kuinara ebho kufumana na bhuitikiji bhunaghamba hubhu, ''Usighambe ngoroni hako, 'Niani eburuka kutonga hamajumbi?'[Uku ni kumwete Kristo sii]. ⁷Na usighambe, 'Niani eneseya hena itegho ?' [Uku ni, kumwete Kristo wanga hena bhefuiye].⁸Kake ighamba kini/''kiteto choho afuhi na we, hena momo wako na hena ngoro yako.''Icho ni kiteto cha bhuitikiji, echo tukibighiandurere. ⁹Hena kuoka sa hena momo wako umrakangaYesu kuoka ni mfumwa,na kuitikijia ngoroni hako iti Izubha emfufule kufuma hena bhefuiye , ukijwa. ¹⁰Hena kuoka hena ngoro mundu inaitikijia na kuingwa kuinara, na hena momo enateta na kuingwa lukio.¹¹Hena kuoka kitamo kighamba,''Ula emuitikijia esi daika.'' ¹²Hena kuoka esina makoranyo ghati ya muyahudi na muyunani.Hena kuoka Mfumwa ulaula ni Mfumwa wa bhose, na ni mwiinari hena bhose bhemuitanga. ¹³Hena kuoka kila mundu eye enalitanga izina la Mfumwa eokoka.¹⁴Hena kize bheidima kumwitanga ye eye bhesimwiitikijia? Na kize bheidima kuitikijia hena ye eye bhesimemsikia? Na bhesikiaze eseho mchili? ¹⁵Na kize bheidima kuchila,esibho kuokabharuo?-Sa bhunduitamiwe,''Bhundu ani ni bhwedi maghuu bhala ebho bhebighandurere mondo ja kuizirihija ja bhindu bhedi.''¹⁶Kake bhose bhesisikije bhuchili. Hena kuoka Isaya enaghamba,''Mfumwa, ni ani esikie mondo wetu?'' ¹⁷Hubho bhuitikiji bhunaza kufumana na kusikia, na kusikia kiteto chake Kristo.¹⁸Kake naghamba,''Ngea bhesisikie?''Ee, hena kididi muno.''Izii labho lasiya kufuma shighati hena isanga lose, na bhiteto bhyabho kutonga tiricho mwa isanga.''¹⁹Kukela bhyose, naghamba, ''Ngea Israel asitisibha?''Mboko Musa enateta,''Nibhasimbia kubhagera kiru hena bhandu ebho esi bhaisanga.Hena zia ya isanga lisina na bhutwarijo, nibhasosoiya mhaka mreghije.''²⁰Na isaya ni mng'iria muno na enaghamba, ''Nikichiwe na bhala ebho bhesiniendie.Nibhonekane hena bhala ebho bhesenikundie.'' ²¹Kake hena Israel enaghamba, ''misi jose nirongie maghaza mangu hena bhesinanganyi na hena bhandu bhedindiye.''

¹Iki naghamba, ngea,Izubha abhasuye bhundu bhake? Hata kadongo. Hena kuoka mi bhulabhula ni mwiisrael,wa luzungu lwa Abrahamu, wa mbare ya bhabenjamini. ²Izubha esibhasuiye bhandu bhake, ebhatisibhe too lubhoko.Ngea msitisibhe kitamo kighamba kini kuatera Eliya, Bhundu emsembiiye Izubha wanga ya Israel? ³''Mfumwa, bhabhakoma bharoti bhako, nabho bhobomoa madhabahu mako.Mi tiki mwenye nabakia, nabho bhehobheuenda umoo wangu.''⁴Kake italuo lake Izubha lighamba kini hako? ''Narinda hena wanga yangu bhandu bhiku bhifungate ebho bhesimbighia makunguro Baali.'' ⁵Hata hubho, igheri ili la iki bhulabhula hena bho bheshighiwe hena bhula bhusabhuro bhwa mvono.⁶Kake ikaoka ni hena mvono,esi waa hena mihiro. Hesinabhungi mvono usioka waa mvono. ⁷Ni kini raa? Kindu echo Israel eokie ekienda, esikipatie, kake bhadangwa bhekipatie, na bhengi bhegeriwe kuemea. ⁸Ni sa bhunduitamiwe; ''Izubha abhainga ngoro ya kudinda, meso nesa bhasibhone, na masikio nesa bhasisikie, mhaka iyo ili.''⁹Naye Daudi eghamba,''Shigha meza jabho na jioke tandarua, mtegho, Lubhajo lwa msadara, na kuihiya nyare wannga yabho. ¹⁰Shigha meso mabho magerwe kija nesa bhasiidime kubhona. ukabhakode mighongo yabho ndarasi.''¹¹Hubho naghamba, ''Ngea ,bhabighamsadara hata kugwa?''Isioke hubho kengi. Ade yake , hena kuremwa kwabho, lukio lwafika hena bhaisanga, nesa bho bhenye bhagerwe kiru. ¹²Iki ikaoka kuremwa kwabho ni bhuzuri bhwa masangeni, na sa kutesha kwabho ni bhuzuri bhwa maisanga, ni kiringani kihi kukela kukoromejwa kwabho/.¹³Na iki niteta nanywi bhandu bha maisanga. Hena kuoka naoka mdumi hena bhandu bha maisanga mengi, nikufutia ndima yangu. ¹⁴Hengi nibhagera kiru bheho muri mmwe na mi. Hengi tunebhakija bhengi bhabho.¹⁵Amu ikaoka kusuiwa kwabho ni marehiano ma isanga, kuuhiwa kwabho kuneokaze isibho umoo kufuma hena bhefuiye? ¹⁶Sa maduda ma mboko ni mashighajiko, nibho iyoho hena itoghi la muchu. Sa migi ya mashighajiko, mambande namo nahubhohubho.¹⁷Kake sa mengi ma mambande matemwa, sa we, imbande la kititoni la mzaituni, uhandiwe ghati yabho, na sa bhulaugurane hamwezu nabho hena migi ya bhuzuri wa mzaituni , ¹⁸Usikuisise wanga ya mambande. Kake kicha ukuisisa, si we eye ughenja migii, kake migii yohoikughenja we.¹⁹Hubho ughamba,''Mbande jitemiwe nesa niidime kuhandwa hena kikolo.'' ²⁰Icho ni kididi. Hena bhula ya kusakuitikijia kwabho bhakatemwa, kake we uimuke nezo hena bhula ya bhuitikiji bhwako.Usikugheshijiye mwenye hena mikare ya wanga muno,kake ituka. ²¹Hena amu ikaoka Izubha esishighiriye mbande ja jadi, esikusaria we bhulabhula.²²Yowa,hubho, mihiro yedi na kukaeha kwa Izubha. Hena mbai mmwe,ukaeha bhuzie wanga ya bhayahudi ebho bheguiye. Kake hena mbai ingii, bhwedi bhwake Izubha bhunaza wanga yako, kicha uneikaa hena bhwedi bhwake. Esihubho we bhulabhula uneresuiwa hae.²³Na bhulabhula, aja bhesimeoka naiomitongire hena kusaitikijia kwabho,bhehandwa waa. Amu Izubha ena lwiidimo lwa kubhahanda waa. ²⁴Hena amu ikaoka nywi mtemiwe shighati hena uoho hena jadi mzaituni wakititoni, na mbai ya jadi muhandiwe hena mzaituni uoho wedi, si kukela muno abha bhayahudi, ebho ni sa mbande ya jadi kuidiima kuhandwa waa ndeni ya mzaituniwabho bhajenye/.²⁵Hena amu bhamndwetu nisikundie msitisibhe,kuaterana na mbiso ii nesa iti msioke na macha hena kugheshijia kwenyu bhenye. Mbiso ii ni iti kudinda kwafumia hena Israel,mhaka kukomerejika hena maisanga kunereza.²⁶Hubho bhaisrael bhose bhenerekijwa, sa bhunduitamiwe;''Kufuma sayuni eneza mukija.Enengola ubhibhi kufuma hake Yakobo. ²⁷Na ili linereoka iyaghanyo langu hamwezu nabho,igheri ninejingola ng'oki jabho.''²⁸Hena mbai mmwezu kuratera bhuchili, bhebhasuiye hena wanga yenyu. Hena mbai ingii kufumana na bhusabhuro wake Izubha, bhahandwa hena bhula ya bhakaka. ²⁹Hena kuoka tone na kuitangwa ni Izubha usigharuka.³⁰Hena kuoka ahonyuma nywi mookie mwahiramabhibhi Haizubha, kake iki mwauhuiya lusario hena bhula ya kuteshanya kwabho. ³¹Hena zia iyo iyo, iki abha bhayahudi bhateka. Mifumire yake ni iti kufumana na lusario mwatasiwa nywi bheidima bhulabhula kuuhia lusario. ³²Amu Izubha abhachunga bhandu bhose hena ubhibhi,nesa aidime kubhasaria bhose.³³Bhundu bhyoho bhibaha bhuzuri na macha na kutwarija kwa Izubha;Jisifufunyika kuchuiwa chila kwake,na zia jake jisitisibhikana. ³⁴''Amu ni ani eutisibhe ubharirio wake Izubha/. Kana ni ani aoka mrongamburi wake/.³⁵Kana ni ani mboko emuingie kindu Izubha, nesa aiwe waa/'' ³⁶Hena amu hakwe, na hena zia yake na hakwe, bhindu bhyose bhioho. Hakwe kioke kirumi ndarasi.Esae.

¹Hena hubho niohonibhasemba, bhamndwetu,hena lusario lwake Izubha, ngoleni miri yenyu ioke itasi lioho moo, lushenenete, elolitikijiwa ni Izubha. Ili nilo itasi lenyu lina mbucha. ²Na msiaterie bhundu bhwa isanga ili, kake mgharushwe hena kuhirwa bhusha magheshijio menyu.Hireni hubhu muidime kutwarija lukundo lwake Izubha loho lwedi, lwakumuhizirihija na lukomerejike.³Amu naghamba, nihena mvono niingiwe,iti kila mundu eoho ghati yenyu esikundikane kugheshijia muno wanga yakwe mwenye kukela bhunduekundik ane kugheshijia.Kake,imuinare kugheshijia hena macha, sabhundu ebho izubha abhainga kila mmwe kuringana nabhusiku bhwa bhuitikiji.⁵⁴Hena kuoka tuna marungo meengi hena muri mmwe ,kake esi marungo moose mena ndima mmwe. Bhulabhula, swi twoho bheengi tu muri mmwe hena Kristo, na marungo kila mmwe hena mghenjiwake.⁶Tuna bhiingwa bhioho kianyakianya hena kuringana na mvono muingiwe. Ikaoka kiingwa cha mundu ni bhuroti, na ihirike kuringana nabhuitikiji bhwake. ⁷Ikaoka kiingwa cha mundu ni bhuiri, na ahirike .Ikaoka ungi ena kiingwa cha kulosha, hubho, naaloshe. ⁸Ikaoka kiingwa cha mundu ni kushingira ,nahubho, ashingire Ikaoka kiingwa cha mundu ni kungola,ahire hubho hena kuora.Ikaoka kiingwa cha mundu ni kurongoria,na lihirike hena bhuaria.Ikaoka kiingwa cha mundu ni hena kubhonyanya lusario,na lihirike hena luhizirihiyo.⁹Lukundo lusioke na mbiso ya bhubhibhi. Sueni bhubhibhi,mugure ebhyo ni bhyedi. ¹⁰Hena lukundo lwa mndwetu kundaneni nywi hena nganyi, inganeni nganyi nywi hena nywi.¹¹Hena kukutata, msioke bhalese.Hena ngoro, okeni na lukusaro. Hena Mfumwa,muhirieni. ¹²Izirihiweni hena ng'iria eyo muoho nayo hena misi jizie .Muoke na lugumirio hena bhwasi bhwenyu.Ikaeni hena kutasa. ¹³Mgurane hena kughenjana na bhaitikiji.Endeni zia fwanda ja kubhonyesha kuora.¹⁴Bhakundieni itasi bhose ebho bheeho bhebhainga bhwasi nywi; bhatasieni na msirebhasese. ¹⁵Izirihiweni hamwe na bhala ebho bheeho bheizirihiwa,iyeni hamwe nabhala ebho bheeho bheiya. ¹⁶Muoke na magheshijio mamwe nywi hena nywi. Msigheshije hena kukukweja, kake bhaitikijieni bhandu bhala bhanana.Msioke na macha wanga ya magheshijio menyu bhenye.¹⁷Musimuihe mundu wowose bhubhibhi hena bhubhibhi. Hireni bhindu bhyedi mesoni ma bhandu bhose. ¹⁸Kicha iidimikana,sabhundu ibhikiwe henyu, muoke na lubhoro na bhandu bhose .¹⁹Bhakundwa, msikuihijie mabhuda nywi bhenye ,kake kukembeni na mabigho make Izubha.Kuoka itamiwe,''mabhuda ni mangu ;mi niihija ,'aghamba Mfumwa,'' ²⁰''Kake ikaoka mbhibhi wako ena zaa, muinge kijo.Akaoka ena ngiru muinge mbombe .Hena kuoka ukahira hubho ,umkaghia makaa ma moto wanga ya mtwi wake.'' ²¹Usikarambane na bhubhibhi, kake ulele bhubhibhi hena bhwdi.

¹Kila moo na uoke na kubaika hena bhuitori bhwa wanga.Kuoka hesina bhuitori esibhwoiti bhwafuma hake Izubha. Na bhuitori ebho bhuoho bhubhikiwe ni Izubha. ²Hena hubho eye esua bhuitori ubho eho esua iaghanyo lake Izubha ; nabhala bhebhusua bheuhia ngo'ki wanga yabho bhenye.³Hena kuoka bhaitori esi ikangisho hena bhala bhehira bhyedi,kake ni hena bhala ebho bhehira bhibhibhi.Ngea ukundie kusaondoka bhuitori? hira ebhyo ni bhyedi,na unereisiswa nabhyo. ⁴Hena kuoka ni mhiri wake Izubha hako wanga bhyedi.Kake akija unerehira ebhyo ni bhibhibhi,ituka ;kuoka esitika mhandi esibho hena echo. hena kuoka ni mhiri wake Izubha ,muihi wa mabigho wanga ya ula enerehira bhubhibhi. ⁵Hena hubho ikuinare kubaika esiiti ni hena wanga ya mabigho, bhulabhula niwanga ya kugheshijia.⁶Hena wanga ii pia uoho wha kodi hena kuoka bhenye bhuitori ni bhahiri bhakwe Izubha,ebho bheho bhehira kindu iki. ⁷Muiheni kila mwe echo bheabha;kodi hena einare kodi ;bhuhuru hena einare bhuhuru ;fole hena einare fole; nganyi hena einare nganyi.⁸Msiabhwe ni mundu kindu chochose, esibhwo kukundana nywi hena nywi hena kuoka yee emukundiye latia wake ekoromijie sharia. ⁹Hena kuoka, ''usinere shinda, usinere koma, usinere hibha usinereoka namlakolako '',na kicha hena iaghanyo lingi bhulabhula, latarwa hena mtambara uu; ''uneremkunda latia wako sabhundu wemwenye. ¹⁰Lukundo lusimnyamara latia wa mundu hena hubho,lukundo ni kukoromija nasharia.¹¹Hena wanga ya ili mtisibhe igheri, niiti ni igheri la kufuma hena lubhohe.Hena kuoka lukio lwetu luoho hafuhi muno kukela igheri lila elo tuitikijie kubhoka. ¹²Kio kisongera.Na hemusi ioho hafuhi.Na tubhike mbai mihiro ya kija, na tudoke nareta jakiangaji.¹³Iki tutonge nezo,sa hena kiangaji, esi hena ngasu ja bhubhibhi kana bhuengeji.Na tusitonge hena bhushindi kana mlakolaoko ewo usiidima kuimshwa, na esi hena kiisosoiya kana luso. ¹⁴Kake tumdoke mfumwa Yesu Kristo,na tusibhike handu hena wanga ya muri ,hena milakolako jake.

¹Muuhieni wowose eye ni mnana hena bhuitikiji , esihena kungola kumchuiya chila kubhetia magheshijio makwe. ²Mundu mmwe ena bhuitikijio bhwa kula chochose, ungi yee ni mnana ela mbogha tiki.³Mndu eye ela kila kindu asimdae ula eye esila kila kindu.Na ula esila kila kindu asimlahe ungi eye ela kila kindu. Hena kuoka Izubha aidima kumuuhia. ⁴We u ani we ewe uohomlaha mndumi eye ni muitori wa mundu ungi /Ni msongorana wa Mfumwa wake iti eneimuka kana kugwa .Kake enerebhushijwa,hena kuoka Mfumwa eidima kumuareha aimuke.⁵Mundu mmwe enaimukia msi mmwe kukela msiungi. Ungi enaimukia kila msi nezo. Iki kila mundu na asingirijike hena bhuongo bhwake ye mwenye. ⁶Ula eye enagura msi, enagura hena wanga ya mfumwa. Na hena ula enala,enala wanga yake Mfumwa, hena kuoka emuinga Izubha haika. Ula eye esila, enakukinda kusala hena wanga ya Mfumwa. Ye bhula bhula enangola haika hake Izubha.⁷Hena kuoka hesina eoka moo hena moo wake, na esina efwa hena wanga yakwe mwenye. ⁸Hena kuoka ikaoka twohotuika,twohotuika hena wanga yake Mfumwa. Na ikaoka twohotufwa ,twohotufwa hena wanga yake Mfumwa. Hubho ikaoka twohotuika kana twohotufwa tu bhuzuri bhwake Izubha. ⁹Hena kuoka ni hena mikundire ii Kristo efuiye na kuika wa, iti aoke Mfumwa wa bhose bhefuiye na bhena moo.¹⁰Kake wee, ni amu kini umlaha mnduwenyu / na we, hena kini umdaa mnduwenyu/ Hena kuoka swi bhose tuimka msongorona ha kichumbi cha kuchuiwa chila chake Izubha. ¹¹Hena kuoka itamiwe,''Sabhundu niika,''aghamba Mfumwa,''Hangu mi kila ikunguro libighwa,na kila lumi lungola uisiso hake Izubha.''¹²Hubhora, kila mmwe wetu enerengola mitaro yakwe mwenye hakwe Izubha. ¹³Hena hubho, tusilondolie wa kulahana,kake mbainaicho sabhura hubhu,iti hesina yeidima kubhika kuibhita kana mtegho hena mndwebho.¹⁴Nitisibhe na nasosoika hena Mfumwa Yesu, iti hesina kindu echo kijirare kijenye.Nihena ye tiki eye egheshijia kuoka chochose kijirare, hena kuoka hakwe kijirare. ¹⁵Ikaoka ni wanga ya kijo mndwenyu esinalubhoro, usioho ubhata wa hena lukundo.Usimnyare hena kijo chako mndu eye hena wanga yake Kristo efuiye.¹⁶Hubho msiitikijie mihiro yenyu yedi ikaketa bhandu kubhadaa. ¹⁷Hena kuoka kifumwa chake Izubha si hena wanga ya kijo na kinywaji ,kake ni hena wanga ya kuinara, lubhoro,na kuizirihiwa hena Ngoro Mshenete.¹⁸Hena kuoka ye eneremuihiria Kristo hena zia ii aitikijiwa ni Izubha na aitikijiwa hena bhandu. ¹⁹Hena hubhora, tuatere mihiro ja lubhoro na mihiro eyo ni ya kumwaria mndu na mghenji wake.²⁰Usinyamare ndima yake Izubha hena wanga ya kijo.Bhindu bhyose hena kididi bhi zerie,kake ni bhibhibhi hena mndu ula eye ela na kumuinga ye kubigha msadara. ²¹Ni chedi kusala nyama, kana kunywa dibhai, kana chochose echo henaicho mndwenyu eibhitika.²²Iji miitikijio ja mbucha uohonajo, jibhike ghati yako mwenye na Izubha.Etasiwe ula eye esikuchuiya chila ye mwenye hena kila ehoikiitikijia. ²³Eye eoho na kufoleka achuiwa chila ikaoka ehoela, amu isioho ifumana na kuitikijia. Na chochose kioho kifumana na kuitikijia ning'oki.

¹Iki swi ebho tuoho na zinya tuinare kuonja bhunana bhwa bhala bhanana.Na tusiinare kukuhizirihija swibhenye. ²Kila mwezu wetu amuhizirije latia wake amu nikindu chedi, hena igheshijo la kumuara.³Amu na Kristo esikukundiye yemwenye. Kake yookie sa bhundu yetamiwe,''bhirigho bhya bhala bhekurighiye bhanifika nami''. ⁴Hena chochose echo kirongore kutamwa, kitamiwe hena kutulondolija,hena mbharirie iti kubhetia kugurumia na kubhetia kugerwa ngoro na bhutami tukioka na bhung'iria.⁵Iki Izubha wa lugumirio na wa kugera ngoro abhainge kuoka na lusiligi kuringana na kila mmwezu kuringana na Yesu Kristo. ⁶Aidime kubhaareha hubhu hena lusiligi lumwe muidime kumuisisa hena momo mwe Izubha na Papa wake mfumwa Yesu Kristo. ⁷Hena hubho muuhieni kila mwezu, sabhundu bhula Kristo ebhauhie, hena kirimi chake Izubha.⁸Amu nioho nighamba iti Kristo aoshwa mhiri wa kitabhani hena wanga ya bhukididi bhwake Izubha.Ehirie hubhu nesa iti aidime kuitisia bhiaze bhyose bhingoliwe hena bhapapa, ⁹Na hena masanga kumuisisa Izubha hena mvono wake. Sa bhundu ebho itamiwe,''hena hubho ningola luisiso hakwe ghati ya masanga na kumbhinia luisiso hena izina lake.''¹⁰Ighamba wa,''izirihiweni , nywi bhandu bha masanga, hamwe na bhandu bhake,'' ¹¹Wa,''muisiseni Mfumwa,nywi masanga mose ',shigheni bhandu bha masanga bhose bhamuisise ye''.¹²Na Isaya aghamba,''henereoka naisinde lake Yese, na mwe eye enere bhuka kuitora wanga ya masanga.Masanga menereoka na lusiligi hena yee.''¹³Iki Izubha wa lusiligi abhaizuje na luizirihiyo lwose na lubhoro hena kuitikijia, nesa iti muidime kukumbika hena kubhariria,hena zinya ja Ngoro Mshenete.¹⁴Mi mwenye bhulabhula nasingirijwa nanywi, bhamndwetu nikasingirijika iti bhulabhula nanywi bhenye mwaizujwa ni bhwedi, mwaizujwa na bhutambaruki bhwose.Nioho nisingirijika iti nywi mwidima bhulabhula kubhurana kila mwezu na mghenji wake.¹⁵Kake nioho nitama hena ng'iria muno henyu wanga ya mihiro misiku nesa kubhakumbusha wa, amu ni kiingwa niingiwe ni Izubha. ¹⁶Kiingwa iki chookie iti niidime kuoka mhiri wake YesuKristo eye etumiwe hena masanga,kukungola sa mrisha wa bhuchili bhwake Izubha.Nikiidima kuhira hubho nesa kukungola kwangu hena masanga,kuoke kwaitikijiwa ,kukembiwe na Izubha hena zia ya Ngoro Mshenete.¹⁷Hubho luizirihio lwangu luoho hena Kristo Yesu na hena bhindu bhyake Izubha. ¹⁸Amu nisiidima kughesha chochose esibho hena Kristo akoromijiwa kubhetia hangu kubaika hena masanga. Mihiro ii jakoromijwa hena kiteto na mihiro, ¹⁹Hena zinya ja kuhira magheshio na maitalisho, na hena zinya ja Ngoro Mshenete.Ii yookie niiti kufuma Yerusalemu,na kujungulikia hae sa iliriko, niidime kuionja shighati hena bhwedi bhuchili bhwake Kristo.²⁰Hena zia ii, migheshijio mangu maoka kuubhubighia ndurere bhuchili, kake esi handu Kristo etisibhikane ha izina, esa iti nisiidime kuareha wanga ya mshighi wa mndu ungi. ²¹Sabhundu ebhwo itamiwe ;''ebho hena ye bhesina bhetisibhe chake ezie bhemmbona, na bhala ebho bhesimsikie bhemtisibha.''²²Hena hubho nokie bhulabhula nikindirijwe kandu keengi kuza henyu. ²³Kake iki , nisina wa handu hohose hena mikoa ii na naoka nekundie hena miaka miingi kuza henyu.²⁴Hubho kandu kose niokie nikitonga Hispania, nina lunyariki kubhabhona igheri nioho ni bhetia, nesa niidime kutikwa zia yangu ni inywi, ade nikaoka nahizirihiwa bhuisi na nanywi hena igheri. ²⁵Kake iki nioho nitonga Yerusalemu hena kubhaghenja bhaitikiji.²⁶Amu ibhaizihije bhandu bha Makedonia na Akaya kuhira mchango wambucha hena bhasobhu ghati ya bho bhaitikiji uko Yerusalemu. ²⁷Nibhwo, yokie hena lukundo lwabho, na kididi,bhaoka bhasile bhabho,amu ikaoka masanga bhaoka hamwe naiswi hena bhindu bhyabho bhya kingoro, bheeho bheabhwa nibho bhulabhula kubhahiria hena mikundire hena bhindu.²⁸Hena hubho, igheri nakoromija ibhi na kuoka na kuringaniwa na iduda ili habho, mi niretonga zieni hamwezu nanywi uko Hispania. ²⁹Nitisibhe iti, igheri niza henyu, niza hena bhuinari bhwa itasi lake Kristo.³⁰Iki nioho nibhasemba, bhamndwetu, hena Mfumwa wetu Yesu Kristo, na hena lukundo lwa Ngoro, iti mgurane hamwe nami hena matasi menyu hena Izubha hena wanga yangu. ³¹Taseni iti niidime kukijwa kufuma habho ebho bhesina kubaika hena Yudea, na iti bhuhiri bhwangu uko Yerusalemu bhuidime kuuhiwa na bhatikiji. ³²Taseni iti niidima kuza henyu hena luizirihiyo kubhetia makundo make Izubha, na iti niidime kuoka hamwezu nanywi, kuuhia kusobhoka.³³Na Izubha wa lubhoro aoke hamwezu nanywi bhose.Esae.

¹Namdambikia henyu Fibi dada wetu, eye ni mhiri wa nyumba ya itasi eyo yeho Kenkrea, ²Nesa iti muidima kumuuhia hena Mfumwa. Hireni hubhu hena mwimkiri bhwa mbucha bhwa bhaitikiji,na muimuke hamwezu naye hena kindu chochose echo enereoka na bhukundire nacho.Amu ye mwenye aoka mhiri wa bheengi, nahena wanga yangu mwenye.³Mkezieni Priska na Akila, bhahiri ndima hamwezu nami hena Kristo Yesu, ⁴Ebho hena kuikaa kwangu bhekuingijie mabhibhi hakuikaa kwabho bhajenye. Niohoningola haika habho, na esimi tiki,kake bhulabhula hena nyumba jamatasi jose ja maisanga. ⁵Kezijeni nyumba ya itasi elo loho kaa habho.Mkezieni Epanieto mkundwa wangu, eye ni mbhonwa wa kubhoka wake Kristo hena Asia.⁶Mkezieni Mariamu eye ahira ndima hena kukutata hena wanga yenyu. ⁷Mkezieni Androniko na Yunia, bha kaa yetu, na ebho bhechungiwe hamwe nami. Ni bhambucha ghati ya bhandumi, ebho bhulabhula bherongore kumtisibha Kristo nisimemtisibha. ⁸Mkezieni Ampliato, mkundwa wangu hena Mfumwa.⁹Mkezieni Urbano, mhiri ndima hamwe nami hena Kristo, na Stakisi mkundwa wangu. ¹⁰Mkezieni Apele ,eye eitikijiwe hena Kristo bhakezieni bhose ebho bheeho hena nyumba yake Aristobulo. ¹¹Nikezijieni Herodioni, bha kaa yangu.Nikezijieni bhose bheho hena nyumba ya Narkiso, ebho bheeho hena Mfumwa.¹²Nikezijieni Trifaina na Ttrifosa, ebho bhehira ndima muno hena Mfumwa.Nikezijieni Persisi mkundwa, eye ahira ndima muno hena Mfumwa, ¹³Nikezijieni Rufo, eye esabhurwe hena Mfumwa na iya wake na wangu. ¹⁴Nikezijieni Asinkrito, Flegon, Herme ,Patroba,Herma, na bhamndwetu bhose bheeho hamwezu nabho.¹⁵Nikezijia Filologo na Yulia, Nerea na dada wake ,na olimpa, na bhaitikiji bhose bheeho hamwezu nabho. ¹⁶Nikezijieni kila mmwezu hena busu msheneto.Nyumba ja itasi jose hena Kristo jabhakezija.¹⁷Iki nabhasemba bhamndwetu kugheshijia wanga ya abho ebho bhena inga mghabhanyike na kukindirija.Bheeho bhetonga mbai na malosha emo mwakenja kuloshwa.Gharukeni mfume habho. ¹⁸Kuoka iti bhandu sa abho bhesina muhiria Kristo Mfumwa, kake ndeni jabho bhenye. Hena bhiteto bhyabho bhinana na kuitisiwa hena maongo bhakukenga ngoro ja bhala bhesina matekwa.¹⁹Hena fana ya kubaika kwenyu mwamfikia kila mmwe. Hena hubho,naizirihiwa wanga yenyu, kake nioho nibhakundie nywi muoke na bhwedi hena bhundu bhwa bhwedi, na kusaoka na kulahwa msongorona hena bhubhibhi. ²⁰Izubha wa lubhoro esikasheshe kumkurija mkeleki si ya mabhato menyu. Mvono wake Mfumwa Yesu Kristo uoke hamwe nanywi.²¹Timotheo, muhirindima hamwe nami, abhakezia, na Lukio, Yasoni na Sospeter, bhakaa yetu. ²²Mi, Tertio, natama ndumi ii, nabhakezia hena izina lake Mfumwa.²³Gayo, eye eni anjele na hena nyumba ya itasi lose, labhakezia.Erasto, mbhika bhibala bhya isanga, abhakezia ,hamwezu na Kwarto eye mndwetu. ²⁴[Guria;Hena madafa majenye ma kubhoka, mtambara uu usioho. Yowa bharumi 16;20. ''Mvono wake Mfumwa Yesu Kristo uikae nanywi bhose. Esae.]²⁵Iki hakwe ye eyee na luidimo kuhira muimuke kuringana na bhuchili na malosha makwe Yesu Kristo,kuringana na kujughuiwa mbiso eyo ibhisiwe hena igeri lieza, ²⁶Kake iki yaidima kujughuiwa na kuketwa kutisibhikana na maaghanyo ma bharoti kuringana na iaghanyo lake Izubha la ndarasi, hena kubaika na kuitikijia ghati ha masanga mose?²⁷Hena Izubha tiki yemwenye bhutambaruki, kubhetia Yesu Kristo, haoke na kirumi ndarasi yose. Esae.

¹Paulo, mndumi wake Kristo Yesu hena mikundire yake Izubha, na Timotheo mnduwetu, hena iyanda laitasi lake Izubha, lioho korintho,na hena bhaitikiji bhose bheho hena mkoa wose wa Akaya. ²Mvono na uoke henyu na lubhoro kufuma hake Izubha Papa wetu na mfumwa Yesu Kristo.³Na aisisweIzubha na Papa wake Mfumwa Yesu Kristo.Ye ni Papa wa lusario na Izubha wa kushingira bhose. ⁴Izubha enatushingira swi hena bhwasi bhwetu bhwose, nesa iti tuidime kubhashingira bhala ebho bheho hena bhwasi.Tuhotubhashingira bhengi hena mishingire iyo iyo eyo Izubha ehirie kutushingira na swi.⁵Hena kuoka sa bhula bhwasi bhwa Kristo bhunakumbika hena wanga yetu, bhulabhula kushingira kwetu kukumbika kubhetia Kristo. ⁶Kake kicha swi tuohotuangajishwa, ni hena wanga ya kushingira kwenyu na lukio lwenyu.Na kicha tuohotushingirwa, ni hena wanga ya kushingira kwenyu. Kushingira kwenyu kuohokuhira ndima iinare mkaokamuoho hena bhwasi hena lugumirio sa swi bhulabhula tuohotulabhwasi. ⁷Na ng'iria yetu wanga yenyu yoohonezo.Tutisibhe itisa bhula bhundu ebhwo muoho hena bhwasi, bhulabhula muoho hena kushingira.⁸Hena kuoka tusikundie nywi msitisibhe wanga ya bhwasi ebhwo twookienabhwo uko Asia.Tuemeiwe muno kukela bhula bhundu tuidima kubheka, hubho,twosookie nete naigheshijio la kuoka waa. ⁹Kididi, tweinare kifwa wanga yetu. Kake iyo yeokie ni kutuketa swi tusibhike magheshijio metu hake Izubha, Efufula bhefuiye. ¹⁰Etukijie swi kufuma ibhyo bhifwa bhya bhefuiye, na etukija waa. Twabhika ng'iria yetu hena ye iti etukija waa.¹¹Ehira hubhu sa bhula nywi bhulabhula ebhwo muoho mtughenja hena matasi menyu. Hena hubho bheengi bhenengola haika hena wanga yetu hena wanga ya kukundiwa wanga ya ewotuingiwe swi kubhetia matasi ma bheengi.¹²Tukung'endia ili; bhushuhuda bhwa magheshijio metu. Hena kuoka ni hena igheshijio ledi na kuzera kwake Izubha iti tutongie bhenye hena isanga. Twahira hubhuhamwe nanywi na esi hena kujughukiwa kwa isanga, kake ade yake ni hena mvono wake Izubha. ¹³Tusioho tubhatamia chochose echo msiidima kukisoma kana kukitisibha .Ninang'iria ¹⁴Iti hena lubhajo mwaidibha kututisibha. Na nihete ng'iria iti hena msi wake Mfumwa Yesu tuneoka bhula nywi hena wanga ya kukukweja kwenyu, sa bhula mnereoka hetu.¹⁵Hena bhula nookie na ng'iria wanga ya ili nekundiekuza henyu mboko, nesa iti muidime kuuiya makumbio ma kuseliwa kandu keeri. ¹⁶Nookie nakuarehia kubhaselia nywi igheri nikizoka Makedonia.Wa nekundie kubhaselia wa igheri nikihunduka kufuma Makedonia na ade nywi kuniinga ndumi igheri nikizoka Uyahudi.¹⁷Igheri niokie nikigheshijia hubhu, ngea, neteokie nikiisiring'ang'a? Ngea nitehoniareha bhindu kuringana na magheshijio ma kibhandu,nesa iti nighambe ''Nibhwo, nibhwo '' na''Hai,hai'' hena igheri imwe? ¹⁸Kake sa bhula Izubha ebhwo mkididi,tusighamba bhyose ''Nibhwo'' na ''Hai.''¹⁹Hena kuoka mwana wake Izubha, Yesu Kristo,eye Silvano, Timotheo na mi tumbighie ndurere ghati yenyu, si hubho ''Nibhwo ''na ''Hai.'' Mbai yake, ye igheri lose ni ''Nibhwo'' ²⁰Hena kuoka bhiaze bhyose bhyake Izubha ni ''Nibhwo'' hena ye.Hubho bhulabhula kubhetia ye twohotughamba ''Esae''hena kirumi chake Izubha.²¹Iki ni Izubha eye etukoromijia swi hamwe nanywi hena Kristo, na tubhandumi swi. ²²Ebhikie lubhano wanga yetu na etuingie Ngoro hena ngoro jetu sa kiguria kila echo ekituinga uko hakenya.²³Bhwungi bhwaibhyo, namwitanga Izubha kuoka mshahidi wanga ya muri wangu kuoka iti ni hena wanga ya kubhasaria nisizie wa Korintho. ²⁴Ii esibhwo iti twohotuitora bhuitikiji bhwenyu kake tuohotuhira ndima hamwe nanywi wangaya luizirihio lwenyu, sa ni hena luitikijio muohomuimuka nezo.

¹Hena hubho nichuie hena bhundu bhwangu mwenye iti nisikiza wa henyu igheri nina lubhabho. ²Kicha nibhaingie nywi kuoka na lubhabho, ni ani ekiniizirihija mi, kake ni ula eye ebhinyiwe ni mi/.³Nitamie sa bhundu nihirie nesa iti igheri nineza henyu nisiidime kubhinywa ni bhala ebho bhekioka bhaniosha niizirihiwe, nina ng'iria wanga yanywi bhoose iti kuizirihiwa kwangu ni kuizirihiwa kula kula muoho nako nywi bhose. ⁴Hena kuoka nibhatamie nywi kufumana na bhwasi bhubaha, na bhusobhu bhwa ngoro, na hena masoji meengi. Nesekundie kubhaketa nywi muoke na lubhabho .Ade yake, nekundie mtisibhelukundo lwa ndeni niohonalwo wanga yenyu.⁵Kicha hena wowose aingia lubhabho, asiketa tiki hangu, kake hena bhundu bhusiku-esibhwo kukahia muno-henyu nywi bhoose. ⁶Ama mabigho ma mundu uwo hena bhuingi bhwaringania. ⁷Hena hubho iki mbai ya mabigho mkundikane mumshighie bhoose, na kumshingira. Hireni hubhu nesa iti asiidime kulelwa na kubaika ngoro kukela.⁸Hena hubho niohobhagera ngoro kubhaimusha hena lukundo lwenyu henaiwangi hena wanga yake. ⁹Iki nicho kiniingie nitame, nesa iti niidime kubhaghesha na kutisibha iti mu bha kubaika hena kila kindu.¹⁰Kicha mkamshighia mundu wowose, na mi bhulabhula nimshighia mundu uwo.Kila echo nakishighia -sa nakishighia chochose -chashighiwa hena mbucha henyu hena kuoka kivake chake Kristo ¹¹Ii ni iti mkeleki asize akatuhiria maongoo Hena kuoka swi tusi bhatukuzi hena miarehire yake.¹²Lughwi lujughuiwe hangu ni Mfumwa igheri nzie henyu isanga la Troa kuchila bhuchili bhwake Kristo hala. ¹³Hata hubho nisiokie na lubhoro ndeni ya ngoro, hena kuoka nisimkichije mundwetu Tito hala. Hubho nibhashighie na nikahunduka Makedonia.¹⁴Kake aisiswe Izubha, eye hena kristo kandu kose enaturongoria swi hena kulela. Kubhetia swi enaghabha mbongo yedi ya macha make handu hoose. ¹⁵Hena kuoka swi hena Izubha, ni mbungo yedi yake Kristo, bhoose ghati ya bhala bhekijiwe na ghati ya bhala bhehobhesia.¹⁶Hena bhandu ebho bhehobhesia, ni mbungo kufuma hakfwa mhaka kifwa.Hena bhala bhehobhekijwa, ni mbungo yedi kufuma bhumoo mhaka bhumoo.Ni ani einare bhindu ibhi/ ¹⁷Hena kuoka swi sisa bhandu bheingi bheho bhetagha kiteto chake Izubha hena mbucha yabho.Ade yakwe, hena bhuzeri bhwa mageshijio, twohotutinda hena Kristo sa bhandumi bhake Izubha,msongorana hake Izubha.

¹Iki twatebhoka kukuisisa bhenye waa? Tusikundie idafwa la kukuizirija henyu kana kufuma henyu, sa bhandu bhengi, iki tukundie? ²Nywi bhenye mu idafwa letu la kuizirihija ,elo litamiwe ngoroni hetu, litisibhikane na kusomwa ni bhandu bhose. ³Na mmubhonekana iti nywi ni idafwa kufuma hake Kristo,elo lingoliwe niswi. Litamiwe esi hena wino kake hena Ngoro wake Izubha eheeho moo.Isitamimiwe wanga ya bhibao bhya manoo, kake wanga ya bhibao bhya Ngoro ja bhandu.⁴Na ii niyo ng'iria tuoho nayo hena Izubha kubhetia Kristo. ⁵Tusikuitikijie bhenye hena kuabha chochose sa kufuma hetu. kake ,kukuitikija kwetu kufumana na Izubha. ⁶Ni Izubha eye etuarehe tuidime kuoka bharuo bha iyaghanyo lisha. Ili ni iyaghanyo esi idafwa kake ni la Ngoro.Hena kuoka idafwa likoma, kake ngoro inangola bhumoo.⁷Iki ndima ya kifwa ilaiyookie yasongowa hena mitaro wanga ya manoo iziye hena fana ya kirumi iti bhandu bha Israel bhesiyoiye mmwe hena bhusho bhwake Musa.Ii ni wanga ya kirumi cha bhusho bhwake, kirumi echo chookie kikitonga kujima. ⁸Iki,ndima yaNgoro isinereoka na kirumi kikelie/.⁹Hena kuoka kicha bhuhiri bhwa kuchuiwa chila bhwookie na kirumi, ni kanduako kukela bhuhiri bhwa bhuinari kuongejika muno hena kirumi. ¹⁰Ni kididi iti, kila kihiriwe kirumi cha mboko kisina kirumi wa hena nganyi ii, hena kuoka iti kirumi kikumbike muno. ¹¹Hena kuoka kicha kila echo chookie kibhetia chookie na kirumi, ni hena kuringanaze kukela kila echo ni cha kuikaa kioka na kirumi.¹²Hena kuoka tukuitikijia hubho, tuna ng'iria muno. ¹³Tusioho sa Musa, ebhikie kiringo hena bhusho bhwake, nesa iti bhandu bha Israel bhasiidime kuyuwa mmwe hena tiricho bhya kirumi echo chookie kikisia.¹⁴Kake magheshijio mabho meokie machungwa mtano msi uukiringo kila kila kireho chashighajika wanga ya bhusomi bhwa iyaghanyo la kae.Lisimebhikwa mwaji kuoka iti ni wanga yake Kristo tiki inangolwa hae. ¹⁵Kake hata iyo igheri lolose Musa akasomwa, kiringo kinaikaa wanga ya ngoro jabho. ¹⁶Kake mundu akamgharukia Mfumwa kiringo kinangolwa.¹⁷Iki Mfumwa ni Ngoro. Handuhena Ngoro wake Mfumwa, hena bhuhuru. ¹⁸Iki swi bhose, hamwe na bhusho bhusidimika kubhikiwa kiringo, tunabhona kirumi cheke Mfumwa. Tunagharushwa ndeni ya kubhonekana kulakula kwa kirumi kufuma shahada mwezu ya kirumi kutonga ingi, sa bhundu yoho kufuma hena Mfumwa, eye ni Ngoro.

¹Hena hubho, kuoka tuhete ndima ii, na sa bhula twauhia lusario, tusibaika ngoro. ²Ade yake, twasuwa zia jose ja sonina jila jibhisike.Tusiikaa hena mbiso, na tusikihiria bhubhibhi kiteto chake Izubha. Hena kubhitinda hena bhukididi, tuoho tukubhonyanya bhenye hena magheshijio ma kila mundu msongorana hake Izubha.³Kake ikaoka bhuchili bhwetu bhubhisike, bhubhisike hena bhala tiki bheho bheteka. ⁴Hena masabhuro mabho, Izubha wa isanga ili abhagera kija magheshijio mabho mesiitikijia mifumirie yake bhesiidima kubhona kiangaji cha bhuchili, cha kirumi chakeKristo eye ni fana yake Izubha.⁵Hena kuoka tusikubighia ndurere bhajenye, kake Kristo Yesu sa Mfumwa, na swi bhenye sa bhahiri bhenyu wanga yake Yesu. ⁶Hena kuoka Izubha niye eye eghambie, ''Kiangaji kirangare kufuma kijani''. Arangara hena ngoro jetu,kufunya kiangaji cha macha ma kirumi chake Izubha hena kuoka kwake Yesu Kristo.⁷Kake tuhete bhindu ibhi hena bhindu bhya teri, nesa iti itsibhike iti zinya mbaha muno ni yake Izubha na esi yetu. ⁸Tuoho tuangajika hena kila zia, kake tusimimichwa.Tubhona fole kake tusiizua kubaika ngoro. ⁹Tuohotuingwa bhwasi kake tusimechikirwa. Twabhiritwa sii kake twasikurijwa. ¹⁰Misi yose tohotubheka hena muri wetu kifwa chake Yesu, nesa iti bhumoo bhwake Yesu bhubhonekane bhula bhula hena miiri yetu.¹¹Swi tuoho umoo misi yose twangolwa kufwa hena wanga yake Yesu, nesa iti umoo wake Yesu ubhonekanehena miiri yetu ya kibhandu. ¹²Wanga ya ii, kifwa kioho kihira ndima ndeni yetu, kake bhumoo bhuohohira ndima ndeni yenyu.¹³Kake tuna ngoro ilaila ya luitikijio kuringana na kila echo kitamiwe;''Niitikijie, na hubho nikateta.''Swi bhulabhula tuoho tuitikija, na hubho bhulabhula tuohotuteta. ¹⁴Tutisibhe iti ula eyee emfufule Mfumwa Yesu bhulabhula etufufule swi hamwe naye.Tutisibhe iti etuete swi hamwe nanywi hena kuoka kwake. ¹⁵Kila kindu ni hena wanga yenyu nesa iti, hena kuringana na mvono bhundu urighalia hena bhandu bheengi, haika jikumbike kuongejika hena kirumi chake Izubha.¹⁶Henahubho tusibaika ngoro.Naiti hena shighati tuoho tusakaa hena ndeni tuoho tuarehwa bhusha msi mhaka msi. ¹⁷Hena kihindi iki kifuhi, bhwasi ubhu bhuanguhe bhutuareha swi hena wanga ya bhundarasi bhuemeiye bhwa kirumi bhukilie kuineng'ena bhyose. ¹⁸Hena kuoka tusiohotuyua hena wanga ya bhindu ebhyo bhibhonekane, kake hena wanga ya bhindu bhisibhonekana, bhindu tubhiidima kubhibhona ni bhya igheri tiki,kake bhindu ebhyo bhisibhonekana ni bhya ndarasi

¹Tutisibhe iti kicha kaa ya isangeni eyo tuoho ndeni yayo inyamarw, tuohotuliareha kufuma hakwe Izubha. Ni iyanda lisioho liarehwa hena maghaza ma bhandu, kake ni iyanda la ndarasi, hena ya wanga. ²Hena kuoka hema ii tuoho na lubhabho, tukikunda kudokwa hena kaa yetu hakwe Mzuri. ³Tuohotukunda hena wanga ya iki, hena wanga ya kubhubwa tusikabhonekane iti tuoho tuhu.⁴Hena kididi igeri tuoho ndeni ya hema ii tuwajiwa tukiemeiwa. Tusikundie kufulwa suke.Ade yake, tukundie kudokwa, nesa iti kila echo kifuiye kiidime kumijwa ni bhumoo. ⁵Ula eye etuarehe swi hena kindu iki ni Izubha, eye etuingie swi Ngoro sa kiaze cha kila kinereza.⁶Hena hubho muoke na ng'iria misi yose.Muoke meso iti igheri tuoho kaa hena muri, tuoho hae na Mfumwa. ⁷Hena kuoka tuoho tubhata hena luitikijio,siiti ni hena kubhona.Hena hubho tunang'iria. ⁸Ni chedi tuoke hae kufuma hena muri na kaahamwezu na Mfumwa.⁹Hena hubho tuoho tuiosha iyoke kubhariria kwetu, tukaoka tuoho kaa kana hae, tumuizirihije yee. ¹⁰Hena kuoka ni mhaka bhoose tubhonekane msongorona hena kichumbi cha kuchuiwachila chake Kristo, nesa iti kila mmwe aidime kuuhia kila kiinare hena bhindu bhihirike hena muri, Ikaokia ni hena bhwedi kana hena bhubhibhi.¹¹Hena hubho, hena kuitisibha kufoleka yake Mfumwa, tuohotubhasiingirija bhandu. Sabhundu, yoho ibhonekana mwaji ni Izubha. Nina luingidaki iti itsibhikane bhulabhula hena magheshijio menyu. ¹²Tusiohotughesha kubhasingirija nywi wa kutubhona swi sa bhakididi.Mbai yake, tuoho tubhainga nywi zia ya kukufutula hena wanga yetu,nesa iti muidime kuoka na italuohena bhala bhehobhekufutula kuatera mbhonekanokake esikila choho ndeni ya ngoro.¹³Hena kuoka ikaoka akicha twatorokwa ni bhuongo, ni hena wanga yake Izubha. Na kicha tuoho hena bhuongo bhwetu nezo, ni hena wanga yenyu. ¹⁴Hena kuoka lukundo lwake Kristo lwoholutusingirija,hena kuoka tuna kididi na iki; kuoka mundu mmwezu efuiye hena wanga ya bhose, na hena hubhobhose bhaafwa. ¹⁵Na Kristo efuiye hena wanga ya bhose, nesa iti bhala bhehomoo bhasiikae wa hena wanga yabho bhenye. Mbai yakwe, mtano bhaikae hena wanga yake ye eye efuiye na akafufulwa.¹⁶Hena wanga ya ii, kubhokia iki na ukwade tusimchuiya chila mundu kuringana na miringamireya kibhandu, hatakuoka aho lubhokotumuyoiye Kristo hena miringamire ii. Kake iki tusimchuiya chila wowose hena miringamire ii wa. ¹⁷Hena hubho, ikaoka mundu wowose eho ndeni yake Kristo, ye ni kilungwa kisha. Bhindu bhya kae bhyabhetia.Yowa bhyaoka bhisha.¹⁸Bhindu bhyose ibhi bhifuma hake Izubha.Etuguranishe swi hakwe yemwenye kubhetia Kristo, na atuinga ndima ya kuguranisha. ¹⁹Hubho ni kughamba, hena Kristo, Izubha enaguranisha isanga hakwe ye mwenye, siiti kutara matekwa mabho wanga yabho. Enabhika hetu ndumi ya magurunyo.²⁰Hena hubho tuohotudangwa sa bhaimuki bhake Kristo, sa iti Izubha eokie ehira kuhundukiwa kwake kubhetia swi. Tuohotubhasemba nywi hena wanga ya Kristo ;''Mguranywe hena Izubha.'' ²¹Emuoshie Kristo kuoka itasi hena wanga ya ng'oki jetu. Ye niye eye esiirie ng'oki. Emuoshie hubho nesa tuidime kuoka bhainari hake Izubha hena ye.

¹Na hena hubho, kuhira ndima hamwezu, tubhasemba nywi msiuhie mvono wake Izubha bhesho. ²Hena kuoka ehoeghamba,''Igheri elo lwekundike nookie meso henyu, na msi wa lukio nibhaghenjie.''Yowa, igheri lekundikane. Yowa, iki ni msi wa lukio. ³Tusiidima kuoka bhakindiriji msongorona ha mundu wowose, hena kuoka tusiikundie ndima yetu. Itisibhikane hena kuisiswa kubhibhi.⁴Mbai yakwe hena kila zia tuohotukuisisa bhenye kuoka bhahiri bhake Izubha hena bhuingi bhwa lugurumio, hena bhwasi, hena kusobha, na hena kudinda hena mikarire, ⁵Hena kubighwa, bhichungo, gonda, hena ndima idindie, hena kusobha lubhohe kio, hena zaa, ⁶hena bhuzeri, macha kugumiria, bhwedi, hena Ngoro Mshenete, hena lukundo inoti. ⁷Hena kiteto cha kididi, hena zinya yake Izubha. Tuna nareta ya kuinara hena wanga ya mkono wa kuume na wa kumoso.⁸Tuohotuhira ndima hena kirumi na soni, hena kudawa na kuisiswa, sa bhakengi na tu bhakididi. ⁹Tuohotuhira ndima sa iti tusitisibhikane na niiti tutisibhikane nezo.Tuohotuhira ndima sa bhala ebho bheho bhefwa na- Yowa- turoho moo, sa iti tuoho tuihiwa hena mihiro yetu, kake tusimekomwa. ¹⁰Tuohotuhirandima sa bhakibha, kake kila igheri tuna luizirihio, sa bhakibha, kake tuohotutasia bheengi sa iti tusina kindu kake tuohotuitora bhindu bhyose.¹¹Twateta kididi chose henyu, Bhakorintho, na ngoro jetu jajughuka hena hena kuarama. ¹²Msikindiwe, niswi, kake mkindiwe ni ngoro jenyu bhenye. ¹³Iki hena kugharushana hena kuinara- niohoniteta sa hena bhana- kuchungieni hena kuarama bhulabhula.¹⁴msichungwe igogolo hamwezu na bhala esibhaitikijihena kuoka heena mgurano uhi ghati ya kuinara na bhubhibhi ? Na heena kuhi ghati ya kiangaji na kija? ¹⁵Ni maarehiano ani Kristo eidima kuoka namo na beliali? Kana yee muitikijiena lubhajo ani hamwezuna esiitikijia? ¹⁶Na hena maarehiano ani meho ghati ya iyanda lake Izubha eho moo, sa bhundu Izubha eghambie ,''Niikaa ghati yabho na kubhata ghati yabho.Nioka Izubha wabho, nabho bheoka bhandu bhangu.''¹⁷Hena hubho, ''Fumeni ghati yabho, na mubheluiwe hena bho.''Aghamba Mfumwa.'' Msikunde kindu kijirare,na nibhaanjera nywi. ¹⁸Nioka Papa henyu, nanywi muoka bhana bhangu bha kuume na bha kiche, aghamba Mfumwa mulunga.

¹Bhakundwa, hena kuoka tuna bhiaze ibhi, na tukuzerije bhenye hena kila kindu echo kituketa kuoka bhajirari hena miiri yetu na hena ngoro. Tuoke na bhuzeri bhuinare hena kumwisisa Izubha.²Endeni ngalo hena wanga yetu,Tusimemteshanyia mundu wowose. Tusimebhinya mundu wowose.Tusimekukumbia chochose hena wanga ya mundu wowose. ³Esi kubhachuiya chila iti nighamba hubhu hena kuoka nashighiwa iti muoho ngoroni hetu, hetu swi kufwa hamwezu na kuikaa moo hamwe. ⁴Nina luitikijio lubaha ndeni yenyu, na kukuisisa kwangu ni kubaha wanga yenyu. Naizujwa ni lusario. Naizujwa na kuizirihiwa hata hena bhwasi bhwetu ibhwose.⁵Matituzie Makedonia, miri yetu isobhoke.Mbai yake, tupatie bhwasi hena bhundu bhwose hena kubighwa ngondo mbaai ya shighati na kufoleka mbai ya ndeni. ⁶Kake Izubha, eye eshingiri bhanana, etushingire hena kufika kwake Tito. ⁷Isiokie hena kufika kwake tiki iti Izubha etushingire.Yookie bhulabhula kushingira kula ekuhie kufuma henyu.Ye etubhurie lukundo lubaha muohonalwo, bhwasi bhwenyu, na kubighanika kwenyu hena wanga yangu. Hubhoniizirihiwe muno.⁸Hata kicha ndumi yangu ibhaoshie kuituka , mi nisioho ni ubhona bhubhibhi. Kake nibhonie bhubhibhi igheri nibhonie dumi iyo ibhaketie nywi kuoka na kiiyo, hata kicha ni igheri lifuhi. ⁹Iki nina kuizirihiwa, si hena amu muokie na kiiyo, kake hena kiiyo chenyu kibhaetie hen kubaika muguriwe ni kiiyo cha kiizubha, msipatie kinyamari wanga yetu. ¹⁰Hena kuoka kiiyo cha kiizubha kinaete kubaika ekwo kukoromija lukio lusina lubhabho kiiyo cha kiisanga,hata hubho, kinaete kifwa.¹¹Yowa bhundu kiiyo ichi cha kiizubha bhundu chabaja kubighanika kubaha ndeni yenyu. Bhundu bhuokie kubhariria kubaha ndeni yenyu cha kubhakinda kuoka msiokie na bhubhibhi. Hena bhundu ani lubhabho lwenyu luokie lubaha, lukusaro lwenyu, mikundire yenyu, kubighanika kwenyu, na kugheshijia kwenyu kubhona iti kuinara kuinare kuhirika, hena kila kindu mwaitisia bhenye kusaoka na bhubhibhi. ¹²Hena kuoka nibhatamie nywi, nisitamie hena wanga ya mteshanyo, siiti si hena mundu engiwebhwasi na bhibhibhi. Natama nesa iti kudinda kwa ngoro jenyu hena wanga yetu ihirwe kutisibhikana kwenyu msongorana na meso make Izubha.¹³Ni hena wanga ya ii iti tuohotushingira. Hena kukumbiwa kwa kushingirwa kwetu bhenye, tuohotuizirihiwa bhulabhula, hata kuongejia hena luizirihio hena Tito, hena kuoka ngoro yake iisejwe ni nywi bhose. ¹⁴Hena kuoka kicha nikufutie hakwe kuaterana nanywi, nisiokie na soni. Mbai nacho nisaiti kila kiteto tukitetie henyu kiokie kididi, mafuti metu kuatera nywi hena Tito metubhonyishe iti nikididi.¹⁵Lukundo lwake hena wanga yenyu hata ni lubaha kukela,sa kumgheshijia kubaika kwenyu bhose, bhundu mumuanjele ye hena kufoleka na kudedema. ¹⁶Nioho niizirihiwa kuoka nina ng'iria itoloke ndeni yenyu.

¹Tubhakundie nywi mtisibhe, mbhwange na mbora, wanga ya mvono wake Izubha ewo ungoliwe hena nyumba ja matasi ja Makedonia. ²Igheri la ighesho ibaha la bhwasi, bhuingi bhwa kuizirihiwa kwabho na kuongejika kwa bhukibha wabho bhwamogha bhuzuri bhubaha bhwa kuanjela.³Hena kuoka natinda kididi iti bhengolie hena kuringana na bhundu bheidime , na hata kukelanya luidimo lwabho. ⁴Na hena kukungolia kwabho bhenye hena kutusemba muno, bhetusembie hena wanga ya kugurana hena bhuhiri ubhu hena bhaitikiji. ⁵Ii isifumirie sabhundu tuokie twebharirie .Mbai yake,lubhoko bhekungolie bho bhajenye hena Mfumwa. Ade bhakakungola bho bhajenye hetu hena makundo make Izubha.⁶Hubho tumsembie Tito, eyeokie aringania akabhoka ndima ii, kuiete hena kukoromijia kihiro ichi cha bhwedi wanga yenyu. ⁷Kake nywi mhete bhuingi hena kila kindu -hena luitikijio , hena mitetire hena macha, hena kukutata kose,na hena lukundo lwenyu hena wanga yetu.Hubho itisieni iti nywi muoka na bhuingi bhulabhula hena muhiro uu wa bhwedi.⁸Nioho nighamba hubhu esiiti ni iaghanyo.Mbai yake, naghamba ili nesa kuneng'ena bhubhandu bhwa lukundo lwenyu hena kubhonafana na kuituka kwa bhandu bhengi. ⁹Hena kuoka mtisibhe mvono wake Yesu Kristo. Naiti akija eokie na bhuzuri, hena wanga yenyu eokie msobhu.Nesa iti kubhetia bhusobhu bhwake mwidime kuoka bhazuri.¹⁰Hena kindu iki nibhainga zia eyo ibhaghenja. Mwaka mmwe ubhetie, msibhokie tiki kuhira kindu. Kake nyami yakuhira. ¹¹Iki likoromijieni. Sabhundu tiki kuokie na kuituka na mbharirio wa kuhira, ade,kana, mkiidima bhulabhula kureete hena ukididi, hena kuringana na bhundumwidima. ¹²Hena kuoka mnakuituka ha kuhira muhiro uu,ni kindu chedi na liitikijiwa.Mhaka limuke waanga ya kila ehonacho mundu, esi wanga ya esiohonacho mundu.¹³Kuoka iti ndima ii esiiti hena wanga ya iti bhengi bhaidime kuhuiya kuhoijwa na nanywi mwiidime kuemeiwa.Mbai yakwe, haoke na bhuringani. ¹⁴Bhuingi bhwenyu bhwa igheri la iki bhughenja hena echo bhekundie . Ii nihubho bhulabhula nesa iti bhuingi bhwabho bhuidime kughenja kuuhia kila mkundie,na iti haoke na bhuringani. ¹⁵Ii ni sabhundu itamiwe ;'' ye eye na bhingi eseokie na kindu chochose kishighajike na eye eokie na kidori esokie na mkundire wowose.''¹⁶Kake aisiswe Izubha, eye ebhikie ndeni ya Ngoro yake Tito Ngoro ilaila ya kukutata ya lusario eyo nihete hena wanga yenyu. ¹⁷Hena kuoka iti esiteuhie tiki matsi metu, kake bhulabhula eokie na lunyariki kuringana matasi amo. Ezie henyu hena kukunda kwake mwenye.¹⁸Twamwinga muondo hamwezu naye mndwetu eye enaisiswa ghati ya maiyanda ma itasi hena wanga ya ndima yake hena kuchila bhuchili. ¹⁹Esi hubhu tiki, kake bhulabhula esabhurwe na maiyanda mamataisi kuzoka naswi hena kulibheka handu hayehaye muhiro uu ni kuwanjila.Ii ni hena kirumi cha Mfumwa ye mwenye na hena lurario lwetu lwa kughenja.²⁰Tukukemba naluidimo iti wowose eidima kudughunyika kufumana naswi kufumana na bhwedi ubhu ebho tubhekie. ²¹Twauha bhuaria kuhira echo nicha nganyi,esihubho tiki msongorona mwa Mfumwa,kake bhulabhula msongorona mwa bhandu.²²Bhulabhula tumwingamuondo mndwetu uungi hamwezu nabho.Twamuineghena kandu keengi,na tukambhona ena kufoleka hena wanga ya ndima nyiingi.Ubhu iki ena lunyariki muno hena bhula ya ng'iria mbaha eehonayo ndeni yenyu. ²³Hena mburi jake Tito,ye ni mwisi bhasighiria wangu na muhiri ndima mghenji hena wanga yenyu.Sa hena bhamndwetu, bhatumwa na maiyanda maitasi. Ni bhanganyi hena Kristo. ²⁴Hubho,bhabhonyeni lukundo lwenyu, na mbhonyanye hena maiyanda maitasi bhula kula kunyilanyila kwetu hena wanga yenyu.

¹Kufumana na bhuhiri hena wanga ya bhaitikiji, ni chendi muno hangu kubhatamia. ²Nitisibhe wanga ya kukusara kwenyu, eyo nikufutie hena bhandu bha Makedonia. Nibhabhurie iti Akaya yakwenjwa too mwaka ubhetie. Nyami yenyu yabhagera ngoro bheengi bhabho kuhira.³Iki, nabhatuma bhamndwetu nesa iti kukunyilanyila kwetu kubhetia nywi kusioke kwa bhesho,na nesa iti mkioka mwakuarihia , sabhundu naghamba mkiokia. ⁴Mbai na hubho,akija mndu wowose wa Makedonia akaza hamwezu nami na kubhakichija msimeoka nakukuharehia, tukibhona soni---nisiohonighamba chochose wanga yenyu-- hena kuoka ng'iria muno hena nywi. ⁵Hubho nibhonie yookie mbucha kubhasemba bhamndwetu kuza henyu na kuhira maarehio ungwangu hena wanga ya viingwa mbhikiwe kiaze.Ii ni hubho nesa iti jioke jiindie sa itasi ,na esi sa kindu kibhikiweiyaghanyo.⁶Igheshijio niili ;mndu ehanda habhudori bhulabhula ehuiya habhudori,na wowose ehanda hena kubhariria kuinara bhulabhula ehuiya kuinara. ⁷Henahubho na kila mwezu angole sa bhundu ebharirie ngoroni hakwe. Henahubho naye asingole hena kubaika kana hena kusingirijwa.Hena kuoka Izubha enamkunda ula eye engola hena hakuhizirihiwa.⁸Na Izubha eidima kuiongejia kila itasi hena wanga yenyu,nesa iti,kila igheri,hena bhindu bhyose, mwiidime kuhuia bhyose mbhikundie. Ii ioka nesa iti mwiidime kuongeja kila muhiro wedi. ⁹Ni sa bhunduitamiwe;'' azaranya bhuzuri bhwake na kubhungola hena bhakibha. Bhwedi bhwake bhuika ndarasi.''¹⁰Nayee angole mbeu hena enerehanda na kitangu hena wanga ya kijo,bhulabhula engola na kuongejia mbeu yenyu hena wanga ya kuhanda. Ye eongejia mauhio ma bhwedi bhwenyu. ¹¹Mnere ketwa bhazuri hena kila nzia nesa iti mwiidime kuoka nabhwedi.Ii inereete haika hena Izubha kubhetia swii.¹²Hena kuhira ndima ii si tiki ikunda makundo ma bhaitikiji. Bhulabhula huongeja hena mihiro miingi ya haika hake Izubha. ¹³Hawanga ya kuineng'enwa kwenyu na kuimushwa hena muhiro ii, bhulabhula mneremuisisa Izubha hena nganyi hena kuteta kwenyu bhuchili bhwake Kristo.Bhulabhula mumuisisa Izubha hena bhwedi bhwa kiingwa chenyu habho na hena kila mwezu. ¹⁴Bhenanyami nanyu,na bhebhaomba hena wanga yenyu.Bhehira hubhu hena wanga ya mvono mbaha ya Izubha yeeho wanga yenyu. ¹⁵Haika jioke hena Izubha hena kiingwa chakwe kisitindika.

¹Mi Paul, mwenye nibhasemba hena kubaika na kuhoiya kwake Kristo. Mi ni hoiye igheri niokie msongorona henyu, kake ninang'iria henyu igheri nioho hae nanywi. ²Nibhasemba nywi iti, igheri nioka hamwezu nanywi, nisikundie kuoka nang'iria na kukuitikijia kwangu mwenye.Kake niohonigheshijia nikundie kuoka mng'iria igheri nibhakinda bhala bhegheshijia iti tohomoo hena wanga ya muri.³Hena kuoka hata akija tuohotusela hena muri, tusioho tubighana ngondo hena bhundu bhwa muri. ⁴Hena kuoka nareta tujitumia kubighana esi ja kimuri.Bhoki yake jina zinya ja kiizubha jiidima kunyamara handu ha mbiso. Jiidima kungola chee mitetire yakutesha.⁵Bhulabhula, tuoho tunyamara cho chose kinabhuitori echo kikukweja wanga ya macha makwe Izubha. Tuoho tuliareha iruo kila igheshijio hena kubaika hake Kristo. ⁶Na tuoho tuihia kukuarehia ha bhunyamari bhwa mihiro isiho na bhubaika, bhoko tiki kubaika kwenyu kunereoka kwaitisika.⁷Yoweni kila echo chomwaji msongorona henyu. Sa wowose ehoesingirijika iti ye ni wake kristo na akugheshijie mwenye iti sa tiki eho ni wake Kristo, hubho nibhwo na swi bhulabhula tuoho hubho. ⁸Hena kuoka hata nikakukweja kadori muno kuringana na bhuitori bhwetu, ebho Mfumwa ebhungolie hena wanga yetu kubhaareha nywi na siiti kubhanyamara, nisibhona soni.⁹Nisikundie ili libhonekane iti nioho nibhakangisha nywi hena bhutami bhwangu. ¹⁰Hena bhula bhengi ya bhandu bhenaghamba,''bhutami bhwangu ni bhukahe na bhuna zinya, kake kimuri ye ni mnana. Bhiteto bhyake bhisiinare kusikijwa.''¹¹Hebu bhandu bha miikare iyo bhatisibhe iti echo tuoho tukitinda hena bhutami igheri tuoho hae ni hubho hubho na bhula bhundu ebhwo tunerehira igheri tuneoka aho. ¹²Tusitonga hae muno sa kukurunganyisha bhajenye kana kukuringanisha bhajenye na bhala ebho bhekuisisa bhajenye. Kake bhakuineng'ena bhajenye na kila mmwe wabho,bhesina bhuongo.¹³Swi, hata hubho, tusikukweja kubhetia mihaka. Mbai yake ,tunerehira hubho tiki ndeni ya mihaka eyo Izubha atubhikia swi, mihaka eyo ifika bhuhae sa wenyu uoho. ¹⁴Hena kuoka twasikukumbia swi bhenye matitubhafikie nywi.Tuokie wa kubhoka kufika hena bhuhae sa nywi hena bhuchili bhwake Kristo.¹⁵Tusimekukweja kukela mihaka kuatera ndima ja bhengi. Mbai yake, tunaluinghidaki sa bhuitikiji bhwenyu bhueha iti handu hetu ha ndima heneharamijwa muno, na hadori ni ndeni ya mihaka mijenye. ¹⁶Tunaluinghidaki hena ili, nesa iti tuidime kuchila bhuchili hata hena majimbo kukela menyu.Tusikakukwaje wanga ya ndima eyoihirwa hena masanga mengi.¹⁷''Kake wowose ekukweja,akukweje hena Mfumwa.'' ¹⁸Hena kuoka esie ula ekubhonyesha mjenye enabhoneshwa .Esibhohubho, ni ula eye Mfumwa enambhonesha.

¹Nisemba iti mkigurumiana na mi hena bhula bhutukuzi. Kake hena kididi muohomgurumiana na mi. ²Hena kuoka ni na kiru wanga yenyu.Nina kiru chake Izubha hena wanga yenyu,too nibhaingekiaze nywi ha ndoa ya mnduume mmwe.Ningoliekiaze kubhaete nywi hena Kristo sa mwai wedi.³Kake niohoniondoka iti hena bhundu bhusiku, sa igalalu limkengie Eva hena icha lakwe, magheshijio menyu meidima kugushwa hae kufuma ha itasi singisi na lizerie hake Kristo. ⁴Hena kuoka hena fana iti mundu msiku akaza na kuchila Yesu ungi mbai na ula twabhachilia. Kana hena fana iti mkauhia ngoro ingi mbai na ila muuhie. Kana hena fana iti mkauhia bhuchili bhungi mbai ya bhula muuhie.Mkagumiria mihiro ii nichedi itoshije.⁵Hena kuoka nigheshijia iti mi nisioho ghati ya bhala bhetukuzie hena abho bheitwangwa bhadumi -bhedi. ⁶Kake hata akija mi nisimeloshwa hena kungola bhuchili, nisioho hubho hena maacha. Hena kila bhundu na hena bhindu bhyose twalihira ili kutisibhikana henyu.⁷Niiti, nihirie ng'oki hena kukuseja mwenye nesa nywi muidime kukwejwa/ hena kuoka nichilie hena bhuhuru bhuchili bhwake Izubha henyu. ⁸Nisokie ma'yanda mamatasi meengi hena kuuhia lughenjo kufuma habho nesa iti nikiidima kubhahiria nywi. ⁹Igheri niokie nanywi na nookie hena kukunda, nisimwemeiye wowose.Hena kuoka makundo mangu meringanishwe na bhamndwetu bhezie kufuma Makedonia. Hena kila kindu nakukindia mwenye nisireoka mmwagho henyu,na niendelea kuhira hubho.¹⁰Sa kididi chake Kristo chioho ndeni yangu, uku kukuisisa kwangu,kusihujishwa hena mbai ja Akaya. ¹¹Amu nikini? hena esa nisibhakundie? Izubha etisibhe nibhakundie.¹²Kake kila niohonikihira, nikihira bhulabhula. Nikihira nesa iti niidime kukinda moo ya bhala bhenanyami moo jabho jioke sa bhundutoho hena kila kila bhehobhekukwejia. ¹³Hena kuoka bhandu bhala ni bhandumi bha maongo na bhahirindima bhakukenga.Bhekugharusha bhajenye sa bhandumi bhake Kristo.¹⁴Na ii isiitalisha, hena kuoka hata mkeleki enakugharusha yemwenye sa mwana wa kiangaji. ¹⁵Ii isina kuitalisha kubaha sa bharui bhake bhulabhula kukugharusha bhajenye sa bharui bha kuinara.Kukoromija kwabho kunereoka sa mihiro yabho bhunduinereoka.¹⁶Naghamba wa; Hubho na asioke mundu wowose enere gheshijia iti mi ni mtukuzi.Kake sa mkahira,niuhieni mi sa mtukuzi nesa niidime kukuisisa kadori. ¹⁷Kila niohonighamba kuatera uku kukutwarija hena kukukweja kusichuiwa chila na Mfumwa,kake hiohonichila sa mtukuzi. ¹⁸Hena bhula bhandu bheengi bhenakukweja hena bhundu bhwa muri, nikukweja bhulabhula.¹⁹Hena kuoka muuhiane hena luizirihiyona bhatukuzi,nywi bhenye muhete bhwedi. ²⁰Hena kuoka muuhiana na mundu akija ekuingija habhuruo,akija enereketa mghabhanyiko ghati yenyu ikaokaabhatumia nywi hena mbucha yake,akija ekubhika wanga hambeho, kana akija akabhabigha bhushoni. ²¹Niteta hena soni yetu iti swi twokie bhanana muno kuhira hubho.Na ereho sa wowose ekikukweja --niteta sa mtukuzi--mi bhulabhula nikukweja.²²Ikaoka, bho ni bhayahudi? na mi ni hubho.Ikaoka,bho ni bhaisrael? Na mi ni hubho.Ikaoka,bho ni luzungu lwa Abrahamu? na mi ni hubho. ²³Ikaoka,bho ni bharui bhake Kristo? [Nichila sa nitorokwe na bhuongo bhwangu.]Mi ni kukela.Naoka hata hena ndima idindie kukela, hae kukela kuoka bhichungoni,hena kubighwa kubhetia kuringana,hena kukinda ndenga nyingi ja kifwa.²⁴Kufuma hena bhayahudi niuhie kandu kasano ''mabigho makumi maane kungola mmwe.'' ²⁵Kandu katatu nibighiwe hena msenge. Kandu kamwe nibighiwe manoo.Kandu katatu ni sobhiwe ndeni ya meli. Nahiria kio na hemsi hena ipe mwaji. ²⁶Nookie hena charo cha igheri ,hena igheri hena ndenga ja moto, hena ndenga ja bhasoki, hena ndenga kufuma hena bhundu bhangu mi mwenye, hena ndenga kufuma hena bhandu bha maisanga, hena ndenga ja mbombe, hena ndenga ja mkangura,hena ndenga ya ipe,hena ndenga hena bhamndwetu bhamaongo.²⁷Naoka hena ndima ikuiye na hena miikaiye idindiye,hena kio kiingi na kusa shinjia,hena zaa na ngiru, kandu keengi hena kuchunga,hena mbeho na tuhu. ²⁸Hae na kila kindu kingi,woho mshindiko wa kila msi wanga yangu wa lukusaro lwangu hena wanga ya ma yanda mamatasi. ²⁹Niani mnana, na mi nisi mnana? Niani amketa ungi kugwa hena ng'oki,na mi nisinalubhabho ndeni?³⁰Ikaoka ni mhaka nikukweje, nikukweja kuringana kila kibhonesha bhunana bhwangu. ³¹Izubha na Papa wa Mfumwa Yesu, ye eye enaisiswa ndarasi, emaije iti mi nisikenga.³²Kula Dameski, mbaha wa ijimbo sii ya mwiitori Areta eokie ekirinda isanga la Dameski esa anigure. ³³Kake nibhikiwe hakikapu, kubhetia haidirisha hena lukomera,na nikakiiya kufuma hamaghaza makwe.

¹Ni mhaka nikukweje, kake hesina echo kioho kikumbiwa na ilo.Kake niohonitonga hena mabhono na majughuio kufuma hake Mfumwa. ²Ni mtisibhe mundu mwezu hena Kristo eye miaka ikumi na mine ibhetie eye hena bhundu bhwa muri, kana shighati ya muri, mi nisitisibhe,Izubha etisibhe erakuliwe wanga hena majumbi makatatu.³Na nitisibhe iti mundu uu ---ikaoka hena muri, kana shighati ya muri, mi nisitisibhe, Izubha etisibhe-- ⁴Eonjiwe wanga mhaka paradiso na kusikia bhiteto bhisitindika ebhyo bhandu bhesiingiwe ngalo ya kubhiteta . ⁵Hena wanga ya mundu sauo nikukweja.Kake hena kufumana nami mwenye nisikukweja.Esikuoka kuatera bhunana bhwangu.⁶Akija nikakunda kukukweja, nisikioka mtukuzi hena kuoka nikioka nioho nitinda kididi. Kake nishigha kukukweja nesa iti hasioke wowose eidima kunigheshijia kukela hubho kukela echo kioho kibhonekana ndeni yangu kana kusikiwa kufuma hangu. ⁷Nisikukweja bhulabhula hena wanga yaamo majughuiyo ma fana ya kuitalija.Hena hubho, hubhyo nisiizujwa na kinyongo, muvwa ugeriwe ndeni ya muri wangu, mndumi wake mkeleki kunizangiria mi, nesa nisigharuke kuoka mwenye kukukweja.⁸Kandu katatu nimusembie Mfumwa hena ili nesa ye aungole kufuma hangu. ⁹Naye enibhurie,''Mvono wangu utoshije hena wanga yako, hena kuoka zinya jiarehwa kukoromijikahena bhunana.''Hubho, nekundie muno kukukweja muno kuatera bhunana bhwangu, nesa iti luidimo lwake Kristo uidime kuikaa wanga yangu. ¹⁰Hena hubho naringania hena wanga yake Kristo,hena bhunana,hena bhirigho,hena bhwasi, hena kukangishwa, hena zia ya kio.Hena kuoka igheri nioho mnana,ade nihete zinya.¹¹Mi naoka mtukuzi/ nywi munisingirije hena ili,hena kuoka nikioka niisiswe na nywi.Hena kuoka nisiokie ishashi pia hena bhala bheitangwa bhandumi--bhedi,hata akija mi si kindu. ¹²Mibhonekana ja kididi ja mndumi jihirike ghati yenyu hena lugumirio, mibhonekano na maatalisho na mihiro mibaha. ¹³Hena zia ihi mwokie bha mbucha bha sii kukela maiyanda maitasi emomeshighajike,esikuoka iti nisiokie mwagho henywu/ munishighiye hena itekwa ili.¹⁴Yowa ;mi nioho nikuarehie kuza henyu hena kandu katatu.Nisioka mwagho henyu, hena kuoka nisikundie kindu echo nichenyu. Nibhakundie nywi. hena kuoka bhana bhesikundikane kubhika kishighio hena wanga ya bhariri.Mbai yakwe,bhariri nibhobheinare kubhika kishighio hena wanga ya bhana . ¹⁵Nihizirihiwa muno kuhiria na kuhirwa hena wanga ya bhumoo bhwenyu.Akija nibhakundie muno, nikundikane kukundwa kadori/.¹⁶Kake sa bhunduyoho,nasabhaemeia hamuagho nywi. Kake hena kuoka mi ni chee pada, mi ni ula eye ebhagurie nywi hena kwakuoka eye ebhauhiye hena kubhakenga. ¹⁷Ze, nionjie hena kukuhiria bhukumbia hena wowose anietie muondo henye? ¹⁸Nimsembie Tito kuza henyu,na nimwazerije mndwetu ungi hamwe naye.Ze, Tito ebhahirie bhukumbio nywi? ze, asisela hena zia ilaila/ ze, asisela hena mabhato malamala?¹⁹Mugheshijia hena mati ama mose twaoka tukikubighania swi bhenye henyu? msongorona hakwe Izubha,na hena Kristo,twaoka tukiteta kila kindu hena wanga ya kubhaimusha nywi.²⁰Hena kuoka nihete fole iti nikaza niidima nisibhakijije nywi sa niohonanyami. Nihete fole iti mwiidima msikijije mi sa bhundu muhetenyami. Nifoleka iti kuidimika kuoka na kidombo, kiru, ngondo ja oro, mlakolako wa kukundia, ushambenge, kinyongo, na ngondo. ²¹Nihete fole iti nikahunduka waa, Izubha wangu eidima kunigakubaika msongorona henyu.Nihete fole iti niidima kuijwa na bheengi ebho bhahira ng'oki isime fika iki, na ebho bhasichua mti hakujirara, na bhushindi na bhindu bhya mlakolako ebhobhihira.

¹Iini kandu ka katatu iti nioho niza henyu.''Hakila kilinganya nimhaka kuarehiwa na ukididi wa bhashidi bheri kana bhatatu.'' ²Nakejijakughamba hena abho bhahira ng'oki nisime na hena bheengi bhose igheri ninereoka uko kandu ka keri,na niohoghamba waa; nikaza waa, nisibhagurumia.³Nioho nibhabhura nywi ili hena kuoka muoho muenda bhushihidi iti Kristo eteta kubhetia mi.Ye esi mnana henyu , mbai yakwe, ye ni mwenye zinya ndeni yenyu. ⁴Hena kuoka ebhambiwe hena bhunana, kake ereho moo hena zinya jake Izubha. Hena kuoka swi bhulabhula tuna bhunana ndeni yakwe, kake twiikaa naye hena zinya ja Izubha ghati yenyu.⁵Kutunguruseni bhajenye mbhone sa moho hena bhuitikiji. Kuinengheni bhenye. Msifufunya iti Yesu Kristo eho ndeni yenyu? ye eho, mbainahubho kicha msimeitikijiwa. ⁶Na nihete ng'iria iti nywi mtisibha iti swi tusisuike.⁷Iki tuoho tutasa hake Izubha iti msiidime kuhira chochose kibhibhi. Nisitasa iti swi tuidime kubhonekana twabhetia ighesho, mbai yakwe niohonitasa iti muidime kuhira kilachoho nezo,haho tuidima kubhonekana twalelwa ighesho. ⁸Hena kuoka swi tusiidima kuhira chochose mbai na kididi, kake ni hena wanga ya kididi tiki.⁹Hena kuoka tuhizirihiwa igheri tukioka bhanana nanywi mkioka na zinya. Twohotutasa bhulabhula mwiidime kuoshwa mwakoromijika. ¹⁰Niohonitama bhindu ibhi igheri nikaoka hae nanywi,nesa iti igheri nioka hamwezu nanywi nisikundie kubhabhonya kukaha nywi. Nisikundie kuhiria bhuitori Mfumwa eniingie mi nibhaarehe na siiti kubhanyamara sii.¹¹Tiricho, bhamndwetu bhamdume na bhakiche ,izirihiweni? hireni ndima hena wanga ya kuhunduiwa,mgerwe ngoro, guraneni nywi hena nywi, muikai hena lubhoro. Na Izubha wa lukundo na lubhoro enereoka hamwe nanywi. ¹²Kezianeni kila mwezu hena busu msheneto.¹³Bhaitikiji bhose bhabhakezija. ¹⁴Mvono wake Mfumwa Yesu Kristo, lukundo lwake Izubha, na bhumwe bhwa Ngoro Msheneneto uoke hamwe nanywi bhose.

¹Mi Paulo mzoro eye esi mzoro kufuma bhandu ,kana kubhetie bhandu .Kake kubhetia hakwa Yesu Kristo na Izubha Papa eye emfufue kufuma habhala bhefuiye. ²Hamwe na bhamdwetu bhose na mi, nioho na ngiru hamakanisa ma bhagalatia .³Mvono uoke henyu na lubhoro lufuma ha Izubha Papa wetu na Mfumwa Yesu Kristo , ⁴Eye ekungolie ye mwenye wanga ya ng'oki jetu, esa atukije na mikundire yakwe Izubha wetu na Papa . ⁵Hakwe haoke na kirumi ndarasi na ndarasi esae.⁶Nioho nitalwa kuoka mwagharukia maugwangu hena bhuchili bhungi .Naitalwa iti mwagharukia hae kufuma hakwe eye ebhaitange hena mvono wake Yesu Kristo .

¹Ade ikabhetia miaka ikumi na mne nitongie wa Yerusalemu hamwe na Barnaba,nikamuonja Tito hamwezu nami. ²Nitongie kuoka iti Izubha ekujughue hangu iti neinare kutonga nibhikie msongorona habho bhuchili ebhwo nibhachilie ha bhandu bha maisanga .[kake nitetie hena mbiso hena bhala bheghambiwe iti nibharongori bhambucha].Nihirie hubho esa kuitisia iti nookie nisimatuka ,kana kumatuka bhesho .³kake naye Tito ,eokie hamwe nami ,eokie myunani, esingirijwe kutabhanwa . ⁴Kindu iki kifumane hena wanga ya bhamndwetu bhamaongo ebho bhezie hena mbiso kufufunya bhuhuru ebhwo tuokie nabho hena Kristo Yesu.Bhekundie kutuosha swii bharuo bha sheria. ⁵Tusikufungolie kubhabaikia hata igheri limwe neesa bhuchili bhwa kididi bhuikae bhusikoranyika henyu .⁶Kake bhala bheghambiwe iti bheokie bharongori bhesikumbie chochose hangu.Chochose kila bheokie bhekikihira cheseokie na mbucha hangu .Izubha esiitikijie kukundiwa kwa bhandu. ⁷Mbai na ibhyo, bhenibhonie iti niitikijiwe kuchila kiteto hena bhala ebho bhesitabhanwe.Yeokie iti nisa Petro achile kiteto hena bhala bhetabhanwe . ⁸Kuoka iti Izubha, ehirie ndima ndeni yake Petro wanga ya bhurui hena bhala bhetabhanwe, hubho akahira ndima ndeni yangu hena bhandu bha maisanga.⁹Igheri Yacobo,Kefa na Yohana, bhetwarijikane iti bhejengie Ikanisa bhetwarije mvono ewo ningiwe mi ,bhetuuhie hena matorano mabho mi na barnaba.Bhehirie hubho neesa tutonge hena bhandu bha maisanga neesa bhaidime kutonga hena bhala bhesitabhanwe . ¹⁰Bhula bhula bhetusembie kubhakumbuka bhasobhu.Mi nami bhulabhula nerekundie kuhira kindu icho.¹¹Igheri kefa ezie Antiokia, nilelane naye mwajimwaji kuoka iti eokie eteshanye. ¹²Igheri bhandu bhasoki bhezie kufuma hake Yakobo, Kefa eokie ekila hamwe na bhandu bha maisanga. Kake abha bhandu bhekinaze eshighie na kufuma hena bhandu bha maisanga.Eokie ekibhaituka bhandu ebho bhekundie kutabhanwa.¹³Bhulabhula Bhayahudi bhengi bhegurane na kusu iyo hamwe na Kefa.Mifumire yakwe ni iti naye Barnaba euhiwe ni kusu yabho. ¹⁴Kake kimebhone iti bheokie bhesiratera bhuchili bhwa kididi, nimtindie Kefa msongorana habho bhose ,''akichija nywi ni Bhayahudi kake muika mikare ya bhandu bha maisanga sii miikare ya bhayahudi ,henakini mubhashingirija bhandu bha maisanga kuikaa sa Bhayahudi''.¹⁵Swi ebho tu bhayahudi bha kubhoneka na esi ''bhandu bha maisanga bhenye ng'oki'' ¹⁶Twarija iti hesina enetariwa hena bhuinari hena mihiro ja sheria. Mbai na hubho bhetariwa bhuinari hena kuiitikija ndeni yake Yesu Kristo.Tuzie hena luitikijio ndeni yake Kristo Yesu neesa iti twatwariwa kuinara hena luitikijio yake Kristo na siiti hena mihiro ya sheria esina muri utariwa bhuinari.¹⁷Kake sa bhundu tuoho tuenda kutarwa hena bhuinari ndeni yake Kristo ,tukukicha swibhenye naswi tu na ng'oki,metake Kristo eoshiwe mrui wa ng'oki/ haiye esihubho. ¹⁸Amu akichija ninerejenga lusiligi lwangu ni wanga ya kurinda sharia lusiligi elwo neeke nalingola ,nooho nikubhonesha mwenye iti nimbaa wa sharia. ¹⁹Kubhetia ha sharia nifuiye hena sharia ,hena hubho nikundikane kuikaa hena wanga yake Izubha.²⁰Nifuiye hamwe na Kristo .Esi mi wa nioho moo ,kake ni Kristo eho moo ndeni yangu. Moo noho niinawo hena muri nioho niikaa hena kuitikijia ndeni ya mwana wake Izubha eye enikundie na kukungola wanga yangu . ²¹Nisibhika mbai mvono wake Izubha amu kicha bhuinari bhookie kubhetia na sharia,hubho Kristo ekioka efuiye bhesho.

¹Bhagalatia bhatukuzi ni ani ebhaoghie kana Yesu Kristo esibhonyeshwe sa mkomwa msongorana hena meso menyu. ²Mi nikundie tiki kutwarija iki kufuma henyu .Kana mumuuhie Ngoro hena mihiro ja sharia kana kuitikijia kila mkisikie . ³Kana nywi mtetukuzie kuringana hubhu/.Kana mubhokie hena ngoro nesa mkurijie hena muri.⁴Kana mliye bhwasi hena mihiro miingi bhesho ,ikaoka ni kididi yokie ya bhesho . ⁵Kana ula engolie ngoro henyu na kuhira mihiro ja zinya ghati yenyu enahira hena mihiro ja sharia kana hena kusikia hamwe na kuitikijia.⁶Abrahamu''emuitikijie Izubha akatarwa iti einare''. ⁷Bhulabhula tisibheni iti, bhala ebho bhemuitikijie ni bhana bhake Abrahamu. ⁸Kiteto kiashuke iti Izubha iekibhataria bhuinari bhandu bha maisanga hena zia ya luitikijio. bhuchili bhuchiliwe mboko hakwe Abrahamu ; ''hena wee maisanga mose metasiwa ''. ⁹Nesa ukwade bhala ebho bhena luitikijio bhatasiwe hamwe na Abrahamu ,eye eokie na bhuitikijio.¹⁰Bhala ebho bhenalusiligi hamihiro ja sharia bheoho sii ya seso. Hena kuoka itamiwe, esesiwe ula mndu eye esigurana na bhindu bhyose bhilabhitamiwe ena idafa la sharia ,kubhihira bhyose. ¹¹Iki ni mwaji iti Izubha esimtaria bhuinari hata mmwe hena sharia ,kuoka ''mwenye bhuinari eikaa hena luitikijio''. ¹²Sharia isinafumana na luitikijio, kake mbai na hubho ''ula enahira bhindu ibhi ena sharia, eikaa hena sharia''.¹³Kristo utukijie swii kufuma hena seso ya sharia igheri ehirike seso hena wanga yetu. Hena amu itamiwe ,''Esesiwe kila mndu ulaebhanikwa wanga ya mti.'' ¹⁴Igheshijio lookie iti matasi emo mookie hakwe Abrahamu mekiza hena bhandu bha maisanga hena Kristo Yesu ,esa iti tuidime kuuhia kubhariri kwa Ngoro kubhetia luitikijio.¹⁵Mundwetu ,niohoniteta hena zia ya kibhandu.Hata igheri elo iaghano la kibhandu kukenjwa kubhikwa nezo,hesina eidima kudaa kana kukumbia. ¹⁶Iki bhiaze bhighambiwe hake Ibrahimu na hena luzungu lwakwe. Isighamba,''hena bhizungu,''nisakughamba bheengi,kake mbai naye hena mwezu tikii,''hena luzungu lwako .'' eye ni Kristo.¹⁷Iki nioho nighamba hubhu ,sharia eyo izie miaka 430 ukwade, isingola ighano la kae elolibhikiwe ni Izubha. ¹⁸Hena hubhu kicha bhuitori ukiza hena zia ya sharia, bhusikioka waa waza hena zia ya kiaze.Kake Izubha eungolie bhesho hakwe Ibrahimu hena zia ya kiaze.¹⁹Amunikiniiki sharia ingoliwe / iongejwe hena kuoka na matekwa ,mtano luzungu lwa Ibrahimu aze hena bhala ebho habho ekee enakiaze.Sharia yebhikiwe ena kishingirijo kubhetia malaika hena mkono wake mguranishi. ²⁰Iki mguranishi enauhia mno ya mundu mmwe ,kakeIzubha ni mmwe tiki.²¹Hena hubho iki sharia ioho lubhajo na kiaze chake kIzubha /hai,hena kuoka akija sharia yookie ingoliwe yokie na luidimo lwa kuete bhumoo ,bhuinari bhukibhonekana hena sharia. ²²Kake mbai yake ,kiteto chachunga bhindu bhyose sii ya ng'oki. Izubha ehirie hubhu nesa iti kiaze chake cha kutukija swii hena luitikijio ena Yesu Kristo uidime kubhonekana hena bhala ebho bhaitikijia.²³Kake lusime luitikijio hena Kristo usimeza ,tuokie tuchungiwe na kuoka sii ya sharia mtano uze mjughuo wa luitikijio. ²⁴Hena hubho sharia iturongorie mtano Kristo ekimeze,esa iti tutariwe bhuinari hena luitikijio . ²⁵Iki hena kuoka luitikijio lwaza, tusioho wa sii ya mrinji. ²⁶Kuoka nywi bhose ni bhana bhake Izubha kubhetia kumuitikijia Kristo Yesu.²⁷Bhose ebho mbatizwe hena Kristo mwamdoka Kristo . ²⁸Hesina Myahudi kana Myunani, mrui kana bhuhuru, munduume kana wakiche ,hena kuoka nywi bhose ni bhamwe hena Kristo Yesu. ²⁹Kuoka nywi ni bha Kristo, niiti ni luzungu lwake Abrahamu, bhaitori hena mwatero wa kiaze.

¹Niohonighamba iti mshighiwa ni mwana, esina fana na mrui hata akija ni muitori wa bhyashighwa bhyose. ²Mbai naye eho sii ya bharinji na muyoyi mtano igheri libhikiwe na papake.³Hubhohubho hamwe na swii,igheri twookie bhana,tweguruwe hena bhurui hena zia ja kubhoka ja isanga. ⁴Kake igheri linare limerefike,Izubha emutumie mwanawake mbhonwa wa mche , mbhonwa siiya sharia. ⁵Eketie b hubhu esa kubhakija bhala bhookie sii ya sharia ,esa iti tuuhie bhundu ya kuoka sa bhana.⁶Kuoka iti nywi ni bhana, Izubha emtumie ngoro wa mwanawake ndeni ya ngoro jetu,ngoro iitanga''Abba,Papa.'' ⁷Hena zia ii we usi, mrui waa kake umwana.Kuoka ni mwana, iki we bhula umwitori kubhetia Izubha.⁸Hata mboko,igheri mwesemtwarije Izubha mwokie bharui hena bhala ebho hena mkungurwe esi bhuizubha kuitisia. ⁹Kake iki mwamtisibha Izubha,ena iti mwatibhwa ni Izubha ,amunikini mwahunduka keri hamaghano manana makubhoka na ejo jisina mbucha /kana mtekundie kuoka maruo keri/¹⁰Mwagura hena nezo msi uinare, mifumire ya mieji na magheri ,na miaka.Niohoniondoka wanga yenyu. ¹¹Niohoniondoka iti hena bhundu bhusiku nakuinga bhwasi bhesho.¹²Nabhasemba ,bhamndwetu muoke sabhundu nioho, hena hubhu naoka bhundu mooho. Msinihirieubhibhi. ¹³Kake mtwarije iti yokie ni wanga ya bhuwaji bhwa muri iti nichilie bhuchili henyu bhwa kubhoka . ¹⁴Ataakija hali yangu ya muri ibhabhikie hena ighesho , msinidaie kana kunisuwa . Mbai na hubho muniuhie sa malaika wake Izubha sa iti nookie Kristo Yesu mwenye.¹⁵Hena hubho ,lohioiki luizirihio lwenyu/ hena kuoka ninakididi henyu iti, ikaidimika ,mkingola meso menyu muniinge mii. ¹⁶Hubho iki ,kana naoka mring'a henyu hena kubhabhura kididi/.¹⁷Bhehobhebhaenda hena lusario ,esihena mabhwedi .Bhekundie kubhatanya nywi nami esa mubhaatere. ¹⁸Ni chedi igheri loose hena bhula bhwiho bhwedi na si ha igheri nioho hamwe nanywi.¹⁹Bhana bhangu bhadori ,niohoni nibhabhiwa lubhabho hena wanga yenyu mhaka Kristo alungike ndeni yenyu. ²⁰Nekundie kuoka hala hamwe nanywi iki na kugharusha ngori yangu,kuoka nina kuikunari wanga yenyu.²¹Nibhureni ,nywi ebho mukundie kuoka si ya sharia msiohomsikia sharia bhundu ighamba? ²²Kuoka iti itamiwe iti Aburahimu eokie na bhana bha kiume bheeri, mmwezu hena mche eye okie mrui na ungi wa mche mhuru. ²³Hata hubho,ula wa mrui ebhoniwe hena muri tiki,kake ula wa mche bhuhuru ebhoneke hena kubhariria.²⁴Bhindu ibhi bhiidimika kutindwa hena kubhetia fana ,kuoka bhache abha bhena fana ya maaghano meeri.Mwe wabho kufuma hena ndubhi ya sinai.Ebhona bhana ebho ni bharui. Uu ni hajiri. ²⁵Iki Hajiri ni ndubhi ioho sinai Arabuni.Eringanyishwa na Yerusalemu ya iki, kuoka ni mrui hamwe na bhana bhakwe.²⁶kake Yerusalemu eyo ioho wanga ni uhuru,na ii niyo Iya wetu. ²⁷Kuoka itamiwe,'' Izirihiwa,we mche usi bhona,wee usi bhona.Kweja ngori na ubighe kilonzo hena kuizirihiwa, wee eye usina kumanyiria kubhona.Hena amu bhengi ni bhana bha eye esibhona,kulela bhala bhaula eye ena muwake.''²⁸Iki bhamndwetu ,nywi ni bhana bha kiaze. ²⁹Hena igheri lila elo mundu ula ebhoneke hena kuatera muri emukangishe ula ebhoneke hena kuatera Ngoro.Hena iki ni bhula bhula.³⁰Kiteto kighambaze?''mungole mche mruo hamwe na mwanawakwe wa kiume.Kuoka iti mwana wa mche mruo esiitora hamwe na mwana wa mche kiding'a.'' ³¹Hena hubho ,mndwetu,swi sii bhana bha mche mruo,kake ni bha mche kiding'a.

¹Ni hena kuoka Kristo etuingie bhuhuru esa tuoke bhahuru .Hubho imukeni nezo naa msigurwe waa ena luzighi lwa uruo. ²Yowa ,mi Paulo, nioho nibhabhura iti ikaoka mtabhanwa,Kristo esinerebhaoshola hena zia yoyose ila.³Waa, nioho nibhatindia bhome bhose eyeatabhanwa iti ekundikane kuhira hena sharia yose. ⁴Mwabhikwa haye na Kristo,bhala bhose ''mohomtariwa kuinari ''hena sharia.mwagwa haye na mvono.⁵Amu hena zia ya Ngoro,hena luitikijio tunakuinda ng'iria ya bhuinari. ⁶Hena Kristo Yesu kutabhanwa kana kusatabhanwa kusina mbucha yoyose.Ni bhuitikiji tiki ebhwo bhuhira ndima kubhetia lukundo nulwo luitisia kindu. ⁷Mwokie mki matuka nezo .Niani ebhakindie kukisobhia nganyi kididi/. ⁸Bhusingiriji bhwa kuhira hubho bhusinafuma hakwe yee ebhaitanga nywii.⁹Kudodorika kudori kunyamara itoghi izima . ¹⁰Nina lusiligi na nywi hena Mfumwa iti mseneregheshijia hena zia ingi yoyose.Wowose ula enerebhatesha ebheka ebigho lake yee mwenye,wowose ula.¹¹Mndwetu,akija nisongeria kubigha ndurere yakutabhanwa ,henakini niroho niikwabhwasi/Hena mburi iyo kila echo choho kikinda uo msalaba kidimika kunyamarwa . ¹²Ni makundo mangu iti bhala bhebharongoria ubhibhi bhekuchafua bhajenye.¹³Izubha ebhaitange nywi, mndwetu,hena bhuhuru. Siiti msihwirie bhuhuru bhwenyu saa zia hena muri. Mbai yakwe hena lukundo mghenjane nywi hena nywi. ¹⁴Hena kuoka sharia yose ikoromijike ena iyaghanyo limwe; nayo ni ''ni chedi umkunde latia wako sa wee mwenye''. ¹⁵Kake kicha mkaumana na kulaana, kuyoweni iti msikunyare nywi hena nywi.¹⁶Naghamba, seleni hena Ngoro, na msinerekoromija kuringana na mlakolako wa muri. ¹⁷Kuoka muri unamlakolako mbai ya Ngoro, na Ngoro ina mlakolako mbaha wanga ya muri. Iji jikarambana kila mwezu na ingi.Mikoromijio ni iti msihira bhindu ebhyo mkundie kubhihira . ¹⁸Kake akija Ngoro eoho ebharongoria nywi ,msioho si ya sharia .¹⁹Iki mihiro ja muri yoho ibhonekana .Nayo ni bhushindi,bhusoki , ²⁰Itasi la ngoma ,bhusabhi, bhuring'a ,kudebherana ,luso ,kusuana, kuoka na oro , kukarambana, kulelana ,kughabhanyika kwa makanisa, ²¹Kiru, bhuengeji ,mlakolako ,na bhindu bhingi sa ibhyo.Nabhaaghanya nywi ,sa bhundu nibhaaghanye aho mbhoko ,iti bhala bhehira mihiro sa iyo bhesinereitora kifumwa chakwe Izubha.²²Kake iduda la Ngoro ni lukundo, kuizirihiwa lubhoro ,kugumiria ,kuanjera ,bhuundu, bhundu bhwedi ,bhuitikijio ²³Kuhoiya,na bhuringani. Hesinai iaghanyo wanga ya bhindu sa ibho. ²⁴Bhala ebho ni bhakwe Kristo Yesu bhaukoma muri na fole na milako yabho mbhibhi.²⁵Akicha tuikaa hena Ngoro, bhulabhula tusele hena Ngoro. ²⁶Tusioke bha kujikweja, tusisimbiane kila mmwe na mghenjiwake, kana tusibhoneane kiru.

¹Mndwetu, ikaoka mundu agurwa hena bhubhibhi, nywi muoho bha kingoro ,mkundikane kumuhundua uo mndwenyu hena Ngoro ya bhumbhoha .Kunu mkikuyowa nywi bhajenye esa msigheshwe. ²Muhiane miagho ,na hena hubho mnekoromija sharia yake Kristo.³Ikaoka mundu wowose ekubhona niwedi igheri esikindu, eeho ekukenga mwenye, ⁴Kila mwe na aineng'ene ndima yake.Ukwaade enreoka na kindu ye mwenye tiki cha kukwisisa ,esina kukuringanisha mwenye na mndu wowose. ⁵Amu kila mundu eonja muagho wake mwenye .⁶Mundu eloshijwe kiteto ni muhaka amguranishe medi mose mlosha wake. ⁷Msikengike.Izubha isina momochwa. Kila ehanda mndu, nicho enerekingola bhulabhula. ⁸Ula enerehanda mbeu ena fanaya ng'oki ehuwia bhunamari, kake ula ehanda mbeu hena Ngoro ,enebaa Moowa ndarasi kufuma hena Ngoro.⁹Tusibundike hena kuhira bhyedi ,amu hena igheri lakwe tungola akicha twasishigha kukunda. ¹⁰Hena hubho, igheri tunereoka na igheri ,tuhire bhyedi hena kila mmwe ,tuhire bhyedi muno hena bhala bheeho ndeni ya bhuitikijio.¹¹Yoweni bhubaha bhwa kitanga echo tubhaandikie hena mkono wangu mwenye. ¹²Bhala bhekundie kuhira bhyedi hena miyoire ya muri nibho bhenye kubhasingirija mtabhanwe .Bheeho bhehira hubho kuoka iti bhasiingie hena bhwasi bhwa msalaba wake Kristo. ¹³Amu bhala ebho bhetabhanwe bhajenye bhesiigura sharia.Kake bhekundie nywi mtabhanwe esa bhaidime kukukwejia hamuri yenyu.¹⁴Isifume nikakukweja bherinake hena msalaba wake mfumwa wetu Yesu Kristo.Ni hena ye isanga lakurijwa hata nami hena isanga ¹⁵Kuoka isikangisha kutabhanwa kana kusatabhanwa iti nikindu.Kake luzungu lusha ni lwambucha . ¹⁶Hena bhose bhenye kuikaa hena zia ii bhaoke na lubhoro na lusario luoke wanga yabho bhose , nawanga ya Israel yake Izubha.¹⁷Kufumia iki mundu wowose asiningebhwasi, amu nibhekie malubhano make Yesu hamuri wangu. ¹⁸Mvono wake Mfumwa wetu Yesu Kristo uoke na ngoro jenyu,bhamdwetu.Esae.

¹Paulo, mrui wake Kristo Yesu hena lukundo lwake Izubha ,habhala bhekembiwe hena wanga yake Izubha bheho Efeso na ebho ni bhaaminifu hena Kristo Yesu. ²Mvono uoke henyu na lubhoro lufuma hena Izubha Papa wetu na mfumwa Yesu Kristo.³Izubha na Papa wa mfumwa wetu Yesu Kristo aisiswe .Niye etutasie hena kila itasi la kingoro, hena handu ha wanga ndeni ya Kristo. ⁴Lisime lungwa isanga, Izubha etusabhure swi ebho tumuitikijie h ena Kristo. Etusabhure swii neesa tuidime kuoka bhazeri na bhala tusidighunyikiwa msongorona hake.⁵Hena lukundo lwake Izubha etusabhure lubhoko hena kutungola sa bhana bhake hena zia yakwe Yesu Kristo ehirie hubhu kuoka iti eizirihiwe kuhira kila ekikimijia mate. ⁶Mifumire yake ni iti Izubha eho eisiswa hena mvono wa kirumi chake.Iki nicho etuingie bhesho hena zia ya mkundwa wakwe.⁷Kuoka iti hena mkundwa wake, tunalukio kubhetia sakame yake ,kushighiwa ng'oki.Tuhete ili wanga ya bhuzuri bhwa mvono wake . ⁸Ehirie mvono uu uoke muingi wanga yetu hena macha na kujughuiwa.⁹Izubha ehirie neesa itisibhikane hetu neesa kididi kibhisike hena miahireho, kufumana na nyami ijughuiwe ndeni yake Kristo. ¹⁰Igheri misi jafika hena kukoloka henamiareho yakweIzubha ebhibhika hamwe kila kindu cha majumbini na cha wanga isanga ndeni yakwe Kristo.¹¹Hena Kristo twookie twasabhurwa na kubhaririwa lisimefike igheri .Ii yookie ni kufumana na miareho ya bhindu bhyose wanga ya mikundire yake . ¹²Izubha ehirie hubho neesa tuidime kuoka hena luisiso lwa kirumi chake. Twookie bha kubhoka kuoka na ng'iria ndeni yakwe Kristo.¹³Yookie hena zia ya Kristo iti msikie kiteto cha kididi,bhuchili bhwa lukio lwenyu hena nzia ya Kristo yookie hena ye bhulabhula iti mwaitikija na kugerwa lubhano na Ngoro mshenete engoliwe kieze. ¹⁴Ngoro niyo mshighi wa uhoja wetu mhaka bhuitori bhunerebhonekana.iki chookie ni hena luisiso lwa kirumi chake.¹⁵Hena wanga ya ii,too igheri nisikie wanga ya luitikijio lwenyu hena bhala bhose ebho bhekembiwe hena wanga yake. ¹⁶Nisimeshigha kumuingahaka Izubha hena wanga yenyu na kubharanga hena matasi mangu.¹⁷Nioho nitasa iti Izubha wa mfumwa wetu Yesu Kristo ,papa wa kirumi abhaingeni ngoro ya nganyi ,majughuiyo ma kutambaruka kwake. ¹⁸Nioho nitasa iti meso menyu ma ngoroni magerwe kiangaji hena nywi kutisibha ni ihi ng'iria ya kuitangwa kwenyu.Natasa iti mtisibhe bhuzuri na kirumi cha kuhoja kwake ghati ya bhala bhekembiwe wanga yake.¹⁹Natasa iti utisibhe bhubaha bhulelie zinya yake ndeni yetu eyo tuitikijie ubhu bhubaha bhufumana na kuhira ndima hena zinya jakwe. ²⁰Ii ni zinya ihirie ndima ndeni yakwe Kristo igheri Izubha emfufule kufuma hena bhefuiye na kumwikaja hena mkono wakwe wa kuume hena handu ha majumbi. ²¹Emuikaje Kristo wanga hae na bhuitori ,luidimo ,zinya, kifumwa, nakila izina lirangwa.Emuikaje Yesu esi tiki hena igheri ili kake hena igheri lizie waa.²²Izubha ebhuikaja bhindu bhyose sii ya maghuu make Kristo. Amuosha ye mtwi wanga ya bhindu bhyose hena nyumba ya itasi. ²³Nyumba ya itasi niyo muri wakwe, kukoloka kwakwe eye uizuja bhindu bhyose hena zia jose.

¹Sa bhundu mookie muiye hena matekwa na ng'oki jenyu. ²Yookie hena miikare mboko mtongie kuringana na magheri ma isanga ili .Mwookie mkitonga hena kuratera muitori wa bhuitori bhwa isanga.Iiniyo ngoro yake ula ehira ndima ghati ya bhana bha kuteshanya. ³Swi bhose aho mboko twookie hamwe na bhala bhesimwitikijie.Twookie tukihira hena mlakolako mbhibhi wa miiri yetu. Twookie hena kihetu bhana bha bhubhibhi sa bhengi.⁴Kake Izubha ekumbike hena lusario wanga ya lukundo lwakwe lubaha elwo etukundie swi. ⁵Igheri twookie tufuiye hena matekwa metu, etuetie hamwe hena moo msha ndeni yakwe Kristo. Ni hena mvono iti twakombolwa. ⁶Izubha etufufule hamwe nakutuareha kuikaa hamwe hena handu ha majumbi ndeni yake Kristo Yesu . ⁷Ehirie hubhu neesa hena magheri mezie aidime kutubhonya bhuzuri bhubaha bhwa mvono wake.Enatubhonya swi hubhuhena zia ya bhwedi ndeni yake Kristo Yesu.⁸Hena mvono mwakombolwa hena zia ya luitikijio.Na ili lasifuma hetu .Ni tone yakwe Izubha . ⁹Isifumana na mihiro. Mifumirioyake, asioke mmwe wabho wa kukuisisa. ¹⁰Amu swi tu ndima yake Izubha, twalungwa hena Kristo Yesu kuhira mihiro yedi.Ni mihiro ii eyo Izubha eibharirie too kae hena wanga yetu, esa tusele hena ibhyo.¹¹Hena hubho mkumbuke iti aho kae mwookie bhandu bha masanga hena zia ya muri. Mwaitangwa ''msina kitabhani ''wanga ya kila kiitangwa kitabhani cha muri kihirika hena mkono wa mundu. ¹²Hena igheri ilo mwookie mkembiwe na Kristo. Mwookie bhagheni hena bhandu bha Israel.Mwookie bhagheni hena iyaghanyo la kubhariria .Mwoseokie na kididi cha igheri lizie .Mwookie mweesena Izubha hena isanga.¹³Kake iki hena Kristo Yesu nywi bhala aho lubhoko mwookie hae na Izubha mwaetwe hafuhi na Izubha hena sakame yake Kristo . ¹⁴Amu ye niye lubhoro lwetu.Ehirie bheri kuoka mmwe. Hena muri wakwe eunyamare lukomera lwa kutanywa elwo lwookie lutughabhanye ,ubho bhuring'a. ¹⁵Iti ekurijie sharia ya iaghabhanyo na miaterire esa iti alunge mundu mmwe msha ndeni yake,Akahira lubhoro. ¹⁶Ehirie hubhu esa kubhaguranisha mbotu mbiri jabhandu bhaoke muri mmwe hena Izubha kubhetia msalaba. Hena zia ya msalaba ekenjie bhuring'a.¹⁷Yesu ezie na lughunda lwa lubhoro henyu nywi mwookie hae na lubhoro muoke na bhala bheokie hafuhi. ¹⁸Amu hena zia ya Yesu swi bhose bheeri tuhete handu hena ula ngoro mmwe kuingia hake Papa.¹⁹hena hubho, nywi bhandu bha maisanga esi bhazoki na bhagheni wa.Kake nywi ni bhamwe hamwe na bhala bhazeri hena wanga ya Izubha na bhandumi hena nyumba ya Izubha. ²⁰Mwaarehwa wanga ya mshighi wa bhandumi na bharoti.Kristo Yesu ye mwenye eokee inooibaha la mbai. ²¹Hena ye nyumba yose yaguranishwa hamwe na kuoka sa handu ha kutasa ya mfumwa. ²²Ni ndeni yake nywi nanywi mwaimushwa hamwe sa handu ha kuikaa ha Izubha hena Ngoro.

¹Hena hubhu mii Paulo, ni mchungwa wake Yesu Kristo hena wanga yenyu masanga. ²Naitikijia iti mwasikia wanga ya ndima ya mvono wake Izubha ewo eniingie wanga yenyu.³Nabhatamia kufumana na bhundu kujughuiwa kwoho kujughuiwa hangu .Ubhu ni bhukididi bhubhisike ebhwo ula nitamie hena kifuhi ha kitanga kingi. ⁴Ukasomo kuatera ibhi uidima kutwarija bhwedi bhwangu hena kididi iki kibhisike wanga Kristo. ⁵Hena luzungu lungi kididi iki kisihiriwe kitisibhike hena bhana bha bhandu. Kake hena iki chabhikwa mwaji hena Ngoro hena Bhadumi bhedangiwe na Bharoti.⁶Kididi iki kibhisike ni iti bhandu bha maisanga ni bhamwe bhetu na bhandumi bhamwe bhetu bha muri. Nibhamwe hamwe na kiaze cha Kristo Yesu kubhetia bhuchili. ⁷Hena ili nahirika mzoro hena ''tona'' ya mvono wake Izubha ungoliwe hangu kubhetia kuhira hena zinya yake.⁸Izubha engolie tona ii hangu, hata kicha mii ni mundu mdori hena bhose kukela bhala bhekembiwe wanga yake Izubha .Tona ii ni iti iniinare kubhabighia ndurere masanga bhuchili bhuna kifumwa bhusidima kufufunyika bhwa Kristo. ⁹Iniinare kubhabighia ndurere bhandu bhose wanga ya mibharirie yakwe Izubha ibhisike.Uu ni mbharirie eyo wookie ubhisiwe hena miaka mijute ibhetie,na Izubha eye ebhilungie bhindu bhyose.¹⁰Ii yookie iti, kubhetia nyumba ya itasi bhaitori na kuitora hena handu ja wanga bhaidime kutisibha malubhajo meengi ma kibhandu ma nganyi yake Izubha. ¹¹Ibhi bhikifumia kubhetia mbharirie wa ndarasi ewo eukoromijie ndeni yake Kristo Yesu Mfumwa wetu.¹²Kuoka iti hena Kristo tuna ng'iria na luidimo lwa kuingia hena ng'iria hena wanga ya luitikijio lwetu hakwe. ¹³Hena hubho nabhasemba msibaike kukunda wanga ya bhwasi bhwangu hena wanga yenyu. Ibhi ni kirumi chenyu.¹⁴Hena wanga ya ili nabaa makunguro hakwe Papa. ¹⁵Eye hakwe ye kila kaa hamajumbi na wanga ya isanga yaitangwa izina. ¹⁶nibhasemba iti aidime kubhaingamvono, kufumana na bhuzuri bhwa kirumi chake,abhakete kuimuka hena zinya kubhetia Ngoro yake, ula eho ndeni yenyu.¹⁷Nibhasemba iti Kristo aitore ndeni ya ngoro jenyu kubhetia luitikijio. ¹⁸Nibhasemba iti muoke na kikolo na mshighi ha lukundo lwakwe. Muoke hena lukundo lwake esa mwidime kumanya,hamwe na bhose bhaitikijia, bhundu kuarama na bhueza na kuringana na udingiriri wa lukundo wake Kristo. ¹⁹Nibhasemba iti mtisibhe bhubaha bhwa lukundo lwake Kristo,elo lukela kutisibha.Muhire ibhyo esa mwizujwe na bhukididi bhwose bhwake Izubha.²⁰Na iki hena ye eidima kuhira kila kindu ,kukela bhyose tuohotubhiemba,kana bhila tugheshijia, kubhetia zinya yakwe ihira ndima ndeni yetu, ²¹Hakwe ye haoke na kirumi ndeni ya nyumba ya itasi na hena Kristo Yesu henaluzungu lwose ndarasi na ndarasi.Esae.

¹Hena hubho, kicha mchungwa hena wanga ya mfumwa, nabhasemba msele kuringana na kuitangwa ekwo Izubha ebhaitanga. ²Mwiikae hena kubaika kubaha na kuhoiya na lugumirio. Mkiuhiana hena lukundo. ³Hireni lunyariki kurinda bhumwe bhwa Ngoro hena kichungo cha lubhoro.⁴Hena muri mmwe na Ngoro mmwe, sa bhundu ebhwo mookie muitangwe hena bhukididi bhwa kubhariria kumwe kwa kuitangwa kwenyu. ⁵Na hena mmwezu, luitikijio lumwe, kujikwa kamwe, ⁶Na Izubha mmwe na Papa wa bhose. Ye eho wanga bhyose, na hena na ndeni bhyose.⁷Hena kila mmwe wetu aingwakiingwa kuringana na kiinengeno cha kiingwa chakwe Kristo. ⁸Ni sa bhundu kiteto kighamba ;''Ekweiye wanga mno, erongorie maruo hena uruo.Akabhainga bhandu kiingwa.''⁹Ni kughambaze ''kukwea'' esibhwo iti eseiye bhulabhula mbai ya sii ya isanga / ¹⁰Yee ula eseiye ni mndu ulaula eye bhulabhula ekweiye hae wanga ya majumbi mose.Ehirie hubhu esa kuoka kwake kuoke hena bhindu bhyose.¹¹Kristo engolie bhiingwa sa ibhi ;bharuo, bharoti, bhandumi, bharisha,na bhalosha. ¹²Ehirie hubhu kubha idimisha bhaitikiji hena wanga ya ndima ya bhuhiri, hena wanga ya kuareha muri wake Kristo. ¹³Eho ehira hubhu mhaka swi bhose tubhikie bhumwe bhwa luitikijio na macha ma mwana wake Izubha .Ehira hubho mhaka tuidime kukua sa bhala bhefikie kufikia kuringana na Kristo.¹⁴Hubhu ni iti tusioke wa sa bhana, tusitoroshwetoroshwe kununa kula.Esa iti tusitikwe ni ngungu yoyose ya ilosha hena mihiro ya bhandu hena macha ma kukenga meguiye. ¹⁵Mbai na hubho tunereteta kididi muno hena zia jose ndeni yake eye niye mtwi, Kristo. ¹⁶Kristo aguranisha,hena bhumwe,muri wose wa bhaitikiji .Waguranishwa hamwe na kila irungo neesa muri wose uehe na kukuehija wo mjenye hena lukundo.¹⁷Hena hubho, naghamba hubhu, na bhasemba hena mfumwa; msisele waa sa bhandu bha maisanga bhundu bhesela hena bhunyamari bhwa bhuongo bhwabho. ¹⁸Bhagerwa kija hena magheshijio mabho.Bhakinywa kufuma hena moo wakwe Izubha wanga ya bhutukuzi bhuoho ndeni yabho hena wanga ya kudinda ha ngoro jabho. ¹⁹Bhesigurwa na soni.Bhakuingija bhenye hena bhusoki hena mihiro mibhibhi,hena kila mihiro ya ndambi.²⁰Kake, hubhu esibhwo mkuloshiye kufuma hakwe Kristo. ²¹Nioho nigheshijia iti msikie kufumana naye.Niosha iti mwaoka mkiloshwa hena yee,Sa iti nikididi choho ndeni yake Yesu. ²²Mhaka mngole bhindu bhyose bhitongana na mitongire yenyu ya kae, bhundu bhwa kae .Ni bhundu bhwa kae bhubhowa hena amu ya milakolako ya maongo.²³Ngoleni kibhandu chenyu cha kikae esa muarehwe kibhusha hena ngoro ya bhuongo bhwenyu. ²⁴Hireni hubhu esa mwidime kudoka kibhandu bhusha, kitongana na Izubha .Walungwa hena kuinara na bhuzeri bhwa kididi.²⁵Hena hubho, bhika hae bhukengi ''teteni kididi, kila mmwezu na latia wake,''kuoka iti tu bhashighari bha kila mmwe na mghenji wake. ²⁶Muoke na oro ,kake musihire ng'oki.''Zano lisisee mreho na oro jenyu. ²⁷Msimwiinge mkeleki nyerere.²⁸Mundu wowose ehibha asirehibhe wa.Mbai na hubho ni mhaka ahire ndima. Ahire ndima eyo ina mbucha maghaza makwe nesa aidime kumhiria mndu ula eenda lughenjo. ²⁹Mitetire mibhibhi isifume momoni henyu. Mbai na hubho bhiteto mhaka bhifume hena momo jenyu bhiinare lughenjo,kubhainga makumbio bhala bheho bhesikija . ³⁰Namsimbae Ngoro, mshenete wake Izubha. Ni hena ye iti mwabhikiwa bhuhuru hena wanga ya msi wa kukijwa.³¹Mhaka mubhike hae lubhabho lwose, kinyongo , oro, kukarambana,na bhirigho, hamwe na mihiro yose mibhibhi.Okeni bhedi nywi hena nywi. ³²Muoke na lusario.Mshighiane nywi hena nywi, sa bhundu Izubha hena Kristo ebhashighie nywi.

¹Hena hubho muoke bhandu bha kumwatera Izubha, sa bhana bhake bhakundwa. ²Msele hena lukundo, bhulabhula sa bhundu Kristo etukundie swi, ekungolie mwenye hena wanga yetu. Ye eokie too itasi na akahololia ,kuoka mbungo yedi ya kumuizirija Izubha.³Bhushindi na kujirara kwokwose na mlakolako mbhibhi bhisirangwe ghati yenyu, sa bhunduikundikane hena bhaitikiji, ⁴Na bhubhibhi bhusirangwe,bhiteto bhya bhutukuzi,kana bhutani bhwa kumseje ,ebhwo esi hubho mbhai na hubho haoke na haika.⁵Muidima kuoka na bhukididi iti hena bhushindi, kujirara, kana eye eneoka na luso uo mundu wa ngoma, esina kusamwa kwokwose henakifumwa chakwe Kristo na Izubha. ⁶Mundu wowose asibhakenge hena bhiteto bhituhu,hena bhindu ibhyo oro yake Izubha izie wanga ya bhana bhesina nganyi. ⁷Hubhousioke hamwe nabho.⁸Kuoka nywi mboko mwookie kija,kake iki mwaoka kiangaji hena Izubha. ⁹Hena kuoka maduda ma kiangaji mekomboghanya bhwedi bhwose,bhuinari na bhukididi. ¹⁰Endeni kila echo kimuizirihija hena mfumwa. ¹¹Hasioke mgurano hena ndima ja kija ejo jisina maduda.Mbai na aho jibhikwe mwaji. ¹²Amu mihiro eyo ihirwa mbisoni ni soni muno hata kubhutinda.¹³Bhindu bhyose bhikanajughuiwa na kiangajibhioka mwaji, ¹⁴Hena kuoka kila kindu echokinerejughuiwa kinaoka hakiangaji.Hubhu nikughamba hubho,''Bhuka,we ushinjie,imuka kufuma hena bhefuye .Hena Kristo ekuangajia''.¹⁵Hubho muoke meso hena bhundu muoho mbhata, esi saa bhandu ebho bhesichee kake bhechee. ¹⁶Kijeni ighri kuoka iti igheri ili ni la bhunyamari. ¹⁷Msioke bhatukuzi, kake, mtisibhe nikini lukundo lwa mfumwa.¹⁸Msiengee hena bhuengeji bhukumbia mbunyamari,kake muizujwe ni Ngoro mshenete. ¹⁹Mubhurane hena mmwe wenyu hena zaburi na luisiso na tenzi ja Ngoroni. Bhineni na muisise hena ngoro hena mfumwa. ²⁰Igherilose ngola haika hena bhindu bhyose hena izina lake Kristo Yesu mfumwa wetu hena Izubha Papa. ²¹Kungoleni nywi bhenye kila mmwezu na ungi hena nganyi yakwe Kristo.²²Bhache ,kugolieni hena bhome bhenyu, sa hake mfumwa. ²³Kuoka iti mume ni mtwi wa mche , sabhundu Kristo eye ni mtwi wa nyumba ya itasi ni mkija wa muri. ²⁴Kake akija nyumba ya itasi sabhundu yoho si ya Kristo, bhulabhula bhache ni muhaka bhahire hubho hena bhome bhabho hena kila kindu.²⁵Bhome, bhakundeni bhache bhenyu sa bhundu Kristo eikundie nyumba ya itasi na akakungola yemwenye hena wanga yake. ²⁶Ehirie hubho nesa lioke na msheneto. Elizerije hena kulioja na mbombe hena kiteto. ²⁷Ehirie hubho nesa iti aidime kukufunyirija ye mwenye hena nyumba ya itasi la kirumi, elo lisina idoa na ngoji kana kindu kiringanyishwe na ibhyo kake ni izeri lisina itekwa.²⁸Hena zia ilaila bhome bhekundikane bhabhakunde bhache bhabho sa miri yabho .Ula emkundie mche wake ekukundie yemwenye. ²⁹Hesina hata mmwe esuiye muri wake.Kake ,euinga kijo na kuukunda, sa Kristo bhundu bhulabhula eikundie nyumbayya itasi. ³⁰Kuoka swi, ni bhaisi bha muri wake.³¹''Hena hubho mndume emshigha bhabhe na mee na agurane na mche wake, na abho bheri bheoka muri mmwezu''. ³²Ubhu bhukididi bhookie bhwebhisike.Kake nioho nighamba wanga ya Kristo na nyumba ya itasi. ³³Kake kila mmwezu wenyu mhaka amkunde mche wake sa mwenye,na mche ni mhaka amuinge nganyi muake.

¹Bhana ingeni bherebhabhona bhenyu nganyi hena mfumwa, amu hubhu ni kuinara. ²''Muingeni nganyi bhabheo na iya wako ''[Amu ii nilo iaghanyo la kubhoka elo lina kubhariria], ³''Nesa ioke lusario henyu na muidime kuika na moo mueza wanga ya isanga.''⁴Na nywi bhapapa, msibhaibhite bhana na kubhainga bhaoke naoro,kake bharereni hena kubhaaghanya na miezerije yake Mfumwa.⁵Nywi bhazoro okeni bhanganyi hena bhanganyi bhenyu aha isangeni hena nganyi mbaha na kudedema hena kufoleka kufuma ngoroni henyu.Muoke bhanganyi habho sa bhula mumuinganganyi Kristo. ⁶Kubaika kwenyu kusioke tiki nihena igheri bhanganyi bhenyu bheehobhebhayoa nesa kubhahizirija.Kake okeni bhanganyi sa bhazoro bhake Kristo. Hireni mikundire yake Izubha kufumia ngoroni henyu, ⁷Bhahirieni hena ngoro jenyu jose, kuoka iti muohomumuhiria mfumwa na siiti ni bhandu, ⁸Mkundikane kutisibha iti hena kila ihiro ledi mundu elihira, euhia kiingwa kufuma hena mfumwa ,ikaoka ni mzoro kana mundu mhuru.⁹Na nywi bhafumwa hireni hubhohubho hena bhazoro bhenyu.Msibhakangishe mkitwarija iti ye eye Mfumwa wa bhose ni ula eeho majumbini. Mkitisibha iti hesina kukundiwa ndeni yakwe.¹⁰Ukwande ,muoke na zinya hena mnganyi na hena luidimo lwa zinya jake. ¹¹Dokeni nareta jose jakwe Izubha, nesa muidime kukinda mihiro jakwe mkeleki.¹²Kuoka ibhoo letu esi la sakame na nyama kake ni wanga ya bhuitori na luidimo hena ngoro na bhuitori bhwa isanga la bhunyamari na kija, wanga ya mbepo hena handu ha majumbi. ¹³Hena hubho, Dokeni nareta jose jake Izubha, nesa muidime kuimuka nezo wanga ya bhubhibhi hena igheri ili libhibhi.Ukwoade mkakenjija kila kindu, muimka nezo.¹⁴Ahwade imukeni nezo.Hireni hubhu mati ma kuoka mchungie luzighi hena kididi na bhuinari mbafuni. ¹⁵Hireni hubhum mkioka mdokie uringani maghuni henyu bhwa kuchila bhuchili bhwa lubhoro. ¹⁶Hena kila zia mkiuhia mbongo wa luitikijio, ewo ukuidimisha kujima mivi yake ula mbhibhi.¹⁷Dokeni kirinji cha lukio na ipanga lwa Ngoro, ewo ni kiteto chake Izubha. ¹⁸Hamwe na matasi na seso.Taseni hena Ngoro kila ighri. Hena kubhonekana uku okeni bhakukurinda kila igheri hena lugumirio lwose na matasi hena wanga ya bhaitikiji bhose.¹⁹Taseni hena wanga yangu, nesa niingwe ndumi igheri niohonijughua momo wangu.Taseni iti nitwarijishe hena ng'iria kididi kibhisike kiluma bhuchili. ²⁰Ni hena wanga ya bhuchili mi ni mndumi echungiwe minyororo, esa iti ndeni yabho nighambe hena ng'iria sa bhundunikundikane kughamba.²¹Kake nywi bhulabhula mtisibhe bhindu bhyangu na bhundu niohoniendelea, Tikiko mndwetu mkundwa wangu na mzoro mlungiri hena Mfumwa,ebhatisibhija kila kindu. ²²Namtuma henyu hena lubhariria ulu lwambucha, esa iti mtisibhe bhindu kuaterana naswi, aidime kubhashingira ngoro jenyu.²³Lubhoro na luoke hena bhamndwetu,na lukundo hamwe na bhwitikijio kufuma hena Izubha papa na Mfumwa Yesu Kristo. ²⁴Mvono na uoke hamwe na bhose bhemkundie Yesu Kristo hena lukundo lula lusidima kufa.

¹Paulo na Timotheo, bhahiri bhakwe Kristo Yesu hena bhala bhekembiwe Kristo ebho bhenaikaa Filipi hamwe na bhayoi na hamwe na ula eho si ya shemasi. ²Mvono na uoke henyu na lubhoro lwa kufuma hakwe Izubha Papa wetu na Mfumwa wetu Yesu Kristo.³Nioho ningola haika hakwe Izubha wangu igheri nioho ni bhagheshijia nywi bhose. ⁴Kandu kose hena kila itasi langu hena wanga yenyu nywi bhose, ninaoka na luizirihio ighri nioho nitasa Izubha wanga yenyu. ⁵Nina haika nyiingi hena wanga ya mgurano wenyu hena bhuchili kufumia msi wa kubhoka mhaka iyo. ⁶Nina kididi iti ye eye esongeria kuikoromija mhaka msi wa mfumwa Yesu Kristo.⁷Ni chedi hangu kukusikia hubhu wanga yenyu nywi bhose hena wanga iti nabhabhika ngoroni hangu. Amu nywi mwaoka hamwe naiswi hena mvono hena kichungo changu na hena bhuteti bhwa kididi wanga ya bhuchili. ⁸Izubha ni kididi wangu, bhundu nioho na kufoleka wanga yenyu bhose hena bhundeni bhwa lukundo lwa Kristo Yesu.⁹Na nioho nitasa iti; lukundo lwenyu lukumbike kukela hena macha na bhutisibhi bhwose. ¹⁰Nioho nitasa hena wanga ya iki iti muoke na luidimo lwa kuineng'ena na kusabhura bhindu ebhyo ni bhyedi kukela bhula nioho nibhatasia nesa muoke na bhuzeri ebhwo bhusina bhubhibhi bhwo bhwose hena msi wakwe Kristo. ¹¹Na bhulabhula neesa muizujwe ni iduda la bhwedi elo linauhiwa kufuma hakwe Yesu Kristo, hena kirumi na kumuisisa Izubha.¹²Iki bhamndwetu, nikundie mtisibhe iti, bhindu ebhyo bhifumirie hangu bhya keta bhuchili bhuarie muno. ¹³Nicho iti bhichungo bhyangu hena Kristo,bhyatisibhikana hena bharindi bha ngondi mbaha bhose na hena kila mundu. ¹⁴bheengi bha bhamndwetu bhena bhuitikiji kukela hena Mfumwa, hena wanga ya mikwa ya menya yangu, nabho bhena ng'iria hena kuchila kiteto chake Izubha bhekioka bhesina fole.¹⁵Bhatare kididi bhena mtinda Kristo hena kuuma na kufuta na kubighanisha, na bhulabhula bhengi hena mabhwedi. ¹⁶Bhala ebho bhenamtinda Kristo hena lukundo bhetisibhe iti nabhikwa aha hena wanga ya kuchilia wanga ya bhuchili. ¹⁷Kake bhengi bhena mchila Kristo hena mikundire yabho na magheshijio mabhibhi.Bhena gheshijia itibheho bheete bhwasi hangu hena mikwa ya menya yangu.¹⁸Hena hubho nisiituka, hata ikoka nzia niya kucheiya kana niya kididi, Kristo eeho echilwa, hena iki nioho niizirihiwa nihubho ninere izirihiwa. ¹⁹Hena iti nitisibhe iti iki kinereete kuchunguiwakwangu. Kiindu iki kinerefumiria hena wanga ya kutasa kwenyu na hena lughenjo lwa Ngoro wake Yesu Kristo.²⁰Kuringana na mibharirie yangu ya bhukididi na kididini iti, nisinerebhona soni.Mbai yake,hena ng'iria yose, na sabhundu ebhwo misiyose na iki, nibharirie iti Kristo enere bhushijwa hena muri wangu, ikaoka ni hena bhumoo kana hena kifwa. ²¹Amu niiti hena wanga yangu mi, kuikaa moo ni Kristo na kufwa ni mbucha.²²Kake, ikioka kuikaa moo hena muri ni kumogha iduda hena ndima yangu, hena hubho nisitisibhe ni kihi cha kusabhura/ Nisitisibhe. ²³Amu nioho nishindikwa muno na magheshijio amameeri. Nina nyami ya kushigha muri uu neesa nioke hamwe na Kristo, kindu echo nioho ni bhona ni chedi muno kukela. ²⁴Nakiba, kushighwa hena muri uu ni kindu cha mbucha muno hena wanga yenyu.²⁵Kuoka iti nina kididi wanga ya iki, nitisibhe ninere shighwa hena kusongeria hena hamwe nainywi bhose, hena wanga ya matasi na luizirihio hena bhuitikiji bhwenyu. ²⁶Na iki kinereete luizirihio lubaha hena henyu hena Kristo Yesu, amu niiti hena wanga yangu henerekumbika, hena wanga ya kuoka kwangu wa hamwe nanywi ²⁷Mkundikane kuikaa hena miikare yenyu hena mitongire jedi eyoiinare bhuchili bhwake Kristo, hireni hubho nesa nesa nikaza kubhabhona hai nasaza, nisikie iti muoho muimuke nezo hena ngoro mmwe, muoho muhira makerakerano hena bhuitikiji bhwa bhuchili hena bhumwe.²⁸Niiti msikangishwe ni kindu chochose echo kinahirwa ni bha ring'a bhenyu. Iki habho ni fwana ya bhunyamari. Kake henyu ni fwana ya lukio kufuma hakwe Izubha. ²⁹Amu niiti nywi mwaingwa bhesho hena wanga yakwe Kristo, esi kumuitikijia tiki kake na kuilimanywa bhulabhula hena ye. ³⁰Amu muhete kukarambana kulakula sabhundu mubhonie hangu na msikie iti nihete mhaka iki.

¹Ikaoka iti hena kugerwa ngoro hena Kristo, ikaoka iti hena kushingirwa kufuma hena lukundo lwake, ikaoka hena mgurano wangoro,ikaoka hena lusario na kishighiwa. ²Koromijieni luizirihio lwangu hena migheehijire mimwe mkioka na lukundo lumwe mkioka bhamwe hena ngoro, na mkioka na mibharirie mimwe.³Msihire hena kukundia na kukukfutula. Esibhwoiti ni hena kubaika mkibhabhona bhengi ni bhedi kubhakela nywi. ⁴Kila mwezu wenyu asiyowe tiki mikundire yake mwenye, kake bhulabhula asarie mikundire ya bhengi.⁵Muoke na migheshirije saila eyo Kristo Yesu eoho nayo. ⁶Hata akija yee ni sa Izubha. Kake esikubhonie kula kuoka sa Izubha nikindu cha kuidima kugurana nacho. ⁷Ade yakwe ekusejie ye mwenye, eonjie fana ya mndumi. Akakufunyirija hena fana ya kimundu. Akabhonekana sa mundu. ⁸Ye ebaike na aka kuosha mnganyi mhaka kifwa, kifwa cha kigingi.⁹Hubho ra Izubha embhushije muna. Ekamuinga izina libaha libhetie kila izina. ¹⁰Eketie hubho nesa iti hena izina lakwe Yesu kila ikunguro muhaka likondeke.Makunguro mabhala bheeho majumbini na bhala bheeho wanga ya isanga na si ya teri. ¹¹Niiti eketie hubho nesa iti kila lumi nimhaka luitisie iti Yesu Kristo ni mfumwa, hena kirumi chakwe Izubha Papa.¹²Hena hubho niiti bhakundwa bhangu sabhundu mna baika misi jose esiitini igheri nioho hamwe nainywi kake iki ni muno igheri nisiho nainywi mukundikane muoke na lukio lwenyu bhenye hena kufoleka na kudedema. ¹³Hena kuoka iti ni Izubha eye ehoehira ndima ndeni yenyu, nesa kubhaidimisha kuoka na magheshijio mamwe makuhira bhindu bhila ebhyo bhimuizihija ye.¹⁴Hireni bhindu bhyose msioke na madughunyiko na kukarambana. ¹⁵Hireni hubho nesa iti msidughunyikiwe na muoke bhana bhakwe Izubha bhenanganyi bhesina kudughunyikiwa. Hireni hubho nesa iti muoke na kiangaji cha isanga, hena luzungu lwa bhunyamari na bhubhibhi. ¹⁶Kigureni muno kiteto cha bhumoo nesa iti nioke na kindu cha kumuisisa musi wakwe Kristo, wa ninetwarija iti nisi matuke bhesho na nisiangajike bhesho.¹⁷Kake hata kicha niohoniitishwa sa masho wanga ya inoolaitasi na bhuhiri bhwa bhuitikiji bhwenyu, niizihiriwa, na niizihiriwa hamwe nanywi bhose. ¹⁸Bhulabhula na nywi bhulabhula muoho muizirihiwa na muiizirihiwa hamwe nami.¹⁹Kake nina luing'idaki hena Mfumwa Yesu kumutuma Timotheo henywu ubhu afuhi, nesa iti niidime kugerwa ngoro nikazakutisibha bhindu bhenyu. ²⁰Hena kuoka nisina ungi eye ena mayowa sa make, enamibharirie ya kididi hena wanga yenyu. ²¹Bhengi bhose ebho niki bhainga mndumi henyu bheeho bheenda bhindu bhyabho bhya kukukundia tiki, na esi bhindu bhyakweYesu Kristo.²²Kake muitisibhe mbucha yakwe. Hena iti sa bhundu mwana eoho emuhiria bhabhe, nihibho hubho emuhirie hamwe nami hena bhuchili. ²³Hena hubho ninalusiligi kumutuma maungwangu igheri tiki niretisibha nikini kinerefumia hangu. ²⁴Kake nihete kididi hena Mfumwa iti mi mwenye bhulabhula ninereza ubhu afuhi.²⁵Kake nioho nigheshijia ni bhumbucha ani kumuhundua henyu Epafradito. Yeni mundwetu na muhiri ndima mghenji wangu na mrindi mghenji wangu, mndumi na mhiri wenyu hena wanga ya mikundire yangu. ²⁶Hena hubho eokie na kufoleka na ekundie aoke hamwe nanywi bhose, hena iti msikie iti eokie muaji. ²⁷Amu nikididi eokie muaji muno kihindi cha kufwa. Kake Izubha emsarie, na bhwedi ubhwo bhusiokie wanga yakwe tiki, kake bhulabhula bhwookie wanga yangu, nesa iti nisioke na kihebu wanga ya kihebu.²⁸Hena hubho na muhundua henyu hena mausara bhundu iidimika, nesa itiigheri munere mbhona wa muidime kuizirihiwa nami igheri ninereoka nangolwa kukangika. ²⁹Muanjeleni Epafradito hena Mfumwa hena luizirihio lwose. Bhaingeni nganyi bhandu sa ye. ³⁰Hena kuoka yeokie hena wanga ya ndima yakwe Kristo iti efikie hafuhi kufwa, egerie bhumoo bhwake handenga nesa kunikija mi na akahira kila echo musikiidime kuhira hena kunihiria mi amu mohohae nami.

¹Adeyakwe,bhamndwetu izirihiweni hena Mfumwa. Nisibhona kukangishwa kubhatamia waa bhiteto bhilabhila. Ibhi bhindu bhinerebhafika lubhoro. ²Kurindeni na nguro. Kurindeni na bhahiri ndima bhabhibhi, Kurindeni na bhala bhekuchwua miiri yabho. ³Hena kuoka swi nibho kitabhani. Swi nibho tunaoka tumtasa Izubha hena lughenjo lwa Ngoro. Tukikufutia hena Kristo Yesu, na ebho tusina ng'ria hena muri.⁴Hata hubho, kicha hekioka na mundu wa luing'idaki lwa muri uu, mi nikiidima kuhira hubho kukela. ⁵Hubhu nitabhanwe msi wa kanane, nibhoneke hena mbare ya Bhaisrael. Ni wa mbare yakwe Benjameni. Ni Mwebrania wa bhaibrania. Hena kukoromijia bhuinari bhwa sharia yake Musa, neokie, Mfarisayo.⁶Hena kukutata kwangu niangajie bhandubha iyanda lake mzuri. Hena kubaikia bhwedi bhwa sharia, neseokie na idoa la kulahwa hena bhukissharia. ⁷Kake hena bhindu bhyose ebhyo nibhibhonie iti bhina mbucha hangu mi, nibhitarie sa bhujirari hena wanga ya kumtisibha Kristo.⁸Hena kididi, nioho nibhitara bhindu bhyose kuoka kutesha kufumana naiti ni bhwedi hena kumtisibha Kristo Yesu Mfumwa wangu. Hena wanga yake nashigha bhindu bhyose, nabhitara saiti ni bhujirari nesa nimuuhie Kristo. ⁹na wa nibhonekane ndeni yakwe. Nisina bhwedi ndeni ya mikundire yangu. Hena kufumia hena sharia, kake nina bhukididi ebhwo bhunafumana na bhuitikiji hena Kristo, ebhwo bhunafuma hakwe Izubha,ye eye muimusha hena bhuitikiji. ¹⁰Hena hubho iki nikundie kumtisibhija ye ena zinya ya bhufufulo bhwake, na ni mmwezu wa bhubhwasi bhwake, nikundie kukoranywa ni Kristo hena fana ya kifwa chakwwe, ¹¹Nete niidime kuoka na mibharirie hena ufufulo wa bhala bhefuiye.¹²Esi kididi iti naidima kuuhia bhindu ibhyo, kana iti naoka wedi hena ibhyo. Kake nioho nikutata nesa niidime kuuhia kila echo kifumane na Kristo Yesu. ¹³Bhamndwetu, nisioho nigheshijia iti naidima kuuhia bhindu ibhi.Kake nioho nihira kindu iki kimwe; nakuibhaja bhibhetie na nibhiyowe bhyoho msongorana. ¹⁴Nioho nikutata nesa nifikie mibharirie neesa niuhie kiringo cha wanga cha kuitangwa chake Izubha hena Kristo Yesu.¹⁵Bhose ebhwo twaheijwa halukio, ituinari kugheshijia saa ubhu. Na ikaoka ungi egheshijia hena kibhungi kuatera kindu chochose, Izubha bhulabhula enerelijughua ilo henyu. ¹⁶Hata hubho, bhueza bhula ebho twafika na tutonge hena mwikare uho.¹⁷Bhamndwetu, nitamaiyeni mi bha yoweni hena bhuaria bhala ebho bheeho bhena mitongire ya fana eyo sayetu. ¹⁸bheengi bhenaikaa mooni bhala ebho kandu keengi nioho nibhabhura, na iki nabhabhura hena masoji meengi bhena ikaa, saiti ni bharing'a bha kubhambwa kwakwe Kristo. ¹⁹Lukoromijio lwabho ni lwa bhunyamari hena iti Izubha wabho ni ndeni, na kukukweja kwa bho kuoho hena soni yabho.Bheeho bhegheshijia bhindu bhya isanga .²⁰Kake bhuisanga bhwetu bhuoho wanga, eho tumbharirie mkija wetu Yesu Kristo. ²¹Eneregharusha miiri yetu minana kuoka sa muri wake wa bhuzeri; hena luidimo lula lula elwo lukinda bhindu bhyose.

¹Hena hubho bhakundwa bhangu, ebho nina ngiru nainywi, ebho nina luizirihio hena kiringo changu. Imukeni nezo hena Mfumwa, nywi bhambuyaa bhangu. ²Nioho nikusemba we Eudia, bhulabhula nioho nikusemba we Sintike, mhunduwe mgurano wa lubhoro ghati yenyu, hena bhula nywi, bhose bheri mugurane na Mfumwa. ³Hena kididi, nibhasembie bhulabhula nywi bhahiri ndima bhaghenji bhangu, mubhaghenje abha bhache hena kuoka iti bhetumike hamwe na mi hena kuaria kiteto chakwe Mfumwa tukioka hamwe na Kelementi hamwezu na bharuo bhengi bhakwe Mfumwa, ebho mazina mabho matamwa hena idafa la bhumoo.⁴Izirihiweni hena Mfumwa misi jose, nighamba waa ,izirihiweni. ⁵Kuhoia kwenyu kutisibhikane hena bhandu bhose, Mfumwa eoho hafuhi. ⁶Msikuangajikie hena kindu chochose. Ade yake hireni bhindu bhyenyu bhyose hena zia ya kutasa na kungola haika. Na mikundire yenyu itisibhikane hakwe Izubha. ⁷Hubho lubhoro lwake Mfumwa elwo luoho lubaha kukela magheshijio mose, lunererinda ngoro na magheshijio menyu hena lughenjo lwake Kristo Yesu.⁸Nibhwo, bhamndwetu; gheshijieni muno bhindu bhyose ebhyo bhina kididi, nganyi, bhwedi, bhuzeri, lukundo, na bhila ebhyo bhina rebho jedi, eyo ina bhwedi, hamwe na bhila ebhyo bhikundikane kuisiswa. ⁹Hireni bhindu bhila ebhyo mkuloshie, ebhyo mubhi uhie ebhyo mbhisikie na ebhyo mbhibhonie kufuma hangu na bhulabhula Papa wetu wa lubhoro eoka nanywi.¹⁰Nioho na luizirihiyo lubahamuno wanga yenyu hena Mfumwa hena kuoka iti nywi mwabhonyanya wa kuoka na magheshijio ma kukuguranisha kwenyu wanga ya mikundire yangu hena kididi, aho mboko mwekundie kunitara hena mikundire yangu hata akija ,msipatie ngalo ya kunighenja. ¹¹Nisioho nighamba hubho nesa nioshole kindu hena wanga ya mikundire yangu amu nikuloshije hena kuringania hena zia jose. ¹²Nitisibhe kuika moo hena bhundu bhwa kuduhukiwa na bhulabhula hena bhundu bhwa kuoka na bhiingi.Hena handu hose ibhi mi na kulosha kobhe ya zia nyingi ya kula hena igheri la zaa, hena bhiingi na kuoka mundu wa kukunda. ¹³Niidima kuhira ibhi hena kuidimishwa niye eye enanigera zinya.¹⁴Hata hubho, mketie chedi kugurana nami hena bhwasi bhwangu. ¹⁵Nywi bhafilip mutisibhe iti mboko ya bhuchili igheri nifumie Makedonia, hesina nyumba ya itasi eyo iniidimishe hena bhindu ebhyo bhinafumana na kungola na kuuhia esibhwo niiti ninywi bhenye tiki. ¹⁶Niiti igheri neokie Thesalonike, nywi muniingijie lughenjo kukela kandu kamwe hena wanga ya bhila ebhyo nekundie. ¹⁷Nisioho nighamba iti nioho nienda lughenjo. Kake nioho nighamba nesa mubhone maduda emo meete makumbio henyu.¹⁸Nauhia bhindu bhyose, naiki naizujwa bhindu bhingi. Nauhia bhindu bhyenyu kufuma hakwe epafradito ni bhindu bhyedi bhina mbungo iikae sa mithiri, ebhyo bhina kuitikijiwa ebhyo bhyose ni itasi elo limuizirihija Izubha. ¹⁹Hena wanga ya iyo, Izubhawangu enerebhaizuja mikundire yenyu hena bhuzuri bhwa kirimi chake hena Yesu Kristo. ²⁰Iki hena Izubha na Papa wetu uoke na kirimi ndarasi na ndarasi. Esae.²¹Ngezia jangu jimfikie bhaitikiji bhose hena Kristo Yesu. Bhakundwa ebhwo nioho nabhwo aha bhabhakezija. ²²Bhulabhula bhaitikiji bhose aha bhabhakezia, Munomuno bhala bha luzungu lake Kaisari. ²³Na iki mvono wake Mfumwa wetu Yesu Kristo uoke na ngoro jenyu.

¹Paulo Mruo wakwe Yesu Kristo hena lukundo lwake Izubha na Timotheo Mndwetu. ²Bhaitikiji bhandu bhazeri bhake Izubha na bhamndwetu bhazeri,hena Kristo ebho bheho kolosai. Mvono uoke henu na lubhoro kufuma hakwe Izubha ³Twoho ngola haika hakwe Izubha,papa wakwe mfumwa wetu Yesu Kristo na twoho tubha ombia igheri hena igheri,⁴Twasikia kuiitikija kwenyu hena Yesu Kristo na lukundo elo mwoho nalwo hena bhandu bhose ebho bheho bhebhengiwe hena wanga ya bhazeri hena Izubha. ⁵Hena kuoka kubhariria hena kididi echo kibhisiwe hena kifumwa wanga yenyu, msikie wanga ya bhukididi kiteto cha bhachili. ⁶Echo kizie henyu, na hena nzia iyoiyo, bhuchili ubhu bhumogha iduda kuaria isanga lose,yokie ikihirika hubho ndeni yenyu kufumia igheri musikie na kutwarija mvuno wakwe Izubha hena kididi.⁷Ubhu nibho bhuchili ebho bhandu mukuloshie kufuma hakwe Epafra Mzuri mghenji wetu eye ni Mrui mkididi wakwe Kristo hena wanga yetu. ⁸Epafra auareha esa utisibhikane hetu lukundo lwenyu hena ngoro.⁹Hena lukundo ulu, kufumia igheri tusioke hubho tusime bundika kubhatasia twosokie tukitasa iti munere izujwa macha mamikundire yakwe hena bhutambaruki bhwose na kujughukiwa kingoro. ¹⁰Twokie tukitasa iti tuneretonga hena nzia ya lugurumio hena mfumwa hena nzia kumwiizija Mfumwa twokie tukitasa mnerebhona maduda hena kila mihiro yedi naiti mneoka hena macha makwe Izubha.¹¹Twoho tutasa mgerwe nzinya hena kila luidimo kuringana na nzinya hena kila luidimo kuringana na zinya ja kirumi chakwe hena lugumirio hena kuitikijia bhose. ¹²Twoho tutasa iti hena luizirio mungola hena papa eye etulungie twoke mbayo hena kifumwa cha bhala bheitikijie hena kiangaji.¹³Atukija hena kuitorwa hena kija na kutusamija akatusamijia hena kirumi cha mwana wakwe mkundwa. ¹⁴Kubhetia hena mwana wakwe tunalukio na kushighiwa ng`oki.¹⁵Mwana ni kibhuri chake Izubha eye esibhonekana mbhonwa wa kubhoka wa kulungwa kwose. ¹⁶Kuoka iti kubhetia hakwe bhindu bhyose bhilungiwe bhila bhyoho hakwe mzuri na bhioho aha masangeni , bhindu bhibhonekana na bhisibhonekana kicha ni cha kifumwa kana bhwitori kana bhorongori kana una nzinya, bhindu bhyose bhilungiwe niye na hena lwake mwenye. ¹⁷Ye eokie kufumia mboko, na kubhetia hakwe bhindu ha kubhoka na mbhonwa wa kubhoka kufuma ghati ya bharefwa hubho ena handu ha kubhoka ghati ya bhindu bhyose.¹⁸Na ye niye mutwi na muri elo ni kanisa, ye niye lubhoko na mbhonwa wa kubhoka kufuma ghati ya bharefwa, hubho, hena handu hakubhoka ghati ya bhindu bhyose. ¹⁹Hena kuoka Izubha eizirihiwe kukoloka kwake kwose kuikae ndeni yake na kuguranya bhindu bhose hakwe kubhetia mwanaake Izubha earehe lubhoro kubhetia na sakame ya msalaba wake. ²⁰Akaguranya bhindu bhyose hakwe mwenye kicha ni bhindu bhya masangeni kana bhindu bhya kifumwa chake mzuri.²¹Nanywi pia hena igheri imwe mwookie mwebhikiwe mbai ni Izubha na mwookie bhabhibhi hena bhuongo na mihiro mibhibhi. ²²Kake iki abhaguranya nywi kubhetia hena muri wake kubhetia kiifwa .Eketie hubhu esa abhaete nywi bhazeri, bhesioho bhelahwa na bhesina idoa hakwe. ²³Kicha mneendelea hena kiitikijio,muimshwe na kuimuka, bila kufunywa hena kila kindu ukiindie hena ng'iria ya bhuchilii mubhisikie. Ubhu nibhwo bhuchili bhichiliwe hena kila kindu kina moo si ya isanga. Ubhu nibhwo bhuchili ebhwo mi paulo, naoka mruo.²⁴ikinohoniisisa mabigho mangu wanga yenyu.Nami nioho nikenjijia kubhetia hena muri wangu kiohokisobheka ghati ya mabigho makwe Kristo wanga ya muri wake, ewo nyumba ya itasi. ²⁵Mi ni mhiri ndima wa nyumba ya itasi kuringana na bhula naingwa kufuma hake Izubha wanga yenyu kukenjijia kiteto chake Izubha. ²⁶Iki ni kididi na mbiso eye yeokie yebhisiwe hena igheri ieza na hena itumbo. Kake iki yajughuiwa hena bhose ebho bheitikijie kubhetia hakwe. ²⁷Na hena bhala ebho Izubha ekundie kubhajughuiya bhundu bhuzuri bhwake bhwa kifumwa cha mbiso ya kididi ghati ya bhaisanga. Ni iti Kristo eho ndeni yenyu,hena ng'iria ya kifumwa echo kizie.²⁸Uu niye tuoho tumbighia ndurere kumuaghanya kila mundu na kumlosha kila mundu hena macha mose tuidime kumuete kila mundu aimuke hena Kristo. ²⁹Nami nioho niengejika hena kiteto icho, nikikutata kuringana na kuhira kwake eye ehohira ndima ndeni yangu hena zinya.

¹Hena kuoka nikundie mtisibhe bhundu niokie na bhwasi bhwingi hena wanga yenyu, hena bhose bheho laodikia na hena bhose ebho bhesimebhona bhosho bhwangu hena muri. ²Niohonihira ndima esa iti ngoro jabho jiidime kushingirwa,hena kuetwe hamwe hena lukundo na hena bhutajiri bhose bhwa bhwingi bhwa bhwakididi kujenye bhwa macha,hena kuitwarija mbiso ya kididi chake Izubha,eye ni Kristo. ³Hena yee mabhiko na macha bhiabhiswa.⁴Niohonighamba hubhu esa iti mndu wowose asireze akabhahiria ubhibhi hena bhuchili bhwake bhunabhusingiriji. ⁵Na akija nisioho hamwezu nanywi hena muri, kake nioho nanywi hena ngoro.Naizirihiwa kubhona miikare yenyu yedi na zinya ja luitikijio lwenyu hena Kristo.⁶Sa bhundumumuhiye Kristo Mfumwa, tongeni hena ye. ⁷Msemwe hena ye, muareghwe hena ye, msemwe hena luitikijio sa bhundu mwaloshwa, na kuchungwa hena haika fanda.⁸Yoweni mno iti mndu wowose asibhagure hena kuteta na bhiteto bhituhu bhya kubhakenga kuaterana na mauhiyo ma bhandu,kuaterana na miimukire ja maisanga ,na siiti kuaterana naKristo. ⁹Hena kuoka hena ye ukoromijo wose wake Izubha unaikaa hena muri.¹⁰Nanywi mwaizujwa hena ye.Ye ni mtwi wa luidimo na bhuitori. ¹¹hena ye bhulabhula mtabhanwe hena kitabhani kisihirika na bhandu hena kungolwa muri wa nyama,kake ni hena kitabhani chake Kristo. ¹²Mjikiwe hamwezu naye hena ubatizo. Na hena zia ya luitikijio hena ye mkabhushwa hena luidimo lwake Izubha,eyeebhabhushie kufuma hena habharefwa.¹³Na igherimuokie mufuie hena matekwa menyu na kusakutabhanwa hena miri yenyu, ebharehe muokemoo hamwezu nayee na kutushighia matekwa metu mose. ¹⁴Engolie kutarwatarwa ha maabho metamiwe , na miikare ilaiokie nabhubhibhi naswi.Eingolie yose na kuibighiria hamsalaba. ¹⁵Ejingolie zinya na bhuitori.Akamabhika mwaji na kumaareha kuoka izumo la kulela hena zia ya msalaba wakwe.¹⁶Hena hubho, mndu wowose asirebhachuiachila nywi hena kula kana hena kunywa, kana kuaterana na msi wa izumo kana mweji msha, kana msi ja matasi. ¹⁷Ibhi ni bhibhuri bhya bhindu bhyohobhiza,kake muri ni Kristo.¹⁸Mndu wowose ula asisokwe kiingwa chake hena kukunda kubaika na hena kumuisisa malaika.Mndu wa mbare iyo inaingia hena bhindu ebhibhonie na kushingirijiwa na magheshijio make ma kimuri. ¹⁹Ye esigurie mtwi.Ni kufuma hena mtwi iti muri wose kubhetia marungo make na mabhindi meguranishwa na maguranishwe hena hamwezu; na menaeha hena maheijo mengolwa na Izubha.²⁰Ikaoka mfuie hamwezu na Kristo hena miikare ja isanga,nize mwikaa sa mohohiria hena isanga; ²¹''Msigure , na msichame, na msireikunde''/ ²²Ama moose mangolwa hena wanga ya bhunyamari bhuzie na mahirio, kufumana na marongorio na malosha ma bhandu. ²³Sharia iji jina macha ma madini jilajiarehwe hena bhubhundu na kubaika na bhwasi bhwa muri.Kake jisina bhwedi wanga ya mlakolako wa muri.

¹Ikaoka ra izubha abhafufua hamwe na Kristo,atereni bhindu bhya wanga eho Kristo eho mkono wakuume wake Izubha. ²Gheshijieni kuringana na bhindu bhya wanga, esi kuringana na bhindu bhya isanga. ³Amu mbucha mfwe hena moo wenyu mwabhiswa hamwe na Kristo ndeni ya Izubha. ⁴Igheri Kristo enerebhonekana eye ni moo wenyu, niho nainywi pia mneoka kubhonekana naye hena kirumi.⁵Hena hubho kurijeni bhindu ebhyo hena isanga yaani bhushindi, kukurara, kuikunari kibhibhi na mbhibhi, na mlakolako,ewo ni itasi la bhibhuri. ⁶Ni hena wanga ya bhindu ibhi maiho make Izubha mezie wanga ya bhana bhesioho baika. ⁷Ni wanga ya bhindu ibhi nainywi mselie nabhyo igheri ghati yabho. ⁸Kake iki ni nhaka mngole bhindu ibhi bhyose. Yaani maiho, oro nia mbibhi, bhirigho, bhiteto bhijirare bhinafuma momoni henyu.⁹Msikengane nywi hena nywi, hena kuoka mwangola bhindu bhyenyu bhya kae na mihiro yake. ¹⁰Mwadoka bhindu bhisha, hena macha kuringana kuriganyishwa na mfano ula eye etulungie. ¹¹Hena macha ama hesina Myunani na Myahudi, kutabhanwa na kusatabhanwa, msomi, eye msomi, mruo, mndu esichungiwe, kake Kristo ni bhindu bhyose hena bhose,¹²Sa ebho bhesabhurwe ni Izubha, bhazeri na bhakundwa, dokeni bhubhandu bhedi, bhuori kubaika, kuhoiya na lugumirio. ¹³Uhianeni nywi hena nywi. Sarianeni kila mndu na mgenji wake. Saa mndu mdungunyiki wanga ya ungi, amshighie hena nzia sabhundu bhulabhula ebho mfumwa ebho etushighe swi. ¹⁴Muno ya bhindu ibhi bhose muoke na lukundo, elo ni mshighi wa kuiitisia.¹⁵Lubhoro lwake Yesu luitore ngoroni henyu ebho ni hena nzia ya luworo eyo muitangiwe hena mwiri mmwe. Okeni na haika. ¹⁶Na kiteto chakwe Kristo kiikae ndeni yenu hena bhwingi. Na bhutisibhi bhose, loshaneni na kuarehiana inywi hena inywi hena zaburi hena macha mose, mkimbhinia Zaburi, na lumbo, na tenzi ja ngoroni. Bhineni na hena kungola haika ngoroni henyu hena izubha. ¹⁷Na chochose mnehira, hena bhiteto kana hena mihiro, hireni mose hena inzina lake mzuri Yesu.Mwingeni haika Izubha papa kubhetia ye.¹⁸Bhache baikeni hena bhome bhenyu sa bhundu imuihizirija Izubha hena mfumwa. ¹⁹Nanywi bhome bhakundeni bhache bhenyu, msioke mkaehe wanga yabho. ²⁰Bhana okeni na nganyi habhaiya bhenyu hena bhindu bhyose,amu nibho bhimuizirija mfumwa. ²¹Bhaghosi msibhasimbie bhana bhenyu nesa iti bhasize bhakabaika ngoro.²²Bharui baikeni habharongori bhenyu hena bhindu bhyose, sii hena mihiro ya meso sa bhandu bha kuhizirija tiki, kake hena lumoo lwa kididi. mwitukeni Izubha. ²³Chochose muohomwihira ,hireni kufuma hamuri wenyu sa hena Mfumwa na si sa hena bhandu. ²⁴Mtwarije iti muhiya maiho ma makuhoja kufuma hena Mfumwa.Ni Kristo Mfumwa muohomumuhiria. ²⁵Hena kuoka wowose ehira mala mesiinare euhiya kuchuiwa chila hena mihiro eyo isinare eyoehiriye,na hesina kukundiwa.

¹Bhafumwa, ngoleni hena bhazoro bhindu bhila bhiinare miikare.Mtisibhe bhulabhula iti mumuhete mfumwa guni.²Okeni nakukudindija hena matasi.Okeni meso hena icho hena haika. ³Mkitutasia hamwezu bhulabhula,esa iti Izubha achungue lungwi hena wanga ya kiteto, kuteta mbiso ya kididi chake Kristo. Hena wanga ya ili nachungwa mikwa. ⁴Taseni iti nidime kuibhika mwaji ,sabhundu inare kuteta.⁵Utoka hena bhutambaruki hena bhala bheho shighati,na mukije igheri. ⁶Bhiteto bhenyu bhioke na mvono igheri lose,na bhigure munyu igheri lose,esa iti mwiidime kutwarija bhundu ibhainare kutalua kila mndu.⁷Hena bhindu bhinibhata mi,Tikiko enebhihira matisibhikane henyu. Ye ni mndwetu mkundwa, mdumi mkididi,na mzoro mghenjiwetu hena Mfumwa. ⁸Namtuma henyu wanga ya ili, iti mwiidime kutisibha bhindu kufumana naiswi, na bhulabhula iti aidime kubhagera lumoo. ⁹Namtuma hamwezu na Onesimo,mndwetu mkundwa mkididi, na mmwezu wenyu. Bhebhabhura kila kindu echokifumirie aha.¹⁰Aristako, mchungwa mghenjiwangu, abhakezia, hamwe na Mariko binamuye wake na Barnaba bhurongori kufuma hakwe, ''ikaoka aza henyu,muuhieni,'' ¹¹Na bhulabhula Yesu eyeeitangwa Yusto. Abha bhajenye nibha kitabhani na nibhahiri ndima bhaghenji bhangu hena wanga ya kifumwa chake Izubha.Bhaoka bhashingiri hangu.¹²Epafra abhakezija. Ye ni mmwezu wenyu na mzoro wake Kristo Yesu.Ye enakudindija misi yose hena matasi hena wanga yenyu esa iti mwiidime kuimuka hena kuinara na kuidimishwa nezo hena mikundire yose yake Izubha. ¹³Hena kuoka nioho nibhabhura,iti eye eho ehira hena lunyariki hena wanga yenyu, hena abhoo bheho Laodekia, na hena ebhoo bheho Hierapoli. ¹⁴Luka ula mrighiti mkundwa,na Dema bheoho bhebhakezia.¹⁵Bhakezieni bhamndwetu bheho Laodikia, na nimfa, na nyumba ya itasi ila lilalioho kaa hakwe . ¹⁶Idafa ili likasomwa henyu bhulabhula lisomwe hamwe na nyumba ya itasi na bhalaodikia,nanywi bhulabhula muitisie muoko mwalisoma ilo idafa kufuma laodikia. ¹⁷Tinda hakwe Arkipo, ''yowa ila ndima eyo waiuhia hena mfuma, iti ukundikane kuikoromija ''.¹⁸Ngezia ii ni hena mkono wangu mwenye.Paulo.Mukumbuke mikwa yangu.Mvono na uoke nanywi.

¹Paulo,Silwano,na Timotheo,hena nyumba ya Izubha ya bhathesalonike hena Izubha Papa wetu na Mfumwa Yesu Kristo . ²Mvono na uoke henyu na lubhoro ifuma hena Izubha Papa wetu na hena Mfumwa Yesu Kristo.³Tuinare swi kumuisisa Izubha misi yose hena wanga yenyu, bhamndwetu .Amu hubhu nibhwo bhundu ituinare, hena kuoka luitikijio lwenyu lueha mno, na lukundo lwenyu hena kila mundu uongejeke habhwingi. ⁴Hubhu swi bhenye twateta hena ng'iria wanga yenyu hena nyumba jake Izubha. Tohotuteta ndumi ya lugumirio lwenyu na luitikijio moho nayo hena bhwasi bhose.Tohotuteta hena ndumi ya bhwasi muohomubhugumiria. ⁵Ii niyo fana ya kuchwachila ya bhukididi yake Izubha.Mafumirio maama ni kuoka nywi mutarwe esa mwiinare kuiingia kifumwa chake Izubha echo hena wanga yake mlabhwasi.⁶hena kuoka ni bhwinari hena Izubha kubhaiha bhala bhebhainga bhwasi nywi, ⁷na kubhainga luizirihio nywi muohomwingwabhwasi hamwezu naswi. Ehira hubhu igheri la kujughuiwa kwake Mfumwa Yesu kufuma wanga hamwezu na malaika bha luidimo lwake. ⁸Hena lubherebhere lwa moto ebhaihija ibhunda ebho bhesimtisibhe Izubha na abho bhesinanganyi habhuchili bhake mfumwa wetu Yesu.⁹Bhelabhwasi hena kukenjijwa ha ndarasi bhekioka bhakembiwa na kibhuri chakwe Mfumwa na usheneneto wa zinya jakwe. ¹⁰Eareha igheri matienereza nesa aisiswe nabhandu bhake na nakuitalishwa nabhose bhaitikijia.Hena kuoka bhumwaji bhwetu henyu bhuitikijiwe henyu.¹¹Hena kuoka hubhu twabhatasia nywi misi yose. Tohotutasa iti Izubha wetu abhatare sa muinare kuitangwa.Tohotutasa iti aidime kukoromija echo kikundie bhwedi na echo ndima ya luitikijio hena zinya. ¹²Tohotutasa bhindu ibhi nesa muuhie kuliisisa izina lake Mfumwa Yesu.Tohotutasa iti muuihie kuisiswa naye, hena kuoka na mvono wake Izubha na wake Mfumwa Yesu Kristo.

¹Iki hena kuza kwake mfumwa wetu Yesu Kriston na kutoranishwa hamwe nesa tuoke naye; tuoho tubhatasia nywi bhamndwetu, ²Iti msiangajishwe nete msiangajike hena kuhanguha,hena ngoro, kana hena mondo kana hena idafa libhonekana hengi lafuma hetu, likighamba kuoka msi wa mfumwa wazaa.³Mndu na asibhakenge hena bhobhose. hena kuoka esinereza nimuhaka kula kugwa kufumirie mboko na mndu wa bhubhibhi ajughuiwe ula mwana wabhunyamari. ⁴Uu niye ekindirija naye hukukweja yemwenye ekimkindirija Izubha na chochose echochohokiisiswa. Na mifumirie yake, inaikaa heena ikanisa lake Izubha na kukubhonyanya yee kuoka sa Izubha.⁵Niiti msiohomkumbuka kuoka matiniokie nanywi nibhabhurie wanga ya bhindu ibhi ⁶iki mtwarije kila echokibhakinda, nesa iti aidime kujughuiwa hena igheri ijenye likafika. ⁷Hena kuoka mbiso yake ula mndu eyee nimbhibhi ehira ndima hata iki, nikila tiki hena eeye emkinda iki muhaka enerengolwa zieni.⁸Niho ula eeye nibhibhi enerejughuiwa ,eye Mfumwa Yesu eneremkoma hena mruke wa momo wake. Mfumwa eneremuosha kuoka esi chochose hena ujughuiyo wa miziiye yakwe. ⁹Miiziye yake ula eyee mbhibhi unereoka hena amu ya ndima yake mkeleki hena zinya jose, mabhonyanyo na maitalijo ma maongo, ¹⁰Na maongo mose bhenye bhukea.Bhindu ibhi bhinereoka hena bhala bhehobheteka, hena amu bhesiuhiye lukundo lwa kididihena wanga ya kukijwa kwabho.¹¹Hena amu iyo Izubha ehoebhatumia handima ina mabhibhi nesa bhaitikijie maongo. ¹²Mifumirie yake ni iti bhose bhenerechwiwa chila ,bhala ebho bhesiitikijie bhukididi kake bho bhenakuhizirija hena bhukea.¹³Kake tukundikane tumuingehaika Izubha kila igheri hena wanga yenyu bhamndwetu bhekundiwe na mfumwa.Hena amu Mfumwa ebhasabhure nywi sa mbonga ya lukio hena kuzerijwa ha Ngoro na luitikijio hena kila kididi. ¹⁴Ichi nicho ebhaitangieni nywi ,Iti kubhetia bhuchili muidime kuuhia kirumi cha ke Mfumwa wetu Yesu Kristo. ¹⁵Hena hubho, bhamndwetu , imukeni nezo.Mgure jila ngolodi jilamloshijwe,hena kiteto kana hena idafa letu.¹⁶Iki, Mfumwa wetu Yesu Kristo yemwenye,na Izubha Papa wetu eyeetukundie akatuinga kuhoijwa ha ndarasi na ng'iria yedi hena wanga ya maisha mezie kubhetia mvono, ¹⁷Abhashingire na aihire kuimka ngoro jenyu hena kila kiteto na ndima yedi.

¹Na iki, bhamndwetu, tutasieni, iti kiteto cha Mfumwa kiidime kuitora na kirumijwe,sa bhundu bhula ukohenyu. ²Taseni iti tuidime kukijwa kufuma hena ubhibhi na bhandu bhakea, hena kuoka swi bhose bhena luitikijio. ³Kake Mfumwa ni enakididi , eye ebhagerazinya nywi na kubharinda kufuma hena ula mkeleki.⁴Tunang'aria hena Mfumwa hena wanga yenyu,iti muhira na muendelea kuhira bhindu ebho tuohotubhabhura. ⁵Mfumwa aidime kubharongoria hangoro jenyu hena lukundo na hena kugurumia hakwe Kristo.⁶Iki tuohotubhaazerija,bhamndwetu, hena izina lake Mfumwa Yesu Kristo, iti kubhikenimbai naula mndwenyu eyee eikaa hamaisha mabhudoko na esi hena kufumana na miikare eyo ahoja kufuma hetu. ⁷Hena kuoka nywi bhenye mtwarije ni mbucha henyu kutuateria swi. Tusiikae ghati yenyu sa bhala ebho bhesiokie na nganyi. ⁸Na tusilie kijoo cha mndu wowose tusime kihia.Mbai yakwe,tuhirie ndima kio na hemsi hena ndima idindie na hena bhwasi,nesa tusiidime kuoka muagho hena wowose hena nywi. ⁹Tuhirie hubhu si hena amu tusina luidimo.Mbai yakwe,tuhirie hubhu nesa tuoke fana henyu, nesa iti mwidime kutuateria swi.¹⁰Igeri tuokie hamwezu nanywi tubhaazerije,''ikaoka mmwezu wenyu esikundie kuhira ndima,na asile.'' ¹¹Hena kuoka tuohosikia iti bhengi bhehobheendelea hena kiru ghati yenyu.Bhesihira ndima kake mbai yakwe ni bhandu bhesina mwatero. ¹²Iki abho nabho tuohotuazerija na kubhaasa hena Mfumwa Yesu Kristo iti mtano bhahire ndima hena kuhoiya na kula kijoo chabho bhajenye.¹³Kake nywi, bhamndwetu, msibaike ngoro hena kuhira emo mehomedi. ¹⁴ikaoka mndu wowose esikundie kubaika hakiteto chetu hena bhudumi ubhu, muoke mwinare naye na msioke na msigurane hamwezu naye, nesa iti aidime kuikunari. ¹⁵Msimuhie sa mbhibhi,kake muaghanyeni sa mndwenyu.¹⁶Mfumwa wa lubhoro yemwenye abhainge lubhoro igheri lolose hena zia jose.Mfumwa aoke nanywi bhose. ¹⁷Ii ningezia yangu,Paulo, hena mkono wangu mjenye, ewo ni lubhano hena kila bhudumi.Hubhu nibho nitamabho. ¹⁸Mvono wake Mfumwa wetu Yesu Kristo uidime kuoka nanywi bhose.

¹Paulo,mchungwa wake Kristo Yesu,na mndwetu Timotheo hake Filemon,mkundwa mbuyaa wetu na muhiri ndima hamwe naswi ²na hake Afia dada wetu,na Arkipas mrinji hamwe naswi,na bhakundwa bhala bhenatorana ha nyumba yako. ³Mvono uoke henyu na lubhoro kufuma hake Izubha Papa wetu na hake mkijaYesu Kristo⁴Igheri lose namuisisa izbha wangu,ninakuranga ha matasi mangu, ⁵amu nasikia kuaterana luitikijio uhete hake mkijaYesu Kristo na lukundo woho nalwo ha bhazeri bhose. ⁶nabhasemba iti bhumwe na luitikijio lwenyu luoke na itasi na kila umaije kuhira halila ledi lioho ghati yetu hake Kristo. ⁷Amu naoka na kuizirihiwa nalumolesha ha lukundo lwako,amu ngoro ja bhazerijwa bhose jaoka jikihoijwa niwe.⁸Hubho kuoka

¹Petro mruo wakwe yesu Kristo ,hena bhadanga bhezarike bhaika hena nzia ya bhugheni hena ponto na Galatia na kapodokia , na Eshia ,na Bithinia , ²sabhundu Izubha Papa ebhoerongore kubhatwarija kuzerijwa ngoro ,nakuidimishwa kuitikija na kumiziwa sakame yakwe Yesu Kristo mvono na lubhoro luongeje yenyu.³Aisiswe Izubha ,Papa Mfumwa wetu Yesu Kristo ,eyehena lusario lakwe luingi etubhonie ndekero ya keri nesatuuhie lumghidaki elo luna bhuzima bhwakubhushwa hena hakeYesu Kristo henabhala bhefue , ⁴

¹Nahubho bhikeni mbai ubhibhi bhose ,kukenga ,kinyongo, kiru,na kufalasha. ²Sa bhana bhadongo ,mkunde mabhee mezerie ma kingoro ,iti kicha mwidima kueha ndeni ya lukio, ³kicha mwachama,iti Mfumwa ni wedi. .⁴Zooni hakwe ye ino lamoo likaa ilo lasuika na bhandu, kake ilo nilolasabhurwa ni Izubha na nilo la mbucha hakwe. ⁵Nanywi hubho ni sa mano mena moo mehomejengwa wanga kuoka nyumba ya kingoro ,iti uoke bhurisha bhushenenete ula ungola itasi la kingoro lilalikundikane hakwe Izubha kubhetia Yesu Kristo.⁶Kitamo kighamba hubhu,''yuwa ,nabhika hena sayuni inoo la mbai ,libaha na lisabhurwe na la mbucha.Wowose eitikijia kubhetia yee esibhona soni.⁷Ena hubho nganyi ni yenyu nywi mnaluitikijio.Kake, '' inoo lilalasuika na bharenjenga ili laoka inoo libaha la mbai '', ⁸Na,''inoo la msadara na lughamba lwa msadara''.Bho bhenamsadara, bhala bhasuwa kiteto ,ha lila elo bhekee bhesabhurwe halo.⁹Kake nywi ni mbare ila isabhurwe, bhurisha bhwa kifumwa, isanga lishenete ,bhandu bha kuitora ena Izubha, esa iti mwidime kubigha ndurere mihiro ya kuitalija ya ula ebhaitange kufuma hakija kuza ha kiangaji chakwe cha kuitalisha. ¹⁰Nywi kubhoka msiokie bhandu ,kake iki nywi ni bhandu bhakwe Izubha . Nywi mwasiuhia lusario,kake iki mwauhia lusario.¹¹Bhakundwa ,nabhasemba sa bhagheni na bharezoka kukuima kufuma hena mlako mbhibhi wa ng'oki, ijo jibighana ngondo na ngoro jenyu. ¹²Mkundikane kuoka na mikare yedi ghati ya bhaisanga ,iti kicha ,bhe bhaghamba esa iti mwahira bhindu bhya matekwa ,bheyua ndima jenyu jedi na kimwisisa Izubha hena msi wa kuza hakwe.¹³Nganyi hena bhuitori bhwa mndu wanga ya Izubha, ikaoka mfumwa nie mbaha, ¹⁴Kicha bharongori bhetumiwe kubhabigha ibigho bhahira mabhibhi na kubhaisisa bhala bheira bhyedi. ¹⁵Amu ni bhakundwa bhakwe Izubha ,iti hakuhira bhyedi nikubhajimsha mitetire yabho yakutukuzia ya bhandu bheimae. ¹⁶Sa bhandu bhashighirijwa ,musiuhirie kushighirijwa kwenyu sa kijibhwa hena mabhibhi ,kake muoke sa bhahiri bhakwe Izubha. ¹⁷Bhaingeni nganyi bhandu bhose.Bhakundeni bhamnduwenyu.Mwitukeni Izubha.mwingeni nganyi Mfumwa.¹⁸Maruo, muoke na kubaika ha bhazuri bhenyu ha nganyi yose ,sitiki habhala bhedi na bhala bhehoie,kake na bhala bhena matekwa. ¹⁹Hena iti niluisiso kicha wowose egumiria mabhabho igheri ebighika esina kuinara ena amu ya igheshijo lake hena Izubha. ²⁰Ni mbucha ani iyoho kicha mwaikaa kuhira ng'oki esa kurateria kubighwa.Kake kicha mwahira bhwedi nicho mbighika ha kulabhwa ,ii luisiso lwedi hakwe Izubha .²¹Ha ili mwitangwe ,ha iti Kristo nae ebighike ha wanga yenyu ,abhashighia fwana ha wanga yenyu mwatere mabhato make. ²²Ye esihirie ng'oki , usibhonekane bhukenga bhobhose hena momo wakwe. ²³Igheri ye erighiwe ,esiunduie bhirigho, habhwasi, esiituke kake ekuingije mwenye hakwe ye elabha hakididi.²⁴Ye mwenye ejibhekie ng'oki jetu ha muri wakwe ha mti ,esa iti tusioke na handu ha kutarwa hena ng'oki, na iti tukaika wanga ya kididi.Amu kubighwa kwakwe nywi mwakia. ²⁵Bhose mweokie mkianga anga sa ng'onji itekie ,kake iki mwahunduka hakwe mrisha na mrinji wa ngoro jenyu.

¹Ha nzia ii, nywi bhala ni bhake mkundikane kukufunya ha bhome bhenyu bhenye ,esa ,icha kicha bhengi bhabho bhesimebika nakitamo,kubhetia ibhanga la bhache bhabho bheidima kujutwa esina kiteto , ²Hena bho bhenye bheoka bhaibhona mikare yenyu yedi hamwe na nganyi.³Ili lihirike si ha midokire ya shighati -kusuka nyui ,vindu bhia dhahabu ,kana midokire ya mafuti. ⁴Kake ikaoka ihirike hena mndu bhwa ndeni ya kingoro ,na kuongeja hena bhwedi bhwa kukuhemberija na kuhoia kwa Ngoro ,ula ni bho mbucha msongorona hakwe Izubha .⁵Hena hubho bhache bhasheneneto bhe kudokije bhajenye hena nzia ii.Bheike na luitikijio hakwe Izubha na bhebhaingie bhome bhabho nganyi bhajenye. ⁶Hena nzia ii Sara emuingie nganyi Ibrahimu na kumuitanga ye ''Mfumwa'' wakwe .Nanywi iki ni bhana bhakwe kicha mkahira mala medi na kicha msiituka mabhibhi.⁷Hena zia iyo iyo, nanywi bhome mkundikane kuikaa na bhache bhenyu mkitisibha iti bho ni bho bhaghenji bha kiche bhanana,mkibhamanya bho sa bhakuhia bhaghenji kiingwa cha umoo.Hireni hubhu esa iti matasi menyu masikindwe .⁸Adee ,nywi bhose, muoke na kindu kimwe ,bhenye lusario ,lukundo sa bhamwe ,bhakubaika ,na bhehoiye . ⁹Msiihe ubhibhi hena ubhibhi ,kana kirigho hena kirigho .Mghongo hakwe ,endeleeni kubhatasia ,hena echo ii mwitangwe ,iti kicha muidima kuhoja itasi .¹⁰Yee enekunda maisha na kubhona msi wedi mtano aukinde lumi lwake hena mabhibhi na momo yakwe kuteta mbhiso. ¹¹Na agharuke na kushigha mabhibhi na kuhira mala medi .Aende lubhoro na kuiyatera . ¹²Meso ma mkija menambhona ula einare na masikio makwe menasikia matasi makwe .Kake bhusho bhwa mkija bhuoho mghongoni ha bhala bhehira mabhibhi.''¹³Ni ani eye edima kubhabhinya nywi ,kicha mwakunda lila ledi. ¹⁴Kake kicha mwabhetia bhwasi mwatasiwa .Msiondoke mala emo bho bhenamaituka .Msioke na kukangika .¹⁵Ukowade yakwe ,mmubhike Kristo mkija haa ngoro yenyu sa msheneneto kila igheri muoke tayari kumtalua kila mndu ebhabhujanya nywi hena kini moho mumutumaini hakwe Izubha. ¹⁶Muoke na maghishijio medi esa iti bhandu bhebharigha maisha menyu medi hakwe Kristo bhaidime kugurasoni hena iti bheteta mghongoni wanga yenyu sa iti mokeye bhahira mabhibhi. ¹⁷Nibhwedi mno kicha Izubha ekundie ,itimwabighika hena bhwedi kukela hena kuhira mabhibhi.¹⁸Kristo nbaye ebighike igheri limwe hena wanga ya ng'oki.Yee ula ni ena kuinara ebighike hena wanga yetu ,bhala tusiokeye tuinare kuinara ,esa iti atuete swi hena Izubha ,efuye ena muri ,kake ehirike mooena ngoro. ¹⁹Ena ngoro ,etongiye na ekighumba ngoro jila jioho kichungoni. ²⁰Jisiokie nanganyi igheri lugumirio lwa Izubha wokiya ukiinda igheri lwa nuhu miisi wa kujenga safina na Izubha akabhakombola bhandu bhatare muri minane kufuma ena mbombe.²¹Ulu ni lughano lwa kubhonwa ulaubhakombola nywi iki, sisa kicha kuoja kujirara kufuma muri, kake kicha itasi la kugheshija bwedi hena Izubha, kubhetia kubhuka hake Yesu Kristo. ²²Yee eho mkono wake wa kuume wake Izubha. Etongiye ha guu. Malaika, kuitora, na zinya mtano mbaike hakwe.

¹Asi bhula Yesu einyalwe hena muri wake ,nywi nanywi kudokeni nareta ya lumoo lula lula, amu ye enyalwe hena muri ashighana na ng'oki; ²Too iki msiikee hena mlakolako wa bhandu ,kake hena mikundire yakwe Izubha ,igheri lenyu washighika wakuikaa aha masangeni.³Amu igheri la moo wetu ula ubhetie watosha kuhira mikundire ya bhaisanga, kutonga hena bhusoki ,na nyami ,na bhuengeji, na ngasu ja kuaka ,na mawa , na itasi la isibhwo ya kididi. ⁴Bhindu ibhiwo bhebhona kuoka iti nibhyaitalisho nanywi kusatonga ungwangu hamwezu nabho hena bhosoki bhula bhula ,bhusina kitore bhekirigha. ⁵Nabho bhenangola matario hakwe ye ekuarehiye kubhachuia chila bhala bheho namoo na bhala bhefuiye. ⁶Hena hubho hata bhala bhefuiye bhechiliwe mburi jedi ,esa bhachuiwe mburi hena muri, sa bhandu bhechuiwe chila bhandu, kake bhaoke namoo hena ngoro sabhundu Izubha eho na moo.⁷Kake tiricho ya bhindu bhiose oho uza. hena hubho muoke na bhuongo bhwa kididi ,na muoke na kubhariria kwedi wanga ya matasi menyu. ⁸Wanga ya bhyose okeni na lunyariki luingi hena kukundana , amu lukundo lunafunikira bhwingi bhwa ng'oki; ⁹Muanjelane bhenye hesina madughunyiko.¹⁰Kila mmwezu ena bhula auhiya kiingwa,hirieni hena kughenjana, sa bharisha bhedi ena mvono wa mbaimbai ena Izubha . ¹¹Mndu akateta ,na atete sa mitetire yakwe Izubha ,mndu akahira ,na ahire hena zinya ejoo etasiwe ni Izubha aisiswe hena bhindu bhyose hena kristo Yesu .Kirumi na luidimo bhimuna ye ndarasi na ndarasi esae.¹²Bhakundwa mstare ighesho elo linaza kubhaghesha sa kindu kigheni , kiba hena kindu kigheni kiekee kifumia yenyu. ¹³kake bhula mwaoka hamwezu hena bhwasi bhwake Kristo ,izirihiweni esa hena kujughuiwa hena kirumi chake muizirihiwe hena kugera ngalala hena kujughuiwa kirumi chake . ¹⁴Mkidughunyikiwa wanga ya izina lake Kristo ,kiba henyu ,kuoka ngoro ya kirumi chake Izubha abhaikaiya .¹⁵Amu mndu wa henyu asiinyalwe sa mkomi,kana muhibhi, kana muhira bhibhibhi sa mundu eye eangajikia bhindu bhya bhandu bhengi. ¹⁶Kake ikaoka ni mkrito asibhone soni, kake amwisise Izubha hena izina ilo.¹⁷Amu igheri lafika la kuchuiwa chila kubhokia hena kaa yake Izubha.Na ibhokia hetu swi ,tiricho yabho ebho bhesioho bhesitikija kiteto chakwe Izubha inereokaze. ¹⁸Na mkididi akakia hena bhwasi,na ula esimtwarije Izubha na mng'oki enerebhonekania hii. ¹⁹Hena bhala ebho bheinyalwa hena lukundo lwakwe Izubha na bhembhikie Izubha ngoro jabho,ena kuhira bhyedi.

¹Nabhasemba bhaghosi bheho ghati yenyu, mi eye ni mghosi mmwewabho na mkididi wa bhwasi bhwake Kristo, na yee bhulabhula ni mmwe hena kirumi kinerejughuiwa. ²Hena hubho noho nibhagera ngoro nywi bhaghosi, mlirinde ifio lake Izubha loho ghati yenyu.Liyoweni ,siiti muoho msingirijwa, kake hena kuoka mukundie hubho, kuringana na Izubha.Liyoweni ,siiti hena kukunda kibala cha soni ,kake hena kukunda. ³Msikuoshe bhafumwa wanga ya bhandu bheeho si ya marindo menyu,kake okeni fana hena ifio. ⁴Hala mrisha mbaha enere jughuiwa, muhiya kiringo cha kirumi kisineretesha bhwedi bhwake.⁵Bhulabhula, nanywi bhabwange bhadori baikeni hena bhabaha bhenyu. Nanywi bhose bhudokeni kubaika na kuhiriana nywi hena nywi, amu Izubha enabha kinda bhala bhenaifuti,kake enabhainga mvono bhala bhebaika. ⁶Hena hubho baikeni sii ya mkono wake Izubha ula wazinya neesa abhabhushije hena igheri lake. ⁷Bhikieni bhwasi bhwenyu wanga yake, amu ebhatarie.⁸Muoke na bhedi, kuyoweni ula mring'a wenyu, mkeleki, sa simba iruruma inyatia, ikienda mndu wa kumbajabaja. ⁹Imukeni mumkinde yee.Okeni na zinya hena luitikijio lwenyu.Mkitisibha iti bhamundu bhenyu bheho masangeni bhebhetia bhwasi sa uwo.¹⁰Hekimeoke na bhwasi hena igheri idori ,Izubha wa mvono wose eye ebhaitange hena kirumi cha ndarasi ndeni yakwe Kristo,enerebhakoromijia na kubhagera zinya. ¹¹Bhuitori bhuoke hakwe ndarasi na ndarasi.Esae.¹²Nonimwitisia Silwano sa mundwetu mkididi, na nabhatamia nywi habhufui kubhetia hakwe.Nibhgera Ngoro na nohonibhashuhudia iti kilanitamiae ni mvono wa kididi wake Izubha. Imukeni ndeni yake. ¹³Bhaitikiji bheho Babeli, bhesabhurwe hamwe nanywii, bhabhakezia, na Marko mwanawangu, abhakezia. ¹⁴Kezianenikila mmwe hena busu ya lukundo.Na lubhoro luoke henyu mohondeni yakeKristo.

¹Saimon Petero mruo na mndumi wake Yesu Kristo ,hena bhala bhemuuhiye luitikijio lulalula lwa mbucha sa bhundu tuluhiye uswi,luitikijio lula lwoho ndeni ya bhuinari bhakwe Izubha mkija wetu Yesu Kristo. ²Mvono na lubhoro luoke henyu luongejeke kubhetia macha ma Izubha na Apa wetu Yesu Kristo.³Kubhetia macha ma Izubha twapata bhindu bhyake bhyose wanga bhuzeri bhwa mmo kufuma hakwe Izubha eye etuitange wanga ya bhweo bhwa kirimi chakwe. ⁴hena ziya ii etuingiye luigidaki lwa kiezee kibaha cha mbucha .Ekahira hubhu kutuosha mshighiwa wa mikare yakwe Izubha, kufumana na bhula bhundu ebho twotusongeria bhubhibhi bhwa isanga ili.⁵Hena hubho,hireni kuoka na lunyariki kuongeja bhwedi hena ziya ya luitikijio lwenyu,hena bhula bhwedi ,mamacha. ⁶Kubhetia macha madori na kubhetia hadori lugumirio,na kubhetia lugumirio ,bhuzeri. ⁷Kubhetia bhuzeri lukundo lwa mduwetu ,na kubhetia lukundo lwa mduwetu ,lukundo.⁸Kicha bhindu ibhi bhyoho ndeni yenyu,bhikaendelea kueha ndeni yenyu,hena hubho inywi msikaoke msimogha kana bhandu msibhona maduda hena macha makwe mfumwa wetu Yesu Kristo. ⁹Kake wowose esina bhindu ibhi ,yee ena bhona bhindu bhwa afuhi tiki, ye ni kijimia.Aibha kuzerijwa ha ng'oki jakwe ja kae.¹⁰Hena hubho bhamduwetu, okeni na lunyariki esa kuoka na bhukididi bhwa kusabhurwa na kwitangwa wanga yenyu, akicha mnehira hubho msikabighe msandara. ¹¹Hubho mneketa ngalo ya kuingiya hena kifumwa cha ndarasi hena mfumwa wetu na mkija Yesu Kristo ,¹²Hena hubho mi ninaoka tayari kubhatindia bhindu ibhi ,kila igheri,hakicha mtwarije,na iki mneoka na zinya hena kididi. ¹³Nihonigheshija iti nobho pasi kubhabhusha na kubhatindia wanga ya bhindu ibhi, nikioka noho hena mwiri uu , ¹⁴Kuoka iti nitwarije iti nisina igheri iyeeza ninetanywa hena mwiri wangu, sabhundu mfumwa Yesu Kristo enibhwonyie. ¹⁵Nikutata hena lunyariki wanga yenyu esa mtwarije bhindu ibhi igheri ninereoka na fuma.¹⁶Kuoka iti swi tusiatere ngano jingijwe ena icha igheri lila tubhatindie wanga ya zinya na kukubhonyanya Mfumwa wetu YesuKristo ,ebho tweeke ebho swi tuokiye bhakididi bha kirimi chakwe. ¹⁷Yee euhiye kirimi na nganyi kufuma hakwe Izubha Papa hala izi isikike kufuma hena kirimi kibaha kiki ghamba '',uu niye mwana wangu ,kirote changu eye naihiziriwa niye ''. ¹⁸Tusikiye izi ili likifuma wanga hakwe Izubha igheri lila tuokie naye naila ndubhi msheneneto.¹⁹Tuhete kiteto cha bhuroti bhukoromijike kubhetia ilo mwahira nezo kilihira. Nisa kijari kiangaja hena kija mhaka hache na ndondo ja marekero jibhonekane hena ngoro jenyu . ²⁰Twariijeni ibhi kuoka,hesina bhuroti bhohobhutamwa hena magheshijo makwe mroti mwenye, ²¹Amu hesina bhuroti bhuziye hena mikundire ya mndu isibhwo mndu eidimishwe ni Ngoro Mshenenete ula eye etetiye kufuma hakwe Izubha .

¹Bharoti bha maongo bhekufunyirija hena bhaisiraeli na bhalosha bha maongo bhenereza henyu hena mbiso bheneete malosha maongo nabho bhenemsua Mfumwa ye ebhazoriye. Bhenerekuweitiye bhunyamariko bhwa ungwangu wanga yabho bhajenye. ²Bhengi bheneatera zia jabho ja soni na kubhetia bhwo bheneresua zia ya kididi . ³Hena ndambi bhebhaamwa bhandu kubhetia bhiteto bha maongo kuchuiwa chila kwabho kusishesha ,bhunyamariko bhubhaatera.⁴Ammu Izubha esibhashighiye malaika ebhobhegharuke. Kake ebhabhirite hena itegho esa bhachungwe mnyororo mtano bhachuiwe chila ikabhazia. ⁵Kake Izubha esigumirie isanga la kae ,kake emshighaje Nuhu eye ena kuitangwa kuinare hamwe na bhengi bhafungate ,igheri eshighirie ibigho la mbombe wanga ya isanga liteshanye. ⁶Izubha akamaachuia chila masanga ma sodoma na gomora mtano maoke maibhu kake esa ioke fana hena wanga ya bhadu bhala bhabhibhi hena misi ja msongorona.⁷kake ekina hire hubhwo ,emkijie Lutu mndu einare ,eyeokiye abawa ngoro hena mikare ijirare ebho bhesiratera iyaghanyo lakwe Izubha, ⁸Kuoka iti uu mundu ena bhuinari akaika nabho msi hena msi na ngoro ikilabhwasi wanga ya bhila esikie na kubhibhona. ⁹Ena hubho Mfumwa emaije bhundu enebhakija bhandu bhake ,igheri la bhwasi na bhundu ebhagumiria bhabhibhi wanga ya kuchua chila hena msi wa tiricho.¹⁰Hena hubho ukididi ichi nicho kididi hena bhala bheho mmo hena mlakolako wa mwiri uu na kudaa bhuitori, bhandu bha mikare ii bhena ng'ria hena wanga ya magheshijio mabho bhesibhaondoke bhaitori . ¹¹Atahubho malaika bhena luidimo na zinya kukela bhandu kake bhesiidima kuchua chila wanga yake Mfumwa.¹²Kake iji nyamao jisiho na bhuongo utambaruke bhearehwe hena mikare ya kugurwa na kukenjwa. ¹³Bhehobhebhinywa hena maiho ma mabhibhi mabho. Puti nzima bhenaikaa hena ubiiihibhi. Bheizuwe kujirara na bhubhibhi.Bhena izirihiwa bhubhibhi bhwa kungengana magheri ma izumo na we. ¹⁴Meso mabho mefinikirwe na bhusizi ;bhesibhuta kuhira ng'oki .Bhenacheia na kubhagusha bhaitikiji bhanana hena ng'oki .Bhena ngoro inzue mlakolako , ni bhana bhishighiwe ng'oki.¹⁵Bhashigha zia ya kididi .Bhagwa na bhakaiyatera zia yake balaam mwana wake Beori , eyekundie kuiwa maiho ma ubhibhi. ¹⁶Kake akabohiwa wanga ya utekwa wake.Isiriko lisiidima kuteta likateta ena ngori ya m'ndu ,kuukinda luhungu lwa mroti.¹⁹¹⁷Bhandu abha ni sa meso mesina mbombe .Ni sa majumbi mehetwa ngungu. Ijumbi lieme libhisiwe wanga yabho. ¹⁸Bheteta ha mafuti matuhu. Bhegusha bhandu hena mlakolako wa mwiri. Bhenachea bhandu bhala ebho bhaghesha kubhamatuka bhala bheika hena matekwa. Bheinga bhandu lusiligi la kushighiriwa mati bho bhenye ni maroo ma ng'oki na bhasoki amu mundu enaoshwa iruo hena kila kimwitore ,²⁰Eye ekubhelua hena kujirara kwa isanga na kuonja macha make mfumwa mkija Yesu Kristo na keri kuhundukia kujirara uko wa ,mikare yakwe inaoka mbhibhi kukela ila ya kubhoka . ²¹Yebhe bhandu abho kiba bhesikitisibha zia ya kididi kuitwarija na kuishigha iaghanyo la bhuzeri ebho bheingiwe , ²²Mitetire ii inaoka niya kididi habho ,nguro yahundukia matahiko make ,na ngubhe yaojwa ikahundukia hamatondo.

¹Iki nakutamia we ,mkundwa ili idafwa la keri esa kukubhusha esa bhuubhongo. ²Esa uidime kukumbuka bhiteto ebho bhitetiwe too bharoti bhashenenete wanga maghanyo ma Apa wetu na mkija na kubhatumia mruo .³Utwarije ili kubhoka bharing'a bheneza ena msi wa tiricho na kubharing'a nywi , bhekitonga hena mikundire yabho. ⁴Na bhekighamba chohohiyo kiaze cha kuhuduka, Papa bhetu bhefuiye , kake bhindu bhwose bhiokiye hubhwo too kubhoka kulungwa.⁵Bhakakuosha kuibha iti isanga na guu bhibhokie kufuma na mbombe na kubhetia mbombe kae na kae na kiteto chake Izubha. ⁶Na ena kubhetia kiteto chake na mbombe ikaoka isanga hena igheri ilo .Ikioka izuwe mbombe , likanyamarwa . ⁷Kake iki guu na isanga jarerwa hena kiteto icho icho hena moto. Bhibhikiwe hamsi wa ibigho bhandu bhesina Izubha.⁸Bhakundwa msi mmwe hakwe Izubha ni saa bhio kiku kimwe .Na bhio kiku kimwezu ni sa msi mmwezu. ⁹Sii iti Apa ehohira mboha mboha kuhira kianze , sa bhundu yohoigheshijwa kuoka ,kake ye ena lugurumio wanga yenyu, ye esienda hata mmwezu afwe ,kake ye ekundie kungola igheri esa bhose bhabae mti.¹⁰Cho, msi wake Apa uneza sa muhibhi, guu ibhetia hena kubigha kilonzo. Bhindu bhineshotwa hena moto .Isanga na bhindu bhiose bhioho bhinejughuiwa mwaji.¹¹Hena amu bhindu bhiose bhineshotwa ena nzia ii .Ikio uoka mndu uikeze/ uikae hamsheneto ha maisha Makiizubha. ¹²Ikufaiye kutisibha na kutwarija ungwangu kuza ha msi wake Izubha . Msi uo guu ineshotwa hena moto .Na bhindu bhinenongobhia ena ndughuri ikaehe. ¹³Kake kufumana na kiaze chakwe , tuindiye guu shaa na isanga lisha , eho bhala bhinare bheika.¹⁴Hubho bhakundwa tuindie bhindu ibhi .Kutateni kuoka meso msidughunyikiwe na muoke na lubhoro hamwezu naye. ¹⁵Nanywi utareni lugumirio lwakwe Apa wetu ena lukiyo, sa mndu wetu mkundwa wetu Paulo ,bhula ebhatamie nywi, kufumana nganyi ila eingiwe. ¹⁶Paulo eho etinda ibho bhose ena barua jakwe, hena bhindu bhila bhididi kubhitwarija.Bhandu bhesina nganyi kuimka bhanyamara bhindu ibhwo ,Na bhundu bhehobhehira hena bhutami.Kutongia kusia kwabho.¹⁷Hubho,bhakundwa hena kuoka iti mtisibhe .Kurindeni bhenye msiteshwe iti esa msiteshwe na bhukengi bhwa bhachei na kutesha bhukididi. ¹⁸Kake muikae ena mvono na kutwarija wake Mfumwa na mkija Yesu Kristo.Na iki kirumi choho naye iki na ndarasi.Esae.

¹kila chokie kufuma kubhoka tusikie ebho tubhibhonie hena meso metu ,tuibhonie na mikono yetu kuhusu kiteto cha moo. ²Na moo uo ukakuthihirisha naswi tukaubhona na tukashuhudia nakuhubiria nywi ula moo wa ndarasi ewo papa etuketie kuumanya swi³kila echo twaidima kubhona na kusikia tuhbabhura nywi pia esa naywi mpate kushirikiana naswi. Na ushirika oho hamwe na Papa na hamwe na Mwanake Yesu kirisito. ⁴Na totuandika ibhi bhindu esa luizirihio lwetu lukamilike.⁵uu niwo muondo twasikia kufuma hake na akabhatangazia nyw,iti Mzuri niye kiangaji na hena ye esina kija kabissa. ⁶ Tukaghamba iti tuhotushirikiana naye na kusela naye hena kija,twohotuteta maungo na hesina kididi. ⁷Kake tukasela hena kiangaji sabhundu yee eho hakiangaji tuoka naushirika muwe na sakame yake yesu Mwana wake eye etuoja ngoki jetu jjose.⁸Tukaghamba iti tusina ng'oki tohotukukenga bhenye na tusina kididi. ⁹kake tukajishigha ng'oki jetu , yee ni mkididi na wa kweli hena kutushighia ng'oki jetu na kutuoja kumana na bhibhi bhyose. ¹⁰kake tukaghamba iiti twasihira ng'oki twamketa ye kuoka mmango na kiteto chake kisioho ndeni yetu.

¹Bhana bhangu bhakundwa nabhatami ibhi bhindu esa msirehire ng'oki. Kake mundu wowose akahira ng'oki tuna mchili hamwe na Papa Yesu kirisito eye ni wa kididi. ²Ye niye kipatanishi cha ng'oki jetu na siuswi tiki ho kake hena lsanga lose. ³Na hubho tumaije iti tumaije ye , kacha tuneatera sharia jakwe.⁴Ye ula eghamba ,"nNimmaije Izubha kake esiatera sharia jake, ni mmango na kididi chosoho hamwe naye. ⁵kake ula eneatera kitete chake kididi uomndu lukundo lwa Mzuri luneoka hamwe naye .hena icho tumaije iti twoho hamwe naye ⁶.ula eneghamba iti abakia na hakwe Izubha ekundikane asele ssssabhundu Yesu kirisito eselie.⁷Bhakundwa nosonibhatamia sharia sha, kake ni sharia jila jakae ejo muokie mjimaije too lubhoko. sharia jakae ni kiteto echo mwakisikia. ⁸Nohonibhatamia shari sha eho kidid ni kirisito eho hamwe nanywi. kake kija chohokibhetia hae na kididi cha kiangaji chaidibha kubhetia¹⁰Mundu ulaeneghamba iti ye ni kiangaji na emsuiye mndwabho eho kijeni mhaka iki. ⁹Ula emkundie mndwabho ena kiangaji na esina magheri makulughishwa . ¹¹kake ula emsuiye mndwabho eho kijeni esimaije iti ehoetonga hiyo amu kija chamchunga meso makwe¹²Nohonibhatami bhakundwa bhana amu ng,oki jenyu jaidibha kushighiwa hena izina lakwe . ¹³Nohonibhatamia unywi bhapapa amu mumaije kufuma lubhoko. nonibhatamia unywi bhabwange, amu mwaidibha kumlela ula mbhibhi . naidibha kubhatamia unywi bhana bha dongo amu mummaije Papa. ¹⁴Naidima kubhatamia unywi bhapapa amu mummaije too lubhoko nabhatamia nywi bhabwange amu mna zinya , na kiteto cha izubha kinebakia henyu na mwaidibha kumlela ula mbhibhi.¹⁵¹⁷uula sikunde isanga wala bhindu bha isanga . Amu ula wowose ekundie bhya isanga esimna Apa ndieni yake. ¹⁶Amu kila chochose choho masangeni -mlakola wa mwiri ,wa meso,na mafuti ma moo -bhisioho hake Apa kake ni bhya masangeni. lsanga na mlakolako bhyohobhitia hae. Kake ula enehira kuringa na lukundo lwa ke lzubha eneikaa ndarasi.¹⁸Bhana bhadongo , iki ni mahgeri ma mwisho.Sabhundu msikie itibhala bhesi mkundie kirisito bhezie, hata iki bhandu bhala bhesimkundie kirisito bhaza, hena iti tumaije hili ni igheri la mwisho ¹⁹Bhefumane naswi kake esebhetu. kake bhekinatonge shighati ikabhonyesha iti esebhetu.²⁰Kake mhete kubhirwa mafuta kufuma hakwe kitakatifu ,na bhose mmaije kididi. ²¹Nisibhatamie amu siiti simumaije kididi nywi, kake mkimaije na amu esina mango makididimo.²²Nuiani mmango eye eghamba iti Yesu si kirisitoye?uo mdundu eisoho hamwe na kirisito ye ,hena kuoka iti amkana Apa na mwana. ²³Mndu wowose emkana Mwana esimna Apa.Mndu wowose enemkunda Mwana emna Apa pia²⁴Nahena unywi shigheni kila msikie kufumia lubhoko .kibakie henyu. Hena kilamsikie kikabakia henyu mnabakia hena Mwana na hena Apa. ²⁵Na ichi nicho kiaze echo etubhikie swi moo wa ndarasi. ²⁶lbhi bhidu nabhatamia nywi esa bhandu bhasibhateshe.²⁷Na hena unywi ,mtamiwe mafuta muuhiye na abakie henyu na msienda mndu wowose wa kubholosha. kake hena kutama mafuta kwake kubhalosha bhindu bhwyose na ni kididi esi maungo na kila abhalosha kinebakia hubho hena ye. ²⁸Na iki bhana bhakundwa, mbakie hake esa akabhonekana tuoke naluidakina tusioke na soni mbele jake hena kuza kwake. ²⁹kake kacha umaije iti ye ni mundu pasi mmaije itiwowose ula ehira kindu choho pasi abhonwa niye

¹Wowose eing'idakie iti Yesu ni Kristo abhonwa ni Izubha. Na eye em'kundie eye efumie hakwe Apa naye ere bhakundie bhana bhakwe. ²Hena ichi tumaije iti tubhakundie bhana bhakwe izubha-Igheri tum'kundie Izubha na kuhira kuringana na maaghanyo makwe. ³Hena lukundo ulu-tugura maaghanyo. Na maaghanyo makwe mesikatuemeiye.⁴M'ndu wowose ebhoniwe ni Izubha enelela bhibhi bhia isanga. Na uko niko kulela kulelie isanga, ulo luing'idaki lwetu. ⁵Ula elelie isanga ni anii? niula eng'idakie iti Yesu ni mwana wa Izubha.⁶UU niye ula ezie na mbombe na dumu-Yesu Kristo. Esiziie na mbombe tiki, kake mbombe na dumu. ⁷Amuu hena bhatatu bhenengola bhushuhuda: ⁸Ngoro, mbombe na dumu. amuu bhose bhatatu bhena bhumwe.⁹Akicha tuneuhia bhushuhuda bhwa bhandu, bhushuhuda bhwakwe Izubha ni bhubaha. Amuu bhushuhuda bhwakwe nibho ubhu-iti am'shudia mwanakwe. ¹⁰M'ndu eye emuing'idakie mwana wa Izubha ena bhushuhuda ndeni yakwe. Na m'ndu eye esimwing'idakie Izubha akukenga mwenye, amuu asaing'idaki bhushuhuda iti Izubha am'shudia mwanakwe.¹¹Na bhushuhuda nibho ubhu-iti Izubha etuingie moo wa ndarasi, na moo uo uoho ndeni ya mwanakwe. ¹²Na m'ndu eho ndeni yakwe uo mwana ena moo. Na ula esioho ndeni yakwe esina moo.¹³Bhindu ibhi nabhatamia unywi nesa mwidime kumanya iti muna moo wa ndarasi-Hena unywi muing'idakie hena izina la mwana wakwe Izubha. ¹⁴Na ii niyo ng'iria tuna m'songorana wakwe, Enatusikija uswi. ¹⁵Na akicha tumaije iti enatusikija uswi-chochose tumuomba yee-tumaije iti kila twamuomba yee twakiingwa.¹⁶M'ndu akam'bhona m'ndwabhjo ehira ng'oki eyo esiya kum'keta afe, aombe, na Izubha enem'shighia na kumwinga moo. Nioho niteta hena bho ebho ng'oki jabho esijakubhaketa bhafe. Amuu hena ngo'ki jakuketa bhandu bhafe-nisioho nighamba bhaombie ijo. ¹⁷Bhindu bhiose bhibhi ni ng'oki-kake hena ng'oki ejo jisim'keta m'ndu afe.¹⁸Tumaije iti m'ndu wowose abhonwa ni Izubha esinahira ng'oki. Kake yee emoghiwe ni Izubha, Izubha ena m'rinda, na m'keleki esika m'bhinye. ¹⁹Tumaije iti tubhakwe Izubha, na isanga lose linaitoriwa ni ula m'ringa.

¹Kufuma ha mghosi mhaka kuoka mche mdangwa na bhana bhakwe ,ebho nibha kundie ni bhakundie hena kididi na esimi tiki .Na bhala bhetwarije kididi ²Amu kididi icho choho ndeni yenu na kineoka hamwe naswi ndarasi . ³Mvono, lusario,lubhoro jioka na swi kufuma hakwe Izubha papa,nakufuma hake Yesu Kristo mwanaake Papa hena kididi na lukundo .⁴Naizirihiwa mno iti natwarija bheengi bha bhana bhenatonga hena kididi bhundu tuuhie ighanyo ili kufuma hakwe Papa. ⁵Naiki nakusemba mche ,esiiti nakutamia iaghanyo lisha kake lila twookie nalo kufuma lubhoko ,Amu tukundikane kukundana swi ha swi. ⁶Na ulwo nilwo lukundo. Tukundikane kutonga na lwo kuringana na iaghanyo lakwe .Ili nilo lila iaghanyo lakwe sa bhundu mlisikie kufuma lubhoko iti mkundikane kutonga hena miikare iyo.⁷Hena kuoka bhakengi bheengi bhatanatana hena isanga ,na bhesiitikijia iti Yesu Kristo ezie hena mwiri. Uwo ni mkengi na niye emsua Kristo. ⁸Kuyoeni nywi bhenye iti msioho mtesha bhindu ebho tubhirie ndima, enesa iti tuidime kuuhia kuuhia bhyedi bhitishije.⁹Wowose etonga msongora esiikaa hena malosha makwe Kristo, esina izubha. Eye eikaa hena ilosha ena papa na mwana bhose. ¹⁰Akija mndu eza henyu na esiete ilosha ili msimuuhie hena kaa jenyu na msimkezie. ¹¹Hena kuoka eye emukezia eoka agurana naye hena mihiro mibhibhi.¹²Nina bhindu bhiingi bhya kubhatamia, na nesekundie ni bharirie kuza henyu na ni tete nainyu bhusho hena bhusho, iti kuizirihiwa kwetu kuoke kwa kuiseja neesa luitisiwe. ¹³Bhana bhadada eye edangiwe bhooho bhebhakezia.

¹Kufuma hao mghosi mhaka gayo mkundwa, eye eye nimkundie hena kididi. ²Mkudwa nakusemba utasiwe hena dhindu bhose na bhuzima bhedi, kuringana na bhula ngoro yako yoho itasiwa. ³Amu niizihiriwe muno igheri nibhuriwe bhaitikiji ebho bhezie na kungola bhukididi wanga ya kididi bhako, sabhundu bhula uhoutonga hena kididi. ⁴Nisina luizirihiyo lubaha kukela ulu kusikia itii bhana bhangu bhakingoro bheoho bhebhata hena kididi.⁵Bhakunda muoho mutonga hena bhukididi hena izhuba igheri woho uangajikia bhandzwenyu, ⁶bhengolie bhukididi bhwa lukundo lwake msongorana wa bhewedi kubhagera kubhazokija hena charo chabho hena nzia eyo imuizihije Izubha ⁷Hena wanga ya izina lawe Yesu bhetongie bhesionjie chochose kufuma hena bhandu bhaisanga. ⁸Hena hubho tukundikane bhandu saa abha nesa tuoke bhahiri ndima tugurane hena wanga ya kurarisha na kididi chakwe izubha.⁹Nakutamia wee hamwe na mbotu kindu kisiku,kake Diotrofe, eyeekundie kukuosha itii mrongori ghati yetu wabhala bhaitikiji, esiehoeitikijanya na mimi Yohana na bhaitikiji bhamdwetu. ¹⁰Hena hubho nikaza nibhigheshijia mihiro yakwe eyo eihira, bhundu eehoo etata bhiteto bhibhihi kunyamara mbai naiswi. Asiitisia na mihiro iyo ye mwenye asibhauhia bhalabhaitikiji na kubhasuija bhala bhengi ebho bhena ngiru ya kuingia abho bhaitikijia na kubhahaja bhafume hena mbotu.¹¹Mkundwa, gayo usigure eho ni kibhibhi kake gura kila chedi. Ula ehira bhedi ni wakwe izubha naye ehira bhibhibhi esimemuitikijia izubha. ¹²Demetrio atindwa ni bhose na kididi eyemweney naiswi pia ni bhatindi na utisibhe itii nimtinda wetu wa kididi.¹³Nina bhindu bhingi bhaa kutama kake nisikundie kuku tamia hena ikaa na ikaa. ¹⁴Kake ni bharirie kubhabhona aha hafuhi, na tunere teta nawe bhusho hena bhusho. ¹⁵Lubhoro luoke nawe. Bhambuyaa nibhonie aha bheeho bhekukezia. Na bhakezie bhambuyaa la mwe hena izina lakwe.