Bible

Matthew

Chapter 1

¹Ty Boke ty raza i Jesosy Kristy ana i Davida ana i Abrahama. ²I Abrahama ro baba i Isaka, le i Isaka ro baba i Jakoba, le Jakoba ro baba i Joda naho iareo rahalahi'e. ³Joda ro baba i Fareza naho i Zara boake tamy ty Tamara, Freza ro baba i Herzona, le i Herzona ro baba i Rama.⁴Rama ro baba i Aminadaba, le i Aminadaba ro baba i Nasona, le i Nasona ro baba i Salomona. I Salomona ro baba i Boaza tamy ty ⁵Rahaba, Boaza ro baba i Obeda tamy ty Rota, i Obeda ro baba i Jese.⁶ Le i Jese ro baba i Davida mpanjaka, Davida ro baba i Salomona tamy ty valy i Oria.⁷Salomona ro baba i Rehoboama, Rehoboama ro baba i Abia, le i Abia ro baba i Asa. ⁸I Asa ro baba i Jaosafata, le i Jaosafata ro baba i Jorama, le i Jorama ro baba i Ozia.⁹Ozia ro baba i Jotama, Jotama ro baba i Ahaza, Ahaza ro baba i Hezekia. ¹⁰Hezekia ro baba i Manase, Manase ro baba i Amona, le i amona ro baba i Josia. ¹¹Josia ro raza i Jekonia naho iareo rahalahi'e tamy ty fotoa ty fanoiragne ho à Babylona agne.¹²Tafara ty fanoiragne ho à Babylona agney, le i Jekonia ro baba i Sealtiela, i Sealtiela ro raza i Zerobabela. ¹³I Zerobabela ro baba i Abihoda, Abihoda ro baba i Eliakima, le i Eliakima ro baba i Azora. ¹⁴I Azora ro baba i Zadoka, Zadoka ro baba i Akima, le i Akima ro baba i Elihoda.¹⁵I Elihoda ro baba i Eliazara, Eliazara ro baba i Matana, le i Matana ro baba i Jakoba.¹⁶ Jakoba ro baba i Josefa i valy Maria ay, i niterake i Jesosy'i, tinoka hoe Kristy zay. ¹⁷Folo efatse amby ze kila tarira aby manomboke am'i Abrahama le hatra am'i Davida, manomboke Davida le hatra amy ty fanoiragne ho à Babylona agne le tarira folo efatse amby, manomboke amy ty fanoiragne ho à Babylona agne le hatra am'i Kristy le tarira folo efatse amby .¹⁸Zao ty natao ty fiterahagne i Jesosy Kristy. Ty rene'e, i Maria, le fa navike hanambaly i Josefa, faie taloha ty nindreza iareo, le trea fa nitoe-jaza reke boake tamy ty Fagnahy Masigne. ¹⁹I Josefa, vali'e, lahilahy maregne, ro tsy te hagnala baraka aze amy ty ndaty maro. Le nana-pakevetse reke ty hamita fomba aze.²⁰Le naho reke mbe nivetsevetse mikasike o raha reo inge, le niavy tamy ty nofi'e ty Anjely i Tompo, manao te hoe: "Josefa, anadahy i Davida, ko misalasala ty hangalake i Maria ho vali'o, satria o ajaja mitoetse antro'e ao io boake amy ty Fagnahy Masigne. ²¹Hitera-dahy reke, le i rehe hitoka ty agnara'e hoe i Jesosy, fa i Reke ty hagnavotse ty Ndati'e hiala amy ty fahota'e abike iareo.²²Le nisy abike ze raha zao aby mba hahalefe ze nambara i Tompo tamy ty alala ty mpitoky manao te hoe: ²³"Ingo, ty virijiny hitoe-jaza le hiterake ajajalahy, le iareo hitoka ty agnara'e hoe Imanoela" le ty midika te hoe: "Amantika Andriagnanahare."²⁴Nifoha t'i Josefa le nano'e abike ze raha nandilia i Anjely i Tompo'i aze le nangalake aze ho vali'e. ²⁵Faie tsy nifagnosehose tama'e reke mandra-piterahagne i ajajalahy'i. Le nitokavegne hoe i Jesosy ty agnara'e.

Chapter 2

¹Tafara ty niterahagne i Jesosy à Betlehema ty Jodia tamy ty andro i Heroda mpanjaka, le niavy à Jerosalema ao iareo lahilahy vory hihitse boake antignanagne agne nirehake te hoe: ²"Aia reke naterake ho mpanjaka ty Jiosy? Nahatrea ty vanjiri'e boake antignanagne agne zahay le avy hiantsa aze."³ Naho fa naharey zay t'i Heroda, le nivoy vorombelo, le i Jerosalema abike mindre ama'e.⁴Nandese i Heroda nindra ty mpisorom-bey aby naho ty mpanora-dalàgne ty ndaty, le nagnontane iareo reke te hoe: "Aia ty niteraha i Kristy?"⁵ Nirehake ama'e iareo te hoe: "À Betlehema i Jodia ao, fe zao ty voasora ty mpitoky hoe: ⁶"Fa rehe, Betlehema, amy ty tane Joda, le tsy kede loatse amy mpitondra i Joda reo, fa boake ama'o ro hiavia ty mpandily hiambegne ty ndatiko Israely."⁷Le nitoka ankolake iareo lahilahy vory hihitse t'i Heroda mba hagnontane iareo mazava soa ty fotoagne niboaha i vanjiry'i.⁸ Nalefa'e ta Betlehema iareo, manao hoe: "Mandehana le fotopotoro'areo soa ty momba o ajaja zao. Naho fa hita areo reke, le ambarao areo ahike, mba handehanako agne hidera aze ka."⁹Tafara ty nitsandregna iareo ty mpanjaka, le nandeha tama ty lala'e iareo, le i vanjiry hita iareo tantignanagney ro nitaridalagne iareo mandram-pijanogna'e ambone i toeragne misy i ajaja'y. ¹⁰Naho fa nahatrea fanjiry iareo, le nirebeke tamy ty hafaleam-bey.¹¹Niditse amy tragnoy ao iareo le nahatrea i ajaja'y nindre taman-drene'e Maria. Niondreke naho nidera aze iareo. Nanokake ty fitoeran-karea'e iareo le nagnomey fagnomezagne volamena, dintin-kata'emagnitse, le miora ho aze.¹² Nampitandregne iareo tamy ty nofy ty Andriagnanahare tsy hiheregne am'i Heroda agne, le lalagne hafa ty nandehana iareo noly amy ty firenena niavia'e.¹³Naho fa nandeha iareo, le nisy anjely i Tompo niboake am'i Josefa tamy ty alala ty nofy nirehake te hoe: "Mitsangana, andeso o ajaja'o naho rene'e, le nilay Egypta agne. Mipetraha agne mandra-pitaliliako ama'o, fa i Heroda mipay o ajaja'o mba hamono aze."¹⁴ Amy halegne inge avao t'i Josefa le nifoha, le nitondra i ajaja'y naho rene'e nandeha Egypta agne. ¹⁵Zay le nahalefe ze nambara i Tompo tamy ty alala ty mpitoky hoe: "Nitokaveko handeha Egypta agne ty anako."¹⁶Avy eo t'i Heroda, naho fa nahafantatse fa voafita iareo lahilahy vory hihitse, le niboseke mafe. Nagnirake naho nampamono ze kila ajajalahy aby roe taogne mindigne ze ta Betlehema ao naho tamy ze kila faritse tey reke, arake ty fotoagne nifotore'e mazava tam'iareo lahilahy vory hihitse.¹⁷Avy eo le lefe ty rehake nambara tamy ty alala i Jeremia mpitoky te hoe:¹⁸ "Nisy feo nirey ta Rama tao, fitagniagne naho fisaonambey, mitagny naho ty amy ana'ey ty Rahely, le tsy nimete hampitsignegne reke, satria fa tsy tratse iareo."¹⁹Naho fa nimate t'i Heroda, ingo, nisy anjely i Tompo niboake am'i Josefa tamy ty nofy le nirehake te hoe: ²⁰"Mifohaza le andeso o ajajao naho rene'e mandehana amy ty tane Isiraely, fa fanimate iareo nikinia ty ay o ajajao." ²¹Nifoha ty Josefa le nandese'e i ajaja'y naho rene'e, le nandeha amy ty tane Isiraely agne.²²Fa naho fa nirei'e fa i Arkelaosy ro nanjaka à Jodia agne nandimbe i Heroda rae'e, le natahotse ty hombeo reke. Tafara ty nampitandreman' Andriagnanahare aze tamy ty nofy, le nandeha amy ty faritse Galilia reke, ²³le nipetrake amy ty tanagne atao hoe Nazareta tao. Zay le nahalefe ze rinehe ty mpitoky manao hoe: "Nazareana ty hitokavagne aze."

Chapter 3

¹Tamy ze andro zay le nandeha nitory agnefetse i Jodia agne agne t'i Jaona mpanao Batisa manao te hoe: ²"Mibebaha, fa marine ty fanjaka ty lagnitse.³ " Fa i reke rineha i Isaia mpitoky te hoe: "Misy feo raike mitoka agnefetse agne hoe: "Amboaro ty lala i Tompo, ahitsio ty lala'e."⁴Le i Jaona niakanjo volon-drameva naho nisekotry holitse amy ty vania'e. Valala naho tantele rembe ty natao'e fihanegne.⁵ Le Jerosalema, Jodia iabike, naho ze kila faritse magnodidigne ty vavarano i Jordana le nagnantogne aze.⁶ Natao'e Batisa amy ty vavarano Jordana iareo, naho fa nivalo amy ty hakeo'e.⁷Fa naho fa nahatrea iareo Fariseo naho Sadoseo namonje aze mba hatao Batisa reke, le hoe ty natao'e tam'iareo: "Ry tarira ty menaragne feno voreke, ia ro nampitao anareo hilay ty fahavigneragne ho avy? ⁸Mamoaza voa magneva ty fisolohoagne. ⁹Le ko mieretseretse am-po te hoe: "Managne i Abrahama ho rae'ay zahay." Fa ambarako anareo fa Andriagnanahare mahavita mampijangagne anake hoe i Abrahama ndra le avy amy ty vato retoa aza.¹⁰Le fa napoke am-poto-katae eo ty famaky. Le ze hatae tsy mamoa voa soa hotapahegne le hatorake agnate afo agne.¹¹ Manao batisa anareo amy ty rano ho amy ty fibebahagne raho. Fa misy mahery amboneko hoavy afarako ao, ndra ty hitondra ty kapa'e aza tsy magneva ahike. Hanao batisa anareo amy ty Fagnahy Masigne naho ty afo reke.¹² Fa am-pita'ey abike ty fikororoha'e hagnaliova'e ty famoloa'e naho hamoria'e ty vare'e an-tsopitse agne. Fa reke hagnoro o akofa reo amy ty afo tsy mete mate."¹³Niavy boake Galilia tagne t'i Jesosy le nandeha amy ty vavarano Joradana teo mba hatao i Jaona Batisa.¹⁴ Feie nisakana i Jaona reke, natao'e te hoe: "Iraho ro mila atao'o Batisa, ndra i rehe ka vao ro mamonje ahike?"¹⁵ Jesosy namale nirehake tama'e hoe: "Anovo fa zao ro mete amantika hahalefe ze kila fahamarenagne." Le nimete amzay t'i Jaona.¹⁶Naho fa nivita Batisa reke, le nitroatse ty andrano ey t'i Jesosy,le ingo, nisokake tama'e lagnitsey. Vazoho'e ty Fagnahin'Andriagnanahare nizotso ambone'eo manahake Voromahilalao. ¹⁷Le ingo nisy feo boake an-dagnitse agne nanao te hoe: "Itoy ro anako mamiko. Anako to vata'e."

Chapter 4

¹Naho fa niavy eo t'i Jesosy nindese Fagnahy'i ho agnefetse agne mba ho tsapae i Devoly fagnahy. ²Naho fa niavy nifaly hanegne efapolo andro naho efapolo alegne reke, le nimosare. ³Namonje ty mpitsoke fagnahy nirehake tama'e hoe: "Naho Anak'Andriagnanahare rehe, ampanjareo mofo ty vato toa."⁴ Nivalea i Jesosy reke te hoe: "Voasoratse te hoe: Tsy ty mofo avao ro hiveloma ty ndaty fa ze kila saontsy aboa ty falien'Andriagnanahare."⁵Avy eo nandese i Devoly amy ty tanagne masigne reke le napetra'e andindy ty anjomba abo agne(tempoly), ⁶le nirehake tama'e te hoe: "Naho Anak'Andriagnahare vata'e rehe, le mikopa ambane agne, fa voa soratse te hoe: Reke handily o anjely'e reo hanante azo naho hanandratse azo amy ty tagna'iareo, le tsy hikotrofotse amy ty vato ty tombo'o."⁷Jesosy nirehake tama'e hoe: "Le mbe voasoratse ndraike te hoe: Tsy toko'e hitsoke fagnahy I Tompo Andriagnahare'o rehe."⁸ Nandese i Devoly amy ty toeragne andidigne reke le naboa'e ama'e ze kila fanjakagne misy ambone tane eto naho ty hasoa'e.⁹ Le hoe ty natao'e tama'e hoe: "Omeiko azo abike o raha iaby reo, naho miondreke amako eto le midera ahike rehe."¹⁰Avy eo t'i Jesosy nirehake tama'e hoe: "Misitaha mberoa rehe kokolampon-draty! Fa voasoratse te hoe: "I rehe hidera i Tompo Andriagnanahare'o, le i reke rery avao ro hotompoe'o."¹¹ Avy eo nandeha niala aze ty devoly, ingo nisy anjely niavy nanompo Aze.¹²Naho fa nirey i Jesosy te voasambotse t'i Jaona le niheregne à Galilia agne reke.¹³ Niala i Nazareta reke le nandeha naho le niambesatse ta Kapernaomy tao, agnolon-dranomasy i Galilia eo zay, amy ty anjara-tane i Zebolona naho I Naftaly.¹⁴Le nisy aby zao mba hahalefe ze nambara i Isaia mpitoky hoe: ¹⁵"Ty tane i Zebolona naho ty tane i Naftaly, mba amy ranomasigney, an-dafe i Jordana agne, Galilia eo Jentilisa reo!¹⁶ O ndaty nipetrake tamy ty maiegne le nahatrea fahazavagne jabajaba, le iareo nipetrake tamy ty faritse naho ty alo ty fahafatesagne, le ama'iareo teo ro hijiriha ty fahazavagne."¹⁷Tamy zay fotoagne zay le namototse nitory zaka t'i Jesosy le nirehake te hoe: "Mibebaha fa famarine ty fanjaka ty lagnitse."¹⁸Naho fa nandeha agnolon-dranomasy i Galilia reke, le nahatrea mpirahalahy roe, Simona ie nitokavegne hoe Petera, Andrea rahalahi'e, nanorake ty harato'e andranomasigne ey, fa mpikara fiagne iareo.¹⁹ Le hoe t'i Jesosy tama'iareo: "Andao hindre amako fa hataoko mpagnarato ndaty nareo."²⁰ Leavy le tsy nisy alaharo iareo fa leavy le nenga iareo i haratoy le nagnorike aze.²¹Nionjogne avao t'i Jesosy le nahatrea mpirahalahy roe hafa ka, Jakoba ana i Zebedio, naho Jaona rahalahi'e. Namboatse i harato iareo'y an-tsambo iareo ao iareo aman-drae'iareo Zebedio. Nitoka iareo reke,²² leavy le tsy nisy alahaho ka iareo fa nenga iareo eo sambokele'y naho i baba'iareo le nagnorike aze.²³Nagnavelo nanitsike Galilia t'i Jesosy, nampianatse tamy ty synagoga tao iareo, nagnambara ty talily soa ty fanjakagne, le nagnasitragne ze kila aretegne naho ze kila maleme amy ty ndaty.²⁴ Niely nanitsike i Syria ty vaovao mahakasoike aze, le nandese ty ndaty ama eo abike ze kila marare, marare ty karazan'aretegne naho fangirifiriagne, kokolampogne reo, naho ze marare ty andro bey le marare ty paralysisa. Nisitragne i Jesosy aby rey. ²⁵Ndaty maro boake à Galilia agne, Dekapolisy, Jerosalema, Jodia le ze avy an-dafe i Jordana agne ro nagnorike aze.

Chapter 5

¹Naho fa nahonigne ndaty maro reo t'i Jesosy, le niakatse ambone vohitse ey. Naho fa tafa-fiambesatse ey reke, le nagnontane aze mpiana'e rey.² Nanokake falie'ey rekwe le nampianatse iareo, manao te hoe: ³"Votsotse ze sahiragne am-pagnahy, fa ho aze ty fanjaka ty lagnitse.⁴ Votsotse iareo misaona, fa hampitsignegne iareo.⁵Votsotse iareo maleme fagnahy, fa iareo io ro handova ty tane. ⁶Votsotse iareo ze kere naho mangetaheta ty fahamarenagne, fa hovontsignegne iareo io. ⁷Votsotse iareo mpamindra fo, fa hahazo famindra-po iareo io.⁸ Votsotse iareo madio am-po, fa hahatrea an'Andriagnanahare iareo io.⁹Votsotse iareo mpampilongo, fa iareo io ro hotokavegne hoe anak'Andriagnanahare.¹⁰ Votsotse iareo enjehegne amy ty fahamarenagne, fa ey iareo io ty fanjaka ty lagnitse.¹¹Votsotse nareo naho mametaveta anareo, magnenjeke anareo ty ndaty, le mamorogne vande handesegne manohetse anareo naho ty amako. ¹²Mirebeha naho mifalea, fa folo'ay ty ty valesoa'areo an-dagnitse agne. Fa manahake zay ty nagnenjeha ty ndaty iareo mpitoky nivelogne taloha'areo.¹³Nareo ro sira ty tane. Fa naho ty sira ka ro matsatso, amy ty akore ka ty hampafiry zay ndraike? Tsy ho soa zay ndra amy t'ino ndra amy t'ino fa hariagne naho ka holialia ty tombo ty ndaty. ¹⁴Nareo ro fahazava ze kila tane. Ty tanagne mioregne ambone ty haboagne le tsy voatakogne sasa.¹⁵Tsy misy ndaty handrehetse jiro ambane harogne, fa amy ty fipetrahan-jiro eo, le magnazava ty antragno'e ao abike zay.¹⁶ Ao soa hazava manahake zay ty fahazava'areo ama'ondaty mba hahatreava iareo ty asa soa atao'areo naho ka hankalaza'e ty Rae'areo an-dagnitse agne.¹⁷Ko mametsevetse te hoe avy handrava ty lily naho iareo mpitoky raho. Tsy avy handrava io raho, fa hanao ty hahalefe aze.¹⁸ Fa ambarako ama'areo ty maregne fa mandra-piveloma ty lagnitse naho ty tane, le tsy ho rava amy ty lily ndra le venten-tsoratse raike aza, mandra-pahateraha ze kila raha iaby.¹⁹Naho zay areke ndra ia ndra ia mandika ndra ty fara'e kede amy ze lily naho ze mampianatse ty hafa ka hanao zay le hotokavegne hoe fara'e kede amy ty fanjaka ty lagnitse ao. Fa ndra ia ndra ia magneke naho mampianatse le ho tokavegne hoe foloay amy ty fanjaka ty lagnitse. ²⁰Ambarako anareo fa naho tsy bey mihoatse ty mpanora-dalàgne naho ty fariseo ty fahamaregna'areo, le ko ndra mitama te hiditse amy ty fanjaka ty lagnitse nareo.²¹Fa nirei'areo nambara tam'iareo taloha tagne hoe: "Ko mamono ndaty," "Ndra ia ndra ia ndaty mamono ndaty le hohelofagne amy ty fitsaragne." ²²Fa ambarako ama'areo fa ze manan-keloke amy ty rahalahi'e le magneva helofagne amy ty fitsaragne agne; ndra ia ndra ia mirehake ty rahalahi'e hoe: "Irehe ndaty tsy misy asa'e!" le hohelofegne amy ty filan-kevetse; ndra ia ndra ia mirehake te hoe: "Gege rehe!" le magneva ty ho amy ty sihanake mirehetse afo.²³Naho zay areke, naho fa manese sesehaitse amy ty alitara eo rehe tiaro'o teo fa manan-keloke ama'o ty rahalahi'o, ²⁴le angao aloha alitara ao heke i sesehaitse'ey, mandehana oriho ty lala'o. Milongoa heke amy rahalahy'oi, zay vaho mihregne le manese sesehai'oy.²⁵Milongoa malaky amy ty mpandeteke azo amy rehe mindre ama'e amy fitsaragney agne, hendra ty mpandeteke avao ro hanolotse azo amy ty mpitsara, le hanolotse azo amy ty manam-bolonahetse ka ty mpitsara, le hatao antragno maieke ao rehe. ²⁶Ambarako anareo ty maregne, fa tsy hovotsotse ty ao rehe mandra-pandoava'o ty vola fara'e kede amy ty trosa'o.²⁷Fa rei'areo fa nambara te hoe: "Ko miviombiogne." ²⁸Ambarako anareo fa ze magnente ampela sady magniry aze le fa miviombiogne am-po'e ao reke zay.²⁹Naho mitohigne azo ty maso'o ankavana, le afaho ario lavitse azo. Fa ndra itrakitra'e ty ila ty vata'o ro simbagne te zay ty vata'o abike atorake agnate ty helo agne. ³⁰Naho mitohigne azo ty tagna'o havana, tapaho le ario hisitake lavitse azo. Fa ndra itrakitra'e ty ila'e amy ty vata'o ro montso te zay ty vata'o abike hariagne agnate ty helo agne.³¹Le fa nambara avaoka te hoe: "Ndra ia ndra ia misarake amy ty vali'e, ao soa reke hagnomey aze ty taratasy fisaram-panambaliagne."³² Mirehake ama'areo raho fa ze misarake amy ty fanambalia'e, akoatse amy ty fiviombiognagne, le mampiviombiogne aze. Ndra ia ndra ia manambaly aze afara fisaraha'ey le miviombiogne.³³Fa rei'areo avao ka fa nambara tamy ty ntaolo hoe: "Ko le voatsiriry miletse amy ty fiaignagne diso, fa andeso agnatreha i Tompo eo ty fiaigna'o." ³⁴Fa iraho magnambara amareo, ko miletse amy ze kila raha, ndra amy ty lagnitse aza, fa seza fiambesaran'Andriagnanahare zay; ³⁵ndra amy ty tane fa fipetraha ty tombo'e zay; ndra amy Jerosalema koa, fa tana ty mpanjaka bey zao.³⁶Ko miletse amy ty loha'o, fa tsy raha mahay magnafoty ndra magnamainte volo raike rehe. ³⁷Ao soa ty reha'o naho fa 'Eka le eka; naho 'Ehe'e le ehe'e.' Ze mbe mihoatse zay le boake amy ty raty.³⁸Rei'areo fa nambara te hoe: "Maso solo ty maso, le nife solo ty nife."³⁹ Fa raho magnambara ama'areo te hoe, ko mifandietse amy ty raty. Fa ndra ia ndra ia magnomey takapike fifi'o havanay le omeo aze ka i havia'ay.⁴⁰Le naho misy ndaty te hindre ama'o ho amy ty fitsaragne agne magnofike ty akanjo'o, le angao ho aze ty lamba'o. ⁴¹Ndra ia ndra ia manere azo handeha kilometatse raike, le mandehana mindre ama'e amy ty kilometatse roe. ⁴²Omeo ze mangatake ama'o, ao soa tsy handietse ndra ia ndra ia magniry te hindragne ama'o.⁴³Fa rei'areo fa nambara hoe: "Tsy maintsy teave'o ty raike tanagne ama'o, le rafeso ty fahavalo'o. ⁴⁴Fa ty ambarako anareo teavo ty fahavalo'areo le mivavaha hoe ze magnenjeke anareo, [Fagnamarenagne: Ty dikan-drehake soa taloha le magnafake ty hoe: "Isaoro'areo ze magnozogne anareo, manoa raha soa amy ze malaigne anareo."] ⁴⁵le ho ana ty Rae'areo an-dagnitse agne vata'e nareo. Fa reke mampibelagne ty masoandro'e amy ty soa naho ty raty, le mandatsake ty oragne amy ty maregne naho ty tsy maregne.⁴⁶Fa naho ze tea anareo avao ro tea'areo, le inogne ty valesoa ho azo'areo? Ndra o mpitake hagao vao tsy manahake zay avao ka? ⁴⁷Naho ty rahalahi'areo avao ro salamae'areo, le inogne ty atao'areo amy ty hafa? Ndra o jentilisao vao tsy manahake zay avao ka?⁴⁸ Naho zay areke tsy maintsy mitoetse nareo manahake ty fitoera ty Rae'areo an-dagnitse agne.

Chapter 6

¹Miambena tsy hanao ty asa ty fahamaregna'areo amaso'ondaty eo mba ho trea iareo nareo, fa naho tsy zay le tsy hahazo valesoa avy amy ty Rae'areo an-dagnitse agne. ²Naho fa manao fagnampeagne nareo ao soa tsy hitioke vangabey manahake ty atao iareo soa miatreke à synagoga agne naho an-dalagne ey, am'zay mahazo roboke ama ondaty iareo. Ambarako anareo fa fanandrae ty valesoa'e iareo io.³Naho fa manao fagnampeagne nareo, ko atao fanta ty tagna'areo havia ze atao ty tagna'areo havana, ⁴le mba omeo am-pitolahagne ty fagnomeza'areo. Avy eo ty Rae'areo ie mahavazoho amy ty mangikey ro hamale soa anareo.⁵Naho fa mivavake nareo, ko manahake o soa miatrekeo, iareo tea mijangagne naho mivavake amy ty synagoga eo le agnolon-dalagney, le mete ho trea ty ndaty. Ambarako anareo ty maregne, fa iareo io le fa nandrae ty valesoa'e. ⁶Fa nareo naho fa mivavake midira an-tragno'areo ao. Hilio ty lalagne, le mivavaha aman-dRae'areo ie amy ty mangike ao. Avy eo ty rae'areo ie mahavazoho amy ty bangigne ro hamale soa anareo. ⁷Naho fa mivavake nareo, ko maro rehake fahatane manahake Jentilisao, amy ty fieretsereta'e te hoe horey amy ty rehake maro atao'e.⁸Ay zay areke, ko manahake iareo, fa ty Rae'areo fa maharofana ty raha paia'areo aloha ty angataha'areo Ama'e.⁹ Le mivavaha manahake zao: "Rae'ay andindimonegne agne, ho masigne ty tahina'o aba. ¹⁰Ho avy ty fanjaka'o. Hatao ze sitrake ty arofo'o an-tane etoy manahake ty an-dagnitse agne.¹¹Omeo anay anito ty hanegne tandrife ho anay. ¹²Hahao ty hakeo'ay, manahake ty hagnaha'ay ze manan-kakeo ama'ay. ¹³Ko andesegne amy ty fakam-pagnahy zahay, afaho am'ay ze kila raha raty. ["Fagnamarenagne: Ty dikan-drehake soa taloha le nagnafake ty hoe: "Fa azo ty fanjakagne naho ty hery le ty volonahetse hatrampara'e. Amen."]¹⁴Fa naho magnaha ty hadisoa ty ndaty nareo, le hagnaha anareo ka ty Rae'areo ie an-dagnitse agne. ¹⁵Fa naho tsy magnaha ty hadisoa'iareo nareo, le tsy hagnaha ty hakeo areo ka ty Rae'areo.¹⁶Ankoatse zay, naho fa mifaly hanegne nareo, ko mampiboake tarehe mahaferenaigne manahake ty atao ty soa miatreke, ampangoritagnegne ty tarehe iareo am'zay hita te tena mifaly hanegne. Ambarako anareo ty maregne, fa fanandrae ty valesoa'e iareo. ¹⁷Fa rehe, naho fa mifaly hanegne, hosoro menake ty loha'o le sasao ty tarehe'o,¹⁸ mba tsy hohay ty ndaty hafa te hoe mifaly hanegne, fa aman-dRae'o ie amy ty bangigne ao avao; le Rae'o ie mahonigne amy ty bangigne ao, ro hamale soa azo.¹⁹Ko mitahiry ty fanagna'areo ambone tane etoy, simbae ty bararaoke naho harefesegne, le hotavane ty mpangalatse angalare'e. ²⁰Faie, tahirio ty harea'areo an-dagnitse agne, tsy simba ty bararaoke naho le tsy mete harefesegne, le tsy ho voa tava ty o mpangalatseo ka. ²¹Fa ze misy ty harea'o ro itoboha ty fo'o ka.²²Ty maso ro jiro ty vatagne. Naho zay areke, naho soa ty maso'o, le hoatseke hazavagne ty vatagne abike. ²³Fa naho raty ty maso'o, le hoatseke ieke ty vata'o . Ay zay areke, naho maiegne ty fahazavagne amao ao henanezao, le manao akore ty habey o ieke zao!²⁴ Tsy misy afake hanompo tompo roe, fa hoheje'e ty raike le hotea'e ty raike, le hanolotse ty vata'e hoe ty raike fa handrafe ty raike hafa. Irehe tsy afake hanompo an'Andriagnanahare naho ty fanagnagne.²⁵Naho zay areke ambarako ama'areo, ko misalasala mikasike ty fiai'areo, ty hohane'areo, ndra ty mikasike ty vata'areo, ie horongona'areo. Tsy bey ambone o hanegneo vao ty fiaignagne, le o vatagneo vao bey ambone ty akanjo'o?²⁶ Henteo o vorogne agnala ey io. Iareo rey tsy raha mambole, fa ty rae'areo an-dagnitse agne ro mamahagne iareo. Tsy manan-kasigne mihoatse iareo vao nareo?²⁷Ia ama'areo ty mete hagnampe metatse raike amy ty andro hiveloma'e amy ty fitahiagne? ²⁸Nagninogne nareo ie misalasala amy ty ankanjo'areoo? Vetsevetseo ty mikasike ty lilia antondaey, manao akore ty tiry iareo. Tsy raha miasa iareo io, tsy raha manjaitse akanjo ka. ²⁹Ambarako ama'areo, fa ndra i Salomona aza amy ty volonahe'e le tsy niakanjo mitovy ty raike amy rey.³⁰Naho ampiakanjoen'Andriagnanahare mitovy amy ty ahetse atonda agne, ze misy androany naho maray le hatono am-patagneo, manahake ty ino ty hampiakanjoa'e anareo vata'e, nareo kede finoagne?³¹ Naho zay areke, ko misalasala te hoe: "Inogne ty hohane'ay?" "inogne ty honome'ay?" "inogne ty akanjo hakanjoe'ay?"³²Fa iareo Jentilisa mipay o raha reo, le ty Rae'areo an-dagnitse agne le mahafohigne ka fa mila io nareo. ³³Fa katroho heke ty fanjaka'e naho ty fahamarigna'e le hatolotse anareo o raha reo. ³⁴Naho zay areke, ko marikarike ty maray, fa mbe hisalasala ty aze ty maray. Ampe hoe ze kila andro ty raty ama'e ao.

Chapter 7

¹Ko mitsara mba tsy ho tsaraegne nareo. ²Fa amy ty fitsaragne natao'areo, ro hitsaragne anareo ka, le amy ty fandrefesagne andrefesagne'areo, ro handrefesagne anareo.³Nagnino rehe tondregne magnete ty akata kede agnate ty maso ty rahalahi'o, nefa ty amy ty azo tsy trea'o? ⁴Akore ty hirehafa'o ty rahalahi'o te hoe: "Apoho raho hangalake ty akata agnate maso'o ao, naho mbe agnate ty maso'o ao i azoy?⁵ Nareo soa miatreke! Afaho hek ty akata agnate ty maso'o, le avy eo rehe hahatrea soa naho fa magnafake ty amy ty maso ty rahalahi'o.⁶Ko ameagne amboa ty raha manan-kasigne, le ko ariagne amo kosogneo ey ty vatosoa'areo. Naho tsy zay le ho voa lialia ty tombo'iareo, le avy eo hifotetse naho hamilavila anareo amy ty fahapotehagne.⁷Mangataha, le ameagne anareo zay. Mipaia, le hahatrea nareo. Konkogno, fa hisokake ho anareo zay. ⁸Fa ze mangatake, le hahazo; iareo abike mipay, le mahatrea; le ze ndaty mampikonkogne ho sokafegne. ⁹Ia ama'areo ty angataha ty ana'e mofo, ro hanolotse vato ho aze?¹⁰ Na ka nangataha'e fiagne, le hagnomey bibilava aze?¹¹Naho zay areke, nareo raty aza mahay magnomey raha soa hoe ty ana'areo, tsy bey mihoatse zay vao ty raha soa amean-dRae'areo an-dagnitse agne hoe iareo ze mangatake ama'e? ¹²Naho zay areke, ndra ino ndra ino raha tea'areo hatao'ondaty amareo, le toko'e hanao manahake zay am'iareo ka nareo, fa zay ty lily naho iareo mpitoky.¹³Midira amy lalambey kititse. Fa bey naho malalake ty lalagne mitondra amy ty raty agne, le maro iareo ndaty mandeha am'zay. ¹⁴Fa kititse sady sarotse ty lalambey mitarike amy ty fiaignagne maregne, le tsy ampe iareo mahita zay.¹⁵Miambena amy ty mpitoky sandoke, ie mamonje anareo amy ty fiakanjon'agnondry nefa amboa ly mpitsitsa. ¹⁶Amy ty alala ty voa'e ro hahafantara'areo iareo. Mangalake voaloboke amy ty fatikey vao ty ndaty, ndra ka aviavy amy ty songosongo ey? ¹⁷Mitovy am'izay, ze hata soa aby le mamoa voa soa, fa ze hata raty mamoa voa raty.¹⁸Ty hata soa tsy mete hamoa voa raty, le ty hata raty tsy mete hamoa voa soa. ¹⁹Ze kila hata tsy mamoa voa soa le hotapahegne, le hatorake agnate afo agne. ²⁰Naho zay areke ho fanta'areo iareo amy ty alala ty voa'e.²¹Tsy ze kila mirehake amako hoe: "Ragnandria, Ragnandria" le hiditse ty fanjaka ty lagnitse, fa iareo manao ze zoto ty arofo ty Raiko an-dagnitse agne avao.²² Maro ndaty reo hirehake amako amy ze andro zay hoe: "Ragnandria, Ragnandria, tsy fa nitoky tamy ty agnara'o vao zahay, tsy fa nandroake kokolampogne tamy ty agnara'o, le nanao ka asa bey reo tamy ty agnara'o?"²³ Avy eo raho hagnambara am'iareo ampahabeso hoe: "Tsy mahafantatra anareo mihitsy Aho! Misitaha lavitse Ahy, ry mpanao raty!"²⁴Naho zay areke, iareo ndaty mitsandregne ty rehako manao aze to le hanahake ty ndaty hendre nagnoregne ty tragno'e ambone ty vatolampy. ²⁵Avy oragney, mitroa tamboho ranoy, le nifofofofo naho namele i tragnoy ty rivotse, fa tsy nihetseke, satria naoregne ambone ty vatolampy teo.²⁶Fa ze mitsandregne ty rehako fa tsy manao aze to rey le manahake ty ndaty gege magnoregne ty tragno'e ambone ty fasegne ey. ²⁷Avy oragney, mitroa tamboho ranoy, le nifofofofo namele tragnoy ty rivotse, le nihomake reke, sady nirava."²⁸Naho fa niavy nagnambara rehake reo t'i Jesosy, le nitea vahoake rey ty fampianara'e,²⁹ satria nampianatse iareo manahake ty ndaty managne fahefagne reke, fa tsy manahake iareo manoratse ty lili'iareo.

Chapter 8

¹Naho fa nizotso boake ambohitsey t'i Jesosy, le ndaty maro ty nagnorike aze.² Ingo, nisy boka nagnantogne aze le niondreke taloha'e eo nanao hoe: " Ragnandria, naho zoto'o, mahay magnalio ahike rehe." ³Nagnitsy fita'ey t'i Jesosy le nikasike aze, nanao hoe: "Zotoko. Madiova." Tsy nisy alaharo fa leavy le nadio tamy ty fahaboka'e reke.⁴Zao ty natao i Jesosy tama'e hoe: "Ao soa tsy hagnambara ndra am'ia ndra am'ia rehe. Mandehana amy ty lala'o, le atoro amy ty mpisorogne ty vata'o le atoloro i fagnatetse nandilia i Mosesy, mba ho fijoroagne vavolombelogne am'iareo."⁵Naho fa niditse tao Kapernaomy t'i Jesosy, le namonje aze ty kapiteny raike le nagnontane aze⁶ hoe: "Ragnandria, matindry antragno ao ty mpanompoko."⁷ Le hoe t'i Jesosy tama'e hoe: "HOavy raho le hagnasitragne aze."⁸Namale i Kapiteny le nanao te hoe: "Ragnandria, ndaty tsy to raho tsy magneva hidira'o ty antragnoko ao, misaontsia avao rehe le ho jangagne ty mpanompoko. ⁹Fa raho io lahilahy napetrake ho ambane fahefagne, le managne miaramila fehezeko raho. Mirehake amy ty raike raho te hoe: "Mandehana", le mandeha reke, le amy ty raike hafa ka hoe: "Avia", le magnantogne reke, le amy ty mpanompoko hoe: "Anovo zao", le atao'e zay."¹⁰ Naho fa nirey i Jesosy zay, le nilatsa reke sady nirehake am'iareo nagnorike aze hoe: "Ambarako ama'areo ty tena maregne, fa mbe tsy nahatrea ndaty manampinoagne manahake zao raho ta Israely teto.¹¹Ambarako anareo, fa maro ty boake antignanagne naho ty boake ahandrefagne ho avy, le hipetrake an-databatse eo mindra am'i Abrahama iareo, Isaka naho i Jakoba, amy ty fanjaka ty lagnitse agne.¹² Fa iareo ana ty fanjakagne le hatorake ivwela ty iegne lavitse agne, ie hisy fitagniagne naho fisokiragne nife. ¹³Le zao ty natao i Jesosy am'i Kapiteny hoe: "Mandehana! Magnorike ty ninoa'o, le ao zay hatao'o ho azo."¹⁴Naho fa niditse t'antragno i Petera ao t'i Jesosy, le nahavazoho ty rafoza i Petera ampela nandre marare voa ty tazogne reke.¹⁵ Nikasihe i Jesosy ty tagna'e, le nindre amizay tazogney. Le nitsangagne reke sady nanjotso hanegne ho aze.¹⁶Naho fa nihariva, le maro iareo nivoa ty kokolampogne nandese ty ndaty am'i Jesosy eo. Nandroake o kokolampon-draty reo tamy ty rehake reke le nagnasitragne iareo ze narary abike.¹⁷ Zay ty nahalefe ze nambara i Isaia mpitoky, nanao te hoe: "I reke vata'e nagnala ty faharareantika naho nitondra ty aretentika."¹⁸Naho fa nivazoho i Jesosy ndaty maro nagnarikobogne azey, le nagnomey torolalagne ty hitsahagne amy ranomasigne Galilia reke. ¹⁹Avy eo ty mpanoratse lily raike namonje aze le nanao te hoe: "O mpagnanatse, hagnorike azo raho ndre mbaia mbaia ty hagnaveloa'o."²⁰ Zao ty natao i Jesosy tama'e: "Ty amboahaolo manan-davake, le ty voro ty lagnitse managne tragno, fa ty ana'ondaty tsy managne ndra aia ndra aia ty degana ty loha'e."²¹Ty raike hafa amy mpiana'e reo nirehake tama'e hoe: "Ragnandria, votsoro raho handeha handevegne ty raeko."²² Le zao ty natao i Jesosy tama'e hoe: "Oriho raho, apoho ze mate handevegne ty mate ama'e ao avao."²³Naho fa niditse amy ty sambokede raike tao t'i Jesosy, le nagnorike aze t'agnate io ao ka mpiana'e rey. ²⁴Ingo, nisy rivotse mahery ty amy ranpomasigne ey, le nifeno rano i Samboy. ²⁵Namonje aze iareo mpiana'e le namoha aze nanao hoe: "Vonjeo tika, Ragnandria, ho mate tika!"²⁶Le hoe t'i Jesosy tama'iareo: "Nagnino nareo matahotseo, ry kede finoagne?" Le nitsangagne reke sady nirehafe'e mafe i rivotsey naho i ranomasigney. Le nijanogne.²⁷ Gaga iareo lahilahy le nirehake hoe: "Fa karazan-dahilahy inogne toy io, fa ndra rivotse naho ranomasigneo mieke aze?"²⁸Naho fa niavy nitsake le tamy ty tana i Gadarenesa t'i Jesosy, le nisy ajalahy roe zay nifeheze ty kokolampogne nifaname tama'e. Boake an-dolo ey iareo io, le tsy nisy mpandeha afake nandalo ty amy lalagney.²⁹ Ingo,nihiake mafe iareo le nanao te hoe: "Mpinogne vao zahay naho reheo, ry anak'Andriagnanahare? Avy eto vao rehe hamerevere anay aloha ty fotoagne tinondro?"³⁰Le nisy kosogne maro nihinagne teo, tsy lavitse iareo.³¹ Le mbe nitsoloke am'i Jesosy o kokolampogne reo nanao hoe: "Naho mandroake anay rehe, le alefaso agnate ty kosogne maro toa zahay." ³²Le zao ty natao i Jesosy tama'iareo: "Mandehana!" Le niala i kokolampon-draty reo sady niditse amy kosogne rey; le ingo, nihelalake an-dranomasigne ey le nimate agnate rano ao aby iareo.³³Iareo ze niarake kosogne rey le nilay antanagne agne, le nitalily ty raha nisy aby, naho ty raha niseho amy ajalahy nivoa ty kokolampogney. ³⁴Ingo, nivorake abike iareo t'antanagne ao mba hihaogne am'i Jesosy. Naho fa nitrea iareo reke, le nangatake aze mba hiala ty faritane iareo.

Chapter 9

¹Niditse an-tsambokede ao t'i Jesosy, nitsake, le niavy antana'e ao. ²Ingo, nisy ajalahy marare ty paralesisa milafike am-pandreagneo nandese iareo ama'e teo. Naho fa nahonigne ty finoa iareo, le hoe t'i Jesosy am'i lahilahy marare ty paralesisa: "Anake, mifalea amzay fa malio ty hakeo'o."³Ingo, ty sasa'e tama'iareo mpanora-dily manao rejiagne te hoe: "Mirehake raty ty lahilahy tia." ⁴Arofana i Jesosy ty eretsere iareo le nisaontsy reke hoe: "Nagnino nareo manao eretsere-draty am-po'o areo ao? ⁵Fa ia ty moramora ty mirehake aze hoe: voavela ty hakeo'o, sa ty mirehake hoe: mitsanga le mandehana? ⁶Fa mba ho fanta'areo fa ty ana'ondaty managne fahefagne hagnafake hakeo ambone tane eto..." hoe ty natao'e am'ie marare ty paralesisa: " Mitsangàna, jinio fandrea'o, le mandehana an-tragno'o agne."⁷Nitsangagne mararey le nandeha an-tragno'e agne. ⁸Naho fa nahatrea zay vahoakey, latsa iareo le niantsa an'Andriagnanahare, ie nagnomey fahefagne hoe ty ndaty. ⁹Naho fa niale eo t'i Jesosy, le nahatrea lahilahy tokavegne hoe Matio reke, nipetrake am-pamorian-ketra eo. Hoe ty natao'e tama'e: "Magnoriha ahy." Nitsangagne reke le nagnorike Aze."¹⁰Le naho nipetrake nikama tan-tragno ao t'i Jesosy, ingo, mpamory hetse naho ndaty be hakeo maro niavy nindre nihinagne am'i Jesosy le iareo mpiana'e. ¹¹Naho fa nahatrea zay iareo Fariseo, le nirehake amy mpiana'e reo nanao te hoe: "Nagnino mpampiana'areo io mindre mihinagne amy ty mpamory hetse naho ty ndaty be hakeo io?¹²Naho fa naharey zay t'i Jesosy, le hoe ty natao'e: "Ty ndaty matanjake tsy mipay mpitsabo, fa iareo marare avao. ¹³Toko'e mandeha mianatse ty dika ty hoe: Famindragne arofo ro irieko fa tsy sorogne. Fa avy raho, tsy hipay ze maren-tane hisoloho, fa ze be hakeo."¹⁴Avy nagnantogne iareo mpiana i Jaona le nirehake te hoe: "Nagnino zahay naho iareo fariseo mifaly hanegne mateteke, fa o mpiana'o reo tsy mba mifaly? ¹⁵Le hoe t'i Jesosy tam'iareo: "Ho meloke vao ty longo mpangalake io, naho mbe mindre am'iareo eo mpangalakey? Fa hoavy ty andro hangalagne ty mpangalake am'iareo eo, le amzay iareo vaho hifaly hanegne.¹⁶Tsy misy ndaty manampegne akanjo tonta amy ty tapa-damba vaovao, fa ty tampegne handrovitse ty lamba, le hisy triatse raty lavitse.¹⁷Tsy misy ndaty magniligne divay amy ty siny holitse tonta. Naho manao zay iareo, le ho triatse siny holitsey, ho longagne divay'i le ho poteke i siny holitsey. Fa magniligne divay vaovao amy ty siny vaovao iareo, le ho voa tahiry iareo.¹⁸Naho mbe nisaontsy raha reo tam'iareo t'i Jesosy, le ingo, nisy manampahefagne raike niavy le niondreke ama'e. Nirehake reke hoe: "Mate ty anako ampela, fa avia le apetraho ama'e ty fita'o, le ho velogne reke." ¹⁹Avy eo nagnavelo nindre ama'e t'i Jesosy naho iareo mpiana'e."²⁰Ingo, nisy ampela nadeha lio fa ho roe taogne, nandeha afara i Jesosy ao le nikasike sarimbo'ey. ²¹Fa zao ty natao'e: "Naho mahavoakasike ty lamba'e raho, le ho jangagne." ²²Nitolike t'i Jesosy le nahavazoho aze, le nirehake te hoe: "O anakampelako,mahereza, ty finoa'o ro nahajangagne azo." Le niafake nannomboke tam'io i lio lavay.²³Naho fa niavy amy ty tragno i manam-pahefagney t'i Jesosy, le nahavazoho iareo mpitioke antsiva naho naho ndaty maro mikorake reke. ²⁴Le hoe hoareke: "Mandehana, fa tsy mate i ajajampelay, miroro reke." Ndra nihehea iareo avao reke le natao tsikike.²⁵Naho fa naboake antane agne i ndaty maro rey, niditse antragno ao reke le nandrae aze amy ty tagna'e, le nitsangagne ajajampelay. ²⁶Le niely amy faritsey i vaovao soa zay.²⁷Naho fa niala teo t'i Jesosy, le nisy goa roelahy nagnorike aze. Tsy nijanogne nitoka iareo le nanao te hoe: "Amindrao fo zahay, ie ana i Davida!"²⁸ Naho fa niavy t'an-tragno ao t'i Jesosy, le namonje aze iareo lahilahy goa. Le hoe t'i Jesosy am'iareo: "Matoky vao nareo fa mahay manao zao raho?" Le zao ty natao iareo: "Eka, Ragnandria."²⁹Avy eo, nikasihe i Jesosy ty maso iareo, le nisaontsy reke te hoe: "Ho lefe ama'areo magnorike ty finoa'areo zay,"³⁰ le mahatrea ty maso'iareo. Avy eo t'i Jesosy nandily mafe iareo le nirehake te hoe: "Ao soa tsy hisy ndaty hahay ty momba zao." ³¹Faie le nandeha iareo roelahy nagnely i vaovao momba zay amy ze kila faritse tey.³²Le naho fa nandeha iareo roe lahy, ingo, nisy lahilahy moagne nippetraha ty kokolampon-draty tam'i Jesosy eo. ³³Naho fa niroahegne i kokolampondraty'i, le nirehake i lahilahy moagney. Gaga ndaty maroy le nivaky rehake te hoe: "Mbe tsy nimpitrea tam'Isiraely zao!"³⁴ Fa zao ty natao iareo fariseo: "Tamy ty fanapaha'iareo kokolampogne, ro nandroaha'e kokolambogne reo."³⁵Nandeha nagnavelo mbey tanam-bey naho ze kila vohitse t'i Jesosy. Nanohy nampianatse tam'iareo synagoga agne Reke, nagnambara ty talily soa ty fanjakagne, le nahajangagne karazan'aretegne maro isankaraza'e.³⁶ Naho fa nahavazoho iareo vahoake reke, le nanagne fiferenaignagne tama'iareo, nisalasala iareo. Manahake ty agnondry tsy misy mpiarake iareo.³⁷Le zao ty natao'e am'iareo mpiana'e: "Maro ty vokatse, fa iareo mpiasa ro tsy ampe. ³⁸Naho zay areke mivavaha malaky amy ty Tompom-bokatse, mba handefasa'e mpiasa amy ty voka'ey."

Chapter 10

¹Nikanjie i Jesosy hindre ama'e i mpiana'e roambifolo lahy'i le namea'e fahefagne handrese ty fagnahy maloto, mba hanfdroahagne iareo, hahajanganagne karazan'aretegne maro naho ze kila rare.²Le intoagne abike ty agnara iareo aposto9ly roambifolo. Ty voaloha'e, i Simona(tokavegne Petera ka), le i Andreo rahalahy'e; i Jakoba anadahy i Zebede naho i Jaona rahalahi'e, ³I Filipo, naho i Barteleomy; i Tomasy, naho Matio i mpamory hetsey; Jakoba anadahy i Alfeosy, le i Tadeosy;⁴ i Simona ie Zelota, le i Jodasy Iskariota, i namotetse azey.⁵Nirahe i Jesosy iareo roambifolo lahy. Nagnanatse iareo reke le nisaontsy te hoe: "Ko mandeha amy ty toeragne hipetraha ty jentilisa nareo, le ko miditse ka amy ty rova o Samaritanao. ⁶Mandehana am'iareo agnondry motso amy tarira Israely io agne; ⁷le naho fa mandeha nareo, mitoria zaka le magnambarà hoe: "Fa marine ty fiavia ty fanjaka ty lagnitse."⁸Jangano ty marare, atsangano ty mate, liovo iareo boka, le roaho o kokolampogne reo. Manahake ty nahazoa'areo maimaimpoagne le mizarà maimaimpoagne avao ka.⁹ Ko minday volamena, volafotsy, ndra varahigne amy ty kitapom-bola'areo. ¹⁰Ao soa tsy hinday vatiagne amy ze andehana'areo, ndra akanjo hafa, ndra kiraro, ndra tehegne, fa ty mpiasa fa magnave andombofagne hanegne.¹¹Ndra ino ndra ino rova bey naho tanagtne kede hidira'areo, paiavo ze magneva ao, le mitoboha ao mandram-pandehana'areo.¹² Naho vaho miditse antragno ao nareo, le manalamà ze ao. Naho malio hakeo tragnoy, le hizotso ao ty fiadana'areo. ¹³Fa naho tsy zay le hiheregne ama'areo fiadana'areoy.¹⁴Hoe iareo ze tsy mandray anareo naho ka tsy mitsandregne ty reha'areo, le ahintsagno ty deboke amy ty tombo'areo, naho fa miala amy tragno naho rova bey zay nareo.¹⁵ Ambarako ama'areo ty tena maregne, fa ndra ho moramora ty amy ty tana iareo Sodoma naho Gomora agne amy ty andro fitsragne toy zay amy rova bey zao.¹⁶Ingo, handefa anareo manahake o agnondrio ho agnate ty amboa ly io eo raho, mihendrea manahake ty menaragne, le tsy manan-tahy hoe voromahilala. ¹⁷Miambena amy ty ndaty! Hanolotse anareo amy ty zaka bey eo iareo, le hijera anareo amy ty synagoga'iareo ao iareo.¹⁸ Avy eo le handesegne amy ty goverinora naho ty mpanjaka nareo noho ty amako, mba ho vavolombelogne ho aze naho ka hoe iareo jentilisa.¹⁹Naho fa manolotse anareo iareo, le ko matahotse te hoe ino ty raha hovolagne'areo, fa hameigne anareo am'io fotoagne io ty raha horehafe'areo. ²⁰Tsy nareo ro hirehake, fa ty Fagnahy i Rae'areoy ro hisaontsy ama'areo ao.²¹Ty rahalahy hanolotse ty rahalahy ho amy ty fahafatesagne, ty ra le ty ana'e. Ty anake le hatsangagne hamale ty fanagnan-dRae'e naho ty fanagnan-dRene'e mba hahavia i fatey am'iareo.²² Hoheje ze kila ndaty nareo noho ty amy ty agnarako. Fa ndra ia ndra ia mahaligne hatra am-para'e le hoavotagne ze i ndaty zay. ²³Naho fa magniagne anareo am'io rova bey io iareo, le milaisa amy ty hafa ka, ambarako anareo ty tena maregne, fa tsy hahatety o tana Isiraely io nareo mandra-pahavia ty ana'ondaty.²⁴Ty mpianatse tsy mbia ho bey ambone ty mpitoky, ndra ty mpanompo tsy ho ambone ty tompo'e. ²⁵Ampe hoe ty mpianatse naho avy manahake ty mpitoky reke, le ty mpanompo manahake ty tompo'e. Naho nitokave iareo hoe Belzeboba tompo-tragnoy, le ho raty lavitse zay vao ty hitokava'iareo ty isam-bavea'e.²⁶Naho zay areke ko matahotse aze nareo, fa tsy misy takogne tsy hiboake, raha mietake tsy ho fantatse. ²⁷Ze rehafeko ama'areo agnate ty maieke, le rehafo amy ty andro mazava, le ze bisibisike rei'areo an-tsofi'areo, le koho ambone tragno agne.²⁸Ko matahotse iareo mamono ty vatagne faie tsy afake mamono ty fagnahy. Fa matahora ze afake mamoteke ty fagnahy naho ty vatagne amy ty hakeo. ²⁹Tsy ho vola torotoro avao vao ty hamarotagne foly roe? Fa mbe tsy misy ndra raike lavo an-tane am'iareo io naho tsy misy ty fahalalan-dRae'areo.³⁰ Ndra ty volon-doha'areo aza ho voa isake abike. ³¹Ao soa tsy hatahotse. Manan-kasigne ambone o foly io nareo.³²Naho zay areke, ze kila magneke ahy amaso'ondaty, le ho ekeko ka agnatreha ty Raeko an-dagnitse agne.³³Fa ze mandietse ahike agnatreha ty ndaty eo, le handa aze ka raho agnatreha ty Raeko andagnitse agne.³⁴Ko mieretseretse laleke fa raho avy hinday fiadanagne amy ty tane toy. Tsy avy hinday fiadanagne raho fa antsy. ³⁵Fa avy raho hampisarake ty ana-dahy amy ty ra'e, naho ty anakampela amy ty rene'e, le ty vinanto ampela amy ty rafoza'e ampela.³⁶ Iareo ze antragno'e ao avao ro ho lasa fahavalo ty ondaty.³⁷Ze tea ty ra'e ndra ty rene'e mihoatse le tsy magneva ahike, le ze tea ty ana-dahi'e ndra ty anak'ampela'e mihoatse ahy le tsy magneva ahy. ³⁸Ze tsy mandrae ty hazofijalea'e tsy magnorike ahy le tsy magneva ahy. ³⁹Ze mamonje ty fiai'e le hahamotso zay. Ze mamoe ty fiai'e noho ty amako le hahatrea zay.⁴⁰Ze mandrae anareo mandrae ahy, le ze mandrae ahy mandrae ie nagnirake ahy.⁴¹ Ze mandrae ty mpitoky satria mpitoky reke le hahazo ty valesoa ty mpitoky, le ze mandrae ty ndaty to satria to vata'e reke le hahazo ty vale soa ty ndaty to.⁴²Ndra ia ndra ia magnomey ty raike amy iareo kede rey, ndra tie rano zinga raike ho nome'e aza, satria reke mpianatse, le ambarako ama'areo ty mnaregne fa, tsy ho motso ty valesoa'e.

Chapter 11

¹Naho fa niavy nampianatse i mpiana'e roambifolo lahy'i t'i Jesosy, le niala teo reke handeha hampianatse amy tana'iareoy agne.² Naho fa nirey i Jaona am-pigadragne ao ty momba ty asa i Kristy, le nagnafatse i mpiana'e rey reke,³ le rehake te hoe: "I rehe vao o raike hoavy zao, sa mbe handigne hafa zahay?⁴Jesosy namale te hoe: "Akia rehafo am'i Jaona ze trea'areo naho ze nirei'areo."⁵ Hahatrea ze goa, handeha ze kepeke, halio ze boka, haharey ze karegnegne, hijangan-kovelogne ty ndaty mate, le agnambarao talily soa ty tsy managne.⁶ Votsotse ze tsy voa tsikapy amy agnamako."⁷Mbe andalagney avao o lahilahy reo, le nagnambara ty mikasike i Jaona amy vahoake rey t'i Jesosy hoe: "Hagnete ino ty niala'areo ty agnefetse-volotara tiofe ty tioke agne? ⁸Faie hagnete ino ka ty niakara o lahilahy miakanjo akanjo lafo reo? Ingo, iareo miakanjo akanjo lafo le mitoboke antragno iareo mpanjaka ao.⁹Hagnete ino ty niakara'areo mpitoky? Eka, mirehake ama'areo raho, le mihoatse lavitse ambone ty mpitoky.¹⁰ Ie voasoratse zay te hoe: "Henteo, magnirake ty irako hiaolo ty tarehehe'areo raho, ie hamboatse ty làla'areo mioaolo anareo."¹¹Ambarako ama'areo ty tena maregne, fa am'iareo natera ty ampela tsy misy ambone i Jaona mpanao Batisa. Faie ty ndaty tsy manan-danja amy ty fanjaka ty lagnitse le bey ambone'e. ¹²Nanomboke tamy ty andro i Jaona mpanao Batisa hatra am'izao, le leveleve ty aly sarotse ty fanjaka ty lagnitse, le alae iareo mahery tsy atolo-tagnagne.¹³Fa iareo ze kila mpitoky naho ty lily le fa nitoky hatra am'i Jaona;¹⁴ le naho zoto areo ty hagneke zay, le i reke ro i Elia ho avy zao. ¹⁵Ze manan-tsofigne le mitsandregne aze.¹⁶Inogne ty hampitovizeko amy ty tarira toy? Zay le manahake ty ajaja mihisa antserna ey,mitoboke le mifampitoka ¹⁷mirehake te hoe: "Nitioke antsiva ho anareo zahay, fa tsy nitsinjake nareo. Nanao antsa fisaoragne zaha, fa tsy nitagny nareo."¹⁸Fa i Jaona tsy raha niavy hihinagne mofo ndra hinogne divay, le hoe ty natao iareo: "Misy kokolampogne reke."¹⁹ Ty ana ondaty niavy hihinagne naho hinogne le hoe ty atao iareo: "Henteo, lahilahy maiavetse naho mamolava reke, ragne iareo mpitake hetse naho iareo behakeo!" Fa ty fahendrea'e mbe tsarae ty asa'e."²⁰Avy eo t'i Jesosy nanomboke nisaontsy mafe iareo tanagne ze nanoa'e ty asa'e maro mahagaga, satria tsy nisoloho iareo.²¹ "Loza ho anareo, ry Korazina! Loza ho anareo, ry Betsaida! Natao à Tyra naho à Sidona agne o asa mahagaga atao ama'areo eto zao, le fa ela ty nisolohoa'iareo amy ty lamba fisaonagne naho lavenoke. ²²Faie tsy ho sarotse ty à Tyra naho à Sidona agne amy ty andro fitsaragna te zay ty anareo.²³areo, ry Kapernaomy, miehevetse vao nareo fa hasandratse andagnitse agne? Tsie zay fa handesegne agnate ty afo mirehetse agne nareo. Satria naho t'à Sodoma agne ty nanoagne o asa mahagaga atao ama'areo eto, le mbe tsy ho lefe zay mandrak'anito.²⁴ Faie magnambara ama'areo raho fa ho ty ey Sodoma amy ty andro fitsaragne te zay ty anareo."²⁵Tam'zay fotoagne zay t'i Jesosy nisaontsy te hoe: "Miantsa azo raho, Raeko, Tompo ty lagnitse naho ty tane, satria i rehe ro nagnetake raha io amy ty hendre naho ty mahilala, manahake o ajaja kedeo.²⁶ Eka, Raeko, satria zay le nampalio fo t'ampihaino'o eo. ²⁷Ze kila raha ampanoegne ahike le avy am'ie Raeko; tsy misy mahay ty anake naho tsy ty rae'e avao le tsy misy ka mahafantatse an-dRae'e naho tsy ty ana'e, naho ka ze nifilie ty anake hagnambara aze.²⁸Mandehana amako atoy, nareo ze miasa naho mitondra entagne mavesatse iabike, fa homeako fitofagne nareo. ²⁹Andeso ty jiogako le mianara amako, fa maleme arofo raho, le hahatrea faliovagne hakeo ty fagnahy areo. ³⁰Fa mora ty jogako, maivagne ty entako."

Chapter 12

¹Tam'izay fotoagne zay t'i Jesosy nagnavelo an-tanembarey amy ty andro sabata. Kere i mpiana'e rey le nihinagne voam-bare iareo.² Faie naho fa nitrea iareo Fariseo zay, le hoe ty natao iareo am'i Jesosy: "Henteo, manao raha tsy toko'e hatao amy ty andro sabata."³Le nisaontsy iareo t'i Jesosy te hoe: "Mbe tsy nivakie'areo vao ty raha natao i Davida, naho fa nimosare reke, naho iareo lahilahy nindre ama'e? ⁴Nizilike agnan-jomban'Andriagnanahare ao reke le nihinagne ze mofo tao, ndra tie raha tsy manandrife iareo ty toko'e hihinagne aze fa hoe ty mpisorogne avao.⁵Mbe tsy nivakie'areo vao ty lily ao, fa amy ty sabata o mpisorogne agnan-jomba ao reo ota amy ty sabata fa tsy manan-tahigne? ⁶Faie ambarako ama'areo fa eto i raike ambone naho ty anjombay.⁷Naho fanta'areo ty heve ty hoe: "Famindragne arofo ty irieko fa tsy sorogne, le tsy naito amy ty tsy manan-tahigne nareo.⁸ Fa ty ana'ondaty ro Tompo ty sabata."⁹Niala eo t'i Jesosy le nandeha amy ty synagoga iareo ao. ¹⁰Ingo, nisy lahilahy maleme tagnagne teo. Nagnontane i Jesosy o Fariseo reo, nanao te hoe: "Magnorike lily vao ty mitsabo amy ty sabata? mba hitsepaha iareo aze amy ty ota.¹¹Zao ty natao i Jesosy am'iareo hoe: "Ndaty ia ama'areo eo, ia, naho agnondry raike avao ty anagna'e, le naho latsake agnate lavake ao i agnondry amy ty andro sabata, le tsy hampiakatse aze boake ao? ¹²Tsy mana-kasigne mihoatse ty agnondry vao ty ndaty! A naho zay magnorike lily ty manao raha soa amy ty andrto sabata.¹³Avy eo le nikanjie i Jesosy i lahilahy hoe: "Ahitsio tagnaoy." Le nahitsi'e am'izay, le niafake ty faleme'e. ¹⁴Niakatse am'zay iareo Fariseo hivognogne ty hamono aze. Nipay hevetse ty hamonoagne aze iareo.¹⁵Naho fa niarofana i Jesosy raha zay, le niala ty eo reke. Ndaty maro ty nagnorike aze, le nitsangane'e iareo abike.¹⁶ Le nililia'e iareo tsy hampibeobeoke amy ty ndaty hafa,¹⁷ mba hahalefe, ze fa nambara tamy ty alala i Isaiah mpitoky, manao te hoe:¹⁸"Henteo, ty mpanompoko nifilieko, iareo mamiko, naliova ty arofoko. Hatoboko amy ty fagnahiko ao, le hitalily ty fitsaragne amy ty Jentilisa reke.¹⁹Tsy hifandietse, tsy hikorake reke, le tsy hisy ndaty hitsandregne ty feo'e ty an-dalagne ey.²⁰ Tsy hanapake ty volotara torotoro reke; tsy hamono ze lelan-jiro manetroke, mandra-panaova'e ty rare'e ho fandreseagne,²¹ le amy ty agnara'e ro hanagna'iareo Jentilisa fitàmagne."²²Avy eo nisy ndaty goa naho moagne, nipetraha ty kokolampogne, nandesegne am'i Jesosy eo. Nijangane'e reke, le nijangagne nahita naho nahay nirehake.²³ Latsa iareo vahoake vaky rehake hoe: "Hendra o lahilahy io ana i Davida zao?"²⁴Faie naho fa naharey fahagagagne zay iareo Fariseo, le zao ty natao iareo hoe: "O lahilahy io tsy mandroake kokolampogne naho tsy amy ty alala ie Belzeboba, bey ty kokolampogne.²⁵ Faie niarofana i Jesosy ty vetsevetse iareo le nisaontsy reke te hoe: "Ze kila fanjakagne mialy an-tragno le tsy ho ela rava, le ty tanagne ndra tragno mialy an-tragno le ho rava.²⁶Naho nandroake kokolampogne ty kokolampogne, le mialy an-tragno reke. Le akore am'izay ty hitsangana ty fanjaka'e?²⁷ Le naho mandroake kokolampo amy ty alala ty Belzeboba raho, le amy ty alala'ia zane ty handroaha ty ana'areo aze? A naho zay anto'e zay areke le ho mpitsara'areo iareo.²⁸Faie naho mandroake kokolampogne amy ty alala ty Fagnahin'Andriagnanahare raho, le fa avy ama'areo ty Fanjakan'Andriagnanahare.²⁹ Amy ty fomba manao akore ty hahafaha ty ndaty miditse an-tragno ty lahilahy mahery naho tsy rohizagne heke i lahilahy mahery'i? Avy eo le hangalake o fanagna'e reo an-tragno ao reke. ³⁰Ze tsy miomba ahike le manohetse ahike, ze tsy mitraoke mindre amako le mivibike.³¹A naho zay ambarako anareo fa, hovotsoran-kakeo ze kila ndaty amy ty hakeo'e naho ty firehafa'e raty, fa ty firehafagne raty amy ty Fagnahy Masigne le tsy hahazoagne fagnaliovagne hakeo.³² Ndra ia ndra ia mirehake manohetse ty ana'ondaty, le halio reke. Fa ndra ia ndra ia mirehake manohetse ty Fagnahy Masigne, le tsy halio hakeo reke, ndra am'izao fiaignagne zao, ndra amy ty ho avy ka.³³Anovo soa ty hatae le hamoa zay, anovo raty ka ty hatae le hamoa raty zay, fa fantatse amy ty voa'e ty hatae.³⁴ Nareo tarira ty menaragne, satria raty fagnahy nareo, le akore ty hahafaha'areo mirehake raha soa? Fa avy amy ty habey ty am-po'e ao ro irehafa ty vava'e.³⁵ Ty ndaty soa amy ty fanagnagne boake am-po'e ao le mamokatse ze soa, le ze ndaty raty amy ty fanagnagne raty boake am-po'e ao le mamokatse raty zay.³⁶Ambarako anareo fa amy ty andro fitsaragne le ho adignegne amy ty rehake tsy voa heve'e rineha'e abike ty ndaty.³⁷ Fa ty reha'o ro hagnamarenagne azo, le ty reha'o ka ro hiheloke anareo."³⁸Avy eo nisy mpanoratse lily naho Fariseo sasantsasa'e namale i Jesosy nanao te hoe: "O mpagnanatse te hahatrea famantaragne boake ama'o zahay."³⁹ Fa namale t'i Jesosy le nisaontsy te hoe: "Misy keleiagne raty fagnahy mipay famantaragne. Faie tsy misy famantaragne afake omegne aze naho tsy ty famantara i Jaona mpitoky.⁴⁰ Fa manahake i Jonah ie telo andro naho telo alegne tan-tro ty fiam-bey ao, le manahake zay ka ty hipetraha ty ana'ondaty telo andro naho telo alegne agnate ty tane ao.⁴¹Iareo ndaty i Ninive le hatsangagne amy ty fitsaragne eo mindre amy ty keleiagne tia le hiheloke zay. fa nisoloho iareo tamy ty talily natao i Jaona, le ingo, misy ndaty bey ambone i Jaona ty eto.⁴²Ty mpanjaka vave ty atimo le hindre hitsangagne am'iareo lahilahy ty keleiagne toy amy ty andro fitsaragne le hiheloke zay. Boake amy ty fara ty tane reke mba hijanjigne ty fahendrea i Salomona, le ingo, misy bey ambone i Salomona eto.⁴³Naho fa nisy fagnahy raty niala tamy ty lahilahy raike, le mandriogne tane traintraigne reke mipay fitsaragne, faie tsy mahatrea zay.⁴⁴ Izay le magnambara te hoe: "Hiheregne an-tragnoko agne raho." Naho fa niavy ao le nahatrea te fa nisy namafa i tragnoy malio naho milamigne.⁴⁵ Avy eo nandeha zay, nitondra fagnahy raty fito nindre tama'e raty mihoatse aze, le nindre nipetrake tao iareo. Avy eo niharaty mihoatse i fagnahy raty i lahilahy. Le hanahake zay ka ty amy ty keleiagne raty fagnahy tia."⁴⁶Am'i Jesosy mbe misaontsy amy vahoake rey, le indroagne, ty rene'e naho iareo rahalahi'e nijangagne, te hirehake ama'e.⁴⁷ Nisy ndaty raike nirehake ama'e hioe : "Vazoho, ty rene'o naho iareo rahalahi'o fa mijangagne an-tane ao mipay azo."⁴⁸Nivalea i Jesosy reke te hoe, "Ia ty reneko, le ia ty rahalahiko"?⁴⁹ Avy eo nahitsi'e am'o mpiana'e reo ty fita'e le nisaontsy te hoe: "Henteo, fa iareo toa ty reneko naho rahalahiko!⁵⁰ Fa ze manao ty zoto ty arofo ty Raeko an-dagnitse agne, le zay ndaty zay ro rahalahiko, naho rahavaveko, le reneko."

Chapter 13

¹Tam'izay andro zay t'i Jesosy niakatse ty an-tragno ao le niambesatse agnolon-dranomasigne ey. ²Nisy ndaty maro nivory nanao arikobogne aze, le niditse agnate sambo kede ao reke le niambesatse, fa i ndaty maro rey ro nijanogne agnolon-dranomasigne ey avao.³Avy t'i Jesosy nisaontsy raha am'iareo tamy ty alala ty fagnoharagne. Zao ty natao'e : "Ingo, nisy mpambole raike nandeha nitongy tahiry. ⁴Am'i reke nitongy igne, nisy nihintsagne an-dalagne ey tahiry'i, le tsinimotsimo ty vorogne.⁵ Ty ila'e nipoke amy ty tane feno vato, le tsy nahazo nofon-tane soa. Faie le avy le nitiry, satria tsy laleke taney. ⁶Fa naho fa nipiake i tarignandrokey le avy le nimate naho nalazo ka satria tsy nisy vaha'e.⁷Nipoke am-patikey ty ila i tahiry'i. Nitiry soa i fatikey satria nanjare zezeke i tahiry nipoke teoy. ⁸Ze tahiry nipoke an-tane soa ey nitiry le namoa voa soa sady nivokatse. ⁹Ze manan-tsofigne le mitsandregna soa."¹⁰Iareo mpianatse le nirehake i Jesosy hoe: "Nagnino rehe atao'o fagnoharagne ty saontsi'o amy vahoake reoo?" ¹¹Namale t'i Jesosy le nisaontsie'e iareo te hoe: "Nareo ro nameagne ty tena maregne amy ty fanjaka ty lagnitse, fa iareo tsy nameagne zay.¹² Satria ndra ia ndra ia managne, le ho bey ambone zay ty homegne. Fa ndra ia ndra ia ka tsy managne, ndra ze kele anagna'e aza hofongoragne ama'e.¹³Zay ty anto'e iarehafako ama'iareo amy ty fagnoharagne: Ndra tie magnente aza iareo, le tsy mahita, le ndra tie mitsandregne iareo tsy maharey, tsy misy raha rendre'e. ¹⁴Am'iareo ty toky i Isaia ro holefe, ie mirehake te hoe: "Naho fa mitsandregne le haharey nareo fa tsy haharendreke; naho fa magnente le hahatrea fa tsy hahafantatse.¹⁵Fa fempegna ty raha ty fo o vahoake reo, mafe sofigne iareo, akipe iareo ty maso'e am'izay tsy mahatrea ty mso'e, am'izay tsy maharey ty sofi'e, hihilia ty fo'e, le hisoloho ndraike ka iareo, le hagnasitragne iareo raho.¹⁶Fa sambatse ty maso'areo, satria mahatrea; ty sofi'areo satria maharey.¹⁷ Ambarako ama'areo fa maro iareo mpitoky naho ndaty maregne te hahatrea o raha trea'areo io fa tsy nahatrea. Nagniry ty haharey ka fa tsy naharey.¹⁸Ka mitsandregna soa eo amy ty fagnoharagne ty amy ty mpambole raike nitongy tahiry. ¹⁹Naho fa misy mitsandregne ty saontsy ty fanjakagne faie tsy maharendreke zay, le avy i raty'i hagnombotse ze fa tinongy agnate ty fo'e ao. Io i tahiry nipoke an-dalagney'i.²⁰I nipoke amy ty tane feno vatoy le iareo ndaty mitsandregne ty rehako fa le avy mandrae aze am-pifaleagne. ²¹Faie tsy mba avy am-piai'e fa mora rava. Naho fa Avy ty fijaleagne amy ty fagnenjehagne noho ty amy ty saontsy, le mitsikifotse malaky reke.²²I nipokw amy ty fatikey, io le iareo ndaty mitsandregne ty saontsy, faie ty taho ze kila tane naho ty fitake ty fanagnagne ro magnondevo aze, le manjare tsy mamoa reke. ²³Ze tinongy amy ty tane soa eo, io ro ndaty maharey i saontsy naho mandrae zay. Mamoa voan-katae reke le mahavy voa raike, hagnomey zato mihoatse ty nitongisegne, ty ila'e enem-polo, ty ila'e telo-polo mihoatse.²⁴Nanao fagnoharagne hafa ka tam'iareo t'i Jesosy. Zao ty natao'e: "Ty fanjaka ty lagnitse le manahake ty lahilahy raike nitongy tahiry amy ty tonda'e ao. ²⁵Fa naho fa niroro ty ndaty le niavy ty fahavalo'e nitongy voan-tsifarefare ka amy vare ey ey le nandeha. ²⁶Naho fa nitiry i varey le nivokatse, le nitiry nindre ama'e avao ka i voan-tsifarefarey²⁷Niavy iareo mpiasa ty tompon-tane le nirehake ama'e te hoe: "Ragnandria, tsy nitongy vare antane'o ao vao reheo? Nagninogne reke am'zao misy voan-tsimparefare?"²⁸ Le hoe ty natao'e: "Nisy fahavalo nanao zay." Le zao ty natao iareo mpiasa hoe: "Zoto vao ty hiava'ay iareo io? "²⁹I tompon-taney nirehake hoe: "Aha'e. Satria naho ava'areo o tsimparefareo, le miombotse ka ty vaha o vare mitiry mindre ama'e eo. ³⁰Angao avao hindre hitiry iareo mandram-pijinjagne. Amy ty andro fijinjagne le hirehake amy ty mpijinja raho te hoe: "Afaho heke ze ahetse raty le avorio raike horoagne, fa o vareo ro ataovo an-drihako ao."³¹Avy eo t'i Jesosy nanao fagnoharagne hafa am'iareo. Zao ty natao'e: "Ty fanjaka ty lagnitse manahake ty voatsinampy nalae ty lahilahy le tinongi'e an-tonda'e ao. ³²O voa io ty voa fara'e kede amy ze kila voa. Fan naho fa mitiry le manjare hata bey midoroboke. Manjare hata bey, hipetraha ty vorogne le amboara'e tragno ty rantsa'e."³³Avy eo t'i Jesosy nisaontsy fagnoharagne hafa. Ty fanjaka ty lagnitse manahake ty lalevay nalae ty ampela raike nafangaro'e agnate ty lafarina intelo ty fagnaranagne ao."³⁴Fagnoharagne ro nagnambarà i Jesosy ze kila raha amy ty vahoake, le tsy nisaontsy ndra ino ndra ino am'iareo akoatse ty fagnoharagne reke. ³⁵Zay ty mba hahalefe ty nambara tamy ty alala ty mpitoky, naho fa nirehake reke hoe: " I raho hirehake amy ty alala ty fagnoharagne. Hagnambara ze kila raha naetake tamy ty fiforogna ze kila tane raho."³⁶Avy eo t'i Jesosy niala ty amy vahoake rey eo nizilike an-tragno. Nandeha ama'e eo mpiana'e rey, le nirehake te hoe: "Hazavao ama'ay ty mikasike i voa tsimparefare ty tonday."³⁷ Namale t'i Jesosy le nisaontsy te hoe: "Ze mitongy tahiry soa le i ana'ondaty'i.³⁸ Ty tonda le ze kila tane, ty tahiry soa, iareo ro ana ty fanjakagne. Ty tsimparefare le iareo ana ty raty,³⁹ ty fahavalo nitongy iareo le i kokolampo. Ty fijinjagne le amy ty fara ze kila tane, le ty mpijinja iarei anjely.⁴⁰A naho zay areke, manahake ty famoriagne o tsimparefare horoagne amy ty afo, ro atao amy ty fiafara ty tane toy.⁴¹ Hagnirake o anjeli'e reo ty ana'ondaty, le havory hiala amy ty fanjaka'e ze kila raha minday hakeo, naho ze manao raty ka. ⁴²Hatora iareo agnate ty afo mirehetse ao iareo, le hisy ty fitagniagne naho ty fangitsy ty nife.⁴³ Avy eo hamiratse manahake ty masoandro agnate ty fanjaka ty Rae'e iareo ndaty maregne. Ze manan-tsofigne mitsandregna.⁴⁴Ty fanjaka ty lagnitse manahake ty fanagnagne natao an-driha. Nisy lahilahy nahatrea zay le nambine'e. Nandeha amy ty hafaleagne reke, navaro ze kila raha nanagna'e, nivily o riha io. ⁴⁵Ty fanjaka ty lagnitse ka le manahake ty lahilahy mpivarotse mipay voangy lafo vily.⁴⁶ Naho fa nahatrea voangy raike lafo vily reke, le nandeha novarotse ty fanagna'e hivilianagne zay.⁴⁷Ty fanjaka ty lagnitse le manahake ka ty harato nalefa agnate ranomasigne agne, le mampikadake ze kila raha managne aigne ao. ⁴⁸Naho fa feno zay le nitarihe iareo mpagnarato agnolo i ranomasigney ey. Avy eo iareo nipetrake, le namike ze nilaegne, ze tsy nilaegne naria iareo.⁴⁹Hanahake zay ty amy ty fiafara ty tane toy. Hoavy iareo anjely le hamike ty raty fagnahy amy ty ndaty maregne.⁵⁰ Hatora iareo agnate ty afo mirehetse misy fitagniagne naho fangitsigna ty nife ao iareo io.⁵¹Azo'areo vao raha iabike zao? Zao ty natao mpiana'e rey tama'e hoe: "Eka."⁵² Avy eo t'i Jesosy nirehake am'iareo hoe: "A naho zay areke, ze mpanoratse lily iabike nanjare mpianatse amy ty fanjaka ty lagnitse le hanahake ty lahilahy raike tompon-dragno, magnakatse ze raha fa ela naho ty raha mbe vao amy ty fanagna'e ao." ⁵³Avy eo naho fa nahavita io fagnoharagne io t'i Jesosy, le nagnavelo am'izay reke.⁵⁴Avy eo t'i Jesosy niditse amy ty tane'e ao le nampianatse iareo vahoake amy ty synagoga'iareo ao. Voka izay le nivarenehake iareo le nirehake te hoe: "Boake aia ty nahazoa ty lahilahy toy ty fahendrea'e naho o fahagagagne reo? ⁵⁵Tsy o lahilahy io vao ana i mpandrafitsey? Tsy i Maria vao ty agnara ty rene'e? Tsy i Jakoba, i Josefa, i Simona, le i Jodasy vao ty rahalahy'e? ⁵⁶Tsy mindre amantika vao ty rahavave'e? Le boake aia ro nahazoa'e o raha zao abike?"⁵⁷Heje iareo vintagne reke. Le hoe ty natao i Jesosy tam'iareo: "Tsy misy mpitoky tsy misy haja'e naho tsy amy ty firenena'e naho ty longo'e marine aze avao."⁵⁸ Tsy nanao fahagagagne tao reke satria atao iareo tsy maregne.

Chapter 14

¹Tam'izay fotoagne zay, i Heroda mpanjaka naharey ty vaovao momba i Jesosy. ²Le zao ty natao'e amy ndevo'e rey: "I Jaona mpanao batisa zay, nivanon-kovelogne reke. A naho zay areke le miasa ama'e o hery reo."³Nampitsepahe i Heroda t'i Jaona, le nalefa'e am-pigadragne agne noho i Herodiasy, valy i Filipo rahalahi'e.⁴ Fa zao ty natao i Jaona tama'e hoe: "Tsy magnorike ty lily ho azo ty managne azo ho vali'o."⁵ Nagniry te hamono aze t'i Heroda, faie nataho o vahoake reo satria niraese iareo manahake ty mpitoky reke.⁶Fa naho fa niavy ty andro tsingerengeregne niteraha i Heroda le nitsinjake agnivo ty ambahiny maro niavy eo ty anak'ampela i Herodiasy, nalio fo avao am'izay t'i Heroda. ⁷Ho vale izay, le nampitamà tamy ty fiaiagna'e reke fa ze angatahe'e amy ty fiaigna'ele homei'e ndra ino ndra ino.⁸Naho fa niavy nitoroan-dRene'e hevetse, le zao ty natao'e: "Omeo ahike eto, ambone ty finga, ty loha i Jaona mpanao Batisa."⁹ Nikoretse ty fiay i mpanjaka noho i fangataha'ey, faie noho ty raha fa nampitama'e le nimegnatse i ambahiny maro nihinagne ama'e, le nagnomey baiko reke fa toko'e ho vita zay.¹⁰Nagnirake ty hanapake ty loha i Jaona am-pigadragne agne reke. ¹¹Avy eo natao am-pinga nameagne i ajaja ampelay le nandese'e aman-drene'ey am'zay. ¹²Avy eo niavy mpiana'e rey, nangalake fatey, le nandevegne. Le avy eo nandeha nitalily i Jesosy iareo.¹³Le naho fa naharey zay t'i Jesosy le niale ty amy samboo kede eo nagnavelo amy ty tane bangigne. Naho fa naharey zay iareo vahoake, le nandeha tomboke nagnorike aze boake amy ty rova bey agne. ¹⁴Avy eo t'i Jesosy nandeha aloha iareo eo le nahonigne ndaty maro. Niferegn'arofo iareo reke le nijangane'e ze marare.¹⁵Naho fa nihalegne, le namonje aze iareo mpiana'e le nirehake te hoe: "Tane bangigne ty etoy, fa tsofotse ka i androy. Ampolio ndaty reo mba hivily ty hane iareo."¹⁶Fa i Jesosy nisaontsy iareo te hoe: "Tsy mila mandeha lavitse iareo. Ameo'areo raha hohanegne iareo." ¹⁷Le zao ty natao iareo tama'e: "Mofo dime naho fiagne roe avao ty anagna'e ay eto." ¹⁸Zao ty natao i Jesosy hoe: "Andeso amako etoy zay."¹⁹Avy t'i Jesosy nikanjy i vahoake rey mba hipetrake ambone boka ey. Nalae'e i mofo dimey naho i mofo roey. Nivazoho mban-dagnitse agne, nisaotse reke naho le nanapake i mofoy nimei'e i mpiana'e rey, le mpiana'e rey ka t'i mizara amy ndaty maroy.²⁰ Nihinagne iareo le nivontsigne. Avy eo navory iareo ze tsy nilany le mbe nahafeno roambifolo harogne.²¹ Dime arivo lahy eo iareo te nihinagne tsy amy ty ajaja naho ty ampela.²²Avy eo le avy le nampijogne'e an-tsambo kede ey mpiana'e rey mba hitsake hiaolo lalagne aze, amy ty reke mbe nandefa i vahoake rey. ²³Tafara nandefasa'e o vahoake reo, le nandeha ambohitsey reke hivavake. Naho nihalegne i androy le i reke rery ty tey. ²⁴I samboy nahelakela i ranomasigne lavitse satria nisy tioke nandietse iareo.²⁵Tamy ty halegne faha efatse amy ty fiambenagne le namonje iareo t'i Jesosy, nagnavelo ambone ranomasigne ey. ²⁶Naho fa nahatrea aze nagnavelo ambone ranomasigney mpiana'e rey, natahotse le nivaky rehakle te hoe: "Kotokigne io," le nikorakorake iareo amy ty tahotse. ²⁷Fa i Jesosy nisaontsy iareo te hoe: "Ko matahotse fa raho avao toy."²⁸Namale aze t'i Petera le nanao te hoe: "Ragnandria, naho te i rehe vata'e io, ampamonjeo azo ey raho." ²⁹Hoe t'i Jesosy: "Avia magnantogna." Le niala i sambo kedey t'i Petera namonje aze nandeha ambone i ranomasigney. ³⁰Fa naho fa nahatrea i tiokey t'i Petera le natahotse. Naho fa nanomboke nilipotse ka le nihiake mafe reke te hoe: "Ragnandria, avoto raho!"³¹Nahitsy i Jesosy i fita'ey, nitagne i Petera, le nisaontsy reke te hoe: "Ihe osa finoagne fa magninogne rehe matahotse?" ³²Avy eo t'i Jesosy naho i Petera nandeha namonje i Sambo kedey, le nanomboke nijanogne ka i tiokey. ³³Avy eo iareo mpiana'e niantsa i Jesosy le nirehake te hoe: "I rehe vata'e ro anak'Androagnahare."³⁴Naho fa nitsake iareo le niavy an- tamboho à Genesareta. ³⁵Naho fa nahafantatse i Jesosy iareo lahilahy i tanagney, le nitalily amy ze faritse, le nandese iareo ama'e eo ze ndaty narare. ³⁶Nangatake ama'e iareo mba hahafaha'iareo mikasike ty rambon-tsarimbo'e avao, maro ty nikasike zay le nijangagne.

Chapter 15

¹Avy eo nisy Fariseo naho mpanoratse lily sasatsasa'e boake Jerosalema agne namonje i Jesosy. Hoe ty natao iareo:² "Nagnino o mpiana'o reo i mandika ty fomban-draza iareo ndaty bey io? Fa tsy manasa tagnagne iareo vaho mihinagne."³ Namale reke le nisaontsy am'iareo hoe: "Nagnigno ka eo nareo mandika ty lilin'Andriagnanahare noho ty fomban-draza'areo io?"⁴Fa Andiagnanahare nisaontsy hoe: "Iasio ty rae'o naho ty rene'o, le ze mirehake raty ty ra'e ndra ty rene'e, le ho mate vata'e." ⁵Fa nareo mirehake te hoe: "Ndra ia ndra ia mirehake amy ty rene'e hoe: "Ndra ino ndra ino fagnampeagne azo areo boake amako le ho sesehaitse hoan'Andriagnanahare am'izao," ⁶ze ndaty zay tsy mila magnaja ty ra'e. Am'izay fomba zay nilika'areo ty lilin'Andriagnanahare amy ty tombotsoa'areo amy ty fomban-draza'areo.⁷Ry soa miatreke! Maregne ty faminania i Isaia mikasike anareo, naho nirehake reke hoe: ⁸"Ty vahoake toa magnaja ahy am-bava'e fa ty fo iareo lavitse ahike. ⁹Tsy misy dika'e ty fiantsa iareo ahy, satria iareo mampianatse ty lily ondaty velogne manahake ty fampianara iareo."¹⁰Avy eo nikanjy vahoake ho ama'e eo reke le nisaontsy tam'iareo hoe: "Mitsandregna le maharendreha. ¹¹Tsy ze miditse am-bava ty ndaty ro mandoto ty ndaty. Fa ze miboake boake ao ro mandoto ty ndaty."¹²Avy eo nagnantogne iareo mpianatse le nirehake tam'i Jesosy hoe: "Arofana'o vao fa tohigne iareo Fariseo naho fa maharey saontsi'o zao?" ¹³Namale t'i Jesosy le nisaontsy te hoe: "Ze raha mitiry tsy nambolen-dRaeko an-dagnitse agne le ho fongoragne abike.¹⁴ Angao avao iareo ho eo, iareo mpitarike goa. Naho misy goa raike mitarike goa ka, le sambe hivarigne an-davake ao iareo roe."¹⁵Namale ka t'i Petera le nirehake am'i Jesosy hoe: "Tsakoreo ama'ay fagnoharagne zay." ¹⁶Hoe ty natao i Jesosy hoe: "Tsy mahihitse ka vao nareoo?" ¹⁷Tsy hai'o vao fa ze atao am-bava mizilike an-troke le ariagne amontogne?¹⁸Fa ze raha miboake amy ty vava le boake amy ty fo. O raha reo ro mandoto ty ndaty raike. ¹⁹Fa avy amy ty fo ro iboaha ty sain-draty, ty vono ndaty, ty fanaovagne raha raty, ty fanaovagne ndaty aivo tsy maregne, le ty firehafagne raty. ²⁰O raha reo ro mandoto ty ndaty raike. Fa ty mihinagne amy ty tagnagne tsy misasa tsy mandoto ty ndaty raike.²¹Avy eo t'i Jesosy niheregne nagnavelo amy ty tane i Tyro naho i Sidona agne.²² Ingo, nisy ampela Kananita raike am'izay faritse zay. Nitoka mafe reke hoe: "Mamindra arofo amako, Ragnandria, ana i Davida! Hisae ty kokolampon-draty ty anako ampela." ²³Fa tsy namale i reha'ey t'i Jesosy. Namonje aze iareo mpiana'e le nirehake te hoe: "Roaho reke, fa mikorakorake amantika."²⁴Namale t'i Jesosy le nisaontsy hoe: "Tsy nirahegne ho an'ia raho fa nirahegne hoe ze agnondry motso amy ty tarira i Israely." ²⁵Avy nangatake ama'e eo reke le niantognogne nanao hoe: "Ragnandria vonjeo raho." ²⁶Namale reke le nanao te hoe: "Tsy rara'e naho alaegne ty mofon'ajaja le atorake hoe ty amboa."²⁷Zao ty natao'e: "Eka, Ragnandria, fa ndra o amboa zao le mbe mihinagne ty potepoten-kanegne tsy ry ty tompo'e." ²⁸Le namale t'i Jesosy nisaontsy te hoe: "O rakembao, bey loatse ty finoa'o, le ho lefe ama'o abike ze irie ty fo'o." Le nijangagne i anak'ampela'ey.²⁹Niala eo t'i Jesosy le nagnavelo agnila i Ranomasy ty Galilia. Avy eo niakatse amy ty vohitse raike reke le niambesatse teo. ³⁰Ndaty maro ty namonje aze. Nandese iareo mindre am'iareo ty kepeke, ty moagne, ty goa, ty kitsa, le ze kila marare hafa ka. Napetra iareo am-pandia i Jesosy eo iareo; le nijangane'e. ³¹Le nigaga iareo vahoake naho fa nahatrea moagne rey nirehake, ty kepeke nitsoritike, ze nigoa nahatrea. Niantsa ty Andriagnanahare Israely iareo.³²Nikanjy iareo mpiana'e mba hamonje aze t'i Jesosy le nisaontsy te hoe: "Maferegne arofo o vahoake reo raho, satria fa ho telo andro zay ty nindreza iareo hipetrake amantike eto fa tsy managne raha ho hanegne. Tsy te hampandeha iareo tsy mihinagne raho tsy ho toragne an-dalagne ey." ³³Zao ty natao iareo mpiana'e: "Aia ty hahitava'ay mofo hahampe iareo amontogne atoy?" ³⁴Zao ty natao i Jesosy am'iareo: "Fire ty mofo ama'areo agne?" Le zao ty natao iareo: "Fito, le fiagne kede maromaro." ³⁵Avy eo t'i Jesosy nikanjy iareo vahoake mba hipetrake.³⁶Nandrae i mofoy naho i fiagney reke, naho fa nisaotse, vinaki'e i mofoy le natolo'e mpiana'e rey. Iareo mpianatse nizara hoe iareo vahoake. ³⁷Nihinagne le nianjagne i vahoake rey. Avy eo iareo nangalake harogne fito nasiagne ze tsy lany. ³⁸Iareo nihinagne tam'izay efatsarivo lahy eo, tsy amy ty ajaja naho ty ampela. ³⁹Avy eo nampolie i Jesosy vahoake rey le naondragne amy ty sambo kede le nandeha amy ty faritse à Magadana agne.

Chapter 16

¹Niavy iareo Fariseo naho Sadoseo le nitsoke hevetse aze le nangatake ama'e mba hanao famantaragne boake an-dagnitse agne. ²Fa reke namale le nisaontsy iareo hoe: "Naho fa ho hariva, le hoe nareo: 'Ho soa ty andro fa mena i lagnitsey.'³Naho fa maraindraigne le hoe nareo: "Ho raty ty andro, fa mena naho milopoke ty lagnitse.' Hay areo ty mamantatse ty tarehe i lagnitsey, fa nareo tsy afake maharendreke ty famantara i fotoagney. ⁴Ty tarira ze be hakeo mipay famantaragne, faie tsy hisy famanataragne homeigne aze akoatse ty famantara i Jaona." Avy eo t'i Jesosy nagnavelo.⁵Naho fa avy nitsake iareo mpianatse, le nihaligno iareo ty nitondra mofo. ⁶Zao ty natao i Jesosy am'iareo hoe: "Miambena amy ty besirasira iareo Fariseo naho Sadoseo." ⁷Nialy hevetse iareo mpianatse le vaky rehake te hoe: "Va'e tika tsy ninday mofoy zay." ⁸Arofana i Jesosy zay le nisaontsy reke: "Nareo kede finoagne, nagnino nareo ro mialy hevetse ama'areo le mirehake te va'e nareo tsy nitondra mofo zay?⁹e tsy rendre'areo avao vao i mofo dime nihane ty dimearivo lahy'i, le fire harogne ka ty tsy nilany? ¹⁰I mofo fito nihane ty efatsarivo, le fire harogne ty sisa tsy nilany?¹¹Inogne tsy ahafantara'areo te tsy mikasike mofo ty raha rehafeko ama'areo? Miambena amy ty besirasira iareo Fariseo naho Sadoseo." ¹²Zay vaho nihay iareo te tsy amy ty besirasira mofo ty rehafegne am'iareo, fa hiambegne soa amy ty fampianara iareo Fariseo naho Sadoseo.¹³Le naho fa niavy amy ty faritse agnila i Kaisaria-filipo t'i Jesosy, le nagnontane iareo mpiana'e reke te hoe: "Atao ndatio ho ia moa ty ana'ondaty? ¹⁴Hoe ty natao iareo: "T'ila'e manao te i Jaona mpanao batisa, i Elia ka hoe t'ila'e, i Jeremia hoe ty hafa ka, ty raike amy mpitoky reo abike hoe t'ila'e." ¹⁵Hoe ty natao'e am'iareo: "Zao areke, ia ka raho hoe nareo?" ¹⁶Namale t'i Simona Petera te hoe: "I rehe Kristy, ana ie Andriagnanahare velogne."¹⁷Namale aze t'i Jesosy hoe: "Votsotse rehe Simona Bar-Jaona, fa tsy nofotse ty nanoro zay azo fa ie Raeko an-dagnitse agne. ¹⁸Ambarako azo avao ka fa i rehe ro Petera, ho vatolampy hagnoregnako ty fiangonako. Ty lalam-bein-dolole tsy haharesezay.¹⁹Homeiko anareo ty fagnahy ty fanjaka ty lagnitse. Ndra ino ndra ino fehe'o an-tane etoy le hofehegne an-dagnitse agne, le ndra ino ndra ino vaha'o an-tane etoy le hovahagne an-dagnitse agne ka." ²⁰Avy eo t'i Jesosy nandily iareo mpiana'e tsy hampibeobeoke te ie o Kristy zao.²¹Tam'izay fotoagne zay t'i Jesosy nanomboke nisaontsy iareo mpiana'e fa tsy maintsy ho à Jerosalema agne reke, hiaretse fijaleagne an-tagna iareo mpisorogne naho iareo mpanoratse lily, ho vonoegne, le hatsangagne amy ty andro faha telo. ²²Avy eo t'i Petera nangalake aze, le nirehake mafe ama'e hoe: "Lonike ho lavitse azo zay Ragnandria." ²³Nitolike t'i Jesosy le nisaontsy te hoe: "Magnalavira ahy ry kokolampo! I rehe le hanikambatse ahike, amy ty tsy fidarea'o o rahan'Andriagnanahare eo, fa ty raha ty ndaty avao."²⁴Avy eo t'i Jesosy Nisaontsy tam'iareo mpiana'e hoe: "Naho misy te hagnorike ahy, le tsy maintsy mandietse ty vata'e reke hitondra i hazonajaley, le magnorike ahy. ²⁵Fa ndra ia ndra ia te hamonje ty fiai'e le hahamotso aze, fa ndra ia ndra ia hamoe ty fia'e noho ty amako, le hahazo zay. ²⁶Fa inogne heke ty ho soa hoe ty ndaty mahazo ze kila tane faie namoe ty fiai'e? Inogne ty homey ty ndaty hatakalo ty fiai'e?²⁷Ty ana'ondaty le ho avy amy ty volonahen-dRae'e mindre am'iareo anjeli'e. Avy eo iareo hamale soa ty ndaty amy ty raha natao'e. ²⁸Ambarako am'areo ty tena maregne, fa misy am'areo mitsangagne eto tsy hitsapa ty fahafatesagne mandra-pahita'iareo ty ana'ondaty toly amy ty fanjaka'e."

Chapter 17

¹Enegn'andro tafara atoy le nangalake i Petera, i Jakoba, naho i Jaona rahalahi'e nindre tama'e, le nandese'e ambohitse ey iareo. ²Niova tarehe aloha'iareo teo reke. Namiratse manahake i androy ty tarehe'e, le namiratse nanahake ty fipela o mazavao ty sarimbo'e.³Ingo, ingo niboake am'iareo t'i Mosesy naho i Elia nirehake tama'e. ⁴Namale t'i Petera le nirehake am'i Jesosy hoe: "Ragnandria, soa ho antika ty eto, hamboatse tragno telo eto raho naho zoto ty arofo, ho azo ty raike, hoe i Mosesy ty raike, le hoe i Elia ty raike."⁵Am'i reke nbe nirehakey, ingo, nisy rahogne mazava nandrongogne iareo, le ingo, nisy nirehake agnate rahogne ao, nanao te hoe: "Intoy ty anake teako,mamiko, atokisako vata'e. Janjigno reke." ⁶Naho fa nirey i mpianatsey zay, le nitota iareo nifoy vorombelogne. ⁷Avy eo nihezegne i Jesosy nikasihe'e le nisaontsie'e te hoe: "Ko matahotse fa mitsangana." ⁸Avy eo niandra miagnambone iareo le tsy nahita akoatse i Jesosy.⁹Naho fa nizotso boake ambohitsey iareo, le nandily iareo t'i Jesosy nanao hoe: "Ko mampibeobeoke ze raha nihita'areo ndra am'ia ndra am'ia mandram-pitsangana ty ana'ondaty amy ty mate."¹⁰ Nagnontane aze iareo mpiana'e te hoe: "Nagnino o mpanoratse lily io ie mirehake fa tsy maintsy i Eliah heke ty ho avy io?"¹¹Namale t'i Jesosy le nisaontsy te hoe: "Ho avy vata'e t'i Elia le haregne ze kila raha amy ty hisoa'e. ¹²Faie ambarako anareo, fa avy t'i Elia, fa iareo ro tsy mahafantatse aze. Mifanipake am'izay, nanao ty ze kila raha tea'iareo hatao ama'e iareo. Le manahake zay avao ka, ty ana'ondaty le hijale an-tagna'iareo eo. ¹³Avy eo le nifanta iareo mpianatse fa misaontsy ty momba i Jaona mpanao Batisa reke.¹⁴Naho fa niavy am'i vahoake rey eo iareo, le nisy lahilahy raike namonje aze, nandohaleke aloha'e eo, nirehake hoe,¹⁵ "Ragnandria, amindrao arofo ty anadahiko fa voa ty andro raty le mijale mafe. Mitota agnate afo naho rano avao reke. ¹⁶Nandeseko am'iareo mpiana'o fa tsy nijanga'iareo."¹⁷Namale t'i Jesosy le nisaontsy hoe: "Ry tarira tsy mpino naho sdimba fagnahy, mandrak'ombia ro toko'e hijanognako ama'areo eto? Mandrak'ombia ty tsy maintsy hioreako mindre ama'areo? Andeso amako etoy rele." ¹⁸Nikanjy mafe i kokolampogney t'i Jesosy le nisoike reke, jangagne i ajajalahy'i.¹⁹Natola'iareo mpiana'e t'i Jesosy le nirehafa iareo te hoe: "Nagnino zahay tsy naharoake ingeo?" ²⁰I Jesosy nisaontsy iareo hoe: "Ty hakele ty finoa'areo. Fa ambarako anareo ty tena maregne, naho managne finoagne ndre te ie hoe ty voa kidikidike aza nareo, le afake mirehake ty vohitse toy nareo te hoe: "Mifindrà eroy le mifindra reke, le tsy hisy raha tsy hohai'areo hanoegne.²¹ [Fagnamarenagne: Ty dikan-drehake soa taloha le tsy ahitagne te hoe. 21." Fa ty kokolampogne toy le tsy mete ho roahegne naho tsy mindre amy ty vavake naho fifaliagne hanegne."]²²Naho fa nipetrake à Galilia agne iareo, le hoe t'i Jesosy tam'iareo mpiana'e: "Ty ana'ondaty le hatolotse an-tagna ty ndaty,²³ hovonoe iareo, faie hatsangagne amy ty andro fahatelo reke." Ndra nahaferenaigne iareo mpiana'e.²⁴Naho fa niavy à Kaperinaomy agne iareo, le nandeha agnila i Petera eo i lahilahy namory haga an-tsasa ty sekely le nirehake te hoe: "Tsy mandoa ty haga antsasa ty sekely vao ty mpampiana'areo io?"²⁵ Hoe ty nata'e: "Eka." Fa naho fa niditse an-tragno ao t'i Petera, le i Jesosy heke ty nisaontsy ama'e hoe: "Ino ty vetsevetse'o, ry Simona? Iareo mpanjaka an-tane etoy, boake am'ia ty andraesa'iareo haga ndra haga'ondaty? Avy am'iareo vahoa'e vao sa avy am'iareo ambahini'e?"²⁶Naho fa nirehake t'i Petera hoe: "Avy am'iareo ambahiny," Hoe t'i Jesosy tama'e: "Le votsotse amy ty fandoavagne zay vao iareo vahoake. ²⁷Fa mba tsy hahabehakeo ty mpitake haga, le mandehana an-dranomasigne agne manoraha vitagne agne, le alao ze fiagne miboake voaloha'e. Naho fa voa soka'o ty vava'e, le hahita sekely rehe. Alao zay le omeo iareo mpamory haga ho ahy naho ho azo."

Chapter 18

¹Tam'izay fotoagne zay avao le niavy am'i Jesosy eo mpiana'e rey le nirehake te hoe: "Ia ty bey amy ty fanjakagne an-dagnitse agne?" ²I jesosy nikanjy anak'ajaja ho ama'e eo, nametrake aze am'iareo eo, ³le nisaontsy hoe: "Ambarako anareo ty tena maregne, fa naho tsy miova manahake o ajajao nareo, le tsy hisy hevetse ty hidira'areo amy ty fanjaka ty lagnitse agne.⁴A naho zay areke, ndra ia ndra ia miambane manahake ty ajaja toy le bey vata'e amy ty fanjaka ty lagnitse agne le ho bey amy ty fanjaka ty lagnitse agne.⁵ Ndra ia ndra ia mandrae ajaja kede hoe tone amy ty agnarako le mandray ahike. ⁶Fa ndra ia ndra ia mahavy ty raike am'o ajaja reo mino ahike hanota, le magneva aze ty ho rorofagne o falilio amy ty vozo'e.⁷Loza hoe ty tane toy noho ty fotoagne fanaintsaignagne! Fa soa ty ahavia zay fotoagne zay, faie ho loza amy ty ndaty iavia i fotoagne zay! ⁸Naho mahavy hakeo ama'o ty tagna'o ndra ty tombo'o, le tapaho afaho ama'o. Fa ndra aleo kepeke naho don-tagnagne amy ty fiaignagne tsy misy fahatampera'e toy zay ho motso amy ty afo mirehetse tsy mete mate amy ty fanagne tagnagne roe naho tomboke roe.⁹Naho miterake hakeo ho azo ty maso'o raike, le afaho. Aleo toka-maso miditse amy ty fiaignagne tsy misy fara'e toy zay managne maso roe fa miditse amy afo mirehetse tsy mete mate.¹⁰Ao soa tsy hatao areo ambanen-draha ty ajaja kedekedeke. Fa magnambara ama'areo raho fa an-dagnitse agne iareo anjeli'e le magnente avao ty tarehe ty Raeko ie an-dagnitse agne. ¹¹[Fagnamarenagne: Ty dikan-drehake soa taloha le tsy ahitagne ty rehake hoe: "Fa ty ana'ondaty le avy mba hagnavotse ty motso."]¹²Inogne ro vetsevetse'areo? Naho misy managne agnondry zato, mandeha amy ty lalagne diso ty raike am'iareo, le tsy hienga ty sive amby sivampolo an-tamboho ey vao reke le handeha hipay i raike nandeha amy ty lalagne disoy?¹³ Naho hita zay, le ambarako anareo ty tena maregne, fa mirebeke mihoatse noho iareo sive ambi-sivampolo tsy nandeha amy ty lalan-diso reke. ¹⁴Manahake zay avao ka, tsy zoto ty arofon'Andriagnanahare ty hahamotso ty raike am'areo kede reo.¹⁵Naho diso ama'o ty rahalahi'o, mandehana ambarao aze ty haota'e, nareo ndroroe avao. Naho mitsandregne azo reke, le hiheregne ndraike ty filongoa'areo.¹⁶ Faie naho tsy mitsandregne azo reke, le angalao mpizaka raike ndra roe hafa mindre ama'o, am'izay mba amy ty vava'iareo ndaty aivo roe ndra telo ty hahafantaragne ty maregne amy ze kila rehake.¹⁷Naho mbe mandietse ty hitsandregne iareo reke, le ambarao amy ty fiangonagne ty raha misy. Naho mbe tsy mete hitsandregne ty fiangonagne reke, le apoho reke hanahake o jentilisao naho mpitake hagao.¹⁸Ambarako am'areo ty tena maregne, ndra ino ndra ino fehe'areo an-tane etoy le ho fehegne ka an-dagnitse agne; le ndra ino ndra ino votsora'areo an-tane etoy le havotsotse ka an-dagnitse agne. ¹⁹Le mbe ambarako anareo avao hoe: "Naho misy roe ama'areo mete amy ze raha angatahe'iareo, le homeigne iareo zay amy ty alala ty agnaran-dRaeko an-dagnitse agne.²⁰ Fa ndre aia misy roe telo mivory amy ty agnarako, le ho agnivo iareo eo raho."²¹Avy eo namonje i Jesosy t'i Petera le nirehake te hoe: "Ragnandria, impire diso amako ty rahalahiko te ho votsorako ty helo'e? Hatra im-pito vao?"²² I Jesosy nisaontsy aze te hoe: "Tsy mirehake ama'o raho te im-pito, fa hatra amy ty fitom-polo im-pito.²³Naho zay areke ty fanjaka ty lagnitse le mitovy amy ty mpanjaka raike te hifandamigne ara-bola am'iareo ndevo'e. ²⁴Naho fa manomboke ty fandaharagne reke, le nisy ndevo raike nandesegne ama'e eo ie anagna'e songo ray alegne.²⁵ Faie tsy nanagne raha hanoloa'e aze reke, le nandily ty haamarotagne aze naho ty keleia'e mindre amy ze kila fanagna'e, le ho vita ty fandoavagne i trosay.²⁶Noho zay le niondreke i ndevoy, le niantognogne aloha'e eo, le nirehake te hoe: "Ragnandria, managnà faharetagne amako, le haloako abike raha'oy." ²⁷Nahaferenaigne i tompo'ey reke le nafaha'e tsy nampandoave'e i trosay.²⁸Niakatse am'izay reke le nahatrea ty ndevo manahake aze ka, nanagna'e trosa ka. Nitsepahe'e reke, niraese'e am-bozo'e eo, le rineha'e: "Aloavo i trosakoy." ²⁹Nibotreke i ndevo mitovy ama'e ey le nangatake ama'e hoe: "Lignaso heke le aloako iabike."³⁰Faie nandietse i ndevo voaloha'ey. Mifamotetse am'izay , nandeha reke le nigadra'e i ndevo raikey mandram-pandoava'e i trosa'ey. ³¹Naho fa nitrea o ndatio ty raha natao'e, le nikoretse ty fiay iareo. Nambara'iareo amy ty tompo'e ze kila raha natao'e nitrea iareo.³²Avy eo tinoka ty tompo o ndevo io reke, le nirehafe'e te hoe: "I rehe ndevo raty fagnahy, nangako trosako tama'oy satria rehe nangatake amako. ³³Tsy toko'e havale'o ty ndevo manahake azo ka vao zay, nanahake ty namindrako fo tama'o?"³⁴Vignitse i tompo'ey le nandefa aze hampijalegne mandram-pandoa'e ze kila trosa tama'e. ³⁵Manahake zay avao ka ty hataon-dRaeko an-dagnitse agne ama'areo."

Chapter 19

¹Naho nahavita o saontsy reo t'i Jesosy, le nagnavelo à Jodia ie tane andafe ty rano i Jordana niala ty à Galilia agne reke. ²Vahoake maro ty nagnorike aze, le nitsabo iareo tagne reke.³Namonje aze iareo Fariseo, nitsapa aze, nirehake ama'e hoe: "Mete amy ty lahilahy vao ty misarake amy ty vali'e noho amy ze kila anto'e? " ⁴Namale t'i Jesosy le nisaontsy te hoe: "Tsy vinaki'areo vao fa i reke namboatse aze am-boaloha'e le natao'e lahy naho vave?⁵I reke namboatse iareo le nisaontsy ka hoe: 'Fa noho zay anto'e zay le hienga ty rene'e ty naho ty ra'e ty ajalahy hitambatse amy ty vali'e, le hanjare ho nofotse raike iareo?' ⁶Le tsy ho roe sasa iareo, fa ho nofotse raike. Ze natamban'Andriagnanahare, ao soa tsy hisy hampisarake.⁷Zao ty natao iareo tama'e: "Nagninogne zane t'i Mosesy ie mandily anay hagnomey taratasy fagnamarenam-pisarahagneo, le avy eo mampoly aze?"⁸ Zao ty natao'e am'iareo: "Ty tsy hamete'areo volagnegne ro namotsora i Mosesy anareo hisarake amy ty vali'areo, fa ty taloha tsy zay ty fomba. ⁹Ambarako anareo, ndra ia ndra ia misarake amy ty vali'e, akoatse ty fanova'e raty mampirafe, le hanambaly hafa, le manitsakitsa-baly; le ze lahilahy manambaly ampela fa avy nisarake amy ty vali'e le manan-tahy."¹⁰Iareo mpianatse nirehake tam'i Jesosy hoe: "Naho zay ty fomba ty lahilahy amy ty vali'e, le tsy soa ty manambaly." ¹¹Le nisaontsy am'iareo t'i Jesosy hoe: "Tsy ze kila ndaty ro handrae fampianaragne zao fagnanaragne zao, fa iareo ze natao handrae avao.¹² Misy iareo fa naterake hahazo, misy iareo hahazo ze natao'ondaty, misy iareo manao ty vata'e hahazo noho ty fanjaka ty lagnitse. I reke ze afake mandrae zao fagnanaragne zao, le mandraesa aze."¹³Avy eo nisy anak'ajaja nandesegne ama'e eo hotsofe'e rano, le nirehake mafe iareo iareo mpianatse. ¹⁴Le zao ty natao i Jesosy: "Apoho'areo o ajajao, ko raragne naho fa mamonje ahy, satria ty fanjaka ty lagnitse natao hoe ty manahake iareo."¹⁵ Nitsofe'e rano i ajajarey le nagnavelo reke.¹⁶Ingo, nisy lahilahy namonje i Jesosy le nirehake te hoe: "O mpagnanatse inogne ty raha toko'e hataoko mba hahazoako ty fiaignagne tsy misy fahatampera'e?"¹⁷ Nisaontsy ama'e t'i Jesosy: "Nagninogne reheo ie magnontane ty mikasike ze raha soa amako? Raike avao ty soa, fa naho te hiditse amy ty fiaignagne tsy misy fara'e rehe miambena soa amy ty lily."¹⁸Zao ty natao i lahilahy'i hoe: "Lily inogne?" Hoe t'i Jesosy: "Ko mamono ndaty, ko manao sata raty, ko mangalatse, ko mete ho ndaty aivo amy ty tsy maregne,¹⁹ hajao ty ra'o naho ty rene'o, le teavo ty longo'o manahake ty vata'o."²⁰Le niorehake ama'e i ajalahy'i te hoe: "Fa nataoko abike zao Ragnandria. Inogne ty mbe tsy ampe amako?"²¹ Nisaontsy ama'e t'i Jesosy hoe: "Naho magniry ty ho to vata'e rehe, le mandehana, avaroto ze anagna'o, omeo ze tsy managne, le hanagne hareagne an-dagnitse agne rehe; avia mbetoa, oriho raho." ²²Fa naho fa naharey ty saonty i Jesosy i ajalahy'i, le niala amy ty habosehagne satria mpagnarivo reke.²³Zao ty natao i Jesosy amy mpiana'e rey: "Ambarako anareo ty tena maregene, sarotse amy ty mpagnarivo ty hiditse amy ty fanjaka ty lagnitse.²⁴ Le mbe ambarako anareo avao ka, ndra mbe mora ty hidira i rameva amy ty voly ty fanjaitse te zay ty hidira ty mpagnarivo amy ty fanjakan'Andriagnanahare."²⁵Naho fa naharey zay iareo mpianatse, nivarenehake le nirehake hoe: "Ia zane ty afake ho avotse amy ty fagnavotagne?"²⁶ Nivazoho iareo t'i Jesosy le nisaonty hoe: "Ama'ondaty le tsy fantatse ty hanoagne zay, fa am'Andriagnanahare ze kila raha mete atao aby."²⁷ Namale t'i Petera le nirehake te hoe: "Hehake, nanga'ay ze kila raha le nagnorike azo zahay. Inogne areke ty ho azo'ay?"²⁸Nisaontsy iareo t'i Jesosy hoe: "Ambarako ama'areo ty tena maeregne, amy ze fotoagne vaovao naho fa mitoboke amy ty seza'e ty ana'ondaty, le hitoboke amy ty seza'e ka ty roambifolo nagnorike ahy, hitsara iareo foko roambinifolo i Israely.²⁹Ze kila ndaty nienga tragno, rahalahy, rahavave, rae, rene, anake, ndra tane noho ty amy ty agnarako, handrae zato mihoatse le handova ty fiaignagne tsy misy fahatam-pera'e. ³⁰Fa maro iareo te ho voaloha'e le manjare ho fara'e, ty fara'e manjara voaloha'e.

Chapter 20

¹Ty fanjaka ty lagnitse manahake ty tompon-tane nagnalegnalegne hikarama mpiasa hoe ty tonda'e. ²Naho fa niletake iareo le denaria raike isan'andro ty karama iareo, le nalefa'e à tonda'e agne mpiasa rey.³Nandeha magneno akoho ka reke le nahatrea mpiasa haja nitsangatsangagne an-tsena ey. ⁴Zao ty natao'e am'iareo: "Nareo ka, mandehana à tondako agne, le ze an-keve'e maregne le homeko anareo." Le nandeha niasa iareo.⁵Mbe niboake ndraike reke toko'e tamy ty lera faha enegne naho faha sive, le mbe nanahake zay avao ka. ⁶Tamy ty lera faha raike ambifolo mbe niakatse ndraike reke le mbe nahita mpiasa nitsangatsangagne. Zao ty natao'e am'iareo: "Nagnino nareo mitsangagne eto le lomogn'andro avao io?" ⁷Zao ty natao iareo ama'e: "Tsy misy ndaty mampikarama anay." Zao ty natao'e am'iareo: "Mandehana à tondako agne ka eo nareo."⁸Naho fa nihalegne ty andro, le nirehake amy ty fehe'e i tompo i tonday hoe: "Tokavo mpiasa rey, le aloavo ty karama'iareo, boake am-boaloha'e hatra ampara'e." ⁹Naho fa niavy i mpiasa nalaegne amy ty lera faha raike ambifoloy, le nahazo derania kiraikiraike iabike iareo. ¹⁰Naho fa niavy iareo mpiasa voaloha'e, le nieretseretse fa hahazo ambone mihoatse zay ty ey iareo, a tie ndra nitovy avao aby aia ty nomeigne iareo, derania kiraikiraike avao ka.¹¹Naho fa nahavoarae ty karama'e iareo, le nitoreo am'i tompon-taney iareo. ¹²Zao ty natao iareo: "Iareo mpiasa niavy afara niasa lera raike avao, faie le nampitovioze'o ama'ay avao iareo, zahay trà mae trà manintsy nipaike an-tarign'androkey."¹³Namale i tompon-taney le nirehake amy ty raike am'aireo hoe: "O ragnetse tsy manao raha raty ama'o raho. Tsy derania raike vao ty nifagnarahantika?¹⁴ Raiso ze azo le oriho ty lala'o. I raho ty nandahatse ty karama iareo mpiasa niavy afara hitovy amy ty anareo avao.¹⁵Tsy hanagne zo handahatse ty rahako vao raho? Sa tsy tea'areo fa matarike raho?¹⁶ Le ze fara'e ho voaloha'e, le ze voaloha'e ho fara'e." [Fagnamarenagne: Ty dikan-drehake soa taloha le magnafake te hoe: "Maro ty tokavegne fa tsy ampe ty voafily."]¹⁷Naho fa hagnavelo ho à Jerosalema agne t'i Jesosy, le nalae'e ho agnila'e eo iareo roambifolo lahy, le nisaontsy am'iareo an-dalagne ey reke hoe:¹⁸ "Handeha ho à Jerosalema agne tika, hatolotse am'iareo loha ty mpisorogne naho iareo mpanoratse lily ty ana'ondaty. Iareo ty hamono aze.¹⁹ Le hanolotse aze am'iareo jentilisa hatao tsikike, ho jeragne, le hipeke aze amy ty fantsike amy ty hazonajale. Fa amy ty andro faha telo le hitsangagne ndraike reke."²⁰Avy eo ty rene ty anadahy i Zebedio namonje i Jesosy nindre am'i anadahi'ey. Nandohaleke aloha'e ao iareo le nangatake raha boake ama'e. ²¹Zao ty natao i Jesosy tama'e: "Inogne ty irie'o?" Namale reke hoe: "Mandilia ty hipetraha ty anadahiko roe toa, ty raike amy ty fita'o ankavia, ty raike amy ty fita'o havana, amy ty fanjaka'o ao."²²Namale aze t'i Jesosy nisaontsy hoe: "Tsy fanta'areo ty raha angatahe'areo. Mahatante ty fampijaleagne hatao ahike vao nareo?" Namale iareo hoe: "Mahatante zahay." ²³Zao ty natao'e am'iareo hoe: "Hiaretse ty fijaleako vata'e eo nareo. Fa ty hitoboke an-tagnako havana naho havia tsy raho ty mandahatse aze, fa i Raeko." ²⁴Naho fa naharey zay iareo mpianatse folo lahy hafa, le niboseke tam'iareo mpirahalahy roe.²⁵Nikanjie i Jesosy ho ama'e eo iareo, le nisaontsie'e hoe: "Fanta'areo fa iareo mpandily iareo jentilisa le hanindry iareo, iareo ajalahy mahry iareo le hanao bokosoroke am'iareo.²⁶ Fa tsy toko'e hanahake zay ty am'areo. Mifanohetse am'izay, ndra ia ndra ia mitognom-batagne ho loha'areo le tsy maintsy ho mpanompo'areo,²⁷ le ndra ia ndra ia te ho voaloha'e le tsy maintsy ho mpanompo'areo,²⁸ manahake ty ana'ondaty tsy avy ho tompoegne, fa hanompo, le hagnomey ty fiai'e ho vily ty fagnavotagne ty maro."²⁹Naho fa niala ty à Jeriko agne iareo, le ndaty maro ty nagnorike aze. ³⁰Nisy ajalahy roe goa nitoboke agnolon-dalagne eo . Naho fa naharey te mandriogne t'i Jesosy le nikorake hoe: "Ragnandria ana i Davida, amindrao arofo zahay."³¹ Nasiaha i vahoake rey iareo, le rineha iareo mba hitsigne, faie tsy nimete iareo fa nagnonjogne ty toka avao hoe: "Ragnandria ana i Davida, amindrao arofo zahay,"³²Nijanogne t'i Jesosy kinanji'e iareo le nisaontsy reke hoe: "Inogne ty irie'areo hataoko ama'areo?"³³ Zao ty natao iareo ama'e: "Ragnandria, te hahatrea ty maso'ay." ³⁴Avy eo t'i Jesosy, niferegn'arofo, le tsinapa'e ty maso'iareo. Avy eo nahatrea ty maso iareo le nagnorike aze.

Chapter 21

¹Naho fa niavy à Jerosalema agne t'i Jesosy naho iareo mpiana'e le nagnavelo à Betifaga ao, ambohy i Oliva ey, le nagnirake mpianatse roe t'i Jesosy, ²nirehake am'iareo hoe: "Mandehana amy vohitse ao zay, naho fa avy ao nareo le hahatrea boriky mirohy naho ty ana'e mindre ama'e. Hahao iareo le andeso amako atoy.³ Naho misy masiake ama'areo ty am'zay, le rehafo te: "Misy ipaiava i Tompo aze, le avy le hindre ama'areo ka reke hanese aze."⁴Le nisy aby zao mba hahalefe ty nambara iareo mpitoky. Zao ty natao'e:⁵ "Agnombarao ty anakampela i Ziona te hoe: "Ingo ty mpanjaka'o mamonje azo, miambane le andesegne amy ty boriky-ana-boriky lahi'e."⁶Nandeha iareo nirahegne le nanao ze raha nagniraha i Jesosy iareo. ⁷Nandese iareo i ampondray naho i ana-boriky le nisafora iareo lamba iareoy, le niambesatse amboe'ey t'i Jesosy. ⁸Ty maroa i vahoakey le nandafike ty lamba'e an-tane abike, t'ila'e nanampake rantsan-katae le nafeno iareo i lalagney.⁹Iareo vahoake nagnorike i Jesosy le nihorentsegne te hoe: "Hosana hoe ty ana i Davida! Davida! Isaoragne ie avy boake amy ty agnara i Magnitse! Hosana hoe ie andindimonegne agne."¹⁰ Naho fa niditse à Jerosalema agne t'i Jesosy, le nihorentsegne iareo tanan-draike te hoe: "Ia ioo?"¹¹ Namale i lahy alegne nindre ama'ey hoe: "I Jesosy reke ie mpitoky boake à Nazareta agne à Galilia agne."¹²Avy eo nagnavelo agnanjomban'Andriagnanahare ao t'i Jesosy. Nabaratsia'e ze kila mpivarotse naho mpivily tagnate'e tao, navalitsikota'e abike ty lataba iareo mpanakalo vola naho ty fipetraha iareo mpivarotse voromahilala.¹³ Zao ty nato'e am'iareo: "Voasoratse fa: "Ty anjombako le natao ho anjomba fivavahagne,' faie ndra atao'areo vala firerererea ty kidabolahy."¹⁴ Avy eo le nisy goa naho kepeke namonje aze agnanjoban'Andriagnanahare ao le nijangane'e abike.¹⁵Naho fa nahatrea ty fahagagagne natao'e ty ndaty bey mpisorogne naho iareo mpanoratse lily, naho fa nirey iareo ty ajaja kedekede nikorake agnanjomban'Andriagnanahare ao hoe: "Hosana hoe ty ana i Davida," le niboseke iareo. ¹⁶Le zao ty natao iareo tama'e: "Rei'areo vao raha rehafe o ndaty zao?" Namale iareo t'i Jesosy hoe: "Eka! Mbe tsy nivakie'areo vao ty hoe: 'Boake amy ty vava ty ajaja naho ty mbe minono ty hanaova'areo ty fideragne?"¹⁷ Avy eo niala ty eo t'i Jesosy le nagnavelo amy ty tana i Betania le niambesatse tao amy ty andro halegne raike.¹⁸Naho fa naraindraigne niheregne antanagne agne reke, le nimosare. ¹⁹Nahonigne aviavy tandalagney reke fa le nirave'e avao fa tsy misy voa'e. Zao ty natao'e tama'e: "Ao soa tsy hisy voa'e rehe hatrampara'e," le avy le niforehetse i aviavy'i.²⁰Naho fa nahatrea zay iareo mpianatse, latsa iareo le nirehake te hoe: "Akore ty leavy le nahamaike i aviavy?"²¹ Namale t'i Jesosy le nisaontsi'e iareo te hoe: "Ambarako ama'areo ty tena maregne, naho managne finoagne, naho tsy misalasala nareo, le tsy ze nata'o am'i aviavy io avao ro hata'areo ama'e, fa ndra tie hirehake amy ty vohitse toy aza hoe: 'miavota le mihorodoboha an-dranomasigney,' le hatao zay.²² Ndra ino ndra ino angatahe'areo am-bavake, am-pinoagne, le hoazo'areo."²³Naho fa niditse an-tempoly ao t'i Jesosy, le namonje aze ty bey mpisorogneo naho ty zoke ondaty am'i reke mampianatse le nirehake aze te hoe: "Fahefagne boake aia moa ty anaova'o raha manahake rey, le ia ty magnome azo fahefagne zay?" ²⁴Namale t'i Jesosy le nisaontsy am'iareo te hoe: "Homeako fagnontaneagne raike ka nareo. Naho ambara'areo amako, le hambarako ama'areo ty fahefagne anoako raha manahke rey.²⁵Ty batisa i Jaona, boake aia ty niavia'e? Boake an-dagnitse agne sa boake ama'ondaty? Nialy hevetse iareo nanao te hoe: "Naho ataontika te hoe boake an-dagnitse agne, hirehake amantika reke te hoe: "Le nagnino nareo tsy mino azeo?"²⁶ Fa naho mirehake tika te hoe: "Boake ama'ondaty", matahotse o vahoakeo tika, satria iareo mandrae i Jaona ho mpitoky." Le namale i Jesosy iareo hoe: "Tsy fanta'ay."²⁷ Le zao ty natao'e am'iareo: "Tsy hirehake ama'areo ka raho te hoe boake aia fahefagne anoako raha manahake rey io."²⁸Akore ty heve'areo? Nisy lahilahy raike managne anadahy roe. Nandeha am'i raike zoke'ey agne reke le nanao te hoe: "O kahe, akia miasà atonda agne rehe ty anito." ²⁹Namale aze i anadahi'ey te hoe: 'Tsy ho agne raho," Avy eo niova hevetse reke le nandeha. ³⁰Avy eo nandeha am'i raike zai'ey agne reke le nagnirake aze ka. Namale reke le nirehake te hoe: 'Eka baba, hoagne rahpo,' faie tsy nandeha agne reke.³¹Ia am'i ana'e roe reo ty nanao ty zoto ty arofon-dra'e? Le namale iareo hoe: "I raike voaloha'ey." Nisaontsy am'iareo t'i Jesosy hoe: "Ambarako ama'areo fa iareo mpitake haga naho iareo mpijangajanga le hiditse amy ty fanjakan'Andriagnanahare aloha'areo.³² I Jaona namonje anareo tamy ty fahamaregnagne, fa tsy nino aze nareo. Fa iareo mpitake haga naho mpijangajanga nino aze. Fa nareo, ndra tie nahita zay aza, le tsy nibebake sady tsy nino aze.³³Tsandregno ty fagnoharagne raike hafa toy. Nisy lahilahy raike, managne tane. Nanao tonda reke, le nifahera'e, le nihalia'e lavake hagnoregna'e tilikambo, le nampagnofa'e iareo mpambole. Avy eo nandeha amy ty tanagne hafa reke. ³⁴Naho fa narine i fotoagne famokaragney, le nagnirake mpiasa'e rey ho an-tondagne hangalake voka'ey reke.³⁵Ndra tsinepa i mpambole rey i mpiasa'ey, tsinera'e ty raike, vinono'e ty raike, le mbe tinora'e vato ka ty raike. ³⁶Le mbe nandefa mpiasa hafa ka i tompo-taney, maro naho tamy voaloha'ey, fa le mbe nampanahafe iareo zay avao ka.³⁷ Tafara zay le nagnirake ty anadahy'e henka'e handeha ho agne, le nirehake te hoe: "Hagnaja an-janako iareo."³⁸Fa naho fa nahatrea i anadahi'ey iareo mpambole, le nifampirehake iareo te hoe: "intoy ro mpandova, andao hovonoentika reke le halaentika i lovay." ³⁹A naho zay areke, le tsinepa iareo reke, natorake agnate tonda ao, le vinono.⁴⁰Le naho fa niavy ty tompo-tane, inogne ty hatao'e am'iareo mpambole?⁴¹ Le zao ty natao'e am'iareo hoe: "Ho zamane'e iareo ndaty nahavany loza, avy eo hampagnofa'e mpambole hafa ka i tonda'ey, ndaty hagnomey aze ty anjara vole'e amy ty fahavokara'e."⁴²Jesosy nisaontsy am'iareo te hoe: "Mbe tsy namaky talily masigne vao nareoo te hoe: 'Ty vato naria ty mpagnoregne tragno ro nanjare vato fehizoro. Boakr am'i Tompo zay, le mahagaga amy ty masontika'?⁴³A naho zay, amabarako anareo, hafahagne ama'areo ty fanjakan'Andriagnanahare le hatolotse hoe iareo firenena ze mamokatse voa'e reo. ⁴⁴Ndra ia ndra ia ho alavo o vato io le ho potepoteke. Le ze hitota'e ho torotoro."⁴⁵Naho fa naharey o fagnoharagne reo ty bey mpisorogne rey naho iareo Fariseo, le fanta'iareo fa mirehake ty momba iareo.⁴⁶ Le nivetsevetse ty hitsepake aze, faie natahotse vahoake rey iareo, satria niraese'iareo maro ho mpitoky reke.

Chapter 22

¹Nagnohatse am'iareo ndraike t'i Jesosy, nanao te hoe: ²"Ty fanjaka ty lagnitse le manahake ty mpanjaka magnombara amy ty engavao ty anadahy'e . ³Nagnirake ty ndevo'e hiatreke i engavaoy reke, fa tsy niavy iareo.⁴Nandefa ty ndevo'e ila'e hafa ka ty mpanjaka nanao te hoe: "Agnombarao iareo te hoe: "Henteo, fa nikarakarako ty sakafoko. Fa vinono ty agnombe naho ty agnondry, le fa vita aby ze kila raha. MIavia amy fanoagne engavaoy ao,"⁵Faie tsy nahoa iareo le nadeha iareo, ty raike nandeha niarak'agnombe, ty hafa nandeha nivaroste. ⁶T'ila'e nitsepake i ndevo mpanjaka rey, nagnala baraka iareo, le namono iareo. ⁷Vignitse i mpanjakay le nagnirake miaramila'e rey, le namono iareo mpamono ndaty naho le nagnoro ty tana'e ka.⁸Avy eo nirehake am'iareo ndevo'e reke hoe: "Fa vogno'e i engavaoy, fa iareo nagnombaragne tsy niavy. ⁹A naho zay areke mandehana agnarabey ey le agnombara'areo ze kila ndaty trea'areo ey hiatreke ty engavao toy."¹⁰ Nandeha agnarabey ey am'zay iareo ndevo le nitoka ze ndaty nitrea iareo ey, ndra soa ndra raty. Le niampo ndaty i tragno bey fanoagne engavaoy.¹¹Fa naho fa niditse hagnente iareo ambahiny t'i mpanjaka le nahita ndaty raike tsy ninday akanjo findesegne amy ty engavao. ¹²Nirehake ama'e t'i mpanjaka hoe: "O ragnetse akore ty hidira'o ato i rehe tsy ninday akanjo findesegne amy ty engavao toy?" Fa tsy nahareheke i lahilahyi.¹³Avy eo nirehake am'iareo ndevo'e ty mpanjaka hoe: Asio taly an-tomboke naho an-tagnagne ty lahilahy toy, le atoraho an-tane agne reke, agne ty misy fitagniagne naho fisokira-nife." ¹⁴Fa ndaty maro ty nagnombaragne, faie tsy ampe ty ho voa fily.¹⁵Avy eo niomagne ty hamandrihagne i Jesosy amy ty raha nisaontsie'e iareo Fariseo. ¹⁶Avy eo nirahe iareo hombama'e mbeo iareo mpiana'iareo, le nidre tamy ty Herodiana. Nirehake am'i Jesosy iareo te hoe: "O mpagnanatse fanta'ay fa ndaty maregne rehe, le mampianatse ty lalan'Andrignanahare amy ty maregne. Tsy midare ty heve ty hafa rehe, faie tsy mandeha ila ka. ¹⁷Aie zao, ambarao anay ty heve'o? Magnorike lily vao ty fandoavagne haga am'i Kaisara agne sa tsy mete?"¹⁸Faie arofana i Jesosy ty faharatia iareo le nitsontsie'e hoe: " Inogne itsapa'areo ahy io ry soa miatreke? ¹⁹Atoro ahy ty farantsa amy ty haga." Avy eo ninday derania ama'eo iareo.²⁰Zao ty natao i Jesosy am'iareo: "An'ia ty sare naho agnaragne tia?" ²¹Nirehake ama'e iareo hoe: "E'i Kaisara." Avy eo nisaontsie i Jesosy iareo hoe: "Ameo i Kaisara ze aze, ameo an'Andriagnanahare ze an'Andriagnanahare." ²²Naho fa naharey zayy iareo le nilatsa naho le nandeha.²³Am'io andro io avao ty Sadoseo ila'e, iareo nirehake te tsy misy havagnonam-belogne ty fa mate, nimbama'e mbeo. Nagnontane aze iareo ²⁴nanao ty hoe: "O mpagnantse i Mosesy nirehake te hoe: 'Naho mate ty ndaty, tsy managn'anake, le toko'e hanambaly ty rahalahy ty vali'e le hiterake hoe ty rahalahi'e.²⁵Nisy mpirahalahy fito. Nanambaly ty voaloha'e fa nimate naho niavy eo. Mate tsy nanagne tiry, nanga'e hoe ty rahalahi'e ty vali'e. ²⁶Nanao raha manahake zay avao ka i faharoey, le mbe nanahake zay avao ka ty fahatelo, hatra amy ty fahafito le mbe nanahake zay avao ka. ²⁷Nimate i ampelay naho fa tafara atoy. ²⁸Amy ty fivagnonam-belo'e ia ty hanambaly aze am'iareo mpirahalahy fito? Fa fananambaly aze aby iareo."²⁹Namale iareo t'i Jesosy nisaontsy te hoe: "Diso nareo, satria tsy mahafantatse ty soratse masigne naho ty herin'Andrignanahare.³⁰ Fa amy ty fivagnonan-kovelogne tsy hifanambaly iareo, tsy homeagne engavao ka. Faie mitovy am'iareo anjely an-dagnitse agne.³¹Fa ty momba ty fahavagnonam-belogne, mbe tsy nivakie'areo vao ty nisaontsien'Andriagnanahare am'areo, manao te hoe: ³²"Iraho ty Andriagnanahare i Abrahama, Andriagnanahare i Isaka, Andriagnanahare i Jakoba"? Andriagnanahare tsy Andriagnanahare ty mate fa ey ty velogne." ³³Naho fa naharey zay ndaty maro rey le nivarenehake amy ty fampianara'e.³⁴Naho fa nirey iareo Fariseo ty nampitsigna i Jesosy iareo Sadoseo, le nindre nivory iareo.³⁵ Ty raike am'iareo, mpahay lily, nametrake fagnontanegna ama'e, nitsoke ty fagnahi'e hoe:³⁶ "O mpagnatse, ino ty lily ambone agnate ty lily ao?"³⁷Nisaontsy ama'e t'i Jesosy te hoe: "Teavo amy ty fo'areo vata'e, amy ty fagnahi'areo vata'e, amy ty sai'areo vata'e ty Tompo Andriagnanahare'areo."³⁸ Izay ty lily zoke'e ambone ze fa lily.³⁹Ty lily faharoe le mbe manahake zay avao: 'Teavo manahake ty vata'o ty longo'o naho ty ndaty tanan-draike ama'o.'⁴⁰ Am'io lily roe io ty iankina ze kila dina naho iareo mpitoky."⁴¹Amy Fariseo reo mbe mivoryi, le nagnontane iareo t'i Jesosy. ⁴²Zao ty nato'e: "Inogne ty vetsevetse'o momba i Kristy? Anadahy'ia reke?" Nirehake ama'e iareo te hoe: "Ana i Davida."⁴³Zao ty natao i Jesosy am'iareo: "A nanao akore i Davida miambesatse amy ty Fagnahy masigne ao ie mitoka aze hoe Tompo, manao te hoe: "Ty Tompo nisaontsy tamy ty Tompoko hoe: ⁴⁴"Miantoera an-tagnan-kavanako eo mandram-panoako ty fahavalo'o ho fipetraha ty tombo'o."⁴⁵A i Davida aza mitoka i Kristy hoe: 'Tompo,' le akore ty maha ana i Davida aze?"⁴⁶ Tsy nisy nahavale aze tamy ty saontsy, lelia'e tsy nisy ka ty nametrake fagnontaneagne hafahafa ama'e tam'izay andro zay.

Chapter 23

¹Nisaontsy tam'i vahoakey naho iareo mpiana'e rey t'i Jesosy. ²Zao ty natao'e: "Iareo mpanoratse lily naho iareo Fariseo le nipetrake amy ty fitoera i Mosesy.'³ A naho zay ndra ino ndra ino handilia iareo anareo hatao, anovo ze raha zay le mitaoa am'iareo. Ao soa tsy hangalatahake ty raha atao iareo, satria iareo mirehake raha faie tsy atao'e.⁴Eka, fehe'iareo ty enta-mavesatse sarotse andesegne, le apo iareo ambone ty soro ty ndaty. Tsy raha mba hagnetse ty tagna'iareo iareo hitondra aze fa le mitorogn'hasigne avao. ⁵Ty anoa iareo ty asa iareo le atao mba ho trea'ondaty. Atao iareo malalake ty filakitera'e, le itare iareo ty moro ty akanjo'e.⁶Tea iareo ty toera ty manan-kaja naho itoa ty raha ivoriagne naho ty fiambesara ty bey amy ty synagoga,⁷ naho ty fanalamagne miavake an-tsena ey, le mba ho tokave ty ndaty hoe: "Raby."⁸Nareo tsy tokavegne hoe: "Raby," raike avao ty mpagnanatse anareo, le mirahalahy nareo iabike. ⁹Ao soa tsy hitoka ty ndaty an-tane etoy ho rae'areo, fa raike avao ty Ra'areo, an-dagnitse agne reke. ¹⁰Ao soa nareo tsy ho mete hotokavegne hoe: "Mpagnanatse,' fa raike avao ty mpagnanatse anareo, le i Kristy.¹¹Fa ze mitognom-batagne ho bey loatse ama'areo ro ho ndevo'areo. ¹²Ndra ia ndra ia miteha-tratra ho ambone le ho ambane reke zay, ndra ia ndra ia miambane le hasandratse ho ambone.¹³Loza ho anareo ry mpanoratse lily naho nareo Fariseo, soa miatreke! Fa arindri'areo amy ty ndaty ty fanjaka ty lagnitse. Nareo fa tsy bmampiditse ty vata'areo le mbe tsy anga'areo ka ze te hiditse.¹⁴ [Fagnamarenagne: "Ty taratasy taolo tsy nahitagne ty hoe: 'Loza ho anareo ry mpanoratse lily naho nareo Fariseo, soamiatreke! Mandany ty tragno ty miveitegna, le mbe manao vavake lavarene ka nareo. Zay ty hahazoa'areo heloke bey hagnoro anareo.']¹⁵ Loza ho anareo ry mpanoratse lily naho nareo Fariseo, soa miatreke! Fa mandeha mitety ty ranomasigne naho ty tane toy nareo mba hagnoveove ndaty raike, naho fa miova reke, le atao'areo anan-kakeo ambone areo reke.¹⁶Loza ho anareo ry mpitarike goa, mirehake te hoe: "Ndra ia ndra ia mititike amy ty tempoly, le tsy misy vara'e zane. Fa ndra ia ndra ia mititike amy ty volamena ty tempoly, le ho fehe ty havelo'e reke." ¹⁷Nareo goa gege! Ia ty bey vata'e, ty volamena sa ty tempoly manao ty volamena ho masigne?¹⁸Le, ndra ia ndra ia mititike amy ty alitara, le tsy misy vara'e zay. Fa ndra ia ndra ia mititike amy ty fisaoragne ambone io, le ho fehe ty havelo'e reke. ¹⁹Nareo ndaty goa! Ia ty bey to vata'e, ty fisaoragne sa ty alitara manao ty fisaoragne ho masigne?²⁰A naho zay areke, ze mititike amy ty alitara, le mititike ama'e naho amy ty raha ambone'e eo ka. ²¹Ty raike mititike amy ty tempoly, le mititike ama'e naho amy ty mipetrake ama'e ao,²² le ty raike mititike amy ty lagnitse, le mititike amy ty seza fiambesaran'Andriagnanahare naho ama'e.²³Loza ho anareo ry mpanoratse lily naho nareo Fariseo, soa miatreke! Fa mandoa ty fahafolo ty solila naho ty aneta le ty komina nareo, faie tsy nanao to ty raha mavesatse vata'e nareo amy ty famindragne arofo naho ty finoagne. Io ty toko'e ho natao'areo le tsy toko'e hisy tsy ho vita ndra ty raike. ²⁴Nareo mpitarike goa, nareo manivagne laletse faie ndra mitelegne rameva!²⁵Loza ho anareo ry mpanoratse lily naho nareo Fariseo, soa miatreke! Fa fotsia'areo ty voho ty kapoake naho ty finga, faie ty agnate'e ao feno fitsiririagne naho filagne.²⁶ Nareo fariseo goa! Fotsio heke ty agnate ty kapoake naho ty finga, le mba hanjare madio ka ty voho'e.²⁷Loza ho anareo mpanoratse lily naho fariseo, soa miatreke! Fa nareo mahake o kibory nilaloragne naho nilokoagneo avao, malio ty voho'e fa ty agnate'e ao feno taolam-pate naho ze kila loto. ²⁸Manahake zay avao ka, ivela'e etoy nareo malio ama'ondaty, faie ty agnate'areo ao feno haratiagne naho heloke.²⁹Loza ho anareo ry mpanoratse lily naho nareo Fariseo, soa miatreke! Fa magnoregne ty kibory ty mpitoky nareo le mandoko ty kibory ty ndaty maregne.³⁰ Hoe ty atao'areo: "Naho niaigne tamy ty andro ty razam-beitika tika, le tsy toko'e ho nindre am'iareo hampite lio ty mpitoky tikagne."³¹ A naho ty am'zay le mijoro ho ndaty aivo amy ty vata'areo nareo fa ana'iareo namono ty mpitoky.³²Nareo avao ka le fa mahafeno ty hakeo ty razambei'areo.³³ Nareo ry meregne, nareo ry tarira ty menaragne, akore ty hiolira'areo amy ty fagnamelohagne amy ty heloke?³⁴A naho zay areke, ingo, magnirake mpitoky naho ndaty maregne, le mpanoratse lily ka ho anareo raho. Ty ila'iareo ho vonoe'areo le ho tombohe'areo, le ty ila'e ho jera'areo amy ty synagoga'areo ao le ho soire'areo hila ty an-tanagne ao. ³⁵Hifotetse anareo ty raha nata'areo, mibabe hakeo boake amy ty lio maregne nate'areo an-tane eto nareo, nanomboke tamy ty lio i Abel maregne, le hatra amy ty lio i Zakaria ana i Barakia, ie nivonoe'areo agnivo ty fiambesaragne masigne eo naho ty alitara. ³⁶Ambarako ama'areo ty tena maregne, fa ze kila raha le ho avy amy ty tarira toy.³⁷Ry Jerosalema, ry Jerosalema, i rehe mamono ty mpitoky naho ze irahegne ho ama'o ao! Fa impire avao raho te nagnoloholo ty ana'o mba tsy hivibike, manahake o rene akohoo mamory ty ana'e ambane ela'e ao, faie tsy mba nirehake nareo!³⁸ Ingo ty tragno'areo apoke ho leo'areo. ³⁹Fa ambarako anareo hatra am'izao, tsy hahatrea ahy vata'e nareo mandram-pirehafa'areo hoe: "Isaoragne abeike i reke boake amy ty tahina i Magnitse."

Chapter 24

¹Niakatse i tempolyi t'i Jesosy le nagnavelo. Namonje aze i mpiana'e rey mba hanoro aze ty filahara i tempoly. ²Faie nisaontsie'e iareo te hoe: "Tsy trea'areo vao raha io maro io? Ambarako anareo ty tena maregne, tsy hisy vato hapoke amy ty raike ze tsy ho ravagne."³Naho niambesatse ambihitse amy Oliva ay reke, le nitolake namonje aze i mpiana'e rey nirehake te hoe: "Saontsio ama'ay, ombiagne ty hisehoa ze kila raha saontsie'o? Inogne ty famanataragne amy ty fiavia'o naho ty andro fara'e?" ⁴Nisaontsie i Jesosy iareo te hoe: "Miambena tsy azo ty fitake nareo."⁵ Ho lako ty ho avy amy ty agnarako. Le hirehake iareo te hoe: 'I Kristy raho,' le ho maro ty ho voa fitake."⁶Haharey ady naho talily aly nareo. Ao soa tsy hatahotse nareo, fa tsy maintsy hiseho aby raha zao; faie mbe tsy ho avy ty fara'e.⁷ Fa hisy firenenagne hitsangagne hiale amy ty firenenagne hafa, le fanjakagne hialy amy ty fanjakagne ka. Hisy saliko naho horohoron-tane amy ty faritse maro sambe hafa.⁸ Faie mbe fitsongo aloha ty hoterake avao aby raha zao.⁹Hampijale iareo nareo le hovonoegne ka. Ho heje ze kila ndaty nareo amy ty agnarako.¹⁰ Le maro ka ty ho boseke, hifamotetse naho hifankalaigne ze kila ndaty. ¹¹Mpitoky sandoke maro ty hiotsangagne le hamitake ndaty maro.¹²Satria hitombo ty haratiagne, le hihamanintsigne ty fiteava ty maro. ¹³Fa ze raike ie milofo hatrampara'e ro voavotse.¹⁴ Ty talily soa ty fanjakagne toy le habeobeoke amy ze kila tany ho ndaty aivo amy ze kila firenenagne. Avy eo le hoavy am'izay ty fara'e.¹⁵A naho zay areke, naho mahatrea ty fahavetaveta ty fandravagne nareo, nambara i Daniela mpitoky zay, le hitsangagne amy ty toeragne masigne nareo" (ao soa ty mpamaky hahatakatse), ¹⁶"Iareo à Jodia agne hilay ambohitsey, ¹⁷ze fa ambone tragno ao tsy hizotso hangalake raha an-tragno ao, ¹⁸ty fa atonda agne ao soa tsy hiheregne hangalake ty lamba'e.¹⁹Loza ho anareo mivesatse naho mampinono amy zay andro zay! ²⁰Mivavaha mba tsy hidfanandrifa amy ty andro manintsigne naho sabata ro hisehoa ty filaisa'areo.²¹ Fa hisy hasahiragne bey, raha tsy tantane teo ndraike, le tsy hisy ka. ²²Naho tsy atao fohefohe o andro reo, le tsy hisy nofotse ho voa tsindroke. Faie misy ndaty voa fily le atao fohe avao o andro reo.²³Naho misy ndaty mirehake anareo te hope: "Ingo, intoy ty Kristy, indroy ty Kristy," le ko ndra mino. ²⁴Fa ty Kristy sandoke naho ty mpitoky sandoke le hoavy hanao famantaragne naho raha mahagaga, mba hamitake, naho azo anoegne, ndra nareo ndaty voa fily aza.²⁵ Ingo fa nambarako anareo amboaloha'e ty fotoagne.²⁶A naho zay areke, naho mirehake anareo iareo hoe: "Indro, amontogne agne reke," ao soa tsy handeha ho agne. Ndra tie hoe 'ingo ie antragno,' ao soa tsy hatoky zay. ²⁷Fa manahake ty varatse himelatse boake antignanagne le mazava hatra ahandrefagne agne, le manahake zay ty ho fiavy ty ana'ondaty. ²⁸Ndra aia ndra aia misy biby mate, le agne ty hivioria ty voltora.²⁹Naho fa afake ty haoreagne amy andro reo le haiegne ty andro, tsy hagnome hazavagne ty volagne, hopoke boake an-dagnitsey ty kintagne, le hiozognozogne ty hery ty lagnitse.³⁰Avy eo le hiboake an-dagnitsey ty famantara ty ana'ondaty, le hisaona aby ze kila foko ambone tane. Hahatrea ty ana'ondaty avy amy ty rahogne an-dagnitsey mindre amy ty hery naho ty volonahetse bey iareo. ³¹Handefa i anjeli'e rey reke mindre amy ty feo ty trompetra mafe, le hamory iareo ndaty voa fili'e amy ty zoron-tane efatse iareo, manomboke amy ty foto ty lagnitse hatra amy ty hafa.³²Mianara ty lesogne boake amy ty aviavy. Naho vaho matoe ty tora'e le mandravegne, le hai'areo fa marine ty lohataogne.³³ Manahake zay avao ka, naho mahatrea ze raha zao aby nareo, le toko'e ho fanta'areo fa marine reke, an-dalambeo.³⁴Ambarako anareo ty tena maregne, fa tsy holany ty tarira toy mandram-piboaha ze raha zao aby. ³⁵Tsy hisy sasa ty lagnitse naho ty tane, fa ty rehako tsy mba hilevegne hatrampara'e.³⁶Faie ty momba i andro naho lera zay le tsy misy mahay, ndra ty anjely ty lagnitse aza, ndra ty anake lahilahy, fa ty Rae avao.³⁷Manahake ty tamy ty andro i Noa, manahake zay avao ka ty fiavia ty ana'ondaty.³⁸ Fa manahake ty tamy ty andro taloha i fitroara ty rano antambohoy le nihinagne naho ninogne iareo, nanambaly naho nagnengavao mandram-pahavia ty andro nidira i Noa tagnate i sambo ao,³⁹ le tsy naharendreke ndra ino ndra ino iareo mandrampahavia ty fitroa i ranoy, le niely iabike iareo, le manahake zay ty fiavia ty ana'ondaty.⁴⁰Avy eo hisy lahilahy roe ty atonda ey, ty raike handesegne, ty raike hengagne. ⁴¹Ampela roe ty handisam-bare, ty raike handesegne, le ty raike hengagne. ⁴²A naho zay areke le miambena, fa tsy fanta'areo ty andrio hiavia ty Tompo'areo.⁴³Fa fantaro zao, naho nihay ty tompotragno te hoe amy fire halegne ty hiavia ty mpangalatse, ho niambegne reke le tsy nanga'e ho vaky i tragno'ey. ⁴⁴A naho zay areke, miambena mivognona avao ka nareo, fa ho avy ty ana'ondaty amy ty lera tsy ampoeze'areo.⁴⁵Ia areke i mpanompo atokisagne naho matoe nitendre ty tompo'e handily ty longo'e mba hagnomeagne iareo ty hane iareo amy ty fotoagne mete ama'e? ⁴⁶Sambatse i mpanompo zay naho hita ty Tompo'e manao zay naho fa avy reke. ⁴⁷Ambarako anareo ty tena maregne, fa ty Tompo'e ro handily aze ho ambone ty ze kila raha anagna'e.⁴⁸Fa naho misy mp[anompo raty mirehake antro'e ao hoe: "Ela ty fiavy ty Tompoko," ⁴⁹le mamototse mamono o manompo nama'e reo, mihinagne, minogne mindre am'iareo mamo lava; ⁵⁰le avy ty tompo i manompoy amy ty fotoagne tsy ampoeze'e naho amy ty lera tsy fanta'e. ⁵¹Le ho tapatapahe ty tompo'e reke, le hampanahafe'e o soa miatrekeo ty anjara'e, hisy fitagniagne zay naho fangotsokotsoha ty nife.

Chapter 25

¹Ty fanjaka ty lagnitse manahake ty virijiny folo nangalake ty jiro'e le nandeha tamy ty mpagnengavao.² Gege ty dime am'iareo fa ty dime hendre. ³Naho fa ninday o jiro reo iareo virijiny gege, le tsy ninday solike nindre tama'e. ⁴Iareo virijiny mahihitse ninday fisiagne solike nindre amy ty jiro'e.⁵aho nitara ty mpagnengavao, le nilafike ty roro iareo. ⁶Naho fa nisasake i alegney le nitoka mafe nanao te hoe: "Ingo, ty mpagnengavao! miboaha hohita'e."⁷Le nifoha aby am'izay iareo virijiny hagnomagne ty jiro'e.⁸ Zao ty natao i gege rey tam'iareo mahilala: "Mba ameo kedekde amy soli'areoy zahay fa fahomate ty jiro'ay. ⁹Namale iareo mahilala hoe: "Hendra tsy ho ampe ho anay sady ho anareo, mandehana amy ty mpivarotse le miviliana ho anareo."¹⁰Naho fa nandeha nivily iareo, le niavy amboho'iareo i mpagnengavaoy, le ze nivogno'e nindre ama'e nandeha ho amy tragno fanoagne engavao, le nihily lalambeyi.¹¹ Naho fa nivita zay le niavy ka iareo virijiny ila'e nirehake te hoe: "Tompoko, Tompoko, sokafo zahay." ¹²Le namale reke te hoe: "Ambarako anareo ty tena maregne, tsy mahay anareo raho." ¹³A naho zay areke miambena soa fa tsy fanta'areo ty andro naho ty lera.¹⁴Zay le manahake ty lahilahy raike handeha ho amy ty firenenagne hafa. Nitoka ty tompo'e reke le nampiambene'e aze i fanagna'e rey. ¹⁵Ty raike am'iareo nomea'e fahaian-draha dime, ty raike hafa nomea'e roe, ty raike hafa nomea'e raike. Sambe nandrae fahaian-draha arakarake ty fahaia'e iareo, le nandeha amy lia'ey i lahilahy'i. ¹⁶I raike nahazo fahaian-draha dimey leavy le tsy nangatake andro fa nampiasa'e le nahazo fahaian-draha dime hafa ka.¹⁷Manahake zay avao ka i raike naharae fahaian-draha roe nahazo roe hafa ka.¹⁸ Fa i arike naharay fahaian-draha raikey, nandeha nihaly lavake amy ty tane, le nandevegne ty vola ty tompo'e.¹⁹Ela ty ela niregne ty tompo'iareo ndevo le nandamigne raha am'iareo. ²⁰Niditse i ndevo raike naharae fahaian-draha dimey le ninday dime hafa ka. Zao ty natao'e: "Ragnandria, namea'o fahaian-dfraha dime raho. Ingo nampitombo fahaian-draha dime hafa ka raho." ²¹Zao ty natao i tompo'ey ama'e: "Soa zao, ihe ndevo mahilala sady atokisagne! natokisagne amy ty raha maromaro rehe. Hampanoeko raha lako rehe. Midira amy ty falioavam-po ty tompo'o."²²I ndevo raike naharae fahaian-draha roey namonje le nirehake hoe: "Ragnandria, namea'o fahaian-draha roe raho, ingo nampitombo fahaian-draha roe hafa raho."²³ Nirehake aze i tompo'ey hoe: "Soa zay, ry ndevo mahilala sady atokisagne! Natokisagne amy ty raha tsy ampe rehe. Hampanoeko raha maro rehe. Midira amy ty liofo ty tompo'o,"²⁴Avy eo i ndevo naharae fahaian-draha raikey namonje aze le nirehake te hoe: "Ragnandria, fantako fa lahilahy masiake rehe. Mihaly amy ty tsy nioira'o rehe, le mangorogne vokatse amy ty tsy nambolea'o.²⁵ Natahotse raho, naho le nandeha nagnetake i fahaian-draha'oy tagnate tane ao. Henteo, ingo i azoy."²⁶Namale aze ty tompo'e nanao te hoe: "I rehe ndevo raty sady malaigne, fanta'o fa raho mihaly amy ty tsy nioirako naho ka mangorogne vokatse amy ty tsy namboleako.²⁷ Le toko'e ho namea'o ty mpanao balike i volakoy, le naho fa niavy raho nandrae ty ahy naho ty nitomboa'e.²⁸A naho zay areke afaho ama'e ty fahaian-draha le ameo hoe i managne fahaian-draha foloy.²⁹ Fa ze managne homeagne mihoatse lavitse. Fa hoe iareo tsy managne ndra ino ndra indro , ndra ze kele anagna'e aza hafahagne ama'e. ³⁰Atoraho amy ty maiegne antane agne ty ndevo raty, agne ty misy fitagniagne naho ty fangotsokotsoho ty nife.³¹Naho fa avy amy ty volonahe'e ty ana'ondaty naho iareo anjely mindre ama'e, le hiambesatse ambome ty seza fiambesara'e eo reke.³² Le ze kila firenenagne le havory aloha'e eo, le hamike ndaty raike amy ty raike hafa reke, manahake ty mpiambegne agnondry mamike ty agnondry amy ty ose.³³ Hampitoboke ty agnondry ankavana'e eo reke, fa ty ose ho ankavia'e eo.³⁴Ty mpanjaka hirehake am'iareo antagnan-kavana'e eo hoe: "Mbetoa nareo nitaien-Roaeko, mandovà ty fanjakagne fa nivognonegne ho anareo hatra amboaloha'e tamy ty nagnoregnagne ty tane toy.³⁵ Fa ho nimate ty hamosare raho nimea'areo hanegne; naeake ty arandrano raho nimea'areo rano honomegne; niambahiny raho nampandrosoe'areo;³⁶ tsy nisy hosaforegne naho nitanjake raho nampiankanjoe'areo; narare raho nikarakarae'areo; tampigadragne agne raho nitilike ahy nareo.³⁷Iareo maregnendake le hamale hirehake te hoe: "Ragnandria, ombiagne zahay nahatrea azo ho nimate ty saliko le namahagne azo? Ndra te hikama rano nampikamae'ay?³⁸ Ombiagne rehe nitrea'ay niambahiny nambandrosoe'ay? Ndra nitanjake nampiakanjoe'ay?³⁹ Ombiagne zahay nahatrea azo narare naho nigadra le nitilike azo ama'o agne? ⁴⁰Namale ty mpanjaka le nisaontsy am'iareo hoe: "Ambarako anareo ty tena maregne, ze natao'areo am'iareo rahalahiko kede rey, le natao'areo tamako."⁴¹Hisaontsy am'iareo ze ankavia'e reke: "Midisoa ahy nareo voaozogne hoa amy ty afo mirehetse hatrampara'e, fa nivognonegne hoe ty devoly naho iareo anjeli'e,⁴² satria mosare raho, fa tsy namea'areo hanegne, narandrano raho tsy namea'areo rano, ⁴³niambahiny raho tsy nampandrosoe'areo, nitanjake raho tsy nirongona'areo; narare naho tampigadragne ao raho fa tsy nitilike ahy nareo.⁴⁴Le hamale ka iareo hirehake te hoe: "Ragnandria! Omiagne zahay te nahatrea azo mosare, narandrano, niambahiny, nitanjake, narare, tampigadragne agne, le tsy nanompo azo?⁴⁵ Le hamale iareo reke hisaontsy hoe: "Ambarako anareo ty tena maregne, fa ze tsy natao'areo tamy ty raike am'iareo madineke, le tsy natao'areo tamako."⁴⁶ Halefa amy ty fampijaleagne hatrampara'e iareo fa ty maregnendake ho amy ty fiaignagne tsy misy fahatampera'e."

Chapter 26

¹Naho fa nivita i Jesosy ty saontsi'e le nisaontsy amy mpiana'e rey reke te hoe: ²"Fanta'areo fa afake roe andro le hoavy i Paskay, le hatoloktse hofatsihegne amy ty hazonajale ty ana ondaty."³Avy eo ty bey ty mpisorogne naho ty loha ondaty nindre nivory tamy ty anjomba ty mpisorombey, ie nitokavegne te hoe i Kaiafa.⁴ Nitolake ty hitsepake naho ty hamonoagne i Jesosy iareo.⁵ Zao ty natao iareo hoe: "Tsy amy ty fete mba tsy hisia ty korontagne amy ty ndaty eo."⁶Naho fa ta Betania tan-tragno i simona boka t'i Jesosy, ⁷miambesatse mikama an-databatse eo, le nisy ampela raike nanagne tavoara alabastara feno menake lafo vily namonje aze, le nagniligne menakey amy ty agnambone'e.⁸ Naho fa nitrea iareo mpiana'e zay, niboseke le nirehake te hoe: "Inogne ty anto ty fandaniagne toa io?⁹ Afake navily lafo nomeagne ty tsy managne io."¹⁰Arofana i Jesosy zay, le nisaontsy reke te hoe: "Nagnino nareo ndra manosotse ty loha o ampelao? Fa raha soa ty nanoe'e tamako.¹¹ Ama'areo eo le lomogn'andro ty tsy managne, fa raho tsy raha ho ama'areo nanaike.¹²Fa naho fa nagniligne ty menake magnitsey tamy ty vatako reke, le anoe'e amy ty fandevegnagne ahy zay. ¹³Ambarako anareo ty tena maregne, ndra aia ndra aia hitoriagne ty talily soa amy ze kila tane, ty nanoe ty ampela toy le hatalily mbeombeo ka ho fahatiarovagne aze."¹⁴Naho fa niavy eo ty raike am'iareo roambifolo, ty agnara'e i Jodasy Iskariota, nadeha amy ty bey mpisorogney agne,¹⁵ le nanao te hoe: "Amea'areo hotrinogne raho hagnomeako aze anareo?" Nandanja volavotsy kede telopolo iareo hameagne aze.¹⁶ Avy eo le natao'e ty nanoloragne aze am'iareo.¹⁷Tamy ty andro voaloha'e ty mofo tsy misy lalivay le namonje i Jesosy i mpiana'e rey le nirehake te hoe: "Aia ty zoto'o hanoa'ay mahakama ho azo amy ty paska?" ¹⁸Namale reke hoe: "Miziliha amy ty tanagne ao misy lahilahy le ambarao reke te hoe: 'Hoe ty mpagnanatse: "Fa marine ty fotoako. Antragno'o ato raho ro hanao paska mindre am'iareo mpianako."""¹⁹ Le nanoe'iareio mpianatse ze nandilia i Jesosy iareo, le namboatse ty hanegne amy ty paska iareo.²⁰Naho fa nihalegne ty andro le nindre nikama tamy mpiana'e roambifolo reke. ²¹ Zao ty natao'e ampihinana'iareo hoe: "Ambarako nareo ty tena maregne, fa hisy raike am'areo hifotetse ahy." ²²Nikoretse ty fiai'iareo le nagnontane aze te hoe: "Tsy ho raho zao, Ragnandria?"²³Namale reke hoe: "Ze nindre tamako nampijogne ty tagna'e tagnate finga ao ie ty hifotetse ahy.²⁴ Handeha ty ana ondaty, magnorike ty fa voa soratse momba aze. Faie ho loza hoe ze mifotetse ty ana ondaty! Ty mahay i ndaty zay ty tsy hierake sasa." ²⁵I Jodasy ie hivalike ama'e nagnontane hoe: "I raho vao zaoo, Raby o?" Zao ty natao'e tama'e hoe: "I rehe."²⁶Mbe ampihinanagne eo iareo, le nangalake mofo t'i Jesosy, nisaotse, le nanampake. Namea'e i mpianatse rey zay le nisaontsy reke hoe: "Raiso, hano. Vatako toy."²⁷Nandrae i kapoakey reke le nisaotse, namea'e iareo le nisaontsie'e te hoe: "Nareo abike, nomo'areo toy. ²⁸Fa toy ty lio ty filongoagne hazotso hoe ty maro ho fagnaliovagne hakeo. ²⁹Ambarako anareo, fa tsy mba hinogne ty vokatse amy ty volaloboke sasa raho, mandram-pahavia ty finomagne vaovao hindrezako ama'areo amy ty fanjaka ty raeko."³⁰Naho fa nihira hira fiantsagne iareo, le nandeha ambohits'oliva ey.³¹ Zao ty natao i Jesosy am'iareo: "Nareo abike le hisitake ahy naho ty amako anito halegne, fa voasoratse te hoe: 'Hijera ty mpiambegne agnondry raho le hibaratsiake ty agnondry.'³² Afara ty havagnon-koveloko amy ty mate, le hiaolo lalagne anareo à Galelia agne."³³I Petera nirehake ama'e te hoe: "Ndra tie hilay naho ty am'izay aza iareo, i raho tsy mba hisitake azo."³⁴ Zao ty natao i Jesosy tama'e: "Ambarako azo ty tena maregne, anito halegne mbe tsy mikekeo ty akoho, le handà ahy intelo rehe." ³⁵I Petera nirehake hoe: "Ndra tie hifatezako mindre ama'o aza tsy handà azo raho." Manahake zay avao ka ty rineha ty mpianatse ila'e.³⁶Nagnavelo nindre am'iareo amy ty tane atao Getsemane t'i Jesosy, le nisaontsy tamy mpiana'e rey hoe: "Mipetraha etoa nareo fa hivavake eroy raho."³⁷ Nandese'e t'i Petera naho ty ana i Zebedio roe lahy le nanomboke nikoretse sady ore ty fo'iareo.³⁸ Zao ty natao'e am'iareo hoe: "Foy vorombelogne ty fagnahiko, manahake ty fa ho mate. Miantoera eto le miambena mindre amako."³⁹Nitolake reke, nivavake. Zao ty natao'e: "Babako, naho azo atao, afaho amako ty jera mangirifiry toy. Faie tsy ty ahy anio ty hanoegne fa ze zoto ty arofo'o."⁴⁰ Namonje i mpiana'e rey reke, aheo'e naho milafike ty roro abike iareo, zao ty natao'e amy petera hoe: "Inogne, tsy mahavita miambegne minde amako ndra tie lera raike vao nareo? ⁴¹Miambena ao soa tsy azo ty mpitsoke fagnahy nareo. Mete avao ty fagnahy, fa ty nofotse ro maleme."⁴²Nagnavelo fagnindroe'e reke le nivavake. Zao ty natao'e: "Babako, naho fa tsy azo hafahagne amako ty fampijaleagne toy, le hataoko ty zoto ty arofo'o." ⁴³Niheregne reke le mbe zoe'e nilafike ty roro iareo, fa navesatse ty maso'iareo.⁴⁴ Nenga'e ndraike iareo, le nivavake fagnintelo'e, nisaontsy o saontsy reo avao abike.⁴⁵Avy eo t'i Jesosy namonje iareo mpiana'e, zao ty natao'e am'iareo hoe: "Mbe miroro avao vao nareoo? Henteo, fa marine ty lera, le ty ana ondaty hatolotse antagna iareo be hakeo. ⁴⁶Mitsangàna, andao tika. Henteo, fa marine ie hifotetse ahy."⁴⁷Amy reke mbe misaontsyi, avy t'i Jodasy, ie nivalike am'iareo folo roe amby. Nisy ndaty maro nindre ama'e boake amy ty bey ty mpisorogne naho ty zoke ondaty. Niavy mindre amy ty ampingaratse naho langilangy iareo. ⁴⁸Le nagnomey famantaragne iareo i lahilahy nifotetse i Jesosy i, manao te hoe: "Ze orofoko, ro ie. Tsepaho reke."⁴⁹Tsy nisy alaharo fa namonje i Jesosy reke le nirehake te hoe: "Salama, Raby!" Le nagnoroke aze reke. ⁵⁰Zao ty natao i Jesosy tama'e hoe: "Anovo ze nilia'o eto korahe." Avy eo niavy iareo, nagnampatse ty tagna'iareo tam'i Jesosy, le nitsepake aze.⁵¹Ingo, ty raike am'iareo nindre am'i Jesosy, nagnakatse ty ampingara'e ka le namatsika ty ndevo i mpisorombey, le nihifike ty sofi'e. ⁵²Zao ty natao i Jesosy hoe: "Aheregno amy ty nisia'o aze ty antsi'o toy, fa ze mandrae antsigne le hovonoegne amy ty antsigne.⁵³ Mivetsevetse vao nareo te hoe tsy mahatoka an-draeko raho, le i reke afake mandefa miaramila anjely mihoatse ty roambifolo lahy? ⁵⁴Fa hatao akore fa zao ty hahato ty soratse masigne, ie magnambara fa tsy maintsy hisy?"⁵⁵Tam'izay andro zay t'i Jesosy nisaontsy tamy vahoake rey te hoe: "Avy amy ty ampingaratse naho langilangy hitsepake ahy manahake ty mpangalatse vao nareoo? Nampianatse an-tempoly ao le lomogn'andro avao raho fa tsy nitsepahe'areo. ⁵⁶Misy abike ze raha zao mba hahalefe ty voasora ty mpitoky." Nibaratsiake i mpiana'e rey nilay nisitake aze.⁵⁷Nandese'iareo nitsepake aze am'i Kaiafa mpisorombey agne t'i Jesosy, ao ty nivoria iareo mpanoratse lily naho loha ondaty. ⁵⁸Namalavala aze ey avao t'i Petera amy ty ie andalagne andesegne ho amy ty vala bey ty mpisorogne. Niditse agnate'e ao reke le nipetrake nindre am'iareo mpiambegne mba hahatrea ty hiafara'e.⁵⁹Iareo bey ty mpisorogne naho iareo Synedriona abike le nipay fandieragne tsy maregne handieragne i Jesosy, am'izay ameagne lalagne iareo hamono aze. ⁶⁰Tsy nahatrea ndra ino ndra ino iareo, ndra tie nisy ndaty aivo tsy maregne niavy eo. Naho fa niavy eo nisy roe niavy namonje eo⁶¹ le nirehake te hoe: "O lahilahy io, nirehake te hoe: 'Mahavita mandrava ty Tempolin'Andriagnanahare raho le managagne ka afake telo andro.'"⁶²Nitsangagne i mpisorogne bey le nanao te hoe: "Tsy managne havale vao reheo? Inogne raha hamono iareo azo zao?"⁶³ Nianjigne avao t'i Jesosy. Zao ty natao i mpisorogney tama'e: "Mandily azo amy ty tahin'Andriagnanahare raho, ambarao ama'ay, te i rehe o Kristy anak'Andriagnanahare zao." ⁶⁴Namale aze t'i Jesosy hoe: "I ho rinehakoy nambara'o zay. Fa ambarako ama'areo, anito avao le hotrea'areo ty ana'ondaty hipetrake an-tagnan-kavana ty hery, le ho avy amy ty raho ty lagnitse."⁶⁵Niriate i mpiorombey ty akanjo'e le rineha'e te hoe: "Nirehake ratyb reke! nagnino tika mbe mipay ndaty aivoo? Ingo, rei'areo ty reha'e raty teo. ⁶⁶Akore ty heve'areo? Zao ty navale iareo: "Magneva vonoegne agne reke."⁶⁷Nandrora'e ty tarehe'e le jera'e, le nipoaha'e raratehake ka, ⁶⁸zao ty natao'e: "Tokio ama'ay rehe Krisrty. Ia nijera azoy?"⁶⁹I Petera nietake agnolo i valay, le nisy mpanompo ampela namonje aze nanao te hoe: "Irehe ka nindra tam'i Jesosy ty Galilia."⁷⁰ Fa nandietse aloha iareo teo reke, zao ty natao'e: "Tsy fantako ty raha rehafe'areo."⁷¹Naho fa niakatse i lalambey reke le nisy mpanompo ampela hafa ka nirehake tam'iareo teo hoe: "Ty lahilahy toy ka le nindre tam'i Jesosy boake Nazareta." ⁷²Le mbe nandietse avao reke nanao te hoe: "Tsy fantako o lahilahy zao!"⁷³Naho fa niavy eo le nandfeha namonje i Petera iareo ze nitsangagne teo, nirehake ama'e hoe: "I rehe ka aza ty raike am'iareo fa tsy zao raha, ndra ty reha'o le ahafantaragne azo." ⁷⁴Avy eo reke nifanta naho le nititike nanao te hoe: "Le amoeako an'io o lahilahy rehafe'areo zao!" Leavy le nagneno am'izay ty akoho. ⁷⁵Tiaro i Petera ty saontsy i Jesosy hoe: "Mbe tsy mikekeo ty akoho le handà ahy intelo rehe." Niakatse reke le nitagny.

Chapter 27

¹Maraindraigne ty andro, le niomagne ty hipay ty raha hamonoagne i Jesosy iareo ndaty bey ty mpisorogne naho iareo loha'ondaty.² Nifehe iareo reke, le nandese iareo am'i Pilato goverinora agne.³Ie Joday nifotetse aze, naho fa nahatrea te voaheloke t'i Jesosy, le nisoloho reke, nahere'e tam'iareo bey ty mpisorogne naho iareo i volafotsy telopoloy, ⁴nirehake reke te hoe: "Behakeo raho namotetse ty lio tsy manan-tahy." Namale iareo te hoe: "Hahoa'ay ino? Azo zay!"⁵ Le natora'e an-tempoly ao i volafotsy rey, nandeha reke le namonje ty vata'e.⁶Iareo bey ty mpisorogne nandrabe i volafotsy rey le nirehake te hoe: "Mitipake ty lily ty hampijognagne toy amy ty fasiam-bola satria vilin-dio."⁷ Nindre nirehake ty tsy mete iareo le nivily tane amy ty mpamboatse valagne tane handevegnagne ze vola ambahiny.⁸ Le zay ty anto'e nanaovagne ty agnara i taney hoe: "Tanen-dio" hatram'izao.⁹Le nilefe ty nivoareha ty mpitoky Jeremia manao te hoe: "Nangalake ty volafotsy telopolo iareo, vily ty nanomgagna iareo vahoa i Israely aze,¹⁰ le namei'areo hoe ty mpamboatse valagne tane, zay ty nambara i Tompo ahy."¹¹Nijahigne aloha ie goverinora t'i Jesosy, le nagnontane aze t'i goverinora te hoe: "i rehe vao ty mpanjaka ty Jiosy?" Namale reke te hoe: "Ie niazo'o zay, ie raho." ¹²Fa naho fa niliere iareo bey ty mpisorogne na. ho iareo loha ondaty reke le nianjigne. ¹³Nirehake ama'e t'i Pilato te hoe: "Tsy rei'o vao fandieragne azo zao?"¹⁴ Le mbe nianjigne avao reke, gaga ty govrinora.¹⁵Naho fa amy ty faliovagne fo le fomba i goverinora ty mamotsotse gadra raike voafily iareo vahoake. ¹⁶Nanagne gadra raike malaza atao hoe i Barabasy iareo tam'izay fotoagne zay.¹⁷A naho fa nivory iareo, zao ty natao i Pilato am'iareo hoe: "Ia ty te'areo havotsoko ho anareo? Barabasy, sa i Jesosy ie tokavegne te hoe i Kristy? ¹⁸Fanta'e fa fialognagne ty nahavy iareo manolotse i Jesosy tama'e. ¹⁹Naho fa nipetrake amy ty seza fitsaragne eo reke, le nandefa rehake ama'e ty vali'e hoe: "Tsy hitako ty hatao amy ty lahilahy tsy manan-tahigne toy. Ore raho te anito amy ty nofiko momba aze."²⁰Iareo bey ty mpisorogne naho iareo loha'ondaty nandrisike iareo vahoake hangatake ty hamotsoragne i Barabasy, le hampamono i Jesosy. ²¹Nagnontane iareo ty goverinora hoe: "Ia am'iareo roe ty tea'areo havotsoko ho anareo?" Zao ty natao iareo: "I Barabasy."²² I Pilato nirehake am'iareo hoe: "Inogne ty toko'e hanoeko am'i Jesosy ie tokavegne ho i Kristy?" Namale iareo: "Fatsiho amy ty hazonajale reke."²³Zao ty natao'e: "Nagnino, inogne ty sata raty vita'e?" Nimanea iareo ty korake te hoe: "Fatsiho amy ty hazonajale reke."²⁴ Naho fa nihay i Pilato te tsy misy azo'e atao ndra ino ndra ino amy korakey, le nangalake rano reke, nanasa ty tagna'e aloha i vahoake rey eo, le nanao te hoe: "Tsy manan-tahy tsy manan-kakeo amy ty lio ty lahilahy tsy manan-tahy toy raho. Fa asa'areo zay."²⁵Nirehake iareo ndaty maro te hoe: "Lonike mba ho ama'ay naho ty ana'ay ty lio'e." ²⁶Navotso'e hoe iareo t'i Brabasy, natolo'e ho fatsihegne amy ty hazonajale t'i Jesosy le jinera amy ty karavantsy.²⁷Avy iareo miaramila nangalake i Jesosy handesegne an-dapa ao, le namory ze kila miaramila. ²⁸Nafaha iareo ty akanjo'e le nampanoe iareo akanjo jaky reke. ²⁹Namboatse sabaka fatike iareo le natao iareo agnambone'ey, le nasia iareo tehegne ty fita'e havana. Nandohaleke ama'e iareo nanao tsikike aze, te hoe: "Salama rehe mpanjaka ty Jiosy!"³⁰Nandrora iareo reke, nafaha iareo i tehegney, tsinera iareo amy ty agnambone'e.³¹ Naho fa nivita iareo ty nanao tsikike aze, nafaha iareo ty akanjo lava'e, le nampiankanjoe iareo ty akanjo'e handese'e amy reke hofantsihegne amy ty hazonajale, le nandesegne niboake am'izay.³²Naho fa niakatse iareo, le nahatrea lahilahy raike boake syrena agne atao hoe simona, nisere iareo hindre am'iareo hijiny ty hazonajale.³³ Nandeha amy ty tane atao hoe Golgota iareo iareo, ty dika'e: "Tane ty karankan-doha."³⁴ Namea'iareo divay miharo afero reke ho kamae'e. Fa naho fa nandrama'e le tsy nikama reke.³⁵Naho fa nifatsihe iareo amy ty hazonajale reke, le nifanoa iareo kize ty nifizaragne i akanjo'ey, ³⁶nipetrake iareo niambegne aze.³⁷ Ambone eo ty nasia'iareo soratse mirehake ty anto'e namonoagne aze, te hoe: "Intoy t'i Jesosy mpanjaka iareo Jiosy."³⁸Nisy dahalo roelahy ty nifatsihegne mindre ama'e, ty raike an-kavana'e eo ty raike an-kavia'e eo.³⁹ Iareo ze nandriogne le nanimbotimbo aze, nampigibigibigne ty loha iareo⁴⁰ le nanao te hoe: "I rehe handrava ty tempoly le handagne zay ka agnate ty telo andro avoto ty vata'o!" Naho i rehe ty anan'Andriagnanahare le mizotsoa boake amy ty hazo najaley!"⁴¹Manahake zay avao ka iareo bey ty mpisorogne nanao tsikike aze, nindre am'iareo mpanoratse lily naho iareo loha'ondaty, le nirehake te hoe: ⁴²"Nagnavotse ty ndaty hafa reke, faie tsy mahaavotse ty vata'e. I reke mpanjaka Israely. Angao reke hizotso boake ambone ty hazonajalke'ey, le ho meanto reke."⁴³Natoky an'Andriagnanahare reke, angao ty Andriagnanahare hagnavotse aze henaneo, naho toe zoton'Andriagnanahare ty hiafaha'e. Reha'e ty tihoeke: "Anak'Andriagnanahare raho.'" ⁴⁴Manahake zay avao ka ty ajalahy nifatsihegne nindre ama'e toy, nanivativa naho le nanao tsikike aze avao ka.⁴⁵Rinako ty iegne ze kila tane nanomboke tamy ty lera fahaenegene le niavy avao ty lera fahasive. ⁴⁶Amy ty lera fahasive eo nikanjy amy ty feo mafe t'i jesosy nanao te hoe: "Ely, Ely, lamà sabaktani?" Mitsakore ty tihoeke: "Andriagnanahareko, Andriagnanahareko, akore rehe ie mienga ahikeo?"⁴⁷ Naho fa naharey zay ze mbe nitsangagne teo, le nanao te hoe: "Mitoka i Elia reke."⁴⁸Tsy nisy alaharo fa nilay ty raike am'iareo le nangalake spaonjy, nivontoe'e amy ty vinegra, le natao'e amy ty bararata mitohitohy, le nimei'e aze ho kamae'e. ⁴⁹T'ila'e am'iareo nirehake te hoe: "Angao reke. Hotreantika eo ty hiavia i Elia hagnavotse aze." ⁵⁰Le mbe nikanjy amy ty feo mafe ndraike t'i Jesosy nanolotse ty fagnahi'e.⁵¹Tsinera ty raha roe mira boake ambone hatra ambane ty lamba i anjomban'Andriagnanaharey, nangodongodogne ty tane, nitserake roe mira ty vatolahy. ⁵²Nisokake ty kibory, le nivagnon-kovelogne ty fate ze kila ndtatin'Andriagnanahare fa nimate.⁵³ Le niakatse ty an-kibory ao iareo, nizilike an-tanagne masigne, le niboake amy ty maro.⁵⁴Iareo kapiteny naho iareo nahatrea i Jesosy naho fa naharey i horohoron-taney naho ze kila raha nisy teo, ndra natahotse le nivaky rehake te hoe: "Anak'Andriaganahare vata'e toy." ⁵⁵Nisy ampela maro nagnorike i Jesosy boake à Galilia agne mba hagnalankagne aze, namalavala nagnente agnolo'ey avao. ⁵⁶Tam'iareo t'i Maria Magdalena, Maria rene i Jakoba naho Josefa, le ty rene'iareo anadahy i Zebedio.⁵⁷Naho fa nihale ty andro, le nisy lahilahy raike mpagnarivo boake à Armatia agne, i Josefa ty aganara'e, mpiana i Jesosy avao ka reke. ⁵⁸Namonje i Pilato reke le nangatake ty vata i Jesosy. Le nomey i Pilato aze.⁵⁹Nangalake i fatey t'i Josefa, nisafora'e sarimbo rongony malio, ⁶⁰le naleve'e amy ty kibori'e vaovao namboare'e tamy ty vatolahy, namoy vato bey hatao rindry kiboryi reke le noly.⁶¹ I Maria Magdalena naho iareo Maria hafa le teo aby, nidoboke agnila i kiboryi eo.⁶²Niavy ty andro raike afara ty fagnomanagne, le nindre nivory am'i Pilato iareo bey ty mpisorogne naho iareo Fariseo.⁶³ Zao ty natao iareo: "Ragnandria, tiaro'ay fa tamy tie mbe nivelogne i mpamitake inge le nirehake te hoe: "Naho fa afake telo andro le hovagnon-kovelogne raho." ⁶⁴A naho zay areke mandilia ty hiambenagne i kibory mandram-pahavia ty telo andro, fa naho tsy zay le hoavy iareo mpiana'e hangalatse aze le hirehake amo'ondatio te hoe: "Nivanon-kovelogne reke!", ty fitake fara'e le ho raty mihoatse ty reke tamy voaloha'e."⁶⁵Zao ty natao i Pilato tam'iareo: "Mangalà mpiambegne. Akia ambeno soa ataovo'areo ze fiambena'areo aze. ⁶⁶Le nandeha'iareo niambegne kibory, nasia'iareo tombo-kase ty vato le nampijangana'iareo mpiambegne.

Chapter 28

¹Tamy ty hariva ty sabata, naho fa nanomboke mangararake atignanagne ty andro voaloha'e amy ty heregn'andro, le nandeha nagnente i kiboryi t'i Maria Magdalena naho i Maria raike hafay.² Ingo, nisy horohoron-tane bey, ty anjelin'Andriagnanahare nizotso boake an-dagnitse agne, niavy nampibaribarigne i vatoy, le nipetrake ambone'ey.³Manahake o helatseo ty tarehe'e, le ty akanjo'e foty manahake ty oram-panala.⁴ Natahotse iareo mpiambegne le nanahake ty lahilahy mate.⁵Nirehake tam'iareo ampela i Anjelyi le nanao te hoe: "Ao soa tsy hatahotse, fantako fa mipay i Jesosy nareo, I nifatsihegne tamy ty hazonajaley. ⁶Tsy ato reke, fa nitsangagne nagnorike ty fa sinaontsi'e ama'areo. Mbetoa henteo ty nirota i Magnitse. ⁷Akia malaky agnombarao iareo mpiana'e te hoe: "Nivagnon-kovelogne reke. Ingo, fa niaolo lalagne anareo à Galilia agne reke. Agne ty hahatreava'areo aze." Ingo, fa nambarako tama'areo."⁸Nifoy vorom-belogne i ampela rey le niala ty an-kibory ey, le nilay hirehake am'iareo mpiana'e. ⁹Ingo, namonje iareo t'i Jesosy le nisaontsy te hoe: "Salama!" Namonje aze i ampela rey, nitagne fandia'ey le nirebeke aze. ¹⁰Nisaontsy iareo t'i Jesosy nanao te hoe: "Ao soa tsy hatahotse. Akia agnombarao iareo rahalahiko, ampandehao à Galilia agne. Agne ty hahatreava iareo ahy."¹¹Mbe andalagney avao i ampela rey, ingo, t'ila i mpiambegne rey nandeha an-tanam-bey agne le nirehake am'iareo bey ty mpisorogne ze kila raha nisy. ¹²Naho fa namonje iareo zoke'ondaty i mpisorogney le nirehake mikasike ty olagne am'iareo, le nagnomey vola tsy fotofoto iareo miaramila iareo,¹³ le nirehake am'iareo te hoe: "Ambarao amy ty hafa te hoe: 'Niavy tamy ty andro halegne i mpiana i Jesosy rey le nagalatse ty vata'e amy ty zahay mbe miroro.'¹⁴Naho avy am'i goverinora agne o talily zao, hizaka aze tika, le hagnafake ty famarahia'e ama'areo." ¹⁵Rinambe miaramila rey volay le natao iareo ze nampanoegne iareo. Ze natalily iareo le niely amy ty tane iareo Jiosy le mbe mitohy hatra am'izao.¹⁶Nandeha à Galilea agne iareo mpianatse raike amby folo, le t'ambohitse fa natoro i Jesosy iareo ey. ¹⁷Naho fa nahatrea aze iareo, le nirebeke aze, fa t'ila'e mbe nisalasala natahotse.¹⁸Namonje iareo t'i Jesosy le nisaontsy te hoe: "Fa nameagne ahike ty fahefagne an-dagnitse agne naho ty an-tane etoy. ¹⁹Akia mandehana, ampanjareo mpianako ze kila tane aby. Ano batisa iareo amy ty agnara ty Rae, ty Anake, le ty Fagnahy Masigne.²⁰Ampianaro iareo hagnomey hato ze kila raha nandiliako anareo. Ingo, mindre ama'areo avao raho hatra amy ty fimodoa ty tane toy.

Mark

Chapter 1

¹Intoy ty fanomboha ty talilisoa i Jesosy Kristy, ty Ana'Nagnahare. ²Manao izay ty voasoratse amy Isaia mpitoky zay te hoe: ''Intoa, Raho magnirake ty irako hialoha Azo, le reke ty hamboatse ty ho lala'o. ³Nay ty koidava amotogne agne manao te hoe: ''Amboaro ty lala i Andriantompo; ano'o vantagne ty lalan-kombae.'''⁴Niavy ty Jaona, nanao batisa tamotogne agne, le nitalily fa o'batisa zao fisolohoagne hagnaliovagne ty hakeo. ⁵Niavy nagnantogne aze iaby ty boake Jodia nao i Jerosalema. Natae batisa tamy ty saka i Jordana iareo, naho fa sambe nagneke ty fahota'e. ⁶Nisikigne volon-drameva ty Jaona le nidiagne holitse tam-bania'e, le valala naho tantele ty nihane'e.⁷Nagnombara reke te hoe: ''Fa hoavy zay raike magnarak'ahe zay, mandako ahike ty heri'e, fa ndra ty hamaha ty talin-kana'e aza tsy hagneva ahy. ⁸Iraho nanao batisa anareo ama'ty rano, fa Reke hanao batisa anareo amy ty Fagnahy Masigne.''⁹Tamy ty andro niavia i Jesosy goals a Nazareta i Galilia ty nisehoa'io, le nata i Jaona batisa tantsaka'i Jordana tao Reke. ¹⁰Naho fa niboake tagnate rano ao ty Jesosy, le nitsorotsoro boake andagnetse agne ty Fagnahe ni'hoe voromahilala le tamae teo . ¹¹Le nisy feo boak'andagnits'agne manao ty hoeke te :''Anako teako vatae Rehe.Anake maneako vata'e".¹²Le nente'o Fagnahy io le amotogne maliolio agne ty Jesosy.¹³ Efapolo andro Reke ty tagne, notsoehe ty kokolampo fagnahe Reke. Niharo toboke tamy o'biby agn'ala ao Reke, le nitompo Aze i Anjele rey.¹⁴Ie naho fa voasambotse ty Jaona,le niavy t'a Galilia ty Jesosy nagnombara ty talilisoa'Nagnahare, ¹⁵naho ty hoeke te:''Avy fotoagney, le fa marine ty fanjaka'Nagnahare.Misolohoa le minoa ty talilisoa.''¹⁶Naho fa nandeha t'amoro ria'i Galilia Reke,le nahatrea i Simona naho i Andrea rahalahe'i Simona nagnarato, satria mpagnarato iareo. ¹⁷Hoe ty Jesosy tami'iareo te hoe te: ''Avia, oriho'areo Raho ,fa hatako mpagnarato ndaty ka nareo.'' ¹⁸Eo naho eo avao le nenga'iareo i harato'y le nagnorik'Aze.¹⁹Nao fa nagnavelo lavidavitse ty Jesosy, le nahavazoho i Jakoba ana'i Jebedio naho i Jaona rahalahee, agnate lakagne ao iareo te namboatse harato.²⁰ Nitoka iareo Reke le nengae tagnate anaka'sambo tao amizao ty Jebedio rae'e miarak'ami'ty mpikaramae, naho nagnorik'Aze iareo.²¹Nao fa avy eo le niavy t'a Kaoperinaomy iareo,le tami'ty andro Sabata, le nilitse tagnate'ty synagoga ty Jesosy le nampianatse. ²²Latsa tami'ty fampianarae iareo, satria nampianats'iareo manahake o'ndaty manam-pahefagne Reke fa tsy hoe mapahay lalàgne.²³Ao nisy lahilahy raike tagnate i sinagoga'iareo'y ao nidira'i ndrekokolampo le nihoretsegne mafe, ²⁴nanao ty hoeke: ''Inogne ty hifandraesa'ay amao, Ihe Jesosy boak'a Nazareta ? Niavy hamotek'anay vao Rehe'o ? Haiko Rehe te ia. Rehe ty Masin'Andrianagnahare !'' ²⁵Nisaontsy mafe am'i ndrekokolampo ty Jesosy nanao ty hoeke: '' Mitsigna le misitaha amae rehe !'' ²⁶Le naho niakatse ty rekokolampogne nandrombak'aze nao niala tama'e le nanao koidava.²⁷Latsa iabike i ndaty maro'y ,le nifagnontane iareo manao ty hoeke: ''Inogne toy ? Fagnanaragne vaovao misy fahefagne? Baikoee ndra ty kokolampogne le magneke Aze iareo!'' ²⁸Le tsy nisy tsy hahare'y ty vaovao mikasik'aze naho fa faritse Galilia abike.²⁹Naho fa niakatse i sinagoga'y iareo, le niavy tantragno i Simona naho i Andrea iareo, niarake tam'i Jakoba naho i Jaona. ³⁰Le ty rafoza'i Simona niroro nitra'e ty tazogne, le nambara 'iareo i Jesosy zao. ³¹Le nagnarine Reke, nirambese'e ty tagnae, le nampijangagn'aze, nao le niafake i tazo'ey, le nanomboke nanompo Aze iareo.³²Nao fa nitsofotsy iandro'y, maro ty marare nao ty nisy kokolampogne nindese iareo Tama'e teo.³³ Tafavore niarake t'andalagn'eo iabike iareo tanàn-draike.³⁴ Nampijangagne ze ndaty marare nitrae ty aretegne maro Reke le nampisitake ze nisy kokolampogne maro, fe ie tsy nomeae lalagne hirehake ty kokolampogne satria nahafatants'Aze .³⁵Nifoha maraindrai-tsikiake Reke, le mbe maiegne iandro'y; nisintaky ty teo Reke le nagnavelo amy ty toeragne mitokagne mangingike hivavaha'e.³⁶ Nimpay Aze ty Simona naho i mpindre amae'y. ³⁷Nahatrea Aze iareo le nanao ty hoeke: ''Mimpay Azo aby ze fonga ndaty.''³⁸Hoe Reke te : ''Ndao tikagne hoami'ty tane hafa, ivelae agne ,amy'o tanagne magnodidigneo, hahafahako mitalily ty saontse'Nagnahare ama'iareo ka. To'e zay ty niakarako atoy.''³⁹ Le nitsitsike i Galilia abike Reke, nitalily tagnate synagoga iareo ro nandroake kokolampogne maro.⁴⁰Nisy boka raike niavy tamae teo.Nitsoloke tamae reke , nitongaleke Amae teo le nirehak'Amae te: ''Naho zoton'arofo'o, le hahao raho.'' ⁴¹Niferenaigne azy,le nametrake i fitae'y ty Jesosy le nitsapa aze, le nanao tamae te hoe: ''Zotoko.Mihaha rehe.''⁴² Niala tamae amizao i habokagney, le nalio reke.⁴³Nandrara aze mafe ty Jesosy, le nampandeha aze.⁴⁴ Le hoe Reke te hoeke: '' Fe ao tsy hirehake ndra ino ndra ino , ndra ami'ia ndra ami'ia, fa mandehana, atoro'o amo'o mpisorogney ty vatao, le manoa fagnatetse noho ty fagnahagne azo arake ty nandilia i Mosesy, le hitsangagne ho vavolombelogne hoe iareo.''⁴⁵Le niboake reke, le nanomboke nagnombara ama'ondaty tsiefa le nampiparitake loatse i rehakey le tsy niafake nilitse malalake tagnate tanagne maro sasa ty Jesosy. Le niambesatse tamontogn'agne amy ty toeragne mitokagne Reke naho le nagnantogne Aze ty ndaty boak'amy ty toeragne tsiefa.

Chapter 2

¹Nisy andro tsy ampiampe, naho fa niheregne t'a Kapernoamy Reke, onegne te agnajomba ao Reke. ²Hipoke i ndaty ty teo tena tsy misy hitobohagne, ndra ty t'an-dalagne eo, le nagnambara ty saontsie tama'iareo ty Jesosy.³Le nisy lahilahy maromaro nagnantogn'Azy nanday lahilahy raike maleme; batay'o ndaty efa-dahy. ⁴Naho fa tsy niafake nagnantogn'Aze marine iareo, noho'ty hamaroa i vahoake'y, le nafaha'iareo i tafo-tragno t'ambon'i Jesosy teo'y, naho fa voasoka'iareo i tafo'y, le najotso'iareo i fandriagne nandrea'i lahilahy maleme'y.⁵Naho fa nivazoho'e ty finoa'iareo, le nanao ty hoeke ty Jesoy tama'i lahilahy maleme'y: " Anake, voavela ty helo'o." ⁶Le nisy ty ila'e tama'i mpahay lalàgne rey nipetrake teo, le nimonomonogne am-po'iareo agny ty hoeke: ⁷"Manao akore ty ahafaha'ty lahilahy roagne mirehake hoe izao? Magnompa kahy ty ndaty tiagne! Tsy Andrianagnahare raiky avao vao ty afake mamela heloke?"⁸Avy le nione'i Jesosy tama'ty fagnahe'e ty rah nivetsovetso'y iareo. Le nanao ty hoeke Reke: "Nagnino i nareo mametsevetse ze raha zay am-po'areo agne'o? ⁹Inogne zane ty azoazo ty mirehake ama'ty lahilahy maleme tiagne ty hoeke: 'Voavela ty helo'o' sa ty hoeke: 'Mitsangàna, jinio o fandrea'o, le mandehana'?¹⁰Le ty mba hahafantara'areo te managne fahefagne hamela heloke ambone ty tane toy ty Ana'O ndaty, "le hoe'y Reke tama'i maleme'y: ¹¹"Ambarako ama'o, mitsangàna, jinio o fandrea'o, le mandehana molia an-tragno'o agne". ¹²Le avy le nitsangagne nijiny i fandrea'ey reke, le namakevake i ndaty maro'y, le nilatsa iaby i ndaty rey le nanandratse ty voninahin'Andrianagnahare, le nanao ty hoeke: "Mbe tsy nahatrea ty raha hoe itoagne zahay."¹³Ie naho boakeo le nagnarake i lafin-driake'y Reke, le nagnantogne Azy iaby i vahoake'y, le nampianare'e iareo. ¹⁴Naho fa nandriogne Reke, le nivazoho'e ty Levi ana'i Alfeo nitoboke tama'ty toeragne famoriagne haga le hoe Reke tama'e: "Oriho Raho." Le nitsangagne reke le nagnorike Azy.¹⁵Nikama t'an-tragno'i Levy tao ty Jesosy le mpamory haga naho mpanota avao ty ankamaroa iareo niarake nikama tama'e naho i mpiana'e rey, le maro iareo te ie ty tao naho nagnarake Aze. ¹⁶ Le i mpahay lalàgne rey, Fariseo rey, naho fa nahatrea i Jesosy niarake nikama tama'o ndaty mpanota naho mpamory haga rey, le nagnontany tympiana'e nanao ty hoeke: "Nagninogne Reke miarake mikama ama'o ndaty mpamory haga naho mpanota'o?"¹⁷Naho fa nahaonigne izay ty Jesosy le hoe Reke tama'iareo nanao ty hoeke: "Tsy ty salama ro ho tsaboegne, fa ty marare ro mila izay. "Tsy avy hampiova havelo ty maren-tane Raho, fa ze tsy vokatse."¹⁸O nifaly hanigne o mpiana'i Jaona'o naho Fariseo rey. Nisy lahilahy maromaro nagnantogne Azy nanao ty hoeke: "Nagninogne o mpiana'i Jaona naho'o mpiana'iareo Frariseo'o mifaly hanigne'o, nefa o mpiana'o tsy agnate'e?" ¹⁹ Le nanao ty hoeke ty Jesosy tama'iareo: "Afake mifaly hanigne vao ty mpiatreke i fanambaliagne'y naho mbe eo i mpangala-bale'y? Naho mbe miarake ama'iareo i mpangala-baley', le tsy afake mifaly hanigne iareo.²⁰Mbe ho avy ze andro zay hangalagne i mpangala-bale'y ama'iareo, le ama'ze andro zay agne, ro hifaly hanigne iareo.²¹ Tsy aharo ama'ty tsorodea ty lamba vao, naho tsy izay le hiala ama'e i tapae'y, le i vao'oy tsy ho toe ty taloha, le hindra ndraike ty harota'e.²²Le tsy misy ndaty magnisy divay vao agnaty ty korobo holetse momoke, naho tsy zay le ho riate'i divay'y i holitse'y le ho vetrake i divay'y naho i korobo holetse'y. Fe ie, ty divay vao atao agnaty ty korobo holetse vao.²³Tanem-bare maromaro ty nitsitsie'i Jesosy tama'ty andro sabata, le nandrofo-bare i mpiana'e rey. ²⁴Le nanao ty hoeke o Fariseo rey t'Ama'e: "Henteo he re, nagninogne iareo manao hoe itoagne ama'ty andro sabata'o?"²⁵Le nanao ty hoeke Reke tama'iareo: "Mbe tsy rendre'areo hao ty raha natao'i Davida naho fa nitrà ty hakere reke_ le ty lahilahy nagnarake aze_ ²⁶nanao akore hao ty nizilira'iareo t'an-jomban'Andrianagnare tao tama'i andro'i Abiatara mpisorombe'y igne, le nihinagne ama'i mofo i fiatrehagne'y, nefa tsy magnara-dalàgne na ama ia na ama ia ty mihinagne aze naho tsy ty mpisorogne avao, naho ie le mbe nagnomeza'e maromaro hoahi'ty ze nagnarake aze?"²⁷Jesosy nisaontsy ty heoke: "Ty andro sabata le natao hoahi'ty anak'ologne, fa tsy ty ana'O ndaty ro ho natao hoahi'ty andro sabata. ²⁸Naho izay reke, ty ana'O ndaty ro Tompo, ndra te ami'ty andro sabata aza."

Chapter 3

¹Le niavotse e Sinagoga ey ndraike ty Jesosy naho le nisy ajalahy raike don-tagnagne ty tao. ²Nagnente Aze ty ila ndaty mba hahatrea ty raha hijangana'e ama ty andro Sabata mba hiboseha iareo Ama'e.³Le izao ty natao i Jesosy tama lahilahy don-tagnagney : "Miongaha ampagnivoa o ondaty maro etoa." ⁴Le nisaontsy tama ndaty io Reke nanao izao te: " Tomombagne vao ty manao ty soa amy ty andro Sabata ke ty manao ty raty; ty mandrombakaigne, ke ty mahafate?" Fie le tsy nisy nahavolagne iareo.⁵Vignitse ty Jesosy nivazoho iareo ro nalahelo ty hamafy ty fo'iareo, le nisaontse tami lahilahy Reke te: "Ahitsio tagnaoy." Le nahitsy i lahie ty tagnae le nisitragne. ⁶Niakatse i fariseo reo nindry ami'o herodianina'o hipay tsy ela ty fomba hamonoagne Aze.⁷Naho fa niavy eo i Jesosy nindre amy mpiana'eo, namonjy i ranomasegney, le nisy ndaty maro nagnorike boake Galilea naho Jodia ⁸le ty boake Jerosalema naho ty boake Edoma le sikala ambavarano i Jordana naho ty magnodidigne i Tyra sy Sydona. Naofa naharey ty raha nata'e iareo, le nisy ndaty maro niheho amae ao.⁹Le nampipay sambo kedekede mpianae ty Jesoa ho Aze noho ty hamaro ty ndaty teo, mba tsy hifanosetosea ty ndaty amae. ¹⁰Noho ty hamaro ty ndaty nositrane'e, le fonga nilay mbamae tey iaby ze ndaty nanagne aretegne.¹¹Naofa nahatrea Aze ze fagnahy raty, le nihohoke alohaeo le nihorentsegne, le nanao izao te : "Ihe ro Ananagnahare."¹² Fie norarae reo te tsy hampahafantatse Aze.¹³Nagnavelo ambohitsey Reke, le nitoka ze teae, le nimbeo iareo. ¹⁴Nijibogne ty folo roambe Reke ( le notokave'e te Apostoly), mba hafaha'iareo mindre amae naho ho afake hinday ze hafatse ho torie'e, ¹⁵ary ho afake handroake kokolampo. ¹⁶Avy eo nijibogne iareo folo roambe Reke: Simona, namea'e anaragne Petera;¹⁷Jakoba ana'i Zebedio, naho i Jaona rahalahi'e, le notolora'e agnaragne te Boanarijesy, magnombara te anam-baratse; ¹⁸le i Andrea, Filipo, Baritolemeo, Matio, Tomasy, Jakoba ana'i Alfeo, Tadeo, Simona Zelota, ¹⁹le i Jodasy Iskariota, nifototse Azey.²⁰Noly antragno agne Reke, le nidre niavy ami ty ndaty antanagneo, le ndra mahakama tsy nivita'iareo. ²¹Naofa naharey izao ty longo'e le niakatse hangalake Aze, satria nohalaza'iareo te: "Vere saigne Reke." ²²le'o mpanoradalagneo nidigne ta Jerosalema ao nagnombara te: "Itoera ty Belzeboba Reke'', le, ''ami ty alala ty fagnapahae ty kokolampogne ro hagnafahae ty kokolampogne.''²³Le notokave i Jesosy hombamae mbeo iareo le nanoa'e fagnoharagne te: "Akory ty ahafahae Satana handroake Satana? ²⁴Naho misy fanjakagne raike mialy sambe fokoa'e le ho rava 'zay. ²⁵Naho misy ka tragno raike mialy sambe iareo avao, le tsy hoela ty hiravá 'zao tragno 'zao.²⁶Naho nitsangagne hialy ami ty tegnae ty Satana le fa nisarake, ro tsy hoela ka ty hifaragna'e.²⁷ Fa tsy misy ndaty afake hilitse agnate ty tragno ty lahilahy mahere raike le hitavagne ty raha anagnae naho mbe tsy mahavoafehe hey i lahy maherey, izay reke vao hijiny ty entae.²⁸Saontsiko soa ama'areo, fa ho afake hakeo ty ana ty olombelogne,ndre ty rehake raty aby naaka ty vavae, ²⁹fa ty mirehake raty ty Fagnahy Masigne ro hibabe ty hakeo'e mandrapahfate'e, fa ho hanan-kakeo ami ty raha raty mandrakizay.'' ³⁰ Nagnombara izay ty Jesosy noho ty reha'iareo te: "Misy fagnahy raty Reke."³¹Naofa avy eo, niavy ty rene'e naho ty rahalahie nandigny Aze antany ao. Nagnirake ndaty hampahafantatse Aze iareo, le nitoka Aze. ³²Nitoboke agnilaeo aby ze fonga ndaty le nanao izao irakey te: "An-tany ao ty reneo aman-drahalahio, fa te hahavazoho Azo."³³Le nanoigne Reke nanao te: "Ia ty reneko naho ty rahalahiko?" ³⁴le nitolike ami ty ndaty nitoboke agnilae Reke le hoa Reke te: "Vazo'oho, toagne ty reneko naho ty rahalahiko! ³⁵Fa ndre ia ndra ia mampanao ty hampalio fo ty arofo Nagnahare, le izay ty rahalahiko, le rahavaviko naho reneko ka."

Chapter 4

¹Le nanomboke nampianatse tandriake'y ka Reke, le nimaro ty ndaty nivory tama'e teo. Nijogne tama'ty lakagne marine teo Reke, le nitoboke tagnate'e tao. Fa maro ty vahoake nijanogne agnolon-driake'y avao. ²Nampianatse iareo raha maro tama'ty fagnoharagne Reke, t'agnate i fampianarae'y tao, le izao ty nireha'e tama'iareo.³"Tsanogno he,teo ty ndaty nandeha nitongy. ⁴Le nao fa nitongy reke, nisy ty nipoke mbe'y lalagne'y, naho le nivoalialia ty ndaty, naho le tsinindro ty vorogne. Ty ila'e nanjoe tane vatoegne, tsy loho nisy tane. ⁵Avy le namoe no reke satria tsy nahazo laleke ty tane nisy aze.⁶Fe nimora nitsorokokogne no reke vao nibelagne te'y i andro'y fa tsy nahazo tane legne, ao nimaike. ⁷Ty voa ilae nanjò tama'ty fatike, le nionatse i fatike'y nitelegn'aze, le tsy eo ty hamoa'e.⁸Le ty ila'e amizay ro nahazo tane soa, ao le niraorao namo'e niregorego, ty ila'e niavy telopolo heny, tao ty ny enempolo, tao ka ty ny zato voa." ⁹Le hoe reke ka te: "ze manan-tsofigne hoentegne mitsandregne, mitsandregna!"¹⁰Naho fa tama'iareo rerike ty Jesosy, le nagnotane Aze mikasiky i fanohara'ey i marine Aze rey nao i mpiana'e roambifolo'oy. ¹¹Le hoe Reke tama'iareo te: "Nareo ty ampahafantaragne ty kilekile ty Fanjakan'Agnahare. Fa ama'o ndaty hafa ao atao am-pagnoharagne iaby, ¹²fa ama'ty fotoagne hagnetea iareo, hagnete iareo, fe tsy hahatrea, le ama'ty fotoagne hitsanogna'e ka, hitsanogne iareo, fe tsy haharendreke, ndre hitolike iareo le hiferenaigne aze ty Andrianagnahare."¹³Le hoe reke ka tama'iareo te: "O tsy azo areo vao ty dika i fagnoharegne zay io? Vaho hatao'areo manao akore zane ty hahafantara'areo i ila'e rey naho izao reke? ¹⁴I mpitonge'y zao mpisaontsin'Agnahare. ¹⁵I nipoke andalagney'y zao, nitaliliegne, le naharey, fe ie ndra niavy ty kokolampogne nagnafake o saontsy io tama'iareo.¹⁶I nanjoe tama'ty tane vatoegne'y zao, naho fa naharey, le nandrambe aze an-kafaleagne. ¹⁷Tsy misy vaha'e ty ama'areo ao, tsy maharetse fa aniany avao. A'o naho fa niavy i fijaleagne'y naho i fanenjehagne'y noho i talili'y, le avy le nikoretse iaby iareo.¹⁸I nanjoe tama'ty tane fatihegne'y zao. Naharey i talili'y, ¹⁹fe ie noho'ty tahotse ama'ty tane toy, niazo ty tevam-panagnagne naho ty hatea mena, a'o le tsy eo ty hamoa'e. ²⁰Fa i nanjoe tane soa'ay areke, ze naharey o saontsy io le nanao aze am-po vata'e, mimane aze, a'o le tsy mipapoke fa le nahavokatse, telopolo, enimpolo, le namoa zato voa."²¹Nisaontsy ty Jesosy nanao ty hoeke: "Ho velomegne ho lombofagne agnate harogne vao ty jiro, o le hamoake ambane farafara agne? Indeso miditse le antongoao ama'ty toko'e hisy aze. ²²A'o tsy misy raha aetake tsy hiboake, a'o tsy hisy raha ahaja tsy ho foy.²³A'o le mitsendregna soa areke nareo ze manan-tsofigne!"²⁴Hoe Reke tama'iareo te: "Mitaoa ama'ze rehake re areo, fa ty fanohara'areo avao ro hagnoharagne anareo, a'o le mbe hagnampeagne ka zay. ²⁵Satria ndra ia ndra ia managne, mbe homeagne mihoatse izay reke, le ndra ia ndra ia tsy managne le mbe hafahagne ama'e ka zay."²⁶Le mbe hoe ka Reke nanao ty hoeke: "Ty doria'ay zao ty fanjakan'Andrianagnahare. ²⁷Miroro reke naho fa halegne le mifoha naho maraigne, mitiry, fe tsy fantae te manao akore. ²⁸Mamoa ama'ty tegna'e avao o tane'o: i rantsa'ey he ty aloha, le boakeo i taho'ey, le matoe'y ama'ty taho'ey egne i voa'ey. ²⁹Le naho fa matoe i voa'ey le avy le akaregne, fa avy i fotoam-pamokaram-bokatse'y."³⁰Le hoe Reke ka te: "Atao'areo inogne o fanjakan'Agnahare zao, o tsokoreo'areo manao akore raha zao? ³¹Manahake voandraha minjilite'ey ama'ty tane toy zao. ³²Fe ie naho fa nitongisegne ama'ty tonda le nitiry nandrare hatae bey, nagnatoliza ty vorogne ty taho'e naho ty alo'e."³³Le fagnoharagne maro manao izao avao ty nindese'y nagnambara ty saontse'e tama'o maro rey, le arake ty fahaonigna iareo aze, ³⁴le tsy nisaontsy naho tsy ty fagnoharagne avao Reke. Fe ie nihazava'e tama'i mpiana'e rey naho fa nitokagne raike Reke ty dika i fagnoharagne rey iaby.³⁵Tama'ze andro zay,naho fa nitsofotse i andro'y,le nanao ty hoeke Reke tama'iareo: "Andao tika hitsake eroke." ³⁶Le niala tamy maro rey iareo, ninday i Jesosy niarake tama'iareo, le nindre tama'iareo nijogne tagnate i lakagne'y ka Reke. Le nisy lakagne hafa ka nindre tama'iareo. ³⁷Ndra nisy talio nampisorotopake i rano'y ndra ho nampilipotse i lakagne'y fa nifeno rano.³⁸Fe ndra nirotse ai'a ty Jesosy tagnate i lakagne'y ao. Nifohaze iareo ty Jesosy, le hoe iareo te: "Mpaganatse, tsy mampagnahy Azo vao ndra t'ie ho mate etoa tikagne?" ³⁹Le nifoha Reke, le nasiahae i talio'y naho i riake'y te hoe: "Soa zay, mikepaha!" Le nikepake nindre tamy zay talio'oy, le hoe tsy teo.⁴⁰Le hoe Reke tama'iareo te : "Inogne ty atahora areo?" O mbe tsy mino avao vao nareo'o?" ⁴¹Ndra natahotse ai'a iareo le nifampirehake te : "Ia vata'e Reke'eo, fa ndra ty talio naho ty riake magnome tò aze iaby?"

Chapter 5

¹Niavy nitsake ranomasigne iareo nandeha amy faritse Gerasena. ²Naho fa nizotso boake ambone i sambo kele'y ty Jesosy le nisy lahilahy raike boake ankibory ey voa ty kokolampon-draty nagnantogne aze.³Nitoboke tan-kibory ey avao io lahilahy io. Tsy nisy raha nahazitse aze, na rojo vigne aza. ⁴Mateteke ty nandrohizagne aze amy ty vigne naho rojo vigne. Pinotepote'e abike i vigne naho rojo vigne nandrohizagne aze rey. Le tsy nisy ka ty hery mbe hahazitse aze.⁵Mily an-kibory ey naho ambohitse ey avao reke ndra atoandro ndra halegne, le mikorakorake le sady mandratse ty vata'e amy ty vato masiogne.⁶ Naho fa nahita i Jesosy boake lavitse reke le nilomay namonje aze, le nihohokee aloha'e eo.⁷Nihorentsegne amy ty feo mahery reke le nanao ty tihoeke: "Inogne vao ty ifandraesantikagne Jesosy anak'Andriagnahare ambone. Misoloho ama'o amy ty agnaran'Andriagnahare raho, kou ampijalegne. ⁸Namale aze reke nanao ty tihoeke: "Miala amy ty lahilahy toy rehe kokolampon-draty.⁹Le mbe nagnontanea'e ka te he: "Ia ty agnara'o?"le nivalea'e hoe :" i Legiona ty agnarako satria maro zahay te ato". ¹⁰ Le tsy nijanogne ty nangatake mafe tama'e reke mba tsy ho roahegne.¹¹Nisy kosogne maro ty tam-bohitse ey, ¹² le nangatake iareo te hoe :"Afindrao amy kosogne toa zahay,apoho zahay hiditse amy iareo". ¹³ Le nanga'e iareo,niboake ty kokolampon-draty niditse amy kosogne rey.Nitsombomboke i kosogne rey, nandeha agnate i ranomasigne ey, an-droarivo'e ty kosogne nimate tamy izay.¹⁴Nilay iareo mpiarake kosogne, le nitalily ty raha niseho amy ty ndaty an-tanagne ey naho ambanevolo agne, maro ty ndaty nivorake hisamba i raha niseho'y. ¹⁵ Naho fa niavy eo iareo nagnantogne i Jesosy, le nitrea iareo i lahilahy nivoa ty kokolampon-draty'y te mipetrake soa, miakanjo naho vory hihitse, le natahotse amzay iareo.¹⁶Iareo ze nahatrea ty raha niseho tam'i lahilahy niperaha ty kokolampogne'y le nitantara ambangovango'e amy iareo ty momba izay, le nitantara amy iareo ka ty momba i kosogne'ey . ¹⁷Le nanomboke nangatake Aze iareo mba hiala amy faritane iareo'y.¹⁸Naho fa nijogne amy sambo kede'y Reke, le nangatake te hindre ama'e i lahilahy nivoa ty Angadraty'i. ¹⁹ Faie tsy nimete ty jesosy ,fa nanao ty tihoeke: "Mandehana moly anatragno'o agne naho amy ty longo'o,le talilio amy iareo ty natao i Tompo tama'o naho ty famindra'e fo tama'o." ²⁰ Nandeha noly reke,le nitalilie'e amy ty ndaty a-Dekapolisy ao ty raha bey natao i Jesosy tama'e, le nigaga abike iareo.²¹Naho fa nandeha nitsake ndraike ty Jesosy, amy sambo kede'y, le nisy ndaty maro nanao arikobogne aze, naho fa niavy agnolo i ranomasigne'y reke. ²² Niavy eo ka ty raike amy iareo mpitarike Synagoga, i Jairo ty agnara'e, naho fa nahita aze le niondreke ta'tombo eo. ²³ Nangatake te hoe: "Marare mafe fa ho mate ty anako ampela. Misoloho ama'o raho,mbetoa apetraho ama'e ty fita'o mba hahajangagne aze naho ka hahavelogne aze." ²⁴Nandeha nindre ama'e Reke, ndaty maro ty nagnorike naho nanao arikobogne aze.²⁵Le nisy ampela raike voa ty lio lava fa ho roambofolo taogne. ²⁶ Fa nandany vola naho hareagne namonje mpitsabo faie le mbe tsy jangagne fa vao maike mijale.²⁷ Naho fa nahare talily momba i Jesosy reke le niary mbafara vahoake rey ao mba hipaoke ty sarimbo'e.²⁸Satria hoareke: "Naho mipaoke ty sarimbo'e raho le sitragne." ²⁹ Naho fa nikasike Aze reke le nijanogne i lio lava'y,le nirei'e agnate'e ao fa nijangagne i arete'ey.³⁰Arofana i Jesosy fa nisy hery niboake ty ama'e. Nitolike amy ndaty maro agne reke le nanao ty tihoeke:"Ia nikasike i sarimboko'io?³¹ Namale aze iareo mpiana'e hoe: "Tsy oni'o vao ty ndaty maro mifaneseke magnorike azo toa,le mbe magnontane ka rehe te ia midosy ahikeo." ³² Nivazoho ty magnodidigne aze ty Jesosy mba hahita'e nidosy aze'eo.³³I ampela'ay nahafantatse ty raha nahazo aze,le natahotse naho nititititike.Nandeha reke niantoagne aloha i Jesosy eo,nagnambara tama'e ty raha maregne abike.³⁴ Le hoe hoe ty Jesosy tama'e: "Anake ty finoa'o ty nahajangagne azo.Mandehana am-piadanagne sady misitragna amo arete'o."³⁵Am'i reke mbe misaontsy,le niavy ty ndaty sasa'e avy amy mpitarike Synagoga nanao ty hoeke:"I ana'oy fa mate,magnino rehe le mbe manahiragne i mpampianatse avao"³⁶Naho fa naharey ty reha iareo ty Jesosy,le hoe ty natao'e amy mpitarike Synagoga'y hoe: "Ko matahotse. Minoa avao heke."³⁷ Le tsy nisy nanga'e hindre ama'e akoatse i Petera, i Jakoba, i Jaona rahalahy i Jakoba. ³⁸Naho fa niavy tan-tragno i mpitarike Synagoga iareo le naharey ndaty mitsokorea Reke; nitagny naho nangobabake mafe iareo.³⁹Naho fa niditse antragno reke, le hoe ty natao'e amy iareo: "Magnino nareo mitsokoreao naho mitomagny io?Tsy mate o'ajaja'o fa miroro." ⁴⁰ Nihehea iareo reke. Nampiakare'e antane agne abike iareo,nala'e ty baba naho ty rene i ajaja'y, naho iareo nindre tama'e, le nizilike antragno misy i ajaja'y Reke.⁴¹Nirambese'e ty tagna i ajaja'y le nisaontsie'e te hoe: "Talita, Komy!" Le hoe ty dika'e hoe: "O'anakampela, mirehake azo raho, mitsangana" ⁴²Leave le nitsambikigne i ajaja'y, le avy le nandeha ka(satria reke fa roambifolo taogne). Gaga abike iareo. ⁴³ Nametse mafe reke mba tsy hisy ndra ia ndra ia hahafantatse ty momba izao. Avy eo nampagnome'e hanegne i ajaja'y.

Chapter 6

¹Nagnenga i toeragne'y Reke le namonje ty tanen-draza'e, le nagnorik'aze ka i mpiana'e rey. ²Naho fa avy i andro Sabata'y, le nampianatse t'agnate sinagoga ao Reke. Maro ty ndaty nahaonign'aze le nilatsa iaby iareo. Le hoe iareo te hoeke: ''Boak'aia ty nahatreava'e o fampianaragne'o?'' ''Inogne zao fahendreagne nameagne Aze zao?'' Inogne fahagagagne natao'e tama'o tanagne'o ?'' ³ ''Tsy mpandrafitse vao io, i ana i Maria le i rahalahe'i Jakoba naho i Josesy naho i Jodasy naho i Simona'y vao? Tsy nindre amantikagne vao anabave'e rey'?⁴Tohigne tama'i Jesosy iarey. Le hoe ty Jesosy tam'iareo ty hoeke: ''Tsy misy mpitoky tsy homean-kaja,naho tsy ty amy ty tanendraza'e naho amy ty longo'e naho ty marine aze manokagne avao.'' ⁵Tsy afake nanao sahàtse Reke, naho tsy ty fametrahan-tagnagne amy ty ambiamby ze marare naho nagnasitragne iareo. ⁶Latsa ami'ty tsy finoa'iareo Reke. Avy eo nagnodidigne i tanàgne'y Reke hampianatse.⁷Ie naho fa avy eo le namory iarey roa ambinifolo lahy Reke fa hanomboke hagnavake iareo kiroeroe, le nameagne fahefagne tamy ty kokolampogne iarey, ⁸le nandrara iareo ka tsy handay ninoninogne amy ty lia'iareo, ndre mofo, ndre vola ami'ty fidiagne iareo_naho-tsy fitognogne_ ⁹Fe ie manao hana, naho tsy hisikigne akanjo roe.¹⁰Le hoe Reke tamy iareo te hoeke: ''Ndre mbia ndre mbia nareo militse amy ty tragno raike, le mitoboha ao mandram-piongaha'areo ty agne. ¹¹Le naho misy tanagne tsy mandrae anareo na tsy mitsendregn'anareo, naho miala am'i toeragne'y nareo, le ahitsagno ty deboke amy ty tombo'areo mba ho fijoroagne vavolombelogne am'iareo.''¹²Le nandeha iaraeo nitalily fa ty ndaty le toko'e hibebake amy ty fahota'e. ¹³Nandroake kokolampogne tsiefa iareo, naho nagnosotse didilo tami'ty ndaty siloke tsiefa naho nagnajangagne iareo.¹⁴Rey'i Heroda mpanjaka amizao ty raha atao'iareo, satria nanjare rey'laza ty tahina'i Jesosy. Ty ila'e mirehake te hoeke: ''Nivagnom-belo ty Jaona mpanao batisa, le miasa agnate'ao amizay ty hery mahalatsa.'' ¹⁵Fa ty ila'e ka nirehake te hoeke: ''Elia Reke''. Ao ka ty nanao ty hoeke: ''Mpitoky Reke, manahake ty raike ami'ty mpitoky tamy ty andro taloha.¹⁶Naho naharey izay ty Heroda le hoe reke: ''Jaona, iraike fa tinampako ty lohae'y, ro nivagnom-belogne.'' ¹⁷Fa i Heroda ty nampisambotse i Jaona naho nandefa aze am-pigadragne ami'ty raharaha i Herodiasy(valy'i Filipo rahalahe'e), satria vinali'e o ampela'o.¹⁸Le i Jaona nagnombara am'i Heroda te: ''Tsy mete ty hanambalia'o ty valy ty rahalahe'o.'' ¹⁹Vaho niboseke tama'e ty Herodiasy naho nipay ty hamonoagn'aze, fe ie tsy niafa'e, ²⁰noho ty fatahora'i Heroda i Jaona; fanta'e fa ndaty maregne sady feno fahamasinagne reke, sady niaro azy reke. Nanahiragne ty say'e ty fijajigna'e aze, nefa le mbe nijanjign'aze t'am-pifaliagne reke.²¹Avy eo amizao, ndra nisy ty fankalazagne ty andro nahateraha i Heroda naho nagnombara ty ndaty bey'e, naho ty mpifehee, le ty mpitarike i Galilia reke. ²²Le nilitse t'agnefetragno fanaovagne fagnombaragne ty anak'ampela i Herodiasy naho nitsinjake hoaze iareo, le nitea i Heroda naho ty ambahine nagnombarae tamy fikamagney' reke. Le hoe ty mpanjaka tam'i anak'ampelay': ''Angataho amako ze raha teao fa hameako azo.''²³Le nifagnambe tamae reke te hoeke: ''Na inogne na inogne ty raha angataheo amako, le hameako azo, ndra ty ami'ty ila'ty fanjakako.''²⁴ Le niakatse reke naho nitalily aman-drenee te hoeke: ''inogne ty tokoe hangataheko amae?'' Le hoe ty renee te: ''Ty loha i Jaona mpanao batisa.''²⁵ Teo naho eo reke le niheregne am'i mpajaka agne amizao, le nangatake, nanao ty hoeke: ''Teako naho ameao ahy, hananekeo, atao ambone finga ty loha i Jaona mpanao batisa.''²⁶Ndra te ie nahaferenaigne mafe i mpanjaka zay raha zay, le tsy afake mandietse ty fangatahae reke tami'ty fagnambe nataoe miarak'ami'ze ambahiny nagnombarae nagnatreke fikamagne.²⁷ vaho nagnirake miaramila mpiambegene raike amizao ty mpanjaka naho nagnafats'aze handay ty loha'i Jaona amae eo. Le nandeha i mpiambegney, nanampake ty lohae t'am-pigadragne ao.²⁸ Nandesegne t'ambone ty finga i lohay' ,vaho natolotse i anak'ampelay, le natolo'i ampelay' an-drenee. ²⁹Naho fa naharey izay i mpianae rey, le niavy iareo hangalake ty vatae naho nagnatets'aze andonak'agne.³⁰Niheregne tama'i Jesosy i apostoly rey vaho nitalily tamae ty raha nivita'iareo miarak'ami'ty raha nampianare'iareo.³¹ Le hoe Reke tamy iareo: '' Andao tikagne ho'agnolots'agne mba hitofatofa.'' Fa maro ty ndaty niriorio, le tsy mba nanam-potoagne ndra ty hihinan-kanegne. ³²Le nijogne tagnate anaka'lakagne iareo handeha agn'olots'agne.³³Vaho aheo iareo amizao te maro ty ndaty maha'onegne iareo, le niarake milay an-tomboke ty boak'ami'ty tanagne iabike ,le niavy taloha'iareo ao. ³⁴Naho fa niavy amoron-drano ey iareo, le nahatalake ndaty maro Reke le niferenaigne iareo Reke satria manahake o agnondry tsy managne mpiarakeo iarey. Le nanomboke nampianatse iareo Reke.³⁵Ie naho fa halegne i androy, le nagnantogn'Aze i mpianae rey nanao ty hoeke: ''Tane liolio anio toy, i androy fa ho tsofotse.³⁶ Abaratseaho iareo mba handeha ami'ty vohitse naho tanàgne magnodidigne agne mba hivily hanegne hohanegne iareo.''³⁷Le namaly Reke nanao tama'iareo te hoeke: ''Afake mandeha naho mivily mofo hoazo ty denaria roanjato vao zahay le hagnomey zay iareo hohanegne?'' ³⁸Le hoe Reke tam'iareo: ''Fire ty mofo anagna'areo? Mandehana le henteo.'' Naho fa nahatrea iareo le nirehake ty hoeke: ''Mofo dime naho fiagne roe.''³⁹Le nandily i ndaty'iaby' hizarazara mitoborogne amy ty ahitse maintso Reke.⁴⁰ Le niambesatse nitoborogne iareo, an-tokoe zato dimam-polo ambe. ⁴¹Nangalake i mofo dime naho i fiagne roe'y amizao Reke, niandrandra i lagnetsey nisaotse naho nizarazara i mofoy, le nanolotse aze tami'ty mpianae hagnomey aze am'i ndaty maroy'. Zinarae amizay ka i fiagne roa'y le naheneke i ndaty maro'y.⁴²Le nihinagne iaby i ndaty para ty nivontsigna'iareo.⁴³ Nalae'iareo ty ambe'i mofo'y, ty nameno harogne folo roe ambe milipolipo, naho ty sisa i fiagney. ⁴⁴Dime arivo iareo te nihinagne i mofo'y.⁴⁵Teo naho eo avao le nirahee hijogne agnate anaka lakagn'ao i mpianae rey hiarak'Amae,an-dafe'ey ho a Betsadia, naho fa namototse i vahoakey Reke.⁴⁶ Naho fa nandeha iareo, le niakatse ambohitse'ey Reke hivavake. ⁴⁷Halegne i andro'y, naho fa t'agnivonpdrano ey i lakagney, le Reke raike avao ty t'agn'olon-drano ey.⁴⁸Vazohoe te sahiragne mafe iareo namey i lakagne'y, aviovio i tioke'y. Teo ami'ty lera fiambenagne fahefats'alegne vaho nagnantogne iareo Reke, nagnavelo t'ambone ranomasegne'ey, le handalo marine iareo eo. ⁴⁹ Ie naho fa naheo'iareo Reke te mandeha ambone ranomasegne'ey, le natao'iareo ho ni lolo, vaho nihorentségne iareo,⁵⁰ natahotse iareo te nahatrea Aze. Teo avao le nisaontsy am'iareo Reke te hoeke: ''Matokisa! Raho avao toy! Ko matahotse!''⁵¹Le nijogne an-dakagn'ao Reke miarak'am'iareo,le nijanogne i tiokey. Vaho latsa am'izao iareo.⁵² Le tsy mba taka ty say'iareo ty dika'i mofoy'. Fe ie, ndra nihamafe ty fo'iareo.⁵³Naho fa toly iareo, le niavy t'a Genesareta naho nijanogne tao. ⁵⁴Le naho fa niakatse i lakagney' iareo, le avy le fànta ty ndaty tao Reke, ⁵⁵le nilay era'i tanàgney iareo naho ninday ty marary ami'ty fandriae amy ze tane misy Aze.⁵⁶Ndra taia ndra taia ty nombae, ndra an-tanambe'y, ndra ambohitse'ey, le natere'iareo an-tane malalak'eo ze ndaty marare. Nitsoloke Amae iareo mba hagnaengae hitsapagne i rambon'ankanjoey, le tsiefa ty nitsapa Aze te sitragne.

Chapter 7

¹Iareo fariseo naho ty mpahay lalagne boake Jerosalema niavy niangogne nagnodidigne Aze.²Le nahafohigne mpianatsey te nihinagne mofo tamy tagnagne maloto, mbe tsy nisasa. ³(Fa iareo Fariseo naho Jiosy tsy nihinagne naho tsy boake nisasa tagnagne, noho iareo magnorike ty fombafomba o zokeo ndaty.) ⁴Naho fa boak'antsena iareo Fariseo, le tsy mihinagne naho tsy boake niandro, ro mbe miambegne soa ty fomba maro hafa ka, manahake ty fanasagne kapoakeo, naho ty famaragnem ty fagnake varahigne naho ty fandriagne hihinana iareo.)⁵Nagnontane ty Jesosy iareo Fariseo naho mpahay lalàgne te: "(Nanao akore mpianao rey tsy magnorike ty fombafomba o lognakeo, fa ndra mihinagne ty mofo'e avao ami ty tagnae mbe tsy nisasa ao?"⁶Fa ie hoe Reke te: "Isaia nitoky soa hoe iareo piso magnaja hoho. Nanoratse te hoe: 'Ty ndaty retoa mihasy Ahy ami ty sognie, fa ie ty arofoe lavitse Ahy. ⁷Foagne ty fivavahagne atolo iareo Ahy, naho mampianatse ty lilin-kavelogne ho fampianaragne iareo.'⁸Afoezo areo ty lilinagnahare fa hotana areo mafe ze fomba ty ndaty. ⁹Le hoe Reke ka tamiareo te: "Manao akore ty fagnoriha-areo ty lilinagnahare mba hitahoa'areo ty fomban-draza areo!¹⁰ Mosesy ka nanao izao te hoe: 'Mihasia rae, mihasia rene', 'le ze manao rehake raty amy ty rae naho ty rene'e nio ho mate'.¹¹Fie iareo nirehake te hoe: 'Naho misy lahilahy raike magnombara ami ty rae naho ty rene'e te: " Ndra inogne ndre inogne tea areo ho azo amako le fa Korbana," (zane hoe fa laha-Nagnahare zane)--¹² le fa enga' areo tsy hanao raha amy ty rae naho ty rene'e sasa reke. ¹³Magnafake ty saontsinagnahare nareo noho ty fomban-draza areo. Naho ty raha maro hafa ata'areo."¹⁴Le nikoike ndaty maro Reke nanao ty hoe: "Mijanjigne Ahy nareo, le maharofàna. ¹⁵Fa tsy misy raha boake ivelae ka hilitse handoto ty agnate'o ndaty. Fa ty miakatse boake agnate'ao ro mahaveta aze." ¹⁶[ Fanamarinagne ty fandikagne rehake soa le tsy manao ty andinie 16: ze managne sofegne hoente-mitsandregne, le mitsanogna.]¹⁷Naho fa niala i maro'y ty Jesosy le nilitse anjomba ao, le nagnontane i mpianae rey mahakaseke fagnoharagney. ¹⁸Le zao ty navalie Jesosy: " Nareo o vao mbe tsy mahilala? Tsy haiareo vao te ze raha militse ama'o ndaty boake ivelae le tsy mahaveta aze, ¹⁹satria tsy militse agnarofoe, fa an-troe ao avao le miakatse ami fiakaragney?" Tami fagnombarae zay ty nagnova'i Jesosy malio o hanegneo.²⁰Nanao zao Reke: "Ze miakatse ama'o ndaty ro mahaveta aze.²¹ Fa ty boake agnate, agnarofoe ro iboaha ty saigne raty, ty fahavetagne, ty halatse, ty famonoagne ndaty, tsy miriragne, ²²fitsiriritagne, hatserehegne, ty fanoagne dramotse, ty fitsetotsetoke, ty fialognagne, ty vande, ty fiavogne naho ty negne. ²³'Zay ty raha raty aby miakatse amy ty ndaty, zao ro mahaveta iareo."²⁴Nisintake Reke le nagnavelo ami ty fari'e Tyro naho Sydona agne. Nilitse tami ty anjomba raike Reke tsy tea'e ho fanta ty ndaty ndre ia ndre ia Reke te nizilike ao, fie mbe nifantatse avao. ²⁵fie mbe nisy rakemba raike nidira ty anga-draty ty anak'ampelae, naofa nahaonigne Aze, le niavy, nihohoke ami fandia'e eo. ²⁶O rakemba'o Grika, Syro-foinika ty nihirifae. Nitsoloke tamae reke mba hagnafake an-drekokolampogne hiala ami i anak'ampelaey.²⁷le hoe ty natoi'e amae te: "Omeo hanegne hey o'ajajao. Fa tsy mete nio ty mangalake ty mofo ty ajaja naho hatorake homeagne ty amboa." ²⁸Fie namaly rakembay ty hoe: "Eka anio Andriantompo, fa ndra ty amboa ambane latabatse ao le mbe mitsimoke amy ty mofon'ajaja ao."²⁹Le hoe ty tsara'e amae te: "ami rehao zay, le afake mandeha rehe. Fa niakatse tami i anak'ampelaoy i angatse raty". ³⁰Naofa niheregne an-tragnoe agne reke le nahatrea i ana'ey mandre ambone fandreagney, le fa tsy ama'e i anga-draty.³¹Le i Jesosy nienga ty faritse Tyro, le nionjogne ta Sidona sikala ami ty ranomasie Galilia le nanganike ka ty fari i Dekapolisy. ³²Le nindese iareo amae eo ty ndaty raike karegnegne ro bobo le nangatake tamae mba hametrahae ty fitae amae.³³Nandese'e nitolake ami o ndaty maro'o i lahie, le nametrake ty rambon-tagnae tan-tsofie teo Reke, naho fa boake nandrora, le nikasike ty lela'e. ³⁴Niandrandra i lagnitse'y Reke, le niselek'aigne nanao ty hoe te: "Efata" manao te: "Mahareiza." ³⁵Le ny tsy ela teo avao le naharey ty sofi'e, ze raha namehefehe ty lelae niafake, le nanjare nirehake mazava soa reke.³⁶Rinara i Jesosy iareo tsy hagnombara na ami ia na ami ia, fa ie ndre ty norinara iareo le ndra vao maike nitalily mbao mbao. ³⁷Varinehake ty ndaty ka le nirehake te hoe: "Atae soa abike ze raha.Ty karegnengne nata'e naharey, ty bobo nahay nirehake."

Chapter 8

¹Haehae faharazagne elabey ntaolo agne, nisy ndaty maro tsy nanan-kohanegne. Naho le kinanjy mpiana'e rey ty Jesosy tam'izay nisaontsia'e teie: ²Mahaferenaigne ahike ty ndaty retoa satria fa telo andro zay iareo te nagnorike Ahy fe mbe lia'e honijognan-kanegne.³ Naho ampolieko zao iareo hihinagne antragno'e agne, le mbe andalagne avao tila'e fa ho toragne, t'ila'e am'iareo boake lavitse. ⁴Le nanoigne Aze mpiana'e rey nanao izao te: "Aia ty hahatreavagne mofo hahavontsigne ty ndaty lako toa?⁵Le nagnontane iareo Reke: "Mofo fire ty ama'areo? Le namale iareo te ie: "Fito." ⁶Ampitoboho ambane areke iareo. Rinae'e mofo'y, le nisaotse Re naho le tinampatapa'e. Izay vaho natolo'e mpiana'e rey, le zinara ama ze kila ndaty teo, naho le nametra iareo aloha ao.⁷Ie avy eo mbe nanam-piagne tsy ampe ampe ka iareo, naho fa avy nisaotse reke, naho le nandily i mpiana'e rey hizara aze. ⁸Nihinagne iareo sady vontsigne, naho le mbe nahafeno harombey fito ty sisa tsy nilany. ⁹Tam'izay ndaty tro am'ty efatse arivo ty niavy. Avy eo le nampoli'e. ¹⁰Ie niavy nijon-dakagne Reke nindre amy mpiana'ey, naho le nandeha amo ze tane atao Dalmanota zao.¹¹A le niakatse ka areo Fariseo naho le nifandietse Ama'e. Nitsohe'e hevetse Reke, hila'e fototse soa ty nihirifa'e boake andagnitse agne. ¹²Selekaigne Reke nametsevetse ampiai'e ao naho nisaontsy te : "Inogneo ty ipaia'areo vilogne am'ty tarira'e? Ambarako ama'areo fa tsy manam-bilogne ty foko'e hamantaragne aze.¹³ A ie niavy eo ama, nienga'e iareo, naho le nijon-dakagne ndraike Reke sady nitsake nihalavitse alafey.¹⁴Naho le nihaligno mpiana'e rey anio ty ninday i mofoy tam'izay. Henka ty nanagna'e ty bogady raike tan-dakagne ao. ¹⁵Le zao ty saontsy nafe'e ama iareo: "Miambena le mitahoa amy ty mofo masira iareo Fariseo na Heroda.¹⁶Le nifagnontane tegna iareo nanao te tihoeke: "Le itikagne tsy managne mofo zao vao?" ¹⁷Naho nahonigne hoe izao'y ty jesosy le zao ty ontane'e: "Nagnino ty say areo ndra tondregne ama ty tsy fanagnagne mofo? Mbe tsy hai'areo avao vao? Sa le tsy taka areo? Nanjare naieke ty ampiai'areo ao? "¹⁸Mana-maso nareo fa tsy mahatrea? Sa manan-tsofy tsy maharey? Sa tsy tiaro areo? ¹⁹Tamy raho nanampake i mofo dime ey ho anondaty dime arivo, le fire ty potepote'e tsy lany navory areo? Le izao ty natoy iareo aze: "Folo roe amby."²⁰A tamy Izaho nanampake mofo fito ho anondaty fito, fire ka ty potepot'e tsy lany navory areo? Le namale iareo teie "Fito." ²¹Le mbe nagnontane iareo ndraike nanao tihoeke: "O vao mbe tsy hay areo avao?"²²A ie iareo lehe niavy à Betsida agne, nisy ndaty raike goa tsy mahatrea, nangatake tam'i Jesosy hotaha'e. ²³Naho le nandese i Jesosy i tagna i ajaja goay hiboake tanagney. Le nisia'e Ive,tsinapa'e maso'ey, nagnontanea'e reke te ie: "Ino ty trea'o?"²⁴Natroa'e ambane i loha'ey, le zao ty natoy'e Aze: "Mahatrea raho, mahatrea ndaty."²⁵ Napetra i Jesosy ndraike a maso'eo i fita'ey, naho le nibarabeake nanahake ty taloha,niheregne soa ty fagnente'e, nahatrea ze kila raha iaby. ²⁶Ie nivita zay nampolie i Jesosy reke, naho le nafepepe'e te ie: "Ao tsy hiditse antragno ao."²⁷Le niavotse ty Jesosy naho mpiana'ey ho amo ze tanagne atao hoe Kaisaria Filipo zao. Mbe andalagne ey avao iareo, nagnontanea'e mpiana'e rey te ie: "Ia o aho hoe ndaty io?"²⁸ Le izao ty natoy'e Aze: nao zao Rehe hoe ty ila'e i Joany mpanao Batisa." Mivolagne tila'e te:" Elia," inao zao ka rehe hoe tila'e:" Mpitoky."²⁹Le nagnontane iareo ka Reke nanao tehoeke: "A nareo areke,ia raho hoe nareo?" Le namale t'i Petera te: "I Kristy ana'Andriagnajhare." ³⁰Le izao ty natao i Jesosy te, ko abeobeoke areke.³¹Le nanoro mpiana'e reo reke teie hijale mafe tiria'Olombelogne, le ho sasagne, le vonoegne, fe ie ama ty fahatelo andro'e re le hivagnom-belogne. ³²Ie re niavy eo ama nitsikoa i Petera ankaloke ty Jesosy naho le natao'e Mafe.³³Nitolike ty Jesosy nivazoho mpiana'e rey, naho le nisaontsy mafe am'i Petera te ie: "Soike agne, mihalavira ahy ty raty!" Tsy mba mivetsevetse an'Andriagnanahare, fa le reha ondaty. ³⁴Aie niavy eo ama nikoke ondaty Reke naho le namory o mpiana'eo nanao izao: "Naho misy te hagnorike ahike, ao soa tsy hitare fiaigne, fa mindesa ty hazon-jale lomogn'andro le magnoriha ahike.³⁵Ze midiby ty fiai'e ho rerake, fa ze tsy hitare fiaigne naho ty Amako le ho soa havelo. ³⁶Inogne ty mbe hosoa ho azo ty raike managne ze kila raha iaby, kanefa ho motso aigne?³⁷ Ino ty mey'e azo ho takalo'e?³⁸Ze manao jebe ahy naho ty tsara ataliliko, le hatao ty tirin'olombelogne jebe ka naho fa avy am'ty volonahe'e ka reke, naho ty volonahen-dRae vaho ty Anjeli'e.

Chapter 9

¹Hoareke tamy iareo: "Talilieko ama'areo soa, fa misy ama'areo mitsangagne etoagne ty tsy hahafantatse havilasy izao aloha ty hivazohoa'iareo ty fanjakan'Andrianagnahare le ho avy amy ty hery jabajaba. ²Enegnadro tafara tataoy le nindesi'i Jesosy niarake tama'e ty Petera naho i Jakoba naho i Jaona t'am-bohits'abo egne, le iareo avao ty t'egne. Boakeo niova tarehy t'agnatreha'iareo Reke. Ie naho boakeo nanjary niova fagnova Reke agnatreha'iareo eo. ³Ty sarimbo'e niova nanjelanjelatse naho mazava, naho foty bey, foty mihoatse ty nifotsiagne t'ambony tane eto.⁴Niavy teo ty Elia naho i Mosesy niseho tam'iareo, le nirehake tam'i Jesosy iareo. ⁵Petera namale nirehake tam'i Jesosy nanao ty heoke: "O Raby, soa naho mipetrake eto heke tikagne, le handeha hanao lay telo, ty raike ho Azo, le ty raike hoe i Mosesy, le ty raike ka hoe i Elia." ⁶(Avy le tsy fanta'e ty raha ho rehafi'e, satria le natahotse mafe iareo.)⁷Nisy rahogne avy le nanarogne iareo. Le nisy feo niboake boak'agnate'i rahogne'y ao nanao ty hoeke: "Intoy misy anako teako. Mijanjigna Aze." ⁸Tampoke teo, naho nagnente ty magnodidigne aze iareo, le tsy nahatrea ndra ia ndra ia teoa sasa, naho tsy i Jesosy raiky avao.⁹Naho fa nizotso boak'am-bohetse'ey iareo, le nirara'e mafy tsy hitalily ndra am'ia ndra am'ia ty raha nitrea'iareo, naho tsy le fa nivagnom-belogne ty Ana'O ndaty. ¹⁰Le nitàna'iareo hoe iareo avao ze saontsy zay, nefa le nifagnotane iareo ty toko'e ho dika ze " nivagnom-belogne" zay.¹¹Nagnontane Azy iareo ty hoeke: "Ngnino iareo mpahay lalàgne'eo nirehake te tsy maitsy ho avy mialoha ty Elia?" ¹²Le hoe Reke tamy iareo: "Fa niavy voaloha'e ty Elia hagnaregne ze raha iaby. Le nagnino ro voasoratse te ty Ana'O ndaty le hijale mafe amy ze raha maro le tsy hasiagne dika'e? ¹³Nefa le izao ty ambarako ama'areo fa niavy ty ty Elia, nata'o ndaty ze sitrake ty arofo'e, arake ty fa nambara'i soratse masigne mahakasike aze'ey."¹⁴Naho fa niheregne tamy mpianatse rey teo iareo, le nahatrea ndaty maro nagnodidigne iareo le i mpahay lalàgne rey nilahatse t'Ama'e. ¹⁵Naho vao nahatrea i Jesosy iareo, le latsa iaby i ndaty lahialegne'y le naho le ie iareo nagnantogne Aze le avy le nanalama Aze ka. ¹⁶Nagnontane o mpiana'eo Reke nanao ty hoeke: "Ino ty mapifandietse anareo?"¹⁷Le nisy ndaty raike tamy vahoake'y namale Aze nanao ty hoeke: "O Mpagnanatse, nindeseko ho ama'o eto anako lahilahy tia. Misy kokolampogne tsy mampirehake aze. ¹⁸Miambotrake aze o raha'o le mampiravodravoke aze le mapandoa vore aze, mangorintagne, naho le mijirigagne reke. Nangatake tamy'o mpiana'o reo raho ty mba hagnafake aze, nefatsy nahitam-boka'e." ¹⁹Le namale iareo Reke nanao ty hoeke: "Nareo taranake tsy mino, manomboke mbia'ao ty hitobohako ama'areo eto? Le mbia ava'o ty handeferako ama'areo? Indso mbetoagne reke."²⁰Le nandesegne tama'e eo i lahilahe'y, le naho fa nitrea'i kokolampogne'y ty Jesosy, avy le nifanintosinto reke. Nitonta tamy tane'y eo i ajajalahÿ le nivorem-bava. ²¹Nanao ty hoeke ty Jesosy naho nagnontane i rae'ey: "Tamy mbia ty nanoa'e hoe io? Le hoe i rae'ey: "Liae'e ty naha ajaja aze." ²²Le k'indraike reke ajera'o kokolampogne'eo agnate afo agne naho tagante rano naho le fa tea'e ho potehegne aza reke. Naho mahay ty kila raha iabe Rehe, le iferenaigno zahay, vonjeo zahay."²³Nisaontse tama'e ty Jesosy nanao ty hoeke: "'Naho mahay rehe'? ²⁴Ty kila raha iaby le fanta'ze mino." Boakeo igne avy le nihorentsegne i raÿ ajajalahe'y nanao ty hoeke: "Mino raho! Ampeo raho amy ty tsy finoako!" ²⁵Naho fa nivazoho'i Jesosy i vahoake rey nilay nagnantogne Azy, le nisaontsie'e mafy i kokolampo'oy ty hoeke: "Ihe fagnahy bobo naho karegnegne, mandily azo raho, isintaho reke, le ko tsobore'o sasa reke."²⁶Avy le nignorentsegne mafe reke le nampifanintotsintogne'e mafe le nikatse naho niavy eo. Le ty ata'e o ndaty mate'eo i ajajalahÿ, le nimaro ty rehake ty hoe: "Mate reke." ²⁷Niraise'i Jesosy tamy ty tagna'e reke naho narene'e, le avy le nitsangagne i ajajalahÿ.²⁸Naho fa nilitse agnanjomba ao ty Jesosy, le nagnontanea'o mpianae'eo manokagne Reke ty hoe: "Nagnino zane zahay ro tsy naharoake i fagnahy rate'y?" ²⁹Le hoe Reke ty namale iareo: "Ty manahake rey zao tsy hay rohegne naho tsy amy ty lala'ty vavake."³⁰Nisintake teo iareo le nandriogne t'a Galilia t'agne. Tsy tea'e ho fanta ty ndra ia ndra ia te ie boak'aia iareo, ³¹fa nampianatse o mpianae'eo Reke. Nanao ty heoke Reke tamy iareo: "Le hatolotse am-pelatagna ty ologne ty ana'O ndaty, le ho vonoi'iareo Reke. Naho fa vilase Reke, le hivagnom-belogne ndraike Reke naho afake telo andro." ³²Fa le tsy rendre'iareo ndra raike o fagnambaragne'eo, le matahotse iareo ty hagnontane Aze.³³Niavy t'a Kaperinoamy iareo naho boakeo. Naho fa niavy nizilike agnanjomba ao Reke le nagnontane iareo te hoe: "Ino raha nifandiera'areo t'an-dalagneÿ?" ³⁴Nitsigne iaby avao iareo. Satria fa nilahatse t'an-dalagne'y iereo amy ty ze bey vata'e. ³⁵Niambesatse, le nitokave'e iareo roam-binifolo lahy le nanao ty hoeke Reke: "Naho misy ty te ho lohae, le tsimaitsy ho fara'e amy ty ie iaby reke le ho ondevo'o ndaty iaby."³⁶Nangalake ajaja raike Reke naho le nata'e ampovoa'iareo eo. Niontrogne'e agnan-tsandre'e egne reke le nanoa'e ty hoeke te: ³⁷"Ndra ia ndra ia mandrambe ajaja manahake zao amy ty agnarako, le mandray Ahy ka, le naho misy ka ty mandray Ahy, le ts Iraho raike avw ty raisi'e, fa I nagnirak'Ahe'y ka."³⁸Le hoe ty Jaona t'Ama'e: "O Mpagnanatse, nahatrea ndaty nandroake devoly amy ty tahina'o zahay le nirarà'ay reke, satria tsy magnarake antika." ³⁹Le hoe ty Jesosy nanao ty hoeke: "Ko raràgne reke,fa tsy misy ndaty hanao ty asa jabajaba amy ty agnarako nefa tsy ela avao le hagnaraty ty momba Ahy."⁴⁰Ndra ia ndra ia ty tsy manohetse antika le mpagnarake antika. ⁴¹Ndra ia ndra ia magnome rano azo feno ty fitove hinomegne satria ai'i Kristy rehe, le ambarako azo ty tena marigne, fa tsy ho montso ty valen-katea'e."⁴²Fa ndra ia ndra ia manikambatse ty raike ama'ty ze kele koko Ahy, le ho soa ama'e ty agnantognagne vato jabajaba famofoham-bare mirohe amy ty vozo'e le hatonta an-dranomasign'agne. ⁴³Naho manikambatse azo ty tagna'o, le tapaho. Fa le soa ama'o ty militse kepeke amy fiaignagne'y agne te ie ty manan-tagnagne roe le handeha agn'afobey agne, amy ty afo tsy mete vonoegne. ⁴⁴[Fagnamarihagne: Ty fandikagne tena soa le ty tsy magnisy "fihezanteny" amy ty andini'e faha44 naho ty 46 manao ty hoeke: "' Le tsy ho mate ty soko iareo naho tsy ho mate hatram-para'e ka i afo'oy.'"]⁴⁵Naho manikambats'azo i tombo'oy, le tapaho. Tena mete ama'o ty militse amy fiaignane'y agne mbiko naho ty mana tomboke roe le hariagne agn'afobey. ⁴⁶[Henteo i fagnamarihagne amy ty andini'e faha 44]⁴⁷Naho manikambats'azo i maso'oy, le afaho agne. Mete ama'o ty militse goa amy ty fanjakan'Anagnahare naho izay maso roe le hariagne agn'afobey, ⁴⁸agne amy ty toeregne tsy mahafate ty sosko iareo, naho afo tsy mete vonoegne.⁴⁹Naho fa kila ndate le sambe ho siragne amy ty afo. ⁵⁰Le soa ty sira, fa naho botsake, le ino ty fomba hatao'o mba hampasira aze ndraike? Le raraho sira ty ama'areo ao, le milongoa amy ze kila'o ndaty."

Chapter 10

¹Niala amy toeragne reo eo t'i Jeasosy le nandeha amy ty faritse Jodea 'i le amy faritse ambone i renirano Jordan'i,² le nagnantogne Aze ndraike vahoakey. Arake ty fatao'e, nampiatse iareo nadraike reke. Le nagnantogne Aze Farisio reo mba hitsapa Aze ,nagnontane te tihoeke: "Mpanao lalagne amy ty lahilahy vao ty magnorike ty amy fanambalia'e." ³Le namale reke te tihoeke; "Inogne ty nilily i Mosesy ama'areo?"⁴ Le hoe iareo te tihoeke: " Mosesy nagnomey alalagne ty ndaty raike hanoratse taratasy magnamaregne ty fisaraham-panambaliagne le nandefa aze naho fa niavy eo."⁵Le hoe ty Jesosy amy iareo :"Naho ty hamafe ty arofo areo ty nanorata'e ho anareo ze lalagne zay."⁶ Fa tamy ty nanomboha ty famorognan'Andriagnanahare namboatse iareo ho lahilahy naho ampela.⁷Noho ze anto'e zay le hagnenga ty Ra'e naho ty Rene'e ty lahilahy le hiroro amy ty vali'e, ⁸le hanjare nofotse raike iareo roe. Le tsy ho roe.Tsy ho roe sasa iareo fa ho nofotse raike avao. ⁹Ze naharon'Andriagnahare hoare,le tsy hosarahen'Olombelogne.¹⁰Le naho fa niavy antragno iareo, nagneregne nagnontane mahakasike zay mpianatse rey. ¹¹Le hoe Reke amy iareo: "Na ia na ia lahilahy misarake amy ty vali'e le mangalake ampela hafa ka,fa mijangajanga.¹² Naho fa misarake i ampela 'y le manambaly lahilahy hafa ,fa mijangajanga ka reke.¹³Avy eo iareo ninday ty ana'e tama'e mba hametraha'e tagnagne, fa niboseha i mpianatse rey iareo. ¹⁴Fa naho fa nahafantatse zay ty i Jesosy, le nivignitse vata'e, nisaontsy amy iareo te tihoeke: "Engao o'ajajao hombamako mbetoa ko rara'areo iareo.¹⁵saontsieko ama'areo ty maregne , na ia na ia tsy mandrae ty fanjakan'Andriagnanahare manahake o'ajajao le tsy hiditse am'izay vata'e. ¹⁶Leavy le nitrotroe'e i ajajay rey, namea'e tsiperano, nametraha'e tagnagne.¹⁷Le naho fa nanomboke ty fagnavelo'e reke, nisy lahilahy raike nandohaleke taloha'e eo , nagnontane te hoe: "O'pampianatse fanjaka, inogne ty raha tsy maintsy ataoko mba handovako ty fiaignagne mandrakizay?"¹⁸ Jesosy nanao te tihoeke: "Inogne itokava'o ahike fanjakao? Tsy misy fanjaka, naho tsy Andriagnanahare raike avao.¹⁹ Haio'o lily manao tihoeke; "Ko mamono ndaty, ko mijangajanga, ko mangalatse, ko mijoro vavolombelo ty tsy maregne, tsy mifotetse, hajao ty Ra'o naho ty Rene'o."²⁰Le hoe lahilahy: "O'pampianatse fa nataoko abike anio zao tamy ty hajajakoo.²¹ Nivazoho aze ty Jesosy le nikokoa'e reke. le hoareke tama'e: "Misy raha tsy ampe raike ty ama'o ao. Tsy maintsy avili'o aby ze raha anagna'o le omegne ze misotry , le hanagne hareagne an-dagnitse agne rehe. Le avy eo, magnoriha ahy. ²²Naho zay saontsy zay le niboake reke nandeha anka-sosoragne, satria reke mpagnarivo bey.²³Nivazoho ty tagnila'e teo t'i jesosy, le nisaontsy amy mpiana'e reo nanao te tihoeke; "Vata'e, sarotse ty hidira o'mpagnarivo bey reo amy ty fanjakan'Andriagnanahare!"²⁴ Latsa amy ty saontsi'e mpiana'e rey. Le hoe ndraike ti'i Jesosy tam'iareo: "Anake, sarotse ty fidiragne amy ty fanjakan'Andriagnanahare!"²⁵ Maromaro hoe ty rameva ty miditse amy ty volim-panjaitse, ty amy ty hidira ty mpagnarivo amy ty fanjakan'Andriagnanahare."²⁶Nilatsa ndraike i mpiana'e rey, le nagnontane ndraike iareo hoe :" Ia zane ty mete hovonjegne?" ²⁷Nivazoho iareo ty Jesosy le nanao te tihoeke: "Tsy vita o'ndaty zao, fa vitan' Andriagnahare. Satria ze raha iabike hain'Andriagnahare atao. ²⁸Nanomboke nirehake tama'e t'i Petera nanao tihoe: "Vazoho, izahay abike toagne nagnenga ze raha iabike fa hagnorike azo."²⁹Le hoe t'i Jesosy: "Rehafeko ty to ama'areo, tsy misy ndaty nagnenga ty tragno'e, na ty rahalahi'e, na ty rahavave'e, na ty rene'e, na ty ra'e, na ty ana'e, na ty tana'e naho ty amako, naho i talily soa'y. ³⁰Fa teie tsy nahazo zato isan-jato amizao taonjato zao: le tragno, rahalahy, rahavave , rene, anake naho tane, miarake amy ty fagnenjehagne, le amy ty taonnjato hoavy, ty fiaignagne hatra amy ty fara'e. ³¹Fa maro ty voaloha'e ka ho lasa fara'e, le ty fara'e ho lasa voaloha'e."³²T'andalagne'ey iareo hiakatse à Jerosalema agne, le i Jesosy nagnavelo nitarike iareo aloha ao. Latsa mpiana'e reo, le iareo nagnorike aze tafara'e tao ka natahotse. Tinoka i Jesosy ho ama'e eo ndraike iareo roambifolo, le nanomboke nisaontsy ze raha hiboake ama'e tsy ho ela reke.³³ Henteo, hionjogne mba Jerosalema tika henanizao, le i Ana'ondaty hameagne i mpisorombey naho i mpanoro-dalagney. Hovonoe iareo Reke, ho mate le hatolo'e o'jentilisao. ³⁴Iareo le hanao reha-draty Aze, handrora Ama'e, hijera Aze, naho hamono Aze ka. Fa teie naho afake telo andro le ho velogne ndraike Reke.³⁵Jakoba naho i Jaona ana'i Zebedia, nimbama'e mbeo le nirehake tama'e tehoe: O'pampianatse, mba tea'o vao naho atao'o ze raha iaby take'ay ama'o.³⁶ Le hoe reke tam'iareo: "Inogne ty zoto areo hataoko ama'areo?" ³⁷Le hoe iareo: "Engao zahay hindre ama'o hiambesatse amy ty voninahi'o."³⁸Fa i Jesosy namale iareo nanao te hoe: "Tsy rendre areo ty raha take'e areo." Nareo vao mete hihinagne amy ty kapoake hinomako na hiaretse hatao batisa amy ze hanaovagne batisa ahy?"³⁹ Le hoe iareo tama'e: "Vita'ay zao." Le nisaontsy amy iareo ty jesosy hoe: "Ty kapoake hinomako, le hinoma'areo, le amy ty batisa hanoagne batisa Ahike, hanoagne batisa anareo ka.⁴⁰ Le ze hitoboke an-tagnan-kavanako eo na an-kaviako eo ka le tsy hiato amako zane, fe'zay, le hoe ze ngnomanagne aze."⁴¹Naho fa naharey ty raha mahakasike zay mpiana'e folo hafa reo, le nanomboke boseke mafe ama'e t'i ry Jakoba naho i Jaona. ⁴²Le nitokave i Jesosy ho ama'e eo iaareo le nirehake te hoe: "Rendre areo vao fa ze eretseren-tegna ho mpanampake, O'jentilisao le mampanompo iareo, le ze bey mpifehe iareo ro magnampatse ty fahefa'e am'iareo.⁴³Fa ndra ia ndra ia mametsevetse ho bey ama'areo le ao reke ho panompo'areo.⁴⁴ Fa ndra ia ndra ia mametsevetse ho voaloha'e am'iareo le ireke andevo areo iaby. ⁴⁵Fa i Ana'ondaty tsy avy ho tompoegne, fa mbe hanompo ka, le hagnomey ty fiai'e ho solom-piaignagne hoe ty lahialegne.⁴⁶Niavy t'a Teriko ao iareo. Naho fa niboake tanagney nindre tam'i mpiana'e rey naho vahoake tsy efa'y, i ana i Timeo, Bartolomeo, le mpangatake naho jamba'y, nitoboke t'amoron-dalagne.⁴⁷ Naho fa naharey reke fa Jesosy boake Nazareta agne zao, le nanomboke nikorintsagne mafe reke, le nirehake te hoe: "Jesosy ana'i Davida'a, feregneso raho aba! ⁴⁸Lako ty nirehake mafe i goa'y, nirehake t'ama'e mba hitsigne. Fa ndra nikorintsagne mafe reke hoe: "O'ana i Davida, feregneso raho aba!⁴⁹Nijanogne t'i Jesosy le nampitoka aze.Tinoka iareo i goa'y, rineha'e te hoe: "Soa zay!Mijangana!Mikanjy azo Reke!" ⁵⁰Natora'e lamba'ey,le nitsangagne, le nimbam'i Jesosy mbeo reke.⁵¹Nanoigne aze ty Jesosy lenanao te hoe: "Inogne ty tea'o hataoko ama'o?" Le hoe i ndaty goa'y te ie: "Raby o, te hahatrea raho." Le hoe ty Jesosy tama'e: "Akia, janga ty finoa'o⁵² rehe." Le nahita nindre tam'inge ty maso'e, le nindra tam'i Jesosy t'andalagney reke.

Chapter 11

¹Le nandeha Jerosalema agne iareo, le niharine i Betifaga naho Betania, ambone vohitse Oliva agne, le Jesosy nagnirake ty roe ami'o mpiana'eo. ²Le nirehake tami iareo nanao ty hoe: "Mandenà amy ty vohitse alohantika roy. Naho misy vatae vao tafilitse ao nareo, le hahatrea anak'Ampondra mbe tsy nitongoa'o ndaty. Hahao areo reke le indeso mbamako atoy. ³Naho misy ndaty mirehaka anareo ty hoeke: 'Ino maha-avy anareo manao toaàgneo?' le ano'o hoe zao: "Misy ilà ty Tompo aze le mbe haheregne eo tsy ela vao."⁴Nandeha niboake iareo le nahatrea anak'ampondra raike nifehe amy tamboho i tragnoy agnila'i lalagne raike antsisin-dalagneo'y,le nohaha iareo i talie'y. ⁵Nisy ndaty ilae nitsangagne teo le nirehake tamy iareo: "Tinogne ty raha ata'areo toagneo, ie ndra haha'areo o ana'o ampondrao?" ⁶Le nirehafee amae ty nirehea i Jesosy tamy iareo, le nenga i ndatie handeha amy ty lalagne hombae iareo.⁷Le nindese iareo mpianatse lahy tamy i Jesosy mbeo i ana'i ampondray le natae tambone'e teo ty siky iareo le afake nitongo ama'ey ty Jesosy. ⁸Maro ty ndaty nandafike ty lambae tamy lalagney, ty ilae nandafike raven-katà fa nitampatampahe'e boake antonda agne. ⁹Ze fa nandeha talohae naho ty nagnorike Aze nikorakorake te hoe: "Hosana! deragne ty raike amy ty tahina i Andriantompo. ¹⁰Deragne ty fanjakà i Davida raentika! Hosana ty farae ambone agne!"¹¹Boakeo ty Jesosy niditse Jerosalema le nandeha tan-kiririsa i fiangonagney le nagnente ze raha iaby tao, naho fa nitsofotse i andro'y, le nikararake a Betania Reke naho ty roambinifolo lahy. ¹²Ty andro magnarake, naho fa niheregne boake Betania agne iareo, le nikere Reke.¹³Le nahatre hataen'adaro raike maro ravegne boake lavitse teroy Reke, le niharine hagnete te misy voae ty ama'eo, le naho fa nimbeo Reke, le tsy nahavazoho ndra ino ndre inogne naho tsy ravegne avao, fa mbe tsy fotoagne famoa i adaroy tamizay. ¹⁴Le nirehake ka Reke tamizay te hoe: "Tsy hisy hihinagne voa amao sasa ndre mbia na mbia." Le pianae rey naharey izao.¹⁵Le nimbà Jerosalema iareo, le nilitse tan-kiririsa i fiangonagney Reke le nanomboke nadroake mpivarotse naho ty mpivily raha iaby tao. Nongahe'e ty latabam-panakalo i volay naho ty seza iareo mpamarotse voro-mahilala. ¹⁶Tsy nimetea'e ndre ia ndre ia hinday raha hilitse havarotse ankiririsa i fiangonagney ao Reke.¹⁷Le nampianatse iareo Reke nirehake te hoe: "Tsy fa voasoratse vao te: ' ty anjombako le hotognonengne ho anjomba fivavahagne hoei ty tane toy?' Fa ie ndra nata iareo lakato fietaha ty mpangalatse.¹⁸ Rey ty lahibey mpisorogne naho mpanao lalagne ty raha rinehae, le nipay ty raha hamonoagne Aze iareo satria ty vahoake iaby le niverenehake amy ty fampianarae. ¹⁹Naho fa nihariva, le nisintake i tanagney iareo.²⁰Le naho fa nandeha iareo tamy maraimdraigney, le nahaonigne adaro nangegne hatra any ty fotoe. ²¹Le nahatiaro ty Petera nirehake ty hoeke: "Ragnandria, Henteo! nangegne i adaro nompaoy.²². Jesosy namaly iareo ty hoe: "Minoa an'Andrianagnahare. ²³Rehafeko ama'areo ty tena maregne fa na ia na ia nirehake amy ty lingolingom-bohitse te hoe: "Mitsangàna le mikompà an-dranomasigne agne,' naho tsy misy fisalasalagne ty ampoe ao fa mino ze raha hitranga amy ty nirehafe'e, le manahake zay ka ty hatao'Andrianagnahare.²⁴Noho 'zay le magnombara ama areo Raho te: ze raha iaby ivavaha'areo naho angataha'areo, ino'o areo te raha fa norambese'areo, le hoazo areo izao. ²⁵Naho fa nitsangagne naho mivavake nareo, le tsy maintsy votsora'areo ty heloareo aby anagna-areo ndre amy ia ndra amy ia nareo, fa ho haha ty Rae ka nareo naho fa avy andagnitse agne.²⁶ [Fanamarihagne: Ny fandikagne raha tena soa le tsy magnisy ty hoe (henteagne ami Mat. 16: 15) Mk. 11: 26 "Fa naho tsy mamotsotse heloke nareo le tsy hagnaha ty hakeo areo ndra mbia mbia ka ty Rae'areo andagnitse agne."]²⁷Le niongagne ta Jerosalema indraike iareo. Le naho nitsangatsangagne tanjombanagnahare, le niavy nagnontane Aze ty lahibe ty mpisorogne, ty mpahay lalàgne, naho iareo zokeo ndaty. ²⁸Le hoareke tamy iareo: "Lilitse boakaia ty anoa'o raha iaby rey, ia ty nagnomey fahefagne Azo hanao hoe'io?²⁹Le hoe ty Jesosy tamy iareo: "Hametrake fagnonteneagne raike ama'areo Raho. Ambarao amako le horehafeko ama areo te lily boakaia ty anoako raha iaby 'zao. ³⁰Ty batisa i Jaona, boake andagnitse agne vao ke boake ama o ndaty? Valeo Raho."³¹Niarake nametsevetse iareo le nifandietse rehake te hoe: "Naho mamale tikagne te: 'Boake an-dagnitse agne! Le hirehake Reke te hoe: 'Vaho magnino tsy inoa'areo Aze eo?' ³²Fa naho manoigne tika te hoe: boake ama o'ndaty, ...." Natahotse ndaty rey iareo, satria ty ndaty fa nagneke te i Jaona mpitoky vatae. ³³Boakeo namale ty Jesosy tamy iareo: "Tsy hai'ay." Le hoe ty Jesosy tamy iareo te: "Iraho ka tsy hanombara ama'areo te fahefagne boake aia ty anoako raha aby rey."

Chapter 12

¹Nanomboke nampianatse iareo tama ty fagnoharagne ty Jesosy. Le hoe Reke te: ''Nisy ty lahilahy nanagne tanem-boaloboke, le namefe i tane'ey, le nandavake famiahagne. Namboatse ''tilikambo'' reke le nampagnofae i tanem-boaloboey' amy ty mpambole voaloboke. Le niala lavitse amizay reke naho fa avy eo. ²Tamy ty fotoagne mete, le nagnirake andevo antanem-boalobok'agne reke mba hangalake ty anjarae am'i vokatsey.³ Fe ie nisambore'iareo i andevoy naho jinera'iareo, le niroahee tsy handay ndra ino ndra inogne.⁴Le nagnirake andevo ndraike am'iareo reke, fe ie mbe jinera'iareo ty lohae naho nalaee baraka.⁵ Le mbe nagnirake ndaty hafa ndraike reke, le vinono'iareo. Le nitovy am'izay iaby ty nanoa'iareo ze ndaty teo, jinera ty ilae, le vinono ty ilae.⁷²⁸Nisy ty raike amy ty mpahay lalàgne niavy le naharey ty reha'iareo; treae te valea'i Jesosy soa iareo. Le nagnontane aze reke te hoe: ''Inogne ty tena lili bey vatae am'iareo iabike?''²⁹ Nanoigne ty Jesosy te ie: ''Ty tena bey le ty hoe: 'Mitsendregna, ty Tompo Andriagnaharen-tika, ty ry Israely, raik'avao ty Tompo. ³⁰Tsy maintsy teave'aareo amy ty Tompo Andrianagnarahe amy ty arofo'o iabike, amy ty fagnaheo iabike, amy ty vetsevetseo iaby naho ami'ty fi'o iabike.' ³¹Intoy ty lily faharoe: 'Tsy maintsy mitea ty ragneo manahake ty vatao rehe.' Tsy misy lily hafa bey mihoatse o roe reo.''⁸Tsinepa'iareo amizao reke, le vinono'iareo naho natafatorae ambili'i tanem-boalobekey ao. ⁹Vaho, inogne zane ty hatao i topon-tanem-boalobokey? Hoavy agne reke handrobake i mpambole voaloboke rey naho hagnomey i tane'ey ama'ondaty hafa.¹⁰Mbe tsy vinaki'iareo vao zao Soratse Masegne zao? ''Ty vato naria ty mpanao tragno, ro nanjare tegnam-bato vatae.¹¹ Boak'am'i Tompo zay, le nahagaga amasontikagn'eo.''¹² Nimpay hevetse hanamboragne i Jesosy iareo, fe ie natahotse i vahoake, satria fànta'iareo fa hanpoheragne iareo ro namboarae i fagnoharagney. Vaho nenga'iareo reke le nandeha iareo.¹³Le nagnirake ty Fariseo naho ty ila ty Herodiana ho ama'agne hamadrik'Aze an-drehake. ¹⁴Naho fa niavy iareo le hoe iareo tamae te hoeke: ''O Mpagnanatse! hay'ay fa tsy midare ty eretsere'ondaty hafa rehe, le tsy manoro fagnavakavahagne amy ze kila ndaty. Mpagnanatse magnarake ty lilin'Andrianagnahare Rehe. Vaho magnara-dalàgne vao ty mandoa hàga am'i Kaisara sa akore? Tokoe handoa hàga vao zahay sa akore?''¹⁵ Fe ie oni'i Jesosy ty fiatsaram-belatsihy iareo le nisaontsy am'iareo te hoeke: ''Nagninogne nareo ndra mitsapa hevets'ahy'keo? Andeso'areo ''denaria'' raike Raho hagnenteako aze.''¹⁶Le nagnatera'iareo vola raike ty Jesosy. Le hoe Reke tam'iareo te hoeke: ''Sare'ia naho agnara'ia ty amae toy?'' ¹⁷Le hoe iareo te hoeke: ''Ey Kaisara.'' Le hoe ty Jesosy te hoeke: ''Ameo i Kaisara ze ei Kaisara, le ameo an'Andrianagnahare ze a'Nagnahare.'' Latsa amizao iarey.¹⁸Le niavy eo i Sadoseo rey, ze nirehake te tsy misy ty fivagnonam-belo, le niavy tamae'eo iaby. Le nagnontane aze iareo, nanao ty hoeke:¹⁹ ''O mpagnanatse, nanoratse ty Mosesy te hoeke: 'Naho nimate ty rahalahe ty lahilahy raike le magnenga ty valie reke.Nefa tsy mba niterake, le tokoe hanambaly ty valin-drahalahee, mba hanagne taranake hoe'ty rahalahee.'²⁰Nisy fito mirahalahe; nanambaly ty raike voalohae fe ie nimate, tsy mba niterake. ²¹Avy eo nangalak'aze ty faharoe'ey le nimate ka, tsy nanaranake, le nanao hoe'izay ka ty fahatelo. ²²Le tsy nagnenga taranake iareo fito. Amy ty farae, mate i roakembay. ²³Amy ty fivagnonam-belogne, naho fa hivagnom-belogne iareo, le ho vali'ia reke? Satria sambe nanambaly aze iareo fito mirahalahy.²⁴Le hoe ty Jesosy te hoeke: ''Tsy izay vao mahavy anareo diso hevetseo, satria tsy fanta'areo ty talilisoa naho ty herin'Andrianagnahare?²⁵ Satria naho nivagnom-belogne iareo, le tsy hanambaly na hatao vali-tolotse. Fe ie hanahake ty anjele andagnits'agne.²⁶Le ty mahakasike ty fivagnonam-belo, tsy vinaki'areo vao t'agnate i boke'i Mosesy ao, agnate'i andalagne mahakasike i voaroyi', nisaontsie-Nagnahare tamae te hoe: ''Iraho ty Andrianagnahare i Abrahama naho Andrianagnahare'i Isaka le Andrianagnahare'i Jakoba? ²⁷Tsy Andriagnahare ty mate Reke, fa ei'ty velogne.''²⁸Nisy ty raike amy ty mpahay lalàgne niavy le naharey ty reha'iareo; treae te valea'i Jesosy soa iareo. Le nagnontane aze reke te hoe: ''Inogne ty tena lili bey vatae am'iareo iabike?''²⁹ Nanoigne ty Jesosy te ie: ''Ty tena bey le ty hoe: 'Mitsendregna, ty Tompo Andriagnaharen-tika, ty ry Israely, raik'avao ty Tompo. ³⁰Tsy maintsy teave'aareo amy ty Tompo Andrianagnarahe amy ty arofo'o iabike, amy ty fagnaheo iabike, amy ty vetsevetseo iaby naho ami'ty fiai'o iabike.' ³¹Intoy ty lily faharoe: 'Tsy maintsy mitea ty ragneo manahake ty vatao rehe.' Tsy misy lily hafa bey mihoatse o roe reo.''³²Le hoe ty mpanora-lalàgne raike te hoeke: ''Soa zay Mpagnanatse! Voasaontsio vatae fa Andrianagnahare le Raike avao, tsy misy mandako aze fa Ireke avao.³³Teavegne Reke amy ty fo iaby le amy ty vetsevetse iaby naho ty heriko iaby, le teavo ty ragneo manahake ty vatao, le soa lavitse o imboke magnitseo naho o sorogneo.³⁴ Naho fa nivazoho'i Jesosy te nagnomey valen-drehake to reke, le nisaontsy Reke te hoeke: ''Tsy lavitse ty fanjakan'Andrianagnahare rehe.'' Naho fa avy eo, le fa tsy nisy ndaty nahasake nametrake fagnontaneagne tam'i Jesosy sasa.³⁵Namale ty Jesosy, tam'Ireke nampianatse t'agn'anjomban'Nagnahare ao, le hoe Reke te: ''Akore vao ty irehafa o mpahay-lalàgneo te i Kristy ty ana'i Davida?³⁶ Davida avo, tamy ty Fagnahe Masegne, nanao ty hoeke: 'I Andrianagnahare ro nirehake tama'i Andriantompoko te hoeke: mipetraha ankavanako eto rehe, mandra-panoako ty fahavalo'o ho ampala-diao ao.' ³⁷I Davida aza nitoka Aze hoe 'Andriantompo,' le manao akore ty anaovagne i Kristy te ana'i Davida?'' Nagneke Aze an-kafaleagne i ndaty maroy.³⁸Tamy ty fagnanarae le nirehake ty Jesosy ty hoeke: ''Itaoa'areo mpahay lalàgneo, tea iareo ty mireparepa amo'o akanjo mipololotseo naho salamae o ndaty an-tsena ey io,³⁹ le ty tea'iareo ty mitoboke amo' o seza aloha o sinagoga'o rey, naho lohan-toeragne amo'o feteo. ⁴⁰Mandrebake ty tragno ty ndaty mitobo-drery iarey, naho manao vavake lavabey iaby mba ho trea'ondaty. O lahilahy reo le hitambesara ty heloke bey.''⁴¹Naho fa avy eo ty Jesosy niambesatse nagnarine i tsahandraketsey tanjomba-Nagnahare ao; nivazoho ze ndaty nandatsake vola hatao raketse. Mpagnarivo maro ty nandatsake vola tsiefa tao. ⁴²Le nisy ty roakembam-bantotse sahiragne raike nandrotsake farantsa kedekede roe, hoe vareroevente oharegne amy ty mizagne.⁴³Le nitokavee o mpianae reo le hoe Reke tam'iareo te hoeke: ''Ambarako anareo fa, ty mpivantotse sahiragne tiagne ro nandrotsake tsiefamihoatse ty ndaty nandrotsake vola t'andrakets'ao. ⁴⁴Iarey iaby le nagnomey tamy ty fanagna'iareo, fe ie ty mpivantotse sahiragne tiagne, ndra tamy ty fahasahiragnae le nadrotsake ze vola tokoe hivelomae iaby.''

Chapter 13

¹Naho fa nisitake ty agn'anjomban'Andriagnahare ao t'i Jesosy, le nisy mpianatse raike nirehake ama'e nanao te tihoeke: "Mpampianatse, vazoho rty firiry o vato!"² Le hoe ty nata'e: "Trea areo vao fa fanjaka ty firirita'e?" Tsy isiam-bato mifanindry ty eo tsy hikorokomake.³Naho mbe niambesatse evohin'Oliva tandrife i Anjomban'Andriagnanahare Reke, le nagnontane Aze ty Jaona, naho Petera, le i Andrea, navaho i Jakoba teie:⁴ Volagno ama'ay ombia ty hilefsa ze raha zao iaby? Ino ty hamantara'ay aze naho agne ty lefesa'e?⁵Le namale iareo t'i Jesosy tam'izay nisaontsy te: "Ao soa tsy hoveove ondaty nareo. ⁶Fa tsy efa ty hoavy amy ty agnarako le hirehake te hoe: "Iraho ti'ie, le tsiefa ty ho voa fitake.⁷Naho fa maharey aly le rehake tsiefa mahakasike aly nareo, le ko miferenaigne, tsy maintsy hoavy zay, fa teie mbe tsy zay ty fara'e. ⁸Fa hisy tane hitsangagne le hialy amy ty tane hafa, le hisy fanjakagne hialy amy ty fanjakagne hafa. Le hisy horohorontane amy ty tane tsiefa, le hisy mosare. Zay ty loha ty fahasahiragnagne amy ty fisamahagne.⁹Mitaoa nareo. Hatolo iareo iareo o Synedriona'o nareo, le hojerajeragne o Synagoga ao. Hitsangagne aloha o mpanampakeo hao mpanjaka reo lehe ty amako nareo, ho vavolombelogne ama'iareo. ¹⁰Fa i talily soa'ay ro tsy maintsy ho taliliegne amy ty tane toy iabiaby zao.¹¹Naho fa mitseoake naho manolotse anareo iareo, le ko miferenaigne amy ze tokoe ho rehafe areo. Fa amy fotoagney, hameagne anarteo ze toko'e ho rehafe areo; tsy raha i nareo ro mirehake, fa i fagnahy masigney. ¹²Ty rahalahi'e ro hagnomey ty rahalahi'e hovonoegne, le ty ra'e hagnomey ty ana'e. Ty anake hitsangagne hamale ty Rae aman-dRene'e le hamono iareo. ¹³Tsy hotea ondaty maro nareo naho amy ty agnarako. Na ia na ia maharetse hatramy ty fara'e, le ho voavonje ze ndaty zay.¹⁴Fa naho hita areo nitsangagne amy ty toko'e tsy hitsanganagne ty haratie ty fahapotehagne, le ao nareo boake a Jodea ao hilay andingondingom-bohitse agne. ¹⁵Ze ambane Tragno ao tsy ndra hilitse antragno ao na hagneke te raho boake ao. ¹⁶Le ze an-drano agne tsy hiheregne hangallake ty lamba'e.¹⁷Loza hoe ty ampela mivesatse ty mampinpono amy ze andro zay! ¹⁸Mivavaha nareo mba tsy ho amy ty iandro mara'y ty iavia izay. ¹⁹Fa hisy fijaleambey, le mbe tsy nisy taloha tagne, naho fa namorogne ty tane toy ty Andriagnanahare, le hatram'izao. Ehe'e, ndra mbia mbia tsy hisy sasa zay.²⁰ Naho toy le hoe niboriborie i Tompo ze andro zay, le tsy hisy ndaty ho voavonje. Fa naho ty ndaty nifiliegne, i nijibogne'ey, le niboriborie ty ino ze andro zay.²¹Le naho fa misy ndaty mirehakeamao te ie: Henteo intiagne ty Kristy! na ka! Henteo, eroy Reke! Le ko mino zay. ²²Fa hisy kristy mpihaboke le mpitoky mpisandoke hipotitsike le hanoro famantaragne naho fahalatsagne, mba hamitahagne na ndaty nijibogngney aza, naho mete atao. ²³Mitaoa! Fa fa nambarako ama'areo taloha agne ty fotoa o raha reo abike.²⁴Naho fa afara ty hasosora o andro reo, le haiegne i androy, tsy hagnomey hazavagne i volagney.²⁵ I kintagney hopopoke boake an-dagnitsey, le ze hery an-dagnitse ao ho voa verevere.²⁶ Le hohita iareo i ana'ondaty boake amy rahogney ey amy ty hery jabajaba naho voninahetse. ²⁷Le hagnirake i Anjeli'ey Reke hangorogne miarake ama'e o'ndaty voafilio boake amo'o zoron-tane efatse reo, boake amo ty fara o taneo agne amy ty fara i lagnitsey.²⁸Mangala anatse amy i hataen'adaroy. Naho vata'e mitiry, le misy rave'e i foto'ey, le fa fantaro areo fa marine izay lohataogney. ²⁹Manahake zay ka naho fa hita areo miseho ze raha zay, le fa hay areo fa marine Reke zay, magnarine i lalambey.³⁰Rehafeko ama'areo, ty tena maregne vatae, ty taranake toy le tsy ho fongotse mandram-piboaha zeo raha zao. ³¹Ho rava o lagnitseo naho ty tane toy , fe ty rehako tsy ho rava ndre mbia ndre mbia. ³²Fa ty mahakasike ze andro na lera zay, le tsy misy mahafantatse ndra o anjely andagnitse agne eo, ndra ty Anake, fa ty Rae avao.³³Mitaoa, miambena fa tsy fanta areo i leray. ³⁴Izao, le manahake ty ndaty raike handeha lavitse hagnenga ty tragnoe reke le ndevoe rey avao ty niangae niambegne i tragnoey, sambe amy ty asae, le nandily i mpiarakey reke mba tsy hiroro.³⁵Le miambena mafe, satria tsy fanta areo teie mbia i tompon-tragnoy te hoavy, mete ho takariva zay mete ho halegne, magneno akoho, na maraindray. ³⁶Fa naho avy tampoke reke, le ko atao areo hahita anareo miroro reke.³⁷ Ze raha rehafeko ama'areo le rehafeko amy ze kila ndaty iaby. Miambena!

Chapter 14

¹Roe andro aloha i Paska naho ty fankalazagne ty fihinanagne mofo tsy isian-tsira tamizay. Nipay ze fomba hisamboragne i Jesosy milamigne avao iareo lahibe ty mpisorogne naho ty mpahay lalàgne mba hamonoagne Aze.² Le hoe iareo te: "Tsy hataon-tika ami ty andro fete toy, tsy hampikorotagne ndaty."³Naho ta Betania tan-tragno i Simona boka ty Jesosy, naho niambesatse tan-databatse teo reke, le nisy ampela niharine Aze ninday voatavo misy solike lafo vily, Narda tsy mitapoke.⁴ Nahaboseke ndaty maro nefa i raha zay. Nifampirehake iareo le nanao ty hoe te: "Ino ty anto ty fandaniagne fahatane toa?⁵ Mbe afake avarotse mihoatse ty denaria telonjato nio solike magnitsey, le nameagne ze tsy managne." Le nasiaha iareo i ampela'y.⁶Fe hoe ty Jesosy te: "Angao areo reke. Manao akore nareo manao ty raha hampaferen'aigne aze eo? Raha soa ty natae tamako.⁷ I tsy managne zay ho ama'areo eo avao, afake manao asa soa hoe iareo avao nareo ndre mbia ndre mbia, fie Raho tsy ho ama'areo eto avao.⁸ Nanao ty nivitae reke: "Nitavogne ahy ho ami ty fandevenagne reke.⁹ Ambarako soa ama'areo, ndre aia ndre aia hitaliliagne ty Talilisoa maneragne ty tane toy, le ho taliliegne ty nata ty ampela toy, mba hahatiahivagne aze."¹⁰Boakeo ty Jodasy Iskariota, raike ami iareo folo ambe roe lahy, nandeha tami lahibe ty mpisorogne hahafahae manolotse Aze ami iareo eo. ¹¹Naho fa nahare zay iareo lahibe ty mpisorogne, nalio fo, le nanao hanome vola aze. Nanomboke nipay ze fomba hanoloragne Aze ami iareo reke.¹²Tami ty andro voalohae fihinanagne mofo tsy isian-tsira, naho fa nisorogne aman'agnondry tami Paska'y iareo, nanao hoe zao i mpianae'y rey tamae te: "Aia ty toeragne teao handeha'ay hikarakaragne mahakama, mba hikamao ami ty Paska toy? ¹³Le nagnirake roe tami mpianae'y Reke le nisaontsy tami iareo te hoe: "Mandenà an-tanagne agne, le hisy ajalahy minday sinin-drano milipolipo hifanalaka ama'areo. Oriho reke. ¹⁴Ze tragno izilihae, oriho areo reke rehafo tompo i tragnoy te hoe: 'Zao ty nisaontsie i mpampianatsey te: "Aia ty tragno fandrambesagne vahiny hahafahako miharo-fihinagne Paska amy ty mpianako retoagne?'''¹⁵Hotoroae tragno bey ambone rihagne fa misy fanake fa vonogne soa nareo. Ano'areo ao aby ty fanomanagne antikagne." ¹⁶Le nandeha mpianatse rey mban-tanagneo. Fa nanahake ty raha norehafegne tami iareo avao ro nihita iareo tao, le nanomagne i hanegne ami Paska'ay iareo.¹⁷Naho fa nitsofotse i andro'y le niavy nindre ami iareo roe ambe folo lahy Reke. ¹⁸Naho fa niambesatse iareo le nahazo latabatsey le nihinagne, le nanao hoe zao ty Jesosy: "Ambarako soa nareo, fa ty raike ama'areo miarake mikama amako eto ro hifototse Ahy.¹⁹"Nimoremoretse aby iareo, ka sambe nirehake te: " Tsy raho kahe zao?"²⁰Namale ty Jesosy le nisaontsy hoe: "Ty raike ama'areo folo roe ambe zao, i raike mindre-mampijogne mofo amako agnate finga hinane zao."²¹Fie ty ana o'ndaty handeha amy ty lalagne fa voatalily agnate Soratse Masigne ty momba aze. Fa hakeo ty hindese zelahilahy nifotetse ty ana o'ndaty zay. Tsy nisoa'e ndra tsy naterake."²²Naho mbe tandafike fikamagne eo iareo, le nandra'e mofo ty Jesosy, nisaotse, naho le zinarazara'e. Natoloe iareo re naho le izao ty natao'e : " Vatako toy, raeso areo."²³ Le mbe nadra'e kapoake Reke, naho le nisaotse, le natolo'e iareo , naho le ninome tama igne aby. ²⁴Le izao ty natao'e tama iareo: " ty lio toy ty fanitike, ama ty lio ailigne hoe'ey ty maro.²⁵ Le ataliliko fa tsy hinogne ty ama ty voam-boaloboke toy ka Raho, naho tsy avy ty andro, hinomako aze ama ty fanjakan'Agnahare."²⁶Naho fa avy nihira fideragne iareo, le niavotse e vohin' Oliva ey.²⁷ Le izaoty Jesosy tama iareo : " Hienga areo aby raho, fa toe voasoratse te ie : " hijera ty mpiarake agnondry Raho, naho le hibaratsiake ze agnondry zay."²⁸Fe ie naho hivagnom-belogne Raho, le hiaolo anareo hitari-dalagne e Galilea ao.²⁹ " Le izao ty natao i Petera : "Ndre ie le hienga Azo aby ze ndaty, izaho tsy mba hienga Azo."³⁰Le izao ty natao i Jesosy tama iareo: "Ambarako azo anio,fa mbe tsy mikekeo in-droe avao ty akoho te anito halegne, te fa in-telo hanao jebe Ahy rehe.³¹ "Le izao ty natao Petera te ie : "Ndre ie ts hindre mate Ama'o raho, le tsy handietse Azo." Le sambe nampitama'ety hoe izao iaby i maro'oy.³²Le niavy ama zo tane atao Getsemane iareo, le izao ty natao i Jesosy tama iareo mpiana'e : "Mitoboha eto fa mbe mivavake Raho."³³ A te niente'e aia ty Petera, navaho Jaona, le Jakoba nindre amae, naho le nanomboke eo ty fikore ty arofo'e. ³⁴Le izao ty Natao'e tama iareo : " Ketrake ty fagnahiko, manahake ty fa vilasy. Mitoboha eto le miambena."³⁵Le nisintaha i Jesosy iareo, naho le nihohoke an-taneo, sady nivavake te ie naho zoto'o, le hiala amae ze lera zay.³⁶ Le izao ty nato'e : "Aba, Ragnandria, haio atao iaby ze kila raha. Afaho amako ty kapoake toy. Fe ie ze zoto o anio ty hatao'o, fa tsy ty Ahy."³⁷Nibalike Reke naho le nioni'e iareo te mbe niroro, le izao ty Natao'e ama Petera: "O Simona, ndra miroro viheo? Le tsy ligne'o vao ty mba nandigne ty lera raike?³⁸ Miambena nareo le mivavaha tsy ho tafalogne ama ty raty. Fa ty fagnahy ro mazoto, fa maleme ty o nofotse.³⁹ Le nisintake iareo indraike Reke naho le nivavake, nanahake ty natao'e ntaolo.⁴⁰Ie nibalike Reke ahaeo te ndra niroro iareo, fe lako fitehiroro iareo naho le tsy nanan-katoigne aze.⁴¹ Nagnantogne iareo fagniteloe Reke naho le nagnontane iareo te ie: " O mbe miroro vao nareo? Soa zay! Fa avy ty fotoagne. Henteo! fa hatolotse an-tagna ty be hakeo ty ana ondaty nifoteregne. ⁴² Mitsangana , ndao tika handeha. Le vazoho , fa marine Ahy iareo hifototse."⁴³Naho mbe nisaontsy teo Reke, le niavy ty Jodasy, raike ama iareo roe lahy folo amby, nindre ama ty ndaty maro minday mesabey naho kobaim-bigne, boake ama iareo lahibe ty mpisorogne, vaho ty zoke ondaty, navahoiareo mpahay lily.⁴⁴ Le nagnomey famataragne iareo i nifotetse azey, naho le nirehake te: "ze orofako ro ie". samboro le embeno".⁴⁵ Le nimbamy i jesosy eo ty Jodsy naho le nirehake te: " Raby", naho le niorofa'e Reke. ⁴⁶Ie niavy eo le sinambo iareo ty Jesosy.⁴⁷Le nisy raike tama iareo nagnatse penoara naho le kinitsi'e ty sofy i mpanompo mpisorogney.⁴⁸ Le izao ty natao i Jesosy tama iareo: "dahaloo Aho,ie tsepahe areo amaty kobaim-by naho mesabey io?⁴⁹ tama areo Agnanjomba Nagnahare eo lomogn'andro naho tsy tsinepa areo. Fa izao ka ty hilefesa ty Soratse Masigne".⁵⁰ A te ndra nibaratsiatse aia iareo nindre Jesosy naho le nietake.⁵¹Nisy ajalahy raike, tsy miakanjo naho tsy ze lamba hariry zay avao, nagnorike i Jesosy. Naho fa tsinepa iareo Reke⁵² a teie ndra nado'e aia i akanjo'ey naho le nilay reke tsy niakanjo.⁵³Le tinantaly ty Jesosy le amy mpisorogney agne. Naho le vory ao iaby iareo zoke ondaty, naho ty mpisorogne, navaho ze mpahay lily.⁵⁴ Le nagnorik'Aze lavidavitse ey avao ty Petera, hatra an-kiririsa i mpisorobey ao. Niambesatse agnila i mpiambe'ey eo Reke, naho le namindro agnila i afo'oy eo.⁵⁵Mba hamonoa iareo i Jesosy, le nipay ndaty aivo iareo mpisorogne navaho iareo synedriona Jiosy hitendese'e manoigne aze. Fe ie ndra tsy nahatrea aia iareo. ⁵⁶Naho le nimaro ty raha nanognom-panagnitse aze, fe ndra izay le mbe tsy marem-pototse avao ka.⁵⁷Le mbe nanognom-pandagnitse Aze avao ka tila'e; nanao izao te:⁵⁸ " Rei'ay Rehe nivolagne te ie: " Habaratsiako ty anjomba Nagnahare toy, fe ie le telo andro avao ty ampy jahignako aze antanagneto." ⁵⁹Fe ie le mbe tsy nito ty ny fampianga iareo aze.⁶⁰Nitsangagne i mpisorobey naho le naho le nagnontane i Jesosy nanao izao te ie: " tsy toigne'o vao? ino zo raha iampanga ty ndaty rey toa Azo zao?⁶¹ Fe ie le mbe tsy namale avao Reke naho nianjigne tsy nisaontsy ndra inognino. Le mbe nagnontane Aze indraike iareo mpisorogne izao ty nata'e: " Ihe vao Kristy, ana Nagnahare eo?⁶² le natao'e nanoigne aze: " eka ie Raho; ara mamototse izao areke ie toboke anakavana nagnahareo ty Tirin'olombelogne naho le ho avy ty rahon-dagnitse."⁶³A te ie ndra rinia i mpisorogney aia i lamaba'ey naho le nirehake reke te ie: "A izao vao mbe ipaiagne ndaty aivo?⁶⁴ fa nireintika iaby zay ty rehadrati'e. ino ty fanampahan-kevetse areo? Sambe nagnameloke Aze ze hene ondaty naho le toko'e ho vonoegne reke.⁶⁵ Tila'e nandrora Ama'e naho le nanao arikobogn'Aze sady nijera nanao izao : "tokio" sady nalae iareo manam-bolonahetse Reke naho le trinabotrabo'e.⁶⁶Naho mbe tankiririsa eo avao ty Petera, le nisy ampela raike mpitake ty mpisorombey nagnontane Aze.⁶⁷ Fa mbe nitsangagne eo Ty Petera namindro agnafo eo, naho le nadigne marine aze eo. Le izao ty natao'e: Tama'e ka rehe nindre ama i Jesosy ,Nazarena". ⁶⁸Fe ie le nandietse reke, nanao izao: " tsy rendreko zao, naho toe tsy haiko ka ty raha rehafe'o". Le niala ty ankiririsa eo reke. [ Fagnamarihagne: tila ty nandika magnampe manao izao: " le nikekeo ty akoho," fa ze nadika ntaolo nifanjaka tsy misy io rehakeo eo.]⁶⁹Le mbe nirehake ama ze ndaty nitsangagne eo iaby indraike i anjampelay nanao izao: " Mbe nindre ama iareo ka ty lahilahy tia!" ⁷⁰Fe ie le mbe nandà avao reke. Ie palipalitse igne le izao ty natao iareo nitsangagne ama i Petera eo: "Tama'e ka rehe,fa toe nte Galiliana io."⁷¹Naho le nisangy reke nama-tegna nanao izao: "⁷² le amoeko anio ty raha volagne areo." le nindre ama izay avao naho le nikekeo fagnindroe'e ty akoho. Naho le ny tiahy i Pitera i saontsy i Jesosy tama'e manao tihoekey te ie: " Mbe tsy mikekeo fagnindro'e avao ty akoho, te fa intelo hanao jebe Ahy rehe," le nikoretse ty fo naho niharovetse reke.

Chapter 15

¹Mbe marain-tsikiake, le nitolake iareo lahibey ty mpisorogne naho mpahay lalàgne miharo ty zoke ondaty naho Jiosy iabike reo. Le narohy iareo tamy Pilaty teo Reke. ²Nagnontane Aze ty pilato nanao ty hoe te: "Ihe vao ro mpanjaka ty Jiosy? Natoi'e te: "Fa ie nambarao zay" ³Maro ty raha tsy marem-pototse natolo iareo lahibey ty mpisorogne nanohitse i Jesosy.⁴Nagnontane Aze ka ty Pilaty te: "Tsy manan-katoigne vao Iheo? Henteo ty halàko ty fitoriagne ndese iareo manohetse Azo!" ⁵Fa le nianjigne ty Jesosy tsy namale Pilato sasa, naho le nilatsae.⁶A naho fa niavy ty andro fifaleagne, namotsotse gadra raike hoe iareo avao ty Pilato, gardra ze angatahe iareo. ⁷Ndaty ginadra iareo avao naho ze nitanae amy o mpamono ndaty naho ty nitologne tagnate i fonjay avao iaby, ty notana iareo amy ty agnisae o mpandrae anjara tamy i tologney, naho le nisy lahilahy raike atao Barabasy zao. ⁸Le niheho amy Pilato iareo naho le niheagne ty hanoagne aze manahake ty natao ty taloha ka.⁹Le izao ty natoy i Pilato iareo te: "Tea areo va naho ty mpanjaka i Jiosy ro hameako anareo?" ¹⁰Satria fantae fa fialofagne ty nanolora ty lahibey ty pisorogne i Jesosy tamae. ¹¹Naho le nitamae ty fikora i maroy iareo mpisorogne, niheagne ty hamotsoragne i Barabasy.¹²Le mbe nanoigne iareo ty Pilato nagnontane nanao izao te: "A inogne areke ty tokoe ho hataoko ty Mpanjaka i Jiosy?" ¹³Le mbe nikorake indraike iareo te: "Fantsiho Reke"¹⁴Le hoe ty Pilato te: "Inogne ty raty natae?" Fe ie le mbe nikorake nanoigne avao iareo te: "Fantsiho Reke." ¹⁵Te hanao ze hampalio fo iareo ty Pilato, naho le Barabasy ty vinotso'e. Nojerae ty Jesosy le natoloe ka ho fantsihigne.¹⁶Nente miaramila rey Reke ho an-kiririsa eo (agnivo ty toera ty fanjakage), le notokavy iareo iabike ze fonga miaramila. ¹⁷Nampisikigna iareo sikigne voloparasy Jesosy, naho le nitaly feheloha tsilo iareo le natae iareo tamae teo. ¹⁸Le nanomboke nagnalama Aze iareo le nanao ty hoe: "Salama Rehe, ry mpanjaka i Jiosy!"¹⁹Jinerae iareo volotara ty angnambone'e (nikaravantsie'e) ro mbe nandrorà iareo. Le niondreke alohae eo iareo le sare nidera Aze. ²⁰Naho fa niavy nanao kotike Aze iareo, le nafaha iareo tsy hoamae ey i lamba volomparasy, le nampagnisia'e Aze ty fitafeae manokagne, niente iareo niakatse Reke mba hamantsihagne Aze. ²¹Sinere iareo ty ndaty raike nandriogne boake antsaha agne hinday hazo najale i Jesosy, lahy raike tokavigne te i Simona Kyreniana rae i Aleksandra sy Rofosy.²²Nindese o miaramila reo tamy toeragne atao Golgota zay ty Jesosy (na toeragne atao te "Toera ty harandoha"). ²³Le nimea iareo divay milaro miora Reke, fie tsy nikama zay Reke. ²⁴Finantsy iareo Reke le zinarazara iareo natà iareo an-kizé ty akanjoe mba hahafantaragne ze ty anjara rambese ty miaramila kiraidraike.²⁵Tamy ty lera fahatelo le finantsy iareo Reke. ²⁶Naho le sinora iareo amy ty hatà pisake ty fitoriagne nanoheragne Aze te: "Mpanjaka i Jiosy." ²⁷Dahalo roe lahy ty finantsike nindre amae, ty raike tankavanae eo le ty raike tankaviae eo. ²⁸[Fagnamaregnagne: Ty fandikagne taloha, fanjaka le tsy magnisy ty Marka 15:28 ty hoeke te: " Lefe ty Soratse Masigne manao izao te: 'Natao ho nama ty behakeo Reke.' (Ampagnahafo amy Lioka 22:35)]²⁹Iareo nandriogne amae eo le nanivativa Aze, naho le nagnolikolin-doha nanao izao te: "ein hein! Ihe ro afake mandrodagne ty anjomban'Agnahare, naho le namboatse aze agnate ty telo andro, ³⁰hahao ty vatao le mizotsoa amy o hazo najaleo!"³¹Sambe nanao kobike Aze iaby iareo mpisorogne naho mpahay lalàgne, le nivolagne zao te: "Nahavotse ty hafa Reke, fie tsy nahavotse ty vatae. ³²Adogno ty Kristy, Mpanjaka ty Israely, hizotso amy ty hazo najale, mba ho trea'ay le hinoa'ay," le ty finantsike nindre tamae teo ka le mbe nanao kobike Aze ka.³³Naofa niavy ty lera faha enegne, le nanjare maiegne ty tany aby hatramy ty lera fahasive. ³⁴Mbe tamy i lera fahazive zay avao, nikorake amam-peo mafe ty Jesosy te: "Eloy, Eloy, lamà sabaktany?" Tsakoreagne te hoe: "Andrianagnahare, Andrianagnahare, nagninogne Rehe le nahafoe Ahikeo?" ³⁵Ty ilae nitsangagne teo naharey ty saontsie le nanao zao te: "Henteo, mitoka i Elia Reke."³⁶Nisy ndaty raike nilay, ninday divay naho ampozy, le natae mipiteke soa amy ty bararata, le nagnomey zay ho kamae. I lahy nirehake ty hoe: "Mbe ho treantika naho hoavy hampizotso Aze eo ty Elia." ³⁷Ie niavy eo nikorake amy ty feo'e farae ty Jesosy le nivilasy. ³⁸Niriatse roe amy ty ambone sikala amy ty ambane ty lamba te agnajomba Anagnahare tao.³⁹Naho fa nahatrea izao i kapiteny niatreke ty fahavilasia i Jesosy, le nanao izao te: "Anak'Andrianagnahare vatae ty lahy toy." ⁴⁰Le nisy ampela nagnente lavitse avao. Tagnate izay ty Maria Magdalena, Maria (rene i Jakoba zai'e naho Josesy), le Salome. ⁴¹Tamy Reke ta Galilea agne le nagnorike Aze naho nanompo Aze avao iareo. Le mbe ampela maro hafa ka ro nindre amae nimbà Jerosalema agne.⁴²Naofa nihariva i androy, satria andro fiomanagne, mihaolo ty andro Sabata io, ⁴³le niavy ty Josefa boakà Arimatia agne. Mpikambagne atahoragne amy Synedriona ao reke, zay niambegne ty fanjakan'Andrianagnahare. Nivonogne ro nahavany nangatake ty fagnova ty havilasy i Jesosy. ⁴⁴Latsa ty Pilato te tsy ela avao le fa vilasy ty Jesosy; le tinokae i kapiteny le nagnonteneae aze te fa vilasy ty Jesosy.⁴⁵Naho fa niazoe antoke soa tamy i kapiteny te fa vilasy vatae Jesosy, le natoloe Josefa ty fagnova ty havilasy. ⁴⁶Le nivily hariry malineke ty Josefa. Nampizotso i Jesosy tamy hazo najaley reke, le finognoe hariry malineke, naho le nalente'e andonakey agnate ty lakato agne. Niavy eo le navarie mbeo ty vatobey farindrin-donake. ⁴⁷Le nihita i Maria Magdalena naho Maria rene i Josesy ny ty nandevegngagne Aze.

Chapter 16

¹Naho fa nitampetse i andro sabata'y, le nivily raha magnitse hagnosoragne i fate Jesosy'y ty Maria Magdalena naho i Maria rene i Jakoba, nivily ka ty Salome le handeha hagnosotse i fate Jesosy'y. ²Maraindrai-tsikia i voalohan-keregnandroy,nandeha an-kibory ey iareo naho fa niboake i androy.³Nifampirehake iareo te hoe: "Ia amantika ty hampikisake i vato andalan-kibory eo'y?" ⁴Naho fa niandra iareo le nahatrea te fa nisy nampikisake i vato jabajabakey.⁵Niditse t'ankibory ao iareo le nahatrea ajalahy miakanjo foty mipetrake ankavanagne, veren-draha iareo. ⁶Le hoe ty nata'e tam'iareo hoe: "Ka matahotse. Mipay i Jesosy nareo, i Nazareta natao vono-trobokey. Fa nitsangagne reke,tsy eto ka. Henteo ty nametraha iareo aze tia. ⁷Akia rehafo i mpiana'e rey naho i Petera fa hialoha lalagne iareo a Galilia agne reke. Fa nambara'e tam'areo te hoe agne ty hahatreava'areo aze."⁸Niboake ty an-kibory ao iareo le nitsombomboke ty lay, varenehake naho ka le nititititike iareo. Tsy nirehake na ino na ino tama'ondaty satria natahotse loatse.⁹[Fagnamarenagne: ty fandikagne soa taloha tagne ro mampiala ty Maraka: 16: 9-20]Marainadray i heregn'andrio voaloha'e nitsangana'ey reke le niboake tam'i Maria Magdalena, i nampisoira'e kokolampogne fito'y. ¹⁰Le nandeha t'i Maria nitatlily iareo nindre tam'i Jesosy, mbe agnate ty misaona naho i ranomaso'y iareo. ¹¹Nirey iareo fa velogne, nahita Aze reke hoa're, faie tsy nampino iareo.¹²[Fagnamarenagne: ty fandikagne soa taloha tagne ro mampiala ty Marka: 16: 9-20] Niseho amy ty mpiana'e roe holy mba tanagne eo t'i Jesosy. ¹³Le nitalily ka iareo roe am'iareo mpiana'e sisa, faie tsy ninoa iareo.¹⁴[Fagnamarenagne: ty fandikagne soa taloha tagne ro mampiala ty Marka: 16: 9-20]Tafara kede io t'i Jesosy le niboake am'iareo folo raike amby ampihinanagne, sady nisaontsy amy ty tsy finoa naho ty hamafe fo iareo te hoe nivelogne ndraike reke. Satria tsy natoky iareo naho fa nahatrea Aze.¹⁵ Le hoe ty nata'e am'iareo hoe: "Tsitsiho ty tane toy,aelezo amy ze kila ndaty ty talily soa. ¹⁶Ze mino naho ka ze atao batisa ro hotahiegne, fa ze tsy mino le hohelofagne.¹⁷[Fagnamarenagne: ty fandikagne soa taloha tagne ro mampiala ty Marka: 16: 9-20]Intoa ty famantaragne hagnorike iareo mino: amy ty agnarako ty hanoira iareo kokolampogne. Hirehake am'ty firehake tsy nahazatse iareo. ¹⁸Handrae menaragne am'ty tagnagne iareo, ndra tie minogne raha mahafate iareo le tsy hampagnahe iareo aby zao. Hametrake tagnagne am'ty marare le hojangagne iabike rey.¹⁹[Fagnamarenagne: ty fandikagne soa taloha ro mampiala ty Marka: 16: 9-20] Naho fa avy nisaontsy tam'iareo t'i Tompo,le nisondrotse mban-dagnitse eo Reke,le niambesatse am-pitan-kavanan'Andriagnanahare.²⁰ Nandeha ka i mpiana'e rey nitory mbeo mbeo, niarake niasa am'iareo ty Tompo le natao'e am'ty famanantaragne nindreza am'iareo ty fagnamafesagne i saontsi'y.

Luke

Chapter 1

¹Maro ty nimane nanoratse tantara miomba ze raha nilefe amantika eto, ²manahake ty fa natalily iareo aze antika, ze fa nivavaolombelogne nagnatreke maso naho ty mpinday tsara hatra amboalohae. ³Naho ty Amako le mete avao - naho fa nisafiriegne ty raha nisy iaby hatramboalohae - ty hamolily an-tsoratse arake ty filaharae ho azo, ry Teofilo ndaty vatae. ⁴Izao ty hahafoignagne ty maregne miomba ze kila raha nagnanaragne azo.⁵Tamy ty andro i Heroda, mpanjaka i Jodia, le nisy mpisorogne raike atao te Zakaria zay, boake amy ty fokoa i Abia. Anan-kapela i Arona atao Elizabeta zay ty agnara ty valie. ⁶Sambe ndaty nanagne ható amin'Andrianagnahare iareo, nihasy ze lily naho ty sata i Andriantompo. ⁷Fie tsy nanagn'anake iareo, fa betsiterake ty Elizabeta, toe fa sambe niantetse aby ka iareo roe tamy fotoagne zay.⁸Izao ty miomba i Zakaria amin'Agnahare, nanao ty asa fisoronagne ifandimbezagne isagn'afo'e. ⁹Naho fa natao ty fomba iareo amy ty fijibognagne ze ho mpisorogne fagneva ty hitorogne, le nivoafily antsapake hagnemboke agn'anjomba fivavaha i Andriantompo ao reke. ¹⁰Tamy lera hagnoroagne emboke ey le nivavake an-tane lavitse ndaty maro rey agne reke.¹¹le ingo ty anjely i Andriantompo niboake amae mijohagne akavana i vatomasigne nisy emboke ey eo. ¹²Naho fa nahatrea aze ty Zakaria, ndra nihondrahondra ty tahotse. ¹³Anjely nanao tihoe amae te: "Ko matahotse, rehe Zakaria, fa nirey ty fivavahao." Hivesatse anake lahy amao ty tagnanjombao Elisabeta. Le i Jaona ty hatao areo agnarae.¹⁴Hanagne hafaleagne naho halio fo rehe, mbe ho maro ka ty hirebeke ty fisamahae. ¹⁵Fa ho bey agnatreha i Andriantompo reke. Le tsy hinon-divay naho toake mahery reke, fa ho feno Fagnahy Masigne boake an-troke agne.¹⁶Maro amy ty tarira Israely ro hiheren-doha amin' Agnahare. ¹⁷Hiaólo ty fagnova i Andriantompo amy ty fagnahy naho ty nihery i Elia reke. Natae zay soa hampitraoke ndraike ty fon-drae amy ty anae. Hagnoriha ty tsy vokatse ze mahilala amy ty lalagne maregne - Hagnomagne tariratse fa vonogne hoe i Andriantompo ro handigne Aze.¹⁸Zakaria nirehake amy anjely te: "Akore ty hafatarako zao? Raho fa rangahe antetse ndre ty valiko ka fa antetse." ¹⁹Le hoe ty natoy anjely naho ty reha'e amae: "Raho ro Gabriela, mitsangagne agnilan'Agnahare eo. Nirahegne raho hagnombara amao, hinday zai talily soa zao amao. ²⁰A izao! Ho moagne rehe, le tsy hahay hirehake, naho tsy sita le avy ty andro hilefea o zao raha iaby zao. Naho ndra tsy niantofao ty tsarako, ho lefe amy ty andro hoavy."²¹Ndaty rey fa vozake ty ligny i Zakaria. Nilatsa ty hahela ty fijanognae agn'anjomba fivavahagney ao. ²²Naho fa niakatse reke, le tsy niafake nirehake ama iareo. Fa nifanta'iareo te nahatrea raha niboake amae tan-anjomban'Agnahare tao reke. Nagnondrotondro iareo ndra nanjare bobo. ²³Naho fa nivita ty andro nitampera ty fagnompoa'e, le noly an-tragnoe agne reke.²⁴Tafara o andro reo, le nivesatse ty Elizabeta naho le nietake tagnate ty limy volagne. Hoareke te:²⁵ "Natà i Andriantompo zao,mba hagnafaha'e ty hasalarako ama agnatrehao ndaty io.²⁶Ie nifeno enem-bolagne, le nirahen'Andrianagnahare ty Anjely Gabriela nandeha amy ty tanagne raike ta Galilea atao Nazareta ao, ²⁷ho amy ty ampela mbe tsy nahafantatse lahy fa vinorovoro ho valy lahy atao Josefa zay. Mbe tarira ry Davida avao ka reke, le ty agnara i ampela tsy mahafantatse lahy i Maria. ²⁸Niheho amae ao reke le nirehake tihoe: "Salama rehe, ry soavoatse! Andriantompo ho amao ao." ²⁹Ndra nilatsa amy ty reha'e hoe izao oy reke naho le nagnontane an-troke te ty salama manao akore ka izay io.³⁰Le hoe ty anjely tamae: "Ko matahotse, rehe Maria, fa nisohen'Agnahare any ihe eo.³¹ Ingo, hanagn'anake rehe le hitera-dahy. Le ty tahina'e hatao'o te 'Jesosy'. ³²Ho ndaty bey Reke le hotokavigne tihoe Ana i Andidimonegne ey. Andriantompo Andrianagnahare hagnomey Aze ty toeragne nanjakà i Davida razae. ³³Hanjaka hatramparae amy ty fokoa i Davida reke, naho le tsy hisy fatamperae ty fanjakà'e.³⁴Le tihoe ty natoy Maria amy i anjely: "Akore ty ho lia izao, raho toa tsy mbe nandry ama ty lahilahy?" ³⁵Nanoigne aze i anjely te: "Ty Fagnahy Masigne ro hizotso amao, naho ty hery andindimbonegne ty ho avy amao. A le ho terake i masigne ey le hatao izao te Anak'Andrianagnahare.³⁶Ingo, ty longo'o Elizabeta mbe nitsokeregne anadahy avao ka ndre te ie fa antetse. Fa faha enem-mbolagne ty aze, ireke notokavigne te betsiterakey. ³⁷Fa tsy misy raha tsy ho lefe amin'Andrianagnahare ao." ³⁸Hoe Maria: "Intoa raho, ampela mpitoro i Andriantompo. Lonike hoavy amako zao hagnorike ty tsarao. Le nienga aze i anjely.³⁹Tamy ze andro zay, le niavotse ty Maria nikapikapike, nanganike ze tanàgne ambohitse a Jodea agne zay. ⁴⁰Namantagne an-tragno ry Zakaria ao le nanalama i Elizabeta. ⁴¹Naho fa naharey ty feo i maria nanalama aze ty Elizabeta, le nikambiakambia tsy nahay avao ty ajaja tan-tro'e ao, le nifeno Fagnahy Masigne ty Elizabeta.⁴²Le nagnonjogne ty feo'e mafe reke nanao ty hoe: "Soavoatse amy ty ampela iaby rehe, le soavoatse ka ty anadahy hasamao. ⁴³Te iraho manao akore ro le ty rene i Andriantompo ty avy hitilike ahy? ⁴⁴Fa ingo, naho fa naharey ty salamao raho, le nihisa tsy nahay avao ty ajaja an-troko ato. ⁴⁵Haha ze niantoke fa ho lefe abike ze raha nampitalilien'Agnahare."⁴⁶Le hoe ty Maria: "Midera i Andriantompo ty fagnahiko, ⁴⁷le ty fagnahiko nifale aman' Andrinagnahare mpandrombak'ahy ao.⁴⁸Fa nivazoho ty fijalea ty ampela mpitoro'e Reke. A le ingo, hinanekeo ze fonga ndaty le hanao haha ahy iabike. ⁴⁹Te ama ty raha tsy tan-tane tamako nanoe i mahalefe ty raha iabike ey amako, le ho masigne ty tahinae.⁵⁰Fa haharetse ho an-jafe agn'ana'e ty tretre'e ho'e ze matahotse Aze. ⁵¹Nampiboake ty heri'e amy ty oza'e Reke; nabaratsia'e iareo ze nitregne ama ty raha vinetsetsevetse ty fo'e.⁵²Nahoma'e amy ty fahefa'e ty anadahy ty mpanjaka le ty ambane natroa'e. ⁵³Natao'e vontsigne raha soa ze nikeré, fa ty mpagnarivo nampolie'e hara'e.⁵⁴Nanome fanampiana an'Israely mpanompony Izy, mba hahatsiarovany haneho famindram-po ⁵⁵(araka ny nolazainy tamin'ireo raintsika) tamin'i Abrahama sy ny taranany mandrakizay."⁵⁶Nijanogne nitoboke amy i Elizabeta ao sabo ho telo volagne ty Maria vaho zay niherigne noly an-tragno'e agne. ⁵⁷Le niavy ty andro hisamaha i Elizabeta ty anae naho le niterake lahy reke. ⁵⁸Naho fa naharey ty tretrea i Andriantompo aze ty tanan-draike amae le nindre nirebeke amae.⁵⁹Naho fa ama ty andro fahavalo le niavy hanavatse ty ana'e iareo. Le ho notokavy iareo te "Zakaria" manahake ty agnarandrae reke. ⁶⁰Fie ty rene'e nandietse nanao izao te: "Tsy ie zay, Jaona ty hitokavagn'aze." ⁶¹le hoe iareo tamae: "Tsy misy amy ty longo'o notokavigne amo zao agnaragne zao."⁶²Nanao fihetseke taman-dra'e iareo haonignan-drae ty tea'e hatao'e agnara-nana'e.⁶³ Le nangalake ardoaze ty rae le sinora'e tao te: "Jaona ty agnarae" le nilatsa izao iaby iareo.⁶⁴Nindry amy zay avao le nisokake ty vava'e nivotsotse ty lela'e. Nivolagne reke naho le niasaotse an'Agnahare. ⁶⁵Nanjary natahotse iabike ty tanan-draike ama iareo. Le fonga naharey izao talily izao ty an-tanàgne Jodia. ⁶⁶Le ze naharey sambe nametsevetse am-po'e agne, nirehake hoe izao te: "Ho inogne ty ajaja toy io?" Fa ty fitàn'Agnahare ro miomba aze.⁶⁷Le nifeno Fagnahy Masigne ty Zakaria ra'e le nitoky, nagnombara te: ⁶⁸"Deragne ty Andriantompo, Andrianagnahare ty Israely, fa niavy nagnampe naho nagnafake ty tarira'e Reke.⁶⁹Nanandratse ambone ty marem-panavotagne ho antika an-tragno i Davida reke, ⁷⁰manahake ty nitsinara'e ama ty saontsy ty mpitoky masigne te niandro taolo agne. ⁷¹Handrombake antika ama ty fahavalontika naho amy ty tagna ze malaigne antika Reke.⁷²Nata'e zao hahafoigna ty raentika ty tretrea naho tsy hagnalinoagne titike Masigne ey, ⁷³tsy inogne fa i titike tsinara'e ama i Abrahama raentikagne ey. ⁷⁴Nifampititike ty hahazoagne antika, naho fa niafake an-tagna ty fahavalontika, hitorogn'Aze tsy an-tahotse, ⁷⁵am-pahamasignagne naho amy ty fahamaregnagne miatreke Aze tsy hifiliagn'andro.⁷⁶Eka, ihe ro ajaja, ho tokavigne te mpitoky ty Andidimbonegne agne, fa hiaolo ty fagnova i Andriantompo rehe le hagnamboatse ty lala'e, ⁷⁷mba hampiomagne ty ndaty amy ty fiavia'e. Hanoro lalan-kavelogne hoe ty ndaty ama ty faganahagne ty hakeo iareo.⁷⁸Nisiagne izao ho tretrea masigne ty Andrianagnaharentika, izao ty hibelagna i androy boake andidimonegne agne hagnampe antika, ⁷⁹hagnazava ze mitoboke am-po ty iegne naho ze fa marine ho mate. Hanoe'e zay hitarihagne ty tombontika ho ama ty fiadanagne."⁸⁰Nihabey naho nanagne herem-pagnahy ajaja ay, tandiolio agne reke hatra ty hiavia ty andro hiboaha'e vatagne amy Israely.

Chapter 2

¹Tamy ze andro zay, le nandily ze kila tane hagnisake ze ndaty iabike velogne ambone ty tane toy ty Aogosto Kaisara. ²Izay ro isake ndaty natao voaloha'e ta Kyrenio mpandily ta Syria agne. ³A izao ty ndaty iaby le fonga niheregne amy ze tanàgne nirifa'e iaby hisoratse agnragne ho amy ty isake ndaty.⁴Le nandeha nimba Galilea agne ty Josefa, Ntenazareta, handeha hoa Jodia agne, tanà ry Davida atao te Betlehema zay, toe boake amy ty tragno naho longo ry Davida ka reke, ⁵nandeha agne reke hisoratse agnaragne nindre amy Maria, vorovoro ty fanambalia'e fa mivesatse.⁶Le iareo mbe tagne ie, le niavy ty fotoagne tokoe hiteraha'e naho ⁷le nitera-dahy reke, le i reke ro nampisafotse aze lamba voaloha'e naho le nampandry aze amy fampihinanagne ahitse, fa tsy nahatrea toeragne tan-dotely ao iareo.⁸Teo ty mpiraoke agnondry nitan-tonda tey avao tamy ty faritse nisy iareo, niaraoke agnondry lahialegne amy ty halegne. ⁹Le niboaha ty anjely i Andriantompo niheho tamy iareo te le ty voninahi'e i Andriantompo ro nagnazava nagnarogne iareo, naho le natahotse iareo.¹⁰Nagnombara tihoe ama iareo anjely te: "Ko matahotse, fa hinday talily soa hagnomey hafaleagne raha tsy tan-tane hoe ty ndaty iabike raho. ¹¹Te anito le nisy mpandrombake terake hoanareo amy ty tanà i Davida! Ie ro Kristy Andriantompo! ¹²Toa ty famantatse hatoro anareo: "Hahatrea ajaja misafotse lamban'ajaja mandry amy ty fihinanagne ahitse nareo.¹³Nitampoke teo avao nindre amy i anjely ie, le nisy irake bey boake andagnitse agne nidera nanao tihoeke te: ¹⁴"Hasigne hoan'Andrianagnahary Andidimonegne agne, le hahazo fiadanagne amy ty tane toy hoe ze ndaty notretreze'e."¹⁵Naho fa nienga iareo nandeha an-danitse agne i anjely rey, le i mpiarak'agnondry rey nifampirehake tihoeke: "Ndagne ntika ho a Betlehema agne, hagnente zao raha ao zao, zao nampahafantare i Andriantompo zao." ¹⁶Nanao lia tsiela agny iareo le nahatrea i Maria naho Josefa, naho ajaja miroro ambone fagnisiagne ahitse eo.¹⁷Naho fa nitrea iareo Reke, le nitalily iareo ty raha nambara ama iareo ty miomba o ajaja ao. ¹⁸Ze nahaonigne izao le nilatsa amy ty raha talilie mpiarak'agnodry rey. ¹⁹Fa i Maria le mbe nisafiry ze miomba ty raha iabike nirey'e, fa nitana'e agn'arofoe avao. ²⁰Le nibalike i mpiarak'agnondry rey, nihasy naho nandaza an'Andrianagnahare amy ty raha nirey iareo naho ty nitrea iareo, amy ze raha natalily iareo.²¹Naho fa nitampetse ty andro fahavalo, le nasavatse Reke naho le nameagne ty agnaragne te Jesosy, i agnaragne namea'y anjely Aze taloha ty nametrahagn'Aze an-troke.²²Naho fa nivita ty isa ty andro hiliova'e, arake ty lily i Mosesy, le ninday Aze handeha hoagn'anjomba fivavahagne ao ty Josefa naho Maria hagomey Aze Andriantompo. ²³Naho ty fa sinoratse amy ty lily Andriantompo ao tihoeke ey te: "ty anake lahy nasamake voaloha'e le natao hoe'i Andrinatompo." ²⁴Ama izao lily Andriantompo zao le nanese raha hasorogne iareo, "Ndre deho roe ndre vorogne mahilala roe."²⁵Teo ze rangahe Nte Jerosalema, atao Simona zay, rangahe maregne naho mimane raha soa. Nanao ze raha hitroara Israely amy ty Fagnahy Masigne ao reke. ²⁶Nambara ty Fagnahy Masigne amae fa tsy ho vilasy reke naho tsy le sita mahatrea i Kristy Andriantompo.²⁷Notarihy ty Fagnahy Masigne, handeha an'anjomba fivavahagne agne ty Simona. Naho fa nitrotro i Jesosy nizilike ty rae naho ty rene'e, hanao fomba amy ty lily ao, ²⁸le norambese'e naho trinotro'e Reke naho le nisaotse an'Andrianagnahare reke nanao tihoe: ²⁹"Henany zao Andriantompo, le engao raho mpitoro'o ho mate, hagnorike ty tsara'o.³⁰Fa ty masoko fa nahatrea ty rombake, ³¹nampitamào niatreke ndaty maro: ³²le ty fahazavagne ho fagnombara hoe'i Jentilisa naho voninahitse hoe Israely fokofokoa'o."³³Niverinehake ty rae nao ty rene'e i ajaja ay amy ty raha nosaontsi'e mahakasik'Aze. ³⁴Nanipe rano hoe iareo ty Simona le nanao tihoeke Maria rene: "Ingo, ty ajaja toy nojibonegne handrarake naho hampitroatse ty tarira i Israely iabike, le ho famantatse ze raha nolieregne - ³⁵Hisy arara hampite lio ty fagnahio - le ho voambara ze vetsevetsem-po ty maro.³⁶Nisy ampela mpitoky raike atao Ana zay. Anak'ampela i Fanoela boake amy ty tarira ry Asera reke. Fa antetse reke. Niharo toboke amy ty vali'e tagnate ty fito taogne reke tafara ty mbe tsy nahafatara'e lahy, ³⁷niampelatovo tagnate ty efatse ambe roapolo taogne. Le tsy mba nienga ty anjomban'Agnahare reke fa lelia'e nitorogne vavake naho nifaly hanegne avao, tsy nifily andro tsy nifily halegne. ³⁸Tamy fotoagne zay avao le niharine aze iareo le nisaotse an'Agnahare naho nitalily tama'e ty amy i ajaja ay amy ze ndaty iaby nandigny ty rombake i Jerosalema.³⁹Naho fa nahavita ze raha iabike nampanoegne iareo arake ty lily i Andriantompo iareo, le nibalike ta Galilia, amy ty tanà iareo a Nazareta agne. ⁴⁰Nihabey i ajaja ay, naho le niha nahery, nihendre, le ty hasoan'Agnahare ka le tama'e.⁴¹Ty rae amy ty rene'e isan-taogne le tsy tapake mamonjy ty fankalazagne ty Paska ta Jerosalema agne. ⁴²Naho fa ny roa ambe folo taogne Reke, le nandeha mbeo ka iareo hanao ty fomba fatao naho fa fete. ⁴³Naho nijanogne tao ampara ty nitampera i fetey iareo le niheregne noly ka. Le nijanogne avao ta Jerosalema ty Jesosy ndre te ie tsy niarofana ty rene'e amam-dra'e zao. ⁴⁴Nitamà avao iareo te nindre amy ty ndaty nindre ama iareo Reke, le agnate ty raike andro iareo nandeha avao. Izay vao nisahiragne nipay Aze ama ty longo'e naho ty ragne'e.⁴⁵Naho fa tsy nihita iareo tao le niheregne nandeha ta Jerosalema agne ka, le nipay Aze agne. ⁴⁶Ie re nitelo andro, le niony iareo agn'anjomban'Agnahare ao Reke, mitoboke agnivo ty mpampianatse, nitsanogne Aze naho ty nagnontane Aze. ⁴⁷Ze nahaonigne Aze le nilatsa amy ty hilala'e naho ty tohin-dreha'e.⁴⁸Naho fa nahavazoho izao iareo, le niverinehake. Ty rene'e nanao izao te: "Anake, ino anoa'o izao anay io? Tsanogno, raho aman-dra'o sahiragne naho natahotse ty fipay Azo? ⁴⁹Nanoigne iareo tihoeke Reke: "Nagnino nareo nipay Ahikeo? Tsy arofana areo vao te tsy ho mbia tsy ho an'anjomba ty Raeko atoa Raho?" ⁵⁰Fie tsy naharendreke ty raha tea'e ho tsaraegne iareo.⁵¹Le nindre noly ama iareo a Nazareta agne Reke nagnorike ty laha iareo. Ty rene'e nitagna an-troke avai ze raha nisy. ⁵² Jesosy nihabey hilala nahao nihabey vatagne, ro mbe nifankatea amin'Agnahare naho tama o'ndaty.

Chapter 3

¹Tamy ty taogne folo lime ambe nanjakà i Tiberie Kaisara - ty tamy Pontio Pilato mbe governora i Jodia, le Heroda ty mpandily ta Galilea, le i Filipo rahalahie ro tamy ty faritse Itoria naho Trakonitisy, le i Lysania le nandily ta Abilena, ²nandritse ty fisorognam-bey i Aniasy naho Kaiafa - le niavy ama i Jaona anadahy i Zakaria andiolio agne ty saontsin'Agnahare.³Nandeha amy ty tanagne magnodidigne i Jordana Reke, le nitaogne ty ndaty hiandro naho hiova havelogne ho fagnahagne ty hakeo.⁴Naho ty sinoratse amy ty boke Isaia mpitoky tihoe: "Nisy feo raike nikoike mafe boake andanitse agne manao tihoe: 'Vonogno ty lala i Andriantompo, ano'o mahitsy ty lalagne omba'e.'⁵Hototofagne iabike ze tonda, ze vohitse ambone handivagne, ze lalagne mihilagne le ho amboaregne hahitsy, ze toeragne mikorontagne le hampanjaregne ho lalagne, ⁶ze nofotse le hahatrea ty tretrean'Agnahare."⁷Le nagnombara ze ndaty niavy hiandro tihoe ty Jaona: "Inareo foko i bajigny! Ia ty nandrara anareo hilay ty habosehagne ho avy?⁸A izao, le mambolea voa fagneva ty fiovan-kavelogne, ko manao izao ty agn'arofo areo te: 'Izahay fa managne i Abrahama ho rà'ay,' fa zao ty ataliliko anareo, Andrianagnahare le afake mampanjare ty vato maro toagne ho ana i Abrahama.⁹A hinane zao ty fekogne fa mipake amy ty foto ty hatà. Le ty hata tsy mamokatse voa soa le hotapahegne hatorake amy ty afo."¹⁰Le nanao izao ty ndaty iaby teo te: "Inogne areke ty hatao ay?" ¹¹Izao ty natoi'e te: "Naho misy ndaty managne akanjo lava roe, le eva ty hizara amy ty raike tsy managne reke, le ze managne hanegne ka le hanao ho'e zay avao."¹²Ndre ty mpitake karatse le niavy hiandro, le nanao tihoeke: " O mpampianatse, hein ty hatao ay?" ¹³Nanao izao reke te: "Ze nampitakeagne anareo avao ro takeo fa ko mangalake ty ambone izay."¹⁴Le miaramila maromaro ka ty nagnontane aze, nanao tihoe: "A ty miomba anay? Hein ty hatao ay?" Joany nanao izao ama iareo te: "Ko manao dramotse fa maliova fo amy ze karama areo."¹⁵Naho fa sambe nadigny ty fiavia i Kristy ty ndaty, le sambe nametsevetse agn'arofo'e mahakasike i Jaona, te reke vao ke tsy reke o Kristy zao.¹⁶ Jaona nanoigne tihoeke tamy iareo: "Naho ty amako, le rano avao ro ampiandroako anareo, fa agne ze ndaty mandako ahy ty hery'e zay, ndre ty hagnaha ty taly amy ty fandia'e le tsy magneva ahy. Hampiandro anareo amy ty Fagnahy Masige naho ty afo Reke.¹⁷Amy ty fita'e eo ty fikororohagne hagnaliovagne soa ty fanalakagnam-bare naho ty fijiniagne ty vare ho amy ty hisy aze, fa ho horoa'e amy ty afo tsy mete ho vonoegne ty akofa."¹⁸Maro ty faganaragne nindese i Jaona nagnombara ty talily soa ho e ty ndaty iabike. ¹⁹Heroda mpandily naho fa nagnaregne amy ty fanambaliagne ty valin-drahalahi'e Herodiasy, naho ze raha maro nivita'e, ²⁰ama ty raha manao hoe izao, le nahili'e amporozo agne ty Jaona.²¹Le, naho fa nivita fampiandro iabike ty ndaty teo, le nampiandroagne ka ty Jesosy, a naho mbe nivavake reke, le nisokake lanitse ey, ²²le ty Fagnahy Masigne nizotso le nanao sare voro mahilala, le nisy feo boake andanitse agne nanao tihoeke: "Ihe ro anako, teako. fale raho noho ty amao."²³Naho fa nanao ty asa fitorognagne ty Jesosy, le nitelom-polo taogne tey avao Reke. I Reke ro anadahi'i (naho ty vetsevetse) Josefa, ²⁴ana i Matata, ana i Levy, ana i Melky, ana i Janay, ana i Josefa.²⁵Josefa le ana i Matitia, ana i Amosa, ana i Nahoma, ana i Elsy, ana i Nagay, ²⁶ana i Mata, ana i Matatia, ana i Samey, ana i Joseka, ana i Joda.²⁷Joda le ana i Joanana, ana i Rase, ana i Zerobabela, ana i Sealtiela, ana i Nery, ²⁸ana i Melky, ana i Ady, ana i Kosama, ana i Elmadama, ana i Era, ²⁹ana i Josoa, ana i Eliezara, ana i Joreima, ana i Matata, ana i Levy.³⁰Levy le ana i Simeona, ana i Joda, ana i Josefa, ana i Jonama, ana i Eliakima, ³¹ana i Melea, ana i Mena, ana i Matata, ana i Davida, ³²ana i Jese, ana i Obeda, ana i Boaza, ana i Salmona, ana i Nahasona.³³Nahasona le ana i Aminadaba, ana i Adimina, ana i Arny, ana i Hezrona, ana i Fazera, ana i Joda, ³⁴ana i Jakoba, ana i Isaka, ana i Abrahama, ana i Tera, ana i Nahora, ³⁵ana i Seroga, ana i Reo, ana i Palega, ana i Ebera, ana i Sela.³⁶Sela le ana i Kenana, ana i Arpaksada, ana i Sema, ana i Noa, ana i Lameka, ana i ³⁷Metosela, ana i Enoka, ana i Jareda, ana i Mahalila, ana i Kenana, ³⁸ana i Enosa, ana i Seta, ana i Adama, anan'Agnahare.

Chapter 4

¹Tafara izao ty Jesosy, naho fa nifeno Fagnahy Masigne, le niheregne boake ambavarano i Jordana, le nindese ty Fagnahy Masigne amy ty tane andiolio agne ²amy ty nangalà i rekoko Aze fagnahy agnate ty efapolo andro. Tsy nikama ndra ino ndre inogne Reke tagnate izay andro zay, ie amy ty andro fara'e le nikeré avao Reke.³Le hoe ty kokolampe amae: "Naho toe Anak'Andrianagnahare vatae Rehe, le ampanjareo mofo ty vato toy." ⁴izao ty natoy Jesosy tihoe: " Voasoratse te: Tsy ty hanegne avao ty iveloma ty ndaty.'⁵Niavy eo le finaon-drekoko Reke amy ty toeragne ambone le natoro'e Aze tsiela tsiela ty fanjakàgne iaby ambone ty tane toy.⁶ Le zao ty nataon-drekoko te: "Hameako azo iaby ty lily naho ty hasoa'e, fa toe fa nimeagne ahy reo, naho le hameako ze ndaty teako hameagne aze ka. ⁷A naho, mitongalike naho mitorogne ahy Rehe le ho Azo iaby zay."⁸Fe ie Jesosy nanoigne aze te: "Voasoratse te: 'Hidera ze Andriantompo, ho Andrianagnahareo rehe, le Ie raike avao ro ho torogneo."⁹Le mbe nindesen-drekoko avao ka ty Jesosy nandeha ta Jerosalema le natao'e amy ty fara'e ambone amy ty anjomba fivavahagne, le norehafe'e hoe izao te: "Naho te anak'Andrianagnahare Rehe, le akopao boake ambone etoy ty vatao,¹⁰ fa toe fa sinoratse te: 'Handily ty anjeli'e amao Reke, le hiaro Azo,' ¹¹le iareo hagnandriagne Azo amy ty tanae, le tsy ho voatsikamba ty vato ty fandia'o.'"¹²Le nanoigne zao ty Jesosy tihoeke: "Fa natalily te: 'Tsy hangalake ty fagnahin'Andriantompo Nagnahareo rehe."' ¹³Naho fa nivita ty alake fagnahy nata ty kokolampogne i Jesosy, le nandeha reke naho nienga Aze mandra-piavia ty fotoagne hafa ka.¹⁴Le Jesosy niheregne ta Galilia ndese ty hery ty Fagnahy, le ty talily mahakasike Aze le fa fonga nirey ty faritse iabike nagnodidigne. ¹⁵Le nanomboke nampianatse ty Synagoga'e iareo Reke naho le nitea ty ndaty.¹⁶Nandeaha a Nazareta, amy ty tane nibeiza'e Reke, naho ty raha fatao'e, le nilitse agn'anjomba fivavahagne ao amy ty andro Sabata Reke le nijohagne hamoy saontsy mafe. ¹⁷Natolots'Aze ty saresare ty taratasy i Isaia mpitoky. Nanokake i bokey Reke le vazoho'e ty toeragne nanoratagne izao,¹⁹Amako ato ty Fagnahy i Andriantompo, toe jinobo'e Raho hitsara talily soa ho'e ty rarake. Ie ro nagnirak'Ahy hagnafake ty gadra, naho hampatrea indraike ze goa, hagnaha ze mitoreo, ¹⁸hitalily ty taogne haliovagne fo amin'Agnahare."²⁰Le nahoro'e taratasy nahere'e amy ty mpitareke fivavahagne, le niambesatse Reke. Ty maso ty ndaty ty Synagoga'e agn'anjomba tao le nandrendreke Aze iabike. ²¹Le nisaontsy ama iareo tihoe Reke: "Androany ty hilefe'a izay Soratse Masigne nirey areo izay." ²²Fa ty ndaty iaby tao le nirehake soa ty miomba Aze naho nilatsa ty rehake soa notsarà'e, le nagnontane Aze te: " Tsy anadahy i Josefa ay vao toy io?"²³Reke nanao izao ama iareo te: "Fa haiko te hanao fagnoharagne hoe izao amako nareo te: 'Dokotera, tahao ty vatao. Fa ndra inogne ndre inogne ty raha niony ay natao ta Kapernaomy, le manoa ho'e zay ka amy ty tanà'o."'²⁴ Fa ie zao hoa Reke: "Ataliliko anareo, fa tsy misy mpitoky maregne amy ty misy aze."²⁵Fe ie ambarako soa anareo fa maro ty ampela vantotse ta Israely tamy ty andro i Elia, naho fa nihily agnate ty telo taogne naho enem-bolagne i lanitse ey, le niavy ty kere raha tsy tan-tane tamy ze kila tane. ²⁶Fe ie Elia tsy tamy ty tane misy zao ndre raike, fa ta Zerapata ta Sidona avao, tamy ty vantotse ze nitoboka agne. ²⁷Fa maro ty boka ta Israely tamy ty andro i Elisa mpitoky, fe ie le tsy nisy niafa'e ndre raike naho tsy Namàna Nte Syriana avao."²⁸Ze ndaty iabike tamy anjomban'Agnahare ey tao le nimate ty heloke naho fa naharey o raha aby zao. ²⁹Nitsangagne iaby iareo le nandrara Aze hisintake tanàgne ey, le nasio iareo amy ty vohitse amy misy ty tanà iareo, hampitotagna Aze an-tevagne agne. ³⁰Fe ie nitsile ampo i maro oy ao Reke le nignavelo an-tany hafa.³¹Le nizotso ta Kapernaomy agne Reke, amy ty tanàgne raike à Galilia agne, le nanoro lalan-kavelogne iareo ka Reke ama ty andro Sabata. ³²Iareo tao le nilatsa amy ty fagnanaragne natao'e, fa nitsara amy ty heri'e Reke.³³Le nisy lahy raike niziliha ty fagnahy raty ty kokolampogne te agn'anjomba fivavahagne tao, le nihorentsegne mafe reke nanao izao tihoe: ³⁴"Ah inogne ty raha hiaroantika, ry Jesosy Ntenazareta? Niavy hampidemodemoke anay vao Iheo? Fantako anio te ia Reheo- Itokagne Masin'Agnahare ey!"³⁵Jesosy nandrara kokolampogne ey, nanao izao te: "Mitsigna le miafaha amae ao!" Naho fa nanorake i lahy naho nanonta aze agnivo eo kokolampogne ey, le niala amae, tsy nahavita ndre ty nampitey lio aze. ³⁶Nilatsa iaby ty ndaty tao, le tsy nitapake ty safiry zao. Nirehake izao iareo tihoe: "Ty saontsy manao akore izay io?" Lili'e amy ty fahefa'e naho ty heri'e ty fagnahy raty le niakatse." ³⁷Ah izao raha nisy zao le fonga naharey izao laza'e izao iaby ze faritse nifankarine.³⁸ Nienga i anjomban'Agnahare ey ty Jesosy le nilitse tan-tragno i Simona ao. Nosahiragne ty tazo mahery ka ty rafoza i Simona ampela, le nangatake ty hivia'e amy iareo ao. ³⁹Le nijohagne miatreke aze eo Reke le nandara i aretegne ey, le niafaka amae izao. Avy le nitsangagne reke naho nitorogn'Aze.⁴⁰Naho fa ny hariva i andro'y, le sambe ninday ty ndaty iaby marary ty aretigne maro sambe hafa tamy Jesosy teo iaby ndaty rey. Nagnomey ty fitae ama iareo tsikiraike teo Reke nitaha iareo. ⁴¹Ty kokolampogne tamy iareo tao ka le niakatse ama iareo ao iabike, nikorake mafe nanao tihoeke iareo te: "Ihe ro Anak'Andrianagnahare!" Fie Jesosy nandrara i kokolampogneey naho tsy nampirehake iareo, fa toe hay iareo te Reke ro Kristy.⁴²Nagnalegnalegne, nagnavelo amy ty tane tsy misy ndaty Reke. Maro ty ndaty nipay Aze namonjy ty toeragne nisy Aze. Natao iareo ze fomba hitanagne Aze tsy hienga iareo. ⁴³Nisaontsy tihoe izao ama iareo Reke te: "Hagnombara talily soa miomba ty fanjakan'Agnahare amy ty tanagne hafa Raho, fa toe izay ty nagnirahagne Ahy atoy. ⁴⁴Niavy eo Reke le nagnonjogne ty fagnombara'e amy ty anjomban'Agnahare notsitsie ty Jodia.

Chapter 5

¹Le izao ty raha nisy, naho fa nivory agnila i Jesosy eo ty ndaty maro nitsandregne ty saontsin'Agnahare, le nijohagne agnila ty sikala i Genesareta eo Reke. ²Nahavazoho sambo kede amy moro sikala ay Reke. Fa niakatse tao mpanjono rey fa nanasa ty arato iareo. ³Niditse amy sambokede, ey Simona ay le nangatake amae hampijogna Aze an-drano lavitse i tanete ey. Niambesatse Reke nanoro lalan-kavelogne ze ndaty ivela i sambo kede ey.⁴Naho fa nivita izay, le niaontsy amy Simona tihoeke Reke: "Aisiro amy ty laleke soa lakao le ajogno amizay arato areo oy hahazoa'areo fiagne maro." ⁵Simona nanoigne Aze izao te: "Ragnandriagne, fa laha niankale anio zahay, fa le noly avao, fe ie naho ty tsarao, le hoazotsoko i aratoy. ⁶Naho fa natao iareo izao, le nahavory fiagne laialegne, le niriatse ty arato iareo. ⁷Le nikoike ty ragne'e am-po ty sambokede hafa iareo hagnampe iareo. Le niavy iareo le nameno i sambokede roe iareo, lefa ho ny hileteke iareo.⁸Simona Petera naho fa nahatrea izao, le nihohoke amy ty fandia i Jesosy, nirehake izao te: "Misintaha ahy, fa ndaty behakeo raho."⁹ Fa nahalatsa aze, naho ty nindre ama'e ty habey ty fiagne niazo iareo. ¹⁰Tagnate izao ty Jakoba naho i Jaona, ana i Zebedio, miharo asa amy simona. Jesosy nanao izao amy Piera te: "Ko matahotse rehe, fa ndaty ka ty tarihio hinanikeo." ¹¹Naho fa nindese iareo niala amy rano'y ty sambokede iareo, le nenga iareo iaby ze raha tao fa nandeha nagnorike Aze.¹²Naho mbe tamy tanagney tao Reke, le nisy lahy boka izay ty teo. Vaho nahatrea i Jesosy reke, le nihohoke naho nilalilaly Amae eo, nanao tihoeke: "Andriantompo, naho zoto'o, le liovo raho."¹³ Nahitsi'e i Jesosy ty fita'e le norambese'e reke, naho nisaontsy hoe izao te: "Zotoko, maliova rehe" le eo naho eo avao lefa niafake ty haboka'e.¹⁴Norara'e reke tsy hirehake zao ndre ama ia ndre ama ia, fa izao ty nambarae te: "Mandena amy ty lalao, miboaha amy ty mpisorogne le mindesa raha hasorogne ho fagnaliovagne azo, arake ty lily i Mosesy, hijoroa'o vavaolombelogne ama iareo."¹⁵Fie ty talily Aze le ndra vao maike niparitake amy i tanàgney avao, le ndaty maro ty niavy hitsandregne ty fagnanarae naho ninday ty arete iareo ho taha'e. ¹⁶Fa ie Reke le misintaka avao amy ty tane tsisy raha le mivavaka agne.¹⁷Tamy ty andro raike nagnoroa'e lalan-kavelogne, le nisy Fariseo naho ty mpampianatse lily nitoboke eo ze nirike amy ty tanàgne sambehafa amy faritane i Galilia naho Jodia, naho ty boake amy ty tanà i Jerosalema. Ty hery i Andriantompo ro tama'e ao hitaha'e.¹⁸Le nisy lahilahy maromaro niavy, ninday ajalahy raike kepeke amy ty fandrea'e, nanao ze fomba hindesagna aze hatao aloha i Jesosy eo iareo. ¹⁹Tsy nihay iareo ty hanjilihagne aze agnate'e ao fa maro ndaty, le nandeha amy ty tompo i tragno'y iareo, le nampikomake tafo i tragnoy iareo naho le nampizotso i lahy reketse ty fandrea'e, agnivo ty ndaty ao, agnoloha i Jesosy eo.²⁰Naho fa nahavazoho ty finoa iareo ty Jesosy, le nanao tihoeke: "Afake ty hakeo'o lahio."²¹ Sambe nametsevetse ampo'e ao mpahay lily naho i fariseo rey, le nanao izao te: " Ia vao ty lahy mirehake raty tiagne? Ia ty afake magnaha hakeo naho tsy Andrianagnahare raike avao?²²Niarofàna i Jesosy, ty raha vinetsevetse iareo, le notohine'e tihoeke te: "Nagnino nareo ndra magnontane izao an-troke eo? ²³Ty aia ro ndra ho mora rehaka aze: 'Afake ty hakeo'o' ke ty mirehake tihoe te: 'Mitroara le mandena?' ²⁴Fa ie ampafohinegne anareo fa ty Ana Ondaty le managne lily hagnaha hakeo amy ty tane toy, le ataliliko azo, mitroara, le ndeso ty fandrea'o le mandena antragno'o agne."²⁵Eo naho eo avao le nitsangagne nangalake ty fandrea'e miatreke iareo reke, niavy eo le nienga ty teo nandeha antragno'e agne, nagomey voninahitse an'Agnahare. ²⁶Nilatsa izao iabike ty ndaty teo naho le sambe nagnomey voninahitse an'Agnahare iaby ka. Nihondrahondra ty tahotse iareo, nirehake zao te: "Nahatrea sahatse tika ty androany."²⁷Tafara ze raha nisy zay le nagnavelo Jesosy, naho le nahatrea mpitake karatse atao Levy zay nitoboke amy ty tragno famorian-karatsey. Nirehake zao Reke tama'e te: "Orio Raho." ²⁸Le nitsangagne ty Levy nagnorike Aze, le nafoe iaby ty raha'e.²⁹Le nanao famahagne bey tan-tragno'e tao hoe'i Jesosy ty Levy. Maro ty mpitake karatse naho ndaty hafa niharo latabatse ama'e niharo fihinagne tamy iareo. ³⁰I Fariseo naho i mpanoratse lalàgne rey nitoreo tamy mpiana'e rey te: "Nagnino Iheo ro ndra miharo fihinagne amy ty mpitake karatse naho ty tsy vokatse maro toa ao?" ³¹Le nanoigne zao ty Jesosy tihoeke: " Tsy mila dokotera anio ze jaramba; fa ze siloke avao. ³²Tsy niavy hikoike ze maren-tane ho Raho, fa hiantso ty tsy vokatse amy ty fibebahagne."³³Le hoy iareo tama'e te: "Iareo mpiana i Jaona le mateteke mifaly hanegne naho mivavake, ty Fariseo ka le nanao hoe izao avao ka. Fie ty mpianao le mihinagne nao misotro." ³⁴Jesosy nirehake zao te: "Misy ndaty vao mahavita tsy mampihinagne hanegne ty longo ty mpamokatse naho mbe amy iareo eo i mpamokatsey? ³⁵Fe ie hoavy ty andro hangnafahagne ty mpamokatse izao amy iareo eo, le amy izay vao hifaly hanegne iareo."³⁶Le nanao fagnoharagne tamy iareo ty Jesosy te: "Tsy misy ndaty mandriatse antsasa ty lamba'e vaovao le mampiasa izao amy ty lamba'e fa taloha. Naho manao izao reke, le manimba ty lamba vao'e, ty tapa i lamba vao'ey ka tsy hifagnorike amy lamba fa raty'ey.³⁷Tsy misy ndaty hagnisy divay ty siny holitse fa niasa ela. Naho manao izao reke le, naho manao izao reke le hampitriatse i holitsey i divay vaovao'y, le ho longagne i divay, le ho simba ka i siny holitse'y.³⁸ Fa ty diva'e vaovao le tsy maintsy hatao agnate ty siny holitse vaovao. ³⁹Tsy misy ndaty boake ninogne ty divae taloha le hipay ty vao'e, fa hanao zao reke te: " I taloha'y ro soa."

Chapter 6

¹Le naho fa ny Sabata le nandeha an-tanembare'y ty Jesosy le i mpiana'e rey nangalake ty salohim-bare, le nikoseke izao an-tanà'ey le nihinagne ty vokatse. ²Ty ila'e tamy iareo Fariseo nirehake tihoe: "Manao akore nareo tsy manao raha amy ty tokoe ho ie ro ndra manao izao amizao andro Sabata zao?"³Izao ty natoy Jesosy teo fa nikere reke: "Mbe tsy vinaky areo vao ty raha natao i Davida nah iareo naho ty lahilahy nindre ama'e? ⁴Nizilike an'anjomban'Agnahare ao reke, le nandra'e ty mofo ty fagnatrehagne naho nikama kedekedeke amizao, le namea'e kedekedeke tamizao ka ty lahilahy nindre tama'e hihinagne amizao, ty mpisorogne avaoro orihe ty lily naho mihinagne amizao. ⁵Naho ny avy teo le nanao izao Reke tihoe: "Ty ana o'ndaty ro tompo ty Sabata."⁶Tamy ty andro Sabata hafa ka le niditse ta Synagoga tao Reke le nampianatse ty ndaty tao. Nisy lahy mate tanagne havanagne zay ty tao. ⁷Niambegne soa Aze avao i mpanora-dalàgne naho fariseo rey hahavazoho te hitsabo ndaty amy ty andro Sabata ka Reke, mba hahafaha iareo hizaka Aze. ⁸Fe ie niarofàna'e ty raha agnate ty say iareo le izao ty norehafe i Jesoa tamy lahy maty tanagney te: "Mitsanagàna le miavia agnivo ty maro etoa." Le nitsangagne i lahy le nijahigne teo."⁹Jesosy nirehake zao te: "Magnontane anareo Raho, mete amy ty andro Sabata vao ty fanoagne soa ke ty raty, ty manavotse fiaigne va ke ty mamoteke aze?" ¹⁰Le nitolike ty magnodidign'aze iabike Reke le nirehake tamy lahy te: "Ahintsio ty tagna'o" le nanao izao reke, le nisitragne ty tagna'e. ¹¹Nimate ty heloke iabike iareo le nifampirehake mahakasike ty tokoe hatao iareo amy Jesosy.¹²Tamy o andro zao le nandeha am-bohitse agne Reke hivavake. Notohiza'e le nihalegne avao ty fivavaha'e tamin'Agnahare. ¹³Naho fa ny maray, le nitoka i mpiana'e rey hoama'e eo Reke, naho nijibogne ty folo roa ambe tamy iareo, le notokavy'e te Apostoly.¹⁴Ty agnara o'Apostoly reo le Simona (nantsoegne te Petera) ty rahalahi'e Andrea, Jakoba, Jaona, Filipo, Bartelemeo, ¹⁵Matio, Tomasy, Jakoba anaka lahy i Alfeo, Simona antsoegne te Zelota, ¹⁶Jodasy ana i Jakoba, le i Jodasy Iskariaota, nanjare mpifotetse.¹⁷Boakeo Jesosy nizotso boake ambohitse'y nindre amy iareo le nitsangagne amy ty tane maregne reketse i mpiana'e rey naho ty ndaty maro boake Jodia naho Jerosalema naho ty boake amy ty moro i Tyro naho Sidona.¹⁸ Niavy teo iareo mba hitsanogn'Aze naho ty mba hitsaboagne iareo. Sitragne iaby ka ndre ty ndaty trinobo ty fagnahy raty. ¹⁹Ty ndaty iaby teo le nipay lalagne ty hitsapa Aze fa nikatse tama'e ty hery magnitra, le nisitragne iaby iareo.²⁰Le nitolike amy mpiana'e rey Reke, le nirehake tihoeke: "Haha nareo ze rarake, fa hoanareo ty fanjakan'Agnahare. ²¹Haha ze kere amy hinane zao, fa ho vontsigne nareo. Haha nareo ze mitagny hinaneo, fa hihehe nareo.'²²Haha nareo ze heje o'ndaty, irihia'iareo naho haratie iareo, noho ty amy ty Ana o'Ndaty. ²³Mifalefalea amy zao andro zao le mirebeha, satria ho azo antoke fa hadrae valenkasoa boak'andanitse agne nareo, fa manahake zay ty nindesa o razagneo o'mpitoky reo.²⁴Fa ho hakeo areo managne vara, fa fa niazo areo ty raha nampalio fo anareo. ²⁵Loza'areo ze vontsigne amy o hinane zao, fa mbe ho keré nareo naho fa afara agne. Loza'areo mihehe amy hinane zao, fa hisaona naho hitagny nareo naho fa afara agne.²⁶Loza'areo, naho fa magnombara raha soa ama'areo ze kila o'ndaty, fa toe manahak'izay ty natao ty raza'iareo tamy o mpitoke sandoke reo.²⁷Fa magnombara anareo ze mitsanogne Raho, miragneta ty fahavalo'areo le manoa soa amy ty malaigne anareo. ²⁸Tretrezo ze magnozogne anareo le mivavaha ho'e ze manao tsinontsinogne anareo.²⁹Naho misy mijera ty fifio raike, le ameo aze ka ty raike, naho misy mitavagne ty lambao, le ko azitse ndre ty fisikio. ³⁰Ameo aby ze mangatake amao. Naho misy mangalake ty raha'o, le ko milalilaly ty hagneregnagne izao amao.³¹Manahake ty raha irie'o hatao ty ndaty amao, ro tokoe hatao ka amy iareo. ³²Naho ze ndaty tea azo avao ro ho teao, inogne ty soa ho azo'o amizao? Fa ndre ty ndaty tsy vokatse aza le tea ty tea aze ka. ³³Naho ty ndaty manao soa amao avao ro hanoa'o soa, le inogne ty soa hoazo'o amizao? Fa ndre ty tsivokatse ka le manao manahak'izay. ³⁴Naho tsy hampitrosa naho tsy ndaty mahavake izao amao avao rehe, le inogne ty soa hoazo'o amizao? Fa ndre ty tsivokatse le mampitrosa avao amy ty tsivokatse, hahazoa'e raha manahak'izay avao.³⁵Fa mamio ty fahavalo'areo le manoa ty soa amy iareo. Mampitrosa le ko mitamà ty vale'e le ho bey ty valesoa hoazo'areo le ho ana ty Andidimbonegne agne nareo, fa Ie vata' le soa fagnahy amize ty tsy misaotse naho ty ndaty raty fagnahy.³⁶ Miferegnesa manahake ty Rae'areo mpiferinaigne.³⁷Ko mitsara, le tsy ho tsaragne nareo. Ko magnomey tahegne, le tsy homean-tahegne, votsoro ty hafa, le hovotsoragne ka nareo.³⁸Magnomeza, le omeagne anareo ka izao. Ty matarike - atao vatae, mindre ahetseke le mitoborogne - ro ho ahiligne ampofoao eo. Arakarake ty fatra areo, ro hamaragne anareo hoe zay ka.³⁹Le nanao fagnoharagne ho'e iareo Reke. "O vao ty goa afake hitarike goa hafa? Nao manao izao iareo tsy ho tota agnate ty aly iaby iareo roe, ke tsie? ⁴⁰Ty mpianatse raike le tsy bey noho ty mpampiana'e, fa ze nahavita ty fiofana'e le ho hambagne amy ty mpampiana'e.⁴¹Nagnino ihe mahatrea ty hatà kede agnate ty maso ty rahalahio, fie tsy mahatrea ty hatà bey miebagne agnate ty maso'o? ⁴²Ty akory ty irehafao ty rahalahio tihoe: "Votsoro raho rahalahe, hangafake ty hatà kede amy ty maso'o tiagne,' fe ie ndra ty bey amao tsy le tsy trea'o? Ry piso mpagnaja hoho! Afaho agnate ty maso'o ao hey ty hatà bey, le hahaonigne soa rehe le afake ty hatà kede agnate ty maso ty rahalahio.⁴³Fa tsy misy hata soa hamokatse voa raty, na hazo raty hamokatse voa soa. ⁴⁴Fa ty hatà tsikiraike le fantatse avao amy ty voa maro vokare'e. Fa tsy afake hipay voan'adaro amy ty fatike ty ndaty, na hangalake voaloboke ama ty hatà voaroy.⁴⁵Ty ndaty soa le mamokatse soa amy ty hareagne soa ty fo'e, le ty ndaty raty mamokatse raty boake amy ty hareagne raty ty fo'e. Fa ze aboa'e ty fo'e ro rehafe ty vava'e.⁴⁶Magnino nareo mitoka Ahy: 'Andriantompo, Andriantompo,' mone izao ty raha tsarako tsy orihe areo? ⁴⁷Ty ndaty iaby miharine Ahy naho mitsanogne ty rehako le magnorike izao, le ambarako anareo te manahake ty inogne reke. ⁴⁸Manahake ty ndaty nagnamboatse tragno reke, le nihaly laleke ty tane hagnoregnagne foto-tragno ambone ty vato. Naho fa niavy ty oragne nanjare ranobey, le nagnaly lalagne handrodagne o tragno zao, fa le tsy hampagninogne aze, satria soa ty foto'e.⁴⁹Ze ndaty nitsanogne ty tsarako fa ie tsy nagnorike izao, le hanahake ty ndaty nagnorigne tragno ambone ty tane tsy nagnisy fototse. Naho fa niavy handrodagne o tragno ty rano bey, le ho rava amy inge avao izao, le tsy ho ei sasa o tragno zao."

Chapter 7

¹Naho fa nahavita saontsy niaholo ndaty teo ty Jesosy, le nizilike ta Kapernaomy Reke.²Le nisy kapitene raike nanagne mpitorogne izay nihasia'e, narary le fa raty zay. ³Naho fa naharey ty talily mahakasike i Jesosy reke, le nagnirake ty lahibey Jiosy ho Amae agne, hangataka Amae ty hiavia'e hitaha ty mpitoro'e. ⁴Le naho fa niavy tamy Jesosy eo iareo, le nilalilaly tamae, nanao tihoeke: "Evà ty hatao'o izao amae reke, ⁵fa toe tea ty tanendraza'ay, le mbe i reke avao ka ty nagnamboatse anjomban'Agnahare ho anay."⁶Le nionjongne nindre amy iareo ty Jesosy. Le naho mbe ni-lavitse i tragnoy Reke, le nagnirake ajalahy i kapiteny hirehake Amae tihoeke: "Andriantompo, ko manahiragne ty vatao Rehe, fa tsy fagnevako ty izilihao amy ty tragno misy ahike. ⁷Izao le nanao izao ty vetsevetseko te tsy fagneva ty vatako ro hiharine Azo, fa misaontsia saontsy raike le ho sitragne ty mpitorogne ahy. ⁸Ndre raho ka le lahilahy mbe ambane fahefagne, managne miaramila mbe ambaneko avao ka. Hoa raho tamy ty raike toy te: 'Mandenà,' le mandeha reke, le amy ty raike hafa ka: 'Mbetoa,' le avy reke, le amy ty mpitoroko ka te: 'Ano'o toy' le atao'e zay."⁹Naho fa nahaonigne izao Jesosy, le nilatsa amae Reke, le nitolike amy ndaty maro nagnorike Aze nanao tihoeke: "Ataliliko soa anareo, fa ndre ty ta-Israely le tsy nahatreavako fiantofagne manahake zao." ¹⁰Naho fa niheregne ta-tragno agne ze nirahegne hoagne, le nahavazoho fa jangagne soa i mpitorogney.¹¹Tafara izay tsy niela avao, le nandeha amy ty tanagne tokavigne Naina zay Jesosy, nindre tamy ty mpianae naho ty ndaty lahialegne. ¹²Naho fa narine ty lala i tanàgney Reke, le nisy lahy nivilasy fa nindesegne niakatse, anake lahy heka ty rene'e (fa tsy amy ty vali'e), le ndaty maro boake amy tanàgne ty nindre amae.¹³ Naho fa nahavazoho aze ty Andriantompo, le nirotike ty arofo'e nanao tihoeke: " Ko mitagny" ¹⁴le nanganike Reke nitsapa i vata misy i volamena ay, le nijanogne i ninday aze rey. Hoa Reke te: "Ie zao kahe, manao zao amao Raho, mifohaza." ¹⁵Le nitsangagne i nimate'y nahavita nirehake, le i Jesosy nanese aze aman-drene'e ey.¹⁶Le nindra ty taho'iareo, le sambe nagnonjogne ty fisaoragne an'Agnahare nirehake tihoe: "Mpitoky bey ro natroatse ho amy tikagne eto" le "Andrianagnahare ka nitretrea ty tarira'e." ¹⁷Ty talily mahakasike i Jesosy toy le nirey sikala a Jodia naho ty faritse iabike narine aze.¹⁸I mpiana i Jaona rey nitalily amae miomba o raha reo. ¹⁹Le nitoka roe amy mpianae rey ty Jaona le nagnirake iareo ho amy i Andriantompo hirehake tihoeke: "Ihe vao linigne'o, ke mbe tokoe hagnente hafa ntikagne? ²⁰Le naho fa niharine i Jesosy iareo, le hoe natao i lahy rey te: "Jaona mpampiandro nagniraka anay Amao atoy io hagnontany tihoe: 'Ihe vao linigne'o, ke mbe tokoe hagnente hafa ntikagne?'"²¹Tamy zao lera zao le nagnaha ndaty maro ama ty aretegne, toreo naho fijaleagne boake amy ty fagnahy raty Reke, le ndaty goa maro ro nampahatreave'e. ²²Nanoigne iareo tihoeke Jesosy te: "Naho fa boake amy ty lalagne nomba'areo nareo, le atalilio amy Jaona ze nioniareo naho ty nirey areo. Nahatrea ty goa, nandeha ty kepeke, nalio ty boka, naharey ty karenegne, nivagnombelo ty nimate, le nagnombaragne talily soa ze ndaty agnate ty tsy fisiagne. ²³Haha ze ndaty tsy mijanogne miantoke Ahike amy ze kila raha ataoko."²⁴Naho fa nandeha ndaty nirahe i Jaona rey, le nisaontsy amy ndaty maro miomba i Jaona tihoe Jesosy: "Hagnente ino ty niakara areo andiolio agne? Bararata naezegneze ty rivotse vao? Ndra hagnente inogne ty niboaha'areo agne? ²⁵Lahilahy nihamigne soa vao? Henteo, fa ze magnisy akanjo lafo vily naho iareo miaigne amy ty fiainagne soa fa le amy ty anjomba ty mpanjaka ao. ²⁶Ndra hagnente ino ty niboaha'areo agne? Mpitoky vao? Eka, hoa Raho ama'areo, fa ie le mbe mandako ty mpitoky.²⁷Ie ro fa sinoratse tihoe te: 'Ingo, halefako hiaolo azo ty mpinday ty hafako, izay hanomagne ty lalao mialoha azo.' ²⁸Ataliliko anareo, fa ama areo nasama ty ampela le tsy misy bey nao oharegne ama i Jaona. Fa ie ty farae kede amy ty fanjakan'Agnahare ro bey naho reke."²⁹(Naho fa naharey zao ze ndaty iabike, ty mpitake karatse, le nagnombara fa maregne ty Andrianagnahare, fa toe niandro amy ty fampiandro i Jaona iareo. ³⁰Fa ie iareo Fariseo naho iareo mpahay lily Jiosy rey le nandietse ty vetsevetsen'Agnahare ho'e ty vata'iareo, fa toe tsy nampiandro i Jaona .)³¹"Amy ty inogne, ro mete ampanahafeko ty tarira ty ndaty toa? Manahake ty inogne igny iareo? ³²Manahake ty ajaja mihisa antsena ao iareo, zay mitoboke naho mifampitoka mirehake tihoe: 'Nitioka soly hoanareo zahay, fie tsy nitsinjake. Nibeko tama'areo zahay fie tsy nitagny nareo.'³³Fa Jaona mpampiandro niavy tsy nihinagne mofo naho divay, le hoe nareo te: Misy kokolampogne reke.' ³⁴Ty Ana Ondaty niavy nihinagne amy ty mofo le hoe nareo te: 'Henteo fa mahavetse naho mpinogne Reke, ragne'o mpitake haga naho ty tsivokatse!'³⁵ Fa ty hilala le fa voamaregne amy ty anae iabike."³⁶Le ty raike tamy Fariseo rey nampandroso i Jesosy hindre hikama amae. Le naho fa nilitse tantragno i Fariseo'y tao ty Jesosy, le niambesatse nikama ambone latabatse. ³⁷Indroa nisy ampela raike tsivokatse an-tanagna eo. Naho fa nioni'e te fa niambesatse amy lataba i Fariseo'y Reke, le ninday fitovy nifeno menake magnitse reke. ³⁸Le naho nitsangagne tafarae narine ty fandia'e reke, le nitagny nampipopoke ty ranomaso'e hahalegne ty tomboe, le finafae tamy ty volo'e naho le norokorofae, le nagnosotse zao tamy mena'e magnitsey.³⁹Naho fa nahatrea izao i Fariseo nampandroso i Jesosy, le nametsevetse an-troke te: "Naho toe ny mpitoky ty lahy toy, le nifanta'e te ampela manao akore o miozaoza Amae eo, te tsivokatse."⁴⁰ Jesosy nanoigne aze nisaontsy tihoeke: "O Simona, misy raha ambarako amao." le hoareke te: "Ambarao izao, mpampianatse."⁴¹Jesosy nisaontsy hoe izao te: "Teo ty mpampitrosa nanagne mpitrosa roe lahy. Ty raike tokoe hagnavake lime anjato denaria, ty raike lime ampolo. ⁴²Naho fa sambe tsy nahavake izao tamae iareo roe lahe le sambe nenga'e agne izao. Naho izao, le ia amy iareo roelahe areke ro loe ho tea Aze? ⁴³Simona nanoigne Aze nanao tihoe: "Tsy ho ny hanavake bey ie." Le hoe ty Jesosy amae te: "Maregne ty tsarao."⁴⁴Nitolike amy ampelay ty Jesosy le nirehake amy Simona te: "Onio ty ampela tiagne. Nilitse an-tragno'o atoa Raho, tsy namea'o rano hanasako ty tomboko, fa ie nampipopoke ty ranomaso'e handegnagne ty tomboko le namafa izao ama ty volo'e. ⁴⁵Niavy Raho tsy norofao, fa ie le tsy nitofa ty nagnoroke ty tomboko.⁴⁶Rehe tsy nagnosotse diloilo ty lohako, fa ie le menake magnitse ty nosorae ty tomboko.⁴⁷ A izao le ataliliko azo fa, ty hakeo'e lako le afake amy ty habey ty fitea'e. Fa ze nahafahagne kede, le kede hatea."⁴⁸Le hoa Reke amae te: "Afake ty hakeo'o."⁴⁹ Iareo ze niaro toboke teo le sambe nifangnontane tihoe: "Ia Intoy afake magnaha hakeo?" ⁵⁰Le hoe ty natao i Jesosy amy i ampelay te: "Ty finoa'o ro naharombaka azo, mandenà aman-kasoa."

Chapter 8

¹Tafara izay le namonjy tanagne maro naho vohitse maro isan-karazae ty Jesosy, nitalily naho nisaontsy fagnombara soa mahakaseke ty fanjakan'Agnahare. Nindre amy iareo roambefolo lahy, ²manahake o ampela ilae niafake amy ty fagnahy raty naho ty aretegne: Maria notokavigne te Magdalena, ty fa nagnakaragne kokolampogne fito, ³Johana, valy i Koza mpandrae ty raha alakany i Heroda, le i Sosana; naho ty maro hafa iaby, zay tamy ty fanagna iareo, le nagnomey izay nilae iareo.⁴Naho mbe nisy ndaty maro nivory, le niavy niharine Aze ty ndaty tsikiraike boake amy ty tanàgne misy aze, le nanao fagnoharagne reke te: " ⁵Nisy mpambole niavy hamafe ty voa'e. Naho fa reke namafe le nahazo ty sisy i lalagney ty ilae, le nivoalialia izao, le nizamane ty vorogne. ⁶Fa ty ilae ka nifafe tamy ty vato, fe ie vaho nitiry, le nikorefotse naho fa tsy nilegne.⁷Ty ilae nahazo ama ty tsilo, le nindre nitiry reketse i fantikey i voa zay ndra namehe aze. ⁸Ty ilae nahazo ama ty tane mamokatse le nagnomey vokatse soa raha tsy tantane." Tafara i Jesosy nitsara o raha maro reo, le nihorentsegne mafe Reke nanao tihoeke: "Ze managne sofigne hitsanognagne, le mitsanogna."⁹Nagnontane Aze i mpianae rey ty amy ty tea'e ho ambara amizao fagnoharagne zao. ¹⁰Le hoe Reke te: "Fa nomeagne anareo ty fahafantaragne ama ty raha mietake amy ty fanjakan'Agnahare, fa hoe ty ilae le manao fagnoharagne Raho, mba tsy hahaonigna iareo ndre ty iareo mahaonigne, le tsy ho fanta iareo ndre ty rei'e."¹¹Le izao ty ombà i fagnoharagne zay: Ty voa le saontsin'Agnahare. ¹²Ty nifafe an-dalàgney le iareo ze naharey, fie nanjary ny kokolampogne le nandrae ze rehake tagnate ty fo'e ao, mba tsy hinoa'e le tsy ho tra-drombake iareo. ¹³Le iareo tama ty vato rey, naho fa naharey i saontsy, le nandrae zao an-kafaleagne. Fa ie tsy misy fototse, tsiela avao ty finoa iareo, le naho avy ty fotoagne hanoagne tsokevetse iareo le ho poke iareo.¹⁴Ze voa nifafe tama ty tsilo zay le iareo ze naharey ty saontsy, fa naho fa nandeha amy ty lalae iareo le finehe ty varae naho ty fikaramagne naho ty raha soa amy ty tane toy, le tsy nisoa ty voa'e. ¹⁵Fa ty voa nafafe tamy ty tane soa, le iareo naharey saontsy amy ty fo maregne naho soa, le iareo ze mitagne zao soa le namokatse zao am-paharetagne.¹⁶Le tsy misy ndaty mamelogne jiro, le tinako'e amy ty rako'e na hanao izao ambane fandriagna agne. Fa hanao izao amy ty toeragne fisiagne jiro, mba ho talake ty maro ze militse ty hazavagne. ¹⁷Toe tsy misy raha avony tsy hiboake, ndra raha ahetake natao tsy ho fantatse le hiboake amy ty raha mazava. ¹⁸Le mitsanogna soa ze managne, le mbe hotoloragne ze beibey, fie ze tsy managne ka, le ndra ty raha tama'e ho azo'e le mbe hoafahagna amae.''¹⁹Niaveo ty rene'e naho ty rahalahi'e niharine Aze, fie tsy niafake ty niharine Aze noho ty hamaro ty ndaty. ²⁰Le nisy nagnombara Aze te: "Ty reneo naho ty rahalahio miambegne Azo an-tany ao, te hahavazoho Azo. ²¹Jesosy nanoigne iareo tihoeke: "Reneko naho rahalahiko ka ze mitsanogne ty saontsin'Agnahare naho ty manao izao."²²Ndraike andro le nijogna amy ty sambo kede Reke reketse ty mpiana'e, le Reke nirehake izao tamy iareo tihoe: "Handeha tika hoandafy sihanakey." ²³Le nandeha iareo. Le naho fa nandeha ingy iareo le niazon-droro ty Jesosy. Le nisy rivotse bey niavy amy sihanakey, le nifeno rano i sambokedey, le fa alokalofe ty raha loza iare.²⁴Le nadeha mbamae teo iareo mpianae hamoha i Jesosy, nanao tihoe: "Andriantompo! Andriantompo! ho mate ntika!" Le nifoha Reke le nirehake mafe i rivotsey naho ty onja i ranoy, le nijanogne, le nikepake soa ty tamy iareo. ²⁵Le nirehake tamy iareo Reke te: "Aia ty finoa'areo?" le nihondrahondra ty tahotse iareo. Natahotse ro niveren-draha iareo, le nifagnontane tihoe: " Ia moa o lahio, ro ndra rano ndra ty rivotse rarà'e le mete iabike."²⁶Naho fa nahazo ty faritse i Gerasena, mifagnila amy ty sihana i Galilia. ²⁷Le naho fa tambonem-bongo ey ty Jesosy, le nifanalaka amy ty lahilahy raike boake an-tanagne misy kokolampo zay. Le fa ela ty tsy nisikina'e naho ty tsy nitoboha'e agnate tragno fa lefa tan-kibory tey avao.²⁸Ie nahatrea i Jesosy reke, le nikorentsegne mafe agn'ampeo naho nihohoke nanao tihoeke: "Inogne ty raha ifandrambesako amao Jesosy, Ana i Andidimbonegne agne? Feregneso raho, ko ampijaleagne raho." ²⁹Le Jesosy nandrara o fagnahy ratio hiala amy o lahio. Fa fa niela ty nahazoa'o lahy io zao, le ndre ty finatotse tamy ty rojo vigne reke handroizagna aze, le pinotepote'e iaby o rojo'o le mbe nindese ty raha amy ty tane tsy trea maso iaby reke.³⁰Jesosy nagnontane aze te: "Ia ty agnarao?" Le hoareke te: "Legiona," fa toe fa maro ty kokolampo nilitse amae. ³¹Fa o kokolampo reo nangatake Amae ty tsy hagnariagne aze andavake lalike agne.³²Le nisy lambo maro nihinagne tagnila i vohitsey. Le nangatahae i kokolampo rey Amae ty himoake amy io ao, le nimete ty Jesosy. ³³Le niakatse tamy o lahio i kokolampo rey le nifindra tamy lambo rey, le nibaratsiake nilay ampo ty haly i lambo rey le nitonta agnate ty sihanake le nimate.³⁴Naho nahavazoho ty raha nisy teo i mpiraoke i lambo rey, le nivoratsake nilay naho le nitalily zao tatonda agne. ³⁵Izao le niakatse iaby ty ndaty tan-tanàgneo hagnente zao raha nisy zao, le niharine i Jesosy iareo le nahatrea i lahy raike niakara i kokolampogney. Le i lahy nitoboke agnila i Jesosy teo, nisikigne naho fa nahilala, le nanjare natahotse aby iareo.³⁶Le iareo ze nahatrea izao le nitalily ty fomba nahasitragne i lahy nilira ndrekoko'o. ³⁷Le ze ndaty fokoa iareo Gerasena le nangatake ty hisintaha i Jesosy amy iareo eo, fa nititititike ty tahotse iaby iareo. Izao le nandeha amy ty sambo kede Reke mba hafahae iareo hiheregne.³⁸I lahy raike niazo ty kokolampogney nangatake ty himetea'e fa hindre amae, fie Jesosy nagnirake aze nirehale izao te: ³⁹"Miheregna an-tragno'o agne le agnombarao ze raha nisy iabike ty nataon'Agnahare amao." Le i lahy le nandeha amy ty lalae, le nitalily zao tamy ze tanàgne iabike arake ty nampanoa i Jesosy aze.⁴⁰Le naho fa niheregne ty Jesosy, le nandrae Aze ze ndaty tao, fa toe fa nandigne Aze ka.⁴¹ Le ingo, nisy lahy natao Jairo zay, raike amy ty mpitarike ta Synagoga ao, le niharine naho nihohoke amy ty fandia i Jesosy, le nangataka Aze ho mbamae an-tragnoe agne, ⁴²fa ty anan-kampela'e heka'e, ampela mbe folo taogne roe ambe, lefa marine ho mate. Le naho fa nandeha amy ty lalae ty Jesosy, le nifampisisike magnodidigne Aze iaby ze ndaty tan-tanàgneo.⁴³Le nisy ampela raike fa nagnare ty lio'e fa agnate ty roambifolo taogne ty teo ro fa nampikintsigne ty volae iabike, [Fanamarenagne: Ze ndaty managne ty fahaia'e le nagnomey hevetse naho tokoe hampidirigne etoa ty fehen-drehake te: nampikitsignety volae iabike (reke)] fie le tsy nisy nahasitragne ndre ia ndre ia. ⁴⁴Le nimbafara i Jesosy ao reke le nitsapa ty lamaba i Jesosy, le avy le nijanogne eo naho eo avao ty lio'e.⁴⁵Jesosy nagnontane izao te: "Ia nitsapa Ahike aniany?" Naho fa nilagne ty maro, le hoe ty Petera te: "Andriantompo, magnodidigne Azo iaby ze fonga ndaty sambe mikiteke Amao." ⁴⁶Le Jesosy nanao tihoeke: "Nisy nitsapa Ahike, k'atao le avy le nisy hery niafake tamako ato."⁴⁷Naho fa nitrea i ampelay te mbe tsy takogne reke, le nititititeke naho nihohoke Amae eo. Le nifoti'e agnatrehao ndaty eo ty antoe nitsapa'e Aze, naho ty fomba avy le nahasitragna aze eo naho eo. ⁴⁸Le Reke nirehake amae te: "O anak'ampela, ty finoa'o ro nahajangagna azo, mandena am-piadanagne."⁴⁹Niaveo naho mbe reke mirehakey, le nisy ndaty raike boake an-tragno ty mpitarike ty Synagoga, nanao tihoe: "Fa mate ty anak'ampelao. Ko sahiranegne sasa o mpampianatseo." ⁵⁰Naho fa naharey izao ty Jesosy, le namale i Jairo tihoeke Reke te: "Ko matahotse, fa minoa avao, fa ho sitragne zay."⁵¹Naho fa nizilike an-tragno ao Reke, le nandrara ty ndaty tao tsy hisy hilitse naho tsy i Petera le i Jaona naho i Jakoba avao, le ty rae i ampelay naho ty rene'e. ⁵²Le ty ndaty tao le nisaona naho nitagny aze iabike, ⁵³fa Reke nanao tihoeke: "Ko mitagny nareo, fa tsy mate reke fa miroro." Le nihehea iareo Reke, fa fa mate ty fafantara iareo i ajaja ampelay.⁵⁴Le norambese'e tamy ty fita'e i ampelay le nikoike mafe Reke, nanao tihoeke: "Anake, mifohaza!" ⁵⁵Le niheregne ty fagnahi'e le avy le nitsangagne eo naho eo reke. Le nagnirake iareo hagnomey hanegne aze Reke. ⁵⁶Le niverinehake ty rae naho ty rene'e i ajajay, le rinara'e Jesosy tsy hampibeobeoke zao raha nisy tao zao.

Chapter 9

¹Nitoka o roambifolo lahy Reke le nagnomey iareo ty here naho ty fahefagne amy o kokolampo iabike naho hahasitragne aretegne maro. ²Nirahe'e iareo hitalily ty fanjakan'Agnahare naho hagnasitragne ze marare.³Hoa Reke tamy iareo te: "Ko minday raha ndra ino ndre inogne amy ty lia areo nareo_ tsy misy kobaigne, tsy misy findesan-kanegne, tsy misy mofo, tsy misy vola, tsy misy sikigne hafa. ⁴Ze trano iziliha areo le mitoboha ao avao mandrapiavia ty handenà areo.⁵Ndre aia ndra aia tsy mandrae anareo, naho fa mienga o tanàgne zay nareo, le fafao hiala amy ty tombo areo ty vovoke ho famantaragne ty fagnoheragne iareo." ⁶Niaveo le nandeha iareo amy ze fonga tanàgne, nitalily ty fagnombara soa naho nanasitragne ze niony iareo tey.⁷Le nirey Heroda iaby zao raha nisy zao, le tsy nifantae ty ho natae, fa ty ilae nirehake zao te i Jaona mpampiandro nivanom-belogneo, ⁸le nisy nagnombara te niboake ty Elia, ty ilae ka nanao tihoeke te raike amy ty mpitoke nivanom-belogneo Reke. ⁹Heroda nanao tihoe: "Izaho ty nanapake ty loha i Jaona, le mbe ia ka ro hahareizako raha manahake izay?" Le nanao ty fomba hahatreavagna Aze reke.¹⁰Naho fa niheregne i Apostoly rey, le nitalily tamae ty raha nivita iareo. Niaveo le nindese'e nindre Amae iareo, le nandeha nisintake amy ty tanàgne atao te Betsaida. ¹¹Fa naho fa naharey ty mahakasike zao ze kila o'ndaty, le nagnorike Aze. Le norambese iareo le navolili'e tamy iareo ty fanjakan'Agnahare, le nanasitragne ze nipay fitsaboagne Reke.¹²Ie ny hariva i andro'y, le niharine Aze iareo folo roambe nirehake tihoeke: "Votsoro handeha o'ndaty reo hahafaha'e iareo mandeha amy ty tanàgne magnodidigne ndre ambanevohitse hahatreava iareo mahakama naho ty ho firoroagne, fa amy ty tane tsisy raha ntikagne." ¹³Le hoa'Reke tamy iareo te: "Ameo areo raha hohanegne iareo." Fa nanoigne iareo te: "Tsy managne nao tsy mofo lime naho fiagne roe zahay_ asa te izahay handeha le mivily hanegne hoe'o ndaty iabike reo." ¹⁴(ty teo tamizao le nisy lahilahy sikala ty dimearivo agne). Le nirehake tamy ty mpianae Reke nanao izao te: "Ampitoboho ho kidimampolo iabike iareo."¹⁵Le sambe nanao izao iabike iareo, le sambe niambesatse o'ndaty reo. ¹⁶Norambese'e ty mofo lime naho ty fiagne roe, le niandrandra ty lagnitse Reke, nisaotse io le nizarazara aze, le natolo'e i mpianatsey zao ho toloragne ze ndaty iabike teo. ¹⁷Nihinagne izao iaby iareo le sambe nientsake, le naharo raike ze tsy nilane_ le nisy roambefolo harogne ty fa potepoteke.¹⁸Naho fa nivavake raike ty Jesosy, le nindre amy ty mpianatse. Le nagnontane iareo izao Reke, nanao tihoe: "Ata'o ndatio ia i Raho?" ¹⁹le nanoigne iareo nanao tihoe: "I Jaona mpampiandro. Le ty ilae manao tihoeke i Elia, ty ilae mirehake ka te mpitoky bey taolo fa ie nivanom-belogne."²⁰Le nirehake tamy iareo Reke te: "Atao areo ia ka Raho?" Le Petera nanoigne te: "I Kristin'Agnahare." ²¹Fa norarae iareo tsy hirehake zao ndre amy ia ndre amy ia, ²²nanao ty hoe: "Ty Ana'Ondaty le hijale amy ty raha maro le ho liere ty lohologne naho ty lahibey ty mpisorogne naho ty mpahay lalàgne, hovonoegne Reke le hivagnom-belogne amy ty andro fahatelo."²³Le hoa'Reke tamy ty mpianae te: "Naho misy te hagnorike Ahy, le magnary ty vatae reke le mitarazo ty hazo najaly sanandro le magnorike Ahy. ²⁴Ndre ia ndre ia te hagnavotse ty fiai'e le hagnare izao, le ndre ia ndre ia ka magnary ty fiai'e amy ty hatea Ahy le izay ty hagnavotse. ²⁵Inogne ty raha soa azo ty ndaty amy ty fananagne ze kila raha, nao magnare na mampidogne ty fiai'e?²⁶Fa ndre ia ndre ia megnatse Amako naho ty saontsiko, le ho megnatse aze ka ty Ana Ondaty naho fa avy amy ty voninahi'e, naho ty voninahy ty Rae naho ty anjele masigne Reke. ²⁷Le ambarako soa eto, fa ty ilae amy ty mitsangagne eto le tsy hahatrea havilasy miaholo ty fahatreava ty fanjakan'Agnahare."²⁸²⁹Ty andro tafara io, naho fa nidigne ambohitse tey iareo, le ndaty maro ty nifanalaka amy iareo. ³⁸Ingo, nisy ajalahy maro tamy vahoake rey ro nikorentsegne mafe, nanao tihoe: "O mpampianatse, misoloho amao raho mba hagnente ty anadahiko tiagne, henka'e ty anako anio. ³⁹Vazoho, misy fagnahy raty magniraka aze le mihiake tampoke reke, mikaike hatoragna aze zao le mampiakatse ranognivy ty vava'e. Tsy afake amae zay le mahavozake aze mafe. ⁴⁰Fa nangataheko o mpianao reo hagnafaka aze fie tsy nahafake iareo."³⁰Le ingo, nisy roe lahy nirehake Amae, Mosesy naho Elia, ³¹niboake amy ty voninahie mamirapiratse. Nagnombara ty fomba hagnaveloa'e Reke, ndesegne ho vitagne a Jerosalema agne.³²Petera naho ze nindre amae fa vozahe ty roro, fie naho fa niendrake vatae iareo, le nahaonigne ty voninahi'e naho ty lahilahy roe nirehake nindre Amae. ³³Le naho fa nisintake lavitse i Jesosy iareo, le hoa ty Petera tamae te: "Andriantompo, soa amantika ty mitoboke etoa. Le engao zahay hagnamboatse fialofagne telo, ty raike ho Azo, ty raike hoe i Mosesy, le ty raike hoe'i Elia." (Tsy fantae ty ho nirehafe'e.)³⁴Mbe agnate ty mirehake zay reke, le nisy rahogne nagnarogne iareo, le natahotse iareo naho fa tagnate i rahogney. ³⁵Le nisy feo niboake tamy rahogney, nanao tihoe: "Intoy ty Anake Lahiko, Ie i Raike jinobo'y, tsanogno Reke." ³⁶Naho fa nivita i feo'y, le Jesosy raike avo ro niteo. Sambe nitsigne iareo le tsy nisy nirehake zao ndre tamy ia ndre tamy ia tamy zay mahakasike ty raha niony iareo.³⁷Ty andro tafara io, naho fa nidigne ambohitse tey iareo, le ndaty maro ty nifanalaka amy iareo. ³⁸Ingo, nisy ajalahy maro tamy vahoake rey ro nikorentsegne mafe, nanao tihoe: "O mpampianatse, misoloho amao raho mba hagnente ty anadahiko tiagne, henka'e ty anako anio. ³⁹Vazoho, misy fagnahy raty magniraka aze le mihiake tampoke reke, mikaike hatoragna aze zao le mampiakatse ranognivy ty vava'e. Tsy afake amae zay le mahavozake aze mafe. ⁴⁰Fa nangataheko o mpianao reo hagnafaka aze fie tsy nahafake iareo."⁴¹Nanoigne ty Jesosy nanao tihoeke: "Nareo tsy mpino naho foko raty tsereke, hombia ty ho findrezako naho ty hiambenako hindre ama'areo? Ndeso etoa ty anadahio." ⁴²Naho fa nimbeo i lahy, le natorakitse i kokolampoy amy ty taney reke. Fie Jesosy nasiake tamy i fagnahy raty le nagnasitragne i ajaja lahy, le nagneregne aze aman-drae agne.⁴³Le fonga nilatsa iaby iareo teo nahavazoho ty habein'Andrianagnahare. Naho iareo mbe nilatsa iabike amy ty raha natae ingy , le nisaontsy hoezao tamy mpianae rey Reke: ⁴⁴"Ano'o soa zao saontsy zao hilitse lalike agnate ty sofiareo: "Ty Ana Ondaty le hofoteragne antana ty ndaty." ⁴⁵Fie tsy nirendre iareo ty raha notsarae. Izao le navony amy iareo, le izao le tsy nisy nahafantatse ty nombà izao iareo, toe le mbe natahotse ka iareo ty hagnontane ty lia izay tsara zay.⁴⁶Niaveo le nifandietse iareo sambe iareo ty amizay ho bey iareo.⁴⁷ Fie Jesosy, naharofàna ty raha vinetsevetse iareo agn'arofoe agne, le nangalake ajaja raike natoboe agnila'e eo ⁴⁸le nirehake tamy iareo tihoe: "Le ndra ia ndre ia ty mandrae ty ajaja toy amy ty agnarako, le mandray Ahike; le ndra ia ndre ia ka mandrae Ahy, le mandrae ka i Raike nagnirake Ahy. Le ze kede ama'areo ro ho bey areo."⁴⁹Jaona nanoigna Aze nanao tihoeke: "Andriantompo, nahatrea ndaty raike nagnafake kokolampo amy ty agnarao zahay le rinara'ay, fa toe tsy niharo lia ama'ay. ⁵⁰"Ko raràgne reke." Hoe ty asa i Jesosy, "K'atao reke tsy manohetse anareo le magnorike anareo."⁵¹Naho fa marine ty andro hampiakaragna Aze, le nitolike homba Jerosalema Reke. ⁵²Nagnirake ndaty hiaolo Aze Reke hinday ty hafae, le nandeha iareo nilitse amy ty tanà ty Samatitanigne raike hanomagne ze fonga raha iabike ho Aze. ⁵³Fie tsy nandrambe Aze ty ndaty tao, fa hitolike mba Jerosalema Reke.⁵⁴Naho fa nahaonigne izao ty Jakoba naho Jaona mpianae, le hoe ty nata'iareo te: "Andriantompo, zonto'o vao naho ndra manjotso afo boake andagnitse agne zahay ndra hagnoroagne iareo? ⁵⁵Le nitolike Reke nirehake mafe amy iareo,⁵⁶ le nitsile amy ty tanàgne hafa iareo.⁵⁷Le naho fa nandeha tan-dalagney iareo, le nisy ndaty raike nanao tihoeke tamae te: "Hagnorike Azo raho ndre aia ndre aia ty hombao." ⁵⁸Jesosy nanoigne aze te: "Ty amboa fa raty manan-joloke, ty vorogna andagnitsey managne ty misy aze, fa ty Ana Ondaty tsy managne ty toeragne hisia'e ty loha'e."⁵⁹Le hoa'Reke tamy ty ndaty hafa: "Oriho Raho." le hoa reke te: "Ragnondria, votsoro hey raho handevegne ty rako." ⁶⁰Le hoe ty natoi'e aze te: "Engao ty mate, handevegne ty mate amae ao. Fa ty azo, mandenà mitalily lavitsa agne le asondroto ty fanjakan'Agnahare.⁶¹Le nisy ndaty hafa nirehake te: "Hagnorike Azo raho, Andriantompo, fie votsoro hey raho hagnombara iareo an-tragnoko agne." ⁶²Le Jesosy nanoigne izao te: "Tsy misy ndaty reketse ty fangaly le hitolitolike le mbe ho fagneva'e ty hilitse amy ty fanjakan'Agnahare."

Chapter 10

¹Ie nitafa i raha maro rey, le nijibogne fitopolo lahy [fagnamaregnagne: Maro amy ty sinora ty taloha fanjaka vatae te ie vakiegne "Fitopolo", fa ty ilae vinaky te: "Fitopolo roe ambe."] hafa ty Andriantompo, le nandefa iareo kiroe kiroe hiaolo Aze amy ze fonga tane naho ty tanàgne hombàe. ²Hoa Reke tamy iareo te: "Maro ty vokatse fe ie tsy ampe ty mpiasa. A izao angataho I mpamokatsey mba handefa mpiasa ho amy vokatsey.³Mandena amy ty lala'areo. Vazoho'o, fa aveko manahake o anak'agnodry agnivo amboadia'o nareo. ⁴Ko minday fisiambola, ndre fisian'etagne,ndre hana, le ko manalama ndaty ndre ia ndre ia andalagney.⁵Ze tragno iziliha'areo, rehafo hey te: 'Fiadanagne hoe ty tragno toy!' ⁶Naho misy ndaty ty fiadanagne ty ao, le hoamae eo vatae ty fiadanagne rehafe'areo, fie naho tsisy le hiheregne ama'areo. ⁷Mitoboha amo tragno'o avao, homana le minoma ze amea iareo, fa ty miasa magneva ty karama'e. Ko mifindrafindra tragno.⁸Zay tanàgne idira'areo, naho mandrae anareo, hano ze afahae anareo, ⁹le sitragno ze marare ao. Agnombarao iareo te: 'Fa miharine anareo ty fanjakan'Agnahare.'¹⁰Nao mbiagne ndre ombiagne nareo mizilike amy ty tanàgne naho tsy mandrae anareo iareo, le miakara andalagney le agnombarao te: ¹¹'Ndre ty vovoke ty tanà'areo nahazo ty tombo'ay le ho fafa'ay hanohetse anareo! Fe ie fantaro te: Fa marine ty fanjakan'Agnahare.' ¹²Amabarako anareo fa naho fa avy ty andro ty fitsaragne le ndra ho hay ka ty lefetse ty ey Sodoma te amo zao tanàgne zao.¹³Loza ho azo, Korazina! Loza ho azo, Betsaida! Fa nao ty asa bey natao tamao ro natao ta Tyro naho Sidona, le fa niela iareo ty nibebake, nitoboka amy ty lamba fisaonagne naho lavenogne. ¹⁴Fa ho hay leferegne ka ty Tyro naho Sidona amy fitsaragne noho ty ama'areo. ¹⁵Ihe, Kapernaomy, mitamà vao iheo fa hasandratse andagnitse agne? Tsie, ndesegne midigne amy Hadesy agne rehe.¹⁶Ze mitsanogna anareo le mitsanogna Ahy, ze mandietse anareo le mandietse Ahy, le ze mandietse Ahy ka le mandietse ty nagirak'Ahy."¹⁷Niheregne ankafaleagne i fitopolo rey, le nitalily tihoe: "Andriantompo, ndre ty kokolampogne le nagneke anay amy ty agnarao." ¹⁸Jesosy nagnombara amy iareo te: "Nivazoho an-drekoko nipoke amy lanitsey hoe tselatse Raho." ¹⁹Henteo, fa natoloko anareo ty fahefagne handia ty bajigne, maingoke, ty halako hery amy ty fahavalo, le ndra ino ndre inogne le tsy misy hahafere anareo amy ze kila raha. ²⁰Ndre ty eo zay le ko mifale avao amizay, te nagneke anareo ty fagnahy, fa mirebeha nao voasoratse andanitse agne ty agnara'areo."²¹Tamy fotoagne zay avao le nifale vatae amy ty Fagnahy Masigne ao Reke. Le nirehake tihoeke: Midera Azo Raho, Rae, Tompo ty lanitse naho ty tane, fa navonio tamy ty mahihitse nao ty mahilala, le nambara amy ty tsy mahafantatse, hoe ty ajaja malineke. Eka, Raeko, fa zao ty soa sitrahegne agnatreha'areo."²²Ze kila raha le nafato i Rae Amako, le tsy misy mahafantatse te ia ty Anake ankoatse ty Rae, le tsy misy mahafantatse te ia ty Rae ankoatse ty Anake naho ty nojibone ty Anake hahaonigne Aze."²³Boakeo le nipalitse amy mpianatse rey Reke nirehafe'e tsikiraike te: "Haha ze mahaonigne ty raha oni'areo. ²⁴Ambarako anareo, mpitoky naho mpanjaka maro ro nagniry hahaonigne ty raha oni'areo, fie tsy nahaonigne zao iareo, le haharey ty raha ty raha rey'areo, fie tsy naharey zao iareo.""²⁵Le ingo, nisy mpampianatse lalàgna ty Jiosy raike nitsangagne sare nagnontane Aze, nirehake tihoeke: "O mpampianatse, inogne ty tokoe hataoko hahazoako ty fianagne tsy misy fiafarae?" ²⁶Jesosy nirehaka amae te: "Inogne ty voasoratse agnate ty lily? Manao akore ty famakiao zay?" ²⁷Nanoigne reke nirehake tihoeke: "Tiavo ty Andriatompo Andrianagnahareo amy ty fo'o, amy ty fagnahio, amy ty herio, amy ty saio, le ze ragneo iabike manahale ty vatao. ²⁸Jesosy nirehake amae te: "Maregne ty navaleo. Ano'o zay, le hovelogne rehe."²⁹Fie mpampianatsey te hanagne ható, le nirehake amy Jesosy tihoe: "Ia ty ragneko? ³⁰Notohine i Jesosy reke te: "Nisy lahy raike boake Jerosalema handeha ho a Jeriko. Nitrà ty mpitavagne reke nangalake ze fonga raha tamaey, le jinerae, le nagnega aze naho fa ho mate.³¹Le nisy mpisorogne nandriogne tamo lalagne zao, le naho nahatrea izao reke, le nitsile amy ila i lalagney. ³²Hoe zao ka ty Levita raike, naho fa nandriogne ka nahatrea izao le nitsile amy lalagne raikey.³³Fie nisy Samaritana raike, naho fa nadeha amy ty nihirifae reke, niavy amy ty misy aze. Naho fa nahatrea izao le niferenaigna aze. ³⁴Le nagnantogna Aze reke namehe ty fere'e, nagniligne menake naho divay. Nandae aze amy ty bibie reke, le nindese'e amy ty tagnombahiny, le nokarakarae. ³⁵Ny maray inge le nangalake denaria roe reke, natoloe ty nitobea iareo, le nanao tihoeke: "Karakarao reke, le ndre ty hoatrino na hoatrino ty laneo mihoatse, le havahako naho fa miheregne raho.'³⁶Ia amy iareo telo, arake ty heveo, ty ragney niazo i mpitavagne rey?" ³⁷Namale i mpampianatsey te: "I raike niferenaigna azey." Jesosy nirehake amae te: "Mandenà le manoa hoe zay ka."³⁸Le naho fa nandeha iareo, le naho fa hilitse amy ty tanàgne raike Reke, le nisy ampela raike atao Marta nampandroso Aze antragnoe ao. ³⁹Nanagne rahavave atao Maria reke, io nitoboke an-tombo i Andriantompo le nitsagnogne ty rehae.⁴⁰Fie Marta mbe sahiragne amy ty fikarakaragne ty mahakama haroso. Le nandeha amy Jesosy eo reke, le tihoe ty natae: "Andriantompo, tsy mampagnahy Azo vao ty enga ty rahavaveko ahy hitorogne raike? Le mba rehafo reke hagnampe ahy." ⁴¹Le namale ty Andriantompo nanao tihoe: "Marta, Marta, sahiragne ty raha maro rehe, ⁴²mone izao le raha raike avao ro tena ilagne. Maria fa nijibogne ty soa vatae, le ty tsy hoafahagna amae."

Chapter 11

¹Le izao ty nisy naho fa nivavake amy ty toeragne raike zay ty Jesosy, nisy raike amy mpianae rey nirehake amae tihoe: "Andriantompo, anaro vavake zahay manahake ty nagnanara i Jaona ty mpianae."²Le hoe ty nata i Jesosy amy iareo te: "Naho fa mivavake nareo le rehafo tihoe: "Raeko, hiasiagne ty tahinao. Ho avy anio ty fanjakao.³Omeo anay anito ty haneay sanandro. ⁴Hahao ty hakeo'ay, manahake ty nagnahà'ay ze niota ama'ay. Ko ndesegne zahay amy ty tso-kevetse raty."⁵Jesosy nirehake tihoeke amy iareo te: "Ia ama'areo ro hanagne ragnetse, le handeha amae agne halegne, le hanao tihoe amae: "Ragnetse, ampisamboro mofo telo raho, ⁶fa misy ragneko raike vaho niavy lavitse, le tsy mba misy raha hazotsoko ho aze raho.' ⁷Le mete hanoigne aze raike an-tragno ao te: 'Ko tsobore'o raho.' Fa mihily lalagney, ndre ty anako, fa ampandreagne, reketse ahy. Fa tsy mahefa fifoha hagnomey mofo azo raho.' ⁸Ambarako anareo fa, ndre ty tsy hitsangagne hagnomey mofo hoanareo reke ndra toe ny ragne'e nareo, fa ty fahavonognareo naho ty tsy hena'areo, le hitsangagne reke hagnomey anareo ze mofo iabike palia'areo.⁹Mbe magnombara anareo ka raho te, mangataha, fa hameagne anareo zao; mipaliava le hahatrea, mikonkogna, le hosokafagne nareo. ¹⁰Fa ze ndaty iabike hangatake le hahazo, le ze mipay le hahatrea, ze mampikonkogne le hosokafagne.¹¹Ia ama'areo rae ondaty hinanekeo areke ro, naho mangatake fiagne ty ana'areo, le hagnomey bajigne aze fa tsy fiagne? [Tindriegne te: Ty sinoratse soa vatae misy talily tsy loho lava, ho orihintika etoa. Ty sinoratse taloha misy talily loho lava, onigne agnate i Matio 7:9 ao ka: "Rae ondaty ia ama'areo, naho mangatake mofo ty ana'areo, ro hagnomey aze vato? Nao fiagne, le hagnomey aze bajiegne?] ¹²te ie mangatake atoly reke, le hagnomey maingoka aze vao nareo? ¹³A izao, ty nareo tserehegne mahafantatse ty magnomey raha soa hoe'ty ana'areo, le hoe ty ino ka ty habey ty Fanahy Masigne homey ty rae areo ze andagnitse agne hoe ty mangatake amae?¹⁴Le Jesosy nagnafake kokolampo moagne. Naho fa niakatse i kokolampogney, le nahay nirehake i lahy boboy, le niverenehake ze ndaty teo. ¹⁵Fa ty ndaty hafa nirehake izao te: "Amy ty agnara i Belzeboba, bey ty kokolampogne, ro hagnafahae ty kokolampogne."¹⁶Ty ilae sare nagnontane Aze nimpay ty famantaragne boake andanitse agne amae. ¹⁷Fe ie niarofana i Jesosy ty raha ampoe iareo ao le nirehake zao amy iareo Reke te: "Ze fanjakagne mivibike le ho rava, le ze tragno raike misaratsarake ka le tsy ho vanogne."¹⁸A naho mialy antragno areke ty Satana, le hanao akore ty hahareta'e amy ty fanjakae? Le hoe ty asa'areo te magnafake kokolampogne amy ty agnarae i Belzeboba Raho. ¹⁹Nao nagnafake kokolampo amy ty fahaia'e Belzeboba Raho, le amy ty fahaia ia ka ty hagnafaha ty mpagnorike anareo aze? Naho izao, le iareo ro hitsara anareo. ²⁰Fa naho magnafake kokolampo amy ty tanan'Agnahare Raho, le hoavy ama'areo ty fanjakan'Agnahare.²¹Naho fa ampe fitaovagne soa ty lahy mahery raike miambegne ty tragno'e, le tsy hisy montso ty varae, ²²fie nao mbe mahery ambone'e i lahy raikey le nahavany aze, le hoalà i lahy raike mahere ambone'ey ty fialiae, le hondese'e ty vara i lahy. ²³Ze tsy mindre amako le manohetse Ahy, ze tsy miharo mindre amako le mivike.²⁴Naho fa miafake agnate o ndaty raike ty fagnahy raty, le hamonjy toeragne tsy misy rano reke hipay fitofagne. Le naho fa tsy mahatrea, le hanao zao reke te: 'Hiheregne amy ty tragno niboahako raho.' ²⁵Naho fa miheregne reke, le hahatrea zao tragno zao malio fa vita lamigne. ²⁶Boakeo le handeha reke hipay fagnahy raty mbe ambone'e fito isa hindre amae le hilitse ao hiaro toboke ao iabike iareo. Le mbe ho raty naho hoharigne amy voalohaey ty hiafarao zao ndaty zao."²⁷Le naho fa nisaontsy zao raha zao Reke, le nisy ampela nirehake mafe nirehake tagnate i ndaty rey tao nirehake tihoeke amae te: "Haha ty troke nisamahao, naho ty nono ninonoao." ²⁸Le hoe Reke te: "Mbe haha ty mitsanogne ty saontsin'Agnahare, naho ty mimane izao."²⁹Naho mbe niampe avao ty ndaty teo, le hoe ty Jesosy te: "Ty fokoa toa le foko raty, mipay vilo fie tsy misy vilo hasenge aze naho tsy ty vilo i Jona. ³⁰Toe hanahake ty fiavia i Jona ho vilo iareo Ninivita, le hoe zao ka le ho vilo ty Ana Ondaty amy ty foko toagne.³¹Ty mpanjaka ampela boake atimo le hitsangagne mindre amy ty lahilahy amy ty foko tiagne le tsy hagnomey to aze iareo, le hoavy boake amy ty tane farae reke le hitsanogne ty hilala i Solomona, le ingo, etoa ty ndaty ho bey ty amy Solomona.³²Ty lahilahy Ninive le hitsangagne amy ty foko toy amy ty fitsaragne le handiso aze, fa toe nibebake tamy ty fitalilia i Jona iareo, le mbe ingo, misy bey ambone i Jona ty eto.³³Tsy misy ndaty raike, boake nampibelagne jiro, le hametrake zao amy ty toeragne takognete ie hanao aze ambane harogne, fa hoatae amy ty fisiagne jiro, ho talake ze militse ty hazavagne. ³⁴Ty maso'o ro fagnilo ty vatagne. Naho fa soa ty maso'o, le ho feno fahazavagne ty vatategna iabike. Fa naho raty ty maso'o, le haiegne ty vatao. ³⁵A izao, miambena nareo tsy haiegne ty fazavagna ama'areo ey. ³⁶Le, naho feno hazavagne areke ty vatao iabike, le tsy hisy ndre kede amy zao agnate ty maiegne, le hanahake ty jiro mampipelapelatse ty hazavae amao ty vatao raike.³⁷Naho fa nivita ty rehae, le nisy Fariseo nampandroso aze hiaro fihinagne amae an-tragnoe agne, le nilitse ty Jesosy niambesatse. ³⁸Nilatsa i Fariseoy te tsy nisasa ty Jesosy aloha ty hinanae.³⁹Le hoe ty natà i Andriantompo amae te: "Hinane zao, nareo Fariseo, le manao malio ty ivela ty kope naho ty finga, fa ty agnate areo ao le feno tsereke naho haratiagne. ⁴⁰"Nareo kede saigne! Tsy nanao ze tagnate'e ao avao ka vao ty nanao ty ivelae? ⁴¹Omeo ze sahiragne ty agnate'e ao, le ho malio hoanareo aby ze fonga raha.⁴²Ho loza areo Fariseo, fa naho toe mandoa ty ampafolo ty solila naho ty rota naho ty hatà ilae an-tonda ey nareo, fie tsy nahoa'areo ino ty maregne naho ty fitea an'Agnahare. Soa ty manao ty maregne naho ty mitea an'Agnahare, ro mbe tsy magnaligno ty manao ty raha hafa iabike ka.⁴³Loza areo Fariseo, fa tea areo ty toeragne voaolohae agnate Synagoga naho ty fiarabagne feno fihasiagne agnate tsena. ⁴⁴Ho loza areo, fa nareo le hanahake o kibory fa tsy fantatseo le ho lialia ty ndaty fa tsy ho fantae.⁴⁵Ty raike amy mpampianatse lalànay nirehake amae tihoeke: "O mpampianatse, o tsarao zao le manivativa anay ka." ⁴⁶Le Jesosy nanao izao te: "Loza hoanareo mpampianatse lalàgne! Fa mampijine raha bey tsy leo ndaty nareo, ie amizao ndre ty rambon-tanae tsy nahazo tsapa i entagne mavesatsey iaby.⁴⁷Ho loza areo, amy ty fagnoregnagne kibore hoe ty mpitoky nareo, fie ty raza'areo ro namono iareo. ⁴⁸Le vavolombelogne naho magneke ty nivita ty raza'areo nareo, fa toe namono aze vatae iareo le nareo ty nagnoregne ty kiborie.⁴⁹Am'izao izao vao, ro nagnombara ty hilalan'Andrianagnahare ty hoe: 'Handefa mpitoky naho Apostoly ho amy iareo Raho, le iareo hamono naho halaigne ty ilae amy reo." ⁵⁰Ty foko retoa, ro tompon'andreketse amy ty lio ty mpitoky iabike nipoke ampara ty niforognae ze kila raha, ⁵¹nanomboke tamy ty lio i Abela hatra ty lio i Zakaria, ty vinono agnivo ty alitara naho ty fitoeragne masigne. Eka, ambarako soa ama'areo, fa ty fokoa itoa ro niantoke zay.⁵²Ho loza'areo mpampianatse ty lalàna i Jiosy, fa nalà'areo ty lakile fagnily ty hilala, mone izao tsy militse ao ty vata'areo, le kalagna'areo ka ze hilitse."⁵³Tafara ty nisintaha i Jesosy teo, le nanohetse Aze mpanoratse lalàgne rey naho Fariseo rey le nidineke ty raha maro, ⁵⁴le nipay fomba handratiagna Aze amy ty rehae avao.

Chapter 12

¹Tamizay, naho fa nivory ty ndaty agnarivoe maro, nimaro loatse le nifandialia tomboke iareo, le avy le nirehake amy mpianae rey Reke te: "Miambena soa amy ty fiharoagne i Fariseo, fa hasoa magnatreke izao.²Fa tsy misy takogne tsy hiseho, le tsy misy navony tsy ho fantatse. ³Le ndre inogne ndra inogne rineha'areo agnate ty iegne, le ho rey amy ty hazavagne, le ze rineha'areo antsofegne tagnate tragno ao le hotaliliegne ambone tragno ey.⁴Ambarako anareo ragneko, ko matahotse nareo mamono tena, fa afara izao le tsy misy ndra ino ndre inogne afake atae sasa. ⁵Fa hampiambegne nareo ze tokoe hatahoragne Raho. Matahora i Raike zay, izao naho fa mahavita mamono, le managne ty fahefae hagnary anareo agn'afobey agne. Eka, mirehaka ama'areo Raho, matahora Aze.⁶Tsy avarotse farantsa kede roe vao ty jirioke lime? Fie tsy misy ndre raike amy rey haligno amason'Agnahare. ⁷Fa ndre ty volo andoha'areo le vita isake iabike. Ko matahotse. Fa mbe bey nareo naho oharegne amy ty jirioke maro.⁸Hoa'Raho ama'areo, ze magneke Ahy agnatreha o'ndaty, ty Ana Ondaty ka le hagneke aze agnatreha ty anjelin'Agnahare, ⁹le ze mandietse Ahy agnatreha o'ndaty le ho lieregne ka agnatreha ty anjelin'Agnahare. ¹⁰Ze mirehake manohetse ty Ana Ondaty, le ho hahagne amae zao, fie ze mahavny mirehake raty manohetse Fagnahy Masigne, le tsy ho hahagne ndre mbia ndre mbiagne.¹¹Naho fa minday anareo agnatreha ty Synagoga, iareo mpagnavatse, naho ty manam-pahefa iareo, le ko matahotse amy ze findesa'areo rehake hagnarova'areo ty vata'areo, na ty raha hambara areo, ¹²fa ty Fagnahy Masigne ro hampianatse anareo ze raha tokoe horehafe'areo amy fotoagne zay."¹³Niavy eo le nisy ndaty raike tanan-draike amy ndaty rey nirehake tihoe: "Mpampianatse, mba rehafo ty rahalahiko hizara lova amako."¹⁴ Jesosy nirehake zao amae te: "O lahio, ia ty nanao Ahy ho mpitsara naho ho mpanelanelagne anareo?" ¹⁵Hoe Reke amy iareo te: " Miambena hahambena areo ty vata'areo ho lavitse ty fagniriage ty raha raty, fa ty fiaigna ty ndaty raike tsy le hiankigne amy ty fitomboa ty varae."¹⁶Niaveo Jesosy nanao fagnoharagne amy iareo, nanao tihoeke: "Namokatse maro ty tonda ty lahy raike manandraha, ¹⁷le nagnontane ty vatae reke, nanao tihoe: 'Inogne ty hataoko, fa tsy managne toeragne hamoriako ty vokako raho? ¹⁸Hoareke te: 'Zao ty hataoko. Ho ravako ty tragno fisiako vokatse le hagnoregne beibey ka raho, le ho ao ty hisiako ze vokako naho ty vokatse hafa. ¹⁹Le hanao izao amy ty fagnahiko raho te: "Fagnahy, ihe le managne vokatse maro navory ho zoe ty taogne maro. Mimaregna soa, homana, minoma, mifalea.²⁰Fie Andrianagnahare nisaontsy zao amae te: "Ty lahy gege tiagne, halegne izao ty fagnahio ro hafahagne amao, le ty raha notamaneo toagne, ho ania reo? ²¹Izao ty ndaty namore vara hoe ty vatae le tsy manan-draha agnatrean'Agnahare."²²Jesosy nirehake tamy mpitoky rey te: "Ama izao le ambarako anareo, ko matahotse amy ty fiai'areo, amy ty hohane'areo, na ty mahakaseke ty vata'areo, ty hosikina'areo. ²³Fa ty fiaigne mbe ambone ty hanegne, le ty vatagne mbe bey ambone ty sikigne.²⁴Vazoho'o ty gake, tsy mamafe rey fa le mijinja. Tsy managne fisiam-bokatse rey ndre tragno famoriagne, fie le amean'Agnahare hanegne rey. Manao akore ty hirà'areo abey amy ty vorogne!²⁵ Ia ama'areo ro afake hagnojogne raike ty andro ivelomae amy ty fisalasalae? ²⁶A nao zao raha kede vatae zao ro fa tsy hay areo, le ty aia ro fa atahora areo amy ty mbe ho avy?²⁷Vazoho'o o liliao_manao akore ty fitirie. Tsy miasa rey tsy mambole. Fie le ambarako ama'areo, fa ndre Solomona tamy ty voninahie feno le tsy nisikigne manahake ty raike amirey. ²⁸Naho amipisikinin'Agnahare hoe rey ty akata antonda ey, ty ey androany, le naho fa maray ariagne agnate fatagne agne, ty manao akore ka ty mbe hampisikinae anareo mihoatse lavitse ty am'izao, nareo kede finoagne!²⁹Ko mipay ze ho hane'areo naho ty ho nome'areo, le ko matahotse.³⁰ Fa ty firenegne iaby ambone ty tane iabike toy le mipay zao raha zao iabike, le toe arofànan-dRae areo fa ilà areo zao.³¹Fie kirofo ty fanjakàn'Agnahare, le hameagne ho fagnampe'e hoanareo izay raha zay. ³²Ko matahotse, nareo ry agnondre manao lia tsy ampe, fa ty Rae'areo le fale vatae ty hagnomey fanjakagne hoanareo.³³Avaroto ty fanagna'areo le ameo ty sahiragne. Magnamboara fisiagne vola tsy mete ho simba hoe ty vata'areo_ hareagne andanitse agne tsy mete ho lany, tsy misy mpangalatse mariny, le tsy misy bararaoke hanimba aze. ³⁴Le amy ze toeragne hisiagne ty vara'areo avao, ro handena ty fo areo.³⁵Engao ty akanjo'areo lava ro hasiki'areo ty vania'areo, le engao avao ka ty jiroareo le hirehetse avao, ³⁶le manoa manahake ty ndaty nandigny ty tompoe hiheregne boake nirebeke amy ty enga vao, le naho fa avy mampikonkogne reke, le ho afake hanokake ty lalae eo naho eo avao iareo.³⁷Haha ty mpagnompo, ze trea ty tompoe miambegne naho fa avy reke. Ambarako soa anareo, fa hisikigne ty sikigne lavae amy ty vania'e reke, le hametrake aze ambone latabatse iareo, le hoavy reke hanompo iareo. ³⁸Naho ho avy amy ty lera faharoe amy ty halegne ty Andriantompo, le ndre ty amy lera fahatelo, le mahaonigne iareo fa vonogne, le ho haha o mpagnompo reo.³⁹Ho onjogne izay le fantaro fa, naho fanta ty tompotragno ty lera iavia ty mpangalatse, le tsy nienga vao i tragno'ey ho vakiegne reke. ⁴⁰Mivognona avao ka, fa tsy ho haiareo ty lera ty iavia ty Ana Ondaty."⁴¹Petera nirahake tihoe: "Andriantompo, ama'ay avao vao ro irehafao zao fagnoharagne zao, ke amy ty ndaty iabike ka?" ⁴²Andriantompo nirehake tihoe: "Ia areke ty mpanalakagne mahatoky naho hendre hojibone ty tompo'e ho ambone ty mpagnompo'e hafa mba hagnomey iareo ty hoanjara hane iareo amy ty fotoagne mete? ⁴³Haha zao mpagnompo zao, naho trea ty tompoe manao zao naho fa hoavy reke. ⁴⁴Ambarako soa ama'areo fa hojibene'e hanampake ze varae iabike reke.⁴⁵Fie naho mirehake ampoe agne o mpagnompo zao te: 'Nahemo ty tompoko ty ho ny fiheregnae,' le nanomboke namono ty mpagnompo lahie naho ampelae, le mihinagne naho minogne, le nanjare nimamo, ⁴⁶ty tompoe zao mpagnompo zao le hoavy hanampoke amy ty andro, naho ty lera tsy fantae, le hanampatapaka aze le hagnamboatse toeragne ho aze reketse iareo tsy mahatoky.⁴⁷Zao mpagnompo zao, nahafantatse ty zotom-po ty tompoe, fie le tsy niomagne naho tsy nagnorike ty zoto ty foe, le ho jeragne amy ty fijeragne maro. ⁴⁸Fie ze tsy nahafantatse fa nanao zay hahazoa'e jera avao le hojerage amy ty fijera kede. Fa ze kila ondaty nimeagne bey, le ho beibey ka ty ho takeagna amae, le ze namantohagne bey, le mbe ho bey lavitse ka ty ho takeagna amae.⁴⁹Hoavy Raho hanorak'afo ambone ty tane, fa tsy hay ty fagniriako ty fa hireheta izay anianeke. ⁵⁰Fa managne fanoagne batisa ho fanoagne batisa raho, fa tsy hay ka ty fijaleako mandrapiavia izay!⁵¹Mametsevetse vao nareo te avy Raho hinday fiadanagne an-tany eto? Tsie, magnombara anareo raho, fa ndra ho fisarahagne zay. ⁵²Manomboke zao ty tragno raike le hisy lime hisaratsarake_ndaty telo hagnohetse ty roe, le ty ndaty roe hagnohetse ty telo. ⁵³Hisaratsarake iareo, ty rae hanohetse ty anadahie, le ty anadahie hanohetse ty rae; ty rene'e hanohetse ty anak'ampelae, le ty anak'ampelae hanohetse ty rene'e; ty rafozae ampela, hanohetse ty vinantoe ampela, le ty vinantoe ampela hanohetse ty rafozae ampela."⁵⁴Nirehake amy ndaty maro rey Jesosy te: "Naho fa matalaky rahogne mihoregne andrefagney nareo, le avy le hanao izao nareo te: 'Ho avy i oragney,' le hoavy izao. ⁵⁵Naho fa misy tioke boake antimo, le hanao zao nareo te: 'Hisy fana bey hoavy,' le hoavy izao. ⁵⁶Ry soamagnatreke, hai'areo ty mandineke ty fiay ty tane naho ty lanitse, le ty akore ty tsy hahaia'areo mamantatse zao andro hinane zao?⁵⁷Nagnino nareo ro mitsara ty maregne hoe ty vata'areo? ⁵⁸Naho fa mandeha mindre amy ty mpifaniagne ama'areo amy ty fitsaragne ambone nareo, andalagney le ezaho alamigne mindre amae ty olagne mba ty tsy handehanae hitarike anareo ho amy ty mpitsara, le ty tsy hagnolora ty mpitsara anareo amy ty mpamatotse, le ty tsy handefasa ty mpamatotse anareo amy ty figadragna agne. ⁵⁹Le hoaraho ama'areo, tsy ho afake ao zao nareo naho tsy le mahaefa ty vola farae kede njolite'e vatae."

Chapter 13

¹Teo te indraike, nisy ndaty hafa nitalily amae ty miomba ty te Galiliana naharo i Pilato ty soroe ty lio'e. ²Namale ty Jesosy nirehake izao amy iareo te: "Le nareo vao manao zao te, loho lako to ota o te Galiliana reo naho hoharegne amy ty te Galiliana hafa, naho zay fijalea'e hoe zay? ³Tsy izay, zao ty ambarako anareo. Izao ty ambarako anareo, fa naho tsy mibebake nareo, le nareo iabikeo le ho mate manahake zay ka.⁴Ndre irey folo valo amby ta Siloama, nitonta ty tilikambo le namono aze rey, le manao izao nareo te mbe bey hakeo ambone i lahy hafa nimate ta Jerosalema ao rey iareo? ⁵Aia, tsy ie zay hoa'Raho. Fa naho tsy hiova havelogne nareo, le nareo iabike toa ka le ho mate.⁶Jesosy nanao zao fagnoharagne izao te: "Nisy ndaty nanagne hatàn'aviavy raike nambole'e amy ty tanem-bolobo'e le niavy reke nagnente ty voa'e te fie tsy nahatrea ndre raike. ⁷I lahy le nirehake amy lahy mpamboley te: "Intoa, niavy eto raho fa fagnintelo taogne nifanehake ty fipay ty voa amy ty aviavy toy fie le tsy nahatrea. Firao agneo, nagnino tiagne nengagneo avao hanimba ty tane toa'o?⁸Le izao ty natohy lahy mpamboley te: 'Adogno avao hey reke ho eo amy ty taogne toy fa hohalieko ty fotoe naho ty hagnisiako litsake amae. ⁹Naho mamoa reke amy taon-kohoavy, le soa, naho tsy mamoa le firaegne!"¹⁰Le Jesosy nagnanatse ty raike agn'anjomban'Agnahare ao amy ty andro Sabata. ¹¹Ingo, ty ampela raike azo ty fagnahy raty lefa kepeke fa tagnate ty folo taogne valo amby, fa nivokoke fa tsy nahay nitroatse.¹²Naho fa nahaonigne aze ty Jesosy, le nitoka aze nao nirehake tihoe: "Afake ty hakombimbao ene." ¹³Le nitognonae i ampelay, le nidnre amy iagne avao le nitroatse i ampelay naho le nisaotse an'Agnahare. ¹⁴Fie ty bey tagnan'anjomban'Agnaharey le niboseke amy ty fagnintranagne natao i Jesosy amy Sabata igne. Am'izao le namale i bey anjomban'Agnaharey le nirehake amy ndaty tao rey te: "Misy andro enegne ty natao hiasagne. Mahavia le sitràgna, fie tsy atao amy ty andro sabata."¹⁵Le Andriantompo nanoigne aze nanao izao te: "Piso manaja hoho!O vao tsy sambe magnaha ty biri'e naho ty agnombe'e nareo amy ty andro Sabata le manday aze hinon-drano? ¹⁶Le nihoe zao ka ty anak'ampela i Abrahama, narohy ty Kokolampogne fa tagnate ty folo taogne valo amby tiagne, le tsy ho hahaegne vao fa andro Sabata?"¹⁷Le naho fa nirehake zao raha maro zao Reke, le nimegnatse iabike iareo nanohetse Aze, fa ty ndaty maro tao le tsy nahay avao amy ty raha natao'e.¹⁸Le tihoe ty natao i Jesosy te: "Ty inogne ty hambagne amy ty fanjakan'Agnahare, le ty hoe ty inogne ro afake hagnoharako aze? ¹⁹Izao le hoe ty voandraha minjilite'e narara'o ndaty amy ty tondae, le nitiry nanjare hatae bey raike, le nagnamboara ty vorogna andanitsey ty tragno amy ty fivakiae."²⁰Le mbe nagneren-drehake avao Reke te: "Ty inogne ro hagnoharako ty fanjakan'Agnahare? ²¹Izao le manahake ty laro kedekede misy sira nalae ty ampela naharoe amy ty bom-bare feno in-telo ty fandraofagna aze, nalignie ty hiboegna'e amy bom-bare iabike rey."²²Jesosy le nandeha ta Jerosalema agne, le fonga nitsitsie i ty tanagne naho ty vohitse tsikiraike mba Jerosalema mbeo le sambe nagnanarae iabike. ²³Nisy ndaty raike nirehake amae te: "Mpagnanatse, o vao tsy ampe ty ndaty hovonjegne?" Le tihoe ty natoi'e te : ²⁴"Mialia mafe hizilike amy ty lalagne mahifitse nareo, fa magnombara ama'areo Raho, te maro ty te hizilike, fie tsy ho afake hizilike.²⁵Naho fa inay ty tompo i tragnoy mitsangagne hagnily ty lalae, le hitsangagne antany ao nareo hampikonkogne i lalagney le hanao tihoe: "Ragnandria, Ragnandria, ampiliro zahay.' Ie hanoigne le hirehake zao ama'areo te: 'Tsy misy famantarako anareo ndre ty nihirifa'areo.' ²⁶Le hanao tihoe nareo te: 'Zahay nihinagne naho ninogne niatreke azo, le Ihe ka fa nanoro lalan-kavelogne tan-dalagney.' ²⁷Fie Ie le hanao izao te: 'Mirehake ama'areo raho, tsy fantako ze nihirifa'areo. Misintaha amako, nareo ndaty ra²⁸Hisy tagny naho nife hikodritse naho fa talake areo te intiagne ty Abrahama, Isaka, Jakoba, naho ze mpitoky iabike amy ty fanjakàn'Agnahare ao, fie le horoahegne an-tany agne nareo. ²⁹Iareó le hiakatse boake antignanagna agne, andrefagne, avaratse naho antimo, le hiambesatse an-databatse amy ty fanjakan'Agnahare ao. ³⁰Fantare te, ze tsy loho mavesatse ro ho voaloha'e, le ze lako ty vesa'e ro ho farae."³¹Niaveo avao, le nisy Fariseo ilae niavy nirehaka amae tihoe: "Akia mandenà misintaha ty etoa fa mikilily ty hamono Azo ty Heroda." ³²Jesosy nanao izao te: "Mandehana le talilio zao amboataolo agne zao te: "Intoa, Raho mandroake kokolampogne naho mitaha marare anito naho ty maray, le naho fa afake fagnintelo andro le ho vitako ty teako ho nanoegne. ³³Ndre ino ndra inogne ty ho hisy, le raha bey amako mbe mionjogne anito, naho ty andro magnarake, fa tsy hoekegne ty famonoagne ty mpitoke ho lavitse i Jerosalema.³⁴"Jerosalema, Jerosalema, mpamono mpitoke naho mpitorake vato ze nirahegne ama'areo ao. Fagnimpireko ro namore ty ana'areo nanahake ty rene akoho mamore ty anae ambane ty sandri'e, fie le tsy nirie'areo zao. ³⁵Ingo, nengagne ty tragnoareo. Ataliliko anareo, fa lelia'e tsy hahatrea Ahy nareo, naho tsy le sita magnombara tihoe nareo te: "Haha ze boake amy ty tahina i Andriantompo."

Chapter 14

¹Te indraike Sabata, naho fa nimbamy ty tragno ty lahibey fariseo hikama mofo Reke le narendre iareo soa. ²Le ingo, nisy ajalahy ampijale i edema ty agnolohae eo. ³Jesosy nagnontane iareo mpahay ty lily ry Jiosy naho ty Fariseo tihoeke: "Faly vao ke tsy faly ty manaha ndaty amy ty andro sabata?"⁴Fa le tsy nahavolagne iareo. Ama ty manao izao le norambese i Jesosy reke, le nohahae, le vinotsoe handeha. ⁵Le tihoeke natao'e amy iareo te: "Ia ama'areo ty managna anake lahy naho agnombe tonta agnate vovogne amy ty andro Sabata ro⁶ tsy handrombake ty hagnakatse aze?"⁷Naho fa nitalake i Jesosy ty fijibogna iareo hamonjy ty toera soa, le nanao fagnoharagne Reke, nirehake amy iareo te: ⁸"Naho fa ao ty mitoka anareo hoavy amy ty enga vao, le ko mitoboke amy ty toeragne loho soa, tsy ho hay ke ndra nisy ndaty tinoka mbe hiasiagne ambone areo ka ty ao. ⁹Naho fa ho avy ndaty nitoka anareo, le hirehake zao ama'areo te: 'Meo ty ndaty raike toy o misy azo,' le ty hegna'areo ro hisintaha'areo hamonjy ty toeragne farae ambane.¹⁰Le naho fa agombaragne nareo, le mandena amy ty toeragne farae ambane, fa naho fa mandriogneo i nagnombara azo'y, vae hirehake amao avao tihoe: 'Ragnetse, mionjona ambonembone atoy.' Le ho hiasiagne nareo ama agnatreha ty miharo latabatse ama'areo. ¹¹Fa ze magnambone ty vatae le ho ambane, le ze miambane hatroatse."¹²Jesosy ka le nirehake amy nagnombara Aze'y te: "Naho fa manjotso mahakama, ndre fagnombaragne, le ko magnombara ty ragneo naho ty roahalahio naho ze marine azo ndre ty manandraha marine azo, te hitama ty fagnombarae azo ka ho takalo izay, le ho voavale rehe.¹³Fa naho magnombara ndaty rehe, agnombarao ty sahiragne, ty kepeke, ty kombimba, naho ty goa, ¹⁴le ho haha rehe, fa tsy hahavale ty raha natao'o iareo. Fa ihe le ho voavale amy ty fijoroa ty maregne.¹⁵Rehefa naheno ireo zavatra ireo ny iray tamin'ireo niray latabatra tamin'i Jesosy, dia niteny taminy izy hoe: ''Sambatra izay hihinana ny mofo ao amin'ny fanjakan'Andriamanitra!'' ¹⁶Fa Jesosy niteny taminy hoe: ''Nisy lehilahy iray nikarakara sakafo lehibe ary nanasa olona maro. ¹⁷Rehefa voakarakara ny sakafo, dia naniraka ny mpanompony izy hiteny an'ireo izay nasaina hoe: 'Mandrosoa, fa ny zava-drehetra dia efa vonona.'¹⁸Fa le nihambagne iabike ty raha tantsay iareo ao le sambe nanao ze rehake hipalirae. I voalaohae'y nirehake te: "Nivily tane raho, le handeha hey raho handrendreke zay agne. Afaho ty amako.' ¹⁹Ty raike hafa nirehake tihoeke: 'Nivily agnombe folo raho, le handeha handrendreke zay agne. Afaho ty amako. Le ty lahy raike hafa teo nirehake tihoe: ²⁰'Vaho nanenga valy raho, a izao le tsy ho afake ty hombeo raho.'²¹Le niavy i mpitoro'ey le nitalily izao raha iabike zao amy pataro'ey. Le niboseke am'izao i tompon-tragnoy le nikazakazake i mpitoro'ey nanao tihoe: "Mandenà tsiela agnarabey naho ankiririsa ty tanàgne toy le ndeso iabike ty sahiragne naho ty kombimba, ty goa naho ty kepeke.' ²²Le tihoe ty natoy mpitoro'ey te: "Ragnandria, vita ze nampanoe'o ahy, fie le mbe misy tsy feno avao."²³Hoe ty natao pataroe'ey amy mpitoro'ey: "Mandenà agnarabey ey naho ty tanembole le sereo iareo hoavy, le ho feno ty tragnoko. ²⁴Fa le ambarako anareo, fa tsy hisy hangnandragne ty haneko ze lahilahy nagombaragne."²⁵Le ndaty maro ty nagnorike Aze, le nitolike Reke le nirehake tihoeke: ²⁶"Naho misy ama'areo magnorike Ahy ro tsy mahafoe ty rae, ty rene'e, ty valie, naho ty anae, ty rahalahie naho ty rahavavie, ndre ty fiaignae avao, le tsy ho mbiagne ho mpianatro reke. ²⁷Ndre ia ndra ia ty tsy mijine ty hazo najaly fie magnorike Ahy le tsy ho mbiagne ho mpianako reke.²⁸Ia ama'areo ty magniry hagnamboatse tilikambo, ro tsy hitoboke hey hisafire ty ho lany amae naho ty ilagne amae ampara ty hivitae? ²⁹Fa tsie naho fa nahaoregne ty fotoe reke naho ndra le tsy hahavita izao, le hoatao ty ndaty ze nahatrea izao ³⁰tsikike te: 'Ty lahy tiagne nieva fagnoregnagne tragnoy fie ndra tsy nahavita.'³¹Le ia ka ty mpanjaka, naho handeha hialy amy ty mpanjaka hafa le tsy hitoboke hey, hametsevetse te naho mindre amy ajalahy ray alegne vao ho afake hialy amy ty mpanjaka hafa avy hanohetse reketse ty ajalahy roalegne? ³²Asa te ie, mbe lavitse ty mpanafike, le hagnirake ndaty tsy ampe hiaolo aze hangatake ty fomba hilongoagne. ³³Ama ty manao izao, le ndre ia ndra ia ama'areo ro ty mahafoe ze raha iaby anagnae le tsy ho mbiagne ho mpianako reke.³⁴Soa ty sira, fie naho montso ty tsiro i sira'y, le akore ka ty hieregnae hasira indraike? ³⁵Fa ndra ty tane ndre ty litsake tsy raha mipay aze, fa le hariagne avao zao. Ze manan-tsofegne ho ndese hitsanogne le mitsanogna."

Chapter 15

¹Le ndre ty mpitake karatse naho ty ry tsy vokatse le niavy eo hitsanogne Jesosy. ²Le nineoneogne ty Fariseo naho mpahay lily rey, nirehake tihoe: "Ty lahy tiagne miharo amy ty tsy vokatse, le toe mbe miharo fihinagne amae aby."³Jesosy nanao fagnoharagne tihoeke ama iareo, nirehake tihoe: ⁴"Ia ama'areo ty managne agnondry zato naho le montso ty raike amae, ro le tsy hienga i sivy ambey sivampolo amonotogne agne, le hifampipay amy raike nimontsoy hatra ty hatreavagna aze? ⁵Le naho fa trea'e zao, le hifale reke ro hitarazo zao an-tsoro'ey.⁶Naho fa avy an-tragnoe ao reke, le hamory ty ragne'e naho ty tanan-draike amae reke, hirehake zao ama iareo te: "Mahavia mifale mindre amako, fa nitreako i agnondriko nimontsoy.' ⁷Hoe zao ka ty ambarako anareo, fa ho hafaleagne andanitse agne ty fiovà havelo ty behakeo raike, ndre te ie eo ty malio hakeo sivy ambe sivampolo tsy miova havelogne.⁸Ndre te ia ty ampela managne farantsa kede folo, le naho montso ty farantsa'e raike, le tsy handrehetse jiro, hamafa tragno, le an-joto'e ty hifampipay zao hatra ty hatreavae aze? ⁹Le naho fa trea'e zay, le hamory ty ragne'e naho ty tanan-draike amae reke, hirehake zao ama iareo te: "Mahavia mifaly mindre amako, fa nitrea i vola farantsa kede raike nimontsoy.' ¹⁰Hoe zao ka ty ambarako anareo, fa hisy hafaleagne ty andanitse angnatreha ty anjelin'Agnahare eo amy ty fiovà havelo ty behakeo raike.¹¹Ie niaveo Jesosy nirehake tihoeke: "Teo ty ndaty raike nanagn'anake roe lahy, ¹²le hoe tsitso iareoy nirehake aman-drae te: "Omeo ahy aba ze toe ho nihoahy amy ty lovako." Le zinarae amy iareo ty varae.¹³Tsy niela afara izay, tsitson'anakey namory ty aze iabike le nandeha amy ty firenegne raike lavitse, le agne ty nanoae fiaigne dietse nampikitsignae i varae rey. ¹⁴Le naho fa nikintsigne ty tamae niavy ty hakere amo firenegneo, a le fa manomboke tsy mahaampe aze ty amae.¹⁵Nandeha reke nikarama amy ty ndaty raike amo firenegne zao, le nagniraka aze hamahagne lambo an-tonda'e agne. ¹⁶Tsy nisy ndre ndaty raike nagnomey raha aze naho ho niharoke hihinagne i haney lamboy reke.¹⁷Fa naho fa niela agne reke vao nifantae ty nanao izao te: 'Fire amo mpitorogne an-draeko ao ro mihinagne maro amy ty fagnevae, á i raho toa, ro ho ompo ty hakere! ¹⁸Hiengako ty etoa le hoaman-drako agne raho, le hirehake izao amae raho te: "Fa manan-kakeo boake amy ty lanitse raho naho agnatrehao raho aba. ¹⁹Fa tsy fagneva ty mbe ho atao ho anao sasa raho; ampanahafo manahake o mpitoro'o reo raho."²⁰A izao le nandeha i tsitson'anakey le nimbàman-drae agne. Naho mbe nilavitse reke, le nitalaky rae'y, le tofotse ty arofo'e niferenaigne, le nilay, niantsampe ambozo'e naho nagnoroke aze. ²¹I anadahy'e nirahake zao te: 'Aba, fa manan-kakeo amao naho amin'Agnahare raho. Tsy fagneva ty hatao anao.'²²Rae'y nirehake amy mpiasa'e rey te: "Indeso atoy tsiela ty akajo farae soa, ampiakanjo'o aze, le isio peratse ty tagnae, isio hana ty tombo'e. ²³Le naho fa avieo le ndeso sarake vondrakey le vono'o agne. Ndao hifale naho hihinagne! ²⁴Fa toe fa nimate ty anadahiko, fa anito le nivelogne ndraike. nimotso reke naho nitrea ka ty anito. Le nifale amizay iareo.²⁵I zoken'anakey tsy teo fa tatonda agne. Naho fa narine i tragnoy reke, le naharey tsinjake naho raha magneno. ²⁶Nitoka ty raike amy mpiasa'e rey reke naho le nagnontane te inogne o raha o zao. ²⁷I mpiasa'e nirehake te: "Niheregne an-tragno ty rahalahio le namonoan-drao sarake vondrake, fa niavy soa tsy nagnahy avao reke.'²⁸Niboseke i zoken'ananake, le tsy nimete hilitse, naho le niakatse i ra'e, naho nanambetambe aze. ²⁹Fie le tihoe ty natoy zoken'ananake aman-drae: "Ie zao, fa an-taogna'e maro raho ty fagnompoako azo, tsy mbe nandietse ty lahao raho, ³⁰fie le mbe liako naho nimea'o ndre ose anakanae ho nindrezako nifaly reketse ty ragneko, ie naho fa avy ty anadahio nampikintsigne ty varao tamy ty tsimiriragne, le vinono'o ho aze ty sarake natao ty hibeiza'e.'³¹Tihoe ty nataon-dra'e: 'Anako, ihe le tamako eto avao, le ze raha ahike le azo iabike. ³²Fie ty rahalahio fa nimate naho nivelogne ndraike, nimontso naho nitrea indraike tiagne, le soa naho hifaleagne naho hanoagne fete.'

Chapter 16

¹Le tihoe ka ty natao Jesosy amy mpiana'e rey: "Teo ty lahy mpagnarivo raike nanagne mpandahatse ty fanagna'e, le natalily o ndaty te o mpandahatse ty fanagnae'o ro mandany ty fanagna'e iabike. ²Le nampitoka aze i lahy mpagnarivoy le nirehake tihoe: 'Ino raha reiko amy ty raha atao'o zao? Ambarao iaby ty omba ty nandaharao ty asa'o fa tsy ho ihe sasa to ho mpandahatse ty fanagnagne.³Nirehake an-troke tihoe i mpandahatse fanagna'e: "Ty akoreo ty hoataoko, fa afahe ty pataroako amy ty asa lahareko raho? Ndra hery tsy amako hondeseko hiasa tane, salatse ka raho ty hangatake. ⁴Izao ty hataoko, naho fa haafahagne amy ty fandaharagn'asa raho, le hoampandroso'e ty ndaty amy ty tragno'e.⁵Avy eo i mpitàn-drahay nitoka tsikiraike amy ze nitrosa amy ty pataroa'e, le nagnontane i volaha'e reke te: 'Fire ty trosa ty pataroako amao?' ⁶Le nirehake reke te: 'Menake oliva zato litatse.' Le tihoe ty norehafe'e amae: 'Mandrambesa taratasy le mitoboha etia tsy ela, le sorato te limampolo.' Naho niavy eo ka le nirehake tamy ty raike i mpitam-panagnagney: 'Fire ty trosao?' ⁷Le tihoe ty natao'e: 'Vare zato gony.' Le tihoe ty natao'e amae te: 'Mandrambesa taratasy, le sorato valopolo.'⁸Pataro'e le nitsiriry mpitam-panagangne tsy maregney amy ty amy ty fahaia'e hevetse amy ty asa'e. Fie mahihitse ambone'e ty ana ty tane bey toy naho ty laha iareo sambe ndaty naho te ama ty ana ty mazava. ⁹Magnombara ama'areo Raho, ty vola tsy maregne ano'o fipaian-dragnetse, le soa naho fa lany izao, le hisy handrambe anareo ay ty anjomban'Agnahare.¹⁰Ze itokisagne amy ty raha kedekede, le itokisagne amy ty raha bey. Le ze tsy maregne amy ty raha kedekede, le tsy ho maregne amy ty raha bey. ¹¹Naho tsy atokisa'areo ty fampiasagne vola tsy maregne, le ia ty hahatoky anareo amy ty harea maregne? ¹²Naho tsy itokisa'areo ty ho fampiasagne ty vola ty ndaty hafa, ho ia ty hagnomey vola hoanareo mitokagne?¹³Tsy misy mpiasa afake hiasa amy ty pataroe roe, eo reke te halaigne ty raike le ho tea ty raike, asa ka te ie hanolo-batagne ty raike le tsy himane ty raike. Tsy afake hiaro ty ho tompo an'Agnahare naho ty hareagne."¹⁴I Fariseo, lako fitea vola'y, naho naharey o raha iabike izao, le nanivativa iareo. ¹⁵Nirehake tihoeke: "I nareo magnomey ható ty vata'areo magnatreke ty ndaty fie Andrianagnahare mahaonigne ty agnate ty foe'areo. Fa ze tsiririegne agnatreha'ondaty le ho irihiagne agnatrehan'Agnahare.¹⁶Ty lily naho ty mpitoky fa teo hatra ty nahavia i Jaona. Fa hatra i fotoagne izay ro nitaliliegne ty talilisoa an'Agnahare, le ze kila ondaty le nimane nagnorike ty lalagne hombeo. ¹⁷Fa le mbe mora ka ty ho afake ty tane naho ty lanitse te amy ty ho afake ty soratse kede amy ty lily tsy horihigne.¹⁸Ze nagnare ty valie le magnenga ampela hafa le mandika filagne, ka le magnenga ampela ty nisara-baly le mandika filagne.¹⁹Teo ty mpagnarivo raike nagnisy akanjo voloparasy naho doroke matify nifaly sanandro ty harea'e maro. ²⁰Teo ka ty mpangatake raike atao Lazarosy zay nifere bey, nitoboke an-dala iareo eo, le niharoke hihinagne ze poke amy ty lataba i lahy mpagnarivoy. ²¹Le ndre ty amboa nandriogne tsy nitselake ty feri'e.²²Naho fa nimate i mpangatakey le nindese i anjely rey amy Abrahama agne. Nimate avao ka i mpagnarivoy naho le nalevegne, ²³amy ty tane ty montso, naho fa nampijaleagne reke le nampibalike ty maso'e naho le nahatalaky i Abrahama naho i Lazarosy toboke agnilae eo.²⁴Le nitoka reke nanao tihoeke: 'Ragnandria Abrahama, feregneso raho, votsoro ty Lazarosy hampijogne ty loha tondro'e agnate ty rano toy hampagnintsigne ty lelako, fa loho agnate fijalea loatse ampo ty afo toy raho.'²⁵Le tihoe ty natoy Abrahama: 'Anake, tiaro'o te ze andro niaignao le raha soa avao ty niazo'o, fa ty ey Lazarosy le ty raty avao. Le ie hinaneo atoy ka reke le tambetambe ty azo'e fa fijaleagne ka ty azo. ²⁶Tsy zay avao, fa mbe misy halibey lalike natao, tsy hahafaha ze te hitsaka etoy hitsaka mbeo, naho ty te hitsake ey hitsaka atoy.'²⁷I lahy mpagnarivoy nirehake tihoeke: 'Mihalaly amao raho aba Abrahama, hagnirahao aze ho antragnon-draeko ne_ fa managne rahalahy lime raho_ ²⁸hahafahae manoro iareo tsy ho mone mbe ho avy amy ty tane fialeagne toy avao ka iareo.'²⁹Izao ty natoy Abrahama te: "Managne Mosesy naho ty mpitoki'e iareo; le mbe hitsanogne rey iareo.' ³⁰Le hoe ty natoy lahy mpagnarivoy: "Tsie aba zay Abrahama, fa naho ty fa nimate ro mbamy iareo mbeo, le hiova havelogne iareo.' ³¹Fa le mbe tihoe avao ty natoy Abrahama: 'Naho tsy mitsanogne i Mosesy naho mpitoky reo iareo, le tsy ho mete laharegne zao ndre te ie misy ndaty mate hivagnom-belogne ndraike.'"

Chapter 17

¹Jesosy nirehake amy mpiana'e rey te: "Fantatse fa toe le hisy ty raha hatafintohigne antika, fie loza hoe ze mitsikapy! ²Ty nisoa'e ndra nisiagne vatobey am-bozo'e le natorake an-driake, tsy ndra hitsikapy ty mavomavo toagne.³Le manoa soa nareo, naho eo ty rahalahio diso, le rarao mafe reke, a naho misoloho, le miefá. ⁴Naho diso impito amao agnate ty andro raike reke, le hiheregne impito amao hirehake tihoe: "Misoloho raho, le toe hiefa avao rehe."⁵Le tihoe ty norehafe i Ampostoly rey: "Ampitombó ty finoa'ay."⁶ Andriantompo nirehake zao te: "Naho manam-pinoagne manahake ty voan-draha minjilite'e nareo, le vita'areo ty rehake ty hatàm-boaroy roa te: 'Miombota, le mitiria andriake agne.' le ho mete areo zao.⁷A ho ia ama'areo ty managne ty mpiasa'e miasa tane ndre mpiroake agnondry, ro hirehake zao amae naho fa avy boake an-tonda agne te: 'Mbetoa tsy ela le mitoboha hihinagne?' ⁸Fa tsy hirehake izao tihoeke amae: 'Analakagno raha hohaneko raho, le isio raha famehe troke ty akanjo'o le mbetoa torogno raho hatra ty hilania ty haneko naho hinomako. Le mbe hihinagne naho hinogne ka rehe.⁹A le hisaotse mpiasa'e vao reke ke tsy hisaotse ndra te ie nahavita ty raha nampanoegne aze reke? ¹⁰Ndre inareo zao, naho nahavita ty raha nafantoke ama'areo nareo le hirehake tihoeke: "Mpiasa tsy mahasakagne zahay, ty raha ho natao'ay avao ro nivita'ay.'"¹¹Le naho fa nimbà Jerosalema Reke, le nihoza amy ty moron-tane agnivo i Samaria naho Galilea. ¹²Le naho fa nizilike amy ty tanàgne raike reke le nifanampy amy ty lahy boka folo ao. ¹³Nitsangagne lavitse Aze iareo le nitoka mafe nirehake tihoe: "Jesosy, Andriantompo, iferenaigno zahay."¹⁴Naho fa nahatalake iareo Reke, letihoe ty norehafe'e: "Akia, atoro'o mpisorogne reo ty tagna'areo." ¹⁵Naho iareo nandeha'y le nalio. Naho fa nahatrea ty raike amy iareo te fa jangagne, le niheregne, nikoke mafe nagnomey ty lazan'Agnahare. ¹⁶Nihohoke amy ty fandia i Jesosy, nisaotsaotse Aze. Ndatio le Samaritana.¹⁷Le nirehake izao ty Jesosy te: "Tsy fa malio vao iareo folo? Vaho aia ty sivy? ¹⁸Le tsy nisy niheregne hagnomey ty voninahin'Agnahare naho tsy ty raike ambahiny toy vao? ¹⁹Le hoa Reke tamae: "Mitroara, le mandenà, fa ty finoa'o ro nahajangagna azo."²⁰Naho nagnontane Fariseo rey te mbia ty fanjakan'Agnahare ty ho avy, le tihoe ty natoy Jesosy: "Tsy raha talake maso ty hiavia ty fanjakan'Agnahare, ²¹tsy hirehake izao ka iareo te: 'Intike an'ie, enteo!' na hanao tihoe: Indroagne an'ie!' Fa izao, ty fanjakan'Agnahare fa amareo ao."²²Tihoe ty asa'e mpianatse rey: "Avy ty andro hagniria areo hahatreavagne ty raike amy ty andro ty Tirinolombelogne, fa tsy hahatrea izao nareo. ²³Le iareo le hanao izao anareo te: 'Indroy an'ie! Intike an'ie! Ko miakatse handrombaka aze, ²⁴fa manahake ty helatse manjelatse mitaratse ty zoro ty lanitse mitsake amy ty zoro'e raike zao, le ho'e zao ka ty Ana Ondaty amy ty andro'e.²⁵Fa toe le hijale naho liere ty ndaty amy ty raha maro Reke amy ty voaloha'e. ²⁶Manahake ty raha nisy tama ty ano i Noa ka ty hisy amy ty andro ty Ana Ondaty. ²⁷Nihinagne iareo, ninogne, nanambaly, nasese ho engagne, mandra-pizily i Noa am-po ty sambo'e ao_ A le niavy ty safo-drano nanjamagne iareo.²⁸Manahake ty tama ty andro i Lota_Nihinagne naho ninogne iareo, nivily naho nivarotse, namboly nao nanao tragno. ²⁹Le tama ty andro niakara i Lota ta Sodoma tao, le afo naho solifara ro nipoke boake an-danitse agne nanjamagne iareo iabike.³⁰Le ho'e zao avao ka ty amy ty andro hiboaha ty Ana Ondaty. ³¹Amo zao andro zao, le engagne hizotso hangalake ty enta'e ho ahakatse an-tany agne ty tompon-tragno; le ko engagne ka hiheregne hangalake ze an-tonda agne.³²Tiarovo ty valy Lota, ³³ndre ia ndra ia ty te handrombake ty fiai'e le handrebakre ty vatae, fa ze hagnare ty fiai'e le hahavotse ty vatae.³⁴Ataliliko anareo, fa ty halegne amo andro zao, le hisy ndaty roe miharo fandreagne raike. ³⁵Ty raike ho rambese, ty raike ho votsoragne. Le hisy ampela roe hiaro lisagne. Ty raike ho rambese, ty raike ho votsoragne. ³⁶[Marihegne: Misy fandikagne ilae fanjaka vatae magnafake ty andine'e faha 36 te: "Hisy roe lahy an-tonda agne, ty raike ho rambesegne, ty raike ho votsoragne."] ³⁷Nangontane Aze tihoe iareo: "Ho aia izao, Andriantompo? Le tihoe ty natoy Jesosy: "Ze misy ty mate, ro hisiagne ty fa natraoke hiaro raike."

Chapter 18

¹Le nanao fagnoharagne hoe mpiana'e rey Reke himanea'e iareo fivavahagne lomognandro, tsy hahakivy iareo. ²Le tihoeke ty natao'e: "Teo ty mpitsara tsy matahotse an'Agnahare naho tsy mihasy ndaty tamy ty tanagne raike.³Le nisy vantotse mpiheo ama'e ao isan'andro amo tanàgneo, nirehake amae tihoeke: 'Ampeo raho mba hanagnako ható amy ty ndaty malaigne ahy.' ⁴Fa ie fa niela reke ty tsy nanagne vetsevetse ty hagnampe aze, fie naho fa nirehake tihoe an-tro'e agne reke te: 'Ndre te ie tsy matahotse an'Agnahare raho ndre te ie tsy mihasy ndaty, ⁵fie ndra ho sosore ty vantotse toy raho, le ndra ho ampeako reke hahazoa'e ható, tsy hagnahiragna'e ahy amy ty fiheren-kere'e atoy.'"⁶Le nirehake tihoe ty Andriantompo: "Tsanogno ze nambara mpitsara tsy maregne zay. ⁷Te tsy hagnomey ható hoe ze jinobo'e mitoreo andro naho halegne amae ka vao ty Andrianagnahare? Le hampandigne andro maroe ho'e iareo vao Reke? ⁸A le ambarako anareo fa tsy ela avao ty hagnomeza'e ható anareo. Le ho'e zao ka, naho fa amy ty fiavia ty Ana Ondaty, hahaonigne finoagne an-tany etoa ka vao Reke?"⁹Le mbe nanohatse ho'e ty ilae manao ty vatae ho maregne naho mangivativa ty ndaty hafa tihoeke ka reke: ¹⁰"Teo ty roe lahy nandeha an'anjomban'Agnahare ao hivavake_ Ty raike le Fariseo le ty raike mpitake karatse."¹¹I Fariseo nitsangagne le nivavake ho'e ty vatae nanao tihoeke: "Andrianagnahare, misaotse Azo raho fa tsy manahake ty ndaty hafa_mpangalatse, ndaty tsy maregne, mpandika filàgne, mbe tsy manahake ty mpitake karatse tiagne. ¹²Tsy mipaoke hanegne indroe agnate ty heregn'andro raho. Magnomey ty am-pahafolo ze raha niazoko.'¹³I mpitake karatsey nitsangagne lavitsey, ndre ty hiandra ty maso'e amy lanitsey tsy nivane'e, nijera ty aragna'e, nirehake tihoeke: 'Andrianagnahare, iferinaigno raho, fa ndaty behakeo.' ¹⁴A le ataliliko anareo, fa o lahio le niheregne an-tragno'e agne malio tahigne te amy lahy raikey, fa ze manonjom-batagne le hazetse, le ze miambane hatroatse."¹⁵Fonga nitarike ty anae ho amae eo ze ndaty teo, magniry ty hotsapa'e, fa mpianatse rey naho fa nahatrea izao, le nandrara iareo. ¹⁶Jesosy nitoka iareo hiharine Aze, le tihoe ty rineha'e: "Votsoro ty ajaja hiharine Ahy, ko raràgne. Fa ty ho'e iareo toa ty fanjakan'Agnahare. ¹⁷Ataliliko soa anareo, fa ndre ia ndra ia ty tsy mandrae ty fanjakan'Agnahare manahake ty ajaja, le toe tsy hilitse amo zao."¹⁸Le nisy mpanampake lily raike nagnontane Jesosy tihoe: 'Mpampianatse soa vatae, inogne ty raha hatako hahazoako ty fiainagne tsitampetampetse?' ¹⁹Jesosy nirehake amae tihoeke: "Magnino raho atao soa'o? Tsy misy ndaty soa, naho tsy Andrianagnahare avao. ²⁰Fa haio ty lily_ Ko mandika filam-baly, ko mamono ndaty, ko mangalatse, ko miantoke vande, mihasia rae mihasia rene." ²¹Izao ty natoy i mpanampake lily: 'Fa niambeko iaby hatra i raho mbe nikede zao."²²Naho fa naharey izao Jesosy, le nisaontsy tihoe: "Raha raike ty tsy ampe amao, mivarotse ze kila raha anagnao rehe le zarao amy ty sahiragne, le hanagne ty harea'o an-danitse agne_ le mbeo hagnorike Ahy." ²³Naho naharey izao i mpanampake lily, le tsy nisy fa ndaty mpagnarivo reke.²⁴Jesosy ka nahaonigne aze, le nikorefotse ty fiai'e [Fanamarihagne: Iareo mahay raha le sambe managne ty vetsevetse'e te ho ampilirigne etoa ty rehake hoeke: [Ie] le nikorefotse ty fiai'e. Ampirao amy ty andine'e 23] le nanao tihoeke: "Manao akore ty hasaro ty hiziliha ty mpagnararivo amy ty fanjakan'Agnahare! ²⁵Fa toe ndra mora ka ty hiziliha ty rameva amy ty hiri-mpanjaitse, te ama ty hiziliha ty mpagnarivo amy ty fanjakan'Agnahare."²⁶Ze naharey zay le nirehake tihoeke: "A ho ia areke ty hoavotagne?" ²⁷Tihoe ty natoy Jesosy: "Ze tsy hay ondaty, hain'Agnahare."²⁸Petera nirehake tihoeke: "Intoa zahay, nienga ze kila raha'ay le nagnorike Azo. ²⁹Zao ty saontsy Jesosy amy iareo te: "Ataliliko soa anareo, fa tsy misy ndaty nahafoe tragno, valy, rahalahy, ty rae nao rene'e, ty anae, te ama ty fanjakan'Agnahare, ³⁰le ze tsy hahazo raha maro amy ty tanebey toy, le ho havelogne tsitampetampetse naho fa afara agne."³¹Naho fa nivorie amae eo ty folo lahy roe ambe Reke, le tihoe ty nisaontsi'e ama iareo: "Ingo, manganike mba Jerosalema ntika, le ho lefe ty raha iaby sinora ty mpitoky mahakaseke ty Ana Ondaty. ³²Te hatolotse o Jentilisa'o Reke, ho heheagne, ho salaharegne, ho roràgne. ³³Afara ty jera Aze, le hovonoe iareo Reke fe ie ama ty fahatelo andro le hivagnom-belogne indraike Reke."³⁴Fa ie le tsy nisy nahafantatse ty nomba zao raha zao iareo, toe rehake avony ka naho le tsy nisy naharendreke izao raha notsaragne zao.³⁵Naho fa narine i Jeriko ty Jesosy, le nisy lahy goa mangatake an-dalagneo, ³⁶naho fa naharey ndaty maro mandriogneo, le nagnontane ze raha nisy. ³⁷Nanabara iareo te Jesosy boake Nazareta mandriogneo.³⁸Le nitoka mafe am'izao re, nanao tihoe: "Jesosy, Foko i Davida, iferinaigno raho." Le ze nandeha aloha nandrara i lahy goa'y, le nirehaka aze hiitsigne. ³⁹Fa ie le ndra nagnonjogne ty feo'e nanao tihoe reke: "Ry Foko Davida, iferinaigno raho."⁴⁰Nijanogne ty Jesosy le nampinday i lahy ho mbamae mbeo. Le naho fa narine i lahy goa'y, le nagnontane tihoe Jesosy: ⁴¹"Inogne ty tea'o hataoko amao?" Nanoigne tihoeke reke: "Andriantompo, te hahatrea raho."⁴²Tihoe ty natoy Jesosy aze: "Mahatreava, ty finoa'o ro nahavotsotse azo." ⁴³Eo naho eo avao le nahatrea reke avy le nagnorike Aze, hagnomey ty hasin'Agnahare. Ze ndaty iaby naho fa nahatrea izao, le nanondrotse ty lazan'Agnahare.

Chapter 19

¹Nizilike naho nandriogne ta Jeriko ty Jesosy,² le ingo ty lahy atao Zakaiosy zay ty teo. Izay lahibey ty mpitake karatse naho ndaty mpagnarivo.³Te hahatrea i Jesosy reke, fie boribory nao le tsy afake ty hahatrea am-po ndaty ao. ⁴A le nilay niaolo ndaty rey agne reke le nanganike hataen'Adabo raike hahatreava'e Aze, fa toe handriogne amy lalagne zay ty Jesosy.⁵Naho fa niavy amy toeragney ty Jesosy, le niandra nagnambone Reke nirehake amae te: "Mizotsoa malaky Zakaiosy, fa ho ambahinio amao ao Raho te anito." ⁶Le nizotso tsy ela reke nandrae Aze an-kafaleagne. ⁷Naho fa nahatrea izao maro rey, le sambe nitoreo, nirehake teihoe: "Inge Ie nitilike i lahy behakeoy agne."⁸Nitsangagne ty Zakaiosy le tihoe ty norehafe'e: "Ragnandria, vazohó ty antsasa ty fanagnako hatoloko ty sahiragne, le naho misy raha nigegeako ndaty , le hoavaheko inempatse." ⁹Tihoe ty saontsy Jesosy: "Anito ty hiavia ty fagnavotagne amy ty tragno toa, fa toe fokoa i Abrahama ka reke. ¹⁰Fa ty Ana Ondaty le niavy hipay naho hagnavotse ze motso."¹¹Naho naharey zao raha iabike zao iareo, le mbe nisaontsy nanao fagnoharagne raike Reke, fa toe fa narine i Jerosalema, le sambe fa nandigne iareo ty hiboaha ty fanjakan'Agnahare eo naho eo. ¹²Ama ty manao izao le nisaontsy tihoeke Reke: "Teo ty ndaty amy ty fanjakagne raike nisintake lavitse agne hipay ty fanjaka'e le mbe hibalike ka boakeo.¹³Nitoka ty folo lahy amy ty mpiasa'e reke, le nanolotse farantsa folo iareo, le nirehake tihoeke: "Manoa varobarotse handigny ty fihereko." ¹⁴Fie niheje ty tanan-draike amae reke, le nampagnoriha iareo ndaty, hirehake tihoe: 'Tsy mipay ty hanjaká ty lahy toy ama'ay eto zahay.' ¹⁵Le naho fa nibalike reke, nandrambe ty fanjakàe, le nampitoka i mpiasa'e nimea'e volay rey hoamaeo reke, hahafantara'e ty tombo ty niazo'iareo amy ty varobarotse natao'e.¹⁶Niavy voaloha'e, nirehake tihoeke: 'Ragnandria, volao le nahazo tombo'e fagnimpolo'e mihoatse. ¹⁷Nirehake rangahey te: "Mpitorogne soa, soa izao, a naho nitokisagne ama ty raha kedekede rehe, le ihe ty handily amy ty tanàgne folo.'¹⁸I faharo'ey naivy, nirehake tihoeke: 'Ragnandria, ty volao, le nahavy vola lime hafa.' ¹⁹Le tihoe ty natao i rangahey: 'Handily amy ty tanàgne lime rehe.'²⁰Niavy raike, nirehake tihoeke: "Ragnandria, intiagne ty volao, nahajako am-po lamba ao, ²¹fa natahotse azo raho, fa toe ndaty masiake rehe. Mangalake avao ze tsy nengao, mijinja ze tsy nafafeo.'²²Nirehake amae rangahey te: 'Amo zao rehao raike zao ro hitsarako azo, ty mpiasa raty tiagne. Nifantao te ndaty masiake raho, mangalake avao ze tsy nengako, mijinja avao ze tsy nafafeko. ²³A nagnino naho naseseo amy ty mpitagne vola agne ty volako, le naho fa nibalike raho ndra nangalake aze reketse ty anae?²⁴Le tihoe ty norehafe rangahey ama iareo nitsangangne marineo te: 'Alao amae volay, le toloro i managne foloy.' ²⁵Le hoe ty asa iareo te: 'Ragnandria, fa managne vola folo reke.'²⁶Magnombara ama'areo raho, fa ze managne le homeagne ambone'e, fa ze tsy managne, le mbe hoalaegne amae ze anagnae. ²⁷Le ty fahavaloko, malaigne ty hanjakako ama iareo etoa, ndeso areo etoa lentao miatreke ahy.'"²⁸Naho fa nivita zao saontsie zao, le nandeha aloha Reke, hamonje Jerosalema agne.²⁹Naho fa niavay agnila i Betifaga naho Betania Reke, ambohitse atao Oliva zay, le nagnirake ty roe amy mpianae rey,³⁰ nisaontsy tihoe: "Mandenà amy ty tanàgne raike. Naho fa mizilike ao nareo, hahatrea anam-birike mbe tsy nitongoa ondaty. Hahao zao, le ndeso amako atoy. ³¹Naho ao ty magnontane anareo tihoe: 'Ty aia ty agnaha areo io? le volagno tihoe: 'Ao ty ilà Andriantompo aze.'³²I nirahegne nandeha rey le nahatrea anam-birike tsisy hafa amy ty nisaontsi'e Jesosy ama iareo. ³³Naho mbe magnaha i anam-birikey iareo, le hoe ty tompoe ama iareo te: 'Ino agnaha'areo o anam-birikio? ³⁴Nirehake zao iareo te: 'Misy ilà i Andriantompo aze.' ³⁵Nindese iareo amy Jesosy agne zao, le nata'iareo ambone i anam-birikey ey ty lamba iareo, naho le nampitongoa iareo ambone'ey ty Jesosy. ³⁶Naho fa Reke nandehay, le namelatse ty lambae amy lalagney iareo.³⁷Naho fa narine fidignagne ambohetse Oliva ey Reke, le nifale mpiana'e maro rey naho le nanandratse an'Agnahare amy ty feo mafe amy ty raha bey nitrea iareo, ³⁸le nirehake tihoeke: 'Deraegne ze mpanjaka amy ty tahina i Andriantompo! Hiadagne ty an-danitse agne naho voninahitse andidimonegne³⁹hize Fariseo tama ty ndaty maro eo nirehake tihoeke: "Mpampianatse, rarao mpianao reo." ⁴⁰Nanoigne ty Jesosy nisaontsy tihoeke: "Ataliliko ama'areo, fa naho mitsigne ireo, le o vato ro hitsikorea.'⁴¹Naho fa narine ty tanà i Jesosy, le niharovetse aze, ⁴²nisaontsy tihoeke: "Naho nifantao te izao andro zao, le ihe, ty raha ho ninday soa hoazo! Fie hinaneke zao le ndra raha tsy talake ty maso'o.⁴³Mbe hoavy amao ty andro, hagnoregna ty fahavalo'o hery amboho'o ao, le hoatao iareo arikobogne rehe le ho kalagnae ama ze kila raha hatao'o. ⁴⁴Hatonta iareo reketse ty anao ama ty tany rehe. Le ndra vato mifanikitse tsy hoenga iareo, fa toe tsy nihai'o ty arofon'Agnahare nimane ty hagnavotse azo."⁴⁵Nizilika an'anjomba fivavahagne ao reke nandroake mpivarotse rey,⁴⁶ le nisaontsy ama iareo tihoe: "Voasoratse te: 'ty anjombako le anjomba fivavahagne', fie ndra natao iareo lakato ty mpangalatse."⁴⁷Le nagnanatse isan'andro agnan'anjomba fivavahagne ao reke. Iareo lahibey ty mpisorogne naho mpahay lily rey le nikinia hamono Aze avao, ⁴⁸fie tsy nihay iareo ty fomba hatao iareo hamonoagne Aze fa maro ty ndaty mimane tsanogne Aze.

Chapter 20

¹Te indraikenagnanatse agn'anjomba fivavahagne ao ty Jesosy le nitalily fagnombara soa, niharine Aze i lahibey mpisorogne rey naho ty mpahay lily reketse ty bey an-tanàgne. ²Nirehake tiho iareo: "Ambarao anay te amy ty fahefa ia ty anoa'areo zao raha iabike zao? Le ia ka ty nagnomey azo zao fahefagne zao?"³Nanoigne tihoe ama iareo Reke: "Hagnontany anareo ka Raho. Ambarao ahy te mahakaseke ty ⁴Batisa i Jaona. Boake an-danitse agne vao zao ke boake amin'Agnahare?"⁵Nitolake iareo, nanao tihoeke: "Naho hanao tihoe tikagne te: 'Boake an-danite' le hanao tihoe Reke: 'A ino tsy inoa areo Aze'o? ⁶Le naho tihoe ka ty hatointika te: 'Boake ama ondaty' le ho torahe ondatio ntika, fa iareo fa magneke te Jaona le mpitoky."⁷Ama ty manao izao, le natao iareo tsy fanta iareo ty niboaha'e. ⁸Jesosy nisaontsy ama iareo te: "Raho ka tsy hagnombara anareo ty lily hanoako izao raha iaby zao."⁹Nitalily fagnoharagne ho'e zao amy ndaty maro tihoe Reke: "Teo ty rangahe raike nampiasa tanem-boaloboke, le nampanofa izao ama ty mpambole voaloboke, le nienga izao reke nandeha amy ty firenegne hafa lavitse le niela ty lia'e agne. ¹⁰Ama ty andro raike, le nagnirake ndaty reke ho amy tanem-boalobokey, fa tokoe hagnomey voaloboke aze mpamboly rey. Fie ndra jinera i mpamboly rey reke, le noly harae.¹¹Le mbe nandefa mpiasa'e raike hafa ka reke fie mbe jinera iareo avao, salahare iareo, le mbe nampolie iareo harae avao. ¹²Mbe nandefa fagnintelo'e reke fie mbe jinera iareo nao rinoa iareo.¹³A izao le nirehake tompo i tanem-boaloboke te: 'Inogne ty hataoko? Hampandenako agne o anako teako ke ndra hiasia iareo.' ¹⁴Fie naho fa nitalake mpamboly voaloboke rey reke, le nifampirehake tihoeke iareo te: 'Intiagne mpandovay, ndagne holentantika ndra hoantika i lovay.'¹⁵Noroahy iareo hisitake tanem-boalobokey reke le vinono iareo. A inogne areke ty raha hatao i tanem-boalobokey iareo? ¹⁶Hoavy reke hampidemodemoke mpambole voaloboke rey, le hagnomey tanem-boaloboke ho'e ty ndaty hafa." Naho fa naharey zao iareo le nanao tihoeke: "Sondia'e amin'Agnahare."¹⁷Le nagnente iareo ty Jesosy, le nanao tihoeke: "Heinhe areke ty omba i soratse tihoekey te: 'Ty vato naria ty mpamboatse tragno ro nanjary zorom-bato?' ¹⁸Ze raike ho tonta amy vato zay le hangomokomoke, le ze hitonta'e le hodemodemoke."¹⁹Naho fa nifanta i mpahy lily naho lahibey mpisorogne rey te tohetse iareo ty nampiombagne fagnoharagney lefa nite hitsepake Aze iareo fie natahotse ndaty maro rey. ²⁰Nisafiri'e iareo soa Reke, le nagnirake ndaty maregne hiambegne ty tsara'e te ota iareo, hindesagne Aze amy ty lily naho ty fahefà ty goverinora.²¹Nagnontane Aze iareo, nirehake tihoeke: "Mpampianatse, hai'ay Ihe te mirehake naho manoro lalan-kavelogne amy ty maregne, tsy mipaoke ze heve'ondaty, fa le manoro maregne ty lalan'Agnahare. ²²A mete vao ke tsy mete ama'ay ty mandoa vola hoe Kaisara?"²³Fie niarofana i Jesosy ty fandrike tea iareo hatao, le nisaontsy tihoeke iareo te: ²⁴'Toro'o vola vigne raike atoy Raho. Sare ia naho ty agnara ia o amae eo? Nirehake iareo te: 'Ey kaisara'²⁵Reke nisaontsy ama iareo te: "A nao izao toloro Kaisara ze raha i Kaisara, an'Agnahare ze raha an'Agnahare." ²⁶Tsy nahatrea ota amy ze tsara'e magnatreke ndaty maro iareo, fa ndra nilatsa amy ty rehake natoi'e le nitsigne.²⁷Naho fa niavy amae eo ty ilae amy Sadoseo nirehake te tsy misy ty fivanognam-belogne indraikey, ²⁸le nagnontane Aze tihoe: "Mpampianatse, Mosesy nanoratse hoantika te naho maty ty rahalahy ty lahilahy raike, manambaly mbe tsy agn'anake, le soa naho i lahy rahalahi'e ro magnenga valin-drahalahi'e, hagnomey anake ho'e ty rahalahi'e.²⁹Teo ty mpirahalahe fito le voalohae ty nanambaly, le nimate mbe tsy agn'anake, ³⁰faharo'e ka nihoe zay. ³¹Nagnenga aze ka fagninteloe fa le nihoe zay iaby iareo fito sambe nimate iaby tsy agn'anake. ³²Naho fa niafara agne ka le nimate i ampelay. ³³A aho fa agne ty fivanognagne velogne, ho valy ia areke reke? Iareo fito fa sambe nivali'e."³⁴Tihoe ty saontsy Jesosy ama iareo te: "Ty ana ty tanebey toy le magnenga valy naho engagne. ³⁵Fa ze trea amo hinane zao naho ty fagneva ty hivagnom-belogne le tsy hagnenga valy naho tsy hoengange. ³⁶Le tsy ho mate sasa iareo, fa manahake ty anjely naho ty anan'Agnahare, ze ana ty nivagnom-belogne.³⁷Fa ty mate vinelogne indraike, ndra i Mosesy toe fa nampiboake izao, amy ze toeragne misy voaroy zay, tamy ty nitokava'e Andriantompo ho Andrianagnahare i Abrahama naho Andrianagnahare Isaka, le Andrianagnare i Jakoba. ³⁸Ie tsy Andrianagnahare ty mate, fa ty velogne, toe ze kila ndaty le velogne amae ao.'"³⁹Ty ilae amy mpahay lily nanao izao te: "Mpampianatse, soa ty natoi'o." ⁴⁰Naho fa tsy nahavane hagnontane sasa iareo.⁴¹Jesosy nisaontsy ama iareo tihoeke: "Ino ty nahavia iareo hagnombara te Kristy le anadahy Davida? ⁴²Fa le ty vata i Davida ty nagnombara am-po boke Salamo te: "Andriantompo nisaontsy aman-dRagnandriako te: 'Toboha ankavagna ty Fitako etoa, ⁴³handigne ty hanoako ty fahavalo'o ho fisia'o ty tombo'o.' ⁴⁴Am'izao ty Davida le nanao Kristy tihoe: 'Andriantompo' A inogne ty maha ana i Davida Aze?"⁴⁵Magnatreke i ndaty maro rey le nisaontsy ama o mpitoky maro rey Reke te: ⁴⁶"Miambena amy ty mpahay lily, fa magniry handeha reketse ty ankanjoe lava, magniry hosalamagne raike am-po tsena, seza voaloha'e agn'anjomba fivavahagne ao naho ty amy ty fagnombaragne. ⁴⁷Iareo avao ka ro mbe mampikintsigne o vantotseo, le sare manao vavake lavabey ho talakesegne. Ty ndaty manao ho'e zao le hanan-kakeo bey."

Chapter 21

¹Nitolike ty Jesosy le nahatalaky lahy mpagnarivo rey nampijogne raketse am-po fisian-draketsey ao. ²Nahaonigne vantotse raike mahatra nampijogne farantsa roe ao Reke. ³Le hoa Reke: "Ataliliko soa anareo, fa ty vantotse tiagne ty nampijogne bey ama iareo iabike. ⁴Iareo iabike reo, le nampijogne amy ty hamaro ty fanagna'e. Fa ty vantotse tiagne amy ty tsy fanagna'e, le nampijogne iabike ze tamae miantoke ty fiai'e.⁵Naho maro ty nitsiriry te feno vatosoa naho raketse agn'anjomba fivavahagne ao, le nisaontsy tihoeke Reke:⁶ "Ze kila raha iaby trea'areo zao, le ndra vato raike tsy hoamae naho fa avy ze andro raike zay le ho ravagne zao."⁷Nagnontane tihoeke Aze iareo te: "Mpampianatse, mbia ty hiavia zao raha iaby zao? Heinhe ty famantara'e naho fa ho avy zao raha zao? ⁸Tihoe ty natoy Jesosy: "Manoa soa tsy ho voafitake nareo. Fa maro ty hoavy ama ty tahinako, hanao tihoe: '' I Raho ty ie' lefa 'Harine ty fotoa'e' Ko magnorike iareo. ⁹Naho fa maharey aly naho korontagne nareo le ko matahotse, fa toe le raha hoavy hiaolo aze zao, fa mbe tsy ty fara'e.¹⁰Le mbe hoe ka Reke ama iareo: "Ty firenegne le hioregne hanohetse firenegne, ty fanjakagne hioregne hanohetse fanjakagne. ¹¹Hiezegnezegne ty tanebey toy, hoavy ty kere naho ty aretegne manjamagne ze kila tane. Hisy raha bey hampatahotse naho famanataragne boake an-danitsey.¹²Fa hiaolo ze raha iaby zao, le hagnambotse anareo iareo le hipay ty hiratia areo. Le hinday anareo agn'anjomba fivavahagne agne naho ty figadragne, le ho sikala ama ty mpanjaka naho mpahay lily ama ty tahinako. ¹³Izao le hagnafake anareo amy ty fiantofagne raha maregne.¹⁴A izao lefa tampaho ty ho heveareo tsy hametsevetse ty raha hatoi'areo hagnavotse anareo, ¹⁵fa Raho hagnomey anareo tsara naho hilala, tsy hay ty manohetse anareo toheregne naho lieregne.¹⁶Inareo ka le mbe hatolo ty rae naho rene'areo, rahalahi'areo, ragnetse naho ty longo areo, le handeta ty ilae ama'areo. ¹⁷Halaimbitagne anareo ama ty tahinako avao ze ndaty. ¹⁸Fa ndre ty volondoha'areo raike tsy raha ho rarake. ¹⁹A inareo miaretse ro maharombake ty fiai'areo.²⁰Naho fa trea'areo te atao miaramila arikobogne ty Jerosalema, le fantaro te fa marine ty hirava'e,²¹ ze Jodia milaisa am-bohetse agne, ze an-tanàgne ao miakara, rarao tsy hizilike ao o ambanivolo. ²²Fa io ty andro hamaleagne faty, naho ty hilefea ze sinoratse.²³Ho loza iareo mivesatse naho ty jabele amo andro zao! Fa ho avy ama ty tane toy zay hasahiram-be zay, ama ty heloke natao ndatio. ²⁴Ho rese amy ty aly iareo ndra ho ndevo amy ze kila tane, le hanjakà ty Jentilisa ty Jerosalema, hatra ty hiavia ty andro i Jentilisa.²⁵Hisy famantaragne ama ty andro oy ey, ama--bolagne ey, ty kintagne naho ty tane toy. Ho sahiragne ty tane toy, ho marimarike avao ama ty riake naho ty onja, fa hihezegnezegne ty hery ty lanitse. ²⁶Hisy lehilahy ho toran'ny tahotra sy ny fiandrasana ireo zavatra izay ho avy eto an-tany. Fa ho voahozongozona ny herin'ny lanitra.²⁷Le ho talake iareo ty Ana Ondaty handeha amy rahogne ey reketse ty heri'e naho ty voninahi'e. ²⁸Le naho fa zao ty raha misy mitroara le miandrà, dia mitsangàna ary hasandrato ny lohanareo, fa marine ty fandrombahagne anareo."²⁹Nanao fagnoharagne ama iareo tihoe Jesosy te: "Henteo hataen'adabo, naho ze hata hafa. ³⁰Naho fa mamelagne, le fanta'areo te fa marine ty lohantaogne. ³¹Hoe izao avao ka inareo, naho fa oni'areo te avy aby zao raha iabike zao, le fa fanta'areo te marine ty fanjakan'Agnahare.³²Ataliliko soa anareo, fa ty tariratse toa le tsy ho mate hatra ty hiavia zao raha iabike zao. ³³Ty tane naho ty lanitse ho levogne, fa ty tsarako tsy ombian-ko levogne.³⁴A manoa soa amy ty vata'areo, tsy havesatse ama ty finomagne naho ty hamamoagne ty fo'areo, tsy ho marimarike, vaho toy ndra ho fandrike hitsikampe anareo zao andro zao. ³⁵Fa izao le ho avy ama ze kila ndaty amy ty tane toy.³⁶A le mitahoa ama ty fotoagne iabike, mivavaha hahazoa'areo hery hilaisagne ama ty raha hoavy, le hitsangagne magnatreke ty Ana Ondaty."³⁷Nampianatse lomonandro agn'anjomba fivavahagne ao avao Reke, naho fa halegne le nagnavelo naho nijanogne am-bohitse Oliva ao. ³⁸Ndaty maro nagnalegnalegne niavy amae ao hitsanogne Aze agn'anjomban'Agnahare ao.

Chapter 22

¹Naho fa narine ty fete ty mofo tsy milaro, atao te mofo Paska.² I mpahay lily naho lahibey mpisorogne rey nisafire ty raha hatao hahahafaha iareo mamono Jesosy, fa natahotse i ndaty maro rey iareo.³A le nimoake ama i Jodasy Iskariota ao ty kokolampogne, i raike ama iareo folo lahy roe amby. ⁴Jodasy nandeha mbamy iareo bein-pisorogne naho kapiteny rey agne le nilahatse reketse iareo ty raha hatao'e hifotera'e i Jesosy.⁵Tsy nahay vao iareo, le nifanta ty hagnomey vola aze. ⁶Nimete reke, le fa nipay ty fomba hagnolora'e Aze tsy atao marine ondaty.⁷Avy ty andro i mofo tsy milaro fanoa iareo sorogne anak'agnondry ty Paska. ⁸Nagnirake Jaona naho Petera ty Jesosy nanao tihoe: "Aki alakagno ty hanem-Paska ho antika, hinanantika izao." ⁹Nagnontane tihoeke iareo te: "Aia ty tea'o hanalakagna ay?"¹⁰Tihoe ty natoy Jesosy iareo te: "Ie zao, naho fa mizilike an-tanagne ao nareo, le hifanalaka ty lahy reketse ty siny nareo. Oriho reke ama ze tragno iziliha'e. ¹¹Le rehafo tompon-tragno te: 'Mpagnanatse magnombara izao amao te: 'Aia ty tragno fisiam-bahiny, hihinanako hanem-Paska reketse ty mpianako?"¹²Le hotoroa'e tragnobey raike ambone rihagne misy seza naho latabatse soa nareo. Le ao nareo ro magnalakagne. ¹³A le nandeha iareo, le tsy nisy niova amy ty raha tsara'e ama iareo ze raha nisy. Le nagnalakagne hanegne Paska ao iareo.¹⁴Naho fa avy fotoagne ey, le niambesatse nindre amy mpiana'e rey Reke. ¹⁵Le nisaontsy tihoeke ama iareo Reke te: "Nirie ty foko vatae ty hiharo fihinagne ama'areo ty Paska toy miaolo ty ho jaleko.¹⁶ A ataliliko anareo, fa tsy hihinagne toy ka Raho, naho tsy le avy ty hilefea zay ama ty fanjakan'Agnahare agne."¹⁷Nandrambe kope Jesosy, le naho fa nisaotse Reke, nisaontsy tihoeke: "Rambeso toy, ifampizarao areo. ¹⁸Le ataliliko anareo, fa tsy hihinagne ty vokatse ama ty voaloboke ka Raho, naho tsy le avy ty fanjakan'Agnahare.¹⁹Le nandrambe mofo Reke, naho fa avy nisaotse nanampake izao, natolo iareo naho le nisaontsy tihoe: "Vatako toy atolotse anareo. Ano'o zao hahatiarovagne Ahy." ²⁰Norambese'e ka kope naho fa nahavita fikama, le nanao tihoe Reke: "Ty kope toy ro titike vao ama ty lioko nailigne ho anareo.²¹A manoa soa, fa ty raike hifotetse Ahy le miharo latabatse amako. ²²Fa ty Ana Ondaty le magnorike vatae ty raha voasoratse. Fa ho hakeo zao lahy hifotetse Aze zao!" ²³Nifagnontane tsikiraike iareo amo ze hahavany hanao izao.²⁴Teo avao ka ty raha nifandiera iareo ty ama ty ho bey ama'iareo. ²⁵Nisaontsy tihoeke ama iareo Reke te: "Mpanjaka o Jentilisa ao ro tompo iareo, le ze mandily iareo le hatao te ndaty manao soa ama ty ndati'e.²⁶A inareo tsy ho'e zay fa mifanohetse ama izao. Fa ze bey ama'areo ro hanjary ho kede ama'areo, ze ambone ama'areo ro hanjary mpitorogne. ²⁷Ia areke ty bey vatae, i mitoboke an-databatse ey vao ke i mpagnalakagne ey? Tsy zay toboke an-databatse vao? A i Raho ama'areo etoa ao le manahake ty raike ama ty mpitorogne.²⁸Fie naho nareo nagnorike nao tsy nienga ty atreko ze alake Ahy ho ama ty raha raty. ²⁹Hameako fanjakagne ka nareo, manahake ty fomey ty Raeko fanjakagne ho Ahy, ³⁰hahafaha'areo hihinagne naho hihinogne ama ty fanjakako, hitoboke ama ty fiambesara ty mpanjaka handily ty tarira Isaraely naho ty folo roe amby nareo.³¹Simona, Simona, manoa soa fa magnaly lalagne ho ama areo ty kokolampogne, hanivagne anareo manahake o vary eo. ³²Fa nivavake ho azo Raho, tsy ho mate ty finoa'o. Naho fa miheregne ihe, ampaherezo ty rahalahio."³³Petera nirehake izao te: "Andriantompo, vonogne hindre Amao am-pigadragne agne nio raho ndre ty ho mate. ³⁴Tihoe ty natoy Jesosy: "Petera ataliliko amao, fa mbe tsy mikeokeo ty akoho amo zao andro zao, miaolo ty hanoa'o jebe Ahy."³⁵Le nisaontsy ama iareo Jesosy te: "Naho nagnirake anareo tsy am-poketra, tsy an-karogne naho tsy an-kana vao Raho, le nisy raha tsy niampe anareo?" "Tsy nisy" hoe ty asa iareo. ³⁶Nisaontsy ama iareo Reke te: "A izao, ze managne fisiam-bola naho harogne, akia hangalaka aze. Ze tsy managne arara tokoe hivarotse ty lamba'e le hivily raike.³⁷Izao ty ataliliko anareo, ze voasoratse miomba Ahy le ho lefe: "Ie le halaegne ampanahafegne ty mandika lily.' Ze raha tsinara miomba ahike le ho lefe." ³⁸Nirehake iareo te: "Andriantompo, heinhe! Arara roe toagne." Reke nisaontsy tihoeke: "Soa zay."³⁹Naho fa vita fikama, le niakatse manahake ty fata'e ty Jesosy, am-bohitse Oliva agne, le nagnorike Aze mpianatse rey. ⁴⁰Naho fa niavy iareo, le nisaontsy tihoe ama iareo tihoe Reke: "Mivavaha nareo tsy ho azo ty tso-kevetse raty."⁴¹Le nisintake iareo ho'e ty raha torake vato Reke, le nitongalike nivavake, ⁴²nanao tihoeke: "Aba, naho zoto'o, alaviro Ahy ty kope mafaitse toa, fie ty tsy zotoko nio ty hatao fa ty Azo."⁴³Niavy ty anjely niheho Amae, nampahere Aze. ⁴⁴Agnate ty hasahiragne vatae Reke, le ama ty arofo'e vatae ty fivavaha'e le nikaike fana, naho le tsemboke hoe lio Reke nitsopatsopake an-tane eo.⁴⁵Naho fa nitroatse nahavita vavake Reke, le nandeha amy mpiana'e rey, nahavazoho iareo miroro ndese ty helo'e, ⁴⁶le nagnontane iareo tihoeke: "Inogne ndra mampiroro anareo? Mitroara le mivavaha, tsy hoazo ty tso-kevetse raty."⁴⁷Le Reke mbe misaontsy, le intoagne ty ndaty maro, nidre ama i Jodasy, raike amy folo roe amby re, nitarike iareo. Niharine Jesosy reke hagnoroke Aze, ⁴⁸Jesosy nisaontsy tihoeke amae te: "Jodasy, oroke vao ty hifoterao ty Ana Ondaty?"⁴⁹Naho fa nahaonigne izao mpiana'e amboho'e ao rey, le nagnontane Aze tihoe: "Andriantompo, fira'e ay o arara ao vao? ⁵⁰Le niangitrifa iareo i mpitoro i beim-pisorogne ey, le nofirae iareo ty sofi'e havanagne. ⁵¹Jesosy nisaontsy tihoeke te: "Soa zay." Tsinapa i Jesosy ty sofi'e, le notaha'e.⁵²Nisaontsy amy bey mpisorogne ey, i bey agn'anjomban'Agnahare ey naho ty bey an-tanàgne ao manohetse aze rey ty Jesosy te: "Mpangalatse vao raho le ho tsepahe areo reketse boda naho arara toa ao? ⁵³Raho nindre ama'areo lomongnandro agn'anjomba fivavahagne ao tsy nitsepahe'areo. Fie anito ty fotoa'areo, naho ty hery ty iegne."⁵⁴Naho fa nisambotse Aze le tinary iareo ama ty bey mpisorogne ey agne Reke. Petera nagnorike Aze lavitse avao. ⁵⁵Naho fa nivita iareo ty rehetse afo agnivo eo le sambe nitoboke iareo, le niaro toboke ama iareo ka ty Petera.⁵⁶Le teo ze ampela raike mpitorogne zay naho nahatalake aze tarafe i afo, le nagnente aze aolo eo le nirehaka aze tihoeke: "Tamae ka ty lahy toy." ⁵⁷Fie niliere i Petera tihoeke zao te: "O ene, tsy fantako Reke." ⁵⁸Tsy niela avao ka le nisy ndaty nahatrea aze, nirehake tihoeke ka: "Raike ama iareo ka rehe." Petera nirehake zao te: "Tsy ie raho, aba."⁵⁹Niafake lera'e raike agne le nisy lahy raike zay tsy nimete fa nirehake tihoe: "Nindre amae vatae ty lahy tiagne, fa toe Galiliana ka reke. ⁶⁰Petera nirehake zao te: "Tsy misy raha rendreko ze tsarao aba." Naho mbe reke mirehake ey, le nikeokeo i akoho oy.⁶¹Nitolike ty Jesosy, nandrendreke Petera, nitiaro Petera saontsy Andriantompo tama'e tihoeke te: "Miaolo ty keokeo akoho, le hanao jebe Ahy in-telo rehe." ⁶²Niakatse an-tany agne ty Petera nitagny le tagnie vatae.⁶³I lahy niambegne i Jesosy rey, nijera naho nitsikike Aze. ⁶⁴Nisia iareo lamba manakogne Aze, le nagnontenea iareo tihoe: "Tokio areke!Ia ty lahy mijera Azo? ⁶⁵Fonga raha rineha iareo hanoheragne Jesosy, nirehake raha raty Azy iabike.⁶⁶Naho fa nihandro, le nivory bey an-tanàgne naho ty mpahay lily naho ty beim-pisorogne. Nindese iareo ta Synedriona agne Reke, ⁶⁷le nirehake tihoeke iareo: "Naho Ihe ty Kristy, le ambarao anay." Reke nisaontsy tihoeke te: "Naho hamabarako anareo, tsy hino nareo." ⁶⁸Le naho magnontane anareo Raho, tsy hotohigne areo.⁶⁹A hinane zao, ty Ana Ondaty le hitoboke an-kavagna ty herin'Agnahare. ⁷⁰Iareo iabike sambe nirehake tihoeke te: "Ana Nagnahare zane Iheo?" Jesosy nisaontsy tihoeke: "Ie notsara'areo zay fa Raho ty Ie." ⁷¹Tihoeke ty norehafe iareo te: "A mbe inogne ipaiantika ndaty hagnamarigne zay io? Fa intika ty naharey ty vava'e."

Chapter 23

¹Sambe nitsangagne iaby ndaty rey, le ninday Aze amy hiaolo Pilato. ²Nanao ze haharaty Aze iareo, le nirehake tihoe: "Trea'ay ty lahy tiagne manivativa ty firene'ay, nandrara ty fomey haga ho ey Kaisara, le mbe ty vatae hinaneo ro mirehake te Reke ro Kristy mpanjaka."³Pilato nagntane tihoeke Aze te: "Ihe vao ro mpajaka ty Jiosy?" Jesosy nanoigne aze te: "Ie tsarao zay." ⁴Pilato nirehake amy beim-pisorogne naho ndaty maro rey te: "Tsy treako ty hadisoa ty lahy toy." ⁵Fie le mbe nagnonjongne nirehake izao avao iareo te: "Mitrobo ndaty io, tsitsie ty fampianaragne ty a Jodia agne naho ty a Galilia agne sikala atoy."⁶Naho fa naharey zao ty Pilato, le nagnontane te Ntegaliliana vatae vao i lahy. ⁷Naho fa oni'e te amy ty tane handilia Heroda Reke, le nampiomba'e ty Jesosy ho amy Heroda agne. Toe le ta Jerosalema agne avao amo andro o.⁸Naho fa nahatrea i Jesosy ty Heroda, le tsy nahay avao, fa toe fa niela ty nagniria'e hahatrea Aze. Naharey ty talily Aze reke, naho le te hahatrea ty raha mahalatsa maro natao'e. ⁹Maro ty rehake natao Heroda nagnontane Jesosy, fie le tsy nanoigne aze ty Jesosy fa nitsiegne avao. ¹⁰Nitsangagne bey mpisorogne naho mpahay lily rey nimane ty fandratiagne Aze.¹¹Heroda nao ty miaramila'e nanivativa i Jesosy naho nitsikikike Aze. Ie niaveo nampagnisy Aze akanjo fanjaka le nagneregne Aze ho amy Pilato agne. ¹²Fa Heroda naho Pilato nanjary ho mpiragnetse tamo andro o (Nifandrafee hey te taolo).¹³Nitoka o beim-pisorogne naho ty mpitsara naho indaty maro rey ty Pilato, ¹⁴nirehake tihoeke te: "Nindese areo amako etoa ty ndaty toy hoe ndaty mitarike ty ndaty ho amy ty raty, ingy ty raha nagnonteneako Aze nagnatreke anareo, a le tsy treako ty hadisoa'e hitoria areo Aze.¹⁵Tsy ie zay, ndre Heroda zao mbe nagneregne Aze amantika atoy, henteo fa tsy misy raha natao'e nikaike faty. ¹⁶A izao le hataoko ty halliloa'e, le ho votsorako Reke."¹⁷ [Fanamaregnagne: Ty ilae nanoratse fajaka vatae tsy nagnisy ty And17 manao tihoeke te: Pilato le mamotsotse gadra raike Jiosy avao naho fa ama ty andro fete.]¹⁸Fa le nikorake tihoeke iareo te: "Indeso agne o lahy io, le votsoro hoanay ty Barabasy." ¹⁹Barabasy le ajalahy raike nogadraenge amy ty tarike korontagne nao famonoagne ndaty an-tanàgne eo.²⁰Le nirehake ama iareo tihoe ka ty Pilato, fa te hamotsotse Jesosy. ²¹Fie le sambe nikorake, nirehake tihoeke iareo te: "Tomboho Reke, Tomboho Reke." ²²Mbe nagneregne fagnintelo'e ama iareo ty Pilato te: "Nagnino vao, inogne ty raty vita ty ndaty toy? Tsy treako ty raha natao'e ho fagneva ty hamonoagne Aze. A le naho fa vita ty jera haliloa'e, le hamotsotse Aze raho."²³Fa ie mbe tsy nimete avao iareo nikorake, nangatake ty hanombohagne Aze. ²⁴Ama ty feo iareo maro le ndra tsy nanan-dahatse ty Pilato, le nagneke ty fangataha i maro oy. ²⁵Novotsora'e raike nangatahy iareo nigadra amy ty famonoagne ndaty naho mpitarike korotagne ey.²⁶Naho fa ninday Aze iareo, le tinere iareo ty Simona Ntesirenia boake ambanivolo agne, nampitrazoe iareo Hazonajaly, nagnorike Jesoa.²⁷Maro ty ndaty naho ty ampela niferenaigne naho nisaona Aze, ty magnorike Aze. ²⁸Naho fa nitolika ama iareo ty Jesosy le nisaontsy tihoeke: "Ko mitagny Ahy nareo anak'ampela i Jerosalema, fa mitagnia hoe ty vata'areo naho ty ana'areo.²⁹Fa mbe agne ty andro hirehafa iareo tihoe te: "Haha ze betsiterake naho ty troke tsy niankaragn'anake, naho ty nono tsy nampinono ajaja.' ³⁰Le hirehake amo vohetse eo hanao tihoeke iareo: 'mitonta ama'ay' le hanao tihoeke ama ty tane abo te: 'Tindrio zahay." ³¹Fa naho hoe zao ty raha atao iareo ty ama ty hatà mbe legne, metsake ty hatàe maike?³²Teo ka ty ndaty raty roe lahy hafa, nindesegne ho vonoegne reketse Amae.³³Ie niavy ama ty toeragne atao "Karandoha" zay iareo, le teo ty namantsiha iareo Aze, naho ndaty raty rey, _ Raikey akavanae ao raike ankavia'e ao. ³⁴Jesosy nisaontsy tihoe: "Aba, afaho ty hakeo'e, fa tsy raha fanta iareo ty hoatao'e." Niloka iareo ty akanjo'e le zinarazara iareo.³⁵Mbe nitsangagne teo iaby ndaty rey naho nanao tsikike Aze mpandily rey, nirehake izao te: "Nagnavotse ndaty hafa Reke. Adogno Reke hagnavotse ty vatae, naho Ie o Kristin'Agnahare raike amy jinobogne ey."³⁶Miaramila rey ka le nanalatse Aze, niharine Aze, naho nagnomey vinaigitse Aze, ³⁷nirehake zao amae te: "Naho Ihe ty mpanjaka ty Jiosy, vonjeo ty vatao." ³⁸Nisia iareo famantatse ka tambone'e tey te: "Intoy ty mpanjaka i Jiosy."³⁹Ty raike amy ndaty raty finantsike reketse Amae ey mbe niteratera Aze ka, nirehake tihoeke: "Tsy Ihe vao ty Kristy? Avoto zahay naho ty vatao." ⁴⁰Ty raike nandrara aze, nirehake hoe zao te: "Le tsy mba matahotse an'Agnahare vao iheo, ndre te ie mira avao ty sazy mahazo antikagne? ⁴¹Ty antika roe lahy le fagneva'e, fa toe zao ty valen-ty asantika, fa ty lahy tiagne tsy ndra nisy raha raty natao'e."⁴²Ie niaveo, le nirehake zao reke te: "Tiarovo raho Jesosy naho fa avy ama ty fanjakao Rehe." ⁴³Jesosy nisaontsy tihoe: "Ataliliko amao, fa hinane zao avao le hindre amako am-paradisa agne rehe."⁴⁴Vae lera faha-enegne agne, niavy ze iegne zay le naiegne iaby ze kila tane hatra ty lera fahasivy naho fa nitsofotse i androy. ⁴⁵Le niriatse nivaky roe i lamba agn'anjomban'Agnahare ey.⁴⁶Nihorentsegne ty Jesosy nanao tihoeke: "Aba, ama ty fitào ro agnisiako ty fiaiko." Naho fa vitae saontsi'e zay, le nivilasy Reke. ⁴⁷Naho fa nahatrea zao raha iabike zao kapiteny, le nagnomey voninahitse an'Agnahare, le nirehake tihoe te: "Ndaty maregne vata'e ty lahy toy."⁴⁸Naho fa nahatrea izao ndaty maro nindre niavy ho vavolombelogne nagnatry maso raha nisy rey, le sambe niheregne nijera aragnagne iabike. ⁴⁹Fa ze nahafantatse Aze nahoty ampela nagnorike Aze boake Galilia agne, le nitsangagne lavitse avao nagnente ty raha misy.⁵⁰Le agne ze lahy atao Josefa, nitraoke ama ty Synedriona ndaty soa naho tsy magnahy zay. ⁵¹O lahy io le tsy nimete ty raha vinetsevetse Synedriona naho ty asa iareo. Ntejodia Amartia reke; le nipay avao ty hiharine ty fanjakan'Agnahare.⁵²O lahio ro nandeha amy Pilato agne nangatake ty fagnova i Jesosy. ⁵³Nazotso'e zao le finehe sarimbo, najo'e ama ty lonake raike vatobey vinaky tsy mbe nandevegnagne ndaty hatra ty nisia'e.⁵⁴Andro Fiomagnagne tamizao ro fa hoavy ka ty Sabata. ⁵⁵I ampela nindre amy Jesosy Ntegalilia re, nagnorike afara avao le nahatrea ty lonake nisiagne Aze naho ty fagnova'e. ⁵⁶Niheregne iareo le nagnalakagne raha magnitse naho menake magnitse. Fie nitra Sabata ay le nijanonge iareo fa izao ty lily.

Chapter 24

¹Maraindrain-tsikiake ty fiatomboha i heregnandro oy, le nandeha a-donake ey iareo reketse raha magnitse nalakagne iareo oy. ²Talaky iareo, te nivarimbarigne lavitse lonake ey i vato narindrigne aze ey. ³Nizilika ao iareo fie tsy nahatrea ty fagnova i Andriantompo Jesosy.⁴Naho mbe sahiragne ty miomba o raha misy zao iareo, le intoa ty roe lahy nanampoke iareo, miakanjo raha manjelanjelatse nitsangagne agnila iareo. ⁵Naho fa natahotse i ampelaa rey le nihohoke ama ty tany, le nirehake tihoe zao amy ampela rey iareo te: Ino hipaia'areo ty velogne amy ty misy ty maty eo?⁶Tsy atoa Reke, fa fa natroatse! Tiahivo ty saontsie ama areo te Ie mbe ta Galilia agne, ⁷nagnombara te ty Ana Ondaty le hatolotse an-tagna ty behakeo le hofantsihigne amy ty Hazonajaly, le ama ty andro fahatelo le hivagnombelo."⁸I ampela rey le nahatiaro ty raha nisaontsi'e,⁹ le niheregne boake an-donake agne le nitalily zao raha zao amy folo lahy raike amby rey, naho ty ilae. ¹⁰Maria Magdalena, Johana, Maria rene i Jakoba, naho i ampela nindre Amae rey le nitalily zao amy apostoly rey.¹¹Fie hoe tsy nahoa i apostoly rey inogne o talily zao, le tsy ninoa iareo i ampela rey. ¹²Fie nitsangagne ty Petera naho le nilay an-donake agne, nitilihitse ty tao fa le i sarimbo ty nitrea'e mitokagne. Noly an-tragnoe agne ty Petera, nagnontane avao an-troke ty raha nisy.¹³Amo andro io avao, le intoa, ty roe lahy ama iareo nandeha amy ty tanàgne atao Emaosy zay, enempolo stadio miala Jerosalema eo. ¹⁴Mbe mifampirehake ama ty raha nisy avao iareo.¹⁵Naho mbe mirehake avao naho nifagnontane iareo, le niharine naho nandeha nindre ama iareo ty Jesosy. ¹⁶Fa hoe tinampen-draha ty maso iareo le tsy nahafantats'Aze.¹⁷Jesosy nisaontsy ama iareo roe lahy te: "Inogne raha rehafe'areo roe lahy an-dalagne izao? Nijanogne iareo le trea ty leme'e. ¹⁸Ty raike ama iareo atao te Kleopasy, nanoigne Aze te: "Le Ihe avao vao ro ndaty ta Jerosalema ao, tsy nahafantatse ty raha nisy tao?¹⁹Tihoe ty saontsy Jesosy te: "Raha inogne?" Nanoigne tihoeke Aze iareo te: "Ty raha miomba i Jesosy Ntenazareana ay, mpitoky bey amy ty asa'e naho ty saontsy nagnatreke ty ndaty naho tamin'Agnahare, ²⁰le fagnoloragne Aze tamy bey mpisorogne naho ty mpandily re, hamonoagne naho hamantsihagne Aze amy hazonajaly ey.²¹Fie le mbe mitamà avao zahay fa ie ty hagnavotse Israely. Eka, fa le telo andro androany ty nisia zao raha iaby zao.²²Le mbe mahalatsa anay ka ty ampela hafa ragne'ay, nandeha an-donake ey. ²³Naho fa tsy nahatrea ty vata'e iareo le niheregne, nitalily fa nao nisy anjely nirehake fa velogne Reke. ²⁴Ty lahilahy raike tama'ay le nandeha an-donake ey agne, nanahake ty raha nitalillie i ampela rey ka ty nitrea'e. Fie iareo tsy nahatrea Aze."²⁵Jesosy nisaontsy ama iareo tihoe: "Lahy mikiteke naho ty tsy mahimbagne tsy mino ty raha tsarà ty mpitoky! ²⁶Toe tsy ndra soa vao ty nisia ty fijalea i Kristy, hitomboa ty hasi'e?" ²⁷Hatra i Mosesy naho ze mpitoky iabike, ty nagnazava'e Jesosy ama iareo ty miomba Aze am-po Soratse Masigne ey ao.²⁸Naho fa narine ty tanàgne handehana iareo, le sare nanao lia ondaty hoe handeha lavitse ty Jesosy. ²⁹Fie notana iareo Reke tsy handeha, fa nirehake tihoe iareo: "Toboha ama'ay eto, fa hariva o andro, fa ho tsofotse." Le nijanogne nitoboke nindre ama iareo ty Jesosy.³⁰A naho fa tniambesatse hikama reketse iareo Reke, le nangalake mofo, nisaotse naho namaky izao, le nagnomey iareo. ³¹Nisokake am'izao ty maso iareo nahafantatse Aze, le avy le tsy trea ty maso iareo ty nomba'e. ³²Nifampirehake tihoe iareo te: "Ty fontika vao ro tsy tampiaintika amy Ie nisaontsy antika andalagne ey naho Ie nagnazava Soratse Masigne ey?"³³Amy lera ingy avao, le nitsangagne iareo niheregne a Jerosalema agne. Nahatrea i folo raike amby rey nivory naho ze nindre ama iareo, ³⁴nirehake tihoeke: "Nivagnombelo vatae ty Andriantompo fa niboake amy Simona." ³⁵Notaliliegne ka ty raha nisy tan-dalagne ey, naho ty fomba niboaha i Jesosy ama iareo tamy fagnapahagne mofo oy.³⁶Naho mbe nitalily zao iareo, le nijohagne agnivo iareo ty Jesosy amam-bata'e, le nisaontsy ama iareo te: "Fiadanagne ho ama areo." ³⁷Fie niendrake naho natahotse iareo, fa atao iareo ho nahatrea angatse.³⁸Tihoe ty nisaontsi'e Jesosy: "Nagnino nareo matahotse eo?" Nagnino mbe magnontane an-troke eo? ³⁹Henteo ty tanako naho ty tomboko, Raho am-batako toy. Tsapao Raho le enteo. Ty angatse tsy raha ama nofo aman-taolagne, manahake ty ahatreava areo Ahy. ⁴⁰Naho fa nisaontsy zao Reke, le natoro'e iareo ty tagnae naho ty tombo'e.⁴¹Ndra nilatsa naho tsy nitrea iareo ty nisia'e ty hafalea'e naho mbe nandietse avao. Nisaontsy ama iareo ty Jesosy te: "Misy raha hohanegne vao nareo?" ⁴²Nimea fiagne natono Reke, ⁴³le nokama'e magnatreke iareo.⁴⁴Nisaontsy tihoeke ama iareo Reke te: "Mbe nindre ama'areo Raho, le nitalily ama'areo te ze raha sinoratse amy ty lily Mosesy naho ty mpitoky ama ty Salamo le fonga ho lefe.⁴⁵Sinoka'e ty say iareo, hafatara iareo ty Soratse Masigne. ⁴⁶Nisaontsy tihoe ama iareo Reke te: "Zao ty nivoasoratse te Kristy le hijaly, le mbe hivagnombelo ka naho fahatelo andro. ⁴⁷Fiovan-kavelogne naho fagnafahan-keloke ka ty fagneva ty agnonognagne ty agnara'e amy ty tany iabike toy, manomboke a Jerosalema ao.⁴⁸Inareo ro vavaolombelo ze raha iaby zay. ⁴⁹Indao, fa halefako ama'areo ty raha nampitamaen-dRaeko. Fie mitoboha an-tanàgne eo avao hatra ty hisikina'areo ty hery boake an-danitse agne.⁵⁰Le nindese Jesosy iareo sikala a Betania agne. Nanandratse ty fitàe Reke, le nitata iareo. ⁵¹Naho fa nahavita tata Reke, le nienga iareo naonjogne an-danitse agne.⁵²Iareo nihasy Aze, niheregne mbà Jerosalema agne an-kafaleagne bey. ⁵³Nitsily agn'anjomba fivavahagne ao, nandaza ty lazan'Agnahare.

John

Chapter 1

¹Laha tamboaloha e ty Saontsy, naho le Saontsy taman'Andrianañahare ao, naho le Saontsy io o Andrianañahare eo.² Izay le taman'Andrianañahare ao ty nifotorae. ³Hirike Ama e aby ze kila raha, naho tsy Ie le tsy nisy ndre ino ndre ino.⁴Noho Ie ro nisian-kaveloñe, naho le fiaignañeo ro fahazava ze kila ondaty. ⁵O fahazavañeo le mipasà agnate ty ieñe, naho le tsy nadresy aze o ieñeo.⁶Nisy ajalahy raike nirahen'Andrianañahare, i Jaona ty tahina e. ⁷Niavy reke mba voavolombeloñe hañambara ty momba ty fahazavañe, mba hinoa ze kila ontady ama ty alala e.⁸ Tsy Jaona ro fahazavañe, fe ie niavy reke mba hampahafohiñe ty momba ty fahazavañe.⁹Ty fahazavañe vatae, mpagnomey fahazavañe ho ei ze hene ndaty, le avy ama ze kila raha etoy.¹⁰Tetoy amy zao tontolo zao Reke, naho le mbe Ie ka ty namboatse ze kila raha, fe ie tsy mahafantatse Aze ze hene ndaty.¹¹ Niavy tama ondaty añe Reke, naho le tsy nisy nadrae Aze o ndaty io.¹²Fa o maro nandrae Aze, ze niantoke ty tahinae, le nimeae fa fahefañe hanjare Anak'Andrianañahare. ¹³Tsy naterake tama ty lio iareo, naho tsy ze zoto ty onofotse, naho tsy zoto ondaty, fa ty anan'Andrianañahare.¹⁴Nanjare nofotse ty saontsy naho le nimoneñe amantika etoy. Trea ay ty voninahie, voninahitse manahake ze raike bako-tokañe boake ama ty Rae zay, atseke fahasoavañe naho fahamareñañe. ¹⁵Nañambara ty momba Aze ty Jaona naho le nikoike mafe, nanao izao: "Ie ze raike fa nambatako te ie: Ie ze niavy anoriako le bey mandako ahy, satria taoloko Reke."'¹⁶Fa hirike ama e ty hafenoae ro nandraesantika iaby fahasoavañe hanovoñe fahasoavañe. ¹⁷Fa ny meiñe tama ty alala i Mosesy ty lily. Ty fahasoavañe naho ty fahamareñañe le niavy tama ty alala i Jesosy Kristy.¹⁸ Tsy nisy nahatrea an'Andrianañahare ndre ombia ndre ombia. Fa ze Andrianañahare raike naho tokagne izay, e zao ro am-piarañana ty Rae, le nampahafohiñeñe Aze.¹⁹Izao ty fañambara natao i Jaona naho fa nañirake o mpisoroñe naho Levita reo boake e Jerosalema añe ho amo Jiosy reo añe mba hañontane aze te ie: "Ia moa iheo?"²⁰ Naho le tsy nandietse Reke, fa nivolañe mora avao, namale aze te ie: " tsy Kristy nio o aho".²¹ Le nañontane aze iareo nanao tihoeke te ie: " Avaho inoñe iheo areke?" i Elia vao iheo?" Le nirehake reke te ie : "tsy ie raho" Le izao ty natao iareo: " Ihe vao o mpitoky io? Le namale reke te ie:"Tsy ie".²² niavy eo iareo nirehake ama e te ie: " À ia iheo, mba hahaia ay manoin-drehake ze mindre amay? Ino ty ho tsaraeo momba ty vata o?"²³ Le izao natoie aze: "Izaho i feo, mikoike mafe amontom-bey añe ey te ie: " Anò vantañe ty lala i Andriatompo, arake ty nambara i Isaia mpitoky".²⁴Le nisy tilae amy iareo boake fariseo reo nirahegne,²⁵ naho le nañontane aze iareo nivolañe ama te ie: " Inoñe o anoao batisa ao te ihe tsy Kristy naho mbe tsy Elia ka navaho mbe tsy mpitoky?"²⁶Le nanoiñe iareo t'i Jaona nanao tihoeke te ie: " Rano avao ty ampandroako. Fa ampañivoa areo eo le misy ndaty raike mijohañe tsy fanta'reo.²⁷ Ie ze raike niavy afarako zay, ndra ty hañaha ty talin-kanae aza tsy mañeva ahy."²⁸ Zo raha zao le natao te Betania agne alafe i Jordana ey, izay ty nanoa i Jaona batisa.²⁹Ie maray iñe nahatrea i Jesosy ty Jaona niharine aze naho le nirehake reke te ie: " Heteo, ingo ty anak'aondrin'Andrianañahare mpañaha ty hakeo ze kila raha!³⁰ Ie o raike nambarako te ie: " Ie ze raike avy afarako le bey mandako ahy, satria Ie ty taoloko."³¹ Ndra izaho tsy mahafantatse Aze, fa mba ho volañeñe ama Israely io te Reke ro niaviako hampandro ama ty rano."³²Izao ty nambara i Jaona: " Nahatrea ty fañahy nizotso boake an-dañitse añe raho hoe voromahilala, naho le nitoetse ambone eo.³³ Tsy mahafantatse Aze raho, fa Ie nañirake ahy hampanao batisa ama ty rano ro nitsarà amako te ie: Ambone ze treao zay eo ro hizotsoa ty Fañahy naho le hitoetse ama eo, Ie ze raike hampanao batisa ama ty Fañahy Masiñe." ³⁴Naho le nahatrea raho ro nañambara fa Ie ro Anan'Andrianagnahare."³⁵Ie ny maray ka, naho nitsangañe nindre ama ty mpianaeo roe ty Jaona,³⁶ le nahatrea Jesosy nañavelo iareo, le tihoe natao i Jaona: " Heteo, ty Anak'aondrin'Andrianañahare!"³⁷Naho naharey ty hoe izao i mpianae roe rey le norihe iareo t'i Jesosy. ³⁸Ie niavy eo, nitolike t'i Jesosy naho niony Jesosy iareo nañorike Aze le izao ty ny saontsie tama iareo: "Inoñe o paia'reo?" Le izao ty natoy iareo: " Raby (mpagnantse ty dika izay), aia Iheo to hitobe?"³⁹ Le nanoiñe iareo Reke te ie: " Miharinea le henteo". Naho fa niharine mbeo iareo le nahatrea ty tane nitobeae; le nitobe nindre Ama eo iareo tama o andro, fa tokoe ho tama ty lera faha folo tamizay.⁴⁰Ty raike ama mpianae roa rey naharey i Jaona nisaotsy naho le nañorike i Jesosy naho ny avy eo ty Andrea, rahalahy Simona Petera. ⁴¹Nipay i Simona rahalahie heke reke naho le nirehake ama e te ie: "Trea ay ty Mesia" (ty dika izay le Kristy) ⁴²Le ninday aze mbamy Jesosy eo reke, naho le nivazoho aze ty Jesosy le ny saontsy tihoeke te : " Ihe o Simona ana i Jaona ao, le Kafesy ty nitokavagne azo" (ty dika izay le: Petera).⁴³Ie ny maraiñe, naho ho mbe Galilia t'i Jesosy, le nahavazoho i Filipo Reke naho le nitsara e te ie: "Oriho Raho"⁴⁴ Filipo boake e Betsahida ey, tanà i Andrea naho Petera.⁴⁵ Nahatrea i Natanaela ka t'i Filipo le ny rehafae te ie: " Ie ty sinora i Mosesy tama ty lily ao, naho iareo mpitoky , trea ay Reke, le i Jesosy ana i Josefa, boake e Nazareta agne".⁴⁶Nirehake ama'e ty Natanaela te ie: "Mbe hisy raha soa boake e Nazareta ka vao?" Le izao ty nivolañe Filipo ama e: "Miharinea le henteo"⁴⁷ Niony Jesosy te niharine aze t'i Natanaela te niharine aze naho le nivolañe e ty mombamomba aze iareo te ie: "Heteo, izao ty Isiraelita vatae, naho le tsy misy fitake ty ama ao!"⁴⁸ Nirehake Ama ty Natanaele tihoeke ty natao e: "Manao akore ty ahafantara areo ahy?" Le izao ty saontsy natoy Jesosy aze: "Taolo ty nitokava i Filipo azo, tambane ty hatae aviavy rehe, le talakeko."⁴⁹Namale ty Natanaele te ie: "Raby, Ihe o Anak'Andrianañahare eo! Ihe ty Mpanjaka ty Isiraely!" ⁵⁰ Namale ty Jesosy naho le nisaotsy ama te ie: " satria vao Raho nirehake amao te ie: 'Nahatrea azo tambane ty aviavy Raho', le hinoao? Hahatrea raha fanjaka mandako izay rehe." ⁵¹Ie niavy eo Reke nisaontsy te: " Le ataliliko anareo, ty mareñe, le mareñe vatae, ho trea areo ty fisokafa o lañitseo, naho ty Anjelin'Andrianañahare hianakatse naho hizotso ambone ty Tirin'Olombeloñe eo."

Chapter 2

¹Ie nifaha telo andro tafara e, le nisy fañengam-baly ty te Ganà e Galilia ao, naho le tao ka ty Rene i Jesosy.² Le kinoke tamo fagnengam-baly io ka ty ry Jesosy naho mpianae eo.³Ie nilany ty divay, le tihoe ty natao rene i Jososy nitsara ama te: "Tsy manañe divay iareo."⁴ Le izao ty natao Jesosy tama e: " Inao Rampela, hein ty liao mbeto toy? Mbe tsy avy ty fotoako".⁵ Le tihoe ty natao i Rene e tama mpanompo eo: "ndra inoñinoñe rehafe e ama areo, le anò avao."⁶Le nisy siny vato eneñe zay teo fampiasaeñe amy ty andro fisasa ty Jiosy, mahampe roenaho telo mentatse aby.⁷ Izao ty natao Jesosy tamy iareo: "Feno rano o siny io." Le fineno iareo hatra an-tsoñieo aby.⁸ Ie niavy eo le izao ty natao e amo mpanompo eo: "Tovizo amizay le indeso amy tompon'andraiketse mpikarakara aze." Naho toe le natao iareo zay.⁹Nandama tompon'andreketse mpikarakaray i rano nanjare divay, fe ie le amoa iareo ty nihirifa e (fa mpanompo e nanovy aze eo ro mahafantatse aze). Ie niavy eo le nikanjy mpañengay Reke¹⁰ naho le nisaontsia te ie: "Ze ndaty aby le ze divay fanjaka heke ty azotsoe avy eo vaho ty divay moramora naho mamo aby iareo. Fa inareo le nañaja ty divay soa te anito."¹¹Izay ty famantarañe voalohae natao i Jesosy te Kanà e Galilia añe, naho le nanoro ty voninahie Reke, le nino Aze aby iareo mpianaeo.¹²Ie tafara izay le nizotso e Kapernaoma ey t'i Jesosy, le Rene e, o rahalahy eo navaho mpianaeo naho le nijanoñe ey tañate ty andro tsy ampeampe iareo.¹³Naho fa narine ty Pasky ty Jiosy, le niheo e Jerosalema añe ty Jesosy.¹⁴ Nahoniñe mivarotse añombe, aondry navaho voromahilala añanjomba Nañahare ao Reke, naho le tao ka iareo mpanakalo vola.¹⁵Naho le nañamboatse karavantsy reke le nañakatse ze hene raha tañanjomba Nagnahare ao, ndra ty aondry ndra ty aombe. Nabaratsiae ty vola ze ny mpanakalo vola ao naho natontae i lataba iareo.¹⁶ Ie zao Hoareke ty natao tamy mpiavarotse voromahilala rey: "Ento miakatse misitake ty toerañe toy ty raha rey toa. Soa zay fanoañe bezara fivarotagne o anjomban-Droeako."¹⁷Tiahy o mpiana eo anio fa toe voa soratse te ie: "Ty fitoerako ama ty traño areo ro hahalevoñe ahy."¹⁸ Ie avy eo namale iareo lahibey ty mpisoro ty Jiosy le tihoe ty natao ama e: "Inoñe ty famantarañe hatoro anay, mahavy azo hanao ty raha manahake io?¹⁹ Izao ty natoy i Jesosy aze: "Rotsaho ty Anjomba Nañahare toy, fa añate ty telo andro avao ty hampitsanganako aze."²⁰Le izao ka natao iareo mpandily Jiosy te ie: "Taoñe efapolo eneñe amby ty namboarañe ty Anjomba Nañahare toy, le ihe vao ro hampitsangañe aze añate ty telo andro?"²¹ Mone izao, ty momba Anjomba Nañahare eo ty teñan-draha saontsie.²² Tafara ty nivañonae ho veloñe, le tiahy mpianae ey fa izay ty nisaotsie, naho le nino ty Soratse Masiñe naho ze saontsy nambara i Jesosy iareo.²³À naho fa niavy e Jerosalema ao Reke tama ty andro Pasky fifaleañe, le maro ty niantoke ty tahina e naho fa nahatrea ty famantarañe natao e.²⁴ Fa Jesosy ka le tsy natoky iareo naho ty fahafantarae soa iareo aby, ²⁵satria tsy nipaiae ndra ia ia hitalily amae ty momba ze ndaty Reke, naho ty fahafantarae ty ampiay ondaty ao.

Chapter 3

¹Le nisy Fariseo raike zay Nikodemosy ty añarae, mpitarike ty Jiosy. ²Niharine i Jesosy ama ty andro haleñe o ajalahy io naho le nirehake te ie: "Raby, fanta ay fa mpañanatse boake aman'Andrianañahare añe Rehe, satria tsy misy mahavita o famantarañe natao o naho tsy mindre amae ty Andrianañahare."³Le izao ty natoy i Jesosy aze: "Ambarako anareo anio, fa naho tsy aterake indraike ty ndaty, le hahatrea ty fanjakan'Andrianañahare reke."⁴ Nirehake ty Nikodemosy te ie: " Ama ty manao akore ty hitereha ondaty raike naho fa antetse reke? Tsy hahay haiditse antron-drene e añe indroe reke naho le haterake, sa mete koahe vao?"⁵Nanoiñe ty Jesosy te ie: "Ambarako anareo vatae anio, fa naho tsy naterake ama ty rano naho ty fagnahy ty tirin'olombeloñr, le tsy hiditse ama ty fanjaka Nañahare reke.⁶ Ze nasama ty onofotse le nofotse, fa ze nasama ty fañahy le fagnahy.⁷Tsy ho latsa amy ty raha tsaraeko te ie: 'Mahay tsy haterake indraike nareo'. ⁸Le mitioke avao ty tioke ndre mbaia mbaia ty iariae, le rey ty feo, fe ie tsy fantao ty nihirifae naho ze ho mbae. Manaheke izay ka ze nasama ty fañahy."⁹Namale ty Nikodemosy le nivolañe amae te ie: "Akore ty fomba hilefesa ty raha manake zay?"¹⁰ Nanoiñee aze ka ty Jesosy le nisaontsy te ie: "Mpañanatse Israely rehe, le mbe tsy ho fantao avao ze raha zay?¹¹ Ambarako azo anio, fa ze trea ay ro volañe ay, naho le zahay ty mitalily ty momba ze ny trea ay zay. Fe ie le mbe tsy miantoke ty fañambara ay nareo.¹²Naho mbe nañambara amareo ty raha nisy an-tane etoy Raho fe ie tsy hinoa areo, amy ty fomba akore ro hinoa Ahy naho ataliliko anareo ty raha misy Andañitse añe? ¹³Tsy nisy niakatse andañitse agne naho tsy ze nizotso hirikañe avao, le izay tirin'olombeloñe.¹⁴Le manahake ty nanandrata i Mosesy ty mereñe amontoñe añe, ro mahay tsy hanandratañe ka ty tirin'olombelogne,¹⁵ le hanañe ty fiaiñañe mandrakezay ze miantoke Aze.¹⁶Fa Tean'Andrianañahare vatae ze kila raha, naho le nimea e ty anae lahy henkae, mba tsy ho motso ze miantoke Aze fa manañee ty fiaiñañe mandrakezay.¹⁷ Fa Andrianañahare le tsy nañirake ty Anadahie mba hañameloke ze kila raha, fa mba hamonje ze kila raha amy ty alalae.¹⁸ Ze mino Aze le tsy voa heloke, fa ze tsy miantoke Aze ka le hihelofañe satria tsy mino ty tahina ty Anae lahy tokan'Andrianañahare.¹⁹Izao ty natao ty fitsaràñe ey: Niavy amy ze kila raha etoy ty hazavañe, fe lenò ty olombeloñe ty maieñe te izay ty zava satria raty ty asa atao e. ²⁰Fe ze manao raty aby le malaiñe ty mazava naho le tsy miharine aze mba ho trea miziriziry ty asa e. ²¹Mone izao, ze manao ty mareñe le miharine ty mazava mba ho trea soa fa ze asa e le natao e arake an'Andrianañahare.²²Tafara izay, le niavotse ho mbe Jodea eo t'i Jesosy naho iareo mpianae. Niheo ey tañate ty andro tsy ampe ampe iareo le nindre amiareo Reke hatao batisa.²³ Naho le nanao batisa e Ainona tagnila i Saleima ey ka ty Jaona fa tsiefa ty rano ey. Niharine aze ei maroy naho le natao batisa,²⁴ fa mboe tsy nasese ampigadrañe añe ty Jaona.²⁵Ie niavy eo, nifandietse tila ty mpiana i Jaona naho Jiosy raike ty momba ty andro fisasañe. ²⁶Niheo mbam' I Jaona eo iareo le nirehake te ie: "Mpañanatse, iraike nindre amao talafe ranobey Joridana, navolily'o, te ingo, reke manao batisa, naho le nangovovoke ze marozay le mbeo."²⁷Le namale ty Jaona te ie: "Tsy mete handrambe ndre inoñinoñe ty ndaty raike naho tsy fa nimeiñe aze hirike an-dañitse añe.²⁸ Inareo avao tsy le fa mete atao voavolombeloñe amy ty raha nambarako te ie: 'Tsy izaho Kristy io, fe ie: 'Niraheñe taoloe.'²⁹Ze engaeñe le ey ty mpañenga. À ty longo ty mpañenga, ie ty mitsangañe naho mitsanoñe aze, le mifale vatae mandako ty fampiboaha ty mpañenga ty feo e. Le izay, ro mameno ty hafaleko.³⁰ Mahay tsy mitombo Reke, fa izaho ka le mahay tsy miketrake.³¹Ie boake andindimonegne agne le ambone ze kila raha iaby. Ie boake an-tane etoy le an-tane etoy naho le mivolagne mikasike ty an-tane etoy. Ze boake an-dagnitse agne le ambone ze kila raha. ³²Mitalily ty mbomba ze raha nitrea naho nirey e Reke, fe ie le tsy misy miantoke ty fagnambaragne atao e. ³³Fa ze niantoka ty fagnambara e ka le magnamafe tò ty Andrianagnahare.³⁴Fa ze raike nirahen'Andrianagnahare le mitsara ty saontsin'Andrianaganahare. Satria tsy nifera e ty fagnomeam-paganahy.³⁵ Tean-dRae o anadahie eo naho le napoe ampitaeo iaby ze kila raha.³⁶ Ze mino Anadahie eo le managne ty fiaignagne mandrakezay. Fa ze tsy miantoke o Anadahie eo ka le tsy hahatrea havelogne, fa hitoera ty havigneran'Andrianagnahare."

Chapter 4

¹À naho fa niony Jesoa te ie rey iareo Fariseo fa nahazo naho nanao batisa mpianatse maro mandako i Jaona Ireke ²(ndre ie tsy vata i Jesosy aza ro nanao batisa fa o mpianaeo), ³le nisintake ty Jodea ao Reke le niheregne Galilea agne indraike.⁴Fa paiae ty magnivakivake Samaria eo.⁵ Le niavy amy zo tanagne raike Samaria zao Reke, Sykara ty fikavagne aze, agnila ty an-tsasa tane nimey i Jakoba i Josefa ana e.⁶Le teo zo fantsaka i Jakoba. Naharey havozake tamy ty fagnavelo ty Jesoa naho le niambesatse amo fantsakagneo eo. Tavoke ho lera faha enegne eo. ⁷Nisy ampela samaritana raike zay niavy hatsaka rano, le izao ty natao i Jesosy ama te ie: "Mba omeo rano Raho hinomeko." ⁸Fa mpiana e rey fa nandeha an-tanagnagne mba hivily mahakama.⁹Ie avy eo izao ty natao i ampela samaritana ama te ie: "Akore te ihe, Jiosy ,ro mangatake rano kamae amy izaho ampela samaritana?" Fa tsy misy fifankahazoa samaritana ao naho Jiosy io.¹⁰ Namale ty Jesosy naho le nisaontsy nanao tihoeke te: "Naho nifantao ty fagnomezan'Andrianagnahare, naho mirehake amao te ie: 'Omeo rano hinomeko,' le ihe ka ty ndra nangatake ama e, le ho nimeae rano velogne."¹¹Le izao ty natao i ampela ay amae: "Aba, tsy nanam-pitovy niheo naho laleke fantsakagneo. Avaho aia ro hahazoao rano velogne? ¹²À ihe tsy bey, sà, amy ty agnama i Jakoba razambeintika, nagnomey anay fantsakagne naho i vata ey ty nikama amae, manahake o anaeo naho biby eo?"¹³Izao ty natao i Jesosy namale aze te ie: "Ze minogne amy ty rano toy aby le mbe harandrano avao, ¹⁴fa ndra ia ia minogne amy ty rano ho meiko aze le tsy harandrano hatramparae. Fe ie ty rano ho meiko aze le hanjare rano miboboke ampiaie ao, naho le minday aze amy ty fiaignagne mandrakezay."¹⁵Izao ty natao i ampela ay amae: "Tompoko, meo amo zo rano raho soa te tsy harandrano naho le hanjare tsy hantaka etoa in-tsasa."¹⁶ Izao ty natao i Jesosy amy ampelay: "Akia, tokavo ty valio, le miheregna mbetoa."¹⁷Namale i ampela ay le nirehake amae te ie: "Tsy manambaly raho." Le tihoe ty navale Jesosy: "Tò nio volagneo zay te ie: "Tsy manambaly raho,¹⁸ fa toe fa nanambaly in-lime rehe, naho toe le mbe tsy valio ka ndra itobohao henaneo. Tò ze volagneo zay."¹⁹Izao ty natao i ampela ay amae: "Ragnandria, treako fa mpitoky Rehe. ²⁰Iareo razantika le tama ty vohitse toy eto te nivavake, fe ie nareo nitalily te Jerosalema ty toeragne tokoe hivava ze ndaty."²¹Fe izao ty natao Jesosy amae: "Minoa Ahy, rampela, fa hoavy ty andro hidera areo ty Rae fe ie tsy ambohitse naho toe tsy e Jerosalema agne ka.²² Fa nareo miankotrake amy ze tsy fantareo. Izahay ka le miankotrake amy ze fanta ay satria o famonjeagneo le boake amy iareo Jiosy.²³Fe ie, ho avy ty andro, naho le anito avao, fe ie hidera ty Rae amy ty fagnahy naho fahamaregnagne nareo mpivavake vatae, satria ndaty manahake izay ty paia ty Rae mpidera Aze.²⁴ Andrianagnahare le Fagnahy, naho ze ndaty midera Aze le mahay tsy midera amy ty Fagnahy naho fahamaregnagne."²⁵Le tihoe ty natao i ampela ay amae: "Fantako fa hoavy ty Mesia (atao tihoeke ey te ie Kristy). À naho fa avy Reke, le hitsakore amantika ze hene raha." ²⁶Izao ty natao Jesosy amae te ie:" Izaho mirehake amao zao, ro Ie."²⁷Tamy ze fotoagne zay le nibalike iareo mpianae. Naho le nagnontane vatagne iareo te ie: Nagninogne Ireke ie misaontsy amo ampela ao, fa tsy nisy nirehake te ie: "Inogne eo paiao?" Ndra ie: " Nagninogne Irehe ro mirehake ama eo?"²⁸Naho ty agnama izay le nengà ampela ay siny ey, le nandeha reke nibalike an-tanàgnagne agne, le nirehake amy ndaty te ie:²⁹ "Handeha, hitilike lahilahy nivolagne ty raha nataoko oy. Tsy ho Kristy zay, sà Ie vao koahe? ³⁰Le nisintake tanagnegney iareo le niheo Amaeo.³¹Ampara izay, nandrisike Aze iareo mpianae, le tihoe ty nataoe: "Mpagnanatse, mikamà." ³²Le izao ty Nataoe ama iareo te ie: "Managne hanen-kohanegne nio Aho fe ie tsy fantareo."³³ Le nifampibisibisike iareo mpianae te ie: "Tsy nisy ndaty niday mahakama ho Aze, sà nisy vao koahe?³⁴Izao ty natao i Jesosy amy iareo: "Ty haneko le magnorike ze zoto ty nagnirake Ahy naho le manao ty asae. ³⁵Tsy Ihe vao nirehake te ie: "Efa-bolagne ty sisa le hoavy faosay? Ambarako anareo, ampagneteo masoareo le henteo ty an-tonda ey, fa masake naho le fa horofota iareo! ³⁶Ze mahavokatse le mandrae karama naho le hamory vokatse ho amy ty fiaignagne mandrakezay, naho le hiharo gafaleagne mpitongy naho ze mahavokatse.³⁷Fa amizay le tò rehake manao tihoekey te ie: 'Ty raike mpitongy, le ty raike ka mpamokatse,' ³⁸Nagnirake anareo handrae ze tsy nilifosa areo Raho. Tila'e hafa ro nilofo, naho le nareo ro miditse eo amy ze nilofosae."³⁹Lako tamy iareo samaritana tamy ze tanagne zay ro niantoke Aze noho ty raha natalily ampelay nambarae te ie: "Sinaontsie amako iaby ze kila raha nataoko." ⁴⁰À naho fa niharine Aze iareo samaritana, le nihalalea iareo Reke mba hijanogne hindre amy iareo, naho le nijanogne ao roe andro Reke.⁴¹Maro hafa ro niantoke naho ty rehae. ⁴²Izao ty natao tamy ampelay: "Tsy noho ze nivolagneo in-tsasa ro hiantofa ay, fa zahay ro fanarey, naho le apota ay te Reke vatae ty Mpagnaha ze kila raha."⁴³Tafara roe andro oy, le nisintahae ty ao le niheo e Galilia agne Reke.⁴⁴ Fa Jesosy ro nagnambara fa mpianaeo le tsy managne ty lanjae amy ty tane'e manokagne. ⁴⁵À naho fa niavy e Galilia ao Reke, le rinae iareo nte Galilia Reke. Iareo le nahonigne ze hene raha nataoe nte Jerosalema ao tamy andro fifaleagne, satria toe le tagne ka iareo tamy ty andro fifaleagne.⁴⁶Le niavy nte Kana e Galilia ao ndrike Reke, tanagne nagnovae ty rano ho divay. Nisy tandampa raike zay nanagnanake lahilahy marare te Kapernaony ao.⁴⁷ À naho fa nirey e te hoavy e Jodia ho e Galilia agne ty Jesosy, le nimbamy Jesosy eo ka reke naho le nihalale amae mba hizotso mbeo hagnaha ty anae lahahily, naho le fa haito.⁴⁸À ie niavy amà nisaontsy tamy iareo ty Jesosy te ie: "Naho tsy mahatrea famantaragne navaho fahagagagne nareo, tsy mba hino vatae." ⁴⁹Izao ty nata tandampa ay amae: "Ragnandria, mba mizotsoa mialo ty haitoa o anako." Izao ny natao Jeaosy ⁵⁰tamae te ie: "Mandehàna fa velogne i anaoy." Ninoa ty to raha nisaontsie Jesosy tamae lahilahy, naho le nandeha reke.⁵¹À naho fa nizotso reke, le nanalaka aze mpanompo e rey, nitalily te ie velogne iana'ey.⁵² Le nagnontanea'e iareo ty lera nijangana'e. Le nanoigne aze iareo te ie: "Omale tamy ty lera faha fito ro nialà i tazogney tama'e."⁵³Fanta i rae'ey naho niavy eo fa tamo o lera ao ro nisaontsia i Jesosy aze te ie: "Velogne i anao'oy." Naho le nino i vata'ey naho ze hene longo'e. ⁵⁴Izay ty famantaragne faha roe natao i Jesosy tamy ty Ie nisitse ty e Jodia ao ho e Galilia ao.

Chapter 5

¹Tafara izay le nisy fifalefaleagne i Jiosy io, le niheo e Jerosalema agne ty Jesosy. ²Naho te Jerosalema tagnila lalambein' aondry eo, le nisy saka, atao Betesda zao amy ty Hebreo, naho misy fialofagne lime zay.³ Maro ty ndaty narare, goa, lendra'e, naho tsy mahay mihetseke niroro ao. (fagnamaregnagne: Ze venten-taratasy taolo nifanjaka vata'e le magnafake ze rehake te ie: "Mandigne ty fiolà o rano")⁴ (fagnamaregnagne: Ze venten-taratasy taolo soa vata'e le magnafake ze and.4 te ie: "Le nisy Anjely i Andriatompo raike nizotso le nampihetseke rano kindraindraike naho le ndra ia ndra ia miheo ao naho fa mihetse rano oy le jangagne tama ze aretegne ndra ino ndra ino nankarare aze.")⁵Le nisy lahilahy raike zay fa narare telopolo valo amby taogne zay areke ty tao.⁶ Naho fa niony i Jesoa nandre eo reke, naho tafara ty nahatsapa'e fa an-tao'e maro reke te teo, le izao ty Natao'e ama: "Te ho jangagne viheo?"⁷Izao ty natoy lahy marare ey aze: "Ragnandria, tsy managne ndra ia ndra ia handrombake ahy agnate dobo ao nio aho naho fa miola rano. À naho fa mandeha raho, le misy misisike alohako ao."⁸ Le tihoe ty natao i Jesosy ama'e te ie: "Miongaha, indeso fandrea'o, mandehana."⁹Le avy le jangagne lahilahy, le rina'e fandrea'ey le ndeha reke. Sabata ze andro zay.¹⁰Le izao ty natao Jiosy rey tamy jangagney: "Sabata ty androany tsy azo'o indesegne fandrea'oy".¹¹ Nanoigne reke te ie: I nahajangagne ahy io nisaontsy amako le tihoe ty natao te ie: "Indeso fandrea'oy le mandehana."¹²Le nagnontanea iareo reke te ie: "Ia o lahilahy nivolagne ama'o te: 'Indeso ty fandrea'o le mandehanà ao? ¹³Fe ie, tsy mahafantatse Aze jangagney fa nisintake moramora ty Jesosy fa nisy ndaty lako ty amo toeragneo.¹⁴Ie niavy eo, a niony i Jesosy tagnanjomba Nagnahare ao aia reke le izao ty Natao'e ama'e: "Jangagne ihe henaneo! le ko manonta in-tsasa, mba tsy hiavia ty raty ama'o manahake teo'oy." ¹⁵Niavy eo le nandeha lahilahy nagnambara ama iareo Jiosy fa i Jesosy ro nahajangagne aze.¹⁶Le izay avao ty le nagnenjeha o Jiosy reo i Jesosy, satria nanao ze raha zay tamy ty andro Sabata Reke.¹⁷ Izao ty natoy i Jesosy iareo: "Ty Raeko le miasa avao ndre ie anito aza, ndra Izaho, ka le miasa."¹⁸ Naho izay, le nindra ty fihàgna iareo Jiosy ty hamonoagne Aze, tsy amy ty agnama ty famenteventea'e ty andro Sabata avao, fa ndra ty fikanjia'e an'Andrianagnehare te ie Rae rery, mampira ty vata'e aman'Andrianagnahare.¹⁹À le nanoigne iareo ty Jesosy te ie: "Ambarako ama'areo anio, fa ty Anake le tsy manao ndra inognino ho Aze, naho tsy ze trea'e atao ty Rae avao, fa ndra inognino anoe ty Rae, le atao ty Anake avao ka ze raha zay.²⁰ Fe ie ze Rae tea Anake naho le manoro aze ze hene raha atao'e vata'ey, le hanoro aze ka ze raha bey mandako iareo Reke latsa nareo.²¹Fa manahake ty Rae nampitsangagne naho mamelogne ty mate, le manahake izay ka ty ameloma'e ty Anake tea'e. ²²Fa ty Rae le tsy mitsara na ia na ia, fa nimey'e ty Anjana'e ze hene fitsaragne²³ mba hiasia ty maro ty Anake manahake ty niasia iareo ty Rae. Ze tsy miasy ty anake le ts miasy ty Rae nagnirake Aze.²⁴Ambarako anareo anio, fa ze maharey ty rehako naho le miantoke ze nagnirake Ahy le izay ty managne ty fiaignagne mandrakezay naho le tsy hibosehagne fa nisitse ho havilasy io reke ho amy ty fiaignagne.²⁵Le ataliliko, fa ho avy ty andro, naho le andoany ty hilefea'e, naho fa maharey ty fiaragnana ty Anak'Andrianagnahare ny vilasy, le ho velogne ze maharey.²⁶Fa manahake ty Rae manan-kavelogne Ama'e ao, ro nagnomeagne ty anake ka mba hanagna'e fiaignagne Ama'e ao, ²⁷naho le nomea ty Rae lily hitsara ty Anake mandako Aze ty tirin'olombelogne.²⁸Asao tsy ho gaga amizay, fa avy ty andro hahareiza ze kila ndaty ty feo andonake agne ²⁹naho le hiakatse: iareo ze nanao soa hitsangagne ho amy ty fiaignagne, fa ze nanao ratsy ka le hitsangagne ho amy ty fitsaragne.³⁰Tsy afake hanao ndra inognino naho Izaho avao. Naho ze nireiko, ro itsarako, le ho maregne ty fitsarako satria tsy mipay ty zotoko irery Raho fa ty zoto Ireke nagnirake Ahy.³¹ Naho hagnambara ty momba ty vatako Raho, le tsy maregne ty fagnambarako. ³²Misy raike hafa zay nagnambara ty momba Ahy, naho le fantako fa tò ze fagnambare rehafe'e momba Ahy.³³Nirahegne tamy i Jaona agne nareo, naho le nagnambara ty maregne Reke.³⁴ Fe ie ze fagnambaragne rinaeko le tsy avy ama ondaty. Mitalily ze raha zay Raho mba mete ho voavonje nareo.³⁵ Jaona le jiro nirehetse navaho nagnazava, naho le nareo nagniry ty hifale tsiela tamy ty fahazava'e.³⁶Fe ie ty fagnambarako le bey mandako ty ei Jaona, fa ze asa nemey ty Rae ho vitaeko, ze asa nataoko aby, ro magnambara ty momba Ahy fa nirahe ty Rae raho.³⁷ Le ty Rae ze ro nagnambara Ahy. Mbe tsy naharey ty fiaragnana'e naho nahatrea Aze ndra indraike nareo. ³⁸Naho ty saontsi'e tsy mba mitoetse ampiaiareo ao, satria nareo tsy miantoke ze nirahe'e.³⁹Mipay Soratse Masigne satria mihevetse nareo fa amy io ao ro anagna areo ty fiaignagne Mandrakezay, naho le Soratse Masigne eo avao ka ro magnambara ty momba Ahy,⁴⁰ fe ie tsy vogno'e ty hagnorike Ahy nareo mba hanagna areo havelogne.⁴¹Tsy mandrae ty laza boake ama ondaty Raho,⁴² satria fantako fa tsy misy fitiavagne anan'Andrianagnahare ty ama areo ao.⁴³Avy amy ty tahina ty Raeko Raho, naho le tsy raese areo. Naho misy hafa amy ty agnara'e irerike, le ho raese areo reke. ⁴⁴Akore ty hiantofa areo, inareo mandrae ty laza boake amy ty hafa mone izao tsy mapay ty laza boake aman'Andrianagnahare tokagne?⁴⁵Tsy hieretseretse naraeo te ie Izaho ro hitsara anareo agnatreha ty Rae. Ze raike hitsara anareo le i Mosesy, naho nampipoha areo ty fagnategna areo.⁴⁶ Naho mino i Mosesy nareo le toko'e hino Ahy, satria ie ty nanoratse ty momba Ahy.⁴⁷ Naho tsy miantoke ze sinora'e vao nareo le atao areo akore ty hiantoke ty raha volagneko?

Chapter 6

¹Tafara ze raha zay, le nitsake ranomasigne e Galilia, atao Tiberiasy zay ty Jesosy. ²Nisy ndaty tsiefa nangovovoke nagnorike Aze satria trea iareo famantaragne natao'e tama ze narare.³ Niheo ambone vohitsey ty Jesosy naho le niambesatsey miharo amo mpiana eo Reke.⁴(Fa marine amizay Paska, andro firavoaravoa Jiosy io). ⁵À naho fa nivazoho niagnambone ty Jesosy aheo naho ndaty tsiefa ro mbama eo, le tihoe ty natao amy Filipo te ie: "Aia ty hiviliantika mofo mba hihinana iareo?" ⁶(Fa ony i Jesosy anio ty hatao'e, fe ie le niaotsy izay mba hitsoha'e hevetse i Filipo.)⁷Le tihoe natao Filipo nanoigne Aze te ie: "Ndra ie mofo roanjato dinaria nio aza ndra kede tsy hahenegne aze kiraidraike aby."⁸ Ty raike tama mpianaeo, Andrea, roahalahy Simona Petera, ro nivolagne ama i Jesosy te ie:⁹ " Misy anajalahy raike ty eto managne mofo lime navaho fiagne roe, fe ie a hahainogne ty ndaty lako toa?¹⁰Le ty hoe natao i Jesosy te ie: "Ampiambesaro o ndaty reo" (Feno akata ty amo toerañeo eo) Le niambesatse aby maroy, tokoe ho lime arivo eo ty isae. ¹¹Ie niavy le nangalake mofoy naho fa niavy nisaotse, naho le zinara'e tama iareo ze niambesatse. Le mbe ny hoe izay avao ka ty natao'e tama fiañey, maro mandako ze paiaiareo. ¹²A naho fa nianjañe ndaty, le tihoe ty Natao'e tama mpiana'e reo te ie: " Avorio ze sisa'e tsy nilany, mba tsy hisy ho motso."¹³A le navory iareo areke naho le mbe nahafeno haroñe folo roe amby ty nisisa mofo limey ze nipotepote'e nenga iareo nihinañe.¹⁴ Ie niavy eo, naho fa nahaoniñe ty famantaragne Natao'e ndaty, le tihoe ty natao iareo tie: "Itoy vata'e o mpitoky ho avy ho etoy ama ze kila tane eo."¹⁵ A naho fa niony i Jesosy fa hoavy iareo hangalake Aze hanandratse Aze an-kery ho Mpanjaka, le nibalike ambone vohitsey irery ndraike Reke.¹⁶Ie nihariva androy, le nizotso mba ndranomasigne eo mpianae rey. ¹⁷Nijoñe amy ty lankan-kede iareo, naho le nitsake ranomasigney hoe Kapernaoma agne. Fa naieñe tamy izay, ndra Jesosy mbe tsy niavy tamy iareo avao.¹⁸ Ndra nisy talio mafe areke, naho le nañonja ranomasiñey.¹⁹Naho fa nivey teo amy ty roapolo lime amby na telopolo stadio eo iareo, le trea iareo ty Jesosy niheo ambone ranomasiñey naho le nihanarine lakan-kede ey, naho le natahotse iareo. ²⁰Le izao ty natao amy iareo te ie: "Mbe izaho avao nitoy! ko matahotse."²¹ Ie niavy eo novoño'e iareo ty handrae Aze andakan-kede ao, naho le aniany avao le fa niavy amy tane hombà iareo oy lakañey.²²Ie ny maray iñe, trea maro nitsangañe añolo-dranomasiñe eo te ie tsy nisy lakan-kede hafa tsy raikey avao, naho toe tsy nindre niditse amy mpianaey ty Jesosy fa nandeha irery mpianarey.²³ Fe ie, nisy lakan-kede maromaro boaka Tiberiasy añe ty añila tanagne nihinana iareo mofo'oy eo naho fa niavy nisaotse i Tompo.²⁴A naho fa nitrea vahoake rey te ie tsy teo na Jesosy na mpianae rey, le nijoñe an-dakan-kede iareo naho le etoy ty e Kapernaoma agne hipay Jesosy.²⁵ À naho fa nitrea iareo añolon-drenerano Reke, le tihoe ty natao iareo tama'e: "Mpañanatse, niavy eto mbia Iheo?"²⁶Namale iareo ty Jesosy, nanao tihoeke te ie: " Amabarako anareo anio, fa mipay Ahy nareo, fe ie tsy amity agnama i famantarañey, fa amy ty nihinana areo mofoy naho le nivontsiñe. ²⁷À ko miasa amity haneñe tsiela rava areke, fa miasà ho ey haneñe maharetse amy fiaiñañe mandrakezay naho le homey Tirin'olombeloñe anareo, satria Andriamañitse Rae ro nañisy tombo-kase tama'e."²⁸Ie niavy eo le tihoe ty tanao iareo Tama'e : " À ino ty hatao' ay, mba hanoa' ay ty asa Nagnahare?" ²⁹Namale ty Jesosy le tihoe ty natao'e tama iareo: "Izao ty asan' Andrianañahare: le ty hiantofa areo ty raike ze nirahe'e."³⁰Le izao ty natao iareo tama'e : "Ino areke ty famantarañe ho hatao'o, mba hahita' ay naho le hianoa'ay Azo? Ino ty hatao'o? ³¹Ty razambey' ay nikama ty mana boake añefetse añe, manahake ty voasoratse te ie: " Nimea'e mofo boake an-dañitse iareo ho kamae'e."³²Izao ty natoy Jesosy iareo te ie: " Ambarako anareo anio, fa tsy Mosesy ro nañomey anareo ty mofo hirike an-dañitse añe, fa ty Raeko ro nañomey anareo ty tena mofo vata'e boake an-dañitse añe. ³³Satria ty mofo Andriatompo le mizotso hirike an-dañitse añe naho le mañomey fiaiñañe ho ey ze kila raha."³⁴ Izao ka ty natao iareo ama'e te ie: " Rañadria, omeo anay lomoñazo zo mofo zao."³⁵Le ty hoe ty natao Jesosy any iareo the ie: " Izaho ro mofon-kaveloñeo, ze miharine Ahy tsy ho kere in-tsasa, navaho ze miantoke Ahy ka le tsy ho azo ty arandrano.³⁶ Fe ie fa nambarako ama areo fa nahatrea Ahy nareo, naho le tsy nino. ³⁷O maro ze nimey ty Raeko Ahy le ho mbamako mbeto, naho le ze miharine Ahy ka tsy mbian-kariako.³⁸Fa nizotso hirike an-dañitse añe raho, tsy mba hanao ze zotoko irery, fa ze zoto Ie nañirake Ahy. ³⁹Izao ty zoton'arofo Ie nañirake Ahy, le ty tsy hañariako ze kila raha nimey Any, fa hampitsangañe iareo any ty andro fara'e.⁴⁰ Satria izao ro zoton'arofo ty Raeko, le ty mba hahazoa ty maro ze mahavazoho ty Ana'e naho le mino Aze ty fiaiñañe mandrakezay naho hatsangako amy ty andro fara'e reke.⁴¹Ie niavy eo nimonomonoñe miomba Aze iareo Jiosy satria nisaontsy Reke te: " Izaho ro mofo nizotso hirike an-dañitse añe."⁴² Naho le izao ty natao iareo: "Tsy i Jesosy ana i Josefa vao io, ataoko fantatika ty Rae naho ty Rene'e? À tiaia ty hivolagna'e te ie: "Nizotso hirike an-dañitse añe Raho?"⁴³Le izao ty natoy i Jesosy iareo te ie: "Ajanoño fimonomonoñe am-pañivoa areo. ⁴⁴Tsy misy ndaty afake mañantogne Ahy naho tsy Raeko nañirake Ahy ro mitaoñe aze, naho le hatsangako reke amy ty andro farae.⁴⁵ Izay ty voa soaratse añate ty boky ty mpitoky te ie: "Hampianare i Adriatompo aby iareo." Navaho ze nianatse naho naharey tamy ty Rae avao ro mañantoñe Ahy.⁴⁶Tsy misy nahatrea ty Rae, naho tsy ze hirike aman'Andrianagnahare, Ie avao ro mahita ty Rae.⁴⁷ Ambarako anreo anio, fa ze mino ro manañe ty fiaiñañe mandrakezay.⁴⁸Izaho ro mofo ty fiaiñañe. ⁴⁹Ty Raza areo bey nikama ty mana añefetse añe, naho le nivilasy iareo.⁵⁰Intoy to mofo nizotso hirike an-dañitse añe, ze nikama ama'e tsy ombia ko vilasy.⁵¹ Izaho ro mofo veloñe nizotso hirike an-dañitse añe. Naho misy ndaty mihinañe Amy ty mofo toy, le ho veloñe mandrakezay reke. Ty mofo ho meiko ro mofo ho amy ty fiaiña ze kila raha."⁵²Viñetse iareo Jiosy naho le ty hoe ty nisafiry natao iareo te ie: " Akore ty hahaia o lahio mañomey antika ty onofo'e ho haneñeo? Le ty hoe ty natao I Jesosy amy iareo te ie:⁵³ "Ambarako anareo anio, fa naho tsy mihinañe ty mofo ty tirin'olombeloñe nareo naho tsy minoñe ty lio e, le tsy hanañe fiaiñañe ama areo ao.⁵⁴Ndra ia ia mihinañe ty nofoko naho minoñe ty lioko le manañe ty fiaiñañe mandrakezay, naho le hangako Amy ty andro farae.⁵⁵ Fa ty nofoko ro tena fiaiñañe, le ty lioko ro tena finomeñe. ⁵⁶Ze mihinañe ty nofoko naho minoñe ty lioko ro mitoetse Amako ao, naho le ama'e ao ka Raho.⁵⁷Manahake ty nañiraha Rae veloñe Ahy, naho le manahake ty hivelomako mandako ty Rae, ze mihinañe Ahy, le ho veloñe ka naho ty Amako.⁵⁸ Intoy mofo nizotso hirike an-dañitse añe eo, tsy manahake ty Razambey areo nikama naho le nivilasy. Ze mihinañe ty mofo toy le ho veloñe mandrakezay." ⁵⁹Nisaontsy izay ty Jesosy te Synagoga ao naho fa nampianatse e Kapernaoma ao Reke.⁶⁰Naho le maro Amy iareo mpiana'e naharey izay ro nivolañe te ie: "Fampianarañe sarotse zao; ia iaby ty hiantoke izao? ⁶¹Vaho te Jesosy mahaoniñe te ie mimonomonoñe mpiana'e reo, ro nisaontia e te ie: " Izay vao manikambatse anareo?"⁶²Avaho akore naho hahita ty tirin'olombeloñe miakatse amy ty nitoera'e taolo nareo?⁶³ Ty Fañahy ro nañomey fiaiñañe, ty nofo tsy ahazoañe ndra inoñinoñe. Ze rehake nambarako ama areo le fañahy, naho le fiaiñañe ka io.⁶⁴Tiila ama areo tsy mino." Fa Jesosy fa mahaoniñe laha tamboaloha'e ze tsy mino naho ze hifotetse Aze. ⁶⁵Izao ty natao e: "Izay o nañambarako tama areo fa tsy misy ndaty afake mamonje Ahy naho tsy nimey ty Rae aze zay."⁶⁶Izay avao, le maro tamy mpiana'e eo ro tsy nañorike ama e in-tsasa.⁶⁷ Le tihoe natao Jesosy tamy iareo folo roe amby te ie: "Tsy te handeha ka vao nareo?⁶⁸ Simona Petera ty nanoiñe Aze te ie: "Rañandria, ho amy ia moa zahay io? Ihe ro manañe ty safirin-kaveloñe hatrampara'e, ⁶⁹a naho mino zahay le hañorike mba hahafantatse fa Ihe ro Masin' Andrianañahare."⁷⁰Izao ty natao Jesosy tama iareo: "O vao tsy izaho ro nijonoñe anareo, folo roe amby, naho ty raike amareo le ro raty?⁷¹ Jodasy ana I Simona Isakariota no saontsie, satria ie, o raike amy iareo folo roe amby, hifotse i Jesosy io.

Chapter 7

¹Tafara ze raha zay ty Jesosy le niavotse e Galilia añe, fa tsy te ho e Jodia Reke noho ty fipaia o Jiosy io Aze ho vonoeñe.² Naho toe fa marine ty andro fifalea ty Jiosy ty Tabernakely.³Le nisaontsy ama' e amizao roahalahie eo te: "Isintaho ty eto le akia Rehe miavota e Jodia añe, mba hahaia mpianao reo mahatrea ty asa atao ka. ⁴Tsy misy ndaty nañetake ty raha natao e naho le vatan-teña 'ey ro hijehejehe amity maro. Naho manao ty raha ao nareo, le miboaha Amy ze kila raha.⁵Fa ndra roahalahie eo ka toe tsy nino Aze. ⁶Le nisaontsy iareo amizao ty Jesosy te ie: "Mbe tsy avy ty androko, fa ty anareo ka le miviñona lomoñandro. ⁷Toe tsy halaiñe anareo ze kila raha, fa Izaho ro heje'e satria mampiboake fa raty ty asa'e.⁸Inareo ro miakara amo zo fifaleañe zao; fa Izaho tsy hoañe satria mbe tsy avy ty androko." ⁹Tafara ty nisaontsia'e ze raha zay ,le nijanoñe e Galilia avao Reke.¹⁰A naho fa niheo amy fifaleañe ey añe iareo roahalahie, le niavotse ho mbeo ka Reke naho niavy eo, fe ie tsy niboake fa nietake.¹¹ Nipay aze tamy fifaleañe ey ao iareo Jiosy naho le nirehake te ie: "Nimbaia Reke?"¹²Mato ty rehake mioba Aze tañate maro oy ao. Ty ilae mivolagne fa: "Ajalahy vañone Reke." ty ilae ka mivolagne bte ie: "Tsie zay, fa mitarike o maro amy ty himotsoa'e Reke." ¹³Naho le tsy nisy nahavany nirehake miomba Aze añivo maro naho ty taho o Jiosy io.¹⁴Ie nisasake fifaleañe ey, le niheo Añanjomba Nañahare ao ty Jeosy naho le namototse ty fampianarañe.¹⁵ Ie niavy eo Latsan-draha iareo Jiosy, nivolañe te ie: "Akore ty ahaiza o lahio io ze hene raha zao iaby?¹⁶ Ie ndra raike tsy mba nianatse." Le tihoe ty natoy Jesosy iareo te ie: "Tsy Ahike fampianarako, fa hirike amy Ie nañirake Ahy.¹⁷Naho misy ndaty mañiry te hanao ty zotonarofo e, le hahafantatse miomba fampianarañe eo reke, na hirike aman'Andrianañahare zao, na ty Izaho ambatako avao ro mirehake aze. ¹⁸Ndra ia ndra ia nivolañe hirike amy ty vatae le mipay ty volonahe ty teñae irery, fa ndra ia ia ro mipay ty volonahe ty nañirake aze, le io ndaty mareñe, naho le tsy misy ankoatse ty hamareñañe ty ama'e ao.¹⁹Tsy nañomey lily anareo vao t'i Mosesy? Fe tsy misy ama areo mitandreñe ty lily. À nañino nareo mipay ty hamonoañe Ahy io?²⁰ Nanoiñe maro oy te: "Misy kokolampoñe ny Iheo. Avaho ia mipay ty hamonoañe Azo?"²¹Namale t'i Jesosy naho le nisaontsy te: "Raike avao ty asa Nataoko, naho le ilatsà areo iaby zay. ²²Nimey i Mosesy anareo ty savatse (tsy te ie hirike amy i Mosesy, fa boake Amy iareo razañe), naho le Amy ty tsy fiasañe le manavatse o ndaty nareo.²³Naho Amy ty andro tsy iasañe ro anavarañe o ndaty mba tsy handika ty lily i Mosesy, le ino ty ihejea areo Ahy naho mampijangañe ty ndaty raike amy ty andro tsy iasañe Raho? ²⁴Ko mitsara amy ty lafie ambohoe, fa mitsarà Amy ty hamareñañe."²⁵Nisy ty ilae amy iareo hirike e Jerosalema añe mirehake te: "O tsy itoy vao paia iareo ho vonoeñeo?²⁶ Heteo re, misaontsy miboake Reke, naho le tsy misy nivolañe Aze iareo. Le ho fanta mpinday fanjakañe vatae hoake vao fa Ie zo Kristy zao, sa akore?²⁷ Fa haintika anio te ie boakaia o lahio. À naho fa avy ty Kristy, le amoa'e te hirike aia Reke?"²⁸Ie niavy eo nikoike mafe Añanjomba Nañahare ao ty Jesosy, nampianatse naho le nisaontsy te: " Inareo le sambe mahafantatse Ahy naho le mahay ty nihirifako. Tsy avy noho ty vatako irery o Aho, fa Ie nañirake Ahy le mareñe, naho amoa areo Reke.²⁹ Fantako Reke fa hirike Ama'e Raho naho le ie ro nañirake Ahy."³⁰Nanao ze hitsepahañe Aze iareo, fa tsy nisy nañeba aze satria mbe tsy avy ty andro e.³¹ Maro amy iareo ty ndaty nino Aze, naho le izao ty natao: "Naho fa avy zo Kristy zao, mbe hanao famantarañe mandako lahio koahe Reke vao?" ³²Naho naharey ty bisibisike natao maro oy miomba i Jesosy iareo Fariseo, naho lahibey ty mpisoroñe le nañirake mpiambeñe hitsepake Aze.³³Ie niavy eo le izao ty natao i Jesosy: "Fa tomotse ty andro hiharoako ama areo, le hiheo amy ty ty nañirake Ahy añe Raho.³⁴ Hipay Ahy nareo fe ie tsy hahatrea Ahy; navaho ze ho mbako, tsy ho azo areo andehanañe."³⁵Noho izay avao le nifañitekiteke iareo Jiosy nivolañe te: "Aia hombà o lahio io ro tsy ho vitantika ty hipay Aze? Hiheo amy iareo ze nibaratsiake mbamo Grika mbeo le hañanatse iareo Grika vao?³⁶ Avaho ino ty dika volañe nambara' ey te ie: "Hipay any nareo fe ie tsy hahatrea Ahy; ze ombako, tsy ask areo ombañe?"³⁷Tamy ty fara ty andro fifaleam-bey, le nitsangañe ty Jesosy naho le nikoike made, nanao tihoe: "Naho misy marandrano, adono reke hihovae mbamako mbeto naho le hinoñe. ³⁸Ze mino Ahy, manahake ty nambara Soratse Masiñe, le hionja añate antroe ao ty raho veloñe."³⁹Fa izao ty nambarae miomba ty Fañahy, iareo ze niantoke Aze ro handrae; Fañahy io le tsy nimeñe satria know tsy nahazo Volonahetse ty Jesosy.⁴⁰Ty ilae tamy maro rey, naho fa maharey ty saontsy hoe izay, le nivolañe te ie: "Intoy vatae mpitoky io." ⁴¹Tilae nirehake te ie: "Intoy Kristy io." Fa ty ilae ka le nivolañe te: "O vao boake e Galilia agne ty Kristy? ⁴²Tsy nambara Soratse Masiñe vao fa Kristy le boake any foko i Davida naho mbe toe Betlehema so ka, ty tane nihirifa i Davida?⁴³Nivaky roe amizay fokonolo oy noho Reke. ⁴⁴Ty ilae tamy iareo te te hitsepake Aze, fe tsy nisy nahavany nañeba Aze.⁴⁵Ie niavy eo nibalike mbamy lahibey ty mpisoroñe naho Fariseo rey mpiambeñe ey, le tihoe ty natao iareo aze: "Inoñe tsy nindesa areo Aze eo?"⁴⁶ Izao ty natoy mpiambeñe ey te ie: "Know liae tsy nisy rename nanao izay ndraike."⁴⁷Le tihoe ka ty natao Fariseo rey nanoiñe iareo te: "Voafitake ka vao nareo? ⁴⁸O vao nisy nino Aze tamy iareo mpandily, ndra ty tamy iareo Fariseo? ⁴⁹Fa maro ro tsy nahafantatse ty lily, nivozoñañe iareo."⁵⁰Nikodemosy (raike any iareo Fariseo, niaolo amae añe), nivolañe te ie: ⁵¹"O vao ty lilintika mizaka ndaty miaolo ty hahareizañe aze navaho hahaiantika ze raha natae? ⁵²Namale iareo naho le nivolañe te ie: "Hirike e Galilia ka viheo? Dineho naho le heteo fa mbe lia tsy misy mpitoky ty hireke e Galilia añe."⁵³(Fañamareñañe: Ty dikan-drehake taolo nifanjaka vatae le tsy ahatreavañe Jaona 7: 53-8: 11) [Sambe niheo an-traño añe kiraidraike naho niavy eo].

Chapter 8

¹(Fañamareñañe: Henteo ty fañamareñañe miomba i Jaona 7: 53-8: 11 ambone eo) Niheo ambohitse i Oliva añe ty Jesosy.² Mbe ny maraintsikiake le Niheo añanjomba Nañahare ao indraike Reke, naho le namonje Aze any ze hene ndaty; niambesatse Reke naho le nampianatse iareo.³ Iareo mpañana-dily navaho iareo Fariseo le nanantaly ampela raike nitratse nivaro-batañe. Natobo iareo am-pañivoañe so reke.⁴(Fañamareñañe: Heteo ty fañamareñañe miomba i Jaona 7: 53-8: 11 ambone eo) Ie niavy eo le toe ty natao e: "Mpañanatse, ty ampela you let trà ay nivaro-batañe. ⁵Toe voasoratse amy ty lily Mosesy ao ro mañirake anay hitorake vato ty nanao izay; hein ty hambarao miomba aze? ⁶Nivolañe iareo hamandrihañe Aze avao moa izay io mba hahaia iareo mañasaze Aze, a Jesosy ka le niondreke nanoratse amy tane amy ty fitae.⁷(Fañamareñañe: Henteo ty fañamareñañe miomba i Jaona 7: 53-8: 11 ambone eo) Naho fa ny maro ty fañontaneañe natao iareo Aze, le nitsangañe Reke le nisaontsy iareo te: "Ze mboe liae tsy niota tama areo, ro mitoraha vato aze aolo." ⁸Le nihohoke ndraike Reke, naho le nanoratse tane ey any ty fitae.⁹(Fañamareñañe: Henteo ty fañamareñañe miomba i Jaona 7: 53-8: 11 ambone eo) Naho fa naharey ty hoe izao iareo, le nisitse kiraike, namototse any ty zoke e. Le i Jesosy irerike sisa nijanoñe eo, reketse ampela tañivo eo. ¹⁰Nitsangañe ty Jesosy le nisaontsy ama e te: " O ene, o vao nimbaia iareo nanasaze azo? Tsy sinaze iareo viheo? ¹¹Le tihoe t natao te ie: "Tsy misy, Rañandria." Izao ty natao i Jesosy te ie: "Tsy hanaze azo Raho. Akia rehe nandenà asao tsy hañota in-tsasa."]¹²Le mbe nisaontsy tamy iareo indray ty Jesosy te ie: "Izaho ro fahazava ze kila raha; ze mañorike Ahy tsy mba handeha amy ty maieñe fa hanañe ty fahazam-piaiñañe."¹³ Le tihoe ty natao Fariseo reo te ie: "Ihe le mañambara ty teñao; tsy mareñe ty fañambarao."¹⁴Izao ty natao i Jesosy nanoiñe iareo te ie: "Ndre ie mañambara ty vatako nio Aho, Tsisy tsy ho tò ty fañambarako. Fantako ty nihirifako naho ze hombako, fa le amoa areo ty nihirifako naho ze hombako. ¹⁵Mitsara amy ty nofotse ny nareo; fa Izaho tsy mitsara ndra ia ia.¹⁶ Ndre ie mitsara nio Aho; le mareñe ty fitsarako satria tsy irerike Raho, fa mindre any ty Rae nañirake Ahy.¹⁷Ein, fa ndra ie amy ty lily areo le voasoratse fa mareñe ty fitsangana ty ndaty roe voanolombeloñe. ¹⁸Izaho to mañambara ty vatako, fa ty Rae nañirake Ahy ka le mañambara Any."¹⁹Izao ty natao iareo ama e: "Aia ty Raeo?" Nanoiñe ty Jesosy te ie: "Tsy fantaareo na Izaho na i Raeko; naho nahafantatse Ahy nareo, le mahafantatse ty Raeko ka."²⁰ Tañila fampimpohan-draketse ey eo Reke te nisaontsy izay naho mbe nampianatse añanjomba Nañahare ao Reke, naho le tsy nisy nisambotse Aze fa mbe tsy avy ty androe.²¹Le mbe nanao izao indraike Reke te ie: "Handeha Raho; hipay Ahy nareo naho le ho vilasy Amy ty fahota areo. Ze ombako, le tsy ho azo areo andehanañe."²² Le tihoe ty natao Jiosy rey te: "Hamono teña vao koahe Ireke eo? Izay o anto ty volaña'e te ie: "Ze ombako, le tsy azo areo ombañe eo?"²³Izao ty natao I Jesosy Amy iareo te: "Inareo hirike ambane etoy, Izaho ka boake ambone añe. Inareo boake ama ze kila raha; fa Izaho tsy izay tsy boake ama ze kila raha. ²⁴Manahake ty nataliliko anareo fa ho vilasy amy ty hajaja areo nareo. Fa naho tsy mino nareo fa IZAHO RO IE, le ho vilasy hajaja areo nareo."²⁵Naho izay le tihoe ty natao iareo: "Ia Iheo?" Izao ty natao Jesosy tamy iareo: "Manahake ty nambarako tama areo laha-tamboalahae.²⁶Manan-draha lako hambara naho hitsaràñe ty miomba nareo Raho. Fe ie Ireke nañirake Ahy le mareñe; navaho ze raha nireiko hirike aman'e, le nataliliko zao tontolo zao." ²⁷Naho le amoa iareo fa Ie le nisaontsy tamy iareo momba ty Rae.²⁸Izao ty natao i Jesosy: "Naho hasanandra areo ty tirin'olombeoñe, le ho fanta areo fa Izaho ro Ie, naho le tsy manao ndra inoñino ho Ahy Raho. Manahake ty nampianare t'i Rae Ahy, ro italiliako ze raha zay. ²⁹Ie nañirake Ahy le mindre Amako, naho le tsy hadò e irerike Raho, noho Izaho manao ze zote'e lomoñandro."³⁰ Naho nisaontsy ze raha zay t'i Jesosy, le maro ty nino Aze.³¹Izao ty nisaontsy Jesosy amy iareo Jiosy nino Aze te: "Naho mitoetse amy nambarako nareo, le ho mpianako vata'e; ³²naho toe le hahafantse ty mareñe nareo, le hañafake anareo mareñeo." ³³Le izao ty natoy iareo te: "Foko i Abrahama izahy naho le mnoe liae tsy nisy nañandevo anay ndra ia ia faha izay; akore ty volaña'o te ie: "Ho afake nareo?"³⁴Izao ty navale I Jesosy iareo te: "Ambarako anareo, fa ze niota le andevoze ty haota.³⁵ Ty ondevo le tsy mitoetse an-traño ao mandrakezay; fa ty anake ro mitoetse mandrakezay.³⁶ Manao izay, naho ty Anake ro mañafake anareo, le ho votsotse vata'e nareo.³⁷Haiko fa foko i Abrahama nareo; mipay ze hamonoañe Ahy satria tsy manan-tane amaareo ao ty saontsiko.³⁸ Mitalily ze nitreako tamy ty Raeko Raho, fa inareo ka le manaonze nirey areo tamy ty raeareo."³⁹Nanoiñe iareo le ty hoe tybnavale aze: "Abrahama ro raeay." Mbe nisaontsy amy iareo ka ty Jesosy te ie: "Naho ana i Abrahama nareo, le nanao ty asa i Abrahama.⁴⁰ Fe ie, mipay ty hamonoañe Ahy nareo te anito, zaho lahilahy nivolañe ty mareñe tama areo ze nireiko taman' Andrianañahare. Tsy izay ty natao i Abrahama. ⁴¹Inareo ro manao ty asa ty raeareo." Izao ty natao iareo: "Tsy nasamake tamy ty fijangajangañe zahay; fa ty Raeay le raike avao: le Andrianañahare."⁴²Izao ty nisaontsy Jesosy tamy iareo: "À naho Andrianañahare ro raeareo, le tokoe ho tea Ahy nareo, satria boake aman' Andrianañahare ty niboahako naho ty nandehanako etoy; fa tsy niavy amizao o Aho, fa Ie ro nañirake Ahy. ⁴³Inoñe tsy ahazoa areo ty raha volañeko? Izay satria tsy hañorike ty raha volañeko nareo. ⁴⁴Hirike amy ty raeareo nareo, i raty, naho le tea areo hatao ka ty raha nataon-draeareo. Mpanompo ondaty laha tamizay reke naho le tsy mitsangañe amy ty fahamareñae satria tsy misy mareñe ndra lolie ty ama e ao. Naho fa ny mpandañitse Reke, le ze raha fatao avao ka ro volañe e satria mpavande Reke naho le rae vandeo.⁴⁵Fe ie, Izaho mivolañe ty mareñe, le harafate naho hino Ahy nareo.⁴⁶ Ia amareo ty ty mañameloke Ahy amy ty hadisoañe? Naho mivolañe ty mareñe Raho, inoñe tsy inoa areo? ⁴⁷Ze boake aman' Andrianañahare le maharey ty saontsy Nañahare; tsy reiareo zao satria nareo tsy boake aman'Andrianañahare."⁴⁸Namale iareo Jiosy naho le nivolañe amae te ie: "O vao tsy mivolañe ty mareñe izahay te ie Samaritina Rehe naho toe le itoeran-kokolampoñe?⁴⁹ Le tihoe ty navale Jesosy te ie: "Tsy misy kokolampon-drAaho, fa mañomey volonahitse ty Raeko, à nareo le tsy mba mañomey volonahitse Ahy.⁵⁰Tsy mipay volonahitse Raho; misy raike mipay naho mitsara. ⁵¹Ambarako anareo, fa naho misy miambeñe ty saontsiko, le tsy hahatrea zo havilasy zao mandrakezay reke."⁵²Izao ty natao iareo Jiosy amae te ie: "Amizao fanta'ay fa misy kokolampoñe Rehe. Fa nivilasy ty Abrahama naho ze nimpitoky; fe ie Ihe mivolañe te ie: " Naho misy miambeñe tsarako, le tsy hahatrea zo havilasy zao reke."⁵³ Tsy bey mandako Abrahama raeay fa nivilasy Rehe, sa bey koahe vao? Mpitoky rey ka le mbe nivilasy avao. Manao ty vatao ho Ia iheo?⁵⁴Izao ty natoy Jesosy: "Naho Izaho avao manadratse ty Vatako, ndra ty volonahiko tsy hisy antoe, fa ty Raeko atao areo ho Andrianañahare ro manandratse Ahiko.⁵⁵ Tsy fantaareo Reke, fa Izaho mafahantatse Aze. Naho nitalily Raho te ie: "Tsy mahafantatse Aze; le hanake anareo, mpisovo-drehake. Mone izao, fanatako Reke fa miambeñe ty saontsie Raho.⁵⁶ Ty raeareo le nifale nahavazo ty androko; nahaoniñe izay reke le nifale."⁵⁷⁵⁸⁵⁹Le izao ty natao iareo te: "À nañino iheo nanjare nahtrea ao? Vinale e te ie: "Ze lahilahy atao Jesosy zay ro nañosotse fotake amy ty masoko naho le nisaontsy amako Reke te: "Akia mandehana amy Siloama añe le sasao maso o." Le nandeha raho nanasa aze, naho le nahatrea." Le tihoe ty natao iareo ama e te ie: "Aia Reke?" Le vinale e te ie: "Tsy fantako."

Chapter 9

¹À naho nandrioñe ty Jesosy, nahaoiñe lahilahy goa boake amy ty niterahañe aze.² Nañotane Aze iareo mpianae le tihoe ty nataoe: "Mpañanatse, ia ro be hakeo, o lahio vao sa ty rae naho ty rene e ro le niterake goa hoe itoy reke?"³Vinale i Jesosy te ie: "Tsy o lahio anio ro behakeo, naho tsy rae aman-drene e, fa izao ty natao mba hanoroañe ty asan' Andrianañahare.⁴ Mahay tsy hanao ty asa ze nañirake Ahiko tika naho mboe mazava. Fa ho avy ty haleñe naho le ndra ia ia tsy hiasa ama e in-tsasa.⁵ Naho mbe Izaho ro amy ty tane toy eto, le Izaho ro fahazava ze kila raha."⁶Ie ny vita ty nisaontsia I Jesosy izay, le nalae ty tane nisiae ty ranompalie naho le hinosoe fotake ty maso lahilahy. ⁷Le tihoe ty natao amae te ie: "Akia, sasao Amy ty rano Siloama (niraheñe ty dikae) o maso o." Nandeha lahilahy, nanasa Aze, naho nihereñe nahatrea.⁸Naho le nifañonatane iareo mpifankarine traño amy lahilahy navaho ze natrea aze nangatake taolo nanao tihoe: "Tsy lahilahy nipetrake nangatake teto oy vao io? Tiila e nanao izao te : "Ie io." ⁹Tiila e ka nivolañe te ie: "Tsy ie, fa hambañe amae." Fa ie ka le nirehake te: "Ie raho."¹⁰Le izao ty natao iareo te: "À nañino iheo nanjare nahtrea ao? ¹¹Vinale e te ie: "Ze lahilahy atao Jesosy zay ro nañosotse fotake amy ty masoko naho le nisaontsy amako Reke te: "Akia mandehana amy Siloama añe le sasao maso o." Le nandeha raho nanasa aze, naho le nahatrea." ¹²Le tihoe ty natao iareo ama e te ie: "Aia Reke?" Le vinale e te ie: "Tsy fantako."¹³Niente iareo mbamo Fariseo amizay lahy nigoa taloha ay.¹⁴ Fa tamy ty andro Sabata moa ro nanoa i Jesosy fotake nahatreava maso' ey.¹⁵ Le mbe nañontanea iareo Fariseo indray reke amy ty anto ty nahatreavae. Le tihoe ty natao e amy iareo te: "Nisia e fotake ty masoko, sinasako, le nahatrea raho henaneo."¹⁶Tiila amy iareo Fariseo nivolañe te ie: "Tsy hirike aman' Andrianañahare ty lahy ty fa tsy mañaja ty adro tsy iasañe." Tiila e nanao izao te: "Akore ty ahaia ty ndaty behakeo manao famantaram-bey manahake tone?" Le nisy fizarañe ty amy iareo eo. ¹⁷Le mbe nihereñe nañontane lahilahy goa ay indraike iareo te ie: "Ino ty ho volañe o momba Aze, nanomboke amy ty nampahatreava e maso o?" Izao ty natao lahilahy goa ay amy iareo: "Mpitoky Reke."¹⁸ Naho le mbe tsy nino ty momba aze iareo Jiosy te Ie nigoa ro nahatrea naho tsy tinoka ty rae aman-drene lahy nahatrea ay iareo.¹⁹Nañotane andrene e aman-drae iareo te: "Itoy vo anaareo rehafe areo te ie goa te naterakeo? Avaho nañino ie ndra nahatrea ao?²⁰ Le tihoe ty navale iareo rene aman-drae iareo te ie: "Fanata ay anio te iana'ay io naho toe le nigoa ka reke te naterake. ²¹Fe ie, le amoa ay ty foto ty nahatreava maso' eo. Añontañeo aze, fa toe fa bey ka ndra ie. Mahay mivolañe ty vatanteñae reke."²²Nivolañe izay iareo rene e aman-drae, satria natahotse iareo Jisoy iareo. Satria, fa nifañeke iareo Jisoy fa naho misy miantoke Aze ho Kristy, le ho roaheñe hisintake ty e Synagoga ao reke. ²³Le izay avao, ro nirehafa iareo rene e aman-drae te ie: "Toe fa bey reke, añontaneo aze."²⁴Le mbe nitoka lahy goa ay taloha fañindroe ey indraike iareo le nirehake amae te ie: "Toloro volonahitse ty Andrianañahare. Fata'ay fa behakeo ze lahilahy izay." ²⁵Ie niavy eo le izao ty navale lahilahy te ie: "Tantako nio te manankakeo Reke. Ty fantako le: ty nihagoako taolo, fa mahatrea raho te anito."²⁶Ie niavy eo le izao ty natao iareo tama e te ie: "Nañino ie ihe ty nonoa aze? Akore ty foto ty nampahatreava e maso o? ²⁷Le izao ty navale aze te ie: "Fa nivolañeko ama areo nio, fe ie tsy nitsanoña areo! Avaho inoñe ka mbe te hitsanoña areo aze indraike? Te ho añate ty mpianae ka vao nareo, sa tsy izay?"²⁸ Ninje iareo reke naho le nivolañe te: "Ihe ro mpianae, fa izahay mpiana i Mosesy. ²⁹Hay ay fa nisaontsy tamy i Mosesy ty Andrianañahare, fa Naho ze lahilahy zay le tsy fanta' ay ty nihirifae."³⁰Le tohoe ty natao lahilahy navale iareo te ie: "Mahalatsa, tsy fahafantara areo ty niboaha e, mone izao Ie ty nampahatrea o masoko.³¹Haintika fa tsy mitsanoñe ze manankakeo ty Andrianañahare, fa naho misy mikoko o vavakeo naho le manao ze zoton'arofoe, le mitsanoñe aze Reke.³²Laha tamy ty nifotora ze kila raha le mboe lia tsy nisy tihoe nisy nampahatrea ty maso ty goa naterake. ³³Fa naho tsy boake aman' Andrianañahare ze lahilahy zay, le tsy faha ho nivitae ndra inoñino." ³⁴Naho le nanoiñe iareo reke le tihoe ty natao ama e te ie: "Terake tamy ty hakeo rehe, ndra ihe ka vao ro nampahatrea anay? Le rinoa iareo fokonolo reke naho niavy eo.³⁵Niony i Jesosy te ie rinoa iareo hisitake ty Synagoga reke. Naho nahoniñe aze Reke le nisaontsy te ie: "Mino tirin'olombeloñe viheo?³⁶ Nanoiñe reke te ie: "Ia ireke eo, Rañandria, naho hino Aze raho? ³⁷Jesosy nanao tihoe: " Fa nahatrea Aze viheo, ie zo mirehake amao henane zao." ³⁸Izao ty natao lahilahy te ie: "Rañandria, mino raho." Naho le nidera Aze reke.³⁹Nisaontsy ty Jesosy te ie: "Fa ty fitsarañe ro niaviako etoy amy ze kila raha mba hahatrea ze goa naho le mba ho goa ka ze matrea."⁴⁰ Naho naharey ty hoe izao tilae Amy iareo Fariseo nindre amae le nañontane Aze te ie: "Ndra zahay ka vao ho goa?"⁴¹ Fa Jesosy nisaontsy amy iareo te ie: "Naho nigoa nareo, le tsy ho manan-kakeo, fa nareo henaheo mivolañe te ie: 'Mahatrea zahay le mbe mitoetse ty hakeo areo."

Chapter 10

¹"Ambarako anareo anio, fa ze tsy mizilike an-dalambey ty zolok'aondry eo, fa manganike lalan-kafa, le mpangalatse naho mpitavañe reke.² Fa ze mizilike an-dalambey eo ka ro mpiarake aondry soa.³Ireke ro foto ty mpiamben-dalambey. Mitsanoñe feon' aondry, naho le mitoka ty aondrie irerike amy ty añarae naho le miday aze miakatse.⁴ À naho fa naàkae iaby reke, le miaolo lalañe iareo, le mañorike aze iaondry, satria mahafantatse ty feo e.⁵Naho le tsy hañorike ze ambahiny iareo fa hilay aze, satria tsy fantae ty feo ty ambahiny." ⁶Nanao ze fañoharañe zay t'i Jesosy tama iareo, fe ie le amoa iareo ty raha tea ho saontsieñe ama iareo.⁷Le tihoe ndraike ty natao Jesosy tama iareo te ie: "Ambarako anareo anio, fa zo vatako zao ro lalambein' aondry.⁸ Ze niavy taoloko aby le mpangalatse naho mpitavañe, satria tsy nitsanoñe iareo ty aondry e.⁹Izaho ro lalambeiñe. Naho misy miditse ao amy ty alalako, le ho tradrombake reke; hizike naho hiboake reke naho le hahatrea haveloñe. ¹⁰Fa ty mpangalatse tsy avy naho tsy hangalatse naho hamono ezao naho hitavañe. Fa Izaho ka le avy mba hanaña iareo haveloñe naho le hanañà lako zay.¹¹Izaho ro mpiamben-tsoa. Ty mpiamben-tsoa le mañomey ty aie hamonjeañe ty aondrie.¹² Ty mpikarama le tsy mpiambeñe naho toe tsy tompon' aondry. Fa naho matrea amboa ly miharine aze le hilay naho le hañenga aoñdry, le amboa ly ro mpitsepake navaho hampibaratsiake iareo.¹³ Milay reke satria mpikarama naho le tsy hahoae i aondry.¹⁴Izaho ro mpiarake aondry soa, naho le fantako ty Ahy, naho le hahafantse Ahy ka.¹⁵ Ty Rae mahafantatse Ahy, Izaho ka mahafantatse Aze, naho le Izaho ro hitolobatañe ho ei ty aondriko. ¹⁶Tsy manañe aondry hafa naho tsy amy ty vala toy Raho. Mahay tsy hindeseko io, naho le iareo ro haharey ty feoko mba hitraoke raike le ho raike avao ka ty mpiambe e.¹⁷Izao ty foto ty hiteavan-dRaeko Any: mahafoe manolotse ty aiko Raho mba hadresako aze indraike.¹⁸ Tsy misy mañafake aze amako, fa ty rehako avao ro manolotse aze. Manam-pahefañe hanolotse aze Raho, naho le manañe fahefañe hangalake aze indraike. Ze lily zay le niazoko hirike aman-dRaeko."¹⁹Nisy fivibihañe ndaike tamo Jiosy io eo naho ze rehake zay avao. ²⁰Maro tamy iareo ty nivolañe te ie: "Itoeran-okolampoñe Reke naho toe le motso eretseretse. Inoñe itsanoña areo azeo?" ²¹Nivolañe tiila e te ie: "Tsy reha ondaty misy kokolampon-jao. O vao mahay mampatrea ty goa ka ty manan-kokolampo?"²²Ie niavy eo fete ty fanakonañe ty Jerosalema ao.²³ Asotry ty tamizay, nitsangañe ankiriririsan' Añanjomba Nañahare eo t'i Jesosy niheo amy fialofa Solomona. ²⁴Ie niavy eo nivoria iareo Jiosy Reke naho nivolañe ama e te ie: " Hatra ombia ty hampikandrahao anay? Naho Ihe o Kristy io, ambarao mijehejehe ama ay."²⁵Izao ty navale Jesosy iareo: "Fa nañambara amareo nio Aho, fe ie mino nareo. Ze asa natao Amy ty tahina ty Raeko, io ro mitalily ty momba Ahy. ²⁶Fe ie tsy mino nareo satria tsy aondriko.²⁷Mitsanoñe ty feoko ty aondriko; fantako iareo, naho le mañorike Ahy.²⁸ Omeko iareo ty fiaiñañe mandrakezay; naho le tsy ho vilasy mandrakezay iareo, naho le tsy hisy hitavañe aze ambone tañako eo.²⁹I Raeko, nañomey Ahy iareo, le bey mandako ty hafa, naho le tsy misy mahavany mitavañe iareo am-pità ty Rae eo.³⁰ Izaho naho ty Rae le raike avao."³¹ Nandraesa iareo Jiosy vato amizay hitorahañe Aze.³²Le tihoe ty navale i Jesosy iareo te ie: "Maro ty asa soa natoroko anareo hirike aman-dRaeko. Vaho tiaia amy asay ro hitoraha areo vato Ahy? ³³Izao ty natoy iareo Jiosy aze te ie: "Tsy ty asa soa ro hitoraha ay vato azo, fa ty reha-dratio, satria ndra Ihe ka olombeloñe le manao ty vatao ho Andrianañahare."³⁴Namale iareo ty Jesosy te ie: "Tsy fa nivoasoaratse tañate ty lily areo vao tihoekey: Ho Araho te ie : "andrianañahare nareo?" ³⁵Naho nitoka aze ho andrianañahare reke, le ho ia koahe ty niavia ty saontsin' Andrianañahare (naho le tsy ho azo foañañe ty Soratse Masiñe), ³⁶o vao i nihamasine ty Rae navaho nirahey ho Amy ze kila raha ay ro atao areo izao te ie: "Manao reha-dratio, te Izaho mivolañe te ie: Zaho ro Anak' Andrianañahare?"³⁷Naho tsy manao ty asan-dRaeko Raho, le adono raho Raho ko inoañe. ³⁸Fa naho manao irey Raho, ndra ie tsy hino Ahy nareo, le inò areo ty asako mba hahafantara areo naho hahazoa areo fa Ampiaiko ato ty Rae naho le Amae ao Raho." ³⁹Mbe nipay ty hitsepahañe Aze indraike iareo, fe tie ndra nalay Reke.⁴⁰Le niheo alafe i Jordana ey indray Reke heheo amy tane nañoañe i Jaona Aze batisa voalohae, naho le niheo amy ty maro eo.⁴¹ Lako ty ndaty namonje Aze le izao ty natao iareo: "Mbe lia Jaona naho ho nanao sahàtse, fe ie ze raha navolily i Jaona miomba lahy io le mandia eo aby".⁴² Maro ty ndaty nino Aze eo.

Chapter 11Tao ze lahilahy raike narare atao Lazarosy zay. Boake amy zo tane atao Betania reke, tanà i Maria navaho Marta raohavave e.

² Maria ro nañosotse solimañitse amy ty voloe Andriatompo vaho Lazarosy rahalahie narare eo.³Vaho iareo mpiroahavave nañirake ndaty ho amy I Jesosy añe, hirehake te ie: "Rañandria, vazoho, fa marare nikoko azoy."⁴ Naho fa nahaoniñe ty hoe izao ty Jesosy, le tihoe ty natao: "Tsy fate ty hiafarà ty aretetoy, fa ie fanoroañe ty volonahin' Andrianañahare mba hanandratañe ty Anan'Andrianagnahare amy alalae."⁵À i Jesosy le nikoko i Marta navaho rahavave ey le Lazarosy.⁶ Fa naho fa nahaoniñe te ie marare ty Lazarosy ty Jesosy, le mbe nitobe añate ty roe andro amy toerañe nisy Aze ey ao.⁷ Tafara izay le nisaontsy amo mpianae eo Reke te oe: "Handeha ho mbe Jodia eo ndraike tika."⁸Le tihoe ty natao mpiana eo amae te: "Mpañanatse, henanezao le mbe nipay ty hitoraha-mbato Azo iareo Jiosy, vaho le mbe hibalike añe ndraike zane Rehe?"⁹ Naho izao ty navale Jesosy te ie: "Tsy lera folo roe amby vao ty fahaza o andro? Naho misy ndaty mandeha amo zava andro, le tsy ho tsikapie ty raha reke, satria treae ty fahazava ze hene raha.¹⁰Fe ie, naho mandeha amy ty haleñe reke, le ho tsikapie ty raha satria tsy ama ao fahazavañey."¹¹ Nisaontsy ze raha zay Reke, fa tafara izay, le izao ty natao Amy iareo: "Podroro ty Lazarosy rañentika, fa handeha Raho mba hahaiako mamoha aze amy ty roro e.¹²Izao ty natao iareo mpianae ama e te ie: "Rañandria, ho soa zao naho po-droro reke." ¹³Mone izao ty havilasy tsarae Jesosy io, fa atao iareo ho fitofa e amy ty roro eo saontsie eo.¹⁴ Ie niavy eo t'i Jesosy nisaontsy mazava tamy iareo te: "Vilasy ty Lazarosy."¹⁵Fale Raho, naho ty amareo, fa tsy tañe Raho mba hahavy anareo hino. Andeha ho ama eañe tika."¹⁶ Tomasy, atao Didy ty fitokavañe aze, le nirehake amy iareo mpianatse rañe e te ie: "Ndao ka tika mba hindre vilasy am'i Jesosy."¹⁷Naho fa niavy t'i Jesosy, le onie te fa efatse andro ty nandeveñañe i Lazarosy an-donake añe. ¹⁸Fa Jerosalema le fa marine Betania, vae lime amby folo stadio eo ty mañelañelañe aze. ¹⁹Lako ty Jiosy niavy amy Marta navaho Maria ao, mba hampionoñe aze amy ty havilasin-droahalahie iareo.²⁰ Naho fa naharey te niavy t'i Jesosy ty Marta, le niavotse hanalaka Aze, fa Maria le nitoboke an-traño ao avao.²¹Le nitsarà Marta t'i Jesosy te ie: "Naho teto rehe Rañandria, tsy ho nivilasy ty roahalahiko.²² Fe ie ndra ty anito avao aza, le fantako fa na inoñino angataheo amin' Andrianañahare, le ho mey azo. ²³Le tihoe ty natao Jesosy te ie: " I roahalahio le m e hivañom-beloñe indraike."²⁴Nirehake ty Marta te ie: "Haiko fa hitsangañe indraike reke amy ty fitsangana ty vilasy amy ty andro farae."²⁵ Le tihoe ty natao i Jesosy amae te: "Izaho ro fananganañe ze vilasy naho fiainañe; ze mino Ahy, ndre ie vilasy aza reke, le mbe ho veloñe, ²⁶naho le ndra ia ia veloñe vaho mino Ahy le tsy ho vilasy mandrakezay. Mino izao viheo?"²⁷Le tihoe ty natao tama e te: "Ein, Rañandria, mino raho fa Ihe ro Kristy, Anak' Andrianañahare, ho avy amy zao tontolo zao."²⁸ Naho naharehake izay reke, le nimbamy Maria raoahavave e eo hitoka aze moramora. Izao ty natao te ie: "Niavy mpañanatsey naho le mikanjy azo Reke." ²⁹Naho naharey ty hoe izao ty Maria le nitsangañe tsiela reke hiheo ama e añe.³⁰À Jesosy mboe tsy nigodañe an-tanañe eo fa mbe tamy toerañe nifankahonina iareo amy Marta ey eo avao.³¹ Manao izay iareo Jiosy, tama e an-traño ao hampionoñe aze ey, naho fa nahatrea i Maria nitsangañe tsiela naho miakatse ey, le niorihe iareo reke, fa atao iareo handeha hitañy an-donake añe reke.³² À naho fa niavy amy toerañe nisy i Jesosy eo ty Maria naho nahatrea Aze, le hihohoke reke naho le nirehake ama e te ie: "Rañandria, naho teto Ihe zay, le tsy nivilasy ty roahalahiko."³³Naho fa niony Jesosy reke ty nitomañy, naho ndra Jiosy nindre ama ey ka nitomañy, le niembetse ty fañahaie naho le nihitikitike Reke; ³⁴le tihoe ty natao te: "Amitiaia ty nandeveña areo aze? Izao natao iareo amae te ie: "avia Rañandria vazohò." ³⁵Niharovetse ty Jesosy.³⁶Le tihoe ty natao iareo Jiosy naho niavy eo: "Heteo ty halako ty hatea i Lazarosy.³⁷ Fa ty ilae tamy iareo nirehake te ie: "O vao tsy lahy tia, nampatrea ty maso ty goa ao, ro hanao ty tsy hahavilasy lahy io ka?"³⁸Naho niavy eo ndraike ty Jesosy, naho mbe niembetse ty fañahy e, le niheo an-donakey. Naho ty añama izay, le misy vato manakoñe aze. ³⁹Izao ty natao Jesosy: "Afaho ty eo vato." Marta, roahavave i Lazarosy, nivalasy, nirehake amy Jesosy te ie: "Rañadria, fa lò ny vatae naho zo andro zao, fa efats' andro zay ty naha vilasy aze." ⁴⁰Izao ty nisaontsy Jesosy te ie: "Tsy fa nambarako azo vao, fa naho mino rehe, le ho trea'o ty volonahin' Andrianañahare?"⁴¹Naho le napo iareo vato oy. Jesosy mampiandrandra ty fihaino e naho le nisaontsy te ie: "Raeko, misaotse Azo Abamamy fa nifohiñeo Raho. ⁴²Haiko fa mivazoho Ahy lomoñandro Rehe, fa naho ty fiotroña maro Ahy ro itsaràko izay, mba hahaia iareo miantoke fa Ihe ro nañirake Ahy."⁴³Naho boake nisaontsy izay Reke, le nikoike mafe te ie: "Miakara, Lazarosy!"⁴⁴ Niakatse horantsañey; nisy talim-pate ty tomboe navaho ty tañae, naho mbe mifehe lamba ka ty tavae. Le ty tihoe ty natao Jesosy iareo: "Hahao reke le adono handenà e."⁴⁵Maro tamy iareo Jiosy niavy amy Maria navaho Marta ao ty niatreke ty natao i Jesosy, naho le nimo Aze; ⁴⁶Fa ty ilae amy iareo le niavotse ho mbamo Fariseo naho le hitalily ty raha natao i Jesosy⁴⁷Ie niavy eo lahibey ty mpisoroñe navaho Fariseo namory ty Synedriona nitraoke nanao ty hoeke: "Ino ty hataontika?" Lako ty famantarañe atao ty lahy ty.⁴⁸ Naho hadòn-tika amizao avao Reke, le nimo Aze ty ndatitoy; le ho avy iareo Romana hitavañe ty tanàntika toy.⁴⁹Fe ie, nisy lahilahy raike tamy iareo, Kaiafa, mpisorombey haehae, ro nitsara amy iareo te ie: "Inareo anio le tsy haharendreke ndra inoñino.⁵⁰ Ndra raike nio nareo naho mba mivetsevetse te soa ho anareo naho mate ty lahy raike tia hoe ey ty ndaty toy te izay ty tane toy aby ro rava.⁵¹Fa ze rinehae le tsy natao e ho aze ambatae. Fe ie, noho ty hampisorombey etamy taoñe eo, le nitokie e fa tokoe ho vilasy ho ey ty tane toy ty Jesosy; ⁵²naho tsy ho ey ze tane avao, fa mba hampitraoke ty anak' Andrianañahare ze nivibike ka. ⁵³Naho le namototse amy o andro le nivetsevetse ty fomba hamonoañe i Jesosy iareo.⁵⁴À Jesosy le tsy nañavelo mijehejehe amy iareo Jiosy ey in-tsasa, fa nisintakee ty ao Reke niheo amy zo tane marine ifitse tanañe atao Efraima zao. Le nitobe ao Reke navaho mpianae eo.⁵⁵ Fa nihamarine amizao ty Paska ty Jiosy, naho maro tamy iareo hirike alafe tanañey ro niheo e Jerosalema añe miaolo ty hiavia ty Paska mba hañalio ty vate e iareo.⁵⁶Nipaia iareo ty Jesosy, naho le nitsangañe Añanjomba Nañahare nifañitikitike te ie: " Ino ty vetsevetseareo? Te ie tsy ho avy amy ty andro fifaleañe vao Reke?"⁵⁷ Fa nandily amizao ty lahibey ty mpisoroñe navaho Fariseo fa naho misy mahafantatse ty tobea i Jesosy le tokoe hivolañe reke mba hanambora iareo Aze.

Chapter 12

¹Eneñe andro miaolo ty Paska, le niavy e Betania ao ty Jesosy, tanà i Lazarosy, natsanga i Jesosy tamy ty havilasy e. ²Tao ty nanoa mahakama ho Aze, naho le Marta ro nanjotso ho ey iareo, fa Lazarosy ka le niambesatse niharo amy i Jesosy an-databatse eo avao.³ Ie niavy eo ty Maria nangalake solike lintatse raike nitaneheñe amy ty narda lafo vily, naho le nahosoe ty fandia i Jesosy tamy izay, naho le finoe amy volo e fandia ey. Atseke ty hañy solikey tañoy.⁴Vaho Jodasy Isakariota, raike Amy ty mpianae, hifotetse Aze, nanao ty hoeke te:⁵ "Natao solike eo ro tsy navily 300 dinaria le nimeañe ty tsy manañe?" ⁶À ireke nivolañe izay, naho ty fiferenaiñae ze manañe, fa toe mpangalatse reke: te amy fañajam-bola naho le ho nangalare e ze napoke ao.⁷Izao ty natao Jesosy te ie: "Adono reke mba hitañe ze anañe ho amy ty andro handetehañe Ahy.⁸ Ho amareo eo lomoñandro ze tsy manañe, fa Izaho ka le tsy hiheo ama areo eo lomoñandro."⁹Maro amy iareo ndaty Jiosy ro nahafantatse fa teo ty Jesosy, le nimbama mbeo iareo, fa mba hahatrea i Lazarosy natsanga I Jesosy tamy ty havilasy e ka.¹⁰ Iareo lahibey ty mpisoroñe le namisavisa ty ho mbeo hahaia iareo maniotse i Lazarosy may ty hivilasia ka,¹¹ fa noho ireke ro foto nahavy ty ankamaroa Jiosy io handeha naho le hino i Jesosy.¹²Ie ny maraiñe iñe le maro ty ndaty niavy ao amy ty andro firavoravoañe. À naho fa nirey iareo te ho e Jerosalema ao ty Jesosy, ¹³le nangalake rantsa-drofia naho le niakatse nanalaka Aze tamy ty koike mafe te ie: "Hozanna! Haha ie boake amy ty tahina Andriatompo, mpanjaka ty Isrealy."¹⁴À Jesosy nahoniñe anam-birike raike naho le niambesatse ambone eo;¹⁵ Arake ty voasoratse te ie: "Ko matahotse, ry anakampela i Ziona; heteo, ingo tamy ty mpanjaka areo, naho miambesatse ambone ty anam-birike eo."¹⁶Tsy niazo iareo mpianae rahao tamy ty voalohae; fa naho fa nimeam-bolonahitse ty Jesosy, le tiahy iareo fa voasoratse momba Aze o raha ao naho le fa natao iareo tamae ka.¹⁷iareo maro nindre amae tamy ty nikanjiae i Lazarosy hiakatse lonakey naho tamy nampitsangañe aze tamy havilasy e le sambe nitsangañe ho voavolombeloñe aby. ¹⁸Le izay ty foto ty nahavy iareo maro hiakatse hanalaka Aze, satria rey iereo fa nanao ze famantarañe zay Reke. ¹⁹Iareo Fariseo ka nifamisavisa te ie: "Hateo, ndra inoñino tsy atao areo; hehake, mañorike Aze aby ty ndaty toy."²⁰Le nisy Grika tsy ampe ampe ka niakatse hidera amy ty firavoravoañe.²¹ Nimbamy i Filipo eo iareo, boake e Betsaida e Galilia añe, le nañontane aze, nanao ty hoe: "O aba, mba te hahatrea i Jesosy zahay." ²²Le nandeha ty Filipo nirehake amy Andrea; le nindre amy Filipo ty Andrea, naho le nitalily amy Jesosy iareo.²³ty hoe navale Jesosy iareo te ie: "Fa avy ty andro hañomeam-boninahitse ty tirin'olombeloñe. ²⁴Ambarako anareo, fa naho tsy poke amy ty tane ventem-bareo le mate, le mitoetse amy teñae irerike; fa naho mate zay, le hamoa bey.²⁵Ze mitare ty fiaie le ho rereke, fa ie tsy mitare ty fiaie amy kila raha ka, le hitañe aze amy ty fiaiñane mandrakezay.²⁶ Naho misy manompo Ahy, andono reke hañorike Ahy; naho ze hitobeako, le ao ka ro hitobea ze mpanompoko ka. Naho misy mañorike Ahy, le hañomey volonahitse ty Rae.²⁷Henane zao le mangorohoro ty fañahiko ino koa ty ho tsaraeko vao? "Aba, rombaho amy ty lera toy Raho? Mone izao, izay ty foto ty niaviako amo andro zao.²⁸ Aba, asandrato ty tahinao." Ie niavy eo le nisy feo hirike an-dañitse nanozañe aze te ie: "Fa nasandrako naho toe le mbe hasandrako indraike."²⁹ Iareo maro nitsangañe eo naharey aze le nivolañe fa nisy hotroke ty teo. Tiilae nivolañe te ie: "Nisy anjely nisaontsy ama e."³⁰Le namale ty Jesosy naho nisaontsy te: "Ze feo zay le tsy avy ho Ahiko fa ho anareo. ³¹Avy henaneo ty fitsarañe ze kila raha: Naho le ho roaheñe ty mpanampake ze hene raha.³²Naho fa hasandratse hisintake ty tane toy Raho, le hitaoñe anreo kiraike hañorike Ahy." ³³Nisaontsy izay Reke mba hanoroae te ie karan-kavilasy manao akore ro hahavilasy Aze.³⁴I maroy le nanoiñe Aze te ie: "Nirey ay tamy ty lily fa Kristy le hijanoñe mandrakezay. Akore ty ahaia areo mivolañe te ie: "Mahay tsy hasandratse ty tirin' Olombeloñe? Ia o tirin' Olombeloñe eo?³⁵ Le nitsara Amy iareo ty Jesosy te: "Ty hazavañe le mboe hindre ama areo añate ty andro boribory. Mandenà amy ie mbe manan-kazavañe eo, mba tsy hialohà ty maieñe anareo. Ze handeha amy ty maieñe le tsy nahafantatse ty lalan-kombae.³⁶ Naho mbe manan-kazavañe nareo, le minoa ze mba ho ana ty mazava. Nisaontsy ze raha izay ty Jesosy ie niavy eo le tsy nitrea naho nietake aze iareo.³⁷Ndre ie nanao famantarañe maro miatreke iareo ty Jesosy, le mbe tsy nino iareo mba³⁸ hilefesa ty toky ty mpitoky Isaia, nañambara te ie: "Rañandria, ia ro nino ty talily ay, navaho ia ro hanoroañe ty fañova i Andriatompo?"³⁹Le izay avao ty foto ty tsy ninoa iareo, nanahake ty nambara Isaia te ie: ⁴⁰"Nigoa e ty maso iareo, naho le nihamafese e ty arofoe; mifamotetse amy zay iareo le te hahatrea amy ty maso e naho le hahazo amy ty fo e, le hitolike, naho Izaho ro hampijangañe iareo."⁴¹Nisaontsy ze raha izay ty Isaia fa vazoho e ty volonahy i Jeosy naho le ty momba Aze ro nisaontsie e.⁴² Fe ie ndra izay, le maro amy iareo mpandily ro nino i Jeosy; fa noho iareo Fariseo le tsy hasosoke izay iareo mba tsy voasakañe amy ty Synagoga ao. ⁴³Ikokoa iareo ty fiderañe hirike ama ondaty mandako ty fiderañe boake aman' Andrianañahare⁴⁴Nikoike mafe ty Jesosy naho le nisaontsy te ie: "Ze raike mino Ahy, le ko ty vatako irerike fa ao ka ie nañirake Ahy,⁴⁵ ara ze mahatrea Ahy le mahatrea ty nañirake Ahy.⁴⁶Niavy manahake ty mazava amy ty tane toy eto Raho, mba tsy hiroñe amy ty maieñe ze mino Ahy. ⁴⁷Naho misy mitsañe ty saontsiko fe tsy miambeñe aze, le tsy hitsara aze Raho, satria tsy avy hitsara ze kila tane Raho fa hañavotse aze.⁴⁸Ze mandietse Ahy naho tsy hitsanoñe tsy saontsiko, le manañe ty hitsara aze. Trasa nataliliko oy ro hitsara aze amy ty andro farae. ⁴⁹Fa mivolañe ho Ahy o Aho, fa ty Rae nañirake Ahy, ze nañomey ahy ty lily amy ze hambara e naho havolily.⁵⁰ Fantako fa ty lily e le ty fiaiñane mandrakezay, fa ze ataliko le ambarako manahake ty navolily ty Rae Ahy."

Chapter 13

¹Amy ty andro miaolo ty firavoravoañe Paska. Ony i Jesosy fa tomotse ty andro hiala e amy ty tane toy holia e amy Rae añe. Naho fa nitea ze mpindre-lia tamae antane etoy Reke, le nikokoa e hatra ampara' e. ²Naho andriabolisy le fa nampipoke izao an-tsay i Jodasy Iskariota ana I Simona ao, mba hifotera e Jesosy.³À Ie le fa nahafohiñe fa ze kila raha le fa napetra ty Rae ampità eo fa Ie boake amin' Andrianañahare naho le mbe hihereñe amin' Andrianañahare añe.⁴ Nitsangañe Reke te amy fikamañey ao naho le nanlolie sarimboe ambone ey. ⁵Ie niavy eo nangalake lamba hafa naho le nisafoe. Nañiliñe rano ampo siny ao amizao Reke le nanomboke nanasa ty tombo iareo mpianae naho le namotse aze tamy lamba nisafoe ey.⁶Nimbamy i Simona Petera eo Reke, naho le tihoe ty natao Peters amae te ie: "Rañandria, le Ihe vao ro hanasa ty tomboko? ⁷Le ty hoe ty navale Jesosy aze te ie: "Ze ataoko vao le mbe tsy ho haio aby ty antoe, fe ie mbe ho fantao avao naho afara añe." ⁸Izao natao Petera ama e te ie: "Tsy zo fañovao zao ro hanasa ty tomboko." Izao ty navale Jesosy aze: "À naho tsy Izaho ro hanasa ty tombo o, le tsy hanañe anjara Amako ato rehe."⁹ Le ty hoe ty natao Simona Petera ama e: "Rañandria, a tsy ty tomboko avao areke ro sasañe, ndra ty tañako naho ty lohako aby."¹⁰Le tihoe ty natao Jesosy ama e te ie: "Ze fa niandro tsy mbe hipay izay, naho tsy ze manasa ty tomboe avao, fa ie le fa malio vatae; ihe nio madio, fa tsy ie aby nio koahe."¹¹ (Mone izao fa arofana i Jesosy te ie hisy hifotetse Aze; izay ro nahavy Aze hisaontsy ty hoekey: "Tsy nareo aby ro malio.")¹²À naho fa niavy nanasa ty tombo iareo t'i Jesosy le nalae'e indraike sarimboe ey naho le niambesatse, le tihoe ty Natao e amy iareo: "Fantaareo vao ty Nataoko anareo? ¹³Manao "Rañandria" naho "Mpañanatse" Ahiko nareo, naho toe le tò ty nambara areo, fa toe izay vatae Raho.¹⁴ Fa ie naho Izaho, Rañandria ro Mpañanatse, ro manasa ty tombo areo, le inareo ka tokoe hifanasa tomboke.¹⁵ Fa nañomey fañoharañe ho anareo Raho le tokoe hitsokombe ze nataoko areo ka nareo.¹⁶Ambarako anareo, fa ty mpanompo le tsy bey mandako ty tompoe e; naho ze mpinday hafatse le tsy bey mandako nañirake aze ey. ¹⁷Naho fanta'areo ze raha zay, le ho tahieñe nareo naho mandefe aze. ¹⁸Tsy nareo iaby ro tsaraeko; haiko ze ny nifalieko---- fa izay le mba hilefesa ty Soratse Masiñe te ie: "Ze mihinañe ty mofoko le hizonjo ty tomie le hifotse Ahiko."¹⁹Ambarako nareo amy hinaneo zao miaolo ty hisia e, le mete hino nareo fa Izaho ro Ie. ²⁰Le ataliliko, fa ze mandrae ty niraheko, le mandrae Ahy, ara ze mandrae Ahy, le mandrae ty nañirake Ahy.²¹Naho fa nisaontsy izay ty Jesosy, le nihitikitike ty fañahie. Nitalily Reke naho le nisaontsy te ie: "Ambarako anreo nio, fa tsy raike amareo le hifotse Ahiko."²² Nifañete iareo mpianatse, nañonatane teña te ie ia koahe saontsie eo.²³Nisy raike tamy mpiana eo, ny tea i Jesosy, nipetrake amy tabatse añila i Jesosy eo. ²⁴ Niharinea Simona Petera reke naho le nirehafae te ie: "Añontaneo Aze te ie ia o saontsie eo."²⁵ Nihereñe niato amy Jesosy reke naho le nirehake amae te ie: "Ia izao, Rañandria?"²⁶Ie niavy eo le tihoe navale Jesosy aze te ie: "Ze raike hampijone navaho ho meiko aze ty mofo toy ro ie." À naho fa nalò e mofoy, le i Jodasy ana i Simona Iskariota ro nitolorae aze. ²⁷Naho fa tafara mofoy, le nimoaha andriabolisy amizao ty, le tihoe ty natao Jesosy ama e te ie: "Anò tsiela ,ze raha hatao'o."²⁸Tamizay le ndra iareo an-databatse eo tsy nisy naharendreke ty foto ty nisaotsia Jesosy izay. ²⁹Ty ilae nivetsevetse te ie, Jodasy nanjitse fisiam-bolay, ro nisaontsia i Jesosy amae te ie: "Vilio ze hene raha paiantika amy ty firavoravoañe," ndra ie tokoe hanolo-draha hoe ze tsy manañe reke.³⁰ À naho fa niavy nadrae mofo oy ty Jodasy, le nandeha niakatse. Haleñe iandroy tamy io.³¹Naho fa niakatse ty Jodasy, le tihoe ty natao Jesosy: "Amy ie henaneo le ho meam-bolonahitse ty tirin'Olombeloñe, naho le ho meam-bolonahitse Amao ka ty Andrianañahare.³² Hañomey volonahitse Aze am-batae ty Andrianañahare, Ie ka le hañomey volonahitse Aze lahatañe.³³ Nareo ajaja, fa tomotse andro hiharoako amareo. Ho paia areo Raho, manahake ty nambarako tamy Jiosy io te ie: "Ze ho mbàko, tsy ho azo areo andenà." Naho le mbe ahereko amareo ty anito.³⁴Lily vaovao ro meiko anareo, le ty hifankateva areo; manahake ty ny hateako anareo, ro hifampikokoa areo ka.³⁵ Amizay ro hahafantara ty maro fa mpianako nareo, naho minkatea nareo."³⁶Izao ty natao Simona Petera ama e: "Rañandria, hañavelo mbaia Iheo?" Izao ty navale Jesosy: "Ze ombako, tsy hañoriha areo Ahy henaneo, fa mbe horihe areo naho fa afara añe." ³⁷Le tihoe ty natao Petera ama e te: "Rañandria, nañinoñe o aho ie le tsy hañorike Azo? Foeko ho Azo ty vatako".³⁸ Le vinale Jesosy te ie: "Foeo ho Ahiko ty teñao? ambarako azo nio, fa mbe tsy mikekeo avao ty akoho te anito te fa in-telo hanao jebe rehe."

Chapter 14

¹"Ko engañe hitititike ty fo areo. Mino an' Andrianañahare nareo, le minoa Ahy ka.² Misy efetse lako ty añanjomba Ndraeko ao. Naho toe tsy izay, le fa nitalily ama areo Raho, fa hamboatse toerañe ho anareo. ³Naho handeha Raho hamboatse toerañe ho anareo, le hihereñe indraike Raho naho le handrae anareo Amako ato, le ze misy Ahy hisy anareo ka.⁴Inareo mahafantatse ze hombako."⁵ Le tihoe ty natao Tomasy amy Jesosy te ie: "Rañandria, le amoa ay ty hombao, akore ty hahafantara ay ty lala e?⁶ Izao ty natao Jesosy: "Izaho ro lalañe, vantañe, naho fiaiñane; tsy misy miharine ty Rae naho tsy amy ty alalako.⁷ Naho nahafantatse Ahy nareo, le mahay tsy hahafantatse ty Raeko ka. Mamototse amizao le fanta areo Reke naho le fa nitrea areo ka."⁸Izao ty natao i Filipo amy Jesosy: "Mpañanatse, atorò anay ty Rae, le ampe ho anay zay."⁹ Izao ty natao Jesosy: "O Filipo, ty haela ty nindrezako ama areo vao le mbe tsy fanta areo avao Raho? Ndra ia ia nahatrea Ahy le mahatrea ty Raeko. Akore ahavania areo mirehake te: 'Atoro anay ty Rae'?¹⁰Tsy mino vao nareo amy ty Rae ao Raho naho le Amamako ka ty Rae? Ze tsara nataliliko anareo le tsy ambarako boake amy ty fahefako irery, fa ty Rae veloñe Amako ato ro manao ty asa e. ¹¹Minoa Ahy fa Izaho le amy ty Rae ao, navaho Amako ato ka ty Rae, naho tsy mino izay le minoa Amy ze asa manokañe.¹²Ambarako anareo, fa ze mino Ahy le hanao ze asa nataoko, navaho hanao asa bey mandako io reke fa Izaho ho amy ty Rae añe.¹³ Ndra inoñino angatahe areo amy ty Añarako, le ho vitaeko zay mba hañomeam-bolonahitse ty Rae amy Anake ao. ¹⁴Naho mangatake raha amy ty Añarako nareo, le ho vitaeko zay.¹⁵Naho tea Ahy nareo, le hiambeñe ze liliko,¹⁶ naho le hivavake amy ty Rae Raho, le hañomey anareo Mpampatamjake hafa Reke mba ho amareo eo lomoñandro ie--- ¹⁷Fañahy fahamareñañe. Tsy handrae Aze ze kila tane fa tsy mahatrea navaho tsy mahafantatse Aze. Fa inareo ka mahafantatse Aze, fa mitoetse miharo amareo Reke naho le ho ampiaiareo ao.¹⁸Tsy hañenga anareo irerike Raho; mbe hibalike amareo atoy Raho. ¹⁹Afake andro tsy ampe ampe le tsy hahatrea Ahy in-tsasa ze kila raha, fa inareo matrea Ahy. Satria veloñe Raho, le ho veloñe ka nareo. ²⁰Naho amy ze andro zay le ho fanta areo fa amy ty Raeko ao Raho, navaho nareo ka Amako ato, le Izaho amareo ao.²¹Ze manañe ty liliko naho le miambeñe aze le ie ro tea Ahy, naho ze tea Ahy le ho tea ty Raeko ka, le Izaho ka hikoko aze navaho hiboake amareo." ²²Izao ty natao Jodasy (tsy Iskariota) tamy Jesosy te ie: "Rañandria, nañinoñe Iheo ie hiboake amay va tsy miboake amy zao tontolo zao o?"²³Izao ty navale Jesosy naho le nisaontsy te: "Naho misy ndaty tea Ahy, le hiambeñe ty saontsiko reke. Hikokoan-dRaeko reke, navaho ho avy ama e Zahay le hamboatse ty fitoera ay mindre amae.²⁴ Fa ze tsy tea Ahy le tsy hiambeñe ty tsarako. Ze saontsy rey areo le tsy hirike Amako fa boake amy ty Rae nañirake Ahy.²⁵Fa nataliliko ama areo ze raha zay, tamy t' Izaho mbe nijanoñe nindre amareo. ²⁶Fe ie, Mpampatamjake--- ie Fañahy Masiñe, hirahe ty Rae amy ty añarako_ ie ty hampianatse anareo ze kila raha navaho hampatiahy ze hene raha nataliliko ama areo. ²⁷Fiadanañe ro hengako ho anareo; omeiko anareo ty fiadanako. Tsy meiko manahake ty fañomezañe ze kila raha zay. Ko engañe hitititike ty fo areo, naho le ko matahotse.²⁸Fa nirey areo Raho nitsara amareo te ie: "Handeha Raho, naho le mbe hibalike amareo añe indraike, le tokoe ho falefale fa hiheo amy ty Rae añe Raho, satria bey mandako Ahiko ty Rae.²⁹ Naho le nataliliko anareo amy ie mbe miboake eo, mba hino nareo, naho fa miboake reke.³⁰ Tsy hitsara maro amareo in-tsasa Raho, fa ho avy ty mpanampake ze tontolo zao. Tsy manam-pahefañe Amako reke,³¹ fa mba hahafantara ze kila raha fa teako ty Rae, le atako manahake ty nandilia ty Rae Ahy. Handeha nitsangañe tika naho le hihalavitse ty eto."

Chapter 15

¹"Izaho ro teñam-boaloboke, Raeko ro mpampole. ²Afahae Amako etoy ze hene rantsae tsy momoa, naho le rantsañe e ty tahoe tsy mamoa mba hisia e voa e tsiefa.³Fa malio nareo naho ty añama ty hafatse ze nataliliko tama areo. ⁴Mitoera Amako ato, naho le hitoetse ama areo ao ka Raho. Manahake ty tahoe tsy mamoa ambatae naho tsy ze mitoetse ampo ty voaloboke ao, le manahake izay ka ty atao areo, naho tsy mitoetse Amako ato.⁵zaho ro voaloboke, inareo ro rantsae. Ze mitoetse Amako ato naho le hitoetse ama e ao ka Raho, le ho vokatse bey reke, fa naho tsy Ahy le ndra inoñino tsy ho vita areo. ⁶Naho misy ndaty tsy mitoetse Amako ato, le hariañe manahake ty rantsae reke naho le halazo, naho le iareo ro mamory ze rantsae naho le hañary aze añate ty afo, le ho forototo.⁷ Naho mitoetse Amako ato nareo, naho le hitoetse ama areo ao ty saontsiko, angataho areo ze hene raha irieareo, le ho meiñe anareo.⁸Nimeam-bolonahitse henaneo ty Raeko, le ty hahavokara areo voa tsiefa ro famantarañe fa mpianako nareo. ⁹Manahake ty niteavan-dRaeko Ahy, ro iteavako anareo. Mitoera añate ty hateako ao.¹⁰Naho miambeñe ty liliko nareo, le hitoetse ama areo ao ty hateako, manahake ty niambenako ty lilin-dRaeko naho ty nitoerako amy ty hatea ao. ¹¹Nataliliko anareo ze raha zay mba ho ama areo ao ty fifaleako naho le mba ho feno fifaleañe nareo.¹²Izao ty liliko, le ty hifankateava areo manahake ty nikokoako anareo.¹³ Tsy misy manan-katea bey mandako Ahy, le hitolo-batañe hoe ze longo e.¹⁴Ara le ho mpirañetse tika naho manao ze raha andiliako anareo nareo. ¹⁵Tsy ho mpanompo in-tsasa ro hitokavako anareo, satria ty mpanompo le tsy mahafantatse ze atao ty tompo e. Nitoka anareo ho rañetse Raho, satria ze hene raha nireiko aman-dRaeko, le nampahafantareko anareo.¹⁶Tsy nijiboñe Ahy nareo, fa Izaho ro nijiboñe anareo naho nanondro anareo mba handeha naho le hamoa, naho le toeke mba hitoetse ze voaka areo. Natao zao fa ndra inoñino angataheareo amy ty Rae naho ty Amako, le homey anareo. ¹⁷Ze raha zay ro andiliako anareo mba hifankateava areo.¹⁸Naho malaiñe anareo ze kila tane, fantaro fa nalaiñe Ahy reke taolo ty hihejea e anareo. ¹⁹Naho avy amy ze kila raha nareo, le nikokoa iareo manahake aze nareo. Satria tsy ey ze kila tane nareo naho toe le jinoboko hihalavitse ze kila raha, naho le ho halaiñe anareo ty zao tontolo zao.²⁰Tiahivo tsara nataliliko anareo oy te ie: "Ty mpanompo tsy bey mandako ty tompo e. 'Naho nalaiñe Ahy iareo, le halaiñe anareo ka; ara naho miambeñe ty tsarako iareo, le hiambeñe ty anareo ka. ²¹Hatao iareo amareo ze raha zay noho Añarako, satria tsy fanta iareo te ia ty nañirake Ahy.²² Naho tsy niavy hitalily amy iareo Raho, le tsy ho niota iareo, fa tsy afaka hiala amy ty hakeo iareo te anito.²³Ze malaiñe Ahy le halaiñe ty Raeko ka. ²⁴ Naho tsy nahavita ze asa tsy natao ty hafa am-pañivoa iareo eo Raho, le tsy nanan-kakaeo iareo, fa trea naho heje e Izaho henaneo navaho ty Raeko.²⁵ Fa izay le mba hilefesa ty saontsy voasoratse añate lily iareo te ie: "Tsy misy foto e ty falaiñe iareo Ahy.²⁶À nahao ho avy ie mpampatanjake --- hiraheko ama areo boake amy ty Rae añe, ie, Fañahy fahamareñañe, boake amy ty Rae--- le hitalily ty momba Ahy Reke.²⁷ Le nareo ty ho voavolombeloñe satria inareo fa nindre Amako boake amboaloha e.

Chapter 16

¹"Nataliliko anareo ze hene raha mba tsy hilosora areo. Hafaha iareo tsy amy Synagoga nareo. ²Fa avy ty andro fa naho nivetsevetse ze raha hamono anareo iareo le hañomey raha fanjaka ho an' Andrianañahare.³Ho atao iareo zay satria tsy mahafantatse ty Rae iareo ndra Izaho zao fantae. Nataliliko anareo ze raha zay mba naho fa avy ty fotoa iareo, le ho tiahy areo fa fanambarako anareo ty momba aze.⁴ Tsy nambarako anareo laha tamboaloha e ze raha zay, fa mboe tama areo eto Raho.⁵Fa henaneo le hiheo amy nañirake Ahy añe raho te anito, fe nareo mbe tsy nisy nañontane Ahy te ie: "Handeha aia o Aho?" ⁶Satria fa namboarañe anareo ze raha zay, le alahelo ro nameno ty fo areo. ⁷Fa ambarako anareo, hanao soa ho anareo ty handehanako. Satria naho tsy handeha Raho, le tsy hoavy amareo ty hery mampatanjake, fa naho mandeha Raho, le handefa aze ho ama areo.⁸À naho fa avy reke, le ho profoe amy kila raha ty hadisoañe momba ty hakeo, ty fahamareñañe, naho ty fitsarañe--- ⁹momba ty fahotañe ty hery mampatanjake, satria mino Aze iareo;¹⁰ momba ty hamareñañe, fa holy Amy ty Rae añe Raho, naho le tsy ho trea areo in-tsasa; ¹¹naho ty momba ty fitsarañe, satria ty mpandily ze kila raha ro hotsaraeko.¹²Manan-draha lako hambara amareo Raho, fe tsy ho azo areo ty dikae.¹³ Fe ie, naho fa avy ie, Fañahim-pahamareñañe, le hitarike anareo ho amy ze raha mareñe aby, satria tsy volañe ambatae reke. Fa hañambara ze raha nirey e, naho hitalily amareo ze raha ho avy zay.¹⁴ Hañomey volonahitse Ahy reke, satria hirike Amako avao ro hambarae ama areo.¹⁵Ze hene raha anaña ty Rae le Ahy. Manao izay, hirehake Raho fa ty Fañahy hangalake amizay Ahy naho le hitalily aze ama areo. ¹⁶Vita fotoañe tsy ampe le tsy hahatrea Any in-tsasa nareo, naho le vita fotoañe tsy ampe hafa ka le hahatrea Ahy indraike nareo."¹⁷Nifampirehake amizao tilae amo mpianae eo te ie: "Ino ze raha tsarae e amantika zay te ie: 'vita andro tsy ampe le tsy ho trea areo in-tsasa Raho naho le vita andro tsy ampe hafa ka le ho trea areo indraike Raho,' navaho tihoekey te: 'satria ho amy ty Rae añe Raho? ¹⁸Manao izay le tihoe ty natao iareo: "Ino koa raha saontsie eo te ie :vita andro tsy ampe vao?' Le amoa ay vate nio ze teao ho tsaraeñe."¹⁹Ony Jesosy nio te fa te hañontane Aze iareo, le tihoe ty natao e: "Izaho vao o añontanea areo teña ao, le ty fitsakorea rehake ty hoe key te: "Vita andro tsy ampe le tsy hahatrea Ahy in-tsasa nareo, navaho vita andro tsy ampe hahatrea Ahy indraike nareo'? ²⁰Ambarako anareo, fa hitañy nareo naho le hitaraiñe, fe ie le ho fale aby ty ze kila tane. Le ho boseke nareo, fe ie hanjare hafaleañe ze haboseha areo zay.²¹ Naho fa mihetseke anake ty ampela raike le himoremoretse reke fa avy ty andro e, fa naho samake ka ajajay, le ho tsy tsiaroe in-tsasa ty habosehae te izay hafalea fa nisy ajaja samake ty antane etoy.²²Le ho boseke nareo te anito, fe ie mbe hifankatrea amareo indraike Raho, naho le ho fale ty fo areo, naho le tsy hisy hañinje anareo amy ty hafalea areo.²³ Amy ze andro zay le tsy hangatake ndra inoñino Amako nareo. Ambarako anareo, fa naho mangatake ndra inoñino amy ty Rae nareo amy ty añarako, le homey anareo. ²⁴Fe ie hatra amizao mboe lia areo ho nangatake ndra inoñino amy ty añarako. Mangantahà nareo, le ho meañe mba hifale areo.²⁵Fa nambarako anareo tamy ty fañoharañe ze raha zay, fa avy ty fotoañe tsy hirehafako fañoharañe amareo in-tsasa, fe ie hañambara amareo soa ty momba ty Rae.²⁶Amy ze andro zay le hangatake amy ty añarako nareo naho le tsy hataliliko anareo te ie hivavake ho anareo amy ty Rae Raho,²⁷ fa le ty Rae ro tea anareo satria nikokoa areo Raho naho le ninoa areo. ²⁸Fa hirike amy ty Rae Raho, naho le niavy antane etoy. Fa hañenga ty ze kila tane Raho naho le ho aman-dRaeko añe."²⁹Izao ty natao mpianae eo amae te ie: "Heteo, fa nisaontsy mazava soa Rehe te anito naho tsy nanao fañoharañe.³⁰ Fanta ay henaneo fa fantao aby ze kila raha, naho le tsy misy teao hañontane Azo . Manao izay, le mino zahay fa boake aman' Andrianañahare Rehe."³¹ Le ty tihoe ty navale Jesosy iareo: "Mino nareo henaneo?³²Hehake, avy ty fotoañe, ein ein, avy vatae nio, à naho fa hibaratsiake kiraidraike nareo, le sambe hamonje ty traño e aby, le hengà areo irery eto Raho. Fe ie tsy irerike Raho fa mindre amy ty Rae.³³ Fa nambarako anareo anio ze raha zay mba hiadana areo Amako ato. Miatreke anareo eto ze kila raha, fe ie le mihamafea: fa zo vatako zao le fa nandresy ze kila tane."

Chapter 17

¹À naho fa boake nisaontsy ze raha zay ty Jesosy, le niandrandra niañambone Reke le tihoe ty natao e: "Aba, avy ty andro, asandrato ty Anao mba hanandrata e Azo ka_² manahake ty nañomezao Ahy fahefañe ambone ze mofo aby mañomea fiaiñane mandrakezay ho ey ze kila ndaty nimeao Aze.³Izao ro fiaiñane mandrakezay: le ty hahafantara iareo Azo, ie Andrianañahare tokañe naho mareñe, naho le niraheo Reke, le Jesosy Kristy.⁴ Nanandratse Azo Raho te antane etoy. Fa vitako ty asa nampanoe o Ahy. ⁵Androany, Aba Mamy, le asandrato mindre amao Raho amy volonahitse fa nanañako nindre amao taloha ty namboarañe ze kila raha.⁶Nampahafantatse ty tahinao tamy ze ndaty nimeao Ahy aby Raho amy ze kila tane. Azo irery, naho le nimey o Ahy, navaho le niambenae ty saontsy o.⁷ Fantaiareo henaneo fa nimeio Ahy ze kila raha, naho le boake Amao,⁸ le nimeiko iareo ka za saontsy nimeio Ahy. Toe le rinae iareo ka io naho le nifatae fa boake Amao vatae Raho, le nino iareo fa Ihe ro nañirake Ahy.⁹Mivavake ho ey iareo Raho. Tsy mivavake ho ey ze kila tane Raho fa mivavake ho ey iareo natolo o Ahy, noho ty maha Azo iareo. ¹⁰Ze hene raha Ahy le Azo aby, navaho ze Azo le Ahy ka, le izay ro hanandrata iareo Ahy. ¹¹Tsy amy ze kila tane in-tsasa Raho, fa o ndaty reo ro etoy, naho le miharine anareo Raho. Aba Masiñe, tano amy ty tahinao nimeio Ahy iareo mba hiharo raike, manahake ty maha raike Antika.¹²Tamy ty Izaho mboe tamy iareo eo, le nitañe aze iareo tamy ty tahinao, nimeio Ahy. Niaro iareo Raho, naho le tsy nisy motso ndra raike, naho tsy ze fa ana ty motso avao, mba hilefesa ty Soratse Masiñe.¹³ Naho le ho Amao añe Raho, fa mañambara ze raha zay amy kila tane Raho mba hilefesa ty hafaleako amy iareo ao.¹⁴ Fa nimeiko iareo ty saontsy o, naho le iareo ro hasandra ty tane toy satria tsy hirike ama ze kila raha, manahake Ahy tsy ey ze kila raha.¹⁵Tsy mangatake Amao amy ty hañafahao iareo amy ty tane toy Raho, fa ty mba hiarovao iareo amy ty raty.¹⁶ Tsy ey zao tontolo zao iareo, manaheke Ahy avao tsy ey zao tontolo zao ka.¹⁷ Hamasiño amy ty fahamareñañe iareo. Fa ty saontsy o ro fahamareñañe.¹⁸Manahake ty nañirahao Ahy ho amy ze kila raha, ro nañirahako iareo ho amy ze kila raha ka. ¹⁹Fa noho ty hateako iareo iareo no nañamasiñañe ty vata iareo amy ty fahamareñañe ka.²⁰Tsy ho ey iareo ty vavahako, fa ho ey ze mino Ahy ka amy ty alala ty reha iareo te ie ²¹mba ho raike iareo aby, manahake ihe, Rae, Amako ato, naho le Amao ao ka Raho. Mivavake Raho mba ho amantika ao ka iareo mba hinoa ze kila tane fa nañirake Ahy Rehe.²²Ze volonahitse nimeio Ahy, le nimeiko iareo ka, mba ho raike iareo, manahake ty maha raike Antika.²³ Amy iareo ao Raho, naho le Amako ato ka Rehe-- le ho raike vatae iareo, mba ho fanta ze kila raha fa nañirake Ahy Rehe, naho nitea iareo manahake ty niteavao Ahy.²⁴Aba, ze nimeio Ahy le teako hindre Amako ndre mbaia mbaia ty misy Ahy, naho hahatrea ty volonahiko, le ty volonahitse nimeio Ahy satria niteao Raho taolo ty namboarao ze kila raha.²⁵Aba mamy, tsy nisy nahafantatse Azo ze kila tane, fa Izaho ro nahafantatse Azo; naho le fanta iareo ka fa Ihe ty nañirake Ahy.²⁶ Navoliliko iareo ty tahinao, naho le mbe hambarako iareo ka mba ho amy iareo ty hatea niteavao Ahy, naho le ho amy iareo ao Raho."

Chapter 18

¹Tafara ty nisaontsia i Jesosy ze tsara zay, le niakatse nindre amy mpianae eo Reke hiheo andafe riake e Kidrona ey, nisy saka nidira e navaho mpianae eo.² Naho le fanta i Jodasy hifotetse Aze ey toerañeo, fa fañaveloa i Jesosy navaho mpianae eo mateteke. ³Ie niavy eo, le nitariha i Jodasy tafike miaramila navaho mpiamben-drarahara ilae boake amy ty lahibey ty mpisoroñe navaho Fariseo amizao, nadeha mbeo reketse fañilovam-panala navaho kobaim-pialiañe.⁴Ie niavy eo ty Jesosy, toe fa fanahaaoniñe ty raha hisy Amae, niheo aloha ao naho le nañontane iareo te ie: "Ia o paia areo?" ⁵Le ty hoe navale iareo Aze te: "Jesosy boake e Nazareta." Naho le tihoe ty natao Jesosy tamy iareo te: "Intoan-draho." Jodasy, nifotetse Aze, le nitsangañe nindre amy miaramila rey eo ka.⁶À naho fa niboake amy iareo Reke te ie: "Izaho ro Ie", le nihemotse iareo naho le nitonta an-tane eo. ⁷Ie niavy eo le mbe nañontane iareo indraike ty Jesosy te ie: "Ia paia areo?" Naho le mbe nivolañe indraike iareo te: "Jesosy boake e Nazareta."⁸Izao ty navale i Jesosy te ie: "Fa nambarako anareo anio fa o Vatako ro Ie. À naho mipay Ahy nareo, le adono toa handeha." ⁹Izay le mba hifelesa ty saontsy nambara e te ie: "Iareo nimeio Ahy, le tsy nisiako motso ndra raike."¹⁰Ie niavy eo ty Simona Petera, nana mesa, naàkae naho le natampae ty sofy mpanompo mpisorombey havàna. ¹¹Malko ty añara mpanompo oy. Izao ty natao i Jesosy Petera te: "Aidiro antraño e ao mesa oy. O vao tsy hikama ty kapoake nimein-dRaeko Ahy Raho?¹²Manao izay iareo miaramila navaho kapiteny, le iareo mpiamben-drarahara ty Jiosy, le nitsepake i Jesosy naho le namahotse Aze.¹³ Niente iareo mbamy i Anasy eo he Reke, fa ie rafozan-dahy i Kaifa, mpisorombey tamy taoñe eo. ¹⁴Naho Kaifa o nañomey fañahy iareo Jiosy te ndra aleo misy ndaty raike mate ho eo fokonolo.¹⁵Niorihe i Simona Petera amizao ty Jesosy, naho le nanao hoe izay aby ka ty mpianae raike hafa. Naho le nifanta mpisorombey ze mpianatse zay, le niditse nindre amy Jesosy ankiririsa mpisorombey ao ka reke;¹⁶ fa Petera le nitsangañe alafe lalambey ao avao. Manao izay mpianatse hafa raike, fanta mpisorombey, le niakatse naho le nirehake amy mpanompo ampela mpiamben-dalambey naho le niday i Petera niditse.¹⁷Ie niavy eo ampela mpanompo, mpiamben-dalambey, nirehake amy i Petera te ie: "Ihe ka vao tsy raike amy ty mpiana lahilahy io?" Le tihoe ty natao e te ie: "Tsy ie raho." ¹⁸Naho le nitsangañe eo iareo mpanompo navaho iareo mpiamben-drarahara, naho le nameloñ' afo marindray iareo hamindroa e; fa manintsy iandroy. Nitsangañe nindre amy iareo ka are ty Petera naho le namindro¹⁹Nañontane ty momba i Jesosy navaho ty fampianara e mpianae eo mpisorombey. ²⁰Izao ty navale Jesosy aze: "Nitsara ampo ty maro amy ze kila tane Raho. Nampianatse lomoñandro e Synagoga navaho Añanjomba Nañahare Raho nifampitaona ,e Jiosy aby. Tsy nisy nañambarako ankaloke.²¹ Ino o añontaneao Ahy io? Añontaneo iareo nitsanoñe Ahy ty momba ty raha nataliliko. Heteo, o ndaty henaneo le mafahantse ze raha nambarako iaby²²Naho fa niavy nisaontsy izay ty Jesosy, le nisy raike amo mpiamben-drarahara nitsangañe eo nanakapike i Jesosy naho le nivolañe te: "Izao vao ty toin-drehake avale eo ty mpisorombey?"²³ Izao ty navale Jesosy aze te : "Naho diso ty nambarako, mitsangàna ho voavolombeloñe amy ze diso, fe ie naho mareñe amà, ino ty foto ty anakapihao Ahy?"²⁴ Ie niavy eo ty Anasy namotsotse Aze hifehe amy Kaifa mpisorombey añe.²⁵À naho fa nitsangañe ty Petera le namindro. Le tihoe ty natao ndaty ama eo te : "Tsy raike amo mpianae eo ka viheo? Nandietse reke naho le nivolañe te ie: "Tsy ie raho."²⁶ Raike ama ty mpanompo mpisorombey, longo lahy tinampa Petera ty sofy 'ey, nirehake te: "Tsy Ihe vao nitreako nindre amae antsaka ao? ²⁷Naho le mbe niliere Petera avao, le nikekeo ty akoho.²⁸Ie niavy eo le tinantaly iareo boake amy Kaifa ao ty Jesosy hiheo añate rova ao. Mbe maraindraim-bey tsikiake tamy zay, naho le tsy niditse ampo rova ao iareo mba tsy haloto fa hinanñe amy ty Paska.²⁹ Naho le niakatse ama iareo amizao ty Pilato le nisaontsy te: "Hein ty anto ty indesa areo lahy io toy?" ³⁰Le namale iareo naho le nivolañe te: "Naho tsy mpanao raty lahy io tsy natolo'ay azo."³¹Manao izay le nitsara ty Pilato te ie: "Ento areo Reke, le zakao areo amy ze lily areo." Le tihoe ty natao iareo Jiosy amae te: " Tsy añate ty lily ay ty mañomey ndaty ho vonoeñe."³² Nitsara izay iareo mba hilefesa ty saontsy nambara Jesosy ty hoekey te karazan-kavilasy manao akore ro hivilasia e.³³Ie niavy eo le nimoake ampo rova ao ndraike ty Pilato naho le nitoka i Jesosy nañontanea e te: "Ihe vao mpanjaka ty Jiosy io?" ³⁴Izao ty natoy Jesosy aze: "Mañontane amy ty vatao viheo, sa nisy ndaty hafa nivolañe amao ty momba Ahy?" ³⁵Le tihoe ty natao Pilato: "Tsy Jiosy nio aho, sa tsy izay vao? O fokonolo o navaho lahibey ty mpisoroñe eo nanolotse azo amako. Ino ty natao o?³⁶Le namale ty Jesosy te: "Ty fanjakako le tsy boake amy ze kila raha. Fa naho mba tañate ty zao tontolo zao ty fanjakako, le ho niaro Ahy mpanompoko mba tsy hanolorañe Ahy o Jiosy io. Fa henaneo ty fanjakako le hirike etoy." ³⁷Ie niavy eo ty Pilato nitsara amae te: "Mpanjaka zane ihe henaneo?" Izao ty natoy Jesosy te: "Ein mpanjaka Raho". Fa hikendre izay ro nisamahañe Ahy, navaho izay ty foto ty niaviako etoy, mba nitsangañe voavolombeloñe amy ty fahamareñañe amy ze kila tane. Iareo aby ze amy ty fahamareñañe le mitsanoñe ty feoko."³⁸Nisaontsy amae ty Pilato te: "Ty manao akore mareñe eo?" Naho fa boake nitsara izay reke, le niake indraike naho nisaontsy amy iareo Jiosy te: "Tsy treako ty foto ty hanazeañe lahy io.³⁹ Fa nareo manañe ty lily hamotsorako ndaty raiko ho ama areo amy ty Paska. Manao izay zoto areo vao ty hamotsorako ama areo ty mpanjaka ty Jiosy?"⁴⁰ Ie niavy eo iareo le nikorake mafe indraike naho le nivolañe te ie: "Tsy o lahy io, fa Barabasy." Mpangalatse o Barabasy io.

Chapter 19

¹Ie niavy eo le niente i Pilato ty Jesosy naho le jinerae.² Nandrandrañe satroke fatike iareo maramila. Nasatro iareo ty añambone i Jesosy naho le nampañisie sarimbo volomparasy Reke. ³Niharine Aze iareo naho le nivolañe te: "Salama, ty mpanjaka ty Jiosy!" Naho le jinera iareo.⁴Ie niavy eo niakatse indraike ty Pilato naho le nisaontsy amy iareo te: "Ingo, enteko ama areo alafe ato Reke mba hahafantara areo fa tsy treako ty foto ty hanazeañe Aze."⁵ Le niakatse ty Jesosy, nañisy fehe añambone fatikey navaho sarimbo volomparasy. Izao ty natao Pilato amay iareo: "Ingo, lahy io!" ⁶À naho fa nitrea iareo mpisoroñe navaho manambolonahitse ty Jesosy, le nikorake mafe iareo le nivolañe te: "Vonò reke, vonò reke!" Le tihoe ty natao Pilato amy iareo te ie: "Alao areo Reke le vonò, fa tsy treako ty foto ty hamonoañe Aze."⁷Namale iareo Jiosy te: "Manan-dily tika, naho le ampo ty lily ao le vonoañe ty fañevae fa manoñe ty vatae ho Anak'Andrianañahare." ⁸À naho fa nirey i Pilato hoe izao oy, le natahotse Reke,⁹ le nizilike andampam-panjakañe ao indraike reke naho le nañontane i Jesosy te : "Boakaia iheo?" Fe ie tsy nanoiñe ty Jesosy.¹⁰Ie niavy eo ty Pilato nitsara amae te: "Tsy manan-kanoiñañe ahy viheo? Tsy fantao vao te ie manam-pahefañe hamotsorañe Azo raho, navaho fahefañe hamonoañe Azo?"¹¹ Namale aze ty Jesosy te ie: "Tsy manan-dily Amako rehe katao tsy nimeiñe azo hirike ambone añe zay. Manao izay, ie nañomey Ahy azo le manankakeo bey vata e."¹²Amy ze toin-tsara zay, le nanao ze hahavotsotse Aze ty Pilato, fe ie le nikorake mafe iareo Jiosy, nanao tihoe: "Naho ho votsorao lahy io, le tsy ho mpirañetse nareo amy Kaisara. Ze manao ty vata e ho manjaka le mandietse i Kaisara."¹³ Naho naharey ty rehake hoe izao ty Pilato, le niday i Jesosy niakatse naho le nampiambesare e amy ze seza fizakañe atao "lampivato" zay, fa amy ty rehake Hebreo reke le: "Gabata."¹⁴Fa avy ty andro fiviñonañe amy ty Paska, tamy ty lera fa eneñe. Izao ty natao Pilato amy iareo Jiosy te: "Ingo, itoy mpanjaka areo!"¹⁵ Nikorake mafe iareo te: "votsoro Reke, votsoro Reke, vonò Reke!" Izao ty natao Pilato tamy iareo te: "Izaho vao ty fañeva ty hamono ty mpanjaka areo?" Namale iareo lahibey ty mpisoroñe te: "Tsy manañe mpanjaka naho tsy Kaisara izahay."¹⁶ Ie niavy eo le vinotso Pilato hoe iareo amizao ty Jesosy ho vonoeñe.¹⁷Nalae iareo amizao ty Jesosy, naho le niente iareo niakatse Reke, hinday ty hazonajale, ho amy zo toerañe atao: "tanen-karandoha," "Golgota" ty tokavañe aze naho amy saontsy Hebreo.¹⁸ Añe ty mamonoa iareo Jesosy, navaho le nisy ajalahy roe lahy hafa ka nindre amae, raike isae mbatia mbaroa, naho le ampañivoa iareo amizao ty Jesosy.¹⁹Le nanoratse famantarañe ka ty Pilato naho napetae ambone hazonajale eo. Izao ty sorae te: "JESOSY BOAKE E NAZARETA, MPANJAKA TY JIOSY.²⁰ Maro ty Jiosy namaky aze famantarañe eo fa toe tsy lavitse tanañeo ka ty toerañe namonoañe i Jesosy. Le sinoratse amy ty rehake Hebreo, Latina, navaho Grika o famantarañe eo.²¹Ie niavy eo le tihoe ty natao lahibey ty mpisoroñe ey amy Pilato te: "Tsy sorateñe te ie: 'Mpanjaka ty Jiosy, fa anò tihoe: "Izaho ro mpanjaka ty Jiosy."²² Naho le nanoiñe ty Pilato te: "adonò ze voasoratse le voasoratse."²³Naho fa tinombo iareo miaramila ty Jesosy, le nalae iareo sarimboe ey, naho le zinara iareo efatse, le sambe nanan-kiraikiraike aby iareo; Navaho iakanjoe ey ka. Naho le tsy nisy vitrae akanjo oy, fa tenoñe raike avao. ²⁴Ie niavy eo nifampirehake amizao iareo te: "Tsy riaten-tika toy, fa andao anoan-tika kizé hahatreavañe ze mahazo aze." Nisy aby zao mba hilefesa ty Soratse Masiñe manao ty hoe te: "Hifanjarà iareo ty lambako naho le hanoa iareo kizé ty akanjoko." Izay ro nanoe iareo maramila.²⁵Nitsangañe añila hazonajale i Jesosy eo ty Rene e, roahavave e, Maria tañanjomba i Klopa, navaho Maria Magdalena. ²⁶À naho nahaoniñe an-dRene e navaho iareo mpianae tea e nitsangañe añila Jesosy eo, le tihoe ty natao aman-dRene te: "Rampela, ingo, ty ana-dahio!"²⁷ Ie niavy eo le izao ty natao amy iareo mpianae te: "Ingo, reneareo!" Tamy ze lera zay le nalae mpianae rey ho amae añe Reke.²⁸Tafara izay, naho fa nahafantatse fa vita iaby ze raha naho mba hilefesa ty Soratse Masiñe, le izao ty natao i Jesosy: "Taliñeren-dRaho." ²⁹ Naho le nisy tavoara feno divay masiake nipetrake ty tamo toerañeo eo, le nisiaiareo divay masiake sipaonjy le nitohiza iareo hysopa naho le napo iareo am-palie eo.³⁰ Naho fa boake nikama vinaingitra ty Jesosy, le nanao izao te: " Fa vita." Naondre e ty añambone e naho le nilañe ty arofo e.³¹Andro Masiñe tamizay, naho le tsy najanoñe an-kazonajale ey amy ty andro sabata (satria ty sabata le andro mana ty lanjae manokañe) ty fañova iareo, fa nihalale amy Pilato amizao iareo Jiosy, mba hanampahañe ty fandia iareo naho le hañafahañe iareo. ³²Ie niavy eo nimbamy raike voalohae ey eo amizao iareo maramila naho le nanampake ty tomboe navaho nanampake faha roe nidre vonoañe amy Jesosy. ³³À naho fa niharine Jesosy iareo, le te ie fa vilasy ro trea iareo, naho le tsy tanampa iareo ty fandia e.³⁴Fe ie, nisy maramila raike nitomboke lefoñe ty vavan'arofo e, naho rano navaho lio ty niakatse hirike ao.³⁵ Iraike nahatrea aze ey le nitsangañe ho voavolombeloñe, naho toe le nitò ty fañambarae. Fantae fa mareñe ty rinehae mba hinoa iareo ka.³⁶Fa ze raha zay ro nisy mba hilefesa ty Soratse Masiñe te ie: "Ndra raike tsy hisy ho tampake ty taola e."³⁷ Naho le mboe, misy Soratse Masiñe ilae ka mañambara te: " Iareo le hañente ty nitomboha iareo Aze lefoñe³⁸Tafara ze raha zay iareo, Josefa boake Arimatia, namototse amy ty naha mpiana i Jesosy aze ( fa tamy ty mangike naho ty fatahorañe iareo Jiosy), nañotanea i Pilato reke te ie ho afake mangalake ty fañova i Jesosy reke. Vinotso Pilato reke.³⁹ Naho le niavy ty Josefa nangalake ty fañovae. Niavy añe ka ty Nikodemosy, ie ty niavy aolo hañete i Jesosy amy ty hariva iñe. Naho le ninday solimañitse navaho vahoñe reke, vae zato lintatse eo ty fatra e.⁴⁰Le nalae iareo ty fañova i Jesosy naho le finehe iareo amy ty sarimbo navaho raha mañitse, arake ty fomba fandeveña ty Jiosy.⁴¹ Naho le saka tamy toerañe namonoañe Aze; le nisy lonake mboe vao tsy nandevañañe ndaty zay ty teo.⁴² Satria andro fiomana iareo Jiosy tamy io naho toe le marine lonake ka, le tao ty nandeveña iareo ty fañova i Jesosy.

Chapter 20

¹Mbe maraindray tsiake ty andro voaloha ty hereñandro avao, naho mbe maieñe ey, le niheo andonake añe ty ry Maria Magdalenina aheo iareo naho le fa nivariñe lavitse lonakey vato bey pisake firindrie ey. ²Naho le nibalike iareo nibamy Simona Petera navaho mpianatse ilae tea i Jesosy eo, naho le nanao tihoe amy iareo te: "Nalae iareo andonake ao volamenay, naho le tsy fanta ay ty nisia iareo Aze."³Ie niavy eo le niakatse ty Petera navaho ty mpianatse ilae, naho le niheo andonake añe iareo.⁴ Sambe nilay aby iareo, naho le nengà mpianatse ilae ey tsiela ty Petera naho le ie ty niavy andonake ey aolo.⁵ Ie niavy eo le niondreke reke, naho le saribo nipetrake eo ro nitalake e, fa mboe tsy nizilike ao reke.⁶Niavy afara amizao ty Simona Petera naho le niditse ampo lonake ao. Aheo e naho sarimboy⁷ navaho sarimbo natao añambone ey ro nipetrake eo. Tsy niraho dòñe amy sarimboy anio reke fa nivaloñe avao amy ty nisy aze.⁸Ie niavy eo mpianatse ilae raike, niavy aolo an-donakey, le niditse ampo ao ka, naho le nahatrea le nino reke.⁹ Fa hatra amo andro iareo le tsy mboe nahafantatse ty Soratse Masiñe avao te ie mahay tsy hivañombeloñe Reke.¹⁰ Naho le nibalike antraño añe indraike iareo mpianae.¹¹Fa Maria le nitsangañe alafe lonakey ao avao naho le niharovotse. Naho mbe niharovotse avao reke, le niondreke andonake eo. ¹²Nahaoniñe anjely roe mañisy sarimbo foty miambesatse reke, ny raike tantondohañe eo, le ty raike tantimpaheñeo tamy ty nañisiañe ty fañova Jesosy.¹³ Le tihoe ty natao iareo amae te: "O ene, inoñe mampitañy azo?" Izao ty natao amy iareo te: "Nindese iareo volamenay, naho le tsy fanta' ay ty nisia iareo Aze."¹⁴Naho fa avy nirehake izay reke, le nitolike aheo naho Jesosy ro nitsangañe eo, fe ie le amoae anio te ie Jesosy o eo.¹⁵ Izao ty natao Jesosy amae te ie: "O ene, ino itañia o?" Ia o vazohoe o? Atao ho mpiambeñe eo avao Reke, le tihoe ty natao e te: "O aba, naho Ihe ro nangalake Aze, le ambarao ahiko ty nisia o Aze, fa halaeko añe Reke."¹⁶Izao ty natao Jesosy amae: "Maria." Nitolike reke, naho le nirehake amae amy ty saontsy Hebreo te: "Rabôny" ("Mpañanatse" ty dikae)¹⁷ Izao ty natao i Jesosy aze te: "Ko tsapaen-dRaho, fa mboe tsy niakatse aman-dRaeko añe Raho, akia mandehàna amy iareo rahalahiko añe le rehafo amiareo te hiheo aman-dRaeko añe navaho Rae areo añe Raho, Andrianañahareko navaho Andrianañahare areo."¹⁸ Le niavotse Maria Magdalenina naho le nitsara amy iareo mpianatse te: "Nahatrea i Andriatompo raho," navaho ze raha zay ty sinaontsie.¹⁹Naho fa niriva, ty andro, voaloha ty hereñandro, le ze lalañe nisy iareo mpianatse, le nihily aby amy ty taho iareo Jiosy io, niharine ty Jesosy naho nitsangañe am-pañivoa iareo naho le nisaontsy te: "Fiadanañe ho anareo." ²⁰Naho fa boake nisaontsy izay Reke, le natoro e iareo fità ey navaho ty ampalien'arofoe eo. Mehake iareo mpianatse naho fa nahatrea Andriatompo.²¹Ie niavy eo ty Jesosy nitsara amy iareo te: "Fiadanañe ho anareo. Manahake ty nañiraha ty Raeko Ahy, ro añirahako anareo ka."²² À naho vita ty fisaontsia Jesosy izay, le nimonotse ty arofoe tamy iareo naho le nitsaràe iareo te: "Raeso ty Fañahy Masiñe.²³ Ndra ia ia naho hahà areo ty hakeo e, le ho hihaha iareo; fa ndra ia ia tsy hahà areo, le tsy hihaha iareo."²⁴Tomasy, raike amy ty mpianae folo roe aby, Didymo ty nifitokavañe aze, le tsy nindre amy iareo tamy ty nifiavy Jesosy.²⁵ Le nirehake amae ty mpianatse ilae te: "Nitrea' ay Andriatompo." Le tihoe ty natao amy iareo: "Naho tsy treako ampità ey loam-patsike 'ey, naho le aziliko ampo loake ey ao rabotañako, le amoako ampo falien'arofo ao ty tañako, le tsy hino raho."²⁶Valo andro tafa atoy le tao ndraike iareo mpianae, le nindre amy iareo ao ka ty Tomasy. Mboe nindriñe avao lalañey le niditse ty Jesosy, naho le nitsangañe niharo amy iareo eo, le nisaontsy te: "Fiadanañe ho anareo." ²⁷Ie niavy eo nitsarà e ty Tomasy te: "Mbetoa mindre amy taña'oy le aziliho am-bavafoko etoa. Ko diky finoañe, fa minoa."²⁸Le tihoe ty natoy Tomasy Aze te: "Andriatompo Andrianañahare."²⁹ Izao ty natao Jesosy amae: "natrea Ahy rehe, le nino. Haha iareo tsy nahatrea, fe mino."³⁰Anito avao ty Jesosy le nanao famantarañe maro tañate mpianae reo, famantarañe tsy sinoratse ampo ty boky toy,³¹ fa izay le voasoratse mba hahahia areo mino fa i Jesosy ro Kristy, Anak' Andrianañahare, ara naho mino Aze nareo, le hahazo ty fiaiñañe hatraparae.

Chapter 21

¹Tafara ze raha zay ty Jesosy le niboake amy iareo indraike tamy ranomasy i Tiberiasy eo. Izao ty fomba niboahae:² Simona Petera le nindre amy i Tomasy, Didymo ty nifitokavañe aze, Natanaela boake e Kana e Galilia añe, iareo ana i Zebedio, navaho ty mpiana i Jesosy roe ilae.³ Izao ty natao Simona Petera amy iareo: "Handeha hañarato raho." Le tihoe ty natao iareo te: "Hindre amao ka zahay." Le nandeha iareo naho le nijon-daka-kede raike, fe ie ndra lolie iareo tsy nahazo tañate ty alen-draike.⁴À naho fa nagararake atiñana ty andro, le nitsangañe an-dranomasiñe eo ty Jesosy, fe ie le nofy iareo mpianae te ie Jesosy io.⁵ Izao ty natao Jesosy amy iareo: "O ry anjalahy, tsy manan-kohaneñe vinareo?" Le tihoe ty natoy iareo Aze: "Einhe."⁶ Izao ty natao e te: "Atoraho areo andrira lakañe eo havana harato areo, le hahazo nareo." Le natora iareo harato oy naho le tsy nileo iareo jininy naho ty halako ty fiañe niazo.⁷Ie niavy eo, le tihoe ty natao mpianatse tea i Jesosy amy Petera te: "I Andriatompo io." Naho fa naharey ty hoe izao ty Simona Petera fa Andriatompo io, le naombe e ambonen'akanjo 'ey (fa toe tsy niakanjo reke), le nivoañe ampo ranomasiñe ey. ⁸Tila iareo mpianatse tampo lakañe ao ( fa tsy lavitse olo 'ey iareo, fa eo amy ty roan-jato hakiho eo), naho le nitarike harato feno fiañe 'ey.⁹ Naho fa niakatse añolo' ey iareo, le nahatrea afo nariañe ty teo navaho fiañe ty tambone eo, miharo mofo.¹⁰Izao ty natao Jesosy te ie: "Mindesa fiañe lako nareo amo niazo areo nareo."¹¹ Le niakatse ty Simona Petera naho le nitarike harato oy añolo ey, feno fiañe bey; 153. Maro ty bey, fe ie le tsy niriatse haratoy.¹²Izao ty natao Jesosy amy iareo: "Avia hitendre maraindray." Tsy nahavany nañontane Aze iareo mpianae te: "Ia Iheo?" Fanta iareo fa i Andriatompo io.¹³ Niharine ty Jesosy, le nandrae mofo, naho nañomey aze iareo, le nanao izay avao ka fiañe 'ey.¹⁴ Fañintelo e amy io ty niboaha i Jesosy amy iareo mpianae tafara ty fivañombeloe.¹⁵Naho fa boake nitendre maraindray iareo, le izao ty natao Jesosy amy Simona Petera te: "Simona ana I Jaona, tea Ahy mandako iareo viheo?" Izao ty nato Petera Aze te: " Eka Rañandria, onio fa tea Azo raho." Le tihoe ty natao Jesosy amae te: "Fahano o anondriko reo."¹⁶ Nisaontsy fañindroe e indraike Reke te: "Simona ana i Jaona, tea Ahy viheo?" Le hoe ty Petera te: "Eka Rañandria, onio fa tea Azo raho." Hoe ty Jesosy amae te: "Toroño o anondriko."¹⁷Le mbe nisaontsy fañinteloe Reke te: " Simona, ana i Jaona, tea Ahy viheo? Le nikoretse fy fo Petera fa fañintelo i Jesosy zay ty nanao izao amae te: "Tea Ahy viheo?" Le tihoe ty natao amae te: "Rañandria, Ihe ro mahaoniñe ze kila raha, naho toe le onio tea Azo raho." Le izao ty natao Jesosy aze te: "Fahano o anondriko o."¹⁸ Ambarako azo, fa mboe nikede rehe, le fa zatse nañombe irerike ty akanjo o naho le nandeha amy ze teao, fa naho fa miha-antetse rehe, le ho ndaty hafa ro hampiakanjo azo navaho hinday azo amy ze tsy zoto handenàñe."¹⁹Nisaontsy izay ty Jesosy mba hahafantarane te ie amy ty karazan-kavilasy manao akore ro hañomea i Petera volonahitse an' Andrianañahare. À naho nivita ty fisaontsia izay, le izao ty natao amy Petera te: "Oriho Raho."²⁰Nitolike ty Petera le nanatrea mpianatse tea i Jesosy nañorike iareo, ze raike niankiñe añila i Jesosy eo ka tamy fihinanañey eo le nanao izao te: "Rañdrandria, ia o raike hifotetse Azo?"²¹ Nahatrea aze ty Petera naho le nanao tihoe amy Jesosy te: "Rañandria, inoñe o atao lahy io?"²²Izao ty natao Jesosy amae te: "Naho zotoko ty hitoera e mandra-piaviako, le ino ty dika izay amao?" Oriho Raho."²³ Le nibaratsiake amy iareo firahalahia e toe le tamy iareo eo ze raha zay, fa tsy mate o mpianatse eo. Fe ie tsy nisaontsia Jesosy ty Petera te tsy ho mate ze mpianatse ilae, fa tihoe te: "Naho zotoko ty hitoerae mandra-piaviako, le ino dika izay amao?"²⁴Ireke o mpianatse nitsangañe ho voavolombeloñe momba ze raha zay, navaho nanoratse aze, naho le fantatika fa tò ty fañambarà e. ²⁵Lako ty raha natao i Jesosy ilae. Naho voasoratse kiraidraike aby zay, le ataoko ndra izao tontolo zao tsy ho niombe ty boke ho soratañe.

Acts

Chapter 1

¹Ty boky nisoratako taloha teo, ry Teofilo, le magnambara kila ze niforogne'i Jesosy naho ze nampianare'e. ²hatrami'ty andro nampiakaragne Aze, boakeo le nandily o Apostoly ze nijobogne'e reo Reke tami'ty alala ty Fagnahy Masigne. ³Tafara ty nijalea'e, le nanoro ty tegna'e velogne tama'iereo Reke niarake tama'ze porofo mandrese lahatse tsy efa. Niseho tama'iareo Reke agnate ty efapolo andro, naho nisaontsy momba ty fanjakan'Andrianagnahare.⁴Naho fa nifakatrea niaraka tama'iareo Reke, le nandily iareo ty tsy hiala a Jerosalema ao, fa hiambegne ty fampagnantenai'ty Rae, momba ze, nisaontsie'e te hoe: "Nahaonigne tamako nareo te nanao batisa tami'ty rano vata'e ty Jaona, ⁵fe ie nareo le toko'e hatao batisa ami'ty Fagnahy Masigne agnate ty andro tsy ampe."⁶Naho fa nitafavory raike iareo le nagnontane Aze iareo nanao ty hoeke: "Andriatompo, Izao vao ro fotoagne hagneregna'o ty fanjakagne hoe'i Israely?" ⁷Nanao ty hoeke Reke tama'iareo: "Tsy i nareo ro hahafantatse ty fotoagne ndre ze vanin'andro ze ninondroa'ty Rae tami'ty fahefa'e manokagne. ⁸Fe ie naho fa avy ze Fagnahy Masigne zay le hahazo hery nareo, sady le ho lasa vavolombeloko era'i Jerosalema naho i Jodia iaby naho i Samaria, naho hatrami'ty ampara'ty tane toy."⁹Naho fa nisaontsy ze raha zay ty Jesosy Tompo, le niandrandra iareo, naonjogne Reke, naho le i rahogne'y ty nanakogn'Aze t'imaso'iareo teo. ¹⁰Naho mbe nagnente i lagnetse'y iareo tami'ty nagnaveloma'e, tampoke teo, nisy lahilahy roe nisikigne akanjo foty nitsangagne t'agnila'iareo teo. ¹¹Nirehake iareo ty hoeke: "Ry roahalahe boaka'a Galilia, magninogne ianareo mitsangagne eto avao magnente i lagnetse'y io? I Jesosy nalaigne tama'areo nampiakaregne an-dagnetse agne igne, le himpoly manahake ty nahatreava'areo Aze niakatse an-dagnetse agne'y.¹²Ie naho niboakeo le nimpoly t'a Jerosalema tagne iareo avy tami'ty vohitsy i Olivia tao, agnila'i Jerosalema eo avao, mitovy amy ty lia'ty andro Sabata raike. ¹³Naho fa niavy iareo, le niakatse t'ambony rihagn'ao, ty nipetraha'iareo. Iareo le i Petera, Jaona, Jakoba, Andrea, Filipo, Tomasy, Bartolomeo, Matio, Jakoba ana'i Alifeo, Simona Zelota, naho i Jodasy ana'i Jakoba. ¹⁴Nitambatse ho raike iareo iaby, naho nazoto niavavake. Le agnisa'izay ka iareo ampela, Maria rene'i Jesosy, naho roahalahe'e reo.¹⁵Tama'ze andro zay ty Petera le nitsangagne t'agnivo'o roahalahie reo teo, eo amy ty ologne 120 eo, naho nirehake te hoe: ¹⁶"Ry roahalahe, nipaiavegne vatae ty fahatanteraha'ty Soratse Masigne, ze nambara ty Fagnahy Masigne mialoha tami'ty vava'i Davida momba'i Jodasy, nanday ndaty nanambotse i Jesosy rey."¹⁷Fa agnisa ty raike amantika reke naho ie nahozo ty anjara'e tam'izao fanompoagne zao." ¹⁸(Henaneke'zao o lahilahy io le nivily tanem-bole tama'i vola niazo'e tami'ty faharatiagne'y reke, naho tonta nohohoke teo reke, ka nisokatse naho niderogne ty vata'e, naho le niboake iaby ty tsinai'e. ¹⁹Le tsy misy tsy ho naharey izay iaby ty ze atao ho kila'o ndaty t'a Jerosalema tao, naho le nata'iareo tami'ty fireha'iareo i tanem-bole'y te hoe: "Akeldama", izane hoe: "Tanem-bolen-dio.")²⁰Fe ie fa voasoratse t'agnate'i Boki'i Salamo ao te hoe: "Engao ho ao o tanem-bole'e eo, le ko engagne ndre ndaty raike hitoboke ao'; 'Engao ho rambese ty ndaty hafaty adidie'e."²¹Naho izay, le paiavegne, ty raike ami'ze lahilahy niarake tamantika t'agnaty ty fotoagne iaby nizilira'i Jesosy Tompo nahoty niboaha'e tamantika teto, ²²hatrami'ty batisa'i Jaona naho hatrami'ty andro niakara'e tamantika teo, le ts maintsy vavolombelogne miarake amantika amy ty Fivagnognam-belo'e." ²³Le nametrake roe lahy iareo, le i Josefa nitokavegne te hoe Barsabasy, na i Josto ka, le Matia.²⁴Nivavake iareo naho le nanao ty hoeke: " Irehe, ry Tompo, ro mahafantatse ze fo ze kila'o ndaty, ka ambaroa ze ho filie'o ama'iareo roe lahy ²⁵mba hangalake ty toeragne am'izao fanompoagne ato zao naho ty maha Apostoly noho'ty fandikan-dily ze natà'i Jodasy handeha ho agne amy ty toera'e manokagne. ²⁶Iareo le niloka hoey iareo, naho nilatsake tami'i Matia ty filokagne, naho voaiake ho Apostoly folo raik'ambe reke.

Chapter 2

¹Naho fa niavy ty andro'ty Pantekosta, nivory tama'ty toeragne raike iareo iaby. ²Tampoke teo nisy feo manahake o rivotse mahery io nifofofofo boak'an-dagnitse agne, naho le nameno i anjomba nitoboaha'iareo iaby zay. ³Nisy afo nanahake'o lela'ao nizarazara maro, naho le nipetrake t'ambony iareo kiraikiraike tegne iaby. ⁴Feno Fagnahy Masigne iaby iareo le nanomboke nirehake tamy ty firehake maro same hafa, arake ty namea'ty Fagnahy Masigne hirehafa'iareo.⁵Le nisy Jiosy zay nipetrake t'a Jerosalema tao, ndatin'Andrianagnahare, boaka amy ty firenena iaby ambanyty lagnitse. ⁶Naho fa nahare ze feo zay, le avy le niarake o vahoake reo sady sahiran-tsaigne satria ty kiraikiarike le samy nahare iareo nirehake tamy ty fireha'e iaby. ⁷Gaga naho latsa iareo; nireheka hoe: Maregne, fe ie vao tsy iareo iaby mirehake reo o Galileanina'ao?⁸Nagnino ndra mahare iareo tika'o, amy ty firehantika kiraikiraike iaby ze nahabey antika? ⁹Partianina le Medianina naho Elemita, naho ze mpetrake a Mesopotamia agne, a Jodia naho a Kapadokia agne, a Ponto naho Asia agne, ¹⁰a Frygia naho Pamfylia agne, a Egypta naho a Libya hatra am'i Kyrena agne, le ze mpitilike boak'a Roma agne, ¹¹Jiosy naho Proselyta, Kreatana naho Arabo, le rentika mirehake amy ty firehantika momba ty asa jabajaba ataon'Andrianagnahare."¹²Gaga iareo sady sahiran-tsaigne; naho nifampirehake iareo te hoe: "Ino ty dika'izay?" ¹³Fa ty sasa'iareo nandatsa sady nanao ty hoeke: "Mamo'ty divay vaovao iareo'o."¹⁴Fe ie nitsangagne niaraka tama'iareo folo raik'ambe ty Petera, mampiakatre ty feo'e, le nirehake tama'iareo te hoe: "Ry lahilahi'i Jodea naho i nareo iaby ze mipetrake a Jerosalema eto, le ao ho franta'areo zao, ambeno'areo o rehako'o. ¹⁵Hoey iareo ndaty tsy mamo arake ze vetsevetse'areo, fa mbe vaho lera fahatelo amy ty andro zao.¹⁶Fa ie zao ty varehake tama'i Joela mpitoky: ¹⁷'Amy ty andro fara'e,' Andrianagnahare nisaontsy te hoe: 'Halatsako ama'ze kila'o ndaty ty Fagnaheko. O ana'areo lahilahy naho ty ana'areo ampela le hitoky, ty tanora'areo le hahatrea fahatreavagne, naho ty antitsi'areo hagnofe nofy.¹⁸Le manahake'zay ka ty ama'iareo mpanompoko lahilahy naho ty mpanompoko ampela ama'o andro reo. Halatsako ty Fagnahiko, naho le hitoky iareo. ¹⁹Iraho le haneho raha mahagaga amy ty lagnitse ambone agne naho famantaragne amy ty tane ambane egne, lio, afo, naho setroke.²⁰Le hanjare haiegne i masoandro'oy naho i volagne'y ho lasa lio, mialoha ty andro jabajaba naho miavake hiavia'i Tompo. ²¹Le ze kila'o ndaty mitoka ty tahinan'Andrianagnahare le ho voavonje.²²Ry ndaty i Israely, janjigno ze rehako zao: Jesosy boak'a Nazareta agne, i ndaty nanehoagne anareo tamy ty alalan'Andrianagnahare mba ho maregne ama'o asa jabajaba reo, o fahagagagne reo, naho ze famantaragne nataon'Andrianagnahare tama'e agnivo'areo teo, arake ty fanta'ty tegna'areo. ²³O lahilahy io le natolo'ty drafin'Andrianagnahare ze fa nomanigne mialoha naho ty fahalala'e, le ty tagna'ty mpahay lalàgne naho i nareo, namono Aze tamy ty famatsihagne Aze tamy ty hazo najaly teo. ²⁴Fe ie natsangan'Andrianagnahare Reke, nagnafake Aze tama'ze fanaintaigna'ty fahafatesagne, satria sarotse ho Aze ty niala tam'izay.²⁵Fa i Davida nirehake momba Aze te hoe: "Nahatrea i Tompo t'agnatehako eo lomogn'andro raho, fa an-tagnan-kavanako eto Reke ka tsy toko'e hititike raho. ²⁶Le fale vata'e ty arofoko naho nifalefale ty lelako. Le ie ka, ty nofoko hivelogne amy ty fahatokiagne.²⁷Fa tsy nenga'o ho ama'ty Fiaignan-tsy hita ty fagnahiko agne naho le tsy hagnenga ty Iray Masi'o ho lo Rehe. ²⁸Nampahafantatse ahy ze lala'ty fiaignagne Rehe; le hameno fifaliagne ahy amy ty toe'o Rehe.²⁹Ry roahalahe, afake mirehake ama'areo am-patokiagne momba'i Davida Patriarika raho: fa mate reke vaho nalevegne, le amantika eto mandraki'ty androany ty fasa'e. ³⁰Naho izay, mpitoky reke le fanta'e te fa nifanta taman'Andrianagnahare, fe ie ty tarana'e ro ho amy ty seza fiandriana'e eo. ³¹Fa nitrea'e zay le nirehake momba ty fivagnognam-belo'i Kristy, 'sady reke tsy nengagne amy ty fiaignan-tsy hita tao, naho tsy nanao ty nofo'e ho tsatse ty fahaloavagne.'³²Io Jesosy io-Andrianagnahare ro nanangagn'Aze, vavolombelo'izay zahay iaby. ³³Naho izay naho fa nasandratsy ty fitan-kavanan'Andrianagnahare Reke le nandrambe ty Fagnahy Masigne nampanantenaigne boaka tamy ty Rae, fa narotsa'e zay, ze trea'areo naho re'areo.³⁴Fe ie niakatse an-dagnitsy agne ty Davida, fe ie nirehake reke te hoe: 'I Tompo nisaontsy tam'i Tompoko, "mipetraha an-tagnako ankavanako eto, ³⁵mandram-panoako ty fahavalo'o ho fipetraha ty tombo'o.'" ³⁶Naho izay, le ao ho fanta ty ze iaby vata'e ty tragno'i Israely fa i Andrianagnahare ro nagnoregn'Aze ho Tompo naho Kristy, i Jesosy ze nifantsihe'areo tamy ty hazo najale."³⁷Naho fa nahare izay iareo, voatomboke ty fo'iareo, le nirehake tama'i Petera naho o Apostoly ila'e reo te hoe: "Roahalahe, inogne ty toko'e hatao'ay?" ³⁸Boakeo nirehake tama'iareo ty Petera nanao ty hoeke: "Mibebaha manoa batisa, i nareo kiraikiraike iaby, amy ty tahina'i Jesosy Kristy ho famelagne ty hakeo'areo, naho ty handrambesa'areo ty fagnomeza'ty Fagnahy Masigne. ³⁹Fa le ho anareo naho ty ana'areo ty fampagnantenagne naho ze lavitse iaby, ka ie le ho tsy efa ty ndaty ze ho tokavi'i Tompo Andrianagnahare."⁴⁰Niarake tama'ty rehake maro samy hafa ro nijoroa'e ho vavolombelogne naho ty nandrisiha'e iareo; nanao ty heoke reke: "Vonjeo ty tegna'o ami'tine tarira raty fagnahy tine." ⁴¹Le nandrambe ty reha'e iareo naho le natao batisa, le toko'e fagnahi'o ndaty amy ty telo arivo teo hoe eo ro nampeagne tama'o andro'o. ⁴²Nanohy naho niaretse ty asa talily naho ty fampianara'o Apostoly io iareo, tamy ty fanampahagne ty mofo naho ty fivavahagne teo.⁴³Niavy tamy ty fagnahi'ty kiraikiraike ty tahotse, le fahagagagne naho famantaragne maro ro vita tamy ty alala'ty Apostoly. ⁴⁴Niangogne ze nino naho nanagne raha nitovy iaby, ⁴⁵le navaro'iareo iaby ty tane'e naho ty ze fanagna'e ka le zinara tama'iareo iaby, arake ze nipaia'e iaby.⁴⁶Lomogn'andro lomogn'andro le nitohy nanompo tamy ty fomba fagnente mitovy t'an-tempoly tao iareo, naho nanapake i mofo'y t'an-tragno tao, le nizara hanigne t'ankafaleagne naho fo feno fiambanian-tegna. ⁴⁷Nidera an'Andrianagnahare naho nahazo fankasitrahagne tama'ze kila'o ndaty. Lomogn'andro ty Tompo le nagnampe ty isa'ze voavonjy.

Chapter 3

¹Le niakatse tamy temply tegne ty Petera naho i Jaona tamy ty lera'ty fivavahagne, lera faha sivy. ²Le nisy lahilahy raike maleme fa hatramy ty niterahagn'aze nandesegne lomogn'andro tamy ty Vavahady Tsaran'endriky i tempoly tegne, mba hangatake fagnomezagne ara-bola ama'o ndaty ze mandeha am'i Tempoly agne. ³Naho fa nahatrea i Petera naho i Jaona handeha hilitse i Tempol'igne, le nangantake fagnomezagne ara-bola tama'iareo reke.⁴Nagneregnere ty maso'e niarake tam'i Jaona ty Petera le nirehake te hoe: "Henteo zahay". ⁵Nagnente iareo i lahilahy maleme'y, nagnantegna ty handrambe raha boaka ama'iareo. ⁶Nefa i Petera nirehake te hoe: "Volafoty naho volamena ro tsy anagnako, nefa ze anagnako, ro homeko azo. Amy ty tahina'i Jesosy Kristy boak'agne Nazareta, mandehana."⁷Nandrambe aze tamy ty tagnan-kavanagne, i Petera nanangagn'aze, naho le avy le lasa natanjake i tombo'i lahilahy igne naho i kitso'e kedekede'ey. ⁸Niambokogne, i lahilahy maleme'y le nitsangagne ka lelia'e nanomboke nandeha; naho le niarak'ama'i Petera naho i jaona nizilike t'an-tempoly ao reke, nandeha, niambokogne, naho nidera an'Amdrianagnahare.⁹Le nahatrea aze nandeha naho nidera an'Andrianagnahare iaby ty kila'o ndaty. ¹⁰Nirendre'iareo te ireke i lahilahy nangatake fagnomezagne ara-bola tama'ze ndaty t'am-Bavahady Tsara'i tempoly teo'oy; le gaga naho latsa vata'e iareo noho'ty raha niseho tama'e.¹¹Naho fa ie reke nitanjake i Petera naho i Jaona, le nihororoke mbama'iareo mbeo iaby ama'ty fialofagne ze nitokavigne te hoe fialofa'i Solomona i ndaty iabikey, naho le latsa vatae. ¹²Naho fa nahatrea izay ty Petera le namaly ze ndaty ty hoe: "I nareo ry tarira'i Israely, nagninogne nareo latsa'o? Nagninogne ty maso'areo mandinike anay io, hoe ty here'ay na ty fahamasina'ay manokagne ro nampandeha aze ?¹³Ty Andrianagnahare'i Abrahama, le ai'i Isaka, naho ai'i Jakoba, i Andrianagnahare'iareo Raentika, nagnome volonahetse ai'i Jesosy Mpanompo'e. Ireke i aze natolo'aeo naho niliere'areo t'agnatreha'i Pilato teo'oy, tamy reke nanapa-kevetse ty handefa Azey. ¹⁴Niliere'areo I raike ze Masigne naho Marigney naho le naleo'areo nangatake i mpamono ndatey mba halefa ho anareo.¹⁵Nivono'areo i Mpagnoregne i fiaignagney, i navagnom-belon'Andrianagnahare_le vavolombelo izay zahay. ¹⁶Henaneke zao, noho ty finoagne amy ty tahina'e_i lahilahy trea'areo naho fanta'areo_i tahina'ey avao ro nahave Aze hahery. Ty finoagne avy am'i Jesosy ro nagnome ze fahasitragnagne feno zao ho Aze agnatreha'areo eto iaby.¹⁷Henaneke zao, ry roahalahe, fantako te nanao izay nareo noho ty tsy fahafantara'areo, manahake ty natao'o mpitantagneo anareo avao ka. ¹⁸Fe ie o raha ze nisaontsien'Andrianagnahare mialoha tama'ty vava'ze kila mpitoky reo, te hoe toko'e hijale ty Kristi'e, fe fa tantera'e henaneke zao.¹⁹Mibebaha, naho izay, le mimpoliana, mba ho voavono ty hakeo'areo, mba ho avy ze fotoagne mahavelombelogne agnatreha'i Tompo eo zay; ²⁰naho mba handefa i Kristy ze voatondro ho azo Reke, le i Jesosy zay.²¹Ireko i tsy maintse ho rambese'i Lagnitsey mandram-piavia ze fotoagne fampipolianagne amy ty naha izy aze ty ze kila raha iaby, mahakasike ze nisaontsien'Andrianagnahare taloha bey tagne tamy ty vava'ze mpitoky masigne. ²²Nirehake vata'e ty Mosesy te hoe: 'I Tompo Andrianagnahare le hanangagne mpitoky manahak'ahy boak'ama'o roahalahe'areo reo. I nareo hijanjigne ze kila raha iaby ze ho rehafe'e ama'areo. ²³Hiseho ty hoe ze kila'o ndaty tsy mijanjigne ze mpitoky zay le ho ripake vata'e tsy ho ama'o ndaty ao.'²⁴Eka, le kila'o mpitoky iaby nanomboke tama'i Samoela teo naho ze niavy tafara'e reo, le nirehake mafe naho nagnambara o nadro reo. ²⁵I nareo ro ana'o mpitoky reo naho ty fagnekegne ze nataon'Andrianagnahare tama'o razambey reo, arake ty nisaontsie'e tama'i Abrahama te hoe: "'Ama'o tarira'o ao le ho tahiegne o longo iaby eran-tane reo.' ²⁶Tafara ty namagnognam-belon'Andrianagnahare ty Mpanompo'e, le nandefa Aze ho anareo heke Reke, mba hitahy anareo amy ty fiala'areo amy ty faharatia'areo."

Chapter 4

¹Naho nirehake tama'ze vahoake ty Petera naho i Jaona, le niavy ze mpisorogne naho ty lehibey'o mpiambegne i tempoly naho'o Sadoseo reo. ²Boseke mafe iareo noho'i Petera naho i Jaona nampianatse o vahoake'o naho nitory ty fivagnognam-belo tamy ty alala'i Jesosy. ³Nisamboregne iareo naho le natao t'am-pigadragn'agne mandram-pibelagna'i andro'y, satria fa halegne i andro'y tam'izay. ⁴Nefa maro tama'o ndaty reo ze nandrendreke ty hafatse ro nino; naho ze lahilahy ila'e ze nino le teo ho eo amy ty dimy arivo eo.⁵Naho fa nimaray igne le niangogne t'a Jerosalema tao ty mpanapa'iareo, zoke'o ndaty naho o mpahay lalàgne reo. ⁶Teo ty Anasy mpisorombey, Kaiafa, Jaona, le i Aleksandro naho ze kila longo'ze mpisorombey iaby. ⁷Naho fa natoseke t'agnivo'e teo ty Petera naho i Jaona, le nagnontane iareo te hoe: "Amy ty hery inogne, na amy ty agnara t'inogne, ro nagnanova'areo izay?"⁸I naho boakeo ty Petera, feno ty Fagnahy Masigne, le nirehake iareo te hoe: "Irehe ry mpanapake ty vahoake, naho ty zoke'o ndaty, ⁹naho nagnontaniagne mahakasike ty asa soa natao'ay tama'o lahilahy narare'o zahay tama'o andro'o_tamy ty fomba manao akore ty nahasitragne'o lahilahy io? ¹⁰Le ao ho fanta'areo iaby naho ty tarira'i Israely iaby, fa tamy ty tahina'i Jesosy Kristy boak'a Nazareta agne, Ie ze nifantsihe'areo tamy ty hazonajale, Ie nivagnognem-belon'Andrianagnahare_tamy ty alala'e ro itsangana ty lahilahy salama tiagne agnatreha'areo eto."¹¹I Jesosy Kristy le vato ze nata'areo mpagnoren-tragno tsinotsinogne nefa fa natao ho agnambone ty vato mirafitse. ¹²Naho le tsy misy famonjeagne boak'amy ty hafa, fa tsy misy agnaragne hafa amban'ty lagnitse nome'o ndaty ze tsy maintsy hahavonjy antika."¹³Le naho fa nahatrea ty fahasakia'i Petera naho i Jaona iareo, le nahatsapa te ndaty tsotsa, ndaty tsy nandia fianaragne, le latsa iareo, nahafantatse te niarake tama'i Jesosy ty Petera naho i Jaona. ¹⁴Satria iareo nahatrea i lahilahy nisitragne nitsangagne niareke tama'iareo, ka naho le tsy nahatrea raha ho rehafigne hanoheragne zay iareo.¹⁵Fe ie naho fa boaka nandily o apostoly reo hagnenga ty fivoria'ty filan-kevetse iareo, le nifampirehake iareo. ¹⁶Hoe iareo te hoe: "Inogne ro toko'e hatao ama'ty lahilahy retoagne? Noho ty fahagagagne vita tamy ty alala'iareo le fanta'ze kila'o ndaty mipetrake a Jerosalema eto iaby, naho le tsy azontika lieregne. ¹⁷Fe ie mba tsy hiparitaha'izay amy ty vahoake ka, le indao tika hampitandrigne iareo mba tsy hirehafa'iareo ze agnaragne zay sasa. ¹⁸Tinoka hilitse ty Petera naho i Jaona le rinehake iareo tsy hirehake naho tsy hampianatse amy ty tahina'i Jesosy sasa.¹⁹Nefa namale iareo ka ty Petera naho i Jaona nanao ty hoeke: "Naho marigne agnatrehan'Andrianagnahare eo ty magneke anareo mihoatse Aze, le i nareo ro mitsara. ²⁰Tsy afake ty hijanogne tsy hirehake mahakasike ze raha hita'ay naho re'ay zahay."²¹Tafara'ty fampitandremagne'i Petera naho i Jaona, le nenga'e handeha iareo. Fa le tsy nahatrea ty fomba hagnasaziagne iareo iareo, satria nidera an'Andrianagnahare ze vahoake noho ty raha vita'e. ²²I lahilahy ze niaigne ty fahagagagne naho fagnasitragnagne le nihoatse ty efa-polo taogne.²³Tafara'ty nagnafahagne iareo, le niavy tama'o vahoakeo teo ty Petera naho i Jaona le nitalily ama'iareo ze rineha'i loaha ty mpisorogne rey naho i zoke'o ndaty tama'iareo rey. ²⁴Naho fa nire'iareo zay, le niarake nanandratse ty feo'iareo ho an'Andrianagnahare iareo ka nanao ty hoeke: "Tompo, Irehe ro namorogne ty lagnetse naho ty tane naho ty ranomasigne, naho ze ama'e ao iaby. ²⁵Nisaontsy tamy ty alala ty Fagnahy Masigne tama'ty vava ty mpanompo'o, ty raentika Davida nanao ty hoeke: 'Nagninogne o firenena Jentilisa'o ro boseke, naho ze ndaty mandineke raha tsy misy ilagn'aze?'I nareo mirehake te hoe: 'O Mpanjaka ty tane reo le nitambatse, naho ze mpanapake le nivory hanohetse'i Tompo, naho hanohetse'i Kristy.'²⁷Fe ie fa i Heroda nahoi Pontsy Pilaty, o niarake tama'o Jentilisa'o naho'o taraira'i Israely reo, ro nirake nivory t'an-tanagne tao hanohetse'i Jesosy Mpanompo'areo, i nihosora'areo'oy. ²⁸Niarake nivory iareo mba hanao ze natao'ty tagna'areo iaby naho ze drafi'areo ze fa nipahi'iareo ho atao mialoha.²⁹Henaneke zao, Tompo, vazohò o fampitandrema'iareo reo naho omeo ze mpanompo'o mba hirehafa'e ty saontsi'o am-pahavaneagne vata'e. ³⁰Amparo ty fita'o mba hagnasitragne, naho hagnome ze famantaragne naho fahagagage amy ty alala'ty tahina'i Jesosy Mpanompo'o Masigne." ³¹Naho fa boaka nivavake iareo, le nihozongozogne i toeragne niaraha'iareo nivory igne, nitalily ty saontsin'Andrianagnahare am-pahasahiagne.³²Ty ankamaroa ze nino le fo naho fagnahy raike. Tsy nisy nirehakee fa ze raha azo'e le ho aze manokagne, fa raha niaraha'iareo nanagne. ³³Nirake tamy ty hery jabajaba ro nagnambara'ty Apostoly ty fijoroa'iareo vavolombelogne momba ty fivagnognam-mbelo'i Jesosy Tompo, naho le fahasoam-bey ro tama'iareo iaby teo.³⁴Tsy nisy raha nanahiragn'aze ze kila'o ndaty tama'iareo teo, fe ie ze iaby nanagne tane na tragno le navarotse naho nanday ze vola'ze niletake iaby. ³⁵Naho le napetrake t'an-tombo'o apostoly reo teo, naho le zinara tamy ty kila'o ndaty kiraidraike iaby araka ze paiave'iareo.³⁶Josefa, Levita raike, lahilahy boak'a Sipra agne tinoka'o apostoly reo te hoe Barnabasy (Anaky lahi'ty Fampaherezagne ty dika'e), ³⁷nivarotse tany naho nanday ty vola naho nametrak'aze t'an-tombo'o Apostoly reo teo.

Chapter 5

¹Fe ie nisy lahilahy raike zay managn'aragne hoe Ananiasy, niarake tam'i Safira vali'e, nivarotse ty anjara tane'e, ²naho le nitana'e t'ila'e tama'i vola vili'e rey (le nahafantatse izay ka ty vali'e), naho nanday ty antsasa'e hafa tam'izay naho nametrake aze t'an-tombo'o apostoly reo teo.³Fe ie i Petera nirehake te hoeke: "O Ananiasy, nagninogne ty fo'o ro fenoa'i andrebolisy vande havande amy ty Fagnahy Masigne, naho hanjitse ty antsasa'e tama'i vili'i tane'y? ⁴Naho mbe tsy letake zay, tsy nijanogne ho fanagna'o manokagne vao zay, naho ie letake zay, tsy tama'ty fahefa'o teo vao zay? Manao akore ty nifieretsereta'o ze raha zay t'am-po'o tao? Tsy navande tama'o ndaty rehe, fe ie taman'Andrianagnahare." ⁵Naho fa nahare o reheka reo, le tonta tamy tane ty Ananiasy ka le namoe ty ai'e, naho le tahotse jabajaba ty ro niavy tama'ze kely nahare izay. ⁶Naho ze ajalahy le namonjy ka namogno lamba aze, le nandese'iareo niboake reke naho le nalevegne.⁷Tafara ty telo lera teo ho eo, le nizilike ty vali'e, mbe tsy naharendreke ze raha niseho. ⁸I Petera nirehake tama'e nanao ty hoeke : "Ambarao ahy laha izay ro namarota'areo i tane'y." Le hoe reke: "Eka, noho izay."⁹Ie naho boakeo nirehak'aze ty Petera te hoe: "Nagninogne i nareo nagneke ty hiarake hitipake ty Fagnahi'i Tompo? Ingo, o tombo'ze ndaty ze nandevegne i vali'o rey le am-baravaragn'eo, naho hampiakats'azo iareo.¹⁰Naho le tonta teo naho eo tamy ty tombo'e reke naho le namoe ty ai'e. Naho fa nizilike tao i ajalahy rey, le nahatrea aze mate, ka le nanday aze niboake naho nandevegn'aze t'agnila i vali'e teo. ¹¹Nahatohotse i fiangonagne manontolo'oy, naho ze nahare ze raha zay.¹²Famantaragne naho fahagagagne maro ro niseho tama'o vahoake'o tamy ty alala'ty tagna'o apostoly rey. Niarake tamy ty fialofa'i Salomona teo iareo. ¹³Fe ie tsy nisy ndaty hafa nahasaky ty hiarake ama'iareo; nefa, nanandratse fankasitrahagne ambone ai'iareo i vahoake'y.¹⁴Naho le fa vomaike nihamaro ze mpino nagnampy isake i Tompo, karazan-dahilahy naho ampela, ¹⁵le nandesi'iareo t'an-dalagne tegne hatar'amy ty marare naho nampandre'e t'ambony fiandreagne naho farafara teo iareo, le mba nahho fa mandriogne ty Petera, le mete mba hanaloke t'ila'e ama'iareo ty aloke'e. ¹⁶Le teo avao ka le maro ty vahoake ro niarake niavy boak'ama'o tanagne magnodidigne ai'i Jerosalema, naday ty marare naho ze mampijele'y ty fagnahy raty, naho le sintragn'aby iareo.¹⁷Fe ie nitsangagne ty mpisorombey, naho ze niarake tama'e (ze sekta'o Sadoseo reo); naho le feno fialognagne iareo ¹⁸naho nanambotse an-keri'e o apostoly reo, naho nampizilike iareo t'am-porozo tagne.¹⁹Le agnaty i haligne'y le nisy anjeli'i Tompo nanokatse i varavara i porozo'oy naho namoake iareo tao, le nirehake te hoe: ²⁰"Mandehana, mitsangana am'i tempoly ao naho mitalilia ama'o ndaty ze kila rehake iaby amy ty fiaignagne toy." ²¹Naho fa nahare izay iareo, le nizilike t'anjomban'Agnahare tao iareo laha vao maraigne i andro'oy ka le nampianatse. Fe ie niavy ty mpisorombey, naho ze niarake tama'e reo, naho nitokaze kila filan-kevetse iaby, o kila zoke'o ndati'ty tarira'i Israely, naho le nalefa t'am-porozo agny mba hagnakatse'o apostoly reo.²²Fe ie naho fa niavy i mpiambegne'y le tsy nahatrea iareo t'am-porozo tao, naho le nimpoly iareo naho le nitalily te hoe: ²³"Le nitrea'ay te nihily soa i porozo'oy naho i mpiambegne'y le nijoro niambegne t'am-baravaragne teo, fe ie naho fa nanokatse zahay, tsy nahatrea ndaty t'angnate'e tao zahay."²⁴Naho fa nahare'y izay i lehibe'ty mpiambegne'i anjomban'Agnahare naho ze mpisorom-bey, le veren-draha vata'e iareo mikasike ze raha mete hiseho. ²⁵Fe ie nisy ndaty niavy naho nirehake tama'iareo nanao ty hoeke: "O lahilahy nata'areo t'am-porozo tao reo le mitsangagne angn'anjomban'Agnahare ao naho mampianatse ze voahoake."²⁶Naho le nandeha i lehibe'o mpiambegne'y niarake tama'o mpiambegne rey, naho nanday iareo niheregne, fa tsy tama ty heriloha, satria natahotse o vahoakeo iareo manajre ho torahe'e vato. ²⁷Naho fa nanday iareo iareo, de nandefa iareo t'agnatreha ty filan-kevetse teo. Nagnadigne iareo i mpisorom-beÿ, ²⁸nanao ty heoke: "Rinara'ay mafe nareo ty tsy mba hampianatse ama'o agnaragne'o, nefa, nifineno'areo ty fampianaragne ty Jerosalema, naho le tea'areo ho tompon'antoke ama ty lio'o lahilahy io zahay."²⁹Fe ie namaly ty Petera naho o apostoly reo nanao ty hoeke: "Izahay le toko'e haganeke an'Andrianagnahare noho'ty ndaty. ³⁰Ty Andrianagnahare ty raza'ay namagnom-belogno'i Jesosy, Ie ze nivinono'areo tamy ty fagnantognan'Aze tama'ty hazonajale teo. ³¹Andrianagnahare nanandratse Aze tamy ty fitan-kavana'e teo mba ho Tompo naho Mpamonjy, mba hagnome fibebahagne ho ai'i Israely, naho famelagne ty fahotagne. ³²Izahay le vavolombelo ty ami'ze raha zay, naho le ty Fagnahy Masigna ka, ze nomen'Andrianagnahary hoey ze magneke Aze."³³Naho fa nahare izay ze tamy filankevetse'y tao, le boseke iaby iareo naho le nite hamono o apostoly reo. ³⁴Fe ie nisy Fariseo raike tokavegne te hoe Gamaliela, mpampianan-lalàgne, nihajay ze kila'o ndaty iaby, nitsangagne naho nandily o apostoly reo mba halagne aboake kede ambalik'agne heke.³⁵Naho le nirehake tama'iareo reke nanao ty heoke: "Lahilahy Israely, tandremo soa ty amy ty ze raha zay hata'areo miarake ama'o ze ndaty reo. ³⁶Fe ie haihay taloha tagne, Teodasy nirehake ty vata'e ho raha, naho ndaty maromaro, toko'e ho efa-jato, nagnarak'aze. Nivinono reke, naho ze nagneke aze iaby le niparitake naho le avy le lasa tsinontsinogne. ³⁷Avy eo o lahilahy io, Jodasy boak'a Galilia agny le nitsangagne tamy ty andro'ty fagnisagne naho nitaogne ndaty maromaro hagnarak'aze. Le nivnono avao ka reke, naho ze nagneke aze iaby le niparitake.³⁸Le ami'ze fotoagne zao le ambarako ama'areo, mihalavira o lahilahy reo naho engao raike eo iareo, fe ie naho hirik'ama'o ndaty o drafetse na o asa'ao, le ho foagnagne zay. ³⁹Fe ie naho boak'aman'Andrianagnahare ka, le tsy ho azo'areo foagnagne reo; mete ho trea'areo aza fa mialy aman'Andrianagnahare nareo." Le rese lahatse iareo.⁴⁰Naho le nitoka'o apostoly reo iareo naho nijera naho nandily iareo tsy hirehake amy ty tahina'i Jesosy, naho le nagnenga iareo handeha. ⁴¹Nagnenga an-kafaleagne i filan-kevetse'y iareo satria mendreke ty handay fahafaham-baraka hoey I Tanahina'ay. ⁴²Tafara izay sakologn'andro, tsy nitofa ty nampianatse naho nitory ai'i Jesosy ho Kristy iareo, t'an-kianja ty anjoman'Agnahare teo naho tamy ty tragno maro.

Chapter 6

¹Le tagnate ze andro zay, naho fa nihanitombo ty isa'ze mpianatse, le nanomboke nisy fitaraignagne natao'o Jiosy reo mirehake Grika hanoheragne o Hebreo reo, satria natao'iareo tsinotsino o mpizaka tegna reo tamy ty fizaragne hanigne sakologn'andro.²Ty folo roe amby le nitoka o mpianatse iaby reo ho ama'iareo agne sady nirehake te hoe: "Tsy mete ho antika naho magnenga ty saontsin'Andrianagnaghare mba hikarakara o labatse reo. ³Noho izay nareo le toko'e mijobogne, ry roahalahe, fito ama'areo, lahilahy soa laza, feno ty Fagnahy naho fahendreagne, mba ho jobogne'ay hikarakara ze raharaha zay. ⁴Naho ty ama'ay, le hanohy hatr'agne amy ty fivavahagne naho amy ty fampianaragne ty saontsy zahay."⁵Nahafale ze kila'o ndaty iaby ty rehake natao'iareo. Ka le nijobo'i Stefana iareo, lahilahy feno finoagne naho Fagnahy Masigne, naho i Filipo, Prokoro, Nokanora, Timona, Parmena, naho i Nikoleo, Proselyta boak'a Antiokia agne. ⁶O mpino reo le nanday o lahilahy reo t'agnatreha ty apostoly teo, nivavake naho nametrake ty tagna'e tama'iareo.⁷Ka le niparitake avao ty saontsin'Andrianagnahare, naho ty asa'ze mpianatse t'a Jerosalema tao le nihanitombo loatse, naho ty mpisorogne maro loatse ka ro lasa mpagnarake ty finoagne.⁸Le i Stefana, feno fasoavagne naho hery, le nanao fahagagagne naho famantaragne jabajaba tamy ty vahoake teo. ⁹Fe ie nisy vahoake ila'e nitsangagne ze ai'i Synagoga ze atao ty hoeke ty Synagoga'i Libertina, naho ai'i Kyreniana naho Aleksandriana, le t'ila'e baok'a Kilikia agne naho Azia. O ndaty reo le nialy hevetse tama'i Stefana.¹⁰Tsy nahatohetse ty fahendreagne naho ty Fagnahy ze nirehafa'i Stefana iareo. ¹¹Naho niboakeo le nisy ndaty nanaova'iareo kolikoly mba hirehake te hoe: "Fa nire'ay ty Stefana nitimbo momba'i Mosesy naho i Andrianagnahare."¹²Nanaitse ze ndaty iareo, ty zoke'o ndaty, naho ty mpahay lalàgne, le nagnantogne'i Stefana iareo naho nanambots'aze naho nanday aze t'agnatreha'o mpanolotsaigne reo teo. ¹³Le nanday fijroagne vavolombelogne diso ka iareo, le nanao ty hoeke: "Ty lahilahy toke le tsy mitofa ty mitimbo ty toeragne masigne toy naho ty lalàgne. ¹⁴Fe ie izahay le nahare aze nirehake te o Jesosy io boak'a Nazareta agne le handrobake ty toeragne toy naho hagnova ze fomba natolo'i Mosesy antika zay." ¹⁵O ze nipetrake iaby tamy ty toera'ty mpanolotsaigne teo le nametsevetse aze ka nahatrea fa manahake'o ajely io ty tarehe'e.

Chapter 7

¹Le nanao ty hoeke i mpisorom-bey te: "Maregn'aby vao raha iaby zao?" ²Nirehaka ty Stefana nanao ty hoeke: "Ry roahalahe naho ry rae, tsanogno raho: "Ty Andrianagnahare'ty volonahetse niseho tamy ty raentika Abrahama tamy reke t'a Mesopotamia tagne, taloha ty nitoboha'e t'a Harana tao; ³nirehake tama'E te hoe: "Mialà ama'o tane'o rehe naho ze longo'o, le mandehana am'i tane asehoko azo'oy agne."⁴Ie naho boakeo niala i tani'i Kaldeana'ay reke naho le nitoboke t'a Harana tagne; nanomboke teo, tafara ty nahafate ty rae'e, nandesen'Andrianagnahare tama'o tane'o tagne reke, o hitoboha'o am'izao. ⁵Tsy nomea'e ho lovagne teo reke, aha, tsy ampy ndre ty hasiagne tomboke iaby. Fe ie nagnome toky reke_ndre le mbe tsy nanagn'anake aza ty Abrahama fe ie_reke le hagnome tane aze ho fanagna'e naho hoey ze tarira'e afar'agne.⁶Nisaontsy tama'e ty Andrianagnahare manao ty hoeke, fe ie o tarira'e reo le hitoboke maharetse agne amy ty tane ty firenen-kafa agne, naho le ze vahoake tao le hagnondevo iareo naho hampijale hatr'amy ty efe-jato taogne. ⁷'Nefa ho tsaraeko o firenena o tompoi'iareo'o,' hoe i Andrianagnahare, 'naho fa afara izay le hagnantogne naho hidera Ahike ama'o toeragn'eo eo iareo. ⁸Ie naho boakeo nomen'Andrianagnahare ai'i Abrahama ty fagnekegne amy ty savatse, ka i Abrahama le avy le lasa rae'i Isaka naho le nanavats'aze tamy ty andro fahavalo; Isaka le lasa rae'i Jakoba, le i Jakoba lasa rae'o Patriarika folo roe amby reo.⁹Satria o Patriarika reo le nialogne ai'i Josefa, ka le navaro'iareo t'a Egypta tagne reke; fe ie Andrianagnahare le tama'e ¹⁰naho nagnavotse aze tama'o ndaty iaby reo. Le nome'e fisaoragne naho fahendreagne t'agnatreha'i Farao teo, mpanjaka'i Egypta, ty nametrak'aze ho governora mandily ai'i Egypta naho amboni'o kila fanagnane iaby.¹¹Naho le niavy i kere'ey magneragn'i Egypta naho i Kanana, naho fijaleam-bey, naho ze razantika le tsy nahavazoho mahakama. ¹²Fe ie naho fa nahare ty Jakoba fa nisy vare ty t'Egypta tao, nadefa o razantika reo tamy ty lia'iareo voaloha'e reke. ¹³Tamy ty lia'iareo faharoe nampahafantatse ty tegna'e tama'o roahalahe'e reo ty Josefa, naho le lasa nifanta'i Farao iaby ty longo'i Josefa.¹⁴Le nagnirake'o roahalahe'e reo ty Josefa hirehake ai'i Jakoba rae'e mba ho avy Egypta agne, miarake ama'o longo'e reo iaby, teo amy ty ndaty fitopolo dimy ambe naho atambatse. ¹⁵Noho izay ty Jakoba le nizotso t'Egypta tao, le mate reke, ireke naho o razantika rey. ¹⁶Nilanjagne ho a Sekema agne iareo naho nalevegne tamy ty kibory nandevegnagne'i Abrahama tao tamy ty volafoty tamy ze ana'i Hamora t'a Sekema tagne.¹⁷Naho fa magnarine i fotoa'i fampanantenagne'y, i fampanantenagne natan'Andrianagnahare tama'i Abrahama, le nihamaro naho nitombo ty ndaty t'Egypta tao,¹⁸mandra-pitsangana'i mpanjaka hafa t'Egypta tao, mpanja tsy nahafantatse ty mikasike ai'i Josefa. ¹⁹O mpanjaka'o ka ro namitake ty vahoakentikagne naho nampijale o razantika rey, iareo le nanere o razantika rey hagnenga o ana'e reo amy ty loza mba tsy ho velogne.²⁰Tama ze fotoagne zay ty Mosesy ro terake; ireke le soa tagnatrehan'Andrianagnahare teo naho tineza telo volagne t'anjomba ty Rae'e tao. ²¹Naho fa naboake amonto egne reke, le ty anak'ampela'i Farao ro nanangangne naho niteza aze manahake ty anaky lahi'e.²²Le nampanaregna ze kila fahendreagne iaby ze anagna'i Egyptiana ty Mosesy, naho le nahare tamy ty reha'e naho ty asa'e reke. ²³Ka naho fa ie ho efapolo taogne reke, niavy t'agnarofo'e tao ty hitilike o roahalahe'e reo, ana'i Isrealy. ²⁴Nahatrea Israelita raike ze mpijalegne ka le niaro aze ty Mosesy sady namale ai'ze nampijale aze'y tamy ty famonoagne o Egyptiana'ao: ²⁵Nandineke reke te ho azo'o roahalahe'e reo fa tamy ty alala'ty fitan'Andrianagnahare ro nagnavotse iareo nefa le tsy azo iareo zay.²⁶Tamy ty andro magnarake le niavy tama'o Israelita ila'e reo tao reke laha nialy iareo; nagnandargne ty nampionogne ty kirairaike iaby reke, nirehake te hoe: "Ry lahilahy, mpiroahalahe nareo, nagninogne inareo avao ro mifandratse?" ²⁷Fe ie ty raike nanao ty tsy nete tama ty nama'e nanosek'aze, naho nireka te hoe: "Ia ro nijobogn'azo ho mpandily naho ho mpitsara anay? ²⁸Tea'o vao ty hamono ahy, manahake ty namonoa'o o Egyptiana reo omale'y?"²⁹Nilay ty Mosesy naho fa nahare izay; lasa mpivahiny reke tama ty tane'e Midiana tao, i niteraha'e ty ana'e roe lay. ³⁰Naho fa nihoatse ty efepolo taogne, nisy anjely raike niseho tama'e t'ambalike tagne tamy ty vohetse Sinay tegne, tamy ty lelanafo'ty voaroy nirehetse.³¹Naho fa trea'i Mosesy i afo'oy, gaga reke tamy ty fahatreavagne; naho fa nagnantogne reke le nagnente aze, ingo boak'agne avy le nisy feo'i Tompo nisaontsy nanao ty hoeke: ³²"Iraho ro Andrianagnahare'o raza'o reo, Andrianagnahare'i Abrahama, le i Isaka, naho i Jakoba." Nititike ty Mosesy naho le tsy nahavane nagnente.³³Nisaontsy tama'e ty Tompo nanaoty hoeke: "Afaho i kapa amy tombo'o egne'y, fa o toeragne hijoroa'o le tane masigne. ³⁴Fa treako vata'e ty fijalia'o vahoake Egypta ao'o, reko ty fitaraigna'iareo, le fa nizotso nagnavotse iareo Raho; ka henanek'izao, alefako ho Egypta agne rehe."³⁵Ingo ty Mosesy i aze niliere'iareo'oy, naho fa nirehake iareo te hoe: "Ia ro nijobogn'azo ho mpandily naho ho mpitsara?" Ireke o tokagne nalefan'Andrianagnahare sady ho mpandily ro mpagnavotse. Andrianagnahare nandefa aze tamy ty alala'ty tagna ty anjely ze niseho tama'i Mosesy tamy ty voaroy tegne. ³⁶Nitareke iareo hiala t'Egypta ao ty Mosesy, naho fa boaka nanao fahagagagne naho famantaragne t'Egypta tao le tamy ty ranomasigne mena tegne ka, naho t'ambalike tegne avao agnate ty efapolo taogne. ³⁷Io avao i Mosesy i nirehake tamy ty tarira'i Israely te hoe: "Andrianagnahare le nanangagne mpitoky ho anareo amy ty roahalahe'areo eo, mpitoky manahak'ahy."'³⁸Eke o lahilahy t'anjomban'Agnahare tao'oy t'am-balike tao niarake tamy ty anjely i nirehake tama'e t'am-bohetse'i Sinay tegne'y. Ireke o lahilahy niarake tama'o razantika reo; ireke o lahilahy nandrambe saontsy velogne zaraigne ho antika'o. ³⁹Ireke o lahilahy tsy nitea'o razantika'o; nasio'iareo lavitse iareo reke, naho ty am-po iareo agne le nimpoly t'Egypta agne iareo. ⁴⁰Tama'o fotoagne'o nirehake tama'i Arona iareo te hoe: "Anò Andrianagnahare zahay hitarik'anay, manahake ai'i Mosesy, nitarek'antika hiboake ai'i Egypta'ay, tsy haintika ty ze niseho tama'e."⁴¹Le nanao aomby lahi'e kede iareo tamy ze andro zay naho nanday rakitse tama'o sampy io teo, naho le nifale tamy ty asan-tagna'e iareo. ⁴²Nitolike ty Andrianagnahare naho nagnenga iareo mba ho fideragne o kintagne an-dagnitsy egne, arake ty voasoaratse tamy ty boky ty mpitoky tao: "O inareo vao nagnome ahy biby mate naho fagnomezagne agnete ty efapolo taogne t'am-balike tao, tragno'i Isrealy?⁴³Neke'areo ty tabernakeli'i Moloka naho ty kintan'Andrianagnahare Refana, naho miarake amy ty sare ze ata'areo hanompoagne aze, naho Iraho ty hinday anareo ankoatse i Babylona agne.''⁴⁴Iareo razantika dia nanagne lily folo ty fijoroagne vavolombelogne t'am-balike tagne, arake ty lilin'Andrianagnahare naho fa nisaontsy tama'i Mosesy Reke, i toko'e nata'e nitovy tamy ty fomba fa nitrea'e. ⁴⁵Ingo i tragnolay igne ze nalai'o ranzantika reo, naho nindese'e tama ty tane niarake tama'i Josoa tao, t'agnatreha'o razantika reo teo, o fanagna'o firenena reo ze nandroahan'Andrianagnahare ty tane ze nirambese'iareo ho fanagna'iareo manokagne, nioregne tamy ty tane agnate ty andro'i Davida i tragnolay igne, ⁴⁶naho ireke nahazo fagnomezam-balisoa tamy ty fahavazohoan'Andrianagnahare teo naho nagnontane naho hahatrea teoragne hitobohagne ho an'Andrianagnare'i Jakoba.⁴⁷Fe ie i Salomona ro nagnamboatse ty anjomba ho an'Andrianagnahare. ⁴⁸Ndre izay aza, ty Bey vata'e le tsy mianjomba tao amy ty anjomba vita tamy ty tagnagne, arake ty voareha ty mpitoky te hoe: ⁴⁹"An-dagnits'agne ty hiafarà ty toboko, le ty tane ro fisi'ty tomboko. Tragno hoey ty aià ro afake hamoare'o ho ahy? Hoey ty Tompo, na toeragne hoey ty aià ro hitobohako? ⁵⁰Tsy tagnako vao ro nanao o kila raha iaby reo?⁵¹O ndaty mafe hatoke reo naho tsy voasavatse am-po ao naho sofigne, i nareo le manohetse avao ty Fagnahy Masigne; i nareo le manao manahake ze nata'ty eraza'areo. ⁵²Ia tama'o raza'areo reo ro tsy nagnenjeke mpitoky? Nivinono'iareo ze mpitoky ze niseho taloha'ty fiavia'ty Fahamaregnagne, naho henanik'izay i nareo le lasa mpamadike naho mpamono aze ka, ⁵³i nareo vahoake ze nandrambe ty lalàgne ze napetra'o anjely reo, nefa tsy nitana'areo."⁵⁴Naho fa nahare'o raha reo ze mpikambagne amy ty filan-kevetse ao, tofotse ty fo'iareo, naho le nagnily vazagne iareo tamy ty Stefana. ⁵⁵Fe ie ireke, ze feno Fagnahy Masigne, niandrandra soa i lagnitse'y naho nahatrea ty voninahin'Andrianagnahare, naho nahatrea ai'i Jesosy nijoro t'ankavanan'Andrianagnahare teo. ⁵⁶Stefana nirehake te hoe: "Henteo, treako misokatse o lagnitse reo, naho ty Ana'o ndaty mijoro an-kavanan'Andrianagnahre eo."⁵⁷Teo am'izay le nitampena iareo mpikanmbegne amy ty filan-kevetse ao ty sofi'iareo, naho le nikorake tamy ty feo ze fara'e ambone, nilay mbama'e mbeo iareo. ⁵⁸Tinari'iareo miboake i tanagne'y reke naho le nanomboke nirake vato aze iareo, naho o vavolombelo reo le nametrake ty siki'e tamy ty tombo'i ajaja lahy managnaragne hoe Saoly igne teo.⁵⁹Naho nitorake vato i Stefana iareo, nitoka mafe i Tompo reke le nirehake te hoe: "Tompo Jesosy, raeso ty fagnahike." ⁶⁰Nanongalike reke le nitoka tamy ty feo mafe te hoe: "Tompo, ko tanagne o ze heloke zao hanoheragne iareo." Naho boaka nirehake izay reke le nienten-droro.

Chapter 8

¹Nagneke ty fahafatesa'e ty Saoly. Ka le nanomboke tama'o andro'o ty fagnenjehagne jabajaba hanoheragne ze anjomban'Agnahare t'a Jerosalema tao; naho o kila mpino reo le niparitake magneragne o farits'i Jodia naho i Samaria, ankoatse'o Apostoly reo. ²O lahilahy matahotse an'Andrianagnahare reo le nandevegne ai'i Stefana naho nanao hira fisaognagn'aze. ³Fe ie i Saoly le nanimba vata'e ty anjomban'Agnahare; nitete tragno reke naho nangalake o lahilahy naho ampela reo, le nandefa iareo t'am-pigadragne tagne.⁴Fe ie ze mpino niparitake rey le nandeha nitory ty saontsy. ⁵Le nandeha tamy ty tanàm-be'i Samaria naho nitory ai'i Kristy tama'iareo.⁶Naho fa nahare naho nahatrea o famantaragne ze nata'i Filipo reo i vahaoke maro rey, le nifantake soa tamy ze raha nirineha'e iereo. ⁷Niakatse tama'i maro ze nilira'ey i fagnahy raty rey, nikorake mafe, le maro tama'o malemy naho kepeke reo ro sintragne. ⁸Noho izay le fifaliam-bey ty tama'o tanàm-bey io tao.⁹Fe ie nisy lahilahy raike man'agnaragne hoe Simona tamy ty tanàm-bey tao, vaho betibetike ty nihisa aoly; mateteke nahalatsa o vahoki'i Samaria reke, naho fa nagnambara te ireke le ndaty mana ty lanja'e. ¹⁰O Samaritana iaby reo, manomboke amy ty kede vata'e ka hatramy ty bey vata'e, le nitsendregn'aze soa; le hoe iareo te hoe: "O lahilahy io le i fahefan'Andranagnahare i tinoka hoe Jabajaba." ¹¹Le nitsendrign'aze iareo, satria ireke le nahalatsa iareo fa t'agnate ty fotoagne elaela tamy ty aoly.¹²Fe ie naho fa nino ai'i Filipo iareo noho ireke nitory ty talily soa mahakasiky ty fanjakan'Andrianagnahare naho ty tahina'i Jesosy Kristy, le natao batisa iareo, ndre o lahilahy reo ndre o ampela reo. ¹³Ndre i Simona aza le nino, le tafara ty nanoagne batisa aze le nijanogne niarake tama'i Filipo avao reke. Naho fa nahatrea o famantaragne naho asa jabajaba ze niseho reo reke, le latsa.¹⁴Naho fa nire'o Apostoly reo te nandrambe ty saontsin'Andrianagnahare t'a Jerosalema tao ty Samaria, le nalefa'iareo tama'iareo agne ty Petera naho i Jaona. ¹⁵Naho fa nandeha iareo, le nivavake hoe iareo iareo, mba mety ty handrambesa iareo ty Fagnahy Masigne. ¹⁶Fe ie mandram-piavia ze fotoagne zay, le mbe tsy nisy nirotsaha ty Fagnahy Masigne iaby iareo; fe ie vita batisa tamy ty tahina'i Tompo Jesosy avao heke. ¹⁷Ie naho boakeo le nametrake ty tagna'e tama'iareo ty Petera naho i Joana, naho le nandrambe ty Fagnahy Masigne iareo.¹⁸Naho fa trea'i Simona fa i Fagnahy Masigne'y le natolotse t'an-tana'o apostoly reo teo tamy ty alala ty fametrahan-tagnagne, le nomea'e vola iareo. ¹⁹Hoe reke hoe: "Omeo ahy ka ze fahefagne zay, ka ze ametrahako tagnagne le mete handray ty fagnahy Masigne."²⁰Fe hoe ty Petera tama'e te hoe: "Lonike ho rava miarak'ama'o ty volafoti'o, satria rehe nandinike ty hahazo ty fagnomezan'Andrianagnahare amy ty alala ty vola. ²¹Tsy managne anjara rehe ndre tapa'e amy ze raha zay, satria ty fo'o le tsy marigne aman'Andrianagnahare. ²²Noho izany mibebaha amy ty hadisoa'o, naho mivavaha ama'i Tompo, sao de mba mete hamela ty fagniria ty fo'o Reke. ²³Fa iraho le mahatrea te voamosavy ty lolom-po rehe naho voafehy ty helo'o ka rehe."²⁴Namaly ty Simona naho le nanao ty hoeke: "Mivavaha am'i Tompo ho ahy, mba tsy hisy hiseho amako iaby o raha nirineha'o reo."²⁵Naho fa nijoro vavolom-belogne naho nagnambara ty saonts'i Tompo iareo, le nimpoly t'a Jerosalema tagne ty Petera naho i Jaona, nitory ty talily soa tama'o tanàgne maro t'a Samaritana tao.²⁶Naho le nisy anjeli'i Tompo nirehake tama'i Filipo sady nirehake te hoe: "Mitsangàna naho mandeha magnatimo'o lalagne mizotso boak'a Jerosalema agne mandeha a Gaza." (Ambalik'agne o lalagneo.) ²⁷Le nitsangagne reke le nandeha. Ingo, nisy lahilahy boak'a Etiopia agne, t'an-tapa'i Kandasy, mpanjaka vave'o Etiopiana reo. Ireke ro nitantagne ty harea iaby. ²⁸Le noly reke ka le nitoboke tamy sarete'ey teo, naho namaky ty reha'i Isaia mpitoky.²⁹Nirehake tami'i filipo i fagnahÿ nanao ty hoeke: "Mandehana le ko miala lavitse o sarete'eo." ³⁰Naho le nilay nagnantogen'aze reke, naho nahare azenamaky ty rehake tama'i Isaia mpitoky tao, naho nanao ty hoeke: "Rendre'o avao ao raha vakie'o?" ³¹Nirehake i Etiopiana'ay nanao t hoeke: "Manao akore ty hahafantarako, naho tsy misy ndaty manoro lalagn'agny?" Nangatake i Filipo reke mba hagnantogne i sarete'y naho hitoboke miarake ama'e.³²Le ty andalan-tsoratse masigne ze nivakie'i Etiopiana'y le nanao ty hoeke: "Nandesigne ho vonoegne manahake o aondry io reke, naho le manahake o anak'aondry moagne'o agnatreha ty mpagnitsik'aze ao, noho izay le le tsy nahita raha ho rehefigne reke. ³³Fe ie tamy ty fangalam-baraka aze le nalagne tama'e ty rare'e. Ia ro afake hamaritse vata'e ty ze tarira'e? Noho ty fiai'e nababoke t'an-tane etoy."³⁴Naho izay le nagnantogne'i tandapa'yty Filipo, nanao ty hoeke: "Mialale ama'o raho, ia o ro rehafe'o mpitoky io, ty vata'e avao vao, sa ndaty hafa?" ³⁵Le nanomboke nirehake ty Filipo, naho le nanomboke tamy ze soratse masigne zay ro nitoria'e ty talily soa mahakasike'i Jesosy tama'e.³⁶Naho fa nandeha t'an-dalagn'egne iareo, le nagnantogne tamy ty ze misy rano tegne iareo naho le nanao ty hoeke i tandapa'y: "Ingo, misy rano ty eto. Inogne ro mahasakagn'ahy tsy atao batisa?" ³⁷(Fagnamarihagne: Hoe ty Filipo te: "Naho mino amy ty fo'o manontolo rehe, le afake atao batisa." Namale i Etiopiana'y te hoe: "Mino raho te i Jesosy Kristy ro Anan'Andrianagnahare.") ³⁸Le nampijanogne'i Etiopiana'y i sarete'y. Nizotso amy rano'y egne iareo, i Filipo naho i tandapa'y, naho nata'i Filipo batisa reke.³⁹Naho fa niakatse i rano'y iareo, le nandese ty Fagnahi'i Tompo ty Filipo, le tsy trea'i tandapa'y sasa reke, fe ie nandeha tam-pifaleagne tamy lala'e tegne. ⁴⁰Fe ie ty Filipo le niseho t'Azota tagne naho nitete o faretse'o reke, nitory ty talily soa era'i tanàm-bey iaby igne mandram-piavia ze boaka Kaisaria.

Chapter 9

¹Fe ie i Saoly, le mbe nirehake rabiogne avao mbegne fe ndre hatramy ty famonoagne manohetse o mpiana'i Tompo reo aza, nandeha tamy ty mpisorom-bey tagne ² naho nagnontane aze o taratasy hoey o Sinagoga reo t'a Damaskosy tao, ka naho nahatrea ndre ia ndre ia tamy o lalagne'o eo reke, ndre lahilahy ndre ampela, le indese'e hitoboke a Jerosalema agne iareo.³Nahombe nandeha reke, le izao ty raha niseho naho fa niavy agnila'i Damaskosy teo reke, tampoke teo le avy le nisy hazavagne namirapiratse nagnodidign'aze boaka an-dagnitse agne; ⁴naho le nitonta tamy tane'y teo reke le nahare feo nirehake tama'e te hoe: "Saoly, Saoly, nagnino rehe mangnenjek'ahy io?"⁵Saoly namaly nanao ty hoeke: "Ia rehe, Tompo?" Hoe ty Tompo: "Iraho o Jesosy enjeheo'o avao'o, ⁶fe mitsangàna, mizilira amy o tanàgne'o ao, naho ho rehafigne ama'o ze raha tsy maintsy hata'o." ⁷Nijagaridigne tsy naharehake ze lahilahy niara-dia tama'i Saoly, nahare i feo'oy, fe ie tsy nahatrea ndre ia ndre ia.⁸Nitsangagne boake tamy ty tane ty Saoly, le naho nanokatse ty maso'e reke, le tsy afake nahatrea ndre inogne ndre inogne reke; ka nitantagne'iareo tamy ty tagna'e reke le nandesigne t'a Damaskosy tagne. ⁹Tsy nahatrea agnate ty telo andro, naho tsy nihinan-kanigne reke sady tsy ninon-drano.¹⁰Le nisy mpianatse t'a Damaskosy tao managnaragne ty hoe Ananiasy. Nirehake tama'e tamy ty fahatreavagne i Tompo: "Ananiasy!" Hoe Reke: "Ingo, intoy raho, Tompo." ¹¹Nisaontsy tama'e ty Tompo nanao ty hoeke: "Mitsangana, le mandehana agne amy ty lalagne ze atao ty hoe Mahitsy, le naho fa an-tragno'i Jodasy ao le mangataha ama'i lahilahy boaka Tarsosy agne atao ty hoe Saoly,fa mivavake reke. ¹²Fa nahatrea tamy ty fahatreavagne ty fiavia'o ndaty atao ty hoe Ananiasy reke le hanmetrake ty tagana'e ama'e eo, ka mete hahatrea ndraike reke."¹³Fe ie namaly ty Ananiasy nanao ty hoeke: "Tompo, fa nahare tamy ty maro raho mahakasike'o ndaty io, mahakasike ty raty nata'e tamy ty ndati'o masigne t'a Jerosalema tao. ¹⁴Nanagne fahefagne tama'o loha ty mpisorogne reo reke mba hanambotse ze kila mitoka ty tahina'o eto." ¹⁵Fe ie nisaontsy tama'e ty Tompo nanao ty hoeke: "Mandehana, fa ireke le fitaovagne nijobogneko, mba handay ty agnarako agnatreha'o Jentilisa'ao eo le o mpanjaka naho o tarira'i Israely reo; ¹⁶fa hasehoko aze te hoe manao akure o fijalegne noho ty amy ty agnarako."¹⁷Ka le lasa ty Ananiasy, le nizilike tamy ty tragno tao. Nametrake ty tagna'e tama'e teo, le niraheka reke te hoe: "Roahalahy Saoly, i Tompo Jesosy, i niseho tama'o t'an-dalagne tegne naho fa nimbetoagne rehe'y, ro nagnirak'ahy tatoy mba mete hahatreava'o naho ho feno ty Fagnahy Masigne." ¹⁸Teo naho eo le raha hoe kiram-pia ro avy le niendake tamy ty maso'i Saoly teo, naho le nahatrea reke, nitsangagne reke le natao batisa; ¹⁹le nihinagne reke ka le nahazo hery. Nipetrake niarake tama'o mpianatse reo t'a Damaskosy tao agnate ty andro maro reke.²⁰Avy le nagnambara ai'i Jesosy tamy ty Synagoga tao reke, nagnambara te Ireko ro Anan'Andrianagnahare. ²¹Ze nahare aze iaby le latsa naho nirehake te hoe: "Tsy o ndaty io vao ro namono ze boak'a Jerosalema ze nitoka tama'o agnaragne'o? niavy teto reke mbe nangalake iareo ho rohizagne ho agne amy ty mpisorom-bey." ²²Fe ie lasa nihanahery ty Saoly, naho nampijaly ty Jiosy ze nipetrake t'a Damaskosy tao ka nagnaporofo te i Jesosy ro Kristy.²³Tafara ty andro maromaro, niarake nanao drafitse mba hamono iareo Jiosy. ²⁴Fe ie le avy le nifanta'i Saoly ty tetek'iareo. le niambigne i vavahady andro aman'aligne mba hamono aze iareo. ²⁵Fe nangalak'aze tamy ty hgaligne o mpiana'e rey le nagnenga aze hizotso tamy ty rindriegne, nampizilik'aze tagnaty harogne tao.²⁶Naho fa niavy t'a Jerosalema teo reke, le nagnandragne ty hagnantogne o mpianats'i Saoly reo, nafe natahotse aze iaby iareo, tsy nino te mpianatse reke. ²⁷Fe ie nangalak'aze ty Barnabasy le nanday azy tama'o apostoly reo teo, le nirehake tama iareo reke te hoe manao akore ro nahatreava'i Saoly ai'i Tompo t'an-dalagne tegne naho ty nisaontsia'i Tompo tama'e, le manao akore ka ty nitoria'i Saoly an-kasahiaagne tamy ty tahina'i Jesosy t'a Damaskosy tao.²⁸Nifankatrea tama iareo reke naho fa nizilike naho niboak'i Jerosalema. Nirehake an-kahasahiagne tamy ty tahina'i Jesosy Tompo reke ²⁹le nialy hevetse niarake tama'o Jiosy Grika reo; nefa le mbe niezake ty hamono aze avao iareo. ³⁰Naho fa nifanta'o roahalahy reo zay, le nandesy iareo nizotso t'a Kaisaria tagne reke naho nalefa'e ho a Tarsosy agne reke.³¹Fe ie naho boakeo, ty anjomban'Agnahare nagnaregnagne ze kila Jodia iaby, Galilia, le Samaria nanagne fiadanagne naho voaorigne; naho, nandeha tamy ty tahotse i Tompo naho tamy ty fampiononagne ty Fagnahy Masigne, ka nitombo isake ty anjomban'Agnahare. ³²Le avy zay henanek'izao, naho nandeha nagneragne ze kila faretse manontolo ty Petera, le nandeha nizotso tama'o mpino reo tagne ze nitoboke tamy ty tanà'i Lyda avao ka reke.³³Nahatrea ndaty man'agnara hoe Aenasy tao reke, fa t'am-pandreagne teo avao tagnate ty valo taogne, satria naleme reke. ³⁴Nirehake tama'e ty Petera nanao ty hoeke: "Aenasy, magnasitragn'azo ty Jesosy Kristy. Mitsangàna le amboaro o fandreao'o," naho niarake tam'izay le nitsangagne reke. ³⁵Fe ie ze kila nipetrake t'a Lyda naho t'a Sarona tao iaby le nahatrea i lahilahy ka le nitolike tama'i Tompo iareo.³⁶Le nisy mpianatse raike magn'aragne hoe Tabita t'a Jopa tao, midika hoe "Dorkasy." Nanao asa soa maro o ampela'o naho nanao fagnampiagne feno asa fiantragne ze natà'e hoe ze rarake. Tama'o andro reo le narare reke le nimate; ³⁷naho fa nanasa aze iareo, le napetra'iareo tamy ty efetragno amoby tao reke.³⁸Satria fa nagnarine'i Lyda ty Jopa, le nandrendreke o mpianatse te tao ty Petera, le nandefa ndaty roe tama'e tagne iareo, nangatak'aze: "Miavia ama'ay agne kahe ko asiagne hatak'andro." ³⁹Nitsangagne ty Petera naho nandeha niarake tama'iareo. Naho fa niavy reke, le nitarek'aze tamy ty efetse am-bony tao iareo, naho ze kila tsy mpanambaly iaby nitsangagne t'agnila'e teo nitagny, nanoro aze sikigne naho ty ze lamba nata'o Dorkay reo haihay reke mbe niarake tama'iareo.⁴⁰Nalefa'i Petera t'ambalike agnefatse agne iareo iaby, nanongalike, naho nivavake; boekeo, nitolike tama'i lolo'oy, nirehake reke ty hoeke: "Tabita, mitsangàna." Le namoha ty maso'e reke boakeo, naho nahatrea'i Petera reke le niaregne. ⁴¹Boekeo nanolotse tagnagn'aze ty Petera naho nampitsangagn'aze; naho fa nitoka i mpino rey naho i tsy mpanambaly rey reke, le naseho'e tama'iareo ty fahaveloma'e. ⁴²Lasa fantatse nageragne'i Jopa iaby ze raha zay, le ndaty maro ro nino i Tompo. ⁴³Tam'izay ty Petera le nipetrake andro maromaro niarake tama'i lahilahy raike man'agnaragne hoe Simona t'a Jopa tao, mpandoko holitse.

Chapter 10

¹Le nisy lahilahy raike tamy ty tanà'i Kaisaria tao, man'agnaragne hoe Kornelio, kapiteni'o antoko Miaramila Italiana reo. ²Lahilahy mpivavake reke, i raike midera an'Andrianagnahary reketse ty valy aman'ana'e iaby; nagnome vola maro ai'iareo ze t'agnaty ty tsy fahampeagne tao reke, naho nivavake mandrakariva tamin'Andrianagnahare.³Nagnodidigne ty tamy ty lera faha sivy maraigne teo ho eo, nahatrea mazava tamy ty fahatreavagne anjelin'Andrianagnahare nagnantogn'aze reke. Nanao ty hoeke i anjelÿ tama'e: "Ry Kornelio!" ⁴Nagnente i anjelÿ ty Kornelio naho avy le natahotse ka nirehake te hoe: "Inogne toy, tompoko?" Nirehake tama'e i anjelÿ te hoe: "O vavake'o reo naho o fagnomeza'o reoho ai'ze rarake le tafiakatse ho fagnatem-pahasoavagne agnatrehan'Andrianagnahare eo. ⁵Le magniraha lahilahy ho amy ty tanà'ty Jopa agne mba hangalake i lahilahy raike atao hoe Simona tokavegne hoe Petera. ⁶Mipetrake miarake amy ty mpandoko holitse man'agnaragne hoe Simona reke, amoron-driake egne ty tragno'e."⁷Naho fa lasa i anjely nirehake tama'ey, le nitoka ty roe tama'o mpanompo'e t'an-tragno tao ty Kornelio, naho miaramila mpivavake raike tama'o ze nanompo aze. ⁸Nagnambara tama'iareo ze kila raha niseho ty Kornelio naho nandefa iareo t'a Jopa tagne.⁹Naho nimaraigne nagnodidigne ty lera faha-enigne teo, naho mbe t'an-dalagne tegne iareo ka nagnantogne i tanàgne'y, le niakatse ambony tafon-tragno tegne ty Petera mba hivavake. ¹⁰Nanomboke niha-keregne reke boakeo ka nipay raha ho hanigne, ne naho mbe agnate ty mahandro hanign'aby i ndatÿ, le azo ty nofy reke, ¹¹ka le nahatrea i lagnitse'y nisokatse reke fitahirizagne raike nizotso boak'agne,. manahake o lamba bey io nizotso an-tane etoy, tandrify o zoro'e efatse'o. ¹²Tao ro nisy karazam-biby manan-tomboke efatse naho ze kila raha milaly iaby an-tane etoy, naho ty voron-dagnetse.¹³Le feo nirehake tama'e te hoe: "Mitsangàna, ry Petera, mamonoa le mihinana." ¹⁴Fe ie nirehake ty Petera nanao ty heoke: "Aha, Tompo; mbe tsy nihinagne ze raha tena voarara naho tsy malio raho." ¹⁵Niavy tama'e fagnindroa'e ndraike i feo'oy te hoe: "Ze nihitsahin'Andrianagnahare, le tsy tokavegne te hoe faly." ¹⁶Niseho in-telo zay; ie naho fa niboakeo i fitahirizagne'y le nimpoly niakatse eo naho eo t'an-dagnetse agne¹⁷Naho fa vere hevetse mahakasike ty dika'i nofy nefa trea mivantagne ty Petera, le ingo, ze lahilahy nalefa'i Kornelio nitsangagne aloha'i vavahady eo, boakeo iareo le nagnontane ty tragno'i Simona, ¹⁸le nitoka ka nagnontane te mipetrak'ao ty Simona, i atao te hoe Petera avao ka, na aha.¹⁹Naho mbe nandinike mahaksike i nofÿ ty Petera, le nirehake tama'e i Fagnahÿ te hoe: "Ingo, telo lahy ro mipay azo. (Fagnamarihagne: Ty amy ty dikan-drehake taloha le ty hoeke: "Roe lahy ro mipay azo" na "misy lahilahy ila'e mipay azo.) ²⁰Mitsangàna le mizotsoa ka miaraha ama'iareo. Ko misalasala ty miarake ama'iareo, satriairaho ro nandefa iareo. ²¹Le nizotso tama'o lahilahy reo tagne ty Petera ka nirehaka te hoe: "Iraho o paiave'areo'o. Inogne ty anto ty lia'areo?"²²Hoe iareo te hoe: "I kapiteny tokavigne te hoe Kornelio'oy, lahilahy marigne naho ndaty midera an'Andrianagnahare, naho soa laza amy ty firene'ty Jiosy agne iaby, i nambaran'anjelin'Andrianagnahare mba hampangalak'azo ho an-tragno agne, noho izay le afake mitsandrigne ze hafatse boak'ama'o reke." ²³Le nampandroso iareo naho hijanogne hiarake ama'e ty Petera. Naho maray igne le nitsangagne reke ka niarake tama'iareo, naho ty ila'e tama'iareo roahalahy boak'a Jopa agne le nagnorike aze.²⁴Amy ty andro magnarake le t'a Kaisaria tao iareo. Nimbegne iareo ty Kornelio; tinoka'e iaby ze longo'e naho ze mana'e marinike.²⁵Le tam'izay naho fa nizilike ty Petera, nifankatrea tama'e ty Kornelio naho le niondreke t'an-tombo'e teo mba hidera aze. ²⁶Fe ie nagnampy aze ty Petera, nirehake te hoe: "Mitsangàna! Iraho le ndaty avao ka.²⁷Naho mbe nirehake niarake tama'e ty Petera, le nizilike reke le nahatrea ndaty maro loatse niarake nivory. ²⁸Le hoe reke tama'iareo te hoe: "Ty vata'areo mahafantatse fa tsy ara-dalàgne hoe ty Jiosy ty miara-miasa na mamangy ndaty boak'amy ty firenena hafa. Fe ie Andrianagnahre nanaho tamako fa tsy toko'e hitoka ndaty be hakeo na tsy malio raho. ²⁹Izay ty anto'e niaviako tsy nisy sakatsakagne, naho fa nirahegne Raho. Ka magnontane anareo Raho te hoe nagnino nareo ro magnirake ho ahy."³⁰Nirehake ty Kornelio nanao ty hoeke: "Efatse andro mialoha'ze lera zao vata'e, le nivavake t'an-tragnoko tao raho tamy ty lera fahasivy; le nahatrea, lahilahy raike nitsangagne t'agnatrehako nanao sikigne namirapiratse. ³¹Le hoe reke: 'Ry Kornelio, fa onin'Andrianagnahare i vava'oy, le o fagnomeza'o hoe ze rarake reo le nampahatiaro an'Andrianagnahare ty mahakasik'azo. ³²Noho izay le magniraha ndaty ho a Jopa agne, le ampiavio ama'o agne i lahilahy atao hoe Simona ze tokovigne hoe Petera avao ka. Mipetrake an-tragno'i Simona mpandoko holitse ao atao hoe: Simona reke, i amoron-driake egne'y.' (Fagnamarihagne: Ty dikan-drehake taloha le magnampe hoe: "Naho fa niavy Reke, le hisaontsy ama'o." ³³Le avy le nalefako ho azo. Soa ty fiavia'o. Le henanek'izao, itika iaby niavy agnatrehan'Andrianagnahare eto, mba hitsendregne ze nisaontsi'i Tompo anareo ro rehefegne." (Fagnamarihagne: "Naho ho toko'e ho: "nisaontsi'i Tompo ro rehafigne" ro eo, le ty dikan-drehake taloha le te hoe: "nisaontsin'Andrianagnahare ro rehefigne.")³⁴Boakeo le nanokatse ty vava'e ty Petera naho nirehake te hoe: "Maregne vata'e, fantako te Andrianagnahare le tsy miangatse ndre amin'ia ndre amin'ia. ³⁵Fe ie ka, amy ty firenena kiraikiraike agne ndre aia ndre aia ro midera naho manao asa maregne le eke'e iaby.³⁶Fanta'areo i hafatse ze nalefa'e hoe ze ndaty i Isrealy, naho fa magnambara talily soa mahakasike ty fiadanagne boaka amy ty alala'i Jesosy Kristy reke, i Tompo'ze kila'o ndaty- ³⁷I nareo tegna'areo le mahafantatse ze raha niseho, ze tena niseho tamy ty ze kila toeragne t'a Jopa tao iaby, nanomboke t'a Galilia tagne, tafa'ty batisa ze nambara'i Jaona; ³⁸o raha niseho mahakasike an'i Jesosi'i Nazareta, ty fomba nagnosoragnan'Andrianagnahare aze tamy ty Fagnahy MAsigne naho tamy ty hery. Nandeha nano soa reke sady nagnasitragne ze kila voarohi'i devoly iaby, satria niarake tama'e ty Andrianagnahare.³⁹Itika le vavolombelo'ze kila raha nivita'i Jesosy iaby, tamy ty tane'o Jiosy io tagne naho t'a Jerosalema tagne. Nivinono iareo Reke tamy ty alala'ty fagnantognagn'Aze tamy ty hazonajale teo, ⁴⁰fe ie Andrianagnahare nanangagn'Aze tamy ty andro fahatelo naho nanao ze haharendrehagn'Aze, ⁴¹tsy o ndaty reo iaby, fa o vavolombelogne ze voafilin'Andrianagnahare mialoha- tamintika ze nihinagne naho ninogne niarake tama'e tafara'ty naha-vagnom-belo Aze.⁴²Nandily anay Reke mba hagnambara ami'ze ndaty naho hijoro vavolombelogne fa Ireke o raike nijobognen'Andrianagnahare ho Mpitsara'ty velogne naho ty mate. ⁴³Ho Aze ro hijoroa'ze mpitoky iaby vavolombelogne, mba ho ze o mino Aze ro handrambe famelan-keloke amy ty alala'ty tahina'e.⁴⁴Naho mbe nirehake ze raha zay ty Petera, le nirotsake tama'ze iareo ze nitsendregne ty Fagnahy Masigne. ⁴⁵O ndaty tagnate ty vondro'ty mpino voasavatse- o ze kila niarake tama'i Petera reo iaby- le latsa, satria ty fagnomeza'ty Fagnahy Masigne le narotsake hoe ty Jentilisa avao ka.⁴⁶Fe ie re'iareo ze Jentilisa mirehake ama'ze firehake hafa zay naho mankalaza an'Andrianagnahare. Le namaly ty Petera nanao ty hoeke: ⁴⁷Fe ie vao misy ndaty afake mitanjake rano mba tsy hanovagne batisa iareo, o ndaty ze nandrambe ty Fagnahy Masigne manahake antika ka? ⁴⁸Le nandily aze iareo mba hatao batisa amy ty tahina'i Jesosy Kristy reke. Le nangatake aze iareo mba hipetrake hiarake ama'iareo agnaty ty andro tsy ampeampe.

Chapter 11

¹Le o apostoly naho o roahalahy ze t'a Jodia tagne nahare te o Jentilisa reo ka le nandrambe ty Saontsin'Andrianagnahare. ²Naho fa niakatse t'a Jerosalema tagne ty Petera, ze tamy ty antoko'ze voasavatse reo le nandatsa aze; ³hoe iareo te: "Irehe nikambagne niarake tama'o lahilahy tsy voasavatse sady nihinagne niarake tama'iareo!"⁴Fe ie nanomboke nagnazava ze raha niseho tama'iareo tamy ty antsipiriha'e ty Petera; hoe reke te hoe: ⁵"Nivavake tamy ty tanà'ty Jopa tagne raho, le niazo ty tsindrimandre ty amy ty fisian-draha raike ze nizotso, manahake ty lamba bey nazotso boak'an-dagnitse agne tama'o zoro efatse reo raho. Nizotso tamalo teo zao. ⁶Nagnente izay raho le nandinike mahakasike izay. Nahatrea ze biby mana tomboke efatsy ty tane, ze bibin'ala, ze biby milaly, naho ze biby voron-dagnitse.⁷Ie naho niboakeo raho nahare feo nirehake tamako te hoe: "Mitsangàna, ry Petera; mamonoa le mihinàna." ⁸Hoe raho te: "Aha, ry Tompo; fe ie mbe tsy nisy raha tena tsy masigne na maloto nizilike t'am-bavako tao." ⁹Fe ie i feo'oy namaly ndraike boak'an-dagnitsy agne nanao ty hoeke: "Ze natalilin'Andrianagnahare fa malio, ko tokavegne hoe maloto." ¹⁰Niseho in-telo zay, le ie naho niavy eo le nampiakaregne nimpoly an-dagnitse agne ndraike i raha rey.¹¹Ingo, teo naho eo le nisy telo lahy nitsangagne tagnatreha'ty tragno ze nisy anay teo; nalefa boak'a Kaisaria tagne ho amako atoke iareo. ¹²Nandily ahy hiarake ama'iareo i Fagnahÿ, le tsy toko'e hisalasala ama'iareo raho. O roahalahy enigne reo le nandeha niarake tamako, naho nandeha t'an-tragno'i lahilahÿ tao zahay. ¹³Nirehake tama'ay reke ty nahatreava'e anjely raike nitsangagne t'an-tragno tao le nirehake te hoe: "Migniraha lahilahy a Jopa agne le andeso mimpoly ty Simona tokavigne hoe Petera. ¹⁴Hagnambara hafatse raike ama'o reke hagnavots'azo - irehe naho ze tarana'o iaby."¹⁵Naho fa nanomboke nirehake tama'iareo raho, le nirotsake tama'iareo ty Fagnahy Msigne, manahake ty nirotsaha'e tama'ay t'am-boaloha'e tagne. ¹⁶Tiaroko i saontsi'i Tompo, nisaontsia'e te hoe: "Jaona nanao batisa tamy ty rano vata'e; fa i nareo le mila hatao batisa amy ty Fagnahy Masigne ao."¹⁷Ka naho Andrianagnahare nagnome aze o fagnomezagne mitovy amy ze nome'e antika tamin'tika ninoai'i Tompo Jesosy Kristy, ia raho, ro ho afake hanohetse an'Andrianagnahare?" ¹⁸Naho fa re'iareo ze raha zay, tsy nirehake ndre ino ndre inogne handesy mamaly iareo, fe ie nidera an'Andrianagnahare ka iareo naho nirehake te hoe: "Le Andrianagnahare nagnome fibebahagne ho fiaignagne hoe'o Jentilisa'o avao ka."¹⁹Le o ze naparitake noho ty fagnenjehagne nanomboke tamy ty fahafatesa'i Stefana le niely lavitse t'a Foinika tagne, Kyprosy, naho a Antioka, fa iareo le nagnambara ty hafatse mahakasike ai'i Jesosy tama'o Jiosy reo avao. ²⁰Fe ie ty ila'e tama'iareo, o lahilahy boak'a Kyprosy agne reo naho Kyrena, le nandeha t'Antioka agne le nirehake tama'o Grika'ao avao ka, nagnambara tama'iareo ty talily soa mahakasike'i Tompo Jesosy. ²¹Niarake tama'iareo ty fità'i Tompo; maro iake ty nino naho nitolike tama'i Tompo.²²Ze vaovao mahakasik'aze reo le niavy an-tsofi'ze anjomban'Agnahare t'a Jerosalema tao, naho nagnirake'i Barnabasy iareo hatragne Antioka. ²³Naho fa niavy reke ka nahatrea ty fagnomezan'Andrianagnahare, le falefale reke; le nampahery iareo iaby reke mba hiorigne miarake ama'i Tompo amy ty fo'iareo iaby. ²⁴Satria lahilahy soa sady feno Fagnahy Masigne naho finoagne, le ndaty maro ro niampe hoe'i Tompo.²⁵Le nandeha t'a Tarsosy tagne ty Barnabasy mba hipay ai'i Saoly. ²⁶Naho fa trea'e reke, le nandese'e t'Antioka agne. Le feno tao'e raike niara-niasa t'anjomban'Agnahare teo iareo roe lahy ka nampianatse ndaty maro. Kristiana voaloha'e t'Antioka tao ty nitokavagne ze mpianatse.²⁷Le tama'ze andro zay le nisy mpitoky maromaro boak'a Jerosalema agne nandeha t'Antioka agne. ²⁸Le nitsangagne ty raike ama'iareo, i Agabo ty itokavagn'aze, le nagnambarà ty Fagnahy fa hisy keregne vata'e ho avy magneran-tane. Niseho zay tamy ty andro'i Klaodio.²⁹Noho izay, ze mpianatse, arake ty fahafaha'ty kiraikiraike iaby, le nanapa-kevetse ty handefa fagnampiagne hoe'o roahalahy t'a Joda agne. ³⁰Nanao izay iareo; nandefa vola hoe'o zoke'o ndaty reo iareo tamy ty tanà'i Barnabasy naho i Saoly.

Chapter 12

¹Le tami'ze andro zay ty Heroda mpanjaka nanambotse o ila'e ze ai'o anjomban'Agnahare mba hahafaha'e mampijale iareo. ²Nivinono'e tamy ty mesa ty Jakoba roahalahi'i Jaona.³Le naho fa nitrea'e te nahafale o Jiosy reo zay, le nanao ze hanamboragne ai'i Petera ka reke. Izay le naharetse amy ty andro'ty mofo tsy misy masirasira. ⁴Naho fa nivoasambotse reke, le nata'e am-pigadragne agne reke naho nijobogne miaramila efatse toko hiambigne aze, nagniry ty hanolotse aze amy ze ze ndaty eo reke naho fa vita Paska.⁵Noho izay le nitanagne am-pigadragne ao avao ty Petera, nihamafese'ze t'anjomban'Agnahare tao ty vavake ze natà'iareo tamin'Andrianagnahare ho aze. ⁶Tamy ty haligne aloha'ty handesa'i Heroda aze ho tsaraigne'y, le natory t'agnivo'i miaramila roe rey teo ty Petera, nirohy seny roe, naho mbe nijanogne niambigne'i fogadragne'y i mpiambegne rey t'aloha'i varavaragne'y teo.⁷Ingo, nisy anjeli'i Tompo niseho tampoke t'agnila'e teo, le nisy fahazavagne namiratse ty t'agnate'i efetse'i figadragne'y tao. Nikiboke'i Petera tamy ty ila'e teo reke naho namoha aze ka nanao ty hoeke: "Mitsangàna malaky", le niala t'an-tagna'e tegne i senyrey. ⁸Nirehake tama'e i anjelÿ te hoe: "Ampisikino ty vata'o le agnisio i kiraro'oy." Le natà'i Petera iaby zay. Nirehake tama'e i anjelÿ te hoe: "Isikino ty siki'o ivela'e le magnaraha ahy."⁹Niboake ty Petera le nagnarake'i anjelÿ. Tsy hai'e te ze raha natà'i anjelÿ le tena maregne iaby. Nandinike reke te mifota-mandre. ¹⁰Naho fa boaka nandriogne tamy ty mpiambegne voaloha naho faharoe teo iareo, le niavy tami'i vavahady vigne potike an-tanàgn'agne'y; nisokake ho aze hoe iareo zay. Niboake iareo le nizotso tamy ty lalagne raike, le nenga'i anjelÿ reke naho fa boakeo.¹¹Naho fa nimpoly amy tyvata'e ty Petera, nirehake reke te hoe: "Fantako vata'e henanik'izay te i Tompo ro nandefa i anjelÿ naho nagnafake ahe tamy ty tanà'i Heroda, naho tamy ze kila raha nilignasa'i Jesosy hiseho iaby. ¹²Naho fa nitamberen-tsaigne tam'izay reke, le nandeha t'an-tragno'i Maria rene'i Jaona tagne, takovegne ka te hoe Marka, i nisy ndaty maro nivory naho nivavake.¹³Naho fa nandondogne t'am-bavahady teo reke, nisy ondevo vavy raike atao hoe Roda niavy nanokak'aze. ¹⁴Naho fa fanta'e ty feo'i Petera, tamy ty hafaleagne le avy le tsy nivoavoha'e i varavara'y; fe ie ka, nandeha nilay t'an-tragno agne reke, nambara'e te i Petera nijoro t'am-bavaravaragne teo. ¹⁵Le nirehake tama'e iareo te hoe: "Gege rehe." Nizizo mafe reke te izay ro izy. Nirehake iareo te hoe: "Ty anjeli'e zay."¹⁶Fe ie tsy nijanogne ty nandondogne ty Petera, naho fa vinoha'iareo i varavaragne'y, le nahatrea azy iareo naho latsan-draha. ¹⁷Nagnetseke ty tagna'e tama'iareo ty Petera mba tsy hirehake, le nambara'e tama'iareo ty fomba nagnandesa'i Tompo azy niakatse i figadragne'y. Hoe reke te: "Atalilio'areo am'i Jakoba agne naho o roahalahe reo ze raha zao." Le nisintake reke le nandeha tamy ty toeragne hafa tagne.¹⁸Naho fa nibeake i andro'y , le tsy mba nisy fo taitse ndre kede ty tama'o ze miaramila teo tamy ze raha niseho tama'i Petera. ¹⁹Naho niavy nipay azy ty Heroda le tsy nahatrea aze, nagnadigne i mpiambegne rey reke naho nandily iareo mba ho vonoegne. Le nizotso boak'a Jodia agne nandeha a Kaisaria agne reke naho le lia'e nitoboke agne.²⁰Niboseke mafe ty Heroda tama'o vahoake'i Tyra naho Sidona. Niarake nandeha ama'e agne iareo. Nandrese lahatse ai'i Blasto iareo, i mpagnampe'i mpanjaka'y, mba hagnampe iareo. Le nangatake filongoagne iareo, satria i tanà'iareo'y mandrambe ze hanigne boak'ama'i mpanjaka'o tanàgne'o. ²¹Tamy ty andro voatondro'i Heroda le nampisikigne ty tegna'e sikina mpanjaka naho nipetrake tamy ty seza fiandriagnagne teo; nikabaro tama'iareo reke.²²Nagnorentsegne i vahoake rey: "Feon'Andrianagnahare zao, fa tsy an'o ndaty!" ²³Teo naho eo le avy le nisy anjeli'i Tompo namele aze; satria tsy nagnome volonahitse an'Andrianagnahare reke; nihane ty soko reke le nimate.²⁴Fe ie ty saontsin'Andrianagnahare nitombo naho nihamaro. ²⁵Ka naho fa vita'i Barnabasy naho i Saoly ze irake nampanaovegne iareo, le nimpoly baok'agne [T'ila'e ama'o dika soaratse tranaigne mirehake te hoe: "Nimpoly t'a Jerosalema tagne iareo] Jerosalema iareo, nanday ai'i Jaona niarake tama'iareo, i tokavegne te hoe Marka avao ka.

Chapter 13

¹Le tamy ty anjomban'Agnahare t'Antioka tao, le nisy mpitoky naho mpampianatse maro ty tao. Barnabasy iareo, Simona (i tokavegne te hoe Nigera), Lisiosa boak'ama'i Sirena, Manaena (i roahalahe ze niolonono tama'i Herada mpanapake), naho i Saoly. ²Naho mbe nidera ai'i Tompo naho nifily hanigne iareo, nirehake te heoke i Fagnahy Masigne'y: "Atokano ho ahike ty Barnabasy naho i Saoly, mba hanao ze asa nampanoeko iareo." ³Tafara ty nifalia'iareo hanigne, le ty nivavaha'e, naho ty nametraha'iareo tagnagne tama'o lahilahy reo, nalefa'iareo iareo.⁴Ka nagneke i Fagnahy Masigne'y ty Barnabasy naho i Saoly naho le nandeha nizotso t'a Selosia tagne; naho fa niavy tegny iareo le nijogne sambo ho amy ty nosi'i Sipra agne. ⁵Naho fa tami'i tanà'i Salamina tao iareo, le nitory ty saontsin'Andrianagnahare tamy ty Synagoga'o Jiosy reo tao iareo. Naho nanagne'i Jaona Marka ka iareo mba ho mpagnampe iareo.⁶Le naho fa nanapatapake i nosÿ raike'y manontolo mb'a Pafosy agne iareo, le nhatrea mpanao aoly, mpitoky Jiosy sandoke io, ty agnara'e le i Bara Jesosy. ⁷Mpanao aoly nara-niasa tama'o goverinora reo, i Serjio Paolosy, lahilahy tena mahay. Nisambori'o lahilahy io ty Barnabasy naho i Saoly, satria te hahare ty saontsin'Andrianagnahare reke. ⁸Fe ie i nanohetse iareo ty Elimasy "mpanao aoly" (zay ty nandikagne ty agnara'e); naho le niezake ty hagnodigne'i governora hiala amy ty finoa'e reke.⁹Fe ie i Saoly, tokavegne avao ka te hoe Paoly, le feno ty Fagnahy Masigne, naho nametsevetse azy soa. ¹⁰Naho nirehake te hoe: "Ihe ry ana'ty Devoly, ama'o egne iaby ze karazam-pitagne naho ze kila haratiagne iaby. Tsy hijanogne ty hampiadake ty lala-mahiti'i Tompo marigne rehe, sa tsy izay vao?¹¹Fe ie henanek'izao, ama'o eo ty fita'i Tompo, ka ho goa rehe. Naho tsy hahatrea i masoandro'oy aloha rehe. "Teo naho eo le nilatsake tama'i Elimasy tao ty fanjavognagne naho ty iegne; nanomboke nirerirery naho nangatake tamy ze ndaty reke mba hitarik'azy amy ty tagna'e. ¹²Naho fa nahatrea ze raha niseho ty governora, le nino reke, satria latsa tamy ty fampianaragne mahakasike'i Tompo reke.¹³Nandeha niondra sambo boak'a Pafosy mb'ami'i Perga a Pafilia agne ty Paoly naho ty nama'e. Fe ie ka i Jaona nagnenga iareo naho nimpoly t'a Jerosalema tagne. ¹⁴I Paoly naho i nama'e rey le nandeha boak'a Perga tagne naho nandeha Antioka'i Pisidia agne. naho fa tao le nandeha tamy ty Synagoga agne tamy ty andro Sabata iareo le nitoboke. ¹⁵Tafara ty famakiagne ty lily naho ty mpitoky, le nandefa hahafatse tam'iareo tagne ty mpitarike naho ty Synagoga nirehake te hoe: "Ry roahalahy, naho managne hafatse fampaherezegne hoe'o ndaty eto reo nareo, le rehafo'areo."¹⁶Ka nitsangagne ty Paoly naho nanao fihetseke tamy ty tagnagne, nirehake te hoe: "Ry tarira'i Israely naho i nareo ze nagnome volonahitse an'Andrianagnahare, mitsandregna. ¹⁷Ty Andrianagnahare'ty tarira'i Israely le nijobogne ty raentika naho nampitombo iake ty ndaty naho fa nipetrake tamy ty tane'i Egypta tao, le tamy ty fanandratagne ty sandri'e ro nitariha'e iareo hiboake ty ao. ¹⁸Le tagnate ty efapolo taogne teo ho eo ro nandefera'e iareo t'agnefetse agne. (Fagnamarihagne: Ty dikan-drhake taloha le nivakiegne manahake izao: "Tagnate ty efapolo taogne eo ho eo le niahy iareo t'agnefetse tagne reke.")¹⁹Naho fa niavy nandrava firenena fito tamy ty tane Kanana tagne reke, le nomea'e o vahoantikao i tane'iareo'oy mba ho lova. ²⁰Ze raha iaby niseho zay lefa tamy ty faha dimampolo amy efa-jato taogne. Tafara'ze raha iaby zay, Andrianagnahare nagnome mpitsara iareo mandram-piavia'i Samoela mpitoky.²¹Le boakeo nangatake mpanjaka i vahoake rey, le Andrianagnahare nagnome iareo ai'i Saoly anakilahi'i KIsa, lahilahy boaka amy ty foko'i Benjamina, mba ho mpanjaka agnate ty efapolo taogne. ²²Ie naho niboakeo nalan'Andrianagnahare tamy ty fanjaka'e teo reke, ka nanandratse ai'i Davida mba ho mpanjaka'iareo. Fa izay ro nisaontsin'Andrianagnahare mahakasike'i Davida te hoe: "Fa nahatrea ai'i Davida ana'i Jesea raho mba ho ndaty ty tarira, i hanao ze kila raha teako hata'e.²³Fa boak'ama'ty tarira'o lahilahy io ro hagnandesan'Andrianagnahare mpagnavotse hoe'i Israely, le i Jesosy zay, arake ze fa nampagnantegnai'e hatao. ²⁴Nanomboke niseho zay , taloha'ty niavia'i Jesosy, nagnambara voaloha'e tama'ze kila vahoak'Israely iaby mahakasike ty batisa'ty fibebahagne ty Jaona. ²⁵Satria fa nahavita ty asa'e ty Jaona, le hoe reke: "Ia ty fandiniha'areo ahy? Tsy iraho ro ie. Fa tsandregno, hisy rake ho avy boak'afarako ao, le ty kiraro'ty fandia'ey le tsy hahamendreke ahy ty hamaha aze.²⁶Ry roahalahy, anake boak'amy ty tarira'i Abrahama, naho ze midera an'Andrianagnahare iaby ama'areo, ho antika ro nandefasagne ze hafatse mahakasike ty famonjeagne zay. ²⁷Fe ie o ze mipetrake a Jerosalema agne reo, naho ty mpitarik'iareo, le tsy nahay Aze, ka tanterah'iareo i voareha'i mitoky vakiegne isake Sabata avao'oy ty amy ty fagnenjehagn'Aze.²⁸Ndre tsy mahatrea anto'e soa hamonoagn'Azy aza iareo, le nangatake tama'i Pilaty avao ka mba hamono Azy. ²⁹Naho fa tantera'iareo ze kila raha iaby voasoratsy mahakasik'Aze, le nazotso iareo tamy ty hazo tegne Reke naho nampandre'e t'ampasagne tao.³⁰Fe ie nivagnognem-belon'Andrianahare Reke. ³¹Le hita'o ze niarake niakatse tama'e boak'a Galilia tagne mandeha a Jerosalema agne Reke agnate ty andro maromaro. Le henanik'izao le o ndaty reo ro vavolombelo'e hoe'ty ndaty.³²Naho izay zahay mirehake ama'areo ty talily soa ze nampagnantegnain'Andrianagnahare tama'ty raintika i fa tantera'e ho antika, ³³ana'iareo, tamy ty namagnogna'e ai'i Jesosy. Arake ze fa voasoaratse amy ty Salamo faharoa ao te hoe: 'Anako rehe, am'izo le ho lasa Rae'o raho.' ³⁴Ty anto'e namagnognam-belo Aze le ty tsy hahasimba mandrakizay ty vata'e, nisaontsy nanao ty hoeke ty Andrianagnahare: 'Homeko anareo ty fitahiagne masigne naho azo antoke nampagnantegnaigne ai'i Davida.'³⁵Izay avao ka ro nahavy Aze nisaontsy tamy ty Salamo hafa tao te hoe: "Tsy hagnenga ty Masigne hahatrea ty lo rehe." ³⁶Satria naho fa nagnatanterake ze fagnirian'Andrianagnahare hoe'o tarira'i Davida'ao le niazon-tory reke, ka nampandregne niarake tama'o rae reo reke le nihalogne ty vata'e. ³⁷Fe ie ze natsangan'Andrianagnahare le tsy nisy faharavagne.³⁸Ka ao ho fanta'areo zay, ry rohalahy, fa tamy ty alala'o lahilahy io ro nagnambaragne tama'areo ty famelagne ty hakeo. ³⁹Amy ty alala'e ze o ndaty kirairaike ze mino le voamaregne amy ty ze kila raha iaby ze mete tsy ho voamare'o lili'i Mosesy io.⁴⁰Ka mitaoa mba tsy hiseho ama'areo ze raha nirineha'ty mpitoky te hoe: ⁴¹"Ingo, i nareo ry mpanao tsinotsinogne, le ho latsa naho ho robake. Fe ie Iraho manao asa amy ty andro'areo, Asa tsy ninoa'areo maregne, ndre misy ndaty magnambara azy ama'areo aza.⁴²Naho fa lasa ty Barnabasy naho i Paoly, le nangatake iareo i ndaty rey mba hitalilia'iareo o rehake reo avao amy ty Sabata magnarake. ⁴³Naho fa tapitse ty fivoriagne tamy ty Synagoga tao, le maro tama'o Jiosy reo naho o Proselita mafana fo ro nagnarak'i Paoly naho i Barnabasy, i nirehake tama'iareo naho nandrisike aze mba hanohy tamy ty fahasoavan'Andrianagnahare tao.⁴⁴Tamy ty Sabata magnarake, le natao ho i tanàn-draike'y ro niarake niangogne mba hitsendregne ty saontsi'i Tompo. ⁴⁵Naho fa nahatrea i vahoake rey o Jiosy reo, le feno fialognagne iareo naho nirehake nanohetse ze raha nirineha'i Paoly naho nitsikike aze.⁴⁶Fe ie nirehake ankahasahiagne ty Paoly naho i Barnabasy naho nanao ty hoeke: "Paiavegne ho voa talily ama'areo mialoha ty saontsin'Andrianagnahare. Fe ie naho fa manosike izay nareo naho mandinike ty tegna'areo ho ts mendreke ty fiaignagne mandrakizay, le ingo, himpoly ama'o Jentilisa ao agne zahay. ⁴⁷Arake ze fa nandilia'i Tompo anay, manao ty hoeke: "Napetrako mba ho fahazava'o Jentilisa'ao nareo, izay ro toko'e hindesa'areo famonjeagne hoe'o ze amy ty fara-vazan-tane agne."⁴⁸Naho fa naharey izay o Jentilisa'o, le ny fale naho nidera ty saontsy i Tompo. Le tsiefa ty nino naho ty voafily ho amy ty finoagne ty fiaignagne mandrakizay. ⁴⁹Le ny paritake magneragne i faritse'y ty saontsy i Tompo.⁵⁰Fe ie o Jiosy io ka nandrisike o ampela mahery-fo naho man-danja'o, naho o lahilahy mpitarike t'an-tanàgn'ao. Izay le niterake fagnejehagne i Paoly naho i Barnabasy naho le nanorake iareo ambalike sisin-tane i tanàgne'y ao. ⁵¹Fe ie i Paoly naho i Barnabasy nagnitsagne ty bon-tane tamy ty tombo iareo mba hanoheragne iareo. Boakeo iareo le nandeha amy ty tanà i Ikoniama. ⁵²Le ny feno hafaleagne naho Fanahy masigne i mpianatse rey.

Chapter 14

¹Le tam'izay le ta Ikonioma ty Paoly naho i Barnabasy le nindre nilitse tamy Synagoga o Jiosy io tao le nirehake tam-pahazotoagne le ty vahoake tsiefa Jiosy naho Grika le nino. ²Fe ie ty Jiosy ze ts nankato le nagnakorotagne ty fisaigna ty Jentisa le nahavy iareo hanohetse o roahalahe'e reo.³Le nitoboke ela teo iareo, le nahasaky nirehake tamy ty hery i Tompo, tamy-ty nagnomezae porofo mahakasike ty hafatse amy ty fahasoavae. Nanao izay Reke tama-ty alala-ty famantaragne naho ty fahagagagne natao tama-ty alala-ty tana i Paoly naho i Barnabasy. ⁴Fe ie ty ankamaroae i tanàgne'y le nizarazara: ty ndaty ilae nandietse tama-o Jiosy reo, le tilae nindre tama-o apostoly reo.⁵Naho fa nagnadragne nandrese lahatse o mpitarike azeo o Jentilisa'o naho o Jiosy'o mba hamono naho hitora-bato i Paoly naho i Barnabasy,⁶le nietake iareo naho nialy malaky t'an-tanà i Lykaonia, Lystra naho i Derbe tao, naho o tanàgne magnodidige faritseo,⁷ le tagne iareo ro nitalily ty filazantsara.⁸Nisy lahilahy raike nitoboke ta Lystra tao, maleme ty tomboe,boake an-tron-drene'e agne,fa ts nandeha hatram'izay. ⁹O lahilahy io naharey i Paoly nirehake. Paoly nagnatreke aze soa ta masoe teo le nahita fa managne finoagne ho sitragne reke. ¹⁰Le nirehake tama iareo tamy ty feo mafe te hoe: "Mitsangàna amy tomboy." Naho ny boakeo i lahilahy le niambotsambotsake naho le nandeha tamy magnodidigne teo.¹¹Naho fa nahatrea ty raha natao i Paoly o vahoake tsiefao le nagnandratse ty feo'e iareo,nirehake tama ty firehake Lykonia te hoe: "Nijotso boake an-dagnetse agne ho aman-tika amy ty endre-ondaty o Andrianagnahare'o." ¹²Le nitokave iareo hoe "Jopitra" ty Barabasy, le i Paoly "Merkory", satria reke ro mpandaha-drehake. ¹³Ty mpisoro i Jopitera, ei i Anjomban'Agnahare le tambalike i tanàgne tao, le ninday agnombe naho fehiloha vigne t'ambavahady teo;reke naho ty vahoake tsiefa nagniry ty hagnomey sorogne.¹⁴Fa i apostoly, Barnabasy naho i Paoly, naho fa naharey izay le nititike ty akanjo iareo le nandeha agnate vahoake'y ao malaky, nitaraigne naho nirehake te hoe: ¹⁵"O lahilahy, nagnino nareo manao raha hoizao?Izahay ka nio mba olombelogne maherey maharare manahake anareo ka. Izahay minday filazantsara ho anareo,mba hitoliha areo hisintake am'izao zava-poagne zao ho aman'Andrianagnahare velogne, i nagnamboatse i lagnitse'y, i tane'y, naho i ranomasigne naho ty raha iaby ama- ao.¹⁶ Tama-ty andro taolo,le nenga'e nandeha tamy ty lala'e manokagne iaby firenena rey.¹⁷Fe ie, Reke le ts nagneke ty vatae tsy hisy vavolombelogne, tao am'izay le nanao ty soa Reke naho le nagnome'y anareo ranon'oragne boake an-dagnitsagne naho vanim-potoagne hahavokaragne, ka hagnome'y ty fo areo amy ty hanegne naho ty hafaleagne." ¹⁸Fe ie na le tamy ze rehake zay aza, Paoly naho i Barnabasy le ts nijanogne ty nandritse vahoake tsiefa tsy hanao sorogne hoe iareo.¹⁹Fa ty Jiosy ilae boake a Antiokia naho Ikonioma ao le niavy naho le nandrese lahatse i vahoake'y. Iareo le nitora-bato i Paoly naho nitarike aze hiakatse i tanàgne'y, le nandineke aze fa mate reke. ²⁰Naho mbe nitsangagne nagnodidigne aze teo o mpianatse'o, le ny tsangagne reke le nilitse a tanàgne agne. Naho ny amaray, le nandeha ho a Derbe nindre tama i Barnabasy reke.²¹Boakeo iareo nitalily ty filazantsara tao amy ze tanàgne zay le nahazo mpianatse tsiefa, nimpoly ta Lystra tao iareo, le ta Ikonioma, naho t'Antiokia. ²²Iareo le nanohy nampahery ty fagnahy o mpianatse reo naho nampiriseke aze mba hanohy ao amy ty finoagne, ro sady nirehake fa: "Tsy maintsy fijaleagne be'y ro hilirantika ao amy ty fanjakan'Andrianagnahare ao."²³Naho fa nijobogne lohologne hoe iareo teo amy ty isam-piangonana iareo, naho nivavake tamy ty fifalian-kanegne, le natolo iareo hoe i Tompo zay, ze ninoa iareo. ²⁴Le nandalo tama i Pisidia iareo le niavy tao ka ty Panfilia.²⁵ Naho fa nitalily ta Perga iareo, le nandeha nizotso ta Atalia agne. ²⁶Boake agne iareo ro nandeha sambo nizotso ho a Antiokia agne, i nahazahaoa iareo ty fahasoavan'Andrianagnahare hoe ty asa ze fa nivita iareo am'izao.²⁷Naho fa niavy t'Antioka tao iareo naho namory niarake ty anjomban'Agnahare, le nitalily ze kila raha vitan'Andrianagnahare tama'iareo iaby, naho te hoeke manao akore ty nanokafa'e ty varavara'ty finoagne hoe'o Jentilisa reo. ²⁸Le nijanogne agnate ty fotoagne ela niarake tama'o mpianatse rey iareo.

Chapter 15

¹Ty ndaty ila'e le boak'a Jodia tagne hatr'Antiokia naho nampinatse'o roahalahy reo, ka nirehake te hoeke: "Naho tsy vita savatse arake ty fomba fatà'i Mosesy nareo, le ts ho voavonjy nareo." ²Izay le nanday ai'i Paoly naho i Barnabasy tagnaty ty fifandieragne tao naho aly hevetse tama'iareo. Noho izay ty Paoly naho i Barnabasy le nivoajobogne niarake tamy ty sasa'e hafa tama'iareo hiakatse a Jerosalema agne mba hifankatrea ama'o Apostoly rey naho o Lohologne mahakasike ze fagnontaniagne zay.³Noho izay iareo, nalefa'i fiangonagne'y, le namakivaky i Foinika naho i Samaria naho le nitalily ty fiovam-po o Jentilisa. Iareo le ninday hafaleagne be'y tama- o roahalahe'o iaby.⁴ Naho niavy ta Jerosalema tao iareo, le nirambese o fangonagneo naho o apostoly naho o lohologne reo, ka nitalily ze raha iaby ze nataon'Andrianagnahare tamy iareo.⁵Fe ie ty ndaty ilae ze nino, ze tao amy ty tarike o Fariseo, le nitsangagne naho le nirehake te hoe: "Paivegne avao ty manao savatse iareo naho ty mibaiko iareo hitao ty lilí i Mosesy." ⁶Naho izay o apostoly naho o lohologne reo le nindre nivory mba handinike ze raha misy zay.⁷Tafara ty aly hevetse be'y, nitsangagne ty Petera le nirehake tama-iareo te hoe: "O ry roahalahe, fanta-areo fa taloha ela be'y ty Andrianagnahare ro nanao fifiliagne ta ama'areo, mba ho amy ty alala ty fivavahako le tokoe hahare'y ty talily soa o Jentilisa'o, naho hino. ⁸Andrianagnahare, ze mahafantatse ty fo, vavolombelogne ama-iareo, nagnome'y ty Fagnahy Masigne'y iareo , manahake ty nataoe tama-tika; ⁹naho ts mba namibike antika naho tama-iareo Reke, nagnaligno ty fo iareo tama-ty finoagne.¹⁰Naho naho izay nagnino nareo ro mitsapa an'Andrianagnahare, te hoe tokoe hametraha areo zioga tamy vozo o mpianatse'o nefa na ty razantika na intika aza ts mahavita mitarazo izay? ¹¹Fe ie mino tika fa ho voavonjy amy ty alala ty fahasoava i Tompo Jesosy, manahake iareo avao ka."¹²Ty ndaty iaby le tsendregne iareo soa agnate ty nitsanogna iareo i Barnabasy naho i Paoly nitalily o famantaragne naho o fahagagagne niasan'Andrianagnahare ze niasa tama-o Jentlisa'o tama-ty alala iareo.¹³Naho fa boake nijanogne nirehake iareo, le namale ty Jakoba, nirehake te hoe: "O ry roahalahe, tsanogno raho. ¹⁴I Simeole fa nagnambara ty fomba nagnampian'Andrianagnahare tam-pahasoavagne voalohae o Jentilisa'o mba hangalake amy iareo ty ndaty hoe ty agnarae.¹⁵O reha o mpaminany reo le mahakasike izay, arake ty voasoratse te hoe: ¹⁶'Tafa o raha reo le himpoly raho, naho le hanangagne ndraike ty tragno lay i Davida raho, nihotrak'ey; hagnamboatse naho hampipoly amy ty toe'e ndraike ze ny fanirava raho, ¹⁷mba himpalia i Tompo o ndaty sisa tavela'o, agnate izay ao iaby o Jentilisa'o ze nitokave'e amy ty agnarako.' ¹⁸Izao ty saontsy i Tompo, o ze fa nanao o raha reo ze fa nihay tama-o razambe taloha reo. (Fanamarihagne: O dikan-drehake ilae taloha reo le mivaky te zao: "Izao ro saontsy i Tompo, am'ireo ze mahafantase tama-ty andro taloha tilae iaby.)¹⁹Naho izay, ty heveko le, tsy tokoe hagnakoratagne o boake amy Jentilisa'o ze nitolike taman'Andrianagnahare tika. ²⁰Fe ie tika le hanoratse hoe iareo fa tsy maintsy miala amy ty loto o sampy iareo, amy ty fahavetavegne , naho amy ty hena o biby voakenda'o, naho amy ty lio iareo. ²¹Satria i Mosesy le fa voagnombara tama-ty isan-tagnàgne tama-ty andro taloha le vakiegne ama-o synagoga ao reke isake ty sabata."²²Le hoe soa tama-o apostoly naho o lohologne reo, nindre tama-ty fiangonagne manontolo, ty hifily i Joda ze tokavigne hoe Barnabasy, naho i Silasy, i mpitarike ty fiangonagne, naho ty handefa iareo a Antokia agne mindre amy i Paoly naho i Barnabasy.²³ Iareo le nanoratse toy: "boake amy o apostoly naho o lohologne'o, o roahalahe areo, hatramy o roahalahe boake a Jentily a Antiokia, Siria, naho Kilikia: Arahaba!²⁴Intika le fa nahare'y fa o ndaty ilae'eo le nisintake tamantika, tsy nisy baiko boake amantika, naho nanelingeligne anareo tama-o fampianaragne ze nampikorontagne ty fagnahy areo.²⁵ Izao ro ie, izahay iaby le nagneke ty hifily o lahilahy io naho nandefa iareo ama-areo agne mindre amy i Barnabasy naho i Paoly mamy ay, ²⁶lahilahy nanao ty aie tsy ho raha hoe ty agnara i Jesosy Kristy Tompontika.²⁷Naho izay zahay le magnirake i Joda naho i Silasy, i hagnambara ama-areo o raha io avao amy ty reha iareo manokagne. ²⁸Fe ie te soa amy ty Fagnahy Masigne naho ama-ay, ty tsy hampinday anareo entagne be'y naho o raha tena paiave areo'o: ²⁹mba hiala areo amy o raha natao areo ho fanatitse amy o sampy 'o, lio, o raha voakenda, boake amy ty fahavetavetagne. Naho mitandrigne ty vatae areo am'izay nareo, le ho soa ama-areo zay. Veloma."³⁰Naho izay iareo, naho ny voaroake, le nizotso ta Antokia agne; boakeo iareo le nindre namory i vahoakeo, le nagnomey i taratasy iareo. ³¹Naho fa ny voavaky iareo izay, le nifale iareo noho ty fampaherezagne.³² Joda naho i Silasy, mpitoky avao ka, le nankahery o roahalahe'o tama-ty rehake tsiefa naho nampahary iareo.³³Naho fa boake nijanogne fotoagne kedekede tao iareo, le nalefa am-piadanagne boake amy o roahalahe agne ho amy o ze nandefa iareo iareo agne. ³⁴[Fanamarihagne: Ty dikan-drehake ela vatae le misintake ty andinie faha34 (henteo ty As 15: 40): "Fe ie mbe te hijanogne teo ty Silasy."] ³⁵Fe ie i Paoly naho i Barnabasy le nijanogne ta Antiokia agne tama-o hafa tsiefa'o, i nampianare iareo naho nitalilia iareo ty talily soa i Tompo.³⁶Tafara ta toy ty Paoly le nirehake tama i Baranabasy te hoe: "Andao tika himpoly am'izao le hamangy o roahalahy amy tanàgne iabio i nitalilia tika i talilisoa Tompo, le mahatrea te hoe manao akory iareo." ³⁷I Barnabasy le te hinday i Jaona vao ka i tao hoe i Marka hindre amy iareo. ³⁸Fe ie i Paoly nihevetse fa tsy soa ty hinday i Marka, i nagnega iareo ta Panfilia agne'y naho tsy nanohy niara-niasa tama-iareo niasa.³⁹Boakeo le nisy fifandieragne mafe, le nisarake iareo, le i Barnabasy ty ninday i Marka nindre tama'e le nandeha sambo mbà Sipra. ⁴⁰Fa i Paoly nifily i Silasy le nandeha, tafara ty nagnomeza o roahalahe aze adidy hoe ty fahasoava i Tompo. ⁴¹Boakeo iareo le nandeha namakivaky i Syria naho i Kilikia, le nampatanjake o fiangonagne'o.

Chapter 16

¹Niavy ta Derbe naho a Lystra avao ka ty Paoly, le ingo, teo i mpiantse raike atao hoe i Timoty , anadahy ty ampela Jiosy nino zay; Grika ty rae. ²Ireke le soa laza tama-o roahalahe'eo i ta Lystra naho a Ikonioma agne'y. ³Tea i Paoly hindre lia ama'e reke; le nalae reke le nisavarae noho o Jiosy ze tamy o toeragne reo teo, satria fahay iareo iaby fa Grika ty rae.⁴Naho fa nandeha namakivaky o tanàgne tsiefa iareo, le nagnomey hevetse hoe o mpino mba hagneke ty fampianaragne, i nosorata i Apostoly naho ty lohologne ta Jerosalema tao.⁵Le niha-natanjake tamy ty finoagne i fiangonagne'y le nitombo isa isan'andro.⁶Nandeha namakivaky i faritry i Frygia naho i Galatia ty Paoly naho ty namae, satria nirara ty Fagnahy Masigne iareo hitalily ty rehake amy ty faritse i Asia agne. ⁷Naho fa nilitse nagnarine i Mysia, le ny te-handeha ho a Bitynia agne iareo, fe ie nisakana ty Fagnahy i Jesosy iareo. ⁸Le nandalo tamy i Mysia, le nandeha nizotso ta n-tanà i Troasy agne iareo.⁹Nahatrea fahitagne ty Paoly tanakaly: lahilahy raike Makedonia nitsagagne teo, nitoka aze le nirehake te hoe:" Avia mba Makedonia atoy le vonjeo zahay." ¹⁰Naho fa boake nahatrea i fahitagne'y ty Paoly, le niavy le nandeha mba Makedonia eo noho eo zahay, nahatsapa fa Andrianagnahare ro nitoka anay mba hitory ty filazantsara amy iareo.¹¹Niondragne Sambo noho izay boak'a Troasy, le nandeha mihity ho Samatrakia agne zahay, naho le nandalo i Neapolia zahay amy ty andro magnarake. ¹²Ie naho nuiboakeo le nandeha a Filipy agne zahay, i agnisa'ty tanàgen Makedonia, tanàgne mana ty lanja'e vata'e tamy ty faretse ao naho ty zana-tane Romanina, le nijanogne tao ami'ze tanàgne zay ao agnate ty andro maro zahay. ¹³Tamy ty andro ty Sabata le nandeha niakatse i vavahady agnila'i renerano'y eo zahay, ze nidinihe'ay fa misy toeram-pivavahagne. Nitoboke zahay naho nirehake tama'o ampela ze niarake niavy teo.¹⁴Nisy ampela raike atao hoe i Lydia, mpivarop-damba volomparasy boake amy ty taná i Tyatira, i nanompo an'Andrianagnahare, nitsanogne anay. Namoha ty fo'e ty Tompo hitandregne ty saontsie ze volagne i Paoly. ¹⁵Naho fa ny vita batisa reke naho ty longo'e, le nandrisike anay reke, nirehake te hoe: "Naho nitsara ahike ho mahatoky amy i Tompo inareo, le milira naho mitoboha an-tragno ao". Naho le nandrese lahatse anay reke.¹⁶Le tamy zay, naho nandeha amy toeram-pivavahagne zahay, le nisy ajampela raike zay managne fagnahy ty sikily nifanena tama'ay. Ninday tombo'e tsiefa hoe i tompoe tama ty alala ty sikily reke. ¹⁷Nagnarake anay amy Paoly boake afara'o o anjamela'o le notoka mafe, nanao te hoe ke te: "O lahilahy reo le mpanompon'Andrianagnahare ambone vatae. Mitalily ama'areo ty lalam-pamonjeagne iareo." ¹⁸Nanao izay agnate ty andro maro reke. Le fa nanomboke boseke aze ty Paoly le nitolike naho nirehake tamy ty fagnahy te hoe: "Mandily azo amy ty tahina i Jesosy Kristy raho mba hiala'o amae ao." Le niakatse eo noho eo zay.¹⁹Naho fa nitrea o tompo'eo fa lasa i fanantenagne ty amy ty tombo'e hoe iareo, le nisinambo iareo ty Paoly naho Silasy le nitarihy iareo ho an-tsena agne ho aloha o manam-pahefagne'o eo. ²⁰Naho fa nindese iareo tamy mpitsara eo iareo, le nirehake te hoe: "Magnakorontagne ty tanántika o lahilahy reto. Jiosy iareo. ²¹Mitalily fomba ze tsy ara-dalàgne hoe o Romanina'o ty magneke na magnatanterake aze iareo."²²Le nitsangagne o vahoake'o nanohetse i Paoly naho Silasy; nampandiva i mpitsara o saro iareò naho le nandily mba hijera iareo amy ty hataegne.²³ Naho fa nijera iareo mafe iareo, le nalefa iareo an-tragno maiegne agne le nandily ty mpiambegne tragno maiegne mba hiambigne mafe iareo.²⁴ Naho fa nahare'y ze lily zay o mpiambigne'o, le nalefa'e tama ty fara'e laleke vatae amy ty fonja iareo naho le mbe nafehe tama ty hataegne ka ty tombo iareo.²⁵Nagnodidigne ty fisasaha i halegne'y le nivavake ty Paoly naho Silasy le nihira fideragne an'Adrianagnahare, le o gadra hafa'o le nitsanogne iareo. ²⁶Tampoke teo le nisy horohorontany bey, le nampihozongozogne ty foto i fonja'y; le avy le nivoha ty varavaragne iaby, le nivaha ty fatotse tamy ndaty iaby.²⁷Taitse tamy ty torimaso'e o mpiambigne tragno maigne'o le mahatrea i varavara i fonja 'o nivaha; namoake ty mesae reke le ho namono ty vata'e, satria nieretrerete'e fa nilay o gadra'o. ²⁸Fe ie nitoka tama ty feo mafe ty Paoly, nanao te hoe: "Ko mandatse ty vatao, satria ato iaby zahay."²⁹Nampangalake jiro i mpiambigne tragnomaigne'y le nilitse tsiela tagnate'e tao, le nititike amy ty taho'e, nihohoke ta loha i Paoly naho i Silasy, ³⁰naho le ninday iareo niakatse naho nirehake te hoe: "Tompo, inogne ty tsy maintsy hataoko mba hahavoavonjy ahy? ³¹hoe iareo te hoe: "Minoa i Tompo Jesosy, le ho voavonjy rehe, irehe naho ty longo'o."³²Nitalily ty saontsin'Agnahary tama'e iareo, nitraoke tamy ty ndaty maro iaby t'an-tragno'e tao. ³³Boakeo le nandrambe aze iareo tamy ty haligne tamy ty lera igne avao i mpiambegne i figadragne'y, naho le nanasa ty ratse'iareo, le ireke naho ze iaby tamy ty trangno'e tao iaby le natao batisa teo naho eo. ³⁴Ie naho niboakeo le nandese'e niakatse t'an-tragno'e tao ty Paoly naho i Silasy le nanjotso hanigne t'agnatreha'iareo teo reke, le nifale vata'e reke niarake tama'ze t'an-tragno'e teo, fa ie fa nino an'Andrianagnahare reke.³⁵Naho fa nimaraigne i andro'y, le nandefa iarake tama'o mpiambegne reo i mpitsara'ay, nanao ty heoke: "Avotsoro handeha o lahilahy reo." ³⁶Nitalily ze irake zay tama'i Paoly i mpiambegne'y, nanao ty hoeke: "Nampanday irak'ahy o mpitsara reo ty mba hagnengagne anareo handeha: noho izay henanek'izao moboaha, le mandehana am-piadanagne."³⁷Fe ie nirehake tama'ireo ty Paoly nanao ty heoke: "Nijera anay t'amasom-bahoaky tsy nisy fitsaragne iareo, ndre ie mizàka ty zom-pirinena Romanina aza izahay_le nalefa iareo ta am-pigadragne tao. Am'izao le tea iareo ho alefa an-tsokosoko vao izahay? Aha! Ao ty reha ireo ro ho avy eto naho hitarike anay hiakatse." ³⁸Nitatitse ze rehake zay tamy i mpitsara agne o mpiambegneo, naho vao naharey iareo fa romanina ty Paoly naho Silasy, le natahotse iareo. ³⁹Niavy naho nialatsiny tama iareo ty mpitsara naho le ninday iareo niakatse, nangatake iareo mba hisintake ty an-tanàgne ao.⁴⁰Le nisintake ta an-tragnomaigne tao ty Paoly naho i Silasy le nandeha an-tragno i Lydia ao. Naho fa nahatrea o roahalahe'o ty Paoly naho i Silasy, le nampahery iareo naho boake'o le nisintake ta an-tanàgne tao iareo.

Chapter 17

¹Naho fa nandalo o tanà o Anfipolia naho Apolonia ao iareo, le niavy tamy ty tanà i Tesaloniaka tao iareo, i nisy Synagoga i Jiosy io. ²Paoly, arake ty fomba fanao'e le nandeha tamy iareo teo, le nindre nialy hevetse tama iareo boake ao amy ty Soratse Masigne agnate ty telo andro ty Sabata.³Nivoha'e ty Soratra Masina le hazavae fa ty fiai i Kristy nijale naho hivagnombelogne ndraike. Hoe reke te hoe: "O Jesosy ze ataliliko ama'areo io ro Kristy." ⁴Rese lahatse tilae tama o Jiosy io le nagnorike i Paoly naho i Silasy, agnisa izay o mpivavake Grika ao maro an'isa, le tsiefa ka ty ampela mpitarike.⁵Fa o Jiosy tsy mpino nindese-pialognagne le nangalake o ndaty raty fagnahy io boake an-tsena agne, namory o vahoakeo, le nampihoretsegne i tanàgney. Nanafike ty tragno i Jasona, te hinday i Paoly naho i Silasy hisintake o vahoakeo iareo. ⁶Fa naho tsy trea iareo, le nitorahe ireo ty Jasona naho o roahalahe hafa ilaeo ho agnatreha o manam-pahefa o tanàgneo, nitagny, "O lahilahy ze nampikorontagne izao tontolo izao reo le niavy eto ka. ⁷O lahilahy ze nampandrosoa i Jasona reo le manohetse ty lily i Kaisara; mirehake iareo fa misy mpanjaka hafa le i Jesosy zay."⁸Voaelingeligne i vahoakeo naho o manam-pahefagne tamy tanàgne teo naho naharey ze raha zay. ⁹Fe ie naho niavy eo o manam-pahefagneo nampanao naho nampandoa vola i Jasona naho ty ambe'e mba ho antoke, boakeo nenga iareo nandeha iareo.¹⁰Nalefa'o roahalahy reo t'a Beria tagne tama'i halegne'y avao ty Paoly naho i Silasy. Naho fa niavy agne iareo, le nizilike tamy ty Synagoga'ty Jiosy tao. ¹¹Fe ie o ndaty reo le mihaja kagne noho'o ty iareo t'a Tesalonika tagne reo, fa nandrambe ty rehake tamim-pahavognognan-tsaigne iaby iareo, nandinike ty Soratse Masigne isanandro mba hahatrea naho tena izay vata'e i raha rey. ¹²Noho izay le maro tama'iareo ty nino, tagnate'izay o ampela Grika manan-kaja ila'e naho lahilahy maro.¹³Fe ie ze Jiosi'i Tesalonika iaby nahare te i Paoly le nagnambara ty saontsin'Andrianagnahare t'a Beria tao avao ka, le nandeha tegne iareo le nampitabataba naho nampikorontagne o vahoake reo. ¹⁴Avy le niavy eo naho eo, o roahalahy nandefa'i Paoly rey ho an-dranomasign'agne, fe ie nijanogne teo avao ty Silasy naho i Timoty. ¹⁵Ze nitarike'i Paoly avy le nanday aze hatrak'amy ty tanà'i Atena agne. Naho nagnenga ai'i Paoly teo iareo, le nandrambe torohevetse boak'ama'e ho ai'i Silasy naho i Timoty mba ho ama'e agne malaky arake ze azo atao.¹⁶Fe ie naho fa niambigne iareo t'Atena tagne ty Poaly, le niavy boseke tagnate'e tao ty fagnahe'e naho vao nahatrea i tanàgne feno sampe. ¹⁷Ka nialy hevetse tamy ty Synagoga tao niarake tama'o Jiosy reo naho ze hafa ze nanompo an'Andrianagnahare reke, le manahak'izay ka ty tamy ty toera'ty raharaham-barotse tao niarake tama'ze teo.¹⁸Fe ie t'ila'e ama'o Filozofa Epikoreana naho Stoika avao ka nietake tama'e. T'ila'e nirehake te hoe: "Inogne ty tea'o be rehakeo ho rehafegne?" T'ila'e nirehake te hoe: "Manahake i raike ze nitoka ze ndaty hagnarake o andrianagnahare hafahafa reo reke," satria nitalily ai'i Jesosy naho ty fivagnognam-belo reke.¹⁹Nangalake'i Paoly iaeo naho nanday aze tamy ty Areopago tao, nirehake te hoeke: "Ie vao afake mamantatse ze fampianaragne vaovao ze rineha'o zay vao zahay? ²⁰Fa minday raha hafahafa mbe tsy fiheno ty sofia'y rehe. Noho izay, te hahafantatse ty dika'ze raha zay zahay." ²¹(Le ty Atenina iaby naho ty vahini'e nitoboke le nandany ty fotoa'e tamy ty tsy nisy fe ie ka tamy ty fitaliliagne na fitsandregnagne mahakasike ty raha vaovoa.)²²Ka nitsangagne tagnivo'ty Areopago teo ty Paoly naho nirehake te hoeke: "Inareo lahilahi'i Ateniana, treako fa tena relijiozy ami'ze kila fomba iaby nareo. ²³Fe ie naho nandalo raho naho nandinike ty tanjo'ty fomba fanompoam-pivavaha'areo, le nahatrea alitara raho misy ty soratse toy te hoe: "Hoean'Andrianagnahare tsy Fantatse. "Inogne zane ro hivavaha'areo ao amy ty tsy fahafantaragne, izay ro ambarako anareo.²⁴Ty Andrianagnahare ze nanao izao tontolo izao naho ty kila raha iaby eo ama'e, satria Tompo'ty lagnitse naho ty tane Reke, tsy miambesatse agnaty ty fiangonagne voaorigne tamy ty tagnagne. ²⁵Ndre Ireke tsy nitompoegne tamy ty tagna'o ndaty, manahake ty nipay raha Reke, satria Ireke tegna'e ro magnme fiaignagne ty ndaty naho ty fofogn'aigne naho ty kila raha hafa iaby.²⁶Boak'amy ty ndaty raike ro nagnanova'e ty firenena iaby hoe ty ndaty mba hiaigne ambony ty tane eo, namaritse ty fotoa'e iareo naho nijobogne ty toeragne hitobohagne naho ty andro iaigna'iareo, ²⁷ka mba hipay an'Andriangnahare iareo, naho mete hahatratse naho hahita Aze iareo. Nefa mbe tsy lavitse antika kiraikiraike iaby Reke.²⁸Satria tika le nivelogne naho mihetseke le managne ty maha-izy antika ka, manahake ty nirehfi'iraike'y amy ty mpanao talili'areo'oy manokagne te hoeke: "Toe tarira'e avao ka tika." ²⁹Noho izay, anan'Andrianagnahare tika, itika le tsy toko'e hametsevetse te ty hasoa ty fomba'e le mitovy amy ty volamena, na volafoty, na sary-sokitse ze niforognegne boak'amy ty asa tàgnagne naho aingam-pagnahin'olombelogne.³⁰Noho izay le nihalignon'Andrianagnahare ty fotoa'ty tsy fahaizagne, te henanek'izao mandily ty ze kila'o ndaty mbegne mbegne iaby mba hibebake reke. ³¹Izay ro ie satria nametrake andro Reke te hoe mbia ro hitsaragne an'izao tontolo izao amy ty fahamaregnagne amy ty alala'o ndaty ze nijobogne'e. Nagnome porofo'o lahilahy io tamy ty ze ndaty kiraikiraiky iaby tamy ty alala ty namagnognam-belogn'aze ty Andrianagahare.³²Fe ie naho fa nahare ty fitsanganagne amy ty mate ze vahoa'i Atena, le nitsikike ai'i Paoly t'ila'e; fa t'ila'e nirehake te hoeke: "Hitsendregn'azo ndraike mahakasike ze raha zay zahay." ³³Tafara'izay, nagnenga iareo ty Paoly. ³⁴Fe ie t'ila'e ama'o ndaty rey nagnarak'aze naho nino, tagnat'izay ty Dionysio Aeropagita, ampela managnaragne hoe Damary, le t'ila'e niarake tama'iareo.

Chapter 18

¹Lafa tafara'o raha iaby reo ty Paoly le nisitake ty t'Atena tao naho le nandeha a Korinto agne. ²Nifanojo tamy ty Jiosy managnaragne hoe Akoila zay reke ty tao, tera-tane Ponto, vaho niavy boak'a Italia agne niarake tama'i Prisila vali'e, satria ty Klaodio nandily ze kila Jiosy iaby hiala ty a Roma ao. Nagnantogne'iareo ty Paoly, ³le niarake nitoboke tama'iareo reke naho niasa, mandrare ty asa'iareo.⁴Le nialy hevetse tamy ty Synagoga tao isaky ty Sabata ty Paoly. Nandresy lahatse'o Jiosy naho'o Grika reo reke. ⁵Fe ie naho fa niavy boak'a Makedonia tagne ty Silasy naho i Timoty, le tinere'ty Fagnahy hagnambara ama'o Jiosy reo te i Jesosy ro Kristy i Paoly. ⁶ Naho fa nandietse naho nitsikike aze'o Jiosy reo, le nampihipahipaky ty lamba'e tama'iareo tagne ty Paoly le nanao ty hoeke: "Lonike ho amy ty loha'areo eo ty lio'areo; tsy manan-tsiny raho. Fe ie manomboke am'izao le ho amy ty Jentilisa agne raho."⁷Le niala ty eo reke naho fa boakeo le nandeha an-tragno'i Titosy Josto agny, lahilahy nanompo an'Andrianagnahare. Agnila'i Synagoga'y eo avao ty tragno'e. ⁸Krispo, mpitarike i Synagoga'y, nino i Tompo, niarake tama'ze iareo ze nitoboke tan-tragno'e tao; naho le maro tama'o Korintiana reo ze nahare ty mahakasike izay ro nino naho natao batisa.⁹Nisaontsy tama'i Paoly ty Tompo tamy ty fahazavagne te hoeke: "Ko matahotse, le ko mitsigne avao fa mirehafa. ¹⁰Fa Iraho miarakama'o, naho le tsy hisy ndaty hahazo hanao raty azo, fa managne ndaty maro amy ty tanàgne toy Raho." ¹¹Nitoboke tao agnate ty herentaogne naho enem-bolagne ty Paoly naho le nampianatse ty saontsin'Andrianagnahare tama'iareo teo.¹²Fe ie naho fa nilasa governora'i Akaia ty Galio, le niarake nitsangagne o Jiosy reo nanohetse ai'i Paoly ka nanday aze tagnatreha'ty toeram-pitsaragne teo; ¹³nirehake iareo nanao ty heoke: "O lahilahy io le nandresy lahatse ze vahoake hanompo an'Andrianagnahare ze mifanohetse amy ty lily."¹⁴Naho fa handeha hirehake ty Paoly, le nirehake tama'ze Jiosy ty Galio nanao ty hoeke: "Inareo Jiosy, naho rehake raha raty na hadisoagne zay, le mbe azo dinihigne ty fifampiraharahagne ama'areo." ¹⁵Fa hatr'izay nisia'o fagnontaniagne reo mahakasike o rehake naho agnaragne naho lili'areo manokagne reo, alamino'areo zay. Le tsy magniry ty ho mpitsara ze raharahe zay raho."¹⁶Nagnafake iareo hiala amy ty sezam-oitsaragne teo ty Galio. ¹⁷Ka le nanambotse i Sostena iareo iaby, i mpandily i Synagoga'y, le nanjera aze tagnatreha'ty toeram-pitsaragne teo. Fe ie tsy nivakilohay ze natao'iareo ty Galio.¹⁸I Paoly, naho fa boaka nitoboke tao tagnate ty andro maromaro,le nagnange o roahalahy reo ka nijogne sambo ho a Syria agne niarake tama'i Prisila naho i Akoila. Taloha ty niala'e tamy ty figaran-tsambo teo le nihitsifa'e t'a Kenkrea tao ty volo'e nono i voady natao'ey. ¹⁹Naho fa niavy t'Efesiosy tagne iareo, le nenga'i Paoly teo ty Prisila naho i Akoila, fa irek raiky avao ro nizilike tamy ty Synagoga tao ka nialy hevetse tama'o Jiosy reo.²⁰Naho fa nangatake ai'i Paoly mba hijanogne elaela iareo, le nandagne reke. ²¹Nagnenga iareo avao reke, nirehake te hoeke: "Mbe himpoly atoy avao raho naho sitrapon'Andrianagnahare zay." Le nijogne sambo niala ty t'Efesiosy tao reke naho fa boakeo.²²Naho fa nijanogne t'a Kaisaria tao ty Paoly, le nikatse reke ka le niarahaba ty fiangona'i Jerosalema naho nizotso t'Antioky tagne naho boakeo. ²³Naho fa boaka nitoboke lera maromaro tao reke, le niongake ty Paoly ka nitete ze farits'i Galatia naho i Frygia le nampionogne ze mpianatse iaby.²⁴Naho le nisy Jiosy raike zay man'agnaragne te hoe Apolosy, terake t'Aleksandria tagne, niavy t'Efesiosy tao. Le nahay nandahan-drehake reke sady nahafantatse soa i Soratse Masigne'y. ²⁵I Apolosy le nampianarigne tamy ty fampianara'i Tompo. Mahery fo amy ty fagnahy, nirehake reke naho nampianatse marigne ze raha mahakasike'i Jesosy, kanefaty batisa'i Jaona avao ro fanta'e. ²⁶Nanomboke nirehake am-pahasakiagne ty Apolosy tamy ty Synagoga tao. Fe ie naho fa nahare aze ty Prisila naho i Akoila, le ninday aze ho an-tsisi'e egne le nagnazava tama'e marigne ty lilin'Andrianagnahare.²⁷Naho fa nagniry ty mba hanapatapak'i Akaia reke, le nampahery aze ze roahalahy naho nanoratse hoe'o ze mpianatse t'Akaia tao mba handrambe aze. Naho fa niavy reke, le nagnampy vata'e ze nino tamy ty fahasoavagne. ²⁸Nanohetse mafy o Jiosy reo ty Apolosy tamy ty aly hevetse ampahabemaso, naneho tamy ty alala ty Soratse Masigne fa i Jesosy ro Kristy.

Chapter 19

¹Naho mbe t'a Korinty tagne ty Apolosy, le nandalo tamy ty firenena ambony ty Paoly naho le niavy tamy ty tanà'i Efesiosy tao, le nahatrea mpianatse ila'e tao. ²Hoe ty Paoly tama'iareo: "Nahazo ty Fagnahy Masigne vao nareo naho fa nino?" Le hoe iareo tama'e: "Aha, le mbe tsy naharendreke ty mahakasike ty Fagnahy Masigne aza zahay."³Nirehake ty Paoly nanao ty hoeke: "Natao batisa tamy ty inogne tao zane nareo?" Namaly iareo ty hoeke: "Tamy ty batisa'i Jaona tao." ⁴Ka namaly ty Paoly te hoeke: "Manao batisa amy ty batisa'ty fibebahagne ty Jaona. Nirehake tama'o vahoake'o reke te toko'e hino i raike ze ho avy afara'e zay iareo, izay le, ama'i Jesosy ao."⁵Naho fa nahare izay i ndaty rey, le natao batisa tamy ty tahina'i Tompo Jesosy iareo. ⁶Ie naho niboakeo naho fa nametrake ty tagna'e tama'iareo ty Paoly, le nirotsake tama'iareo ty Fagnahy Masigne naho nirehake tamy ty firehake hafa naho naminanyiareo. ⁷Teo amy ty folo roe amby teo ho eo iareo iaby.⁸Nizilike tamy ty Synagoga tao ty Paoly naho nirehake am-pahavaneagne agnaty ty telo volagne, nandresy lahatse naho nampieke iareo ty mahakasike ty fanjakan'Andrianagnahary. ⁹Fe ie naho fa mafe fo naho tsy nagneke o Jiosy ila'e reo, le nanomboke nagnompa ty Lily tagnatreha'o vahoakeo teo iareo. Ka nenga'i Paoly iareo naho nirehake ze mpianatse, nandresy lahatse iareo isanandro tamy ty efetse fampianara'o Tiraniana tao. ¹⁰Nitohy tagnate ty roe taogne zay, ka ze nitoboke t'Asia tao le nahatsendregne ty saontsi'i Tompo, le o Jiosy reo naho o Grika reo ka.¹¹Nano asa mahalatsa tamy ty alala ty tagna'i Paoly ty Andrianagnahary, ¹²ka ndre i mosoara rey naho takon'akanjo nikasik'aze'y aza le natao tamy ty marare naho le sitragne ze arety iareo naho niakatse boak'ama'iareo tao iaby i fagnahy raty rey.¹³Fe ie nisy Jiosy mpangalake fagnahy raty zay nandeha nagnantogne tegne. Nitoka ty tahina'i Tompo Jesosy iareo mba hanagna'iareo hery hanoheragne ty fagnahy raty naho fa nirehake iareo te hoe: "Ama ty alala'i Jesosy ze nambara'i Paoly, mandily azo raho mba hiakatse." ¹⁴I mpisorom-bey Jiosy man'agnaragne hoe Skeva naho nanagn'amake fito lahy ro nanao izay.¹⁵Nisy fagnahy raty namaly iareo te hoe: "Fantako ty Jesosy, naho fantako ka ty Paoly; fe ie ia nareo?" ¹⁶I Devoly tama'i lahilahy tao le niambotsake tama'o mpangalake devoly naho nilay tama'i tragno'y tao niborodagne naho naratse. ¹⁷Lasa fanta ty ndaty iaby, naho o Jiosy reo naho o Jentilisa reo, ze nipetrake t'Efesosy tagne. Lasa natahotse mafe iareo, ka le nomeam-bolonahetse ty tahina'i Tompo Jesosy.¹⁸Fe ie ka, maro tama'o mpino reo ro nagnantigne naho nibebake naho nieke ze raha raty nivirta'iareo. ¹⁹Maro ty nihisa aoly ro niarake nanday ty boky iareo naho nagnoro izay tagnatreha'ze kila'o ndaty teo. Naho fa nagniake ty tombm-baro'irey iareo, le karantsana volafoty dimy aligne zay. ²⁰Ka le niparitake vata'e tamy ty fomba matanjake ty saontsi'i Tompo.²¹Fe ie naho fa nahavita ty asa fanompoa'e t'Efesiosy tagne ty Paoly, le nanapa-kevetse tamy ty fagnahy reke mba handalo an'i Makedonia naho i Akaia t'an-dalagne tegne mandeha a Jerosalema, le hoe reke: "Naho fa avy agne reho, le tsy maintsy mandeha a Roma agne avao ka." ²²Nandefa roe tama'o mpagnampe aze ho a Makedonia agne ty Paoly, i Timoty naho i Erasto, ze nagnampe aze. Fa ireke avao le nijanogne tagnate ty fotoagne kede t'Asia tagne.²³Ma'ze fotoagne zay t'Efesiosy tagne le nisy fagnatabatabagne bevata mahakasike ty lily. ²⁴Fe ie nisy mpanefy volafoty raiky zay man'agnaragne te hoe Demetrio, i nanao sary sokitse volafoti'i Diana, nampilitse vola bey hoe'o mpanao asa-tàgnagne'o. ²⁵Ka le navori'e niarake o lahilahy mitantagne o asa'o naho nirehake te hoe: "Tompoko, oni'o te amy ty raharaha toy le mahazo vola bey zahay.²⁶Vazoho'o naho rendre'o zay, tsy t'Efesiosy tagne avao, fa saike magneragn'i Asia raiky manotolo, o Paoly io le nandresy lahatse naho nahataogne ndaty maro. Mirehake reke te tsy misy Andrianagnahare vita tamy ty tagnagne. ²⁷Fe ie ty loza le tsy hoe ty varontika avao ro tsy ho ilaigne sasa, fa ty tempoli'ty andrianagnaharim-bavy bevata Diana avao ka le azo heveregne ho tsy misy dika'e. Le mete ho montso volonahitse reke naho avy eo, irekeze tompo'i Asia iaby naho izao tontolo izao."²⁸Naho fa nahare izay iareo, le feno habosehagne iareo ka nikorake mafe, nanao ty hoeke: "Bevata ty Diana'i Efesiosy." ²⁹Feno fifanjevognagne ty tao ama'i tanàgne raike'y ao manontolo, naho nifanisike ty ho ama'i tragno fanaovagne fampisehoagne an-tsehatse'y ao i vahoake rey. Voatsepa'iareo i mpiara-dia ama'o Paoly rey, Gaio naho i Aristarko, i boak'a Makedonia agne'y.³⁰Te ho nizilike tama'o vahoke maro rey tao ty Paoly, fe ie nisakana'o mpianatse rey. ³¹Le izay avao ka, ty ila'e tama'o ze manam-pahefagne tamy ty farits'i Asia reo ze nama'e le nandefa hafatse nangatak'aze mafe tsy hiditse ama'i tragno fanaovagne fampisehoagne an-tsehatse'y ao. ³²Ndaty ilaila'e ro nikorake raha raike, naho ty ah'i t'ila'e hafa, satria tagnate ty fifanjevognagne i vahoake'y. Ty ankamaro iareo aza tsy mahafantatse te hoe nagninogne iareo ro niarak'avy.³³T'ila'e tama'o vahoake reo ro nampahafantatse an'i Aleksandra, i natosi'o vahoake reo ho aloh'egne'y, ka nanao fihetseke tamy ty tagna'e ty Aleksandra, te hagnome fagnazavagne hoe'o ze nivory. ³⁴Fe ie naho fa nahafantatse iareo te Jiosy reke, le nagnorentsegne tamy ty feo raiky iareo iaby teo ho eo amy ty roe lera teo, nanao ty heoke: "Bevata ty Artemisi'i Efesiana."³⁵Naho fa nampitsigne i vahoake rey i lehibe'i tanàgne'y, le nirehake iareo te hoe: "Irehe ndati'i Efesiosy, ndaty ia ro teo ka ts nahafantatsy te ty tanà'ty Efesiana le mpiambegne ty tempoli'i Diana bevata naho ty sary ze nilatsake avy boak'an-dagnits'agne? ³⁶Naho trea boakeo te tsy azo lieregne o raha reo, le toko'e hitsigne nareo ka tsy hanao ndre ino ndre ino tsy am-pandinehagne. ³⁷Fe ie nandese'areo etoy amy ty fitsaragne o lahilahy reo ze sady tsy mpandrodagne tenpoly ro tsy mpagnompa ty andrianagnarim-bavintika.³⁸Noho izay, naho managne fagnenjehagne manohitse ty kiraikiraiky ty Demetrio naho o mpanao asa tagnagne ze miarak'ama'e, le misokake o fitsaragne reo naho misy solontegna ty ao. Engao iareo hifagnenjeke. ³⁹Fe ie naho mipay raha mahakasike ty olagne hafa nareo, le toko'e ho hatsangagne amy ty fivoriagne ara-dalàgne zay. ⁴⁰Fe ie indrindra itika le ho voan-doza ho voaenjeke mahaksike'o andro t tababa'o. Tsy misy anto'e ze fikorontagnagne zay, naho tsy ho afake hagnazava izay tika." ⁴¹Naho fa nirehak'izay reke le nirava'e i fivoriagne'y.

Chapter 20

¹Naho fa tapitse i tabataba'y, namory o mpianatse rey ty Paoly naho nampahery iareo boakeo, nanao veloma reke naho lasa mba handeha ho a Makedonia agne. ²Naho fa nadeha tama'o faretse reo tegne reke naho nanao rehake fampaherezagne maro iareo, le niavy t'a Gresia tagne reke. ³Naho fa boaka nijanogne telo volagne tao reke, nisy teteke rety niforogn'o Jiosy reo hanoheragn'aze naho reke handeha hiondragne sambo ho a Syria agne igne, ka nanapa-kevetse ty himpoly ho a Makedonia agne reke.⁴Nagnarak'aze hatr'Asia lavits'agne ty Sopatera anakilahi'i Pyro boak'a Beria agne; Aristarko naho i Sekondo, sambe baok'ama'o mpino Tesalonika reo; Gayo boak'a derbe agne; Timoty, le i Tykiko naho i Trofimo boak'Asia agne. ⁵Fe ie o lahilahy reo fa nialoha anay naho nandigne anay t'a Troasy tagne. ⁶Niondragne sambo niala t'a Filipy tao zahay tafara'ty andro fihinanagne mofo tsy masira, naho tagnate ty dimy andro le niavy tama'iareo t'a Troasy tagne zahay. Naho nitoboke tao agnate ty fito andro zahay.⁷Tamy ty nadro voaloha'ty heregnandro, naho fa niarake niangogne mba hanapake i mofo'y zahay, le nirehaka tama'o mpino reo ty Paoly. Ireke le nagniry ty handeha hamaray igne, ka tsy nanohy nirehake hatramy ty sasakalegne reke. ⁸Nisy jiro maro ty tama'i i efetse ambone'y tao i niavia'ay miarake'y.⁹Tamy ty lafonety teo ro nipetrake ty tovolahy man'agnaragne te heo Eotika, i niazontory laleke. Naho nirehake naharetse ty Paoly, o tovolahe'o, le mbe natory, tafalatsake boak'amy ty etazy faha telo'y egne naho fa naaregne reke le trea te fa mate. ¹⁰Fe ie nizotso ty Paoly, nagnintsy ty vata'e tama'e teo, naho mamihegn'azy. Boakeo nirehake ty hoeke reke: "Ko miharovetse sasa, fa velogne reke."¹¹Le niakatse ndraike reke boakeo naho nanapake i mofo'y naho nihinagne. Naho fa niavy nirehake ela tama'iareo hatramy ty magneno akoho reke, le nandeha.¹²Nanday i tovolahy fa nivelogne'y nimpoly iareo naho faly tena le faly.¹³Itika vata'e ro nandeha nialoha'i Paoly tamy ty sambo naho niondragne sambo ho Aso agne, fa agne ro iri'ay handrambesagne i Paoly. Izay ro fagniri'e ireke tompom-batagne ho atao, satria nagniry handeha an-tanete reke. ¹⁴Naho fa nihaogne tama'ay t'Aso tagne reke, le nandese'ay tamy ty sambo reke ka nandeha t'a Mitylena agne.¹⁵Boakeo niomdragne sambo boakeo zahay naho niavy tamy ty tandrifi'ty nosi'i Kio tao ty maray. Ty andro magnarake le nitsanogne tamy ty nosi'i Samo tao zahay, le ty marai'igne le niavy tamy ty tanà'i Mileto tao. ¹⁶Fe ie nanapa-kevetse ty hiondragne sambo handalo an'i Efesiosy ty Paoly, mba tsy handany fotoagne ela Asia agne reke; satria meke ty ho a Jerosalema agne reke ty andro ty Pentekosta, naho azo'e atao ty manao izay.¹⁷Boak'a Mileto agne ro nandefasa'elahilahy ho a Efesiosy agne naho nampitoka ty loholo'i anjomban'Agnahare'y ho ama'e eo. ¹⁸Naho fa niavy tama'e tao iareo, le nirehake tama'iareo reke te hoe: "Inareo vata'areo mahafantatse, hatramy ty andro voaloha'e nandiako an'i Asia, te hoe manahake ty manao akory ro nandaniako ty fotoako niarake tama'areo. ¹⁹Le nanompo avao an'i Tompo raho tamy ty kila fahendreagne naho ranomaso, le tagnate fijaliagne tao ro niavy tamako zay noho ty teteke raty o Jiosy reo. ²⁰Nareo le mahafantatse te tsy nanjitse tsy ambara telo tamy ty fagnambaragne tama'areo ze iaby ze paiavegne raho, naho ty fomba nampianarako anareo tagnatreha'o ndaty teo naho tamy ty isan-tragno, ²¹nijoroako vavolombelogne tama'o Jiosy reo teo naho o Jentilisa reo mahakasike ty fibebahagne aman'Andrianagnahare naho ty finoagne amy ty Jesosy Tompontika ao.²²Ingo henanike zao, ho a Jerosalema agne raho, nitere ty Fagnahy Masigne ka tsy mafantatse ze hahazo ahy agne, ²³afa-tsy ze hampitandrema'tyFagnahy Masign'ahy isake ty tanàm-bey ama'o fandrohizagne reo naho fijaliagne ze miambegn'ahy. ²⁴Fe ie iraho le tsy nandineke ty fiaignako te lafo vily amy ty tegnako, naho tsy hoe hahavita ty laiko ano ty asa fanompoako ze nirinambeko boak'ama'i Jesosy Tompo raho, hagnambara ty talilisoan'Andrianagnahare.²⁵Le ingo henanik'izao, fantako te inareo iaby, ze nagnambarako ty fanjakagne, ro tsy nahatrea ty tareheko sasa. ²⁶Noho izay ambarako ama'areo amy ty andro toy, te iraho le tsy manan-kakeo amy ty lio'o ndaty. ²⁷Fe ie tsy naetako tama'areo ty fitaliliagne ty sitrapon'Andrianagnahare iaby.²⁸Noho izay tandremo ty mahakasike ty tegna'areo, naho ty mahakasike'o aondry iaby ze nampiandrazegne'ty Fagnahy Masigne anareo. Mitandrema amy ty mpiarak'aondri'ty anjmban'Andrianagnahare, ze nivinili'e tamy ty lio'e manakogne. (Fagnamarihagne: nahoo "Tamy ty lio'e manokagne" ty amy ty antonta-taratasy taloha le mivaky te hoe: "Tamy ty lio'ty anakilahi'e manokagne.") ²⁹Fantako te afara ty fandehanako, le ho avy ama'areo eo o amboan'ala masiake reo naho tsy handefetse o aondry reo. ³⁰Fantako te ndre boak'ama'areo aza le hisy ndaty ho avy naho hagnova ty marigne mba hitarike o mpianatse reo hagnarake iareo.³¹Ka le miambena. Tadidio fa tagnate ty telo taogne raho ro tsy nijanogne nampianatse ty kiraikiraike ama'areo iaby andro ama'ty haligne tamy ty ranomaso. ³²Henanik'izao ankineko aman'Andrianagnahare naho amy ty rehake'ty fahasoavagne nareo, ze afak manangagne naho magnome anareo ty lova ama'ze raha iaby nihamasinigne.³³Tsy nagniry volafoty, volamena, na lamba'o ndaty raho. ³⁴Inareo vata'areo ro mahafantatse te ty tangnagne reto ro nanolotse ze nipinaiko naho ze nipinai'areo reo ze niarake tamako. ³⁵Tamy ty ze kila raha iaby ro nagnomezako ohatse anareo ty fomba toko'e hagnampia'areo ze maleme amy ty alala ty asa, naho ty fomba hitadidia'areo ze saontsi'i Tompo Jesosy, saontsy ze natalili'e Ireke vata'e te hoe: "Mahasambatse ty magnome noho ty mandary."³⁶Naho fa boaka nirehake manahak'izay reke, le nanongalike naho nivavake niarake tama'iareo iaby. ³⁷Nisy fitagniagne bey ty teo naho namihigne an'i Paoly naho nagnoroke aze iareo. ³⁸Niharovetse ty maro tama'iareo noho ze nirineha'e, te hoe: iareo le tsy hahatrea ty tarehe'e sasa. Boakeo nagnatits'aze tamy ty sambo tegne iareo.

Chapter 21

¹Naho fa niala tama'iareo teo zahay le niandragne sambo, naho nagnitsy avao nandeha amy ty tanà'i Kosy agne, nandeha amy ty tanà'i Rody ty andro magnarake, naho niavy ao le nandeha amy ty tanà'i Patara. ²Naho fa nahatrea sambo nitsake a Foinika agne zahay, le nizilike tao zahay ka niandragne sambo.³Naho fa boaka nahatrea an'i Kyprosy, le nagnenga izay tagnila'i sambo'y egne, niondragne sambo ho a Syria agne zahay naho nitsanogne t'a Tyro tao, toeragne ze namoaha'o tantsambo reo ty entagne tagnate'i sambo'y ao. ⁴Naho vao nahatrea o mpianatse reo zahay, le nijanogne tagne tagnate ty fito andro. Tamy ty alala ty Fagnahy le nandresy lahatse an'i Paoly avao iareo mba tsy handeha ho a Jerosalema agne.⁵Naho fa tapitse ty andro'ay tegne, le niala tao zahay ka nandeha tamy ty lala'ay, naho iareo iaby, niarake tama'ze valy aman'ana'e, nagnarake niboake tamy ty tanàgne tao. Naho nandohalike tantsisin-dranomasigne tegne le nivavake ⁶naho nifanao veloma. Le nizilike tagnaty i sambo'y tao zahay, naho iareo le nimpoly tan-tragno'iareo agne.⁷Naho fa nivita'ay ty lia t'a Tyro tagne, le niavy t'a Ptolemaisy tagne zahay. Tagne le nihaogne tama'o roahalahy reo naho nijanogne andro raike niarake tama'iareo. ⁸Ty maray igne le niala tao zahay naho nadeha t'a Sezarea tagne. Nizilike ty tragno'i Filipo tika, Evanjelista, ze raike tama'o fito reo, naho nijanogne niarake tama'e zahay. ⁹Henanik'izao o lahilahy io le nana'anaky ampela virijiny efatse ze naminany.¹⁰Naho fa nijanogne tao tagnate ty andro maromaro zahay, le nisy mpitoky raiky nizotso boak'a Jodia tagne man'agnaragne hoe Agabo. ¹¹Nagnantogn'anay naho nangalake ty fidiagna'i Paoly reke. Tama'igne ro nandrohiza'e ty tombo'e naho ty tagna'e le nirehake ty hoeke: "Le hoe ty Fagnahy Masigne, 'le hanahak'izao ro handrohiza'o Jiosy reo a Jerosalema agne ty lahilahy ze tompoe'ty fidiagnagne toy, naho hanolotse aze an-tagna'o Jentilisa reo eo.'"¹²Naho fa nahre ze raha zay zahay, le izahay naho'o ze ndaty mipetrake tama'o toeragne'o tao le nanongaleke tama'i Paoly tsy handeha ho a Jerosalema agne. ¹³Naho le namaly ty Paoly nanao ty hoeke: "Inogne ro atao'areo, mitomagny naho fandratse ty foko? Fa vognogne raho, tsy ie te ho rohizagne avao, fa ho mate a Jerosalema agne avao ka amy ty tahina'i Tompo Jesosy." ¹⁴Satria tsy nagniry ty ho resegne lahatse ty Paoly, le nijanogne nagnandragne zahay naho nireha ty heoke: "Ao mba ho tanterake ty sitra-po'i Tompo."¹⁵Tafara'o andro reo, le ninday ty kitapo'e izahay ka nandeha a Jerosalema agne. ¹⁶Le nisy mpianatse ila'e avao ka boak'a Sezarea agne nagnarake anay. Nanday lahilahy niarake tama'iareo i nitokavegne amy ty agnaragne hoe Menasona, lahilahy boak'a Sipra gane, mpianantse mainty molaly, ze toko'e hiaraha'ay mipetrake.¹⁷Naho fa niavy ta Jerosalema agne zahay, le nandray anay am-pifaliagne o roahalaheo. ¹⁸Naho maraindray le nagnorike anay ty Paoly ho amy Jakoba agne, le teo iaby o lohologne iaby io. ¹⁹Naho fa boake niarahaba iareo reke, le nagnatetse tsiraidraike o raha iaby ze fa nataon'Andrianagnahare tamy o Jentlisa tamy ty alala ty asa fagnompoagne.²⁰Naho fa naharey izay iareo, le nidera an'Anandrianagnahare, le nirehake tama'e te hoe: "Treao, ry roahalahe, agn'arivoe firy ro nino tamy o Jiosy io. Tapa-kevetse iareo iaby hagnaja i lilý. ²¹Fa nirehafe iareo ty mahasike azo, fa irehe le mampianatse o Jiosy iaby io ze mitoboke eo amy o Jentlisa'o hahafoy i Mosesy, le irehe mirehake iareo tsy hanavatse ty anae, le tsy hagnorike ty fomba taloha.²²Inogne ro tokoe ho hataontika? Ho re iareo vatae'e fa niavy rehe. ²³Le anovo ze rehefe'e amao. Managne lahilahy efatse nanao vaody zahay. ²⁴Indeso o lahilay reo le liovo mindre amy iareo ty vata areo, le aloavo ze lany iareo, mba hamere ty loha iareo. Le ho hay ty ndaty iaby fa o raha rehafegne mahakasike anareo le diso. Ho hay iareo fa irehe le magnorike lilý avao ka.²⁵Fe ie ty mikasike o Jentlisa'o ze nino, izahay le nanoratse naho nagnomey torolalagne fa tokoe hitandrigne ty vatae amy ty raha vita sorogne hoe ty sampy iareo, boake amy ty lio, boake amy ty kendagne, naho boake amy ty fijangajangagne. ²⁶Boakeo le nala i Paoly o lahilahy io, naho nimaraindray, reke nagnalio ty vatae nindre tama iareo, nilitse t'ampiangonagne tao, nagnambara ty vanim-potoagne ty andro ty fagnaliovagne, mandra-pagnateragne ty fagnatetse hoe ty ndaty tsiraindraike tamy iareo.²⁷Naho fa ho tampetse o nadro fito, o Jiosy ilaila'eo boake Asia agne, nahatrea i Paoly t'ampiangonagne tao, nampikorontagne o vahoak'eo manontolo, le nanambotse aze. ²⁸Nikorake iareo te hoe: "Ry ndaty r'Israely, ampio zahay." Io i lahilahy io mampianatse ty ndaty iaby mbaia mbaia o raha ze anohera ty ndaty, ty lilý, le ty toeragne toy. Fagnampe izay, ninday Grika t'ampiangonagne avao ka reke le nandoto ty toeragne masigne toy. ²⁹"Fe ie iareo taloha teo nahatrea i Trofima i Efezianina nindre tamy ty tanágne tao, le nieretseretse iareo fa i Paoly ro ninday aze t'ampiangoanagne tao.³⁰Nikoropake iaby i tanágne'y, le nindre nilay naho nanambotse i Paoly ty ndaty. Naniotse aze hiakatse ampiangonagne ao iareo, le nahily teo noho eo i varavaragn'ey. ³¹Naho fa t'am-pomoanoagne aze teo iareo, le nisy vaovao niavy boake amy i kapiteny i mpiambigneo tagne fa mikorontagne iaby ty Jerosalema ray manontolo.³²Avy le nangalake miaramila naho kapiteny reke le nilay nizotro mbamy o vahoakeo mbao. Naho fa nahatrea i kapiteny naho o miaramila'o vahoake'o, le najano iareo ty nifejeragne i Paoly. ³³Le nagnatogne i kapiteny le nisambotse i Paoly, le nampamehe'e tama ty rojo vy roe reke. Le nagnotane reke te hoe ia rehe le inogne raha natao'eo.³⁴T'ilae tamy o vahoakeo nitabataba raha raike le o ilae'o raha hafa. Satria tsy afake nirehake na inogne na inogne i kapiteny tra i tabataba iaby, le nampindese'e ho amy rova ey ty Paoly. ³⁵Naho fa niavy teo aman-tahotse reke, le nindese o miaramila'o reke tra ty heriloha o vahoakeo. ³⁶Fe ie nagnorike tafara o vahoakeo tsiefa'o le nanohy nikorake te hoe: "Vono reke"³⁷Naho nindesegne tan-drova tao ty Paoly, le hoe reke tamy i kapiteny: "Afake mirehake raha amao vao raho?" Hoe i kapiteny te hoe:"Mirehafa Grikavao reheo? ³⁸Tsy rehe vao i Egyptiana, i nitarike teteke taloha tagne le nitarike o efatse arivo lahy ty 'mpamono ndaty' niboake boake tambalike agne?"³⁹I Paoly le nirehake te hoe: "Iraho le Jiosy, boake amy ty taná i Tarsosy a Kiliaka agne. Iraho le ndaty mpirenena ty tanágne manan-danja. Mangatake amao raho, avotsoro raho hirehake amy ty ndaty." ⁴⁰Naho fa namototse aze hirehake i kapiteny, le nitsangagne teo aman-tahotse ty Paoly le nanao fihetsike tamy ty tagnáe tamy vahoakeo. Naho fa nitsigne iaby iareo, le nirehake tamy iareo tama ty fireheke Hebreo reke. Hoe reke:

Chapter 22

¹"Ry roahalahe naho ry rae, tsanogno ty fiarovako ze hataoko amareo am'izao." ²Naho fa naharey i Paoly nirehake tamy ty rehake Hebdreo o vahoake'o, le lasa nitsigne iareo. Hoe reke te hoe:³"Jiosy raho, terake ta Tarsosy agne a Kilikia agne fa nibey teto amy ty tanàgne toy eto amy ty tongo i Gamaliela eto. Nampianaregne arake ty fomba mahefe ty lilý o razantika'o raho. Tena mafana fo ho an'Anandrianagnahare raho, manahake anareo iaby am'izao andro zao. ⁴Nagnejeke o Lilý io ho amy ty fahafatesagne raho, namehe naho nanolotse iareo hatao an-tragno maigne na lahilahy na ampela, ⁵le ty mpisorogne bey naho o lohologne iaby io afake mijoro vavolombelogne. Nahazo taratasy boake amy iareo raho hoe o roahalahe a Damaskosy agneo, le nandeha mbeo ninday iareo nipoly mbe mifehe ho mba Jerosalema agne mba hagnasazeagne iareo.⁶Izao ro niseho naho fa nandeha le nagnarine i Damaskosy raho, le tamy ty fagnambaragne teo ho eo le nisy hazavagne bey boake an-dagnitse agne nanomboke namiratse nagnodidigne ahy. ⁷Nitonta tamy tane'y raho le nahare'y feo nirehake tamako raho: 'Saoly, Saoly, nagninogne rehe magnaraty Ahy io? ⁸Namale raho te hoe: 'Ia moa reheo, Tompoko?' Nirehake tamako Reke te hoe: 'Iraho ro Jesosy i Nazareta, i haratie'o.'⁹O nindre tamako le nahatrea i hazavagney, fa iareo le tsy nahay i feo nirehake tamako'y. ¹⁰Hoe raho te hoe:'Inogne ro tokoe taoko, Tompoko?' I Tompo nirehake tamako te hoe:'Mitsangàna le milira a Damaskosy; agne ro hagnambaragne azo ty raha rehetra ze tokoe hatao.' ¹¹Tsy nahatrea hamirapiratagne ty hazavagne hoy izay raho, le nitantara ze nindre tamako reo, le niavy ta Damaskosy tagne raho.¹²Nifampingaogne tamy ty lahilahy raike atao hoe Ananiasy tagne raho, lahilahy matahotse an'Anagnahare nagnorike ty lilý'e le soa laza tamy o Jiosy iaby ze nitoboke tao reo. ¹³Nagnatogne ahy reke, nitsangagne t'agnilako teo, le nirehake te hoe:'Ry roahalahe Saoly, mahiràta.' Tamy ze lera zay vatae le nahatrea azr raho.¹⁴Le nirehake reke te hoe: "Ty Andrianagnahare o razantika'o lenifily azo mba hahafantatse ty sitrapoe, mba hahatrea i Rae Maregne, naho le haharey ty feo'e boake ampalie'eo. ¹⁵Fa ho vavolombegne ho Aze amy ty ndaty iaby mahakasike zetreao naho reo'o. ¹⁶Le magnino rehe ro mandigne? Mitsangàna, ao hatao batisa, le liovo o fahotao, mitokava amy ty tahina'e."¹⁷Naho fa boake nimpoly ta Jerosalema raho, naho mbe nivavake t'ampiongonagne tao, le nahazo tsindrimandry raho. ¹⁸Nahatrea Aze raho nirehake tamako te hoe: 'Tsiela misintiha i Jerosalema tsiela,satria iareo tsy hagneke ty hijoroa'o vavolombelogne mahakasike Ahy.'¹⁹Hoe raho: 'Tompo, le ty vata iareo le mahafantatse fa izaho nagnadra naho nanjera ze nino Azo tamy ty Synagoga iaby tao. ²⁰Naho fa napoke ty lio i Stefana vavolombelo'oy, iraho ka le mba nitsangagne teo le nagneke, le niambigne ty lamba ze namono aze raho.' ²¹Fe ie nirehake tamako Reke te hoe: 'Mandehana, satria halefako lavitse o Jentlisa'o rehe.'²²Nitsanogne aze iareo mandra-pirehafae izay. Le nikorake mafe iareo le nirehake te hoe: "Vono hisintake eto amy ty tane toy ty lahilahy manao hoio, satria tsy magneva ty ho velogne reke." ²³Naho nitabataba iareo, le nagnary ty akanjo iareo, le nanorake bon-tane, ²⁴ty lahibe o kapiteny io le nandily i Paoly mba hindesegne an-dapa agne. Reke le nandily fa tokoe hatignegne mindre amy ty kapoake reke, le mba ahafanatara ty vatae te hoe nanao akory iareo le nikorake manohetse aze manahake izao.²⁵Naho fa namehe aze tamy ty holin-kofehe iareo, le hoe ty Paoly tamy i kapiteny nitsangagne teo: "Ara-dalàgne ho anareo vao ty manakaravasy lahilahy Romana naho tsy mbe notsaraigne ka? ²⁶Naho fa naharey izay i kapiteny, le nandeha amy ty lahibe i kapiteny io reke le nirehake amae, nirehake te hoe: "Inogne raha atao'o zao? Mponigne i Romana o lahilahy io."²⁷Nagnatogne i lahibe i kapiteny le nirehake tamae te hoe: "Rehafo raho, mponigne Romana vao reheo?" Paoly namaly te hoe: "Eka." ²⁸Le namale i lahibe i kapiteny te hoe:" Tamy ty vola be avao ro nazahoako o zom-pirenena io. Fe ie i Paoly nirehake te hoe: "Naterake ho mponegne i Romana raho." ²⁹Le nagnenga aze teo no ho eo i lahilahy ze nametra-pagnotaniagne aze. Natahotse avao ka i lahibe i kapiteny, naho fa fantae fa mponigne Romana ty Paoly, satria reke namehe aze.³⁰Naho maraindray, te hahafantatse ty maregne mahakasike o fagnedrekendreha o Jiosy nanohetse i Paoly ty lahibe o kapiteny io. Le nivahae ty fehe'e le nibaiko o mpisorogne bey io naho o filan-kevetseo naho fa mba hivory reke. Le ninday i Paoly nizotso reke le nametrake aze t'agnivo iareo teo.

Chapter 23

¹I Petera nagnete nivantagne tamy o mpikambagneo taoamy ty filan-kevitra le nirehake te hoe: "Ry roahalahy, iraho le fa niagne teo agnatrehan'Andrianagnahare tamy ty fieretreretagne soa iabike mandrake androany." ²Ty mpisorombe Ananiasy le nibaiko ze nitsangagne teo agnilae teo mba hamelezagne ty vavae. ³Boakeo i Paoly nirehake aze te hoe: "Andrianagnahare le hanjera azo, irehe ry rindrigne voalalotse foty. Irehe vao le mitoboke hitsara ahy amy ty lilý, fe ie mandily ahy mba hojeragne, tsy arake ty lilý?⁴Ze nitsangagne teo le nirehake te hoe:"Izao zany ro fomba anevateva'areo ty mpisoromben'Andrianagnahare?" ⁵I Paoly nirehake te hoe: "Tsy nahafantatse raho, ry roahalahe, hoe reke ty lahibe o mpisorombe io. Fe ie fa mpinday ty vahoa'o rehe."⁶Naho fa trea i Paoly fa t'ilae tamy ty filan-kevetse'o le Sadoseo naho ty Fariseo, le nirehake mafe tamy filan-kevetse'o ao reke te hoe: "Ry roahalahe, Iraho le Fariseo, anadahy o Fariseo. Izay ro ie satria raho le manantena soa ty fivagnonambelogne ze hitsara ahy." ⁷Naho fa nirehake izay reke, le nanomboke nisy fifandiragne tamy o Fariseo naho o Sadoseo teo, le o vahoake'o le nizara. ⁸Fe ie Sadoseo le nirehake fa tsy misy ty fivagnonambelogne, tsy misy o anjely io, naho tsy misy o fagnahy io, fe ie o Fariseo le nagneke iareo aby io.⁹Naho izay le nisy tabataba mafe niseho, le t'ilae tamy o mpanora-dalàgne reo Fariseo le nitsangagne le nialy hevetse, nirehake te hoe: "Izahay le tsy mahatrea raha diso amy ty lahilay tio. Manao akory naho ty fagnahy na ty anjely ro nirehake tamae? ¹⁰Naho nisy fifandiragne mafe teo, ty kapiteny mpitarike le natahotse tsy noho hifandroteha iareo ty Paoly, naho izay reke nandily o miaramila'o mba hizotso naho hamorose aze handeha ho amy o mpikambagne'o ao amy ty filan-kevetse'o, le hinday aze an-dapa agne.¹¹Halegne magnarake ty Tompo le nitsangagne t'agnilae teo le nirehake te hoe: "Ko matahotse, fa toy ty nijoroa'o vavolombelogne mahakasike ahy ta Jerosalema agne, ro tsy maintsy hijoroa'o vavolombelogne i Roma agne avao ka."¹²Naho fa maraindray i androy, ty Jiosy ilae'o le namorogne teteke le nagnozogne ty vatae iareo mindre amy ty fifantagne mba tsy hihinagne na hinogne na inogne na inogne mandra-pamonoa iareo i Paoly. ¹³Ndaty mihoatse ty efapolo iareo ty namorogne o teteke'o.¹⁴Iareo le nandeha tamy o mpisorombe agne naho o lohologne le nirehake te hoe: "Izahay le fa nagnozogne bey tamy ty vata'ay, mba tsy hinanagne na inogne na inogne mandra-pamonoa ay i Paoly. ¹⁵Am'izao, naho izay, engao o filan-kevetseo hirehake amy i kapiteny mpitarike mba hinday aze hizotro ama'areo eto, le nareo manahake ty hanapa-kevetse amy ty raha misy mahakasik'azy maregne vatae. Fe ie ho anay, izahay le vognogne ty hamono aze aloha ty hiavia'e eto."¹⁶Nefa ty anad'ahy ty anabave i Paoly le naharey fa mandigne ty hamonoagne aze iareo, naho izay le nandeha le nilitse tan-dapa tao le nirehake tamy i Paoly. ¹⁷I Paoly le nitoka ty raike tamy o kapiteny io le nirehake te hoe: "Indeso amy kapiteny mpitarike agne ty ajalahy toy, fa managne raha ho rehafegne amae reke."¹⁸Naho izay i kapiteny le nandrae i jalahy le ninday aze tamy i kapiteny mpitarike agne le nirehake te hoe: "I Paoly i gadra'y ro nitoka ahy ho amae agne, le nangatake ahy mba hinday ty ajalahy toy ho amako eto. Managne raha ho rehafegne ama'o reke." ¹⁹Ty kapiteny mpitarike le nangalake aze tamy ty tagnae ho amy toeragne mangike agne le nagnotane aze te hoe: 'Inogne raha tokoe ho rehafeo amako zao?"²⁰I anjampela'y nirehake te hoe: "O Jiosy reo le fa marine ty hangatake amao mba hinday i Paoly hizotro amy filan-kevetseo agne amaray, iareo le manahake ty hagnotane ty mahakasike aze maregne vatae. ²¹Fe ie ko magneke iareo, satria nisy ndaty mihoatse ty efapalo vavognogne ty hamono aze. Nitoka ozogne hoe ty vatae iareo, mba tsy hihinagne na hinogne mandra-pamonoa iareo aze. Na le am'izao aza le fa vognogne iareo, mandigne fagnekeagne boake amao agne."²²Le nengae i Kapiteny mpifehe'y handeha i ajalahy, tafara ty nanoroagne aze te hoe: "Ko mirehake na amin'ia na amin'ia te hoe nirehake raha reo tamako rehe." ²³Boakeo reke le nitoka roe tamy kapiteny reo le nirehake te hoe:'Alao ty miaramila roanjato i hovonegne ty handeha a kaisara agne, naho mpiday tsoavaly fitopolo avao ka, le mpinday lefogne roanjato. Handeha rehe amy ty lera fahatelo ty alegne." ²⁴Reke ka le nandily iareo mba hagnome biby ze afake hitingira i Paoly, le mba hinday aze soa aman-tsara amy Feliksa agne i governora'y.²⁵Boakeo le nanoratse taratasy mahake izao reke: ²⁶"Klaodio Lisia hoe i Feliksa governora soa vatae, aharabaigne. ²⁷O lahilahy io le nisambore o Jiosy io le saike nivonoe iareo, naho fa niavy teo amy iareo teo le nindre tamy o miaramila'o raho le nagnavotse aze, satria nahafantatse raho fa reke le olom-pirenena Romana.²⁸Iraho le te hahafantatse ty antoe nitoria areo aze, noho izay le nindeseko nizotro tamy ty filan-keve iareo tao reke. ²⁹Nahafantatse raho fa voatory tamy ty aly hevetse mikasike ty lilý iareo manokagne reke, fe ie tsy nisy fitoriagne nanohetse aze ze magneva fahafatesagne na fagnadragne. ³⁰Boakeo le nampahafantarigne ahy fa nisy teteke hanoheragne i lahilahy, naho izay le nandefa aze teo noho eo tama'o agne raho, naho nagnafatse o mpitory aze'o avao ka mba hinday ty fagnasazeagne iareo aze agnatreha eo. Veloma."³¹Le noho zay o miaramila 'o le nagneke ze baiko iareo. Nalae iareo ty Paoly le nindesegne tamy ty alegne t'Antipatria agne. ³²Naho nimaraindray, ty ankamaroa o miaramila'o le nagnenga o mpitingitse soavaleo mba handeha hindre amae fa iareo le nipoly t'an-dapa tagne. ³³Naho fa niavy ta Kaisara tagne o mpitingitse soavaleo le nanolotse i taratasy hoe i governora'y, le nanolotse i Paoly tama'e avao ka.³⁴Naho fa namaky i taratasy ty governora, le nagnotane ty faritany le nivalea i Paoly reke. Naho fa fanta'ay fa boake a Kilikia reke, ³⁵le nirehake te hoe: "Iraho le hahare'y tanaterake rehe naho fa niavy eto o mpitory azo." Le nampitanae tao ao amy o foibe ty fanjaka i Heroda reke.

Chapter 24

¹Tafara ty dimy andro, Ananiasy i mpisorogne bey, o lohologne ilae eo, le mpikabary atao hoe Tertylo le nandeha tagne. O lahilahy reo le ninday fitoriagne hoe i Paoly t'aoloha i governora teo. ²Naho fa nitsangagne t'aloha i governora teo ty Paoly, le nanomboke nitory aze ty Tertylo le nirehake tamy i governora te hoe: "Noho irehe le managne fiadanagne bey zahay, le ty fahitao le minday fanovagne soa eo amy ty firene'ay; ³le am-pankasitrahagne tanterake ro handraisa ay ty raha iaby ze atao'o, ry Feliksa soa vatae.⁴Mba tsy hitazomako anareo ela loatse, le mangatake fotoagne fohe ama'areo raho mba hitsanogne ahy am-pilamiangne. ⁵Fa o lahilahy io le trea ay fa mpagnakorontagne le raike ze niterake i Jiosy io iaby magneragne izao tontolo zao hiteteke. Reke ro mpitarike ty sekta Nazareta. ⁶Le reke avao ka ro niezake ty handoto ty anjomban'Agnahare, le nisamboregne reke. (Fagnamarihagne: O antotan-taratasy taloha'o le nagnampe te hoe: "Tea ay ho tsaraegne arake ty lilý ay reke.")⁷(Fagnamarihagne: O antontan-taratasy taloha le ahitagne ao amy ty andinie faha 7 te hoe: "Fe ie i Lysia, mpikarakara, niavy le nanambotse aze t'antanagneteo.") ⁸Naho fa magnotane ty Paoly misakike raha iaby reo rehe, le ho fanatao ty mikasike ze fitoriagne nataoe mahakasike aze reo'. (Fagnamarihagne: O antotan-taratasy taloa le nagnampy ao amy ty tapae voaloahe amy ty andinie faha 8 te hoe: "Nandefa anay tamao teo.") ⁹O Jiosy avao ka le nagnape trotrake i fitoriagne reo, le nagnamafe fa maregne iaby reo.¹⁰Fe ie naho fa nitondroe i mpanjaka hirehake ty Paoly, le namale ty Paoly te hoe: "Fantako fa irehe le fa mpitsara teto amy ty firenena toy agnate ty taogne maro, le fale ty vatako magnazava ama'o. ¹¹Ho fantao fa tsy mbe nihoatse ty roe ambin'ny folo andro zay ro niakarako nidera ta Jerosalema agne. ¹²Naho fa trea iareo tam-piangoangne tao raho, le tsy nialy hevetse na tamy ia na tamy ia raho, le tsy nampirisike ty vahoake, na tamy o synagoga ao, na t'antanàgne tao. ¹³Tsy afake magnaporofo amao o fitoriagne ze ataoe amako amizao iareo.¹⁴Fe ie izaho magneke izao ama'o, arake ty Fampianaragne ze rehafe iareo te hoe Sekta, le manahake izay ka ro hanompoko ty Andrianagnahare ty razambetika. Izaho le nahatoky amy ty raha ze ao amy ty lilý naho ze voasoratse o mpaminany io. ¹⁵Managne ty fahatokisagne an'Andriagnahare maregne naho ty raty fagnahy amy ty mate. ¹⁶Naho izay raho le miezake manadrakariva mba hanagnagne fisaignagne madio eo agnatrehan'Andrianagnahare naho ty olombelogne.¹⁷Le tafara ty taogne maro le niavy raho ninday fagnampiagne hoe ty fireneko naho fanomezagne ara-bola. ¹⁸Naho fa vitako izay, nisy Jiosy tsiampiampe boake Asia agne nahatrea ahy tamy ty fete ty fagnaliovagne tam-piangonagne tao, tsy nindre tamy ty vahoake na tabataba. ¹⁹O ndaty reo le tokoe ho eo agnatreha areo amin'izao le mirehake ze hitoria areo ahy, naho managne raha iareo.²⁰Na ka, o ndaty reo avao ro tsy tokoe hirehake ze hitae iareo tsy mete amako atoy naho fa nitsangagne teo aloaha ty filan-kevetse i Jiosy io raho, ²¹naho tsy hoe mahakasike ty raha raike ze nirehafeko naho fa nitsangagne t'agnivo iareo teo raho:" Izay le mikasike ty fivagnona-mbelogne ze hitsaragne ahy eto agnatreha areo androany.'²²Le Feliksa, nampahafanteregne soa ty mahakasike i Fampianaragne'y. Reke le nirehake te hoe: "Naho fa misotro boake a Jerosalema agne ty Lysia mpandily, le hanapa-kevetse ty amy ty raharaha'o raho." ²³Boakeo reke nandily i Kapiteny fa i Paoly le tokoe hembenagne, fa mba hisy fahafahagne le tsy hisy amy o ragne eo ho sakanagne amy ty fagnampiagne ze raha paeva'e.²⁴Amy andro kedekede tafara izay, le nimpoly nindre tamy i Drosila valy i Feliksa, ze ampela Jiosy, le nalefa hoe i Paoly reke naho le naharey tamy ty mahakasike ty finoagne ao amy i Kristy Jesosy. ²⁵Fe ie naho fa nialy hevetse nindre tamy i Paoly mahakasike ty fahamarinagne, mampionon-tegna, naho ty fitsaragne ho avy, le lasa natahotse i Feliksa le nirehake te hoe: "Mandehana manomboke zao. Fa naho fa managne fahafahagne raho naho afarao, le handefa ho azo."²⁶Tagnate izay fotoagne zay vao, le nagnategna reke fa hagnome vola aze ty Paoly, naho izay le nandefa ho aze matetike reke naho nirehake tama'e. ²⁷Fe ie naho afake roa taogne, le lasa governora nandimby i Feliksa ty Porsio Festosy, fe ie Feliksa te hahazo sitrake tamy o Jiosy io, le nenga'e ho embenagne avaoty Paoly.

Chapter 25

¹Am'izao, Festony nilitse tao amy faritany, le telo andro tafara tatoy, le niakatse boake tao Kaisaria reke ho agne Jerosalema. ²Ty loha o mpisorogne'o naho o Jiosy manan-kaja le ninday fanamelohagne hitoriagne i Paoly, ka namporisike aze ³naho nangatake tamy iareo mba hampidi-doza hoe i Paoly_ka mete hampitoka i Paoly ho a Jerosalema agne ty Festosy mba afaha iareo mamono aze an-dalagney.⁴Fe ie i Festosy namaly fa gadra a Kaisaria ao ty Paoly, naho reke nirehake le himpoly agne tsy ho ela. ⁵"Naho izay, ze afake," hoe reke: "le tokoe handeha hindre ama'ay ho agne. Naho nanao raha tsy mety i lahilahy, le tokoe hitory aze nareo."⁶Festosy le tsy nijanogne nohoatse ty valo na folo andro le boake eo nisotro mba Kaisara, le ty andro magnarake le nitoboke tamy toeragne fitsaragne teo reke le nandily i Paoly mba hindesegne ama'e agne. ⁷Naho fa niavy reke, le nitoboketagnilae teo o Jiosy io boake a Jerosalema ao, le ninday fitoriagne goavagne tsiefa iareo tsy afake noporofoe iareo. ⁸Niaro-tegna ty Paoly le nirehake te hoe: "Tsy nanao raha raty manonehetse ty lilý ty Jiosy raho na manohetse ty fiangona na manohetse i Kaisara."⁹Fe ie nipay ze ahazahoagne ty fankasitrahagne o Jiosy io ty Festosy, le naho izay le namale i Paoly reke le nirehake te hoe: "Te-hiakatse ho a Jerosalema agne vao reheo le ho tsarako ty mahakasike raha tagne rey? ¹⁰Hoe ty Paoly te hoe: "Mitsangana eto aloha i seza fitsara i Kaisara eto raho i tsy maintsy hitsaragna ahy. Tsy nanao raty ty Jiosy raho, arake ty fa fanta'o soa.¹¹Fe ie naho nanao raty raho le naho nanao ze magneva ty fahafatesagne, le tsy mandà ty ho mate. Fa naho tsy misy o fitoriagne iareo,le tsy nisy ndaty afake minday ahy ho amy iareo agne. Mangatake i Kaisara raho." ¹²Naho fa boake nirehake tamy ty filan-kevetse i Festosy io, le namaly reke te hoe: "Nangatake i Kaisara rehe. Amy i Kaisara agne rehe ro handehana'o.¹³Le tafara ty andro kedekede, le niavy tamy i Kaisara tagne ty Agripa mapanjka naho i Berenika mba hamangy i Festosy. ¹⁴Tafara ty naha tao aze agnate ty andro maro, le natolo i Festosy teo amy ty mpanjaka ty raharaha i Paoly; nirehake reke te hoe: "Nisy lahilahy raike nenga i Felix atoy hoe ny gadra. ¹⁵Naho fa ta Jrosalema raho, le ninday fitoriagne ty lahilahy toy tamako tatoy o loha o mpisorogne'o naho loholo i Jiosy io, le nangatake rehake fagnamelohagne ho aze iareo. ¹⁶Namale iareo raho fa tsy fomba o Romana ao ty manolotse ndaty mialoha ty hiatrefa o mpitory io aze naho ty hanagnae fahafahagne hiaro-tegna amy ofitoriagneo.¹⁷Naho izay, naho fa nindre niavy teto iareo, le tsy nandigne raho, fa ty andro magnarake le nitoboke teo amy ty seza ty fitsaragne raho naho nibaiko ty ampidiragne i lahilahy. ¹⁸Naho fa nitsangagne o mpitory reo le nagnadiso aze, le nataoko fa tsy nisy goavagne ty fitoria nindese iareo ho aze. ¹⁹Fe ie ka, nifamale iareo mahakasike ty fivavaha iareo manokagne naho ty mahakasike ze Jesosy ze mate zay, ze natalily i Paoly fa velogne. ²⁰Tsy azoko antoke ty fomba hagnadihadiako ty raha miseho toy, le naho izay le nagnotaniako reke naho vognogne ty ho a Jerosalema agne mba ho tsaraegne ty mahakasike o fitoriagne reo.²¹Naho fa nangatake ty hijanogne ampigadragne ao mba handigne ty fanapahan-kevetse i Amperora ty Paoly, le nandily aze raho mba ho tanagne am-pigadragne ao reke mandra-pandefesako aze amy i Kaisara agne." ²²Agripa nirehake tamy i Festosy te hoe: "Te -hintsanogne ty lahilahy toy avao ka raho." "Amaray," hoe ty Festosy: "Hitsanogne aze rehe."²³Le ty andro magnarake, le niavy nindre tamy ty fete tsiefa ty Agripa naho i Berenika; nandeha amy ty tragno bey nindre tamy o miaramila mpifehe naho o lahilahy manan-kaja reo tamy ty tanàe iareo teo. Naho fa nirehake i lily ty Festosy, le nindese iareo ty Paoly. ²⁴Hoe ty Festosy te hoe:'Agripa mpanjaka, naho ianareo lahilahy iaby ze mindre ama'y eto, trea areo ty lahilahy toy; o vahoake o Jiosy iabike eo nifagnarake tamako ta Jerosalema agne naho eto avao ka, le nitaraigne tamako iareo fa tsy tokoe ho velogne sasa reke.²⁵Fantako fa tsy nanao nainogne na inogne magneva ty fate reke; fa satria nangatake ty Amperora reke, le nanapa-kevetse raho ty handefa aze. ²⁶Fe ie tsy misy raha manan-danja ho soratako amy Aperora agne. Naho ze antoe zay, le nindeseko tama areo teo reke, indrindra amao, Agripa Mpanjaka, mba ahafako managne raha ho soratagne bebe kokoa mahakasike i raharaha'y. ²⁷Satria toe tsy mete amako ty mandefa gadra naho ty mireake ze hitoriagne aze ka.

Chapter 26

¹Naho izay Agripa nirehake tamy i Paoly te hoe: "Afake mirehake hoe ty vata'o rehe." Le nagnitsy ty tagna'e ty Paoly le nanao ty fiarovan-tegna'e. ²"Manoro ty vatako toy ty faly raho, ry Agripa mpanjaka, mba hinday ty raha mahazo ahy eto aloha areo androany manohetse ze fitoria o Jiosy io iaby; ³vatae, satria irehe fa nahatrea amy ty fomba amam-panao naho ty fagnotania o Jiosy io iaby. Naho zay le mangatake azo raho hitsanogne ahy am-paharetagne.⁴Maregne fa, o Jiosy iaby reo le mahafantase ty fomba fiaignako hatramy ty fahatanorako tagne amy ty fireneko manokagne naho ta Jerosalema agne. ⁵Iareo le nahafantaste ahy boake mboaloahae naho tokoe hagneke iareo fa Fariseo faignagne raho, ty mafe vatae amy ty antoe ty fivavahantika.⁶Le mijoro eto raho mba ho tsaragne satria mipay ty fampanantenagne ze nataon'Andrianagnahare tamy o razantika'o raho. ⁷Fe ie itoy ro fampanantenana nantenai ty fokontika roambinifolo ho raise naho nanompo an'Andrianagnahare andro aman'aligne vatae iareo. Hoe ze fanantenagne zay, ry Agripa mpanjaka, ro hitory o Jiosy reo ahy. ⁸Nagninogne nareo ro mihevetse fa tsy azo inoagne fa mampitsangagne ty mate ty Andrianagnahare?⁹Nisy fotoagne raho nandinike tamy ty vatako fa tokoe hanao raha tsiefa manohetse ty agnara i Jesosy boake a Nazareta agne raho. ¹⁰Nanao izay ta Jerosalema agne raho. Tsy efa ty mpino nahiliko tam-pikandragne agne tamy ty fahefagne niraiseko boake tamy o loha o mpisorogneo, naho fa nivoavono iareo, le nandatsake ty vatoko hanoherako iareo raho. ¹¹Tsiefa ty raha nisazeako iareo tamy o synagoga'o iabyle niezake ty hanere iareo mba hirehake raty raho. Boseke mafe tamy iareo raho le nagnejeke iareo na le tamy o tanàe ambalike agne aza iareo.¹²Naho mbe nanao izay raho, le nandeha ta Damaskosy agne nindre tama ty fahefagne naho o lily boake amy o loha ty mpisorogne; ¹³le nirehake an-dalagne mbeo, tama ty aloalo, ry Mpanjaka, le nahatrea hazavagne boake an-dagnitse agne raho mamiratse noho ty masoandro le izay le namiratse nagnodidigne ahy naho o lahilahy reo ze nindre lia tamako. ¹⁴Naho fa nitonta tamy i tane'y zahay iabike, le nahare'y feo nirehake tamako raho nirehake tama ty rehake Hebreo te hoe: 'Saoly, Saoly, nagnino rehe malaigne Ahy io? Sarotse ho azo ty handietse fagnindroe'e.'¹⁵Boake'o nirehake raho te hoe: 'Ia reheo, Tompo vao?' I Tompo namale aze te hoe: 'Iraho ro Jesosy i hejeo'oy. ¹⁶Am'izao miarena le mitsangana amy tombo'y; satria noho ze antoe zao ro niboahako tama'o, mba hify azo ho mpanompo naho ho vavolombelogne mahakasike ze raha fantao mahakasik'Ahy zay am'izao le o raha izay hambarako azo naho afarafar'ao; ¹⁷le hagnavotse azo amy o vahoake'o naho o Jentilisa'o i hagnirahako azo, ¹⁸mba hamoha ty maso iareo naho ty hampitolike iareo hisintake amy ty maigne handeha amy ty zava le amy ty hery i kokolampo ho amin'Andrianagnahare agne, mba ahafaha iareo mandray ty boake aman'Andrianagnahare agne ty famelan-keloke ty fahotagne naho ty lova ze ameako iareo ze nohamasigne tamy ty finoagne Ahy.'¹⁹Naho izay, ry Agripa mpanjaka, nagneke ty fahitagne boake tan-dagnitse raho; ²⁰fa, ty iareo ze ta Damaskosy agne aloha, naho boake eo ta Jerosalema agne, le magnodidigne ty tane i Jodia iabike, le tamy o Jentilisa'o ka, nagnomey iareo ty hafatse raho fa tokoe hibebake naho hitolike aman'Andrianagnahare iareo, hanao ty asa mendrike ty fibebahagne.²¹Naho ze antoe zay ro nanambora o Jiosy io ahy t'anjomban'Agnahare tao le niezake ty hamono ahy.²²Nagnampy ahy hatramin'izao ty Andrianagnahare, naho izay le mitsangagne raho naho mbe mijoro vavolonbelogne amy ty olon-tsotra naho amy o manan-kaja'o tsy rehake na inogne na inogne mihoatse ze voareha o mpitokio naho i Mosesy fa hiseho; ²³fa tsy maintsy hijale ty Kristy, le ireke ro ho voaloha'e hintsangagne amy o mate'o mba hitsangagne naho hitory fahazavagne hoe o vahoake Jiosy naho o Jentilisa'o."²⁴Naho fa nivita i Paoly ty fiarovan-tegna'e, le nirehake tamy ty feo mafe ty Festosy te hoe: "Paoly, gege vi-heo; ty fianara'o be loatse ro mahatonga azo ho gege." ²⁵Fe ie hoe ty Paoly te hoe: "tsy gege zao raho, ry Festosy soa vatae; fa amy ty fahasakiagne raho mirehake ty rehake ty fahamarinagne naho ty famatoragne. ²⁶Fe ie ty mpanjaka mahafantatse ty momba ze raha zay; le noho izay, mirehake an-kahalalahagne amao raho, fa rese lahatse fa tsy nisy tamy izay ro naetake tama'e; satria tsy natao tamy tambalike agne zay.²⁷Mino ty mpitoky vao rehe, o ry Agripa mpanjaka? Fantako fa mino rehe." ²⁸Agripa nirehake tamy i Paoly te hoe: "Agnate ty fotoagne kede vao ro handrese'ao lahatse ahy naho hanaova'o ahy ho kristiana? ²⁹Hoe ty Paoly te hoe: "Mivavake am'Andrianagnahare raho, mba na hoa'ao agnate ty fotoagne fohy na fotoagne lavva, tsy rehe avao, fa ze mahare'y ahy androany avao ka, le hambagne amako, fa tsy mindre amy o rojo reo."³⁰Boakeo nitsangagne ty mpanjaka, naho o governora'o, naho i Berenika ka, naho iareo ze nindre nitoboke tama iareo; ³¹naho fa nisintake i tragno fivoriagne'y iareo, le nifampirehake le nirehake te hoe: "Ty lahilahy toy tsy manao raha magneva ty fahafatesagne na famatoragne." ³²Hoe ty Agripa tama i Festosy te hoe: "Ty lahilahy toy le afake nalefa naho tsy nitokavegne tamy i Kaisara tagne reke."

Chapter 27

¹Naho fa tapake fa tokoe hiantsambo ho an'Italia agne zahay, le napo iareo ty Paoly naho o gadra hafa'o ho ambany fifehaza i kapiteny eo i raike atao hoe Jolio ze ei i rezimanta i Amperora. ²Nilitse agnate sambo raike boake Adramytena agne zahay, i hiondragne magnorike ty sisin-tane i Asia. Ka le nandeha an-dranomasigne zahay. Aristarko boake a Tesalonika agne Makedonia le nandeha niarake tama'ay.³Amy ty andro magnarake le niavy tamy ty tanà i Sidona zahay, i ninday i Jolio i Paoly tama ty hasoam-pagnahy le namotse aze handeha ho amy o namae handrae ty fikarakaragne iareo. ⁴Boake agne zahay ro nandeha an-dranomasigne agne le niantsambo nagnorike i moro i Kyprosy, nagnarine i nosy, satria nanohetse anay i rovotsey. ⁵Boakeo niantsambo namakivaky i ranomasigney zahay le nagnarine ty sisin-tane i Kililia naho Pamfilia, niavy ta Myra zahay, tanà i Lykia. ⁶Tagne, ty kapiteny le nahatrea sambo raike boake Aleksandria agne i hiantsambo ho an'Itlia agne. Nadoboe tao am'izay zahay.⁷Naho fa niantsambo niadagne agnate ty andro maro zahay le ty farae le niavy tam-pahasahiragnagne t'agnila i Kinidio teo, le tsy nagneke anay handeha tamy ze lalagne zay sasa i rivotse'y, le niantsambo nagnarake ty agnila ty takon-tioke i Kreta zahay, mifanandrify amy i Salmona. ⁸Nagnarake morogne tam-pahasahiragnagne zahay, mandra-piavia ay tamy ty toeragne raike atao hoe Soa-fitoliahan-tsambo, agnila ty tanà i Lasea.⁹Le nandany fotoagne maro zahay, fa losotse agne ka ty fotoagne fifalian-kane o Jiosy io, le fa lasa nandoza ty miondragne an-tsambo. Ka le nampitandrigne iareo ty Paoly, ¹⁰le nirehake te hoe: "Ry lahilahy, treako fa itoy le ze ho ataontika toy le hisy hafereagne naho fatiantoke tsiefa, tsy hoe ty entagne naho i sambo avao, fa hoe ty fiain-tika ka." ¹¹Nagnomey lanja i mpinday naho i tompo i sambo'y noho ze raha rehafe i Paoly i kapiteny.¹²Satria ao amy ty figaragne le tsy mora naho hijanogne agnate ty asotry, le maro tama o mpiantsambo ro nanoro hevetse ty hiondragne hisintake teo, fa vasa vao mba afake hamonjy i tanà i Foiniksa amy ty fomba iaby zahay, mba hitoboke agne agne i asotry. Foiniksa le figaragne a kreta agne, le magnatreke ty miagnavaratse -andrefagne naho ty miagnatimo-andrefagne zane. ¹³Naho fa nanomboke nihegne i tioke boake atimo agne'y, le nihevetse o tantsambo fa nanagne ze nilae iareo. Ka le nampiakatse i vatofantsike'y naho le niondragne nagnarake i Kreta iareo, nagnarine ty moron-dranomasigne.¹⁴Fa afake fotoagne fohe le nisy tioke mahery, atao hoe Eoroklydona, nanomboke namele mafe boake amy i nosy agne. ¹⁵Naho fa ny tra i tafiotse'y i sambo'y le tsy afake nanohetse i rovotse'y sasa, le tsy maintsy nagnome'y lalagne i tafiotse'y zahay le mbe nirehake i rivotse'y mbegne mbegne. ¹⁶Niantsambo nagnorike i moro i anake nosy raike atao hoe Kaoda zahay, le tamim-pahasahiragnagne ro nahafa'ay niaro ty lakagne famonjeagne aigne.¹⁷Naho fa nampiakare iareo i lakagne famonjeagne aigne'y, le nampiasa iareo ty taly izay mba hameheagne ty vata i sambo'y. Natahotse iareo fa tokoe handeha ambony i fase i mandrevo i Syrtiso ey, le nalatsa iareo i vatofantsike i ranomasigne'y le nandeha ho aze tey. ¹⁸Tra ty famelezagne mahery bey ty tafiotse zahay le amy ty andro magnarake io le nanomboke nagnary ze entagne t'ambalike i sambo'y iareo.¹⁹tama ty andro fahatelo o tantsambo le nanorake ty entae i sambo t'ambalike i sambo agne tama ty tana iareo manokagne. ²⁰Naho fa tsy namiratse tama ay agnate aty andro maro i masoandroy naho i kintagney, le mbe namely anay avao i tafiotsy bey i, le montso iaby ty fagnatenagne ty hahavoavonjy anay.²¹Naho fa lasa lavitse tsy nisy hanegne iareo, le nintsangagne tamy o tantsambo teo ty Paoly boakeo le nirehake te hoe: "Ry lahilahy, tokoe nitsanogne ahy nareo, le tsy niondragne boake ta Kreta tagne, ho tra izao hafereagne naho fatianteke zao. ²²Am'izao le mamporisike anareo raho mba hahery, fa tsy hisy homontso aigne agnivo areo eo, fa hamontso ty sambo avao.²³Fa taniakale le nisy Anjelin'Andrianagnahare zay tompoko, i tompoiko avao ka_nitsangagne t'agnilako teo ty Anjeli'e ²⁴le nirehake te hoe: 'Ko matahotse, ry Paoly. Tsy maintsy hitsangagne agnatreaha i Kaisara eo rehe, le ingo, Andrianagnahare ao amy ty hasoam-pagnahy ro nagnome azo ze miantsambo mindre ama'o iaby.' ²⁵Noho izay mionona, ry lahilahy! Fa matoky an'Andrianagnahare raho fa hitranga arake ze voalaza tamako zay. ²⁶Fe ie tsy maintsy hidofotse amy ty nosy maromaro tika."²⁷Naho fa niavy ty faha-efatse ambin'ny folo halegne, naho natopatopa mbetia mberoa tamy ranomasi i Adrea ay zahay, tokoe ho tamy ty sasakalegne le nihevetse o tantsambo fa magnarine tane iareo. ²⁸Le nangalake refen-drano iareo le nahatrea fa efapolo metatse ty halale; tafara kede izay , le mbe nangalake refin-drano avao iareo le nahatrea fa telopolo metatre ty halae. ²⁹Natahotse iareo tsy noho hidofotse amy o vato zahay, le nandatsake vatofantsike efatse boake afara'o ao iareo naho le nivavake mba hiavia ty maraindray tsy ela.³⁰O tantsambo le nipay ty fomba hagnenga iareo i sambo'y le nandatsake i lakagne famonjeagne aigney t'an-dranomasigne ey, le mode nandatsake i vatofantsike'y boake an-doha-tsambo ey iareo. ³¹Fa i Paoly ro nirehake tamy i kapiteny naho o miaramila'o te hoe: "Naho tsy mijanogne agnate i sambo'y o lahilahy reo, tsy ho vaovonjy nareo." ³²Boake'o o miaramila'o nanapake i taly i lakagne'y le nagnenga aze ho dobo.³³Naho fa nanomboke nihazava i androy, le nampiriseke iareo iaby ty Paoly mba hangalake hanegne maromaro. hoe reke te hoe: "Ty andro toy ro andro faha-efatse ambiny folo ze hiembena areo naho tsy hinana areo; tsy hihinagne na inogne na inogne nareo. ³⁴Naho izay le mamporisike anareo raho mba hizara hanegne, fa ilaigne zay mba hahavelogne anareo. Fa tsy hisy na raike ama'areo ty ho homontso na le ty singam-bolon-dohae aza." ³⁵Naho fa boake nirehake izay reke, le nangalake mofo le nisaotse an'Andrianagnahare t'amaso iareo iabike teo. Boake'o reke nizarazara i mofo'y le nanomboke nihinagne.³⁶Boake'o le nahery iareo iabike le nangalake hanegne ka. ³⁷Ndaty 276 zahay ro tagnate i sambo'y tao. ³⁸Naho fa nihinagne soa iareo, le hamavaigne iareo i sambo'y tamy ty nagnaria iareo vary tagnate i ranomasigne agne.³⁹Naho fa ny maraindray iandroy, le tsy ny fanta iareo i tane'y, fe ie nahatrea toram-pasike raike iareo, le nifandinike iareo naho afake hinday i samboy ei. ⁴⁰Le nitinapa iareo o vatofantsike'y le napò iareo t'an-dranomasigne agne. Nagnarake tam'izay le nalatsa iareo ka i taly famegnagne'y le natsanga'e i lay ho amy tiok'ey eo; le nagnatogne t'amoroe iareo. ⁴¹Le niavy tamy toeragne raike nisy ranomasigne nifanapake teo iareo, le nidofotse tamy tane'y i sambo'y. I loha i sambo'y le nipiteke teo le nijanogne tsy afa-mihetseke, fa i voly sambo'y ro nanomboke ny vaky tra ty hery i onja'y.⁴²Ty heve o miaramila'o le ty hamono o gadra'o mba tsy hisy amy iareo ty ho afake handeha hilaogne hilay. ⁴³Fe ie i kapiteny te-hamonjy i Paoly, le najanogne i heve iareo oy; le nandily ze mahay milaogne mba hizotro ambalike i samboy aloha hoa moroey. ⁴⁴Boake'o tokoe hagnorike ze lahilahy ambi'e, t'ilae ambony hataegne fisake, le t'ilae ambony ty raha hafa boake tamy i sambo'y te'y. Manahake izay ty raha niseho le niavy soa aman-tsara t'amoroe ey iabike zahay.

Chapter 28

¹Naho fa toly soa zahay, le hay ay fa i tane'y atao hoe Malta. ²O tompontaneo le tsy mba nagnome hasoam-pagnahy tsotra tama ay avao, fa mbe nandrehetse afo ka iareo le mbe nampandroso anay iabike ka, noho ty finjinja oragney naho i nintsigne'y.³Naho fa namory hatae naho nagnoro azay tamy i faoy teo ty Paoly, le nisy menaragne niakatse tra i hafanagne'y, le nipiteke tamy ty tagnae. ⁴Naho fa nahatrea i biby nihantogne tamy ty tagnae teo o tompotaneo, le nifampirehake iareo te hoe: "Tena mpamono ndaty nilay boake t'andranomasigne tagne o lahilahy io, Naho ty rare'e le tsy tokoe ho velogne reke."⁵Naho niavy eo nagnozongozonge i biby ho agnate afo ao reke le ts mba naratse aza. ⁶Nandigne aze mba ho voa ty tazo na ho mate tampoke iareo. Fe ie naho boake nagnete aze maharetse iareo le nahatrea fa tsy nisy raha tsy mahazatse nanjo aze, le niova hevetse iareo le nirehake fa ireke le andrianagnahare.⁷Le tamy ty toeragne marine teo ty nisy o tane ie i lahilahy bey i nosy, lahilahy tokavegne hoe Poplio. Nandrae anay reke naho nagnome hanegne anay tamy ty hasoam-pagnahy agnate ty telo andro. ⁸Ty rae i Poplio le nanare ty tazo naho nivalan-dio. Naho fa nandeha tamy i Paoly agne, le nivavake reke, nametrake ty tagnagne tamae teo, le nagnasitragne aze. ⁹Tafara ty nisehoa izay, le nagnatogne aze iabike ty ambe i vahoakeo ze nanarare teo amy i nosy teo le ny sintragne.¹⁰Nagnomey volonahitse tsiefa anay ka o vahoakeo. Naho fa niomagne handeha hiantsambo zahay, le nagnomey anay ze raha paialia ay iareo.¹¹Afake telo volagne izahay le nandeha niondragne tama ty sambo ze nijanogne tamy i nosy agnete ty asotry,sambo i Aleksandria, misy "sarimban'Andrianagnahare" aloha i sambo eo. ¹²Naho fa niavy tamy i tanà i Sirakosa izahay, le nidoboke tao agnate ty telo andro.¹³Nisintake boakeo izahay ro niantsambo ka niavy tamy ty tanà i Regioma. Naho fa afake androe raike le nisy rivotse nitioke boake atimo agne, ka roe andro izahay le niavy tamy ty tanà i Potioly tao. ¹⁴Tao ro nahita ay o roahalahe ilaeo naho nanasa anay mba hijanogne hindre amy iareo agnate ty fito andro. Tamy ty alala izay ro niavia ay ta Roma tagne. ¹⁵Boake'y o roahalaheo, tafara ty nahareza iareo ty momba anay, le niavy nitsena anay boake amy ty tsena i Apio naho o tragnom-bahiny telo. Naho fa nahatrea o roahalahy eo ty Paoly, le nisaotse an'Andrianagnahare reke le naho hery.¹⁶Naho fa nilitse ta Roma ao zahay, le nahazo alalagne hindre miaigne amy o miaramila niambegne aze'o ty Paoly. ¹⁷Naho fa niafake telo taogne tafara izay le nindre nampitoka o lahilahy ze mpitarike tamy o Jiosy reo ty Paoly. Naho fa nindre niavy iareo, le nirehake tama iareo reke te hoe: "Ry roahalahe, na le tsy nanao raha raty tamy ty ndaty na ty fomba o razantika'o ara raho, le natolotse ho gadraigne ta Jerosalema tagne tamy an-tana i Romana. ¹⁸Naho fa boake nagnadihady ahy iareo, le nagniry ty hagnahafake ahy, satria tsy nisy antoe tokoe hagnasaziagne ahy ho mate.¹⁹Naho fa nandietse ty fagniria iareo ty Jiosy, le voatery raho nampitoka i Kaisara, na ie tsy manahake ty hoe ninday fagnajehagne hanohetse ty fireneko aza. ²⁰Noho ty tokako, le, nangatake ty hahatrea anareo naho hirehake ama areo raho. Izay le noho ty fahatokisa i Israely mahakasike ty hameheagne ahy amy ty rojo toy."²¹Boakeo le nirehake tama iareo te hoe: "Mbe tsy nahazo o taratasy mahakasike azo boake a Jodia agne zahay, na roahalahe niavy naho nitaogne na nirehake raha raty mahakasike azo. ²²Fa tea ay ho re amao ty eretrereo mahakasike ze sekta zay, satria fafanta ay te fa raty laza mbegny mbegny zany.²³Naho fa nifily andro ho aze iareo, le tsiefa ka ty o ndaty nagnatogne aze tamy ty tragno nivantagnae tagne. Nampahafantatse i raharaha tamy iareo reke, le nijoro vavolombelogne mahakasike ty fanjakan'Andrianagnahare. Niezake nandrese lahatra iareo ty mahakasike i Jesosy reke, na tamy ialala i Mosesy zay na tamy i alala ty mpaminany, nanomboke maraindray ka hatramy ty halegne. ²⁴Tilae le rese lahatra tamy ze raha ze voarehake, naho tsy nino ka o hafa'o.²⁵Naho fa tsy nifagnarake iareo, le lasa tafara ty nitalilia i Paoly ty rehake raike toy te hoe: "Ty fagnahy Masigne le nirehake soa o raza areo tamy ty alala i Isaia mpaminany. ²⁶Hoe reke te hoe: 'Mandehana amy o vahoakeo reo agne le rehefo te hoe: "Amy ty fitsanognagne ro hahareza areo, fa tsy hahatakatse; le amy ty fahitagne ro hahita areo, fe ie ts hahatrea.²⁷Fa ty handoto ty fo o ndaty reo, naho le sarotse amy ty sofy iareo ty hitsanogne, le nampikipe ty masoe iareo. Fa naho tsy izay le mete hahatrea amy ty masoe iareo, le haharey amy ty sofie, naho hahatakatse amy ty foe ka himpoly ndraike, le hagnasitragne iareo raho."'²⁸Naho izay, tokoe ho hay areo fa ze famonjen'Andrianagnahare zao le nalefae tama o Jentlisa'o, le nitsanogne iareo." ²⁹(Fagnamarihagne amy ty farae ambany i pejy io: Asa 28: 29- Ty antotan-taratasy ilae le managne ty andinie. 29 te hoe: "Naho fa nirehake o raha reo reke, le nandeha o Jiosy io. Nisy fifandieragne bey tamy iareo.")³⁰Paoly le niaigne agnate ty roe taogne doe tamy i tragnoe nahofae manokagne tao, naho le nandray ze niavy tamae tao reke. ³¹Nitalily ty fanjakan'Andrianagnahare reke naho le nampianatse ze raha momba i Tompo Jesosy Kristy tama ty fahasahiagne iaby. Le tsy nisy nanakagne aze.

Romans

Chapter 1

¹Paoly, mpanompo'i Jesosy Kristy, voatoka ho apostoly, le nofiliegne manokagne ho mpitalily ty talilisoan'Andrianagnahare. ²Fa nampitamae'e tama'o mpitoky ntaolo tagnate Soratse Masigne o talily zao. ³Mikasike i Anae'y zay, niboake nofotse amy ty foko'i Davida.⁴Naho fa nivagnom-belogne, fa voasoratse te i Reke ho anake maherin'Andrianagnahare boak'amy ty hery ty fagnahe Mpagnamasigne_le i Jesosy Kristy Tompontika. ⁵Boak'Ama'e ty fitahiantsoa naho ty nihaviagne ho apostoly naho ty fihasiam-pinoagne amy ty tane iaby toy, boak' amy ty Tahina'e. ⁶Le nareo ka nifilianegne hoe ty tane toy iaby mba hoe'i Jesosy Kristy.⁷Ho ahi'o maro t'a Roma ao ty taratasy toy, hoe ty mahafantatse an'Andrianagnahare, hoe ty noriza'e ho olo-masigne. Loniky ho'ama'areo ty fitahiantsoa, naho ty fiadanagne boak'aman'Andrianagnahare Raintika naho i Jesosy Kristy Tompo.⁸Voaloha'e, isaorako ty Andrianaghareko boak'am'i Jesosy Kristy naho ty ama'areo abike, fa notaliliegne tamy ty tane toy ty finoa'areo. ⁹Fa vavolombeloko ty Andrianagnahare, kokoako amy ty fagnaheko agnate ty talilisoa i Anae'y, tsy mitofa raho ty mitalily Aze anareo. ¹⁰Mangatak'avao ty zotom-pon'Andrianagnahare raho amy ty vavake anoeko mba hilefesa'ty fiaviako ama'areo agne.¹¹Naho i raho le te hahatrea anareo, soa te hahafahako magnome fagnomezam-pagnahy hoanareo ndre ie tsy maro, le ty mba hampahery anareo. ¹²Izao, le ty mba fa gniriako zao le ty mba hifampaherezantika sambe tika, amy ty finoantika tsiraidraike, ty anareo naho ty ahy.¹³Henanekeo, tsy teako tsy ho fanta'areo, ry rahalahy, le miharoky ty ho'ama'areo agne avao raho, ( fa ie le tsy mete lefe avao), mba hahazoagne vokatse ama'areo, manahaky ty fa nahazoako tama'o jentilisa'o ka. ¹⁴Mpitrosa amy iareo Grika naho ambahiny reo raho, amy ty mahilala naho ty gege. ¹⁵Le ie zao, amako, le mbe vognogne avao raho ty hitalily i talily soa'ay a Roma agne.¹⁶Naho ty amako, tsy mahamegnatse ty talily soa, fa io ty hamonjean'Andrianagnahare ze mino aze, hoe'y ty Jiosy he le hoe'y ty Grika. ¹⁷Amy io ty hanengeagne ty fahamaregnan'Andrianagnahare amy ty finoagne hoe'y ty finoagne, araky ty nisinoratse te: "Velogne amy ty finoa'e ze maregne".¹⁸Ty helon'Andrianagnahare naboa'e boak'an-dagnitse malaigne ty haratian-tsereke naho ty vande'o ndaty, ze mikalagne ty raha maregne amy ty raha tsy maregne. ¹⁹Satria nifanta iareo naho fa mikasike an'Andrianagnahare, le nitrea iareo. Fa niloven'Andrianagnahare iareo.²⁰Le ze tsy trea'e maso, ty heri'e tsy tapetapetse naho ty maha-Andrianagnahare Aze, le nitrea mazava soa, tamy ty nanombohagne ty namorognagne ty tane toy naho ze kila raha. Naho izay le tsy hoafan-tahigne iareo. ²¹Izao le satria, ndre te ie nifanta'iareo ty Andrianagnahare, le tsy nihasignè iareo ty voninahitse maha-Andrianagnahare Aze, naho nisaots'Aze. Fe ie, a'o ndra nivalike ai'a ty loha'iareo, nikiteke ty fiai'e.²²Nanao ty tegna'iareo ho mahilala iareo, fe ie ndra nivaha. ²³Ty hasin'Andrianagnahare tsy mete lo ndra nova'iareo sare'o ndaty mete lo, vorogne, biby efa-tomboke, naho raha milaly.²⁴Naho izao le nataon'Andrianagnahare ho ama'e ty hatea raha'iareo ty fanagnan-kakeo, le hohafan-kasigne amy iareo eo avao iareo. ²⁵Iareo ty nagnafake ty fahamarenagn'Andrianahare amy ty vande, le ze midera naho manompo raha hafa i Magnitse'y, le hoderaigne hatrampara'e. Amena.²⁶Naho izao, nitoloran'Andrianagnahare ty filan-draty faly iareo, fa novà ty ampela'iareo ho raha tsy natànagnahare ty fiarahagne amy ty raha natànagnahare.²⁷ Manahaky izay ka, ty lahilahy, nengà iareo i filagn'ampela natànagnahare'y fa ndra sambe iareo lahilahy ka ty nifampila. Lahilahy zao nanao raha mahamegnatse mindre amy lahilahy le nandra'e ty saze magneva aze noho ty filàn-draty natà'iareo.²⁸Satria tsy nimete nagneke ty hanagne an'Andrianaghare amy ty fametsevetsea'e iareo, le notoroa'e saigne tsy magneva iareo, mba hanoa'e ty raha tsy ie.²⁹Nifeno ty tsy fahamarinagne iareo, haratiagne, tevan-draha, naho ty loiloy abike. Feno fialonagne iareo, famonoagne, lie-draha, dramotse, naho ty eretsere-draty. ³⁰Mpitsiko iareo, mpanalatse, naho malaigne an'Andrianagnahare. Marengerenge iareo, miavogne, le misengesenge. Mpamorogne raha raty iareo, le tsy mihasy ty rae'e naho ty rene'e. ³¹Tsy raha mahilala iareo, tsy hay atokisagne, tsy manan-katea nataon'aAgnahare, naho tsy miferenaigne.³²Hay iareo ty lilin'Agnahare, evai'y ty ho mate ty manao raha manahak'izay. Fa ie tsy izay avao ty nata'e, fa magneke ze manao manahak'izay ka.

Chapter 2

¹Naho zay le tsy manan-tahegne rehe, o ndaty reo, nareo mitsara ao, fa ty itsarao ty hafa ro agnomezao tahegne ty vatao. Fa ihe mitsara ao le manao izay avao ka. ²Fie fantantika ty fitsaran'Agnahare te arake i maregney le mivale amy ty nanao hoe zay avao ka.³Dineho toy, ndaty reo, i rehe mitsara iareo manao raha hoe 'zay ka ndre te manao hoe zay ka rehe. Hilay ty fitsaran'Agnahare vao rehe? ⁴Ke ambaneo ty hamaro ty hasoa ty fagnahie, ty fandeferae, ty faharetae? Tsy fantao vao ty hasoa ty fagnahie te hitarike azo amy ty fibebahagne?⁵'Zay ka le ho amy ty habeie ty hamafe naho ty tsy fibebaha ty fo areo ro amoria areo heloke amy ty vata areo amy ty fotoan-keloke, le 'zay, ty andro hanondroagne ty fitsarangne marigne Anagnahare. ⁶Hamale ty ndaty iaby amy ty fetse manahake amy ty natao iareo Reke: ⁷"Hagnomey arake, ty faharetagne, ty asa soa mipay fideragne, voninahitse, ty tsy havilasy, havelogne tsy misy fiafarae Reke.⁸Fa ze mipay hoe ty vatae, ze tsy magneke ty maregne fe ie magneke ty tsy fahamaregnagne, le hoavy ty habosehagne naho ty siake. ⁹Andrianagnahare le hinday fahoriagne naho fahantragne amy ty fagnahy ty ndaty iaby ze nanao raty, amy ty Jiosy heke, le amy ty Grika ka.¹⁰Fa dera, laza, naho fiadanagne ty hoavy amy ty manao ty soa, amy ty Jiosy avao, naho amy ty Grika ka. ¹¹Fie tsy misy fiangaragne ty mindre amin'Andrianagnahare. ¹²Fie zay ndaty iaby nanagne hakeo tsy nanagne lily le ho montso tsy managne lily avao ka, fe ie ze nanan-kakeo nagnorike ty fagnajagne ty lily le ho tsaragne arake ty lily.¹³Tsy ze maharendreke i lily avao ro maregne agnatrehan'Agnahare, fa ze nagnorike ty lily ro nimeage ty maregne. ¹⁴Fie iareo kokolampe, ze tsy managne i lily, naho nanao raha mikasike ty lily fa boake amy Nagnahare, le iareo ro lily hoe ty vatae, ndre ie tsy managne ty lilie iareo.¹⁵Ami'zay ro hanehoa iareo fa ty asa paliavy i lily le voasoratse ampo iareo ao. Ty vetsevetse iareo ka le vavolombelogne hoe'iareo, ty raha agnate ty say iareo manokagne le magnomey tahegne na miaro iareo amy ty vata iareo naho amy Nagnahare. ¹⁶Le hoavy ka zao ami ty andro ty andro hitsaran' Andrianagnahare ty tsiambaratelo ty olombelogne iaby, amy ty fagnombara soako, amy ty tahina i Jesosy Kristy.¹⁷Naho Jiosy ro hitokavao ty vatao naho miankigne amy i lily naho mitregne aman'Andrianagnahare ao, ¹⁸le mahafantatse ty zotom-poe le mamolily ze kila raha soa vatae satria nampianaregne tamy ty lily rehe, ¹⁹naho rese lahatse ty vatao fa mpitarike ty goa, ho ilo hoe'i ty maiegne, ²⁰mpagnanatse ty gege, mpagnanatse ty ajaja, le anagnao amy i lily ao ty saresare ty fahalalagne naho ty maregne, le manao akore ty ho vokae izay amy ty fomba hiaignao amy ty havelo'o?²¹I rehe mpampianatse o ilae reo, tsy mampianatse ty vatao vao reheo? I rehe mitalily tsy mete amy ty halatse, mpangalatse vao reheo? I ²²rehe mandrara te tsy tokoe hijangajanga ao, mijangajanga vao reheo? I rehe malaigne o ambiasao, manimba ty anjomba fivavahagne vao reheo?²³Rehe fale misengesenge amy ty lily, magnafa baraka an'Andrianagnahare vao rehe amy ty fandikagne lily io? ²⁴Fa ty tahinan'Andrianagnahare le fa niafa-baraka tamy Jentilisa reo noho nareo," amy ty fa nosoratagne.²⁵Fa mahazo tomboe amy ty savatse maregne nareo naho magnorike ty lily, naho mandietse i lily nareo, le avy tsy nosinavatse ndra tie fa nasavatse nareo. ²⁶Naho zay, naho ndaty tsy voasavatse ro miabegne ze take'i lily, le tsy ho agnate i voasoratse fa voasavatsey vao reke ndre ty tsy nasavatse? ²⁷Le tsy hoboseha i raike tsy nitapake boake ami Nagnahare vao nareo naho miambegne i lilie'y reke? Satria nareo managne i lily voasoratse mahakasike i savatsey, fe ie mbe mandika i lily avao!²⁸Fa reke le tsy Jiosy amy ty fanenteagne aze avao; na ami ty tapake hita ivela ty nofotse avao. Fa reke tsy Jiosy amy ty endrike ivelae avao; na amy ty fanapahegne ivela ty nofotse avao. ²⁹Fa le Jiosy agnate'e, le ty fanapahaegne boake an'arofo, amy ty fagnahy, fie tsy amy ty soratse. Ty fideragne ty ndaty manahake zay le tsy boake ama ondaty fa boake aman'Andrianagnahare.

Chapter 3

¹Le inogne areke ty vokatse soa azo'o Jiosy io? Le inogne ty vokatsoa azo amy savatseo? ²Soa zay amy ty fomba iaby. Tamy ty voalohae, iareo Jiosy ty namatohagne ty talily boake aman'Andrianagnahare.³Nanao akore naho tsy nanam-pinoagne iareo Jiosy ilae reo? Ty tsy finoa iareo vao ro hahavy ty fahatokisan'Andrianagnahare tsy ho lefe? ⁴Le tena tsy hisy anio zao. Fe ie, adogno agne ho trea fa maregne ty Andrianagnahare, ndre ie mpavande ty ndaty kiraidraike. Arake ty sinoratse te: "Ho hatoro amy ty reha areo fa ndaty maregne nareo, le ho hatoro ka naofa avy amy ty fitsasragne anareo."⁵Fa naho tsy fahamaregnan-tikagne ty manoro ty fahamaregnan'Andriagnahare, inogne ty raha azontika ho hambara? afake mirehake vao tikagne fa tsy maregne Andrianagnahare amy ty fampiboahae ty havignerae aman-tikagne, ke tsy 'zay? (Manao ty laha-bola ty olombelogne raho.) ⁶Raha tena tsy hisy anio izao! Le amy ty fomba manao akore zane to hitsaran'Andrianagnahare ty tane toy?⁷Fa naho ty hamaregnan'Andrianagnahare ro magnome vonenahetse Aze amy ty vandeko, le nagnino zane raho mbe tsaraigne ho behakeo? ⁸Vaho nagnino tsy nirehakeo, arake ty tatetse tsy maregne fa norehafen-tika, le arake ty fanamafesantika ty ilae te nirehafen-tikagne ty hoe: "Engao zahay hanao raty, mba hiavia ty soa? Rare'e ty fitsaragne atao amy iareo.⁹Le inogne areke? Magnomey rare'e ty vatantikagne vao tika? Tena tsy ie zay. Fa tika lefa nandiso ty Jiosy naho ty Grika, iareo iaby, ho manan-kakeo. ¹⁰Izao le arake ty voasoratse te hoe: ' Tsy misy ndaty ho maregne, ndre tie raike."¹¹Ndre raike tsy misy mahafantatse. tsy misy ndre raike ty nipay an'Andrianagnahare. ¹²Nandeha nisintake iaby iareo. Nanjare tsy nisy raha nilagne aze aby iareo. Tsy misy mba manao ty soa, tsy misy, ndra ty raike avao.¹³Ty feo iareo le mivoha hoe fasagne . Ty lela iareo le mavande. Ty pozy ty bibilava le ambane ty sogny iareo. ¹⁴Ty vava iareo le feno ompa naho loiloy.¹⁵Ty tombo'iareo le fa zatse amy ty fampipohan-dio. ¹⁶Ty fanimbagne naho ty fijaleagne le amy ty lala iareo. ¹⁷Ty ndaty manao hoe io le tsy mahafantatse ty lalagne mbamy ty fiadanagne. ¹⁸Tsy mba nisy tahotse Anagnahare agnate ty maso areo."¹⁹Henane zao le fantantika ndre inogne ndre inogne rehafe ty lily, le mahazo iareo ze ambane lalàgne ao. Le zay ty nahavy iareo tsikiraike hitsigne, le mba hahazo vale'e boaka aman'Anagnahare ty tane toy. ²⁰Satria zay le tsy hisy nofotse homegne hato amy ty asa ty lalàge agnatrehae eo. Fa boake amy ty lily ro hahafataragne ty hakeo.²¹Fa henane zao le nampahafantaregne ka ty fahamaregnan'Agnahare tsy amy ty lily. Fa izay, ty hataon'Andrianagnahare. Ny hamarene ty lily naho mpitoky reo. ²²Fa izay, ty hataon'Andrianagnahare amy ty alala ty finoa i Jesosy Kristy hoe ze fonga mino. Satria tsy misy fagnavahagne.²³Nanan-kakeo ty ndaty iaby le tsy nahazo ty vonenahin'Andrianagnahare, ²⁴iareo le ho hamarenegne avao amy i Kristy Jesosy.²⁵Andrianagnahare nanolotse i Kristy Jesosy ho fagnatetse amy ty alala ty finoagne ty lio'e. Natoloe ho porofo fahamaregnae Kristy, noho ty tsy fivetsevetseae ty taloha tagne ²⁶amy ty faharetae. Nisy ze raha zao hanehoagne ty hato'e amy henanekeo. Zay ty ahafahae jmagnaporofo ty vatae fa maregne, le mba hanambarae fa Reke le magnamaregne ty ndaty aby noho ty finoagne i Jesosy.²⁷Aia ami zay areke ty fiboahaboagne? Vita fafa zao. Inogne ty antoe? Amy ty asa vao? Ahae, noho ty finoagne. ²⁸Le nilahatse izane tika fa ty ndaty raike ho tsaraegne magnarake ty finoagne amy ty asa o lilio!²⁹Ty Andrianagnahare Jiosy raike avao vao ty Andrianagnahare? Tsy Andrianagnahare o Jentilisa ao avao ka vao Reke? Eka, ei o Jentilisao ka. ³⁰Naho, raike vatae ty Andrianagnahare, le hoamarenegne amy ty finoae o nasavatse reo, le iareo tsy nasavatse ka amy ty alala ty finoagne.³¹Le hofoagnantika amy ty alala ty finoagne vao i lily? Le raha tsy hisy anio zao! fie, hagnorike ty lily tika.

Chapter 4

¹Inogne ka ty mbe horehafen-tika fa nihonie i Abrahama, raentika tamboaloha arake ty nofotse? ²Fa naho nohamarenenge tamy ty asae Abrahama, le nanagne ty antoe tokoe hampitregna aze, fa ie tsy agnatrehan'Agnahare. ³Inogne ty ambara i Soratse Masigney? Abrahama le nino an'Andrianagnahare, le nisagne ho maregne zay."⁴Hoe'i ze miasa, ty karamae le tsy avike ho fitahiagne soa, fa hanahake o trosao. ⁵Fa hoe izay tsy miasa ka fa mino i Raike manamaregne ty mpanohitse an'Andrianagnahare, le ho avike ho maregne ty finoa'e.⁶David ka le nangonogne tso-drano hoe izay ndaty navin'Andrianagnahare ho manan-kato ndre te ie tsy miasa. ⁷Hoe reke te: "Haha ze malio tahigne, le ty malio hakeo. ⁸Haha ze tsy nisahe i Andriantompo ty hakeo'e."⁹Amy ty vita tampake avao vao ro hanonognonagne i tso-drano zay, ke ndre amy ty mbe tsy nitampake reo ka? Fa hoe ntika te: "Ty finoagne le nisae i Abrahama ho hato." ¹⁰Le atao akore ro ho isake zay? Mbe i Abrahama nivita tampake, ke tamy reke mbe tsy nitampake? Tsy tamizay fa tinampake fa tamy ty mbe tsy nitampake.¹¹Abrahama le nandrambe fahafantaragne ty fanoagne savatse. Mba ho marike ty fahamarenagne amy ty finoagne fa nanagnae tamy reke mbe tsy nitampake. Ty vale izay famantaragne zay le nanjare rae ty mpino iabike reke, ndre te ie mbe tsy nitampake iareo. ¹²Magnambara zao fa ty hato le ho isagne hoe'iareo. Zay ty manondro fa i Abrahama rae ze vita savatse, tsy hoe'ze vita savatse avao, fa hoe ze magnorike ty lia ty finoa i Abrahama raentika ka taloha ty nanampahagne aze ka.¹³Tamy ty nampitamà i Abrahama naho ty tarirae fa handova ty tane toy reke le tsy boake amy ty lily fa boake amy ty fahamaregna ty finoae. ¹⁴Fa naho iareo miaigne agnateo lily io ro ho mpandova, le ho rereke ty finoagne, ro tsy hisy fotoe ty fampitamàgne. ¹⁵Satria o lily io mikaike habosehagne, fie amy ty tsy misy lily, ro tsy misy mandia lily.¹⁶Boake amy zay antoe zay le miboake amy ty finoagne zay, mba hisia ty fampitamàgne amy ty hasoa na hananagne fatokisagne amy ty tarira i Abrahama iaby_ tsy hoe'i ty ambane ty lalàgne avao, fa hoe'iareo ze mizara ty finoa i Abrahama avaoka. Raentika aby reke, ¹⁷arake ty fa voasoratse te: "Natao ho rae ty firenegne maro toy rehe." Nagnatreke ty nitokia i Abrahama, le, Andrianagnahare zao, ty nagnomey fiainagne hoe ty mate le mitoka ty raha mbe tsy misy ho hisy.¹⁸Ndre ie teo ty raha misy tambalik'agne, le natoky vatae an'Andrianagnahare ty i abrahama amy ze mbe ho avy. Le niavy ho rae ty firenegne maro reke, ze fa novolanigne taloha te: "Hanahake zay ty tarirao." ¹⁹Tsy nimora rava ty finoae. Arofàna i Abrahama fa tsy afake ty hanagn'anake reke( satria fa nizato taogne teo reke). Nagneke ka reke fa ty tro i saraha le fa tsy hoafake hinday vesatse sasa.²⁰Fie ty fampitàman'Andrianagnahare, le tsy nihemotse amy ty finoae ty finoae ty Abrahama. Fie ndra nihamafe ty finoae le nanandratse an'Andrianagnahare. ²¹Rese lahatse vatae reke te ty raha nampitaman'Andrianagnahare, le afake ho lefese'e ka. ²²Noho zay le navike ho fahamaregnagne zay.²³Le tsy nisoratagne ho soa azo ty raike avao zao, fa nisagne ho aze ka. ²⁴Nosoratagne ho antika avao zao, hoe izay hagnisagne zao, tika zay mino Aze zay nahavagnom-belogne i Jesosy Tompontika tamy mate. ²⁵I Reke raike natolotse voka ty hakeontika le natsangagne mba hanamarigne antika.

Chapter 5

¹Satria nohamarinegne tamy ty finoagne tika, le managne fiadanagne mindre amin'Andrianagnahare boake amy i Andriantompotika Jesosy Kristy. ²Boake amae avao ka zao ro hananan-tika lalagne amy ty finoagne mandeha amy ty fitahiantsoa itokisagne amean'Andrianagnahare anay amy ty ho avi'ay zahay, fitokisagne hozarantika amy ty vononahin'Andrianagnahare.³Tsy zay avao, fa tika ka mifaoe amy ty hasosorantika fantatika fa te ty hasosoragne ro mamokatse faharetagne. ⁴Miterake fihasiagne ty faharetagne, le tsy fihasiagne miterake fitokisagne amy ty hoavy. ⁵I toky zay le tsy hampitamà raha tsy misy. Satria fa nambolegne an'arofontika ao tamy ty hery ty Fagnahy Masigne ty fitean'Andrianagnahare, zay nameagne antika.⁶Fa naho mbe naleme tikagne, le nimate tamy ty fotoagne hoe ty raty fagnahe ty Kristy. ⁷Fa sarotse hoe ty ndaty raike ty ho mate hoe ty ndaty maregne. Fie, vae misy ndaty mahafoe ty fiai'e hoe ty ndaty soa.⁸Fa Andrianagnahare nagnome ty fitiavae manokagne antika, satria naho mbe nanan-kakeo ntika, le ho mate hoantika ty Kristy. ⁹Mihoatse izay aza, ty amizao, naho fa nihamarinegne tamy ty lio'e ntika, le hoavotse amy ty havigniran'Andrianagnahare.¹⁰Naho mbe, nifandrafe ntika, le niheregne nilongo amin'Andrianagnahasre tamy ty nahavilasia ty Anae, le mbe mihoatse zay aza, naho fa nampilongoegne, le ho avotse amy ty fiaie ntika. ¹¹Tsy zay avao, fa ntika ka le mifale aman'Agnahare ao noho i Andirantompo Jesosy Kristy, ty nahazoantika ty filongoagne ami o henane zao.¹²Naho zay, manahake ty nidira ty hakeo amy ty ndaty raike ambone ty tane toy, le hoe zay ka ty nidira ty fahafatesagne naho ty hakeo. Le ty havilasy nahazo ze fa kila ondaty, satria sambe nanan-kakeo aby tika. ¹³Amparae ty nisia ty lily, naneran-tane ty hakeo, fie tsy misy ty isake o hakeo naho tsy misy ty lily.¹⁴Fie ndre zay, ty havilasy le fa nisy ty havilasy fa nanomboke tamy i Adama hatramy i Mosesy, ndre tamy iareo tsy nanan-kakeo nanahake ty tsy fagnoriha i Adama anatse ka, izay alokalofe ty raha hoavy. ¹⁵Ndre teo zay, ty fagnomezagne tsy hadisoagne. Fa naho boake amy ty hadisoa ty raike ro hahafate ty maro, le mihoatse lavitse ty natà ty fitahian'Agnahare naho ty fagnomezagne boake amy ndaty raikey, Jesosy Kristy, natolotse aby hoe ty maro.¹⁶Ty fagnomezagne tsy manahake ty famoa boake amy ty tsy vokatse. Fa amy ty ankolafie raike, le hoavy ty fitsaragne hanomeagne tsiny ty ndaty raike. Amy ty ankolafie raike hafa, ty fagnomezagne tampetse amy ty fanamarenagne le avy amy ty fahadisoa ty maro. ¹⁷Fa naho, boake amy ty fahadisoa ty ndaty raike, ro hahavanogne ty fahafatesagne amy ty raike, le mihoatse lavitse zay ka ty hiaviae ze mandrae ty hasoa bey naho ty fagnomezagne ty hato amy ty fiay i raikey, Le i Jesosy Kristy.¹⁸Naho zay le, satria boake amy ty tsy mete atà ty raike ro maha-avy ty ndaty ho melohegne, le boake amy ty asa ty maregne raike avao ka ro hiavia ty maregne amy ty fiay ty ndaty abike. ¹⁹Satria boake amy ty fihasiagne ty ndaty raike ro maha avy ty ndaty maro ho maregne.²⁰Fa niavy tamizay ty lily, mba ho bey ty fahadisoagne. Fie naho mihabey ty hakeo, le nihabey ka ty fitahiagne soa. ²¹Nisy zay mba, hanahake ty nanjakà ty hakeo tamy ty fahafatesagne, le hoe zay ka ro hanjaka ty fitahiantsoa boake amy ty hafamaregnagne ho amy ty havelomagne hatram-parae boake amy i Jesosy Kristy Andriantompontika.

Chapter 6

¹Inogne'o ty hoambarantika? Ty mimane ty fanagnan-kakeo vao ty hitomboa ty fazahoam-pitahiantsoa?² Hisy aia zay nao izao. Tika fa nimaten-kakeo, le mbe manao akore ka ty mbe hiheregnatika amy'zay ndraike?³ Tsy hai'areo vao te ze natao batisa tami'i Jesosy Kristy ao le fa natao batisa tame ty havilasi'e?⁴Ao, voalevegne, nindre Amae amy ty alala ty batisa amy ty fahafatesagne tika. Nisy zay hanahaky ty nivanognam-belo i Kristy mbam'ty voninahy ty Ray, ty handenantika amy ty fiainam-baovao ka.⁵ Fa naho magnorik'Aze manahake ty nivilasia'e tika, le hiharo amae amy ty hivelomae ka.⁶Haintika zay, te ty vatantika ka fa nifinatsike nindry ama'e, mba holioven-kakeo. Nisy zay tsy hahandevo hakeo'o antika.⁷ Fa i Reke nivilasy, le notsaragne te maregne naho malio hakeo.⁸Naho niarake nivilasy am'i Kristy tika, le hindre havelogne Amae ka. ⁹Fantatika te nivagnom-belogne ty Kristy, le tsy homate sasa Reke. Naho le tsy hanan-kery amae ty havilasy.¹⁰Fa naho ty mikasiky ty havilasy le homate amy ty hakeo Reke, nimate indraike hoantika aby Reke. Fa ie, hiaigna'e hoan'Andrianagnahare ty havelo'e.¹¹ Hoe zay avao ka , le manòa ty tegna areo fa nimate tam'o hakeo ka nareo, fa velogne hoan'Andrianagnahare am'i Jesosy Kristy.¹²Naho izay le ao ty vata'areo mete mate tsy handesy ty hakeo hagnoriky ty filàn-draty.¹³ Ko mangala-kakeo hoe ty tegna'areo, ho fitaovagne amy ty raha tsy maregne. Atoloro an'Andrianagnahare ty tegna'areo, manahaky ty nampivanognam-belogne nivelogne henane'eo. Atoloro aze ty tegna'areo ho fitaovagne hampesagne hoe ty raha maregne.¹⁴ Ko mangalake hakeo hoe ty vata'areo. Tsy raha ambane lily nareo, fa ambane ty fitahiantsoa.¹⁵Inogne areke? Ao le hangala-kakeo zane fa tsy ambane lily, fa ambane ty fitahiantsoa? Tsy hisy naho zay reke.¹⁶ O'tsy hai'areo vao te iraike nitolora'areo ty tegna'areo ho mpanompo'y le iraike ho hasigne'areo, i hekae hohasigne'areo'oy? Maregne zay ndre te ie behakeo hinday amy ty fahafatesagne nareo, ndre te ie mpihasy hoamy ty raha maregne.¹⁷Le isaoragne ty Andrianagnahare! Ndra te ie behakeo nareo, fa ie nihasy tamy ty fiai'areo ty fomba fampenaragne ze nomeagne anareo.¹⁸ Nilioven-kakeo nareo, le hatao mpanompo ty raha maregne.¹⁹Misaontsy manahake ty ndaty raho amy ty havotroa ty vata'areo. Satria vao notoloara'areo ho ndevo ty haratiagne naho ty negne ty vata'areo nareo, le manahaky zay ka zao, le atoloro ho ndevo ty fahamarinagne amy ty fihasiagne ka ty vata'areo.²⁰ Tamy nareo mbe ny behakeo, le niafake tamy ty fahamarinagne.²¹ Henan'eo, ao inogne areke ty vokatse niazo'areo tamy zay raha mahamegnatse anareo zay? Satria ty voka raha zay fate.²²Fa henan'eo naho fa niliovegne ty hakeo'areo le niavy ho mpanompon'Andrianagnahare, le eva'ty fihasiagne. Havelogne hatramparae ty voka'e.²³ Fate hoe ty behakeo, fa havelo hatramparae am'i Kristy Jesosy Andriatompotika ao ty fampitaman'Andrianagnahare.

Chapter 7

¹O tsy fanta'areo vao; ry rahalahy (satria nirehake amy ty ndaty nangatake momba o lilio raho), fa ty lily ro mandily ty ndaty raike naho mbe ho velogne reke?²Fa ty ampela magnambaly le voafehe lily ie amy ty valie naho mbe velogne reke, naho fa mate i valiey, le malalake ty lily i fanambaliagney reke. ³Le naho mbe velogne ty valie, naho miarake amy ty lahilahy hafa reke, le hatao te ampela miriragne reke. Fa naho mate i vale ey, le vototse amy ty lily reke, le tsy miriragne ka reke naho mila lahilahy hafa.⁴Noho zay, ry rohalahiko, le natao ho maty amy ty llily ao ka nareo amy ty tahina i Kristy. Le natao zay hitraofa'areo amy ty ilae, hoe, tamy ty fivagnonae velogne, soa te hamokarantika voa ho an'Andrianagnahare. ⁵Tamy tikagne mbe tagnate ty nofotse, ty filàn-kakeo, zay nampeae i lily, le nanjaka amy ty vatantika iareo hinday antikagne amy ty fahafatesagne.⁶Hinane zao le nafahagne amy i lily tika. Mate tami ty nameheagne antika tika. Le izay ty hahafahantika manompo ty fagnahy vaovao, fa tsy amy ty fahantera ty soratse.⁷Inogne areke ty horehafentika? Le o lilio vatae ro mampanan-kakeo? Raha tsy le vatae tsy hisy anio zao. Fie, tsy nahafantatse o hakeo raho, naho tsy nisy zay lily zay. Fa tsy nahafantatse magniry raho naho tsy nirehake ty lily te hoe: "Ko magniry". ⁸Fa vao maike ndra nampea i didy ty hakeo ke le niavy amako atoy iaby ty fagniriagne. Naho tsy misy ty lily, le tsy niteo ka ty hakeo.⁹Te ntaolo raho le nivelogne tsy nisy lily, fie naho fa avy ty lily, le nivelogne ndraike ty hakeo, le mate raho. ¹⁰Ty lily tokoe hinday fiaigne ro nivalike fahafahatesagne ho ahy.¹¹Ndra nagnindra i hakeoy ty fisia i lily le namitake ahike. Tamy i lily ie ro namonoae ahy. ¹²Naho zay ty lily le masigne, ary ty lalàgne le masigne, maregne, ro soa.¹³Le ndra nivalike fate ho ahy vao ty soa? Le raha tsy hisy anio zay. Fa ty hakeo, mba hafahae miboake ho hakeo amy zay soa zay, le nikaike fate tamako tatoy. Zay le ho amy lily zay, ty hakeo le mete hatoly hakeo vatae. ¹⁴Fa fantantika fa boake amy fagnahy ty lily, fa raho boake amy ty nofotse. Fa navily ho ambane ho ndevo ty hakeo raho.¹⁵Fa ty raha ataoko, tsy mazava amako soa. Satria ze teako hatao, le tsy ataoko, le ze hejeko, le ataoko. ¹⁶Fa naho manao ze hejeko raho, le miray hevetse amy ty lily fa soa ty lily.¹⁷Fa henane zao tsy raho sasa ro manao zay, fa ty hakeo zay velogne amako ato. ¹⁸Fa fantako amako ato, zay agnate ty vatako, le tsy misy raha soa miaigne. Fa ty fagniriagne soa, fie tsy afake manao zay raho.¹⁹Fa ty soa teako le teako le tsy ataoko, fa ty raty tsy teako, ro ataoko. ²⁰Le naho fa manao ty tsy teako hatao raho, le tsy raho sasa ro manao zay, fa ty hakeo velogne amako ato. ²¹Le raho nahatrea, ty lilitse amako ato fa te hanao ty soa raho, fie ty raty ro amako ato amizao.²²Fa falefale amy ty lilin'Andrianagnahare raho amy ty fagnahy maha ondaty. ²³Fie mahatrea lilitse raike hafa amy ty mahakasike ty vatako raho. Izao le mifanohetse amy ty lilitse vaovao an-tsaiko ao. Manjietse ahy ho rese ty lily ty hakeo amy ty mahakasike ty vatako zay.²⁴ndaty sahiragne raho! Ia ty hagnafake ahy amy ty vata ty havilasy toy? ²⁵Fa isaoragne an'Andianagnahare amy alala i Jesosy Kristy tompontika! Naho zay, raho ambatako le manompo ty lilin'Andrianagnahare ty saiko. Ndre eo zay, le manompo ty sata ty hakeo amy ty nofotse raho.

Chapter 8

¹Naho ty am'izay le tsy misy fagnamelohagne sasa henanizao hoe'iareo ze am'i Jesosy Kristy ao. ²Fa ty lilin-kavelogne am'i Jesosy Kristy ao ro nagnafake ahy tam'ty lilim-pahafatesagne naho ty hakeo.³Fa ze tsy nimete natao ty lalàgne naho ty fahaleme'izay tam'ty nofotse, le nataon' Andriagnanahare. Nandefa ty Ana'e lahy tokagne Reke, nisandroigne nofotse feno hakeo mba ho fagnatetse amy ze ota, le nagnameloke ty ota amy nofotse ao Reke. ⁴Natao'e zay mba ho lefe amantika ty raha paia i lalàgney, intika tsy mandeha magnorike ty nofotse, fa magnorike ty fagnahy.⁵ Iareo ze miaigne am'ty nofotse le mimane am'ty raha ty nofotse, fa iareo velogne amy ty fagnahy le mimane am'ty raha ty faganhy.⁶Satria havilasy ty fivetsevetseagne mioregne am'ty nofotse, le fiaignagne naho fiadanagne ty vetsevetse mioregne am'ty Fagnahy. ⁷Fandrafeagne an'Andriagnanahare ty vetsevetse mioregne amy ty nofotse, fa tsy mifagnorike amy ty lalàn'Andriagnahare zay, sady kà tsy hai'e ty manao zay. ⁸Iareo amy nofotsey ao le tsy mete ho zoton'Andriagnahare.⁹Kanefa, nareo tsy amy nofotse ao fa amy Fagnahe ao, naho tena velogne ama'areo ao ty Fagnahin'Andriagnanahare. Fa naho misy ndaty tsy managne ty Fagnahe i Kristy, le tsy Aze reke. ¹⁰Naho ama'areo ao t'i Kristy, le mate am'ty fahotagne ty vatagne, fa ty fagnahy velogne am'ty fahamaregnagne.¹¹Naho ty fagnahe i nampijangagne i Jesosy amy mate'y ro velogne ama'areo ao, le Reke nanangagne i Kristy amy mate zay ro hagnomey havelogne ty vata areo mete mate amy ty fagnahe, le ie velogne ama'areo ao.¹²Naho ty am'izay,rikiahe, mpitrosa tikagne, fa tsy amy nofotsey ao mba hovelogne arake ty nofotse.¹³ Fa naho velogne arake ty nofotse nareo, le ho mate, fa naho amy fagnahy amonoa areo ty asan-tsandrigne le ho velogne nareo.¹⁴Fa manahake iareo voatary ty Fagnahin'Andriagnanahare, iareo ro anak'Andrianagnahare.¹⁵ Ko matahotse fa tsy raha nandrae ty fagnahim-pagnandevozagne nareo. Fa nandrae ty fagnahy fananganagne anake nareo, hitokatokavantika te hoe "Aba, O Roae! ."¹⁶Ty fagnahy ro vavolombelogne amy ty fagnahintika fa anak'Andriagnahare tika.¹⁷ Naho anake tika, le mpandova ka, mpandova an'Andriagnanahare. Sady lova raike am'i Kristy ao tika, naho tena mindre mijale Ama'e vata'e tika, le homeam-bolonahetse mindre ama'e ka.¹⁸Fa ataoko o fijaleagne amy fiaignagne henane zao, le tsy magneva hampitahaegne amy ty volonahetse haseho amantika. ¹⁹Fa ty voahare iabike naho magnantegna fatratse, le mandigne ty fampiboahagne iareo anak'Andriagnanahare.²⁰Fa ty voahare le natao ho raha tsy misy vara'e, tsy naho ty sitrapo'e manokagne, fa noho Reke nanao aze. Izay le amy toky nameigney ²¹fa voahare reo mihitsy ro halaegne amy ty fagnandevoza ty fahalovagne, le hitondra amy ty fahafahagne ty am'ty volonahetse ty anak'Andriagnahare zay. ²²Fa haintika fa ty voahare iaby le mindre miseleke aigne naho mindre miasa agnate ty fitivotivognagne ao ndra henane zao aza.²³Tsy zay avao fa ndra ty vatantika aza, ie managne ty voaloham-bokatse ty Fagnahy ndra ty vatantika aza le miselekaigne agnate'e ao, mandigne ty fananganagne antika ho anake, le ty fagnavotagne ty vatantika.²⁴ Fa tam'izay toky zay ro namonjeagne antika. Fa ze atokisantika fa hitroatse le mbe tsy hita, fa ia ty mandigne am-pitokiagne ty fa nihita'e.²⁵ Fa naho matoky am'ze mbe tsy nitrea ntika tikagne, le mandigne zay am-paharetagne.²⁶Manahake zay ka, ty Fagnahy le magnampe agnate ty fahalemeantika ao. Fa tika tsy mahay ze vavake toko'e hataontika, fa ty Fagnahy mihiitsy ro mivalo hoantika amy ty fiselehagne aigne tsy hay rehafegne.²⁷ I reke ze mieretseretse ty fo ro mahafantatse ty heve ty Fagnahy, satria i reke ro mivalo hoe ty mpino arake ty sitrapon'Andriagnanahare.²⁸Fantantika fa iareo tea an'Andriagnahare, le mindre ampiasae'e ho amy ty soa iabike ze kila raha,([Fagnamarenagne: Naho ty tokoe hoe "Mindre ampiasa'e ho amy ty soa abike ze kila raha," le ty dikan-drehake sasa'e manao te tihoeke: "Ze kila raha le mindre miasa ho amy ty raha soa."]) hoe iareo nitokave'e arakarake ty fandahara'e.²⁹ Satria ze arofana'e voaloha'e le tendre'e voaloha'e ka mba hitovy amy ty tarehe ty Ana'e, mba ho zoke'ondaty amy rahalahi'e maro reo reke. Iareo ze nitondroe'e aloha, le nitokave'e avao ka.³⁰ Iareo ze nitokave'e le nihamarigne'e avao ka. Iareo ze nihamarigne'e, le namea'e volonahetse avao ka.³¹Inogne zane ty raha tokoe horehafentika momba o raha reo? Naho miomba antika ty Andriagnanahare, ia ro hampatahotse antikagne? ³²Ie tsy niaro i ana'e tokagney fa nanolotse Aze hoantika akore ro hagnomeagne antika maimaim-poagne mindre ama'e ze kila raha iabike avao ka?³³Ia ro handay fanalaragne hanohetse iareo ndaty voa fidin'Andriagnanahare? Andriagnanahare raike avao ro magnamaregne zay. ³⁴Ia i raike hihelokey? I Kristy raike ro mate hoantika, le mihoatse zay, natsangagne avao ka Reke. Manampake mindre aman'Andriagnanahare amy fitoeram-bolonahetse eo Reke, le mivalo hoantika ka Reke.³⁵Ia ty hahafake antika amy ty fiteava i Kristy? Fahoriagne, sa fijaleagne, sa fagnenjehagne, sa hakere, sa fiboridagnagne, sa loza, sa antsigne? ³⁶Arake ty voasoratse te hoe: "Voavono isan'andro lava zahay noho ty ama'o avao. Niraesegne manahake o Agnondry hovonoegneo zahay."³⁷Agnate o raha maro zao iabike le mihoatse lavitse ty mpandrese zahay noho ty amy Reke tea anay. ³⁸Fa rese lahatse raho fa ndra ty fahafatesagne, ndra ty fiaignagne, ndra iareo Anjele, ndra iare fanjakagne, ndra iareo raha iabike henane'zao, ndra iareo raha hoavy, ndra ty hery, ³⁹ndra ty ambone, ndra ty laleke, ndra ty voahare hafa, le tsy hahasarake antika amy ty fiteavan'Andriagnanahare, ie am'i Jesosy kristy Tompontikagn' ao.

Chapter 9

¹Mirehake ty maregne am'i Kristy ao raho. Tsy mavande raho, le ty eretsereko ro ndate'aivo miarak'amako am'i Fagnahe Masegn'ao, ²ty ahy ka le misy ferenaigne naho fijaleagne tsy mijanogne ty agnate arofoko ato.³Fe ie afake nagniry raho naho te vatako ro ho voaozogne le hisintake ama'i Kristy noho ty ami'ty rahalaheko, am'ondaty razagne raike amako niharo lio reo. ⁴Israelita iarey. Managne fagnonjonagne iarey, ty vononahitse, ty fahasiagne, ty fagnomeagne lalàgne, ty fideragn'Anagnahare, naho ty fampitamagne. ⁵Ty a'iareo le ty razagne nahavy i Kristy ho nofotse, Reke ty Andrianagnahare ambone ty raha iaby. Hoderaigne hatr'amparae Reke. Amena.⁶Fe ie tsy rereke ze ndaty nampitamae'n'Andrianagnahare. ⁷Fe ie tsy ze boak'a Isiraely ro tena Isiraely vatae. Na ty tarana'i Abrahama iaby ro ho ana'e. Fa: ''Ami'ty alala'i Isaka ty hitokavagne o taranao reo.''⁸Ty dika izay, tsy ana'Nagnahare ty ndaty ana'ty nofo. Fa ze ana'ty fampitamaegne ro raesegne ho taranake. ⁹Le hoe izao ty talili'ty fampitamaegne: ''Hoavy Raho am'izay andro zay, le homeagne anake lahy ty Saraha.''¹⁰Tsy izay avao, fa hoave eo ka ty Rebeka hanagn'anake ami'ty lahilahy raike, Isaka raen-tika_ ¹¹fe ie mbe tsy terake o ajaja reo naho mbe tsy nanao soa na raty, mba hanahake ty fagnirian'Nagnahare magnarake ty fijibognagne, tsy ami'ty asa, fa noho Ireke nitoka_ ¹²nisaontsiagne tam'i ampela'y te hoeke: ''Hanompo ty zaie ze zokee.''¹³ Manahak'izay ka ty voasoratse te hoeke: ''Teako ty Jakoba, fa hejeko ty Esao.''¹⁴Vaho inogne ty ho rehafen-tika? Misy tsy fahamarinagne vao ty miarak'ama'Nagnahare? ¹⁵Tena tsy hisy zay. Le hoe ty saontsie tama'i Mosesy te ie: ''Handio hakeo ami'ze teako Raho, le hiferenaigne ami ze teako ho ferenaignagne ka Raho.'' ¹⁶Naho zay reke, le tsy ami'ty reke magniry izay, na ami'ty reke méke, fa aman'Andrianagnahare mpagnafake tahigne naho hakeo.¹⁷Le hoe ty Soratse Masigne nagnombara ama'i Farao te hoeke: ''Le am'izay antoe zay ty nanandratako azo, mba hanoroako azo ty heriko, naho ty hagnombaragne ty agnarako magneran-tane.''¹⁸ Naho izay reke, le magnafake hakeo ami ze teae ty Andrianagnahare, le ze teae, ro ho hamasinegne ty arofoe.¹⁹Boak'eo hirehake amako nareo te hoeke: ''Nagnino vao Reke mbe mahavazoho hakeo avao'o?'' Ia vao ty mahatohetse ty sitrampo'e?'' ²⁰Mifanohitse am'izay, ty lahilahy, ia vao ty mamale manohetse'a'Nagnahare? Sa ze namboaregne vao le hirehake mpamboatse te hoeke: ''Nagninogne raho atao ho'izao 'o?''²¹ Sa ty mpamboatse valàgne tsy managne zo ami'ty fotake naho ty vata'e raike avao ty hatao fasiagne raha ami'ty andro raike, naho fasiagne raha hafa ami'ty andavanandro?²²Akore naho ty Andrianagnahare, te hampiboake ty helo'e naho hampahafantatse ty fahefa'e, ro niaretse tami'ty faharetagne ami'ty fitoera ty heloke fa nomanegne ho ami'ty fahasimbagne? ²³Akore naho natao'e zay mba hampahafantaragne ty harea' ty voninahi'e ami'ty fitoera'ty famelan-keloke, fa nomane'e mialoha ho ami'ty voninahetse?²⁴Akore naho natao'e ho'antikagne ka zay, nitokave'e ka, tsy hoami'ty sambe jiosy eo avao, fa hoam'iarey Jentilisa ka?²⁵Manahake ty nisaontsie'e tama'i Hosea vao ka te hoeke: ''Hotokaveko te ndatiko ze tzy ndatiko, le ikokoako ze tsy ikokoako. ²⁶Boak'eo ka am'iareo nagnombaragne te hoeke: 'Tsy ndatiko nareo, 'agne ty hagnombaragne iareo te hoeke: 'Ana'Nagnahare velogne.''²⁷Nitoka mafe ama'i Isiraely ty Isaia te hoeke: ''Naho manahake o faseke an-dranomasegneo ty kiraike amo'o ana'i Israely io, le ho avotse ze sisa ambe'e, ²⁸naho i Tompo ty handay ty saontsi'e ambone tane eto, feno naho tsy ho ela.'' ²⁹Manahake ty nirehafe'i Isaia mialoha te hoeke: ''Naho i Andriatompo tompoe'ty maro ro tsy nagnenga taria ho antikagne, le hanahake i Sodoma tinkagne, naho hanahake i Gomora.''³⁰Vaho inogne ty horehafen-tika? Le iareo Jentilisa, tsy nimpay ty fahamarinagne, ro nahazo ty fahamarinagne, fahamarinagne boak'ami'ty finoagne.³¹ Le Isiraely, ty nimpay ty làla'ty fahamarinagne, ro tsy niavy am'izay.³²Nagninogne vao? Satria iareo tsy nimpay izay tami'ty finoagne, fa tami'ty asa. Tsinikapy ty vato mpanikambatse iareo,³³ manahake ty fa voasoratse te hoeke: ''Henteo, napetrako a Ziona ao i vato mpanikambatse'y naho i lamilamy ty fandikan-dalàgne'y. Tsy ho megnatse ze mino izay.''

Chapter 10

¹Ry rahalahe, ty fagniria ty foko naho ty anongalehako aman'Agnahare hoe'y iareo, le ty hamonjeagne iareo. ²Le mahasaky mijoro vavolombelo hoe'y iareo raho fa le tsy mikele aigne aman'Agnahare iareo, nefa tsy mitoky amy ty fahalalagne. ³Fe ie tsy le mahay ty fahamaregnan'Agnahare iareo, le tea'iareo ty hametrake ty fahamaregna'iareo raike avao. Tsy magneke ty fahamaregn'Agnahare iareo.⁴Le i Kristy ro fahatanteraha ty lily ho amy ty fahamaregnagne hoe'y ty ze mino iaby. ⁵Le nisorata i Mosesy ty momba ze fahamaregnagne zay amy ty lily manao ty hoeke: "Ze ndaty manao ty fahamaregnagne amy ze lily zay le hiaigne amy ze fahamaregnagne zay."⁶Fe ie ty fahamaregnagne avy amy ty finoagne le manao ty hoeke: "Le ko mametsevetse te hoe: 'ya ao ro hiakatse an-dagnitse agne?' (Le mampizotso i Kristy zay); ⁷le ko mirehake te hoe: 'ya ao ro hizotso amy ty laleke agne?'" (Le mapivagnom-belogne i Kristy zay).⁸Le magnambara ino zay? "Agnila'o eo i rehake'y, am-bava'o ao naho am-po'o ao." Le izay ty nambara i finoagne'y, atalili'ay. ⁹Fe ie naho amy ty vava'o ro agnekea'o i Jesosy te hoe Tompo, naho le inoa'o vata'e fa nivinelon'Andrianagnahare ndraike Reke, le ho vonjegne rehe. ¹⁰Fe ie naho amy ty fo ty inoa'o ndaty ty fahamaregnagne, le amy ty vava ro agnekeae ty famonjeagne.¹¹Fa hoe ty soratse masigne nanao ty hoeke: "Le tsy ho megnatse iaby ze mino Aze." ¹²Fe ie le tsy misy fagnavakavahagne ty eo amy ty Jiosy naho ty Grika. Fa ie le raike avao ty Tompontika iaby, le ho fitahiantsoa hoe'y ze mitoka Aze Reke. ¹³Fa ze mitoka i Andria Tompo amy ty tahina'e ro ho vonjegne.¹⁴A le manao akore zane ty ahafaha iareo mitoka Aze ie nefa tsy inoagne? Le manao akore ty ahafaha iareo mino Aze ie nefa tsy rendre'iareo? Le manao akore ty ahafaha iareo mitsandregne naho tsy misy mpitalily?¹⁵ Le nanao akore ka ty ahafaha iareo mitalily, naho tsy nisy nagnirake?_ Arake ty voasoratse manao te hoe: "Heinhake ty hasoa ty tombo'iareo mitalily ty raha soa'i talily soa'ay!"¹⁶Fe ie anio tsy le iareo iaby ty nijanjigne i talily soa'ay. Le hoe ty Isaia: "O Ragnandria, ya ao ty nino i hafatse'ÿ?" ¹⁷Naho izay reke le niavy amy ty fitsandregnagne o finoagne'eo, le o fitsandregnagne'eo avy amy ty saontsy i Kristy.¹⁸Le hoe raho te hoe: "ombao tsy naharendreke vao iareo'o?" Eka, le izay ty imaregna'e. "Fe ie le naparitake eran-tane ty feo'iareo, le hatram-pare'izao tontolo izao ty reha'iareo."¹⁹Le ty ankoatse izay, le hoe raho: "Ombao tsy naharendreke vao ty Israely?" Le nagnambara ty Mosesy taloha tagne nanao ty hoeke: "Le hatàko ho be fialognagne amy ty tarira mbe tsy firenena nareo. Amy ty tarira tsy misy fahalalagne, hatàko ty hahaboseke anareo."²⁰Le nahasaky am'izay ty Isaia naho fa ie ro nanao ty hoeke: "Le hahatrea ahy ze tsy nipay ahy. Niseho tamy ze tsy nagnontane ahy raho." ²¹Le nanao ty hoeke reke tam'Israely: "Lomogn'andro ty agnitsiako ty tagnako ama ze ndaty tsy magnorike naho ze mafe hatoke."

Chapter 11

¹Le nirehake raho, sinoin' Andrianagnahare vao ty ndaty e? Sondia anio izay. Ndre izaho ka mbe Isiraelita, tarira i Abrahama, hirike ama ty foko i Benjamina.² Tsy sinasan' Andrinagnahare ty ndaty e, ze fa nifanta'e ntaolo agne. Tsy fanta areo vao ty nambara ty Soratse Masigne miomba i Elia, le ty fitoreo'e taman' Andrianagnahare nandrava o Israely io? te ie:³ Tompo, le iareo ty namono ty mpitoky'o, nijoy ty alitara. izaho raike ty sisa, ara le hado iareo ka ty fiaiko."⁴Ino ty toin-tsaontsy natalilin' Andrinagnahare aze? "Nanolake fito arivo lahy am-batako Raho, naho le tsy nandohaleke ama i Bala ay eo."⁵ Le manao izay ka, henane zao le misy sisa'e avao naho ty fijobognagne ama ty fahasoavagne.⁶Fa naho hirike ama ze fahasoavagne zay, le tsy mifototse ama ty asa in-tsasa. Fa naho izay le tsy fahasoavagne in-tsasa ze fahasoavagne. ([Fagnamaregnagne: ze taratasy ila'e ntaolo le vakiegne manao izao:" Fe ie naho avy ama areo ze asa zay, le fa tsy fahasoavagne in-tsasa; fa naho izay ka le fa tsy asa in-tsasa ze asa."])⁷ Inogne areke? Ty raha pianay o Isiraely io, fe ie tsy niazo'e, fa ze jinibo'e ro nahazo aze, ara le nihamafese'e ze ny ambi'e.⁸ Izao le manahake ty voasoratse manao izao: " Andrianagnahare le nagnomey iareo ty fagnahy minendrendre iareo, maso mb tsy hahatreava iareo, naho sofigne mba tsy hahareiza'e iareo, hatra amizao."⁹Le izao ty natao i Davida: " Engao ty lataba'e ho harato na fandrike, ho vato hitsikapy naho valefate ho ei iareo.¹⁰ Adono ty maso iareo haiegniegne mba tsy hahatrea, ara le adono hihohoke hatrampara'e ty lambosy iareo."¹¹Le izao ty ataoko: " Fa tsinikapy iareo ho tonta vao iheo?" Sondia'e zay. Fe ie, boaka ama ty rahaba iareo, ty nihirifa ty famonjeagne tama jentilisa, mba hialogna iareo aze.¹² A naho ty rahamba iareo ty namboatse ze kila raha, naho ty hamotso vara iareo jentilsa, le manao akore ty habey ty hilefesa iareo?¹³Mamototse amizao le mitalily ama areo jentilisa raho, fa naho mbe apostoly ty jentilisa raho, le mankasitrake ty fanompoako.¹⁴ Angamba hampialogne iareo ze boake ama ty nofoko irery raho. Naho le hamonje ty iala'e ama iareo tika.¹⁵Fa naho magnambara ho fampiharoagne ze kila raha ty fandiera iareo aze, le inogne ty handraesagne iareo aze naho mifototse ama ty fiaignagne ty havilasy? ¹⁶Naho navike ty vokatse voaloha'e, le ze ila'e ama ty kobam-bare ka. Naho voatokagne ty vaha'e, le manao izay avao ka o rantsa eo.¹⁷Fa naho tinampake ty rantsa'e ila'e, a naho iraho, jeban' olivanala, ro ranatraoke ama iareo eo, a naho nifampiazara iareo le ty tahoe mamoa ty tahae oliva rehe,¹⁸ le ko mieboebo ama iareo jeba'e. Fa naho mitsingevoke rehe, le tsy irehe ro hianday ty jeba'e, fa ty vaha'e ty hianday azo.¹⁹Le hivolagne rehe te ie: " Tampahegne hisintake iareo ty taho'e mba hahaiako mifandrae ama'e."²⁰ Tō zay. Naho ty tsy finoagne le tampahegne hisintake iareo, fa inareo le hitsangagne soa ama ty finoa areo. Ko manao ty tegne areo ho ambone, fa matahora.²¹ Fa naho ze tena jeba'e ro tsy nengan' Andrianagnahare, tsy ho napo'e ka nareo.²²Ara, heteo, ty fahatsora ty fo naho ty fahasarotam-pon' Andrianagnahare. Ankolafi'e hafa, ty fahasarotam-po le hirike ama iareo Jiosy ze nihorodoboke. Fa ama ty lafi'e ila'e ka, ty hasoafagnahin' Andrianagnahare le avy ama areo, naho maharetse ama ty hasoa fagnahy nareo. Fa naho tsy izay le ho tampahe'e ka nareo.²³Ndre io aza, naho tsy mitohy ama ty tsy finoa'e iareo, le hatraoke. Fa Andrianagnahare le le mahay magnere mampitraoke iareo ndraike.²⁴ Fa naho tinampa'e tama ty hata'e olivanala nareo, le natraoke tama ty hata'e olina fanjaka, le manao akore ty fihoara ty halako iareo Jiosy, ze rantsa'e namboare Nagnahare, natrao'e tama ty hatae oliva hafa iareo?²⁵Fe tsy teako tsy hahafantatse nareo, ry roahalahy, ama ze raha mietake zay, mba haha hendre anareo ama ty vetsevetse areo irery. Ze raha mietake zay le mampitangingin-doha ty ila o Isiraely, mandra-pahavy ty fanjaka iareo Jentilisa.²⁶Naho izay le ho vonjegne aby ze hene Isiraely, arake ty voasoratse manao izao: " Hiakatse boake a Ziona agne ty mpagnaha. Hagnafake ty haratiam-pagnahy ama i Jakoba reke, ²⁷ara le izay ty fampilongoagne ama iareo, naho hagnafak ty hakeo iareo Raho."²⁸Ama ty aila'e raike miomba ty talily soa, le rahamba iareo naho ty ama areo. Ama ty lafi'e raike faha ka ty Zoton' Andrianagnahare, le mahafantatse iareo te zay Razae eo.²⁹ Fa ty fagnomezagne naho ty kanjin' Andranagnahare le tsy miova.³⁰Fa inareo le tsy niantoke an 'Andrianagnahare ntaolo, fe ie le anito avao nareo le nadrae famotsoran-keloke ama ty tsy fiantoha iareo aze.³¹ Manahake izay avao ka, henane zao iareo Jiosy le miantoke. Ty voka'e le tama ty alala ty famidram-po natoro anareo ro mete handraesa iareo ty fampindra arofo henane zao ka. ³²Fa Andrianagahare le fa nagnily ty tsy fiantofa ty maro, mba hahazoa'e mampiboake famindram-po ama ty maro.³³Hoy abey, ty halale ty harea ty fahendrea iareo naho ty fahafantara'e an' Andrianagnahare! Tsy taka ty say iareo ty fitsara'e, naho ze lala'e, le tsy ho hay refesegne! " ³⁴Ia ty mafantatse ty vetsevetse i Tompo ndre ie ia ty ho hanjare mpagnomey saigne Aze?³⁵Ndre ia ro magnomey raha an' Andrianagnahare aolo, le mahay tsy hagnoneran' Andrianagnahare aze indraike?"³⁶ Fa hirike ama naho ama ty alala'e naho le hoa Aze ze kila raha aby. Ho Aze hatraparae ty volonahitse. Amen.

Chapter 12

¹Le zay ty angataheko ama'areo, ry rahalaheko, noho ty famahàn'Agnahare, le ty mba hagnomezagne iareo ty vata iareo hatao sorom-belogne, masigne, eken'Andrianagnahare. 'Zay ro tokoe ho fagnompo'areo arake ty tokoe ho ie. ²Ko manahake ty tane aby toy, fa miovà amy ty fagnovan-tsai'areo. Ano'o zao hahafantara areo ty maregne, azo orihegne, le zotosoa an'Agnahare.³Fie ataliliko, noho ty fahasoavagne nameagne ahy, tsy tokoe hanagna'iareo iaby ty mivetsevetse hagnambone ty vatae mihoatse ze tokoe hovetsevetse'e. Fie, tokoe hivetsevetse amy ty hilala iareo, manahake ty nagnomeezan'Agnahare ty finoagne bey hoe ty tsikiraike .⁴Fa managne fizaragne tsy efa amy ty vatantika tika, fie tsy hambagne iaby ty asa'o fizaragne reo. ⁵Manahake zay, ntikagne tsiefao le vantagne raike avao naofa amy Kristy, le managne ty fizarae manokagne ka amy ty tsikiraike.⁶Sambe managne ty fagnomezan-kasoa'e iaby ntika arake ty ny soa nomegne antika. Naho ty fitokiagne ro fagnomezagne hasoa ty raike, le ano'o mifagnorikea amy ty habey ty finoae. ⁷Naho fagnopoagne ty fagnomezan-kasoa ty raike, le adogno reke hanompo. Naho nisy raike nahazo fagnomezan-kasoa hampianatse, le adogno reke hampianatse. ⁸Naho fapaherezagne ro fagnomezan-kasoa ty raike, le adogno reke hampahere. Naho magnomey ro fagnomezan-kasoa ty raike, le adogno reke hatarike. Naho hitarike ro fagnomezan-kasoa ty raike, le adogno ho vita am-pitahoagne. Naho ty fiferegnesagne ro fagnomezan-kasoa ty raike, le adogno zay ho vita amin-kafaleagne.⁹Ao ty fitea tsy hoatao soa miatreke. Malaigna ty raty; tano mafe ty soa. ¹⁰Naho ty mahakasike ty hatea ty mpirahalahy, mifankateava ama areo aby tsikiraike. Naho mahakasik ty fagnomeagne voninahitse, mifampihasia.¹¹Naho ty mahakasike ty filofosagne, ko misalasala. Naho mahakasike ty fagnahy, tokoe hahere arofo. Mahakasike i Andriantompo, Tompo'o Reke. ¹²Mifalea amy ty fitokisagne ze amao mahakasike ty hoavy. Miareta amy ty fahavoazao. Mivavaha avao. ¹³Mifampizarà amy ze paiavy ty mpino. Mipaliava hevetse maro hampiantragnoagne ndaty.¹⁴Misaora amy ze magnenjeke azo; misaora le ko magnozogne. ¹⁵Mindreza mifale amy ze mifale; mindreza mitagne amy ze mitagny. ¹⁶Mitovia hevetse amy ty maro. Ko mametsevetse amy ty fomba fisengesenge, fa magnekea ty ndaty ambany. Ko mihevetse ty vatao ho hendre.¹⁷Ko mamale raty amy ty raty. Manoa raha soa tsiefa amaso ondaty maro. ¹⁸Naho mete, le arake ze azo'o atao, milongoa amy ty ndaty iaby.¹⁹Ko mamale raty amy ty tegna areo, ry longo, fa omeo lalagne ty havigniran'Aganahare. Fa nivoasoratse te hoe: " Ahike ty vali-fate; Raho ro hamale, hoe ty Andriantompo." ²⁰Fa naho kere ty fahavalo'o, omeo hanegne reke. Naho mangetaheta reke, omeo rano ho nomi'e. Fa naho manao hoe zay reke, le hamory baik'afo amy ty lohae." ²¹Ko mete ho rese'e amy ty raty, fa reseo amy ty soa ty raty.

Chapter 13

¹Hihasy ty manam-pahefagne ambone ty fagnahy aby, fa ie tsy misy fahefagne naho tsy boake amin'Agnahare.² Fa jibon'Agnahare o'magnam-pahefagne misy reo. Le naho zay,ze mandietse ze fahefagne zay le mandika ty lilin'Agnahare; le ze mandietse zay hahazo fitsaragne amy ty vata iareo.³Satria mpanapake reo tsy raha fampitahoragne hoe ty asa soa,fa hoe ty asa raty. Magniry ty tsy hatahotse ty raike amy ty fahefagne vao nareo? Manoa ty raha soa, le hoderagne amy zay nareo. Fa mpanompon'Andrianagnahare ho anareo amy ty raha soa reke. Fa ie naho manao ty raty nareo, le matahora, fa tsy hinday mesabe fahatane reke.⁴ Fa reke ty mpanompon'Andrianagnahare , mpamale habosehagne amy ty mpanao raty. ⁵Naho izay le toko'e hihasy nareo, tsy ty amy ty havigniragne avao, fa amy ty vetsevetse ka.⁶Naho zay le handoa haga ka nareo. Fa mpanompon'Andraianagnahare iareo manam-pahefagne, ze miantoke ze raha zay hatram-parae. ⁷Aloao amy iareo ze tokoe hoe'iareo: mandoava haga amy ze tokoe handoavagn'aze; mandoava fadintseranagne amy ze tokoe handoavagn'aze, matahora ze tokoe hatahoragne, mihasia ze evàn-kasiagne.⁸Ko managne trosa na ama ia na ama ia, naho tsy amy ty fifankatiavagne avao. Fa ze tea ty mariny aze ty nahatanterake ty lily: ⁹Maro ty lily: "Ao tsy hila valy o'ndaty, ko mamono ndaty, ko mangalatse, ko magniry ." Le naho misy lily hafa, le voafehe amy ty saontsy toy: "tiavo ty range'o, manahake ty vata'o."¹⁰ Tsy mandratse ty mariny azo ty atao ty hatea, noho zay, ty fitea ro anoagne lily.¹¹Naho zay, le hai'areo ty fotoagne, fa fotoa ty hifohaza'areo zao. Fa henaneo,fa marine ty raha ninoantika tamboalohae agne ty fagnavotagne antika. ¹²Hoavy ty halegne, mihamarine ty andro. Naho izay le ndao hariantika ty asa raty, le ndao hisikigne ty fialiam-pahazavagne.¹³Le ndao hagnorike ty lalam-batagne, manahake ama ty andro, fa tsy hanahake amy ty rebeke amy ty negne naho ty hamamoagne, le ndao tsy hirogne amy ty hativagne naho amy ty filagne lako loatse, le tsy ho amy ty fifandieragne na ho ty fialonagne.¹⁴ Fa sikino ty Jesosy Kristy Andriantompo, le ko omeagne lalagne ty nofotse, soa te hanomeagne fahafaham-po ty filàe.

Chapter 14

¹Rambeso ndra te ie maleme amy ty finoagne, fa ko mitsara noho ty porofon-kevetse. ²Ty ndaty raike le managne finoagne hihinagne ndre inogne ndre inogne, fa ty raike hafa kepeke le tsy mihinagne naho tsy legioma avao.³Fa engao ze mihinagne ze fa kila raha tsy hagnambane ze tsy mihinagne ty kila raha; le ze tsy mihinagne ka tsy hitsara ty mihinagne; ze fa raha. Fa Andrianagnahare fa nagneke aze. ⁴Ia avao rehe, hitsara ty mpanompo ondaty hafao? Agnatrea ty tompoe reke ty hijahigne na ho tonta. Fa hatsangagne reke, satria ty Andriantompo afake manangagne aze.⁵Ty ndaty raike mihevetse fa misy ty andro soa ankoatse ty ilae. Ty ndaty ilae le mihevetse ka fa hambagne aby ty andro. Engao ze ndaty ho rese lahatse amy ty sai'e abike. ⁶Ze mametsevetse o andro'o, le mametsevetse io hoe i Andriantompo; le ty mihinagne, le mihinagne hoe i Andriantompo, fa misaotse an'Andrianagnahare reke. Ze tsy mihinagne, le mifaly hanengne hoe i Andriantompo, le mbe misaotse an'Andrianagnahare.⁷Fa tsy misy velogne hoe ty vatae ntika, le tsy misy mate hoe ty vatae. ⁸Fa naho velogne ntika, le velogne hoe i Andriantompo, le naho mate tika, le maty hoe i Andriantompo. ⁹Le ho amizay antoe zay ro nahavilasy i Kristy le nahavelogne ndraike, mba hahavy Aze ho tompo ty mate ro ho tompo ty velogne.¹⁰Fa ihe, nagnino rehe ro mitsara ty rahalahio? Le ihe, nagnino rehe ro malaigne ty rahalahio? Fa tika iaby mbe hijahigne ho tsaragne agnatrea ty seza fitsaran'Andrianagnahare. ¹¹Fa nivoasoratse te hoe: "Naho mbe velogne avao Raho," hoe ty Andriantompo, "Le hiforetse agnatrehako aby ty ongo, le ty lela aby hidera an'Andrianagnahare."¹²Naho zay le, tikagne aby le sambe hanao tatitse ty vatae aman'Agnahare. ¹³Le ao ntika tsy hifampisatsara sasa, fie hanampake te, tsy hisy hampipo-bato hamandrike na hitsikapy ty rahalahie.¹⁴Mahafantatse raho le rese lahatse amy i Andriantompo Jesosy, fa tsy misy tsy malio amy ty vatae. Fa hoe ty mandrambe ndre inogne ndre inogne tsy halio avao, le tsy halio avao amizao. ¹⁵Satria naho boseke amy ty hanengne ty rahalahio, le tsy mandeha amy ty hatea sasa rehe. Ko ravagne amy ty hane'areo ty nampidogna i Kristy ty fiaie.¹⁶Ko engan-koraty ty vinetsevetse areo soa. ¹⁷Fa ty fanjakan'Agnahare tsy miankigne amy ty hanegne naho ty rano finomegne, fa miankigne amy ty fahamarignagne, fiadanagne, naho ty fifaleagne amy ty Fagnahy Masigne.¹⁸Fa ty manompo i Kristy manahake zay ro mamin'Agnahare naho eke ty ndaty. ¹⁹Naho zao areke, le ndao ntikagne hanohy ty raha ty fiadanagne naho ty raha tefe ty tsikiraike iaby.²⁰Ko ravagne amy ty hanenge ty asan'Andrianagnahare. Malio aby ze kila raha, fa raty hoe ty ndaty ze mihinagne aze ro hahavy aze ho voatsikambatse. ²¹Soa ty tsy fihinan-kena, naho ty minogne divay, na ty raha iaby mete hanikambatse ty rahalahio.²²Ty finoagne anagna'o, tano amao naho Andrianagnahare. Haha ze tsy magneloke ty vatae amy ty eke'e. ²³Ze misalasala le ho meloke naho mihinagne, satria tsy tamy ty finoagne. Le ndra ino ndre inogne tsy avy amy ty finoagne le ho hakeo.

Chapter 15

¹Le itikagne matanjake toko'e handefetse ami'ty falemea'iareo maleme, naho tsy toko'e hanao ty hahafinaritse ty vatan'tika. ²Ndao ty kiraike aman-tika mba hanao ty mahafalefale ty mpiara-belogn'ama'e fa izay ty soa, mba hanandratagn'aze.³Fa ndra i Kristy tsy nanao ty nahafinaritse ty vatae. Fe ie, manahak'izay ty voasoratse te ie: ''Nitonta Amako atoy ty fandatsa'iareo iareo mandatsa azo'o.'' ⁴Fa ndra inogne ndra inogne ty voasoratse t'aloha tagne le voasoratse ho fampianaragne antika, mba ho ami'ty alala ty faharetagne naho ami'ty alala ty fampahereza 'ty Soratse Masigne ro hanagnan-tikagne toky.⁵Le mba ty Andrianagnahare ty faharetagne naho fampaherezagne ro hagnomey fieretseretagne mitovy ho'ey ty kiraidraike hoe ty Kristy Jesosy. ⁶Ireke anio hanao izay mba ho ami'ty fieretseretagne raike naho ami'ty vava raike avao ro hidera'areo an'Andrianagnahare naho ty Rae'ty Andriantompon-tika Jesosy Kristy. ⁷Naho zay mifandrambesa, manahake ty nandrambesa'i Kristy anareo avao ka aza, ho fideragn'a'Nagnahare.⁸Fa ambarako fa ty Kristy fa mpanompo ty vaosavatse ho'ey ty fahamarina'Nagnahare, mba hahafahagne magnato ty fampagnantenagne nameagne iarey ndaty bey, ⁹le ho'aiareo Jentilisa mba hagnomeagne voninahitse an'Nagnahare noho ty famindram-poe. Manahak'izay ty voasoratse te hoeke: ''Naho izay reke le hagnomey fideragne Azo am'iarey Jentilisa raho hiantsa fideragne ty agnarao.''¹⁰Mbe voatalily avao ka te ie: ''Mifalefalea, miarak'ami'ty ndati'e, nareo Jentilisa.'' ¹¹Le te hoeke ka: ''Derao ty Andriatompo, nareo Jentilisa iaby; engao ty ndaty iaby hidera Azy.''¹²Le hoe ka, ty Isaia te hoeke: ''Hisy mpandimbe'i Jese, le irake hitsangagne hanampake am'iarey Jentilisa. Hanagne fatokiagne am'iarey Jentilisa.''¹³Le lonike ty Andriagnanahare ty fatokisagne hameno anareo ami'ty fifaleagne naho ty fiadanagne iaby ami'ty finoagne, mba ho feno fatokisagne nareo, boak'ami'ty heri'ty Fagnahe Masigne.¹⁴Naho ty vatako ka le rese lahatse ty mahakasik'anareo, ry rahalahe. Rese lahatse raho fa feno hasoa ka nareo, feno ty hilala iabike. Rese lahatse raho fa afake mifagnanatse ka nareo.¹⁵Le mahavany manoratse ama'oreo raho mahakasike ty raha ilae mba hampitadidiagne anareo ndraike, noho ty fagnomezam-pahasoavagne namea'Nagnahare ahike. ¹⁶Zay fagnomezam-pahasoavagn zay ro tokoe mba hanompoako i Kristy Jesosy nalefa t'a Jentilisa, mba hanolotse manahake ty sorogne ty talilisoa'Nagnahare. Tokoe hataoko zay mba ho azo ekeagne ty fagnate'iareo Jentilisa, voa'ava'ty Fagnahe Masigne.¹⁷Naho izay reke le am'i Kristy Jesosy naho ty raha'Nagnahare ty hifaleako. ¹⁸Fa tsy ho vaniko ty hirehake ndra ino ndra inogne naho tsy ty raha vita'i Kristy tami'ty tagnako ho ey ty fagnekea'iarey Jentilisa. Vita boak'ami'ty rahake naho ty asa o raha iabike'eo,¹⁹ tami'ty here'ty famantaragne naho fahagagagne, le tami'ty hery i Fagnahe Masigne. Boak'a Jerosalema zay, le lavidavitse manahak'i Ilyrikioma, ty hahafahako magnato ty talilisoa i Kristy.²⁰Am'izay, ty fagniriako le hitory ty talilisoa, fe ie tsy agne ami'ty ahafantaragne i Kristy ami'ty agnarae, mba tsy hagnoregnako ami'ty fa nagnoregna'ondaty.²¹ Manahak'izay ty voasoratse te ie: ''Tam'iarey tsy nagnombaragne Aze ro hahatrea Aze, le ze tsy naharey ro hahaonigne.''²²Noho ty am'izay ka le voasakagne mateteke tsy ho ama'areo agne raho. ²³Fa hananeke zao, tsy manan-toeragne am'o faritse reo Raho, naho taogne maro ro fa nagniriako mafe ho ama'areo agne.²⁴Naho izay reke ndra ombia ndra ombia ty andehanako a Espana, le magnantegna raho fa hahatrea anareo naho fa mandalo, naho hatere'areo ami'ty handehanako, naho fa avy nimane ty fiaraha'areo tselatsela Raho. ²⁵Fa hanane zao le ho a Jerosalema Raho hikoko iarey mpino.²⁶Fa fifalea i Makedonia sy Akaia ty hanao fandraesagn'anjara ho ey'iareo misotry agnate'iareo mpino a Jerosalema agne. ²⁷Enka, fifaleagne ho ey iareo zay, naho, mpitrosa amae vatae iareo. Fa naho ty Jentilisa ro nitraoke tami'ty raha masigne ey iareo, le tokoe hikoko iareo avao ka iarey ami'ze raha azo rambesegne.²⁸Naho zay reke, naho fa nataoko ty asa toy naho nagnato fa voarae'iareo ty vokatse navory, le ho a Espaina raho le hitilike anareo ami'ty lalako. ²⁹Fantako fa naho fa mandeha mb'ama'oreo mbeo raho le hilitse ami'ty fahafenoa'ty fitahia'i Kristy.³⁰Hananeke zao mampirisike anareo raho, ry rahalahe, am'i Jesosy Kristy Tompontika, naho ami'ty fiteava ty Fagnahe, mba hiarake hialy amako nareo ami'ty vavake atao'areo ama'Nagnahare ho ahy. ³¹Mivavaha mba ho avotse am'iareo tsy mankatoa e Jioda raho, le mba hoeke'iareo mpino ty fanompoako ho ey'i Jerosalema.³² Mivavaha mba hiaviako ama'areo an-kafaleagne ami'ty sitrapo'Nagnahare, le mba hahafahako, mahita fitsaragne, miarak'ama'areo.³³Lonike ty Zagnahare ty fiadagnagne hitahy anareo iabike. Amena.

Chapter 16

¹Ankineko ama'areo i Foiby rahavaventika, ie mpanompo ty fiangonagne a Kenkrea agne,² mba handraesa areo aze am'i Andriatompo ao. Anovo zay amy ty fomba magneva mpino reo, le magnatreha aze amy ze olagne ila'e ty fagnampea'areo. Fa reke vata'e avao ka le magnampe ty maro, le ty vatako avao ka.³Magnombara i Prisila naho i Akoila, mpiarake miasa amako am'i Jesosy Kristy ao,⁴ nahafoe ty fiai'e hoe ty fiaiko iareo. Misaotse iareo raho, le tsy raho avao, fa iareo fiangonagne Jentilisa abike ka. ⁵Magnombara ty fiangonagne an-tragno iareo ao. Magnombara am'i Epaineto longomamiko agne, voaloham-boka'i Asia hoe i Kristy zay.⁶Magnombara i Maria, ie niasa mafe ho anareo. ⁷ Magnombara i Androniko naho i Jonia, longoko marine, le nindre nigadra tamako. Malaza agnivo o Apostoly eo iareo, ze tam'i Kristy nitalohako avao ka.⁸ Magnombara i Ampliato, longomamiko am'i Andriantompo ao.⁹Magnombara i Orbano, mpindre-miasa amantika am'i Kristy ao, naho Staky, longomamiko.¹⁰ Salamao Apela, ie aliovagne fo am'i Kristy ao. Salamao iareao amy tragno i Aristobolo ao. ¹¹Magnombara i Herodiona, longoko. Magnombara iareo ze amy ty tragno i Narkisa ao, ie am'i Tompo ao.¹²Magnombara i Tryfena naho i Tryfosa, ie miasa mafe am'i Tompo ao. Salamao ty Perysa longomamiko, ie niasa mafe tam'i Tompo ao. ¹³Magnombara i Rafosy, ie nivoajibogne tam'i Andriantompo ao, le ty rene'e naho ty reneko.¹⁴ Magnombara i Asynkrito, Flegona, Hermesy, Patroba, Herma, le iareo rahalahy ze mindre ama'ireo.¹⁵Magnombara i Filologia naho i Jolia, Nerea naho ty rahavave'e, naho Olimpa, le iareo mpino abike mindre amy iareo. ¹⁶Mifagnombara amy ty fifagnorohagne masigne. Agnomabarao aby i fiangona'i Kristy abiky rey.¹⁷Henane zao mandrisike anareo raho, rikiahe, mba hivetsevetse ty momba o fisaratsarahagneo naho ze fifanikambaragne. Iareo io le mihoatse lavitse ty fampianaragne niraese areo. Misitaha lavitsy iareo. ¹⁸Fa tsy manompo i Kristy Andriantompontika ty ndaty manahaky irey, fa ty tro'e rerike avao. Amy ty rehake mamy naho mandroboke ty amitaha'e ty fo ty tsy manan-tahigne.¹⁹Fa ty fagnohara areo amy ty fihasiagne le avy am'iareo kiraidraiky agne abike. Naho ty am'izay, fale raho, ty amareo, fa teako hohendre amy ze raha soa nareo, tsy hanan-tahigne amy ze raha raty.²⁰ Andrianahare ty fiadanagne hampipotepoteke i satagne ambane ty tombo areo eo afake fotoagne fohe. Lonike ho ama areo ty fahasoava i Tompontika Jesosy Kristy.²¹Timoty, mpindre-miasa amako, le magnombara nareo, naho Losio, Jasona le Sosipatro, longoko. ²²I raho, Tertio, ie nanoratse ty epistily toy, le magnombara anareo am'i Andriantompo ao.²³Gaio, ie nampandroso ahike naho ze kila fiangonagne abike, le magnombara anareo. Erasto, mpitagne vola antanagne ao, le magnombara anareo, mindre am'i Koarto i rahalahy. ²⁴[Fagnamarenagne: ty fandikagne soa taloha ro mampiala ty andigne'e toy. (Henteo ty Romana 16: 20). and 24: "Lonike mba ho ama areo abike ty fitahiantsoa i Andriantompontika Jesosy Kristy. Amena,"]²⁵Le ho Aze ty volonahetse i Reke mahavita magnoregne anareo arake ty talily soa naho ty fagnambaragne i Jesosy Kristy, arake ty fitaliliagne ty misitery nitanagne ho tsy ambara telo ela bey taloha tagne zay,²⁶ faie nitaliliegne henanekezao, le amy ty boke fitokiagne ro nagnambaragne aze amy ze kila firenenagne, arake ty lilin'Andriagnanahare hatra ampara'e, ho fagnorihagne ty finoagne.²⁷Lonike ho Aze Andriagnanahare heka ty fahendreagne ty voninahetse hatra ampara'e, amy alala i Jesosy Kristy. Amena.

1 Corinthians

Chapter 1

¹Paoly, tinoka'i Jesosy Kristy mba ho Apostoly noho'ty sitrapon'Andrianagnahare, naho Sostena rahalahentika, ²ho ey ty fiangonan'Andrianagnahare a Korinto ao, ho ey'iareo ze nihamasinegne tama'i Kristy Jesosy ao, ze voatoka ho ndaty masigne. Manoratse ho ey ze mitoka ty agnara'i Jesoa Kristy Tompontika ami'ty tany iaby ka zahay, le ty Tompo'iareo naho antika. ³Lonike ho ama'areo ty fahasoavagne naho fiadanagne boak'ama'Nagnahare Roaentika naho i Jesosy Kristy Tompo.⁴Magnomey fisaoragne ho an'Andrianagnahare ho anareo avao noho'ty fahasoavan'Andrianagnahare ze namea'i Jesosy Kristy anareo.⁵ Nataoe mpagnarivo tamy ty fomba iaby nareo, tami'ty firehake iaby naho fahalalagne iabike,⁶ naho vaho voaporofo tama'areo eo fa marigne ty fagnombara'i Kristy.⁷Naho zay reke le tsy ory fagnomezam-pahasoavagne nareo am-pandignasa'areo mafe ty fagnombaragne ey'i Jesosy Kristy Tompontika. ⁸Hampahere anareo avao ka Reke hatram-parae, mba tsy hanan-tahigne nareo ami'ty andro i Jesosy Kristy Tompontika. ⁹Mahatoky Ty Andranagnahare, ty nitoka anareo ho ami'ty firaesagne ami'ty Anae Lahy, Jesosy Kristy Tompontika.¹⁰Hanane zao le mampirisike anareo raho, ry rahalahe, ami'ty agnara'i Jesosy Kristy Tompontika, mba hifagnarake nareo iaby, le tsy hisy fisarahagne ty ama'areo. Mandrisike raho mba hitraoke ami'ty saigne mitovy naho tanjogne mitovy nareo. ¹¹Fa natao mazava tamako, ry rahalahe, tami'ty alala'ty vahoa'i Kloe fa misy fifampiandaniagne ama'areo eo.¹²Ty teako ambara le izao: Ty isam-bata'areo manao ty hoeke: ''Iraho miarake ama'i Paoly,'' na ''Iraho miarake ama'i Apolosy,'' na ''Izaho miarake ama'i Kefasy,'' na ''Iraho miarake ama'i Kristy.'' ¹³Voazarazara vao ty Kristy? Paoly vao ty jinera ho anareo? Tami'ty agnara'i Paoly vao ro nanaovagne batisa anareo?¹⁴Misaotse an'Andrianagnahare raho fa tsy nisy nataoko batisa nareo, naho tsy Krispo naho Gaio. ¹⁵Izay le mba tsy hahafaha'ia na ia mirehake te hoe tami'ty agnarako ro nanaovagne batisa anareo. ¹⁶(Iraho avao ka ty nanao batisa ty ankohona'i Stefanasy. Ty hafa izay, tsy fantako te ie nanao batisa ndaty hafa raho.)¹⁷Fa tsy nagnirak'ahy ty Kristy mba hampanao batisa fa hitory ty talilisoa. Tsy nandefa ahy hitory ami'ty rehake fahendrean'olombelogne, mba tsy ho foagne ty heri'ty hazofijalia'i Kristy.¹⁸Fa ty hafatse moba ty hazo fijaleagne le hagegeagne am'iareo fa ho mate. Fa ty am'iareo ho vonjen'Andrianagnahare ka, le herin'Andrianagnahare zay. ¹⁹Fa voasoratse te ie: ''Ho poteheko ty fahamarena'ty maregne. Ho foagnako ty fahalala'ty mahay.''²⁰Aia ty ndaty mahilala? Aia ty manam-pahaizagne? Aia ty mpialy hevetse am'izao tontolo zao? Tsy navali'Nagnahare ho hagegeagne vao ty fahendrea'izao tontolo zao? ²¹Satria tsy nahafantatse an'Andrianagnahare ty ndaty iaby tami'ty fahendreae, le sakitran'Andrianagnahare ty hamonje iareo ze mino ami'ty alala'ty hagegea'ty talily.²²Fa iareo Jiosy le mangatake famantaragne mahagaga naho iareo Grika mipay fahendreagne. ²³Fa zahay mitalily i Kristy voajera, vato mpanikambatse ho ey'iareo Jiosy naho hagegeagne ho ey'iareo Grika.²⁴Fa ho ey'iareo ze tinokan'Andrianagnahare, iareo Jiosy naho iarey Grika, le mitalily i Kristy manahake ty hery naho fahendrean'Andrianagnahare zahay. ²⁵Fa ty hagegean'Andrianagnahare le hilala mihoatse ty ndaty, naho ty fahalemean'Andrianagnahare le matanjake mihoatse ty ndaty.²⁶Diniho ty fitokavagne anareo, ry rahalahy. Tsy maro tama'areo ty nahilala naho ty ami'ty maha olombelogne. Tsy maro tama'areo ty nahery. Tsy maro tama'areo ro ambone firazanagne. ²⁷Fa Andrianagnahare ro nifily ty gege'ty ndaty iaby mba hahamegnatse ty ndaty mahilala. Andrianagnahare ro nifily ze maleme ami'ty ndaty mba himegnara'ze matanjake.²⁸Andrianagnahare ro nifily ze ambane naho pepo am'izao tontolo zao. Na Ireke aza nifily ze raha ho natao ho tsinontsinogne, mba haha tsinontsinogne ze raha natao ho manan-danja. ²⁹Natao'e zay mba tsy hisy hanagne antoe hireharehagne agnatreha'e eo.³⁰Noho ty nataon'Andrianagnahare, hanane zao nareo le am'i Jesosy Krisy, naho nanjare fahendragne ho antika boak'ama'Nagnahare. Nanjare fahamarinantika Reke, fahamasinantika naho fahafahantika.³¹ Naho izay, manahake ty rehafe'i Soratse Masegney te hoeke: ''Manao ze miroharoha, mba hiroharoha am'i Tompo ao.''

Chapter 2

¹Naho fa ni-mbama'areo mbeo raho, ry rahalahe, le tsy niavy nindre ami'ty lahatse na fahendreagne naho nagnombara ty misitery momba an'Andrianagnahare. [Fagnamarihagne: Ty dika-teny maro hafa le vakiegne te hoeke: ''Naho nagnombara ty fijoroagne vavolombelogne momban'Andrianagnahare raho.''] ²Fa nanampakevetse tsy hahafantatse na inogne na inogne raho naho fa t'ama'areo eo, naho tsy Jesosy Kristy, naho Reke voatraboke.³Naho nindre tama'areo raho t'ami'ty falemeagne, le tami'ty tahotse, naho tami'ty fihoritan-kolitse. ⁴Le ty hafako naho ty fagnombarako le tsy tami'ty fahaiagne mirehake naho hilala. Fe ie, tami'ty fanoroa'ty Fagnahe naho hery, ⁵mba tsy ho ami'ty fimarena ty olombelogne ty finoa'areo, fa ami'ty herin'Andrianagnahare.⁶Hananeke zao le mirehake fahendreagne am'iareo mahilala tikagne, fa tsy ty hilala'izao tontolo izao, na ty ey'iareo mpagnefets'andro, naho mandalo avao. ⁷Fe ie, magnombara ty fahendrean'Andrianagnahare ami'ty fahamarinagne mietake tinkagne, ty fahendreagne mietake jinibon'Andrianagnahare mialoha taloha'o andro iabikeo ho voninahintika.⁸Tsy nisy tam'iareo mpagnefetse o andro zao ro nahafantatse o fahendreagne'o, fa naho nahatakatse izay iareo tam'izay fotoagne zay, le tsy ho trinobo'iareo ty Tompo'ty voninahitse. ⁹Fa manahake ty voasoratse te hoeke: ''Ze raha tsy nisy maso nahatrea, tsy nisy sofigne naharey, tsy nisy eretseretse nahazo an-tsaigne, ze raha naho nomanen'Andrianagnahare ho ey'iareo ze tea Aze.''¹⁰Io ro raha natoron'Andrianagnahare tama'ay tami'ty alala'ty Fagnahy. Fa ty Fagnahy ro mimpay ty raha iaby, ndra ty raha laleken'Andrianagnahare aza. ¹¹Fa ia ty mahafantatse ty fisia'ty ndaty raike naho tsy ty fagnahy ty ndaty ama'ao? Naho izay ka, tsy misy mahafantatse ty raha laleken'Andrianagnahare naho tsy ty Fagnahen'Andrianagnahare.¹²Fa tsy nandrae ty fagnahe'izao tontolo zao tinkane, fa ty Fagnahy boak'aman'Andrianagnahare ao, mba hahafahantika mahafantatse ty raha omeagne antika maimaimpoagne boak'aman'Nagnahare. ¹³Mirehake momba o raha'o ami'ty saontsy tsy hai'ty fahendrea'ty olombelogne ampianaregne zahay, fa ze ampianare'ty Fagnahy anay. Ty Fagnahy ro mandika ty saontsy ara-pagnahy miarak'ami'ty fahendreagne ara-pagnahy.¹⁴Ty ndaty tsy ara-pagnahy le tsy mandrae ze raha ey'ty Fagnahin'Andrianagnahare, satria hagegeagne amae reo. Tsy afake mahafantatse ireo reke satria famantaragne ara-pagnahe reo. ¹⁵Ze ara-pagnahy le mitsara ty raha iaby, fa tsy iapara'ty fitsara'ty ndaty hafa reke.¹⁶ ''Fa ia ty afake mahafantatse ty fisia'ty Tompo, naho ho afake hampianatse Aze?'' Fa managne ty fandineha'i Kristy zahay.

Chapter 3

¹Le iraho, ry rahalahy, tsy afake nirehake tama'areo manahake ty ndaty ara-pagnahy, fe ie manahake ty ndaty ara-nofo, manahake ty ajaja am'i Kristy ao. ²Finahako ronono nareo, fa tsy venten-kanegne, satria tsy vognogne tam'izay nareo; ndra ie henane zao aza le mbe tsy vognogne am'izay nareo.³Satria mbe ami'ty ty nofotse nareo. Fa ndra aia ndra aia misy fahasarotam-piaro naho fifandieragne ty ama'areo eo, le tsy miaigne ara'ty nofotse vao nareo, naho tsy mandeha ami'ty lili'n'olombelogne? ⁴Fa naho fa misy raike mirehake hoeke: ''Izaho magnarake i Paoly,'' le ty raike mirehake te hoeke: ''Iraho magnarake i Apolosy,'' le tsy miaigne manahake ty olombelogne avao ka vao nareo? Ia areke ty Apolosy?⁵ Ia ty Paoly? Mpanompo naho tami'ty alalae ro ninoa'areo, naho nomei'i Andriatompo asa iaby.⁶Izaho ro nambole, Apolosy ro nanondrake, fa Andrianagnahare ro nampitombo. ⁷Le noho izay, na ireke mambole na ireke manondrake le tsy misy dikae. Fa Andriagnanahare ro mampitobo.⁸Le ireke ze mambole naho ireke ze manondrake le raike, naho ty kiraike le sambe hahazo ty karamae iaby arakara ty asae. ⁹Fa izahay le mpiara-miasa aman'Andrianagnahare. Nareo ty sahan'Andrianagnahare, naho anjomban'Nagnahare.¹⁰Noho ty fahasoavan'Andrianagnahare naho nameagne ahike manahake ty mpanao tragno mahay, le nametrake ty fototse raho naho hafa ty magnoregne ambone'e eo. ¹¹Fe ie ze lahilahy tsikiraike tokoe hitandrigne ty ami'ty fomba hagnoregnae ami'izay eo. Fa tsy misy ndaty mametrake fototse naho tsy ty raike fa naoregne, dika'izay, Jesosy kristy.¹²Hananeke zao naho misy ndaty magnoregne ambone fotots'eo ami'ty volamena, volafoty, vatosoa, hatae, ahitse, na mololo, ¹³le haboake ty asae, fa ty andro mazava ro hampiboake izay. Satria haboake ami'ty afo z'izay. Ty afo ro hitsapagne ty hasoa'ty natao'ty tsikiraike.¹⁴Naho mimaregne ty asa'o ndaty io, le hahazo valesoa reke; ¹⁵fa naho mae ty asa'o ndaty io, le ho fatiantoke reke, fa ty vatae le ho vonjeagne, manahake ty niboake t'agn'afo ao avao ka.¹⁶Tsy fanta'areo vao fa inareo le tempolin'Andrianagnahare naho ty Fagnahin'Andrianagnahare ro mimaregne ama'areo ao? ¹⁷Naho misy ndaty manimba ty tempolin'Andrianagnahare, le hanimba zey ndaty zay ty Andrianagnahare. Fa masigne ty tempolin'Andrianagnahare, le hoe'izay ka nareo.¹⁸Ko engagne ty ndaty hamitake ty vatae. Naho misy ndaty ama'areo eo mihevetse fa mahilala am'izao vanim-potoagne zao, engao reke hanjare ''gege" am'izay reke mete hanjare mahilala.¹⁹ Fa ty hilala'izao tontolo izao le hagegeagne aman'Nagnahare. Satria voasoratse te ie: "Nahatratse ty mahilala tami'ty poloti'iareo Reke."²⁰ Naho ty hoe ka: "Ty Tompo le mahafantatse fa ty eretsere ty mahilala le zava-poagne."²¹Naho izay reke le tsy misy sasa ty firoharohagne ami'ty ndaty! Fa ty raha-iaby le anareo, ²²ndra i Paoly, ndra i Apolosy, ndra i Kefasy, ndra ty kilaraha iaby, ndra fiaignagne, ndra ty havilasy, ndra raha hananeke, ndra ty raha hoavy. Ze kila-raha iaby le anareo, ²³le inareo le ey'i Kristy, le i Kristy an'Andrianagnahare.

Chapter 4

¹Hoe izao ro tokoe handraesa'ty ndaty antika, manahake ty mpanompo'i Kristy naho mpiambegne ze fahagagan'Andrianagnahare. ²Am'izay fifandraesagne zay, le lily takeagne am'o mpiabegn'eo ty maha-evae-patokisagne iareo.³Fa naho ty amako le kedekede ty tokoe hitsaragne anareo na hitsaran'olombelogne iabike ahy. Fa ndra izaho aza tsy mitsara ty vatako. ⁴Naho iraho le tsy mahafantatse ze tsikotsiko natao tamako, fa ndra izay tsy midika te ie tsy manan-kakeo raho. Ty Tompo ro mitsara ahike.⁵Naho izay reke, ko manognogne fitsaragne ty mahakasike ze raha iaby mialoha'ty fotoagne, mialoha ty hiavia'i Tompo. Ireke le handae ze raha aeta'ty ieke ho ami'ty fahazavagne naho hampiboake ty vetsevetsem-po. Boak'eo ty tsikiraike le handrae ty fikokoae boak'aman'Nagnahare.⁶Hanane zao, ry rahalahe, nampihatra o lili'io tamako naho tama'i Apolosy raho noho'ty ama'areo, mba hahafaha'areo mianatse avy ama'ay ty dika'ty saontsy hoeke: "Ko madeha mihoatse ty fa voasoratse." Izay le mba tsy hisy raike ama'areo hiroharoha ty ami'ty fankasitrahagne ty raike noho ty ami'ty hafa.⁷ Fa ia ty mahita ty tsy fitoviagne ama'areo naho ty hafa? Inogne ro anagna'areo naho tsy niazo'areo maimaimpoagne? Naho niazo'areo maemaempoagne zay, nagninogne nareo vaho miroharoha le hoe tsy nanao ho'izay?⁸Fa anagna'areo iaby ze raha paiàve'areo! Fa nanjare mpagnarivo nareo! Le fa nanomboke nanjaka nareo__le tsy boak'ama'ay zay! Raho ka le magniry vatae ty nanjakà'areo, mba hahafaha'ay majaka miarak'ama'areo. ⁹Fe ie raho mandineke te ie Andrianagnahare le nametrake antikagne ho apostoly miharehare manahake ty farae ami'ty laharagne naho manahake ty ndaty voalily ho mate. Lasa ho fampiboahan-draha ho'ey zao tontolo zao zahay__ho ey'ty anjely, naho ty ho'ey ty olombelogne.¹⁰Izahay le gege noho ty ama'i Kristy, fa inareo le mahilala ama'i Kristy ao. Maleme zahay, fa inareo mahery. Inareo le nomeam-boninahitse, fe ie zahay ka tsy nalaem-baraka. ¹¹Hatra'amizao zahay le mbe kere naho marandrano, misotry fisikignbe, voajera mafe, naho tsy manan-kialofagne.¹²Miasa mafe zahay, miasa ami'ty tagna'ay avao. Naho fa latsaegne zahay, le miaretse. Naho fa enjehegne zahay, le mitson-drano. ¹³Naho fa voasara raha raty zahay, le mirehake ami'ty hasoam-pagnahy. Zahay le niova, naho mbe natao ho, fako' ty tane toy naho foka ze kilaraha.¹⁴Zaho le nanoratse ze raha reo mba hahamegnats'anareo, fa manoro anareo hoe ty anako ikokoako raho. ¹⁵Fa ndra te ie managne mpimbegne raialegne ama'i Kristy ao aza nareo, le tsy managne roae tsiefa. Fa izaho le lasa roae'areo ama'i Kristy Jesosy ao tami'ty talilisoa.¹⁶ Naho zay le mampirisik'anareo raho mba ho mpitsikomby ahy nareo.¹⁷Zay ro nandefasako anareo i Timoty, anake ikokoako sady atokisagne am'i Tompo ao. Reke ro hampatsiahy anareo ze lalako am'i Kristy ao, hoe ty ampianareko iareo ndra aia ndra aia naho agnate ty fiangonagne iaby. ¹⁸Hanane zao le najare miavogne ty ilae ama'areo, le manao tsy ho avy ama'areo agne raho.¹⁹Fa marine hoavy ama'areo raho, naho sitrak'Andrianagnahare. Naho tsy hahafantatse ty reha'iareo tena miavogne avao raho, fa hahita ty heri'iareo. ²⁰Satria ty fanjakan'Nagnahare le tsy mifototse ami'ty rehake fa ami'ty hery. ²¹Inogne ty mpaiave'areo? Tokoe ho avy ama'areo agne miarak'ami'ty tséra'katae vao raho sa miarak'ami'ty fiteavagne feno falemeam-pagnahy?

Chapter 5

¹Izahay le naharey talily fa misy halakofilagne ty ama'areo eo, karazam-pagnahy tsy eva'e naho tsy azo atao akore am'iareo jentilisa. Ty talily le ty hoeke misy raike ama'areo mandre ami'ty valin-drae'e. ²Inareo le tena miavognavogne! Fa tsy tokoe hiferenaigne vao nareo? Ty raike ze nanao izay le tsy maintsy alaegne ama'areo eto.³Fa ndra te ie tsy eo ara-batagne aza raho fe ie mbe eo ara-pagnahy, naho fa nitsara ze raike naho nanao izay sahady, le hoe raha teo raho. ⁴Naho fa miarake mivory ami'ty agnara'i jesosy Tompontika nareo, naho ty fagnahiko le ho eo ka ami'ty heri'i Jesosy Tompontika, le fa nitsara io ndaty io sahady raho. ⁵Nataoko zay mba hanoloragne zay lahilahy zay ho ai'i Satana ho famotehagne ty nofotse, mba ho voavonjy ami'ty andro'i Tompo.⁶Tsy soa ty firehareha'areo! Tsy fanta'areo vao fa ty lalivae kedekede le magnova ty mofo manontolo? ⁷Liovo ty tegna'areo ami'ty lalivae taloha mba hanjare mofo vaovao nareo, le naho hanjare mofo tsy misy lalivae. Fa i Kristy, ty Zanak'ondrintika tami Paska, le natao sorogne.⁸ Naho zay reke le ndao tika hankalaza ty firavoravoagne, tsy ami'ty lalivae taloha, iraike lalivae'ty fagnahy raty naho haratiagne. Fa ie, ndao tika hankalaza ami'ty mofo tsy misy lalivae ty liofo naho fahamarinagne.⁹Izaho le nanoratse ho anareo t'ami'ty taratasiko mda tsy hiaraha'areo miasa ama'o ndaty lakofilagne'o. ¹⁰Fe ie ty teako hambara le tsy ty ndaty lakofilagne iaby ami'ty tane toy, ndra iareo tsy maha'onigne ty vatae, ndra iareo mpisandoke, ndra iareo mpanompo sampy, satria mba hisintahagne am'iareo le mila misintake ami'ty tane toy nareo.¹¹Fe ie hanane zao raho manoratse ho anareo mba tsy hitraok'asa ndra ami'ia ndra ami'ia naho fa atao fa rahalahy fe ie ndra miaigne agante'ty halakofilagne, ndra ty tsy maha'onigne ty vatae, ndra manompo sampy, ndra mperehake raty, ndra mpimamo, ndra mpisandoke. Ndra ko mindre mihinagne am'o zao ndaty zao. ¹²Fa akore ty ilirako ami'ty fitsaragne iareo ze tsy agnate ty fiangonagne? Mifanohits'amizay, nareo vao tsy tokoe hitsara iareo ze agnate fiangonagn'ao? ¹³Fe ie Andrianagnahare le mitsara ireo ze tsy agnate'ao. "Afaho ama'areo eo ze ndaty raty."

Chapter 6

¹Naho fa misy raike ama'areo managn'aly ami'ty raike, mahavany hifampitarike am-pitsaragne ama'o mpitsara'o eo tsy mpino vao reke, satria tsy aloha'iareo mpino eo? ²Sa tsy fanta'areo vao fa ty mpino ro hitsara ty tane toy? Naho izay reke, inareo ro hitsara ty tane toy, sa tsy mahavita mandamin-draha malinike vao nareo? ³Sa tsy fanta'areo vao fa hitsara ty anjely tika? Manao akore, naho izay, ty fihoara'ty fahafahantika mitsara ze raharaha ami'ty fiaignagne toy?⁴Naho afake mitsara ty raha misy ami'ty andavanandrom-piaignagne areke rehe, nagninogne rehe ro magnisy karaza-ndraha manahak'izay agnila'ireo tsinontsinogne ami'ty fiangongn'ao? ⁵Hahamegnats'anareo ro nirehafako izay. Ie vao tsy mba misy ampe hilala ndra ie raike aza ama'areo handamigne ty disadisa ami'ty mpirahalahy? ⁶Fe ie, misy mpino raike mandeha mifanjo ami'ty mpino raike hafa ami'ty fitsaragn'eo, naho zay raha zay le hatolotse aloha'ty mpitsara eo ze tsy mpino!⁷Ty fisia'ty aly ama'areo Kristiana iaby le fa fahareseagne ho anareo sahady. Fe ie tsy aleo vao mijaly ami'ty fahadisoagne? Fe ie tsy aleo vao engagne ho voafitake ty tegne'areo? ⁸Fe ie nareo le mandiso naho mamitake ty hafa, naho rahalahe'areo avao ka iarey'reo!⁹Tsy fanta'areo vao fa ty tsy marigne le tsy handova ty Fanjakan'Andrianagnahare? Ko magneke ty vande. Iareo vetaveta, iareo mpanompo sampy, iareo lakofilagne, iareo lahilahy mpivaro-tegna, ¹⁰iareo mpangalatse, iareo tsy mahay mitoboke, iareo mpimamo, iareo mpagnaraty, iareo mpanao an-kere'e__tsy misy ndra raike am'iareo handova ty fanjakan'Andrianagnahare. ¹¹Manahak'izay ty ilae ama'areo. Fe ie fa voalio nareo, nihamasinegne nareo, naho voamarigne tama'Nagnahare eo nareo tami'ty agnara'i Tompo Jesosy Kristy naho tami'ty Fagnahin'Andrianagnaharentika.¹²"Ty raha iaby le ara-dalàgne amako," fe ie tsy ze raha iaby le mahasoa. "Ty raha iaby le ara-dalàgne amako," fe ie tsy ho andevoze'ty raike ami'io raho. ¹³"Ty hanegne le ho ei'ty troke, le ty troke natao ho ey'ty hanegne," fa Andrianagnahare le hamafa iarey roe reo. Ty vatagne tsy natao ho ei'ty halakofilagne. Fe ie, ty vatagne le natao ho ei'i Tompo, naho ty Tompo ro hagnomey ho ei'ty vatagne.¹⁴Andrianagnahare le fa nanangagne i Tompo sady hanangagne antikagne ami'ty heri'e ka. ¹⁵Tsy fanta'areo vao fa ty tegna'areo le rantsam-bata'i Kristy? Le handeseko vao zany ty rantsam-bata'i Kristy naho hampitraoke iareo ami'ty mpivaro-tegna? Lonike tsy hisy zay!¹⁶Tsy fanta'areo vao fa ze mindre ami'ty mpivaro-tegna le manjare nofotse raike amae? Manahake ty voasaontsy ty Soratse Masegne hoeke: "Ho nofotse raik'avao iarey roe." ¹⁷Fa ireke naho mitraok'ami'i Tompo le manjare raike Amae.¹⁸Isintaho ty halakofilagne! Ty hakeo hafa iabike naho atao'ty ndaty le fa tsy aman-tegna, fa ty ndaty lakofilagne le magnosotse hakeo ami'ty vatae avao.¹⁹Tsy fanta'areo vao fa ty vata'areo le tempoli'ty Fagnahy Masigne, naho mitoetse agnate'areo ao, naho azo'areo boak'aman'Andrianagnahare? Tsy fanta'areo vao fa tsy anareo ty vata'areo? ²⁰Fa ndaty voavily nareo. Naho zay reke le mankalazà an'Andrianagnahare ami'ty tegna'areo.[fagnamarihagne: ze dika-teny taloha ilae le mivaky manao ty hoeke: "Naho zay reke mankalazà an'Andrianagnahare ami'ty tegna'areo naho ami'ty fagnahi'areo, fa an'Nagnahare io." Fa ty dika-teny tena soa le tsy mivake hoe'io.]

Chapter 7

¹Le mahakasike ty ndaty naho sinoratse-reo momba'ty hoeke: "Soa ho ei'ty lahilahy ty tsy mitsapa ampela." ²Fe ie noho ty fakam-pagnahy ami'ty havetavetagne maro isan-karazae, le tokoe hanagne ty valie manokagne iaby ty lahilahy tsikiraike, le ty ampela tsikiraike le tokoe hanagne ty valie manokagne iabike.³Ty lahilay le tokoe hagnomey ze zo ara-panambaliagne ho ei'ty valie, le manahak'izay ka ty ampela ho ei'ty valie. ⁴Tsy ty ampela ro managne fahefagne ami'ty vatae manokagne, fa ty valie. Manahak'izay ka, tsy ty lahilahy ro managne fahefagne ami'ty vatae manokagne, fa ty valie ro managne.⁵Ko mifanakatsakagne nareo tsikiraike, naho tsy ami'ty raha fa nifagnanoa'areo naho ami'ty fotoagne voatokagne. Anovo zay mba hahafaha'areo manokagne vatagne ami'ty vavake. Boak'eo ka le tokoe hindre-hiroro ndraike nareo, mba hahafaha'i Satana mamerevere fagnahy anareo noho ty tsy fanagna'areo fanjiragne vatagne. ⁶Fe ie raho le mirehake o' raha'o ama'areo am-pahalalahagne fa tsy ami'ty lily. ⁷Irieko ty ndaty iaby hanahak'ahy. Fe ie ty tsikiraike le sambe managne ty fagnomezam-pahasoavagne manokagne boak'aman'Andrianagnahare. Ty raike managne toy karazam-pagnomezam-pahasoavagne toy, naho ty raike hafa managne karazae hafa ka.⁸Ho ei'iareo ze tsy manambaly naho iareo mpivei 'ty ai'e le mirehake raho fa soa ho ey'iareo naho mijanogne tsy manambaly iareo, manahak'ahy. ⁹Fe ie iareo naho tsy afake manjitse vatagne, le tokoe hanambaly. Satria tena soa ho ei'iareo ty manambaly tozay ampirehete'ty filagne ara-nofotse.¹⁰Le ho ey'iareo ze manambaly le magnomey zao lily zao raho__tsy iraho, fa i Tompo__ty ampela le tsy tokoe hasarake ami'ty valie, ¹¹(fa naho misarake ami'ty valie reke, le tokoe hijanogne tsy hanambaly na ie ka mimpoly milongo ami'ty valie)__le ty lahilahy tsy tokoe hisarake ami'ty valie.¹²Fa ho ei'ty ilae le mirehake raho__iraho, fa tsy i Tompo__te ie naho misy rahalahy raike managne valy tsy mpino, le naho mahasambats'aze ty miara-miaigne amae, le tsy tokoe hisaraka ami'ty valie reke.¹³ Naho ty ampela raike ro managne valy tsy mpino, le naho mahafalefale aze ty miara-miaigne amae, le tsy tokoe hisarake ami'ty valie reke. ¹⁴Satria ty lahilahy tsy mpino le natokagne noho ty ami'ty valie, naho ty ampela tsy mpino le natokagne noho'ty ami'ty rahalahe'e. Fa naho tsy izay le haloto ty ana'areo, fe ie naho ty maregne le fa voatokagne iareoi.¹⁵Fa naho ty valy tsy kristiana ro mandeha, engao reke handeha. Ami'ty raha manao ho'izay, ty rahalahy na rahavave le tsy foafato'ty fomba'iareo. Andrianagnahare le nitoka antika mba hiaigne am-piadanagne. ¹⁶Fa ami'ty fomba akore ro ahafantarao, ihe ampela, te ie ho voatahao ty valio? Na ami'ty fomba akore ty ahafantarao, ihe lahilahy, te ie ho voatahao ty valio?¹⁷Fe ie engao avao tsy tsikiraike hiaigne ami'ty fiaignagne fa nagnisia'i Tompo aze, le manahake ty fa nisaontsien'Andrianagnahare azy. Io ty liliko agnate ty fiangonagne iaby. ¹⁸Fa voatampake vao ty ndaty raike naho fa nitokavegne mba hino? Tsy tokoe hibohaboha manahake ty tsy voatampake reke. Tsy voatampake vao ty ndaty raike naho fa nagnombaragne ho ami'ty finoagne? Tsy tokoe ho tampahegne reke. ¹⁹Satria tsy ty fanampahagne na ty tsy fanampahagne ro vatan-draha. Ty vatan-draha le ty fihasiagne ty lilin'Andrianagnahare.²⁰Ty tsikiraike le tokoe hijanogne ami'ty fagnombaragne nisy aze naho fa finilin'Nagnahare mba hino reke.²¹ Andevo vao rehe tami'ty Andrianagnahare nifily azo? Ko matahotse rehe ty am'izay. Fa naho mete ho afake rehe, le hararaoto zay. ²²Satria ty ndaty raike naho fa jinibo'i Tompo ho andevo le ndaty votsotse ei'i Tompo. Manahak'izay ka ty ndaty fa votsotse tami'ireke jinibogne mba hino le andevo'i Kristy. ²³Ianareo le voafily, naho zay reke le ko manjare manahake ty andevo'ondaty. ²⁴Nareo rahalahy, ndra inogne ndra inogne fiaignagne nisy antikagne tsikiraike tami ty tikagne finily mba hino, le ndao tikagne hijanogne am'izay eo.²⁵Le maharine iareo ze mbe tsy nanambaly, tsy managne lily boak'ami'i Tompo raho. Fe ie manoro te heveko raho manahake ty raike, ami'ty alala'ty fanahan-kakeo'i Tompo, le evaem-pitokisagne. ²⁶Naho izay reke, mandineke raho fa noho ty loza naho ho avy, le soa ho ei'ty lahilahy ty mijanogne ami'ty maha ie aze.²⁷Voafatotse ami'ty ampela vao nareo? Ka magniry ty ho afake amae. Afake ami'ty valio vao rehe? Ko mipay valy. Fe ie naho manambaly nareo, le tsy nanota. ²⁸Naho ty ampela tsy manambaly ro manambaly, le tsy nanota reke. Fe ie iareo manambaly le hanagne karazan-kasarotagne maro naho mbe velogne, naho iraho ty te hagnaha anareo am'izay.²⁹Fa izao ty rehafeko, nareo rahalahy: Kede ty fotoagne. Manombo'amizao, aleo ze fa manm-baly hiaigne mnahake ty tsy managne. ³⁰Iareo mitagny le tokoe hanahake ty ndaty tsy mitagny, ireo ze mifale hanahake ty ndaty tsy mifale, le iareo ze mivily hanahake ty tsy managne ndra inogne ndra inogne; ³¹le iareo ze mampiasa ty tane toy le tsy tokoe hanao manahake ty mampiasa aze vatae. Satria ty tane toy ami'ty fidoe hanane le ho avy ami'ty fiafarae.³²Teako nareo ho afake ami'ty tahotse. Ty lahilahy tsy manambaly le matahotse ty ami'ty raha'i Tompo, ty ami'ty fomba hampifaleagne Aze. ³³Fa ty lahilahy manambaly le matahotse ty ami'ty raha'ty tane toy, ty ami'ty fomba hampifaleagne ty valie__ ³⁴mizarazara reke. Ty ampela tsy manambaly na mbe tsy nanao lahy le matahotse ty ami'ty raha'i Tompo, ty ami'ty fomba hagnavahagne ami'ty vatagne naho fagnahy. Fa ty ampela manambaly le matahotse ty ami'ty raha ty tane toy, ty ami'ty fomba hampifalegne ty valie.³⁵Ambarako zay ho ami'ty tombontsoa'areo manokagne, fa tsy hagnisy ze raha sakatsakagne ama'areo eo. Mirehake izay raho noho ty maregne, amizay nareo mba hanolo-tegna ho ey'i Tompo tsy misy fagnelengelegnagne.³⁶Fe ie naho misy ndaty raike mihevetse fa tsy manday ty sakezae am-pagnajagne__ naho mihoatse ty tao'ty fanambaliagne o ampela'o naho tsy maintsy hoe izay__ le tokoe hanao ze teae reke. Tsy manan-kakeo reke. Tokoe hifanambaly iareo. ³⁷Fe ie naho nagniry vatae t'ami'ty vetsevetse'e reke, naho tsy voa ty famoreporetagne fa afake mivey ty sitram-poe manokagne, le naho fa nanampa-kevetse t'ampo'e reke ty hanao izay, mba hitanagne ty sakezae ho virijiny, le soa ty ataoe. ³⁸Le ze manambaly ty sakezae le manao ty soa, naho ze mifily ty tsy hanambaly le hanao ty soasoa ambone'e aza.³⁹Ty ampela le voarohy ty valie naho mbe velogne ty lahilahy. Fa naho mate ty valie, le afake soa reke ty hanambaly ze teae ho valiegne, fe ie ama'i Tompo ao avao. ⁴⁰Fe ie naho ami'ty fitsarako le tokoe ho fale reke naho miaigne am'izao avao. Naho ataoko fa iraho avao ka le managne ty Fagnahin'Andrianagnahare.

Chapter 8

¹Le marine ty hanegne atao sorogne ho ei'ty sampy__fantantika fa: "Itikagne iaby le manam-pahalalagne." Ty fahalalagne mampirehareha, fa ty fiteavagne mangagne. ²Naho misy ndaty raike mihevetse ty vatae fa mahay raha, le mbe tsy mahafantatse ami'ty tokoe ho ie zay ndaty zay. ³Fa naho misy ndaty raike tea an'Andrianagnahare, le fantae zay ndaty zay.⁴Le naho ty mahakasike ty fihinanagne mahakama natao sorogne ho ey'ty sampy__le fantantika fa "ty sampy ami'ty tane toy le tsy raha vatae" le "fa tsy misy Andriangnahare naho tsy raike avao." ⁵Fe ie vae misy ty atao sary tokavegne hoeke andrianagnahare, ndra an-dagnit'agne ndra ambone tane toy, le hoe ty hamaro'ty "zagnahare" naho ty hamaro'ty "tompo." ⁶Fa ho antika, "Raike avao ro Andrianagnahare le ty Roae, naho boak'amae ty kilaraha iaby, le Ireke ty anto'ty hivelomantika, le raike ty Tompo Jesosy Kristy, naho boak'amae ty nisia'ty kilaraha iaby, le boak'amae ro nampisy antika."⁷Ndra izay aza, zay fahalalagne zay le mbe tsy agnate'ty tsikiraike ao. Fe ie, ty ilae taloha teo fa nagnorike ty fanompoan-tsampy, naho nihinagne zay mahakama zay manahake ty raha natao sorogne ho ey'ty sampy zay. Manao ho'izay le simba ty firetsereta'iareo satria maleme zay.⁸Fa tsy hanegne ro hanolotse antika aman'Andrianagnahare. Fe ie tsy farae raty tikagne naho tsy mihinagne, ndra te ty hoeke soa avao tika naho mihinagne izay. ⁹Ambeno mba tsy ty fahalala'areo ro anto 'ty hahavy iareo ndaty maleme ara-pinoagne ho tafintohigne. ¹⁰Fa anovo manahake te ie misy mahatrea rehe, naho manam-pahalalagne, mihinagne ty mahakama agnate tempoli'ty kokolampogn'ao. Tsy ty leme'ty eretsere'e vao ro nahavaneae hihinagne ze natolotse ho ey'i ty sampy?¹¹Le noho'ty fahafantarao ty fomba maregne marine ty sampy, le montso i rahalahy maleme finoagne'y, naho nahafatesa'i Kristy. ¹²Dika'izay, naho fa manota ami'ty rahalahi'areo nareo naho manimba ty sai'iareo mbe maleme, le manota manohitse i Kristy nareo. ¹³Naho zay reke, naho ty hanegne ro hahavy ty rahalahiko ho tafitohigne, le tsy hihinan-kena sasa raho, mba tsy boak'amako ty hahatonta ty rahalahiko.

Chapter 9

¹Tsy ndaty votsotse vao? Tsy apostoly vao raho? Tsy nahatrea i Jesosy Tompontika vao raho? Tsy asako am'i Tompo ao vao nareo? ²Naho tsy apostoly ho ey'ty hafa raho, le farafaharatie Apostoly ho anareo. Fe ie inareo ty porofo ami'ty maha apostoly ahike ama'i Tompo ao?³Izao ty fiarovako am'iareo ze magnontany ahike: ⁴Zahay vao tsy mahazo alalagne ty hinogne naho hihinagne? ⁵Zahay vao tsy mahazo manday valy mpino, manahake ty atao ty apostoly ilae, naho iareo rahalahe'i Tompo, naho Kefasy? ⁶Sa Baranabasy naha izaho raike avao ro tsy maintsy miasa?⁷Ia ty manao fanompoagne miaramila ami'ty fandaniae manokagne? Ia ty maboly voaloboke naho tsy mihinagne ty voae? Na ia ty miarak'agnombe naho tsy minogne ty ronono boak'amae? ⁸Ie vao raho mirehake o raha'o mifototse ami'ty fahefa'ty olombelogne? Tsy magnombara izay ka vao ty lalàgne?⁹Fa izay le fa voasoratse ami'ty lalàgna'i Mosesy te: "Ko asiagne fehi-vava ty agnombe naho fa miely voa reke. "Tena i agnombey vatae vao ro saontsien'Andrianagnahare?¹⁰ Tsy misaontsy ty marine anay vao Reke? Fa sinoratse ho antika, fa ze miasa tane le tokoe hiasa ami'ty fagnantegnantegnagne, naho ze mitongy le tokoe hitongy ami'ty fagnantegnagne ty hahazo anjara ami'ty vokae. ¹¹Naho namafy raha ara-pagnahy t'ama'areo eo zahay, ie vao be loatse ama'ay ty mangalake raha mivaingagne boak'ama'areo?¹²Naho mampihatra zay zo zay boak'ama'areo ty hafa, ie vao zahay tsy managne mihoatse? Ndra ie zay reke, tsy nitaky zay zo zay zahay. Fe ie, ndra aleo'ay niaretse ty raha iaby ta ty ho sakagne ho ay'ty talilisoa'i Kristy.¹³ Ie vao tsy fanta'areo fe ze manompo agnate tempoly ao le mahazo ty mahakama'iareo boak'agnate tempoly ao? Naho ie vao tsy fanta'areo fa ze manompo am'i alitara ey le mahazo anjara ami' ze natao fagnatetse t'am'i Alitaray eo? ¹⁴Manahak'izay ka, ty Tompo le nandily fa iareo ze miantsa ty lalilisoa le tokoe hahazo ty fiveloma'iareo boak'ami'ty talilisoa.¹⁵Fe ie tsy nitaky ty raike t'ama'o zo reo raho. Naho tsy manoratse izao raho mba mete hisy raha hatao ho ahy. Ndra aleoko mate ta ty hisy ndaty hagnosots'amako zay fihasiagne zay. ¹⁶Fa naho mitalily ty talilisoa raho, le tsy misy antoe tokoe hireharehako, satria tsy maintsy manao izay raho. Le loza ho ahy naho tsy mitalily ty talilisoa raho!¹⁷Fa naho manao izay an-tsitrapo raho, le managne valisoa. Fa naho tsy an-tsitrapo ka, le mbe managne ty andraikitse naho nankinegne tamako raho. ¹⁸Inogne areke ty valesoako? Izay le naho fa mitalily raho, le afake manolotse ty talilisoa tsy misy fandoavam-bola naho mba tsy hampiasa tanterake ty zoko ami'ty talilisoa.¹⁹Fa ie ndra le afake ami'ty iabike aza raho, le avy ho mpanompo ho ey'ty ndaty iaby, mba hahazoako bey'bey mihoatse. ²⁰Tami'ty Jiosy le nanjare nanahake ty Jiosy raho, mba hahazoako ty Jiosy. T'am'iareo ze ambane'ty lalàgne, le nanjare babahake ty ndaty ambae lalàgne mba hahazoako iareo ambane'ty lalàgne. Nanao izay raho ndra ie tsy t'ambane lalàgne eo aza ty vatako. [Fagnamarihagne: Ty baiboly UDB le mivake hoeke: "Nanao izay raho ndra ie le tsy t'ambane lalàgne eo aza ty vatako." Ty dikan-dehake taloha ilae le tsy misy izay.]²¹T'am'iareo ze ivela'ty lalàgne, le nanjare nanahare ty ndaty ivela'ty lalàgne raho, ndra te ie tsy ivela'ty lalàn'Andrianagnahare aza raho, fa ambane'ty lalàgna'i Kristy. Nanao izay raho mba hahazoako iareo ze ambane'ty lalàgne. ²²T'ama'iareo maleme le nanjare maleme raho, mba hahazoako ze maleme. Nanjare kilaraha ho ey'ze kila-ndaty raho, mba hangnavotako ty ilae ami'ty fomba iaby. ²³Manao ze raha iaby raho ho ey'ty talilisoa, mba hahaiako mandrambe ty anjara ami'ty fitahia'izay.²⁴Ie vao tsy fanta'areo fa ami'ty filomaisagne raike ty mpilomay iaby le manao ty filomaisagne, fe ie raike avao ty mahazo ty loka? Le milomaisa mba hahazo ty loka. ²⁵Ty atileta raike le manao fanjiram-batagne ami'ty fagnazaragne ty vatae iaby. Manao izay iareo amizay handrambe satro-boninahitse naho mete simba, fe ie intikagne milomay mba hahazoantika satro-boninahitse tsy mete simba. ²⁶Le naho izay le tsy milomay ami'ty tsy misy antoe raho na mijera komondro ami'ty rivotse.²⁷ Fa feheako ty vatako naho ataoko andevo, mba tsy ho lieregne raho, naho fa avy nitory tama'ty hafa raho.

Chapter 10

¹Teako ho fanta'areo, ry rahalahe, fa iareo roaentika le t'ambane ty rahogne ao iaby naho namakivaky i ranomasegney. ²Ty ndaty iaby le natao batisa ho ama'i Mosesy t'agnate rahogn'ao naho t'agnate ranomasegne, ³le ty ndaty iaby le sambe nihinagne hanem-pagnahy mitovy. ⁴Ty ndaty iaby le ninogne tami'ty lamilamim-pagnahy naho nagnarake iareo, le Kristy zay lamilamy zay.⁵Fe ie ty Andrianagnahare le tsy nagnomey hato'o ty ankamaroa'iareo, le ty fate'iareo le naparitake t'antane liolio agne. ⁶Hanane zao o raha reo le ohatse hoantika, mba tsy hagniriantika raha raty manahake ty nipaia'iareo.⁷Ko manompo sampy, manahake ty ilae t'ama'iareo. Izay le manahake ty voasoratse hoeke: "Ze ndaty nitoboke mba hihinagne naho hinogne, le nitsangagne hihisa." ⁸Ndao tika tsy holakofilagne, manahake ty natao'ty maro t'ami'iareo. T'agnate ty raik'andro, le ndaty telo arivo sy roa alegne ty nimate noho'ty am'izay.⁹Ndao ka tika tsy hitsapa i Kristy, manahake ty natao'ty maro t'ami'iareo naho zinama' ty menaragne. ¹⁰Ko mimonomonogne ka, manahake ty natao ty maro t'am'iareo naho zinama'ty anjeli'ty fahafatesagne.¹¹Le zao raha zao ty nisy t'ama'iareo mba ho ohatse ho antika. Nisinoratse mba ho fampianaragne antika o raha'reo__ho amantika naho niavia'ty fara-andro. ¹²Naho zay reke le ze mihevetse ty vatae fa mitsangagne mahitsy mitandregne soa mba tsy hitonta. ¹³Tsy nisy fakam-pagnahy nahazo anareo naho tsy iraisa'ty olombelogne iaby. Fe ie ka, Andrianagnahare le matoky. Tsy hagnenga anareo ho alaim-pagnahy mihoatse ze zaka'areo Reke. Miarake ami'ty fakam-pagnahy le hagnomey anareo ty lalagne hisiragne avao ka Reke, mba hahafaha'areo miaretse izay.¹⁴Naho zay reke, ry longoko, mandosira lavitse ty fanompoan-tsampy. ¹⁵Mirehake anareo manahake ty ndaty manan-tsaigne raho, mba hahafaha'areo mitsara ze rehafeko. ¹⁶Ty kapoa'ty fisaoragne naho isaorantika, ie vao zay tsy fiharoagne ami'ty lio'i Kristy? Ty mofo naho vakientika, ie vao zay tsy fiharoagne ami'ty vata'i Kristy? ¹⁷Satri raike avao ty mofo, tikagne maro ka le vatagne raike avao. Tikagne iaby le mandrae ami'ty mofo raike avao.¹⁸Henteo iareo vahoa'i Israely: ie vao iareo ze mihinagne ty fagnatitse tsy mpandrae anjara am'o alitara eo? ¹⁹Inogne areke ty horehafeko? Te ie tsy misy dikae zane ty sampy? Sa ty mahakama naho natao fagnatetse tami'ty sampy ro tsy misy dikae?²⁰Fa mirehake ty raha atao'iareo Jentilisa manompo sampy fagnatetse raho, fa ame'iareo ho'ey ty kokolampogne o raha' reo fa tsy an' Andrianagnahare. Tsy teako nareo ho mpitraoke ami'ty kokolampogne! ²¹Tsy afake minogne ty kopi'ty Tompo naho ty kopi'ty kokolampogne nareo. Tsy afake mitraoke ami'ty lataba'i Tompo naho ty lataba'ty kokolampogne nareo. ²²Sa manao ze hampamarahy i Tompo vao tikagne? Mahere ta'ireke vao tikagne?²³"Ty raha iaby le ara-dalàgne, "fa tsy ty raha iabike ro mahasoa. "Ty raha iaby le ara-dalàgne, " fe ie tsy ty raha iaby ro mampivoatse ty ndaty. ²⁴Tsy misy tokoe hipay ty tombontsoae manokagne. Fe ie, ty tsikiraike le tokoe hipay ty tombotsoa'ty ragne'e.²⁵Afake mihinagne ze raha avarotse an-tsena ey nareo, fa ko magnontane ty vetsevetse. ²⁶Fa "Ey'i Tompo ty tany, naho ze kilaraha misy amae'eo." ²⁷Naho misy tsy mpino mitoka anareo hikama, naho magniry ty handeha nareo, le hano ze raha misy aloha'areo eo naho ko mandefa eretseretse ami'ty sai'areo.²⁸Naho misy mirehake ama'areo hoeke: "Toy hanegne toy le boak'ami'ty fagnatetse ami'ty mpanompo sampy, " le ko mihinagne izay. Zay le ho'ey'ty nampahafantatse anareo, naho ey'ty fieretseretagne. [Fagnamarihagne: Ty dikan-teny taloha ilae le magnampe hoeke: "Fa ty tane naho ze raha amae le ey'i Tompo. "Fa ty dikan-teny soa vatae le tsy misy izay. ] ²⁹ Tsy mirehake raho te ie ty fieretseretao manokagne, fa ty fieretsereta'ty ndaty hafa. Fa nagninogne ty fahaiako ro tokoe ho tsarae'ty fieretsereta'ty hafa?³⁰ Naho mandrae anjara ami'ty hanegne am-paksitrahagne raho, nagninogne ro tevatevahegne ami'ty nagnomezako fisaoragne?³¹Naho zay reke, ndra mihinagne ndra minogne nareo, ndra inogne ndra inogne atao'areo, le ano'areo ho vonenahin'Andrianagnahare iabike. ³²Ko magnomey fagnafitohignagne ty Jiosy ndra Grika, ndra ty fiangonan'Andrianagnahare. ³³Miezake ty hahafale ty ndaty iaby ami'ty raha iaby raho. Tsy mipay ty tombontsoako raho, fa ty ey'ty maro. Ataoko zay mba ho voavonjy iareo;

Chapter 11

¹Alao tahake raho, manahk'ahy mpangalake tahake i Kristy. ²Naho mitsiriry anareo raho satria mahatsiaro ahike ami'ty raha iaby nareo. Mitsiriry anareo raho satria mitagne mafe ty fombafomba manahake ty nanolorako aze t'ama'areo. ³Le teako ho azo'areo fa Kristy ro lohala'ty lahilahy iaby, fa ty lahilahy ro loha'ty ampela, le Andrianagnahare ro loha'i Kristy. ⁴Le magnafake voninahitse ty lohae ze lahilahy mivavake na mitoky naho misaron-doha.⁵Fa magnafake voninahitse ty lohae ze ampela mivavake na mitoky tsy misaron-doha. Fa tsy hafa naho mitovy ami'ty ampela magnaratse ty lohae zay. ⁶Fa naho tsy misaron-doha ty ampela, le tokoe tampahegne ho bory ty voloe. Naho mahamegnatse ty ampela ty manampake ty voloe na ty magnaratse ty lohae, le tokoe holombofae ty lohae.⁷Fa tsy tokoe handomboke ty lohae ty lahilahy, satria reke ro sare naho voninahin'Andrianagnahare. Fa ty ampela le voninahi'ty lahilahy. ⁸Fa ty lahilahy le tsy natao boak'ami'ty ampela. Fa ie, ty ampela ro natao boak'ami'ty lahilahy.⁹Fa tsy misy lahilahy finorogne ho ey'ty ampela. Fa ie, ty ampela ro finorogne ho ey'ty lahilahy. ¹⁰Zay ro tokoe hanagna'ty ampela ty famantara ty fahefagne ami'ty lohae, noho ty anjely.¹¹Ndra te izay, ami'i Tompo ao, tsy mahaleo-tegna ami'ty lahilahy ty ampela, na ty lahilahy mahaleo-tegna ami'ty ampela. ¹²Fa naho boak'ami'ty lahilahy ty ampela, le ty lahilahy ka le boak'ami'ty ampela. Naho boak'aman'Andrianagnahare ze kila-raha.¹³Tsarao ty vata'areo: Mete ami'ty ampela vao ty mivavake aman'Andrianagnahare tsy misaron-doha? ¹⁴Tsy ty voa-jagnahare vao ro mampianatse anareo fa naho ty lahilahy ro lava volo, le fahafaham-baraka hoaze zay? ¹⁵Tsy mampianatse anareo vao ty voa-jagnahare fa naho ty ampela ro lava volo, le voninahitse ho aze zay? Fa nameagne aze ty voloe mba handombofae aze. ¹⁶Fa naho misy te-hialy hevetse am'izay, le tsy managne fampiharagne hafa zahay, ndra ze fiangonan'Andrianagnahare.¹⁷Fa agnate ty torolalagne magnarake, le tsy mitsiriry anareo raho. Fa naho fa miarake miavy nareo, le tsy ho ami'ty soa zay fa ho ami'ty farae raty. ¹⁸Fa tami'ty voalohae, le reiko fa naho fa miarako mivory am-piangonagne ao nareo, le misy fizarazaragne ty ama'areo, naho mino izay ami'ty ampahae raho. ¹⁹Fa tsy maintsy misy fitsitokotokoagne ty ama'areo, mba hisaoragne ama'areo eo ze naho fa nekeagne.²⁰Fa naho fa mivory nareo, le tsy ty Fanasa'i Tompo ro hohane'areo. ²¹Naho fa mihinagne nareo, le sambe mihinagne ty mahakamae manokagne ty tsikiraike aloha'ty hikamà'ty hafa. Kerey ty raike, naho ty hafa nanjare mamo. ²²Tsy managne tragno hihinanagne naho hinomagne rano vao nareo? Hatao'areo tsikitragno vao ty fiangonan'Andrianagnahare naho hogegea'areo ze tsy managne ndra inogne ndra inogne? Inogne ro tokoe horehafeko ama'areo? Tokoe hitsiriry anareo vao raho? Tsy hitsiriry anareo am'izay eo raho!²³Fa niraeseko boakam'i Tompo avao ka ze ampahafantareko anareo, fa Jesosy Tompo, tami'ty halegne nifoteragne Aze, le nandrae mofo. ²⁴Naho fa avy nisaotse Reke, naho nanampake izay le nisaontsy te: "Intoy ty vatako, naho hoanareo. Ano'areo zao ho fahatsiarovagn'Ahike."²⁵Manahak'izay ka naho niraese'e ty kopy naho fa avy nikama, le nisaontsy Reke ty hoeke: Toy kopy toy ro fagnekeagne vaovao ami'ty lioko. Ano'areo zao ndra ombia ndra ombia nareo naho fa minogne, ho fahatsiarovagne Ahy." ²⁶Ami'ty fotoagne iabike hihinana'areo toy mofo toy naho hinoma'areo am'itoy kopy toy, le magnombara ty fahafatesa'i Tompo pandra-piavie nareo.²⁷Ndra ia ndra ia, ty am'izay, mihinagne mofo naho minogne ami'ty kopi'i Tompo ami'ty fomba tsy fanao, le hanan-kakeo ty ami'ty vatagne naho lio'i Tompo. ²⁸Tokoe handinike ty vatae heke ty ndaty, le am'izay le tokoe hihinagne ty mofo naho hinogne ami'ty kopy reke. ²⁹Fa ze mihinagne naho minogne naho tsy mahafantatse ty vatagne, le mihinagne naho minogne fitsaragne ho ey'ty vatae. ³⁰Zay ro mahavy ty maro ama'areo ho osa naho marare, le ty ilae ama'areo ho mate.³¹Fa naho mandineke ty vatae tikagne, le tsy ho tsaraigne. ³²Fa naho fa voasora'i Tompo tika, le mpagnara-dalàgne, mba tsy hanankakeo reketse ty tane toy.³³Naho zay reke, nareo rahalaheko, naho fa mivory mba hihinagne nareo, le mifandignasa. ³⁴Naho misy ty ndaty raike keregne, ndao reke hihinagne an-tragno agne, am'izay naho fa mivory nareo le tsy ho ami'ty fitsaragne zay. Le mahakasike ze raha hafa sinora'areo, le hagnomey torolalagne raho naho fa avy.

Chapter 12

¹Momba ty fagnomezam-pagnahy, nareo rahalahy, le tsy teako tsy hahafantatse nareo. ²Fantaro'areo fa tami'ty nareo mpanompo sampy, le voa'olake mb'ami'ty sampy tsy manam-peo mbeo nareo, t'ami' ze lalagne nitarihae anareo. ³Ty am'izay le teako ho fanta'areo fa tsy misy ndaty naho mirehake ami'ty Fagnahin'Andrianagnahare afake mirehake te: "Jesosy le voaozogne. "Tsy misy mahazo mirehake te: "Jesosy ro Tompo," naho tsy ami'ty ala'ty Fanahy Masegne.⁴Le misy fagnomezam-pagnahy sambehafa, fa Fagnahy mitovy avao. ⁵Misy fanompoagne sambihafa, fa Tompo mitovy avao; ⁶le misy karaza'asa sambihafa, fa fa Zagnahare mitovy avao ty manao io ho azo atao ami'ty tsikiraike.⁷Le ho ey'ty tsikirake ro nameagne ty fanehoagne ivela'ty Fagnahy ho ey'ty tombontsoa'ty ndaty iaby. ⁸Fa ho ey'ty ndaty raike le nameagne boak'ami'ty Fagnahy ty saontsi'ty fahendreagne, le ho ey'ty raike hafa ty saontsy' ty fahalalagne ami'ty alala'ty Fagnahy mitovy avao ka.⁹Ho ey'ty raike hafa le nameagne ty finoagne ami'ty alala'ty Fagnahy mitovy, le ho ey'ty raike hafa ze fagnomezam-pahasoavagne hampijagagne ami'ty alala'ty Fagnahy raike. ¹⁰Ho ey'ty raike hafa le nameagne ze asa'ty hery, le ho ey'ty raike hafa fitokiagne. Ho ey'ty raike hafa le nameagne ty fahaigne magnavake ze fagnahy, ho ey'ty raike hafa ze karazana firehake sambihafa, le ho ey'ty raike hafa ty fandikan-teny. ¹¹Fa ty Fagnahy raike naho mitovy avao ty miasa am'izay raha iabike zay, magnomey ze fagnomezam-pagnahy ho ey'ty ndaty tsikiraike iaby, magnarake ze finilie.¹²Fa satria ty vatagne le raike avao le managne rantsagne maro naho ty ndaty iaby le rantsa'ty vatagne raike avao, noho izay le miarake am'i Kristy zay. ¹³Fa tami'ty alala'ty Fagnahy raike ro nanaovagne batisa antika iaby ho vatagne raike, ndra iareo Jiosy ndra iareo Grika, ndra voafatotse ndra votsotse, le ty ndaty iaby le natao mba hinogne ami'ty Fagnahy raike.¹⁴Fe ie ty vatagne le tsy rantsagne tokagne, fa maro. ¹⁵Naho mirehake ty tomboke ty hoeke: "Satria tsy tagnagne raho, le tsy rantsagne ami'ty vatagne raho," zay le tsy raha kedekede ami'ty ratsam-batagne. ¹⁶Le naho ty sofigne ro mirehake ti hoeke: "Satria tsy maso raho, le tsy rantsagne ami'ty vatagne raho," zay le tsy kedekede ami'ty rantsam-batagne. ¹⁷Naho maso ty vatagne iaby, le ho aia ty fitsanognagne? Naho sofigne ty vatagne iaby, le ho aia ty fivazohoagne?¹⁸Fa Andrianagnahare nandamigne ty rantsa'ty vatagne tsikiraike manahake ty namorognae aze. ¹⁹Naho rantsagne mitovy avao iareo, aia ty hisy ty vatagne? ²⁰Fe ie le rantsagne maro iareo, fa vatagne raike avao.²¹Ty maso tsy afake mirehake ami'ty tagnagne hoeke: "Tsy misy ipaiàko azo. "Ndra ty loha tsy hirehake ami'ty tomboke hoeke: "Tsy misy ipaiàko azo. " ²²Fa ze rantsagne am'ty vatagne atao fa malemeleme le tena ilaigne, ²³le ze rantsagne ami'ty vatagne ataontika fa tsy vatan-draha, le amean-tika lanjae, naho ze rantsantika tsy fatoro le managne ty varae mihoatse.²⁴ Le ty rantsagne fatoro le tsy tokoe handesegne hisengesenge, satria fa managne ty varae. Fa Andrianagnahare nampitambatse ty rantsagne iaby miarake, le ireke nagnomey lanjae beybey'ka ze tsy ampy izay.²⁵Nanao izay Reke mba tsy hisy fisarahagne ami'ty vatagne, fa mba mifagnalakagne ami'ty fiteavagne mitovy ze rantsagne. ²⁶Dika'izay naho fa mijale ty rantsagne raike, le miarake mijale ze rantsagne iaby; na naho fa omean-danja ty rantsagne raike, le miarake mifale ze rantsagne iaby.²⁷ Le inareo le vata'i Kristy naho rantsagne am'izay ty tsikiraike.²⁸Le Andrianagnahare nijibogne heke t'agnate fiangonagn'ao ze apostoly, faharoa iareo mpitoky, fahatelo iareo mpianatse, boak'eo iareo ze manao asa mahagaga, boak'eo ze fagnomezam-pahasoavagne hagnasitragne, ze magnomey fagnampeagne, iareo ze manao asa fitarihan-draharaha, le iareo ze managne karazana firehake maromaro. ²⁹Apostoly vao iareo? Mpaminany iaby vao? Mpampianatse iaby vao? Manao asa mahagaga iaby vao iareo?³⁰Managne fagnomezam-pagnahy hagnasitragne vao iareo iaby? Mirehake ami'ty rehake tsy fantatse vao iareo iaby? Mandika rehake vao iareo iaby? ³¹Maneo soa ze fagnomezam-pahasoavagne bey vatae. Fa hanoro anareo lalagne soa mihoatse raho.

Chapter 13

¹Ndra te ie atao mirehake ami'ty fireha'iareo ndaty naho ty anjely aza raho. Fa naho tsy managne fiteavagne, le manjare vigne magneno na karatsagne mikarantsam-peo raho. ²Ndra te ie atao fa managne fagnomeza'ty fitokiagne naho mahafantatse ty raha mahagaga naho ze fahalalagne iabike aza raho, le managne ze finoagne iaby ahafahagne mamindra vohitse. Fa naho tsy manam-piteavagne, le tsy misy dikae raho. ³Ndra te ie atao te nagnomey ze raha anagnako hamahanagne ty mijale aza raho, naho manolotse ty vatako ho doroagne. Fa naho tsy manam-piteavagne, le tsy mahazo ndra inogne ndra inogne raho. [Fagnamarihagne: Ty ULB naho ty UDB le sambe managne dikan-teny tsiefa, mivaky ty hoeke: "Hameako mba ho doroagne ty vatako." Ty dikan-teny ilae ka le mivaky hoeke: "Hameako ty vatako mba ho reharehako."]⁴Ty fiteavagne le mamalio-fo sady soa fagnahy. Ty fiteavagne le tsy magniry na mirehareha. Tsu mivogne ⁵na manao ze mahafake baraka. Tsy tea-tegna. Tsy mora sosotse, na magnisake fahadisogne. ⁶Tsy mifale ami'ty tsy fahamarinagne. Fe ie, mifale ami'ty fahamarinagne.⁷ Ty fiteavagne le mandefetse ze raha iaby, mino ze raha iaby, matoky ze kilaraha, naho miaritse ze kilaraha.⁸Tsy ho tampitse mandrakizay ty fiteavagne. Naho misy fitokiagne, le ho rava io. Naho misy firehafagne ami'ty rehake tsy fantatse, hijanogne io. Naho misy fahalalagne, le ho rava zay. ⁹Fa tikagne le tsy mahafantatse ami'ty ilae naho maminany ami'ty ilae. ¹⁰Fa naho fa avy ty tena ie vatae, le ho rava ze tsy tanterake.¹¹Tami'ty zaho mbe kede, le nirehake manahake ty ajaja, nieretseretse manahake ty ajaja, nisaigne hoe ty ajaja. Naho fa bey raho, le nengako ty maha ajaja. ¹²Fa hanane zao tika le mahita tsy mivantagne ami'ty fitaratse, fa lahela zay le hifagnatreke. Hanane zao raho le mahafantatse ami'ty ilae, fa boak'eo raho le hahafantatse tanterake mahake ty zaho nahafantatse ahike tanterake.¹³ Fa hanane zao le ty raha telo toagne ro mitoetse: ty finoagne, ty fagnantegnagne hatramizay, naho ty fiteavagne. Fa ty tena bey vatae am'iareo le ty fiteavagne.

Chapter 14

¹Mipaiava fiteavagne le managna zotom-po ami'ty fagnomezam-pagnahy, loho tsy ie fa ty mba hitokia'areo. ²Fa ze mirehake ami'ty firehake tsy fantatse le tsy mirehakeami'ty ndaty fa aman'Andrianagnahare. Fa tsy misy mahazo aze satria mirehake raha-miafegne ami'ty Fagnahy ao reke. ³Fa ze mpitoky le mirehake ami'ty ndaty ho fampiarenagne iareo, ho fampirisihagne iareo, naho fampiononagne iareo. ⁴Ze mirehake ami'ty rehake tsy fantatse le magnorigne ty vatae, fa ze mitoky le magnorigne ty fiangonagne.⁵Hanane zao le magniry anareo iaby hirehake ami'ty rehake tsy fantatse raho. Fa le mbe mihoatse izay aza, magniry Raho ty hitokia'areo. Ze mitoky le beybey ta ty mirehake ami'ty rehake tsy fantatse (naho tsy ty ie misy ndaty raike mandika rehake naho mba mete hiorena'ty fiangonagne).⁶ Fa hanane zao, nareo rahalahy, naho avy ama'areo eo ami'ty rehake fantatse raho, inogne ty tombotsoa ameako anareo am'izay? Tsy afake raho, naho tsy te ie mirehake ama'areo ami'ty fagnombaragne, na fahalalagne, na fitokiagne, na fampianaragne.⁷Naho mamoake fe ze raha-magneno tsy managn'aigne__manahake ty kitsoly na lokanga__le tsy mamoake feo-soa sambihafa iareo, akore ty hahafantara ty ndaty ze feo-soa aboa'ty kitsoly na ty lokanga? ⁸Fa naho manao feo hafahafa ty trompetra, akore ro hahaia'ty ndaty naho fa fotoagne hiomanagne ami'ty aly? ⁹Le manahak'izay ka ty ama'areo. Naho tsy mazava ty rehake aboa'ty vava'areo, akore ty hahaia'ty ndaty ze raha rineha'areo? Hirehake nareo, le tsy hisy hahazo anareo.¹⁰Misy firehake maro sambihafa ami'ty tane toy, le tsy misy am'iareo ty tsy misy dikae. ¹¹Fa naho tsy mahafantatse ty dika'ty firehake raike raho, le ho vahiny ami'ze mirehake, le ze mirehake ho vahiny amako.¹²Manahal'izay ka ty ama'areo. Satria magniry mafe ty fihetseha'ty Fagnahy nareo, le manàgna zotom-po mba hivoatse ami'ty fagnoregnagne fiangonagne. ¹³Naho zay reke ze mirehake ami'ty firehake tsy fantatse le tokoe hivavake mba hahafahae mandika rehake. ¹⁴Fa naho mivavake ami'ty firehake tsy fantatse Raho, le mivavake ty fagnahiko, fa ty saiko tsy mamoa.¹⁵Inogne ty tokoe hataoko? Hivavake ami'ty Fagnahiko raho, fa hivavake ami'ty saiko avao ka. Hihira reketse' ty Fagnahiko raho, le hihira reketse ty saiko avao ka. ¹⁶Naho tsy zay, naho midera an'Andrianagnahare reketse ty Fagnahy nareo, akore ty hirehafa'ty ambahiny hoeke "Amen" naho fa magnomey fisaoragne nareo naho tsy fantae ty rehafeo.¹⁷Fa irehe le tena magnomey fisaoragne soa avao, fa ty ndaty hafa tsy mitoetse.¹⁸ Misaotse an'Nagnahare raho fa mirehake ami'ty firehake tsy fantatse mihoatse anareo iaby. ¹⁹Fe ie am-piangonagn'agne le aleoko mirehake rehake dimy manahake ty fahazoako mba hahaiako mampianatse ty hafa, tozay rehake rai'alegne ami'ty firehake tsy fantatse.²⁰Nareo rahalahy, ko misare ajaja ami'ty fandineha'areo. Fe ie, naho ami'ty raty, le manoa manahake ty ajaja. ²¹Fe ie ami'ty fihevera'areo le magnanoa matotse nareo. Ami'ty lalàgne le voasoratse hoeke: "Ami'ty alala'ty ndaty hafa firehake naho ami'ty alala'ty molo'ty ambahiny le hirehake am'o ndaty io Raho. Ndra te ie tsy haharey Ahike aza iareo," hoe ty Tompo.²²Naho zay reke ty firehake tsy fantatse le famantaragne, tsy ami'iareo mpino, fa am'iareo tsy mpino. Fe ie ty fotokiagne ka le ho famantaragne, tsy ho ey'iareo tsy mpino, fa ho ey'iareo mpino. ²³Naho zay reke, naho fa, miarake mivory ty fiangonagne iaby naho mirehake ami'ty firehake tsy fantatse iaby, naho militse iareo ambahiny naho ty tsy mpino, tsy ho hatao'iareo fa gege vao nareo?²⁴Fa naho nitoky iaby nareo iaby naho nisy tsy mpino na ambahiny nilitse, le ho rese lahatse ami'ze raha tsanogne'e reke. Ho tsaraigne ami'ty raha rinehake iabike reke. ²⁵Hambara ty tsiambaratelo am-poe ao. Voka'izay, hiampalo reke naho hitsoke an'Andrianagnahare. Hagnombara reke fa tena ama'areo eo Andrianagnahare.²⁶Inogne zane ty magnarake, nareo rahalahy? Naho fa mitraoke nareo, ty tsikiraike le managne managne salamo, fampianaragne, fagnombaragne, firehake tsy fantatse, na fandikan-drehake. Ano'areo ze raha iaby mba hagnoregna'areo fiangonagne. ²⁷Naho misy mirehake ami'ty firehake tsy fantatse, angao hisy roe na farafahamaroe telo eo, naho mandeha tsikiraike, boak'eo tokoe hisy raike handika ze rehake voarehake. ²⁸Fa naho tsy misy mpandika teny, engao ty tsikiraike am'iareo hitagne fitsignagne am-piangonagn'ao. Engao ty tsikiraike hirehake mitokagne ami'ty vatae naho aman'Andrianagnahare.²⁹Engao hirehake ty mpitoky roe na telo, le engao ze hafa hitsanogne ami'ty fahaiagne magnavake ze voarehake. ³⁰Fa naho misy fahitagne omeagne ze mijanogne eo ami'ty fonoagne, engao hitsigne i raike nirehake'y.³¹Fa ty tsikiraike ama'areo le afake mifandimby mitoky mba hahafaha'ty tsikiraike mianatse naho mba hahery ty ndaty iaby. ³²Fa ty fagnahi'iareo mpitoky le hambena'iareo mpitoky. ³³Fa Andrianagnahare le tsy Zagnahare'ty fikorontagnagne, fa ty fiadanagne. Izay ro lily ho ey'ze fiangona'iareo mpino iaby.³⁴Ty ampela le tokoe hitsigne am-piangonagn'ao. Satria ty mahazo lalagne hirehake iareo. Fe ie, tokoe hagneky iareo, manahake ty ambara-ty lalàgne. ³⁵Naho misy irie'iareo hianaragne, engao hagnontany ty valie an-tragno agny iareo. Fa mahamegnatse ho ey'ty ampela ty mirehake am-piangonagn'ao. ³⁶Boak'ama'areo vao ty niavia'ty saontsin'Andrianagnahary? Inareo raike vao ro marine'izay?³⁷Naho misy mieretseretse ty vatae ho mpitoky na ara-pagnahy, le tokoe hagneky reke fa ze raha soratako ama'areo le lili'i Tompo. ³⁸Fa naho misy ty mandietse izay, le aleo reke ho lieregne. [Fagnamarihagne: Ty ankamaroa'ty dikan-teny, agnate'izay ty ULB naho UDB, le mamaky hoeke: "Fa naho misy mandietse zay, le ho lieregne reke." Ty dikan-teny ilae taloha manao ty hoeke: "Fa naho misy tsy mahafantatse zay, le engao reke tsy hahafatatse izay. "]³⁹Le am'izay eo, nareo rahalahy, magniria mafe ty hitoky, le ko mandrara ndra ia ndra ia hirehake ami'ty firehake tsy fantatse. ⁴⁰Fa engao ze kilaraha anoagne magnarake ty tokoe ho ie naho am-pilaminagne.

Chapter 15

¹Hananeke zao mampahatsiaro anareo raho, nareo rahalahy, ty ami'ty talilisoa naho nambarako tama'areo, le niraese'areo naho ijoroa'areo. ²Ami'ty alala'izay talilisoa zay ro voataha nareo, naho mimane mafe ami'ty rehake nitaliliako t'ama'areo nareo, naho tsy ty hoe ninonino fahatane.³Fa natoloko ho vatan-draha voalohae ho anareo ze voarambeko avao ka: fa mate ho ey'ty hakeontika ty Kristy naho ty ami'ty Soratse Masegne, ⁴le nalevegne Reke, le Ireke nitsangagne tami'ty mate tami'ty andro fahatelo naho ty saontsy ty Soratse Masegne.⁵Kristy le niseho tama'i Kefasy, le avy eo tama'iareo roa ambifolo; ⁶boak'eo le niseho ndraike tama'iareo rahalahy mihoatse ty dimanjato Reke. Mbe velogne ty ankamaroa'iareo, fa ty ilae fa nivilasy. ⁷Boak'eo Reke niseho tama'i Jakoba, boak'eo tama'iareo apostoly iaby.⁸Ty tena farae, le niseho tamako Reke, le hoe raha tami'ty ajaja terake tsy ampe volagne. ⁹Fa iraho ty farae kede am'iareo apostoly. Izaho le tsy evae ty atao ty hoeke apostoly satria nagninjake ty fiangonan'Andrianagnahare raho.¹⁰Fa noho'ty fahasoavan'Andrianagnahare ro naha hoe izao ahike, naho tsy foagne ty fahasoavae amako ato. Fe ie, niasa mafe vatae noho ty ndaty iaby raho. Fe ie tsy raho zay, fa ty fahasoavan'Andrianagnahare mindre amako. ¹¹Naho zay reke ndra izaho zay ndra iareo, ami'ty nitalilia'ay le ami'izay ro ninoa'areo.¹²Hananeke zao naho nambara fa ty Kristy le natsangagne tami'ty mate, akore ty hahafaha'ty ilae ama'areo mirehake fa tsy misy ty fivagnoambelogne? ¹³Fa ie naho tsy misy fivagnoambelogne, le tsy nivagnombelo ka ty Kristy; ¹⁴le naho tsy natsangagne ty Kristy, le foagne ty fitaliliagne, naho foagne ka ty finoa'areo.¹⁵Ie zay, le trea ho vavolombelogne diso momban'Andrianagnahare zahay satria nijoro vavolombelogne nanohitse an'Andrianagnahare, nirehake ty ie natsangae ty Kristy naho fa tsy nanao izay Reke. ¹⁶Naho tsy natsangagne ty mate, le ndra i Kristy aza tsy natsangagne; ¹⁷le naho tsy natsangagne ty Kristy, le foagne ty finoa'areo naho le mbe agnate ty hakeo'areo nareo.¹⁸Le zay raha iaby zay mate ama'i Kristy ao naho fa montso avao ka. ¹⁹Naho ami'toy fiaignagne toy avao ro anagnan-tikagne toky ami'ty hoavy am'i Krisy ao, le tikagne ro tena mahaferenaigne ami'ty ndaty iabike.²⁰Fa haneke zao le fa nivagnombelo ty Kristy, raike voaloham-boka'iareo ze nimate. ²¹Fa satria niavy tami'ty alala ty ndaty raike ty fahafatesagne, le avy tami'ty alala'ty ndaty raike avao ka ro niavia'ty fivagnonambelo.²²Fa hoe ty nahafatesa'ty ndaty iaby tama'i Adama, le ho velomegne ama'i Kristy avao ka ty ndaty iaby. ²³Fe ie sambe ami'ty filaharae manokagne ty tsikiraike: Kristy, ty voaloham-bokatse, le avy eo iareo ze ey'i Kristy le ho atao velogne ami'ty fiaviae.²⁴Boak'eo le ho avy ty farae, naho fa hamea'i Kristy ho an'Andrianagnahare Roae ty fanjakagne. Zay le naho fa hagnafoagne ty lily iaby naho ty fahefagne iaby le ty hery Reke. ²⁵Fa tsy maintsy manjaka Reke para-ty ametrahae ty fahavaloe iaby ambane faliae 'ao. ²⁶Ty fahavalo farae hozamanegne le ty fahafatesagne.²⁷Fa "Napetrae tambane faliae ao iaby ze kilaraha." Fa voasaontsy fa: "Ireke ro nametrake ze kilaraha," le mazava soa fa tsy tafilitse agnate'izay i raike nagnisy ze kilaraha hagnorike ty vatae'y. ²⁸Naho fa magnorike Aze ze kilaraha, le ty Anake vatae ro hagnorike i raike naho nampagnorike ze kilaraha'y ho Aze. Hiseho zay mba ho kilaraha ami'ze kilaraha ty Andrianagnahare Roae.²⁹Ndra ie ka inogne ty raha paiave'iareo vita batisa ho ey'ty mate? Naho tsy natsangagne vatae ty maty, nagnigne iareo ro natao batisa ho ey'iareo? ³⁰Nagninogne areke, tikagne ro am-bava loza isan'dera?³¹Miatreke fahafatesagne isan'andro raho! Izay le azo antoke manahake ty fiheverako ty ama'areo, naho azoko ama'i Kristy Jesosy Tompontika ao. ³²Inogne ro tomboe azoko, boak'ami'ty fomba fahita'ty olombelogne, naho nialy tami'ty biby te Efesosy raho, naho tsy natsangagne ty maty? "Ndao tikagne hihinagne naho hinogne satria ho-mate tikagne maray."³³Ko mete ho fitahagne te hoeke: "Manimba ty fisaignagne soa ty naman-draty." ³⁴Mandiniha! Miaigna am-pahamarinagne! Ko manohy aman-kakeo! Fa ty ilae ama'areo le tsy managne fahalalagne an'Andrianagnahare. Mirehake izay ho ami'ty fahamegnara'areo raho.³⁵Fa ty ndaty raike hirehake te ie: "Manao akory ty nivagnoambelo, le ami'ty karaza na vatagne inogne ro hahavia'iareo?" ³⁶Tsy mahafantatse ndra inogne ndra inogne nareo! Ze hafafe'areo le tsy hanomboke hitombo naho tsy mate zay.³⁷Ze nafafe'areo le tsy ty vatagne naho ho avy, fa voae avao. Zay le mete hanjare vare na raha hafa. ³⁸Fa homean'Andrianagnahare aze ty vatagne ami'ze filie'e, le sambe ami'ty vatae iaby ty voa tsikiraike. ³⁹Tsy ty nofotse iaby ro mitovy. Fe ie, raike ty nofo'ty olombelogne, le hafa ty nofo'ty biby, naho nofotse hafa ty ey'iareo vorogne, le hafa ty bibin-drano.⁴⁰Misy avao ka ty vatagne an-dagnets'agny naho ty vatagne ambone tane eto. Fa karazae raike avao ty vonenahi'ty vatagne an-dagnits'agne naho hafa ty voninahi'ty ambony tane eto. ⁴¹Raike ty voninahi'ty masoandro, le hafa ty voninahi'ty volagne, naho voninahitse hafa ty ey'ty kintagne. Fa ty kintagne raike miavake ami'ty kintagne raike hafa ka ami'ty voninahitse.⁴²Manahak'izay ka ty fivagnonambelogne. Ze afafy le mete simba, le ze atsangagne le tsy mete simba. ⁴³Afafy tami'ty fahafaham-baraka zay; le natsangagne am-bonenahitse. Afafy tami'ty fahalemeagne zay; le natsangagne ami'ty hery. ⁴⁴Afafy ami'ty vatagne voajagnahary zay; le atsangagne ho vatagne ara-fagnahy. Naho misy vatagne voajagnahary, le misy vatagne ara-pagnahy ava ka.⁴⁵Le fa voasoratse avao ka te ie: "Lasa fagnahy velogne ty Adama lahilahy voalohae" Ty Adama raike farae le lasa fagnahy magnome fiaignagne. ⁴⁶Fa tsy ara-pagnahy ro avy voalohae fa ty voajagnahare, le boak'eo ty ara-pagnahy.⁴⁷Ty ndaty voalohae le boak'ami'ty tane, namboaregne tami'ty fotake. Ty ndaty faharoa le boak'an-dagnits'agne. ⁴⁸Manahak'iraike namboaregne tami'ty fotake, manahak'izay ka ty ndaty raike an-dagnits'agne, le manahal'izay avao ka iareo ze boak'an-dagnets'agne. ⁴⁹Manahake ty nandesantika ty lili'ondaty fotake, le handay ty lili'ty ndaty an-dagnets'agne ka tikagne.⁵⁰Le izao ty rehafeko, nareo rahalahy, fa ty nofotse naho ty lio le tsy afake handova ty fanjakan'Andrianagnahare. Na ze mete simba handova ze tsy mete simba. ⁵¹Ingo! Raha-to tsy trea ro ho rehafeko ama'areo te ie: Tsy ho mate iabike tikagne iaby, fa hovaegne iabike tikagne iaby.⁵²Hiova tikagne ami'ty andro raike, agnate ty indraike mikipi-maso, ami'ty anjiva farae. Hagneno ty antsiva, le ze mate le hatsangagne tsy ho mete lo, le hovaegne tikagne. ⁵³Fa toy vatagne mete simba toy le tsy maintsy hisikigne ze tsy mety lo, le toy vatagne mete mate toy le tsy maintsy hisikigne ty tsy fahafatesagne.⁵⁴Fa naho fa misikigne ty tsy mete simba toy vatagne mete simba toy, le naho fa misikigne ty tsy fahafatesagne toy vatagne mete mate toy, le ho avy ami'ty ty talily voasoratse te ie, "Voatelegne tami'ty fandreseagne ty fahafatesagne." ⁵⁵"Ihe fahafatesagne, aia ty fandreseao? Ihe fahafatesagne, aia ty fitibi'o?"⁵⁶Ty hakeo ro fitibi'ty fahafatesagne, le ty heri'ty hakeo le ty lalàgne. ⁵⁷Fa isaoragne an'Andrianagnahare, ty nagnomey antikagne fadreseagne ami'ty alala'i Jesosy Kristy Tompontika!⁵⁸Naho zay reke, nareo rahalahy, miarena soa le ko mihozongozogne. Miroboroboa manofots'andro ami'ty asa'i Tompo, satria fanta'areo fa tsy sasa-poagne ty asa'areo ama'i Tompo ao.

Chapter 16

¹Le mahakasike ty famoriam-bola ho ey'iareo mpino, manahake ty nanoroako lalagne ty fiangona'i Galatia, le manahak'izay ka ty tokoe hatao'areo. ²Ami'ty andro voaloha'ty heregnadro, le tokoe hanokagne raha ty tsikiraike ama'areo le hagnaja izay ami'ze vita'areo. Magnanoa izay mba tsy hisia'ty famoriam-bola naho fa avy raho.³Naho fa avy raho, ndra ia ndra ia orihe'areo, le alefako miarak'ami'ty taratasy mba hanolorako ty fagnate'areo ho ey'i Jerosalema. ⁴Naho mete amako avao ka ty mandeha, le handeha hindre amako iareo.⁵Fa hoavy ama'areo agne raho naho fa mandalo a Makedonia. Fa handalo a Makedonia raho. ⁶Mete afake hijanogne ama'areo raho ndra agnate ty hasara manontolo aza, mba hahafaha'areo magnampe ahy ami'ty liako, ndra aia ndra aia tane ombako.⁷Fa tsy magniry ty hahatrea anareo agnate ty fotoagne kedeke raho zao. ⁸Fa magniry ty hijanogne maharetsaretse miarak'ama'areo, naho tea'i Tompo. Fa hijanogne a Efesaosy raho para-piavia ty Pentekosta, ⁹satria fa lalagne malalake ty nisokatse ho ahike, le misy fahavalo maro.¹⁰Le naho fa avy ty Timoty, le imaneo mba tsy hatahotse reke mindre ama'areo, fa manao ty asa'i Tompo reke, manahake o atako'o. ¹¹Ko engagne hisy ndaty hanao tsinontsinogn'aze. Ampeo reke ami'ty lalagne ombae ami'ty fiadanagne, mba hahavia'e amako eo. Fa magniry aze mba hindre hiarak'am'o rahalahy io raho. ¹²Le mahakasike i Apolosy rahalahentika, le nampirisik'aze mafe raho mba hamangy anareo miarak'am'o rahalahy reo. Fa mbe tsy vognogne vatae ty ho avy reke zao. Ndra te izay aza, ho avy reke naho fa mete ty fotoagne.¹³Miambena, mijoroa soa ami'ty finoagne, miasà manahake ty lahilahy, maherea. ¹⁴Le anovo am-piteavagne ze raha atao'o iaby.¹⁵Fanta'areo ty tarimo'i Stefanasy, fa iareo reo ty niova fo voaloha'e t'a Asais, le iareo reo nametrake ty vata'iareo ho ami'ty fanompoagne iareo mpino. Le mampirisike anareo raho, nareo rahalahy, ¹⁶mba hagnorike ty ndaty manahak'izay le ami'ty ndaty iaby ze magnampe ami'ty asa naho miasa miarak'ama'ay.¹⁷Mifale ami'ty viavia'i Stefaniasy, Fortinasy, naho Akaiosy raho. Nameno ty tsy naha-teo anareo iareo. ¹⁸Fa namelombelogne ty fagnahiko naho ty anareo iareo. Le naho zay reke, fantaro ty ndaty manahak'izay.¹⁹Iareo fiangona'i Asia le manao veloma anareo. Akila naho Pritsila le manao veloma anareo ami'i Tompo ao, miarak'ami'ty fiangonagne naho ami'ty agnanjomba'iareo. ²⁰Ze rahalahy iaby manao veloma anareo. Mifagnanoa veloma ami'ty oroke masigne.²¹Iraho, Paoly, manoratse itoy ami'ty tagnako. ²²Naho misy ndaty tsy tea i Tompo, le lonike ho voafatsy reke. Ha avy, ty Tompontika! ²³Lonike ho ama'areo ty fahasoava'i Jesosy Tompo. ²⁴Ho ama'areo iaby ty fiteavako am'i Jesosy Kristy ao. [Fagnamarihagne: Ty dikan-teny taloha le magnampe hoeke: "Amena. " Fa ty vaovao tsiefa ilae, agnate'izay ty ULB naho ty UDB, le magnafake izay.]

Hebrews

Chapter 1

¹Taolo ela bey ty Andrianañahare le nitsara amy ty razambeintika tamy alala ty mpitoky tañate ty fotoañe maro naho tamy ty fomba maro.² Fa amy zo andro farae zao, le nitsra amantika tamy alala ty Anadahie Reke, le ie tinondro ho mpandova ze kila raha. Tamy alala e avao ka ro namboaran' Andrianañahare ze hene raha.³ Ie ro fangirangirata ty volonahin' Andrianañahare, naho le ty sare ty fañovae vatae. Ndra ze raha iaby aza le tanae hindre amae amy ty lala ty hery ty saontsie. Tafara ty nañaliovae hakeo, le niambesatse ambane ty fitan-kavana ty Bey ambone añe Reke.⁴Nanjare ambone manahake iareo anjely Reke, satria ty añarañe linovae le fanjaka mandako ty añara iareo. ⁵Ia amy iareo anjely ro mba nitsaràn' Andrianañahare te: "Anako rehe, Raeo Raho te anito" navaho tihoe te: "Ho Rae ho Aze Raho, naho le ho anake ho Ahy Reke"?⁶À naho, fa ninday ty bakotokae amy ty tane toy eto ty Andrianañahare, le nisaontsy Reke te: "Ze anjelin' Andrianañahare aby le mahay tsy nanandratse Aze."⁷ Momba iareo anjely le nitsara Reke te ie: "Ie raike manao iareo anjely ho fañahy io, naho le natao e lelan' afo iareo mpanompoe."⁸Ty momba ty Anake le izao ty natao e: "Ty seza fanjakào, Andrianañahare, le mandrakezay naho le ho doria. Ty kobay ty fanjakào le kobaim-pintsaràñe.⁹ Niteao ty fahamareñañe naho le tsy nizoto o ty fandikañe ty lily. Manao izay ty Andrianañahare, Andrianañahareko, le nañosotse Azo tamy ty menan-kafaleañe mandako iareo mpiñori-dia Azo.¹⁰"Namototse am-boalohae, Rañandria, Ihe ro namoroñe ty foto ty tane toy. Namboareo aby lanitseo. Ho veloñe iareo, Ihe ro hanohy.¹¹ Ho riatse manahake tsorodea ao iareo. ¹²Haforeo manahake o akanjo iareo, navaho le hovaeo manahake pote-tsorodeao iareo. Fa ihe le manahake izay, navaho ty tao o le tsy hanam-piafarañe."¹³Ia amy iareo anjely ro nitsaràn' Andrianañahare tamy ty andro te: "Toboha an-kavanako eo mandra-panoako ze fahavalo o ho seza hoe ey ty tombo o"? ¹⁴O vao iareo anjely aby io tsy fañahy mpanompo, naho le vinotsotse hiambeñe iareo ze handova ty famonjeañe?

Chapter 2

¹Manao izay tika le mahay tsy miambeñe vatae ze nireintika, mba tsy hañorike rano bey amizay tika.²Fa naho mareñe ty hafatse natalilie tamy alala ty anjely, naho ty fandikañe ze hene ty lily naho ty tsy fañorihañe le handrae saze ara-drare e, ³akore ty hahaiantika milay naho tsy raharahaen-tika ze famonjeam-bey zay? Io ro famonjeañe natalilin' Andriatompo voalohae naho te le nihamafe iareo naharey aze aman-tika. ⁴Tamy o andro avao le niporofoen' Andrianañahare tamy ty famantarañe, fahagagañe, navaho asa mahery sambe hafa, naho tamy ty fizara iareo fañomeam-pahasoava ty Fañahy Masiñe arake ze zotoe.⁵Fe ie tsy boake ty anjely ro nampañorihen' Andrianañahare ze kila raha ho avy, momba ty tsaraentika. ⁶Fe ie, nisy ndaty nitsangañe ho voavolombeloñe amizay ty tañe, manao izao te: "Ino ty ndaty, ro vetsevetseo? Ndra ty tirin'olombeloñe, ro hotoroñeo?⁷Manao ndaty io ho ambane mandako ty anjely niheo; nisatroheo satro-bininahitse tamy ty laza naho ty volonahitse reke. [Fañamareñañe: Ty dikan-drehake taolo le mitovoñe tihoe te: "Naho le Ihe ro nampiambesatse aze ambone ty asa ty fitao."] ⁸Ze raha iaby le nampañekeo ambane ty fandia eo." Fe ie ho aze ro nampañeken' Andrianañahare ze kila raha. Fe ie henaneo tika le mbe liae naho nahatrea ty raha nampañeke e aze.⁹Fa itika mahatrea ty raike natao e ambane mandako iareo anjely tañate ty andro tsy ampe: Jesosy, izay, naho ty fijaleae navaho ty havilasie, le nisanatroke sabaka-bolinahitse tamy ty laza naho ty volonahitse. Tamy ty alala ty fahasoavan' Andrianañahare te anito, ro nañoharae ty fahavilasiañe ho ey ty ndaty toy aby. ¹⁰Fe ie mete amin' Andrianañahare zay, fa kila raha le misy ho Aze naho le tamy ty alalae, mba hinday anake tsiefa ho amy ty volonahitse añe. Zotoe ty hahavy ty mpitarike famonjeañe hoe iareo feno amy ty alala ty fijaleae.¹¹Fa ze ndaty mañamasine navaho iareo ze hamasiñeñe le manañe loharano raike. Manao izay le tsy meñatse ty mitoka iareo ho rahalahy Reke. ¹²Izao ty natao te: "Hañambara ty tahinao amy iareo rahalahiko Raho, hihira ty momba Azo iaby añate ty fivoriañe ao Raho."¹³Naho le, "Hatoky Aze Raho." Naho le: "Ingo, eto Raho navaho iareo anake nomein' Andrianañahare Ahy." ¹⁴Manao izay, satria nofotse naho lio iareo anak'Andrianañahare, le nizara raha manahake izay nindre amae iareo naho le tama iareo ka ty Jesosy, mba ho amy ty alala ty havilasy ro hamoañae ty hery ty fahavilasiañe, le ry rekoko zay. ¹⁵Izay le ty mba hahafaha iareo aby manao izay ty tahotse ty havilasy le niaiñe ty fiaiña iareo iaby iareo tamy ty fañandevoañe.¹⁶Fe ie mazava fa tsy iareo anjely ro vinonje e; fa , ze tarira i Abrahama. ¹⁷Manao izay le mañeva Aze ty hatao manahake iareo rahalahy e amy ze fomba iaby, mba ho mpisorombey feno fahatokisañe naho famindrañe arofo Reke amy ty fifankahazoañe amy iareo raha Nañahare, naho le mba hinday momba famotsoran-kakeo ze ndaty.¹⁸ Satria Jesosy ro nijale naho nalaem-pañahy, le afake mañampe iareo ze alaem-pañahy Reke.

Chapter 3

¹Manao izay, ry rahalahy masiñe, nizara ty kanjy ty lañitse nareo. Vetsevetseo ty momba i Jesosy, ty apostoly navaho ty mpisorombey ekentika.² Natoky an' Andrianañahare Reke, izay ty nanondro Aze, manahake i Mosesy natoky tañanjomba Nañahare ao ka.³ Fa Jesosy le fa rinae e fañeva ty volonahitse bey mandako Mosesy, fa ze nañoren-traño anio ro manan-kaja bey te zay trañoy.⁴ Fa ze hene traño le nisy ndaty mpañoreñe aby, fa ty raike nañoreñe ze kila raha le Andrianañahare.⁵Amy ty falie raike, Mosesy le natokisañe nanahake ty mpanompo tañanjomban' Andrianañahare ao iaby. Ie ro voavolombeloñe momba ze raha tokoe fa namabarae amy ty ho avy.⁶ Fa Kristy ro Anake mandily ty Anjomba Andriatompo. Itika ro Anjomba e naho toe mitañe mafe ty herim-po navaho ty fatokisantika tika.⁷Manao izay, izay le manahake ty natalily ty Fañahy Masiñe te: "Naho maharey ty fiarañanae nareo te anito ⁸le ko mañamafe ty fo areo manahake amy ty fialiañe, amy ty fotoañe fitsohan-kevetse amontoñe añe.⁹Manao izay ty razambeiareo naho fa nialy tamy alala ty fitsohan-kevetse Ahy, à naho fa, tañate ty efapolo taoñe, le niony iareo ty asako.¹⁰ Manao izay le tsy fale amy ty tarira io Raho.¹¹ Manao izao ty Ataoko te: "Iareo le voatarike lomoñandro amy ty lalan-tsie am-po ao. Tsy nahafantatse ty lalako iareo. Manahake izay ro namerako tamy ty haboseko te: "Tsy hizilike amy ty fitsarako añe ndra ombia ombia iareo."¹²Miambena, ry rahalahy, mba tsy hisy ndra raike amareo ro hanañe fo raty ty tsy finoañe, fo misitake amin' Andrianañahare veloñe. ¹³Fe ie, mifampisafiria lomoñandro, naho mbe misy atao tihoe key te: "Anito", mba tsy hisy ama areo ty ho mafe fo amy ty alala ty famitaha ty haota.¹⁴Fa itika le manjara miharo asa amy i Kristy naho toe mitañe mafe ty fatokisantika Aze mboaka amboalohae le hatra amparae.¹⁵ Fa ty momba izay le fa nambara te ie: "Naho maharey ty feo nareo, te anito, le ko mafeseñe manahake ty amy aly io ty fo areo."¹⁶Ia ty fa naharey an' Andrianañahare naho le ny nialy? O tsy iareo niakatse hirike Egypte añe aby tamy ty alala Mosesy vao 'zao?¹⁷ Ia ty nahaboseke aze tañate ty efapolo taoñe? Tsy ze niota vao, navaho iareo ze nitonta amontoñe añe ty fate e? ¹⁸Ho ania ro fitantàe fa tsy hizilike amy ty fitsarañe ao iareo, naho tsy ho ey iareo tsy niantoke Aze?¹⁹ Onintika fa tsy afake hizilike amy ty fitsarañe ao iareo noho ty tsy finoae.

Chapter 4

¹Manao izay, miambena soa tika mba tsy hisy amareo tsy ho afake hahatratratse ty saontsy nampintamaeñe nengañe ho anareo hiziliha areo amy ty ty fitsaràn' Andrianañahare. ²Fa itika le nañambarañe ty talily soa manahake iareo. Ze hafatse zay le tsy misy vokae ho ey iareo ty tsy hitraofae tamy ty finoañe nindre amy iareo niantoke. (Fañamarihañe: Ty dikan-drehake ilae le vakieñe manao tihoe te: " Fe ie ze hafatse zay le tsy nisy hoe ze naharey aze tamy ty tsy finoañe.")³Fa iitka mino aze le hizilike amy ze fitofañe zay ao, manahake ty fa natalilie te ie: "Manahake ty niaiñako to tamy ty habosehako, le tsy hizilike ze ombia ombia amy ty fitsarako iareo. Fe ie ndre izay aza, ty asa famoroñañe le nivita tamy ty fañamboarañe ze kila tane.⁴ Fa ireke mitsara ty momba ty andro faha fito te: "Tamy ty andro faha fito ty Andrianañahare le nitofa tamy ze raha natao e." ⁵Naho le mbe nisaontsy ka reke te: "Ndre ombia ombia iareo tsy hiditse amy ty fotofako."⁶Manao izay, mboe tsy voatokañe hoe ty ilae ty fidirañe amy ty fitofañe ao, naho le maro iareo Isaraelita naharey ty talily soa tsy niditse ao noho ty tsy fiantofae, ⁷le nametrake andro raike indraike le natao tihoe: "Anito" Andrianañahare. Tafara ty andro maro, le nisaontsy tamy ty alala i Davida Reke, manahake ty fa sinaontsie miolo te: "Naho maharey ty feo e nareo te anito, le ko hamafeñe ty fo areo."⁸Fa naho Josoa ro nañomey fitofañe iareo, le tsy nisaontsy momba ty andro raike hafa ty Andriatompo. ⁹Manao izay le mboe misy sabata fitofañe voatokañe ho ey ze ndatin' Andrianañahare. ¹⁰Fa ze mizilike amy ty fitofan' Andrianañahare ao le mitofa amy ty asae ka, manahake ty natao i Andriatompo tamy ty Aze. ¹¹Manao izay asao tika hazoto hiditse amy ze fitofañe zay, mba tsy hisy ndre ie raike hitandatsake amy ty karaza ty tsy fiantofañe ze atao iareo.¹²Fa ty saontsin' Andrianañahare le veloñe navaho masiñe naho le masioñe mandako ty mesa roe lela. Izay le mitomboke hatra amy fanarahañe ty aie amy ty fañahy, navaho toñoñe amy ty tsoe vatae aza. Le afake fantareñe ty vetsevetse ty arofoe navaho ze tea hatao. ¹³Tsy nisy famoroñañe nietake ty tañatrehan' Andrianañahare eo. Fe ie ze raha iaby le mijehejehe naho le mivoha amaso ze raike mahay tsy hampañakarentika zay eo.¹⁴Manao izay, satria toe manañe mpisorombey tika naho le niheo andindimoneñe añe, Jesosy Anak'Andrianañahare, le ndao tika hipiteke mafe amy ty finoantika. ¹⁵Fa itika le manañe mpisorombey naho le tsy nahafantatse ty hiferenaiñe amy ty fahalemeantika. Fe ie, manañe ndaty raike tika fa nitsohen-kevetse tamy ty fomba iaby manahake antika, fe ie tsy manankakeo Reke.¹⁶ Andao areke tika handeha amy ty fatokiañe ho amy ty seza fiandriana ty fahasoavañe, mba handraesantika ty famindram-po naho hahatrea ty hañampe amy ty andro ipaiañe aze.

Chapter 5

¹Fa ze mpisorombey aby, finily ty ndaty, le tinondro mba hiasa amy ty añara ondaty amy ze raha momba an' Andrianañahare, le mba nanolorae fañomezañe navaho fañatetse ho ey ty hakeo.² Afake mifañarake mora Reke amy ty tsy mahafantatse navaho ze mahery vatae satria ty ireke ambatae avao le voalily ty fahalemeañe. ³Manao izay, ie avao ka ty tinake hanolotse soroñe ho ey ze hakeo e irerike, manahake ty natao e hoe ty hakeo ondaty.⁴Tsy ho aze ambate ro handrambesa ty ndaty ze volonahitse zay. Fe ie, kinanjin' Andrianañahare reke, manahake i Arona.⁵ Le manao izay avao, Kristy tsy mboe liae nañomey hasiñe ty vatae tamy ty nifanoae ty vatae ho mpisorombey. Fe ie, ze raike nisaontsy amae zay ro nitsara te: "Anako Rehe; Ho Raeo Raho te anito."⁶Hoe izay avao ka ro natalilie tamy ty toerañe hafa te: "Mpisoroñe tsy tampetampetse Rehe arake ty fomba i Melkizedeka."⁷Tañate ty andro nofoe, Kristy nanolotse vavake navaho fangatahañe niharo tamy ty koike mafe naho ranom-pihaino an' Andrianañahare, ze raike afake nandrombake Aze zay tamy ty havilasy. Rey Reke naho ty tañie. ⁸Ndre ie anake aza Reke, niana-dahatse tamy ze raha niaretae.⁹Natao ho nivañoñe Reke le niavy, ho ey ze ndaty miantoke Aze, ifotora ty fakonjeañe tsy tampetampetse.¹⁰ Le tinondron' Andrianañahare manahake mpisorombey io Reke arake ty fomba i Melkizedeka. ¹¹Manan-katalily tsiefa momba i Jesosy zahay, fa sarotse ty mañazava izay hatra amy ty naha-lalovañe ty ravembia areo.¹²Fa henane zao le tokoe ho mpañanatse nareo, inareo le mbe mipay ndaty hampianatse anareo ty foto ty lily nahafan' Andrianañahare. Ronono ro paia areo, fa tsy venten-kaneñe! ¹³Fa ze ndaty minon-dronono ririe le tsy ampe hilala amy ty hafa ty fahamareñañe, fa toe mboe nikede reke. ¹⁴Fa ty vente-mahakama le ho ey ze bey. Iareo le niofañeñe tamy ty fañavahañe ty soa amy ty raty ty hilalae navaho ty habey iareo.

Chapter 6

¹Manao izay, ndao hadòn-tika ty nifotora ty hafa i Kristy le hiditse amy fahavañonañe. Ndao tika tsy hañenga indraike ty foto ty fañaliovan-kakeo noho tsy asa ty vilasy navaho ty finoañe an' Andrianañahare,² na ty foto ty fampianarañe momba ty batisa, ty fametrahan-tañañe, ty fivañonam-belo ze ndaty nivilasy, navaho ty fitsarañe mandrakezay.³ Hanao izay avao ka tika naho apon' Andrianañahare.⁴Fe ie tsy hay atao ho iareo ze fa nañazavane indraike izay, ze nañohatse ty fañomezañe hirike an-dañitse añe, ze ndrae ty Fañahy Masiñe,⁵ naho ze nañandrañe ty saontsy soan' Andrianañahare navaho ze hery ty toñon-taoñe ho avy,⁶ fe ie avy eo le tonta--- tsy hay ty hañereñe iareo amy fibebahañe indraike. Izay le vinono iareo ho ey teña iareo indraike ty Anak' Andrianañahare, naho le nafahae baraka ampo ty maro ao.⁷Fa ze tane mitroke ty orañe matete-piavy amizay, navaho ze mahavokatse ze raha mitiry paia ty ndaty niasa tane--- io ro tane nandrae fitahiañe biake aman' Andrianañahare.⁸ Fa naho mahavokatse fatike zay, le tsy misy ipaiañe aze naho le fa añila fañozoñañe. Hiretse ty hiafara izay.⁹Fa izahay le miantoke ze raha fanjaka vatae momba anareo, ry longo mamy, ze raha momba ty fakonjeañe, ndre ie nirehake manahake izay aza zahay. ¹⁰Fa toe tsy mba tsy mareñe ty Andrianañahare naho hahaliño ty asa areo navaho ty hatea natoroe anareo noho ty tahinae, fa toe mpanompo ty mpino nareo naho le mbe ho mpanompo iareo hatrañe.¹¹Mañiry mafe zahay ty mba haharey fahazotoañe manahake izay hatram-parae kiraidraike amareo ho anto ty fahatokisañe feno. ¹²Izay le ty mba tsy hanjarea areo kamo, fa ho mpitsokombe iareo mandova fampitamaeñe amy ty finoañe naho ty faharetañe.¹³Fa nampitamaen' Andrianañahare ty Abrahama, le nitatae tamy ty Teñae Reke, naho fa tsy niafake nitata tamy ty ndaty bey vatae.¹⁴ Le tihoe ty Natao: "Hitahy azo vatae Raho, naho le hahamaro azo." ¹⁵Tamy ze fomba zay, le nahazo ze nampitamaeñe aze tafa ty nandiñisae tamy ty faharetañe ty Abrahama.¹⁶Fa ze ndaty le mampitata amy ndaty bey vatae mandako vatae iareo. Isake ty tampetse ty fanointoy iareo, le misy fañekeañe raike natao ho fañamafeañe. ¹⁷Naho fa nanampa-kevetse ty hampiboake mazava tamy iareo mpandova ty fampitamaeñe ty tsy fiova ty hasoa ty kendren' Andrianañahare, le nimeie antoke tamy ty fañekeañe zay. ¹⁸Nanao izay Reke mba ho amy ty alala ty raha azo ovañe roe--- ze tsy hain' Andrianañahare ty handañitse amizay--- le hanañe fampiononañe mafe mba hitanañe mafe ty fatokiañe napetrake alohantika eo, tika, ze nilay mba hanañe fialofañe.¹⁹Manañe ze toky zay tika ho fiaro naho vatofantsike hay iatoañe ho ey ty fañahintika, fatokiañe miditse ampo ty fitoerañe añate e amboho ty lamba ao. ²⁰Nizilike tamy ze fitoerañe zay ao ty Jesosy ho mpiaolo lalañe antika, le hanjare mpisorombey mandrakezay mañorike ty fomba ty Melkizedeka.

Chapter 7

¹Melkizedeka zao, mpanjaka i Salema, mpisoro Andriatompo andindimoneñe añe, le nifalaka amy Abrahama naho fa nibalike boake nahalavo ty mpanjaka naho le nitahy aze. ²Ie ty nitoloran' Andrianañahare ty ampahafolo ze kila raha. Ze anarañe tihoe te: "Melkizedeka" le midika te ie: "mpanjaka ty fahamareñañe." Ty añarae ilae le: "mpanjaka i Salema," izay le: "mpanjaka ty fiadanañe."³ Tsy manan-drae, tsy manan-drene Reke, tsy manan-drazañe, naho le tsy manañe fiantomba ty andro navaho tsy manañe fiafaran-kaveloñe. Fe ie, mira amy Anak' Andrianañahare reke, satria mitoetse ho mpisoroñe mandrakezay.⁴Heteo ty habey lahio. Ty razambeintika Abrahama le nañomey ty ampahafolo ze raha niazoe tamy ty aly.⁵ Amy ty lafie raike, ze anadahy ty Levy minday fisoroñañe zay le manandily boake amy ty lily mba hamory ty ampahafolon-kareañe boake amo ndaty io, izay le, hirike amy iareo rahalahie , ndre izay aza iareo, avao ka, le boake amy ty vata i Abrahama.⁶ Fa amy ty lafie raike, Melkizedeka, tsy voasoritse boake amy iareo tarirae añe, le nandrae ty ampahafolon-kareañe hirike amy Abrahama, naho le naniperano aze, ze raike manañe fampitamaeñe zay.⁷Tsy misy fandierañe fa ze ndaty ambane vatae le omea ze ndaty ambone vatae tsiperano. ⁸Amy ze raha zay, ze ndaty mete mate le mandrae ampahafolon-kareañe, fa amy ty raha raike toy le voaporofo fa mbe veloñe reke. ⁹Naho, amy ty fomba firehafa, Levy, ze ndrae ampahafolon-kareañe, le mandoa ampahafolon-kareañe amy ty alala i Abrahama ka,¹⁰ satria Levy le tañate ty teña ty razambey ao naho fa nifalaka amy Abrahama ty Melkizedeka.¹¹Henaneo naho azo atao amy ty alala ty fisoroñañe levetika ty fahalefesae (fa tambane izay ao le ndaty nandrae ty lily), le fipaiañe bey vatae ino ty raha nisy ho ey ty mpisoroñe ilae hitsangañe arake ty fomba i Melkizedeka, naho le tsy raeseñe arake ty fomba i Arona? ¹²Fa naho niovàñe ty fisoroñañe, le mahay tsy hovàñe ka ty lily.¹³Fa ze raike mitalily ty momba raha reo le ey ty foko ilae, naho le tsy misy ndaty mpanompo vatae ty amy alitara.¹⁴ Fa mazava henaneo, fa boake amy Joda ro nisamahan-dRañandriantika, foko ze tsy nañambara i Mosesy vatae ty momba iareo mpisoroñe.¹⁵Ze volañentika le fa mazava naho misy mpisoroñe hafa mitsangañe amy ty talinjo Melkizedeka.¹⁶ Tsy boake amy ty nifotora ty lily ty tarira ty nofotse ro nahavy aze ho mpisoroñe, fe ie hirike tamy ty nifotora ty hery ty fiaiñañe tsy mete rava.¹⁷ Fa ty Soratse Masiñe le nitsangañe ho voavolombelogne momba aze te: "Ihe le mpisoroñe mandrakezay arake ty fomba i Melkizedeka.¹⁸Fa nisy fañafoañañe ty lily taolo satria naleme tsy nisy antoe. Fa tsy nisy raha natao ty lily ho fanjaka. ¹⁹Mone izao, tsy misy fampidirañe fahatokisañe soa vatae ho ey ze avy hiharineantika an' Andrianañahare.²⁰Tsy niboake zay naho tsy nisy fandraesañe titike. Amy ty lafie raike, iareo ilae le nanjare mpisoroñe tsy nipay fititihañe. ²¹Fa amy ty lafie raike ilae ka, ty raike toy, Jesosy, le nanjare mpisoroñe tamy ty alala ty fanitike natao ze nitalily amae te: "Andriatompo le nititike naho tsy hiova amy ty lahae te: "Mpisoroñe mandrakezay Rehe."²²Tamy ty alala izay avao ka Jesosy ro nañomey antoke ty fañekeañe ho mpilongo soa vatae. ²³Amy lafie raike, lako ty nanjare mpisoroñe satria o havilasy io ro nanakañe iareo hanohy aze. ²⁴Amy ty lafie raike hafa, satria ty Jesosy nitoetse mandrakezay, le manañe fisoroñañe tsy tampetampetse Reke.²⁵Manao izay ie avao le afake mandrombake vatae ze miharine an' Andrianañahare amy ty alalae, satria reke le miaiñe avao mba hañelañelañañe ho ey iareo.²⁶ Fa ty mpisorombey manahake izay le mete ho antika. Tsy manan-kakeo reke, manan-tahiñe, malio, navahane tamy iareo behakeo, naho le nanjare ambone mandako lañitsey.²⁷Tsy mipay reke, tsy manahake iareo mpisorombey, manao soroñe lomoñandro, ty voalohae ho ey iareo behakeo irerike, naho fa avy eo ho ey iareo hakeo ondaty. Fa nanao izay indraike ho ey ty maro reke, naho fa nitolo-batañe. ²⁸Fa ty lily manondro ty ndaty ze manam-pahalemeañe ho mpisorombey. Fa ty tsarae ty fititihañe, ze niavy tafara ty lily, le nanondro Anadahie, naho le natao fanjaka mandrakezay.

Chapter 8

¹Izao ty foto ty raha tsarae: Manañe mpisorombey tika naho le niambesatse ankavana ty fità ty seza fiandriana ty bey volonahitse an-dañitse añe.² Mpanompo an-toera masiñe ao Reke, naho le tabernakely mareñe ei Andriatompo, fa tsy ndaty, ro namoroñe aze.³Fa ze mpisorombey aby le tinondro hanolotse fañomezañe naho soroñe. Manao izay le paiañe ty manan-draha hatolotse. ⁴À naho tantane etoy ty Kristy, le toe tsy ho ny mpisoroñe Reke, satria misy ka ty manolotse fañomezañe arake ty lily. ⁵Iareo le mpanompo amy tabernakely ao sare navaho talinjo ze raha an-dañitse añe. Izay le manahake ty nandraran' Andrianañahare i Mosesy naho vaho hamboatse tabernakely reke: Izao ty nataon' Andrianañahare te: "Henteo mba hatao o arake ty fañe e fa natoro azo tambonevohitse ey ze kila raha.⁶Fa henaneo Kristy le nandrae asa fanompoañe fanjaka lavitse. Izay le noho reke ndaty aivo avao ka amy ty fanitike soa vatae, naho le mifotose amy ty fampitamaeñe fanjaka vatae.⁷ Fa naho tsy nanan-kadisoañe ze fanitike voalohae zay, le tsy nisy nipaoke ty fanitike faha roe.⁸Fa naho fa nahaonin-kadisoañe tama ondaty ty Andrianañahare, le tihoe ty nanao te: "Ingo, ho avy ty andro---hoe ty Andriatompo---naho fa hanao fanitike vao amy ty foko Israely naho ty fokofoko Joda Raho. ⁹Le tsy hanahake ty fanitike nataoko nindre amy ty raza iareo tamy ty andro nindesako iareo amy ty tañae hisintake boake amy ze tane atao Egypta zao. Fa iareo le tsy nitoetse tamy ty fanitike Nataoko, naho Izaho le tsy niambeñe iareo---hoe ty Andriatompo.¹⁰Izao ty fanitike hataoko amy ty foko Israely afara ze andro zay---hoe ty Andriatompo. Hatao an-tsay iareo ao ty liliko, naho le ho sorateko am-po iareo ao ka zay. Ho Andrianañahare iareo Raho, naho le ho ndatiko ka iareo.¹¹Tsy hampianatse ty mpiharo tanañe naho ty rahalahie aby iareo, hitalily te: "Fantako ty Andriatompo." Le hahafantatse Ahy ze ndaty, boake amy ty kede vatae naho le hatra amy ty farae bey vatae amy iareo. ¹²Fa hikeverako iareo amy ty tsy fahamareña iareo, naho le tsy hahatiahy ty hakeo in-tsasa."¹³Amy ty firehafañe te "vao", le nanao fanitike voalohae ho taolo reke, naho ze fa nilany andro naho niantetse le fa narine ho veloñe.

Chapter 9

¹À ndre ie fanitike voalohae aza le nanañe lilim-pilongoañe naho fitoerañe masiñe an-tane etoy. ²Fa nisy tabernakely zay niomaneñe. Ty efetse voalohae, nisy fipetrahan-jiro, latabatse, navaho mofo ty fañatrehañe, le atao tihoe te fitoerañe masiñe.³Añate ty lamba faha roe ao le nisy efetse raike hafa, atao toerañe masiñe vatae. ⁴Nisy alitara volamena ho fitsoran-drame zay. Nisy fiara ty fanitike ka, mirare volamena vatae. Tañate izay ao le nisy siny volamena nisy mana zay, ty kobay i Arona naho le nitiry, navaho ty vato pisake ty fanitike.⁵ Ambone ty fiara ty fanitike ey, le kerobima bey volonahitse lako ro namolake ty takoke fanakofañe, naho le tsy vany' ay atao ty mirehake aze kiraidraike henaneo.⁶Naho fa nivita halankañe ze raha zay, le niditse añefetse alafe tabernakely ao mateteke iareo mpisoroñe mba hanao ty fanompoañe.⁷ Fa mpisorombey ro miditse indraike avao isan-taoñe añate efetse faharoe ey ao, naho le miharo amy lio natoloe ho ey ty teñae navaho ho ey hakeo tsy nititiha ondaty.⁸Natoro ty Fañahy Masiñe fa ty lily miheo amy toerañe masiñe vatae eo ao le mbe tsy natoro naho mboe tsy mitsangañe ty tabernakely voalohae. ⁹Izay le fañoharañe ho ey ty andro anito. Ze fañomezañe navaho ze soroñe nimieiñe henaneo le sambe tsy mete handefe ty vetsevetse ty mpivavake raike.¹⁰ Mifantoke amy ty haneñe navaho ze raha hinomeñe naho ze karazam-pomba fañaliovañe maro avao iareo. Ze raha zay iaby le dina ho ey ty nofotse avao naho le nimeiñe mandra-pañamboarañe ty fandaminañe vao.¹¹Niavy manahake ty mpisorombey ze raha fanjaka vatae niavy ty Kristy. Nandeha tamy alala ty tabernakely bey vatae naho fanjaka vatae tsy namboare ty tañan' Olombeloñe Reke, naho le tsy ey kila raha namboarañe. [Fañamarihañe: Ze dikan-drehake ilae le vakieñe manao tihoe te: "Jesosy le niavy manahake ty mpisorombey ze raha soa ho avy."] ¹²Tsy tamy ty lio ty ose lahy navaho kiloa zay, fa tamy ty lio e irerike naho le niditse an-toera masiñe vatae ao indraike avao ho ey ty maro naho le niaro ty handrombahañe antika mandrakezay.¹³Fa naho ny lion' ose navaho añombe lahy naho ty famitsezañe ty laveno ty kiloa amy iareo ze nandeha aby to nañavaha iareo aze amin' Andrianañahare ho vañaliovañe ty arofo iareo,¹⁴ manahake ty aia ty filikoa ty lio Kristy, naho le nitolo-batañe tsy manam-pitsikoañe ho an' Andrianañahare tamy ty alala ty Fañahy mandrakezay, hañalio ty fetsevetsentika hisintake amy ty asa mate mba hanompoañe ty Andrianañahare veloñe?¹⁵ Naho ze fotoe zay, le Ireke ro mpañalalañe ty fanitike vaovao. Izay le, satria nisy havilasy raike niakatse mba hañafake iareo ze ambane ty fanitike voalohae amy ty hakeo iareo, le handrae fampitamaen-dova mandrakezay iareo ze nivoakoke.¹⁶Fa naho misy lilim-panañañe, ty havilasy ze ndaty nanao izay le mahay tsy vo voaporofo. ¹⁷Fa naho misy havilasy avao vaho manan-kery ty lilim-panañañe, satria tsy manan-kery zay naho toe mbe veloñe ze ndaty nanao izay.¹⁸À ndre ie tsy natao raha tsy misy lio aza ty fanitike voalohae. ¹⁹Naho fa nañomey lily aby tamy ty lily ze ndaty tamy Mosesy, le nangalake lion' añombe navaho ose, niharo amy ty rano, volon' aondry soramena, naho hysopa reke, naho le nandrarake tamy boky naho ze ndaty aby. ²⁰À ireke le nitsara te: "Intoy ro lio ty fanitike ze nandilian' Andrianañahare ho anareo."²¹Nihoeizay avao ka, le namitse lio amy tabernakely eo naho ze hene fitoeran-draha hampiasaeñe amy ty fanompoañe reke.²² Arake ty lily, le ho ze ny raha iaby ro niliovañe tamy ty lio. Naho tsy misy fampipohan-dio le tsy misy fañahan-kakeo.²³Manao izay le pinay ty tandindo ze raha an-dañitse añe mba ho liovañe ty soro ty biby. Ndra izay aza, ty raha ty lañitse vatae no nipay fañaliovañe tamy ty soron-tsoa vatae.²⁴ Fa Kristy le tsy niditse amy ty toerañe masiñe vatae ze natao ty tañañe, ze tandindo ty raike ze vatae ie ka. Fe ie niditse an-dañitse añe vatae Reke, mba hiboake amy ty fañatrehan' Andrianañahare ho antika anito.²⁵Tsy nandeha ao mba nitolo-batañe intsiefa Reke, manahake ty fatao ty mpisorombey, le mizilike amy ty toerañe masiñe vatae ao isan-taoñe miharo amy ty lio ilae.²⁶ Fa naho izay ty raha niboake, le nipay fijaleañe intsiefa namototse amy ty fañamboarañe ze kila raha Reke. Fa henaneo le indraike avao ro nampiboahañe Aze mba hañaha ty hakeo amy alala ty soroñe ty vatae avao.²⁷Fa natao ho vilasy indraike avao ze ndaty aby, naho tafara izay ro ho avy ty fitsarañe. ²⁸Manahake izay avao ka, Kristy, natolotse indraike avao mba hañaha ty hakeo ty maro, le niboake fañindroe e, tsy ho ey ty hakeo, fa ho fandrombahañe ho ey iareo ze mandiñe Aze amy ty fahalisañe.

Chapter 10

¹Fa ty lily le talijo ze raha soa ho avy avao, fa tsy le rahay vatae. Iareo ze miharine an' Andrianañahare le tsy hahay ho soa amy ty alala soroñe hambañe amy ze niete ty mpisoroñe isan-taoñe.² Naho ny izay tsy fa hijanoñe ty nanolotse soroñe vao iareo? Amy ty niboaha izay, naho fa niliovañe indraike avao iareo, le tsy mba naharofana ty haota in-tsasa ze mpivavake.³ Fa amy soroñe eo le misy fahampahatiahiañe ze haota isan-taoñe.⁴ Satria ty lion' aombe lahy navaho ty ose lahy le tsy mahahaha ty hakeo iareo.⁵Naho fa niavy ze kila tane etoy ty Kristy, le nisaontsy Reke te: "Tsy soroñe naho toe tsy fañatetse ro nirieareo. Fe ie, vatañe niomane areo ho Ahiko.⁶ Ty fañatetse nioroañe ndra soroñe ho ey ze niota ay le nifaleao.⁷ Naho le tihoe ty Nataoko te: "Henteo, inton-dRaho, arake ze voasoratse momba Ahy amy ty Soratse Masiñe ao, mba hanao ze zoto areo."⁸Voalohae nitsara reke te: "Tsy soroñe, naho tsy fañatetse, ndra ty fañatetse nioroañe, ndra ty soroñe ho ey ze niota ro nirieareo. À Ihe tsy nifale tamy tihoe iñe." Izay le soroñe natolotse arake ty lily.⁹ Naho le nisaontsy reke te ie: "Heteo, inton-dRaho hanao ze zoto areo." Ie ty nañafake ty fampiharañe voalohae mba handreketañe ty fampiharañe faha roe.¹⁰ Tamy ze zotom-po zay, tika le nihamasiñeñe tamy ty alala ty fañatetse ty fañova i Jesosy Kristy indraike avao.¹¹Amy ty lafie raike, ze mpisoroñe mpisoroñe aby le mitsangañe lomoñandro manompo an' Andrianañahare. À Ie le nanolotse soroñe hambañe hirike añe, ndra izay aza iareo le tsy afake hañaha ty hakeo.¹² Amy ty lafie raike hafa, Kristy le nanolotse soroñe raike ho ey ze niota mandrakezay, niambesatse ankavanan' Andrianañahare eo Reke.¹³ Ie le mandiñe mandra-panoañe ty rahambae ho fitoera ty tomboke ho ey ty fandiae.¹⁴ Fa tamy ty fañatetse raike reke le nahatomombañe mandrakezay ze nihamasineñe.¹⁵Ty Fañahy Masiñe ka le mitsangañe voavolombeloñe ho antika. Fa tamy ty voalohae Reke le nitsara te:¹⁶ "Itoy ro fanitike hanoeko mindre amy iareo afara o andro, hoe ty Andriatompo. Hapetrako am-po iareo ao ty liliko, naho le hanoratse aze an-tsay iareo ao Raho.¹⁷Tsy hahatiahy ty haota naho ty hakeo iareo in-tsasa Raho."¹⁸ À ndre ie aia ty misy ze fañahañe zay, le tsy misy soroñe ho ey niota in-tsasa.¹⁹Manao izay, nareo rahalahy, itika le manam-pahatokisañe ty hizilike an-toera masiñe ao vatae tamy ty lio Jesosy.²⁰ Izay ro lalam-bao navaho veloñe sinokae ho antika tama ty alala ty lamba, manao izay, tamy ty alala ty nofoe. ²¹Satria tika le manañe mpisorombey miambeñe ty anjomban' Andrianañahare,²² andao tika hiharine am-po malio amy ty finoañe feno fahatokisañe, mba hanañantika fo vita halio amy ty eretsere-draty naho hanañantika vatañe vita halio amy ty rano malio.²³À le tanon-tika mafe ty fanitike fiandrandrañe hampahatokisañe antika, tsy am-pihozongozoñañe, satria ty Andrianañahare, nampitamà, le matoky.²⁴ Ndao tika handineke ty fomba handrisihane kiraidraike amy ty hatea navaho ty asa soa.²⁵ Asao tika tsy hampijanoñe ty fiharoañe mitraoke, manahake ty natao tilae. Fe ie, mifankahereza avao, lohotsie te trea areo fa mihamarine ty andro.²⁶Fa naho toe satrien-tika ty haotañe naho fa boake ndarae ty hilala tò, le tsy misy fañatetse ho ey ty iota in-tsasa. ²⁷Fe ie, raike avao fandiñasañe matahotse ty fitsarañe, naho ty habosehañe mihetse ty handrava ze rahamban' Andrianañahare.²⁸Ndra ia ia nandietse ty lily i Mosesy le ho mate tsy misy fikeverañe amy ty fitsanganañe voavolombelo iareo roe ndra telo niatreke aze.²⁹ Fanazean-draty lavitse hoe ty aia ro vetsevetseareo fa mañeva iareo nandialia ty Anak'Andrianañahare, nanao ty lio fanitike tsy ho masiñe--Ze lio nañamasiñañe Aze--naho le niteratera ty Fañahim-pahasoavañe?³⁰Fa itika mahafantse ze reaike nisaontsy zay te: "Ahy ty valipere; Izaho ro hamale." Naho tihoekey te: "Hitsara ty ndatie ty Andriatompo."³¹ Raha mampatahotse ro hipoke ampità ty Andrianañahare veloñe eo!³²Fe tiahivo ty andro taolo, naho fa nihazavaeñe, tamy ty fomba niatreha areo ty aly mafe tamy ty fijaleañe.³³ Sinalatse tampañivoa ty maro tamy ty fañaratiañe naho ty falaiñañe anareo, naho le nindre nizara amy iareo ze nandrioñe amy ty fijaleañe manahake izay nareo.³⁴ Satria nareo le nanampikeveram-po tamy iareo ze kinadra, naho le nañeke an-kafaleañe ty fangalàñe ty vara areo nareo. Le nahafantatse nareo fa ty vata areo le manañe vara fanjaka naho mantanjake mandrakezay. [Fañamareñañe: Ty dikan-drehake taolo le tsy ahatreavañe ty ty veneten-drehake te: "Fa nareo le manañe fikeveram-po tamy ty nigadrako."]³⁵Manao izay le asao tsy hariañe ty fatokisa areo, ze manañe valen-kasoa bey.³⁶ Fa nareo le tokoe hahaliñisañe, mba hahazoa areo ty nampitamaen' Andrianañahare, naho fa nanao ty zoton'arofoe nareo.³⁷ Fa tsy ho ela, ty hiavia ze raike zay le ho avy vatae naho le tsy ho ela.³⁸Ty ndatiko mareñe le ho veloñe amy ty finoañe. Naho mihemotse reke, le tsy halio fo amae Reho." ³⁹Fa itika le tsy añate ze mihemotse ho amy ty faharavañe. Fe ie, añate ty manam-pinoañe tika ho amy ty fitanañe ty fañahintika.

Chapter 11

¹Naho ty finoañe ro antoke amy ze raha liniñe tamim-panatokisañe. Io ro porofo ze raha niboake mbe tsy nitrea.² Manao izay iareo razambey le niekeñe noho ty finoa iareo. ³Amy ty finoañe ro hahafantarantika fa ty lilin'Andrianagnahare ro namoroñe ze kila raha, le ze tsy trea maso le tsy namboareñe amy raha tsy trea maso.⁴Tamy ty finoañe ro nanolorañe i Abela vokatse fanjaka ho an' Andrianañahare te amy ty ey i Kaina, tamy ty alala izay ro nañambarae aze ho mareñe, naho le nisoa ty tatan' Andrianañahare aze naho bokatsey, ara amy ty finoañe ro mbe hirehafa i Abela, ndra te ie le fa nivilasy aza reke.⁵Tamy ty finoañe ro namindrañe i Enoka mba tsy hahatreavae ty havilasy. "Tsy trea reke, fa nalaen' Andrianañahare." Fa taolo ty nangalae aze, le nitsanganae voavolombeñe fa nañorike ze zoton' Andrianañahare reke.⁶ À naho fa tsy misy finoañe le tsy mete ho zotoe. Fa toe paiañe tihoekey ze miharine an' Andrianañahare le mahay tsy mino fa misy Reke naho Ie ro hamale soa hoe ze mipay Aze.⁷Tamy ty finoañe Noa, ro nañomen-kafatse boake aman'Andrianañahare momba ty raha mboe liae tsy nitrea, nindre amy ty fañajañe an' Andrianañahare ro namboarae sambo handrombaha e ty longoe. Fa tamy fanoae izay, ro nanazea ze kila raha naho nahavy aze ho mpandova ty fahamareñañe arake ty finoañe.⁸Tamy ty finoañe Abrahama, naho fa tinoka, le nanoiñe naho le niavotse nihoe amy ty toerañe hahazoae ty lova. Nandeha reke, tsy nahafantatse ze tane hombae.⁹ Tamy ty finoañe ro niaiña' ay añe amy ty tane nampitamaeñe nanahake ty amabahiny. Niaiñe ampo ty traño ao reke nindre amy Isaka navaho Jakoba, ze hindre handova amy ty fampitamaeñe mitovy.¹⁰ Fa ie nipay ty tanàñe ze manañe ty fañoreñañe, ze tanàñe vaho Andriatompo ro mpamboa-traño navaho mpañoren-traño.¹¹Tamy ty finoañe, ndre ie le nibetsiterake aza ty Saraha, ro nahazoa i Abrahama ty fahafahañe ho raike. Niboake zay ndre ie le fa niantetse vatae aza reke, fa toe nivetsevetse ty hanahake ze matoky nimeañe fampitamaeñe reke. [Fañamarihañe: Misy fañontaneañe momba ty hoe te ty finoa i Abrahama ke ty finoa i Saraha ro nampivoatse. "Tamy ty finoa i Saraha, ndra ie le fe niantetse aza reke, ro nahazoae ty hery hanañ' anake, ndra ie le fa niantetse vatae aza reke hinday ajaja, satria nivetsevetse ie nañomey fampitamaeñe aze ho matoky."] ¹²Manao izay, boake amy ze lahilahy, fa ho mate zay, ro nahateraha iareo manahake o vasiañe an-dañitse ey ty ho hamaroae naho nihoe lilan-tane añolo ty ranomasiñe, tsy voa isake.¹³Tañate ty finoañe ze raha zay ro vilasy tsy nandrae ty fampitamaeñe. Fe ie, tafara ty nahaoniñañe naho niarahabañe iareo boake lavitse, le nañeke iareo fa ambahiny navaho riran-tane an-tane etoy.¹⁴ Hoe iareo misaontsy manahake ze raha zay le mañazava fa mipay tanendrazañe iareo.¹⁵Naho nivetsevetse ty tane nisintahae iareo, le vae nanañe fahafahañe hihereñe.¹⁶ Fa manahake izay, nañiry tane fanjaka iareo, le izay, o an-dañitse añe eo. Manao izay tsy hahasalatse an' Andrianañahare ty tokaveñe te ie Andrianañahare iareo, naho le hamboatse tanàñe ho ey iareo Reke.¹⁷Tamy ty finoañe Abrahama, naho fa nitsohe'e hevetse, le natoloe ty Isaka. Io ro anae lahilahy bako-tokañe natoloe, naho ie ro nahazo ty fampitamaeñe.¹⁸ Faha i Abrahama ro nañambarañe te ie: "Amy ty alala i Isaka to hanondroañe ze tarirako." ¹⁹Abrahama le nihevetse fa Andrianañahare le hahavita hampivañom-beloñe amy ty havilasy, naho amy ty ohatse ty vetsevetse e, hirike amy iareo ro hahazoae aze indraike.²⁰Tamy finoañe momba ze raha ho avy ka ro nanipeza i Isaka rano i Jakoba navaho Esao. ²¹Tamy ty finoañe Jakoba, tamy te ie fa ho nivilasy, ro nanipe rano iareo ana i Josefa kiraidraike. Nivavake ty Jakoba, naàto amy ty añambine e kobay ey.²² Tamy ty finoañe Josefa, naho fa nañeke ty fiafarae, no nisaontsy ty fialae ty Anan ty Israely boake Egypta añe naho le nañafarae ty taolae.²³Tamy ty finoañe Mosesy, naho fa nisamake reke, le nahaja iareo rae aman-drene e tañate ty telo volañe satria tiha iareo fa jaja vañoñe reke. Tsy natahotse ty lily ty mpanjaka iareo.²⁴ Tamy ty finoañe Mosesy, tafara ty nihabeie, ro nandiera e ty hitokavañe aze ho anadahy ty ana Farao ampela. ²⁵Fe ie, nijiboñe ty hijale nindre amy ty ndaty Andriatompo reke, toe izay ho tea ty hahaha ty hakeo añate fotoañe tsy ampe.²⁶ Nitsara reke te ie fanalarañe amy ty fañorihañe i Kristy le ty haream-bey naho ty harea i Egypte. Satsia nampifantoke ty masoe tamy ty valesoa e reke.²⁷Tamy ty finoañe ro nisintaha i Mosesy ty Egypta añe. Tsy natahotse ty haviñera ty mpanjaka reke, fa niaretse izay manahake ty nifahatreavae ty tsy trea masoe. ²⁸Tamy ty finoañe no niambenae ty Paska naho ty famitsezan-dio, mba tsy hahazo ty anake lahilahy voloaha ty Israelita ty mpamono ty anake lahilahy voloaha e.²⁹Tamy ty finoañe ro nitsaha iareo Ranomasiñe Mena manahake ty mandia tane maike. Naho fa nañohatse nanao izay iareo Egyptiana, le voateleñe iareo.³⁰ Tamy ty finoañe ro nirotsaha ty manda i Jeriko, naho fa boake nihodidiñe tañate ty fito andro iareo.³¹ Tamy ty alala ty finoañe ro tsy hahavilasy i Rahaba mpivarobatañe nindre amy iareo tsy nino, satria ndrae iareo mpitilike tane tamy ty fiadanañe reke.³²Ino ka ty mbe tokoe ho rehafeko? Fa ho lany ty androko rano mitalily ty momba i Gideona, Baraka, Samsona, Jefta, Davida, Samoela, naho momba ty mpitoky raho.³³ Tamy ty alala ty finoañe ro nahazoa iareo fanjakañe, niasa ampahamareñañe, naho le nadrae ty fampitamaeñe. Nampitsiñe ty vava liona ao iareo, ³⁴namono ty hery ty afo, nietake ty lela ty mesabey, jangañe tamy ty areteñe, nanjare nahery amy ty aly, naho le nahalavo iareo tafike ambahiny.³⁵Nivañombeloñe amy ty havilasy tamy ty fampitsanganako ho veloñe iareo roakemba. Ze ilae le nampijaleñe, tamy ty fanitike ny famotsorañe mba hahazoaiareo fitsanganañe fanjaka.³⁶ Ty ilae le nitsohen-kevetse tamy fañinjeañe naho ty fijerañe, ezao ndre ie le nifehe naho ny ginadra aza. ³⁷Tinora-bato iareo. Tsinofa hivaky roe iareo. Vinono tamy ty sabata iareo. Niriorio tamy ty holin' aondry navaho holin' ose iareo. Tsy nanañe iareo, vinerevere, nampijaleñe. [Fañamarehañe: ty dikan-drehake ilae taolo le mivaky te ie: "Tinora-bato iareo. Tsinofa hivaky roe. Nitsohen-kevetse. Vinono amy ty mesabey."] ³⁸Tsy mañeva iareo ze kila raha. Niriorio amontoñe añe, tambone vohitse añe, tampo ty lakato, naho le tañate ty lavake ambane tane añe iareo.³⁹Fe ie ze hene ndraty le nieken' Andrianañahare noho ty finoa iareo, tsy nandrae fampitamaeñe iareo.⁴⁰ Namboatse raha fanjaka ho antika ty Andrianañahare, mba tsy ho tomombañe iareo, naho tsy misy antika.

Chapter 12

¹Manao izay, satria nata ty voavolombeloñe lako arikoboñe nihoe rahiñe tika, le ndao tika hañenga ty ze favesatse iaby naho ze hakeo mora manao arikoboñe antika. Ndao tika hañiañe am-pahalisañe ty fahahiañañe napoe alohantika eo.² Ndao hiambeñe amy i Jesosy, mpamototse naho mpañatanterake ty finoañe. Fa noho tsy hafaleañe nipetrake taolo eo, le niaretse ty hazonajale Reke, tsy nivetsevetse ty hasalara izay, naho le niambesatse ankavana ty seza fiandriañan' Andrianañahare.³ Manao izay le dineho ty momba Aze, ze raike niaretse fandierañe nanahake ty boake amy ty mpañota handietse ty vatae, mba tsy ho vozake am-po areo ao nareo naho le hipo-kobaiñe.⁴Mboe tsy nandietse nareo ndra nilofo hahalietse ty hakeo hatra amy fampipohan-dio, ⁵naho le haliño areo ty fampiononañe nampianareñe anareo manahake ty amy ty anake te ie: "Ry ana-dahy, ko ambaneñe ty lily Andriatompo, ndra mihavozake naho atoroe nareo." ⁶Fa Andriatompo ro hanaze ze hene raha teae, naho le Ie ro manaze ty anake kiraidraike rambese e.⁷Mahantanteza fiajaleañe manahake ty lily. Andrianañahare le minday anareo manahake ty anae. Ty anake manao akore ty teo naho le tsy jineran-drae?⁸ Fa naho tsy manan-dily, manahake ty anaña ty maro nareo, le anake amontoñe fa tsy anae.⁹Naho le, nanan-drae ara-batañe manahake ty mpanaze tika, naho niasy iareo tika. O vao tsy tokoe hañorike ty Rae ty fañahy tika naho ho veloñe? ¹⁰Fe ie ankolafie hafa, iareo rae nanaze antika tañate ty andro tsy ampe arake ty tò tamy iareo. ¹¹Mone izao nankolafie ilae, nanao ze soa ho antika ty Andrianañahare mba hahaiantika manañe anjara amy ty fahasiñae. Tsy misy fañasazeañe niboake ho soa, ndre ie le mangotsokotsoke aza. Fe ie ze afara kede le mamokatse vokatse feno fiadanam-pahamareñañe ho iareo ze nizarañe tamy izay.¹²Manao izay hamafeso ty taña areo ze miraviravy naho ze ongo areo maleme.¹³ Manoa lalam-batañe ho ey ty tombo areo, mba ze maleme le tsy ho hiboake fa ho jangañe.¹⁴Anjaho ty fiadanañe mindre amy ze kila ndaty, naho le ndra ia ia ka tsy hahatrea ty fahamasiñañe naho tsy mindre amy Andriatompo.¹⁵ Miambena mba tsy hisy ndra ia ia tsy hanañe ty fahasoavan' Andrianañahare, naho le tsy hisy halake ty fangirifiriañe mitombo hiterake korontañe, mba tsy ho maro ty voloto amizay. ¹⁶Miambena mba tsy hisy tsivokatse ndra ndaty tsy an' Andrianañahare manahake i Esao, nivarotse ty hazoke e ho ey ty haneñe raike. ¹⁷Fa nareo mahafantatse fa naho fa afake zay, naho fa mañiry ty handova fitahiañe reke, le niliere e, satria tsy nahatrea hirike amy ty fibebahañe reke, ndra ie le hañajake izay amy ty ranomaso aza.¹⁸Fa nareo tsy niavy amy ambohitse tsy vany tsapaeñey eo, vohy ty afo mañoro, ieñe, faieñe, naho tioke.¹⁹ Inareo tsy niavy amy trompetra mañeno mafe ey eo, ndra feo mirehakey ze tsy pitsanoñe aze ey le mangatake mba tsy hisy rehake hafa ho rehafeñe amy iareo.²⁰ Fa iareo tsy hahay niaretse ze nandiliañe te: "Ndra ie biby mitsapa ty vohitse aza, le mahay tsy ho torahem-bato zay." [Fañamarihañe: Ze dikan-drehake ilae taolo le vakieñe hoe izao: "Fa ndra ie biby raike mitsapa ty vohitse aza, le mahay tsy ho torahem-bato zay na ho vonoeñe amy ty anan-tsipike."]²¹ Fa mampatahotse loatse ty fahatreavañe ze natalily Mosesy te ie: "Matahotse raho naho le mititike."²²Fa inareo ka, le niavy ambone vohitse Ziona ey naho le amy tanàn' Andrianañahare veloñe, Jerosalema an-dañitse añe, naho tamy iareo anjely añale e tamy ty fankalazañe. ²³Nareo niavy eo le niheo amy ty foko ndaty niterake voalohae, ze voasoratse an-dañitse añe. Nareo le niavy amin' Andrianañahare, ie ty mpitsara ze kila raha, naho le niheo amy ty fañahy ondaty mareñe natao tsy manam-pitsikoañe.²⁴ Niavy amy Jesosy eo nareo, ie ty mpañalalañe ty fanitike vaovao, naho tamy ty lio napoke soa vatae mandako ty lio i Abela.²⁵Asao nareo tsy hadietse ze raike mirehake. Fa naho tsy nilay iareo tamy iareo nandietse ty raike nampitao iareo an-tane etoy, le kede vatae ty hilaisantika naho mihodiñe amy ty raike ze nampitao antika boake an-dañitse añe.²⁶ Indraike andro, ty feo ty fihezeñezeña ty tane. Fa henaneo Reke le nampitamae naho nisaontsy te: "Tsy ty tane avao ro hahezekezeñe indraike, fa o lañitse eo ka."²⁷Ze rehake, "Indraike avao" zay, le mitsakore ty fampitsahañe ze raha afake hezenkezeñeñe, izay le, ze raha namboarañe, mba hitoetse ze raha tsy hezenkezeñeñe.²⁸ Manao izay, fa toe mandrae fanjakañe ze tsy voa hezenkezeñe, le ao soa ho mpañorike tika naho le amy ze fomba zay le hidera an' Andrianañahare am-pañajañe vatae naho an-tahotse.²⁹ Fa ty Andrianañaharentika le afo mandevoñe.

Chapter 13

¹Adono hitohy ty fiteavañe am-pirahalahiañe.² Ko haliño ty mampandroso ty ambahiny. Fa amy ty alala izay, ro nampiboaha ty ilae fampandrosoañe ty anjely mone izao tsy fantae.³Tiahivo ze nigadra, manahake ty niharofehe tamy iareo nareo. Tiahivo ze nahaore azo, manahake iareo ka nareo amy ty vatañe. ⁴Adono ho hajaeñe kiraidraike ty fanambaliañe. Adono ty fandrea ty fanambaliañe mba halio, fa Andrianañahare le hitsara ze mpangalatse valy ondaty naho ze tsivokatse.⁵Enao añe ty findesa areo ty vata areo ho afake amy ty hatea vola. Mifalea amy ze raha hanaña'reo, satria Andrianañahare le nisaontsy te: "Tsy hañenga anareo Raho ndra ty hahafoe anareo aza."⁶ Ntao tika ho fale mba hahavany hirehake te: "Mpandrombake ahy ty Andriatompo; naho le tsy hatahotse raho. Inoñe ty hohay ondaty atao ahiko?"⁷Dineheo iareo mpitarike anareo, iareo ze mitalily ty Saontsin' Andrianañahare amareo, naho le vetsevetseo ty voka ty fihetse iareo. Tsokombeo ty finoa iareo.⁸ Jesosy Kristy le tsy miova omale, naho androany, ara le mandrakezay.⁹Asao tsy mete taomeñe amy ze karazam-pampianarañe hafahafa. Fa soa naho hamafeseñe amy ty fahasoavam-po, fa tsy amy ty haneñe tsy mañampe iareo mandeha mindre amy iareo.¹⁰ Manañe vato fanoan-tsoroñe tika naho le tsy anaña iareo mpanompo ty tabernakely fahefañe ty hihinañe amae.¹¹ Fa ty lio ze biby nivonoeñe atao vokatse ho ey ze niota le nindese ty mpisorombey an-toerañe masiñe ao, añate izay ty vata iareo le oroañe alafe tobe ey ao.¹²Manao izay Jesosy avao ro nijale alafe lalambey tanañey ao, mba hañamasiñe ty ndaty amy ty alala ty lioe irerike.¹³ Manao izay ndao tika hiheo Amae añe alafe tobe ey ao, hinday ty hasala-barakae. ¹⁴Fa tsy manañe ela etoy tika. Fe ie, mandiñe ze raike ho avy zay tika.¹⁵Amy ty alalae, naho, le ntao tika hanandratse an' Andrianañahare hatrañe, fiderañe boake boake amy ty fivimby miantoke ty tahinae.¹⁶ Asao tsy ho haliñontika ty manao soa naho mañampe kiraidraike aby, fa amy ty fañatetse manahake zay ro mampalio arofo an' Andrianañahare.¹⁷ Mañoriha naho mañekea ze mpitarike anareo, fa iareo ro miaro ty fañahy areo, manahake iareo hanao fañambarañe. Mañekea mba hanao izay an-kafaleañe iareo mpinday anareo, fa tsy an-kasemporañe, naho le manjare tsy misy dikae ho anareo.¹⁸Mivavaha ho anay, fa izahay le nino fa manañe feo fieretseretañe mañalio naho mañiry hiaiñe am-pahamareñañe ze kila raha.¹⁹ A le asozoko nareo mba hanao izay, le mba ho tsiela ty fibaliko ama areo.²⁰Naho le ie Andrianañahare mpañaha, nampivañombeloñe ty bey ty mpiarake aondry, le Jesosy Tompontika, tamy alala ty lio ty fanitike mandrakezay, ²¹le nañasoa anareo amy ze kila asa soa mba hanoañe ty zoton' arofoe. Lonike mba hiasa ampiaintika ao Reke le ho vañoñe miatreke Aze, amy ty alala i Jesosy Kristy, ze ho meam-boninahitse mandrakezay. Amena.²²Naho le mankahery anareo, rahalahy raho, mba mba hiaretse ty rehake fampionoñañe nisorateko ho anareo.²³ Fantaro fa nafahañe Timoty rahalahintika, hindre amako hañente anareo naho avy aloha reke.²⁴Ano veloma ty mpitarike anareo aby naho ze hene mpino. Iareo ze boake Italia añe le manao veloma ananreo.²⁵ Lonike ho amareo aby ty fahasoavañe.

Malagasy, Tandroy: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude