¹Kwi fang byin Yesu Kristi ngwon Dauda ngwon Abraham. ²Abraham a yet adi Ishaku, Ishaku si yet adi Yakub, Yakub si yet adi Yahuda nbyang langyug gu bi. ³Yahuda si yet adi Farisa nbyang Zera (ayang bi u uwa bu yet Tama). Farisa si yet adi Hesruna, Hesruna si yet adi Aram.⁴Aram si yet adi Amminadap. Amminadap si yet adi Nashon. Nashon si yet adi Salmon. ⁵Salmon si yet adi Ba'aza(ayang gu u wa bu yet Rahap). Ba'aza si yet adi Obida(ayang gu u wa bu yet Rut). Obida si yet adi Yesse. ⁶Yesse si yet adi agwam Dauda. Agwam Dauda si ma ngyet adi Solomon. Ayang abyin Solomon uwa bu yet abyuk Uriya u.⁷Solomon si yet adi Rehobowam. Rehobowam si yet adi Abiya, Abiya si yet adi Asa. ⁸Asa si yet adi Yehoshefat, Yehoshefat si yet adi Yoram, Yoram si yet adi Aghwop Azariya.⁹Azariya si yet adi Yotam, Yotam si yet adi Ahaz, Ahaz si yet adi Hezekiya. ¹⁰Hezekiya si yet adi Manassa, Manassa si yet adi Amon, Amon si yet adi Yosiya. ¹¹Yosiya si yet adi Yekoniya, nbyang langyug gubi. A bu tyei bi ba zan nang a bu nyet ba anyet Isrelabi nad zo ba byin Babila ki'i.¹²Nang a bu nat ba nbi ba abyin Babila ki'i, Yekoniya si yet adi Sheyatiyel, Sheyatiyel si yet aghwop Zarubabel. ¹³Zarubabel si yet adi Abihudu, Abihudu si yet adi Eliyakim, Eliyakim si yet adi Azuro. ¹⁴Azuro si yet adi Saduku, Saduku si yet adi Akimu, Akimu si yet adi Aliyudu.¹⁵Aliyudu si yet adi Ele'azara, Ele'azara si yet adi Matana, Matana si yet adi Yakub. ¹⁶Yakub si yet adi Isuu atyok Mariyamu nang abyin Yesu nang angyei Kristi. ¹⁷Salai ntyei atyo aghwop nang a fang nyiet bu Abraham byong tunad bu Dauda i, nchiyan swak ba nnai na, nyiet bu Dauda tunad tabiyet anyet nad zo Babila nchiyan swak ban nnai na, nyiet ba tabiyet anyet nad zo Babila tunad Kristi nchiyan swak ban nnai na.¹⁸Byin Yesu kristi hu bu li angyi nyeet ban njan azai nang Isu'u bu ndap sisak bili nyio nyirang bi Mariyamu ayang Yesu ui nyiet nang ba kan yio nyirang dak, asi li nang gu shi bu shyo nyiet zo ba zazzarak ntsui. ¹⁹Atyok gu u Isu'u bi byo akwi atan asi chat a wuruk kpasai a tyio Mariyamu nsum dak. Asi yio didam a tyad sisak u bantsang.²⁰Nang gu nshio ba didam ui, ngwon ntam Gwazi si bai bangu di babowai a ba nyio bangu, Isu'u, ngwon Dauda, yok fok uwun kyak Mariyamu nang abyuk'a i dak, shyo nang gu shio zo i hu nyiet bu Zazzarak Ntsui'a. ²¹Ali byin ngwon asam, uli tyo gu ayurok ki Yesu, ngu a li san anyet gu bi bu katuk nyio bi ni.''²²Kakap nkyang nei bai chachirak da nzan nang Gwazi u bu hyio bu unu Ishaya atyi shei tam gu ui, nyio, ²³''Ba anya'u guniem nang da ki kan myio ba atyok dak i ki li shi shyo. ki li byin ngwon asam , ali yei ayurok ngwon ki Imaniet'' - Ayurok Imaniet ki kya yet ''Gwazi shi ndung banzit.''²⁴Isu'u si shib ba ndi ni, asi tabok asi nyio kyang ngwon tam Atyio khi lyat bangu i. Asi kyak Mariyamu asi yet abyuk gu. ²⁵Ama Isu'u do myo bangu dak byong tunad zan nang gun byin ngwon asam gu ki i. Asi tyo ki ayurok ki Yesu.

¹Nang an byin Yesu bu Batalami ba abyin Yahudiya i nang Hiridu a yet agwam u, anyet lyen nkyang si bai Ushelima nyet ba afam apio, ²''Aje an nbyin atyi nang ali yet Agwam Yahudawa'u? Zi li tungwat gu ki wuruk nyiet apio, zi bai a zi dyep gu.'' ³Nang agwam Hiridu u nfok agyi i fwo gu hu si fwud, nbyang salai anyet Ushelima bi.⁴Hiridu si yurong agwam kwi anyet bu Gwazi nbyang anyet tyet chyi Gwazi bi, asi lyip bi, ''Aze'a alin nbyin Kristi?'' ⁵Bi si nyio ba ngu, Ali byin gu bu ukarang Batalami kya, bu afam abyin Yahudiya, kyang nang atam atyi shei tam a luru i hwa, ⁶Ama nwan, Batalami, bu fam abyin Yahudiya, nwan yet a dadai khi bu fam ukarang abyin Yahudiya ki dak, bu umi a kya nang agwam Yahudawa u li nguruk, atyi nang a li chok anyet nu bi Isralawabi i.'''⁷Agwam Hiridu si bo yuirok agwam lyen bi da abang a chat gu alien chachirak nzan nang an ndi tungwat ki nguruk i. ⁸Asi bo tam bi Batalami Ee, ''I nat i zwop ngwon ke'e dusham, Awod khanang i shio ki i bai i tak nu, numa n-nad ndyep ki.''⁹Nang bin nfok aliyat Agwam Hiridu ni i ba si tabat vak, ba si buli tungwat ki nang bi ma di ba fam apio ki'i nang ki kwok uswon bi. Tungwat ki si chong ki si tu yong chuk bu uvwo nang ngwon ki nshio i. ¹⁰Nang bi ndi tungwat ki i bi si fok asai alyo, ba si gwai bat.¹¹Basi nwo bu umi uli ki bi si li ngwon unghuan ki nbyang ayang ki u Mariyamu. Bi si ghwum abyin bi si dyeb khi. Bi si tiyak gammara bi ni bi si wuruk bu zanang bi zi, basi niep khi kyekyet nfang, nkyang swam ntan, nbyang amyo nang angyei mur ui. ¹²Gwazi si ghwad bi afwo ba babwoi yok bi yok buwok nat ba Hiridu dak, ban nya ba si buwok nat bu ukrang bi ki ban vak gyang.¹³Nang bi nkam i, ngwon ntam Atyo si tat wuruk bu Isu'u di babwoi ki bi nyio ''Dorok, kyak ngwon ki nbyang ayang ki u tyong nad Masar i tu swan aza tu tat zan nang n-ni ntak nyin i buwok i. Hiridu li nwo chat ngwon ki ka ashio ki a hyat.'' ¹⁴Tutuk akai, Isu'u si drok ba ngwon ki nbyang ayang u ba sin nkat Masar. ¹⁵Ba si swan aza si nang Hiridu nghui. si hwi bai chachirak bi kyang nang Gwazi'u lyat bu unu atyi shei ntam gu, ''Nyet Masar nun ngyurong ngwon nu ki.''¹⁶Nang Hiridu ndi nang anyet lyen bi jwai ku mamuang'i, asi fok alyigyi bad. Asi tam asi hyai salai nman asam u bu ukarang Batalami ki nbyang ukarang nang nhyiok i, kyak nyiet ba ndyio-nfiyang tunad abyin, tunad chachirak njan nanggun fok ba anyet lyen bi.¹⁷si kwi Chachirak bi kyang nang Irimiya atyi shei tam Gwazi lyat i, ¹⁸''Asi fok anghuad nyiet bu ukarang Rama, twai ba alyak unak aghu, Rahila a twai nman gu, asi shim a muwang gu dak, krok i bun shio dak."¹⁹Nang Hiridu nghu i, aza'. ngwon tam Atyo si tad wuruk Isuu ba babwoi ba Masar, ki si hyio, ²⁰"Tabok u kyak ngwon ki nbyang ayang , i nkat ba abyin Israla, anyet bi chat hyad ngwon ki i kan kwi.'' ²¹Isu'u si kyak ngwon ki nbyang ayang u bi si bai ba abyin Israla.²²Ama nang gun nfok nang Akilayu a byong tyok adi u Hiridu tutan Yahudawa. Asi fok uwun di nat aza'u. Nang gwazi u sin ghwad gu afwo ba babwoi i, asi drok nat ba kpai Galili ²³awod basi nat basi tu swan bumi ukrang nang angyei. Su hwi nad chachirak bu kyang nang anyet tam Gwazi bi, a ali yai ku Atyi Nazarat.

¹Ba nmam anai Yohna Atyi nyio Baptisma si bai shei alyat Gwazi ni ban ti uyit Yahudiya ki, a ba nyio, ²''I kok ntong tazi u bai nkpwen.'' ³Atyi i wa Ishaya atyi shei tam Gwazi bi lyat, aba nyio, | anghuad ayin yai nyiet ban ti uyit di, 'I zi Atyo vak'u, i zi vak gu'u tatwai.'"⁴Nini Yohna ba hwi atro chat rakumi bi kwi achap bu fong gu ki. Nkyang yak guni si yet agau kankwon nbyang tong uyit. ⁵Ba'aya Ushalima, salai Judia, bi salai akpwai ashi krak Chen Urdun si wuruk nat bangu. ⁶Iwa si nyio bi baptisma di bi Chen Urdun, nang ban fang katuk bini i.⁷Ama nang Yohna ndi akpi anyet Farisiyawa bi nbyang Sadukiyawabi tubai ba ngu a yio bi baptisma zi i asi hyio banbi, ''Nyi usurong nman yuwan byin, i fi e li shot aliogyi Gwazi nang ki tubai du-uswon i bu baptisma zi za'a? ⁸Nyin li nyio chuchuk ntam nang a li tak kpasai nang nyin nghwon katuk nyio nyin u, i bi nghwi Gwazi a. ⁹Awod i yok buwai apio nyin i nyio, 'Zit byo adi akghuwop, uwa yet Ibrahim.' Nshei nyin Gwazi u byo chet a chio nfang nei i yet nman nkwai Ibrahim.¹⁰Manini a kan sag uhuwonki ba ninan ukwonbi nfuwong tyam ni u. Awod kodang ukwon ky nang ki tyio asum utan dak, a li tyan ninan bi ki shot abyin awod a jib ki ba ndong. ¹¹N'nyio nyi baptisma zi bi saghwot nia, hu hwa tak zit nang nyin nghwon katuk nyio nyin u, awod ayin tobai nang a suwak nu bi chet hu i, nnu nmai kyak akwintak gu bi dak. Ngu'a li nyi yin baptisma zi bu zazzarak ntsui u nbyang long hu i. ¹²Ashio bu bibyio gu hu nang gu li nchuyok yakhu i, a lyat uvwo tsot yat ki, awod a tin tsui yak zi a krok ba agban. Awod A shuwai sunsong u ba ndong sang gag.''¹³Awod Yesu si nyeet ba afam abyin Galili, Yohna a nyio gu baptisma. ¹⁴Ama Yohna si tsad lak yio Yesu baptisman zi, a ba nyio, ''Nnua myim u nyio nu baptisma zi, ama nghuan a krak tubai ba nnu nyio a zo?'' ¹⁵Yesu si nghuak gu shim asi hyio, ''Minini yok hu hu li anya, anya'a nang zi li nyio salai nkyang nang i nad chachirak i. Uhuwa Yohna si nshim asi nyio Yesu baptisma zi.¹⁶Nang Yohna ntyak nyio Yesu baptisman zi i, Yesu wuruk bu saghwad ni bumi njan, uli tuzi ki si hwuk Ntsui Gwazi u tsaad tubai nyeet tuzi ki nang uman abwat i as bi swan bu Yesu. ¹⁷Awod, anghuat si wuruk nyeet bu Gwazi u tuzi ki si nyio, ''Di ngwon nu ki nang nchat i. Nfok nyanyang ki bat.''

¹Awod Ntsui u si nad bu Yesu bi ga nti uyit u tayirang ki si mag gu. ² Yesu si swan mub unu nmam nswak-nnai tamam bu tutuk nang gu nnai Gwazi awod zwong si tabat gu. ³Atyi mag u si bai asi nyio bangu, ''Kanang u yet ngwon Gwazi ka chuk, bwak nfang nei ntyio bredi, ugyi.'' ⁴Yesu si shim tanyirang ki zo, ''A lru anyio, bredi kya ba nyin ki i kya atyibishi u li gyi a nsuwan dak, ama kodang swang alyat nang i uwuruk bu unu Gwazi ki i.'''⁵Aza'a tanyirang ki si kyak Yesu nat zo bi zazzarak umi ukarang u ki si sak Yesu bu gangang aghuwan zanang Gwazi zi, ⁶ki si hyio bangu, ''Khanang nghuwan a yet ngwon Gwazi ki chuk, fub kwi abyin, a lru ei 'Gwazi u li tyo nman ntam gu ni bi chok a, awod 'bi fwun a ba nbuwak bi ni dak u li kwi u tung tak a hu da afang.'''⁷Yesu si hyio bangu, ''Nbyang amun lru, "Yok mak mi mak u mak Atyo nang ayet Gwazi a ui dak.''' ⁸ Tanyirang ki si bu kyak Yesu nad zo tutan gangang uvwo asi tabat shei gu salai ntyok swanti'u nbyang salai bi yet ni u. ⁹Khi si hyio bangu, "Salai nkyang nei nnu nghuak a, kanang u hwum abyin u si dyep nu.''¹⁰Awod Yesu si hyio banki, ''Drok azi, Tanyirang! A luru ba alyat ni, ''U li dyep Atyo Gwazi au nbyang uwa uli nyio gu ntam ba yin gu.'' ¹¹Awod tanyirang ki si drok nkat ki si ghwon gu, nman ntam ni si bai i si nyio gu ntam.¹²Nini nang Yesu nfok nang a ntabat Yohna atyi nyio Baptisman ui, asi buwok nkad Galili. ¹³A drok Nazaret a si nad tu suwan Kafanahum, nang a hyuok gbandang aghui Galili u i, bafam abyin anyet nkwai Zabulun nbyang Naftali.¹⁴Sihwi kwi chachirak ba kyang Ishaya atyi shei tam Gwazi nhyio i, ¹⁵''Ba byin anyet Zabulun, nbyang ba byin anyet Naftali, ba byeam gbandang aghwi di manyi Urdun, Galili anyet nang ba chi Gwazi ui! ¹⁶Anyet nang bi swan bandyin u i ba si li gbangdang sai, awod anyet nang bi swan bu fam gugwo aghu ui, sai si tat tutan bi.''¹⁷Nyiet ba nzan azai Yesu si tabat shei bi, ''I kok ntong, tyok Gwazi tuzi u bai nkpwen."¹⁸Nang gun chong da nghun gbandang Aghwi Galili u, asi li anyet afiyang bi yet langyug, Simon nang angyei Bitud i, bi Andarawud langyug gu, nang ba huwot kali ba aghwi ki, tam bi hu hwa yet bwoi fwon. ¹⁹Yesu si hyio banbi, ''Bai, ghwi nu, awod nni tyi nyin i yet anyet tabet anyet ba.'' ²⁰Bu umi nzan ba si ghwon kali ni bi si ghwi gu.²¹Nang Yesu ntabat vak'u nyiet i asi li langyug agyang afiyang, Yakub ngwon Zabadi, nbyang Yohna langyug gu. Nang ba swan bi kukwon saghwat u dandung ba Zabedi adi bi u nang gu ji kali bi ni. Asi yurong bi, ²²aza basi wat kukwon saghwat u nbyang adi bi'u ba si ghwi gu.²³Yesu si nhui kat salai fam abyin Galili, tyiet bi bu atuu nai bi bi, shei bi alyat ntan tyok Gwazi u, nbyang churok anyet nang ba byo kudang nkai nzuwan, nbyang tsui nzwan zi bu umi bi ki. ²⁴Awod alyat ni tutan gu si wuruk krak ukarang Suriya, nbyang anyet nang abai zo ba ngu i salai anyet nang bi byo zwan i, vwo bi kudang nkai tsui nzwan nbyang ngbang, si bi nang ba byio katuk ntsui nbyang anyet ba kwinchen nbyang anyet nang nkap bini taluk. Yesu si churok bi. ²⁵Akpwi anyet si ghwi gu nyiet Galili, Dikafoli, Urshelima, nbyang Yahudiya tunad abyin Urdun.

¹Nang Yesu ndi akpwi anyet u'i, asi nghyak tutan agung ki. Nang gu nswan i, nman ntam guni si nad bangu. ²Asi ghuwuk unu gu ki asi tyiet bi, ngi, ³Krok nmiyang'a iyet nyin aniyet nang i li lat nyin u ban tsui i, i li yet nman tyok tuzi. ⁴Krok nmiyang'a iyet, nyin anyet nang i twoi aghu, ali shyim nyim nfwo.⁵Krok nmiyang'a i yet, nyin anyet nang i vfad apio dak, i li hyuak aghuwuk swanti bi. ⁶Krok nmiyang'a i yet' nyin aniyet bi fuwong zwong nbyang idang nyio nkyang ntan, i ba li shio nkyang nang ba chat i. ⁷Krok nmiyang'a i yet nyin aniyet nang ba fwong kunak i, nbi ma ali fok kunak bi. ⁸Krok nmiyang'a i yet nyin aniyet nang i byo zazzarak nfwuo i, i ba li li Gwazi.⁹Krok nmiyang'a i yet nyin aniyet nang bi tyied swad tan ui, ali yei bi nman Gwazi. ¹⁰Krok nmiyang'a i yet nyin aniyet a yashuk, tyok tutsi u yet simbi'a¹¹Krok nmiyang'a i yet kanang aniyet bi fuwai nyin, nbyang yashuk nyin, nbyang asi bwai ngad liyad katuk nkyang tutan nyin ki da aniyan nu. ¹²I fok asai aliyio ba ag gbandang zinang fwong nyin tutsi. Bi da nvak nei niya a bu yashuk nman shei tam Gwazi nang ba shio usuwon yin i.¹³Nyin bya yet nfak ni bu swadnti'u. Ama kanang nfak ni tiyak nyangyang ni u, a li nyio nia i bun bwok bi nyanyang ni u? I bu li yet a nyio kyang banni dak, ali whuyem ni awod aniyet bi asheyini ba atak bi bi. ¹⁴Nyin bya sai swadnti'u, umi ukrang nang ki shio tutan agung i aniyet an ki dak.¹⁵Ba da a nbyio atyiu nang ali mat long bi fitila a kyak a chio tafi uchirang dak, ama di anya'u ali sak zi kpasai i sai koyan buli ki. ¹⁶Yok sai uvwo nyin hu hu sai kaang ba anyet da nvvak nang bi li ndi nkyang ntan nang Adi yin u ashio tuzi'i.¹⁷Iyok dam nbai a nbzyan nchi anyet ntam Gwazi ni na dak. Nbai nbiyan nia dak, ama ntyio ni inad chacharak. ¹⁸Nshei nyin chuchuk, si nang tuzi ba abyinki swak, ama ko kyang bi chunchuit ko lang nyung bu kudang takai vag nang hu ki wuruk ba nchyi ni nang a lru i, si nang kudang nkyang wuruk chachirak.¹⁹Nang anya atyi nang a lak ghwi ba dadai nchyi ki aba tyiet anyet bi bi nyio nang gu i ali yei bi achuwang anyet buli tyok tuzi ki. Ama salal anyet nang ba sak zi ba si miyam zi i ali yei bi chachet anyet buli tyok tuzi ki. ²⁰Awod ntak nyin, si nang i nyio nkyang ntan swak nkyang nta anyet tyiet nchi ni nbyang Farisawabi, nyin i li byo vag nang i li nwo uli tyok tazi ki dak.²¹Iwi ka fok nang antak bi ba gbangbang nyio, 'Iyok hyat ayin dak,' nbyang, 'Atyi nang a hyat ayin a li nuo ubung ashot.' ²²Ama nshei nyin kanang ayin fok aligyi bu langyuk gu a li swo ubung ashot. Nbyang atyi nang a hyio bi langyuk gu, 'U'mai yet ayin dak!' a li swo nbang bi chachet anghuad ukrang bi. Nbyang salal atyi nang a hyio, 'Nghuan abuwon!' a li swo ubung ba ndong sanggag.²³Nang hu ndi anya'a'i kanang u chad nad nghwak zanang ba aghian nai u awod u si juung nang langyuk a byong a banfwo, ²⁴ghwon zanang a zi ba aghian nai u u nkat vak a. Ya fhum ji bi langyuk a u, u wod unad u nghuak zanang a zi.²⁵Shyim ba atyi nang a li shot a ki i anfiyen nyiet nang yin ishio ba nvak nad bu tu ashot, shimdak atyi li a shot a u li ghwon a nbuwak atyi chiyang ashot, awod anyet nyio ashot bi bi swak ba nguan tyio zo ba chachet, awod a tyio a bu tugam. ²⁶Chuchuk ha nshei a, uli wuruk aza dak si nang u tyak tan salal krum nang a hgwi a i.²⁷I kan fok a hyio, 'I yok miyai ayiuk u nti.' ²⁸Ama nyio ba nyin salai atyi nang a nghuan abyuk didang a kan miyo gu a awai nyiet ba nfwo gu u.²⁹Kanang ali nbwakyak a ki li tyio a u gau, tinki jib titi ba nghuan. Hu yet usham ba nghuan kap nyung bi vam a hu hu bzyan nang salai vam a hu li nghwo buli ndong i. ³⁰Kanang bwak yag a hu li tyio a u gau, tyad hu u jib hu titi ba nghuan. Hu yet usham ba nghuan kap yuung bi vam a hu hu biyan nang salai vam a hu li nghwo uli ndong i.³¹Asi bu hyio, 'salai atyi nang a vwong abiyuk gu ui, yok gu nghuak gu kwi abuwat tyad nyirang.' ³²Ama Nnu nyio ba nyin salai atyi nang a tyad nyirang ba abyiuuk gu, se kanang gu tabat gu nang gu miyai ba atyiok agyang, hu li tyio gu ayet atyi miyai atyok. ko ayan abuwo gu nang ku kan tiyat nyirang'u nguma amyai ba abyung anyin a.³³Ba'anya i fok nang antak atyo akghwop bi da nzan swak zi. 'I yok kyak shyishi nyin zi ba Atyo.' ³⁴Ama Nnu nyio ba nyin yok kyak shyishi dak, ko di tazi ki, tuzi i ki yet uli tyok Gwazi; ³⁵Kama abyin ki, nang ki yet uvwo siyai titak gu bi i, kama du ukrang Urshalima, nang yet ki umi ukrang gbandang Agwam.³⁶Iyo shi bapio nyin dak, nang i nmai i buak tsui pio juung i yet sai ko dundyung dak. ³⁷Ama yok alyat nyin ni i yet, 'Eh, Eh,' kama Ka'ai, ka'ai.' Salai ngyang nang i swag si hwi i nyiet bi tanyirang ka.³⁸I fok a nyio, 'Ali da ali nbyang anygung da anygung.' ³⁹Ama Nyio ba nyin, yok lak atyi nang abyio katuk nyio dak. Krok da anya, lalai atyi nang alui a di shishok nbwak yak ki, buwak gu shishok nyung u.⁴⁰Kanang a yin chad nad ba nghuan bu tuu ashot asi tu san atro bumi a u, nghuak gu asi nang taswak i nbyang. ⁴¹Atyi nang a tashuk a chong nad mil anyiung, chong bangu tu nad afiyang. ⁴²Nghuak atyi nang a na'i kyang banghwan. Achyi nang abai tsad kwab banwan, yok lak do dak.⁴³I fok a nyio, 'Hu yet tia u chat atyi nang u swan dandung bangu i u lak lanvan a u.' ⁴⁴Ama Nyio ba nyin, chat lanvan a u umok krok da anyet nang bi yeshuk a i, ⁴⁵Nang ili nget nmman Adi nyin u nang a shio tuzi i. Atchio mam u si wuruk tutan anyet katuk nbyang anyet nyio nkyang ntan, asi tam bi zi tutan sibi nang ba sang nyio nkyang ntan ni i.⁴⁶Kanang i chat anyet nang ba chat a i ba, da zinang za uli shio? ke i da anyet sai kurum abyin bi mun nyio anya da'a? ⁴⁷Kanang langyuk nyin bi i ba ibyat ba anyin bi, yaha u nyio suwak agyiyang anyet bi? Anyet sanhwi bi mun nyio anya da'a? ⁴⁸Nang hu ndi agyi i huyet tia nyin i nyio chachirak nang Adi tutan nyin u nyio chachirak'i.

¹Nyi tabam di nyio ntam ntan nyin ni kpasai du ugyi aniyet bi ka li nyin zo, kodag i li byo zang nyet zo ba adi nyin u nang a shio tuzi i dak. ²Kanang u li yio shok, yok nhiyap agui dak di sangag nang anyet chat chin bi nyio bi chachet nvag u, a ka a nshio dyep hu ba anyet bi. chuchuk nyio ba nyio ba nyin, bi kan san zang bi zi.³Ama kanang u li yio shok, yok gywon buwak nmiyan a hu hu lien kyang nang buwak yak a hu nyio i dak, ⁴Don zanang nyi zi nyi ghuak zi ntsang. A wod Adi nyin u nang a ngwan ntsang i a nghuak a zang gu zi.⁵Kanang u nyio mok yok nyio nang anyet chat chiyin bi i dak, don bi chat yong katsak bi nyio mok hu ba tunai bi nbyang kasak chachet nvan ui, don anyet bi a ka chiyang bi. Chuchuk a nshai yin bi kan san zang bi zi. ⁶Ama nyin kanang i li mok, nyi nwo bu ntsui-ngyio zi. Fang nyinyid hu, awod u nyio mok u krok Adi nyin u nang ashio ntsang i. Awod Adi yin u nang a chiyang ntsang i a nghuang a zang gu zi. ⁷Kanang nyi li nyio mok hu, yok nyio zazyet junjung nai bu nai nang anyrt nghuai lien Gwazi bi nyio i dak, ba adam bili i a li fok bi don junjung aliyad bi u i.⁸Don anya'a, nyi yok tayi bi dak, don Adi nyin u lien nkyang nang nyi chat lyip gu i. Kamin i lyip gu. ⁹Don anya'a nyi nyio mok hu angyi: 'Adi, zit u nang a shi tutan i yok a dyep ayurok a ki. ¹⁰Tyok a hu hubai kyang nang uchat i anyi hu bi swat nt'u bi sangag nang anyi hui tazi'i.¹¹Nwak zit mam ufwun'u mam gyi nkyang ayak. ¹²Uyurub zit tyep zit di, bi sangag zit ngurub anyet ba trab zit do'i. ¹³Yok nat banzit bu vwo nak dak, ama ngag zit bi katuk'u.'¹⁴Kanang u yurub anyet bi katuk ni, Adi a u tuzi ngu meang a li yurub a si nghuan ni. ¹⁵Ama kanang u yurub anyet bi katuk bi ni dak Adi a u tuzi ngu meang a li yurub a sunghuan ni dak.¹⁶Tutan anya'a, kanang u nyio mub unu yok lab agyi ki nang anyet chat a chiyin bi nyio dak, don bi i lab ugyi ni don anyet bi a ka ndiyen nang bi nshio ba amub a. Nsayi nyin chuchuk aliyad, bi kan san zang bi zi. ¹⁷Ama nyin, kanang i kyak mub unu hu, nyi kwon amio di phiphio yin hu awod nyi kwi ugyi nyin ni. ¹⁸ Ntyong agiyang anyet di fuk nang nyio kyak mub unu, ama Adi nyin u nang a shio ntsang i ba anyin gu. Nbyang Adi nyin'u nanmg a nghuwan ntsang, i li ghuang a zang ji.¹⁹Nyin yok tung apio nyin zwi bi swad nti hu dak, uvwon nang zwu nbyang tsatsa li nbyang uvwuo nang atang li fuwoi awod bi yin. ²⁰Ba anya aya, nyi tung zwi nyin zi tuzi, uvwuo nang zu, ko tsatsa li nghwo bi bzyang dak, nbyang uvwo nang atang li fuoi bi yiin dak. ²¹Unwo nang zwi a zi nshio i, aza'a namng fuwo a hu nshio.²²Ali akyi yet fitila zya bu vam a hu. Ba anyya, kanang a aki yet atan zo sarai vam a hu li sai bi kyankyai. ²³Ama ka nang lili a bi yet dak salai vam a hu hu li yet lyin a. Ba anyya, kanang sai kyankyang nang hu shio da nghuan i hu ma nyet lyin a, nhu lyin hu si bira ni a! ²⁴Anbyo atyi nang a li nyio chachet anyet afiyang ntam dak, don hu yet ti'a achat atyi angyug awod a lak atyi anghung, ko ali nghuak atyi anghung u gbog gu hu awod ahwi atyi angyug. Nyin nyi li nyio Gwazi u ntam nbyang zwi dak.²⁵Ba anya n shai nyin, nyi yok chio adam da nsuwon nyin zi, kyang nang nyi li gyi ko kyang nang nyi li swo ko di vam vam nyi hu, nkyang nang nyin li kup i ngyi suwon nyin zi lan nkyang yak, nbyang nvam nyi ni lan aturo bi da? ²⁶Nyin chiyang uman ni tutan. Bi kap ko fuwai ko tung chiyed ba agban dak, ama Adi tuzi u ghuad bi yak. Nyin nyi byo gbog hu lan bi da,a?²⁷Anya a ba nyin nang fok fifok gu hu li tyo gu ko banjan bu chuchuit ba nswon gu zi? ²⁸Ya ha nbyo nang nyin nfok-fifok di atro bi? Dam di fure zi di ga nkyai uyit u, gag nang bi ndai'i Bi tsong dak nbyang bi nok atro dak. ²⁹Salai ba anya nyio banyin, ko Solomon bi byo gbog gu hu bu hui atro nang bi yet usham i nang si nbi bi i dak.³⁰Kanang Gwazi'u kup akwop bi uyit ki ba atro, nang bi shio ufwun bu ustson a chio bi ba ndong, hu lu li ni a gu a an kup nyion atro nyin anyet byo dadai chuchuk? ³¹ Ba anya nyi yok fok-fifok nyi nyio, 'Ya ha zit li gyi?' ko, 'Ya ha zit li swo?' ko, 'Ya ha zit li kup dak?'³²Ba anyya anyet nang bni lak lien Gwazi u chat nkyang nei, ama Adi nu'u nang ashio tuzi lien nang nyin nchat ni. ³³ Ama nyin nyi yan tsi chat uli tuzi kli nbyang nyio nkyang ntok hu awod salai nkyang nei a li jen nyin. ³⁴ Ba anyya nya'a, nyi yok fok-fifok da utsuwon ki dak, don utsuwon ki li fok ba apio ki kudang nman byo ubung ki.

¹I yok nyio ashod dak, nbyang ali nyio a ashod dak. ²Ashod nang i chyang, ikya alin chyang siyinki, nbyang kuyanghi nang i mak'i ija alin mak yin zo.³Yahah nbyo nang unchyang ba kum nchyad ki shio ba ali langyug aki, ama usi lak dam akum nkwan ki shio ba ali aki? ⁴ Uli nyini nghyo ba langyug au, 'yok ntin a ba kum nchyad ki shio ba ali a ki,' nang akum nkwan shio ba ali a ki? ⁵Nwan katuk ayin! Tsii tin akum ki shio ba ali aki, awod usi lyen chyang dusham usi tin ba kum chyad ki shio ba ali langyung aki.⁶I yok nwak ubu ni zazzarak kyang dak, i yok ti alade lu'u dugyi ubu dak. kadak ili shai ni ba atak, i wod i bwak i sang yin ntyo chichong.⁷Lyip, ali nwak yin. chat, ili shio. kprak, ali tyak yin zo. ⁸Nang koyan na lyip, ali san. koyan na chat, ali shio, nbyang koyan na kprak, ali tyak gu zo. ⁹Kama ke ayanna banyin, kanang ngwon guki lyip gu bredi, anwak ki afang? ¹⁰Kama ka ki lyip gu afwon, a jen ki ayuwan?¹¹Tau, khanag nyin i yet katuk bi lyen sangag ilin nwak nman yini nkyang ntan, huli li niya Adi nu tuzi nang gulin nwai nwak sibi alyip gu'i nkyang ntan ni? ¹²Nang anya i, kudi kyang a i chat anyet bi anyio nyin zo, hu yet ghwo ha i mun nyio bi zo, si hwi hwa yet chyi hu nbyang tyet anyet shei ntam Gwazi u.¹³I nwo ba adadai likanyio ki. Likanyio ki li kpai bi vak u kpai di kai hu nang i tunad ba aghu ki, anyet ba kad vak ahwai ba shi. ¹⁴Ama likanyio ki shyuk i vak husi byo aghu kai ui ughwa tunad ba shichet du, awod sibi ashyad hu'i a shi dak.¹⁵I tabam ba anyet shei, ngad bi e bi yet anyet ntam Gwazi, ba bai bayin bumi aturo ntsyeb ama ba yet chuchuk katuk ubu uyit. ¹⁶Ili lyen bi ba asum biki. Anyet bi kyoi ashum ukwan uyit nyiet do ba sakan kama gwafwai ba achuang sakan? ¹⁷Ba anya, kuda ukwon ntan ba asum utan awod katuk ukwon ghud ba katuk asum.¹⁸Atan ukwon li sum katuk asum dak, bada katuk ukwon ali sum atan asum dak. ¹⁹Kuda ukwon kya nang ki lak sum atan asum ali tyab awod ati bandong. ²⁰Da anya, ili fuk bi ba asum biki.²¹Kuda ayanna hyio banu, Atyo, Atyo, li nwuo bumi tyok tuzi u dak, ama se sibi anyio kyang Adi nu ashio tuzi chat di. ²²Anyet byra li nyio utuk akai, 'Atyo, Atyo, zibi shei uswon ki da ayurok aki da, vong tangyrang da ayurok aki da, awod da ayurok aki zisi nyio chechat nkyang ba didid da?' ²³Awod nsi gruk kpasai nsi hiyo banbi, 'Ndyen yin dak! Ighyian i wod nu, yin anyet nyo nkyang i lak yet!'²⁴Tau, koyanna fok alyat nuni asi wod asi ghwi ni ali li nang atyi mamwang a nok uli guki tutan afang. ²⁵Zii ji si vad, saghwat ni si wruk, wun si ghyab uliki, ama kisi shod dak, nang annok ki tutan afang i.²⁶Ama koyanna fok alyat nuni asi lak ghwi ni u ali li nang abwon ayin a nok uli guki tutan ajak. ²⁷Zii ji si vad, saghwat ni si wruk, wun nu si ghyab husi wod husi zun uli ki, kisi shod, asi tyrib ki kakab.²⁸Nang Yesu ntyak alyat ni, apwi u si nad ba adam di tyet guhu, ²⁹a ba tyet nang atyi tyok ai, huli nang anyet lru bibi dak.

¹Nang Yesu bin ntsuog yet ba gung ki, akpui anyet byra si ghwi gu. ²Aza'a, atyi gbap si bai ban gu asi nghuag gu gbog guhu duswon guki, aba lyat, "Atyo, ku shim, i chrog nu." ³Yesu si nyeb bwak guhu asin bryam gu, aba nyo, "Nshim. chrog." Ba ufyen gbab guhu si tyak.⁴Yesu si hio bangu, "Yok hio ba yin kyang dak. Nad, utu vfrag apio a ba atyi nai uwod u nghuag zanang Musa ghyo bi chi hui, hu yet kyang li ban bi.''⁵Nang Yesu nghuo Kafarnahum i, agwag si bai bangu asi lyip gu, ⁶aba nyon, "Atyo aghuo nu nyai bu talug vfam u buli nbyang hu mun kpwem gu bichet." ⁷Yesu si ghyo bangu,"Nni bai nchrog gu."⁸Agwag u si shim asi ghyo "Atyo mmai u bai buli nuki dak, ghyo ba alyat ani ndai aghuo nu li chrog. ⁹ Nang nu'i nmun gyet atyu ashyo bi tyok, usim byo aghuad ashyo ngbag nu. Nni ghyo ba angyung i, 'Nkad,' awod an nkad, nsi mo ghyo ba atyi angyung u 'Bai,' awod a abai, awod ba aghuo nu, 'Nyo sighui,' awod an nyo." ¹⁰Nang Yesu nvfog anya'i, husi nghag gu adam asi ghyo ba siki aghui gu i, "Chuchuk nghyo bayin, nkan shyo atyo nghuag chuchuk hi ba krang Isra'ila ki dak.¹¹Nghyo ba yin, anyet bryo li nyet apio nbyang dushyung, ba swan di ghyi kyangyag ba Abraham, Ishaku, nbyang Yakubu bumi tyok tuzi'u. ¹²Ama ali tang mman tyok ni bumi katuk ndyin, uvfo ali ntyai ako gyuai angyung.'' ¹³Yesu si ghyo ba agwag u, "Nkad! Nang unnghuag chuchuk hu'i, anya alin nyo azo. "awod ba njen ajai ahgwo si chrog.¹⁴Nang Yesu bin bai abang Bitud di, asi li akwang Bitud du nyai bi zwan ssyeb vfam. ¹⁵ Yesu si li mbwak guhu, vam syeb bu si shim. Asi tagbog asi nghuo nyo bi ntam.¹⁶Nang dushyung bin nyo i anyet bi si chongba anyet kwichen byra bu Yesu. Asi vfang tangyrang ni bu swang alyat ja ndai, asi chrog anyet nzwan bi kakab. ¹⁷Ba nvfag huli alyat Ishaya atyi ntam Gwazi si tyak, anyo, "Ngu ba pio gu atin nghuai nfog dusham zit du a si kyak zwan zit.''¹⁸Nang Yesu ndi akpi u brya i asi krag gu tyo butyoi, asi nghuag alyat e yok adrog abyug nad di manyi agyui Galili ki. ¹⁹Atyi lru si bai ban gu asi ghyo, "Atyi tyet, kuda uvfo kya u niyet nui ghwi a." ²⁰Yesu si ghyo ban gu, "Ubu utuk ni byo agbong, uman tuzi ni sibyo usi, Ama Ngwon Atyibishi ki uvwo mad apio dak.''²¹Agyang bumi anyet ntam gubi si ghyo bangu, ''Atyo, yok nu ntsi nad nyat adi nu." ²²Ama Yesu si ghyo bangu, "Ghui nu, u yok nkom ni nyat kam bihu.''²³Nang Yesu nghuo tsai byei saghuad ji, anyet ntam gubi ghui gu to nguo nswan. Ga ngun si drog ba agyui ki tuam ²⁴ saghuad du si nghuo swo chet tsai byei saghuad ji. Ama nang Yesu shyo ban ndi. ²⁵ Anyet ntam bi si bai asi bi shyib gu ban ndi ni, basi ghyo, "San zit, atyo, zili kwi!"²⁶Yesu si ghyo ban bi, "Yaha nbyo na i nvfog uwun ni, yin i byo dadai nghuag chuchuk?" Asi tagbog asi kam wun nu ba agyui ki Uvfo ki si buwog yong. ²⁷ Anyet bi si vfog uwun asi ghyo, "Da tankai ayin ghui, nang wun nu ba agyai mun ghui gu?"²⁸Nang Yesu bi tsak kan bai ba fam siki ba bin Gamasirawabi, anyet kwi chen afyang si mum bangu. Ba bi chong nyet ba ndyak ni ba si mun bangu bute nghai zan, di sangag nang atyi chet mai nswag ajo dak. ²⁹ Basi ghag kun, basi ghyi, "Zi byo kyang zili nyo ba nghuan Ngwung nang jen ji ka bai da?''³⁰Uswrong alade ki shi, bi syo nkpen babi gyi akwob. Tangyrang ni bi nai Yesu ibi lyat, "Kanang u. ³¹wrug ba zit, tam ba zit bumi uswrong alade ki." ³² Yesu si ghyo babi, "Inkad!" Tangyrang si wrug isi nghuo ba alade bi. Alade si chyok gbandang ba afan ki asi to nghuo ba agyui ki asi kwi.³³Sibi achok alade bi si tyong chung nad bumi ukrang basi tak anyet kudi kyang, tutan anyet abyo zwan tangyrang ji. ³⁴ Ayet ukrang bi si wrug kakb anad ashyo Yesu. Nang bin ndi gu'i, asi nai gu awon bi akpai u.

¹Yesu si nghuo tsai byei saghuad, asi byok nad bu ukrang gu ki. ²Basi bai bangu atyu nang vfam gu u ghu lulug ab, ba akpang. Nang gun ndi nghag chuchuk bi hui, Yesu si ghyo ba atyi ghu vfam, "Ngwon, yet atyi asai alyo. A yrub a katuk ani."³Aza, anyet lru agyung bumi biki si ghyo," Atui nyo katuk." ⁴Yesu lyen adam bi uasi ghyo, "Yaha nbyo ibi ndam alak yet ba uvfo yini? ⁵ Da hua yget naha di ghyo u, 'Ayruba katuk ani, kama a ghyo, Tagbog u chong'? ⁶Ama iki lyen nang Ngwon Atibishi byo gbog yrup katuk ni,...." a ghyo ba atyi lulug vfam u, tagbog, kyak a kpang ua, u nad buli aki."⁷Atyui si tagbog asi nkad buli guki. ⁸Nang apwi anyet u ndi anya'i basi fok uwun. Ba si dyep Gwazi'u, atyu anghuag anyet bi gbog hi. ⁹Nang Yesu nswag aza asi li ayin nang a yai gu Matiyu, abi swan bu suswag sai krum abin nu.asi ghyo bangu, "Hwi nu." Asi tagbok asi hwi gu.¹⁰Nang Yesu nsuan akin agyi kyangyak i buli ki, anyet sai krum abin bi byra ba anyet katuk si bai gyi kyangyak u bu Yesu nbyanganyet ntam. ¹¹Nang Farisawabi ndi anya i, ba si ghyo ba anyet ntam gubi, "Yahah nbyo nang atyi tyet yin nu ngyi ba anyet sai krum abin bi nbyang katuk anyet bi?''¹³Nang Yesu nfog ngi, asi ghyo, "Anyet nang nvfam bini byo chet ba chat agbog dak, anyet nzwon bya chat agbog u. ¹²I nad i myam kyang hu yet di, 'Nchat yrup katuk zan bu kyang nang Gwazi. Nbai ngyeianyet bya a kwog ntong dak, ama, anyet katuk."¹⁴Anyet ntam Yoana bi si bai bangu asi ghyo, "Yahah nbyo nyit ba Farisiyawabi zi marub unu ni, ama anyet ntam a ba murub unu ni da?'' ¹⁵Yesu sighyo banbi, "Anyet ntam bi ba agwai nyrang a li fag alyogyinang gusyem byo nyrang ki lisho banbi? Ama jen tubai nang lin kyak gusyem nyrang drog dyo babi, awod basi mub unu ni.An byo atyu ali tyai ghughuob ntsyang aturo ba aturo afai dak, tsyang aturoji li syeb nyet bu hu swag si gbangbang u.Anyet li krog akan ba ghughuob akpuod akan dak. Kanang bu nyo anta, akuri bi li tiyet akan ni i tyong, akwi akan bi abyan. Ba ka anya, yok bityo akan afai ni ba akwi a kan afai bi, awod a sak bi kakab."¹⁸Nang Yesu ndyad nkyang anai babi, alyak anyet si bai asi ghum duswon guki. Asi ghyo, "Ngwon nuki syen minini, ama bai u sag ki gbag ahu danki, kilishyip." ¹⁹Yesu si drog asi ghwi gu, ba anyet ntam gubi.²⁰Abyug nang a tyon aswok tu nad ndyo swak ba ufyang, bai asi kai balyimYesu ki asi byrem agbrug aturo gu. ²¹Akan ghyo ba pio gu, "Kanang nshyo nsi byrem aturo gubi, nni shim." ²² Ama Yesu si buwag asi li gu, asi ghyo, "Ngwon ki, kyak alyo achet; nghag chuchuk ahu chrog a." Abyunk u sichroba chuwam ajai.²³Nang Yesu to nghuo bulialyak ki, asi li anyet tyap siriwed bi ba a kpui u nang bu wai agong. ²⁴ Asi ghyo, "I drog aji, gunyem ki ghu dak.'' Ama ki shyo ban ndi. Ba si mai gu di iyai anyet.²⁶Nang gun nghyan ba kpai ui, asi nghuo bi too, asi tabad kida ngbag u, gunyem ki si tagbog. ²⁵Alyat ni krag a kpawai u kakab.²⁷Nang Yesu nswag nyet aza i, apag agyi afyang si ghuwi gu. Ba si tyed nkan nyo, "Fog kunag zit Ngwon dauda ki!" ²⁸Nang Yesu bin ghyo buliki, apagagyi sibai bangu.Yesu sighyo banbi, "I nghuag chuchuk nni dsyem nyo kyang hi?" Kasi ghyo bange, "E, Atyo''²⁹Yesu si byrem agyi bi biasi ghyo, "Yok anyo yin zo di sangag chuchuk yin nu," ³⁰Agyi bibi si tyag. Yesu si ghwad bi vfuvfo asi ghyo, "Yok ayin yok fog alyat nai dak." ³¹Ama basi nad gbio alyat niba a kpai u kakab.³²Nang anyet afyang bai bin taba vfag i, asi wod asi bai bi Yesu bebe u si lyat. ³³ Alyat ni bi nbyang wuon asi ghyo, "Atsak kan di kyang hi ba tsra'ila dak!" ³⁴Ama Farisawa bi si ghyo, "Di tyok agwam tangyrang ughwa gun vwong tanyrang ni."³⁵Yesu si ghwi chechet ukrang nbyang achuang ukrang ni kak'kab. Asi gyi uswon bi tyat du ba atu nai bibi, aba shei alyat atan tyok Gwazi ni, asi krok kuda njwan Kakkab. ³⁶Nang gun di akpui'ui, asi fok kunak bi, di sangag ban swo ngbang ni aba kwi nvam ni. Ba bili nang tsyeb diba tyi chok.³⁷Asi nyio ba anyet ntam gubi, "Fwai hu shi ama anyet fwai bishi dak. ³⁸Tutan anya kya, i nyo afyen i nyo Atyo a byo fwai hui, adua di sangag nang gu lin ntam ba anyet fwai bibi fwaiui.

¹Hu bai swak nang Yesu ntyak nghuak Anyet ghwi swak ba afiyang gu bi alyat ni'i asi ghuwan aza'u anyet nbyang a she'i alyet Gwazi bu tsatsad ukarang'u bi'u. ²Minini nang Yohna nfok nkyang nang kristi nyio nang gu shio bu ghwo'ui, asi nghuak anyet ghwi gu bi tam ³Nbyang ghyo bangu, nghwan a yet atyi nang a tubai, ke zi nghwan vak agyi'ang?''⁴Yesu si shim asi ghyo ban bi ''Nad i tak Yohna kyang i li'i nbyang kyang nang i fok'i. ⁵ Anyet nang ba chiyang dak'i shiyat chiyang, anyet hyiat bi si tsong jai, akwi anyet kbab bi, anyet nwai fuwong si fuwong, anyet ba kan kwi'i bi ba suwan, a shai anyet ba chat gyui alyat ntan. ⁶Krok miyang'a koyang yet nang abzyan fwo da nu danu dak.''⁷Nang anyet bi nkai nvak bini i, Yesu si fwum lyat ba akpi anyet tutan Yohna i da yaha i nad nyio ba nti uyit di - uli ukon nang wung nu zwung'i ka? ⁸ To, yaha inad chyang u - atyo a kwup atro atan bi uwa? Chuchuk, anyet nang ba hwi atro atan bi shio bu usi agwam na.⁹Ama yaha mbyo nang i ngruk i li? - atyi shei tam Gwazi? Eh, ntak'a a swak anyet shai tam Gwazi bi. ¹⁰Atyi hwi wa abun lru, 'li ntam atyi ntam nu'u bu ugyi yin, nang ali ji nvak nyini duswan nyin'i.'¹¹Nhio ba nyin chuchuk, bumi anyet nang agyuk tai'i, ba atyu nang a shi swak Yohna atyi nyio baptisman. Ba anya'u atyi nang alat salai bu tyok tuzi'i a swak gag nang gun yet i. ¹²Nyet ba nmam Yohna atyi nyio baptisman bubai manini, tyok tuzi'u shio bu ubung njio, nbyang anyet njio bi kwak ni ban chat.¹³Nang salai anyet shei tam Gwazi nbyang chyi'u n shei tunad dutan Yohna. ¹⁴Nbyang kanang ishim i kyak hu, Ilia a bu tobai. ¹⁵Atyi nang a byo i fwo fok, yok gu fok.¹⁶Ya ha nni ntyan chiyan i? Huli nang mman na vfo bu ufo akpai tunga, nang i swan yai agyiyang bi ¹⁷aba nyi, 'zi tyap a ujag usi song dak!. Zi byo bruidik alio, usi tyoi dak.'¹⁸Nang Yohna nbai asi gyi bredi ko a swo saghwat ukon, basi hyo, abyo tanyirang.' ¹⁹ Nang ngwon atyi ki bai kisi gyi nbyang swo nbyang ba si hyo, a yet atyi lau ayak nbyang atyi nyung, kpandang atyi sai kurum abyin nbyang katuk!' Ama mammuang Gwazi'u iwa yetyio chuchuk bu kyang gu nyio i''²⁰Aza Yesu si nghun kwak tsatsad ukarang nang gun nyio chachat nkyang u afwo, nang ban nwai kok ntong ui. ²¹ Uli li, Korasin, uli li Betsaida, kanang awa nyio nkyang i shi bu ukarang Taya nbyang Sidon nang anyio banyin'i, ba tsak li kok ntong bu liliyang bu kyakyak atro nbyang ntong. ²² Ama alin swak fok kunak ukaramg Taya nbyang Sidon bu mam ashwot swak nyin.²³Nyin, kafarnahu, i dam eh ali dyep nyin tutan? ka'ai, ali bai banyin abyin bu uvfwo ndong. Ka'awa nyio bu sodom nkyang nang i shi nang anyio banyin i, Hu tsak lin shio ban ntad uvfin i. ²⁴Ama n hyau babyin nang hulin byo sak alio ba abyin Saduma ki bu mam ashwot swak nyin.''²⁵Ban jan a zai Yesu si hyau, ''N dyep a, adi, Atyo tuzi nbyang abyin, nang uniad nkyang nai baned mammuang nbyang anyet lien nkyang bi, nbyang usi tyei ni ban anyet nang a tyet dak, nang a chuchuk nman i. ²⁶Eh, adi, anya husin yet a dusham ba li ahu. ²⁷Salai nkyang ni a chio nu nbwak nyet ba adi nu'u, ba atyu angyug nang alien ngwon ki nang Adi'ui nbyang ba Atyu angyug nang ngwon ki'i, nbyang ko anya a ngwon ki ghai asi tyei guzo.²⁸Bai banu, salai nyin anyet ntam nbyang nang ba byo nprok byo chet, nni ngwak nyin vfun.²⁹ Kyak prok nu'u nbyang i miam bannu, nang nun byo akwi atan nbyang n mi chat shi ban vfo nu'u dak, nbyang u li shio swon azi vfun. ³⁰ Nang nprok nu ni nbyo chet dak nbyang i ba swan konkong.''

¹Ban jan azai Yesu asi nad bu mam vfwon Yahudawa u asi ghui apyai nang tsui nkyang a yi i nshio. Anyet ghwi gu bi fok swong nbyang bi ba kyoi ipio ntsui ukwon u bi ba gyi. ²Ama nang Farisayawabi ndi anya i basi hyau bu Yesu, "Li anyet ghwi abi nyio kyang nang chyi u lak bu nyio i bu ma vfwon u i."³Ama Yesu si hyua banbi, I kan fang kyang nang Dauda yio i nang gu bin fok swong, nbyang anyet bashio bangu i dak? ⁴A nad bumi uli Gwazi ki asi gyi bredi nang kin nshio i, hu yet kyang nang chyi u lak'a nbyang anyet ban nshio ban ban gu i chyi mun nvfwong, Ama chyi u shim Atyi kwi anyet bi Gwazi'a nyio anya.⁵I kan fang bu chyi u da, nang bu mam vfwon u nang Atyi kwi anyet nu Gwazi bun bzyan tudyep ubu mam vfwon ama hu si yet katuk da? ⁶Ama nhyau banyin atyi nang a swak tudyep ui nshio azi.⁷Ka i hwa lyen kyang nang hu vfii, 'nchat fok kunak a bawai kyang ili ghuwak i hwa dak.' nbyang i tsak li lak atyi ngwai byo katuk u dak. ⁸Nang ngwon atyibishi ki ka nyet atyo mam vfwon anyet Yahudawa ki.''⁹Aza Yesu sin gwon uvfwo akai nbyang asi nang bumitudyap biki. ¹⁰ Aza, anbyo atyi byo kuluk nbwak. Farisiyabi si lyib Yesu, basi hyau, "Hu yet usham bu chyi u a chirok anyet bu mam vwo farisiyawa u?" ba chat vak nangbalin tak gu nang gun nyio katuk.¹¹Yesu si hyau banbi, "Da anyin a banyin, nang kanang gu byo tsep zwung nbyang kanang tsep zai shout ban buwong nang hu nad bwang bu mam vfwo Farisiyawa u, a lak tabat a byong nbyang aghuwad wurung zo nti'u? ¹² Umagkya hungyet, nang, atyibishi u nden tsep zi'e! Ka'anya hushio bu chi u anyio kyang tan u bu mam vfwon Farisiyawa u."¹³Aza Yesu sin hyau batyo awai "Niem nbwak ahu nbyang basi shio chirok bi'u, nang bwak ngyug u i. ¹⁴Ama farisiyawa bi si nad tusi baba vfii katuk tutan gu biba chat gag nang balin ghyad gu.¹⁵NangYesu nvfuk sighwi asi wuruk banbin. Anyet didid sin ghwi gu, nbyang asi chirok bi salai. ¹⁶Asi lam binang balin tak akumki kyang nang gu nyio i dak, Nang hulin gyet chuchuk a,¹⁷ kyang nang alyet bubnu Ishaya atyi shai tam Gwazi, a hyau,¹⁸"Li, atyin ntam nu u nang nghrii; atyi angyung nang nchat, bangu'a ufwo nu nfwok yangyang. nni tyo tsui nuzi tutan gu, nbyang uwa li tak anyet sang ghui bi ashwat u.¹⁹Alikwan dak da ali ghik akun dak; bada anyin ali fok anghuad guki ban vak dak. ²⁰ Ali bwud yin akum nkwan dak; Ali nyib ulighrab ngung ki gyi dak, sainang gu ghui bu chuchuk yio tonad shio awyang. ²¹Nbyang ba ayirok guki anyet sang ghui bi ba shio kyang sak alyo."²²Aza atyi agyang nang a chiyang dak nbyang alyat dak, nang katuk nstui shio bangu, abai bangu bu Yesu asi chirok gu kyang i si chio atyi awai ba lyat nbyang chiyang. ²³Husi yet apwi anyet u kyang uwung nbyang basi hyio, atyi i yet ngwan Dauda ka da?"²⁴Ama nang farisiyawa bi nvfwok sihwi kyang yong'ali, Basi hyau, atyi hwi turung tayirang dak kanang Adi tayirang a dak, ngwan agwom tayirang." ²⁵Ama Yesu lien kyang ba dam i asi hyau bambi, ''Kodang tyok nang hu shio dangdung ba a gyiyang bi dak bali kam, byang kodang ukarang ko uli nang ki shio dandung ba agyiyang bi dak li yong dak.²⁶Kanang tayirang ka turung tayirang, ki shio dandung ba agyiyng ki dak. Hulili ni a tyok hu hun young? ²⁷Ama kanang n turung tayirang buyet adi tayirang, krok yan'a mann yin ni n turung bi? Tutan kyang ke k a balin anyet yio ashwat.²⁸Ama kanang n turung tayirang ni bu Ntsui Gwazi za, anya tyok Gwazi u a chiwong tutan yin. ²⁹Nia ayin lin ghwo buli atyi byo chat nbyang anyin nkyang nang gu ya lib atyi byo chet awai dak? Anshio nyin njyang ni bu uli guki. ³⁰Atyi ashio dandung bannu dak ayet lanfan nu a nbyang atyi nang atung banu dak a kam a.³¹Nang anya'i nhyau, kadang katuk nbyang katuk alyaf ali kwi anyet byo, ama katuk alyet tutan ntsui ali kwi dak. ³² Kodang atyi nang alyef kyang tutan ngwan atyi bishi ki, ali yurub guzo. Ama kodang atyi nang alyef tutan Zazzarak Ntsui ali yurub guzo dak, ko ban nswad nti hwi, ko bu sinang hu tubai.³³Tyo ukon ki i yet nbyang asum huki'i yet, ko u tyo ukon ki i bzyan nbyang asum ki kimo bzyan, nang a lin fwung ukan ki ba asum khi. ³⁴Yin mann iywan ndyen nang i get katuk ba yi, ni'a ilin hyaui nkyang iyet? bumi bzyo bam ufwo ka unu ki lin lyat. ³⁵ Atan ayin ba atan ufwo sak ufwo shiad bu kyang hu yet tan, nbyang a tyi katuk ba katuk ufwo sak ufwo shiad kyang hu yet katuk a.³⁶Nhyau banyin bu mam ashwat'u ko anya li fang kodikyang nang gu hyau. ³⁷ Nang kyang nang u karag hwa alin yio a ashwat atam, nbyang ba alyat a ni na alin dak a.³⁸A za anyet tyet chyi agyang nbyang Farisiyawa bi agiyang sin shim Yesu basi hyau, "Atyi-tyet, zi chat u yio kyang yong ali nang zi yo zi li ban nghwan" ³⁹Ama Yesu si shim nbyang asi hyau bambi, "Katuk nbyang yayria chian chat ba chiyang kyang yong ali u. Ama ba kyang yong ali nang nni yio swak sin nang nyio bu Jona atyi shai tam Gwazi ui. ⁴⁰Nang Jona nmam ntad nbyang tutuk utad bumi uvfi gbandang avfwon ki, anya ngwan atyo ki lin yio nmam ntad nbyang tutuk utad bumi abyin.⁴¹Anyet Nineva bi li yong ba ashwot u ban chian anyet i nbyang a buwok ban hu. Nang ban kok ntong u bu shai alyat Jona ui, nbyang ali, anyin swak Jona bandang nshio azi,⁴²A bzyung tyok afam utak li drug yong bu mam ashwat u ba atyok ajan bai nbyang a li lak bi. Nang gun bai nyet bu nghan abyin u a ufwong mammuang Solomon ui nbyang ali a yin swak Solomon bandang shio azi.⁴³Nang katuk ntsui ngrung basi ghwan atyi awai i, hu si kai vak nang sang soghuwat nbyang hu ba chat uvfwo vfunm. Ama hi si shio dak.⁴⁴ Husi hyau, "Nni bwok nad bu uli nang nu wurung i; nang hun bwok i, hu si bu shio nang a liyang uliki nbyang asi ji nkyang ni dusham.⁴⁵ Hu si bwok nbyang hu si tukyak tsui natad jiang nang i swak hu bu katuk u, nbyang basi bwok bai salai bo swan azi. Gagnang atyi awai nswo ubung ki i husi bwo nbyang lan ubung nang gu swo bu swoswang u ki i. Anya nang hulin di bu katuk chian i."⁴⁶Nang Yesu bin shio ba alyat ni ba anyet bi , ayang gu u nbyang langyug gu bi yang tusi bi ba chat ba lyat bangu. ⁴⁷Atyi angyung s hyau bangu, "Li, ayang a wu nbyang langyug a bi yong tusi, ba chat ba lyat ba nwan."⁴⁸Ama Yesu si shim asi hyau bangu atyi a wai, ''Anyan a yet ayang nu u nbyang langyug nu bi?'' ⁴⁹Aza a gusin nieb bwak gu u ba anyet ghwi gu bi asi hyau, "Li, ayang nu wa hwi nbyang langyug nu bi! ⁵⁰Nang kodang atyinang a nyio kyang nang Adi nu u nang shio tutan i chat i, atyi awai yet langyug nu asam ba anap nbyang ayang nu.''

¹Utuk akai Yesu si wuru bu uli ki nad nti asi swan npwen ba ugyui ki. ²Apwi anyet si tung grak gu, asi tu nwo bu kukwan byai sahwad'u asi nswan, apwi anyet'u salai si yong ban kyung agyui'u.³Yesu si liyat banbi nkyang deni ba ngan. Asi hyio, "Hun shio anya, atyi ghiap agyang si nad uyit go tu chwi zwi nkyang. ⁴Nang gu nchwi'i, tsui jyang si swad ban vak, uman ni si bai isi tang. ⁵Tsui jyang si swad tutan nfang, bu uvwo nang da nbyin nshio deni dak. Isi ti bumi njan, dong nbyin nshio deni aza dak. ⁶Ama nang mam'u sin tad'i, isi tyo pwapwak krok ba bio anan dak, isi hwod ngyang anya.⁷Akum ntsui ki si swad bu atyin sakan. Nang sakan di sin dai'i isi sang di. ⁸Akum ntsui ki si swod ba nbyin ntan isi nwak aswm, jyang si nwak aswum ki chi, jyang nswak uti, jyang nswak ntad shuwak kyang nang a chwi'i. ⁹Atyi nang abio ifwo fok afok."¹⁰Anyet ghui Yesu bi si bai bangu, "Yaha nbio nang undyat ba apwi anyet'u ban gaan?" ¹¹Yesu si shim bi do, "A zan nyin jan ifuk chachet nkyang si tyok tazi'u, ama nbi azan bi dak. ¹²Atyi nang abio nkyang, ali nbyang gu do. Ama atyi nang da abio kyang dak, adadai nang gu bio'i, ali kyak awot gu.¹³Kyang hwi hwa nbio nang nu gyat banbi ban gaan: Ba nghan ama ba li dak, ba fwong ama ba fok dak, ko ba fuuk. ¹⁴Tutan bi'a kyang nang Ishaya liyat i huli kwi'i bai chirak tutan bi, nang gu nhyio, Ili fok ama ili fuk dak, ili li ama ili nkai dak.¹⁵Nfwo anyet ne fuk kyang dak, hu bio bi chet ba fok, ba fang agyi bibi, bisangag nang bali ndi dak, ko ba fok ba afwo bibi, ba fuk bumi nfwo bini, ba bwok bai ban nu nchurok bi.'¹⁶Ama huyet kyaang krok nmiyang'a tutan agyi nyin bi nang bali'i, nbyang afwo nyin bi nang ba fok'i. ¹⁷Chuchuk'a nhyio banyin anyet shei tam Gwazi deni nbyang anyet nyio nkyang ntan chat ba li kyang nang ili'i, basi li dak. Ba chat ba fok kyang nang ifok'i, basi fok dak.¹⁸Isak afwo bi ifok gaan nang ndyat tutan atyi khiap nang and chwi zwi yak di.¹⁹ Kanang ayin fok aliyat tyok Gwazi ni asi fuk dak, katuk ayin li bai atawop kyang nang akan tip ab alio atyi akai'i. Zwi nang atip ban vak'i daze.²⁰Zwi nang atip tutan afang ki da yet atyi nang afok aliyat ni, asi san bu asai alio bumi njan. ²¹Abio anan yong dak asi lab alio ba ajan dadai. Nang ngbang ni sin bai'i nbyang lak li'u i krok swang alyat di'u, atyi awai si tep.²²Zwi nang asi tip bumi ityin sakan'u i, iwa yet atyi nang afok swang aliyat di, ama krok chat nkyang duniyo ni nbyang aliyat bio zwi nang da hu shi ban vak'i husi chwi swang aliyat di, atyi awai si yet atyi sang aswum. ²³Zwi nang asi chwi banbyin ntan ni'i, iwa yet atyi nang afok swang aliyat di asi fuk di. Asi wuruk ba aswum, husi tyo tsui di, aswum agyang si wuruk bi tsui chi-jyung suwak kyang nang atip'i, jyang nswak uti, jyang nswak ntad suwak kyang nang atip'i.''²⁴Yesu sibu tak bi gaan jyang. Asi hyio, "Tyok Gwazi si tazi'i li nang atyi nang achui zwi tsan ba byin. ²⁵Ama nang anyet bi nshi bandi'i, lanvan'u si bai asi nchwi akwap bumi alkama ki asin kad. ²⁶Nang ban dai bai deni'i basi wuruk bi tsui di, akwap bi si mun lai wuruk.²⁷Aghwo atyi nang abio abyin ki'i basi bai ab atyi abyin nu basi hyio bangu, 'Atyi uli, Zwi tsan do da anchwi ba abyin ki da? Huli ni'a nang akwap bi nti?' ²⁸Asi hyio banbi, 'Lanvan'u wa nyio nkyang anai.' Aghwo bi si hyio bangu, 'Uchat zi nad zi turung bi?'²⁹Atyi bio abyin'u si hyio, 'Kai. khanang i nad iba turung akwap bi, imu li turung alkama'u dandung bi akwap bi. ³⁰Iyok bi ba lai dandung tunad jan fwai di. Khanang jan fwi di nyio ni tak anyet fwi bi, "Yok ba shi uswon turung akwap bi ba vai bi ba apwi fwong long, i tung alkama'u tu chio a ba agban nu bi."'"³¹Yesi si bu tak bi gaan jyang. asi hyio, "Tyok tazi'u huyet nang tsui monsta da'i nang ayin kyak asi tip abyin. ³²Tsui di yet adadai ntsui ka bakum ntsui yak ki. Ama khanang ki lai bai deni, ki li suwak koda atyin ukwan bi shi'u. Ki li yet atyin ukwan ka nang uman tazi ni li bai in nok uli ni ba nbwak ni."³³Yesu si bu tak bi gaan jyang. "Tyok tazi'u huyet nang yis a'i nang abyuk kyak asi hyai bi nghiyo kurangi tsad tunad jan husi durok fwu."³⁴Yesu tak apwi anyet'u salai nkyang nei ba gaan da, aliyat kyang banbi nang digu liyat ban gaan da dak. ³⁵ Sihwi yet'a bisangag nang kyang nang atyi shai tam Gwazi'u liyat" huyet chuchuk'a, nang gun hyio, "Ni tiyak unu nu ki ndyat gaan. Nitak nkyang nang aniyad nyiet ban jan nang anfwum swat'nti'u."³⁶Yesu si durok wot apwi anyet'i asi nad bumi uli ki. Anyet ghui gu bi si bai basi hyio bangu, "Tak zit gaan nang akpap bi nshio ba byin ki'i." ³⁷Yesu si shim bi do asi hyio, "Atyi nang atip tsui tsan di wa yet ngwon Atyibishi ki. ³⁸Abyin ki ka yet duniyo'i tsui tsan di ida yet nman tyok Gwazi'u. Akwap bi ba yet nman katuk ayin, ³⁹Lanvan nang achwi nkyang anei'i wa yet tanyrang ki. Fwai'u hwa yet tyak duniyo'u anyet fwai bi basi yet nman tam Gwazi ni.⁴⁰Nang hundi anya, bisangag nang antung akwap bi ashwai bi ban dong'i, anya'a huli ndi bi tiyak duniyo'u. ⁴¹Ngwan Atyibishi ki li tam nman tam guni ba tung gu salai nkyang nang ityet nyio katuk'u nyiet do bi tyok gu'u, nbyang anyet nyio katuk bi. ⁴²Bali tang bi bumi ulirab ndong ki aza balin tuyai nbyang ghui unu.⁴³ Anyet nang ba nyio nkyang tan ni li sai nang mam a'i bu uli tyok Gwazi kiAdi'i. Atyi nang abio afwo bi afok.⁴⁴Tyok Gwazi'u tazi huyet nang zwi da'i nang aniyad ba byin. Atyi agyang si ted asi bu aniyad ba asai alio, asi liyai salai nkyang nang gu bio'i, asi nsan abyin ki. ⁴⁵Sak ba anya, Tyok Gwazi'u tazi huyet nang atyi bio zwi'a nang achat lilo atan do dasham.⁴⁶ Asi nad asi liyai Salai nkyang nang gu bio asi nsan.⁴⁷Sak ba anya, tyok Gwazi'u tazi huyet nang kali ka'i nang ati ba agyui, nang huli tabat kodi kyang nang hu swon bi sahwad. ⁴⁸Kanang hun hyad, anyet tabet fwon bi li kwak nad do ba kyung agyui'u. Bali swan abyin ba hyai atan nkyang bi krok bi ban nkyang, ama nkyang nang di iyet'i awem ni.⁴⁹Anya hunli ndi bi tiyak duniyo'u. Nman tam Gwazi ni li bai ba kam katuk anyet bi nyiet do ba atan anyet bi. ⁵⁰Bali tang bi bumi ulirab ndong ki, aza'a bali twai bamu nwei agyung bi.⁵¹Iffuk salai nkyang nei?" Aanyet ghui gu bi si hyio bangu, "E." ⁵²Yesu si hyio banbi, "Nang indi anya, atyi tyet chyii nang abwak tyo atyi ghui bi tyok Gwazi'u tazi ayet nang atyi uli'a nang atin alyen nbyang afai kyang nyiet do ban zwi gu di'i." ⁵³Nang Yesu ntiyak fang gaan dei, asi durok aza.⁵⁴Yesu si nwo bu ukarang ki asi tyet anyet bi ba atu Nai bi. Kyang nang husi nhwi'i wa yet basi nad mi'adam basi hyio, "Aze'a atyi wi nshio mwamwang'i nbyang nyio nkyang yong ali'u? ⁵⁵Atyi wi wa yet ngwon atyi gbwed nkyang ni da? Ayang gu'u wa angyai Maryamu da? Lanyuk gu bi ba yet Yakub, Isu'u, Siman nbyang Yahuda da? ⁵⁶Lanyuk gu bi anab iba shi banzit da? Aze'a gu nshio salai nkyang nee?"⁵⁷Basi fok alyigyi gu. Ama Yesu si hyio banbi, "Atyi shai tam Gwazi shiyad gbok bu ukrang gu nbyang uli gu dak." ⁵⁸Asi nyio kyang yong ali aza dak krok lak nwak chuchuk bi'u.

¹Yesu si nkrak ba akpwi anyet u nbyang anyet ghui gu bi. ²A hyio, "Anyet tyet chyi bi bu Farisawabi swan bi kyang swat Musa. ³Nang hundi anyai nkyang atyi nyin achyi, hyio nkyang anei nbyang lyen nwuan. Ama iyok nmak bi dak. Ae ba frei npurok e bio tsad di kiyak, basi chio bi nansiyen anyet, Ama ba ngyia sak kaswong nam ili kyak dak. Ba⁴Ae ba frei npurok e bio tsad di kiyak, basi chio bi nansiyen anyet, Ama ba ngyia sak kaswong nam ili kyak dak. ⁵Ba nyio nkyang bi ni salai anyet bi ba ali. Bi twai kapet ndai bi Zwunzwuo aliyat Gwazi nbyang lap ba nbwak aturo junjung ba nvwai bu unu aturo khi.⁶Ba chat uvwo ni bi uvwo agwai nbyang chachat nkyang nswad agwam bi atu nai, ⁷nbyang biyat tan bi uvwo tunga angyai bi 'Rabbi.'⁸Ama nyin ili yei ayin 'Rabbi' dak, ibio atyi anyung a yet atyi-tyet nyin u nbyang salai nyin iyet lanyuk ba. ⁹Yok ayin yok yirong ayin bi swanti'u Adi dak, i bio bu adi anyung'a, uwa yet kristi. ¹⁰Ko nyin ayok yei nyin 'Atyi-tyet' dak, dong Atyi-tyet'u shi ba anyung'a, uwa yet kristi.¹¹Ama atio ayet gbadang'u banyin yok gu yet aghwo. ¹²Atyi nang adyep akpio gu asi bi buruk gu atyi nang ahwum ba apio gu asi bi dyep.¹³Hu swuan fuwong nyin anyet nchyi bi nbyang Farisawabi abuk anyet! Ifang tyok Gwazi'u anyet bi ba yok nshi nwo'u. Dong nyin ba apio nyin i nwo dak, ichat iyok anyet ba chat nwo'i ba nwo dak. ¹⁴Hu swan fwong nyin anyet-tyet nchyi bi nbyang Fairsawabi, abuk anyet! Ilak li kanyuk bi, nang i chat nyio gogura nai krok anyio il shio ngbang apak-agyi bi. ¹⁵Hu swan fwong nyin anyet tyet chyi bi nbyang Farisawa bi, abuk anyet. I biyok aghyui nbyang uyit shio achi bwak anyung, kanang i shio gu i chio gu so ufiyang anyet ungwan uli ndong nang nyin'i.¹⁶Ku swan nyin, nyin i kwak-apak agy, i nyio, 'Achi nang ashi ba a yurok uli dyep Gwazi kyang adak. Ama achi ashi bi azurfa uli dyep Gwazi u, hu yet ti'a shyi-shyi di itabat gu.' ¹⁷Nyin abwuan apak agyi, da gu a yet nswak, zinariya ki uli dyep ki ka nang ki chio uli ki zazirak i?¹⁸'kanang ayin shyi tutan aghian nai, kyang a dak. Ama atyi a shyi bu zanang in shio aza'i, shyi-shyi di li tabad gu'a.' ¹⁹Nyin apak agyi bi, dangu'a nswak, zanang ida ke aghhian nai'u wa chio zanang zi zazarak'i?²⁰Ba anya'u achi nang ashi bi aghian nai, ashibi ko di-kyang. ²¹Atyi nang ashi bi uli adyep Gwazi, ashi bangu nbyang atyi nang answan bangu'i. ²²Atyi ashi bi tuzi ashi grak Gwazi di da nbyang atyi answan'i.²³Hu swan fwong nyin anyet-tyet chyi bi nbyang Farisawabi, abuk anyet! Inwak anyung ba nkyang swak, bi anim bi nkyang alyen e ama wat nyio mkyang i swak byio chet ban chyi-aswad atan nbyang fok kunak bi tsutsuk. Ama nkyang ichak li nyio'i, e i si nwuat di nyio'u. ²⁴Nyin anyet kwak apak agyi bi, itin kaswan i wat isi nwan Rakomi kambirung!²⁵Huswan fwong nyin anyet-tyet chyi bi, katuk anyet! Dong i kwi ti kabwok di nbyang agbwi'u, ama umi yet shuyok ayin nbyang chat apio. ²⁶Nyin apak agyi Farasi bi! Fwum yirip umi kabwok di nbyang agbwi'u, ti di imun shio yet'u.²⁷Hu swan nyin anyet-chyet chyi bi nbyang Farisawabi, katuk anyet! Nyin ili nang ndiyak nang bayet usham nyi, ama bumi khi yet abui kukup anyet nbyang nkyang nwai yet. ²⁸Ba anya ba nyin, nti ali zazarak anyet'a ama bumi khibuk anyet ba katuk.²⁹Hu swan nyin, anyet-tyet chyi nbyang Farisawabi, katuk anyet! Inok ndyak anyet shai atam Gwazi ni nbyang lyen jyi ndyak anyet zazarak bi. ³⁰I hyio, 'Kanang zi wi nshio ba nmam adi zit bi, dak zi si nshio bi nyio wuaram asok anyet ntam Gwazi ni dak.' ³¹Nang hun di anya'i, nyin shai apio nyin nang nyin get nman anyet nang a hyai anyet ntam gwazi ni.³²Nyin mun nhyet kurangy Adi nyin'u. ³³Nyin swak, nman atyo ndyen ili nyio ni'a i swak aswod nwo nman ndong ni?³⁴Hu ndi anya'i, nni tam nyin anyet shai tam Gwazi nbyang anyet lyen nkyang ba anyet tyet chyi. Agyang nyi li hyai ban atyen aghu. ³⁵Agyang ili tsot ba Atu nai bi nbyang vwong bu ukyarang ni. Kyang hu li yet iwa yet ili bai ba aswok zazarak anyet nang akan guram ba bu swanti'u, nyio bi so Habila ni tunad bu uviyem tunai nbyang aghian nai. ³⁶Chuchuk a nyio ban nyi, salai nkyang nei si bi bai ban chian nyin'u.³⁷Urshelima, Urshelima, nwan nang uhyai anyet ntam gwazi ni nbyang mang ban nfang anyet atam ban nwan i! Nyio ania ko dan zan nshio ntung nman ani nang ayang nyuan li ntung nman gu ni ban feb guni, ama usi shim dak! ³⁸Dila, akai uli aki wat anyin ki ayin nshio dak. ³⁹Nang nu ndyat ban nwan i ubi li linu dak kyak nyio ban zan dyai si nang un hyio krok nmiyang ayet atyi abai ba ayurok Atyo."

¹Nini nang mam fwung'u nbwat dadai'i, nang hu chiyet net bi mam fhum'u bi sati'ui, Mariyamu Madalin nbyang Mariyamu angyug u si bai ba li lyak'u, ²Asi nyi gbangdang brum abyin , agwam ntam Atyo wuruk nyet tazi, bai, khi si gwin afang khi drok do, khi sin nswan ban khi.³Wuruk gu'u li nang sai kang'i, a tro gukub si sai nang ten'i. ⁴ Anyet chok bi si tyi zwob bi fok uwun nbyang basi tyi nang nkom anyet'i.⁵Ngwon ntam Gwazi khi lyat ba anyuk bi khisi hyio banbi, ''I yok fok uwun dak ndyen i chat Yesu'a nang a gbwed'i. ⁶ Ashi adi dak, ama akan tabok, bi san gak gun hyio'i. I bai ili uvwo nang an mad Atyi'ui. ⁷ Inad afen i tak anyet hwi gubi, 'A tabok ba nyet akwibi.. Ili, anyet Galili Dusiuan nyin . Aza'u ma ilin di gu.' Ili, ntak nyin.''⁸Anyuk bi si gwan lyak'u afen bu umun nbyang gbangdang fok nyanyang,basi tyok nat batu tak anyet hwi gubi. ⁹ Aza, Yesu si shi bi asi hyio, ''Nbyad nyin!'' Anyuk bi si bai, basi tabet salai atak gubi basi dyap gu. ¹⁰ Ba,aya Yesu si hyio banbi, I yok fok uwun dak. Inat i tak langyug nubi ba nat Galili. Aza'a balinndi nu.''¹¹Nini nang anyuk bi nnyet'i, ba'aya, anyet chok agyang si nwo bumi ukarang basi tak agwam kwi anyet biu Gwazi salai nkyang nang i kwi'i. ¹² Nang anyet kwi anyet bi Gwazi'u nmun ba anyet tad agyi bi'i ba bi chiyang nkyang ni banbi, basi nwak gbangdang krum nat bi ahwad bi ¹³ Asi tak bi, ''I hyio ba kum khi, 'Yesu' anyet hwi gubi bai tutuk basi nyin vam gu'u nang zishi bandi.¹⁴Khi Gwamna fok alyat nhe, zili nai gu zi tyi kyang hu fyep gu ba nwan dak.'' ¹⁵ Ba'aya ahwad bi si lyak krum'u basi nyi bi sangag nang antak bi'i. Alyat nhe si tiyak kub Yahudawabi isi mun gyi uswan bibai ufwun.¹⁶Ama anyet hwi gubi swak bayung basi nad Galili, ba gung nang Yesu tak bi'i. ¹⁷ Nang ba ndi gu'i, basi dyap gu, ama agyang fwo'u si nwak bi dak.¹⁸Yesu si bai banbi asi lyad banbi asi hyio, ''Salai gbangdang'u anwak nu tazi nbyang dunio'u. ¹⁹ Ba'aya i nad i chat anyet hwi salai chachet ukarang'u. I nyi bi baptismadi bumi ayrok Adi, bi ngwon , nbyang zazzarak ntsui.I tyet bi ba hwi salai ukarang nang nkan nyin'i, ili ishi dandung banyin kodanzan, ko nat bi nnhyen swat nti'u.''

¹Anya si gyi uswan ba tyet'u bankwung agyui u anyet deni si tung krak gu. Asi nwo ba kwan sahwat nang hu shio aghui ki i, asi nswan abyin da hu. Salai akpwi ba shio ban kwung agyui u. ² Asi tyet bi nkyang deni ba ga'an. nbyang bu tyet gu u, kyang hwi hwa gusi hyio bambi.³"Ifok, atyi twi nkyang wuruk nad chwi'u. ⁴Nang gun twi'i tsui jiyang si shwad taliyen nduwak, umman si bai isi tang. ⁵Agyang si shwad ba nfang, ba si ti, basi biyo mbin nang bi lin ndai dak, kyang mbio'i, mbin ni shi lung dak.⁶Nang mam u bin tad i, mam u si hyed bi, bi si huwad. ⁷Agyang si shwad ba sakan. Ba si ti, sakan zi si tui bio, tsui azai a sin ntin kyang dak.⁸Agyang si shwad ba a tan mbin ba si ti, ba si lai dusam, tsui azai si shum agyang nshwak ntad, agyang nshwak uti, agyang chi jiyung shuyak kyang nang aka chwi'i." ⁹Aba nyi "atyi abiyo afuwo, yokgu fok!"¹⁰Nang Yesu ba shwan anyin gui, anyet nang ashi mkpen bangu'i nna nbyan swak ba fyang bi a si lyip gu gaan nang gu liyad'i. ¹¹Aba nyi bambi, "Nyin ba aghwak nyin ufi tyok Gwazi khi, kyang u hwa, aniyet ti bi, kudang kyang shi ban ga'an za, ¹²i hwa mbyo, khe bi chiyang, ama, bi chiyang, kyang'uhwa, ba li dak, ihwa mbyo, khe bi fok, ama, bi fok dak, kyang uhwa, ba fuk dak, kha anya dak, ba li buwak, Gwazi a yurub bi zo."¹³A'ba nyi "I fok gaan zi da'a? Ba ili nyio ni'a nfuk akum ga'an khi? ¹⁴Atyi chwi'u chwi swang zi. ¹⁵ Si zi nang i swot taliyen nduwak khi, i ba yet uvwo nang an tib swang zi. Nang ban fok swang zii, tangyirang si bai khi si tawop swang nang a tib ba bii.¹⁶Si beyi ba yet, si bi nang a tib ba nfang nyii, iba nang ba fok swang zii, ba si sa'an ba agwai. ¹⁷Ba chi ana'an dak, ama basi libiyang dadai. Ba'anya zwod ko ngbang si bai ban swang zi, ba si shiyok ba si shiod.¹⁸Agyang ba yet si bi nang a tib ba sakan, zii, ba fok swang zi, ¹⁹kyang'uhwa, adam swanti, nbyang abuwaii swantiu ba zwi zi nbyang shishok shiyad nkyang swanti ni nwo ba si chwi swang zi, ba si bu biyo ntam dak. ²⁰Si bi nang a chwi ba nybin ntan nii' i ba yet, anyet nang a fok swang zii a si sa'an, chi tsui, agyang nshwak ntad, agyang nshwak utii, agyang chi jiyung shuwak kyang nang a khi chwi'i."²¹Yesu si nyi bambi, "Uli bai ba long sang'u bu mi uli achi tafi uchirang, ko tafi agbrak? Uli bai zo bi tu, u'sak ba kyang in sak uwa. ²²Ba kyang nang ani yaddo, nang ali nwai liyen, ba kyang nang ho shi ba dyin nang huli nwai wuruk in ti dak. ²³Atyi a biyo afuwo fok, yok gu fok!"²⁴A ba nyi bambi, "I korok afuwo ba nkyang nang i fok ii, hu swan, nkyang nang i mak'i uhwa alin mak nyin zo, huli shi ma suiyak anya. ²⁵Anya'a atyi abiyo uwa ali ngwak lan, nbyang, atyi nang abiyo dak, ko dadai nang gu biyo'i, ali kyak awan gu."²⁶Yesu si bu hyio, "Tyok Gwazi'u shi nang atyi nang a chwi tsui yak abin'i. ²⁷Asi miyio asi tabok du utswon khi sin ka'ad tu buwo mam, tsui di si ti, isi lai, ko nang gun diyan hangang nang zin ndai'i dak. ²⁸Abin khi tang yag'u apyi khi , ali fhum ba ukung khi, an sak afuwo bi, a wat an sak tsui zi. ²⁹khanang tsui zi kwop, a wat atyi chwi'u a fa'ad lamji'u zan fuwai zi bai."³⁰A ba bu nyi, "Ya'a zi li miyet tyok Gwazi, nbyang gaan zi, an tak hu? ³¹Hu li nang anyii an tsui musta dadai nang a tib, khi si lai, khi si tiyyak abin. ³²Anya'a, khe a tib, asi lai ali yet ga kpakpai tsuiyak, ba akum khe, a wat a tiyyak kasai zi, umman tazi ni li bai in tad uli tafi aza."³³Ba gaan deni ngyi, a sin ndiyad bi swang zi. Salai si nang bishio fok'u i, ³⁴anya'a aliyad bambi kyang nang hu nwai yet ga'an dak. ama khanang gu shio a nyin gu, ali buwai anyet ghwi gu bi kodi kyang.³⁵Utuk ugyang, nang utuk khe nhuwad ii a ba nyi, "I bai zitnat manyi kau'u." ³⁶Ba si drok wad, didid anyet'u, nhui Yesu bi si kyak gu, basi shio nang gu tsak kan nwo ban kwansuhwad'u, nkwan sahwad ngyang khin bin nshio bambi. ³⁷Ga gwun chung si drok. Wun'u bi buwai ayuan sahwad khi chyad ba kwan sahwad'u had sahwad ni sin nhyad kwan sahwad'u.³⁸Anya'a, Yesu apyigu bin shio bu chio, shi ban dii, ba kyang swad. Basi shyib gu, "A atyi tyiyet, hu fiyeb'a nang nzid lin kwii salai da'a?" ³⁹ A si tagbok, asi kam ga gwun'u, a ba nyi ba tsok khi, "Yong tsik" ga gwun'u si gyi young, kudi kyang si chi nyuang.⁴⁰A ba nyi bambi "Ya'a mbio in fuk uwun ni?," Ili nwaii bio chichuk'u?" ⁴¹ Gbandang uwun si tabad bi, bi ba nyi ba agyang bi, "To, anyan a wyii? salai wun'u nbyang tsok khe fuwong gu?"

¹Anyet deny chat ba luru nkyang krok nkyang nang anyio zit zo'i ban jan do i. ²Anyet ba li bu agyi bibi'i nyiet ba suswan u nbyang nbi bamu gyet aghwo nswang alyat bi, iba tak zit. ³ Aya ni ndi humu ngyet usham banu, nang nu lirim kodi kyang chachirak nyio ba suswan'i, nluru'a zo bisangag ji, nwan atyi atan'u Tiyofalas. ⁴Nchat uliyen chachirak nkyang nang akan tyet'a i.⁵Ba njan Hiridus ji, agwam Yahudiya, aki nbio atyi kwi anyet bu Gwazi nang angyai Zakariya, ashi ba apwi Abaija. Abyuk gu u gnyet ba anap Haruna'i ba, ayai gu Alisabatu. ⁶Bi ba yet anyet nyio nkyang ntan na du gyi Gwazi, Chiyet bi'u bio abun dak krok nchyi ni nbyang nkyang Gwazi'u chat ba nyio'i. ⁷Ama ba bio ngwan dak, Alisabatu yet lahu'u, salai bi bu kwop.⁸Utuk ugyang Zakariya shi du ugyi Gwazi nyio ntam kwi anyet bi Gwazi bu uvwo nang gu nshi'i. ⁹ Anyet kwi anyet bi gwazi si hwi ta'ada biji basi hyai Zakariya nwo ba tuu Nai'u ashwai nkyang ibio swam tan. ¹⁰Salai akum apwi anyett'u ba shi bi Nai nti ban jan nang anshwai nkyang ibio swam tan'i.¹¹Aza ngwon ntam Gwazi sintad wuruk bu zakariya, kisi yong ba nbwak yak sandong Gwazi'u nang anshwai nkyang ibio wsam tan'i. ¹²Zakariya si nad mi'adam nang gu ndi gu'i, uwun si tabat gu. ¹³Ama ngwan ntam Gwazi khi si hyio bangu, " Yok fok uwun dak Zakariya, afok nai ahu. Abyuk'uwu Alisabatu li byin'a ngwan gusiyem. Uli chi khi ayirok khi Yohna.¹⁴Ali nyio agwai nbyang asai alyio krok gu, anyet deni li gwai krok byin gu'u. ¹⁵Ali yet gbandang ban kyung Atyio. Ali su sakwhod ukwan dak ko nkyang swo ibio chetdak. Ali shi dandung ba Zazzrak ntsui, gnyet bu ufi ayang gu.¹⁶Anyet deni ba anyet Israila bi ba bwok bai ba Atyo bi Gwazi bi'u. ¹⁷Ali nad bu gyi Atyio ban tsui nbyang chet Iliya. Ali tyi ilyio adi'u hu bwok nad bu nman bini, nbyang anyet feb ipo'u li chong ba nvak mwamwang anyet nyio nkyang ntan. ali nyio nkyang nee bisangag nang anyet bi li nji nvak bini krok Atyo."¹⁸Zakariya si hyio bu ngwon ntam Gwazi khi, "Ni'a nin dyen kyang i? Nkwop, abyuk nu'u mun kwop." ¹⁹Ngwan ntan Gwazi khi si shim gu zo, " Nu'a angyai Gebren, nang ayong du ugyi Gwazi khi i, atam nu nbai ntak'a wa aliyat ntan nei. ²⁰Li, nyet ufun ubuli lngyad u liyat dak, sai utuk nang nkyang ne nkwi'i, krok lak nwak chuchuk ba swang aliyat nu ji'u, kyang i li kwi ban jan di."²¹Ba jan ade, anyet bi fwong Zakariya ba adam yahwa chi gu swan biyang anya bi tu Nai'u. ²²Ama nang gun nguruk'i asi tyu lyad'u ywai ban bi. Ba si fuk nang gun ndi duswon bu tu nai'u. Asi lyat banbi bi bwak, ama angiyad aliyat dak. ²³Nang nmam ntam, guni ntyak'i, asi bwok nad buli abang gu.²⁴Nang nmam anai si nswak'i, abyuk gu'u Alisabatu si shi shyo. Asi niyad apio gu tunad zwat tsuwon. Aba nyio, ²⁵"Kyang'i Atyo'a nyio nu zo, achiyang nu asi tin nu nswum ni ba anyet bi."²⁶Nang alisabatu shi bi shyo'u zwat uti, Gwazi si tam ngwan ntam gu khi Gebren bu ukrang Galili, nang angyai Nazarat, ²⁷bu guniyem nang ki kan dyen atyok dak, nang atyi agyang angyai iyuf a chat bwu gu. A yet kyangbwak Dauda a, guniyen ki ayai ki Maryamu. ²⁸Ngwan ntam Gwazi khi si bai bangu, khi si hyio, " Nbyab'a, nwan atyi ashio kyang tan'i!Atyo'u shi dandung ba nwan." ²⁹Asi nad mi adam apak'agyi ba swang aliyat de, asi mun dam didang akwi byad ka abyad gu.³⁰Ngwan ntam khi si hyio bangu, "Yok fok wun dak Maryamu, ushi yet atan ayin bi Gwazi'u.³¹ Li, uli kyak ufi u byin ngwan asam, uli yai gu 'Yesu'. ³²Ali yet gbandng ayin, ali yai gu ngwan Atyi a nswak'i salai. Atyo Gwazi'u li zan gu kyangnswat tyok Adi gu'u Dauda. ³³Ali nyio tyok'u tutan kyang bwak Yakub'u, tu nad bu igag, tyok gu hu li tyak dak."³⁴Aza Maryamu si nhyio ba ngwan ntan khi, " Huli kwi ni'a, nang di nkan dyen atyok dak?" ³⁵Ngwan ntam Gwazi khi si shim khi ba nyio bangu, "zazrak Nstsui'u li chiyok tutan'a nbyang chet Atyo anwsak'i li shi dandung ba nwan krok anya, Zazzrak Atyi ali byin'i, ali yai gu Ngwan Gwazi.³⁶Li, Alisabatu lanyuk'awu shi bi shyo nwan asam bi kwop'i. Ashi bi shyo zwat uti, akan gyai gu lakhu ayin. ³⁷Ba kyang hu swak chet Gwazi." ³⁸Maryamu si hyio, "Di, ngyet agho Atyo'a.Yok huli bisangag u nhyio'i."Ngwan ntam wazi khi si nkad.³⁹Bu nmam anai, Maryamu si tabok anfyen asi nad bu ukrang agung khi, bu umi ukrang Yahudiya khi. ⁴⁰Asi nad abang Zakariya asi byad Alisabatu. ⁴¹Nang Alisabatu nfok byat Maryamu'i, ngwan ki shi bu ufi gu gu khi'i si chi jujuruk, Zazzrak Ntsui si chiyok tutan Alisabatu.⁴²asi tang'am anghwad khi tazi asi hyio, "U yet atyi nmiyang'a ba anyuk bi, asi mun kro aswun atyintyai'a khi nmiyang. ⁴³Huli ni'a ayang Atyo nu'u bai ba nu'a? ⁴⁴Nang nu nfok angwad byad'a khi ba afwo nu bi'i, ngwan khi shi bu ufi nu ki'i si fub ba agwai. ⁴⁵Ngu atyi anwak chuchuk'i akrok gunmiyang, kyang nang aliyat bangu gnyet ba Atyo'u i hu kwi chachrak."⁴⁶Maryamu si hyio. "Fwo nu hu dyep Atyo, ⁴⁷nbyang tsui nu di igwai bi Gwazi Atyi san nu'u.⁴⁸A chiyang asi li lad nu'u agho guniyem. Ni'ini, tabad gnyet ni'ini tu nad nchiyan li yai nu 'atyi akrok gu nmiyang.' ⁴⁹Gbandang atyo nu'u nyio nu chachet nkyang, ayai gu zazzrak ayin'a.⁵⁰Sitan gu'u shi bu ncha

¹Ba jan ade, jan si bai nang Kaisar Agustus si ntam bi tam chyi afi koda'anyan nang ashi bi ukrang Romawa khi'i. ²Suswan fi'uwa nang anyio ba njan nang Kiriniyas'a nyiet tyok Suriya'u. ³Koda'anyan si nad bu ukrang gu ki afi gu achi bi luru.⁴Isufu si drok nyiet bu ukrang Nazarat Nang ki shi Galili asi chong tunad bu ukrang Yahudiya khi shi Baitalami'i, nang angyai ukrang Dauda, ngu ayet atyi kyangbwak Dauda'a. ⁵A nad aza a luru bi dandung ba Maryamu, nang gu nchat'i ba jan ji nang ba nshi ba adam shi nwan.⁶Nang bali nshi ba aza'i, ufi nbyin si drok Maryamu. ⁷Asi byin ngwa gusiyem, suswan ngwan gu'u, asi grak ngwan khi bi nchong atroh. Asi mad gu bi uvwo anchiyet nyam ji nkyangyak, krok bu shi tu nang bali nwan'i dak.⁸Bu ukrang akai, anyet chok nshio uyitkhi biba chok tsep biji tutuk khi.⁹ Aza, atyi tam Atyo si tad wuruk banbi, gbandang Atyo'u si tadbi, uwun si tabat bi.¹⁰Atyi tam Gwazi'u si hyio banbi, "Iyok fok uwun dak, nchat hyio ba nyin aliyat ntan nang ili chio anyet bi salai ba gwai.¹¹ Ufwun abyin nyin atyi san bu ukrang Dauda! Iwa yet Atyo kristi! ¹²Kyang nang i li li'i hwa hwi, ili shio ngwan nang agrak bu nchong atroh asi mad ki bu uvwo nang anchiyet nyam ji nkyangyak."¹³Aza dandung ba ngwan ntam Gwazi khi asi li apwi ahuwad tazi nang ba dyep Gwazi'u, biba nyio, ¹⁴"Gbandang'a u yet si Gwazi nang ayet aliyak'u i, nbyang ashio swat nyanyang ba anyet bi bu swanti'u nang Gwazi nshyai fwo'u i."¹⁶Ba njan adai nang ngwan ntam Gwazi khi ndrok nad tazi'i, anyet chok bi si hyio ba agyang bi, "Ibai zi nad Baitalami, zi li kyang hu kwi'i, nang Atyo'u chi zi si lien'i." ¹⁵Basi chi hyad nad basi tu shio Maryamu nbyang Isuf, basi li nang amad ngwan ki bu uvwo nang anchiyet nyam ji nkyangyak ni'i.¹⁷Nang ba ndi anya'i, basi tak anyet bi kyang nang atak bi tutan ngwan khi'i. ¹⁸Koda'nyan'a nang afok kyang nang anyet chok bi lyat'i asi nad asai alio. ¹⁹Ama Maryamu si gi'uswan bi dam tutan kyang nang gu fok'i. ²⁰Anyet chok bi si bwok nkad, basi nwak gbandang nbyang dyep Gwazi'u krok kyang nang ba fok'i bi kyang nang ba li'i, bisangag nang anliyat banbi'i.Nang nmam nmam unai' nbwak ni nyio'i nang ali sak ngwan ki bi itam'i, basi chi gu ayurok khi Yesu, ayurok nang ngwan ntam Gwazi khi nwak asi do kyak ufi khi'i.²²Nang nmam kwi apio bini nswak'i, Isuf nbyang Maryamu basi bai ba ngwan khi Urselima bi tu dyep Gwazi'u basi nep ki du'ugyi Atyo, bisangag nang chyi Musa nyio yok na ba nyio'i. ²³Bisangag nang anluru bi chyi Atyo'u i, "Koda ngwan asam nang aka ashi'uswan byin ba yang'u ali yai ki Zazzrak du'ugyi Atyo." ²⁴Basi mu bai basi shwai nyam krok sangag nang chyi Atyo'u nhyio'i, "Abuwad deni nbyang nbang ufiyang."²⁵Aza, Ursheli ma anbio atyi nang angyai saminu. A yet atyi nang anyio nkyang tan nbyang atyi nwak apio bi kyang . Aswan fwong go ali atyi ali bai asan anyet Israilawa bi'i, nbyang zazzrak ntsui mu shi Dandung bangu. Z²⁶azzrak ntsui'u tak gu e da ali hu dak sei nang guli atyo kristi.²⁷Utuk ugyang Zazzrak ntsui si chi gu asi bai bu tu dyep Gwazi'u. Nang anyet nbin Yesu bi bai bangu, a nyio gu kyang nang ta'ada chyi'u chat'i, ²⁸aza saminu si san gu biong nbwak, asi dyep Gwazi asi hyio, ²⁹"Yok aghu'awu adrok nini ba asailiyo, bisangag nang aliyat ani nhyio'i.³⁰Aagyi nu bi li shi san'ahu, ³¹nang nchi du'ugyi anyet deni. ³²Ali yet long'a nang huli tak anyet sang hwi bi chuchuk'u nbyang hu muli yet gbandang'a krok anyet'a bi Israilawa bi."³³Adi ngwan'u nbyang ayang'u husi nang bi adam krok nkyang nang aliyat tutan ngwan ki'i.³⁴ Aza saminu si nkrok bi nmiyang ni asi hyio ba Maryamu ayang ngwan'u, "Sak afwo bi ufok nu! ngwan kai bai'a ki yet shod nbyang vyad anyet deni bi Israilawabi huyet kyang'a nang aliyat tutan. ³⁵Anya, ubai li ntip fwo'ahu, bisangag nang adam anyet deni lin wuruk kpai."³⁶Atyi shai ntam Gwazi anap agyang nshio aza nang angyai Hanatu. A yet ngwan anap Fanuyila bankwai Ashiru. Abwo njio deni bu swanti'u. Bi nyio njio natad nang ba shi dandung bu atyok'u ba nyirang'u,³⁷ atyok'u si hu wot gu njio nswak unai'nbwak ba anai. A swan bu tu dyep Gwazi'u asi gi'uswan bi dyep Gwazi'u bi nai nbyang lai yak, tatam bi tutuk. ³⁸Ba njan adai, asi bai banbi asi kwi ni gwai bi Gwazi'u. Asi liyat tutan ngwan nang kodayan mamkai fwong krok san Urshelima khi.³⁹Nang ba ntyak nyio kodikyang bisangag nang chyi atyo'u nchat'i, basi bwok nad Galili, tunad bu ukrang bi ki Nazarat. ⁴⁰Ngwan ki si lai si lai khi si nbyang chet'u, khi si nbyang mwamwang'u, sitan Gwazi'u si shi dandung bangu.⁴¹Koda alio, adi nbin gu bi nad swang agwai wuruk ji Urshelima. ⁴²Nang ngwang ki shi njio swak ba afiyang, basi bu nad agwai'u gag ta'ada bi ji.⁴³ Nang ban swan giyak aza nyio agwai'i, ba'ba buwod net buli. Ama ngwan ki yesu si bwok nswan urshelima nang adi gubi liyen dak. ⁴⁴Ba kyak e yesu nhwi akum anyet ba chong banbi'i, nyio chiyet mam nyung. Basi kwi chat gu bumi laniuk bibi nbyang apandang bi'bi.⁴⁵Nang da ban shi gu dak'i, basi bwok nad urshelima ba'ba chat gu aza. ⁴⁶Nmam ntad ni nswak'i ba njan adai, basi tu shi gu bu tu dyep Gwazi'u, nang gu swan bu uchio anyet tyet, asi krok afuo bi nfuwong bi aba mu lirim bi. ⁴⁷Salai anyet nang ba fok sangag nang gun fuk tyet du'i nbyang sangag nang gun nshi bi zo'i husi nwak bi uwun.⁴⁸Nang ban shi gu'i, husi nwak bi adam. Ayang'u si hio bangu, ''ngwon,yaha nbio nang uyio zit do angy? fok, adi'a nbyang nu shi ba adam ihwa nbio nang zin chat'a.'' ⁴⁹Asi hio banbi, ''yaha nbio nang nchat nu? ishi bi liyen da'a, nang huyet ti'a ashi nu koda njan abang adi nu?'' ⁵⁰ Ama basi fuk swang alyat guji dak.⁵¹Asin hwi bi bwok nad buli bi ki nazaret aba mu nwuad bi bok'u. Ayang'u si sak nkyang nei salai ban fuo gu'u. ⁵² Ama Yesu si gi'uswon ba lai nbyang mwamwang, chat gu sin nbyang ba Gwazi'u nbyang ba anyet bi.

¹hu suwak'i, Yesu si kwi ka'ad bu bumi ukrang nbyang chuwang ukrang krak, aba tyet nbyang aba shei alyet ntan ni tutan tyok Gwazi'u. Anyet swak ba afiyang bi si nhwi gu, ²anya anyuk agyang nang a tsak kan churok bu katuk ntsui'i nbiyang zwan bi di. Mariyamu a'ngyai Madalin i, a wuruk ban gu katuk ntsui natad; ³Juwana abyuk Chuza alyak chiyang uvwo Hiridu; Susanna; nbiyang akum deni, basi bai ban nkyang bumi nkyang nang ba byo ban tan nkyang nang chat'i.⁴Nang apwi anyet u ntung 'i, anyet ba chong bangu nyiet bu ukrang bu ukrang, asi liyat gaan: ⁵"Atyi khap agyang nad chuwi zwi nkyang, nang gu chuwi'i, zwi jiyang si shuwad taliyen nvak anyet si shai ba atak, uman si tang. ⁶Zwi jiyang si shuwag da nfang, nang ni ntabok lai'uwi, basi huwad dong ba bio sahwat dak.⁷Zwi jiyang sibu shuwad bu sakan, basi lai dandung bu sakan di isi chui bi. ⁸Ama jiyang si shuwad ba nbin ntan Yak'u si bu shio fwi nswak dari" Nang Yesu njiyad anya'i, asi yirong, "Atyi abio ifwo nfok'u a fok."⁹Anyet ghui gu bi si liyip gu kyang nang gaan di fi'i. ¹⁰Yesu si hyio banbi, "Anwak nyin zan i fug kyang asiri tyok Gwazi'u, ama akum anyet khi ali tyet bi ba ngaan da dong, 'Ka ba li ba nwai li'u, ka ba fok ba fuk dak.'¹¹Da ifok kyang nang gaan di fi'i. Zwi di da yet aliyad Gwazi ni. ¹²Zwi nang i shuwad da nvak'i na yet anyet nang ba fok aliyet ni ama tanyirang khi si bu kyak ba nfwo bi ni, dong ba yok shim ba shio san'u dak. ¹³Sibi nang basi shuwad ba afang ki'i, anyet ba nang ba fok aliyat ni, basi san bu asai alio ama ba bio ninan dag; ba nwak chuchuk bu'anzan ka, ka mak u bai ba shuat tu kwi.¹⁴Zwi isi shuwad bu sakan di'i, anyet ba nang ba fok aliyat ni ama bu net bi'u, nbyong fwo ba nkyang swan nti ni nbyang tung nkyang swan nti ni nbyang chat nyanyang swan nti'u chui bi, basi ngyat basi tyi aswum kwob dak. ¹⁵Ama zwi nang ishuwad ba nbin ntan ni'i, anyet ba, nang ba fok aliyat ni basi san bu fwu nyung bu fwu tan, basi chok bu chat basi krok aswum bu shim fwo lap alio.¹⁶Anbio atyi nang ali mad long sang an tagrup kai, ko a tyi tafi tabrak. Sedei ato lab di bu uvwo anvai di'i, ko a'nyan anshi li long'u. ¹⁷Ba kyang hu shi ba ndyin nang ali nwai lien dak, da kyang anyat do nang ali nwai wuruk do tamam dak. ¹⁸Ba anya, tak alio bu fwong uvwu'u, dong duk atyi nang abio'i, abuli nbyang gu do, atyi asibio dak'i, ali san kyang gu dam e abio'i a wat gu."¹⁹Ayang Yesu'u nbiyang lanyug gu bai ba ngu, ama ba ngyat basi bai npuen ba ngu dak krok apwi anyet'u. ²⁰Asi tak gu, "Ayang a'u nbiyang lanyug abi shi tusi chat li'a." ²¹Ama Yesu si shim aba nyio banbi, "Anyet ba fwong aliyat Gwazi ni biba nyi ntam ba ni'i ba yet ayang nu bu lanyug nu bi."²²Ba anya ba nmam anai nang Yesu nbiyang anyet ghui gu bi tu nyak kapung byai sakhwat, aba nyio banbi, "Ibai zi byok nat bu abak anyung'u." Basi nkad. ²³Nang ba nnyet'i, Yesu si kai ndi, ubung si ta wuruk bu wun nchat, sakhuat si kwi nwai bu kapung'u, ba shi bu hatsari.²⁴Anyet ghui Yesu bi si bai bi shiyip gu "Atyi uli, Atyi uli, zi li kwi!" Asi tabok asi kam wun'u nbiyang ghuan sahwad'u, nbiyang ceased, basi bwok yong chuk. ²⁵Asi hio banbi, "chuchuk nyin u shio aze'a?" Shi bu fok uwun'u, basi fok asai alio, biba nyio ba agyang, "Anyan a'i, nang wun'u ma nbiyang sahwad ni fuwong chyi gu'u?"²⁶Basi bai ba nkyai Jerasenes, nwuan Galili. ²⁷Nang Yesu nchyok i, agyang anyet bu ukrang khi si shio gu, atyi awai bio katuk ntsui. Akyak zan, nang gu kub aturo dak da aswan buli dak, se bu liyak.²⁸Nang gu ndi Yesu i, asi chio nkwun, asi shuwad du uswan gu. Bu gbandang anwad, asi hyio, "Ya nin nyio ba nwan Yesu, ngwan gbandang Gwazi tuzi'u? Nnai'a, yok tyi nu ndi ashong agyi dak." ²⁹Yesu si kam katuk ntsui'u yok gu wuruk ba afai'u, dong zan bu zan i yong tsuwad gu. An vai gu bu tswam nna shekul, a chok gu, ama an tsak ni chi kangkang katuk ntsui bi ba vwong gu tyi do uyit.³⁰Yesu si liyip gu, "A yai'a anyan'a? asi hio, "Tuli," dong katuk ntsui nang ba nwo gu'i ba shi. ³¹Biba nai gu nang gu lin yok tyi bi banat tu nwo abis dak.³²Anbio ushurung alede nang a chok ba afan khi, basi nai gu a wan bi ba nwo bu ushurung alede khi. Asi wan bi bisi ma nyio anya. ³³Katuk ntsui bi si ma wuruk ba afai tu nwo bu a alede bi, ushurung khi si tyat chung du ugrak afan khi tu nwo da achung'u, asi hwan bi.³⁴Nang anyet chok bi ndi kyang hu kwi'i, basi tyong tutak bu umi nbiyang achuwang ukrang u. ³⁵Anyet basi fok i si wuruk ba to li kyang hu kwi'i, basi nat bi Yesu tu shio nang katuk ntsui'u kan wuruk asi wan afai'u. A kub aturo, apio gu khi si shi chachirak, aba swan ba atak Yesu bi, basi fok uwun.³⁷Anyet basi li kyang hu kwi'i, si tu hio ba akum anyet khi gag nang an churok afai nang katuk ntsui bi bwan do'i. ³⁶Salai anyet nkyai Gerasin ni ba nyio bi Yesu eyok gu drok awan bi, dong gbandang uwun tabat bi. Yesu si nwo bu kapwong byai sahwat'u asi bwok nkad.³⁸Afai nang Katuk ntsui bi wuruk ban gu'i si nai Yesu go ayok gu an ghui gu, ama Yesu si nvuwong gu, aba nyi bangu, ³⁹"Bwok nad buli ufang chachat nkyang nang Gwazi'u nyi ado'i." Afai'u si kai vak'u, fang bu umi ukrang khi salai, chachat nkyang nang Yesu nyio gu do'i.⁴⁰Apwi anyet'u si san Yesu nang gu nbwok bai'i, dong bi ma nkai nfwong gu. ⁴¹Aza, atyi agyang si bai nang angyai Jairus, ayet aliyak'a bu sinagos. Jairus si shuwad ba atak Yesu bi aba nai gu go abai abang gu, ⁴²dong abio ngwang gunyem unyung ka ndai, nyet ilyi swak ba afiyang, nang khi vwo cha ghu. Bu nyet'u, apwi anyet'u ba gfok gu.⁴³Abyuk agyang si nshio nang atyong asok ilyi swak ba afiyang, hyai kurum gu'u ba asibiti, ama ashi chirok dak. ⁴⁴Asi nyet maliyim Yesu asi nsak bwak unu aturo Yesu khi, bu'umi nzan, asok srang ni yong.⁴⁵Yesu si hyio, "Anyang'a nsak bwak'u ba nu?" nang ko'anyan nfwo'i, Bitud si hyio, "Atyi uli, apwi anyet uwa fyang da nwan grak'a wi." ⁴⁶Ama Yesu si hyio, "Ayin sak bwak ban nu, nfok nang chet wuruk ban nu."⁴⁷Nang abyuk'u ndi gag nyat kyang gu nyi'i dak'i, as bai bu chirim vam. Asi shuwad du u'swan Yesu, asi hyio du uswan anyet khi salai, kyang nbio gu nsak bwak'u di Yesu'i, asi chirok bu umi nzan. ⁴⁸Asi hyio ban khi, "Gunyem nu, nad du'usham, chuchuk ahu churok a.⁴⁹Nang yesu lishyi bu aliyat ni, ayin si bai nyet bu uli aliyak tu Nai'u, aba hyio, "Yok vrang atyi tyet'u dak. Ngwan anab aki ghu." ⁵⁰Ama nang Yesu nfok'i, aba hyio, "Yok fok uwun dak. Nwak chuchuk, khili churok."⁵¹Nang gu nbai bu uli khi'i, ayok ayin si nghui gu dak, se Bitud, Yohna nbiyang Yakub, adi ngwan'u ba ayang'u. ⁵²Anyet bi salai twai unak ban nkhi, asi hyio, "Iyok twai dak. khi ghu dak, khi shi ba ndi na." ⁵³Ama ba lien khi nghu a'i, basi mai gu mai jwai.⁵⁴Asi kyak bwak gunyem'u, asi yirong, aba hyio, "Ngwan, tabok."⁵⁵ Tsui khi di si bwok, khi si tabok bu umi nzan. Aba nio eyok azan khi yak khi gyi. ⁵⁶Mamaki si tabad anyet nbyin ngwan bi, ama Yesu si hyio banbi yok bi yok tak ayin kyang hu kwi'i dak.

¹Ban zan azai, agyang anyet si tak gu tutan atyi Galili nang Bilatu hyei bu Zinang bi zi'i. ²Yesu si hyio ban bi, "I dam e Galitiyawa be byo katuk u lan salai akum Galitiyawabi krok ngbang ba swo da vak i? ³Ka'ai,Ntak nyin. Ama khanang i kok ntong dak, salai nyin mu li swo zwot bu dan vak i.⁴Ki anyet suwak buunenbwak ashi Siliyam abei nang gi tu'u swat asi hyai, u dam e bayet ga anyet katuk ba lan atyok ashio Urshelima i? ⁵Nyio ka'ai, ki ilak kok ntong ni, salai nyin itibi ghu."⁶Yesu si tak bi gaan jyang, "Ayin tip atyin bafwai bu abin gu, aba bai go ali kui alin shio bafwai'u, ama asi tu nshhio kyang dak. ⁷Asi hyio bu atyi chiyang nkyang gu kap i, 'Di, kunat aliyo atak nang nchong chiyang asum bu bafuwai i dak, tyap chio abin. U wat gu nchat ya?'Atyi chiyang nkyang ghiap ni si hyio, 'Iyok gu ba alio kee, n'ni gyep krak atyin ki nu ntyo abi. Kanang khi sum, hu yet, ama kanang ki bo sum dak, asi tyap chio abin!'"¹⁰Ni'ini Yesu shi bu tyet bu tu Nai gyang ba mam fuwung Yahudawa u. ¹¹Abyuk agyang shi aza nang katuk ntsui kwi gu vam tat ndyo swak bu unenbwak, asi bwak totong bu luluk vam u.¹²Nang Yesu ndi gu i, asi yurong gu asi hyio ngi, "Abyuk, ntin a zwan zee." ¹³Asi krok mbwak ni bangu, bu di yong u, asi vuat katsak, asi ghiak dyap Gwazi. ¹⁴Aliyak tu Nai u si fok tsuwai nang Yesu in chirok utuk mam fuwung Yahudawa khi'i. Aliyak u si shim asi hyio, "Nmam uti nshio nang huyet an nyio tam i. Ibai ba nmam anai achirok nyin, bambu mam fuwung Yahudawa u."¹⁵Atyo si shi bi dyo ngi, "Anyet lyen aliyat! Huli yet konyan ban nyin abiyuk kuzaki gu khi ko nyam gu zi a nang zi saghuat utuk mam fuwung khi da? ¹⁶Ngwan anab Ibrahim khi nang tanyrang khi lap nat ndyo swak bu unebwak, se alak biyuk gu bu lap u ba mam fuwung Yahudawa u?"Nang gu ndyat nkyang nei, kakap anyet bu lak li gu i si fok nsu, ama apwi anyet u salai shi ba agwai krok gbandang kyang gu nyio'i.¹⁸Yesu si hyio, "Tyok Gwazi'u li ni'a, yaha nin mak hu? ¹⁹Huli e antwi bram na'i nang ayi kyak tu ti bi titam'i, kanang gu lai chi ga alyak ukwan, gu uman tuzi bi ti bi bai a bi nok uli bi ni ba njyit nbwak di."²⁰Asi bo hyio, "Yaya nni mak shi tyok Gwazi'u? ²¹Huli e anhyo yisti nang abyuk kyak nhyai bu nhiyo nang amak nat utat, sinang gu muwai tutan.²²Yesu si nghuai bu ukrang ugyang ba nvak nyet Urshelima atyi tyet bi. ²³Agyang anyet si hyio bangu, "Atyo, anyet ali shio san swan zi'i, ba li shi da?" Asi hyio banbi, ²⁴"I kwan i nghuo bu a tatrak nvak khi, agyang banyin li kwan ba nghuo, ama ba li ngyat dak.²⁵Kanang atyi-uli'u drok asi fang inyit tu'u, ili yong tusi i tsuwat inyit'u i hyio, 'Atyo, tyi zi nghuo.' Awad anyio banyin 'Ndyen nyin dak, i nyiet aze a.' ²⁶I wad i hyio, 'Zi gyi bu suwo du uswan'a, zi si tyet ba nvak. ²⁷Asi krak ntan bi, 'N'nyio ba nyin, Ndyen nyin dak inyiet aze. Idrok mpwen ban nu, ga anyet nyio gurap.²⁸Aza isi len twei bu gyi anyung bi iwad ili Ibrahim, Ishaku, Yakub nbiyang ga anyet shai ntam Gwazi bi bu tyok Gwazi u, ama nyin, ali ti nyin tusi. ²⁹Bali nyiet ba afam nbwak yak, afam nbwak miyang, uzi nbiyang utak, awad ba swan ba sat di tebul ghyi yak bu tyok Gwazi'u. ³⁰I lyen nang anyet anhan i, iba li kok uswan, anyet a kok uswan ki'i, iba li nghan³¹Bumi nzan, Farisiyawabi si bai bu tak gu, drok nat gbang Hiridus tsat hyat da." ³²Yesu si hyio, "Inat itak ibwu utuk akai, Nturung katuk ntsui, nsi chirok anyet ufuwun bu utswan bu mam tad'u nang ni tyak kyang nchat'i.' ³³Bu nu, nni fuwung gyi uswan nu ufuwun bu utswan bu mam hu nsak'i dak, nang hu ngyet kyang ntan na a ghiat atyi tam Gwazi anyeiet Urshelima'i dak.³⁴Urshelima, Urshelima, anyan na ghai anyet ntam Gwazi bi, asi mang anyet atam ba nyin i, sangak nu ndam'i, ntung nyin nang ayang nwan ntung nman gu ni tafi afiyep gu khi'i, a wat ibi chat dak. ³⁵Di, uli nyin ki li brum. Ntak nyin, ili li nu dak sanang i hyio, 'Ali krok anyet abai ba ayrok Atyo khi'i nmiyang.'"

¹²Abun byo agyang anyet nang angye Laazarus ,nang gu shi bu zwan. Asi wuruk nyiet Bitani, ukarang Mariya nbyang lanyuk gu'u Matta. Ngu Mariya awai li krok Atyo amio ni ba atak'bi awot ayurup bu pzio gu'u, nang lanyuk asam gu vuwo.³Mbi lanyuk uniem bi,ba liyat bu Yesu ngi, "Atyo, li, atyi uchat'i, avuwo." ⁴Nang Yesu nfok anya'i, asi hiyo, "Zwan zei- yet sinang gulin ghu dak, iwi kag yet si dyap Gwazi za, anya ngwon Gwazi ki ma lin shio dyap'u."⁵Nini Yesu chat Matta bu lanyuk'u nbyang Laazarus. ⁶Nang gun fok zwan Laazarus zi'i, Yesu sibon nbyang nmam fiyang bu uvwo gun nshio'i. ⁷Nang sihwi nsuwak'i, asi nyio bu anyet ghui gu bi, "Ibai zibo nat bu ukarang Yahudiya."⁸Anyet ghui bi si hiyo ban gu, "Adi, Yahudawa be si ta mang'a nini, uhwa u bu ta nat aza?" ⁹Yesu si sim bi dyo, "Zan tswam ziyet swak ba fiyang bu mam'u da? Atyi achong tamam ki atu tak dak, achiyang uvwo ni salai.¹⁰Ba anya,ka achong tutuk, ali tuk tak ban dyin nu, nang uvwo ki in shai dak'i." ¹¹Yesu si liyat nkyang nei- nang hu sin swak'i, asi hiyo banbi, "Kpandang zit'u Laazarus bu kaindi, ama inyet ntan tabok gu bandi ni."¹²Anyet ghui gu bi si hiyo bangu, Atyo, kibi kan ndi'a atibi ship. '' ¹³Nini Yesu sak kan tak bi aliyat aghu Laazarus ni, aba ngye aliyat aliyat swat andi na. ¹⁴Yesu si ga tak bi gang nang, "Laazarus nghu.¹⁵Nbyo asai alio, banghuan, nang nwai nshio'i in nghuak chuchuk. Yok zi nat ban gu." ¹⁶Toma, nang angye Didamus'i, si hiyo ba akum anyet ghui ki, "Yok zi mu nad zi mu ta ghu bu Yesu."¹⁷Nang Yesu nbai'i, asi bi shio nang Laazarus kan tyak nmam nnai bu liyak'u. ¹⁸Nang Bitani'u shi impwen bu Jerusalem zi, ugrak ki nat mak swak-ba-fuwon. ¹⁹Ga Yahudawa agyang si bai bu Matta nbyang Mariya, ăbyat aghu lanyuk biki. ²⁰Nini nang Matta nfok e Yesu'a tubai'i, asi nat tu shio gu, nang Marya swan gangu buli.²¹Matta si hiyo bu Yesu, Atyo, kuwu ma nshio azi, lanyuk nu sak li ghu dak. ²²Ba anya'u, ndien nang ku yaha uliyip Gwazi'u, ali nghuak'a." ²³Yesu si hiyo ban gu, Lanyuk'a wu buli ship.²⁴Matta si hiyo bangu, "ndiyen nang gulin ship drok'u, bu mam tyak'u." ²⁵Yesu si hyio ban gu, Nnuwa ngyet ship drok'u bu swon zi; atyi nang anghuak chuchuk ba nu, ko aghu, abuli swon; ²⁶atyi ashio bu swon zi asi nghuak chuchuk ba nu ali ghu dak. I nghuak chuchuk anya?"²⁷Asi hiyo ban gu, "E, Atyo, inghuak chuchuk nang nghuan na yet Kristi, ngwan Gwazi, atyi nang atubai bu swanti'u i." ²⁸Nang gun fok ngi asi nad tu yurong lanyuk gu ntsang. Asi hiyo, Atyi tyet'u bai azi nghuan na gu yei." ²⁹Nang Maria nfok ngi, asi drok hiyat tu shio Yesu.³¹Nini Yesu sak kan bai mpwen bu ukarang ki dak am ³⁰a aba shi buvwo nang Matta nshio gu'i. Aza Yahudawa bi nang ba shio bu Mariya buli ki ba kurum gu, gun di gu gbongbong'i asi tabok wuruk nti, aba ghui gu; aga nyio anyet twei bu liyak'u hwa. ³²Nang Mariya nbai asi bin di Yesu, asi swat abin ba atak gu bi asi hiyo, "Atyo, Ku uwu man nshio, dak si lanyuk nu aghu dak."³³Nang Yesu ndi gu chiyed agyi ni, nbyang Yahudawa ashi aza mun twei, asi bwok nat ban tsui guzi nang ibzyan'i; ³⁴asi liyip bi, ''Azea in sak gu? '' asi hiyo bangu, Atyo bai uli, ³⁵Yesu si srang agyi ni.³⁶Yahudawa bi si hiyo, Di sangak gun chat Laazarus!" ³⁷Ama agyang bi si hyio bangu, "Atyu wi wa tyang anyet bi agyi bi da, uwa bo chi atyu'i alak ghu'u?"̌³⁸Nang Yesu, sibi tsu ba pio gu'i, sinat bu liyak'u. Ama tai'a, asi nsak ga fang. ³⁹Yesu si hiyo, Ikyak afang ki" Matta, lanyuk Laazarus'atyi aghu'i, si hiyo bu Yesu, Atyo, ban zan ze nang kwom'u bwi, asak kannat nmam nai. ⁴⁰Yesu si hiyo bangu, "Nsak kan tak nyin nang kiyi nghuak chuchuk'u, ili li sitan Gwazi'u da?⁴¹Aza bansin tin afang ki.Yesu si gbad agyi gubi asi hiyo, Adi, Ngwai ba nghuan nang un fuwong nu'i. ⁴²Ndien nang ufuwong nu bat ama nchat ga anyet ayong krak nu be- ba fok kyang ndiyad di, aza balin nghuak chuchuk'u ba atyi a tam nu'i.⁴³Nang gun tyak aliyat ni, asi kak kun tutan ngi, Laazarus, tat wuruk!" ⁴⁴Atyi aghu'i si wuruk nti, bu tyang ayro nang agad gu ban kwam'i, ugyi guki si kut ba atro bi. Yesu si hyio banbi, Ibiyuk gu iwad gu ankat"⁴⁵Nini ga Yahudawa bi si bai bi Mariya ali kyang gu nyio'i, basi nghuak chuchuk dangu. ⁴⁶Ama agyyang bi si nat tu tak farisiyawabi nkyang nang Yesu kan nyi'i.⁴⁷Agwam kwi aniyet bi Gwazi nbiyang farisiwa bi, si tung dandung ba ugrak ukrang bi, a ba nyi "Yaha zili nyio? Atyi'i yiwo ntam buwuk liyok deni. ⁴⁸Khi zit wangu nang gu nyiwo nkyangnai, salai aniyet bi li hui gu; Romawabi li bai ba bi san uvwo zit ni nbiyang gban dang abin zit'u."⁴⁹Nang hundi anya'ai, atyi angyng Afang Kayafa nang ayet a liyak atyi kwi aniyet ba Gwazi ba aliyo akai, nyi ban bi, "Iliyen ko kyang dak. ⁵⁰Nyin ikyang chi ba adam, kyang anag huli la'an nying, atyi anyung'a aghu nyin do, nang ga anyet ukrang bi salai lin yurubi da'a."⁵¹Nini, aba nyi, dutan apio gu duk ama di hangag nang gun gyet aliyak kwi aniyet ba Gwazi alio akai ka,⁵² asi tak nkyang itubai'i, Yesu aghu abun khi do salai. Ba ukrang khe anying man hui Gwazi ni nang asi du uvwo ngyangi. ⁵³Nyiet utuk akai, ba si chiyo Yesu dushwan hangag nang ba lin hyiat gu'i.⁵⁴Nyet utuk akai, Yesu ba chung kpasai ba anyet Yahudawabi dak, ama asi kham apio gu , bawok na'ad bu ukrang ugyang nang angyai Iframu. Aza gu sin nswan ba nhui gubi.⁵⁵ Nang agwai wuruk Isarilawabi mbai mkpen'i, didit aniyet si nat ba ukrang Urshalim, be kwi apio bi.⁵⁶Biba chat Yesu, a ba lyat ba agyang bi, nang bin ngyong ba tu hui'i "Ya'a idam? I da ali bai ba uvwo agwai wuruk khi da'a?" ⁵⁷ Nini, chachat anyet kwi anyet ba Gwazi nbyang Farisawa bi si nwak zan nang salai atyi nang aliyen uvwo nang Yesu nshio'i, yok atyi awai bai atak bi, ba ashi a tabat gu.

¹Tiofalod, nang kwi abuat nang nmi tsak kan dru i, hu tak nkyang nang Yesu bi fhum nyio i nbyang tyet u i, ²kamin mam nang an kyak gu nat do tazi i. Nang gu bin kham bumi zazzarak ntsui'i ba anyet nang gu ghai anyet ntam gubi, ³Anyet nang gu wuruk bu gyi bi, bu swan di i nang gu bun tyak swo nghbang ni i. Bumi mmam nswagnnai asi gyi uswan bi ghuwud bi u, a ba nyi i dam tyok Gwazi.⁴Nang gu bin mun ko da nzan dandung banbi; asi kham bi nang bali nghok gwan Urshalima dak ama ba fuwong lab'unu adi u, da sangag gu bin bio'i,"I fok banu ⁵ i li Yohna bi yio baptisma gudi bu sahwat ama bumi mmam dadai,ili yio baptisma di ba zazzarak ntsui."⁶Nang ban ntung dandung i basi lyip gu, "Atyio'u, zanzan za ulin nbwong bi tyok u bai do Isirela." ⁷ A si hio ban bi, "Si nyin a dak i lyan zandi ko ndyi ni nang Adi u sak i gbandang gu a. ⁸Ama ili san chet, ka nang Zazzarak ntsui u bai tutan nyin, ali yet anyet alyat tutan nu bumi Urshalima ki nbyang salai umi Yahuda ki bi Samariya di, nbyang tanad ban nkyung swat nti u."⁹Nang Yesu Atyio u nhyio nkyang ne i, nang ban gbad aghi bi tutan i, asi tagham gu tutan, nbyang anyan bi si nyad gu ba ghi bibi. ¹⁰ Nang ban chyang tutan ki bi net gu i, ba aza, anyet afyang si yong npwen banbi ba atro asai. ¹¹ Basi hyio, "Nyin anyet Galili, yaha i yong adi chiyang tutan?" Yesu wi nang akyak banyin nat do bumi tazi i anya gu bulin nbai bi sangag indi gu bi net bumi tazi ki u."¹²Aza babi bwok nat Urshalima nyet ba afan Zaitun, nang ki shio npwen bi Urshalima di i, chyet nang hu nat mel anyung. ¹³Nang ban nhwo i, ba si nat tutan ba atu tutanbi, bi uvwo nang ban suwat i. I ba nghi Bitud, Yohna, Yakub, Andrawud, Filibud, Toma, Batalomi, Matyu, Yakub ngwon Halfa khi, Siman si Zalod, nbyang Yahuda ngwan Yakub khi. ¹⁴ Ba si tung a pio bi salai dandung nang atyio anyung i basi ghi uswuwan nbyang whuak fwo bi nai'u. Nbyang anyuk, Malyamu ayang Yesu'u nbyang lanyuk ku bi.¹⁵Ba mam anyai Bitud si tabok yong bu chio lanyuk khi,nang anyet 120, asi hio, ¹⁶ "Lanyuk, hu bi yet ti ha nang alyat Gwazi ni lin nhyad i, di sangag zazzarak ntsui u ndyad bunu Dawuda da nyand Yahuda, atyu akwak ashioki ba anyet nang ba tabat Yesu i.¹⁷A bi yet anyung banzit nbyang asi san tam huyet singu i ban ntam nei." ¹⁸(Nini atyu'i san abin bi katuk nyio gu'u. Bumi anyha abi shwat ba apio, ufi guki fwai gang, nkyang ufi guni si whem nti. ¹⁹Salai anyet ba swant Urshalima basi lyen na angye abin khi ba lyam biki ''Akeldama'' wato ''abin asuwok.'')²⁰Bi sangag an dru ban kwi abwat Zabula di i, yok abin gu khi yet kyang lak, nbyang i yok ghan ayin an swan aza dak. yok ayin akyak uvwo tyok gu khi.²¹Hu yet ti a, sabo ba anya, nang anyet nanmg babi chong dandung banzit salai i ban zan nang Yesu Atyio bin whai bi ghut bumi zit'i, ²²nhyad ban zan baptisma Yohna di tunad bi mam nang a bin kyak gu ghuan zit asi nat do tazi, kyang nyung ban kyang ne li yet zit kyang alyat tutan gu bi tagbok gu'u." ²³ Ba si tyio anyet afiyang duswan, Isifu nang anghi Banaba a mun ghe gu Justus, nbyang Matiad.²⁴Basi nai basi hyio, "Hwan, Atyio, u lyen nfwo anyet ni salai, wuruk ba ayin ba anyet afiyang be nang u hgyai ²⁵ a kyak uvwo ntam atyi ntam nang Yahuda gwan asi nat bu vwo gu khi." ²⁶ Ba si nyio bi hgyai, hgyai u sin shwat bi Matiad asi fang gu ntyio ba a nyet ntam suwak bayung bi.