¹Chuo cha mbari ya Jesu Kristo mvalwa wa Daudi, mvalwa wa Ibrahimu. ²Ibrahimu warikogho Aba wa isaka, na Isaka Aba wa Yakobo Aba wa YUda na wambari wake. ³Yuda warikogho Aba wa peresi na sera kwa Tamari, Peresi Aba wa Hezeroni, na Hezeroni Aba wa Ramu.⁴Ramu warikogho Aba wa Aminadabu, Aminadabu Aba wa Nashoni, na Nashoni Aba wa Salimoni. ⁵Salimoni warikogho Aba wa Boazi kwa Rahabu, Boazi aba wa Obedi kwa Ruthu, Obedi aba wa Jese. ⁶Jese warikogho aba wa Mgimbikwa Daudi. Daudi warikogho aba wa Sulemani kwa mka wa uria.⁷Sulemani warikogho aba wa Rehoboamu, Rehoboamu aba wa Abiya, aba wa Asa. ⁸Asa warikogho aba wa Yehoshafati, Yehoshafati aba wa Yoramu, Yoramu aba wa Uzia.⁹Uzia warikogho aba wa Yothamu, Yothamu aba wa Ahazi, Ahazi aba wa Hezekia. ¹⁰Hezekia warikogho aba wa Manase, Manase aba wa Amoni na Amoni mwana wa Yosia. ¹¹Yosia warikogho aba wa Yekonia na wambari wake makati gha kuwusighwa kughenda Babeli.¹²Wawusighwe kughenda Babeli, uko Yekonia warikogho aba wa Shatiel, Shatieli warikogho ndee na Zerubabeli. ¹³Zerubabeli warikogho aba wa Abiudi, Abiudi aba wa Eliakimu, na Eliakimu aba wa Azori. ¹⁴Azori wariogho aba wa Zadoki, aba wa Akimu, na Akimu aba wa Eliudi.¹⁵Eliudi warikogho aba wa Elieza, Elieza aba wa matani na matani aba wa Yakobo. ¹⁶Yakobo warikogho aba wa Yusufu mumi wa Mariamu, ambaye kwaye Jesu wavalwe, awangwagha Kristo. ¹⁷Vizazi vose tangu Ibrahimu hata Daudi varikogho vizazi kumi na vina, na kufuma kuwusigwa kughenda Babeli hata Kristo ni vizazi kumi na vina.¹⁸Kuvalwa kwa Jesu Kristo kurikogho huwu, mae Mariamu, washushighwa ni Yusufu, kabla ndawaisire kumwana, akawokneka akona inda kwa uwezo gwa roho wa kuela. ¹⁹Mndumni wake Yusufu, warikogho mndu wa hachi ndakudie kumfunya whaya kuelie. Wateganyie kuusigha uchumba gwake nae kwa kiviso.²⁰Makati akogho akitenganya ighu ya malagho agha, Malaika wa Mzuri wamfumirie nddonyi, akideda, "Yusufu mvalwa wa Daudi, usaboe kumwusa Mariamu kama mkako, inda ako nayo ni kwa uweza gwa Roho wa kuela. ²¹Ima wava mwana wa kiwomi irina jake ima wamwanga Jesu, hoyu ima awaelesha wandu wake na zambi rawhe.²²Agha ghose ghafumirie kutimira chija chidediwe ni Mzuri kwa chia ya mlodi, akideda, ²³Guwa, mwai ima wadwa inda na kuva mwana wa kiwomi, ima wamwanga irina jake imanueli--idamaanisha, "Mlungu amweri na isi."²⁴Yusufu wawukie dilonyi na kubonya kama andu waghoriwe ni malaika wa Mzuri na wamwusie kama mkake. ²⁵Hata huwo, ndatungure nae mpaka akava mwana wa kiwomi na wamwangie irina jake Jesu.

¹Jesu achavalwa Bethelehemu ya uyahudi maruwa gha mgimbikwa Herode, wandu wasomi kufuma mashariki ya kula wafikie Yerusalemu wakideda. " ²Ako ahoavalwe mgimbikwa wa wayahudi? daiwonie nyenyeri yake mashariki naisi dacha kumtasa" ³Huyo mgimbikwa Herode achasikira agha wafadhaika, na Yerusalemu yose andu amweri nae.⁴Herode akawawika ndu amweri vilongozi wa kuasa wabaha wose na waandishi wa wandu, akawakotia, "Kristo ima wavalwa hao? ⁵Wakaghoria, "Aha Betheleemu ya uyahudi, uwu ndiko iandikigwe ni mlodi. ⁶Nawe Bethelehemu, isangenyi ja Yuda, sio mtinyi imbiri mwa vilongozi wa Yuda, kufuma kwako ima wacha mtawala awa lishaa wandu wapwa Isreli."⁷Huwo Herode awawangie waja wasomi kwa kisivo akawakotia ni makati ki hasa nyenyeri irikogho yawoneka. ⁸Akawaduma Bethelehemu, akideda, " ghendenyi kwa uangalifu mkamlole mwana wavalwe. Mkamwona, nredienyi habari ili nanyi pia niche na kumtsa.⁹Wachmsikira mgimbikwa, waendelee na charo chawhe, na nyenyeri ija warikogho waiwona mashariki yawakarie hata ikaka kimsighu andu avalwe mwana. ¹⁰Wachaiwona ija nyenyeri, wakaboiwa kwa furaha mbaha nanganyi.¹¹Wangirie nyumbenyi na kumwona mwana wavalwe ni mae Mariamu. Wamsujudie na kumtasa. Wafunguie hazina rawhe na kumfunyia zawadi ra dhahabu, uvumba na manemane. ¹²Mlungu awakashie ndodonyi wasawuye kwa Herode, huwo, waingie kuwuya katika isanga jawhe kwa chia imwe.¹³Warikogho wainga, malaika wa Mzuri wamfumirie Yusufu ndodonyi na kughora , "Wukia, mwuse mwana na mae mkimbie Misri. Kenyi uko kweni mpaka niwaghorie, kwani Herode ima wamlola mwana ili ambwaghe. ¹⁴Kio icho Yusufu wawukie akaamwusa mwana na mae na kukimbia Misri. ¹⁵Wakee uko mpaka Herode akafwa. Ihi yatimirie chija Mzuri adedie kuidia mlodi, kufuma Misri na mwanga mwanapwa."¹⁶Huyo Herode, wachawona wazihakiwa ni wandu wasomi, wowonie virea nanganyi. Walagizie kubagwa kwa wana wose wa kiwomi waikogho Bethelehemu na wose warikogho isanga jija ambajo warikogho na umri gwa miaka miwi nandonyi yake kufwana na maghadi ambagho waghathibitisha kabisa kufuma kwa waja wandu wasomi.¹⁷Niko jikatimirwa jija ilagho jidediwe kwa momu gwa mlodi Yeremia. ¹⁸Sauti yasikiriwe Ramah, kifwa na kulila kubaha, Raheli akiwalilia wanake, na wale ghie kufarijiwa, kwani wanake ndaweko sena.¹⁹Herode akafwa, niko malaika wa Mzuri akamfumiria Yusufu ndodonyi uko Misri na kudeda, ²⁰"Wukia mwuse mwana na mae, mghende katrika isanga ja Israeli waja ambawo warikogho wakilola banana ya mwana wafwie. ²¹Yusufu wawukie, akamwusa mwana andu amweri na mae, wakacha katika isanga ja Israeli.²²Lakini achasikira kuwa Arikelau ada tawala Yuda andu kwa ndee Herode, akaboa kughenda uko. Baada ya Mlungu kumkasha katika ndodo, waingie kughenda mkoa gwa Galilaya. ²³Na waghendie kuka katika mzi uwangwaa Nazareti. Iji jatimirie kija chidediwe kwa chia ya wolodi, kwamba ima wawangwa Mnazareti.

¹Maruwa ghaja Yohana mbatizaji wachee akihubiri katika kireti cha Yda akidedea, ²"Tesiwenyi zambi kwa maana ugimbikwa gwa mbingunyi u avui." ³Kwani niye adediwe ni mlodi Isaya akideda, "Sauti ya mundu awangaye kufuma jangwenyi, wikenyi nicha chia ya Mzuri, ghaghoenyi maidio ghake.⁴Idana Yohana warwae mafuri gha ngamila na mkanda gwa mrongo kiwonyi mwake. Vindo vake virikogho nzige na wuki gwa choki ya isakenyi. ⁵Niko Yerusalemu, Yuda yose, na andu kose kuzulukagha mweda gwa Yordani wa kaghenda kwake. ⁶Warikogho wakibatizigwa ni ye katika mweda gwa Yorrdani kunu wakitesiwa zambi rawhe.⁷Ye achawawona wengi wa mafarisayo na masadukayo wakicha kwake kubatizigwa, akawaghoria , "Inyo wuvazi gwa choka wako na sumu ani wawaonya kukimbia ghazabu ichagha? ⁸Venyi matunda gha kutesiwa zambi. ⁹Na inyo msategaye na kudediana imbiri yenyu. Deko nae Ibrahimu kama Aba wedu. Nanyi ndawaghoria Mlungu wadimagha kumnulia Ibrahimu wana kufuma katika magwe agha.¹⁰Isoka jawikwa kala murinyi gwa midi. kwaa huwo kila mdi ghusawagha matunda ghaboie hudemwagha na kudagwa modonyi. ¹¹Ndawabatiza kwa machi kwa ajili ya kutesi wa zambi. Ye achagha imbiri yapwa ni mbaha kuliko nyi nanyi sistaili kuvinua vadu vake.Ye ima awabatiza kwa Ngolo wa kuela na kwa modo. ¹²Na ipepeto jake jeko mkonunyi mwake kueleshakabisa uwanda gwake na kuiwika andu amweri ngo yake kainyi. Ye aghakoraa mawewe ka modo ghusarimikaa.¹³Niko Jesu akacha kufuma Galilaya atamwedagha gwa Yordani kubatizigwa ni Yohana. ¹⁴Ye Yohana wakundieghe kumghiria akideda, "Nyi ndakundi kubatizigwa ni we, nawe wacha kwapwa?" ¹⁵Jesu wamjibu akadeda, "Ruhusu ike iji aha, huwu diko yadipasa kuitimira hachi yose." Niko Yohana akamruhusu.¹⁶Andu wameria kubatizigwa, Jesu wafumie machinyi na guwa, mbingu rikafunulwa kwake. Na waamwonie Ngolo wa Mlungu akisea kwa mfano gwa njiwa na kunyama kima ighu yake. ¹⁷Guwa, sauti yafumie mbingunyi ikideda, "Huyu ni mwanapwa mkundwa nimkundi nanganyi.

¹Niko Jesu wkirishiwe ni ngolo mbaka ijangwenyi ili agheriwe ni ibilisi. ²Warikogho wafunga kwa maruwa arobaini dime na kio mwisho wapatie njala. ³Mgheria akacha na akamzera, "kama we ni mvalwa wa Mlungu, amuru magwe agha ghake mkate." ⁴Ila Jesu wamjibu na kumghoria, "yaandikiwe mndu ndakaa banana kwa mkate tu, bali kwa kila ilagho jifumaa momunyi mwa Mlungu."⁵Niko ibilisi akamghenja mzi mtakatifu na kumwika andu kwa ighu kwa ijengo ja hekalu/ ⁶Na kumghoria, "kama we ni mvala wa Mlungu kiburuse ndonyi, kwa maana yaandikiwe, ima walagiza malaika wake wakudake na ima wakunua kwa mikonu yawhe, ili usakikuwe kughu kwako katika igwe.⁷Jesu akamghoria, "sena yaandikiwe, usagherie Mlungu wako." ⁸Niko ibilisi akamwusa na kumghenja andu kwa ighu zaidi akambonyera falme rose ra urumwengu na fahari ya hiro rose. ⁹Akamzera, "Ima nakuneka vilambo vose hivi ukanisujudia na kunitasa."¹⁰Niko Jesu akamghoria, "ghenda chia rako ufume aha, shetani! yaandikiwe, umtase Mlungu wako, na umtumikie ye mweni." ¹¹Niko ibilisi akamsigha, guwa , malaika wakacha wakamtumikia.¹²Basi Jesu achasikira Yohana wawhadigwa, waingie akaghenda Galilaya. ¹³Waingie Nazareti akaghenda kuka kapernaumu, yeko mbaimbai na bahari ya Galilaya, mpakenyi mwa majimbo gha zabuloni na Naftali.¹⁴Ihi yafumirie kutimira chija chidediwe ni mlodi Isaya, ¹⁵Katika mzigwa Naftali, kughenda baharinyi, kimonu cha Yordani, Galilaya ya wa wamatifa! ¹⁶Wandu wakee kirenyi wawonie mwanga mbaha, na waja wakee masanga gha kiju cha kifwa, ighu yawhe nuru yawa lumikia."¹⁷Kwa makati agho Jesu waanzie kuhubiri na kudeda, "Tesi wenyi zambi kwa maana ugimbikwa gwa mbingunyi gwafika."¹⁸Warikogho akighenda mbaimbai ya bahari ya Galilaya, wawawonie wambari wawi, Simoni awangiwe Petro, na Andrea mbaha wake, wakiwika ngavu baharinyi, ambawo warikogho wavuvi wa samaki. ¹⁹Jesu akawaghoria, "chonyi mninughirie, ima namibonyakuka wavuvi wa wandu." ²⁰Wakasigha ngavu rawhe wakamnughiria.²¹Na ye Jesu warikogho akiendelea kufuma aho wawawonie wambari wawi wamwe, Yakobo mvalwa wa Zebedayo, na Yohana mbaha wake. Warikogho katika mtumbwi andu amweri ni Zebedayo ndee wawhe wakishona ngavu rawhe akawawanga. ²²Wakasigha mtumbwi na ndee wawhe nawo wakamnughuria.²³Jesu wawaghendie karibia Galilaya yose, akifundisha masinagoginyi kwawhe, akihubiri injili ya ugimbikwa, na akikira mrazi gha aina rose na makongo imbiri ya wandu. ²⁴Habari rake raenee siria yose, na wandu wakaredigwa kwake waja wose warikogho wakiwha, wakika na mrazi tofauti luwawo, wakona mapepo, na wagwagha chongo na waolole. Jesu akawakira. ²⁵Umati mbaha gwa wandu wamnughirie kufuma Galilaya, na Dekapoli, na Yerusalemu na Uyahudi na kufuma kimonu cha Yordani.

¹Jesu wacha uwona umati, akaingia na kughenda lighongonyi wachaka ndonyi, wanafunzi wake wakacha kwake. ²Akawusira momu gwake akawafundisha, akideda, ³"Heri weko masikini wa ngolo maana ufalme wa mbingunyi ni gwahwe. ⁴Heri weko na huzuni, maana imafarijiwa.⁵Heri waorie, ima wapala isanga. ⁶Heri wanjala na kau ya hachi, maana ima waghudishigwa. ⁷Heri wako na wughoma awo ima wapata wughoma. ⁸Heri wekona ngolo itakate maana ima wamwona Mlungu.⁹Heri wapatanishi, maana awo ima wawangwa wa Mlunggu. ¹⁰Heri waja watesigwa kwa ajili ya hachi, maana ufalme wa mbingunyi ni wawhe.¹¹Heri inyo ambawo wandu ima wamianyira na kuwatesa angu kuwadedia kila aina ya ubaya kwa utee kwa ajili yapwa. ¹²Boiwenyi na kushangilia, maana thawabu yenyu ni mbaha ighu mbingunyi. Na huwu niko wandu wawtesie walodi wakee kabla ya inyo.¹³Inyo ni munyu gwa urumwengu. Idana kama munyu gwa laghasha ladha yake, ima yakawada kubonyika munyu ghuja gweni sena? kamwe ndaidimaa kuboa kwa kilambo chimwe chocho sena,bali ni kudagwa shighadi na kuwhadigwa shighadi na kuwhadigwa ni maghu gha wandu. ¹⁴Inyo ni nuru ya ulumwengu. Mzi gwaaghigwa ighu ya chughongo ndauvisikaa.¹⁵Wala wandu ndawawasha taa na kuriwika ndonyi ya ngau, bali kinarenyi, nayo idawamulika wose wekoondenyi ya nyumba. ¹⁶Sigha nuru yenyu imulike imbiri ya wandu ili kwamba, waghawone matendo ghenyu ghaboie na kumtukuza Aba wenyu akoo mbingunyi.¹⁷Msatenganye nachee kuinona sheria wala walodi. Sichee kunona ila kutimira. ¹⁸Kwa loli ndawaghoria kwamba hadi mbingunyi dunia rose riide ndakudae yodi imweri wala nukta imweri ya sheria iinjigwagha katika sheria hadi aho kila kilambo chikaka chatimizigwa.¹⁹Huwo wowose achukaanyaye amri ndinyi mojawapo ya amri iri na kuwafundisha wamwe kubonya uwo ima wawangwa mtinyi katika ufalme gwa mbingunyi. Lakini wowose ariwhadagha na kurifundisha ima wawangwa mbaha katika ufalme gwa mbingunyi. ²⁰Kwa maana ndawaghoria hachi ya waandishi na mafarisayo, kwa vovose wuja ndamngiaa katika u8falme gwa mbingunyi.²¹Mwaskira yadediwe aho kala kuwa, "Usabawghe" na wowose abwaghae ako katika hatari ya hukumu. ²²Lakini ndawghoria wowose amzamiwagha mbari wake kuwa, We ni mndu usaboie,! ima waka katika hatari ya ibaraza. Na wowose adedae, 'We wakelie'! ima waka katika hatari ya madogwa Jehanamu.²³Huwo `kama udafanya sadaka yako madhabahunyi na udakumbuka kuwa mbari wako akona ilagho jojose kuhusu we, ²⁴Isighe sadaka imbiri ya madhabahu, kishawada chia rako. Ghendapatana kwanza ni mbari wako, niko uche kuifunya sadaka yako.²⁵Patana ni mkisa wako karuwaruwa, ukika andu amweri nae chienyi kughenda mahakamenyi, bila huwo mkisa wako adimagha mikonunyi mwa hakimu, na hakimu akusighe mikonunyi mwa askari, na we ima wadagwa gerezenyi. ²⁶Amin ndawaghoria, kamwe nduwikigwa huru hadi walipa senti ya mwisho ya pesa udaiwaa.²⁷Mwasikikra yadediwe kuwa, 'Usazini.' ²⁸Lakini ndawaghoria wowose amguwaa mndumka kwa kumtamani wazini nae kala ngolonyi mwake.²⁹V29 Na kama iriso jako ja kujo jidakubonya kukikuwa jikue na ujidaghe mbai nawe. Ni afadhali kiungo chimweri katika muwi gwako kinoneke kuliko muwi mlanzi kudagwa Jehanamu. ³⁰Na kama mkonu gwako gwa kujo udakubonya kukikuwa, udeme kisha uudange mbai nawe afadhali kimweri katika muwi gwako kinoneke kuliko muwi mlanzi kudagwa Jehanamu.³¹Yadediwe pi, wowose ambingisaa mkake, na amneke kati ya talaka,' ³²Lakinyi ndawaghoria, wowose amsighaa mkake, ila tu kwa sababu ya zinaa, ambaya kuka mzinzi. Na wowose wamlowuwaa baada ya kunekwa talaka adabonya uzinzi.³³Sena, mwasikira yadediwe kwa waja wa kala 'Msalawe kwa tee, bali ghenyenyi virawo vyenyu kwa Mzuri. ³⁴Lakini ndawaghoria, msalawe hata kugheria ama kwa mbingu, kwa sababu ni enzi ya Mlungu,' ³⁵Wala kwa Dunia, maana ni andu kwa kuwika kifumbi cha kuwhadia chwao rake, ama kwa Jerusalemu, maana ni mzi wa mgimbikwa mbaha.³⁶Wala usalawe kwa chongo chako, maana ndudimaa kubonya ivunga jimweri kuka jachokwa angu jadilu. ³⁷Bali malagho ghenyu ghake, 'Hee, hee, mm, mm kwa kuwa ghazidii agho ghafumaa kwa yuja azamie.³⁸Mwasikira yadediwe kuwa,' Iriso kwa iriso, na ighegho kwa ighegho.' ³⁹Lakini nyi ndawaghoria, mashindane ni mundu wazamie, 'lakini mndu akikukaba indumbu ja kujo mwaghusie na jimwe pia.⁴⁰Na kama wowose adamani kughenda ni we mahakamenyi na akakukosa kazu yako, msighie n ijoho jako pia. ⁴¹Na wowose akulazimishaye kughenda nae maili imweri, ghenda nae maili iwi. ⁴²Kwa wowose akulombaa mneke, na usamleghe wowose akundii kukopa.⁴³Mwasikira yadediwe, 'umkunde jiranyi yako, na umzamiwe mlaghe laghe wako. ⁴⁴Lakini ndawaghoria, wakundenyi walaghe laghe wenyu, watasienyi wamizamiwaa, ⁴⁵Ili kwamba mke wana wa Aba wenyu ako mbingunyi kwakuwa adabonya iruwa jiwamulike wazamie na waboie, na awanyeshea vua wazamie na waboie.⁴⁶Kama mkawakunda wamikundi inyo, mkdapata thawabu ki? ⁴⁷Na kama mkawasalimu wambari wenyu tu mdapata indoi zaidi ya wamwe? Je! wandu wa mataifa ndawabonyaa waruwa huwo? ⁴⁸Huwo basi idawapasa kuka wakamilifu, kama Aba wenyu wa mbingunyi ako mkamilifu.

¹Maziria kutobonya matendo gha hachi imbiri ya wadu ili kukibonyiria, bila huwo ndupataa thawabu kufuma kwa Aba ako mbingunyi. ²Huwo basi andu ufunyaa usakabe igunda na kusifu mweni kama wanafiki andu wabonyagha katika masinagogi na mitaenyi, ili kwamba wandu wawasifu. Loli ndawaghoria, wameria kuwokera thawabu yawhe.³Lakini waandu ufunyaa, mkonu gwako gwa kumoshu ghusaichi kibonyikagha ni mkonu gwa kujo, ⁴Ili kwamba zawadi yako ifunyigwe kwa kiviso. Niko Aba wako awaonye kivisioni ima wakuneka thawabu yako.⁵Na wakati ukitasa, usake kama wanafiki, kwakuwa wadakundi kukakimsi na kutasa masinagoginyi na kuko kona ra mitaenyi, ili kwamba wandu wawaguwe. Loli ndawaghoria, wameria kuwokera thawabu yawhe. ⁶Lakini we andu utasaa, ngia chumbenyi. Rugha mjango, na utase kwa Aba wako ako kivisoni. Niko Aba wako awonaye kivisoni ima wakuneka thawabu yako. ⁷Na wakati ukitasa, usaburie madedo gha sadae maana kama mataifa andu wabonyaa, kwa kuwa wateganyaa kwamba ima wakasikirwa kwa madedo mengi wadedaa.⁸Kwa huwo, usake kama awo, kwa kuwa Aba wako waichi mahitaji ghako hata kabla ndutasie kwake. ⁹Huwo basi tasa huwu: Aba wedu uko mbingunyi, ujitukuze irina jako. ¹⁰Ufalme gwako uche, mapenzi ghako ghabonyeke aha dunienyi kama uko mbingunyi.¹¹Udinekagha linu mkate gwedu gwa kila siku. ¹²Udisamehe deni redu, kama na isi andu dawasamehe wasile wedu. ¹³Na usadirede katika kugheriwa, lakini udiepushe kufuma kwa yuja uzamie.¹⁴Kama imamwawasamehe wandu makosa ghawhe, Aba wako ako mbingunyi ima awsamehe inyo. ¹⁵Kama ndamwasamehe makosa ghawhe, wala Aba wenyu ndawasamehe makosa ghenyu.¹⁶Zaidi ya yose, andu ukaka wafunga, usabonyerie wushu gwa huzuni kama wanafiki andu wabonyaa, kwa kuwa wadakucha sura rawhe ili kwamba wandu wawamanye wafunga. Loli ndawaghoria, wameria kuwokera thawabu yawhe. ¹⁷Lakini we, wandu ukaka wafunga, via mavunda chango chako na uoghe wushu gwako. ¹⁸Huwo ndaibonyiriagha imbiri ya wandu kuwa wafunga, lakini tu imayaka kwa Aba wako ako kivisioni. Na Aba wako awonagha kivisioni, ima wakuneka thawabu yako.¹⁹Usakiwie hazina yako mweni aha dunienyi, ambawo nondo na kutu hunona, ambawo wating'a huchukanya na kuiwa. ²⁰Badala yake, kiwikie hazina yako mweni mbingunyi, ambako wala nondo wala kutu ndadimaa kunona, na ambako wating'a ndawadimaa kuchukanya na kuiwa. ²¹Kwa wuja hazina yako andu iko, niko na ngolo yako iko pia.²²Iriso ni taa ya muwi. Kwa huwo, ikaka iriso jako ni ilanzi muwi gwose imawachurigwa. ²³Lakini ikaka iriso jako ni ibovu, muwi gwako gwose gwachua kira kibaha. Kwa huwo, ikaka nuru ambayo yeko ndenyi yako ni kira kabisa, ni kira kibaha ni wada! ²⁴Ndakudae hata umweri adimagha kuwatumikia wamwi wawi. Kwa kuwa ima wazamiwa ni umweri na kumkunda umwi, angu la sivyo ima wakaifunya kwa umweri na kumdharau umwi. Ndandimaa kumtumikia Mlungu na mali.²⁵Kwa huwo ndakughoria, usake na mashaka kuhusu maisha ghako, kuwa ima waja indoiau ima wanywa indoi, angu kuhusu muwi gwako, ima warwai. Je! maisha si zaidi ya vindo n muwi zaidi ya kurwa? ²⁶Guwa wanyonyi wekoo angenyi. Ndawawaa na ndawa kwashaa na ndawa kusanyaa na kuwika koinyi, lakini Aba wenyu wa mbingunyi huwajisa awo. Je inyo si wathamani kuliko wo?²⁷Na ni ani imbiri yenyu kwa kukigaisha adimaa kuchuria dhiraa imweri kuko banana ya maisha ghake? ²⁸Na kwa indoi mdaka na wasiwasi kuhusu kurwa? tenganya kuhusu maruwa? kuko mbuwa, andu ghazoghuaa. Ndaghabonyaa kazi na ndaghadimaa kukirusha. ²⁹Bado ndawaghoria, hata sulemani katika utukufu gwake gwose ndarushiwe kama moja wapo ya agha.³⁰Kama Mlungu agharushaa manyasi katika mbuwa, ambagho ghadumu iruwa jimweri na kesho ghadadagwa katika modo, je ni kwa kiasi kiwarushagha inyo mko na imani ndini? ³¹Kwa huwo msake na wasiwaasi na kuded, 'Je imadaja indoi?' angu je imadagwa indoi? angu "Je! ima darwa nguwo ki?"³²Kwa kuwa mataifa wadalola malagho agha, na Aba wenyu wa mbingunyi adaichi kuwa kuwa mdakundi agho. ³³Lakini kwanza lolenyi ufalme gwake na hachi yake na agha ghose ima ghakazigwa kwako. ³⁴Kwa huwo usawone shaka kwa ajili ya kesho, kwa kuwa kesho ima yakishuhulikia yeni. Kila siku idatosha kuka na itatizo jake yeni.

¹Usahukumu, nawe usache kuhumiwa. ²Kwa hukumu ijayenyi, nawe ima wahukumiwa. Na kwa kiasi upimagha na we ima wapiwa icho cheni.³Na kwa indoi udaguwa kipande cha mdi chiko irisonyi ja mmbari wako, lakini nduelewagha kipande cha igogo ambajo jeko katika iriso jako? ⁴Udima wada kudeda kwa mbari wako, sighaniku funyie kipande chiko irisonyi kwako, wa kati kipande cha igogo cheko ndenyi ya iriso jako? ⁵Mnafiki we; kwanza funya igogo jiko irisonyi kwako, na niko udima kuwona nicha na kukifunya kipande cha mdi chiko irisonyi ja mmbari wako.⁶Usawaneke makoshi cheko kitakatifu, na usawadaghie nguwe lulu imbiri yawhe. Kama siko imawavinona na kuviwhadia kwa maghu, na sena ima wakughukia we na kukurarua vipande vipande.⁷Tasa, nawe ima wanekwa. Lola, nawe ima wapata. Kaba hodi, na we ima warughuriwa. ⁸Kwa wowose atasaa, ima wawokera. Na kwa wowose alolaa, ima wapata. Na kwa mndu ambae akaba hodi, dima warughuriwa. ⁹Angu kuko mndu imbiri yenyu ambae, ikaka mwanake amlomba kipande cha mkate ima wamneka igwe? ¹⁰Angu ikaka amlombagha samaki, na ye ima wamneka choka?¹¹Kwa huwo,ikika inyo mwawazamie mdaichi kuwaneka wana wenyu zawadi riboie, Je! ni kiasi ki zaidi Aba ako mbingunyi awanekagha vilambo viboie waja wamlombagha ye? ¹²Kwa sababu hiyo, ukakunda kubonyiwa kilambo chochose ni wandu wamwe, na we pia imayakubonya kuwabonyia woruwo huwo nawhe. Kwa wuja hiyo ni sheria na walodi.¹³Ngienyi kwa kuidia geti ifunyu. Kwa kuwa getini ishabwa na chia ni shabwa iongozaa kuzamie, na kuko wandu wengi waidagha chia iyo. ¹⁴Geti ni ifunyu ni chia iongozagha katika banana nani watineri wadima kuiwona.¹⁵Kihazari na walodi wa tee, wachagha warwa mrongo gwa ng'ondi, lakini loli ni makoshi gha isakenyi ghabirie. ¹⁶Kwa matunda ghawhe ima mwawamanya. Je wandu wadimagha kuwahaya matunda injwenyi, angu mtini kuko mbeu ya mbaruti. ¹⁷Kwa huwo, kila mdi ghuboie gwa vagha matunda ghaboie, lakini mdi ghuzamie gwavagha matunda ghazamie.¹⁸Mdi ghuboie ndaudimagha kuva matunda ghazamie, wala mdi ghuzamie ndaudimagha kuva matunda ghaboie. ¹⁹Kila mdi ghusavagha matunda ghaboie ima wademwa na kudagwa modonyi. ²⁰Huwo basi, ima mwawamanya kufumana na matunda ghawhe.²¹Si kila mndu anighiriagha n, 'Mzuri, Mzuri; angiagha katika ufalme gwa mbingunyi, bali ni yuja mweni keri abonyaye mapenzi gha Aba wapwa ako mbingunyi. ²²Wandu wengi imawanighoria maruwa agho, 'Mzuri, Mzuri, ndadifunyie wulodi kwa iri na jako, ndadifunyie mapepo, kwa irina jako, na kwa irina jako dabonyie matendo mengi mabaha? ²³Niko imawaghoria mwari, siwachi inyo! ingenyi kwapwa, inyo mbonyaa ghazamie.²⁴Kwa huwo, kila umweri asikiragha madedo ghapwa na kutii ima wafwanana na mndu akona hekima aaghiye nyumba yake ighu lwalenyi. ²⁵Vua ikanya, mafuriko ghakacha, na upepo ghukacha na ghukaikaba nyumba iyo, lakini ndaidimie kugwa ndonyi, kwa kuwa yakogho yuagwa ighu lwalenyi.²⁶Lakini kila mndu asikaragha ilagho japwa na asajitii, ima wafwananishwa na mndu mpumbavu aaghie nyumbayake ighu ya ndoe. ²⁷Vua ikacha, mafuriko ghakacha, na upepo ghukacha na kuikaba nyumba iyo. Na ikagwa na kunoneka kwake kukakamilika."²⁸Gha fikie maruwa Jesu achameria kudeda malogho agha, makutano washangaie mafundisho ghake, ²⁹Kwa wuja wafundishie kama mndu akona mamlaka, na si kama waandishi wawhe.

¹Wakati Jesu achasea ndonyi kufuma chughoghonyi, umati mbha wamnughie. ²Guwa, mkoma wachee na kusujudu imbiri yake, akadeda, "Mzuri, ikaka uko tayari, wadima kanibonya nike aelie". ³Jesu akaghunyoosha mkonu gwake na kumwhada, akadeda, "Neko tayari. Uke aelie." Aweni watakasiwe ukoma gwake.⁴Jesu akamghoria, "Usadede kwa mndu wowose. Whada chia rako, na ghenda kibonyirie mweni kwa kuhani na ufunye zawadi ambayo Musa walagiza, ili ike ushuhuda kwawhe.⁵Wakati Jesu achafika kaprenaumu, Jemedari wachee kwake akamkotia ⁶Akideda, "Mzuri mtumishi wapwa watungura nyumbenyi waolola na ako namaumivu gha kutisha." ⁷Jesu akamghoria, "Ima nacha na kumkira".⁸Jemedari wajibie na kumghoria, Mzuri, Nyisi wa thamani hata uche na kungia ndenyi ya dari yapwa, deda ilagho tu na mtumishi wapwa ima wakirwa. ⁹Kwa kuwa nyi pia mndu niko na mamlaka, na niko nawo askari weko ndenyi yapwa. Nikideda kwa huyo, "Adaghenda, na kwa umwi choo na ye hucha, na kwa mtumishi wapwa, 'bonya huwu,' na ye adabonya huwo" ¹⁰Wakati Jesu achasikira agha, washangazigwa na kuwaghoria waja warikogho wakimnughiria, "Loli ndawaghorie, sipatie kuwoona mndu ako na imani kama huyu katika Israeli.¹¹Ndawagoria, wengi iwawacha kufuma mashariki na magharibi, imawaka katika meza andu amweri na Ibrahimu, Isaka na Yakobo, katika ufalme gwa mbingunyi. ¹²Lakinyi wana wa ufalme imawadagwa katiaka kira cha shighadi, ambako ima kwaka na kifwa na kusaga maghegho. ¹³Jesu akamghoria Jemedari, "Ghenda! kama andu waamini, na ibonyeke huwo kwako" na mtumishi wakiriwe katika saa hiyo yeni.¹⁴Wakati Jesu wachafika nyumbenyi kwa petro, wamwona mkeku wake na Petro watungura akika mkongo wa homa. ¹⁵Jesu akamwhada mkonu gwake, na ihoma jke jikamsigha. Kisha akawukia akaanza kumuhudumia.¹⁶Ichafika kwenyi, wndu wakamredia Jesu wengi watawaliwe ni pepo. Akawawabingisa pepo na waja weko wakongo akawakira. ¹⁷Kwa kubonya huwu yatimia yaja yamerie kudedigwa ni Isaya Mlodi, "Ye mweni wawusie makongo ghedu na wadwae marazi ghedu"¹⁸Kisha Jesu wachajiwona kusanyiko jamzunguruka, wafunyie maelezo gha kughenda luwande lumwi lwa bahari ya Galilaya. ¹⁹Kisha mwandishi akacha kwake na kumghoria, "Mwalimu, ima nakughoria kokose ughendaa." ²⁰Jesu akamghoria, "Makoshi gha isakenyi ghako na mashimo, na wanyonyi wa angenyi wako na vichungu, lakini mvalwa waAdamu ndadae andu kwa kutungurisha chongo chake."²¹Mwanafunzi umwi akamghoria, Mzuri, niruhusu kwanza nighende mrika Aba." ²²Lakini Jesu akamghoria, "Ninughirie, na uwasighe wafu warike wafu wawhe."²³Jesu wachangia mtumbwinyi, wanafunzi wake wakamnugha mtumbwinyi. ²⁴Guwa, ikawukia zaruba mbaha ighu ya bahari, hata ikaka mtumbwi wafunikiwe ni mawimbi. Lakini Jesu warikogho watungura. ²⁵Wanafunzi wakacha kwake na kumwusira wakideda, "Mzuri, ditesie isi, didaghenda kufwa"²⁶Jesu akawaghoria, "kwa indoi mdaboa, inyo mko na imani ndini? niko akawukia na kughukemea upepo na bahari. Kisha kukaka na utulivu mbaha, ²⁷Womi wakawhadigwa ni mshangao wakadeda, "Huyu mundu ni wa wada? kwamba hata pepo na bahari vidamtii ye?"²⁸Wakati Jesu wakogho akicha luwande lumwi lwa isanga ja magadala, womi wawi warikogho watawaligwa ni mapepo wakwana nae. Warikogho wakifuma na makaburinyi na warikogho wakibonya vurugu sana, kiasi kwamba ndakudae mcharo adimaa kuida chia ija. ²⁹Guwa, wapazie sauti na kudeda, "Niko na indoi cha kubonya kwako, mvalwa wa Mlungu? wacha aha kuditesa kabla ya wakati ndauseefika?³⁰Idana kundi ibaha ja nguwe jirikogho jikilisha, ndakukee kula sana na aja andu weko. ³¹Pepo waendelee kulalamika kwa Jesu na kudeda, "ikaka ima wadiamuru kufuma, dighenje ikundinyi ja nguwe." ³²Jesu akawaghoria, "ghendenyi" pepo wakawafuma na kughenda kwa nguwe. Na guwa, ikundi joise jikasea kufuma chughonyi kusea baharinyi na jose jikafwa machinyi.³³Womi warikogho wakilisha nguwe wakimbirie na waghendie Mzinyi wakaghora kila kilambo, hususani chifumirie kwa womi warikogho watawaligwa ni mapepo. ³⁴Guwa, mzi mlanzi ukacha kukwana na Jesu. Wachamwona, wakamsihi ainge mkoenyi kwa whe.

¹Jesu akangia botinyi, akavuka na akafika kuko mzi warikogho adaka. ²Guwa, wakamredia mndu waolole watungurishigwa itandikonyi wachaiwona imani yawhe, Jesu akamgheria mndu waolole, "mwanapwa, uke na furaha, zambi rako rasamehewa"³Guwa, baadhi ya walimu washeria wakadeda weni kwa weni, "Huyu mndu ako na kufuru" ⁴Jesu akamanya mawazo ghawhe na kudeda, kwa indoi mdawaza ghazamie ngolonyi kwenyu? ⁵Chiao chiko rahisi kudeda, 'zambi rako rasamehewa' angu kudeda, 'kakimsi na ughende?' ⁶Lakini mmanye ya kwamba mvalwa wa Adamu ako na uwezo gwa kusamehe zambi..."waghadedie agha kwa yuja waolole, ''kakimsi," wusa igodoro jako, na ughende nyumbenyi kwako"⁷Niko yuja mundu akakimsi na kuinga kughenda nyumbani kwake. ⁸Makutano wachawona agho, washangae na kumsifu Mlungu, ambae wawaneka uwezo agho wandu. ⁹Na Jesu warikogho akiida kufuma aho, wamwanie mundu ambae wawangie kwa irina ja mathayo, aambae waarikogho waka andu kwa wawhada ushuru.Na ye akamghoria, "Ninughe nyi" na ye akakamsi na kumnughiria.¹⁰Na Jesu wakee ili aje vindo ndenyi ya nyumba, wakacha wawhada ushuru wengi na wandu wazamie wakaja vindo andu amweri na Jesu na wandu wanafunzi wake. ¹¹Niko mafarisayo wakayawona agho, wakawaghoria wanafunzi kwa indoi mwalimu wenyu adaja vindo andu amweri na wawhada ushuru na wandu wazamie?"¹²Jesu wachasikira agho nae akadeda wandu weko na afya iboie ndawahitaji mganga, isipokuwa waja weko wakongo. ¹³Idawapasa mghende mkakifunze maana yake, "Ndakundi wughoma na sio zabihu" kwa wuja nachee, si kwa wekona hachi kutesiwa zambi, lakini kwa wenona zambi.¹⁴Niko wanafunzi wa Yohana wakancha kwake na kudeda, "kwaindoi isi na mafarisayo didafunga, lakini wanafunzi wako ndawafungaa?" ¹⁵Jesu akawaghoria, Je wasindikizaji wa arusi wadimaa kuka na huzuni pindi Bwana arusi akika anduamweri nawo? lakini maruwa ghadacha ambako Bwana arusi ima wawusigwa kufuma kwawhe, na niko wafungaa.¹⁶Ndakudae mundu awikagha kipande cha nguwo mbishi andu kuko nguwo ya kala, kiraka ima charashulwa kufuma andu kuko nguwo na mrashulo mbaha ima wafuma.¹⁷Ndakudae wandu wawikagha chofi mbishi andu kuko chombo cha chofi ya kala, ikaka wabonya, mrongo imagwarashulwa, chofi imayalaghaya na mrongo ima gwaoneka. Badala yake, huwika chofi mbishi katika mrongo mwishi na vose imavaka nicha.¹⁸Wakati Jesu wakogho akiwaghoria malagho agho, guwa Afisa akacha akasujudu imbiri yake, naye akadeda, "Mwanapwa wa waka wafwa demkweniji, lakini cho na uwike mkonu gwako ighu yake na ye ima waishi sena. ¹⁹Niko Jesu akakamsi na kumnugha na wanafunzi wake pia.²⁰Guwa, mka ambae warikogho akifuma bagha wa makati gha miaka kumi na iwi, akacha karibu na Jesu na akawhada andu kuko ipindo ja ivazi jake. ²¹Kwa wuja wadedie, "kama ni kawhada ivazi jake, nami ima naboia." ²²Jesu akaaghuka na kumguwa na kumghoria. "Mwai, whda ngolo, imani yako ya kubonya uboe," Na makati agho gheni mkaakaboa makati agho.²³Na jesu wachafika nyumbenyi kwa Afisa, na ye wawonie wakaba magunda na umati gwa wandu urikogho ukikaba jogho. ²⁴Na ye akadeda, "Inyeni aha, kwa waja mwaindafwie, bali watungura. Lakini wo wakamseka na kumkebehi.²⁵Na waja wandu wachafunyigwa shighadi, akangia chumbenyi na kumwhada mkonu na mwai akawukia. ²⁶Na habari iri rikae na katika mzi mlanzi.²⁷Niko Jesu warikogho akiida kufuma aja, womi wawi vipofu wakamnugha waendelee kukaba jogho wakideda, daomba udirehemu, mvalwa wa Daudi. ²⁸Pindi Jesu warikogho wafika nyumbenyi, waja vipofu wakacha kwake. Jesu akawaghoria, "Mdaamini kwamba nadimagha kubonya?" Nawo wakamghoria "Hee, Mzuri"²⁹Niko Jesu akawhada meso ghawhe na kudeda, "Na ibonyeke huwo kwenyu kama andu imani yenyu yamiduma" ³⁰Na meso ghawhe ghakafumbuka. Niko Jesu akasisitiza akawamuru na kudeda "Guwenyi mundu wowose asamanye kuhusu ilagho iji." ³¹Lakini wandu awawi wakainga na kudeda habari iri andu kase mzi mlanzi.³²Noko waja womi wawi warikogho wakighenda chia rawhe, ni ipepo akaredigwa kwa Jesu. ³³Na pepo wachamfuma, yuja mndu bubu akaanza kudeda "Ihi ndaisere kufumiria katika Israeli. ³⁴Lakini mafarisayo warikogho wakideda "kwa wakuu wa pepo, adawabighisa mapepo"³⁵Jesu akaghenda kuko mizi yose na vijiji. Amaendelea kufundisha masinagoginyi, akihubiri injili ya ufalme, na kukira makongo gha kila aina na ghuzaifu gwaaina rose. ³⁶Wakati achaghuwona umati, akawawania mbazi kwa sababu wagawie na kuvarika ngolo. Warikogho kwa ng'ondi wasadae mlisha.³⁷Na ye akawaghoria wanafunzi wake. "Mavuno ni mengi, lakini wabonyakazi ni watineri. ³⁸Huwo basi kuruwaruwa mtesienyi Mzuri wa mavuno, ili adume wabonyakazi katika mavuno ghake."

¹Jesu akawawanga wanafunzi wake kumi na iwi na kuwaneka mamlaka ighu ya pepo wachafu, kuwakemea na kuwabingisa na kukira aina rose ra malazi na aina rose ra makongo.²Mari na gha mitume kumi na iwi ni agha.Ja kwanza simeoni (ambaye pia adawagwa Petro), na Andrea mmbari wake, Yakobo mvalwa wa Zebedayo, na Yohana mmbari wake: ³Philipo, na Barthomayo, tomaso, na Mathayo mwhada ushuru, Yakobo mvalwa wa Alfayo, na Tadeo. ⁴Simoni mkananayo, na Yuda Iskariote, ambae wamsaliti.⁵Awa kumi na iwi Jesu awadumie. Na ye wawaelekezie akideda "Msaghende andu weko wa wamataifa na msangie mizinyi kwa wasamaria. ⁶Badala yake, mghende kwa ng'ondi walagharie wa nyumba ya Israeli. ⁷Naandu mghendaa, hubirinyi na kudeda, ufalme gwa mbingunyi gwakaribia.⁸Kirenyi wakongo, fufuenyi wafu, takasenyi wekona ukoma na bingisenyi pepo. Mwawokera utu, funyeni utu. ⁹Msawuse zahabu, almasi angushaba andu kuko pochi renyu. ¹⁰Usawuse mkoba katika charo chenyu, angu nguwo ra ziada, vadu angu changu, kwa wuja mbonyakazi adastahili vindo vake.¹¹Mzi gwogwose angu kijiji mngiagha lolonyi ambaye ndastahili na mke aja mpaka andu muingagha, ¹²Mkangia nyumbenyi, lamsenyi. ¹³Kama nyumba idastahili, amani yenyu iaki aja,lakini ngelo nyumba ndaistahili, amani yenyu iinge andu amweri na inyo.¹⁴Na kwa waja wasawawokeagha inyo angu kusikira madedo ghenyu, wakati mdainga andu kuko nyumba angu mzi uo, aghienyi lavumbi lwa chwao renyu andu aho. ¹⁵Loli ndawagheria, ima yaka ya kustahimili karuwaruwa mizi ya Sodoma na Gomora maruwa gha hukumu kulikomzi ugho.¹⁶Guwa, ndawaduma kama ng'ondi ghadi ghadi, ya makoshi gha isakenyi, kwa huwo kenyi na werevu kama choka na warie sa njiwa. ¹⁷Mke waangalifu na wandu, ima wamighenja mabarazenyi, na ima wamikaba masinagoginyi. ¹⁸Na ima mwarediagwa imbiri ya wabaha na wagimbikwa kwa ajili yapwa, sa ushuhuda kwawhe na kwa mataifa.¹⁹Pindi wakashutumu, msake na wasiwasi cha kubonya angu indoi cha kudeda, kwa wuja kilambo cha kudeda ima mwanekwa kwa makati agho. ²⁰Kwa wuja na siyo inyo ima mwadeda, lakini Ngolo wa Aba wenyu ima wadeda ndenyi yenyu.²¹MMBari ima wamnukia mmbari wake kumbwagha, na aba kwa mwanako, wana ima wawawukia wazazi wawhe, na kuwasababishia kifwa. ²²Na inyo ima mwazamiwa na kila mundu kwa sababu ya irina japwa. Lakini wowose arumaghia gha mpaka mwisho mndu uyo ima watesiwa. ²³Andu wamitesaa katika mzi ughu, kimbienyi mzi kunughiriagha, kwa loli ndawaghoria, ndamkagha mkighenda kuko mizi yose ya Israeli kabla ya mvalwa wa Adamu ndaisire kuwuya.²⁴Mwanafunzi sio mbaha kuliko mwalimu wakke, wala mtumwa akoo ighu ya Mzuri wake. ²⁵Idatosha kwa mwanafunzi kwamba ake sa mwalimu wake, na mtumishi sa Mzuri wake. Ikaka wamwanga Mzuri wa nyumba Belzabuli, ni kwa kiasi ki karuwaruwa ima wawakakashifu wa nyumba yake.²⁶Huwa basi, msawahofu wo,kwa wuja ndakudae ilagho jisafunuliwa, na ndakudae jibisigwe jisamanyikane. ²⁷Chija nchidedagha kirenyi, chidedenyi nurunyi na mkisikiraa kwa ulaini madunyi ghenyu, mchitangaze mkika ighu ya nyumba.²⁸Msawaboe waja ambawo wadabwagha muwi lakini ndawadae uwezo gwa kubwagha ngolo. Badala yake, mbaenyi yuja ambae adimagha kuangamiza muwi na ngolo kuja kuzimu. ²⁹Je kasuku wawi ndawadagwaa kwa senti ndini? hata huwo ndakudae adimagha kugwa ndonyi bila Aba wenyu kumanya. ³⁰Ela hata idadi ya njwi renyu rahesabiwa. ³¹Msake na hofu, kwa wuja mkona thamani karuwarwa kuliko kasuku wengi.³²Huwo basi kila umweri anikiri ya wandu, nanyi pia ima namkiri imbiri ya Aba wapwa ako mbingunyi. ³³Ela ye anileghagha imbiri ya wandu, na nyi pia imanamlegha imbiri ya Aba wapwa ako mbingunyi.³⁴Msatenganye kwamba nachee kureda amani, dunikenyi. Sichee kureda amani, ela luwamba. ³⁵Kwa wuja nachee kumwika mundu abishane na ndee, na mwai dhidi ya mae, na mghosi dhidi ya mkeku wake. ³⁶Mlaghelaghe wa mundu imawaka waja wa nyumbenyi wake.³⁷Ye ambae adamkunda aba angu mawe karuwaruwa kuliko nyi huyo ndanistahili. Na ye amkundagha mdawa na angu mwai karuwaruwa kuliko nyi huyo ndanistahili. ³⁸Ye ambae ndadukagha msalaba na kuninugha nyi ndanistahili. ³⁹Ye alalaa maisha imaghashaa. Elaye alaghashaa maisha kwa ajili yapwa ima aghapata.⁴⁰Ye awakaribishagha wanikaribisha nyi, na ye anikaribishagha nyi wamkaribisha ye waniduma nyi. ⁴¹Na ye amkaribishagha mlodi kwa sababu ni mlodi ima wawawokera thawabu ya mlodi. Na ye amkaribishagha ako na hachi kwa sababu ni mundu wa hachi ima wawawokera thawabu ya mundu wa hachi.⁴²Wowose ampatiagha umweri wa watini awa, hata kikombe cha machi gha kunywa ghambeo, kwa sababu ye ni mwanafunzi loli ndawaghoria, ye ndadimaa kuwosa kwa chia yoyose thawabu yake.

¹Ikaka baada ya Jesu kumeria kuwaeleza wanafunzi wake kumi na iwi waingie aja kughenda kufundisha na kuhubiri katika mzi yawhe. ²Na Yohana akika gerezanyi achasikira akika ighu gha matendo gha Kristo, wadumie ujumbe kuidia wanafunzi wake. ³Na wakamkotia, We ni yuja achagha, angu kuko umwi didapaswa kumguwa.⁴Jesu wajibie na kudeda wawhe, "ghendenyi mkamtaarifu Yohana ghaja mghawonaa na ghaja mghasikira. ⁵Wandu wasawonaa wadapata kuwona, viwete wadaghenda, wakoma wadatakaswa, wandu wasasikira wandasikira sena,wandu wafwie wadafufuliwa kupata banana, wandu wahitaji wadahubiriwa habari riboie. ⁶Na wabarikiwa yuja asawona shaka ighu yapwa.⁷Pindi wandu awa wachainga, Jesu waanzie kudeda na umati ighu ya Yohana, "Ni indoi mwaghendie kuwaona ijangwenyi__tete jikitikiswa ni upepo? ⁸Ela indoi mwaghendie kuwona__mundu warwae mavazi ghaboie? hakika, waja warwagha mavazi ghaboie huka nyumbenyi ra wagimbikwa.⁹Ela mwainga kuwona indoi-Mlodi? Hee, ndawaghoria, na zaidi ya Mlodi. ¹⁰Uyu nie waandikiwa, 'Guwa namduma mjumbe wapwa imbiri ya wushu gwako, ambae ima aandaagha chia yako imbiri yako.¹¹Nyi ndawaghoria loli, kati ya wavalwe ni waka ndakudae ako mbaha sa Yohana mbatizaji. Ela ako mtini katika ufalme gwa mbingunyi ni mbaha kuliko ye. ¹²Toka maruwa gha Yohana mbatizaji hata ijiaha, ufalme gha mbingunyi ni gwa ndighi, na wandu wekona ndighi, huuwusa kwa ndighi.¹³Kwa wuja walodi na sheria waka wakitabiri mpaka kwa yihana. ¹⁴Na ngolo mko tayari kukunda, uyu ni Eliya, uja achagha. ¹⁵Ako na madu gha kusikira na asikire.¹⁶Nikifwananishe na indoi kivazi hichi? ni mfano wawana wasarighaa gasi ra chetenyi, waja wakagha na kuwangana. ¹⁷Na kudeda, 'Dawakabia zumari ndamvinie daomboleza, ndamlilie.¹⁸Kwa wuja Yohana wachee bila kuja mkate angu kunywa chofi, na wakaka wakideda, ako na pepo.' ¹⁹Mvalwa wa Adamu wachee akija na kunywa na wakadeda Guwa, ni mndu malaji na mting'a, amwedu wa wawhada ushuru na akona zambi ela hekima idadhihirishwa kwa matendo ghake."²⁰Jesu waanzie kuikemia mizi ambako baadhi ya matendo ghake gha ajabu ghabonyeka, kwa sababu warikogho ndawatesiwe zambi, ²¹Ole wako kolazini, olewako Bethsaida! ngelo matendo mabaha ghabonyekie Tiro na Sidoni ghaja ghabonyeka aha, ngera watesiwa zambi rawhe aho kala kwa kurwa magunia na kukivia maivu. ²²Ela imayaka kuririmira kwa Tiro na Sidoni maruwa gha hukumu kuliko kwako.²³We kapernaumu, udadhani ima wawanuliwa hata mbingunyi? Aa imawaserigwa hata ndonyi kuzimu. Ngelo kwa sodoma kwa bonyekieghe matendo mabaha, kumacha ghabonyeka kwako, amacha ikogho mpaka linu. ²⁴Bali ndadeda kwako kwamba imayaka rahisi kwa isanga ja sodoma kukamsi maruwa gha hukumu kuliko we.²⁵Katika makati agho Jesu wadedie, "Ndakusifu we, Aba, Mzuri wa mbingu na isanga, kwa sababu wawabisie malagho agha weko na hekima na ufahamu, na kughafunukula kwa wasadae elimu, sa wana watini. ²⁶Aba kwa wuja yakupendeza huwo mesonyi pako. ²⁷Malagho ghose ghakabiziwa kwapwa kufuma Aba. Na ndakudae ammanyagha Aba ila mvalwa, na wowose ambae mvalwa ako na tunu ya kumfunukula.²⁸Chonyi kwapwa, inyo wose mgayagha na mremeriwagha ni mzigho mbaha, na nyi dima namisoghosha. ²⁹Kikumbenyi nira yapwa na mkifunze kufuma kwapwa, kwa wuja nyi na mnyenyekevu na nariboe ngolo na ima mwapata kusoghoka nafsi renyu. ³⁰Kwa wuja nira yapwa ni laini na mzigho gwapwa gwwaanguye.

¹Wakati ugho Jesu waghendie maruwa gha sabato kuidia kuo mbuwa. Wanafunzi wake warikogho na njala na waanzie kuchukanya masuke na kuyaja. ²Ela mafarisayo wacha wona agho, wakamghoria Jesu "Guwa wanafunzi wako wadanona sheria wadabonya ghasaruhusiwagha maruwa gha sabato"³Ela Jesu akawaghoria, "Ndamsomie andu Daudi wabonya, makati warikogho na njala, amweri na wandu akogho nawo? ⁴Namna wangirie ndenyi ya nyumba ya Mlingu na kuja mikate ya wonyesho, ambayo irikogho sio halali kwake kuija na waja akogho nawo, ila ndatungura kwa makuhani?⁵Ndamuisire somakatika sheria, kwamba katika maruwa gha sabato makuhani ndenyi ya hekalu wainajisi sabato, ela ndawadae hatia? ⁶Ela nadeda kwenyu kuwa ako mbnaha kuliko hekalu ako aha.⁷Ngelo mwamanyie ihi idamaanisha indoi, na kundi wughoma na sio zabihu; kumachandam wahukumu wasadae hatia, ⁸Kwa wuja mvalwa wa Adamu nie Mzuri wa sabato."⁹Kisha Jesu akafuma aja akaghenda isinagoginyi kwawhe. ¹⁰Guwa kurikogho na mundu waolole mkonu. Mafarisayo wakamkotia Jesu, wakideda. "Je, ni halali kukira maruwa gha sabato? ili kwamba wadime kushitaki kwa kubony zambi.¹¹Jesu akawaghoria, "Nani kati yenyu, ambae ikaka ako na ng'ondi akagwa ndenyi ya ishimo maruwa gha sabato, ndamwhadaa na kumfunya kwa ndighi ndenyi ya ishimo. ¹²Je, chao chiko na thamani, zaidi kwani si zaidi ya ng'ondi! kwa huwo ni halali kubonya ghaboie maruwa gha sabato."¹³Kisha Jesu akamghoria uja mundu, "ghorua mkonu gwako" akaghughorua, na kupata ndighi, sa uja umwi. ¹⁴Ela mafarisayo wakafuma shighadi na wakapanga jinsi ya kumwangamiza waghendie shighadi kupanga kinyume chake. Wakogho wakilola jinsi ya kubwagha.¹⁵Jesu achamanya iji wangie aho. Wandu wengi wanughie na akawakira wose. ¹⁶Wawalagiza wasache mbonya akamanyikana kwa wamwe, ¹⁷Kwamba itimie ija loli, irikogho yadedigwa ni mlodi Isaya, akideda,¹⁸Guwa, mtumishi wapwa yuja nimsaghuie, mkundwa wapwa, katika ye nafsi yapwa yapendezwa. Ima nawika ngolo yapwa ighu yake, na imawatangaza hukumu kwa mataifa.¹⁹Ndagagha wala katika kwa ndighi, wala awaye yose kusikira sauti yake mitaenyi. ²⁰Ndajichukanya itete jakonolwa. Ndabwaghagha utambi gwogwose ufunyagha mosi, ye mpaka akareda hukumu kwa mataifa. ²¹Na mataifa imawaka na ujasiri katika irina jake.²²Munu fulani kipofu na ibubu, wapagawe ni pepo warediwe imbiri ya Jesu. ²³Makutano wose washangaie na kudeda, "Yadima wada mundu uyu kaka mvalwa wa Daudi?"²⁴Ela pindi mafarisayo wachasikira muujiza ughu, wadedie, "Uyu mundu ndafunyagha pepo kwa ndighi rake mweni isipokuwa kwa ndighi ra Belzebuli, mbaha wa pepo. ²⁵"Ela Jesu wamanyie fikra rawhe na kuwaghoria," kila ugimbikwa gwawaghanyikie gweni hunoneka na kila mzi angu nyumba iwaghanyikagha yeni ndaikakimsi.²⁶Ikaka shetsni, dima wamuinja shetani, basi adakipinga katika nafsi yake mweni. ²⁷Ni wada ugimbikwa gwake ukakimsi? na ngelo ndafunya pepo kwa ndighi ra Belzebuli, wafuasi wenyu huwafunya kwa chia ya ani? kwa ajili ya iji imawaka mahakimu wenyu.²⁸Na ngelo ndafunya pepo kwa ndighi ra ngolo wa Mlungu, basi ufalme gwa Mlungu wacha kwenyu. ²⁹Na mundu adima wada kungia ndenyio ya nyumba ya akona ndighi na kuiwa, bila kumfunga ako na ndighi kwanza? niko aiwagha mali yake kufuma ndenyi ya nyumba. ³⁰Wowose aseko amweeri na nyi ako kinyume chapwa, na ye asakusanyagha amweri nayi uyo adawaghanya.³¹Kwa huwo nadeda kwenyu, kila zambi na kufuru wandu imawasamehewa, ila kumkufuru Roho wa kuela ndawasamehewa. ³²Na wowose adedagha ilagho kinytume cha mvalwa wa Adamu, ijo imawasamehewa. Ngelo wowose adedagha kinyume na roho wa kuela, uyo ndasamehewa, katika urumwengu uhu, na wala uja uchagha.³³Angu ubonye mdi kuka uboie na itunda jake jiboie, angu ughunone mdi na itunda jake, kwa wuja mdi humanyikana kwa itunda jake. ³⁴Inyo kivazi cha choka, inyo ni wazamie, mwadima wada kudeda malagho ghaboie? kwa wuja momu hudeda kufuma katika akiba ya ghaja ghakogho ngolonyi. ³⁵Mundu aboie katika akiba iboie ya ngolo yake kufuma ghaboie, na mundu wazamie katika akiba izamie ya ngolo yake, hufunya kizamie.³⁶Ndawaghoria huwo katika maruwa gha hukumu wandu imawafunya hesabu ya kila ilagho jisadae maana wajidedie. ³⁷Kwa wuja kwa madedo ghako imawahesabiwa hachi na kwa madedo ghako imawahukumiwa."³⁸Niko baadhi ya waandishi na mafarisayo wamjibie Jesu wakideda "Mwalimu, dakundieghe kuwona ishara kufuma kwako." ³⁹Ela Jesu wajibie na kuwaghoria, "kivazi kizamie na cha zinaa kidalola ishara. Ela ndakudae ishara ifunyigwagha kwawhe isipokuwa ija ishara ya Yona Mlodi. ⁴⁰Sa wuja mlodi Yona wakogho ndenyi ya kifu cha samaki mbaha kwa siku idadu dime na kio, huwo niko mvalwa wa Adamu adima kuka ndenyi ya ngolo ya Isanga kwa maruwa adabu dime na kio.⁴¹Wandu wa ninawi imawakakimsi imbiri ya hukumu amweri na kivazi cha wandu awa na imawahukumu kwa wuja watesiwe zambi kwa mahubiri gha Yona na guwa, mundu fulani mbaha kuliko Yona ako aha.⁴²Malkia wa kusini imawanuka hukumunyi amweri na wandu wa kivazi hichi na kukihukumu. Wachee kufuma miisho ya Dunia kuchakusikira hekima ya suleimani, na guwa, mundu fulani mbaha kuliko suleimani ako aha.⁴³Makati pepo machafu amfumaa mundu huidia andu kusadae machi akilola kusoghoka, ela ndakuwonagha. ⁴⁴Kisaha hudeda, 'imanawuya nyumbenyi kwapwa nifumie' achawuya hudoka ija nyumba yasafishigwa na yeko tayari. ⁴⁵Kisha adaghenda na kuwareda wamwe ngolo wachafu saba weko wazamie zaidi kuliko ye, hucha kuka wose aja. Na hali yake ya mwisho idaka izamie kuliko ya kwanza.Huwo niko idima kuka kwa kivazi hichi kizamie.⁴⁶Makati Jesu warikogho akiaria na umati guwa, mae na wambari wake wakee kimsi shighadi, wakilola kuaria nae. ⁴⁷Mundu umweri akamghoria, "Guwa mayo na wambari wako wakakimsi shighadi, wadalola kuaria na we".⁴⁸Ela Jesu wajibie na kumghoria wammanyishie, "Mawe wapwa ni ani? na wambari wapwa ni wa kani? ⁴⁹Nae waghaghoa mkonu gwake kwa wanafunzi na kudeda, "Guwa, awa ni mawe na wambari wapwa! ⁵⁰Kwa wuja wowose abonyagha mapenzi gha aba wapwa ako mbingunyi, mundu uyo nie mmbari wapwa, dada wapwa na mawe wapwa".

¹Katika maruwa agho Jesu wainge nyumbenyi na kuka mbai mbai ya bahari. ²Umati mbaha wakusanyikie kwa kumzunguluka, wangie ndenyi ya matumbwi na kuka ndenyi yake. Umati gwose gwakeekimsi mbaimbai ya bahari.³Kisha Jesu wadedie madedo mengi kwa mifano, wadedie, "Guwa, mpanzi waghendie kuwa. ⁴Warikogho akiwa baadhi ya mbeu ragwiembaimbai ya chia na wanyonyi wachee wakaridonoa. ⁵Mbeu rimwe ragwie ighu lwalenyi, ambako ndaripatie ndoe ya kutosha. Ghafla dwabukie kwa sababu ndoe ndaidaeghe kina. ⁶Ela iruwa andu jachomoza dwakorigwa kwa sababu ndaridaeghe na miri, na raomie.⁷Mbeu rimwe ragwie injwenyi. Midi ikona mirijwa yalachikie ighu ikaisonga. ⁸Mbeu rimwe ragwie kuko ndoe iboie na kuwa mbeu, rimwe maraighana jimweri zaidi, rimwe sitini, na rimwe thelasini. ⁹Akona madu na asikire.¹⁰Wanafunzi wachee na kumghoria Jesu, "kwa indoi udaria na makutano kwa mifano. ¹¹Jesu wajibie akawaghoria, "Mwanekwa upendeleo gwa kumanya viviso va ufalme gwa mbingunyi, bali kwawhe ndawanekiwe. ¹²Ela wowose akonacho, kwake ye imawachuriwa karuwaruwa, na imawapata faida mbaha. Ila aseko nacho dimawasokigwa.¹³Huwo nadeda nawo kwa mifanoo kwa sababu inga wa wadawona, wasaiwone ija loli. Na ingawa wadasikira wasasikire wala kumanya. ¹⁴Ulodi gwa Isaya gwatimia kwawhe, uja udedagha, "Msikiragha msikire, ela kwa namna yoyose ndamuelewagha mdime kuwona, ela kwa namna yoyose ija msaichi.¹⁵Na ngolo ra wandu awayaka igiza, wakurie kusikira, na wabwagha meso gwawhe, ili wasadime kuwona kwa meso gwawhe, angu kusikira kwa madu gwahe, angu kumanya kwa ngolo rawhe, huwo waniaghukiagha sena, na kumachanawakira.¹⁶Bali meso ghenyu ghabarikiwa, kwa wuja ghada wona, na madu ghenyu kwa wuja ghadasikira. ¹⁷Huwo ndawaghoria wolodi wengi na wadu wako na hachi wakoghop na tunu ya kuwona malagho ghaja mghawonaa, na ndawadimie kuyawona. Watamanie kusikira malagho ghaja mghasikiragha, ndawayasikire.¹⁸Idana sikirienyi mfano gwa mpanzi. ¹⁹Wakati gwogwose asikiragha idedo ja ufalme na asajimanye, niko wazamie hucha na kukinyakula chija chikogho chavalwa ndenyi ya ngolo yake. Ihi ni mbeu ija yavalwa mbaimbai ya chia.²⁰Ye wavalwa lwalenyi ni yuja asikiragha idedo na kujiwokera haraka kwa furaha. ²¹Bado ndadae miri ndenyi yake, ila hurumaghia kwa kitambo kifupi. Wakati whasi angu mateso ghafumiriaga kwa sababu ya idedo huki kuwa ghafla.²²Wavalwa kati ya midi ya minjwa, uyu ni yuja asikiragha idedo ela masumbuko gha urumwengu na utee gwa utajiri hujisonga jija idedo jisacheva matunda. ²³Wavalwa kuko ndoe iboie, uyu ni yuja avagha matunda na kuendelea kuva jimweri zaidi ya maraighana, imwe sitini, imwe thelasini.²⁴Jesu wawanekie mfano ghumwi, akideda, "Ufalme gwa mbingunyi udafwananishwa ni mundu wavae mbeu riboie katika mbuwa yake. ²⁵Ela wandu wachadungumia, mlaghelaghe wake akacha nae akawaa magugu ghadighadi ya ngano nae akaghenda chia rake. ²⁶Baadae ngano yabukie na kufunya mazao ghake, niko magugu yafumirie pia.²⁷Na watumishi wa mweni mbuwa wachee wakamghoria, "Mzuri, nduvaie mbeu riboie katika mbuwa yako? yakakawada idamu iko na magugu. ²⁸Akawaghoria, mlaghelaghe wabonya iji. Watumishi wakamghoria, "kwa huwo ukundi dighende dikaghakue?"²⁹Mweni mbuwa akadeda, 'Aa, makati mdaghakua magugu imwamwakua andu amweri na ngano.. ³⁰Ghasi ghenyi ghave andu amweri mpaka makati gha mavuno. Makati gha mavuno im nadeda kwa wakwashaa, 'kwanza ghakuenyi magugu na ghafungenyi duzumurizumuri na kughakora ela wikeni andu amweri ngano katika kai japwa.³¹Kisha Jesu wawafunyie mfano ghumwi, akadeda, "Ufalme gwa mbingunyi udafwana na mbeu ya haradari ambayo mundu waiwusie na kulwa katika mbuwa yake. ³²Mbeu ihi kwa hakika ni ndini kuliko mbeu rimwi rose. Ela andu imeagha huko mbaha kuliko mimea yose ya bustani, huka mdi, kiasi kwamba wanyonyi wa angenyi hucha na kuagha viota katika marembwe ghake.³³Akawaghoria mfano ghumwi sena,"Ufalme gwa mbingunyi nisa chachu ija iwusigwe ni mndumka na kuiranganya kwa vipimo vidadu kwa mufu hata viumuke.³⁴Agho ghose Jesu waghadedie andu kuko umati kwa mfano. Na pasipo mifano ndadedie chochose kwawhe. ³⁵Ihi yakogho kwamba chija chikogho chadedigwa kuidia kwa Mlodi chidime kutimia, aja adedie, "Imanafumbua momu wapwa katika mifano. Imna deda malagho ghaja ghakogho ghavisigwa tangu misingi gha urumwengu".³⁶Kisha Jesu wawasigfha makutano na kughenda nyumbenyi. Wanafunzi wake waghendia na kudeda, "Difafanulie mfano gwa magugu gha mbuwenyi." ³⁷Jesu wajibie na kudeda, "Avagha mbeu riboie ni mvalwa wa Adamu. ³⁸Mbuwa ni urummwengu; na mbeu riboie, awa ni wana wa ufalme. Magugu ni wana wa yuja azamie, na mlaghelaghe warivae ni ibilisi. ³⁹Na mavuno ni mwisho gwa urumwengu, na wakwashaa ni malaika.⁴⁰Sa wuja magugu ghawikwagha andu amweri na kukorwa modo, huwo niko ikagha mwisho gwa urumwengu. ⁴¹Mvalwa wa Adamu dimawaduma malaika wake, na kuwika andu amweri kufuma katika ufalme gwake malago ghose ghasababishie zambi na waja wabonyagha ghazamie. ⁴²Dima wawadagha wose katika itanuru ja modo, ambako imkwaka na kifwa na kusaga maghegho. ⁴³Niko wandu wako na hachi imawaela sa iruwa katika ufalme gwa Aba wawhe. Ye askona madu na asikire.⁴⁴Ufalme gwa mbingunyi ni sahazina yabisiwe mbuenyi. Mundu akaiwona na kuvisa katika furaha yake aakaghenda kudagha vose akogho navo, na kuiguwa mbuwa. ⁴⁵Sena, Ufalme gwa mbimgunyi ni sa mundu abonyagha biashara alolagha lulu iko na thamani. ⁴⁶Makati wachaiwona ija iko na thamani, waghendie akadagha kila kilambo ako nacho na akaigua.⁴⁷Ufalme gwa mbingunyi ni sa ngavu ikogho ndenyi na bahari, na kwamba huwika andu amweri viumbe na kila aina. ⁴⁸Wachachua wavuvi waurudie ufukwenyi kisha wakaka ndonyi ya vombo, ela visadae thamani vadaghiwe kula.⁴⁹Ima yaka namna ihi katika mwisho gwa Dunia. Malaika imawacha na kuwatenga wandu wazamie kufuma imbiri ya wakona hachi. ⁵⁰Na kuwadagha ndenyi ya itanuru ja modo, ambako imakwaka na kulila kubaha na kusaga maghegho.⁵¹Mwamanyie malagho ghose agha? Wanafunzi wamjibie, "Hee." ⁵²Kisaha Jesu akawaghoria, "kila mwandishi ambae waka mwanafunzi wa ufalme adafwana na mweni iwacha afunyagha katika hazina yake vilambo viwishi na vakala." ⁵³Ikawa Jesu achameria mifano yose iyo, akainga aho andu.⁵⁴Kisha Jesu wafikie katika mkoa gwake na wawafundishie wandu katika isinagogi. Matokeo ghake ni kuka washangaie na kudeda ni hao mundu uyu wapatie hekima ihi na miujiza ihi? ⁵⁵Uyu mundu sio mvalwa wa seremala? Mariamu sio mae? na wambari wake sio Yakobo, Yusufu, Simoni na Yuda? ⁵⁶Na dada rake dikonao aha kwedu? basi mundu uyu waghapata hao agha ghose?⁵⁷Wawachukiza. Ela Jesu wawaghorie, "Mlodi ndasowagha kuka na heshima isipokuwa kwawhe na katika isanga jawhe. ⁵⁸Na ndadimie kubonya miujiza mingi kwa sababu ndawakogho na imani nae.

¹Kwa makati agho, Herode wasikire habari ighu ya Jesu. ²Akawaghoria watumishi wake, "Uyu ni Yohana mbatizaji wafufuka kufuma kwa wafwie. Kwa huwo ndinyi iri reko ighu yake."³Kwa wuja Herode wakogho wamwhadia Yohana akamfunga na kumdagha gerezanyi kwa sababu ya Herodia, mka wa Filipo. Kakie ⁴Kwa wuja Yohana waghorie, "Si halali kumwusa ye kaka mkake." ⁵Herode kumachawambwagha ela wawaboa wandu kwa sababu wamwonie Yohana ni Mlodi.⁶Ela maruwa gha kuvalwa Herode ghachafika mwaiwa Herodia wavinie ghadighadi ya wandu na kumboia Herode. ⁷Katika kujibu chaaidie kwa kirwao kwamba dima wamneka chochose alambaa.⁸Baada ya kushauriwa ni mae, wadedie, "Nneke nyi aha ikombenyi chongo cha Yohana Mbatizaji." ⁹Mgimbikwa wakogho na sikitiko kwa malombi gha mwai, ela kwa ajili ya kirawo chake, kwa sababu ya wose wakogho vindonyi amweri nae wawaamuru kwamba idapaswa ibonyeke.¹⁰Wadfumie Yohana aredigwa kufuma gerezanyi. ¹¹Ili ademwe chongo chake na chikaredigwa ighu ya isina na akanenigwa mwai na akakighenja kwa mae. ¹²Kisha wanafunzi wake wakacha kuwusa uja muwi na kuurika, baada ya iji waghendie kumghoria Jesu.¹³Na ye Jesu wachasikira agha , akakitenga kufuma andu ajajoka ndenyi ya mashua akaghenda sehemu iko mbai na ieneo weko makati umati gwamanyie akogho, wamnughie kwa maghu kufuma mizinyi. ¹⁴Kisha Jesu wachee imbiri yawhe akauwona umati mbaha. Akawawoniambazi na kukira makogho ghawhe.¹⁵Kwenyi ichatimia wanafunzi wachee kwake na kudeda, "Ihi ni sehemu ya lwangwa, na maruwa yaidakala. Watapanye makutano ili waghende vijijini ili wakaghue vindo kwa ajili yawhe.¹⁶Ela Jesu akawaghoria, "Ndawadae haja ya kughenda chia rawhe. Wekenyi onyo vindo." ¹⁷Wakamghoria, Aaha dikonayo mikate misanu na samaki wawi tu." ¹⁸Jesu akadeda, "Iredenyi kwapwa."¹⁹Kisha Jesu akaghuamuru umati kuka ndonyi ya nyasi. Akawukusa mkate misanu na samaki wawi. Akaguwa ighu mbingunyi, akabariki na kubegha mikate akawoneka wanafunzi.Wanafunzi wakauneka umati. ²⁰Wakaja wose na kughgunda. Kisha wakavikiwa andu amweri viwande vose va vindo na kuchura ngau kumi nan iwi. ²¹Waja wajie wakadiriwa kuka womi elfuisanu bila ya kutala waka na wana.²²Mara imweri wawaamuru wanafunzi wangie ndenyi ya mashua, wakati ugho ye wawalagie umati waghende chia rawhe. ²³Baada ya kuwalaga umati kughenda chia rawhe, akajoka ighu lughongonyi kutasa mweni keri. Wakati ichafika kwenye makogho uko mweni keri. ²⁴Ela idana mashua ikogho ghadighadi ya baahari ukiyumbayumba kwasababu ya mawimbi, kwani upepo wakogho wakuzunguluka.²⁵Katika kio cha kirindiri cha kana Jesu wawakaribia, akighenda ighu ya machi. ²⁶Wakati wanafunzi wake wachamwona akighenda ighu ya bahari, wakogho na hofu na kudeda, "Ni mzuka," na kufunya mbaha sauti hali ya wawa. ²⁷Jesu akawaghoria mara imweri, akideda, "kineke ngolo! ni nyi! msaboe."²⁸Petro wamjibie kwa kudeda, "Mlodi, ngelo ni we, niamuru niche kwako ighu ya machi." ²⁹Jesu wadeda, "cho." Huwo Petro wafumie ndenyi ya mashua na akaghenda ighu ya machi kughenda kwa Jesu. ³⁰Ela Petro wachawona mawimbi, waboa, na kuanza kuridimira, ndonyi, akawanga kwa sauti na kudeda, "Mlodi, nitesie!"³¹Haraka Jesu waghaghoa mkonu gwake akamwusiria Petro, na kumghoria, 'we uko na imani ndini, kwa indoi wakogho na mashaka?" ³²Niko Jesu na Petro wangirie mashuenyi, upepo gwasighie kuvuma. ³³Wanafunzi mashuenyi wamtakasa Jesu na kudeda, "Loli we ni mvalwa wa Mlungu."³⁴Na wacha meria kuluwaka, wafikie katika isanga ja Genesareti. ³⁵Na wandu katika ieneo jija wachammanya Jesu, wadumie ujumbe kila lawande lwa mbaimbai, na kureda kila akogho mkongo. ³⁶Wamsihi kwamba wadime kuwhada ipindo ja ivazi jake, na wengi wawhadieghe wakiriwe.

¹Niko mafarisayo na waandishi wachee kwa Jesu kufuma Yerusalemu. Na kudeda, ²"Kwa indoi wanafunzi wadaghalifu mapokeo gha waghosi? kwa wuja ndawaoghogha vikoto vawhe andu wakika wadaja vindo." ³Jesu wawajibie na kumghoria, "Na inyoinyo__kwa indoi mdaihalifu sheria ya Mlodi kwa ajili ya mapokeo ghenyu?⁴Kwa wuja Mlungu wadedie, 'mheshimu mayo na ndeo na aghoragha ghazamie kwa ndee na mae, hakika imawafwa. ⁵Ela inyo mwadeda, kila amghoriagha ndee na mae, kila tawara ambajo kumachawapata kufuma kwapwa iji aha ni zawadi kufuma kwa Mlungu, ⁶Mundu uyo ndadae haja ya kuheshimu ndee. Katika namna ihi mwajibisha idedo ja Mlungu kwa ajili ya mapokeo ghenyu.⁷Inyo wanafiki, ni nicha sa andu Isaya watabirie ighu yenyu andu wadedie, ⁸Wandu awa wadaniheshimu nyi kwa momu yawhe, ela ngolo rawhe reko andu wadedie, ⁹Wani tasaa utu, kwa sababu wadafundisha mafundisho ghakogho maagizo gha wadamu.¹⁰Niko akkawawanga makutano na kuwaghoria, sikirienyi na mmanye__ ¹¹Ndakudae kilambo kiingiagha momunyi kwa mundu na kubonya najisi. Bali, chija chifumagha momunyi, hechi nicho chimbonyagha mundu kuka najisi.¹²Niko wanafunzi wakamghendia na kudeda na Jesu, "Je umanyagha mafarisayo wachasikira jija idedo wakwazika? ¹³Jesu wajibie na kudeda, "kila mmea ambgho Aba wapwa wa mbingunyi ndauwae imawakulwa. ¹⁴Wasighenyi wanikeri, wani vilongozi wasawonaa. Ngelo mundu asawonaa dima wamlongozaa asawonaa mbawe, wose wawi dima wagwa ishimoni."¹⁵Petro wajibie na kumghoria Jesu, "Dighorie mfano ughu kwedu, ¹⁶Jesu wajibie, "Na inyo pia bado ndamuelewagha? ¹⁷Inyo ndamwonagha kwakila kughendaa momunyi huidia kifunyi na kughenda chonyi?¹⁸Ela vilambo vose vifumagha momunyi hufuma ndenyi ya ngolo. Nivo vilambo vimkumbagha mundu unajisi. ¹⁹Kwa wuja ngolonyi hufuma mawazo ghazamie, kubwagha, uzinzi, uasherati, ghuting'a, ushuhuda gwa tee, na kuanyira." ²⁰Agha nio malagha ghamkumbagha mundu unajisi. Ela kuja bila kuogha vikoto ndakubonyaa mundu kuka unajisi.²¹Niko Jesu akafuma andu aja na akakitenga kuelekea gasi ra mizi ya Tiro n Sidoni. ²²Guwa akacha mkamkaanani kufuma gasi iro. Akufunya mbaha sauti akideda, "Niwonie mbazi, Mlodi, mvalwa wa Daudi, mwai wapwa adateswa sana ni pepo." ²³Ela Jesu ndamjibie idedo. Wanafunzi wake wakacha wakimsihi, wakideda, "muinje aghende chia rake, maana adadikabia jogho."²⁴Jesu wawajibie na kuded, sidumiwe kwa mundu wa wose isipokuwa kwa ng'ondi walagharie wa iwacha ja Israeli. ²⁵Ela wachee na kughoghoma imbiri yake, akideda, "Muri nitawarie." ²⁶Wamjibie na kudeda, "sio nicha kuwusa vindo va wana na kuwadaghia makoshi."²⁷Akadeda, "Hee, Mzuri, hata huwo makoshi watini huja vindo vigwagha mezenyi mwa wazuri wo." ²⁸Niko Jesu wajibie na kudeda "mndumka, iwani yako ni mbaha. Na ibonyeke kwako sa andu ukundi."Na mwai wake wakogho wakirwa katika makati agho.²⁹Jesu wangie andu aja na kughenda avui na bahari ya Galilaya. Kisha waghendie ighu ya lughongo na kuka uko. ³⁰Kundi ibaha jikacha kwake, na kumredia wasaghe ndaa, wasawonaa, vilema na wamwi wengi, wakogho wakongo. Wawakie katika mafgu gha Jesu na akawakira. ³¹Nawo umati washangaie wachawona wasadedaa wakideda, na vilema wakibonywa banana , wasaghendaa, na wasawonaa wasawona. Wamsifie Mlungu wa Israeli.³²Jesu akawawanga wanafunzi wake na kudeda, "Nawawonia mbazi umati, kwasababu wakogho ni nyi kwakuwa maruwa adabu bila kuja kilambo chochose. Isida lagha waghende kwawhe bila kuja, wasachezimia chienyi. ³³Wanafunzi wake wakamghoria, "Ni hao dadima kupata mikate ya kutosha aha nyikenyi kughudisha umati mbaha uwu?" ³⁴Jesu awaghoria, "Mko na mikate ilinga?" wakadeda, saba na samaki watini wachee." ³⁵Jesu akawaamuru umati uke ndonyi.³⁶Wawusie ija mikate saba na samaki, na baada ya kushukuru, akaibegha na kuwaneka wanafunzi. Wanafunzi wakaneka umati. ³⁷Wandu wosewakaja na kutosheka. Na wakawika andu amweri mabaki gha viwande va vindo vasalie vip viwande viwande vachuie ngau saba. ³⁸Wose wajee wakogho womi elfu ina bila wakana wana. ³⁹Kisha Jesu waulagie umati waghende chia rawhe na akangia ndenyi ya mashua na kughenda lwande lwa magadani.

¹Mafarisayo na masadukayo wachee na kumgheria Jesu awabonyerie ishara ifumagha angenyi. ²ElaJesu awajibie na kumghoria kuwa, ikaka ni kwenyi mdaghora hali ya hewa yaboie, kwa wuja angua jitinikie.³Na keshokio mwadeda "Hali ya hewa linu ndaiboie kwa wuja angenyi kwa tinikie na madulu ghaifunikia anga jose. ⁴Kivazi kizamie na cha uzinzi kidalola ishara, ela ndakudae ishara yoyose kinekwagha, isipokuwa ija ya Yona. Kisha Jesu akawasigha na akaghenda chia rake.⁵Wanafunzi wakacha luwande lwa kawi, ela warikogho waliwa kuvusa mikate. ⁶Jesu akawaghoria "Kitahazarinyi na mke makini na chachu ya mafarisayo na masadukayo." ⁷Wanafunzi wakahojiana imbiri yawhe na kudeda "Ni kwasababu ndadiwusie mikate." ⁸Jesu wamanyie igho na kudeda, "Inyo mkona imani ndini, kwaindoi mwateganya na kudedana imbiri yenyu na kudeda kuwa ni kwa sababu ndamwusie mikate?⁹Je bado ndammanyagha wala ndamkumbukagha ija mikate misanu kwa wandu elfu isanu, na ngau ilinga mwikie andu amwer? ¹⁰Angu mikate saba kwa wandu elfu ina, na ni ngau ilinga mwawusighe?¹¹Yakawada idana hata ndamuelewa ya kuwa narikogho siariagha na inyo ighu ya mikate? kitunzeni na kihazari na mafundisho gha mafarisayo na masadukayo. ¹²Kisha wakamanya kuwa wakogho ndawaghoria ighu ya kukihazari na mikate yachachuligwa, bali kukihazari na mafundisho gha mafarisayo na masadukayo.¹³Makati Jesu achafika luwande lwa kaisaria ya Filipi, akawakotia wanafunzi wake, akideda, "wandu wadadeda kuwa mvalwa wa mundu ni ani?" ¹⁴Wakadeda,"Wamwi hudeda kuwani Yohana mbatizaji, wamwi Eliya; na wamwi Yeremia, angu mmojawapo wa lodi. ¹⁵Akawaghoria, Inyo mwadeda nyi ni ani? ¹⁶Kwanza wajibie simoni Petro akadeda, "We ni Kristo mvalwa wa Mlungu ako hai"¹⁷Jesu wamjibie na kumghoria, "Wabarikiwa we simoni Bar Yona, kwa wuja bagha na nyama ndavifunulie iji, bali Aba wapwa ako mbingunyi. ¹⁸Na pia ndakughoria kuwa we ni Petro, na ighgu ya lwala ulo imanagha nyumba ya Mlungu wapwa mijango ya kuzimu ndaidimagha.¹⁹Imanakuneka we funguo ra ufalme gwa mbingunyi chochose ukirughagha dunuienyi imacharugwa mbingunyi, na chochose ukirughuagha dunienyi imachaghurwa na mbingunyi. ²⁰Kisha Jesu akawaamuru wanafunzi wasamghorie mundu wowose kuwa ye wakogho ni Kristo.²¹Tangu makati agho Jesu waanzie kuwaghoria wanafunzi kuwa ni lazima waghende Yerusalemu, kuteswa kwa malagho mengi katika mikonu ya waghosi na wabaha wa makuhani na waandishi, kufwa na kufufuka maruwa gha kadadu. ²²Kisha Petro akamwusa Jesu mbai na kumkemia, kwa kudeda, "Ilagho iji na jike kula nawe, Mzuri, iji jisafumirie kwako. ²³Ela Jesu waanghukie na kumghoria Petro, "wuya nyuma yapwa shetani! we ni kizuizi kwapwa, kwa maana ndujali malagho gha Mlungu, bali malagho gha wadamu.²⁴Kisha Jesu akawaghoria wanafunzi wake, "Ngelo mundu wowose akakunda kuninugha nyi, ni lazima akileghe ye mweni, auwuse msalaba gwake, na aninughe. ²⁵Kwa wuja akundii kughatesia maisha ghake dima waya la ghasha na kwa wowose alaghashaa maisha ghake kwa ajili yapwa dimawagha tesia. ²⁶Je! ni faida ki apatagha dunia yose ela akalaghasha ghake? Je ni kilambo ki afunyaa mundu katika kubadilishana na maisha ghake.²⁷Kwa wuja mvalwa wa Adamu dimawacha katika utukufu gwa ndee na malaika wake. Na ye dimawamlipa kila mundu kukatana na matendo ghake. ²⁸Loli ndawaghoria kuko baadhi yenyu mwakeekimsi aha ambawo ndawatogha mauti hata wachamwona mvalwa wa Adamu akicha katika ufalme gwake.

¹Maruwa sita baadae Jesu wawawusie amweri na ye Petro, na Yakobo, na Yohana mbari wake, akawawusa hata ighu ya lughongo luacha woweni. ²Wabadilishwa imbiri yawhe. Wushu gwake ghukaelasa iruwa, na nguwo rake rawonekie raelie sa nuru.³Guwa, aja wafumirie Musa na Eliya wakiaria nae. ⁴Petro wajibie na kumghoria Jesu, "Mzuri, ni nicha kwedu isi kuka andu aha. Ngelo udatamani, ima na agha aha viwanda vidadu-kimweri chako, na kimweri kwa ajili ya Musa, na kimweri kwa ajili ya Eliya"⁵Makati adaaria, guwa idulu jochokwa jikawakumba kiju, na ikideda, "Uyu ni mwanapwa mkundwa niboiwagha nae. Msikirienyi ye. ⁶Wanafunzi wachasikira agho, wakagwa kifudifudi na wakaboa sana. ⁷KIsha Jesu akacha akawawhwda na kudeda, "Wukienyi wala msaboe." ⁸Nawo wakawusira wushu rawhe ighu ela ndawamwonie mundu ela Jesu mweni keri.⁹Na warikogho wakisea lughongonyi, Jesu wawalagiza, akadeda "Msafunye habari ya maono agho hata mvalwa wa Adamu andu achafufuka kufuma kwa wafwie. ¹⁰Wanafunzi wake wakamkotia, wakideda, "Ni kwa indoi waandishi wadedagha kuwa Eliya imawacha kiambiri?¹¹Jesu wawajibie na kudeda, "Eliya dima wacha loli na dima wawuya malagho ghose. ¹²Ela ndawaghoria inyo, Eliya wameria kucha, ela ndawammanyie. Badala yake, wambonyia malagho wakundii wo. Na huwo niko mvalwa wa Adamu andu achateswa katika mikonu yawhe. ¹³Niko wanafunzi wakamanya kuwa wakogho akiaria habari ra Yohana mbatizaji.¹⁴Wachafika katika umati wa wandu, mundu umweri wamgendie, akakaba magoti, imbiri yake na kumghoria, ¹⁵"Mzuri, mwonie mbazi mwanapwa, maana wakogho akigwa chongo na kuteswa sana. Kwa wuja maranyingi hugwa modonyi angu machinyi. ¹⁶Namredie kwa wanafunzi wako wako, ela ndawadimie kumkira.¹⁷Jesu wajibie akideda, "Inyo kivazi kisaamini na chinonekie, imanaka andu amweri ana inyio mpaka li? imanaririmira na inyo mpakali? mrede aha kwapwa." ¹⁸Jesu wamkemia, na ipepo jikamfuma. Mdawanawakiriwe tangu saa ija.¹⁹Kisha wanafunzi wamchea Jesu kwa kiviso na kumkotia, "Kwa indoi ndadidimie kumbingisa? ²⁰Jesu akawaghoria, "Kwa sababu ya imani yenyu ndini. Loli ndawaghoria ngelo mkaka na imani hata ndini sa punje ya mbeu ya haradari, ima mwadima kughoria lughogho ulu, sana na kufuma aha ughende kuja nalo ima lwasama na ndakukagha na kilambo chochose cha kulemekana kwenyu. ²¹(Maziria: madedo gha mstari gwa 21 "ngelo, aina ihi ya pepo ndaimikana kufunma, ela kwa maombi na kufunga" ndaghawonekaa katika nakala bora ra kala).²²Makati wakika bado Galilaya Jesu akawaghoria wanafunzi wake, "mvalwa wa Adamu akumbigwa gha mikonunyimwa wandu. ²³Na wambwaghagha, na maruwa gha kadadu dima wafufuka ."Wanafunzi wahuzunikie sana.²⁴Nawo wachafika kapernaumu, wandu wawi kagha andu amweri kodi ya nusu shekeli wamghendiagha Petro na kudeda, "Je mwalimu wenyu hushanaa kodi ya nusu shekeli? ²⁵Akadeda, "Hee" ela Petro wachangia ndenyi nenyi ya iwacha, Jesu akaaria ni Petro kirindiri na kudeda, "Uteganyai simoni? wagimbikwa wa dunia, huwokera kodi angu ushuru kufuma kwa ani? kwa waja wawa tawala kufuma kwa waghenyi?²⁶Na makati Petro akideda, "kufuma kwa waghenyi" Jesu akamghoria, huwo watawaliwa wainjigwa katika kushana. ²⁷Ela disachewabonya wawhada ushuru wakibonya zambi, ghenda baharinyi, dagha ndoano, na mwuse yuja samaki achagha kirindiri. Baada ya kuamasa kwake, imawandoka aja shekeri imweri iwuse na uwaneke wawhada ushuru kwa ajili yapwa na we.

¹Makati agho gheni wanafunzi wachee kwa Jesu na kumghoria, niani ako mbaha katika ufalme gwa mbingunyi? ²Jwsu akamwanga mwana mtini, akamwika ghadi ghadi yawhe, ³Na kudeda, "Loli ndawaghoria, mkasetesiwa zambi renyu na kuka sa wana watini ndamdimagha kungia katika ufalme gwa Mlungu.⁴Huwo wowose akiseragha mwana mtini, mundu sa uyo ni mbaha katika ufalme gwa mbingunyi. ⁵Na wowose amwokeragha mwana wa mtini kwa irina japwa waniwokera nyi. ⁶Ela wowose asababishagha umweri kati ya watini awa waniamini kuasi, imayaka nicha kwa mundu uyo igwe ibaha ja kusagia jifungigwe singoni kwake, na kudidimizwa kilindinyi mwa bahari.⁷Ole kwa dunia kwa sababu ya makati gha kukwazwa kwa wuja ndaidae budi kwa matuku agho kucha, ela ole kwake kwa mundu yuja matuku agho imaracha kwa ajili yake! ⁸Ngelo mkonu gwako angu kughu kwako kukusababishagha kukwazika, udeme na uudaghe kula na we. Ni nicha nanganyi kwako we kungia kuko banana ukaka ndudae mkonu angu kilema, kuliko kudagwa andu kuko modo gwa kala na kalaukaka na mikonu yose angu maghu ghose.⁹Ngelo iriso jako jikukwazaa, ujikue na ujidaghe kula na we. Ni nicha nanganyi kwako we uingie andu kuko banana na iriso jimweri, kuliko kudagwa andu kuko modo gwa kala na kala ukaka na meso ghose.¹⁰Guwenyi kwamba msamehe mmenya umweri wa watini awa. Kwa maana ndawaghoria kuwa mbingunyi kuko malaika wo maruwa ghose wakiguguwa wushu gwa Aba wapwa ako mbingunyi. ¹¹(Maziria: madedo ghawonekagha sa gha mstari gwa 11," kwa wuja mvalwa wa Adamu wachee kutesia chija chikogho chalaghaya"ndawaghawonekie katika nakala bora kala).¹²Mteganyai? ikaka mundu akona ng'ondi ighana jimweri, na umweri wo akalagha, Je ndawasighagha tisini na kenda ya lughoghonyi na kughenda kumlola umweri walagharie. ¹³Na akampata, loli ndawaghoria, adamboiwa kuliko waja tisini na kenda wasalagharie. ¹⁴Woruwo huwo, sio mapenzi gha Aba wenyu wa mbingunyi kuwa umweri wa watini awa aangamie.¹⁵Ngelo mmbari wako akakukosea, ghenda, kambonyerie dosari yeko kati yako na ye akika mweni keri. Ngelo akakusikira, imawaka wamwuja mmbari wako. ¹⁶Ela ngelo ndakusikiragha, mwuse mmbari umweri angu wawi nanganyi amweri na we, kwa wuja kwa momu ya mashahidi wawi angu wadadu kila idedo jidimagha kuthibitishwa.¹⁷Na ngelo wapuuza kuwasikira, jighorie nyumba ya Mlungu ilagho ijo, ngelo akapuuza woruwo kujiusikira nyumba ya Mlungu, basi na ake sa mundu wa mataifa na mwhada ushuru.¹⁸Loli ndawaghoria, chochose chija mchifungagha dunienyi na mbingunyi dima wachafungwa na chochose mchifunguagha, ijo Aba wapwa wa mbingunyi dima chafunguliwa. ¹⁹Seda ndawaghoria kwamba ngelo wandu wawi kati yenyu wakikubaliana ighu ya ilagho jojose dunienyi wajilombagha, ijo Aba wapwa wa mbingunyi dima wajibonya. ²⁰Kwa wuja wawi angu wadadu wakika andu amweri kwa irina japwa, nyi neko ghadighadi yawhe.²¹Sena Petro akacha na kumghoria Jesu, "Mzuri, ni mara ilinga mmbari wapwa akanikosea na nyi nimsamehe? Hata mara saba?" ²²Jesu akamghoria, "sikughoria mara saba, ela hata sabini mara saba.²³Kwa sababu iyo ufalme gwa mbingunyi ni sawa na mgimbikwa fulani akundieghe kusahihisha hesabu kufuma kwa watumwa wake. ²⁴Achaanza kusahihisha hesabu, mtumwa umweri akaredigwa kwake ambae wakogho adamlawia talanta elfu ikumi. ²⁵Kwa wuja ndadaeghe na chia ya kushana, mzuri wake walagiziwe adagwe, mkake amweri na wananwake na kila kilambo akogho nacho, na malipo ghabonyeke.²⁶Huwo mtumwa wagwie, akakaba magoti imbiri yake, akideda, 'Mzuri, urumaghie amweri na nyi, na dima nakushana kila kilambo. ²⁷Huwo mzuri wa yuja mtumwa, kwa wuja wasukumiwe nanganyi ni mbazi, wamsighirie na kumsamehe sile iyo.²⁸Ela yuja wafumie na kumpata umweri kati ya watumwa wambawe, akogho adamshana denari ighana. Wamrudie, akamkaba maranginyi, na kumgjhoria, 'Nishane chija nkudaighaga.' ²⁹Ela mtumwa mbawe, wagwie na kumsihi nanganyi, akideda urumaghie na nyi, dimana kushana.'³⁰Ela mtumwa yuja wa kilindiri waleghie. Badala yake, waghendie na kumdagha gerezenyi, mpaka andu wamshanaa chia amlawiagha. ³¹Na wachawona watumwa wambawe chija chimfumirie, wasikitishiwe nanganyi wachee na kumghoria Mzuri wawhe kila kilambo chifumirieghe.³²Niko yuja Mzuri wa mtumwa yuja wamwangie, na kumghoria, 'we mtumwa uzamie, nakusamehe we isileyapwa yose kwa sababu wanisihi nanganyi. ³³Je! ndaukundiwe kuka na mbazi kwa mtumwa mbagho, sa nyi andu nakuwonia mbazi we?³⁴Mzuri wake wan wawonie viera na kumkabidhi kwa waja watesaji mpaka andu ashanagha kiasi chose akogho alawiwaa. ³⁵Huwo niko Aba wa Mbingunyi andu awabonyia, ngelo kila umweri wenyu ndamsamehe mmbari wake kufuma ngolonyi kwenyu."

¹Ymfumirie makati Jesu wacheria madedo agho, waingie Galilaya, na waghendie mwanonyi mwa Yedea imbiri ya mweda gwa Yordani. ²Umati mbaha wamnughie, na akawakira uko.³Mafarisayo wamchea, wakamgheria, wakamgheria, "Je ni halali kwa mndu kumsigha mkake kwa sababu yoyose. ⁴Jesu wajibie na kudeda, "Ndamsomie, kwamba ye wawaumbie kiambiri wawaumbie mumi namka?⁵Na sena akadeda, 'kwa sababu iyo mndumuni dima wamsigha ndee na mae na kuungana na mkake, nao wawi dimawaka muwi umweri? ⁶Huwo sio wawi sena, bali muwi umweri.Basi, chija wakiunganisha Mlungu, mundu wowose asakitenganishe."⁷Wakamghoria, "Idana kwa indoi Musa wadiamuru kufunya hati ya talaka na kumsigha? ⁸Akawaghoria, "kwa ugumu gwenyu gwa ngolo Musa wawaruhusu kuwasigha waka wenyu, ela tangu kiambiri ndaikee huwo. ⁹Ndawaghoria, kwamba wowose amsighagha mkake, isipokuwa kwa sababu ya uzinzi, na akamlowua umwi, wazini. Na mndumuni achamlowua mka waghiwe wazini."¹⁰Wanafunzi wakamghoria Jesu, "ngelo niko iko kwa mumi na mkake, sio nicha kulouwa. ¹¹Ela Jesu akawaghoria, "si kial mundu adimagha kuwokera mafundisho agha, bali ni kwa waja tu waruhusiwe kuwokera. ¹²Kwa wuja weko matowashi wavalwe tangu kifunyi mwa waka mae na woruwo kuko matowashi wabonyiwe ni wandu. Na kuko matowashi wa kibonyie matowashi kwa ajili ya ufalme gwa Mbingunyi. Adimagha kuwokera mafundisho agha na aghawokere."¹³Kisha akarediwa baadhi ya wana watini ili awawikie mikonu ighu yawhe na kutasa, ela wanafunzi wake wakakemia. ¹⁴Bali Jesu akadeda, "Waruhusunyi wana watini, wala msawalaghe kucha kwapwa, kwa maana ufalme gwa mbingunyi ni wa wandu sa wo. ¹⁵Na ye akawika mikonu yake ighu yawhe, na kisha akainga aja.¹⁶Guwa mundu amweri akacha kwa Jesu na kudeda, "Mwalimu, ni kilambo ki chiboie ni kundigwi kuchibonya ili nipate kuka na banana ya kala na kala." ¹⁷Jesu akamghoria, "kwa indoi udanikotia ni kilambo ki chiboie? kuko umweri tu ako aboie, ela ngelo ukakunda kupata banana, whada sheria ra Mlungu."¹⁸Yuja mundu akamkotia, "Ni sheria riao?" Jesu akadeda, "Usabwaghe, usazini, usaiwe, usashuhudie tee, ¹⁹Waheshimu ndeo na moyo, na umkunde jirani yako sa nafsi yako."²⁰Mundu uja akamghoria, "malagho ghose agho naghatii. Bado nahitaji indoi? ²¹Jesu akamghoria, "Ngelo ukakunda kuka mkamilifu, ghenda, ukadaghe uko navo, na uwaneke maskini, na dimawaka na hazina mbingunyi. Kishacho uninughe." ²²Ela mdawana uja achasikira ghaja Jesu wamghoria, waingie kwa huzuni, kwa sababu wakogho adamiliki mali nyingi.²³Jesu akawaghoria wanafunzi wake, "Loli ndawaghoria, vakurie kwa mundu tajiri kungia katika ufalme gwa mbingunyi. ²⁴Sena nawaghoria, ni rahisi kwa ngamila kuida katika itundu ja sinzano kuliko kwa mundu tajiri kungia katika ufalme gwa Mlungu."²⁵Wanafunzi wachasikira huwo, washangae nanganyi na kudeda, "Ni yuao basi adima kuokoka?" ²⁶Jesu wawatazama na kudeda, "kwa wadumu ijo ndajidimikana, ela kwa Mlungu ghose ghadadimikana." ²⁷Kisha Petro wamjibu na kumghoria, "GUwa, dasigha vose na kukunugha we. Ni kilambo ki dima dapata?"²⁸Jesu akawaghoria, "Loli nawaghorienyi, ye waninughanyi, katika muvazi mwishi makati mvalwa wa Adamu akaka katika kifumbi cha enzi cha utukufu gwake, inyo pia imamwaka ighu ya vifumbi kumi na iwi va enzi, kuwahukumu makabila kumi na iwi gha Israeli.²⁹Kila umweri wenyu wasighie iwacha, Kaka, Dada, Aba, mawe, Wana, angu mbuwa kwa ajili ya irina japwa, dimawawokera mara ighana na kupala banana ya kala na kala. ³⁰Ela wengi wako wa kilindiri iji aha, dimawaka wa mwisho, na wako wa mwisho dimawaka wa kilindiri.

¹Kwa maana ufalme gwa mbingunyi udafwana na mmiliki wa mbuwa, wawu kieghe keshokio mapema ili kuajiri wabonyakazi katika mbuwa yake ya mizabaibu. ²Baada ya kuka wakubaliana ni wabonya kazi dinari imweri kwa kutwa, wawadumie kughenda katika mbuwa yake ya mizabibu.³Waghendie sena baada ya masaa adadu uwu na wowonie wabonya kazi wamwi wakika wakamsi bila chaghu katika ieneo ja chete. ⁴Akawaghoria, 'inyo pia ghendenyi katika mbuwa ya mizabibu, na chochose chiko halali dima na weneka.'Huwo wakaghenda kubonya kazi.⁵Akawaghoria sena baada ya masaa sita na sena katika saa ya kenda, na wabonyie woruwo uwo. ⁶Mara imwi sena mnamo saa kumi na imweri, waghendie na kuwadoka wandu wamwi wakakimsi bila chaghu wawaghoria, 'kwa indoi mwakakimsi bila bila chaghu chochose kwa siku nzima? ⁷Wakamghoria, kwa sababu ndakudae mundu wowose wadiajiri. Akawaghoria 'na inyo pia ghendenyi katika mbuwa ya mizabibu.'⁸Makati gha kwenyi ghachafika, mweni mbuwa ya mizabibu wamghoria msimamizi wake,'wawange wa bonyakazi na uwashane mishahara, kwa kuwoka ni wa mwisho hata kilindiri.' ⁹Wachacha waja wajiriwe saa kumi na imweri, kila umweri wo wawokera dinari. ¹⁰Wachacha wabonya kazi wa kilindiri, wateganyie kuwa dimawawokera zaidi, ela wawokera pia kila umweri dinari imweri kila mundu.¹¹Baada ya kuwokera malipo ghawhe, wamlalamikie mmiliki wa mbuwa. ¹²Wakadeda, 'awa wabonyakazi wa mwisho watumia isaa jimweri tu katika kubonya kazi, ela wawalinganisha na isi, isi dadwa mzigo kwa siku nzima na kuya na kiruke.¹³Ela mweni mbuwa wajibie na kudeda kwa umweri wawhe, amwedu, sibonyie ilagho jizamie. Je ndadipatane na nyi kwa dinari imweri? ¹⁴Wokera chija chiko halali yako na ughenda chia rako. Ni furaha yapwa kuwaneka awa wabonya kazi waajiriwe mwisho sawasawa na we.¹⁵Je si hachi kwapwa kubonya chija nikundii na mali rapwa? angu iriso jako jazamie kwa sababu nyi nawaboie? ¹⁶Huwo wa mwisho dimawaka wa kiambiri na wakiambiri wa mwisho"¹⁷Jesu wakogho akijoka kughenda Yerusalemu, wa wawusie wanafunzi wake kumi na iwi mbai, na andu kuko chia akawaghoria, ¹⁸"Guwa didaelekea Yerusalemu, na mvalwa wa Adamu dimawakumbwa katika mikonu ya wabaha wa makuhani na waandishi. Dimawamhukumu kifo ¹⁹Na dimawafunya kwa wandu wa mataifa ili kumdhihaki, kumchapa na kumsulubisha. Ela katika iruwa ja kadadu dimawafufuka."²⁰Kisha mawe na wana wa Zebedayo wachee kwa Jesu na wana wake. Wakabie magoti imbiri yake na kumtasa kilambo kufuma kwake. ²¹Jesu akamghoria, "ukundi indui?"akamghoria, Amuru kuwa awqa wanapwa wawi wake, umweri mkonu gwako gwa kujo na umweri mkonu gwako gwa kumosho katika ufalme gwako."²²Ela Jesu wajibie na kudeda, "ndumanyagha chija utasa. Je! wadimagha kuchinywea kikombe ambacho dimanachinywea? wakamghoria, "Didimagha." ²³Akawaghoria, "kikombe chapwa hakika dimawachinywea. Ela kuka mkonu gwapwa gwa kujo na mkonu gapwa gwa kumosho si ijukumu japwa kuwaneka, ela ni kwa waja ambao wameria kuandaliwa ni Aba wapwa. ²⁴Wanafunzi wamwi kumi wachasikira huwo, wakahuzunishwa nanganyi na waja wambari wawi.²⁵Ela Jesu wawawangie mweni na kuwaghoria, "mdamanya ya kuwa ya kuwa watawala wa mataifa huwatiisha, na wabaha wawhe hutekereza mamlaka ighu yawhe. ²⁶Ela isake huwo kwenyu. Badala yake, wowose akundii kuka mbaha imbiri yenyu lazima ake mtumishi wenyu. ²⁷Na akagha wa kiambiri imbiri yenyu lazima ake mtumishi wenyu. ²⁸Sa wuja mvalwa wa Adamu ndachee kudumikiwa, bali kudumika, na kufunya uhai gwake kuka ukombozi kwa wengi."²⁹Makati wakifuma Yeriko, umati mbaha wamnughie. ³⁰Na wawawonie wasawonaa wawi waka mbai ya chia. Wachasikira wuja Jesu wakogho akiida, wafunyie mbaha sauti na kudeda, Mzuri, mvalwa wa Daudi, niwonie mbazi." ³¹Ela umati ukawakemia, na kuwaghoria nyama kimenyi. Hata huwo, wo wafunyie mbaha sauti nanganyi na kudeda, "Mzuri, mvalwa wa Daudi, Diwonie mbazi."³²Kisha Jesu wakeekimsi na wawangie na kuwakotia, "mkundi niwabonyie indoi?" ³³Wakamghoria, Mzuri kwamba meso ghedu ghafumbuliwe. ³⁴Basi Jesu akaka warudwa ni mbazi, akaghawhada meso ghawhe, mara hiyo, wakawokera uwezo gwa kuwona na wakamnughiria.

¹Jesu na wanafunzi wake wafikie avui na Jerusalemu na wamghendie hata Bethfage, katika lughongo lwa mizeituni, kisha Jesu wawadumie wanafunzi wawi, ²Akiwaghoria, "ghendenyi katika kijiji kinughiria gha, na mara imweri dimamwamdoka punda wafungwa andu aja, na wanapunda amweri naye. Wafunyienyi na kuwareda kwapwa. ³Ikaka mundu wowose akiwaghoria chochose kuhusu ijo, dimawadeda, 'Mzuri adawakundi, ' na mundu uyo mara imweri dimawaruhusu mche amweri nawo.⁴Ilagho iji jifumirie ni jija jiddediwe kuidia kwa mlodi lazima jitimizwe. Akawaghoria, ⁵Waghorie mwai waa sayuni, guwa, mgimbikwa ako adacha kwenyu, mnyenyekevu na akika wamjoka punda, na mwanapunda wa kiwoni, mwanapunda mkoho.` ⁶Kisha wanafunzi waingie na kubonya sa Jesu andu wawalagiza. ⁷Wakamreda punda, na kuwika nguwo rawhe ighju yawhe, na ye Jesu akaka aja. ⁸Wengi katika mkusanyiko watandazie nguwo rawhe chienyi, na wamwi wademie marembe kufuma andu kuko midi na kutandaza barabarenyi.⁹Umati ghawakiria Jesu na waja wamnughie wafunyie mbaha sauti wakideda, "Hosana kwa mvalwa wa Daudi! Ni mbarikiwa achae kwa irina ja Mlodi. Hosana ighu nanganyi!" ¹⁰Jesu wachafika Yerusalemu, mzi mlanzi gwa shituka na kudeda, "uyu ni ani? ¹¹"Umati gwajibie , "uyu ni Jesu mlodi, kufuma Nazareti ya Galilaya."¹²Kisha Jesu akania katika ihekalu ja Mlungu. Aakawabingisa shighadi wose wakogho wakigula na kudagha hekalunyi. Pia wapinduie meza ra wabadishaa fedha na vifumbi va wadaghaanjiwa. ¹³Akawaghoria, "Yaandikigwa, ighacho ja malombi, ela inyo mwaibonya ipango ja wanyang'anyi. ¹⁴Kisaha wasawonaa na vilema wakamchea hekalunyi, na ye akawakira.¹⁵Ela makati mabaha wa makuhani na waandishi wachawona maajabu abonyieghe, na wachasikira wana wakifunya mbaha sauti hekalunyi na kudeda, "Hosana kwa mvalwa wa Daudi," wawhadiwe ni virea. ¹⁶Wakamghoria, "wasikira chija chidedwagha ni awa wandu? jESU akawaghoria, "Hee! ela ndamuwahie kusoma, "kufuma kwa momu ya wana na wana wakogho wanyonyaa kuko sifa kamili" ¹⁷Kisha Jesu akawasigha na kughenda shgighadi ya mzi katika Bethania na kutungura uko.¹⁸Kesho kio warikogho adawuya mzini, wakogho na njala. ¹⁹Wawonie mtini mbaimbai ya barabara. Akaghughendia, ela napatie kilambo ighu yake isipokuwa nyasi. Waghorie, "kusake na matunda kwako daimasena."Na mara iyo mtini ghuja ghukanguka.²⁰Wanafunzi wachamwona, wakastaajabu na kudeda, "yakawada mtini gwanyauka mara imweri? ²¹Jesu wajibie na kuwaghoria, "loli nawaghorienyi, ndabonyagha chija chibonyekie kwa ugho lighogho, uwusigwe na ukadagwe baharinyi, na dima wabonyeka. ²²Chochose mtasaa kwa sala, uku mkaamini, dimamwawokera."²³Jesu wachafika hekalunyi, wabaha wa makuhani na waghosi wa wandu wakamchea wakati akogho akifundisha na kumkotia, "Ni kwa mamlaka kiudabonya malagho agha? na ani wakuneka mamlaka agah?" ²⁴Jesu wajibie na kuwaghoria, "Na nyi sena dimanamikotia iswali jimweri.Ngelo mkanighoria, na nyi woruwo dimanamighoria ni kwa mamlaka ki ndabonya malagho agha.²⁵Ubatizo gwa Yohana- gwafumie hao, mbingunyi angu kwa wadamu?"Wakahojiana weni, wakideda, dikideda gwafumie mbingunyi dimawadighoria kwa indoi ndamwaminie? ²⁶Ela dikideda, gwafumie kwa wadamu, dida waboa makutano, kwa sababu wose wamwonagha Yohana sa Mlodi. ²⁷Kisha wamjibie Jesu na kudeda, "ndadimanyaa"Akawaghoria pia,"Wala nyi siwaghoriagha ni kwa mamlaka ki nabonya malagho agha.²⁸Ela mteganyai? mundu mweniwana wawi. Akaghenda kwa umweri na kumghoria, 'mwanapwa, ghenda bonya kazi katika mbuwa ya mizabibu ²⁹linu. 'Mvalwa wajibie na kudeda, 'sighedaa, 'ela baadae wabadilishie mawazo ghake na waghendie. ³⁰Na mundu uja waghendie kwa mvalwa kawi na kudeda kilambo kija cheni. Mvalwa uyu wajibie na kudeda, 'dimanaghenda, Mzuri,' ela ndagheendie.³¹Yyao kati ya wana wawi wabonyie matakwa ghandee? wakadeda, "mvalwa wa kilindiri, "Jesu akawaghoria, "loli nawaghoria wawikaa andu amweri ushuru na makahaba dimawangia katika Ufalme wa Mlungu kabla yenyu kungia. ³²Kwa maana Yohana wachee kwenyu kwa chia ighaghokie, ela ndamwaminie, makati wawikaa andu amweri ushuru na makahaba wamwaminie. Na inyo, mchwona ijo jikibonyika,ndamdimie kutesiwa zambi ili baadae mumwamini.³³Sikirenyi mfano ghumwi. Kurikogho na mundu, akakona gasi mbaha ya ardhi. Wawae mizabibu, akaiwikia uzio, akabonya na chombo cha kukamia divai, akaagha na mnara wa walinzi, na wajikodishie kwa watunza zabibu kisha akaghenda katika isanga jimwi. ³⁴Makati gha mavuno gha mizabibu ghachakaribia, wawadumie baadhi ya watumishi kwa wakulima wa mizabibu kuwusa mizabibu yake.³⁵Ela wakulima wa mizabibu wakawawusa watumishi wake, wakamkaba umweri, wakambwagha umwi, na wakamkaba umweri kwa maghwe. ³⁶Kwa mara imwi, mmiliki wawadumie watumishi wamwi, wengi zaidi ya waja wa kilindiri, ela wakulima wa mizabibu wawabonyie vija veni. ³⁷Baada ya aho Mzuri uja akamduma kwawhe mvalwa wake, akideda, "Dimawaheshimu mwanapwa."³⁸Ela wakulima wa mizabibu wachamwona mdawa na uja, wakaghoriana, uyu ni mpala, chonyi, dimbwaghe na dimiliki urithi. ³⁹Huwo wakamwusa, wakamdagha shighadi ya mbuwa ya mizabibu na kumbwagha.⁴⁰Je mmiliki wa mbuwa ya mizabibu akacha, dima wawabonyai wakulima wa mizabibu. ⁴¹Wakamghoria , "Dimawawanona awo wandu wazamie katika chia ikurie nanganyi, na kisha dima waikodisha mbuwa ya mizabibu kwa wakulima wamwi wa mizabibu, wandu ambawo dimawashana kwa ajili ya mizabibu ichzwirwa."⁴²Jesu akawaghoria, "Ndamsomie katika maandiko, igwe wajileghie waashi jaka igwe ibaha jamsingi. Iji jafumie kwa Mzuri, na idashangaza mesonyi kwedu?⁴³Huwo nawaghorienyi, Ufalme gwa Mlungu dima wawusigwa kufuma kwenyu na kunekwa taifa jijalie matunda ghake. ⁴⁴Wowose agwagha ighu ya igwe ijo dimawachukanywa viwande viwande. Ela kwa wowose jimgwiaa dima jamsaga."⁴⁵Wabaha wa makuhani na mafarisayo wachasikira mifano yake, wakawona kuwa adawazungumzia wo. ⁴⁶Ela kila andu wakundii kughaghoa mikonu ighu yake, waboa makutano, kwa sababu wandu wamguwie sa Mlodi.

¹Jesu wadedie nawo sena katika mifano, akideda, ²"Ufame gwa mbingunyi udafwana na mgimbikwa waandalie gonda ya arusi ya mwanake. ³Akawaduma watumishi wake kuwakaribisha wakogho walikwa kucha katika gonda ya arusi, ela ndawafikie.⁴Mgimbikwa wawaduma sena watumishi wamwi, akideda, "Waghorienyi wose waalikwe, guwenyi, naandaa vindo. Fahali na ndama wapwa wwanon o wachinjigwa, na malagho ghose gheko tayari, chonyi gondenyi ya arusi."⁵Ela wandu awo ndawazirie kwa dhati mwaliko wake. Baadhi wawurie katika mbuwa rawhe, na wamwi wawurie katika gasi rawhe ra zoghori. ⁶Wamwi wawanukia watrumishi wa mgimbikwa na kuwadhalilisha na kuwabwagha. ⁷Ela mgimbikwa wawonie viera, wadumie ijeshi jake, akawabwagha waja wabwaghaa na kunona mzigwawhe kwa modo.⁸Kisha wawaghorie watumishi wake, "Arusi yeko tayari ela waalikiwe ndawastahilie. ⁹Kwa huwo ghendenyi makutanonyi gha chia mbaha, waalikenyi wandu wengi kadri idimikanagha wache gondenyi ya arusi." ¹⁰Watumishi waghendie chia mbaha na kuwakaribisha wandu wowose wawonie, waboie na wazamie, huwo ukumbi gwa arusi gwachuie waghenyi.¹¹Ela mgimbikwa wachangia kuwaguwa waghenyi, wamwonie mundu umweri ambae ndarwie ivazi rasmi ja arusi! ¹²Mgimbikwa wamkotia, 'Awedu, wapatie wadakufika aha ndenyi bila ivazi ja arusi! Na mundu uyo ndajibie chochose.¹³Niko mgimbikwa wachawaghoria watumishi wake, "mfunguenyi mundu uyu mikonu na maghu na mdaghenyi shighadi katika kira, uko ambako dimakwaka na kifwa na kusaga maghegho. ¹⁴Kwa wuja wandu wengi wadawangwa, ela washagulienyi ni watineri."¹⁵Niko mafarisayo waingie na kupanga jisi ya kuwhada Jesu katika madedo ghake mweni. ¹⁶Niko wawaduma wanafunzi wo amweri na maherode. Na waghoria Jesu, mwalimu, didaichi kuwa we ni mundu wa loli, na kwamba udafundisha matakwa gha Mlungu katika loli. Ndujali maoni gha mundu umwi na nduoneshagha upendeleo kwa wandu. ¹⁷Kwa huwo dighorie, uteganyai? Je ni sahihi kisheria kushana kodi kwa kaisari angu aa?"¹⁸Jesu wamanyie uovu wawhe na akadeda, "kwa indoi mdanigheria in yo wanafiki? ¹⁹Niborienyi pesa itumikaa kushania kodi." Niko wakamredia dinari.²⁰Jesu akawakotia, "sura na irina ijio ni va ani? ²¹Wamjibie, "va kaisari." Niko Jesu akawaghoria," mnekenyi kaisari vilambo viko vake na va Mlungu mnekenyi Mlungu." ²²Wachasikira huwo washangaie. Kisha wamsighie na kughenda chia rawhe.²³Maruwa agho baadhi ya masadukayo wachee kwa Jesu, waja wadedagha kuwa ndakudae ufufuo gwa wafwie. Wakamkotia, ²⁴Wakideda, "mwalimu, Musa wadedie, ikaka mundu wafwa bila kuva wana, mmbari wake na ample uyo mndumka na amneke mwana kwa ajili ya mmbari wake.²⁵Wakogho wambari saba. Wakilindiri walowua na kisha akafwa bila kuva wana. Akamsighia mkammbari wake. ²⁶Kisha mmbari wake wa kawi nae akabonya woruwo, kisha uja wa kadadu, ikaka uwo hata kwa uja wa saba. ²⁷Baada ya kubonya huwo wose, mundu mka nae wafwie. ²⁸Idana katika ufufuo uyo mundu mka dimawaka mkawa ani katika wambari awo saba? kwa sababu wose wamlowue."²⁹Ela Jesu wawajibie kuwaghoria, "Mdakosea, kwasababu ndamuichi maandiko wala ndighi ra Mlungu. ³⁰Kwa wuja katika ufufuo, wandu ndawalowuaa wala kulowolwa. Badala yake wandu huka sa malaika huko mbingunyi.³¹Ela kuhusu ufufuo gwa wafwie, ndamuwahie kusoma chija ambacho Mlungu wachideda kwenyu, akideda, ³²Nyi ni Mlungu wa Ibrahimu, Mlungu wa Isaka, na Yakobo? Mlungu si Mlungu wa wafwie bali ni Mlungu wa weko ghake." ³³Makati kusanyiko wachasikira iji, wayashangaie mafundisho ghake.³⁴Ela mafarisayo wachasikira kuwa Jesu wawanyamakimisha masadukayo, wawikie andu amweri wo weni andu amweri. ³⁵Umweri wawhe, akika mwanasheria, wamkotia iswali kwa kumgheria. ³⁶"Mwalimu, ni amri iao iko mbaha kuliko rose mkatika sheria?"³⁷Jesu wamjibie, "Lazima umkunde Mzuri kwa moyo gwako ghose, kwa ngolo yako yose, na kwa akili rako rose. ³⁸Ihi nio amri iko mbaha na kilindiri.³⁹Na ya kawi idafwana na iyo- Ni lazima kumkunda jirani yako sa wuja andu ukikundi mweni. ⁴⁰Sheria rose na walodi hutegemea amri ili iwi."⁴¹Na mafarisayo warikogho bado wakiwikaa andu amweri gasi imweri, Jesu wawakotie iswali. ⁴²Akideda, "Je! mtenganyai ighu ya Kristo? ye ni mvalwa wa ani?" Nao wamjibie, "Ni mvalwa wa Daudi."⁴³Jesu wawajibie, "Ni kwa namna iao Daudui katika ngolo adamwanga Mzuri, akideda, ⁴⁴Mzuri wamghoria Mzuri wapwa, "ka mkonu gwapwa gwa kujo, hata niwabonyaa walaghelaghe wako wawikigwe ndonyi ya maghu ghako."?⁴⁵Ngelo Daudi amwangagha Kristo "Mzuri," jinsi iao dimawaka mwanake?" ⁴⁶Ndakudae wadimie kumjibu idedo sena, na ndakudae wathubutu sena kumkotia maswali nanganyi tangu maruwa agho na kuendelea.

¹Baadae waarie na umati gwa wandu na wanafunzi wake.Akadeda, ²"Waandishi na mafarisayo wadakaija kifumbi cha Musa. ³Kwa huwo chochose wawaamuru kubonya, bonyeni uku mkiwachunguza. Ela msache iga matendo ghawhe, kwa sababu wo watamkaa malagho wasaghabonyaa.⁴Loli, wo hurugha mizigo iremere ambayo vakurie kuidwa, na kisha huwadisha wandu waweghenyi kwawhe, ela wo weni ndawaseghuragha hata chala kuidwa. ⁵Matendo ghawhe ghose, waghabonya ili waguwhe ni wandu. kwa sababu wo hushanua masanduku ghawhe na huchuria ubaha gwa mapindo gha mavazi ghawhe.⁶Wo hukunda kuka gasi ra kifahari katika gonda na katika vifumbi va heshima ndenyi ya masinagogi, ⁷Na kulamswa kwa heshima gasi ra chetenyi, na kuwangwa "Walimu" na wandu.⁸Ela inyo ndampaswaa kuwangwa "Walimu," kwa wuja mko nae mwalimu umweri, na inyo wose ni wambari. ⁹Msamwange mundu wowose aha dunienyi kuka aba wenyu, kwa wuja mko nae Aba umweri tu, nae weko mbingunyi. ¹⁰Wala msache kuwangwa "Walimu," kwa wuja mko nae mwalimu umweri tu, yaani Kristo.¹¹Bali ako mbaha imbiri yenyu dimawaka mtumishi wenyu. ¹²Wowose akiinuagha dimawaserigwa. Na wowose akiuseragha dimawanuliwa.¹³Ela ole wenyu waandishi, na mafarisayo, wanafki! mdawarughia wandu ufalme gwa mbingunyi. Na inyo ndamdimagha kungia na ndamwaruhusu wangiagha kubonya huwo. ¹⁴(Mazira: Mstari gwa 14 ndauonekagha katika nakala bora la kala. Baadhi ya nakala huchuria mstari ughu baada ya mstari gwa 12. Mstari gwa 14 "ole wenyu waandishi na mafarisayo wanafiki! kwa wuja mdawamila wakolo"). ¹⁵Ole wenyu waandishi na mafarisayo, wanafiki! mdaluwuka kimonu cha bahari na kufika kumbonya mundu umweri aamini ghaja mgha fundishaa, na andu waka sa inyo, mdambonya mara iwi mvalwa wa jehanamu sa inyo weni andu mko.¹⁶Olewenyu vilongozi msawonaa, inyo mdedagha wowose alawagha kwa ihekalu, si kilambo. Ela alawagfha kwa dhahabu ya ihekalu, wafungigwa nikirawo chake. ¹⁷Inyo msawonaa wapumbavu, chiao ni kibaha kuliko chimwi, dhahabu angu ihekalu ambajo jawikigwa wakfu dhahabu kwa Mlungu?¹⁸Na wowose alawagha kwa madhabahu, si kilambo. Bali alawagha kwa sadaka iko ighu yake, wafungigwa ni kirawo chake. ¹⁹Inyo wandu msawona, chiao ni kibaha kuliko chimwi, sadaka angu madhabahu ambayo huwika wakfu sadaka rifunyagha kwa Mlungu?²⁰Kwa huwo, ye alawagha kwa madhabahu hulawa kwa iyo na kwa vilambo vose vikogho ighu yake. ²¹Na ye, alawagha kwa ihekalu, hulawa kwa ijo na kwa uja akagha ndenyi yake. ²²Na ye alawagha kwa Mbingu, hulawa kwa kifumbi cha enzi cha Mlungu na kwa uja akagha ighu yake.²³Ole wenyu, waandishi na mafarisayo, wanafki! kwa wuja mdashana zaka kwa bizali, mnaanaa na mchicha, ela mdasigha malagho ghakurie gha sheria- hachi, mughoma, na imani. Ela agha mdapaswa kuwa mwaghabonya, na sio kusigha ghamwi bila kughatekeleza. ²⁴Inyo vilongozi msawonaa, inyo ambawo mdachuja madudu mtini ela mdamila ngamila!²⁵Ol ewenyu, waandishi na mafarisayo wanafki! kwa wuja mdaoghesha shighadi ya vikombe na shighadi ya sahani, ela ndenyi kwa chua dhuluma na kulemwa kuka na kiasi. ²⁶Inyo mafarisayo msawonaa, oghesheni kilindiri ndenyi ya kikombe na ndenyi ya sahani, ili luwande lwa shighadi na lo lake lwaelie.²⁷Ole wenyu, waandishi na mafarsayo wanafki! kwa wuja mdafwana na makaburi ghavie choka, ambagho kwa shighadi, huwonekagha ghaboie, ela kwa ndenyi ghachua maindi gha wafwie na kila kilambo chiko kichafu. ²⁸Woruwo huwwo, na inyo kwa shighadi mwonekagha weko na hachi imbiri ya wandu, ela kwa ndenyi mwachua unafki na udhalimu.²⁹Ole wenyu, waandishi na mafarisayo, wanafki! kwa wuja mdagha makaburi gha walodi na kughapamba makaburi gha wekona hachi. ³⁰Inyo mwadeda, kumacha daishi maruwa gha aba redu, kumacha dairikiogho dashiriki amweri nawo kudia bagha ra walodi. ³¹Kwa huwo mwakishuhudia weni kwamba inyo ni wana wa awo wawabwaghie walodi.³²Pia inyo mwakamilisha kuchura gasi istahili dhambi ya aba renyu. ³³Inyo choka, wana wa vipiribao, kwa maana ki dima mwaikwepa hukumu ya jehanamu?³⁴Kwa huwo, guwa, nawaduma kwenyu walodi, wandu wekona na hekima, na waandishi. Baadhi yawhe dima mwawabwagha na kuwasilisha. Na baadhi yawhe dimamwawachapa ndenyi ya msinagogi ghenyu na kuwabinyisa kufuma mzi umweri hata umwi. ³⁵Matokeo ni kwamba ighu dimawakwafumiria bagha rose ra wekona hachi ridiwe duniuenyi, kuanzia bagha ya Habili mweni hachi hata kwa bagha ya Zakaria mvalwa wa Wa Barakia, mubwaghie kati ya patakatifu na madhabahu. ³⁶Loli nawaghorienyi, malagho agha ghose dimayakipata kivazi ichi.³⁷Yerusalemu, Yerusalemu, we uwabwaghagha walodi na kuwakaba magwe waja ambawo wandumiagwa kwako? mara ilinga nawawika andu amweri wana wako amweri sa wuja nguku awawi kagha anadu amweri vifaranga vake ndonyi ya mbawa rake ela ndaukubalie. ³⁸Guwa jako jabaki ukiwa. ³⁹Na nyi ndakughoria, kuanzia ijiaha na kuendelea nduniwonagha, hata uchadeda, 'wabarikiwa ye achagha kwa irina ja Mzuri."'

¹Jesu wafumie hekalunyi na kughenda chia rake. Wanafunzi wake wamghendia na kumbonyeria majengo gha ihekalu. ²Ela wawajibie na kuwaghoria, Je ndamghawonaa malagho agha ghose? loli ndawaghoria, ndakudae igwe jibakii ighu ya jimwi bila kubomolewa."³Na wachaka katika lughongo lwa mizeituni, wanafunzi wake wamghendia kwa faragha na kudeda, "Dighorie, malagho agha dimaghafumiria li? kilambo ki dima chaka dalili ya kucha kwako na mwisho gwa urumwengu?" ⁴Jesu wawajibie na kuwaghoria, "Kenyi makini kwamba asache mundu akawapotosha. ⁵Kwa wuja wengi dimawacha kwa irina japwa. Dima wadeda, 'nyi nie Kristo', na dimawawapotosha wengi.⁶Dimamwawwasikira kondo na taarifa ra kondo. Guwenyi msacheka na wasiwasi, kwa wuja malagho agha ndaghadae budi kufumiria, ela uja mwisho ndauserefika. ⁷Kwa wuja taifa dima januka dhidi ya taifa jimwi, na ugimbikwa dhidi ya ugimbikwa. Dima kwaka na njala na matetemeko gha ardhi katika gasi tofauti. ⁸Ela malagho agha ghose ni kilindiri tu cha uchungu gwa kukifungua.⁹Niko dimawawafunya kwa ajili ya mateso na kuwa bwagha. Dimamwazamiwa na mataifa ghose kwa sababu ya irina japwa. ¹⁰Niko wengi imawakikuwa na kusalitiana na imawazamiana. ¹¹Walodi wengi watee dimawafumiria na kuwaembia wengi.¹²Kwa sababu uovu dimagwachurika, lukundo lwa wengi imalwahoa. ¹³Ela arumaghiagha mpaka mwisho, dimawatesiwa. ¹⁴Ihi injili ya ugimbikwa imayahubiriwa katika urumwengu mlanzi sa ushuhuda kwa mataifa ghose. Na niko uja mwisho dima gwafika.¹⁵Kwa huwo, mchamwona chukizo ja unonefu, jidediwe ni mlodi Danieli jakakimsi andu patakatifu [asamagha na amanye], ¹⁶Niko wakogho Yuda wakimbilie lughoghonyi. ¹⁷Na uja akogho ighu ya paa ja iwacha asadimekusea isi kuwusa kilambo chochose kufuma ndenyi ya iwacha jake, ¹⁸Na ye akogho mbuwenyi asawuye kuwusa ivazi jake.¹⁹Ela ole wawhe ambawo wakona mwana na waja ambawo wanyonyeshagha katika maruwa agho! ²⁰Tasenyi kwamba kukimbia kwenyu kusake wakati gha mbeo, wala maruwa gha sabato. ²¹Kwa wuja dima kwaka na dhiki mbaha, ambayo ndaisere kuka tangu kuumbwa kwa urumwengu hadi ijiaha, na wala ndaidimakuka sena. ²²Ngelo maruwa agho kumachandaghafupishwa, ndakudae ambae kumachatesiwa ela kwa sababu ya wateule, maruwa agho dimaghafupishwa.²³Kisha ikika mundu wowose dimawawaghoria 'guwa, Kristo ako aha! angu, 'Kristo ako kuja' msaamini malagho agho. ²⁴Kwa wuja makristo gha tee na walodi wa tee imawacha na kubonyeria ishara mbaha na maajabu, kwa kusudi ja kupotosha, ngelo kumachayadimikana ata na wateule. ²⁵Guwenyi, na watahadharisha kabla ya malagho agho kufumiria.²⁶Kwa huwo, ikika wamighoria, "Kristo ako ijangwenyi, " msaghende ako ijangwenyi. Angu, 'guwenyi, wekondenyi ya iwacha," msaamin i malagho agho. ²⁷Kama wuja radi andu imulikaa kubfuma mashariki na kuangaza hata magharibi, niko ikagha kucha kwa mvalwa wa Adamu. ²⁸Kokose andu kuko kimba, uko niko tai wakwa na andu amweri.²⁹Ela mara baada ya dhiki mbaha ya maruwa ghaja, iruwa dimajakumbigwa kira, mweri ndaghufunyaa mwanga gwake, nyenyeri dimaragwa kufuma angenyi, na ndighi ra mbingunyi dima ra tikisika.³⁰Niko ishara ya mvalwa wa Adamu dima yawoneka angenyi, na makabila ghose gha dunia dimawalila kubaha. Dimawamwona mvalwa wa Adamu akicha katika madulu gha angenyi kwa ndighi na utukufu mbaha. ³¹Dimawawaduma malaika wake kwa sauti mbaha ya igunda nawo dimawawawika andu amweri wateule wake kufuma pande ina ra dunia, kufuma mwisho umweri wa mbingu hata umwi.³²Kifdunzeni somo kufumana na mdi mtini. Mara tu irembwe jikabuka na kufunya nyasi, mdaichi kwamba kiangazi kidakaribia. ³³Huwo pia, mchawona malagho agha ghose, mdapaswa kumanya kwamba wakaribia, avui na malango.³⁴Loli ndawaghoria, kivazi ichi ndachiidagha, hata malagho ghose agha dimaghaka ghafumiria. ³⁵Mbingu na isanga dimaraida, ela madedo ghapwa ndaghaidagha kamwe.³⁶Ela kuhusu maruwa ghaja na saa ndakudae mundu amanyagha, hata malaika wa mbimgunyi, wala mvalwa, bali Aba mweni keri.³⁷Sa wuja andu ikogho katika maruwa gha Nuhu, niko ikagha kucha kwa mvalwa wa Adamu. ³⁸Kwa wuja katika maruwa agho kabla ya igharika wandu wakogho wakija na kunywa, wakilowua na kulowolwa hata maruwa ghaja ambagho Nuhu wangie katika safina, ³⁹Na ndawamanyie kilambo chochose hata igharika ichacha na kuwasomba wose - niko ikagha kucha kwa mvalwa waAdamu.⁴⁰Niko wandu wawi dimawaka mbuwenyi - umweri dimawawusigwa, na umweri dimawasigwa nyuma. ⁴¹Waka wawi dimawaka wasaga andu amweri - umweri dimawawusigwa, na umweri dimawabaki. ⁴²Kwa huwo, mke meso kwa sababu ndamuichi ni maruwa ki ambagho dimawacha Mzuri wenyu.⁴³Ela muichi kwamba, ikaka Mzuri mweni iwacha kumachawaichi ni saa iao ambayo mwiwi adacha, kumacha waka meso na kumacha ndaruhusu iwacha jake kuvamiwa. ⁴⁴Kwa huwo, pia mdapaswa kuka tayari, kwa wuja mvalwa wa Adamu dimawacha katika saa msaa itarajia.⁴⁵Huwo ni ani akomwaminifu, mtumwa mweni akili, ambae Mzuri wake wamneka madaraka ighu ya wandu weko katika iwacha jake, ili awaneke vindo kwa makati gha faagha? ⁴⁶Wabarikiwa mtumishi uyo, ambae Mzuri wake dimwamdoka akibonya huwo makati akicha. ⁴⁷Loli ndawaghoria kwamba Mzuri dimawamwika ighu ya kila kilambo chiko chake.⁴⁸Ela ngelo mtumwa wazamie aklideda ngolonyi mwake, Mzuri wapwa adakawia,' ⁴⁹Na akawoka kuwakaba watumishi wake, na akaja na kulewa chofi, ⁵⁰Mzuri wa mtumwa uyo dimawacha katika maruwa ambagho ndaghatarajiaa, na katika saa ambayo ndaichi. ⁵¹Mzuri wake dimawamdema viwande viwi na kumwika andu kuko nafasi imweri sawa na wanafiki, ambako dimakwaka na kifwa na kusaga maghegho.

¹Niko ufalme gwa mbingunyi dimawafananishwa na wai kumi wuwusie taa rawhe na kuinga kughenda kumwokera bwana arusi. ²Wasanu imbiri yawhe wakogho wapumbavu na wasanu wamwi wakogho werevu/ ³Wai wapumbavu wachawusa taa rawhe,ndawawusie mavuda ghoghose. ⁴Bali wai werevu wawusie vombo vikona mavuda andu amweri na taa rawhe.⁵Idana makati Bwana arusi wachelewa kufika, wose wawhadie ni dilo na wakatungura. ⁶Ela makati gha kio kibaha kurikogho na yowe, 'guwa, bwana arusi! fumeni shighadi mkamwokere.'⁷Niko awo wai wawukie wose na kuwasha taa rawhe. ⁸Waja wapumbavu wawaghoria waja werevu, mdipatie sehemu ya mavuda ghenyu kwa sababu taa redu ridarima. ⁹Ela waja werevu wawajibie na kuwaghoria, 'kwa wuja ndaghaditoshss isi ns inyo, badala yake ghendenyi kwa wadaghagha mkiguie kiasi kwa ajili yenyu."¹⁰Makati waghenda uko kugua, Bwana arusi wafika, na wose warikogho tayari waghendie naegondenyi ya arusi, na mjango gwarugwie. ¹¹Baadae waja wai wamwi pia wafikie na kudeda, 'Mzuri, mzuri, dirughurie.' ¹²Ela wajibie na kudeda, 'loli ndawaghoria, nyi siwaichi. ¹³Kwa huwo guwenyi, kwa wuja ndamuichi maruwa angu saa.¹⁴Kwa wuja ni sawa na mundu akundighe kusafiri kughenda isanga jimwi. Wawawangie watumwa wake na kuwakabidhi utajiri gwake. ¹⁵Umweri wawhe wampatia talanta isanu, umwi wamnekie iwi, na uja umwi wamnekie talanta imweri. Kila umweri wawokera kiasi kulingana na uwezo gwake, na uja mundu wasafirie kughenda chia rake. ¹⁶Mapema uja wawokerie talanta isanu waghendie kuriwekeza, na kuzalisha talanta rimwi isanu.¹⁷Woruwo uja wawokerie talanta iwi, wazalisha rimwi iwi. ¹⁸Ela mtumwa wawokerie talanta imweri, waghendie chia rake, akakota ishimo ardhinyi, na kuivisa fedha ya Mzuri wake.¹⁹Na baada ya muda mlacha, Mzuri wa watumwa awo wawurie na kubonyeria mitalo nawo. ²⁰Uja mtumwa wawokerie talanta isanu wachee na kureda talanta rimwi isanu, akadeda, 'Mzuri, wanineka talanta isanu. Guwa, napata faida ya talanta rimwi isanu.' ²¹Mzuri wake wamghoria, 'Hongera, mtumwa uboie na mwaminifu! waka mwaminifu kwa vilambvo vitini. Dimanakuneka madaraka ighu ya vilambo vingi. Ngia katika furaha ya Mzuri wako.'²²Mtumwa wawokerie talanta iwi wachee na kudeda, 'Mzuri, wanineka talanta iwi. Guwa, napata faida ya talanta rimwi iwi,' ²³Mzuri wake awaghoria, 'Hongera mtumwa uboie na mwaminifu! waka mwaminifu kwa vilambo vitineri. Dimanakuneka madaraka ighu ya vilambo vingi. Ngia katika furaha ya Mzuri wako.'²⁴Baadae mtumwa wawokerie talanta imweri wachee na kudeda, 'Mzuri, ndaichi kuwa we ni mundu uorie. Udawhaya andu ambako nduwae na udakwasha andu ambako kuhusia. ²⁵Nyi naboa, nikaghenda chia rangu na kuvisa talanta yako katika ndoe. Guwa, uko nayo aha ija iko yako.'²⁶Ela Mzuri wake wajibie na kjudeda, 'We mtumwa uzamie na mzembe, wamanyie kwamba ndawhaya andu ambako siwae na kuwasha andu ambako sikusia. ²⁷Kwa hiyo wapasiwe kuwaneka fedha yapwa wandu wa benki, na makati gha kuwuya kwapwa kumacha naiwokera ija yapwa andu amweri na faida.²⁸Kwa huwo msokenyi iyo talanta na mnekenyi uja mtumwa ako na talanta kumi. ²⁹Kila mundu ako nacho, dimawachuriwa na nganyi - ata kwa kuzidishiwa sana. Ela kwa wowose asadae kilambo, ata ako nacho dimawasokwa. ³⁰Mdaghenyi shighadi kirenyi uyo mtumwa asafaa, ambako dimakwaka na kifwa na kusaga maghegho.³¹Makati mvalwa wa Adamu akacha katika utukufu gwake, malaika wose andu amweri nae, niko dimawaka ighu ya kifumbi chake cha utukufu. ³²Mataifa ghose dimaghaka andu amweri imbiri yake, na ye dimawawatenganisha wandu, kama wuja mlisha awatenganishaa ng'ondi na mburi. ³³Dimawawawika ng'ondi mkonu gwake gwa kujo, bali mburi dimawawawika mkonu gwa kumosho.³⁴Kisha mgimbikwa dimawawaghoria waja wako mkonu gwake gw kujo, 'chonyi, inyo mwabarikiwa ni Aba wapwa, palenyi Ufalme gwa andaliwe kwa ajili yenyu tangu kuwikwa msingi gwa urumwengu. ³⁵Kwa wuja nakogho na njala na mwaninekie vindo,' Narikogho mghenyi na mwanikaribisha.' ³⁶Narikogho kibigiri na mwanirushie nguwo,' narikogho mkongo na mkanitunza, nakogho kifungonyi na mkanichea.'³⁷Niko wenihachi dimawamjibu na kumghoria, 'Mzuri, li dakuwonie ukika na njala, na kukujisa, Angu ukona kau na dikakuneka machi? ³⁸Na ni li dakuwonie ukika mghenyi, na dikakukaribisha? angu ukika kibigiri na dikakurusha nguwo? ³⁹Na li dakuwonie ukika mongo, angu katika kifungo, na dikakuchea? ⁴⁰Na mgimbikwa dimawamjibu na kuwaghoria, 'loli ndawaghoria, mchibonyie aha kwa umweri wa wambari wapwa watini, mwanibonyia nyi.'⁴¹Niko imawaghoria awo weko mkonu gwake gwa kumosho, 'ingenyi kwapwa, inyo mlaaniwe, ghendenyi katika modo gwa kala na kala gwaandaliwe kwa ajili ya shetani na malaika rake, ⁴²Kwa sababu nakogho na njala ela ndamninekie vindo; nakogho nakau ela ndamninekie machi; ⁴³Narikogho mghenyi ela ndamnikaribishe; nakogho kibigiri ela ndamninekie mavazi; ni kika mkongo na nikika kifungonyi, ela ndamnitunzie.'⁴⁴Niko wo pia dimawamjibu na kudeda, 'Mzuri, li dakuwona ukika na njala, angu ukona kau, angu umghenyi, angu ukika kibigiri, angu ukika mkongo, angu ukika mfunwa, na ndadikutawarie? ⁴⁵Kisha imawamjibu na kudeda, 'loli ndawaghoria, chija ambacho ndambonyie kwa umweri wa awa watini, ndamnibonyie nyi.' ⁴⁶Awa dimawaghenda katika adhabu ya kala na kala bali wekona hachi katika banana ya kala na kala."

¹Makati Jesu achameria kudeda madedo ghose agho, wawaghorie wanafunzi wake, ²"Mdaichi kwamba baada ya maruwa awi dimakwaka na sikukuu ya pasaka, na mvalwa wa Adamu dimawafunyigwa ili asulubiwe."³Baadae wabaha wa makuhani na waghosi wa wandu wakwana andu amweri katika makao gha kuhani mbaha, warikogho akiwangwa koyafa. ⁴Kwa andu amweri wapangie njama ya kumwhada Jesu kwa kiviso na kumbwagha. ⁵Kwa wuja wadedie, "isabonyeke makati gha sikukuu, kusudiisacxhezuka ghasia imbiri ya wandu."⁶Makati Jesu wakogho Bethania katika iwacha ja simoni mkoma, ⁷Warikogho wakighaghoa mzenyi, mndumka umweri wachee kwake akika wadwa mkebe gwa Alabasta irikogho na mavuda yakona thamani mbaha, na waghamimina ighu ya chongo chake. ⁸Ela wanafunzi wake wachawona ilagho ijo, wazamiwe na kudeda, "Ni indoi sababua ya hasara ihi? ⁹Agha kumacha ghadimikana kudagwa kwa kiasi kibaha na kunekwa maskini."¹⁰Ela Jesu akika adaichi iji, wawaghorie, "kwa indoi mdamgaisha mndumka uyu? kwa wuja wabonya kilambo chiboie kwapwa. ¹¹Maskini mkonao maruwa ghose, ela ndamkagha andu amweri na nyi daima.¹²Kwa sababu andu wamimina mavuda agha ighu ya muiwi gwapwa, wabonyi huwo kwa ajili ya mariko ghapwa. ¹³Loli nawaghorienyi, kokose injili ihi ikahubiriwa katika urumwengu mlanzi, kitendo wachibonya uyu mndumka, pia dima waka chikidedigwa kwa ajili ya kumkumbuka.."¹⁴Niko umweri wa waja kumi na iwi, wawangiwe Yuda iskariote, waghendie kwa wabaha wa makuhani. ¹⁵Na kudda, "dimamwanineka indoi nikamsaliti? Wakampimia Yuda viwande thelathini va fedha. ¹⁶Tangu mudaugho walolie nafasi ya kumsaliti.¹⁷Hata maruwa gha kilindiri gha mikate isakumbagwa chachu, wanafunzi wamghendia Jesu na kudeda, "Hao ukundi dikuandalie uje vindo va pasaka?" ¹⁸Akawaghoria, "Ghendenyi mzinyi kwa mundu fulani na mghorienyi, mwalimu adadeda, "mudagwapwa gwakaribia. Dimanaitimira pasaka andu amweri na wanafunzi wapwa katika iwacha jako." ¹⁹Wanafunzi wabonyie sa wuja Jesu andu wawalagiza, na waandalie vindo va pasaka.²⁰Ichafika kwenyi, wakee kuja vindo andu amweri na waja wanafunzi kumi na iwi. ²¹Warikogho wadaja vindo, wadedie, "loli nawaghoria kwamba umweri wenyu dimawanisaliti." ²²Wawonie mbazi nanganyi, na kila umweri waanzie kumkotia, "Je, hakika sio nyi, Mzuri²³Wawajibie, "Uja ambae achovyaa mkonu gwake andu amweri nanyi katika ibakuli nie ambae dimawanisaliti. ²⁴Mvalwa wa Adamu dimawainga kama andu waandikiwa. Ela ole wake mundu ambae dimawamsaliti mvalwa wa Adamu! kumachayakanicha kwa mundu uyo kama kumachandavalwe." ²⁵Yuda ambae kumachamsaliti wadedie, "Je! Ninyi Rabi?" Jesu akamghoria, "Wadeda ilagho ijo we mweni."²⁶Warikogho wakija vindo, Jesu wawusie mkate, akaghubariki na kuubegha. Akawaneka wanafunzi wake akideda, "Wusenyi, mje uhu nimuwi gwapwa."²⁷Akawusa kikombe na kushukuru, akawaneka na kudeda, "Nyweni wose katika ichi. ²⁸Kwa wuja ihi ni bagha ya iagano japwa, idiwa gwa kwaajili ya wengi kwa msamaha gwa zambi. ²⁹Ela nawaghorienyi, sinywagha sena matunda gha mzabibu ughu, hata maruwa ghaja ninywa gha mwishi amweri na inyo katika Ufalme gwa Aba wapwa."³⁰Warikogho wameria kubora lumbo, wafumie kughenda lughongo lwa mizeituni. ³¹Kisha JJesu wawaghoria, kio ichi inyo wose dima mwakikuwa kwasababu yapwa, kwa wuja yaandikigwa, dimanamkaba mlisha na ng'ondi wa ikundi dimawawaghanyika. ³²Ela baada ya kufufuka kwapwa, dimanawakiria kughenda Galilaya."³³Ela Petro wamghoria, Ata kama wose dimawakulegha kwa sababu ya malagho ambagho dimaghakupata, nyi sikuleghagha." ³⁴Jesu wamjibie, "loli ndakughoria, kio ichi kabla jogholo ndaisire kema, dimawanikana mara idadu." ³⁵Petro akamghoria, "Ata kama kumacha yanipasa kufwa ni we,sikuksnaa."Na wanafunzi wamwi wose wakadeda woruwo uwo.³⁶Baadae Jesu waghendie nawo andu kuwangwaa Gethsemane na wawaghoria wanafunzi wake, "kenyi aha wakati nikighenda uko na kutasa." ³⁷Akamwusa Peto na wawiu wa zebedayto na waanzie kuhuzunika na kusononeka. ³⁸Kisha wawaghoria, "Ngolo yapwa ikona huzuni mbaha sana, hata kiasi cha kufwa. Bakinyi aha na mlale meso andu amweri nanyi."³⁹Akaghenda imbiri kidogo, akagwa kifudifudi, na kutasa. Akadeda, "Aba wapwa, ngelo idadimikana, kikombe icghi chiniepuke. Isake andu ndikundii nyi, bali sa andu ukundii we." ⁴⁰Akawaghendia wanafunzi na akawadoka watungura dilonyi, na akamghoria Petro, "Kwa indoi ndamdimie kulala meso nanyi kwa isaa jimweri? ⁴¹Lalenyi meso na kutasa kusudi msangie majaribuni. Ngolo iradhi, ela muwi ni dhaifu."⁴²Akaghenda chia rake mara ya kawi na kutasa, akadeda, "Aba wapwa ngelo ilagho iji ndajidimikana kuepukika na ni lazima nichinywee kikombe ichi, mapenzi ghako ghatimizwe." ⁴³Akawuya sena kuwadoka watungura dilonyi, kwa wuja meso ghawhe ghakogho ghakurie. ⁴⁴Kisha akawasigha sena akaghenda chia rake. Akatasa mara ya kadadu akideda madedo gha ja gheni.⁴⁵Baadae Jesu wawaghendia wanafunzi wake na kuwaghoria, "bado mwamtungura tu na kukisoghosha? guwenyi, saa yakaribia, na mvalwa wa Adamu adasalitiwa mikonunyi mwa weni zambi. ⁴⁶Wukienyi, ndiinge. Guwa, uja anisalitiagha wakaribia."⁴⁷Makati wakogho bado akiaria, Yuda umweri wa waja kumi na iwi, wafikie. Kundi ibaha jafikie andu amweri nae jikifumira kwa wabaha wa makuhani na waghosi wa wandu. Wachee na malwamba na marungu. ⁴⁸Sena mundu wakusudie kumsaliti Jesu wakogho wawaneka ishara, akideda, "Uja nimbusu, nio ye mwhadenyi."⁴⁹Mara iyo wachee kwa Jesu na kudeda, "Salamu, Mwalimu!" na wambusu. ⁵⁰Jesu akamghoria, Amwedu jibonye jija ambajo jakureda."Niko wakacha, na kumghaghoia mikonu Jesu, na kumwhada.⁵¹Guwa, mundu umweri warikogho andu amweri na Jesu, waghaghoa mkonu gwake, akafunya luwamba lwake, na akamkaba mtumishi wa kuhani mbaha, na kumdema kudu kwake. ⁵²Niko Jesu akamghoria, wuja luwamba lwako aja andu walufunya, kwa wuja wose watumiaa lwamba dimawaangamizwa kwa luwamba. ⁵³Mdadhani kuwa sidimagha kumwanga Aba wapwa, na ye akanidumia majeshi zaidi ya kumi na iwi gha malaika?" ⁵⁴Ela basi jinsi ki maandiko ghadima kutimiza gwa, uwu niko idapasa kufumira?"⁵⁵Makati agho Jesu akaughoria umati, " Je! machana na malwamba na marungu kunuwhada sa mnyang'anyi? kila siku nakaiye hekalunyi nikifundisha, na ndamniwhadie! ⁵⁶Ela ghose agha ghabonyeka ili maandiko gha walodi ghatimie." Niko wanafunzi wake wakamsigha na kukimbia.⁵⁷Waja wawhadie Jesu wamhadie Jesu wamghenjie kwa kuyafa, kuhani mbaha, andu ambako waandishi na waghosi wakogho waka andu amweri. ⁵⁸Ela Petro wamnughie nyuma kwa kala kula hata katika ukumbi gwa kuhani mbaha. Wangie ndenyi na kuka andu amweri na walinzi awonechifumiriagha.⁵⁹Basi wabaha wa makuhani na ibaraza jose warikogho wakilola ushahidi gwa tee dhidi ya Jesu, kusudi wapate kumbwagha. ⁶⁰Ingawa wakakitokeza mashahidi wengi, ela ndawapatie sababu yoyose ela baaadae mashahidi wawi wakitokeza imbiri. ⁶¹N kudeda, "Mundu uyu wadedie, "Nadimagha kujichukanya ihekalu ja Mlungu na kujiagha sena kwa maruwa adadu."⁶²Kuhani mbaha wakee kimsi na kumkotia, "Ndudi magha kujibu? awa wadakushuhudia indoi dhidi yako?" ⁶³Ela Jesu wanyamie kima kuhani mbaha akamghoria, "sa Mlungu andu aishivyo, ndakuamuru udighorie, ngelo we ni Kristo, mvalwa wa Mlungu?" ⁶⁴Jesu wamjibie, "We mweni wadeda ilagho ijno. Ela ndakughoria, toka ijiaha na kuendelea dimawamwona mvalwa wa Adamu waka mkonu gwa kujo ukona ndighi, na akicha katika madulu gha mbingunyi."⁶⁵Niko kuhani mbaha wararua mavazi ghake na kudeda, "Wakufuru! Je dahitaji sena ushahidi gwa, tayari mwasikira akikufuru. ⁶⁶Je!mtenganyai? wajibie na kudeda, "adastahili kifwa."⁶⁷Kisha wamchiye mada wushunyi na kumkaba ngumi, na kumchapa makofi kwa mikonu yawhe, ⁶⁸Na kudeda, "Ditabirie, we Kristo. Ni ani wakuchapa?"⁶⁹Wakati ugho Petro warikogho waka shighadi katika ukumbi, na myumishi wa kiwaka wamghendia na kudeda, "We pia wakogho andu amweri na Jesu wa Galilaya." ⁷⁰Ela wakanie imbiri yawhe wose, akideda, simanyagha kilambo udedaa."⁷¹Wachaghenda shighadi ya ilango, mtumishi umwi wa kiwaka wamwonie na kuwaghoria wakongo aho," mundu uyu pia wakogho andu amweri na Jesu wa Nazareti." ⁷²Wakanie sena kwa kirawo, "Nyi simu ichi mundu uyu.⁷³Muda mfupi baadae, waja waja wakogho wakakimsi karibu, wamghendia na kudeda na Petro, "kwa hakika we pia ni umweri wawhe, kwa wuja hata lafudhi yako idaonesha." ⁷⁴Niko waanzie kulaani na kulawa, "Nyi simmanya mundu uyu,"na mara iyo jogholo akakema. ⁷⁵Petro wamkumbukie madedo waghoriweghe ni Jesu, "kabla jogholo ndaisire kema dimawanikana mara idadu."

¹Taimu ra keshokio richafika, wabaha wose wa makuhani na waghosi wa wandu wajie njama dhidi ya Jesu wapate kumbwagha. ²Wamfunga, wamuongoza, na kumfikisha kwa liwali pilato.³Kisha makati Yuda, ambae wakogho wamsaliti, wawonie kwamba Jesu wameria kuhusu kumiwa, wajutie na kuwuja viwande thelathini va fedha kwa mbaha wa makuhani na waghosi, ⁴Na akadeda, "Nabonya zambi kwa kuisaliti bagha isadae hatia." Ela wajibie, "Idadihusu indoi isi? ghaguwe agho mweni." ⁵Kisha wavirusha ndonyi vija viwande va fedha katika ihekalu, na kuinga chia rake na kukinyonga mweni.⁶Mbaha wa makuhani waviwusie vija viwande va fedha na kudeda, na kudeda, "si halali kuiwika fedha katika hazina, kwa sababu ni gharama ya bagha." ⁷Wajadiliana andu amweri na fedha ikadumika kugulia mbuwa ya mfinyanzi ja kurika waghenyi. ⁸Kwa sababu ihi mbuwa iyo yaka ikiwangwa, "mbuwa ya bagha" hata linu ihi.⁹Kisha jija idedo jirikogho jadedigwa ni Mlodi Yeremia jatimie kudeda, "Wawusie viwande thelathini va fedha, gharama ipangiwegweni wandu wa Israeli kwa ajili yake, ¹⁰Na waitumia kwa mbua ya mfinyanzi, sa Mzuri andu wakogho wanielekeza.¹¹Idana Jesu wakeekimsi imbiri ya liwali, na liwali akamkotia, "Je! we ni mgimbikwa wa wayahudi?" Jesu wamjibie, "We wadeda huwo." ¹²Ela makati washitakiwa ni wabaha wa makuhani na waghosi, ndajibie chochose. ¹³Kisha Pilato waghoria, ndughasikire mashitaka ghose dhidi yako?" ¹⁴Ela ndamjibie hata idedo jimweri, huwo liwali wachuiwe ni mshangao.¹⁵Idana katika sikukuu irikogho desturi ya liwali kumrughua mfungwa umweri asaghu lwagha ni umati. ¹⁶Makati agho warikogho na mfungwa sugu irina jake Baraba.¹⁷Huwo makati warikogho wakwana andu amweri, Pilato wawakotia, "Ni ani mkundii dimrughae kwa ajili yenyu? Baraba angu Jesu awangwagha Kristo? ¹⁸Kwa sababu wamanyie kwamba wameria kumwhada kwa sababu ya chuki. ¹⁹Makati warikogho akika kifumbinyi kwake cha hukumu, mkake wamdumie idedo na kudeda, "usabonye ilagho jojose kwa mundu uyo asadae hatia.Kwaani natesigwa nanganyi hata linu katika ndodo kwa sababu yake."²⁰Niko wabaha makuhani na waghosi wawashawishie makutano wamlombe Baraba, na Jesu abwagwe. ²¹Liwali wawakotia, "Ni uyao kati ya wawi mkundinyi ni msighe kwenyu? wadedie"Baraba." ²²Pilato akawaghoria, "Nimbonye wada Jesu awangha Kristo?" Wose wajibie, "msulubishe"²³Na ye akadeda, "kwa indoi, ni kosa ki wabonya? ela wazidie kufunya mbaha sauti hata ighu na nyanyi "msulubishe." ²⁴Huwo makati Pilato wachawona ndadimaa kubonya jojose, ela badala yake vurugu rakogho raanza, wawusie machi akaogha vala vake imbiri ya umati, na kudeda, "Nyi sida hatia ighu ya bagha ya mundu uyu asadae hatia. Yaguwenyi agha inyo weni."²⁵Wandu wose wakadeda, "Bagha yake ike ighu yedu nawana wedu." ²⁶Kisha wamrughia Baraka kwawhe, ela wamkaba mjijeredi Jesu na kumkabidhi kwawhe kughenda kusulubiwa.²⁷Kisha askari wa liwali wakamwusa Jesu hata praitorio na kundi ibaha ja maaskari wose wakamkaia andu amweri. ²⁸Wakamrua nguwo rake na kumrwisha kazu ya rangi itinikie. ²⁹Kisha wakabonya taji ya minjwa na kuiwika ighu ya chongo chake, na wawikia mwanzi katika mkonu gwake gwa kujo. Wakabie magoti imbiri yake na kumkejeri, wakideda, salamu, mgimbikwa wa wayahudi?"³⁰Na wamchuie mada, na wawusie mwanzi nakumkaba chongonyi. ³¹Makati warikogho wakimkejeri, wamrua ijakazu na kumrwisha nguwo rake, na kumlongoza kughenda kumsulubisha.³²Wachafuma shighadi, wamwonie mundu kufuma krene irina jake simeoni, ambae wamlazimishie kughenda nawo ili apate kuudwa msalaba gwake. ³³Wachafika andu kuwangwagha Goligotha, maana yake, "ieneo ja ifuvu ja chongo." ³⁴Wachafike siki ichanganyiwe ni nyogo anwe. Ela achatoa ndadimie kunywa.³⁵Makati warikogho wamsulubisha, wawaghiane mavazi ghake kwa kukaba kura. ³⁶Na wakaie na kumguwa. ³⁷Ighu ya chongo chake wawikie mashitaka dhidi yake ghakisomeka, uyu ni Jesu, mgimbikwa wa wayahudi."³⁸Wanyang'anyi wawi wasulubiwa andu amweri nae, umweri luwande lwa kujo kwake na umwi lwa kumosho. ³⁹Waja warikogho wakiida wamdhihaki, wakiitingisha vongo vawhe. ⁴⁰Na kudeda, We urikogho ukikunda kujinona ihekalu na kujiagha katika maruwa gha kadadu, kitesie mweni! ngelo ni mvalwa wa Mlungu, sea ndonyi ufume msalabenyi!"⁴¹Katika hali ijapeni wabaha wamakuhani warikogho wakimkashifu, aandu amweri na waandishi na waghosi na kudeda, ⁴²"Watesia wamwi, ela ndadimagha kukitesia mweni. Ye ni mgimbikwa wa wayahudi. Na asee ndonyi kufuma msalabenyi, niko dimuamini.⁴³Wamtumaini Mlungu. Sighenyi Mlungu amtasie idana ngelo adakundi, kwa sababu wadedie, "Nyini mvalwa wa Mlungu." ⁴⁴Na waja wanyang'anyi warikogho wasulubiwa andu amweri na ye pia wadedie madedo gha kumdhihaki.⁴⁵Idana kufuma saa sita kurikogho na kira katika isanga jose hata saa kenda. ⁴⁶Ichafika saa kenda, Jesu akalila kwa sauti mbaha, "Eloi, Eloi, lamathaba kithani?" akimaanisha, "Mlungu wapwa, Mlunguwapwa, kwa indoi wanisigha?" ⁴⁷Makati agho baadhi warikogho wakakimsi aja wasikire wakadeda, "Adamwanga Eliya."⁴⁸Mara imweri wawhe wakimbie kuwusa sifongo na kuichura kinywaji kiwawie, akaiwika ighu ya mdi na kumneka apate kunywa. ⁴⁹Nawo wasalie wakideda, "mmsighenyi mwenikeri, sighenyi diwone ngelo Eliya dimawacha kumtesia." ⁵⁰Kisha Jesu akalila sena kwa sauti mbaha na akaifunya ngolo yake.⁵¹Guwa, pazia ja ihekalu jarashukie sehemu iwi kufumiria ighu hata ndonyi. Na ardhi ya tetemekie na lwala rikabarika viwande. ⁵²Makaburi gharughukie, na miwi ya watakatifu wengi warikogho watungura dilo wafufuliwa. ⁵³Wafumie makaburinyi baada ya ufufuo gwake, waingie mzi mtakatifu, na wakawoneka na wengi.⁵⁴Basi uja akida wa waja ambawo warikogho wakimguwa Jesu wawonie itetemeko na malagho gharikogho ghakifumiria, wachuiwe ni wowa nanganyi na kudeda, "loli uyu wakogho mvlwa wa Mlungu." ⁵⁵Waka wengi warikogho wakimnughiria Jesu kufuma Galilaya ili kumtawaria warikogho aja wakiguwa kufuma kula. ⁵⁶Miongonyi mwao wakogho Mariamu Magdalena, Mariamu mae Yakobo na Josefu, na wawe wa wana wa Zebedayo⁵⁷Ichafika kwenyi, wachee mundu tajiri kufuma Arimathaya, wawangiwe Yusufu, ambae pia wakogho mwanafunzi wa Jesu. ⁵⁸Wamghendia Pilato na kuulomba muwi gwa Jesu. Kisha pilato walagizie apate kunekwa.⁵⁹Yusufu wawusie muwi akaurugha na nguwo ya sufu itakate. ⁶⁰Na akautungurisha katika ikaburi wishijake warikogho wajichonga lwalenyi. ⁶¹Mariamu Magdalena na Mariamu umwi wakoghoaja, wakakimsi kuelekea ikaburi.⁶²Siku inughiriagha ambayo ikogho siku baada ya maandalio, wabaha wa makuhani na Mafarisayo wakwana andu amweri kwa Pilato. ⁶³Wakamghoria, "Mzuri, didakumbuka kuwa makati uja mtee andu ako hai, wadedie, "Baada ya maruwa adadu dimawafufuka sena." ⁶⁴Kwa huwo, lagiza kwamba kaburi jilindwe salama mpaka maruwa gha kadadu. Vinginevyo, wanafunzi wake wadima kucha kumuiwa na kudeda kwa wandu, wafufuka kufuma kwa wafwie,' Na uteegwa mwisho dimawaka uzamie kuliko uja wa kilindiri."⁶⁵Pilato akawaghoria, "Wusenyi walinzi. Ghendenyi mkabonye hali ya usalama ngelo mdimagha." ⁶⁶Huwo waghendie na kubonya ikaburi kuka salama, igwe jagongiwe mhuri na kuwika walinzi.

¹Baadae kwenyi maruwa gha sabato, iruwa jirikogho jikichwa kuelekea maruwa gha kilindiri gha juma, Mariamu, Magdalena, na uja Mariamu umwi wachee kujiwona kaburi. ²Guwa kulikogho na itetemeko baha, kwa sababu malaika wa Mzuri wasee na kujivingirisha jija igwe, kisha akajikaia.³Sura yake ikogho sa ya umeme, na mavazi ghake ghakogho gha chokwa sa theluji. ⁴Waja walinzi wachuiwe ni hofu na kuka sa wa fwie.⁵Uja malaika akawafafanulia waja wandu waka akideda, "msaboe kwa maana naichi kuwa mdalola Jesu, wasulubiwe. ⁶Ndeko aha, ela wafufuka sa andu wawaghoria. Chonyi mwone andu ambako Mzuri watungurie. ⁷Ghendenyi haraka mkawaghorie wanafunzi wake, 'Wafufuka kufuma kwa wafwie,' guwa wa wakiria Galilaya. Uko niko dimamwamwona' guwa nyi nawaghoria."⁸Waja wandu waka wangie aja kaburinyi haraka wakika na hofu na furaha mbaha, na wakimbia kuwaghioria wanafunzi wake. ⁹Guwa Jesu akakwana na kudeda, "salamu" waja wandu waka wachee na kuwhada maghu ghake, na kisha wakamtasa. ¹⁰Kisha Jesu akawaghoria, "Msaboe ghendenyi mkawaghorie wambari wapwa wakirie Galilaya. Uko dimawawaniwona.¹¹Makati waja wandu waka warikogho wakoghenda, guwa baadhi ya walinzi waghendie mzin yi na kuwaghoria wabaha wa makuhani malagho ghose gharikogho ghafumiria. ¹²Nawo makuhani warikogho wakwana na waghosi na kujijadili ilagho amweri nawo, wafunyikie kibaha cha pesa wa waja askari. ¹³Na kuwaghoria, "waghorienyi wamwi kuwa, Wanafunzi wa Jesu wachee kio wakauiwa muwi gwa Jesu makati isi dakogho datungura.'¹⁴Ngelo taarifa ihi dimawafikia liwali, isi dimadamshawishi na kuwanjia inyoi mashaka ghose." ¹⁵Kwa huwo waja askari wakaziwusa rija pesa na kubonya sa andu warikogho waelekezwa. Habari ihi ikanea nanganyi kwa wayahudi na yakee huwo hata linu.¹⁶Ela waja mitume kumi na imweri waghendie Galilaya, andu kuko luja lughongo lukirogho wawaelekeza. ¹⁷Nawo wachamwona, wamtakasie ela baadhi yawhe wawonie shaka.¹⁸Jesu akacha kwawwhe akawaghoria akideda, "Na nekigwa mamlaka ghose dunienyi na mbingunyi. ¹⁹Kwa huwo ghendenyi mkawabonye mataifa ghose kuka wanafunzi. Wabatizenyi katika irina ja Aba, na ja mvalwa, na ja Roho wa kuela.²⁰Wafundishenyi kughatii malagho ghose niwaamuru, hata mpaka mwisho gwa dunia.

¹Uhu ni mwanzo gwainjili ya Jesu Kristo, mvalwa wa Mlungu. ²Sa andu iandikiwe na mlodi Isaya, "Guwa, ndamduma mjumbe wapwa imbiri yako, umweri atayarisha gha chia yako. ³Sauti ya mundu awaghagha nyikenyi, "ikamilishenyi chia ya Mzuri, righaghoenyi chia rake".⁴Yohana wachee, akibatiza nyikenyi na kuhubiri ubatizo gwa kutesiwa dhambi kwa msamaha gwa dhambi. ⁵Isanga jose ja Yudea wose wa yerusalemu waghendie kwake. Warikogho wakibatizigwa na ye katika mweda yordani, wakiungama dhambi rawe. ⁶Yohana wakogho adarwa ivazi ja mafurigha ngamila na mkanda gwa mrongo kuwonunyi kwake, na wakogho adaja nzige na wuki gwa isakenyi.⁷Wahubirie na kudeda, "Weko amweri adacha baada yapwa mweni ndighi zaidi kuliko nyi, na sidae hachi hata ya kughoghema ndonyi na kurughua chugha ra vandu vake. ⁸Nyi nawabatizie kwa machi, ela yedimawamibatiza inyo kwa ngolo wa kuela."⁹Yafumirie katika maruwa agho kwamba Jesu wachee kufuma Nazareti ya Galilaya, na wabatiziwe ni Yohana katika mwadedagwa yordani. ¹⁰Makati Jesu wachawukia kufuma machinyi, wawonie mbingu rawaghanyika mwari na ngolo wa sea ndonyi ighu yake sa njiwa. ¹¹Na sauti yafumirie mbingunyi, "We wa mwanapwa mkundwa. Naboiwa nanganyi ni we."¹²Kisha mara imweri Ngolo akambonya ndighi kughenda nyikenyi. ¹³Wakogho nyikenyi maruwa arobaini, akigheriwa ni shetani. Wakogho andu amweri na wanyamandu wa mwitunyi, na malaika wamtawaria.¹⁴Idana baada ya Yohana kuwadigwa, Jesu wachee Galilaya akitangaza injili ya Mlungu. ¹⁵Akideda, "Taimu ratimia, na ufalme gwa Mlungu, gwakaribia. Tesiwenyi dhambi na kuamini katika injili.¹⁶Na akiida mbai ya bahari ya Galilaya, wamwonie simoni na Adrea mmbari wa simoni wakida gha nyavu rawe katika bahari, kwa wuja wakogho wavuvi. ¹⁷Jesu wawaghoria, "chonyi, nnughenyi, na dimana miboya wavuvi wa wandu." ¹⁸Na mara imweri wasighie ngavu na wakamnugha.¹⁹Makati Jesu wachatembea umbali kitineri, wamwonie Yakobo mvalwa wa Zebedayo na Yohana mmbari wake, wakogho mtumbwinyi wakiboisa nyavu. ²⁰Mara wawangie na wo wamsighe ndee wawe zebedayo ndenyi ya mtumbwi na watumishi wakodiwe, wakamnugha.²¹Na wachafika kaprenaumu, maruwa gha sababto, Jesu wangie isinagoginyi na kufundisha. ²²Wajishangaie jake kwa vija wakogho akiwafundisha sa andu ambae akona mamlaka na sio sa waandishi.²³Makati agho gheni kurikogho na mundu katika isinagogi jawe warikogho na ngolo mchafu, na wakabie jogho, ²⁴Akideda, "Dikona indoi cha kubonya na we, Jesu wa Nazareti? wacha kudiangamiza? Ndakumawa ani. We wa kweli pekee wa Mlungu!" ²⁵Jesu wamkemie pepo na kudeda, "Nyama kima na ufume ndenyi yake!" ²⁶Na ngolo mchafu wamgwishie, ndonyi na akafuma kwake makati akilila kwa sauti ya lughu.²⁷Na wandu wose washangaie, huwo wakakotiana kila umweri, "Ihi ni indoi? Ifundisho wishijeni mamlaka? Ata adaamuru pepo wachafu nawo wadamtii!" ²⁸Na habari kuhusu ye mara imweri rikasambaa kila andu ndenyi ya mkoa gwose gwa Galilaya.²⁹Na mara imweri baada ya kufuma shighadi ya isinagogi, wangia nyumbenyi kwa simoni na Adrea wakika na Yakobo na Yohana. ³⁰Idana mkeku wa simoni wakogho watungura mkongo wa homa, na mara imweri wamghoria Jesu habari rake. ³¹Huwo wachee wamwhada kwa mkonu, na kumnuaigha; homa ikainga kwake, na wawokie kuwatawaria.³²Kwenyi iyo makati iruwa ja siazama, wamredia kwake wose warikogho wakogho, angu wapagawe ni pepo. ³³Mzi gwose wakwana andu amweri katika mjango. ³⁴Wawarika wengi wakogho wakongo wamakongo tofauti na kufanya pepo wengi, bali ndaruhusie pepo kuaria kwa sababu wammanyie.³⁵Wawukie kesho kio mapema, makati ikogho bado kira; waingie na kughenda andu kwa faragha na watesie uko. ³⁶Simon na wose wakogho andu amweri na ye wa mlola. ³⁷Wampatie na wakamghoria, "kila umweri adakulola"³⁸Wawaghoria, "Dighendenyi andu kumwi, shighadi katika mizi izungulikagha, ili ndime kuhubiri uko pia. Nio sababu nachee aha." ³⁹Waghendie akiida Galilaya yose, akihubiri katika masinagogi yawhe na kukemia pepo.⁴⁰Mweni ukoma umweri wachee kwake. Wakogho akimsihi; wakabie magoti na wamghoria, "Ngelo udakundi, wadima kinibonya nike aelie." ⁴¹Akisukumwa ni mbazi, Jesu waghaghoa mkonu gwake na kuwhada, akimghoria, "Ndakundi uke aelie." ⁴²Mara imweri ukoma ukamuinga, na wabonyiwe kuka imweri,⁴³Jesu wamwonyie vikali na akamzera aghende mara imweri, ⁴⁴Wamghoria, "Hakikisha ndudedagha idedo kwa wowose, ela ghenda, ukibonyirie kwa kuhani, na ufunye dhabihu kwa ajili ya utakaso ambayo Musa walagizie, sa ushuhuda kwawhe."⁴⁵Ela waghendie na kuwoka kughoria kila umweri na kueneza idedo zaidi hata Jesu ndadimie sena kungia mzinyi kwa uhuru. Huwo wakee andu kwa faragha na wandu wachee kwake kufuma kila andu.

¹Achawuya kaperenaumu baada ya maruwa machache, yasikika kwamba wakogho nyumbenyi. ²Wandu wengi nanganyi wakogho wakwana andu amweri aja na ndaikogho nafasi sena, hata ija ya aja mjangonyi, na Jesu wadedie idedo kwawhe.³Kisha baadhi ya wandu wachee kwake wamreda mundu wakogho waolola; wandu bana wakogho wamndwa. ⁴Makati wachalemwa kumkaribia kwa sababu ya umati gwa wandu, wa injie paa ighu ya andu aja wakogho. Na warikogho wameria toboa itundu, waserie kitanda ambacho mundu waolole wakogho watungura.⁵Achaiwona imani yawe, Jesu wamghoria mundu waolole, "mwanapwa, zambi rako rasamehewa" ⁶Ela baadhi ya waandishi waja wakogho waka aja wakihojie miongonyi kwawhe. ⁷"Adima wada mundu uyukudeda huwu? Adakufuru! ani adimagha kusamehe zambi isipokuwa Mlungu mweni keri?"⁸Mara Jesu wamanyie ngolonyi kwake chija wakogho wakitenganya, miongonyi kwawhe weni. Wawaghoria, "kwa indoi mteganyaa huwu mionyonyi kwenyu? ⁹Jiao ni jepesi zaidi kudeda kwa mundu wa olole, 'Zambi rako rasamehewa' angu kudeda kakimsi, wusa kitanda chako, na utembee?'¹⁰Ela iliwapate kumanya ya kuwa mvalwa wa Adamu akona mamlaka ya kusamehe zambi katika dunia, waghoria uja waolole, ¹¹"Ndakughoria we, wukia, wusa mkeka gwako, na ughende nyumbenyi kwako." ¹²Wakee kimsi na mara imweri akawusa mkeka gwake, na waghendie shighadi ya nyumba imbiri ya kila mundu, huwo wose washangae na wamnekie Mlungu utukufu, na wakadeda "kamwe, ndadiwahie kuwona ilagho sa iji."¹³Waghendie sena mbai ya ziwa, na umkati gwose gwa wandu wachee kwake, na akawafundisha. ¹⁴Warikogho akiida wamwonie Lawi mvalwa wa Alfayo waka andu kwa kuwika andu amweri kodi na akamghoria, "Nnughe." Wakeekimsi na kumnugha.¹⁵Na makati Jesu warikogho akiipata vindo katika iwacha ja Lawi, wawikagha andu amweri kodi na wandu weni zambi wakogho wakija na Jesu na wananfunzi wake, kwa wuja wakogho wengi nawo wamnugha. ¹⁶Makati waandishi, ambawo wakogho mafarisayo, wachamwona kwamba Jesu wakogho akija na wandu weni zambi na wawikagha andu amweri kodi, wawaghoria wanafunzi wake, "kwa indoi adaja na wawikagha andu amweri kodi na wandu weni zambi?"¹⁷Makati Jesu wachasikira huwu wawaghoria, "Wandu weni afya katika muwi ndawamhitaji tabibu, ni wandu wakogho pekee nio wadamhitaji. Sichee kuwawanga wandu weni hachi, ela wandu weni zambi."¹⁸Wanafunzi wa Yohana na Mafarisayo wakogho wakifunga. Na baadhi ya wandu wacheee kwake na kumghoria, "kwa indoi wanafunzi wa Yohana na mafarisayo hufunga, ela wanafunzi wako ndawafungagha? ¹⁹Jesu wawaghoria, "Je wahudhuruie arusini wadimagha kufunga makati bwana arusi bado akika andu amweri nawo? kwa vovose bwana arusi akika bado weko andu amweri nawo ndawadimaa kufunga."²⁰Ela maruwa dimaghacha makati bwana arusi achainjigwa kwawhe, na katika maruwa agho wo dimawafunga. ²¹Ndakudae mundu ashonagha kiwande kiwishi cha nguwo kweni ivazi kuukuu, vinginevyo kiraka dima chabanduka kufuma katika ijo, kiwishi kubanduka kufuma katika kikuukuu, na dimakwaka na mrashulo mbaha.²²Ndakudae mundu akumbagha divai mbishi viribenyi vikuukuu, vinginevo divai dima ya virashula viriba na vose viwi divai na viriba dima valaghaya. Badala yake, wika divai mbishi katika viriba viwishi."²³Katika iruwa ja sabato Jesu waidie kweni baadhi ya mbuwa, na wananfunzi wake wawokie kuwusa baadhi ya masuke gha ngano. ²⁴Na mafarisayo wamghoria, "Guwa, kwaindoi wadabonya kilambo ambacho ni kinyume cha sheria katika iruwa ja sababto?"²⁵Wawaghoria, "Ndamsomie chija abonyie Daudi andu wakogho katika uhitaji na njala--ye andu amweri na wandu wakogho andu amweri nae? ²⁶Jinsi waghendie katika iwacha ja Mlungu makati Abiathari warikogho kuhani mbaha na akaja mkate uwi kiwegwe imbiri--ambao irikogho kinyume cha sheria kwa wandu wowose kuja isipokuwa makuhani--na wawaneka hata baadhi ya waja wakogho andu amweri nae?"²⁷Jesu wadedie, "sabato yabonyiwe kwa ajili ya mdamu, siyo mdamu kwa ajili ya sababto. ²⁸Kwa huwo, mvalwa wa Adamu wa mzuri, hata kwa sababto."

¹Na sena wangia ndenyi ya isinagogi na mja kurikogho na mundu mweni mkonu ulole. ²Baadhi ya wandu wakogho wakimnughiria kwa ukaribu kuwona ngelo dimawamkira iruwa ja sabato ili kwamba wamshitaki.³Jesu wamgheria mandu mweni mkonu uolole, "Wukia na ukekimsi ghadighadi ya umati ughu." ⁴Kisha akawaghoria wandu, Je ni halali kubonya itendo jiboie iruwa ja sabato angu kubonya ghasadae hachi, kutesia maisha, angu kubwagha? "Ela wabakie kimumure.⁵Akawaguwa kwa hasira, akiwona mbazi kwa sababu ya ugumu wa mioyo yawhe, na akamghoria uja mundu, "ghaghoa mkonu gwako". Akaghughaghoa na Jesu akamkira mkonu gwake. ⁶Mafarisayo wakaghenda shighadi na mara wakabonya njama andu amweri na maherode dhidi yake ili kumbwagha.⁷Kisha Jesu, andu amweri na wanafunzi wake, waghendie baharinyi, na uamati mbaha gwa wandu wawanughie ukimfumiria Galilaya na Uyahudi. ⁸Na kufuma Yerusalemu na kufuma idumaya na imbiri ya Yordani na jirani ya Tiro na sidoni, umati mbaha, uchasikira kila kilambo wakogho adakibonya, wachee kwake.⁹Na wawaghoria wanafunzi wake kuandaa mtumbwi mtinyi kwa ajili yake kwa sababu ya umati, ili kwamba wasache msonga. ¹⁰Kwa wuja wakira wengi, ili kila mundu wakogho na mateso wakogho na shauku ya kumfikia ili amwhade.¹¹Kokose ngolo wachafu wachamwona, wagwie ndonyi imbiri yake na kulila, na wadedie, "We wamvalwa wa Mlungu". ¹²Wamuru kwa msisitizo wasabonye amanyikane.¹³Waghendie ighu ya lughongo, na akawawanga waja awakundi, na wakamghenda kwake. ¹⁴Akawasaghua kumi na iwi (wawawangie walodi) ili kwamba wake andu amweri na ye na adime kuwaduma kuhubiri, ¹⁵Na kuka na mamlaka gha kufunya mapepo. ¹⁶Na akawasaghua kumi na iwi: Simoni, wamnekie irina ja Petro.¹⁷Yakobo mvalwa wa zebedayo, na Yohana mmbahari wake Yakobo, wanekiwe irina ja Bonagesi, awo ni, wavalwa wa ngurumo, ¹⁸Na Andea, Filipo, Barthomayo, Mathayo, Tomaso, Yakobo mvalwa wa Alfayo, Thadayo, simoni mkananayo, ¹⁹Na Yuda iskariote, ambae dimawamsaliti.²⁰Kisha waghendie nyumbenyi, na umati gwa wandu wakacha andu amweri sena, hata wasadime kuja ata mkate. ²¹Familia yake wachasikira habari iyo, waghendie kumwhada, kwani wadedie, "Warukwa ni akili". ²²Waandishi wachee kufuma Yerusalemu wadedie, "Wapagawani Beelzeebuli," na, "kwa mtawala wa mapepo adafunya mapepo".²³Jesu wawangie kwake na kudeda nawo kwa mifano, "Jinsi ki shetani adimagha kumfunya shetani? ²⁴Ngelo ugimbikwa ukawaghanyika gweni, ugimbikwa ugho ndaudimaa kukakimsi. ²⁵Ngelo iwacha jikawaghanyika jeni, iwacha ijo ndajidimaa kukakimsi.²⁶Ngelo shetani dimawanuka kinyume chake mweni na kuwaghanyika, ndadimaa kukakimsi, na dimawaka wafika mwisho gwake. ²⁷Ela ndakudae hata umweri adimagha kungia ndenyi ya iwacha ja mundu mweni ndighi na kuiwa vilambo vake bila kumrugha mweni ndighi kwanza, na kisha kuwika andu amweri chikoo nyumbenyi.²⁸Loli nawaghorienyi, zambi rose ra wana wa wandu dimarasamehewa, andu amweri na kufuru ambaro wadatamka, ²⁹Ela wowose achamkufuru Ngolo wa kuela ndasamehewa kamwe, bali akona hatia ya zambi ya kala na kala". ³⁰Jesu wajidedie iji kwa sababu wakogho wakideda, "Akona ngolo chafu".³¹Kisha mae na wambari wake wachee na kukakimsi shighadi. Wakamduma mundu, kumwanga. ³²Na umati gwa wandu ghurikogho gwaka avui na ye wakamghoria, "Mayo nawambari wako weko shighadi, na wadakulola we".³³Wawajibie, "Ni ani mawe wapwa na wambari wapwa?" ³⁴Wawaguwie wakogho waka wamzunguluka, na akadeda, "Guwa, awa ni wakamawe wapwa na wambari wapwa! ³⁵Wowose abonyagha mapenzi gha Mlungu, mundu uyo wambari wapwa, na dada wapwa, na mawe wapwa".

¹Sena wazamie kufundisha mbai mbai ya bahari. Na umati mbaha wakwana andu amweri ukamzunguluka, akangia ndenyi ya mtumbwi baharinyi, na kuka. Umati gwose wakogho mbai mwa bahari ufukwenyi. ²Na akawafundisha malagho mengi kwa mifwano, na akadeda kwawhe kwa mafundisho ghake.³Sikirenyi, mpanzi waghendie kuwa. ⁴Warikogho akiwa, baadhi ya mbeu ragwie chienyi, na wanyonyi wakacha wakarija. ⁵Mbeu rimwi ragwie lwalenyi, ambako ndakudaghe ndoe nyingi. Mara rikanyauka, kwa sababau ndaridaghe ndoe ya kutosha.⁶Ela iruwa jicha chomoza, ranyaukie, na kwa sababu ndaridaeghe na mri, raomie. ⁷Mbeu rimwi ragwie ghadighadi ya minjwa. Minjwa yazoghue na ikarisonga, na ndarivae matunda ghoghose.⁸Mbeu rimwi ragwie ndoenyi iboie na rikava matunda wakati zikazoghua na kuongezeka, rimwi ravae mara thelathini zaidi, na rimwi sitini, na rimwi ighana". ⁹Na akadeda, "Wowose mweni mandu gha kusikira, na asikire!"¹⁰Jesu warikogho mwenikeri, waja warikogho avui na ye na waja kumi na iwi wamkotia kuhusu mifwano. ¹¹Akadeda kwawhe, "Kwenyu mwanekigwa viviso va ufalme gwa Mlungu. Ela kwa weko shighadi kila kilambo ni mifwano, ¹²Ili wakiguwa, hee huguwa, ela ndawawonaa, na kwa huwo wachasikihra hee husikira, ela ndawaelewaa, angu siko kumachawaaghuka na Mlungu kumachawawasamehe."¹³Na akadeda kwawhe, "Je ndawuelewaa mfwano ughu? mdima wada kuelewa mifwano imwi? ¹⁴Mpanzi wawae idedo. ¹⁵Baadhi ni waja wagwie pembenyi mwa chia, andu idedo jawalwe. Na wachajisikira, mara shetani akacha na kujiwusa idedo ambajo jawalwandenyi yawhe.¹⁶Na baadhi ni waja wawalwe ighu ya lwala, ambawo, andu wajisikiragha idedo, kwa karuwaruwa wadajiwokera kwa furaha. ¹⁷Na ndawadae miri yoyose ndenyi yawhe, ela huririmira kwa muda mvui. Halafu tabu na masumbufu vichacha kwa sababu ya idedo, mara hukikuwa.¹⁸Na wamwi na waja wawalwe katika minjwa.Wadajisikira idedo, ¹⁹Ela masumbufu gha dunia, utee gwa mali, na tamaa ra malagho ghamwi, huwngia na kujisonga idedo, na jidalemwa kuva matunda. ²⁰Kisha kukona waja ambawo wawalwa ndoenyi iboie. Wadajisikira idedo na kujiwokera na huva matunda: baadhi thelathini, na baadhi sitini, na baadhi ighana jimweri.²¹Jesu akawaghoria, "Je huwa udareda taa ndenyi ya iwacha na kuiwoka ndonyi ya ngau, angu ndonyi ya kitanda? Huireda ndenyi na kuiwika ighu ya kiango. ²²Kwa wuja ndakudae chochose chikivisie ambacho ndachiwikwagha mwari. ²³Akiwapo mweni madu gha kusikira, na asikire!"²⁴Akawaghoria, "Kenyi makini kwa chija mchisikiragha, kwa wuja kipimo andu mwapima, nicho mpimiwagha, na dimayachurigwa kwenyu. ²⁵Kwa sababu ye akonacho,kufuma kwake dima vawusigwa hata vija akoonavo."²⁶Na akadeda, "Ufalme gwa Mlungu gwa fwananishwa na mundu wawae mbeu katika ndoe. ²⁷Wachatungura na kio na kuwukia keshokio, na mbeu rikabuka na zoghua, ingawa ndamanyieghe andu ya fumiria. ²⁸Dunia hufunya mbeu yeni, kwanza nyasi, halafu maruwa, halafu mbeu rikomaghe. ²⁹Na makati mbeu ichazoghua yamirwa mara hughenja mundu, kwa sababu makwasho ghawadia."³⁰Na akadeda, "diufwananishe ufalme gwa Mlungu na kilambo ki, angu ditumie mfwano ki kuuelezea? ³¹Ni sa mbeu ya haradari, ambacho ichawalwa ni ndini nanganyi kuliko mbeu rose dunienyi. ³²Hata, makati yawalwa, idaka mbaha zaidi ya mimea yose ya bustani, na idabonya marembwe mabaha, hata wanyonyi wa mbingunyi chake."³³Kwa mifwano mingi wafundishie na wadedie idedo kwawhe, kwa kadiri andu wadimie kuelewa. ³⁴na ndadedie nawo bila mifwano.Ela makati wachaka mwenikeri, akawaeleza kila kilambo wanafunzi wake.³⁵Katika maruwa agho, makati gha kwenyi ghachawadia, akadeda kwawhe, "Dighendenyi luwande lwa kawi". ³⁶Huwo wakausigha umati, wakamwusa Jesu, makati agho tayari wakogho ndenyi ya mtumbwi. Mitumbwi imwi irikogho andu amwri nae. ³⁷Na upepo mkali gwa dhoruba na mawimbi ghakogho ghakingia ndenyi ya mtumbwi na mtumbwi tayari ghwakogho gwachua.³⁸Ela Jesu mweni wakogho shetrinyi, watungura mtonyi. Wakamwusira, wakideda, "Mwealimu, ndujali isi didafwa?" ³⁹Na akawukia, akaukemia upepo na akaighoria bahari, "Ike shwari, amani".Upepo wakomie, na kurikogho na utulivu mbaha.⁴⁰Na akadeda kwawhe, "Kwa indoi mdaboa? Je ndamdae imani bado?" ⁴¹Wachuiwe ni hofu mbaha ndenyi yawhe na wakadedeshana weni kwa weni, "Uyu wa ani sena,kwa sababu ata upepo na bahari vidamtii?".

¹Wachee mpaka luwande lumwi lwa bahari, katika mkoa gwa Garasi. ²Na ghafla makati Jesu warikogho akifuma shighadi ya mtumbwi, mundu mweni ngolo chafu wachee kwake kufuma makaburinyi.³Mundu uyu wakee makaburinyi. Ndakudae wadimie kumzuia zaidi, ndakudaeghe hata kwa minyororo. ⁴Wakogho warugwa matuku mengi kwa pingu na minyororo. Wademie minyororo na pingu rake rachukanyiwe. Ndakudae hata umweri warikogho na ndighi ra kumshinda.⁵Kio na dime akika makaburinyi na lughoghonyi, walilie na kukidema ye mweni kwa magwe ghabirie. ⁶Wachamwona Jesu kwa kula, wakimbirie kwake na kughoghoma imbiri yake.⁷Walilie kwa sauti mbaha, "Ukundi nikubonyie indoi, Jesu, mvalwa wa Mlungu akoo ighu nanganyi? ndakusihi kwa Mlungu mweni, usanitese." ⁸Kwa wuja wakogho wamghoria, "muinge mundu uyu, we ngolo mchafu."⁹Na ye wamkotia, "irina jako ni ani?" Na ye wamjibie, "irina japwa ni Legioni, kwa wuja deko wengi." ¹⁰Wamshie sena na sena asawaghenje shighadi ya mkoa.¹¹Idana ikundi ibaha ja nguwe jirikogho jikijiswa lughu ya duchughongo, ¹²nawo wamsihie, wakideda, "Didume kwa nguwe; dingie ndenyi yawhe." ¹³Huwo wawaruhusu; ngolo wachafu wawafuma na kungia ndenyi ya nguwe, nawo wakimbirie ndonyi ya duchu ghongo mpaka baharinyi, nakaribia nguwe elfu iwi wadidimia baharinyi.¹⁴Na waja warikogho wakiwajisa nguwe wakimbia na kufanya taarifa ya chifumirie katika mzi na katika isanga. Niko wandu wengi wafumie kughenda wona chifumirie. ¹⁵Niko wachee kwa Jesu na wamwonie mundu wapagaiwe ni pepo--warikogho na ijeshi--wakandonyi, warwishwa, na akika katika akili yake timamu, nawo waboa.¹⁶Waja warikogho wawona chifumirie kwa mundu warikogho wapagawa ni ipepo wawaghoria chifumirie kwake na pia kuhusu nguwe. ¹⁷Na wo wawokie kumsihi ainge katika mkoa gwawhe.¹⁸Na warikogho akingia ndenyi ya mtumbwi, mundu warikogho wapagawa na mapepo wamsihie kwamba aghende andu amweri na ye. ¹⁹Ela ndaruhusie, ela wamghoria, "ghenda nyumbenyi kwako na kwa wandu wako, na uwaghorie wakubonyia Mzuri, na wughoma akunekie." ²⁰Huwo waghendie na wawokie kutangaza malagho mbaha ambagho Jesu wabonya kwake katika Dekapoli, na kila umweri wastaajabie.²¹Na makati Jesu wachaluwuka sena luwande lumwi, ndenyi ya mtumbwi, umati mbaha wakwana andu amweri kumzunguluka, warikogho mbai ya bahari. ²²Na umweri wa kilongozi wa isinagogi, wawangiwe Yairo, wachee, na wachamwona, wagwie maghunyi kwake. ²³Wamsihie zaidi, akideda, "Mwai wapwa mtinyi adakaribia kufwa. Ndakusihi, cho na uwike mikonu yako ighu yake ili kwamba adime kupata afya na kuishi." ²⁴Huwo waghendie andu amweri nae, na umati mbaha ghwamnughie na wo wamzongie avui wakimzunguluka.²⁵Kurikogho na mndumka ambae bagha yake yakogho yafuma kwa mirongo kumi na iwi. ²⁶Watesekie va kutosha ndonyi ya matabibu wengi na watumia kila kilambo akoo nacho. Hata huwo ndasaidike kwa chochose, ela badala yake wazidie kuka na hali izamie. ²⁷Wasikira habari kuhusu Jesu. Huwo wachee nyuma yake makati warikogho akitembea ndenyi ya umati, na ye wajiwhada ivazi jake.²⁸Kwa wuja wadedie, "ngelo nikigwada mavazi ghake tu, dimanaka mlanzi." ²⁹Achamwhada, kufumwa ni bagha kwakomie, na wakisikira katika muwi gwake kwamba wakirwa kufuma katika mateso ghake.³⁰Na ghafla Jesu wagundua ndenyi yake mweni kwamba ndighi ramfuma. Na waaghukie uku na uku katika umati gwa wandu na kuketia, "Ani wajiwhada ivazi japwa?" ³¹Wanafunzi wake wamghoria, "udawona umati ughu gwakusonga ghukikuzunguluka, na we udadeda, 'Ani wajiwhada?'" ³²Ela Jesu wanguwie kunu na kunu kuwona ambae warikogho wabonya iji.³³Mndumka, akimanya chifumirie kwake, waboie na kutetemeka. Wachee na kugwa ndonyi imbiri yake na kumghoria loli yose. ³⁴Wadedie kwake, "Mwai, imani yako yakubonya uke mlanzi. Ghenda kwa amani na ukirwe kufuma ukongonyi gwako."³⁵Warikogho akiaria, baadhi ya wandu wachee kufuma kwa kilongozi wa isinagogi, wakideda, "Mwai wako wafwa. Kwa indoi kuendelea kumghaisha mwalimu?"³⁶Ela Jesu achasikira ambacho wachideda, wamghoria kilongozi wa isinagogi, "Usaboe. Amini tu." ³⁷Ndamruhusie yeyose kulongozana na ye, isipokuwa Petro, Yakobo na Yohana, mmbari waake Yakobo. ³⁸Wachee nyumbenyi kwa kilongozi wa isinagogi na ye wawonie vurugu, kulila kwingi na kulila kubaha.³⁹Achangia nyumbenyi, wawaghoria, "kwa indoi mwasikitika na kwa indoi mdalila? mwana ndafwie bali watungura." ⁴⁰Wamseka,ela ye, wawafunya wose shighadi, wamwusa aba wa mwana na mawe na waja warikogho andu amweri nae, na wangirie ndenyi wakogho mwana.⁴¹Wawusie mkonu gwa mwana na wamghoria, "Talitha koum," ambayo ni kudeda, "Mwai mtinyi, nakughoria, wukia." ⁴²Ghafla mwana wawukia na kutembea (kwa wuja wakogho na umwi gwa miaka kumi na iwi). Na ghafla wawhadwa ni mshangao mbaha. ⁴³Waamuru kwa ndighi kwamba ndakudae wowose adapaswa kumanya kuhusu iji. Na wawaghoria wampatie uja mwai vindo.

¹Na akainga aho na kughenda mzinyi kwawhe, na wanafunzi wake wakamnugha. ²Sabato ichafika, waanzie kufundisha katika isinagogi. Wandu wengi wamsikira na wakashangazigwa. Wakadeda, "Wapata hao mafundisho agha?" "Abonya wada miujiza ihi kwa mikonu yake?" ³"Je uyu si uja seremala, mvalwa wa Mariamu na wambari wawhe waka Yakobo, yose, Yuda na Simoni? Je dadarake si wadaka aha eni andu amweri na isi? Na ndawaboiwe ni Jesu.⁴Jesu akawaghoria, "Mlodi ndasomwagha heshima, isipokuwa katika mzi gwake na miongonyi mwa wambari wake na nyumbenyi mwake." ⁵Ndadimie kubonya miujiza aho, ela wawawikia mikonu wakongo watineri akawakira. ⁶Washangazigwa nanganyi kwa sababu ya kusowa kuamini kwawhe. Kisha wavitembelea vijiji va jirani akifundisha.⁷Wawanga waja wanafunzi kumi na iwi akawoka kuwaduma wawi. Wawanekie mamlaka ighu ya pepo wachafu, ⁸na kuwaamuru wasawuse chochose wakaghenda isipokuwa changu tu. Wasawuse mkate, wala mkaba, wala fedha kibindonyi; ⁹Ela warwe vandu, na sio kazu iwi.¹⁰Na akawaghoria, "Iwacha jojose mjingiagha, kenyi aho mpaka mkaichainga. ¹¹Na mzi ghwoghwose ghusawawokera wala kuwasikira, ingenyi kwawhe, kung'utenyi luvumbi lwa maghughenyu, ike ushuhuda kwawhe."¹²Na wo wakaghenda wakitangaza wandu watesiwe zambi na kusigha zambi rawhe. ¹³Wawabingisie pepo wengi, na wawavia mavuda wakongo na wakakirwa.¹⁴Mgimbikwa Herode achasikira agho, kwa wuja irina ja Jesu jakogho jamanyikana nanganyi. Baadhi wadedie, "Yohana mbatizaji wafufuka na kwa sababu iyo, ihi ndighi ya miujiza idabonya kazi ndenyi yake." ¹⁵Baadhi yawhe wakadeda, "Uyu wa Eliya, "Bado wamwi wakadeda,"uyu wa mlodi, sa umweri wa waja walodi wa kala."¹⁶Ela Herode achasikira agha akadeda, "Yohana, ni mdemie chongo wafufuliwa." ¹⁷Maana Herode mweni walagizie Yohana awhadigwe na wamrugha gerezanyi kwa sababu ya Herodia (mka wa kakie Filipo) kwa sababu ye wakogho wamlowua.¹⁸Kwa maana Yohana waghoria Herode, "si halali kumlowua mka wa kakio." ¹⁹Ela Herodia wawokie kumzamiwa na wakogho akikundi kumbwagha, ela ndadimie, ²⁰Maana Herode wamboa Yohana; wamanyie kwamba wa mweni hachi mundu mweli, na wamsighie salama; Na wachaendelea kumsikira wahuzunikie nanganyi,ela waboiwe kumsikiria.²¹Hata ichafika makati mwafaka ikika yakaribia siku ya kuvalwa Herode akawaandalia maofisa wake karamu, na makamanda, na vilongozi wa Galilaya. ²²Niko mwai wa Herodia akangia na kuvina imbiri yawhe, akamboia Herode na waghenyi wakee makati gha vindo va kwenyi. Niko mgimbikwa akamghoria mwai, "Nilombe chochose ukundii na nyi dimanakuneka."²³Akamlawia na kudeda, chochose unilombaagha, dima nakuneka, hata nusu ya ugimbikwa gwapwa." ²⁴Akafuma shighadi akamkotia mae, "Nilombe indoi?" Akadeda, "chongo cha Yohana mbatizaji." ²⁵Na mara imweri akangia kwa mgimbikwa akawoka kudeda, "Nkundi unineke ndenyi ya sahani, chongo cha Yohana mbatizaji."²⁶Mgimbikwa wasikitishiwe nanganyi, ela kwa sababu ya kilawo chake na kwaajili ya waghenyi, ndadimie kumlegha iombi jake. ²⁷Huwo, mgimbikwa akaduma askari kati ya walinzi wake na kuwalagiza kughenda kumredia chongo cha Yohana. Mlinzi waghendie kumdema chongo akika kifungonyi. ²⁸Akachireda chongo chake sahaninyi na kumneka mwai, na mwai akamneka mae. ²⁹Na wanafunzi wake wachasikira agho, waghendie kuuwusa muwi gwake wakaghenda kuurika kaburinyi.³⁰Na walodi, wakwane andu amweri imbiri ya Jesu, wakamweleza ghose wabonyie na waghafundishie. ³¹Na ye akawaghoria, "chonyi weni andu kwa faragha na disoghoke kwa muda." Wandu wengi wakogho wadacha na kuinga, hata ndawapatie nafasi ya kuja. ³²Huwo wakajoka mashua wakaghenda andu kwa faragha wenikeri.³³Ela wawawonie wakiinga na wengi wakawamanya, wakimbia andu amweri kwa maghu kufuma mizi yose, na wo wafikie kabla ya whe. ³⁴Wachafika pwani, wawonie umati mbaha na akawawonia mbazi, kwa sababu wakogho sa ng'ondi wasadae mlisha. Na wawokie kuwafundisha malagho mengi.³⁵Taimu richaendelea nanganyi, Wanafunzi wakamchea wakamghoria, "Aha ni andu kwa faragha na taimu raendelea. ³⁶Uwalage waghende mizi ya jirani na vijiji ili wakakigulie vindo."³⁷Ela wawajibie akideda, "Wanekenyi inyo vindo."Wakamghoria, "Didadima kughenda na kugua mikate yeni thamni ya dinari maghana awi na kuwaneka waje?" ³⁸Akawaghoria, "Nkona mikate ilinga? ghendenyi mkaghue." Wachapata wakamghoria, "Mikate misanu na samaki wawi."³⁹Akawaamuru wandu wake katika makundi ighu ya nyasi mbishi. ⁴⁰Wakawakaisha katika makundi, makundi gha maghana kwa hamsini. ⁴¹Kisha akawusa mikate misanu na samaki wawi, na kuguwa mbingunyi, akaibariki kisha akawaneka wanafunzi wawike imbiri ya umati. Na kisha wawaghie samaki wawi kwa wandu wose.⁴²Wajie wose hata wakatosheka. ⁴³Wawikie andu amweri viwande va mikate isangalikie, vikachua vingu kumi na iwi, na pia viwande va samaki. ⁴⁴Na warikogho womi efu isano wajie mikate.⁴⁵Mara akawaghoria wajoke mashuenyi waghende gasi imwi, hata Bethaida, makati ye akiwalaga makutano. ⁴⁶Warikogho wadua kuinga, akaghenda lughongonyi kulomba. ⁴⁷Kurikogho kwenyi, na mashua yawhe makati agho ikika ghadi ghadi ya bahari, na ye wakogho mweni keri ndoe kavu.⁴⁸Na wawonie wakiitaabika kukaba makasia kwa sababu upepo gwawazuia. Ichakaribia keshokio akawaghendia, akitembea ighu ya machi, na wakundie kuwaida. ⁴⁹Ela wachamwona adatembea ighu ya machi, wakangiwa ni wasiwasi wakidhani wa mzimu hata wakakaba jogho. ⁵⁰Kwa sababu wamwonie wakachuiwa ni hofu. Mara akadeda na wo akawaghoria, "Mke wajasiri! na nyi! msake na hofu."⁵¹Akangia ndenyi ya mashua, na upepo ukasigha kuvuma, nawo wakamshanghgaa kabisa. ⁵²Huwo ndawakogho waelewaa maana ya ija mikate. Maana akili rawhe rakogho na uelewa mtinyi.⁵³Na wo wachaluwuka kimonu, wafikie isanga ja Genesareti mashua ikakumba nanga. ⁵⁴Wachafuma shighadi ya mashua, mara wakammanya. ⁵⁵Wakakimbia kutangaza katika mkoa mlanzi na wakawoka kuwareda wakongo kwa machela, kila wachasikira adacha.⁵⁶Kokose wangie katika vijiji, angu mzinyi, angu katika isanga, wawawikie wakongo andu kwa chete, na wakamsihi awaruhusu kuwhada ipindo ja vazi jake. Na wose wamwhadie wakiriwe.

¹Mafarisayo na baadhi ya waandishi ambawo wakogho wafuma Yerusalemu wakee andu amweri kumzunguluka ye.²Na wawonie kuwa baadhi ya wanafunzi wake wajie mkate kwa mikonu najisi; ambayo ndaiogheshigwe. ³(Kwa mafarisayo na wayahudi wose ndawajagha mpaka waoghesha mikonu yawhe nicha; wadawhadiria utamaduni gwa waghosi. ⁴Mafarisayo wakawuya kufuma andu kwa chete, ndawajagha mpaka waogha kwanza. Na kuko sheria rimwi ambaro wadarinygha kabisa, ikika ni amweri na kuoghesha vikombe, masufuria, vombo va shaba, na hata vifumbi vidumikagha makati gha vindo.)⁵Mafarisayo na wayahudi wamkotie Jesu, "Kwa indoi wanafunzi wako ndawaishi kulingana na tamaduni ra waghosi, kwani wadaja mkate pasipo kuogha vala?"⁶Ela ye wawaghoria, "Isaya watabirie nicha kuhusu inyo wanafiki, waandikie, 'wandu awawadanicheshimu kwa momu yawhe, ela mioyo yawhe iko kula na nyi. ⁷Wadanibonyia ibada risadae maana, wakifundisha sheria ra wadamu sa mapokeo ghawhe.'⁸Mwaisigha sheria ya Mlungu na kuwhadiria kwa wepesi tamaduni ra wadamu." ⁹Na akadeda kwawhe, "mwailegha amri ya Mlungu kwa urahisi ili kwamba mtunze tamaduni renyu! ¹⁰Kwa wuja Musa wadedie, 'mheshimu ndeo na mayo; na 'ye adedagha ghazamie ighu ya ndee angu maye hakika dimawafwa.'¹¹Ela mwadeda, 'ngelo mundu akadeda kwa ndee angu mawe, "Msaada wowose ambagho kumacha mwawokera kufuma kwapwa ni hazina ya Ihekalu,"' (iyo ni kudeda kwamba, 'yafunyigwa kwa Mlungu') ¹²huwo ndamruhusu kubonya ilagho jojose kwa ajili ya aba angu mae. ¹³Mdaibonya amri ya Mlungu kuka bure kwa kureda tamaduni renyu. Na malagho mengi gha jinsi iyo mghabonyagha."¹⁴Wawangie makutano sena na kuwaghoria, "mnisikire nyi, inyo wose, na mnielewe. ¹⁵Ndakudae chochose kufuma shighadi yamundu ambacho chadimagha kumachafua mundu chikingia kwake. Bali ni chija chimfumagha mundu nicho chimchafuagha. ¹⁶(Mazingira: mstari ughu, "ngelo mundu wowose akona mundu gha kusikira, na asikire" ndauko nakalenyi ra kala.)¹⁷Jesu achawasigha makutano na kungia nyumbenyi, wanafunzi wake wakamkotia kuhusu mfwano ugho. ¹⁸Jesu akadeda, "Na inyo pia bado ndamuelewa? Ndamwonagha kwamba chochose chimungiagha mundu ndachidimagha kumachafua. ¹⁹Kwa sababu ndaichidimagha kughenda moyonyi kwake, ela chidangia katika kifu chake na kisha chidaida kughenda choonyi." Kwa maelezo agha Jesu wavibonya vindo vose kuka vielie.²⁰Wadedie, "Ni chija ambacho chidamfuma mundu nicho chimchafuagha. ²¹Kwa wuja hufuma ndenyi ya mundu, shighadi ya moyo, hufuma mawazo ghazamie, zinaa, uting'a, mabwagho, ²²Uasherati, tamaa rizamie, uovu, utee, kujamiiana, wivu, kasfa, majivuno, ujinga. ²³Maovu agha ghose ghadafuma ndenyi, nighoghaja ghamchafuagha mundu."²⁴Wawukia kufuma aja na kuinga kughenda katika mkoa gwa Tiro na Sidoni. Wangia ndenyi na ndakundie mundu wowose amanye kuwa wakogho aho, ela ndaidimikane kumvisa. ²⁵Ela ghafla mndumka, ambae mwanake mtinyi wakogho na ngolo mchafu, wasikira habari rake, akacha, na akagwa maghunyi kwake. ²⁶Mndumka uyo wakogho myuinani, wa ikabila ja kifoeniki. Wamsihie ye ambingise pepo kufuma kwa mwai wake.²⁷Jesu akamghoria mndumka, "Wasighe wana wajiswe kwanza, kwa wuja ndaika sawa kuuwusa makate gwa wana na kuwadaghia makoshi." ²⁸Ela mndumka wamjibie na kudeda, "Hee, Mzuri, hata makashi ndonyi ya meza huja mabaki gha vindo va wana."²⁹Akamghoria, "kwa wuja wadeda huwu, uko huru kughenda. Pepo wamuinga kala mwai wako." ³⁰Mndumka wawurie nyumbenyi kwake na akamdoka mwai wake watungura kitandenyi, na pepo wakogho wamuinga.³¹Jesu wafumie sena shighadi ya mkoa gwa Tiro na kuidia sidoni kuelekea bahari ya Galilaya mpaka kanda ya Dikapolisi. ³²Na wakamredia mundu warikogho asasikiraa na wakogho ndadimaa kudeda nicha, wamsihie Jesu awike mikonu ighu yake.³³Wamfunyie shighadi ya ikusanyiko kwa kiviso, na akawika vala vake madunyi kwake, nma baada ya kuchua mada, wawhadie lumi ghwake. ³⁴Waguwie ighu mbingunyi, akahema na kumghoria, "Efata," iyo ni kudeda "rughuka!" ³⁵Na taimu rija reni mndu ghakarughuka, na chirikogho chazuia lumi chanonigwa na akadima kuaria nicha.³⁶Na wawaamuru wasamghorie mundu wowose. Ela kadri wawaamuru, niko watangazie habari iro kwa wingi. ³⁷Hakika washangazigwa, na kudeda, "Wabonya kila kilambo nicha. Hata wawabonya wasassikiraa kusikira na wasadedaa kuaria."

¹Katika maruwa agho, kurikogho sena na umati mbaha, na ndawa ridaeghe vindo. Jesu akawawanga wanafunzi wake akawaghoria, ²"Ndauwonia mbazi umati ughu, waendelea kuka na nyi kwa maruwa adadu na ndawadae vindo. ³Nikawatapanya wawuye majumbenyi kwawhe bila kuja wadima wakazimia chienyi kwa njala. Na baadhi yawhe wafuma kulananganyi." ⁴Wanafunzi wake wamjibie, "Dimadapata hao mikate ya kutosha kuwaghudisha wandu awa katika ieneo iji jisighiwe?"⁵Akawakotia, "Mkona viwande vilinga va mikate?" wakadeda, "saba". ⁶Waghuamuru umati ghuke ndonyi. Akawusa mikate saba, akamshukuru Mlungu, na kuichukanya. Akawaneka wanafunzi wake waiwike imbiri ya whe, na wo wakawika imbiri ya umati.⁷Pia wakogho na samaki watinyi watineri, na baada ya kushukuru, wawaamuru wanafunzi wake wawawaghie hevi pia. ⁸Wajie na wakatosheka. Na wawikie andu amweri viwande visangalike, ngau mbaha saba. ⁹Wakaribie wandu efu ina. Na wawasighie waghende. ¹⁰Mara wangie mashuenyi na wanafunzi wake, na wakaghenda katika ukanda ya Damanuta.¹¹Kisha mafarisayo wafumie shighadi na kuwoka kubishana na ye. Wakundie awaneke ishara kufuma mbingunyi, kwa kumgheria. ¹²Watafakarie moyonyi kwa kina akadeda, "kwa indoi kivazi ichi kidalola ishara? Ndawaghoria inyo loli, ndakudae ishara ifunywagwa kwa kivazi ichi." ¹³Kisha akawasigha, akangia ndenyi ya mashua sena, akainga kuelekea luwande lumwi.¹⁴Mikate agho wanafunzi waliwie kuwusa mikate. Ndawaridaeghe mikate zaidi ya kiwande chimweri chirikogho mashuenyi. ¹⁵Waonyie na kudeda, "Mke meso na mkilinde dhidi ya chachu ya mafarisayo na chachu ya Herode.¹⁶Wanafunzi wakadedeshana weni kwa weni, "Ni kwa sababu ndadidae mikate." ¹⁷Jesu wajimanyie iji, na akawaghoria, "kwa indoi mdadedeshana kuhusu ndamdae mikate? Ndammanyie bado? Ndamuelewaa? mioyo yenyu yaka miepesi?¹⁸Mkona meso, ndamwonaa? mkona madu, ndamsikiraa? ndamkumbukaa? ¹⁹Nichaiwaghanya mikate misanu kwa wandu efu isanu, mwawusieghe ngau ilinga richuie viwande va mikate?" wamjibie, "kumi naa iwi."²⁰"Na nichaiwaghanya mikate saba kwa wandu efu ina, mwawusie ngau ilinga?" ²¹Wakadeda, "saba."Akawaghoria, "Bado ndamuelewaa?"²²Wakacha Bethsaida. Wandu awo wamreda kwa Jesu mundu asawonaa na wamsihie Jesu amwhade. ²³Jesu akamwhada kwa mkonu uja asawonaa, na kumlongoza shighadi ya kijiji. Achashua mada ighu ya meso ghake na kughaghoa mikonu yake ighu yake, wamkotia, "Udawona chochose?²⁴Waguwie ighu na kudeda, "Ndawona wandu wadawoneka sa midi idatembea." ²⁵Niko akaghaghoa sena mikonu yake ighu ya meso ghake, mundu uja akarughua meso ghake, wawonie sena, na akawona kila kilambo nicha. ²⁶Jesu wamsighie aghende nyumbenyi na akamghoria, "usangie mzinyi."²⁷Jesu awaingie na wanafunzi wake kughenda vijiji va kaisaria ya Filipi. Wakika chienyi wamkotia wanafunzi, "wandu wadadeda nyi na ani?" ²⁸Wamjibie wakideda, "Yohana mbatizaji. Wamwi wadadedaa, 'Eliya' na wamwi, 'umweri wa walodi."²⁹Akawakotia, "Ela inyo mdedaanyi na ani?" Petro wamghoria, "We wa Kristo." ³⁰Jesu akawakosha wasaghorie mundu wowose kumhusu ye.³¹Na akawoka kuwafundisha ya kuwa mvalwa wa Adamu lazima ateseke kwa malagho mengi, na dimawalegwa na vilongozi na makuhani wabaha, na waandishi,. na dimawabwagwa, na baada ya maruwa adadu dimawafufuka. ³²Wadedie agha kwa uwazi. Niko Petro akamwusa pembenyi na akawoka kumkemia.³³Ela Jesu waanguka na kuwaguwa wanafunzi wake na akamkemia Petro na kudeda, "ida nyuma yapwa shetani! ndujali malagho gha Mlungu, isipokuwa malagho gha wandu." ³⁴Kisha akauwanga umati wa wanafunzi wake andu amweri, na kuwaghoria, "ngelo kukona mundu adakundi kuninugha, akikane mweni, awuse msalaba gwake, na aninughe.³⁵Kwa wuja wowose akundii kughatesia maisha ghake dimawaghalaghasha, na wowose alaghashagha maisha ghake kwa ajili yapwa na kwa ajili, dimawaghatesia. ³⁶Idamfaidia indoi mundu, kupata urumwengu gwose, na kisha kupata hasara ya maisha ghake? ³⁷Mundu adimagha kufunya indoi badala ya maisha ghake?³⁸Wowose aniwoneagha whaya na madedo ghapwa katika kivazi ichi cha wazinzi na kivazi cha weni zambi, Mvalwa wa Adamu dima wamwonia whaya achacha katika ufalme gwa Aba wake andu amweri na malaika weli.

¹Na wadedie kwawhe, "Hakika nadeda kwenyu, baadhi yenyu kuko wandu wakee kimsi ahandawatoagha mauti kabla ya kuuwona ufalme gwa Mlungu ghukicha kwa ndighi." ²Na baada ya maruwa sita, Jesu wawawusie Petro, Yakobo na Yohana andu amweri nae lughongonyi, weni keri. Niko wawokie kubadilika imbiri yawhe. ³Mavazi ghake ghakawoka kuela nanganyi, ghachokwa zaidi, ghachokwa kuliko mwelesaji wowose dunienyi.⁴Niko Eliya andu amweri na Musa wafumirie imbiri yawhe, na wakogho wakiaria na Jesu. ⁵Petro wajibie akamghoria Jesu, "Mwalimu,ni vema isi kuka aha, na diaghe viwanda vidadu, chimweri kwa ajili yako, chimweri kwa ajili ya Musa na chimwi kwaa ajili ya Eliya." ⁶(kwa wuja ndamanyie indoi cha kudeda, waboie nanganyi.)⁷Idulu jafumirie na kuwafinika. Niko sauti ikifuma madulunyi ikideda, "uyu wa mwanapwa mkundwa. Msikirienyi ye." ⁸Ghafla, warikogho wakiguwa, ndamwonie wowose andu amweri nawo, isipokuwa Jesu tu.⁹Warikogho wakisea kufuma lughoghonyi, wawaamuru kutokumghoria mundu wowose ghaja ghose waghawonie, mpaka mvalwa wa Adamu achafufuka kufuma kwa wafwie. ¹⁰Niko waghatunza malagho wo weni ni indoi maana yake "Kufufuliwa kufuma kwa wafwie"¹¹Wamkotia Jesu, "kwaindoi waandishi hudeda lazima Eliya ache kwanza?" ¹²Akawaghoria, "hakika Eliya dimawacha kwanza kutesia vilambo vose. Kwa indoi yaandikigwa mvalwa wa Adamu lazima apate mateso mengi na azamiwe? ¹³Ela nadeda kwenyu Eliya wasee kucha, na wabonya andu wakundii, sa wuja maandiko andu ghadedagha kuhusuye."¹⁴Na wachawuya kwa wanafunzi, wawonie ikundi ibaha jawazunguluka na masadukayo wakogho wabishana na wo. ¹⁵Na mara wachamwona, ikundi jose jashangae na kumkilia kumlamsa. ¹⁶Wawakotia wanafunzi wake, "mdabishana na wo ighu ya indoi?"¹⁷Umweri wawhe katika ikundi wamjibie, "mwalimu, namreda mwanapwa kwako; akona ngolo chafu ambayo humbonya asadime kuaria, ¹⁸na humsababisha kutetemeka na kumgwisha ndonyi, na kufuma ipovu momunyi na kusaga maghegho na kukakamaa. Nawalombie wanafunzi wako kumfunya ipepo,ela ndawadimie. ¹⁹Wamjibie, "kivazi chisaamini, dimanaka na inyo kwa taimu ki? Dimanawusiana na inyo hata li? mredenyi kwapwa."²⁰Wamreda mwanake. Ngolo mchafu achamwona Jesu, ghafla yamkumbie katika kutetemeka. Mdamwona wagwie ndonyi na kufunya ipovu momunyi. ²¹Jesu wamkotia ndee, "Waka katika hali ihi kwa taimu ki?" Aba wadedie, "Tangu uwhanake. ²²Mara imwi hugwa katika modo angu machonyi, na kugheria kumwangamiza. Ngelo udimagha kubonya chochose diwoniembazi na uditawarie."²³Jesu wamghoria, "ngelo uko tayari? kila kilambo kidadimikana kwa wowose aaminiye." ²⁴Ghafla Aba wa mwana walilie na kudeda, "Ndaamini! Nitawarie kuto kuamini kwapwa." ²⁵Makati Jesu wachawona ikundi jidakimbilia kwawhe, wamkemia ngolo mchafu na kudeda, weghe, usangie kwake sena."²⁶Walilie kwa ndighi na kumgaisha mwana na ngolo wamfumie. Mwana wawonekane sa andu wafwa, Niko wengi wadedie, "Wafwa," ²⁷Ela Jesu wamwusie kwa mikonu akamnua, na mwana wakeekimsi.²⁸Makati Jesu wachangia ndenyi, wanafunzi wake wamkotia faragha, "kwa indoi ndadidimie kumfunya?" ²⁹Wamghoria, "kwa namna ihi ndafumaa isipokuwa kwa malombi."³⁰Wafumie aja na kuidia Galilaya. Ndakundie mundu wowose amanye andu weko, ³¹Kwa wuja wakogho adafundisha wanafunzi wake. Wawakotia, "Mvalwa wa Adamu dimawafikishwa mikonunyi mwa wandu, na dimawamwabudu dima wafufuka sena." ³²Ela ndawaelewe maelezo agha, na waboie kumkotia.³³Niko wafikie kapernaumu. Makati akika ndenyi ya iwacha wawakotia, "Mrikogho mdajadili indoiu chienyi?" ³⁴Ela wakogho kimumure. Kwani wakogho wadabishana chienyi kwamba ani wakogho mbaha zaidi. ³⁵Wakaie ndonyi akawawanga kumi na wawi andu amweri, na wadedie nawo, "ngelo wowose akundii kuka wa kwanza, ni lazima ake wa mwisho na mtumishi wa wose."³⁶Wamwusie mwana mtinyi akamwika ghadi ghadi yawhe. Akamwusa katika mikonu yake, akadeda, ³⁷"Wowose amwokeragha mwana sa uyu kwa irina japwa, pia waniwokera nyi, na ikika mundu waniwokera, ndaniwokeragha nyi tu, ela pia wanidumie."³⁸Yohana wamghoria, "mwalimu damwonie mundu adafunya pepo kwa irina jako na dikamzuia, kwa sababu ndadinugha." ³⁹Ela Jesu wadedie, "Msamzuie, kwa wuja ndakudae abonyagha chaghu chibaha kwa irina japwa na niko baadae adede idedo jizamie jojose ighu yapwa.⁴⁰Wowose asakogho kinyume na isi weko luwande lwedu. ⁴¹Wowose akunekagha kikombe cha machi gha kunywa kwa sababu ukona Kristo, loli nawaghoria, ndalaghasha thawabu yake.⁴²Wowose awasoweshagha awa watinyi wanianiinyi, kumacha yaka vema kwake kurughiwa ighwe ja kusaghia singonyi na kudagwa baharinyi. ⁴³Ngelo mkonu gwako ghuka kusowesha ghudeme. Ni heri kungia katika banana bila mkonu kuliko kungia hukumunyi ukika na mikonu yose.katika modo "ghusarimikaa". ⁴⁴(Maziria: Mistari ihi, "Andu ambako fuza ndawafwa na modo ghusarimikaa." Ndauko katika nakala ra kala).⁴⁵Ngelo kaghu kwako kakakusowesha, kudeme. Ni vema kwako kungia bananenyi ukika kilema, kuliko kudagwa hukumunyi na maghu awi. ⁴⁶(Maziria: Mstari ughu, "Andu ambako fuza ndawafwa na modo ghusadima kurimika" ndauko nakalenyi ra kala).⁴⁷Ngelo iriso jako jikakusowesha jikue. Ni vema kwako kungia katika ufalme gwa Mlungu ukika na iriso jimweri, kuliko kuka na meso awi na kudagwa kuzimunyi. ⁴⁸Andu kuko fuza wasafwa, na modo ghusarimikaa.⁴⁹Kwa wuja kila umweri dimawakolezigwa ni modo. ⁵⁰Munyu gwaboie, ngelo munyu ghjakalaghasha ladha yake,dimawaibonya wada ike na ladha yake sena? mke na munyu miongonyi kwenyu weni, na mke na amani kwa kila umweri."

¹Jesu wangie ieneo ijo na akaghenda katika mkoa gwa uyahudi na ieneo ja imbiri ya mweda Yordani, na makutano wamnughie sena, wafundishie sena, sa andu yakogho kawaida yake kubonya. ²Na mafarisayo wachee kumgheria na wamkotia, Ya halali kwa mundumuni kusighana na mkake?" ³Jesu wawajibie, "Musa wawaamuru indoi?" ⁴Wakadeda, "Musa waruhusu kuandika cheti cha kusighana na kisha kumbingisa mndumka."⁵"Ni kwa sababu ya mioyo yenyu ikurie nio maana waandikia sheria ihi," Jesu wawaghoria. ⁶"Ela kufuma kilindiri cha uumbaji, Mlungu wawaumbie mndumuni na mndumka.'⁷Kwa sababu ihi mndumuni dimawamsigha ndee na mae na dimawaungana na mkake, ⁸na awo wawi dimawaka muwi umweri; kwa wuja si wawi sena, bali muwi umweri. ⁹Kwa huwo wachiunganishe Mlungu, mdamu asakitenganishe."¹⁰Wachaka ndenyi ya iwacha, wanafunzi wake wakamkotia sena kuhusu iji.. ¹¹Akawaghoria, "Wowose amsighagha mkake na kumlowua mndumka umwi, adabonya uzinzi dhidi yake. ¹²Mndumka naye akmsigha mumi wake na kulowolwa na mdumuni umwi, adabonya uzinzi."¹³Na wo wamredia wana wawhe watinyi ili awawhade, ela wanafunzi wakawakemia. ¹⁴Ela Jesu achatambua ijo, ndaboiwe najo kabisa akawaghoria, "Waruhusunyi wana watinyi wache kwapwa, na msawazuie, kwa sababu weko sa awa ufalme gwa Mlungu ni wawhe.¹⁵Uloli nawaghoria, wowose asawokeragha ufalme gwa Mlungu sa mwana mtinyi hakika ndadimagha kungia katika ufalme gwa Mlungu. ¹⁶Kisha akawawusa wana mikonunyi kwake na akawabariki akiwawikia mikonu yakeighu yawhe.¹⁷Na wachachianza charo chake mundu umweri wamkimbiria na akakaba magoti imbiri yake, akamkotia, "mwalimu uboie, nibonyie ili ndime kupala banana ya kala na kala?" ¹⁸Na Jesu akadeda, "kwa indoi udaniwanga niboie? Ndakudae ako aboie, isipokuwa Mlungu mweni keri. ¹⁹Udarimanya amri: Usabwaghe, usazini, usaiwe, usashuhudie tee, usaembie, mheshimu Aba na Mayo."²⁰Mundu uja akadeda, "mwalimu, agha ghose na ghatii tangu nikika mdawana." ²¹Jesu wamghuwie na kumkunda. Akamghoria, "udaghoduiwa kilambo chimweri. Udapaswa kudagha vose ukoo navo na uwaneke masikini, nadimawaka na hazina mbingunyi. Niko uche uninughe." ²²Ela wakatie tamaa kwa sababu ya maelezo agha; wangie akika mweni huzunyi kwa wuja wakogho na mali nyingi.²³Jesu akaguwa pande rose na kuwaghoria wanafunzi wake, "Ni jinsi ki iko ikurie kwa tajiri kungia katika ufalme gwa Mlungu! ²⁴Wanafunzi washangazigwa kwa madedo agha. Ela Jesu akawaghoria sena, "Wana, ni jinsi ki iko vikurie kungia katika ufalme gwa Mlungu! ²⁵Ya rahisi kwa ngamila kuida itundunyi ja sinzano, kuliko mundu tajiri kungia katika ufalme gwa Mlungu."²⁶Washangazigwe nanganyi na wakadedeshana, "Huwo ani dimawaokoka" ²⁷Jesu akawaguwa na kudeda, "Kwa binadamu ndaidimikana, ela sio kwa Mlungu. Kwa wuja katika Mlungu ghose ghadadimikana." ²⁸Petro akawoka kuaria na ye, "Guwa dasigha vose na dakunugha."²⁹Jesu akadeda, "Uloli nawaghoria nyi, ndakudae wasighie iwacha, angu kaka, angu dada, angu mawe, angu Aba, angu wana, angu ardhi, kwa ajili yapwa, na kwa ajili ya injili, ³⁰Ambae ndawokeragha mara ighana zaidi ya iji aha aha dunienyi: Iwacha, kaka, dada, mawe, wana na ardhi, kwa mateso, na urumwengu uchagha, banana ya kala na kala. ³¹Ela wengi weko wa kwanza dimawaka wa mwisho na weko wa mwisho dimawaka wa kwanza."³²Wachaka chienyi, kughenda Yerusalem, Jesu wakogho wawakiria imbiri yawhe. Wanafunzi washangaie, na waja warikogho wadanugha nyuma waboa. Niko jesu akawafunya pembenyi sena waja kumi na iwi na akawoka kuwaghoria ambacho dimachamdoka huwu karibuni. ³³"Guwa, didaghenda mpaka Yerusalemu, na mvalwa wa Adamu dimawafikishwa kwa makuhani wabaha na waandishi. Dimawamhukumu afwe na dimawamfunya kwa wandu wa mataifa. ³⁴Dimawamdhihaki, dimawachuia mada, dimawamkaba kwa changu, na dimawambwagha. Ela baada ya maruwa adadu dimawafufuka."³⁵Yakobo na Yohana, wavalwa wa zebedayo, wachee kwake na kudeda, "Mwalimu, didakuhitaji udibonyie chochose dikulombagha." ³⁶Wamghoria, "Mkundi niwabonyie?" ³⁷Wakadeda, "Diruhusu dike nawe katika utukufu gwako, umweri katika mkonu gwako gwa kuume na umwi mkonu gwako gwa kumosho."³⁸Ela Jesu wawajibie, "Ndamuichi mchilambagha. Mdimagha kuchinywea kikombe ambacho dimanachinywea angu kustahimili ubatizo ambagho dimanabatizigwa?" ³⁹Wakamghoria, "Didamagha" Jesu akawaghoria, "kikombe ambacho dimanakinywea, dimamwachinywea. Na ubatizo ambagho kwawhe nabatizigwa, dimamwaustahimili. ⁴⁰Ela akagha mkonu gwapwa gwa kumosho sio nyi wakufunya, ela ni kwa waja ambawo kwawhe yasia andaliwa."⁴¹Waja wanafunzi wamwi kumi wachasikira agha, wakawoka kuwawonia virea Yakobo na Yohana. ⁴²Jesu akawawanga kwake na kudeda, "Mdaichi kuwa waja wadhaniwaa kuka watawala wa wandu wa mataifa huwatawala, na wandu wawhe washuhuri huwabonyeria mamlaka ighu yawhe."⁴³Ela ndaipaswagha kuka huwu kati yenyu. Wowose akagha mbaha kati yenyu lazima awadumikie, ⁴⁴na wowose akagha wa kwanza kati yenyu ya lazima ake mtumwa wa wose. ⁴⁵Kwa wuja mvalwa wa Adamu ndachee kudumikiwa bali kudumika, na kughainja maisha ghake kuka faida kwa wengi."⁴⁶Wakacha Yeriko. Warikogho akiinga Yeriko na wanafunzi wake na ikundi baha, mvalwa wa Timayo, Batimayo, asawonaa mlombaji, wakee mbai ya barabara. ⁴⁷Wachasikira kuwa wa Jesu Mnazareti, wawokie kukaba jogho na kudeda, "Jesu, mvalwa wa Daudi, niwonie mbazi!" ⁴⁸Wengi wamkemia uja asawonaa, wakimzera anyame kima. Ela walilie kwa sauti zaidi, "Mvalwa wa Daudi, niwonie mbazi!"⁴⁹Jesu wakeekimsi na kuamuru awangwe. Wamwanga uja asawonaa, wakideda, "ka shujaa! wukia! Jesu adakuwanga." ⁵⁰Akajidagha pembenyi ikoti jake, akakimbia zaidi, na kucha kwa Jesu.⁵¹Jesu wamjibie na kudeda, "Ukundi ni kubonyie indoi?" uja mndu mumi asawonaa wamjibie, "Mwalimu, ndakundi kuwona." ⁵²Jesu akamghoria, "Ghenda. Imani yako yakukira." Aho meso ghake ghakawona; na akamnugha Jesu barabarenyi.

¹Makati agho wachacha Yerusalemu, wachakaribia Bethafage na Bethania, katika lughogho lwa mizeituni, Jesu wawangie wawi mlongonyi mwa wanafunzi wake. ²na wawaghoria, "Ghendenyi katika kijiji kikabilianagha na isi. Mara mchangia umo, dimamwamdoka mwanambunda ambae ndajokiwe. Mrughenyi na mumrede kwapwa. ³Na ngelo wowose akawaghoria, 'kwa indoi mdabonya huwu'?, mdapaswa kudeda, 'Mzuri adamhitaji na mara dimawamwuja aha'."⁴Waghendie na kumndoka mwanambunda wamrugwa shighadi mjangonyi mtaenyi ghukoo mwari, na wo wamrughua. ⁵Na baadhi ya wandu warikogho wakakimsi aja na wawaghoria, "Mbonyai, kumrughua mwanambunda uyo?" ⁶Wawaghoria sa andu Jesu wawaghoria, na wandu wakasigha waghende.⁷Wanafunzi wawi wamreda mwanambunda kwa Jesu na watandika mavazi ghawhe ighu yake ili Jesu adime kumjoka. ⁸Wandu wengi watandikie mavazi ghawhe barabarenyi, na wamwi watandika marembwe waghademie kufuma andu kuko mbuwa. ⁹Waja waghendie imbiri yake na waja wamnughie wakabie jogho, "Hosana! Wabarikiwa achagha kwa irina ja Mzuri. ¹⁰Ubarikiwe ugimbikwa uchagha wa Aba wedu Daudi! Hosana kwa akoo ighu"¹¹Niko Jesu wangie Yerusalemu na waghendie hekalunyi na waguwie kila kilambo. Idana, makati ghakogho ghaghenda, waghendie Bethania amweri nawo kumi na iwi. ¹²Iruwa jinughiriaa, makati warikogho wakiwuja kufuma Bethania, wakogho na njala.¹³Na akawona mdi gwa mtini ghurikogho na nyasi kwa kula, waghendie kuguwa ngelo kumachawadima kupata chochose ighu yake. Na makati wachaghenda kwa ugho, ndapatie chochose isipokuwa nyasi, kwawuja ndayakogho majira gha mtini. ¹⁴Waughoria, "Ndakudae wowose ajagha itunda kufuma kwako sena". Na wanafunzi wake wakasikira.¹⁵Wachee Yerusalemu, na ye wangia hekalunyi na kuwoka kuwafunya shighadi wadaghaa na wagulaa ndenyi ya ihekalu. Waripindue meza ra wabadilishagha fedha na vifumbi va waja warikogho wakidagha njiwa. ¹⁶Ndamruhusu wowose kudwa chochose hekalunyi chidimieghe kudagwa.¹⁷Wawafundishie na akadeda, "Je ndai andikigwe, 'iwacha japwa dimajawangwa iwacha ja sala kwa mataifa ghose? 'ela mwajibonya ipango ja wanyang'anyi". ¹⁸Makuhani wabaha na waandishi wasikira andu wakogho wadeda, na wo walolie chia ya kumbwagha. Hata huwo wamboaa kwa sababu umati gwashangazigwa na mafundisho ghake. ¹⁹Na kila makati kwenyi ichafika wangie mzinyi.²⁰Warikogho wakitembea kesho kio, waghuwonie mdi gwa mtini gwaoma mpaka mirinyi yake. ²¹Petro wakumbukie na kudeda, "Rabi! Guwa, mdigwa mtini ughulaanie gwaoma".²²Jesu wawajibie, "mke na imani katika Mlungu. ²³Amini nawaghoria kwamba kila alughoriagha lughongo ulu, 'inga, na ukakidaghe mweni baharinyi, na ngelo ndadae mashaka moyonyi mwake ela adaamini kwamba wachidedie dimachafumiria, huwo niko Mlungu dimawabonya.²⁴Kwa huwo ndawaghoria: kila kilambo mlombaa na kukotia kwa ajili yake, amininyi ya kwamba mwawokera, navo dima vaka venyu. ²⁵Makati mkaghakimsi na kutasa, mdapaswa kusamehe chochose mko nacho dhidi ya wowose, ili kwamba aba wenyu akoo mbingunyi awasamehe pia inyo makosa ghenyu. ²⁶(Maziria: Mstari ughu, "Ela msipowasamehe, wala aba wenyu akoo mbingunyi ndamsamehe zambi renyu" ndauko na kalenyi ra kala).²⁷Wachacha Yerusalemu sena. Na Jesu warikogho akitembea hekalunyi, makuhani wabaha, waandishi na waghosi wachee kwake. ²⁸Wamghoria, "kwa mamlaka ki udabonya malagho agha? "Na ani wakuneka mamlaka kubonya agha?"²⁹Jesu wawaghoria, 'Dimanamikotia iswali jimweri. Nighorienyi na nyi dimanamighoria kwa mamlaka ki ndabonya malagho agha. ³⁰Je, ubatizo gwa Yohana gwafumie mbingunyi angu gwafumie kwa wadamu? Nijibunyi."³¹Wajadiliana miongonyi mwao na kushindana na kudeda, "Ngelo dikadeda, 'kufuma mbingunyi, 'dimawadeda, 'kwa indoi basi ndammwaminie?' ³²Ela ngelo dikadeda, 'kufuma kwa wadamu,'..."Wawaboa wandu, kwa wuja wose wawhadiria kwamba Yohana wakogho mlodi. ³³Niko wamjibie Jesu na kudeda, 'Ndadimanyaa. Niko Jesu akawaghoria, 'Wala nyi siwaghoriagha ni kwa mamlaka ki ndaghabonya malagho agha.

¹Kisha Jesu wawakie kuwafundisha kwa mifwano. Akadeda, "Mundu wawae mbuwa ya mizabibu, akaizungulushia uzio, na akakota ishimo ja kusindika chafi. Akaagha mnara na kisha waipangisha mbuwa ya mizabibu kwa wakulima wa mizabibu. Kisha wabonyie charo charo cha kula. ²Makati ghachafika, wamdumie mtumishi kwa wakulima wa mizabibu kuwokera kufuma kwawhe baadhi ya matunda gha mbuwa ya mizabibu. ³Ela wamwhada, wakamkaba, na wakambingisa bila chochose.⁴Akamduma kwawhe mtumishi umwi, wamjeruhi chongonyi, na kumbonyia malagho gha whaya. ⁵Bado wamdumie umwi, na uyu umweri wambwagha. Wawabonyia wamwi wengi malagho sa aghogheni, wakiwakaba na wamwi kuwabwagha.⁶Wakogho bado na mundu umweri zaidi wa kumduma, mvalwa mkundwa. Naye wakogho wa mwisho adumiwe kwawhe. Akideda, "Dima wamheshimu mwanapwa". ⁷Ela wapangaji wadedeshanie weni kwa weni, "Uyu nie mpali. Chonyi, hebu na dimbwaghe, na upalo dimagwaka gwedu."⁸Wamvamia, wakambwagha na kumdagha shighadi ya mbuwa ya mizabibu ⁹Kwa huwo, Je! Dimawabonyai mmiliki wa mbuwa ya mizabibu? Dimawacha na kuwaangamiza wakulima wa mizabibu na dimawaikabidhi mbuwa ya mizabibu kwa wamwi.¹⁰Ndampatie kujisoma iandiko iji? " Igwe ambajo wajenzi wajilegha, jaka igwe ja pembenyi. ¹¹Iji jafumie kwa Mzuri, na ni ja ajabu mesonyi kwedu." ¹²Walolie kumwhada Jesu, Ela wawaboie makutano, kwani wamanyie kuwa wakogho wadeda mfwano ugho dhidi yawhe. Huwo wamsighie na wakaghenda chia rawhe.¹³Kisha wakawaduma baadhi ya mafarisayo na maherodia kwake ili kumdegha kwa madedo. ¹⁴Wachafika, wakamghoria, "Mwalimu, didaichi kwamba ndujali maoni gha wowose na ndubonyiriagha upendeleo kati ya wandu. Udafundisha chia ya Mlungu katika uloli. Je! yahachi kushana kodi kwa kaisari angu la? Je! didima kushana angu la? ¹⁵Ela Jesu wamanyie unafiki wawhe na kuwaghoria, "kwa indoi mdanigheria? nnekenyi dinari ndime kuiguwa."¹⁶Wakareda imweri kwa Jesu, Akawaghoria, Je! Ya sura ya ani na maandishi gheko aha ni gha ani? wakadeda, "Ya kaisari." ¹⁷Jesu akawaghoria, "Mnekenyi kaisari vilambo va kaisari na Mlungu vilambo va Mlungu." Wakamstaajabia.¹⁸Kisha masadukayo, wadadedagha ndakudae ufufuo, wamghendie. Wakamkotia, wakideda, ¹⁹"Mwalimu, Musa wadiandikie kuwa, "Ikika mmbari wa mundu akafwa na kumsigha mka nyuma yake, ela ndasighie mwana, mundu dimawamwusa mka wa mmbari wake, na kukipatia wana kwa ajili ya mmbari wake.'²⁰Kurikogho na wambari saba, wa kwanza wawusie mka na kisha wafwie, ndasighie wana. ²¹Kisha wa kawi wawusie na ye akafwa, ndasighie wana. Na wa kadadu halikadhalika. ²²Na wa saba wafwie bila kusigha wana. Mwishowe na mndumka pia akafwa. ²³Makati gha ufufuo, wakachafufuka sena, Je! imawaka mka wa ani? kwani waja wa mbari wose saba wakogho wami wake."²⁴Jesu wawaghoria, Je! ihi si sababu kuka mwapotoshwa, kwa sababu ndammanyaa maandiko wala ndighi ra Mlungu?" ²⁵Makati gha kufufuka fuma kwa wafwie, ndawalowuaa wala kungia katika ndoa, bali dimawaka sa malaika wa mbingunyi.²⁶Ela, kuhusu wafu ambawo wadafufuliwa, Je! ndamsomie kufuma katika chuo cha Musa, katika habari ra kichaka, jinsi Mlungu andu wadedie na kumghoria, 'Nyi na Mlungu wa Abrahamu, na Mlungu wa Isaka, na Mlungu wa Yakobo?' ²⁷Ye si Mlungu wa wafwie, bali wa wakoo hai. Yadhahiri mwapotoka."²⁸Umweri wa waandishi wachee na kughasikira mazungumzo ghawhe; Wawonie kwamba Jesu wawajibie vema. Wamkotie, Je! niamri iyao ikoo ya muhimu zaidi kuliko rose?" ²⁹Jesu wamjibie; ikoo ya muhimu ni ihi, "sikira, Israeli, Mzuri Mlungu wedu, Mzuri ni mmweri. ³⁰Lazima umkunde Mzuri Mlungu wako, kwa moyo gwako gwose, kwwa ngolo yako yose, kwa akili yako yose, na kwa ndighi rako rose.' ³¹Amri ya kawi ni ihi,

¹Jesu warikogho akitembea kufuma hekalunyi, umweri wa wanafunzi wake akamkotia, "Mwalimu. guwa magwe agha ghakushangaza na maagho!" ²Akamghoria, unawona maagho agha mabaha? Ndakudae hata igwe jimweeri jisaliaa ighu ya jimwi ambajo ndajigwi shwaghwa ndonyi".³Na ye warikogho waka ighu ya lughongo lwa mizeituni nyuma ya ihekalu, Petro, Yakobo, Yohana na Andrea wakamkotia kwa kiviso, ⁴"Dighorie, malagho agha dimaghaka li? ni indoi dalili ya malagho agha kufumiria?⁵Jesu wawokie kuwaghoria, "kenyi makini kwamba mundu wowose asawapotoshe. ⁶Wengi dimawacha kwa irina japwa wakideda 'Nyi nie', na dimawawapotosha wengi.⁷Mchasikira kondo na tetesi ra kondo, msaboe; malagho agha ndaghadae budi kufumiria, ela mwisho bado. ⁸Itaifa dimajanuka kinyume na itaifa jimwi, na ufalme kinyume na ufalme. Dimakwaka na matetemeko gasi tofauti, na njala. Ughu ni mwanzo gwa utungu.⁹Kenyi meso. Dimawawaghenja hadi mabarazenyi, na dimamwapingwa katika masinagogi. Dimamwakaia kimsi imbiri ya watawala na wagimbikwa kwa ajili yapwa, sa ushuhuda kwawhe. ¹⁰Ela injili kwanza ihubiriwe kwa mataifa ghose.¹¹Wachawawhada na kuwakabidhi, msaboe kuhusu chija andumdedaa. Ndenyi ya taimu iro, dimamwanekwa indoi cha kudeda; ndamkagha inyo mdedaa, bali ngolo wa kuela. ¹²Mmbari dimawamshitaki mmbari kubwaghwa, Aba na mwanake. Wana dimawaka kimsi kinyume cha waka aba wawhe na kuwasababisha kubwaghwa. ¹³Dimamwazamiwa na kila mundu kwa sababu ya irina japwa. Ela arumaghiagha mpaka mwisho, mundu uyo dimawaokoka.¹⁴Mchawona ichukizo ja unonefu ja kakimsi aja andu jisakundigwi kukakimsi (asomagha na amanye), niko wakoo ndenyi ya Yuda wakimbie lughongonyi, ¹⁵Na ye akoo ighu ya iwacha asasee ndonyi ya iwacha, angu kuwusa chochose ndonyi ya iwchikoo shighadi, ¹⁶na akoo mbuwenyi asawuye kuwusa ivazi jake.¹⁷Ela ole wawhe wandu waka weni inda na wanyonyeshagha katika maruwa agho! ¹⁸Tosenyi kwamba isafumirie makati gha mbeo. ¹⁹Kwani dimakwaka na mateso mabaha, ambagho ndaghose fumiria, tangu Mlungu achamba urumwengu, mpaka iji aha, ndakudae, wala ndaifumiriagha sena. ²⁰Mpaka Mzuri achaghodua maruwa, ndakudae muwi ghuokokaa, ela kwa ajili ya wateule, achawasaghula, dimawaghodua namba ra maruwa.²¹Makati agho ngelo mundu wowose dimawaghoria, Guwa, Kristo ako aha! 'angu 'Guwa, ako aja!' msaamini. ²²Kwani wakristo wa tee na walodi wa tee dimawafumiria na dimawafunya ishara na maajabu, ili kwamba, wawaembie, ya mkini hata wateule. ²³Kenyi meso! Nameria kuwaghoria aghaghose kabla ya makati.²⁴Ela baada ya mateso gha maruwa agho, iruwa dima jakumbwa kira, mweri ndaghufunyagha mwangaza gwake, ²⁵Nyenyeri dimaragwa kufuma angenyi, na ndighi rikooo mbingunyi dimaratikisika. ²⁶Niko wachamwona mvalwa wa Adamu akicha madulunyi kwa ndighi mbaha na utukufu. ²⁷Niko dimawaduma malaika rake na dimawawika andu amweri wateule wake kufuma gasi mbaha ina ra dunia, kufuma mwisho gwa dunia mpaka mwisho gwa mbingu.²⁸Kwa mtinyi kifunzeni. Ngelo irembwe jidimagha kufunya na kuwika karuwaruwa nyasi rake, niko dimamwaichi kwamba kiangazi cheko avui. ²⁹Niko iko, mchawona malagho agha ghakifumiria, manyeni kwamba ako avui, na majango.³⁰Loli, nawaghorienyi, ichi kivazi ndachiidagha kula kabla malagho agha ndaghasee fumiria. ³¹Mbingu na isanga dimaraidia, ela madedo ghapwa ndaghaidagha kamwe. ³²Ela kuhusu iruwa ijo angu saa, ndakudae amanyagha, hata malaika wa mbingunyi, wala mvalwa, ela Aba.³³Kenyi meso, Guwa, kwa sababu ndamuichi ni taimu ki dimaghafumiria. ³⁴(Maziria: Mstari ughu, "mke waangalifu, Guwenyi na tasenyi kwa sababu..." ndauko na kalenyi ra kala). Ni sa andu aghendaa chorenyi: akasigha iwacha jake, na kuwika mtumwa wake kuka mtawala wa iwacha, kila umweri na chaghu chake. Na kumuamuru mlinzi kuka meso.³⁵Kwa huwo kenyi meso! kwani ndammanyaa ni li Mzuri wa iwacha achawuya nyumbenyi, idadikana ni kwenyi, kio kibaha, makati jogholo achalila, angu kesho kio. ³⁶Ngelo akacha ghafla, asakudoke watungura. ³⁷Chija nichidedagha kwako ndachideda kwa kila mundu: kenyi meso"!

¹Ghakogho maruwa awi tu baada ya sikukuu ya pasaka na ya mikate isakumbagwa chachu. Makuhani wabaha na waandishi wakogho wakilola namna ya kuwhada Jesu kwa hila na kumbwagha. ²Kwa wuja wadedie, "sio makati makati agha gha sikukuu, wandu wasache bonya ghasia."³Makati Jesu warikogho Bethania nyumbenyi kwa simoni mkoma, na warikogho akielekea mezenyi, mndumka umweri wachee kwake akika na chupa ya marashi gha nardo ielie yeni gharama mbaha nanganyi, waichukanya chupa na kuimimina ighu ya chongo chake. ⁴Ela kurikogho na baadhi yawhe wawonie vire. Waghoriana weni kwa weni wakideda, "Ni indoi sababu ya ulaghashaa ughu? ⁵Manukato agha kumachaghadima kudagwa kwa zaidi ya dinari mia idadu, na wakanekwa maskini." Nawo wamkemia.⁶Ela Jesu wadedie, "msighenyi mweni keri. Kwaindoi mdamguisha? Wabonya ilagho jiboie kwapwa. ⁷Maruwa ghose maskini mko nawo, na makati ghoghose mtamanii mdadima kubonya ghaboie kwawhe, ela ndamkagha na nyi makati ghose. ⁸Wabonya chija andu wakundi: wauvia muwi gwapwa mavunda kwa ajili ya mariko. ⁹Loli nawaghoria, kila andu injili andu hubiriwa katika urumwengu gwose, chija wabonya mndumka uyu dimachadedwa kwa ukumbusho gwake.¹⁰Kisha Yuda iskariote, umweri wa waja kumi na iwi, waghendie kwa wabaha wa makuhani ili kwamba apate kumkabidhi kwawhe. ¹¹Makati wabaha wa makuhani wachasikira huwo, waboiwa na waadie kumneka fedha. Wawokie kulola nafasi ya kumkabidhi kwawhe.¹²Katika iruwa ja kwanza ja mkate usakumbagwa chachu, makati wachafunya mwanang'ondi wa pasaka, wanafunzi wake wamghoria, 'ukundi dighende hao dikaandae ili upate kuja mlogwa pasaka?" ¹³Wawaduma wanafunzi wake wawi na kuwaghoria, "Ghendenyi mzinyi, na mndumumi ambae wadwa mtungi dimawawonana na inyo. Mnughenyi. ¹⁴Iwacha ajiingiagha, mnughenyi na mumghorie mweni iwacha ijo, 'mwalimu adeda, "chiko hao chumba cha waghenyi andu nijagha pasaka na wanafunzi wapwa?"¹⁵Dima wawabonyeria chumba cha ighu kibaha chikona samani ambacho cheko tayari. Bonyeni maandalizi kwa ajili yedu aja." ¹⁶Wanafunzi waingie wakaghenda mzinyi; wadokie kila sa andu wakogho wa waghoria, na wakaandaa mlogwa pasaka.¹⁷Makati irikogho kwenyi, wachee na waja kumi na iwi. ¹⁸Na warikogho wakiikaribia meza na kuja, Jesu wadedie, "loli nawaghoria, umweri kati yenyu ajagha andu amweri na nyi dimawanisaliti." ¹⁹Wose wasikitie, na umweri baada ya umwi waghoria, "Hakika sio nyi?"²⁰Jesu wajibie na kuwaghoria, "Ni umweri wa kumi na wawi kati yenyu, umweri ambae ijiaha adachovya itonge katika ibakuli andu amweri na nyi. ²¹Kwa wuja mvalwa wa Adamu dimawaghenda sa wuja maandiko andu ghadedaa ighu yake. Ela ole wake mundu uja ambae kuidia ye mvalwa wa Adamu dimawasalitiwa! kumacha asavalwa."²²Na warikogho wakija, Jesu wawusie mkate, akaghubariki, na kuubegha. Wawanekie akideda, "Wusenyi. Ughu ni muwi gwapwa." ²³Wawusie kikombe, akashukuru, na akawakeria, na wose wakachinywea. ²⁴Wawaghoria, "Ihi ni bagha yapwa ya agano, bagha idikagha kwa ajili ya wengi. ²⁵Loli nawaghoria, sinywagha sena katika izao iji ja mzabibu mpaka iruwa jija ninywagha mbishi katika ufalme gwa Mlungu."²⁶Wachameria kubora lumbo, waghendie shighadi katika lughongo lwa mizeitunyi. ²⁷Jesu wawaghoria, "Inyo wose dimamwakitenga kala kwa sababu yapwa, kwa wuja yaandikigwa, 'Dimanamkaba mlisa na ng'ondi dimawawaghaanyika.'²⁸Ela baada ya kufufuka kwapwa, dimanawakiria imbiri yenyu Galilaya." ²⁹Petro wamghoria, "Hata kama wose dimawakusigha, nyi sikusighaa."³⁰Jesu wamghoria, "Loli nakughoria, kio ichi, kabla jogholo ndasee lila mara iwi, dimawaka wanikana mara idadu." ³¹Ela Petro wadedie, "Hata dimayani lazimu kufwa andu amweri na we, sikukanagha." Wose wafunyie ahadi ija yeni.³²Wachee ieneonyi jiwangiweghe Gethsamane, na Jesu akawaghoria wanafunzi wake, "kenyi aha makati ndasali." ³³Wawawusie Petro, Yakobo na Yohana andu amweri na ye, akawoka kuhuzunika na kutaabika nanganyi. ³⁴Wawaghoria, "Nafasi yapwa ikona huzuni nanganyi, hata kufwa. Bkinyi aha na mke meso."³⁵Jesu waghendie imbiri kidogo, akagwa ndonyi, akatasa, ngelo kumacha yadimikana, kwamba saa ihi kumachayamuepuka. ³⁶Wadedie, "Aba, Aba, malagho ghose kwako ghadadimikana. Niinjie kikombe ichi. Ela sio kwa mapenzi ghapwa, bali mapenzi ghako."³⁷Wawurie na kuwadoka watungura, na akamghoria Petro, "Simoni, Je watungura? Ndudimie kuka meso hata isaa jimweri? ³⁸Kenyi meso na mtase kwamba msache ngia katika kugheriwa. Hakika ngolo yeko radhi, ela muwi ni dhaifu." ³⁹Waghendie sena na kutasa, na watumia madedo ghajagheni.⁴⁰Wachee sena akadoka watungura, kwa wuja meso gwawhe ghakogho mazito na ndawamanyie indoi cha kumghoria. ⁴¹Wachee mara ya kadadu na kuwaghoria, "Bado mwatungura na kusoghoka? idatosha! isaa jafika. Guwa! mvalwa wa Adamu dimawasalitiwa mikonunyi mwa wekona zambi. ⁴²Wukienyi, dighendenyi. Guwa, uja anisaliti ako avui."⁴³Mara tu warikogho bado adaaria, Yuda, umweri wa waja kumi na wawi, wafikie, na ikundi ibaha kufuma kwa wabaha wa makuhani, waandishi na waghosi weni malwamba na marungu. ⁴⁴Makati agho msaliti wake wakogho wawaneka ishara, akideda, uja nibusu, niye. Mwhadenyi na kumghenja ndonyi ya wulinzi. ⁴⁵Makati Yuda wachafika, moja kwa moja waghendie kwa Jesu na kudeda, "Mwalimu! Na wambusu. ⁴⁶Kisha wakamkuba ndonyi ya walinzi na kumwhada.⁴⁷Ela umweri kati yawhe wakaiye kimsi avui na ye wachomoa luwamba lwake akamkaba mtumishi wa kuhani mbaha na kumdema kudu. ⁴⁸Jesu wawaghoria, "Mwacha kuniwhada kwa malwamba na marungu sa mnyang;anyi? ⁴⁹Makati kila iruwa nakogho na inyo na nikifundisha hekelunyi, ndamniwhadie. Ela iji jabonyeka ili maandiko ghatimie. ⁵⁰Na waja wose warikogho na Jesu wamsigha na kukimbia.⁵¹Mdawana umweri wamnughie, warikogho warwa ishuka tu wakogho wakifunika kumzunguluka,; wamwhada ela ⁵²Wawaponyoka akajisigha ishuka aja akakimbia kibigiri.⁵³Wamlongozie Jesu kwa kuhani mbaha. Aja wamkwania andu amweri na ye makuhani wabaha wose, waghosi, na waandishi. ⁵⁴Petro na ye wamnughie Jesu kwa kula, kuelekea uenyi kwa kuhani mbaha. Wakee andu amweri na walinzi, warikogho avui na modo wakiota ili kupata kiruke.⁵⁵Makati agho makuhani wabaha wose na ibaraza jose wakogho wakilola ushahidi dhidi ya Jesu ili wapate kumbwagha. Ela ndawaupatie. ⁵⁶Kwa wuja wandu wengi waredie ushuhuda wawhe ndaghufwanane.⁵⁷Baadhi wakeekimsi na kureda ushahidi gwatee dhidi yake; wakideda, ⁵⁸"Dimsikira akideda, 'Dimanajinona ihekalu iji jibonyiriweghe kwa mikonu, na ndenyi ya maruwa adadu dimanaagha jimwi jisabonyiriagwa kwa mikonu." ⁵⁹Ela hata ushahidi wawhe ndaghufwanane.⁶⁰Kuhani mbaha wakeekimsi ghadighadi ya whe na akamkotia Jesu," Je, ndudae ijibu? wandu awa wadashuhudia indoi dhidi yako?" ⁶¹Ela wakee kimumure na ndajibie chochose. Mara kuhani mbaha wamkotia sena, "Je we wa Kristo, mvalwa wa mbarikiwa?" ⁶²Jesu wadedie, "Nyi ni ye. Na dimawamwona mvalwa wa Adamu waka mkonu gwa kujo gwa ndighi akicha na madulu gha mbingunyi."⁶³Kuhani mbaha wararua mavazi ghake na kudeda, "Je, bado didahitaji mashahidi? ⁶⁴Mwasikira kufuru. Uamuzi gwenyu ni ghuyao?" Na wose wamhukumu sa umweri wastahiliye kifwa. ⁶⁵Baadhi wawokie kumchuiya mada na kumfinika wushu na kumkaba na kumghoria, "Tabiri! "Maafisa wawamwusa na kumkaba.⁶⁶Na Petro warikogho bado weko ndonyi uenyi, mtumishi umweri wa wai wa kuhani mbaha wachee kwake. ⁶⁷Wamwonie Peto warikogho wakakimsi akiota modo, na wanguwa kwa kumkaribia. Kisha wadedie, "Na we pia wakogho na mnazareti, Jesu". ⁶⁸Ela waleghie, akideda, "Simanyaa wala sielewaa kuhusu chija udedaa!" Kisha wafumie akoghenda shighadi uenyi. (Maziria; mstari ughu, "Na jogholo akalila" ndauko na kale nyi ra kala).⁶⁹Ela mtumishi wa kiwaka aja, wamwonie na wawokie kuwaghoria sena waja ambawo wakakimsi aja, "Mundu uyu wa umweri wawhe!" ⁷⁰Ela wakanie sena. Baadae kidogo waja warikogho wakakimsi aja wakogho wakimghoria Petro, "Hakika we wa umweri wawhe, kwa maana we pia wa mgalilaya."⁷¹Ela wawokie kukiwika mweni ndonyi ya laana na kulawa, "Simmanyaa mundu uyu mumdedaa." ⁷²Kisha jogholo walilie mara ya kawi. Kisha Petro wakumbukie madedo ambagho Jesu warikogho wamghoria: "kabla jogholo ndaselila mara iwi, dimawanikana mara idadu: Na wagwie ndonyi na kulila.

¹Kesho kio mapema wabaha wa makuhani wa kwana andu amweri na waghosi na waandishi na ibaraza ilanzi ja waghosi. Kisha wakamrugha Jesu wakamghenja kwa Pilato. Pilato akamkotia, "We wa mgimbikwa wa wayahudi?" ²Wamjibie, "We wadeda huwo." ³Wabaha wa makuhani wakaeleza mashitaka meengi ighu ya Jesu.⁴Pilato akamkotia sena, "Ndujibu chochose? Nduwonaa jinsi andu wakushtaki kwa malagho mengi? ⁵Ela Jesu ndamjibie Pilato, na hiyo yamshangazie.⁶Kwa kawaida makati gha sikukuu humrugha mfungwa umweri, mfungwa wamlombie. ⁷Kurikogho wahalifu gerezanyi, miongonyi mwa wabwaghaa kati ya waasie watumikaa makosa yawhe. Wakogho mundu umweri awangwa Baraba. ⁸Umati gwachee kwa Pilato, na kumlomba abonye sa andu wabonyie uko nyuma.⁹Pilato wamjibie na kudeda, "Mkundi niwarughirie mgimbikwa kwa wa Wayahudi. ¹⁰Kwa wuja wamanyie ni kwa sababu ya wivu wabaha wa makuhani wamwhada Jesu na kumreda kwakwe. ¹¹Ela wabaha wa makuhani wachochea umati kukaba jogho kwa sauti kwamba arughuriwe Baraba bdala yake.¹²Pilato akawajibu sena na akadeda, "Nimbonyei mgimbikwa wa Wayahudi? ¹³Wakakaba jogho sena, "Msulubishe!"¹⁴Pilato akadeda, "Wabonya ilagho jizamie? "Ela wazie kukaba jogho zaidi na zaidi "Msulubishe." ¹⁵Pilato akkunda kuwaridhisha umati, akawarughuria Baraba. Akamkaba Jesu mijeledi kisha akamfunya ili asulubiwe.¹⁶Askari wamlongoza hata ndenyi ya ua (Uja ukoo ndenyi ya kambi) na wakwana andu amweri kikosi cha askari. ¹⁷Wakamrwisha Jesu kazu ya rangi ya zambarau, na wakasokaota taji ya minjwa wakamrwisha. ¹⁸Wakawona kumdhihaki na kudeda, "Salam, Mgimbikwa wa Wayahudi!"¹⁹Wakamakaba chongonyi kwa mwanzi na kumchuiya mada. Wakakaba magoti imbii yake kwa kumheshimu. ²⁰Hata wachameria kumdhihaki, wakamrua ija kazu ya rangi ya zambarau na kumwisha mavazi ghake, na wakamfunya shighadi kughenda kumsulubisha. ²¹Wakamlazimisha muida chia kumtawaria, warikogho adangia mzinyi kufuma mbuwenyi. Awagwagha simoni mkirene (Ndee Iskanda na Rufo); wakalazimisha kudwa msalaba gwa Jesu.²²Askari wakamghenja Jesu andu kuwangwahjha Goligotha (maana ya tafsiri ihi ni, Andu kwa ifuvu ja chongo). ²³Wakamneka chofi ichanganyiwe ni manemane, ela ndanywie. ²⁴Wakamsulubisha na wakaghiana mavazi ghake, wakaghakabia kura kuamua kiwande achakipata kila askari.²⁵Yapata saa idadu keshokio wachamsulubisha. ²⁶Wkawika ighu yake ubao ghuandikiwe shitaka, "Mgimbikwa wa wayahudi." ²⁷Wamsulubisha andu amweri na majambazi wawi, umweri luwande lwake lwa kujo na umwi kumosho kwake. ²⁸(Maziria: mstari ughu, "Na maandiko ghakatimia ghanenie" ndauko katika nakala ra kala).²⁹Nawo warikogho wakiida wamuanyira, wakitikisa vongo vawhe wakideda, "Aha! we uchukanya ihekalu na kujiagha kwa maruwa adadu, ³⁰Kitesie mweni na usee ndonyi fuma masalabenyi!"³¹Kwa namna ija yeni wabaha wa makuhani wamdhihaki wakidedeshana, andu amweri na waandishi na kudeda," Wawatesia wamwi, elandadimaa kukitesia mweni. ³²Kristo Mgimbikwa wa Israeli, sea ndonyi iji aha fuma msalabenyi, ili didime kuwona na kuamini." Na waja wasulubiwe andu amweri na ye pia wamdhihaki.³³Ichafika saa sita, kira kichaka ighu ja isanga jose hata saa kenda. ³⁴Makati gha saa kenda, Jesu wakabie jogho kwa sauti mbaha, "Eloi, lama saba kitani?" ikika na maana,"Mlungu wapwa, Mlungu wapwa, kwaindoi wanisigha?" ³⁵Baadhi ya wakee kimsi wachasikira wa kadeda, "Guwa, adamwanga Eliya."³⁶Mundu umweri akakimbia, akachura siki katika isiponji na kuiwika ighu ya mdi gwa mwanzi, akamneka ili anywe. Mundu umweri akadeda, "Wasera diwone ngelo Eliya dimawacha kumsera ndonyi." ³⁷Kisha Jesu akalila kwa sauti mbaha na akafwa. ³⁸Ipizia ja ihekalu jikawanyika viwande viwi toka ighu mpaka ndonyi.³⁹Ofisa umweri warikogho wakakimsi akimwekea Jesu, wachamwona wafwa kwa jinsi ija, akadeda, "Loli uyu mundu wakogho mvalwa wa Mlungu." ⁴⁰Wakogho pia wandu waka wakoo wakiguwa kwa kula. Miongonyi mwao wakoo mariamu magdalena, mariamu (Mae Yakobo mtinyi wa Yose), na salome. ⁴¹Makati warikogho Galilaya wamnugha na kumdumikia. Na wandu waka wamwi wengi pia waambatanie na ye hata Yerusalemu.⁴²Kuchadime, na kwa wuja yakogho siku ya maandalio, iruwa kabla ya sababto, ⁴³Ysufu wa Arimathaya wachee aja. Wakogho ni mjumbe wa Mjumbe wa Ibaraza aheshimiwa gha mundu autarajiagha ugimbikwa gwa Mlungu. kwa ujasiri waghendie kwa pilato, na kuulomba muwi gwa Jesu. ⁴⁴Pilato akashangazigwa kwamba Jesu tayari wafwa; akamwanga uja afisa akamkotia ngelo Jesu wafwa.⁴⁵Wachapata uhakika kwa afisa kwamba wafwa, wamruhusu Yusufu kuuwusa muwi. ⁴⁶Yusufu wakogho wagua sanda. Akamsera fuma msalabenyi, akamrugha kwa sanda na kumwika ndenyi ya ikaburi jikotiwe katika lwala. Kisha akajiviringisha igwe mjangonyi kwa ikaburi. ⁴⁷Mariamu Magdalena na Mariamu mae Yose wawonie andu warikiwe Jesu.

¹Makati sababto ichasia, Mariamu Magdalena na Mariamu mae na Yakobo, na salome, wagulie manukato ghaboie, ili wadime kucha na kuuvia mavuda muwi gwa Jesu kwa ajili ya mariko. ²Kesho kio mapema iruwa ja kwanza ja juma waghendie ikaburinyi makati iruwa jichachomoza.³Wakidedeshana weni kwa weni, Ani dimawajiviringisha igwe, kwa ajili yedu ili dingie kaburinyi?" ⁴Makati wachaguwa, wamwonie mundu wameria kujiviringisha igwe, ambajo jakogho ibaha nanganyi?"⁵Wakangia kaburinyi na wakamwona mdawa na warwa ijoho ja chokwa, waka luwande lwa kujo, na wakashangazigwa. ⁶Akawaghoria, "Msaboe. Mdalola Jesu, wa Nazareti, wasulubiwe. Wafufuka! Ndeko aha. Guwa andu aja warikogho wamwika. ⁷Ghendenyi, mkawaghorie wanafunzi wake na Petro ya kuwa wawakiria kuelekea Galilaya. Uko dimamwamwona, sa andu wakogho wawaghoria."⁸Wakangia na kukimbia kufuma ikaburinyi, watetemekie na washangazigwa. Ndawadedie chochose kwa mundu wowose sababu waboie nanganyi.⁹(Maziria: Nakala ra kala ndaridae Marko 16:9-20) Mapema katika iruwa ja kwanza ja juma, baada ya kufufuka, wamfumiria kwanza Mariamu Magdalena, ambae kufuma kwake wamfunya mapepo saba. ¹⁰Wangie na kuwaghoria waja ambawo wakogho andu amweri na ye, makati warikogho wakihuzunika na kufunya machozi. ¹¹Wasikira kwamba ni mlanzi na wawonekaa na ye, ela ndawamwaminie.¹²(Maziria: Nakala ra kala ndaridae Marko 16:9-20) Baada ya agho, akakifunya katika namna tofauti kwa wandu wawi, makati warikogho wakighenda kufuma katika isanga. ¹³Waghendie na kuwaghoria wanafunzi wamwi wasangalikie, ela ndawawaaminie.¹⁴(Maziria: Nakala ra kala ndaridae Marko 16:9-20) Jesu baadae akakifunya kwa waja kumi na umweri warikogho waegama katika meza, na akawakemia kwa kusea mini kwawhe na ugumu wa mioyo, kwa sababu ndawaaminie waja wamwonie baada ya kufufuka kufuma kwa wafwie. ¹⁵Akawaghoria, "Ghendenyi urumwengunyi kose na kuhubiri injili kwa vuimbe vose. ¹⁶Wowose aaminie na kubatizigwa dima watesiwa, na uja asaamini dimawahukumiwa.¹⁷(Maziri: Nakala ra kala ndaridae Marko 16:9-20) Ishara iri dimarambatana na wose waamini. Kwa irina japwa dimawainja pepo. Dimawadeda kwa lugha mbishi. ¹⁸Dimawawhada choka kwa mikonu yawhe, na hata wakinywa kilambo chochose cha kufisha ndachiwadhuru. Dimawawika mikonu kwa wakongo, na wo dimawaka walanzi".¹⁹Baada ya Mzuri kudeda nawo, akawusigwa ighu mbingunyi na waka mkonu gwa kujo gwa Mlungu. ²⁰Wanafunzi wakainga na kuhubiri kila andu, makati Mzuri akibonya kazi na wo na kujithibitisha idedo kwa miujiza na ishara rikinughana nawo.

¹Wengi wakitahidi kuwika katika mpangilio simulizi kuhusu masuala ambago gatimizwa kati yedu, ²Ngelo andu wapatia isi, ambao tangu kiambiri ni mashahidi wa meso na watumishi wa ujumbe. ³Huwo na nyi pia, baada ya kuchunguza kwa uangalifu chanzo cha malago aga gose tokea mwanzo - nawonie ni nicha kwapwa pia kukuandikia katika mpangilio gwake - mheshimiwa nanganyi Theofilo. ⁴Ili kwamba udime kumanya loli ya malago ufundishiwe.⁵Katika maruwa gha Herode, mgimbikwa wa Yudea, kurikogo na kuhani fulani wawangiwe Zakaria, wa mbari ya Abiya. Mkake wafumie kwa waira Hruni, na irina jake wawangiwe Elizabeti. ⁶Wose wakogo wandu wekona hachi imbiri ya Mlungu; wagendie bila lawama katika amri rose na malagizo ga Mzuri. ⁷Ela ndawaridaege mwana, kwa sababu Elizabeti wakogo asavaa, na kwa makati aga wose wawi wakogo wagosi nanganyi.⁸Idana yafumirie kwamba Zakaria wakogo katika uwepo gwa Mlungu, akiendelea na wajibu gwa kikuhani katika utaratibu gwa zamu yake. ⁹Kukatana na desturi ya kusaghua ni kuhani uyaombae dimawatawara, wakogo wasagulwa kwa kura kungia katika ihekalu ja Mzuri na huwo kumachawafukiza uvumba. ¹⁰Kundi jose ja wandu jikogo jikitasa shigadi makati ga kufukizwa uvumba.¹¹Idana malaika wa Mzuri wamfumirie na wakakimsi luwande lwa kujo lwa madhabahu ya kufukizia. ¹²Zakaria watishika achawona; hofu ikamgwia. ¹³Ela malaika akamgoria, "Usaboe Zakaria, kwa sababu malombi gako gasikika. Mkako Elizabeti dimawakuvaga mvalwa. Irina jake dimawamwanga Yohana.¹⁴Imawaka na furaha na kushagala, na wengi imawaka kuboiwa kuvalwa kwake. ¹⁵Kwa wuja dimawaka mbaha imbiri ya meso ga Mzuri. Ndanywaga divai angu kinywaji chibirie, na dimawaka wachurigwa ni Ngolo wa kuela tangu kifunyi kwa mae.¹⁶Na wandu wengi wa Israeli dimawaaghusigwa kwa Mzuri Mlungu wawe. ¹⁷Dim,awagenda imbiri ya wushu gwa Mzuri katika ngolo na ndigi ya Eliya. Dimawabonya huwu ili kuwuja mioyo ya Aba kwa wana, ili kwamba wasatii dimawagenda katika hekima ya weni hachi. Dimawabonya huwu kuwika tayari kwa Mzuri wandu ambawo waandaliwa kwa ajili yake."¹⁸Zakaria akamgoria malaika, "Ndimawada kumanya iji? kwa sababu nyi ni mgosi na mka wapwa miaka yake yaka mingi nanganyi." ¹⁹Malaika wajibie na kumgoria, "Nyi ni Gabrieli, ambae hukakimsi imbiri ya Mlungu. Nadumiwe kukugoria, kukuredia habari ihi iboie. ²⁰Na guwa, ndudedaa, dimawaka kimumure, ndudimaga yachafumiria. Ihi ni kwa sababu walemiwe kuamini madedo gapwa ambago dimagatimizigwa kwa makati mwafaka."²¹Idana wandu wakogo wakimwesera Zakaria. Washangazigwa kwamba wakogo adatumia muda mwingi hekelunyi. ²²Ela achafuma shigadi; ndadimie kuaria nawo.Wakamanya kwamba wakogo wapata maono andu wakogo hekelunyi. Waendelee kubonyeria ishara na wabakie kimumure. ²³Ikafumiria kwamba maruwa ga huduma yake ga chasia wainge kuwuya nyumbenyi kwake.²⁴Baada ya Zakaria kuwuya nyumbenyi kufuma hudumenyi kwake hekalunyi, mkake akaka mjamzito. Na ye ndafumie nyumbenyi kwake kwa muda wa mieri asanu. Akadeda, ²⁵Iji nijo ambajo Mzuri wabonya kwapwa achaniguwa kwa upendeleo ili kuinja waya gwapwa imbiri ya wandu."²⁶Idana, katika mweri gwa sita gwa inda ya Elizabeti, Mlungu wamgoria malaika Gabbrieli kugenda mzinyi gwa Galilaya uwangwaga Nzareti, ²⁷Kwa mwai wakogo washushugwa ni mundu mumi ambae irina jake jirikogo Yusufu. Ye wakogo wambari ya Daudi, na irina ja mwai uyo jirikogo Mariamu. ²⁸Akacha kwake na akadeda, "Salaamu, we uwokerie neema mbaha! Mzuri waboiwa ni we." ²⁹Ela madedo ga malaika gamchanganyie na ndaelewe kwa indoi malaika wadedie salaam ihi ya ajabu kwake.³⁰Malaika akamgoria, "Usaboe, Mariamu, maana wapata neema kufuma kwa Mlungu. ³¹Na guwa, dimawadwa inda katika kifu chako na dimawava mvalwa. Nawe dimawamwanga irina jake "Jesu.' ³²Dimawaka mbaha na dimawawangwa mvalwa wa weko igu nanganyi. Mzuri Mlungu dima wamneka kifumbi cha enzi cha Daudi ndee. ³³Imawatawala igu ya mbari ya Yakobo kala na kala na ugimbikwa gwake ndaukaga na mwisho.³⁴Mariamu akamgoria malaika, iji dimajafumiria kwa namna iyao, maana siwahie kutungura na mdumuni wowose? ³⁵Malaika wajibie na akamgoria, "Ngolo wa kuela dimawachea igu yako, na ndigi ya ako ligu nanganyi dimayacha igu yako. Kwa huwo, mtakatifu ambae dimawavalwa dimawawangwa mvalwa wa Mlungu.³⁶Na guwa, mmbari wako Elizabeti akona ujauzito wa mvalwa umrinyi kwake gwa ugosi. Uhu ni mweri gwa sita kwake, ambae wakogo adawangwa mgumba. ³⁷Maana ndakudae jisadimikana kwa Mlungu." ³⁸Mariamu akadeda, "Guwa, nyi ni mtumishi wa kiwaka wa Mzuri. Siga ike huwo kwapwa sawa sawa na ujumbe gwako." Kisha malaika akamsiga.³⁹Niko katika maruwa ago Mariamu waingie na kwa karuwa ruwa wagendie katika isanga ja duchugongo, mzinyi katika isanga ja Yudea. ⁴⁰Wagendie nyumbenyi mwa Zakaria na akamlasa Elizabeti. ⁴¹Idana, yafumirie kwamba Elizabeti achasikira salamu ya Mariamu, mwana kifunyi kwake akaburuka, na Elizabeti akachurigwa ni Ngolo wa kuela.⁴²Akafunya mbaha sauti yake na kudeda kwa sauti mbaha, "wambarikiwa we nanganyi miongoni mwa wandu waka, na mwana ako kifunyi kwako wabarikiwa. ⁴³Na yakawada kwapwa kwamba, mawe wa Mzuri wapwa yapasiwe ache kwapwa? ⁴⁴Kwa wuja guwa, ichasikika madunyi kwapwa sauti ya kulamsa kwako, mwana kifunyi kwapwa akaburuka kwa furaha. ⁴⁵Na wabarikiwa mndumka uja ambae waamini kwamba kumacha gwafumiria ukamilifu gwa malago gaja wagoriwe kufuma kwa Mzuri."⁴⁶Mariamu akadeda, nafasi yapwa idamsifu Mzuri, ⁴⁷Na ngolo yapwa yaboiwa katika Mlungu mtee wapwa.⁴⁸Kwa maana waiguwa hali ya ndonyi ya mtumishi wake wa kiwaka. Guwa, tangu ijiaha katika vizazi vose dimawaniwanga mbarikiwa. ⁴⁹Kwa maana ye wamdimie wabonya malago mabaha kwapwa, na irina jake ni takatifu.⁵⁰Wagoma gwake gudadumu toka kivazi hata kivazi kwa waja wamheshimu ye. ⁵¹Waonesha ndigi kwa mkonu gwake; Wawataponya waja ambawo wakivunie igu ya kuririkanya kwa mioyo ya we.⁵²Wawasera ndonyi wavalwa wa wagimbikwa fuma katika vifumbi vawe va enzi na kuwanua igu wekona hali ya ndonyi. ⁵³Wawagudisha wekona njala kwa vilambo viboie, bali matajiri wawabingisa mikonu miduhu.⁵⁴Wafunya msaada kwa Israeli mtumishi wake, ili kukumbuka kubonyera wugoma. ⁵⁵(kama andu wadedie kwa waka Aba wedu) kwa Ibrahimu na guvazi gwake kala na kala."⁵⁶Mariamu wakaie na Elizabeti idapata mieri adadu huwu niko akawuya nyumbenyi kwake. ⁵⁷Idana makati gakogo gawadia kwa Elizabeti kukifungua mwanake na akakifungua mwana wa kiwomi. ⁵⁸Jirani rake na wambari wake wasikire jinsi Mzuri andu waukuza wugoma kwake, na wakaboiwa amweri nae.⁵⁹Idana gafumirie maruwa ga nane kwamba wachee kumchula mwana. Kumachayawapasa kumwonga irina jake, "Zakaria," kwa kumaziria irina ja ndee, ⁶⁰Ela mae wajibie na kudeda, "Aa; dimawawangwa Yohana." ⁶¹Wakamgoria, ndakudae hata umweri katika wambari wako awangwaga kwa irina iji."⁶²Wakabonyia ishara ndee kuashiria ye wakundie irina awangwe ani. ⁶³Ndee wahitajie kibao cha kuandikia, na akaandika, "Irina jake ni Yohana." Wose washazigwe na iji.⁶⁴Ghafla momu gwake gukaruguriwa na lumi lwake lukaka huru. Akaaria na kumsifu Mlungu. ⁶⁵Hofu yawachee wose wakaie karibu nawo. Malago aga gakanea katika isanga jose ja duchugongo dwa Yudea. ⁶⁶Na wose wagasikirie wakayatunza mioyonyi kwawe, wakideda "mwana uyu kuka wa namna iyao? kwa sababu mkonu gwa Mzuri ukogho amweri nae.⁶⁷Ndee Zakaria wachiwe ni Ngolo wa kuela na akafunya gulodi, akideda, ⁶⁸"Asifiwe Mzuri, Mlungu wa Israeli, kwa sababu watawaria na washuhulikia utesi kwa wandu wake.⁶⁹Wadinulia mbembe ya utesi katika iwacha jamtumishi wake Daudi, kufuma miongonyi mwa mbari ya mtumishi wake Daudi, ⁷⁰Sa andu wadeda kwa momu gwa walodi wake warikogo katika matuku ga kala. ⁷¹Dimawaditesia kufuma kwa walaghe laghe wedu na kufuma mikonunyi mwa wose wadi zamiwaa.⁷²Dimawabonya huwu kuonesha wugoma kwa wakaba wedu, na kukumbuka iagano jake takatifu, ⁷³Kirawo wachidedie kwa Ibrahimu Aba wedu. ⁷⁴Walawie kuthibitisha kwamba kumacha yadimikana kumdumikia ye bila hofu, baada ya kutesiwa kufuma katika mikonu ya walage lage wedu. ⁷⁵Katika ueli na hadhi imbiri yake maruwa gedu gose.⁷⁶Hee, na we mwana, dimawawangwa mlodi wa ako igu nanganyi kwa wuja dimawagenda imbiri ya wushu gwa Mzuri ili kumwandalia chia, kuwaandaa wandu kwa ajili ya kucha kwake, ⁷⁷Kuwamanyisha wandu wake kwamba, dimawatesiwa kwa chia ya kusamehewa zambi rawe.⁷⁸Iji dima jafumiria kwasababu ya mbazi ya Mlungu wedu,sababu ambayo iruwa toka igu dimajadichea, ⁷⁹Kuangaza kwawe wakainga kirenyi na katika kijo cha kufwa. Dimawabonya huwu kuilongoza kugu kwedu chienyi ya amani."⁸⁰Idana, uja mwana akazogua na kuka mweni ndigi ngolonyi na wakaie nyikenyi mpaka maruwa ga kukitokeza kwake kwa Israeli.

¹Idana katika maruwa ago, ikafumiria kwamba kaisari Agusto wafunyie Agizo akielekeza kwamba iwusigwe sensa ya wandu wose waishii dunienyi. ²Ihi irikogo ni sensa ya kwanza ibonyekie makati krenio akika gavana wa Siria. ³Huwo kila umweri akagenda mzinyi kwake kuandikishwa sensa.⁴Naye Yusufu waingiae pia katika mzighwa Nazareti uko Galilaya na wasafirie Yudea katika Mzighwa Bethlehemu ,umanjikanagha kama mzighwa Daudi ,kwa sababu wafumirie katika mbari ya Daudi. ⁵Waghendie uko kukiandikisha andu amweri na Mariamu, ambae wakogho wamshusha na wakogho akiguwiria mwana.⁶Idana yafumirie kwamba, wakika kujamakati ghakegha kukifungaua mwana ghakawadia. ⁷Akakifungua mwana wa kiwomi, mvalwawake wa kwanza,akamzungulushia nguwo muwini kumkinga na mbeo mwana.Niko akamwikaandkuko kiholi cha kujisia wanyamandu ,kwasababu ndaikogho nafasi nyumbenyirawaghenyi.⁸Katika ieneoijo ,warikogho walishawakee mbuwenyi wakilinda makundi gha ng'ondi wawhekio ⁹Ghafla,Malaika wa mzuri akawafumiria, na utukufu ghwa mzuri ghukaela kuwazunguluka,na wakee na hofu nangonyi.¹⁰Niko malaika akawaghoria ,"Msaboe , kwasababu nawaredia habari iboie ambayo dimayareda fruraha mbaha kwa wandu wose. ¹¹Linu mtesi wavalwa kwa ajili yenyu mzinyi mwa Daudi! Ye niekristo mzuri! ¹²Iho nio ishara ambayo dimamwanekwa, dimamwandoka mwana wafungwa nguwo na watungura horinyi ja kujisia wanyamandu.¹³Ghafla kwakee na ijeshi baha jambingunyi jikaungana na malaika uyo wakamsifu mlungu,wakideda, ¹⁴"Utukufu kwa mlungu akoighu nanganyi, na amani ike dunienyi kwa wose ambawo adaboiwa nawo."¹⁵Ikaka kwamba malaika wachameria kuinga kughenda mbingunyi ,walisha wakadedana weni kwa weni ,"Dighendenyi idana kuja Bethlehemu,na dikawone iki kilambo ambacho chafumiria, ambacho mzuri wadimanyisha." ¹⁶Wakaharakisha kuja, na wakamdoka Mariamu na Yusufu, na wakamwona mwana watungura horinyi ja kujisia wanyamandu.¹⁷Na wachawona uwu, wakawamanyisha wandu chija warikogho waghoriwa kumuhusu mwana. ¹⁸Wose wasikiere habari ihi washangazighwa na chija chidediwe ni walisha. ¹⁹Ela Mariamu akandelea kutenganya kuhusu ghose wamerie kughasikira, akighatunza moyonyi mwake. ²⁰Walisha wakawuya wakimtukuza na kumsifu mlungu kwa ajili ya kila kilambo wamerie sikira na kuwona,ngelo tu irikogho yanenighwa kwawhe²¹Ghachafika maruwa ghanane na irikogho nimakati gha kumchula mwana,wakamwanga irina Jesu,irina ambajo wanekighwa kala ni uja malaika kabla inda ndajiserendungwa kifunyi²²Rawe rikundiwege ra utakaso richaida, kulingana na sheria ya Musa, Yusufu na Mariamu wakamgenja hekelunyi kuja Yerusalemu kumwika imbiri ya Mzuri. ²³Sa andu yaandikigwa katika sheria ya Mzuri, "kilamndumuni afunguaga kifu dimawawangwa wafunyie wakfu kwa Mzuri." ²⁴Wo woruwo wachee kufunya sadaka kulingana na chija chidedwaa katika sheria ya Mzuri, "Jozi ya njiwa angu makinda awi ga njiwa."²⁵Guwa, kurikogo na mundu katika Yerusalemu ambae irina jake warikogo akiwangwa Simoni. Mundu uyu wakogo mweni hachi na amchaga Mlungu. Ye wakigo akiwaseria kwa ajili ya mfariji wa Israeli, na Ngolo wa kuela wakogo igu yake. ²⁶Irikogo yasia funuliwa kwake kuidia kwa Ngolo wa kuela kwamba ye kumachandafua kabla ya kumwona Kristo wa Mzuri.²⁷Iruwa jimweri wachee ndenyi ya ihekelu, akilongozwa ni Ngolo wa kuela. Ambapo wavazi wamreda mwana, Jesu, kumbonyia gaja gapasiwe kawaida ya sheria, ²⁸niko Simoni wamwokera mikonunyi mwake, na wamsifu Mlungu na kudeda, ²⁹"Idana ruhusu mtumishi wako agende kwa amini Mzuri, kulingana na idedo jako.³⁰Kwakuwa meso ghapwa ghauwona utesi wako. ³¹Ambao wawoneka kwa meso gha wandu wose. ³²Ye ni nuru kw a ajili ya ufunuo kwa wamataifa na utukufu wa wandu Israel."³³Aba na mawe wa mwana washangazwa kwa malagho ambagho ghadediwe ighu yake. ³⁴Niko Simeone akawabariki na akadeda kwa Mariamu mae, "Sikira kwa makini!Mwana uyu dimawaka sababu yakulaghaya na kuokoka kwa wandu wengi katika Israel na ni ishara ambayo wandu wengi dimawaipinga. ³⁵Pia luwamba ambalodimalwakora nafsi yako mweni ,ili kwamba kuririkanya kwa mioyo ya wengi kudhihilika."³⁶Mlodi wa kiwaka wawangiwe Ana pia warikogho hekalunyi .Ye wakogho mwai wa Fanueli kufuma ikabila ja Asheli.Wakogho na miaka mingi nanganyi.Na ye wakee na mumi wake kwa miaka saba baada ya kulowana. ³⁷na niko akaka mkolop kwa miaka themanini na ina.Naye nawahie kuinga hekalunyi na walikogho akindelea kumtasa Mlungu amweri na kufunga na kutasa,kio na dime. ³⁸Na kwa makatiagho, wachee aja anduweko akawoka kumshukuru mlungu.Waarie kumhusu mwana kwa kilamundu ambae warikogho akiweseria ukombozi ghwa yerusalemu.³⁹Wachemeria kila kilambo wakundiweghe kabonya kulingana na sheria ya mzuri,wawurie Galilaya,mzinyi kwawhe,Nazareti. ⁴⁰Mwana wazoghue,na akaka na ndighi akiongezeka katika hekima,na neema ya mlungu irikogho ighu yake.⁴¹Wavazi wake kila mwaka waghendie Yerusalemu kwa ajili ya sikukuu ya pasaka. ⁴²Warikogho naumrighwa miaka kumi na iwi, waghendie sena makati mwafaka kidesturi kwa ajili ya sikukuu. ⁴³Baada ya kudaa muruwa ghose kwa ajili ya sikukuu, wawoka kuwaya nyumbenyi Ela mdawana Jesu wabakie nyuma mja yerusalemu na wavazi ndawamanyie iji. ⁴⁴Wadhanie kwamba weko ikundinyi warikogho wakisafiri najo ,huwo wasafirie charo cha siku Niko waanzie kumlola miongonyi mwa mwambari na wamwedu waake.⁴⁵Wachalemwa kumpata ,wawurie yerusalemu na waanzie kumlola umo. ⁴⁶Ikafumiria kwamba baada ya maruwa adadu,wampatie hekalunyi ,akika waketi ghadighadi ya walimu ,akiwasikira na kuwakotia maswali. ⁴⁷Wose wamsikirieghe washangae na ufahamu ghwake na majibu ghake.⁴⁸Wachamwona ,wastaajabu. Mae akamghoria,"Mwanapwa, kwaindoi wadibonyia huwa ?sikila ndeo na nyi darikogho dikikulola kwa wasiwasi mbaha". ⁴⁹Akamghorika,kwaindoi mrikogho mkinilola? Ndammanyie kwamba lazima nike nyumbeni ya Aba wapwa? ⁵⁰Ela ndawaelewi indoi waamaanishie kwa madedo agho.⁵¹Niko aghaghenda andu amweri nawo mpaka nyumbenyi Nazareti nawarikogho mtii kwawhe. Maye wahifadhie malagho ghose moyoni mwake. ⁵²Ela Jesu wandolee kuzoghwa katika hekima na kimo, nawazidie kukundwa ni mlungu na wandu

¹Idana, katika mwaka gwa kumi na isanu gwa utawala wa kaisari Tiberia, makati Pontio Pilato warikogo gavana wa uyahudi, na filipo mmbari wake warikogo mbaha wa mkoa gwa Iturea na Traniti, na Lisania warikogo mbaha wa mkoa gwa Abilene, ²na makati ga ukuhani mbaha gwa Anasi na kayafa, Idedo ja Mlungu jamchee Yohana mvalwa wa Zakaria, ijangwenyi.³Wasafirie katika mkoa gwose kuzunguluka mweda Yordani, akihubiri ubatizo gwa kutesiwa zambi kwa ajili ya msamaha gwa zambi.⁴Sa andu iandikigwe katika chuo cha madedo ga Isaya mlodi, "Sauti ya mundu alilaga nyikenyi, iboisenyi tayari chia ya Mzuri, gaboisenyi maidio gako gakokie.⁵Kila ibonde dimajachurigwa, kila lugongo na dulugongo dimavasawazishwa, bara bara ripindie dimaragagoigwa, chia riparazie dima ralainishwa. ⁶Wandu wose imawauwona utesi gwa Mlungu."⁷Huwo, Yohana akawagoria makutano mabaha ya wandu wamchee wapate kubatizigwa ni ye, "inyo wuvazi gwa choka weni sumu, ani wawonyie kukimbia gadhabu idacha?⁸Veni matunda gaenda noga na kutesiwa zambi, na msawoke kudeda ndoni yenyu, "Dikonae Ibrahimu ambae ni Aba wedu; kwa sababu ndawagoria ya kwamba, Mlungu adimaga kumnulia Ibrahimu wana hata kufumana na magwe aga.⁹Tayari isika jiwikigwa mrinyi gwa midi. Huwo kila mdi usavaga matunda gaboie, hudemwa na kudagwa modonyi.¹⁰Kisha wandu katika makutano wamkotia wakideda, "Idana dikundigwi dibonyewada?" ¹¹Wajibie na kuwagoria, "ngelo mundu akona kazu imweri kwa umwi ambae ndadae kabisa, na ambae akona vindo na abonye woruwo uwo."¹²Kisha baadhi ya wawada ushuru wachee pia kubatizigwa, na wakamgoria, "Mwalimu, dikundigwi kubonyai? ¹³Akawagoria, "Msawike andu amweri fedha nanganyi kuliko mkundigwi kuwika andu amweri."¹⁴Baadhi ya maaskari pia wakamkotia wakideda, "Na isi je? Dikundigwi dibonyei? Akawagoria, msawuse fedha kwa mundu wowose kwa ndigi, na msamtuhumu mundu wowose kwa tee. Ridhikenyi na mishahara yenyu."¹⁵Idana, kwa wuja wandu warikogo na shauku ya kumweseria Kristo achaga, kila umweri wakogo adarikanya moyoni mwake kuhusu Yohana kama ye nie Kristo. ¹⁶Yohana wajibie kwa kuwagoria wose, "Nyi ndawabatiza inyo kwa machi, ela kuko umweri achaga mbae akona ndigi kulikonyi, nasistahili hata kurugua chuga ra vandu vake. Dimawawabatiza inyo kwa Ngolo wa kuela na kwa modo.¹⁷Ipepeto jake jiko mkonunyi mwake ili kuelesha nicha uwanda gwa kupepetea ngano na kiwika andu amweri ngano kainyi mwake. Ela, dimawagakora makapi kwa modo ambao ndaidimaa kurimika.¹⁸Kwa maonyo gamwi mengi pia, wahubirie habari riboie kwa wandu. ¹⁹Yohana wamkemia pia Herode mbaha wa mkoa kwa kumlowua Herodia, mka wa mbari wake na kwa maovu gamwi mengi ambago Herode wa kogo wagabonya. ²⁰Ela baadae Herode wabonyie uovu umwi uzamie nanganyi. Wamrugie Yohana gereszanyi.²¹Kisha yafumirie kwamba, makati wandu wose warikogo wakibatizigwa ni Yohana, na ye Jesu wabatiziwe pia. Makati warikogo akitasa, mbingu rikaruguriwa. ²²Ngolo wa kuela akasea igu yake kwa mafwano gwa kiwili wili sa njiwa, makati ago geni sauti ikacha kufuma mbingunyi ikideda, "We ni mwanapwa mkundwa. Ndaboiwa nanganyi niwe."²³Idana Jesu mweni, achaanza kufundisha, wakogo na umri upatao miaka thelathini. Wakogo ni mvalwa (sa andu itadhaniwe) wa Yusufu, mvalwa wa Eli, ²⁴Mvalwa wa Mathati, mvalwa wa Lawi, mvalwa wa Melki, mvalwa wa Yona, mvalwa wa Yusufu,²⁵Mvalwa wa matathia, mvalwa wa Amosi, mvalwa wa Nahumu, mvalwa wa Esli, mvalwa wa Nagai, ²⁶Mvalwa wa Maati, mvalwa wa Matathia, mvalwa wa semeini, mvalwa wa Yusufu, mvalwa wa Yuda,²⁷Mvalwa wa Yoanani, mvalwa wa Resa, mvalwa wa Zerubabeli, mvalwa wa shealtieli, mvalwa wa Neri, ²⁸Mvalwa wa Melki, mvalwa wa Adi, mvalwa wa Kosamu, mvalwa wa Elmadamu, mvalwa wa Eri, ²⁹Mvalwa wa Yoshua, mvalwa wa Eliezeri, mvalwa wa Yorimu, mvalwa wa Matathi, mvalwa wa Lawi,³⁰Mvalwa wa Simeoni, mvalwa wa Yuda, mvalwa wa Yusufu, mvalwa wa Yonamu, mvalwa wa Eliya kimu, ³¹Mvalwa wa melea, mvalwa wa mena, mvalwa wa matatha, mwana wa Nathani, mvalwa wa Daudi, ³²mvalwa wa Yese, mvalwa wa obedi, mvalwa wa Boazi, mvalwa wa Salmoni, mvalwa wa Nashoni,³³mvalwa wa Abinadabu, mvalwa wa Aramu, mvalwa wa Hesroni, mvalwa wa Peresi, mvalwa wa Yuda, ³⁴mvalwa wa Ykobo, mvalwa wa Isaka, mvalwa wa Ibrahimu, mvalwa wa Tera, mvalwa wa Nahori, ³⁵mvalwa wa Serugi, mvalwa wa Reu, mvalwa wa Peregi, mvalwa wa Eberi, mvalwa wa Nahori,³⁶mvalwa wa Kenani, mvalwa wa Arfaksadi, mvalwa wa shemu, mvalwa wa Nuhu, mvalwa wa Lameki, ³⁷mvalwa wa Methusela, mvalwa wa Henoko, mvalwa wa Yeredi, mvalwa wa Mahalaleli, mvalwa wa kenani, ³⁸mvalwa wa Enoshi, mvalwa wa Sethi, mvalwa wa Adamu, mvalwa wa Mlungu.

¹Kisaha, Jesu akika wachua Ngolo wa kuela, wawurie kufuma mweda Yordani, na walongozigwe ni Ngolo ijangwenyi. ²Kwa maruwa arobaini, na uko wageriwe ni ibilisi; makati ago ndajie chochose, na mwisho gwa makati ago wahisie njala.³Ibilisi akamgoria, "ngelo we ni mvalwa wa Mlungu, jiamuru igwe iji kuka mkate." ⁴Jesu wamjibie, "Yaandikigwa, 'mundu ndaishi kwa mkate pekee."⁵Kisha ibilisi wamlongozie igu kilelenyi cha lugongo, na akambonyeria gimbikwa rose ra dunia kwa muda mfupi. ⁶Ibilisi akamgoria, "Dimanakuneka mamlaka ga kutawala gimbikwa iri rose andu amweri na fahari rake. Nadima kubonya huwo kwa sababu vose va kabidhiwa kwapwa ni vita wale, na ndimaga kumneka wowose ndikundii kumneka. ⁷Kwa huwo, ngelo dima wanigogomia na kunitasa, vilambo ivi vose dimavaka vako."⁸Ela Jesu wajibie na kumgoria, "Yaandikigwa, lazima umtase Mzuri Mlungu wako, na lazima udumikie ye mweni keri."⁹Baadae ibilisi wamlongozie Jesu hata Yerusalemu na kumwika sehemu ya igu kabisa ya ijengo ja ihekalu na kumgoria, "ngelo we ni mvalwa wa Mlungu, kidage ndonyi kufuma aha. ¹⁰Kwa sababu yaandikigwa, "Dimawawalagiza malaika wake wakutunze na kukulinda, ¹¹na dimawakanua igu mikonunyi kwawe ili kwamba usavavire magu yako igu ya igwe."¹²Jesu akijibu wamgorie, "yenenigwa, "usamgerie Mzuri Mlungu wako." ¹³Ibilisi achameria kumgeria Jesu, wagendie chia rake na kumsiga hata makati gamwi.¹⁴Kisha Jesu wawurie Galilaya kwa ndigi ra Ngolo, na habari kumhusu ye rikanea na kusambaa katika mikoa jirani yose. ¹⁵Wafundishie katika masinagogi yawe, na kila umweri wamsifie.¹⁶Iruwa jimweri wagendie Nazareti, mzi ambago walelewe na kukulia. Sa andu yakee desturi yake wangie isinagoginyi maruwa gha sabato, na wakee kimsi kusoma maandiko. ¹⁷Wakabidhiwe igombo ja mlodi Isaya, huwo, wajirughurie igombo na akalolo andu kuandikigwe,¹⁸"Ngolo wa Mzuri weko igu yapwa, kwa sababu wanikumbie mavuda kuhubiri habari riboie kwa maskini. Waniduma kutangaza uhuru kwa wafungwa, na kuwabonya huru waja wagandamizwaa, ¹⁹kuutangaza mwaka ambao Mzuri dimawabonyeria wema gwake."²⁰Kisha akajiruga igombo, akamwujia kilongozi wa isinagogi, na akakandonyi. Meso gawanda wose warikogo katika isinagogi gamguwie ye. ²¹Wawokie kuaria nawo akideda, "Linu iandiko iji jatimizigwa madunyi kwenyu." ²²Kila umweri aja washuhudie chija wachidedie Jesu, na wengi miongonyi mwao washangazigwa ni madedo ga hekima garikogo gakifuma katika momu gwake. warikogo wakideda, uyu ni mdawana tu wa Yusufu, sio huwo?"²³Jesu akawagoria, "hakika dimamwadeda methali ihi kwapwa, "tabibu, kiponye mweni. Chochose dasikira ukibonya kapernaumu, chibonye aha pia kijijini kwako." ²⁴Pia wadedie, "hakika ndawagoria inyo, ndakudae mlodi akubalikaga katika isanga jake."²⁵Ela ndawagoria inyo loli kwamba kurikogo na wakolo wengi Israeli katika kipindi cha Eliya, makati mbingu icharugwa kusake na vusa kwa miaka adadu na nusu, makati kurikogo na njala mbaha katika isanga jose. ²⁶Ela Eliya ndadumiwe kwa wowose umweri wawe, ela kwa mkolo umweri tu wakaie serepta karibu na mzi gwa sidoni. ²⁷Pia, kurikogo na wakoma wengi israeli katika maruwa ga Elisha Mlodi, ela ndakudae ata umweri wawe wakiriwe isipokuwa Naamini mundu wa siia.²⁸Wandu wose ndenyi ya isinagogi wachuiwe ni ghadhabu wachagasikira agagose. ²⁹Wakeekimsi na kumsukumizia shigadi ya mzi, na kumlongoza mpaka andu kuko ukingo gwa lugongo lwa mzi ambapo mzi gwawe gwaagiwe igu yake, ili wadime kumdagandonyi. ³⁰Ela waidie salama gadigadi yawe na akagenda chia rake.³¹Kisha wateremkie Kapernaumu, katika mzi gwa Galilaya. Sabato imweri wakogo akifundisha wandu ndenyi ya isinagogi. ³²Washangazigwe ni mafundisho gake, kwa sababu wafundishie kwa mamlaka.³³Idana maruwa ago ndenyi ya isinagogi, kurikogo na mundu warikogo na ngolo ya ipepo chafu, na walilie kwa sauti ya igu, ³⁴"Dikona indoi na we, Jesu wa Nazareti? wacha kudikora? Ndaichi we ni ani! we ni mweli wa Mlungu!"³⁵Jesu wamkemia ipepo akideda, "Nyama kima, na umfume mundu uyu!" Pepo uja achamdaga mundu uja ndonyi gadigadi yawe, wamfumie uja mundu bila ya kumsababishia maumivu yoyose. ³⁶Wandu wose washangae, na wandelee kuzungumzia ilago ija kila umweri na mbawe. Wakadeda, "Nimadedo ga aina ki aga?" adawaamuru ngolo wachafu kwa mamlaka na ndigi na wadainga." ³⁷Huwo, habari igu ya Jesu raenee kila gasi katika maeneo gazunguluka mkoa ugo.³⁸Kisha Jesu waingie katika mzi ugo na akangia katika iwacha ja Simon. Idana, mkeka wake na simon wakogo adawawa ihoma jibirie na wakamsihi kwa niaba yake. ³⁹Huwo, Jesu wamsogelee, akaikemia ija homa na ikamsiga. Gafla wakee kimsi na kawoka kuwatawaria.⁴⁰Iruwa jirikogo jikizama, wandu wamredie Jesu kila umweri wakogo mkongo na maradhi ga aina tofauti. Wawikie mikonu yake igu ya kila mkongo na akawakira wose. ⁴¹Mapepo pia gawafumie wengi wawe gakilila kwa sauti na kudeda, "We ni mvalwa wa Mlungu!" Jesu wawakemia mapepo na ndawaruhusie wadede, kwa sababu wamanyie kwamba ye warikogo ni Kristo.⁴²Makati kuchapambazuka, wagendie ieneo jisadae wandu. Makutano ya wandu warikogo wa kimlola na wakacha katika ieneo anduweko. Wajaribie kumzuia asagende kula na wo. ⁴³Ela akawagoria, "Lazima pia nihubiri habari riboie ra ufalme gwa Mlungu katika mizi imwi mingi, kwa wuja ihi nio sababu nadumiwe aha." ⁴⁴Kisha waendelee kuhubiri ndenyi ya masinagogi katika uyahudi gwose.

¹Basi yafumirie makati wandu wamkusanyikia na kumzunguluka Jesu na kusikira idedo ja Mlungu, ambapo warikogo wakakimsi mbai ya ziwa Genesareti. ²Wawonie mashua iwi rakumba nanga mbai ya ziwa wavuvi warikogo wafuma na wakiosha nyavu rawe. ³Jesu akangia katika mojawapo ya rija mashua, ambayo irikogo ya simon na kumlomba aigenje machinyi kula kidogo na ndoe kavu. Kisha akaka na kufundisha kufuma mashuenyi.⁴Kudeda, akamgoria simon, "Igenje mashua yako mpaka kilindinyi cha machi nakusera nyavu rako ili kurwa samaki." ⁵Simoni wajibie na kudeda, Mzuri, dabonyie kazi kio chose, na ndadiwadie chochose, ela kwa idedo jako, dimanarisela nyavu. ⁶Wachabonya huwo wawikie andu amweri kiasi kibaha cha samaki na nguvu rawe rawokie kudusuka. ⁷Huwo wawashirie washirika wawe mashuenyi imwi aliwache na kuwatawaria. Wachee na kuri chura mashua rose, kiasi kwmba raanzie kuzama.⁸Ela simoni Petro, achawona huwo, wagwie magotinyi pa Jesu akideda, "inga kwapwa, kwa sababu nyini mundu mweni zambi Mzuri." ⁹Kwa sababu washangazigwe, na wose wakogo andu amweri nae, kwa guvuvi gwa samaki warikogo waubonya. ¹⁰Iji jawajumuishe Yakobo na Yohana wavalwa Zebedayo, ambawo warikogo washirika wa Simoni. Na Jesu akamgoria simoni, "usaboe, kwa sababu kuwoka iji aha na kundelea dimawaruwa wandu." ¹¹Wachazireda mashua rawe ndoe kavu, wasigie kila kilambo na kumnuga ye.¹²Yafumirie kwamba warikogo katika mzi mmoja wapo, mundu wakogo wachua ukoma wakogo uko. Makati achamwona Jesu, wagwie akigogomisha wushu kwake mpaka ndonyi na kumlomba, akideda, "Mzuri, ikika udakundi, wadima kunielesha." ¹³Kisha Jesu wagagoa mkonu gwake na kumwada akideda, "Nakundi. Elesheka." Na saa ijayeni ukoma ukamsiga.¹⁴"Wamlagizie asamgorie mundu wowose, ela wamgoria, "genda chia rako, na ukakibonyerie kwa makuhani na ufunye sadaka ya utakaso gwako, sawa sawa na chija Musa wachiamuru, kwa ushuhuda kwawe."¹⁵Ela habari kumhusu ye rikanea kula nanganyi, na umati mbaha wa wandu ukacha andu amweri kumsikiria akifundisha na kukirwa makogo gawe. ¹⁶Ela mara kwa mara wakitengie faragenyi na kutasa.¹⁷Yafumirie siku imweri kati ya iro siku wakogo akifundisha, na warikogo mafarisayo na walimu wa sheria waka aho ambawo wachee wakifumiria vijiji vingi tofauti katika mkoa gwa Galilaya na Yudea, na pia kufuma katika mzi gwa Yerusalemu. Ndigi ya Mzuri irikogo andu amweri nae kukira.¹⁸Wandu kadhaa wachee, wamdwa mkekenyi mundu waolole, na wakalola chia ya kumwingia ndenyi ili kumtungurisha ndonyi imbiri ya Jesu. ¹⁹Ndawapatie chia ya kumwingira ndenyi kwa sababu ya umati, huwo wajokie igu ya ipaa ja iwacha na kumsera uja mundu ndonyi kuidia vigaenyi, igu mkeka gwake gadigadi ya wandu, imbiri kabisa ya Jesu.²⁰Akiguwa imani yawe, Jesu wadedie, "Amwedu, zambi rako wasamehewa." ²¹Waandishi na mafarisayo wawokie kuhoji ijo, wakideda, "Uyu ni ani adedaa makufuru? Ni ani adima kumsamehe zambi ela Mlungu mwenikeri?"²²Ela Jesu, akimanya indoi warikogo wakitenganya, wawajibie na kuwagoria, "kwa indoi mdakotiana iji miongonyi mwenu? ²³Chiao ni rahisi kudeda, 'zambi rako rasamehewa' angu kudeda 'kakimsi ugende?' ²⁴Ela mmanye ya kwamba mvalwa wa Adamu ako nayo mamlaka dunienyi ya kumsamehe zambi, ndakugoria we, 'wukia, wusa mkeka gwako na ugende nyumbenyi kwako."'²⁵Makati gaja geni akawukia imbiri yawe na akawusa mkeka gwake warikogo wautunguria kisha akawuya nyumbenyi kwake akimtukuza Mlungu. ²⁶Kila umweri washangazigwa na wakamtukuza Mlungu. Wachuiwe ni hofu, wakideda, "Dawona malago gaseko ga kawaida linu."²⁷Baada ya malago aga kufumiria, Jesu wafumirie uko na akamwona mwada ushuru wawangiwe Lawi waka ieneo ja kuwikia andu amweri kodi. Akamgoria, :Nnuge." ²⁸Huwo Lawi wanyanyukie na kumnuga, akisiga kila kilambo nyuma.²⁹Kisha Lawi waandae nyumbenyi kwake karamu mbaha kwa ajili ya Jesu. Warikogo wawada ushuru wengi kuja na wandu wengi wakee mezenyi wakija andu amweri nawo. ³⁰Ela mafarisayo na waandishi wawe warikogo wakiwanung'unikia wanafunzi, wakideda, "kwa indoi mdaja na kunywa na wawada ushuru andu amweri na wandu wamwi wekona zambi?" ³¹Jesu wawajibie, "Wandu wekoo katika afya iboie ndawahitaji tabibu, ni waja tu wawaga nio wamhitaji umweri. ³²Sichee kuwawanga wandu weni hachi wapate kutesiwa zambi, bali kuwawanga wengi zambi wapate kutesiwa zambi."³³Wakamgoria, "Wanafunzi wa Yohana mara nyingi hufunga na kutasa, na wanafunzi wa mafarisayo nawo hubonya woruwo. Ela wanafunzi wako huja na kunywa." ³⁴Jesu akawagoria, "Idadimikana mundu wowose akawabonya wahudhurie arusi ya Mzuri arusi kufunga makati bwana arusi bado weko andu ameri nawo? ³⁵Ela maruwa dimagacha makati bwana arusi achaingishwa kwawe, kwawe, niko katika maruwa ago dimawafunga."³⁶Kisha Jesu waarie pia kwawe kwa mfwano." Ndakudae achanaga kiwande cha nguwo kufuma ivazinyi wishi na kuchidumia kurekebisha ivazi ja kala. ngelo akabonya huwo, dimawairashua nguwo mbishi, na kiwande cha nguwo kufuma ivaziwishi kimacha ndachifaa kudumika na nguwo ya ivazi ja kala.³⁷Pia, ndakudae mundu ambae huwika divai mbishi viribenyi vibahabaha. ngelo akabona huwo, divai mbishi kumachayarashua chija chombo, na divai kumachayadika, na viriba kumacha vononeka. ³⁸Ela divai mbishi lazima iwikwe viribenyi viwishi. ³⁹Na ndakudae mundu baada ya kunywa divai ya kala, ndukundii mbishi, kwa sababu hudeda, " ya kala ni bora."

¹Idana yafumirie sabatonyi kwamba Jesu wakogo akiida gadi gadi ya mbuwa ya nafaka na wanafunzi wake wakogo wakiwaya masuke, waka yasugua kati ya mikonu yawe wakaja nafaka. ²Ela baadhi ya mafarisayo wakadeda, "kwa indoi mdabonya kilambo ambacho si halali kisheria kuchibonya maruwa ga sabato?"³Jesu wawajibie, akideda, "Ndamuwahie kusoma chija Daudi wabonya warikogo na njala, ye nawomi warikogo andu amweri nae? ⁴Wagendie katika iwacha ja Mlungu, na akawusa mikate ielie na kuija baadhi, na kuifunyama yakogo halali kwa makuhani kuija." ⁵Kisha akawagoria, "mvalwa wa Adamu ni Mzuri wa sababto."⁶Yafumirie katika sabato imwi kwamba wagendie ndenyi ya isinagogi na kuwafundisha wandu uko. kurikogo na mundu ambae mkonu gwake gwa kujo urikogo waolola. ⁷Waandishi na mafarisayo warikogo wadamguwa kwa makini kuwona ngelo kumachawamkirakumachamkira mundu maruwa ga sabato, ili wadime kupata sababu ya kumshitaki kwa kubonya ikosa. ⁸Ela wamanyie warikogo wadatenganya na akadeda kwa mundu warikogo waolola mkonu, "Wukia, kakimsi aha gadi gadi ya kila umweri." Huwo uyo mundu akawukia na kukakimsi aja.⁹Jesu akadeda kwawe, "Ndawakotia inyo, ni halali maruwa ga sabato kubonya gaboie angu kubonya madhara, kutesia angu kuganona?" Kisha wawaguwie wose na kumgoria uja mundu, ¹⁰"Gagoa mkonu gwako, "Akabonya huwo, na mkonu gwake wakogo wakirwa. ¹¹Ela wachuiwe ni virea, wakaongeleshana weni kwa weni kuhusu indoi wadapaswa wabonye kwa Jesu.¹²Yafumirie maruwa ago kwamba wagendie lugongonyi kutasa. Wandelee kio kizima kumtasa Mlungu. ¹³Ichaka kesho kio, wawangie wanafunzi wake kwake, na akawasagua kumi na iwi kati yawe, ambawo pia wawangie "Walodi."¹⁴Marina ya waja walodi garikogo simoni (ambae pia wamwangie petro) na Andea mmbari wake, Yakobo, Yohana, Filipo, Bartholomayo, ¹⁵Mathayo, Tomaso na Yakobo mvalwa wa Alfayo, simoni, ambae wawangiwe zelote, ¹⁶Yuda mvalwa wa Yakobo na Yuda Iskariote, ambae wakogo msaliti.¹⁷Kisha Jesu wasee andu amweri nawo fuma lugongonyi na kukakimsi andu tambarare. Idadi mbaha ya wanafunzi wake warikogo uko, andu amweri na idadi mbaha ya wandu kufuma uyahudi na Yerusalemu, na kufuma pwani ya Tiro na sidoni. ¹⁸Wachee kumsikira na kukirwa makongo gawe. Wandu warikogo wakigaishwa ni Pepo wachafu wakiriwe pia. ¹⁹Kila umweri kwenye ijo ikusanyiko wagerie kumwada kwa sababu ndigi ra ukiraji rakogo rikifumiria ndenyi yake, na wawakirie wose.²⁰Kisha wawaguwia wanafunzi wake, na kudeda ,"Mwambarikiwa inyo mko maskini ,kwa maana ufalme ghwa mlungu ni ghwenyu ²¹Mwabarikiwa inyo mko na njala iji aha, kwa maana dimamwa ghudishwa . Mwabarikiwa inyo mlilagaha ijiaha ,kwa maana dimamwanyaeka.²²Mwabarikiwa inyo ambawo wandu wachamiza miwa na kuwatenga na kuwashutumu inyo kwamba mwawa zamie ,kwaajili ya mwalwa wa Adamu. ²³Boiwenyi katika maruwa agho na kuburukaburuka kwa furaha ,kwa sababu hakikadaimwaka na thawabu mbaha mbingunyi,kwa maana waka aba rawhe wawabonyia waruwo huwao walodi.²⁴Ela ole wenyu mko matajili! kwa maana mwameria kupata faraja yenyu. ²⁵Ole wenyu mko mghudie ijiaha! kwa maana dimamwawona njala baadae. Ole wenyu msekagha ijiaha! kwa maana dimamwalila kubaha kulila baadae.²⁶Ole wenyu, mchasifiwa na wandu wose! kwa maana waka abaa rawhe wawabonyia walodi watee woruwo huwo.²⁷Ela nadedakwenyu inyo mnisikiragha,wakundenyi walaghelaghe wenyu na kubonyaga boie kwa waja wami zamiwa. ²⁸Wabarikinyi waja wawalaani inyo na watasienyi waja wawaoneaa.²⁹Kwake uja akukabagha idumbu jimweli ,muaghukie na ja kawi. Ngelo mundu akakusoka ijoho jako usamzuilie na kazu. ³⁰Mneke kila akulombagha.Ngelo mundu akakusoka kilambo ambacho ni mali yako ,usamlombe akuwajie.³¹Saandu mkundi wandu wawabonyie ,na inyo wabonyeeni woruwo. ³²Ngelo mkawakunda wandu wawakundii inyo tu, iyo ni thawabu ki kwenyu? kwa maana ata weni zambi huwakunda waja wawakundii. ³³Ngelo mkawabonyia ghaboie waja wawabonyiagha inyo ghaboie ,iyo ni thawabu ki kwenyu? kwamaana hata weni zambi hubonya woruwo. ³⁴Ngelo mkakopesha vilambo kwa wandu ambawe mdategemea dimawami wujia ,iyo ni thawabu ki kwenyu? Ataweni zambi huwakopesha weni zambi, na hutegemea kuwokera kiasi icho cheni sena.³⁵Ela wakundenyi walage lage wenyu na wabonyieni gaboie. Wakopesheni na msahofu kuhusu kuwujiriwa, na yhawabu yenyu dima yaka mbaha. Dimamwaka wavalwa wa ako igu, kwa sababu ye mweni waboie kwa wandu wasadae shukrani na wazamie. ³⁶Iwenyi na mbazi, sa Aba wenyu andu akona mbazi.³⁷Msahukumu, na inyo ndamuhukumiwaa. Msalaani, na inyo ndamlaaniwa. Samehenyi wamwi, na inyo dimamwasamehewa.³⁸Wanekenyi wamwi, na inyo dimamwanekwa. Kiasi cha ukarimu - dimachadika magotinyi penyu. kwa sababu kwa kipimo chochose mtumiaga kupimia, kipimo icho cheni dimachatumika kuwapimia inyo."³⁹Kisha akawagoria mfwano pia, "Je mundu asawonaa adimaga kumlongoza mundu umwi asawonaa? ngelo wabonyie huwo, basi wose kumachawadidimia ishimonyi, je kumachandawadidimia? ⁴⁰Mwanafunzi ndaka mbaha kuliko mwalimu wake, ela kila mundu akameria kufundishigwa kwa ukamilifu dimawaka sa mwalimu wake.⁴¹Na kwa indoi basi udakiguwa kibanzi chiko ndenyi ya iriso ja mmbari wako, na boriti ikoo ndenyi ya iriso jako nduigwaa? ⁴²Udimawada kumgoria mmbari wako; mmbari, nalomba nichifunye kibanzi chikoo ndenyi ya iriso jako; na we nduguwaa boriti boriti ikoo katika iriso jako mweni? mnafiki we! kwanza ifunye boriti katika iriso jako mweni, niko dimawawona nicha kufanya kibanzi katika iriso ja mmbari wako.⁴³Kwa sababu ndakudae mdi uboie uvaga matunda gazamie, wala ndakudae mdi guzamie uvaga matunda gaboie. ⁴⁴Kwa sababu kila mdi hutambulika kwa matunda gake. kwa sababu A wandu ndawawaya tini kufuma minjwenyi, wala ndawawaya zabibu kufuma michongomenyi.⁴⁵Mundu aboie katika hazina iboie ya moyo gwake hufanya yaboie, na mundu wazamie katika hazina izamie ya moyo gwake kufunya gazamie. kwa sababu momu gwake hudeda gaja ga uchuraga moyo gwake.⁴⁶Kwa indoi mdaniwanga, 'Mzuri, Mzuri', na bado ndamgabonyaa gaja nidedaga? ⁴⁷kila mundu achaga kwapwa na kugasikira madedo gapwa na kugabonyia kazi, dimanamibonyeria andu ako. ⁴⁸Adafwana na mundu aagaga. iwacha jake, ambae hutoka ndonyi sena, na kuaga msingi wa iwacha ihu ya lwala imara. Mafuriko ga chacha, maporomoko ga machi gaikaba iwacha, ela ndagadimie kuitikisa, kwa sababu irikogo yaagwa nicha.⁴⁹Ela wowose asikiraga idedo japwa na ndajitiie; mfwano gwake ni mundu aagie iwacha igu ya ndoe kusadae msingi, mweda guchaiseria kwa ndigi, iwacha jija japatie maangamizi mabaha.

¹Baada ya Jesu kumeria kila kilambo warikogo adadeda kwa wandu wamsikiriege, akangia kapernaumu.²Mtumwa fulani wa akida, warikogo wa thamani nanganyi kwake, warikogo mkongo nanganyi na warikogo karibu ya kufwa. ³Ela akika wasikira kuhusu Jesu, uja Akida wamdumie kilongozi wa kiyahudi, kumlomba ache kumtesia mtumwa wake ili asafe. ⁴Wachafika karibu na Jesu, wamsihie kwa bidii na kudeda, "adastahili kwamba udapaswa kubonya huwu kwa ajili yake, ⁵kwa sababu adajikunda itaifa jedu, na nie waagie isinagogi kwa ajili yedu."⁶Jesu akaendelea na charo chake andu nawo. Ela kabla ndagendie kula na iwacha, afisa umweri wawadumie wamwedu wake kuaria nae. "Mzuri, usakichose mweni kwa sababu nyi sistahili we kungia darinyi yapwa. ⁷kwa sababu ihi siteganyie ata nyi mweni kuwa ndafaa kucha kwako, ela deda idedo tu na mtumishi wapwa dimawaboa. ⁸kwani nyi pia ni mundu niwikiwe mamlakenyi na nikona askari ndonyi yapwa. Hudeda kwa uyu "Genda" na hugenda, na kwa umwi, "cho" naye hucha, na kwa mtumishi wapwa 'bonya iki', na ye hubonya".⁹Jesu wachasikira aga washangae, na kuwaagukia makutano warikogo wadamnuga na kudeda."Nawagoria, hata katika Israeli, siwahie kuwona mundu mweni imani mbaha sa uyu. ¹⁰kisha waja warikogo wadumwa wawurie nyumbenyi na kumdoka mtumishi akikamlanzi.¹¹fulani baada ya aga, yafumirie kuwa Jesu wakogo adasafiri kugenda mzi uwagwaga Na ini. Wanafunzi wake wakagenda andu amweri nae wakiambatana na umati gwa wandu. ¹²Achafika avui na Lango ja jiji guwa, mundu wafwie wakogo wanulwa, na ni mwana wa pekee kwa mae. Warikogo mkolo, na umati gwa wawakilishi kufuma jijinyi warikogo andu amweri nae. ¹³Achamwona, Mzuri wamsogelea kwa mbazi mbaha nanganyi igu yake na akamgoria, "usalile". ¹⁴kisha wasogea imbiri akajiwada ijeneza ambajo wanulia muwi, na waja wanulie wakakakimsi akadeda "mdawana nagora wakaia" ¹⁵Mfu akanuka na kuka ndonyi na waanzie kudeda. Kisha Jesu akamkabidhi kwa mae.¹⁶Kisha hofu ikawachua wose. Wakandelea kumtukuza Mlungu wakideda "Mlodi mbaha wanuliwa miongonyi mwedu" na "Mlungu wawaguwa wandu wake" ¹⁷Hiri habari riboie ra Jesu rae nee Yudea yose na kwa mikoa yose ya jirani.¹⁸Wanafunzi wa Yohana wamgoria malago aga gose. ¹⁹Niko Yohana akawaduma wawi wa wanafunzi wake na kuwaduma kwa Mzuri kudeda "We nie uja achaga, angu kuko mundu umwi dimguwe? ²⁰Wachafika avui na Jesu awa wakadeda, "Yohana mbbatizaji waduduma kwako kudeda, 'we ni uja achaga angu kuko mundu umwi dimguwe?'²¹Kwa makati ago wawakirie wandu wengi kufuma katika makongo na mateso, kufuma kwa ngolo wachafu, na kwa wandu wasawonaa wawanekie kuwona. ²²Jesu wajibie na kudeda kwawe. "Baada ya kuka mwagenda andu mwafuma dimamwamanyisha Yohana mchiwonie na kuchisikira. Wasawonaa wadawokera kuwona na wasagendaa wadagenda, weni ukoma wadatakasika, wasasikiraga wadasikira, wafwie wadafufuliwa, na kuka hai sena, masikini wadagoriwa habari riboie. ²³Na mundu ambae ndasigaa kunuamini nyi kwa sababu ya matendo gapwa wabarikiwa".²⁴Baada ya waja wadumiwe ni Yohana kuwuya andu wafumie, Jesu akawoka kudeda kwa makutano igu ya Yohana, "Mwagendie shigadi kuwona indoi, mwanzi ukika udatikiswa ni upepo? ²⁵Ela mwagendie shigadi kuwona indoi, mundu warwie nicha? guwa wandu waja warwaga mavazi ga kigimbikwa na kuishi maisha ga starehe weko kweni nafasi ra wagimbikwa. ²⁶Ela mdagenda shigadi kuwona indoi, Mlodi? Hee, ndadeda kwenyu na zaidi nanganyi kuliko Mlodi.²⁷Uyu nie waandikiwa, "Guwa, namduma mjumbe wapwa imbiri ya meso genyu, aandaaga chia kwa ajili yapwa, ²⁸Nadeda kweyu, kati ya waja wavalwe ni mndumka, ndakudae mbaha sa Yohana, ela mundu asadae umuhimu nanganyi aishii na Mlungu andu akoye, dimawaka mbaha kuliko Yohana".²⁹Na wandu wose wachasikira aga andu amweri na wawada ushuru, watangazie kuwa Mlungu ni mweni hachi. Wakogo kati yawe waja wabatiziwe kwa ubatizo gwa Yohana. ³⁰Ela mafarisayo na wataalamu wa sheria ra Kiyahudi, ambawo ndawabatiziwe na ye walemie hekima ra Mlungu kwa ajili yawe weni.³¹Sena ndadima kuwa linganisha na indoi wandu wa kivazi iki? wakowada hasa? ³²Wadafwana na wana wasarigaga andu kuko ieneo ja chete, wakaga na kuwagana umweri baada ya umwi wakideda, 'Dapulizie filimbi kwa ajili yenyu, na ndamvinie. Dalila kubaha na ndamlilie.'³³Yohana mbatizaji wachee ndajie mkate walandanywie divai, na mkadeda "Akona ipepo. ³⁴Mvalwa wa mundu wacha waja na kunywa na mkadeda, "Angali wamlafi na mlevi, amwedu wa wawada ushuru na weni zambi! ³⁵Ela hekima yatambulika kuwa ikona hachi kwa wana wake wose."³⁶Umweri wa Mafarisayo wamlombie Jesu agende kuja andu amweri nae. Baada ya Jesu kungia iwachenyi ja farisayo, waegemee mezenyi ili aje. ³⁷Guwa kurikogo na mndumka umweri katika jiji ijo warikogo nazambi. Wagundue kuwa wakogo na zambi. Wagundue kuwa wakogo waka kwa farisayo, akareda chupa ya manukato. ³⁸Wakeekimsi nyuma yake avui na magu gake uku akilila. Sena wawokie kulowanisha magu gake kwa machozi, na kuifuta kwa njwira chongo chake, akiibusu magu gake na kuivia manukato.³⁹Na uja Farisayo warikogo wamwalika Jesu achamwona huwo, akaririkanya mweni akideda, "Ngelo uyu mundu kumachawaka mlodi, kumacha waichi uyu ni ani aina ki ya mndumka amwadaga, ya kuwa ni mweni zambi. ⁴⁰Jesu wajibie na kumgoria, "Simoni nkona kilambo cha kukugoria. "Akadeda" "Chidede tu mwalimu!"⁴¹Jesu akadeda "kurikogo na Walawi gwa wawikwa mkopeshaji umweri. Umweri wakogo adalawigwa dinari maga na asanu na wa kawi walawiwege dinari hamsini. ⁴²Na warikogo ndawadae magome ga kumshana wawasamehe wose. Idana ni ani dimawamkunda nanganyi? ⁴³Simoni wamjibie na kudeda, "Nadhani uja wasamehewe nanganyi Jesu akamgoria, "Wahukumu kwa usahihi."⁴⁴Jesu akamuagukia mndumka na kudeda kwa simoni, "udawona uyu mndumka. Nangia nyumbenyi kwako. Nduninekie machi kwa ajili ya magu gapwa, ela uyu, kwa machozi gake, walowanishe magu gapwa na kugafuta kwa njwi rake. ⁴⁵Ndunibusie, ela ye, tangu wangirie umu ndasigie kunibusu magu gapwa.⁴⁶Ndugavie magu gapwa kwa mavuda, ela wagavia magu gapwa kwa manukato. ⁴⁷Kwa ilago iji, ndakugoria kwamba wakogo na zambi nyingi na wasamehewa nanganyi, na pia wakundie nanganyi. Ela wasamehe ki tineri tu."⁴⁸Baadae akamgoria mndumka, "zambi rako rasamehewa" ⁴⁹Waja wakee mezenyi andu amweri nae wakawoka kudedezana weni kwa weni, 'Uyu ni ani mpaka adawasamehe zambi?" ⁵⁰Na Jesu akamgoria mundumka, "Imani yako yakutesia. Genda kwa amani"

¹Yafumirie muda mfupi baadae kwamba Jesu waanzie kusafiri katika mizi na jiji tofauti, akihubiri na kutangaza habari riboie ra ufalme gwa Mlungu na waja kumi na wawi wagendie andu amweri nae, ²Woruwo wakafulani warikogo wakirwa kufuma kwa ngolo wachafu na makongo tofauti. Warikogo ni Mariamu wawangiwe magdalena ambae warikogo wafungigwa pepo saba. ³Yohana mka wa kuza na meneja wa Herode, susana, na waka wamwi wengi, wafunyie mali rawe kwa ajili yawe weni.⁴Na baada ya umati gwa wandu kukwana andu amweri, wakiwemo na wandu wachee kwake fuma mzi tofauti, akaaria nawo kwa kudumia mifwano. ⁵"mwaji wagendie kwa mbeu, warikogo akiwa, baadhi ya mbeu iro ragwie mbai ya chia rikawadigwa ndonyi ya magu, na wanyonyi wa angenyi wakarija. ⁶Mbeu rimwi ragwie igu ya ndoe ya lwala na richa buka na kuka miche richavunda kwa sababu ndakurikogo na unyevu nyevu.⁷Mbeu rimwi ragwie midinyi ya minjwa, nayo iyo midi ya minjwa ikazogua andu amweri na rija mbeu na rikasongwa. ⁸Ela mbeu rimwi ragwie ndoenyi ifaaga na rawae mazao mara igana nanganyi. "Baada ya Jesu kudeda malago aga, wafunyie mbaha sauti, "Wowose akona madu ga kusikira na asikire."⁹Sena wanafunzi wake wakamkotia maana ya mfwano ugo, ¹⁰Jesu akawagoria, 'mwanekigwa upendeleo gwa kumanya kiviso cha ufalme gwa Mlungu, ela wandu wamwi dimawafundishigwa tu kwa mifwano, ili kwamba 'wakiwona wasawone na wakisikira wasaelewe.'¹¹Na ihi nio maana ya mfwano ugu. mMbeu ni idedo ja Mlungu. ¹²Mbeu rija rigwie mbai mbai ya chia nio waja wandu wajisikiraga idedo, na baadae mwovu shetani hujiwusa kula kufuma moyonyi, ili kwamba wasaamini na kutesiwa. ¹³Kisha na rija rigwie lwalenyi ni wandu waja wasikiraga idedo na kujiwokera kwa furaha ela ndawadae miri yoyose, wadaamini tu kwa muda mvui, na makati ga kugeriwa hugwa.¹⁴Na mbeu rija rigwie injwenyi ni wandu wasikiraga idedo, ela wakiendelea kuzogua husongwa na huduma na utajiri na ubora gwa maisha aga na ndawaa matunda. ¹⁵Ela rija mbeu rigwie ndoenyi iboie ni waja wandu, ambawo ni wanyenyekevu na mioyo iboie, baada ya kujisikira idedo hujiwadiria na jikaka salama na kuva matunda ga kuririmira.¹⁶Idana, ndakudae hata umweri, awashagataa na kifunuka kwa ibakuli angu kuiwika ndonyi ya kitanda. Badala ya kuwika kina renyi cha taa ili kwamba kila umweri angiagha apate kuiwona. ¹⁷Kwa wuja ndakudae chijivisaa ambacho chisamanyikane, angu chochose chikoo kivisoni ambacho chisamanykane kikika mwangenyi. ¹⁸Kwa huwo kuwa makini andu ukaka udasikira kwa sababu ako nacho, kwake dimawachurigwa nanganyi, ela asadae nacho hata chija kitini akoo nacho dima chawusigwa."¹⁹Baadae mae Jesu na wambari wake wakacha kwake ndawakaribie kwa sababu ya umati wa wandu. ²⁰Na wataarifiwe, "Moyo na wambari wako weko aja shigadi wadahitaji kukuwona na we. ²¹Ela Jesu wajibie akideda, "mawe wapwa na wambari wapwa ni waja wajisikiraga idedo ja Mlungu na kujitii."²²Yafumirie siku iumweri katika siku rija Jesu na wanafunzi wake wajokie mtumbwinyi, na akawagoria, "Na duluwuke kimonu cha kawi cha ziwa." Wakandaa mashua yawe. ²³Ela wachawoka kuinga, Jesu akatungura dilo, na dhoruba mbaha yeni upepo, na mashua ya we ikawoka kuchua machi na warikogo hatarinyi mbaha nanganyi.²⁴Baadae wanafunzi wake wakacha kwake na kumwusira, wakideda, "Mzuri mbaha! Mzuri mbaha! diko avui kufwa! 'Akawukia na akagukemia upepo na mawimbi ga machi vikatulia na kukaka na utulivu. ²⁵Sena akawagoria, 'Imani yenyu iko hao? 'wakaboa, washangae, wakadedezana kila umweri na mbawe, "Uyu ni ani, kiasi kwamba adaamuru hata upepo, na machi na hutii?"²⁶Wafikie mzinyi gwa Gerasini ikoo luwande lwa nyuma ya Galilaya. ²⁷Jesu wachasea na kuwadia ndoenyi, mundu fulani kufuma mzinyi, akakwana nae, na uyu mundu warikogo na ndigi ra kira. na wakogo ndaishi nyumbenyi, ela waishie makaburinyi.²⁸Wachamwona Jesu akalila kwa sauti, na akagwa ndonyi imbiri yake. Kwa sauti mbaha akideda, Nabonyaa indoi kwako, Jesu mvalwa wa Mlungu akoo igu? Nakusihi, usani adhibu nyi" ²⁹Jesu waamuru ngolo chafu imu inge mundu uja, kwa wuja maranyingi wampagaa. Hata kama wakogo wafungwa minyororo na kubanwa na kuwikigwa ndonyi ya ulinzi, wachukanyie vifungo na kuendeshigwa ni mapepo hata ijangwenyi.³⁰Jesu akamkotia, "Irina jako ni ani?" wajibie akadeda, "Legioni" kwa maana mapepo wengi gangia kwake. ³¹Wakandelea kukimsihi usadiamuru digende ishimonyi.³²Ikundi ja nguwe jirikogo jikilishigwa igu ya duchugongo, wakamsihi awaruhusu wangie kwa awo nguiwe. Na akawaruhusu kubonya huwo. ³³Kwa huwo waja mapepo wakamfuma mundu uja na kungia kwa waja nguwe, na jija ikundi jikakimbia mwinukonyi gwa lugongo hata ziwenyi na wadidimie uko.³⁴Waja wandu warikogo wadalissha waja nguwe wachawona chifumirie, wakakimbia na wakafunya taarifa aja mzinyi na shigadi katika mizi iwa zungulukie. ³⁵Wandu wachasikira ago wagendie kuwona chifumirie, na wakacha kwa Jesu na wakamwona mundu ambae mapepo garikogo gamuinga. Wakogo warwa nicha na mweni akili timamu, waka magunyi kwa Jesu, na waboa.³⁶niko umweri wawe wawonie chifumirie wawokie kuwasimulia wamwi jinsi uyu mundu warikogo adalongozigwa ni mapepo andu wakirwa. ³⁷Wandu wose wa mkoa gwa Wagerasi na maeneo gazungulukie wamlombie Jesu ainge kwawe kwa sababu wakogo na hofu mbaha. Na wangirie mtumbwinyi ili awuye.³⁸Mundu uja wafumiwe ni ipepo wamsihie Jesu kugenda nae, ela Jesu akamgoria agende na kudeda, ³⁹"Wuya nyumbenyi kwako na utale gaja gose ambago Mlungu wakubonyia" Uyu mundu waingie, akitangaza kose katika mzi gwa gwose gaja gose ambago Jesu ahabonyie kwa ajili yake.⁴⁰Na Jesu wawurie, makutano wamkaribishie, kwa sababu wose wakogo wakimweseria. ⁴¹Guwa akcha mundu umweri adawangwa Yairo ni umweri kati ya vilongozi katika isinagogi. Yairo akagwa magunyi kwa Jesu na kumsihi agende nyumbenyi kwake, ⁴²Kwa sababu wakogo na mwana mwai umweri tu, mweni umri wa miaka kumi na iwi, na wakogo ya kufwa. Na warikogo akigenda, makutano warikogo wakisongana dhidi yake.⁴³Mndumka mweni kufuma baga kwa mirongo kumi na iwi wakogo aja na wadumia pesa rose kwa waganga, ela ndakudae wamkire hata umweri, ⁴⁴Wachee nyuma ya Jesu na kuwada ipindo ja ivazi jake, na gafla kufumwa baga kukasiga.⁴⁵Jesu akadeda, "Aniambae waniwada?" Wachalega wose, Petro akadeda, Mzuri mbaha, umati gwa wandu wadakusukuma na wadakusonga." ⁴⁶Ela Jesu akadeda," mundu umweri waniwadie, maana namanyie ndigi rafuma kwapwa."⁴⁷Mndumka wachawona ya kuwa ndadimaa kavisa wachibonyie, wawokie kutetemeka, akagwa ndonyi imbiri ya Jesu watangazie imbiri ya wandu wose sababu riboyie amwade na wuja andu wakirwa gafla. ⁴⁸kisha wadedie kwake, "mwai, imani yako yakubonya uke banana. Genda kwa amani."⁴⁹Warikogo akiendelea kudeda, mundu umweri akacha kufuma nyumbenyi ya kilongozi wa isinagogi, akideda, "Mwai wako wafwa. Usamgaishe mwalimu." ⁵⁰Ela Jesu achasikira huwo, wamjibie, "Usaboe Amini tu, na dimawatesiwa."⁵¹Kisha achangia kweni ijo iwacha, ndaruhusie mundu wowose kungia andu amweri nae, isipokuwa Petro, Yohana na Yakobo, ndee wa mwai, na mae. ⁵²Idana wandu wose warikogo wadalila kubaha na kufunya sauti kwa ajili yake, ela akadeda, "msakabe jogo, ndafwie, ela watungura tu." ⁵³Ela wakamseka kwa dharau, wakimanya kwa wafwa.⁵⁴Ela ye, akamwada mwai mkonu, akawanga kwa sauti, akideda, "mwanaa, wukia." ⁵⁵ngolo yake ikamchea, na akawukia makati ago geni. Akaamrisha kwamba, anekwe kilambo fulani ili aje. ⁵⁶Wavazi wake washangae, ela wawaamuru wasamgorie mundu chirikogo chafumiria.

¹Akawawanga waja kumi na iwi andu amweri, akawaneka uwezo na mamlaka igu ya mapepo gose na kukira makongo. ²Akawaduma wagende kuhubiri ufalme gwa Mlungu na kukira wakongo.³Akawagoria, "Msawawuse chochose kwa ajili ya charo chenyu wala fimbo, wala mkoba, walaa mkate, wala magome wala msawuse kazu iwi. ⁴Iwacha jojose mjingiaga, kenyi umo mpaka mchainga andu aho.⁵Na kwa waja wasawokera, mchainga mzi uo, kikung'utenyi luvumbi katika magu genyu kwa ushuhuda igu yawe. ⁶Wakainga na kugenda kuidia vijijinyi, wakitangaza habari iboie na kukira wandu kila andu.⁷Idana Herode, mtawala, wasikire gose garikogo gakifumiria wataabikie nanganyi, kwa sababu yadedikana na baadhi kwamba Yohana mbatizaji wafufuka kufuma kwa wafwie, ⁸na baadhi kwamba Eliya wameria kufumiria, na kwa wamwi kwamba umweri wa walodi wa kala wafufuka katika wafwie sena. ⁹Herode wadedie, "Namchinjie Yohana, ela uyu ni ani nisikiraga habari rake? Na Herode walolie chia ya kumwona Jesu.¹⁰Makati wachawuya waja wadumiwe, wakamgoria kila kilambo wachibonyie. Akawawusa andu amweri nae, akagenda mwenikeri katika mzi uwangwaga Bethsaida. ¹¹Ela makutano wakasikira kuhusu iji wakamnuga, na wawakaribishie, na akaaria nawo kuhusu ufalme gwa Mlungu, na wawakira waja wahitajie ukiraji.¹²Maruwa gha kawoka kusia, na waja kumi na iwi wakagenda kwake na kudeda, "Watapanye makutano kwamba wagende katika vijiji va avui na mzinyi wakalole mapumziko na vindo, kwa sababu diko ieneo ja nyikenyi." ¹³Ela akawagoria, "Inyo wanekenyi kilambo cha kuja." Wakadeda" Ndadedie zaidi ya viwande visanu va mikate na samamki wawi, isipokuwa kumachadagenda na kugula vindo kwa ajili ya ikusanyiko iji ja wandu." ¹⁴Kurikogo na womi wapataga elfu isanu aja. Akawagoria wanafunzi wake. "Wakalishenyi ndonyi katika makundi ga wandu wapataga hamsini kwa kila ikundi.¹⁵kwa huwo wakabonya huwo na wandu wakaka ndonyi. ¹⁶Akawusa mikate asanu na samaki wawi na akaguwa mbingunyi, akavibariki, na kivibega katika viwande, akawaneka wanafunzi wake ili wawike imbiri ya makutano. ¹⁷Wose wakaja na wakamguda, na viwande va vindo visangalikie vosho igwe na kuchura ngau kumi na iwi.¹⁸Nayo ikaka kwamba, warikogo akitasa mwenikeri, Wanafunzi wake wakogo andu amweri nae, na akawakotia akideda, "Wandu hudeda nyi ni ani?" ¹⁹Wajibie, wakadeda, "Yohana mbatizaji, ela wamwi hudeda Eliya, na wamwi hudeda umweri wa walodi wa matuku ga kala wafufuka sena."²⁰Akawaghalia,"Ela imyo mwadeda nyiniani ?"Wajibie Petro akadeda ,"Kristo kufuma kwa mlungu" . ²¹Ela kwa kuwakasha ,Jesu akawaela keza kutomghoria wowose ighuya iji. ²²akadeda kwamba mvalwa wa Adamu lazima ateseke kwa mlagho mengi na kuleghwa niwa ghosi na Makuhani wabaha na waandishi ,na dimawabwagha, na maruwa gha kadadu dimawafufuka.²³Akawaghoria wose,"ngelo mundu wowose akakunda kuninugha ,lazima akikane mweni,awase msalaba ghwake kila siku na aninughe. ²⁴Wowose agheriagha kughatesi maisha ghake ima waghalaghasha ,ela wowose alaghashagha mai shaghake kwa faida yapwa ,imawaghasha tesi. ²⁵Je dimjamfaidia indoi mdamu, ngelo akaupata urumwengu ghwose, ela akalaghasha anguakapata hasara ya nafsi yake?²⁶Wowose achaniwonia whaya nyi na mdedo ghapwa ,ye mvalwa wa Adamu dimawamwonia whaya achaka katika utukufu ghwake na utukufu ghwa Aba na malaika weli. ²⁷Ela ndawagholia loli,kuko baathi yenyu wakagha kimsi aha, ndawaonjagha umauti mpaka wauwone ufalme ghwa mlungu."²⁸Ikafumiria idapata maruwa nane baada ya Jesu kudeda madedo agha kwamba akawawusaandu amweri nae Petro, Yohana ,na Yakobo ,wakajoka lughongonyi kutosa.' ²⁹Na warikogho katika kutasa mwonekano ghwa washu ghwake ghwabadilikiwe ,na mavazi ghake ghakaka gha chokwa na gha kuela.³⁰Na guwa,warikogho womi wawi wakiarianae! wakogho Musa na Eliya. ³¹wawonekanie katika utukufu.Waarie kuhusu kuighwa kwake, ilagho ambajo wakaribie kujitimiza Yerusalemu.³²Idana Petro nawaja warikogho andu amweri nae warikogho katika dilo nzito. Ela wachawakia wauwonie utukufu ghwake na womi wawi wari kogho wakakimsi andu amweri nae. ³³Ika fumiria kwamba warikogho wakiinga kwa Jesu, Petro "Mzuri ,ni chakwedu kuka aha na idadipasa dibonye makazigha wandu wadadu .Dibonye jimweli kwa ajiliyako jimweli kwa ajili yaMusa ,na jimweli kwa ajili ya Eliya'. Ndaloelewa arikogho akichiaria.³⁴Warikogho akideda agho, jikachaidulu na jikawafunika; na waboa wachawona wazungulukwa ani idulu. ³⁵Sauti ikafuma idulunyi ikadeda, "Uyu ni mwanapwa mteule. Msikienyi ye." ³⁶Sauti ichanyama kima, Jesu wakogo mwenikeri. Wakee kimumure, na katika maruwa ago ndawamgorie wowose jojose miongonyi mwa wagawonie.³⁷Iruwa jifumirie, baada ya kuinga lugongonyi, kusanyiko baha ja wandu jakwana nae. ³⁸Guwa, mndumumi kufuma ikusanyikonyi wa lilie kwa sauti, akideda, "mwalimu ndakulomba umguwe mwanapwa wa pekee. ³⁹Udawona ngolo chafu humwada, na mara hukaba jogo, na pia hubonya achanganyikiwe na kufuma ipovu momunyi. Nayo humfuma kwa shida, ikimsababishia maumivu makali. ⁴⁰Nawasihie wanafunzi wako kuikemia iinge. Ela ndawadimie."⁴¹Jesu wajibie akadeda, "Inyo kivazi chisaamini na chipotekie, mpaka lidimanaka na inyo na kuwusiana na inyo? mrede mwanako aho." ⁴²mdawona warikogo adacha, ngolo chafu ikamgwisha ndonyi na kumtikisa kwa fujo. Ela Jesu waikemia ija ngolo chafu, wamkira mdawana, na wamkabidhi kwa ndee.⁴³Wose washngazigwa na ubaha gwa Mlungu. Ela warikogo wakistaajabu wose kwa malago gose gafumirie, akadeda kwa wanafunzi wake, ⁴⁴"Madedo gamikee madunyi kwenyu, kwa wuja mvalwa wa adamu dimawafunywa mikonunyi mwa wadamu." ⁴⁵Ela ndawaelewe maana ya madedo ago, na gavisigwe mesonyi kwawe, ili wasache wakajielewa. Waboa kumkotia kuhusu idedo ijo.⁴⁶Kisha mgogoro gwawokie kuibuka miongonyi mwao igu ya ani kumacha aka mbaha. ⁴⁷Ela Jesu achamanya warikogo wakihojiana mioyoni, kwawe, wamusie mwana mtini, na kumwika luwande lwake, ⁴⁸Na akadeda, "Ngelo mundu wowose akamwokera mwana mtini kama uyu kwa irina japwa, aniwokera nyi pia, na wowose akaniwokera nyi, amwokera pia wanidumie, kwa wuja akoo mtini kati yenyu wose nie ako mbaha."⁴⁹Yohana wajibie akadeda, "Mzuri, damwonie mundu akibingisa ipepo kwa irina jako na dikamzuia, kwa sababu ndaapatana na isi." ⁵⁰Ela Jesu akamgoria, "Usamzuie, kwa wuja asadae kinyume na inyo ni wa kwenyu."⁵¹Ikafumiria kwamba, kulingana na maruwa andu geko gakikaribia maruwa gake ga kugenda mbvingunyi, kwa uimara waelekeza wushu gwake Yerusalemu. ⁵²Akaduma wajumbe imbiri yake, nawo wakagenda na kungia katika kijiji cha wasamaria ili watayarishe mahali. ⁵³Ela wandu uko ndawamwokerie, kwa sababu wakogo waelekeza wushu gwake Yerusalemu.⁵⁴Wanafunzi wake Yakobo na Yohana wachajiwona iji, wakadeda, "Mzuri ukundi diamuru modo usee ndonyi kufuma mbingunyi uwateketeze?" ⁵⁵Ela wawagukie akawakemia. ⁵⁶Kisha wagendie kijiji chimwi.⁵⁷Warikogo wakigenda katika chia yawe, mundu umweri akamgoria, "Dimanakunuga kokose ugendaga." ⁵⁸Jesu akamgoria, "makoshi ga isakenyi gakona mashimo, wanyonyi waangenyi wakona viota, ela mvalwa wa Adamu ndadae kwa kutungurisha chongo chjake."⁵⁹Niko akamgoria mundu umwi, "Nnuge." Ela ye akadeda, "Mzuri, niruhusu kwanza nigende kumrika Aba wapwa." ⁶⁰Ela ye akamgoria, "Wasige wafwie wawarike wafwie wawe, ela we genda ukautengeneze ufalme gwa Mlungu kila andu."⁶¹Pia mundu umwi akadeda. "Dimanakunuga, Mzuri, ela niruhusu kwanza nikawalage wakoo katika iwacha japwa." ⁶²Ela Jesu akamgoria ndakudae mundu, akumbaga mkonu gwake kulima na kuguwa nyuma afaaga kwa ufalme gwa Mlungu."

¹Baada ya malago ago, Mzuri wasague sabini wamwi, na kuwaduma wawi wamkirie katika kila mzi na ieneo watarajie kugenda. ²Akawagoria, "Mavuno ni mengi, ela wabonyakazi ni watineri. Huwo basi mlombenyi Mzuri wa mavuno, ili kwamba adume kuruwa ruwa wabonya kazi katika mavuno gake.³Gendenyi katika mzi. Guwenyi, ndawaduma sa ng'ondi gadigadi ya makoshi ga isakenyi. ⁴Msanue mfuko gwa magome, wala mikoba ya wacharo, wala vadu, wala msalamse wowose chienyi.⁵Katika iwacha jojose mjingiaga, kwanza dedenyi, "Amani ike katika iwacha iji.' ⁶Ngelo mundu wa amani ako aja, amani yenyu dimayasangalika igu yake, ela ngelo siko, dimanyawuya kwenyu. ⁷Bakinyi katika iwacha ijo jenyi na mnywe wa chakifunya, kwa maana mbonyakazi adastahili mshahara gwake. Msahame kufuma iwacha iji kugenda jimwi.⁸Mzi gwose mmingiaga, na wakawawokera jenyi chochose chimwi kwaga imbiri yenyu, ⁹na kirenyi wakongo wakoo umo. Dedenyi kwawe; ufalme gwa Mlungu gwacha avui yenyu'¹⁰Ela katika mzi gwogwose mchangia, na wasawokere, gendenyi shigadi katika barabara na dedenyi, ¹¹'Hata luvumbi katika mzi gwenyu lunatie magunyi kwedu didalukung'uta dhidi yenyu! ela manyeni iji, ufalme gwa Mlungu gwakaribia.' ¹²Ndawagorienyi kwamba maruwa ga hukumu dimayaka ni ustahimilivu nanganyi kwa sodoma kuliko mzi ugo.¹³Ole kwako korazini, ole kwako Bethsaida! ngelo kazi mbaha ribonyikie ndenyi yako kumacha yabonyika Tiro na sidoni, kumachawatesiwa zambi kala nanganyi, wakika ndenyi ya nguwo ra gunia na maivu. ¹⁴Ela dimayaka ustahimilivu nanganyi maruwa ga hukumu kwa Tiro na Sidoni zaidi yenyu. ¹⁵We kapernaumu, udatenganya dimawanuliwa mpaka mbingunyi? Aa, dimawaserigwa ndonyi mpaka kuzimu¹⁶Awasikiraga inyo adanisiokira nyi, na wowose achalega adanilega nyi, na wowose anilegaga nyi adamlega wanidumie"¹⁷Waja sabini wawurie kwa furaha, wakideda, "Mzuri, hata mapepo wadaditii katika irina jako." ¹⁸Jesu akawagoria, "Namwonie shetani akigwa kufuma mbingunyi sa radi. ¹⁹Guwa, nawaneka ga kuwadia choka na nge, na ndigi rose ra mlage lage, na ndakudae chochose kwa chia yoyose chiwadhuru. ²⁰Hata huwo msaboiwe tu katika iji, kwamba ngolo ridawatii, ela boiwenyi nanganyi kwamba marina genyu gaandikigwa mbingunyi."²¹Katika makati gaja geni waboiwe nanganyi katika Ngolo wa kuela, na kudeda, "Ndakutogola we, Aba, Mzuri wa mbingu na dunia, kwa sababu wagavisa malago aga kufuma kwa weni hekima na akili, na kugafunukula kwa wasafundishwaga, sa wana watini, "Hee, Aba, kwa wuja yapendezie mesonyi kwako."²²"kila kilambo chakabidhiwa kwapwa na Aba wapwa, na ndakudae amanyaga mvalwa ni ani ela Aba, na ndakudae amanyaga Aba ni ani ela mvalwa, na wowose ambae mvalwa hutamani kukifunukula kwake."²³Akawaagukia wanafunzi, akadeda faragani, "Wabarikiwa wagaoga aga ambago inyo mdagawona. ²⁴Ndawagoria inyo, kwamba walodi wengi na wagimbikwa watanmanie kuwona malago mgawonaga, na ndawagawonie, na kusikira mgasikiraga, na ndawagasikire."²⁵Guwa, mwalimu fulani wa sheria ya kiyahudi wakeekimsi na kumgeria, akideda, "mwalimu nibonyei niipale banana ya kala na kala?" ²⁶Jesu akamgoria, "Chaandikigwa indoi katika sheria? udaisoma wada?" ²⁷Wajibie akadeda, "Dimawamkunda Mzuri Mlungu wako kwa moyo gwako gwose, kwa ngolo yako yose, kwa ndigi rako rose, na kwa akilirako rose, na jirani yako sa nafsi yako mweni." ²⁸Jesu wadedie, "Wajibu kwa usahihi. Bonya uwu na dimawasihi."²⁹Ela mwalimu, akitamani kakitalia hachi mweni, Akamgoria Jesu, "Na jirani wapwa ni ani?" ³⁰Jesu wajibie akadeda, "Mundu fulani wakogo akisea kufuma Yerusalemu kugenda Yeriko. Akagwia kati ya wanyang'anyi, wamsokie mali yake, na kumkaba na kumsiga avui akika nusu wafwie..³¹Kwa bahati kuhani fulani wakogo akisea katika chia iyo, achamwona waidie luwande lumwi. ³²Woruwo mlawi pia, wachafika andu aja na kumwona, akaida luwande lumwi.³³Ela msamaria umweri, warikogo akibonya charo, waidie aja warikogo mundu uyo. Achamwona, wasukumiwe kwa mbazi. ³⁴Wamkaribia na kumruga vonda vake, akivia mavuda na divai igu yake. Wamjosa igu ya mnyamandu wake, na kumgenja katika iwacha ja wagenyi na kumtawaria. ³⁵Iruwa jinugirie wawusie dinari iwi, na akamneka mmiliki wa iwacha ja wagenyi na kumgoria, "mtawarie na chochose cha ziada utumiaga, dimanakushana nichawuya."³⁶Ni yuwao kati ya awa wadadu, uteganyaa, wakogo ni jirani kwake ye wagwie kati ya wanyang'anyi?" ³⁷Mwalimu wadedie, "Ni uja wabonyerie mbazi kwake." Jesu akamgoria, "Genda na ukabonye woruwo uwo."³⁸Idana warikogo wakibonya charo, wangirie katika kijiji fulani, na mndumka umweri irina jake matrha wakamkaribisha nyumbenyi kwake. ³⁹Wakogo na dada awangwie mariamu, wakee magunyi kwa Mzuri na kusikira idedo jake.⁴⁰Ela martha wakinekie shuguli nyingi ra kuandaa mlo. Wagendie kwa Jesu, na kudeda, "Mzuri, ndujali kwamba dada wapwa wanisiga nitaware mwenikeri? Huwo basi mgorie anitawarie." ⁴¹Ela Mzuri wajibie na kumgoria, "Martha, Martha, udagaya igu ya malago mengi, ⁴²Ela ni kilambo chimweri tu cha muhimu. Mariamu wasagua chiko chiboie, ambacho ndachiinjigwa kufuma kwake."

¹Yafumirie makati Jesu warikogo adatasa andu fulani, umweri wa wanafunzi wake wamgoria, "Mzuri, difundishe isi kutasa sa Yohana wawafundishie wanafunzi wake'.²Jesu akawagoria, andu mkisali, dedenyi, 'Aba, irina jako jigimbikwe. Ugimbikwa gwako uche.³Udineke mkate gwedu gwa kila siku. ⁴Udisamehe makosa gedu, ngelo nasi diwasamehe wose wadikosea. Usadilongoze katika kugeriwa."⁵Jesu akawagoria, "Ni ani kwenyu dimawaka na amwedu, ambae dimawagendia kio, na kumgoria, Amwedu niazime mikate adadu. ⁶Kwa sababu amwedu wapwa wanichea iji aha kufuma charonyi, na nyi sidae cha kumuandalia.' ⁷Na uja ako ndenyi wamjibie, usanitaabishe, mjango wameria kurugwa, na wana wapwa, andu amweri nanyi dameria kutungura kitandenyi. Sidimaga kuwikia na kukuneka we mikate. ⁸Ndawagoria, japokuwa ndawukia na kukuneka mikate sa amwedu wake, kwa sababu ya kuendelea kumweseria bila waya, dimawawukia na kukuneka viwande vingi va mikate kulingana na machitaji yako.⁹Nanyi pia nawagorienyi, tesenyi, na inyo dima mwanekwa;lolenyi, na inyo dimamwapata, kabenyi hodi na inyo dimamwaruguriwa. ¹⁰Kwa wuja kila mundu amlombaga dimawawokera, na kila mundu alolaga dimawapata, na kila mundu akabaga hodi, mjango dimawarugulwa kwake.¹¹Ni aba uyao miongonyi mwenu, mwanake akimlomba samaki dimawamneka choka badala yake? ¹²Angu akimlomba igi dimawamneka nge badalayake? ¹³Kwa huwo, ikika nyi mwawazamie mdaishi kuwaneka wanawenyu zawadi riboie, Je, si zaidi nanganyi Aba wenyu wa mbingunyi kwamba diwaneka Ngolo wa kuela awo wamlombaga?"¹⁴Baadae,Jesu akaka adakemia ipepo, na mundu mweni ipepo wakogo asadeda. Ikaka ipepo jicha mfuma, mundu uyo wadedie kuaria. Umati wastaajabie sena. ¹⁵Ela wandu wamwi wakadeda, uyu adainja mapepo kwa Beelzabuli, mbaha wa mapepo.¹⁶Wamwi wamgiria na kumkunda awabonyerie ishara kufuma mbingunyi. ¹⁷Ela Jesu wamanyie kuririkanya kwawe na kuwagoria, "kila ugimbikwa uwaganyikaga dima yaka ukiwa, na iwacha jiwaganyikie dima jagwa.¹⁸Ngelo shetani dimawaka wawaganyika, ugimbikwa gwake dimawakakimsi wada? kwa sababu mwadeda nafunya mapepo kwa Belzabuli. ¹⁹Ngelo nyi ndafunya mapepo kwa Belzabuli, Je wambenyu wadainja mapepo kwa chia iyao? kwa sababu ihi, wo dimawawahukumu inyo. ²⁰Ela, ngelo ndafunya mapepoo kwa chala cha Mlungu, basi ufalme gwa Mlungu gwamichea.²¹Mundu mweni ndigi akona silaha akalinda iwacha jake, vilambo vake dimavaka salama. ²²Ela akavamiwa na mundu mweni ndigi nanganyi, uja mundu mweni ndigi dimawamsoka silaha rake, na kuriwusa mali rake rose. ²³Ye aseko andu amweri na nyi ako kinyume na nyi, na ye asawikaa andu amweri na nyi hutapanya.²⁴Pepo mchafu amfumaga mundu, hugenda na kulola andu kusadae machi ili akisogoshe. Andu akaka waswa, hudeda, 'dimana wuya andu nifumie. ²⁵Akiwuya na kudoka iwacha jakwanywa na jakanicha. ²⁶Huwo hugenda na kulola mapepo saba wako wazamie kuliko ye mweni na kuwareda wache wake andu aja. Na hali ya mundu uyo huka izamie kuliko andu ikogo mara ya kwanza."²⁷Yafumirie kwamba warikogo akideda malago agho, mndumka fulani wafunyie mbaha sauti yake zaidi ya wose mkutanonyi wa wandu na kudeda "Chabarikiwa kifu chikuvale na matiti unyonye." ²⁸Ela ye akadeda, wabarikiwa waja wasikiraga idedo ja Mlungu na kujitunza.²⁹Makati umati gwa wandu wadakwana andu amweri na kuchurika, Jesu waanzie kudeda "kivazi ichi ni kivazi chizamie. Hulola ishara, na ndakudae ishara wanekwaga nanganyi ya ija ishara ya Yonaa. ³⁰Maana sa Yona andu wakogo ishara kwa wandu wa Ninawi, niko na mvalwa wa Adamu anduwaka ishara kwa kivazi ichi.³¹Malkia wa kusinyi dimawakakimsi maruwa ga hukumu na wandu wa kivazi ichi na kuwahukumu wo, kwani ye wafumie katika mwisho gwa isanga ili ache asikire hekima ra Solomoni, aha weko ako mbaha kuliko solomoni.³²Wandu wa Ninawi dimawakakimsi katika hukumu andu amweri na wandu wa kivazi ichi maruwa ga hukumu dimawakihukumu, kwani wo watesiwege zambi rawe kwa mahubiri ga Yona, na nguwa, aha weko akombaha kuliko Yona.³³Ndakudae mundu wowose, awashaga taa na kuiwika sehemu ya ndonyi ikona kira isawoekaga angu ndonyi ya ngau, ela huwasha na kuwika igu ya kilambo ili kila mundu angiaga adime kuwona mwangza. ³⁴Iriso ni taa ya muwi. Iriso jako jikika jiboie basi muwi gwako gwose dimagwaka mwangazenyi. Ela iriso jako jikika jizamie basi muwi gwako gwose dimagwaka kirenyi. ³⁵Kwa huwo, mkihadhari ili mwangaza ukoo ndenyi yenyu usakumbwe kira. ³⁶Huwo basi, ngelo muwi gwako gwose guko mwangazenyi, na ndakudae sehemu ikoo katika kira, basi muwi gwako dimawaka sawa na taa iwiakaga na kufunya mwangaza kwenyu."³⁷Achameria kuaria, Farisayo wamualikie akaje vindo nyumbenyi kwake, na ye Jesu akangia ndenyi na kuka andu amweri nawo. ³⁸Na mafarisayo washangaie kwa jinsi ambavo ndanawie kwanza kabla ya vindo va kwenyi.³⁹Ela Mzuri akawagoria, "Inyo mafarisayo mdaogesha shigadi ya vikombe na bakuli, ela ndenyi yenyu mwachua tamaa na gagazamie. ⁴⁰Inyo wandu msadae teganyi, Je ye aumbie shigadi ndaumbie na ndenyi pia? ⁴¹Wanekenyi masikini ghekoo ndenyi, na malago ghose dimaghaka gaelie kwenyu.⁴²Ela ole wenyu mafarisayo, kwani mdafunya zaka ya mnanaa na mchicha na kila aina ya mboga ya bustani. Ela mwasiga malago ga hachi na kumkunda Mlungu. Ni muhimu nanganyi kubonya gakoo ga hachi na kumkunda Mlungu, bila kusiga kubonya na ago gamwi pia.⁴³Ole wenyu mafarisayo, kwa wuja ndakundi kuka katika vifumbi va imbiri msinagoginyi na kulamsigwa kwa salamu ra heshima chetenyi. ⁴⁴Ole wenyu, kwani mdafwana na makaburi gasadae alama ambayo wandu hugenda igu yake pasipo kumanya."⁴⁵Mwalimu umweri wa sheria ra kiyahudi wamjibie na kumgoria, "mwalimu, uchidedaga chidadiudhi pia isi." ⁴⁶Jesu akadeda, "Olewenyu, walimu wa sheria! kwani mdawaneka wandu mizigo mibaha wasadimaa kuidwa, ela inyo ndamwadaa mizigo iyo hata kwa imweri ya vala venyu.⁴⁷Ole wenyu, kwa sababu mdagha na kuwika kumbukumbu makaburinyi ga walodi ambawo wabwagieni waka awu wenyu. ⁴⁸Huwo inyo mwashuhudia na kukubaliana na chagu wachibonyie waka awu wenyu, kwa sababu hakika wawabwagie walodi ambawo mdaga kumbukumbu katika makaburi gawe.⁴⁹Kwa sababu iyo pia, hekima ya Mlungu idadeda, "Dimanawatumia walodi na mitume nawo dima wawatesa na kuwabwaga baadhi yawe. ⁵⁰Kivazi ichi dima chawajibika kwa baga yawalodi wabwagie tangu kuwoka kwa dunia, ⁵¹Kufuma baga ya Abeli hadi baga ya Zakaria, wawabwagie gadigadi ya madhabahu na patakatifu. Hee, ndawagoria inyo, kivazi ichi dimachawajibika.⁵²Ole wenyu wa sheria ra kiyahudi,kwa sababu mwawusa funguo ra tegenyi; inyo weni ndamungiaa, na waja wakundii kungia mdawazuia."⁵³Baada ya Jesu kungia aja, Waandishi na mafarisayo wampingie na kubishana na ye igu ya malago mengi. ⁵⁴Wakigeria kumnasa kwa madedo gake.

¹Kwa makati ago, maelfu mengi ga wandu wakwana andu amweri, kiasi cha kuwona kuwadiana, akawoka kudeda na wanafunzi wake kwanza, "kihadharinyi na adhabu ya mafarisayo ambayo ni unafiki."²Na ndakuka na kiviso chikivise ambacho ndachifunukulwaga, wala ilago jivisiwe ambajo ndajimanyikanaga. ³Na jojose mjidedie katika kira, dimajasikirwa katika mwangaza. Na gogose mgadedie kudunyi ndenyi ya vumba venyu va ndenyi virugiwe ndenyi ya vumba venyu va ndenyi virugiwe dimagatangazigwa igu ya paa ja iwacha.⁴Nawagorienyi amwedu wapwa, msaboe waja waubwagaga muwi na kisha ndawadee kilambo chimwi cha kubonya, ⁵Ela dimanamionya ambae dimamwamboa. Mboenyi uja ambae baada ya kuka wabwaga, ako na mamlaka ga kudaga jehanamu. Hee, ndawagoria inyo, mboenyi uyo.⁶Je shamoro wasanu ndawadagwaa kwa sarafu iwi? hata huwo ndakudae hata umweri wawe aliwagwa imbiri ra Mlingu. ⁷Ela mmanye kuwa, njwi ra vongo venyu vataligwa. Msaboe. Inyo ni wathamani mbaha kuliko shomoro wengi.⁸Ndawagoria, wowose anikiri nyi ra wandu, mvalwa wa Adamu dimawamkiri imbiri ra malaika wa Mlungu. ⁹Ela wowose anikanaga imbiri ra wandu na ye dimawkwana imbiri ya malaika wa Mlungu. ¹⁰Wowose adedaga idedo jizamie igu ya mvalwa wa Adamu, dimawasamehewa, ela wowose amkufuru Ngolo wa kuela, ndasamehewa.¹¹Wachawagenja imbiri ra wabaha wa masinagogi, watawala, na weni mamlaka, msaboe igu ya ago na namna ya kudeda katika kukitetea au indoi dimamwachideda, ¹²kwa wuja ngolo wa kuela dimawanifundisha namna mdedaga kwa makati ago."¹³Mundu umweri katika ikusanyiko ukamgoria, "mwalimu, mgorie mmbari wapwa aniwagie sehemu ya upalo gwapwa." ¹⁴Jesu wamjibie, ni ani waniwika kuka mwamuzi na mpatanishi kati yenyu? ¹⁵Niko akawagoria, kihadharinyi na kila namna ya tamaa, kwa sababu binana ya mundu ndaiko katika wingi gwa vilambo akonavo."¹⁶Jesu akawagoria mfwano, akideda, mbuwa ya mundu umweri tajiri javae nanganyi, ¹⁷na akakikotia ndenyi yake, akideda, dimanabonya wada kwani sidae andu kwa kuhifadhi mazao gapwa? ¹⁸Akadeda, dimanabonya huwu. Dimanachukanya kai rapwa ndini na kuga ikoo mbaha, na kugaifadhi mazao gapwa gose na vilambo vimwi. ¹⁹Dimanaigoria nafsi yapwa, "Nafsi, wakiwikia akiba ya vilambo vingi kwa mirongo mingi. Sogoka, uje, unywe na kustarehe."²⁰Ela Mlungu akamgoria, ewe mundu mkelu, kio cha linu wadakundi ngolo kufuma kwako, na vilambo vose aviandalie dimavaka indoi? ²¹Niko dimayaka kwa kila mundu akiwikiaga mali na si kukitajirisha kwa ajili ya Mzuri.²²Jesu akawagoria wanafunzi wake, kwa huwo na wagoria msahofu igu ya maisha genyu -- ya kuwa dimamwaja indoi angu ya miwi yenyu - ya kuwa dimamwarwa indoi. ²³Kwa wuja maisha ni zaidi ya vindo, na muwi ni zaidi ya mavazi.²⁴Guwenyi wanyonyi wa angenyi, ndawalimaa wala ndawakwashaa. Ndawadae chumba wala kaiya kuhifadhia, ela Aba wenyu huwajisa. Inyo si bora zaidi kuliko wanyonyi! ²⁵Ni uyao kati yenyu ambae akakigaisha adimaga kuchuria dhiraa imweri katika maisha gake? ²⁶Ikika basi ndamdimaga kubonya icho kilambo kitini chiko rahisi kwa indoi basi kugaga iya ago gamwi?²⁷Guwenyi maruwa -andugamea. Mdagabonyaa kazi wala ndagasokotaa. Ela ndawagoria, hata sulemani katika ugimbikwa gwake gwose ndarwie kama mojawapo ya aga, ²⁸Ngtelo Mlungu hugarwisha nicha manyasi ga kondenyi, ambago linu geko, na ikesho hudagwa modonyi. Je si zaidi dimawamirwisha inyo? inyo wa imani haba!²⁹Msagaye dimamwaja indoi angu dimamwanywa indoi, wala msake na hofu. ³⁰Kwa wuja mataifa gose ga dunia hugagaiya malago ago. Na Aba wenyu adamanya ya kuwa mdahitaji ago.³¹Ela lolenyi ufalme gwake kwanza, na ago gamwi dimamwazidishwa, ³²Msaboe, inyo ikundi tini, kwa sababu Aba wenyu adaboiwa kuwaneka inyo ugo ufalme.³³Dangenyi mali renyu mkawaneke masikini, mkibonyie mifuko isishiwaa__hazina ya mbingunyi isakoma, andu ambako wating'a ndawakaribiaga wala nondo ndaidimaga kunona. ³⁴Kwa wuja andu kuko hazina yako, niko na ngolo yako ichaka.³⁵Nguwo renyu ndacharike rafungwe kwa mkanda, na taa renyu rikakikishwe kuwa ridaendelea kuwaka, ³⁶na mke sa wandu wamguwaga Mzuri wawe kufuma gondenyi ya arusi, ili kwamba akacha na kukaba hodi, dimawamruguria mjango kwa karuwa ruwa.³⁷Wabarikiwa waja watumishi, ambawo Mzuri dimawawadoka weko meso. Hakika dimawafunga nguwo yake ndacha kwa mkanda, kisha dimawawaketisha ndonyi kwa vindo, na kisha kuwa tawaria. ³⁸Ngelo Mzuri imawacha kwa zamu ya kawi uagulinzi, na kuwadoka wakika tayari, dima yaka heri kwa awo watumishi.³⁹Zaidi ya ago, mmanye iji, ngelo mzuri mweni iwacha kumachawaichi saa ambayo mting'a adacha, kumachandaruhusu iwacha jake jichukawe. ⁴⁰Kenyi tayari pia kwani ndamuichi ni makati ki mvalwa wa Adamu dimawawuya.⁴¹Petro akadeda, 'Mzuri, udadigoria isi weni ihi mifwano, angu udamgoria kila mundu? ⁴²Mzuri akawagoria, "Ni ani mtumwa mwaminifu angu mweni hekima ambae Mzuri wake dimawamwika igu ya watumishi wamwi ili awaneke vindo vawe kwa makati mwafaka? ⁴³Wabarikiwa mtumishi uja, ambae Mzuri wake akicha dimawamdoka akibonya gaja walagizwa. ⁴⁴Hakika ndawagoria inyo ya kuwa dimawamwika igu ya mali yake yose.⁴⁵Ela mtumishi uja akideda moyoni mwake, "Mzuri wapwa adachelewa kuwuya; huwo akawoka kuwakaba waja watumishi wa kiwomi na wakiwaka, kisha akawoka kuja, kunywa na kulewa, ⁴⁶Mzuri wake uja mytumwa dimawacha katika maruwa asategemea na saa asaimanyaga, na yedimawachamdema viwande na kumwika andu amweri na wasako waaminifu'⁴⁷Mtumishi, amanyaga mapenzi ga Mzuri wake, na ye ndakiandalie wala ndabonyie sawa sawa na mapenzi gake, dimawakabwa viboko vingi. ⁴⁸Ela mtumishi asamanyaga mapenzi ga Mzuri wake, ela akabonya gasastahilii adhabu, dimawakabwa viboko vitineri. Kwa wuja ye wanekiwe vingi, hulawiwa kufuma kwake, na ye waaminiwe kwa vingi, kwake dimavaliwiwa vingi nanganyi.⁴⁹Nacha kuwasha modo dunienyi, na ndamtamani uke wawaka kala, ⁵⁰Ela nkona ubatizo ambago ndakubazigwa, na nkona mbazi mpaka ukaka gwakamilika!⁵¹Je mtenganyaa kuwa nacha kureda amani dunienyi? Aa,ndawagorienyi, badala yake naredie mwaganyiko. ⁵²Tangu ijiaha na kuendelea dima kwaka na wandu wasanu katika iwacha jimweri wawaganyika, na wadadu dimawaka kinyume na wawi, na wawi dima waka kinyume na wadadu. ⁵³Dimawawaganyika, aba dimawaka kinyume na mwanake, na mwanake dimawaka kinyume na ndee, mawe dimawaka kinyume na mae, mkeke, na mwai dimawaka kinyume na mkeku wake na ye mkeku dimawaka kinyume na mkeku wapwa wake.⁵⁴Jesu akaka adawagoria makutano pia, "Mara mwanaga wadulu gakifumiria magaribi, mdadeda matuku ga vua gawadia, na niko andu iko, ⁵⁵Na upepo gwa kusinyi gukavuma,. mdadeda, ndima kwaka na kiruke chibirie, na niko andu iko. ⁵⁶Inyo wanafiki, mdadima kutafsiri mwonekano gwa isanga na anga, ela ikakawada ndamdimaga kutafsiri makati ambago geko?⁵⁷Ni kwa indoi kila umweri wenyu asapambanue jiko sahihi kwake kujibonya makati ambapo angalia na nafasi ya kubonya huwo? ⁵⁸Maana mkagenda na mkisa wako imbiri ya hakimu, kitahidi kukatana na mkisawako mungali bado mko chienyi asache kugenja kwa hakimu, na hakimu akakugenja kwa ofisa, na ofisa akakudaga gerezanyi. ⁵⁹Ndakugoria, ndufumaga uko hadi washana mpaka senti ya mwisho.

¹Kwa makati agho gheni, kurikogho na baadji ya wandu wamtaarifie ighu ya wagalilaya ambawo Pilato wawabwaghie na kuchanganya bagha yawhe na sadaka rawhe ²Jesu wajibie na kuwaghoria, "je mdadhani kuwa wagalilaya awa akogho na zambi kuliko wagalilaya wamwi wose nio maana wapatwa ni mabaya agho ³Aa, ndawaghoria, ela ngelo ndamkundi kutesiwa zambi renyu, na inyo dimamwaangamia waruwo huwo.⁴Angu waja wandu kumi na nane katika siloamu ambawo mnara wagwie na kuwabwagha, mdateganya wo wakogho weni zambi nanganyi kuliko wandu wamwi katika Yerusalemu? ⁵Aa, nyi nadeda,elaengo ndamkundi kutesiwa zambirenyu,inyo wose pia dimamwaangamia.⁶Jesu wawaghoria mfwano ughu,"Mundu umweri wako na mtinyi wawalwa katika mbuwa yake na waghendie kuloka matunda ighu ytake elanda patie. ⁷Akamghoria mtunzabustani, Guwa, kwa mirango adadu nacha na kugheria kuloka matunda kweni mtinyi ughu ela sipatie.Uudeme kwani urede unonefu wa ndoe?⁸Mtunza bustani wajibie na kudeda,'usighe mrogho ughu ili nighupalilie na kuwika mbolea ighu yake ⁹Ngelo ukiva matunda mrongo uchagha, ni vema; ela ngelo ndauvae, ughudeme.!"¹⁰Idana Jesu wakogho akifundisha katika mojawapo ya msinagogi makati gha sabato. ¹¹Guwo, warikogho mawe umweri ambae kwa mirongo kumi na nane wakogho na ngolo mchafu wa ghudhaifu,na ye wakogho wapinda na ndadae uwezo kabisa ghwa kuka kimsi.¹²Jesu achamwona, wamwangie, "Mawe, wawikwa hurukufuma udhaifunyi wako." ¹³Akawika mikono yake ighu yake, mara muwi ghwake ghuka kighaghoa na akamtogola mlungu. ¹⁴Elambaha wa isinagogi wawonie virea kwa sababu Jesu wakogho wamkira maruwa gha sabato .Hawo mtawala wajibie akawagharia makutano 'kuko maruwa sita ambagho ni lazima kubonya kazi. Chonyi kukirwa basi, sikatika maruwa gha sabato.¹⁵Mzuri wamjibie na akadeda, 'Wanafiki ! Ndakudae kila umweri wenyu kurughua punda wako angu ng'ombe kufuma zizinyi na kuwalongoza kumghenja kunywa maruwa gha sabato? ¹⁶Huwo pia mwai wa Abrahamu, ambao shetani wamfunga kwa mirongo kumi na nane, je ndaimpasie kifungo chake chisarughuriwe maruwa gha sabato.¹⁷Warikogho akideda madedo agho, waja wase wampigie wawonie whaya, bali makutano wase wa wamwi washagilia kwa ajili ya malagho gha ajabu aghabonyie.¹⁸Jesu akodeda, 'ufalme ghwa mlungu u dafwanana indoi, na nadimagha kuulinganisha na indoi? ¹⁹Ni sambeu ya haradali aiwusie mundu umweri na kuiwa mbuwenyi kwake, na ikamea ikaka mdi mbaha, na wanyonyi wa mbingunyi wakaa gha viota vawhe katika marembwe ghake.²⁰Sena akadeda, 'Niufwananishe na indoi ufalme ghwa mlungu? ²¹Ni sa chachu ambayo mndumka waiwasie na kuchanganya kwenye vipimo vidadu va mufu hata ghakaumaka."²²Jesu watembee kila mzi na kijiji chienyi akielekea yerusalemu nakuwafundisha. ²³Mundu umweri akakotia, 'Mzuri, ni wandu wa tineri tu, watesiwagha?" Huwo akawagoria, ²⁴'Kitahidi kungia kwa kuidia mjango mfinya, kwa sababu wengi dimawagheria na ndawa dima gha kungia.²⁵Mara baada ya mmiliki wa iwacha kukakimsi na kurugha mjango, basi dimamwakakimsi shighadi na kukaba hodi mjangonyi na kudeda, Mzuri, Mzuri, dirughurie ye dimawajibu na kuwaghorie, siwaichi inyo wala andu mfumaa,' ²⁶Niko dimamwadeda, Dajie na kunywa imbiri yako na we wafundishie katika mitaa yedu." ²⁷Ela ye dimawamjibu, "nawagoria, siwaichi andu mfumaa, ingenyi kwapwa, inyo wabonya gazamie!'²⁸Dima kwaka na kifwa na kusaga magego makati mchawawona Abrahamu, Isaka, Yakobo na walodi wose katika ufalme gwa Mlungu, ela inyo weni mwadagwa shigadi. ²⁹Dimawafika kufuma mashariki, magaribi, kaskazini na kusinyi, na kusogoka katika meza ya vindo va wenyi katika ufalme gwa Mlungu. ³⁰Na manya iji, wamwisho ni wa kilindiri na wakilindiri dimawaka wa mwisho."³¹Muda mvui baadae, baadhi ya Mafarisayo wa chee na kumgoria, "Genda na fuma aha kwa sababu Herode adakundi kukubwaga." ³²Jesu akadeda, "Gendenyi mkagorie uja koshi wa isakenyi, guwa, ndawabingisa pepo na kubonya ukiraji linu na ikesho, na maruwa ga kadadu dimanatimiza ilengo japwa. ³³Katika hali yoyose, ni muhimu kwa ajili yapwa kuendelea linu, ikesho, na maruwa ganugiriaga, kwa wuja ndaikubaliaga kubwaga mlodi kula na Yerusalemu.³⁴Yerusalemu, Yerusalemu, ani adawabwaga walodi na kuwakaba magwe waja wadumiwe kwenyu. Mara ilaga nakundige kuwawika andu amweri vifaranga vake ndonyi ya mbawa rake, ela ndamjikundie iji. ³⁵Guwa, iwacha jako jatelekezwa. Na nyi ndawagoria, ndamdimaga kuniwona hata mkadachadeda "Wabarikiwa uyo achaga kwa irina ja Mzuri."

¹Yafumirie maruwa ga sabato, warikogo akigenda nyumbenyi kwa umweri wa vilongozi wa Mafarisayo kuja mkate, na wo wakogo wakimchunguza kwa avui. ²Guwa, aja imbiri yake wakogo mundu ambae adagaishwa ni uvimbe. ³Jesu wawakotia wataalamu katika sheria ya wayahudi na mafarisayo, "Je, ni halali kumkira maruwa gha sababto, angu siko?"⁴Ela wo wakogo kimumure, kwa huwo Jesu akamwada, akamkira na kumruhusu agende chia rake. ⁵Na ye akawagoria, "Ni ani kati yenyu ambae akona mwana angu ng'ombe adadimia kisimenyi maruwa ga sabato ndamrudaa shigadi mara imweri?" ⁶Wo ndawaridaege uwezo gwa kufunya ijibu kwa malago aga.⁷Makati Jesu wachagundua jinsi waja wakiliwe kwamba wasagua vifumbi va heshima, akawagoria mfwano, akiwagoria, ⁸"Makati mkaalikwa na mundu arusinyi, usake katika nafasi ra heshima, kwa sababu idadi mikana waalikigwa mundu ambae ni wakuheshimiwa nanganyi kuliko we. ⁹Makati mundu wawaalika inyo wawi akafika, dimawakugoria we, "mbarie mundu uyu nafasi yako," na kisha kwa waya dimawawoka kuwusa nafasi ya mwisho.¹⁰Ela we ukaalikwa, genda ukake andu kwa mwisho, ili makati uja akualikie akicha, adime kukugoria we, "Amwedu, genda imbiri nanganyi." Niko dimawaka waheshimika imbiri ya wose wakee andu amweri na we mezenyi. ¹¹Kwa maana kila akiwezaga dimawaserigwa, na ye akiseraga dimawakwezwa.'¹²Jesu pia wamgoria mundu wamua likie, 'andu ufunyaga vindo va dime angu kwenyi, usawaalike amwedu wako angu wambari wako angu jamaa rako angu majirani wako matajiri, ili kwamba wo wasache wakakualika we ukapata malipoi.¹³Badala yake, ukabonya genda, waalike maskini, vilema, wasagendaa na wasawonaa, ¹⁴na we dimawabarikiwa, kwasababu ndawadimaga kukushana. Kwa maana dimawasha nigwa katika ufufuo wa weni hachi."¹⁵Makati amweri wa waja wakee mezenyi andu amweri na Jesu wachasikira agho, na ye akamgoria, "Wabarikiwa uja ajaga mkate katika ufalme gwa Mlungu!" ¹⁶Ela Jesu akamgoria, "Mundu amweri waandalie gonda mbaha, akaalika wandu wengi. ¹⁷Makati gonda ichaka tayari, wadumie mtumishi wake kuwagoria waja waalikiwe, "chonyi, kwa sababu vilambo vose vasia kuwikwa kala.k'¹⁸Wose, wawokie kulomba radhi. Wa kilindiri akamgoria mtumishi, 'Nagua mbuwa, lazima nigende kuiwona. Tafadhali unisamehe.' ¹⁹Na umwi akadeda, "Naguwa jozi isanu ra ng'oombe, na nyi ndagenda kuwageria. Tafadhali uniwie radhi.' ²⁰Na mundu umwi akadeda, "Nalowua mka, kwa huwo sidimaa kucha.'²¹Mtumishi akawuya na kumgoria Mzuri wake malago ago. Uja mweni iwacha wawonie virea akamgoria mtumishi wake; genda karuwa ruwa mitaenyi na katika duchochoro dwa mzi ukawarede aha maskini, vilema, wasawonaa na walemavu." ²²Mtumishi akadeda, 'Mzuri ago ulagizie gabonyeka, na hata ijiaha kuko nafasi.'²³Mzuri akawagoria mtumishi, ;'Genda katika chia mbaha na duchochoro na uwashurutishe wandu wangie, ili iwacha japwa jichue. ²⁴Kwa maana ndawagoria, katika waja waalikwe wa kilindiri ndakudae atoagha gonda yapwa. '²⁵Idana umati mbaha wakogo wadagenda andu amweri nae, na ye akaaguka na akawagoria, ²⁶Ngelo mundu akicha kwapwa na ye ndamzamiwaga ndee, mae, mkake, wanawake, wambari wake wami na wanduwaka- Hee, na hata maisha gake pia -ndadimaa kuka mwanafunzi wapwa. ²⁷Mundu asawusaa msalaba gwake na kucha nyuma yapwa ndadimaa kuka mwanafunzi wapwa.²⁸Maana ni ani kati yenyu, ambae adatamani kuaga mnara ndaka kwanza akadirie garama kwa mitalo kama akona chijajii ili kukamilisha ijo? ²⁹Vinginevyo, baada ya kuwika misingi na kulemwa kumeria, wose wawonie dimawawoka kumdhihaki, ³⁰Wakideda, mundu uyu wawokie kuaga, akaka ndadae ndigi ra kumeria.'³¹Angu mgimbikwa uyao, akakunda kugenda kukabana na mgimbikwa umwi katika kondo, ambae ndakaga ndonyi kwanza na kuwusa ushauri kuhusu ngelo adimaa, andu amweri na wandu elfu ikumi kukabana mgimbikwa umwi achaga igu yake na wandu elfu ishirini? ³²Na ngelo siko, makati ijeshi ja wamwi bado jiko kula, huduma balozi kukunda masharti amani. ³³Kwa huwo basi, wowose kati yenyu ambae ndasigaa vose akoo navo, ndadimaa kuka mwanafunzi wapwa.³⁴Mungu gwaboie, ela ukaka munyu gwa lagasha ladha yake, jinsi iyao idimaa kuka munyu sena? ³⁵Ndagudae matumizi kwa ndoe angu hata kwa mboplea. hudagwa kula. Ye akona madu ga kusikira, na asikire."

¹Basi wawada ushuru wose na wamwi weni zambi wachee kwa Jesu na kumsikira. ²Mafarisayo wose na waandishi wanung'unikie wakideda, "mundu uyu huwakaribisha weni zambi na hata huja nawo."³Jesu akadeda mfwano ugu kwakwe, akideda ⁴"Ani kwenyu, ngelo akona ng'ondi mia imweri na akilagashigwa na umweri wawe, ndawasigaa waja tisini na kenda nyikenyi, na agende akamlole uja alagarie hata amwone ⁵Naye akampata humwika mabegenyi kwake na kuboiwa.⁶Akafika nyumbenyi, huwawanga amwedu wake na jirani rake akawagoria boiweni andu amweri nanyi, kwa wuja ndampata ng'ondi wapwa alagharie.' ⁷nawagoria woruwo huwo dimakwaka na fuyraha mbingunyi kwa ajili ya mweni zambi umweri atesigwa zambi rake, zambi ya weni hachi tisini na kenda ambawo ndawadae haja ya kutesiwa zambi.⁸Angu kuko mndumka ani mweni sarafu kumi ra fedha, akalagariwa na sarafu imweri, ndawashaga taa na kukwanya iwacha na kulola kwa bidii hata achaipata? ⁹Na akiwona huwanga amwedu wake na jirani rake akawagoria boiwenyi andu amweri na nyi, kwa wuja naipata sena sarafu yapwa nirikogo nailagasha. ¹⁰Hata huwo nawagoria kukona furaha imbiri ya malaika wa Mlungu kwa ajili ya mweni zambi umweri atesigwa zambi umweri atubuye."¹¹Na Jesu akadeda, "mundu umweri wakogo na wana wawi. ¹²Uja mtini akawagoria ndee, aba nneke sehemu ya mali ini stahilii kuipata. Huwo akawagia mali rake kati yawe.¹³Maruwa si mengi ujamtini akawika andu amweri vose amilikii akagenda isanga ja kula, na uko watapanyie magome gake, kwa gula vilambo asavihitaji, na kutapanya fedha rake kwa anasa. ¹⁴Na yewarikogo wameria kudumia vose njala mbaha yangie isanga jija na ye akawoka kuka katika uhitaji.¹⁵Akagenda na kukiajiri mweni wa raia wa isanga jija, na ye wamgenjie mbuwenyi kwake kujisia nguwe. ¹⁶Na akaka akitamani kukidisha kwa makanda wajie nguwe kwa sababu ndakudae mundu wamnekie kilambo chochose apate kuja.¹⁷ela uja mwamtiini wachamaziria moyonyi kwake, wadedie "ni watumishi alinga wa aba nyi niko aha, ndafwa na njala! ¹⁸Dimanainga na kugenda kwa Aba wapwa, na kumgoria, " Aba nawowa igu ya mbingu na imbiri ya meso gako. ¹⁹Sistahili kuwangwa mwanakwo sena; nibonye kama umweri wa watumishi wako."²⁰Niko akainga akagenda kwa ndee. Warikogo angali kula ndee wamwonie akamwonia mbazi akakaba isenge na kumkumbatia na kumbusu. ²¹Uja mwana akamgoria, "Aba nawosa igu ya mbingu na imbiri ya meso gako sistahili kuwangwa mwanako.'²²Uja Aba wawagoria watumishi wake, 'jiredenyi kuruwa ruwa ivazi jikoo bora, mkamrwishe mkumbenyi na pete cha lanyi na vadu magunyi. ²³Kisha mredenyi ndama uja anonie mkamchienje dije na kuboiwa. ²⁴Kwa wuja mwanapwa wakogo wafwa na ye ako hai. Wakogo walagaya nae wawonekaa wakoka kushangilia.²⁵Basi uja mwanake mbaha wakogo mbuwenyi. Warikogo akicha na kuikaribia nyumba wasikire sauti ya chumbo na misarigo. ²⁶Akawanga mtumishi umweri akamkotia malago aga maana yake ni indoi? ²⁷Mtumishi akamgoria mtini wako wacha ndeo wamchinjia ndama anonie kwa sababu wawuya salama.'²⁸Mvalwa mbaha akawona virea akalega kungia ndenyi na ndee wafumie shigadi kumsihi. ²⁹Ela wamjibie ndee akideda, 'Guwa, nyi nakudumikia kwa mirongo mingi, wala sisowie amri yako, ela nduninekie mwana mburi, ili ili nidime kusherekea na amwedu wapwa. ³⁰Ela achacha uyu mwanako watapanyie mali yako yose andu amweri na makahaba wamchinjia ndama wawonie.³¹Aba akamgoria, "mwanapwa, we uko andu amweri nanyi maruwa gose na vose niko navo ni vako. ³²Ela yakogo vena kwedu kubonya gonda na kuboiwa, uyu mmbari wako wakogo wafwa, na ijiaha ako hai; wakogo walagaya na ye wawonekaa."

¹Jesu wawagoria sena wanafunzi wake, "Kurikogo na mundu umweri tajiri warikogo na meneja, na wataarifiwe ya kwamba meneja uyu adatapanya mali rake. ²Huwo tajiri akamwanga, akamgoria, "Ni indoi ihi niisikiraga igu yako? funya mitalo ya umeneja gwako, kwa wuja ndudimaa kuka meneja sena.'³Uja meneja akadeda moyonyi kwake, Nibonye indoi, maana Mzuri wapwa adanijia chagu chapwa cha umeneja? sidae ndigi ra kulima, na kulomba ndawona waya. ⁴Ndaichi ambajo dimanabonya ili nichainjigwa katika chagu chapwa cha uwakili wandu wanikaribishe nyumbenyi kwawe.⁵Huwo wakili akawanga wasile wa Mzuri wake kila umweri akamgoria wa kilindiri;udalawiwa kiasi ki na Mzuri wapwa? ⁶Akadeda vipimo mia imweri va mavuda akamgoria 'wusa hati yako ka karuwa ruwa andika hamsini.' ⁷Kisha akamgoria umwi na we udalawiwa kiasi ki?' akadeda' vipimo mia imweri va mufu va ngano.' Akamgoria 'wusa hati yako andika themanini.'⁸Uja Mzuri akimsifu meneja dhalimu kwa wuja abonyie kwa werevu. Kwa wuja wana wa urumwengu uhu ni werevu nyingi na hushuhulika kwa gujanja na wandu wa luwande lwake kuliko wakoo wana wa nuru. ⁹Na nyi nawagoria kibonyieni amwedu kwa mali ya udhalimu ili ikasowekana wawakaribishe katika makao ga kala na kala.¹⁰Akoo mwaminifu katika jikoo tinyi nanganyi huka mwaminifu katika jikoo baha pia. na akoo dhalimu katika jikoo tinyi huka dhalimu katika jikoo ibaha pia. ¹¹Ngelo inyo ndamkogo waaminifu katika maliya udhalimu ni ani achwaamini katika mali ya loli? ¹²Na ngelo ndamkogo waaminifu katika kudumia mali ya mundu umwi ni ani awanekaa ikoo yenyu weni?¹³Ndakudae mtumishi adimaga kudumikia wazuri wawi, kwa maana dimawamzamiwa umweri na kukmkunda umwi, ama dimawawadana na uyu na kumzarau uyu. Ndamdimaga kumdumikia Mlungu na mali."¹⁴Basi Mafarisayo, ambao wakogho wadakunda fedha waghasikira agha ghose na wamdhihakie. ¹⁵Na akawaghoria,"Inyo nio mkidaii hachi imbiri ya wadamu huka ichukizo imbiri ra mlungu.¹⁶Sheria na walodi varikogho mpaka Yohana achacha. Tangu makati agho, habari riboie ra ufalme ghwa Mlungu hutangazwa, na kila mundu hugheria kukikumba kwa ndighi. ¹⁷Ela ni rahisi kwa mbingu na isanga vitoweke kuliko hata herufu imweri ya sheria isowekane.¹⁸Kila msighagha mkake na kumlowua mka umwiazini, naye amlowaaa ye wasighiwe ni mumiwake azini.¹⁹Kurikogho na mundu umweri tajiri warwie nguwo ra rangi ya zambarau na kitani chielie na wakogho akifurahia kila muruwa utajiri ghwake mbaha. ²⁰Na maskini umweri irini jake Lazaro wawikiwe igetinyi kwake,na akona vonda. ²¹Naye wakogho akitamani kughudishwa kwa makombo ghagwie katika meza ya uja tajiri hata makoshi wakacha wakamlonda vonda vake.²²Ikaka uja masikini wafwie na akawasighwa ni Malaika mpaka kifuenyi kwa Ibrahimu.Uja tajiri nae akafwa akarikwa. ²³Na kuja kuzimunyi akika katika mateso wagha nua meso ghake akamwona Ibrahimu kwa kula na Lazaro kifuenyi mwake.²⁴Akalila akadeda,'Aba Ibrahimu,niwonie mbazi umdume Lazaro achove ncha ya chala chake machinyi, auburudishe lumi lwapwa; kwa sababu ndatesighwa katika modo ughu.²⁵Ela Ibrahimu akadeda,"Mwanapwa kumbuka ya kwamba katika maisha ghako waghawokera malagho ghako ghaboie, Lazaro vivyo wapatie ghazamie. Ela idana weko aha adafarajiwa na we udaumizwa. ²⁶Na zaidi ya agho, kwawikighwa ishimo ibaha na ndacha kati yedu, ili waja wakundii kufuma uku kughenda kwenyu wasadime wala wa wandu wa kwenyu wasaluwuke kucha kwendu.²⁷Uja tajiri akadeda,"Ndakulomba Aba Ibrahimu, kwamba umdume nyumbenyi kwa abawapwa. ²⁸kwa wuja nkonawo wambari wasanu ili awakashe,kwa hofu kwamba wo pia dimawacha andu aha pa mateso.

¹Jesu akawagoria wanafunzi wake, "Malago ga sababishaga wandu wabonye zambi ndagadae budi kufumiria, ela olewake mundu agasababishaga! ²Kumacha yaka heri ngelo mundu uyo akarugiwa igwe izito ja kusagia singoni na kudagwa baharinyi, kuliko kumbonya umweri wa awawatinyi abonye zambi.³Kilindenyi. Ngelo mmbari wako akakusea mkashe, na ye akatubu msamehe. ⁴Ngelo akakusea mara saba kwa iruwa jimweri na mara saba kwa iruwa jimweri akacha kwako akideda, ndatubu, "msamehe!"⁵Mitume wake wakamgoria Mzuri, "Dichurie imani yedu." ⁶Mzuri akadeda, "Ngelo kumacha imani sa mbunje ya haradali, kumacha mwadima kuugoria mdi ugu gwa mkuyu, ng'oka na ukabuke baharinyi,' nao kumacha wamtii.⁷Ela ani miongonyi kwenyu ambae akona mtumishi aliamaga mbuwa angu ajisaga ng'ondi, dimawagoria akawuya mbuwenyi, cho karuwa ruwa na ka uje vindo? ⁸Je ndamgoriaga, "Niandalie vindo nije, na kifunge mkanda na unidumikie mpaka nichameria kuja na kunywa. Baada ya aho dimawaja na kunywa?⁹Ndamshukuru mtumishi uyo kwa sababu watimiraga gaamriwe? ¹⁰Woruwo huwo nainyo mkameria kubonya mulagiziwe dedenyi "Isi da watumishi distahili. Dabonya tu gaja dapasiwe kubonya.'¹¹Yafumirie kwamba warikogo akibonya charo kugenda Yerusalemu, waidie mwanonyi kwa samaria na Galilaya. ¹²Warikogo akingia katika kijiji chimweri, uko wakwane na wandu ikumi wakogo na ukoma. Wakakimsi kula. ¹³Wakafunya sauti wakadeda "Jesu, Mzuri diwonie mbazi."¹⁴Achawawona akagoria, "Gendenyi mkakibonyirie kwa makuhani." nawo warikogo wakigenda wakaelewesha. ¹⁵Umweri wawe wacha wona kwamba waboa, akawuja kwa sauti mbaha akimsifu Mlungu. ¹⁶Akaba magoti magunyi kwa Jesu akamshukuru. Ye wakogo msamaria.¹⁷Jesu wajibie, akadeda, 'Je ndawaeleshike wose ikumi? wako hao waja wamwi kenda? ¹⁸Ndakudae hata umweri wawonekanie kuwuya ili kumtukuza Mlungu, isipokuwa uyu mgenyi?" ¹⁹Akamgoria, "Wukia na ugende chia rako imani yako yakurira."²⁰Wachakotiwa ni mafarisayo ufalme gwa Mlungu dimagwacha li, Jesu wawajibie akideda, "Ufalme gwa Mlungu sio kilambo ambacho chadimaga kuwonekaa. ²¹Wala wandu ndawachadeda, "Angalia aha! 'angu, 'Angali kuja!' kwa maana ufalme gwa Mlungu uko ndenyi yenyu."²²Jesu akawagoria wanafunzi wake, "Makati dimagafika ambapo dimamwatamani kuiwona imweri ya maruwa ga mvalwa wa Adamu, ela ndamuiwonaga. ²³Dimawawagoria, 'Guwa, kuja! guwa, aha! ela msagende kuguwa, wala kuwanuga, ²⁴Sa umeme gwa radi umulikaga katika anga kuwoka luwande lumweri hata lumwi. Huwo ata mvalwa wa Adamu dimawaka huwo katika maruwa gake.²⁵Ela kwanza dimayampasa kuteseka katika malago mengi na kulegwa na kivazi ichi. ²⁶Ngelo irikogo maruwa ga Nuhu, niko dimayaka katika iruwa ja mvalwa wa Adamu. ²⁷Wajee, wanywee, wakilowua na kulowulwa mpaka iruwa jija ambajo Nuhu wachangia katika safina na igarika jikacha na kuwaangamiza wose.²⁸Ndivyo ikogo maruwa ga Lutu, wajie, wanywie, wakiguwa na kudaga, kulima na waagie. ²⁹Ela iruwa jija Lutu wachainga sodoma, ikanya vua ya modo na kibiriti kufuma mbingunyi ikawaangamiza wose.³⁰Huwo niko dimayaka iruwa jija ja mvalwa wa Adamu achafunukulwa. ³¹Iruwa ijo, usamruhusu akoo idarinyi ja iwacha asee kuwusa bidhaa rake ndenyi ya iwacha. Na usamruhusu akoombuwenyi kuwuya mzinyi.³²Mkumbuke mka wa Lutu. ³³WOwose ageriaga kugatesia maisha gake dimawagalagasha, ela wowose agalagashaga maisha gake dimawagatesia.³⁴Ndakugoria, kio icho dimakwaka na wandu wawi katika kitanda chimweri. Umweri dimawawusigwa, na umwi dimawasigwa. ³⁵Dimakwaka na wandu waka wawi wadasaga na faka andu amweri, umweri dimawawusigwa na umwi dimawasigwa."³⁷Wakamkotia,'' weko hao,Mlungu?''Akawagoria ,''aja gukomzoga Niko tai,wakusanyikana kwa Andu kumweri.''

¹Kisha akawagoria mfwano gwa namna wapaswaa kutasa daima, na wasakate tamaa. ²Akadeda, 'Kurikogo na hakimu katika mzi fulani, ambae ndakogo akimboa Mlungu na ndaweshimie wandu.³Kurikogo na mkolo katika ijiji ijo, na ye wamgendia mara nyingi, akideda. Ntawarie kupata hachi dhidi ya mpinzani wapwa.' ⁴kwa muda mlacha ndakogo tayari kumtawaria, ela baada ya muda akadeda mayonyi kwake,' Ingawa nyi siboaga Mlungu angu kuheshimu mundu, ⁵ela kwa wuja uyu mkolo adanigaisha dimanamtawaria kupata hachi yake, ili asache kunikojesha kwa kuni chea mara kwa mara."⁶Kisha Mzuri akadeda, 'sikira andu wadedie uyo hakimu dhalimu. ⁷Je Mlungu pia ndachareda hachi kwa wateule wake ambawo wadamlilia dime na kio? Je, ye ndakaga mririmiri kwawe? ⁸Nawagoria kwamba dimawareda hachi karuwa ruwa Ela makati mvalwa wa Adamu achacha, Je, dimawadoka amani dunienyi?⁹Niko akawagoria mfwano ugu kwa baadhi ya wandu ambawo wadakiwona weni kuwa weni hachi na kuwamenya wandu wamwi, ¹⁰"Wandu wawi wajokie kugenda hekalunyi kusali: Umweri mfarisayo umwi wada ushuru.¹¹Farisayo akakimsi katasa malago aga igu yake mweni, 'Mlungu, ndakushukuru kwa wuja nyi si kama wandu wamwi ambawo ni wanyang'anyi, wandu waseko wadilifu, wazanzi, angu kama uyu mwada ushuru. ¹²Ndafunga mara iwi kwa wiki. Ndafunya zaka katika mapato gose nipataga.¹³Ela uja mwada ushuru, wakeekimsi kula, bila ndadimie hata kunua meso gake mbingunyi, akagonga kifua chake akideda, 'Mlungu, nirehemu nyi mweni zambi.'' ¹⁴Nawagoria, mundu uyu wawurie nyumbenyi akika wataligwa hachi kuliko uja umwi, kwa sababu kila akikwezaga dimawaserigwa, ela kila mundu akinyenyekezaga dimawanuliwa. '¹⁵Wandu wamredia wanawawe wakoho, ili adime kuwawada, ela wanafunzi wake wachawona ago, wakawazuia. ¹⁶Ela Jesu akawawanga kwake akideda, "Wasigenyi wana watini wache kwapwa, wala msawazuie. Maana ufalme gwa Mlungunyi ni wa wandu sa awo. ¹⁷Amini, nawagoria, mundu wowose asawokeraga ufalme gwa Mlungu sa mwana ni dhairi nda ungiaga.'¹⁸Mtawala umweri akamkotia, akideda, 'mwalimu uboie, nibonyei ili niipale banana ya kala na kala?' ¹⁹Jesu akamgoria," kwa indoi udaniwanga niboie? Ndakudae mundu ako aboie, ela Mlungu mwenikeri. ²⁰Udariichi amri- Usazini, usabwage, usauwe, usashuhudie tee, waheshimu ndeo na mayo. ²¹Uja mtawala akadeda,' malago aga gose nagawada tangu nikika ndawana.'²²Jesu achagasikira ago akamgoria, "Wapungukiwa ilago jimweri. Lazima udege vose ukoo navo na uwawage maskini, nawe dimawaka nahazina mbingunyi -kisha cho, uninuge. ' ²³Ela tajiri achasikira ago, wahuzunika nanganyi, kwa sababu wakogo tajiri nanganyi.²⁴Kisha Jesu, akamwona andu wahuzunika nanganyi akadeda, Jinsi ki dimavaka vikurie kwa matajiri kungia katika ufalme gwa Mlungu! ²⁵Maana ni rahisi nanganyi kwa ngamila kuida katika itundu ja sindano, kuliko kwa tajiri kungia katika ufalme gwa Mlungu. '²⁶Waja wasikirege ago, wakadeda, 'Ani basi, adimaga kutesiwa? ²⁷Jesu wajibie, 'malago gasadimikana kwa wadamu kwa Mlungu gadadimikana."²⁸Petro akadeda, 'Naam, isi dasiga kila kilambo na dakunuga we. ²⁹Kisha Jesu akawagoria, Amini, nawagoria kwamba ndakudae mundu wasigie iwacha, angu mka,angu wambari, angu wavazi angu wana, kwa ajili ya ufalme gwa Mlungu. ³⁰Ambae ndawawokeraga mengi nanganyi katika urumwengu uhu, na katika urumwengu uchaga, banana ya kala na kala. '³¹Baada ya kuwawika andu amweri waja kumi na iwi, akawagoria, 'Guwa, didajoka kugenda yerusalemu, na malago gose ambago gaandikigwa na walodi kuhusu mvalwa wa Adamu dimagakamilishwa. ³²Kwa maana dimawakumbwa mikonunyi mwa wandu wa mataifa na dimawabonyiwa dhihaka na jeuri, na kuchuiwa mada. ³³Baada ya kumbuka viboko dimawabwaga na maruwa ga kadadu dimawafufuka. '³⁴Ndawaelewe malago aga, na idedo ijijirikogo javisigwa kwawe, nda ndawaelewe malago gadediwe.³⁵Ikaka Jesu achakaribia yeriko, mundu umweri asawonaa wakogo waka mbai ya bara bara akilomba msaada, ³⁶achasiira umati gwa wandu ukiida wakotie indoi chida fumiria. ³⁷Wakawagoria kwamba Jesu wa Nazareti adaida.³⁸Huwo uja asawonaa akalila kwa sauti, akideda, "Jesu, mvalwa wa Daudi, unirehemu.' ³⁹Waja wakogo wakisela wamkemia uja asawonaa, wakamgoria anyame kima. Ela ye wazidie kulila kwasauti, "mvalwa wa Daudi, unirehemu.⁴⁰Jesu akakimsi akaamuru mundu uja uredwe kwake. Kisha uja asawonaa wachamkaribia, Jesu akamkotia, ⁴¹'Ukundi ni kubonyei?' akadeda, 'Mzuri, ni kundi kuwona.'⁴²Jesu akamgoria, 'upate kuwona. Imani yako yakakira. ' ⁴³Mara hiyo akapata kuwona, akamnuga Jesu akimtukuza Mlungu. Wachawona iji, wandu wose wakamsifu Mlungu.

¹Jesu na kuidia ya Yeriko. ²Na aho kurikogo na mundu umweri awawaga zakayo. Ambae wakogo mbaha wa wawada ushuru sena ni mundu tajiri.³Wakogo adageria kumwona Jesu ni mundu wa namna ki, ela ndadimie kuwona kwa sababu ya umati wa wandu, kwa wuja wakogo mvui wa kima. ⁴Huwo, wakirie isenge imbiri ya wandu, akajoka igu ya mkuyu ili adime kumwona, kwa sababu Jesu wakaribia kuidia chia iyo.⁵Makati Jesu wachafika andu aja, waguwie igu akamgoria, 'zakayo, sea karuwa ruwa, maana linu ni lazima nisinde nyumbenyi kwako.' ⁶Akabonya karuwa ruwa, akasea na kumkaribisha kwa furaha. ⁷Wandu wose wachawona ago, wakalalamika, wakideda, 'wagende kumtembelea mundu mweni zambi.'⁸Zakayo akakimsi akamgoria Mzuri, Guwa Mzuri nusu ya mali yapwa nawaneka maskini, na ikaka namsoka mundu wowose kilambo, dimanamwujia mara ina.' ⁹Jesu akamgoria, 'Linu wokovu gwafika katika iwacha iji, kwa sababu ye pia ni mvalwa wa Ibrahimu. ¹⁰Kwa maana mvalwa wa mundu wacha kulola na kutesia wandu walagarie.¹¹Wachasikira ago, waendelee kuaria na wafunyie mfwano, kwa sababu wakogo avui na Yerusalemu, na wo wadhanie ya kuwa ufalme gwa Nlungu gwakogo avui kuwoneka mara imweeri. ¹²Huwo akawagoria, 'afisa umweri wagendie isanga ja kula ili awokere ugimbikwa na kisha awuye.¹³Wawangie watumishi wake ikumi, akawaneka mafungu kumi akawagoria, 'bonyeni zogori npaka nchawuya.' ¹⁴Ela wanachi wake wamzamiwe na huwo wakaduma wajumbe wagende kumnuga na kudeda, 'Ndadikundi mundu uyu aditawale.' ¹⁵Ikaka achawuya nyumbenyi baada ya kubonywa mgimbikwa, akaamuru waja watumishi wakogo wawasigia fedha wawangwe kwake, apate kumanya faida ki waipatie kwa kubonya zogori.¹⁶Wa kwanza akacha, akadeda, 'Mzuri, ifungu jako jabonya mafungu ikumi nanganyi. ' ¹⁷Uyo afisa akamgoria, vema, mtumishi uboie; kwa sababu wakogo mwaminifu katika ilago tinyi, dimawaka na madaraka igu ya mizi ikumi. '¹⁸Wa kawi akacha, akadeda, 'Mzuri, ifungu jako jabonya mafungu asanu.' ¹⁹Uyo afisa akamgoria, 'Wusa mamlaka igu ya mizi misanu.'²⁰Na umwi akacha, akadeda, 'Mzuri ihi fedha yako, ambayo naichi fadhie salama katika kitambaa, ²¹Kwa maana naboa kwa sababu we wa mundu ubirie. Udainja chija usakiwika na kukwasha usachiwa. '²²Uyo ofisa akamgoria, 'kwa madedo yako mweni, dima nakuhukumu, we mtumishi uzamie. Wamanyie kwamba nyi na mundu nibirie, ndawusa nisakiwikaa na kukwasha ambacho siwae. ²³Basi, mbona nduwikie fedha yapwa katika benki, ili nikawuya niwuse andu amweri na faida?²⁴Ofisa akawagoria wandu wakogo wakakimsi aho, 'msokenyi ijo ifungu na kumneka uja akona mafungu kumi.' ²⁵Wakamgoria, 'Mzuri, ye akona mafungu ikumi. '²⁶Nawagoria, kila mundu ambaye akonacho dimawanekigwa nanganyi, ela ambae ndadae, hata chija ako nacho dimachawusigwa. ²⁷Ela awawalagelage wapwa, ambawo ndakundie nike mgimbikwa wawe, waredenyi aha na kuwabwaga imbiri yapwa."²⁸Baada ya kudeda ago, waendelee imbiri akijoka kugenda Yerusalemu.²⁹Ikaka wachakaribia Bethfage na Bethania, avui na lugongo lwa mizeituni, wawadumie wanafunzi wake wawi, ³⁰akideda; 'Guendenyi katika kijiji cha jirani. Mkangia dimamwamdoka mwana-punda ndajokiwe bado. Mfunguenyi, mkamrede kwapwa. ³¹Ngelo mundu akiwakotia, 'mbona mdamrugua?' dedenyi, "Mzuri adamhitaji. "³²Waja wadumiwe wakagenda wakamwona mwana-punda sa Jesu andu wakogo wawagoria. ³³Warikogo wadamrugua mwana punda wamiliki wakamgoria, 'kwa indoi mdamrugua mwana punda uyu?' ³⁴Wakadeda, 'Mzuri adamhitaji. ' ³⁵Basi, wakamgenjeria Jesu, wakatandika nguwo rawe igu ya mwana punda na wakamjosa Jesu igu yake. ³⁶Warikogo akigenda wandu wakatandaza mavazi gawe barabarenyi.³⁷Warikogo adasea lugongo lwa mizeituni, jumuiya yose ya wanafunzi waanzie kushangilia na kumtukuza Mlungu kwa sauti mbaha, kwa sababu ya malago mabaha wagawonie, ³⁸Wakideda, 'Niye mbarikiwa achaga kwa irina ja Mzuri! Amani mbingunyi, na utukufu lugu!'³⁹Baadhi ya mafarisayo katika mkutano wakamgoria, mwalimu, wanyama kimishe wanafunzi wako. ' ⁴⁰Jesu wajibie, akadeda, 'Nawagorienyi, ngelo awawakanyama kima, magwe dimagapaza sauti.'⁴¹Jesu achagukaribia mzi wagulilie, ⁴²akideda, laiti kumachawaichi hata we, katika maruwa aga malago ambago gakurediaga amani! ela ijiaha gavisika mesonyi kwako.⁴³Kwa wuja maruwa gadacha ambapo walage lage wako dimawaaga iboma avui ni we, nakuzunguluka na kukandamiza kufuma kila luwande. ⁴⁴Dimawakugwisha ndonyi we na wana wako. Ndawakusigia hata igwe jimweri igu ya jimwi, kwa sababu ndutambue makati Mlungu warikogo adageria kukutesia'.⁴⁵Jesu wangie Hekalunyi, wawokie kuwabingisa waja wakogo wakidaga, ⁴⁶akiwagoria, 'yaandikigwa, 'Iwacha japwa dima jaka iwacha ja sala; ela inyo mwaibonya kuka ipango ja wanyang'anyi".⁴⁷Kwa huwo, Jesu wakogo akifundisha kila siku hekalunyi. Makuhani wabaha na walimu wa sheria na vilongozi wa wandu wakundiege kumbwaga, ⁴⁸ela ndawadimie kupata chia ya kubonya huwo, kwa sababu wandu wose wakogo wakimsikira kwa makini.

¹Ikaka iruwa jimweri, Jesu warikogo akiwafundisha wandu Hekalunyi na kuhubiri injili, makuhani wabaha na walimu wa sheria wamgendia andu amweri na wagosi. ²Wazungumzie, wakiomgoria, 'Digorie ni kwa mamlaka ki udabonya malago aga? Angu ni ani uyo ambae wakuneka mamlaka aga? "³Naye wajibie, akawagoria, 'Na nyi pia dimanamikotia iswali. Nigorieni ⁴Ubatzo gwa Yohana. Je, gwafumie mbingunyi ama kwa wandu? '⁵Ela wakajadiliana wo kwa wo, wakideda, 'Dikadeda gwafumie mbingunyi, dimawadi kotia, basi mbana ndammwaminie? ⁶Na dikideda; gwafumie kwa wadamu,' wandu wose aha dimawadikaba magwe, maana wose wadaamini kwamba Yohana wakogo mlodi. '⁷Basi, wamjibie ya kwamba ndawamanyie andu gwafuma. ⁸Jesu akawagoria, "Wala nyi siwagoriaga inyo ni kwa mamlaka ki ndabonya malago aga."⁹Wawagoria wandu mfwano ugu, "Mundu umweri wawae mbuwa ya mizabibu, akajikodisha kwa wakulima wa mizabibu, na akagenda isanga jimwi kwa muda mlacha. ¹⁰Kwa muda gupangiwe, wamdumie mtumishi kwa wakulima wa mizabibu, kwamba wamneke sehemu ya matunda ga mbuwa ya mizabibu. Ela wakulima wa mizabibu wakamkaba, wakamwuja mikonu- miduhu.¹¹Kisha akamduma sena mtumishi umwi nawo wakamkaba, kubonyia gazamie, na wakamwuja mikonu miduhu. ¹²Wamduma sena wa kadadu nawo wakamjeruhi na kumdaga shigadi.¹³Huwo Mzuri wa mbuwa akadeda, 'dimadabonya indoi? dimanamduma mwanapwa mkundwa. Labda dimawamheshimu. ' ¹⁴Ela wakulima wa mizabibu wachamwona, wajadilie wo kwa wo wakideda, 'uyu nie mpali. Dimbwagie, ili mpalo gwake guko gwedu. '¹⁵Wakafunya shigadi ya mbuwa ya mizabibu na kumbwaga. Je Mzuri wambuwa dimawawabonyai? ¹⁶Dimawacha kuwaangamiza wakulima wa mizabibu, na dimawawaneka mbuwa iyo wamwi." 'Nawo wachasikira ago, wakadeda, 'Mlungu wa lega'¹⁷Ela Jesu akawaguwa, akadeda, "Je iandiko iji jikona maana ki? 'igwe wajilegie wajenzi, jaka igwe ja pembenyi. ¹⁸Kila mundu agwaga igu ya igwe ijo, dimawachukanyika viwande. Ela uja ambae dima jamgwia, dima jambonda. '¹⁹Huwo waandishi na wabaha wa makuhani walolie chia ya kumwada makati ago geni, wamanyie kwamba wakogo wadeda mfwano ugo dhidi yawe. Ela wadeboa wandu. ²⁰Wamgwie kwa makini, wakaduma wapelelezi wakibonyie kuka wandu wa hachi, ili wadime kupata ikosa kwa hotuba yake, ili kumgenja kwa watawala na weni mamlaka.²¹Nawo wakamkotia, wakideda, "mwalimu, didaichi kwamba adadeda na kufundisha malago ga loli na si kushawishiwa na mundu wowose, ela we hufundisha loli kuhusu chia ya Mlungu. ²²Je, ni halali kwedu kushana kodi kwa kaisari, angu la?"²³Ela Jesu watambua mtego wawe, akawagoria, ²⁴"Nibonyerieni dinari. Sura na chapa ya ani iko igu yake?" Wadedie, ya kaisari."²⁵Naye akawagoria, 'Basi mnekenyi kaisari geko gake kaisari, na Mlungu geko gake Mlungu.' ²⁶Waandishi na wabaha wa makuhani ndawaridaege uwezo gwa kukosoa chija wadedie imbiri ya wandu. Wakastaajabu gake na ndawadedie chochose.²⁷Baadhi ya masadukayo wakamgendia, waja ambawo wadedaga kwamba ndakudaew ufufuo, ²⁸Wakamkotia, wakideda, "mwalimu, Musa wadiandikie kwamba ngelo mundu akafiwa na mmbari mweni mka ambae mwana basi adapaswa kumwusa mka wambari wake na kuva nae kwa ajili ya kaka ake.²⁹Kurikogo na wambari saba wa kwanza walowaa, akafwa bila kusiga mwana, ³⁰na wa kawi pia. ³¹Wakadadu akamwusa woruwo, woruwo huwo wasaba ndasigie wana wa akafwa. ³²Baadae uja mndumka pia akafwa. ³³Katika ufufuo dimawaka mka wa ani? maana wose saba wakogo wamlowua. '³⁴Jesu akawagoria, "Wavalwa wa urumwengu ughu kulowua na kulowolwa. ³⁵Ela waja wastahili kuwokera ufufuo gwa wafwie na kungia banana ya kala na kala ndawa lowaa wala ndawalowolwa. ³⁶Wala mdawadimaga kufwa sena, kwa sababu huka sawa sawa na malaika nani wana wa Mlungu, wavalwa wa ufufuo.³⁷Ela hiyo wafwie wadafufuliwa, hata, hata Musa wabonyerie mahali katika habari ra kichaka, aja wamwangie Mzuri sa Mlungu wa Ibrahimu na Mlungu wa Isaka na Mlungu wa Yakobo. ³⁸Idana, ye si Mlungu wa wafwie, bali wa weko hai, kwa sababu wose huishi kwake. "³⁹Baadhi ya walimu wa sheria wamjibie, 'mwalimu, wajibu vema. ' ⁴⁰Ndawathubutu kumkotia maswali gamwi nangnayi.⁴¹Jesu akawagoria, "kiwada wandu wadadeda kwamba Kristo wa mvalwa wa Daudi? ⁴²Maana Daudi mweni adadeda katika zaburi: Mzuri wamgoria Mzuri wapwa: ka mkonu gwa kujo, ⁴³Mpaka niwawike walage lage wako ndonyi ya magu gako. ' ⁴⁴Daudi adamwanga Kristo 'Mzuri', basi akakawada mvalwa wa Daudi?"⁴⁵Wandu wose warikogo wakimsikira akawagoria wanafunzi wake, ⁴⁶Kihadharinyi na waandishi, wakundii kusela warwa mavazi malacha, na wakundi salamu maali=umu chetenyi na vifumbi va heshima katika masinagogi, na maeneo ga heshima karamunyi. ⁴⁷Wo pia huja nyumba ra wakolo, na wadakibonya wadasali sala ndacha. Awa dima wawokera hukumu mbaha nanganyi.'

¹Jesu waguwie akawawona weni matajiri warikogo wadawika zawadi rawe hamzinenyi. ²Akamwona mkolo umweri maskini akiwika senti rake iwi. ³Huwo akadeda, "Loli nawagorienyi, uyu mkolo masikini wawika nyingi kuliko wamwi wose. ⁴Hawa wose wafunya iri zawadi kufuma katika vingi wakonavo. Ela uyu mkolo, katika umaskini gwake, wafunya fedha rose wakogo naro kwa ajili ya kuishi kwake."⁵Makati gamwi warikogo wakideda igu ya ihekalu, namna andu jakogo japambigwa na magwe gaboie na matoleo, wadedie, ⁶"Kwa habari ya malago aga mgawonaga, maruwa dimagacha ambago ndakudae igwe mweri ambajo ndajibomolewa."⁷Huwo wakamkotia, wakadeda, "mwalimu, malago aga dimagafuma li? Na indoi dimayaka ishara kwamba aga malago geko avui kufumiria?" ⁸Jesu wajibie, "Mke waangalifu kwamba msaembiwe kwa sababu wengi dimawacha kwa irina japwa, wakideda, 'Nyi nie; na muda gwakaribia'. Msawanuge. ⁹Mkasikira kondo na vurugu vurugu msaboe, kwa sababu aga malago lazima gafumirie kwanza, ela mwisho ndagufumiria karuwa ruwa."¹⁰Kisha akawagoria, "{Itaifa dimajanuka kukabana na itaifa jimwi, na ufalme igu ya ufalme umwi. ¹¹Dimakwaka na matetemeko mabaha, na njala natauni katika gasi tofauti. Dimakwaka na matukio ga kutisha na ishara ra kutisha kufuma mbingunyi.¹²Ela kabla ya malago aga gose, dimawawika mikonu yawe igu yenyu na kuwatesa, kuwagenja masinagoginyi na magereza, kuwareda imbiri ra wagimbikwa na weni mamlaka kwa sababu ya irina japwa. ¹³Ihi dimayawaruguria fursa kwa ushuhuda gwenyu.¹⁴Kwa huwo amuenyi miongonyi kwenyu kutaondaa kutandanya kwenyu mapema, ¹⁵kwa sababu dimanawaneka madedo na hekima, ambayo walage lage wenyu wose ndawadimaa kuipanga angu kuiokana.¹⁶Ela dimamwalegwa pia na wavazi wenyu, wambari wenyu, jamaa renyu na amwedu renyu, na dimawawabwaga baadhi yenyu. ¹⁷Dimamwazamiwa na kila umweri kwa sababu ya irina japwa. ¹⁸Ela ndakudae hata unjwi umweri wa vongo venyu ulagayaga. ¹⁹katika kuririmira dimamwarikira nafsi renyu.²⁰Mchawona Yerusalemu yazunguluka kwa majeshi, basi manyeni kwamba unonefu gwake gwa karibia. ²¹Aho waja wakoo Yudea wakimbirie lugangonyi, na waja wakoo gadi gadi ya jiji wainge, na msawasige wakoo vijiji kungia. ²²Maana aga ni maruwa ga kiasi, ili kwamba malago gose gaandikiwe gapate kutimilika.²³Ole ni kwa waja wakoo na inda na kwa waja wanyonyeshaga katika maruwa ago! kwa maana dimakwaka na adhambaha igu ya isanga, na gadhabu kwa wandu awa. ²⁴Na dimawaangwa kwa ncha ya luwamba na dimawawusigwa mateka kwa mataifa gose, na Yerusalemu dima yawadigwa na wandu wa mataifa, mpaka makati ga wandu wa mataifa uchakamilika.²⁵Dimakwaka na ishara katika iruwa, mweri na nyenyeri. Na katika isanga dimakwaka na dhiki ya mataifa, katika ukata tamaa kufuma na mlilo gwa bahari na mawimbi. ²⁶Dimakwaka na wandu wakizimia kwa hofu na katika kutarajia malago ga fumaga kufuma igu ya dunia. Kwa maana ndigi ra mbingu dimaratikiswa.²⁷Kisha dimawamwona mvalwa wa Adamu akicha madulunyi katika ndigi na utukufu mbaha. ²⁸Ela malago aga gachawoka kufumiria, kenyi kimsi, nuenyi vongo venyu, kwa sababu ukombozi gwenyu gwasogea avui."²⁹Jesu akawagoria kwa mfwano, "uguwenyi mtini, na midi yose. ³⁰Ikafunya machipukizi, mdakiwonia weni na kumanya kwamba kiangazi tayari chiko avui. ³¹Woruwo huwo, mchawona malago aga gadafumiria, inyo manyeni ya kwamba ufalme gwa Mlungu gwakaribia.³²Loli, nawagorienyi, kivazi ichi ndachiidaga, mpaka malago aga gose gachafumiria. ³³Mbingu na isanga dimaraida, ela madedo gapwa ndagaidaga kamwe.³⁴Ela kiguwenyi weni,ili kwamba mioyo yenyu isache lemewa na ufisadi, wulevi, na magaisho ga maisha aga. Kwa sababu jija iruwa dima jawachea gafla ³⁵sa mtego. kwa sababu dimayaka igu ya kila umweri akaga katika wushu gwa dunia ndazi.³⁶Ela mke tayari makati gose, mtase kwamba dima mwaka imara va kutosha kugaepuka aga gose gachafumiria, na kukakimsi imbiri ra mvalwa wa Adamu."³⁷Huwo makati ga dime wakogo akifundisha hekalunyi na kio wafumie shigadi, na kugenda kuka meso katika lugongo luwangwaga lwa mzeituni. ³⁸Wandu wose wamchea keshokio mapema ili kumsikirandenyi ya ihekalu.

¹Basi sikukuu ya mkate usakumbagwa chachu yakogo yakaribia,ambayo idawangwa pasaka. ²Makuhani wabaha na waandishi wakajadiliana namna ya kumbwaga Jesu, kwa sababu wawaboa wandu.³Shetani akangia ndenyi ya Yuda Iskariote, umweri wa waja wanafunzi kumi na iwi. ⁴Yuda akagenda kujadiliana na wabaha wa makuhani na wagosi namna ambavyo dimawamkabidhi Jesu wawe.⁵Waboiwe, na kukatana kumneka fedha. ⁶Ye waridhie, na walolie fursa ya kumkabidhi Jesu kwawe kula na ikundi ja wandu.⁷Maruwa ga mikate isakumbigwa chachu gakafika, ambapo ng'ondi wa pasaka lazima afunyigwe. ⁸Jesu akawaduma Petro na Yohana, akadeda, "Gendenyi mkadiandalie vindo va pasaka ili dichedije." ⁹Wakamkotia, "Hao udakundi digabonye ago maandalizi?"¹⁰Akawajibu, 'sikirenyi, mchaka mwangia mzinyi, mndu mumi ambae wadwa mtungi gwa machi dimawakwona inyo. Mnugenyi nyumbenyi ambayo dimawangia. ¹¹Kisha mgorienyi Mzuri wa iwacha, "mwalimu adakugoria, "chiko hao chumba cha wagenyi, andu ambako dimanaja pasaka na wanafunzi wapwa?"¹²Dimawamibonyeria chumba cha gorofenyi ambacho cheko tayari. Bonyeni maandalizi umo." ¹³Huwo wakagenda, na wakadoka kila kilambo sa andu wawagoria. Kisha wakaandaa vindo va pasaka.¹⁴Taimu richafika wakee na waja mitume. ¹⁵Kisha akawagoria, "Nkona shauku mbaha ya kuja sikukuu ihi ya pasaka na inyo kabla ya kuteswa kwapwa." ¹⁶kwa maana nawagorienyi, sijaga sena mpaka ichatimizigwa katika ufalme gwa Mlungu."¹⁷Kisha Jesu akawusa kikombe, na achameria kushukuru, akadeda, "Wushenyi iki, na mwagiane inyo kwa inyo. ¹⁸Kwa maana ndawagoria, sinywaga sena mvalogwa mzabibu, mpaka ufalme gwa Mlungu uchacha."¹⁹Kisha akawusa mkate, na achashukuru, akaubega, na kuwaneka,akideda, "uhu ni muwi gwapwa ambago gwafunyigwa kwa ajili yenyu. Bonyeni uwu kwa kunikumbuka nyi." ²⁰Akwusa kikombe woruwo uwo baada ya vindo va kio ukideda, "kikombe iki ni iagano wishi katika baga yapwa, ambayo yadika kwa ajili yenyu.²¹Ela guwenyi. Uja anisaliti ako andu amweri nanyi mezenyi. ²²Kwa maana mvalwa wa Adamu kwa loli agenda chia rake sa andu yaamuliwa. Ela ole kwa mundu uja ambae kuidia ye mvalwa wa Adamu asalitiwa!" ²³Wakawoka kukotiana wo kwa wo, ani miongonyi mwao ambae kumachawabonya ilago iji.²⁴Kisha gakafumiria mabishano gadigadi yawe kwamba ni ani adhaniwaa kuka mbaha kuliko wose. ²⁵Akawagoria, "Wagimbikwa wa wandu wa mataifa wako na ubwana igu yawe, na waja wekona mamlaka igu yawe wadawangwa waheshimiuwa watawala.²⁶Ela ndaikundigwi kabisa kuka huwu kwenyu inyo. Badala yake, siga uja ambae ni mbaha kati yenyu ake sa mtinyi. Na uja ambae ni wa muhimu nanganyi ake sa adumikaga. ²⁷Kwa sababu uyao wa mbaha? Je si uja akaga mezenyi? Na nyi bado ni kati yenyu sa adumikaga.²⁸Ela inyo nio ambawo mwaendelea kuka nanyi katika kugeriwa kwapwa. ²⁹Ndawanek inyo ugimbikwa, kama wuja Aba andu wanieka nyi ugimbikwa, ³⁰kwamba mpate kuja na kunywa mezenyi kwapwa ugimbikwenyi kwapwa. Na dimwawaka vifumbinyi va enzi mkizihukumu kabila kumi na iwi ra israeli.³¹Simoni, simoni, manya kwamba shetani walomba awapate ili awapepete sa ngano. ³²Ela nakutesia, kwamba imani yako isalemwe. Baada ya kuka wawuya sena, waiwarishe wambari wako."³³Petro akamgoria, "Mzuri, neko tayari kugenda na we gerezanyi na hata katika mauti." ³⁴Jesu wajibie, "Ndakugoria Petro jogolo ndalilaga linu, kabla ndakunukanie mara adadu kwamba udanimanya."³⁵Kisha Jesu akawagoria, "Nichagenja inyo bila mfuko, ngau ya vindo, iruwa vadu, Je mwagoduiwa ni kilambo?" Wajibie "Aa." ³⁶Kisha akawagoria, "Ela ijiaha, kila mweni mfuko, na auwuse andu amweri na ngau ya vindo. Uja ambae ndadae luwamba yampasa adage ijoho jake agule umweri.³⁷Kwa sababu nawagoria, gose ambago gaandikigwa kwa ajili yapwa lazima gatimilie; Na wawusigwa kama mundu ambae adachukanya torati." kwa sababu chija tabiriwe kwa ajili yapwa chidatimizigwa." ³⁸Kisha wakadeda, "Mzuri guwa! iri aha luwamba iwi." Na akawagoria"idatesha."³⁹Baada ya vindo va kio, Jesu waingie, sa ambavyo wakogo akibonya mara kwa mara, akagenda lugongo lwa mizeituni, na wanafunzi wakamnuga. ⁴⁰Wachafika wawagoria "tasenyi kwamba msangie katika kugeriwa."⁴¹Akagenda kala na wo sa mdaga gwa igwe, akakaba magoti akatasa, ⁴²akideda, Aba, ngelo udakundi, niinjie kikombe ichi. Ela si kama ndikundii nyi, ela mapenzi gako gabonyeke."⁴³Kisha malaika kufuma mbingunyi akamfumiria, akamkumba ndigi. ⁴⁴Akika katika kuuguwa, akatasa kwa dhati nanganyi, na ijasho jake jikaka sa matone mabaha ga baga gakidondoka ndonyi.⁴⁵Makati wachawukia kufuma katika malombi gake, wachee kwa wanafunzi, na akawadoka watungura kwa sababu ya huzuni yawe, ⁴⁶na akawakotia,' kwa indoi mdatungura? wukienyi mtase, kwamba msangie katika kugeriwa."⁴⁷Makati warikogo bado akiaria,guwa ikundi baha ja wandu jikafumiria, na Yuda umweri wa mitume kumi na iwi akiwalongoza. Akacha avui na Jesu akambusu, ⁴⁸ela Jesu akamgoria, "Yuda Je adamsaliti mvalwa wa Adamu kwa busu?"⁴⁹Makati waja warikogo avui na Jesu wachawona ago gadafumiria, wakadeda, "Mzuri, Je diwakabe kwa luwamba?" ⁵⁰Kisha umweri wawe akamkaba mtumishi wa kuhani mbaha, akamdema kudu kwake kwa kujo. ⁵¹Jesu akadeda, "ihi idatosha. Na akawada kudu kwake, akamkira.⁵²Jesu akadeda kwa kuhani mbaha, na kwa wabaha waihekalu, na kwa wagosi wachee kinyume chake, "Je mdacha kana kwamba mdacha kupambana na mnyang'anyi, na marungu na malwamba? ⁵³Nirikogo andu amweri na inyo maruwa gose hekalunyi, ndamwikie mikonu yenyu igu yapwa. Ela ihi ni saa yako, na mamlaka ga kira."⁵⁴Wakamwada ya kuka wawasha modo katika uja uwanda gwa ndenyi na wachameria kuka ndonyi andu amweri, Petro akamnuga kwa kala. ⁵⁵Baada ya kuka wawasha modo katika uja uwandagwa ndenyi na wachameria kuka ndonyi andu amweri, Petro akaka gadi gadi yawe.⁵⁶Mtumishi umweri wa kiwaka akamwona Petro warikogo waka katika mwanga ufumanaga na modo, akamguwa akamgoria, "Uyu mundu pia wakogo andu amweri nae." ⁵⁷Ela Petro wakanie, akadeda, "mndumka, nyi simmanyaa." ⁵⁸Baada ya muda kidogo, mundu umwi akamwona akadeda "We pia ni umweri wawe." Ela petro wajibie, "Mndumumi, nyi sie."⁵⁹Baada ya kama isaa jimweri huwu, mndumuni umweri wasisitizie akadeda, "Loli kabisa uyu mundu pia wakogo andu amweri nae, maana wa mgalilaya." ⁶⁰Ela Petro akadeda, "mndumumi, sijiichi udedaa." Na mara, makati akiaria, jogolo akalila..⁶¹Akaaguka, Mzuri akamguwa petro. Na petro akajikumbuka idedo ja Mzuri, aja achamgoria, "kabla ya jogolo kulila linu, dimawanikana nyi mara adadu." ⁶²Akigenda shigadi, petro akalila kwa uchungu mwingi.⁶³Kisha waja womi warikogo wakimlinda Jesu, wakamdhihaki na kumkaba. ⁶⁴Baada ya kumfunika meso, wakamkotia, wakideda, "Tabiri! ani wakukaba?" ⁶⁵Wakaaria malago gamwi mengi kinyume cha Jesu na kumkufuru ye.⁶⁶Mara ichaka keshokio, wagosi wa wandu wakwa na andu amweri, wabaha wa wa makuhani na waandishi. Wakamgenja barazenyi, ⁶⁷Wakideda, "Ngelo we ni Kristo, digorie." Ela ye akawagoria, "ngelo ni kuwagoria, ndamniamini, ⁶⁸na ngelo ni kamikotia ndamnijibu."⁶⁹Ela kuwoka ijiaha na kuendelea, mvalwa wa Adamu dimawaka waka mkonu gwa kujo gwa ndigi ya Mlungu. ⁷⁰Wose wakadeda, "kwa huwo we wa mvalwa wa Mlungu?" Na Jesu akawagoria, "Inyo mwadeda nyi nie." ⁷¹Wakadeda, "kwa indoi bado didahitaji sena ushahidi? kwa sababu isi weni dasikira kufuma katika momu gwake mweni."

¹Mkutano gwose wakakimsi, wakamgenja Jesu imbiri ya pilato. ²Wakawoka kumshutumu, wakideda, "Damdoka mundu uyu akipotosha itaifa jedu, kwa kukataza disafunye kodi kwa kaisari, na akideda kwamba ye mweni ni Kristo, mgimbikwa."³Pilato akamkotia, akideda, "Je we wa mgimbikwa wa wayahudi?" Na Jesu wamjibie akideda, "We wadeda huwo." ⁴Pilato akamgoria kuhani mbaha na makutano, "siwonaa ikosa kwa mundu uyu."| ⁵Ela wo wasisitizie, wakideda, "waka akiwachochea wandu, akifundisha katika uyahudi yose, kuwoka Galilaya na ijiaha ako aha."⁶Pilato achasikira aga, akakotia ngelo mundu uyo ni wa Galilaya? ⁷Wachatambua kuwa wakogo ndonyi ya utawala gwa Herode, akamgenja Jesu kwa Herode, ambae nae wakogo Yerusalemu kwa maruwa ago.⁸Herode achamwona Jesu, waboiwe nanganyi kwa sababu wakundie kumwona kwa mengi. Wasikira habari rake na watamanie kuwona umweri ya miujiza ikibonywa na ye. ⁹Herode wamhojie Jesu kwa madedo mengi, ela Jesu ndamjibie chochose. ¹⁰Makuhani wabaha andu amweri na maaskari wake, wamuanyira na kumdhihaki,.¹¹Herode andu amweri na maaskari wake, wamuanyira na kumdhihaki, na kumrwisha mavazi gaboie, kisha akamwuja Jesu kwa pilato. ¹²Herode na Pilato wakaka wa amwedu kuanzia maruwa ago, (kabla ya aho wakogo walage lage).¹³Pilato akawawanga andu amweri makuhani wabaha na watawala na umati gwa wandu, ¹⁴Akawagoria, "mwaniredia mundu uyu sa mundu awalongozaga wandu wabonye gazamie, na siwonie ikosa kwa mundu uyu kuhusu malago gose ambago inyo mdamshitaki ye.¹⁵Aa, wala Herode, kwa maana wamwuja kwedu, na guwa ndakudae chochose wakibonya kistahiliii adhabu ya kifo. ¹⁶kwa huwo basi dimanamuadhibu na kumsigiria. ¹⁷(idana, pilato adawajibika kumsigiria mfungwa umweri kwa wayahudi makati ga iskukuuu).¹⁸Ela wose wakakaba jogo andu amweri, wakideda, "Muinje uyo, na dirugurie Baraba!" ¹⁹Baraba wakogo ni mundu ambae wawikigwa gerezenyi kwa sababu ya uasi fulani katika jiji na kwa kubwaga.²⁰Pilato akawagoria sena, akitamani kumsigira Jesu. ²¹Ela wo wakabaga jogo, wakideda, "msulubishe, msulubishe." ²²Akawakotia kwa mara ya kadadu, 'kwa indoi, uyu mundu wabonya maovu ki? sipatie ikosa jistahili adhabu ya kifo kwake. Kwa huwo nichameria kumuadhibu dimanamsigiria."²³Ela wasisitizie kwa sauti ya igu, wakikundi asulubiwe. Na sauti rawe ramshawishie pilato. ²⁴Huwo pilato waamua kuwaneka matakwa gawe. ²⁵Akamsigiria uja wamkundie ambae warugwie kwa kusababisha gasia na kubwaga. Ela akamfunya Jesu kwa matakwa gawe.²⁶Warikogo wadamgenja, wamwada mundu umweri awangwaga simoni wa ukirene, akifumiria katika isamga, wakamtwika msalaba ili agunue, akimnuga Jesu.²⁷Umati mbaha gwa wandu, na wandu waka ambawo wahuzunikie na kulila kubaha kwa ajili yake, wakogo wakimnugiria. ²⁸Ela akawagukia, Jesu akawagoria, mwai ra Yerusalemu, msalilie nyi, bali kililienyi inyo wemi na kwa ajili ya wana wenyu.²⁹Guwa maruwa gadacha ambago dimawadeda, "Wabariwa wasavaga na vifu visavaga, na matiti ambago ndaganyonyeshie. ³⁰Niko wachawoka kuigoria lugongo, 'Digwienyi, 'na dachugongo, 'mdifinike.' ³¹Maana ngelo wakibonya malagalaga ikika mdimwishi, ikakawada ukika gwaoma?"³²Womi wamwi, wahalifu wawi, wagenjigwa andu amweri nae ili wabwage.³³Wachafika andu kuwagwaga ifuvu ja chongo, niko wakamsulubisha andu amweri na waja wahalifu, umweri luwande lwa kujo na imwi luwande lwa kumosho. ³⁴Jesu, wadedie, "Aba, uwasamehe, kwa wuja ndawaichi jija wabonyaa. "Nawo wakakaba kura, kuwagia mavazi gake.³⁵Wandu wakogo wakakimsi wakiguwa uku watawala wakimdhihaki, wakideda, "wawatesia wamwi. Idana akitesie mweni, ngelo wa Kristo Mlungu, mteule".³⁶Askari pia wammenya, wamkaribia ye na wakamneka siki, ³⁷wakideda, "Ngelo we mgimbikwa wa wayahudi kitesie mweni." ³⁸Kurikogo pia na alama igu yake iandikigwe "UYU NIE MGIMBIKWA WA WAYAHUDI."³⁹Umweri wa waalifu wasulubishiwe, wamuanyira akideda, "We si Kristo? kitesie mweni na isi" ⁴⁰Ela uja umwi wajibie, akimkemia na akideda, "Je we ndumbonyaga Mlungu, na we weko katika hukumu iyo yeni? ⁴¹Isi diko aha kwa hachi, kwa maana isi didawokera chija distahili kwa matendo gedu. ela mundu uyu ndabonyie chochose chizamie."⁴²Na wachurie, "Jesu, nikumbuke uchangia katika ugimbikwa gwako." ⁴³Jesu akamgoria, "Amin ndakugoria, linu huwu dimawaka andu amweri na nyi paradiso."⁴⁴Aho irikogo avui saa ya sita, kira kikacha igu ya isanga jose hata isaa ja kenda, ⁴⁵Mwanga gwa iruwa gwarimikie. Kisha ipazia ja hekalu jikawaganyika gadigadi kuwokia igu.⁴⁶Akilila kwa sauti mbaha, Jesu wadedie, "Aba mikonunyi kwako naiwika ngolo yapwa, "Baada ya kudeda aga, akafwa. ⁴⁷Makati akida achawona gabonyekie wamtukuzie Mlungu akideda, "Hakika uyu wakogo mundu mweni hachi."⁴⁸Makati umati gwa wandu wachee andu amweri kushuhudia wachawona malago gabonyekie, wawurie uku wakikaba vifua vawe. ⁴⁹Ela waka amwedu wake, na wanduwaka wamnugie kufuma Galilaya, wakeekimsi kwa kula wakigwa ago malago.⁵⁰Guwa, kurikogo na mundu awagwaga Yusufu, ambae ni umweri wa ibaraza, mundu aboie na mweni hachi, ⁵¹(wakogo ndakubaliane na maamuzi angu matendo gawe), kufuma Armathaya, mzi gwa kiyahudi, ambao urikogo ukiweseria ufalme gwa Mlungu.⁵²Mundu uyu, wamkaribia pilato, akalomba anekwe muwi gwa Jesu. ⁵³Wamsera, na akazungulushia sanda, na akawika katika ikaburi jirikogo jachongigwa katika igwe, ambajo ndakudae wawahie kurikwa.⁵⁴Irikogo ni siku ya maandalizi, na sabato idakaribia. ⁵⁵Wanduwaka, wachee nawo kufuma Galilaya, wamnugie, na wakawona ikaburi na jinsi muwi gwake andu ulaziwe. ⁵⁶Wawurie na kuwoka kuandaa manukato na marashi. Kisha iruwa ja sabato wasogokie kwa mujibu gwa sheria.

¹Mapema nanganyi iruwa ja kwanza ja juma, wachee kaburinyi, wakireda manukato ambago wakago wagaandaa. ²Wakadoka igwe javingirishwa kula na ikaburi. ³Wakangia ndenyi, ela ndawaudokie muwi gwa Mzuri Jesu.⁴Yafumirie kwamba, makati wachanganyikiwa kuhusu iji, gafla, wandu wawi wakeekimsi gadi gadi yawe warwa mavazi ga kuela. ⁵Wandu waka wakika wachua hofu na wakigogomisha wushu rawe ndonyi, wakawagoria wandu waka, "kwa indoi mdalola akoo hai miongonyi mwa wafwie?⁶Ndeko aha, ela wafufuka! kumbukenyi andu wadedie na inyo warikogo angali Galilaya, ⁷akideda kwamba mvalwa wa Adamu lazima afunyigwe mikonunyi mw wandu weni zambi na aslibishwe, na iruwa ja kadadu, afufuke sena."⁸Waja wanduwaka wakakumbuka madedo gake, ⁹na wakawuya kufuma kaburinyi na wakawagoria malago aga gose waja kumi na umweri na wamwi wose. ¹⁰Basi Maria magdalena, Joana, Maria mawe wa Yakobo, na wandu waka wamwi andu amweri nawo wakafunya taarifa iri kwa walodi.¹¹Ela ujumbe uhu ukawaneka sa mzaha tu kwa walodi, na ndawawaminie waja wanduwaka. ¹²Hata huwo Petro wawukie, na kakimbia kugenda kaburinyi, na wachungulie na kuguwa ndenyi, wawonie sanda yeni keri. Petro kisha akaingia akagenda nyumbenyi kwake, akistaajabu indoi ambacho cha fumiria.¹³Na guwa, wawi miongonyi kwawe warikogo wakigenda iruwa ijo jeni katika kijiji chimweri chiwangwaga Emmau, ambacho chakogo maili sitini kufuma Yerusalemu. ¹⁴Wakajadiliana wo kwa wo kuhusu malago gose gafumirie.¹⁵Ikafumiria kwamba, makati warikogo wakijadiliana na kukotiana maswali, Jesu akaseguda avui akaambatana nawo. ¹⁶Ela meso gawe gazuiliwa katika kummanya ye.¹⁷Jesu akawagoria, "Indoi ambacho inyo wawi mdachiaria makati mdatembea?" Wakeekimsi J wakiwonekana na huzuni. ¹⁸Umweri wawe, irina jake cleopa, wamjibie, "Je we wa mundu pekee aha Yerusalemu ambae ndamanyaga malago gafumirie uko maruwa aga?"¹⁹Jesu akawagoria, "malago ki?" wakamjibu," malago kuhusu Jesu mnazareti, ambae wakogo mlodi, muweza katika matendo na madedo imbiri ra Mlungu na wandu wose. ²⁰Na kwa jinsi ambayo wabaha wa makuhani na vilongozi wedu andu wafunya kuhukumiwa kifo na kumsulubisha.²¹Ela daaminie kwamba ye nie awawikaga huru Israeli. Hee, kula na aga gose, ijiaha ni iruwa ja kadadu tangu malago aga gafumirie.²²Ela pia, baadhi ya wanduwaka kufuma katika ikundi jedu wadishangazie, baada ya kuwapo kaburinyi keshokio mapema. ²³Wachausowa muwi gwake, wakacha, wakideda kwamba wawonie pia maono ga malaika wadedie kwamba ako hai. ²⁴Baadhi ya womi ambawo wakogo andu amweri na isi wagendie kaburinyi, na kunuga ni kama wuya wanduwaka andu wadedie. Ela ndawamwonie ye."²⁵Jesu akawagoria, "Inyo wandu wakelie na weni mioyo mizito ya kuamini yose ambayo walodi wadeda! ²⁶Je ndaikogo lazima Jesu kuteseka kwa malago aga, na kungia katika utukufu gwake?" ²⁷Kisha kuwoka kufuma kwa Musa na walodi wose, JAesu akawafsiria malago gamhusu ye katika maaandiko gose.²⁸Wachakaribia chija kijiji, uko warikogo wakigenda, Jesu akabonya kana kwamba adaendelea imbiri. ²⁹Ela wamlazimisha, wakideda, "ka andu amweri na isi, maana idaelekea kwenyi na siku ni kama yadua." Huwo Jesu akangia kugenda kuka andu amweri nawo.³⁰Yafumirie kwamba, makati waka nawo kuja, wowusie mkate, akagubariki, na kuguchukanya, akawaneka. ³¹kisha meso gawe gakaruguriwa, wakamuichi, na akainga gafla imbiri ya meso gawe. ³²Wakadedeshana weni kwa weni, "Huwo mioyo uedu ndaiwakie ndenyi yedu, makati wachaaria naisi chienyi, makati wachadifungulia maandiko?"³³Wakanyanyuka saa iyo yeni, na kuwuya Yerusalemu; Wakawadoka waja kumi na umweri na umweri waka andu amweri, na waja wakogo andu amweri nawo, ³⁴wakideda, "Mzuri wafufuka loliloli, na wamfumiria simoni." ³⁵Huwo wawagoria malago gafumirie chienyi, na namna Jesu wadhihirishwa kwawe katika kuubega mkate.³⁶Makati wa kiaria malago ago, Jesu mweni wakeekimsi gadigadi yawe, na akawagoria, "Amani ike kwenyu." ³⁷Ela waboa na kuchuiwa na hofu, na wakatenganya kwamba wawonie ngolo.³⁸Jesu akawagoria, kwa indoi mdafadhaika? kwa indoi maswali gaadanuka mioyoni kwenyu? ³⁹Guwenyi mikonu yapwa na magu gapwa, kwamba ninyi mweni. Niwadenyi na mwone. Kwa maana ngolo ndaidae nyama na maindi, sa andu mniwonaga nyi kuka navo." ⁴⁰Achameria kudeda uwu, akawabonyeria mikonu yake na magu gake.⁴¹Warikogo bado na furaha ichanganyiokane na kuto kuamini, na kustaajabu, Jesu akawagoria, "Je mkona kilambo chochose cha kuja?" ⁴²Wakamneka kiwande cha samaki wakoriwe. ⁴³Jesu akakiwusa, na kukija imbiri yawe.⁴⁴Akawagoria, "Andu nirikogo na inyo, nawagoria kwamba gose gaandikiwe sherienyi ya Musa na walodi na zaburi lazima gatimilike."⁴⁵Kisha akarugua akili rawe, kwamba wadime kugaelewa maandiko. ⁴⁶Akawagoria, "kwamba yaandikigwa, Kristo lazima ateseke, na kufufuka sena kufuma katika wafwie maruwa ga kadadu. ⁴⁷Na kutesiwa zambi na msamaha gw zambi lazima kuhubiriwe kwa irina jake kwa mataifa gose, kuwokia kufumiria Yerusalemu.⁴⁸Ninyo mwamashahidi wa malago aga. ⁴⁹Guwa, ndawagenjeria ahadi ya Aba wapwa igu yenyu. Ela weserienyi aha jijinyi, mpaka mcharwiswa ndigi kufuma igu.⁵⁰Kisha Jesu akawalongoza shigadi mpaka wachakaribia Bethania. Akanua mikonu yake igu, na akawabariki. ⁵¹Ikafumiria kwamba, makati warikogo akiwabariki, wawasigie na akanuliwa igu kuelekea mbingunyi.⁵²Basi wakamtasa, na kuwuya Yerusalemu nafuraha mbaha. ⁵³Waendelee kuka hekalunyi, wakimbariki Mlungu.

¹Mwanzonyi kwarikogo na idedo, na Idedo warikogo na Mlungu, na Idedo wakogo ni Mlungu. ²Uyu, idedo, mwanzonyi warikogo na mlungu. ³Vilambo vose vabonyekie kudi ye, na pasipo ye ndakudae hata kilambo chimweri chikogo chabonyeka.⁴Ndenyi yake kurikogo na binana, na iyo banana yarikogo nuru ya wanadamu wose. ⁵Nuru yang'araga kirenyi, wala kira ndaichi rimishie.⁶Kwarokogo na mundu adumiwe kufuma kwa Mlungu, ambae irina jaka aliitwa Yohana. ⁷Wachee kama shahidi kushuhudia kuhusu ija nuru, ili kurumba wose wadime kuamini kuidia ye. ⁸Yohana ndakogo ija nuru, bali wachee ihi ashuhudie kuhusu ija nuru⁹Iyo yakogo nuru ya loli ambayo yakogo idacha katika duwa yamkumba nuru kila umweri.¹⁰Wakogo katika dunia yaumbigwe kuwadia ye, na dunia ndaimanyie. ¹¹Wachee kwa vilambo vake, na wandu waka ndawamwokerie.¹²Bali kwa waja wengi wamwokerie, ambawo waaminie irina jake, kwa mapenzi ga mundu, bali kwa Mlungu, ¹³Ambawo wavalwe, siyo kwa baga, wala kwa mapenzi ga muwi, wala kwa mapenzi ga mundu, bali kwa Mlungu mweni.¹⁴Naye Idedo wabonyikie muwi na akaishi miongonyi mwedu, diworie utukufu wake, utukufu kama mundu pekee wa kipekee achee kufuma kwa Aba, wachua neema na loli. ¹⁵Yohana washuhudie kuhusu ye, na wapaazie sauti akideda, "Uyu niye ambae nadedie habari rake nikideda, "Uja achaga baada yapwa ni mbaha kuliko nyi, kwa sababu warikogo kabla yapwa."¹⁶Kwa kuwa kufuma katika utimilifu gwake, isi wose dawokera dueri kipawa baada ya kipawa. ¹⁷Kwa kuwa sheria yaredigwe kuidia Musa. Neema na loli vachee kuidia Jesu Kristo. ¹⁸Ndakudae mwanadamu amwonie Mlungu wakati gogose. Mundu pekee ambae ni Mlungu, eko katika laga ya Aba, wambonyie ye amanyikane.¹⁹Na ugu nigo ushuhuda gwa Yohana wakati makuhani na walawi wadumigwe kwake na wayahudi kumkotia, We nani?" ²⁰Bila kusita sita na ndakania, bali wajibie, "Nyi siyo Kristo." ²¹Huwo wakamkotia, "Kwa huwo we wani idana? We wa Eliya? Akadeda, "Nyi siye." Wakadeda, We nani? Akajibu," Hapana."²²Kisha wakamzera, "We nani? ili kwamba diwaneke ijibu wadiduma"? ukishuhudiaga we mweni?" ²³Akadeda, "Nyi na sauti yake alilaga kireti; Inyoosheni chia ya Mzuri, kama lodi Isaya adedie."²⁴Basi kwarikogo na wandu wadumwa aja kufuma kwa mafarisayo, wakamkotia na kudeda, ²⁵"Kwa indoi udabatiza kumbe we siyo Kristo wala Eliya wala walodi?"²⁶Yohana akawajibu akideda, "Nabatiza kwa machi. Hata huwo, miongonyi mwenyu adasimama mundu msamwichi. ²⁷Uyu niye achaga baada yapwa. Nyi sistahili kulegeza chuga ra vandu vake." ²⁸Malago aga gatendekie uko Bethania, kimonu cha Yohani, andu amboko Yohana wakogo akibatiza.²⁹Ituku jinugirie Yohana wamwonie Jesu akicha kwake akadeda, "Ngowa mwana ng'ondi wa Mlungu aiwusaga zambi ya urumwengu! ³⁰Uyu niye nidedie habari rake nikideda, ye achaga nyuma yapwa ni mbaha kuliko nyi, kwa kugora warikogo kabla yapwa.' ³¹Simmanyie ye, ela yabonyikie huwo ilikwamba afunuliwe katika Israeli, kwamba nachee nikibatiza kwa machi."³²Yohana washuhudie, "Niwonie Ngolo akishuka kufuma mbingunyi mfano gwa njiwa, na yabakie igu yake. ³³Nyi simmanyie ela ye anidumie ili nibatize kwa machi wanigorie, 'Uja ambae awonaga Ngolo akishuka na kukaia igu yake, uyo ni ye abatizae kwa Ngolo mtakatifu.' ³⁴Nawona na nashuhudia kwamba uyu ni mwana wa Mlungu."³⁵Sena ituku jinugirie Yohana wakogo wasimama andukumweri na wanafunzi wake wawi." ³⁶Wamwonie Jesu akisela na Yohana akadeda, "Ngowa, mwana ng'ondi wa Mlungu!"³⁷Wanafunzi wawi wamsikire Yohana akideda aga wakamnuga Jesu. ³⁸Sena Jesu wagukie na kuwawona wanafunzi waja wakimnuga, na akawazera, mwakundi indoi?" wakajibu, "Rabbi, (maana yake "mwalimu; waishi hao?" ³⁹Akawazera, choonyi na mwone." kisha wagendie na kuwona andu akogo akiishi wakee andu kumweri nae ituku ijo, kwa kugora yakogo yapata kama saa ikumi huwu.⁴⁰Umweri wa waja wawi wamsikirie Yohana akideda na kisha kumnuga Jesu wakogo ni Andrea, mbari wake simoni Petro. ⁴¹Akamwona mbari wake simoni na akamzera, "Dapata masihi" (ambae yatafsiri waga kuwa ni Kristo). ⁴²Akamreda kwa Jesu. Jesu akamngwa na akadeda, "We ni simoni mwana wa Yohana" uwangwa wa kefa," (maana yake 'Petro').⁴³Ituku jinugirie wakati Jesu kuinga kugenda Galilaya, wampatie filipo na akamzera, "Nimnuge Nyi." ⁴⁴Filipo wakogo ni mwenyezi wa Bethaida, muzi gwa Andrea na Petro. ⁴⁵Filipo wampatie Nathanieli na kumzera, Dampata uja ambae Musa raandikie habari rake katika sheria na walodi. Jesu mwana wa Yusufu, kufuma Nazareti.⁴⁶Nathanieli akamzera, "Je kilambo chiboie cha dima kufuma Nazareti?" Filipo akamzera, choo na uwone," ⁴⁷Jesu akamwona Nathanieli akicdha kwake akadeda, "Ngowa, mwasraeli loli loli, asadae wutee ndenyi yake." ⁴⁸Nathaniel, akamzera, "Wanimanya wadenyi."⁴⁹Nathanieli akajibu "Rabi we wa mwana wa Mlungu! We wa mzuri wa Israeli"! ⁵⁰Jesu akajibu akamzera, kwa kwa sababu nikugorie "nakuonie ndonyi ya mtini' je waamini? wonaga matendo mabaha kuliko aga." ⁵¹Jesu akadeda, Amini amini namizera mriwonaga mbingu rikifunguka na kuwaona malaika wa kijoka na kusea igu ya mwana wa Adamu."

¹Baada ya matuku adadu, kwarikogo na harusi uko kana ya Galilaya na mae wa Jesu warikogo uko. ²Jesu na wananfunzi wake warikogo walikuwa katika harusi.³Wakati wasiriwa divai, mae wa Jesu akamzera, ndawadae divai." ⁴Jesu akajibu, "Muka iyo inihusuki nyi? Muda gwapwa nyi bado ndagutimie." ⁵Mae akawazera watumishi, "Chochose awazeraga bonyenyi."⁶Basi kwarikogo na ziro sita ra magwe aja iwikiwe kwa ajili ya kunawa katika sikukuu ra wayahudi, kila jimweri jarikogo na ujazo nzio uwi idadu. ⁷Jesu akawazera, Richurenyi machi ziro ra magwe." Wakachura hadi igu. ⁸Kisha akawazera waja watumishi, "Wusenyi kiasi cha ijaha na mgeje kwa muhudumu mbaha wa meza." Wawabonya kama wandu walagizwa.⁹Muhudumu mbaha wagaonjie gaja machi ga kogo gabadilika na kuwa divai, ila ndawaichi uko gafuma (Ela watumishi wadaya machi wamanyie ukogafuma). Kisha akawamwanga bwana harusi na ¹⁰kumzera, "kila umweri waanzaa kuwahudumia wandu divai isaboie na wakameria kulewa wawaneka divai isaboie. Ela we waitunza divai iboie hadi ijiaha"¹¹Miujiza ugu gwa kana ya Galilaya, gwakogo niyo mwanzo wa ishara ra miujiza aibonye Jesu, akifunua utukufu gwake, huwo wanafunzi wake wakamwamini.¹²Baada ya ihi, Jesu, mae, wambari wake na wanafunzi wagendie katika muzi gwa kaprenaumu na wakakaia uko kwa matuku matineri.¹³Basi pasaka ya wayahudi yakogo yafika avui, huwa Jesu akagenda Yerusalemu. ¹⁴Akawadoka ring'ombe, na njiwa ndenyi ya ihekelu. Pia na wabadilisha magome warikogo waka ndenyi ya ihekelu.¹⁵Jesu akaboia mjeledi kugoka vifundo, akawafunya wose wakogo katika ihekalu, ikifumisha ng'ombe na ng'ondi. Akadia magome ga wabadilisha magome na kupindua meza rawe. ¹⁶Kwa wadagaji wa njiwa akawazera, "Funyenyi vilambo iwi kula na andu aha, sigenyi kuibonya nyumba ya Aba wapwa kwakaia andu kwa soko."¹⁷Wanafunzi wake wakakumbuka kuwa yakogo yaandikwa, "Wivu gwa nyumba yako gunijaga." ¹⁸Wabaha wa kiyahudi wakajibu, wakamzera, Ni ishara ki uibonyeraga kwa sabababu dagabonya malago aga?" ¹⁹Jesu akawajibu, jibomowenyi Ihekalu iji nanyi nijiaga ga baada ya matuku idadu."²⁰Kisha wabaha wa wayahudi wakadeda, "Yagarimie miaka arobaini na sita kuijiaga ihekalu iji nawe wadadeda ujigaga kwa matuku adadu?" ²¹Ingawa, ye adedie ihekalu akimaanisha muwi gwake. ²²Huwo baadae baada ya kufufuka kwake kufuma kwa wafu, wanafunzi wake wakakumbuka kuwa wadedie huwo, wakaamini maandiko na kauli ihi ambayo Jesu warikogo wameria kudeda.²³Basi akogo Yerusalemu wakati gwa Pasaka, wakati gwa sikukuu wandu wengi waaminie irina jake, kuwaona ishara ya miujiza aibonyie. ²⁴Ela Jesu ndakogo na imani nawo kwa sababu wawamenyie wanadamu wose. ²⁵Ndahitajie mundu wowose kumzera kuhusu andu weko wanadamu kwa sababu wamanyie chiko ndenyi yawe.

¹Basi kwarikogo na farisayo ambae irina jake Nikodemo, umweri wa wajumbe wa ibaraza ja wayahudi. ²Mundu uyu wamnugie Mzuri Jesu nakio na akamzera, "Rabi, daichi ya kugora we wa mwalimu kufuma kwa Mlungu, kwa maana ndakudae mundu adimanya kutenda ishara iri rose Mlungu akalemwa kukaia anduku mweri nae."³Jesu akajibu, "Amini amini, mundu ndadima ga kuinga katika wuzuri gwa Mlungu akalemwa valwa mara ya kawi." ⁴Nikodemo akadeda, "mundu adimaga kuvalwa akika mgosi? Ndadimaga kungia kifunyi kwa mae mara ya kawi na kuvalwa, je adimaga wada?"⁵Jesu akajibu, "{Amini, amini mundu akalemwa valwa kwa maci na kwa ngolo, ndadimaga kungia katika wuzuri gwa Mlungu. ⁶Chavalwa kwa muwi ni muwi, na chavalwa kwa ngolo na ngolo.⁷Usashangae kwa sababu nakuzerie, 'ni lazima kuvalwa mara ya kawi.' ⁸Upepo gwa uvumaga kokose gukundi na sauti yake mwaisikira, ela ndamwichi gufumaga nako wala gugendaga nako. Niko iko hali ya kila wavalwa na ngolo.⁹Nikodemo akajibu, kwa kudeda, "Malago aga gadimika wada?" ¹⁰Jesu akajibu, "We wa mwalimu wa Israeli, hata nduichi malago aga? ¹¹Amini, amini, nakugoria, chija dichiichi dachishuhudia kwa chija dachiwona. Ela ndamwokeraga ushuhuda gwedu.¹²Kama nawagoria malago ga aha dunienyi na ndamwamini, mdimaga wada kuamini kama nikawagoria malago ga mbingunyi? ¹³Mara ndakudae wajiko igu kufuma mbingunyi isipokuwa ye washuka, mwana wa Mlungu.¹⁴Kama wuja Musa andu wamwiinua choka ijangwenyi, huwo huwo mwana wa Adamu ela ainuliwe, ¹⁵Ili kwamba wose wamwamini wapate binana ya kala na kala.¹⁶Kwa maana jinsi ihi Mlungu wagundie urumwengu, kwamba akamfunya mwanake wa pekee, ili kwamba mundu wowose amwaminie asaangamie bali ake na binana ya kala na kala. ¹⁷Kwa sababu Mlungu ndamdumie Mwanake dunienyi ili aguhukumu ulumwengu, bali kwamba urumwengu guokolewa katika ye. ¹⁸Amwamini ye ndahukumiwaga. Ye asamwamini tayari wahukumiwa kwa sababu ndajiamini irina ja mwana pekee wa Mlungu.¹⁹Ihi niyo sababu ya hukumu, ya kwamba nuru yacha urumwengunyi, ela wanadamu wakakunda kira nanganyi kuliko kwa sababu matendo gawe gako go mawiwi. ²⁰Kila mundu atendaga gazamie waichukiaga nuru wala ndachaga nurunyi ili matendo gake gasache wikwa wzi. ²¹Ela, ye atende loli wachaga nurunyi ili matendo gake gawonekane kwamba gatendwa kwa utiifu gwa Mlungu.²²Bada ya aga, Jesu andukumweri na wanafunzi wagendie katika isanga ya Yuduea. Uko wafumie muda andukumweri nawo na wakogo akibatizwa. ²³Idana Yohana pia warikogo akibatiza uko Ainea avui. Wandu wakogo wakicha kwake na kubatizwa, ²⁴Kwa kugora Yohana wakogo wadagiwe igerezanyi.²⁵Kisha kwafumirie mabishano kati ya wanafunzi wa Yohana ba Myahudi kuhusu sikukuu ra utakaso. ²⁶Wakagenda kwa Yohana wakamzera, "Rabi, ye ukogoo nae kimono cha mweda Yordani, ye ushuhudie habari rake, ngowa, adabatiza na wose wadagenda wadamnuga."²⁷Yohana akajibu mundu ndadimaga kuwokera kilambo chochose isipokuwa kama wanekwa kufuma mbingunyi. ²⁸Inyo weni mwashuhudie kugora nadedie kuwa, 'nyi siya Kristo', baada yake nadedie, 'nadumwa imbiri yake.'²⁹Ye eko na bibi harusi ni mzuri harusi. Idana mwaamwawe wa mzuri harusi, asimamaga na kusikira waboirwa nanganyi kwa sababu ya sauti ya mzuri arusi. Ihi idana ni kuboirwa wapwa kwatimilika. ³⁰Adapaswa kuzidi, nanyi napaswa kupungua.³¹Ye afumaga igu, ako igu ya gose. Ye eko wa urumwengu wafumaga urumwengunyi na waarikogo malago ga ki urumwengu. Ye afumaga mbingunyi weko igu ga gose. ³²Ye washuhudia gaja wagawona kugasikira, ela ndakudae awokeraga ushuhuda gwake. ³³Ye wakona ushuhuda gwake wahakikisha kuwa Mlungu ni mloli.³⁴Kwa sababu ye mwaduma ni Mlungu waaviaga madedo ga Mlungu. Kwa kugora ndamnekaga Ngolo kwa kipimo. ³⁵Aba wamkundi mwana na wamneka vilambo vose mikonunyi kwake. ³⁶Ye amwaminie mwana akonayo binana ya kala na kala, ela kwa ye aseko nitii mwana ndawonaga binana, bali ghadhabu ya Mlungu yashikamana igu yake.

¹Basi Jesu kumanya kugora Mafarisayo wasikira kugora Jesu warikogo awanuga na kuwabatiza zaidi ya Yohana, ²(Ingawa Jesu mweni warikogo ndabatizaga ila wanafunzi wake). ³Wafumie judea na akagenda Galilaya.⁴Huwo yarikogo muhimu kuidia samaria. ⁵Na akafika katika muzi gwa samaria, guwangwaga sikari, avui na ieneo ambajo Yakobo wamnekie mwanake Yusufu.⁶Na kisima cha Yakobo chakogo aho. Jesu wakogo wakola kwa ajili ya charo na akakaia avui na kisima. Yakogo muda gwa dime. ⁷Muka msamaria wachee kudaya machi, na Jesu akamzera, "Nineke machi ninywe." ⁸Kwa sababu wanafunzi wake warikogo wagenda rawe mjini kugua vindo.⁹Uja muka akamzera, "Ikaia wada we Myahudi, kunilomba nyi muka msamaria, kilambo cha kunywa? ¹⁰Jesu akamjibu, "kama wamanyige karama ya Mlungu, na uja akugoria 'Nineke machi, 'Wamlombaga, na wakunekaga machi ga binana."¹¹Muka akajibu, "Mzuri ndudae ndoo ya kudaia, na kisima ni kilacha. Ugapataga hao machi ga binana? ¹²Je we nimbaha, kuliko aba wedu Yakobo, ambae wadinekie kisima ichi, na ye mweni na wana wake andukumweri na mifugo yake wanywaga machi ga kisima ichi?"¹³Je akijibu, "Wowose anywaga machi aga apataga kou sena, ¹⁴Ela ye anywaga machi nimnekaga ndapataga kau sena. Badala yake machi nimnekaga ndapataga kau sena. Badala yake machi nimnekaga gakaia chemi chemi ibubujikaga hata kala na kala."¹⁵Uja muka akamzera, "Mzuri, nagalomba machi ago ili nisapate kau, "Mzuri, nagamba macji ago ili nisapate kau, na nisagae kucha aha kudaya machi." ¹⁶Jesu akamzera, "Genda mwanage migo kisha uwuie."¹⁷Muka akamzera, "Sidae mndu wa womi." Jesu akamjibu, "Wadeda nicha, "Sidae mndu wa womi; ¹⁸Kwa maana wakaia na womi wasanu, na umweri ambae ukonae ijiaha siyo mndu wa womi wako. Katika iji wadeda loli!"¹⁹Muka akamzera, "Mzuri wawona ya kugora we walodi. ²⁰Aba wedu waabudie katika lugongo ulu. Ela inyo mwadeda ya kugora Yerusalemu niyo mwadeda ya kugora Yerusalemu niyo sehemu ambayo wandu wapaswa kuabudu."²¹Jesu akamjibu, "Muka, niamini, wakati gudacha ambapo ndamuabudu Aba katika lugongo ulu au Yerusalemu. ²²Inyo wandu mwaabudu chija msakiichi, ela isi daabudu dichi ichi, kwa sababu wokovu kufuma kwa wayahudi."²³Hata huwo, wakati udacha, na idana uko aha, wakati waabudu uwo loli wadima mwabudu Aba katika ngolo na loli, kwa sababu Aba awalola wandu wa namna iyo kuwa wandu wake namwabudu. ²⁴Mungu ni Ngolo, na waja wamwabudu wapaswa kumuabudu kwa ngolo na loli."²⁵Muka akamgora, "Naichi kugora masihi adacha, (awangwaga Kristo). Uyo akacha wadima digoria gose." ²⁶Jesu akamgoria, "Nyi udedaga nae niye."²⁷Wakati ugo gweni wanafunzi wake wakawuya. Nawo washangaie kwa indoi wakogo akagoria na muka, ela ndakudae athubutue kumkotia, "wakundi indoi?" kwa indoi udaaria nae?"²⁸Huwo muka akasiga ziro yake na akagenda mjini na akawazera wandu, ²⁹Choonyi mumwone mundu wakigoria malago gapwa gose nigabonyie, je yadimika akawa nie Kristo?" ³⁰Wakafuma mjini wakacha kwake.³¹Wakati wadime wanafunzi wake wamsihie wakideda, "Rabi ja vindo." ³²Ela ye wawagorie, "Nyi nikonavo vindo msaichi inyo." ³³Wanafunzi wakagoriana, ndakudae wamredia kilambo chochose cha kuja, "Je, waredie?"³⁴Jesu akawazera, "vindo vapwa nikibonya makundo gake ye waniduma na kutimiza kazi yake. ³⁵Je, ndamdedaga, 'Bado mieri isanu na mavuno gakaiga tayari?' Nawagorienyi ngowenyio mbuwa niko tayari kwa mavuno! ³⁶Ye akwashaga wabonyekera mishahara na kukusanya matunda kwa ajili ya binana ya kala na kala, ili kwamba ye awaga nae akwashaga waboiriwe andukumweri.³⁷Kwa kugora msemo ugu ni gwa loli, 'umweri wadima wa na umwi akakwashe.' ³⁸Nawadumie kukwasha ambacho ndamsigaie, wamwi wabonyie kazi na inyo mwangia katika kuboiwa kwa kazi yake."³⁹Wasamaria wengi katika muzi guja wamwaminie kwa sababu ya taarifa ya uja muka arikogo akishuhudia, 'Anigorie malago gose nigabonyie." ⁴⁰Huwo wasamaria kucha wakamsihi akaie andukumweri nawo na akakaia kwawo kwa matuku awi.⁴¹Na wengi nanganyi wakamwamini kwa sababu ya idedo jake. ⁴²Wakamzera uja muka, "Daamini siyo tu kwa madedo gako, kwa sababu isi weni dasikira, na idana daichi kugora hakika ye ni mwokozi wa urumwengu."⁴³Baada, ya matuku ago awi, akainga na kuelekea Galilaya. ⁴⁴Kwa sababu ye mweni warikogo watangaza kugora nasi ndadae heshima katika isanga jawe mweni. ⁴⁵Kucha kufuma Galilaya, wagalilaya wamkaribishie, Warikogo wawona malago gose agabonyie Yerusalemu sikukuunyi, kwa sababu na wo pia wakogo wahudhuria sikukuuunyi.⁴⁶Wachee sena kana ya Galilaya uko abadilishie machi kuka divai. Kwarikogo na ofisa ambae mwana wake warikogo ni mkongo uko kapernaumu. ⁴⁷Kusikira kuwa Jesu wafumie Judea na kugenda Galilaya, wagendie kwa Jesu na kumsihi asee amboise mwanake, ambae warikogo avui kufwa.⁴⁸Niko Jesu akamzera, "Inyo mkalemwa ni kuwona ishara na maajabu ndamdimaga kuamini/ ⁴⁹Kilongozi akadeda, "Mzuri sea ndonyi kabla mwanapwa ndaligisire kufwa." ⁵⁰Jesu akamzera, "Genda kwanako ni mlazi." Uja mundu akaamini idedo ajidedie Jesu na akagenda chia rake.⁵¹Akogo akisea, watumishi wake wambokerie na kumzera mwanako eko banana. ⁵²Huwo akawakotia ni muda ki wapatie nafuu. Wakajibu, "Inyo muda gwa sea saba homa ikamsigiria."⁵³Niko ndee akammanya kugora ni muda guja gweni Jesu adedie, "mwanake eko banana." Huwo ye na familia yake wakaamini. ⁵⁴Ihi yarikogo ni ishara ya kawi aibonyie, Jesu kufuma Yudea kugenda Galilaya.

¹Baada ya aha kwarikogo na sikukuu ya Wayahudi na Jesu wajokie kugenda Yerusalemu. ²Na kuja Yerusalemu kwarikogo na birika mjangoji na ng'ondi, jikogo jiki wangwa kwa lugha ya kiebrania Bethzatha, najo jikona matao asanu. ³Idadi mbaha ya wakogo yarikogo, vipofu, viwete, au waolola wakogo watungura katika matao ago, {Zingatia: madedo ga mshalolo gwa 3 ndagawonekanaga katika nakala iboie ra kala." Wakiwesaria machi kutibuliwa.") kwa hakika wakati fulani malaika washukie ndenyi ya Mzuri na kugatibue machi. ⁴Kwa huwo, uja ambae warikogo wa kwanza kungia ndenyi baada ya machi kutibuliwa akabonyigwa mlazi kufumana na chochose chikogo cha mwada kwa wakati ugo.⁵Na mundu umweri wakogo wawawa kwa muda gwa miaka thelathini na nane wakogo ndenyi ya matao. ⁶Jesu kumwona watungura ndenyi ya matao na baada ya kumanya kugora watungura aja kwa mtacha Jesu akamzera, "Je wakundi kukaia mzali?"⁷Uja mkongo akamjibu, "Mzuri sidae mundu, wa kuniwika katika birika wakati machi gatibuliwa. Wakati nidageria kungia mundu umwi adanikiria." ⁸Jesu akamzera, "Wukia na uwuse igodoro jako na ugende."⁹Mara uja mundu aboisiwa, akawusa kutanda chake na akagenda. Na ituku ijo yarikogo ituku ja sababto.¹⁰Huwo wayahudi wakamzera uja mundu waboisiwa, "Linu ni ituku ja sababto, na nduhusiga kudwa igodoro jako." ¹¹Akajibu, ye waniboisa nie wanizera "wusa igodoro jako na ugende?"¹²Wakakotia, "Ni ani wakuzera "uwusa igodoro jako na udende?" ¹³Ingawa, uja waboiswa ndammanyie, kwa sababu Jesu warikogo wainga kwa siri kwa kuwa kwarikogo na wandu wengi katika sehemu iyo.¹⁴Baada ya aho Jesu wamdokie uja mundu ihekalunyi na akamzera, "Ngowa wabowa! usabonye zambi sena usachepatwa ni ilago jizamie nanganyi. ¹⁵Uja mundu akagenda na kuwagoria wayahudi kugora Jesu nie waniboisa.¹⁶Huwo, kwa sababu ya malago ago wayahudi wamtesie Jesu, kwa sababu waponyie malago aga ituku ja sababto. ¹⁷Jesu akawazera, "Aba wapwa wabonyaga kazi hata ijiaha nanyi nabonya kazi." ¹⁸Kwa sababu iyo wayahudi wakazidi kumlola ili wabwage siyo tu kwa sababu ya kuchukanya sabato, bali kwa kunga Mlungu Aba wake, akikibonya kuwa sawa na Mlungu.¹⁹Jesu akawajibu, 'Amini, amini, mwana ndadimaga kilambo chochose isipokuwa chija ambacho wamwona Aba wake achibonya, kwa kugora chochose Aba akibonyaga nicho na mwana achibonyaga. ²⁰Kwa kugora Aba wamkundi mwana, na ambonyere kila kilambo achibonyaga na wadima mbonyera malago mabaha kuliko aga ili kwamba mzidi kushangaa."²¹Kwa kugora kama wuja ambavyo Aba kandu awafufuaga wafu na kuwaneka binana, halikadhalika misana pia wamnekaga wowose amkundi. ²²Kwa kugora Aba ndamuhukumu wowose, bali wamneka mwana hukumu yose. ²³Ili kwamba wose wamheshimu mwana kama wuja mwana andu amheshimu Aba. Ye amheshimu mwana ndamheshimu Aba wamnduma.²⁴Amini, amini ye asikiraga idedo japwa na kumwamini ye waniduma akonayo banana ya kala na kala na ndahukumiwaga. Badala yake waida kufuma mautinyi na kungia binanenyi.²⁵Amini, amini nawagoria wakati gadacha na ijiaha gweko ambago wafu wadima sikira sauti ya mwana wa Mlungu, na wose wasikiraga waduma wasihi.²⁶Kwa kugora kama wuja Aba eko na banana ndenyi yake mweni. ²⁷Kadhalika wamneka mwana kuwa na binana ndenyi yake, na Aba wamneka mwana mamlaka ili kwamba ahukumu kwa kuwa ni mwana wa Adamu.²⁸Mshangazwe ni iji, kwa kuwa wakati gadacha ambawo wafu wose weko makaburinyi wadima isikira sauti yake ²⁹nao wadima fuma shigadi; kwa wabonyie gaboie kwa ufufuo gwa binana, na watenda gazamie kwa ufufuo gwa hukumu.³⁰Sidimaga kubonya kilambo chochose kufuma kwapwa mweni. Kama andu nisikiraga, niko mhukumu na hukumu yapwa ni ya haki kwa kuwa silolaga makundo gapwa, bali makundo gake waniduma. ³¹Kama nikakishuhudia nyi mweni, ushuhuda gwapwa ndagwakaga gwa loli. ³²Kuko umwi ashuhudiaga kuhusu nyi na naichi kwa hakika ushuhuda anishuhudiaga ni gwa loli.³³Mwaduma kwa Yohana nae wanishuhudia loli. ³⁴Hata huwo, ushuhuda niguwokeraga ndagufumaga kwa mwanadamu. Nadeda aga iliu kwamba mdime kuokolea. ³⁵Yohana wakogo ni taa ikogo ikiwaka na kumeremeta, na mwakogo tayari kuboirwa kwa muda mlacha nuru yake.³⁶Ushuhuda nikonago ni mbaha kuliko guja gwa Yohana, kwa kazi ambaro Aba waninekie kurikamilisha, iro kazi niribonyaga rashuhudia kugora Aba waniduma. ³⁷Aba waniduma ye mweni washuhudia kuhusu nyi. Ndamuwakie kusikira sauti yake wala kuwona umbo jake wakati gogose. ³⁸Ndakudae idedo jake jikakakaia ndenyi yenyu kwa kugora ndamumwamini ye wadumwa.³⁹Mwagachunguza maandiko mkadhani ndenyi yake kuko binana ya kala na kala, na ago maandiko ga shuhudia habari rapwa na ⁴⁰ndamkundi kucha kwapwa ili mpate binana ya kala na kala⁴¹Siwokeraga togolo kufuma kwa wandu. ⁴²Ela naichi kugora ndamdae lukundo lwa Mlungu ndenyi yenyu inyo weni.⁴³Nacha kwa irina ja Aba wapwa, ndadimie kuniwokera kama umwi akacha kwa irina jake mwabokeraga. ⁴⁴Je, mdimaga kuamini inyo ambawo mwawokera togolo kufuma kwa kila umweri wenyu ela ndamlolaga togolo ifumaga kwa Mlungu wa pekee?⁴⁵Msadhani nyi nadima washitaki imbiri ra Aba. Awashitaki inyo ni Musa, ambae inyo mwawika matumaini genyu kwake. ⁴⁶Kama mwakogo mwamini Musa, mwaniamini nyi kwa sababu waandikie kuhusu habari rapwa. ⁴⁷Kama ndamuamini maandiko gake, mdimaga kuamini madedo gapwa?

¹Baada ya malago aga, Jesu wagendie chuwandera Bahari ya Galilaya, pia yawangwaga Bahari ya Tiberia. ²Mkutano mbaha gwakogo gukimnuga kwa sababu wawonie ishara aribonbonyie kwa wakogo wakongo. ³Jesu wajokie igu hadi luwande lwa lugongo na akakaia uko na wanafunzi wake.⁴Na pasaka, sikukuu ya Wayahudi yakogo yafika avui). ⁵Jesu kuwusira meso gake igu na kuwona umati mbaha gwacha kwake, akamzera Filipo, "Digendaga hao kugua mikate ili awa wadime kuja?" ⁶(Ela Jesu wagadedie aga kwa Filipo kwa kumgeria kwa ye mweni wamanyie achibonyaga).⁷Filipo akamjibu, "Hata mikate ya thamani ya dinari mia mbili ndayatoshaga hata kilaumweri kupata hata kipande kitini." ⁸Andrea, umweri wa wanafunzi wake mbari wake simoni Petro akamzera ⁹Jesu, "kuko ndawana aha akona mikate isanu na samaki wawi, ela ihi ifaaga indoi kwa wandu wengi namna ihi?"¹⁰Jesu akamzera, "wakarishenyi wandu ndonyi" (kwarikogo na nyasi nyingi andu aja). Huwo wami wafika elfu isanu wakakaia ndonyi. ¹¹Kisha Jesu akawusa ija mikate isanu akashukuru akawagia waja wakogo wakandonyi. Huwo huwo akawawagia samaki kwa kadiri ya uja wahitaji. ¹²Wandu kumeria kuguda, akawazera wanafunzi wake, "vikusanye vipande va samaki, na bakia ili kwamba chisalagae chochose."¹³Basi wakakwanya na kuchura vikau ikumi na viwi, vipande va mikate isanu ya shayi vipande vasazwa ni waja wajie. ¹⁴Kisha wandu kuwona ishara ihi waibonya wakadeda, "Loli uyu nie uja nabii achaga urumwengunyi." ¹⁵Jesu kumanya kugora wakogo wakundi kumwada ili wabonye kuwa mzuri wao, akakitenga, sena akagenda lugongonyi ye mwenikeri.¹⁶Kufikia na wenyi, wanafunzi wake wakosea kugenda iriwinyi. ¹⁷Wakaijoka mtumnbwinyi na wakogo wakinuwuka kuelekea kapernaumu. (Kia chakogo changia na Jesu wakogo bado ndaligisire kucha kwawo. ¹⁸Wakati ugo upepo gubirie gwakogo gukuvuma, na bahari yakogo ikiendelea kuchafuka.¹⁹Sena wanafunzi wake wakogo wakaba makasia kama ishirini na asanu au thelathini, wakamwona Jesu akisela igu ya bahari gukufikia mtumbwi, na wakaboa. ²⁰Ela akawazera, "Ni nyi! msaboe." ²¹Sena wakogo tayari kumdwa mtumbwinyi, na mara mtumbwi gwafikie isangenyi andu wakogo wakigenda.²²Ituku jinugirie, mkutano gukogo gwasimama luwande lwa bahari wawonie kuwa ndadae mtumbwi gumwi isipokuwa guja ambago Jesu na wanafunzi wake wakogondawaujokie ela wanafunzi wake wakogo wagenda rawe weni. ²³(Ingawa, kwarikogo na baadhi ya mtumbwi yafuma tiberia avui na andu waja mikate baada ya Mzuri kufunya shukrani).²⁴Wakati makutano kumanya kuwa siyo Jesu wala wanafunzi wake wakogo kija, wo weni wajokie ndenyi ya mtumbwi wakagenda kapernaumu wakimlola Jesu. ²⁵Baada ya kumpata luwande lumwi lwa iriwa wakamkotia, "Rabi wachee kunu?"²⁶Jesu akawajibu, akawazera, Amini, amini, mdanilola nyi, siyo kwa sababu namwonie ishara, bali kwa sababu mwajie mikate na kuguda. ²⁷Sigenyi kuvibonyia vazi vindo vidumu hata kala na kala. Vija ambavo mwana wa Adamu adima waneka, kwa kugora Mlungu Aba wawika mhuri igu yake."²⁸Kisha wakamzera, "Ni ndoi dapaswa kubonya ili kuribonya kazi ra Mlungu?" ²⁹Jesu akajibu, "Ihi niyo kazi ya Mlungu: kwamba mwamini ye wadumwa."³⁰Basi wakamzera, "Ni ishara ki uribonyaga, kwamba dadima kuriwona na kukuamini? wadima bonya indoi? ³¹Aba wedu wajie manna ijangwenyi, kama yaandikwa, "Wawanekie mikate kufuma mbingunyi ili waje."³²Kisha Jesu akawajibu, Amini, amini siyo Musa wanekie mkate kufuma mbingunyi, bali Aba wapwa nie awanekaga mkate gwa loli kufuma mbingunyti. ³³Kwa kugora mkate gwa Mlungu ni guja gushukaga kufuma mbingunyi na kugupatia binana urumwengu.. ³⁴Basi wakamzera, "Mzuri dipate ugu mkate wakati wose."³⁵Jesu akawazera, Nyi nie mkate gwa binana, ye achaga kwapwa ndapataaga njala na ye aniaminie ndahisi kau kamwe." ³⁶Ingawa wawagorie kwamba, mwaniwona nabado ndamwamini. ³⁷Wose ambawo Aba aninekaga wachaga kwapwa, na wowose achaga kwapwa simdagaa shigadi kabisa.³⁸Kwa kugora nashuka kufuma mbingunyi, siyo kwa ajili ya kubonya makundo gapwa, bali makundo gake wanichuma. ³⁹Na aga niyo makundo gake waniduma, kwamba nisamlagashe hata umweri wa waja wanineka, bali niwafufuaga ituku ja mwisho. ⁴⁰Kwa kugora aga nigo makundo ga Aba wapwa, kwamba wowose amngowaga mwana na kumwamini apate binana ja kala na kala, nanyi nimfufuaga ituku ja mwisho.⁴¹Kisha wayahudi wakanung'unikia kumhusu ye kwa sababu wadedie, "Nyi na mkate gushukie kufuma mbingunyi." ⁴²Wakadedaga, "Uyu siyo Jesu mwana wa Yusufu, ambae ndee na mae dawaichi? Ikaia wada ijaha adede, 'Nashuka kufuma mbingunyi?"⁴³Jesu akajibu, akawazera "Msanung'unika miongonyi mwenyu weni. ⁴⁴Ndakudae mundu achaga kwapwa akalemwa rudwa ni Aba wapwa waniduma, nanyi nadima mfufua ituku ja mwisho. ⁴⁵Kwa kugora yaandikwa katika walodi; wadimafundisha ni Mlungu; kila wasikira na wakifunza kufuma kwa Aba, wachaa kwapwa.⁴⁶Sio kwamba kuko mundu wamwona Aba, isipokuwa ye afumie kwa Mlungu- wamwona Aba. ⁴⁷Amini, amini ye aaminie akona binana ya kala na kala.⁴⁸Nyi na mkate gwa binana. ⁴⁹Wakaba redu wajie manna ijangwenyi na wakafwa.⁵⁰Ugu nigo mkate gushukaga kufuma mbingunyi, ili kwamba mundu aguje sehemu yake ili asafwe. ⁵¹Nyi na mkate guishi ambago gwashuka kufuma mbingunyi. Kama mundu wowose akaja sehemu ya mkate ugu, wadima ishi kala na kala, mkate nigufunyaga ni muwi gwapwa kwa ajili ya banana ya urumwengu."⁵²Wayahudi wakasirika weni kwa weni na wakaanza kubishana wakideda, "Mundu uyu adimaga wada kudineka muwi gwake diguje?" ⁵³Kisha Jesu akawazera, "Amini, amini mkalemwa ni kuguja muwi mwana wa Adamu na kuinywa baga yake, ndamkaga na binana ndenyi yenyu.⁵⁴Wowose agujaga muwi gwapwa na kuinywa baga yapwa wadima wakaia na binana ya kala na kala, nanyi nadima mfufua ituku ja mwisho. ⁵⁵Kwa kugora muwi gwapwa ni vindo va loli, na baga yapwa ni kinywaji cha loli. ⁵⁶Ye ajaga muwi gwapwa na kuinywa baga yapwa akaiga ndenyi yapwa, nanyi ndenyi yake.⁵⁷Kama Aba akona banana andu waniduma, na andu niishi kwa sababu ya Aba, na ye pia wadima ishi kwa sababu yapwa. ⁵⁸Ugu nigo mkate gushukaga kufuma mbingunyi, sio kama wuja wakaaba wajie na kufwa. Ye agujaga mkate ugu wadima ishi kala na kala. ⁵⁹Jesu wagadekie malago aga ndenyi ya isinagogi akogo akifundisha uko kapernaumu.⁶⁰Niko wengi wa wanafunzi wake kusikira aga, wakadeda, "Iji ni ifundisho igumu nani adima ga kujiwokera?" ⁶¹Jesu kwa sababu wamanyie ya kugora wanafunzi wake wakogo wakijinung'unukia ilago iji, akawazera je ilago iji jakwanza?⁶²Bsi akaiga wada mkamwona mwana wa Adamu akishuka kufuma ukoarikogo kabla? ⁶³Ni Ngolo nie afunyaga banana. Muwi ndagufaidii kilambo chochose. Madedo nagadeda kwenyu ni ngolo na ni binana.⁶⁴Basi kuko wandu kati yenyu wasaamini,"kwa sababu Jesu wamanyie tangu mwanzo uja ambae asadimaga kuamini na ye ambae wamsaliti. ⁶⁵Akawazera, ni kwa sababu ihi nawazerie kwa ndakudae mundu adimaga kucha kwapwa isipokuwa waanekwa ni Aba.⁶⁶Baada ya aga wanafunzi wake wengi wawukie nyuma na ndawaambatane nae sena. ⁶⁷Jesu akawazera waja ikumi na wawi, "Je na inyo mwakundi kuinga?" ⁶⁸Simoni Petro akamjibu, "Mzuri digende kwani, we ukona madedo ga binana ya kala na kala, ⁶⁹na haamini na kumanya kuwa we ni mtakatifu wa Mlungu."⁷⁰Jesu akawazera, "Je nyi siwasague inyo, na umweri wenyu ni ibilisi? ⁷¹Idana wakogo akiaria kuhusu Yuda, mwana wa Simoni iskariote, kwa kugora wakogo ni ye akikaia umweri wa waja ikumi na wawi, ambae nie wamsaliti Jesu.

¹Na baada ya malago aga Jesu wadambie huwu katika Galilaya, kwa sababu ndakudae kugenda Uyahudi kwa sababu wayahudi wakogo wakibonya mipango ya kum-bwaga. ²Idana sikukuu ya wayahudi,. sikukuu ya viwanda, yarikogo avui.³Niko wambari wake wakamzera, "Inga andu aha ugende Uyahudi, ili kwamba wanafunzi wakowagawone matendo ugabonyaga. ⁴Ndakudae abonyaga jojose kwa siri iwapo ye mweni wakundi amanyikane wazi. Iwapo wabonyaga malago aga, kibonyere we mweni kwa urumwengu."⁵Hata wambari wake pia ndawamuaminie. ⁶Niko Jesu akawazera, "Wakati gwapwa ndaguligisire kufika bado, ela wakati gwenyu kila mara guko tayari. ⁷Urumwengu ndagudimaga kumichukia inyo, bali gumichukiaga nyi kwa sababu nagushuhudia kugora matendo gake ni maovu.⁸Jokenyi kugenda sikukuunyi; nyi sigendaga sikukuunyi ihi kwa sababu muda gwapwa ndaguligisire bado." ⁹Baada ya kudeda malago aga kwawo, wabakie Galilaya.¹⁰Hata huwo, wambari wake wakogo wagenda sikukuunyi, niko nae akagenda, siyo kwa wazi bali kwa siri. ¹¹Wayahudi wakogo wakimlola sikukuunyi na kudeda, "Eko hawo?"¹²Kwarikogo na majadiliano mengi miongonyi mwa makutano igu yake wamwi wadedie, 'Ni mundu aboie." Wamwi wadedie," Hapana, wawapotoshaga makutano." ¹³Hata huwo ndakudae waariya wazi igu yake kwa kuwaboa wayahudi.¹⁴Wakati sikukuu kufika gadigadi, Jesu wajokie kugenda ihekelunyi na kuanza kufuyndisha. ¹⁵Wayahudi warikogo wakishangaa na kudeda kwa jinsi ki mundu uyu waichi malago mengi? Ndasomie kamwe." ¹⁶Jesu akawajibu na kuwazera, 'Mafundisho gapwa siyo gapwa, bali ni gake waniduma.¹⁷Iwapo wowose akundaga kubonya makundo gake ye, amanyaga kuhusu mafundisho aga, kama gafumaga kwa Mlungu, au kama nadeda kufuma kwapwa mweni. ¹⁸Kila adedaga gafumaga kwake mweni walolaga utukufu gwake, bali kila alolaga utukufu gwake ye wamduma, mundu uyo niwa loli, na ndenyi yake ndakudae kulemwatenda hachi.¹⁹Musa ndawanekie inyo sheria? Ela ndakudae hata umweri kati yenyu atendaga sheria kwa indoi mwakundi kunibwaga? ²⁰Makutano wakajibu, "Ukona pepo. Nani akundi kukubwaga?"²¹Jesu akajibu na akawazera, "Natenda kazi imweri, na inyo wose mwashangazwa kwa sababu yake. ²²Musa awawanekie tohara (SIyo kwamba yafumie kwa Musa, bali ija jamie kwa wakaaba), na katika sabato mwamtahiri mundu.²³Iwapo mundu awokeraga tohara katika ituku ja sabato ili kwamba sheria ya Musa isachukanywe, kwa indoi mdanikasirikia nyi kwa sababu nam-bonya mundu kuwa binana kabisa katika sabato? ²⁴Msahukumu kulingana n mwonekano,bali hukumunyi kwa hachi.²⁵Baadhi yawe kufuma Yerusalemu wakadeda, "siye uyu wamlolaga kum-bwaga? ²⁶Na ngowa, adeda wazi wazi, na ndawadedaga chochose igu yake. Ndaidimikaga ikiwa kwamba vilongozi waichi loli kugora uyu ni Kristo, yadimika kuwa? ²⁷Daichi uyu mundu wafumie huwo. Kristo akacha, hata huwo, ndakudae amanyaga hawo wafuma nako."²⁸Jesu wakogo akipaza sauti yake ihekelunyi, akifundisha na kudeda, "Inyo wose mwaichi nyi na mwaichi uko nafuma nako. Sichee kwa nafasi yapwa, bali ye waniduma ni wa loli, na ndamumwiichi ye. ²⁹Na muichi ye kua sababu nafuma kwake na wanidumie."³⁰Warikogo wadaageria kumwa-da ela ndakudae hata umweri awusirie mkonu gwake igu yake kwa sababu saa yake yakogo bado kufika. ³¹Hata huwo, wengi katika makutano wamwaminie. Wadedie, "Kristo akacha, abonyaga ishara nyingi kuliko waribonya mundu uyu?" ³²Mafarisayo wawasikire makutano wakinong'onezana malago aga kuhusu Jesu, na wabaha wa makuhani na mafarisayo wakaduma maafisa ili kumwa-da.³³Niko Jesu akadeda, "Bado kuko muda kitambo nikaia andukumweri na inyo, na baadae nigendaga kwake ye waniduma. ³⁴Mwadima nilola wala ndamnionaga, kuja nigenda nako, ndamdimaga kucha."³⁵Kwa huwo Wayahudi wakadedanya weni kwa weni, "Mundu wadima genda huwo kwamba disadime kumwona? Agendaga kwa watawanyikie kati ya wayunani na kuwafundisha wayunani? ³⁶Ni idedo ki iji wajideda; Mnilolaga wala ndamniwonaga; kuja nigendaga ndamdimaga kucha'?"³⁷Idana katika ituku ja mwisho, ituku ibaha ja sikukuu, Jesu wasimamie akapaza sauti, akideda, "Ikiwa wowose akona kau, na acha kwapwa anywe. ³⁸Ye aniaminie nyi, kama maandiko gadedie, kufuma ndenyi yake itiririkaga mieda ya machi ga binana."³⁹Ela wadedie aga kuhusu Ngolo, ambae wo wamwamini wadima m-bokera; Ngolo wakogo bado kufunyigwa kwa sababu Jesu wakogo ndaligisire kutukuzwa bado.⁴⁰Baadhi ya makutano, kusikira madedo aga, wadedie, "Loli uyu ni mlodi." ⁴¹Wamwi wadedie, "Uyu ni Kristo." Ela wamwi wadedie, "indoi, Kristo adima kufuma Galilaya? ⁴²Maandiko ndagadedie kugora Kristo afumaga katika ukoo gwa Daudi na kufuma Bethlehemu, kijiji ambacho Daudi wakogo?⁴³Huwo, aja gukafumiria mgawanyiko katikati ya makutano kwa ajili yake. ⁴⁴Wamwi kati yawe wam-bwadaga, ela ni ndakudae wanyosha mikonu yake igu yake.⁴⁵Niko waja maofisa wakawuya kwa wabaha wa makuhani na mafarisayo, nawo wawazera, "kwa indoi ndamwu-redie?" ⁴⁶Maafisa wakajibu, "Ndakudae mundu wawahi kuaria kama uyu kabla."⁴⁷Niko mafarisayo wakawajibu, "Na inyo pia mwapotoshwa? ⁴⁸Kuko wowose kati ya watawala amwamini, au wowose wa mafarisayo? ⁴⁹Bali awa makutano wasaichi sheria wakalaniwe."⁵⁰Nikodemu akawazera (ye amgendie Jesu aho kala, akika umweri wa mafarisayo), ⁵¹"Je sheria yedu yamhukumu mundu isipokuwa wasikiriwa kwanza na kumanya achibonyaga?" ⁵²Wajibie na kumzera, "Na we pia wafumie Galilaya? Lola na uwone kwamba ndakudae mlodi wafuma Galilaya."⁵³(Zingatia: Baadhi ya madedo ga Yohana 7: 53 - 8:11 ndageko katika nakala bora ra kala). Kisha kila mundu wagendie nyumbenyi kwake.

¹(Zingatia: Ngowa ufafanuzi gwa Yohana 7: 53 - 8: 11 aho igu). Jesu wagendie lugongo lwa mizeituni. ²Mapem asubuhi akacha sena ihekelunyi, na wandu wose wakamgendia; akaka na kuwafundisha. ³Waandishi na mafarisayo wakamreda muka awadigwe katika kitendo cha kuzini. Wakamwika gadi gadi.⁴(Zingatia: Ngowa ufafanuzi gwa Yohana 7: 53 - 8: 11 aho igu). Niko wakamzera Jesu, "Mwalimu, muka uyu wawa-diwa katika uzinzi, katika kitendo kabisa. ⁵Idana, katika sheria, Musa wadiamuru kuwaponda magwe wandu kama awa, ugora wada igu yake? ⁶Wadedie aga ili kumtega ili kwamba wapate ilago ja kumshtaki, ela Jesu akagogoma ndonyi akaandika katika ardhi kwa chala chake.⁷(Zingatia: Ngowa ufafanuzi gwa Yohana 7: 53 - 8: 11 aho igu). Waendelee kumkotia, wasimamie na kuwazera, "Ye asadae zambi miongonyi wenyu, awe wa kwanza lauponda magwe. ⁸Akagora seana ndonyi akaandika katika ardhi kwa chala chake.⁹(Zingatia: Ngowa ufafanuzi gwa Yohana 7: 53 - 8: 11 aho igu). kusikira ago, wakainga umweri baada ya umweri, kuanzia eko mgosi mwishonyi Jesu wasigiwe mweni keri, andukumweri na uja muka akogo gadi gadi yawe. ¹⁰Jesu wasimamie na kumzera, "muka, wakogo wakushitaki wako hawo? Ndakudae hata umweri wakuhukumu?" ¹¹Akadeda, "Ndakudae hata umweri Mzuri." Jesu akadeda, "Hata nyi sikuhukumu. Genda chia rako, kuanzia ijiaha na kuendelea usatende zambi sena."¹²Sena Jesu akaria na wandu akideda, "Nyi na nuru ya urumwengu; ye aninuga ndaselaga kirenyi bali akaia na nuru ya binana." ¹³Mafarisayo wakamzera, "Udakishuhudia mweni." ushuhuda gwako siyo gwa loli."¹⁴Jesu wawajibie akawazera, "Hata kama nikishuhudia mweni, ushuhuda gwapwa ni loli. Naichi andu nifumie na kuja nigendaga, ela inyo ndamuichi andu uko nifumie au kuja nigendaga. ¹⁵Inyo mwahukumu ki-muwi, nyi simhukumu wowose. ¹⁶Nyi hata nikahukumu, hukumu yapwa ni loli kwa sababu siko nyimweni, bali niko andukumweri na Aba waniduma.¹⁷Niko, katika sheria yenyu yaandikwa kwamba ushuhuda gwa wandu wawi ni loli. ¹⁸Nyi nie nikishuhudia, na Aba anidumie anishuhudia."¹⁹Wakamzera, "Aba wako ako hao?" Jesu akajibu, "Nyi ndemniichi wala Aba wapwa ndamuiichi, kama mwakogo mwaniichi nyi, mwammanyaga na Aba wapwa pia." ²⁰Wadedie madedo aga akika avui na hazina akogo akifundisha ihekelunyi, na ndakudae hata umweri wam-mwada kwa sababu saa yake yakogo bado kufika.²¹Basi akawazera sena, "Nagenda chia rapwa, mnilolaga na mfwaga katika zambi renyu. Kuja nigenda, ndamdimaga kucha." ²²Wayahudi wakadeda "Akibwaga mweni, ye ambae wadedie, 'kuja nigendaga ndamdimaga kucha'?"²³Jesu akawazera, "Mwafuma ndonyi, nyi nafuma igu. Inyo ni wa urumwengu ugu; nyi siyo wa urumwengu ugu. ²⁴Kwa huwo, mfwaga katika zambi renyu. Vinginevyo muamini kugora NYI NIYE, mfwaga katika zambi renyu."²⁵Kwa huwo wakamzera, "we wani? Jesu akawazera, Gaja niwagorie tangu mwanzo. ²⁶Nikonago mengi ga kuaria na kuhukumu igu yenyu. Hata huwo, ye anidumie ni wa loli, na malago wagasikire kufuma kwake, malago aga nagadeda kwa urumwengu." ²⁷Ndawamwelewe kwamba wakogo akiaria nawo kuhusu Aba.²⁸Jesu akadeda, "Mkamwinua igu mwana wa mundu, niko mmanyaga kuwa NYI NIE, na kwamba sibonyaga jojose kwa nafsi yapwa. kama Aba awafundishie, na ndeda malago aga. ²⁹Ye anidumie eko andukumweri nanyi, na ye ndamsigie nyi mwenikeri, kwani kila mara nabonyaga gaja gampendezaga." ³⁰Wakati Jesu akideda malago aga, wengi wamwaminie.³¹Jesu akadeda kwa waja wayahudi wamwaminie, "Ikiwa mkaia katika idedo japwa, niko mkaia wanafunzi wapwa loli. ³²na inyo mwadima imanya loli, na loli yadima wawika huru." ³³Wakamjibu, "Isi na kivazi cha Ibrahimu na kamwe ndadigisire kuka indoi ndonyi ya utumwa gwa wowose; udedaga wada, "Diwikwaga huru?"³⁴Jesu akawajibu, "Amini, amini namigoria, kila abonyaga zambi ni mtumwa wa zambi. ³⁵Mtumwa ndakaga nyumbenyi wakati gose, mwana wadumu matuku gose. ³⁶Kwa huwo, ikakai mwana akawawika huru, mkaia huru loli kabisa."³⁷Naichi kugora inyo ni kivazi cha Ibrahimu; mdalola kuuibwa-ga kwa sababu idedo japwa ndajidae nafasi ndenyi yenyu. ³⁸Nadeda malago ambago nagawona andukumweri na Aba wapwa, na inyo wuja mdabonya malago ambago mwagasikire kufuma kwa waka ndeo wenyu."³⁹Wajibie na kumzera, mwabonyaga kazi ra Ibrahimu. ⁴⁰Hata ijiaha mwalola kunibwaga, mundu wawagoria loli kugora nasikire kufuma Mlungu. Abrahamu ndabonyie huwu. ⁴¹Mdabonya kazi ra aba wenyu." wakamzera, "Ndadivalwe katika uzinzi, dikanae Aba umweri, Mlungu."⁴²Jesu akawazera, "Kwa kugora Mlungu ni Aba wenyu, mwakundaga nyi, kwa maana nafuma kwa Mlungu; wala si chee kwa nafasi yapwa, bali ye waniduma. ⁴³Kwa indoi ndamgaelewaga madedo gapwa? kwa sababu ndamdimaga kurumagia kugasikira madedo gapwa. ⁴⁴Inyo niwa wenyu, shetani, na mwakundi kunitenda tamaa ra aba wenyu Wakogo m-bwagaji tangu mwanzo na ndadimaga kusimama katika loli kwa sababu loli ndaiko ndenyi yake. Akadede tee, adadeda kufuma asilinyi kwake kwasababu ni mtee na aba wa tee:⁴⁵Hata ijiaha, kwa sababu nadeda iko loli, ndamniamini. ⁴⁶Nani kati yenyu anishuhudiaga kugora ni kona zambi? ikakaia nadeda iko loli, kwa indoi ndamniamini? ⁴⁷Ye eko wa Mlungu wagasikiraga madedo ga Mlungu, inyo ndamgasikiraga kwa sababu inyo ndwa wa Mlungu."⁴⁸Wayahudi wakamjibu na kumzera, ndadidedie loli kugora we ni msamaria na ukona pepo?" ⁴⁹Jesu akajibu, si dae pepo; ela namheshimu Aba wapwa, inyo ndamniheshimu.⁵⁰Silolaga utukufu gwapwa; kuko na umweri alolaga na kuhukumu. ⁵¹Amini, amini nawaambia, iwapo wowose ajiwadaga idedo japwa, ndawonaga mauti kamwe."⁵²Wayahudi wakamzera, "Idana damanya kugora pepo. Abrahamuy na walodi wafuye, ela udadeda, 'Ikiwa mundu ajiwadaga idedo japwa, ndajaga mauti." ⁵³We ndwa mbaha kuliko aba wedu Abrahamu afuye, sinyo? walodi pia wafuye We wakibonya kuwa wani?"⁵⁴Jesu aakajibu, "Ikiwa nikimtukuzaga nyi mweni, utukufu gwapwa ni dueri. ⁵⁵Inyo ndammanyege ye, ela nyi namwaichi ye. Ikiwa nidedaga simuichi nikaia kama inyo, na mtee. Hata huwo, namwichi na madedo gake nagwada. ⁵⁶Aba wenyu Abrahamu washangilie andu awonaga ituku japwa, wawonie na akaboiwa.⁵⁷Wayahudi wakamzera, "Ndufikishie umwi gwa miaka hamsini bado, nawe wamwona Ibrahimu?" ⁵⁸Jesu akawazera, "Amini, amini, nawagoria, kabla Abrahamu ndajisire valwa, NYI NEKO." ⁵⁹Niko wakashowa magwe wapate kumkaba, ela Jesu akakivisa na akafuma shigadi ya ihekalu.

¹Wakati, Jesu akogo akideda, wamwonie mundu kipofu tangu kuvalwa kwake. ²Wanafunzi wake wakamkotia, "Rabi, nani atendie zambi, mundu uyu au wavazi wake, hata avalwe?"³Jesu akajibu, "Sinyo uyu mundu wala wavazi wake watendie zambi, bali kazi ra Mlungu nipate kufunuliwa kuidia kwake. ⁴Dapaswa kubonya kazi rake ye anidumie wakati bado ni dime kio chidacha wakati ambapo ndakudae adimaga kubonya kazi. ⁵Wakati niko urumwengunyi, nyi na nuru ya urumwengu."⁶Baada ya Jesu kudeda malago aga, akachuya ardhinyi, akabonya itope kwa mada, na akamvia uja mundu mesonyi na jija itope. ⁷Akamzera, genda- kisimamenyi cha siloam (yatafsiriwa kama wadumwa')."kwa huwo uyo mundu akagenda, nawa, na akawua adawona.⁸Majirani wa uja mundu na waja wamwona mwanzo kama mlombaji wadedie, Je! uyu siyo siyo uja mundu akogo akikaia na kulomba?" wami wadedie, "Ni ye." ⁹Na wamwi wadedie, "Hapana, bali wafwanane nae." Ela warikogo akideda." Ni nyi."¹⁰Wakamzera." Idana meso gako gafunguliwe wada?" ¹¹Wajibie, mundu awangwaga Jesu wabonyie itope na kuvivia meso gapwa na kunizera, 'Genda siloam ugende nawa. Kwa huwo nikagenda, na nikanawa, na nikapata kuwona sena." ¹²Wakamzera," Ako huwo?" Akajibu, "siichi."¹³Wakamgenja uja mundu awahie kukaia kipofu kwa mafarisayo. ¹⁴Nayo yakogo ituku ja sabato wakati Jesu akabaisa itope na kugafumbua meso gake. ¹⁵Niko sena mafarisayo wakamkotia wa wawawada. Akawazera, "Wawikie itope mesonyi kwapwa, nikanawa na idana nadima kuwona."¹⁶Baadhi ya mafarisayo wakideda, "mundu uyu ndafumie kwa Mlungu kwa sababu ndaiwadaga sabato." Wamwi wakadeda," Idimikaga wada mundu ekona zambi kubonya mgawanyiko kati yawo. ¹⁷Niko wakamkotia uja kipofu sena, "Udedaga wada igu yake kwa sababu wagafungue meso gako?" kipofu akadeda, "Ni mlodi." ¹⁸Hata wakati ugu wayahudi ndawamuaminie kwamba warikogo kipofu nae wapata kuwona mpaka wakawawanga wavazi wake ye arikogo kipofu.¹⁹Wawakotie wavazi, Je, uyu ni mwana wenyu mdadega warikogo kipofu? wadima wada Idana kuwona?" ²⁰Huwo wavazi wake wakamjibu "Daichi kugora uyu ni mwana wenyu na kwamba wavalwe kipofu. ²¹Jinsi ki idana adawona, ndadiichi, na ye wamfumbua meso gake, ndadimuiichi. Mkotienyi ye ni mundu mlazi. Adima kukieleza mweni."²²Wavazi wake wadedie malago aga, kwa sababu warikogo wadawaboa wayahudi. Kwa wuja wayahudi warikogo wakubaliana tayari kuwa, ikiwa wowose wadima- wakiri kuwa Jesu ni Kristo, wadima tengwa na isinagogi." ²³Kwa sababu ihi, wavazi wake wadiadie, "Ni mundu mlazi, mkotienyi ye mweni."²⁴Kwa huwo kwa mara ya kawi, wam-bangie uja mundu awabireje kukaia kipofu na kumzera, "Mneke Mlungu utukufu. Daichi kugora mundu uyu ni mundu ako na zambi." ²⁵Niko uja mundu akajibu." Ake ni akona zambi nyi siichi. Kilambo chimweri ni chichi: narikogo kipofu, na ijiaha nawona."²⁶Niko wakamzera, "Wakubonyia indoi? Wagafumbue wada meso gako?" ²⁷Akajibu, "Nameria kuwagoria tayari, na inyo wasikirie! kwa indoi mwakundi kusikira sena? Nainyo ndamkundi kuwa wanafunzi wake pia, sivyo? ²⁸Wakamwanyira na kudeda, "We ni mwanafunzi wake, ela isi da wanafunzi wa Musa. ²⁹Daichi kugora Mlungu waarie na Musa, ela kwa uyu mundu, ndadiichi kuja afumie nako."³⁰Uja mundu akajibu na kuwazera, "kwa indoi, iji ni ilago ja kushangaza, kwamba ndamuichi afumie nako, na bado wafumbue meso gapwa. ³¹Daichi kugora Mlungu ndawasikiraga wekona zambi, ela ikakaia mundu wowose mwabudu Mlungu na kubonya makundo gake, Mlungu wamsikiraga.³²Tangu kuanza kwa urumwengu ndailigisire kamwe kusikirwa kwamba wowose wagafumbua meso ga mundu wavalwa kipofu. ³³Ikiwa mundu uyu ndafumie kwa Mlungu, ndabonyaga chochose." ³⁴Wajibie na kumzera, "Wavalwe katika zambi kabisa, na we udadifundisha isi?" Niko wamwingisa kufuma isinagoginyi.³⁵Jesu wasikire kugora wamwinja isinagoginyi. wampatie na kumzera, "kumwamini mwana wa mundu?" ³⁶Wajibie na kudeda, "Nani, Mzuri, ili nanyi nipate kumwamini?" ³⁷Jesu akamzera, "Wamwona, naye uariaga nae niye." ³⁸Uja mundu akadeda, "Mzuri, Naamini." Niko akamsujudia.³⁹Jesu akadeda, "Kwa hukumu nacha katika urumwengu ugu ili kwamba waja wasaonaga wapate kuona nawaja wawonaga wake vipofu. ⁴⁰Baadhi ya mafarisayo warikogo andukumweri nae wakasikira madedo ago na kumkotia, "Na isi pia da vipofu?" ⁴¹Jesu akawazera, "Kama mwakogo vipofu, ndamwakaga na zambi. Hata huwo, ijiaha mdadeda, 'Dawona, zambi yenyu idakaia."

¹Amini, amini, nawazera uja asangiaga kwa kuidia mjango gwa izzi ja ng'ondi, ela adajoka kwa chia imwi, mundu uyu ni mting'a na mnyang'anyi. ²Ye angiaga mjangonyi ni mlisha wa ng'ondi.³Kwake mlindiri wa mjango wamruguliaga. Ng'ondi ra sikiraga sauti yaake na wariwangaga ng'ondi rake kwa marina gawe na kuwafunya shigadi. ⁴Akawafunya shigadi awo weko wake, wawanega, na ng'ondi kumnuga, kwa sababu waichi sauti yake.⁵Ndawamnuga mgenyi ela badala yake wadima mwepuka, kwa sababu ndawaniichi sauti ra wagenyi." ⁶Jesu wadedie mfano ugu mzawe, ela ndawagaelewe malago aga ambago warikogo akideda kwawo.⁷Jesu akadeda nawo sena, "Amini, amini, nawazera, Nyi na mjango gwa ng'ondi. ⁸Wose wanikirie ni wating'a na ni wanyang'anyi, ela ng'ondi ndawasikire.⁹Nyi na mjango. Wowose angiaga kuidia kwapwa, wadima okolewa, angiaga ndenyi na kufuma, nae wadima wakipatia malisho. ¹⁰Mting'a ndadacha isipokuwa kuiwa, kubwaga na kuangamiza. Nacha ili kwamba wapate binnana na wakaie nayo tele.¹¹Nyi na mlisha mwema. Mlisha mwema wagufunyaga uhai gwake kwa ajili ya ng'ondi. ¹²Mtumishi waajiriwa, na siyo mlisha, ambae ng'ondi siyo mali yake, wawaona makoshi ga kireti wadacha na kuwakimbia ng'ondi. ¹³Na makoshi ga kireti wawa-da na kuwatawanya. Wakimbiga kwa sababu ni mtumishi wa kuajiriwa wa na ndawajali ng'ondi.¹⁴Nyi na mlisha mwema, na nawaichi weko wapwa, nawo weko wapwa waniichi nyi. ¹⁵Aba waniichi, nanyi namwiichi Aba, nanyi nagufunya uhai gwapwa kwa ajili ya ng'ondi. ¹⁶Nikona ng'ondi wamwi ambawo siyo wa iziz iji. Awo pia, yanipasa kuwareda, nawo wadimasikira sauti yapwa ili kwamba kukaie na ikundi jimweri na mlisha umweri.¹⁷Ihi niyo sababu Aba wanikundi: Ni gufunye yhai gwapwa halafu niguwuse sena. ¹⁸Ndakudae aguwusaga kufuma kwapwa, ela nyi nagufunya nyimweni. Nikona mamlaka ga kugufunya, na nikonago mamlaka ga kuguwusa pia. Najiwokera ilagizo iji kufuma kwa Aba."¹⁹Mgawanyiko sena gukafumiria kati ya wayahudi kwa sababu ja madedo aga. ²⁰Wengi wao wakadeda, "Akona pepo na ni mkilalu. Kwa indoi mwamsikira?" ²¹Wamwi wakadeda, "Aga siyo madedo ga mundu wapagawa ni pepo. Pepo jadima kufungua meso ga kipofu?"²²Niko ikacha sikukuu ya kuwikwa wakfu jerusalemu. ²³Wakogo wakati gwa mbeo, na Jesu wakogo akisela ihekelunyi katika ukumbi gwa selemani. ²⁴Niko wayahudi wakamzunguluka na kumzera, "Mpaka li wadima wadiwika katika mashaka? kama we wa Kristo, digorie wazi.²⁵Jesu akawajibu, "Nameria kuwagoria ela ndamwamini: kazi niribonyaga kwa irina ja Aba wapwa, iro ra shuhudia igu yapwa. ²⁶Hata huwo ndawaamini kwa sababu inyo siyo ng'ondi wapwa.²⁷Ng'ondi wapwa waisikiraga sauti yapwa, nawaichi nawo waninuga nyi. ²⁸Nawaneka binana ya kala na kala, ndawaangamia kamwe, na ndakudae hata umweri adimaga kuwanyakua kufuma mikonunyi kwapwa.²⁹Aba wapwa, aninekie awo, ni mbaha kuliko wamwi wose, na ndakudae hata umweri ekona uwezo wa kuwanyakua kufuma mkonunyi kwa Aba. ³⁰Nyi na Aba da umweri." ³¹Wakadwa magwe ili wamponde sena.³²Jesu akawajibu, "Nawabonyera kazi nyingi riboie kufuma kwa Aba. Kwa kazi riao katiga iro mwakundi kuniponda magwe?" ³³Wayahudi wakamjibu, "Ndadikupondaga magwe kwa kazi yoyose iko iboie, ela kwa kukufuru, kwa sababu we, uko mundu, wakibonya kuwa Mlungu."³⁴Jesu akajibu, "Ndaiandikiwe katika sheria yenyu, "Nadedie, "Inyo ni Mlungu?" ³⁵Ikiwa wa-wa-wangie Mlungu, kwa waja ambawo idedo ja Mlungu jawachee (na maandiko ndagadimaga kuchukanyigwa), ³⁶Mwadeda igu ya uja ambae Aba wamfunyie na kumduma katika urumwengu, 'Udakufuru; kwa sababu nadedie;, 'Nyi na mwana wa Mlungu'?³⁷"Ikiwa sibonyaga kazi ra Aba wapwa, msaniamini. ³⁸Hata huwo, ikiwa naribonya, hata kama ndamiamini, riamininyi kazi ili kwamba mdime kumanya na kumanya kwamba Aba weko ndenyi yapwa nanyi neko ndenyi ya Aba." ³⁹Wakageria sena kumwada Jesu, ela wagendie chia rake kufuma mikonunyi kwawe.⁴⁰Jesu akagenda chia rake sena kimonu cha Yordani sehemu ambayo Yohana awakogo akibatiza kwanza, na akakaia uko. ⁴¹Wandu wengi wakacha kwa Jesu. Waendelee kudeda, "Yohana loli ndabonyie ishara yoyose, ela malago gose wagadeda Yohana igu ya uyu mundu ni ga loli." ⁴²Wandu wengi dimamwamini Jesu apo.

¹Basi mundu umweri irina jake ni Lazaro wakogo mkonago. Wafumie Bethania, kijiji cha Mariamu na dadae Mrtha. ²Wakogo ni Mariamu uja amvirie Mzuri Marhamu na kumfuta magu gake kwa njwi rake, ambae mbari wake ni Lazaro akogo ni mkongo.³Niko wakadeda awa wadumie ujumbe kwa Jesu na kudeda, "Mzuri, ngowa uja umkundi adawa-wa." ⁴Jesu kusikira akadeda, "Ukongo ugu siyo gwa mauti, ela, badala yake ni kwa ajili ya utukufu gwa Mlungu ili kwamba mwana wa Mlungu apate kutukuzwa katika ugo ukongo."⁵Jesu wamkundie martha na dadie na Lazaro. ⁶Kusikira kuwa Lazaro ni mkongo, Jesu wakaie matuku awi zaidi andu arikogo. ⁷Niko baada ya iji wawagorie wanafunzi wake. "Digendenyi uyahudi sena."⁸Wanafunzi wakamzera, "Rabi, wayahudi wagerie kukuponda magwe, na we wakundi kuwua uko sena? ⁹Jesu akawajibu, "Saa ra dime ni ikumi na iwi? mundu akasela na dime ndadimaga kukuwa, kwa sababu adawona kwa nuru ya dime.¹⁰Hata huwo, ikiwa wadime sela na kio, akuwaa kwa sababu nuru ndaiko ndenyi yake." ¹¹Jesu akadeda malago aga, na baada ya malago aga, akawazera, "Mwaawedu wedu Lazaro watungura, ela nidagenda ili kwamba mpate kumwusira kufuma dilonyi."¹²Niko wanafunzi wakamzera, "Mzuri, kama watungura, wadima wukia. ¹³Wakati ugu Jesu wakogo akiaria habari ra kifwa cha Lazaro, ela wo wadhanie wazungumzia igu ya kutungura dilo. ¹⁴Niko Jesu akazungumza nawo wazi wazi, "Lazaro wafwa.¹⁵Nikona kuboirwa kwa ajili yenyu, kwamba sikogo kuja ili kwamba mpate kuamini. Digendenyi kwake." ¹⁶Basi Tomaso, awawingiwe pacha, wawagorie wanafunzi wambwawe, " Na isi digendenyi pia digende fwa andu kumweri na Jesu."¹⁷Wakati Jesu kucha, wadokie kwamba Lazaro tayari wakogo kaburinyi matuku ana. ¹⁸Nayo Bethania yarikogo avui na Yerusalemu kama kilometa arobaini na isanu huwu. ¹⁹Niko Martha akasikira kuwa Jesu adacha, akagenda kuwona nae, ela Mariamu waendelee kukaia nyumbenyi. ²⁰Niko Martha ndasikire kuwa Jesu adacha, waendelee kukutana na ye, ela Mariamu waendelee kuka nyumbenyi.²¹Niko martha akamzera Jesu, "Mzuri, kama warikogo aha, kaka wapwa ndarifwaga. ²²Hata ijiaha, naichi ya kuwa jojose ujilombaga kufuma kwa Mlungu, wadimakupatia." ²³Jesu akamzera, kakio wadima fufuka sena."²⁴Martha akamzera, naichi kwamba wadima fufuka katika ufufuo ituku ja mwisho." ²⁵Jesu akamzera, "Nyi na ufufo na binana, ye aniaminie, ingawa afwaga, hata huwo akaia adaishi, ²⁶na ye aishie na kuamini nyi ndafwaga. Udaamini iji?"²⁷Akamzera, "Ndiyo, Mzuri naamini kwamba wa wakristo, mwana wa Mlungu, ye achaga katika urumwengu." ²⁸Kumeria kudeda iji, akagenda chia rake na kumwa-nga dadie wa mariamu faraghanyi. ²⁹Mariamu kusikira aga, akawikira shwashwa na kugenda kwa Jesu.³⁰Naye Jesu warikogo bado kucha ndenyi ya kijiji, bali wakogobado andu wakwana na Martha. ³¹Niko Wayahudi wakogo na Mariamu katika nyumba na waja wakogo wakimfariji, kumwona akiwukia shwashwa na kufuma shigadi, wakamnuga, wadhanie kuwa adagenda kaburinyi ili agende lila uko. ³²Niko Mariamu, akafika aja Jesu akogo wamwona na, akagwa ndonyi ya magu gake na kumzera, "Mzuri, kama wakogo aha, mbari wapwa ndafwaga."³³Jesu kumwona adalila, na Wayahudi wachee andukumwei nae wakogo wakilila pia. Waombolezie katika ngolo na kufadhaika, ³⁴akadeda, "Mwamtungurisha hawo? wakamzera, Mzuri, choo unguwe." ³⁵Jesu akalila.³⁶Niko Wayahudi wakadeda, "Ngowa andu amkundie Lazaro!" ³⁷Ela wamwi kati yawe wakadeda, "Siyo uyuy, mundu agafumbue meso ga uja akogo kipofu, ndadimie kum-bonya uyu mundu asafwe?"³⁸Niko Jesu, hali akiomboleza nafsinyi kwake sena, wagendie kaburinyi. Iji aha yakogo mbaga, na igwe jawikwa igu yake. ³⁹Jesu akadeda, "Jinyenyi igwe." Martha, dadadie wa Lazaro, ye afuye, akamzera Jesu, "Mzuri, kwa muda ugu, muwi gukaga gwavunda, kwa sababu wakaia maiti kwa matuku ana." ⁴⁰Jesu akamzera, "Nyi sikogorie ya kwamba kama ukawini, uguwonaga utukufu gwa Mlungu?"⁴¹Kwa huwo wakajiinja igwe. Jesu akainua meso gake igu na kudeda, "Aba, nashukuru kwa kugora wanisikiraga. ⁴²Naichi kwamba wanisikira mara rose, ela ni kwasababu ya ikusanyiko ambajo jasimama kumzunguluka kwamba nadedaga, ili kwamba wapate kuamini kuwa we waniduma."⁴³Baada ya kudeda aga, wakemie kwa sauti mbaha, "Lazaro, fuma shigadi." ⁴⁴Mfu akafuma shigadi wafungwa mikonu na magu kwa sahanda ra kurikia, na wushu gwake gwafungiwe na kitambaa." Jesu akawazera, "Mfunguenyi mumsige agende."⁴⁵Niko wayahudi wengi wachee kwa mariamu na kuwona Jesu wachibonya, wakamwamini. ⁴⁶Ela baadhi yao wakagenda kwa mafarisayo na kuwagoria malago wagabonya Jesu.⁴⁷Niko wabaha wa makuhani na mafarisayo wakakusanyika andu kumweri katika ibaraza na kudeda, "Dibonyaga indoi? mundu uyu adabonya ishara nyingi. ⁴⁸Ikiwa dimsigaa uyu mwenikeri, wose wadima mwamini, Warumi wachaga na kuwusa vose andu kwedu na isanga jedu."⁴⁹Hata huwo, mundu umweri kati yawe, kayafa, akogo kuhani mbaha mwaka ugo, akawazera, "Ndamuichi chochose kabisa. ⁵⁰Ndamfikiria kwamba yafua kwa ajili yenyu kwamba mundu umweri yapasa kufwa kwa ajili ya wandu kuliko isanga jose kuangamia."⁵¹Aga ndagadie kwa sababu yake mweni, badala yake, kwa kugora warikogo kuhani mbaha mwaka guja, watabirie kwamba Jesu afwaga kwa ajili ya isanga; ⁵²na siyo kwa isanga jinekeri, bali Jesu apate kuwakusanya wana wa Mlungu ambawo watawanyika sehemu ya isanga. ⁵³Kwa huwo kuanzia ituku ijo na kuendelea wakapanga namna ya kumwa-ga Jesu.⁵⁴Jesu ndaselie sena wazi wazi kati ya Wayahudi, bali waingie aho na kugenda isanga jiko avui na ijangwa katika muzi guwangwa ga Efrahim,u. Aho wakee na wanafunzi. ⁵⁵Basi pasaka ya Wayahudi yarikogo avui, na wengi wakajoka kugenda Yerusalemu shigadi ya muzi kabla ya pasaka ili wapate kukitakasa weni.⁵⁶Warikogo wakimlola Jesu, na kuaria kila umweri wakogo wasimama ihekalunyi, "Mfikiri indoi? kwamba ndachaga sikukuunyi?" ⁵⁷Wakati ugu wabaha wa makuhani na mafarisayo wakogo wafunya amri kwamba ikiwa umweri akamanya Jesu andu eko, apaswa kufunya taarifa ili kwamba wapate kumwa-da.

¹Matuku sita kabla ya pasaka, Jesu wagendie Bethania ukoeko Lazaro, ye ambae wamfufue kufuma wafu. ²Basi wakamwandalia vindo va kwenyi uko, na Martha akamtumikia, wakati ugo Lazaro wakogo umweri wawe na waja wakaia vindonyi andu kumweri na Jesu. ³Kisha Mariamu akawusa rati ya manukato gaboisiwe kwa nardo safi, gekona samani mbaha, akamvia Jesu magunyi, na kumfuta magu kwa njwi rake; nyumba yose ikachua harufu ya manukato.⁴Yuda Iskarote, umweri wa waja wanafunzi wake, ambae nie amsaliti Jesu, akadeda, ⁵"Kwa indoi manukato aga gasadagwe kwa dinari miaidadu na wakanekwa wakiwa?" ⁶Naye wagadedie ago, siyo kwa kuwa-wonia mbazi wakiwa, bali kwa sababu warikogo mting'a: ye nie awadie mfuko gwa magome na wakogo awusa baadhi ya viwikwa aho kwa ajili yake mweni.⁷Jesu wadedie, "Msige awike eko nacho kwa ajili ya ituku ja mariko gapwa. ⁸Wakiwa mkaia nawo matuku gose, ela ndamkaia nanyi matuku gose."⁹Basi umati mbaha gwa wayahudi wapatie kumanya ya kuwa Jesu ako uko, nawo wakacha, siyo kwa ajili ya Jesu tu, ila wamwone na Lazaro ambae Jesu wamfufue kufuma kwa wafu.. ¹⁰Nawo wabaha wa makuhani wakabonya shauri ili wamwage Lazaro, ¹¹Maana kwa ajili yake wengi katika wayahudi wagendie rawe na wakamwamini Jesu.¹²Na ituku ja kawi yake umati mbaha wachee sikukuunyi. Kusikira ya kuwa Jesu adacha Jerusalemu, ¹³Wawusie matawi ga midi ya mitende na kufuma shigadi kugenda kumlaki na wakaba jogo, "Hosana! Wabarikiwa ye achaga kwa irina ja Mzuri, Mzuri wa Israeli."¹⁴Jesu wampatie mwana- punda akamjoka, kama wuja iandikiwe, ¹⁵"Usaboe, binti sayuni, ngowa, Mzuri wako adacha wajoka mwana punda."¹⁶Wanafunzi wake ndawagaelewe malago aga aha kwanza, ela Jesu kutukuzwa, niko wakakumbuka ya kuwa malago aga waandikiwe ye na yakugora watendie malago aga kwake.¹⁷Basi jija ikundi ja wandu wakogo andukumweri na Jesu wakati akimwa-nga Lazaro kufuma kaburinyi, wakashuhudia kwa wamwi. ¹⁸Na yakogo kwa sababu ihi pia kwamba ikundi ja wandu wagendie kumlaki kwa sababu wasikire ya kugora waibonyie ishara iyo. ¹⁹Mafarisayo wakadedanya wo kwa wo, "Ngowa, iji aha ndamdimaga kubonya jojose, ngowa, urumwengu gwgenda kwake."²⁰Idana baadhi ya wayahudi wakogo miongonyi mwa waja wakogo wakigenda abudu sikukuunyi. ²¹Awa wagendie kwa Filipo, ambae wafumie, "Mzuri, isi datamani kuwona Jesu." ²²Filipo akagenda akamzera Andrea, Andrea na Filipo wakagenda na kumgoria Jesu.²³Jesu akawajibu, akadeda, "Saa yafika kwa ajili ya mwana wa Adamu kutukuzwa. ²⁴Amini, amini nawagoria, chembe ya ngano ikalemweni kugwa katika isanga ikafwa, yakaia hali inyo yeni, bali ikafwa, ivaga matunda mengi.²⁵Ye akundi uhai gwake wadima- gulagasha, bali ye angu zamiwaga uhai gwake katika urumwengu ugu wadimagusalimisha hata binana ya kala na kala. ²⁶Mundu wowose akamtumikia nyi, na aninuge, nanyi niko, niko na mtumishi wapwa andu akaiga. Mundu wowose akanitumikia, Aba wadima- mheshimu.²⁷Idana ngolo yapwa yafadhaika: nanyi nidedie? Aba, uniokoe katika saa ihi? Ela ni kwa kusudi ihi naifikia saa ihi. ²⁸"Aba, ujitukuze irina jako." Kisha sauti ikacha kufuma mbingunyi na kudeda." Najitukuza nanyi nijitukuzaa sena." ²⁹Basi mkutano gwasimama avui nae wakasikira, wakadeda kugora kwakaia na ngurumo. Wamwi wadedie, "Malaika wadeda nae."³⁰Jesu akajibu na kudeda, "sauti ihi ndaichee kwa ajili yapwa, bali kwa ajili yenyu. ³¹Idana hukumu ya urumwengu ugu yeko: Idana mbaha wa urumwengu ugu adagwaa shigadi.³²Nanyi nikainuliwa igu ya isanga, niwarudaga wose kwapwa." ³³Wagadidie aga akibonyera ni mauti ki afwaga.³⁴Mkutano wakamjibu, "Isi nasikire katika sheria ya kugora Kristo wadima dumu kala na kala. Nawe udadedaga wada, 'mwana wa Adamu lazima ainuliwe igu? Uyu mwana wa mundu nani?" ³⁵Basi Jesu akawazera, "Nuru yaduaga andukumweri na inyo muda kidogo. Gendenyi maadamu mkonayo nuru, ili kira chisache kudima. Ye agenda kirenyi ndaichi ukaagendaga nako. ³⁶Mwadugu nayo nuru, iamininyi nuru iyo ili mpate kuwa wana wa nuru." Jesu wadedie aga nakisha akagenda chia rake akakiwisha wasamwone.³⁷Ingawa Jesu wabonyie ishara nyingi namna iyo imbiri yawe, bado ndawamwaminie. ³⁸Ili jitimie idedo ja mlodi Isaya, ajidedie: "Mzuri, nani arisadikie habari redu? Na mkonu gwa Mzuri wafunuliwa ani?"³⁹Niyo sababu wo ndawaaminie, maana Isaya wadedie sena, ⁴⁰"Wawapofisha meso, na waribonya rikurie ngolo rawe; wasache wakawona kwa meso gawe na wakamanya kwa ngolo rawe, na wakaongoka nanyi nikawabisa."⁴¹Isaya wadedie madedo ago kwa kugora waguwonie utukufu gwa Jesu na habari rake. ⁴²Walakini, hata wabaha wengi wamwaminie Jesu, ela kwa sababu ya mafarisayo, ndawandikie ili wasache wanatengwa na isinagogi. ⁴³Wakundie togolo ra wanadamu kuliko togolo rafumaga kwa Mlungu.⁴⁴Jesu akapaza sauti na kudeda, "Ye aniaminie nyi, ndaniaminie nyi tu bali ye waniduma nyi, ⁴⁵nae aniwonaga nyi amwona ye waniduma.⁴⁶Nyi nacha kama nuru urumwengunyi ili kila mundu aniaminie nyi asakaie kirenyi. ⁴⁷Ikiwa mundu wowose wadima gasikira madedo gapwa ela asagawade, nyi simhukumu, maana sichee ili niuhukumu urumwengu, bali niguokoe urumwengu.⁴⁸Ye anilegaa nyi asagubali madedo gapwa akonae amhukumue: Idedo ijo najinena nijo jihukumu ituku ja mwisho. ⁴⁹Maana nyi sinenie kwa nafsi yapwa tu. Bali ni Aba anigenjie, ye mweni wanilagiza nigane naga na nigadedaga. ⁵⁰Nanyi naichi ya kugora ilagizo jake ni binana ya kala na kala, basi ago ninenaga nyi kama Aba wanigoria, niko ninenaga kwawo."

¹Idana kabla ya sikukuu ya Pasaka, kwa sababu Jesu, wamanyie kugora saa yake yafika ambayo afumaga katika dunia ihi kugenda kwa Aba, akiwa wawakunda wandu wake ambawo warikogo dunienyi, wawakundie kuchumba. ²Na ibilisi warikogo wawikwa tayari katika ngolo ya Yuda Iskariote, mwana wa Simoni, kumsaliti Jesu.³Jesu wamanyie kugora Aba wawika vilambo vose katika mkonu yake na kwamba wafuma kwa Mlungu na warikogo adagenda sena kwa Mlungu. ⁴Wawikie vindonyi na akaala ndonyi ivazi jake ja shigadi, kisha awusa itaulo akakifunga mweni. ⁵Kisha akakumba machi katika ikabuli na akaanza kuwaogesha magu wanafunzi wake na kuwafuta na itaulo mbijo wakifungie ye mweni.⁶Akacha kwa simoni Petro, na Petro akamzera, "Mzuri, wakundi kuniogesha magu gapwa?" ⁷Jesu akajibu na kumzera, "Nijhibonyaga ndujiichi ijiaha, ela wadima elewa baadae." ⁸Ptro akamzera, "Ndunioneshaga magu gapwa kamwe." Jesu akajibu. "Ikiwa sikuogeshaga, ndukalaga na sehemu andukumweri nanyi." ⁹Simoni Petro akamzera, "Mzuri, usaniogeshe magu gapwa tuu, bali pia na mikonu na chongo chapwa."¹⁰Jesu akamzera, "Wowose ambae wameria kuoga ndahitaji kuoga isipokuwa magu gake, na wakaia safi muwi gake gose, inyo mwakaia safi, ela siyo wose." ¹¹Kwa kugora Jesu wamanyie uja amsaliti, ili niyo sababu wadedie, siyo wose mwakaia safi."¹²Wakati Jesu akogo wa-waogesha magu gawe na akawusa ivazi jake na kukaia sena, wa-wazerie, "Je mwaelewa chija ambacho nawabonyia? ¹³Mwanitii nyi "Mwalimu" na Mzuri ihi mwaeleda loli, maana niko niko. ¹⁴Ikiwa nyi Mzuri na mwalimu, na waogesha magu genyu, inyo pia yawapasa kuwaogesha wambenyu magu. ¹⁵Kwa kugora nawaneka mfano ili kwamba inyo pia mbonye kama nyi andu mbonya kwenyu.¹⁶Amini, amini, nawazera, mtumwa siyo mbaha kuliko mzuri wake, wala uja ambae wadumwa himbaha kuliko uja eko mtumwa. ¹⁷Ikiwa waichi malago aga, wabarikiwa ukaga tenda. ¹⁸Sidedaga kuhusu inyo wose, kwa kugora nawaichi waja ambawo nawasegua bali nadeda aga ili kwamba maandiko gadime kutimizwa: "Ye ajaga mkate gwapwa waniinulia gumbe yake.'¹⁹Nawagoria iji ijiaha kabla ndajiligisire kufumiria ili kwamba jikafumiria, mdime kuamini kuwa nyi NIYE. ²⁰"Amini, amini nawagoria aniwokeraga nyi wam-bokera ambae amduma, na uja aniwokeraga nyi wam-bokera uja anidumie nyi."²¹Wakati Jesu kugadeda aga, wasumbukie ngolonyi, washuhudie na kudeda, "Amini, amini, nawagoria kwamba umweri wenyu wadima wanisaliti." ²²Wanafunzi wake wakaguwana, wakishangaa ni kwa ajili yaniwa-wazerie.²³Kwarikogo katika meza, umweri wa wanafunzi wake waegama lagenyi kwa Jesu uja ambae Jesu wam-kundie. ²⁴Simoni Petro wamkotie mwanafunzi uyu na kudeda, "Digoria ni uyao ambae kwake adaaria." ²⁵Mwanafunzi uja waegama lagenyi kwa Jesu na akamzera, "Mzuri, nani?"²⁶Kisha Jesu akajibu, "Ni kwake uja nichovyaa kipande cha mkate na kumneka." Huwo kuchovya mkate, wanekiwe Yuda mwana wa Simoni Iskariote. ²⁷Na baada ya mkate, shetani wamgirie. Kisha Jesu akamzera, "Chija ambacho wakundi uchibonye chibonye shwa shwa."²⁸Idana ndakudae mundu katika meza amanyie sababu ya Jesu kudedda ilago iji kwake. ²⁹Baadhi yawe wadhanie kugora, kwa sababu Yuda wa-wadie mfuko gwa magome, Jesu wamgorie Gua vilambo divihitaji kwa ajili ya sikukuu." au kugora adapaswa kufunya kilambo kwa waki-wa. ³⁰Baada ya Yuda kuwokera mkate, wafumie shigadi shwa shwa na yarikogo na kio.³¹Wakati Yuda wakogo wainga, Jesu wadedie "Idana mwana wa Adam watogolwa, na Mlungu wa togolwa kuidia ye. ³²Mlungu wadima mtogola ye mweni, na wadima mtogola shwa. ³³Wana wakoho, niko andukumweri nanyi kitambo kidogo. Mwadima nilola, na andu nawagoria wayahudi, "Niko nigendaga, ndam-dimaga kucha, idana nawagoria inyo, pia.³⁴Nawaneka amri mpya, kwamba mkundane, kama nyi andu niwakundie inyo, huwo na inyo yamipasa kukundana inyo kwa inyo. ³⁵Kwa ajili ya iji wandu wadima manya kwa inyo ni wanafunzi wapwa, ikiwa mkona lukundo kwa kila umweri na umwi."³⁶Simoni Petro wa mzera, "Mzuri, udagenda hawo?" Jesu akajibu, "Andu nigendaga kwa ijiaha ndudimaga kuninuga, ela uninuga baadae." ³⁷Petro akamzera, "Mzuri, kwa indoi nisakunuge hata ijiaha? Nyi nigafunyaga maisha gapwa kwa ajili yako." ³⁸Jesu akajibu, "Je, ugafunyaga maisha gako kwa ajili yapwa? Amini, amini na kugoria, ijogolo ndajikemaga kabla ndunikanie mara kadadu."

¹"Usaruhusu ngolo yako kuwa katika mahangaiko. Udamwamini Mlungu niamini pia na nyi. ²Katika nyumba ya Aba wapwa kuko makazi mengi ga kukeia, kama ndaya kaga huwo, nakogo nakugoria, kwa huja nidagenda kukuandalia andu kwa ajili yako. ³Kama nikagenda na kuwaandalia andu niko pia na inyo mkaie.⁴Mwaichi chia andu nigendaga." ⁵Tomaso akamzera Jesu, "Mzuri, ndadiichi andu ugendaga, Je! Didamaga kuimanya wadachia? ⁶Jesu akamzera, "Nyi niyo chia, loli, na binana; ndakudae adimaga kucha kwa Aba isipokuwa kuidia kwapwa. ⁷Kama mwanimanyaga nyi, mangu mwammanye na Aba wapwa pia, kuanzia ijia na kuendelea mwa-mwiichi na mwamwona ye."⁸Filipo akamzera Jesu, "Mzuri, diwonyere Aba, na huwo ikakaia yatosha." ⁹Jesu akamzera, "Nakogo andu kumweri na inyo kwa muda mlacha, na bado nduniichi nyi Filipo? wowose waniwona nyi wamwona Aba; Jinsi ki udadeda, 'Diwonyere Aba?¹⁰Ndamwamini kuwa nyi niko ndenyi ya Aba, na Aba eko ndenyi yapwa? madedo nigadedaga kwenyu sidedaga kwa ikusudi japwa mweni, badala yake, ni Aba aishi ndenyi yapwa atendaga kazi yake. ¹¹Niamini nyi, kwamba niko ndenyi ya Aba, na Aba eko ndenyi yapwa; kadhalika niamini nyi kwa sababu ya kazi rapwa hasa.¹²Amini, amini, nawagoria, ye aniamini, nyi kazi rija niriwonyaga, ariwonyaga kazi iri pia; na awonyaga hata kazi mbaha kwa sababu na genda kwa Aba. ¹³Chochose mkalomba katika irina japwa, niwonyaga ili kwamba Aba adima kutukuzwa katika mwana. ¹⁴Kama mkalomba kilambo chochose katika irina japwa, ijo niwonaga.¹⁵Kama mkanikunda, mriwadaga amri rapwa. ¹⁶Na nimlombaga Aba, Nae wadima waneka msaidizi umwi ili kwamba udime kuwa andukumweri nanyi kala na kala, ¹⁷Ngolo wa loli. Urumwengu ndagudimaga kumwokera ye kwa sababu ndamwonaga, au kummanya ye, hata huwo inyo, mwa-muichi ye, kwani wakaia andukumweri nanyi na akaga ndenyi yenyu.¹⁸SImsigaa inyo wenikeri, Niwuiya kwenyu. ¹⁹Kwa muda kilambo, urumwengu ndauniwonaga sena, ela inyo mwaniwona. Kwa sababu naishi, na inyo mwadima ishi pia. ²⁰Katika ituku ijo mmanya kwamba nyi neko ndenyi ya Aba, na kwamba inyo niko ndenyi yapwa, na kwamba nyi neko ndenyi yenyu.²¹Wowose ariwadaga amri rapwa na kuritenda, nie umweri ambae wanikundi nyi, na ambae wanikundi nyi wadimakundwa ni Aba wapwa, na nimkundaga na nikiwonyeraga nyi mweni kwake." ²²Yuda (Siye Iskariote) akamzera Jesu, "Mzuri, Je! Ni ndoi kwedu na siyo kwa urumwengu?²³Jesu akajibu akamzera, "kama wowose anikundi ajiwadaga idedo japwa. Aba wapwa wadima mkunda, na dichaga kwake na dibonyaga makao gedu andu kumweri nae. ²⁴Wowose ambae ndanikundi nyi, ndawadaga madedo gapwa. Idedo ambajo mkasikira sijo japwa bali ja Aba ambae wanidumie.²⁵Nagadedaga malago aga kwenyu, wakati bado naishi miongonyi mwenyu. ²⁶Hata huwo, mfariji, Ngolo mtakatifu, Aba wadima mduma kwa irina japwa, adima wafundisha malago gose na awawonyaga mkumbuke gose ambago nagadeda kwenyu. ²⁷Amani nawaneka amani yapwa inyo. Siwanekaga ihi kama urumwengu gufunyaga. Msaiwonye ngolo renyu kuwa na mahangaiko, na wowa.²⁸Mwasikire wuja niwagorie, 'Nagendaga chia rapwa, na nimwiga kwenyu; kama mwanikundiege nyi, mwakaiga na kuboiwa kwa sababu nidegenda kwa Aba, kwa kugora Aba ni mbaha kuliko nyi. ²⁹Idana nameria kuwagoria kabla ndailigisire kufumiria ili kwamba, wakati ikafumiria, mdime kuamini. ³⁰Sidedaga na inyo madedo mengi, kwa kugora mbaha wa dunia ihi adacha. Ye akona ndigi igu yapwa, ³¹Ela ili kwamba urumwengu gupate kumanya kwamba namkundi Aba, nabonya ambacho Aba wanilagiza nyui, na diinge andu aha.

¹Nyi na mzabibu gwa ugu loli, na Aba wapwa ni mkulima wa mzabibu. ²Kila itawi ndenyi yapwa ambajo ndajivaga itunda, nawasafisha kila tawi ambajo java itunda wajiinjaga ili kwamba jidime kwa nanganyi.³Inyo tayari mwakaia safi kwa sababu ya ujumbe ambago nameria kuwagoria. ⁴Mke ndenyi yapwa, na nyi ndenyi yenyu kama itawi jisadimaga kuwa jinekeri jikalemwa kaia mzabibunyi, kadhalika na inyo, mkalemwa kaia ndenyi yapwa.⁵Nyi na mzabibu, inyo ni matawi. Adumuye ndenyi yapwa nanyi ndenyi yake, mundu uyu wavaa matunda mengi, kwa kugora pasipo nyi ndamdimaga kubonya ilago jojose. ⁶Ikiwa mundu wowose ndasali ndenyi yapwa, adagwaa, kama itawi na kuoma; Wandu wakusanyaga matawi na kuya-daga modonyi, na kuteketea. ⁷Ikiwa mwadima dumu ndenyi yapwa, na kama madedo gapwa gakadumu ndenyi yenyu, lombenyi jojose mjikundi, na inyo mwadima-bonya.⁸Katika iji Aba wapwa watukuzwa, kwamba mdava matunda mengi na kwamba ni wanafunzi wapwa. ⁹Kama Aba wapwa anikundie nyi, nyi pia wanakunda inyo; dumunyi katika lukundo lwapwa.¹⁰Ikiwa mwadima-wada amri rapwa, mwadima dumu katika lukundo lwapwa-kama andu dawada amri na Aba rapwa na kudumu katika lukundo lwake. ¹¹Nadeda malago aga kwenyu ili kwamba kuboiwa kwapwa ikaie ndenyi yenyu na ili kwamba kuboiwa kwenyu kuwonyeke kuwa timilifu.¹²Ihi niyo amri yapwa, mkundane inyo kwa inyo kama andu niwakundie inyo. ¹³Ndakudae mundu akona lukundo mbaha kuliko ugu, kwamba agafunye maisha gake kwa ajili ya wambuya wake.¹⁴Inyo mwa wambuya wapwa ikiwa mgawonyaga gaja niwalagiza. ¹⁵Siwwangaga watumwa, kwa kuwa mtumwa ndaichi chija achiwonyaga mzuri wake. Nawa-wanga inyo wambuya, kwa sababu nawajulishenyi malago gose ambago nagasikira kufuma kwa Aba.¹⁶Ndamnisague nyi nawasague inyo na kuwawika mgende vaa matunda, na itunda jenyu jipate kuykaia. Ihi iko huru ili kwamba chochose mbonyaga kwa Aba kwa irina japwa, awanekaga. ¹⁷Malago aga nawalagiza, kwamba mkundane kila mundu na mbawe.¹⁸Kama urumwengu, gwawakundaga mmanye kwamba nyi kabla ndauwachukie inyo. ¹⁹Kama mkogo wa urumwengu, urumwengu gwawakundaga kama wa kwawe, Ela kwa sababu inyo nawasague kufuma katika urumwengu, na kwa ajili ihi urumwengu gwa chukiaga.²⁰Kumbukenyi idedo ambajo nawagorie, 'Mtumwa sio mbaha kuliko mzuri wake; Ikiwa wamtesie idedo japwa, wajiwadaga ja kwenyu pia. ²¹Wadima watendea malago aga gose kwa ajili ya irina japwa kwa sababau ndawamuichi uja waniduma. ²²Kama sichege na kuwazera, ndawawonyaga zambi; ela ijiaha ndawadae udhuru kwa zambi yawe.²³Anichukiaga nyi wamchukiaga Aba pia. ²⁴Ikiwa siwabonyie kazi miongonyi mwawo ambawo ndakudae umweri waniwona, ndawakaga na zambi; ela idana wawonya gose awiwawona na wanichukia nyi na Aba wapwa. ²⁵Iji jafumiria ili kwamba idedo jitimie ambajo jaandikwa katika sheria yawe: Wanichukia nyi bila sababu.'²⁶Wakati mfariji wacha, ambae nimdumaga kwenyu kufuma kwa Aba, uyu nie Ngolo wa loli, ambae wafuma kwa Aba, wadima nishuhudia. ²⁷Inyo pia mwanishuhudia kwa sababu mwakogo andu kumweri nanyi tangu mwanzo.

¹Nawagoria malago aga ili msadime kukwazwa. ²Wawafunyaga shigadi ya masinagogi; hakika saa idacha ambajo kila awabwa-gaa wadima fikiri kuwa adawonya kazi iboie kwa ajili ya Mlungu.³Wadima watendea malago aga kwa sababu ndawamuichi Aba wala ndawaniichi nyi. ⁴Nawagoria malago aga ili kwamba wakati gukafika wa aga kufumiria, mwadima kugakumbwa na najisi nawadogoria mdime wo. Siwagorie kuhusu malago aga tangu mwanzo kwa sababu nakogo andukumweri na inyo.⁵Japokuwa, idana nagenda kwa uja waniduma, ela ndakudae hati yenyu anikotiaga, "Udagenda hawo?" ⁶Kwa sababu nadeda madedo aga kwenyu, huzuni yachua ngolonyi kwenyu. ⁷Hata huwo, nawagoria loli: ni nicha kwenyu nikainga; kwa maana nikalemwa inga, mfariji ndachaga kwenyu, ela nikagenda ni mdumaga kwenyu.⁸Akacha, uyo mfariji wadima guthibitisha urumwengu kuhusiana na zambi, kuhusiana na hachi na kuhusiana na hukumu. ⁹Kuhusiana na zambi, kwa sababu ndawaniaminie nyi, ¹⁰kuhusiana na hachi, kwa sababu ngenda kwa Aba, na ndamniwonaga sena; ¹¹na kuhusiana na hukumu kwa sabababu mbaha wa urumwengu ugu wahukumiwa.¹²Niko nago mengi aga kuwagoria, ela ndamgaelewaga iji aha. ¹³Ela, ye, Ngolo wa loli, akacha wadima walongoza katika loli yose; kwa kuwa ndadedaga kwa ajili yake mweni, ela gogose agusikiraga, agadedaga malago aga, na wadimagadhihirisha kwenyu malago ga chaga. ¹⁴Ye wadima anitukuzaga nyi, kwa sababu agawusaga malago gapwa na wadima gatangaza kwenyu.¹⁵Vilambo vose akonavyo Aba ni vapwa; kwa huwo, nadeda kwamba Ngolo awusaga malago gapwa na wadima gadhihirisha kwenyu. ¹⁶Bado muda mvui ndamniwonaga sena na baada ya muda mvui sena, mniwonaga."¹⁷Baadhi ya wanafunzi wake wakagoriana, "Nindoi adigoriaga, "muda mvui, na ndamniwona sena ; na,kisha, muda mvui mniwonaga, na sababu nage kwa Aba?" ¹⁸Kwa huwo wakadeda, "Ni kilambo ki achidedaga, "Bado muda mvui? Ndaichi vo adedaga."¹⁹Jesu wawonie kuwa watamanie kumkotia, nae akawazera, "Mwakikotia inyo weni kuhusu iji, andu na deda, 'Bado muda mvui, ndamdiwonaga sena, na baada ya ya muda mvui mniwonaga'? ²⁰Amini, amini, nawagoria, mlilaga na kuomboleza, ela urumwengu gwadima shangilia, mwadima kaia na huzuni ela yenyu yadima geuka kukaia kuiboirwa. ²¹Muka wakaga na huzuni wakati akona uchungu kwa sababu wakati gwa kuva gwafika; ela akava mwana, ndakukumbukaga sena maumivu kwa sababu ya kuboiwa kwake kwamba mwana wavalwa dunienyi.²²Inyo pia mkona huzuni ijiaha, ela niwawonaga sena, na ngolo redu riboiwaga na ndakudae adimaga kuinja kuboiwa kwenyu. ²³Ituku ijo ndamnitiaga maswali. Amini, amini, nawagoria, mkalomba jojose kwa Aba, aminekag kwa irina japwa. ²⁴Mpaka iji aha ndamlombie jojose kwa irina japwa, lombenyi, na inyo mwokeraga ili kwamba kuboiwa kwenyu kukamilika.²⁵Naaria na inyo kwa luga isaelekaga, ela saa idacha ambapo sidedaga kwa luga isaelewekaga ela badala yake niwagoria wazi wazi kuhusu Aba.²⁶Ituku ijo mlombaga kwa irina japwa, na siwagoriga kwamba mlombaga kwa Aba kwa ajili yenyu; ²⁷Kwa kugora Aba mweni wawakundi kwa sababu mwaniamini kuwa nafuma kwa Aba. ²⁸Nafumie kwa Aba na nacha urumwengunyi na nagenda kwa Aba."²⁹Wanafunzi wake wakamzera, "wawona, ijiaha udadeda wazi wazi na ndumiaga mafumbo. ³⁰Idana, daichi kwamba waichi malago gose, na nduhitaji mundu wowose akukotie maswali kwa sababu ihi daamini kuwa wafuma kwa Mlungu. ³¹Jesu akawajibu, "idana mwaamini?"³²Ngowa, saa idacha, na hakika yafika, ambapo mtawanyikaga kila umweri na kwa wa kwawe mnisigaa mweni. Ela siko nyi mweni kwa sababu Aba weko nanyi. ³³Nawagoria malago aga ili kwamba ndenyi yapwa mkaie na amani. Dunienyi kuko na matatizo, ela kinekenyi ngolo, nagushinda urumwengu.

¹Jesu wagadedie malago aga; kisha akainua meso gake kuelekea mbingunyi na akadeda, "Aba, saa yawadia, mtukuze mwanako ili na mwana nae akutukuze we - ²Kama wuja andu umpate mamlaka igu ya vose vikona muwi ili awaneke binana ya kala na kala wajiwose wampatie.³Ugu nio binnana ya kala na kala: kwamba wakumanye we, Mlungu wa loli na wa pekee, na ye umdumie, Jesu Kristo. ⁴Nakutukuza aha dunienyi, na kuikamilisha kazi uninekie niwabonye. ⁵Idana, Aba, unitukuze nyi andukumweri na we mweni kwa utukufu guja nirikogo nago andukumweri na we kabla ya urumwengu kuumbwa.⁶Najifunue irina jako kwa wandu uninekie aha dunienyi. Warikogo wandu wake; ela wanikabidhie nyi. nawo wajiwadie idedo jako. ⁷Iji aha wamanya kwa kila kilambo wanineka nyi chafuma kwako, ⁸Kwa madedo gaja unipatie nyi-- nameria kuwaneka wo, madedo ago. Wagawokerie na loli wakamanya ya kugora nyi nafuma kwako, na wakaamini kuwa we nie waniduma.⁹Nawalombia wo. Sigulombiaga urumwengu bali waja wanineka kwa kugora wo ni wako. ¹⁰Vilambo vose ambavo ni vapwa ni vako, na vija ukonavo we ni vapwa; nanyi natukuzwa katika ivo. ¹¹Nyi siko sena urumwengunyi, bali wo weko urumwengunyi, nanyi ijiaha nacha kwako. Aba mtakatifu, watunze kwa irina jako jija wanineka isi ili wo nawo wake na umoja, kama wuja nyi na we diko na umoja.¹²Nirikogo nawo, nawalindirie kwa irina uninekie, nawalindirie, na ndakudae hata umweri wawe walagaya isipokuwa mwana wa upotevu, ili kwamba maandiko gatimie. ¹³Idana nidacha kwako, ela nidadedaga urumwengunyi ili kwamba kuboiwa kwapwa kukamilishwe ndenyi yawo weni. ¹⁴Na waneke idedo jako; urumwengu gwawachukia kwa sababu wo siyo wa urumwengu, kama wuja nyi niseko wa urumwengu.¹⁵Siwalombiaga kwamba uwafunye urumwengunyi bali uwalindie na uja mwovu. ¹⁶Wo siwo wadunia kama wuja nyi niseko wa urumwengu. ¹⁷Uwawike wakfu kwako mweni katika loli, idedo jako niyo loli.¹⁸Wanidumie urumwengunyi, nanyi nawaduma urumwengunyi. ¹⁹Kwa ajili yawo nyi mweni wakifunya kwako ili kwamba na wo wakifunye kwako kwa ija loli.²⁰Siyo awa tu niwalombia, bali na waja waamini kuidia idedo jawo. ²¹ili kwamba wo nawo wawe na umoja, kama wuja we Aba, andu uko ndenyi yapwa nanyi ndenyi yako. Nawalombia ili kwamba wo pia wadime kuwa ndenyi yedu ili ili urumwengu gudime kuamini kuwa we nie waniduma.²²Utukufu guja wanineka nyi nawaneka wo, ili kwamba wadime kuwa na umoja, kama wuja isi diko na umoja - ²³Nyi ndenyi yawe, nawe ndenyi yedu, ili wadime kukamilishwa katika umoja; ili urumwengu gumanye kuwa hakika we nie waniduma, na kuwa kunda, kama wuja we andu wanikunda, nyi.²⁴Aba, chija wanineka nyi- Natamani kwamba wo pia wadima kuwa andukumweri nanyi andu niko ili wadime kuwona utukufu wapwa, guja wanineka: Kwa kugora we wanikundie nyi kabla ya kuumbwa kwa msingi ya urumwengu.²⁵Aba ekona hachi, urumwengu ndaguguichi we, ela nyi nakuichi we, na waichi kwamba wanidumie. ²⁶Najiwonyie irina jako jimanyikane kwawo na nijibonya jimanyikane ili kwamba jija ikundo ambajo kwa ijo wanikundie nyi jidime kuwa ndenyi yawo, na nyi nidime kuwa ndenyi yawo."

¹Baada ya Jesu kudeda madedo aga, waingie na wanafunzi wake kuielekea ivwasi ja kidron, ambako kwarikogo na bustani, ambako ye na wanafunzi wake wakangia ndenyi yake. ²Idana uja Yuda, akundie kumsaliti, nae wajimanyie ineno ijo, kwani Jesu wakogo akigenda iji ieneo mara kadhaa akika na wanafunzi wake. ³Nae Yuda, baada ya kuwa wapata ikundi ja maskari na maafisa kufuma kwa wabaha wa makuhani, wakacha wakiwa na taa, kurunzi na silaha.⁴Nae Jesu, hali akimanya kila kilambo chikogo chikiwonyeka dhidi yake, wakifunyirie imbiri akawakotia, "Nani amlombaga?" ⁵Nawo wakamjibu, "Jesu wanazareti." Jesu akamzera, "Nyi nie" Nae Yuda amsalitie, warikogo wasimama andukumweri na waja askari.⁶Kwa huwo kuwagoria, "Nyi nie" wawurie kinyume na kugwa ndonyi. ⁷Halafu akawakotia sena, "Nnai mumlombaga? Nawo wakamjibu sena "Jesu mnazareti."⁸Jesu akawajibu, "Nameria kuwagoria kuwa Nyi nie, kwa huwo kama ndanilola nyi, wasigenyi awa wami wagende." ⁹Aga garikogo huwo ili jija ededo jitimilike; aja akideda, "katika waja wanineka, simlagashie hata umweri."¹⁰Niko simoni Petro, akogo na upanga, akafuata na kumdema kudu kwa kujo mtumishi wa kuhani mbaha. Na irina jake mtumishi uja jarikogo malko. ¹¹Jesu akamzera Petro, "Wuja upanga gwako alenyi kwake. Kwa indoi nisakinywee kikombe chija wanineka Aba?"¹²Basi jija ikundi ja askari na jemedari, na watumishi wa wayahudi, wamwadie Jesu na kumfunga. ¹³Nawo wakamlongoza kwanza mpaka kwa Anasi, kwani ye wakogo mwa-mwana wa kayafa, ambae nie akogo kuhani mbaha wa mwaka ugo. ¹⁴Idana kayafa nie akogo wanineka ushauri Wayahudi yampasie mundu umweri afwe kwa ajili ya wandu.¹⁵Simoni Petro wamnugie Jesu, na huwo huwo mwanafunzi umwi. Na uja mwanafunzi wakogo akimanyikana kwa kuhani mbaha, nae akangia andu kumweri na Jesu katika ibehewa ja kuhani mbaha; ¹⁶Ela Petro wakogo wasimama shigadi ya mjango. Basi uja mwanafunzi akogo akimanyika kwa kuhani mbaha wafumie shigadi. akagenda kuaria na uja muka mtumishi akogo akilindia mjango na kumngira Petro ndenyi.¹⁷Basi uja kijakazi akogo akilindia mjango, wamzerie Petro, "Je we siyo umweri wa waja wafuasi wa uyu mundu?" Nae akadeda, nyi sie." ¹⁸Na waja watumishi na wabaha wakogo wakisimama andu aja, wakora modo kwa maana, wadogo na mbewo, na huwo wakogo wakioda modo ili kupata kiruke. Nae Petro wakogo nawo, akioda modo akika wasimama.¹⁹Kuhani mbahawamjibie Jesu igu ya wanafunzi wake na mafundisho gake. ²⁰Jesu akamjibu, "Nagugoria wazi wazi urumwengu, Nyi nafundishie mara kwa mara masinagoginyi na ihekalu andu ambapo Wayahudi wakusanyikaga. Nanyi sidedie jojose katika siri. ²¹Kwa indoi wanikotie? wakotienyi wanisikira igu ya chija nachideda. Awa wandu waichi malago gaja nigadedaga.²²Jesu kumeria kudeda huwo, umweri wa wabaha akogo wasimama akamkaba Jesu kwa mkonu gwake na kisha akadeda "Je, huwo niko ikupasaga kumjibu kuhani mbaha?" ²³Nae Jesu akamjibu, "Kama nadeda ilago jojose jizamiebasi uke shahidi kwa indoi wanikaba? ²⁴Niko Anasi kumgenja Jesu kwa kuyafa kuhani mbaha akikaia wafungwa.²⁵Idana simoni Petro wakogo wasimama akijipashaa josto mweni. Halafu waja wandu wakamzera, "Je, we pia si umweri wa wanafunzi wake?" Akakana akideda "Nyi sie." ²⁶Umweri wa watumishi wa kuhani mbaha, ambae wakogo m-mbari wa uja mdumwa womi ambae Petro wamdemie kudu wadedie, "Je si we nkuwonie nae kuja bustaninyi?" ²⁷Petro akakana sena, na mara ijogolo jikakama.²⁸Kisha wakamwusa Jesu kufuma kwa keyefa mpaka praitorio. Yakogo asubuhi na mapema. Wo weni ndawagirie ija praitorio ili wasache wakanajisika na kuija pasaka. ²⁹Kwa huwo Pilato akawagendia. Ni ishitaka ki jimuhusu uyu mundu?" ³⁰Wakamjibu na kumzera, "Kama uyu mundu ndakogo mtenda maovu, ndadamredaga kwako."³¹Pilato akawazera, "mwusenyi inyo weni, mgende mhukumu kulingana na sheria yenyu." Nawo wayahudi wakamzera, "Sheria ndaidiruhusu isi kumwa-ga mundu wowose." ³²Wadedie aga ili idedo ja Jesu jitimilike, idedo ambajo wakogo wameria kudeda igu ya aina ya kifwa chake.³³Basi Pilato akangia sena Praitorio amwanga Jesu, akamzera, "Je, we wamzuri wa wayahudi?" ³⁴Jesu akamjibu, "Je, we wanikotia iswali iji kwa sababu wakundi kumanya au kwa sababu wamwi wakudima ili unikotie nyi?" ³⁵Nae Pilato akamjibu, "Nyi si myahudi, au sivyo?" Isanga jako na kuhani mbaha niwo wakureda kwapwa; we wabonya indoi?³⁶Jesu akamjibu, "Uzuri gwapwa siyo gwa urumwengu ugu, kama uzuri gwapwa gwakogo na sehemu katika urumwengu ugu watumwa wapwa wanikabaniaga ili nisafunyigwe kwa wayahudi kwa loli uzuri gwapwa ndafumie aha" Basi ³⁷Pilato akamzera, "Je, we basi wa-mzuri?" Jesu akajibu, "we niko udedaga kuwa nyi na mzuri, kwa sababu ihi nyi nyi navalwe na nikaie shahidi wa ija loli. Wowose wa iyo loli wasikiriaga sauti yapwa.³⁸Pilato akamzera, "Loli ni ndoi?" Nae kunena kudedaga aga akagenda kwa wayahudi na kumzera siwonaga ki jojose mundu uyu. ³⁹Inyo mkona utamaduni gunibonyaga nimfungulie mfungwa umweri wakati wa Pasaka. Je, mwakunda nimfungulie mzuri wa wayahudi." ⁴⁰Kisha wakabei jogo wakideda, siyo uyu, difungulie Baraba." Nae Baraba wakogo mnyang'anyi.

¹Basi Pilato wamchuwa Jesu na kumchapa. ²Wale maaskari wsokotie miiba na kutengeneza taji. Wawika juu ya kichwa cha Jesu na kumvada ivazi la rangi ja zambarau. ³Wamjia na kudeda, "We mfalme wa wayahudi! na kisha kumbonya kwa mikono yao.⁴Kisha Pilato watoka nje na kuwagoria wandu, "Lolenyi nawaleteenyi huyu mundu kwenyu ili mmanye kwamba nyi sikulola hatia jojose ndani jake." ⁵Kwa huwo Jesu akafuma nje; alikuwa amevaa itaji ya miiba na ivazi ja zambarau. Niko Pilato akawagoria, "Lolenyi mundu huyu apa!" ⁶kwa huvo makati kuhani mbaha wa wambaha wamwonie Jesu, wakakaba jogo wakideda, "Msulubishe." Pilato akawagoria, "Mwusenyi nyi wenyewe mkamsulubishe, kwa kuwa nyi siona hatia ndani yake."⁷Wayahudi wakamjibu Pilato, "Nyi tunayo sheria, na kwa sheria hiyo inampasa kufwa kwa sababu wo wajifanyie kuwa mvalwa wa Mlungu." ⁸Pilato wasikie madedo gaja alizidi kuogopa, ⁹akainga Praitorio tena na kuwagoria Jesu, "Nyi watokie unwapi? Hata huvo, Jesu hakudedaga.¹⁰Kisha Pilato akawagoria, "Je, wewe hudedaga na nyi? Je, wo hujui kuwa nyi nina mamlaka ja kukufungua na mamlaka ja kukusulubisha?" ¹¹Jesu akamjibu, "Usingekuwa na ndigi zidi yangu kama usingepewa toka juu. Kwa huwo, mundu aliyenitoa juu. Kwa huwo, mtu aliye nitoa kwako ana zambi mbaha."¹²Kutokana na jibu hili, Pilato akataka kumwacha huwu, ela wayahudi wakakaba jogo wakideda, "Kama wamwachie huwu basi nyi si amwedu wa Kaisari." ¹³Pilato wasigiaga madedo aga, akamleta Jesu nje kisha akakaa kwenye kifumbi cha hukumu mahali pale wamanyikana kama sakafu, ela kwa Kiebrania, Gabatha.¹⁴Siku ya maandalizi ya Pasaka ilipo fika, panapo taimu wa saa sita. Pilato akawagoria wayahudi, "Lolenyi mfalme wenu uyu hapa!" ¹⁵Wakakaba jogo, "Muinje, muinje, msulubishe!" Pilato akawagoria, "Je, nimsulubishe mfalme wenyu?" Naye kuhani mkuu akajibu, "nyi hatuna mfalme isipokuwa kaisari." ¹⁶Niko Pilato wamwuse Jesu kwao ili asulubiwe.¹⁷Nawo wamwusie Jesu, nae akatoka, hali ameubeba msalaba wake mweni mpaka kwenye ieneo liitwalo fuvu la chongo, kwa kihebrania huitwa Golgotha. ¹⁸Niko walipo msulubisha Jesu, pamoja naye wandumumi wawi, imwi upande ugu na mwingine upande ugu, na Jesu katika yao.¹⁹Kisha Pilato waandikia alama na kuiweka ugu ya msalaba. Hapo paandikiwe: JESU MNAZARETI, MFALME WA WAYAHUDI. ²⁰Wengi wa wayahudi wasomie alama iyo kwani mahali pale alisulubishigwa Jesu palikuwa karibu na mji. Alama inyo waandikiwe kwa kiebrania, kwa kirumi na kwa kiyunani.²¹Kisha wambaha wa makuhani wa wayahudi wakamwambia Pilato, "Usaandike, 'Mfalme wa wayahudi; bali ye alisema nyi ni mfalme wa wayahudi ." ²²Naye Pilato akawajibu, "Niliyoandika niandikie."²³Baada ya askari kumsulubisha Jesu, wamwusiye ivazi jake na kugawaga katika mafungu manne, kila askari fungu imwi, huvo huvo na kanzo, idana ile kazu haikuwa imeshonwa bali ilikuwa imefumwa yote tokea juu. ²⁴Kisha wakadedanya wo kwa wo, "Tuirashue, bali tukabe ikura ili kuona itakuwa ya ani."Ihi lilitokea ili lile iandiko jitimizwe, lile isemajo waligawanya nguo jangu, na ivazi jangu wakalikaba ikura."²⁵Askari wafanyie mambo aga. Mawe gake Jesu, dada wa mawe gake, mariamu mke wa kleopa na mariamu Magdalena - wandu waka hawa walikuwa wachasimama karibu na msalaba wa Jesu. ²⁶Jesu wamwonie mawe yake pamoja na yule mwanafunzi aliyenipenda wachasimama karibu, akawagoria mawe yake, "Mwanake, lolenyi, ona mwano ugu hapa!" ²⁷Kisha akawaambia yule mwanafunzi. "Lolenyi, ugu hapa mawe yako. "Tokea saa ijo yule mwanafunzi akamwusiye kwenda nyumbani kwawe.²⁸Baada ya hilo, Hali Jesu akijua kuwa yote yadua kudua ili kutimiza imaandiko, akadeda, "Nawona kau." ²⁹Chombo chakogo chachua siki kilikuwa kiwekiwe pale, kwa huvo wawekie sifongo iliyojaa siki juu ya ufito wa hisopo, wakamwekea momunyi mwake. ³⁰Naye Jesu alipoionja ijo, akadeda, "Yadua." kisha akagogomesha chongo chake, akaikabidhi ngolo lake.³¹Kwa vile ilikuwa ni wakati wa maandalio, na kwa sababu miili haikutakiwa iwe juu wakati wa sabato (kwa kuwa sabato ilikuwa siku yakogo), wayahudi walimwomba pilato kuwa magu yao wale waliokuwa wasulubishiwe ichukanywe, na kwamba miili yao iseriwe. ³²Niko askari walipokuja na kuchukanya magu ya mundu wa kwanza na wapili aliyekuwa amesulubiwa pamoja na Jesu. ³³wafikie Jesu, wamkutie tayari alikuwa wafwa, kwa huvo waichukanywe magu gake.³⁴Hata huvo, umweri wa askari wamkoriwa Jesu ruvarunyi kwa mkuki, na mara yakafuma mai na baga. ³⁵Naye amwonie ili ametoa ushuhuda, na ushuhuda wake ni loli, Ye wachua kuwa wanenaga ni cha loli ili pia muamini.³⁶Mambo haya yalikuwa ili lija ineno lanenwaga lipate kutimia, "Hakuna hata umweri utakaovunjwa." ³⁷Tena andiko lingine hudeda, "Wadamlola ye wakoriwa"³⁸Baada ya mambo haya Yusufu wa Arimathaya, kwa vile alikuwa mwanafunzi wa Jesu, ela kwa siri kwa kuwaogopa wayahudi, wamwomba pilato kwamba achukue mwili wa Jesu. Na ye pilato akampa ruhusa. kwahiyo Yusufu akaja kuondoa mwili wa Jesu. ³⁹Na ye Nikodemo ambaye alileta mranganyiko wa mane mane na udi, yapata uzito wa ratili mia imwi.⁴⁰Kwa huvo wachukua mwili wa Jesu wakaufanga kwenye shanda ya ya kitani na pamoja na yale manukato, kama ilivyokuwa desturi ya wayahudi wakati wa kuzika. ⁴¹Mahali ambapo Jesu wasulubiwe kulikuwa na bustanyi; ndani ya ilja bustanyi kulikuwa na ikaburi ipya ambalo hakuna mundu alikuwa amawahi kuzikwa humo. ⁴²Basi, kwa kuwa ilikuwa siku ya maandalia kwa wayahudi, na kwa vile lile kaburi lilikuwa karibu, basi wamzungurushie Jesu ndenyi yake.

¹Mapema siku ya wosi ya juma, waduaga bado chira, mariamu magdalena alikuja kaburini; akalola lile igwe jangiwa kaburini. ²Kwa hiyo wakimbia mbio kwenda kwa simoni petro na kwa yuja mwanafunzi mwingine ambae Jesu wambonyie, kisha akawaambia, "wamwusa Mzuri kaburini, nasi hatujui kuja wamzungulushie."³Kisha petro na yuja mwanafunzi mwingine wakafuma kuelekea kaburini. ⁴Wose wakabiwe kwa pamoja; yule mwanafunzi mwingine wakimbirie kwa nanganyi ya petro na kufika kaburini wa wosi. ⁵Akasimama na kisha kuguwa kaburini; akaiona ile shsnda.⁶Kisha simoni petro na ye akafika akainga ndenyi ya kaburi. Akaiona ile shanda ya kitana yatungura pale ⁷na ija leso iliyokuwa chongonyi pake dimayatungura mbarimwenikeri.⁸Niko yule mwanafunzi mwingine na ye wadimainga ndenyi ya ikaburi; wakawonia na kuamini. ⁹Kwa kuwa hadi awakati huo walikuwa bado ndawagamanyie mandiko kwamba yamlazimie Jesu wadimafufuka katika wafu. ¹⁰Kisha wanafunzi wadimaenda tena nyumbemyi kwa wo.¹¹Hata huvo, mariamu alikuwa amesimama kaburini akilia, alivyokuwa waendelee kulia alisimama kisha akaguwa kaburini. ¹²Akona malaika wawi wenye sura ya chiru wakaie umweri chongoni na mwingine maguunyi andu ambapo Jesu alikuwa wadimatungura. ¹³Nawo akawagoria, "Muka, kwanini wadima lila?" Naye akawagoria, "Ni kwa sababu wamwusie Mzuri wangu, njami simanyie anduwamwike."¹⁴Aguriwa deda hayo, wadimageuka na kumwonie Jesu amesimama. Ela gamanyie kama likuwa Jesu. ¹⁵Naye Jesu akamgoria, "Mawe, kwa nini ulilaga? umlola anyi?" na ye huku akizani kuwa mtunza ibustani akamgoria, "Mzuri, kama nyi wamwusa, nivorie ukowamvika, na nyi wadimamwusa."¹⁶Jesu akamgoria, "Mariamu." Naye akageuka mweni na kumgoria kwa kiaramu, "Raboni; yaani ihi ni kudeda, "Mwalimu." ¹⁷Jesu akawagoria, "Usaniguse, kwani bado sirapaa wadimakwenda kwa Aba; bali ugende kwa ndugu zangu ukadimawagorie kuwa nadimapaa kwenda kwa Aba wapwa ambae pia ni Aba wapwa, Mlungu wangu na Mlungu wapwa." ¹⁸Mariamu magdalena akaja kuwagoria wanafunzi, "Nimwonie Mzuri," na kwamba amewaambia mambo gaja.¹⁹Na irikogo jioni, siku ya imwi ya juma, na mijango ikiwa jarugu mahali wanafunzi wakogorio kwa kuwahofia wayahudi, Jesu wadimakuja na kusimama katikati yao na kuwagoria, "Amani igwe kwenyu." ²⁰Alipokwisha deda gaja akawaonyera mikonu gake na ruvaru rake. Nawo wanafunzi wamwonie Mzuri wavuriwe.²¹Kisha Jesu akawagoria tena, "Amani iwe na inyo. kama vile Aba waniduma nyi, nikougo na mi nawadumie nyi." ²²Jesu wadimakwisha deda ago, akawavuvia akawagoria, pokeenyi Ngolo Mtakatifu. ²³Jojose wadima samehewa; na waja wadimagawafungie wadima fungwa."²⁴Tomaso, umweri wa waja kumi na iwi, aliye itwa Dismas, hakuwa na wanafunzi wenzake Jesu wadimakuja." ²⁵Waja wanafunzi wengine wamgoria baadaye, "Wadima mwona Mzuri." Na ye akawagoria, "kama siwonie alama za misumari katika mikonu jake, na kuwika vidole vangu kwenye hizo alama, napia kuwika mkonu wangu kwenye ruvaru wake sidima amini."²⁶Baada ya siku nane wanafunzi walikuwa chumbenyi tena, na ye Tomaso alikuwa pamoja nawo. Wakati mijango ilipokuwa yafungiwe Jesu alisimama katikati ya wo. na akadeda, "Amini na igwe nanyi." ²⁷Kisha akawagoria Tomaso, leta kidole chako na uone mikonu yapwa; Leta hapa mikonu yapwa na uwike kwenye ruvaru wapwa; wala usiwe asiyeamini bali aamini."²⁸Naye Tomaso akajibu na kumgoria, "Mzuri wangu na Mlungu wangu. ²⁹Jesu akamgoria, kwa kuwa waniwona, waamini. Wabarikiwa wo waamini pasipo kuwona."³⁰Kisha Jesu wafanya ishara nyingi mbele ya wanafunzi, ambajo hazijawahi andikiwe katika kitabu iki, ³¹bali hizi yaandikwa ili kwamba muweze kuamini kwamba Jesu ndiye Kristo, mvalwa wa Mlungu, na kwamba dimaamini muwe na binana katika jina jake.

¹Baada ya mambo haya Jesu alijidhihilisha sena kwa wanafunzi katika Bahari ya Tiberia; hivi ndivo alivyojizihirisha mweni: ²Simon petro arikogo pamoja na Tomaso aitwae Dismas, Nathanaeli wa kana ya Galilaya, wavalwa wa Zebedayo na wanafunzi wengine wawi wa Jesu. ³Simon Petro akawagoria, "Nyi nadimaenda kuvua samaki." Na wo wakamgoria, "Sisi, pia dadimagenda nawe." Wadimagenda wakainga kwenye mashua, ela usiku huo wote wadima pata chochose.⁴Na asubuhi kwadima kucha, Jesu alisimama ufukweni, na wo wanafunzi hawakutambua kuwa alikuwa Jesu. ⁵Kisha Jesu akawagoria, "Wadawana, mna chochose cha kuja?" nawo wakamjibu, "Hapana." ⁶Akawagoria, "Sherenyi nyavu upande wa kujo wa mashua, nanyi mtapata kiasi." Kwa huvo wadima sherenyi wavu nawo ndawadimie kujivuda sena kwa sababu ya wingi wa cha samaki.⁷Basi yuja mwanafunzi ambae Jesu alimpenda akamwambia petro, "Ni Mzuri." Naye simon Petro aliposikia kuwa ni Mzuri, wakogo ivazi jake (ndakogondarikuwa recha), kisha akajidaga baharinyi. ⁸Wale wanafunzi wengine wakacha kwenye mashua (kwani ndawakogo avui na pwani), nao warikogo wakiruda zija nyavu zilizokuwa rachuwa samaki. ⁹Walipofika ufukweni, wawonie modo wa mkaa pale na juu jake kulikuwa na samaki na mkate.¹⁰Jesu akawagoria, "Leteni baadhi ya samaki mwavuaijiaha." ¹¹Basi Simoni Petro akajoka na wakakokota uja wavu ndadimachua samaki wabaha, kiasi cha samaki 153; japo wakogowengi, uja wavu ndaurashukie.¹²Jesu akawagoria, "Choonyi mpate kufungua momu." Hakuna hata umweri wa wanafunzi aliethubutu wadima uliza, "Wewe ni ani?" Walijuwa kuwaalikuwa ni Mzuri. ¹³Jesu akacha, akachukua uja mkate, kisha akawapa, ndadimafanya nikohugo na kwa waja samaki. ¹⁴Ihi ilikuwa mara ya kadadu kwa Jesu kujidhihirisha kwa wanafunzi wake baada ya kufufuka toka wafu.¹⁵Baada ya kuwa ndadimafungua momu, Jesu akamgoria Simoni petro, "Simon mvalwa wa Yohana je, wanikunda imi kuliko awa?" Petro akajibu, "Ndio, Mzuri, "Wewe wachua kuwa nakukunda. "Jesu akamgoria, "Lisha wana ng'ondi wapwa." ¹⁶Akamgoria mara ya iwi, "Simon mvalwa wa Yohana, je, wanikunda?" Petro akamgoria, "Ndiyo, Mzuri; wewe wachua kuwa nakukunda. "Jesu akamgoria, "Chunga ng'ondi wapwa."¹⁷Akamagoria tena mara ya kadadu, "Simon, mvalwa wa Yohana, Je wanikunda?" Naye Petro wahuzunikie kwa vile anduamgorie mara ya kadadu, "Mzuri waichi gose; unamanya kuwa nakukunda." Jesu akamgoria, Lisha ng'ondi wapwa. ¹⁸Amini, amini, nakuambia, ndadima wadawana wavarie kuvanguwo mweni na kugenda kokose ukukundi; Ela nikakaia mgosi, wadimanyosha mikonu yapwa, na mwingine wadimakuvisha nguwo na kukugenda kokose wadimagenda kwenda.¹⁹Jesu akadeda aya ili ndadimaonyesha ni aina ki ya kifwa ambacho Petro angemtukuza Mlungu. Baada ya kuwa wadedie haja, akamgoria Petro, "Ninuge."²⁰Petro wageukie na kumwona yuja mwanafunzi ambae Jesu alimpenda akawanuga- yuja ndie anakiegemeza lageni kwa Jesu wakati wa vindo va kweni na kumkotia, "Mzuri, ni ani adimagakukusaliti?" ²¹Petro wamwonie na kisha akamkotia Jesu, "Mzuri, Huyu mundu wadimabonya nini?"²²Jesu akamjibu, "Kama nagenda abaki mpaka ukacha, ilo idakuhusu nini?" Nifuate." ²³kwa huvo habari ihi iwonekanaga miongonyi mwa waja ndugu, kwawanafunzi huyo hakufwa. Ela Jesu ndamgorie petro kuwa, mwanafunzi hugo ndafwaga, "Kama nataka ye abaki mpaka ntakapokuja idakuhusu?"²⁴Huyu ndie mwanafunzi dimatoa ushuhuda gwa mabo aja, na ndiye alieandika mambo aja, wamanyie yakuwa ushuhuda wake ni loli. ²⁵Kuna mambo mengine gamusi ambajo Jesu alifanya. kama kila umweri jaandikwaga, nadhani kwamba urumwengu wenywe ndwatoshaga kuviwika vitabu ambavo raandikwaga.