¹Bobu i butantiko bwa meena a bikolue byakua Yesu Kristu wa mu luvyalo lwakua Daudi, kabili waali wa mu luvyalo lwakua Abrahamu. ²Abrahamu waavyele Izaaki,Izaaki waavyele Yakobo, Yakobo waavyele Yuda ni bakwakue. ³Yuda waavyele Peresi ni sera nghinabo waali tamari, Peresi waavyele Esroni, Esroni wavyeele Aramu.⁴Aramu waavyele Aminadabu, Aminadabu waavyele Nasoni, Nasoni waavyele Salmoni, ⁵Salmoni waavyele Boazi, (nghinabo waali Rahabu). Boazi waavyele Obedi, (nghina waali Ruti). Obedi waavyele Yese, ⁶Yese waavyele Likolo Daudi. Daudi waavyele Solomoni, (nghina waali muka Uria).⁷Solomoni waavyele Rehoboamu, Rehoboamu waavyele Abia, Abia waavyele Asa, ⁸Asa waavyele Yehoshafati, Yehoshafati waavyele Yoramu, Yoramu waavyele Uzia.⁹Uzia waavyele Yotamu, Yotamu waavyele Aazi, Aazi waavyele Hezekia, ¹⁰Hezekia waavyele Manase, Manase waavyele Amoni, Amoni waavyele Yosia, ¹¹Yosia waavyele Yokania ni bakwakue. Pa ozo musita, Baizraeli baali bateekelue buzia mu Babiloni.¹²Pa kyamba kya kutwamua ni kuya kuteekua buzia mu Babiloni, Yekonia waavyele Salatieli, Sarlatieli waavyele Zerubabeli, ¹³Zerubabeli waavyele Abiudi, Abiudi waavyele Eliakimu, Eliakimu waavyele Azori, ¹⁴Azori waavyele Sadoki, Sadoki waavyele Akimu, Akimu waavyele Eliudi.¹⁵Eliudi waavyele Eliazari, Eliazari waavyele Matani, Matani waavyele Yakobo, ¹⁶Yakobo waavyele Yusufu waupile Maria. Ozo Maria i waavyele Yesu aliwakuutua Kristu. ¹⁷Kutendeka pali Abrahamu mpaka pali Daudi mpaka musita ubaile kuteekua buzia mu Babilioni, kwaali nvyalo likumi na ina. Lubaafumine mu Babilioni mpaka musita wa kuvyalua kwakua Kristu, kwaali nvyalo likumi na ina.¹⁸Kuvyalua kwakua Yesu Kristu kwaali evi. Maria nghina kwa Yesu luali wasakilue na Yusufu, lubaali tebanalaale nakue pamo, Maria waamwenekele waimisi na maka a Mweo Muzuuke. ¹⁹Yusufu waali mulunghami lyonse, kabilitaa taatonene kutiamumonia Maria busoni pa menso a bantu. Ni pakako, waamwene kuti amukaanemu kafiso.²⁰Luali wakilimukulangakana evio, malaika wakua Leza wamumonekela kale Yusufu mu kilooto wamwana,"We Yusufu wa mu luvyalo lwakua Daudi, tekutiima kumutwama Maria kuti abe mukaze abe mukazi obe, pantu leli livumo lyaimisi, emisi na maka a Mweo Muzuuke. ²¹Maria waakavyala mwana mwalalume, ozo mwana ukamwinike Yesu, pantu i waakalubula bantu bakue mu bibalo byabo"²²Bebi byonse byaakitikile evio pa mulandu wa kufikilizia keebo kaalandilue na mulopue kupitila muli kabika, ²³kinundue, kyaakeemita ni kuvyala mwana mwalalume, Ozo mwanawaakaba wakuutua Emanuel"-i kulanda nangue, "Leza ali pamo ni fwefue."²⁴Yusufu luabuukile, waakitile mwamwaanine malaika. Wamutwama Maria waya nakue ku nghanda. ²⁵Inzi, taaleele nakue pamo mpaka musita waavyaliiluepo mwana wakue mwalalume na Ozo mwana Yusufu waamwinikile Yesu.

¹Yesu waavyaliilue mu muzi wa Betlehemu mu Yudea, musita waalipo Likolo Herodi. Mu ozo wenka musita, bantu ba maano baali basambilila lwendo lwa ntanda baafikile mu Yeruzalemu. ²Lubaafikile mu Yeruzalemu baabambile kwipuzia, "Ati, mwana avyelue, Likolo lya Bayuda, ali pi? Twakimona lutanda lwakue ku kabanga, i kitwaizila kumupupa." ³Likolo Herodi luaunvwile evio, wene pamo ni bantu bonse ba mu Yeruzalemu baatiinine sana.⁴Waakuutile makolo a babitambua pamo ni bakasambilizia ba Mizilo. Waabeepuziizie, "Ati, Kristu waakavyalilua pi?" ⁵Baamwaasukile, "Kristu waakavyalilua mu Betlehemu mu Yudea. Pantu i vyaalembele kabika, ⁶We Betlehemu wa mu kyalo kya Yudea, teukeepeesie pa mizi yonse ikata ya mu Yudea, pantu muli wewe i mwaakafuma kateeka, wene i waakalombola bantu bane, Baizraeli."⁷Kupwako Herodi wakuuta kale balia bantu ba maano mu kafiso ni kubamba kubeepuzia musita ubakimwenapolutanda. ⁸Herodi waabatumine ku Betlehemu wabaana, "Endo mumukebe bwino bwino ozo mwana. Kine mwaya kumumona, mwize munmbwile evi nkabe kuya kumupupa."⁹Lubaunvwile vyaalandile likolo, baile. Kabili baamwene paakale lolo lutanda lwaali lwaya lwabatangiliile ku baali baya musita ubaali bafuma ku kabanga. Lolo lutanda lwaile kwimana paali mwana. ¹⁰Lubaalumwene, baawamiinue sana.¹¹Baingiile mu nghanda, bamumona mwana pamo ni nghina Maria, bafukama bamupupa. Bakakula bifunda byabo, bamulambula Yesu oro ni bubaani pamo ni manemane. ¹²Leza luabaanine mu kilooto tekuti babwelele kuli Herodi, baabweleele kwabo mu inge nzila.¹³Bantu ba maano lubaile, makaika wakua Mulopue waamumonekeele Yusufu mu kilooto wamwana, "Buuka, twama mwana ni nghina mubutukile ku Misri, mukaye kwikala koko mwapembeele mpaka pankakwana kafumako pantu Herodi alimukukeba kwipaya ozu mwana." ¹⁴Yusufu luabuukile, waamutweme mwana ni nghina waya nabo ku Misri. ¹⁵Waikeele koko mpaka musita waafwiliilepo Herodi. Bebi byonse byaakitikile pa mulandu wa kufikilizia keebo kaalandile Mulopue kupitila muli kabika nangue, "Naamukuutile mwana wane kufuma ku Misri.¹⁶Herodi luainikile nangue balia bantu ba maano baafumine ku kabanga baamubeepele, waakilile kufiitua. Waanine bantu bakue baye beepaye banike bonse balalume ba mu muzi wa Betlehemu ni mu mizi ya mumbali, kubambila pa banike bali ni myaka ibili mpaka pa mwana wavyalua lenu. Waakitile evio kukonkana ni twebo tuaunvwile ku bantu ba maano palua nsita i baamweneenepo lutanda.¹⁷Evi i vyaafikiliziiziwe keebo kaalandilue na kabika Yeremia, ¹⁸"Mizowa ya malilo engi. Rakeli waali walimukulila baana bakue, kabili taatonene kutalaziiwa, pantu baali bafwile."¹⁹Herodi luafwile, malaika wakua Leza waamumonekeele Yusufu mu kilooto lubakili ku Misri. ²⁰Waamwanine evi, "Buuka, twama mwana pamo ni nghina ubwelele ku Izraeli, pantu balia baali bakeba kwipaya ozu mwana bakifua." ²¹Yusufu waabuukile, wamutwama mwana ni nghina babwelela ku Izraeli.²²Yusufu luaunvwile nangue Arkelao waapyene se Herodi pa bukolo mu Yudea waatiinine kuyako. Inzi kabili Leza waamwanine Yusufu mu kilooto kuti aye ku Galilaya. ²³Waile kwikala mu muzi wa Nazareti. Evio i vyaafikiliziiziwe keebo kaalandilue na kabika nangue waakakuutua Munazareti.

¹Mu ezio nsiku Yoane Mubatizi waile wasimikila mu kaseeba kaku Yudea wali walanda evi, ²Lapile bibalo byenu pantu Bukolo bwa mwiulu bwapalama," ³Ozo i waalandilue na kabika Isaya nangue",Lizui lya muntu lyaunvwikile mu kaseeba lyalanda; 'Wamie nzila yakua mulopue, olole mwakuti akabe kwiza kupita.'⁴Yoane waali wavwala ngubo yaali yakitilue na buse bwa nghamia, ni mu kitungu waali wakakamo musipi wa mpapa. Waali walia bizenga ni bwiki bwa mu kisonso. ⁵Bantu bengi mu Yeruzalemu ni mu kyalo kya Yudea pamo ni ba mumbali Mwezi wa Yordan, bonse baali balapila bibalo byabo. ⁶Yoane ni ye waali wababatizia mu Mwezi waYordani.⁷Luamwene Bafarizeo bengi ni Basadukayo balimukwiza kuli wene bakonkele kubatiziwa, waabaanine, "Mwe luvyalu lwa nzoka! Nani waamyanine kubutuka kukandua na Leza kulimukwiza? ⁸Kansi kite bintu bya kuya byalangisia nangue mulapiile bibalo byenu. ⁹Tekuti muye mwaizi nangue kuti mwabutuka kukandua mukulanda nangue Abrahamu i kikolue kyetu! Namyana kisinka nangue Leza kuti waalula aza mabue kuba baana bena Abrahamu.¹⁰Lizembe telisyateaniiziwe kuti liteetelueko misila ya kimuti, kubalua kimuti kisilikyaseekako mazabo aweme kyakaba kuteetua ni kupoozua mu mulilo. ¹¹Nene namibatizia mu menda pakuti mulangisie nangue mwalapila bibala byenu. Inzi ozo alimukwiza pa kyamba kyane, wene waakamibatizia mu Mweo Muzuuke ni mulio, pantu i ankilile maka. Kabili nsipalile kumuvuula nkwabilo yakue. ¹²Wene i akwete lupeepe mu minue kuti apupiizieko nghano yakue, nghano azibe mu butala, ni mu butala, ni makapa azizie mu mulilo usiliwazima."¹³Ozo musita, Yesu luafumine ku Galilaya,waile kubatiziwa na Yoane mu Mwenzi wa Yordani. ¹⁴Inzi Yoane waamukaaniine walanda, "Ewe, wewe i upalile kunmbatizia. Ale waizila ki kuli nene?" ¹⁵Yesu waamwaasukile, "Itabila sie, pantu tupalile kufikilizia byonse bitonene Leza." Kupwako, Yoane wamwitabizia.¹⁶Penka papo Yesu mukubatiziwa sie ni kufumu mu menga, lyulu lyaizuka, wamona kale Mweo wakua Leza wamukookela nga nkunda ni kumwikala. ¹⁷Lizui lyaunvwikile mwiuli lyalanda, "Ozu i Mwana wane mutonua unghwamiinuemo."

¹Kupwako Mweo wamulombola Yesu mu kaseeba aye abembue na Kibanda. ²Yesu luapwile nsiku 40 tekuba walia kantu basiku ni koba, waunvwile nzala. ³Kibanda kyaile kumwana, "Ewe, kine uli Mwina Leza, ana mabue aza abe mikate," ⁴Yesu waamwaasukile, "Kilembelue evi, 'Muntu takaba wakoseele sie na kulia mukate, inzi waya wakoseele na keebo kalikalanda Leza.'"⁵Kabili Kibanda kyaamutwele Yesu ku Yeruzalemu, mu muzi uzuuke, ni kuya kumwimika pa kaswelu ka Nghanda yakua Leza. ⁶Kyaamwanine, "Kine wewe uli Mwina Leza, iipooze pansi ! Pantu kilembelue evi, 'Leza waakabaana bamalaika bakue bakeeze kukulabukila mu maboko abo, ekeeputale ku mabue.'"⁷Yesu waamwaasukile, "Unvua Malembo vialandile, 'Tekumwezia Mulopue Leza obe.'" ⁸Kabili Kibanda kyaamuseziizie Yesu pa lupili luleepeesie, kyatendeka kumulangisia bukolo pamo ni bunonsi bulimo. ⁹Kyaamwanine evi, "Kine wanmpupa, ndikukupeela bebi byonse."¹⁰Yesu waamwanine, "Ale fuma pano we Satana! Pantu Malembo alandile evi, 'Pupa Mulopue Leza obe umubombela wene bunke.'" ¹¹Kupwako Kibanda kyamusia Yesu, ni bamalaika baiza kumubombela.¹²Yesu luaunvwile nangue Yoane akakilue mu buloko, waile ku Galilaya. ¹³Waafumine mu Nazareti, waya kwikala mu Kafarnaumu, muzi uli mumbali kiziba kya Galilaya, ku mipaka ya kyalo kyakua Zebuluni ni kyakua Naftali.¹⁴Evi i vyaafikiliziiziwe keebo kaalandilue na kabika Isaya nangue, ¹⁵"We kyalo kyakua Zebuluni ni kyakua Naftali ku musebo uile ku lyezi, byalo bili ku bwala Mwenzi wa Yordani, Galilaya kyalo kya Bazima! ¹⁶Bantu baali baikeele mu nfinzi ni mu kilelo kya nfua, basanikiilue, kabili bamwene kisue kikata."¹⁷Kutula pa ozo musita, Yesu waatendekele kusimikila walanda, "Lapile bibalo byenu pantu Bukolo bwa mwiulu bwapalama!"¹⁸Yesu luali waenda mumbali kiziba kya Galilaya, waamwene bantu babili benenke, Simoni aliwakuutua Petro pamo ni Andrea, balimukuloba masabi na bukila pantu baali balobi. ¹⁹Waabaanine evi, "Nkonke, naakamisambilizia kuloba bantu." ²⁰Penka papo basia kale bukila bwabo bamukonka Yesu.²¹Yesu waileko pa ntanzi kanini, kabili wamona bange bantu babili benenke, Yakobo ni Yoane bena Zebedeo, bali mu bwato pamo ni sibo. Waabamwene balimukulonga bwino bukila bwabo. Ni bo Yesu waabakuutile. ²²Penka papo basia kale bwato pamo ni sibo, bamukonka Yesu.²³Yesu waile mu Galilaya monse. Waali wasambilizia mu nghanda ya malombi, kabili waali wasimikila Mpunda lweme ya Bukolo ni kukosia bantu baali balwele ni baali balemeene. ²⁴Mpunda yakua Yesu yaakumeene mu kyalo kyonse kya Siria, kabili baamuleeteele balwele baali ni malwele alekenkeene, bantu baali ni myela, ni baali ni bifulubi pamo ni bantu baali balwele bulebe, bonse waabakosiizie. ²⁵Bantu bengi baafumine ku Galilaya ni ku Dekapoli ni ku Yeruzalemu ni ku Yudea pamo ni ku bwala Mwenzi wa Yordani, baamukonkele Yesu.

¹Yesu luamwene bantu bakila kuvula, waaselele pa lupili, waikala pansi, ni basambi bakue bamupalama. ²Kupwako wabamba kubasambilizia: ³"Balia bekeefiizie ku menso akua Leza basyukule, pantu Bukolo bwa mwiulu ni bwao. ⁴Balia bali ni bulanda basyukile, pantu baakasansamusiiwa.⁵Balia bafuukile basyukile, pantu baakapyana kyalo. ⁶Balia bonvwile nzala ni bonvwile kyaka kya kukita mutoneene Leza basyukile, pantu baakawaminua. ⁷Balia bali ni nkumbu basyukile, pantu baakonvwilua nkumbu. ⁸Balia basweetele mitima basyukile, pantu baakamumona Leza.⁹Balia balibaleetela benabo mutende basyukile, pantu baakakuutua bena Leza. ¹⁰Balia balibaema pa mulandu wa kukita mutoneene Leza basyukile, pantu Bukolo bwa mwiulu ni bwabo.¹¹"Lumwatukua ni kwemiwa pamo ni kubeepeziwa pa mulandu wane musyukile. ¹²Waminue ni kusangalala, pantu mubiikiilue kilambu kikata mwiulu. Evio i vibaemiizie bakabika baamitangiliile."¹³"Mwemue muli mukele wa bantu! Ati, kine mukele wasuuka, kuti wasonsiiwa syani? Teukili na mwilo kabili, teuli sie wa kupoozua panze ni kunyantuapo na bantu. ¹⁴"Mwemue muli musaniko wa bantu! Muzi ukuulilue pa lupili teuvinda kufyama.¹⁵Tekuli muntu aliwaleemia litala ni kutupikilapo lweso, inzi alikulibiika peulu, evi bonse bali mu nghanda baye basanikiilue. ¹⁶Kansi kisue kyenu kisanikile bantu evi bamona bikitua byenu biweme, pakuti bamutasie Sinue wa mwiuli.¹⁷"Tekumone nangue naizile kufumiapo Mizilo yaalembelue na Musa ni twebo twaalembelue na bakabika, inzi naizile kufikilizia. ¹⁸Namyana kisinka nangue, anzia lyulu ni kyalo bikapite, tekuli ata kalilembo ao kamusiko kamo kaakafumiiwa pa Mizilo, inzi yonse mpaka ikafikiliziwe.¹⁹Kansi onse waakapula mu lifunde limo lya aza mafunde, anzia liye lyakeepele syani, ni kusambiliziako bange kuya bakita evio, ozo muntu waakaba wakeepeesie mu Bukolo bwa mwiulu. Inzi onse waakaba wanakiile mafunde ni kusambiliziako bange, wene waakaba wakuliisie mu Bukolo bwa mwiulu. ²⁰I kinamyanina nangue, kine bulunghami bwenu tebwibeeleele na bulunghami bwa Bafarizeo ni bakasambilizia ba Mizilo, temukavinda kwingila mu Bukolo bwa mwiulu.²¹"Mwaunvwile kale vyaaninue bantu ba pa kale, 'Tekwipaya! Kubalua muntu waakeepaana, waakatwalua ku bapinguzi.' ²²Inzi nene namyana nangue, muntu waakafiitilua mwinakue, waakatwalua ku bapinguzi. Muntu aliwamwana mwinakue nangue, 'Uli kinangua,' waakatwalua mu kilie kikata. Muntu aliwamwana mwinakue nangue, 'Uli kilubi,' waakapoozua mu mulilo usiliwazima.²³Kansi kine ulimukuya kutwala bupe bobe pa altare, penka papo walanguluka kale nangue upuseene ni mwinobe, ²⁴syanke bupe bobe pa utanzi ya altare, uye unvwanenke ni mwinobe, mane ubwele utwale bupe bobe pa altare.²⁵"Unvwanine mbeela ni mulwani obe mwakili mu nzila lumusinaafike ku kilie. Pantu mulwani obe kuti wakutwala kuli mupinguzi, mupinguzi ni ye wakutwala kuli lukate, lukate ni ye wakukaka mu buloko. ²⁶Nakwana kisinka nangue, teukafumamo kine teunalipenke lufolanga lwa mpeleezio.²⁷"Mwaunvwile kale nangue bantu ba pa kale baaninue nangue, 'Tekukita bukende.' ²⁸Inzi nene mamyana kisinka nangue: Onse aliwakenta mwanakazi ni kumutokamua, wakita kale nakue bakende mu mutima mwakue.²⁹Kansi linso lyobe lya kulio kine lyakulengia kubala, litumbule ulipooze kule. Pantu kuti kyawama kuzeezia kiizo kimo ku mubili obe kukila kupoozua walingi mu mulilo usiliwazima. ³⁰Kabili kuboko kobe kwa kulio kine kwakulengia kubala, kuputule ukupooze kule. Pantu kuti kyawama kuzeezia kiizo kimo ku mubili obe kukila kupoozua walingi mu mulilo usiliwazima.³¹"Bantu ba pa kale baaninue evi, 'Kine muntu wakaana mukazi wakue, amulembele lupapulo lwa kumukaaninapo.' ³²Inzi nene namyana nangue, onse wakaana mukazi wakue pasili mulandu wa bukambue, wamulengia mukazi kukita bukende. Ni mwalalume alikuupa ozo mwanakazi, ni ye wakita bukende.³³"Kabili mwaunvwile kale bantu ba pa kale vibaaninue, 'Kine wamulaya Leza kumukitila kantu kamo, fikilizia.' ³⁴Inzi nene namyana nangue tekwezie kulapa. Tekulape ka lyulu pantu i kitebe kya bulumba bwakua Leza, ³⁵ao kulapa ka kyalo pantu i panyente makasa akua Leza, ao kulapa nangue ka Yeruzalemu pantu i muzi ukata wakua Likolo mukulu.³⁶Kabili tekulape mitue yenu pantu temuvinda kwalula musisi umo kuba wasue ao wafi. ³⁷Kulanda kwenu kuye kwali sie, 'Ee', ao 'Ata'. Pantu keebo kakusonsekapo kalikafuma kuli Satana.³⁸"Mwaunvwile kale vikyaalandilue, 'Linso pa linso, ni liino pa liino.' ³⁹nzi nene nalanda evi: Tekukite kibwelezi ku muntu aliwamiluvia. Muntu kine wakuuma lupi ku litama lya kulio, mupilibwile ni lya kuso.⁴⁰Muntu kine wakutwala ku kilie waumiine kukupoka kabinda kobe, mupeele ni likooti. ⁴¹Kabili muntu kine wakupatikizia kuti umutwamieko kifunda kyakue kilometre imo, mutwamieko kilometre ibili. ⁴²Muntu kine wakulomba kantu, mupeele. Kubalua muntu watona kukukopa kantu, tekumukaanina.⁴³Mwaunvwile kale nangue kyaalandilue evi, 'Tona kibuza obe ni kusuula mulwani obe.' ⁴⁴Inzi nene namyana evi: Tone balwani benu, kabili lombele bantu bonse balibamyemia, ⁴⁵evi mwaluke bena Sinue wa mwiulu. Pantu wene aliwasanikila koba kakue pa baweme ni babiipile, kabili aliwabanokiizia nvula baweme ni babiipile.⁴⁶Ale ni kiki kimulikulambulua kine mwatona sie balia bamitonene? Ati, bakasonkia ba musonko, ni bo tebalibakita evio vyenka? ⁴⁷Kabili kine mwapozia sie bibuza byenu, mwakitapo ki kikilile bange? Pantu ni basizumiine Leza i mubalibakitila. ⁴⁸Kansi, be mwapwililikile nga vipwililikile Sinue wa mwiulu.

¹"Kengele, tekuba mwakita biweme pa mulandu wa kumonua na bantu, pantu kine mwakita evio, Sinue wa mwiulu takamilambula. ²Kansi lyonse kine watona kukwasia mupabi, tekuvumia. Tekukita nga vilivyakita bakankobenkania mu nghanda ya malombi ni mu mazila, pantu balibakitila kutasiiwa na bantu. Namyana kisinka nangue, bene balambwiliilue mbeela.³Inzi wewe lyonse luuliwakwasia mupapi, tekumukwasia luumwenue na mwinobe. ⁴Fumia bupe bobe mu kafiso, pantu so amwene bili mu kafiso, i waakakulambula.⁵"Lumwapepa, tekuba mwakita nga bakankobenkania, pantu bene balibatona kupepa baimeene mu nghanda ya malombi ni mu masanzio nzila bakebele bamonue na bantu. Nanyama kisinka nangue, baba bantu baapokeleele kale kilambu kyabo. ⁶Inzi wewe luwapepa, bwino So asiliwamoneka. Ni So amwene bili mu kafiso, waakakulambula. ⁷"Kabili lumwalomba, tekuba mwalanda sie kilandelande nga balia basimuzumiine Leza. Pantu bene balangakeene nangue kulanda bangi i kunvwiwa.⁸Tekuba mwali nga babo, pantu Sinue amanine byonse bimuumiine kulomba. ⁹Kansi lombe evi: 'We Situe wa mwiulu, Liina lyobe lilumbue, ¹⁰Bukolo bobe bwize, kutona kobe kukitue pano pa kyalo nga vikulikwakitua mwiuli.¹¹Tupeeleko bilio byetu bya kubalua nsiku. ¹²Tweleele bilubo byetu, nga evelia vitulitwaeleela balibatuluvia. ¹³Tekututwala mu kweziwa, inzi tusampulule mu bubi.' [Pantu bukolo ni bulumba pamo ni maka ni byobe lyonse! Amen.]¹⁴"Pantu kine mwaeleela bantu bilubo byabo, Sinue wa mwiulu, ni ye alikumyeleela. ¹⁵Inzi kine temwabeeleela bantu bilubo byabo, ni Sinue takamyeleela bilubo byenu.¹⁶"Lumulimwaizilika, tekuba mwafiitua nga bakankobenkania, pantu bene balibabuusia ni nkansi pa menso bakebele bamonue na bantu nangue bezilikile. Namyana kisinka nangue, babo bantu baapokeleele kale kilambu kyabo. ¹⁷Inzi wewe luuliwaizilika, samba bwino ni kusaakula misisi, ¹⁸evi muntu unge tekuti amane nangue wizilikile, inzi umanue sie na So asiliwamoneka. So amwene bili mu kafiso, waakakulambula.¹⁹"Tekuba mwaibiikila bukonto pano pa kyalo, panto pa kyalo pali busua ni bikongolue bilibyainoona, kabili pali nakabooko balibaiba. ²⁰Ibiikile bukonto mwiulu musili basua ni bikongolue bilibyainoona, ni bakabooko balibaiba. ²¹Pantu palia pali bukonto bobe, i paya paali ni mutima obe.²²"Menso i musaniko wa mubili. Kine menso obe akosele, mubili obe onse waya wasanikiilue. ²³Inzi kine menso obe alwele, mubili obe onse waya wali mu nfinzi. Kansi, kine musaniko uli mukati mobe wazima, ezio nfinzi yaakaba ikata sana. ²⁴"Tekuli muntu aliwabombela baselenzi babili. Kine muntu wakita evio' alikusuulapo umo ni kutonapo unge, kabili waakaba wa kisinka ku umo ni wa bufi ku unge. Temuvinda kubombela Leza pamo ni bunonsi.²⁵"Tekuba mwasambooka palua bukose bwenu nangue mulikulia ki, ao nangue mulikumina ki. Kabili tekuba mwasabooka palua mibili yenu nangue mulikuvwala ki. Ati, bukose te i bukilile pa bilio? Ni mubili te i ukilile pa bivwalo? ²⁶Toni tetwizi kubyala ao kuzombola, kabili tetwizi kuziba mu butala. Inzi Sinue wa mwiulu aliwatuliisia! Eba, mwemue, te i bantu bakindeeme kukila toni?²⁷Nani pakati kenu mukwisamboosia kwakue aliwasonsekako busiku bumo ku bukose bwakue? ²⁸"Ale kabili kimwasambookela palua bivwalo ni kiki? Mone buluba bwa mu kisonso vibulibwamena. Tebwabomba, kabili tebwasuka ngubo. ²⁹Namyana kisinka nangue Solomoni ni ye mu bunonsi bwakue bonse, taavwelemo ngubo iweme nga bobo buluba.³⁰Kine Leza aliwavwika bikusi bya mu kisonso bilipo sie lelo ni lukeele byaziziiwa, alikwandua syani kumiwamiizia mwe bali ni kiketekelo kinini? ³¹"Tekuba mwaisamboosia nangue twaakalia ki, ao nangue twaakamina ki, kabili nangue twaakavwala ki?³²Pantu bebio byonse i bilibyasambookelua na bantu basimuzumiine Leza. Unvue, Sinue wa mwiulu amanine byonse bimupalile kuya mwali nabio. ³³Ni pakako, kansi kebesyenke Bukolo bwakua Leza ni kutona kwakue, mane mukasonsekue ni binge byonse. ³⁴Kansi tekusambookela bintu bya lukeele, pantu pya lukeele byakaba kwisambookela byo biine. Bwavia bwa busiku bumo, ni bwa bobo bwenka busiku.

¹"Tekuba mwapingula bange, mukakeeza kupingulua na Leza, ²pantu mumwapingwila bange, i mumwaakapimgwilua. kipiimo kimwapiiminako bange, i kimwaakapiiminuako.³Ati, kuti wamona syani kankolopiilo kali mu linso lya mwinobe koku wali ni lizengulo mu linso lyobe? ⁴Kabili kuti wamwana syani mwinobe nangue, 'Ewe' ele nkufumie kankolopiilo mu linso lyobe koku wali ni lizengulo mu linso lyobe? ⁵We kankobenkania! Mona fumyanke lizengulo lili mu linso lyobe, mane ufumie bwino kankolopiilo kali mu linso lya mwinobe.⁶"Tekubamwapeela tabua bintu bizuuke, pantu kuti twamipilibukila ni kumisuma. Kabili tekuba mwapooza busanga bwa mutengo ukata pa ngulube, pantu kuti yanyantapo.⁷"Lombe, ni mwe mulikupeelua, kebe, ni mwe mulikumona, kookoosie, ni mwe mulikwizwilua. ⁸Muntu aliwalomba aliwapeelua. Ni aliwakeba aliwamona. Kabili muntu aliwakookoosia aliwaizwilua. ⁹Ati nani pakati kenu aliwapeela mwana wakue libue lualiwamulomba mukate ? ¹⁰Ao kumuupela kizoka lualiwamulomba lisabi ?¹¹Kine mwe bantu babi muli mwapeela baana benu bintu biweme, sinue wa mwiulu alikwandua syani kumipeela bintu biweme kine mwalomba ? ¹²Kitile bange belia bimwakeba kuti mukitilue, pantu i vilandile mizilo yakua Musa ni masambilizio a bakabila.¹³Ingilile ku mulyango wa kanfinenkezia. pantu nzila ya kuzeezyania itanine, ni mulyango wa kwingililapo utanine, kabili bantu balibaya mu ezio nzila bavulile. ¹⁴Inzi nzila ya kasansaila isiliyamonua na bengi, i nzila ya kuya ku bukose ni mulyango wa kwingililapo mu bukose wa kanfinenkezia.¹⁵Kengele mukabeepua na bakabila ba bufi, babo balibailangisia kuba nga mikooko, kansi mukati mwabo ni miponda iliyazakila. ¹⁶Mwaakabeenikila ku bikitua byabo. Ati, muntu kuti wakununa mizabibu ku kimuti kya myunga ? Ao kuti wakununa miku ku kimuti kya mikunkuli? ¹⁷Kimuti kilikyaseekako mazabo aweme i kimuti kiweme, ni kimuti kilikyaseekako mazabo abiipile i kimuti kibiipile.¹⁸Kimuti kilikyaseekako mazabo aweme, tekiizi kuseekako mazabo abiipile. ¹⁹Kubalua kimuti kisilikyaseekako mazabo aweme kilikyateetua ni kupoozua mu mulilo. ²⁰Kansi, mwaakabeenikila ku bikitua byabo.²¹Te onse aliwalanda nangue , We Mulopue, We Mulopue; Waakengila mu bukolo bwa mwiulu, inga sie olia aliwakita mutonene tawe wa mwiulu. ²²Pa bobo busiku bwa bupinguzi, bengi baakanghana," We Mulopue, We Mulopue ! Twaali twasimikila keebo kobe mu liina lyobe, twaali twakumba myela mu liinalyobe, kabili twaali twaakita tulangi twingi ?. ²³Inzi nene naakabaana, "Fume pano mwe bankita tubi. Nene nsimimanine²⁴Kubalua muntu aliwaunvua twebo twane ni kutukita, apaleene ni muntu wa maano waakuulile nghanda yakue pa lyalala. ²⁵Nvula luyaanokele, mwenzi waizwile ni mulula waapuupiile ku nghanda, inzi ezio nghanda teyaaponene pantu yaakuulilue pa lyalala.²⁶Inzi kubalua muntu aliwaunvua twebo twane koku tekuba wakukita, apaleene ni kipuba kyaakuulile nghanda yakue pa musenga. ²⁷Nvula luyaanokele, mwenzi waizwile nimulula wapuupila ku nghanda . Ezio nghanda yaatuutikile sie tuu."²⁸Yesu luapwile kulanda evio, libumba lyaapapile masambilizio akue, ²⁹Pantu taali wasambilizia nga bakasambilizia ba Mizilo , Inzi wene waali wabasambilizia na buvinde.

¹Yesu luakookele lupili, bantu bengi baamukonkele. ²Muntu umo waali walwele tembue waile kumufukamina Yesu wamwana, "We Mulopue, kine watona, kuti wanswesia". ³Yesu waolwele kuboko kwakue, wamukumia walanda, "Natona! sweta! penka papo ozo muntu wakosa kale, ni tembue wapua.⁴Yesu waamwanine, "Unvua, tekubwilako muntu, Inzi endo wilangise kuli kitambua, kabili uye utwale ni buoe ngamwaalandiile Musa pantu i kilangisia nangue wakikosa.⁵Yesu luali walimukwingila mu muzi wa Kafarnaumu, mukulu wa balukale waile kumupaapaata Yesu walanda, ⁶"We Mulopue, mubombo wane aleele sie mu nghanda walwele bulebe, kabili alimukukisua sana." ⁷Yesu waamwanine evi, "Ndikwiza nmukosie."⁸Mukulu wa balukale waamwanine, "We Mulopue, nene nsipalile kukupokelela mu nghanda yane, inzi landa sie keebo kamo, mubombi wane alikukosa. ⁹Nene ndi nkonkani ya mukulu wa balukale. Kabili ndi ni balukale bandinalombola. Kine namwana umo, 'Endo,' waya. Kabili kine namwana unge, 'Iza,' waiza. Ni mubombi wane kine namwana, 'Kita evi,' wakita." ¹⁰Yesu luaunvwile evio, waapapile. Waabaanine bantu baali bamukonkele nangue,"nanyamana kisinka, mu baizraeli bonse nsinamonemo muntu ali ni kiketekelo kikata nga keki.¹¹Ni pakako namyana kisinka nangue, bantu bengi bakaba kwiza bafuma ku kabanga ni ku mboosi, ni kulia pamo ni Abrahamu, ni Izaaki ni Yakobo mu Bukolo bwa mwiulu. ¹²Inzi balia baali bapalile kuba mu Bukolo baakapoozua panze pa nfinzi, papo i pa baakaba balila ni kusyenkeenia meno.'" ¹³Yesu waamwanine mukulu wa balukale, "Endo ku nghanda. Kikitike sie nga viuketekeele." Penka papo mubombi wakue wakosa kale.¹⁴Yesu luafikile ku nghanda yakua Petro, waasangile nghinavyala kwa Petro walwele biizo kuswela. ¹⁵Yesu luaile sie kumukumia kuboko kwakue, penka papo biizo byatalala, wabuuka wabamba kumubombela.¹⁶Lukyaali kyasyali kyungulo, Yesu waaleeteelue bantu bengi baali ni myela ibi. Enzi myela yaali yabutuka sie na kulanda kwakue. Kabili waakosiizie balwele bonse. ¹⁷Kiakitiile evi, "Ye mwine waatweme butope bwetu, ni kufumia malwele etu."¹⁸Yesu luamwene bantu bengi bamuzyungulukila, waabaanine basambi bakue baye ku bwala kiziba. ¹⁹Kasambilizia umo wa mizilo waile kumwana Yesu," We kasambilizia, nene naakaba nakukonkele sie konse kuwaakaba waya." ²⁰Yesu waamwanine evi, "Unvua, mimbue ili ni mendo, ni toni tuli ni binsua, inzi Mwina Muntu tali na pa kusaamina."²¹Kabili ni unge pa basambi bakue waamwanine, "We Mulopue, nmpembele ngie nziikenke tawe." ²²Inzi Yesu waamwanine evi, "Baleke bafwile baziike bantu babo bafwile, inzi wewe nkonke."²³Yesu waapateeme mu bwato pamo ni basambi bakue. ²⁴Lubaali balimukuya, mwela ukata waabuukile mpaka ni mabimbi abambile kusempukila mu bwato. Inzi Yesu wene waali waleele waonene. ²⁵Basambi bakue baamubuusiizie bamwana, "We Mulopue, twafua tupususie!"²⁶Yesu waabaanine evi, "Mwe bantu bali ni kiketekelo kinini! Ale mwatiina ki?" Kupwako wabuuka, wasasilila mwela, penka papo mabimbi atontoloka. ²⁷Basambi bakue baapapile balanda, "Ati emwe! Ozu muntu wakunakilua na mwela ni mabimbi ni wa musango ki?"²⁸Yesu luafikile mu kyalo kya Bagadala ku bwala kiziba, waasaakeeneko na bantu babili baali ni myela ibi baali balimukufuma ku mankabuli. Babo bantu baali batiinia sana bantu, kabili tekwaali muntu waali wapitila koko ku baali. ²⁹Baba bantu baatendekele kusamuna balanda, "We Mwina Leza! Umiine kutukita ki? Wiziile kutwemia nsita ya bupinguzi luisinafike?"³⁰Pepi ni papo pa baali, paali ni kisepe kya ngulube yaali yalimukukina. ³¹Myela yaamupaapaatile yalanda, "We Yesu, kine ulikutukumba, twane sie tuye twingile mu elia ngulube." ³²Yesu waalandile, "Endue." Penka papo yafuma kale ni kuya kwingila mu ngulube. Kupwako kisepe kyonse kya ngulube kyaya lubilo kukiponga kyaipooza pa kiziba kyafua.³³Basungi bonse ba ezio nhulube baabutukiile ku muzi. Baile kulondolola byonse byaakitikiile balia bantu baali ni myela ibi. ³⁴Bantu bonse ba mu ozo muzi baile bamukonkele Yesu. Lubaamumwene, baamupaapaatile abafumine mu kyalo kyabo.

¹Yesu waapateeme mu bwato waya ku bwala kiziba mpaka kuya kufika mu muzi muali waikala. ²Bantu bamo baamuleeteele Yesu muntu wa bulebe walaalikilue pa kisalo.Yesu luamwene vyaali vyatanine kiketekelo kyabo, waaminine ozo muntu wa bulebe, "We mwana wane, ikoselezie! Waeleelua bibalo byobe."³Bamo pa baba bakasambilizia ba Mizilo baabambile kulangakana evi, "Ata, ozu muntu alimukumufuupula Leza !" ⁴Yesu waamanine malanga abo. Waabaanine evi, "Ati, Mulimukulangakanina ki bintu byabiipile evio mu mitima yenu? ⁵Ati, kilengelepo ni kiki pa kumwana muntu, 'Waeleelua bibalo byobe,' Ao kumwna, 'Buuka wende?' ⁶Kansi pembele nmilangisie mumane nangue Mwina Muntu ali ni buvinde bwa kweleela bantu bibalo byabo pano pa kyalo." Penka papo Yesu wamwana kale ozo muntu wa bulebe, "Buuka, twama kisalo kyobe uye waya kobe."⁷Ozo muntu waabuukile ni kuya kwakue wakosele. ⁸Bantu bonse baalipo lubaamwene evio, baunvwile mwezo ukata. Baabambile kumutasia Leza waabapeele bantu buvinde bwa ozo musango. ⁹Yesu luafuminepa, waamwene muntu umo liina lyakue Mateo waikeele pa kifuka kya kusonkiiziapo musonko. Yesu waamwanine, "Nkonke" Penka papo Mateo wambuuka wamukonka.¹⁰Yesu luali waikeele mu nghanda walimukulia, bakasonkia bengi ni ba bibalo baile kuli wene ni kwikala pamo ni basambi bakue. ¹¹Bafarizeo lubaamwene evio, baipuziizie basambi bakue, "Eba, ale Kasambilizia wenu alimukuliila ki ni bakasonkia ba musonko pamo ni ba bibalo?"¹²Yesu luaunvwile evio,waalandile, Bantu bakosele tebalibakeba nghanga, inga sie balwele. ¹³Kansi endo musambilile pa anza malembo alandile evi, Nene ntonene nkumbu, inzi nsitonene ngelelo ya nama . pantu nsyaiziile balunghami, inzi naiziile ba bibalo."¹⁴Kupwako, basambi bakua Yoane mubatizi baya kumwipuzia Yesu, "We mulopue, fwefue pamo ni bafarizeo tulitwaizilikazilika sie. Ale basambi bobe kibasilibaizilikila ni kiki ?" ¹⁵Yesu waipuziizie, Ati, bantu kine bakupilue ku buinga, kuti baikala ni bulanda lukakili pamo ni syabuinga ?Abe inzi musita waakeeza, lwaakafumiiwapo syabuinga, i lubaakatendeka kwizilika.¹⁶Bantu tebezi kuteeka kilaka kya lenu ku ngubo ya kale, Pantu kilaka kuti kyazabula ezio ngubo ya kale, ni palia paali pazabukile palikuzabukisia.¹⁷Kabili bantu tebezi kubiika divai ya lenu mu nsupa ya kale, kine bakita evio, nsupa ni divai bilikwinooneka. Inzi bantu balikabiika divai ya lenu mu nsupa ya lenu, evi divai ni nsupa biye byasungikile bwino."¹⁸Yesu luali wakilanda sie evio, kiloolo umo waile kumufukamina Yesu wamwana, "We Mulopue, mwana wane mwanakazi wafua sie lenu, inzi nakulomba uye umukumie sie kuboko kobe akose." ¹⁹Penka papo Yesu wamukonka pamo ni basambi bakue.²⁰Kwaali mwanakazi umo waali walwele bulwele bwa kufumua mulopa pa myaka likumi na ibili. Ozo mwanakazi waile wamukonkele Yesu pa kyamba, waya kukumia ku lupipi lwa ngubo yakue. ²¹Waakitile evio pantu waali walangakeene evi, "Kine nakumia sie ku ngubo yakue, ndikukosa." ²²Yesu luaikebukile, waamwanine ozo mwanakazi, "We mwana wane, ikoselezie! Kiketekelo kyobe kyakukosia." Penka papo ozo mwanakazi wakosa.²³Kupwako, Yesu waingila mu nghanda yakua ozo kiloolo. Luamwene bantu baali balimukulila ni bange balizia mafilimbi, ²⁴waabaanine evi. Fumemo! Ozu mwana mwanakazi tafwile, inzi onene sie." Bantu baamusekele.²⁵Bantu bonse lubaafumiiziiziwe panze, Yesu waingila mu nghanda wamukwata ozo mwanakazi pa kuboko. Penka papo waimana kale. ²⁶Enzio mpunda yaakumeene mu kekio kyalo.²⁷Yesu luafuminepo, bambofu babili baile bamukonkele basamwine balanda, "We Mwina Daudi, tunvwileko nkumbu!" ²⁸Yesu luaingiile sie mu nghanda, babo bampofu babili baamukonkele. Yesu waabeepuziizie, "Ati, muswapiile nangue nene kuti namikosia?" Babo bampofu baitabiile nangue, "Ee we Mulopue."²⁹Kupwako, wabakumia pa menso walanda, "Ale kikitike nga vimuswapiile." ³⁰Penka papo menso abo amona. Kupwako Yesu wabamba kubakaania wasasile, "Tekubwileko muntu palua bebi byakitika." ³¹Inzi bene baile kukumania mpunda yakua Yesu mu kekio kyalo kyonse.³²Bantu lubaali balimukufumapo, bange baamuleeteele Yesu muntu umo kameme waali ni myela ibi. ³³Ozo muntu luafumiziwe enzio myela, waatendekele kulanda. Bantu baapapile balanda, "Keki kintu kyakitika, tetunamone kyakitika mono mu Izraeli!" ³⁴Inzi Bafarizeo baalandile, "Ata, ozu muntu aliwafumia myela na maka akua mukulu wa myela."³⁵Yesu waendele mu mizi yonse ni mu tutanda wapita wasimikila Mpunda Iweme yakua Leza mu nghanda ya malombi, kabili waali wakosia malwele alekenkeene. ³⁶Yesu luamwene libumba lya bantu, waabonvwiliile nkumbu pantu baali batopele balimukwemooka nga mikooko isili na musungi.³⁷Waabaanine basambi bakue, "Buzombozi buvulile, inzi bazombi tebavulile. ³⁸Kansi, mulombe mwine wa bukaba atume bazombozi mu bukaba bwakue."

¹Yesu waakuutile basambi bakue likumi na babili ni kubapeela buvinde bwa kukumba myela ibi pamo ni kukosia malwele alekenkeene.²Baba basambi neema abo ni aza: Simoni waali wakuutua Petro ni wa wakwakue Andrea, ni Yakobo ni wakwakue Yoane bena Zebedeo, ³ni Filipo, ni Bartolomeo, ni Toma, ni Mateo waali kasonkia wa musonko, ni Yokobo mwina Alfayo, ni Tadeo, ⁴ni Simoni wa mu libumba lya Bazelote, ni Yuda Iskarioti waamusangukiile Yesu.⁵Yesu waatumine batumua likumi na babili wabaana, "tekuti mukabe kuya ku bantu basili bayuda, kabili tekuti mukabe kwingila mu mizi ya basamaria, ⁶Inzi mukabe kuya ku Baizraeli bazeezele nga mikoono. ⁷Mukabe kusimikila mwalanda evi, Bukolo bwakua leza bwapalama.⁸Mukabe kuya mwakosia balwele ni kutuntumuna bafwile, mukabe kuya mwakosia babwele tembue pamo ni kukumba myela ibi. Mwapeelue sie, ni mwe paane sie. ⁹Tekutwane oro ni nfolanga, ao kutwama nfolanga ya mukuba mu mifuko yenu. ¹⁰Kabili tekutwame bikapo bya kubiikamo tuntu mu nzila, tekutwane tubinda tubili, ao bilatu, ao kabango, pantu mubombi apalile kukwasiiwa mu byonse byabuliilue.¹¹Lyonse lumwafika mu muzi ni mu tutanda, ingile mukebemo muntu atonene kumipokelela evi mwikale nakue mpaka pamukafumamu ozo muzi. ¹²Kabili kine mwaingila mu nghanda ya muntu, bapozie nangue, "Mwapola. ¹³Kine bamipokelela ni kwitabila mpozio yenu, mutende uli kuba nabo. Inzi kine tebetabiile , bwele ni mutende wenu.¹⁴Kabili kine bantu bakaana kumipokelela ni kumitwilizia, pakufuma mu ezio nghanda, ao mu ozo muzi, kunke lufunko lwa ku makasa enu. ¹⁵Namyana kisinka nangue pa busiku bwa bupinguzi, lyemo lya mu ozo muzi lyaakaba lyakilile lyaali mu mizi ya Sodoma ni Gomora.¹⁶Nene namituma nga mikooko pakati ka miponda. kansi be mwakengeele nga kizoka, ni kuya mwafuukile nga nkunda. ¹⁷Ilabukile pantu kwaakaba bantu baakamikwata bakamitwale mu kilie, kabili baakamyumina mu nghanda ya malombi. ¹⁸Mwaakatwalua ntanzi ya bakateeka ni ku makolo pa mulandu wane, evi mukaye kubasimikila Mpunda iweme, bene pamo ni Bazima.¹⁹Lubaakaba bamitwala mu kilie, tekuti mukabe mwaemooka nangue mwaakalanda ki, ao kwemooka musango wakulandilamo, pantu musita paukafika, mwaakapeelua bimupalile kulanda. ²⁰pantu te mwemue baakalanda, inzi mweo wakua sinue leza i waakalanda mukati mwenu.²¹"Mukulu waakamwalukila mwalawakue, se waakamwalukila mwana wakue, kabili mwana waakamwalukila se kuti akamwipaizie. ²²Bantu bengi baakamisuula pa mulandu wane. Inzi muntu waakasipikizia mpaka ku mpeleezio, i waakapusuka. ²³Lumulimwaemiiwa mu muzi umo, butukile mu unge. Namyana kisinka nangue ntanzi ya kwiza kwa Mwina Muntu, temukasangua mwapile mwilo wenu mu mizi yonse ya Izraeli.²⁴"Musambi tamukilile kasambilizia wakue. Mubombi ni ye tamukilile selenzi. ²⁵Inzi musambi apalile kwaluka nga kusambilizia wakue, ni mubombi ni ye apalile kwaluka nga selenzi. Kine kitue mambo i wakuutua Belzebuli, kansi bange i balikukila kwinikua meena abiipiisie.²⁶"Kansi, tekutiine bantu, kyonse kivimbiliilue kyaakavimbulua, ni kyonse kifiikilue kya akafyulua. ²⁷Bintu byonsye bindinamyanina mu nfinzi, mukabilandile paswetele, kabili bintu byonse bimulimwaunvua byaisonghaniwa, mukabilande mwaangwile.²⁸Tekutiine bantu balibaipaya sie mubili tekuba bali na buvinde bwa kwipaya mutima. Inzi tiine Leza ali ni buvinde bwa kulovia mubili pamo ni mutima mu mulilo usiliwazima. ²⁹Minsole ibili, iliyasitua sie na lufolanga lumo. Inzi tepezi kufua ata umo Sinue tekuba wamanine. ³⁰Ata sie misisi ya ku mitue yenu, ipendelue yonse. ³¹Kansi tekutiine kantu mwemue mukilile kuwama kukila minsole!³²"Kubalua muntu aliwailumba pa menso a Bantu nangue ni wane, ni nene naakamwilumbila pa menso akua Tawe wa mwiulu nangue ni wane. ³³Inzi muntu aliwankaana pa menso a bantu, ni nene naakamukaana pa menso akua Tawe wa mwiulu.³⁴"Tekumone nangue naaleetele mutende mu kyalo. Nsyaizile kuleeta mutende, inzi naizile kuleeta bulwani. ³⁵Pantu naizile kupusania mwana mwalalume ni se, naizile kupusania mwanavyala ni nghinavyala. ³⁶Balwani ba muntu, baakaba ba mu nghanda yakue.³⁷"Muntu atonene se nghina kukila nene, te musambi wane. Ni onse atonene baana bakue kukila nene. ³⁸Muntu asiliwatwama musalaba wakue ni kunkonka, te musambi wane. ³⁹Kabili muntu atonene kusanga bukose bwakue, waakabuzeezia. Inzi muntu aliwazeezia bukose bwakue pa mulandu wane, waakabumona.⁴⁰"Muntu aliwamipokelela mwemue, aliwanmokelela nene. Kabili muntu aliwanmpokelela nene, aliwamupokelela olia antumine. ⁴¹Muntu aliwapokelela mukenzi wakua Leza pantu ni mukenzi wakua Leza, waakalambulua kilambu kya bukenzi. Kabili muntu aliwapokelela muntu aweme pantu ni muntu aweme, ni ye waakalambulua kilambu kya muntu aweme.⁴²Namyana kisinka nangue muntu waakapeelapo umo pa baba basambi bane banike menda a kasama a kumina pantu ni musambi wane, ni ye mpaka akalambulue."

¹Yesu luapwile kubaana basambi bakue likumi na babili, waile wasambilizia mu mizi ya mu Galilaya. ²Yoane Mubatizi waali wakakilue mu bukolo luanvwile mpundaya miilo yakua Kristu. Waatumine basambi bakue baye bamwipuzie Yesu, ³"Ati, wewe i olia waalailue nangue waakeeza ao tupembele unge?"⁴Yesu waabaasukile, "Endo mumubwile Yoane bintu bimwaunvua ni bimwamona. ⁵Bampofu bamona, bite byaenda, balwele tembue bakosa, bampokoto baunvua, bafwile batuntumunua,ni bapabi basimikilua mpunda iweme. ⁶Muntu asiliwatwisika pa mulandu wane i asyukile."⁷Basambi bakua Yoane mubatizi lubaabwelele kuli Yoane, Yesu waabambile kubeepuzia bantu palwakua Yoane, "Ati, lolia lumwaile mu kaseeba, mwaile mwaketekeele kumonaki? Mwaile kumona litete lyaali lyatensiwa na mwelaa? ⁸Ao mwaile mwaketekeele kuya kumwona Yoane wavwele ngubo iliyabenghema? unvue, bantu balibavwala ngubo yabenghema balibaikala mu nghanda ya makolo.⁹Nghane, mwaile mwaketekeele kumona Yoane waali kabika? Ee, inzi namyana kisinka nague Yoane i akilile kabika. ¹⁰Pantu Yoane i waalembeeluepo totu twebo nangue, 'Mona, namutuma mukenzi wane wakukutangilila ni kukuwamiizia nzila.'¹¹Namyana kisinka nangue pa bantu baavyelue na mwanakazi kutula ku kale mpaka pa musita wakua Yoane, tepali mukulu akilile Yoane. Inzi onse akeepeesie mu Bukolo bwa mwiulu, i mukulu kukila Yoane. ¹²Kutendeka pa musita wakua Yoane mubatizi kufikia pa bono busiku, Bukolo bwa mwiulu bulibwasakukilua na maka. Ni bantu bali ni maka, i balibabupoka.¹³Bakabika bonse ni bakasambilizia ba Mizilo baali balanda palua Bukolo mpaka pa musita wakua Yoan. ¹⁴Kine mutonene kuzumina mpunda yabo, ozu Yoane i Elia waalandiluee nangue waakeeza. ¹⁵Kine muli ni matui a kunvua, unvue!.¹⁶Baba bantu ndikubapalania na ki? Ndikubapalania na banike bekeele mu kisisiizio balimukupundilana, ¹⁷Twamyombelanga nghoma, temwakindanga! Twaimbanga nghimbo ya malilo, temwalilanga!'¹⁸Pantu Yoane waizile tekuba walia ao kumina, baalandile, 'Ali ni kibanda.' ¹⁹Mwina muntu waizile walia ni kumina, inzi baalandile, 'Mone ozu muntu i kazule ni kyakolua kabili i kibuza kya bakasonkia ba musonko ni kya bantu ba bibalo.' Inzi maano akua Leza Leza alangilue kuba a kisinka na bikitua byakue."²⁰Kupwako, Yesu wabamba kutiipa mizi iakitilemo tulangi twingi pantu bantu tebaalapiile bibalo byabo, waalandile, ²¹"Waya nalo we Kolazini! Waya nalowe Betesaida! Pantu tulangi twaakitilue kwenu tukitwenge ku Tironi ku Sidona, bantu ba momonga baavwele kale masaaka ni kwipuupa mito pakuti balangisie nangue balapila bibalo byabo. ²²Inzi namyana kisinka nangue, busiku bwa bupinguzi, Leza waakabonvwila nkumbu bantu ba ku Tiro ni ba ku Sidoni kukila mwemue.²³Ni we Kafarnaumu, wizi nangue waakaseziiwa mpaka mwiulu? Wewe waakakoosiiwa mpaka kumbo. Pantu tulangi twaakitilue muli wene tukitwenge mu Sodoma, ozo muzi nga ukilipo ni lenu kumo. ²⁴Nakwana nangue, Busiku bwa bupinguzi, Leza waakonvwila nkumbu muziwa Sodoma kukila wewe!"²⁵Ozo musita Yesu waalandile, "We tawe, Mulopuewa mwiulu ni pa kyalo, sante pantu waafyuliile banike twebo twaali twafiikiilue bakengezi ni ba maano. ²⁶Eyo we Tawe pantu evi i viwaatonene kukita. ²⁷Tawewanmpeele bintu byonse. Tekuti muntu amumanine mwana, inga sie se. Kabili tekuli muntu amanine se, inga sie mwana ni balia baatonene kufyulila.²⁸Mwe bonse batopele na kutwama bitwamo, ize namyangule. ²⁹Twame mupingo wane, kabili sambilile kuli nene, pantu nfuukile ni kuteekamana, i kuti mukatuuzie mu mitima yenu. ³⁰Pantu mupingo wane teufinine, ni kitwamo kyane kilengele."

¹Lupaapitile musita unini, Yesu ni basambi bakue baile kupita mu makaba a nghano. Bobo busiku bwaali busiku bwa sabata. Basambi bakue baali baunvwile nzala. Baabambile kuputula misokoti ya nghano ni kuliako misenga ya nghano. ²Bafarizeo lubamwene evio, baamwanine Yesu, "Mona basambi bobe vibalimukukita bintu bikaniiziwe na Mizilo yetu busiku bwa Sabata!"³Yesu waabaasukile, "Eba, temwaabelengele vyaakitile Daudi ni bantu bakue lubaunvwile nzala? ⁴Waingiile mu kifuka kizuuke, wabamba kulia mikate yaali yabiikiilue Leza, wapeelako ni bantu baali bali pamo nakue. Ezi mikate yaali yakaaniiziwe kuliiwa na bange bantu, inga sie babitambua bunke.⁵Eba, temwaabelengele mu mizilo nangue kubalua busiku bwa Sabata babitambua baali bainoona Sabata mu kifuka kizuuke pasili kuleeta milandu? ⁶Namyana kisinka nangue, pano pali mukulu akilile kifuka kizuuke.⁷Inzi kabenge mwamanine kilandiile totu twebo nangue, 'Nene ntonene nkumbu kukila ngeleloya nama,' nga temwizi kutana nsambu muntu asili na mulandu. ⁸Pantu mwina muntu i mulopue wa sabata."⁹Yesu waafuminepo, waya mu nghanda ya malombi, ¹⁰Momo mwaali muntu umo waali walebeele kuboko. Bantu bamo baali mu ezio nghanda baali baumiine kumusongela Yesu nangue aliwakita bibiipile. Baamwipuziizie, "Ati Mulopue, Mizilo yetu ilyaitabizia kukosia muntu busiku bwa Sabata?"¹¹Yesu waabaasukile, "Nani pakati kenu asiliwafumia mukooko wakue aponeene mu kiina kizikile busiku bwa Sabata? ¹²Unvue, muntu i akindeeme kukila mukooko! kansi miziloyetu ilyaitabizia kukita kiweme busiku bwa Sabata."¹³Kupwako, Yesu wamwana muntu waali walebeele kuboko, "Olola kuboko kobe." Waolola kuboko, penka papo kwakosa ni kuba bwino nga kunge kuboko. ¹⁴Kupwako Bafarizeo bafumina panze ni kuteeka kilie bamone mwakumwipaila Yesu.¹⁵Yesu luaunwile evio, waafuminepo.Bantubengi baamukonkele. Waakosiizie balwele bonse ¹⁶inzi waabakaaniizie tekuti babwileko muntu. ¹⁷Kako kaakitikiile kuti malembo afikiliziwe mwaalandiile Lezakupitila mulikabika Isaya,¹⁸Ozu i mubombi wane unaasaakwile, mubombi untonene ni kuwaminuamo, naakamukoosiizia mweo wane, ni ye waakaya kusimikila mpunda ya kubapususia.¹⁹Takaba na bikanza, kabili takasaamia, ni lizui lyakue telikonvwiwa mu nzila. ²⁰Litete litifukile takalityona, ni lutambi lulilwafwinka byunsi takaluzimia, mpaka akalengie bulunghami bukateeke. ²¹Ntundu yaakaswapila mu Liina lyakue."²²Kabili bantu baamuleeteele Yesu muntu umo waali ni myela ibi. Ozo muntu waali mpofu, kabili waali kameme. Yesu waamukosiizie ozo mpofu waamwene kabili waatendekele kulanda. ²³Bantu bonse baapapile balanda, "Emwe! Ozu muntu wamukosia te mwana mwina Daudi?"²⁴Bafarizeo lubaunvwile evio, baalandile, "Ozumuntu aliwakumba myela pantu Belzebuli likolo lya myela i aliwamupeela maka a kukita evi." ²⁵Inzi pantu Yesu waali wamanine malanga abo, waabaanine, "Kubalua bukolo bulibwailwisia, bwaakatuutika. Kubalua muzi ao lupua lulilwailwisia, lwaakasalanghana.²⁶Kine satana wakumba satana nakue, alimukwilwisia. Alebukolo bwakue bwaakatwalilila syani? ²⁷Mwemue mwansikilila nangue ndinakumba myela na maka akua Belzebuli. Eba, ale baana benu balibakumba myela na maka akua ni? Kansi baba baana benu i baakamipingula.²⁸Kine nene ndinakumba myela na maka a mweo wakua Leza, kansi Bukolo bwakua Leza tebusyamiiziile. ²⁹"Ati, muntu kuti waingila syani mu nghanda ya muntu wa maka ni kumwibila bintu byakue kine tanamukakenke mwine wa nghanda? Mpaka amukakenke, mane ebe bili mu nghanda. ³⁰"Kubalua muntu asipwene nane, i mulwani wane. Muntu asiliwakolonghania pamo nane, aliwasalanghania.³¹I kinamyanina nangue, kubalua muntu aliwabala kibalo ni kulanda bibi, waakeeleelua. Inzi onse aliwatuka mweo muzuuketakeeleelua. ³²Muntu aliwafuupula mwina muntu waakeeleelua, inzi muntu aliwafuupula mweo muzuuketakeeleelua, lenu ni musita waakeeza.³³"Kine utonene kuba ni mazabo aweme, upalile kuya wali ni kimuti kiweme. kine uli ni kimuti kibi, waakaba ni mazabo abi, pantu kimuti kilikyainikilua ku mazabo aliaseekako. ³⁴Mwe luvyalo lwa nzoka! kuti mwalanda syani bintu biweme koku mwali babi? Pantu kanua kalikalanda biizuzi mu mutima. ³⁵Muntu aweme aliwafumia bintu biweme bizibilue mu mutima mwakue, inzi muntu mubi aliwafumia bintu bintu bibiipile bizibilue mu mutima mwakue.³⁶"Namyana kisinka nangue busiku bwa bupinguzi, kubalua muntu waakalondolola palua twebo tonse twa mpuni tualiwalanda. ³⁷Pantu mu bulanzi bobe waakapeelua nsambu, ao waakatanua nsambu."³⁸Kupwako, bakasambilizia bamo ba mizilo ni Bafarizeo bamwana Yesu, "We kasambilizia, tutonene utukitile kalangi tumone." ³⁹Yesu wabaasuka, "Mwe bantu babi ni bakende ba kano koba! Mulimukulomba kalangi, inzi temukapeelua kange kalangi inga sie kalia kalangi kakua kabika Yona. ⁴⁰Pantu nga evelia Yona viazikiizie munda mwa lisabi likata nsiku itatu busiku ni koba, mwina muntu ni ye waakazikia mu kilibu nsiku itatu busiku ni koba.⁴¹Pa busiku bwa bupinguzi, bantu ba ku Ninawe baakeemana pamo nibantu ba kano koba ni kubapingula, pantu bantu ba ku Ninawe baalapiile bibalo byabo lubaunvwile kabika Yona wasimikila. Inzi pano pali mukulu akilile Yona!⁴²Busiku bwa bupinguzi, Nabeeza wa ku nkungulua, waakeemana pamo ni baba bantu ba kano koba ni kubapingula, pantu wene waafumine ku kyalo kya kulekuya kutwilizia masambilizio a maano kuli likolo Solomoni. Inzi pano pali mukulu akilile Solomoni!⁴³"Kine mwela ubi wafuma mu muntu, uliwaya kufika mu kaseeba wakeba pa kutuuzia, kine teumwene pa kutuuzia, ⁴⁴Uliwalanda evi, 'Ndikubwela mu nghanda munaafumine,' Ozo mwela luuliwabwela mu ezio nghanda ni kuya kusanga tekuba mwali kantu, mwapyengue bwino mwaweme, ⁴⁵ulimwaya kutwaminapo inge myela kilooba ibiipiisie kukila ozo mwela, evi iye ikale mukati mwakue. Pa mpeleezio, mibeele yaozo muntu iliyakila kubiipa kukila pa mambo. Evi i vyaakaba bantu babi ba kano koba."⁴⁶Yesu luali wakilimukulanda ni bantu, nghina ni balabakue kwa Yesu baile kwimana pa mulyango batonene kulanda nakue. ⁴⁷Muntu umo waamwanine Yesu, "We mulopue, noko ni bakobe bemeene panze batonene kulanda nobe."⁴⁸Yesu waamwasukile, "Eba, yangu ni bakwane ni bani?" ⁴⁹Waasinikile basambi bakue walanda, "Baba i bayangu ni bakwane. ⁵⁰Pantu muntu aliwakita mutoneene Tawe wa mwiulu, i wakwane, kabili i nkazyamwine ni yangu."

¹Bobo bwenka busiku, Yesu waafumine mu nghanda ni kuya kwikala mumbali kiziba. ²Bantu bengi baamuzyungulukiile Yesu. Yesu wapatama mu bwato, waikala, ni bo basyala baimene kunze.³Waabaanine twebo twingi mu bipalo nangue, "Kwaali muntu umo waile kumiina mbezu. ⁴Luali wamiina mbezu mu bukaba bwakue, mbezu inge yaaponeene mumbali nzila, tone twaile kukompa ni kuteleka. ⁵Mbezu inge yaaponeene pa lyalala papo pasyaali bulongo bwingi. Mbezu teyaakokwele kumena pantu tepaali bulongo bwingi. ⁶Koba lukaaselele, kaapukile bimenene, ni bio byaumine pantu misila teyaali yaingiliisie pansi.⁷Mbezu inge yaaponeene mu myunga, ni myunga yaamenene, yaleepa ni kutinta bimenene. ⁸Inzi mbezu inge yaaponeene pa bulongo bufukile, Imo yaatweme misenga 100, inge 60, ni inge 30." ⁹"Onse alini matui a kunvua, onvue!"¹⁰Basambi bakue baamupaleeme Yesu bamwipuzia, "Ati, uliwalandila ki nabo mu bipalo?" ¹¹Waabaasukile, "Mwemue mwaapeelue kumana kafiso ka Bukolo bwa mwiulu, inzi bange bene bataninue. ¹²Pantu olia ali ni kantu waakasonsekua, ni kuvuziiziwa, inzi olia asili na kantu, wene waakapokua ni kalia kaali nako.¹³Kindinalandila nabo mu kipalo, ni pakuti baye bakentele inzi tekuti baye bamwene. Baye batwiliziizie, inzi tekuti bonvue ao kumana. ¹⁴Ni pakako, twebo twaalandile Leza kupitila muli kabika Isaya twafikiliziiwa. Waalandile evi, 'Baba bantu kunvua baakonvua, inzi tebakamana. Kukenta baakakenta, inzi tebakamona.¹⁵Pantu mitima ya baba bantu ifinine, kabili bazibile matui abo, ni kuzibatika menso abo, kabenge te evio, nga bakimona na menso abo, ni kunvua na matui abo, kabili nga baakamana mu mitima yako, ni kunmbwelela, ni nene nabakosia.'¹⁶"Mwemue musyukile pantu menso enu aliamona, ni matui enu aliaunvua! ¹⁷Namyana kisinkanangue bakabika bengi nibantu bakua Leza, baali batonene kumona bimulimwamona, inzi tebaabimwene. Kabili baali batonene kunvua bimulimwaunvua, inzi tebaabyunvwile¹⁸"Ale unvue bulondolozi bwa kipalo kya mumiini. ¹⁹Mbezu yaaponene mumbali nzila, i muntu aliwaunvua twebo tulitwalandua palua Bukolo inzi tekuba wainika. Mulwani aliwaiza kufumia kimiininue mu mutima mwa ozo muntu.²⁰Mbezu yaaponeene pa lyalala, i muntu aliwaunvua keebo ni kukapokelela lubilo wawamiinue. ²¹Inzi keebo tekaikalisia mu mutima mwakue, aliwakasunga sie pa musita unini. Musita uliwaiza bwavia ni lyemo pa mulandu wa keebo kakua Leza, penka papo wapona kale mu buzumino.²²Mbezu yaaponeene mu myunga, i muntu aliwaunvua keebo, inzi lyemo lya keno kyalo ni kutona bunonsi, bilibyatozia ni kutitikila keebo, ni ko tekezi kutwamako kantu. ²³Inzi mbezu yaaponeene pa bulongo bufukile, i muntu aliwaunvua keebo ni kukeenika bwino bwino. Ozu i aliwaseekesiako mbezu ingi, ku lubezu lumo kulikwaseeka misenga 100, ni ku inge 60, ni ku inge 30."²⁴Yesu waabaanine kinge kipalo, "Bukolo bwa mwiulu bupaleene ni muntu umo waamiinine mbezu iweme mu bukaba bwakue. ²⁵Musita wa busiku bantu lubaali baonene, mulwani wakue waile kumiina ndao mwaali mwamiininue nghano, ye ni lwendo. ²⁶Nghano luyaamenene, ndao ni yo yaamwenekele.²⁷Babombi baile kumwipuzia mwine wa bukaba, 'Ati we situelenzi, tewaamiinine mbezu iweme mu bukaba bobe? Ale ndao yakifuma pi?' ²⁸Waabaasukile, 'Mulwani wane i wakikita evi.' Babombi bakue baamwipuziizie, "Tuye tunukule ndao mu bukaba?'²⁹Waabaasukile, 'Ata, pantu pakunukula ndao kuti mwanukwilila pamo ni nghano. ³⁰Lekele byonse bikulile pamo, mane pakuseepa nkabaane baseepi bakafumie ndao mu bukaba ni kuikaka bisi bisi bakaizizie, ni nghano bakaizibe mu butala bwane."³¹Kabili Yesu waabaanine kinge kipalo, "Bukolo bwa mwiulu bupaleene ni mbezu ya kilanga yaabyelue na muntu umo mu bukaba bwakue. ³²Mbezu ya kilanga ni inini pa mbezu iliyabyalua ni kukula. Kabili kine yakula iliyaleepa kukila mbezu yonse ya saasa, ni toni tulitwaya kusuka binsua ku ezio misambo."³³Kabili Yesu waabaanine kinge kipalo, "Bukolo bwa mwiulu bupaleene ni ntutumusi yaabiikilue na mwanakazi mu bipiimo 25 bya bunga pa kukandila, evi bintu bilikukandilua bitutumuke."³⁴Yesu waali wabaana bantu bintu bingi mu bipalo, tekuli kantu kaali wabaana pasili kulandila mu kipalo. ³⁵Kiakitiile evi, ni pakuti keebo kaalandilue na kabika kafikiliziwe. waalandile evi, "Naakabaanina mu bipalo, naakalanda bintu byaali byafiikilue kutula kulengua kwa kyalo."³⁶Kupwako, Yesu wabasia babo bantu ni kuya kwingila mu nghanda. Basambi bakue baile kumwana nangue, "Tulondolwele kipalo kya Elia ndao yaamenene mu bukaba bwa nghano." ³⁷Yesu waabaasukile, "Olia waamiinine mbezu iweme, i mwina muntu. ³⁸Bukaba, i kyalo. Mbezu iweme , i bantu ba mu Bukolo. Ndao, i bantu bakua mubi. ³⁹Mulwani aliwamiina ndao, i kibanda kuseepa kwa nghano, i mpeleezio ya kyalo. Baseepi, i bamalaika.⁴⁰Nga evelia vibalibakolonghania ndao ni kuipooza mu mulilo, i vikyaakaba kumpeleezio ya kyalo. ⁴¹Mwina muntu waakatuma bamalaika bakue bakafumie bantu balibabazyania ni babi mu Bukolo bwakue. ⁴²Kabili baakabapooza mu kikuka kya mulilo, momo mwaakaba kulila ni kusyenkeenia meno. ⁴³Inzi bantu bwakua Leza bene baakaba babenghema nga koba mu Bukolo bwakua sibo. Kine muli ni matui a kunvua unvue!⁴⁴"Bukolo bwa mwiulu bupaleene ni bumoni bufiikilue mu bukaba, bobo bwaafyulilue na muntu umo ni kusia wabufiika waawaminue sana ni kuya kusisia byonse biali nabio, ni kubwela kuya kusita bobo bukaba. ⁴⁵"Bukolo bwa mwiulu bupaleene ni musuluumo waile wakeba busanga bwa mutengo utaka. ⁴⁶Luasangile busanga bwa mutengo ukata, waile kusisia byonse biali nabio ni kuya kubusita.⁴⁷"Bukolo bwa mwiulu bupaleene ni mukwau waapoozelue mu kiziba. Ozo mukwau waakwete masabi engi alekenkeene. ⁴⁸Balobi baakuliile mukwau kunze ni kutendeka kutoolela masabi. Masabi aweme baabiikile mu bisaku, inzi masabi abiipile baapoozele mu menda.⁴⁹Evi ivyaakaba pa mpeleezio ya kyalo. Bamalaika baakeeza kulekenkania banu babi ni bantu baweme. ⁵⁰Babi baakapoozua mu kikukakya mulilo momo mwaakaba kulila ni kusyenkeenia meno."⁵¹Yesu wabeepuziizie, "Ati, tolia twebo tonse tunalandaga mwatunvwanga?" Baitabiile balanda, "Ee, twaunvwanga." ⁵²Waabaanine, "Kasambilizia onse wa mizilo aliwaaluka musambi wa mu Bukolo bwa mwiulu, apaleene ni mwine wa nghanda aliwafumia bintu bya lenu ni bya kale mu kipao kyakue." ⁵³Yesu luapwile kulanda bebio bipalo, waafuminepo.⁵⁴Waya ku muzi kuakuliile ni kutendeka kusambilizia mu nghanda ya malombi. Bantu bonse baunvwile masambilizio akue baapapile balanda, "Ati emwe, ale kaka kamuntu kafumia pi anza maano a ozu musango? Ni bobu buvinde bwa kukita bipezia maano ni bo kabufumia pi? ⁵⁵Ale kaka vikali kaana kena kabaanza wa mbao? Eba! nghina te Maria? balabakue te Yokobo, ni Yonze,ni Simioni ni Yuda? ⁵⁶Bankaziize, tetuli nabo pano? Ale kafumia pi bebi byonse bikalimukukita?"⁵⁷Kupwako bamukaana. Inzi Yesu waabaanine, "Kabika tezi kukindikua mu nghanda yakue ni mu muzi wakue pamo ni mu lupua lwakue, inzikungw kwene aliwakindikua." ⁵⁸Yesu taakitileko bipezia maano bingi pantu tebaamuzumiine.

¹Ozo musita, Herode likolo lya ku Galilaya, waunvwile balanda palwakua Yesu. ²Herodi waanine biloolo byakue nangue, "Ata! ni Yoane Mubatizi i atuntumukile! i kiabeeleele ni maka a kukita bipezia maano.?³Walandie evio pantu Herodi waatumine bakumukwata Yoane Mubatizi ni kumukaka mu buloko. Herodi waakitile evi pa mulandu wakua Herodia muka walawakue Filipo. ⁴Pantu Yoane wali wamwana Herodi nangue, "We likolo, teupalile kuya waupile Herodia muka mwalaobe!" ⁵Herodi waali wakeba kumwipaya Yoane, inzi waali watiina Bayuda, pantu bonse baali bainikile nangue Yoane Mubatizi waali kabika.⁶Busiku bwa nsikunkulu ya kuvyalua kwakua Herodi, mukanzyana mwina Herodia waile kutimpa mazia pa bakupilue ku nsikunkulu. Herodi waakilile kuwaminua ⁷Mpaka wamulapila walanda, "Ndikukupeela byonse biulikulomba."⁸Niye pantu waali wasongelue na nghina, waalandile, "Nene ntonene unmpeele lenu lyenka mutue wakua Yoane Mubatizi wali pa nsaani!" ⁹Herodi waafitulue, inzi pantu waali wasyalapile pa menso a bakupua, waitabiizie kumupeela kialombele.¹⁰Waatumine muntu umowakuya kuputula mutue wakua Yoane Mubatizi mu bukolo. ¹¹Mutue waaleetelue wali pa nsaani ni kumupeela mukazyana. Mukazyana waatweme mutue waya kumutwalila nghina. ¹²Basambi bakua Yoane Mubatizi baile kutwama mubili wakue ni kuya kuuziika. kupwako, baya kutwala mpunda kuli Yesu palua bebio byaakitikile.¹³Yesu luaunvwile mpunda palwakua Yoane, waafuminepo, wapatama mu bwato waya kwikala kwa bunke. Bantu lubaunvwile evio, baafumine mu mizi yabo baya bamukonkele lwa pansi. ¹⁴Yesu luapatukile mu bwato, waamwene bantu bengi, waabonvwiliile nkumbu, kabili waabambile kukosia balwele babo.¹⁵Bobo busiku kyungulo, basambi bakua Yesu baamupaleeme bamwana, "We mulopue, koba kazimina kale, kono kutuli ni ku kaseeba. Kansi baane bantu baye beesitile bilio mu mizi."¹⁶Yesu waabaasukile, "Baba bantu tebapalile kuya ni nzala! Bapeele bilio mwemue benka!" ¹⁷Inzi bene baamwanine, "Pano tulipo sie na mikate isaano ni masambi abili." ¹⁸Yesu waabaanine, "Ndeetele pano."¹⁹Waabaanine bantu beekale pansi pa bikusi, wapoka mikate isaano ni masabi abili, wakenta mwiulu, wamusantila Leza, wamokola mikate, wabapeela basambi bakue ni bene bapeela bantu. ²⁰Bantu bonse baaliile mpaka baikuta. Basambi baakolonghaniizie bisoso byonse bya mikate byaasyelepo ni kwizuzia bipanda likumi na bibili. ²¹Mpendua ya bantu baaliile, baali mupepi 5,000 pasili kupendako banakazi ni banike.²²Kupwako Yesu wabaana basambi bapatame mu bwato batangile ku bwala kiziba wene luali wakilayanke bantu. ²³Luapwile kubalaya, waaselele pa kapili aye ku kulomba kwa bunke. Busiku lubwailile Yesu waali waikeelesie koko kwenka kwa bunke. ²⁴Ozo musita bwato bwaali bwasyali kule pa kiziba, ni basambi baali balimukupamizia mabimbi pantu mwela waali wafuma ku baali baya.²⁵Busiku, kumaki, Yesu waabakonkele basambi bakue walimukwenda pa menda. ²⁶Basambi lubaamumwene waenda pa menda, baunvwile mwezo ni kubamba kwisamwina balanda, 'Emwe, mone kizua!' ²⁷Penka papo Yesu wabaana kale, "Tekutiine, tekamane sie ni nene!."²⁸Petro waalandile, "We mulopue, kine i wewe, nghane ngize koko kuuli nalimukwenda pa menda." ²⁹Yesu waamwanine, "Iza!" Petro waafumine mu bwato waya waenda pa menda walimukuya kuli Yesu. ³⁰Inzi luamwene mwela wakila, waunvwile mwenzo mpaka watendeka kwibila mu menda, waasamwine walanda, "We likolo, nmpususie!"³¹Penka papo Yesu waolola kale kuboko wamukwata wamwana, "We muntu wa kiketekelo kinini! Ale watwisikila ki?" ³²Kupwako bonse babili bapatama mu bwato. Penka papo mwela watontoloka. ³³Basambi baali mu bwato baamupupile Yesu balanda, "Kisinka weweuli mwina Leza."³⁴Yesu ni basambi bakue lubaafikile ku bwala kiziba, baafikile ku kyalo Genezareti. ³⁵Bantu ba koko lubaamwinikile Yesu. Baile kutwala mpunda monse mwaya mizi. Bantu baamuleeteele Yesu balwele bonse. ³⁶Baamupaapaatile kuti balwele bamukumie sie ku lupipi lwa ngubo yakue.Bonse baakumiizieko baakosele.

¹Kabili Bafarizeo bamo ni bakasambilizia ba mizilo baafumineku Yeruzalemu ni kuya kuli Yesu.Baamwipuziizie, ²We kasambilizia, ale basambi bobe kibasilibakonkela mafunde atwasiiliilue na bikolue byetu ni kiki? musita wakulia, tebezi kusamba kuminue. ³"Yesu waabaasukile, "Ale mwemue mulimwakaanina ki kukonka milao yakua Leza nikuya mwatonene sie kukonka mafunde enu?⁴Pantu Leza waalandile evi, "Kindika so ni noko" kabili waalandile, "Muntu aliwatiipa se ao nghina, epawe." ⁵Inzi mwemue mulimwafunda bantu nangue kine muntu wamwana se ao nghina nangue byonse binakibanaumiine kukupeela nakimupeela Leza, ⁶muntu aliwakita evio, mulimwamwana nangue wene tapalile kabili kukwasia bavyazi bakue. Evi ivimulimwafuupula mafunde akua Leza ni kukindika mafunde enu!⁷Mwe bakankobenkania! kabika Isaya waalandile sie bwino pali mwemue. Waabikwile evi, ⁸'Leza walanda nangue baba bantu balibankindika sie pa kanua, inzi mitima yabo ili kule ni nene. ⁹Mpupilo yabo ni ya mpuni pantu balibasambilizia sie mafunde a bantu."¹⁰Kabili Yesu waakutile bantu wabaana, "Unvue ni kwinika mwinike! ¹¹Kilikyaingila mu kanua ka muntu, tekiizi kumutiikaania inzi kelia kilikyafuma mu kanua ka muntu, i kilikyamutiikaania."¹²Kabili basambi bamupaleeme Yesu bamwipuzia, "We mulopue, wizi nangue Bafarizeo tebawaminwanga na nandilo yobe?" ¹³Yesu waabaasukile, "Kilimbua kyonse kisyalimbilue na Tawe wa mwiulu kyaakanukulua. ¹⁴Babo bantu baleke sie pantu bali nga mpofu! Kine mpofu walombola mpofu nakue, bonse babili balikuponena mu kiina."¹⁵Petro waalandile, "We mulopue,aletulondolwele kekikipalo." ¹⁶Yesuwaabeepuziizie, "Eba, i kulanda nangue ni lenu kumo temunainike? ¹⁷Kintu kilikyaingila mu kanua ka muntu kilikyaya munda, kabilipa kyamba kilikyafumina kunze.¹⁸Inzi kintu kilikyafuma mu kanua ka muntu kilikyafuma mu mutima. Keki i kilikyatiikaania muntu. ¹⁹Pantu mu mutima i mulimwafuma malanga abiipile aliamutwalamuntu ku kwipaana, ku bukende ni ku kukita bubi bulekenkeene, ni kwiba, ni kulanda bufi pamo ni lwambo. ²⁰Bebi bintu i bilibyatiikaania muntu! Inzi kulia tekuba wasambile mu minue tekwatiikaania muntu."²¹Yesu waafuminepo waya mu kyalo kya pepi ni mizi ya ku Tiro ni Sidona. ²²Kwaali mwanakazi umo mu kanaani waile pa kekio kifuka, ozo mwanakazi waabambile kumulilila Yesu walanda, "We mulopue, mwina Daudi, nghunvwileko nkumbu! mwana wane ali ni mwela uliwamwemia sana!" ²³Inzi Yesu taamwaasukile kantu, kupwako basambi bakue bamupalama, batendeka kumupaapaata Yesu balanda, " We mulopue, mwane ozu mwanakazi ayewaya pantu atukonkeleele watuteekeele nsungu."²⁴Yesu walandile, "Nene naatuminue sie ku mikooko izeezele, i Baizraeli." ²⁵Inzi mwanakazi waile kumufukamina mu kyeni kyakue wamwana, "We mulopue nkwasie!" ²⁶Yesu waamwanine, "Muntu tapalile kupoozela tubua bilio bya baana."²⁷Mwanakazi waamwanine Yesu, "We mulopue, walanda sie bwino. Inzi tubua ni to tulitwalia buvunga bulibwaponena mwinsina meza yakua sibolenzi." ²⁸Kupwako Yesu wamwana, We mwanakazi, kiketekelo kyobe ni kikata! Ale kikitike muutoneene." Penkapapo, mukazyana wakosa.²⁹Yesu waafuminepo ni kuya mumbali kiziba kya Galilaya. Waaselele pa kapili ni kwikala. ³⁰Bantu bengi baile kumuleetela bantu baali balemeene, bampofu, ni baali basunkuta, nitumeme pamo ni balwele bange bengi. Baabapalamikile pali Yesu, niye waabakosiizie. ³¹Bantu lubaamwene bakameme balanda, balemeene bakosa, bite byaenda, bampofu bamona, baapapile koku balimukumutasia Leza wa Baizraeli.³²Yesu waakuutile basambi bakue, wabaana nangue,"Baba bantu nabonvwila nkumbu, pantu teisyali kale nsiku itatu bankonkele sie tekuba balia kantu. Nsitonene kubabwezia ni nzala bakaya kupenzukila mu nzila." ³³Basambi baamwipuziizie, "Tulikukeba pi bilio bya kukumania bantu bengi evi kono ku kaseeba?" ³⁴Yesu waabeepuziizie, Eba, muli na mikate inga papo?" Baamwaasukile, "Pano tulipo sie na mikate kilooba ni tusabi tunini tekuba twavulile." ³⁵Kupwako wabaana bantu beekale pansi.³⁶Kabili waabuulile mikate kilooba ni tusabi, wamusantila Leza, wamokola, wabapeela basambi bakue, ni bo babapeela bantu. ³⁷Kubalua muntu walia ni kwikuta. Basambi baakolonghaniizie bisoso bya mikate byaasyelepo ni kwizuzia bipanda kilooba. ³⁸Babo bantu baaliile, baali 4,000 pasili kupendako banakazi ni banike. ³⁹Yesu luapwile kulaya libumba, wapatama mu bwato waya ku kyalo kya Magadani.

¹Bafarizeo ni Basadukayo baamupaleeme Yesu, babamba kumuketa bamulomba abakitile kalangi kakumwenako nangue atuminue na Leza. ²Inzi Yesu waabaanine, "Musita umo koba kasyazimina mulimwalanda evi, "Lukeele kwakaba bwino pantu malezi mu muulu akasika.³Kabili lukeelekeele paakili mulimwalanda evi, 'Lelo nvula ilikunoka pantu kilezi kyatinga.' Mwizi kwinika mibeele ya mu muulu ni ya malezi, inzi mulimwaandua kwinika ao kulondolola tulangi twa ono musita. ⁴Mwe bantu babi, kabili basili na kisinka kuli Leza! Mulimukulomba kalangi, inzi tekuli kalangi kamulikupeelua, inga sie kalangi kakua Yona." Kupwako Yesu wabasia waya.⁵Basambi lubaafikile ku bwala kiziba, baalabile kutwama mikate. ⁶Yesu waabaanine, "Emwe, kengele, kabili labuke ku ntutumusi ya Bafarizeo ni Basadukayo." ⁷Basambi baabambile kulanzyania nangue," Mwe bakwetu, pange Yesu walanda evi pantu tetwatwamanga mikate." ⁸Yesu waamanine vibaali balanzyania. Waabeepuziizie, "Mwe bantu bali ni kiketekelo kinini! Ale mulimukulandila ki nangue tetwatwamanga mikate?⁹Eba, temumanine? Temulangulukile lolia lunaamokwele mikate isaano pa bantu 5,000? Ati, mwaizuziizie bipanda binga? ¹⁰Ao temulangulukile lolia lunaapeele bantu 4,000 mikate kilooba? Ati, mwaizuziizie bipanda binga?¹¹Ale kimusyamaninanga nangue nsyamilandanga palua mikate ni kiki? Ilabukile ku ntutumusi ya Bafarizeo ni Basadukayo!" ¹²Basambi ilubainikile nangue taali wabakengezia palua ntutumusi ya mikate, inzi waali wabakengezia palua masambilizio a Bafarizeo ni Basadukayo.¹³Yesu luafikile lya ku Kaizaria Filipi, waabeepuziizie basambi bakue, "Bantu balibalanda nangue ne Mwina muntu ndi ni?" ¹⁴Basambi baamwaasukile, "Bange balibalanda nangue uli Yoane Mubatizi, bange nangue uli Elia, ni bange nangue uli Yeremia ao umo wa pa bakabika." ¹⁵Yesu waabeepuziizie, "Ale mwemue mulimwalanda nangue nene ndi ni?" ¹⁶Simioni Petro waasukile, "Wewe uli Kristu mwina Leza Mukose."¹⁷Yesu waamwanine, "We Simioni mwina Yoane! Usyukile pantu teufyuliilue na maano a bumuntu, inzi wafyulilua na Tawe wa mwiulu. ¹⁸Ni nene nakwana wewe Petro nangue uli lyalala, ni pa leli lyalala, naakakuulapo kilonghano kyane. Anzia kine ni maka a lufu, teakanzia keki kilonghano.¹⁹Naakakupeela tukiiko twa mu Bukolo bwa mwiulu. Byonse biwaakakaania pano pa kyalo, ni mwiulu byaakakaaniiwa, kabili byonse biwaakeetabila pano pa kyalo, ni mwiulu byaakeetabilua." ²⁰Yesu waabakaaniizie basambi bakue tekuti babwileko muntu nangue wene i Kristu.²¹Kutula pa ozo musita, Yesu waali wasyababwila sie kisinka nangue, "Nmpalile ngie ku Yeruzalemu, evi bakulu ni makolo a babitambua pamo ni bakasambilizia ba mizilo baakanghemie ni kungipaya. Inzi busiku bwa butatu Leza waakantuntumuna." ²²Petro waile nakue pambali ni kubamba kumwana, "We mulopue, bebi bintu tebikakukitikila" ²³Yesu waapilibukile, wamusasilila Petro wamwana, "Fuma papa we Satana! Uli kikovue kuli nene, pantu malanga obe te a buleza, inzi ni a bumuntu."²⁴Kabili Yesu waabaanine basambi bakue, "Kine muntu watona kunkonka, ekaane, atwame musalaba wakue mane aze ankonke. ²⁵Pantu muntu aliwakeba kupususia bukose bwakue, waakabuzeezia. Inzi onse aliwazeezia bukose bwakue pa mulandu wane, wakabumona. ²⁶Ati, kine muntu wanonka kyalo kyonse, inzi wazeezia bukose bwakue, wakitapo ki? Waakapyanikilapo ki pa bukose bwakue?²⁷Pantu mwina muntu pasyaeze mu bulumba bwakua Se pamo ni bamalaika bakue. Wakaba kwiza kulambula kubalua muntu kunkonka ni bikitua byakue. ²⁸Namyana kisinka nangue bange pa baba bemeene papa, tebakafua mpaka bakamumonenke mwina muntu waiza mu Bukolo bwakue."

¹Nsiku mutanda luyaapwile, Yesu waile ni Petro ni Yakobo pamo ni Yoane peulu lupili pa bunke. ²Lubaamukentele, baamumwene Yesu waaluluka. Lukebu lwakue ni lo lwaabenghemene nga koba, kabili ngubo yakue ni yo yaaswetele sie pepepe.³Kabili baba basambi batatu bamwene Musa ni Elia balimukulanda ni Yesu. ⁴Petro waamwanine Yesu, "We Mulopue, pano patuwamina. Kine watona, ndikukuulapo tutanda tutatu, kamo kobe, kange kakuaMusa ni kange kakua Elia."⁵Luali wakilimukulanda sie evio, lilezi lyaali lyabenghema lyaile kubakupa. Lizui lyaunvwikile mwiulu lyalanda, "Ozu i mwana wane mutonua unghwamiinuemo, Mutwilizie!" ⁶Basambi lubaunvwile lelio lizui, baaponene kyuba kukonkana ni mwezo ubaunvwile. ⁷Yesu waile kubakumia wabaana, "Buuke tekutiine!" ⁸Lubaakentele, tebaamwenepo unge muntu inga sie Yesu bunke.⁹Lubaali balimukukooka lupili, Yesu waabaanine, "Unvue, tekuti muye mubwileko muntu palua belia byonse bimwamonanga, mpaka musita waakatuntumunua mwina muntu." ¹⁰Basambi baamwipuziizie Yesu, "We Mulopue, ale bakasambilizia ba mizilo balibalandila ki nangue Elia waakatangilanke?"¹¹Yesu waabaasukile, "Ee, Elia waakatangila kwiza kuteania bintu byonse bwino bwino. ¹²Namyana kisinka nangue Elia waizile kale, inzi bantu tebaamwinikile, kabili baamukitiile mubaatonene. Evi i vyaakakitilua ni mwina muntu." ¹³Basambi baalangakeene nangue waalandiile palwakua Yoane Mubatizi.¹⁴Yesu ni basambi bakue batatu lubaabweleele ku libumba, muntu umo waile kumufukamina Yesu wamwana, ¹⁵"We mulopue, munvwileko nkumbu mwana wane alwele bifulubi ni kuya waemooka sana! Pantu lyonse lubilibyamukwata, bilibyamuponiizia pa mulilo ao pa menda. ¹⁶Namuleetanga ku basambi bobe, inzi bandwanga kumukosia."¹⁷Yesu waabaasukile, Mwe bantu basizumiine ni bataale! Kubako, naakaba nenu mpaka musita ki? Naakamisipikizia mpaka musita ki? Ale muleete kono!" ¹⁸Kupwako wasasilila mwela ubi, mwela wafuma kale mu ozo mwana, penka papo wakosa.¹⁹Kabili basambi bakue baile kuli Yesu pambali pa bunke bamwipuzia, "Ati Mulopue, fwefue twaandilwanga ki kufumia mwelaubi?" ²⁰Yesu waabaasukile," Mwaandwanga pantu kiketekelo kyenu ni kinini. Namyana kisinka nangue kabenge mwali ni kiketekelo kikata nga vitanine lubezu lwa kilanga, nga mwalwana lolu lupili, 'We lupili, fuma papa uye wipooze kolia!" Penka papo lwaipooza. Kabili nga temuyamwaandua kantu!" ²¹(Inzi kukumba mwela ubi wa ozu musango, mpaka sie na mapepo ni kwizilika kulia)²²Basambi lubaakolongheene bonse pamo mu Galilaya, Yesu waabaanine, Evi mwina muntu pasyaapaanue mu maboko a bantu. ²³Baba bantu baakamwipaya. Inzi busiku bwa butatu waakatuntumunua." Basambi bakue lubaunvwile evio, baafiitilue sana.²⁴Yesu ni basambi bakue lubaafikile ku kapenaumu, bantu baali basonkia musonko wa nghanda yakua Leza baile kumwipuzia Petro, "Ati Petro, Kasambilizia wenu aliwasonka musonko wa nghanda yakua Leza?" ²⁵Petro waabaasukile, "Aliwasonka." Petro luali wasyaingila mu nghanda, Yesu wamwana kale, "Ati Petro, nani apalile kusonka ni kupaana mulambu ku makolo amono mu kyalo? Ni baana babo ao bange bantu?"²⁶Petro waasukile, "Bange bantu i bapalile kusonka. Kupwako Yesu wamwana, "Ee, kansi baana bene tebapalile kusonka. ²⁷Inzi pantu tetutonene kuleeta maavia ku baba bantu, endo waya upoozele ndobaano pa kiziba . Lisabi liwaya ubambilepo kusupula, uye ulyasamune kanua. Lufolanga luwaya umonemo, uye ulubuule ni kuya kunsonkela musonko wane, pa kyamba mane uye usonke ni obe."

¹0zo musita basambi baile kumwipuzia Yesu, "Ati Mulopue, nani akuliisiepo mu Bukolo bwa mwiulu?" ²Yesu waakuutile mwanike umo ni kumwimika pabukaba bwabo ³walanda, "Namyana kisinka nangue, kine temwalulukile nga baana banini temukengila mu Bukolo bwa mwiulu.⁴Onse aliwaikeefia ni kwaluka nga mwanike i akuliisie mu Bukolo bwa mwiulu. ⁵Onse aliwapokelela mwanike nga ozu mu liina lyane, aliwanmpokelela nene wenka. ⁶"Onse aliwabazia mwanike wa pa baba bazumiine, kuti kyawama kumukakila libue likata lya kupelelapo mu mukosi ni kumutibizia pa lyezi.⁷Bantu balibabazyania baakasyama! Inzi bibazio tebikabula kukitika mu kyalo. Onse waakabazyania waakasyama! ⁸"Kine kuboko kobe ao lukasa lobe lwakuleetelela kubala, luputule ni kulupooza kule. Pantu kuti kyakuwamina kwingila mu bukose wali na kuboko kumo ao lukasa lumo, kukila kuyakupoozua mu mulilo usiliwazima wali na maboko abili ni makasa abili.⁹Kine linso lyobe lyakuleetelela kubala, litumbule ulipooze kule, pantu kuti kyakuwamina kwingila mu bukose wali na linso limo kukila kuya kupoozua mu mulilo usiliwazima wali na menso abili.¹⁰"Ilabukile, tekufuupulepo ata umo pa baba banike. Kabili namyana kisinka nangue, bamalaika babo ba mwiulu bemeene nsiku yonse pa ntanzi yakua Tawe wa mwiulu. ¹¹Pantu mwina muntu waizile kukeba bazeezele.¹²"Ati, kuti wamonapo syani? Kine muntu ali ni mikooko 100 wazeeziapo mukooko umo, tasyanke ezio mikooko 99 pa kapita nikuya kukeba ozo mukooko uzeezele? ¹³Namyana kisinka nangue kine wapata mukooko, alikuwaminua sana pa mulandu wamukooko wamoneka kukila ezio mikooko 99isizeezele. ¹⁴Sinue wa mwiulu ni ye tatonene ata mwanike umo wa pa baba kuti azeeze.¹⁵"Kine wakobe wakubala, endo umulangisie kilubo kyakue. Mulangisie mwalipo sie kabili. Kine wakunvua wapata wakobe. ¹⁶Inzi kine wakaana kukunvua kuutilapo ni unge umo ao babili, evi byonse bimulikuya mwalanzyania, byunvwike ku basininkizi babili ao babtatu nga mulandiile Malembo.¹⁷Kabili kine wakaana kubonvua, endo wane kilonghano. Kine wakaana kukyunvua mumone nga muntu asimanine Leza, kabili nga kasonkia wa musonko.¹⁸Namyana kisinka nangue, byonse bimwaakakaania pano pa kyalo, ni mwiulu byaakakaaniiwa. Byonse bimwaakeetabizia pano pa kyalo ni mwiulu byaakeetabiziiwa. ¹⁹Kabili namyana nangue, kine kabili pakati kenu baunvwana kulomba kantu kuli Tawe wa mwiulu, baakapeelua. ²⁰Pantu ponse palipalonghana babili ao batatu mu liina lyane , nene i pa ndi.²¹Petro waile kuli Yesu ni kumwipuzia, "Ati we Mulopue, kine mwinane wanmbala ndikumweleela linga? Ndikumweleela nghendo kilooba?" ²²Yesu waamwasukile, "Te nghendo kilooba sie, inzi upalile kumweleela kukila pa nghendo 70.²³Pantu Bukolo bwa mwiulu bupaleene na likolo umo waakuutile babombi bakue kuti baye balondolole vibaabombiizie nfolanga yakue. ²⁴Luatendekele kupenda, waaleeteelue mubombi umo waali wakopele nfolanga 1,000,000. ²⁵Ozo mubombi taakwete nfolanga ya kumulipa. Likolo lyaalandile ozo muntu asisiiwe kuti abe muzia pamo ni mukazi wakue ni baana bakue ni byonse biali nabio evi alipe madeni.²⁶Ozo mubombi waafukeeme mu kyeni kyakua likolo ni kupaapaata walanda, we likolo , nmpembelelenke sie nakaba kukulipa nfolanga yobe yonse! ²⁷Likolo lyaamunvwiliile nkumbu, lyamweleela madeni akue onse ni kumuleka aye.²⁸0zo mubombi luafumine panze, waasaakeene ni mubombi nakue waali wamukopele nfolanga 50, Penka papo wamukwata kale pa mukosi ni kumwana, 'Nmpeele nfolanga yane!' ²⁹Mubombi nakue waamufukamiine ni kumupaapaata wamwana, we tawelenzi, tekamana sie nakaba kukulipa sie lenu!³⁰Inzi wene taatonene kumunvua. waamukwete ni kumukakia mu buloko mpaka paakapwila kulipa madeni. ³¹Babombi nakue lubaamwene viamukitiile, baafiitilue sana ni kuya kumubwilako likolo byonse biakitile.³²Likolo lyaamukuutile ozo mubombi ni kumwana, we mubombi mubi! Nakweleelanga madeni obe onse pantu walombanga kweleelua. ³³Ni wewe i viwakiba wapalile kumweleela mubombi nobe!³⁴Likolo lyaafiitilue sana ni kumukakia mu buloko mpaka paakapwila kulipa madeni akue onse." ³⁵Pa mpeleezio Yesu waalandile, "Evi i vimwaakakitilue na Tawe wa mwiulu kine temuyamwaeleela benenu na mitima yenu yonse."

¹Yesu luapwile kulanda evio, waafumine ku Galilaya ni kuya ku Yudea ku bwala mwenzi wa Yordani, ²Bantu bengi baamukonkele. Ni baali balwele waabakosiizie.³Bamo pa baba Bafarizeo baile kumketaYesu bamwipuzia , "Ati we kasambilizia, mizilo yetu ilyaitabizia kumukaana mukazi kikaanekaane?" ⁴Yesu waabaasukile "Temwaabelengele mu malembo alandile nangue pa mambo Leza waabumbile mwalalume ni mwanakazi?⁵Kabili Leza waalandile, 'Ni pakako, mwalalume waakasia se ni nghina ni kulundana na mukazi wakue. Ni baba babili baakaaluka mubili umo.' ⁶Evi te babili kabili, inzi bali umo. Kansi muntu tekuti alekenkanie kyaalundilue na Leza.⁷Bafarizeo baamwipuziizie Yesu, "Eba, ale Musa waatupeeleele ki mizilo ilandile nangue mwalalume apeele mukazi wakue lupapulo lwa kumukaana?" ⁸Yesuwaabaasukilee, "Musa waamipeele nsambu ya kukaana bakazi benu pantu mitima yenu ifinine. Inzi kutula ku mambo tekyaali evio. ⁹Namyana nangue, kine mwalalume wamukaana mukazi wakue kikaanekaane pasili mulandu wa bukende, ni kuyakuupa unge mwanakazi wakita bukende¹⁰Basambi bakue baamwanine, "We Mulopue, kine i evi pa mulume ni mukazi, kansi kwikala sie pasili kuupa kwawama." ¹¹Yesu waabaasukile, "Mulandu wakusyupa te wa bonse, inga sie kine Leza watona evio. ¹²Milandu iliyaanzia bantu kuupa ni ezi. Bange teboopile pantu ni babibola, bange bakitilue evio na bantu, ni bange teboopile pa mulandu wa Bukolo bwa mwiulu. Kansi, olia wakwitabizia aza masambilizio, etabizie."¹³Kwaali bantu bamo baamuleeteele Yesu banike kuti abakumie maboko akue ni kubapepela, inzi basambi bakue baabasasiliile. ¹⁴Yesu waabaanine, "Baleke banike beze kulinene, tekubakaaniepantu Bukolo bwa mwiulu ni bwa balia bali nga baba." ¹⁵Luabakumiizie sie maboko akue, kupwako wafumapo waya.¹⁶Kwaali muntu umo waile kumwipuzia Yesu, "We kasambilizia, nkite ki kiweme pakuti nmbe ni bukose bwa muyayaya?" ¹⁷Yesu waamwaasukile, Eba, wangipuziizie ki palua kiweme? Unvua, kuli sie Leza bunke i aweme. Inzi kine watona kwingila mu bukose nakila milao."¹⁸Ozo muntu waamwipuziizie, "Milao ki?" Yesu waamwaasukile, "Tekwipaya, tekukita bukende, tekwiba, tekubeepela mwinobe bya bufi, ¹⁹Kindika so ni noko, tona mwinobe nga viwitonene we mwine."²⁰Mulumendo waamwanine, "Ezi milao yonse nakiile. Ale kisyeleko ni kiki?" ²¹Yesu waamwanine, "Kine utonene kuya wapwililikile, endo usisie byonse biuli nabio ni kubapeela bapabi mane ni we ukabe ni bunonsi mwiulu, ni pa kyamba mane wize unkonke." ²²Mulumendo luaunvwile evio, Kwenka kuyasie wafiitilue pantu waali wanonkeesie.²³Kupwako Yesu wabaana basambi bakue, "Namyana kisinka nangue, evi vikyaakamwaviizia munonsi pa kwingila mu Bukolo bwa mwiulu. ²⁴Kabili namyana nangue kyaakamwaviizia sana munonsi pa kwingila mu Bukolo bwakua Leza kukila nghamia kupula mu lipulo lya nsindano."²⁵Basambi lubaunvwile evio, baapapile sana ni kumwipuzia Yesu, "Ewe, ale nani waakapusuka?" ²⁶Yesu waababatikiizie ni kubaasuka, "Keki tekivinda kukitua na muntu, inga sie na Leza bunke." ²⁷Kabili Petro waalandile, "We Mulopue, mona fwefue twaasiile byonse ni kukukonka. Ale twaakapeelua ki?"²⁸Yesu waabaasukile, "Nene namyana kisinka nangue, lwaakeekala mwina muntu pa kitebe kya bulumba mu kyalo kya lenu, mwemue likumi na babili mwaakeekala pa bitebe ni kupingula ntundu likumi na ibili ya Baizraeli.²⁹Onse aliwasia nghanda ao benakue ao bankaziize ao nghina ao baana ao makaba pa mulandu wane, waakapokelela kukila pa 100 pamo ni kupeelua bukose bwa muyayaya. ³⁰Inzi, bengi bemwene kuba ba mambo lenu, baakaba ba mpeleezio, ni bengi bemwene kuba ba mpeleezio lenu, baakaba ba mambo.

¹Bukolo bwa mwiulu bupaleene na muntu umo waabuukile pakili lukeelekeele ni kuya kunvwana ni bantu bamo bakubomba mu bukaba bwakue bwa mizabibu. ²Waunvwene nabo kubasazia nsazio ya busiku bumo, kupwako wabatumakuya kubomba mu bukaba bwakue bwa mizabibu.³Kabili luyaali yasyali nsita fundi ya lukeelekeele, waile kumona ni bange balalume baimeene mu kisisiizio tekuba bali na mwilo. ⁴Waabaanine, "Ni mwemue endo waya mubombe mu bukata bwane bwa mizabibu. Ndikwiza kumisazia."⁵Kupwako baya, kabili pa nsita likumi na ibili ya koba ni pa nsita itatu ya kyungulo, ozo muntu waakitile evio vyenka. ⁶Luyaakumeene nsita isaano ya kyungulo, kabili waile kumona ni bange balalume baimeene mu kisissizio. Waabeepuziizie, "Ale mwemue mwimaniine ki pano koba konse tekuba mwabomba?" ⁷Baamwaasukile, "Fwefue twimeene pano pantu tepali muntu wakutupeela miilo ya kuboma." Waabaaniine, "Kansi ni mwemue endo mwaya mubombe mu bukaba bwane bwa mizabibu."⁸Musita wa kyungulo, mwine wa bukaba waamwanine kapita wakue, "Ale endo ubakuute babombi bonse wize ubasazie. Ubambe kusazia balia batwepeleezyanga kunvwana nabo, mane pa mpeleezio usazie ni balia ba mambo." ⁹Balia bantu baabambile miilo pa nsita isaano ya kyungulo, baile kusaziiwa nsazio ya busiku bumo. ¹⁰Balia bantu baabambile miilo lukeelekeele ni bo lubaile ku kusaziiwa, baile baswapiile kusaziiwa ingi kukila bange. Inzi bonse baasaziiziwe sie nsazio ya busiku bumo¹¹Luapwile kubasazia, babombi baabambile kumwivokombela mwine wa bukaba balimukulanda, ¹²Ewe, 'Mona viwakita. Baba ba mpeleezio babombanga sie nsita imo, inzi fwefue twabombanga koba konse twasaamiinue. Ale watupeelela ki nsazio yalingheene nabo?.'¹³Mwine wa bukaba waasukilepo umo, 'Nene nsikukendele.Ati, twaunvwananga syani? Tetwaunvwananga nobe kubombela nsanzioya busiku bumo? ¹⁴Mona we twama sie nsazio yobe uye waya ku nghanda. Ntonenenmpeele wa mpeleezio nga vinakupeela wewe.¹⁵Ati emwe! Nsivinda kukita muntoneene pabumoni bwane? Ale kiusyaliwanzibulukila pa mulandu wa nkumbu yane ni kiki? ¹⁶Kupwako Yesu wapeleezia walanda, "Bantu ba mpeleezio lenu, baakaba ba mambo.Ni ba mambo lenu, baakaba ba mpeleezio."¹⁷Yesu luali walimukusela ku Yeruzalemu, waile pamoni basambi bakue likumi na babili pambali. Lubali balimukuya mu nzila waabambile kubaana, ¹⁸"Unvue, evi tulimukuselaku Yeruzalemu kulikuya kupaanua mwina muntu mu maboko a makolo a babitambua ni mu maboko a bakasambilizia ba mizilo. Baba bantu bakaba kumutana nsambu ni kulanda kuti akeepawe. ¹⁹Kabili waakapaanua ku bantu basimanine Leza, babo baakamupunika ni kumusepula misepe, ni kumukonkomena. Inzi busiku bwa butatu waakatuntumunua."²⁰Kupwako muka Zebedeo waya ni baana bakue babili kuli Yesu, wamufukamina ni kumupaapaata amukitile kintu kimo. ²¹Yesuwaamwipuziizie, "Ati, utonene ki?" Ozo yangu waamwaasukile, "Ntonene ubalaye baba baaana bane babili, umo akeekale kulio kobe, ni unge akeekale kuso kobe mu Bukolo bobe."²²Yesu waabaasukile, "Temumanine kimulimukulomba. Ati, kubako kuti mwamina mu kikombe kya lyemo kinakaba kumina?" Babo baana baamwaasukile, "Ee, kuti twamina." ²³Yesu waabaanine, "Ee kumina kwene mwaakamina mu kikombe kyane, inzi kwikala pa ndi, kulio ao kuso kwane, ezio te miilo yane, yene miilo yakua Tawe pantu wene i waakabapeela babo baateaniiziizie." ²⁴Basambi nabo likumi lubaunvwile evio, baabafiitiilue babo benabo babili.²⁵Yesu waabakuutile bonse pamo ni kubaana, "Mumanine nangue bakateeka ba bantu basimanine Leza balibababiibikizia bantu babo, ni nombozi yabo iliyababombia. ²⁶Inzi mwemue tekikaba evio. Onse aliwakeba kuba mukulu pakati kenu, abe mubombi wa bonse. ²⁷Ni onse aliwakeba kuba wa mambo pakati kenu, abe muzia wenu. ²⁸Mwina muntu taiziile kubombelua, inzi waiziile kubombela bange ni kubapeela bukose bwakue kuti alubwilemo bengi."²⁹Yesu ni basambi bakuelubaali basyafuma mu Yeriko, bantu bengi baile bamukonkele. ³⁰kwaali bampofu babili baali baikeele mumbali musebo. Lubaunvwile nangue Yesu alimukupita, baabambile kusamuna balanda, "We Mulopue Mwina Daudi tunvwileko nkumbu!" ³¹Bantu baabambile kubasasilila bampofu kuti batalale. Inzi bene baakilile kusamuna balanda, "We Mulopue, Mwina Daudi tunvwileko nkumbu!"³²Yesu waimeene, wakuuta babo bampofu. Waabeepuziizie evi, "Ati, mutonene nmikitile ki?" ³³Bampofu baasukile, "We Mulopue, fwefue tutonene tukente ni kumona." ³⁴Kupwako Yesu wabonvwila nkumbu ni kubakumia pa menso abo. Lubaakentele sie ni kumona, baamukonkele Yesu.

¹Yesu ni basambi bakue lubaapaleeme ku Yeruzalemu, baafikile ku Betefage ku Lupili lwa Mizeituni. Kupwako Yesu watuma basambi bakue babili. ²Waabaanine evi, "Endo mwaya ku muzi uli ku ntazi. pa nkendo imwaya musange punda wakakiilue pamo ni kaana kakue, mubakakule mundeetele. ³Kine muntu wamiipuzia, muye mumwane evi, 'Mulopue i alimukubakeba!' Ni ye alikumilekeela mubatwwane."⁴Bebi byaakitikiile sie kuti keebo kaalandile Leza kupitila muli kabika kafikiliziwe. Waalandile evi, ⁵"Endo ubaanebantu ba mu Sayuni nangue, mone likolo lyenu lyamiizila, likolo lifuukile, lyaiza lyaselele pa punda mwina punda."⁶Basambi baile kukita mubaaniinue na Yesu. ⁷Baaleetele punda ni mwana wakue. Lubaapanzikilepo nghubo yabo, Yesu wasela waikalapo. ⁸Bantu bengi baatendekele kupanzika ngubo yabo mu musebo, ni bange baaateetele misambo ya bimuti ni kuipanzika mu musebo.⁹Bantu baali bamutangiliile Yesu pamo ni baali bamukonkele pa kyamba baabambile kusamuna balanda, "Atasiiwe Mwina Daudi! Leza apaale ozo alimukwiza mu liina lyakua Mulopue! Leza ataswile!" ¹⁰Yesu luaingiile mu Yeruzalemu, muzi onse waasaamine sie saa. Bantu baabambile kwipuzyania, "Emwe, ale ozu muntu nani?" ¹¹Bantu bonse baasukile, "Ozu i Yesu, kabika wa ku Nazareti mu kyalo kya Galilaya."¹²Yesu luaingiile mu nghanda yakua Leza, bonse baasangilue balimukusisiiziamo waabakumbiile panze. Kabili waafulamwine meza ya balia baali basintuzyania nfolanga, ni tukunkuzia twa balia baali basisia nkunda. ¹³Waabaanine, "Kilembelue mu malembo nangue, 'Nghanda yane yaakakuutua nghanda ya mapepo,' Inzi mwemue mwaalula kuba nghanda ya tubooko!" ¹⁴Bampofu ni balema baile kuli Yesu mu nghanda yakua Leza, niye waabakosiizie.¹⁵Makolo a babitambua ni bakasambilizia ba mizilo baafiitilue sana lubaamwene Yesu walimukukita bipezia maano. Kabilibaafiitilue lubaamwene banike balimukusamuna mu nghanda yakua Leza balanda, "Atasiiwe Mwina Daudi!" ¹⁶Baamwipuziizie Yesu, "Ewe, unvwile vibalimukulanda?" Yesu waabaasukile, "Ee, nghunvwile. Eba, temunabelenge malembo alandile nangue, 'Banike pamo ni nkeke mwabasambiliziizie kutasia kwine kwine?' " ¹⁷Yesu waabasiile mu ozo muzi ni kuya kulaalaku muzi wa Betania.¹⁸Lukeele lwakue paakili lukeelekeele, Yesu luali wabwelela ku muzi, waunvwile nzala. ¹⁹Waamwene kimuti kya mikumumbali musebo. Luailepo, taasangileko kantu inga sie maaninke. Waakyanine kimunti, "We kimuti, waya nalo, teukikaseekako mazabo kabili!" Penka papo kimuti kyauma.²⁰Basambi bakue lubaamwene evio, baapapile. Baipuziizie, "Ati emwe, ale keki kimuti kya miku kyauma kale syani penka papa?" ²¹Yesu waabaasukile, "Namyana kisinka nangue, kine mwazumina pasilikutwisika, mwaakakita nga evi vinakita ku keki kimutikya miku. Kabili temukakita sie keki, inzi mwaakalwana lolu lupili, 'Fuma papa uye wipooze mu lyezi,' ni lo lwaakaya kwipooza. ²²Kine mwazumina mwaakapokelela kubalua kantu kamwaakalomba mu mapepo enu."²³Yesu waabweeleele mu nghanda yakua Leza. Luali walimukusambilizia, makolo a babitambua ni masiiko baile kumwipuzia, "Ati kasambilizia,uliwakita bebi bintu na maka ki? Nani waakupeele aza maka?" ²⁴Yesu waabaasukile, "Ni nenendikumiipuzyanke kiipuzio kimo. Kine mwangasuka, ndikumyana maka andinakitilamo bebi bintu.²⁵Ati, lubatiziolwakua Yoane lwaafumine pi? lwaafumine kuli Leza ao lwaafumine ku bantu?" Baabambile kukanzana balanda, "Tulikulanda syani? Pantu kine twaasuka nangue lwaafumine kuli Leza, alikutwana nangue, 'Ale kimusimuzuminiine ni kiki?' ²⁶Kabili kine twalanda nangue lwaafumine ku bantu, bantu tebatulekeela pantu bantu bonse basininkiziizie nangue Yoane waalikabika." ²⁷Kupwako kwenka kupolokwlua sie ni kulanda nangue , "tetumanine." Yesu waabaanine evi, Ni nene wenka nsimyana maka andinakitilamo bebi bintu."²⁸Kabili Yesu waalandile evi, "Ati, mwemue kuti mwamonapo syani? kwaali muntu umo waali ni baana babili balalume. Ozo muntu waile kumwana mwana mukulu, 'We mwana wane, endoubombe mu bukaba bwa mizabibu.' ²⁹Mwana wakue waamwaasukile, 'Nene nsiysko,' inzi pa kyamba waalwile malanga akue ni kuya. ³⁰Kabili ozo muntu waile kuunge mwana ni kumwana nga vyaanine mwana wa mambo. Ozo mwana wasukile, 'Ee, ndikuya we tawe.' Inzi ozo mwana taileko.³¹Nghane, pa baba babili, nani waakitile mwaali mwatoneene sibo?" Baamwaasukile, "Mwana mukulu." Kupwako Yesu wabaana, "Namyana kisinka nangue bakasonkia ba musonkoni bakambue balimukumitangilila kwingila mu bukolo bwakua Leza. ³²Pantu Yoane Mubatizi waizile kumilangisia vya kwikala mu bulunghami, inzi mwemeu temwaamuzumiine. Bakasonkia ni bakambue bene i baamuzumiine. Anzia mwaamwene evio, temwaazumiine,Yoane mwine temwaamuzumiine.³³Kabili Yesu waabaanine, "Unvue ni kinge kipalo, kwaali muntu umo waalimine bukaba bwa mizabibu. Bobo bukaba waabusakiliile, waimbamo ni kiina kya kukitilamo mizabibu,wakuulamo ni lupungu. Luatembele lwendo lwa kuya kule, bukaba bwakue waabasiliile balimi bakuti bakabe basonkela. ³⁴Lwaakumeene musita wakukununa mizabibu, waatumineko babombi bakue ku balimii evi baye bamuleeteleko mizabibu.³⁵Balimi baabakwete babo bantu baatuminue, baumapo umo, unge bamwipaya, unge wene baamutootele sie mabue. ³⁶Kabili ozo muntu waatumineko babombi bange kukila pa balia baatumine ntanzi, inzi balimi baabakitile nga vibaakitiile balia ba mambo. ³⁷Pa mpeleezio, waabatumiineko mwana wakue. Waalandile evi, "Nswapiile nangue mwana wane wene baya bamukindike."³⁸Inzi balimi lubaamumwene ozo mwana waiza, baabambile kulanzyania, 'Ozu waiza i mpyani, Ale tumwipaye kumona sie bukaba bukabe bwetu!' ³⁹Kupwako bamuuma ni kuya kumupooza kunze ya bukaba bwa mizabibu ni kumwipaya."⁴⁰Kupwako Yesu waipuzia, "Ati lwaakeeza mwine wa bukaba bwa mizabibu, bakia balimi waakabakita syani?" ⁴¹Baamwaasukile, "Kisinka mwine wa bukaba waakabeepaya babo bantu babi, kabili waakabasiila balimi bange bobo bukaba bwa mizabibu, babo baakaba bamupeela mizabibu pa musita uiliyapiilapo."⁴²Yesu waabaanine, "Eba, temwaabelengele Malebo alandile nangue, 'Libue lyaasuuliluena bakuuli, i lyaalukile libue lya mponvu pa onse, Evi ivyaakitile Mulopue, ni fwe balimukumona twapapa?.'"⁴³Yesu waalandile evi, "Namyana kisinka nangue Leza waakamipoka Bukolo bwakue ni kupeela bantu baakaba bakita bintu biweme." ⁴⁴"Kubalua muntu waakaponena pa leli libue waakatyoka, ni waakaponenua na leli libue waakasansika."⁴⁵Makolo a babitambua ni Bafarizeo lubaunvwile bebi bipalo, bainikile nangue Yesu waali walanda pa mulandu wabo. ⁴⁶Ni pakako baakitile maka abo onse kuti bamukwate. Inzi baatiininepantu bantubaali basyinikile nangue ni kabika.

¹Kabili Yesu waatwaliliile kubaana bantu mu kipalo, ²"Bukolo bwamwiulu bupaleene nilikolo lyaateaniizie matebeto a pa buinga bwa mwana wakue mwalalume. ³Waatumine babombi bakue baye bakuute bantu baali bakupilue ku matebeto, inzi babo bantu baakeene kuyako.⁴Kabali waatumineko babombi bange ni kubaana, "Endo mubaane bakupua nangue nateania kale matebeto ane, nghombe inonene yasinzwanga kale, byonse biteaniiziwe.. Twende mulie matebeto a pa buinga."⁵Inzi bakupua tebaapoozeleko maano. kubalua muntu waile kuatonene kuya. Unge waile ku makaba, ni unge waile mu busulu, ⁶inzi bange baakwete babombi bakua likolo babamba kubooma ni kwipayapo bamo. ⁷Ozo likolo waafiitilue ni kutuma balukale bakue bayebepaye ezio ngipaani ni kuiziziizia muzi wabo.⁸Kabiliwaakuutile babombi bakue ni kubaana, "Mone matebeto apa buinga ateaniiziwe, inzi bantu banakikupa tebapalile. ⁹Kansi endo mwaya mwimane sie pa masanzio nzila, mukupe bantu bonse bamulikuya kumona mwize nabo" ¹⁰Ni kiine babombi baile pa masanzio nzila ni kubamba kukolonghania bantubengi babaamwene. Babi pamo ni baweme, mpaka ni nghanda ya buinga yaizulamo bantu.¹¹Likolo lulyaile kumona bakupua, lyaamwenemo muntu umo asyaali wavwele ngubo ya buinga. ¹²Likolo lyaamwipuziizie, 'Ewe, waingilanga syani mono tekuba wavwele nguboya buinga?' Ozo muntu taali na ka kulanda.¹³Kupwako likolo lyaana babombi bakuenangue, "Ale mukake maboko ni maulu mumupooze kunze ku nfinzi, koko kwaya kwali kulila ni kusyenkeenia meno." ¹⁴Yesu waapeleeziizie walanda, "Bakuutilue ni bengi, inzi basaakwilue te bengi."¹⁵Bafarizao baile kumuteekela Yesu kilie kuti bamukete mu biipuzio. ¹⁶Kabili baamutumiine bamo ba mu basambi babo ni baali ku lubali lwakua Herodi. Baamwanine evi, "We kasambilizia, tumanine nangue uliwalanda kisinka. Uliwasambilizia bantu kisinka kyakua Leza, kabili tewapoozako maano ku belia bibalibalangakana, pantu teuli na kitoolela. ¹⁷Ale tubwile viuliwalangakana. Ati, mu Mizilo yetu tuli ni nsambu ya kusonka musonko kuli kateeka wa Kiroma ao abe?"¹⁸Inzi pantu Yesu waali waamanine malanga abo abi, waalandile evi, "Mwe bakankobenkania, ale kimwakeba kunketela ni kiki? ¹⁹Nange lufolanga lwa musonko." Baamuleeteele lufolanga.²⁰Kabili waabeepuziizie, "Ale papa pali lukebu niliina lyakua ni?" ²¹Baamwaasukile, Pali lukebu ni liina lyakua kateeka wa Kiroma" Kupwako Yesu wabaana, "Ee, mwaasuka bwino. Kansi sonke musonko kuli kateeka, Leza ni ye mumupeele byakue." ²²Lubaunvwile evio, baapapile. Kupwako kwenka kumusia sie baya.²³Bobo bwenka busiku, Basadukayo baali balanda nangue bantu tebakatuntumuka, baile kuli Yesu ni kumwipuzia, ²⁴baali kulanda, "We kasambilizia, Musa walandile nangue kine mwalalume wafua tekuba waali na mwana, wakwakue ope mwanakazi afwiliilue evi akamuvyalile baana baakaba bamanikile nangue ni baana bena ozo waafwile.²⁵Kwetu kwaali benenke balalume kilooba, wa mambo waupile mwanakazi, ozo mwalalume waafwile pasili kuvyalamo baana. Kabili mwalawakue waupile mukanfwilua, ni ye waafwile. ²⁶Evi vikyaamukitikiile wa bubili, i vikyaamukitikiile wa butatu mpaka bonse kilooba. ²⁷Ni pa mpeleezio, ozo mwanakazi waafwile. ²⁸Ale busiku bwa kutuntumuka, ozo mwanakazi waakaba waali muka ni? Pantu bonse baali balume bakue."²⁹Yesu waabaasukile, "Mwemue mulubile pantu temumanine malebo akua Lez, kabili temumanine maka akua Leza. ³⁰Pantu bafwile lubakatuntumunua, baakaba nga bamalaika ba mwiulu. Kabili tebakaba baupa.³¹Ati, palua kutuntumuka, temunabelenge vyaalandile Leza? ³²Waalandile evi, 'Nene ndi Leza wakuaAbrahamu, ndi Leza wakua Izaaki, ndi Leza wakua Yakobo.' Kansi Leza, te Leza wa bafwile, inzi ni Leza wa bakosele." ³³Bantu lubaunvwile evio, baapapile kukonkana ni masambilizio akue.³⁴Bafarizeo lubaunvwile nangue Yesu waababingile Basadukayo, Bafarizeo ni bo baakolongheene. ³⁵Kasambilizia umo wa Mizilo, waabambile kumuketa Yesu na keki kiipuuzio. ³⁶Waamwipuziizie, "Ati we kasambilizia, ni mulao ki utaniisie pa milao yonse?"³⁷Yesu waamwaasukile, "Tona Mulopue Leza obe na mutima obe onse , umutune mu bukose bobe bonse kabili umutone na maano obe onse. ³⁸Ozu i mulao wa mambo ni utaniisiepo.³⁹Ni wa bubili ni ozu, Tona mwinobe nga viwitonene we mwine. ⁴⁰Mizilo yonse yakua Musa ni masambilizio a bakabika, emaniine sie pa malao ibili."⁴¹Bafarizeo bamo lubaakolongheene pamo, Yesu waabeepuziizie, ⁴²"Ati, mulimwalangakanapo syani palwakua Kristu? ni wa mu luvyalo lwakua ni?" Baamwaasukile, "Kristu ni wa mu luvyalo lwakua Daudi."⁴³Yesu waabeepuziizie, "Eba, ale Daudi lualombwelue na mweo muzuuke waamukuutiile ki nangue, Mulopue Daudi waalandile, ⁴⁴'Mulopue waalandile kuli Mulopue wane nangue, ikala pano ku kulio kwane, mpaka pankabiika balwani bobe mwinsina makasa obe.'⁴⁵Kansi Daudi kine waamukuutile Kristu nangue "Mulopue," ale Kristu alikuba syani wa mu luvyalo lwakua Daudi?" ⁴⁶Tekuli muntu waamwaasukile. Kabili kutula bobo busiku tekwaali muntu waamwipuziizie binge biipuzio.

¹Kabili Yesu waabaanine bantu ni basambi bakue, ²"Bakasambilizia ba mizilo ni Bafarizeo bali ni buvinde bwa kulondolola Mizilo yakua Musa. ³Ni pakako, kite byonse bibalibamyana, inzi tekukile nga bene, pantu tebezi kukita mubalibasambiliziizia.⁴Bene balibakakila bantu bitwamo bifinine ni byaviizie pa kutwama ni kubatwika pa nkombe, inzi bene tebezi kubatwamiako ata kanini ao sie kukumiako. ⁵Balibakita bintu kuti bamonue na bantu. Mona ku tubukulu tulimo milongo ya malembo tubalibakaka pa mpala ni ku maboko baipambiliileko mupangalala! Mone vibatutaniizie, kabili mone vibaleefiizie mansenkebele a ku nkanzu yabo.⁶Baba bantu balibatona kwikala pa bitebe bya mukinzi musita wa kulia matebeto mu nghanda ya malombi. ⁷Kabili balibatona kupoziiwa na mukinzi mu bisisiizio ni kukuutua na bantu nangue, 'Bakasambilizia.'⁸Tekuti muye mwakuutua, 'Bakasambilizia' pantu bonse muli ba mu lupua lumo, kabili muli sie na kasambilizia umo. ⁹Tekukuute muntu pano pa kyalo nangue "Tawe" pantu muli sie na sinue umo wa mwiulu. ¹⁰Kabili tekukuutue nangue, 'Mulombozi', pantu mulombozi wenu ni umo sie, ni ye i Kristu.¹¹Onse akuliisie pakati kenu, abe mubombi wenu. ¹²Onse aliwaikuzia, waakakeefiiwa, inzi onse aliwaikeefia, waakakuziiwa.¹³Mwaya nalo mwe bakasambilizia ba Miziloni mwe Bafarizeo, mwe bakankobenkania balibakiikila bantu mulyamgo wa Bukolo bwa mwiulu kabili ni mwe bene temwaingilamo. Ni balia balibakeba kwingilamo, mulimwabanzia. ¹⁴"Mwaya nalomwe bakasambilizia ba Mizilo ni mwe Bafarizeo, mwe bakankobenkania balibaliila bamukafwilua ni kubeebila mu nghanda yabo. ¹⁵"Mwaya nalo mwebakasambiliziaba Mizilo ni mwe Bafarizeo,mwe bakankobenkaniabalibapita pa lyezi ni kwabukila ku binge byalo pakuti muye musangeko muzumini umo ni kumwalula musambi wenu, kabili kine mwamupata mulimwamwalula kuba mubikukila mwe bene, ni kumulengia kuba wakupoozua mu mulilo usiliwazima nga evelia vimwaakapoozua.¹⁶Mwaya nalo mwe nombozi mpofu, mwe balibasambilizia nangue, 'Kine muntu walapa nghanda yakua Leza, telubilepo kantu. Inzi kine walapa oro ya mu nghanda yakua Leza, afikilizie kilayo.' ¹⁷Mwe bampofu bipuba, ni kiki kikindamiisiepo pa oro ni nghanda yakua Leza iliyazuukia oro?¹⁸Mwemue benka i balibasambilizia nangue, muntu aliwalapa altare talubilepo kantu. Inzi kine walapa bupebwapa altare, afikilizie kilayo.' ¹⁹Mwe bampofu, ni kiki kikindamiisiepo pa bupe, ni altare iliyazuukia bupe?²⁰Unvue, muntu lualiwalapa altare, aliwalapa altare ni bupe bonse bulipo. ²¹Muntu lualiwalapa nghanda yakua Leza, aliwalapa nghamda yakua Leza ni Leza mwine ekeelemo, ²²Muntu lualiwalapa mwiulu, aliwalapa kitebe kyakua Leza, ni Leza mwine ekeelepo.²³Mwaya nalo mwe bakasambilizia ba Mizilo ni mwe Bafarizeo, mwe bakankobenkania balibapeela Leza kamo ka pa likumi lya tusaasa ni minti, ni dili, ni kumin, koku mwapuulwile kunakila masambilizio a Mizilo ikindeeme, nga evelia nsambu ni nkumbu ni bukisinka. Bebi i bimpalile kukita pasili kupuulula kukita binge. ²⁴Mwe nombozi mpofu, mwe balibafumiamo tunkolopiilo mu bya kumina koku mwalimukumina nghamia!²⁵Mwaya nalo mwe bakasambilizia ba mizilo ni mwe Bafarizeo, mwe bakankobe nkania balibasamba bikombe ni masaani kunze, inzi mukati mwaizwile bupoti ni kiitoni. ²⁶We Baferizeo mpofu, mona wamyankemukati kikombe, mane uwamie ni kunze.²⁷Mwaya nalo mwe bakasambilizia ba mizilo ni mwe Bafarizeo, mwe bakankobenkania bali nga bilibu bisubilweko makese ni kuya byamwenekele bwino kunze, inzi mukati mwaizuzi bikuza nimibili ibole. ²⁸Evi i vimuli, ku mensoa bantu mulimwamoneka mwaweme, inzi mukati mwaizuzi sie bukankobenkania ni bibalo.Mwaya nalo mwe bakasambilizia ba Mizilo ni mwe Bafarizeo, mwe bakankobenkania balibawamia bilibu bya bakabika ni bya bantu ba mponvu. ³⁰Kabili mulimwalanda evi, "Kabenge twaaliko pamusita wa bikolue byetu, nga tetwaakitile mubaakitiile nikwipaya bakabika." ³¹Ni pakako mulimwasininkizia nangue muli baana bena balia bantu baipaile bakabika.³²Ale kansi twalilile ni kupwililila nga mwatendekeele bikolue byenu. ³³Mwe nzoka, mwe ngwezie, kuti mwabutuka syani kutanua nsambu ni kupoozua mu mulilo usiliwazima?³⁴Ni pakako namyana kisinka nangue naakamitumina bakabika ni bantu ba maano ni bakasambilizia. Bange mwaakabeepaya, bange mwaakabakonkomena pamisalaba, bange mwaakabasepula misepe mu nghanda ya malombi, ni bange mwaakabakumba mu ozu muzi ni mu unge. ³⁵Mane nangue kukandua kwa ngipaani yaipaile bantu ba mponvu kutula kwipawa kwakua Abeli muntu wa mponvu, mpaka kwipawa kwakua Zakaria mwina Baraki, umwaipaiile pabukata bwa nghanda yakua Leza ni altare, kwaakaba pali mwemue. ³⁶Namyana kisinka nangue Leza waakabakandilapo bantu ba mu lono luvyalo.³⁷We Yeruzalemu, we Yeruzalemu, waipaile bakabika nikutoota mabue bantu bawaatumiinue! Naatonene kufukatilabantu bobe nga evelia nkoko vialiwafukatila twana twakuemu mapaapi, inzi wewe waakeene! ³⁸Unvua, nghanda yobe yaakasyala kibolia. ³⁹Nakwana nangue, kutula lelo temukanmona kabili mpaka musita umwaakalanda nangue, 'Leza amupaale ozo alimukwiza mu liina lyakua Mulopue.'"

¹Yesu luafumine mu nghanda yakua Leza, basambi bakue baile kuli wene ni kutendeka kumulangisia makuule; ²Yesu waalandile, "Aza makuule onse amumwene, tepali libue lyaakasyala pa liinakue pasili kutuutua."³Yesu luaikeele pa bunke pa lupili lwa Mizeituni,basambi bakue baile kumwipuzia, "We Mulopue, twane bebi byonse byaakabako musita ki?Kabili ni biki byaakakitika pakuti tukamone nangue i musita wa kwiza kobe ni wa mpeleezio ya kyalo?" ⁴Yesu waabaasukile, "Emwe, ilabukile evi tekuti mubeepue na muntu. ⁵Pantu bantu bengi baakeezila mu liina lyane ni kulanda nangue, 'Nene i Kristu' Baba bantu baakazeezia bengi.⁶Mwaakonvua bului koku ni koku, inzi tekukatooboke pantu bebi bintu byaakakitikanke ntanzi yampeleezio ya kyalo. ⁷Byalo byaakalwisyania, bukolo bwaakasokozia bukolo nakue. Kwaakaba kimina kya nzala ni ntensi mu nkendo ilekenkeene. ⁸Bebi byonse byaakaba sie ntendeko ya maavia.⁹Kabili mwaakakwatua ni kutwalua ku kukandua ni kwipawa. Ntundu yonse yakamisuula pa mulandu wane. ¹⁰Ozo musita, bengi baakapona mu buzumino, baakapaanana ku balwani ni kusuulana. ¹¹Kabili bakabika bengi ba bufi baakeeza kubeepa bantu bengi.¹²Ntono yaakakeepa pa mulandu wa kuvula kwa bubi. ¹³Inzi onse waakasipikizia mpaka ku mpeleezio i waakapusuka. ¹⁴Ezi Mpunda ya iweme ya Bukolo, yaakasimikilwanke mu kyalo kyonse ku kuba kisininkizio ku ntundu yonse mane mpeleezio ikeeze.¹⁵Mwaakamona kintu kibi kyaalandilue na kabika Danieli, keki kintu kyaakaba kyaimeene mu kifuka kizuuke. [Onse aliwabelenga, amane bulondolozi bwakio], ¹⁶Kansi bantu bali mu Yudea, babutukie ku mpili. ¹⁷Muntu ali pa mutenge wa nghanda tekuti akakooke kuya kutwama bintu mu nghanda yakue. ¹⁸Muntu ali ku bukaba tekuti abwele kuya kutwama ngubo yakue.¹⁹Lisyamo ku banakazi baakaba baimisini baakaba baonsia mu ezio nsiku! ²⁰Mulombe Leza kumona sie tekuti mukabutuke musita wa kasama ao busiku bwa sabata, ²¹Pantu bwavia bwa ozo musita bwaakakilapo. Kwaakaba bwavia bukata businaabeeko kutula kulengua kwa kyalo mpaka bono busiku, kabili tekukaba bunke bwavia nga bobu. ²²Leza waakeefiizie kale bwingibwa nsiku, kabenge taakeefiizie nga tekwaapusukile muntu, inzi Leza waakakeefia ezio nsiku pa mulandu wa bantu bakue baasaakwile.²³Kabili muntu kine wakwana, 'Mona Kristu ozu ali pano!' ao nangue, 'Mona Kristu olia ali kolia!' tekumuzumina. ²⁴Pantu bakristu ba bufi ni bakabika ba bufi baakeeza, baakakita tupapo tukata ni bipezia maano pakuti bakazeezia bantu basaakwilue na Leza, kine kuti kyakitika. ²⁵Unvue, namyanina mbeela musita pausinakumane.²⁶Ni pakako, kine bantu bamyana nangue, 'Mone Kristu olia ali mu kaseeba,' tekuyeko, ao kine balanda nangue, 'Mone Kristu ozu afyeme pano' tekubazumine. ²⁷Pantu kwiza kwa mwina muntu kwaakaba nga evelia nkuba viiliyapenia ku kabanga ni kumoneka mpaka ku mboosi. ²⁸Ponse pali lufu, i pali pakolonghana makubi.²⁹Lwaakapua sie bobo bwavia bwa mu ezio nsiku, koba kaakafiita sie fititi, kwezi takasaama, ni ntanda ni yo yaakaponena pansi, kabili maka a mu lyulu aakatensiiwa.³⁰Kalangi ka mwina muntu lukaakamoneka mu lyulu, bantu bonse ba pano pa kyalo baakalila pabakamona mwina muntu walimukwiza pa malezi a mu muulu pamo ni maka ni bulumba bukata. ³¹Kabili waakatuma bamalaika bakue baakaba bali ni ntandala yaakaba yalila muzonghomenena ukata mu tufuli tuna twa kyalo, ni kukolonghania bantu basaakwilue mu kyalo kyonse.³²Ale sambilile ku kimuti kya miku. Misambo luiliyaaluka iteku, yatomba ni kuvumbako maani mulimwainika nangue likungulu lyapalama. ³³Ni pakako, lumukamona bintu byonse byakitika mukeenike nangue Kristu wapalama, kabili pasiaeze.³⁴Namyana kisinka nanguebebi byonse byaakakitikanke bantu ba mu lono luvyalo lubasinafue. ³⁵Lyulu ni kyalo byaakapita, inzi anzia pakaba syani, twebo twane tetukapita,³⁶Tekuli muntu amanine lwaakeeza bobo busiku ao amanine musita, bamalaika ba mwiulu ao mwana ni bo tebamanine , inga sie Tawe bunke.³⁷Kwiza kwa mwina muntu kwaakaba nga evelia vikyaakitikile pa musita wakua Noa. ³⁸Mu ezio nsiku ntanzi ya kibunda, bantu baali balia ni kumina, baali baupa ni kuupua mpaka pa bobo busiku bwaingiile Noa mu bwato. ³⁹Baba bantu baikeele tekuba baketekeele nangue kuti kyakitika mpaka busiku bubaabunziiziwe bonse na kibunda. Evio i vyaakaba ni kwiza kwa mwina muntu.⁴⁰Pa ozo musita, bantu babili baakaba mu bukaba bumo, umo waakatwamua unge waakasiiwa. ⁴¹Banakazi babili baakaba batwisyania, umo waakatwamua unge waakasiiwa. ⁴²Kansi ilabukile, pantu temumanine busiku bwaakeeza Mulopue wenu.⁴³Inzi mwine wa nghanda amanenge musita uliwaiza kabooko nga waakeesiizie akeeza kutuutilua nghanda na kabooko. ⁴⁴Ni pakako, be mwaiteaniizie lyonse pantu mwina muntu waakeeza musita umusiswapiile.⁴⁵Emwe,ale mubombi wa kisinka ni wa maano nani? ni olia waabiikilue na selenzi kuti apeele babombi nakue bilio pa musita upalile. ⁴⁶Mubombi waakasangua na selenzi walimukukita mwaaniinue asyukile! ⁴⁷Namyana kisinka nangue, ozo muntu waakapeelua mwilo wa kusunga bintu byonse byakua selenzi.⁴⁸Inzi mubombi mubi kine walanda mu mutima mwakue nangue, 'Tawelenzi wakokola,' ⁴⁹Kupwako wabamba kuuma babombi nakue ni kulia ni kumina pamo ni bakyakolua. ⁵⁰Busiku bwaakabwela selenzi, bwaakaba busiku bwasiswapiile kabili waakaba musita wasiketekeele. ⁵¹Selenzi waakamukanda ni kumubiika pamoni bakankobekania, koko i kwaakaba kulila ni kusynkeenia meno

¹Bukolo bwa mwiulu bupaleene ne bakazyana likumi baatweme matala abo ni kuya kumusensekela syabuinga. ²Paali bakazyana basaano baali bipuba, inzi bange basaano baali ba maano. ³Bakazyana baali bipuba baatweme matalaabo pasili kutwama ange mafuta pambali. ⁴Bakazyana baali ba maano baatweme mafuta aizwile mu machupa pamo ni mu matala abo.⁵Inzi pantu syabuinga taalengele kwiza, babobakazyana baabambile kubongela mpaka bonse balaala tulo twine twine. ⁶Inzi pakati busiku baunvwile nsungu ya bantu baali balanda, 'Syabuinga ozo alimukwiza twende tumusensekele!'⁷Bakazyana bonse likumi baabuukile ni kutendeka kuteania matala abo. ⁸Bakazyana baali bipuba baabambile kubaana bakazyana baali ba maano, 'Mwe benetu, tupeeleko mafuta, pantu matala etu teasyaumiine kuzima.' ⁹Bakazyana baali ba maano baabaasukile, 'Mwe benetu, mafuta atukwete teatukumana fwefue nimwemue, endo mwaya sie musite.'¹⁰Kupwako, babo bakazyana baali bipuba baya ku kusita mafuta, Lubaali bakiile ku kusita mafuta, syabuinga waafikile. Babo bakazyana basaano baali baiteaniizie baingiile nakue mu nghanda mwaali matebeto a buinga, kupwako mulyango waizalua. ¹¹Pa kyamba, balia bakazyana baabwelele ni kuzanzula mazui balanda, 'We Mulopue, twapaapaata, twizwileko twingile!' ¹²Syabuinga waabaasukile, 'Namyana kisinkanangue, nene nsimimanine.' ¹³Kupwako Yesu wapeleezia walanda, "Ilabukile pantu temumanine busiku ni musita waakeezilapo mwina muntu."¹⁴Kabili Bukolo bwa mwiulu bupaleene na muntu umo waile kwendela kukinge kyalo. Luali tanaye, waakuutile babombi bakue, wabasiila nfolanga evi basyale basuluzia. ¹⁵Kubalua muntu waasiiliilue nfolanga kukonkana ni buvinde bwakue, umo waasiiliilue nfolanga isaano unge waasiiliilue nfolanga ibili, unge niye waasiilliilue lufolanga lumo. Kupwako sibolenzi waya. ¹⁶Olia mubombi waasiiliilue nfolanga isaano waile kusuluzia mpaka wanonkelapo inge isaano.¹⁷Olia mubombi waasiiliilue nfolanga ibili ni ye waile kusuluzia mpaka wanonkelapo inge ibili. ¹⁸Inzi olia mubombi waasiiliilue lufolanga lumo wene waile kwimba kiina ni kuziikamo lufolanga lwakua selenzi.¹⁹Lwaapitilepo nsiku ingi, sibolenzi waabwelele ni kubaana baye balondolole palua nfolanga ibasiiliilue. ²⁰Oliamubombi waasiiliilue nfolanga isaano waingiile watwamiinepo ni inge misaano. Waalandile, 'We tawelenzi, wansiiliile nfolanga isaano, mona nakinonkelapo ni inge isaano'. ²¹Selenzi waamwanine, 'Eya, wabomba we mubombiaweme ni wa kisinka waali wa kisinka pa tunini, ni nene naakakupeela mwilo wa kusunga bintu bingi. Ale iza wingile mukuwaminua kwakua solenzi!'²²Kabili olia mubombiwaasiiliilue nfolanga ibili ni ye waingiile ni kutendeka kulanda nangue, 'We tawelenzi, wansiiliile nfolanga ibili, mona nakinonkelapo ni inge ibili. ²³Selenzi waamwanine, 'Eya, wabomba we mubombi aweme ni wakisinka! waali wa kisinka pa tunini, inzi evi naakakupeela mwilo wa kusunga bintu bingi. Ale iza wingile mukuwaminua kwakua solenzi!'²⁴Kabili ni olia mubombi unge waasiiliilue lufolanga lumo ni ye waingile walanda, 'We tawelenzi, nmanine nangue waviizie sana pantu uliwazombola palia pausyaabyele, kabili uliwaziba ku butala bintu biusyaazobwele. ²⁵Keki ikinaatiiniine, kabili ikinaaziikiile lufolanga lobe pansi, ale poka lufolanga lobe lolu.'²⁶Selenzi waamwanine, 'We mubombi mubi ni munanghani, waaamanine nangue nene ndinazomnola palia pansyaabyele ni kuziba ku butala bintu binsyaazombwele. ²⁷Kansi nga waapeele sie nfolanga yane ku basulu, evi nga bakiiza kunmpeelelapo ni mpuzio.²⁸Mupoke lolo lufolanga lumo mupeele ozo alini nfolanga likumi. ²⁹Pantu olia akwete waakasonsekeluapo ni binge pakuti bivule. Inzi olia asikwete waakapokua ni kalia kaali nako. ³⁰Ale mukake ozu mubombi asili na maano mumupooze panze mu nfinzi, momo mualikulila ni kusyenkeenia meno.'³¹Lwaakeezamwina muntu mu bulumba bwakue pamo ni bamalaika bonse bali pamo nakue, waakeekala pa kitebe kyakue kya bukolo. ³²Ni bantu ba ntundu yonse baakakolonghania ku ntanzi yakue, kabili waakabalekenkania mu mabumba abili nga evelia musungivialiwalekenkania mikooko ni mbuzi. ³³Waakabiika balunghami ku kulio kwakue, ni babi ku kuso.³⁴Likolo lyaakabaana balunghami baakaba ku kulio kwakue nangue, 'Ize mwe bapaalilue na Tawe, ize mupyane bukolo bumwaateaniiziiziwe kutula kulengua kwa kyalo. ³⁵Pantu naali ni nzala, ni mwe mwanmpeele bilio, naali ni kyaka, ni mwe mwanmpeele menda a kumina, naali mweni, ni mwe mwanmpokeleele mu nghanda yenu, ³⁶naali bwamba, ni mwe mwanvwikile, naali nalwele, ni mwe mwanmpempwile,naali mu buloko, ni mwe mwaizile kunmona.'³⁷Baba balunghami baakamwipuzia , 'We Mulipue, musita ki utwaakumwene wali ni nzala twakupeela bilio? Musita ki uwaali ni kyaka twakupeela menda a kumina? ³⁸Musita ki uwaali mweni wetu twakupokelela mu nghanda yetu? Kabili musita ki uwaalibwamba twakuvwika? ³⁹Musita ki utwaakumwene walwele ao wakakilue twakupempula?' ⁴⁰Likolo lyaakabaasuka, 'Namyana kisinka nangue, lyonse lumwaali mwakitila benenu babuliilue, i nene umwaali mwakitila.'⁴¹Kabili waakabaana balia baakaba kuso kwakue nangue, 'Ale fume pano mwe batiipilue na Leza, endo mwaya mu mulilo wa muyayaya wateaniiziiziwe kibanda ni bamalaika bakue, ⁴²Pantu naali ni nzala, inzi temwanmpeele bilio, naali ni kyaka, inzi temwanmpeele menda a kumina, ⁴³naali mweni, inzi temwanmpokeleele mu nghanda yenu, naali bwamba, inzi temwanvwikile, naali na lwele, kabili naali nakakilue, inzi temwanmpempwile.'⁴⁴Bene baakamwasuka, 'We Mulopue, musita ki utwaakumwene wali ni nzala, wali ni kyaka, wali mweni, wali bwamba, walwele, ao wakakilue mu bukolo inzi fwefue pasili kukukwasia ?' ⁴⁵Likolo lyakabaasuks, 'Namyana kisinka nangue, lyonse lumwaali mwakaana kukwasia umo pa benenu babuliilue, i nene umwaali mwakaanina.' ⁴⁶Baba bantu baakaya mukukandua kwa muyayaya, inzi balunghami bene baakaya mu bukose bwa muyayaya.

¹Yesu luapwile kubasambilizia, waabaanine basambi bakue, ²"Mumanine nangue kwasyala sie nsiku ibili tukabe kubamba nsikunkulu ya Pasaka, mu ezio nsikunkulu, i mwakaba kupaanua mwina muntu ni kukonkomenua pa musalaba."³Kabili makolo a babitambua ni masiiko, baakolongheene pamo mu nghanda yakua kaifa kiatambua mukulu. ⁴Balimukunvwana kuti bamukwate Yesu mu kafiso ni kumwipaya. ⁵Baali balanda evi, "Tekuti tumukwate musita wa nsikunkulu, bantu bakeeza kukita kinvulu nghania."⁶Yesu waali ku Betania mu nghanda yakua Simoni waakosiiziwe bulwele bwa tembue. ⁷Yesu luali walimukulia, mwanakazi umo waile kuliwene watweme lichupa lyaali lyaizuzimo mafuta a munu a mutengo ukata. Waabambile kumupongwela Yesu ku mutue. ⁸Basambi lubaamwene evio, baafiitilue, baipuziizie, "Ale lolu lwinoono nilwa ki? ⁹Aza mafuta nga akisisiiwa sie na mutengo ukata ni nfolanga kuya kubapeela bapabi"¹⁰Inzi pantu Yesu waali wamaninevibaali balanda, waabaanine, "Ati emwe, mulimukumwemiizia ki ozu mwanakazi? Bebi biankitila biweme sana. ¹¹Pantu bapabi muli nabo lyonse, inzi nene temukaba nane lyonse.¹²Kunsuba kuansubanga aza mafuta a munu pa mubili wane, ni pakuti ateanie kuziikua kwane. ¹³Namyana kisinka nangue, konse kwakasimikilua ezi mpunda iweme mwaya kyalo, baakaba balanda pa bebi byakita ozu mwanakazi ni kumulanguluka."¹⁴Umo pa basambi likumi na babili waali wakuutua Yuda Iskarioti, waile kwipuzia makolo a babitambua. ¹⁵"Ati, kine namipeela ozu Yesu mwaakanmpeela ki?" Kupwako bapenda nfolanga makumi atatu ni kumupeela. ¹⁶Kutula papo, Yuda waabambile kukeba musita wa kubaapeelelapo Yesu.¹⁷Busiku bwa mambo bwa nsikunkulu ya mikate isitutumukile, basambi baile kumwaipuzia Yesu, "Ati Mulopue, utonene tuteaniizie pi bilio byobe bya Pasaka?" ¹⁸Yesu waabaanine, "Endo mwaya mu muzi, muntu umwaya musange mumwane nangue, 'Kasambilizia walanda nangue nsita yane yapalama ku nghanda yobe i kundikuliila Pasaka pamo ni basambi bane.'" ¹⁹Basambi baile kuteania biliobya Pasaka nga mubaaninue na Yesu.²⁰Musita wa kyungulo Yesu waabambile kulia pamo ni basambi bakue likumi na babili. ²¹Lubaali balimukulia, Yesu waabaanine, "Namyana kisinka nangue umo pakati kenu alikunmpaana." ²²Basambi bakue lubaunvwile evio, baafiitilue sana ni kubamba kumwipuzia umo umo, "We Mulopue, ni nene?"²³Yesu waabaasukile, "Ozo undikutobela nakue pamo mu nsaani i alikunmpaana. ²⁴Mwina muntu alikufua nga mulandiile malembo. Inzi muntu alikumupaana mwina muntu, asyeme,ni kuvyalua kansi nga taavyelue" ²⁵Yuda ni ye waalandile, "Atiwe kasambilizia, pange ni nene!" Yesu waamwanine, "Muwalandila i mwenka."²⁶Lubaali balimukulia, Yesu waabuulile mukate wamusantila Leza, wamokola, wabapeela basambi bakue nikulanda, "Ale poke mulie, ozu i mubili wane."²⁷Kabili waabuulile kikombe wamusantila Leza, wabapeela walanda, "Minemo bonse, ²⁸Ozu i mulopa wane wa kipingo kya lenu wakaba kuzuumiiziwa bengi pa mulandu wakubeeleela bibalo byabo. ²⁹Namyana kisinka nangue, nsikikamina kabili divai ya ku mazabo a mizabibu mpaka bobo busiku bunaakamina nenu divai ya lenu mu Bukolo bwakua Tawe."³⁰Kupwako, baimba lwimbo, bafuma ni kuya ku lupililwa Mizeituni. ³¹Kabili Yesu waabaanine basambi bakue, "Bono busiku, mwe bonse mulikubutuka ni kunsia bunke nga mulandiile malembo nangue, 'Leza waakepaya musungi, ni kisepe kya mikooko kyaakasalanghana.' ³²Inzi pankatuntumuka, naakamitangilila ku Galilaya."³³Petro waasukile wamwana Yesu, "We Mulopue, nene wene nsikakusia anzia kine bange bonse bakakusie." ³⁴Yesu waamwanine Petro, "Nakwana kisinka nangue bono bwenka busiku kazenze pakasinabike, ulikusangua wasyankeene litatu nangue teunmanine." ³⁵Petro waamwaasukile Yesu, "Ata paye paali syani, nene nsiya kukukaana. Kine nikufua, naya nfue nobe." Basambi bange bonse nibo baalandile evio vyenka.³⁶Kabili Yesu waile pamo ni basambi bakue ku nkendo yaali yakuutua Getisemani. Waabaanine basambi bakue, "Ikale pano nene naya kolia ku kupepa." ³⁷Waaamutweme Petro ni baana babili bena Zebedeo. Waunvwile bulanda ni kikonko. ³⁸Kupwako wabaana, "Naunvua sana bulanda mu mutima mwane nga ne umiine kufua, Syale pano mukeesie pamo nane."³⁹Waile pa ntanzi kanini, wapona kyuba ni kupepa walanda, "We Tawe, kine kuti kyavindikika, nfumiiziepo keki kikombe kya lyemo, tekuti kikitike muntoneene, inzi nga muntoneene." ⁴⁰Yesu waabwelele ku basambi bakue batatu ni kusanga baonene. Waamwanine Petro, "Eba, ni syani? mwaandua kukeesia pamo nane ata sie nsita imo? ⁴¹Keesie mwapepa mukeeza kuponena mu lubembo. Mutima ulumine, inzi mubili utopele."⁴²Kabili Yesu waile ku kupepa, waapepele walanda evi, "We Tawe, kine tekuli musango wa kufumiapo keki kikombe kya lyemo, kili sie bwino kita muutoneene." ⁴³Waabweleele kabili ku basambi bakue ni kuya kusanga baonene, baandilue kukeesia. ⁴⁴Kabili Yesu waabasiile lya butatu ni kuya kupepa walimukulanda sie bimonke.⁴⁵Kupwako wabwelela ku basambi bakue. Waabaanine evi, "Ati emwe, ni lenu mukyonene sie mwatuuzia? Mone nsita yakupaanua mwina muntu ku balwani bakue yakumana. ⁴⁶Buuke tuye twaya! Mone, muntu wakunmpaana ozu waiza."⁴⁷Yesu luali wakilandasie evio, Yuda umo wa pa basambi likumi na babili waile ni bantu bengi baisapiile bipanga ni tupini. Baba bantu baali batuminue na makolo a babitambua pamo ni masiiko. ⁴⁸Yuda waali wabapeele kalangi waalandile, Olia muntu undikuya kukumbatila i wenka wa kuti muye mukwete."⁴⁹Yuda waile walungheeme kuli Yesu ni kulanda, "Mwapola kasambilizia," Kupwako wamukumbatila. ⁵⁰Yesu waamwanine, "We kibuza, ale lenga ukite kiumiine kukita." Kupwako babo bantu baya kumukwata Yesu ni kumutwama wakakilue.⁵¹Umo pa babo baali pamo ni Yesu waasomwene kipanga kyakue ni kumsepa kutui kwakua mubombi wakua kitambua mukulu. ⁵²Yesu waamwanine, "Ewe, biika kipanga kyobe mu kitubo, pantu onse aliwaipaana na kipanga waakeepawa na kipanga. ⁵³Teumanine nangue kuti nalomba Tawe antumine sie lenu lyenka bamalaika bengi kukila mabumba likumi na abili a bamalaika besapiile ni kwiza kunkwasia? ⁵⁴Eba, ale belia bilembelue mu malembo kuti byafikiliziiwa syani?"⁵⁵Kabili Yesu waabeepuziizie babo bantu baile kumukwata, "Mwaizila ki kunkwata mwatweme bipanga ni tupini nga ne kabooko? Unvue nsiku yonsenaali naikeele pamo nenuni kusambilizia mu nghanda yakua Leza, inzi temankwete. ⁵⁶Bebi byonse, byakitikila sie kuti malembo alembelue na bakabika afikiliziwe." Kupwako basambi bonse babutuka ni kumusia.⁵⁷Babo bantu baamukwete Yes, baamutwele ku nghanda yakua Kaifa Kitambua Mukulu. Bakasambilizia ba mizilo pamo ni masiiko baile kukolonghana koko kwenka. ⁵⁸Inzi Petro waile wamukonkele Yesu bwa kule mpaka kuya kufika mu musolo wa nghanda yakua Kitambua Mukulu. Wailekwikala pamoni balukale evi amone kulikupeleela milandu yakua Yesu.⁵⁹Makolo a babitambua pamo ni kilie kyonse baabambile kukeba kisininkizio kya bufi palwakua Yesu kya kuti bamwipailepo. ⁶⁰Anzia kine bantu bengi baile kulanda bintu bya bufi palwakua Yesu, taasangilue na mulandu. Pa mpeleezio, kwaile bantu babili ⁶¹Baalandile, "Ozu muntu waali walanda evi, 'Nene ndi ni buvinde bwa kutuuta nghanda yakua Leza ni kuikuula mu nsiku itatu.' "⁶²Kitambua mukulu waimeene ni kumwipuzia Yesu, "Ewe, ale viusilimukwasukapo kantu pa bobu busongezi?" ⁶³Inzi Yesu waataleele sie tondolo. Kabili Kitambua Mukulu waamwanine, "Nakwana ulande kisinka mu liina lyakua Leza Mukose, landa kine wewe uli Kristu mwina Leza." ⁶⁴Yesu waamwaasukile, "Ee,i evio vyenka. Kabili namyana nangue kutula lelo mwaakamona mwina muntu waikeele ku kulio kwakua Olia wa maka onse, Kabili mwaakamumona paakeeza pa malezi a mu muulu."⁶⁵Penka papo kitambua Mukulu wakaata kale ngubo yakue ni kulanda, "Mwaunvua, wamufuupula Leza ale tulikukebela ki kabili bunge busininkizio? Mwaiunvwila kale vialimukumufuupula Leza. ⁶⁶Ati, ale mwemue mwamonapo syani?" Baamwaasukile, "Ee, kisinka ozu muntu alubile, apalile epawe."⁶⁷Kupwako bamutiila mate ku menso ni kumuuma mapi, ni bange baali bamuuma balanda nangue, ⁶⁸"We Kristu, inika wakuuma kine nani."⁶⁹Pa ozo musita, Petro waali waikeele panze pa musolo. Mwanakazi umo mubombi waapaleeme pali Petro wamwana, "Wewe waba wali pamo ni Yesu wa ku Galilaya?." ⁷⁰Petro waakeene pa menso a bantu walanda, "Ata, ni biulimukulanda biine nsibimanine?"⁷¹Kabili Petro luafumiine panze, mubombi unge mwanakazi waamumwene ni kubaana bantu baalipo nangue, Ozu muntu waba wali pamo ni Yesu wa ku Nazareti." ⁷²Kabili Petro waakeene walanda, "Nalapa sie kisinka, ozu muntu nsimumanine."⁷³Lupaapitile sie musita unini, bantu babili baali baimeenepo, bapalama kale pali Petro bamwana, "Kisinka wewe uli umo wa mu balia bantu pantu nandilo yobe ipaleene ni yabo." ⁷⁴Kupwako Petro wabamba kwilapilila sie bisonga walanda, "Emwe, ndikulapa syani? Kisinka ozu muntu nene nsimumanine," Papa ni papa kazenze kabikakale. ⁷⁵Kupwako, Petro walanguluka keebo kaalandilue na Yesu nangue, "Kazenze pakasinabike waakasangua wasyankeene litatu." kwenka kufumina sie panze walimukulila ni kukolosia mensozi.

¹Busiku lubwaakiile makoloa babitambua ni ange masiiko baamutekeele Yesu kilie kya kumwipaya. ²Lubaamukakile, baamutwele kuli kateeka Pilato.³Yuda olia waamupeene Yesu ku balwani, luamwene nangue Yesu watanua nsambu ni kwanua kuti afue, wainikile nangue wakiluvia. Waalangakeene kuti aye abwezie nfolanga makumi atatu ku makolo a babitambua ni masiiko a Bayuda. ⁴waabaanine, "Emwe, ne nakiluvia pa kwipaizia muntu nghwana asili na mulandu." Bene baamwaasukile, "Fwefue te mulandu wetu, inzi ni obe we mwine." ⁵Kupwako Yuda kwenka kusia sie wapooza nfolanga mu nghanda yakua Leza ni kuya kwikaka.⁶Makolo a babitambua aatoolele nfolanga ni kulanda, "Mu mizilo yetu tetupeelue nsambu ya kubiika ezi nfolanga mu kipao kya mu nghanda yakua Leza pantu ni nfolanga ya mulopa." ⁷Lubaitabizyenie evio, baasitile nkendo ya bulongo bwa ngeso. Ezio nkendo yaasitiilue kuti iye yaziikwamo baeni. ⁸Ezio nkendo ni lenu kumo iliyakuutua nkendo ya mulopa.⁹Ni pakako, baafikiliizie keebo kaalandile kabika Yeremia, "Baabuulile nfolanga 30, ozu i mutengo baawaapingwilue na Baizraeli wa kuti bamusisie. ¹⁰Baasitilemo nkendo ya bulongo bwa ngeso nga vyanghanine Mulopue."¹¹Bantu baamutwele Yesu kuli kateeka wa kiropma, kateeka waamwipuziizie, "Ati, wewe uli likolo lya Bayuda?" Yesu waamwasukile, "Muwalandilan i mwenka." ¹²Kabili makolo a babitambua ni masiiko a Bayuda lubaali balimukumusongela, Yesu taalandile kantu. ¹³Pilato i pa kumwipuzia, "Ewe, kubako teunvwile bintu bibalimukukusyuta?" ¹⁴Inzi babili Yesu taamwaasukilepo kantu. Pilato kwenka kupeziwa sie maano.¹⁵Kubalua nsikunkulu ya Pasaka, kateeka waali wabeeleezie kubakakwila mukakua umo waali wasaakulua na bantu. ¹⁶Mu ezio nsiku kwaali kwali mukakua umo waali wakuutua baraba waali ngipaani.¹⁷Pilato waabeepuziizie bantu baali bakolongheene papo, "Ati, pa baba babili, Baraba ni Yesu Kristu, nani umutonene wakuti nmikakwile?" ¹⁸Pilato waalandile evio pantu waali wamanine bwino bwino nangue Bayuda baali bamupeene Yesu kuli wene pa mulandu wa bunkua bubaali nabo. ¹⁹Pilato luali wakikeele pa kitebe kya bupinguzi, mukazi wakue waatumine muntu umo aye amwane nangue, "Tekwiingizia mu milandu ya ozu muntu wa mponvu pantu naemanga sana busiku bonse mu kilooto pa mulandu wakue."²⁰Inzi makolo a babitambua pamo ni masiiko a Bayuda baabasongele bantu kuti balombe Baraba akakulue ni Yesu epawe. ²¹Kabili kateeka waabeepuziizie, "Pa baba babili, mutonene nmikakwilepo ni?" ²²Pilato waabeepuziizie, "Eba, ale ozu Yesu Kristu nmukite syani?" Bonse baazanzwile mazui balanda, "Mukonkomene pa musalaba."²³Pilato waabeepuziizie, "Ozu muntu wakiluvia ki?" Inzi bene baakilile kuzanzula mazui balanda, "Mukonkomene pa musalaba." ²⁴Pilato luamwene nangue papa tepalubuluka kantu, kabili nangue pali kuba kinvulunghania kikata, kwenka kutemuna sie menda ni kusamba ku minue pa menso a bantu walanda, "Nene nsili na mulandu pa lufu lwa ozu muntu. Ezi milandu ni yenu mwe bene."²⁵Bntu bonse baalandile, "Kili sie bwino, kansi mulopa wakue uye wali pali fwefue ni pa baana betu." ²⁶Kupwako Pilato kwenka kubakakwila sie Baraba ni kumusepwizia Yesu pamo ni kubapeela kuti baye bamukonkomene pa musalaba.²⁷Kupwako, balukale bakua kateeka bamutwala Yesu pakati musolo ku lupango kwaali bantu bengi, babo baakolongheene ni kumuzyungulukila. ²⁸Baamuvuulile ngubo yakue ni kumuvwika likooti lyakasi. ²⁹Kabili balema nghana ya myungamyunga, bamuvwika ku mutue nikumupeela litete ku kuboko kwa kulio ni kubamba kumufukamina balimukumupunika balanda, "Mwapola we likolo lya Bayuda."³⁰Kabili baamusatiile mate, bamupoka litete libaamupeele ni kumuuminakoku mutue. ³¹Lubaapwile kumupunika, baamuvuulile likooti ni kumuvwika ngubo yakue. Kupwako baya kumutwala kwa kuti bamukonkomene pa musalaba.³²Lubaali basyaya, baasaakeene ni muntu umo liina lyakue Simoni wa ku Kirene. Ozu muntu baamupatikiizie kuti amutwamieko Yesu musalaba. ³³Baafikile pa nkendo imo paali pakuutua Golgota, i kulanda nangue, kabongozio. ³⁴Baamupeele Yesu divai yaali yasanziiziwemo kansongua. Inzi luatompelemo, waakeene kumina.³⁵Lubaamukonkomeene pa musalaba, baabuulile ngubo yakue ni kuiteela bubale. ³⁶Kupwako baikala pansi ni kutendeka kumulinda. ³⁷Ni pa musalaba peulu mutue wakua Yesu baalembelepo evi, "Ozu i Yesu likolo bya Bayuda."³⁸Yesu waakonkomeenue pa musalaba pamo ni ngipaani ibili, umo kulio ni unge kuso. ³⁹Bantu baali bapita pa ezio nkendo, baali batensia mitue balanda, ⁴⁰"Ewe, wewe waali walanda nangue, 'Nene naakatuuta nghanda yakua Leza ni kwikuula pa kyamba kya nsiku itatu .' Kansi kine wewe uli mwina Leza, ale ipususie ufume pa msalaba!"⁴¹Makolo a babitambua ni bakasambilizia ba mizilo pamo ni masiiko a Bayuda, ni bo baabambile kumupunika balanda, ⁴²"Ozu muntu waapususiizie bengi! Ale papa epususie tumone, kine ozu muntu i likolo lya Baizraeli, ale kansi akooke pa musalaba evi ni fwefue tumuzumine.⁴³Ozu muntu waali wamuketekeele Leza, waalandile evi, 'Ndi mwina Leza.' Ale kansi Leza wakue amupususie kine amutonene." ⁴⁴Ezio ngipaani yaakonkomeenue pamo nakue, ni yo yaali yamutuka.⁴⁵Kutula koba mukati mpaka nsita itatu ya kyungulo, nfinzi yaakupiliile kyalo kyonse. ⁴⁶Luyaali yasyakumana nsita itatu, Yesu waangwile walanda, "Eloi, Eloi, lama sabakasani?." I kulanda nangue "Leza wane, Leza wane, wandekeela ki?" ⁴⁷Bantu baali baimeene pepi, bange baali basyalanda evi, "Ozu muntu alimukukuuta Elia."⁴⁸Penka papo muntu umo waya kale lubilo ni kubuula lifwafua watubia mu siki, watunga ku litete ni kumusumbwila Yesu afyompeko. ⁴⁹Bange ni bo baamukaaniizie balimukulanda, "Pembela tumone kine Elia alikwiza kumupususia!" ⁵⁰Kupwako, Kabili Yesu waangula ni kufua.⁵¹Ozo wenka musita kipembe kyaalimu nghanda yakua Leza kyakaatika pabukata kutendekela pamuulu mpaka pansi, kyalo kyaatentele ni mabue atobeka. ⁵²Bilibu byaalimo mibili ingi ya bantu bazuuke baali bafwile, ni byo byaizukile. ⁵³Yesu luatuntumukile, baba bantu baafumine mu bilibu nikuya mu muzi uzuuke, momo mubaamwenue na bantu bengi.⁵⁴Mukulu wa balukale pamo ni balukale bange baali bamulinda Yesu lubaamwene ntensi ni binge byaakitikile, baunvwile mwezoukata balanda, "Kisinka ozu muntu waali mwina Leza." ⁵⁵Paali ni banakazi bengi baali bamweneneene bwa kule, babo baali bamukonka Yesu ni kumubombela kutula ku Galilaya. ⁵⁶Pa babo banakazi, paali Maria Magdalena ni Maria nghina kwa Yakobo ni Yoze pamo ni nghinabo kwa baana bena Zebedeo.⁵⁷Lukyaali kyasyali kyungulo, muntu umo munonsi wa mu muzi wa Arimatea liina lyakue Yusufu waali musambi wakua Yesu, ⁵⁸Waile kumulomba Pilato amupeele mubili wakua Yesu. Pilato waamwitabiile ni kumupeela nsambu ya kuutwama.⁵⁹Yusufu waile kutwama lufu ni kuluvimba ngubo ya lenu ya kitani. ⁶⁰Wautweme ni kuya kuubiika mu kilibu kyakue kya lenu kyaali kyaimbilue mu libue ni kusia waizalapo kilibue kikata, Kupwako waya. ⁶¹Inzi Maria Magdalena ni Maria mwinakue, baasyele baikeele pepi ni kilibu.⁶²Busiku lubwakiile, busiku bwakuteania Sabata lubwaali bwasyapitile, makolo a babitambua pamo ni Bafarizeo baakolongheene kuli Pilato. ⁶³Baamwanine, "We kateeka, tulangulukile vyaalandile olia muntu wa bufi luali wakikosele nangue, 'Nakaba kutuntumuka pa kyamba kya nsiku itatu.' ⁶⁴Kansi tumako bantu bakuya kulinda kilibu mpaka nsiku itatu ikakumane, evi basambi bakue tekuti bakeeze kumwiba ni kwana bantu nangue Yesu wakituntumuka. Pantu bobo bufi nga bwaakabiipisia kukila bufi bwa ntanzi."⁶⁵Pilato waabaanine, "Muli ni balukale. Endo mulinde mumumaniine." ⁶⁶Ni kiine baile nabo ni kuya kusia babiikapo kalangi peulu libue ni kubaana balukale basyale balindile.

¹Sabata luyapitile, busiku bwa kileza ku makia , Maria Magdalena ni Maria unge baile ku kumona kilibu paakili lukeelekeele. ²Ozo wenka musita kwaakitikile ntensi ikata, pantu malaika wakua Mulopue waakookele wafuma mwiulu ni kuya kufumia libue pa kilibu.³Ozo malaika pa menso waamwenekele wabeeka nga kimpenimpeni, ni ngubo yakue yaali yaswetelesie pepepe. ⁴Bakalinda baali basyatutuma sie na mwezo ni kwaluka nga bantu bafwile.⁵Malaika waabaanine banakazi, "Mwemue tekutiine, nmanine nangue mulimukumukeba Yesu waakonkomeenue pa msalaba. ⁶Mone, mu kilibu talimo, watuntumukanga kale nga mualandiile. Ale ize mumone pa baamubiikile. ⁷Lenge muye mubaane basambi bakue nangue, 'Yesu atuntumukile, kabili mubaane nangue wamitangilila ku Galilaya. Koko i kumwakaba kumonana nakue.'"⁸Kupwako babo banakazi babwelelamo kale lubilo lubilo, bafuma ku mankabuli lubilo koku baunvwile nsansa ni mwezo mukati ni kuya kubabwilako bange basambi. ⁹Papa ni papa basaakaana kale ni Yesu, Yesu wabapozia, "Mwapola." Penka papo banakazi bapalama kale bafukama ni kumupupa koku bamukwete ku makasa. ¹⁰Yesu waabaanine, "Tekutiine ni nene, ale endo mubaane bakwane bakabe kuya ku Galilaya, koko i kwa kuti tukabe kumonana nabo."¹¹Banakazi lubaali basyabwela, bakalinda bamo baile kubwilako makoloa babitambua bintu byonse byaakitikile. ¹²Makolo a babitambua aile kukolonghana pamo ni masiiko ni kuteeka kilie evi babapeele balukale nfolanga ingi. ¹³Baabaanine, "Ale endo mwaya mubaane bantu nangue, 'Basambi bakue baizanga kumwiba busiku twaonene.'¹⁴Kateeka Pilato anzia kine akonvue, fwefue twaakamulondolwela byonse evi tekuti akamikite kantu." ¹⁵Ni kiine balukale bapoka nfolanga ni kuya kukita mubaaninue na makolo a babitambua pamo ni masiiko. Kutula Ozo musita mpaka lenu, leli lyasi ivilimanikile ku Bayuda.¹⁶Basambi likumi na umo baile ku Galilaya ku lupili lubaaninue na Yesu. ¹⁷Baakitilesie mukumumona Yesu, baponena pansi ni kumupupa. Inzi bange pakati kabo baali basyatwisika.¹⁸Yesu waabapalamiine ni kubaana, "Nene naapeelue buvinde bonse mwiulu ni pa kyalo. ¹⁹Ale endo mwaya mwalule bantu ba ntundu yonse kuba basambi bane, ni kubabatizia mu liina lyakua Tata, ni lyakua Mwana, ni lyakua Mweo Muzuuke.²⁰Kabili mukabe mwakasambilizia kunakila byonse binaamyanine, ni nenenaakaba pamo nenu nsiku yonse mpaka ku mpeleezio ya kyalo.

¹Ezi ni mabo kwa Yesu kristu, mwana wa akwaleza. ²Ngaevelia vyaandikilwe kulinabhi isaya, "kenta, natuma bhulayo bhwane mbele bhe, umo wakabha imba kutayarisha nzila yobhe. ³Lizuwi lyakwa muntu wakuta mukunika, "ikamili sie nzila ya kwa Bhwana aloleni nzila yakwe."⁴Yohana waizile kubhatizia mululambe ni kuhubhili bhubhatizo wa tobha kwa nkumbu ya lizambi. ⁵Mumuzi yonse ya Yudea ni bhantu bhonse bha muyesu salemu bhaile kwakwe. bhali bhabhatiziwe mukizibha kya yorodani, bhafukeme lyabho. ⁶Yohana wali wavuele vuazi a masako a ngamia ni musipi a ngozi mukitungu akwe, kabhili hubhanga waliya vizenga ni asali mukisuwi.⁷Wapozele mukunda ni kulanda, Uli umo wakabha kwiza nyuma yane ni bhavinde kukila nene, kabhili sili nabhavinde bhwakukakula nkamba ya vilato vyakwe. ⁸Nene nabhabhatizie kwa menda lakini wene onzo waiza wa kabha kubhatizia kwa muzuke ni mupasi.⁹Bhwafumine bhasiku bhobho wa kwa Yesu waizile kufuma ka nazaleti ya Galilaya, wabhabhatizwe kuli yohana mumwenzi ya Yorodani. ¹⁰Bhusiku bhobho walendikile Yesu kufuma pamenda, wamwene mulu wakasanika ni mupasi kufuma ku mulu waikala yuu yakwe. ¹¹Ni lizuwi lyafuma kumulu, "wewe ni mwana wane mutonwa. Unpendeziziye."¹²Kisiya mupasi wamukinkiziya kuya mukinika. ¹³Ubhanga waliko koko kukinika sinku makumi anaa ajaribiwe na shetani ubhanga wali ni bhanama bha kumwitu ni bhamalaika bhamu kwasizie.¹⁴Musita Yohana wakwetuwe, Yesu waizile kupoza mukunda kungalilaya kulanda mulandu wa kwaleza. ¹⁵Walandile, "mwifika wafika, ni bhukolo bhwakwaleza bhwapalama. lapiteni ni kuzumina.¹⁶Ni kupita mumbali mwa bahari ya Galilaya, wamumumwe simiuni ni Andrea bhaela mukwau mubahari, Pantu bhabhanga bhali bhalobhi, ¹⁷Yesu abhalanda nkonkeni, "nakabha kubhakita bhalobhi bha bhantu." ¹⁸Kabhili bhasile mukwau bhamukonka.¹⁹Yesu waendele nsita Unini, wamumwene Yakobho ni Andreya ni Yohana ni ndugu yakwe, bhali mubhwato bhali bhakita mukiwau. ²⁰Bhamusile bhabha wakwe zebhedayo munkati bhwato bhabho bhatumishi bhakodiwe, bhamukonka.²¹Bhafikile kukapelenaumu, bhasiku bhwa Sabato Yesu waingile kusinagogi ni kufundisiya. ²²Bhapapile kufundisiya kwakwe, kwa evelia vyafundisizie ngaevelia muntu uli ni bhuvinde.²³Kabhili kubhanga kwalini muntu kusinagogi hubhanga wali ni mupasi ubhipile, wakitile nsungu, ²⁴Walandile, "Tulini kiki kyakukita ni wewe Yesu wanazareti? Waiza kutuangamizia? nakumana, wewe ni muzuke wa leza!" ²⁵Yesu wasasisile mpempo ni kulanda, "talala nikufuma munkati mwakwe!" ²⁶Ni Mupasi uvipile wamuponiziye pansi ni kwanza kulila lizuwilya peulu.²⁷Ni bhantu bhonse bhapapile, eviyo bhaipuziniazie, "evino kiki? lisambiliziyo lya bhavinde? ala npempo ivipile imukindike!" ²⁸Ni mulandu onse wasalangana kila mukowa wa Galilaya.²⁹Ni pakufuma panze pa pa muzisinagoki, bhaingile munsesi ya Simioni ni Andrea ni Yakobo ni Yohane. ³⁰Mama mukwe wa simoni ubhanga walele wa ungwile oma, Papo wamwa nine Yesu mulandu wakwe. ³¹Eviyo wazile wamukwele kukubhoko ni kumulendula, nibhulwele kupuwa, ni kuanza kubhakwasiya.³²Liungulo kubha pakazimine, Pamutwalile bhonse kwakwe bhahwele, bhonse bhabhanga bhaingilwe ni npempo. ³³Bhonse bhakolongene pamulyango. ³⁴Wabhakosiziye bhalwele bhonse ni kufumiya npempo ingi, tebhali ni bhuvinde bhwakulo ndolola pantu npepo yamwinikile.³⁵Wabhukile lukelekele, bhubhanga yakili kafinzi, wabhukile ni kuya kuya kupepe kokoo. ³⁶Simoni ni bhose bhali pamo bhamukebhelele. ³⁷Bhamupatile ni kumwana, "kila umo wakukebha"³⁸Wabhanine, "tuye panze pa muzi uzyungikile, evi ngubhili. N sabhabu nizile panu." ³⁹Waile ni kupita mugalilaya yonse, kubiri musinagogi yonse ni kusasilila npempo.⁴⁰Wabhukoma waizile kwakwe. ni kumupapata; wafukeme ni kumwana, "kine wakebha, kuti wakita ni bhenaweme." ⁴¹Watintile ni nkumbu, Yesu waolwele kubhoko kwakwe ni mukwata, wamwanine nakebha. niyenali bhwino." ⁴²Papoo bhukoma bhwapiwile. wakitilwe kuya wali bhwino.⁴³Yesu wamusokele ni kumwana aye pamo, ⁴⁴Wamwanine akikisiya bhulazi kwa onse, lakini uye, Uwilangi siye kuya wali koani; ni kufumiya zabihu kwa sababu ya utakaso Musa walaiziziye, bhuye bhwali ushuda kwabho."⁴⁵Waile kulaiziya kila muntu kueneziyata Yesu wavindile kueneziya mumuzi wauru. Waikele pamo ni bhantu. bhaizile kufuma palepale.

¹Pabhwelele pakepelaumu pa bhusiku bhunini waungwikile bhu siku kunsesi. ²Bhantu bhengi bhakolongene tepabhanga fuasi, ata palia pa mulyango, ni Yesu walandile mulandu kwabho.³Kisiya bhantu bhazile kwakuwe ni kumuleta muntu wa bhulebhe; bhantu bhanaa bhali bhamutweme. ⁴Nsita pashandilwe kumupalama pantu a bhantu bhangi, bhabhusizie bhafumizie mutenge pamulu paliya pa bhanga wali. Ni pabhabhanga wali pasiyabhazwile lipulo, bhakosiziye bhutanda bhubhanga bhwalimo muntu ubhanga walebhele ubhanga wasendeme.⁵Pamwene imani yabho, Yesu wamulandile muntu abhanga walebhele, "mwana, wane, lizambi lyobhe lyapuwa." ⁶Inzi bhange bhakalemba bhaliya bhabhanga bhali bhali bhaikele paliya bhaipuziziye mumitima mwabho. ⁷"Wavinda muntu onzu kulanda evi? ulini matuka! nani uli wavinda kupapatiziya bhama zambi inzi ni leza bhunge bhwanke?"⁸Nsita Yesu wamanine mumatima mwakue kibhabhanga Bhalanguluka mukati kabho bhene. wabhalandile," kwa kii muli mwalanguluka evi mumitima yenu? ⁹Kabhili ulilengele saana kulanda kwa Muntu ulebhe, lizambi lyobhe lyapapatwa ao kulanda imaan, twamaa bhutanda bhobhe kabhili uye?¹⁰Inzi bhapate kumana ati mwana wa bhantu alini bulinibuvinde bwakupapatia mazambi mazambi mukyalo wabhalandile oliya ubhanga wale bhele. ¹¹"Nakulanda wawe bhuka, twama kasalo kobhe kabhili uye kung'anda kobhe." ¹²Waimene nsita imo nikutwama kasalo kakwe, kabhili waile panze pansensii tanzi ya kila muntu evio bhonze bhapapile ni kumupela leza bhukolo, kabhili byalanda "kisinka, tetuna mone mambo aza akatakisinka."¹³Waile kabhili pambali pamenda ni bhantu bhonse bhaizile kwa kuwe, ni kubhasambilizia. ¹⁴Pabhanga wali mukupita wamumwene mulawi mwana wa alifayo waikele kufuasi ya kukolongania bhulungo kabhili wamulanda "Waimene ni kumukonka.¹⁵Ni nsita Yesu pabhanga wali walimukupata cha kuliya mung'anda ya ozu mulawi, bhali bhakolong'aniya bhulungo bhengi ni bhengi ni asambi bhakwe, pantu bhabhanga bhali bhengi nabho bhamukonkele. ¹⁶Nsita bhakalemba, inzi, bhabhanga bhali bhama falisayo, Pabhamwene nanguwe Yesu alimukuya waliya ni bhantu bha mazambi ni bhali bhakulongnia bhulungo, bhabhalandile bhazia bhakwe, "kwaku uli mukuliya ni bhali bhakolongania bhulungo ni bhantu bhabha bha mazambi?"¹⁷Nsita Yesu paumvile eviwabhalandile, "bhabhanga bhalo nibhukose mumibhili tebhakebhele ng'anga ni bhantu bhalwele bhunke bhali bhamukebha. sinaizile kubhakuta bhantu bhali ni nsambu, inzi bhantu bha mazambi."¹⁸Bhasambi bha kwayohane ni mafarisayo bhali bhapepo. Ni bhangebhantu bhaizile kwakwe ni kumulanda, "kwa ku bhaambi bha yowane ni bhamafarisayo bhapepa, inzi bhasambi bhobhe te bhapepa? ¹⁹Yesu wabhalandile, "Siani bhaizile bhonse kubhwiinga kuti vinda kupepa ni nsita Bhwana wa bhwinga Tabhanga wali pamo nabho? kwa vyonse bhabha wabhwinga kama ukili pamo nabhote bhavinda kupepa."²⁰Inzi nsiku ya keza nsita bhabha wabhwinga npaka fumiwa kwabho ni munsiku eziyo nabho bhakapepa, ²¹Tekuli muntu aliwabhila lubhenga lwa ngubho kungubho lya kale bhingeko kikamba cha kyabha kufuma kufuma kuweziyo kyalenu kufumako, kabhili kwa kaluka kabhazuka kwa vipile.²²Tekuli muntu aliwabhika divuwai ya lenu mbhili bha bhyokale bhingeko ni divuwai yakabhi vipasula vilibha ni vyonse bhilibhili divawai ni bhilibha bhyakazeza. pali pakuwe, bhika divuwai ya lenu mubhilibha vya lenu.²³Munsiku ya sabhato Yesu wapitile kunge kumakabha, ni bhasambi bhakwe bhabhambile kutwama vinge mazabho ang'ano. ²⁴Ni mafarisayo bhamulandile, "Kenta, kwaki bhakita kintu kisiweme mkubhupingulo munsiku ya saba?"²⁵Wabhalandile, "Temwabhelengele keliya kyakitile Daudi abhanga wali mukukebha ni nzala- Wene pamo ni bhantu bhabhanga bhali Pamo nakwe? ²⁶Kinsi bhayaile mung'anda ya leza nsita abiathari pabhanga walikikoluwe mukulu kabhili walile mukate wabhikilwe tanzi waluvizie mubhupingulo muntu onse kuliya inzi kikolwe- kabhili wabhapele atabhange bhabhanga bhali pamo nakwe?"²⁷Yesu walandile, "Sabhato yakitilwe juu ya Muntu, Te muntu juu ya sabhato. ²⁸Kwa eliyo, mwana wa bhantu ni Bhwana, ata kwa Sabhato."

¹Kabhili wangile mukati mubhikulwa ni moliya mubhanga mwali ni muntu ulin kubhoko walebhele. ²Bhange bhantu bhabhanga bhamukonkelele kwa pepi kumuna kama ali kumukosiya nsiku sabhato inzi Pantu bhamusitakile.³Yesu wamulanda muntu uli ni kubhuko ulebhelke, "Fwinuka wimane pakati a bhantu bhabha." ⁴Inzi wabhalanda bhanda bhantu, Siani ni bhwino kukila Vintu viweme nsiku ya sabhato ao kukita yasiweme. kurusula maisiya ao kuipaya?" Inzi bhasiele tondolo.⁵Wabakenta kwa kipuki, wafipwa pantu juu yakukosiya mitima yabho, kabhili wamulanda oliya muntu, "olola kubhoko kobhe. "waolola ni Yesu wamukosiya kubhoko kwakwe. ⁶Bhamafalisayo baya panze ni nsita bakita malondolozi pamo ni bhaelode kisinka kyakwe inzi kumwipaya.⁷Nsita Yesu pamo ni bhasambi bhaile kumenda, bhantu bhengi bhantu bhabhakongele kufuma ku galilaya ni kuyahudi, ⁸Ni kufuma kuyeruzalema ni kufuma kuidumaya ni ntanzi ya menda ni pepi ni sidoni, bhantu bhengi, pabhaumvile kila muntu kya bhanga, bhaizile kwakwe.⁹Kabhili wabhalandikile bhasambi bhakwe kuteyaniya bhwato bhani ni juu yakwe juu ya bhantu, inzi pantu tekuti bheze kumutinta. ¹⁰Pantu mupasi ubhipile pabhamumwene, bhaponene pansi tanzi yakwe ni kulila, kabhili bhalaandile, "wewe ni mwana wa wa leza."¹¹Ponse mupasi ubhipile pabhamumwene, bhaponene pansi tanzi yakwe ni kulila, kabhili bhalandile, "wewe ni mwana wa leza." ¹²Wabhalandile kwa sininkizia tekuti akite kumanika.¹³Waile kulupili, kabhili wabhakutile bhalia bhatonene, nabho bhaile kwakwe. ¹⁴Kabhili wabhasakwile likumi na bhabhili balia bakutile bhaziya, inzi pantu wewe pamo nawe wavinda kubhatuma kusimikila, ¹⁵Ni kuyabali ni maka akufumiya mazini. ¹⁶Kabhili wabhasakula likumi na bhabhili: Simioni, wapelwe lina lya Petelo,¹⁷Ni Yakobo mwana wa Zebedayo, ni Yohane lupuwa lwakwe yakobho, wapeluwe lina bonagesi nabho ni nibhana bhakatuto, ¹⁸Ni Andreya, niFilpo, ni Batolomayo, ni Matayo, ni Tomasi, ni Yakobo mwana wa alifayo ni tadeo, ni simoni mukana nayo. ¹⁹Ni Yuda sikali yota wene iwene iwamupozele.²⁰Nsita waile kung'anda ni bhantu bhaizile pamo kabhili atekuti bavinde kuliya ata mikate. ²¹Lupuwa lwakwe pabhaumvile punde ezio bhaile kumu kwata nangawe bhalandile, "wailukwa ni mulangwe." ²²Bhaka lemba bhaizile kufuma kueluzalema bhalandile, "waingiluwa na bhelezeburi, " ni kwa kiko kikoluwe wa npepo wafumia npepo."²³Yesu wabhakutile kwakuwe ni kulanda nabho kwa mulumbe, "Kinsi ki mulwani wa vinda kumufumiya mulwani? ²⁴Kama ni ufualume ngawaka sanika wine ufalume ozo to vind kuimana. ²⁵Nga ning'anda teiyakasanika ine, ng'anda ezio te ivinda kuimana.²⁶Kama mulwani alikulenduka kyamba kyakwe mwine ni kuka sanika tavinda kuimana kabhili alikufika munpela kwakwe, ²⁷Inzi tekuli ata umo ali walinda kuingila mukati ka ng'anda ya muntu wa maka ni kubhokola Vintu vyakwe bila kumukaku kuli n maka ntanzi, kabhili kukolongania kilimo mung'ande.²⁸Kisinka nabhalanda zambionse ya bhana bha bhantu akasulwe ko pamoi ni mipulula ni bhali bhapingula, ²⁹Inzi onse alikumupulula mupasi muzuke alikusuluwako kisinke inzi oliya ukebhele mazambi amuyayaya." ³⁰Yesu walandile elipantu bhabhanga bhalimukulanda, "alinimupasiufitile."³¹Inzi ngina wakwe ni lupuwa lwakwe baizileni ni kuimana panze bamutuma muntu, kumukuta. ³²Ni bhwingibhwa bhantu bhabhanga bhaikele pepi nakwe bamulanda, "nokobhe ni lupuwa lobhe bhali panze, kabhili bakukebha wewe."³³Wabhapingwile, "nani ngina wane ni lupuwa lwane?" ³⁴Wabakentele babhanga bhaikele bamuiziyungu kile kabili walanda, "kenta, babha ni bangina bhane ni lupuwa lwane! ³⁵Onse uliwakita kutona kwa leza, muntu ozu ni lupuwa lwani ni nkazi ya mwine ni ngina wane."

¹Kabhili wabhambile kwambiliziya mumbali menda. nibawingi bhwa bhantu bakolongene bamuziyunguluka bamuziyunguluka wingila mukati mubhwato pamenda kukata. bhwingi babhanga bhali mumbali menda. ²Kabili wabhasambilizia mambo engi kwa milumbe, kabhili walanda kwabho kwa masambiliziyo akwe.³Twiliziye uliwabhyala kubhaya. ⁴Pabhanga waliwabhyala, mbezi yaponene munzila, ni tuni twaiza kuliya. ⁵Mbezu inge yaponene pamutamba, te pabhanga palimateke engi. nsita yaumine, pantu tepabhanga yali nabhulongo bhwingi.⁶Inzi kobha pakalapukile, yaumine ni pantu teibhanga yalinimizi, yaumine. ⁷Mbezuinge yaponene pamiunga miunga yakulile ni kuipitilila kabhili teyaviele mazobho onse.⁸Mbezu inge yaponene pa bhulongo bhuweme ni kuvyala mazabhonsi atatu npaka ni inge makuni sita ni inge mia." ⁹Kabhili walanda, "onse ulini matuw akumvua, aumvue!"¹⁰Yesu pabhanga wali bhunke bhwakwe, balia babhanga balipe pinakwe ni bhaliya likumi ni bhabhili bhamwi puzizie kwa milambe. ¹¹Walanda kwabho, "kwenu mwapelwa nkama ya ufalume wa leza. Inzi pabaliya bali panze kila kintu ni mulumbe. ¹²Inzi banketa eviyo kukenta, inzi tebhamwene, ni kwa eviyo pabhali bhamvua iyeviyo kumvua, inzi tebhenikile, kama te eviyo ngabhapibhukile kuli leza ngawa bhauluziye."¹³Kabhili walanda kwabho, "Siani temumanine milumbee mulikuvinda siani kumana milumbe inge." ¹⁴Wakubhyala wabhyele mulandu. ¹⁵Binge ni bhaliya baponenee mumbali mwanzila, inzi mulandu wabhyeluwe. Ni pabhawaumvile, nsita mulwni kwiza ni kutwama mulandu inzi wabhyeluwe mukati kabho.¹⁶Ni bhange ni bhaliya bhabhyelwe pamu tamba, Inzi, pabhaumvua mulandu, kwa lubhilo bhapokelele kwa makola. ¹⁷Ni kabhili bhali na mizi yonse mukati kabho, inzi bhasinpo kwa nsita ipi. alafu kuwema ni bhyukyuzi pabhyaiza pantu ulandu nsita bhaiputala.¹⁸Ni bhange ni bhaliya babhieluwe pamiunga. baumvua mulandu, ¹⁹Inzi kuema kwa kyalo, babhepuwa kwa nsita na nkuta ya mambo engo bhabhengila ni kuvitinta milandu, kabhili yanuwa kuvyala mazabho. ²⁰Kabhili klinibhalia bahielive kubhulongo bhuweme. baumvua mulandu ni kupokelela ni kuvyala mazabho: bhange makumi atatu, ni bhange makumi sita ni bhange miaimo."²¹Yesu wabhalanda, "Siani kuya wataletalampi mukata anganda ni kuibhika pansi pakipanda ao pansi pabhulita? ni kule la mukati ni kubhika pa mulu pamwenekele. ²²Pantu tekuli kyonse kifikile inzikisimanika, kabhili tekuli nkama isikabhikwa paswetele. ²³Tayaalipo wamatui akumvua aumvue!"²⁴Kabhili wabhalanda, "muye mwakalamukile kwa keliya kimwamvua, Pantu kipimo ki mwapenda, kimwaka pendelwapo, kabhili liyaka lundaniwa kwenu. ²⁵Pantu wene ali nakyo wokapokelela sana ni oliya usilinakyo, kufuma kwakwe vyakatwa mwa ni bveliya vyalinavyo."²⁶Walanda, "ufalume wa leza wapalamiwa nimuntu wabhiele mbezu mubhulongo. ²⁷Pasendeme bhusiku ni kubhuka lukyakiya ni mbezu ya vumba ni kukula, inzi tama nine vyakitikile. ²⁸Kyalo kyafumiya mbezu ine tendeko mani inzi butoto, inzi imbezu ikosele. ²⁹Nsita mbezu paikabha kukula yapya nsita yatwala mundu, pantu kuzombola kwa bhezil."³⁰Kabhili walanda, "tupalaniye ufalume wa leza ni kintuki, "tutumine mulumbeki wakulanda?. ³¹Ngaeveliya mbezu yakaputunsi, inzi paya eluwe ike pele saana kuliko mbezu yonse mukyalo. ³²Ata, nsita payabhielue, yakula kwaluka ikata saana yabhamuti bhyonse ya mumunana, kabhili yakita masambo akata ata toni twa kumulu twavinda kukita vinswa bhabho mukintalelo kyakwe."³³Kwa mulumbe wingi wasambiliziziye kabhili walandile kwa mulandu kwabho kwa kinsi ibhavindile kumana. ³⁴Kabhili tatendele nabho bila mulumbe. Inzi nsita ya pabhang'a wali bhunke bhwakwe, wabhalanda kila kintu wa sambi bhakwe.³⁵Munsiku eziyo, nsita ya lingulo payafikile, walanda kwabha "Twende kubholia bhwala." ³⁶Evibhasia bhantu bamutwama Yesu Nsita eziyo nka abhang'a walimukati ka bhwato mato ange abhango alipamo nakwe. ³⁷Ni mwela kukata wa kipupu ni mabhimbhi abhanga aingila mukati kabhwato nibhwato inzi bhubhanga bhwaizuzi.³⁸Inzi Yesu mwine ibhanga wali ni makaa walele mukatu bhamubhusiya, bhalanda, "Sambilizia tomwene fefuwe twafwa?" ³⁹Kabhili wabhuka, wausalila mwela wali ukulanda tang'anika, "mwelaupuwe, wapuwa." mwela waimana kabhili kubhanga kwatalele kabhisa.⁴⁰Kabhili walanda kwabho, kwakii mwatina? Siani temuli ni imani kisinka?" ⁴¹Bhaizulile mwenzo ukata mukati kabho ni kulanziyania bhene kwa bhene, "ozuu nani kabhili, Pantu atamwela wa mumenda wamukindika?".

¹Baizile mpaka bwengo bhunge bhwa bhubhili, mumukoa wagelasi, ²Yesu pabhanga wali wafuma panze pa bhwato, muntu uli ni pepo ivipile waizile kwakwe kufuma kunsinsi.³Muntu ozu waikele kunsinsi. Tekuli wavindile kumu bhweiziya sana, tekuli ata kwa Mikufu. ⁴Abhanga wakakile nsita inda kwa vyuma ni mikufu waputwile mikufu ni vyuma vyakwe vyachonenwe Tekuli ata umo abhanga wali ni makaa akumukila.⁵Bhusiku ni kobha walisiye kunsinsi ni kumpili, walilile ni kuitetateta wene mwine kwa mabhuwe anonekele. ⁶Pamumwene Yesu bwakule, wabhutukile kwakwe ni kufwinama tanzi yakwe.⁷Walilile kwa lizui likata, "Wakebha nkukitile kiki, Yesu mwana wa leza ali kumulu? nakupapata kwa leza mwine, tekung'emia." ⁸Pantu abhanga wamulandile, "mufume muntu ozu, wewe pepo ibhipile."⁹Nawe wamwipuzizye, "Lina lyobhe ulini?" ni wene wamupingula, "lina lyane ni legion, pantu tulibhengi." ¹⁰Wapapatile kabhili ni kabhili tekuli abhatwale panze pamukowa.¹¹Lenu likundilikata lyangulubhe libhanga lyanimukulisiwa pamulu lupili, ¹²Nabho bhapapatile, balanda, "tulaiziye kwa ngulubhe, tuingile mukati kabho." ¹³Evyo wabhalandile; mpepo ivipile babhafumine ni kuingili mukati mwa ngulubhe, nabho bhabhutukiile pensina palupili mpaka mumenda, Ni kupalamina ngulubhe elufu ibhili yazimine mumenda.¹⁴Ni bhaliya babhanga bhali mukusunga ngulubhe bhabhutukile ni kufumiya mpunda vyakitikanga mumuzi ni mukyalo. kusyali bhantu bhengi bhafumine kuya kumona vyakitikile. ¹⁵Inzi bhaizile kwa Yesu kabhili bhamumwene muntu ubhanga waingilwe ni mpepo- ubhanga wali ni bhalukale- waikele pansi wavuwikilwe, kabhili wali milangwe wakwe kisinka, nabho bhatinine.¹⁶Bhaliya bhabhanga bhamwine kyakitikile kwa muntu ubhanga waingilwe ni mpepo bhabhalandile kyakitikile kwakwe ni mpeka ngulubhe. ¹⁷Nabho bhatendekele kupapata aye mumukowa wabho¹⁸Nipabhanga wali mukuingila mukati kamwato, muntu abhanga waingilwe na mpepo wapapatile inzi aye pamonakwe. ¹⁹Inzi tamulandile, inzi wamulandile, "ndowaye kung'anda kobhe ni kwa bhantu bhobhe, kabhili ubhalande kyakikita bhwana, ni kumbu ya kupele." ²⁰Ivyo waile wabhambhile kupunda mabo akata akitile Yesu wakita kwakwe mudekapoli, ni kila umo wapapapile.²¹Ninsita Yesu paabhukile kabhili bhwengo bhunge, mukati kabhwaato, bhwingi bhwa bhantu bhakolong'ene kumuzunguluka, pabhanga wali kubhwala kwa menda. ²²Ni umo wa mukulu wamukipwilo, wakutwa yailo, waizile pamumwene, waponene munsina maulu akwe. ²³Wamupapata sana, walanda, "mukaziana wane mwanike wakebha kufuwa. Nakupapata, iza ibhike mabhoko yobhe pamulu pakwe inzi pantu avinde kupata bhukose ni kuikala." ²⁴Ivyo waile pamo na kwe, ni bhengi bhantu bhanmu konkenkele nabho bamuntile pepi bamuziyungu luka.²⁵Kubhanga kwali ni mwanakazai inzi milopa yakwe ibhanga yafuma kwa miaka likumina ibhili. ²⁶Waemene saana pansi pamatabhilibhu bhene kabhili wabhonviziye kila kintu kyabhanga walukanayo. Hata iviyo tebhiya mukwasize kwa vyonse, inzi pange yakwe wakilile kuya wakila kulwana. ²⁷Waunvwile punda juu ya Yesu. Hvyo waizile kyamba kyakwe nsita pabhanga waende mukati kabhwingi, nawe wamukumiziye ngubho yakwe.²⁸Pantu walandile, "Kama nakumiziye maubho akwe siye nde kukosa." ²⁹Pamukumiziye, kufumuwa milopa kwalekela, kabhili wainvwile mumubhili wakwe pantu wakosiziwe kufuma muliyemo yakwe.³⁰Ni penka Yesu wamanine mukati mwine pantu makaa amufumine. kabhili wapilibhukile koku ni koku mubhantu ni kuipuziya, "Nani wankumya kungubho yane?" ³¹Bhaziya bhakwe bhamulandile, "wamona bhantu bhabha bhakutintatinta bakuzizungulikila ni wewe walanda, "Nani wankumiya?" ³²Inzi Yesu wakentele koku ni koku kumona wakita evi.³³Mwanakazi, wamana vyakitikanga kwakwe, watinu ni kututuma. Waizile ni kupona Pansi tanzi yakwe ni kumulana kisinka kyonse. ³⁴Walandile kwakwe, "mukaziana imani yakwe yakukita ukose, Ndo waye kwa bhwino kabhili uko siwe kufuma kumalwele obhe."³⁵Pabhanga wali wali wakiziyunguluka, bhange bhantu bhaizile kufuma kwa mukulu wakikulwa bhalanda, "mukaziana obhe wafuwa. kwaki kuililila kumwemiya kasambiliziya?"³⁶Inzi Yesu paunviwile keliya kibhalandile. wamulandile mukule wakikulwa, "Tekutina zuminasiya." ³⁷Tamutumine onse kuya pamo nakwe, inzi petero, ni Yakobo ni Yoane, Lupuwa lakwe Yakobo. ³⁸Baizile kung'anda kwa mukulu wakikulwa naye wamwene lizibho, kulila kwingi ni kulosiya.³⁹Paingile mung'anda, wabhalandile, "kwaki mwafipwa ni kwaki mwalila? mwana tunafuwe inzi wendeme." ⁴⁰Bamusekele, inzi wene wabhafumiziye bonse panze, wamutweme bhabha wa mwana ni ng'ina ni bhaliya babhanga bali pamonakwe, kabhili waingile mukati mwabhanga wali mwana.⁴¹Watweme kubhoko kwa mwana kabhili wamulanda, "Talitha koum, "inzi ni kulanda, "mukaziana munini, na kulanda, bhuka." ⁴²Panka mwana wabhukile ni kwenda (pantu ubhanga wali ni miaka likumi na ibhili). Penka bakwetuwe ni mpapiyo ikata. ⁴³Wabhalandile kwa makaa pantu tekuli onse ufwanine kumana milandu uzi. Kabhili wa bhalandile bhamupele uliya mukaziana kya kuliya.

¹Kabhili wabhuka papo nikuya kumukwabho, Nibhasambi bakuwe bamkone, ²Sabhato payafikile, Wabhambile kusambilizia mubhikulwa. bantubengi bamviwile bampapa. balanda, "Wapapi Masambilizioaza?" ³"Siani wozu teoliawakukita Vitebhe, mwana wamaliamu niluwalwabo, ni bhayakobhiyoze, ni Yuda ni simoni? Siyani nkazi wakuwe tebhekele penka papapamo nifu,?" kabhili tebhatonene na Yesu.⁴Yesu wabhalanda, "kasesema tapusa mkinzi inzi ingamumuziwa kuwe ni mutimwalupuwa nimung'anda mwakuwe." ⁵Tavindile kutenda mabopapo, inzi wabha bhikile mabhoko bhalwele bhani wabhakosia. ⁶Wapapiziwe sana pantu yakusizumina kwabho inzi wabhyendele miziyapepi walimku sambilizia.⁷Wabhakutile bhaliya basambi bhakuwe likumina bhabhili wabamba kubhatuma bhabhili bhabhili wabapele buvinde Juyampepo ivipile. ⁸Ni kubhapingula tekuti watwame kimbala, walasakimale, walamakuta mumifuko; ⁹Inzi bavwale bhilato, nikabhili apanatubhana tubhili.¹⁰Kabhili wabhalanda, "nsesiyonse imukabha kuingila, ikalepapo paka pamkabhakuya. ¹¹Nimuzi wonse usiliwabhapokelela walakubhatuwilizia, Fume kwabho, ikunke lufunko lwamaulu yenu, ibheni kisinkizio."¹²Nabhobhaile bhalimkupunda bhantu bhazumine nikulekela mazayabho. ¹³Bhabhakumbile mpepoingi kabhili bhasubile mafuta bhalwele ni nikukosiwa.¹⁴Likolo Elode paumvule azo, pantu lina lya Yesu libhanga lyamanikile sana bhengi bhalandile, "Yowane kabhaizia wafuma kubhafuwa pantuevio, azamaka yakitika yakitamilo mukati kakuwe." ¹⁵Bhange bhalandole, "Whozu ni Elia," Nibhange bhalandile, whozu nikasesema, ngaumo wabhalia bhakasesema bhakale."¹⁶Inzi Elode paumvwileaza walanda, "Yowane unaputwile mtuwe wafuma kubhafuwa." ¹⁷Pantu elomwinewala izizie Yowane Akwatuwe nikabhili wamkakite mkolokoloni Juyaelodia (mukazi wamkulu bhewakuwe Filipo) pantuwene ubhanga wa muipalile.¹⁸Pantu Yowane wamlandile elode, "tebhino kusaka mukazi wamkulubho ni." ¹⁹Inzi Elode wabhambile kumusula nikabhili ubhanga walonene kumuipaya inzi tavindile, ²⁰Pantu Elode wamtinine Yowane wamane pantuni wansambu muntu wakisinka, kabhili liwamile bhwine. kabhilini lilile kumululwizia wafwasilesana, inzi watonene kumutwilizia.²¹Atapayafikile nsitaine yapalama nsiku yakuvyaluwa Elode wabhateyani zizie bhuteko bhwakuwe nsikunkulu, nibhakulu bhabhalukale, nibhakulu bhakugalilaya. ²²Pankamkaziyana wa Elodia waingila nikukinda tanziyabho, Elode watona nibhaeni bhabhanga bhaikele sitayakyakulia kyalyongulo penka mfwalume wamlanda mkaziana, Ndombe kyonse kilikutona ninene nilikukupela."²³Wamlanda ni kulenda, kyonse ulikundomba, ndekukupela, atakanini kabhufwalume bhwane." ²⁴Wafumapanze wamvipuzia nginawakuwe, "Ndombeki?" Walanda, "Mutuwe wayowa ni kabhatizia." ²⁵Nisintaimo waingila kwmfwalume watendeka kulanda, "Nakebhaumpele mkatikansani, mutuwe wakwayowane kabhatizia."²⁶Mufwalue wanuninesana, inzipantu yakula pakwakuwe nijuya bhaeni, tavindile kumkanina malombi yakuwe. ²⁷Evio, Mfwalume watuma basilikale mubhalia bhakulinda kwakuwe ni kubhalaizia ndondetele mutuwe wayo wane. kalinda waile mutuwe wayo wane. Kalinda waile kumteta mtuwe pabhanga wakakiluwe. ²⁸Kabhili waletamtuwe wakuwe munsani. nikumupela mukaziyana, ni mkaziyana wampela ngianawakuwe. ²⁹Nibhasambi bhakuwe pabhaumvwilele azo bhaile kutwama mubhili wakuwe bhaya kubhundila msinsi.³⁰NIbhazia, bhakolongene pamo ntazi ya Yesu, bhmulandaonse abhakitile niabha sambhilizizie. ³¹Nawe wabhalanda, "izemwe bhene pangepa mbali nikutuzia kwansita." bhantu bhengi bhabhanga bhaiza ni kubhwele atatebha bhatile nsitayakulia. ³²Evio baselele kumasuwa baile fwasi pa bhunke bhwabho.³³Inzi bhabhamwene bhalimu kuya nibhengi bhabheinika, kwapamo bhakundikile kwamaulu kufuma mziyonse, nabhi bhafikile ntanzi yenu. ³⁴Pabhafikile, kunze wamwene bhingi bhwabhantu kabhili abhwaulumia, pantu bhabhanga bhalinga evelia mikokoisili. nabhasungi. kabhili watendeka kubhasambilizia mabhoengi.³⁵Nsita payailililesana, bhasambi ba mwizila bamlanda, "panunipafwasi papambali ninsita yaililila. ³⁶Bhalae bhaemumizi yapepi ninkutu inzi baisitile kyakulia."³⁷Inzi wabhapingula, "bapele memue kyakuli." bamlanda, "twavinda kuya kusita mikate ilinimtengo yapepi miaibhili nikubhapele bhalia?" ³⁸Wabhalanda, "ulinimikate ingo? ndomwae mumone." papabhatile bamland, "mikateisno nisabhiibhili."³⁹Wabhapingula bantu bhekale tubhubha pamulu vikusi bbhisi. ⁴⁰Bhabhekazia tubhumba, Mabhumba amamia kwamakumiasano. ⁴¹Inzi watwama mikate isano nisabhi ibhili, nikukenta kumulu, wakuta kabhili wabhapela bhasambi bhabhike ntanzi yabhantu nikabhili wakasania sabhi ibhili kwa bantu bhonse.⁴²Balile bhonse pakabhaikuta. ⁴³Bakolonganizie vipande vyamikate yasyele, vyazulile vikapo likuni na bhibhili, nlipenka vipande vya nsabhi. ⁴⁴Kabhili bhabhanga bhali bhalalume elufuisano bhalile mikate.⁴⁵Kinsita wabhalanda bhapiluke kumasuwa Baekufwasinge, mpaka kubetesaida, nsitawene wabhaile mabhumba. ⁴⁶Pabhabhanga bhasiya bhukile, waile kulupili kulomba. ⁴⁷Pakwalukile lyungulo, nimasuwa abhosita ezio abhangaalia pa bhukata pamenda, nawe abhanga wali bhunke kunze.⁴⁸Kabhili wabhamwene balimkuwema kusoza makafi pantu mwela. Pabhanga wapalama lukelekele wabhaila walimkwenda pamulu menda, kabhili watonene kubhapita. ⁴⁹Inzipabha mwene waenda pamulu menda, baingiluwe ni mwenzo balanguluka nikizimu kabhili bhasamizie. ⁵⁰Pantu bamumwene baumvua mwenzo. nsita wlanda nabho wabhalanda, "muye mwalumine! ninene tekubhe ni mwenzo."⁵¹Waingila mukati kamasuwa. nimwela wa lekela kuemia, nabho bamupapa kabisa. ⁵²Evio tebhabhanga bhamanine manaya elia mikate pantu mulangwe wabho ubhanga walimnini.⁵³Nabho pabhabhukile pa bhwala, bhafikile kukyalo kyagene saleti masuwa apoza kankundi. ⁵⁴Pabhafuminepande pamasuwa, kinsi ta bhamumana. ⁵⁵Babhutuka kupunda mumukoa wa lingi kabhili bhatendeka kubhaleta bhalwele pakipoi, kilapabhau mvwile atiwaiza.⁵⁶Ponse paingile mumizi, ao mukutu, ao mkyalo, babhabikile bhalwele pansoko nikumupapata tebhapingula kukumia kukapapa kangubhoyakuwe nibhonse bamukumizie bakosisiwe.

¹Mafarisayo ni bhange bhakalemba pantu bhangabhali bha fumine kuye rusalemu bakolongene kumuzunguluka wene.²Khabili wa mwene khubha inzi ya bhasambi bhakwe balile mikate kwa mabhoko avipile pantu teyasambilwe. ³Kwa malisayo ni bhayuda bhonse ntendeko npaka bhasamba mabhoko abhoo byuno, bakwati lile misango ya bhakulu nsita. ⁴Mafarisayo pabhabwila kufuma kufwasi pansoko ntanzi npaka bhasambe ntanzi, kabhili kulibupingulo kunge inzi bhubakonkele sana, ibhanga yalipano ni kusamba makopo ni mipaka, ni viloko vya noro ni vitembe vilivya mbomba nsita ya kulya.)⁵Mafalisayo ni bhakalemba bhamwipuziziye yesu, "kwaki bhasambi bhobhe bhekele ni bha abho abhakulu bhabho, kwaki bhaliya mkate pasilikusamba minue?"⁶Inzi wene wabhalandile, "Isaya kasesema wasesemene bwino inzi memwe bavipile, walembele, 'bantu bhabha bankindika wa milomo yabho, inzi mitima yabho ilikulee ni nene. ⁷Bankitila kulongana kuvipile basambilizize bupingulo bwa bantu ingavelya mapokelelelo abho. '⁸Mwansia bupingulo bwa leza ni kukwatilila kwa lubhile nisango ya bantu." ⁹Kabhili walanda kwabho, "Mwankana bupingulo bwa leza kwa lubhilo inzi pantu mtunze misango yenu! ¹⁰Pantu Musa walundile, 'mukindike bhabha abhe ningina obhe, ni wene walanda bivipile juu ya bhabha wakwe ao ngina wakwe kisinka wa kabhwakufua.'¹¹Inzi mwalanda, 'kama muntu talanda kwa bhabha wakwe ao mama wakwe, " kukwasiwa nkonse inzi ingamwapokelele kufuma kwane ni bukonto bwaki pwilo, "(eviyo nikulanda ati, 'yafumiyo kwaleza') ¹²Eviyoo twampingula kukita mabo yonse juu ya bhabhaao ngina wakwe. ¹³Mwaikita bupingulo bwaleza kuya bwabhufi kwakule ta mibele yenu. ni mabo yengi yakinsi ezio bi mwakita."¹⁴Wabhakutila mabumba nkabili ni kubhalanda, "muntu ilizie nene, memwe bhonse, kabhili mung'umvue." ¹⁵Tekuli kyonse kufima panze pamuntu inzi kyavinda kumufisiya muntu pakya ingila kwakwe. inzi nikelya kilikyamfuma muntu kili kya winona. ¹⁶(Kwata musiko ozu, "kama muntu woonse alinamatuwi akumvua amvue" tolimo mulupapulo lwakale').¹⁷Yesu pabhasile mabumba ni kuingila mung'anda, basambi bhakwe bamwipuzia ati mulumbe ozo. ¹⁸Yesu walanda, "memwe penka temunamane? temumwene pantu kwonse kilikyamwingila muntu tekivinda kumfisi ¹⁹Pantu tekivinda kuya kumitima wakwe, inzi kilikyaingila munda mwakwe ni kabili kyapita kuya mukabine. kwabhulanzi bhobhu Yesu wavikitile vyakulia vyonse kuyabhali bhwino.²⁰Walandile, "nikelia nikelya kyamfuma muntu kilya munona. ²¹Pantu kyafuma mukati mwamwitu, panze pamutima mwafuma mulangue muvipile, bukabwe, luibho, kuipana. ²²Bukabwe, nkulu ivipile mabhipe kubhe, kusendamana, bhaivu, misatu kwitona bhulubi. ²³Mabhipe aza yonse yafuma mukati, inzi alya amufisia mwitu."²⁴Wabhukile kufuma palia nilwendo kuya kumukoa watilo ni shidoni. Waingile mukati tatonene muntu onse amane ati abhanga walupalia, inzi teyavindikile kumufika. ²⁵Inzi penka mwanakazi inzi mwana wakwe munini abhanga ali ni npepo ivipile waumvule mpunda yakwe, waiza, nikupona mwinsina maulu akwe. ²⁶Mwanakazi ozu abanga wali muyunane. nikabila yakifoinike. wapapatile wene amukumbe mpepo kufuma kwa mukaziana wakwe.²⁷Yesu wamulanda mwanakazi, "baleke bana walisiwe tanzi, mpantu tesawa kutwama mukate wa bhana ni kupozela tubhua." ²⁸Inzi mwanakazi wamupingula ni kulanda, "eviyo bwana, ata tubhua pansimameza twalia mavunga abhana."²⁹Wa bhalanda, "Pantu walanda evi, ndowaye. mpepo ya mufuma mukaziana wobhe." ³⁰Mwanakazi wabhelele kun'ganda kwa kwe ni kumusangamukaziana wakwe wasendeme kubutanda, ni mpepo ibhanga yamufumine.³¹Yesu wafumine kabhili panze pamukoa watilo ni kupita kusidoni kuilila kumeda galilaya pakanda Dikapolisi. ³²Kabhili wa mletele muntu abhanga ali mpokoto kabhili tebhanga wavinda kutenda bhino, bapapatile Yesu abhabhikile mabhoko juu yakwe.³³Wamufumize panze pakipwilo kwa kama, kabhili wa bhika minue yakwe kumatui akwe, inzi tateme ne mate, wakumizie lulimi lwakwe. ³⁴Wakentele kumulu wafumene ni kumulanda, "Efata, evio ni kulanda" kukako!" ³⁵Ninsita elainka matuwi azibhuka ni kibhanga kyakwete lulimi kyanonenue nikuvinda kutenda bwino.³⁶Wabhapinguilwe tekwitiwamulandwe muntu onse. inzi wa ngasika wayabalandile evio vivapundile punda ezio kwabwingi. ³⁷Kisinka bapapiziwe, nikulanda, "wakita kila kintu bwino ata wabhakita bhampokoto kumvua nitumeme kutenda."

¹Munsiku ezio kubhanga kwali kabhili ni bhungi bwa bhantu, tebhabhanga bhali ni kyakulia. Yesu wabhakuta bha Sambi bhakwe wabhalanda. ²"Naulumia bhinhi bwa bhantu bhabha, bhailila kuya bhali ni nene kwa nsikuitatu kabhili tebhali ni kyakulia. ³Nakibhasalangania bhabhwele kumasesi kwabho bila kulia kutibavinda kupenzuka muzila kwa nzala. bhange bhabho bafuma kulee sana." ⁴Basambi bakwe bampingula, "tulikupata mikate ingi kubhekusia bhantu bhabha mufasienu yasiluwe?"⁵Wabhepuzia, mulinimabhenga ango amikate?" Balanda, Sabha." ⁶Wabhalandile bhantu bhaikale pansi. Watweme mikate sabha, wamutasia leza nikuityona. Wabhapela bhasambi bhakwe babike tanziyabho, nabho bhabhike tanziyalibubha.⁷Penka babanga bhali ni masobi anini akepele, ni papwile kupepa, wabhalandile wazia wakwe bhabhakasanie evipenka. ⁸Balile nikwikuta. Nikukongania mabhunga asiele, vikapo vikata sabha. ⁹Bapaleme bantu elfu ina kwabhiliwabhasile bhaye. ¹⁰Nsitawaingile kumasua ni bhazia bhakwe, nikuya kukanda wadalimanuta.¹¹Nsita mafaliayo bafumine panze nikutendeka kubhisania nakwe. Batonene abapele mabo kufuma mumulu, wakumupenda. ¹²Watonto kania sana mumutima mwakwe walanda, "kwa ki luvyalo lolu lwakeba vintu? Na bhalanda mamwe kisinka, tekuli mabo akabakufumiwa kwaluvialololu." ¹³Nsita wabhasia, waingila mukati mwamasua kabhili wabhuka kua bweng bhunge.¹⁴Nsita ezio bhazia bhalabhile kutwama mikate. tebhabhanga bhali namikate inzi ya kibhenga kimo kibhanga kiali mumasua. ¹⁵Wabhalanga wabhalanda, "muyemwali menso kabhili muilinde kukilako machenja ya mafalisayo ni chenja ya elode.¹⁶Basambi batenzania bhenekwa bhene, "Pantu tetukwete mikate." ¹⁷Yesu wa manine evi, nikubhalanda, "kwaki mwatenzania juu ya kupusamikate? temnamane bado? temmanine? mitima yeno yalenga?¹⁸Mulinimenso, temwamona? Mulinimatui, temwamvua? tetangulukile? ¹⁹Panakasanizie mikate isano kubhantu elfu isano, mwiatweme cikapo vinga vyaizulile vibhenga vyamikate? Bamupingula, "Likuminabhili."²⁰"Nipana kasanizie mikate sabha kwa bhantu elfu ina, mwatweme vikapo vinga?" ²¹Balanda, "Sabha. "Wabhalanda, "temnamane?"²²Baiza betesaida. Bantu bhabho bamletele kwa Yesu. Muntu mpofu ni kupapata kwa Yesu amukumie. ²³Yesu wamkwata kukubhoko olya mpofu, nikumtangizia panse pamzi pafyilile lute kumenso kwakwe ni kolo la mabhoko yakwe juu yakwe, wamwipuzizie, wamo na kyonse?"²⁴Wakentele mumulu ni kuland, "namona bhantu bamoneka ngavimute vyaenda." ²⁵Basi paolwele kabhili mabhoko akwe juu ya menso yakw muntu oliya wakakukile menso yakwe, wakentele kabhili wamwene, nikumona kilakintu kiweme. ²⁶Yesu wamsile aye kung'anda ni kumlanda, "tekwingila mumuzile.²⁷Yesu wabhukile nibhasambi bhakwe kuya mutumizi twakaisalia ya philipi. Bali munzila wabhupuzizize bafundua, "bantu landa nene dini?" ²⁸Bampingula balanda, "Yowane kabhatizia. Bhange bhalanda Elia ni bhange umo wabakasasama."²⁹Wabhepuzia, "inzi mwemue mwalanda nenedini?" Petelo wamulanda, "wewe ni kristu." ³⁰Yesu wabhalanga tekutibhamlande muntu onsejuu ya wene.³¹Kabhili watendeka kubhasambikizia nangue mwana wabhantu pakaemiwe kwa mabo engi kabhili wakabha kwiimananinua na bhakulu ni bhikolue bhakulu nibhakalemba kabhili wakabla kuipawa, kisia nsiku itatu wakabhuka. ³²Walandile aza paswetele inzi petro wamtwama pambali nikutendeka kumsasilila.³³Inzi Yesu wapilibukile ni kubhakenta bhafundwa bhakwe nikumsasilila petelo nikulanda, "pitakiamba kyane mulwani toumanine mambo ya leza, inzi mambo ya bhantu." ³⁴Nsita wakutalibhumba ni bhafundwa bhakwe pamo, ni kubhalanda. "kama kilinimuntu atonene kunkonka, aikane mwine atwame msalabha wakwe nikunkonka.³⁵Pantu wonse utonene kuposula maisia yakwe wakabhaku yazezia, niyonse wakazezia maisia yakwe juu yane ni juu yamasimikilo, wakabha kwapusula. ³⁶Amukwasia kiki muntu kupata kyalo kyonse inzi kupata mabhipe amasia akue? ³⁷Muntu avinda kufumia kiki inzi juu ya maisia akwe?³⁸Onse aliwamwene bhusoni ni milandu yane muluvyalolola abhu kabwe nivyalo lwabhama zambi, mwana wa bhantu wakiamumwena bhusoni pakeia mufalme wa bhabha wakwo pamo ni bhamalaika bhalubhutu.

¹Kabhili walandile kwabho, "Kisinka ndanda kwenu, bhange bhenu kulibhantu bhaimene panu tebhakaonza lufu inzi kumona ufalme wa leza waizakwa maka." ²Kisinsiku sita, Yesu wabhatweme petele, Takobho ni Yohana wane pamo nakwe kulupili, bhynke bhwabho, Inzi wabhambile kwaluluka Tanziabha. ³Ngabho yakwe yabhabhile kubheka sana, aswetele sana aswe inzi mangalisaji onse pakyalo.⁴Inzi Eliya pamo ni Musa balapukile tanziyabho, babhanga bhali mkutenda nakwe Yesu. ⁵Petero wapinguile wamulanda Yesu, "kasambilizia nibhwino fefue kubha panu, kabhili tukule masesi atatu, ni kimo kyobhe, nikimo kya Musa ni kinge kya Elia." ⁶(Pantu tamanine kiki kyakulanda, watinine sana.)⁷Lilezi lyalapukile nikuvavimba. lizui lyafumine mulilezi lyalanda, "Hozu ni mwana wane untonene. Mumvue wene." ⁸Penka pabhanga wakentele, tebhamumwene bhonse pamo nabho inzi Yesu siye.⁹Pabhabhanga bhali bhakoloka kufuma kulupili, wabhapingule tekuti balande kumuntu wonse alya onse abhakimona, mpakamwana wa bhantu pakafuma kubhafwa kufuma kwa bhafu. ¹⁰Inzi babhikile mambo bhene bhenka. inzi bhatendele bhene kwa bhene ni kiki manayakule. "kubhusiwa kufuma kubhafua"¹¹Bamwipuzizie Yesu, "Kwaki bakalemba balanda nangwelia eze tanzi?" ¹²Wabhalanda, "kisinka Elia wakeza tendeka kupusolavintu vyonse. kwaki yalembwa mwanawa bhantu pakapate bhukiuzi bwingi nikusuluwa? ¹³Inzi nalanda kwenu Eliya waizilekale, kabhili bhamkitile ngakinsi ivatonene, ingavelia malembo bhiali yalanda inzi wene."¹⁴Nipa bhabhelele kubhasambi, bamwene libhumba likata lyabhuzungulukile ni mafalisayo bhabhanga bhale ngululana nabho. ¹⁵Nsinsta pabhamumwene, libhumba lyonse lyapapile nikumukundukila kumupozia. ¹⁶Wabhepuzizie bhazia bhakwe, "Mwalengululana na bhojuu yake?"¹⁷Umo wabho mulibhumba wamupinguile, "wasambilizia wakimleta mwanawane kobhe, alinimitima uvipile inzi wa mkita tekuti wavinde kutenda, ¹⁸Nikulimulengia kututuma ni kumponia pansi, nikufuma kifulu kukanua ni kukeketania meno ni muumaa. Nakibhalomba bhazia bhobhe kumfumia mpepo, inzi tebha kivinda. ¹⁹Wabhapinguile, "Luvyalo lusiswapile, nabhakuikala nimwemwe kwa staki? Nakabha kutwaminana ni mwemwe patansistaki? mlete kwane.²⁰Bhamletele mwana wakwe. mtima uvipile pamumwene Yesu, penka yamukutile kubhamba kututuma. mlumendo wa ponene pansi ni kufuma bifulu kukanua. ²¹Yesu wamwipuzia bhabhawakwe, "waluka muali ezi kwastaki? Bhabha walandile, tangubhwana. ²²Nsita inge uliwapona kumulilo ao kumenda nikupenda kukeba kumwipaya kama ulikuvinda kukita kyonse twa papata kabhili utukwasiye."²³Yesu wamulandile, "Kama uwiteniazie? kila kintu kyakitika kwa wonse wazumina." ²⁴Penka bhabha wamwana walilile nikulanda, nazumina? nkwasie kusizumina kwane." ²⁵Nsita Yesu pamwene libhumba lyabhutukila kwabho kwa msasilile mtima uvipile ni kulanda. "wewe mtima kameme nimpokoto na kulanda mleke, tekuinila kwakwe kabhili."²⁶Waililile kwa maka ni kumwemia mwana ni mupasi wanu fumumine. Mwana wa mwene kele inga wa wafua, inzi bhengi bhalandile, "wafua" ²⁷Inzi Yesu paingile mukati bafundua bakwe bamwi pozizie kumbali kwaki tetwakivinda kumfumia?"²⁸Nsita Yesu paingile mukati bafundua bakwe bamwi pozizie kumbali, "kwaki tetwkivinda kumfumia?" ²⁹Wabhalandile, "kwa namuna ezi tafuma inga kwamalombi."³⁰Bafumine palia ni kupita kugalilaya. Tatonene muntu wonse amane kubhali, ³¹Pantu abhanga wali mukusambilizia bhafundua bhakwe wabhalandile, "mwana wa bhantu wakabha kufukiwa mumabhoko mwa bhantu, kabhili bakabha kumwipaa pakabha kuya wasafile, inzi nsiku itatu wakafuma kubhwafua kabhili. ³²Inzi tebha manine malondozi aza, bhatinine kumwipuzia.³³Inzi pabhafikile kapelanaumu, Nsita walimukati kanginda wamwipuzizie, "mwilemwandaki munzila"? ³⁴Inzi bhangalitondolo. inzi bhanga bhali mukulengulana munzila atinani abhangawali mukulu sana. ³⁵Waikele pansi wabhakuta likumi na bhabhili pamo, kabhili watendele nabho, "Inga yonse watonene kuya wali watendeko, ni kweeli abhe ni mpela ni muzia wonse."³⁶Wamtumwe mwana munini wabhika pabhukata bhwabho wamtumwa mumabhoko akwe, walanda, ³⁷Wonse uliwampokelela mwana inga ozu kwalina lyane penka wapkokelela nene, nikuyalimuntu wampokekeke ntampokelele nene siye, inzi mpeka wantume."³⁸Yowane wamulandile, kasambilizia twakimumona muntu aliya fumia mpepo kwalina lyobhe twamkania, pantu takonkele." ³⁹Inzi Yesu wlandile, "tekumkanie, pantu tekuli wakakita milo ikata kwa lina lyane nipapo sitainge waland mlando uvipile onse juu yane.⁴⁰Onse usilibwino ni fefuee ulibwengo bwetu. ⁴¹Onse wakabtakukupela likopo lya menda akumina pantu ali kristu, kisinka nabhalanda, wakapokelela kilambu kyakwe.⁴²Onse aliwabhanzia bhabha bhanini baswampile nene inga kiweme kwa kwe kukakiliwa libhue lyakupele lapo mumukosi nikupozua mamenda. ⁴³Inzi kubhoko kobhe ngakuluvia utete. ni bhwino kwingila mubhukose bhila kubhoko kuliko kuingila kubhupingulo kuya walini mabhoko onse. Mumulito usilowazima." ⁴⁴(Kindika mulembo hozu, "inzi papo vunza tawali wafua na mulilo usili wazima. "Tolimo mulupaplo lwakale).⁴⁵Inzi kulu kobhe nga kwakuluvia teta. Ni bwino kobhe kuingila mubhukose kuyawali kite, inzi kuliko kupozwa mumulilo ni maulu abhili. ⁴⁶(Kindika: Musikohozi," inzi pantu vunza tafua na mulilo usiliwavinda kuzima "teulimo lupaplo lwakale).⁴⁷Ngalinso lyobhe lyakufipa lipatule. ni bhwino kobhe kuingila muufalume wa leza kuya walii na linso limo, kuliko kuya menso abhili ni kupozwa kumfinzi. ⁴⁸Palya palivunza usiliwafua, ni mulilo usiliwazima.⁴⁹Pantu kila umo wakakwiziwa na mulilo. ⁵⁰Mukele uweme, kama mukele ngawazezea makola akwe uli kukitasiani uyewaweme kabhili? Muye mwali ni mukele mkatikenu mwebhene, kabhili muye mwali ni makola kwa kila umo."

¹Yesu wabukile kufwasiezio waile mumukoa wa uyaudi ni fuasi yatanzi yamenda kuyorodani, nimabhumba amkonkele kabhili. wabhasabilizizizye kabhili, ingakinsi ibhanga yali pali wene kukita. ²Ni mafarisayo bhaizile kumpenda ni kumwipuzia, ni bhwini kwa mwalalume kulekana ni mukazi wakwe? ³Yesu wabhapingula, "Musa wabhalandileki?" ⁴Bhalandile, "Musa watulandile kulemba lupapulo lwakulekana ni kabhili kumukumba mwanakazi."⁵"Pantu mitima Yenu ilumine ndomana wa bhalembele bhupingulo bhobhu, "Yesu wabhalandile. ⁶"Inzi kufuma tendeko yakubhumba, leza wabhalandike mwalalume ni mwanakazi.'⁷Pantu evi mwalalume wakabhakumusia bhabha wakue ni ng'ina wakue kabhili bakabha kulundaniwa pamo, ⁸Ni bhabho bhabhwiwi bakabha kwaluka mubhili umo, pantu tebhabhili kabhili, inzi mubhili umo. ⁹Pantu eviyo kyalundaniziye leza, Muntu tekutiakilekanie.¹⁰Pabhabhanga bhali mukati kang'anda, bafundea bhakue bhamwipuzia kabhili inzili ¹¹Wabhalanda, "Onse wamusia mukazi wakwe nikutola. mwanakazi unge, wakita bhukabwe inzi yakue. ¹²Mwanakazi naye nagawamwisia mulume wakue nikusakuwa na mwalalume unga, wakita bhukambwe."¹³Nabho bhamulete bhana bhabho bhanini inzi abhakumie, inzi bhafundwa bhakue babhasasilila. ¹⁴Inzi Yesu pamanine lelio, tatonene nalo kabhisa wabhalanda, "Wapingule bhana bhanini bheze kwane kabhili tekubhakania, pantu bhalinga bhabha bhukolo bhwa leza ni bhwabho.¹⁵Kisinka nabhalanda, onse asilimukupokelela bhukolo bhwaleza inda mwana. munini kisinka tavinda kuingila mubhukolo mwaleza. ¹⁶Inzi wabhatweme bhana mumabhoko akue wabhabhariki ni kubhabhikila mabhoko akue juu yabho.¹⁷Nipabhambile lwendo lwakue muntu umo wamubhutukile nikufukama ntanzi yakue, wabhalanda, "kasambilizie uweme, kitekiti inzi nvinde kupiana bhukose bhamuyayaya?" ¹⁸Ni Yesu walanda, "kwakiki wankuta uweme" Tekuli uweme, inga leza bhunke. ¹⁹Umanine amuri, Tekuipaya, tekuka bhukabwe, tekuibha, tekulanda bhufi, tekubhepa mkinde bhabha ni noko'."²⁰Muntu olia walandile, "kasambilizia, aza onse naakindika tangu pambanga nakili mulumendo." ²¹Yesu wamukentele nikumtona. Wamulanda, "wabhuluwa kintu kimo ufanine kusisia vyonse viulinavyio upele bhapabhi, tabhili wakabhakuya ni bhukonto kumutu inzi wize unkonke." ²²Inzi waputwile kisink pantu yamalondolozi aza wabhukile wali wavumbile, pantu ubhanga wali nibhonsi bhwingi.²³Yesu wakenta koku ni koku ni kubhalanda bhafundwa bhakue, "ni kisinki ibhili vyalumine kwa munonsi kuingila mubhukolo bwa leza! ²⁴Bhafundwa bhapapiziwe kwa milandu ezi. Inzi Yesu wabhalanda kabhili, "bhana nikinsiki kinsi ibhilumine kuingila mubhukolo bhwa leza." ²⁵Ni kisinka ngamia kupula mulipulo lya kabhilo kupita munonsi kuingila mubhufumu bwa leza.²⁶Bapapiziwe sana nikulanziania, "evio nani wakapusuka" ²⁷Yesu wabhakenta ni kulanda, "kwa muntu tevindika, inzi tekwaleza. Pantu mulileza yonse yakitika." ²⁸"Petero watendeka kutendanakue, "kenta twasia vyonse nikukukonka."²⁹Yesu walanda, "Kisinka nabhalanda memuwe, tekuli wakisia ng'anda, ao mukulubhe, ao nkazize ao ng'ina ao bhabha, ao bhana, ao bhulongo, juu yane, ni juuu ya masimikilo, ³⁰Inzi wakapokelela mala mia sana ni sana panu pa kyloi ng'anda mukulubhe, nkazize ng'ina, bhana, nibhulongo, kwakusakana, kwa kyalo kyaiza, bhukose bhwa muyayaya. ³¹Inzi bhengi bhalibhantanzi bhakaluka bhampelezio ni bhampeleziao bhakaluka bha ntendeko."³²Pabhabhanga bhali munzila, kuya kuyerusalema, Yeu abhangawatangile tanzi yabho. Bhazia bhapapile, bhalia bhabhanga bhakonkele kyamba bhatinine. Penka YesuWabhafumia mubali kabhili bhalia likumi nabhabhili watendeka kubhalanda kelia kyakabhakumulapukila evi pepi. ³³"Kenta, twaya Yeruzalema, ni mwana wabhantu wakabhakufikiwa kwabhakulu ni bhakalemba. bakabhakumpingula afue kabhili bakabhakumfumia kubhantu bhakukyalo. ³⁴Bhakabha kumusevaniya, bakabha kumfwila mate, bakabha kumuma nfimbo, nikumwipaya. inzi nsiku yabhutatunwakabhuka."³⁵Yakobho ni YOhane bhana bha zebhedayo, bhaizile kwakue ni kulanda, "kasambilizia, twakukebha utukitile kyonse kitwa kulomba." ³⁶Wabhalandile, "Mwakebha mikiteleki?" ³⁷Balanda, "tupingule twikale niwewe mubhupalo bhobhe, umo mumabhoko obhe kwakulio ni unge kubhoko kobhe kwakuso."³⁸Inzi Yesu wabhapinguile, "temumanine kimwalomba. Mwavinda kukimininako likopo inzi ndekumini nako ao kusipa lubhatizio inzi ndekubhatiziwa?" ³⁹Bhamulanda, "twavinda Yesu wabhalanda, likopo lindikumininako, mwakabhakumini nako nilubhatizio inzi kwabho nabhatiziwa mwakabha kuvinda. ⁴⁰Inzi wakekala kukubhoko kwane kwakulio ao kubhoko kwane kwa kuso tenene wakufumia, inzi nibhalia kwabho yapwile kuteyaniwa."⁴¹Bhaliabhazia bhange likumi pabhaumviwle aza bhatendeka kubhasasilila Yakobho ni Yohane. ⁴²Yesu wabhakuta kwa kue ni kulanda, "mumanine kubha bhalia bhalangulukilwa kubha bhabhuteko bhwa bhantu bhakukyalo bhabhemanina, nibhantu babho bhakisinka bhabhalangisia maka abho.⁴³Inzi teifanine kubha evi pakatikenu onse wakabhakuyawali mukulu pakati kenu inzi abhabhombele. ⁴⁴Ni yonse wakabhakuyawali wantendeko pakati kenu inzi abhemwizia wa bhose. ⁴⁵Pantu mwana wa bhantu taizile kubhombeluwa inzi kubhomba, nikufumia maisha akuwe kubhasambu kubhange."⁴⁶Bhaizile kuyeriko. Pabhanga waya kuyeriko nibhafundwa wakuwe ni libhumba likata mwana watimayo, Batimayo, mpofu wakulomba, waikele mumbali mwamusebho. ⁴⁷Paumvwile ati ni Yesu wa kunasareti, wabhambile kusamiya ni kulanda, "Yesu, Mwana wakwa Daudi napapata!" ⁴⁸Bhengi bhamusasilile olia mpofu, bhamulana talala. Inzi wlilile kwa lizui sana, "Mwana wakwa Daudi napapata!"⁴⁹Yesu waimena ni kupingula akutuwe. Bamkutile olia mpofu, bhalanda, "Uyewalinimaka! Fwinamuka! Yesu wakukuta." ⁵⁰Waipoza pabali likoti lyakuwe, wakunduka sana ni kwiza kwa Yesu.⁵¹Yesu wamupingula ni kulanda, "wakebha mkukitikiki?" olia mwalalume mpofu wampingula, "Kasambilizia na kebha kumona." ⁵²Yesu wamulanda, "ndowaye. Imani yobhe yakukosia. "paponka menso akuwe amona, kabhili wamkonka Yesu mumusebho.

¹Nsita ezio pabhaizile kueluzalema, pabha paleme besta. fage ni betania, mlupili lwamizeituni, Yesu abhatumine bhabhili pakatikabho kabhafundwa bhakwe. ²Kabhili abhalandile, "Ndomwae kumuzi kilipepi nifyefyee. Nsita palimkuingila momo, mulikusamsanga mwa namuliponda inzi tanaseluepo. Mkakule nikumleta kwane ³Kama wonse tabhalanda, 'kwaki mwakitaevi? mufywianine kulanda,' bhwana watulaizia ninsita alikumu bhwezia panu."'⁴Baile nikumusanga mwina punda wakakiliwe panze pamliango kumlembo ulipaswetele, nabho bhamkakwile. ⁵Nibhange bhantu bhabhanga bhaineme palia bhabhala ndile, " wakitakiki, kumukakula mwina pundaozu?" ⁶Bhabhalandile kama Yesu bhiabhalandile, ni Bhantu bhabhaleka bhaibhae.⁷Bhasambi bhabhili bhamletele mwinapunda kuli Yesu kabhili hapanzile maubho abho pamulu pakwe inzie Yesu avinde kusela. ⁸Bhantu bhengi bhapanzile maubho abho mumusebho. ni bhange bhapanzile masambo abhatetele kufuma mumakabha. ⁹Bhalia ntanzi yakwe nibhalia bhamkonkele basamizie, "Ozana! wapaluwa uliwaiza kwa lina lyabhwana. ¹⁰Upa luwe ufalume uliwaiza wabhabha wetu Daudi! Ozana kwalikumulu"¹¹Penka Yesu waingile muyeluzalema ni kabhili mkipwilo wakentele kilankintu. Lenu, nsita ibhanga yasiyaile waile bhetania pamo nabhwo likumi na bhabhili. ¹²Siku yakonkele, nsita pabhanga bha bwela kufuma kubetania abhangawa lininzala.¹³Kabhili wamona kimuti kyakimuti kibhanga kyali ni manibwakule, waile kukenta kama alikupatako kyonse juu yakwe. Nsita paile kwakekio, tapatileko kyonse inzi mani pantu teibhanga yalinsita yamazabho. ¹⁴Wakilandile, "tekulionse wakalia mazabho kufuma kobhe kabhili." nibhazia bhakwe bhamvua.¹⁵Bhaizile kuyeluzalema, nawe waingile mukikulwa nikutendeka kubhafumia panze bhasisia ni bhasita mkatikakikulwa. wapilibwile meza yabhalia bhalibhalulula makuta ni vitebhe vya bhalia wabhanga wasisia nkunda. ¹⁶Tamlandile onse kutwama kyonse kukikulwa kevindile kusisiwa.¹⁷Wabhasambizizie nikulanda, "Siani teyalembeliwa; ng'anda yane ilikukutwa ng'anda ya malombi kwabha kukyalo kyonse? inzi mwaikita lipala lyabhabhipile." ¹⁸Bhakulu ni bhakalemba bamvuile vyabhanga walandile, nabho bhakebhele ngila ya kumuipaya. Ataevio bhamtinine pantu libhumba lyapapile ni masambilizio akwe. ¹⁹Ni kila nsita liungulo palyafikile, bhabhukile mumuzi.²⁰Pabhabhanga bhalimkwenda lukelekele, bhamwene kimuti kyakimuti kyaumine mpaka kumizi yakwe. ²¹Petelo walangu lukile ni kulanda," labhi! nkenta, kimuli kyakimuti kiwatipile kyauma."²²Yesu wabhapiunguile, muye ni imani mulileza. ²³Zumina namilanda pantu kila alikulanda kapili kaka, fumapo, nikuipoza mumenda,' kama talinamasiaka mumutima mwakwe inzi waitabhile pantu kyalandile kaka bhakukitika evio kinsi leza byakakita.²⁴Kwa evio nabhalanda. kila kintu kimwalomba ni kuipuzia juu yakwe itabhile pantu mwapokelela, nabhio byaka luka byenu. ²⁵Nsita pamwaimana ni kulomba mfanine kuvumiliania kyonse kimuli nakyo inzia yonse, Inzi pantu bhabha wenu wakumulu wabhavumilia penka memwe bhilubho bhenu. ²⁶(Kindika: msikoozu. "inzi kamatemsulako, walabhabhanu wa kumulu tasulako mazambi yenu "teulimo munkalata ya kale).²⁷Baizile kuyeluzalema kabhili. Ni Yesu pabhanga waenda mkikulwa, vikoluwe vikulu, ni bhakalemba ni bhakalamba bhaizile kwakwe. ²⁸Bhamlandile, "kwa bhupinguloki wakita vintu vevi? "ni wakupele buvinde kukitaanza?"²⁹Yesu wabhalandile, "ndekubhepyuzia kipuzia kimo mbuile ni nene ndekubhalanda kwa makaki ndinakita mambo aza. ³⁰Siani, lubhatizo lwa yowane lwafumine kumulu ao lwa fumine kwa bantu? mumpingule."³¹Bhambawile mukatikabho ni kwandanua ni kulanda kama tetulanda, 'kufuma kumulu alikulanda, kwaki temwa mwitabhile?' ³²Inzi tetulanda, 'kufuma kwa bhantu, babatinine bhantu. pantu bhonse bhatwilizizie na ngwe Yowane abhanga ali kasesema. ³³Pabhampinguile Yesu ni kulanda, "tetumanine. Penka Yesu wabhalanda, "Wala nene sibhalanda ni kwama kaki na kita mambo aza.

¹Nsita Yesu abhambile kubhasambilizia kwa milumbi. Walanda, "Muntu wa bhele bhukabha wamiza bhibhu. waziungulusizie pindilo ni kumba kina kyakukitilamo divuai. wakulile munala ni nsita wabhikile bhantu bhukabha bhwamizabhibhu kubhakulima bhamizabhibhu. Nsita waile lwendo lwakule. ²Nsita pafikile, wamutumine muzia kubhakulima bhamzabhibhu kupokelela kufuma kwabho mazabho yange abhukabha amuzabhibhu. ³Inzi bhamkwete, bhamumune, ni kumkumba bhila kyonse.⁴Wamutuma kwabho muzia unge, bhakisizie kumutue ni kumukitila mabo ya bhusoni. ⁵Kabhili wa mtumine ni ozu umo bamwipaile bhamkitile bhange bhingi mambo nga aza aza, babhoma ni bhange kubheipaya.⁶Abhanga wakili na muntu umo sana wa kumutuma, mwana watonene. nawe abhanga wampelezio watuninue kwabho. walanda, "bamkindika mwana wane." ⁷Bhapangile bhatezyanizie bhene kwa bhene, "uzu imupiane. Ize panu tumwipae, nibwipiane bhuli kwaluka bwetu".⁸Bamsakatile, bamwipaya ni kumupoza panza pabhuka bha bwamizabhibhu. ⁹Kwa evio siani! Alikukita kiki wakwimanina bha bwa mizabhibhu? Wabha kwiza ni kubheipaya bhakulima bha mizabhibhu ni kabhili alikupela bhukabha bwamizabhibhu kwa bhange.¹⁰Temnapate kubhelenga nilembo leli? libhue bhakuzi libhakene, lyaluka libhue lyapambali. ¹¹Leli lyafumine kwa na bhwana, kabhili ni lyakupa pia pamenso etu." ¹²Bhake bhele kumukwata Yesu, inzi bhatinine mabhumba, inzi bhaizile kubha ati kubhanga walundile mulumbe ozo pakatikabho. Evio bamsile ni kuya kwabho.¹³Nsita bhabhatuma bhange bhamafalisayo ni bhamaelodia kwakwe inzi kumutea kwamilandu. ¹⁴Pabhafikile, bhamlanda, "kasambilizia, tumanine at teupozeleko mano onse onse nikulangu kupendelea kati ya bhantu wasambilizia nzila ya leza mukisinka. siani. ni bhwino kupipa kodi kwa kalisali ao ata? Siani! twavinda kulipa ao ata. ¹⁵Inzi Yesu wamanine mukina wabho ni kubhalanda, "kwaki mulimu kuya mwangilalila? pele kibhuza nvinde kukenta."¹⁶Bhaleta umo kwa Yesu wabhalanda, "Siani! ni nsula ya kwani ni malembo alipapa ni yakwani? Balanda, "ya kaisali." ¹⁷Yesu wabhalanda, "mpele kaisali vintu vya kaisali ni leza vintu vya leza" bhampapa.¹⁸Nsita masadukayo, bhalanda tekuli kufufuka, bhamwinile. Bamwipuzia, balanda. ¹⁹"kasambilizia, Musa watulembele kubha, 'kuya walilupua lwa muntu tafua nikumusia mukazi kyamba kyakwe mukato inzi takisia mwana. muntu alikumu twama mukazi walupua lwakwe, ni kupata lana juu ya lupua lwakwe.'²⁰Kubhanga kwali lupua sabha, wantendeko wakwutikuwe mukazi ni kabhili wa fua, taasile bhana. ²¹Inzi wabhubhili wamtweme nawe wafua, taasilie ata mwana. Ni wabhutatu eviovionka. ²²Ni wasabha wafuile bhila kusia mwana kumpela ni mwana kazi penka wafua. ²³Nsita ya kubhuka kubhafua pakabhabhuka kabhili, siani! wakabha mukazi wa kwani? pantu lolya lupua lonse sabha wa bhanga bhali bhalume bhakwe."²⁴Yesu wabhalandile, "Siani! pantu kubha bamivulunga nia pantu temanine malembo walamaka aleza?" ²⁵Nsita yakubhuka kufuma kubhafua, tebhakasaka wala kuingia mukusakwa, inzi bhakabha bhali ngabha malaika bha kumulu.²⁶Inzi, juu ya bhafuite pantu bhalibhabhu siwa siani! temwa bhelengele kufuma mukitabhu kya Musa. ²⁷Mwabvhipe yakivile, kinsi leza bhalandile ni kumulanda, nene ni leza wa ablam, ni leza wa isaka, ni leza wa yakobo?"²⁸Umo wabhalia wavindile waizile kutulizia malondolozi abho, wamwene pantu Yesu wabhapinguile bhwano. wamwipuzizie. "Siani! nibhupingulo bhulipi bhwa kisinta sana muyonse?" ²⁹Yesu wamwipinguile, "Elia ya kisinka ni ezi, "mvua, izilaeli bhwana leza wetu, bwana niumo. ³⁰Inzi umutone bwana leza obhe, kwamtima obhe onse kwa mtima obhe onse, kwamlangwe, obhe onse, ni kwama obhe onse. ³¹Amuli ya bhubhili ni Yezi, izi umutone kibhusa obhe ngakinsi uwitonene we mwine.' Tekuli amuli inge ikata sana ya 27 ati."³²Kalemba walanda, "bhwino kasambilizia! walanda kueli pantu leza ni umo, ni pantu tekuli unge bhilubho bhyake. ³³Kumutona wene kwamutima wonse, ni kwalangwe wonse ni kwamaka wonse, ni kwa kumtono 27 bhilubho 27 ngawe mwine, kisinka sana kuliko bhupo ni zabhibhu ya kzizia." ³⁴Nsita Yesu pamwene wafumia kapingue kamulanguwe, wamulandile, "wewe teuliko kule ni bhukolo bhwaleza." inzi papotekuli ataumo wapimine kumwipuza Yesu vipuzio vyonse.³⁵Ni Yesu wapinguile, Nsita pabhanga walikusambilizia mukipwilo, walanda, "siani! bhakalemba bhana. siani kubha kristu ni mwana wa kwa Daudi? ³⁶Daudi mwine mukimupasi muzuke, walandile, bhwana wa landile kwa bhwana wane ikala kukubhoko kwane kwa kulio mpaka mbakite bhabhifi bhobhe kuya bhalipansi pamaulu obhe. ³⁷Daudi mwine wamkuta kristu, bhwana Siani! nimwana wa kwa Daudi kwakinsinki? nilibhumba likata yatwilizizie kwa makola.³⁸Masambilizio akwe Yesu walandile, "kalamuke ni bhakalemba, bhalibhatona kweenda nitubhana tulepele nikupoziwa munsoko. ³⁹Ni kwikala pabhitebhe bhya bhakulu mubhipwilo nimunsinkunkulu mufuasi ya bhakulu. ⁴⁰Penka bhalia n'ganda yabhasisa kiluwe nabhalomba malombi alepele inzi bhantu bhabhamone. Bhabha bhantu bakabha kupokelela bupingulo bhukata."⁴¹Nsita Yesu waikele pansi pepi ni kyuta kyabhupe mukati kafuasi mukipwilo, ubhanga wa kentele bhantu bhabhanga bhaitabhita makuta abho mukati kakyuta. Bhantu bhengi bhanonsi bhabhikile mutengo mukata wa bhupao. ⁴²Nsita mwanakazi usili na mulume mupabhi waizile kubhikamo mabhenga abhili amtengo yabhupau.⁴³Nsita wabhakuta bhazia bhakwe ni kubhalanda , "swapile wabhalanda, mwanakazi ozu asili na mulume wabhika ma kikata sana ni bhonse kuliko bhange bafumia mukyuta kyabhupe. ⁴⁴Ati bhonse bhafumia kufumina bhwingi bhwa kupata kwabho. Inzi mwanakazi ozu, kufuma mubhupabhi bhwakwe, 28 bhilubho bhapau bhonse bhwabhapele kwibhwibho bhela kwa maisia akwe."

¹Yesu abhanga walimukwenda kufuma mkipwilo, umo wabhazia bhakuwe bhamwipuzia, "kasambilizie, kenta mabhuwe aza akupapa nibhikuluwa! ²Wamwana, wamona bhikuluwa bhebhi bhikata? Tekuli hata libhue limo lakabhakusia la pamulu palinakuwe lisikabha kuponiwa pansi."³Nawe pabhanga waikele pamulu palupili luwa Mizeituni kukyamba kya kipwilo, petero, ni Yakobho ni yohane ni Andelea bhamwipuzia kwa nkama, ⁴"Tubhwile mambo aza akabha nsitaki? nikiki kilangililo kya vintu vevi kulapuka?"⁵Yesu wanzile kubhalanda ikale mwakengele pantu muntu onse lekuti amizezie. ⁶Bengi bhakabha kuiza mulina lyane bhalanda, nene wenka; bhakabha kuzezia bhengi.⁷Pamwakomvua bhita niza anchi zabhita, tekutine mambo aza teyalinakinsi ya kulapuka inzi mpela bhalo. ⁸Bhupingulo bhakabha kulapuka panze pabhupingulo bhunge, ni bhukolo kyamba nibhukolo. pakaluka ni ntensi mufweko yamisa.⁹Ikale menso bhakabha kabhatwala mpaka kubhupingulo, mwakomuwa mvikuluwa. mwakemikuwa tanzi yabhukolo. ni bhafwalume juu yene, inga kilangililo kwabho. ¹⁰Inzi masimikilo afanine kutendeka isimikiliwe kubha kukyalo bhonse.¹¹Pabhakabha kubhakwata ni kubhapela, tekutina kulingana ni keliya kiwakabha kulanda. mukati kansita ezio, mwakapeluwa kiki kyakulanda; Temukabha memuwe bakulanda, inzi mupasi mzuke. ¹²Lupuwa telukastaka lupuwa kuipaya, bhabha ni mwana wakuwe. Bhana bhake mana kyamba kyabhabha wabho nikubhalengia kuipawa. ¹³Mwaka sulua nakila muntu juu ya lina lyane inzi wakasipa mpakapamela muntu ozo wakapusuka.¹⁴Pamkamona kipiki kyabhubhifi yaimena palia pasifanine kuimana (aliwabhelenga amane), Pantu bhalimukati ka Yuda wabhutukile kutupili, ¹⁵Nawe alikumulu kwa ng'anda tekuti akoke pansi pang'anda ao kutwama kyonse kilipanze, ¹⁶Niuli kumakabha tekuti abhwele kutwama ngubho yakwe.¹⁷inzi waiyaya bhene bhanakazi bhali nilimi nibhaonsia munsiku ezio! ¹⁸Lombe tekuti kikalapuke nsita yakasama, ¹⁹Pantu pakabha ni lyemo likata, inzi tena moneke kulapuka inzi leza lwabhubhile kyalo, mpaka lenu tepali, wala tekalapuka kabhili. ²⁰Inzi Bhwana pakapunguzia nsiku, tekuli mubhili wakapusuka, inzi kwabhabhomvi pakabhawasakula, wakafumiappo namba yansiku.²¹Nsita ezio kama muntu onse alikubhalanda, kenta kristu alipanu! ao kenta alipalia! tekuswapile ²²Pantu bhakrstu bhabhufi nibhakasesma bhabhufi bakalapuka bhafumia tulangi ni tupapo, inzi pantu bhabhabhepe, inzi ata bhabhomvi. ²³Muye mwakentele! napua kubhalanda ebhibhonse ntanzi ya nsita.²⁴Inzi pantu lyemo lyansiku ezio, kobha kaka bhwikwa mfinzi nikweze takafumia miyeye yakue, ²⁵Tanda yakapona kufuma kumulu ni maka aliko kumulu vyakazungiwa. ²⁶Pabhaka mumona mwana wabhanu waiza mumalezi kwamaka akata ni bhukolo. ²⁷Pakatuma bhamalaika bhakuwe wakabhakolonganiya pamo bhabhomvi bhakwe kufuma bhwengo bhukulu bhuna 30 annchi, kufuma kumpela kwa 30 anchi mpaka nkumpela kwakumulu.²⁸Kwakimuti sambilile. kwa masambo lyavinda kufumia ni kubhika lubhilo mani akuwe, pamwakamana pantu kipuwa kilipepi ²⁹Kinsi ibhili pamukamona mabo aza akipuka mane inzi alipepi, ni milyango.³⁰Kisinka, namiana, lolu luvyalo telukapita kule inzi mabo aza teya nalapuke. ³¹Kumulu 30 anshi yakapita, inzi milandu yane teikapita kisika. ³²Inzi kuling'ana ninsiku ezio ao nsa, tekuli amanine, ata malaika wakumulu wala mwan, inzi bhabha.³³Muye mwakentele, kenta kwasabhabhu temumanine ninsitaki pabhiyakalapuka. (kwatila musiko ozu, mubhe mukisinka kente nikulomba pantu temumwene kulupapulo lwakale) ³⁴Ngamuntu uliwaya mubhulendo wasia nganda yakuwe nikumubhika muzia wakuwe kuyawali wakubhe manina wang'anda kila umo nimilo yakuwe. Nikumwa musungi ayewakentele.³⁵Kwa eviyo muyemwakentele! evi temumanine ninsitaki mwine ng'anda paka bhwela mung'anda yavindikana nilyungulo, bhusiku bhwa nsaa munane, inzi kazi enze pakabhika ao lukelekele. ³⁶Inzi waiza lubhilo, tekuti akusange watele. ³⁷Inzi kinalanda kobhe kinalanda kwa kila muntu Mupunge"!

¹Ibhanga yalinsiku ibhilisiye yansikunkulu ya pasaka ni Pasaka ni yamikate isiliyabhikwa kunsamina. Bhakulu ni bhakalenda bhabhanga bhakebha kinsi ya kumukwata Yesu kwakuvipa nikumwipaya. ²Pantu bhalandile, "Ntensita eenu yansinku nkulu. bhantu tekutibheze kukita kibhulungania."³Nsita Yesu pabhanga wali kubhetania munganda mwasimoni mukoma ni pabhanga walimukuya waya kumeza. mwanakazi umo waizilekwakwe walinilusupa lyamalasi anarodo iweme yamtengo ukata sana wachonene lisupa ni kusansila pamulu mutwe pakwe. ⁴Inzi kubha kwali nibhange bhabho bafipuluwe. Babhambile kwambaula bhwene kwa bhwene bhali mukulanda, "Nani pantu yabhunguninoni bhobhu? ⁵Nabhumba aza asia kuvinda kusisiwa sana yadinali miaitatu, kabhili bhapelwa bhapabhi. "Nabho bhamsasile.⁶Insi Yesu walandile muleke bhunke bhwakwe. kwa kiki mwamewemia? Wakita mulandu uweme kwana. ⁷Nsiku yonse bhapabhi mulinabho, ni nsita yonse pa mwatona mwavinda kukita bhiweme kwabho inzi temkaluka ni nene nsita yonse. ⁸Wakita kyelia kyali wavinda. wasubha mubhili wane mafuta juu ya malaizio. ⁹Kinsinka nabhalanda, kilafuasi masimikila pasimikiliwa mukyalokonse, kelyakya kitile mwanakazi ozkatenduwa kwakulangulusiwa kwakwe.¹⁰Nsita Yuda askali yote umo wabhalia likumi nabhabhili waile kwa bhakulu bha kapingula inzi pantu apate kubhapela kwabho. ¹¹Nsita bhakulu bhakapingula pabhamvuile evio bhatonene ikulaya kumupeka bhulungo. Bha bambile kukebha fuasi ya kubhapela kwabho.¹²Munsiku yakutendeka ya mukate siliyabhikwa munsonia, nsita abhafumize mwana wa mukoko wapasaka, bhafundwa bhakwe bhamlandile, "watona kuya kupitukatenie inzi kupate kuliya milio ya Pasaka? ¹³Wabhatumine bhafundwa bhakwe bhabhili ni kubhalanda, "ndomwae kumuzi ni mwalalume inzi bhatwemkatondo mulikumwonanakwe mukonke. ¹⁴Nanda yalikuingila, mkonke kabhili mlanda mwine wang'anda ezio kasambilizia walanda" kilikupi kyumba kyabhaeni inzi pandikula pasaka ni bhafundwa bhane?"¹⁵Alikubhalanga kyumba kyapamulu kikata chamtengo inzi kilibhwino. kite kuteyania juu yetu palia." ¹⁶Bhafundwa bhabhukile lwendo pakamuzi, bhasangila kila kintu ngakinsi yabhanga wabhalandile, bhaile nsita ya pasaka.¹⁷Nsita pabhanga pali liungulo, waizile nibhalia likumi na bhabhili. ¹⁸Ni pabhabhanga bhalimupalama kumwza ni kulia , Yesu walandile, kisinka nabhalanda Umo kati yenu alimukulia pamo ni nene alikumfumia." ¹⁹Bhonse bhanunine ni umo juu ya unge bhamlandile, "kweli tenene?"²⁰Yesu wapiunguile ni kubhalanda ni umo walikumina bhabhili pakatikenu, Umo inzi lenu watobhezia mukusu munsani pamo ni nene. ²¹Panktu mwana wa bhantu wabhakuya ngavelia malembo vyalanda juu yakwe. Inzi waiyaya muntu oliya inzi kupitila wene mwana wa bhantu wafumiwa! kyasakuya kyaweme sana kwakwe kama muntu olia ngatavyeluwe."²²Nipabhanga bhalia, Yesu watweme mukate, walombela ni nikukasania wabhapele ni kulanda Twame, ozuni mubhili wane." ²³Watweme likopo, wapepa ni kubhapela nibhonse bhaminineko. ²⁴Wabhalandile ezi ni milopa yane yabhulao milopa yaitika juu ya bhengi. ²⁵Kisinka nabhalanda, nsinkabha kumina kabhili mumazabho aza yamuzabhibhu pakansiku. elia pankamina ya lenu mubhukolo bhwaleza."²⁶Pabhapwile kuimba lwimbo, bhaile panze mulupilili mwa mizeituni. ²⁷Yesu abhalandile mwemwe bhonse mwakabha kwika la kubhali juuyene pantu pantu ilembelwe, nakabhakumuma musungi nimikoko yakabha kusalangana.²⁸Inzi palwa kubhuka kubhafua kwane, nakabhakubha tangilila tanzi yenu kugalilaya." ²⁹Petelo wabhlandile, ataksms wonse bhakabha kukusia nene sikabhakukusia³⁰Yesu wabhalandile" kisinka nakulanda bhusiku bhonu kazenze tekanalile malaibhili wakabhakuya wankene mikuitatu." ³¹Inzi petelo walandile "yakabhakuvindikasia kufua pamo ni wewe, sikukukana. "Bhonse bhafumizie bhupingulo bholyabhyenka.³²Bhaizile kufuasi kwakutilue kugetisimani ni Yesu wa bhalandile bhafundwa bhakwe, "ikale papansita inapepa." ³³Wabha tweme petelo ni Yakobho ni Yowane paminakwe wabhamba kupe na mano ni kwema sana." ³⁴Wabhalandile, mutima wane wafwazaika sana atakufua siale papa kabhili mkesie."³⁵Yesu waile tanzi kani i wapona pansi wabhuka, kabhenge ndikile pantunsayenu nganamtinduka. ³⁶Walandile abha, mambo onse kobhe lyavindika na Fumizie likopo leli tekwakutona kwane inzi kutona kobhe."³⁷Wabhwelele ni kubhasanga bhasendeme, wabhalanda petelo, Simoni, siani sendeme? towindile kukesia atasaimo? ³⁸Kesie ni kulomba pantu tekuize kuingila mumazyalibu kisinka mupasi ulipaswetele inzi mubhili uvumbile." ³⁹Waile kabhili kulomba watendele milandu elyonka.⁴⁰Waizile kabhili kubhasanga bhasendeme pantu menso abho abhanga afinine tewamanine kikikyakumulanda. ⁴¹Waizile malayabhutatu ni kumulanda, "kabhili musendemi ni kutuzia? bhasi saa ya fika. kenta mwana wa bhantu alikufumiwa muma bhoko mwamabhazambi. ⁴²Bhuke, twende. kenta, Olia aliwafumia alipepi."⁴³Nsitasie pabhanga wali watenda Yuda umo wabhilia likumi na bhabhili wafikile nilikundi likata kufuma kwabhakulu bhamakwani, ni bhama kalemba ni bhakulu bhali ni bhipanga ni tubhango ⁴⁴Nsita ezio wakufumiania kwakwe abhanga ali bhabhapele kilangililo walanda oliya undikuya kulamba, iyozo. Mukwate ni kumutwala pansi bhuvinde." ⁴⁵Nsita Yuda pafikile umo kwaumo waile kwa Yesu nikulanda," kasambilizia ni kumulamba. ⁴⁶Nsita wamubhika pansi pabhupingulo ni kumukwata.⁴⁷Inzi umo kati yabho abhanga waimene pepi nakwe wasomwene kipanga kyakwe wamunia muzia wamukulu nikumuteta katui. ⁴⁸Yesu wabhalandila, "mwaiza kwata kwavipanga nitu bhango ngamutusi fanine? ⁴⁹Kilansiku bhanga nali nimwemwe ni kusambilizia mukipwilo temwankwete. inzi leli lyakitika leli malembo yasininikiziwe. ⁵⁰Ni bhalia bhonse bhabhanga bhalini Yesu bhamsile ni kubhutuka.⁵¹Mulumendo umo wamkonkele, wabhanga wavwelwe nsalu sie yabhanga waivimbile kumuzwunguluka bhamkwete inzi. ⁵²Wabhakosizie kwasile kivimbo palia kubhutuka bhwamba.⁵³Bhamtangizizie Yesu kwalikolo mukulu Palia bhakolongene pamo nawe bibhakalamba bhonse, ni bhikolowe, nibhakalemba. ⁵⁴Petero nawe wamukonkele Yesu bhwakule kuya kulupango lwamukulu waikele pamo nibhakalinda bhabhanga bhalipepini mulilo bhaitutumuna inzi kupata lyiuza.⁵⁵Nsita eziyo vikolwe bhakulu bhonse ni bhakulu bhonse bhabhanga bhakebha kinsinka juu ya Yesu inzi wapate kumwipa aya inzi tebhapatile. ⁵⁶Pantu bhantu bhengi bhaletelele kisinka kyabhufi juu yakwe inzi atakisinka kyabho tebhwapalene.⁵⁷Bhengi bhaimene nikuleta kisinka kyabbhufi juu yakwe bhalanda. ⁵⁸Twakimumvua waland, nabhakuinona kipwilo bhebhi bhateyaniziwe kwamabhoko ni mukati nsiku itatu nabhakukula kinge kisikyakululwa kwa mabhoko."' ⁵⁹Inzi kipingula kwabho tekwapalene.⁶⁰Kikoluwe mukulu waimene pabhukata bhwabho nikumwipuzia Yesu, "siani wapingula? Bhantu bhabha bhalande enhe kiki kikilile pali wewe?" ⁶¹Inzi waikele tondolo tapinguile kyonse mala kikoluwe mukulu wamwipuzizie kabhili siani wewe ni kristu, mwanaupaliliwe?" ⁶²Yesu walandile nene wenka kabhili wakabha kumumona mwana wa bhantu waikele kubhoka kwa kulio kwa maka waiza nimalei akumulu."⁶³Kikoluwe mukulu wabhazuile maubho akue ni kulanda siani tukebhele kisinka? ⁶⁴Mwaumvua matuka bhupingulo bhwenu ni bhulipi? Nibhonse bhampunguile ngaumo ifwanine kufuwa. ⁶⁵Bhengi bhabhambile kumufwila mate nikumuvimba kumenso nikumuma nikumwipuzia, sesema! mlanguwe bhamutweme nikumuma.⁶⁶Ni Petero pabhangawalipansi mulupango muzia umo bhawakaziana wakikoluwe mukulu waizile kwakuwe. ⁶⁷Wamumwene Petero waimene waitutumuna mulilo, kabhili wamukentele kwakumupalamina. inzi walandile, nawe Penka ubhanga wali nimnazaleti Yesu." ⁶⁸Inzi watonene, walanda Simanine wala siumviwile inzi kelia kiwalanda!" Inzi wafumine nikuya panze palupango. (kwatila musiko ozu, nikazenze tekanabhike tolimo kulupapulo lwakale).⁶⁹Inzi muziya wakeliya kilipaliya wamumwene ni kwanza kubhana kabhili bhalia bhamumwene bhali bhaimene palia, "Muntu ozu nimuntu wabho." ⁷⁰Inzi wakene kabhili kyamba kanini bhalia bhabhanga bhaimene palia bhabhanga bhamulanda Petero, kisinka wewe niume wabho, Pantu wewe penka niwakugalilaya."⁷¹Inzi wabhambile kuibhika mwine pansi pakwiyaya nikulapa" simumanine muntu ozu umwalanda." ⁷²Nsita kazenze kabhikile mara ibhili. Nsita Petero walangulukile milandu ya Yesu yabhanga wamulanda: kyamba kazenze tanabhike mara ya bhubhili, wakabha kunkana maraitatu, kabhili waponene pansi nikulila.

¹Lukelekele pakili bhakulu bhamakuani bhasakene pamo nibhakalamba nibhakalemba ni bhonse bhakulu. Nsita bhamukaka Yesu bhamutwala kwa Pirato. Pirato wamwipuzia, wewe nimufumu wabhayahudi?" ²"Wamupingula, "wewe walanda eviyo." ³Bhakulu bha makuwani bhalanda masitika engi juu ya Yesu.⁴Pirato wamwipuzia kabhili, towapingula kyonse? Temwene kinsi ibhakusitaka kwa mabho engi? ⁵Inzi Yesu tamupinguile pirato ni eviyo vyamupapiziye.⁶Inzi kawaida kinsi nsikunkulu uliwakakuluwa ukakiliwe umo, ukakilwe ubhalombele. ⁷Ubhangapali bhabhifi mukolokoloni, mumulongo wabhangipani mubhalia bhalekele bhali bhabhombela mabhaya abho. ubhanga walipo muntu umo akutuwa Baraba. ⁸Libhumba yaizile kwa Pirate, ni kumulanda akite ngakinsi vyakitile kolia kukyamba.⁹Pirato wabhapingula nikulanda, "mwakebha mbakukwile mulupwe wabha Yahudi? ¹⁰Pantu wamanine nikwa sabhabhu ya bhwivu bhakulu bhamakoani bhamukwete Yesu nikumuleta kwakuwe. ¹¹Inzi bhakulu bhamakoani bhakwikisisiye lubhumba kuma nsungu kwalizu inzi akakuluwe Baraba baada akuwe.¹²Pirato wabhapingula kabhili ni kulanda, mukiteki mfumu wabhayahudi? ¹³Bhaumine nsungu kabhili, aemiwe!"¹⁴Pirato walanda, wakita mamboki yabhipile inzi bhakilile kuma nsungu sana nikabhili" ayemiwe." ¹⁵Pirato wakebhele kuinona libhumba, wabhakakwila Baraba. Bhamumine Yesu mfimbo kabhili amufumia kabhili emiwe.¹⁶Bhalukale bhamutangiziziye mpaka munkati mulupango (olia alimukati ya katanda) kabhili bhakolongene pamo likundi lyabhalulkale. ¹⁷Bhamwivwikile Yesu kabhana kalangi ya dhambalawe, nikulema tazi ya myunga bha mwivwikile. ¹⁸Bhabhambile kumusekula ni kulanda, "mwapozia, mfumu ya bhayahudi!"¹⁹Bhamumine kumutuwe mfimbo nikumufwila mate Bhafukeme ntanzi akuwe kwakumukindika. ²⁰Ata pabhapwile kumwenia, wamuvulilekalia kabhana kalangi ya dhambarawe ni kumuvwika ngubho yakuwe, nikumufumiapanze kuya kumwemiya. ²¹Bhamukinkiziziye mupita ngila kukwasia ubhanga waingira mumuzi kufuma kubhukabha. wakutuwa Simoni mkirene (bhabha akuwe skanda nilufo) Bhamukinkiziziye kutwamamusala bhawa Yesu.²²Bhalukalee bhamutwele Yesu pafwasi yakutuwa Gorigota (maana akuwe tandulula koku ni fwasi ya vikuza vya mutuwe). ²³Bamupela vyakumina vibhikiluwe mumo ni manemane ni inzi taminine. ²⁴Bhamwemiya nikukasana ngubho akuwe nikuwaumina kula ni kupingula lubhenga lwalikupata kila lukale.²⁵Kufumina nsaa itatu lukele kele pabha mwenizie. ²⁶Bhabhikile pamulu pakuwe lubhao lubhanga lwalembe luwe sitaka, "Mufwalme wabhayahudi." ²⁷Bhamwemiziye pamo ni bhakabhoko bhabhili umo bhwengo bhwakuwe bhwa kulio ni unge kuso kwakuwe. ²⁸(kwatilila: Musiko ozu, ni malembo yakiyikile alandililwe tolimo mulupapulo lwa kale).²⁹Nabho wabhanga bhapita bhamutukile bhalimukuzungia mituwe yabho nikulanda, Aha! wewe wakabha kutyona kipwilo ni kukulo kwa nsiku itatu, ³⁰Ipususiye wemwine nikukoka pansi kufuma kumusalabha!"³¹Inzi kwaeveliya vyonka bhakulu bhakulu bhamakowani bhasekele ni kulanziania, pamo nibhakalemba ni kulanda, wabhapusuile bhange, inzi tavinda kuipususia ya mwine. ³²kritu mfumu ya waisraeli, koka pansi lenu fuma kumusalabha, inzi tuvinde kumona ni kusini nkizia nibhalia bhaemiziwe pamo nakwe penka wamusekele.³³Paya fikile nsaa sita, finzi yaizile juu ya kyalo kyonse mpaka nsaa kenda. ³⁴Nsita ya nsaa sita, Yesu waumine nsungukwa lizui likata likata, " Eloi, Eloi, Lamasaba kitani?" yali ni mana Leza wane, leza wane, kwaki wandekela? ³⁵Bhengi bhabho bhali bhaimene pabhawaumvwile bhalanda, "kenta, bhamukuta Elia."³⁶Muntu umo wakunduka, waizuzia siki mukintu kinakile nikuibhika pamulu kimuti kyamfimbo wamupela inzi amine. muntu umo walanda, "pembela tumone kama Elia alikwiza kumukosia Pansi. ³⁷Nsita Yesu yalilile kwa lizui likata nikufua. ³⁸Ngubho ya kipwilo yakasanikile bhibhenga bhibhili kufuma mumulu mpaka pansi.³⁹Mukulu umo wabhanga waimene wamukentele Yesu, pamwene wafwa kwangila eliya, walanda, "kisinka ozu wakibha mwina leza." ⁴⁰Pabhanga bhalipo penka bhanakazi bhabhanga bhakentelele kwa kule. pakatikabho wabhanga alipo Mariamu ma kidalena ni Mariamu (ng'ina wakuwe Yakobho munini bha Yoze) ni salome. ⁴¹Nsita abhanga wali kugalilaya bhamukonkele nikumubhombelo. Nibhanakazi bhange bhengi penka bhabhukile na bho mpaka kuyeruzalema.⁴²pakwalukile lyungulo, pantu ibhanga yali nsiku ya kyamba kya sabhato, ⁴³Yozefu alimatea waizile palia. abhanga wali walaiziziwe walikundi uliwapendwa muntu upembele bhukolo bhwaleza kwa maka waile kwa pirato, nikumulomba mubhili wa Yesu. ⁴⁴Pirato wapopiziwe ati Yesu papapenka afwile, wamukuta olia mukulu wamwipuzia Yesu ufwile.⁴⁵Papatile kisinka kwa mukulu ati ufwile, wamwanine Yoze kutwama mubhili. ⁴⁶Yoze ubhanga wasitile ngubho. wamukwa kufuma kumusalabha, wamukaka kwa gubho, nikumubhika mukati kansinsi lyalilyaimbiluwe mumbemba. Nsita wabhulnkusiziye libue mumulyango mwansinsi. ⁴⁷Nabho bha Mariamu makidarena ni Mariamu ng'ina wakuwe Yoze bhapa kentele palia pabhilikiluwe. Yesu.

¹Nsita sabhato payapwile, maliamu makidalena nimaliamu nginawakuwe Yakobo nisalome, bhasitile mafta aweme, inzi bhavinde kwizanikumusubha mafuta mubhili wa Yesu juyamaziko. ²Lukelekele pakilikafipe nsiku yantendeko yainga, bhaile kunsinsi nsitakobha pakalapukile.³Bhalimukulanziania bhenenke, nani ali kubhulunkusia libhuwe juyetu inzitu wingile munsinsi?" ⁴Nsita ibhakentele, bhamumwene muntu wasia bhulunsinzie libhuwe, Pante libha ngalyali likata sana.⁵Bhaingile munsinsi nikumumana mulumendo wavwele nsalu yasuwe, waikele bhwenga bhwakulia nikupapa. ⁶Wabhalanda, "tekutine mwamukebha yesu wanazaleti, waimiziwe wakibhukakubhafu! talimo momu, kenta twasi palia pabhanga bhamubhite. ⁷Ndomwae, Mubhalande bhasambi bha kuwe Petelo ati wabhatangilila kuya kugalilaya. koko mwakabha kumumana ingakinsiabhalandile."⁸Bhabhukile nikukunduka kufuma kusinsi bhatutumine nikupapiwa., tebhalandile kyonse kwabhantu bhonse pantubha tinine sana.⁹(kindika; Lupapulolwa kale teluli na maluko 16:9-20) pakili munsiku yakute ndeka yainga nsita ya kubhuka, wamulapukile ntanzi Maliamu na makidalena, inzi kufuma kwakuwe wamufumizie mpepo sabha. ¹⁰Wabhukile nikubhalanda bhalia bhabha ngalipamo nakuwe nsita pabhaikele mituwe yafwasa nikufumia mensozi. ¹¹Bhaumvule nanguwe ukosele kabhili wamonekana kuwe inzi tebhamuswapile.¹²(kindika: Lupapulo lwakale teluli na maluko 16: 9-20) inzi lwaevio, wailapusizie munamunainge kubhantu bhange bhabhili, nsita ibhabhangali mkwenda kufuma mukyalo. ¹³Bhaile nikubhalanda bhafundwa bhange bhabhanga bhasyele, inzi tebha kitekele.¹⁴(kindika: Lupapulo lwakale teluli namaluko 16: 9-20) Yesu nsitainge waila pusizie kubhalia kikuminaumo bhabhanga bhalimukulia, wabhasalilile kwakisiswapila kwabho nikulumakwamitima yabho, pantu tebhabha kwasizie bhalia bhamu mwene bhabhukile kubhafuwa. ¹⁵Wahalandile ndomwae mukyalo kyonse, mukasimikile kwakila muntu, ¹⁶Ulikuzumina nikubhatiziwa wakupusuka, usizumine wabhapinguwa.¹⁷Nialiezi yakakonkana nabho bhazumine, kwalina lyane bhakafumia mpepo, bhakatenda kwalunimi lwalenu, ¹⁸Bhakakwata vizoka, atabhamina kintu kyakubhaipaya, tekikabhema kisinka, bhakabhikamabhoko abho pamulu pabhalwele nabho bhakakosa.¹⁹Inzi Bhwana Yesu, palwakulanda nabho, watwemuwe kumulu, waikele kubhoko kwakulio kwaleza. ²⁰Nabhobhalia bhafumine, kusimikila konse konse, bhwana wakitile milo pamo na bho, nikulisinizia uliamulandu kwali isiko nkene nabho.

¹Bantu bengi baziizie na maka abo onse a kulemba bintu byaakitile pakati ketu. ²Baalembele bintu bitwaaninue na balia baabimwene kutula ku mambo ni baasimikiile mpunda iweme. ³Ni pakako, lunakipua kutoosia bwino bwino bintu byonse byaakitikile, nakimona kuti nkulembele nga mu byaali byakonkaniine. ⁴Naakitile evi pakuti usininkizie nangue belia biwaasambiliiziwe, byaali bya kisinka.⁵Herodi luali likolo lya kyalo kya Yudea, kwaali kitambua umo liina lyakueZakaria wa mu libumba lya babitambua ba mu luvyalo lwakua Abia. Ozo Zakaria waali ni mukazi wa mu luvyalo lwakua Aruni, Liina lyakue waali wakuutua Elizabeti. ⁶Bonse baali balunghami ku menso akua Leza mukunakila mafundeni mizilo yakua Mulopue. ⁷Tebaali na baana pantu Elizabeti waali nghumba. Bonse baali basyakoteesie.⁸Busiku bumo Zakaria waingiile mu nghanda yakue Leza ni kubamba kubomba miilo yakue ya bukitambua pantu i waali musita wa kubomba pamo ni libumba lyabo. ⁹Zakaria waasaakwilue kuya kwingila mu kifuka kizuuke kya mu nghanda yakua Mulopue kuti aye afunkie bubaani nga mwaali mwakitila babitambua. ¹⁰Zakaria luali walimukufunkia bubaani, bantu baali balimukupepa panze.¹¹Zakaria waamwene malaika wakua Mulopue waimeene ku kulio kwa altare ya kufunkiiziapo bubaani. ¹²Lolo luamumwene, waatulumukile ni kusyala wabebukile. ¹³Malaika waamwanine, "We Zakaria, tekutiina! Leza wakyunvua mapepo obe. Mukazi obe Elizabeti waakakuvyalila mwana mwalalume, ni ozo mwana ukamwinike Yoane.¹⁴Wewe waakawaminua ni kusangalala, kabili bantu bengi ni bo baakawaminua na kuvyalua kwakue. ¹⁵Ozo mwana waakaba mukulu. Takaba wamina divai ao bikolani, waakaba wali ni mweo muzuuke kutula munda mwa nghina.¹⁶Kabili waakabwezia Baizraeli bengi kuli Mulopue Leza wabo. ¹⁷Waakamutangilila Mulopue, waakaba ni maka nga maka aali na Elia. Waakanasia mitima ya basiibo ku baana babo, ni bataale waakabaalula kuba ba kyunvwila ku bintu bilungheeme, evi akamuteaniizie Mulopue bantu bakue."¹⁸Zakaria waamwipuziizie malaika, "Ati, ale naakamanina kuki? Pantu nene ni mukazi wane tetusyakotele." ¹⁹Malaika waamwasukile, "Mona nene ndi Gabrieli aliwabombela Leza. Ntuminue kwiza kukwana ezi mpunda iweme. ²⁰Inzi pantu waakaana kuzumina twebo twane, ulikwaluka kameme mpaka busiku bwaakakitikilapo bobu bulayo. Bonu bulayo bwaakakitika pa musita upalile."²¹Bantu baali bamupembeele Zakaria baapapile pantu waakokwele sana mu nghanda yakua Leza. ²²Inzi luafumine,waaliwasyaandua kulanda nabo. Waali wasyalanda sie nabo na tulangi twa ku maboko, ni pakako, bantu baali bali panze baalangakeene nangue wamona kimonua. ²³Zakaria luapwile miilo yakue mu nghanda yakua Leza, waabweleele ku nghanda yakue.²⁴Lupaapitile nsiku inini, Elizabeti muka Zakaria waimitile ni kwifiika myezi isaano. ²⁵Elizabeti waalandile, "Mulopue wakinmpaala, nsikikonvua busoni bwa kusiba na mwana."²⁶Mu mwezi wa mutanda wa liimi lyakua Elizabeti, Leza waamutumine malaika Gabrieli aye ku muzi wa Nazareti mu Galilaya. ²⁷Waile ku mukazyana waali wakuutua Maria waali wasakilue na Yusufu wa mu luvyalo lwakua Likolo Daudi. ²⁸Malaika waile kumwana Maria, "Mwapola Maria we apaalilue na Mulopue! Mulopue ali pamo nobe." ²⁹Maria waapapiiziwe na twebo twaalandile malaika, kabili waabambilekwiipuzia ezi mpozio i kulanda syani.³⁰Malaika waamwanine Maria, "Tekutiina pantu upaalilue na Leza. ³¹Wakaba kwimita ni kuvyala mwana mwalalume, ukabe kumwinika Yesu. ³²Ozo mwana waakaba wali mukulu, kabili waakaba wakuutua mwina Leza kabezia mpungu. Mulopue Leza waakamupeela bukolo bwakua Daudi kikolue kyakue. ³³Ozomwana waakeeza kuteeka Baizraeli muyayaya. Ni bukolo bwakue tebukapua.³⁴Maria waamwipuziizie malaika, "Eba, ale nakaba kwimita syani vinsinabe na mulume?" ³⁵Malaika waamwasukile, "Mweo muzuuke waakakukookela, ni maka akua Leza aakakuvimba, ni pakako mwana uwaakavyala waakaba wali muzuuke, i kialiwakuutilua mwina Leza.³⁶Mona, muvyala obe Elizabeti ali ni liimi lya myezi mutanda lya mubukote bwakue anzia waali nghumba. ³⁷Leza tezi kwandua kantu." ³⁸Maria waalandile, "Nene ndi mubombiwakua Leza, kansinkitiluesie nga muwalandila." Kupwako malaika waya.³⁹Lupaapitile nsiku inini, Maria taakokwele kuya ku kyalo kya mpili kya ku Yudea. ⁴⁰Luafikile waingiile mu nghandayakua Zakaria ni kumupozia Elizabeti. ⁴¹Elizabeti luanvwile mpozio yakua Maria, lukeke lwaali munda mwakue lwaatentele. Elizabeti waizwilemo Mweo Muzuuke.⁴²Waazanzwile lizui walanda, "Upaalilue kukila banakazi bonse, ni mwaana uwaakavyala, ni ye apaalilue. ⁴³Emwe,ale ne wapempulua na nghina kwa Mulopue ndi ni? ⁴⁴Pantu penka papa panaunvua mpozio yobe, mwana ali munda mwane watenta na nsansa. ⁴⁵Usyukile we wakizumina bintu biwakyanua na Mulopue nangue byaakakitika."⁴⁶Maria waalandile,"Mutima wane wamutasia Leza, ⁴⁷Kabili mutima wane usangalaliile Leza mupususi wane.⁴⁸Pantu waamwene kwikeefia kwane ne mubombi wakue Kutula lelo, ntundu yonse yaakaba yankuuta asyukile, ⁴⁹Pantu Lezawa maka wakinkitila bintu bikata, liina lyakue ni lizuuke.⁵⁰Aliwaunvwila nkumbu ntundu yonse iliyamunakila. ⁵¹Waakitile bintu bikata ni kusalanghania mapange a bantu ba kiitoni.⁵²Waafumiizie makolo pa bitebe byabo, waabiikilepo bantu bekeefiizie. ⁵³Waikusiizie bali ni nzala na bintu biweme, ni banonsi waababweziizie tonte.⁵⁴Waamukwasiizie mubombi wakue Izraeli, kabili taalabile kilayo kialaile bikolue byetu. ⁵⁵Nga vialaile kuli Abrahamu, ni nvyalo yakue yonse muyayaya."⁵⁶Maria waikeele pamo ni Elizabeti myezi itatu, pa kyamba waabweleelemo kwabo. ⁵⁷Musita wa kuvyala kwakua Elizabeti luwaakumeene, waavyele mwana mwalalume. ⁵⁸Bakwakue pamo ni benakue lubaunvwile nangue Mulopue waamunvwiliile nkumbu, baawamiinue pamo nakue.⁵⁹Lukeke palwaakumaniizie nsiku mwanda, baaluteetele yando. Baasiile kumwinika liina lya Zakaria liina lyakua se. ⁶⁰Inzi nghina waalandile, "Tekumwinike lelio liina, ozu mwana ni Yoane." ⁶¹Ni bo baamwanine, "Eba, ale mu lupua lobe vimusili muntu aliwakuutua lelio liina."⁶²Kupwako bamupesula se ni kumwipuzia liina lipalile kwinikua mwana. ⁶³Zakaria waalombele kya kulembapo, waalembelepo evi, "Liina lyakue ni Yoane." Bantu bonse baalipo baapapile.⁶⁴Penka papo Zakaria wabamba kulanda paakale ni kumutasia Leza. ⁶⁵Benakue bonse baunvwile mwezo ukata. Ni mpunda ya bebi byaakitikile yaakumeene mwaya kyalo kya mpili kya Yudea. ⁶⁶Onse waunvwile ezi mpunda waabambile kwiipuzia, "Ozo mwana waakaba wa musango ki?" Baalandile evio pantu baamwene Leza wali pamo nakue.⁶⁷Mweo Muzuuke waingiile muli Zakaria, Zakaria waabikwile walanda, ⁶⁸"Atasiiwe Mulopue Leza wa Baizraeli, pantuwaizile kulubula bantu bakue.⁶⁹Waatupeele mupususi wa maka wa mu luvyalo lwakua Daudi mubombi wakue. ⁷⁰Waalaile kutula ku kale kupitila mu bakabika bakue bazuuke nangue, ⁷¹waakatupususia ku balwani betu ni ku bantu bonse batusuulile.⁷²Waalandile nangue waakeeleela bikolue byetu ni kulanguluka kipingo kyakue. ⁷³Leza waamulapiile Abrahamu kikolue kyetu nangue, ⁷⁴Waakatupokolola ku balwani betu, evi tukamubombele pasili kutiina. ⁷⁵Evi tuye twali bazuuke ni balunghami ku menso akue mu nsiku yonse ya bukose bwetu.⁷⁶Ni we mwana wane, waakaba kabika wakua Leza kabezia Mpungu, pantu waakamutangilila Mulopue kuya kumuteaniizia nzila yakue. ⁷⁷Ni kubaana bantu bakue nangue baakapususiwa mukweleelua bibalo byabo.⁷⁸Baakapusuka sie ku nkumbu yakua Leza, ⁷⁹Kabili waakabasanikila balia bonse bekeele mu nfinzi ni mu kilelo kya nfua,ni kubateeka mu mutende."⁸⁰Yoane waali wakula mubili ni maano, waikeele mu kaseeba mpaka busiku buailangisiizie ku Baizraeli.

¹Pa ozo musita Kaizari Augusto waabaanine bantu bonse ba mubuteeko bwakue bapendue. ²Ozo mwilo waakitikile kurenio luali ndabukizi wa mu Siria. ³Kubalua muntu waile kulembua ku muzi kuavyaliilue.⁴Yusufu ni ye waafumine mu muzi wa Nazareti mu Galilaya ni kuya ku muzi wa Betlehemu mu Yudea, koko kwaavyaliilue likolo Daudi. ⁵Waile kulembua pamo ni Maria luali wasakile. Ozo Maria waali waimisi.⁶Lubaali mu Batlehemu, musita wakuvyala kwakua Maria waakumeene. ⁷Waavyele libeli lyakue lyalalume ni kulipambilila mu ngubo, waalilaalikile mu mukondo waali waliilamo nghombe pantumu nghanda ya baeni temwaali nkendo yakuti beekalemo.⁸Kwaali basungi bamo baali basunga mikooko yabo mu kisonso musita wa busiku. ⁹Malaika wakua Mulopue waabamonekeele, ni bulumba bwakua Mulopue bwaabasanikiile, ni bo baakilile kutiina.¹⁰Inzi malaika waabaanine, "Tekutiine pantu namileetela mpunda iweme yaakabaleetela bantu bonse nsansa. ¹¹Mupususi wavyalua lelo mu muzi wakua Daudi ni ye i Kristu Mulopue wetu. ¹²Kisininkizionikeki, mwaya musange lukeke lwapambiliilue mu ngubo lwalaalikilue mu mukondo."¹³Penka papo libumba lya bamalaika bange lyamoneka kale lyali pamo ni ozo malaika. Bamalaika banse baali baimba bamutasia Leza balanda, ¹⁴"Leza alumbue mwiulu, ni mutende ube pa bantu baatonene pano pa kyalo."¹⁵Bamalaika lubaabweleele mwiulu, basungi babambile kulanzyania, "Ale twende ku Betlehemu tuye tumone keki kintu kitwaanua na Mulopue." ¹⁶Baile lubilo lubilo ni kuya kusanga Maria ni Yusufu balaalikile lukeke lwabo mu mukondo.¹⁷Basungi lubaalumwene, baabaanine bavyazi mubaaninue na malaika palua ozo mwana. ¹⁸Bantu bonse baapapile lubaunvwile bintu byaalandile basungi. ¹⁹Inzi Maria waasungile byonse biaunvwile ni kuya wabilanguluka mu mutima mwakue. ²⁰Basungi baabwelele balimukwimba bamutasia Leza pa bintu byonse bibaunwile ni kumona, pantu baile kusanga bintu byonse byali nga mubaaniinue na malaika.²¹Lwaakumeene nsiku mwanda, ozo mwana waateetelue yando ni kwinikua liina Yesu, liina liainikilue na malaika Maria luali tanaimite.²²Lwaakumeene musita wa kusambua kwabo nga mwaali mwabeeleele Mizilo yakua Musa, bavyazi bakua Yesu baatweme mwana ni kuya kumupeela Mulopue ku Yeruzalemu ²³nga vikyaali kyalembelue mu Mizilo yakua Mulopue nangue, "Kubalua libeli lyalalume, ni lyane." ²⁴Kabili Yusufu ni Maria baile kupeela bupe bwaalailue mu Mizilo yakua Mulopue, nkunda ibili ao bibondo bibili bya bipeele.²⁵Pa ozo musita, mu Yeruzalemu mwaali mwaikeelemuntu umo liina lyakue Simeoni. Ozo muntu waali mulunghami, kabili waali wapepa Leza. Waali wapembele bulayo bwakua Leza bwa kupususia Baizraeli, Mweo Muzuuke waali pamo nakue. ²⁶ni kumwana nangue takafua luasinamumone Kristu wakua Leza.²⁷Simeoni waile walombwelue na Mweo Muzuuke mu nghanda yakua Leza. Bavyazilubaamutwele Yesu mu nghanda yakua Leza, baamukitiile mwaali mwabeeleele Mizilo yakua Musa. ²⁸Semione waakwete mwana mu minue yakue ni kumusantila Leza walanda, ²⁹"We Mulopue, muleke mubombi obe aye na mutende nga muwaalaile.³⁰Pantu menso ane amona bupusuko bobe ³¹buwaateaniiziizie ntunduyonse. ³²Ozu mwana waakalengia bantu bakakumane wewe Leza, ni kuleeta bulumba ku Baizraeli."³³Bintu byaalandile Simeoni palua mwana byaapapiizie Maria ni Yusufu. ³⁴Simeoni waabapaalile ni kumwana Maria nghina kwa Yesu nangue, "Ozu mwana asaakwilue na Leza pa mulandu wa kuzeeza ni kupusuka kwa bantu bengi mu Izraeli. Waakaba kalangi ka kumaninako Leza, ni bantu bengi baakamukaana, ³⁵evi malanga abo akamanike ku bonse. Ni we nghina mutima obe waakakukisa nga we utunkilue mukuuki."³⁶Kwaali ni unge kabika mwanakazi mukote liina lyakue Ana mwina Fanueli wa mu mukowa wakua Aseri. Ozo mwanakazi waikeele sie ni mulume wakue myaka kilooba mu bukazyana bwakue. ³⁷Mulume wakue luafwile, waikeele mu bumukanfwilua myaka 84 tekuba wafuma mu nghanda yakua Leza. Waali wapepa Leza busiku ni koba pamo ni kwizilika. ³⁸Ozo wenka musita, Ana waizile kumusantila Leza ni kubalondolwela palua mwana. Waabalondolweleele bantu bonse baali bapembeele Leza kuti alubule Yeruzalemu.³⁹Yusufu ni Maria lubaapwile kukita byonse kukonkana ni Mizilo yakua Mulopue, baabweleele ku muzi wabo wa Nazareti mu Galilaya. ⁴⁰Mwana waakulile ni kuluma waali ni maano, kabili waali wapaalilue na Leza.⁴¹Kubalua mwaka, bavyazi bakua Yesu baali baya ku Yeruzalemu ku nsikunkulu ya Pasaka. ⁴²Yesu luali wasyali na myaka likumi na ibili, baile ku Yeruzalemu ku nsikunkulu nga mubaali bakitila. ⁴³Nsikunkulu luyaapwile, baabambile kubwelela kwabo. Inzi Yesu wene waasyelemu Yeruzalemu bavyazi bakue tekuba bamanine. ⁴⁴Bavyazi bakue baalangakeene nangue Yesu atangiile pamo ni bange bantu. Evi baendele koba konse tekuba bali nakue, baabambile kumukeba mu bantu babo ni mu benabo.⁴⁵Lubaandilue kumumona, baabweleele ku Yeruzalemu. ⁴⁶Busiku bwa butatu baile kumusanga mu nghanda yakua Leza waikeele pamo ni bakasambilizia ba kiyuda wabatwiliziizie ni kuya wabeepuzia. ⁴⁷Bantu bonse baamutwiliziizie Yesu bapapile kukonkana ni ngasukilo ya milangue yakue.⁴⁸Bavyazi bakue lubaamumwene, ni bo baapapile, nghina waamwipuziizie mwana wakue, "We mwana wane, watwemiizia ki evi? Nene ni so, twakiba twakukeba twasakameene sana." ⁴⁹Yesu waabaasukile, "Eba, ale mulimwankebela ki? Temumanine nangue nene nmpalile kuya nali mu nghanda yakua Tawe?" ⁵⁰Inzi bene tebaamanine kyaasukiile evio.⁵¹Kupwako, Yesu wabwela pamo nabo ku Nazareti, kabili waali wabanakila. Nghina waasungile bebi bintu byonse mu mutima mwakue. ⁵²Yesu waali wakula mubili ni maano, kabili waali wawamiizia Leza ni bantu

¹Mu mwaka wa likumi na isaano mukuteeka kwakua Kaizari Tiberyo, Pontio Pilato waali ndabukizi wa ku Yudea, Herodi waali kateeka wa ku Galilaya, ni muvyalua nakue Filipo waali kateeka wa kyalo kya Iturea ni Trakoniti. Lisania waali kateeka wa ku Abilene. ²Anania ni Kaifa i baali babitambua bakulu, ozo musita, Leza waalandile na Yoane mwina Zakaria mu kaseeba.³Yoane waile mumbali mwenzi wa Yordani walimukusimikila walanda, "Lapile bibalo byenu ni kubatiziwa, evi Leza amyeleele."⁴Nga vikilembelue mu kitabu kyakua kabika Isaya nangue, "Lizui lya muntu lyaunvwikile mu kaseeba lyaland, 'Muteaniizie Mulopue nzila, wamie tusansaila mwakuti apite!.⁵Kubalua lulambe lwizuziiwe, tupili ni mpili bilinghaniwe, ni nzila ya mapeto yololue, ni muli bituntu muwamiiwe. ⁶Bantu bonse baakamona bupusuko bwakua Leza'".⁷Yoane waabambile kwana bantu bengi baizile kubatiziwa kuli wene nangue, "Mwe luvyalo lwa nzoka, nani waamyanine kubutuka kukandua na Leza kulimukwiza?⁸Kite bintu bya kuya byalangisia nangue mulapiile bibalo byenu, kabili tekulangakane nangue Abrahamu i kikolue kyenu. Namyana kisinka nangue Leza kuti waalula aza mabue ni kuakita kuba luvyalo lwakua Abrahamu.⁹Lizembe telisyabiikilue kale mu bisinte bya bimuti. Kimuti kyonse kisilikyaseekako mazabo aweme kyaakateetua ni kupoozua mu mulilo."¹⁰Bantu baamwipuziizie Yoane, "Ale telikukita syani?" ¹¹Waabaasukile, "Olia ali ni tubinda tubili, amupeeleko kamo olia asikwete, ni olia ali ni bilio abapeeleko balia basikwete."¹²Bakasonkia ba musonko baile kubatiziwa ni bo baamwipuziizie, "We kasambilizia, ale fwefue tulikukita syani?" ¹³Yoane waabaasukike, "Tekusonkie kukila mumwaaniinue."¹⁴Balukale bamo ni bo baamwipuziizie, "Ale fwefue tulikukita syani?" Waabaasukile, "Tekubapoke bantu nfolanga ku maka ao kasongela muntu bya bufi, waminue sie na nsazio yenu."¹⁵Bantu bali bapembeele bintu byaakeeza baali basyalangakana nangue pange Yoane i Kristu. ¹⁶Yoane waabaanine, "Nene ndimukumibatizia mu menda, inzi olia alimukwiza, wene i mukulu kunkila kabili nsipalile kumuvuula nkwabilo yakue. Wene i waakamibatizia mu mweo Muzuuke ni mu mulilo.¹⁷Akwete lupeepe lwa kupupiiziako nghano mu minue yakue, evi akolonghanie nghano ni kwibiika mu butala ni makapa a apooze mu mulilo usiliwazima."¹⁸Yoane waabasimikiile bantu Mpunda iweme mu misango ilekenkeene ni kubakinkizia na twebo twingi. ¹⁹Kabili Yoane waamusasiliile Herodi pantu waali waupile Herodi muka wakwakue Filipo. Waamusasiliile pa mulandu wa bintu byonse bibiipile biakitile. ²⁰Kintu kyaakilile kubiipa pa byonse byaakitile Herodi ni keki, kumukaka Yoane mu buloko,²¹Bantu bonse lubaapwile kubatiziwa, Yesu ni ye waabatiziiziwe luali walimukupepa, lyulu lyaizukile, ²²ni Mweo Muzuuke waamwenekele wamukookela nga nkunda. Lizui kufuma mwiulu lyaalandile, "Uli mwana wane mutonua unghwamiinuemo."²³Yesu luabambile miiloyakue, waali wasyali na myaka 30. Bantu baalangakeene nangue ni mwina Yusufu, Yusufu waali mwina Heli, ²⁴Heli waali mwina Matati, Matatiwaali mwina Lawi, Lawiwaali mwina Melki, Melkiwaali mwina Yanai, Yanai waali mwina Yusufu,²⁵Yusufu waali mwina Matatia, Matatia waali mwina Amosi, Amosi waali mwina Naumu, Naumu waali mwina Hesli, Hesli waali mwina Nagai, ²⁶Nagai waali mwina Maati, Maati waali mwina Matatia, Matatia waali mwina Shemeni, Shemeni waali mwina Yoseki, Yosekiwaali mwina Yoda,²⁷Yoda waali mwina Yohanani, Yohanani waali mwina Resa, Resa waali mwina Zerubabeli, Zerubabeli waali mwina Salatieli, Salatieliwaali mwina Neli, ²⁸Neli waali mwina Melki, Melki waalimwina Adi, Adi waali mwina Kosamu, Kosamu waali mwina Elmadamu, Elmadamu waali mwina Eri, ²⁹Eri waali mwina Yoshua, Yoshua waali mwina Eliezeri, Eliezeli waali mwina Yorimu, Yorimu waali mwina Matati, Matati waali mwima Lawi,³⁰Lawi waali mwina Simeoni, Simeoni waali mwina Yuda, Yuda waali mwina Yusufu, Yusufu waali mwina Yonamu, Yonamu waali mwina Eliakimu, ³¹Eliakimu waali mwina Melea, Melea waali mwina Mena, Mena waali mwina Matata, Matata waali mwina Nathani, Nathani waali mwina Daudi, ³²Daudi waali mwina Yese, Yese waali mwina Obedi, Obedi waali mwina Boazi, Boazi waali mwina Salmoni, Salmoni waali mwina Nasoni,³³Nasoni waali mwina Aminadabu, Aminadabu waali mwina Aramu, Aramu waali mwina Hesroni, Hesroni waali mwina Peresi, Peresi waali mwina Yuda, ³⁴Yuda waali mwina Yakobo, Yakobo waali mwina Isaka, Isaka waali mwina Ibrahimu, Ibrahimu waali mwina Tera, Tera waali mwina Nahori, ³⁵Nahori waali mwina Serugi, Serugi waali mwina Ragau, Ragau waali mwina Pelegi, Pelegi waali mwina Eberi, Eberiwaali mwina Sala.³⁶Salawaali mwina Kenani, Kenani waali mwina Arfaksadi, Arfaksadi waali mwina Shemu, Shemu waali mwina Nuhu, Nuhu waali mwina Lameki, ³⁷Lameki waali mwina Methusela, Methusela waali mwina Henoko, Henoko waali mwina Yaredi,Yaredi waali mwina Mahalalei, Mahalalei waali mwina Kenani, ³⁸Kenani waali mwina Enoshi, Enoshi waaali mwina Sethi, Sethi waali mwina Adamu, Adamu waali mwina Leza.

¹Yesu luaizuziiziwe Mweo Muzuuke, waafumine ku mwenzi wa Yordani ni kuya mu kaseeba walombwelue na Mweo Muzuuke. ²Koko i kuabembelue na kibanda nsiku 40, mu ezio nsita yonse taali walia kantu. Ezio nsiku luyaapitile nzala yaamusumine.³Kibanda kyaamwanine, "Kine uli mwina Leza, ana libue leli lyaluke mukate." ⁴Yesu waamwaasukile, "Malembo alialanda evi, 'Muntu takaba wakoseele sie na kulia mukate.'"⁵Kabili kibanda kyaamutwele Yesu palendukile ni kumulangisia bukolo bonse bwa mu kyalo. ⁶- ⁷Kibanda kyaamwanine, "Kine wanmpupa ndikukupeela maka onse ni bunonsi bonse bunaapeelue pantu ndi ni buvinde bwa kumupeela kubalua muntu muntoneene."⁸Yesu waamwaasukile, "Malembo alialanda evi, 'Pupa Mulopue Leza obe ni kumubombela ye bunke!' "⁹Kabili kibanda kyaamutwele Yesu ku Yeruzalemu ni kumuteeka pa kaswelu ka nghanda yakua Leza kyamwana, "Kine uli mwina Leza, ipooze pansi, ¹⁰pantu Malembo alialanda evi, 'Leza waakakutumina bamalaika bakue ba kukulabukila.' ¹¹Kabili alialanda nangue, 'Baakakukwatilila na maboko abo tekuti ukeeputale ku libue.'"¹²Inzi Yesu waasukile, "Malembo alialanda evi, 'Tekumwezia Mulopue Leza obe.'" ¹³Kibanda lukyaapwile kumwezia Yesu mu bebi byonse, kyaamusiilenke.¹⁴Kupwako, Yesu wabwelela ku Galilaya walinimaka a Mweo Muzuuke. Mpunda palwakua wene yaakumeene mu Galilaya monse. ¹⁵Luabambile kubasambiliziizia mu nghanda yabo ya malombi, bantu bonse baali bamutasia.¹⁶Yesu waile ku Nazareti kuakuliile, busiku bwa sabata lubwaakumeene, Yesu waingiile mu nghanda ya malombi nga viali wakita lyonse. ¹⁷Waapeelue kitabu kyakua kabika Isaya, wavingululani kusanga paali palembelue nangue,¹⁸"Mweo wakua Mulopue ali pali nene, pantu ansubile mafuta evi nsimikile mpunda iweme ku bapabi. Wantumine kuya kukakula bakakilue, ni kukensia bampofu pamo ni kulubula bantu bemiiziwe. ¹⁹Kabili antumine kuya kusimikila nangue musita wakumana wakuti Mulopue akabe kupususia bantu bakue."²⁰Kupwako, Yesu wavinga kitabu ni kumubweziizia mubombi, Yesu waikala ni kubamba kubasambilizia. Bantu bonse baali mu nghanda ya mabombi baamutonokeele ²¹luali walimukulanda ezi mpunda ilandile nangue, "Lelo malembo afikiliziwa nga vimwaunvua abelengua ." ²²Bantu bonse baamutasiizie Yesu, kabili baapapiiziwe na twebo tuweme tuali walanda. Baabambile kwiipuzia, Ati emwe ozu te mwina Yusufu?"²³Yesu waabaanine, "Nmanine nangue mulikunghana evi, 'We kondapa! Iundape we mwine.' Kabili mulikunghana nangue, belia bitwaunvwile wakita ku Kafarnaumu, kita ni mono mwenu. ²⁴Namyana kisinka nangue, tekuti kabika aliwapokelelua mu muzi wakue.²⁵Unvue, pa musita wakua Elia tekwaali nvula pa myaka itatu ni myezi mutanda, ni bantu bengi mwaya kyalo, baingiile mu nzala ikata. Mu Izraeli mwaali bamukanfwilua bengi, anzia baali bavulile evio. ²⁶Elia waatuminue sie kuya kuli mukanfwilua wa ku sarepta mu kyalo kya Sidoni. ²⁷Kabili mu Israeli mwaali balwele ba tembue bengi pa musita wakua kabika Elisha. Inzi te bonse baakosiiziwe, inga sie naamani wa ku kyalo kya Siria."²⁸Bantu baali mu nghanda ya malombi lubaunvwile evio, baamufiitiiluie, ²⁹Babuuka bamutwama Yesu kunze ya muzi ni kumutwala peulu kapili paali pa kuulilue muzi wabo, evi bamusemekele ku kiponga. ³⁰Inzi waabazembulukile ni kupita mu libumba waya.³¹Yesu luaile ku Kafarnaumu, muzi wa mu Galilaya, waabambile kusambilizia bantu busiku bwa sabata. ³²Bonse baapapiiziwe na musango uali wasambiliziiziamo pantu waali walanda na buvinde.³³Mu nghanda ya malombi mwaali muntu umo waalini mwela ubi. Waangwile walanda, ³⁴"We Yesu waku Nazareti, umiine kutukita ki? Eba, wiziile kutwinoona? Nmanine nangue uli Muzuuke wakua Leza!"³⁵Yesu wauanine mwela, "Talala, fuma mu ozu muntu!" Penka papo Mwela wamuponiizia pansi ni kufuma pasili kumukisia. ³⁶Bantu bonse baapapileni kubamba kwipuzyania, "Emwe, i kulanda kwa musango ki koku? Eyo kansi ozu muntu ali ni maka ni buvinde bwa kukumba myela ibi mu muntu!" ³⁷Mpunda palwakua Yesu yaakumeene mu kekio kyalo³⁸Yesu waafumine mu nghanda ya malombi ni kuya ku nghanda yakua Simoni. Nghinavyala kwa Simoniwaali walwele biizo kuswela, baamulombele Yesu amukosie. ³⁹Waile paali paleele mulweleni kubwana bulwele bwa kuswela kwa biizo bupue. Penka papo bulwele bwapua kale. Mulwele wabuuka, wabamba kubateaniizia bilio.⁴⁰Koba lukaali kasyazimina, bonse baalini malwele alekenkeene baaleetelue kuli Yesu. Kubalua mulwele waabiikiilue kuboko na Yesu ni kukosiiwa. ⁴¹Myela ni yo yaafumine mu bantu bengi yaangula yalanda, "Uli mwina Leza!" Yesu waikaaniizie myela tekuti ilande kantu pantu yaali yainikile bwino bwino nangue waali Kristu.⁴²Yesu waafumine mu muzi lukeelekeele ni kuya kwa bunke. Bantu baabambile kumukeba. Lubaamusangile, baamwanine tekuti abasie. ⁴³Inzi waabaanine, "Nmpalile nsimikile Mpunda iwemeya Bukolo bwakua Leza ni mu mizi inge evelia vyenka pantu ikinaatumiinue na Leza." ⁴⁴Kupwako Yesu watwalilila kusimikila mu nghanda ya malombiya mu Yudea.

¹Busiku bumo Yesu waali waimeene mumbali kiziba kya Genezareti. Bantu baamutintile lubaali baya kutwilizia keebo kakua Leza. ²Waamwene maato abili mumbali kiziba ni balobi bali kunze balimukusamba makila abo. ³Yesu waapateeme mu bwato bwakua Simoni ni kumwana abutwale pa buziba pepi ni kunze. Yesu waikeele mu bwato ni kubamba kusambilizia bantu.⁴Luapwile kusambilizia, waamwanine Simoni, "Ale twala bwato pa buziba muteye bukila bwenu, evi masabi akwatue." ⁵Simoni waamwanine, "We Mulopue, twabombanga sana busiku bonse pasili kwipaya masabi. Inzi pantu walanda evio, ndikutea." ⁶Bateele ni kwipaya masabi engi mpaka ni makila abo teakeba kuzabuka. ⁷Baabapeswile benabo baali mu bunge bwato beze babakwasie, baizile kubakwasia ni kwizuzia masabi mu maato onse abili, baali basyaendela sie mu lufito.⁸Simoni Petro luamwene byaakitikile waamufukamiine Yesu wamwana, "We Mulopue! Fuma pano pantu nene ndi wa bibalo." ⁹Petro ni bonse baali pamo nakue baapapiiziwe na bwingi bwa masabi abaipaile. ¹⁰Yakobo ni Yoane bena Zebedeo, baali bali balobi nakue. Yesu waamwanine Simoni, "Tekutiina, kutula lelo waya wasyaloba bantu." ¹¹Baakuliile maato abo kunze. Kupwako, basia byonse ni kumukonka Yesu.¹²Yesu waile mu muzi mwaali mwali muntu umo waali walwele tembue. Ozo muntu luamumwene Yesu, waipoozele pansi walimukumwana, "We Mulopue, kine watona kuti wanswesia!" ¹³Yesu waolola kuboko kwakue, wamukumia walanda, "Natona sweta." Penka papo tembue wapue kale.¹⁴Yesu waamukaniizie tekutiabwileko muntu, inzi aye alengulue sie na kitambua, kabili aye apeele bupe nga mwaalandiile Musa evi bonse basininkizie nangue wakikosa.¹⁵Anzia baamukaaniizie evio, mpunda palwakua Yesu yaakumeene monse. Bantu baali baya kumutwilizia ni ye waali waabakosia malwele abo. ¹⁶Inzi Yesu wene lingi waali wabasia ni kuya ku kupepa kwa bunke.¹⁷Busiku bumo Yesu waali wasambilizia. Bafarizeo ni bakasambilizia ba Mizilo baali bafumine mu mizi ya mu Galilaya ni ya mu Yudea ni ya mu Yeruzalemu, ni bo pa baali. Yesu waali ni maka akua Leza, maka a kukosia balwele.¹⁸Bantu bamo baile batweme muntu wa bulebe pa kisalo. Baba bantu baali batonene bamwingizie mu nghanda ni kumubiika pa ntanzi yakua Yesu. ¹⁹Lubaandilue kumwingizia pantu bantu baali bavuliisie, baamuseziizie pa mutenge ni kuvimbula mutenge lya palia paali paimeene Yesu. Lubaakitile evio, baamukoosiizie ozo muntu waleele pa kisalo mpaka pa ntanzi yakua Yesu.²⁰Yesu luamwene vyaali vyatanine kiketekelo kyabo, waamwanine ozo muntu wa bulebe, "We mwana wane, waeleelua bibalo byobe." ²¹Bakasambilizia ba Mizilo ni Bafarizeo baatendekele kwipuzyania balanda, "Ale ozumuntu aliwafuupula Leza nani? Pantu Leza bunke i aliwaeleela bantu bibalo byabo!"²²Yesu luamanine malanga abo waabaanine evi, "Mulimukulangakanina ki evio? ²³Ni kiki kilengeesiepo pa kumwana muntu wa bulebe nangue, 'Waeleelua bibalo byobe,' ao kumwanaevi, 'Ewe, buuka wende?' ²⁴Inzi evi ntonene mumane nangue mwina muntu ali ni buvinde bwa kweleela bantu bibalo byabo pano pa kyalo." Kupwako, wamwana ozo muntu wa bulebe, "Ewe, buuka utwame kisalo kyobe uye waya ku nghanda."²⁵Penka papo muntu wabuuka kale, ni bonse bamumona, watwama kisalo kiali waleelepo ni kuya ku nghanda walimukumutasia Leza. ²⁶Bantu bonse baapapile baunvwile mwezo koku balimukumutasia Leza balanda, "Lelo twamona tupapo!"²⁷Pa kyamba, Yesu luafumine waamwene kasonkia wa musonko liina lyakue Lawi waikeele pa kifuka kya kusonkiiziapo musonko. Yesu waamwanine, "Nkonke!" ²⁸Lawi waabuukile, wasia bintu byonse ni kumukonka.²⁹Pa kyamba, Lawi waamutebetele Yesu. Mu ezio nghanda yakua Lawi, mwaali bakasonkia bengi pamo ni bange bengi baaliile pamo ni Yesu. ³⁰Bafarizeo pamo ni bakasambiliziaba Mizilo, baabambile kwitendooka babaana basambi bakuaYesu nangue, "Ale mwemue mulimukuliila ki ni kumina pamo ni bakasonkia ni ba bibalo?" ³¹Yesu waabaasukile, "Bantu bakosele, tebalibakeba nghanda inga sie balwele i balibakeba nghanda. ³²Nene nsyaiziile kukuuta balunghami, inzi naiziile kukuuta ba bibalo kuti balapile."³³Bantu bamo baamwanine Yesu, "Unvua, basambi bakua Yoane, lyonse balibapepa ni kwizilika bilio. Basambi ba Bafarizeo ni bo balibakita evio vyenka. Inzi basambi bobe bene tebezi kwizilika." ³⁴Yesu waabaasukile, "Eba, mulangakeene nangue bakupilue ku buinga kuti bakaaniiwa kulia lubakili pamo ni syabuinga? Ata, tekikitika! ³⁵Inzi musita waakafumiiwapo syabuinga, ni bo i lubaakeezilika bilio."³⁶Kabili Yesu waabaanine mu kipalo, "Tekuti muntu aliwabiika kilaka kya lenu pa ngubo ya kale, pantu kilaka kya ngubo ya lenu kuti kyakula nguboya kale, ni yo ilikukila kuzabuka.³⁷Kabili tekuti muntu aliwabiika divai ya lenu mu nsupa ya kale, pantu kine wakita evio, Elia divai ya lenu kuti yabuzula nsupa ni byonse kuti byainooneka. ³⁸Inzi divai ya lenu iliyabiikua mu nsupa ya lenu. ³⁹Kabili tekuli muntu aliwatona kumina divai ya lenu wasyaminine divai ya kale, pantu bantu balibalanda evi, 'Ya kale i iweme.'"

¹Busiku bumo bwa sabata Yesu waapitile mu makaba a nghano. Basambi bakue baali bapita baputula nghano baifikina mu minue ni kulia. ²Bafarizeo bamo baipuziizie, "Ati, mulimwakitila ki bikaniiziwe na Mizilo yetu mu busiku bwa sabata?"³Yesu wabasukile, "Eba, temunabelengepo vyaakitile Daudi musita uaunvwile nzala ye ni bantu bakue? ⁴Daudi waingiile mu nghanda yakua Leza ni kulia mikate yaali yapeelue Leza. Waapeeleko ni bantu bakue. Babitambua bunke i baali bapeelue nsambu ya kulia ezio mikate." ⁵P mpeleezio Yesu waabaanine, "Unvue, mwina muntu i Mulopuewa sabata."⁶Pa sabata inge, Yesu waile mu nghanda ya malombi ni kubamba kusambilizia. Muezio nghanda mwaali muntu umo waali walebeele kuboko kwa kulio. ⁷Bakasambilizia bamo ba Mizilo pamo niBafarizeo bamo baali bakeba mulandu wa kumusongela Yesu mukukita bubi. Baba bantu baali bamukenteleele bamone kine alikukosyania busiku bwa sabata. ⁸Inzi Yesu luamanine malanga abo waamwanine muntu waali walebeele kuboko nangue, "Imana wize kono ku ntanzi." Waabuukile ni kuya kwimana ku ntanzi.⁹Kabili Yesu waabeepuziizie, "Ati, Mizilo yetu iliyatwana kukita biweme ao bibiipile busiku bwa sabata? kupususia muntu ao kumwipaya?" ¹⁰Luakentele koku ni koku, waamwanine muntu alebeele kuboko nangue, "Olola kuboko kobe!" Waolola kuboko, ni ko kwakosa. ¹¹Baakilile kufiitua ni kubamba kulanzyania vyakuti bamukite Yesu.¹²Busiku bumo Yesu waaselele pa kapili pa kupepa. Waakesiizie wapepa Leza. ¹³Busiku lubwaakiile, waakuutile basambi bakue ni kusaakulapo bantu likumi na babili ni kubeenika batumua.¹⁴Ni meena abo ni aza Simoni wainikilue Petro na Yesu, ni mwalawakue Andrea, Yakobo ni Yoane, Filipo ni Bartolomeo, ¹⁵Mateo ni Tomaso, Yakobo mwina Alfayo ni Simoni (muntu waali wakuutua Muzelote). ¹⁶Yuda mwina Yakobo, ni Yuda Iskarioti olia waamupeene Yesu ku balwani.¹⁷Yesu luali wakooka kufuma ku kapili pamo ni batumua bakue, waile kwimana pa lulambe ni basambi bakue bengi. Papo pa lulambe paali bantu bengi baali bafumine ku Yudea ni ku Yeruzalemu, ni baali bafumine ku mizi ya kuTiro ni ya ku Sidona. ¹⁸Baba bantu baizile kumutwilizia ni kukosiiwa malwele abo. Ni balia baali baemiiwa na myela ibi, ni bo baizile kukosiwa. ¹⁹Bantu bonse baatonene kumukumia pantu maka aali afuma muliwene ni kukakosia bonse.²⁰Yesu waabakentele basambi bakue wabaana, "Mwe bapabi musyukile,pantu mwaakateekua na Leza! ²¹Mwe bonvwile nzala musyukile pantu mwaakeekusiiwa, mwe balimukulila musyukile pantu mwaakaseka!.²²Musyukile lumwasuulua na bantu, ni kukaanua ni kutukua ni kulandilua bibiipile pa mulandu wakua mwina muntu. ²³Lumwakitilue bebi byonse, sangalale, kinde ni kumwinua pantu mwaakalambulua kilambu kikata busiku bwa bupinguzi. Pantu ni bikolue byabo ivibyaali byakitila bakabika.²⁴Inzi mwe banonsi musyeme! Pantu mwemue mwaapokeleele kale kuwaminua kwenu! ²⁵Mwe beekusi musyeme, pantu nzala yaakamisuma! Mwe balimukuseka musyeme, pantu mwaakaloosia ni kulilooka.²⁶Lumwalandilua biweme nabantu bonse musyeme! Pantu ni bikolue byabo i vibyaali byalanda palua bakabika ba bufi.²⁷Inzi namyana mwe bantwiliziizie nangue, tone balwani benu kite biweme ku bonse bamisuulile, ²⁸Paale balia balibamitiipa, ni kupepela balia balibamyemia.²⁹Kine muntu wamyuma ku litama lya kulio mupilibwile ni lya kuso. Kine muntu wakupoka libooti lyobe, mupeele ni kabinda. ³⁰Kine muntu wakulomba kantu, mupeele, ni luwatwaminua tobe, tekulomba kubweziiziwa.³¹Kitila unge nga vyutonene kukitilua. ³²Pantu kine watona sie bantu bakutonene, teuvinda kupokelela mapaalo. Pantu bantu ba bibalo ni bo batonene balia babatonene! ³³Kabili kine wakita biweme ku balia balibakukitila biweme,kuti wapaalua syani? Pantu ni bantu ba bibalo ni bo i vibalibakita. ³⁴Kabili kine mwakopesia sie ku balia bamuswapile kumibweziizia, kuti mwapaalua syani? Pantu ni bantu ba bibalo i vibalibakopesyania baswapiile kubweziiziwa.³⁵Inzi tone balwani benu ni kubakitila biweme, kopesie ni kusiketekele kubweziiziwa kantu. Ni mwe mwaakaba ni kilambu kikata, kabili mwaakaba bena Leza kabezia Mpungu, pantu wene aliwawamiizia bantu baweme ni babiipile. ³⁶Be mwali ni nkumbu nga vili sinue.³⁷Tekupingule bange mukakeeza kupingulua na Leza. Bange ni bo tekubatane nsambu mukakeeza kutanua nsambu na Leza. Eleele bange, ni mukeeleelua.³⁸Paane, evi ni mwe mukapeelue na Leza. Mwaakapeelua bingi byaizwile ni kusempukila pansi. Kipiimo kimwapiiminako bange, i kimwaakapiiminuako na Leza."³⁹Kabili Yesuwaatwaliliile kubaana mu kipalo nangue, "Mpofu tavinda kulombola mpofu nakue. Kine wakita evio, bonse babili balikuponena mu kiina. ⁴⁰Musambi takukitile kasambilizia wakue, inzi musambi kine wasambiliziwa bwinobwino, aliwaaluka ngakasambilizia wakue.⁴¹Ati, uliwamwena ki kankolopiilo kali mu linso lya mwinobe pasili kumonanke lizengulo lili mu linso lyobe? ⁴²Kuti wamwana syani mwinobe nangue, 'Ewe, ele nkufumie kankolopiilo kali mu linso lyobe? Eba, we teumwene lizengulo lili mu linso lyobe, mane umone bwino pa kufumia kankolopiilo kali mu linso lya mwinobe.⁴³Kamuti kiweme tekyaseekako mazabo abi. Ni kimuti kibi tekyaseekako mazabo aweme. ⁴⁴kubalua kimuti, kilikyainikilua ku mazabo aliaseekako, ku kimuti kya myunga tekwizi kusabua miku ao mizabibu.⁴⁵Muntu aweme aliwafumia biweme mu mutima mwakue. Muntu mubi aliwafumia bibiipile mu mutima mwakue, pantu kanua ka muntu kalikalanda bintu bili mu mutima.⁴⁶Ale kimulimwankuutila nangue, 'We Mulopue, we Mulopue ni kiki?' Ale vimusilimwakita bintu bindinamyana kukita? ⁴⁷Onse aliwaiza kuli nene ni kunvua twebo twane pamo ni kutunakila, ⁴⁸Apaleene ni muntu waakuulile nghanda yakue. Pa kukuula kiputa waimbanke mpaka pa lyalala. Mwenzi luwaizwile, waapumine ku ezio nghanda, nghanda teyaatentele pantu yaali yakuulilue pa lyalala.⁴⁹Inzi onse aliwaunvua twebo twane pasili kutunakila, apaleene ni muntu waakuulile nghanda yakue pasimbilue. Ni mwenzi luwaizwile waapumine ku ezio nghanda, kutuutika kwa ezio nghanda kwaali kwabiipiisie!"

¹Yesu luapwile kubaana bantu bebi byonse waile ku Kafarnaumu.²Koko ku Kafarnaumu kwaalimukuluumo wa balukale waali ni mubombi uali watoneesie. Ozo mubombi waali walwele wasyaumiine kufua. ³Mukulu wa balukale luaunvwile mpunda palwskua Yesu, waatumine bakulu ba Bayuda baye bamwane Yesu eze amukosiizie mubombi wakue. ⁴Baile kumupaapaatisia Yesu balimukulanda, "We Yesu, kisinka ozu muntu upalile kumukosiizia mulwele wakue, ⁵pantu atonene bantu betu, kabili pantu wakitukuulila nghanda ya mabombi."⁶Kupwako, Yesu waya pamo nabo. Luali wasyafika pa nghanda, mukulu wa balukale waatumine benakue baye bamwane Yesu nangue, "We Mulopue, tekwiemia, Pantu nsipalile kukupokelela mu nghanda yane. ⁷Ni pakako, naimona tekuba napalile kwiza kuli wewe. Inzi landa sie keebo kamo, ni mubombi wane alikukosa. ⁸Nalanda evi pantu ni nene ndi nkonkani ya mukulu wa balukale. Ni nene wenka ndinamwana umo wa balukale bane nangue, 'Endo kolia!' Ni ye aliwaya. Kine namwana unge nangue, 'Iza kono!' Ni ye aliwaiza. Kabili muzia wane ndinamwana evi, 'Kita keki!' Ni ye aliwakita."⁹Yesu luaunvwile evio, waapapile, waabapilibukiile bantu wabaana, "Namyana kisinka nangue, ata ni mu Izraeli, nsinasangemo kiketekelo nga keki. ¹⁰Balia baatuminue baatuminue baabweleele ku nghanda yakua mukulu wa balukale ni kuya kusanga mulwele wasyakosele.¹¹Pa kyamba, Yesu waile ku muzi uliwakuutua Naini. Waile waakonkelue na basambi bakue pamo ni bantu bengi. ¹²Yesu luapaleeme ku nghingililo ya muzi, waasaakeene ni bantu baali batweme lufu lwa mwana lyonga mwina mwanakazi afwiliilue na mulume balimukuya ku kuziika ozo mwana. Paali bantu bengi ba mu ozo muzi baali bali pamo ni ozo mwanakazi. ¹³Mulopue luamukentele, waamunvwiliile nkumbu, waamwanine evi, "Talala." ¹⁴Yesu luaile kukumia ku kipoi, bantu baali batweme kipoi baimeene. Yesu waalandile, "We mulumendo, nakwana buuka!" ¹⁵Penka papo mulumendo wabuuka kale ni kutendeka kulanda, Kupwako, Yesu wamubweziizia kuli nghina.¹⁶Bantu bonse baunvwile mwezo. Baabambile kumutasia Leza balanda, "Kabika mukulu wamoneka pakati ketu!" Kabili baalandile, "Leza ezile kupususia bantu bakue!" ¹⁷Ezi mpunda palwakua Yesu yaakumeene mwaya kyalo kya Yudea ni mu mizi yonse.¹⁸Basambi bakua Yoane lubaamubwilile Yoane palua bebi bintu byonse byaakitile Yesu, Yoane waakuutilepo babili. ¹⁹Waabaanine evi, "Endo mwaya mumwipuzie Mulopue nangue, kubako wewe i olia waalandilue naYoane nangue waakeeza ao tupembele unge?" ²⁰Balia basambi babili lubaafikile kuli Yesu baalandile nangue, "Yoane Mubatizi watutumanga twize tukwipuzie kine wewe i olia waalandilue na Yoane nangue waakeeza ao tupembele unge?"²¹Pa ozo wenka musita Yesu waakosiizie bantu bengi baali balwele malwele alekenkeene, waakosiizie baali ni myela ibi pamo ni kukensia bampofu bengi. ²²Balia baatuminue na Yoane baasukilue evi, "Endo mumwane Yoane bintu bimwamonea ni kunvua, pantu bampofu bamona, ni balibasunkuta babamba kwenda bwino, ni balwele tembue bakosiiwa ni bampokoto baunvua, ni bafwile batuntumunua, ni bapabi basimikilua mpunda iweme. ²³Lisyuko ku bantu basilibalekela kunketekela!"²⁴Bantu baatuminue na Yoane lubaabwelele, Yesu waabambile kubaana bantu palwakua Yoane nangue, "Ati, lolia lumwaile ku kaseeba kuli Yoane mwaile kumona ki? Eba, mwaile kumona litete lyaali lyatensiiwa na mwela? ²⁵Ale mwaile kumona ki? Mwaile kumona muntu avwele nghubo ibenghemene? Bantu balibavwala ngubo iweme ni kwikala bwino, balibasangua sie mu nghanda ya makolo! ²⁶Ale nghane, mwaile kumona ki? Mwaile kumona kabika? Ee, kisinka mwaamwene akilile bakabika.²⁷Pantu Yoane iolia alandilue na Leza mu Malembo nangue, 'Naakamutuma mukenziwane akakutangilile kuya kukuwamiizia nzila.'" ²⁸Yesu waatwaliliile kulanda, "Pa bantu bonse, tepali mukulu kukila Yoane. Inzi olia akeepeesie mu Bukolo bwakua Leza, i mukulu kukilaYoane,"²⁹Bantu bonse pamo nibakasonkia ba musonko lubaali bamutwiliziizie, baatasiizie buwame bwakua Leza pantu baali basyabatiziiziwe na Yoane. ³⁰Inzi Bafarizeo ni bakasambilizia ba Mizilobaakeene kukita mutoneene Leza. Kabili tebaatonene kubatiziwa na Yoane.³¹Yesu waipuziizie, "Emwe, baba bantu ba kano koba ndikubapalania ku ki? Bali nga kiki? ³²Bali nga mabumba abili a banike bekeele mu kisisiizio bapundilana nangue, "Twamyombelanga nghoma inzi temwakindanga, twaimbanga nghimboya malilo, inzi temwalilanga."³³Pantu Yoane mubatizi luazile taali walia ni kumina divai. Mulimwalanda nangue, 'Ali ni myela.' ³⁴Inzi mwina muntu waizile, aliwalia ni kumina, mulimwalanda nangue, "Ozu muntu i kazule ni kyakolua, kabili wene i kibuza kya bakasonkia ba musonko pamo ni ba bibalo." ³⁵Bonse balibapokelela mapange akua Leza, balibasininkizia nangue aza mapange ni akiine."³⁶Mufarizeo umo waamukupile Yesu kuti balie nakue. Yesu waile mu nghanda yakue ni kutendeka kulia nakue, ³⁷Mu ozo muzi mwaali mwanakazi umo mukambue. Luaunvwile nangue Yesu waali walimukulia mu nghanda yakua Mufarizeo, waile ni lichupa lizuzimo mafuta a munu. ³⁸Ni kufukama ku kyamba lya ku makasa akua Yesu. Waatendekele kulila walimukumutoniizia mensozi ku makasa ni kuya wamupukusa na misisis yakue, kabili walimukukumia milomo ku makasa akua Yesu ni kumusuba mafuta a munu.³⁹Mufarizeo luamwene evio waalandile, "Ozu muntu abenge wali kabika wa kisinka, nga wainika nangue ozu mwanakazi alimukumukumia ni mukambue." ⁴⁰Yesu waamwanine mufarizeo, "We Simoni, ndi ni ka kukwana." Simoni waalandile, "We Mulopue, nghane."⁴¹Yesu waalandile, "Kwaali bantu babili baali bakopele nfolanga ku muntu umo, wa mambo waali wakopele nfolanga 500, niwa bupili waali wakopele nfolanga 50. ⁴²Mwine wa nfolanga luamwene nangue baandua kulipa, waabeeleele bonse babili. Ale nghane, pa baba babili nani waamutoneesie ozo muntu waabeeleele madeni abo? ⁴³Simoni waamwasukile, "Waamutoneesie ni ozo waeleelue nfolanga ingi." Yesu waamwanine, "Walanda bwino."⁴⁴Kabili waamupilibukiile mwanakazi koku walimukumwipuzia Simoni, "Ewe, wamona vyakita ozu mwanakazi? Unvua, naizanga mu nghanda yobe, tewanmpeelanga menda a kusamba ku makasa ane, inzi mona wene wansamba makasa ane na mensozi akue ni kunmpukusa na misisi yakue. ⁴⁵Lunaingilanga, tewankumyanga na milomo yobe, inzi mona, wene munaizilanga alimukunkumiankumia sie na milomo yakue ku makasa ane ni lenu kumo.⁴⁶Teunsubile mafuta a mizeituni ku mutue wane, inzi mona wene wansuba mafuta a munu ku makasa ane. ⁴⁷Ni pakako nakwana nangue, pantu ozu mwanakazi antoneesie anzia bibalo byakue bivulile, waeleelua. Onse aliwaeleelua pa tunini, ni kutona kwakue ni kunini."⁴⁸Kupwako Yesu wamwana mwanakazi, "We mwanakazi, waeleelua bibalo byobe." ⁴⁹Balia baali balimukulia nakue baabambile kwipuzyania balanda, "Ale ozu muntu aliwaeleela bantu bibalo byabo, nani?" ⁵⁰Inzi Yesu waamwanine mwanakazi nangue, "Kiketekelo kyobe kyakupususia, lilapo bwino."

¹Pa kyamba, Yesu waile kupita mu mizi walimukusimikila mpunda iweme palua Bukolo bwakua Leza, waali walipamoni batumua likumi na babili. ²Kabili waali wali pamoni banakazi bamo baapususiiziwe ku myela ibi, ni babge baakosiizie mu malwele abo. Umo pakati kabo waali Maria Magdalena, muli ozo Maria i mwaafumiiziwe myela kilooba. ³Unge waali wakuutua Yoane muka kuza waali kasunga wa mpango yakua Herodi, unge waali Susana,pamo ni bange banakazi bengi baali bamubombela Yesu pamo ni batumua bakue na mpango yabo mukubakwasia.⁴Bantu baafumine ku mizi ilekenkeene baile kukolongana paali Yesu, lubaakolongheene, Yesu waalandilekeki kipalo, " ⁵"Kwaali muntu umo waile kumiina mbezu, luali wamiina mbezu mu bukaba , mbezu inge yaaponeene mu nzila. Bantu baapitile banyantapo, ni toni twaile kukompa ni kuteleka. ⁶Inge yaaponeene pa lyalala. Luyaamenene, yaumine pantu tepaali kinwanvi.⁷Mbezu inge yaaponeene mu myunga ni myunga yatinta bimenene. ⁸Ni inge mbezu yaaponeene pa bulongo buweme, bibyelue byaamenene ni kutwama mbezu,kubalua lubezu lwaatweme misenga 100. Kabili Yesu waapwililiile walanda, "Kine muli ni matui a kunvua, unvue."⁹Basambi bakua Yesu baamwipuziizie Yesu, "We Yesu, ale keki kipalo i kulanda syani?" ¹⁰Yesu waabaasukile, "Mwe muli ni lisyuko lya kumana kafiso ka Bukolo bwakua Leza, inzi bange balibaaninua sie mu bipalo, evi anzia bakenta, tekuti bamone, kabili anzia batwilizia tekuti banvue.¹¹Bulondolozi bwa keki kipalo ni bobu. Mbezu i keebo kakua Leza. ¹²Mbezu yaaponeene mu nzila, i bantu balibaunvua keebo kakua Leza, papa ni papa kibanda kyaiza kukafumiamo evi tekuti bazumine ni kupusuka. ¹³Mbezu yaaponeene pa lyalala, i bantu balibaunvua keebo ni kukapokelela bawamiinue. Inzi tekezi kwingilisia ao kuziika misila mukati mwabo. Balibazumina sie pa musita unini, musita uliwaiza maavia ni lyemo pa mulandu wa kaka keebo, balibaswapulukua.¹⁴Mbezu yaaponeene mu myunga, i bantu balibaunvua keebo, inzi pa mulandu wa kusambookela bwikazi bwa mu kyalo ni lwinso lwa bunonsi pamo ni lwinso lwa binge bintu, i kulikwatinta keebo. Baba bantu tebezi kutwalilila mu kiketekelo. ¹⁵Mbezu yaaponeene pa bulongo buweme, i bantu balibaunvua keebo ni kukapokelela bwino bwino. Kabili balibasipikizia mpaka baseekako mazabo.¹⁶Tekuli muntu aliwaleemia litala ni kutupikilapo ao kulibiika mwinsina bulita, inzi lililyabiikua peulu, evi liye lyasanikiile bantu. ¹⁷kubalua kantu kafyeme kaakafyulua, ni kali mu mafiso kaakamanua. ¹⁸"Kansi, unvwisie bwino, pantu onse ali ni kantu waakalundiluapo.Ni onse asikwete kantu waakapokua ni kalia kaalangakeene kuba nako."¹⁹Nghina ni bakwakue kwa Yesu baile kuli Yesu. Inzi tebaamupaleeme pantu bantu baali bavulile. ²⁰Muntu umo waamwanine Yesu, "We Mulopue, noko ni bakobe bemeene panze bakeba kukumona." ²¹Yesu waabaanine bonse, "Yangu ni bakwane, ni balia balibaunvua keebo kakua Leza ni kukanakila."²²Busiku bumo Yesu waapateeme mu bwato pamo ni basambi bakue. Waabaanine evi, "Ale twende ku bwala kiziba." Baabambile kuya. ²³Lubaali balimukuya, mwela ukata waabuukile ni mabimbi atendekele kuuma ku bwato alimukusempukila mukati, ni bwato bwaali bwasyakeba kubunda.²⁴Basambi baile kumubuusia Yesu balanda, "We Mulopue, mona pasyatufue!" Yesu waabuukile ni kuwana mwela ulaale, ni o waaleele ni mabimbi atontoloka. ²⁵Kabili waabeepuziizie basambi bakue, "Eba, temuli na kiketekelo?" Baunwile mwezo ukata, baabambile kwipuzyania balanda, "Ale ozu muntu ni wa musango ki? Pantu mwela ni mabimbi byamunakila!"²⁶Yesu ni basambi bakue baafikile mu kyalo kya Bagerasi kili ku bwala kiziba kya Galilaya. ²⁷Yesu luapatukiilekunze, waasakeene ni muntu wa mu ozo muzi. Ozo muntu waali ni myela ibi, ozo muntu waikeele nsiku ingi tekuba wavwele kantu, kabili taali waikala mu muzi, inzi waali waikala sie ku mankabuli.²⁸Luamumwene Yesu, waile kwipooza pamakasa akua Yesu walimukwangula walanda, "We Yesu mwina Leza kabezia mpungu! Kiunmpapiile ni kiki? Nakupaapaata tekunkanda!" ²⁹Waalandile evi pantu Yesu wauanine mwela ubi ufume muli wene. Ozo mwela ubi, lyonse waali wamwemia sana. Kabili anzia bantu baali bamusunga ni kumukaka mikufu, waali waputula ni kuya ku kaseeba.³⁰Yesu waamwipuziizie, "Liina lyobe uli ni?" Waasukile, "Ndi libumba." Pantu waali ni myela ingi mukati mwakue. ³¹Myela yaamupaapaatile Yesu tekuti aikumbile kumbo.³²Pa ezio nkendo paali ni kisepe kikata kya ngulube yaali yalimukukina mumbali kapili. Myela yaamupaapaatile Yesu kuti iye ingile mu ngulube ni ye waayaanine iye. ³³Myela yaafumine mu muntu ni kuya mu ngulube. Kisepe kyonse kyaakundukiile lya ku kiponga ni kuya kwipooza mu kiziba.³⁴Bantu baali basunga ngulube lubaamwene byaakitikile, baile lubilo ni kuya kukumania mpunda mu mizi nimu makaba. ³⁵Bantu baile kumona byaakitikile. Lubaafikile kuli Yesu, baile kusanga olia muntu waafuminue na myela waikeele mu kyeni kyakua Yesu, wavwele bwino ni milangue yakue yonse yali sie nga kale. Bantu bonse baatiinine.³⁶Ni balia bantu baamwene byaakitikile, baile kubalondolwela bange vyaakosiiziwe ozo muntu waali ni myela. ³⁷Bekalamuzi ba mu Gerasi baunvwile mwenzo ukata. Ni pakako, baamwanine Yesu afume mu muzi wabo.Ni kiine Yesu wapatama mu bwato ni kuya.³⁸Ozo muntu waafuminue na myela waamupaapaatile Yesu kuti aye nakue. Inzi Yesu waamukaaniizie wamwana, ³⁹"Bwelela kwenu uye ubabwile bantu bintu biwakitilwanga na Leza." Ozo muntu waile kupita mu muzi onse walimukulanda byaamukitiile Yesu.⁴⁰Yesu luabweleele ku bunge bwala bwa kiziba kuafumine, bantu baamupokeleele pantu bonse baali bamupempa. ⁴¹Muntu umo liina lyakue Yairo, mukulu wa nghanda ya malombi, waile kufukama mu kyeni kyakua Yesu wamwana, "We Yesu, nakupaapaata uye ku nghanda yane." ⁴²Waalandile evi pantu waali ni mwana wakue mwanakazi, mwana umo sie waali na myaka likumi na ibili. Ozo mwana waali wasyaumiine kufua. Yesu luali walimukuya, bantu bengi baamukonkele batinteene.⁴³Pakati kabo paali ni mwanakazi waali walwele bulwele bwa kufumua mulopa. Bobu bulwele bwaamwemiizie myaka likumi na ibili. Ozo mwanakazi waendokele mu nghanga inge, kabili waafumiizie nfolanga yonse iali wakwete. Inzi tepaalubulukile kantu. Bulwele bwakue bwaali bwaililiile sie. ⁴⁴Ozo mwanakazi waile kupalama ku kyamba kyakua Yesu ni kumukumia ku lupipi lwa ngubo yakue. Ni penka papo bulwele bwakue bwapua.⁴⁵Yesu waipuziizie, "Eba, nani wankumia?" Bonse baakeene. Kupwako Petro walanda, "We Mulopue, mona bantu vibakuzyungulukiile ni kukutinta." ⁴⁶Inzi Yesu waalandile evi, "Ata, kuli ni muntu wankumia pantu naunvua maka anfuma."⁴⁷Mwanakazi luamwene nangue wamanika, waile kufukama mu kyeni kyakua Yesu walimukututuma. ⁴⁸Waalandile pa menso a bantu kyalengele kuti amukumie ni viakosiiziwe. Yesu waamwanine nangue , "We mwana wane, kiketekelo kyobe kyakukosia lilapo bwino."⁴⁹Yesu luali wakilanda sie evio, muntu umo wafuma kale ku nghanda yakua Yairo ni kuya kumwana Yairo mukulu wa nghanda ya malombi nangue, "We mukulu, mwana obe wafua kale. Lekela kumwemia kasambilizia." ⁵⁰Yesu luaunvwile evio, waamwanine Yairo, "Tekutiina, ketekela sie, mwana obe alikukosa."⁵¹Yesu luafikile ku nghanda, taitabiizie muntu kwingila pamo nakue, inga sie Petro, ni Yoane, ni Yakobo ni se kwa mwana pamo ni nghina. ⁵²Yesu waabaanine bantu bonse baali balimukulila, "Emwe, talale. Ozu mwana tafwile, inzi onene sie!" ⁵³Bantu baabambile kumupunika pantu baali bamanine nangue mwana waali wasyafwile.⁵⁴Inzi Yesu wamukwete ku kuboko ni kumwana, "We mwana, buuka!" ⁵⁵Penka papo mwana wakosa. Luabuukile, Yesu waabaanine bamupeele bilio. ⁵⁶Bavyazi bakue baapapile. Inzi Yesu waabakaaniizie tekuti babwileko muntu palua bebio byaakitikile.

¹Yesu waakuutile basambi likumi na babili ni kubapeela buvinde ni nsambu ya kukumba myela yonse ni kukosia balwele. ²Kabili waabatumine kuya kusimikila Bukolo bwakua Leza ni kukosia balwele.³Waabaanine evi, "Tekuti mukatwame kantu mu lwendo lwenu. Tekuti mukatwame kabango, ao kikapo, ao bilio, ao nfolanga. Mukaye sie na ngubo imuvwele. ⁴Konse ku mwaakaya kine bamipokelela mu nghanda, mukeekale momo mwenka mpaka busiku bumukafumamo⁵Kine bakaana kumipokelela, fume mu muzi wabo ni kusia mwaikunka lufunko ku makasa enu kuti kibe kyali kisininkizio pa bubi bwabo." ⁶Basambi baile kupita mu mizi yonse balimukusimikila mpunda iweme ni kukosia bantu.⁷Herodi kateeka wa ku Galilaya, luanvwile bintu byonse byaakitikile, waavulungheene pantu bantu bamo baali balanda nangue ni Yoane mubatizi atuntumukile. ⁸Bange baalandile nangue ni Elia abwelele pa kyalo, ni bange nangue ni umo wa bakabika ba kale atuntumukile. ⁹Herodi waalandile evi, "Nene naaputwile mutue wakua Yoane! Ale ozo unaunvua wakita bebio bintu nani?" Ni pakako, waatonene kuya kumumona Yesu.¹⁰Batumua baabwelele ni kuya kumubwila Yesu byonse bibaakitile. Ni ye waabatweme ni kuya nabo kwa bunke ku muzi wa Betesaida. ¹¹Bantu bengi lubaunvwile evio, baamukonkele. Ni ye waabapokeleele ni kubaana palua Bukolo bwakua Leza pamo ni kukosia bantu baali balwele.¹²Koba lukaali kasyazimina, basambi likumi na babili baile kumwana Yesu nangue, "We Yesu, baane bantu baye ku mizi ni mu makaba atuzyungulikiile evi baye bekebele bilio ni pa kulaala pantu kono kutuli ni ku kaseeba." ¹³Inzi Yesu waabaanine, "Mwemue benka bapeele bilio." Basambi baamwaasukile, "Fwefue tuli sie na mikate isaano ni masabi abili. Eba, utonene tuye tubasitile bilio?" ¹⁴Baba bantu baali mu pepi balalume 5,000. Yesu waabaanine basambi bakue, "Kansi baane bantu beekale pansi mu mabumba mabumba, libumba limo bantu 50."¹⁵Basambi lubaabeekalikile ¹⁶Yesu waabuulile mikate isaano ni masabi abili, wakenta mwiulu, wamutasia Leza, wamokola ni kupeela basambi bakue, ni bo bakasania ku bantu. ¹⁷Bantu bonse baaliile ni kwikuta, basambi baakolonghaniizie bisoso bya mikate yaasyelepo baizuzia bipanda likumi na bibili.¹⁸Busiku bumo Yesu luali wapepa kwa bunke, basambi baile kuli wene, waabeepuziizie evi, "Ati, bantu balibalanda nangue nene ndi ni?" ¹⁹Basambi baamwaasukile, "Bamo balibalanda nangue wewe uli Yoane mubatizi, ni bange balibalanda nangue wewe uli Elia, bange ni bo balibalanda nangue wewe uli umo wa pa bakabika ba kale atuntumukile."²⁰Kabili waabeepuziizie evi, "Eba, ale mwemue mulimwalanda nangue ndi ni?" Petro waalandile, "Wewe uli Kristu wakua Leza." ²¹Kupwako, Yesu wabamba kubakaania tekuti babwile muntu nangue wene ni Kristu wakua Leza. ²²Yesu waabaanine basambi bakue, "Mwina muntu waakeemiwa sana, kabili waakasuulua na bakulu ni makolo a babitambua. Inzi waakatuntumuka busiku bwa butatu."²³Kabili waabaanine, "Kine muntu atonene kunkonka, ekaane, atwame musalaba wakue kubalua busiku, mane eze ankonke. ²⁴Pantu muntu aliwakeba kupususia bukose bwakue, waakabuzeezia. Inzi olia aliwabuzeezia bukose bwakue pa mulandu wane, waakabupususia. ²⁵Ati, kine muntu wanonka kyalo kyonse ni kuzeezia bukose bwakue, wakitapo ki?²⁶Kine muntu wanghunvwila busoni, nene ni twebo twane, mwina muntu ni ye waakamunvwila busoni paakeeza mu bulumba bwakue ni mu bulumba bwakua Se pamo ni bamalaika bazuuke. ²⁷Namyana kisinka nangue bamo pa baba bali pano tebakafua mpaka bakamonenke Bukolo bwakua Leza."²⁸Pa kyamba kya mulungu umo luali wasyalandile bebio bintu, Yesu waamutweme Petro ni Yoane ni Yakobo waya nabo pa kapili pa kupepa. ²⁹Luali wapepa, lukebu lwakue lwaalulukile, ni ngubo yakue yabenghema ni kusweta sie pepepe.³⁰Penka papo kwamoneka kale balalume babili balimukulanda nakue. Meena abo ni aza, Musa ni Elia. ³¹Baba bantu baamonekeele mu bulumba bwakua Leza balimukulanda ni Yesu palua nfua yakue viyakaba kufikiliziwa mu Yeruzalemu.³²Ozo musita Petro ni benakue baali babongela. Inzi lubaalabukile, baamwene bulumba bwakua Yesu ni bantu babili baimeene pamo nakue. ³³Baba bantu lubaali basyamusia Yesu, Petro waamwanine Yesu nangue, "We Mulopue, twikale sie pano penka. Pawama, tulikukuulapo tutanda tutatu. Kamo kobe, ni kange kakua Musa, ni kange kakua Elia." (Petro taamanine kiali walanda.)³⁴Luali wakilanda sie evio, lilezi lyaizile kubavimba, basambi baunvwile sana mwezo lubaavimbilue na lilezi. ³⁵Lizui lyaafumine mu lilezi lyaalandile evi, "Ozu i mwana wane unaasaakwile, mutwilizie!" ³⁶Lizui palyaataleele, Yesu waasyele pa bunke. Kutula bobo busiku, basambi tebaabwilileko muntu palua bintu byonse bibaamwene.³⁷Lukeele lwakue, Yesu ni basambi bakue batatu lubaali bakooka kufuma ku kapili, bantu bengi baile kusaakaana nakue. ³⁸Mwalalume umo waali wali mu libumba waazanzwile lizui walanda, "We kasambilizia, nakupaapaata umunvwile nkumbu mwana wane lyonga mwalalume. ³⁹Pantu lingi lualiwakwatua na mwela ubi, uliwamupooza pansi, kabili aliwafulumia mate ku kanua pamo ni kuumiiwa. Ozo mwela tewizi kulenga kumuleka! ⁴⁰Nabapaapaatanga basambi bobe kuti baukumbe, inzi baandwanga."⁴¹Yesu waabaanine, "Mwe bantu basizumiine ni bataale! Naakaba nenu mpaka musita ki? Naakamisipikizia mpaka musita ki?" Kupwako wamwana olia mwalalume, "Ale muleete kono mwana obe." ⁴²Mulumendo luali walimukuya kuli Yesu, mwela waamuponiiziizie pansi. Kupwako, Yesu wausasilila mwela ubi, mwana wakosiiwa ni kubweziiziwa kuli sie.⁴³Bantu bonse baapapile vili maka akua Leza. Bantu lubaali bakipapa bintu byaakitikile, Yesu waabaanine basambi bakue, ⁴⁴"Tekuti mulabe twebo tundimukumyana nangue mwina muntu tasyaumiine kupaanua ku balwani bakue." ⁴⁵Inzi basambi tebainikile kialandiile evio. Totu twebo twaafiikilue kuli bene tekuti benike. Ni bo baatiinine kumwipuzia kialandiile evio.⁴⁶Basambi baakanzeene pakati kabo balimukulanda nangue nani akuliisie. ⁴⁷Inzi pantu Yesu waamanine vibaali balangakana, waabuulile mwanike umo wamwimika pepi nakue. ⁴⁸Waabaanine evi, "Onse aliwapokelela mwanike pa mulandu wane, aliwanmpokelela nene. Ni onse aliwanmpokelela, aliwamupokelela Leza pantu i antumine, pantu olia akeepeesie pakati kenu, i akuliisie."⁴⁹Yoane waamwanine, "We kasambilizia, twakimona muntu umo walimukukumba myela mu liina lyobe, ni fwefue twakimukaania pantu te wa mu libumba lyetu." ⁵⁰Yesu waamwanine Yoane ni bange basambi nangue, "Tekumukaanie, pantu onse asiliwamilwisia ni wenu."⁵¹Lwaapaleeme busiku bwa kutwamua Yesu kuya mwiulu, waatonene kuya ku Yeruzalemu. ⁵²Waatumine bantu ba kumutangilila. Baba bantu baile kumuteaniizia pa kufiikiila mu muzi umo wa mu Samaria. ⁵³Inzi bzntu tebaamupokeleele, pantu kyaamwenekele nangue waali walungheeme ku Yeruzalemu.⁵⁴Yakobo ni Yoane lubaamwene evio, baalandile evi, "We Mulopue, utonene tuuane mulilo kufuma mwiulu wize ubazizie?" ⁵⁵Yesu waapilibukile ni kubasasilila. ⁵⁶Kupwako Yesu ni basambi bakue baya ku unge muzi.⁵⁷Lubaali balimukuya, muntu umo waamwanine Yesu, "Naakaba nakukonkele sie konse kuwaakaba waya." ⁵⁸Yesu waamwanine ozo muntu, "Mimbue ili ni mendo, ni toni tuli ni binsua, inzi mwina muntu tali na pa kusaamina."⁵⁹Kabili wamwana unge, "Nkonke." Ozo muntu waamwanine Yesu nangue, "We Mulopue, pembela nkaziikenke Tawe." ⁶⁰Yesu waamwanine, "Baleke bafwile baziikane, we twende usimikile Bukolo bwakua Leza."⁶¹Unge muntu waalandile, "We Mulopue, ndikukukonka, inzi ndekenke ngie ndaye lupua lwane." ⁶²Yesu waamwanine, "Muntu kine wabamba kulima, tapalile kukenta ku kyamba. Onse aliwakenta ku kyamba, tapalile mu Bukolo bwakua Leza."

¹Bebi byonse lubyaapwile, Mulopue waasaakwile ni bange bantu 72 ni kubatuma kuya babili babili kuti bamutangilile ku mizi ni konse kuali waumiine kuya. ²Yesu waabaanine, "Buzombozi ni bwingi, inzi babombi ni banini. Kansi lombe ku mwine wa bukaba atume babombi bakumuzombwela.³Endo mwaya, inzi mane nangue namituma nga mikooko ku miponda. ⁴Tekutwame nfolanga ao kikapo, ao bilatu. Lumulimwaya mu nzila, tekuba mwapisia musita mukupozyania.⁵Kubalua nghanda mu mwaya mwingile, kya ntanzi bapozie nangue, 'Mwapola.' ⁶Mu ezio nghanda kine muli bantu ba mutende, mapepo enu a mutende alikubapaala. Inzi kine te bantuba mutende, mutende ulikumibwelelela. ⁷Molia mu mulikufikiila i mwenka tekufumemo. Lie ni kumina byonse bibalikumileetela , pantu mubombi apalile kusaziiwa mu miilo yakue.⁸Kine mwapokelelua mu muzi, lie bilio byonse bibalikumileetela. ⁹Kosie balwele bali momo mwabaana evi, 'Bukolo bwakua Leza bwamipalamina.'¹⁰Inzi kine temupokeleelue, endo mulande mwaimeene mu musebo nangue, ¹¹"Twamikunkila lufunko lwa mu muzi wenu lwatuvusia ku makasa etu. Inzi mane nangue Bukolo bwakua Leza bwamipalamina." ¹²Namyana kisinka nangue, Busiku bwa bupinguzi, Leza waakonvwila nkumbu muzi wa Sodoma kukila kunvwila nkumbu ozo muzi!¹³Waya nalo we Korazini, waya nalo we Betesaida, pantu tupapo twaakitiluemo tukitwenge mu Tiro ni mu Sidona, bantu ba mu ezio mizi nga baalapiile kale bibalo byabo, ni kunvwala masaaka pamo ni kwipuupa mito! ¹⁴Busiku bwa bupinguzi, kukandua kwa muzi wa Tiro ni Sidona kwaakaba kwaliko mwakilema kukila mwemue? ¹⁵Eba, ni wewe Kafarnaumu uliwakeba kwilendula mpaka mwiulu? Teukavinda, inzi waakakoosiiziwa kumbo!.¹⁶Yesu waabaanine basambi, "Onse aliwamitwilizia, aliwantwilizia nene. Kabili onse aliwamikaana, aliwankaana nene. Ni onse aliwankaana nene, aliwamukaana Leza pantu i antumine."¹⁷Baba bantu 72lubaabwelele, baabwelele bawamiinue. Baamwanine Mulopue nangue, "We Mulopue, twakiba twakumba myela mu liina lyobe!" ¹⁸Yesu waabaanine, "Naali namona Satana waponena pansi nga nkuba. ¹⁹Unvue! Namipeele buvinde bwa kunyanta bizoka ni tumina ni bwa kwanzia maka onse akua mulwani, kabili tekuli kantu kaakamyanda. ²⁰Tekuwaminue pantu myela yakiba yaminakila, inzi waminue pantu meena enu alembelue mwiulu."²¹Ozo musita Yesu waasansamusiiziwe na mweo Muzuuke. Waalandile evi, "We Tawe, Mulopue wa mwiulu ni pano pa kyalo, Nakusantila pantu waafyuliile banike belia biwaafiikiile bantu ba maano ni basambiliile. Eyo we Tawe pantu evi i viwaatonene kukita.²²"Tawe wanmpeele bintu byonse, tekuli amanine mwana inga sie se, kabili tekuli amanine se inga sie mwana ni balia bonse baatonene kufyulila."²³Kabili Yesu waapilibukiile ku basambi bakue ni kubaana, "Muli ni lisyuko lya kumona bintu bimumwene! ²⁴Namyana kisinka nangue bakabika ni makolo baali batonene kumona bintu bimumwene, inzi tebaabimwene. Kabili baali batonene kunvua bintu bimunvwile, inzi tebaabyunvwile."²⁵Kasambilizia umo wa mizilo waabuukile, waabambile kumupunika walimukumwipuzia evi, "Ati we kasambilizia, ni kiki kindikukita pakuti nmbe ni bukose bwa muyayaya?" ²⁶Yesuwaamwipuziizie evi, "Eba, mu Mizilo uliwabelengamo ki?" ²⁷Ozo muntu waamwaasukile, "Ndinabelenga evi, tona Mulopue Leza obe na mutima obe onse mu bukose bobe bonse, na maka obe onse, na maano obe onse, kabili nangue tona mwinobe nga viwitonene." ²⁸Yesu waamwanine, "Waasuka bwino, kansi bamba kukita evio, ni we waakaba ni bukose."²⁹Inzi pantu ozo kasambilizia wa Mizilo waali watonene kwilangisia nangue ali ni nsambu. Waamwipuziizie Yesu, "Eba, ale mwinane nani?" ³⁰Kabili Yesu waamwanine, "Kwaali muntu umo waakookeele ku Yeriko kufuma ku Yeruzalemu. Luasakukiilue na bapoti pa kapita, baamuvuulile ngubo yakue, baamuumine ni kumusia wapenzukile.³¹Ozo wenka musita, kwaali kitambua umo waali wakooka mu ozo musebo. Luamumwene ozo muntu waleele mu nzila, waapitiile kumbali. ³²Mulawi ni ye waapitiile ku ezio yenka nzila. Luamumwene, ni ye waapitiile kumbali.³³Inzi musamaria umo luali wapita mu ezio nzila, waile pa ozo muntu. Luamumwene, wamunvwiliile nkumbu. ³⁴Waamupaleeme, wamusuba mafuta ni divai pa bilonda ni kumupambilila. Kabili waamuteekele pa punda wakue ni kumutwala ku nghanda ya baeni kuti amusunge. ³⁵Lukeele lwakue, waabuulile nfolanga ibili ni kusia wamupeela musungi wa nghanda ya baeni. Kabili waasiile wamwana evi, "Mundapie, nfolanga yonse iwaakalundapo pakumundapia, naakeeza kukubweziizia."³⁶Pa mpeleezio, Yesu waamwipuziizie kasambilizia wa Mizilo, "Ati, pa baba batatu, nani waamwenekele kuba mwinakue kwa olia waakisiiziwe?" ³⁷Kasambilizia wa Mizilo waamwaasukile, "Mwinakue ni olia waamunvwiliile nkumbu." Kupwako, Yesu wamwana, "Ale ni we endo ukite evio vyenka."³⁸Yesu ni basambi bakue lubaali baya baingiile mu muzi. Ni Marta waabapokeleele mu nghanda yakue. ³⁹Marta waali ni nkaziize liina lyakue Maria waali waikeele mu kyeni kyakua Yesu watwiliziizie masambilizio aali wasambilizia.⁴⁰Inzi Marta luamwene nangue miilo ya kuteaniizia baeni yamuvulila, waile kumwipuzia Yesu, "We Mulopue, teumwene nkazyamwine vyandekeleele nalimukubomba ne bunke? Mwane eze ankwasie!" ⁴¹Yesu waamwaasukile, "We Marta, ulimukwema ni kusambookela bintu bingi, ⁴²Inzi kikindeeme ni kimo sie, Maria wene asaakwile kintu kiweme, kabili takapokua."

¹Busiku bumo Yesu waali wapepa mu nkendo imo, luapwile kupepa, umo pa basambi bakue waamwanine, "We Mulopue, tusambilizie kupepa nga evelia Yoane viasambiliziizie basambi bakue."²Yesu waabaanine, "Lyonse lumwapepa, pepe evi, 'We situe, Liina lyobe likindikue, Bukolo bobe bwize.'³Tupeele bilio bya kubalua busiku. ⁴Tweleele bibalo byetu, nga evelia vitulitwaeleela bantu balibatuluvia. Tekututwala mu kweziwa."⁵Kabili Yesu waatwaliliile kubaana basambi bakue, "Kine umo pakati kenu waya kumwana mwinakue pakati busiku nangue, 'We kibuza, nkopeko mikate itatu, ⁶Pantu umo wa pa kibuza byane wanfikila, ni ne nsili na bilio bya kumupeela!' ⁷Ni mwinakue ali mu nghanda wamwasuka, 'Ewe, tekunghemia, nakiikanga kale mulyango, nene ni baana bane tuleele. Ne nsivinda kubuuka kwiza kukupeela bilio.' ⁸Namyana kisinka nangue, kine alikubuuka amupeele bilio, tabuuka kumupeela pantu ni kibuza wakue.Inzi alikubuuka kumupeela pantu wamwemia.⁹Ni pakako, namyana nangue, lombe, ni mwe mulikupeelua. Kebe, ni mwe mulikumona, kookoosie, ni mwe mulikwizwilua. ¹⁰Pantu onse aliwalomba aliwapeelua, ni aliwakeba aliwamona, ni aliwakookoosia aliwaizwilua.¹¹Ati, mwana kine wamulomba se amupeele mukate, alikumupeela libue? Ao kine wamulomba lisabi, kuti wamupeela kizoka? ¹²Ao kumupeela kamina lualiwamulomba liyai? ¹³Kine mwe babi mumanine kupeela baana benu bintu biweme, ale sinue wa mwiulu kuti waandua syani kubapeela Mweo Muzuuke balia balibamulomba!"¹⁴Busiku bumo Yesu waakumbile mwela wa bukameme mu muntu. Mwela luwaafumine, ozo muntu waabambile kulanda sie bwino. Bantu lubaamwene evio, baapapile. ¹⁵Inzi bamo pakati kabo baalandile evi, "Ata, ozu muntu aliwakumba myela na maka akua Belzebuli likolo lya myela ibi."¹⁶Bange baamuketele Yesu bakeba abakitile kalangi ka kusininkizia nangue afumine kwa Leza. ¹⁷Inzi Yesu waamanine malanga abo. Waalandile evi, "Kubalua bukolo bulibwailwisia, tebukatwalilila. Ni lupua lulilwailwisia, lwaakaloba.¹⁸Kine bukolo bwakua Satana bwabamba kwilwisia, kuti bwatwalilila syani? Mwemue mulimwalanda nangue ndinakumba myela pantu Belzebuli i anmpeele maka. ¹⁹Kine nene ndinakumba myela na maka akua Belzebuli, ale basambi benu balibakumba myela na maka akua ni? Ni pakako, baba benka i baakamipingula. ²⁰Inzi kine ndinakumba myela na maka akua Leza, kansi Bukolo bwakua Leza tebusyaizile pakati kenu.²¹Muntu wa maka lualiwasunga nghanda yakue, bintu byakue byonse bilibyaya byalabukiile bwino. ²²Inzi amukilile maka kine waiza kumusakukila ni kumuuma, alikumupoka bilwilo byonse byaiswapiile, ni ozo muntu wa maka alikutwama bilwilo ni kuya kupeela bantu bakue. ²³Onse asiliwankwasia i mulwani wane. Ni onse asiliwankwasia kukolonghania, aliwasalanghania.²⁴Mwela ubi luuliwafuma mu muntu, uliwaya kukeba kifuka kya kutuuziiziamo mu kaseeba. Kine teuile kusanga pa kutuuzia, uliwalanda evi, 'Ndikubwelela mu nghanda yane.' ²⁵Luuliwabwela, uliwasanga nghandsa yaswetele yafwaniine bwino. ²⁶Kabili uliwaya kutwama inge myela kilooba imukilile bubi. Ni yo luiliyaiza kwikala mukati, mibeele ya ozu muntu iliyabiipisia kukila pa mambo,"²⁷Yesu luali wakilimukulanda sie evio, mwanakazi umo waali mu libumba waazanzwile lizui wamwana Yesu, "Mwanakazi waakuvyele ni kukonsia asyukile!" ²⁸Yesu waamwaasukile, "Ee, inzi bakilile kusyuka, balia balibaunvua twebo twakua Leza ni kutunakila!"²⁹Bantu lubaamukonkele Yesu, Yesu waatwaliliile kulanda nangue, "Bantu ba kano koba balibakeba kalangi ka kusininkizia nangue nfumine kwa Leza, tebakakitilua kange kalangi, inga sie kalangi kakua Yona. ³⁰Nga evelia Yona viali kalangi ku bantu ba ku Ninawe, ni mwina muntu i viali waakaba kalangi ku bantu ba kano koba.³¹Busiku bwa bupinguzi, nabeeza wa ku sheba waakeemana akasongele bantu ba kano koba pantu waafumine ku kyalo kyakue ni kuya kutwilizia masambilizio a mulangue kuli likolo Solomoni. Kabili namyana kisinka nangue, pano pali mukulu akilile Solomoni.³²Busiku bwa bupinguzi bantu ba ku Ninawe baakeemana bakamisongele, pantu baalapiile bibalo byabo lubaunvwile masimiko akua Yona. Kabili namyana kisinka nangue pano pali mukulu akilile Yona!>³³Tekuti muntu aliwaleemia litala ni kulifiika ao kulitupikila. Inzi muntu aliwaleemia litala ni kulibiika peulu, evi bantu balikuya baingila baye basanikiilue. ³⁴Menso obe ali nga litala lya mubili, menso obe luaya aswetele, mubili obe onse uliwaya wasanikiilue. Inzi menso obe kine teali bwino, mubili obe onse waya wali mu nfinzi. ³⁵Labukila musaniko uli mukati mobe tekuti ube nfinzi. ³⁶Kine mubili obe onse usanikiilue, ulikuya wasanikiilue nga evelia viuliwasanikilua na minghenghe ya litala."³⁷Yesu luapwile kulanda evio, Mufarizeo umo waamukuutile Yesu kuya kulia nakue ku nghanda yakue. Yesu waile, waikala, watendeka kulia nakue. ³⁸Mufarizeo luamumwene Yesu walia tekuba wasambile ku minue, waapapile.³⁹Mulopue waamwanine, "Mwe Bafarizeo mulimwasamba bikombe ni masaani panze, inzi mukati mwenu mwaizuzi lwibo ni bubi. ⁴⁰Mwe bipuba! Leza waamibumbile, taamibumbile mukati ni panze? ⁴¹Mone mupalile kuya mwapeelako bapabi bili mukati kikombe ni mu nsaani, evi ni byonse biye byamiwamiine.⁴²Mwaya nalo mwe Bafarizeo! Pantu mulimwapeela Leza kamo ka pa likumi lya tuntu twa kubiika ku saasa koku mwapuulwile nsambu ni kutona Leza. Bebi bintu i bimupalile kukita pasili kupuulula kukita binge.⁴³Mwaya nalo mwe Bafarizeo, mwe balibatona kuteekua pa bitebe bya ku ntazi mu nghanda ya malombi ni kupoziiwa na mukinzi mu kisisiizio. ⁴⁴Mwaya nalo! mwe bali nga bilibu bilibyanyantuapo na bantu tekuba bamanine nangue ni pa bilibu."⁴⁵Umo pa bakasambilizia ba Mizilo waamwanine Yesu, "We kasambilizia, luuliwalanda evi, uliwatutuka ni fwefue benka!" ⁴⁶Yesu walandile, "Ni mwe bakasambilizia ba Mizilo mwaya nalo, pantu mulimwatwikana bitwamo bifiniisie, mwe bene tekuba mwabatwamiako.⁴⁷Mwaya nalo! Mwe balibawamia bilibu bya bakabika baipailue na bikolue byenu. ⁴⁸Evi mulimwasininkizia ni kwitabizia bikitua bya bikolue byenu pantu bene i baipaile bakabika, kabili mulimwabakuulila bakabika bilibu.⁴⁹Pa mulandu wa bikitua byenu bibiipile, maano akua Leza alandile evi, 'Naakabatumina bakabika ni mikenzi, ni bo baakeepayapo bamo ni kwemiapo bange.' ⁵⁰Bantu ba kano koba baakakandua kukonkana ni kwipaya kubaipaile bakabika bonse kutula kulengua kwa kyalo, ⁵¹Kutula kwipawa kwakua Abeli mpaka kwipawa kwakua Zakaria waipaiilue mu nghanda yakua Leza pabukata bwa altare ni pa kifuka Kizuuke. Namyana kisinka nangue lolu luvyalo lwaakakandua.⁵²Mwaya nalo mwe bakasambilizia ba Mizilo! Pantu mwemue temutonene kumumana Leza. Ni balia batonene kumumana, mulimwabakaania!"⁵³Yesu luali wasyafuma pa kekio kifuka, bakasambilizia ba Mizilo ni Bafarizeo baabambile kumusokozia bubi bubi bamwemia ni kumwipuzia bintu bingi. ⁵⁴Balimukumuketa bakeba kuti bamukwate mu nandilo yakue.

¹Bantu bengi maelufu baakolongheene ni kuya basyanyantana pantu baali bavuliisie. Yesu waabaaninenke basambi bakue nangue, "Be mwailabukiile ku ntutumusi ya Bafarizeo, i bukankobenkania bwabo.²Kyonse kifiikilue kyaakafyulua, ni kili mu kafiso kyaakamanika. ³Ni pakako, kyonse kimulimwalandila mu nfinzi, kyaakonvwiwa koba kaseeme, ni kyonse kimulimwaisonghaniizia ku kati mu kafiso, kyaakapundua pa nkendo ilendukile.⁴Mwe bibuza byane namyana kisinka nangue, tekutiine balia balibaipaya mubili inzi tekuba bali na kange kakukita. ⁵Pembele nmilangisie apalile kutiinua. Tiine Leza, pantu wene ali ni buvinde bwa kwipaya muntu ni kumupooza mu mulilo usiliwazima. Namyana kisinka nangue wene i apalile kutiinua!.⁶Eba, minsole isaano teiliyasitua na nfolanga ibili? Anzia kili evio, tekuli ata munsole uliwalabua na Leza. ⁷Ni misisi ili ku mitue yenu yonse ipendelue, kansi tekutiine pantu mwe mukindeeme kukila minsole ingi!>⁸Namyana kisinka nangue, onse aliwailumba pa menso a bantu nangue ni wane, ni mwina muntu waakamwilumbila ntanzi ya bamalaika bakua Leza. ⁹Inzi onse aliwankaana pa menso a bantu, ni mwina muntu waakamukaana pa menso a bamalaika bakua Leza. ¹⁰Onse aliwafuupula mwina muntu, waakeeleelua. Inzi onse aliwafuupula Mweo Mzuuke, takeeleelua.¹¹Lubalibamitwala ku kusambisiiwa mu nghanda ya malombi pa ntanzi ya bandabukizi aobakateeka, tekweme nangue mulikulanda ki. ¹²Pantu Mweo Mzuuke i alikumisambilizia kimupalile kulanda ozo wenka musita.¹³Muntu umo waali wali mu libumba waamwanine Yesu, "We kasambilizia, mwane wakwane ankasanie bitwaasiliilua na situe." ¹⁴Yesu waamwaasukile, "We wakwane, nani wanmpeele nsambu ya kupingula ao kukasania bisiiliilue bantu babili?" ¹⁵Kabili waatwaliliile kubaana bonse nangue, "Kengele, kabili ilabukile ku misango yonse ya bupompo pantu bukose bwa muntu tebubeeleele pa mulandu wa bunonsi buali nabo."¹⁶Kabili Yesu waabaanine keki kipalo nangue, "Kwaali munonsi umo waazombwele buzombozi bwingi mu bukaba bwakue. ¹⁷Waabambile kulangakana walanda, 'Evi vinsikwete mwakuziba bilio byane ndikukita syani?' ¹⁸Waalandile, 'Nakaba kutuuta sie matala ane onse ni kukuula ange ataniisie. Ni momo i munakaba kuziba bilio ni bintu byane byonse biweme.' ¹⁹Kabili naakeana nangue, "Ewe, uli ni bukonto bwa bintu bingi biweme biwaakaba nabio pa myaka ingi. Tuzia, lia mina, ni kuwaminua!"²⁰Inzi Leza waamwanine, 'We kipuba, lelo busiku ulikufua, ale bintu biwaiteaniiziizie byaakaba byakua ni?"' ²¹Yesu waapwililiile walanda, "Evi i vili muntu aliwaibiikila bunonsi pano pa kyalo inzi tekuba waali munonsi mu bintu byakua Leza."²²Kabili Yesu waabaanine basambi bakue nangue, "I kindinamyanina nangue tekuye mwasambookela bukose bwenu mwalanda nangue, 'Tulikulia ki?' Ao ku mibili yenu nangue, 'Tulikuvwala ki?' ²³Pantu bukose bukilile bilio, ni mubili ukilile bivwalo.²⁴Mone ku tuzooko, tetwizi kumiina mbezu ao kuzombola. Tetuli na matala ao tutanda, inzi Leza aliwatuliisia, mpalile kumana nangue mwemue mukindeeme kukila byoni!. ²⁵Nani pakati kenu mukusambooka kwakue aliwalunda nsiku ku bukose bwakue? ²⁶Kine mulimwaandua kukita totu tuntu tukeepeesie, ale mulimwasambookela ki pa binge bintu?²⁷Mone buluba vibulibwakula. Tebwizi kubomba, kabili tebwizi kusuka bivwalo byabo. Inzi namyana kisinka nangue, ata likolo Solomoni mu bunonsi bwakue, taavwelemo ngubo iweme nga aza maluba. ²⁸Kine Leza aliwavwika bikusi bya mu kisonso bilipo sie lelo ni lukeele bikapoozue mu mulilo, ale alikwandua syani kumivwika mwe bakilile buluba? Mwe ba kiketekelo kinini!.²⁹Tekusambookele bya kulia ao bya kumina. ³⁰Pantu basimanine Leza ba mu keno kyalo i balibasambookela bebi byonse. Sinue amanine nangue mulimwakeba bebi bintu byonse.³¹Kansi, sambookelenke Bukolo bwakue, mane ni ye akamipeele ni bebi bintu bimubuliilue. ³²We libumba linini tekutiina pantu so awamiinue kukupeela Bukolo.³³Sisie byonse bimukwete, ni kubapeela bapabi nfolanga. Likitile mifuko ya nfolanga isiliyainooneka, i bukonto busilibwakeepa mwiulu, pantu mwiulu kabooko tavinda kwiba, ni bikongolue tebivinda kwinoona. ³⁴Ni pakako, palia pali bukonto bobe, i paya paali ni mutima obe.³⁵Likake misipi yenu mu bitungu, ni matala enu aye aleemene. ³⁶Be mwali nga babombi bapembeele kubwela kwakua sibolenzi kufuma ku buinga kuti beze bamwizwile paiza kukookoosia.³⁷Babombi baakasangua bakentele ni kuya baiteanizie lwaakabwela sibolenzi basyukile! Namyana kisinka nangue sibolenzi waakeekaka musipi mu kitungu, waakabapalamika ku meza, ni kubamba kubabombela. ³⁸Bantu baakasangua baiteaniizie lwaakeeza sibolenzi, ata akeeza pakati busiku ao ku makia, basyukile!.³⁹Kabili mupalile kumana nangue, mwine wa nghanda kine wamana nsita ya kwiza kabooko, tavinda kulekeela nghanda yakue kuti ituutue. ⁴⁰Ni mwe benka mupalile kwiteania, pantu mwina muntu waakeeza pa nsita imusiketekeele."⁴¹Kupwako, Petro wamwipuzia Yesu, "Ati Mulopue, keki kipalo kiwalanda, watwana sie fwefue, ao waana bantu bonse?" ⁴²Mulopue waamwaasukile, "Ale mubombi wa kisinka ni wa maano, ozo waakabiikua kapita na selenzi pa babombi nakue kuti abapeele bilio pa musita upalile nani? ⁴³Mubombi waakasangua na selenzi walimukubomba bwino, asyukile! ⁴⁴Namyana kisinka nangue selenzi waakamupa mubombi mwilo wa kumusungila bintu byakue byonse.⁴⁵Inzi kine ozo mubombi walangakana nangue selenzi wakokola, kupwako wabamba kuuma babombi, ni kulia ni kumina pamo ni kukolua. ⁴⁶Lwaakabwela selenzi pa musita wasiketekeele ni wasimanine, selenzi waakamuputulania tunini tunini pamo ni basizumiine.⁴⁷Mubombi amanine mutoneene selenzi inzi tekuba wakita muatoneene, kabili tekuba waiteaniizie, waakavipua nfimbo ingi. ⁴⁸Inzi mubombi asimanine mutoneene selenzi kine wakita bintu bya kumulengia akandue, waakavipua nfimbo inini. Onse waasiiliilue bingi, waakalombua bingi. ni Onse waasiiliilue bivuliisie, waakalombua bivuliisie.⁴⁹Naizile kuleete mulilo pa kyalo, kabili ntonene kuumona walimukueema. ⁵⁰Nakaba kupita mu lyemo likata, kabili nakaba kukisua sana mpaka byonse pabikapua kufikiliziwa.⁵¹Eba, mwizi nangue naizile kuleeta mutende pa kyalo? Abe sie! Te mutende, inzi naizile kuleeta bupusano. ⁵²Kutula lenu, bantu basaano ba mu lupua lumo baakapusana. Bantu baakalwisia babili, ni babili baakalwisia batatu. ⁵³Se waakapusana na mwana wakue, ni mwana waakapusana na se. Nghina waakapusana na mwana wakue mwanakazi, ni mwana mwanakazi waakapusana na nghina. Nghinavyala waakapusana na muko wakue, ni muko waakapusana na nghinavyala.⁵⁴Kabili Yesu waabaanine, "Lumulimwamona kilezi kyatinga ku mboosi, mulimwalanda nangue nvula pasyaize, ni kiine iliyaiza. ⁵⁵Ni lumulimwamona mwela wa kuusi wabuuka, mulimwalanda nangue lelo koba kalikusaama, ni kiine kalikasaama. ⁵⁶Mwe bakankobenkania! Mumanine kwinika monekelo ya pa kyalo ni ya mu lyulu. Ale mulimwaandua syani kwinika bintu bilimukukitika ono musita?⁵⁷Ale kimusilimwakitila biweme ni kiki? ⁵⁸Kansi lumukilimukuya ni mulwani obe ku kilie, upalile kulenga kupwana nakue akeeza ku kutwala ku mupinguzi wakukutwala kuli lukale, ni lukale wakupooza mu buloko. ⁵⁹Namyana kisinka nangue momo temukafumamo pasili kulipa lufolanga lwa mpeleezio."

¹Pa ozo musita bantu bamo baali bali ku ezio nkendo, baamubwilile Yesu palua Bagalilaya na Pilato lubaali bamwelela Leza ngelelo. ²Yesu waabeepuziizie, "Ati, mulangakeene nangue baba Bagalilaya baipailue mu ozo musango baali ni bibalo kukila bange Bagalilaya? ³Ata! Inzi namyana kisinka nangue kine temulapiile bibalo byenu, mwe bonse mwaakafua nga vibaafwile.⁴Ale ni nsyani pa balia bantu 18 baafwile lubaaponeenue na lupungu mu Siloamu? Eba, kuti mwasininkizia nangue bilubo byabo byaali byakilile bilubo bya bantu ba mu Yeruzalemu? ⁵Ata, inzi namyana kisinka nangue, kine temulapiile bibalo byenu mwe bonse mwaakafua nga vibaafwile."⁶Kabili Yesu waabaanine keki kipalo, "Kwaali muntu umo waali ni kimuti kya miku kyaali kyalimbilue mu bukaba bwakue bwa mizabibu, luaile kukebako miku taisangileko. ⁷Waamwanine mulimi, 'Ewe, teili myaka itatu naiza kukeba miku ku keki kimuti pasili kuya nasangako kantu. Kansi kiteete, pantu kilimukupua sie nfukeezi kya mpuni,'⁸Inzi mulimi waamwanine, 'We tawelenzi, kilekenke sie ono mwaka, nkabe kukiimbila ni kubiikamo nfukeezi. ⁹Pange kyaakaseeka ozu mwaka ulimukwiza. Kine tekikaseekako kantu, mane ukakiteete.'"¹⁰Sabata imo Yesu waali wasambilizia mu nghanda ya malombi, ¹¹Momo mwaali mwanakazi umo waali ni mwela ubi, mwela waamulwalikile myaka likumi na mwanda. Ozo mwanakazi waali waobeeme musana, kabili lyonse taali waololoka.¹²Yesu luamumwene, waamukuutiile ku ntanzi, waamwanine evi, "We mwanakazi, wakosiiwa malwele obe!" ¹³Luamubiikiile sie maboko, penka papo waololoka kale ni kubamba kumutasia Leza. ¹⁴Mukulu wa nghanda ya malombi waafiitilue pantu Yesu waakosiizie muntu busiku bwa sabata, evi waabaanine bantu nangue, "Kuli nsiku mutanda ya kubomba, i mu mupalile kwiza kukosiiwa malwele enu, inzi tekwize busiku bwa sabata."¹⁵Mulopue waamwaasukile, "Mwe bakankobenkania, kubako temwizi kwizwila nghombe yenu ao bapunda mu mpango evi mubatwale ku kumina menda pa busiku bwa sabata? ¹⁶Eba, ozu mwanakazi wa mu luvyalo lwakua Abrahamu waaliwakakilue na satana myaka likumi na mwanda, wene i asipalile kukakulua busiku bwa sabata?"¹⁷Kwasuka kwakue, kwaalengele balwani bakue kunvua busoni, inzi bange bantu bene baawamiinue na bipezia maano byaali byakita Yesu.¹⁸Yesu waipuziizie, "Bukolo bwakua Leza buli nga kiki? Ndikubupalania naki? ¹⁹Bupaleene na lubezulwa kilanga lwaabyelue na muntu mu bukaba bwakue. Palwaamenene ni kukula, lwaalukile kimuti, ni byoni byaizile kusukako binsua."²⁰Kabili Yesu waipuziizie, "Bukolo bwakua Leza ndikubupalania na ki? ²¹Buli nga ntutumusi yaabuulilue na mwanakazi ni kubiikua mu bunga bwa mikate pakuti bukandilue evi bakandiilue bitutumuke."²²Yesu mulwendo lwakue lwa kuya ku Yeruzalemu, waali wapita mu mizi wasambilizia bantu. ²³Muntu umo waamwipuziizie, "Ati Mulopue, bantu baakapusuka, ni banini sie?" Yesu waamwaasukle, ²⁴"Kite maka a kwingila pa mulyango wa kanfinenkezia, pantu kisinka bantu bengi baakeezia kwingila inzi tebakavinda.²⁵Mwine wa nghanda paakeezala mulyango, mwe baakasyala panze, mwaakabamba kukookoosia ku mulyango. Ni ye waakamyasuka nangue, 'Nsimanine kumufumine!' ²⁶Ni mwe mwaakalanda evi, 'We Mulopue, twaaliile ni kumina pamo nobe, kabili waasambiliziizie mu muzi wetu!' ²⁷Inzi kabili waakalanda nangue, 'Nsimanine kumufumine, fume pano, mwe bankita tubi.'²⁸Mwaakaya ku kifuka kwaakaba kwali kulila ni kusyenkeenia meno. Ozo musita mwaakamona Abrahamu, ni Isaaka, ni Yakobo, ni bakabika bonse baingiile mu Bukolo bwakua Leza pamukaba mwapoozelue panze. ²⁹Bantu baakafuma ku kabanga ni ku mboosi, ku nkungua ni ku nkungulua, ni kuya kusangua ku nsikunkulu mu Bukolo bwakua Leza. ³⁰Kabili balia ba mpeleezio lenu, i baakaba ba mambo ni balia ba mambo lenu, ni baakaba ba mpeleezio."³¹Bobo bwenka busiku Bafarizeo bamo baile kumwana Yesu nangue, "Fumapo pano uye kunge, pantu Herodi omiine kukwipaya." ³²Yesu waabaasukile, "Endo mumwane ozo muponda nangue, 'Lelo ni lukeele ndimukukumba myela ni kukosia malwele, ni busiku bwa butatu naakapwililila mwilo wane.' ³³Inzi lel, ni lukeele, ni lukeele lwakue nmpalile kutwalilila mu lwendo lwane, pantu tekipalile kabika afwile kunge kunge, inga sie mu Yeruzalemu.³⁴"We Yeruzalemu, we Yeruzalemu! uliwaipaya bakabika, ni kutoota mabue mikenzi iliyatumua na Leza! Naali natona kufukatila baana bobe nga nkoko likota aliwafukatila twana twakue mu mapaapi, inzi we waakeene!. ³⁵Mona nghanda yobe yaakasiwa kibolia. Nakwana kisinka nangue,teukikanmona kabili mpaka musita uwaakalanda nangue, 'Apaalue olia aliwaiza mu liina lyakua Mulopue.'"

¹Busiku bumo bwa sabata, Yesu waile kulia bilio ku nghanda yakua mukulu wa Bafarizeo. Bantu bonse baali bamubenza. ²Muntu umo wa bulwele bwa vimba waile kuli Yesu. ³Yesu waabeepuziizie bakasambilizia ba Mizilo ni Bafarizeo, "Ati, Mizilo yetu iliyatupeela nsambu ya kukosia bantu busiku bwa sabata ao abe?"⁴Inzi bene tebaalandile kantu. Kupwako, Yesu wamukwata, wamukosia ni kumwana aye waya. ⁵Kabili waabeepuziizie nangue, "Nani pakati kenu kine mwaya wakue ao nghombe wakue waponena mu kiina kya menda busiku bwa sabata asilenga kuya kumwabula?" ⁶Inzi tebaali na ka kwasukapo.⁷Busiku bumo kwaali kwali matebeto. Yesu waamwene bakupilue balimukusaakula bitebe bya mukinzi. Waabaanine kekikipalo, ⁸"Lumulimwakupua kunsikunkulu ya buinga, tekuba mwaisaakwila bitebe bya mukinzi. pantu pange kwaya kwakupilue muntu akindamiisie kukukila, ⁹Ni ozo amikupile waiza kukwana evi, 'Musiile ozu muntu keki kitebe ekalepo.' kabili nga ulikufumapo waunvwile busoni ni kuya kwikala pasikindeeme.¹⁰Inzi luuliwakupua, upalile kuya kwikala palia pasikindeeme, evi akukupile paiza, eze akwane nangue, 'We kibuza, iza wikale kono pa kitebe kya mukinzi.' Nakwana kisinka nangue ulikumoneka wakindeeme pa babo baukupilue nabo. ¹¹Pantu onse aliwaisezia, waakakoosiiwa, ni onse aliwaikoosia, waakaseziiwa."¹²Kabili Yesu waamwanine ozo waamukupile, "Luwatebetana matebeto a koba ao a kyungulo, tekukupa bibuza byobe ao lupua lobe ao benobe banonsi bakeeza kukukupa niwewe, ni kukukitila nga viwaabakitiile.¹³Kansi luwakita nsikunkulu, kupa mupabi, ni mulema, ni muntu wa kipumputu, ni mpofu. ¹⁴Kine wakita evio, waakapaalua pantu bene tebali na bintu bya kukubweziizia. Inzi Leza i waakakubweziizia busiku bwa kutuntumuna bantu baweme."¹⁵Muntu umo pa balia baali baikeele ku meza luaunvwile evio, waamwanine Yesu, "Balia baakasangua ku nsikunkulu mu Bukolo bwakua Leza basyukile!" ¹⁶Yesu waamwanine, "Kwaali muntu umo waakitile nsikunkulu ikata ni kukupa bantu bengi. ¹⁷Musita wa matebeto luwaakumeene, waatumine mubombi wakue aye akuute bantu baakupile. Waaninue aye abaane evi, 'Inzi bintu byonse byateaniiwanga kale.'¹⁸Inzi kubalua muntu waabambile kupaapaata, wamambo waamwanine evi, 'Ne nakisita ni bukaba, nmpalile ngie nmbumone, napaapaata ngeleele.' ¹⁹Unge waalandile, 'Ne nakisita mpe isaano ya nghombe, nayanke mbeezie, napaapaata ngeleele.' ²⁰Unge waalandile, 'Ne nakyupa sie lenu, ni pakako, nsiizako.'²¹Mubombi waabweleelemo kumwana selenzi bintu byonse, Selenzi waafiitilue sana. Waamwanine mubombi wakue, 'Ale lenga uye mu misebo ni mu masanzio nzila uye ukupe bapabi, ni bantu bali ni bipumputu, ni bampofu, ni balema.' ²²Mubombi luabwelele, waile kumwana selenzi, 'We tawelenzi, nakita muwanghaninanga, inzi nkendo ikili sie ikata.'²³Kupwako, selenzi wamwana mubombi wakue, "Ale endo mu misebo ni mu mipaka ya kyalo uye ubapatikizie bantu beze bengile, evi nghanda iizule. ²⁴Namyana mwe bonse nangue babo baakeene kwizako, tebaaliileko."²⁵Kwaali bantu bengi baile pamo ni Yesu, Yesu luapilibukile waabaanine evi, ²⁶"Onse aliwaiza kuli nene tavinda kuba musambi wane kine tantoneesie kukila se ni nghina, kukila mukazi wakue ni baana bakue, kukila bakuluube ni bankaziize pamo ni ye mwine. ²⁷Onse asiliwatwama musalaba wakue ni kunkonka, tavinda kuba musambi wane.²⁸Kine muntu umo pakati kenu watona kukuula lupungu, apalile kwikalanke pansi ni kulangakana pa ezio miilo amone kine akwete nfolanga yakumeene yakuti apwisie makuule. ²⁹Kine takitile evio, waakapeleela sie pa kuteeka kiputa ni kwandua kupwililila kukuula lupungu. Ni bonse baali bamona byaali byakitika. ³⁰Baakamuseka balanda, 'Emwe, mone vyakikita ozu muntu, waatendekele sie bwino kukuula, inzi wakyandua kupua.'³¹Kabili kine likolo lili ni bantu 10,000 lyatona kuya kulua na likolo lilimukwiza na bantu 20,000 lipalile kwikalanke pansi ni kwipingula kine kuti lyavinda kuya kulua na ozo likolo. ³²Kine lyamona nangue telili na maka, lilikutuma mikenzi kuli ozo likolo unge, evi amulombe mutende luakili kule." ³³Yesu waapwililiile walanda, "I vikili ni kuli mwemue, tekuli waakavinda kuba musambi wane kine tanasyenke byonse byakwete.³⁴Mukele ni kintu kiweme, inzi kine kukele wasuuka, ulikusonsiiwa na ki? ³⁵Teukili na mwilo, teuli sie wakupoozua. Kansi kine muli ni matui unvue!"

¹Kwaali bakasonkia bengi ba musonko ni ba bibalo baali baya kumutwilizia Yesu. ²Inzi Bafarizeo ni bakasambilizia ba Mizilo baabambile kwitendooka balanda, "Emwe, mwamona vilivyakita ozu muntu, aliwapokelela bantu ba bibalo ni kulia nabo."³Yesu waabaanine keki kipalo, ⁴"Kine muntu umo pakati kenu ali ni mikooko 100 wazeeziapo umo. Alikukita syani? Alikusyanke Elia mikooko 99 mu kisonso ni kuya kukeba ozo mukooko uzeezele mpaka aumone. ⁵Ni luali kumona ozo mukooko, alikukila kuwaminua ni kumupinga pa nkombe.⁶Luali kuya kufika ni ozo mukooko ku nghanda, alikukuuta bibuza pamo ni benakue bonse wabaana, 'Mwe bakwane, nawaminua sana pantu mukooko wane wakizeeza wamoneka. Ale ize tusangalale.' ⁷Ni pakako namyana kisinka nangue, mwiulu ni mo mulimwaya mwakilile nsansa pa mulandu wa muntu umo wa bibalo aliwalapila kukila bantu 99bakindeeme basilibalapila."⁸Kabili Yesu waabaanine kinge kipalo, "Kine mwanakazi ali ni nfolanga likumi wazeeziapo lumo. Alikukita syani? Alikuleemia litala ni kupyanga mu nghanda yakue. Alikukeba monse bwino bwino mpaka alumone. ⁹Kine walumona, alikukuuta bibuza byakue pamo ni benakue bonse wabaana, 'Mwe bakwane nawaminua sana pantu lufolanga lwazeezanga lwamoneka, ale ize tusangalale.' ¹⁰Ni pakako namyana kisinka nangu, bamalaika bakua Leza ni bo balibaakila kuwaminua pa mulandu wa muntu umo wa bibalo aliwalapila."¹¹Yesu waatwaliliile kulanda, "Kwaali muntu umo waali ni baana babili balalume. ¹²Mwana mwanike waamwanine se, 'We tawe, nmpeele twane tunmpalile.' Sibo waabakasaniizie bonse babili.¹³Lwaapitilepo nsiku inini, mwanike waakolonghaniizie twakue pamo ni nfolanga yakue waya. Waile ku kyalo kya kule. Koko i kuapulutile nfolanga yakue yonse mukukita bibiipile. ¹⁴Luapwile bintu byonse biali nabio, mu kekio kyalo mwaingiile kimina kya nzala. Ozo mwana waatendekele kwema sana.¹⁵Kupwako waya kukeba miilo ku mwikazi umo wa mu kekio kyalo. Ozo muntu waamutumine kuya kusunga ngulube ku bukaba bwakue. ¹⁶Ozo mwana waatonene kuti aye waiikusia na bilio byaali byalia ngulube, pantu tekwaali waali wamupeelako kantu ka kulia.¹⁷Pa mpeleezio, waalangakeene walanda, 'Babombi bakua tawe bali ni bilio bingi, inzi nene ndimukwema sie na nzala. ¹⁸Nakaba kuya kumwana tawe nangue, we tawe, naamubalile Leza ni wewe kumo. ¹⁹Nsipalile kabili kukuutua mwana obe, inzi nkite sie nga umo wa babombi bobe.'"²⁰Kupwako waabuuka ni kuya kuli se. Luali wasyapalama kwabo, se waamumwene ni kumunvwila nkumbu. Waamusensekeele ni kuya kumukumbatila. ²¹Mwana wakue waamwanine se, ' We tawe, naamubalile Leza ni wewe kumo. Nsipalile kabili kukuutua mwana obe.'²²Penka papo se waakuuta kale babombi bakue ni kubaana, 'Lenge muleete nkanzu iweme mumuvwike, mumuvwike kazele ka ku munue ni bilatu ku makasa. ²³Kabili leete ni musoka wa nghombe mumwipaye, evi tusangalale musita wa nsikunkulu. ²⁴Pantu ozu mwana wane waali wali nga afwile, inzi lenu akosele. Waali wazeezele, inzi lenu wamoneka.' Kupwako nsikunkulu yabamba.²⁵Ozo musita mwana mukulu waali wali ku makaba. Luali wabwela ni kupalamina ku nghand, waunvwile nghoma ni nghimbo. ²⁶Kupwako wakuuta kale umo wa pa babombi wamwipuzia, 'Ati, kuli ki koku?' ²⁷Mubombi waamwasukile, "Mwalaobe abwelele, ni so waipayanga musokawa nghombe pantu wamumona mwana wakue wabwela wakosele.'²⁸Mukuluube waafiitilue sana, ni mu nghanda mwine taingiilemo. Kupwako, se waiza kumupaapaata engile. ²⁹Inzi mwana mukulu waamwaasukile se, 'Mona we tawe, ezi myaka yonse naakubombeele nga ne muzia, kabili nsyaali taale mu byonse biwaatantikile. Wanmpeele ki? Anzia ni mbuzi ndolua wakuti nkite nsikunkulu pamo ni bibuza byane, tewanmpeele. ³⁰Inzi ozu mwana obe luaizanga kyamba kya kupuluta bumoni bobe mu bukambue, wamusinzila musoka wa nghombe.'³¹Se waamwanine mwana wakue, 'We mwana wane, lyonse uli pamo nane, ni byonse bindi nabio ni byonse. ³²Tupalile tuwaminue pantu mwalaobe waali wali nga afwile, inzi lelo akosele, waali wazeezele inzi lelo wamoneka."

¹Yesu waabaanine basambi bakue, "Kwaali muntu umo munonsi waali ni mubombi waali wamusungila bunonsi bwakue. Munonsi waizile kubwilua nangue mubombi wakue amupulutiile nfolanga. ²Munonsi luamukuutile mubombi wakue waamwanine, 'Ewe, naunvua nangue unmpulutiile nfolanga yane. Kansi penda bintu byane byonse, pantu teukiya wali kabili mubombi wa kusunga bintu byane.'³Mubombi waalangakeene, 'Ndikukita syani? pantu tawelenzi tasyaliwankumba. Mwilo wa kulima, nsimanine, kabili ndi ni busoni bwa kulombelezia. ⁴Namana vyakukita lwakaba kupua miilo yane pakuti nkabe ni bantu ba kunmpokelela ku nghanda yabo.⁵Kupwako wakuuta umo umo pa balia bantu baali bamukopele selenzi. Waamwipuziizie wa mambo, ati ewe, ukopele ki kuli tawelenzi? ⁶Waalandile, 'Nene nkopele mapiipa 100 a mafuta a mizeituni.' Ozo mubombi waamwanine, 'Lemba mapiipa 50.' ⁷Kabili waamwipuziizie unge nangue, ' Ale wewe ukopele ki?' Waasukile walanda, 'Nene nkopele masaaka 100 a nghano.' Ozo mubombiwaamwanine, 'Lemba masaaka 80.'⁸Selenzi luaunvwile vyaakitile mubombi wakue, waamutasiizie ozo mubombi mubi kukonkana ni maana akue pantu bantu ba mu nfinzi bakengeleesie kukila bantu ba mu kisue. ⁹Kabili Yesu waatwaliliile kulanda, ni pakako namyana kisinka nangue, likitile bibuza na bunonsi bwa mu kyalo, evi pabukapua, mukapokelelue mu bwikazi bwa muyayaya.¹⁰Muntu wa kisinka mu tunini, i wa kisinka ni mu bingi. ¹¹Kine temuli ba kisinka mu bunonsi bubi bwa mu kyalo, ale nani alikumiketekela mu bunonsi bwa kiine? ¹²Kabili kine temuli ba kisinka mu bintu nghwana, nani waakamipeela bintu byaakaba byenu?¹³Mubombi umo tavinda kubombela balopue babili, pantu kine wakita evio, alikusuulapo umo ni kutona unge. Kuti wailunda na umo ni kufuupula unge. Mwe bakwane, temupalile kubombela Leza ni nfolanga.¹⁴Bafarizeo lubaunvwile evio, bambambile kumupunika Yesu pantu baatoneesie nfolanga. ¹⁵Yesu waabaanine, "Anzia mwemue mulimwailangisia kuba balunghami pa menso a bantu, Leza wene amanine mitima yenu. Pantu kelia kimwenue na bantu nangue kiwamiisie, Leza akimwene kyabiipile.¹⁶Mizilo yakua Musa ni malembo a bakabika i byaaliko mpaka pa musita wakua Yoane Mubatizi. Kutula pa musita wakua Yoane, mpunda iweme ya Bukolo iliyasimikilua. Ni bantu bonse balibaipatikizia kwingilamo. ¹⁷Kuzeeza kwa muulu ni kyalo kulengeesie kukila kuzeezia kamusiko kamo ka Muzilo umo.¹⁸Kine muntu wakaana mukazi ni kuupa mwanakazi unge, wakita bukende. Ni muntu alikuupa mwanakazi akeenue wakita bukende.¹⁹Kwaali muntu umo munonsi waali wavwala ngubo ikindamiisie, kabili waali waikala bwikazi buwamiisie, kubalua busikuwaali walia bilio biweme. ²⁰Kabili kwaali ni muntu umo mupabi liina lyakue Lazarowaali ni bilonda. Ozo muntu baali bamuleeta pa mulyango wa nghanda yakua munonsi. ²¹Waswapiile kulia tubuvunga twa bilio twaali twaponena mwinsina meza yakua munonsi, ni tubua twaali twaiza kumulambwila bilonda byakue.²²Mupabi luafwil, waatwemue na bamalaika waya kwikala mu kyeni kyakua Abrahamu. Munonsi ni ye luafwile, waziikua. ²³Waikala kumbo koko kwaali lyemo likata. Waalendwile menso ni kumona Abrahamu bwa kule pamo ni Lazaro waikeele mu kyeni.²⁴Waelele mukunda walanda, 'We tawe Abrahamu, nghunvwileko nkumbu umutume Lazaro atubie kantoole kakue mu menda, evi atalalike lulimi lwane, pantu ndi mu lyemo likata mu ono mulilo.'²⁵Inzi Abrahamu waalandile, 'We mwana wane, languluka mu nsita ya bukose bobe viwaali wawamiinue luwaali wakili ni bintu byonse biweme Lazaro tekuba wali nabio. Evi lenu pano wene i awamiinue we wali mu lyemo. ²⁶Te kako sie, pakati ketu pali mukonko wazikile sana. Ni pakako, onse atonene kwabukila ku bono bwala, tavinda kwizako, ni onse atonene kwabukila ku bobo bwala ni ye tavinda kwizako.²⁷Munonsi waalandile, "Kansinakupaapaata we tawe Abrahamu utume Lazaro ku nghanda yakua tawe, ²⁸pantu ndiko ni bakwane basaano, aye abasoke evi ni bo tekuti bakeeze pa eno nkendo ya lyemo."²⁹Abrahimu waamwanine, "Bakobe bamanine Malembo alembelue na Musa ni bakabika, kansi i abapalile kukonka." ³⁰Munonsi waalandile, 'We tawe Abrahimu, te evio abe! Inzi kine muntu watuntumuka kono i waya kubaana, baakalapila bibalo byabo.' ³¹Inzi Abrahamu waamwanine, 'Kine tebaakonvua sie Malembo alembelue na Musa ni bakabika, anzia kono kukatuntumuke muntu, ni ye tebakamutwilizia.'"

¹Yesu waabaanine basambi bakue, "Bintu bya kubazia bantu byene bipalile kuya byaliko, inzi lisyamo ku ozo aliwabazyania. ²Ozo muntu kuti kyawama kumukakila libue likata lya mpelo mu mukosi ni kumupooza mu lyezi, kukila kuya wabazia bamo ba pa baba banike.³Kansi ilabukile, kine wakobe wakubala musoke. Kine walapila, mweleele. ⁴Kine wakubala nghendo kilooba mu busiku bumo, ni kwiza nghendo kilooba ku kulomba bweleelo, mweleele."⁵Basambi baamwanine Yesu, "We Mulopue, tulundileko kiketekelo." ⁶Mulopue waabaasukile, "Kabenge mwali ni kiketekelo nga lubezu lwa kilanga nga mwakyana keki kimuti nangue, 'Nukuka uye wipooze pa lyezi.' Ni kyo kyakitika⁷Kine muntu umo pakati kenu ali ni mulimi ao musungi wa mikooko. Mubombi luali wafuma ku miilo, kuti waanua na selenzi nangue, 'Ewe, lenga wize ulie?' ⁸Ata, inzi alikumwana evi, 'Ewe, nteaniizie bilio, uvwale ubambe kunmbombela mpaka pandikupwila kulia ni kumina, mane ni wewe ulie ni kumina.'⁹Kubako ozo muntu kuti wamusantila mubombi wakue pantu wakita mwaaninwanga? ¹⁰Ni mwe kumo lumulimwapua kukita mumwaniinue, lande sie nangue, 'Fwefue tuli sie babombi ba mpuni, tulitwakita sie mutulitwaaninua.'"¹¹Yesu luali waya ku Yeruzalemu, waapitiile lya ku mipaka ya Samaria ni ya Galilaya. ¹²Luali wasyaingila mu muzi umo evi, waasakeene ni bantu likumi baali balwele tembue. Baba bantu baimeene bwa kule." ¹³Ni kuzanzula mazui balanda, "We Yesu kasambilizia, tunvwileko nkumbu!"¹⁴Yesu waabakentele wabaana, "Endo mwaya mulengulue na babitambua." Lubaali basyaya, penka papo bakosa kale. ¹⁵Umo pakati kabo luamwene nangue wakosiiwa, waabwelele walimukumutasia Leza na lizui likata. ¹⁶Waile kwipooza ku makasa akua Yesu walimukumusantila. Ozo muntu waali musamaria.¹⁷Yesu waipuziizie, "Kwakosiiwanga bantu likumi. Ale bange fundi bali pi? ¹⁸Tekwizile unge wakutasia Leza, inga sie ozu mweni bunke." ¹⁹Kupwako Yesuwamwana, "Ale buuka uye waya, kiketekelo kyobe kyakukosia."²⁰Bafarizeo baamwipuziizie Yesu, "We Yesu, Bukolo bwakua Leza bwaakeeza musita ki?" Yesu waabaasukile, "Bukolo lubwaiza, bwene tebwamoneka na menso. ²¹Tekuli muntu waakalanda nangue, 'Mona Bukolo bobu buli papa!' ao nangue, 'Mona Bukolo bolia buli palia,' Pantu Bukolo bwakua Leza buli pakati kenu."²²Kupwako wabaana basambi bakue, "Nsita ilimukwizalumwakatona kumona busiku bumo bwa kuba pamo ni mwina muntu, inzi temukabumona. ²³Ni bantu baakamyana evi, 'Mone mwina muntu ozu papa.' Mwemue tekukafume ao tekuti mukabakonke. ²⁴Pantu kyaakaba nga evelia vimulimwamona kimpenimpeni kyapenia kufuma ku bobu bwala mpaka kumoneka ku bunge bwala, evio i vyaakaba busiku bwa kwiza kwa mwina muntu.²⁵Inzi ntanzi ya byonse, waakeemiwa sana ni kukaanua na bantu ba kano koba. ²⁶Nga evelia vikyaali pamusita wakua Noa, i vikyaakaba ni pa busiku bwa kwiza kwa mwina muntu. ²⁷Pa ozo musita, bantu baali batwaliliile kulia ni kumina, kuupa ni kuupua, mpaka busiku bwaingiile Noa mu bwato. Kibunda lukyaizile, kyaabunziizie bonse.²⁸Kabili kyaakaba nga vikyaali pa musita wakua Loti. Bantu baali batwaliliile kulia ni kumina, kusita ni kusisia, kubyala mbezu ni kukuula nghanda. ²⁹Busiku bwaafumine Loti mu Sodoma, mulilo wa kibiriti waaponeene pa kyalo nga evelia vilivyanoka nvula ikata. Ozo mulilo waaloviizie bantu bonse.³⁰Evi i vyaakaba ni busiku bwa kwiza kwa mwina muntu. ³¹Bobo busiku, muntu waakaba pa musolo tekuti akabwelele mu nghanda kuya kutwama bumoni bwakue. Ni muntu waakaba ku makaba akue, tekuti akabwelele ku nghanda.³²Languluke kintu kyaamukitikiile muka Lutu. ³³Onse atonene kupususia mutima wakue, waakauzeezia. Ni onse waakauzeezia pa mulandu wane, waakaumona.³⁴Namyana kisinka nangue, bobo busiku musita wa busiku, bantu babili baakaba baleele pa bulita bumo, umo waakatwamua, ni unge waakasiiwa. ³⁵Banakazi babili baakaba balimukutwisyania, umo waakatwamua, ni unge waakasiiwa. [36 Bantu babili baakaba ku bukaba, umo waakatwamua, ni unge waakasiiwa.]³⁷Basambi lubaunvwile evio, baamwipuziizie Yesu, "We Mulopue, keki kintu kyaakakitikila pi?" Ni ye waasukile, "Palia pali nama afwile, i pali papupukila makubi."

¹Kabili Yesu wabamba kubalondolwela kipalo kya kubalangisia nangue bapalile kuya bapepa lyonse pasili kutopa. ²Waabaanine evi, "Mu muzi umo mwaali mupinguzi umo asyaali watiina Leza ao kupooza maano ku bantu.³Mu ozo wenka muzi, mwaali ni mukanfwilua umo waali waya kumulomba mupinguzi amulandileko evi apeeluensambu yakue. ⁴Paapitile musita ukata sana walimukukaana kumulandilako. Pa mpeleezio, waalandile, 'Anzia nene nsyamutiina Leza ao kupooza maano ku bantu. ⁵Inzi pantu ozu mukanfwilua wakila kunghemia, ndikumulandilako akeeza kuya waizaiza kungemia."⁶Mulopue Yesu waatwaliliile kubaana, "Unvue vilivyalanda ozu mupinguzi mubi. ⁷Ati, kubako Leza tavinda kulandilako bantu bakue balibamulilila lyonse busiku ni koba? Ati, talenga kubakwasia? ⁸Ne namyana kisinka nangue Leza wene takokola kubonvua. Ati, kubako lwaakeeza mwina muntu, waakeeza kusanga ni bazumizi pa kyalo?"⁹Kabili Yesu waabaleeteele kinge kipalo balia bantu baali baimwene kuba bwino ni baali bafuupwile benabo. Waalandile, ¹⁰"Kwaali bantu babili baaselele ku nghanda yakua Leza ku kupepa. Umo waali Mufarizeo, ni unge waali kasonkia wa musonko.¹¹Mufarizeo luaimeene, wabambile kupepela mu mutima walimukulanda, 'Sante we Leza pantu nene nsili nga bange bantu balibaiba ao balibapompola ao bakende ao nga ozu kasonkia wa musonko. ¹²Nene ndinaizilika nghendo ibili mu mulungu umo, kabili ndinafumia kamo ka pa likumi lya kibwezia kya belia bindinanonka.'¹³Kasonkia wa musonko waimeene bwa kule wakontamiine pansi pasili kukenta mwiulu, waikumbata na bulanda bukata walimukulanda, 'We Leza wane, ngeleele ne wa bibalo.' ¹⁴Nene namyana kisinka nangue ozo kasonkia wa musonko waabweleele ku nghanda yakue wasyaeleelue na Leza. Inzi Mufarizeo wene taeleelue, pantu onse aliwaisezia, waakakoosiiwa, ni onse aliwaikoosia, waakaseziiwa."¹⁵Bantu bamo baamuleeteele Yesu banike kuti abakumie, basambi lubaamwene evio baabasasiliile. ¹⁶Inzi Yesu waabakuutile basambi bakue, waabaanine nangue, "Baleke baba banike beze kuli nene. Tekubakaanie pantu Bukolo bwakua Leza ni bwa baliabali nga banike. ¹⁷Nene namyana kisinka nangue, Muntuasiliwaketekela Bukolo bwakua Leza nga vilivyaketekela mwanike takengilamo."¹⁸Mulombozi umo wa kiyuda waamwipuziizie Yesu, "Ati wekasambilizia aweme, nkite syani pakuti nmbe ni bukose bwa muyayaya?" ¹⁹Yesu waamwaasukile, "Eba, wankuutila kiaweme? Tekuti aweme, inga sie Leza bunke. ²⁰Umanine vilivyalanda milao nangue, 'Tekukita bukende, tekwipaana, tekwiba, tekusininkizia bya bufi, kindika so ni noko.'" ²¹Ni ye waalandile, "We Mulopue, bebio byonse ndinabikita kutula ku bwanike bwane."²²Yesu luaunvwile evio, waamwanine, "Mona ubuliilue na kantu kamo kaupalile kukita. Sisia byonse biuli nabio, ni nfolanga upeele bapabi, evi uye wali ni kipao mwiulu, mane wize unkonke." ²³Inzi ozo muntu luaunvwile evio, waafiitilue sana pantu waali wanonkeesie.²⁴Yesu luamumwene wafiitilue waalandile evi, "Evi i vikimwaviiziizie munonsi kwingila mu Bukolo bwakua Leza. ²⁵Nghamia kuti wapula mu lipulo lya nsindano kukila munonsi kwingila mu Bukolo bwakua Leza."²⁶Babo bantu baali bali papo lubaunvwile evio, baipuziizie, "Eba, ale nani waakapusuka?" ²⁷Yesu waabaasukile, "Unvue, belia bisilibyavindikika ku bantu, kuli Leza bilibyavindikika."²⁸Petro ni ye waamwipuziizie Yesu, "Ati we Mulopue, ale fwefue twaakaba syani? Pantu mona twakisia bintu byonse ni kwiza kukukonka." ²⁹Yesu waabaasukile, "Namyana kisinka nangue onse aliwasia nghanda yakue,ao mukazi wakue, ao ndumeeze,ao bavyazi bakue, ao baana bakue pa mulandu wa Bukolo bwakua Leza, ³⁰waakapokelela bintu bingi,ono musita, kabili waakaba ni bukose bwa muyayayapa musita waakeeza."³¹Yesu luali pambali ni balia likumi na babili, waabaanine evi, "Unvue, tulimukuya ku Yeruzalemu, koko i kwakabakufikiliziwa bintu byonse byaalembelue na bakabika palwakua mwina muntu. ³²Waakapaanua ku bazima, ni bo baakamwemia ni kumutiila mate. ³³Baakamusepula misepe ni kumwipaya, inzi waakatuntumunua pa kyamba kya nsiku itatu."³⁴Basambi tebaunvwilepo kantu, tebaamanine Yesu kialandiile evio pantu tebainikile ndubulwilo ya twebo tualandile.³⁵Yesu luapaleeme ku Yeriko, mpofu umo waali waikeele mumbali nzila walombelezia. ³⁶Waunvwile bantu balimukupita, waipuziizie kyaali kyalimukukitika. ³⁷Baamwaasukile, "Yesu wa ku Nazareti i alimukupita."³⁸Penka papo watendeka kale kukuuta wasamwine, "We Yeesu mwina Daudi, nghunvwileko nkumbu." ³⁹Babo bantu baali batangiile baatendekele kumusasilila balimukumwana atalale. Inzi wene waakilile sie kusamuna walimukukuuta, We Yesu mwina Daudi, nghunvwileko nkumbu."⁴⁰Kupwako Yesu waimana, wabaana, "Ale muleete pano." Ozo mpofu luatwelue pali Yesu, Yesu waamwipuziizie, ⁴¹"Ewe, utonene nkukitile ki?" Waamwaasukile, "We Mulopue, ntonene nmone."⁴²Yesu waamwanine ozo muntu, "Ale mona, kiketekelo kyobe kyakukosia." ⁴³Penka papo ozo muntu waali mpofu wamona kale, kupwako wamukonka Yesu koku walimukumutasia Leza. Babo bantu bonse baali papo lubaamwene evio, ni bo baamutasiizie Leza.

¹Yesu waafikile mu Yeriko. Luali walimukupita mu musebo wa mu ozo muzi, ²Kwaizile muntu umo liina lyakue Zakayo. Ozo muntu waali mukulu wa bakasonkia ba musonko, Kabili waali munonsi.³Zakayo waali watonene kumumona Yesu, Inzi pantu bantu baali bavulile, kabili pantu ni ye mwine waali mwipi, waandilue kumumona. ⁴Waile lubilo ku ntanzi ni kusela ku kimuti, kya miku evi amumone bwino Yesu, pantu pa ezio nkendo i paali pa lungheeme Yesu.⁵Yesu luafikile pa ezio nkendo, waakentele ku kimuti, wamwana Zakayo nangue, "We Zakayo, lenga ukooke pantu lelo ndi mweni obe." ⁶Zakayo waakookele lubilo ni kuya kumupokelela Yesu wali ni nsansa. ⁷Bantu bonse lubaamwene evio, baatendekele kwitendooka balimukulanda, "Emwe, mone vyakita Yesu, waya kwikala pamo ni bantu ba bibalo."⁸Inzi Zakayo waamwanine Yesu, "We Mulopue, unvua nene ndikubapeela bapabi kitika kya bunonsi bwane, Kabili kine muntu naamupokele kantu kakue, ndikumulipa bintu bina." ⁹Yesu waamwanine, "We Zakayo, lelo bupusuko bwafika mu eno nghanda, pantu ni ozu muntu ni ye ni wa mu luvyalo lwakua Abrahamu. ¹⁰Pantu mwina muntu waizile kukeba bantu ba bibalo ni kubapususia."¹¹Bantu lubaali bakitwiliziizie twebo twaali twalandua, baabambile kulangakana nangue Bukolo bwakua Leza i vibwafika. Pantu Yesu waali wasyafika mu Yeruzalemu,kabili waabaleeteele kipalo walanda, ¹²kwaali muntu umo mukindami waile ku kyalo kinge kya kule kuti bamubiike pa kitebe kya bukolo, mane akabwele.¹³Ozo muntu luali tanaye, waakuutile babombi bakue likumi ni kubapeela nfolanga. Kubalua muntu waamwanine evi, 'Ale tendeka kusuluzia nayo mpaka pankaba kubwela.' ¹⁴Inzi bekala muzi nakue baali bamusuulile, baatumine mikenzi ya kuya kumwana nangue, "Tetutonene akabe kateeka wetu." ¹⁵Mukindami luabwelele wasyali likolo, waakuutile babombi bakue evi amane nfolanga iabasiiliile kine baanonkeelepo ni inge.¹⁶Mubombi wa mambo waile kulanda nangue, 'We tawelenzi, elia nfolanga iwanmpeele, nakinonkelapo inge likumi' ¹⁷Ni ye waamwanine evi, 'We mubombi aweme, wabomba. Waakaba kateeka wa mizi likumi pantu wakiba wa kisinka mu tuntu tunini.'¹⁸Mubombi wa bubili waile kulanda evi, 'We tawelenzi, elia nfolanga iwanmpeele, nakinonkelapo inge isaano.' ¹⁹Ni ye waamwanine, 'Ni wewe waakaba kateeka wa mizi isaano.'²⁰Ni mubombi wa butatu ni ye waile kulanda nangue, 'Nfolanga yobe ezi inakiba nakufiikiile bwino mu kitambala. ²¹Nakitiina pantu weweusasile sana. We uliwatwama bisili byobe, ni kuzombola ku usyaabyele.²²Ni ye waamwanine, "We mubombi mubi, Ndikukutana nsambu kukonkana ni bulanzi bobe, Waamanine nangue nene nsasile, ndinatwama bisili byane, ni kuzombola kunsyaabyele. ²³Ale ni kiki kiusyaatwaliile nfolanga yane ku basulu? Evi lunakibwela nga nakiiza kusanga yailundiilepo.'²⁴Kupwako wabaana babo bantu baali papo, 'Ale mupoke ezio nfolanga yali nayo mupeele olia wakinonkelapo likumi. ²⁵Ni bo baamwaasukile, 'We situelenzi, ale wene vyakwete ni inge likumi.'²⁶Ni ye waabaanine, 'Onse ali ni kantu waakapeelua ni kulundiluapo. Inzi olia asili na kantu waakapokua ni kalia kaali nako. ²⁷Ni pakako, balia balwani bane basitonene kuti ngie nali kateeka wabo, baleete pano mubeepaye ni nene nakenteleele'"²⁸Kupwako, Yesu lualandile evio, waabatangiliile ku Yeruzalemu.²⁹Luafikile pepi ni Betefage ni Betania, mizi ili pepi ni lupili iwa Mizeituni, waatumine basambi bakue babili, ³⁰Wabaana, "Endo mwaya mu olia muzi uli pa ntanzi, pamuya kwingila mu muzi, mulikuya kusanga kena punda kakakilue ni ko tekanaseluepo na muntu. Muye mukakakule ni kwiza nako pano. ³¹Kine muntu wamiipuuzia nangue mwakakakwila ki, mumwane nangue Mulopue alimukukakeba,"³²Kupwako, balia basambi baya ni kuya kusanga nga mubaaniinue. ³³Lubaali bakakula kena punda, bene ba punda baipuziizie, "Mulimukukakakwila ki?" ³⁴Baasukile, "Mulopue alimukukakeba." ³⁵Kupwako, bamutwala ozo punda kuli Yesu. Pa kyamba, baapanzikile ngubo pa punda, ni kumusezia Yesu peulu. ³⁶Yesi luaselele pa punda, bantu baapanzikile ngubo yabo mu musebo.³⁷Luafikile pepi ni Yeruzalemu walimukukooka Lupili lwa Mizeituni, basambi bakue pamo ni bantu bange bengi, baatendekele kusantila Leza ni kumutasia basamwine koku basansamukile pa mulandu wa bintu bikata bibaamwene. ³⁸Baali balimukulanda evi, "Apaalue ozu likolo alimukwiza mu liina lyakua Mulopue, mutende ni bulumba bibe mwiulu kuli Leza."³⁹Bafarizeo baali bali pa lelia libumba, baamwanine Yesu nangue, "We kasambilizia, baane basambi bobe batalale." ⁴⁰Yesu waabaasukile, "Namyana kisinka nangue kine baba bantu batalala, mabue alikubamba kusamuna."⁴¹Yesu luakilile kupalama, ni muzi wamoneka waaliliile Yeruzalemu. ⁴²Walanda, "Wakiba wapalile kwinika lelo ezi mpunda ya mutende, Inzi ifyeme teuvinda kuimona.⁴³Pantu nsiku ya kuzyungulukilua na balwani bobe ilimukwiza. Baakakuzyungulukila ni kukusakukila koku ni koku. ⁴⁴Baakakulovia wewe pamo ni bekazi balimo, kabili tebakakusiila anzia libue peulu linge, pantu tewainikile musita waizile Leza kuti akupususie."⁴⁵Yesu waingiile mu nghanda yakua Leza ni kutendeka kubakumbila panze bonse baali basisiiziamo. ⁴⁶Walimukulanda, "Kilembelue evi, 'Nghanda yane yaakaba nghanda ya mapepo,' Inzi mwemue mwakyalula mwakufyama bakabooko."⁴⁷Yesu waali wasambilizia kubalua busiku mu nghanda yakua Leza. Makolo a babitambua ni bakasambilizia ba Mizilo pamo ni nombozi, baali bakeba kumwipaya. ⁴⁸Inzi baandilue pantu bantu bonse baali bamutwiliziizie bapoozeleko ni maano.

¹Busiku bumo, Yesu waali wasambilizia bantu mu nghanda yakua Leza ni kubasimikila mpunda iweme. Makolo a babitambua ni bakasambilizia ba mizilo pamo ni masiiko, baile kumwana nangue, ²"Tubwile uliwakita bebi bintu na buvinde bwakua ni? Ni waakupeele bobu buvinde nani?"³Yesu waabaasukile, "Ni nene namiipuzia evi, nghane. ⁴Lubatizio lwakua Yoane lwaafumine kuli Leza ao ku bantu?"⁵Baatendekele kulanzyania nangue, "Kine twalanda nangue lwaafumine kuli Leza, ni ye alikutwipuzia, 'Ale vimusyamuzumiine?' ⁶Kabili kine twalanda nangue lwaafumine ku bantu, baba bantu bonse bali pano kuti batutoota mabue, pantu bonse basininkiziizie nangue Yoane waali kabika."⁷Kupwako, kwenka kumwasuka sie nangue tetumanine. ⁸Yesu ni ye waabaanine, "Ni nene nsimyana kine ndinakita bebi bintu na buvinde bwakua ni."⁹Kabili Yesu waabaanine bantu kipalo kilandile nangue, "Kwaali muntu umo waalimine bukaba bwa mizabibu ni kusiila balimi bakuti bakabe basonkela, ye ni kuya ku kyalo kya kule koko kuaile kwikala nsiku ingi. ¹⁰Musita wakuzombola luwaakumeene, ozo muntu waatumine mubombi wakue ku balia balimi, kuti aye atwame mazabo amo a mizabibu ya mu bobo bukaba. Inzi balia balimi baamuumine ozo mubombi ni kumubwezia sie tonte.¹¹Ozo muntu kabili waatumine mubombi unge, inzi ni ye baamuumine sana ni kumubwezia tonte. ¹²Kabili waatumine ni wa batatu, wene i ubaakisiizie ni kumukumba.¹³Ozo mwine wa bukaba waatendekele kulangakana waiipuzia, 'Ale ndikukita syani? Ntume sie mwana wane lyonga, pange wene kuti bamupoozako maano.' ¹⁴Babo balimi lubaamumwene sie ozo mwana, baalandile, 'Ozu, i mupyani, kansi tumwipaye evi bupyani bukabe bwetu.'¹⁵Kupwako bamufumiizia kunze ya bukaba bwa mizabibu ni kumwipaya. Yesu waabeepuziizie, "Ati, olia mwine wa bukaba kuti wabakita syani babo balimi? ¹⁶Waakeeza kubeepaya babo balimi ni kusiila balimi bange bukaba bwa mizabibu." Bantu lubaunvwile evio, baakeene balanda, "Tekikitika ata kanini"¹⁷Inzi Yesu luabakentele, waabaanine evi, "Ale aza malembo Azuuke alandile syani? Pantu alembelueevi, 'Libue lyaakeenue na bakuuli, i lyakyaluka libue lya kiputa.' ¹⁸Muntu kine waponena pa lelio libue, alikutyoka, kabili kine lyaponena muntu, alikusansika sie ye onse."¹⁹Bakasonkia ba musonko ni babitambua bakulu bainikile nangue bene i baali balandilua kekio kipalo. Kupwako, tebakeba bamukwate ozo wenka musita, inzi baatiinine bantu baali balipo. ²⁰Baali basyakeba musita upalile wa kumukwata. Baasongele bantu bamo kuti baibeepezia kuya baali balunghami. Babo bantu baile kumuketa Yesu mu biipuzio, evi kine aluvie mu kwasuka kwakue, bamukake ni kumutwala ku buteeko.²¹Babo bantu baatumine baatendekele kumwana Yesu, "We kasambilizia, tumanine nangue uliwalanda ni kusambilizia bantu bintu bya kisinka mutoneene Leza,kabili tumanine nangue wewe teuli na kitoolela. ²²Ale twane kine kipalile kusonka musonko kuli Kaizari ao kusisonka?"²³Yesu wainikile nangue baali bamuketa, waabaanine evi, ²⁴"Ale ndangisie lufolanga, lolu lukebu ni aza malembo ni byakua ni?"²⁵Baamwaasukile, "Ni byakua Kaizari." Yesu waabaanine, "Kansi, byakua Kaizari mupeele Kaizari, ni byakua Leza mupeele Leza." ²⁶Babo bantu baandilue kumukwata mukumuketa kwabo pamenso a bantu. I kwenka kupolokelua sie koku bapapile ngasukilo yakue.²⁷Kabili Basadukayo bamo balia balibalanda nangue tekuti kutuntumuka, baile kumwipuzia Yesu, ²⁸"We kasambilizia, Musa waatulembeele evi, Kine muntu wafwilua na wakwakue, wasia mukazi tekuba wavyele baana, ozo muntu alikuupa mwanakazi afwiliilue evi avyalile wakwakue baana.²⁹Inzi kwaali benenke kilooba wa mambo waafwile, taasiilemo mwana. ³⁰Kabili wa bubili waupile ozo mwanakazi, ni ye waafwile tekuba wavyelemo baana. ³¹Ni wa butatu ni ye evio vyenka, bonse kilooba baupile ozo mwanakazi baafwile ata kusiamo baana. ³²Ni pa mpeleezio ozo mwanakazi ni ye waafwile. ³³Ale busiku bwa butuntumuko, ozo mwanakazi waupilue na bonse kilooba waakaba muka ni?"³⁴Yesu waabaasukile, "Bantu ba kano koba balibaupa ni kuupua, ³⁵Inzi balia baakatuntumunua tebakaba baupa ni kuupua. ³⁶Kabili ni kufua tebakikafua, pantu baakaba bali nga bamalaika,kabili ni bena Leza, pantu baafumiiziwe ku lufu.³⁷Inzi butuntumuko bwene kubuli, Musa ni ye waasininkiziizie ozu mulandu mu malembo Azuuke alandile palua kinvuule kyaali kyaleema mulilo nangue, 'Mulopue i Leza wakua Abrahamu, i Leza wakua Izaaki, kabili i Leza wakua Yakobo.' ³⁸Kansi, wene te Leza wa bafwile, inzi ni Leza wa bakosele. Kansi balia bali pamo ni Leza bakosele."³⁹Bamo pa balia bakasambilizia ba Mizilo baamwanine , "We kasambilizia, waasuka sie bwino." ⁴⁰Ni pakako, tebaamwipuziizie kabili binge biipuzio.⁴¹Yesu waipuzuuzua, "Ati, bantu kuti balanda syani nangue Kristu ni mwina Daudi? ⁴²Pantu Daudi alandile mu kitabu kya malumbo nangue, 'Mulopue waamwanine Mulopue wane nangue, ikala ku kulio kwane. ⁴³Mpaka nkabiike balwani bobe nga kintu kya kunyantapo makasa obe.' ⁴⁴Daudi mwine waamukuutile Kristu nangue, 'Mulopue' Ale Kristu alikuba syani mwina Daudi?"⁴⁵Yesu waabaanine basambi bakue pa menso a bantu bonse, ⁴⁶"Ilabukile ku bakasambilizia ba Mizilo balibatona kupitaana bavwele nkanzu ileepele. Kabili balibatona kuya bapoziiwa bakindikilue mu kisisiizio, balibasaakulabitebe bya mukinzi mu nghanda ya malombi ni kwikala pa kifuka kiweme musita wa kulia matebeto. ⁴⁷Balibabaliilikizia bamukanfwilua koku balimukwibeepezia kuba balunghami ni kuya bapepa mapepo aleepele. Kukandua kwabo kwaakaba kwabiipiisie."

¹Yesu waakentele koku ni koku ni kumona banonsi vibaali babiika bupe bwabo mu kipao kya mu nghanda yakua Leza. ²Kabili waamwene mukanfwilua umo waabiikile nfolanga ibili ikeepeesie. ³Yesu waalandile, "Namyana kisinka nangue ozu mukanfwilua mupabi wabiika nfolanga ingi kukila bange bonse. ⁴Bange bafumia bupe bwa mu elia nfolanga iliyasyala pa bunonsi bwabo, inzi wene anzia ni mupabi, wafumia nfolanga yakue yonse iaketekeele mu bwikazi bwakue."⁵Basambi bamo baali balanda palua nghanda yakua Leza viyaali yakuulilue bwino na mabue a mutengo ukata, ni palua bupe bubaali bapeela Leza mu ezio nghanda. Inzi Yesu wene waabaanine evi, ⁶"Kwaakaba busiku bumo bwaakatuutua bebi byonse bimumwene, kabili tepali libue lyaakasyala peulu linge."⁷Kupwako bamwipuzia Yesu, "Ati we kasambilizia, bebi bintu byaakakitika musita ki? Kabili twaakamanina ku ki nangue bebi bintu pasyabikakitike?" ⁸Yesu waabasukile, "Labuke evi tekuti mukabeepue. Pantu bantu bengi baakeeza baibeepezia nangue, 'Nene i Kristu.' Kabili baakaba balanda evi, 'Musita wapalama.' Tekuti mukeezie kubakonka. ⁹Tekukatooboke mitima pamukonvua mpunda ya bului ni ya binvulunghania. Bebi bintu byonse byaakakitikanke, inzi tekukalande nangue mpeleezio yafika."¹⁰Kabili Yesu waatwaliliilekulanda, "Ntundu imo yaakalua na ntundu inge, ni buteeko bumo bwaakalua na buteeko bunge. ¹¹Kwaakaba ntensi ikata mu nkendo yonse, kwaakaba nzala ni malwele alekenkeene, kwaakaba kwakitika bintu bya kutiinia ni tulangi tukata ni to twaakaba twamoneka mu lyulu.¹²Inzi bebi bintu byonse pabisinatendeke, mwaakakwatua ni kwemiwa, mwaakasongelua mu nghanda ya malombi ni kukakua, mwaakatwalua ku makolo ni ku bakateeka pa mulandu wane. ¹³Ni bebi i byaakamileetela lisyuko lya kusimikila Mpunda iweme.¹⁴Kansi, be mwaikeele mwaisimpile mu mitima yenu, tekukatendeke kulangakana nangue,'Tulikulanda syani?' ¹⁵Pantu nene naakamipeela maano ni maka a kulanda, evi balwani benu tekuti bakamibinge.¹⁶Bavyazi benu ni bakwenu, ni ndupua yenu pamo ni bibuza byenu baakamikaana,ni bange pakati kenu baakeepawa. ¹⁷Bantu bonse baakamisuula pa mulandu wane. ¹⁸Inzi ku mitue yenu tekuli musisi ata umowaakazeeza. ¹⁹Kine mwasipikizia, mwaakapususia bukose bwenu.²⁰Pamukamona muzi wa Yeruzalemu wazyungulukiilue na balwani, mukeenike nangue musita wa kwinoonua kwa ozo muzi wakumana. ²¹Ozo musita, balia baakaba mu Yudea, bakabutukile ku mpili. Ni balia baakaba mu muzi, ni bo bakafumemo. Ni balia baakaba bali ku makaba, ni bo tekuti bakabwelele ku muzi. ²²Pantu ezio yaakaba nsiku ya kukandua evi byonse byaalembelue bikafikiliziwe.²³Bulanda ku banakazi baakaba baimisi mu ezio nsiku! Pantu kwaakaba lyemo likata mwaya kyalo, ni kikonko kyakua Leza kyaakaba pa babo bantu. ²⁴Bange baakeepawa na bipanga, ni bange baakateekua buzia mu ntundu inge, ni mu Yeruzalemu mwaakeekalua na bantu basimanine Leza mpaka musita wabo paukakumuna.²⁵Kwaakaba tulangi mu koba, ni mu kwezi, ni mu ntanda. Ntundu ya pa kyalo yaakaba mu lyemo pantu yaakaba yatiina kinkunsia kya pa lyezi ni mabimbi. ²⁶Bantu baakapenzuka na mwezo lubaakaba balanguluka bintu byaakaba byakitika pa kyalo pantu maka a mu lyulu aakatensiiwa.²⁷Papo i pabaakamumona mwina muntu walimukwiza mu malezi. Waakeeza na maka ni bulumba bukata. ²⁸Bebio bintu pabikatendeka kukitika, mukeemane ni kukenta mu lyulu, pantu bupusuko bwenu bwaakaba bwasyapaleeme"²⁹Kabili Yesu waabaleeteele kipalo walanda, "Mone kimuti kya miku pamo ni bimuti binge byonse. ³⁰Lumwamona nangue tebyatombako maani, mulimwainika nangue likungulu lyapalama. ³¹Kansi pamukamona bebio bintu byalimukukitika, mukeenike nangue Bukolo bwakua Leza bwapalama.³²Namyana kisinka nangue, bantu ba kano koba tebakaloba bonse bebi bintu byonse lubisinakitike. ³³Lyulu ni kyalo byaakapita, inzi twebo twane tetukapita.³⁴Labuke, tekulekeele mitima yenu kuya yasambookela kulia ni kumina pamo ni bwikazi bwa mu keno kyalo mukakeeza kutulumukililua na bobo busiku. ³⁵Pantu bwaakaba nga muteo kubekala kyalo bonse.³⁶Kansi labuke, muye mwapepa lyonse evi mukabe ni maka a kupita bwino mu bebi bintu byonse byakaba kukitika, kabili mukabe mwaimeene sinta pa ntanzi yakua mwina muntu."³⁷Mu ezio nsiku, Yesu waali wasambilizia mu nghanda yakua Leza musita wa koba, inzi musita wa busiku waali waya kulaala ku lupili lwa Mizeituni. ³⁸Bantu bonse baali baya kumutwilizia Yesu mu nghanda yakua Leza musita wa lukeelekeele.

¹Nsikunkulu ya mikate isiliko ntutumusi iliyakuutua Pasaka, yaali yapaleeme. ²Makolo a babitambua ni bakasambilizia ba Mizilo baali bakeba musango wakumukwata Yesu, inzi baali batiina bantu.³Kupwako, Satana wamwingila Yuda Iskariote, umo wa pa basambi likumi na babili. ⁴Yuda waile kunvwana ni makolo a babitambua pamo ni balindi ba nghanda yakua Leza, evi bamone musango wakuti akabapeelelemo Yesu.⁵Baba bantu baawamiinue ni kunvwana kuti bakamupeele nfolanga. ⁶Yuda waitabiizie, ni kutendeka kukeba musita wakuti akabapeelelepo Yesu pasili kumanika ku bantu.⁷Kupwako, nsikunkulu ya mikate isiliko ntutumusi yakumana, bobo i busiku bwaali bwasinzua mwana mukookowakuliiwa pa Pasaka. ⁸Yesu waatumine Petro ni Yoane wabaana, "Endomututeaniizie bilio bya Pasaka bya kuti tulie." ⁹Baamwipuziizie, "Ati, utonene tuteaniizie pi?"¹⁰Yesu waabaasukile, "Unvue, pamuya kwingila mu muzi, mwaya musange mwalalume umo watweme lweso lwa menda. Muye mumukonke sie mpaka mu nghanda mwalikuya kwingila. ¹¹Muye mumwane mwine wa nghanda nangue, "Ewe, kasambilizia walanda utulangilile muputule mwakuti aliile bilio bya Pasaka, wene pamo ni basambi bakue."¹²Ozo muntu waya amilangilile muputule ukata wa pa muulu wawamiiziwe bwino. Momo i mwakutimuye muteanie." ¹³Kupwako, baya kusanga bintu byonse nga mubaaniinue na Yesu. Baateaniizie bilio bya Pasaka.¹⁴Musita luwaakumeene, Yesu waatendekele kulia pamo ni basambi bakue. ¹⁵Waabaanine, "Nakiba natonene sana kulia bilio bya Pasaka pamo ni mwemue pansinatendeka kwemiwa. ¹⁶Pantu nsikikalia kabili lenu mpaka patukalia Pasaka ya mu Bukolo bwakua Leza."¹⁷Kupwako, watemuna kikombe wasantila Leza walanda, "Buule muminemo mwe bonse. ¹⁸Pantu kutula lelo nsikikamina kabili divai ya mizabibu mpaka musita waakeeza Bukolo bwakua Leza."¹⁹Kabili waabuulile mukate, wasantila Leza waumokola ni kubapeela basambi walimukulanda, "Ozui mubili wane wakaba kupaanua pa mulandu wene. Ni mwe mukabe mwakita evio vyenka pakunanguluka." ²⁰lubaapwile kulia, Yesuwaatemwine kikombe walanda, "Keki kikombe, ni kipingo kya lenu kyakua Leza kilikyasininkiziwa na mulopa wane wakaba kuzuumiiwa pa mulandu wene."²¹Inzi unvue, Muntu wa kunmpaana tuli nakue penka pano pa meza. ²²Kulanda kisinka mwina muntu wene waakafua nga mukyaatantikiilue. Inzi muntu waakamupaana, asyeme." ²³Basambi baatendekele kwipuzyania pakati kabo nangue nani alikumupaana.²⁴Basambi baatendekele kukanzana balimukulanda nangue nani apalile kuba mukulu pakati kabo. ²⁵Yesu waabaanine, "Bakateeka ba mu kyalo balibamiteeka bubi bubi, kabili balibatasiiwa nangue balibateeka bwino bantu.²⁶Inzi pakati kenu tekipalile kuba evio, pantu onse atonene kuba mukulu pakati kenu, apalile kwikeefia kukila bange bonse. Ni onse aliwalombola bange, apalile kuba mubombi. ²⁷Ati, mukulu nani? Ni olia aliwaiza sie ku kulia, ao ni olia aliwabombelana? Kulanda kisinka mukulu ni olia aliwaiza sie ku kulia, nene ndi pakati kenu nga mubombi.²⁸Mwemue i bali pamo nane mu nghemo yane yonse. ²⁹Naakamipeela Bukolo nga evelia vinaapeelue na Tawe. ³⁰Mwaakalia ni kumina pamo ni nene mu Bukolo bwane, kabili mwakaba kupingula Baizraeli.³¹Unvua we Simoni, Satana apeelue nsambu ya kumipupia mwe bonse nga nghano. ³²Inzi nakupepela evi kiketekelo kyobe tekuti kikeepe. Ni we paukanmbwelela, ukakoselezie benobe."³³Petro waamwanine, "We Mulopue, nene ngiteaniizie kukakua ni kufua pamo nobe." ³⁴Yesu waamwanine, "Petro, nakwana kisinka nangue bono busiku kazenze pakasinabike, ulikusangua wasyankeene litatu."Kupwako, Yesu wabeepuzia basambi bakue, "Lolia lunaamitumine kuya tekuba mwatweme mufuko wa nfolanga ao kikapo ao nghubo ao bilatu, ni kiki kyaamibulile?" Baamwaasukile, Tetwaabulilue kantu." ³⁶Waabaanine nangue, "Evi lenu, olia ali ni mufuko wa nfolanga, ni ali ni kikapo, ni ali ni nsapato, atwame. Ni olia asili na kipanga, asisie likooti lyakue asite kipanga.³⁷Pantu malembo Azuuke alandile nangue, 'Waabiikilue pamo ni bantu ba bibalo,' apalile kufikiliziwa. Ee,alembelue pa mulandu wane." ³⁸Basambi baamwanine, "We Mulopue, pano tuli na bipanga bibili." Ni ye waabaanine, "Bebio byenka bikumeene."³⁹Yesu waafumine ni kuya ku lupili lwa Mizeituni pamo ni basambi bakue nga viali wakita lyonse. ⁴⁰Luafikile ku lupili, waabaanine basambi bakue nangue, "Pepe evi tekuti mubembue na meezio."⁴¹Kupwako waya pa ntazi kanini pa kuvinda kupooza libue, wafukama, watendeka kupepa walanda, ⁴²"We Tawe, kine watona, nmpisiizie kule keki kikombe kya lyemo, tekutona kwane, inzi kutona kobe i kwa kuti kukitike."⁴³Kupwako malaika kufuma mwiulu waiza kumukoselezia. ⁴⁴Yesu waapepele sana pa mulandu wa lyemo likata mpaka ni masulwila ali nga mulopa abamba kufuma ni kutoonena pansi.⁴⁵Luapwile kupepa, waabweleele ku basambi bakue ni kuya kusanga baonene pantu baali baunvwile bulanda bukata. ⁴⁶Yesu waabeepuziizie, "Eba, ki mulaaliile ni ki? Buuke mupepe mukeeza kubembua na meezio."⁴⁷Yesu luali wakilanda sie evio, Kwaizile libumba lyaali lyalombwelue na Yuda umo wa pa balia basambi likumi na babili. Lubaafikile, Yuda waile kumupozia Yesu ni kumukumbatila. ⁴⁸Yesu waamwanine Yuda, "We Yuda, eyo i viwamupaana mwina muntu na kumukumbatila?"⁴⁹Basambi bakue lubaamwene bintu byakitika evio, baamwipuziizie Yesu, "We Mulopue, tubakome na bipanga byenu?" ⁵⁰Umo pakati kabo waamukomene mubombi umo wakua kitambua mukulu na kipanga ni kumusempa kutui kwa ku kulio. ⁵¹Yesu waalandile, "Lekela evio." Kupwako,wakwata kutui kwakua ozo muntu ni kumukosia.⁵²Kabili Yesu waabaanine babitambua bakulu ni bakulu ba bakalinda ba nghanda yakua Leza pamo ni masiiko aizile kumukwata nangue, "Eba, mwaiza kunkwata mwatweme bipanga ni tupini nga ne kabooko? ⁵³Nsiku yonse inaali pamo nenu mu nghanda yakua Leza, mwaandilue kunkwata. Inzi ono musita wene i musita wenu, kabili i musita wa buteeko bwa nfinzi."⁵⁴Kupwako bamukwata, bamutwama ni kuya nakue ku nghanda yakua kitambua mukulu. Inzi Petro wene waali wakonkelemo sie bwa kule. ⁵⁵Pa musolo paali pakoziiziwe ni mulilo. Petro waali waikeele pamo ni bange bantu.⁵⁶Mubombi umo mwanakazi luamumwene Petro walimukonta mulilo, wamubatikizia walanda, "Ozu muntu waba wali pamo ni Yesu." ⁵⁷Inzi Petro waakeene walanda, "Ewe, ne nsimumanine." ⁵⁸Lubaapitile sie musita unini, muntu unge waamumwene Petro, waamwanine evi, "Ni wewe wenka uli umo wabo." Inzi Petro waasukile nangue, "We wakwane, te nene."⁵⁹Kabili paapitile nsita imo. Ni unge waizile kusininkizia walanda nangue, "Ozu muntu kisinka waba wali pamo ni Yesu pantu ni ye ni Mugalilaya." ⁶⁰Inzi Petro waalandile evi, "We wakwane, mona ni biulimukulanda ne nsibimanine." Ozo wenka luali wakilanda sie evio, kazenze kabika kale.⁶¹Mulopue Yesu waapilibukiile kuli Petro ni kumukenta. Kupwako, penka papo Petro walanguluka kale twebo twakyanua na Mulopue nangue, "Lelo lyenka kazenze pakasinabike, ulikusangua wasyankeene nghendo itatu." ⁶²Kupwako Petro wafumina panze walimukulila waunvwile sana kikonko.⁶³Balia bantu baali bamusungile Yesu baamuumine ni kubamba kumupunika. ⁶⁴Bamuvimbile kitambala pa menso balimukumwipuzia, "Ati, nani wakuuma? Bikula tumone?" ⁶⁵Kabili baamutukile matuka engi.⁶⁶Busiku lubwaakiile, masiiko ni makolo a babitambua pamo ni bakasambilizia ba Mizilo baakolongheene. Kupwako bamwingizia Yesu mu kilie. ⁶⁷Baamwipuziizie evi, "Ati wewe uli Kristu?" Waabaasukile, "Anzia nmyane, temuzumina. ⁶⁸Kabili kine namiipuzia, temungasuka.⁶⁹Inzi kutula lelo mwina muntu waakaba wateeka pamo ni Leza wa Maka onse." ⁷⁰Kupwako bonse balanda, "Eba, eyo kansi uli mwina Leza?" Wabaana nangue, "Ee, mwe bene mwalanda nangue i vindi." ⁷¹Kupwako balanda nangue, "Emwe, ale tulimukukebela ki bisininkizio binge? Fwe bonse twaiunvwila mu kanua kakue."

¹Pa kyamba, baabuukile bonse pamo ni kuya kumutwala Yesu kuli Pilato. ²Baatendekele kumusongela balanda, "Ozu muntu twaamusangile walimukubeepa bantu ni kuyawabakaania kusonka musonko kuli Kaizari pamo ni kuya walanda nangue wene i Likolo asaakwilue."³Pilato waamwipuziizie Yesu, "Ati uli Likolo lya Bayuda?" Yesu waamwaasukile, "I evio vyenka viwalanda." ⁴Pilato waanine makolo a babitambua ni bonse baali baikeele papo nangue, "Mu ozu muntu nsimwenemo mulandu wa kumutaninapo nsambu." ⁵Inzi bene baakilile sie kulanda, "Ozu muntu aliwaleeta kinvulunghania mu bantu na masambilizio akue, waatendekeele ku Galilaya, ni evi lenu tasyali kono kwetu."⁶Pilato luaunvwile evio, waipuziizie , "Eba, ozu muntu ni wa ku Galilaya?" ⁷Pilato luamanine nangue Yesu waali wa mu kyalo kyaali kyateekelue na Herodi, waamutwele kuli Herodi waali wali ku Yeruzalemu pa ozo musita.⁸Herodi waawamiinue sana luamumwene Yesu pantu waali wasyaunvwile mpunda palwakua wene, kabili waali wakeba kumumona. Waali waswapiile kumumona walimukukita bipezia maano. ⁹Kupwako, wabamba kumwipuzia biipuzio bingi, inzi Yesu wene taamwaasukile kantu. ¹⁰Makoloa babitambua pamo ni bakasambilizia ba Mizilo baabuukile ni kutendeka kumusongela basasile sana.¹¹Herodi pamo ni balukale bakue, baamupunikile Yesu ni kumumonia busoni. Baamuvwikile nghubo ya bukolo ni kumubwezia kuli Pilato. ¹²Herodi ni Pilato tebaali baunvwana, inzi kutula bobo busiku baabambile kunvwana.¹³Pilato waakolonghaniizie makolo a babitambua ni nombozi, pamo ni bange bantu. ¹⁴Waabaana, "Mwakimuleeta ozu muntu kuli nene, mwakilanda nangue aliwabeepa bantu. Ale unvue, lunakimwipuzisia pa menso enu nsyakimona kilubo kukonkana ni busongezi bwenu.¹⁵Kabili te nene sie bunke, Herodi ni ye takimumona walubile, pantu wakimubwezia kabili kuli nene. I kulanda nangue ozu muntu tali na kilubo kiapalile kwipailuapo. ¹⁶Evi nene, ndikupaana sie nsambu yakuti bamusepule nfimbo ni kumulekela aye waya." ¹⁷(Kubalua busiku bwa pasaka, Pilato waali wakakula mukakua umo).¹⁸Inzi bonse baasamwiniine sie pamo balimukulanda, "Mwipaye ozo, mutukakwile Baraba!" ¹⁹Baraba waali wakakilue pantu i waalengiizie bukisanguka mu muzi, kabili waali wali ngipaani.²⁰Pilato wene waali watonene amukakule Yesu. Ni pakako, kabili waalanzyenie nabo. ²¹Inzi bene baakilile sie kusamuna balimukulanda, "Akonkomenue pa musalaba, akonkomenue pa musalaba." ²²Pilato waalandile lya butatu walimukwipuzia, "Mwe bantu! Ale ozu muntu wakiluvia ki? Ne nsimwene ata kilubo kya kumwipaila. Kansi ndikumusepwizia sie nfimbo ni kumulekela aye waya."²³Inzi bene baakilile sie kusamuna balimukulanda nangue Yesu apalile kukonkomenua pa musalaba. Kupwako, Pilato waunvua kusamuna kwabo kwakila. ²⁴I luapingwile sie bene bamukile mubatoneene. ²⁵Waabakakwiliile Baraka ubaali batonene waali wakakilue pa mulandu wa bukisanguka ni bungipaani, ni kumutwala Yesu baye bamukitile mubatoneene.²⁶Lubaali bamutwala Yesu, baasaakeene ni muntu umo wa ku Kirene liina lyakue Simoni waali walimukufuma ku makaba. Bamukwata, bamutwika musalaba ni kuya wamukonkele Yesu pa kyamba.²⁷Ozo musita, bantu baali bamukonkele mabumba mabumba pamo ni banakazi baali balimukulila bamunvwiliile nkumbu. ²⁸Yesu luabapilibukiile, waabaanine evi, "Mwe banakazi ba mu Yeruzalemu, tekundilile nene, inzi ililile sie mwe bene ni baana benu²⁹Pantu nsiku ilimukwiza, bantu baakalanda evi, 'Banakazi basinavyale ao konsia ao nghumba basyukile. ³⁰Pa ozo musita, bantu baakatendeka kwiana mpili nangue, 'Mwe mpili, Ize mutuponene, ni mwe tupili ize mutwilikile.' ³¹Pantu kine kyakitika evi ku kimuti kibisi, ale ku kimuti kyume kyaakaba syani?"³²Lubaali balimukuya, baali baya batweme ni ngipaani ibili evi iye iipawe.³³Lubaafikile pa kifuka kilikyakuutua kabongozio, baamukonkomeene Yesu pa musalaba pamo ni elia ngipaani ibili, umo kulio, ni unge kuso. ³⁴Yesu waalandile, "We Tawe beeleele pantu tebamanine kibalimukukita." Pa kyamba, baakaseene nghubo mukuiteela bubale.³⁵Bantu baali basyaimeene sie penka papo bakenteleele bintu byaali byalimukukitika. Ni nombozi ni yo yaali yamupunika yalanda, "Ozu muntu waapususiizie bange kansi kine i olia asaakwilue na Leza, apususie tumone."³⁶Balukale ni bo baamupunikile balimukumupeela siki. ³⁷balanda, "Kine wewe i likolo lya Bayuda, iipususie tumone." ³⁸Peulu musalaba paali palembelue evi, "OZU I LIKOLO LYA BAYUDA."³⁹Umo pa elia ngipaani ibili yaakonkomeenue pa musalaba waamutukile Yesu wamwana, "Ewe, we te i Kristu wakua Leza? Ale iipususie, utupususie ni fwefue." ⁴⁰Inzi ozo ngipaani unge waamusasiliile mwinakue wamwipuzia, "Eba, kansi we tewatiina Leza ata kanini? Mona ni we ukandilue nga wenka wene. ⁴¹Unvua, fwefue tupalile kukandua evi vyenka kukonkana ni bubi butwaakitile, Inzi wene tali na kilubo."⁴²Kupwako wamwana Yesu, "We Yesu, nakulomba ukaananguluke paukeeza wali Likolo." ⁴³Yesu waamwanine, "Nakwana nangue lelo lyenka ndikuba nobe mu Paradizo."⁴⁴Koba lukaali kasyali pakati mitue, paalukile nfinzi ikata yaakumeene mu kyalo kyonse mpaka pa nsita itatu ya kyungulo. ⁴⁵Koba tekaasaamine kabili mu ezio nsita, ni kipembe kyaali kyakingile pazuukiisie kyaakaatikile pabukata.⁴⁶Yesu waalilile walanda, "We Tawe, nabiika mweo wane mu maboko obe," luapwile sie kulanda evio, wafua. ⁴⁷Mukulu wa balukale waali wali papo luamwene byaakitikile, waamutasiizie Leza walimukulanda, "Kisinka ozu muntu wakiba wali mulunghami."⁴⁸Bantu bonse baasangilue papo lubaamwene evio, baabweleele kwabo baikumbeete koku baunvwile kulanda bukata. ⁴⁹Bibuza byakue byonse pamo ni balia banakazi baali bamukonkele kufuma ku Galilaya, baali baimeeenebwakue bakenteleele bintu byaali byalimukukitika.⁵⁰Ku ezio nkendokwaali muntu umo waali wakuutua Yusufu, waku arimatea mu kyalo kya Bayuda. Ozo muntu waali mupinguzi, kabili waali mulunghami. ⁵¹Waali wapembeele kwiza kwa Bukolo bwakua Leza, wene taampeene nabomu byonse bibiipile bibaamukitiile Yesu.⁵²Wene waile kumulomba Pilato amupeele mubili wakua Yesu. ⁵³Pilato luaitabiile, Yusufu waile kuufumia mubili wakua Yesu pa musalaba, waupambilila mu ngubo ya kitani ni kuya kuubiika mu kilibu kyaali kyaponkweneenue mbeela mu libue, ni mo mwaali temunaziikue muntu.⁵⁴Bobo busiku bwaali bwa kuteania Sabata, ni Sabata yaali yasyatendeka. ⁵⁵Balia banakazi baizile ni Yesu kufuma ku Galilaya, ni bo baamukonkele Yusufu, kabili baamwene kilibu ni mubili wakua Yesu ni kumona vibaubiikile. ⁵⁶Lubaapwile kubiika mubili wakua Yesu mu kilibu, baabweleele kwabo ni kuya kuteania manukato ni mafuta a munu a kusuba mubili wakua Yesu. Mu busiku bwa Sabata, baatuuziizie kukonkana ni mafunde abo

¹Busiku bwa kileza pakili lukeelekeele, banakazi baile ku mankabuli batweme manukato abaateaniizie. ²Baile kusanga libue lyafumiiziwe pa kilibu. ³Baingiile mukati, basanga mubili wakua Mulopue Yesu tekuba walimo.⁴Lubaali bakilimukupapa bintu byaakitikile, bamona kale bantu babili baimene pepi nabo bavwele ngubo yasue yalimukubenghema. ⁵Babo banakazi baunvwile mwezo ni kukontamina pansi. Babo bantu baabeepuziizie, "Ati, mulimukukebela ki akosele pa bafwile?⁶Pano talipo, watuntumukanga kale. Languluke viamyanine luali ku Galilaya nangue, ⁷'Mwina muntu waakatwalua ku bantu ba bibalo, ni bo baakamukonkomena pa musalaba,ni busiku bwa butatu waakatuntumuka.' "⁸Kupwako, babo banakazi balanguluka twebo twaalandile Yesu. ⁹Baabweleele ku muzi kuti baye bababwile basambi likumi na umo pamo ni bantu bange mpunda palua bintu byonse byaakitikile. ¹⁰Meena a banakazi baabatwaliile basambi mpunda ni aza, Maria Magdalena, ni Joana, ni Maria nghina kwa Yakobo, kabili paali ni bange banakazi babaali nabo.¹¹Inzi basambi tebaapoozeleko maano. Baali baizi nangue balimukubabeepa sie, kabili tebaazumiine. ¹²Inzi Petro wene waile lubilo ku mankabuli, waile kusunukila mu kilibu, wamonamo sie elia ngubo ibaamupambiliilemo pa kumubiika mu kilibu. Ni ye waabwelele ku nghanda walimukupapa bintu byaakitikile.¹³Bobo bwenka busiku, basambi babili bakua Yesu baali baya ku Emausi kwaali kilometre likumi na imo kufuma mu Yeruzalemu. ¹⁴Baali baya balimukulanda palua bintu byonse byaakitikile.¹⁵Lubaali balimukulanzyania evio, Yesu waizile kubasanga, kupwako, babamba kuya nakue. ¹⁶Baamumwene, inzi tebainikile nangue ni Yesu.¹⁷Yesu waabeepuziizie, "Eba, ni kiki kimulimukulanda?" Kupwako, kwenka kwimana sie baataleele, ni pa menso paali sie bulanda bulanda. ¹⁸Muntu umo liina lyakue Kleopa waamwaasukile, "Eba, we i mweni sie bunke asimanine bintu byakikitika mono mu Yeruzalemu?"¹⁹Yesu waabeepuziizie, "Eba, ni kiki kikitikile?" Baamwaasukile, "Tulimukulanda palua bintu byakikitilua Yesu wa ku Nazareti. Ozo Yesu waali kabika wa maka mu bikitua, ni mu masambilizio akue pa menso akua Leza ni pa menso a bantu bonse. ²⁰Babitambua betu ni bakateeka bakimupaana kuti epawe, kabili bakimukonkomena pa musalaba.²¹Fwefue twakiba twasyaswapiile nangue wene i waakalubula Baizraeli. Evi lelo i busiku bwa butatu kutula busiku bubakimwipaya.²²Banakazi bamo ba mu libumba lyetu baizanga kututulumusia. Lubayanga ku mankabuli lukeelekeele ni kuya kusunukila mu kilibu, ²³Tebasangangamo mubili wakue. Lubabwelanga, baizanga kulanda nangue bamonangako sie bamalaika babaananga nangue, 'Muntu umulimukukeba akosele.' ²⁴Bamo pakati ketu bayanga kufika ku mankabuli, ni bo bayanga kusininkizia twebo twalandanga babo banakazi. Inzi Yesu tebamumonanga."²⁵Kupwako Yesu wabaana, "Eba, mitima yenu ifiniine ki evi? Temuzumiine twebo twaalandile bakabika? ²⁶Eba, temumanine kyaalandilue nangue Kristu wakua Leza waakeemanke mane akengile mu bulumba bwakue?" ²⁷Kupwako, wabamba kubalondolwela bintu byonse bilembelue palwakua wene, kutendeka mu bitabu byakua Musa mpaka mu bitabu bya bakabika ni mu bitabu binge.²⁸Lubaapaleeme ku muzi kubaali baya, Yesu waakitile nga omiine kupitilila, ²⁹Inzi bene baamwanine ekale nabo, pantu kyaali kyasyali kyungulo. Kupwako, baya bonse mu muzi.³⁰Lubaali basyalia bonse pamo, waabuulile mukate, waupaala, waumokola ni kubapeela. ³¹Penka papo milangue yabo yaizuka ni kumwinika. Papa ni papa, wabazeeza. ³²Kupwako, babamba kulanzyania, "Kansi ikitwaba twaunvwiliile mu mitima yetu kusia mulimukuleema mulilo lolia luaba walimukutulondolwela Malembo Azuuke twalimukwiza mu nzila."³³Penka papo babuuka ni kuya kusanga balia basambi likumi na umo pamo ni bange bantu baakolongheene. ³⁴Balimukulanda, "Kisinka mulopue watuntumukanga, wamonekanga kuli Simoni." ³⁵Kupwako, balia basambi babili babamba kubabwila bintu byakitikanga mu nzila, ni vibamwinikanga luakiba walimukumokola mukate.³⁶Lubaali bakilimukubabwila evio, Yesu wamoneka kale waimeene pabukata. Wabamba kubaana evi, "Mutende ube nenu." ³⁷Baatulumukile, kabili baunvwile mwezo basyaizi nangue pange bamona kizuwa.³⁸Inzi wene waabaanine, "Ale ni kiki kimwatiina ni kubamba kutwisika? ³⁹Nkente mu minue ni ku makasa, i nene wenka tekutiine. Nkwate munvue, pantu kizuwa tekili na mubili ni bikuza nga vimunmwene." ⁴⁰Luapwile kulanda evio, waabalangisiizie mu minue ni ku makasa akue.⁴¹Basambi baawamiinue sana baandua ni kuzumina koku balimukupapa. Yesu waabeepuziizie, "Ati, kubako mukwete ni bilio pano?" ⁴²Babuula kisoso kya lisabi lyapike bamupeela. ⁴³Wapoka ni kulia bonse bamwene.⁴⁴Kupwako wabaana, "Bebi i belia binaali namyana lunaali nakili pamo nenu nangue, byonse byaalembelue mu Mizilo yakua Musa, ni mu bitabu bya bakabika, ni mu kitabu kya malumbo, byaalembeelue pa mulandu wane. Nmpalile kubifikilizia."⁴⁵Kupwako, wabeezula maano evi benike Malembo Azuuke. ⁴⁶Waabaanine, "Evi i vikyaalembelue nangue Kristu waakeepawa, ni busiku bwa butatu waakatuntumuka. ⁴⁷Ni kupitila muliina lyakue, mpunda palua bantu kweleelua bibalo byabo yaakasimikilua ku ntundu yonse kubambila mu Yeruzalemu.⁴⁸Mwemue muli basininkizi ba bebi bintu byonse. ⁴⁹Ni nene naakamitumina mukwasi waalailue na Tawe. Inzi mukabe kuya kupembelanke mu muzi mpaka mukapokelelenke maka kufuma mwiulu."⁵⁰Kupwako, wafuma nabo kunze ya muzi ni kuya ku Betania. Waalendwile maboko akue ni kubapaala. ⁵¹Luali wakilimukubapaala, penka papo walelemiiwa kale ni kuya mwiulu wabasia.⁵²Baamupupile ni kubwelela ku Yeruzalemu bali ni nsansa ikata. ⁵³Baba basambi baali bazikiasie bamusantila Leza mu nghanda yakua Leza.

¹Ntanzi ya kulengua byonse keebo waali waliko . keebo waali pamo ni leza, kabili i waali leza . ²Ntazi keebo pasili keebo waali wali pamo ni leza. ³Leza walengele byonse na keebo, pasili keebotekuli kantu kaalengelue.⁴Bukose bwaali mu keebo ni bukose bwaali musaniko wa bantu. ⁵Musaniko uliwasanika mu nfinzi inzi nfinzi yaandilue kuuzimia.⁶Leza waatumine mukenzi wakue liina lyakude yoane. ⁷Ozo mukenzi waizile kusininkizia palua musaniko evi bantu bonse bonvue ni kuzumina . ⁸yoane teali musaniko inzi wene waizile kusinkizia palua ozu musaniko.⁹Ozu musaniko wa kiine uliwaza kusanikila kubalua muntu ali mu kyalo.¹⁰Keebo waali mu kyalo . leza waalengele kyalo na keebo inzi bekala kyalo tebaamumanine keebo. ¹¹Keebo waizile kwabo inzi bakwabo tebaamupokelee¹²Bonse baamupokeleele ni kumuketekela leza waabapeele buvinde bwa kwakua bena leza . ¹³Baba bena tebaavyelue mulimwavyalilua bantu bonse na maka a bumuntu , ao na maka a kimubili , ao na kutona kwa muntu inzi baavyelue na leza.¹⁴Keebo waizile kwialula muntu waikeele pamo ni fwefue . twaamwene bulumba bwakue bulumba bwakua muvyalua lyonga wizuzi buwame ni kiine bulumba buapeelue na se. ¹⁵Yoane waasininkiziizie walanda, ozu i olia unaamyanine nangue kuli muntu umo alimukwiza mu kyamba kyane wene i mukulu kunkila pantu waaliko lunaali nsinavyalue.'¹⁶Kabili mu buwame bwakue twaapaaliluepo sana . ¹⁷Leza waamutumine musa kuya kubapeela bantu mizilo inzi yesu kristu i waaleetele buwame ni kiine . ¹⁸tekuli ata muntu waamumwene leza inzi mwana lyonga ali mu kyeni kyakua se ni ye wenka leza wene i waatumaniizie leza .¹⁹Bayuda ba mu yeruzalemu baatumine babitambua ni balawi baye bamwipuzie nangue ,ati uli ni ? ²⁰Yoane waabaasukile wasininkizia nangue nene nsili kristu . ²¹kabili baamwipuziizie nangue nene nsili kristu yoane waabaasukile ata te nene, baamwipuzizzie eba wewe i 0lia kabika ?²²Kupwako bamwana twane kine wewe uli ni evi tuye tubaane balia batutumanga ati we mwine uliwalanda nangue uli ni ? ²³Yoane walandile " nene ndi lizui lya muntualiwapunda mu kaseeba nga mwaala ndiile kabika isaya nangue olole nzila yakua mulopue.²⁴Babo bantu baali baatuminue na bafarizeo . ²⁵baamwipuziizie yoane eba ale wewe ulimukubatiziizia mu ki kine teuli kristu ao kine teuli elia ao kine teuli olia kabisa apembeelue ?²⁶Yoane waabasukile nene ndimukubatiziab mu menda inzi pakati kenu pemmeene muntu umo wanasinene . ²⁷Wene i alimukwiza mu kyamba kyane kabili nsipalile kumukakula mikonda ya ku nkwabilo yakue . ²⁸Totu tonse twaakitikile ku betania ku bwala mwenzi wa yordani kwaali kwabatizizia yoane .²⁹Lukeele lwakue yoane luamumwene yesu walimukwiza walandile evi, ozu i mwana mukooko wakua leza aliwafumia bibalo bya bantu . ³⁰Ozu i olia unaamyanine nangue kuli muntu umo alimukwiza mu kyamba kyane wene i mukulu kunkila pantu waaliko lunaaali nsina vyalue . ³¹Nene nsyaali namumanine inzi naizile kubatizia mu menda evi, baizraeli bamumane.³²Kabilinyoane wasininkizie nangue naamwene mweo wafuma mwiulu nga nkunda ni kwikalilila pali yesu . ³³Nsyaali namumanine inzi leza antumine kubatizia mu menda , i waghanine nangue , olia uwaakamona wakookelua na mweo ni kwikalilua i waakabatizyania mu mweo muzuuke. ³⁴Naimweneene kabili naasininkizizie nangue ozu i mwina leza.³⁵Kabili lukeele lwakue yoanewaali waimeene penka papo pamo ni basambi bakue babili. ³⁶Lumwene yesu walimukupita yoane waalandile olia i mwna mukooko waku leza .³⁷Babo basambi babili lubaunvwile yoane walimukulanda evio, penka papo bamukonka kale yesu. ³⁸yesu waikebukile luabamwene bamukonkele waabeepuziizie ati, mulimukukeba ki ? baamwasukile rabi wikeele pi ?rabi i kulanda nangue kasambilizia. ³⁹waabaanine twende mumone ozo musita yaali yasyakumana nsita ina ya kyungulo , baile kumona kuali waikala ni bobo busiku baazikiizie nakue.⁴⁰⁴¹⁴²Umo pa babo babili baunwile twebo twalandile yoane ni kumukonka yesu, waali andrea mwalwakue simoni petro .Andrea luamwene mukuluube simoni wamwanine twamumonanga kristu⁴³Lukeele lwakue yesu waatonene kuya ku galilaya luamusangile filipo waamwanine nkoke ⁴⁴Filipo waali wa ku betesaida mu muzi mwaali mwaikalaandrea ni petro. ⁴⁵Filipo luamusangile natanaeli waamwanine evi, twamumonanga olia walandilue na musa mu kitabu kya mizilo ozu muntu ni bakabika baamulembele i yesu mwina yusufu wa ku nazareti⁴⁶Natanaeli waamwanine kubako ni kiine ku nazareti kuti kwafuma ni kiweme ?filipo waamwanine iza umone" . ⁴⁷Yesu luamwene natari walimukwiza waabambile kulanda palwakua natanaeli nangue ozu muizraeli mwine muli wene temuli bupompo' ⁴⁸Natanaeli waamwipuzizie yesu eba ale wanmana syani ?yesu waamwasukile wamwana nakumonanga waikeele mwinsina kimuti kya miku filipo luakiba tena kukuute"⁴⁹Natanaeli waamwanine we kasambilizia kisinka uli mwina leza wewe uli likolo lya baizraeli ! ⁵⁰Yesu waamwanine eba wazumina pantu nakwana nangue nakumonanga waikeele mwinsina kimuti kya miku ? waakamona bintu bikata kukila bebi . ⁵¹Kabili yesu waabanine namyana kisinka nangue mwaakamona lyulu lyaizukile ni bamalaika bakua leza basela ni kukookela mwina muntu."

¹Busiku bwa butatu mu muzi wa kana mu galilaya mwaali buinga ni nghina kwa yesu waali waliko. ²Yesu ni basambi bakue ni bo baakupilueko .³Divai luyaapwile nghina kwa yesu waamwanine yesu tebakili na divai. ⁴Yesu waamwanine we yangu ni kiki ? nsita yane teinakumane . ⁵Nghina kwa yesu waabanine babombi kiyte byonse bialikumyana⁶Paali ngeso mutanda ibaali babiikamo menda a kusamba kukonkana ni mibeele ya bayuda . lweso lumo lwaali lwaingizia mpindi 80, ao 120. ⁷Yesu wabaanine babombi izuzie menda mu ngeso , ni bo baizuzia sie zu . ⁸Waabanien evi, ale tapule menda mumutwalile sinwelenzi wa buinga,."kupwako bamutwalila.⁹Sibolenzi wa buinga ni ye waatoompele menda aalwilue divai tekuba waamanine kuyaafuumine (inzi babombi bene baali bamanine kuyaafumine pantu i baatapile menda) sibolenzi wa buinga waamukutile syabuinga ¹⁰Wamwana kubalua muntu aliwaleetanke divai iweme bakupilue pa pabua kumina iweme i kusyaaleyta isiwamisie inzi wewe walakilanga divai iweme ni lenu kumo!¹¹Kaka i kalangi ka ,mambo kakitilue na yesu ku kana mu galilaya walangisia bulumba bwakue ni pakako basambi bakue baazumiine.¹²Buinga lubwaapwile yesu ni nghina ni balabakue pamo ni basambi bakue baile ku kafarnaumu . inzi tebaikeeeleko nsiku ingi.¹³Lwaapaleme nsikunkulu ya bayuda iliyaakutua pasaka yesu waile ku yeruzalemu . ¹⁴Mu nghanda yakua leza waasangilepo bantu baali basisia nghombe ni mikooko ni nkunda, bange bene baali basi ntuzyania nfolanga baikeele ku meza yabo .¹⁵Luakitile musepe wa lozi waabakumbile bonse panze pamo ni mikooko ni nghombe ,waasalanghanizie nfolanga ya balia baali basintuzyania kabili waafulamwine meza yabo. ¹⁶Waabanine baali basisia nkunda ale fumie bebi bili papa !tekwalule nghnda yakua tawe kuba mukissiizio .¹⁷Basambi bakue baalangukile twebo tulembelue nangue kwipeela kwane pa nghanda yobe kwangipaya.". ¹⁸Bayuda baamwipuziizie eba ni kalangi ki kaulikukita ka kutitumweneko nangue uli ni buvinde bwa kukita evi ? ¹⁹Yesu waabasukile tuutuulue ezi nghanda yakua leza . nene nakaba kuikuula kabili mu nsiku itatu.²⁰Baamwipuziizie pa kukula ezi nghanda yakua leza paapitile myaka 46 ale we i wakaba kuikuula mu nsiku itatu ? ²¹Inzi nghanda yaali yalanda yesu waali mubili wakue . ²²Yesu luatuntumukile basambi bakue baalangulukile twebo twakue kabili baazumiine malembo ni twebo twaalandile yesu.²³Yesu luali mu yeruzalemu mwaali nsikunkulu ya pasaka bantu bengi baamuzumine lubaamwene tupapo tuakitile . ²⁴Inzi yesu taabaketekeele pantu waali wabamanine bonse. ²⁵Taali wakeba muntu wa kumubwila mibeele ya bantu pantu waali wamanine byonse byaali mu mitima yabo.

¹Kwaali muntu umo lisiiko lya kiyuda wa mu libumba lya bafarizeo liina lyakue nikodemu. ²Ozo muntu waile kuli yesu musita wa busiku . waamwanine evi we kasambilizia tumanine nangue wewe utuminue na leza pantu tekuli muntu aliwavinda kukita totu tupapo tuuliwakita kine leza tali pamo nakue."³Yesu waamwasukile nakwana kisinka nangue muntu kine taavyelue lya bubili tavinda kwingila mu bukolo bwakua leza. ⁴Nikodemu waamwipuziizie eba, ale muntu wasyali mukote kuti wavyalua syani lya bubili ? ale alikwingila syani mu livumo lyakua nghina pakuti avyalue lya bubili ?⁵Yesu waamwasukile nakwana kisinka nangue muntu tavinda kwingila mu bukolo bwakua leza kine taavyelue mu menda ni mweo . ⁶Kivyelue na mubili i mubili inzi kivyelue na mweo i mweo .⁷Tekupapa pantu nakwana nangue vyalua lya bubili. ⁸Mwela uliwapuupila kuutonene . wewe waya waunvwileko sie katuuto ka mwela pasili kumana kulimukufuma mwela ni kulimukuya mwela ,evi i vili ni muntu aliwavyalua na mweo.⁹Nikodemu waamwipuzizie ale bebi bintu kuti byaakitika syanin ? ¹⁰Yesu waamwasukile wewe uli kasambilizia wa baizraeli , ale waandua syani kumana bebi bintu ? ¹¹Nkwana kisinka nangue fwefue kabili busininkizio bwetu temwabupokelela.¹²Lundinamyana bintu bya pano pa kyalo temwabizumina ale kuti mwazumina syani kine namyana bya mwiulu ? ¹³Kabili tekuli muntu waasekel mwiulu inga sie olia waakookele kufuma mwiulu i mwina muntu"¹⁴Nga evelia musa vialendwile nzoka wa mukuba mu kaseeba i vyaakalendulua ni mwina muntu. ¹⁵Evi , kubalua muntu wamuketekela aye wali ni bukose bwa muyayayaa .¹⁶Pantu leza waatoneesie bantu ba mu kyalo i kiapeeleele mwana wakue lyonga evi , kubalua muntu wamuketekela tekuti azeeze inzi aye waali ni bukose bwa muyayaya. ¹⁷Pantu leza taatumine mwana wakue kuti akande bantu ba mu kyalo inzi waamutumine kuti abapususie. ¹⁸Onse amuketekeele mwina leza takandilue inzi asimuketekeele akandiilue mbeela pantu tamuketekeele mwana lyonga wakua leza.¹⁹Kibaakakandilua ni keki musaniko waizile mu kyalo inzi bantu batoneesie nfinzi kukila musaniko pantu bikitua kyabo bibiipile . ²⁰Muntu aliwakita bibiipile asuulile musaniko kabili ntezi kupalama ku musaniko pantu tatonene bialiwakita bimoneke. ²¹Inzi muntu aliwakita biweme aliwapalama ku musaniko , evi bialiwakita bimoneke pantu aliwakita mutoneene leza.²²Bebio lubyaapwile yesu waile pamo ni basambi bakue mu kyalo kya yudea koko i kuazikiizie nabo walimukutizia . ²³Yoane ni ye waali wabatizia bantu ku ainoni pepi ni salimu pantu koko i kwaali kwavulile menda ,bantu baalinbayako ni yoane wali wababatizia . ²⁴Ozo musita yoane waali tanakakue.²⁵Kabili bange pa basambi bakua yoane baabambile kukanzana na muyuda umo pa mulandu wa kusambua . ²⁶Baile kumwana yoane nangue we kasambilizia olia muntu uwaali nakue ku bolia bwala bwa mwenzi wa yordani ni uwaali walandapo mon aninye lenu alimukuba tizia ni bengi balimukuya kuli wene!²⁷Yoane waabasukile muntu tavinda kuya waali na kantu kaasipeelue na leza . ²⁸Mwe bene benka musininkizizie nangue naalandille evi, nene nsili kristuinzi naatumine sie kuti ngie namutangiliilie .²⁹Mwine wa nabuinga i syabuinga inzi kibuza wakua syabuinga aliwamana ni kumutwilizia aliwawaminua lualiwaunvua syabuinga walanda . koku i kuwaminua kwane kupwililikile . ³⁰Kafwene wene aye wakililepo nene ngie nakeepele.³¹Olia afumine ku muulu i kumuulu kukila bonse wa pa kyalo wene wa pa kyalo sie kabili aliwalanda sie bya kyalo inzi olia afumine ku muulu i muulu kukila bonse. ³²Wene aliwasininkizia twebo tuamwene ni kunvua inzi tekuli muntu aliwaitabila bialiwalanda . ³³Inzi onse aliwaitabila bialiwalanda aliwasininkizia nangue leza ni wa kiine.³⁴Olia aliwatumua na leza aliwalanda twebo twakua leza pantu leza i aliwapaana mweo pasili kipiimo. ³⁵Se amutonene mwana kabili waamupeele bintu byonse. ³⁶Olia amuketekeele mwana ali ni bukose bwa muyayaya. inzi olia asimuketekeele takamona bukose pantu kikonko kyakua leza kili pali wene.

¹Bafarizeo baunvwile nangue yesu waali ni basambi bengi kukila yoane ni kubabatizia . ²Inzi kulanda kisinka yesu mw9ne taali wabatiziapo inga sie basambi bakue . ³Yesu luaunvwile evio wafuma ku yudea waya ku galilaya .⁴Lolo lwendo lwakue lwaali lwa kuya kupita mu samaria . ⁵Waafikile mu samaria mwaali mwakutua sikari pepi ni bukaba bwakua yakobo buapeele mwana wakue yusufu .⁶Papo i paali kina kya menda kyaimbilue na yakobo , yesu luatopele na lwendo waikeele mumbali kiina kya menda , nsita yaali yasyakumana koba mukati. ⁷Mwanakazi umo ,musamaria luaizile ku kutapa menda yesu waamwanine, nmpeeleko mendan a kumina . ⁸Ozo musita basambi bakue baali baile ku muzi ku kusita bilio.⁹Mwanakazi musamaria waamwipuuzizie wewe uli muyuda nene ndi musamaria ale walomba syani menda a kumina ? pantu ba yuda ni basamaria tebaali bapwene. ¹⁰Yesu waamwasukile kabenge waamanine bupe bwakua leza ni alimukukulomba menda a kumina nangue nani nga wamulomba ni wene nga wakupeela menda alialeeta bukose.¹¹Ozo mwanakazi wamwanine we mulopue ale viusikwete kya kutapwilako kabili kiina kya menda kizikile ale uli kufumia pi azo menda aliwaleeta bukose ? ¹²Eba wewe uli mukulu kukila situe yakobo waatupeele keki kiina kya menda kiali waminamo wene ni baana bakue pamo ni nama yakue ?¹³Yesu waamwasukile kubalua muntu aliwamina aza menda waaakonvua kyaka. ¹⁴Inzi olia waakamina menda anaakamupeela takonvua kyaka pantu menda anaakamupeela akaalua kasuko ka menda aliabiluluka mukati mwakue , azo aakamuleetela bukose bwa muyayaya,.'¹⁵Mwanakazi waamwanine ale nmpeleeko azo menda tekuti nkovue kyaka kabili evi tekuti ngie naiza ku kutappa menda . ¹⁶Yesu waamwine endo umukuute mulume obe wize nakue pano."¹⁷Mwanakazi waamwanine nene nsili na mulume .yesu waamwanine walanda kisinka nangue teuli na mulume,. ¹⁸Pantu waali na balume basano ni ozu uuli nakue lenu te mulumeobe. evi walanda kisinka."¹⁹Mwanakazi waamwanien we mulopue nainika nangue uli kabika. ²⁰Bilokue byetu byaali byapupila leza pa lolu lupili inzi mwemue muli mwalanda nangue bantu bapapile kupupila mu yeruzalemu."²¹Yesu waamwanine we m,wanakazi unvua musita ulimukwiza umusikapula kabili tawe pa lolu lupili ao ku yeruzalemu . ²²Mwemue basamaria mulimwapupa kimusimanine inzi fwe bayuda tulitwapupa kitumanine pantubupusuko bulibwapitila ku bayuda .²³Musita ulimukwiza ni kwiza wizile bapupi ba kiine lubaakamupupa tawe mu mweo ni mu kiine . , tawe atonene kupupua na bantu ba ozo musango. ²⁴Leza i mweo ni bali balibamupupa bapalile kuyab bamupupa mu mweo ni mu kiine."²⁵Mwanakazi waamwaninew nmanine nangue mupusussi aliwakuutua kristu waakeezaa . luakeeza waakatubwila bintu byonse . ²⁶Yesu waamwanine i nene wenka alimukulanda nobe."²⁷Penka papo basambi bafika kale babamba kupapa pantu bamusanga walimukulanda na mwanakazi inzi tepaali waamwipuzizzie nangiue ulimukukeba ki ? ao nangue ulumukulanda nangue ki ?²⁸Kupwako mwanakazi wasia lweso lwakue lwa menda waya mu muzi wabaana balalume , ²⁹ize mumone muntu wanghananga byonse binaakitile ozu abu;le kuba kristu . ³⁰Kupwako bafuma mu muzi baya kuli yesu.³¹Ozo wenka musita basambi bakue bamupapaata bamwana we rabi lia." ³²Inzi waabanine nene ndi ni bilio binge bimusimanine. ³³Basambi bakue babamba kwipuzyana eba kuli ni muntu wamuletelanga bilio ?³⁴Yesu waabasukile bilo byane ni kukita kutona kwakua olia antumine ni kufikilizia miilo yakue . ³⁵Ale temulimwalanda nangue kusyele myezi ina ya kutendeka kuzombola ?evi namyana kente mumone busombozi kuzombola kwapalama. ³⁶Muzombozi asaziiziiwe mbeela ni byaliwazombola aliwabtwala ku bukose bwa muyayaya. evi mulimi ni musombozi bonse bawaminue.³⁷Ee , kaka keebo ni ka kisinka muntu wa kubyala ni unge inzi wa kuzombola ni unge. ³⁸Mwemue naamitumine kuya kuzombola mu makaba aliminue na bange ni mwe mulimwamwenapo kibwezia mu mii,o yabo."³⁹Basamaria bengi ba mu ozo muzi baamuketekeele yesu pa mulandu wa twebo twaalandile olia mwanakazi nangue wakingha byonse binaakitile. ⁴⁰Kupwako balia basamaria baya kumupaapata yesu ekale nabo ni ye waikeele nabo nsiku ibili.⁴¹Bantu bengi baamuketekeele yesu pantu baunvwile mualandile . ⁴²Babo bantu baamwanine olia mwanakazi i vitwaketekela te pa mulandu wa twebo tuwalandanga inzi ppantu twaiunvwila fwe bene mu kanua kakue kabili pantu twasininkizia nangue wene i mupususi wa kyalo."⁴³Lupaapitle nsiku ibili yesu waafumineko ni kuya ku galilaya . ⁴⁴Pantu yesu mwine waalandile evi, tekuli kabika aliwakindikua kwabo . ⁴⁵LUfikile mu galailaya bagalilaya baamupokeleele bwino pantu baamwene byonse byaakitile yesu ku yeruzalemu ku nsikunkulu ya pasaka.⁴⁶Yesu luabweleele ku galilaya waile mu muzi wa kana muakitile menda kwakua divai . momo mwaali kiloolo umo waku likolo waali ni mwana waali walwele ku kafarnaumu. ⁴⁷Ozo kiloolo luanwile nangue yesu ezile mu galilaya kufuma ku yudea waile kuli yesu ni kumupaapaata aye akosie mwana wakue waali wasyaumiine kufua.⁴⁸Yesu waamwanine mwemue temwizi kuketekela kine temumwene tulangi ni tupapo." ⁴⁹Ozo kiloolo wakua likolo waamwanine we mulopue lenga ukooke mwana wane luasinaafue. ⁵⁰Yesu waamwanine endo mwana obe wakosa !⁵¹Ozo muntu waazumine keebo kaaninue na yesu , kupwako waya . ⁵²Musita ualiwabwelela kwakue waasakeene ni babombi bakue baamwanine evi mwana obe wakosa " Kiloolo wabepuuzia wakyunvua bwino musita ki ? bamwasuka wakikosa lukeele pa nsita imo ya koba.⁵³Se ipakwinika nangue ni wenka olia musita wakyaninupo na yesu nangue mwana obe wakosa kupwako wazumina pamo ni lupua lwakue lonse. ⁵⁴Kaka i kalangi ka bubili kaakitile na luafumine ku yudea kuya ku galilaya.

¹Kabili yesu waasekeele ku yeruzalemu ku nsikunkulu ya bayuda. ²koko ku yeruzalemu pepi ni mulyango wa mikooko paali kiina kya menda kyaali kyakutiua mu kiebrania nangue betesaza kyaali ni nkungu isaano . ³Mu ezio nkungu mwaali mwalelke bampofiu ni bite pamo ni ba bulebe. ⁴[ Pantu musita umo malaika waali wakooka kwiza kutensia menda . muntu waali wakookelamo wa mambo menda asyatensiiziwe waali wakosa bulwele bwakue bonse]⁵Kwaali muntu umo waali ni bulwele bwaakokwele myaka 38 ⁶Yesu luamumwene waleele kabili pantu pantu waali wamanine nangue wapua myaka ingi walwele waamwipuziizie utonene kukosa ?⁷Ozo mulwele wamwaasukile we mulopue nsili na muntu wa kuntwala mu kiina kya menda lualiatensiwa pantu ndinakita kine nsyayamo, unge wantangilila kale. ⁸Yesu waamwanine ale buukla utwame kisalo kyobe uye waya .⁹Penka papo ozo muntu wakosa watwama kisalo kyakue waya , inzi bobo busiku bwaali busiku bwa sabata.¹⁰Bayuda lubaamwene olia waakosiiziwe watweme kisalo baamwanine mizilo yetu ikaaniizie muntu kiutwama kisalo busiku bwa sabata." ¹¹Ozo mungtu waabasukile olia wankosyanga i wanghananga nanvgue tywama kisalo kyobe uye waya."¹²Baamwipuziizie muntu wakwananga nangue twama kisalo kyobe uye waya nani ? ¹³Inzi wene temanine muntu waamukosiizie pantu yesu waazembulukile mu lelio libumba .¹⁴Lupaapitiel musita unini yesu waile kumusanga mu nghanda yakua leza .waamwanine mona wakosanga tekuti ukabale kabili pantu nga waakakitikilua na kintu kibiipiisie. ¹⁵Kupwako ozo muntu waya kutwala mpunda ku bayuda nangue yesu i wakimukosia .¹⁶Ni pakako, bayuda baabambile kumwemia yesu bakeba kumwipaya pantu waakosyanizie busiku bwa sabata. ¹⁷Yesu waabanine tawe aliwabomba lyonse ni ne wenka ndimukubomba . ¹⁸Ni pakako bayuda baali basyakita maka a kumwipaya te pa mulandu wa kwimoona sie sabata,inzi pantu kabili waalandile nangue leza i se kabili nangue ndi leza .¹⁹Kupwako yesu wabaana namyana kisinka nangue mwana tavinda kukita kantu ye mwine , inzi aliwakita mualiwamwena se wakita . pantu mwana aliwakita byonse muliwakitila se . ²⁰Pantu se atonene mwana i kialiwamulangisiizia bintu byonse bialiwakita . kabili waakamulangisia bintu bikata kukila bebi, ni kupapa mwakapapa.²¹Pantu nga evelia tawe vyaliwabagtuntumuna bafwile ni kubapeela bukose mwana nin ye aliwabaapeela bukose balia ba atonene kupeela. ²²Tawe tezi kupingula muntu inz waamupeele mwana wakue maka onse a kupingula . ²³Evi, bantgu bonse bamukindile mwana nga evelia vibalibakindika se, muntu kine tezi kukindika mwana tavinda kukindika se waamutumine .²⁴Namyana kisinka nangue kine muntu wamuketekela leza mukunvua keebo kane ali ni bukose bwa muyayaya . takapingula inzi afumine mu lufu kabili tasyaingfile mu bukose .²⁵Namyana kisinka nangue musita ulimukwiza ni kwiza wizile musita bafwile ubakaba kunvua lizui lyakua mwina leza balia bakaba kunvua lizui lyakue bakaba kukosa.²⁶Nga evelia se vialai kasulo ka bukose i vyaamulengele ni mwana kuya wali kasulo ka bukose . ²⁷Kabili waamupeele buvinde bwa kupingula pantu i mwina muntu.²⁸Tekupape pantu musita ulimukwiza bafwile baakonvua lizui lyakue . ²⁹Balia balibakita biweme baakatungtumukila bukose , inzi balia balibakita bibiipile baakatuntumukila kiutanua nsambu.³⁰Nsivinda kukita kantu muntonenene mwine pantu ndinapingula mundinaaninua na tawe. bupinguzi bwane ni bwa kisinka pantu nsiizi kukita muntonene inzi ndinakita mtutonene tawe antumine. ³¹Kine naisininkizia ne mwine busininkizio bwane ni bwa mpuni. ³²kuli ni unge aliwansininkizia kabili nmanine nangue busininkizio bualiwansininkizia ni bwa kisinka.³³Mwemue mwaatumine bantu kuli yoane ni wene waalandile kisinka palwakua nene . ³⁴nene nsiizi kuketekela busininkizio bwa muntu inzi kindinalandila evi ni pakuti mwemue mupusuke, ³⁵Yoane waali wali nga litala lyaali lyaaleema ni kusanika mwemue mwaaminue na kisue kyakue pa musita unini.³⁶Inzi busininkizio bundi nabo bukilile bwakua yoane pantu miilo inaapeeliue na tawe kuti nmbombe ni lenu ndinaibomba i iliyasininkizia nangue tawe i antumine . ³⁷Tawe antumine ni ye aliwasininkizia , lizui lyakue temunalyunvue ni kumumona temuna mumone . ³⁸Keebo kakue tekaikalilila mukati mwenu pantu temumuketekeele olia atuminue .³⁹Muli mwakebelezia mu malembo pantu mulanghakeene nangue i muli bukose bwa muyayaya inzi aza malembo i aliasininkizia . ⁴⁰Kabili mulimwakaana kwiza kuli nene kuti muye mwaali ni bukose.⁴¹Nene nsiizi kubeka kulumbua na bantu. ⁴²Inzi nmanine nangue temumutonene leza⁴³Nene naatuminue na tawe ni mwemue temwanmpokelela ,inzi kine unge waiza mu maka akue mulikumupokelela . ⁴⁴Ale kuti mwazumina syani mwe balibalumbana benenke basilibakeba kulumbua na leza.⁴⁵Inzi tekulangane nangue naakamisongela kuli tawe kuli umo aliwamisongela i musa kiswapilo kyenu . ⁴⁶KABENGE MWamuzumine musa nga muzumine ni nene pantu musa i waalembele nend. ⁴⁷Ale kiine temuzumiine malembo akue kuti mwazumina syani twebo twane ?

¹Kupwako yesu waya ku bwala kiziba kya galilaya linge liina kilikuyakuutgua tiberia . ²Bantu bengi baamukonkele pantu baamwene wakita tupapo twa kukosia balwele . ³Yesu waaselele pa kapili papo i paikeele pamo ni basambi bakue .⁴Ni nsinkukulu ya pasaka ya bayuda yaali yasyapalama . ⁵Yesu luamwene libumba likata lyaiza kuali waamwipuziizie filipo , ewe tulikusita pi mikate yakuti balie ? ⁶( Waalalndilke evio wamuketa sie pantu mwine waali wamanine mbeela vyalikukita)⁷Filipo waamwasukile mikate ya nfolanga 200 teivulile anzia tubakasania tunini tunini." ⁸Musambi umo liina lyakue Andrea mwalawakue simoni petro waamwanine yesu. ⁹Pali mwanike umo pano ali ni mikate isaano ya nghano ni tubasiu tubili tunini.kubako baba bantu bavulile evi balikukumana!¹⁰Yesu waabanine ale baane bantu beekale pa kekio kifuka paali bikusi bingi. kupwako bantu baikala bonse pamo baali balalume 5000 . ¹¹Yesu waakwete mikate wamussantila leza wabakasania babo baali baikeele papo kabili wabakasania ni tusabi nga mubaali batonene. ¹²Lubaikutile yesu waabanine basambi bakue kolonghanie bisoso byasyalanghapo tekuti ata kimo'¹³Kupwako bakolongania baizuzia bipanda likumi na bibili bya bisoso bya mikate isaano ya nghano lubalyanga. ¹⁴Babo bantu lubaamwene kapapo kakitilue na yesu baalandile kisinka ozu i olia kabika walailue nangue wakeeza mu kyalo . ¹⁵yesu luamwanine nangue balibakeba kumutwama bamwalule likolo waabutukiile ku kapili kwa bunke.¹⁶Lubwailile basambi bakue baakookeele ku kiziba . ¹⁷Baapaateeme mu bwato babamba bwa kukila ku kafarnaumu .paali pasyali pa kafinzi inzi yesu waali tenaye koko kubaali . ¹⁸Kiziba kyatungupila ni mwela ukata wapuupa.¹⁹Kupwako baoba lwendo lwa kilometre isaano ao mutanda bamumona yesu walimukwenda pa menda. luapaleeme ku bwato baunvwile mwezo ukata. ²⁰Yesu waabanine tekutiine ni nene . ²¹Kupwako tebakeba bamupokelele mu bwato papa ni papa bassika kale kunze kubaali baya.²²Busiku bwaakonkelepo libumba lyaasyele ku bwala kiziba , lyaamwene nangue koko tekwaali bunge bwato inga sie bwenka bolia bumo bwaapateememo basambi bakue, kabili yesu tasapateeme mu bwato bwalimo nbasambi bakue inzi basambi baile sie bunke. ²³Inzi ange maato aafumine ku tiberia aile kusiika pepi ni kelia kifuka kibaaliiliilepo mikate yesu luamusantile leza.²⁴Libumba lulyaamwene nangue uyesu ni basambi bakue tebaalipo lyaapateeme mu maato lyala lyamukeba yesu ku kafarnaumu. ²⁵Lubaamumwene ku bwala kiziba baamwanine we kasambilizia waizanga pano mujsita ki ?²⁶Yesu waabasukile namyana kisinka nangue mwe mulimukunkeba pantu mwakilia mikate ni kwikuta . ²⁷tekuba mwaabombela bilio inzi bombele bilio bilibyaleeta bukose bwa muyayaya bilio bimwaakapeelua na m,wina muntu pantu wene i apeelue kalangi ka buvinde na leza se²⁸Kupwako bamipuzia ale tulukukita syani pakuti tubombe mwilo wakua leza ? ²⁹Yesu waabasukile leza kiatonene kuti mukite ni keki mumuzumine olia atuminue na leza.³⁰Baamwipuzizie ni kapapo ki kaulikukita ka kuti tumone ni nkukuzumina ? ni kikikiulikukita ? ³¹Bilokue byetu byaaliile maana mu kaseeba nga mukyaalembeelue nangue waabapeele bilio kufuma mwiulu byakuti balie.³²Yesu waabanine namyana kisinka nangue te musa waamipeele bilio kufuma mwiulu inzi ni tawe kabili i aliwamipeela mukate wa kiine kufuma mwiulu . ³³Pantu mukate wakua leza i olia uliwakooka kufuma mwiulu ni kuleeta bukose mu kyalo kyonse. ³⁴baamwanine we mulopue kansi uye watupeela ozu mukate kubalua busiku.³⁵Yesu waabanine nene i mukate wa bukose olia aliwaiza kuli nene takonvua nzala ni oli ali wa takonvua kyaka . ³⁶namyananga nangue nene mwakimona inzi temunketekele. ³⁷Bonse baanapelue na tyawe balibaiza kuli nene aliwaza kuli nene nsikamukumba .³⁸Kine naafumine mwiulu te pa mulandu wa kukita mutonene inzi ni pa mulandu wa kukita kutona kwakua olia antumine . ³⁹Kutona kwakua tawe antumine ni koku tekuti nzeezie ata umo pa balia banaapeelue na tawe inzi busiku bwa mpeleezio. ⁴⁰Tawe atonene evi, kubalua muntu wamumona mwana ni kumuketekela abe ni bukose bwa muyayaya kabili nkamutuntumune busiku bwa mpeleezio.⁴¹Kupwako bayuda batendeka kumwivokombela pantu walandanga nangue nene i mukate ufumine mwiulu, ⁴²Baipuzyaniizie ati, emweozu te yesu mwina yusufu ? se ni nghina tubaamanine ale walanda ki nangue nfumine mwiulu ?⁴³Yesu waabasukile tekwivokombole evio pakati kenu . ⁴⁴Tekuli muntu alwaiza kuli nene kine tekutiilue na tawe antumine kabili busiku bwa mpelezio . ⁴⁵Bakabika baaleembele evi , bantu bonse baakaba basambiliziiziwe na leza onse aliwaunvua ni kusambilizia kuli tawe aliwaiza kuli nene.⁴⁶Tekuli muntu waamumwene tawe inga sie olia afumine kwa leza i waamumwene tawe. ⁴⁷Namyana kisika nague olia aliwakentekela ali ni bukose bwa muyayaya⁴⁸Nene ndi mukate wa bukose . ⁴⁹Bilokue byenu byaalile maana mu kaseeba ni kufua byafwile.⁵⁰Ono i mukate ufumine mwiulu onse aliwaulia takafua. ⁵¹Nene ndi mukate wa bukose ufumine mwiulu kine muntu walia ozu mukate waakeekalilila.mukate unaakapaana i mubili wane pakuti bekala kyalo babe ni bukose.⁵²Kupwko bayuda babamba kukanzana balanda emwe ozu muntu kuti watupeela syani mubili wakue tulie ? ⁵³Yesu waabanine namyana kisinka nangue kine temulile mubili wa mwina muntu ni kumina mulopa wakue temukaba ba bukose mukati kwenu.⁵⁴Onse aliwali mubili wane ni kumina mulopa wane ali ni bukose bwa muyayaya ni nene naakamutuntumuna busiku bwa mpelezio. ⁵⁵Pantu mubili wane i kilio kya kine ni mulopa wane i kya kumina kya kiine. ⁵⁶Onse aliwali mubili wane ni kumina mulopa wane aliwaikalilila muli nene, ni nene muli wene.⁵⁷Tawe antumine i ntulo ya bukose ni nene ndi ntulo nya bukose pa mulandu wakue evi i vili ni onse aliwandia ni ye kumo mukose pa mulandu wane. ⁵⁸Ozu i mukate ufumine mwiulu tekii nga evelia bilokue byenu vibyaaliile maana ni kufua .inzi onse aliwalia ozu mukate waakeekalilila sie muyayaya. ⁵⁹yesu walandile totu twebo luali mu nghanda ya malombi musita uali wasambilizia ku kafarnaumu.⁶⁰Basambi bengi lubaunvwile evio, baalandile aza masambilizio akolele nani alikwitabila ? ⁶¹Inzi yesu waamanine nangue basambi bakue balimukwvokombela azamasambilizio waabeepuziizie ati emwe ale aza masambilizio amiluvia ki ?⁶²Ale mwakakita syani lumukamona mwina muntu wasela kuafumine ? ⁶³Ozu i mweo wakua leza aliwapaana bukose maka a muntu ene teezi kukita kantu , twebo tunamyana i mweo babili i bukose .⁶⁴Inzi pakati kenu pali bantu bamo basizumiine"inzi pantu yesu waali waamanine mbeela nangue ni bani basizumiine kabili nangue nani waakamupaana ku balwani, ⁶⁵Waalandile evi, i kinamyanina nangue tekuli muntu wakuvinda kwiza kuli nene kine tekuutilue na tawe.⁶⁶Kutula ozo musita basambi bakue bengi baalekeele kumukonka . ⁶⁷Yesu waabeepuziizie balia basambi likumi na babili ati ni mwemue kumo mugtonene muye mwaya nga balia ? ⁶⁸Simoni petro waamwasukile we mulopue tulikuya kuli ni ? wewe i ali twebo tulitwaleta bukose bwa muyayaya. ⁶⁹Kabili twazumina ni kumana nangue wewe usaakwilue na leza ."⁷⁰Yesu waabeepuzizie ati, nsyaamisaakwile mwali likumi na babili ni umo pakati kenu wali kibanda ? ⁷¹Yesu waali walandila sie yuda iskarioti mwina simoni pantu wene i waakamupaana ku balwani ni ye waali umo wa pa basambi likumi na babili.

¹Kupwako yesu waya mu galilaya . taatonene kwendela mu yudea pantu bayuda baali bakeba kumwipaya. ²Ni nsikunkulu ya bayuda nsikunkulu y mitanda yaali yapaleeme.³Balabakue baamwanine fumako kono uye waya mu yudea evi basambi bobe bamone miilo iuliwabomba . ⁴Pantu muntu aliwakeba kumanua tezi kukita miilo mu kafiso. kine wene watona kukita bebi bintu ilangisie we mwine ku bekala kyalo .⁵Balabakue ni bo tebaamuzumiine. ⁶Yesu waabanine musita wane teunakumane inzi mwemue musita wenu ukumeene lyonse. ⁷Bekala kyalo tebavinda kumisuula mwemue inzi nene bansuulile pantu ndinabaana nangue bikitua byabo bibiipile .⁸Endo mwaya ku nsikunkulu ne nsiyako ku ezi nsikunkulu pantu musita wane teunakumane . ⁹Luapwile kulanda evio wene waasyele waikeele mu Galilaya.¹⁰Inzi balabakue kwa yesu lubaali basyaile ni ye kumo waile ku nsikunkulu taamwenekele ku bantu inzi waile mu kafiso . ¹¹Bayuda baali bamupempa koku balimukwiipuzia balanda emwe ale yesu ali pi ?¹²Libumba lyaabambile kwisonghania pa mulandu wakue , bange baali balanda evi, wene ni muntu aweme. ni bvange baali balanda nangue lya ozo muntu aliwabeepa sie libumba . ¹³Inzi anzia kine kyaali evio, tepaali muntu waamuzimbwile pa ,menso a bantu pantu baali batiina bayuda.¹⁴Nsikunkulu luyaatiikile yesu waasele ku nghanda yakua leza ni kutendeka kusambilizia b. ¹⁵Bayudsa baapapile balimukwwipuzia emwe, ale ozu muntu viasisambilile wafumia pi aza maano ? ¹⁶Yesu waabasukile aza masambilizio ane, teane inzi ni akua leza antumine.¹⁷Kiine muntu watona kukita mutoonene leza alikumana kine aza masambilizio afumine kuli leza ao kine ndinailandila sie ne mwine. ¹⁸Onse aliwailandila sie byakue aliwaikebela sie bulumba bwakue inzi onse aliwabombela pa mulandu wa bulumba bakua olia amuntumune wene i muntu wakimine ni mukatoi mwakue temuli bufi.¹⁹Eba, te musa wamipeele mizilo ? inzi pakati kenu tepali ata umo anakiile mizilo ,ale mulimwakeba kungipaila ki ? ²⁰Libumba lyaamwaasukile we wa myela nani aliwakeba kukwipaya ?²¹Yesubwaabasukile nakitanga kapapo kamo ni mwe bonse mwapapanga . ²²Inzi pantu musa waamyanine muye mwaateta yando baana benu (te yando yakufuma kuli musa inzi ni yando ifumine ku bilokue byenu) i yando muntu busiku bwa sabata,²³Kine muntu waatetiua yando busiku bwa sabata mizilo yakua musa teizi kwinoneka , ale nene mwanfitilua ki pa mulandu wa kukosia muntu busiku bwa sabata ? ²⁴Tekuba mwapingula sie bupinguzi bwa pa menso inzi pingule bupinguzi bulungheeme."²⁵Bantu bamo ba mu yeruzalemu baipuziizie "ati emwe ozu te i olia omiine kwipawa na bayuda ? ²⁶Mone alimukulanda sie pa menso a bantu tekuba bamwana kantu emwe i kulanda nangue bainika nangue ozu i kristu ? ²⁷Ozu muntu kwabo tumanineko inzi lwaakeeza kristu tekuli muntu waakamanakuafumine,"²⁸Yesu luali wasimikila mu nganda yakua leza waazanzwle lizui walanda "Ee mumanine kabili ni kwetu mumanineko , nsyaizile pano pa kyalo na kutoiana kwane tawe wa kisinka i antumine ,inzi mwemue temumumanine. ²⁹Nene nmumanine pantu nfumine kuli wene ni ye i antumine.³⁰Kupwako tebakeba kumukwata inzi tepaali munty waamukwete bpantu musita wakue waali teunakumane . ³¹Inzi bantu baamuketekeele mu lelio libumba baali balanda nague emwe kubako ozo kristu waakeeza , waakeeza kukita tupapo twingi kukila tupapo tulimukukita ozu muntu ? ³²Bafarizeo baunwile libumba lyaisonghania palwakua yesu ,kupwako makolo a babitambua ni bafarizeo batuma balukale bakuya kumukwata yesu.³³Yesu walandile nkili pano nenu musita unini mane nkabe kuya kuli leza antumine. ³⁴Mwaakankeba inzi temukanmona ni pa kifiuka pa naakaba temukeezapo."³⁵Bayuda baabambile nangue mwe bakwetu ozu muntu wakaba kuya pi ni fwe tekuti tukamumone ? wakaba kuya ku mizi ya bagriki kwikeele bantu betu ni kuya kubasambilizia . ³⁶Walandilanga ki nangue mwaakankeeba inzi temukanmona ni pa kifuka pa naakaba temukeezapo ?³⁷Busiku bwa kupelezia nsikunkulu yesu waimeene ni kuzanzura lizui walanda muntu kine waunvua kyaka eze amine kuli nene. ³⁸olia waakamina aza ,menda malembo alandile evi, twezi twa menda a bukose twaakafuma muli wene.³⁹Kkaka keebo walanddile palua mweo muzuuke waakapiokelula na bbantu bamuketekeele pantu mweo waali tanaize kabili pantu yesu waali tanalumbue.⁴⁰Bantu bamo pa lelio libumba lubaunwile evio, baalandile kisinka ozu olia kabika! ⁴¹Bange baalandile ozu kristu inzi bange baalandile ata kristu kuti wafuma ku galilaya. ⁴²Ale malembo vialandile nangue kristu waakafuma mu lupua lwakua daudi ni kufuma ku bethlehemu mu muzi wakua daudi ?⁴³Kupwako libumba lyakasanika pa mulandu wakue. ⁴⁴Bamo pakati kabo baali basyakeba kumukwata inzi tepaali muntgu waamukwete.⁴⁵Kupwako balukale babwelela ku bakulu ba babitambua ni bafarizeo ale mwamusiilanga ki ? ⁴⁶Balukale baabaasukile ytetunamone muntu aliwalanda nga wene!⁴⁷Bafarizeo baabeepuziizie eba i kulanda nangue ni mwemue benka mwaabepua ? ⁴⁸Ale pa makolo a bayuda ni bafarizeo nani wamuzuminanga ? ⁴⁹Inzi leli libumba lisimamine mizilo lyene litiipilue.⁵⁰Nikodemu waali wa pa babo olia waizile busiku kuli yesu waabaanine evi, ⁵¹Eba, mizilo yetu iliyatwitabizia kutana muntu ndsambu luasinaunvwile ni kumana mulandu wakue ? ⁵²baamwaasukile eba ni we uli mugalilaya ? ezynke kukebelezia mu malembo umone kine ku galilaya kuti kwafuma ni kabika "⁵³(Kupwako basalanghana kubalua muntu waya ku nghanda yakue.)

¹Inzi yesu wene waile ku lupili lwa mizeituni , ²Kabili waabweleele mu nghanda yakua leza paakili lukeelekeele. bantu bengi baamukolongheene ni ye waikeele ni kubamba kubasambilizia . ³Bakasambilizia ba mizilo ni bafarizeo baamutwaliile yesu mwanakzai wakwetue mu bukende bamuteeka pabukata.⁴Baamwanine yesu nangue we kasambilizia ozu mwanakazi wakisangiliziwa wakita bukende ⁵Musa waalandile mu mizilo yakue nangue banakazi ba ozu musango bapalile kutooua mabue ni kwipawa.ale wewe wamonapo syani ? ⁶Baali balandila sie kumuketa pakuti bamone mulandu wa kumusongela ,inzi yesu wakoonteeme ni kubamba kulemba pansi na munue.⁷Lubaatwali liile kumwipuzia waakontyamukile ni kubaana kine umo pakati kenu tali na kibalo atyendeke kumotoota libue. ⁸kabili waakonteeme ni kutwalilila kulemba pansi.⁹Lubaunvwile evio, i kwenka kutendeka sie kufumapo umo umo. bakuliisie i baabambiilepo ,yesu waasyele penka papo ni mwanakazi waimeene pa musolo . ¹⁰Yesu waakontamukile ni kumwipuzia we mwanakazi ale balia baakusongelanga bali pi ? tepasyele ata umo wa kukutana nsambu ? ¹¹mwanakazi waamwasukile we mujlopue tepasyelemuntu , yesu waamwanine ni nene wenka nsikutana nsambu ,endo inzi tekuti ukabale kabili.¹²Kabili yesu waabanine evi, nene ndi musaniko wa kyalo. kubalua muntu wa kukonka takikenda mu nfinzi ,inzi waakaba ni musaniko uliwaleeta bukose. ¹³Bafarizeo baamwanine wewe uliwaisininkizia sie we mwine ni pakako busininkizio bobe te bwa kisinka."¹⁴Yesu waabasukile anzia kine ndinaisininkizia ne mwine busininkizio bwane ni bwa kisinka ,pantu ne mwine nmanine ku nfumine ni kundimukuya.inzimwemue temumanine ku nfumine ni kundimukuya. ¹⁵Mwemue muluwapingula sie bupinguzi bwa pa menso inzi nene nsiizi kupingula muntu. ¹⁶Kabili kine napingula bupinguzi bwane ni bw kisinka ,pantu nsili ne bunke nzi ni ndi tawe antumine.¹⁷Mu mizilo yenu mulembelue nangue busininkizio bwa bantu babili i bwa kisinka. ¹⁸Nene ndinaisininkizia ne mwine , ni tawe antumine i musininkizi wane."¹⁹Kupwako bamwipuzia , eba ale so ali pi ?yesu waabasukile ne temumanien tawe ni ye temumumanine mubenge mwanmanine ni tawe nga mwakimumana. ²⁰Totu twebo yesu waalandile musita uali wasambilizia munghanda yakua leza mubaali babiika bukonto bwa bulongio .inzi tekwali muntu waamukwete pantu musita wakue waali teunakumane.²¹Kabili yesu waabanine ne nga ni mwemue mwaakankeba kabilimwakafwila mu bibalo byenu. kunaakaya temukeezako. ²²Keki i kyaalengele bayuda kwipuzyanga nangue ati mwe wakaba kwiipaya ? pantu walanda nangue kunaakaya temukeezako.²³Yesu waabasukile mwemue muli ba pansi nene ndi wa ku muulu mwemue muli ba mu keno kyalo inzi nene nsili wa keno kyalo. ²⁴Kinamyania nangue mwaakafwila mu bibalo byenu . pantu kine temuzumiine nangue ,nene i wenka mwaakafwila mu bibalo byenu."²⁵Baamwipuziizie eba wewe uli ni ? yesu waabasukile ,nene ndi wenka olia nga munamyaniine pa mambo. ²⁶Ndi ni bintu bingi bya kumyana ni bya kumitaninapo nsambu. kabili olia antumine aliwalanda twebo twa kisinka , ni byonse bindinalanda mono mu kyalo bilibyafuma kuli wene." ²⁷Tebainikile nangue waali wabalandila palwakua se.²⁸Kupwako yesu waabana ,musita umwakamulendula mwina muntgu ,i pamwaakeenika nangue nene i nene ,kabili mwaakenika nague nsiizi kukita kantu muntonene ne mwine ,inzi ndinakita nga vinaasambiliziiziwe na tawe. ²⁹Olia antumine ali pamon ni nene , wene tansiile ne bunke pangtu musita onse ndinakita bintu muatonene. ³⁰Lubaunvwile twebo twaali twalanda yesu ,bengi baamuketekeele.³¹Yesu waabanine bayuda baamuketekeele nangue kine mulikuya mwanakila twebo twane mulikuya mwaali basambi bane ba kiine. ³²Mwaakamana kisinka ni kisinka kyaakamilubula." ³³Baamwasukile fwefue tuli ba mu luvyaalo lwakua abrahamu kabili tetunateekuepo buzia na muntu . eba ale walandila ki nangue mwaakalubuka ?³⁴Yesu waabasukile namyana kisinka nangue kubalua muntu aliwabala i ,muzia wa bibalo. ³⁵muzia tezi kwikalilila mu lupua inzi mwana i aliwaikalililamo nsiku yonse. ³⁶Kine mwana wamilubula mwaakaba mwalubukile kisinka.³⁷Nmanine nangue muli ba mu luvyalo lwakua abrahamu inzi muumanine kungipaya pantu temulimwapokelela keebo kane. ³⁸Ndinamyana bintu binaamwene kuli tawe ni mwemue mulimwakita bimwaalandilue na sinue."³⁹Baamwanine fwefue tuli bena abrahamu. yesu waabanine kabenge mwali bena abrahamu nga muli mwabomba miilo yaabombele abrahamu . ⁴⁰inzi evi mulimukukeba kungipaya ne alimukumyana kisinka kinaunvwile kuli leza.Abrahamu taakitile bintu bya ozu musango! ⁴¹Mwemue mulimwabomba miilo yakua sinue."⁴²Yesu waabanine kabenge leza wali sinue nga mutonene pantu nene nfumine kuli leza ni evi vyenka vindi npano, nsyaiiziile ne mwine inzi wene i antumine . ⁴³Eba ale kimusiinikile twebo tundimukulanda ni kiki ? temwinikile pantu temulikunvua masambilizipo ane . ⁴⁴MULI bena satana ni belia bitonene sinue i bimulimwakita . wene waali ngipaani kutula ku mambo kabili taikeele mu kisinka pantu mukati mwakue temuli kisinka . lualiwalanda bufi, aliwalanda mubeeleele bulanzi bwakue , pantu wene i kabeepa kabili wene i ntuntuko ya bufi.⁴⁵Mwemue temunketekeele pantu ndinalanda kisinka . ⁴⁶Nani pakati kenu wakunsongela nangue ndi ni kibalo ?kine ndinalanda kisinka ale kimusingitabiliile ni kiki ? ⁴⁷Muntu wakua leza aliwanvua twebo twakua leza inzi mwemue temwaunvua pantu temuli bantu bakua leza ."⁴⁸Bayuda baamwasukile i kitulitwaalanda nangue uli musamaria kabili nangue uli ni myela ? ⁴⁹Yesu waabasukile nsili na myela ,inzi ndfinamukindika tawe . mwemue mundebwile.⁵⁰Nene nsiizi kukeba kulumbua na muntu inzi kuli numo aliwakeba kulumbua ni ye i aliwapingula . ⁵¹Namyana kisinka nangue muntu kine wanakila keebo kane takafua."⁵²Bayuda baamwanine i vitwasininkizia nangue ni kiine uli ni myela . Abrahamu waafwile ni bakabika baafwile inzi wewe kuya walanda nangue kine muntu wanakila keebo kane takafua. ⁵³Eba , we uli mukulu kukila situe abrahamu waafwile ? ni bakabika baafwile ?ale wewe vimwene kuya wali ni ?⁵⁴Yesu waabasukile kine naitasia ne mwine bulumba bwane te kantu inzi tawe i aliwanumba olia umuliwalanda nangue i leza wenu . ⁵⁵Mwemue temumunmanine inzi nene nmumanine , kine nalanda nangue nsimumanine ndikwalua wa bufi nga mwemue inzi nene nmumanine kabili ndinakila twebo twakue . ⁵⁶Sinue abrahamu waamwamiinue kumona busiku bwa kwiza kwane . waabumwene ni kuwaminua."⁵⁷Bayuda baamwanie wewe teunakumanie myaka 50 ale waamumwene syani abrahamu ? ⁵⁸Yesu waabasukile namyana kisinka nangue ,abrahamu lualitanavyalue nene naaliko." ⁵⁹Kupwako batoola mabue bamutoote inzi yesu wafyama, ni kubazembuluka wafumina panze pa nghanda yakua leza.

¹Yesu luali walimukupita waamwene muntu umo waavyelue wali mpofu. ²Bsambi bakue baamwipuziizie we kasambilizia ale pakuti ozu muntu avyalue wali mpofu, kyaalengele ni kibalo kyakue ao ni kibao kya bavyazi bakue ?³Yesu waabasukile ozu muntu ao bavyazi bakue tebaabaile inzi waavyelue wali mpofu pakuti miilo yakua leza imonekele muli wene . ⁴Kansi evi koba vikakiseeme tubombe miilo yakua olia antumine pantu tekuli muntu wakuvind kubomba busiku bwaasyailile . ⁵musita unkili pano pa kyalo ndi musaniko wa kyalo."⁶Yesu luapwile kulanda evio, watiila mate pansi, wakandila lupita na alia mate , wabuula lupita ni kutendeka kusuba pa menso pa olia mpofu. ⁷Waamwanine ale endo usambe mu kiziba kya siloamu (siloamu i kulanda nangue antumine ) ni kiine waya kusamba luafumine koko,waabwelele wamwene.⁸Benakue pamo ni balia baali bamumanine nangue waali walombelezia baipuzyaniizie emwe ozu muntu te i olia waali wazikia walombelezia ? ⁹Bange baalandile i wenka ni bange baalandile ata bapaleene sie nakue."inzi ye mwine waalandile i nene wenka."¹⁰Baamwipuziizie eba ale menso obe akitendeka syani kumona ? ¹¹Waabasukile kuli muntu umo aliwakuutua yesu i wakikandila lupita ni kunsuba pa menso ni kunghana nangue endo usambe ku menso ku kiziba kya siloamu lunakiya kusamba nakimina . ¹²Baamwipuziizie ale ozo muntu ali pi ?" waabaasukile inga"¹³Ozo muntu waali mpofu baamutwele ku bafarizeo . ¹⁴Bwaali busiku bwa sabata yesu luakandile lupita ni kulenga ozo mpofu amone . ¹⁵kupwako bafarizeo ni bo bamwipuzia ati wakitendeka syani kumoan ?waabasukile wakibiika lupita pa menso ane nasamba ni evi nmwene."¹⁶Bafarizeo bamo baalandile "ozu muntu tatuminue na leza pantu tezi kunakila mafunde a sabata."inzi bange baipuziizie kubako muntu wa bibalo kuti wakita tupapo nga totu ?kupwako ni kupusana kwatendeka pakati kabo. ¹⁷Kabili bafarizeo baamwipuuziizie ozo mpofu ale we wamonapo syani pali ozu muntu wakilengia kuti umone? waalandile ozu muntu ni kabika." ¹⁸Bayuda tebaitabiile businkizio bwakue nangue waali mpofu kabili nangue anmwenen ,ni pakako baakutile bavyazi bakue .¹⁹Ni kubeepuzia ati ozu i mwana wenu umulimwalanda nangue waavyelue waali mpofu ? ale wakitendeka syani kumona ?" ²⁰bavyazi bakue baabaasukile ,"tumanine nangue ni mwana wetu kabili nangue waavyelue wali mpofu. ²¹Inzi evi vyasyatendekele kumona tetumanine ni walengele kuti aye wamona tetumanine ye mwine ni muntu mukulu mwipuzie sie alikumyasuka.²²Bavyazi bakue baalandile evio pantu baali batiina bayuda. baba bayuda baali baunvwene nangue onse waakeetabiziako sie nangue yesu i kristu bakamukumba mu nghanda ya malombi. ²³Bavyazi bakue i kiibaalandiile nangue wene ni muntu mukulu mwipuzie sie."²⁴Kabili bafarizeo baamukutile ozo waali mpofu baamwanine ewe, landa kisinka ku menso akua leza pantu fwefue tumanine nangue wewe wakikosiiwa na muntu wa bibalo." ²⁵Wene waabasukile ozo muntu kiine ni wa bibalo nene nsimanine nmanineko sie kantu kamo nene naavyelue nali mpofu inzi evi, nmwene."²⁶Kabili baamwipuziizie wakikukitila ki /wakikita syani pakuti utendeke kumona? ²⁷Waabasukile ale vinamyana sie lenu temunvwile ?ale kabili kimwakebela kunvua ni kiki / mutonene mwaluke basambi bakue ? ²⁸Kupwako bamusasilila bamwana wewei musambi wakue fwefue tuli basasmbi bakua musa. ²⁹Tumanine sie nangue leza waalandile na musa inzi ozu muntu tetumanine kwafumine!³⁰Ozo muntu waalandile emwe na papa eyo kansi temumanine kwafumine inzi i wakikosia menso ane .! ³¹Tumanine sie nangue leza tezi kunvua wa bibalo inzi aliwaunvua sie olia aliwamukindika ni kukita kutona kwakue.³²Kutula kulengua kwa kyalo tekunaunwilke nangue kuli ni muntu waakosiizie menso a muntu waavyelue wali mpofu. ³³Kabenge ozu muntu tekuba watuminue na leza nga takinkosia." ³⁴Baamwasukile eba we muntu waavyaliilue mu bibalo ni kukulila mu bibalo i we watendeka kutusambilizia ?kupwako bamukumbila panze pa nghanda ya malombi.³⁵Yesu waunvwile nangue olia waali mpofu baamukumbiile panze. luamusangile waamwipuziizie ati umuketekeele mwina muntu ? ³⁶Waamwasukile we mulopue ale ozo muntu nani ?nmbwile nmuketekele ! ³⁷Yesu waamwanine umumwene i nene wenka alimukulanda nobe." ³⁸Waalandile we mulopue naketekela kupwako wamupupa.³⁹Yesu walandile nene kinaiziile pano pa kyalo ni pa mulandu wa kupingula evi, bampofu bamone ni bamwene baaluke bampofu." ⁴⁰Bafarizeo baali bali pamo nakue lubaunwile evio baamwipuziizie eba, i kulanda nangue ni fwefue tuli bampofu ? ⁴¹Yesu waabanine mubenge mwali bampofu nga temuli na bibalo .inzi pantu mulimwalanda nangue tumwene muli ni bibalo."

¹Yesu waabanine evi, namyana kisinka nangue muntu aliwaingilila pange pange pasili mulyango wa kipata kya mikooko ni kabooko,kabili ni mupoti. ²Inzi muntu aliwaingila pa mulyango wene i misungi wa mikooko,³Mulindi aliwamwizwila mulyango ni mikooko iliyaunvua lizui lyakue ni wene aliwakuuta mukooko mu meena abo ni kuilombola panze. ⁴Lualiwafumia mikooko yakue poanze aliwaitangila ni yo iliyaya yamukonkele pantu inmanine lizui lyakue .⁵Ezio mikooko teivinda kumukonka mweni inzi iliyamubutuka pantu teimanine vili lizui lyakue.' ⁶Anzia kine yesu waabanine keki kipaalo bene tebainikile kialandile evio.⁷Kabili yesu waabanine evi , namyana kisinka nangue nene ndimulyango wa kipata kya mikooko. ⁸Bonse bantangiliile ni bakabooko,kabili ni bapoti inzi mikooko ni yo teyaabonvwile.⁹Nene i mulyango kubalua muntu aliwaingila kuli nene waakapasuka waakaba waingila ni kufuma kabili waakaba wasanga bilio. ¹⁰Kabooko wene aliwaizila sie kwiba ni kwipaya pamo ni kwinoona.inzi nene naiziile kuti iye yali ni bukose bwine bwine.¹¹Nene i musungi aweme musungi aweme aliwafwila pa mulandu wa mikooko yakue. ¹²Inzi musungi aliwasaziiwa asili mwine wa mikooko lualiwamona miponda yalimukwiza aliwasia mikooko ni kubutuka ni mponda iliyaiza kusakukila mikooko ni kuisanghania. ¹³Muntu aliwasaziiwa kuti wabutuka pantu wene ni mubombi sie kabili tasakameene ezio mikooko.¹⁴Nene ndi musungi aweme .nmanine mikooko yane ni mikooko yane inmanine. ¹⁵Nga evelia vinmaninue na tawe ni nene i vinmanine tawe kabili ndinafwila pa mulandu wa mikooko yane. ¹⁶Ndi ni mikooko inge isili ya mu keno kipata inzi ni yo nakaba kuileeta evi ye yaunvua lizui lyane kabili yaakaluka sie kisepe kimo ni musungi waakaba sie umo.¹⁷Keki i kintoneenue na tawe pantu npeele bukose bwane ,evi kabili mane nkabupoke. ¹⁸Tekuli muntu wakumpoka bobu bukose inga sie nmpaane ne mwine.ndi ni buvinde bwa kupaana ni kupokolola .leli i lifunde linaalaile na tawe."¹⁹Toto twebo twaalengiizie kabili bayuda bapusane . ²⁰Bengi pakati kabo baalandile evi, ozu muntu ali ni kibanda kabili azambukile ale kyakumutwilizia ni kiki ? ²¹Bange ni bo baalandile totu twebo te twa muntu ali ni kibanda kubako kibanda kuti kyazibula menso a bampofu.?²²Ku yeruzalemu kwaali nsikunkulu ya kuzuukia nghanda yakua leza .waali wali musita wa kasama. ²³Yesu waali waya waenda lya mu lukungu lwa nghanda yakua lwaali lwaakutua solomoni. ²⁴Bayuda baizile kumuzyungulukila baabambile kumwipuzia evi,ewe waya watwemiamia sie ?twane kine wewe uli kristu.²⁵Yesu waabasukile naamyanine kale inzi mwemue temwazumina. tupapo tundinakita mu liina lyakua tawe i tulitwansininkizia . ²⁶Inzi temuzumiine pantu temuli mikooko yane.²⁷Mikooko yane iliyaunvua lizui lyane ni nene ngimanine ni yo iliyankonka. ²⁸Ni nene ndinaipeela bukose bwa muyayaya,ni yo teikikazeeza.kabili tekuli muntu waakasompola mu maboko ane.²⁹Tawe wanmpeele ezi mikooko i mukulu kukila bonse kabili tekuli muntu waakamusompola mikooko mu maboko akue. ³⁰Nene ni tawe tuli umo. ³¹Kupwako kabili bayuda batoola mabue bamutoote .³²Yesu waabaanine mone miilo bwingi iwemeindinakita na buvinde bwakua tawe.eba ale ni mwilo ki umwakeba kuntootelapo mabue? ³³Bayuda baamwasukile pa mwilo uweme wene tetukutootelapo mabue inzi tulikukutoota pantu uliwamufuupula leza . wewe uli sie muntu inzi kuya waialula inzi kuya kuba leza.!³⁴Yesu waabasukile eba tekilembelue mu mizilo yenu nangue leza waalandile nangue mwemue muli baleza ? ³⁵kine wabakuutile baleza balia baizilue na keebo kakua leza,malembo yeavinda kuvuika. ³⁶Inzi nene naasakwilue na tawe ni kutumua mu kyalo. ale kuti mwalandila ki nangue namufuupila leza pantu naalandile nangue ndi mwina leza ?³⁷Kine nsiizi kubomba miilo yakua tawe kansi tekunketekele . ³⁸Inzi kine ndinaibomba anzia kine temukente keele ketekeleko sie tupapo tundinakita evi, mumane kisinka nangue tawe ali muli nene ni nene ndi muli tawe." ³⁹Penka papo kabili tebomiine bamukwate inzi wene waifompola mu minue yabo.⁴⁰Kabili yesu waabweleele ku bwala mwenzi wa yordani kwaali kwabatiziizia yoane kupwako waikala,koko kwenka. ⁴¹Bantu bengi baamukonkele balanda yoane taakitiletupapo inzi twebo tonse twaali twasininkiziiwa na yoane palua ozu muntu twaali twa kisinka ." ⁴²ku ezio nkendo bantubengi baamuketekeele yesu.

¹Kwali mulwele umo liina lyakue lazaro,ozo muntu waali wa mu betania mu muzi mwali mwaikeele maria ni nkaziize marta. ²Ozo maria i olia waamusubile mulopue mafuta a munu ku makasa ni kumupukusa na misis yakue .ndumeeze lzaro waali walwele.³Bankaziize baaatumine mukezi wa kuya kumwana yesu nangue we mulopue mutonua obe alwele. ⁴Yesu luaunvwile evio waalandile bobu bubwele te bwa kufua inzi ni bwa kulangisia bulumba bwakua leza evi, mwina leza alumiluemo.⁵Yesu waali wabatonene ba maria ni martapamo ni lazaro . ⁶LUAUNVWILE NANgue lazaro alwele taileko paapitile ni inge nsimku ibili waikeele kwenka koko. ⁷Ezio nsiku luyapwile waabanine basambi bakue nangue ale twende tubwelele ku yudea."⁸Basambi bakue baamwanine we kasambilizia tuye koku kuwakisia kutootua mabue na bayuda ale kiutonene kubwelelako ni kiki ? ⁹Yesu waabasukile eba mu koba kamo temuli nsita likumi na ibili ?mone muntu kine waenda koba kaseeme tavinda kwipuutala pantu asanikilue na musaniko wa mono mu kyalo.¹⁰Inzi kine waenda busiku alikwipuutala pantu tasanikilue . ¹¹Yesu luapwile kulanda evio waabanine evi, kibuza wetu lazaro onene,inzi ndikuya nmubuusie.¹²Basambi baamwanine we mulopue kine onene alikubuuka." ¹³Yesu waali walandile lufu lwakua lazaro inzi bene baali baizi nangue onene sie tulo. ¹⁴yesu i luabaanine sie kisinka nangue lazaro afwile.¹⁵Inzi nawaminua pa mulandu wenu pantu nsyakibako kabili pantu mulikunketekela ,ale twende,. ¹⁶Inzi toma linge liina waaliwakuutua mpundu wabaanine basambi nakue twende tufue pamo ni kasambilizia !¹⁷Yesu waile kumusanga lazaro wasyali na nsiku ina mu kilibu. ¹⁸Muzi wa betania waali wali sie pepi ni muzi wa yeruzalemu,paali pali sie kilometre itatu. ¹⁹Kwaali bayuda bengi baali baile ku kufwinika marta ni maria baali baafwililue na ndumyabo. ²⁰Marta luanvwile nangue yesu alimukwiza waile kumusensekela ,inzi maria wene wasyele waikeele mu nghanda.²¹Marta waamwanine yesu we mulopue ubengepo ndumyamwine nga takifua . ²²Inzi nmanine nangue ata lenu lyenka leza alikukupeela kyonse kiukumulomba." ²³Yesu waamwanine marta ndumeezo alikutuntumuka.²⁴Marta waamwanine Ee nmanine nangue waakatuntumuka busiku bwa mpelezio." ²⁵Yesu waamwanine nene i butiuntumiko ni bukose .onse anketekele anzia afua waakaba wakosele . ²⁶Kabili onse akosele wanketekeele takikafua waitabila kako ?²⁷Marta waamwene we mulopue naitabila ni kwininka nangue uli kristu mwina leza waalailue nangue waakeeza mu kyalo. ²⁸Marta luapwile kulanda evio waile kumukuuta nkaziizie maria ni kumwana mu kasongia nangue "kasambilizia waiza kabili wakukuuta . ²⁹Ni ye luanvwile evio, waasakamukile waya kuli yesu,.³⁰Ozo musita yesu waali tanaingile mu muzi waali wakili sie palia penka paamusangile marta. ³¹Bayuda baali baikeele ni nmaria mu nghanda bamufwinika lubaamumwene wasakamuka ni kufumina panze,baamukonkele baizi nangue pange waya ku mankabuli ku kulila. ³²Maria waafikile paali paimeene yesu wamumona wafukama wamwana ,we mulopue ubengepo ndumyamwine nga takifua.³³Yesu luamumwene maria walimukulila pamo ni bayuda baile nakue ni wenewaunvwile bulanda bukata. ³⁴Waabeepuziizie mwakimubiika pi ?baamwasukile we mulopue iza imone." ³⁵Yesu walila .³⁶Bayuda baalandile emwe mone vyaali wamutonen! ³⁷Inzi bange baalandile emwe ozu muntu waazibwile menso a bampofu .ale wakyandua syani kukita ozu muntu tekuti afue?³⁸Yesu luaunvwile bulanda bukata paakale waile ku mankabuli kilibu kyaaziikiluemo lazaro kyaali lipala lyaizeluepo libue . ³⁹Yesu waalandilen fumiepo libue! marta nkaziizie kwa olia waafwile waamwanine we mulopue alimukununka, pantu tepasyapitile nsiku ina wali mu kilibu." ⁴⁰Yesu waamwanine nsyakwananga nangue kine wazumina ulikumona buklumba bwakua leza?⁴¹Kupwako bafumiapo libue ,yesu wakenta mu muulu walanda we tawe nasantila pantu wanghuvua . ⁴²Kabili nmanine nangue uliwanghunvua nsiku yonse inzi nalandilanga sie leli libumba linzisyangulukile kuti liinike ni kuzumina nangue wewe i antumine."⁴³Luapwile kulanda evio waazanzwile lizui walanda lazaro fumina panze ! ⁴⁴muntu waali wafwile wafumina panze wapambililiuepo mupanga;lala ku maboko ni ku maulu inzi pa menso wavimbiliiluepo ngubo .yesu waabanine ale mukakule aye.'⁴⁵Bayuda bengi baali baile ku kufwinika maria lubaamwene bintu byaakitilue yesu baamuketekeele. ⁴⁶Inzi bange pakati kabo baile kubabwila bafarizeo bintu byonse byaakitile yesu.⁴⁷Makolo a babitambua ni bafarizeo baateekele kilie balanda emwe, tulikukita syani ?pantu ozo muntu aliwakita tupapo twingi! ⁴⁸kine twamulekeela sie kuti aye wakita evi, bantu bonse baakamuketekela kabili baromakuti baiza kwinoona nghanda yakua leza pamo ni ntundu yetu!⁴⁹Umo pa babo liina lyakue kaifa, ozo waali kitambua mukulu mu ozo mwaka waabanine mwemue temumanine kantu ! ⁵⁰Kubako temwinikile nangue muntu umo apalile kufwila bantu evi ntundu yonse tekuli izeeze?⁵¹Toto twebo taalandile sie twa kwitungila ,inzi pantu waali kitambua mukulu mu ozo mwaka waabikwile nangue yesu waakafwila ntundu ya bayuda. ⁵²Kabili te ezi ntundu sie bunke inzi kuti akolonghanie bantu bonse bakua leza baasalanghniine kule evi babe libumba limo. ⁵³Kutula bobo busiku baatendekele kumukambila kuti bamwipaye.⁵⁴Ni pakako yesu waali wasyaenda sie tekuba wamonenka ku bayuda inzi waile sie kwikala pepi kwikala pep[i ni kuseeba ,ku muzi umo waali wakutua efrahimu komko i kuaikeele ni basambi bakue. ⁵⁵Nsikunkulu ya bayuda yaali yakuutua pasaka luyaali yasyapalama bantu bengi baafumine mu mizi kuti baye ku yeruzalemu evi baye baswesiwe pasaka luisinatendeke.⁵⁶Baabambile kumukeba yesu. kabili lubaali bali mu nghanda yakua leza baipuzyaniizie ati mwamona syani ?kubako ozu muntu alikwiza ku nsikunkulu ? ⁵⁷inzi makolo a babitambua ni bafarizeo baali basyapeene nsambu nangue kubalua muntu alikumumona kuali aye alande evi baye bamukwate

¹Lukwaali kwasyele nsiku mutanda pakuti nsikunkulu ya pasaka ibambe yesu waile ku betania koko kwaali lazaro uatuntumwine . ²Koko i kubaamutebeteele bilio bya kyungulo .marta i waali wateania bilio lazaro waali waikeele pamo ni bantu baali balimukulia pamo ni yesu. ³Maria waizile watweme lichupa lyaali lyaizuzimo mafuta a munu a mutdngo ukata mafuta aliwakitua ku kimuti kya nardo iine iine,wasuba ku makasa akua yesu.kabili waabambile kupukusakona misis yakue .mu nghanda monse mwanukile na azo mafuta .⁴Inzi yuda iskarioti mwina simoni umo wa pa basambi wakue ozo waamusangukiile yesu waipuziizie . ⁵Emwe ale aza mafuta kiasyakisiziiziwa na nfolanga 30 ni kupeela bapambi ni kiki ? ⁶Tekulanda nangue waalandile evio pantu walikabooko kabili i waali wasuaga kipao kyz nfolanga ni kuya waibamo.⁷Inzi yesu waamwanine ozu mwanakazi tekumukite kantu pantu waasungile aza mafuta kuti ansubile mbeela lunsinaziikue. ⁸Bapambi muli nabo nsiku yonse inzi nene temuli nane nsiku yonse.'⁹Bayuda bengi lubaunvwile nangue yesu waali ku betania baileko tebailiileko sie kumumona yesu,inzi bailile kuti baye bamumoneko ni lazaro waatuntumwinue na yesu. ¹⁰Makolo babitambu a baali bakambila kumwipaya ni lazaro . ¹¹Pantu i waalengiizie bayuda bengi bafume kuli bene ni kuya kumuketekela yesu.¹²Lukeele lwakue bantu bengi baile ku nsikunkulu . lubaunvwile nangue yesu alimukwiza mu yeruzalemu , ¹³Baatweme misambo ya bunkindu ni kuya kumusensekela baazanzwile mazui balanda leza alumbue apaalue olia uatumine apaalue likolo lya baizraeli .¹⁴Yesu luasangile kena punda waikeelepo nga mulandile malembo nangue , ¹⁵We mwana wane sayuni tekutiinaa ,mona likolo lyobe lilimukwiza lyaikeele pa kena punda.¹⁶Pa mambo basambi bakue tebainikile kialandiile totu twebo, inzi yesu luatuntumukile i lubainike nangue wene i waalembelue totu twebo,kabili nangue totu twebo tonse baamukitile wenka wene.¹⁷Bantu baali baliu pamo ni yesu musita uakuutile lazaro mu kilibu ni kumuntuntumuna baatwele mpunda konse ku baile. ¹⁸Ni pakako bantu baile kumusensekela yesu pantu baunvwile nangue waakitile kako kapapo. ¹⁹Bafarizeo baabambile kulanzyania nangue emwe temwamona nangue tetukitilepo kantu mone bantu bonse vibalimuku mukonka!²⁰Kwaali bagriki bamo pa babo bantu baile ku yeruzalemu ku kupupa leza musita wa nsikunkulu . ²¹baba bantu baile kuli filipo wa ku betesaida ya mu galilaya baamwanine evi, we mukwetu tulimukukeba kumumona yesu. ²²Filipo waile kumubwila andrea penka papo bonse babili baya kumubwila yesu.²³Yesu waabanine evi, musita wa kulumbua mwina muntu wakumana. ²⁴Namyana kisinka nangue lubezu lwa nghano kine teluponene pa bulongo ni kufua kuli kuya lwali sie evelia vyenka inzi kine lwafua lwaakatwaama nghano ingi.²⁵Muntu atonene bukose bwakue waakabuzeezia inzi muntu asulile bukose bwakue mu keno kyalo waakabusunga kabili wakaba ni bukose bwa muyayaya. ²⁶Kubalua muntu atonene kunmbombela ankonke .mubombi wane waakaba waikeele palia pandi.kine muntu wanmbombela tawe alikumukindika.²⁷Evi, mutina wane wakisa ndikulanda syani ? tawe nmpususie mu aza maavia a ono musita .inzi keki i kingiziizie kya kupita mu ono musita wa maavia. ²⁸We tawe lumba liina lyobe ! kupwako lizui lyafuma mwiulu lyalanda naalilumbile kabili naakalilumba." ²⁹Bantu baali baimeene pepi lubaunvwile lizui lyalanda baalandile nangue ni mutukumo . bange ni bo baalandile nangue ni malaika wamulazia .!³⁰Inzi yesu waabanine lizui limwaunvua telyunvwikile nene, inzi lyaunvwikila mwemue . ³¹Ono i musita wa kupingulua bekala kyalo, kabili kateeka wa keno kyalo waaakaponzua panze.³²Inzi nene musita unaaakalendulua pa musalaba naakepalamikila bantu bane bonse. ³³Yesu kialandile evi , ni pa mulandu wa kulangisia vyaliwakafua.³⁴Kupwako libumba lyamwasuka .fwefue twaunwile mu mizilo nangue kristu waakekalilila muyayaya. ale walandila ki nangue mwina muntu waakalendulua pa musalaba ? eba ozu mwina muntu nani ? ³⁵Yesu waabanine nangue musaniko ukili pano nenu pa musita unini. kansi ende mu kisue lumukisanikilue evi tekuti mwanziiwe na nfinzi pantu muntu aliwaenda mu nfinzi, tezi kumona kwaali waya. ³⁶Lumukili ni musaniko ketekele musaniko evi, mukambe bantu ba mu kisue."³⁷Inzi anzia kinewaakitile tupapo twingi bayuda tebaamuketekele . ³⁸Waalandile evi, pakuti keebo kaalandile kabika isaya kafikiliziiwe nangue we mulopue nani waazumine mpunda yetu ?nani waafyuliilue buvinde bwakua mulopue ?³⁹Ni pakako baandilue kumuketekela pantu kabili isaya waalandile nangue ⁴⁰Leza waabafofiizie menso abo, kabili waafiniizie mitima yabo bakeeza kumona na menso abo, bakeeza kwinika mu mitima yabo bwakeeza kwalukila kuli nene, ni nene nabakosia."⁴¹Isaya waalandile totu twebo pantu waamwene bulumba bwakuayesu kabili waali walanda palwakua wene . ⁴²Inzi anzia kine kyaali evio, bakulu bengi ba yuda bamuketekele yesu, inzi tebailumbile pantu baali batiina bafarizeo bakabakumba mu nghanda ya malombi. ⁴³Kabili pantu baatonene kutasiwa na bantu kukila kutasiwa na leza.⁴⁴Yesu wazanzula lizui walanda , kine muntu wanketekela tanketekeele sie nene inzi waketekela leza antumine . ⁴⁵Ni onse aliwanmona aliwanmumona ni leza antumine .⁴⁶Naizile mu kyalo kuti ngie nali musaniko evi onse wanketekela tekuti ekale mu nfinzi. ⁴⁷Kabili muntu kine waunvua twebo twane koku tekuba watunakila ne nsimupingula pantu nsyaiziile kupingukla bekala kyalo inzi naizile kupususia bekala kyalo.⁴⁸Muntu aliwansuula ni kukaana twebo twane ali ni waakamupingula ,twebo tundinamyana i twaakamupingula busiku bwa mpeleezio. ⁴⁹Pantu nziizi kulandila mu buvinde bwane inzi ndinalandila mu bivinde bwakua tawe antumine , kabili i wanmpeele mulao wa twebo tundinalanda ni musango wa kulandilamo. ⁵⁰Kabili nmanine nangue mulao wakue uliwaleeta bukose bwa muyayaya.totu twebo tundinalanda ,ndinalanda munaalailue na tawe."

¹Kwaali kwasyele sie busiku bumo pakuti nsikunkulu ya pasaka ibambe . yesu waali wamanine nangue musita wakue wakuumana wa kuti wafume ku keno kyalo ni kuya kuli se.waali waabatonene bantu bakue baali nabo mu kyalo kabili waabatoneesie. ²Yesu ni basambi bakue lubaali balimukukila bilio bya kyungulo kibanda kyaali mbeela malanga abi mu mutima wakua yuda mwina simoni iskarioti, evi umupaane yesu.³inzi pantu yesu waali wamanine nangue amupeele bintu byonse mu mabokoakue kabili nangue leza i anmutumine kabili nangue alimukuya kuli leza . ⁴waafumine pa baali balia wabiikka nghubo ya kupusulilako waikala mu kitungu . ⁵Waabika menda mu musambilo wabamba kusamba makasa a basambi bakue ni kubapukusa na ngubo iaikakile mu kitungu.⁶Luafikile pali simoni petro ,petro waamwipuziizie we mulopue wakeba kunsamba makasa? ⁷Yesu waamwasukile kaka kandimukukita lenu pano teukamanine ,inzi waakakamana pa kyamba." ⁸Petro waamwanine wewe geupalile kunsamba makasa ?,nakaana !yesu waamwanine kine wewe nsikunsambile teuba mulundanane . ⁹Simoni petro waamwanine we mulopue kansi tekunsamba sie makasa inzi usambe ni ku mabooko pamo ni ku mutue !¹⁰Yesu waamwanine muntu asambile mubili onse tezi kukeba kabili kusamba mubili onse inga sie kusamba ku makasa pantu wene asweetele sie pepepe.mwemue muswetele, inzi te mwe bonse. ¹¹pantuwaali wamanine nangue nani waakamupaana i kialandile nangue te mwe bonse baswetele.¹²Luapwile kusamba makasa abo wavwala ngubo yakue ya pa muulu, waikala kabili kumeza ni kubaana ati mwamana kinamisa mbila ? ¹³Mulimwakuuta nangue kasambilizia kabili mulimwalanda nanvgue mulopue kisinka mulimwalanda sie bwino pangtu ivindi. ¹⁴Kansi kine ne mulopue kasambilizia wenu namisamba makasa enu, ni ,mwemue muye mwakita evio, vyenka. ¹⁵EDvi vinamilangila i vyakuti mukabe mwakita.¹⁶Namyna kisinka nangue muzia te mukulu kukila selenzi ao mukenzi te mukulu kukila olia amutumine. ¹⁷Inzi pantu mwamana kinalandila evi, mwaakaba mwasyukile kine mukabe mwakita ! ¹⁸te mwe bonse bandimukulandila totu twebo. nmanine banaasaakwile .inzi ni pakuti malembo afikiliziwe nangue olia unaalile nakue i wanagalukile .¹⁹Namyanina mbeela pabisinakitile evi, pabikakitika mukasininkizie nangue nene i wenka, ²⁰Namyana kisinka nangue onse aliwapokelela kubalua muntu undinatuma,aliwanmpokelela nene, kabili onse aliwanmpokelela nene aliwamupokelela olia antumine.²¹Yesu luapwile kulanda evio, waunvwile mutima wakisa.waalandile pa menso a bantu nangue :namyana kisinka nangue umo pakati kenu wakaba kunmpaana. ²²Basammbi bakue baabambile kukentana babebukile.inzi tebaali bamanine kine yesu waali waana ni,.²³Pa basambi bakue paali umo waali wailikiizie pa nkulo yakua yesu ozu muntu waali watoneesiwe na yesu. ²⁴Kupwako simoni petro wamupesula wamwana ewe mwipuzie alande kine alimukwana ni." ²⁵Olia waali wailikiizie pa nkulo yakua yesu waamwipuuzizie :ati mulopue nani ?²⁶Yesu waamwasukile "olia muntu undikupeela kisoso kya mukate kindikutobela i wenka kupwako wabuula kisoso kya mukate watobela wamupeela yuda mwina simoni iskarioti. ²⁷Yuda luapokelelesie kekio kisoso kya mukate ,penka papo satana wamwingila.yesu waamwanine :kako kaumiine kukita ,lenga ukite.²⁸Pa ezio meza ibaalipo tepali muntu waamwanine kiamwanine evio, ²⁹Bantu bamo baali baizi nangue ,watumua kuya ku kusita bilio bya kulia musita wa nsikunkulu ao nangue waya kupeela bapabi tuntu tumo tumo, pantu yuda i waali kasunga wa kipao. ³⁰Yuda luapokeleele sie kekio kisoso kya mukate ,penka papo waafumina panze .ozo musita bwaali bwasyailile.³¹Yuda luafumine panze yesu waalandile,evi bulumba bwa mwina muntu bulikumoneka, kabili leza alikulumbilua muli wene. ³²Kine bulumba bwakua leza bulikumonekela muli wene, kansi leza mwine i alikulangisia bulumba mu mwana wakue kabili alikubulangisia sie lenu. ³³Mwe baana bane ndikuba nenu pa mjusita unini ?mwaakankeba nga munaabaaniine bayuda. namyana nangue kundimukuya mwemue temuvinda kwizako.³⁴Namipeela mulao wa lenu tonane nga evelia vinmitonene i vyakuti mutonanne ni mwemue. ³⁵Pantu kine mwatonana, bantu bonse balikumana nangue muli basambi bane."³⁶Simoni petro waamwipuziizie "ati we mulopue ulikuya pi ?yesu waamwasukile,"kundikuya teuvinda kukonka ,inzi waakankonka pa kyamba." ³⁷Petro waamwanine we mulopue ale kindikwandilua kukukonka lenu ni kiki ?kine ni kufua ndikufua pamo nobe! ³⁸Yesu waamwasukile we petro kubako ni kiine ulikufua pamo nane ? nakwana kisinka nangue ,kazenze pakasinabike waakaba wasyankeene litatu.

¹Tekusakamane mu mitima yenu muketekele leza munketekele ni nene wenka . ²Mu nghanda mwa tawe muli bifuka bingi bya kwukalamo ,kabenge tekuba mwali,nga nakimyanina mbeela.ndikuya kumiteaniiza kifuka. ³Kabili kine naya kumiteaniizia kifuka ,naakabwela kumitwana evi mukabe pamo ni nene ponse panaakaba.⁴Kolia kundikuya mumanineko ,ni nzila muimanine." ⁵Toma waamwipuziizie we mulopue te tumanine kuulikuya ale tulikumana syani ?nzila ? ⁶Yesu waamwanine "nene i nzila nene i kiine ,nene i bukose ,tekuli muntu wakuya kuli tawe kine tapitile muli nene. ⁷Inzi pantu mwanmana ni tawe mwakamunmana ,kutula lelo mwamumana kabili mumumwene."⁸Filipo waamwanine we mulopue kansi tulangisie so . ⁹Yesu waamwanine we filipo eyo kansi ozu musita onse ungikeele nenu teunamane unvua olia anmwene amumweneni tawe.eba ale walanda kinangue kansi tlangisie so .¹⁰Teuketekeele nangue nene ndi muli tawe tawe ni ye waali muli nene? totu twebo tundinamyana tetwakwitungila sie inzi tufumine kulin tawe mwine . tawe akeele muli nene aliwaila miilo yakue . ¹¹Ketekele nangue nene ndi muli tawe , kabili nangue tawe ali muli nene.kine temuketekele twebo tundimukulanda kansi ketekele sie pa mulandu wa miilo indinakita .¹²Namyana kisinka nangue oli akentekeeele ni ye wakaba wakita miilo indinakita , kabili waakakita miilo ikata kukila nezipantu ne naya kuli tawe. ¹³kabili byonse bimwaakaba mwalomba mu liina lyane naakaba namipela 'evi tawe alumbue kupitila mu mwana wakue . ¹⁴Kyonse kimwaakaba mwalomba mu liina lyane ,naakaba namipeela.¹⁵Kine mutonene mulikunakila mulao wane . ¹⁶kabili naakamulomba tawe akamipeele mukwasi unge wakwiza kwikala pamo nenu muyayya. ¹⁷bekala kyalo baandilue kumupokelela pantu tebanamumone ,kabili tebamumanine .inzi mwemue mumumanine pantu mwikeelenakue, kabili ali mukati mwenu.¹⁸Nsikamisia bunke naakabwela kuli mwemue . ¹⁹Kusyele sie musunini, bekala kyalo tebaakanmona kabili,inzi mwemue mwaakakamwanmona ,pantu nene nkosele, ni mwemue mwaakaba mwakoselili. ²⁰Lwaakafika bobo busiku mwaakamana nangue nene ndi muli tawe , ni mwemue muli nene ,ni nene muli mwemue.²¹Muntu aliwapokelela mulao wane ni kunaakila wene i antonene,muntu antonene tawe alikumutona kabili nene ndikumutona ni kwila ngisia kuli wene." ²²Inzi yuda te iskarioti waamwanine we mulopue ulikwilangisia syani kuli fwefue pasili kwilangisia ku kyalo.?²³Yesu waamwasukile kine muntu wantoana alikunakila keebo kane .tawe alikumutona kabili ni fwefue tulikwiza kuikala kuli wene. ²⁴Mungtu asintonene tavinda tunakila twebo twane .totu twebo tumulimwaunvua te twebo twane ,inzi ni twakua tawe antumine .²⁵Nmyana totu twebo lunkili pamo nenu. ²⁶Inzi mukwasi mweo muzuuke waakatumua na tawe ku liina lyane wene i waakamisambilizia byonse ni kumilangulusia byonse bindinamyana. ²⁷Namisiila mutende. mutende unamipeela teuli nga mutende uliwapaanuana bekala kyalo.tekutoobole mitima yenu kabili tekutiine.²⁸Mwaunvwanga vinamyananga nangue ndikuya kabilanaakabwela kuli mwemue.muntonenge nga mwawaminua pantu ndikuya kuli tawe kabili pantu tawe ni mukulu kunkila ²⁹ni evi namyanina mbeela pabisinakitile evi, pabakikakitika mukazumine . ³⁰Nsikilanda nenu twebo twingi kabili ,pantu satanakateeka wa keno kyalo waiza.inzi tali na kantu kuli nene. ³¹Evi bekala kyalo bamane nangue nene nmutonene tawe kabili ndinakita munaalaile na tawe "ale buuke tuye twaya.

¹Nene ndi muzabibu wiine wiine , tawe u mulimi. ²kubalua musambo uli kuli nene usiliwaseekako mazabo aliwauteeta. kabili kubalua musambo uliwaasekako mazabo aliwautyonena,evi useekesie.³Mwemue temusyaswesiiziwe na keebo kanaamyaniine . ⁴ikalilile muli nene,evi ni nene ngikalillile muli mwemue.musambo wa muzabibu kine uli pa bunke teuvinda kusekako mazabo inga sie kiine ukuneeme ku kisinte kya muzabibu . ni mwemue benka kine temwikalilile muli nene temuvinda kuseekako mazabo.⁵Nene ndi muzabibu ,mwemue muli misambo.kubalua muntu ekalilille muli nene ni nene naikalilile muli wene,ozu i aliwaseeka mazabo engi pantu kine nene nsilipo ,tavinda kukita kantu. ⁶Kine muntu tekeelemuli nene aliwapoozua panze kabiuli aliwauma nga musambo .misambo yumine iliyatoolua na bantu ni kuziiziwa . ⁷Kine mwaikalilila muli nene ni twebo twane twaikalilila muli mwemu ,mulikulomba kubalua kantu kamutonene ni mwe mulikupeelua.⁸Ni mukuseekako mazabo i mwaakakindilua tawe.kine mwaasekako mazabo mengi mwaakba mwaali basambi bane. ⁹Nene nmitonene nga vintonenue na tawe. kansi ikalilile mukutona kwane.¹⁰Kine mwanakila mulao wane mwaakaba mwaikalilile mukutona kwane nga evelia nene vinaanakile mulao wakua tawe ni kwikalilila mukutoana kwakue. ¹¹Kinamyanina evi, ni pakuti kuwaminua kwane kuye kwali muli mwemue ni kuwaminua kwenu kuye kwapwililikile.¹²Ozu i mulao wane tonane nga vinmitonene. ¹³Koku i kutona kwine kwine ,muntu kufwila bibuza bwakue .¹⁴Kine mulikuya mwakonka mafunde ane ,mulikuya mwali bibuza byane. ¹⁵Nsikiya namikuuta babombi bane pantu mubombi tezi kumana vilivyakita selenzi.mwemue ndikuya namiikuta bibuza byane ,pangtu bonse binaunvwile kuli tawe nakimyana.¹⁶Te mwemue baasakwile inzi nene i waamisaakwile kabili nene naamitumine muye mwaaseka mazabo ,evi mazabo enu ekalilile mane byonse binakaaba mwamulomba tawe mu liina lyane ,akabe wamipeela. ¹⁷ozu i ,mulao ;tonane¹⁸Kine bekala kyalo bamisuula mane nangue ni nene wenka naansuulilue mwemue lumwaali temunasuule. ¹⁹mubenge mwaali bekala kyalo nga bekala kyalo bamitonene pantu muli bekala kyalo.inzi nene naamisakwile ni kumifumia pakati kabo.keki i kimusuuliilue pantu mwemue temuli bekala kyalo.²⁰Languluke keebo kanaamyanine nangue muzia te mukulu kukila selenzi.ni pakako kiine banghemiizie nene, ni mwemue benka baakamyemia.kine baanakile twebo twane baakanakila ni twebo twenu evelia vyenka. ²¹Baakaba bamikitila bebi byonse pa milandu wa liina lyane kabili pantu tebanmumanine olia antumine. ²²Kabenge nsyaizile ni kulanda nabo nga tebali na bibalo inzi evi tebali na kakubepeela pa bibaloi byabo.²³Muntu ansuulile amusuulile ni tawe, ²⁴Kabenge nsyaakitilepo miilo isinakitwepo na unge muntu nga tebali na bibalo . miilo nindinabomba baimwene inzi nene ni tawe baatusulile . ²⁵Bebi byonse bipalile kukitika evi, byonse bilandilue mu mizilo yabo bifikiliziwe .bilandilue nangue baansulile sie kya mpuni,;²⁶Musita wakeeza mukwasi mweo wa kisinka waakafuma kuli tawe mweo unaakamitumina wene i walanda kisinka palwakua nene. ²⁷Kabili ni mwemue mwaakaba basininkizi bane pantu mwaali pamo ni nene kutula pa mambo.

¹Kinamyanina totu twebo ni pakuti tekuti mukapone mu buzumino . ²Mwemue mwaakumbua mu nghanda ya malombi.inzi musita ulimukwiza bantu baakamwipaya baakaba baizi nangue balimukumubombela leza.³Baakamikiytila evio pantu tebaamumanine tawe ni ne wenka tebanmanine . ⁴Inzi kinamyanina evi, ni pakuti mumane evi, musita wabo paukakumana mukalanguluke nangue naamyanine.nsyaamyanine totu twebo kutula pa mambo pantu naali pamo nenu.⁵Inzi evi naya kuli nolia antumine ni pakati kenu tepali muntu wangipuzia nangue ulikuya pi ? ⁶evi mwaunvua bulanada bukata mu mitima yenu pantu namyana totu twebo. ⁷Inzi nene namyana kisinka nangue kine nene naya, ni lisyuko lyenu pantu kiine nsiile ,mukwasi takamiizila.inzi kine naya naakamitumina.⁸Lwakeeza mukwasi waakabasininkizia bekala kyalo palua bibalo ni palua bulunghami pamo ni palua bupunguzi. ⁹waakabasininkizia palua bibalo pantutebanketekeele . ¹⁰waakabasininkizia palua bulunghami pantu naya kuli tawe ,kabili temukikanmona . ¹¹Waakabasininkizia palua bupinguzi pantu satana kateeka wa keno kyalo tasyapingwilue.¹²Nkili ni ni twebotwingi twa kumyana inzi ono musita temuvinda kumana kindikumyanina. ¹³Inzi musita waakeeza mweo wa kine wene iwaakamilombolamu bbisinka byonse pantu takaba walanda twebo twa kwitungila inzi waakaba walanda twebo taunvwile .kabili waakaba walanda ni bintu byaakeeza. ¹⁴waakanumba pantu waakamyana twebo tuakabuula pa twebo twane .¹⁵Byonse byakua tawe ni byane. ni pakako i kinalandila nangue mweo waakamyana twebo tuakabuula pa twebo twane. ¹⁶musita unini temukanmona .pakapitapo musita unini mwaakanmona kabili."¹⁷Bange pa basambi bakue baipuzyaniize emwe ale walandila ki evi,nangue musita unini temukanmona .pakapitapo musita unini mwaakanmona kabili pantu naya kuli tawe ? ¹⁸Baatwalilile kwiipuzia kulanda nangue musita unini i kulanda syani ?tetumanine kialandila evi,"¹⁹Yesu waamanine nangue balimukukeba kumwipuzia palua bintu biabaana . waabanine mulimukwipuzyania nangue walandila nangue kanmona kabili ? ²⁰Namyana kisinka nangue mwaakalila ni kuloosia inzi bekala kyalo baakamwaminua. mwemue mwaakaba ni bulanda inzi bulanda bwenu bwaakaluuka nsansa.. ²¹Mwanakazi pakuvyala aliwaaluka ni bulanda pantu musita wakue wapalama inzi wasyavyele mwana aliwalaba misa yonse,aliwaaminua pantu muntu wavyalua mu kyalo.²²Ono musita mwemue muli ni bulanda inzi naakeza kumimona kabili evi mitima yenu ikawaminue sana kabili tekuli muntu waakamipoka nsansa yenu . ²³Bobo busiku temukangipuzia kantu.namyana kisinka nangue byonse bimwaakaba mwamulomba tawe mu liina lyane ,waakaba wamipeela. ²⁴kutulalolompaka lelo temunalombe kantu mu liinalyane. lombe mulikupeelua evi, kuwaminua kwenu kuye kwapwililikile.²⁵Naali namyanina mu bipalo inzi musita waakeza nsikamyanina kabili mu bipalo naakaba nalanda twebo twakua tawe pasili bipalo.²⁶Kutula bobo busiku mwaakaba mwalomba mu liina lyane.Nsilimukulanda nangue naakaba namilombela kuli tawe . ²⁷Pantu tawe mwine amitonene.amitonene pantu muntonene, kabili pantu mwitabile nangue naafumine kuli leza. ²⁸lunaafumine kuli tawe naizile mono mu kyalo kabili nakaba kubwelelamo kuli tawe."²⁹Basambi bakue baamanine evi i viwalanda twebo twaunvwilkile pasili kulandila mu bipalo. ³⁰kabili i vitwasininkizia nangue ni kiine umanine byonse ,kabili wewe teuli wakwipuziiwa na muntu .i vitwasininkizia nangue ufumine kuli leza. ³¹yesu waabeepuziizie,eba i vimwasininkizia ?³²Musita ulimukwiza kabili teusyaizile musita umulikusalanghaniwa kubalua muntu abutukile kwakue bunke.mulikunsia bunke inzi siya nali bunke pantu tawe ali pamo ni nene. ³³kinamyanina evi, ni pakuti muye mwali ni mutende wane.mono mu kyalo mwaakamonamo lyemo inzi tekukatooboke mu mitima yenu pantu nene naanzia kyalo !

¹Yesu luapwile kulanda evio, wakenta mwiulu walanda we tawe musita wakumana lumba mwana obe evi ni ye akulumbe, ²pantu waamupeele buvinde pa bantu bonse,kuti ni ye abapeele bukose bwa muyayayaa balia bonse baawamupeele.³Bukose bwa muyayaya ni bobu; kukumana wewe bunke leza wa kiine ni yesu kristu uwaatumine. ⁴nakikulumba mu kyalo kabili miilo ya kubomba iwanmpeele nakiboomba. ⁵we tawe ale numbe nga evelia vinaali ni bulumba lunaali nakili pamo nobe kyalo lukyaali tekinalengue.⁶Bantu bawampeele pa kyalo nawababwilile liina lyobe .baali bali bobe kabili wanmpele ni bo baanakile keebo kobe , ⁷Ni evi, bamanine nangue byonse biwanmpele byaafumine kuli wewe. ⁸pantu naabapeele twebo tuwanmpeele ni bo baatupokelele kabili bamanine kisinka nangue naafumine kiuli wewe kabili betabiile nangue wewe i antumine.⁹Naabalombela .nsilimukulombela bekala kyalo inzi ndimukulombela sie balia bawanmpeele pantu i bobe. ¹⁰bonse bane ni bobe kabili bonse bobe ni bane.i kindinalumbilua muli bene. ¹¹Nene nsikiikalilila mu kyalo inzi bene bakilimu kyalo nene naiza kuli wewe. we tawe muzuuke nalomba ubalabukile na maka a liina lyobe liwanmpeele evi baye baali umo nga fwefue vituli umo.¹²Musita unaali pamo nabo naabalabukile na maka a liina lyobe .bonse bawanmpeele naabasungile ni pakati kabo,tepazeezele ata umo inga sie olia waali wapalile kuzeeza pakuti malembo afikiliziwe . ¹³ni evi, ndimukwiza kuli wewekinalandila evi lunkili pano pa kyalo ni pa mulandu wa kuwaminua kwane kuye kwaali mukati mwabo. ¹⁴Pantu naabapeele keebo kobe i kibaakendelue na bekala kyalo nga evelia nene wenka nsili mwikala kyalo.¹⁵Nsikulombele ubafumine pa kylo inzi nakulomba ubalabukile ku olia mubi. ¹⁶Bene te bekala kyalo ni nene wenka nsili mwikala kyalo. ¹⁷baswesie na kiine kyobe .keebo kobe i kiine.¹⁸Nga evelia viwantumine mu kyaloni nene wenka nabatumamu kyalo. ¹⁹naipeela ni onse kuli wewe pa mulandu wabo evi ni bene baye baipeele kuli wewe.²⁰Nsilimukulombela sie bene bunke inzi ndimukulombela ni balia bonse bakaba kukentekela kupitila mu ytwebotwabo ²¹inzi evi,bonze baye bali umo nga evelia vituli.nene ndi muli wewe,kabili wewe uli mulinene .nalomba ni bene baye baali umo muli fwefue evi kyalo kiinike nangue wewe i antyumine²²Naabapeele bulumba buwanmpeele evi baye bali umo nga vituli umo. ²³nene muli bene ni wewe muli nene pakuti baye bapwililikile mu buumo evi bekala kyalo benike nangue wewe i antumine kabili banike nangue ubatonene nga evelia viuntonene.²⁴We tawe ntonene palia pandi ni balia bawanmpeele bakabe balipo evi bukamone bulumbna bwane buwaanmpeele pantu wantonene kyalo lukyaali tekinabeko.²⁵We tawe mulunghami bekala kyalotebakumanine inzi nene nkumanine baba ni bo bamanine nangue wewe i wantumine . ²⁶naababwilile liina lyobe kabilinaakatwalila kubabwila evi kolia kuntoana kuwantonene kuye kwali mukati mwabo kabili nene ngie nali muli bene."

¹Yesu luapwile kulomba waile ku bwala lulambe lwa kidroni kwaali bukaba .mu bobo bukaba i mwaile yesu pamo ni basambi bakue . ²yuda olia wamupeene waali waamanineko pantu yesu ni basambi bakue i kubaali balonghanina. ³kupwako yuda waatwama balukale ba kiroma waya nabo pamo ni bakalinda bamo ba nghanda yakua leza babo baatumine na makolo a babitambua ni bafarizeo . waile nabo lya koko kwenka .baali batweme matala ni myenge pamo ni bilwilo.⁴Inzi pantu yesu waali wamanine mbeela byonse baakamukitikila waabapalamiine ni kubaana ati mulimukubeka ni ? ⁵Bamwasukile tulimukukeba yesu wa kunazareti yesu waabanine ni nene."ozo musita yuda olia wampeele waali waimeene pamo nabo.⁶Yesu lualandile sie nangue i nene baabwelele kinfwefue ni kupponena pansi. ⁷kabili waabapezuuzie ati mulimujkukeba ni ?baalandile."tulimukukeba yesu wa kunazareti."⁸Yesu waabanine namyana sie leenu nanvgue i nene ,kansi kine i nene umwakeba ,baleke bana baye." ⁹kialandile evi ni pakuti malembo afikiliziwe alandile nangue"we tawe nsyaazeeziiziepo ata umo pa balia bawanmpeele.¹⁰Simoni petro waali watwemeni kipanga .kupwako wasomona kale ni kukomapo mubombi umo wakua kitambua mukulu ni kumusempa kutui kwa kulio.ozo mubombi waali wakutua malko. ¹¹yesu waamwanine petro.bwezia kipanga kyobe mu kitubo.ale ndikukaamina ki lyemo linaapeelue na tawe.?¹²Kupwako babo balukale ni mukulu wabo pamo ni balindi ba kiyuda bamukwata yesu ni kumukaka. ¹³baamutwelenke kuli ana waali sevyala wakua kaifa.kaifa waali wali kitambua mukulu ozo mwaka. ¹⁴Ozu kaifa i olia waabasokele bayuda nangue muntu umo apalile kufwila bantu bonse.¹⁵Simoni petro pamo ni musambi unge baali bamukonkele yesu.inzi pantu ozo musambi waali waamaninue na kitambua mukulu waingile pamo ni yesu musolo wakua kitambua mukulu. ¹⁶petro wene wasyele waimeene panze pepi ni mulyango.olia unge musambi waali wamaninue na kitambua mukuluwaafumiine ni panze ni kuya kumwana olia mwanakazi mulindi wa pa mulyango amwingizie petro.¹⁷Ozo mwanakazi mulindi wa pa mulyango,waamwipuuziizie petro,"ati ni wewe uli umo wa pa basambi bakua ozo muntu ?waamwasukile ati te nene !" ¹⁸Bakalinda pamo ni babombi baali bakoziize ni mulilo wa mafito pantu kwaali kasama. baba bantu baali baimeene baonta mulilo.petro ni ye waali waimeene pamo nabo walimukwitutumuna.¹⁹Kitambua mukulu waali wamwipuzia yesu palua basambi bakue ni palua masambilizio akue. ²⁰yesu waamwasukile naali nalanda pa menso a bantu bonse,naali nasambilizia sie lyonse mu nghanda ya malombi ni mu nghanda yakua leza mwaali mwalonghania bayuda bonse kabili nsyalandile kantu mu kafiso. ²¹ulimukungipuziizia ipuzia balia baali basanguapo pantu bene i bamanine vinaali nalanda."²²Yesu luandikile sie evio,lukale umo waali waimeene pepi ni kiloolo waamuumine yesu lupi pa menso ni kulanda ,"i vyakwasuka kitambua mukulu evio, ²³Yesu waamwanine ale nsyute kine naluvyanga mukulanda kwane ,nmbwile kilubo kyane.kine nsiluvizie ale wanghumina ki ? ²⁴Kupwako ana wamutwala wakakilue evelia vyenka kuli kaifa kitambua mukulu.²⁵Simoni petro waali waimeene walimukwitutumuna. baabwipuziizie ,"ewe wewe uli umo wa pa basambi bakue ?waakene walanda ata te nene." ²⁶umo wa pa babombi bakua kitambua mukulu ozo waali lupua lwakua olia wasempwilue kutui na petro waamwipuziizie "ewe te wewe unamonanga ku bukaba wali pamo nakue ? ²⁷Kabili petro waakene.kupwako penkapapo ni kazenze kabika.²⁸Lubaamufumiizie yesu kuli kaifa ,baamutwele ku nghanda yakua ndabukizi muroma.ozo musita kwaali kwasyali kumakia inzi bayuda bene tebaingilemo mu nghanda yakua ndabbukizi mu roma bakeeza kwingila mu kilubo.evi bakalie bwino bilio bya nsikunkulu ya pasaka. ²⁹pilato waafumine panze pa baali ni kuya kubaapuzia ati ozu muntu waluvia ki pakuti mwize mumusongele ? ³⁰Baamwasukile ozu muntu ,kabenge tekuba waali na bilubo,nga tetumuleetele kuli wewe."³¹Kupwako pilato i kwenka kbaana sie nangue ale mutwame mwe bene,mumupingule kukonkana ni mizilo yenu.'baamwanine fwefue tetuli na nsambu ya kwipaya muntu ." ³²Bebi byaakitikile sie pakuti bafikilizie keebo kaalandilue na yesu musita ualiwababwila nfua iali waakafwilamo.³³Pilato waabwelele mu nghanda yakue wamukuuta yesu ni kumwipuzia "ati wewe uli likoolo lya bayuda ?' ³⁴Yesu waamwapuuzizie eba walanda bya mu maano obe ao kuli ni bantu baakubwilanga palwakua nene ? ³⁵Pilato waasukile eba umwene nene naali muyuda ? ntundu yobe pamo ni makolo a babitambua i bakuleetanga kuli nene.eba wakikita ki ?"³⁶Yesu waamwasukile 'bukolo bwane te bwa pano pa kyalo bubenge bwa pano pa kyalo bantu bane nga bakindwisiizia tekuti nmpaanue ku bayuda.inzi evi bukolo bwane tye bwa pano pa kyalo . ³⁷Pilato waamwapuziizie eba kansi uli likolo ?yesu waamwasukile ee ulininsambu ya kulanda nangue ndi likolo.naavyelue kabili naizile mono mu kyalo kuti ndeete busininkizio bwa kisinka. kubalua muntu alimu kisinka ,aliwaunvua lizui lyane."³⁸Pilato waamwapuuziizie ,"ale kisinka i kiki ?pilato luapwile evio waafumine kabili panze ni kubaananangue mu ozu muntu nsimwenemo mulandu wa kumutaninapo nsambu. ³⁹Inzi kukonkana ni mibeele yenu yakuti nene ngie namika kwila muntu umo busiku bwq nsikunkulu ya pasaka,namiipuzia evi,mutonene nmikakwile likolo lya bayuda ?" ⁴⁰Baazanzwile mazui balanda ozo abe fwefue tutoneneutukakwile baraka."ozo baraka waali wali mupoti.

¹Penka papo pilato wabaana kale babukale bamusepule yesu na misepe . ²Balukale baalemene nghana ya myungamyunga bamuvwika ku mutue ni kumuvwika likoti lyakasi. ³Baile kumupalamina bamwana ,"mwapola we likolo lya bayuda "baamuumamo ni mapi.⁴Kabili pilato waafumine panze waabana mone namuleeta kabili kuli mwemue evi mumane nangue mu ozo muntu nsimwenemo mulanduwa kumutaninapo nsambu " ⁵kupwako yesu waafumina panze wavwele nghana ya myungamyunga ni likooti lyakasi.pilato waabanine ,mone muntu ozu! ⁶makolo a babitambua pamo ni biloolo byabo lubamumwene baasamwine balaqnda ,"akonkomenue ,akonkomenue!"inzi pilato waabanine mutwame mwe bene muye mumukonkomene pantu mu ozu muntu nsimwenemo mulandu wa kumutaninapo nsambu."⁷Bayuda baamwanine fwefue tuli ni mizilo .kukonkana ni ezi mizilo ,ozu muntu apalile kufua,pantu waalandile nangue wene ni mwina leza." ⁸Pilato luaunvwile evio, kwenka kukila sie kutiina. ⁹Pilato waabweleele mu nghanda wamwipuzia yesu nangue ,ufumine pi ?inzi yesu taamwasukile kantu.¹⁰Pilato waamwanine 'eba ale viusikliwangusuka ?tewizi nangue ndi ni buvinde bwa kukukonkomena kabili nangue ndi ni buvinde bwa kukukakula ?" ¹¹Yesu waamwasukile "teuvinda kuya wali ni buvinde pali nene kine teupeelue na leza .ni pakako olia waandetele mu maboke obe ali ni kilubo kikata kukila wewe."¹²Kutula papo pilato waali wasyekeba kumukakula .inzi bayuda baazanzwile mazui balanda ,"kine wamukakula sie ozu muntu we teukia waali kibuza wakua kaizari.kubalua muntu aliwaialula likoloaliwamukaana kaizari!~" ¹³Pilato luaunvwile evio, waamufimiizie yesu panz kupwako pilato waikala pa kitebe kya bupinguzi,papo paali pakutua nangue musolo wa mabue .inzi mu kiebrania paali pakutua "Gabata".¹⁴Busiku bwa kulaalila nsikunkulu ya pasaka ,luyaali yasyakumana nsita likumi na ibili,pilato waabanine bayuda "likolo wenu ozu!" ¹⁵Inzi bene baazanzwile mazui balanda ,"Epawe !Epawe!akonkomenue !pilato waabeepuuziizie nene kuti nakonkomena likolo lyenu ? makolo a babitambua aamwaasukile ,fwefue tetuli na linge likoloinga sie kaizaria . ¹⁶Pa mpelezio pilato wabapeele yesu kuti bamukonkomene.¹⁷Yesu waafumine watweme musalaba wakue ni kuya ku kifuka kyaali kyaakuutua nangbue ,"kabongozio."mu kiebrania kekio kifuka kyaali kyaakuutua "Golgota" ¹⁸koko i kubaamukonkomeene pamo ni bange babili.umo kulio ni unge kuso, yesu wali pabukata .¹⁹Pilato waalembele kamanino ni kukalamika peulu musalaba .kaali kalembelue evi ;YESU WA KU NAZARETI LIKOLO LYA BAYUDA. ²⁰Bayuda bengi baabelengelepo pantu pa kekio kifuka kyaakonkomenuepo yesu pa musalaba ,paali pali sie pepi ni muzi .kako kamanino kaali kalembelue mu ndimi itatu .mu kiebrania ni mu kilatini ni mu kigriki.²¹Makolo a babitambua ba bayuda baamwanine pilato "tekule,mba nangue likolo lya bayuda ,inzi lemba evi,waalandile ye mwine nangue ,nene ndi likolo lya bayuda ;" ²²Pilato waabasukile ,"munakilembela i mwenka ."²³Baalukale lubaamukonkemene yesu ,baabulile ngubo yakue ni kukasania pana, kubalua lukale pa balukale bana waamulilepo , kabili baabulile ni nkanzu yakue isyaani na masono. ²⁴Baalandile evi, emwe tekuti tukaatene ezi nkanzu inzi tuteye sie bubale tumone kine ilikutapuya nani.leli lyafumizie ni kokoku basambuzi wangwan ngubo yakue yesuu ni nene tawe wamwine ni kufyalalue ngubo ya ni kuli tyonene.²⁵yesu luamwene nghina baimeene ni masambi luali watoneesie waamwanine nghina we mwanakazi kutula lelo ozu i mwana obe. ²⁶pepi niu musalaba wakua yesu paali paimeene nghina ni nkaziizie kwa nghina maraia muana kleopa ni maria magdalena . ²⁷Kabili waamwanine musambi kutula lelo ozu i noko penka papo ozo musambi wamutwama maria nghina kwa yesu waya nakue ku nghanda yakue.kabili waamwnine musambi lelo mari magdalena kenta ozu ni mwnankazi afumine waya ku nghahnda yakue²⁸Kabili pantu yesu waali waamwanine nangue byonse byapua waalandile nangue nafua kyaka waalandile evi,pakuti malembo afikiliziwe. ²⁹Palia ni lweso lwaali lwaizuzimo siki.balukale baatumiiziemo lifwafua batunga ku kamuti ka isopo baamusumbwila pa milomo. ³⁰yesu luatompeleko waalandile evi, byonse byapua kupwako wakobola mutue wafua.³¹Bayuda baamulombele pilato kuti abapeele nsambu ya kuya kutgyona maulu a bantu baakonkomeene pa misalaba ni musambo ya kuya kusaamuna mibili yabo .baalombele kuti bakite evio, pangtu bwaali busiku bwa kuteania sabata.tekyaali kyaapalile mibili isyalilille p musalaba busiku bwa sabata pantu bobo busiku bwaali bwakinde kilue. ³²balukale baile ktyona maulu a bantu baali baakonkomeene pamo ni yesu pa musalaba . baatyonene maulu a wa mambo ni maulu a wali bubili. ³³lubaafikile pali yesu baamusangile wasyafwile .ni pakqko tebaamutyonene maulu.³⁴Inzi lukale umo waamutunkile yesu mukuki pa lubali penka papo mulopa ni menda byaafuma . ³⁵Olia muntu waamwene bintu byaakitikile i wasininkizizie kabili busininkizio bwakue bwaali bwa kisinka .ni pakako waasininkiziizie nangue biali mukulanda te bya bufi evi ni mwemue muzuumine .³⁶Pantu bebii byonse byaakitikile kuti malembo afikiliziwe nangue pa bikuza byakue tepali kikuza kyaakatyonua . ³⁷Kabili mu ange malembo mulembelue nangue baakamukentesia olia ubaatunkile."³⁸Kupwako yusufu wa ku arimatea ozo waali musambi wa mu kafiso wakua yesu ppantu waali watiana bayuda ,walomba nsambu kuli pilato kuti atweme mubili wakua yesu.pilatio waamwitabile .kupwako yusufu waya kutwama mubili wakua yesu. ³⁹nikodemu olia wilenke kuli tele mafuta engi abanga miila ni kizime.azo mafuta abanga afinine kilo 30 .⁴⁰Baba babili baatweme mubili wakua yesu baupambilila mu nghubo ya kitani ni kuunsansila mafuta a munu nga mwaali mwakitila mwayuda ntazi ya kua kuziika . ⁴¹pepi ni palia paakonkomene yesu paali ni bukaba.mu bobo bukaba mwaali ni kilibu kya lenu kisinaziikuemo muntu . ⁴²Momo , i mubaabiikile mubili wakua yesu pantu bwaali busiku bwakuteania sabata. kekio kilibu kyaali kyali sie pepi.

¹Busiku bwa kileza ku makia pakiifiitile ,maria magdalena waile ku mankabuli ,luafikile waasangile libue lyaafumiiziwe pa kilibu. ²Waabweleelemolubilo waya kuli simoni petro ni musambi unge waali watonesiwe na yesu .waabanine mulopue bakimufumiamo mu kilibu.evi tetumanine kine bakimubiika pi !³Penka papo petro ni olia musambi unge bafuma kale ni kubamba kuya ku mankabuli . ⁴bonse babili baile bakundukile inzi olia musambi unge wene waakundukisie kukila petro ni kuya kufiika wa mambo ku mankabuli . ⁵Luakonteele ninkusunikila mu kilibu waamwenemo sie kiiviimbo bya kitani kyabiikilue .inzi wene taingiilemo .⁶Simoni petro waali wamukonkele pa kyamba wene waafikile sie ni kwingila mu kilibu .ni ye waamwenemo sie kiviimbo kya kitani kyabiikilue . ⁷Inzi ngubo yaali yavimbilue ku mutue wakua yesu yene teyaali yaabikilue pamo ni kelia kiviimbo kya kitani,yene yaali yapetelue ni kubiikua pambali pa bunke .⁸Olia musambi waafikile wa mambo ninyew i luaingilemo luamwene eviowaazumine . ⁹tebaali bainike malembo alandile nangue yesu mpaka akatuntumuke. ¹⁰kupwako balia basamba babili babwela ku muzi kwabo.¹¹Maria waali waimeene sie panze pa kilibu walimukulila ,lualiwalimukulila waafwineeme ni kusunikila mu kilibu. ¹²Waamwenepo bamalaika babili banvwele ngubo yasue baikeele palia paali pa biikilue mubili wakua yesu. umo waikeele ku mitue , ni unge waikeele ku ntambalilo. ¹³Baamwipuziizie "we mwanakazi ulimukulila ki ?waabasukile "ndimukulila pantu bakimufumiamo mulopue wane kabili nsimanine kubakimubiika."¹⁴Luali wakilanda sie evio, wapilibuka kale wamumona yesu waimeene .inzi tainikile nangue ni yesu . ¹⁵Yesu waamwipuziizie 'we mwanakazi ulimukulila ki ?kabili ulimukukeba ni ?wene waali wamanine nangue kisinka alimukwipuziiziwa na mulimi wa mu bukaba .waamwasukile ewe kine wewe !i wakimutwama nmbwile kuwakimubiika evi ngie mutwame,"¹⁶Yesu waalandile maria ! maria waamupilibukiile wamwana mu kiebrania 'Rabon" i kulanda nangue kasambilizia. ¹⁷Yesu waamwanine tekunkwata pantu nsinasele kuli tawe.inzi endo ubaane bakwane nangue nasela kuli tawe ni sinue ,nasela kuli leza wane ni leza wenu ." ¹⁸Maria magdalena waile kubabwilako basambi nangue waamumwene mulopue kabili waabanine byonse biaunvwile kuli mulopue.¹⁹Bwenka bobo busiku bwa kileza kyungulo basambi bakue baali baikeele mu nghanda baikikilile pantu baali batiina bayuda . yesu waile kwimana pabukata bwabo.waabanine evi, mutende ube nenu ! ²⁰Luabnine evio, waabalangisiizie mu minue yakue ,ni pa lubaali .basambi baamwamiinue sana lubaamumwene mulopue .²¹Kabili yesu waabanine "be ni mutende nga evelia vinaatumiine na tawe ni nene wenka namituma ." ²²Luapwile kulanda evio, waabapuuzile walanda pokelel mweo muzuuke. ²³Bonse baamwakeelela bibalo byabo, baakeeleelua ,inzi bonse baamwakakaamina kweleela bibalo,tebakeeleelua."²⁴Toma waali wakuutua mpundu umo wa pa balia likumi na babili taali walimo musita waizile yesu. ²⁵Basambi bange i baamubwilileko sie nangue ,"twamumonanga mulopue!" toma waabanine nangue kine nene nsinamone mikovu ya nsunga mu minue yakue ,kabili kine nsinansinikemo munue wane mu mikovu ni kubiika kuboko kwane pa lubaali lwakue nsikazumina."²⁶lupaapitile nsiku mwanda ,basambi bakua yesu kabili baakolongheenemu nghanda ni kwikikiliola .lolo twebo toma ni ye waali walimo. yesu waizile kwimana pabukata.waalandile ,mutende ube nenu; ²⁷Kabili waamwanine toma palamika pano kuboko kobe biika mu lubali lwane .lekela kutwisika . zumina !²⁸toma waamwasukile we mulopue wane ,leza wane ! ²⁹Yesu waamwanine "wazumina sie pantu wanmona .balia balia baliba zumina tekuba bamwene ,basyukile!"³⁰Kabili yesu waakitile ni tunge tupapo twingi pa basambi bakue tusilembelue mu keki kitabu . ³¹inzi bebi kibyaalembelue ni pakuti muzumine nangue yesu i kristumwina leza . kabili mukuzumina kwenu muye mwali ni bukose muli wene.

¹Bebio byonse lubyaapwile yesu wailangisie kabili ku basambi bakue mumbali kiziba kya tiberia .waamonekele evi , ²simoni petro ni toma aliwakuutua mpundu ni natanaeli wa kua kana ya galilaya ni baana bakua zebedeoni bange babili ba pa basambi bakua yesu. baba bonse baali bali sie pamo . ³Simoni petro waabanine, ne naya mukulomba ."bange baamwanine,tulikuya sie bonse ,baile kwingila mu bwato inzi bobo busiku musita wa busiku , tebaalobele kantu.⁴NI lukele lwakue bwasyakiile baamumwene yesu waimeene mumbali kiziba ,inzi basambi tebaali bainikile nangue ni yesu. ⁵yesu waabepuziizie ,"mwe balumendo temulobele masambi / baamwasukile ata ! ⁶Waabanine ale poozele bukila ku kulio kwa bwato mulobe masabi."lubaapoozele bukila baalandilue kukula pantu mwaali basambi engi.⁷Musambi waali waatonesiwe na yesu waamwanine petro, we petro ozu ni mulopue !simoni petro luaunvwile nangue ni mulopue wabuuka kale ngubo wavwala (pantu taali wavwele ).kupwako waipooza pa menda . ⁸Basambi bange baizile lwa bwato balimukukula bukila bwaali bwaizuzimo masabi.tyepaali paleepeesie inzi paali paleepele sie metre 90 . ⁹Lubaile kusiika kunze ni kupatuka baamwene bazekezeke a mulilo pa apikilue masabi ni mikate .¹⁰Yesu waabanine leetepo amo pa azo amwaloba.' ¹¹Simoni petro wapatama kale mu bwato ni kufumia bukila bwaali bwalimo masabi 153 akatanke.anzia kine aali avulile evio;bukila tebwaakitikile .¹²Yesu waabanine "ize mulie kabili pa babo basambi tepali waamwipuuziizie nangue "uli ni ?pantu bali basyama nine nangue ni mulopue . ¹³Kupwako yesu wapalama wabuula mikate ni masambi wabapeela. ¹⁴Lolu i lwaali lwendo lwa butatu lwaamwenue yesu na basambi bakue luabanga wasyatuntumukile.¹⁵Lubaapwile kulia yesu waamwapuziizie simoni petro ,ati simoni mwina yon untonene kukila baba?petro wamwasukile nangue Ee un,manine sie nangue nkutonene."yesu waamwanine "sunga bena mikooko bane. ¹⁶Kabili yesu waamwapuuziizie lya bubili nangue "we simoni mwina yona ,untonene ?petro waamwanine 'Ee umanine sie nangue nkutonene.' yesu waamwanine 'sunga mikooko yane ."¹⁷Yesu waamwapuziizie ni lya butatu nangue we simoni mwina yona untonene ?Petro waafituliwe pantu waamwipuuzizie niu lya butatu nangue untonene ? petro waamwanine we mulopue wewe unmanine byonse umanine nangue nkutonene !"yeu waamwanine sunga mikooko yane. ¹⁸nakwana kisinka nague musita u waalimulumendo waali wavyala misipi obe ni kuya konse kuwaali watona kuya.inzi lukaaba wasyakotele wakaba wasyaolola sie maboko ni kunvwikua musipi na unge ,kabili wakaba watwalua kussiitonene kuya .¹⁹Yesu kialandile evi.waalangisiizie musango waakafwilamo petro ni vyaali waakamulumba leza .luapwile kulanda evio,waamwine ,'nkonke !²⁰Petro luabukile waamumwene olia musambi waali watonenue na yesu wamukonkele .ozo musambi i olia wenka waali wailikiizie pa nkulo yakua yesu musita ubaali balimukulia bilio bya kyungulo ni kulanda nangue we mulopue nani wakaba kukupaana ? ²¹Petro luamumwene waamwipuuzizie yesu we mulopue zle ozu muntu wene kyaakaba syani ?²²Yesu waamwasukile kine nene natona ozu ekalilile mpaka pankaba kwiza wewe te mulandu obe ! we nkonke sie ! ²³Keki i kyaalengele ezi mpunda ya kwana nangue yoane takafua ikumane ku bakristu bonse . yesu taalandile nangue takaba kufua.inzi waalandile evi,kine nene natoanaozu ekalilile mpaka pankaba kwiza wewe te mulandu obe !²⁴Ozu i olia musambi aliwasininkizia bbi bintu ,kabili i waabilembele.kabili tumanine nangue busininkizio bwakue ni bwa kisinka. ²⁵yesu waakitile ni binge bintu bingi .bilembwenge kimo kimo.mukumona kwane ,pange ni nkendo ya kubiikapo bitatu byonse byaasiile nga yaabulile mu kyalo kyonse.