¹Livlu di zelason di Klistu Jizu, Mína di Davi, Miná di Ablón. ²Ablon foi di Isaqui; Isaqui, fô pé di Jakó, Jakó pé di Zudá ku inem manu Dê. ³Zuda fô pé di fares zará, zéladu ku tamâr, farês fô pé esron; esron fô pé di Aron.⁴Arón fô pé di aminadabê; aminadabê pé di Nason; Nason, pé di salmon; ⁵Salmon fô pé di Bóas, zeladu ku raabe e Boas; Boas, pé di Obedi. Zeladu ku Ruti; Obedi pé di Jessé; ⁶Jessé fô pé di alê Davi. Davi fô pé di salumon, Zeladu ku mwala di Urias,⁷Salumon fô pé di raboão. Rabõaõ pé di Abias, Abias pé di Aza. ⁸Aza pé di Jozafá, Jozafá fô pé di Jorão, Jorão fô donu di Ozias.⁹Ozias fô pé di Jatão, Jatão pé di Akas, Akás pé di Izequias: ¹⁰Izéquias fô pé di Manassés: Manassés, pé di Amón, pé di Josias: ¹¹Josias fô Donu di Jekonias ku inen Manu de, ni tempu di plizon ni Babilônia.¹²Olá a xê ni plizon ni babilônia jekonias fô pé di Salatiel, Salatiel, fô donu di Zarobabel: ¹³Zarobabel, fô pé di Abiudé: Abiudé fô pé di Eliaquim: Eliaquim, pé di Azor: ¹⁴Azor, fô pé di Sadoque, Sadoqué, pé di Aquim, pé di Aliúdi;¹⁵Eliúdi fô pé Éliezar; Éliezar pé di Matã; Matã, pé di Jako; ¹⁶Jakó fô pé di José, Óme di Maria, Ku pali, Jizu, Isê ku sá samadu Klistu. ¹⁷Tudu zelason: Di ablon antê Davi, Sá Katorzê zelason: ni Plízon di Babilónia antê Klistu, Sá Katorzê Zelâson.¹⁸Naximentu di Klistu Jizu fô axén: Maria, mén dê, tava noiva de Jozé, sê pa inen ta zuntadu ni kasamentu, E bê ku ê sa ku bega plô suplitu Santu. ¹⁹José omé dê, Tava sa uã Justu, é na tá ka mesê fê vlégónha û masangê fá, ê disidi kaba nóivadu dê sê pla niuã ngê sebê.²⁰Anton olá ê ta ka pensa ninen kwa sé, uã anzu di Sum plasê dé ni uwã Sonhu, Flá: "José, mina di Davi, na mendu lêsêbê Mariaa mó mwala bô fá, Pundá kwá ku ku ê ka bi pali, sá dadu plô suplitu Santu. ²¹Ê ka bi pali uwã mina, bô ka bi samé di Jizu, Punda ê ska bi stlava povô di pekadu dinen."²²Tudu kwa sé dá pla ê pô kumpli kwaxi ku Sum flá pô mê di ploféta:" ²³Punda uwã virjem ka bi klaga bega bi, Pali ûwã mina, a ka bi samé Émanuel, ku sá Dêsu ku Non"²⁴José koda di sónó dé, ê fé mó anzu di Sum tava flá kué ê lêsêbê kuma mwala dê. ²⁵Anton ê na bulí ku ê fá, anté ku ê pali ûwã mina, I ê dé nami di Jizu

¹Olá Jizu nanse, ni Belén di Judeia, ni tempu sala di alê Hêrodes, inen sêbêdô di Olientxi inen Xiga Jeruzalén, kiê ká flá: " ²Isé ku nanse, ânji ê sa né, Alê dinen Zudê? Non bê stléla dê ni olientxi non bi adóré" ³Olá alê Herodes tendê kwa sé, ê tlubula, tudu Zeruzalen têmbetê.⁴Herôdes zunta tudu inen xefi dinen saserdotxi, inen mesé di povô punta: "Anji klistu ka ba nanse nê?" ⁵Inén flá:"Ni bélém di Judeia, punda ê sá xklêvidu plô plofeta; ⁶bô belém ni tela di zudá, ê na sa maxi txoko ni ômê dinen poson plixizu dí zuda fá, Punda di bô uwã kia skabi ku ka ba kia pôvô mu di Islaeli!"⁷Anton herodes sama inen sebêdô u stlékédu pá, punta inen kê olá ku stléla plasê dá inén, ⁸so kû manda inen ba Bélem, fada inen: "Bê koló anzu ku sustensu. Ola a ka bêlê, fada mú, pan pô bá adoré!"⁹Só só só ola inen tendê kwa alê flá inen bé. Anton stléla ku inen ta ka bê ni olientxi ê bé ku inên antê ku ê munja ni luké ku anzu tava nê, ¹⁰Olaxi ku inen bê stlêla, inen gôgô lumadu.¹¹Inem lentla ké, inen bê anzu ku Maria, mén dê, inen dá dizê adóré. Inen bili txigólô dinen dí plezéntxi: ôlô, insênsu, mira. ¹²Soku Dêsu fadinen ni sonhu pa inen na ba lêlê Herodes fá, anton inen bila ba plopi tela dinen ni ôtlô stlada.¹³Axén ku inen bé, uwã anzu plasê zózé ni sonhu flá: "Lanta, té anzu ku men dê, fuji ba Ijitu. tá nala antê kun ga fla bô, punda Herodes ska bi goló anzu pê pô mata" ¹⁴Ni notxí sé, Jozé lanta, pega anzu ku mén dê xê ba Egito. ¹⁵E ta nala antê motxi di Herodes. Isé Kumpli kwa ku sun flá plô mê di Plofeta:" Ni egito û sáma mina mú"¹⁶Anton olá Herodes, bé ku inen sêbêdô ngané ê fika ku leva. Ê manda mata tudu inen anzu di dôsu anu ba basu. Ku tava ni belén ku tudú janga janga, mó inen sêbêdô ta fáde.¹⁷Anton kwa ku fô fadu plô ploféta Jeremia Kumpli: ¹⁸"Uwã glita di dôlô nglanji ku zemé ku atendê ni Ramá, tava sa Raquieli ku sola da inen mina dê, ê kuji di sa konsoladu, Punda inen na bila sen maxi fá.¹⁹Olaxi ku Herodes môlê, anton uwã anzudi sun plasê ni uwã sonhu da Jósé ni Egito flá: " ²⁰Lanta tê anzu ô pega anzu ku mén dê bá téla di Islaeli, Punda inensé ku tenta di txila anzu vida, inen sa motxi!" ²¹José Lanta, â pega tê anzu ku mén dê, bé ba téla di Israeli.²²Anton, óla ê têndê ku Arquelau tava ka manda ni judeia, ni luké di pé dê Herodes, ê fika ku uã sonhu. ²³Ê xê ba Galileia, ê ba vivê ni uã pason samadu Nazaré, kwa ku inen plofeta flá kumpli, ku ê ka bi sama Nazarenu

¹Ninen djá sé, zon batista plasê ka plega ni disertu di judeia. Ka fla: " ²Sela nansê lêpendê punda govenu dosé sa petu!" ³Punda isé sa ixi ku plofeta isais flá: fala ku ka klama ni disertu: peivini slada di Sum, fé stlada Sun ben fédu.⁴Zon tava ka bixi lôpa di peli kamelu ku úwa xintu di peli ê, tava ka kumé gafánhôtu ku melé di kampu. ⁵Anton Jêrusalén, tudu judeia, ku tudu flêkejá petu di yô zudon tava ka bá lêlê: ⁶"inen fô butxizadu plô zon ni yô jurdán, ka konfessa pekadu dinen.⁷Ôla ê bê yô dinen falizeu ku inen saduseus, ku ta ka bi lêlê pinen sa butxizadu, ê fadinen" lása di kobló gêngê da nansê konsê di fuji leva ku ska bi? ⁸Da flutu ku sa di lêpendimentu. ⁹Na pensa kuma nânsê ka flá: Nón tê ablon mó pé non! punda uga flá nansê ku Dêsu ka pô fé di budu sé uwa mina da ablon"¹⁰A fé mansadu ni léji pó zá. tudu pó ku na ka dá bon kumé fá sá kótadu zugadu ni fôgô. ¹¹ûga butxiza nansê ku áwa dá lépendimentu, maxi isé ku ka bi zó ami ê tê pôdê maxi doquê ami ami na sa digno nê di klaga sandalheti Dê fá. Ê ka bi butxiza nansê ku suplitu santu ku fôgô ¹²Apá, sa ni mon dê pê pô limpa Kampú dê bwadu bila zunta tligo ni seleiru maji ê ká bi kemá paya ku fôgô ku na ka kaba fá.¹³Anton Jizu bi di Galileia pla yâ yurdan pê pô sá butxizadu plô Zon. ¹⁴Maxi Zon na ta mesê fá: kiê ka flá" U mesê saa butxizadu plâ bô, kuma bô ka bi lêlê mu. ¹⁵Jizu kuji fá: "Miole leke axén punda ê sá bwa non kumpli tudu Justisa" Anton zon na lejéta fá.¹⁶Axén ku fô butxizadu, Jizu xê meda óla niowa saku osé bili ni liba Dê, a bê suplitu di Dêsu ka dêse mó uwa pônbi pósá ni liba dê. ¹⁷Uã fala bi di osé flá:"Isé sá mina klosón mu û gôgô kuê Lumadu"

¹Anton Jizu fô giadu plô suplitu a azêtô pa e sa tentadu pla djabu. ²Ola ê tê juzuadu plô qwatlu vê dexi dja ku qwatlu vê dexi notxi, e tava ku fomé. ³Djabu bi fadé:" Xi bô sá mina Dêsu manda inen budu bila mpom" ⁴Maji Jizu, kuji fla:"Esa sklevidu: E nasa mpom nta so home ja vive fá, maji di tudu palavla ku ka xe ni boka Dêsu.⁵Anton djabu beku Jizu poson Santa, pô ni xita maxi boyadu di templu. ⁶Só só fá dé; " Xi bô sa mina Desu, satá nái ba basu punda êsa sklividu: ê kabi da odji da inen anju pa inen toma konta dê, sóso inen ka bí te bô ni mon, pa afé bô nada pe budu"⁷Jizu fade: Êsa sklevidu tembéte: Bô na ka pô pê Desu bô ni plova fa:" ⁸Ôtlô vê djabu be ku ªe uã lwge boyadu so muse tudu renu di mundu zuntu ku gloya ku ê tê. ⁹Ê fada Jizu: tudu, inen kwase na bi da bô, xi bô da Dizê sa dora mu"¹⁰Anton Jizu fade: " Xê dai Djabu! Punda êsa sklividu: Adora Sun bô Desu soso êle tan so bô kada kutu" ¹¹Anton Djabu dese, so anzu bi stlivé Ê.¹²Olá Jizu bi sêbê kuma zon tava plesu ê xê ba galileia. ¹³Xê di nazalé ba vivê ni cafarnaum, ku ka fika zuntu di omali di galileia, ne tela di zabulon ku naftali.¹⁴kwase da pa kumpli kwaku fo fladu plo, plofeta Isaias: ¹⁵"tele de Zabulon tela de naftale, stlada di omali, ni wê di zudon, galileia dinho Jintxin, ¹⁶Pôvô ku tava ni kulu bu uã kedaji glandji, ni inen se ku tava ni legion di songla di motxi uã kedaji plasê."¹⁷Ni musan sola, Jizu kyê ka plega ka fla: "sela nansê lependê, punda lenu di osé sa petu"¹⁸Olá ku ê tava ka anda ni petu di omali de Galileia, bê dosu manu, ximon, ku samadu Pedu, Ku andrê, ku tava ka lansa lêdê ni omali, punda inén ta sa pekadô. ¹⁹Jizu fada inén: "Be, lêlê mu ami nga fé nansê piskado di homé." ²⁰Ola se me inen desa lêdê lêlê Jizu.²¹Ni musan sala ku Jizu tla kanda, bê ôtlô Dosu manu, txagu mina di Zêbêdêu, ku zon. Inen tava ni uã kanua ku zêbêdêu, pe dinen ka kose lêdê. Ê sama inen ²²me da ola, inen desa kemua ku pe dinen lêlê Jizu.²³Jizu anda ni tudu galileia, ka xina ni sinagoga dinen, ka plega vangeli di lenu Desu ka kila tudu nasson doentxi na ômê pôvô. ²⁴Inen nutixa se di Jizu kôlê ni tudu siria, tudu ngê ku tava ka doentxi, a bi kuê da Jizu, ku tudu nanson doentxi, ku tlomentu ku demono ni ubwê, epléptiku ku lezadu, soso Jizu kula inen. ²⁵Pôvô glandji lêlê Jizú di galileia Dekápolis Jerusalem ku judeia, codó di jordan.

¹Ola Jizu bê povo, ê subli okê, Asson inen lumonxinho bi lêlê. ²Anton ê bili boka ka xina fla: ³Filiji sa inen plobli ni suplito, punda di inen sa Lenu D'osé. ⁴Filiji sa inen se ku sa ku Kloson kebladu, se animu, punda inen ka sa dadu animu.⁵Filiji sa inen manu, punda inen ka bi loda tela. ⁶FIliji sa inen se ku te fomi ku sejé di justisa, punda inen ka bi bêlê. ⁷FIliji sa inen se ku te mixikoji punda a ka bi da inen mixikoji. ⁸Filiji sa inen limpu di kloson, punda u ka bi bê Desu.⁹Féliji sa inen pasifikadô, punda inen sa di bi sa samadu mina Desu, ¹⁰Filiji sa inen ku sa plixiguidu plovia di Justisa, punda di inen sa Lenu d'ose.¹¹Filiji sa nansê Ola inen ngÊ ka magwâ nansê, ka plixigui nansê, ô fla nansê tudu nansôn mali ku fasu kontla nansê plâ sa xizidô mu. ¹²Nansê pô gogo fe fesa, punda memé sa lekompensa nansê ni osé: Punda di modo ku inen plixigui inen plofeta ku bi plume do kê nansê.¹³Nansê sa salu tela, Maji xi salu plêdê gôstu, kuma a ka pô bila stlivi otlô vê? Ame jime nunka ê ka bila stlivi da kwa kwali kwa fa, xi ê na sa pa zuga buta so bi sa potadu plo home. ¹⁴Nansê sa kedaji mundu. Uã poson fedu ni okê ê na ka sa kaondidu fá.¹⁵Nyuã ngê na ka lêdê ûa kanjda soso pê ni basu di uã kwali fá, maji ni vê d'se, ka pê ni legê ku toka po ê pa fe kedaji da tudu ngê ku sa kê. ¹⁶Ku kandja nansê ka luji ni wê tudu ngÊ di modu ku inen ka pya obla nansê inen ka lova pe nansê ku sa ni osé.¹⁷Na pensa kuma u bi blaga alê ô inen plofeta fa: na bidi blague fa, maji u bi kumpli ê. ¹⁸Plo ise, vedeme, ami nga fada nansê kuma, ante ose ku tela ka vala, nyuã pontu ô til ka bi sa tlokadu ni alê, antê ku tudu inen kwa se ka kumpli.¹⁹Plôtantu kwa kwali ku ka kebla mandamentu se pikina bila xina ôtlô di fe kwase me ka bi sa samadu pikina ni lenu d'osê. Maji kwa kwali ku ka loklê mandamentu se bila xina ka bi sa samadu glandji ni lenu d'osê. ²⁰Plô isê ami nga fada nansê kuma, xi justisa nansê na sa liba di justisa dinen sklevedô livlu, ku farizeu fa, di modu nho ama ka lentla ni lenu d'osê fô.²¹Tênde kwa ku fô fladu ni nós tempo: Na mata fá, kwa kwali uã ku mata ka bi sa Djlugadu. ²²Maji ami nga fada nansê kuma kwa kwali ngê ku te leva kontla manu kabi sa basu di jlugamentu. Soso kwa kwali fla manu dê; Bô kakô Dôdô!. Ka bi sa basu di Jlugamentu ni tlubunali: Soso kwa kwali ku fla: Dôdô! ka bi sa basu di fogo infenu.²³Plotantu xi bô ska be ku ofeta ba pe ni atali soso nala bô lembla kuma manu bô tê kwa kwali kwa kontla bô, ²⁴Desa ofeta nala, ni wê di atali be plumê ba fe Paji ku manu bô zawô bila ba plezenta ofeta bô.²⁵Soso lentla fe paji ku manu bo sedu, ola nansê sa stlaba ka ba tlubunali, fo kusado bô pa ê na tlega bô da juxi, soso juxi ka tlega bô da inen ofixiali, pa ê na pê bo plezu. ²⁶Vede me nga fada bô: bo na ka xê nala se paga utimu xintason fá.²⁷A têndê kwa, ku fô fladu: Na adultera fá, ²⁸Maji ami nga fada nansê, kuma kwa kwali ku pya uã muala ku maxintxidu ê komete adulterio kuê ni kloson dê.²⁹Soso, u wê glêtu bô ka fe bo poka, txi-le zuga buta, pundu ê sa maxi bwa ûa patxi di klôpô bô plêdê dôkê pa tudu klôpo sa zugadu ni nfenu. ³⁰Soso, xi mon Glêtu bô ka, fe peka, kote zuga buta, pundaê sa maxi bua uâ dinen patxi di klôpô bô plêdê dôkê patudu klopô sa lansadu ni nfenu.³¹Tembéte fô fladu: kwa kwali uâ ku manda mwala dê bê uâ kata di divórcio. ³²Maji ami nga fada nansê kuma tudu ngê xi ku divosia di mwla de, taluvê plovi di imoralidade sexual, ê ka fe de uã adúltera: soso kwa kwali ua ku kaza kuê, dêpox ku ê sa blazadu, ka komete adulterio.³³tembete a têndê kwa ku fô fladu da inen ni nos tempu; na zula fasu fa, maji kumplé inen zulamentu se da Sumu. ³⁴Maji ami nga fada nansê na zula plô nadaxi fa: ne plô osé punda e sa tlonu di Desu: Ne plô tela, punda ê sa stladu de ape Dê: ³⁵Ne plô zeruzalém, punda ê sa pason de alê glandi.³⁶Ne zula plô kabesa, bô fa, punda bô na ka po bila uã fi di kabelu pletu ô blanku fá. ³⁷Maji ku palavla bô po sa yoxi; yoxi; ô no: no: kwa kwali kwa maxi da kê ise ka bi di demono.³⁸A têndê kwa ku inen fada nansê. Wê plu wê dentxi plu Dentxi: ³⁹Andejime ami nga fada nansê: na fe olia lizu de ngê ku sa mau fa: agola, kwa kwali uâ ku da bo ua sudu ni kwa tu gletu di kala, de otlô ladu tembête.⁴⁰Xi ngê mêsê be ku bo tlibunalu soso toma Jibon bô, dese ngê se toma kapa bô tembête. ⁴¹Xi ngê obliga bô nda û milha, bê kuê dosu. ⁴²Dá kwa kwali ngê ku piji bô, na bila tlaxi da kwa kubli ngê ku mese piji bô kwa plesadu fá.⁴³Kwa ku fô fladu bô têndê. Ama ploximu bô te odjo da numigu bô. ⁴⁴Maji ami nga fada nansê; tê amôlê ku numigu nansê fe lason, da ngê ku ku plixigi nansê, (Da bensa da ngê ku ka fe nansê mali,fe bem da inen ngê ku te odjó da nansê). ⁴⁵Pla nansê sa mina di pé nansê ku sa ni osé, punda ê ka fe salo dê nansê liba ngê mau ku bwadu bila manda suba da Justu ku inen Injustu.⁴⁶Punda, xi ama ngê ka ama nansê tan kê bensa nganha? ⁴⁷na sa vede ku ante inen kobladô di impostu ka fê kwase me fa? Soso, xi bô fla montxan da inen lumon bô tan isé sa kwa muntu ku ôtlô na ka fe fa? ⁴⁸Plotantu sela nansê sa vetu no pe di nansê ku sa ni ose sa setu.

¹Anton kuidadu pa nansê ná fé óbla di Justisa ni wê ngê pa inen na bê nansê, andeji mé nansé na ka tê lekonpesa di pe nansê ku sa ni osé fá. ²Anton ola nansê ka dá jimóla, na toka bujina zuntu nansê mó inen ipokrita ká fé ni tudu xinagógá ku stlada, pinen. pô tê fama di tudu ngê vedé védé mé ngá flá nansê: Ku inen Lesêbê lekonpensa dinen zá.³Anton ola nansê ka da jimóla, na dessa mon skédu nansê sêbê kwa ku mon nansê klêtu ska fé fá. ⁴Pa Jimóla nansê ka sa dadu ni stlekédu; anton pé di nansê ku ka bêlê ni stlekédu, ka lekonpensa nansê.⁵Ola nansê ka fla lason, na fé mó inen inpokrita fá, punda u ka gôgô pla lason dó pé ni tudu xinagoga ni tudu beku lua, pâ ngê pô pinen. vêdê vêdê mé ugá flá nansê ku inen lêsêbê lekonpensa dinen zá. ⁶Maji ola nansê ka fla lason, lentla ké nansê fisá potó, fla lason da pé nansê ku. ku sa ni sklegedu. Anton pé nansê ku skabê nansê sê pa nyuã ngê sêbê, ka bi lekomepensa nansê. ⁷I olá nansê ska flá lason, na fla kwa sé ni yô vê mó inen gentxi ka fé fá: Punda inen ka konda ku inen ka sá kutadu plôvia di yô fla dinen.⁸Plutantu na sá mó inen fá, maji pé nansê sêbê kwa ku nansê ska plixiza sê pa nansê pijiê, ⁹Anton flá lason axén: Pé non dosê santxifikadu sa nomi sun. ¹⁰Ku govenu sun ka bi, ku vonté sun ka sá fédu ni téla axen mó ê sá fedu ni osé.¹¹Pon non di kada dja da non ozé ¹²Da non pédon di klupa non, axen mó non té ka poda ôtlô ngê ku klupa dê. ¹³Na lega non, kiê ni tentason fá, maji livla non di mali.¹⁴Punda xi nansê fada mali ngê pê nansê dosé témbéte ka poda nansê ¹⁵Maji xi nansê na poda mali di ôtlô ngé fá. pé nansê na ka bi poda mali nansê fá.¹⁶Andéjimé, Ola nansê ka fé Jizu na musa tlisti ni kala fá. Mó inen ipóklita ka fé, punda inen ka fé kala dinen fán pa pô sêbê kuma inen ska zunzwa vêdê vêdê mé ûga pla nansê ku lekonpensa inen lesêbê zá. ¹⁷Anton olá nansê ka zungwa, unta kabêsa nansê laba kala nansê. ¹⁸Pa ngê na sebê ku nansê sa ska zunzwa fá, maji pé nansê tan, ku nansê ku sa ni stlekedú, I pé nansê, ku ska bê nansê ni stlekedu zó ka bi lekonpensa nansê.¹⁹Na zunta likêza nansê ni téla fá, anji troca fêluza ka dané, anji inen ladlon ka lôvôsô futa. ²⁰plôvia kwa sé, zunta likêza ni osé, anji nê traça nê pelúza na ka dané fá, kamua ladlon na ka lôvôzô né futé fá. ²¹Naji anki likêza nansê ka sa nê, témbéte klosón nansê ka sa.²²Wê sa kanja di klôpô, plutantu xi wê nansê sa bén, tudu klôpô nansê ka sa xá di kédaji. ²⁴Maji xi wê nansê sa mau, tudu klôpô nansê ka bi sa xá di kulu. axén xi kanja ku sa ni nansê sa ni kulu véde, inen kulu sé ka sa glanji muntu!, ²³Niyâo ngê ka pô stlivi dôsu sumu fá, Punda ê ka bi tê ojó duã amolê ku ôtlô, ô ê ka pô stlivi uwa matlata ôtlô. Nansê na ka pô stlivi Dêsu ku likêza fá.²⁵Anton ûga fla nansê: na vugu ku vida nansê fá, ku kwa ku nansê ka bi kumé. Ô kwa ku nansê ka bi bêbê, ô di klôpô nansê, kwa nansê ka bi bixi. Punda vida na sa maxi dô kê kumé, nê klôpô maxi dôkê lôpa fá? ²⁶Pia inen bisu dósê; inen na ka ximya nê koiê, nê zunta ni seleiru fá, Maji pé nansê dose ka dinen kúme. nansê na ka valê maxi dôkê inen ã?²⁷Kualí nansê plô maxi ku ê ka vugu, ê ka pô klésenta uã ola di vida dê?. ²⁸Kamanda nansê ka vugu ku lôpa dá? Pya mó liba kampu ka klêsê, Inen na ka tlaba nê têsê fá. ²⁹Maji ûga poda nansê nê salumon, ni tudu glóya dê bixi mó inen fá.³⁰Xi Dêsu ka bixi moda sé aliba di kampu, ku ozé sen amanhã zugadu pê fôgô, ê na ka bixi nansê maxi bwa fá, Omé di pôkô afé? ³¹Andeji mé, vugu, ka flá: "kwá non ká kumé? Ô kwa non ka bêbê? Ô kwa non ka bixi? "³²Punda inen pagon sô ka kôlê tlaxi dinen kwa sé: maji pé dosé sebê kuma inen kwa sé sa plixizu da nansê. ³³Buka ni plumêlu govenu di Dêsu ku Justisa dê, tudu nen kwa sé a ka bi klésenté da nansê. ³⁴Anton, na vugu ku dja da manhã fá, punda amanhã ka bi ku tudu dê punda kada djá tê mali dê plopi.

¹Na sdluga pa nansê na sa julgadu fá. ²Punda julgamentu ku bô ka fé ôtlô a ka bi xdluga bô, mindjida ku bô ka mindji ôtlô a ka bi mindji bô.³Kamanda bô ska bê puela ku sa ni wê di manu bô, maji bô nas ka bê mémé pó ku sa ni plópi wê bô? ⁴Kuma bô ka pô flá manu bô: Dessa ami txila puéla ku sa ni wê bô, Maji bô tê uwâ mémé pó ni wê bô plopi? ⁵finjidu, txila tolá dé pó plumé ni wê bô anton bô ka bi bê bén klalú pa bô poji txila puéla ku sá ni wê di manu bô.⁶Na dá kasô kwa santu fá, nê zuga pérola nansê, da plóko fá, pa inen pô na potó é ku opé i bila kontla nansê, di fé nansê pedasu fá.⁷Pidji a ka bi dá nansê, buka, nansê ka bi bêlê, batê, poto ka bi bili da nansê, ⁸Punda isé ku piji, ka lêsêbê, isala ku ka buka, ka bêlê, ise ku ka batê ka bi sa betu. ⁹Kali omé ni ômé nansê ku, xi mina dê, pedji uwã pedasu pón, ê ka bi dê uwã budú? ¹⁰Ô xi mina dê pidji ê uwã pixi ê ka bi dé uwã Klobó?¹¹Anton xi nansê, ku sá mau, sêbê dá mina nansê kwa ku biwa, kantu maxi pé nansê dosé ku sa ni osé, ê na ka bi dá kwa bwadu da inen sê ku ka pidji ê fá? ¹²Andéjime tudu kwa, ku nansê ka mesê ku inen ngê ka fê nansê, nansê taka tembéte pé pla inen: punda isé sa lê dinenn ploféta.¹³Lentla ni potó petadu, punda mémé sa potó ku stláda glanji ku ka ba distluison, i yô ngê sê ku ka vala nê. ¹⁴Maji txokó sa potó petadu sa stlada ku ka bê ku ka ba vida, ê sá pokô ngê ku ka bêlê¹⁵Sustensu ku inen fasu plóféta. Inen ka xiga bixidu ku lôpa di ôvelha, maji ni védé inen sá lobô xá fomi. ¹⁶Plô testêmunhu dinen nansê, ka bi konsê, a ka kôyê uva di pá ku tê npya, ô Figu ni omé aliba? ¹⁷Di modu se me, tudu fó bwadu ka da kumé bwadu, Maji tudu pá ku na bwa fá na ka dá kumé bwá fá.¹⁸Pô bwadu na sén ku na ka da bon kumé fá, tembété pó ku na bwa fá na ka dá bón kumé fá. ¹⁹Tudu pó ku na ka da bon kumé, sa kotadu zugadu pê, fogô. ²⁰Anton a ka konsê pó bwadu ni kumé dê.²¹Na sa tudu ngê ku ka flá: "Sumu, sumu, ka bi lentla ni govenu dosé, fá, maji inen sé tan ku ka fé vonte de pé mu ku sa ni osé. ²²Yô ngê ka bi flá mu ni dja sé: Sumu, sumu ni nomi bô non ka plófetiza fá? Ni nomi bô non na kolê ku demonó fá? i non na fé yô milagli fá? ²³Anton uga bi fadinen ni kala dinen: Ami na konsê nansê fá, fô zuntu mu, nansê ku fé mali.²⁴Só só só tudu ngê ku ka tendê: palavla mu ku ka obêdêsê. Ka sá mó omé sêbêdô ku fé ké dê ni liba budu, ²⁵suba bi inen awa kôlê véntu sóplá inen batê liba késé, maji ê na kiê fá, punda ê tava ni liba budu.²⁶Maji tudu ngê ku ka têndê inen palavla mu ku na ka obêdêsê fá, ka sá mó uwá omé dôdô ku fé, ké dê ni liba aliá, ²⁷Suba bi awa kolê ventu soplá inen batê liba ké sé, ê kiê, dana kabá.²⁸I ê dá kwa ku, olá Jizu ka di flá inen palavla sé, inen povô babaka da mo kuê xina, ²⁹punda ê tava ka xina mô ngê ku tê pôdê, ê na xina mó inen iskriba fá.

¹Ola Jizu dêsê ni ôkê pôvô muntu ku lêlê. ²Anton uã leplôsu bi da dizê ni wê Dê dade:" Sumu ê, Xi bô mêsê, bô pô kula mu." ³Jizu sendê mon dê i toké, fla.'Un mesê sa kuladu." Mêdaola ê fô kulau di lepladê.⁴Jisu dadé: Pya ku bô na ka fla nadaxi da kwa kwali ome fa. Xigi stlada bô, musa sasedotxi plesenta plesentxi ku Muzé manda mo uã sestemunhu pla inen."⁵Ola Jizu lentla ni Kafarnaum, uã sentulion di lêl loké. ⁶" Sumuê, selini mu sa kama ni ké leadu ni supflimentumuntu." ⁷jizu fadé: " Unga ba kulé."⁸Sentulion kuji: Sumuê, ami na sa mesê di sum lentla ni ké mu fa, maji fla uã palavla tan selive mu ka bi sa kuladu; ⁹Punda ami tembetesa uã ame ni basu di odjiun tê inen sodé ni basu mu. Unga fla ise : bé , ê ka bé; i plô ôtlô: bi ; ê ka bi, i pla selivu mu: Fe isé ê ka fé: ¹⁰Ola, Jisu têndê kwa se, ê babaka fla pla inen ngê se ku tava lêlê : Vede, vede me nga fla nansê ku nê ni Israel mé Un na bê, ngê ku afé moda se fa.¹¹Nga fla nansê: Muntu ka bi di lesti di oesti, ka bi tason meza ku Abraão, Izaque ku Jakó, ni lênu di ose. ¹²maji inen mina di lênu ka bi sa zugadu ni kulu, andji ka bi tê sola ku kume dntxi." ¹³Jizu fada Sentulion:" bé ! Axem ma bô kêlê, axem ê ka safedu." Ni ola sé mé selvu fô Kuladu.¹⁴Olaxi ku Jizu lentla ni Ké di edu, izu bê stlóga dê detadu ku féblé. ¹⁵Jizu toka ni mon dê, feblé disé; sososo ê lanta komesa ka stlivi ê.¹⁶Ola, notxi kubli, inen bi ku yô ngê da Jizu ku dêmonó tava ka tlomenta, i ê spulsa inen suplitu ku uã palavla i ê kula tudu ngê ku tava doentxi. ¹⁷Di modu se, êkumpli kwa ku fô ditu plô Isaias: " Ê toma pê lida dê duentxinon i ê klaga móléstla non."¹⁸Ola Jizu bê povô ni vota dê, ê da instluson ku inen ka bé ba ôtlô bodó d'ómali di Galileia. ¹⁹Anton uã skliba bi zuntu dê fla"Mesé kwa kwali kamya kuSum ka bé nga lêlê Sum." ²⁰Jisu fadé: Inen lagaya tê kobo inenbisu di ose tê kuma, maji mina d'ome na te andji pê Kabesa dê fa."²¹Ôtlô dinendixiplu fla: " Sumu, dêsa un plumê pa un ba ntela pé mu." ²²Maji Jizu fade:" Lêlê mu,dêsa inen mtxi ntela plopi motxi dinen.²³Ola Jizu lentla ni uã vapô,inedixipulu Dê lêlê. ²⁴Anton uã meme tlôvada bini omali duã modu ku basa kubli vapô, andê jimeJisu tava ka duminy. ²⁵Inendixipulu bi lêlê inen kodé, fadé: Sumu, stlava non, non sa kwaji molê!"²⁶Jizu fadinen:" kwamanda nansê sa mendu? Afé nansê sa txoko?" Anton Ê lanta lêplendê vevtu ku omali, uã klamalya glandji plasê. ²⁷Inen ome babaka inenfla: " Ise sa kê ome, ku antê ventu ku omali ka ôbêdêsê êlê.²⁸Ola xi Jizu xiga ôtlô bodo, lejion dinen gadarenos, dôsu ome ku démonó ta ka kontlola Ê bê inen .Inen tava ka bi di tumbinen sa pligu di uã modu ku nê uã ngê na ta ka pô vala ni stlada sé fa. ²⁹Anton, inen glita fla:" kê Kwaku non tê ku bô, nina Dêsu? bô bi nai pl bô pô tlômenta nonsê pa tempu xiga?³⁰Petu daiyen, uã lebanhu glandji di plôku tava ka kume. ³¹Inen démonó loga Jizu fla: Xi a txila non daí, manda non ba lebannhu sé di plôkô." ³²Jizu fadinen:" bé! Inen démonó xê, inen ba plôkô;Anton tudu lebanhu tlapaya ni ôkê ba omali tudu plôkô ni awa.³³Inen ome ku tava ka toma konta di plôkô inen fuji, ola ku inen lentla ni posso, inen konta tudukwa; andêjimé kwaxi ku dá ku inen ome ku tava ku démonó. ³⁴Anton tudu ngê ni posson bi pa inen pô pya Jizu.Ola inen bê Jizu, inen pijiê pê pô dêssa legion dinen.

¹Jizu lentla ni vapô, kluga omali bi plopi poson Dê. ²anton a bi ku uwa ome lezadu detadu ni uãseladê. Jizu bê afe dinen,Ê fada ome lezau: " mosu, tê bon anumu. Inen pakau bô sa pôadu."³Anton uã dôsu skliba tava ka ffla:" ome se ska blasfema." ⁴Mo Jizu kônsê pensamentu dinen Ê fla kwa manda nansê ska pensa mali ni kloson nansê? ⁵Ê tê matxi fla: Inen pekadu sa pôdadu ô fla: Lanta nda? ⁶Maji pa nansê sêbê o mina ome tê pôdê ni tela pa pôda pakadu. Ê fada anton Ê lezadu -" lanta toma sela bô ba kê."⁷Meda ola ome lanta xê ba kê. ⁸Ola pôvô bê kwa se, inen fika pantadu ka lova Dêsu, ku tava da minda pôdê se da inen ngê. ⁹Jizu xê naí, Ê bê uã ome ku a ka sama Mateu, ku tava tasondu ni lugê ku a ka kobla imostu nê,Ê fadé : " LÊlê mu." Ê lanta lêlê Jizu.¹⁰Jizu tava ni uã kê, tasondu mi mesa pa kume,yô kobladô di impostu ku pekadô bi, soso zunta kwê ku inen lumoxinho Dê. ¹¹Ola ine falizeu bê kwa se, inen fla inen lumoxinho Dê; "Punda kwa manda mese nansê ka kume ku inen kobladê di impostu ku inen pekadôda?"¹²Ola Ê têndê kwa se, Jizu fla:" Tudu ngê ku tê sawôdji na ka plixiza di dôtôlo fa , doêntxi tan. ¹³Nansê toka xina ka se: Ami ka gôgô ku mixigoji,saklifisu fa:Ami na bi sama zustu pa lepêndê fa, majiinn pekadô."¹⁴Anton, inen lumoxinho di Zon bi lêlê Jizu zo fla:Kwa mandanon ku inenfalizeu ka zezua semplé, maji inen lumoxinho Sumn ka zezua fa?" ¹⁵Inen kuvidadu kazamentuna ka pô sa tlisti ola nôivu sa ku inen fa? Maji dja ska bi ku a ka txilinen nôivu, anton sela inen zezua.¹⁶Nê uã ngê na ka pê padasu têsidu novu ni lôpa vé fa, punda padasu novu ka fônó lôpa vé, blaku ka fika pyôlo.¹⁷Nê uã ngê na ka pê vin novu ni baxa vé fa,xi a fe kwa se, pli ka ba va, vin ka bloka, baxa ka dana, andêjimé, a ka pê vin novu ni tudu baxa novu, axen dôdôsu ka sa lôklidu.¹⁸Ola Jizu fla inen kwa se, uã ofisial bi da dizê ni wê Dê, fla: Mina mu kada di môlê, maji bi pê mon Bô liba dê, ê ka bila vivê." ¹⁹Anton, Jizu lanta lêlê ku inen lumoxinho Dê.²⁰Ê tinha uã mwala ku dôze anu za tava ka sufli di emorojia, ê bi di traxi Jizu soso toka bodolôpa Dê; ²¹San tava ka fla: "Xi ami toka bodo lôpa Dê,nga sa kuladu." ²²Ola Jizu bila, Ê bê san fla: " Anumu,ina, afe bô kula bô! mada ola mwula fika kuladu.²³Ola Jizu lentla kê di oficial, Ê bê inen ladeha ku pôvô ka fe tlomentu; ²⁴Ê fla:" nansê pô xê daí, punda mina na sa motxi fa,ê ska dumini." Maji inen tava ka likwa Ê fla ku mangason.²⁵Ola pôvô xê, Ê lentla kwatu, pega mina ni mon ê lanta. ²⁶Nutixa di kwa se wanga ba tudu kamya.²⁷Ola Jizu xê ka bé, dôsu ome segu lêlê, ka glita fla: Tê pena non, mina Davi! ²⁸Ola Jizu lentla kê, inen ome segu bi lêlê Jizu fad'ine: "Nansê ka kêlê kuma Ami ka pô fe kwa se?" Inen kuji: yôxi Sumu."²⁹Anton, Jizu tok'inen wê fla:"Ê sa fedumo afe nansê" ³⁰Mada ola wê dinen bili.Anton Jizu lêklêinen:" Pya ku nê uã ngê na ka pô sêbê ka se fô." ³¹Maji dôsu ome se xê wanga nutixa se ba tudu kamya.³²Ola dôsu ome se xê ka bé, a bi ku uã ome mumu ku demôno ni ubwê da Jizu. ³³Ola demôno fô txiladu, ome muu fla. Tudu pôvô tava pantadu ka fla:" a na xi bê kwa se ni Israeli fa." ³⁴maji inen falizeu fla: Ê saplô mese d'inen demôno ku Ê ska txila inen denôno."³⁵Jizu ba tudu poson ku flêgêdja,xina ni xinagogad'inen, plega vangeli di lênu kul tudu nason duêntxi ku molestla. ³⁶Ola ê bê pôvô, Ê xintxi kompaxon d'inen puna inentava sê ôsa sê dileson, andê jimé inen ta sa no kalnêlu sê pastoru.³⁷Ê fada inen dixipulu dê:" kampu sa glandji, maji inen tladadô sa pôkô. ³⁸Andê jimé loga donu di kmpu, di manda tlabadô ba kampu Sum."

¹Jizu zunta dôzê dixipulu dê da inen podê, liba dinen suplitu mundu pa kolê ku inen pa kula tudu kosta doentxi ku molesta.²Nomi dinen dozê dixipulu sa inen sé: Plumê, Ximon, Samadu Pedu, Tembété, Andlé, manu dê, Txiagu, Mina di Zêbêdeu, Ku Zon Mandu dê, ³FIlipi ku Bartolomeu: Tomé ku Matê, ngê ku ka kobla impostu, Tiagu mina di alfêu, ku tadeu: ⁴Ximom ku zelate, zuda iskarioti, ku ka bi sa tlaidô.⁵Jizu manda inen dozê sé: Ê xinen flá: "Na bá nyuã luké anji inen gentio, ka vivê fá. Nansê na ká lentla ni nyuã poson dinen samaritanu fá. ⁶Maji, bá inen õvelha plêdidu di ké di israeli. ⁷Bé pléga flá: "Lênu dinen osé sa Petu"⁸Kula inen duentxi, koda inen matxi, limpa inen leplôsu, kolê ku demónó, nansê lêsêbê di glasa di glasa a ka dá. ⁹Na bé ku ôlô, plata nê blonzi ni xintu nansé fá, ¹⁰Nê saka na bé kuê ni stlada, nê dôsu lôpa, nê sandalheti, nê bengala, punda dignu sá tlabadô di kumé dê.¹¹Kwa kwali lason â vila ku nansê ka lentlám gólo ngé bwadu nai, tala antê nansê ka xê. ¹²Olá nansê, ka lentla ni ké, saudê. ¹³Xi ké sá bwadu, dessa paji nansê ni liba dê, maji xi ê na sa bwadu fá, ku paji nansê ka bila da nansê.¹⁴Pla inensê ku na lêsêbê nansê fá ô na tendê palavla nansê fá, ola nansê ka xê di ké sé ô poson saguji puela di opé nansê. ¹⁵Védé mé ugã flá nansê: toleransa ka bi sen da tela di sôdôma ku gômôra mija di julgamentu dôkê poson sé.¹⁶Pia ami ska manda nansê mó ovelha pa ômê di lôbô, anton sá bêtâdô mo klobó ximpli mó pombin. ¹⁷Toma sustensu kontla inen ngê, punda inen ka bi tanda nansê ni tlibunali ku inen xinagóga dinen nansê ka bi toma sôtxi. ¹⁸Plôvia da mi nansê ka bi wê govénu ku inên alê mó uwã sêstêmunho dinen da gentios.¹⁹Ola inen ka bi tanda nansê, na ta kiola kiola da kwa ku nansê ka bi fla fá, maji ni óla setu a ka bi da nansê kwa di flá. ²⁰Punda ê na sa nansê zó ka bi fla fá, maji suplitu di pé nansê zó ka bi flá da nansê²¹Inen manu ka bi tanda manu pla motxi i pé a mina dê, Inen mina ka bi lanta kontla pé ku mé dê di mata inen. ²²Plôvia nami mu tudu ngê ka bi tê ójó nansê. Maji isé ku kata flimi antê ê ka kaba ka bi stlava. ²³Olaxi ku inen petu, Punda védé védé mé ugã flá nansê: nansê na ka pô ba tudu poson di Israeli, sê pa mina do Omé bi fá.²⁴Dixipulu na sa maxi tamé, di mesé dê fá, nê selivi sa liba di sun Dê fá. ²⁵Esa bwa pa dixipulu sa mo mesê dê, i selivi mo sun Dê, xi inen ka sama mesé de di ké di belzêbu, maxi pyolá ka bi sa nami ku inen ka bi dá a inen menblu di ké dé.²⁶Anton na mendu fá, punda nadaxi na sén kondidu ku na ka bi sa betu fá, i nadaxi kondidu ka a na ka bi sêbê fá. ²⁷Kwa kunga flá nansê ni kulu, flé ni solo plamá, kwa nansê ka tendê, stlékédu ni olha nansê, flé liba dinen ké.²⁸Nansê, na ka tê mendu dinen sé ku ka mata klôpô, maji alima inen na ka fô mata fá. Maji tê mendu di sé ku ka pô kaba ku alima ku klopô ni nfénu ²⁹na sa dosu paudais bendidu plô uã xintason ã? Axén mé mpão dinen ka kiê san sê fá, pé nansê sêbê. ³⁰Antê kabêlu di kabesa du nansê, tudaxi sá kantadu. ³¹Na mendu fá, nansê ka valê maxi dôkê yô pardais.³²Anton tudo ise ku ka konfessa ami ni wê dinen omé, Û tembété ka bi konfessé ni wê di pé mu ka sa bu osé. ³³Isé ku ka nega mu ni wê omé, ami tembeté ká bi negé ni wê pe mu ku sa ni osé.³⁴Na kunda kuma û bi ku paji liba tela, ami na bi ku paji fá, maji supada. ³⁵Û bi pon pê Omé kontlá fé dê, i mina kontla mén dê, i nâsa kontla stlóga. ³⁶Inen numigu di omé ka bi sa di plópi ké dê.³⁷Isé ku ka ama pê ô mén maxi dokê ami na sa dignu di ami fá; isé ku ama moso ô mina maxi dôke ami na sa dignu di ami fá. ³⁸Iséla ku na pega klusu dê lélé mu na sa dignu di ami fá. ³⁹Isé ku ka bê vida dê ka bi plêdê, Maji isé ku ka plede vida dê plôvia di ami ka bi belê.⁴⁰Isé ku lêsêbê nansê, a mi ka bi lêsêbê. Isê ku ka lêsêbê ami, témbéte ka bi lêsêbê isé ku manda mu. ⁴¹Isé ku lêsêbê uwã ploféta. Punda ê sa uwã ploféta ka bi lêsêbê nganhu di plofeta, isê ku lêsêbê uwã omé justu, pundê ê sa uwã omé justu, ka bi lêsêbê nganhu di omé Justu.⁴²Ugê ku antê uwã kopu d'awa mé dá uwã, inen sé txokó, pundá ê sá uwã dixipulu, véde vedé mé uga flá nansê. Di nyão modu ê na ka plêdê nganhu dê fá.

¹²³1 Òla Jezu kaba di xina inen dôzê dixipulu, êxê dai ba xina pléga ninen poson dinen. 2 Zon ni plizon têndê flá di Jizu, ê manda uwa lékadu pô mê dínen dixipulu dê. 3 Ê fadinen:" Bô sa ixi ku tava di bi, ô otlô ngê sen ku non taka guada?⁴Jízu kuji nen :" Bé flá Zon kwa ku nansê têndê i bê:

¹²1 Ni tempu, sa la Jizu vala ni plantason di sêreais ni dja di sabadu. Inen dixipulu Dê tava ku fomi anton inen komesa ka kôyê spiga ka kumé. 2 Maji ola inen falizeu bê kwa se, inen fada Jizu: Pya, inen dixipulu bô ska fé kwa ku na toka fa ni dja sabadu.³⁴3 Só só só Jizu fadine: "Nansê na xi lê kwa ku Davi fe ola êlê ku inen ome dê tava ku fomi a? 4 Ê lentla kê Dêsu kume inen npon santu, kwa ku ê na toka kume fa, nê inen xi pa tava kwê, kwa ku sasedotxi tangon tan ka pô kume.⁵⁶5 Nansê na bê ni alê, kuma inen sasedotxi ka plofana sabadu ni templu, maji inen ka ta sê kupla fa? 6 Andê jime nja fada nansê: Nai tê ngê ku sa maxi tame dôkê templu.⁷⁸7 Xi nansê ka sêbê kwa ku sa: Ami gôgô ku mixikoji saklifisu fa, a naka konde na, nosêntxi fa. 8 Punda Mina ome sa Sun di sabadu.⁹¹⁰9 Anton Jizu xê nala lentla xinagoga. 10 Nala tava ku uwa ome ku uwa mon lezadu. Inen falizeu punta Jizu: Ê sa setu kula ni sabadu? Di modo se inen ka põ kuze di peka.¹¹¹²11 Jizu fadine: " Kê ome ni ômê nansê, kutê uwa ôvêlha tã, xi ôvelha sê kyê ni kobo, ni sabadu, ê na ka sêndê mon txila da la fa? 12 Kantu maxi ka valê, uwa ome dô kê ôvêlha! Dayem a pô fe bem ni sabadu.¹³¹⁴13 Anton Jizu fla ome: "Sêndê mon" axen ku ê sêndê mon, mon fô kuladu, fika axen kuma ôtlô mon. 14 Maji inen falizeu plama konté, di kuma inen ka pô txilé vida.¹⁵¹⁶¹⁷15 Ola Jizu bi sêbê kwa se, Ê xê dai. yô ngê ku lêlê, so so so Ê kula inen tudaxi. 16 So ku Ê lêklê inen pa niwa ngê na sêbê kengê sa Êlê fa. 17 Di modu ku kwa ku plofeta fla sa vede.¹⁸18 Ê fla: Pya selivi Mu kun kôyê, Amôlê Mu, ixi ku alima Mu ka gôgô kwê. Ami ska bi pê Suplitu Mu ni liba Dê, Ê ska bi da nitixa di justisa da inen jentiu.¹⁹²⁰²¹19 Ê na ska bi plufia, nê glita fa, niwa ngê na ka bi têndê fala dê ni lwa fa. 20 Ê na ka kebla kana plêmidu, ne pavu ku ska xê ligô fa, antê ku justisa ka tê vitoria, 21 Inen jentiu ka bi pê kunfiansa dine ni nomi Dê"²²²³22 Anton a be ku uwa ome segu mumu, ku demono ni ubwê Dê, so ku Jizu kulé. Ê da kwa ku ome mumu komesa ka pya bila fa. 25 tudu mansa ngê fika pantadu ka fla: Ome se sa mina Davi?²⁴²⁵24 Maji, ola inen falizeu têndê milagli se, inen fla: "Ome se na ska txila inen demono xi ê na se plô Belzêbu fa, plinxipi di dutu demono". 25 Mo Jizu, konsê pensamentu dine, ê fa-dine: Tudu lênu ku divizon ni ômê ka blaga, tudu ké ô poson ku demanda tudu ola ê ka blaga.²⁶²⁷26 Xi Demono ka kôlê ku Démono, anton êtê divizon di modu se kuma lênu dê ka gwenta? 27 Xi Ami ka txila inen démono plô Belzel, anton kêngê anzu nansê ka txila kwê? Plôvya kwa se, inen kabi sa zuxi kontla nansê.²⁸²⁹³⁰28 Maji xi Ami ka txila démono ni Suplitu Desu, anton Sumu Desu xiga da nansê. 29 Kuma a ka po lentla ke di ome butu- butu futa bem dê xi plumê a na male fa? Di modo se, a pô futa kwa ku sa ke dê . 30 Ixi ku na sa ku Ami fa sa kontla Mu, ise ku sa zunta ku ami fa wanga.³¹³²31 Êlê manda nga fla nansê a poda inen ome tudu pekadu ku blasfemya, maji blasfemya kontla Suplitu na ka bi sa podadu fa. 32 Kwa kwali fla uwa palavla kontla Mina Ome ise ka tê pedon ; maji ixi ku fla kontla Suplitu Santu, ise na tê pedon, nê ni mundu se, nê mundu ku sa di bi fa.³³³⁴³⁵33 Xi uwa pó sa bwa, kume dê sa bwa, xi uwa pó na bwa fá, kwne dê te na ka bi sa bwa fa, andê jime uwa po sa konxidu ni kume dê. 34 Lasa koblo, xi nansê sa mau, kuma nansê ka pô fla kwa ku bwa? kwa ku sa xa ni kloson so ku boka ka fla. 35 Ome ku bwa, ni bau dê ku bwa ê ka txila kwa bwadu, maji ome ku na bwa fa, ni bau de ku na bwa fa, êka txila kwa mali.³⁶³⁷36 Nga fla nansê, ni dja de Jizu, tudu ngê ska plesta konta di kada palavla obisena ku a txila ni boka. 37 Êlê manda plovya palavla bô, bó ka bi sa kondenadu."³⁹⁴⁰³⁸Anto, inen eskliba ku inen falizeu fla Jizu: Mese ê, non mêsê bê uwa xinali Bô." 39 Anton Jizu kujinen: Ma zelason aduteru ska golo xinali, niwa xinali a na ka alefa, xi no sa xina di plofeta Jona. 40 Axen mo Jona tá tlexi dja tlêxi nôtxi ni bega pixi glandji, Axen Mina Ome ka bi ta tlêxi dja tlêxi notxi ni kloson de tela.⁴¹41 Inen ome di Ninive ska bi lanta, ni Juzu, kontla ngê di zelason se di kondena inen, punda inen lêpendê ku plegason di Jona, agola pya: nai ten ngê maxi tame dê kô Jona.⁴²42 Lainha di Sulu sa di lanta, ni juiza ku inen ome de zelason se di kondena inen, punde ô bi di tela lôndji di têndê sêbê ai Salumon, agola pya: nai tô ngê maxi tame dô kê Salumon.⁴³⁴⁴⁴⁵43 Ola demonó ka xê ni uwe ome, ê ka nda vunjunu vangana gola luje tamê, maji sê bêlê. 44 Anton ê ka flo: Ami ska ba ke mu, kamya m´tava nê? Ola ê ka bê, ê ka bêlê kê balidu bem lumadu. 45 Anton ê ka be ku ôtlô sete suplitu py olo dô kê, di lanta vivê na la Anton kondison di vida ka sa pyola dô kê plumê. Axên ka bi sa ma zelason.⁴⁷⁴⁶Andê jime ola Jezu tava ka fla da povo, men dê ku inen manu dê tava lwa, ka golo modu fla kwê. 47 Só ku a fedê:" Pya, Men bô ku inen manu bô mêsê fla ku bô.⁴⁸⁴⁹⁵⁰48 Maji Jizu fla da ngê se ku fla kwê: Ê ngê sa men Mu. 49 Anton ê sêndê mon da inen disipulu Dê fla: Pya men ku inen manu mu sa inen!. 50 Punda ixi ku ka fe vontê Pé mu ku sa ni ose, ngê se so ku sa manu, mana ku men Mu."

¹²1 Ni dja se Jizu ni ke ba tason bodo omali: 2 Uwa manse ngê zunta bodo Dê. Anton Ê lentla vapô tason: Tudu ngê fika mundjadu ni ple.³⁴⁵⁶3 Anton ni vesu Jizu yô kwa. Ê fla: Uwa ximyadô xê ka ximya. 4 Ola ê tava ka ximya uwa- dôsu ukwe kyê ni bodo stlada, inen bisu dése kumé. 5 Otlô kyê kamya té budu, luge tê pôkô balu, ê na tada fa ê da wê punda balu na sa montxi fa. 6 Maji ola sola nansê, inen kema, ande jume inen na tava ka leji de gwenta fa, anton inen suga.⁷⁸⁹7 Ôtlô ukwe kuê ni ômê po ku tê pyan, inen klêsê plême inen xi ka a ximia. 8 ôtlô kyê ni bwua telá inen se da kume, ôtlô da maxi dôkê sem, ôtlô sesenta ôtlô tlinta. 9 Ngê tê olha, têndê.¹⁰¹¹¹²10 Inen dixipulu bi zao fada Jizu:" Punda kwa manda Sum ka fla da pôvô ni vesu". 11Kujine, fla: Adá nansê sotxi di têndê stlegedu di Lenu di tudu Ose, maji inen fa. 12 Punda ixi ku tê, a ka bila dé montxi, maji ixi ku na têfa, pôkô ku ê tê a ka bi la toma.¹³¹⁴13 Ami nga fla ku inen ni vesu, punda, a pô pya , maji a na ska bê fa a pô têndê, maji ka kô sudu, ku na têndê ne sêbê fa. 14 Ni inen, ka kumpli plofecia di Isaia ku fla:" Têndê, a ska têndê maji di modu nho têndê, pya a ska pya, maji di modu nho a na sêbê fa.¹⁵15 Punda kloson pôvô se bila lizu, inen ka têndê ku ma vonte, bila fisa wê, axem fa, inen ka bê ku wê, têndê ku olho, kômplêndê ku kloson, lêpendê, Ami ka kula inen.¹⁶¹⁷16 Wê nansê sa xa di benson, punda ê ska bê, olha nansê, punda ê ska têndê. 17 Ni vêdê nga fada nansê kuma yô plofeta ku ome justu gôgô di pya kwa ku nansê ska bê, inen na bêlê fa di têndê kwa ku nansê ska têndê, inen na têndê fa.¹⁸¹⁹18 Anton, plesta atenson, da vesu di ximyadô. 19 Ola uwa ngê ka têndê palavla de Lenu, maji na pota fa, anton maliginu ka bi futa kwa xi ku a ximya ni kloson dê. Ise sa ixi ku fô ximyadu ni bodu stlada.²⁰²¹20 Ise ku fô ximyadu kamya tê budu sa ixi ka têndê palavla lêsêbê meda ola ku aledlia, 21 Maji ê na tê leji fa, ê ka gwenta pôkô tempu tan. Ola tlibulason ô plexigison ka plasê plôvya palavla, moda ola sa ka tlopesa.²²²³22 Ixi ku fô ximyadu ni ômê planta ku tê npyosa ise ka têndê palavla, maji vugu di mundu ku ngana da likêza sofoka palavla, ê na poji da kumê fa. 23 Ixi ku fô xmyadu ni tela bwuadu ê sa ise ku têndê palavla ku atenson, vede me ise so ka dá kume, ôtlô ka da sem vê maxi do kê ku fô ximyadu, ê tê sesenta, ôtlô tlinta vê maxi."²⁴²⁵²⁶24 Jizu musa inen ôtlô vesu, fla: Lenu dinen Ose sa mo uwa ome ku ximya ukwe bwuadu ni kampu dê. 25 Maji, ola a ska dumini numigu dê bi tembetê ximya kana blabu ni omê tligu, so bêdê. 26 Ola ukwe tligu da wê so ku da spiga ku kume, kana blabu tembete plasê.²⁷²⁸27 Inen selivi di dossu kampu bi fadé: Sum na ximya ukwe bwadu ni kampu sum ã? Kuma kana blabu sa nê? 28 Ê fadinen uwa numigu fe kwa se: Inen selivi fla: Sun mêsê pa non lankê?"²⁹³⁰29 Donu kampu fla: Ino pê nada kwa ola nansê ka saya kana blabu, a ka pô saya tligu guntu kwê. 30 Desa inen dosu klêse zuntu antê dja kolhêta. Ni dja kolhêta nga fada inen , inen tlabadô mu: Saya kana blabu plumelu male fêsu fêsu pa kema, maji zunta tligu ni alimanye ma."³¹³²31 Anton Jizu musa inen ôtlô semplu, fla: Lenu dinen Ose sa mo ukwe di mostarda ku uwa ome toma ximya ni kampu dê. 32 Ukwe se, di vêdê, ê sa maxi txoko di tudu ukwe. Maji, ola ê ka klêsê, ê ka bila maxi tamé tudu po di jardin, ê ka bila glandji, di modu ku bisu d ó se ka fe ke pê many dê."³³33 Anton Jizu bila konta uwa vesu da inen: Lenu dine Ose sa mo flomentu ku uwa mwala toma zunta ku dosu mindjida fanha antê ku masa flementa."³⁴³⁵34 Tudu inen kwa se Jizu fle da pôvô ni vesu, Ê na fla nada xi, sê vesu fa. 35 Ise sa pa kampli kwa ku fô fladu plômê de plofeta bila vêdê ola ê fla: Ami nga bili boka mu ni vesu, fla inen kwa se ku tava kondidu djina punda sum de mudu.^3637383936 Anton Jizu desa pôvô lentla ke. Inen disipulu Dê bi zao fla: xplika non vesu di kana blabu ni kampu." 37 Jizu kuji, fla: Ise ku limya ukwe bwadu sa Mina Ome. 38 Kampu sa mundu, ukwe bwadu sa inen mina di lenu kana blabu sa inen mina maligino, 39 numigu ku ximya sa demono. Dja di kôyê sa fim mundu, inen tlabadô de ku koyê sa inen anzu dóse.^4041424340 Andê jime, mo kana blabu sa koidu kumedu ni fôgô, axem ka bi sa fim mundu. 41 Mina Ome sa di bi ku inen anzu dê inen ka ba zunta ni lênu dê tudu inen kwa ku ka fe poka, ka ku inen xi ku fe mali, 42 Zao di juga inen ni fono fôgô, kamya a ka ba kume dentxi ka zeme. 43 Anton inen justu ka ba luji mo solo, ni lênu de pe dinen. Ixi ku tê olha, têndê.⁴⁴⁴⁵⁴⁶44 Lenu dinen Ose sa mo uwa têzoru kôndidu ni uwa kanja ku uwa ome bêlê zao kondê. Ne gôstô ku ê tê, ê bê, bêndê tudu kwa ku ê tê kopla kampu se. 45 Otlô maxi, Lenu dine Ose sa mo uwa ome negoxo ku ska golo kwa (perula) plexizu. 46 Ola ê bê perola ku ka valê uwa data, ê be bêndê tudu kwa ku ê tê kopla perula se.⁴⁷⁴⁸47 Ôtlô vê, Lenu dine Ose sa mo uwa lêdê ku fo lansadu pe omali ê ka pega tudu kô lô pixi. 48 Ola ê ka xa, inen piskadô ka soye pê ple. Anton a ka tason zunta tudu kwa ku bwa pê kwali, maji ixi ku na bwa fa a ka zuge buta.⁴⁹⁵⁰49 Ê sa moda se n fim mundu: inen anzu ka bi pota inen máu ni ômê justu, 50 Zao zuga inen ni ômê di fono fôgô, andji a ka ba zeme kame dentxi.⁵²⁵³⁵¹Nansê têndê inen kwa se? Inen disipulu kuji: yôxi." 52 Anton Jizu fadine:" Andê jime tudu mese di alô ku ka bila dixipulu di Lênu di Ose ê sa mo uwa ome donu ke, ku txi inen kwa ve ka novu ni tizôru dê. 53 Ê da kwa, ola Jizu kaba inen vesu se, Ê desa luge se.⁵⁴⁵⁵⁵⁶54 Anton, ola Jizu lentla flêgedja dê plopi, Ê xina ni xinagoga da yô ngê, inen fika pontadu ka fla: Danji ome se bé sêbê ku inen milagle se? 55 Ome se na sa mosu kapintêlu ã? Men na sa Maya ã? 56 Inen mana Dê na sa ni ôme non ã? Anton kê kamya ome se txila tudu inen kwa se nê?"⁵⁷⁵⁸57 Inen fe poka kazu di Jizu. Maji fadinen uwa plofeta, ni tela dê ni omê familia dê ê na tê lispetu fa.

¹Ni tempu sala, herodes, tetrarka, têndê nutixa di Jizu. ²Ê fada inen selivi dê: "Isê sa Zon, Batista. Ê kada ni motxi, ele manda ku inen pôdê se ê ka fé"³Punda herode tava maladu Zon, male pê ni kadjan plovi di herodia, mwala di filipí, manu dê, ⁴Pundá Zon tava fladu: nasa Justu di ê tê no mwala bô fá. ⁵Herodé ta manda mate, maji ê mendu pôvô, punda, inen tava ka bê zon mô uã plofeta.⁶Maji, ola aniversario di Herodé nganha, mina de herodias dansa ni ame dinen, kuvidadu soso ê bwa da herode. ⁷Anton ê plomete ku zulamentu kuma ê ka bi de kwa kwali kwa ku e ka piji⁸Soso ku istluson de mendê, ê fla: " Damu nain, ni uã platu, kabesa di Zon Batista" ⁹Alê fika, tlisté da kwa ku mina piji, maji, plovia di zulamentu ku ê fe ni wê tudu ngê ku tava ni mesa ka janta ê da odji di fe kwasê.¹⁰Ê manda inen sode di ba kata Zon kabesa ni kadjan. ¹¹Anton bi ku kabesa ni uã platu so e da mina so ê ba tlega mendê. ¹²Anton inen dixipulu bi toma klôpô dê ba ntela, ola inen kwase vala inen ba konta jizu.¹³Ola Jizu tênde kwa ku da, ê xe d'alá, lentla uã kanoa, ba luge patadu. Ola pôvô têndê kwase inen bi di poson d'ope lêlê Jizu, ¹⁴Anton Jizu xê ni kanua, bê mansa pôvô, ê xintxi pena dinen kula doentxi dinen.¹⁵Ola taji nganha, inen dixipulu bi lêlê fade: Luge se sa kanpu azêtô taji ska nganha. Dípiji pôvô pa inen ba vila ba klopa kwa kume.¹⁶Maji jizu fa dinen: ê na sa plixizu pa inen bê fá. da inen kwa kume. ¹⁷Inen fadá Jizu: Non tê xinku npon ku dosu pixi tan nain. ¹⁸Jizu fla: Bi kwê da mu.¹⁹Anton jizu da odji pa povo tason ni aliba. Ê toma inen npon ku pixi bila pya osé, da glasa katxi npon, da inen dixipulu ku patxi da povo. ²⁰Tudu ngê kume ante bega xa. Anton inen koyê pedasu ku soveza. Dozê kwali xadu. ²¹Inen ngê ku kume ta sa xinku mili ome, sê konta mwala ku mina pikina.²²Anton ê fa inen dixipulu kyê wê ba ôtlô kamya, Ola ê tava dispiji povo. ²³Ola ê manda povo bêdê. ê supli ôkê di ba fla lason, Ola kulu toma son, ê tava nala ele tan. ²⁴Maji kanoa tava lonji di tela ku matxilu plovia di basa d'omali, punda ventu sopla kontla inen.²⁵Ni kwatlu ola di mlazagadu. Jizu pazê inen ka nda ni omali. ²⁶Ola inen dixipulu, bêlê ka nda ni omali inen mendu fla:"Ê sa uã alima, bluku" So inen glita di mendu. ²⁷Ola seme Jizu fla dinen: "Na mendu fa! Ê s'ami! tê korajé"²⁸Pedu kuji ê: "Sumuê, xi êsa Sum, damu odji pa maba lêlê Sum kanda ni liba d'áwa" ²⁹Jizu fla: "Bi!" Axen pedu xe ba lêlê Jizu ka nda ni liba d'awa. ³⁰Maji, Ola Pedu bê ventu, ê xintxi mendu, kyê ka Funda, glita: "Sumuê, stlava-mu!"³¹Jizu medaola sêndê mon, tê Pedu fade. Ome di pôkô afé kamanda bô na kêlê fa?" ³²Anton ola ku pedu ku Jizu lentla ni Kanoa ventu mundja. ³³Inen dixipulu ni kanoa adora Sun fla: Vede me bô sa Mina Desu"³⁴Ola inen kompleta viaji atlebesa xiga tela di genezaré. ³⁵Olá ome dala luze se bê kuma kwasa Jizu, Inen manda lekadu da tudu luge pa bi ku tudu doentxi. ³⁶Inen loga Jizu pa ê pô desinen tê bodo di mantu dê, soso tudu ngê ku te fô kulado

¹Anton uã dôsu falizeu ku sklêvêdô livlu bi di Jerusalémfada Jizu: ²kwa manda inen dixipulu Bô ka kêbla tladison inen ansian da?Punda inen na ka laba non ola a ka kume fa. ³Jizu kuji fla: kwa manda nansê ka êbla mandamentu Dêsuplovia di tladison nansê?⁴Punda Dêsu fla: Honla pe bô ku en bô; ixi ku tlta pedi ku men dê mali ê pô di setu ê ka bi môlê. ⁵Maji nansê ka fla: i xi ku fla pe dê ô men dê kwa kwali zuda ku a ka pô lêsêbê ni mo mu sa ofeta da Dêsu; Ngê se ka dêsa di honla pe dê fa ! ⁶De moda se nansê ka txila palavla Dêsu plovia di tladison nansê.⁷Fingidu! Bem plofeta Isaias fla di nansê ola ê fla: ⁸Pôvô se ka honla Mu ku boka tan maji kloson dinen sa londji di Ami. ⁹Inen ka adola Mu en vão, punda inen ka xina manadamentu di ome.¹⁰Anton Jizu sama pôvô da Êlê i fla: bili olia têndê: ¹¹Nada xi ku ka lentla ni boka na ka bila uã ngêimpulu fa.Maji ii ku ka xê ni bôka, ise ka bila uã ngê impulu.¹²Anton inen dixipulu bi fada Jizu:"Sum sêbê kuma inen falizeu fika bloxidu, ola inen têndê palavla Sum?" ¹³Jizu kuji fla:" tudu pó ku pe Mu seltialina imya fa ê ka bi sa lankadu. ¹⁴Dêsa inen tan; inene sa giya wê segu.Xi uã segu giya ôtlô segu, dôdôsu ka kyê ni blaku.¹⁵Pedu kuji fada Jizu:Xinanon semplu se". ¹⁶Jizu fla:" Antawo nansê na xi têndê fa? ¹⁷A na pya kuma tudu kwa ku lentlani boka ka vala ni stomagu zo xê ã?¹⁸Maji inen kua ku ka xê ni boka ka bi di kloson i se so ka bila ome impulu. ¹⁹Punda ni kloson ka xê ma pensamentu,asasinu, adultéliu, sexu sê lispetu, futa, sestemunhu fasu, palavla obusena. ²⁰So inen kwa se so ka bila ome impulu,maji kume ku mon suzu na ka bila uã ngê impulu fa.²¹Anton Jizu xê dala ba dileson d'inen poson di Tiroku Sidon. ²²Soso uã mwuala kananê bi dilegion se. kaglita:" tê pyedadji mu, Sumu, mina Davi, mina mu sa tlomentadu plô demôno." ²³maji Jizu na kujê nê uã palavla fa.Anon inen dixipulu bi logÊ fla:"dispijiê punda ê ska glita ni laxi non."²⁴Maji Jizu fla:"Ami na fô mandadu xiê na sa pa inenovelha plêdidu di kê di Israel." ²⁵Sososo mwala bi kebla dzê ni wê Jizu, fla:" Sumu ê, zuda mu." ²⁶Ê kuji ê na sa bwa txila npon ni mina pikina zuga da kasô fa."²⁷Mwal kuji,yô xi Sumu,maji antê inen kaso ka kume uku di kume ku ka kyê ni meza dinendono dê." ²⁸nton Jizu kuji fla:" Mwal ê glandji sa afe bô!Ê sa fedu axem mo bô mêsê". Ni ola s mina dêdê fika kuladu.²⁹Jisu dêsa lugê zop pôzê omali di Galileia, soso Ê subli uã okê tason nala. ³⁰Uã monsa pôvô bi lêlê;inen toka bi ku kôxxu, segu, mumu, lezadu, ôtlô ku tava ka dontxi.A be ku inenantê ope Jisu soso Ê kula inen. ³¹Anton pôvô gôgô muntu ol inenbê mumu ska fla,lezadu sa kuladu, inen kôxu ka nda, inen segu ka bê. Inen tudaxi lova Dêsu di Israel.³²Jizu sama inendixipulu dê fla: Ami têkompaxon di pôvô se, punda inen sa i ku ami tlexi dja,soso nadaxi inen na tê di kume fa. Ami na m~esê manda inenbe sê kume fa, nga mendu pa inen na kyê ni stlada," ³³Inen dixipulufla: " Lugê sa kampu azeto,andji non ka bê npon pa tudu pôvô se kume xa bêga?" ³⁴Juzu fa dinen: kantu npon a tê? inen fla :"sete npon ku uã pôkô pixi." ³⁵Anton Jizu da odji pa pôvô tason ni son.³⁶Ê toma sete npon seku pixi da gjasa, patxi npon da inen dixipulu. inen dixipulu paxi da pôvô. ³⁷Tudu ngê kume antebega xa.Soso inen kôyê sete kwali xadu di pedasu kwa kume ku soveza. ³⁸Inen se ku kume ta sa kwatlu mili ome s^konta mwala ku mina pikina. ³⁹Anton Jizu dispiji pôvô, lentla ni vapô xê ba legion di Magadã.

¹Inen Falizeu ku Saduseu bi plapa Jizu, piji pa musa inen uã xinali d'ose. ²Maji Jizu kuji: " Ola taji ku bi, nansê ka fla: Êka bi tê bon tempu,punda osé sa vlêmê.³Plama nansê ka fla: oze tê ma tempu, punda nedlina sa vlêmê A sêbê intlepeta aspetu d'ose. Maji a na sêbê intlepeta inenxinali di tempu fa. ⁴Uã zelason maw adultela ka piji uã xinali na sa dadu xi ê na sa di Jona." Soso Jizu dêss inen bé dê.⁵Inene dixipulu xiga ôtlô kwosta, maji inen kêsê bé ku npon. ⁶Jizu fada inen fika ku wê -betu toma kwidadu ku flementu di Falizeu ku Saduseu. ⁷Inen dixipulu kkyô ka plufia fla: ê sa punda na bi ku npon fa. ⁸Jizu bê kwa se ê fla:"ome di pôkô afé, a ska pufia punda a na bi ku npon fa."⁹Nansê na bê nê lembla di xinku npon pa xinku mili ome di kwantu kali a kõyê fa? ¹⁰Di sete xpon da kwatlu mili ome di kwantu kwali sovêza fa?¹¹Kuma nansê na têndê kuma ska fla di npon fa? Plesta tenson toma kwidadu ku flementu di Falizeu ku Saduseu." ¹²Anton, inen têndê kuma ê na tava ka fla pa inen toma kwidadu na ku flementu npon fa, maji di toma kwidadu ku xinanmentu dinen falizeuku saduseu.¹³Ola Jizubi inen lugê petu Sezareia di Filipe, ê punta inen dixipulu dê:" kengê pôvô ka fla ku mina di omê sa?" ¹⁴Inen fla Uã dôsu ngê ka fla: João Datista, ôtlô Elias; zo ôtlô, Jeremias ô uã d'inen plofeta." ¹⁵Soso Ê punte inen: Kengê sa mu da nansê? ¹⁶Ximon Pedu kuji:"Bô sa klistu, minaDêsu vivo."¹⁷So Jizu kuji:" benditu bô sa Ximon Bbarjona mina Jonas,punda nasa kani ku sangi so musa bô kwa se fa, maji Pe mu ku sa ni osé . ¹⁸Ami tembete nga fada bô, bô sa Pedu, ni liba budu se nga edifika glêza mu poto di nfenu na ka pô kwê fa.¹⁹Ami nga da bô sabi di lênu d'osé.Kwa ku bô liga ni tela ka sa ligadu n'osé, ixi ku bô paga ni tla ka sa pagadu n'osé." ²⁰Anton Jizu da inen dixipulu odji pa a na konta nê uã ngê Kuma Ê sa Klistu fa.²¹Djina ola se ba wê , Jizu kyê ka fada inen dixipulu kuma Ê sa plixizu ba Jeluzalém ba sufli yô kwa ni mon dinen ansion, plinxipali sasedotxi ku sklêvêdô livlu; bi môlê koda ni têsêlu dja. ²²Anton, Pedu sama Jizu patadu, lêplendÊ fla: " Sumu ê, londji di sum, kwa se na ka bi da fa." ²³Maji, Jizu bila fade: xê ni wê Mu Santanaji, bô sa da mu ma uã budu di tlopesu punda bô na konsê kwa Dêsu fa, di ome tan."²⁴Anton, Jizu fadinen dixipulu: Xi ngê mesê lêlê mu, se la ê nega vida dê, toma klusu lêlê mu. ²⁵Plotantu ngê mêsê stlava vida dê ka plêdê. soso ngê ku ka plêdê vida dê, plôvia mu ka bêlê. ²⁶Punda kwê plôvetu uã tê di nganhu mundu ntêlu, maji plêdê vida dê? Kwê kwa ku uã ngê ka pô da ni tlôka di vida dê?²⁷Punda mina di ome sa di bi ni glôya de Pe dê ku inen anzu dê. Antonê ka bi da lekompensa da kada ngê, di ka ku koda ngê fa. ²⁸Vede me nga fada nansê kuma uã dôsu ngê ku sen naí ku plapa motxi antê ku a ka bê mina i ome ka bi niLênu Dê."

¹²1 Sxêxi dja vala, Jizu bê ku Pedu, Tiagu ku manu dê Zon, ba uwa ôkê ku inen patadu. 2 Jizu tlanfoma ni wê dinen, kala Dê bila ka luji mo solo, lôpa dê tava ka luji mo kandja.³⁴3 So ku Muze ku Elias plasê ka fla kwê. 4 Anton Pedu fla Jizu:" Sumu, ê sa bwa non tá nai. Xi a mêsê nga fe tlêxi tenda: Uwa da Sun, uwa da Muze, uwa da Elias."⁵⁶⁷⁸5 Ê ska fla antaó ola uwa nuve kubli inen, uwa vozu ku bi di nuve fla: Ise sa Mosu Mu amadu, Ngê nga gôgo kuê Ê ka fla." 6 Ola inen dixipulu tendê kwa se, inen kyê ku kale ni son zaó xa di mendu. 7 Anton Jizu bi tê inen fla: lanta na tê mendu fa". 8 Ola inen kôlê wê a na bê niwa ngê fa Jizu tã.⁹¹⁰9 Ola inen tava ka dêse di ôkê, Jizu lêkle inen, fla: Na konta vizon da niwa ngê fa Antê Mina Ome ka lesusita ni ômê motxi". 10 Inen dixipulu Dê punte, fla: Kwa manda inen eskliba ka fla kuma Elias toka bi plumê?¹¹¹²¹³11 Jizu kuji fla: Dê setu Elias kabi koseta tudu kwa. 12 Ande jime dga fada nansê: Elias biza, maji inen na sêbê fa, en vêji dese, inen fe kwa ku inen mêsê kwê. Di modu se me, Mina Ome ka ba soflê ni mon dine! 13 Anton inen dixipulu têndê kuma Ê tava ka fla de Zon, Batista.¹⁴¹⁵¹⁶14 Ola Jizu xiga zuntu pôvô, uwa ome bi da dize da Jizu fade: 15 " Sumu ê, te pena mosu mu, ê ka soflê muntu ka taki. Yô vê ê ka kyê fôgô, ôtlô vê ni awa. 16 Ami bi kwê da inen dixipulu Sun, maji inen Na pô ji kule fa."¹⁷¹⁸17 Jizu kuji fla:" Kê má gelason disklentxi, antê kê dja nga ta ku nansê ? Antê kê dja nga gwenta nansê? Bi ka anzu da mu" 18 Jezu lêplêndê demono ê xi ni mosu, ê fô kulado ni ola se me.¹⁹²⁰²¹19 Anton, inen dixipulu ba lê lê Jizu patadu fla: Punda kwa manda non na pô txile fa? 20 Jizu fadine: Plovya pikina afe nansê, vede me nga fada nansê: Xi a tê afe mo pikina ukwe de mostarda, a pô fla ôkê se: Xê nai ba la, Ê ka be. Nada na ka impusive fa. 21 Maji inen kosta demono se na ka xê, xi ô na sa plo lason ku Jizu fa. ( Inen kopya maxi gwado tempo na tê vexikulu).²³²²Ola inen tava ni Galilêa antó, Jizu fla inen dixipulu dê: A ska bi tanda Mina Ome ni moon dine ome. 23 Inen ka bi mate maji, ni tlêxi dja Ê ka lesusita." Inen dixipulu fika tlisti uwa data.²⁵

²³¹Ni tempu se me, dixipulu ba lêlê Jizu punté: Ngê sa maxi tame ni Lênu a´ Ose? 2 Jizu sama uwa anzu, pê ni ômê dine. 3 Zaó fla e vede me nge fla nansê, xi a na kônvertê bila mo uwa anzu fa, di modu nho a lanta ni Lênu d´Ose fa.⁴⁵⁶4 Anton ixi ku umilha mo anzu se ê sa maxi tame ni Lênu d´Ose. 5 Ixi ku lêsêbê uwa anzu mo ise ni nomi mu, ka lêsebê mu, 6 Maji ixi ku pe uwa anzu se ku kêlê ni amin peka, milho uwa budu glandji de muinhu ka sa plundadu ni klonklo dê pê ka funda ni ômê omali.⁷⁸7 Ai di mundu plovya ixi ka ku fe tlofesa! 8 xi mon bô ô opé bô ka fe bô tlepesa, kote zuga pê londja. Ê maxi bwa bô lanta ni vida mankêlê ô lezadu dôkê lentla fôgô eternu ku dosu mon ô ope.⁹9 Xi wê bô ka fe bô tlopesa, lanke zuga pê londji. Ê sa maxi bwa pa bô lentla ni vida ku uwa wê dôkê lentla ni fôgô eternu ku dôsu wê.¹⁰¹¹10 Pya na fe bôkâ niwa anzu fa. Punda nga fada nansê kuma anzu dine no osê ska pya semple buê de pemú ku sá ni osê.¹²¹³¹⁴12 Pya ê? Xi uwa ngê tê sem ôvelha, uwa dê plêde ê na ka desa noventa nove ni liba ôkê, ba tlaxe di ise ku plêdê fa? 13 Vêdê me nga fada nansê kuma, xi ê bêlê, ê ka sa ku gôstô maxi punda ise dô ke noventa nove ka na plêde fa. 14 Dê modu seme, ê na sa vonte Pé nansê ku sa ose pa uwa mina pikina plôdê fa.¹⁵¹⁶15 Xi manu bô peka ( kontla bô), bé, fle di falha dê, bô. 16 Maji, xi ê na kuji bê fa, bi bô ku maxi dosu nguê, anton, ni boka di dosu ô tlêxi têstêmunha tudu palavla ka sa konfimadu.¹⁷17 Xi ê na kunxitxi di têndê bô fa, fla gléza. Xi ne glêza ê na mesê têndê fa, konsidere mo uwa djintxi ô kobladô di impostu.¹⁹²⁰¹⁸Vêdê me nga fada nansê: Ixi ku a liga ni tela ka sa ligadu ni osé, ixi ku a disliga ni tela ka sa disligadu ni ose. 19 Otlô kwa, ami ka fada nansê kuma, xi dosu nansê ka xintxi ni tela da kwa kwali kwa ku a pidji, pe mu ka fê plovya nansê. 20 Kamya tâ dôsu ô tlêxi zuntadu ni nomi mu, nai ami sa ni ômê dinê.²¹²²21 Anton Pedu bi lêlê Jizu fadé Sumu ê , kwantu vê manu mu ka peka kontla mu nga podé? Antê sete?" 22 Jizu kuji: Sete vê fa maji xtenta vejidi sete.²³²⁴²⁵23 Êlê manda lênu diose sa mo uwa alê ku mesê fe konta ku selive dê. 24 Axen ê konta komesa a bi ku uwa selivi ku dêvê dexi mili talentu. 25 Maji mo ê na tê mô pagé fa, donu dê da oji di bendê zuntu ku mwala dê ku inen mina dê ku tudu kwa ku ê tê, di paga divida.²⁷²⁶Anton selevi kye da dizê fla: Sumu tê poxensa ku ami, nga paga sun tudaxi. 27 Anton donu selivi, xa di kompaxom, livle podé tudu divida.²⁸²⁹28 Maji selivi se xê bê ôtlô kompa dê ku tava ka dêvê sem denário. Ê kyê liba dê tê klonko, fla: paga mu kwa bô ska dêvê mu! 29 Kompa dê kyê loge ka fla: tê paxensa ku ami, nga paga bô.³⁰³¹30 Maji selivi na mesê pode fa. Ni vê di kwa sê, ê boté ni kaja, anté ku ê ka paga tudu kwa ku ê ska dêvê. 31 Ola ôtlô selivi de alê bê kwa ku da inen fika tlisti uwa data, so so so inen ba konta sun dine tudu kwa ku da.³²³³32 Anton sun di selivi se samé fla: Selivi mau ami poda bô tudu divida punda bô loga mu. 33 Bô na pô tê maxikoji di mayê ku bô, axem ntê mixikoji bô fa?³⁴³⁵34 Anton sun dê xa di leva tlegé da inen tlotuladô antê ku ê ka paga tudu kwa ku ê ska dêvê. 35 Axem tenbete Pe mu ku sa osé ka fe nansê, manu dê fa."

¹Ê dá kwa ku olá Jizu kaba inen palavla sé, é ba galileia bé pla flekêja di judeia, ni lumuwê. Uwá jurdán. ²Uwá mansâ ngê lêlê e kula inén.³Inen falizeu bi lêlê, plápé inen fadé: " é sa bwa uwa omé blaga vu mwala plô kakali kwa?". ⁴Jizu kuji ka flá: "Bô na lê kuma ixi ku fê inen jinon kamesu fé inen omé ku mwala fá?"⁵I é tembete flá: Plôvia kwa sé, omé ka bi désa pé Dê ku mén dê i bi zunta ku mwala dê inen dôdôsu ka bi bila uwa kani tan? ⁶Nayen Dêsu inen na bila sá fá, maji uwá kani tan, plutantu, ixi ku Dêsu zunta, niuã ngê na ka pô blaké fá.⁷Inen fadé: " ka manda, mozé manda non blaga zô da uwa kata di divórsiu? ⁸E fadinen: Plovia klóson lizu nansê, mozê dessa nansê blaga ku mwala, maji ni komesu, na sa di moda sé fá. ⁹û ga fla nansê kuma tudu kênxi ku ka blaga ku mwala dê, xi ê na sa plovia di tlaison fá kasa ku ôtlô, ê kometê adulteriu, (Omé sé ku ka kaza ku mwala sé ku a blaga kuê ténbeté ka kômêtê adultériu.¹⁰nen dixipulu flá Jizú: " xi vida di uwa omé ku mwala dê sa nada sé, ê na bwa kaza fá" ¹¹Maji Jizu fadinen: "Na tudu ngê ku ka blasa xinamentu sé fa, maji inen sé tan ku ada plimison de kujiê" ¹²Maji Êunukus sen ku sa naxidu, axén ni blega di mén dê, Ê tê êunuku ku sa fédu plâ, inen omé. Ê tê êunuku ku fé êlê mé di eunuku plôvia di lênu dinen osé. Isé ku sa bwa pia lêsêbê xinamentu sé ka lêsêbê!¹³Anton a bi ku ûwa dosû anzu da Jizu pê pô sendê mon liba dinen plá lason, maji inen dixipulu lêplendinen. ¹⁴Andeji mé Jizu flá: "Déssa inen mina pikina bi lêlê mu na kolê ku inen fá, punda lênu dinen osé sa dinen" ¹⁵Ê pê mon liba dinen anton ê xê dai.¹⁶Ûwa omé bi lêlê Jizu i flá: "Mesé, ke kwa kun ga pô fé di bwa pan pô tê vida pô pala semplê?"¹⁷Jizu fadé: "Ka manda bô ka punta ami di kwa ku sa bwadu? ûwa tan sa bwa, maji xi bô mêsê lentla ni vida, kumpli inen mandamentu"¹⁸Omé punté: "Kê mandamentu?" Jizu kuji: "Na mata fá, na komêtê adulteriu fá, na bi futa fá, na lanta fasu sestêmunho fá, ¹⁹Lispeta pé bô ku mén bô ama ploximu bô mó bô mé"²⁰Maxibin fadé: "tudu isen kwa sé u ska fê kê kwa sa plexizu antáo pan fé?" ²¹Jizu kujié: "Xi bô mêsê sá bwa, bé, bendê kwa bô tê, dá inen pobli, bô ka bi tê likêza ni osé; anton bi lêlê mu." ²²Maji, Ola maxibin têndê kwa Jizu flá, ê bê tlisti, punda ê tinha yô ben.²³Jizu flá inen disxipulu dê: "Védé védémé ugá flá nansê ku ê ka kusta uwã omé liku léntla ni lênu dinen osé. ²⁴ôtlô vê ûga fla nansê: pla ûwa kamelu vala plô mê di uwa blaku di guya, ê na ka kustá fá, dôquê pla uwá omé liku lentla ni lênu di Dêsu."²⁵Ola inen dixipulu têndê kwa sé, inen babaká inen flá: "Anton gêngê ka pô sa stlava?" ²⁶Jizu pia inen i flá: "Da omê ê na ka pô sá fa, maji pla Dêsu tudu inen kwasé ka pô sá" ²⁷Anton Pedu kuji fadé: Pia nón Desá tudu kwa lêlê bô; Antón kêkwa nón ka bi nganhá?"²⁸Jizu fadé: Vedé véde mé û ga flá nansê ku ni regerason, ola mina di omé ka tason ni tlonu di gloya dê nansê tembeté ku lêlê mû ka bi tanson liba dôzê tlônu pa julga inen dôzê tlibu di israeli!,²⁹Tudu inen isé ku désá ké, Manu, mana, pé, mén, mina ô bén, plôvia di nomi mu, ka bi tê sén vê maxi bila leda vida plasemplé. ³⁰Andejimé yô dinen sé ku sa plumé ka bi sa tlaxi inen sé ku sa tlaxi ka bi sa plumé.

¹Punda lênu dinen osé sa mó donu di uwa bén ku xê plam sedu, di goló tlabadô da vinha dê. ²Zô ê kunbina di paga inen tlabadô nwa denáriu plô, dja manda inen ba vinha dê.³Ê bila xê pô vota di tlisêlu hóla i ê bê ôtlô tlabadô sê kwa fé ni plása. ⁴I ê fadinen nansê fô ba vinha mu témbété, ûga bi dá nansê kwa ku sa justu hanton inen bá tlaba.⁵Ôtlô vê, ê xê plô vota di sexta hóla i, ôtlô vê, ni nona hola, i ê fé kwa sé mé. ⁶Ûwa vê maxi, plô vota di dexima plumêlu hóla. ê xê ê bê ôtlô sê kwa fé. E putá inen: Ká manda nansê sá nai munjadu jina plama sê kwa fé?. ⁷Inen kuji ê: Punda nyao ngê na fla ku nón fá. Ê fadinen: "Nansê pô ba vinha mu témbété"⁸Ola taji xiga, donu di vinha flá administradô: Sama inen tlabadô fé inen pagamentu, komesa ku inen sê ku xiga ultimu antê plumê. ⁹Óla inen tlabadô ku fô kontlatadu ni dexima plumêlu hóla inen xiga, kada ûwa dinen lêsêbê ûwa dénáriu. ¹⁰Óla ku inen plumê tlabadô xiga, inen kunda ku inen ka pô lêsêbê maxi, andeji mé kada ûwa dinen témbété lêsêbê ûwa denáriu.¹¹Óla inen lêsêbê pagamentu dinen, inen kiê ka ngungúnu ku donu lósá. Inen flá: ¹²Inén tlabadô ku sé ku xiga ultimu tlaba ûwa hóla tanganatan, Maji bô fé inen pagamentu mó non, ku guenta tudu masada di stluvisu dja ntêlu ku kalôlô fotxi.¹³Mani dónu kuji ûwa dinen, flá: miguê, ami na ngana bô fá. Bô na kunbina ku ami ûwa denariu ã? ¹⁴Antón toma isé ku jibô bé bô, û disídi dá inen tlabadô sé kontlatadu utimu axém mé mó bô.¹⁵Ami na ka poji fé kwaxi kun mesê ku ben kuntê fá? Ô ê sa mali da bô punda û fé ben? ¹⁶Axén inen ku sa utímu ka bi sa plumê, i inen plumê inen ka bi sa utimu.(Samadu sa montxi, maxi koidu sa pôkô)¹⁷Ola xu ku Jizu tava ja subli ba Jêluzalén, ê sama inen dôzê dixipulu patadu i, ni stlada, ê fadinen: ¹⁸Pia; Nón ska subli bá Jeluzálén. I mina di omé ka bi sa tandadu da inen saserdotxi ku isklibá Peixizu. Inen ka bi kondene da motxi ¹⁹I a ka bi tandé da inen gentxi pá inen fé magason Dê, a ka dé vala, klusifiké. Maji ni tlisêlu dja é ka bi kodá.²⁰Anton mén di mósu di zêbêdeu bi lêlê Jizu ku mosu dê. Ê dá dizê ni wê Dê i diji ê uwâ favôlô. ²¹Jizu punté: Kekwa bô mêsê? Ê kuji: Manda ku, ni lênu bô, inen dôsu mósu mu inen ka pô tanson, ûwa ni klêtu bô ôtlô ni skédu bô.²²Mají Jizu flá: Bô na sebê kwaxi ku ska piji fá. Nansê ka pô bêbê kalsi kun sa kwaxi bêbê? Inen kuji: Non ka pôji. ²³Ê fadinen: Kalísi mu védé nansê ka bi bêbê. Maji tanson klêtu mu ku skédu mu na sa ami zó ka dá fá, maji isé sa pla inen sé ku, fô plivinidu plô pé mu! ²⁴Óla ôtlô déxi dixipulu têndê kwa sé, inen fika blôxidu ku inen dôsu manu.²⁵Maji Jizu sama inen ba bódó fadinen: Nansê sêbê ku inen govenú dinen gentxi inen ka domina, inen omé maxi plixizu ku ka tê pôdê liba inen. ²⁶Maji modu sé na takasa ômê nânsê fá. Andejimé, ²⁷kakali ku mesê bila glanji ni ôme nansê taka sá selivi nansê: Kakali ku mesê sa plumê ni ômê nansê toka sá selivi nansê. ²⁸Axén mé mina di omé na bi pé pô sa stlividu fá, maji pê pô stlivi, i pê pô dá vida dê di livla yô ngê.²⁹Ola inen xê di Jerikó, yô pôvô ku lelê. ³⁰Antón dôsu inen omé segu ku tava tasondu bela di stladá óla inen têndê ku Jizu tava ka vala pétu, inen glita kiê ká flá: Sumu, mina di Davi , tê mixikoji di nón. ³¹Maji pôvô kuji inen, fada inen pinen ka boká. Axén mé inen tava ka glitá ku maxi fôsa ka flá: Sumu, mina di Davi. Tê mixikoji di nón.³²Antón Jizu Munja, sama inen i flá: Kêkwa kú nansê mesê pan fé nansê? ³³Inen flá: Sumué, bili nón wê ³⁴Antón Jizu, xintxi konpaxon ô pena dinen, toka ni inen wê dinen. Nêdaóla wê bili inen zaó nen lêlê. Jizu.

¹Óla Jizu ku inen dixipulu dê tava pétu di Jêluzalém inen xiga barfagé, ôkê dinen oliveira. Dai Jizu manda dôsu dixipulu. ²Fadnem: "Lentla flêkêja xanxan nansê ka bê nala ûwa jumentu mwala maladu, ku mina jumentu zuntu dê. Sôta inen bi kwê da mú." ³Xi ngê flá nansê kakali kwa di kwa sé, flá: "Inen sa plixizu da Sun miolémé Sun ka manda Inen"⁴Kwa sé dá pa ê pô kumpli kwaxi ku fô fladu plô plofeta, ku flá: ⁵"Flá mina di sion: Pia, alê bô ska bi skabi mansu ni liba uwâ jumentu, ku uwa jumentu txokó, baisu kia di kega"⁶Antón inen dixipulu bé inen fé mó Jizu ta ximinen. ⁷Inen bi ku Jumentu ku jumentinhu, inen pê lôpa dinen ni liba bisu Jizu Tasón. ⁸Uwadata povô wangá lôpa dinen ni stlada, ôtlô inen kebla manga dinen pó inen ta ka wanga pê stlada.⁹Inen pôvô ku vala wê di Jizu i înensé ku ta ka lêlê, inen glita taka flá: "Hosaana mina di Davi! Benditu sa ixi ku ka bi ni nomi di sun! Hosana ni liba!" ¹⁰Ola Jizu lentla ni Jêluzalén, tudu posón tava tugudu, ka flá: "Kêngê sa isé?" ¹¹Inen povê kuji: "Isé sá Jizú, plófeta di nazalé di galileia."¹²Anton Jizu léntla ni templu i kôlê ku tudu inen sé ku nai tava ka koplá bila bêndê, témbété blaga mésa di jêlu di ngê ku ka tloka jêlu ku banku di inen sé ku ta ka bêndê ponbin. ¹⁴E fadinen: "Esa sklêvidu: ké mu ka bi sá samadu kée di lasón, maji nansê ska fé dê ûwa luké dinen ladlón" ¹³Inen segu inen lézadu inen bi lêlê ni templu, i ê kula inen.¹⁵Maji, ola inen sasedotxi inen iskliba maxi plixizu bê inen milagli ku ê fé ola inen tendê mina pikina ka glita ni templi kie ka flá: "Hosana mina de Davi" Inen fika ku léva. ¹⁶Inen fadé: "Bô ska tendÊ kwa inen ngê sé ska fla?" Jizu kuki inen: "Yoxi! maji nansê naxi lê fá: Ni boka di inen mina pikina ku anzu mama ka xê louvor ku bwa fá?" ¹⁷Anton Jizu desa inen xê di posón bá betânia passa notxi nala.¹⁸Plama bili, ola ê bila ba posón. Ê xintxi fomi. ¹⁹Ê bê uwâ pó di fiku bodó stlada, ê bê antÊ o pé dê, maji ê na bê nadaxi nê fá, fia tan. Ê flá pó: "Ozé ba wÊ bô na ka bilada kuméfá Ime daola pó figu suga."²⁰Ola inen dixipulu bê kwa sé, inen babaka inen flá: "kamanda pó figu suga mêda ola?" ²¹Jizu kuji fadinen: "Kedévedeme û ga flâ nansê: xi nansÊ tê afé na duvida fá, nansÊ na ka fé tan kwa ku fê fedu pó sé di figu fá, maji nansê ka pô flá okê sé: Lanka i zuga dêntlu di omali i isê ka bi sa fédu. ²²Tudu kwaa ku nansÊ ka kelê, piji ni lason, nansê ka lesêbê"²³Ola ku Jizu lentla ni templu, inen saserdoxi ku inen ansion maxi plixizu di pôvô inen bi lêlê, ola ku ê tava ka xina, inen flá:"Kê podê bô ka fé inen kwa sé?" "kengê da bô pôdê sé?" ²⁴Jizu kuji fadinen: "Û te ka ka bi punta nansê, xi nansê kuji mu, di modu sé mé u ga bi flá nansê kê pôdê nga fé inen kwa sé."²⁵Butismu di zón bi di anji? Di osé ô di omé? Inen ku inen kie ka flá:" Xi nón flá: Di osé, ê ka bi fada nón: kamanda nansê na kêlê nê fá? ²⁶Maxi, xi non flá: Dinen omé, sela non tê mendu pôvô, punda tudu inen ka bê zón mô ûwa ploféta" ²⁷Anton inen kuji Jizu inen flá; "Nón na sêbê fá." Ê témbeté fada inen: "Nê ami na ka bi flá nansê ku kê pôdê ami ska fé inen kwa sé fá"²⁸Andeji mé kêkwa nansê kunda? ûwa omé tinha dõsu mina. Ê ba lêlê isé plumê flá: Mosu ê ba tlaba ozé ni vinha, ²⁹Mosu kuji flá: ami nas ka bé fá: maji sósósó ê muda opnion dê i bé. ³⁰Omé ba ôtlô mosu i flá kwá sé mé. Mosu sé kuji i flá: ûga bé, sumu, maji ê na bé fá.³¹Kali dinen dôsu mosu fé vonté di pé? Inen flá:" Plumelû" Jizu fada inen: vedé vedé mé û ga fa nansê inen kobladô di impostu ku inen plostituta ka bi lentla ni lênu di Dêsu zó nansê. ³²Punda zón bi nansê ni stlada di justisa, maji nansê na kelê nê fá. Antón inen ku ka kobla impostu i inen plostituta inen kêlê. Maji nansê bê kwa sé nansê na lêpêndê nê na kêlê nê fá.³³Têmde ûwa vésu: ûwa omé ta sén, ûwa donu di tela ku ximya ûwa vinha, pê úbwa ni vota dê, fé ûwa tánki pa dumu uvas, fé ûwa tôli di vigia i lénda losa da inen lavladô di vinha sósósó ê ba ôtlô téla. ³⁴Olá ê xiga ni muson di koyê uva, ê manda ûwa dôsu selivi da inen sé ku ska toma konta di vinha di lêsêbê uva dê.³⁵Maji inen lavladô di vinha pega inen selivi di donu, fili ûwa, inen mata ôtlô, dá ôtlô ku budu. ³⁶ûwa vê maxi, donu manda inen ôtlô selivi, maxi dôquê plumê vê. Andejimé inen lavladô di vinha tlata inen di moda sé mé. ³⁷Zó disé donu mandinen minda dê plópi, ka flá: Inen ka ba lispêta mina mu.³⁸Maji óla inen lavladô di vinha inen bê mina, inen flá ni ômê dinen: "Isê sa lêdêlu. Bi bamu maté leda vinha" ³⁹Antón inen peké, zuké ba lua di vinha inen maté.⁴⁰Anton ola sun di vinha ka bi, kêkwa ku aka fé inen lavladô di vinha? ⁴¹Inen ngê fadé: "Ê ka kaba ku inen omé sé ku na bwa fá di modu maxi glósu i ê ka bi lenda vinha da inen ôtlô lavladô, ku ka bi tanda patxi dê ni muson di kôyê"⁴²Jizu fadinen: "Nansê naxi lê ni sklitula: Budu ku inen konstlutor zéta bila budu di kantu. Isé bi di Sun ê sa kwa glavi ni wê non?"⁴³Plutantu Uga fla nansê: Lênu di Dêsu ka bi sa txiladu di nansê ka bi sa tandadu da uwa nason ku ka dá kumé. ⁴⁴I ngê ku ka kiê liba budu sé ka bi sá kébladu ni pedasu. Maji isé ku budu ka bi kiê nê, isé ka bi sa potádu⁴⁵Óla inen saserdotxi ku inen falizeu maxi plixizu tendê inen vesu dê inen sêbê kuma ê tava ka flá da inen. ⁴⁶Inen ta ka buka modu malé, maji inen tava ku mendu pôvô punda tudu ngê tava ka bêlê mó uwâ plofeta.

¹Jizu bila kuji ni vésu flá. ²Lênu di osé sá mó ûwa alê ku fé ûwa fésa di kazamentu da mina dê, ³Ê manda selivi dê bá sama inen sé ku inen tava kunvida pla fésa di kazamentu, maji inen nata ka mêsê bi fá.⁴Alê bila manda inen ôtlô selivi, flá: fada inensé ku sa kunvidadu: pia, û plivini ûwa jantar, inen bwê mu inen bisu mu gôfô sá metxi zá, i tudaxi sá plóntu. Bi fésa di kazamentu.⁵Maji inen na da ténson fá inen bá: ûwa pla kampu dê, ôtlô bá inen nógóxó dê: Vi ⁶I inen ôtlô péga inen sé livi di alê, tláta nón mali munu i mata inen, ⁷Alê fika ku léva, soku ê manda inen sódé dê, inen mata inen sé kliminósos bila dá posón dinen fôgô.⁸Antón ê flá inen selivi dê: Fésa di kasamentu sá plontu zá, maji inen sé ku fô konvidadu inen na toka fésa fá. ⁹Plutantu ba bóda bóda di stlada ixi ku nansê ka bê kunvida inen pla fésa di kazamentu. ¹⁰Inen selivi xê bá stlada inen zunta tudaxi ku inen bê, ixi ku bwa mó ixi ku na bwa fá. Antón salón fita xá di kunvidadu¹¹Maji ola alê lentá pêpô pia inen kunvidadu, ê bê ûwa omé ku na tava ku lôpa di kazamentu fá. ¹²ê fadé: migwê, kuma bô lentla nai sê lôpa di kazamentu? Omé na kuji fá.¹³Antón alê flá inen selivi: nalá mon ku opé di omé sé zuké ni lua kulu, anji sóla ku dêntxi kumé ka bi sén: ¹⁴Punda samadu sa ûwadata, maji pôkô sa kôydu.¹⁵Antón inen fálizeu bé taka goló kuma ku inen ka pô péga Jizu ni plópi fala dê. ¹⁶Inen mandá inen dixipulu dê zuntu ku inen herodianu. Inen flá Jizu: Mésé, nón sêbê ku bê sá védé i bô ka xina stlada di Dêsu ni vedé i bô na ka fé distinson di ngê fá. ¹⁷Antón fada nón kêkwa ku ka pô sá? ê sa setu paga impostu da sezá ô non?¹⁸ê bi sebê mali dinen, Jizu fada inen: Kamanda ska testa ami, inen finjidu? ¹⁹Nusa û jêlu di imposto. Antón inen bi ku ûwa dénáriu.²⁰Jizu fada inen: "Di kêngê sa fêgula sé ku nomi sé?" ²¹Inen fadé: "Di séza!". Anton Jizu fada inen: "Dá sézá kwa ku sá di sézá, i dá Dêsu kwa ku sa di Dêsu!" ²²Ola inen tendê kwa sé inen gôgô lumadu, inen desé bé dinen.²³Ni dja sé, inen bá saduseu bá lêlê, ka flá lêsulêsón n sén fá, inen punté ²⁴ka flá: "Mese, mozé flá: Xi uwa omé molê na tê mina fá, manu dê toka kaza ku mwala dê i tê uwa mina pla manu dê."²⁵Sété manu tava sén. Antón plumê kaza molê, sê mina, désa mwala dê pla manu dê. ²⁶Di modu sé mé, sêgundu, tlisêlu i antê seté. ²⁷Sósósó di tudu inen sé, mwala ten molê. ²⁸Miolé ni lêsulêson, di kali dinen sété manu ê ka bi toma? Punda tudu inen tava kuê.²⁹Antón Jizu kuji inen:"Nansê na sa setu fá, punda nansê na konsê sklitula nê pôdê di Dêsu. ³⁰Maji ni lêsulêson inen na ka kaza fá nê inen na ka dá ni kazamentu fá. Ni tudu kwa sé, inen ka sa mó anzu ni osé"³¹Maji, ni kwa di lêsulêson dinen motxi, nansê na lê kwaxi ku fô fladu plô Dêsu: ³²Ami sa Dêsu de Ablón, Dêsu di Izaqui i Dêsu di Jakó? Dêsu na sa Dêsu di inen motxi fá, Maji dinen vivu! ³³Ola inen pôvô têndê kwa sé, inen gôgô lumadu ku xino dê³⁴Maji óla inen fálizeu têndê ku Jizu fé inen saduseu kaboká, inen zunta. ³⁶Uwa dinen, Uwa dôtôlô di alé Plapá Jizu flá: ³⁵"Mesé, Kali mandamentu sa maxi tomé di alé?"³⁷Jizu fadé: "Ama Sun Dêsu bô di tudu klosón bô, ku tudu alima bô ku tudu méntxi bô, ³⁸Isé sa maxi tamé i plumêlu mandamentu."³⁹I segundu mandamentu sá, axén mé mó isé: Bô ka bi ama ploximo bô mó bômé. ⁴⁰Dinen Dôsu mandamentu sé ka dêpendê di tudu alê ku inen plofeta.⁴¹Olá inen falizeu tava zuntadu antaó, Jizu punta inen, flá: ⁴²Kêkwa nansê ka kunda di Klistu? Di kêngê kuê sá mina?. Inen fadé: "Mina di Davi"⁴³Jizu fada Inen: Antón kuma Davi, ni suplitu, ka sama Sumu, ka flá: ⁴⁴Sun flá da Sumu. Táson ni glêtu mu, antê kunga pê inen numigu bô ni basu di afé bô.⁴⁵Xi Davi, sama Klistu "Sun", kuma ê ka po sa mina di Davi? ⁴⁶Nyuã ngê na kujiê ûwa palavla fá, Di dja sé bá wê nyuã omé na atrivi punté fá.

¹²³1 Ante Jizu bili boka fada pôvô ku inen dixipulu dê, 2 Ê fla: Inen sklibu ku inen falizeu sa tasondu ni ka dela Muzé. 3 Andê jime fe lôkle kwa inen ka manda. Maji, na lêlê inen fa, inen ka fla maji na ka fe fa.⁴⁵4 Axem, inen ka pê fadu pizadu di kloga, ligê fê oubla dinen omen. Maji inen me na ka môvê uma dedu di klage fa. 5 Inen ka fe tudu kwa pa ome pya inen, a ka omenta xinta dinen bila sêndê vistidu.⁶⁷6 Inen ka gosta di plumê luge ni fesa bila gôgô ku plumê kodêla ni xinagoga. 7 Ka mantxa di poji ni plasa andêjime pa pôvo bila sama inen di mesé.⁸⁹¹⁰8 Maji nansê na toka sa samadu de Rabi´ fa punda nansê tê uwa mese tan, nanse tudaxi sa manu. Na sama mina ngê ni toda de pe nansê fou nansê tê uwa Pe tan, ê sa ni oxé. 10 Na bisa samada mesé fa pa nansê uwa Mese ta só sem, Klistu.¹¹¹²11 Maji ixi ku sa plixizu ni ômê nansê ka bi sa selive nansê. 12 Ngê ka toma petu lala ka bi umilya, njê ka umilya ka bi batê petu.¹³¹⁴¹⁵13 Maji ai di nansê inen skliba ka falizêu, finjidu! Nansê ku fisa sena do se da inen ome. Nansê na lentla nê ska desa ôtlô lentla fo. 14 Ai di nansê inen skliba ku falizêu, finjidu, ku ka splora ke dinen viuva zaó di fe lason lôngô. Andê jime nansê ka bi tê kondenason maxi pizadu. 15 Ai di nansê, inê skliba ku flizêu finjidu! A ka ledja omali ku tela pa fe uwa plozelitu. Ola a ka fe a ka bila dôsu vê mina ufenu dê kê nansê.¹⁶¹⁷16 Ai di nansê, gya, ku ka fla: Ngê ka zula pô santuariu, ê na valê fa, maji ngê ka jula pô ôlô di santuariu, tê obligason ku zulamentu dê. 17 Cegu sê sintxidu! kwali sa maxi tame, ôlô ô santurio ku ka santifika ôlô?¹⁸¹⁹18 Ngê ka zula pê atali ê na valê fe. Maji ngê zula pê afleta ku sa mê, ê tê obligason ku zulamentu dê. 19 Cegu! kwali sa maxi tamé, ofleta ô atali ku ka konsagla ofleta?²⁰²¹²²20 Andê jime ngê ka zula pê atali ka zula dé ku tudu kwa ku sa liba dê. 21 Ngê ka zula pê santuariu, ka zula de ku ngê ku ka tá mê . 22 Ngê ka zula da ose, ka zula pô tlônu Dêsu ku ngê ku sa nê ta sonou.²³²⁴23 Ai di nansê, inen skliba ku falizeu, finjidu! A ka da dizimu di otelan di endlo ku kumunhu, maji a desa kwa maxi plixizu di Alê Justisa, mixikoji ku afé. Maji a toka fe inen kwa sé sê desa ôtlô. 24 Inen gya segu, ku kwa muxikitu, maji nguli kamêlu.²⁶²⁵Ai de nansê, inen skliba ku falizeu finjidu! A ka limpa lwa di kopu ku platu, Maji ngletu sa xa di violensia ku ngana. 26 Falizeu segu limpa nglôtu kopu ku platu plumê pa lwa tembete fika limpu.²⁷²⁸27 Ai di nansê skliba ku falizêu fingidu! Nansê sa mo zazigu kayadu ku lwa sa glavi maji nglêntu sa xa suzu ku oso motxi. 28 Di modu se me nansê ka kô justu ni wê ome, maji nglêntu sa xa di fimentu ku mali.²⁹³⁰³¹29 Ai di nansê skliba ku falizeu finjidu! A ka fe zazigu gleva da inenlu flofeta zaó pinta tumba dinen justu ben lumadu. 30 Zaó ka fla: xi non ka ta vivu ni dja di inen pe non, non na ka toma patxi di sangi dinen plofeta fa. 31 Andê jime nansê sa sestemunhu kontla nansê me di sa mina dinen se ku mata inen plofeta.³²³³32 Nansê kompleta mindjida enen pe nansê . 33 Koblo, lasa koblo, kuma a skapa kondenason di nfenu.³⁴³⁵³⁶34 Anta ó pya, ami manda inen plofeta da nansê sebêdô inen skliba. uwa dosu a mata bila kla sifika, ôtlô a dá sôtxi ni xinagoga nansê bila plixigi ni poson ba poson, 35 Tudu sangi justu blokadu pê tala ka bi kyê liba nansê, djina sangi abelu, justu, antê Zakaria, mosu Barakias ku a mata zuntu santuario ku atali. 36 Vedemé nga fla nansê: Tudu inen kwa se ska bi liba zelason se."³⁷³⁸³⁹37 Jeluzasém, Jeluzalém, ku matainen plofeta bila zuga ku budu inen xi ku a manda da bô! Kantu vê ami ta mêsê zunta inen mina bô, mo nganha ka junta pinta dê ni basu aza, maji bô na mêsê fa! 38 Pya ké nansê ka sa mo kample azetô. 39 Nga fada nansê, myolé a na ka bem fa antê a ka bi fla: Benditu ise ku ska bi ni nomi Sum.

¹²1 Jizu xê ni templu, ê ska nda, ola inen dixipulu Dê bi petu Dê di muse inen konstruson de templu. 2 Magi Ê kuji fla: A ska bê tudu inen kwase? Vêdê mê nga fada nansê: niwa budu na ka bita liba ôtlô budu sê bluguna fa."³⁴⁵3 Anton Jizu tanson ni ôkê di Ôkê di Ôlivêra, inen dixipulu be zuntu Dê patadu fadê: Fada non, ké ola inen kwa se ska bi dá? Kê xinali sa ola sun sa di bi ku ola tempu sa ska bi kaba?" 4 Jizu kiji fadinen: toma stenson pa niwa ngê na ngana nansê fa. 5 Punda yô nge sa di bi ni nomi Mu fla: ami sa Klistu, inen ska bi ngana ngê mantu.⁷⁸⁶Aska bi têndê fla de gera vum vum vum di gere; no vungunu fa, punda sela inen kwa se dé; maji tempu na xi kaba fa. 7 Nason ska bi lanta kontla nason lênu kontla lênu. Fomi ka bi plasê yô luge ku tela ka bi têmê. 8 Maji inen kwa se sa komes di dôlô patu tan.⁹¹⁰¹¹9 A ska bi pê nansê pesa tlebulason bila mata nansê, tudu nason ka bi tê adja nansê plôvya nomi Mu. 10 A ka bi sa tlubula, bila fe tlapasa uwa ku ôtlô. Tê odjo uwa ku ôtlô. 11 Iô fasu plofeta ska bi lanta di ngana pôvô.¹²¹³¹⁴12 Mo máli ka bi omenta, amôlê di ngê ka bi fia. 13 Maji ixi ku mundja flimi antê ê ka kaba ka bi stlava. 14 Vangeli se di lênu ka bi sa plegadu tudu mundu no sêstêmunha pa tudu nason anton, tudu kwa ka bi kaba.^15161718Ola a ka bê máli ku sufli ku plofeta Danieli fa, ni luge santu (ixi ku lê ka sêbê). 16 ngê ni Judeia ka kôlê ba ôkê. 17 ixi ku sa ni terasu na ka dêsê di toma kwa ni kê dê fa. 18 Ixi ka sa kampu nê mo bila di toma lôpa fa.^1920212219 Maji ai di mwa bega ku ixi ku tê anzu mana ni dja se! 20 Fla lason pa fuga nansê na da ni invenu, ô sabadu. 21 Punda meme tlubulason ka bi plasê, ku djina mundu sen ê na xi plasê fa antê myolê, ôtlô na ka bila bi mo ise fa. 22 xi inen dja se na ka brevia fo niwa ngê na ka stlava fa, maji plôvya inen ku a kêyê, anten inen dja se ka bisa breviadu.²³²⁴²⁵23 Xi kwa kwali bi fada nansê: Klistu sa i! ô Ê sa la! Na kêlê fa. 24 Punda yô fasu Klistu ku yô plofeta fasu ka bi plasê di plezentameme xinali ku kwa glave de ngana, xi ê da antê nê inen kôidu. 25 Ami ska viza nansê.²⁶²⁷²⁸26 Anton xi a fada nansê, Ê sa ni kanpu azê tô, na be fa, o Ê sa ni nglêntu ke, na kêlê fa. 27 Punda axem mo mymya ka xê ni orienti luji antê osidenti, axen sa ola Mina Ome sa di bi. 28 Kamya tê motxi, nai inen abutli ka zunta nê.²⁹29 Axem ku tlubulason dinen dja se ka vala, solo ka bibila kula, nwa ka mundja di luji, inen stlela dese ka ba kyê, inen pôdê di ose ka bi djinja.³⁰³¹30 Anton xinali di Mina Ome ka bi plasê ni ose, tudu tlibu di tela ka bi lamenta ka bê Mina Ome ka bi ni liba nuve di ose ku pôdê ku gloya glandj. 31 Ê ka manda inen anzu Dê ku tlementu glandji di tlembêta, inen sa di zunta inen koidu ni kwatlu kantu de tela, di uwa kwatu d´ose ba ôtlô.³²³³32 Xina ka vesu di figela: Ola inen manga dê ka tê fôse di da fya novu, a sêbê kuma tempun kentxi ska xiga, 33 axem tembete, ola a ke bê tudu inen kwa se a toka sêbê kuma³⁴³⁵34Vedeme nga fada nansê kuma zelason se na ka vala, se pa tudu inen kwa se dá fa. 35 Ose ka tela ka vala, maji palavra Mu ino ê na ka vala fa.³⁶36 Maji sôbli dja se ku ola dê, niwa ngê na sebe fa nê anzu dóse, nê Mina ma Pe tangana.³⁷³⁸³⁹37 Axen mo dja di Nué fô tembete ka bi sa ni dja ku Mina Ome sa di bi. 38 Ni dja se antiji di dilúvyu, inen tava ka kume, ka bêbê, ka kaza bila da ni kazamentu, entê dja ku Nué lentla arka, 39 Inen na dá konta fa, antê diluvyu bi bé ku inen tudaxi. axem ka bi sa ola Mina Ome sa di bi.⁴⁰⁴¹⁴²40 Dôsu ame ka bi ta ni kanpu, uwa sa ka bé ôtlô a ka desa. 41 Dôsu mwala ka bi ta ni molado ka poto, uwa a ka bi toma, ôtlô a ka desa. 42 Andê jime vija, a na sêbê kê dja sun nansê ska bi fa.⁴³⁴⁴43 Maji pya kwa se: xi donu ke ka sêbê kê ola ladlon ska bi, ê ka sa plivinidu pa ke dê na sa kebladu fa. 44 Axen tembete, sela nansê plivini, punda Mina Ome ska bi ni ola ku nansê na pensa fa.⁴⁵⁴⁶⁴⁷45 Axen, ngê sa selivi sêbêdô, ku donu dê lege konta di inen stlindô dê, pê olá inen kume ni tempu setu? Selivi se ka tê bênson ola donu dê ka xiga bêlê ka fe kwa se. 47 Vede ne Ami ka fada nansê: donu dê ka bi pê ni liba di tudu kwa ku ê tê.^4849505148 Maji xi selivi fla: Sumu ska toda: 49 Anton kyê ka da ôtlô selivi pankada, ka kume ka bêbê ka inen bebedadu, 50 Anton sum di selivi se ka bi ni dja ku ê na kwada fa, ne ni ola ku ê na sêbê fa, 51 ê ka kota selive se pedasu bila de distinu se me ku inen finjidu, nai a ka bi sola kume dentxi.

¹²³⁴1 Anton Lenu di Osê ka bi sa mô dêxi mwala ku naxi toka ome fa ku toma kandja dine bê ba lêlê noivo. 2 Xinko dine na tinha sebé fa otlo xinko dê tinha sebé. 3 Ola ine xinko ku na tinha sebe pega kandja dine, ine na bê ku zeté ku inen fa. 4 Maji ine xinku ku tinha sebé bi ku uwa kua ku zete né ku kandja.⁵⁶5 Noivo tava ka demora, sonu toma tudu ini zo inen dumini. 6 Maji madlugadu, a kuta uwa glitu:" Noivo xiga! Bé ba lêlê.⁸⁹⁷Anton tudu iné mwala ku naxi toka ome lanta zunta kandja dine. 8 Isê ku na tê kabesa bwuadu fa fada ine ku te sebe:" Danó piquina zete di nansê punda kanja nó ska paga." 9 Maji ini ku té sebe kuji, zó fla:" No na ka pó fe kwua sefa, zete na sa monthe da tudu nó fa, bé ba lêlê nguê ku ska bendê zete zo kompla da nanse.^1011121310 Ola ine ba compla , Noivo xiga, zo ise ku tava plepaladu bé ku Noivo da fessa de casamento anton poto fixa. 11 Otlu mwuala ku na te sebe xiga zo fla:" Sumuê, Sumuê, bili poto da no. 12 Maji Ê kuji zo fla:" vêdê vêdê mê uga fla nansê kuma ami na konsê nansê fa." 13 Anton vijia, punda nansê na sebe dja ne ola fa.¹⁴¹⁵¹⁶14 Punda ka bi sa mô uwa homem ola ê tava ka bé otlo tela, sama ine seluvu dê zo pe ini ka toma konta de tudu kwua ku ê tê. 15 Uwa dê ê dê xinku talentu, otlô ê dê dôssu, otlô ê dê uwa talentu- kada uwa de modo ku kwa ku ê sebê fe, zo ê bê viaja. 16 Ola sê mê, ise ku lesebe xinku talentu bé ba fe negoxo zo ê consegui otlo xinku talentu.¹⁷¹⁸17 Modo se mê, ise ku lesebe dossu talentu consegui otlo dossu talentu. 18 Maji seluvu ku lesebe uwa talentu be dê, bili uwa bluaku ni son kondê gelu de sun dê.¹⁹²⁰²¹19 Tempu vala, sun di seluvu se bi zo fe konta ku inen. 20 Seluvu ku lesebê xinku talentu bi zo bi ku maxi xinko; Ê fla:" Sumu, sun da mu xinko talento. Piwa nai tê maxi xinku talentu." 21 Sun dê fla: "kua buwadu, seluvu buwadu e fieli! bô fó fieli ni kwa poko, anton ni yô kwa nga pé bó. Lentla ni goso di sun bó.²²²³22 Olto seluvu ku lesebê dossu talentu ploxima zo fá: " Sumu, sun damu dossu talentos. Pya nai magi dosso talentos." 23 Sun dê fadê: Buadu, seluvu buadu e fieli!. Lentla ni goso di sun bô.²⁴²⁵24 Anton seluvu ku lecebe uwa talentu fla:" Sumuê, un sebe kuma sun sa rigoroso; ka koiê angê sun na shimia; ka zunta angê sun na blaga. 25 Un tava ku mendu, anton un bé zo un kondê ni tela talentu sun. Toma kwa ku sa de sun.²⁷²⁶Maji sumu dê kugi, zo fla:" Seluvu malvadu e plegisozu, bo tava sebe kuma un ka koiê ange na simiafa mo un ga junta ange na blaga. 27 Anton, ka manda bo na toka gelu mu nywa banco fa, zo ola ungabi un ga lesebe ku julu.²⁸²⁹³⁰28 Anton, tila talentu dê da isse ku dexi talentus. 29 Punda tudu gê ku té maxi ka bi lesebe- ka tê uwa monthê. Maji isse ku na té nada xi fa, anté kua ku ê té ka bissa tiladu. 30 Zuga seluvu buta ku na ka da nada xifa, ni tleva. Nai ka bi té sola ku ranger di denthi".³¹³²³³31 Ola mina dI Homé kabi ni gloia dê ku tudu anjo kuê, Anton ê ka bi tasson ni gloioso tlonu Dê. 32 Petu Dê ka sa zuntu tudu nason, ê ka bi sepala ugê uwa di outlo. 33 Ê ka bi pé ovelhas ni mon dê dletu, maji boji ni mon dê esquedu.³⁴³⁵³⁶34 Anton sun Alê ka bi fla tudu gê ku sa ni mon dê diletu:" bi, benditu di pé muê, toma lenu ku fo plepaladu da nansê gina komeso di mundu. 35 Punda un tava ku fomi bô damu kumé; un tava ku segi bo damu auwa; un tava ni luã bó koiê mu; 36 Un tava se lopa bó damu; un tava duentli bó kulamu; un tava ni kaja bo mi piamu".^3738394037 Anton ine justu kuji, fla:" Sumu, kêja ku no bé Sun ku fomi, ku no da Sun comé? Ó ku seji ku no da Sun auwa de bebe? 38 E ki ola ku no bé Sun ni luã ku nó koiê Sun? ó sê lopa ku nón bixi Sun? 39 Ku no bé Sun duenti ni plizon ku nón ba vizita Sun?" 40 Zó Alê ka bi kuji:" vêdê vêdê mê un ja fla nansê kuma, kwa ku nansê fe da uwa maxibin manu muê, nansê fe damu".⁴²⁴³⁴¹Anton Ê ka bi fla nguê ku sa ni mon dê eskedu:" Fó juntu di ami, nansê malvadu, ba fogo eterno ku fó plepaladu da diabu ku iné anjos dê, 42 Punda un tava ku fomi nansê na damu comê fa, punda un tava ku seji de agua nansê na damu agua fá; 43 un tava ni luã nansê na koiê mu fa; un tava sé lopa nansê na bixi mu fa; un tava dentli ni kaja nansê na ba pia mu fa".⁴⁴⁴⁵⁴⁶44 Anton inen tenbeté ka bi kuji, zo fla:" Sumu, ki ola ku non bé Sun ku fomi, ku seji, ni luã, duentli, ni kaja ku non na stlivi Sun? 45 Anton Ê ka bi kuji: "vêdê vêdê mê Un ga fla nansê, kuã ku nansê na fe da uwa di maxibin sê, sa Ami ku nansê na fefa." 46 Ine sé ka ba kastigo eterno, maji ine justu pla vida eterna.

¹Ê da kwa ku, ola Jizu kaba di da tudu inen palavla se, ê fadinen dixipulu: ²Sêbê kuma ê feta dosu ja da paskua soso mina di Ómé ka bi sa tlegadu pe ê sa klusifikadu.³Anton inen plinxipali sasedotxi ku inen ansion di povô zunta ni palaxu di sumu sasedotxi, ku ka sama kaifa. ⁴Ni stlezedu, inen zula di mala Jizu pa mat'e. ⁵Inen flá: Ni fesa fa pe pôvô na lavoso.⁶Jizu tani betânia, ni kê di simon, leplôzu. ⁷Ola a tava ni meza, uã mwala bi lelê ku uã dodoma owa selu ku balsamu ku ke valê uã data, bloke ni liba kabesa Dê. ⁸Maji ola inen dixipulu bê kwase inen vôlô flá: Kyê lazen di dana kwase? ⁹Balsamu se toka sa bendidu plo bon plesu zo patxi pobli.¹⁰Maji Jizu sebidu dinen kwasê fadinen: Kamanda a ka petuba mwala se da? ie fe uã obla bwadu da mu. ¹¹pobli semple nansê te ku nansê, maji ami na semple fa.¹²Punda ola ê bloka basamu pê klôpô mu, ê fê da ntelu mu. ¹³Vede me ami nga fla nansê, kamya ku nvenjeli fo plegadu kwa ku mwala sé fé ka bi sa kontadu da lemblansa dê.¹⁴Anton, uã dinen dozê ku, a sama zuda iskarioté, ba lêlê inen plinxipali sasedotxi. ¹⁵fadinen: kê kwa nansê ka bi damu xi u tandê da nansê?. Inen pega tlêxi dexi mueda di plata dé. ¹⁶Jina ola se ba wê, ê tava ka golo uã modu ê tlega Jizu.¹⁷Ni plumê dja di npon se flomentu, inen dixipulu bi lêlê Jizu fade: Andeji a mese pa non plepala kume de paskua né? ¹⁸Ê flá: A ba poson, ba lêlê setu ome fade, mese fla: Ola mu ska xiga ami nga bi selebla paskua ni ke bô ku inen dixipulu mu. ¹⁹Inen dixipulu fe mo Jizu fada inen plepala kume di Paskua.²⁰Ola notxi xiga, ê tason pa ê kume ku inen dixipulu dê. ²¹Ola inen tava kume, ê fadinen: vede me ami nga fada nansê kuma uã nansê ka tlai mu. ²²Inen fika tlisté muntu, koda uã ka punta Jizu: Sumuê na sa ami fa?²³Ê kuji: Ixi ku pê mon ni platu ku ami, ise ka bi tlai mu. ²⁴Mina di Home ka bi môlê, mo ê sa sklividu. ²⁵Maji ai di ngê se pla kengê Mina di Home sa tlaidu! Milho ê naka te nansê fa. Zuda ku tava pô tlai y ê, fla: Mesê ê, ê s'ami? Ê kuji: Bô Flê²⁶Ola a tava ke kume, Jizu toma npo da glasa, kebla zo patxi da inen dixipulu fla: a toma, kumê. Ise sa klopo mu.²⁷Anton ê toma klupu di vin da glasa da inen fla: a bêbê tudaxi. ²⁸Punda ise sa sangi mu, sangi di aliansa, ku sa blokadu plo yon pa pedon dinene pekadu. ²⁹Maji nga fada nansê kuma ami na ka bila bêbê flutu vidêla se fa, antê ôtlô vê ku nomê ni govenu pe Mu.³⁰Depôs di konta uã vungu, a xê ba ôkê di oliveira. ³¹Anton Jizu fadinen notxi se tudu nansê ka zanima plovia mu, punda ê sa sklevidu: ami nga bi fili pastor inen ovelha di lebanhu kabisa wangadu. ³²Maji ola nga koda, ngê be ni wê nansê ba galileia.³³Pedu fade: Anta wo ku tudu ngê ka zanima plovia bô ami na ka zanima fa. ³⁴Jizu fade: Vede me nga fla bô, kuma notxi se antiji me pa zalu konta, bo ka negamu tlêxi vê. ³⁵Pedu kuji ê: Ê po sa ni motxi naka nega, Sum fa: Inen tudaxi fla kwase me.³⁶Anton jizu be ku inen uã luge samadu getsemani sa fada inen: tason nain ami ska ba fla lason. ³⁷Ê be ku Pedu inen dosu mosu de Zêbêdêu ê ta tlisté ku anxa. ³⁸Anton ê fada inen: Alima mu sa xa tlisteza antê montxi. Munga nain vija ku ami.³⁹Ê da uã dosu pasu. Kleba dizê peson, fe lason ê fla: Pe muê xi ê ka da txila katsi se xê fô mu. Andeji-me na fe vonte mu fa maji mo sum mêsê. ⁴⁰E bé lêlê inen dixipulu ê be inen ka dumini, ê fada Pedu: Bô na ka pô vigia ku ami plô uã ola fa? ⁴¹A vigia fe lason pa na lentla ni tentason suplitu sa plontu maji kani sa flaku.⁴²Ê bila fasta segundu vê ba fla lason fla: Pe mu ê, xi ê nada di vala sê pa ami bêbê fa. Fê vonte Sum. ⁴³Ê bila ôtlô vê ê bê inen ka dumini, punda wê dinen tava pezadu. ⁴⁴Anton ê desa inen bila fasta ba fla lason plô tlêselu vê ka fla kwa se me.⁴⁵Sóso, Jizu bi lêlê inen dixipulu fada inen: Oska duminu ka toma pozu anta wô? pya, ola ska pôzê za. Mina d'ome kaba sa tlegadu ni mon dinen pekadô. ⁴⁶A lanta bamu non. Tlaido saska pôzê za.⁴⁷Se pa boka fia Jizu, Zuda uã dine dozê zuntadu ku uã mansa pôvô, bidu de patxi dinen plinxipali sasedotxi kuansion di pôvô, bi ku supada ku valapo, ⁴⁸Omeka ta sa di tlaxi Jizu da inen uã xinbli fla: Ixi ku ami ka beza sa êlê. Male.⁴⁹Meda ola ê balêlê Jizu flá. Mese Ê stlava zo benze. ⁵⁰Jizu fade: Miga, fe kwa ku ba bi fe: Anton inen poji lansa mon pe liba Jizu male.⁵¹Soso uã dinen ku tava ku Jizu sêndê mon, soya supada, fili selivi di sumu sasedotxi, kote alia. ⁵²So Jizu fade pê supado ni luge dê, punda tudu ngê ku ka tê supadu ka môlê ni supádu. ⁵³No pensa Kuma xi amé pô klama da pe mu, ê ka mandu maxi di deje lejion de anzu d'ose fa? ⁵⁴Maji anton, kuma sklitula ka kumpli, xi kwase ku ê na da fa?⁵⁵Né ola sala, Jizu fada povo: A bi ku supada kupo po mala mo uã ladlon? Ami tava tason du ni templu semple a na mala mu fa. ⁵⁶Maji tudu kwase da pa sklitula dime plofeta kumplié, êlê me tudu dixipulu desa Jizu so Fuji.⁵⁷Inen ngê se ku mala Jizu be ku ê da kaifas, Sumu sasedotxi and Ji sklevedo livlu ku inen ansion tava zuntadu. ⁵⁸Maji pedi tava lonpe ka lelé Jizu anté pátiu di sumu sasedotxi. Lentla ku inen guáda pa ê pya kabamentu⁵⁹Inen plixipali sasedotxi ku tudu sinédliu ta ka golo uã sestêmunha, fasu kontla Jizu pa pô lavla pena di motxi pe liba de. ⁶⁰Ku tudu fasu sestemunha ku lanta kontle inen, no bê nyuã fa. Maji inen be dosu. ⁶¹Fla: Ome se fla: Ê ka pô blaga templu di Desu zo fê ni tlexi dja⁶²Sumu sasedotxi lanta sa fada Jizu: Bô natê lisposta fa? kê kwa sa kwase ku aska sestemunha kontla bô? ⁶³Jizu na bili boka fa. Sumu sasedotxi fadê: Ami nga da bô odji plô desu vivu, fada-non xi sa klistu, Mina Desu. ⁶⁴Jizu kuji ê: Bo so flé. Maji nga fada bô kuma Jina Oze ba wê bo ka bi bê mina di Ome tasondu ni glêtu di tudu podê, ka bi ni nuve d'osé⁶⁵Anton sumu sasedotxi fla: Va lopa dê ê Êska fla blasfêmia! Kamanda Anta wo non plixiza de sestemunho da? A têndê blasfêmia. ⁶⁶Ke kwa ku aska pensa? Inen Kuji: Ê sa dignu di Motxi⁶⁷Inen buta Kuji pe kala Dê, de ku kwa sa bafeton, ⁶⁸Fla: Plofetxiza, da non kengê da Bô ku kwa?⁶⁹Pedu tava tason du ni kwatu lwa ni pátin uã kiyada be êlê fade: No tambéte tava ku Jizu di galileia. ⁷⁰Maji ê mintxi la ni wê tudu ngê fla: Ami na sêbê kwa ku bô ska fla fo⁷¹Ola ê xê ba poto ngladji, ôtlô mioda bêlê fada inense ku tava nala: Ise tembéte tava ku Jizu di Nazare. ⁷²Soso ê nega ôtlô vê zula ami na konsê ome se fa.⁷³Ê te pôkõ, inen ngê xi ku tava nala bi fada Pedu: Non tede setu kuma bô tembete sa uã dinen punda modu bô di fla ka kexa bô. ⁷⁴Anton ê kye ka zula ka maldisua: Ami na konsê omé sé. Meda ola galu kanta. ⁷⁵Pedu lembla di palavla ku Jizu ta fade: Anteji pa galu kanta, bô ka bi nega mu tlexi vê. Anton ê xê ba lwa ba sola ku dôlô

¹Ola plama bili, tudu inén sasedotxi ku ansion maxi plixizu di pôvô fe tlapassa contla Jizu,pla inén pô maté. ²Ola á malé Sum a bé ku Sum tanda Pilatus, govenadô.³Anton Zuda, ku ta tlaí Jizu, bêdu ku Jizu fô kondenadu fika xa remosu, ê bila bé ku tlinta mueda di plata da inén plinxipal sasedotxi i ansion; ⁴ê fla: "Un peka, tlaí sangue nôsêntxi." Maji inen fla:" Nom na ka pota fa? I sé sa ku bô." ⁵Sósósó, ê zuga inen ku mueda di plata ni templu,xê ba flóka.⁶Inen sasedotxi maxi lixisu toma mueda di plata fla: " ê na sa bua di zunté ku di ofeta fa, punda ê sa plesu di sangui." ⁷Inen diskutxi assuntu zuntu, ku ku djêlu sê, inen kopla kampu djêlu di ntélá stlangêlu. ⁸Ele manda mé anté djá dózé a ka sama kampu sé kampu di sangi.⁹ Sósósó, kwa ku Jêlemia ta ka fla ê kumpli:"Inen péga tlinta muéda sê di plata, plésu ku Ê ta valiá plu pôvô di Israel;¹⁰a dá isé plu kampu di olêlu, modu ku sum manda mu. ¹¹Ola Jizu tava ni wê di govenadô, ê punté:" bô sa alé Zudê?" Jizu Kuji ê:" Bô só flá." ¹²Maji ola Ê fô kusadu plô inen sasedotxi ku ansion maxi plixizu, Ê na kuji nada xi fa. ¹³Anton Pilatu fadé:" Bô na têndê tudu akusason ku a fé Bô fa?" ¹⁴Maxi Ê na kuji nê uã palavla fa, axen govenadô foka pantadu.¹⁵Govenadô sa kustumadu ni ômê fesa di txila uã plesu ni kajakoidu plô pôvô. ¹⁶Ni munson sé inen tinha uã plésu ku inen ta kônsê, ku ka sama Barrabás.¹⁷Ola, inen tudaxi ta zuntadu, Pilatufla inen: " Kê ngê ku nansê mêsê pan pô sotá?" Barrabas ô Jizu, samadu klistu?" ¹⁸Punda ê sêbê kuma inen ta têndé plu inveja. ¹⁹Ola ê ta tasondu ni kê justisa, muala dê manda leka du flá:" Na buli ku justu sé fá; Ozé ni sonhu un sufli muntuplôvia dê.²⁰Inen sasedotxi ku ansion maxi plixizu bila kabêsa pôvô di pigi Barrabas, mata Jizu. ²¹Govenadô punta inen : Inen dôsô sé kali dinen ku nansê mêsê pam sotá? Inen fla:" Barrabas." ²²Pilatu fla inen: kê kwa ku nga fé ku Jizu, samadu Klistu? Tudu dinén kuji: Klusifiquê."²³Ê fla: Kê mali Ê fê?"Maji inen glita ku maxi fôsa:" klusifiki." ²⁴Ola Pilatu bê kuma yô demanda ta ka komésa.ê toma awa, laba mon ni wê di pôvô fla: "Un sa nosêntxi de sangui di ome sé,isé sa ku nansê."²⁵Tudu pôvôfla: " Ku sangui Dê ka kiê liba nón ku inen mina nón." ²⁶Só só só,ê sota Barrabas, maji da Jizu da Jizu sôtxi tlégué pê sa klusifikadu.²⁷Só só só, sódé govenadô bé ku Jizu dentlu sala zunta tudu glupu sodé. ²⁸Inen txilé lôpa pê mantu vlêmê Nê. ²⁹Só só ien fé uã klôwa di pinhã pê ni kabêsa Dê, pê Axa ni món glêtu Dê, inen da dizé ni wê Dê ka fe pôkô Dê ka fla: Alê di Zudê, stlava!"³⁰A buta kupi Pê, toma axa dé kuê ni kabêsa. ³¹Ola atava ka fé pôkô Dê, inen txilé mantu vlême, bixê lôpa Dê plopi, bé ku Ê pê sa kluxificadu.³²Ola inen xê, inen bê uã ome di Sireni samadu Ximon, inen ôbliga klaga klusu. ³³Inen xiga lugê samadu Gólgóta, sa kéndiji, "Luguê di Kavela". ³⁴Á Dê vinagli zuntadu ku fel, maji óla Ê plové Ê na quia bêbê fá.³⁵Ola a klusifikê, inen divii lôpa Dê, lansa sotxi; ³⁶Tason nai ka vigé. ³⁷A pê liba kabêsa Dê akusason ku ta sklêvidu;"ISÉ SA JIZU, ALÊ DINÉN ZUDÊ .³⁸Dôsu ladlon fô kluxificadu kuÊ, uã ni kuatu glêtu, ôtlô ni kuatu sédu. ³⁹Inen ku tava ka vala, tava ka fé pôkô Dê ka baná kabêsa. ⁴⁰ka flá " Bô ku tava di blagá templu di bila lumé ni tlexi djá, stlava bô mé! Xi Bô sa Mina Dêsu, dêsê di Klusu."⁴¹Di modu sé mé sasedotxi mai plixizu tava ka fé pôkô Dê zuntadu ku inen skliba ku ansion, ka flá: ⁴²"Ê stlava ôtlô, maji Ê na ka pô stlava ubwuê dê fá. Ê sa Alê di Israeli! Dêsê mi klusu miolé me, nom ka kêlê Nê.⁴³Ê konfia ni Dêsu, ku Dêsu ka stlavê, xi Ê mêsê bwadu, punda Ê flá: "Un sa Mina Dêsu". ⁴⁴Inen ladlónku tava ni klusu tembeté ta ka fla mali Dê.⁴⁵Djina ola sêsta antê óla nona, kulu toma tela. ⁴⁶kwaji óla nona ,Jizu klama ku fôsa flá" Eli, Eli,Lama ,Sabactami? " Ka significa Dêsu Mu, Dêsu Mu, punda ka manda Bô zetá Mu? ⁴⁷Uã dôsu ngê ku tava mundjadu têndê Ê ka sama, inen fla:Ê ska sama Elia.⁴⁸Ola se mé uã dinen kôlê, pega uã pônja, mónhé di vinagli,pê ni ponta vala Dê pê bêbê. ⁴⁹Inen ôtlô flá: "dêsê tã; pia xi Elias ka bi stlavé." ⁵⁰Só só só, Jizu bila klama ku fôsa danda suplitu.⁵¹Só só só, véu ni Templu vá ládôsu kwantu , di liba antê básu; Téla tlêmê lóxa ginga. ⁵²Yô kôbô bili,klôpô di inen santu, ku tava ka dumini, fô lantadu di kôbô. ⁵³Inen xê ni kôbô lentla ni posón santu, plasê da yô ngê.⁵⁴Olá senturion ku inen ku tava ka vija Jizu, inen bê téla ku tlêmê ku inen kwa sé dá, inen fika ku mendu muntu ,inen fl:' Védé mé isé sa Mina Dêsu". ⁵⁵Yô mwala ku tava ka nda ku Jizu djina Galiléiaka stlivi Ê tava lôndji ka pia. ⁵⁶Ni ômê dinen, Maia Madalena, Maia , men Tiago ku Zózé, ku men dinen mina di Zêbêdeu tava nalá.⁵⁷Óla tagi xiga, uão ome liku di Alimatéia di nomi Zózé, uku tembeté disipulu di Jizu. ⁵⁸Ê bi zuntu di Pilatu piji klôpô di Jizu. Anton Pilatu da ódji di tandê.⁵⁹Zózé toma klôpô, bwuié ku uã panu limpu di linhu. ⁶⁰pê ni uã kôbô novu, ku ê ta bili ni loxa. So so so, ê toma uã glandji budu tapa kôbô sé,so so so bé dê. ⁶¹Mia Madalena ku ôtlô Maia tava nalá tasondu zuntu di kôbô.⁶²Djá xiguintxi, djá plépalason, inen sasedotxi ku Farizeu maxi plixizu zunta ku Pilatu. ⁶³Inen flá:Sum nón lembla ku ola nganadó sê tava vivu, Ê fla:" Di tlexi djá Ê ka bá lêsusitá" ⁶⁴Plutantu da ódji, pa kôbô sa vigiadu antê tlexi djá, pla inen discipulu Dê na bi futa klôpô, fla pôvô: Ê lanta ni ômê motxi,so so so, mintxila sé ka sa maxi pióló dôquê ixi plumê.⁶⁵Pilatu fadinen: Bé ku gwada,gwada kôbô mô nansê mêsê. ⁶⁶Inen bé, montta gwada ni kôbô pé méla budu, pa a na bala, zaó désa inen gwada na la.

¹²1 Sabadu vala, plama sdu di plumê dja de semana, Maya Madalena ku ôtlô Maya ba sepuklu. 2 Uwa tlêmê di tela glandji ta plasê, punda uwa anzu de Sun dêsê di osé, bi txila budu tason liba dê.³⁴3 Ê tava ka luji mo myamya loupa dê, blanku mo pane. 4 Inen gwada tlêmê di mendu pazuma mo motxi.⁵⁶⁷5 Maji anzu ba lêlê inen mwala, fadinen:" Na mendu fa ami sêbê kuma a ska buka Jizu, ku fo klusifikadu. 6 Ê na sa nai fa, ê lesusita mo ê ta fla. Bi pya kamya Sum tava nê. 7 Be sedu ba fla inen dixipulu Dê: Ê lesusita ni ômê motxi Ê sa wê nansê ka ba Galilêa, a ka bêlê nala! Ami fla"⁸⁹¹⁰8 Meda ola inem mwuala desa tumba ku mendu e a di gôstô, kôlê ba fada inem dixipulu. 9 Anton Jizu bi lêlê inen mwala fla: Kuma ê!". Inen mwala ba juntu Dê, da dizê tê ope adoré. 10 Anton Jizu fadinen:" Na mendu fa. Be fada inen manu mu pa inen ba galilêa nala inen ka bê Mu.¹¹¹²¹³11 Ola inen mwala tava ka be, inen gwada ba poson konta inen mese di sasedotxi tudu kwa ku da. 12 Anton inen sasedotxi junta kabesa ku inen ansion di fe uwa planu, a dá inen gwada yô djelu, zao pa inen fla: 13 Fla kuma inen dexipulu di Jizu bi nôtxi futa kôplô ola non tava dumini.¹⁴¹⁵14 Xi nutixa se xiga oliya govenadô, non ka kônvênsê, desa nansê livli di plekupason". 15 Anton inen sodê peja djelu fe mo a instlui inen. Soya se wanga ni ômê inen judêu antê dja dózé.¹⁶¹⁷16 Inen onze dixipulu ba Galilêa, ba ôkê ku Jizu masa inen. 17 Ola inen bêlê a dê adorason, maji ôtlô duvida.¹⁸¹⁹18 Jizu pôze inen fla: A da Mu tudu pôdê ni osé ni tela. 19 Anton be fe dixipulu ni tudu nason. Butiza inen ni nomi di Pé, di Mina di Suplitu Santu.²⁰20 Xina inen lôklê tudu kwa kum manda nansê. Ami sa ku nansê tudu dja, antê fim di tempu.

¹Icé sá comésu dei vangeli, di jizu klistu, mina de Desu. ²Modu kwê ka sklevido ni livli de profeta isaias: "inen naiem wanga mensagem ni uê di kála bô, kú skablé ba plepará stlada. ³Voz de uwan ingê klama no deserto: plepala súm, fé kwá setu ni palábla";⁴zón bi, butiza ni diserto plocama uwa butizimu di lêpêndêméntú pá pedón di pecado. ⁵Tudu plôvinxa di judeia ku tudu pôvo di jerusalé ta ka bi lêlê. Nem tava ka butiza plômê dê nawa Zudon, nem tava ka kofesa pecado di nen. ⁶Zon tava ka bixi di pele di camêlo, ê tava ku uwa xintu de pele ni vóta di lômbô dê táva cumé gafanhotô ku melê silvestre.⁷Ê plocama ka fla:"otlô nguê sa ka bi d tlaxi mú, ku tê pôde maxi dôkê ami, na sa digno di vlega tlilá fita di sandalete dê fa. ⁸~U butiza nensê ku awa, magi ê ka butiza nencê ku Espiritu Santo.⁹Ê contê sê ni dja se, jisu bi di Nazaré di Galileia, ê fô butizadu plô zon náwa zudón. ¹⁰Ola jizu xê dáwa, bê ósê ka bili so hu espirito dêcê nê mó de uwa pômbim. ¹¹Uwa Vóz bi dosê:" Bô sa mina mú amã do. an tê prazer montxi ni bô".¹²Antôn uwa Espiritú óla sé mé pinsê bá diserto. ¹³Ê tá ni deserto kuatlu déxi dja, ka tentádu plô démono.Ê táva nôme di biku salvagem i anzu stliviê.¹⁴Óla zón Tava plêsu, Jizu bi ântê Galileia Ka plocama vangeli Dêcu. ¹⁵Ka fla:" témpu Ka lôngô, reino de Desu ka petu.Sepêndi i Kêlê ni vangeli".¹⁶Ê tava canda zuntu dómali de galileia, Ê bê xumón Andre, manu di ximon, ka lanka lêdê pê omali nem fôi piscadô . ¹⁷Jizu flinem : Bi lêlê mú". nga fé nancê piscadô dómem". ¹⁸Ola se me nem disá lêdê bé kwê.¹⁹E jizu, nda uwa pôvô maxi ba uwê, Ê bê Tiago, mina de Zebedeu, Zón manu dê; Ném Táva canuwa, inen lêdê ka cocêta. ²⁰I lógo ê xaminé, inen désa pé dinem, Zebedeu, ku tlabadô ni canuwa i bê kuwê²¹Ném lentlá ni cafarnaum, i ni sablath Jizu lentla ni xinagôga pê ka xina. ²²Ném tava kú gosto ku módu xiná dê, punda ê ta xina mo de nguê ku tê autoridade na ka kúma escriba fá²³Nalá, ni xinagôga, uwa homem táva nalá ku dé monô glita fla. ²⁴"Jizu di Nazaré kwa ku nóm tê ku bôê? Bô bi pa bô kaba ku nom ô? uwa cêbê nguê ku bô sa. Bô sa Santú di Desu". ²⁵Jizu lêplênde démónó i flê:" kaboka xê nê!" ²⁶E démónó zugué nson i xê nem ka glitá ku fôsa.²⁷Tudu nguê tava ku gostô i ôtlô ka punta otlô:"kuwa sé ka kê ku wa? Uwa novu ximamentú ku autoridade ô? Ê ká da orden antê démónó, inen ka obidêsê." ²⁸Logó nutixa ni patxi dê uwa ga ni túdu Kamiá de Galileia.²⁹Lógó ku nen xê di xinagôga, a bá ké di Ximóm i André i Tiago e zon. ³⁰Stloga de Ximóm, táva detádu félumu ku flebé. E óla sé mem fla Jizu nê. ³¹Antón ê bi, tê mom lanté: Flebé décê i ê comesa ka stlivi nem.³²Óla ê tá nôtxi, ku soló pagá nem bi ku tudu nguê ska duentxi ou ku démónó tóm poxi dinem. ³³Tudo pócón zunta ni pótó ³⁴Ê kula iôô ku tava ka doentxi di túdu moda ê côlê ku iôô demono. Mági ê na desa demono fla fa; punda nem kônsê.³⁵Ê lantá sedu múntu, antáwó ku tava kula: Ê xê ba uwa luguê patádu i naiem ê óra. ³⁶dicipulu ku nem tava kwê gólo ê. ³⁷Nem bêlê inen flé:" júdu nguê ská goló bô:³⁸Ê flinem: bámu plega nalá camia, plá poson vijan, pám, un plega nalá tembété. Icé ka kwa ku bi fé nai." ³⁹Ê bê ni tudu galileia, plega ni xinagôga dinem i ê kôlê ku dómónó.⁴⁰Uwa lêproso bi ã tê i supliké da di zé. Ê fla pá Jizu." xi bô mêcê bôká pô pêmú limpú ⁴¹".Movidú di compaxon, Jizu xendê móm i tóka nê, fla: un mexê. ta limpu: ⁴²Ola sê ne lepla desé ê fica limpú..⁴³Jizu fla kwê lisu i mándé bêd; Êfle: ⁴⁴"Pia na flá ni wá nguê nada xi fá, bé bá plesentá ni saserdote plésê pla purifikasón kú musé dá ordem kuma testemunha pli-nem".⁴⁵Magí ê xê i komésa ka plocamá tudu ninguê i ê da patxi di uwa módu ku Jizu na bila pôgi lemtla livli mentxi ni kakali posón. Ê ta ka fika ni kamia ku na tê nguê fa magi axém me nguê ka bi nê di túdu luguê.

¹Ola ku Ê bila di Cafarnaum ûã dosu dja, a tendé kuma Jizu sa ke. ²Êle mé, yo ngê zunta di tendé palavla Sun Jizu, ku anté ni pôtô, lugê na tava sen fa.³Ûã dosu sun dngê ba lêlê Jizu kua ûã duentxi ku na tava ka ndava fa, ku kuatlu ngê klagé. ⁴Plovia de yõ ngê inen na xiga pêtu d´Ê fa. Anton, inen txila teia ni tétu ku Jizu tava né, fé ûã blaku, fé desê duentxi sé ni kama.⁵Ola Jizu bê afé dê, ê fla da sun sé ku na tava ka nda fa: "mina mué, pekado bô sa pôdadu". ⁶Ûã dosu mese d´alê ku tava nala tasondu kié ka pensa ni closon: " ⁷kuma ome sé ka fla di moda sé? Ê blasfema! Xi ê na sa Desu fa kengé ka pô poda pekadô?⁸Ola sé mé, Jizu tava sebido ni suplitu Santo: " Kua manda ku nanse pensa ku sé ni kloson da"? ⁹ke kua sa maxi fasili de fla paliticu: "Pecadu bô sa pôdadu ô fla lanta té kama bô nda?¹⁰Maji pla nanse sebé kuma Mina d´Omé te pôdê ni tela di pôdá pekadu, ê fla da paraliticu: ¹¹"Toma kama lanta bé bô ke"- Jizu fla dé. ¹²Fala se mé ê lanta tê kama dé xê bê. de modu ku inen tava ku gosto lumadu, inen kié ka lova Desu ka fla: "Nunka non na xi bê kua sé fa."¹³Otlô vê Jizu xê ba bódô d´omali, tudu ngê pôzê, Ê tava ka xina inen. ¹⁴Ola Jizu tava ka vala, ê bê Levi, mina di Alfeu Ku tava tansondu ni lugé di klobansa di impostu ê fa dé: " Bi ku ami . Ê lanta bé kuê.¹⁵Ola Jizu tava meza ku Levi, yô kobladô d´impostu ku pekadô tava ka kume ku inen lumonxinho dé, punda yô ngê tava lêlê. ¹⁶Ola inen mese de glêsa be Sumu tava ka kume ku pekadô ku klobadô d´impostu, inen fla lumonxion dé: "Kamanda Ê ka kume ku klobadô d´impostu ku pekadô?¹⁷Ola Jizu be kua se, Ê fla: " Ngê sa ku saôdji na ka ba ope dotulo fa; sela ngê ska doentxi. Na bi sama justu fa maji pekadô.¹⁸Lumonxinho di Zon ku inen mese glêsa tava ni jinjum. Ûã doso be ba fa dê: "Punda lumonxinho de Zon ku mese gêsa ka jinjua, maji di bô na ka jenjua fa"? ¹⁹Jizu fa d´inen: "kuma ku kuvidadu ka jenjua xi noivo sa ku inen? Ni modo se ku a sa ku noiva inen na ka jenjua fa.²⁰Dja se ku a ka txila dono fesa, anton ine dja se sela jenjua. ²¹Lopa novo ku ve n sa de junta kloze fa punda axi fa soa de ka pô fé blaku glandji.²²Ê sa mo ngê ku ka pe vin novo ni potente ve; xi a fe kua se, vin novo ka po fula potente, anton ne potente ne vin ka po plêdê.²³Ûã sabadu inen lumonxinho tava ka vala n´ûã campu, so so inen lumonxinho ke ka lanka supiga mim. ²⁴Inen mese glesa fa dé kamanda inen ska fé kua se ni sabadu da?²⁵Ê fa dinen nanse kua ku da ku Davi ku inen sode dé, ola xi ku inen tava ku fome? ²⁶Mo ê lentla ni ke Desu ôla ku Abiatar fô Sumu sasedotxi, kuê kume npon de plesensa, ku se la sasedotxi tan so ka po kume; bila da inen sodé ku ê tava fa?²⁷Jizu fla: " Sabadu sa fedu pa ome, ê na ome pla sabadu fa. ²⁸Anton, Mina d´Ome sa Sumu ante de sabadu".

¹Ôtlo vê, Jízu lentlá ni sínagoga é bé nwa omé cu tava ku mon lezado. ²Inen pekador tava ka pié, xi elê Ká pô kula omé cé ne sabado, pa inen ponta dedo.³jízu fla omé ku tava Kú mon lezado,"Lanta bí nai n´omê de tudo nguesé". ⁴E fla tudo ngué":Ê sa male fé bem ni sabado, ou estlava uwa vída, ou decê mole?" Ine na fla nada xi fa.⁵Elê, pia juntu dé, bloxido plovia de closom dúlu dine, ê fla d´ome cé "sende mon" ⁶jizu culé. Ine fariseu ku herodiano junta cabesa p´ ine pô maté.⁷Socu, Jizu be ku inen moxiom bé omale. Yo povo ku bi fô d´ Galileia, judeia, ⁸jerusalen, Idumeia, ku judon, d´ tudo camian de tiro ku Sidom. Ôla inen tende tudu kwa ê tava ca fé, inen bi lumadu⁹Ê pixi inen moxiom p´ inen desa vapo dê, plovia de povô, ku ka pô peté. ¹⁰So ku É cula yo ngue, ku tava ka padice duentxi, ngué ise ku ka bi juntu dê, ku ca tokê pa ine kula.¹¹Ôla suplitu male ka tendê inen ka kê ni wê d´Ê, inen ka supluca: " Bô sa mina Desu". ¹²Ê fla inen pa inen na fla nwa kwa se.¹³Êle subí ôké samá inen ku mêse, pia elê. ¹⁴Ê kowê dexí ku dôçu, (Ê da Inen nome de apostulo) pá inen pô judé pô wanga Vangelho, dá inen ¹⁵autónôia de kolê ku demono ¹⁶.Ê da nome da dozé: simiõ, cu ê sama Pedro.¹⁷Tíago mina de Zebedeu, jón mano de Tiago,inen ku elê sama Boanerges,mina de tlovõ; ¹⁸ku ,André; Filipe; Bartolomeu; Mateus; Tomé; Tiago, filho de Alfeu; Tadeu; Simão, o zelote; ¹⁹ku juda Iscariotes,ku traiu.²⁰Ê ba Ke, yó de povo zunta né modo de kume. ²¹Ôla familía tendé Inen pó mungé. Inen tendé ine xê pa ine pó mungé, Inem Kele Ku ê tava duentxi ²².Inen mecè d´alé ku bi fô Jerusalém fla Kuma ê ka expulsa Demono, punda ê sa xá d´ inen, plovia de me cé d´inen Kué sa Kué ni bwê.²³Jizu flá inen ni parabula:"kuma demono ka pó kolé ku demono? ²⁴Uã govenu dividido kontla elê me, ê na ka pó mundja fa. ²⁵Uã ke dividido kontla elê me, ê na ka poje mundja fa.²⁶Xi demono ca lantá contla êle me sa dividido, ê na ka mundja fa ê ka xiga jade. ²⁷Ni uwa guê ca pó lantá me ke de omé fote, pe po futé, Sela Maléee.²⁸Vedé,vedé, jîzu ka flá, tudo male pecador ê ca poda. ²⁹Gué ku ka fla male de suplitú santú na ká te pedon. ³⁰Ê fla ká cé punda tava ka flá flá kuma ê tê suplito imudo.³¹³²Mém dé ku mano dé bí, ê fíca ne Lúa. Ê pigi outro gué pápo samé. yo povo tacon peto dé ê fadé a jizú Men bó. Sá ne lua es ka glolobó³³jizú kuji, Que ngué sa Mem mú cu mano mu? ³⁴Jizú bila uê pía, tudo guê ku sa tasondo, só ê fla: Nansê na ie mem mú! ³⁵Tudo pakador ku ka fé vonté de Defu êle son sá mano mú!manú, mana e mem mú".

¹Jisu começa ka xina zuntu d´omale. Yô nguê zunta ni bôdô dê, so ku, Ê lentla nwa canua n´omali, ê taçon. ²Ê tava ka xineiné yôô kua ni vesu.³Ka tendé! Uwa nguê campu xé ka ximia. ⁴Ola ê tava ka ximia uwa ô dôçu ukuê kiê ni stlada, biçu cumiinê. ⁵Otlô kiê ni luguê ku tê bulu, xitu ku na ka tê balu montxi fa. Iné dá wé cedu, punda ê na tava cu yô balu fã.⁶Maji ôla sôlô nancê, iné kemã lóló, punda leji suga. ⁷Ôtlô d´iné kê nômê piã, iné clecê sê fôça. Plôvia kwa sé ê na dá ukué fá.⁸Ôtlô dê ké ntéla buadu y dá yô d´ukué, uwa dá tlexi déxi, ôtlô dá sêxi déxi, ôtlô déxi déxi vê maxi. ⁹Ê flá " Nguê xi ku tê olia ka téndê".¹⁰Ôla Jisu tava Êlê tâ, nguê ku tava zuntu dê ku iné déxi ku dôçu tuda xi punté kua xi dy vesu. ¹¹Ê flá d´iné " Plâ nancê Déçu ka bili stléglédu sé, maji ngué lua ê ka flá ni vesu, ¹²modu ku iné ka bê, ka bê, maji na ka piá buado fá, ê nguê ku ka têndê, ka têndê, maji na ka sebê fá, axi fá iné ka kêlê nDeçu ê Deçu ka pôdiné".¹³Ê bila fla diné: " Nncê na conplêdê vesu sé antawô fá? Kuma nancé ka têndê ôtlô kwa? ¹⁴Nguê sé ku xê ka ximia ka ximia palavla Déçu. ¹⁵Ukué xi ku kié ni bôdó stlada sá nguê ku ka téndé, maji na ka tadá fá pundá demonó ka futá palavla ni cloçon dé.¹⁶Yxi ku kié camia ku na tê yô balu fá, sa ixi ku têndê palavla, lêçêbê ku gostô. ¹⁷Iné na tê léji fá, na ka nguentá yô djá fá. Antôn, ôla tlabê dy vida ka bi plôvia palavla, iné ka kê cedu, cedu.¹⁸Ôtlô sá ximiadu n´ômé piâ. Sá ixi ku tendê palavla, ¹⁹maji kwa dy mundu sé, wê xá kubiçosu dy likêza d´anbiçon d´ôtlô d´ôtlô kwa dónôxá palavla, inê na da kumé fã. ²⁰Ê tê ixi ku sá ximiadu ni son buadu . Sá ixi ku ka têndê palavla, loklê ê ka dã cumé, nwa tlêxi déxi, ôtlô séxi déxi ê ôtlô déxi déxi vê.²¹Jisu flá: " Ôla nançê ka bi ku candjá glêntu kê nancê ka pê nbaçu kuali ô baçu camá? Nnçê ka bi kuê pê ni luguê cétu. ²²Punda nwa kua ku sá ni culu, kua na ka bêlê fá, niwa stlêglê ku na ka bi bê fá. ²³Nguê xi ku tê oliá ka têndê".²⁴Ê flá iné: "Téndê, modu ku bô ka tlatá nguê a ka bi fé bô êlê, ô piolô. ²⁵Pundá nguê ku tê, a ka dé maxi, andeji, ixi ku na tê fá a ka txilé maxi".²⁶Jizu fla: Goveno Desu sa mon ûã omé ku ka ximia n´téla. ²⁷Ê ka dumini ê ka lanta, so kuê ukue ka nansê clesê, ê na ka sebê kuma ê sa fa. ²⁸Tela tangnatan ka ka da kumé dé: plumé planta ka plasé, zô xpiga maxi taji, ukué ka xa xpiga. ²⁹Ôla ukué sa bôbôdu s´ôla sémé k´omé ka ba koiê.³⁰Ê fla anta ô: Ke kua ku no ka pô fla ku ka kô govenu Desu? Kê vesu ka zuda non têndê kua sé? ³¹Ê sa mo d´ukué de mostarda, ôla ximiadu, ê sa maxi txokó d´uké n´tela. ³²Só ku ximiadu, ê ka clesé maji tamen di tudu planta ni jadin. Lama dê ka sende, modu ku inen bisu d´ôsé ka pôji fé kama nêê.³³N´ômé vesu sumu tava ka fla d´inen, môdu k´inen ka têndê. ³⁴Tudu ôla ku Sumu tava ka fla, ê tava ka fla ni vesu, maji d´inen xiguidô dê ê ka bili stleguêdu.³⁵Dja sé, notxi tava ka kubli, Ê fla inen: Bamu potlô kuatlu. ³⁶A lega mutidon, inen moxion bé ku Jizu, só ku ê tava ni kanua. Ôtlô kanua tava ku ³⁷Ê. Anton ûã tlovada venta ku tudu fosa, auâ lentla ni kanuâ kuaji pê funda.³⁸Maji Jizu tava ka dumini ni kanuâ sé, ni liba mufada. Inen moxion kodé, ka fla: Mese, xi bô na ka pôtá fa non ka molé? ³⁹Jizu koda, leplêndé ventu ê fla omali: "Kaboca pipipi". ventu mundja omali kalma.⁴⁰Ê fla d´ine: " Punda kamanda nansé sa ku mendu? Nansé na tê afê fa?" ⁴¹Inen fica ku boka bêtu ka fla ûã d´ôtlo: " Kenguê sa sun sé ku ventu k´omali ka obedesé?

¹Sun Jizu ku inen xiguidó Sun ba ôtlô kamian d´omali, ku ka sama gerasenos. ²Ola ku Jisu xê di vapô ûã sungê di suplitu imundu, xê di ximintéli bi pose Jisu.³Sun se tava ka ta ni ximintélu. N´ûã ngê na ka tava ka pô kwê fa. ⁴Ne ku guion ê ka kota.⁵Tudu plama ku notxi ni ximintélu ku montxi, ê ka glita da ubwê ku budu ku tê fi. ⁶Ola ê bê Jisu ê kolê da dizé ni wê dê.⁷Sô sô sungê loga ku fôsa: " Ke kwa ku ami tê ku bô, Jisu, mina Dêsu Altissimo? Ami ka loga Sun punda Dêsu, na tlomentan fa". ⁸Punda Jisu tava fladu: " Xê ni ome se suplitu imundu".⁹Jisu fadê: " Fada mu kê aglasa bô ê"? Ê kuji Sun: " Aglasa mu sa legion, no sa montxi". ¹⁰Legion tava ka loga Jisu pê mandé ba ôtlô ngê fa .¹¹Ola se me yô ploco tava ka kume. ¹²Suplitu imundu tava ka lôguê, ka flé : "manda non ba ploco, desa non tã ni inen. ¹³Jisus de xi inen bê. Anto sulpitu imundu xê lentla ni ploco. Ûa glupu di ploco, vota di dosu mili, vowa ba d´awa kwa blogodó, foga lôlôô.¹⁴Inen ngê s~e ku ka toma konta ploco kolê ba da patxi ni poson ku kampu, só só tudu ngê kole ba pya kwa ku da. ¹⁵Ôla inen xiga bôdô Jisu, inen bê sungê ku tava ku demono, tasondu, bixidu ni bon juizu, kwa sé d´inen mendu.¹⁶Tudu ngê ku tava bê kuwa ku da ku ome ku tava ku demono da patxi d´ûa ku tava pasu ku ê ê ku ploco. ¹⁷Inen loga Sun pa Sun xê ni flêgêdja d´inen.¹⁸Ôla ê tava ka lentla kanuwa, sun s~e ku tava ku demono loguê pê poji ta ku ê. ¹⁹Só Jisu na kuji fa, maji ê fla " Ba ke bô pla pôvô bô, fa d´inen kwa ku Sun fé da bô ê kuma Sun xintxi pena bô." ²⁰Só só ômê sé bê dê ba da patxi ni Decapolis de mêmê kwa ku Jisu fé dê. Tudu ngê gôgô lumadu.²¹Ôla Jisu bila ôtlô vê pla ôtlô kwatu, ni kanuwa, ûa glanji multidon zunta ni bôdô dê. Modu ku ê tava petu d´omli. ²²Ôla sé mê ûa xefi sinagoga xiga ,ku ka sama Jairo, ôla ku ê bê ê kyê n´ope dê. ²³Ê suplika yô vê , ka fla: "Mina mu sa kwaji molê. Nga loga bô pa bô bi pê mon bô ni liba dê, axien ê ka sa xa di vida." ²⁴Anton Jisu bê ku ê. Yô ngê lêlê ka plemê.²⁵Sô ku ûa sangê tava sen, ka sufli di hemorogia dexi ku dosu anu. ²⁶Ê sufli montxi ni tlatamentu di yô dôtôlô, tudu djelu ku ê tê ka ba lôlô. Nada xi na zudê fa; San tava ka piola tam. ²⁷Di modu ku ê tendê a ka fla di Jisu, ê bi di tlaxi, nomê di multidon, toca ni lôpa dê.²⁸Sõ ku ê fla: "Xi ntoka ni lopa dê tam, nga kula." ²⁹Ôla sé mê, hemorogia mundja muala sé xintxi ku ubwê dê sa livli di suflimentu.³⁰Ôla sé mê, Jisu xintxi ku pôdê xê nê. Ê bila n´omê di yô ngê , ê punta: "Kengê buli lopa mu ê? ³¹Inen seguidô Sun fada Sun: "Sun sa ka bê yô ngê nai, kuma Sun ca punta: " kengê toca mu? ³²Maji Jisu pya ni bôdô dè pê po pya kengê ku fé kwa sé.³³Muala sé ku sêbê kwa ku da kwê ê têmê bila tlêmesê. Ê bi da dizê ni wê Jisu e ê konté tudu vêdê. ³⁴Anton, ê flê: " Mina mu ê, a fé bô kula bô. Bê ni paji, ta bô livli doentxi sé.³⁵Ê tava ka fla anta wô, ûa dosu ngê bi di xinogoga fla: " Mina bô molê." Punda ka manda bô ska blosé mése anta wo?³⁶Maji ola Jisu têndê kwa sé , Sun fla mése xinagoga: "Na mendu fa. Kêlê tam." ³⁷Ê na desa n´ûa ngê bê ku ê fa , sela Pedlu, Tiago ku Zon, mau di Tiago. ³⁸Ola inen xiga ke mése xinagoga, Jisu bê kwa Tugudu, pekadô tava ka sôla, ka lamenta ku fôsa.³⁹Ola Sun lentla ni ke Sun fa d´inen: "Punda kwa manda nansé sa tugudu ska sola axi? Anzu na sa motxi fa, ê sa sonô". ⁴⁰Inen li Jisu, sô sô ê pê tudu ngê ni lwa. ê sama pê ku mem d´anzu e ngê ku tava ku ê, ba kamian ku anzu tava nê.⁴¹Ê tê anzu ni mon , fa dê: "Talita kumi" kendiji, "Mina ê nga fla ku bô: " Lanta". ⁴²Ola sé mé anzu lanta nda ( ê tava ku dexi ku doso anu). Ola sé mé inen panta muntu. ⁴³Jisu lokiinen p´inen guada stlêguêdu sé, ê fla inen pa pô da mina kume.

¹Jizu xê nai ba fleglegja kania ê nansê nê, ine lumon xinhô dê lêlê flaxi; ²Ola xiga salvado ê xina ni xinagoga. Jô ngê ku jojo lumadu. Zó punta; "hndji a xine tudu kwa sé? Ngê de tudu se?" Ine milaglé se ni mo de?" ³"Ise na sa capintelu an, men dê na sa maio un mano dê na sa tiago, Zoje, Zuda ku simon? Maua dê na ka ta junta no ai." Ine zeta Jizú.⁴So ku Jizú kudji; "Kwa tela non na ka lige pô, plofeta ni tela dê nômê familia, dê ne ni ka dê." ⁵E na pojdi pe kwakwali milagli ni kamia se pa, sen fola uwa dôsu demtxi kwê pê non kabesa kula. ⁶Jizú pika pantade ku fata da pe dina, anton ê xê ba xina nôtlô kamia.⁷Ê sama ine limon xinhô dê dine podê liba di tudu suplitu mau, dôsu dosu. ⁸Ê dine lison pla na bi ku nadaxi ni mon fa, axa tan, nê pon, djelu nê kwa di klaja kwa, ⁹maji pê sapatu ku lôpa ku nansê sa kwê nu bê.¹⁰Ê bila fla; " Semple ku nansê lentla uwã ke, a ka ta nala antê nansê ka xê. ¹¹Ximon pala a côlê ku nansê , xê nala sagudji opó ope nansê kontla ine."¹²Ine xê be, ine fla pecadô po ine pô lega mali bila da Desu. ¹³Iné txila io demono ni ôbuê ngê bola bolo ola kula iô duentai.¹⁴Nomi di Jizú fica ku fama antê alê heledi tende. uwã dôsu ngê tava ka fla; "ê sa Zon ku môlê bila koda êlê manda ê xka fle tudu kwa se" ¹⁵Ôtlo bila fla; "Ê sá Elia" ôtlo bila fla " Ê sá plofeta, plofeta di nos tempu"¹⁶Magi ola helode tende kwa se ê fla; " Zon ku ni mata so koda" ¹⁷Helode se me so manda pê Zon kadja plôvia di muala de manu dê filipi fa.¹⁸Punda Zon fada helode; " Ê na sa setu sé dá muala manu bô" ¹⁹Plovia kwase Helode Loklê Zon ni kloson, mese mate, maji ê na poji fa. ²⁰Maji taka mendu Zon punde ê sêbê kwa zon sa one santo bila sa justu, maji ê mante segulu. Ê na taka jôjô kwe fa, maji ola Zon ka fla kwe ê ka toson tende.²¹Dja nganha ku Helodi skafe anu solu ê fe uwã fesa glandji sama tudu ine sungê dê, mese sode comandante lide dôtlo kamia di galileia. ²²Soku mina dê muala dê dansa dé ku ku tudu inen sunsê jôjô lumadu. Antê ku alê fada mina; "pidji kua ku bo mésê nga da bô. kuakwali ku po pidji"²³Ê bila jula; "kuakuli ku bô mêsê ê pôsa metadji palasu dalê." ²⁴Soku mina xê kôlê ba fada mendê; "kua nga pidji?" Mendê kudji "Pidjê kabêça Zon" ²⁵Mina na bila mundja fa ê ba fada alê; " Um mecê kabêsa Zon batista numa platu"²⁶Ola alê tendê kuase, kua na bua de fa, maji mo ê zula ni wê convidadu, ê na nege fa. ²⁷Anton sun manda soxe guada dê pê pô ba bucasa di Zon, guada be ko nikdja. ²⁸Ine be ku kabesa ni uwa plao da mina, mina tomê da mendê. ²⁹Ine lumon xion dê tende kuase ine bala tomobue bantela.³⁰Inem lumon xinho de zunta ni bodo Jizú fla tude kwa ku ine bila xina. Jisú Samine ba bodo pa. ³¹Ê fa; " bi uwa kamia potadu ni dizetu pla nansê pô kansa pikina" Punda iô nge ku tava ka be ka bi kune ine na tela ³²Anto ine lentla kanua ba otlô kamia.³³So ngê bêlê ka xê tava sebe pimda Ê sa elê kolê zunto nope xê ni tudu poso antxala xiga plume dê kê ³⁴Ola ine dêsê ni vapo. Jizú be iô di povô ê xintxi pena dine³⁵Ola ku ola vala. Lumon xiou bi jelê fade nai sa " Uwa kamia dizelto ola vala, ³⁶manda ina ba kanpu fleguedja petu ba golo kua kopla pla ine pô kume."³⁷Jizú fadine; "Da ine kua pla ine pô kume" Ine kugji "Nom po kopla duzendo denela de pon da tudu ngê pla ine kume?" ³⁸Ê fla ine " kuantu npo nansê tê? ba pie" Ola ine Sêbê. ine fla; "xinku npon ku dosu pixi!"³⁹Ê manda tudu ngê tason liba. ⁴⁰Ine tason zuntadu ni glupu de dexi deix, ku xinku dexi. ⁴¹Ê toma xinku unpon ku dosú pixi bila ka ba ose, pidji bensom da ine lumon xinho, ine lumo xinho tanda pôvô. Bila pataxi dosu pixi da tudo pôvô.⁴²Tudu ngê kume ante bega xa. ⁴³Bila sovega dozo kwali xodo di npo kun pedau pixi ⁴⁴Tava nala xinku mili ome ku kume upon.⁴⁵Mioleme ê pe lumo xinho lentla ne vapo pine be ni uwe ta olto kamia, betsaida, ola ⁴⁶ine be ê subi okê ba pla nason ⁴⁷Notche injauha kanua tava nômê demali Jizú tava tela elê tan ka.⁴⁸Ê hê ine ka passa mali ni liba domali, punda vento ta ka nhe lua. Bega bega katlu'ola notxi, e bo lâline kanda liba domali, E tava ka mesê vala uwê dine ⁴⁹Ine lêlê kanda liba domali a glita punda ine kunda defunto so ⁵⁰Ine pia fica ku mendu. Jizú fla; " Na mendu fa ê sa ami."⁵¹Ê lentla vapô ku ine ventu, ventu mundja. Ine fica ku gostô ⁵²Kwase di npon ine na tava tende fa punda kloson dine tava lijo.⁵³Ola ine nganha Genenezala a xe ni vapô ⁵⁴Sô ngê ku tava nala sebe ku ê sa Jizú ⁵⁵Tudu pôvô di tudu kamia beku iô duentxi ni liba kama kamia kamia audji ê tava nê.⁵⁶kwakwali kamia ku ê ka be losa ô poson a ka pê duentxi ni xklada pê pô kula. Jizú tava ka padine, tê lô pa nu tudu ningê ku tê xê kuladu.

¹Inen faliséu ku bi de jerusalén, zunta ni vota de jizu.²inen bê kuma otlô dichipulo dê tava ka kume pon ku mon suzú,ô, se laba. ³(inen falizéu ku inen zudê na ka kume sê laba món fa, punda inen ha guada tladiçom de maxi tamé. ⁴Ola inen ka pô fla, inen fariseu ka cumé sê laba sê laba mon fa. Inen té ligene morxi munto, Ku inen ka stlivi flime, zuntado ku labá de copú,jalo, vazu de blongi,arte barco mesa).⁵inen fariseu ku inen iscliba punta jizu."kwa manda ku inen dixipulobô na ka vive, konformo tladicon né maxi tamém fa inem iska cume pon sê laba móm"?⁶Ê kugi: "fássú, ardêgi me isaias flá ni nasé,mo êsso eclevido: Povô sê ka lispetamú ku boca, Magi closon diné sa longi mu. ⁷Inen kada mu un wa cuto se xitxi do, ka xina legime mo dotlina diné,⁸Non se zéta mandamento Desu passa paga tradisón de homem. ⁹Ê bila flá:vedémé mese zéta mandamento Desu pa nansé pé tradiçon nansé! ¹⁰Só ku Mosé fla: bispeta, pé bô, mém bô ,nge ku ka fla malide plope pé dê, ô mem, pô te di ceto é ka malé¹¹Mogi nancê ká flá: "xi um omé flá pé dê ô men dê:quale Juda ku bô ka poji lecebe da mi sá corbõ", ¹²( Sá kédigi, plasentix da Desu) ¹³Bô iská txila mandamento Dêsu plovia custumi ku nansé iska, passa. E nanse iska fé kwa monche ni modu sé me".¹⁴Ê bila sama povô, fadiné: nan sè tudaxi, tendê kwaxi ku ka fada nansê bila téndê. ¹⁵Kwa nasên ni ome,kú, ka lentlê-fa.magi ixe ku ka xê só ka suzê ¹⁶"(Ngê ku ka tende,Ka tendê).¹⁷Ni ola,ola jizu dessa povô lentla ni ke inen dixipulo dê punté ni palabula sê kwa tava fadinê. ¹⁸Jizu fla:"Nansé tambété fica sê Tenda? Nansé na bê kuma tudu kwa ku ka lentla ni homê na ka suzê fa, ¹⁹Andégimé ê na ka lentlá ni clossom bô fa magi e kaba ê kaba stomagú dê .Ni fla cê , jizu bila tudu cume limpu²⁰Ê fla: kwa ku kaxe ni home zó kabilê suzú. ²¹Andegi mé ni glato de clossom kwa male ka plasê, fata lipeto sexual, futa, kliminoso ²²Adultélu, wê xa, kwa male, mitxila, sê vlégonha, lanta fasso, lumado ni homé ,malabia. ²³Tudu né male sê kaplacê ni glento, e ke suzo homé.²⁴Ê xé dai ê ba camia de tiro ku sidom. Ê léntla uan ke ê ê na tava messê pa niuã ngué sebé kuma ê tava mala fa, magi ê naka pó condé fá ²⁵Olá cê me,um wa muala ku tava kwa mina ku demonó ni ubuê, tendê Kalla ni jizu, bi da dizê ni opé dê. ²⁶E muala sê era glega, lega dê sá de Sinu penicia. piguê ku loga pé colé ku demono ku tava ku mina dê.²⁷Ê fadê:" inen anzú cumé plumélo. Ê nassa buá txila pon de anzú zuga dá casso txóso. ²⁸Magi êkungê:"yo xe sumú, magi anté casso txóco baku mesa ka kiné sovêzu de Anzú".²⁹Só ku ê fadé: mó bô fla Kua cê, bô pô bé. Demono xê ni mina dê". ³⁰Ê bila na ke ê bê anzu dê". Ê bila ba ke ê bê anzú detado ni kama, demono teva décê Zá.³¹Antón, ê bila xê ni camian de tiro, vala de Sidom anté Omale de Galeia, ni camian de decapoli. ³²Inen bi ku uwa súdo dê ku tava kú poblema ni fla, e inen tava ka loguê Jizu pê pogi pé mom libá dê.³³Ê txilé ni ômé de póvo, ni patado, pé dedo dê ni olhá dê, ola ê kupi, ê toca nilungua dê. ³⁴Jizu pia oke, ê dá flógo so ku fla:"Êfata!", sa kendigi,"bili!" ³⁵Ni olá cê mé, olha dê bili, kwa xi ku tava ka fé lungua dê na fla pa xe ê passa ka fla buado³⁶Ê fada inen pá inen konta niuan unguê fá. Cada vé ku ê ka fada inen pá inen pá inen na fla fa, sa maxi kú inen ka fla. Inen babaka, passa fla: ³⁷"Ê fé tudu kwa buado.Ê ka fé anté súdo tendé né nguê ku na ka fla fa flá".

¹Inen dja se, Jizu bila tava ku pôvô inen na tava ku nadaxi de kume fa. Jizu sama inen lumonxion fla; " ²Tê pena pôvô, punda inen sa ku ami tlêxi dja sa ê inen na tê kwa kume fa. ³Xi manda inen bê d´inen se kume inen ka pô yôlô ni stlada". ⁴Inen lumonxion kuji: "Anji non ka bê npôn di da tudu ngê sé?.⁵Jizu punt´inen: "kantu npõ ku nanse tê"? Inen fla sêté. ⁶Ê manda pôvô tason ni son. Ê toma npõ da glasa, toma inen lumonxion p´inen pô patxi da pôvô.⁷Inen tê tava ku ûã doso pixi nala, so ku Sun da glasa, toma inen lumonxion p´inen pô stlivi. ⁸Tudu pôvô kume ê inen gôgô lumadu. ⁹kwatlu mili ngê ku kume, npõ ku pixi bila soveza sêté kwali. Jizu dispidi. ¹⁰Mêdola Jizu lentla vapô ku inen lumonxion ba Dalmanuta.¹¹Ola Jizu xiga , inen fariseus fla. " Fé ûã milagli da non. ¹²Jizu fa d´inen kwa manda gerason sé sa ka pixi ûã xinali d´ôsé? Gerason sé na ka bê n´ûã xinali fa. ¹³Êle mê Jizu leginen, lentla vapô bê d´ôtlo kwatu.¹⁴Ê da kwa ku inen disipulu kêsê di bê ku npõ. Ûã npõ tanganan tan ku inen tava kuê ni vapô. ¹⁵Jizu fad´inen: " Toma stenson ku flementu d´inen fariseus ku inen Herodes"¹⁶Ola inen disipulu bê kuma inen na tava ku npõ fa, Inen komesa ka plufia ku inen me: " Sa punda non na tê npô fa". ¹⁷Ola Jizu bê kwa sé, ê fa d´inen: "ka manda nansé ska plufia plovia npon ku na sen fa? Nansé na kompledê fa? Closon nansé sa liju anta wô? Ku nansé na sebê fa?¹⁸Nansé sa ku wê maji nansé na ka bê fa? Nansé sa ku olha maxi nansé na ka tendê fa? Nansé na ka lembla fa? ¹⁹"Ola ku npatxi xinco npon, kanto kuali ku nansé lôklê?" Inen kuji: DÔze".²⁰Ola ku npatxi seté npon da kuwatlu mili ngê, kantu kuwali ku a lôklê? Inen fla: "Seté" ²¹Ê punta inen: "Nanse naxi têndê fa?"²²Ola inen xiga ni Btsaida. A bê ku ûã segu inen loga Jisu pa pê mon nê. ²³Jisu tê ni mon dê e txilê ni lugê sê. Ê kupi pê wê bila pê mon nê, puntê: "Bô ska bê kwali kwali kwa"?²⁴Ê boia wê ba liba kuji, "ûska bê yô ngê ka kô pô ku ska ²⁵anda." Jisu bila pê mon ni wê dê; de vota sé ê bê tudu kwa klalu. ²⁶Jisu mandê ba ke dê ê bila fla: "Na lentla ni posson fa?"²⁷Jisu bê ku inen dissipulu ni luguê di Cesaria di Filipe. Ni stlada ka bê ê punta inen dissipulu: " Kengê ku a ka fla kun sa? ²⁸Inen kuji: " Zon Batista. Otlô "Elias"; Otlô, "plofeta".²⁹Jisu punt´inen: "kengê ku nansé ka fla ku ami sa?" Pedlu kuji: " Clisto." ³⁰Jisu fa d´inen pa inen na fla nada xi di Jisu fa³¹Jisu tason ka xina inen kuma Mina d´Ome ka bi sufli yô di kwa, ka bi sa zetadu d´inen ansion, ku principadu di sasedotxi ku escriba, ka bi sa motxi, di plazu di tlêxi dja ê ka koda. ³²Ê fla kwa sé pa tudu ngê pô têndê. Anton, Pedlu samé patxi, ka leplêdê.³³Jisu leplendê Pedlu ni wê d´inen dissipulu, fla: "Satanaji, ta tlaxi! Bô na pensa di Dêsu fa, maji d´omé." ³⁴Anton Ê sama tudu pôvô ku inen dissipulu fla: "Ngê ku mêse lêlê mu, sela ê négué mé, toma klusu lêlê mu."³⁵Ngê sé ku mêse stlava vida dê, ê ka plêdê, kwali kwali ngê ku plêdê vida plovia d´ami ku vangelu, ê ka stlava. ³⁶Omé ku ka nganha mundu ntelu, plêdê vid dê, kwa ê ka nganha? ³⁷Ke kwa ku omé ka pô stlava ku vida?³⁸Ngê xi ku tê vlegonha mu ku palavla mu ni gelason sé pekadô e adulteru, Mia d´Omé ka vlegonha dÊ ni gloria di Pé dê zuntu ku inen anju dê".

¹So cu jizu fad'inen: " vedé vedé men ê tê ngê cu sa nai cu na ba molêfa antê inen cabê governo Dêçu cu ca bi cu podê" ²Sexi ja vala, Jizu toma Pedu, Tiago cu Zõ potado ê bé ku inen montxi. Anton ê muda aspeto dê ni wê dinen. ³Meda ola lôpa dê lugi mieguémiegué ê fica blanco fenene mó cu ninwa labandela ka pô labefa.⁴Anton Ilias cu Mozé flacê ni wê dinen gó fla jizu. ⁵Pedu cuji bila fla Jizu: "Messê, ê sa bua pa non sai; NOn ka fe tlexi tenda: Unwa da sun unwa da Mosé unwa da Ilias. ⁶Ê na ta sebê kua ê ska fla fa punda inen tava cu mendo.⁷⁸Unwa nuvem bi do cé cublinem, sósósó unwa fla peacê mocê bila fla; "Isse sa mosso dosom mu, tendê kua cu ê ca fada" Ola se mé, inen bila cala na bê ninwa ngê cu inen, Jizú tam.⁹Ola cu inen decê okê, Ê fadinem fla inen na fla ninwa ngê kua cu inen be na lafa antê cu nina dome ka molê bila coda. ¹⁰Inen locle stleguedo da inen me magi inen tava ka plufia kua se di Jizú molê bila coda¹¹Inen Punta; "Punda ka manda cu inen messê de alÊ ca fla cuma Ilias ca bi plomê" ¹²Jizú cuginem; "Ni vede me Ilias cabi plomê pê cu êsso scrito cuma mina dome ka padicê iô kua bila sa dispresado? ¹³Maji nga fla nancê cuma Ilias bi a fe kua, kua mecê kuê mo sclitula sca fla dê"¹⁴Ola cu inem bila bi camian ne mexiô tava nê, inen bê iô ngê lolinem. e inen scriba fe demanda cu inen. ¹⁵Ola cu inen bê sun inen fica maravilhado colê ba lêlê e fla sun a manxiõ ¹⁶Sun punta manxiõ sun; " kê kuaxi cu nancê sca fe demanda kuinen?"¹⁷Multidon cugi: " Messê mbi cu moço mu; punda êssa cûa supitu cu na desse flafa. ¹⁸Ê de taque i iô fuca sca xê ni boca dê ê bila sca cume denxi. So mbi kuê tanda mexiõ" Sun fla inen; " colê ku demono inem na pogi fa. ¹⁹Sun cuginen; antê quê ja cu nga sa cu nancê?"²⁰Inen bé cu anzo da sun. Ola cu suplitu se bê sun, anzo kiê ni son ca lolâ bia ca blaga fuça ni boca. ²¹Zaua Jizú punta pe dê; "Gina kê ja ku êssa axi?" Pê dê cugi sun; "Gina cu êtava txoco ²²sósósó ola ku kua se ca tomé ka butê pê fogo pê aua pê pô da kabo dê. Chi sun pô txila demono sé punda Dêçu juda non.²³Jizú kugiê; "Chi bô kêlê ê sa fedo" ²⁴Pe mina fla sun ; "nga keli nagi judon ni flakesanu". ²⁵Ola Jizú bê povo ka colê bi posê cu inen sa nê, ê fada demono; "Suplitu sudu mumu chê ni mosse na bila lentlanefa."²⁶Suplito se glita ginga mosso buta pê son. Ê tava ni son mo motxi de modo ku iô ngê cu belê tava ka fla; " ê sa motxi." ²⁷Maji Jizu tê ni mon lanté, ê mundja.²⁸Ola Jizú lentla ké nen lumonxinho punté patado;" Punda ka manda no na ka pô txila demono se fa?" ²⁹Ê fadinen; " Inen kasta kua se na ca chê se lassonfa"³⁰Ola cu inen chê dala, inen vala ni galileia, maji Jizú na ta ca mecê fla niuã ngê sabe camiã ê sa nê fa. ³¹Punda ê tava ka china mexinhô dê xiguintxi; "A sca bi tanda mina dome tanda heme pecado, e inen ka maté. Ni plaso tlexi ja ê ka coda". ³²Maji inen na tendê kua se fa bila tava cu mendo punte.³³So inen ba kafarnaun. Ola inen tava ké Jizu puntine: " Kêkua cu nancê tava ka plofia ni stlada?" ³⁴Inen kabloca punda a tava ca fla kenguê cu sa maxi nglangi dokê otlô ³⁵Se sum taçon sama tudu lumuxinho pê fadinen; "Ngê cu mecê sa plumê sela ê sa tlaxi bila sa selivi de tudu ngê"³⁶Sósósó sun ton unwa anzu pê no mê dinen e ni blaço dê fadinen ³⁷"Kuakali nancê ku ka lecebe unwa anzu se ni nomu mu ê sami ku nancê lecebê, e xi nancê lecebêmu anton nancê na lecebenfa nagi Dêçu cu sa nocé"³⁸Zõ fla; "Messe non bê unwa ngê sca txila demonu ni nome sun, maji non plivê punda ê na sca nda ku non fa" ³⁹Maji Jizu fla; "no pluviêfa, Punda no tê ninwa ngê ku ka fé milagli ni nome mu bila ka fla mali mu fa.⁴⁰Ngê ku na sa kontla nonfa, sa cu non. ⁴¹Kwakuali ngê ku ka da nancê unwa copo daua pla nancê pô bebê punda nancê sa de clisto, vede me ngê se na ca pedifa.⁴²kwakuali ngê ku ka fe unwa anzu se ku ka kelê na ni plêdê ê sa maxi buado pê pô mala ni cloclon unwa buado nglangi voa pe omali. ⁴³Xi non bô ka fé bô kiê koté buta. E sa maxi buado pa bô lentla nocé cunha mon kotadu dokê ba nfeno ku dosso mon, nange ku sa ku fogo ku na ka fogafa. ⁴⁴[Ni lugué ku biço na ka molêfa, nê fogo na ca fogafa.]⁴⁵Xi opé bô ka fé bô kiê, kotê. Maxi buado sa pa bô lentla no cê lezado dokê pa bô ba nfeno ku doçu apé. ⁴⁶Ni lugué ku tudu biço na ka molefa, nê fogo na pagafa.⁴⁷⁴⁸XI uê bô ka fé bô kiê, koté. Maxi buadu sa pa bô ba ocê cunwa uê tan doquê ba nfeno ku doçu uê. Ni lugué ku tudu biço na ka molefa, nê fogo na pagafa.⁴⁹Punda kada ngê ka bi sa stlagado cu fogo ⁵⁰Maji solu sa bua, se solu pledê gosto kuma ê ka pô bila stlago? Pé salu ni nancê mé nivê ni pagi nancê ku nancê

¹Jízú déçá luguê ku sun tá nê, sun bá luguê ku sama juda judá, ku sá notlô kuatu de áua judon; i povô bilá bí lêlê sun. Sun bilá xina inen, modu sun tava ka xina. ²Inen falizeu bi zuntu sun, sósó punta: "Ê sá licitu ome casá ku ûã muala, só bilá blagá kuê?". ³Sun kugi: "quê kua ku Mosé fadinancê?" ⁴Inem fadá sun; "Mosé dá omé atualizaçon di poçá ûã cedidón de blagá kuê".⁵Antom Jizú fadinen: "Punda má clóçón dinê, êlê mandá Mosé dinem alê sé. ⁶Gina começú 'Deçu pê ome ku muala'.⁷'Punda kua sé mé, êlê mandá ku ome ku deça mendê ku pedê bá junta ku muala dê, ⁸I inem dôçu ka bilá ûã ugê tan ne cane'. ⁹Kua ku Deçu junta ome nacen ku ka bloguê fá".¹⁰Óla ine tá ni kê ku sun; "inem punta sun kuaxi ku inem tu punta; ¹¹Sun kugi inem; "tudo omé ku ka léga mualá dê, ba junta ku ôtlô, ê ka comêtê adulteru. ¹²xi muala tén léga ome dê bá junta ku ôtlô ome dê bá junta ku ôtlô omé; ê ka comêtê adulteru"¹³Inen mén tá ka bi ku inem anzu dinem pá Sun pé mon ni liba dinem, inem dicipulu di sun, plubi inen plinen nabifá. ¹⁴Óla Jizú bê kuacen, sun fica ku léva. sósó sun flá: " dexa anzu bi opemu, na plubi inem fá, punda inen fá, punda inen sá mó leno docé¹⁵Vedé vedé mé, unga fadinancê: ninguê ku na lecêbê lendu docê, mó dunwã anzu fá, é nacá lentla nê pá. ¹⁶sósó sun tomá inen anzu pé ni blaçu sun, sósó dinen bençon, bila pê mon ni liba dinen¹⁷Óla ê fluxigui stlada dé unwã ome ca bê bi dá dizê ni uê di sun, punta: "Messé buádu, kêkua ku nga pô fé ku nga ganhã vida pla semplé?" ¹⁸sósó Jizú kugiê: " kua manda bô samamu buádo? ¹⁹Niuã ngê nacen buádo xiê-naça dêçu fá. Bô concê mondamentu, ná máta fá, ná adultelafa, ná futafa, ná lauta textemunhu faço fá, ná pé pôco ugen fá, dá pé bó ku mén bô lispetu"²⁰Sungué kugi: " Mésse ê, tudu kuacé un sebê gina maxibén mun." ²¹Sun picé e sun gogó kuê: "E sun jaclé, unwã ku seá jatá bô, bi bêndê tudu kua ku bô tê, dá pobli, e ngê ku natefá, bó ka tê unwã luguê nocé, bi nda ku ami". ²²Ola ê tentê kuacé ê fica ku léva, é bé dê, punda ê tinha iô liqueza²³Jizú pia ni lóda dinen, sun flá inen discipulu sun: " kuma ê sá dificile lentla unwã licu ni lêno docé". ²⁴Inem dicipilu babaca ku palabla sé. Jisu bila fadinen: "Inem mina muê, é sá dificile lentla nocé!. ²⁵Ê sá maxi facili unwã camêlu lentla ni blacu dunwã gueja, dôkê unwã licu lentla ni lênu docê"²⁶Inen tá pantadu da kua ku sum flá. Inen ku inen tá ku flá: " kenguê ka stlava? " ²⁷Jizú pia inen e sun flá: "plá ome ê-naca-pogifá, séla deçi tãn, ponda tudu kua deçu ka pô fé." ²⁸Pedu começá ka flá: " non deçu tudu kua pê son e ska ndá ku sun."²⁹Jizú kugi inen: " nga flá inancê védé, tudu ngué ku ka deça kê, manu, mana, mén, pê, mina, ô tela, punda ami e punda vangeli ³⁰ku naca lêcêbê cen vegi maxi, uêlê ni mundo cé, kê, manu, mana, mén, pé, mina, tela, ku plixisuiçon; I ni mundu ku ska bi, vida pala semplé. ³¹Magi ioô ngê ku sá plumê ên, ka sa ultimu i ultimu, ka bi sá plumê".³²Inem tá ni stlad ka subi ka bá jelusalen e Jizú tu ni úiê dinen. Inen ku tá bi ku sun, tava ku sustu ku mendu. Jizú sama inen doze ba unwã cantlinm, começa ka padinen kua ku kaba contecê ku sun uelémé; ³³"Non ska subli bá jiluzalem e Mina deçu ka bá món di chefi di sacedotli ku scliba. Inen ka condená sun plá motli e bila tanda sun plá inen gentliu. ³⁴Inen ka bá fi pócó sun, da sun ku cupi ni cala, ka bá dá sun sotli i á ka mata su, maji di tlêxi ija sun ka bila lanta ni cobó."³⁵Stiago ku Jon, anzu de zêbêdeu, bi antê sun, fala sun; " Messé êêê; non mêcê pá sun kugi kua ku non ska figi sun." ³⁶"Kêkua ku inancê mecê pan fé dinancê?" ³⁷Inen kugi; Deça nón tá juntu ku sun ni gloia, unwã ni patli apetu i otlo ni patli esquédu"³⁸Magi Jizú kugi inen; " inancê ná sebê ku inancê ska pigifá. Inancê ka pô bêbê calixe ku nga bêbê, ô butizumu ku nga bá butiza?". ³⁹Inen kugi; " Nón ka pogi." Jisú fadinen; "Calixi kun nga bêbê, inancê ka bêbê, butizumu ku nga butiza, inancé ka butiza axeêmé." ⁴⁰Naça ami ku ka coiê ninquê ku ka bá tá mi patli glêtu ô squédu fá, magi sá plá ngé ku sa plepaládu pla lugué sé."⁴¹Óla oltlô doze dicipulu têndê kuacé, inen fica blôxidu ku Tliágu ku Jon ⁴²Jizú xaminen flá; " Inancê sêbê kuma ngê ku ka govena inem gintliu ka governa inen, i inen ku ka fé alê tê pode di manda n'inen⁴³Ê nacá pô sá axi nomê de inancê fá. Ngê ku mêcê sá glangi nomê di inancê, séla ê sá sclavo di inancê, ⁴⁴i ngê ku mecê sa plumé, nomé di inancê, sela ê sá sclavo di inem tudaxi. ⁴⁵Punda Mina di ome na bi pê sa stlividu fá, maji ê bi slivi i pê da vida dê, pla livetaçon de tudo ngê.⁴⁶Inen bi Jélico. Da Jizú chê ni Jélicó ku discupulu dê, ku io ngê, unwã sunguê ku ka sama Betulumeu, mina di timéu, éla cegu, anta-ó ka figi gimola, ê tá tassondo ni bila stlada ⁴⁷Ê tendê kuma Jizú Nazaleno ska xiga; Ê começa ka glita, ka flá; " Jizú mina de Davi, tê piedagi mu!." ⁴⁸Iô ngê tá ka tlomenté pé ná fláfa. Ku tudu kwacé ê ná lepétafa, ê glitá ku maxi foça; "Mina de Davi ê tê compaxon mu."⁴⁹Jizú munjá fadinén, samé damu . Inen samá cegu fadé; " Sintli Foça! láuta! sun ska sama bô!" ⁵⁰Ê decá capa dê sacapuli bá lêlê Jizú.⁵¹Jizú Punté; "ké kua ku bô mecê?" cegu kugi; "Mésse ê um bila mecê pia" ⁵²Jizú fadé; "bé, afé bó cula bô" Ni ola semé é pi, i ê lauta bé ku sun.

¹Ola ku ênganha jerusalém ku sa petu de Betfazé ku betânia, ni okê de Oliveira, ²so so jizu fadine ba luxon ala a ka nganha nonse ka bê ûã junento ku a na ³xi nda ne fa oke, yo luê kô bô be Kuê de nu. xo mo fla a punta nanse: kê kwa as ka fé? nanse ka kuji: Mese nom nese zawô nom ka bila kwê⁴Abe inen nganha a be jugamento maladu ni lodo ni lado liwa di poto. soso inen yolwê. ⁵Anto a kú ka punti ku manda a ska fê kwa se? anton nâ da su ku tava nala pntine": ⁶Inen Lumon xinho kuji mo jizu fadi nem êlê me a lega inen be⁷Dosu lumon xinho be ku jumento, a pe lapo de jizu ne, so Ê sable tason ne. ⁸yo ngê sende lapa pê estlado,outlo ngé sende. dala ku inen tava kkotado ni kampo. ⁹Ninzê ka tava ni wê de jezu ngê ku tava lêLê klana:"Hosana! benditu sa ixi ku ku ninome de sumu! labado seja lavado! ¹⁰Bendito a reino ku bo di pe nom Davi! osana ni liba d´sê!.¹¹Anton ni jerusalén, jizu lentla, xê ba glêza Kei Ka pia tudu kwa ni dodó dê .beg beg taxi kwa tava pazê ntxi jizu ku inen doze dicuplu Xe ba Betânia. ¹²Inen, xintxe fomi ola ku a ta ka bi fô betânia¹³bê uwa figu ku tava ka usa fya lonji, Ê ba pie xa a ka bê kune ne. olâ ê nganha peto dê . po figo tan so a bê, punda ê na ta sa tempu d´ pôfigu se da kume fa. ¹⁴Inen dicupulu tende jina ozê ba wê a na ka bi Kume kume , ku bô pô fingu ka bida fa.¹⁵Abi jerusalénn. Jizu lentla gleza, kiê ê Kolê ku inge ku tava ka bendê kwa Ka Kopla. Meza dinem ku banku tason di ungê ka taka bende Kwa Jizo bloga. takladô djlu. ¹⁶Ê mada Vogon minuangê vela ni gleza ko hlaga kwa, ku sa di di bdnê fa.¹⁷Soso Ê xinine fla:"ê nasa sklevido": Ke muka bise semode ke de lason fa? magi nonse bi bile ke de lodean". ¹⁸Ine giy wê di sasedotxi ku inen mese de gleza mado di mat+e agola mendu im tavva kwê punda modo ka pôvo tava gôgô ku xinamento jizu. ¹⁹Kwa tava ka poze inen xe fo fo peson todj uganha, inem xê fo pason.²⁰Plama dê, ku ne kiê ka nda a bê pô figu se ku onte leji ²¹Anto Pedlu lembla, fadê: mese, ê pô fingu se ku sum pidji plaga da ê suga kaba".²²Jizu kudji: bô té afé ni Desu. ²³Vedê vedê me nga fada bó ku kwa kwali kwa ku uwa nense ka fada okê se: lanka kiê n´omali se pensa ne otlo kwa ni klasan, nazi kêlê kuma ê pô fladi, Desu ka laza bensa.²⁴Soso ami fada nonse tudu kwa ka pigi ne lason, ke kuma a lêsêbi ê sa di nansêKuu a fé. ²⁵Ola bô sa bibi fe lson,puda tudo kwa mali ku fê ngê po fé nanse punda mali ku fê. ²⁶punda xi nansê na poda fa, pe de nanse ku sa nosê temete ta naka poda nansê fa.²⁷jerusalen ola inen bilabe. ku jizu Kie ka nda niglêza, inen guio wê de se se dotxi, ku inen mese de gleza xê bo lêlê. ²⁸Inen puntê :bõ ka fé nen kwa se ku kie a adji? soso kênge da bô adji de fé nen kwa se²⁹jizu fa si nen:"Arizo puntananse uwa ku plugunta, kudji xi nanse kudji mu nga fôde nanse ngê mada mu fé tudu kwa se. ³⁰Butxismo de jom ta sa de océ de ome? Kunji mu³¹Inen tava ka pufia fla:" non fade: docê Ê ka fla: Anton komando non se na kêlê ne fa? ³²Magi xi non fadê:"de ome... soso inen mendu punta tudu pôvo gôgô kwe mo uwa plofeta.³³Anton a kuji jizu:"no na sebe fa". soso jizu fad´inen" oji ku nga fe nen kwa se ami tê na ka fada nanse fá".

¹Jizú komexa ka xinimen pô palavla, flá; "ûa ómé ximya ûa kampu d'uva, fé ûa ubua, fé ûa blaku pê pô plêmê uva, ê fé ûa tôli. Ê lenda kampu d'uva da ûa dôso trabadô sósó ba viaji. ²Ni ola setu de koiê, ê manda ûa selivi antê inen trabadô pê pô toma fetu d'kampu. ³Inem peké, dé pankada, bila mandé be sê nadaxi.⁴ôtlô vê, ê manda ôtlô selivi, inen filiê kabesa bila umilié. ⁵E bila manda ôtlô, ise inen maté madu sé mé ku inen fé iyô de selivi sa modu sé mé ku inen fé ôtlô⁶Ê tava ka fata ûa fé pô manda bé, nosu dê kuê gôgô kuê, isé ultimu kuê mandinem so ê fla; ' Ise inem ka ba lispêta mosu mu. ⁷Inem lavladô kampu fla; ' Isé só sa lê dêlu bamu maté, likêsa ka sa xinon.'⁸Inen peké, maté zuké fô kampu. ⁹Antom, kwa ku dono kampu d'uva sé ka fé? Ê ka bi, kaba ku inen, tlabadô sé da kampu d'uva sé da inen ôtlô ngê.¹⁰Andeji bô na lê esklitula fá? 'Budu sé ku inen seta só passa sa budu lexi. ¹¹Isé bi di sumu, e ê sa glavi da wê" non. ¹²Inen goló modu malé, maji inen mendu povô, pudinen ta sebê kuê, ta konta palabula sé kontla inen.¹³Inen manda ûa dôsu falizeu ûa dôsu Elodianu pa pô pia xi inen ka peké niûa fala mali. ¹⁴Ola inen ûganha, men fla; "Messé non sêbê kuma sun sa vedé sun na ka pota ku kwa ku ôtlô ngê ka fá, punda sun na ka zuga mó dáme fá wedé mé sun ka xina estlada d'Desú. A pô paga impostu da Cesar ô a na ka pakéfa? ¹⁵Maji, Jizú konsê figimento d'inen ê fa d'nen: ka manda a tentamu? Bi kuã denario da mun pami poji pia."¹⁶Inen bi ku uã. antom, Jizú punta; " Di kêngê sa letlalu se ku iskluson se?" ¹⁷Inem kudji; " Ê sa di Cesa " Jizú flá; "Da Cesa kuaxi ku sa di Cea é Dêsu kuaxi ku sa di di Dêsu." Inen fika ku gostô lumadu.¹⁸Antom inen saduceu, ku ka fla kuma ngê na ka ba kada fa inen bi lêlêê, punté, flá. ¹⁹"Messé, Mósé desa exklêvidu kuma; 'mo fala uã omé molê sea muala sê anzu lumon dê toka kasa kuê fé anzu.'²⁰Seté manu tava sé. Plumê tinha muala soku ê môlê, sê déssá mina. ²¹Anton, segundu, toma muala ê môlê sê tê mina. Tlisêlu qa sé mé, ²²Inen sété sé na dessa mina fá. Ninen tudaxi, muala tenbete Môlê. ²³Ni koda, ola inen ka koda, kali dinen ê ka sa muala? gina ku inen tudaxi tenha êlê mo muala."²⁴Jizu kuji;" Nansê na konsê esklitula ni pôdê Désu fa? Êlê manda nansê sa ûganadu. ²⁵Ola a ka koda d'motxi a na ka kasa ja nê luma kasamentu fa, maji nansê sa mó d'anzu ku sa nosé.²⁶Maji inen motxi sé ku ka koda, nansê na lê ni livlu de mosé, ni ola ku Dêsu fla ku Mosé ni klentu de fôgô. e fla; Ami sa Desû de ablân, Desû di Sak, Desû di jako? ²⁷E na sa Desû di motxi fa, maxi di vivu. Tomé sa mali nansê²⁸Ta nen, eskliba bi ê tênde plufia se; ê bê kuma Jizú kudji ê buadu. Ê punté; "kê mandamentu sa maji buadu de tudaxi? ²⁹Jizu kuji ê; Maji buadu sa isé; Têndê ô, Israieli, sun Dêsu non sa ûniku sun non. ³⁰Tê amôlê, ku sun Dêsu bô, de tudu kloson, ku tudu fôsa bô. ³¹Segundu mandamentu sa isé; tê amôlê ku ngê ku sa petu bô, mó bó mé: mandamentu tamé mó dinen sé ê ba bila sé fá.³²Antom eskliba fadé: "buasó, mess! vedemé bô fla kuma Dêsu sa uã só, ôtlô ba bila sen fa, êlê tan. ³³Tê amôlê kuê di tudu kloson de tudu sêbê ku tudu fôsa, tê amôlê ku ngê ku sa petu bô mô bó mé, maji buadu dokê tudu esforsu bô ku Olokaustlu. ³⁴Ola Jizu bê kuma kuji setu ê fadé; "dênu Dêsu bô na sa longi dê fá. De tudo non kua sé ni uãgê na bila kistona Jizú fá.³⁵Olâ ê tava ka xina ni templu, Jizú kujinen, flá; " no ku inen eskliba ka dea klistu sa mina de Davi? ³⁶Davi fla plu mê de suflitu santu; Sumu fâda sun mu; tason ni klêtu mu, antê kun ga fé nen numigo bô ka ta basu da pá bô. ³⁷Davi plopi ka sama klistu de sumú, Anton, kuma ê ka pô sa mina dê? mô povo tava kâ tendê ku gosto!³⁸Ni xina dê, Jizú tava ka flá;" toma tonson Ku inen eskliba, inen ta ka messé ûdâ ku loupa longô, pinen fô lesebê saudason ni lua posson. ³⁹Ni luké pe ope di lenion e ni luke di lespêtu antê lukê de fésa ⁴⁰Inen tava ka lentla ké dinen muala ku plêdê omé, inen golo justificason, inen ke fé lason langô, inen se ka ba lecebê kondenason tamé⁴¹Anton Jizú tason petu de uã kaxa kua tava ka. Fé gêlu ni kamia d'tenplu ê tava ka pinen ola ku inen tava ka pê gêlo ni kaxa pô ngê liko tava ka féyô gêlu. ⁴²Anton uã pobli muala, cu plelé omé ê xiga sósósó pê Dêsiu to xen ni kaxa⁴³JIzu sama inen dixipulu fadinen; " vedê vedê mé uã fada nansê muala sé pé gêlu dôke tudu ngê ku pê gêlu ni kaxa. ⁴⁴Tudu Inen da gêlu punda inen tinha montxi, maji muala se ku tudu pobli dê e pê tudu gêlu ku tinha pê kume

¹Olá jizú fó ni tempú, manchion fodé; "Mecé, pia grave budú ne construçon!." ²Jizú cuji: "Pia memé construçon? tudu budú cu sá naiê naca tó nai³Ê ta son mia o ké, de outlo kántú tempú, pedú, tiago, Jon ku André punté patadeú; " ⁴fada nom, ké ja ká cê ca bidó? qué sinalé non ca bê, ala tudu ne kacé ka bi placé?⁵Jizú fá iném: "tón cuidadú pla niagué no gananonsé." ⁶yó nguê ca bi ni nome mú, inen ca flá: " Ami sá cristú; quê montica sa bi so ganadú.⁷Olá ku tendé guelá junju njunju de guelá no tribulasó; Tudo hacé toca pla cê. Magi ê na chega holafá. ⁸Noçon co be lanta contra naçon, leno contra leno. téla co bi jinga nê comia até fome có bi placé. Ê sa começo de lalo de poto.⁹Toma tençon. Inén ca bi tanda naóne assembleia, e nancé ca bi sa pancadado ne glêsa, nacé ca bósa uê de uwa governo cú é némalé palavia do mi, mon d´unhã textemunho piené so. ¹⁰Ê sa principe envagelio sá poclamado ne tudu naçon púmelo.¹¹Olá capé nance ne cajá, na vugú. ka bocá flá ne jugamento. Pundá ne hala cé wá macé capó flá nance ca bó; suplitú samtú ca bi flá pla nancé. ¹²Manú ca pê manú ni moti, pé cu mina. Mina ka bi lantá contra pé dê anti moti. ¹³Tudo quê ka bi te odjó nancé, plovia da mi, qué cu escatlava so, ixi cu ka guentá tudu wacé anté cabá.¹⁴Olá nancé ka bé abominaçon ni camia cu no tacafo (Quengué ca placé) ¹⁵Que cu sa ni judeia, cá cole bá oké. que, cu sa ne, liba ké na ca decé de poga ká kale quá. ¹⁶Qué cu sa ni campú, na ca bila bi pega lápo¹⁷Adjá mualá ku bêga cu icé cu êcá mama anjú ni jacé. ¹⁸Ilá lacon da deçu, pa tudu ka cé na ca chiga ne fim. ¹⁹Uwã tribulaçon glanji cu escabi cu maxi befa, jina cu Deçu fé mundu. ²⁰she shum na flê janja, niuángué ca pó estlavafa. Maji plóvia di inén que cu sun coiê, sun fe janja.²¹Antoni si placé quê cu ca flá: 'Cristú sá nai' ou 'Ê sa nalá!' na quele fá. ²²Punda inen falso cristú, cá faso profeta ca bi placé piene ca pó flê. I ô milagre de madú chiné pó antécoidu di Deçu inen ca gana. ²³Toma estenson! uns ca fada nancé ka. kúacé ca bi placé²⁴Olá cu tudu tribulaçon ca bi na jace, so la ca bi condé, lua na cá luminafó, ²⁵Tudú estrela ca ke mi océ, tudu poder cu sa ne océ. ²⁶Sósó, cabi mina d'omé ê ca bi glanji poder e glória. ²⁷Ê ca manda anju dê, juntá tudu elato d'quatro ventú, d'tudu canto ni telá, e d'tudu cantu océ.²⁸xina liçon de figueira. Olá cu manga cá muda, pia ché sá petu. ²⁹Pia tudu quacé cu escá contecer, quelê cu ê sa peto ne potó³⁰vedê vedê, Û ca flá, tudu geraçon na ca passafá anté cu tudu kuacé ca pó sã. ³¹Océ cu telá cá valá, maji palavla sum nau passará. ³²Plovia de jacé cu holacé, mi uã guê no ca cebê né anjú docé, né mina, somenti pé.³³Fica supetu! toma tenson! tomá tensóm, flá laçon. ³⁴Ê sa mon d uwã omém cu capó bá bi cobo d'awã: Ê ca deça mé dê, cada quê cu estuviçu dê. Ê flá inem sodê piemé na duminifá³⁵Antom bile uê. Punda nancé ba ca cebe olá cu donu ké ca bi. Sê sa taji, ou noti, olá galú ca cantá ou ne plama. ³⁶Shi shum bi janjá, plá sun no bé nancé ni sonó. ³⁷Kú gá fá, ga fá tudú ngê vica cu uê betú

¹Ni dôçu djá ka bá sá páscoa, fexa di pon, sê flementu. yné cabêça lujon ku yné xklivon tava ka góló uwã, módu stle guedu dy peguéé pliyné moté. ²Ynéé flá axi; "ê na ka pô sá fedu un páscoa fá falá pôvô na fica djanga du.³Ny betânia jisu tava nké di. simon, le plazu, olá é vlega cabêça nuneza, uwã muala pôzêé k'uã lá dóma ku awa cêlu i ben plixazu; Ê keblá ládoma se ê blaca niliba cabeça jizú. ⁴Naji uwã doçû d'yné fica ku leva yné tava ka fla yné mé; "Punda ká mandá á xká danã awa celu se?⁵Awa celu se ê taca sa bendidu maxi dô kê tlezentu taçon y axiê da yne poble". Yné lemplê dês muala.⁶naji jizú flá; "décé npaji" Punda ska manda axka tunguêê? Ê pé bon kwa dá mun. ⁷Póbe sa ku nancê semplé, xi ku nancê mêce fé kwakwali ben d'yne, nancê pô sé, maji anin nancê na ka ba tê semplé fá. ⁸Ê pé kwaxi kwê paji fê, unji ubuê mun maxi cedu dá cedu dá ntelu mun. ⁹Ny vedé mé ngá fada nancê kwa-kuali kamia ku evangelu se sá plegadu ny tuatu mundu, kwa ku nwolá se pé, aka conté da lemblança dê.¹⁰Antón Zudá xcaliote, d'uâ d'yne dozê, côlê bá lêlê yne cabeça lijón pê paje tandá Jizú da yne. ¹¹Olá yne cabeça jon têndê kwa se, a fica ku gôstô pasá pôlo netêê djêlu. Ê tava ka gôlô uwã modu dy tandá Jisú.¹²Plumêlu d'ja dy teça de pon sê flementu, a matá cámêlu da pascoa, só yne xiguidô dê fadêê; "Kê xitu ku non ka poji fé kumé dy pascoa" ¹³Ê mandá doçû xiguidô dê fad'yne: "Bé lentla paxon nancê ka bê uwã omé ka klaga uwã jara d'wa. ¹⁴Kwakuali lugue kuê ka lentla, lelê ê punta alana kê; "Mecê flá; anji ka fica sala xi panji cumé, cumé pascoa kuyne xiguadô mun?"¹⁵Ê ka nunca nancê uwã sala glanji tudu plepáladu nglá libá fé plepalativos nala ¹⁶Yne xiguidô dê xêê poçon yné bê tudu kwa bi madu Jizú fàá "yne sósó Yne fé cumé pascoa¹⁷¹⁸¹⁹Olá tava notxi, ê bu ku yne dôzê. Olá yne tava mesa ka cumé Jisu fad'yne;" Ny vede men, nga fad'nancê, uwã nancê, ku say ka cumpe kwa mina, sa uã tlapaça" . Yne tudaxi fica tlixte uwã a uwã fadé." Ê sa mi ôô?"²⁰Jizu, Kujiné, flá; "Sá uwã we dozé, ku ka mêtê pon ny tamiâ kuami. ²¹Pundá mina d'omé ka bé modo xklitula ka fla nê; Maji ai dixi ku ka plapasa mú! milion ngê se na taca nancê fa.²²Olá yne tava ka cumé Jisú pegá pón da bebçon patxi dá yne. Anton e flá; "Tomá, ycé sá clopô mu" ²³Ê pega ni kalici, da glaça, ê tano yne tûdu d'yne bebê dê. ²⁴Anton e fad'yne; Yce sa sangui mun dy aliança, é sangue blocadu ny favole dy ngê montxi. ²⁵Ngá fla nancê vedé amin na ka bila bêbê fluvia dy kampu dy uva se fá antê dja ku nga ba bêbê vin novo ny goveno Dêçu²⁶Olá yné ta a cantá uwã inu, yne bá oké dy oliveiras. ²⁷Jizú fad'ynen; "nancê tuduaxi ka ba dexamy, modo ê sa sklêvidu 'Nga fili pastô e tudu yne ovelha dê kaba wanga.'²⁸Maji olá ngá codá ngá be ny we nancê pla galileia. ²⁹Pedu fade; " tudu ngê ka pô lega sun, amin só ku na lega sun fá³⁰Jizu fadé;" Ny vedé mé nga flá, kumã, notxi se, amtiji ku galu ká canta dosu vê, bô ka nega mu tlexi vê. ³¹Maji Pedu fla;" anta wô kun nga môlê ku bô, na ka nega bô fâ, tudu d'yne fe plomessa sé mé.³²Yne bá uwã lugue ku ka samá getsênami, e Jisú fada yné xiguidô dê. "Tason nãi nga ba flá lason." ³³Ê toma Pedu, Tiago, y Zon, Anton ê comexá ka fica agustiado y ny plofundu aflison.³⁴Jizú fadynen; " Alimã mu sa ku tlistêza muntu plofundu kuaji molê. tâ nay ka vijá.³⁵Jizú be maxi lonji da dizê, flâ uã: "lason xi ê tê madu, n'ola se pa'se da mu. ³⁶E flá; "Aba, té, tudu kwa sa possivel dá bo txila kalici se na hin. Maji kwe na ka vonte mu fa, maji, gi bô.³⁷³⁸³⁹Ê bila bá lêlê yne, bine ka dumini, e flá Pedu; "Simon bô ska dumini? Bô na ka pô vija uwã hola fa? Vija bi lâ fla lason pa ba na kie ny tentason. súplitu sa plepaladu, maji kani sa flaca" Ôtlo vê maxi e distância d'yne fla lason, bila fla palavla se me.⁴⁰Ôtla vê jizú pozê yne b'iné ka dumini; wê d'yne tava xa xonon a na tawa sêbê kwa-xi dy flá fá. ⁴¹Òla ku fé tlexi uê e bi fad'yne; "anta ô nancê ska duminin ny pozu? Basta! hola xigá. yalen mina d'omé sa entlegue ny mon dy pecadô. ⁴²A lantá, bamu! yalé nguêxi ku ska tlapasa nu ska xiga za"⁴³⁴⁴⁴⁵Ôla se mé ê tava ka fla amâô Zuda, uwã dy dexi ku dôsu, xigá, ku yôo ngê tava kwê; Lumado dy su pada ku pedasu de pó; du patxi d'yne cabêsa lijon ku, xklivon ku ancion. Ngê ku tlayê d'yne uwã xinal flá; "Sá yxi ku uwã ga da bêijinho. Peguê y be kwê guadadu." Ola Zuda xiga olá se me ê bi omê Jizú fadé axi; "Messê!" ê bejinhu. ⁴⁶Anton yne pegue y pê plezu⁴⁷Maji uwã d'yne ku tavá na lá saya supada dê coté oliá buta selivi dy sun sacedotxi. ⁴⁸Jizú fad'yne;"Nancê xê bi malê mu d'uã ladlon, ku supada, ku pedasu pó? ⁴⁹Olá nmu tava ku nancê y ka xinã tudu dja ny templo, nancê na malâ nmu fá. Maji kwase fó fetu pla xkletula pô kumpli" ⁵⁰tudu ngê xi ku tava ku Jizú desê pasâ fuji.⁵¹Uã maxibin lelê ê, e tava bixudu d'uâ lensaló, tã dy linhu ku tava laladu nê; yne pegue. ⁵²Maji maxibin deça lensoló ba tlaxi fuji d'yne unu⁵³Abé ku Jisu dá sumu sacedotxi. A uni cabesa sacedoxi, ansion e xklivon. ⁵⁴N'ola se me, pedu lelê tudu kwa dy lanji antê glentu salandy sumu sacedotxi. Ê tason n'omê de guada, ku tava petu fôgô, pê poji kenta.⁵⁵Yne cabesa sacedotxi y sinedliu góló textemuyu contla Jizú, peyne pó maté. Maji yne na belê fa, ⁵⁶yôô minguê bi ku textemuyu fasu fasu contlê ê, maji yne testemuyu se me tava divididu.⁵⁷tlã dôsu d'yne lanta y bi ku fasu textemuyu contlê ê; yne flá; ⁵⁸"Non tava tende ka flá axi;' Amin ba glabá i templu se fedu plu mom d'ome y ny tlêxi dja ngá fé otlô, ku na sa fedu ku mon d'omé fá" ⁵⁹Axé men testemuyu d'yne tava dividu.⁶⁰Anton, sumu sasedotxi lantá n'omé d'yné puntá Jizú; "Bô na ka cuji nadaxi fá? kwa xi ku yné se ka fla ny bô?" ⁶¹Maji ê caboca dê na cuji fá sumu sacedotxi punté ôtlô vê; "Bô sa klistu, mina Desú benditu?" ⁶²Jisú flá; " û sa. Nancê ka bi bê minã d'omé tasandu ny glêtu pledôzu ka bi ku nuvem d'ocê"⁶³Ny wê dy kwa se sumu sacedotxi fána lôpa dê so ku flá; "Anta wô non bila mecê textemuya? ⁶⁴Nancê tendê blasfema. kê decison nancê?" Tudu yne condená Jisú mon ngue taca molê. ⁶⁵Uwã doçu d'yne tava ka cupi ne bila cibli cala d'ê, ka ué pancada ká fla; "Profetiza". Yne guada bé kwê bila dê pancada.⁶⁶Pedu tava ny patxi basu, dy salon uwã minã selivi dy sumu sacedotxi bi antê nê. ⁶⁷Ê bê Pedu petu fôgô dy mamtê kentadu, ê pia bwadu fadé; " Bô tembe té tava ku Jizú, nazalé" ⁶⁸Ê nega, fla; "Na cêbê fá, nê na ska tendê kwaxu ku bô ka fla pá." Antom ê xê bá salon.⁶⁹Maji na lá, selva bê lê começa ka fla ôtlô vê, yne ku tava na lá " Omé se sa uwã d'yne! ⁷⁰Maji ê bila nêga ôtlô vê. Olá se, yne ku tava nalá fla pedu; "ê dy setu ku bô sa uwã d'yne, tembe te bó s'uwã galileu."⁷¹Maji ê comecá ka madicua y ka zulá; "Na concê sun se fá ku nancê ska flá fá" ⁷²Anton, ola se me, galu canta plô segundu vê. Anton Pedu lembla palavla ku Jizú fadé;" Antiji ku galu ka canta dôçu vê, tlêxi vê bô ka nega mû" Ê kiê n'uwã plofundu tlisteza começa ka sola.

¹Plama sedu inen mesé ligio sasedoti ba lêlê inem ansion xkliba ku tudu sinedeu. A zunta na la Jizu: be Kwa ba tanda pilatu. ²Pilatu punta Jizu: bô sa alê zudeu? Ê kuji bô so ku fle". ³Inen mese ligio la iô de kwa kontl ola Jizu.⁴Pilato bila pubte: bô na ka kuji fô? Pia mo inen xka kaza bô? ⁵Jizu na kuji fô na kuji Pilato fa, kwase lega Pilato babahadu⁶Dja di foso pilato tê (manhoy) Kasteuni lega kwakuali plojo Ku pôvô Ka Kôiê. ⁷Zuntu Ku iue plezu, nome de Kliminozo Ku toma patxi nua cebeji tava uwa ome Ku Ka sama palavras. ⁸Pôvô be antê Pilatu ba pidje pê be moda Kuxtumi dine.⁹Soku Pilatu kudji: Nanse mêsê pan pô sota Ale di judeu? ¹⁰Punda ê ta sêbê kuma uwê xa so ku manda ine tanda Jizu.Maji ine mece lijio tava ka fada pôvô pa ine pô pidji pa sota Balabas ni luge de Jizu. ¹¹Ine mese ligie fada pôvô pa ine glita fla sota Balabas ni luge de Jizu¹²Pilatu bila kuji ine kua toka le ku Alê de Judeu? ¹³Ine bila glita plege ni klusu¹⁴Pilatu fadine. kê kua mali ku ê fe. Maji ine glita bila glita plege ¹⁵Pa Pilatu fe vonte pôvô ê tanda ine Balabas.Ê tanda Jizu pla ola ine kaba dê de sôtxi e plege ni klusu¹⁶Ine sode dálê be ku Jizu glentu Palasiu, ni nuwa sala zo sama tudu sode ku ta xtluvisu ¹⁷Kublê uwa mantu tesê klôa de npiâ pê kabesa. ¹⁸Zowa fê manja sou: Ise sa Alê¹⁹Ine de ku bobon ni kabesa buta kupi pê so da dize ni uwê dê. ²⁰Ola ine fe manja sou a txile mantu di pêpô inen bixê lôpa dê, zo bekuê lua pinem pô klusifikê ²¹Ine manda uwa ome ku ta ka fô campu soku a mande klaga klusu Jizu. Nomi dê sa Simon de Sileni (pè Alixandi ku Rufu)²²Ine sode be ku Jizu uwa kamia ku ka sama Golgota, ku sa luge Cavera. ²³Ine dê vin zuntado ku mirra, ê na bêbê fa. ²⁴Antom a klusifike patxi lôpa dê, ine zuga sotxi pla ine pia kê patxi lôpa dé ku kada sode ka pô pega²⁵A klusifike nove ola plama. ²⁶Ne uwa plaka, ine xkleve kuzasom: "ISE SA ALE ZUDEU". ²⁷ZUNTU Dê, a klusifica dôsu ladlon dlêtu uwa xkedu. ²⁸(I kumpli chiquitula Ku Ká fla:" Ê fô catado cu inem malfétô" (inem miô kua ku chiklevê ni mon maxi vê cadê versículo 28 Ni komparaçon cu Lucas 22:37)²⁹I nen cu tava cá valá, tlatê mali, cu ginga cabeça ca flá "Ah! bô sá ca dana kué de cu e bila fé ni tlexi za, ³⁰salva vida bô decé mi cluçu!³¹De modo semé, guia wuê, sacedothi tava ca fê pocô dê, inem cu inem mece da lê, ca flá" Ê stlava ótlo nguê, magi Ê na ca pô stlava êle mefa. ³²Clisto, alé de Israel decê miolemé de Kluçu âxem non ca bê e kuelé". Inen guê cu tava Kluçu kuê tudaxi tlatê male.³³Jina mê ja antê tlexi ola taji tela bila cúlu dim. ³⁴Tlexi ola tagi, Jisu glita cu tudo foça:" Elai, Elai, lamá sabactani? Cu sá " deçu mú, Deçu mú, punda kua manda Bô lega múé? ³⁵Uam do cu dinen cu tava nala flâ: Ês ca çama Elias"³⁶Uan guê colé, pê vinagle nuwha ponja, pê nuá pedaço pô dé pê poji bebê. Sungue fla: "Bamo pia se Elias ca bi thilé". ³⁷Só só jizu glita, cu tudo foça, ê molê. ³⁸E curtina gleza vá doçu pâtchi liba bi baçú³⁹Cinturion cu tava ni wuê dê, Bêlê de modo cé cá molé fla:2 vedê, vedê mem Sunce çâ miná Dêçu" ⁴⁰Muala tudaxi tavá nalá cá pia ni lçongi. Nómê dinen tava Maria Madalena, Maria8 men de Tiago,maxi nóvu, e de José) e Salomé. ⁴¹Olá Ê tava ne Galileia, inen lelé ni tlaxi istliviê, iô inen ôtlo muala tembêm tem subli kuê bá Jerusalém.⁴²Ola ê xiga tagi, punda cu sá ja de preparaçon, ice sá, uan já antes de sabado; ⁴³José de Arimatia bê antê alá. Ê era uan respeitado memblu de concê, cu tava ca guada leno de Deçu. Ê toma cloçon bé antê pilato pijê clopô de jisu. ⁴⁴Pilato ponta punda jisu tava mothiza, anton ê sama centurion e punté xi jisu tava molido.⁴⁵Ola Pilato tendê de centurion cuê tava mothi, ê dá José clopô. ⁴⁶José tava complado uan nançolô de linho. Ê dêce, jisu ni clusu, buwê nuan nançolô zaó pê, nuan blaco nômê budo zaô, bila budo glanji pê ni potô blacu. ⁴⁷Maria Madalena cu Maria men de José, inem bê camian angi an têlâ Jisu.

¹Ni kaba di sabadu, Maya Madalena, Maya, mem Tago ku Salomé lopla plofume ku ka lega selu glavi p´inen poji unji ubwê Jisu. ²Ni plimé dja somana, sedu lumadu, ola solo tava ka nansé, inen bê antê ximintêli.³Inen tava ka punta ôtlô: " kengê ka bila budu sé di ximintéle da non?" ⁴ola inen boya wê, inen bê kuma kwa kwali ngê bila budu, ku tava tamenm lumadu.⁵Lentladu ni ximenteli, inen bê ûa maxibim bixidu ûa mantu blanku, tasondu ni bôdô glêtu dê, inen fica pazumadu. ⁶Sõ ku ê fa d´inen: "Na mendu fa. Nansê ska gôlô Jisu, Nazareno, ku tava cluxifikadu. Ê koda! ê na sa nai fa. Pya kamia a pê nê. ⁷Maji bê fa d´inen dissipulu ku Pedlu kuma Jisu ska bê ni wê d´inen ba Galileia. Nansé ka bêlê nala, mô ê tava fa da nansê.⁸Inen xê kolê di ximintêli, inen tava ku tlêmê. Ê inen na fla nada xi da niwa ngê fa, inen tava ku mendu lumadu.⁹Ola ê koda ni plimelu dja di somana, Jisu plasê plimelu da Maya Madalena, ngê xi ku ê tava kolê ku seté demono né. ¹⁰Ê xê ba konta tudu kwa ku tava bê da inen ngê xi ku tava kwê, ê inen tava ka lamenta bila sôla lumadu. ¹¹Inen têndê kuma Jisu tava vivu ê êtava bêlê, maji inen na kêlê fa.¹²Ola inen kwa sé vala, ê plasê n´otlo modu da dosu dinen, inen tava ka bi ni stlada di kampu. ¹³Inen ba fa da métaji d´inen disipulu, inen na kêlê fa.¹⁴Zô ku, Jisu plase da onzé d´inen, ola inen tava ka vlêgadu ni mesa, ê sama inen atenson plô fata de kêlê ku kloson izu ne, punda inen na kêlê ni ngê ku b´êlê ola ê koda fa. ¹⁵Sô ku ê fada inen: " Ba tudu kamia tela se, plêga vangelu da tudu ngê. ¹⁶Ngê ku kêlê nê tê stlavason, ngê ku na kêlê fa sa kondenadu.¹⁷Inen xinali sê ka lêlê ngê ku kêlê: Ni nome mu inen ka kolê ku demono, inen ka fla lungwa novu. ¹⁸Inen ka pê ga kôblô ku mon ê xi inen bêbê venenu, kwa sê na ka fê inen mali fa; Ê xi nansê pê mon ni liba di ngê ku ska doentxi ê ka sa kuladu.¹⁹Sô ku, ola Sumu Jisu ta fla ku inen, ê ba osê tason ni glêtu Desu. ²⁰Inen disipulu xê passa ka plêga ni tudu kamia, Sun tava zuntu k´inen ka tlaba da konflimason ni palavla ku inen tava ka fla plîvia di milagle ku xinale ku tava ka lêlê inen.

¹Migu mu Tiofilu ²Anda, yô ngê tason fe npenhu pa inen pô xklêvê tudu kwa di soya di Jizu, ku a tason fla jina komesu, antê tudu inen kwa xi ku inen ku vive ku Jizu, bê, bila conta. ³(êlê), Manda, n tason da wê ni inen ben dadu, pa n pô xklev’ inen da bô, ⁴pa bô pô tê inen di setu.(pa bô pô sêbê di tudu vêdê).⁵Ni tempu xi,ku Erodi tava ale di Israel,ũa xtlividô di ke Dêsu tava sem, nomi dê sa zakaria,nen ke di Abia, muwala dê zêbê zelason di Aron. ⁶Inen dô-dôsô tava ka vive ni fala di vontê di Dêsu,ka lisgwada tudu mandamentu di Sun. ⁷keston sa,inen tava biladu ve ketekete sê tê nyũa dedu nima punda Zêbê na tava ka da mina fa.⁸Ni lugê di mese gleza Zakaria,so tava ka lêzê tudu xtluvisu ni wê di Dêsu.⁹Agola, plô basu di kustumu di mese gleze dja sê a koyê Zakaria pa ê pô flêsê sensu ni a tali.¹⁰Ola, ê tava ka fe kwa se,tudu pôvô tava ka fla lason ni lwa.¹¹So-so-so ũa anzu di ose plase mundjadu ni mon dletu di atali.¹²Ola,ku zakarias bê anzu,ê mendu, ¹³Êlê me, anzu fad’e: na mendu fa,Dêsu da lason bô vazon,muwala bô ka bi pali ũa mina mosu, nomi dê ka sama Zon.¹⁴Ola ê ka nanse tudu ngê ka gôgô ku ê, ante bô tudu axi ka bi sa gostu lumadu ni kloson.¹⁵Ê ka bi sa ome muntu ni wê di Dêsu, xa di Supli Santu gina bega di mendê, ê na ka pô pe bebeda boka fa.¹⁶Iô gê di pôvô di Israeli ká bá bila wê diné da Sumu, Desú diné. ¹⁷Ê ka bi ni flenti Sumu ni Ispilitu ku pôdê di Elia, pê pô votá kloson di pé da iné mina, bé ku iné ungê ku ka andá désobedienti pé pô andá ni camiã di sabedolia ku zuxtisa. ê ká fê kua sé pê pô plepalá uwã pôvô da Sumu ku iska bi.¹⁸soku, Zakaria bila boka fada anzu: ne ami ne muwala um sa ve, kuma kwa se ka pô sa?¹⁹Ele me, anzu kuji: n sa Gabieli,anzu ku Dêsu txila di bi da bô novidaji se.²⁰Anton, mo bô na ke le ni klonveson mu fa, bô ka bila mumu, ante tudu inen kwa se ka vala.²¹Ola inen kwa se tava ka da, pôvô ten tava ku wê ni xtlada ka gwad’ê da mo ê tava ka tada ni ke lason.²²Ola ê xe, ê na tava ka pô bila fla fa. Anton pôvô bê me kuma ê bê kwakwa li xinali di ôsê, da mo ku ê bila mumu.²³Ola ku tempu di xtluvisu dê kaba ê bila ba ke.²⁴Inen kwa se tason vala,ni plazu di pôkô tempu Zêbê plende mêji,sososo ê na xe ni ke fa,antê ku bega sala xinku mêji.²⁵Anton Zêbê bila boka fla: yôla wo, Dêsu bwa muntu,Sumu livla um ni boka mundu, nay’en nyũa ngê ka bila wôwô mu da mo ku na tava ka pali fa.²⁶Ola ku bega di zêbê sala sexi meji, Dêsu txila anzu Gabieli ba Nazare poson di Galêlêya. ²⁷Pa ê ba lêlê Maya ũa mina mosa ku na xi xe mundu fa, ku tava ka zenha pa ê kasa ku Joze, ũa mosu di zelason di Davi. ²⁸Anzu fad’ê: Maya,lova Dêsu, bô sa ni a glasa Sum. ²⁹ola Maya tendê kwa se ê babaka, palavla me kote ni boka, se xtindu di nxtlivi di palavla d’ anzu.³⁰30-Anzu bila boka fad’ê: na mendu fa Maya, bô sa ni a glasa di Dêsu, ³¹31-Nay’ en bô ka plendê meji ,bô ka bi pali ũa mina mosu, nomi dê ka sa Jizu. ³²Ê ka bi sa ome montxi muntu,a ka bi sama mina dji Sumu Sun,Dêsu di osê.Toli di alê ku Dêsu ka ba ligi tan de, sa ji alê Davi ku ê sa di ke de. ³³Ê ka bi glovena ni Israeli plô pala semple, manda dê na te ka ba fa.³⁴Soku, Maya bila boka punta anzu: kuma kwa se ka po sa, xi ami naxi xê mundu fa? ³⁵So-so-so, Anzu bila boka kuji: podê di Desu sa ku bô, Suplitu Santu sa ku bô, manda mosu se ku ka bi sa Santu mina Dêsu³⁶bô po te di sêtu kuma,antê zêbê plima bô ku sa biladu ve ketekete, tudu axi ka bi pali bega dê sala sexi meji, ³⁷kwa nho, ku xi Dêsu mêsê fe ku ê na ka fe fa, punda Dêsu te podê ³⁸anton Maya kuji: n sa ni mon Dêsu, Seja feta vontê di Dêsu, sososo, Anzu xe fo ni wê dê.³⁹⁴⁰⁴¹39- ũa dosu já vala,sososo, Maya kuno kwa xê subli ôkê janjan ba lêlê Zêbê, ni ũa poson di Judeia,40- da lentla ke di Zakaria fla Zêbê mantxan.41- Ola ku Zêbê tendê mantxan anzu buli’ ê ni bega, ola se me Supliti Santu lentle.⁴²Êlê me Zêbê bili boka da brandu: Ni omê di tudu mwala Bô ka bi sa lovadu ku benson di Dêsu,ante mosu se ku bô ka bi pali. ⁴³ken te mu,ke nason sotxi ku nga pô te pa men di Sumu non bi flan mantxan. ⁴⁴Ola ku N tendê mantxan bô, anzu buli um bega ku gôstô muntu. ⁴⁵N gôgô da Bô mo bô kêlê ni tudu kwa ku Dêsu fla, punda seja feta vontê di Dêsu⁴⁶Maya bila boka lova Sumu,⁴⁷legêla montxi muntu sa mu Kloson,Plôvia di tudu inen kwa se ku Sumu fe da mu.⁴⁸gina oze ba wê,tudu nanson ka lova muplovia di tudu inen kwa se ku Dêsu fe en,ku Sumu fe damu, punda Sumu dêsê wê pyaselivi Sumu di bom kliston⁴⁹Punda Sumu fe kwa nglanjimontxi muntu da mu.nomi Sun sa Santu.⁵⁰Pedon Sun ka sendê da tudu ngê kuka kelê ni Sumu plô pala semplê. ⁵¹Sumu musa inen wê xa ku suberbu Kuma podê di Sun ka suplant’ inen tudu axi.⁵²Êlega inen govenu liku xa di ponpa ba da son,Lanta pêswoa di pobli subli.⁵³Ê Lanta pêswoa di pobli subli,Dukunu inen liku.⁵⁴Ola Ê lembla di pedon d’ê, Ê bilimon blasa Isaraeli ku sa selivi d’ê,⁵⁵Mo Ê fada ou plometê pe d’inen⁵⁸Maya ta na la ke di Zêbê ginatlexi meji, zawô ê bila ba ke.⁵⁷Ola e xiga nove meji Zêbê pali ũa mina mosu.⁵⁶Ola ku ê pali nitxa kole,inen vijan ku familya d’ê fika ka sebe,inen gôgô montxi, lova Sun.⁵⁹Ê fe oito dja, a be pa fe circucison ni mosu,a ta ka mêsê same di Zakaria, ⁶⁰Maji men de fla inon, nomi d’ê sa Zon. ⁶¹Anton inen kuji:nyũa ngê ni ke bô te nome se!⁶²Soku, a fe xinali da pe d’ê punda: ke nomi bô mêsê sama mosu bô? ⁶³Ê piji ũa mina taba ê kleve: nomi d’ê sa Zon.tudu ngê panta.⁶⁴Me da ola Zakaria bila ka fla ê kyê ka lova Sun.⁶⁵ola kwa se da, tudu vijan di Zakaria fika ku mendu,nova kole, a kye ka fla neni tudu janga-janga di okê di Judeia.⁶⁶tudu ngê ku tava ka tende nova se, ka punta: kengê ku ka bisa Mosu se? Punda,Sun so ku sa kwê.⁶⁷Zakaria ku sa pe d’ê, xa di Suplitu Santu bila boka fla: ⁶⁸Dêsu di Israeli, seja lovadu,punda Ê bi zuda pôvô de pa xtlava.⁶⁹Ê danon ũa glandxi xtlavado di Zelason di Davi. ⁷⁰Mo ku inen selivi d’Ê tason flay ô d’anu⁷¹pa ê pô xtlavla non ni mon numigo,bila livla non di podê di tudu kasta ngê ku mêsê non mali.⁷²Tudu kwa se, Ê fe pa ê pô musa amôlê ke ê te ku non,ê kumpli plomessa d’ê. ⁷³plomesa ku ê da pe non Abron, ⁷⁴ni livla non ni mon di numigo,pa non pô xtlivi Ê sen mendu,ne pekadu ni justisa, ⁷⁵maji bila vive ni fala vonte di Dêsu tudu ja di non.⁷⁶Bô ten Zon,ka bi sa plofeta di Dêsu glanji,ku ka ba plivini pôvô di ba buka pedon ⁷⁷pa inen pô nganha xtlavason ku Dêsu ka bi da.⁷⁸Tudu inen kwa se, sa plovia di mixikoji ku amôlô di Dêsu ke ê fe kanja d’ê luji ni liba non, mo nanse plama.⁷⁹kanja se, sa pa luji ngê xi ku ka vive ni kulu,ku mendu di motxi, lumya o pe non ni kamya di paji ku sosegu.⁸⁰Zon, tava ka klese ka fika fotxi ni Suplitu,vive ni ũa kamya azeto, zauô ê bi plase ni omê di pôvô di Israeli.

¹Ni inen dja sé, imperadô Sesar Agustu manda uã decletu ku odji pa tê uã sensu da tudu ngê ku ka vivê ni mundu. ²I sé fô fedu, plô plumê vê,ola Quirinu ta sa govenadô di Siria. ³Anton, kada ngê ba poson dê di sa xinadu ni sensu.⁴Jozé tembeté ba poson di Nazaré, ni Galileia, pla belém, kônxidu ni judeia kuma poson di Davi, punda ê tava sa zélason di alê Davi. ⁵Jozé bé ku noiva dê Maya pa inen sa xinadu. ê tava ku béga.⁶Ê da kwa ku, ola a xiga ni Belém, ê tava sa ola di Maya pali. ⁷Anton ê pali anzu dê, plumê mina dê i ê buyé ni panu. Sososo,ê pê ni uã kamya ku bisu tava ka ta nê, punda kamya na tava sén pa inen pô ta nê fa.⁸Ni kamya sé me uã dôsu Pastôru inentava ni kampu, ka toma konta di ôvelh dinen nôtxi. ⁹Uã anzu di Sumu plasê pla inen i gloya di Sumu ta ka ludji ni vota dinen: I tudu inen fika ku mendu ximentxi.¹⁰Anton, anzu fada inen: " Na tê mendu fá, punda da nansê nga bi ku kwa bwadu di gôstô muntu da tudu pôvô. ¹¹òzé ni poson di Davi, nansê stlavadô di nansê.Ê sa Sun Klistu! ¹²Nansê ka bi kônsê plômê i xinali sé: Ê ka bi sa buyadu ni panu détadu ni uã kamya ku bisu ka kumé nê.¹³Di mêda ola, uã data di anzu, bibu di osé, plasê zuntu di ôtlô anzu ka lôuva Dêsu ka fla: ¹⁴Glóya da Dêsu ni liba ku paji ka sén ni tela ni ômê di pôvô ku Dêsu mêsê ben.¹⁵Ola inenanzu bila ba ósé inen pastôru fla uã da ôtlô: " Bamu myólé me ba Belém pa pya kwa sé bwadu ku da ku Sun fé nón sêbê." ¹⁶Inen bé djandjan na lá inen bê José ku Maya ni uã kuxêira.I inen bê anzu detaduni manjêdôra.¹⁷Óla inen bê kwa sé, inen kônta y^ngê kwa xi ku a fla inen di anzu. ¹⁸Tudu inen ixi ku da kôntlu ku inen pastôru fika ku gôstô lumadu ku kwa ku inen tava ka têndê. ¹⁹Maji, Maya tava ka gwada tudu kwa kuê tava ka têndê i tava ka gwada kwa sé ni kloson dê ²⁰Inen pastôru bilaka glólifika ka Lôuva Dêsu.Plô tudu kwa ku inen têndê bila bê tava axén mé mo anzu tava fada inen.²¹Ni oitavu Dja, tava ka xiga tempu i sikunsida di anzu.Inen pê nomi dê Jizu, punda sa axén ku anzu Samé, sê pa Maya klaga béga dê.²²Óla xi ku numelu di inen dja di pulifikason dinen vala, mó alê di Mózé, Zózé ku Maya inen bé ku anzu antê témplu, ni Jerusalém, pa pô plesenté da Sun; ²³punda ê sa sklêvidu ni Alê di sun: tudu plumê mina ome naxidu toka sa santifikadu da Sumu. ²⁴diakordu ku alê di Sun, inen tembeté inentoka flêsê"dôsu lola ku dôsu pombi mó saklifisu.²⁵Ni jeruzalém uã ome sén samadu Simião.Ê ta sa justu piédôsu.Ê tava ka gwada konsolason di Israel i Suplitu tava kuê. ²⁶Suplitu Santu fadé ku ê na ka bi m^lê sê pê pô bê Klistu plômêtidu plô Dêsu.²⁷Guiadu plô Suplitu, Ximeão lentla ni templu.Zozé ku Maya inen bi ku anzu, Jizu, pa kumpli kustumi di Alê. ²⁸Ximeão lêsêbê Jizu ni blasudê i lôuva Dêsu kiê ka flá: ²⁹Sumu, pô desá myólen ku selivi Sun ka bé ni paji, punda ê kumpli plomésa dê zá.³⁰Maji wê mu bê stlavason bô,(Sun) ³¹Ixi ku bô plivini ni wê di tudu pôvô; ³²Kanja pa kédadji da inen genthin, i pla glóya di pôvô bô di Israel.³³Inen pé di anzu inentava ku gôstô lumadu ku inen kwa ku inen tava ka fla Dê. ³⁴Ximeão da inen benson fada Maya, men Dê:Anzu sé sa distinadu tantu pa blaga mó di lanta uã ngê ni Israel bi di sa kwa di kontladison, ³⁵( tembeté uã supada ka bi valá ni plopi alima dê), di modu ku inen ka sa fladu ni inen pensamentu di yô klóson.³⁶Uã plofetiza ku ka sama Ana tembeté tava nalá .Ê tava sa mina di Fanuel, i tlibu di Aser, Ê sa ngê di daji, ê vivê ku ome dê plô saté anu djina kuê tava sê konsê ome. ³⁷I sososo ê bila viuva di otenta kwatlu anu.Ê na tava ka xê ni templu axén ê ta ka adola Dêsu tudu ola ku jinju ku lasoón, plama ku notxi. ³⁸Ni momentu sémé, ê keê kagladêsê Dêsu i ê fla di anzu da tudu ngê ku taka gwada plô leênson di Jeluzalém.³⁹Ola inen mundja di fe tudu kwa ku inen toka mó ku alê di Sumu, Inen bila ba Galileia, ba plópi poson dinen Nazalé. ⁴⁰I anzu ka klêse bwa so fótxi xa di sêbê i glasa di Dêsutava liba Dê.⁴¹Inen pé dê tava ka bá Jelusalém tudu anu,ba fesa di paskua. ⁴²Ola Jizu fé dôzê anu, inen ba fesa, mó kustumi dinen, ⁴³Inen dja di selebrason kaba, ola inen bila ba ké mosu Jizu fika ni Jerusalém inen pé d^na ta sêbê fa. ⁴⁴Anton inen ta ka kunda kumaê tava ni glupu ku tava ni viaji ku inen.Andêjimé uã dja ntêlu di stlada, inen komesa ka golué ni omé familia ku inen migu.⁴⁵Óla inen na bêlê fan inen bila ba Jeruzalém inenkomesa ka golué nalá. ⁴⁶Di tlêxi dja, inen bêlê ni templu, tasondu ni ômê dinen mesé,ka têndê inen ku aténson i ka fe inen plugunta. ⁴⁷Tudu inen ku ta ka têndê fika ku gôstô lumadu ku sêbê dê i ku lisposta Dê.⁴⁸ola xi ku inen bê Jizu, inen fika ku gôstô.Anton men dê fadé: Kamanda bô feaxémku non?Pé bô ku ami non tava tlubulau ka goló bô." ⁴⁹I Jizu kuji:Kamanda nansê tava ka góló mu? Nansê na sêbê kun toka ta ni ké Pé Mu fa? ⁵⁰Maji inen na sêbê kwaxi ku Jizu to ka mesê flá ku inenpalavla sé fa.⁵¹Anton Jizu bila ku inen pé Dê ba Nazalé, i ê tava Submisu ku inen, andêjimé men Dê tava ka gwada tudu inen kwa sé ni klóson dê. ⁵²Maji Jizu tava ka klêsé bwasó ni sêbê, ni ubwê ni glasa ku Dêsu ku tudu ngê.

¹Ni déximu kintu anu di reinadu di TibériuSésar, ola Pônsiu Pilatu tava govenadô di Judeia,Herodes ta sa Tetrarka di Galileia, manu di Filipi, tas tetrarka di legion di Itureia i trakonites ku Lizanias, tetrarka di Abileni; ²tudu tempu dinenn Saserdotxi Anas, kaifas, palavla di Dêsu bi Zon, mina di Zackarias, ni kampu Zêtô.³Ê viaja ba tudu legion ni bodó di Jurdón, ka pléga bustismu di alêpêndumentu, pla pédón di tudu pakadu.⁴Mo Ê sa sklêvidu ni livlu dinen palavla di plofeta Izaias: "Vozu ku ka klama ni kampu azêtô plivini stlada di Sun biliê bwadu.⁵Tudu vala ka bi sa xá, tudu ôkê i kolina ka bi sa bazadu, inen stlada totadu ka bi sa flimi inen stlada asidentadu ka bi sa fédu planu; ⁶I tudu inen ka bi dê salvasón di Dêsu."⁷Anton Zon flá da manzã nguê ku ka ta ka bi pê pô butxizadu:" Nansê sa lasa di kóbló!" Kêngê fada nansê pa fuji di kastigu ku sa di bi?⁸Plutantu da kumé badu di alêpêndimentu i na komesa ka flá ni ômê nansê: Non tê Ablón mó Pé non! Punda un nga fl-a nensê ku Dêsu ka pô fé mina di Ablón antê ku inen budu sé mé.⁹Mansadu sa pêdu za zuntu di lêgi dinen pó:Anton tudu pó ku na ka dá bom kumé fa sa kotadu zugadu ni fôgô.¹⁰I Inen pôvô tava ka punté, ka flá Anton Kê kwa non toka fé? ¹¹Ê kugi, kiê ka flá: xi ngê tê dôsu lôpa, da uã dinen a ixi ku na tê nê uã fa i ixi ku tê kumé, toka fé kwa sé mé.¹²Anton uã dôsu kobladô di impostu, ku tembeté inen bi pa inen sa butxizadu, inen punta: Mesé, kê kwa non toka fé? ¹³I Zon fada inen: Nansê na ka kôbla djêlu maxi dôkê ixi kw manda nansé fá.¹⁴Uã dôsu sodé témbeté, ka flá:Mo non tén? kê kwa nón toka fé? I ê kuji:na txila ngê djêlu fá, nê kusa ngê sê fé nadaxi fa.Nansê ka kontenta ku pagamentu nansê.¹⁵Mó pôvo tava kióla kióla ka gwada pa klistu xiga tudu inen tava ka kunda ni klóson dinen ku Zón ka pô sa klistu. ¹⁶Zon kuji inen,ku ka flá : kantu ami, nga butxiza nansê ku awa, maji i sé ku ka bi sa tê maxi pôdê dôkê ami na sa dignu nê di yôlô inen lasu di inen Sandalheti dê fá.Ê kabi butxiza nansê ku suplitu Santu i ku fôgô.¹⁷Ê tê ni mon dê uwanapá pê pô limpa ku tudu kwidadu kampu dê pa zunta tligu ni seleiro dê maji ê ka bi kêma paya ku jôgô ku na ka paga fá.¹⁸ku yô lêplenson Zón tava ka pléga notixa bwa da pôvô. ¹⁹I ê lêplêndê Herodes; i tetrarka, ku kasa ku mwala di manu dê, herodias, plô yô kwa mali ku ê ta fé. ²⁰Antaó ê klesenta tudu inen di plêndê Zon pê plézu.²¹Anton ê da kwa ku óla inen ngê tava ka sa butxizadu plô Zón, Jizu tembété fô butxizadu. ²²I olá ê tava ka fla lason osé bili, Suplitu Santu dêsê liba Dê mó uã pômbi, a téndê uã fala dos: Bê sa mona mu amadu, ni bô uã tê gôstô.²³Óla Jizu komesa ministeliu dê, Ê tava ka tlinta anu.Ê ta sa mina di Zózé( mo a tava ka kunda), mina di Eli, ²⁴mina di Matati, mina di Levi, mina di Melqui, mina di janai, mina di Zózé.²⁵Mina di Matatias, mina di Amós,mina di Naun, mina di Esli, mina di Nagai, ²⁶mina di Maate,mina di Matatias, mina di Smei, mina i Zozeque, mina di Jodá.²⁷mina di Zuan´, mina di Resa, mina di Zorobabel,mina di Neri. ²⁸Filho di Melqui, filho di Adi, filho di kosã, mina i Elmodã, min Er. ²⁹Mina di Zuzué,minandi Eliezer, minandi Jorin,mina di Matati, mina di Levi.³⁰Mina di Ximon, mina di Zuda, mina diZózé, mina di Jonã, mina di Eliaquin. ³¹mina di meleá,mina di Mená, mina di Matatá, mina di Natã, mina di Davi. ³²Mina di Jessé, mina di Obédi,mina di Boaz, mina di Sala, mina Naasom.³³Mina di Aminadabi, mina di Armn, mina di Esrom, mina di farés, mina i Zudá. ³⁴Mina di Jakó, mina di Izaki, mina di Ablon,mina di terá,mina di Naor. ³⁵Mina di Seruke, mina di Ragaú, mina i Faleke, mina di Eber,mina di Salá.³⁶Mina di Kainã, mina di arfaxade, mina di Sen,mina di Noé, mina di Lameke. ³⁷Mina di Matusalém,mina di Enoke, mina di Jarede, mina i Maleleel, mina di Kainã. ³⁸Mina di Enos, mina di Seti, mina di Adón, mina di Dêsu.

¹Anton Jizu, xa di Suplitu Santubila di awa jordoón i Ê fô guiau plô Suplitu a kampu zêtô ²kórenta dja Ê fô tntaduplô djabu; tudu inen dja sé, Jizu na kume nadaxi fa ni kada inen dja Ê tinha fomi.³Djadu fadé: " Xi bô sa mina Dêsu, manda budu sé bila pón. ⁴Jizu kuji: Ê sa sklêvidu,ê na sa di npon tan ku oma ka vivê fa."⁵Anton djabu bé kwê antê uã lukê boyadu, musé tudu inen lênu di mundu. ⁶Sososo fadê:" Nga bi da bô pôdê pa bô domina tudu inen lênu sé, ku tudu glóya dê.Punda a damu êlê nga pô daá kwakwali ngê kun mêsê. ⁷Antón xi bô dá dizê ni wê mu adóla mu, tudu inen kwa sé ka bi sa djibô."⁸Maji Jizukuji, fadê:" Ê sa sklêdu: Adóla Sun Dêsu bô tan Êlê ta só bô ka da kutu.⁹Ni vê sê djabu bé ku Jizu Jerusalém, pê ni lukê maxi boyadu di templu. flá: Xi bô sa mina di Dêsu, zuga daí. ¹⁰Punda ê sa sklêvidu:ku ê ka bi da odji a inen anzu dê pê pô kuida di bô i plôtêjê bô. ¹¹I témbété ê fla inen ka ba tê bô ku món dinen pa inen opé bô na tlopésa ni nê uã budu fa."¹²Jizu kuji flá:"Ê sa sklêvidu, na bi tenta Sun Dêsu bô fa!" ¹³Óla djabu kaba di tenta Jizu ê toká fô zuntu Dê plô uã tempu.¹⁴Anton Jizu bila bá Galileia, plô Pôdê di Suplitu, nutixa dê wanga plô tudu flêkêdja. ¹⁵Ê tava ka xina ninen xinagoga, tudu ngê inentava ka glolifikê.¹⁶Ê bi Nazalé poson andji ku Ê klêsê. Mó kustumi Ê lentla ni xinagoga, ni bja di Sabadu, Ê lanta pê pô lê inen sklitula. ¹⁷I a tandé lôlu di plofeta Izaias bilidu i Ê bê lukê ku tava sklêvidu.¹⁸Suplitu di Sun sa liba mu, punda ami ê unta mu pan pléga vanjéli da inen pôbli, Ê manda mu ¹⁹pan pô plokama libédadji da inen plésu da inen segu wê, pan libéta inen oplimidu i plokama anu favôlâvé di Sumu.²⁰Anton Ê fisa lôlu, bila da asistenti di xinagoga i Ê tason.Tudu inenni xinagoga tava ku wê ni liba dÊ. ²¹Ê komesa ka fada inen:" ozé sklitula kumpli ku a kaba di têndê." ²²Tudu inen têndê kwa ku Ê fla,i tudu inen tava ku gostô lumadu ku inen palavla glasa ku ta ka xê ni boka dê,Inen tava ka fla:" Isé na sa mina Zozé ã?"²³Jizu fada inen: Védé mé nansê ka bi flá Ami sóya sé: dôtôlô, kula bô mé; fé tela bô tudu kwa ku nón têndê ku bô fé ni Kafalnaun." ²⁴Ê flá:" Védé mé nê uã plófeta na sa ben lêsêbidu ni plopi tela dê fa.²⁵Maji ni védé Nga flá nansêyô viuva ta sen ni Israeli ni muson di Ilias, ola pô tlêxi anu kus sexi mêxi sê suba yô fomi bi tudu tela. ²⁶Maji a na manda Ilias ba lêlê nê uã dinen fa, uã viuva tanganata ku tava ku vivê ni Sarepta petu di poson di Sidon. ²⁷Ni tempu di pllofeta Elizeu, tembeté yô lepla tava sen ni Israeli, majiuã tan fô kuladu, Naamã Siriu.²⁸Tudu ngê ni xinagoga fika ku leva ola ku inen têndê inen kwa sé. ²⁹Inen lanta,inen kolê kwê fô poson zaó bé kwé liba ôkê di poson pá zugê ba vaji. ³⁰Maji Ê valá ni ôme dinen lêlê stlada dê.³¹Anton Ê dêsê kafarnaun, uã poson ni Galileia ka da sabadu Ê tava kaxina ngê ni xinagoga. ³²Inen tava pantadu ku xinamentu Dê, punda Ê tava ka flá ku pôdê.³³Ninen dja sé, ni xinagoga uã omé ta sén ku suplitu demono. Ê tava ka glita ku fôsa. ³⁴"Kê kwa nón tê ku Bô Jizu di Nazalé? Bô bi kaba nón? Un sêbê kê ngê sa Bô, Santu di Dêsu!"³⁵Jizu lêplêndê démóno, ka fla:" kabóka xê dê!" Demono zuga ome di ômê dinen xê sê fé nê uã mali. ³⁶I pôvô fika pantadu, uã tava ka fla daôtlô: kê palavla sa inen sé? ku odji ku pôdê Ê manda inen suplitu denonó inen xê" ³⁷I nutixa Dê komesa ka wanga ba tudu kamya di flêgêja.³⁸Anton Jizu desá xinagoga bé anté é di Ximón, Stlóga di Ximón tava ka sufli xa di féblé inen tava ka piji da San sé. ³⁹Jizu vléga liba dê i lêplêndê féblé, féblé sé desé, ni ola sé me, ê lanta komesa ka stlivi inen.⁴⁰Olá taji xiga a bi ku tudu ngê ku tava ka duentxi da Jizu, ku tudu molesta, kada uã dinen, Jizu pê món liba dê kula. ⁴¹Yô demono tembeté xê liba yô ngê, ka glita ka fla: Bô sa mina Dêsu!"Jizu lêplêndê inen demonó na dêsá inen fla punda inen sêb^kuma Ê sa Klistu.⁴²Óla dja bili, Jizu xé ba uã lukê kampu zêtô di fla lasón;I inen pôvô tava ka gôoé, inen bêlê antê luk´andji Ê tava. inenna ta mêsê pê bé fá. ⁴³Maji Jizu fada inen:"Sela un pléga kwa bwadu di lênu di Dêsu da ôtlô posón tembété, ê sa plôvia kwa sé ku un fô mandadu." ⁴⁴Antón Ê kuntinuwa ka plega ninen xinagoga ni tudu flêgêdja di Judeia.

¹Uã dja xikintxi, pôvô zunta ni vota di Jizu pa têndê palavla Dêsu, Ê tava mundjadu zuntu di awa di Genesaré. ²Ê bê bôsu vapô ni bela di awa,inen piskadô ta ka xiga ni vapô so kuinen tava ka laba lêdê dinen. ³Anton Ê subli uã dinen vapô, ku ta sa di Ximón, i Ê pijiê pê pô fasta vapô pikinaxi di plé.Jizu tason ni vapô, ka xina inen pôvô.⁴Óla ku Ê kaba di xina, Jizu fada Ximón: "Bé ku vapô ninen maxi jundu i zuga lêdê nansê." ⁵Ximón kuji: "Mesé ê, non flaba notxi ntêlu nón na piska nadaxi fa, maji plôvia di palavla Bô nón ka lansa lêdê." ⁶Sososo óla inen fé kwa sé, inen pega pixi uãdata, lêdê komesa ka vá. ⁷Antón inen fé xinali da ôtlô damón dinen ni ôtlô vapô pa inen pô bi zudinen, inen xa dôdôsu vapô tava kwaji funda.⁸Óla Ximón Pedu bê kwa sé, ê da dizê ni opé di Jizu, fla:"Foko di zuntu mu punda ami sa uã pekadô." ⁹Maji êlê ku inen tudaxi ku tava kuê inen panta ku piska ku inen fé. ¹⁰Dimodu sé métembété, Tiagu ku Zon,mina di Zêbêdêu, ku sa damón di Ximón.Anton Jizu fada Ximón:" Na tê mendufa, di ozé da wê bô ka sa piskadô di ome." ¹¹Óla inen xiga plé ku vapô inen désa tudu kwa lêlêJizu.¹²Ê da kwa ku, óla Ê tava ni uã posón,uã omé ta sen xá di lépla,Óla ê bê Jizu,Ê dizê ku kala antê son, loké, fadé." Sumuê, xi isé sa vonté Sun, Sun pô limpa mu." ¹³I Jizu sêndê mon dê i toké, fadéIsé sa vonté mu.Sa limpu!" I meda óla lépla desé.¹⁴Ê fada pê na fla nê uã ngêfa, maji ê fadé "Lêlê stlada bê, bê ka musa saseldotxi i fêsêuã saklifisu di pulifikason bô, di kwaxi ku Mozé fla, pa inen testêmunhé.¹⁵Antón nutixa dê wanga maxi dôkê isé mansã ngê tava ka bi pa têndêJizu ka xina i pa inen sa kuladu di duentxi dinen. ¹⁶Yô vê Ê tava ka xê ba uã lukê tan fla lasón.¹⁷Uã dja xikintxi, Jizu tava ka xina , inen Farezeu inen mesé dalê tava sen tasondu petu Dê; inen bi di tudu luxan, flêkêdja di Judeia ku Galileia tembeté di posón di Jeruzalém; i podê Sumu tava kuê pa kula.¹⁸Anton uã dôsu ome inen bi ka klaga uã omé ku tava lézadu ni uã kama.Inen ta ka goló uã modu di bi kuê klêntu di kamya, Jizu tava nê di pê ni wê Jizu. ¹⁹Maji, plôvia di pôvô, inen na pôji fa.Antón inen subli liba kê bili têya, desê omé ni kama ni ômê ngê antê wê Jizu.²⁰Jizu bê afé dinen, È flá: "Omé, inen pekadu bô sa podadu." ²¹Inen skliba, inen farizeu inen komesa ka punta, ka flá:Kêngê sa isé pa fá inen mali sé? Dêsu tan ka pô poda pekadu."²²Maji Jizu, toka sebê kwa ku inen tava ka pensa,Ê Kuji inen flá:" Kamanda nansê ska fla kwa sé ni klosón nansê? ²³Kwa ka kusta flá inen pekadu bô sa podadu, ô lanta ndá? ²⁴Maji pa nansê sebê kuma Mina omé tê pôdêni tela pa poda pekadu, nga flá bô lanta, pega kama bô ba kê.²⁵Meda ola ê lanta ni wêdinen, pega kama ku ê ta ka vivê detadu, i ba ké dê ka glólifika Dêsu. ²⁶Tudu inen fika ku gostô lumau inen glólifika Dêsu, xa di lispêtu, inen fla "Ozé nón bê kwa dôtlô mundu."²⁷Zó disé, Jizu xê dala ê bê uã kobladôdi impostu ku ka sama Levítasondu ni luké ku a ka kobla impostu.Anton Jizu fadé:" Lêlê Mu." ²⁸Leví désa tudu kwa, ê lanta lêlê.²⁹Antón Leví plivini uã mémé bankêtê da Jizu ni Kê dê.Yô dinen kobladôdi impostuku ôtlô ngêinen tava tasondu ni mésa, ka kumé ku inen. ³⁰Inen falizeu ku inen skliba tava kakêxa inen dixipludi Jizu, ka flá: kamanda nansê ka kumé i bêbê ku kobladô di impostu ku ôtlô pekadô?" ³¹Jizu kuji inen:" Nansê ku tê saôdji nansê na ka plixiza di dôtôlô fa, duentxi tanganatan. ³²Ami na bi pan sama inen zustu fa, maji pan sama inen pekadô pa lêpendê."³³Inen fadé:" Inen dixipulu di Zón inen ka jenjuwa semplé ka flá lasón, ku inen dixipulu di falizeu tén.Maji ,inen discipulu bô ka kumé ka bêbê ." ³⁴Jizu fada inen :" Ngê ka pô fe inen kunvidadu di uã kazamentu jinjuwa óla nôivu sa ku inen? ³⁵Maji ê ka bi xiga dja ku nôivu ka bi sa txiladu, ni inen dja sé inen ka bi jinjuwa."³⁶Anton Jizu Konta inen uã vésu: Nê uã ngê ka txila pedasu di uã lôpa novu pla buta ni uã lôpa vé fa.Maji, xi ê fé kwa sé, lôpa novu ka bi fika fónódu, pedasu na ka bi kumbina ku lôpa vé fa."³⁷Nê uã ngê na ka pê vin novu ni lodóma vé fá, xi a fé axen, vin novu ka kebla kalafa blókainen lodóma ka bi dana. ³⁸Maji, vin novu toka sá pêdu ni lodóma novu. ³⁹Antón, nê uã ngê bêbê vin vé,ka bi mesê vin novu fa, punda ê ka flá:"Vin vé sa maxi bwadu."

¹Ê da kwa ku ni uã dja di sabadu, Jisu tava ka tlavessa kapu di Sereais inen dixipulu dê tava ka koyê supiga ka lanka ku món ka kumé inen ukué. ²Antón uã dôsu dinen falizeu inen fla: " Kamanda nansê ska fe kwa sé ni djá di sabadu?³Jisu kuji, fada inen: " Nansê na lê kwa ku Davi fé ola ê ku inen ome dê tava ku fomi? ⁴Ê lentla ni ké Dêsu, pega pón di propozison, kumé témbaté da inen ku tava ku ê. Inen saserdotxi tan só tê plixizon di kumé pon. ⁵Jizu fada inen:" Mina di ome sa sum di sabadu".⁶Ê da kwa ku ni ôtlô sabadu, Jizu bá anté xinagóga i tava ka xina yô ngê,Uã ome tava naí ku mon klêtu donoxadu. ⁷Inen iskliba inen falizeu inen tava ka pia Jizu di petu, pa pia xi Ê ka ba kula ngê ni dja di sabadu, maji inen tava ka goló uã modu pa a kuzé. ⁸Mó Jizu, ta ka sebê kwa ku inen tava ka pensa, Jizu fada ome di mon donoxadu: " Lanta ta nai ni ômê di tudu inen". Anton ome lanta fika mundjadu,⁹Anton Jizu fada inen:" Un ga punta nansê , Ni sabadu a ka pô fé ben ô mali?Stlava uã vida ô kaba kuê? ¹⁰Antón Ê pia ni vota di tudu inen fla ome:" sêndêmon bô". Isé ê fé, mon ê fô kosetadu. ¹¹Maji inen fika xa di léva, ka plufia ku inen di kê kwa ku inen ka pô fé Jizu.¹²Ê da kwa ku ni inen dja sé ku jizu ba uã ôkê i fla lasón notxi ntêlu; Ê fla lasón da Dêsu. ¹³Óla dja bili Ê sama inin dixipulu dê, Ê koyê dôzê dinen, ku Ê sama tembeté di apostulu.¹⁴¹⁵¹⁶Nomi dinen apostulu sa isé: Ximon, ngê ku ê sama di pódu, i manu dê André, Tiagu, Zon, Filipi, Bartolomeu, 15 Mateus, Tomé, Tiagu, mina di Alfêu, Ximon, ku tava ka sama Zeloti, 16 Zudá, mina di Tiagu, ku Zuda Iskarioti, ku bila tlaidô.¹⁷¹⁸¹⁹Antón Jizu dêsê ku inén ni ókê inén munja ni uã luké sentada, anji tava kú yô pôvô di dixipulu dê e tembeté uã data ngê di Judeia Jeluzalém ku iya di tiru ku Sidón. 18 Inén ta ka bi a pô têndê bila sa kuladu di moléstia dinén. Inén ngê ku tava tlomentadu plô suplitu demónó témbété fô kuladu. 19 Tudu pôvô tava ka goló modu dí toka Jizu, punda pôdê tava ka xê nê di kula tudu ngê.²⁰²¹Antón Ê lanta wê da inén dixipulu, dê fada inén pobli sa ben, puna lênu di Dêsu sa jinânsê. 21 Nânsê ku tê fomi sa bén, punda nansê ka bi tê bila sovéza. Nânsê ku ska sola sa ben, nansê ka bi li.²²²³Nansê sa bén óla a bi tê ojé nansê, bila pê nansê di patxi, óla a ka bi valô nansê, zeta nomi nansê mó, mali plovia mina omé.23 Li ni dja sé sata ku gôstô, védémé nansê nansê ka bi tê méme nganhu ni osé, punda inén nos tempu dinén tlata inén plofeta di modu sémé.²⁴²⁵Maji ai di nansê ku sa liku! punda nansê lêsêbê kônfortu nansê zá. 25 Ai di nansê, ku miolé sa kuê montxi! maji nansê ka bi tê fomi. Ai di nansê, ku saska li miolé. punda nansê ka bi sola.²⁶Ai di nansê, óla tudu ngê ka fla ben nansê! Punda inén nustenpu tlata inén fasu plofeta di modu sé mé.²⁷²⁸Maji uga flá da nansê ku ska têndê mu ama numígu nansê fé bén da ngê ku ka tê ójó nansê. 28 Flá bén di inensê ku ka piji plaga da nansê flá lasón da inensé ku ka lanta nansê fásu.²⁹³⁰Xi ngê dá bô uã món ni kala, tandé témbété ôtlô ladu. Xi ngê toma kapa bô, na pota di dê jibón bô fá. 30 Xi ngê piji bô uã kwa, dé. Xi ngê tóma kwa ku sa jibô, na piji ê pê bila dá fá.^31323334Axén mó nansê mêsê pa a fé nansê, fé inén axén mé. 32 Xi nansê ama inén sé tán ku ka ama nansê, kê nganhu nansê ka bi tê? Punda antê inén pekadô mé ka ama ng^xi ku ka ama inén. 33 Xi nansê fé bén da inansé tón ku ka fé nansê bén, kê nganhu nansê ka bi tê? Punda antê inén pekadô mê ka fé kwa sé. 34 Xi, nansê plésa inénsé tán ku nansê sebê ku ka bila bi dã nansê, kê ngnhu nansê ka bi tê? Antê pekadô mé ka plésa inén pekadô inén ka guada ku inén ka pa bila dá inén minjida sé mé ku fô plésadu.³⁵³⁶Maji ama numigu nansê, fé in´nen bén plésa inén sê guada pa inén bila kabi dá nansê, nganhu nansê ka, bi sa glanji. Nansê ka bi sa mina Altisimu, punda Ê sa bondôsu ku inén glatu ku inén maluvadu. 36 Tê mixikoji, axén mó pé nansê tê mixikoji.³⁷Xi nansê na julga fa nansê ten na kabi sa julgadu fá xi nansê na kondê na fá, nansê na ka bi sa kondenadu fá. Nansê ka poda, nansê ka bi sa podadu.³⁸Dá ôtlô a ka bi dá nansê tén. Nansê ka bi lêsêbê uã mijida bwa ku a ka nhé bila niné jinké ku ê ka bloka. Punda ku mixida ku nansê ka miji a ka bila miji nansê sê tén.³⁹⁴⁰Antón témbété Ê konta inén uã vésu:" uã ségu ka pô kia ôtlô ségu? Xi ê fé, inén dô dôsu na ka bi kiê kobi fá? 40 Uã dixipulu na sa maxi tamé dokê mésé dê fá, maji óla ku ê ka sa bén xinadu ê ka sa mó mesé dê.⁴¹⁴²Punda kamanda bô ska pia puela ku sa ni wê di manu bô, maji bô naska pó ku sa ni plopi wê bô fá? 42 Kuma bô ka pô fla manu bô: Manuê, dêsa ami txila puéla ku sa ni wê bô, kantu bô mé nas ka bê ´[o kusa ni plopi wê bô fá? Finjidu! Plumê bô ka txila pó di wê bô, antón bô ka bi bê bén klalu pa pô txila puéla ku sa ni wê di manu bô⁴³⁴⁴Pó bwa na sén ku ka dá kumé ku na bwa fá, Né pó ku na bwa ku ka dá bon kumé fá. 44 Maji kada pó sa kônxidu plô kumê kuê ka dá. Nyão ngê ka pô koyê figu ni pian fá nê uva ni alibafá.⁴⁵Omé ku bwa, di klósón dê bwadu ê ka txila kwa ku sa bwa, maji omé mau, di má kloson dê ê ka bi txila pê ewa kwa ku na bwa fá, punda beka ka fla kwa ku sa xá ni klósón.⁴⁶⁴⁷⁴⁸Kamanda nansê ka sama ami: Sumu, Sumu´Xi nansê na ka têndê kwa kun ga fla fá? 47 Tudu ngê ku ka bi lêlêmu ku ka têndê palavla mu bila obdêsê, U ga fla nansê kêngê ê sá: 48 ê sa mó uã omé ku fé ké dê, ê bili blaku ni kamya ku tê budu zó pluma ké. Ola mau tempu bi awa matu da ni ké, maji ê na blaga fá, punda ê fô ben fédu.⁴⁹Maji inennsé ku ka têndê inén palavla mu na ka obêdêsê fá, sa mó uã omé ku fé ké dê ni téla, sê plumu. Olá awa batê ku fôsa kontla ké mêdaola ê blaga, lóló.

¹Ola Jizu kaba di fla ni olha di povo tudu palavla sê, Ê lentla ni Cafarnaum.²³⁴⁵Uã seluvu, dê di uã centurio, iyo quelidu po ele, tava iyo doenti ni bela di mothi. 3 Ê têndê fla di Jizu, senturio sé manda anté Jizu uwã ansion di judê ka pigi Jizu pé pó bi lêlê pé pó tlalva seluvu dê. 4 Ola ine shija anté Jizu, ine pigi Jizu ku suplika:"Ê sá dignu pé pó fé kwa sê, 5 punda ê ka ama nansó nó, e sá Ele ku fé constluson di sinagoga nó.⁶⁷⁸Anton Jizu fó ni kamiã dê ku iné. Ê na tava yô longe di ké, centurion manda inê migo dê ba flá Ele:" Sumu, na comodafa, punda un na sá dignu di Sun lentla ni kê mu fá. 7 Ele manda ami na considerá digno di ba lêlê Sun, fla uã palavla tã ku seluvu mu ka bi sa kuladu. 8 Punda ami tembété sá di autoridade, un té sódé ni baxo di ogê mu. un gã fá :" bé" ê ka bê; uga fla otlô " bi" ê ka bi; un ga flá ni seluvu mú:" fé wasé" ê ka fé.⁹¹⁰Olá Jizu têndê wa sé, Ê fika adimiladu, zó ê bilá da multidó ku tvá ka shigui, ê flá:" Un ga flá nansê kuma né ni Israel un bê uwã gê ku iô afé.' 10 Anton iné ku fó enviadu da Ele leglesa da ké zó iné bé seluvu kuladu zá.^1112131415Kuasé vala, Jizu tava ka fé uã viajem pla uã cidade samadu Nain. Dicipulu dê ta ka bé kuê, ku yô ngê ni tlaxi dê. 12 Ola ê tava petu di potón di poson, uã omé moto ku a tava kagê, uã unico mina di men dê. Ê na tinha omé fá, e iô ngê di posón tava kuê. 13 Óla Sun bê, Ê compadese dê, zó flá:" Na sola fá!" Zó Ê chiga petu, toka ni alumason di madela ku a tava ká klaga moto kuê, iné ngê ku tava kagla munja, ê flá:" Mansebu, un gá flá bó, lantá." 15 Mothe lanta zó tava ká flá. Zó Jizu dê dá men dê.¹⁶¹⁷Zó bi témó ni liba di tudu iné antón iné tava ka glórifika flá:"uã flóféta glângê plasê ni ômê ni nó"zó " Dêsu ka piá pôvô dê." 17 Nutxi sê ku ka fla ni Jizu uãnga ni tudu kamiã di Judeia ku tudu kamiã petu.¹⁸¹⁹²⁰Disipulu di Zón flé tudu kuá sé ku pasa ku Jizu. 19 Antón Zón samá dosu di dicipulú dê manda bá lêlê Jizu zó flá." Bó sá isê ka tava pá bi ô sélá nó guadá otló? 20 óla iné pía Jisu, flá:" Zón Batista manda nó bia lêlê Sun pá puntá: Sun sá isé ku táva pá pó bi ô sélá nón guadá otló ?"²¹²²²³Ni olá sê mê Ê kulá yô ngê ku tavá dóenti, di aflison, suplitu mau, yô ngê cego di uê. 22 Jizu kuji ini, flá:' bê bá flá Zon tudu kwa ku nansê piã ku nansê têndê, moto ská lanta vivê, ngê ku tê necessidade ska têndê palavla di Dêsu." 23 Bendito sá gê ku ná ka duvida ni ami fá,ni kua ku gá fé.²⁴²⁵²⁶Olá iné mensagelu di Zón bé dê, Jizu tava ká flá dá multidó di Zón.' Kê kuã ku bó ba pia ni dizertu? uã kaniço vegladu povia di ventu? 25 Kê kuã ku bó bá piã? Uã homen vestidu ku lopa finu? Punda ngê ku ka pé lopa glavi ku té uã vida di luxu ka vivê ni palacio reais. 26 Maji kê kua ku bó bá piã? Uã plofeta? iôxi, un ga flá nansê, ê sá maxi ku plofeta.²⁷²⁸Isé sá esê ku tava sclitu:" Un ska envia mensagelu Mu ni uê ni bó, ê ka ba plepalá kaminhã di bó ni uê ni bó. 28 Un gá fla nansê kuma ni nasidu di mualã, na té nwã homé maxi tamé ku Zón, maxi ni Lenu di Ocê ixi ku sá maxi pikina sá maxi támé ku êlê.²⁹³⁰Olá tudu ngê têndê kwa sê, antê ngê sê ku ka koleta impostu, tudu ine flá kuma Deçu sá Justu, antón iné táva ka batiza ku batismo di Zón. Maji iné faliseus ku mesê di alê judaika zeta konsê di Dêsu da inê mê, na ta ka sá batizado pló mé dê.³¹³²Kênguê, ku, ngá fé kompalasó ni gelasó sé? Kenguê ku ê ka plasê? 32 Sá mó mina pikina ku ka blinka ni plasa ku ka tason ka sama uã ku oltô ka flá:" Nó ká tóka flauta da nansé, maji nansé na dansafá. Non kanta uã vungu di motxi maji nansê na solafá.`³³³⁴³⁵Zón Batista bi, na ka kumé pón né ví fá, e nanê flá:´ É té demónó.´34 Bi mina Desu, ka kumé ku bébé, nansê flá:´Piã uã omé ku ka kumé montxi ku ka bébé yó ví, Migu di kobladó di impostu ku pekadó!´35 Maji sébé sá justifikada plovia di tudu mina Dê".³⁶³⁷³⁸Anton, uã seto faliseu tava ka piji ku Jizu kumê kuê. Antón Jizu lentla ni kê dê tasón ni mesa pé pó kumê.37 Ni poson sé tinha uã mualá pekadola. Ola ê sêbê kuma Jizu tava ni kê di faliseu ni mesa ka kumê, ê bê ku uã galafa di lifumi. 38 Anton, ê munja ni tlaxi Dê, juntu ni opé dê zó munja. Ê komesa ka monha ópé Dé ku lagrima ka limpa ku kabelu dê, dê bejinho ni ópé Dê zó pé perfumi ni ópé Dê.³⁹⁴⁰Ola faliseu ku convida Jisu bé kwa sé, ê pensa ku ele mê:" Se omé ka sa plofeta, ka sêbê kêngê ku sá mualá sé ku ta toké, punda ê sá uã pekadola". 40 Anton Jizu kuji ine, flá:" Simon, un tê uã kwa pá pó fla bó". Zó Simão flá:' Fla Mesê".⁴¹⁴²⁴³Jesus flá:" Tinha dósu devedó di uã omé. Uã tava ká devê quinhentos denários e otlô tava ká devê cinquenta denários. 42 Kuma iné na tinha gelu di paga divida, o credor poda iné doçu. êKuali dê Ê ka ama maxi?" 43 Simon kuji:" Un ga kêlô kuma sêlá isê ku Ê podá maxi". Jizu flá:" Bô fé julgamentu cetó.⁴⁴⁴⁵Jizu bila dá mualá zó flá dá Simon:' Bê muala sê? Un lentla ni kê bô maji bô na damú awa pan pó labá ópé mú fá, Maji muala sé monha pé mú ku lagrima dê ska limpa ku kabelu dê. 45 Bô na damu uã bejo fá, maji ê, jina un xiga nai, ê na munja di beja opé mu fá.⁴⁶⁴⁷Bo na ungi opé mu ku oyô fá, maji ê ta ka ungi pemu ku plefumi. 47 Plovia di kwa sê, ugá flá bô kuma yô pekadu bó sa podadu- punda ê ama montxi. Maji ngê ku poko ka ama pouko ka sá podadu.⁴⁸⁴⁹⁵⁰Anton Ê fla:" pekado bó sá perduadu'. 49 Ninguê ku tava tasandu ni mesa komesa ka fla ni mê dinén." Kêngê sá isê ku antê pekadu ê ka pódá? 50 Antón Jizu flá da mualá:" Afé bó ti stlava. bé ni pagi.

¹²³Tempu valá zó ku, antón, Jizu tava ka andá ni diferenti sidade ku vilas, ka plega ka fla ni palavra di Dêsu. Iné dozé bé kuê, 2 Axén mó uã dósu mualá ku fó kuladu di duentxi ku suplitu mau. Iné sá: Maria, ku ka samá Madalena, ku sete démono xé diné, 3 Joana muala di kuza, administrador di hrodes, Suzana ku iô mualá tava ka bi ku kumé ku gelu dinén ku materiais dinén.⁴Uwã multidón glange reuni, gê de tudu kamia e genta taka bi di ôtlô poson pá pô kontlé, Jizú fádá inen plômé di uã parabola. ⁵]Uã semiadó xê pê pô ximia uã dôsú ximentxi. Zawo ê tava ká ximia, uã dôsú ximentxi kê ni bôdô di Kamiã, a pisá inen, zó uã dôsú pasaru di ôsé kumé tudu ximentxi ⁶sé. ôtlô ximentxi kê ni télá lisu ku yô di budu Zawo ximentxi sé klêsê, môlê pundá na tinha awá ni lugé sé fá.⁷⁸Otlô ximenti kê ni planta ku espinhu zó ê klêsé ku espinhu, sufoka . 8 Maji uwã dósu ximenti ké ni balu buadu, zó ê klêsê saudaveis, ê ploduzi kolheita di sem vezes maxi tamé".Jezu fla otló kua, Ê klama ni voze alto:" Ngê ku té ouvidu pá pó tendê, têndê.⁹¹⁰Anton iné dixipulu punté kê kua ku parabola sé ká flá. 10 Jezu flá:" Nansê lesebé plivilegio di sêbê mistério di lênu di Desu, Magi otló nguê ka bi sá xinadu pló di parábolas, di modo sê pia, iné na ka pó piã fá, iné ka kuta maji na ka plesebe fá´.¹¹¹²¹³Isé sá siginifikadu di parábola: ximenti sá palavla di Desu. 12 Ximenti ku kê ni stlada sá iné ku têndê, maji diabo kabi ka lanka palavla ni konslon diné pá inén na kélé, axén iné na sa saluvu. 13 Ximenti ku kê ni tela ku té budu sá iné ku ka têndê palavla, ka lesebe ku gosto, maji na ka té raiji fá. Iné ka kélé uwã tempu maji óla kabi plovason iné ka desvia.¹⁴¹⁵Ximenti ku kê no mé di espinhu sá mó nguê ku têndê plavla, maji kada vê ku ê ka segui vida dê ê fó sufokadu plo mé di likeza ku prazeres di vida sé, zó iné na produzi fluto. 15 Maji ximenti ku kê ni télá buadu sá mó nguê ku, sinselu ku konson buadu, têndê palavla, galé ku flimi zó ploduzi flutu ku ka permanese.¹⁶¹⁷¹⁸Niã nguê ka sendê uwã kanja ka kubli ku uwã vazu né ka pé ni baxo di uwã kama. Ni kontlalio, ka pé ni liba di uwã mesa, axén, tudu nguê ku ka lentla ka bé kanja. 17 Punda tudu kua ku sá kondidu ka bi sá reveladu, zó tudu kwã ku sá segledu ka bi sá kunxidu ni luji. 18 Anton kuta ku xa di kuidadu, punda isé ku té, maji ka bi té, maji isé ku na té, anté isé ku ê ka pensa ku té ka bi sá tiladu.¹⁹²⁰²¹Antón men ku manu di Jizu bi anté Elê, maji iné na konsigi ploxima dê punda xô di mutidón tava ni votá dê. 20 Zó flá elé: " mé bó ku iné manu bó sá na la ni bodo di fola ska guada pá pia bó". 21 Maji Jizu flá iné: " Mému ku iné manu mu sá iné ku ka têndê palavla di Desu zó ka platika".²²²³Tempu vala uwã dja, Jizu ku disipulu dê lentla nwa vapo, zó Jizu fadê iné: " bamo da otló bodó di lagu". Antón iné bé. 23 Maji, iné tava ka navega, Jizu dumini zó uwã tempestadi di ventu forte atingi uwã lago só vapó tava ka za di auã, iné tava ni glavi pligo.²⁴²⁵Disipulu di Jizu bé anté Elê zó kódê:" Messe, Messse, nó sá guase molê!´Ê koda, lependé tempestadiku leva di agua, suba vala tudo kua fika kalma. 25 Antón Ê flá: " anji fé di nansê sa né? " Iné tava ku temor ku admirason, fla uw;a da otlo: " Kêngê sá isé, ku ka manda ni ventu ku awã, zó iné ka obedese.²⁶²⁷Iné bé ni vapo bá oltlo region di gerasenos, ku ka fika ni oltlo ladu di lago di galileia, 27 Ilá Jezu piza ni tela,uwã seto homen di poson be ba lêlê, homen sé tava xa di demio. Nhó di tempu ku êlê na bixi lopo zó na vivê ni ké fá, maji ni selpuko.²⁸²⁹Olá ê bé Jesu, ê gritá plosta ni wê Dê. Ni vozé alto ê flá: " Kê kuâ ku té ku bó, Jesus, mina di Dêsu altissimo? Gá implorá bó, ku na tormentamu fá". 29 Punda Jezu tava ka ordena suplitu susu ku xê ni homé ku, yô vê, ta ka poderá dê. ê tava ka fika ni kolenti maladu ku grilhões, guada tava ka toma konta dê, ê ka kebla korente zó demono ka bé kuê ni diserto.³⁰³¹Anton Jizu punté elê:" Kali sá nomi bó?" Ê flá: "Legião", Munda yô demono tava ka lentla né. 31 Iné tava ka isuplika da Jisu pé na manda iné da abismo fá.³²³³Uwã manada glange di ploko tava nala, ka komé ni kolina, demono tava ka implorá pa iné pó lentla ni ploko. Ê permite ku iné ka lentla ni ploko. 33 Antón demono xê ni homen zó lentla ni ploko, Antón manada di ploko xe kolê lentla ni lago foga tudu axi.³⁴³⁵Ola iné homen ku tava ka toma konta di ploko pia kuasé, Iné fugi fla ni campu ni ponso tudu kua. 35 Ngê ku têndê kwã sé bá pia kua ku akontese, olá iné tava petu di Jizu, Iné homen sé ku demono xé né. Omén tava ku lopa, ku menti buadu, tasandu ni pé di Jizu, iné olá bé kua sé fika pletubadu.³⁶³⁷Iné ku pia kua ku da ku Jizu, konta otló kuma omén ku tava xa di demono fo saluvu. 37 Tudu ngê di liguê di gerasenos ku bodo pigi Jezu pé bé dê ni omé dinén, Punda iné tava ku iô di mendu. Antón Jizu lentlá ni vapó zó bé dê.³⁸³⁹Omén ku demono xê né loga Jizu pé pó bé ku Jizu, magi Jizu mandê bé dé, flá: 39"Bé ni kê bó fla kuã ku dêsu fé dá bó". ê xigui kamia dê, ka fla ni tudo poson kua ku Jizu fé ni vida dê.⁴⁰⁴¹⁴²Ola Jizu leglesa, multidon lesebé ku yô aleglia, punda iné tava ka guadé. 41 Nalá tinha uwã homen di nomi Jairo, ku sá uwã lider di sinagoga. Jairo plosta ni opé di Jizu zó imploré pé pó bé kuê ni kê dê, 42 Punda filha dê unika, di doze anos, ta ka molê. Jezu tava ka bé, multidon taka ka plemé.⁴³⁴⁴Uã muala ku dozé anos tava ka soflé di fluxo di sangui tava ni mé di multidon. ê tinha gastadu tudu gelu ku ê tinha ku medico, magi newuã dê judê pé pó fika kuladu fá. 44 ê bi ni tlaxi di Jizu, toka ni bodo di loupa di Jizu anton ni olá sé mé sangui munja.⁴⁵⁴⁶Jizu flá: " Kengue tokamu?" Tudo ngê nega, Pledu flá: "messe, yô ngê sa nai ka peta Sun". 46 Maji flá: ' Kua kuli ngê to ka mu, un sebê munda podê xê ni ami".⁴⁷⁴⁸Ola mualá pia kuma ê na poje kondê di kua ku ê fé, ê plosta ni opé di Jezu zó deklará ni plesensa di tudo ngê ku ku fé toka ni Jizu mó ê fó kuladu ni ola sé mé. Antón Jizu flá: " mina, fé bó kula bó. Bé ni paji".⁴⁹⁵⁰Jezu tava ka fla antaó, uã ngê bi di kasa di líder di sinagoga, flá: " Na komoda messe fá. Mina bó molésa". 50 Olá Jizu têndê kua sé, flá Jairo: " Ná témé fá. Maji kêlê mina bó ka bi sá salva".⁵¹⁵²⁵³Ola Jizu xiga ni kê, Ê na desá ku niwã ngê lentla kuê fá, nansé Pedlu, Zon ku Tiago, Ku Pé ku Mé di mina. 52 Tudu ngê tava ka sola ku lamenta plovia di mina, maji Ê flá: " Na solafá. mina na moléfá, ska dumini". 53 Iné li dê ku gosó, punda iné sébé ku mina mólé.⁵⁴⁵⁵⁵⁶Jizu pega ni mó di mina zó klama flá: ' Mina, lanta". 55 Suplitu dê bi otló vê lentla nê zó ê lanta olá sé mé. Jizu flá pá pó dé kua di komé. 56 Pé di mina tava pantadu, maji Ê flá na konta nada xi ku da naifá.

¹Jizú samá inen dôzê, só dá inen pôdê ku atolidaxi ni liba di tudu dêmônô, ku pôdê pá inen pô kula duêntxi. ²Ê manda inen bá plegá Lenu di Desú só pa inen kula inen dwentxi.³Só ê flá Inen: "Ná bê ku nadaxi ni viaji, nê kajadu, nê jibela, nê pôn, nê gêlu, nê uã tuniká amaxi. ⁴kwakwali kê ku nansê ká lentlá, mundjá nála anté nansê ká xê ni lugê sé.⁵Olá ku uã kê na lêsêbê nansê fá, olá nansê ká xê ni poson sé, nansê ká saguli puêlá ku sá ni ôpé nansê pê pó bilá sextemunhu dá inen ungê sé". ⁶Só inen ká bê ni vila, ká flá di nova sé ká kula ungê ni tudu lugê.⁷Só Helodi, ku sá tetlaká, têndê tudu kua ku tava ká pasá só ê fiká dimiladu, pundá uã ungê táva ká fla ku Zon bBatista lesusitá di motxi. ⁸Iné ôtlô ungê tava ká flá ku Elias plásê, ôtlô dinen flá ku uã dinen plofetá di tempu bí vidá. ⁹Só Helodi, flá: "Zon ami mé manda pá a kóté piskôsô, anton kêngê sá isé ku nansê ixká flá inen kwa sé?" Zawo Helodi tava ká gôlô modu di bê Jizú.¹⁰Olá inen dêzê apoxtulu ku Jizú manda votá, Inen flá Jizú tudu kwa ku inen fé. Sósó Jizúbê ku inen bá uã poson ku ká sama Betsaida, ¹¹Maxi inen pôvô ku têndê kwa sé têmbété xigi Jizú. Só Ê tomá inen tudaxi, só Ê fla di Lenu di Desú só ê kula inen sé ku tava ká plixizá kula.¹²Olá kwa tava ká fika notxi inen dôzê bi lêlê Jizú só inen flá: "manda ku inen ungê sé bá ké, di môdu sé inen ká pô bá vilá ku lugué petu dála pa inen pô kontla lugê pá inen tá, ku kumé pa inen pô kumé, pundá lugê sé ku non sá ná tê nadaxi fá. ¹³Maxi Jizú flá inen: "Dá inen kwa pá inen pô kumé". Só inen flá: "Non ná te maxi ku xinku pôn ku dôsu pixi, kaposá ku non ká kompla kumé dá inen tudaxi". ¹⁴(Tava nalá uã xinku mili ômé). Anton Jizú flá inen dixipulu Dê: "Fé inen tason ni glupu di xinkwentá ungê".¹⁵Sósó inen fé mô Jizú mandá só tudu ungê tason. ¹⁶Só Jizú pegá xinku pôn, ku dôsú pixi, só Ê bilá wê bá ôsé só Ê bensuá, só Ê patxi só dá inen dixipulu pá inen pô lépatxi dá multidon. ¹⁷Inen tudaxi kumé satifêtu só inen xá dôzê kwali ku kumé ku soblá.¹⁸Zawo Jizú tava ká fé olason sosegadu só inen dixipulu tava ku Ê. Anton Ê puntá inen: "Kengê inen pôvô ká flá ku Ami sá?" ¹⁹Só inen kuji: "uã uã dinen ká flá ku Bô sá Zon Batista, ôtlô ká fla ku bô sá Elias ê tê ôtlô ku ká flá ku Bô sá uã dinen plofetá di tempu ku bi vidá".²⁰Só Ê fla inen: "Maxi kengê nansê ká flá ku Amoi sá?" Só Pedlu kuji: "Bô sá Klixtu di Desú". ²¹Zawo Jizú sáma tenson dinén, pa inen ná flá kwa sé dá niuã ungê fá, ²²só ê flá: "Sá Plexizu ku Mina di Ômé ká soflê inen kwa sé, inen Ansion ká bi zetá Ê, inen mésé di inen sasedotxi, ku inen isklibá, Ê ká môlê maxi ni têsêlu djá ê ká bi vida".²³Xi uã ungê bi lêlê Mu, sélá ê négá vida dê, tomá klusu dê tudu djá só tá ku ami. ²⁴Isé ku mêsê stlavbá vida dê ká plêdê, maxi isé ku ká plêdê vida dê plovia Mu, ká stlavá vida dê. ²⁵Kê plôvêtu tê uã ungê ku ká nganha mundu ntelu, só plêdê vidá dê mé?²⁶Isé ku ká tê vlegonha ji Mu ku palavla Mu, Miná di Ômé ká bi tê vlegonha dê olá Ê ká bi ni glolia Dê, ku glolia di Pé Dê ku dinen santu anzu Desú. ²⁷Védémé Ami ká flá nansê, ê tê uã uã di nansê ku sá nai ku ná ká bê motxi ku wê fá anti ku lenu di Desú ká xigá.²⁸Zawo, ôtô djá vala olá Ê fla kwa sé, Jizú bé ku Pedlu, Zon ku Tiagu só inen subli bá montxi bá fé olason. ²⁹Olá Ê tava ká fé olason, kala Dê bila ôtlô, lôpá Dê bila blanku ká luji.³⁰Zawo dôsú ômé tava flá ku Ê, Musé ku Elias, ³¹Inen plasê ni uã glolia ku ká luji. Inen tava ká fla di patxida di Jizu ku tava pétu di kontêsê ni Jiluzalen.³²Pedlu ku inen ku tava ku Ê iné tudu tava bébédadu di sonó, olá inen kodá, inen bê glolia di Jizú ku inen dôsú ômé ku tava ku Ê. ³³Olá inen ômé tava ká xê ni wê di Jizú, Pedlu flá: "Mésé ê, ê sá bwa non sá nai. Ban fé tlexi tendá, uã dá Bô, uã dá Musé, ôtlô dá Elias". maxi Pedlu ná tava sêbê kua ku ê tava ká flá fá.³⁴Olá ê tava ká flá kua sé, uã nuven bi só kubli inen ku sombla dê, Inen fiká ku mendu olá inen lentla ni nuven. ³⁵Sósó uã vozu xê di nuven, só flá: "Isé sá Mina Mu, Isé ku sá Kôidu; bili olha têndê kua ku Ê ká fla nansê". ³⁶Olá vozu sé palá, Jizú tava Êlê tan. Inen fiká sosegadu ná fla nadaxi fá só ni inen djá sé inen ná flá nadaxi dá niuãngê di kua ku inen tava ká bê.³⁷Sósó, ni djá xigintxi, uã glanji multidon bê inen olá inen tava ká bi di montxi. ³⁸Uã ômé ku tava ni multidon glitá, só ê flá: "Mesé ê, un ká logá bô fen favôlô pia miná mu, pundá un tê ê tan. ³⁹Zawo ê uã suplitu ka bi nê só ê ka tomá santu, só ê ká glita, ká tlêmê antê ku xipuma ká xê ê ni bôká. Suplitu sé ná mêsê xé dê, ê ká pankadê lumadu. ⁴⁰Un piji inen dixipulu Bô pá inen txilé, maxi inen ná poji fá.⁴¹Zawo Jizú kuji ê, só flá: "Kê gelason sé ku ná kêlê ku sá pevetidu, antê kê djá kun Tá ku nansê pan pô supôtá nansê? Bi ku miná bô nai". ⁴²Zawo olá a tava ku bi ku anzu sé, demônô lentla nê sugê ni son só ê tava ka tomá santu ká tlémé ku xipumá ni boka. Maxi Jizú kôlê ku suplitu mau ku tava nê, anzu tava kuladu só Jizú tlegá mina dá pé dê.⁴³Tudu ungê tava dimiladu di bê klandesá Desú. Maxi ni momentu ku tudu ungê tava ká dimilá ku tudu kua ku Jizú fé, Ê fla inen dixipulu Dê: ⁴⁴"Bili olhá pá nansê têndê palavla sê: "A ká bá ntlegá Miná di Ômé ni môn di ômé". ⁴⁵Maxi inen dixipulu Dê ná têndê palavla sé fá, kwa sé a kubli dá inen, pá inen ná tende fá. Sósó inen tava ku mendu di puntá Ê kê kua kua sá palavla sé.⁴⁶Anton inen dixipulu tava ká klonvesá kwali dinen sá maxi tamé di inen tudaxi. ⁴⁷Zawo Jizú tava ká sêbê kua ku ien tava ká pensa ni kloson, sósó ê toma uã anzu pê ni zuntu dê, ⁴⁸só ê fla: "Xi uã ungê lêsêbê anzu sé ni nomi Mu, ê tembêtê ká lêsêbê Mu, Xi uã ungê ká lêsêbê Mu, ê tembêtê ká lêsêbê Isé ku manda Mu. Pundá isé ku sá piquiná ni ômé di nansê, isé só ku sá glanji.⁴⁹Zon fádá Jizú: "Mesé ê, non bê uã ungê ká kôlê ku demônô ni nomi Bô, pundá kê kua ê na ká xigi Bô ku non" ⁵⁰Maxi Jizú fadé: "Na impiji ê fá, pundá ungê ku na sá kontla nansê ê sá ku nansê".⁵¹Zawo, olá tava ká xigá djá di Ê subli bá ôsé, Ê plifia pá ê bá Jiluzalen ⁵²só Ê manda mensajelu bá ni wê. Só inen lentla ni uã vila di samaia pa inen pô lumá kwa dá vindá Dê. ⁵³Maxi Inen ungê dá lá na lêsêbê Jizú fá, pundá wê dê tava flimadu Pê pô bá Jiluzalen.⁵⁴Zawo olá inen dixipulu dê ku sá Txiagu ku Zon bê kwa sé, só inen fla: "Sumuê, Sun mêsê pa non manda bi fôgô d'ôsé pa matá inen?" ⁵⁵Maxi Jizú bila dá inen só Ê lêplêndê inen. ⁵⁶Só ine fô bá ôtlô vila.⁵⁷Zawo olá inen tava ni caminhã, uã ungê flá Ê: "Un ká bê ku Sun ni kwali kwa kamiã ku Sun ká fô". ⁵⁸Só Jizú kuji ê: "Inen lapoza tê toká anji uinen ka tá inen bisú d'ôsé tê ninhu dê, maxi Mina di Ômé ná tê uã kamiã pê pô pê kabésa."⁵⁹Zawo Ê fla dá ôtlô ungê: "Xigi Mu". Maxi ungê sé kiji: "Sumuê, desamu bá ntelá pé mu plumê". ⁶⁰Zawo Jizú flá: "Desá ku inen ku motxi ntela inen motxi dinen, maxi bô, bi flá ni tudu lugê wa ku toka Lenu Desú".⁶¹ôtlô Ungê tembêtê flá: "Ami ká bá xigi Bô, Sumê, maxi desamu bá dipiji dinen ungê di ké mu plumê". ⁶²Maxi Jizú fla: "Niuãungê ku, ká pê môn ni nxádá só ká bila wê bá tlaxi, na ká dá ni Lenu di Desú".

¹²Zó Sun numia ôtlô setenta mandinén, di dôsu dôsu, ni wê Sun di ba tudu poson e luguê angi Ê ta mêsê bé. 2 Fadinen," kampu koiê sa glangi, tlabadô sa pôkô, só , só, só logo Sumu de kolheta, pê manda inen tlabadô pla kolhêta Dê.³⁴Bé! U ska manda nansê mó kaneru ni ômê lôbô. 4 Na bé ku nêwã saku gêlu, nê mala viage fá, nen sandalheti fá e vala tudu ngê ni stlada sê fla mantxãn.⁵⁶⁷Ni kwali ké ku a ka lentla fla plume, Paji ka sa ni ké sé. 6 Xi nai tê mina de paji, paji nansê ka fika nê, maji, xi ê na sem fa, ê ka bila ba nansê. 7 Tá ni ké, sé mé, kumé bêbê di kwa ku ka tê, punda tlabadô toka lêsêbê pagamento dê. Na fika ka muda di ké ké fá.⁸⁹Ni kwa kwali poson ku nansê ka léntla, xi a lêsêbê nansê, kume kwa ku a ka pê ni wê nansê. 9 kula inen ku ska doêxi nala. Fadinen, Lénu di Dêsu sa xiga da nansê.¹⁰¹¹¹²Maji, ni kwa kwali poson ku nansê ka lentla, xi nansê na sa lêsêbidu fa, nansê ka xê lua fla: 11 Antê puila di poson nansê ku sanu opé non, non ka saguji kontla nansê! Maji sêbê isé, ku Lênu di Dêsu ska xiga. 12 Nga fla nansê kuma, já julgamentu, pla sôdôma ê ka bi sa maxi lêvê dôkê poson sé.¹³¹⁴¹⁵Ai di bô, korazim! Ai di bô, Betsaida! Punda, xi inen milagli ku fô fedu ni nansê ka sa fedu ni tiru ku Sidom, inen ka lêmpêndê tê dja já tasondu ni liba xindja, ni panu di saku. 14 Axén maxi toleransa ka sem pla tiru ku Sidon ni zuizu dokê pla inansê. 15 Bô, kafarnaun, bô kunda ku bó antê basu, ni nfénu.¹⁶16 Inén ku ka têndê nansê, ka têndê Mu, Ngê ka zeta nanse, ka zeta Mu, inen ku ka zeta Mu ténbéten ka zeta ixi ku manda Mu bi."^1718192017 Inen setenta dosu vila ku gostu, ka fla: Sumu ê, antê demóno vlega da nome Sun, 18 Jizu fadinen: U bê satanaji ka kiê dósé mo mia miâ. 19 U da inansê podê di potó kóblo ku iskulpion,. 19 U da inansê pôdê di potó kóblo ku iskulpion, ni liba tudu podé numigu, nadaxi naka pô ku nansê fa. 20 Pluntantu, na tê gostu punda inén suplitu obêdêsê nansê fa, maji tê maxi gosto punda nomi di nansê sa sklêvidu nósé."²¹21 Ni ola sé Ê fika ku gosto ni Suplitu Santu, ka fla: Nga louva bô, Pé, Sumu dósé di téla punda bô kondê inen kua sé da inén sêbêdo maji bibiê da inén ximple mo anzu yôxi, Pé mu, punda axén so buado Sun.²²22 Tudu kua sé Pé Mu fê ni món Mu, newã ngêna kônsê Mina xi ê na sa plopi Pé fa, i newã ngê na kônsê Pé xi nasa plopi Mina fa, i ixi ku Mina mêsê munsa".²³²⁴Zó, bila da inen dixipulu Ê fla inen patadu." Bem sa ixi ku ka bê kwa ku nansê ska pya. 24 Punda Nga fada nansê yô plofeta ku alê ta mêsê bê kua ku nansê ska pya, maji inén na pôji bêlê fa, têndê kwa ku inansê ska têndê, inén na têndê fa".^2526272825 E uã sêtu mêsê da Lê judaika lanta di plapé ka flá: " Mêsê kê kwa ku nga pô fé di leda vida pala sempla? 26 Jizu fadé" kê kua sa sklêvidu na Lê? Anton ê kuji: Ama Sumu Dêsu bô ku tudo kloson, ku tudu alima bô,tudu fósa bô, ku tudu pensa bô, ama ploximu mó bô mé."28 Jizu fadé: Bô kuji sêtu axi, Fé kugi sêtu axi, fé axén bô ka vivê."²⁹³⁰Maji mêsê ta mêsê justifika, ê punta jizu:" ké ngê sa ploximu mu? 30 Jizu kugi ê : Sêtu Sun kê ta ka dêsê de Jerusalém ba Jerikó, ê kiê ni món di inén ladlón ku futé tudu kua dê, dé pankada dêsê kua ji molê.³¹³²Ê na tadafa uã sasédotxi tava ka dêsê ni stlada semé, ola ê bêlê, ê fé mo ngê ku nabêlê fa, bé dê, 32 Di modu sé mé uã livita, óla ê xiga atê lugue sê bêlê, elê tém fé kua sé mé.³³³⁴³⁵Maji uã samalitanu tava ka dêsê di stlada sé óla ê bêlê, ê xa di kompaxõn. 34 ê ba zuntu dê, labé flida blóka zêtê ku vim pê. Ê pê ni liba basu ku ê tava ka bé nê, bé kouê uã ospedalia sêbê dê. 35 Plama bibli ê txila dôsu zêlu, dinen ospedêlu fla, toma konta dê damu, e kwa kwali kwa ku ka fata, óla nga Mga pagá.³⁶³⁷36 Kali di inén tlêxi sé, ni ópóniõ bô fô ploximu di ixi ku kiê ni món di inén ladlón ê? 37 Mêsê dalê fla:" Ixi ku usa de mixikoji ku ê. Jizu fadê: Bé fé kua sé mé."³⁸³⁹Ni viaji di Jizu ku inén dixipulu, inén lentla ni uã vila, uã setu muala ku ka sama Marta lêsêbê ni ké dê. 39 Ê sa ku uã mana ku ka sama Maia ê tasón ni opé Sumu ka têndê palavla Sun.⁴⁰⁴¹⁴²40 Marta tava xa di kupason ni kumê de fé pa stlivi. Ê bi antê Jizu, fadê:" Sumu ê , Sun na pota ku mana mu ka dêsa mu stlivi tãn fa? Fadê pê bi zuda mu. 41 Maji Sun kugiê, fla:" Marta, Marta, bô sa vugu ku yô kwa, 42 maji uã kwa tã sa plexizu. Maria kôiê ixi ku sa maxi bua, i patxi sé nêuã ngê naka pô txilé fa.

¹Kwa sé dá, ola Jizu tavani uã kamia ka flá láson, kwaji kabá uã dinen discipulu Dê fadé:" Sumu ê, xina nón flá lason,axen módu Zon xina discípulu dê."²Jizu fada inen: "Ola nansê ka fla láson, a ka flá " Pé , santifikadu sa nomi Sum,bi ku lênu bô.³Dá non pon ku non mêsê tudu djá. ⁴Podá pékadu non, axén módu non ka póda ôtlo ngê ku klupa dê. Livla non ni tentason!"⁵Jizu flá inen " kênguê ni ômé nansê, xi nansê tê uã migu bá lêlê meia nôtxi, fla:" Migu ê, plêsa mu tlêxi pon, ⁶Punda uã migu mu xiga miôlé di viaji na tê nadá xi pen pô dé fa; ⁷Isé ku sa clêntu ka kuji: Ná komóda mu fá, pótó sá fisádu zá inén mina mu ku ami sá kama zá. Ná ka pôji lantá da bô fa. ⁸Ngá fla nansê: Axén mé ku ê na ká pôji lanta di tanda bô pón fa punda á sá migu, axén antawó ê ka bi lantá plôvia di inkómudu ku tema, da bô tudu pón ku sa plixisu.⁹Ami tembeté nga fla nansê: piji á ka bi dá nansê, gôlô nansê ká bi bêlê, batê á ka bi bilí da nansê. ¹⁰Punda tudu ku nansê ka piji, a ka lêsêbê, ku a ka buká, a ká bêlê, ngê ka batê, ka bilí da nansê.¹¹kê pé ni ômé nansê, xi mina piji uã pon a k bi dé uã kóbló? ¹²ô xi ê piji uã óvu, a ka dé uã eskôrpinhon? ¹³Sósósó, xi nansê , ku sá máu, sêbê di dá kwa bwadu da mina nánsê, kántu maxi Pé nanê d' ósé ka bi di da nansê Suplitu Santu inén ngê xi ku ka piji Ê fa?"¹⁴Nê uã ôtlo ola, Jizu tava ka spulsa uã dêmônô ku fô mudu, Ola dêmônô xê, mudu fla.Pôvô dimirá! ¹⁵Maji uã dôsu ngê tava ka flá: Sá plô Bêlzêbu, plinspi di dêmônô, só ku Ê ka spulsa dêmônô."¹⁶Ôtlô plépÉ buka Dê uã xináli d'ósé. ¹⁷Maji Jizu, kônsê pensamentu dinén, flá inén:" Tudu lênupatadu kôntla êlê mé ka sa blagadu, tudu ké ká kyê patadu kóntla êlê mé.¹⁸Xi Satanás sá patádu kôntlaêlê mé, kwuma lênu dê ká bi plêmanêsê? Punda nansê fla kuma Nga spulsá dêmônô plô Belzêbu. ¹⁹Xi nga spulsá dêmônô plô Belzêbu,anton plô kênguê nansê ka spulsa xiguidô nansê? Plôvia di isé, inén ka bi sa juxi nansê. ²⁰Maji, xi ê sa plô dédu di Dêsu ku nga spulsá inén démônô, anton Lênu di Dêsu xiga antê nansê.²¹Óla uã ome fótxi, ku sa tudu almadu, ka gwada ké dê plópi, ben dê sa seguru. ²²Maji óla uã ome maxifotxi ka deroté, txilé pingada ka patxi bem dê. ²³I sé ku na sa ku Ami sa kóntla Mu, ixi ku na ka zuntá ku Ami fa, ka wangá.²⁴Ola uã suplitu malígunu ka xé ni uã ngê, ê ka ndá ni luguê ku na bwá fa, góló kansá.Ê na bê luguê sé fa, ê ka fla: Nga bila ba ké mu, andji un bi dê". ²⁵Ê bil, bê ké limpu ni odji, ²⁶Antawo, ê ka bé bila klaga ôtlô sete suplitu maxi piólo, bé kwê ku tudu inén ka talá.Anton, ultimu kondisón di ngê sé, ka bilá maxi piólo dôkê plumêlu vê."²⁷Ê fla inén kwa sé, ê da ku uã muala ni omé pôvô lantá voz fadê:" Benditu sá véntli ku gelá Bô i mama ku mama Bô. ²⁸Maji Ê fla:Antiji, benditu sa inén ngê ku tendê palavla Dêsu ka gwadé."²⁹Óla pôvô ska zunta,Ê kóme´sa ka fla: Gelasón sé sa uã gelason kôlômpidu.Ê ka bukauã xinali, maji ne uã xinali na ka bi sa dadu fa, xi ê na sa xinali diJona fa. ³⁰Punda axén mo Jona bila uã xinali da inén Ninivita, axén tembété Mina D' Ome ka bi sa uã xinali pla gelason sé.³¹Sã Lénha di Sulu ka bi lentla, ni sdlugamentu,zuntadu ku inén ngê di gelson sé ka bi kóndéná nansê,pundaê bi di konfin di telapa ê kuta sêbê di Salumón. yá ku ngê maxi tamé di Salumón sá aí.³²Inen omé di Ninivi ka bi lantá, ni sdlugamentu,ku inen ngê di gelason sé ka bi kóndená inen, punda inén lêpêndê ni wê di plegasón di Jona. Naién ya ngê maxi tamé dôkê Jonas.³³Ne uã ngê, ni lêdê di uã kandja, ka pê glêntu di uã luguê kôndidu, ô básu di uã kwali, maji ni liba di kandilabu, pa inen ngê ku ka lentla pôjibê kâdadji. ³⁴Wê bô sa kandja di klôpô.Ola wê bô sa bwadu, tudu klôpô bô sa ku kédadji.Maji ola klôpô bô sa na sa bwadu fa, tudu klôpô ka sa cha di kúlu. ³⁵Sósósó, tlata pla kédadji ku sa ni bô na sa kulu fa. ³⁶Punda, xi, tudu klôpô bô ka sá cha di kédadji, sê ne uã kamia kulu, tudu klôpô bô ka sá mo di uã kandja, ola kédadji dê ka lumina bô.³⁷Ola Ê kaba di fla, uã falizeu kuvidÉ di ba kumé kwê ni ké dê, anton Jizu bé tomálugué ni méza. ³⁸Falizeu ta dimira mó Êna laba antiji di kumé fá.³⁹Maji,Sum fadé: Nansê falizeu, nansê ka limpa glêntu di kópu ku vazilia,maji glêntu nansê sa cha di gananxa ku kwa ku na bwá fá. ⁴⁰Omé sé sêbê! Mó fala ngê ku fé lwa na fe glêntu ⁴¹Dá inén pobli kwa ku sa glêntu nansê, i tudu kwa ka bi sa limpu ni nansê⁴²Magi ai di nansê, falizeu, ka tanda dizumu di ótelón aruda i d'ôtlô fia, maji ka fé pôkô kazu di justisa ku amôlê di Dêsu.Ê sa plixizu aji ku zustisa e ama Dêsu sê pôkô kazu di ôtlô kwa⁴³Ái di nansê falizeu ama ni plumêlu luguê ni xinagoga ku lispêtôsu kumplimentu ni plasa. ⁴⁴Ai di nansê, punda nansê sa mó di ntelu fingidu, ku ngê ka nda nê,sê sêbê.⁴⁵Uã sétu mésé di alê fadÊ: " Mésé, kwa ku bô fla ska insuta non tembété." ⁴⁶Jizu fla:" Ai di nansê tembeté, mésé d'alê! Punda nansê ka da inén óme kéga ku inen na ka guentá klagué fa, maji nansê na ka pôjii tê, nê ku uã dédu nansê me fa.⁴⁷Ai di nansê, punda a fé túmulu da inen plofeta ku inén nôstempu nansê matá. ⁴⁸Axén, kónkordá ku kwa inén nostempu nansé fé, dinén, nansê sá sestemúnhu; punda inén, ne uã patxi, á matá inén plófeta,e nansê fe túmulu.⁴⁹Pá lazon se tembeté, sêbê di Dêsu flá: Nga mandá nansé plofeta ku apóstulu,uã dinén á ka bi plixgui matá. ⁵⁰Anton, gelason sé ka bi tomá kumplimisu di tudu sangui dinén plofeta, ku kôlê djina fundasón di mundu; ⁵¹Djina Belu antê sanguidi Zakarias, ku fô motxi ni atali ni santialio Dêsu; yóxi, nga fla nansê, ku tudu inen kwa sé ka bi sa kóbladu di gelasón sé.⁵²Ai di nansê, mésédi alê punda nansê tomá sabi di sêbê da nansê; nansê mé na lentla fa antawó nansê na désa ôtlô lentla fa.⁵³Ola Jizu xê nala, inén eskliba ku Falizeu kómesa ka klitiké kuléva ka puntÉ ni lespêtu di yó di kwa, ⁵⁴A fé kwa de modu di pégué ni palavla Dê plopi.

¹Ni óla sé uã data ngê inén tava zuntadu nai, ka da ni liba dôtlô. komesa ka flá, inen dixipulu dê plumê:" kuidadu ku flómentu dinen falizeu, ku sa finjidu.²³Maji nada xi na sé ta padu ku na ka bi sa betu fá i nada xi kôndidu ku na ka bi sa kônxidu fá. 3 Atón kwa ku nansê tava flá ni ólha ni klêntu ké ka bi flé ni liba ké.⁴⁵Maji uã ga flá nansê, inen migu mu, na tê mendu inén sé ku ka mata klôpô maji zó inén na ka pô fé nada xi fá. 5 Maji uã flá nansê kengê nansê toka tê méndu. Mendu ixi ku, ola ê ka mata ê bila tê pôdê di lansa pê n fénu. yxi, Isé sé nansê toka tê mendu.⁶⁷Na ka bêndê dôsu padê kampu plô xintósón fá? Axén mé Dêsu na ka kêsê di nyão dinen fá. 7 Antê kabelu mé di kabesa nansê sa kontadu. Na mendu fá. Mansê ka valê maxi dokê padê kampu.⁸⁹¹⁰U ga fla nansê ku tudu ixi ku ka konfesa ami ni wê dinén omé. mina domé témbété ka bi konfesa ni wê dinen anzu di Dêsu, 9 maji ixi ku ka néga ami ni wê dinen omé, ka bi sa negadu ni wê dinen anzu di Dêsu. 10 Isé ku ka fla uã palavla kontla mina dómé, isé ka bi sá podadu, maji ixi ku ka flá mali kontla Suplitu Santu, isé ê na ka bi tê pedon fá.¹¹¹²Ola a ka bé ku nansê wê dinén mesé ku govenadô na fugu kwa a ka fla fa dêfêndê ô kwa a ka kuji fá. 12 Punda Suplitu Santu ka bi xina nansê ni óla sé kwa ku nansê toka flá.¹³¹⁴¹⁵Anton ningê di povo fadé:" Mesé, fada manu mu pê patxi likêza ku ami." 14 Jizu kujiê: Omé, kêngê fému juxi ô mediadô di nansê? 15 Só só só ê fada pôvô: ton kuidadu ku tudu ganansia ku ka yê nansê punda vida di nungê na ka dêpêndê di bén ku ê tê fá.^16171819Antón Jizu konta inén uã vésu: kampu de uã omé liku da montxi muntu 17 Anton ê pensa: Ami na tê kamya di lôklê tudu kôlheita mu fá. kokwa uga bi fé? 18 Ê flá: Isé kwa uga bi fé uã ga bi blaga alimanzé mu u ga bi fé ôtlô maxi glanji pan pô lôklê tudu inén ukué ku ôtlô bén. 19 U ga bi flá alima mu:" Alima, yô ben bôtê gwadadu pla yô dánu kánsa soségadu, kumé, bêbê légelá bô.²⁰²¹Maji Dêsu fadé: Dôdô! Noitxi sé a bi piji alima bô kwa ku bô tê plivinidu kêngê ka bi fika ku tudu kwa sé? 21 axén sa ngê ku ka lôklê da êlê mé ê na sa liku ku Dêsu fá.²²²³Jizu flá inén dixipulu dê:" plutantu U ga flá nansê nansê nansê ka bi bixi. 23 Punda vida sá maxi dokê kumé i klôpô sa maxi do kê bixi.²⁴²⁵²⁶Pia korvu Inén na ka ximya nê inén na ka koyê fá. Inén na tê dispensa nê selêru fá, maji Dêsu ka da inén kumé. Kantu maxi nansê. 25 Kali nansê ku, plô sa kióla, ka pô klesenta uã kôvadu vida dê? 26 Antón xi nansê na sa kapaji di fé nê kwa txokó fa, ka manda nansê ka vugu ku ôtlô?²⁷²⁸Pia liriu mó inén ka klêsê. Inén na ka tlaba nê fia. Andejimé u ga fla nansê ku nê Salumon mé ni tudu gloya dê, ê bixi mé di uã dinén 28 X i axén Dêsu ka bixi aliba di kampu ku ozé sén amanhã sa zugadu ni fonó, Ê ka bi bixi nansê maxi, inén omé di pokô afé.²⁹³⁰Na buka kwa kumé ô kwa bêbê fá, na ta kiola kiola fá. 30 Punda tudu, nasón di mundu, inen ka buka inén kwa sé pé pô sêbê ku nansê ska plixiza di kwa sé.³¹³²Maji buka Lênu dê inén kwa sé ka bi sa klesentadu 32 Na tê méndu fá, lebanhu txoké, maji ê sa vonté di pé dá nansê lênu.³³³⁴Bendê ben nabsê dá inén póbli. Fé saka da nansê ku na ka bila vé fá, likêza ku na ka kabafa ninen ósé, anji inen ladrón na ka xiga nê fêluza na ka kaba kuê fá. 34 Punda anji likêza nansê ka sa, nê témbété klósón nansê ka bi sa nê.³⁵³⁶Désa lôpa nansê plésu ku xintu plontu pa stlivi desa inen kanja ka lêdê. 36 Sa me inen ngê ku ska guada mésé dê di bi fô Lésa di kazamentu, da óla ku ê ka xiga batê, inen ka bili potó mê da ola.³⁷³⁸Ben sa selivi sé ku a bê inen ka gwada óla sun ka bi. Vêdê vêdê mé uã ga flá nansê ku ê ka bi mala inen lôpa dê lôngô ni xintu, ê ka fé inen tasón kumé , ê ka bi stlivi inen. 38 Xi Sun fora dóla ô mua nôtxi ê ka bê inen plantu, antón inen selivi sé ka bi sa bén.³⁹⁴⁰Lémbla témbeté xi Sun di ké ka sêbê óla ku ladlón ska bi, ê na ka désa kebla ké dê fá. 40 Nansê témbété ka sá plivinidu, punda nansê na sêbê óla ku mina domé ska bi fá".^41424344Pédu flá:" Sumuê, sa ska konta vésu sé dá nón tanga ê natan ô témbété da inén tudaxi? 42 Sumu flá:" Kê admistradô fieli sabiu ku sun dê desé toma lê konta dinen kliadu di dá kumé ni óla setu? 43 Selivi sé sa ben ku Sun dê ka bêlê ka fé isé óla ku ê ka bi, 44 Vêdê vêdê mé uã ga flá nansê ku ê ka bi desé toma konta di tudu bendê.⁴⁵⁴⁶Magi xi selivi sé fla ni klósón dê: Sun mu ka tada di bi xi ê komesa ka batê ninen selivi ka kume, ka bêbê, ka bébéda, 46 Sun di selivi sé ska bi ni uã dja kuê na ka gwada fá, ni uã óla ku ê na sêbê fá, ê ka bi kastigé ka pê ni uã lukê ku inen ku na ka kêlê fá.⁴⁷⁴⁸Selivi sé ku ta sêbê di vonté di Sun dê ê na plivini ô fé kwa vontê dê fá, ê ka bi sa kastigadu ku yô pankada. 48 Maji ixi ku na tava sêbê fá maji fé kwa ku toka kastigu, ka bi sa kastigadu ku pôkô pankada ixi ku a da montxi a ka bi pijiê uã data ixi ku a da montxi, muntu maxi a ka bi pijiê.⁴⁹⁵⁰U bi lansa fôgô ni tela mó uã mêsê ku ê ka sa lêdidu sá. 50 Maji u tê uã butismo kun ga bi sa butxizadu nê mó u sa ngustiadu antê ê ka bi kumpli.⁵¹⁵²⁵³Nansê kunda kun bi ku paji ni téla? U ga flá inon, u bi ku divizón. 52 Di miolé ba wê xinku kabi sa ni uã ké divididu, tlexi ngê kontla dôsu i dôsu kóntla tlêxi. 53 Inén ka bi sa divididu, fé kóntla mosu , mosu kóntla pé, mén kóntla mina, mina kóntla mén, stlóga kontla nóra nóra kontla stoglá.⁵⁴⁵⁵⁵⁶Jizu témbété tava ka flá, óla nansê ka bê uã nuven ka bi di oesti, mêdaóla nansê ka flá: Ê ka bi sêbê, ê ka bi sêbê, ê ka sêbê. 55 Ola ventu di sul ka sopla, nansê ka fla: ka bi akontese uã kalalo mo di brasa, zo ka akontese. 56 Finjidu, nanse sebê sepala sinali di tela ku ose, kuma nanse na sebe sepala kwa ku eskada ni tempu di hozé?⁵⁷⁵⁸⁵⁹Kua manda nansê na ka julga kua ku sa justu da nansê mê? 58 Ola bó ka bé ku adversário bó ni wê di magistradu, esforsa pa bó pó resolver demanda ku ele ni kamiã, páê na pó ê ku bofa da juiz, zó juiz ka manda bó da guada de kaja zo guada di kaja ka pé bó ni kaja. 59 Un ga fla bó di niã modu bó ka bi shé dala antiji bó na paga tudu gelu.

¹²³Ni ola sê uã dôsu ngê fla Jizu dinén galilêu kuma sangue Pilatu tava zuntadu ku saklificiu dê plopi. 2 Jizu fadinén:" Nansê kunda inén galilêu sé sa maxi pekadó dôkê tudu ôtlô galilêu punda inén suplitu di módu sé? 3 U nga fadinansé mó Maji xi nansê na lêpêndê fa, tudu nansê ka bi plêdê di modu sémé.⁴⁵Ô inén déxi ku wôtô sé ku tôli de silué kéê libla dinén mata nansê inén sa maxi kulpadu dokê inen Jelusalém? 5 Nga fada nansê ynõ. Maji xi nansê na lêpêndê fá, tudu nansê ka bi plêdê.⁶⁷Jizu fla inén vézu sé:" Ua ome tava ku uã ópé di figuéla ximiadu ni kampu dê. Ê bi gólo kumé ni figuela sé ê na bê fa. 7 Antón ê fla ngê ku ka tlaba kampu: Pia, tlêxi anu já kum ska goló kumé ni figuéla sé na ska bé fa. Koté! punda ka manda nón ska dêsé supa tela se plovêtu.⁸⁹Ê kugi:" Désé anu sé, nga ba tlabé aduba. 9 Xi ê na da kumé ni anu ku ka bi fa. Dai vévé, a ka koté.¹⁰¹¹Só,só,só, Jizu tava ka xina ni wa Sábadu. 11 Uã muala tava nai ta ka doentxi dexi ku wôtô anu za, ê tava vlêgadu nê modu munja.¹²¹³¹⁴Jizu bêlê, xamé fla:" Muala, ba sa livli de duêntxi bô. 13 Ê pê món ni liba dê ni, óla sé mé ê fika flima ka da Dêsu glôia. 14 Maji, inén xefi di sinagoga fika ku léva punda Jizu kulé ni Sábadu. Anton xefi fla multidón ku tava nalá: sêxi djá sem di tlaba. Bi kula ni inén já sé, maji Sábadu fa".¹⁵¹⁶Sumu kugi fadê: Fingidu! kuali nansê, naka sota jumentu ô buê ublua de bêbê awa ni Sábadu fa? 16 Anton, mina sê de Ablôn, ku demono pê plezu dexi ku wôtô anu, na toka sa livli ni djá di Sábadu fa?¹⁷Óla Ê fla kua sé, tudu dinén ku tava kontla Êlê fika ku vlêgonha, maji ntêlu fika ku gôstô ku aleglia di tudu kwa buadu ku Ê tava ka fé.¹⁸¹⁹Só só só, Jizu fla inén:" kê sa mó lênu di Dêsu, kuma nga pô flé? 19 Ê sa mó ukmé di monstarda ku uã omé toma ximia ni kampu dê, ê klêsê bila mêmê pó inén bisu dócé fé kama ni manga dê.²⁰²¹Só ,só, só: Jizu bila fla inén: Lênu de Dêsu sa mô ké kwa? 21 Ê sa mó flomentu ku uã muala toma zunta ku tlêxi migido di fanha antê inén tudaxi fika flomentadu.²²²³²⁴Jizu tava ka fé vigita ka xina ni kada poson ku vila ni stlada ka ba Jeluzalém. 23 Uã ngê puntê:" Sumu ê, pôkô ngê tã ka stava? só, só,só Jizu fadinén: 24 Gola modu pa nansê lentla ni poto petadu, punda nga fla nansê ku yô ngê ka bi golo lentla maji inén noka pôfa!²⁵²⁶²⁷Punda donu ké ka lanta fisa fótó, só inén ka fika lua ka batê pótó ka fla: Sumu, Sumu, dêsa nón lentla!" Ê ka fla inén: Ami na konsê fá nê luguénansê fá. 26 Anton inén kabi fla: Nón tava ka kumé bêbê ku bô, Bó tava ka xina nón ni kantxin kantxin." 27 Maji ê ka bi kugi: Nga fada nansê ami na sêbê kamia mane sa dê fá xê fé mê mu nansê ku ka fé injustusa²⁸²⁹³⁰Ni a ka bi sola kume dentxi, ola ka bé Abrõ, Izaque, ku Jacob ku inén plofeta ni lênu de Dêsu maki nansê ni luã. 29 Pôvô sa di bi di oriente, ku ocidentxi, di matxi ku sulu, ka bi toma lugue nansê ni meza ni lênu di Dêsu. 30 Vedemé inén sé ku sa tlaxi ka bi sá plumê ku sa plumê ka bi sa.³¹³²³³Ni ola ua dôsu Falizeu pozê Jizu, fadê." Xê dai bé Bô, punda Herodes mêsê manta bô". 32 Ê kugi:" bé fada lagaia sé: Nga bi tlila démóno kula povo hozé maji amanhã, ni tlêxi dja ami ka plontu!. 33 Maji, sela nfê oze, amanhã ku amanhã pasa, punda nywa plofeta na ka pô môlê londji Jeruzalém fá.!³⁴³⁵Jeruzalém, Jeruzalém, bô ku ka mata inén plofeta bila zuga ku budu inén ku a manda da bô! Quanku vê ami ta mêsê zunta inén mina da bô mo nganha ka zunta inén pinta dê ni basu aza dê, maji nansê na mêsê fa. 35 Só só só kê nansê ka ba mo kampu azêtã. Ami ka fla nansê kuma nansê na ka bila bê ma pa antê a ka fla: Bendito ixi ku ska bi ni nomi Sun.

¹Só ê tava ni uã sábadu, Olá Ê lentla ni ké di uã mésé di inen falizê Pê pô kumé pôn, só inen tava ku wê Nê flimadu. ²Só tava ni wê Dê uã ômé ku tava ka sufli di edema (zuntá xádu). ³Sósó Jizú punta dá inen mese di alê zudá ku inen falizê: "Sa plemitxidu kula ni sabadu, ô na sá fá?"⁴Maxi inen tava sê kuji nadaxi fá. Zawo Jisú tomá ômé sé kulé só manda pá ê pô bé dê. ⁵Só Ê fla dá inen: "kwali di nansê, xi mina bô ô buê bô kê ni blaku, nansê ká tixile fá, axém mé ku ê sá djá sabadu?" ⁶Ni wê di tudu kwa sé, inen ná kuji nadaxi fá.⁷Olá Jizú tava ka pia mô inen konvidadu tava ká kôiê lugé di onla pá inen pô tanson, zawo Jizú kontá inen uã palabulá: ⁸"Olá nansê fô konvidadu bá uã fesá di kasamentu, ná xintá ni lugé di onla fá, pundá ê ká posá ku ôtlô ungê maxi potanti ku bô ká pô sá konvidadu. ⁹Pê pô na kontesê ku olá ungê sê ku sá maxi potanti ku bô ká bi, ungê fesá ká flá bô: "Lanta pás konvidadu sé pô xintá". Zawo, bô ka fika vlegonhadu, bá xintá nalá fundu.¹⁰Andejimé, olá a ká konvidá bô, bê bá xintá ni fundu, pá inen sé ku, konvidá bô pia bô, só ê ká flá : 'Migu muê bi nai maxi ni lugué sé di onla'. Zawo bô ká sá olandu ni wê di tudu konvidadu. ¹¹Pundá tudu ungê ku ká gába dê mé ká sá legétadu, só tudu ungê ku na ká gabá dê mé ká sá olandu."¹²Só Jizú fadá dá ômé sé ku konvidê: "Olá bô ká flêsê uã jantá ô banquetê, ná konvidá migu bô fô, nê inen manu bô, nê inen palentxi bô, nê inen vijan ku sá liku, pa inen tembêtê kunvida bô olá inen ká fé uã fésá.¹³Andejimé, olá bô ká flêsê uã fesá, bô ka konvidá inen pobli, inen ku sá manku, inen ku ná ká ndá fá, inen sêgu, ¹⁴pá bô ká pô lêsêbê benson Desú, pundá inén unge sé na tê kuma paga bô fá. Bô ká lêsêbê benson ni djá di lesuleson dinen zuxtu.¹⁵Olá ê têndê kua sé, uã disé ku tava ni mésa ku Jizú, flá Ê: Ben Vetuladu ku ká bá kumé pôn ni Lenu di Desú!" ¹⁶Zawo, Jizú kuji ê: Uã ômé fé uã banquetê só ê konvida iô ungê. ¹⁷Ni olá di banquêtê, ê manda selivi dê pá ê pô bá fla inen ku tava konvidadu: "Nansê pô bi, tudu kua sá plepaladu iska kwada nansê".¹⁸Maxi tudu ungê, sê fata uã, tava ká dá lazon dinen pá inen pô na bé fá. Zawo plimêlu dê fla: "Un kompla kampu, un mêsê pié. Fé un favôlô, poda mú". ¹⁹Ôtlô flá: Un kompla xinku zuntá di buê, só un mêsê xplimenté. Fé un favôlô podamum." ²⁰Ôtlô antaô flá: "Un kasá miôla mé, só manda ami na ká pô bé fá".²¹Sósó selivi bi só ê flá tudu kwa sé dá sumu dê. Sósó sun sé di ké, blabu, fla dá selivi dê: "Xê fé sédu bá luwá ni tudu kantu di poson, bi antê nai ku inen pôbli, inen ungê ku na ká ndá, inen segú, inen alejadu, fê inen lentla". ²²Sósó selivi flá: "Sumuê, kua kun sun fadamu pá pô fé sá fédu, antauô ê tê lugé".²³Sósó Sun sé fla dá selivi dê: "Bé bá ni stladá ku béku plofia ku inen ungê ku sá nalá pá inen pô bi, pá ké mu xá di iô ungê. ²⁴Un ixká fla bô niuã ungê sé ku tava konvidadu ká plová banquêtê sé mu.²⁵Iô multidon tava ká lêlê Jizú, Só Jizú bila só flá inen: ²⁶"Xi uã ungê ká bi lêlê Mu maxi ná legá pé ku mén dê, muwala dê, mina dê, inen mana ku manu dê, antê vida dê kuê tê, ná ká pô sá dixipulu Mu fá". ²⁷Kengé ku na kéga klusu dê, na ká pô bila dixipulu Mu.²⁸Pundá kwali di nansê, ku mêsê fé uã konxtluson, ná ka tason plimé pá pô fé kalkulu di tudu kustu di konxtluson sé ? ²⁹Pa ê na dá kua ku, olá a ka komesá konxtluson, a na ká poji kabé fá, tudu ungê ku ká bê konxtluson sé ká bi fla mali, só inen ká flá: ³⁰"Ômé sé komesá uã konxtluson maxi ê na táva ku jêlu pê pô kabéfá."³¹Ô kwali sá alê ku, olá ê ká bá gela ku ôtlô alê, ná ká tanson pê piji konsé pê pô sêbê si ê sá kapaji di, ku dexi mili ômé , lutá ku ise´ku ka bi lutá kuê ku vintxi mili ômé? ³²Pundá, xi ê na sá kapaji fá, antaô ku ôtlô alê ka bi, ê ka manda delegason pé pô piji paji. ³³Axem, isé ku na negá tudu kua ku ê tê na ká pô sá dixipulu Mu fá.³⁴Salu sá bwa, maxi, xi ê plêdê gôstô, kumá a ka dê gôstô? ³⁵Ê na ká plestá dá nanda xi fá, nê pá a pê ni son nê pá a fé adubu ê na káda fá. A ká sugé butá. Isé ku tê ôlha pa tende, sela têndê".

¹²Tudu koblado deimpostu ku oltlo pekadó ploxima pá inén pó déndé Jizu. 2 Maji iné faliseus ku iné esklibas tava ka murmurá ni omé dinén, ka flá: " Omén ka koié pekadó anté ka kumé ku iné".³⁴⁵Antón Jizu fla uwã parabola: 4 Quali di nansê ku, ka té sem ovelhas ku ka pedé uwã dinén, na ka desá iné noventa ku novi ni disertu zó kabé ni tlaxi di uwã sé anté ka bé ele? 5 Ola, ka bele, ka pegé pé ni omblo ku alegria.⁶⁷Ola ka xiga ni ké, ka konvida iné migo ku vijá, zó flá iné: ´Gogo ku ami, punda un bé ovelha mu ku tava perdido´. 7 Un gá flá nansê, de modo sémé, ka bi té glanji goso ni asé plovia di uwã pekadó ku ka lempedé, maji doké noventa ku nove justu ku na plesiza di alependimento fá.⁸⁹¹⁰Quali muala ku, té dexi muedá di plata, xe ê pedi uwã dê, na ka sendê kanja, valé kê ku paxênsa anté ê ka bê? 9 Ola ê ka bé, ka sama miga ku vizinho dê, zó flá: ´Gogo ku ami, punda un kontla moéda mu ku tava pledido´. 10 Di modo sé mé, Un gá fla nansê, aleglia lumadu ka té ni plesensa di anjos di Desu da un pekadó sé ku lempedé".¹¹¹²Antón Jizu flá: " Uwã homen tinha dosu mina, 12 isé maxi novo fada pédé: ´Pé, ´Damú patxi di elansa ku pertese ami´. Axén, Ê lepatxi elansa da iné.¹³¹⁴Na vala xo djá fá, mina maxi novo junta tudu kua ku sá dé, viaja da uwã telá longé nala ê kumé gelu dê ka kompla kua ku ele na tava plesiva ku kwa extravagâncias. 14 Zó, olá ê gasta tudu, uwã fome glanji bi ni télá sé anji ê tava né, zó ê tava ka pasa mali.¹⁵¹⁶Zó ê komeça ka tlaba da uwã sun di tela sé, ku mandé ba kampu tomá konta di ploco. 16 Zó taka mesé komé alfarrobas ku ploko ka kumé, punda niã ngê dê komé.¹⁷¹⁸¹⁹Maji ê pensa zó flá: ´Pé mu té yó tlabadó ku ka kumé buadu, ami sá nai ska molé di fomi! 18 Un gabé dá pemu zó ugá flá: Pé, un peka kontla kontla osé kontla sun. 19 Na sá digno di sé samadu mina bó fá, tlatamu mó uwã di trabadó bó´.²⁰²¹Anton ê bé ba lêlê pé dé. ê tava longe, pé dé pié, xa di compaxo, kolé ba lêlê, zó abrasé dê beginhu. 21 Zó mina flá: ´Pé, un peka kontla osé kontla sun, na sá dignu de sá xamadu mina sun fá´.²²²³²⁴Antón pé dê fla da trabadó dé: ´bé sedo bi ku uwã loupa pé libá dê, pé uã anelu ni dédu dê pé sandália ni opé dê. 23 Bi témbéte ku uã animali nocu godó zó maté; nó ka kumé festeja! 24 Punda mina mu tava moto maji miolé ê sá vivo. ê tava pedido maji fó xadu´. Tudo ngê festeja.²⁵²⁶²⁷Mina maxi tamé tava ni kampu ka tlaba. Ola tava ka xiga petu di kê, ê kuta barulho de vungo ku dansa. 26 ê xama uã emplegadu zó punté quêkua ku ska pasa. 27 Emplegadu kugu: ´Manu bó reglesa ni kê, zó, pé bó mata uã animas novo godo, bunda ê bi ni kê ni seguransa.²⁸²⁹³⁰Mina maxi tamé fika bloxidu ê na tava mesê lentla ni ké fá. zó pé dê xê bi lêlê piji pé pó lentla . 29 Maji mina dê kuji, fla: ´Tudo ano sê uã tlaba da bó mó uã esklavu bó nunka uã kegra uã regra di sun, maji, sun nunka damu uã kabla pá pó fé fesa ku iné migo mu. 30 Maji, óla mina sun, ku gasta tudu likesa dê ku muala di vida, bi, sun mata uã animal maxi godo´.³¹³²Maji pé dê kuji:´Mina mu, bó sá ku ami semplé zó tudu kua ku sá di ami sá di bó tembétê. 32 Maji nó tudu axi selá nó festeja fé fexa, punda manu bó tava móto maji miólé ê sá vivo, ê tava pledido maji ê kontlado".

¹Jizu fada inen dixipulu: " Administladô di uã ome liku fô kuzadu di ska yaga inenbem dê.". ²Anton ê samê punté kê kwa ku sa ise ku ami ska têndê dji bô? Fe konta di stluvisu bô punda bô na ka bila tlaba da mu maxi fa.³Administladô fla : Sumu mu ska dispiji mu, kê kwa nga bi fê? Na tê fôsa di kôbô fa, soso un tê vlêgonha di ka piji. ⁴Un sêbê kwa nga pô fe fa, ola nga plêdê stluvisu mu, nai inen ngê sé ka lêsêbê mu ni kê dinen.⁵Anton ê sama koa uã dêvêdô di patlon dê, ê punta isé plumê: Kantu bô ka dêvê patlon mu? ⁶Sem potxi di zêtê.Ê kuji administladô fadé toma konta bô, tason ndja ndja soso sklêvêxinguenta. ⁷Só ê punta segundu: Bô ten kwantu bô ska dêvê? Sem tomelada di tligu! Toma kônta bô sklêvê wôtô dexi.⁸Sumu fla bm di administladô infiéli, punda ê fe kwa ku sêbê, punda mina di mundu sé sa maxi supetu ni tlatu uã ku ôtlô dôkê inen mina di kêdadji. ⁹Êlê manda, nga fla: toma likêza mundu djintxi pa nganha migu di modu ku,ola ê ka kaba, ê ka lêsêbê nansê ni kê pala semplé.¹⁰Ngê sa fieli ni pôkô, tembeté ka sa fieli ni montxi, ngê na sa zustu ni pôkô, tembeté na sa zustu ni montxi fa. ¹¹Axen xi, nansê na sa fô diginu di kunfiansa di toma patxi ni likêza mundu sé kêngê ka da nansê likêza di védé? ¹²Xi nansê na fô diginu di kunfiansa ni kwa di ôtlô ngê, kêngê ka da nansê ixi ku sa dji nansê.¹³Nê uã selivi ka pô stlivi dôsu Sumu fa; punda ê ka tê odjô da uã soso tê amwôlê ku ôtlô, ô ê ka stlivi uã pê ôtlô patadu. Nansê na ka pô stlivi Dêsu bila stlivi likêza fa.¹⁴Inen farizeu, ku tava ka ama djêlu, têndê tudu kwa se ge mangason di Jizu. ¹⁵Ê fla inen: Nansê me ka fe nansê zustu ni wê di omo,maji Dêsu kônsê kloson nansê. kwa xi ku te maxi valoru da ome ê na tê pyada da Dêsu fa, ê na ka gôgô kwê fa.¹⁶Alê ku inen plofeta plofetiza ante Zon. Djina tempu sê ba wê vangeli di lênu Dêsu sa plegadu,tudu ngê ska mêsê fe mpenhu di lentla nê. ¹⁷Ê sa maxi fasili osé ku tela zaplasê dôkê pa txila kwa kwali kwa di alê.¹⁸Kêngê ka blaga ku mwala dê so kaza ku ôtlô mwala ka bi kometê adultério, soso ome ku ka kaza ku mwala ku divasia ka bi kometê adultério.¹⁹To sem uã ome liku ku tava ka bixi púrpura di linhu fina tâva ka vivê ni luxu tududja. ²⁰Ni wê pato nglandji di lwa fô desadu uã pijidô di djimola samadu Lazaru, xa di flida. ²¹Ê tava ka mese kum kwa ku toka ka kyê ni meza di liku.Antê inen kasô tava ka bi lolo inen flidadê.²²Dja nganha ku ê môlê,soso inen anzu bpe kwê zuntu Ablon,Liku tembeté môlê soso fô nteladu. ²³Ni nfenu andji ê tava tlomentadu, ê lanta wê ba liba ê bê Ablon londji ku Lazaru ni bodo dê.²⁴Anton ê sama : Pe Ablon ê, tê piedadji mu, manda pa Lazaru monha pontadi dedu ni awa bi monha lungwa mu,punda un ska sufli muntu ni fôgô sé.²⁵Maji Ablon kuji: mosu muê lembla kuma bô vivê vida bô goza kwa bwadu; andejimé Lazaru kwa mali.Andéjime myólen ê sa konsoladu nai bô ska sufli. ²⁶Andé jimé, non ku nansê ê te uã abimu glandji di modu ku non na ka pô vala ba ala nê nansê vala bi nai fa.²⁷Ê kuji: Anton nga piji, peé: manda Lazaru ba kê papa mu. ²⁸Punda un tê xinku manu; Dêse pa ba viza inen, pa inen na bila bi lugê se di tlomentu tembeté fa.²⁹Ablon kuji : Inen tê Muzé ku inen plofeta, inen pô têndê. ³⁰Nôô pé Ablon ; ê fla maji xi uã ngê k bi di motxi ba lêlê inen ka pô lêpendê. ³¹Ablon kuji: Xi inen na têndê Muzé ku inen plofeta fa, inen ka dêsa kônvêsê, antawo´ku inen ngê pô koda ni motxi inen na ka têndê fa.

¹Jizu fada inen dixipulu dê: Ê Sê nega sa kwa ku ka bi da di bi fe pôvôtlapasa, maji ai dingê kuka fe inen kwa da. ²Ê ka sa maxi bwadu pa ê kyê ni omali ku uã budu di muinha malado ni klonko, dô kô pa ê fe uã dinen se pikina peka.³Toma kudadu.Xi manu bô peka, lêpêndê, soso xi ê lêpêndê, podé. ⁴Xi ê peka kontla bô sete vê ni dja, so sete vê bilabi lêlê bô fla:Ami sa lêpendidu podé.⁵Inen apostulu fada:" omenta afé non." ⁶Ê kuji: " Xi nansê ka tê afé di kalega di ukuê di mostarda, a ka fla mulele se: "Lanka ximia ni ômali ê ka têndê nansê.⁷Kali nansê ku tê uã selivi ska tlaba ni kampu ka toma konta kamêlu, fadé ola ê ka xiga di kampu:" Bi myóle tason pa non kume? ⁸Ni vê disé, na ka bi flé: fe janta mu, stlivi mu ola un ska kume, ka bêbê: dipôji di sé bô pô kume bêbê?"⁹Taluvê ê ka bi da Dêsu pada da selivi plô ê fe ku odji? ¹⁰Axen tembeté nansê, ola a tê fedu tudu kwa ku fo dadu odji, nansê toka fla: Non sa selivi sê plôvetu; non kumpli kwa ku toka tan".¹¹Ni stlada di Jeruzalém, Jizu vala ni diza di Samaria ku Galileia. ¹²Ola ê lentla ni pôvôadu(luxan), dêxi lepôzu ba lêlê., mundja mina londji. ¹³Soso bili bôka glita ku fosa:Mese Jizu tê piedadji non fa!¹⁴E pia inen, fla: " Ba lêlê inen sasedotxi." Ola inen tava ka bé, inen fô kuladu. ¹⁵Uã dinen, bê kuma ê ta kuladu, bila bi ka lova Dêsu ku fôsa. ¹⁶Kebla dizê ni ope di Jizu di Dêsu paga.I sé ta sa samaritanu.¹⁷Jizu punta! Na fô pulifikadu tudu dêxi ã? Andji ôtlô nove sa nê? ¹⁸A na bê nê uã maxi ku bila di bi lova Dêsu xi ê na sa stlânjelu? ¹⁹Anton Jizu fadê fadé: lanta bé, afé bô stlava bô.²⁰Setu vê, inen farizeu tava ka punté kê ola ku lênu Dêsu ka bi, Jizu kuji: "Lênu Dêsu na ka bi di modu ku a ka bê fa. ²¹Nê pa a fla: Ê sa naí; a ya lala, punda lênu di Dêsu sa ni emé nansê."²²Ola inen kwase valá ê fada inen discipulu dê: " Tempu sa di bi nganha ku nansê ka mese bê uã dja di Mina di ome, maji a na ka bi bêle fa. ²³A ka bi fada nansê: Ê sa la ! Ô ê sa nai! Na fe djan djan di lêlê fa. ²⁴Punda Mina di ome ni dja sa mo myamya ku ludji dê ka bi ni uã ponta ba ôtlô ponta d'osé.²⁵Maji andêji mé ê sá plixizu ku ê ka sufli muntu bi sa zetadu plô zelason sé. ²⁶Axen mo ê fô ni inen dja di Noé tembeté ka sa ni dja Mina di ome. ²⁷Pôvô tava ka kume , ka bêbê, ka kaza bilada dadu ni kazamentu, antê dja ku Noé lentla ni arka.Anton dilúviu bi bloga inen tudaxi.²⁸Kwa se me bila da ni dja di Ló.Pôvô tava ka kume ka bêbê, ka kopla, ka bêndê, ka ximya, ka fe konstluson. ²⁹Maji, ni dja ku Ló xê ni Sodôma, fôgô inxofri sôbê d'osé kema tudu kwa.³⁰Ê ka da izatamente axem di dja ku Mina di ome ka musedu. ³¹Ni inen dja sela ngê sa liba kê dê , na dêsê di bi koyê bem ku sa glentu kê fa. i modu se me , ngê ku sa ni kampu, na ka pô bila tlaxiplô kwa kwali kwa fa.³²Lêmbla di mwala di Ló! ³³Ngê mese lôklê vida dê ka bi plêdê, soso ngê plêdê vida ka nganhê.³⁴Ami fada nansê: Ni nôtxi sala dôsu ngê ka bi so ni uã kama : uã ka bi sa txiladu ôtlô desadu. ³⁵Dôsu mwala ka sa ka mala tligo: uã ka sa txiladu ôtlô dêsadu. ³⁶Dôsu ngê ka sa ni kampu: uã ka bi sa txiladu ôtlô dêsadu." ³⁷Sumuê, andji? Inen punté.Ê kuji:" Andji ka tê uã notxi, na la a ka zunta inen sdô konki.

¹Anton Jizu konta inen dixiplu dê uã semplu, pa musa inen kuma a ka pô fa lason se zanima. ²Ê fla Ni setu poson ta sem uã zuxi ku na ka tê lispeta Dêsu nê pota ku inen ome fa.³Ni poson se me ta sem uã mwala ku tava ka lêlê semplê semple ka piji ê pa ê pô fé zuxtiza kontla numigu dê ⁴Tempu vala ê na kuji fa. Soso ê fla da êlê me. Andéji me na ka lispeta Dêsu nê pota ku inen ome fa. ⁵Mwala se ska blôse mu i nga ba fê zustisa pa ê na bila bi kmoda mu.⁶Sumu fla antawo: A kuta kwa ku juxi injustu fla. ⁷Andéji mé Dêsu na ka bi fe justisa da inen sé ku ê koyê, ku ka fe lason da Êlê solo ku notxi fa? Ê ka pô inen gwada? ⁸Ami nga fla nansê: Ê ka bi fe nansê zustisa djan djan. Agola Mina di ome ka bi ê ka bê afé ni tela?⁹Uã dôsu ku tava ka kunfia ni justisa dê ka zeta ôtlô, Jizu konta uã semplu. ¹⁰Dôsu ome subli ba templu ba fla lason: uã ta sa farizeu soso ôtlô sa publicano.¹¹Farizeu mundjadu, tava ka flalason: Dêsu ê, ami nga da Sum glasa punda na sa mo ôtlô ome fa: ladlon,Kanpitu, adultero, ne kuma publicano sé. ¹²Nga zuzua dôsu vê plô semana, nga da izimu di tudu kwa ku nga nganha!¹³Maji publicano fika londji, êlê me na kya mêsê bila wê pya osé, maji batê ni petu tava ka fla; Dêsu poda mu punda ami sa pekadô! ¹⁴Ami nga fada nansê kuma ome se, so ba kê zustifikau ni wê Dêsu na sa ôtlô fa.Punda ngê ka zalta ka bi sa vlegadu, soso ngê ka sa vlegadu ka bi sa zaltadu.¹⁵Pôvô tembete tava ka bi ku mina anzu da Jizu pê pô pe mon ni inen, ola inendixipulu bê kwa sé inen lêpêpendê inen ngê se ka tava ka bi ku anzu. ¹⁶Mji Jizu sama inen anzu fla : dêsa anzu bi lêlê mu, na pluvi inen fa, punda Lênu di Dêsu sa di ngê mô inen ¹⁷Nga fla vedé: Ngê na lêsêbê lênu di Dêsu mo uã anzu fa, nunka ê ka entla nê."¹⁸Setu ome di poxi punta Jizu: Mese bwadu ê, kê kwa nga pô bi fe pa ntê vida pala semple? ¹⁹Ka manda bô ska samamu bwadu? Juzu kuji.Ê na tê ngê ku sa bwa xi ê na sa Dêsu tan fa. ²⁰Bô kônsê inen mandamentu: na fe sexu sê lispêtu, na mata fa, na futa fa, na da fasu sestemunhu fa, lispeta pé ku men bô. ²¹ê fla: tudu iene kwa sé un tê loklidu djina txoko.²²Ola Juzu têndê kwa sé ê fada: Ê fata uã kwa.Bêndê tudu kwa ku bô tê da djêlu da inen pobli, soso bô ka tê uã tizoru ni osé, so bi lêlê mu. ²³Ola ê têndê kwa sé, ê fika tliste, punda ê tava liku.²⁴Bê êlê tlisti, Jizu fla: mo ê sa matxilu inen liku lentla ni lênu di Dêsu! ²⁵Ê sa fasili di vala uã kamêlu ni blaku di uã guya dôkê pa uã liku lentla ni lênu Dêsu.²⁶Inen ku têndê kwa sé punta: Anton kê ngê ka pô stlava? ²⁷Jizu kuji: kwa ku sa impusivelu da ome sa pusivelu da Dêsu.²⁸Pedu fadé: " Non dêsa tudu kwa ku non tava kuê pa lêlê Sum. ²⁹Jizu kuji: Nga fla vedé Nê uã ngê ku tava desadu kê, mwala,manu,pé, ô mina plôvia lênu Dêsu. ³⁰Ka bi dêsa di lêsêbê, ni muson ku ska bi, kwa maxi tamé, ni vida futulu pala semple.³¹Jizu sama inen Dôzê patadu fad'inen: non ska subli ba Jerusalém, tudu kwa ku sa sklividu plô plofeta di Mina di ome ka bi kumpli. ³²ê ka bi sa tlegadu da inen jintin ku ka bi fe mangason dê, ka bi vólwuê, ka bi buta kupi nê. ³³ka bi dé xikotxi zawo bi maté,ni tlisêlu dja ê ka bi koda³⁴Inen dixipulu dê na têndê nada xi di inen kwa séfa,; Sa kendiji inen palavla sé tava ni stlegedu, inen na tava sêbê kwa kuê tava ska fla fa.³⁵Ola Jizu pôzê Jericó, uã ome tasondu ni d stlada sgu, ka piji jimola. ³⁶Ola ê têndê pôvô ka vala, ê punta kê kwa ku skada? ³⁷A fadé Jizu di Nazaleno ska valá.³⁸Anton ê kyê ka glita: Jizu, Mina Davi, tê piédadji mu! ³⁹Inen ku tava bé ni wê dê lêpêndê pa ê ka bôka, maji ê glita maxi: Mina Davi tê piédadji mu!⁴⁰Jizu mundja da odji pa bi kuê.Ola ê nganha petu, Jizu punta: ⁴¹Kê kwa bô mêsê pa un fe?Ê kuji Sumu Ê, ami mêsê bê!⁴²Êle mé ê fadé Ba laba wê! Afé bô kula bô. ⁴³Minda ola ê fô kuladu lêlê Jizu ka da gloya Dêsu. Ola tudu pôvô bê kwa sé inenlova Dêsu.

¹²Jezu lentla ni Jericó zo atlavesa posón. 2 Nalá tinha uã homen ku ka xama Zaqueu, ku sá xefe di kobladó di impostu ku sa liku.³⁴ê ta ka tenta pya kênguê sá Jizu, maji ê na ta consegui pia ni liba di yô gengê, punda ê na sá longo fá. 4 Antó, Zaqueu kolé ni ê di povo ê subi nyã alvuri pé pó pya Jizu, pundo Jizu tava quase vala di luguê sé.⁵⁶⁷Ola Jizu xiga ni luguê sé, pia liba zó flá iné: "Zaqueu, desê plesa bunda ozé un mesé fika ni kê bó". 6 Entó, ê desé ku plesa zó lesebé Jizu ku yó di alegria. 7 Ola ngê pia kua sé, fika adimiradu, zó fla: " Ê bá visita uã homem pekadó".⁸⁹¹⁰Zaqueu lanta zó fla da Sun: " Sumu, metagi di tudo likeza mu un ga ba da pobli zó xi un gana quaquali ngê ni quaqualiqua, un ga ba devolver quatlu veze maxi". 9 Jizu fadê: " Ozé tlavason xiga ni kê sé, punda ele tambeté sá mina di Ablon. 10 Punda mina desu bi pé pó buca ku tlava ngê ku sa pledidu.¹¹¹²Iné tava ka tendê wua sé, Jizu na munja di fla fá. zó fla uã parábola, punda tava ka ploxima di Jerusalém punda yô gengê tava ka konta kuma leno di Dêsu ka plasé lapidu. 12 Ê flá: " Uã cetu homen nobre bé ni uma telá distanti pé pó toma pose di uã lenu zó bi dê.¹³¹⁴¹⁵Ê sama dexi di seluvu Dê, zó dê dexi mina mina zó flá: ´Fé negoxô anté olá kungabi´. 14 Maji iné palenti Dê fika ku odgi Dê zó manda uã delagason ni tlaxi dê: ´Nó na mesê ku omen sé ka lena ni liba nón fá.´15 Anton ê fó coroadu kuma Alê, ê vota zó ordéna ku ka sama iné seluvu ku Ê dê ine gelu, pé pó sébé quantu ku iné ganha ni negóxi ku iné fé.¹⁶¹⁷Plimê bi ni wê dê zó fla: ´Sumu, mina Bô lendê maxi dexi mina´, 17 Ê kuji:´Bua só, seluvu buadu. Punda bó fó fieli ni poko, bó télá autóridaji ni liba di dêxi poson´.¹⁸¹⁹Segundo bi zó flá: ´Sumu, mina Sun lendê xinku poson´. 19 Zó nobre fa dê: ´Bó ka bi té autoridaji ni liba di xinko Poson´.²⁰²¹Zó bi otló flá: Sumu, toma mina Sun ku guada segulu niã lenso, punda un tava ku mendu di Sun punda sun sá omen justo. Tu ka tila kua bó na guadafá,, na koiê fáné planta.²²²³Zó nobre fadê: ´plovia di di palavla bó un ga julga bó, seluvu mau. bó sébé kuma un sá uã homen justu, ku ka tila kuã ku un na guada fá ka koiê kuã ku na ximia fá. 23 Ka manda bó ná pé gélu mu ni banku fá? Axén, ola un ga bi, ugá lecebé ku julu.²⁴²⁵Zó flá nguê ku tava nala: ´Tila dê mina zó da ngê ku té dexi mina´. 25 Iné flá: ´Sumu, ê tê dexi mina zá´.²⁶²⁷Ami gá flá nansê:´gê ku té, maxi ka bi sá dadu maxi, maxi isé ku na tefá, anté isé ku ê té ka bi sá tiladu. 27 Iné inimigo mú, ku na tava mesé ku léná ni liba diné fá, bi ku iné nai zó cotá ine kabesa ni wê mu.²⁸Ola Ê fla tudu kua sé, Ê segui viagem ni wê dinén, subli ba Jerusalém.²⁹³⁰³¹Olá Ê xiga petu di Betfagé ku Betânia uã kuã dá, petu di uã monti ku sá xamadu di Oliveiras, Ê manda dosu di discipulu dê, 30 Zó flá: " Bé ni povoadu maxi petu. olá bó ka lentla, bó ka bê uã jumentu maladu ku niwã nguê antaó naxi monta ni liba dê fá. Dezamalé bi kuê damu. 31 Xi quaquali nguê punta: ´punda kuwã manda bó desamalé?´Flá: ´Sumu plesiza dê".^3233343536Isê ku fó mandadu bé jumentu piquina mo Sumu tava ka flá. 33 ê tava ka dezamalé, dono flé: " ka manda bó ska dezamalá jumentu?" Sumu plesiza dê." 35 Iné bi kuê da Jizu, pé lopas ku otló kua ni liba dê zó pé Jizu ni liba dê . 36 Tava ka andá pikina pikina, iné nguê tava pé ni són mantu, fia.³⁷³⁸Ola inén tava ploximu ni dexida di Monte di Oliveiras, Tudu ngê ku disipulu tava ka gógó ka kanta da Desu ni voze altu punda qua ku ê fé, 38 fla: " Bendito sá Lé ku ka bi ni nomi di Sun. Paji ni osé ku glóia ni alturas!"³⁹⁴⁰Uã dosu fariseus ni omé di tudu ngên fla da Ele: " Mesé, lependé iné disipulu bó". 40 Jizu kuji, zó flá:" Un gá flá nansé, se iné ka boka, budu ka bi fla!"⁴¹⁴²Olá Jizu ploxima di poson, pia Ê solá, zó flá: 42 " Xe ozé nansé ka konsé kwa ku da nansê paji! Maji miolé iné quasé sa oculto ni wê di nansê.⁴³⁴⁴Punda ni liba bó ka bi djá ku inimigo bó ka bi kostrui trincheiras ni vota di bó, zó serka bó, zó plendé bó ni tudo luguê.44 Zó ka bé ku bó, da mina bó dentlu di bó. Na ka dessa niwã budu ni liba di budu punda bó na plesebé tempu ku bó fó visitadu".⁴⁵⁴⁶Jizu lentla ni templu, komça ka kolé tudu ngê ku tava nala ka bendê kuã, 46 Zó flá iné:" Sa sklitu: ´Kê Mu ka bi sama ké di lason´, maji nansê fé dê uwã covil di ladlon".⁴⁷⁴⁸Jesus tava ka xina tudu ja ni templu. Maji iné xefi di sacerdotes, ku iné escribas ku iné líderes di povo tava ka gola maté. 48 Na Bele fá, maji, uwã modo di maté, pundo tudu nguê tava ka tendê kua ku Ele tava ka fla buadu.

¹²Kwásé dá, nuã dja, Jizu táva ká xina pôvô ni glêsa ká pléga vangéli, inén xéfi di sasédótxi xigá kú inén sclivón, zuntádu kú inén ansion 2 Inén puntá Jizu:" Flá nón, kê pôdê kú Bô ká fé inén kwásé, kênguê dá bô pôdê sé."³⁴Ê kuji inén:" Ami témbété ská bi púnta ínansê uã kwá: 4 butízumu di zon fó dóçê ô di óme?."⁵⁶Inén kú inén táva ká plúfia, ká flá:" xi nón kuji Ê:" dóçê, Ê ká bi flá: púnda ká mandá inansê ná kêlê nê fá?" 6 Maji xi non kuji: dóme,: túdu pôvô ká dá nón kú búdu, á sá kônvêxidu di zón Batista fô plóféta."⁷⁸Antón ínén kuji kú inén ná sêbê kamia ku ê sá dê fá. 8 Jezu fada inén:" Nê Ami ná ká bi fadá inanen kê pôdê ku ngá fé inén kwasé kwô fá".⁹¹⁰Jezu kómesá ká kónta pôvô inén vésu sé:" uã ómé xi miá uã vidêra, ên lêndé dá uã dôsu fablikádo vin ê xê nalá tela sé yô témpu zá. 10 Ni témpu plópi, ê mandá uã sélivi bá lêlê inén fablikádô vin, pá inén pôji dê flútu di vidêra. Maji inén dé pankáda bila mandé bé món séku.¹¹¹²Antón ê mánda ôtlô sélivi bé inén dé pankáda tén bété, traté máli bilá mandé bémón séku. 12 Axén mé ê bilá manda tlisêlu bé maji inén dé pankáda té kólê kwê.¹³¹⁴Antón dónu di téla flá: kêkwá ngá fé? Ngá mánda Mina mú amádu bé. Taluvê isé inén ká pô bi lispéte. 14 Mají óla inén fablikadô vin bêlê, inén plufia uã kú ôtlô, ká flá: Isé sá lêdêlu. Bónu maté, pá nón poji lédá.¹⁵¹⁶Inén kólê kwê ni viêra maté. Antón, kêkwá kú dónu viera ká bi fé inén? 16 Ê ká bi kaba ku inén fablikadô di vin sé dá sé dá ôtlô ngê viêra" óla inén têndê kwásé, inén flá:" kwá é ná ká kôntêsê fá!"¹⁷¹⁸Maji Jizú pyá inén flá: kwasé kú sa sklêvidu: kêkwá êská flá:, Budu kú inén konstrutor zétá bilá budu d`angulu"? 18 Tudu nguê kú ká kuê ni budu sé ká bi bila pedásu: ngê kú budu sé ká kyê liba dê ká bila ópó."¹⁹²⁰Ni ólá sé mé, inén sklivón kú inén kabêsêlu di sasê dótxi táva ká góló uã módu di málé, púnda inén bé kwamá vésu sé kwê kónta inén sá kóntla inén. Maji inén tinha méndu di pôvô. 20 Inén táva ká pyê kú aténson, mandá spión, inén kú tává ka finji di jústu, pyá xi inén ká pégué nua palavla pá inén téndé ni ké justisa ni pôdê di govénadô.²¹²²Antón inén punté flá:" Mésé, nón sêbê kumá bôká flá xiná sétu axi, I bô ná sá influénsiadu pá parensia di ngê fá, maji xiná nón stláda di Dêsu segundu vêdê. 22 Nón sá lisitu pa gá impôstu dá Sêsalu ô inón?²³²⁴Mají kwmá Jizu kônsê manha dinén Ê flá: 24 Musá mú uã dénário kênguê tê fegúla sé kú nómi dê? Inén kují:" Di Sêzalu".²⁵²⁶Jizu fadá inén:" Antón dá Sêzalu kú sá di Sézalu dá Dêsu ku sá Dêsu." 26 Inén ná pôji panhé ni nuã palávla nômê pôvô fá, inén dimirá kú resposta Dê, inén fisá bóka.²⁷²⁸Uã saducêu pôzê, ká fla kwmá lêsulêsón ná sén fá. 28 Inén punté flá:"Mésé, Muzé désá nón sklêvidu kwma, xi manu di uã ngê môlê, inén sá kazádu ná tê mina fá, ê tóká tómá muála kazádu sé viuva, i lantá gerasón di mánu dê.^2930313233Sété mánu táva sén. plumêlu kázá môlê sê mina, 30 Sêgúndu kwá sé mé 31 Zawó tlisêlu kazá kú viúva, túdu inén sété sé, témbété môlê ná désá mina fá. 32 Ná sêbê, muala témbété môlê. 33 Antón, ni lesulésón, kwáli dinén kú ká bi sá muála dê? Púnda túdu sété fô homé di muála sé".³⁴³⁵³⁶Jizu fadá inén:" Inén mina di múndu sé ká kazá i á ká dá inén kazámentu. 35 Maji inén sé ku sá sdlugádu dígunu di alkansá témpu salá di tê lêsulêsón ni ômê di motxi ná ká bi kazá fá nê á ká bi dá inén kazamentu fá. 36 Inén na ká póji môlê maxi fá, pundá inén kú ánzu sá kwasé mé inén sá mina di Dêsu, sá mina di lêsulêsón.³⁷³⁸Punda motxi ká bi lêsêsutá, mó témbété Muzé musá kámia lêdê di sárka, kámia ê ká samá Sún Dêçú di Abrón, Deçú di Isáki Dêçú di Jákó. 38 Dêçú ná Dêçú di mótxi fá, maji di vivu, pundá pá inén túdaxi pôji vivê."³⁹⁴⁰Uã uã eskliba flá:" Mésé kuji bwádu" 40 Inén ná bila tinha ozadia di punta Jizu nadáxi maxi fá.^41424344Maji Jizu punta inén:" kwma á ká pôji flá kú klistu sá mina di Davi? 42 Pundá plopi Davi flá ni livlu di Salumu: Sún flá dá Sún mu: Tasón ni kwatu glêtu Mú, 43 antê Ngá pô inén numigu bô tapêtê dópé Bô. 44 Xi Davi ká samá Klistu di, Sún, kwma Ê ká pôji sá , mina dê?."⁴⁵⁴⁶⁴⁷Kuma túdu pôvô ká têndê, Ê flá inén disípulu Dê: 46 Tomá ténsón kú inén eskluba, kú ká gôgô ndá kú túnika, ká amá saudasón ni luá, inén plinspi tasóndu ni xinagôga i plumêlu luguê ni bankêtê, 47 Ká divorá ké dinén viúva, kú pratextu di lansón lôngô. Inén sé ká bi lêsêbê uã kondenasón maxi lizu.

¹²³⁴Jezu lanta wê bê pligu ku ta ka fé gê ku tava ka lansa gelu ni gasofilácio. 2 Ê bê uã viuva pobli ku tava ka pé dosu muedá . 3 Antón, Ê flá:"Vêdê uã gã fla nanse kuma muala sê da maxi gélu dó kê tudo iné. 4 Punda tudu iné dê lestlu ku sobla. Maji muala sê, di plobléza dê, da tudu ku ê tinha pe pó vivê."⁵⁶Uã dósu tava ka fla ni templu, kuma ê fó fedu ku budu glavi ku ofertas ku bi de votos. 6 Antón Jizu flá:" kua sé ku nans^ka bê, djá ka bi ku na ka bi té niã budu ni libá di budu ku na ka sá distluidu."⁷⁸⁹Antó iné punté:" Messé, ki olá iné kua sé ka bi acontece? E kuali sinali ka bi sa dadu olá iné kua sé ka bi di acontese?" 8 Jizu kuji:" Tomá kuidadu pla bó na bi sá ganadu fá, punda yo ngê bilá ni nomi Mu, ka flá:´ Un sá elé´antón´temú sá petu´. Na sigi iné fá. 9 Olá bó ka têdê flá ni guelá ku mudansa, na sustafá, punda sá plesisó ku iné kua sé kontese, maji finali na ka bi sedu.¹⁰¹¹Antón Ê flá:" Nason ka bi lanta kontla Nason, lenu kontla lenu. 11 Ka bi akontese yó terremotos ni yó kamiã, fome ku plaga. Kua ku na buáfá ku sinali glangé ku ka bi dosé.¹²¹³Maji, antigi di tudu kuá sé, ka bi lansa mó ni liba nansê ku perseguison, nansê ka sá entrege ni sinagoga ku plison zó selá lebadu ni plesença di alê ku govenadô bunda nomi mú. 13 Kua sé ka bi dá oportunidade pla textemunhu di nansê.¹⁴¹⁵Anton na plepala ni konson di nansê sedu ninhua defesa, 15 Punda ungá bi dá nansê palavla ku sêbê, punda nyã di adiversário nansê ka bi resistir ô fla ôtlô kuã.^16171819Nansê selá entlegui tembeté por pé, manu, familia ku migo, zó iné ka bi matá uã dosu di nansê. 17 Ka bi sa odiadu por tudu ngê povia di nomi de Sum. 18 Maji niuã fio di kabesa di nansê ka bi marmanesê. 19 Ni perseverança di nansê, Nansê kabi ganha alima di nansê.²⁰²¹²²Óla nansê kabé sodé ka seka Jerusalém, antón sebe kuma demanda sá petu. 21 Anto ngê ku sa ni Judeia fuji ba monte, e nigê ku sá ni posón shê, Ni gê ku sá ni kampu na lentla né fá. 22 punda djá sê sá djá di vigansa, ni kumplimentu di tudu kuã ku sá sklitu.²³²⁴Aí di mualá ku ka sá ku bega ku mualá ku ka sá ku anzu ka mama ni djá sé! Punda ka bi té glanji aflison ni liba di tela kontla povo sê.24 Ka bi molê ni fio di shipada zo a ka bê ku iné ni plizón di tudu nason, zó Jerusalém ka bi sá bizadu por genti, anté ku tempu diné ka kumpli.²⁵²⁶Zó ka bi tê sinali di soló, ni luã ku estlela. Ni liba telá, ka té soflimentu ni yô nason, desespeladu ku onda di omali blavu. 26 Ka bi té homen shá di mendu ni son mó motxi, ni desejo di kua ku ka bi akontese ni mundu. Punda podê di ósé sá abaladu.²⁷²⁸Antón iné ka bê mina di Dêsu ka bi niã nuven, ku podê ni glanji glóia, 28 Maji, olá iné kua sê ka bi akontsé, lanta zó lanta kabesa di nansê, bunda rendensó di nansê sá petu."²⁹³⁰³¹Jesu konta iné uã soiá:" pia figueira ku otlô arvore. 30 Óla iné ka da broto, da nansê mé, sebé kuma veló ska xigasá. 31 Axém tembété nansê, olá kabé iné kua sé ka akontese, sebé kuma Lenu di Dêsu sá petu.³²³³Vêdê vêdê mê un gá fla nansê, gelasón sé na ka vala antige ku tudu kuã sé ka bi akontese. 33 Osé ku telá ka bi valá, maji Palavlá Mu na ka pasafá.³⁴³⁵Té kuidadu di nansê mê, pla klonsó di nansê na ka bi sá ku yo di kuã plovia di di orgias, di bébadu ku yó di kuã di plekupason di vida. Di modu ku djá sé na ka bi plasé supleza, mó armadilha. 35 Punda Ê ka bi ni liba di tudu ser vivo ku sá ni liba télá.³⁶Maji sá ni alerta tudo tempu, ka fé olason pa bó té fosa monthé pa bó eskapa di tudu kuã sé ku ka bi akontese, zó mermanese ni plesensa di mina di Desu".³⁷³⁸Iô di djá, Ê tava ka ensina ni templu zó notxi ê ka xê ba monti ku kaxama Oliveira ba dumini´. Tudu ngê tava ka bi di plama sedu da templu pá pó kuté.

¹Zawo ni fésa di Pôn sê flementu, kua ká sama Paskuá, tava ká bi. ²Inen plinsipali dui sasedotxi, ku inen Iskribá tá ká tlata ku inen mô inen ká fé pá inen pô matá Jizú, pundá inen tá ká tê mêndu di pôvô.³Zawo, Satanaji lentla ni Judá ku sá Iskaliotxi, ku sá uã dinen dôsê. ⁴Só Judas bá tlatá ku inen plinsipali di inen sasedotxi ku inen mese di tempu mô ê ká fé pê pô tlegá Jizú dá inen.⁵Sósó inen leglá só inen kumbiná pá inen pô dá Judas jêlu. ⁶Só Judá tá ká gôlô modu pê pô tlegá Jizú dá inen pundá fô wê pôvô, pundá ê toma patxi ku inen.⁷Olá ê xiká djá di fesá di pôn sê flementu, olá a ká saklifiká kôdêlu pakali, ⁸Jizú mandá pêdlu ku Zon, só Ê flá: "Bê bá plontá dá non séia di páskua, pá non pô kumé ê". ⁹Só inen punté: "Anji Bô mêsê pa non plepalé?"¹⁰Só Ê kuji: "Olá, ku nansê ká fô lentla ponson, uã ômê ku tá ku búli di awá ni môn ká bá kontla nansê. Bê ku ê antê ni ké ku ka bá lentla. ¹¹Só fla donu ké: Mése flá bô: Anji sá salá ku Ami ká bá kumé paskuá nê ku inen disipulu Mu?"¹²Só ê ká musá nansê uã glanji salon ku tê múbliá nê ku sá libá. Nansê ká fê plepalativu nála". ¹³Só inen bê kontla tudu ku mô Jizú tá ká fla dá inen. Só inen fê plepalativu di tudu kua di séia paskal.¹⁴Olá ôlá bi, Jizú tason ku inen apostulu. ¹⁵Só Ê fla dá inen: "Un désejá kumé paskuá se´ku nansê txiolasá antê ku ká bi ôlá ku ká bi soflê. ¹⁶Sósó Un xká fla nansê: "Ami na ká kumê ôtlô vê, ku nansê paskua sé, antê ku ka kumpli ni lenu Desú".¹⁷Sósó Jizú tomá uã kalisi, Ê dá glása, só Ê fla: Tomá kumê ni ômê nansê. ¹⁸Pundá Un xká fla ku Ami ná ká bêbê di flutu di vidélá sê ôtlô vê, antê ku lenu Desú ká bi".¹⁹Zawo Ê tompá pôn, ê dá glása, só Ê patxi dá inen, só Ê fla: "Isé sá glôpô Mu ku xká ntlegá dá nansê. Nansê pô fê kua sé ni lemblansá Mu". ²⁰Andejimé, ê tomé kalisi , só Ê flá: "Kalisi sé sá uã aliansá nôvu ni sangi Mu, ku ká sê blokadu dá nansê.²¹Maxi môn di ise´ku ká nganamu sá ku ami ni mésa. ²²Pundá Mina di Ômê, sósó, ká fê mô sá pá sê fédu. Maxi pená di ômé sé ku xká nganê!" ²³Só inen tava ká puntá uã dá ôtlô kêngê non ká bi fê kua sé.²⁴Zawo lantá ni ômê dinen uã disputa di kuali dinen ká pô sá maxi támé ni ômê diné. ²⁵Só Ê fla Iné: "Iné alê di pôvô só ka tê podê ni libá pôvô, isé ku ká tê pôdê ni libá dinen a ka sámé benfetôli.²⁶Maxi a na ká pô sá axem ni ômê di nansê fá. Andejimé, isé ku mêsê tá glanji ni ômê nansê isé só ká istlivi nansê. Isé ku mêsê xtimá ká sá mô ungê ku ká stlivi. ²⁷Pundá kêngê sá glanji, insé ku sá tasondu ni mésa, ô isé ku ká stlivi? Na sá isé ku sá tansondu ni mesá? Andejimé, Ammi sá ni ômê di nansê kuma isé ku ká stlivi.²⁸Nansê sá isé ku sá ku ami giná plovason Mu. ²⁹Ami kunfia lenu dá nansê, axem mô Pé Mu kunfié dá Mu, ³⁰pá nansê pô kumé ku bêbê ni mésa, Ni Lenu Mu. Nansê ká tason ni libá tlônô pá nansê pô zugá inen dôsê tlibu di Islaeli.³¹Simon, Simon, ká bili wê, Satanaji piji pê tê nansê. pê pô plová nansê kuma a ká fé ku tligu. ³²Maxi Ami logá dá bô, Pa afé bô na môlê fá. Olá bô ká konvetê, flimá iné manu bô".³³Pedlu fá Dê ã: " Sumu ê, ami sá plivinidu pan un pô bê ku Sun ni plison antê ni motxi ka posá". ³⁴Jizú fá dê ã: "Ami xká flá bô, Pedlu, Galu ná ká kantá ni djá sé fá sê bô negamu tlexi vê, só bô ká fla ni já sé ku bô ná konxê Mu fá ".³⁵Anton Jizú fáda inen: " Olá Un mandá nansê, sê sakolá, sê jibela, sê plovison, sê sapatu, nansê xintxi fatá di uã kua?" Só iné kuji: "Nadaxi nón na sintxi fatá fá". ³⁶Anton Jizú fáda inen: " Zawó isé ku ká tê uã sakôla bê kuê axém têmbêté uã jibélá di plovison. Isé ku ná tê xipadá fá bêndê kapa kuê tê sósó kompla uã xipada.³⁷Zawo Un ká fla nansê ku tudu ká ku sá xklitu di vidá Mu ê tê ku kumpli: ' Ê fô konsideladu mô malifetolô'.Pundá, tudu kua ku fô fládu di vida Mu sá ká kumpli". ³⁸Anton, iné flá: "Sumu ê, Pia nai dôsú xipada". Só Ê fla Inen: " Ê ká xigá".³⁹Olá seia kabá, Jizú, fô ba Montxi di Olivelá, mô tá ká fé, só inen dixipulu dê ttava ká xigui Ê. ⁴⁰Olá inen xigá, Ê fádá inen: "Fé lason pá nansê ná kê ni tentason fá".⁴¹Só Ê fô ba munjá lonji dinen, só Ê vlágá, fé olason: "Pé, xi Sun mêsê, fô wê Mu kalisi sê. ⁴²Maxi ná mêsê vonté Mu fá maxi vontê Bô só Un mêsê fé miolá sê."⁴³Sósó ê bi d'ôsé uã anzu Desú, bi animé. ⁴⁴Pundá ê tava ni agonia, Ê tava ká fé olason ku fêvôlô, swô Dê bilá mô glanji gôtá di sangi ku tava ká kê ni son.⁴⁵Zawo, Ê lantá di fé olason, Ê bi anté inen dixipulu, só Ê bê inen tava ka dumini, punda inen tava ku dixgôxtô, ⁴⁶Só Ê punta inen: "Pundá kekua nansê xká dumini? lantá pá nansê pô fé olason, pá nansê ná lentla ni tentason fá".⁴⁷Zawo Ê tava ká flá, uã multidon di pôvô, xigá ku Juda, uã dinen dôzê, kua tava ká bi ku inen ungê sé, só ê xigá ni opé di Jizú pá ê pô dê uã bejinhu, ⁴⁸maxi Jizú fádé ã: "Juda ê, bô xká nganá Miná sê di Ômé ku uã bejinhu?"⁴⁹Olá inen kua tava loja Jizu bê kua sé ku tava ká pasá, inen flá: "Sumu ê, non pô filiê ku xipadá?" ⁵⁰Anton uã diné fili selivi di sumu sasedotxi ku xipadá só ê kôté olhá. ⁵¹So Jizú flá: "blagá kua sé, desá inen". Só Ê toka ni olha di selivi ku tava kotadu ê kula.⁵²Só Jizú fla dá inen plinsipali di inén sasedotxi, ku sá mésé di templu ku inen ansion ku tava ku inen bi kontla Jizú: "Nasê bi buká Mu mô ká buka uã ladlon, ku xipada ku pedasu di pó? ⁵³Andejimé un tava ku nansê ni templu, nansê na pê môn nansê ni Ami fá. Maxi miôlá sé sá olá nansê ku pôdê di xkulidon.⁵⁴Sósó inen plêndê Jizú bé kua ni ké di sumu sasedotxi. Maxi Padlu, ku tava distanti, tava ká xigi inen. ⁵⁵Maxi taji, inen sendê fôgô ni ômê di pátxio só inen tanson zuntu. Pedlu tanson ni ômé diné.⁵⁶Zawo uã nplégadá tava ká bê pedlu ká tason ni wê di fôgô, só ê filma wê dê ni Pedlu só ê flá: "Ômé sê tembêtê tava ku Jizú". ⁵⁷Maxi Pedlu negá, só ê fla: "Muwala ê, ami ná kunxé Sun sé fá ô". ⁵⁸Sósó ê vala uã tempu, ôtlô ungê ku bê Pedlu flá: "Bô tembêtê sá uã dinen". Maxi Pedlu flá: Ômé ê, Ami ná sá fô".⁵⁹Olpá ê vala uã olá, ôtlô ungê fla: "Védé mé ômé sé tavá ku Jizú, pundá ê sá galileu". ⁶⁰Maxi pedlu flá: "kêi ômé, ami ná sêbê kua kua nansê xká fla fá". Sósó ni momentu sé, olá ê tava flá, galu kantá.⁶¹Sósó Sumu Jizú bila ê pê wê dê ni liba di Pedlu. Sósó pedlu lembla di palavla ku Sun fádé: "Ózé, antix pá galu kantá, bô ká negamu tlexi vê". ⁶²Sósó, Pedlu xê, bá solá xintidú.⁶³Sósó inen ômê ku plêndê Jizú tava ká zombadê só inen tava ká dê pankadá. ⁶⁴Só inen fixá wê Dê, só a Punté: Plôfétiza! Kengê ku dá Bô pankadá?" ⁶⁵Sósó inen tava ká blasfemá inen tava ka flá iô kwa mali dá Ê.⁶⁶Sósó sólo plamá dá ni son, Inen ansion di pôvô zunta, ku inen sasedotxi ku inen iskliba. Inen bê ku Ê bá konxê dinen zudê, ⁶⁷só inen flá: "Xi bô sá Klixtu, fáda non". Sósó Ê flá: "Xi Un flá nansê, nansê ná ká kêlê fá; ⁶⁸Xi ami puntá nansê, nansê na ká kuji Mu fá.⁶⁹Maxi, ni miôla sé dá wê, Miná Sé di Ômé ká tanson di zuntu di Desú kua tê tudu Pôdê". ⁷⁰Só Inen tuduxi flá: "Zawo Bô sá Mina Desú?" Só Jizú kuji: "Nansê só ká flá ku Ami Sá". ⁷¹Só Inen flá: "Pundá Kekwá non ixká mêsê sextemunha? Pundá Non mé tendê ni boká Dê?"

¹Zawo, tudu inen mese di zudê lantá kontla Jizú só inen bê kuÊ bá Pilatu. ²Só inen ká komesá ká kusé ká flá: Non kontla Ômé sé ka pevêtê nanson non, Ê fadá inen pá inen ná pô padá impostu na Sesá fá, só Ê mé fáda kuma ê sá Klixtu, uã alê".³Sósó Pilatu punté: "Bô sá Alê dinen Zudê?" Jizú kuji ê: "Bô só xká flá". ⁴Só Pilatu fla da inen Mesé di inen sasedotxi ku inen multidon: "Na bê niuã klimi nio Ômé sé fô". ⁵Maxi inen tava ká temá, ká flá: " Ê ka tlomentá pôvô, xiná ni tudu Zudeia, plimê ê komesé ni Galileia só ê bi antê nai".⁶Sósó Pilatu têdê kua sé só ê puntá xi Ômé sé sá Zudê. ⁷Olá ê sêbê kua sá basu di atolidaji di Helodi, ê manda Jizpu bá lá, pundá Helodi tava ni Jelusalen inen djá sé.⁸Olá Helodi bê Jizu, ê floga lumadu, pundpá ê tê iô dja zá ku tava ka mêsê pia Jizú. Ê tava ká tendê di Jizú só ê táva ka mêsê pia uã milagli ku tava ká fé. ⁹Sósó Helodi tava ka intelogé ku iô palavla, maxi Jizú ná fádé nadaxi fá. ¹⁰Sósó Inen mése´dinen sasedotxi ku inen Iskliba tava ka lanta ká kusé sê matxi.¹¹Helodi, ku inen sode dê tava ka sombá Dê ku displesu, Inen pê Nê uã tunika di ungê liku, só inen manda bé kua dá Pilatu ôtlô vê. ¹²Pilatu ku Helodi bila migu ni dja sé mé. punda iné tava numigu nôtlô tempu.¹³Pilatu, zawo, konvoka iné mese di inen sasedotxi, inen atolidaxi di pôvô ku inen multidon di pôvô, ¹⁴só ê fáda inen: "Nansê bi ku Ômé sé dá mu mô ungê ku ká fé povo lebéla, maxi pia uã kwa: ami, ntologé ni we di nansê, maxi ná bê klupa né Ômé sé fá ni kua ku nansê fla kontla Ê, ku nansê ká pontá dédu dá Ê.¹⁵¹⁷Andejimé né Helodi, pundá ê manda mu Êle ôtlô vê. Maxi nansê pô pia ku Ê na tê nadaxi ku Ê ka mêsê motxi fá. ¹⁶Sósó, un, gabá Dé sotxi só un gabá sóté.¹⁸Maxi inen glitá tudu ungê zuntadu, só inen fla: "Xê ni wê non ku Ômé sé, txilá Balabás ni plison danon!". ¹⁹Balabás sá uã ômé ku tava plésu pundá ê fé uã tlomentu ni poson, ê tembêté matá ungê zá.²⁰Ôtlô vê Pilatu flá, punda ê tava mêsê livla Jizú. ²¹Maxi inen Pôvô glitá, só inen flá: " Pê ni klusu, Pê ni klusu". ²²Só Pilatu fádá inen ôtlô vê ku sá tlexi vê: "Pundá Kekwa?" Kê kôlô mali ku Ê fé? Ami na bê nadá xi Nê ku ká mêsê motxi fá. Zawo, un kastigê, un ká sôté".²³Maxi inen glitá ku plufya, piji Pilatu pê pô pê Jizú ni klusu. Sósó pijidu sé dinen multidon konvensê Pilatu. ²⁴Zawo Pilatu têndê inen. ²⁵Ê sótá Balabás mô inen tava ká piji, isé só ku tava ni plison plovia tlomentu ku ê fé ku klimi ku ê fé. Maxi, Pilatu, manda pê Jizu ni klusu môn inen tava mêsê.²⁶Olá inen tavá ká bê KuÊ dai, Inen pegá uã sungê ku ka sama Simião, di poson di Sileni, ku tava ka bi di kampu, só inen pê klusu ni libá dê pê pô klagê, lêlê Jizú²⁷Uã multidon di iô ungê ku muwala ku tava ká lamentá ku solá pundá Jizú tava ká sigi Ê. ²⁸Maxi Jizú bila dá inen só ê fla: "Inen miná di Jilusalen, Na solá da Mu fá; Solá dá nansê mé dá inen mina nansê.²⁹Ê ka bi djá ku nansê ká bá flá: 'Ben Ventuladu inen muwala ku sá mula, ku inen muwala ku ná tê mina fá, ku inen máma ku ná mamentá mina fá.' ³⁰Zawo, nansê ká bá fla dá montxi: "Kê ni liba non! ku inen kolina: 'Kubli non'. ³¹Pundá, xi inen ká fé kua sé olá pó madêla ´se vêdê, kekwa ku inen ká fé olá pó ká sá seku tatali?"³²Inen ôtlô ômé, dôsu kliminosu, fô inen tembêté ku Jizú pá inen tembêté môlê.³³Olá inen xigá ni lugê ku a ka sama "Kavêlá", naien inen klusifika Jizú, ku inen dôsu kliminosu, uã dê tava ni diletá di Jizpu ôtlô dê tava ni xkêdu di Jizú. ³⁴Jizú fáda´: "Pé Mu Ê, pôda inen, inen ná sêbê kua ku inés xká fé fá". Sósó inen lansá sotxi, pá inen pô patxi lôpa Dê.³⁵Pôvô tava ká pia zawo inen atolidaji tembêté, tava ká plovoké, inen tava ká flá: " Ê stlavá ôtlô ungê, bá non pia xi Ê ká stlavá a xi mé, xi Ê sá Klixtu, kôidu di Desú".³⁶Inen sôde tava ká zombá Dê, inen Dé vinagli, ³⁷só inen flá: "Xi bô sá Alê di inen Zudê, stlava Bô mé". ³⁸Sósó inen pê uã sklitá ni libá Dê: "ISÉ SÁ ALÊ DINEN ZUDÊ".³⁹Uã diné kliminosu ku tava klusifikadu zuntu Dê, tembêté, tava ká fla mali dê: Bô ná sá Klixtu fá? Stlavá Bô ku non tembêté". ⁴⁰Maxi ôtlô dê leplendê isé ku tava ká fla mali di Jizú, só ê flá: "Bô na ká têmê Desú fá, bô ku sá ni kondison me? ⁴¹Non sá nai, zuntu kuÊ, maxi non xká pagá kuá ku non fé. Maxi Ômé sé ná fé niuã mali fá".⁴²Só ê klesentá: "Jizú ê, fen favolô, lembla di ami, olá Bô ká lentla ni lenu bô ê. ⁴³Sósó Jizú fádé an: "Védé mé un xká fla bô, ozé mé bô ká tá ku Ami ni palaisu."⁴⁴Ê tava ni ômê djá di lelozu, son ê tava kulú din ni tudu télé anté quinzi olá taji, ⁴⁵Sóló munjá ê ná luji fá sósó kutina di templu blagá ni ômê.⁴⁶Sô Jizú glitá atu ku vozu DÊ": "Pé Mu ê, ni môn Bô Un ká legá Suplitu Mu ê". Olá Ê fla kua sé, Ê môlê. ⁴⁷Olá sôdê ku tava na lála bê kua sé, ê dá glolia da Desú, só ê fla: Védémé Ômé sé sá zuxtu".⁴⁸Olá inen multidon di pôvô bi pa pia kua ku tava ka kontêsê, plovia kua ku inen bê, inen fô ká batê ni pétu. ⁴⁹Maxi inen konxidu ku tava ka tá ku Jisú, kua inen muwala, ku tava ká xigê giná Galileia inen tava distanti, ká pia tudu kua.⁵⁰Zawo, tava ku uã memblu di konsê di inen zudê kua ká sama, José, ômé zuxtu, kua sá ⁵¹di Alimatéia, uã télá di zudá. Ê táva ká kwadá lenu Desú ( Ê ná tava tomá patxidu ku kua ku inen konsê táva ká fé ku Jizú).⁵²Ômé sé fô ba Pilatu, ê piji glôpô di Jisú. ⁵³Só ê txilá Jizú ni klusu, kubli Ê ku uã lensoló finá, só ê pê Jisú ni uã tumulu nôvu, ku niuã ungê tava ntéladu nê.⁵⁴Tavás ká sá djá di plepalason, djá Sabadú tá ka komesá. ⁵⁵Inen muwala ku tava ká ndá kuÊ giná Galileia inen pia tumulu ku a pê glôpô di Jisú nê. ⁵⁶Inen bila bi só inen plepalá plêfumi ku sensu. Zawo, ni sábadu inen ná fê nadaxi mô ká flá mandamentu.

¹Ni, Plimêlu djá di semana, ni madlugadá, inen bá ximiteli, inen bâ ku kua ku inen tava plepaladu. ²Sósó inen kontla bubu ku tava ni pótó di tumulu txiladu; ³Maxi, olá inen lentla inen ná bê glôpô di Jizú nálá fá.⁴Zawo inen fiká dimiladu plovia kua ku inen bê. Sósó dôsu ômé plasê ni wê dinen bixidu lôpa ku ká luji. ⁵Inen muwala ta ku mendu, só inen blia wê diné bá son, só inen ômé ku tava nala fáda ku inen muwala: "Pundá nansê bi buká ni ômê di motxi Isé ku ka vivê?⁶Ê na sai nai fá, Ê lesusita! Nansê ká lemblá olá Ê fla nansê, olá Ê tava ku nansê ni Galileia, ⁷olá Ê flá ku Mina di Ômé ká tá ni môn dinen pekadô pá inen pô klusifiké, maxi ni têsêlu djá ê ká blia vivê".⁸Sósó inen muwala lembla di falá sé ku Ê fla. ⁹Só, inen xê ni ximiteli, bá kontá inen kua sé dá inen onzé, ku inen tudaxi. ¹⁰Maia madalena, ku Juana, ku Maia, men di Txiagu, ku inen ôtlô muwala ku tava ku inen flá kua sé ku inen bê dá inen apoxtulu.¹¹Maxi inen apoxtulu ná kêlê ni kua inen muwala flá fá, inen fála sé inen pia mô kua ku inen muwala ká fla vonvon. ¹²Zawo, Pedlu, lanta bá ximitéli. Só ê vlegá pê pô pia ni dlentu, só ê pia lôpá ku Jizu tava kue tan. Sósó ê kôlê bá ké ku gôzô ni kloson ni kua ku tava kontexidu.¹³Ni djá sé mé, dôsu dinen tava ká bá uã vilá ku ká sama Emaús, niuã distansia di dôzê kilomitlu di Jiluzalen. ¹⁴Só inen tá ká ndá ká klonvesá di tudu kua sé ku tava kôlidu.¹⁵Zawo, olá inen tava ká flá ni kua sé, sósó Jisú plasê ni wê dinen, só ê tava ka ndá ku inen. ¹⁶Maxi inen na tava ká sêbê ku ê sá Jizú mé.¹⁷Jisu puntá inen: "Di kê kua nansê ixká flá ni camiã?" Só inen mundjá tlixti. ¹⁸Uã dê, ku ká sama Kléopas kuji: "Bô tá ku na sêbê kua ku dá ni Jiluzalen ni inen djá sé"?¹⁹Só Ê fla dá Inen: "kê kwa?" Inen kuji: "Kua ku ká toka Jizú di Nazalé, Isé ku fô uã Plofeta pôdêloso ni obla ku palavla, ni wê di Desú ku tudu pôvô, ²⁰Isé ku inen mesé ku inen sasedotxi ku inen atolidaji só tlégué pé fô kondenadu dá motxi, só a klusifiké.²¹Non tava ixka kwada ku Ê tava ka bi pa Ê pô livla Islaeli. Zawo, ê ixká fé tlexi já ku kwa sé kontesê, antê ozé nadaxi.²²Sá védé kua inen muwala ku tá ni ômê non suplendê non, olá inen flá ku inen bá ximiteli di madlugada. ²³Inen ná bê glôpô Dê fá, só inen bi flá non ku inen pia uã visondi anzu ku flá ku Jizú sá vivu. ²⁴Maxi uã -dôsu di non kôlô bá ximitéli bá pia xi kua ku inen muwala flá sé védé; maxi olá inen xigá nala ien ná bê glôpô Dê.²⁵Jizú, zawo, fáda inen: "Inen ômé flaku, ku kloson pesadu pa pô kêlê ni tudu kua ku inen plofetá fla! ²⁶Ku sá plixizu ku Klixtu ká soflê inen kua sé pa Ê lentla ni glolia Dê?" ²⁷Zawo Ê komesa ku Musé só ê kôlê ni tudu plofetá, só ê fé uã xplikason di tud kua ku Palavla Desú, tava ká flá ni kua ku toka Ê Mé.²⁸Olá inen tava ku xigá petu di vila sé, ku inen tava ká bé, Jizú fé mô ungê ku bê ni wê dinen. ²⁹Maxi inen plufia ku Ê, só inen flá: "Tá nai ku non, punda djá ká bila notxi zá". Sósó Ê lentla tá ku inen.³⁰Zawo, olá Ê tava ni mésa ku inen, Ê toma pôn, dá benson, patxi da inen. ³¹Zawo, wê dinen bili, só inen tava konxé Jizú miôla uô, só Ê plêdê ni wê dinen. ³²Sósó inen fla uã dá ôtlô: "Kloson non na tava ká lédê, olá Ê tava ká fla ku non ni camiã mô Ê tava flás ku non plômé di Palavla Desú?"³³Ni momentu sé, inen lantá bá Jiluzalen. Inen fô kontla inen onzé ku tava zuntadu ku inen ôtlô ku tava ku inen, ku flá: ³⁴Védémé Sumu lesusitá ê plasê dá Simon". ³⁵Zawo, inen têmbêtê flá kwa ku dá ku inen ni caminã mô inen bê Jizú olá Ê patxi pôn dá inen.³⁶Ni momentu sé ku inen tava ká flá kua sé, Jizú plasê ni ômê dinen só Ê flá: "Paji tá ku nansê!" ³⁷Sun inen tomá suxtu, fika ku mendu, punda inen tava pensá ku inen bê uã suplitu.³⁸Maxi Jizú flá: "Pundá kê kwa nansê sá ku mendu? Pundá nansê sá sê kêlê ni klonson di nansê? ³⁹Pia ni môn Mu, pia ni ôpé Mu, sá Ami mé! Toka Mu pá nansê pia. Uã suplitu na tê kani ku ôsô fá mô nansê ixká bê ku Ami sá kuê". ⁴⁰Olá Ê fla kwa sé, Ê musá môn ku ôpé dá inen.⁴¹Zawo, mô inen ná tava ka kêlê fá, pundá inen tava ka gôgô ku flogá, só Jizú flá inen: " Nansê tê uã kua di kumé? ⁴²Só Inen dá Jizú uã pedasu di pôn ku pixi sadu. ⁴³Só Jizú tomé kumé ni wê dinen.⁴⁴Só Ê flá inen: Olá Un tava ku nansê, Un fla nansê: ku sá plêxizu kumpli tudu ku toka Mu ku tava xklitu ni Alê di Musé, ku inen plofetá ku Salmu".⁴⁵Zawo, Ê bili mentxi dinen pá inen pô komplêdê kua ku Palavla Desú tava ká fla. ⁴⁶Só Ê flá inen: "Axem tava sklevidu ku Klixtu tê ku soflé só lesusitá ni motxi ni têsêlu djá. ⁴⁷Zawo, ni Nomi Dê, ká pô plegá alependimentu ku péndon di pekadu dá tudu nanson, só a ká komensá ni Jiluzalen.⁴⁸Nansê sá sextemunha di inen kwa sé. ⁴⁹Zawo Un ixká bi ku plômesa di Pé Mu dá nansê; maxi mundjá ni poson antê nansê sá tomadu di pôdê ku ká bi dálá liba".⁵⁰⁵¹Zawo, Jizú fô ku inen bá lúwá pétu di Betânia. Só Ê lantá môn Dê, dá bebnson da tudu inen. Sósó, olá Ê tava ká dá benson dá inen, Ê fô (yôlô) só Ê tava ká subli ba ôsé.⁵²Zawo, inen gôgô kuÊ só inen bila bá Jiluzalen ku glandji lêglia. ⁵³Sósó inen tava tudu djá ni templu, ká lová Desú.

¹Ni komesu, ê ta sa Palavla; Palavla tava ku Dêsu Palavla sa Dêsu. ²Ê tava djina komesu ku Dêsu. ³Tudu kwa ka sa fedu sa plu ômê Dê sê Êlê tudu kwa ku sa fedu na sem fa.⁴Nêlê tava vida, vida sé sa kandja dinen ome. ⁵Kandja ludji ni kulu; kulu na pôji kwê fa.⁶Uã ome tava sen mandaduplô Dêsu di nomi Zon. ⁷êlê bi mo sestemunhu pa da sestemunhu di kandja, pa tudu ngê pô kêlê plu mê dê. ⁸Ê na sa kandja fa, maji ê bi di da sestemunhu de kandja.⁹Vede me ê sa kanbja, ku ka da tudu ome kêdadji, ku tava ka bi mundu.¹⁰Ê tava ni mundu êlê so ku fe mundu, maji mundu na kônsê fa. ¹¹Ê bi da inen ngê dê inen na lêsêbê fa.¹²Maji, tudu ngê ku ka lêsêbê, inen ixi ku ka kêlê ni Nomi dê, a da odji di bila mina Dêsu, ¹³´nen se n nansê ni sangi fa, nê vôntedi kani fa, ne vônte di ome fa maji di Dêsu.¹⁴Palavla bila kani vive ni ômê non, nim bê glolya dê, kuma gloya di Ukuniku mina di Pe, xa di glasa ku vede. ¹⁵Zon da sestemunhu Dê klama, fla:" Isé sa ixi ku ami fla: Ise ku ska bi zo amiÊ sa maxi tamé dô kê ami punda Ê sa plumê dami."¹⁶Punda tuu non tê glasa bila glasa ku Ê bi kwê. ¹⁷Punda a da alê plu ômê di Muze, maji glasa ku vede bi plovia di klistu. ¹⁸Nê uã ngê na bê Dêsu fa. Uniku ku sa Dêsu, tava zuntu ni ose ku Pe, Êlê so fla nê.¹⁹Ise sa sestemunhu di Zon, ola ku inen Zudê manda sasedotxi ku inen levita di Jeruzalem ba punté:" Kengê sa bô?" ²⁰Ê fla klalu ê na nega fa ê fla:" Ami na sa Klistu fa." ²¹Inen punté: " Anton kêngê bô sa?" Elias?" Ê fla: "Inó." Plofeta? " Ê Kuji: "Ami na sa fa."²²Anton inen fadé: " fada non kêngê sa bô, pa non tê kuma di kuji inen se ku manda non. kwê kwa bô ka fla di bô mé? ²³Ê fla: " Ami safala dixi ku klama ni dizetu: " Koseta stlada Sum mó plôfeta Izaia fla:²⁴Inen se ku a manda bé sa dinen falizeu. ²⁵anton ine punte:" Anton, ka manda bô ska butxiza, xi bô na sa klistu, n^Elias nê plofeta fa?"²⁶Anton ê kuj' inen: Ami ka butiza ku awa; maji no ômê nansê sa ku ngê ku nansê na kônsê fa. ²⁷Ise sa ku bi zo ami, Ngê ku ami na pôji txila kodo di sandalha Dê fa. ²⁸Inen kwa sé da ni Betânia, ni ôtlô bodo di juldon kamya Zon tava ka butiza.²⁹Dja xigintxi, Zon bê Jizu ka bi zuntu dê ê fla: "Ise sa Kodêlo di Dêsu ku ka txila pakadu ni mundu!" ³⁰Ise sa ixi ku ami fla: ' ise ku ska bi zo amiÊ sa maxi dôke Ami,punda ska vivê plumê ku ami. ³¹Ami na ta kônsê fa ,Êlê manda ami ska butiza ku awa pla Israel pô kônsê."³²Zon da sestemunhu: Ami bê suplitu ka êsê ni ose mo pombi, mundja ni liba Dê. ³³Ami na ta kônsê fa; maji ise ku manda mu butiza ku awa, fada mu:" Ngê ku bô bê suplitu ka dêsê bila ta ni liba Dê ise so ku ka butiza ku Suplitu Santu." ³⁴Un bê bila da sestemunhu kuma ise sa mina di Dêsu.³⁵Dja xiginti, Zon tava na la ôtlô vê ku dôsu lumõnxiho dê; ³⁶Ola , ê bê Jisu ka vala ,ê fla :" Ise sa koldêlo di Dêsu!"³⁷Dôsu lumônxiho têndê kwa ku zon fla, inen komesa ka lêlêJizu ni tlaxi. ³⁸Jizu bila , ba tlaxi ê bê mo ine ska lêlê, ê fadinen:" kwa nansê mêsê?"Inen kuji: Rabi( ku sa mese) andji Sum ka ta nê?" ³⁹Ê fadinen :" Bi nansê, nansê ka bi bêlê."inen bé, ante bê kamya Jizu ka ta nê, ê tava ka xigaola dexi êle manda me inen ta kwê dja se.⁴⁰Andre, manu di Simon Pedu, sa uã dinen ku têndê Zon ka fla ku lêlê Jizu. ⁴¹ê bê manu dê plumê, Simon, ê fadê: "Non bê Mesias"( Ku nôtlô lungwa sa klistu). ⁴²Ê bé kwè da Jizu. Jizu pyê fla: "Bô sa Simon , mina Zon. Bô ka bi sa samadu Sefas (ku tladuzidu sa Pedu)⁴³Djaxiginti, ola Jizu ba Galileia.Ê bê Filipe, ê fadé:" Lêlê Mu." ⁴⁴Filipe fô di Betizaida, poson de André ku Pedu ⁴⁵Felipe bê Natanael ê flê: Ise ku alêdi Muze ku inen plofeta sklêvê, non bêlê: Jizu, mina Zoze di nazaré."⁴⁶Natanael Punta:" Ê ka pô bi kwa kwali kwa bwadu di Nazaré? "Flipi kuji:" Bi pya". ⁴⁷Jizu bê Natanael ka xiga, Ê fla dê :" Ise sa uã isrealita di vede!" ⁴⁸Natanael kuji Jizu: Andji bô kônsê mu? " Jizu fade:" Ola Filipe sama bô Un ta bê bô ola bô tava ni basu figêla."⁴⁹Natanael Kuji: Rabi, Bô sa mina Dêsu! Bô sa alê di Israel!" ⁵⁰Anton Jizu fla: "Punda ami fada bô kuma un bê bô ni basu di figêla, bô kêlê? Bô ka bi bê kwa maxi tame dise. ⁵¹Vede mevede, nga fada nansê ka bi bêose betu, inen anzu Dêsu ka subli ka dêsê niliba mina Ome."

¹Ni tlêsêlu dja, tava uã kazamentu ni Caná di Galileia;men di tava nala. ²Jizu ku inen lumôxinho dê tembete fô kunvidadu kazamentu.³Ola, vin Kaba , men di Jizu fla Jizu:" Inen na tê vin fô." ⁴Jizu kuji: "Bô ka bi lêlê Mu, mwala?Tempu mu na xi xiga fa." ⁵Men di Jizu fada inen selivi: Fe tudu kwa ku Ê ka fla nansê."⁶Nala tava sexi vazu di budu inen zudê ka pê awada puliflikason nê kada uã vazu se ka lêsêbê ôtô dexi ante sentxi vintxi litlu. ⁷Jizu fad'inen: "xa ine vazu seku awa." Inen xe ante boka. ⁸Anton, Ê fada inen selivi: txila pikina dê be kwê da mese sala."Inen fe axen.⁹Ola mse sala plova awa ku bila vin, sê sêbê andji ku ê bi nê fa(maji inen selivi ku txila awa sêbê. Ê sama noivu, ¹⁰fade: " Tudu ngê ka pê vin bwadu plumê, zo ise baleladu ,ola inen konvidadu ka sa bebidu; maji bô lôklê vin bwadu antê myole.¹¹Ise sa plumê xinali, ku jizu fe ni Kaná di Galileia, musa gloya Dê, inen lumôxinho Dê kêlê Nê.¹²So so so di kwa se, Jizu , men dê, inen manu Dê ku lumôxinho dê dêsê ba kafanaum, inen ta la uã dôsu dja.¹³Paskwa dinen zudê tava petu, anton Jizu subli ba Jeluzalém. ¹⁴Ê bé ni templu inen se ku ta ka bêndê bwê, kanêlu, pombim, ku ngê ku ka ta tlôka djêlunala tasondu.¹⁵Jizu fe uã sôtxi di kodo, kôlê ku tudu inen fô templu, antê kanêlu,bwê,bila wanga djêlu pê sondinen ku ka , bila meza dinen. ¹⁶Ê fla da inen ku ka bêndê pombi: Txila inen kwa se daí, na fe kê pe Mu uã fela fa( tloka djêlu).¹⁷Inen lumôxinho Dê lembla kwa ku sa sklêvidu:" Zêlu ké Bô ska mata mu!" ¹⁸Ê na tada fa, inen giya wê dinen zudê kujê: "Mo Bô fe inen kwa se kê xinali a ka musa non?" ¹⁹Jizu kuji:" Ami ka blaga templu se, ni tlêxi dja nga bila fê."²⁰Anton, inen zudê fla: temlu se te kwalenta sêxi anupê sa fedu,Bô ka fê ni tlêxi dja?" ²¹Maji , Ê tava ka fla di templu di klôpô Dê. ²²Tempu vala, ola Ê koda ni motxi, inen lumôxinhu dê lembla di kwa ku Ê tava fladu, inen kêlê ni sklitula ku palavla fladu plô Jizu.²³Ola a ska fe seleblason di paskwa,Ê tava ni Jeluzalém, yô ngê kêlê ni nomi Dê,punda inen bêmilagli ni xinali ku Ê tava ka fe. ²⁴Maji, Jizu na kunfya n'inen fa, punda Ê kônsê tudu inen. ²⁵I ê na se plixizu nê uã ndê da sestemunhu di ome fa, punda Êlê me kônsê tudu kwa ku sa ni ome.

¹Uã falizeu ta se ku nomi Nikodemus giya wê dinen zudê. ²Ê ba lêlê Jizu nôtxi fadê: " Rabi, non sêbê kuma bô sa uã mêse ku bi di Dêsu,punda nê uã ngê na ka fe inen xinali se, xi Dêsu na sa kwê fa."³Jizu kuji:" Ni vede, ni vede, nga fada bô: xi uã ome na bila nansê ôtlô vê na ka pô lentla ni lênu di Dêsu fa." ⁴Nikodemus fade:" Kuma uã ome xi ê sa vé za? Ê ka pô lentla bêga men dê bila nansê?"⁵Jizu kuji:" Ni ved, ni vede, naga fada bô: ngê ku na nansê di awa ku Suplitufa na ka pô lentla ni lênu Dêsu fa." ⁶Ise ku nansê di kani sa kani, ku nansê di Suplitu sa Suplitu.⁷Na babaka mo nga fada bô kwa sefa:" Sê sa nansê bil nansê," ⁸Ventu ka sopla kamya ê mêsê, a ka têndê tlomentu dê, maji a na sêbê andji ê ka bi dê nê kamya ê bé dê fá. Axen sa tudu ixi ku ka nansê di Suplitu.⁹Nikodêmus kuji ê fla: " Kuma kwa sa?" ¹⁰Jizu kuji ê: Bô mêse ni Islaeli, na sêbê kwa se fa?" ¹¹Ni vede ni vee, nga fada bô: 'Non ka fla kwa ku non sêbê, da sestemunhu di kwa ku non bê; axen me nansê na ka kêlê ni sestemunhu non fa."¹²Xi nga fada nansê, dinen kwa tela nansê na ka kêlê fa, kuma nasê ka bi kêlê xi ami kônta nansê inen kwa di osé? ¹³Nê uã nê na subli ba osé sa , xi ê na na sa isê ku dêsê di osé, mina ome.¹⁴Axen mo Muzé lanta kôblo ni campu azetô, mina ome ka bi sa lantadu, ¹⁵Pa tudu ngê ku kêlên^ka tê vida pla semple.¹⁶Dêsu ama mndu di uã modu ku Ê da Uniku Mina Dê, pa tudu ngê ku kêlê nê na ka plêdê fa, maji ka tê vida pala semplê. ¹⁷Punda Dêsu manda mina Dê bi mundu na di kondena mundu fa, maji pa mundu sa stlavu plôvia Dê. ¹⁸I xi ku kêlê Nê na k bi sa kondenadu fa. I se ku na kêlê nê fa sa konenadu za, punda ê na kêlê ni uniku mina di Dêsu fa.¹⁹Djulgamentu sa is: a manda kandja bi mundu, i inen ome ama kulu maxi dôkê kandja,punda obla dinen na bwa fa. ²⁰Tudu ngê ku ka fe mali ka tê odjô kandja, ê na ka bi kêdadji pa na bi bê obla dê. ²¹Andêjime, ise ku ka fe ben ka bi kandja pa bi pya obla dê, punda ê fedu ni Dêsu.²²Zawo di sê, Jizu xê ku inen discipulu ê ba flêgêdja di Judêia, andêjimé ê pasa uã tempu ku inen ka butxiza nala. ²³Zon tembeté, tava ka butxiza ni Enon, petu di Salim, punda tava ku yô d'awa, a tava ka ba lêlê di sa butizadu, ²⁴punda a na xi ta pê Zon mi kadja fa.²⁵Uã plufia plasê ku inen dixipulu di Zon ku uã zudê da selimônya di pulifikason. ²⁶Inen bê antê Zon fade: "Rabi, ise ku tava ku bô ni ôtlô kantu Zudon, i se ku bô da sestemunhu, ê ska butxiza, tudu ngê ka ba lêlê"²⁷Zon Kuji: Nê uã ngê na ka pô lêsêbê kwa, xi di osé xi a na dé fa. ²⁸Nansê me sa sestemunhu di kwa nga fla: " Ami na sa klistu fa, nga fla ,ami sa mandadu ni wê dê.²⁹Nôiva sa di nôivu, maji migu nôivu, ku sa zuntu dê ka têndê, ka li plôvia di nôivu.Axen, gôstô mu ska kaba. ³⁰Sêla Ê klêsê pa ami pô mingwa,³¹I se ku ka bi di liba sa liba di tudu ngê; ku ka bi tela ka fla inen kwa di tela.I se ku bi dinen osé sa liba tudu ngê. ³²Ê ka fla di ka ku ê têndê bila bê, maji nê uã ngê na ka kufi sestemunhu Dê fa. ³³I se ku kuji sestemunhu Dê ka konfilma kuma Dêsu sa vede.³⁴Punda Ise ku sa mandadu plô ka fla palavla Dêsu.Punda Suplitu Dê sa dadu sê mindjida. ³⁵Pe ka ama mina soso Ê tlega tudu kwa ni mon Dê. ³⁶Ise ku kêlê ni mina tê vida pala semple, maji ixi ku dizôbêdêsê mina na k bê vida fa, maji lêva Dêsu ka sa liba dê"

¹Ola Jizu bi sêbê Kuma gia wê ta tendê kuma Ê tava ka butxija maxi lumanxino do kê Zôn ²(andeji Jizu me nata ka butxiza, moji inen lumonxinho Dê) ³desa judeia zawo bila ba Galieia⁴Ê ta sa plixizu vala ni Samaria ⁵Anton, Ê bi uan posõn di Samaria, samadu Sikar, petu di inen tela sé ku Jacó tava tlezadu da moço dê Zozé⁶Na lá ta tê pôço di Jacó. izu tava kansadu de viagi, Ê poze tason ni bôdó pôço. Ê ta vá plô vota di lisla sexte. ⁷Uan mwala Samalitana cu bi txilá áwua, só só Jizu fádê:"Dá mu di bêbê"; ⁸(punda lumonxinho Dê bá kóplá cumé ni poson).⁹Anton,mwala samalitana fá dé:" cuma bô, ku sá zudê ka bi piji mu, ku sá mwuala samlitana áwa di bêbê?(Punda inen zudê ku samalitanu na tava Ka dábem fá). ¹⁰Jizu kuji:" xi bô Konse glaça Dêçu, nguê sá ixi ku flá bô: Dá- mu di bêbê, bô çá Ka bi piji ê , só só Ê ka bi dá bô áwa vivu.¹¹Mwuala kujiJizu:" Sumu, Sum ná tê uãm baji fá, pôçu sa fundu, nanji bô Ká bi txilá áwa vivu nê? ¹²Sá Bô maxi támé dô kê pé nom Jacó, ku dá nom pôço kuêlê mé bêbê ku inem mina dê gadu dê tudu a xi"?¹³Jizu kuji kwa kwuali ku ka bêbê di áwa sé ka té sêji ôtlo vê, maji kwa kwali ko bêbê de áwa sé ku Ami ká dá, nunka ê ká bi tê sêji fá. ¹⁴Andejimésá, áwa sé ku nguê ka bilaê uãm fontxi d' áwa ku ka kôlê pá vida pala semplé.¹⁵Mwuala sé faá Jizu:" Sumu ê, dá-mu di áwa sé; pla ami na bila tê sêji, pá ami na bilá bi txilá". ¹⁶Jizu fadé:' bê, çama home bô zawó bilá bi moé.¹⁷Mwala kuji Ê:" Na té home fá". nton Jizu fadé:bô flá bwuado: Ami na tê home fá"! ¹⁸Bô tava ku xinko,ixi ku bô tê wua na çá dji bô fá! Bô flá vedé ni i sé.¹⁹Mwala sé fadé: sumu ê; ûska bê kuma Sum sá plofeta. ²⁰Inen nom tava ka adola ni ôkê sé, maji nansé Ka flá kuma Jerusalém só sálugué andji tó ka pa dorar né.²¹Jizu kuji ê:"Mwala ê, Kêlé ni ami, Kuma tempu sa xigadu ke né ni ôkê sé,né ni Jerusalém,aka bi dora Pé. ²²Nansé ká adora kwa ku nansé na konsé fá nom ká dorar kwa ku nom konsé,punda stlvason ka bi di inem zudê.²³Andeji mé, ê skaxiga hola, só só ê xiga, ku inem doradô di vedé Ka dora Pé ni suplitu ni vedé, punda inem doradô sé sá ixi ku Pé ska goló. ²⁴Deçu sá Suplitu só só nguê ixi ku ka doré se lá dorÉ ni suplitu ku vedé²⁵Mwala fa dé : "Ami sêbê Kuma Messia skabi, Ixi ku sá samadu "Klisto".Ola Ê ka bi, tudu kwua Ê ka xinx nom". ²⁶Jizu fadé: " Ami sá, Ixi ku sá flá ku bô.²⁷Só só ni muçon salainem lumonxinhod dê tala babakadu punda Ê tava ka flá ku ûa mwuala: soso,, ne ûa nguê na punta fá: "kwa bô ska golo?" Ô "kwua manda bô ska flá ku ê?"²⁸Antom mwala é dêça potxi dê, bila ba poçon zawo fadá inem nguê sé: ²⁹A bi pya home ku kontá tudu kwa ku ûn fé.Ê na sá klistu fá. ³⁰Inem léga poçon bi lêlê Ê.³¹Ni ola di nen kwa inem lumonxinho tava ka pij Ê: Mesé ê, cumé. ³²Maji Ê fadinem"um tê ûa cumé pa cumé ku nansé na konsé fá . ³³Inem lumonxinho tava ka punta ûaku ôtlô: Anton uã ngué ka pô bi ku cumé dé.³⁴Jizu fadé inem "cumé mu sá fé vonté de nguê xi ku manda Mu, soso kompleta obla dÊ. ³⁵Nansé na ka flá:"Antawo ê fatá kwatlu meji pa fé kolheta"?.Andejimé, ngueé fada nansé: lanta wêpya inen kampu punda ê sá plontu pa kolheta za. ³⁶Ngué ska koyé! ka toma pagamentu dê bila zunta flutu da vida pala semple,pa ixi ku ka ximya ku ixi kuka koyé pa legela zuntu.³⁷Axen, ditadu sa vadé:Ûa ka ximya soso ôtlô ka koyê: ³⁸Ami manda nansépa koyé anji nansé na tlaba fá; ôtlô tlaba, soso nansé lentla ni stluvisu d' inem".³⁹yô d' inem samalitanu kêlê né plovia de setemunho di mwala sé: "Ê Kontamu tudu kwa kun tava fedu". ⁴⁰Anton, ola inem bi ante Jizu piji Êpa ê ta ku inem, soso Ê ta ku inen doço dja nalá.⁴¹Plovia di palavla Dê yô nguê kêlê. ⁴²Inem tava ka fla mwala sé:"Nom Kélé na sa plovia d'inen palavla sé tan fá, maji punda nom tend'Ê plô non mé, agola non sêbê kuma Isé sá stlavadô di mundu di vedé."⁴³Ola inen dja sé vala, Ê bá Galileia; ⁴⁴Punda Jizu plopi fla Kuma ûaplofeta na tê honra ni tela dê ploplifa. ⁴⁵Ola Ê xiga galileia;inen galileu lêsêbê Jizu. Inem tava pyadu tudu kwa ku Ê tava fedu ni Jerusalém ni fesa,punda inen tenmbeté tava ni fasa di Paskwa.⁴⁶Ê bila bi kumade Galileia, andji áwa tava biladu vim. Ni Cafarnaum ûa setu ofixiali di alê tava ku uã mina mosu doentxi. ⁴⁷Ola ê tendê kuma Jizu tava desa judeia bila bi galileia, bi anté Jizu piji Ê pa dêsê ba Kulá mosu dê ku tava doentxi felumu.(kwaji molê)⁴⁸Anton, Jizu fadé: Xi a na bê xinali ka maravilhananse na ka kêlê fá". ⁴⁹Fixiali kuji:" sumu ê ,dêsê ku ami ateji ku mosu mu ka môlê". ⁵⁰Jizu fa dé:" Bé mosu bô ska vivê". Home sé kêlê ni palavla ku Ê tava fla, soso ê be.⁵¹Ola ê tava ka dêsê inen selivi dê bêlê,fla kuma mosu bô tava vivê . ⁵²Anton ê punt'inem olá ku ê fa baleladu,inen kujikuji;"onte notxisetimu ola flêb desé.⁵³Pé plesêbe kuma ola sé ta sá ola ku Jizu tava fladu: "mosu bô ska vivê".anton êlê ku tudu familia dê Kêlê. ⁵⁴I sé fa segundu milagli kuJizu fé ola Ê bi di Judeiapla Galileia.

¹Ola inen kwa se vala, uã fesa d'inen zuê ta sm, soso Jizu subli da Jeluzalém. ²Uã tanki sem ni Jeluzalém , petu di poto dineno Kanêlu, ku ni (alamyku sa samadu di Betesda) soso ê tê xinku entlada tapadu ni bodo dê. ³Uã numulu glandji de ngê ku sa ska doentxi, segu,manku, ku lzadu, tava kustumaduka tai ni bodo ka gwadauã ndjinza. ⁴Punda, uã anzu di sumu tava ka dêsê zawo bwuli awa di ola plô ola, soso kwa kwali ku ka lentl plumê ola awa ka sa bwulidu, tava ka sa kuladu dikwakali doentxi.⁵Uã sugê, ta sen ka doentxi tlinta ôtô anu, tava nala. ⁶Bêlê detadu soso sêbidu ku ê tava na la txolaza, Jizu punte: ''Bô mese sa kuladu?"⁷Ome se doentxi kuji:" Sumu , ami na te nê uã ngê pa pê mu ni tanki, ola awa sa bwuliu fa.Ola nga mêsê bé, ôtlô ka pasa mi ni wê mu. ⁸Jizu fade: Lanta, toma kyalu bô nda.⁹Mind'ola se ome fô uladu, toma kyalu dê nda. Dja se tava sa uã sabadu.¹⁰Anton, inen zudê fada ome ku ta sa kuladu:" Ê sa sabadu bô na tê plemisin de kklaga kyelu bô fa. ¹¹Ome se kuji: " ngê xi ku kulamu fla:" toma kyelu nda."¹²Inen punte: kêngê fada bô:" toma kyelu bô nda?" ¹³andejime, ome kuladu na tava sêbê ngê kulê fa, punda Jizu ta xê ni stlegêdu plôvia di uã monsa ngê ku tava nala.¹⁴Maxi taji , Jizu bê ome ni templu.Soso fadê: "pya bô sa ku saôdji! Na peka maxi, pla ka pyolo na da." ¹⁵Ome xê ba fla inen zudê kuma ê sa Jizu so dê saôdji.¹⁶Anton, inen giya wê dinen zudêplixigi Jizu, punda Ê tava ka fe inen kwa se ni sabadu. ¹⁷Jizu fad'inen:Pe me ska tlaba ante wo, soso Ami tembete ka tlaba." ¹⁸Plôvia di kwa se , inen zudê antawo kya mese mata Jizu, na sa punda ê kebla sabadufa, maji plo sama Dêsu di plôpi Pe Dê,ska fe Êlê me mo Dêsu.¹⁹Jizu kuji inen: " ni vede ni vede, nga fada nansê kuma mina na ka pô fe nadaxi plô Êle me fa , ixi ku ê ka bê Pe dê ka fe; punda kwa Pe ka fe , Mina temdete ka fe. ²⁰Punda Pe ka ama mina, soso muse tudu kwa ku Ê ka fe, kwa maxi tamé dôkê ise,ê ka bi muse, nansê k bi babaka.²¹Punda,axem mo pekadu inen moti soso da inen vida, mina tembeteka da vida d ngê Ê mêsê. ²²Plôtantu, Pe na k djulga nê uã ngê fa, maji Ê da mina tudu djulgamentu. ²³Pa tudu ngê lispeta mina di modu ku aka lispeta Pe. Ixi ku na ka lispeta min fa, na ka lispeta Peku mandÊ fa.²⁴Ni vede, ni vede, naga fada nansê, kuma ngê têndê inen palavla Mu zawo kêlê ni ixi ku manda Mu tê vida pla sempleê na ka bi a kondenadu, maji ê vala di motxi pla vida.²⁵Ni vede, ni vede, nga fla nansê tempu sa di bi ,ê xiga za , kuma inen matxi ka bi têndê fala di mina Dêsu, inen se ku têndê ka bi vivê.²⁶Punda, axem mo pe te vida ni Êlê me, di modu se me, Ê da minadi tê vidan'Êlê me. ²⁷Soso da mina odji pa djlugamentu, punda Ê sa mina d'ome.²⁸Na babaka da kwa se fa , ê ska xiga tempu ku inen ngê xi ku sa tumba ka bi têndê faa Dê zawo xê. ²⁹Inen se ku fe ka bwadu, ka koda da vida, inen se ku fe mali, ka koda da djlugamentu.³⁰Ami na ka pô fe nadaxi plô ami me. Mo nga têndê djluga, soso djlugamentu mu sa justu punda na ka golo di fe vontemu fa,maji vonte di ngê ku manda Mu. ³¹Xi ami tan, da stemunhu di Ami me, sestemunhuMu na sa vede fa. ³²Ôtlôsem ku ka testifika plô Ami,Un sêbê kuma sestemunhu de d'ami sa vede.³³Nansê manda moso lekadu dba lêlê Zon, soso ê da sestemunhu vede. ³⁴Andejime, sestemunhu ku Ami lêsêbê nga bi di ome fa. nga fla inen kwa se pa nansê pô stlava. ³⁵Zon ta sa uã kandja ku tava ka lêdê ka fe kêdadji, plô pôkô tempu, nabê gogo ku kedadji dê.³⁶Andeji me, sestemunhu ku Un tê sa maxi tamé dôkê di Zon,punda obla ku Pe da mu di fe, sa i se me ku ng fa , ise me ka sestemunha da mu kuma Pe manda mu. ³⁷Plopi Pe, ku manda Mu ka sestemunha da Mu.nubka nansê têndê faladê fa,nê pya dada ku Ê sa. ³⁸Ne palavla Dê nansê na teni nansê fa, punda a na kêlê ni ixi ku Ê manda fa.³⁹Nansê ka golo ni sklitulape kêlê di tê nê vida pla semple, i sa êlê me so ka sestemunhad'Ami, ⁴⁰Maji a na mêsê bi lêlê mu pa te vida fa.⁴¹Ami na ka lêsêbê gloya di ome fa. ⁴²Maji Un sêbê kuma amôlê di Dêsu nansê na tê fa.⁴³Ami bi ni nomi di PeMu ana lêsêbê mu fa; xi ôtlô kwakwali ku bi ni plôpi nomi dê, nansêka lêsêbê. ⁴⁴Kuma a ka pô kêlê, nanê ku lêsêbê gloya uã di ôtlô, maji na buka gloya ku ka bi di uniku Dêsu fa?⁴⁵Na kunda kuma ami me sa ka bi kuza nansê ni wê Pefa. Ngê ka kuza nansê sa Muzé, ngê ku nansê pê spelansa nansê. ⁴⁶Xi a ka kêlê ni Muzé, a ka bi kêlêni Ami, punda ê da sestemunha Mu. ⁴⁷Anton, xi na kêlê ni kwa ê sklêvê fa kuma a ka kêlê ni palavla mu?

¹Ola inen kwa sévala, Jizu ba ôtlô kwantu di omali: Galileia,tembete samadu omali di Tiberiades. ²y ô pôvô tava ka lêlê, punda inem bê sinali ku izu fé ni inm ixi ku tava ka doentxi. ³Jizu subli ôkê nalaÊ tason ku inen lumôxinho Dê.⁴Paskwa, fesa d'ine judé tava petu. ⁵Ola Jizu bê uwa multidon glandji ka bi ni direson Dê, Ê fla Filipe: "andji, non ka ba kompla npon pla nguê se kume"? ⁶(Jizu fla kwa sé di pnta Filipe, punda Êle me sêbê kw ka Ê ska bi fe).⁷Filipe kuji Ê:" Duzentu denariu di npon na ka xiga plaka da ngué lecebepelu menu pikinafa". ⁸Uwa dine lumoxinhô, André, manu di Simon Pedu,fada Jizu: ⁹Nai sa uwamosuku tê xinku npon di sevada ku dosu pixi, aji kwa sa kwa se da tudu ngué sê"?¹⁰Jizu Kuji: Fé pôvô tason; Ê tava ku yô di alibami luguê sé. Anton ine home tason, ni númurudi uwa xinku mili. ¹¹Anton, Jizu toma npon zaó da glasa, dá ine se ku tava tasondu. di modu se me, Êfe ku piximinda ku ine mêsê. ¹²Ola bega xa pôvô, Jisu fada iné lumoxinho De: "kôyê ne pedasu ku sobla pla nada xi na dana fa"¹³Anton, ine lumoxinhô xa doze kwali ku padasu di npon di sevada ku zunta, di sadu plô ine se ku kume. ¹⁴Ola nguê be xinali sé ku Jizu fe, ine fla: Vadé me ise sa plofeta ku ta ka bi mundu". ¹⁵Ola ine tava kwaji di pege se vonte pla fe alê, ê bila xê tã ba ôkê.¹⁶Ola notxi xiga, inen lumoxinhô Dê dêsê ba ôliyô. ¹⁷A lentla vapô, inen be ni diresom omali Cafarnaun. Ê tava kulu za ni ola sé, Jizu antaó na xi ba bê inen fa. ¹⁸Plovia uwa ventu fotxi ku tava ka sopla omali tava ka buli.¹⁹Anton, ola ine lumonxinhô tava lemado plo vota di vintxi xinkuô tlinta estado, inen bê Jizu ska nda ni liba d'omali,ska ba bodo vapô, inen fika ku mendu. ²⁰Maji Jizu fa d'ine:"Ê s'ami! Na mendu fá". ²¹Anton, inen tava plntu di lêsêbê ni vapô, meda ola me vapô xiga distino dê.²²Dja xiguinti, multidon ku tava ôtlô kwatu d'omali inen na bê ôtlô vapô nala fa uwã tã, Jizu tembete na lentla nê ku inen lumoxinhô fá, ma inen lumoxinhô be tan. ²³Andejime, ê tava uwã dosu vapô ku bi di Tiberiadis petu di lugué anji inenkume npon ola sum dá glasa.²⁴Ola multidon sêbê ku nê Jizu nê inen lumoxinhô Dê na tava nala fá, inen lentla ni uwã dôsu vapô bá goloÊ ni Cafarnaun. ²⁵A bê lÊ ni ôtlô kwantu di ôlyô, ine fadÉ:" Rabi, kê ola Sum xiga naí"?²⁶isu kuji, fla: Ni vedé, ni vedé, nansé ska goló Mu na punda a bê xinali fa, maji punda nansé kume npon bega xa. ²⁷JTlaba na pla kume ku ka dana fa, maji pla kume ku ka tapla vidapala semple,kwa kuMina hom ka bi da nansê punda Dêsu, Pé, pê selu nê²⁸Anton, inen fla Jizu:" kwa nom pô fé di fé obla dêsu?" ²⁹jizu kuji:"Isé sa obla Dêsu pla nanê kêlê niIsé ku Ê manda",³⁰Anton, inen fadÊ:" kê xinali bô ka fe, pl nom bê bila Kêlê ni Bô?" ³¹Pé nom kume mana ni diezertu,kuma ê sasklividu:"Ê da inen npon di osé pla kume."³²Anton Jizu Kuji'nen:"Ni vedé, ni vedé,nga fada nansê :ê na sa Muze so ku da nansê npon di os´fa, maji ê sa Pé mu ku ska dá nansê vedé Npon di Dêsu. ³³Punda Npon de Dêsusa isé ku dêsê di osé dá vida pla mundu". ³⁴Anton inen faa Jizu:"Sun, dánon Npon sé semplé.³⁵Jizu fad'inen:" Ami sá Npon de Vida, nguê ku ka bi Mu na ka tê fomi fá, ixi ku kêlê ni Mu na ka bila tê sêdi fa. ³⁶Maji, andejime, Ami ska fla kuma nansê bê Mu, axen méa na kêlê. ³⁷Tudu isé ku Pé ka dá Mu ka b' ami, ixi ku ka bi Mu, Ami na ka zuguê buta fá.³⁸Punda nbi di osé, na bi di plopi vônté Mu fa, maji vôntédi Nguê ku mamda Mu. ³⁹I sé sa vônté di Nquê manda Mu, ku Ami na ka plêdê nyuã ku Ê dá Mu fa,maji inen ka koda ni ultimu dja". ⁴⁰Punda isé sa vônté di Pé Mu ,hu nguê bê minakêlê Nê, tê vida pla semple,Ami ka koda ni ultimu dja.⁴¹Anton inen judê gunguna Dê punda Ê fla:"Ami sa Npon ku dêsê di osé". ⁴²Inen ska flá:" I sé na sá Jizu fá, Mina Zozé, pé dê ku mem dê nom konsê? Kuma ,Ê ska flá: " Ami dêsê di osé?"⁴³Jizu kuji'ne: "Na gungunu ni ô mê nansê fa. ⁴⁴Nyuã ome ka poji bi ami, xi ê na sá Pé ku mandá Mu so bi kwfa, Ami ka koda ni ultimo dja. ⁴⁵Ê sa sklevidu ê ni inen plofeta: "Tudu inen ku têndê bila xina di Pé ka bi lêlê Mu.⁴⁶Na sa punda a ka bê Pé fa, xi ê na sa isé ku bi di Dêsu; I sé bê Pé. ⁴⁷Ni vedé, ni vedé nga fada nansê ngué ku kêlê ka tê vida pala semplé.⁴⁸Ami sa Npon di vidi. ⁴⁹Pé nansê kume mana ni kampu azêtô , inen môlê.⁵⁰sé sa Npon di vidi ku dêsê di osé pla nguê ku kume Dê na ka môlê fa. ⁵¹I Ami sa npon vivu ku dêsê di oé. Xi nguê kume di Npon se ê ka vivê pala semple.Npon ku ami ska bi dá ê sa kani Mu pla vidadi mundu.⁵²Ine zudê fika ku leva, kumesa ka punta, fla:"kuma iska pô da nomkani Dê di kumé?" ⁵³Anton, Jizu fad'inen:" Ni vedé, ni vedé, nga fla nansê xi a na kume kani dei mina di Home, bêbê sangui dê fa nansêna ka tê vida ni nanê me fa".⁵⁴Nguê ka kume Kani Mu bêbê sangui Mu ka tê vida pala semple, Ami ka bi koda ni ultimu dja. ⁵⁵Punda kani Mu sa kume di vedé, sangui Mu sa bêbê di vedé. ⁵⁶Ngue ku ka kume kani Mu bêbê sangui Mu ka sa n'Ami, Ami nê.⁵⁷Axen me Pé ku ka vivê manda Mu, axen me Ami k viê plô via di pé, nguê ku alimenta di Ami tembeté ka vivê plô via Mu. ⁵⁸sé sa Npon ku dêsê di osé, na mo isé ku inen pé nansê kume so môlê fa;Nguê ku kume Npon sé kavivê pla semple". ⁵⁹IJizu fla inen kwa sé ni xinagoga, ola Ê tava ka xina ni cafarnaum.⁶⁰Anton, yô di lumoxinhô Dê , ola inen têndê kwa sé inen fla: "Palavla se sa glosu, nguê ka pô têndê?" ⁶¹Maji Jizu, sêbê plô Êlê me ku inen lumoxinhô Dê tava ka gungunu da kwa sé, Ê fad'inen.Nansé plêdê vonté di kwa sé?⁶²Kwa ku ka pô da xi nansé bê Mina home subli ba kamya Ê tava né! ⁶³Suplitu da vida;Kani na ka da nada xi di plovetafa.Inen palavla ku nga fada nansé inen sa suplitu ku vida.⁶⁴Andé jimé, ê kwa dosu nansê ku na ka kêlêfa".punda Jizu sêbêdjina comesu kwali d'inen na ka kêlêfa ku ixi ku sk bi tlayê. ⁶⁵Ê bila fla: "Êlê manda Ami ska fada nansê kuma nyuã nguê ka pô bi Ami, xi ê na sa ku sa dadu plô Pé .⁶⁶Ni ola se ba yê, yô lumoxnhô Dê bila ba tlaxi, na bila lêlê fa. ⁶⁷Jizu punta inen Dôzê: " Nansé tembeté na mêsê bé ã?" ⁶⁸Simon Pedu kuji: Sum ê, anji non ka bé? Bô tê palvla di vida pala semple. ⁶⁹Non kêlê bila sêbê kuma Sun sá Santu di Dêsu.⁷⁰Anton Jizu kuji:" Ê na sa ami kukoyê nansê Dozê fa? andê jimé uwãsa uwã djabu. ⁷¹(Ê tava ka fla di Zuda, mina Simon Iskariote, ka sauwã d'inen doze, axemé ê ska bi traí Jizu.

¹Ola inen kwa sé, Jizu fe viaji ni Galileia, punda ê na mêsé nda ni Judeia, punda inen Zudê tava mêsé maté. ²Fesa di inen Zudê de tabernaculu tava petu zá.³Anton, inen manu ,fadé: Dêsa lugue sé, ba judeia, axem inen lumoxinhô bô ka pô bi kwa ku bô ka fe. ⁴Punda ne uwã ngué na ka fe nada xi ni stleguedu. Ola ê mêsê sa konxidu ni luwa publika.Xi bô fe inen kwua sé bô ka musa da mudu.⁵Punda ne inen manu Dê na tava ka kêlê Nê fa. ⁶Anton, Jizu fad'inen: Ola Mu na xi nganha fa mji tempo nansê semple ê sa plesentxi. ⁷Mundu na ka pô te adja da nansê fa , maji a tê aja Mu, punda Ami ka da sestemunha kuma obla d'inen sá mali.⁸ansê pô subli ba fêsa Ami na ka subli punda tempu Mu na xi sa kumplidu fa". ⁹Na la Ê fad' inen kwua sé Ê fica ni Galileia.¹⁰Andé jime, ola inen manu Dê subli ba fêsa, Êlê tembeté subli: na ni lugué publiku fa, maji ni stleguedu. I ¹¹nen Zudê tava ka golo É ni fesa,ka fla: Andji Ê sa nê?"¹²Ni mansa nguêatava kada opunho alispetu Dê. Ôtlô tava ka flá :"Ê sa home bwuadu"; ôtlôfla:" inón Ê ska ngana povo." ¹³Maji aemé, ne uã nguê na tava ka fla klalu lispetu Dê fa,plô mendu d'inen Zudê.¹⁴Ola fêsa tava ni ome za,Jizu subli ba templu kyê ka xina. ¹⁵Anton,inén Zudê stlanha. so so ka flá: "kuma home sé sêbê tudu inen kwa sé xi a na xiné fa" ¹⁶Jizu Kuji inén: kwa kunga xina na s dji Mu fa, mji di Nguê xi ku manda Mu bi.¹⁷Xi uã nguê mêse fe vonté Dê, ê ka ba sêbê inen xinamentu Dê, xi isé ka bi di Dêsu, ô xi mi ka fla d'Ami me. ¹⁸Kenguê ka fla ne plopika goló gloia dê, maji xi Ê ka buka gloia di nguê ku manda, isé sa vedé, veé na sa né fa¹⁹Na sa Muzé só da nansê Alê ã? Andéjimé neuã nansê na ka vive ne fa. ka manda ska goló mata Mu?" ²⁰Pôvô Kuji:" Bô tê uâ demôno.Kenguê ska goló mata Bô?"²¹Jizu kuji fla:"Ami fé uã obla tã, tudu nansê sa sa stlanho ku kwua sé. ²²Muzé da nanê cicuncizon- na sa punda ê bi di Muzé fa, maji di pattiaca-,ni sabadu a ka circunsida uã home.²³Xi uã home sa circuncidadu, ni sabadu, pla Alêdi Muzé na sa kêbladu fa, punda ka manda nansê sa ku leva di uã home kumuã kula ni sabadu da? ²⁴Na djluga plô wê fa, maji djluga plô vedé;²⁵Uã dôsu nguê di Jerusalém tava ka fl´:" na sa ixi se ku ine tava ka koló i mata fa. Yalé ska fla sê mendu,i a na ska fle nada xi fa. ²⁶Ô taluve inen ku te pôdê bê kuma Ê sa klistu vedé?" ²⁷Non sêbê d'anji ku Ê sa dê, maji ola klistu ka bi ne uã nguê ka bi sêbê andji ku Ê sa dê fa."²⁸Anton,Jizu lantavozi ni templu, ka xina ka fla:"nansê konsêMu bila sêbê andji un sa Dê, na ska bi plô Ami mé fa, maji di Nguê manda Mu sa di vedénanê na konsÊ fa. ²⁹Ami konsê punda un bi dÊ Êlê so manda Mu bi.³⁰Anton,inen tava ka goló mate, mai ne uã nguê na pê mon ni liba dÊ fa, punda ola dÊ na xi tava xigadu fa. ³¹Andêjimé,yô nguê tava ka kêlê Nê. Inén tava ka fla :" ola ku klistu ka bi,ê sa di bi fe maxi xinali dokê isé ku Ê fé?" ³²Ineén Farizeu tanda pôvo lumya kwa sé di Jizu , inem prinxipali Sacedotxi ku inén Farizeu manda sodé oficial di ba malÊ.³³Anton, Jizu fada inen:"Antawó uã sa ku nome plô uã tempu kutu, anton nga ba lêlê Ngue xi ku manda mu bi. ³⁴Nansê ka ba goló Mu , maji na ba bê fa; so só kamya nga bé nansê na ka pô béfa."³⁵Pla lazon sé, inén tava zuntadu ka flá: kyê kamya ku ome sé skoyê ku nom na sa ka pôji di bêlê fá? Ô Ê ska foka pê ba ante ba xinainén gregu? ³⁶Kwua ku sa palavla sé ku Ê flá :" Nansê ka ba buka Mu, maji ana ka bê mu fá; kamya nga bé nansê na ka pôji bé fa.³⁷Utimu dja nganha, ja nglanje de fêsa,Jizu lantávozu flá: xi uã nguê tê vonté di bêbê, bi lêlê Mu bêbê. ³⁸Isé ku ka kêlê n'Ami, mó sklitula flá, ni dlentu dê ka kôlê ôlyô di áwua viva.³⁹Ê fla kwa sé ni basu di Suplitu ku sa pa lêsêbê ngê si ku sa di kêlê NÊ; na xi sa dadu, punda antawo Jizu naxi xa glorifikadu fa.⁴⁰Uã dôsu ng^ku tava ni ômê pôvô,ska tendê palavla sé inén flá: I sé sa plopi plofeta. ⁴¹Ôtlô flá: "Isé sa klistu" maji uã dôsu fá:" Klistu ka pô bi di Galileia? ⁴²"sklitulana ka flá kuma Klistu ska bi di sêmentxi di Davi, Ê di Belém, di luxan andji Davi tava dê fá?"⁴³Anton, Ê da blaga ni ômê pôvôplovi di Jizu. ⁴⁴Uã dôsu ngê ni ômê pôvô ta mêsê malÊ, maji ne uâ ngê na pê mon ni liba dÊ fá.⁴⁵Anton, inén sé ofixial ante inén linxipali Sacedotxi ku Farizeu; inén punt'inén:"kwuamanda nansê na bi ku Ê fá?" ⁴⁶Inén sé di ofixial kuj' inén: 'Ningê na bila sê ku fla mó Êlê fá."⁴⁷Êlê mand'inén Farizeu kuj'inén: nansê tembeté sa nganadu? ⁴⁸" Ôtlô d'inén di pôdê ô ôtlô d'inén Farizeu kêlê Nê?" ⁴⁹Maji pôvô, ku na konsê Âlê fa, malixa.⁵⁰Nicodemu uã d'inén farizeuku tava dadu kontlu ku Jizu antiji.fa d'inén:" ⁵¹Âlê nom djulga uã ngê sé plume tendé ô sêbê hwa ku ê ka fe?" I ⁵²nén kuji: " tembete bô sa di Galileiau? Goló, goló bila pya kuma ni uã plofeta na bi di Galileia fa."⁵³Anton, tudu ngê bila bê d'inén kê.

¹Jizu ba monte di oliveira.Plama sedu. ²Ê bila ba templu ; soso tudu pôvô bi ante Jizu; Ê tason kyê ka xina inén. ³Inén shkedô ku farizeu bi ku uã mwala ku a bê ni adultério a pê ni ômêdi tudu nguê;⁴Sososo inén fadÊ: "Mese ê, mwala se fo bê di kunu ka kômete adultério. ⁵Âlê di Muze ka fada non inén mwala se toka sa dadu ku budu: Ni lugê, bâ kwa bô fla? ⁶"Sum .?'' Inén fla kwa se ku ntenso, pa inén pô tê kwa di kuzé,maji Jizu vlega, ka skleve ni són ku dedu.⁷Ma punta tava longo pasa.Ê lanta fada inén: Ngê ku na tê pekadu fa ka plume ka txila uã budu. ⁸Anton, Ê bila vaza k skleve ni són ku dedu.⁹Ola inén tendê kwa se, inén xê uã plô uã komesadu pla inén ve ante maxibim; Jizu fika so ku mwala ni ômê. ¹⁰Jizu lanta fla: mwala ê, inén kuzadô bô bô ê?Ne uã ngê na kondena bô fa? ¹¹Ê kuji: "ne uã ê, Sumu "Jizu fla: n" Ami na ka kondna bôfa, bê, djina miôlé, na bila peka maxi fa."¹²Jizu bila fadê" Ami sa kanbja di mundu. Ngê ka lêlê Mu na ka nda ni kulu fa, maji ka tê kandja di vida". ¹³Ine´ne farizeu fadÉ: ''Bô ka da sestemunha dji bô me, sestemunho Bô sa fasu".¹⁴Jizu kuj'inén: antawo ku un pa da sestemunho dji Mu me, sestemunho mu sa vedé, Un sêbê kamya ku un bi dê bila sêbê kamya nga bé, maji nansê na sêbê lugê ku un bi dê ne lugê ku nga bé fa. ¹⁵Nansê ka julga sugundu kani, Ami na ka djulga ne uã ngê fa. ¹⁶Soso xi ami djulga, djulgaentu mu sa vedépunda ami na sa tan fa, maji ami sa ku Pe mu ku manda Mu bi.¹⁷Ni Alê di Muze sa sklevidu kuma stemunha di dôsu ome sa vedé . ¹⁸Ami nga da stemunho di ami me, Pe ku manda Mu bi ka da stemunho Mu.¹⁹nén fla:" Pe bô sa andji?" Jizu kuj'inén:" Nanê na konsê Mu fa, ne Pe Mu; xi a ka konsê Mu; a ka sêbê ngê sa Pe Mu." ²⁰IÊ fla inén palvla se petu di kaxa di ofeta. Ola ku Ê tava ka xina ni templu; ne uã ngê na male punda dja dÊ na tava nganha fa.²¹Ê bila fa'inén ôtlo vê:" nga bé Mu, a ka ba góló Mu,maji nansê ka bi môlê ni pecadu nansê.Andji nga bé nansê na ka pô bé fa". ²²Soso inén Zudê tava ka flá:"ô Ê ka ba matu ubwê dÊ? punda Ê flá: "Andji nga b´´e , nanê na ka pô bé fa.²³Ê ta va fad'inén:" Nansê sa d'aí basu, Ami sa dala liba.´Nansê sa di mundu sé. Ami na sa di mundu sé fá. ²⁴Êlê manda ku uã fla nansê ka môlê ni pecadu nansê; punda xi a na kêlê kuma Ami sa fa,[ môlê ni pecadu] nansê ka môlê."I nansê ka môlêni pecadu nansê."²⁵Anton inén tava ka fadÊ:" Kengê sa Bô?" Jizu kuj'inén:" jina komsu kyê kwa ku uã fada nansê. ²⁶Ami tê yô kwa pa un fla bila djulga ni lispetu nansê. Andejime, Ngê xi ku manda Mu bi sa vadé; kwa ku uã têndê dÊ: inén kwa se ngâ fada mundu. ²⁷Kuma Ê tava ka fla dipe dÊ inén na kompêndê fa.²⁸Plotntu, Jizu , fad'inén: "Ola a ka bi lanta Mina d'ôme, anton a ka bi sêbê kuma un sa, i Ami na ka fe nada xi plo Ami me fa; maji nga fla mo Pe Mu ka xina. ²⁹I ngê manda Mu sa ku Ami, i Ê na ka dêsa Mu tan fa;punda Ami semple ka fe kwa ku ka dÊ gôstô. ³⁰"Ola Jizu tava ka fla inén kwa se, yô ngê kêlê Nê.³¹Jizu fada inén Zudê ku kêlê nÊ:" xi nansê mundja flimi ni palavla Mu, a ka sa dixipulu Mu di vedé. ³²Nansê ka bi konsê vedé, soso vedé kapê nansê livli". ³³Inén kuji:" Non sa ddxendentxi di Ablon, nunka non na katxibu di neuã ngê fa, kuma Bô pô fla:Non ka bi sa livli?"³⁴Jizu kuj'inén: " Ni vedé, ni vedé, nga fada nansê kêngê ka fe pekadu sa katxibu di pekadu. ³⁵Pala semplé katxibu na ka mundja ni kê fa, maji mina ka muja pala semplé. ³⁶Plotantu, xi Mina pê nansê livli, di vedé me a ka bi sa livli.³⁷Ami sêbê kuma nansê sa dexendentxi di Ablon; nansê ska goló mata Mu, punda palavla Mu na ka bê lugê ni nansê fa. ³⁸Kwa ku uã bê zuntu di Pe Mu,nga fla; soso nansê temete ka fé kwa ku nansê bê ni zuntu di pe nansê.³⁹Inén kuji: 'Ablon sa pe non". Jizu fad'inén xi nansê sa mina di Ablon, nansê ka fe obla dê. ⁴⁰Andeji me nansê ska goló mata -Mu, ku ka fla vedé ku a têndê di Dêsu; maji Ablon na fe i se fa. ⁴¹Nansê ka fe obla di nansê.Inén obla non na nanseni sexu sê lispetu fa; non tê uã pe, Dêsu.⁴²Jizu fla: xi Dêsu sa pe nansê, vede-vede nansê ka tê amôlê k ku Ami, punda un bi di Dêsu,na bi plo ami me fa, maji Ê manda Mu bi. ⁴³Kamanda nansê na ka tendê palvla Mu fa? Ê sa punda a na sa ka poji komplendê palvla Mu. ⁴⁴Nansê sa di pe nansê, djabu,soso a mêsê fé vonté dê jina komesu ê fô matadô, ê na mundja ni vede fa, punda vede na tava ne fa;ola ê ka fla mintxila ka fla kwa ku ka bi dê plopi: punda ê sa konxidu ni mintxila, ê bila sa pe di mintxila.⁴⁵Maji, punda Ami ka fla vede nansê ns kêlê n' Ami fa. Kêngê ni ômê nansêka pô kuza Mu ni kwakwali pekadu? ⁴⁶Xi nga fla vede, kamanda a na ka kêlê n'Ami fa? ⁴⁷I xi ku sa di Dêsu ka têndê palavla dÊ; êle manda nansê na ska tênê fa, punda nansê di Dêsu na sa fa.⁴⁸Inén zudê kuji Ê: N'inén kwa se non na tê lazon di fla kuma bô samamalitanu; kuma bô tê demônô fa? ⁴⁹Jizu kuji: Ami na tê demônô fa ; maji Aminga lispeta Pe Mu, nansê ka fata Mu lispetu.⁵⁰Ami na ka buka glóya Mu plopi fa;ê te ngê ku goluê bi la djulgê. ⁵¹Ni vde , ni vede, nga fada nansê kuma,xi kwa kwali ngê loklê palavla Mu,ê na ka bila bê matxi fa.⁵²Inén Zudê fad'Ê: Myolé non sêbê kuma bô tê demônô. Ablon ku inén plofeta môlê, maji Bô ka fla: xi uã ngê loklê palvla bô, nunka ê ka bê motxi. ⁵³Ma fala , Bô sa maxi tame dôkêpe non Ablonku môlê? Inén plofeta tembete môlê. Kêngê sa bô mêsê sa?⁵⁴Jizu kuj'inén:" Xi nga ska glolifika Mu me, gloya Mu na ka sa nada xi fa;Pe Mu.ixi ku nanse ka fla sa Dêsu nansê, Êlê só ka glorifika Mu. ⁵⁵Nansê na konsê fa, maji Ami konsê. Xi Ami nga fla kuma na konsê fa, nga ka fla mintxila mo nansê sa. Andeji me, Ami konsÊ,nga loklê palavla Dê. ⁵⁶Pe bô Ablon bê Mubja Mu fe fêsa, ê bê tê gôxtô.⁵⁷Inén zudê fla:" bô na tê nê xingunta di daji fa Bô bê Ablon?" ⁵⁸Jizu kuj'inén:ni vede, ni vede, nga fada nansé kuma antiji ku Ablon tava sem, Ami sa. ⁵⁹Anton inén zudê toma budu pa inén pô dê ku Ê. Maji Jizu kondê xê ni templu.

¹Oa Jizu tava ka valá; Ê bê uã omé ku tava nancê cêgu. ²Inén dixipuluDê punté: " Mécé ê.kngê peka pla omé cé nancê cêgu? Êlê ô inén pé dê?³Jizu kuji:" Nélê né inén pé d^paka; magisa pa poji bê óbla di Dêsu nê. ⁴Séla non fé óbla di ngê xi ku manda mu bi; gina ku ê sa djá. Notxi ska ganha, ola niuã ngêna ka pô tlaba fa. ⁵Gina ola ku Ami sa ni mundu, Ami sa kandja di mundu.⁶Ola ku Jizu tava ska flainé kwa sé; Ê zuga kupi ba son, fé uã lama ku kupi Dê, soso pê lama ce ni wê di omé. ⁷Jizu fadé: ''Bé, labé ni tanki di siloé( ku sa fladu módi 'mandadu')". So ku omé bé, ê bila ka bi ka bé."⁸Anton, iné vijan di omé cê ku tava b'êlêola ka piji ngê kwa: " na sa êlê mé ku sá kustumadu ka piji ngê kwa ta sondu fá? ⁹Ôtlô tava ka flá :"Êlê mé".Ôtlô:'' inon, maji ê ka kwé". Só ku,ê flá:"Sa Ami mé."¹⁰Inen fadé:" magi, kuma ku wé bili bô?". ¹¹Ê kuji: ôme samadu Jizu fé uã lama suza wé mu; anton, ê fada mu:" bé ba labé ni siloé". Anton un bé, laba pasa ka bê." ¹²Inen fadé: kê kamya kwê sa né?". Ê kuji: "Ami na sêbê fa."¹³A bé ku ôme ku tava cêgu da inén dôtôlô d'alé. ¹⁴Dja cé ta sa sabadu, ola Jizu fé lama bili wê dê. ¹⁵Uã vê maxi inén dôtôlô dálé bila punté kuma ê pasa ka bê:"ê pê uãlama ni wê mu, ami laba inen, myolé m, un pôji bê", ôme fla axi.¹⁶Ôtlô d'inén dôtôlô d'aléflá: ''ôme cé na ka bi di Dêsu fá, punda, ê na ka quadá sabaduf á".ôtlo ka fla: Kuma uã ngê ka pô fé xinali é xi ê sa pekadô?" Ê dá blaga ni ômê d'inén. ¹⁷Anton , inén bila punta cêgu ôtlô vê: "kwa ku bô ka flá di ngê cê ku bili bô wê?"Cêgu flá:"Ê sa sa plofeta". ¹⁸Ni ola sé, inén zudê na xi tá kêlê kuma ê tava cêgu ê pasa ka bê anté a Sama inénpé di ôme ku tava ka va la ka bé.¹⁹Inén punta iné pé dê: " i cé sa moçu nansê ku nancê cêgu?Kuma ê ska bê wó?" ²⁰Inén pé dê kuj'inen: Non sêbê kuma i cé sa moçu non, ku na,cê cêgu. ²¹Kuma ê sk bê non na sêbê fa. Punté ê sa tamem za ê ka pô kuji plô êlê mé.²²Inén pé dê fla kwa cê punda inén tava ku mendu d'inen zudê, punda inén tava flá za kuma kwali ngê ku k konfesa Jizu kuma klistu ka sa txilado ni Xinagoga. ²³Plôvia kwa cé inén pé dê flá: ê sá tamém za punté êlê plopi.²⁴Ni segudu vê , inén sama ôme cé ku tava cêgu bila fadé:" Dá gloya Dêsu! Nonêbê kuma ôme sésa pekadô. ²⁵" Anton ôme sé kuli: xi ê sa pekadô ô ê na sá fa, ami na sêbê fá. Uã kwa u sêbê: Ami tava cêgu miolém un ska bê".²⁶Anton inén fadé: Kwa hu ê fe da bô? kuma ku ê bili bô wê? ²⁷Ê kuji:"Amitava fada nansêza. Nansê na têndê mu fa, punda kamanda nansê bila mêsê têndê?Mó fala nansê mêsê sa ixipulu Dê? ²⁸Inén fadé klonveson:"Bô sa dixipulu Dê:Ni vede, non sa dxipulu di Muzé. ²⁹Non sêbê kuma Dêsu flá kuma Muzé,maji ôme sé non sêbê andji ku ê bi dê fa".³⁰Ôme kuji'inén, flá : Kuma sé sa stlanhu! Nansê na sêb^kamya ku ê sa dêfa , axém mé Ê bili mu wê. ³¹Non sêbê kuma Dêsu na ka têndê inén pecadô fa , maji xi uã ngê gôgô kwê bila fé vonté Dê, Dêsu ka têndê.³²Gina komesu di mundu, a na têndêkuma kwa kwali ngê tava ka bili wê di uã ngê cêgu fá. ³³Xi ômesé na ka sa mandadu plô Dêsufa, Ê na ka ta fe uã kwa fá. ³⁴Inén kuji bila fadé: "Bô nancê ni pekado, myolém bô só ka xina non?" Anton, inén kôlê kwê.³⁵Jizu têndê kuma tava kôlê kwêni xinagoga.Ê bêlê bila fadé:Bô ka kêlê ni min d'ôme?" ³⁶Ê kuji fadé: kêngê ê sá ê, Sum, pampôji kêlê né? ³⁷Jizu fadé: "Bô tava b'êlê za. Ê sa isé ku ka flá ku bô" ³⁸Ome fla: Ngâ Kêlê ô, Sum "Ê gôgô kwê.³⁹Jizu flá: plôvia djulgamentu só ku fe mu bi mundu sé pla ixi ku na ka bê fa ka bê,ixi ku ka bê ka bla cêgu." ⁴⁰Ôtlô d'inén dôtôlô d'alê ku tava nala, têndê ka flá inén kwa sé, inén punté:" Non tambeté sa cêgu?" ⁴¹Jizu fad'inén: xi nansê ka sa cêgu nansê na ka tê pekadu fa. Soso, kuma nansê ka fla: "Non ka bê".Anton pecadunansê ka plemanêcê.

¹Ni vede, ni vede,nga fla ku ngê xi ku na ka lentla plô poto glandji di aplisku fa, maji ka bi plô ôtlô kamya,isaki sa ladlon ku ka sata ngê. ²Ngê xi ku ka lentla plô poto glanji sa pastor di kamelu.³Pla êlê, guada poto ka bili, inen kamelu ka têndê sami d'inen,ê ka samainen plô nomi, iê ka xê kwê ba lua. ⁴Zawó dê tê fadu dixê tudu kamêluku toké, ê ka bê ni wêd'inen, inen kamelu ka l^êlê pundainen kônsê sama Dê.⁵Inen na ka lêlê ngê ku inen na kônsê fa;: maji, ni ê d'isé,inen ka pê ni lugê d'inen.ê tan inen na kônsê sama di ngê ku inen na kônsê fa. ⁶Jizu ta ka kont'inen vesu é, maji inen na sêbê kwa ku Êta ka fla inen fa.⁷Anton, Êbila fla inen: Ni vede, ni vede, nga flanansê: un sa poto di kamelu. ⁸Tudu ngêku ka bi antiji da ni ladlon ngê sata ngê, maji kamelu na ka têndê inen fa.⁹Un sa poto; xi uã ngê lentla plô Amika stlava; ka lentla ska xê inen ka bê kume. ¹⁰Ladlon na bi xi a na sa pê futa, mata bila blaga.Un bi pla nansê pô te vida i a ka tê uã vida lôngo.¹¹Un sa uã paxtoru bwadu; uã paxtoru bwadu ka da vida Dê pla kamelu. ¹²Ngê xi ku sa mesenario, na sa paxtoru fa, ngê ku kamelu na sa dê fa, ola inen ka bê lobo ka plasê inen, ka dêsê fuji. I lobo ka pega i ka zala inen. ¹³ê ka fuji ,punda ê sa msenario ku na ka tê kwidaduku kamelu fa.¹⁴Un sa pxtoru bwadu, i un kônsê inen kamelu Mu, inen kônsê Mu. ¹⁵Pe Mu kônsê Muun kônsê Pe,nga da ida mu punda kamelu. ¹⁶Un tê ôtlô kamelu ku na sa di lebanhufa.Inense un toka bi ku inen té, inen ka bi têndêfla mu, pla ê sa uã lebahu tan ku uã paxtoru tan.¹⁷Êlê manda me, Pe ka ama Mu: Nga da vida Mu pla inen bila toma. ¹⁸Nê uã ngê na ka txila inen ni mon Mu fa,maji Ami me ka dá inen.Un tê pôdê pla dá inen bila toma .Un lêsêbê mandamento se ni Pe mu.¹⁹Uã divison novu plasêni zudê plôvia di palavla sé. ²⁰Montxi d'inen tava ka fla:" Ê tê demôno, i ê sa dôdô. Punda kamanda nansê ka kuté". ²¹Ôtlô tana ka fla: "inen palavla se naa di ngê ku ka tê demôno fa.Uã dmôno na ka pô bili wê duã segu?''²²Anton, ê tava ni muson di fêsa di ddikason, ni jerusalém. ²³Ê tava ni tempu di fiô, Jizu tava ka anda ni templu, ni Portiku di Salumon. ²⁴Anton, uã Zudê lu zuntu dê fadÊ: " Antê kê ola ka lêga non ni legelenge? Xi Bô sa klistu, la non ku tudu vede!"²⁵Jizu kuj'inen: Un fada nansê za, mji nansê na kêlê. Obla u nga fe ni nomi di Pe mu ka da stemuhu d'Ami. ²⁶Nansê na ka Kêlê ni ami punda nansê na sa kamelu mu fa.²⁷Kamelu Mu ka tendê fala Mu; Un kônsê inen, inen ka lêlê Mu. ²⁸Nga da inen vida pala semple, inen na ka bila môlê maxi fa,ku nê uã ngê na ka txil'inen ni mon Mu fa.²⁹Pe, Mu só ku da mu inen sa maxitame di tudaxi, ku niuã ngê na ka pôji txilê ni mon Sum fa . ³⁰Ami ku Pe sa uã tã. ³¹Anton, inen zudê komesa, ôtlô ve ka pega budu di Dê kwê.³²Jizu fla:" Un musa nansê yô d'obla di patxi Pe Mu, kwali d'inen nansê ka da Mu ku budu. ³³Inen zudê kuji:" Na sa plôvia di obla bwadu fa maji plô mali,punda Bô ni lugê di ddi ome, Bô ska da di Dêsu".³⁴Jizu kuji inen: Ê na sa sklevidu ni alê nansê fa.Un fla: Nanê sa inen Dêsu?" ³⁵Xi sama inen di Dêsu inen se ku palavla di Dêsulu- i sklitula na ka pô sa txiladu fa. ³⁶Nansê ka fla ningê xi ku Dêsu santifika i manda :" nansê ska fla mali, pundaun fla:" un sa mina di dêsu?"³⁷Xi na ka fe obla di Pe mu fa, nansê na ka kêlê ni Ami fa. ³⁸Maji, xi nga fe antawó ku nansê na ka kêlê ni Amifa, nansê ka kêlê i obla axem nansê pô sêbê i kônsê kuma Pe sa ni Ami, i Ami sa Nê". ³⁹Ôtlô vê inen gôlô di pegê, maji Ê sakapuli i mon d'inen.⁴⁰Jizu bê ôtlô vê pla maxi wê di zudon, ni kamia andji ku zon ta ka botxisa nê, e Ê ta Dê na la. ⁴¹Yô ngê bi lêlê, inen tava ka fla:" Zon, ni vede me,ê na fe nê uã xinalifa, maji tud kwa ku ê tavafla di ome se sa vede". ⁴²N'aí yô d'inen kêlê ni Jizu.

¹Uã ome samado Lasalu tava ka doentxi.Ê fô di Betânia, flegêja di Maia ku mana ê Mata. ²I se fô Maia se e ku tva undidu Sum ku plefume i sugadu ôpe Sum ku kabêlu, so Ku mano d'inen Lasalu tava ka doentxi.³Inen mana dê manda uã lekaduda Jizu, ku tava ka fla:" Sumu ê, ngê xi ku Sum ka ama ska doentxi.'' ⁴OlaJizu têndê kwa se, kuji:" Donetxi se na sa pla motxi fa, maji ê sa pla gloia di Dêsu, pla ku mina di Dêsu ka sa glolifikadu´plô mê dê.⁵Jisu Tava ka ama Mata, mana dê ku Lasalu ⁶Ola Ê têndê a fla ku Lasalu tava doentxi, Ê ta la dôse dja maxi ni kamya ku Ê Tava nê. ⁷Zawó di kwa se, Ê fla inen dixipulu :''bamu ba zudeia ôtlô vê."⁸Inen dixiplu fa Dé: "Mese ê, inen zudê tê pôkô inen kia da Sum ku budu,axem me Sum bila ba lá?" ⁹Jizukuji: Uã dja na dôzê ola fa? Xi uã ngê ka anda sóló mê dja, ê na ka da topi fa, punda ê ka bê sóló mê dja.¹⁰Maji si ngê kanda notxi, modu ku modu,ê ka da topi, punda kandja na sen nê fa" ¹¹Jizu fla inen kwa se i, zawodi fla kawa se,Ê fla inen:"Migu non Lazalu dumini, maji Un ska bê na la pan kodê ni sôno dê."¹²Inen dixipulu fadê:" sumu ê , xi ê ska dumini,ê ka bi yógo." ¹³Jizu tava ka fla di motxidi Lazalu, maji inen ta ka pensa kuma jizu ta ka fla ni kansa di sóno. ¹⁴Só ku Jizu fla inen klalu:" Lazalu sa motxi."¹⁵Pôvia di nansê, Un gôgô mó u Ami na tava na lá fá, pla nansê kêlê.Maji bomu bá lêlê. ¹⁶Só ku, Tomé, ku a ka samaDidimu, fla d' ôtlô dixipulu: "Bomu tembeté pla non môlê ku Jizu"¹⁷Ola ku Jizu xiga ,Ê bê kuma Lazalu ta va ni túmba nteladu kwatlu dja za. ¹⁸Betania tava petu di Jilusalem, uã kakulu di kinji kilometru di nda. ¹⁹Yô zudê ta ka bi konsola Maia ku Mata, plôvia di mani dinen. ²⁰Só ku mata, ola ê sêbê kuma Jizu ska bi, ê kôlê ba lêlê jizu ,maji Maia ta dê ni kê.²¹Zawo , Mata fla jizu :" Sumu, xi Sum ka ta nai manu mu na ka môlê fa. ²²Miolê me, un sêbê ku kwa kwali kwa ku Bô ka piji Dêsu, Ê ka da bô. ²³Jizu kuji ê: " manu bô ka bi koda."²⁴Mata fla:" Un sêbê kuma ê ka bi kodá ni kôdá di ultimu dja.'' ²⁵Jizu fadé:" Un sa kôdá ku vida, ngê ku ka kêlê n'Ami, ê pô môlê, maji ê ka vivê. ²⁶I ngê xi ku ka vivê i kêlê n'Ami ê na ka môlê maxi fa." Bô ka kêlê ni kwa sé?²⁷Ê fla Jizu: Yôxi, Sumu, naga kêlê ku Sum sa Klixtu, mina Dêsu, ku toka bi mundu." ²⁸Ni fla sé, ê xê ba sama Maia patadu , flé:" Mese sa i, i Êska sama bô ²⁹Ola Maia têndê ka sé, ê lanta djan djan i bê bá lêlê.³⁰Jizu na xi tava xigadu ni fleguedja fa, maji Ê tava ni kamya antawo ndji kumata tava Bêlê. ³¹Inen zudê ku tava ka konola inen, inen bê kuma Maia lanta djan djan xê , inen lêlê ê, ien ta ka kundakuma ê ska ba tumba pê ba sola na lá. ³²Anton, Maia ni xiga kamya ku Jizu tava nê ê bê Jizu, ê da dizê n'opé Dê fla:" sumu,xi sum ka ta nai , anu u na ka môlê fa.³³Jizu bêlê ka sola axen, mo tembete zudê ku lêlê inen, jizu fika komôvidu luma ni suplitu plô basu duã plofundu imuson, ³⁴Jizu fla inen:" andji nansê pê nê?" Inen kuji ê Sumu, bi pya. ³⁵Jizu sola!³⁶Uã zudê ,fla inen:" pya kuma Ê tava ka mêsê Lasalu." ³⁷zawo ôtlô fl: "ome se ku fe segu bê , na ka poji fe tembeté pla ome na môlê fa?"³⁸Anton Jizu , komôvidu lumadu, bé antê tumba; Ê fô ni uã blaku ku uã meme budu pêdu ni lentla. ³⁹Jizu fla: "Txila budu!" Mata, mana di Lozalu, ku tava motxi, fla Jizu:" Sumu , ê ska tôto za, ê sa motxi kwatlu dja za." ⁴⁰Jizu kuji ê: Nafla bô xi bô kêlê, bô ka bi bê gloia di Dêsu?"⁴¹Anton ine txila budu.Jizu boia wê ba osê fla: Pe, naga gladêsê Sum mo ku sum kuta mu. ⁴²Un sêbê kuma sum ka kuta Mu semplé, maji ê sa plôvia di fla di povoku sa mundjadu ni bôdo Mu manda un fla kwa se, pla inen kêlê kuma sum manda mu bi.⁴³So so di fla inen ka se, Jizu d'uã fala ku fôsa" Lasalu, xê bi lua!" ⁴⁴Motxi xê mon ku opé bwadu, ku kal tapadu plô uã panu.Jizu da odji d'inen : txila panu se, legé dêse bé.⁴⁵Só ku, yô zudê ku bi lêlêmaia , inen bê kwa ku Jizu fe,inen kêlê Nê; ⁴⁶maji uã uã d'inen,bê antê inen fariseu, kont'inen ka ku Jizu fe.⁴⁷So ku , inen guia wê di sasadotxi ku inen faliseu zunta ni sinedriu, iinen fla: kê kw non ka pôji fe? ome se ska fe yô xinali milaglôsu ⁴⁸Xi non dêse axen, y]]]]]õ ngê ka kêlê Nê; anton inen romanu ka bi inen ka txila non lugê ku nanson non."⁴⁹Daien, uã inen ku a ka sama Caifás, ku anu sala kwê fô sumu saserdotxi, toma palvla fad'inen: "nansê na sêbê nada xi fa. ⁵⁰Di fakutu nansê na ska pê ni kontaku ê sa maxi bwadu pla nansê ku uã ome kamôlê plô povo, do kê pla tudu nason môlê."⁵¹Ê na tava ka fla kwa se dêlê me fa, maji, kuma ê sumu saseotxi ni anu sa la, plfetisa ku Jizu ka bi môlê pla nason. ⁵²Na sa plôvia di nason tan fa, maji tembeté plô mina di dêsu, ku sawangadu, pla inen zuntanuã povo tan. ⁵³So ku djina dja se ba wê, inen lesovê goló modu di mata Jizu.⁵⁴Jizu na bila tava ka'nda ni masa ngê ni ômê d'inen zudê fa, Ê xê ba maxi glentu, nuã kamya petu ni disetu, ni uã flegêdja ku a ka sama efrain,andji ku ê ta ku inen dixipulu Dê. ⁵⁵Pascua d'inen zudê tava petu, i yô d'inen xê ni kamya se ba Jerusalém pa inen pô pulifika.⁵⁶So ku, inen tava ka goló jizu, ien tava ka fla uã plô ôtlô ni templu: " kwa ku ê ska kôda nansê Ê ska bi fêsa m?" ⁵⁷Inen guia wê di sasedotxi ku inen faliseu da odji kuma ,xi uã ngê sêbê andji Jizu sa nê a ka fada inen, pa inen pô pegué.

¹Sexi dja antigi di páscua,Jizu ba Betânia, lugê ku Lazalu ta nê, ixi ku Ê ta koda di motxi. ²Anton, na la inen fô janta kwê, i Mata tava ka stlive, i Lazalu elauã d'inen ku tava tasondo ni mesa ku Jizu. ³So ku, Maia toma uã lilola di plofume fadu ku pulonadu, plexiosa luma,ungi ôpé di Jizu kwê, sugá ôpê Ku kabelu dê, kê xa ku selu plofume.⁴Zuda Iskariotes, uã d'inen dixipulu ,ku tava ka bi ngané fla: ⁵punda kamanda ku a na bendê plofume sé plu tlezentu denario, i dá poble fa? ⁶Ê fla kwa sé, na sa punda ê ta gogo ku poble fa; punda ê sa ladlon;ê tava konta di saka djêlo, itava ka futa tudu kwa ku a ta ka pê.⁷Jizu fla: "Desé, ê guada kwa se pla dja di ntelu mu" ⁸Inen pole nansê ka tê tudu ola ku nansê, maji nansê na ka tê mu tudu ola fa."⁹Yô di zudê tendê kuma Jizu ta na la bi na sa plôvia Jisu tan fa , maji pla inen bê lazalu, ixi ku Jizu ta lantadu di motxi. ¹⁰Inen guia wê di sasedotxi tava ka golo modu zuntu di bila mata Lazalu; ¹¹Punda ê sa plôvia dê, êlê manda yô zudê dexiné i kêlê ni Jizu.¹²Dja xiguinte, yô ngê bi fêsa. ola inen tendê ku Jizu tava ka bi Jerusalém. ¹³A bi ku lamu di pêma, a xê ba lêlê di flê mantxam, ka glita:" Hosana! Bendito ngê scabi ni Nome di Sum, Alê di Israel.¹⁴Jizu bê uã jumentinho, subli liba dê, mo ku ê sa sklevidu: ¹⁵"Mina siõ, na tê mendu fa; Alê bô ska bi tasondu ni uã juntinho."¹⁶Inen dixipulu na plesêbê inen kwa se fa ni komesu fa,maji, ola Jizu fô glorifikadu,zawo inen lembla ku inen ku se ta sklevidusoble Êlê, i axem inen fe.¹⁷Anton, yô ngê ku tava ku Jizu ola Ê sama lLazalu ni tumulu bi lua dé vida, da setemunhu pla ôtlô. ¹⁸Punda lazon sé yô ngê ba kônsê, punda inen tendê ku Ê tava fedu xinali sé. ¹⁹So so, inen dôtôlo da lêfla inen ku inen:"nansê bê, nansê na ka pôji fe, nada xi-fa, punda mundu ba tlaxi Dê.²⁰N'ômé d'inen ku subli ba fêsa ba aôla, uã dôsu glego ten tava na la. ²¹Inen se ba Filipe, ku sa di Betsaida ni Galileia,inen punté ka fla:" sungê, non mese bê Jizu!" ²²Filipe bê e fla Andlê; Andlê bé ku Filipe ba fla Jizu.²³Jizu kuj'inen, fla:" Ê xiga ola di minomé sa glolifikadu. ²⁴Ni vede, ni vede me nga fla nansê, xi uã glon di tligo ku ka kê ni tela ka xi na môlê , ê ka ta plemanese êlê tan, majisê môlê, ê ka da yô fluto.²⁵Ngê ku ka gôgô ku vida dê ka plêdê, maji nê ku ka blôsê vida ni mundu se ka kontla vida pla semplê. ²⁶Xi kwa kwali ngê mese stlivi-mu,lêlê -mu, ni kamya nga sa nê, nala stlivi-mu ten ka sa la .Xi kwa kwali ngê stlivi-mu , Pe mu ka honré.²⁷Myole alima mu sa ku anxa.I kê kwa nga fla? Pe, xtlava- Mu ni ola sé? Maji,un bi da kwua sé, pla ola sé? ²⁸"Pe glolifica nome Sum". Anton uã vozu xê d'ose fla: "Un sa glilificado za i ôtlô vê Nga glolifikê." ²⁹ola pôvo ku tava na la, têndê kwa sé fla: "kuma ê sa uã tlovon." Ôtlô fla: " uã anzu fla kwê."³⁰Jizu Kuj'inen fla;"vozu sé na di punda Ami fa, maji plôvia nansê. ³¹Myole sa julgamento di mundusé, i ka sa Kôlê ku plinxipi di mundu sé.³²I kê ola nga sa lantadu di tela, nga gunda tud'axi d'Ami me ³³Ê fla kwa sé pla a ka bi sêbê kê kôlô di matxi kwê ka bi môlê.³⁴Multidon Kuji Ê: Non t^ndê n'alê kuma klisto ka plemanesê pla semplê. Kuma bô ka fla: mina d'omé ka sa lantadu? kê ngê sa mina d'omé? ³⁵Anton Jizu kuj'inen: "antawo plô uã pôkô tempu kandja ka sa ni nansê. Nda enkantu nansê ka tê kndja, pla kulu na fe inen suplêza. ngê ku k'anda notxi na sêbê lugê ku ê ka bé dê fa. ³⁶Enkantu nansê tê kandja, kôlê ni kandja, pla nansê bila mina di kandja." Jizu fla inen kwa sé ta bé i ien na bêlê maxi fa.³⁷Antawo Ku jizu ta f yô xinanli ni wê d'inen,inn na xi ta kêlê Nê fa. ³⁸Pla palavla di plofeta Isaiaspô kumpli, ku ka fla:" Su mu, kêngê kêl^ni plegason non? I kêngê ku blasu Sum fô manfestadu?³⁹Plô lazon sé inen na ka pô punda Isaias tembete fla". ⁴⁰Inen bla segu i kloson d'inen bila duru,pla inen na bê ku wê fa nê têndê ku kloson , inen xtlôvê i nga kul'inen.⁴¹Isaias flakwa se punda ê bê kloia Sum, ê fla ni lixpêtu Dê. ⁴²Ku tudu kwa sé yô di guia Wê kêlê ni Jizu. Maji plôvia dinen farizeu, inen na xina kwa sé fa, pla na kôlê k'inen ni xinagoga. ⁴³Inen tava ka gôgô ku gloia ku tava kabi di ngê maxi dôkê gloia ku ka bi di Dêsu.⁴⁴Jizu clama fla: ngê ka kêlê n'Ami na ka kêlê n'Ami tan fa, maji tembete N'ixi ku manda Mu bi. ⁴⁵Ngê ka bê Mu Kabê ixiku manda mu bi.⁴⁶Un bi mô kandja di mundu,i modu sé ku tudu ngê ku ka kêlê n'Ami na ka plemameê ni kulu fa. ⁴⁷Xi ngê têndê palavla Mu, mji na guadé fa,na ka xdluga,punda un bi na sa di bi xdluga mundu fa ,maji pla xtlava mundu.⁴⁸Ngê ka zeta Mui na lêsêbê palavla Mu fa, ê tê ngê za ku ka xdlugê:palavla k'un plêga, êlê so ka xdlugê ni ultimo dja. ⁴⁹Na fla plô Ami me fa , maji, Pe muku na mu bi, Ê da Mu odji di kwa nka fla. ⁵⁰Un sêbê ku mandamentu Dê sa vida, pla semple, lôgô kwa k'un nga fla, sa kua ku pé Mu manda fla."

¹Antix pa fesa paskwa, Jizu sêbê Kuma olaDê xiga pa pasa di mundu se ba Pe, Ê ama inen se ku da djidêku tava ni mundu, ama inen amtê fin. ²Ni Sêya, djabu tava pê ni kloson Zuda Iskarioti,mina Simom di tlaí Jizu.³Jizu Tava Sêbê kuma Pe pê tudu kwa ni mon Dê Ku Ê Bi di Dêsu, Ê tav ka bila ba Dêsu. ⁴Ê lanta ni sêyatxila manta. Anton, pega uã toya nala pê sêntula. ⁵Soso so, bloka awa pê uã baxa, komesa ka laba inen dixipuu ope, ka suga ku toya ku Ê pê sêntula.⁶Ê pôgê Simon Pedu, Ku fade: " Sum, Bô Ka laba ope mu?" ⁷Jizu kuji fade:" Kwa Ami ska fe, myole bô na ka tendê fa maxi bô ka têndê!" ⁸Pedu fade:" Bô na ka laba mu opefa." Jizu kujê; " Xi na laba bô ope ope fa, bô na ka tê paxi Ku Ami fa!" ⁹Ximon Pedu fade:" Sum, na laba ope tan fa, maji mon ku kabêsa mu tembete."¹⁰Jizu fade: " Ngê toma banhu, ê sa limpu za ê toka laba ope tan. Nansê sa limpu, maji na tudu ngê fa."10 ¹¹Punda Jizu sêbê ngê sa tlaídô. Êlê manda Ê fla: Na tudu ngêsa limpu fa."¹²Dipôji ku Jizu laba ope dinen, Ê toma manta bila ba meza, zawo puntinen:" Nansê sêbêkwa un fe nansê? ¹³Nansê ka sama Mu Mese ku Sum a ska fe bwadu, punda Ami sa. ¹⁴Anton xi Sum bila sa Mese, laba ope nansê, nansê tembete toka laba ope di uã ku ôtlô. ¹⁵Puna Ami da nansê zemplu, di modu ku nansê tembete toka mo Un fe ku nansê.¹⁶Ni vede, ni vede,Nga fada nansê: " seluvu na sa maxi tame dôkê mese dê fa, nê mandadu sa maxi tame di ngê mande fa. ¹⁷Xi nansê sêbê inenkwa se, nansê sa ben xi a fê. ¹⁸Ami na ska fla ni tudu nansê fô, andê jime un sêbê ixi ku Ami kôyê; ma nga fla kwa se pa inen sklitula kumpli:" Ixi ku kume npon ku Ami, lanta klakanha dê kôntla Mu."¹⁹Nga fada nansê myôle, antiji di da, pla ola ku ê ka bi da, nnsê ka kêlê ku Ami sa. ²⁰Ni vede, ni vede, nga fada nansê: ngê ka lêsêbê ixi ku Ami manda, ka lêsêbê Mu; ngê lêsêbê mu ka lêsêbê ixi ku manda Mu."²¹Ola Ê fla kwa se, Jizu tlubulani suplitu, i sestemunha fla: " Ni vede ni vede, nga fla nansê kuma uã di nansê ka bi tlaí mu." ²²Inen dixipulu kyê ka pya ôtlô, ka kunda Ê ska fla di kêngê .²³Uã inen dixipulu, ku Jizu tava ka ama ,tava kostadu ni petu Jizu. ²⁴simon Pedu fê xinali piji, punte ngê ku Ê ska fla." ²⁵Anton dixipulu se kosta pe pêtu Jizu, pnté: "Sum, ê sa kêngê?"²⁶Anton, Jizu kuji: " Ê sa ise ku Ami ska da pikina npon monhadu." Ê monha pikina npon, da Zuda, mina Ximon Iskarioti. ²⁷Ola ê kuma npon, demôno lentla nê. AntonJizu fade: "kwa ku bô tê di fe, fe djan djan.²⁸Nê uã ngê ni meza ta sêbê kê lazon Jizu fla kwa se dê fa. ²⁹Mo Zuda so tava ka toma konta di bôsa djêlu, ôtlô kunda ku ska fade:" Di kopla kwa ku sa plixizu da fesa" ô ku ê toka da kwa kwali kwa da inen plopi." ³⁰Ola Zuda toma npon meda ola ê xe, ê ta sa notxi.³¹Ola Zuda xê, Jizu fla: " Myôle mina ome sa glolifikadu Dêsu fô glolifikadu Nê. ³²Dêsu ka bi glolifikê ni Êlê me, myôle me Ê ka bi glolifikê. ³³Inen mina Mu, Ami sa ku nansê pôkô tempu antawo, Nansê ska bi golo mu, mo mi fada inen Zudê: "kamya nga be, nansê na ka pô be fa."Myoôle nga fada nansê tembete.³⁴Uã mandamentu novu nga da nnasê, pa nansê ama uã ku ôtlô, anton nansê toka ama uã ku ôtlô. ³⁵Nise tudu ngê ka bi sêbê kuma nansê dixipulu Mu: xi nansê ama uã ku ôtlô."³⁶Simon Pedu fade: kê kamya Sum ska bé?"Jizu kujê: Kamya nga bé bô na ka pô lêlê Mu wofa, maji zo bô ka lêlê mu." ³⁷Pedu fade: Punda kê kwa na ka pô lêlê Sum wele fa? Ami nga tlega vida mu da Sum." ³⁸Jizu kujê: " Da vida plovia Ami? Ni vede, ni vede, nga fada bô kula galu na ka ba kanta fa antê ku bô ka nega mu tlêxi vê."

¹Na tlubulakloson nansê fa. Kêlê ni Dêsu; kêlê tembeté ni Ami. ²Ni kê pe Mu sem lugê luma,xi ê na ka sa xi fa , na ka fada nansêkuma nga ba plepalauã lugê da nansê. ³I xi plepala lugê da nansê, nga bi ôtlô vê, nga bi lêsêbê nansnê pla Ami me, pa kamya k'un sa nê, tembete nansê ka sa nê.⁴Nansê sêbê kamya k'un ska bé. ⁵Tomé fla Jizu: " Sumu ê, non na sêbê kamya ku Sum ska b´fa, kuma non ka pô konsê stlada?" ⁶Jizu fla inen: "Ami sa stlada bila sa vede, k'un vida; nê uã ngê na ka pô bo lêlê Pe mu sê Ami fa. ⁷Xi nansê na ta kônsê Mu inen ka ta konsê Pe Mutembete; myole ba wê nansêkonsê nansê bêlê.⁸Filipe fla Jizu:"Sumu munsa non Pe i sé tan xiga non." ⁹Jisu fla:" fe za yô tempu k'un sa ku nansê, Filipe , antawo bô na xi kônsê Mu fa?"Kêngê ka bê Mu, Ka bê Pe; kuma bô ka bi piji munsa non Pe!"¹⁰Bô na ka kêlê kuma un sa ni Pe fa, i Pe sa N'ami fa? Palavla k'un nga fla nansê, na ka flê plopi pôdê Mu fa; ni vê d'ise, sa PeKu ka vivê n'Ami ka fe obla Dê! ¹¹Kêlê n' Ami k'uã Pe sa, Pe sa N'Ami, ô Nêlê plemanese plôvia di obla sê nê.¹²Ni vede, ni vede, ngê xi ku ka kêlê n'Ami, ka bi fa obla ku ngá fe tembete,ka fe maxi dôkê kun nga fe, punda Un ska ba lêlê Pe mu. ¹³Tudu ku nansêka piji ni nomi Mu, Un bi fe pla Pe sa glolifikadu ni mina. ¹⁴Xi nansê piji kwa kwali kwa ni nomi Mu, nga bi fa.¹⁵Xi nansê ka mêsê Mu, gwada manamentu Mu. ¹⁶Nga bi loga Pe, Ê ka bi da nansê ôtlô kônsoladô di modu ku ê ka sa ku nansê pla semplê; ¹⁷Suplitu di vede, Ixi ku mundu na ka pôji lêsêbê, punda a na ka bêlê, ana kônsê fa; andeji me, nansê kônsê, punda ê ka vivê ni nansê, ê ka sa ku nansê.¹⁸Na ka dêsa nansê tan fa; Nga bi da nansê. ¹⁹Dain pôkô tempu, mundu na ka bila bê mu maxi,maji nansê ka bê mu; puna nga vivê, i nansê tembeté ka bi vivê . ²⁰Ni dja se, nansê ka bi sêbê kuma un sa ni Pe Mu , i nansê sa n'Ami, i Ami ni nansê.²¹Ixi ku ka tê mandamentu Mu, ka gwadé, ise so ka mêsê Mu; i ngê ku mêsê Mu. ka sa mêsê di Pe Mu, nga mÊsê ê i nga manifest nê. ²²Zuda( na sa skariote) punta Jizu: Sumu ê, kwa tê, punda kamanda sum ka manifestá da non, i nôô da mundu?²³Jizu kui ê: xi uã ngê gôgô ku Ami, palavla Mu ê ka gwada. Pe Mu ka gôgô ku ê, i Non ka bi lêlê ê i ka fe nê ke non. ²⁴Ngê ku na ka gôgô ku Ami, i na ka gwada palavla mu. Palavla ku nansê têndê na sa dji Mu fa ê sa di Pe Ku manda Mu bi.²⁵Inen kwa se Kun tê fladu ku nansê olaUn tava ku nansê. ²⁶Mxi isaki consladô,Supilitu Santu ixi ku pe ka bi manda ni nomi Mu, Ê ka bi xina inansê tudu kwa i bila fe nansê lembla tudu ixi kun ta fla ku nansê. ²⁷Nka dêsa paji Mu da nansê, Nga dá nansê paji Mu; na ka dê kuma mundu ka da.Na ka tlubula kloson nansê fa, na ka tê mendu.²⁸Nansê têndê kwa ku ntava fladu: Nga bê bila bipla nansê!Xi nansê ka gôgô ku Ami vede me a ka gosta luma, punda nga ba lêlê Pe Mu,punda Pe sa maxi tame okê Ami. ²⁹Nga fla nansê kwa se myole antiji pla kwa da, pla ola ê ka da, nansê ka kêlê. ³⁰Na ka bila fla kwa se da nanê fa, punda plinxipi di mundu se ska xiga, i ê na tê patxi ku Ami fa. ³¹Maji sa pla mundu sêbê kuma nga ama mêsê Pe, axemme nga fe wa ku Pe manda Mu; bomu lanta dêsa lugê se.

¹Ami sa vidêla di vede, Pe Mu s lavladô. ²Tudu lamu ku sa ni Ami ku na ka da flutu fa, Ê ka kota,i tudaxi ku ca da flutu, Ê ka limpé, pê pô da maxi flutu.³Inansê sa limpu za plô palvla kun tava fla nansê. ⁴Plomanesê ni Ami, i Ami ni nansê, kuma lamu na ka pôji da flutu plô êlê me, xi ê na plemanesê ni vidêla, axen tembete inansê na kã pô, xi nansê na plomanesê ni Ami fa.⁵Ami sa vidêla, nansê sa lamu;Ixi ku ka plomanêsê n'Ami, Ami nê, i s ka da yô di flutu, punda sê mi nada xi a na ka pôji fe. ⁶Xi uã ngê na pomanêsê ni Ami,ê ka sa zugadu buta mô lamu,i ê ka suga; inen lamu se ka sa kôyidu, zugadu ni fôgô. ⁷Xi inansê plomanêsê ni Ami ,i palavla mu ni nansê, piji kwakwali kwa ku nansê mesê, ê ka sa dadu.⁸Pe Mu sa glolifikadu ni Kwa se, ola ku nansê ka da yô di flutu; axen nansê ka plôva kuma a sa dixipulu Mu. ⁹Kuma ama mu, axe Ami tembeteama nansê. Plomanêsê mi amôlê Mu.¹⁰Xi nansê gwada mandamentu Mu, amôlê Mu ka plomanêsê ni nansê, di modu se me ku Uplomanêsê ni mandamentu di Pe Mu plomanêsê ni amôlê Sum. ¹¹Un fla nanê inen kwa se pla gôstô Mu sa ninansê, ku gôstô nansê sa bwadu.¹²I se sa mandamentu Mu: ku nansê ka gôgô uã ku ôtlô, mo nga gôgô ku nansê. ¹³Nê uã ngê na tê amôle maxi dôkê ngê xi ku ka da vida dê plô inen migu.¹⁴Nansê sa migu mu, xi a fe kwa ku nga manda. ¹⁵Na ka bila sama nansê selivi, punda ê na sêbê kwa sum dê ska fe.Un sama nansêmigu, punda un fla nansê tudu kwa k'un bê i têndê di Pe Mu.¹⁶Na sa nansê ku kôyê Mu ; maji Ami so kôyê inansê Un kôyê nansê pa nanseê ba da flutu,ku flutu nansê ka plomanêsê, di modu ku Pe mu ka da tudu kwa ku nansê ka piji ni nomi mu. ¹⁷I se nga manda nansê : " mêsê uã ku ôtlô.¹⁸Xi mundu ka tê kontlê nansê sêbê kuma, antiji nansê inen tê kontlê Mu. ¹⁹xi nansê ka sa di mundu, mundo ka gôgô ku nansê mo inen me; maji,punda nansê na sa di mundu, Un kôyê nansê txila di mundu, Êlê manda mundu ka kontlê nansê.²⁰Lembla i palavla k'un ta fla: selivi na sa maxi tamen dôkê Sum dê. Xi a plixigi; xi inen kumpli palavla Mu ka bi palavla mu ni nansê tembete. ²¹Inen ka bi fe tudu inen kwa se plôvi nomi Mu,puda inen na kônsê ngê xi ku mandaMu bi. ²²Xi na ka tava bidu , na tava fladu, inen na ka tê pekadu; maji myole inen natê modu di na têklupa di pakadu d'inen.²³Ngê ku tê odjo Mu t^odjo di Pe Mu tembete. ²⁴Xi na ka ta fedu ni ômê d'inen obla se ku ni uã ôtlô na fe, inen na ka peka. Maji myole inen bê tê odjo diAmi ku Pe Mu. ²⁵Kwa se da axi pa palavla u sa sklêvidu ni alê d'inen kumpli. inen kontlê sê lazon.²⁶Ola konsoladô ka bi, ku nga manda nansê di patxi Pe mu, Suplitu di vede, ku ka bi di Pe, Ê ka da sestemunho d'Ami. ²⁷I nansê tembete ba da sestemunho, punda nansê sa ku Amidjin komesu.

¹Un fla nansê kwa se pla nansê na glava. ²Ni xinagoga d'inen, inen ka bi kôlê ku nansê; di modu se, ê ska xiga ola ku tudu ngê xi ku k mata nnsê ka pensa ku ska fe uã xlivisu da Dêsu.³Inen ka fe kwa se punda inen na kônsê Pe nê Ami. ⁴Un fla kwa se pla ku, kê dja ku ola ka xiga nansê ka bi lembla modu Um fla nansê d'inenkwa sé, Ami na fla nanseê nanda xi ni komesu punda Un tava ku nansê.⁵Agola Nga bé pa isala ku manda Mu, i nê uã nansê na xi punta Mu:"Bô ka ba andji?" ⁶Agola, punda un fla nansê kwa sé, tlixtêza xa kloson nansê. ⁷Maji,nga fla nansê vede: miyon pla nansê pan pô bé; soso xi un'a bé fa, konsôladô na ka bi da nansê, maji xi un bé, Nga mand'E da nansê.⁸Kê ola konsôladô ka bi, Ê ka konvensê mundu a lixpetu di pekadu, di zuxtisa,di plôsêdê. ⁹Di pekadu, punda inen na kêlê n'Ami, ¹⁰di zuxtisa, punda Un bé pla Pe, i nansê na ka bê Mu maxi fa; ¹¹I di plôsêdê, punda plinxipi di mundu sé sa zugadu za.¹²Antawo, un tê yô kwa di fla nansê, maji myole nansê na ka têndê fa. ¹³Axen me, ola Ê,Suplitu di vede, ka bi,Ê ka giya nansê ni tudu vede; soso ê na ka fla dÊ me fa; maji ê ka bi fla tudu kwa ku Ê têndê , Ê bi da patxi de kwa sa di bi. ¹⁴Ê ka glolifika Mu, punda Ê ka bi lêsêbê kwa ku sa dji Mun, i ka da patxi di nansê.¹⁵Tudu kantu Pe tê sa dji Mu; plô isé, un fla kuma suplitu lêsêbê ku sa dji Mu, i ê ka bi da patxi da nansê. ¹⁶Glêntu di pôkô tempu, nansê na ka bi bê un fa. Maxi uã pôkôdi tempo, ôtlô vê nansê ka bi bê Mun.¹⁷Anton ,uã -dôsu d'inen dixipulu Dêfla uã plô ôtlô: 'kê kwa Ê ska fla non: Un pôkôdi tempu nansê na ka bê un maxif, i antawo; uã pôkômaxi di tempu, ôtlô vê nansê ka bi bê Mun; i, punda nga ba l^lê Pe? ¹⁸Plô ise, inen fla: Kê kwa Ê ska fla: Uã pôkô di tempu? Non na sêbê ku kwa xi ku Ê ska fla fa."¹⁹Jizu bé ku inen mêsê punté,i ê fad'inen:" Nansê ka puntni ômê di nansê ni lispetu di kwa xi um fla nanê:" Glentu di uã pôkô tenpu, nansê na ka bi bê Mu fa zawo uã pôkô mxi di tempu, ôtlô vênansê na ka bi bê Mu?" ²⁰Ni vede, ni vede, Nga fla nansê, nansê ka bi sala i lamenta, maji mundu ka sa ku alêglia; nansê fika tlixti, maji tlixtêza nansê ka bi bila ni alêglia. ²¹Uã mwuala ka sa tlisti ola ê ka tê dôlô di pali punda tempu dê di pali xiga; maji zawo ku ê pali , ê na ka lembla mxi di dôlô dê fa, plôvia di alêglia di uã mina dê tê naxidu ni mundu.²²Axem, tembete nansê tê tlixtêza myole, maji Nga bi da nansê ôtlô vê; kloson nansê ka alegla, nâ uã ngê ka pôji txila alêglia di nansê. ²³Dja sé, nansê na ka punta mun nadaxi fa.Ni vede ni vede nga fla nansê xi a piji Pe kwa kwali kwa ni nomi Mu, Ê ka da nansê. ²⁴Antê, myole nansê na piji nadaxi ni nomi Mu fa; piji a ka lêsêbê, pla ku alêglia nansê ka sa kompletu.²⁵Un fla nansê kwa sé plô mê di kompalason; maji ska xiga ola ku Un na ka fla maxi plô kompalason fa,maji nga da patxi sobli Pe klalu.²⁶Dja sé , nansê ka piji ni nomi Mu, Nga fla nansê kuma nga loga da Pe plô nansê fa; ²⁷So so plopi Pe ka ama nansê, punda nansê ama Mu i kêlê ku Un bi di Pe. ²⁸Un bi di Pe pla mundu, ôtlô vê, Nga dêsa mundu naga ba Pe".²⁹Inen dixipulu dê fadê: yalê ku myole bo fla klalu; na ka uza kompalason fa. ³⁰Myole non sêbê ku Bô kônsê tudu kwa, i ku na sa plixisu ku nê uã ngê ka punta Bô fa.Plôvia di kwa sé, om kêlê ku Bô bi di Dêsu. ³¹Jizu kuji ien:"myolê , nansê kêlê?³²yalê ku ola ka bi, di fatu ê xiga za, ku nansê ka bi sa wangadu kadauã nansê pla plopi kê nansê, i nansê ka bi dêsa mu tan.majiami na sa tan fa,punda Pe sa kwa Ami. ³³Un fla nansê inen kwa sé pla nansê pô tê paji ni Ami, Ni mundu nansê ka tê aflison, maji tê anumu bwadu, Un vensê mundu.

¹Ola Ê fla inen kwa sé, Jizu boya wê ba ose fla: "Pe ê xiga ola, gloifika Mina Bô plaMina bô glolifika Bô." ²Axen móô dé pôdê ni lba di tudu kani,tembete pê pô da vida pala semple da tudu ngê ku Bô é.³Vida pala semple sa isé: ku inen ka kônsê Bô, uniku Dêsu di vede, ku klisto Jizu, ngê xi ku Bô manda. ⁴Un glolifika Bô ni tel Un kaba obla ku Bô damu pan fe. ⁵Pe, myole, glolifika-Mu zuntu ku Bô ku gloia ku tinha ku Bô antiji ku mundu fô kiadu.⁶Un fla ni nomi Bô da inenome ku s di mudu ku bô da Mu.Inen fô dji Bô; i Bô damu inen, inen gwada paavla Bô. ⁷Myole, inen sêbê ku tudu kwa ku bô da Mu kabi ni Bô; ⁸Punda palavla ku bô da Mu, Un d'inen, Inen lêsêbê vede me inen sêbê ku Um bi di bô, inen kêlê ku Bô manda Mu.⁹Nga fla ason d inen; na ka fla lason da mundu fa, maji inen sê ku Bô damu, punda inen sa dji Bô ¹⁰Tudu ku sa dji Mu sa dji bô, ni tudu ku sa dji bô sa dji mu;Un sa glolifikadu ni inen. ¹¹Na bila sa ni mundumaxi fa, maji inen sa mundu, ami ska ba lêlê Bô. Pe sanu, gwada inen ni nomi Bô ku Bô da mu,pla ku inen sa uã, axen mó Non sa uã.¹²Ni ola kun tava ku inen, Un gwada inen ni nomi bô ku bô da mu; Un gwada inen ku nê uã d'inen na plêdê fa, xi ê sa ixi ku sa mina de plêdinson fa, pla sklitula pô kumpli. ¹³Myole, Un ka ba lêlê bô; maji Nga fla inen kwa se ni mundu, pla inen tê gôstô mu tud'axi ni inen me. ¹⁴Un da inen palavla Mu; i mundu kôntlê inen punda inen na sa di mundufa, axen mó Ami na sa di mundu fa.¹⁵Na ka fla lason di txila inen ni mundu fa, maji pla á kwada inen di mali. ¹⁶inen na sa di mundu fa, axen mó na sa di mundu fa. ¹⁷Santifik'inen ni vede, palavla bô sa vede.¹⁸Axen mó Bô manda mu bi mundu,ami tembete manda inen ba mundu. ¹⁹Plôvia d'inen, nga santifika, pla inen ka sa santifikadu ni vede tembete.²⁰Nga fla lason na sa pla inen tan fa, majitemete pla da inen ixi ku kêlê Ami plô mê di palavla d'inen, ²¹Pla inen sa uã, axen mo Bô, Pe, sa n'Ami, Ami ni Bô. Nga fla lason pla inen sa ni Non, modu ku mundu ka kêlê Ku bô manda Mu bi.²²Ngloya ku bô da mu,Un da inen, pla inen sa iã, axen mó Non sa uã; ²³Ami ni inen, Bô n'Ami, pla inen ka sa giya ni uniddji kopletu, di modu ku mundu ka sêbê ku Bô manda mu bi, mêsê inen, axen mó Bô mêsê Mu.²⁴Pe, Un mêsê inen xi ku Bô d ka sa ku Ami tembete andji kunnga sa pa inen bê ngloyau, ixiku Bô da mu, aiê Bô ama mu djina antiji fundason di mundu.²⁵Pe zusto, mundu na kônsê bô; maji Un Kônsê Bô; inen se sêbê ku bô manda mu. ²⁶Un fe Nomi Bô Kônxidu da inen, nga bi fa Kônxidupla amôlê ku bô ama Mu ka sa n'inen, Ami n'inen,

¹Ola Jizu ta fladu inen palavla se, Ê bi ku inen lumoxinhô Dê ba ôtlô kwantu di ôlyô di Cedron, andji tav ku unwa jadlin ku Ê lentla ku inen lumoxinhô Dê. ²Zuda, ku ka bi sa tlaidô, tembete Kônsê lugése, punda Jizu semple tava ka ba nala ku inen lumoxinhô Dê. ³Zuda bi ku unwa distakamentudi sode, ku unwa dôsu ofixial di inen mese saserdotxi ku inen farizeu; inen xiga la ku uwa dôsu lantern, toxa ku pingada.⁴Anton Jizu, sêbê inen kwa se ku ska ba da kwê, Ê ba wê puntiné: "Kêngê nansê ska golo?" ⁵nen kuji: Jizu Nazarênu". Jizu fadine:" Ê sa Ami."Zuda, tlaidô, tava tembete mundjadu ku inen sodé.⁶Anton, ola Ê fla:"Ê sa Ami" ine vanganaku tlaxikyê ba son. ⁷Ôtlô vê,ê punta inen." A ska gôlô kêngê?Ôtlô vê, inen fla Jizu Nazarênu.⁸Jizu kuji: "Ami fla nansê kuma ê sa Ami;Xi nansê ska golo mu, dsa inen se bê." ⁹Pla kumli palavla ku a fla:"Na plêdê nia se ku a da Mu fa".¹⁰Simom Pedu, ku tinha unwa supada, txila fô benha fili seluvu di sumu sasedotxi, kota olia gletu. Nomi seluvu se sa Malku. ¹¹Anton, Jizu fada Pedu: Pê supada ni benha.Andêjime, na sa di bêbê kalisi ku Pe da Mu?"¹²Anton, distacamentu di sodé, kapiton ku inen oficiali dine Zudê paga Jisu, i a malê. ¹³Plumeluinen be kwê da Anas, Ku sa stlôgu di Kaifas, sumu sasedotxi ni ama sala. ¹⁴Ê ta sa kaifas sa da Kônsê da inen Zudê kuma ê sa maxi bwa unwa ome môlê da povo.¹⁵Simom Pedu lêlê Jizu, andêjime ôtlô lumoxinho tembete.lumoxinho se ta sa konxidu di sumu sasedotxi ,ê lentla ku Jizu ni sala di sumu sasedotxi; ¹⁶Maji Pedu fika lwa mundjadu ni bôdô poto. Anton, ôtlô lumoxinho, ku sa konxidu di di sumu sasdotxi,xê fla ku mina mwala di kekôtxi ku tava ka toma konta poto, be ku Pedu glêntu.¹⁷Mina se di ké kôtxi ku tava ka toma konta poto fla Pedu: "Bô tembete na sa uwa lumoxinho di ome se fa?" Ê fla:"Ino, ami na sa fa." ¹⁸Inen selivu ku ine oficiali tava nala; inen fe uwa sango fôgô, pa inen pô kenta,pundaê tava ka fe fiô. Pedu tembete tava nala mundjadu, ka kenta ku inen.¹⁹Anton ,sumu saseldotxi punta Jizu da inen lumoxinhô Dêku inen xinamentu Dê. ²⁰Jizu kuji ê: "Ami fla ni lwa da tudu mundu;Ami semple tava ka xina ni xinagoga,i templu andji zudêka zunta nê. Nada xi na fla stlegedu fa. ²¹Punda kwa manda bô ska punta mu? PPunta da inen se ku têndê kwa ku Ami fla.Inen ngê se sêbê kwa Um fla."²²Ola Jizu fla kwa se uã dinen ofixiali ku tava nala dá uã tapawê ni Jizu, zawo fla: "Ê sa moda se so Bô ka kuji sumu saseldotxi?" ²³Jizu Kuji ê: " Xi Un fla malida sestemunhu di mali,.andejime,xi Ami fla bwadu, punda kwa manda a ska da mu ku kwa?" ²⁴Anton, Anas malé manda da Kaifas, sumu saseldotxi.²⁵Simom Pedu tava mundjadu ka kenta, a punté:"Bô tembeté na sa uã d'inen lumoxinhô dê an.Ê fla: "Ami na sa fa." ²⁶Uã seluvu di sumu aseldotxi, ku ka ta sa familya di ome ku Pedu tava kotadu olya, fla: Ami na ta bê bô ni jadrin kwê fa?" ²⁷Pedu nega ôtlô vê, mind'ola se galo kanta.²⁸Dipôji , inen txila Jizu fô wê kaifasé kwê palasiu govenadô.Ê ta sa plama, a na lentla ni palasia f pla ns kontaminafa, inen ta mesê kume paska. ²⁹Anton, Pilatos xê di lesê inen, so ku fad'inen:" kwê kuzason nansê tê kôntla ome se?" ³⁰Inen kuji:" Xi ome se na ka sa kliminozu fa non na ka tlegê da um fa."³¹Plôtantu, Pilatos fad'inen: Be kwê jdlué mo alê nansê." Inen zuê fadê:" Non na tê nê uã odji di mata nê uã ome fa." ³²Inen fl kwa se pla kumpli plavla ku Jizu ta fladu, di mu sa madu ku Ê ka bi môlê.³³Anton, Pilato lentla ôtlô vê, sama Jizu fadê: Bô sa Alê di inen zudê?" ³⁴Jizu kuji: "Ê sa bô so ska flakwa se, ô ôtlô so ku fada bô d'ami?" ³⁵Pilatu kuji: " Agola ami sa zudê? Plôpi pôvô bô ku inen giya wê sasedotxi tlrga ô dam. Kwa Bô fe?"³⁶Jizu kuji:" govenu mu na sa di mundu se fa.Xi govenu mu ka sa di mundu se inen selivi mu ka luta pla na tlega muda inen zudê. Maji govenu mu na sa daí fa." ³⁷Pilatu fadE: " Anton, Bô sa ale?" Jizu kuji: " bô ska fla kuma Un sa alê.Un fla nansê kwa se êlê manda nbi mundu,pla da sestemunhodi vede. tudu ixi ku ka sa di vede ka têndêvozu Mu."³⁸Pilatu fadé:" kwe kwa sa vede?" Ola ê fl kwa se, ^bila xê ba lêlê ine zudê, so so fad'inen:" Na bê klimi ni ome se fa." ³⁹Maji nansê tê kustumi di ami lega uã ome livli da nansê ni paskwa. Anton, nansê mesê pla ami desa alê d'inen zudê livli?" ⁴⁰Anton inen glita fla:" Inon ome se fa, maji Barrabas." Barrabas ta sa uã kliminozu.

¹Anton, Pilatus tome Jizu mamda pa dé xikotxi. ²Inen sodé tese uã klówá di npin,pê ni kabêsa dÊ so bixiÊ uã manta purpura. ³Bi lêlê zawo fadé: "Aplasa Alê dinen Zudê!"Soso dê sôkô."⁴Anton, Pilatus, bila xê ôtlô vê fada pôvô:" Pya Ami ska bi ku Jizu pla a sêbê kuma na bê nê uã klupa nê fa." ⁵Jizu xê ê tava ku uã manta purpura bixidu ku klôwa.Pilatus fadinen: " Pya, ome sé sa nain!" ⁶Soso ola inen giya wê sasedotxi ku inen oficiali bê Jizu, glita fla:" klusífikê, klusifikê!" Pilatus fadinen: " é kuÊ nansê me, klusifikê. Andejime , Ami na bê klupa nê fa."⁷Inen Zudê kuji Pilatus:" Non tê uã alê,nialê sela Ê môlê, punda Ê fe êlê me nina Desu." ⁸Ola Pilatus têndê kwa se, ê fika xa di mendu, ⁹ê bila lentla ni palaxu, fla Jizu:" Bô a bi dandji?"Agola, Jizu na kuji fa.¹⁰Anton Pilaus fada Jizu: "Bô na kuji? Na sêbê kuma un tê pôdê pa livla Bô bila tê pôdê di Klusifika Bô fa? ¹¹Jizu kuji:" bô na ka tê nê uã pôdê kontla Mu,xi ê na ka sa dadu nala libafa,êlê manda ngê tlega mu da bô ku te pekadu maxi."¹²Plôvia di kwa se, Pilatus gôlô modu di livlÊ, maji inen zudê glita fla: "xi bô livla ome se , migu di Seza bô na sa fa.Tudu ngê xi ku ka fla kuma ê sa alê ê sa kontla Seza." ¹³Ola Pilatus têndê palavla se, ê bi ku Jizu lwa, soso tason ni kadela di djlugamentu,ni uã lugê samadu pavimentu di budu, ni hebaiku;gobatá.¹⁴Agola, ê ta sa dja di plepalason di Paskua, plo vota di ola sexta.Pilatus fada inenzudê:" Pya, alê nansê sa n'aí." ¹⁵Inen klita; xê, xê; klusifikê!" Pilatus fadinen: " Nga pô klusifika alê nansê?" Inen giya wê sasedotxi kuji:" Non tê uã ku sa Sezar." ¹⁶Anton tanda Jizu da inen pla sa klusifikadu.¹⁷Inen bê ku Jizu lwa, soso Ê xê kaklaga klusu pla lugê samadu kavela, ku ni heblaiku sa samadu golgata. ¹⁸Nala a klusifiké, ku dôsu ome, uã ni kada ladu,Jizu ni ômê.¹⁹Pilatus sklêvê uã letlelu, pê ni klusu, so tava sklitu JIZU DI NAZALÊ, ALÊ DINEN ZUDÊ" ²⁰Yô zudê lêsklison se, punda ludê andji Jizu fô klusifikadu tava petu di poson sklison tava ni heblaiku. latin, glêgu.²¹Anton, inen giya wê sasedotxi dinen zudê fada pilatus:" Na sklêvê: Alê dinen zudê fa maji, ome se fla: " Ami sa alê dinen zudê." ²²Pilatus kuji:" kwa ku sklêvê un sklevidu."²³Ola inem sodê klusifika Jizu, a txila lôpa dÊ sosopatxi ni kwatlu patxi,da kada sode;tembete tunika ku na tava kuzidu,tesidu ntelu. ²⁴anton, fla inen uã ku ôtlô: Na bamu ve fa, maji non ka lansa sotxi pla disidi di ngê ê sa." Kwa se da pla sklitula pô kumpli. Inem patxi lôpa Mu inen ku inen, so plõ lôpa mu inen lansa sotxi.'' Inen soe fe inen kwa se.²⁵Ni ladu di klusudi Jizu, tava munjadu sa mendÊ, mana di mendÊ, Maya mwala kleopas, Maya Madalena. ²⁶Ola Jizu bê mendÊ, petu dê, lumoxinho kwê gogo kuê,Ê fada mendÊ:"Mwula ê ya mina san nai ê!" ²⁷Anton ê fada dixipulu:: ya men bô nai!" Djina ola se ba wê, dixipluban kê de plôpi.²⁸Dipôji di kwa se, Jizu sêbidu kuma tudu kwa sa konsumadu pla skliyula bi kumpli, Ê fla: "Un sa ku sêji." ²⁹Nala ta va ku pôtxi xa di vinagli; anton inen pê niuã sponja bebidu xa vinagli iuã pedasu di vala di hisôpô, lanta ante bôka Jisu. ³⁰Ola Jizu tom vinagliê fla:" Ê sa lozovidu." Ê klina kabêsa soso tlega suplitu DÊ.³¹Moê sa dja di plepalason, pa klopona tay ni klusu ni sabadu ntelu (punda sabadu se sa uã dja impontanti).inen zudê piji Pilatus pa ope dinen omezukutadu pa sa kebladu, soso pa klopôdinen sa txiladu. ³²Anton, inen sodê bi kebla ope di plume ku segundu ome ku ta sa klusifikadu ku Jizu. ³³Ola xi ku a paze Jizu bê kuma Ê tava motxi êlê manda a na kleba ope dÊ fa.³⁴Anton, uã dinen sode se fula uã kantu di Jizu kuuã zagê, ni ola seme sangi ku awa xe. ³⁵Nguê bê kwa se da sestemunha, i sestemunha dê sa vede. Ê sêbê kuma ê ka fla vede, pa pô kêlê tembete.³⁶Inen kwase beda papo kumpli sklitula: Nê uã oso Dê ka bi sa kebladu." ³⁷Ôtlô paxi di sklitula ka fla:" Inen ka bi pya ngê xi inen fula.³⁸Ola inen kwase,Zoze di Arimateia, ku ta sa dixipulu di Jizu, andejime ni stegedu, plôvia di mendu dinenudê ê piji Pilatus andji de bê ku klôpô di Jizu, Platus de odji.Anton Zozé bi sosobe klôpô Dê ³⁹Tembete Nikodemu bi, ixi ku ta du Kontla ku Jizu notxi.Ê bi mira olaés zolodu kwajinada sem libra ni pezu.⁴⁰Anton, inen be ku klôpôdi Jizu; soso a buya ku lopa di lino ku arroma, ma ê ta sa kustumi dinen zudê pa stela klôpô. ⁴¹Ni kamya ku a ta klusifikadu, nala tava ku uã jadlim, ni jadlim ta kuuã tumba novuni xi ku a na tava ntela nê uã ngêne fa. ⁴²Punda ê tava sa dja di plepelason pl'inen zudê; kuma tumba tava petu, inenpê Jizu nê.

¹Ni plumêlu dja di somana ku antawo tava kulu, Maya Madalena bá tumba ê bê ku budu tava txiladu. ²Anton,ê kolê ba lêlê Pedu Ximon i ôtlô dixipulu, ngê xi ku Jizu ta ka ama, ê fadinen: " A txila sum ni tumba, non na sêbê ndji ku a pê sum nêfa."³Anton, Pedu ku ôtlô dixiplu inen xê ba tumba. ⁴Inen dô dôsu kôlê zuntu;e ôtlô dixipulu kôlê maxi dôkê Pedu;ê xiga ni tumba plumê. ⁵Vlega ê bê lôpa di linho dêsadu nala maxi ê na lentla fa,⁶Andejimé ê xiga zó ximom pedu; i ê bá klêntu di kôbó; i ê bê lensólo di linhu desadu naí; ⁷I lensu ku tava ni kabêsa Dê, ku na fô desadu lansoló di lihufa, maxi dóbladu ni uã lugê patadu.⁸Anton, ôtlô dixiplu, i sé ku xiga plumêlu lentlani kôbóten, ê bê kêlê. ⁹Soso, antê momentu sé, inen na ta sêbê kkwa sklitula ta va ka fla fa, ku Jizu ka toka koda ni ômê dinen motxi. ¹⁰Anton, inen dixipulu bila ôtlô vê ba ké.¹¹Andéjime, Maya ta dê ni lwa di kóbó ka sóla.Ola ê tava ka sóla; ê mundja ê pyaklêntu di kóbó; ¹²i ê bê dôsu anzu bixidu di blanku tasondu, andji klôpô di Jizu ta nê, uã ni kabêsa ôtlô ni ope. ¹³Inen fadé: "Mwala, kwa manda bô ska sóla?"Ê Kuji inen:" punda Sum mu a bê kwê i ami na sêbê andji a pê nê fa."¹⁴Olaê fla kwa sé, ê kolê wê ê bê Jizu mundjadu nala mxi ê a ta sêbê kuma ê sa Jizu fa. ¹⁵Jizu fadé:" Mwala kwa manda bô ska sola? kêngê bô ska góló? Ê fla: Ê kunda ku ê sa jadlineluô ngê ku ka sebê di floli, anton ê fadé: Sumu ê, xi bô txila Jizu dai fad'ami andji a pê Sum, i un nga bé ku Kwê."¹⁶Jizu fada :" Mya ! " Ê bila xi, fadé ni aramayku: Raboni; (ku sa mesé). ¹⁷Jizu fadé:"Na te mu fa, punda ami antawo na xi sublija Pé fa; maji bé pla inen manu mu; i fadinen Ku ami ka bi subli pla Pé mu ku Pé dinansê; Dêsu Mu ku Dêsu nansê." ¹⁸Maya Madelena bé i fla inen dixipulu: " Un bê Sum,"sososo ê konta inen tudu kwa ku Ê fadé.¹⁹Kuma sa taji za, plumé dja sé di somana, inen ixipulu tava zuntadu ku tudu potó tlankadu, ku mendu dinen zudê, Jizu bi i pê ni ômê dinen, ê fadinen: "Paji sa ku nansê." ²⁰Sósósó di fla kwa sé ê musinen mon ku pontada.I ola xi ku inen dixipulu bê Sum, inen gôgô.²¹Jisu fadinen ôtlô vê:" paji ka sa ku nansê.Mo Pé mnda mu, ami temete ka manda nansê." ²²Ola Jizu fla kwa se, ê soplinen fla:" Lêsêbê suplitu Santu." ²³Xi a pôda pekadu ngê, inen ka sa podadu xi bô na podé fa ê ta sêlê.²⁴Tomé, uã dinen dôze ku ka sama Didimo, na tava ku inen ola Jizu bi fa. ²⁵Inen ôtlô dixipulu zó fafdé:" Non bê Sum."Ê fadinen: " Xi ami na bê ni mon dê inen me ka se di plegu, i pê dedu mu klentu di inen meka i plegu fa, i mon mu ni pontada Dê, ami na ka kêlê fa."²⁶So ku di ôtô dja, inen dixipulu tava ôtlô vê zuntadu , i Tomé tava ku inen; ku tudu poto tlankadu , Jizu pê ni ômê dindn, i fadinen; paji ka sa ku nansê." ²⁷anton, ê fla da Tomé:" pê nai dedu bô, i pya mon mu, sendê mom bô, pê ni pontda mu, na fe olha lizu fa maji kêlê."²⁸Tomé kuji i fla: " Sum mu Dêsu mu!" ²⁹Jizu fadé:" Punda , bô bê mu,bô kêlê?" Benditu sa inen se ku na bê fa maji kêlê."³⁰Ni vede Jizu fe, ni wê di dixipulu Dê yô dôtlô xinanli, ku inen na sa sklevidu ni livlu se fa. ³¹Maji, i se inen sa sklêvidupla a kêlê kuma Jisu sa klistu,minandi Dêsu, di modu ku xi a kêlê, a ka tê vida ni nomi Dê.