¹Iligela kusiku zye mbhwami bwe bhalamuzi kumba mbungalo bhutano munsi, ne mntu umwiwe Bethelehemu ye Yuda alazya hansi ye Moabu sihamwi ne mkazi ne bhana bhamwe bhabhili bhe bhagosya. ²Izina lyoyo muntu alangagwa Elimeleki, ne izina lye mkazi wamwe alangagwa Naomi. Nazina ye mbana bhamwe bhabhili bhe bhagosya bhalangagwa Hahiloni ne undi kIleoni, abhe bhli Waefraimu bhe Bethelehemu ye Yuda. Bhalahikila munsi ye Moabu ne kwikalisya eyone.³Ngaho Elimeleki, mulume umwa Naomi, alafwa, ne Naomi alalekelwa ne bhana bhamwe bhe bhagosya bhabhili. ⁴Bhana abho bhalaswela bhakima bhe Moabu; izina loye umwi wahe alangagwa Oripa, ne izina lye undi alangagwa Ruth. Bhalikalisya eyone ikanza lye myaka ikumi kati otine. ⁵Ngaho bhana Mahiloni ne Kileoi bhalafwa, ne kumuleka Naomi atali ne mulume, ne kandi atali ne bhana bhamwe bhatali.⁶Ngaho Naomi alalamula kupuna nayo Moabu sihamwi ne bhakima bhe bhana bhamwe ne kusubha Yuda kungunobhalivwaoti eyo hamkwa gwe Moabu oto Yahweh ambambiliza bhantu bhamwe kuvikobhwa ne kubhaha silihbwa. ⁷Ngaho alapunayo eyo ikalanga ne sehamwi ne bhakima bhe bhana bhamwe bhabhili. Bhalatikila muzila kusubha nsi ya Yuda.⁸Naomi alabhabwila makima bhe bhana bhamwe, ''Muzye, msibhe, kila umwi winu mu numba yemwa yayo winu. Ne Mungu olekezye bhusoga lugulu yinu, kati omwo mulolekezya bhusoga habho bhalafwa halione. ⁹Mungu ambambilizya kupandika imwe bhwifuto, bhuli umwi winu mugati ye numba ye mulume undi.'' ¹⁰Kandi alabhafula, nekubha malaka gabho galayoga ne kulila, mbhalamubhwila, ''Byo! Tukusubha sihamwi nanko habhantu mbhako.''¹¹Ngaho Naomi alayomba, ''Msubhe, bhanabhane! Hasi mukuzya wone? Hakubha sayali ne bhana munda yane kunguno yinu, yekubha bhize bhabhe bhalume bhinu? ¹²Msubhe, bhanabhane, muzye hakati ye nzila zinu bhenekili, hakubha one ne mumampara muno kubhane mgosya. Olo ndayomba, 'Nekwikania mpandike mugosa bwile obwa, naho ndazyala bhana bhe bhagosya, mwenkadula kumbalindilila ao bhalakulile? ¹³Mukulindilila na mtakiza kuswelwa? Byo, bhana bhane! Ye kupinihazya munone, katikwo yekubhapinizya imwe, hakubha kumboko kwe mwa Yahweh kwazile lumanso one.''¹⁴Ngaho bhakima bhe bhana bhamwe, bhalayoga dakazyabho ne kulila kandi. Oripa atamutahya ne kumufuhula, ahone Ruth alasaga kwikalisya naye. ¹⁵Naomi alalayomba,''Alegeleka, mwisyako asubha habhantu bhamwe ne misabwa zyamwe, subha sihamwi naye.''¹⁶Ruth alayomba, ''Utakandeka zyazye hale nobhe, hakubha eyowe kuzya, kuzya none, ahoukikalisya, kwikalisya, bhantu bhako bhakubha bhantu bhane, ne Mungu wako akubha Mungu wane. ¹⁷Tyahohona ulafwile, kufwila ahone, ngaho ndazikwe (kufukilwa). Yahweh ampebhudulo ne bhudulo ikabha siliho tyesyosyoni hakabha lufu sitenkadula sekeseke kutulekania. ¹⁸Naomializakubhana oti Ruth abhanga alamwile kuzyahage, aloya kwihalalika nage.¹⁹Bhana bhabhili lugendo bhalalika eyo nyini Bethelehemu. Syato syona bhalabhasima, bhakima bhalayomba, ''Oya ne Naomi?'' ²⁰Ngaho alabhabhwila, ''Mtakandaga Naomi. Mundage Mkali, hakubha Mungu Mfuluzi ambhegezizye magambo Mkali muno. ²¹Ndazya npkele hana, otine Yahweh ansubya kaya ntali nabho bhana. Otine hansi mwikundaganizya Naomi, aho mwekubhana Yahweh amazile kudamula ye kubha Mkama Mungu anduhizye?''²²Ahone Naomi ne Ruth Mmoabu, mkazi we mwana wamwe, bhalasubha kufuma nsi ye Moabu. Bhalasumbha Bethelehemu mbwandizyo bwe bhusuduzi bweshairi.

¹Ahone Elimeleki mlume umwa Naomi, abhanga ne mumwanie oyo alangagwa Boazi, abhanga msabhine muntu mkulu. ²Ruth, Mmoabu, alamubhwila Noami, ''Linda nazye nsozye masagila ge silibwa mwilale. Nkumulondezya tyoyowona oyo akaha sibali muminso gamwe.'' NgahoNaomi alamubwila, '''Zya, mwanawane.''³Ruth alazya kwimbula mwisyamba (ilale) akubhalondazya ngongo mbhasunduzi. Ne kubha aho hambele hilale habhanga ne nsabho yemwa Boazi, oyo ambhanga ne bhudugu ne Elimeleki. ⁴Linga, Boazi aliza kufuma Bethelehemu ne kubhabwila bhasunduzi, ''Yahweh ambhe sihamwi ninu.'' Bhalayobha, ''Yahweh akwelukila.''⁵Ngaho Boazi alamubwila mzyana wamwe oyo ambanga akubhalabhada bhasunduzi, ''Tyani mkama oya mwanike ne weyo mwande?'' ⁶Mzyana mulabhadi we bhasunduzi alasuduzi alasubya alayomba, ''Ne mwanike Mmoabu alasubha ne Naomi kufuma nsi ye Moabu. ⁷Aliabwila, 'Hali oti udekezye nsundulene kusozya musago ge mbhasundizi.' Nahe aliza ne kubha andila akusurudula kufuma mlambo otine tyaha, otine ifuzile mu mukaya.''⁸Ngaho Boazi alamubwila Ruth, ''Wekundegeleka, mwanawane? Utakazya kusundula kandi mwitale lindi; utakapunaho hilale lyane. Gulioti noti wikale ne bhanike bhane bhe milimo. ⁹Gafile minso gako mwikale elyo bhagosya bhakusundula ne ubhalindazye name ye bhakima bhandi. Agu, ntabhabwizile bhagosya bhatakasonto? Lolo ulapandika eyo bhagosya bhakazye.''¹⁰Ahene atahula sivwi mbhutonzi yemwa Boazi, ne kumamizya mtwe gwamwe hansi, alamubwila,''Hasi napandika sibali kuminso gako neyekubha umpe bhudula one?'' ¹¹Boazi alamusubhizya ne kumubwila, ''Namazile kubwilwa gona ago wagemile kufuma mulume wako afwe. Wabhalekile sonenoko bhako na nsi eyo ulazyalwa kumulondezya nakobhukore wako ne kwiza habhantu abho utekubhamania. ¹²Yahweh akulihe kwingana ane musango yako. Yahweh akulihe hanwingi, Mungu we Israeli, oyo hansi ye mana na gamwe wapandika bwlukilo.''¹³Ruth alayomba, ''Mpandike kufuhulwa muminso gako, mkama wane, hakubha wasusilizya nekubha wayomba kusoga hawane. Kungoko one ntali umwi wahewe bhazyane bhaho bhe bhakima.''¹⁴Ikanza lye kulya Boazi alamubwila Ruth, ''Iza aha, ulye simwi sye mikate, ne osopye sihingo mubhusele.'' Alikaliya hapelo yembazunduzi na Boazi alamuhelazya sidone sye mbuto ezyo zyalizyakalangilwe. Ruth alalya mpaka alahisya ne kusazya.¹⁵Aliza kubhuka kuzya kwimbula, Boazi alabhahamilizya bhayanda bhamwe, alayomba, ''Mumuleke asundule lelo omwo mumasuke, ne mtakiza kumubwila tyelyo lyona imbihi. ¹⁶Ne kandi mumulekile simwi syahe sye masuhe musimbukizyo kunguno yamwe, ne mumuleke aga sundule. Mtakamuybya.''¹⁷Otine alasundula mpaka kagolo. Kandi alalekania bhuto ne matutu ago alasundula, nazye bhuto zilabha kati efa imwi ye shairi. ¹⁸Alazibhusya ne kuzya hakati ya syalo. Ngaho ninabhukwe wamwe alabhana isyo alasundula. Ruth kandi alamuletela ninabhukwe wamwe bhuto zye bhukalagwe ezyaalasazya ha silibhwa syamwe.¹⁹Nina bhukwe wamwe alamumbwila, ''Wasundulila hahe eyo wasundula lelo? Wawazya kutumamila hahe elikiwe muntu oyo aliakwambilizya.'' Ngaho Ruth alamubwila nina mubhukwe wamwe guno ye muntu oyo akwikala ne ilale elyoabhanga akutumama milimo. Alamubwila,''Izina lye muntu oyo ikalanga ni lale elyo abhanga akutumama milimo ne Boazi.'' ²⁰Naomi alamubwila Ruth, ''Elukilwe Yahweh, oyo ati hileho bhutungilizya bhwamwe hambho bhali bhahanga ne bhafwile.'' Naomi alamubwila, ''Oyo munti ne mugu witu we hihi, ne mdugu witu msunguzi.''²¹Ruth Mmoabu alamubwila, ''Ne hanane, alabwila, ''Wikale hihi ne ne bhayanda bhane bhe hagosya mpaka aho bhalamalile kusundula malale ganegona.''' ²²Naomi alamubwila Ruth mkazi we mwana wamwa we mgosya, ''Ne kusoga, mwanange, yekubha uzye sihamwi ne bhanine bhamwe bhe milimo, yekubha utakiza kupandika misangotyiyo yona hakati ye mwilale lyamwe.''²³Notine alikalizya hihi bhatumami bhe bhakima ilyoti asudule mpaka bhufuku bwe sisundulwa sye shairi ne sye ngano. Neyekubha abhanga akwikalisya sihamwi ne nina bhukwe wamwe.

¹Naomi, nina bhukwi wamwe, alamubwila, ''Mwanange, yekudulikana kukobha hantu hobhe hekwifulila, ili kusoga magambo gako gazya kusoga? ²Nawe Boazi, muntu oyo ambhanga sihamwi ne bhanike bhamwe bhe milimo, awe atalimdugu witu? Linga, kagolo eyane akubha akususumula shairi ha sakafu ye kuhulila.³Otine oga wisige mafutawambale myenda zyako musoga, ne utikile kuzya ha sakafu ye kuhulila. Hali oti utakiza kwimanisya ha muntu oyone mpaka aho alamalile kulya ne kunywa. ⁴Ne ulabhade hakubha, alakubha alala hanzi, wevukile hantu ahoalale nehakubha hanuma azye wamwe, ufundukule magulu gamwe, ne agone ahone, nahe akukubwila sye kubhezya.'' ⁵Ruth alamubwila Naomi, ''Nkubhazya tyesya syona esyo wayomba.''⁶Alatikila kuzya ha sakafu ye kuhulila, ne kubha alalondezya mugengezo eyo alahebwa ne nina bhukwe wamwe. ⁷Boazi aliza kumala kulya ne kunywa, ne mwizo gwamwe gwali ne bhuzinge, alazya kunguno hanziye hubhali iwe hantu he kutunzizya mbuto. Ngaho Ruth alazya polepole, alafundukula magulu gemwa Boazi, ne kugona ahone hanzi.⁸Aho oza kuhika mbufuka munone Boazi alisatula. Alapiluka, naho mkima abhanga agonile mumagulu gamwe! ⁹Alamubwila, ''Obhe ulinde?'' Alamusubya, ''Ngone Ruth, mzyana wako wemkima. Fundikile mwenda gwako one mzyana wakowemkima, hakubha obhe ne mdug we hihi.''¹⁰Boazi alamubwila, ''Mwanange, Yahweh akwelukila. Wolekezya busoga bwano kumwisho hatari bhutonzi, hakubha utazile habhagosya bhayanda, abhe msavi lolo mhabhi. ¹¹Hali otine mwanange, utakobhaha! Nkukubhegezya gonane ago wekwenda, hakubha syalo sye bhantu bhane bhona bhekumama oti obhene mkima oyo wekwikola.¹²Ne hana kubha oti one ne mduguyo wehihi; notine aliko mduguyo we hihi kukila one. ¹³Ikalisya aha obhwa bwile ne mlabho ikabha akagema myanda zyamwe hamduguye we hihi nekusoga, muleke ageme myanda zyamwe zyesidugu, olo alakubha atagemile myanda zyesidugu hawako, ngaho one kugema katyoko Yahweh akwikalikizya. Nguno mpakamlabho.''¹⁴Ngaho otine Ruth alagona hamagulu ye mwa Boazi kukila mulabho. Nguli oti alahalemuka lusiku hasyali muntu tyoyo wane asyali ku mama, hakubha abhanga amubwizile, ''Itakimanisya oti mkima aliza mu sakafu ye kuhulila.'' ¹⁵Ngaho Boazi alamubwila, ulete mwiyungo gwaho ne ugukwatulile.'' Aliza kugea otine, alipima vibwalwa mukaga vidazi vye shairi mumumwitungo ne kumutwika Ruth. Ne Boazi alazya syalo.¹⁶Ruth aliza kusubha hali nina bhukwe wamwe, alayomba, ''Ulagema tyani, mwana wane?'' Ngaho Ruth alamubwila magambo gone ago galambezi bhwa ne muntu oyone.''' ¹⁷Alamubwila, ''Evya vibhalwa mkaga vye shairi ngevyo alahelezya awe, hakubha alayomba, ''Utakazya mabhoko gele hali noko bhukwi wako.''' ¹⁸Ngaho Naomi alayomba, ''Ikalisya aha, mwanawane, mpaka aho ulakabha wamama omwo ilakabhela hakubha Boazi atakwifula mpaka aho alamalizye igambo elya lelo.''

¹Ngaho Boazi alazya ha mulyango gwe Bethelehemu ne kwikalisya hansi. Ikanza idone tuhu aliza mdugu we hihi oyo Boazi alamuhoyela. Boazi alamubwila, ''Munywani wane, iza aha ne wikalisye. Ngaho oyo muntu aliza ne kwikala sya. ²Ngaho Boazi alambhasozya bhadazi ikumi bhesyalo ne kuyomba, ''Mwikalisye aha.'' Nabhe bhalikalisya ahone.³Boazi alamubwila oyo muntu we hihi nage, ''Naomi oyo alasubha lupuna nsi ye Moabu, ekuguzya sipandesye nsi eyo yambanga yekubha ne nsabho ye mwilumbu witu Elimeleki. ⁴Ndivukila ne kwiganikane kukubwila, ''Uyigule bhutonzi yabha bhihalisye aha, ne bhutozi ye bhadazi bhe bhantu bhane.' Ikabha ukasima kuivunana, uyivunane. Ikabha uteitogwa kuivuna na ubwile ilimanie, hakubha ataliho undi we kuivunana hamwi obhe, none ne mzuna wako.'' Ngaho oyo muntu ondi alayomba, ''Kuivunana.''⁵Boazi alayomba kandi, ''Olyo lusiku ulakagula ilale kufuma mumabhako gemwa Noami, yekudulikima nahene kumusola Ruth Mmoabu, mfulwa ne mwana wemwa Elimeleki, kunguno ye kulibhuzya uzina lye marehemu kati isalo lya mwe.'' ⁶Ngaho oyo mudugu we hihi alayomba, ''One ntenkaivunana lolo kundula nsi kunguno ye wane ne kutula misango nu isalo lyane sehesehe. Nekuhelezya obhe ikuzyo lye kuvunana kunguno yakomwenekili, hatali ne kubhezya, hakubha one ntakudula.''⁷Eye nyalindagano ye kale ye Isreali ye kubha bhuvunanwa ne kwihisyana masoga, muntu oyone alabhula silato syamwe ne kumuhelezya mzenganwa wamwe, eye yaliyekubha ne kikalikizye kukugema mwvwano gwe maragilo mu Israeli. ⁸Nekubha oyo mudugu we hihi alamubwila Boazi, ''Igule obhene.'' Ahone alambula silato syamwe.⁹Ngaho Boazi alabhabwila mbhakulu bhe bhantu bhona, imwe ne bhakania ye kubha nagula tyesyo syona esyo sye mwa Elimeleki nesyo syabhanya sye mwa Kileoni ne Mahilon kufuma mumabhoko ge mwa Naomi. ¹⁰Ne munki munone kufuma hali Ruth Mmoabu, mkazi, wemwa Mahiloni: namuhelezya bhudula bwekubha mkasi wane, ne kulihelekezya izina ne isalo lye mwamalehemu, lyoti izina lyamovelitakabhula hakati ye bhaduguye ne mlyango gwe bhantu bhamwe. Imwe ne bhanilizya bwa lelo.''¹¹Bhantu bhone ne bhakulu bhensi abho bhabhanga hamlyango, bhalayomba, ''Tuli bhakanilizya. Yahweh amugemile (amubhazizye) mkima oya oyo izile hakaya yako kati Raheli ne Leya, ambane bhabhili bhalazenga kaya ye Israeli. Ne bhufuhulwe kuvwa efrata ne kubha bhatungilizya aho Bethelehemu. ¹²Ne kaya yako kati yemwa Peres, oyo Tamari alamuzyalila Yuda, kuhitila mbuzyalwa bhwe Yahweh akukuhelezya siha mwi ne mwanike oyo.''¹³Ngaho Boazi alamzala Ruth, ne alabha mkazi wamwe. Boazi alagona nage ne Yahweh alamuzumilizya kupandika bhutimbe, ne kubha alamuzyala mwana mugosya. ¹⁴Mkima oyane alamumbwila Naomi, ''Yahweh alukilwe, oyo atakulkile lelo mdugu we hihi, guli oti mwana oya izina yane libhe ikulu mu Israeli. ¹⁵Neabhe hawako mtunzi we mikalo gako newe isalo kubhuna mpara bhwako. Hakubha mwana wako we nakobhukwi oyo ekukusina oyo ne msoga hawako kukila bhana musamvu bhebhagosya, amuzyele.¹⁶Ngano Naomi alamsola mwana, alamulazya hazifubha syamwe ne kumulinganizya. ¹⁷Ne bhazenganywa bhayo mkima, bhala muhelezya izima, bhalayomba, ''Mwana azyaliwa mwa Naomi.'' Bhalamulanga Obedi. Oyo alizakubha isye we mwa Jese, oyo aliza kubha isye we mwa Daudi.¹⁸Esya (obwa) bwili bhuzyalwabwe mwa Peresi: Peres alamuzyala Hezroni, ¹⁹Hezroni alamuzyala Rama, Rama alamuzyala Aminadabu, ²⁰Abinadabu alamuzyala Nashon, Nashon alamuzyala Solmon, ²¹Solomon alamuzyala Boazi, Boazi alamuzyala Obedi, ²²Obedi alamuzyala Jese, ne Jese alamuzyala Daudi.

¹Aga ne magambo ge Mlangisya, mwana we mwa Daudi ne mwami wa Yerusalemu. ²Mlangisya ekuyomba oti, ''Kati mwayegwe, fungu kati luyaga ludazi haluyaga kila sintu sipunaho ne kuleka maswali mingi. ³Ne faida si mntu kupandika kupuna hamilimo zyona ezyo bhekutumama hansi ye izyobha?⁴Bhuzyele bhumi bhuzya bhuzile bhundi kwiza, kungoko nsi yekwikala bhuhangami. ⁵Izyoba likenzya kandi izyobha lilubila ne kuzya bwangu, ne kusubha handi aho lyakezya kandi ⁶myaga mwingi kusini kupilima kasikazi, nkandago zyona gupilima munzila yamwa ne kusuba kandi.⁷Miiga zyona zisululuka mnyanza, ngoko nyanza itekwokala. Aho miiga ye kuzya, kandi. ⁸Kila sintu sibha bhunoge, ne ataliho tyoyo wona enkaduzya kugutembusya. Linso litekwiguta hwesyo lyasibhwene ninga kutwi kutekwigula helyo kwimvita.⁹Tyesyo syone esyo siliho ngesyo silabhehe, ngoko esyo silabhezibwa ngesyo silabhezibwe kandi, litaliho inhya hya hansi ye izyobha. ¹⁰Oti guliho mhayo tyogwogwona ogwo bhantubhenkaduzya kuyomba, 'Lunga, elya ni hyahya?' Yuesyo syna siliho silabheleho itungo ndazi, ngoko bwaliho, ifwe tusyali kubhaho. ¹¹Ataliho oyo ekwigela kwizukila esyo silapwa hitungo kale, ne mihayo esyo zilapuna mnsiku zye bhuhitenago galapune nsiku zye bhutonsi, nagegatalakizukilwa.''¹²One ndi mlangisya, kandi ndi mwami lugulu ye Israeli ne Yerusalemu. ¹³Ndatula masala gane hakusoma na kukobha bumani hakila sintu esyo sye kubhezibwa hansi ye ilunde. Ogwa nagwe ne mhayo mtimbe ogwo Mungu abhahele bana be bhantu bhitumamisya nalyo. ¹⁴Nabwne vibhezibwa vyona evyo vyekubhezibwa hansi yi zyoba, ne kulinga vyona ne mwaye nekugemezya kugwangalila myaga. ¹⁵Aho hebwigonde hatenkaduzya kugololwa! Esyo sitaliho sitenkdula kupelwa!¹⁶Nagubwila mwizo gwane nkuyomba, ''Linga, napandika buman bukulu kukila abo bhalikala Yerusalemu one nsali masala gane gabhona bumani bhukul ne bumanizya.'' ¹⁷Nadatula mwizo gwane kumania bumani ne buhumbe ne bufwela. Ndamanizya oti elya nalye lyali kugemezya kuglinda myaga ¹⁸Kungoko habwingi bwe bumani haliho makoye minki, nahe okwongezya bumani, ekwongezya kupinihala.

¹Ndayomba mmwizo,''Izaa, nahe nkukugemezya hakutogwa. Otine nutogwele.'' Ngoko linga, ogwa nangwe gwali myaga gwe itungo. ²Ndayomba lugulu lwe luseko, ''Ne misambwi, ''Nekuba ne bhutowa, ''Yekwenda?''³Ndiganika mmwizo gwne oti nzila si malehamu yane habhusehe. Ndazumilizya masala gane gatongelwe ne bumani ngoko na nsyalinsyakwatilila bufwela. Ndakobha igambo elyo nisoga ha bantu kubezya hansi yilunde hitungo lye nsiku zye kwikala kwabho.⁴Ndamala magambo makulu. Ndazenga numba kungoko yane ndahamba miti ye mizabibu. ⁵Ndabhezya ihola ne vibhanza; ndalamba mbuto zyona zye visumo mgati yahe. ⁶Ndabhezya malambo ge minai ge kwilizya ipoli aho miti zyali zya hambilwe.⁷Ndagula bhatumami bhagosya ne bhakima ndabha ne bhatumwa bhuzya lwe hadazi yane, kandi nali ne madale madazi ge mitugo zyekutunga, kukila bhami bhona abho bhalalamya nsyali one Yerusalemu. ⁸Kandi ndisumbizya hela ne zahabu, mpamba ye bhani bhe vyalo ndipandikila bhimbi bhagosya ne bhakima kungolo yane ne kutogwa kupuna mubhana bhe bantu, bipagi ne bakima.⁹Ngotine ndabha mkulu ne msabhi kukila bona abho bhali Yerusalemu one syali ne bumani bwane bwali mgati yane. ¹⁰Lyona elyo minso gane galinganga ntanaga kemezya, ntalakemezya mwizo gwane habhutongwa bwona, kungoko mwizogwane gulatogwa hamlimo gwane gwona ne kutogwa kwali kufuhwa hamilimo zyane zyona.¹¹Kandi ndalinga vibhezibwa vyona vye mabhoko gane aga namala kugahisya lugulu, mlimo ogwo na namazile kutumama, ngoko ndasibhana kubho wanye ne kusigemezya kugulinda myaga. Italiho faida hansi ye izyoba. ¹²Kandi ndapiluka kwiganika bumani, ne bhufwela ne buhumbe. Ne sintu si esyo mwami oyo ekwiza hanuma yane abhezye, esyo sisyali kubezibwa?¹³Kandi ndanzya kulelwa oti bumani ne faida kukila buhumbe, kati oko bhupene bhusoga kukila giti. ¹⁴We bhumani atumamila minso gamwe ge hamtwe gwamwe ne kubhona lubhahi olyo ekuzya, ngoko muhumbe atumbagla mgiti, ngoko ne kumania nkalilo ye nkandago yimwa yabhikilwe hakila umwi.¹⁵Kandi ndayomba mmwizo gwane, ''Esyo sye kupuna hamuhumbe, ngesyo sye kupuna halione. Oti haliho kufauti si one we bumani muno?'' Ndamalila mmwizo gwane, ''Nogwane kandi ne mwayetuhu.'' ¹⁶Ngoko kandi we kumani kati mfwela, atekwizukilwa hitungo ilele. Ha nsiku ezyo zyekwiza, kila sintu silabhe syalabhilwa, we bumani akenaguka kati omwo akenaguka mfwela.¹⁷Ngotine ndabhagaya bhuhanga ngoko milimo zyona zilatumamwa hansi yi izyobha zyari mbi hawane. Eya ne kungoko kila sintu ne mwaye ne kugemezya kugulinda myaga. ¹⁸Ndagagaya gona ago nali namazile, go nanatumama hansi yi izyoba kungoko ne kuhatikwa ngaleke ha mntu oyo ekwiza hanuma yona.¹⁹Nawe nende ekumaia oti akubha ne bumani ninga bufwela? Ila akubha mlingilizi lugulu ye kila sintu hansi ye izyobha eyo milimo yane ne bumani bwane bwagazenga. Nogwane ne mwaye. ²⁰Kandi mwizogwane gulandya kwinogolelwa lugulu ye milimo zyona ezyo natumeme hansi ye izyoba.²¹Kungoko yenkabhaho mntu oyo ekutuma ha bumani bwelelwa ne butungilizya ngoko alaleke kila sikoloesyo alinesyo ha mntu oyo asyali kutumama tyelo lyona ogwane nagwe ne mwaye mlambe mno. ²²Ngoko ne faida si mntu ekuyipandika oyo asyali kutumama mlimo hanguzu ne kugemezya mmwizo gwamwe, kumala milimo zyamwe hansi yi izyoba? ²³Kila lusiku milimo zyamwe ne mangelo ne kupinihala, hitungo lye bwile mwizo gwamwe gutekwifula. Nogwane ne mwaye.²⁴Litaliho igambo isoga hamntu lyoyo kukila kulya ne kunwa ne kumanila ne syo sili sisoga hamlimo gwamwa. Ndabhona nhana eya ye kupuna mmaboko ge Mungu. ²⁵Kungoko nende oyo ekumtogisya kulya ninga endaduzya kutogwa tyoyo wona kwihano tuhu Mungu?²⁶Kungoko kila awe oyo ekumtogisya awe Mungu amhabumani ne bwelelwa hakutogwa awe, nahe habhakenaguzi amha mlimo gwe kusumbya ne kubika oti amhe mntu oyo ekumzogesya Mungu. Nogwane nagwe ne mwaye ne kugemezya kugulinda myaga.

¹Kungoko kila sintu hitungo lyahe, ne itungo hakuhatikwa hansi ye ilunde. ²Lililo itungo lye kubhutwa ne itungo lye kukenaguka, itungo lye kuhamba ni itungo lye kudubula ge bhuhambe, ³itungo lye kwihanga ne itungo lye kusinzya itungo lye kubomola ne itungo lye kuzenga.⁴Liliho itungo lye kulila ne itungo lye kesoka itungo lye kwililila ne itungo lye kwihebha, ⁵itungo lye kutaga mabhale ni itungo lye kugabhilinga mabhale itungu lye kufumbata bantu bhandi, ni itungo lyekuleka kufumbata.⁶Itungo lye kukobha vikolo ne itungo lye kule kuleka kukobha, itungo lye kubhaka vikolo ne itungo lye kuvitaga, ⁷itungo lye kutandula mienda ne itungo kusuma, itungo lye kuhulika ne itungo lyekuteta.⁸Liliho itungo lye kutogwa ne itungo lya kugaya, itungo lyekusola ne itungo lyekulembela. ⁹Ne faida si eyo mtumami aipandika hamlimo gwamwe? ¹⁰Na bwene mlimo ogwo Mungu abhahele bantu kuguhikilizya.¹¹Mungu yabhezya kila sintu kubhele hitungo lyahe kandi alatula bhuna ntamala mmizo zyabho. Ngoko bhantu bhatenkelwa vibhezibwa evyo Mungu avibhezya, kutandikila habwandigizyo mpaka hampelo.¹²Ndamania oti sitaliho sisoga hamntu tyo yowona kukila ne kusima ne kutumama masoga ngoko ekwikala -- ¹³ngoti kila umwi yekwendelwa alye ne kunwa, kandi yekwindelwa kukolwa ngoko ye kusima masoga ago ge kupuna hamilimo zyamwe zyone. Eya ne zawadi kupuna ha Mungu.¹⁴Nekumania tyesyo syona esyo ekubhezya Mungu zikuguma bhuntamala. Sitaliho esyo sye nkongezibwa ninga kupunibwaho, kungoko Mungu awe nge alavibhezya, oti bantu bhamwegelele hisima. ¹⁵Tyosyo syona esyo siliho syabheleho; tyesyo syona silakabhaho syabheleho. Mungu abhabhezya bhantu kukobha vye bhubhise.¹⁶Nabhona hansi ye izyobha bhubhi bhululiho aho hekwendelwa kubha na bhutungizya, lubhahi lwe bhutungilizya nkandago ninkibhubhi bhuliho. ¹⁷Ndayomba mmwizo gwane, ''Mungu alabhahukumu bhatungilizya ne bhabhi hitungo lyebhuhike hakila igambo ne sibhezibwa.¹⁸Ndayomba mwizo gwane, ''Mungu abhagemezya bantu kubholekezya oti abhe ne kati mitugo.''¹⁹Kungoko hangelelo ye bhana bhe bhantu ne ngelelo ye mitugo ili hamwi. Lufu lwe mwisyamwe. Bhona bhali ne myaga hamwi italiho faida hamntu kukila mtugo. Kungoko sitaliho, sintu olo bila muyaga? ²⁰Ngoko kila sintu syekuzya lubhahi lumwi. Kila sintu sye kupuna mulubhubhu, ne kila sintu silasubhe mulubhubhu.²¹Nende ekumania oti mwizo gwe mntu gwe kuzya lugulu ne mwizo gwe mitugo gwe zya hansi ye nsi? ²²Ngoko kandi ndamania oti litaliho isoga ha tyoyo wona kukila kusima mlimo gwamwe elyo nge mlimo wamwe, nende enkaduzya kumlela kandi kubhona esyo syekupuna hanuma yakwe?

¹Kandi ndiganika obwo bwagalale bwona abwo bhuli hansi ye izyobha. Linga minsozi ge bantu abho balagalazibwa. Ataliho oyo ekubhahulisya kungoko yabho. Nguzu zilimabhoko ge bhagalazya, kungoko bhagalazibwa bhatali ne muhulisya.²Ngotina ndabhakumilizya bantu abho bhalakenagwike, nabho oti bhakenagwike bhali abho bhe kwikala, abho bhali ne bhuhanga. ³Ngoko, bahati mno kukila bhona bhabhili oyo awe atalikala, asyali kubhona vibhezibwa vyona vyena vibhi evyo vyekubhezibwa hansi yi izoyoba.⁴Kandi ndabhona oti kila sibhezibwa ne mlimo gukwikala nolo hakwigomelwa ne mzenganwa we mntu nogwane kandi ne mwaye ne kugemezibwa kugulinda myaga.⁵Mfwela agonda mabhoko gamwe nahe aleka kutumama ngotine syekulya syamwe ne mubhili gwamwe. ⁶Ne hambu hambu lyandazilye faida hamwi ne mlimo gwamwe gwe bwangu kukila mandazi abhili hamwi ne mlimo ogwa wekugemezya kugulinda myaga.⁷Kandi ndiganika mno obwo bhubhi, mwaye ogwo gwe kubhuka mno hansi yi izyobha. ⁸Ziliho nkandago ye mntu oyo aliyinene. Atali ne mntu atali ne mwana ninga mdugu. Italiho ngelelo ye mlimo gwamwa gwona ne minso gamwe gatekuhisya hakupandika bhusabhi ye kukamala, ''Ne kwikoya ne kubhuhya kusima kwane ngoko ye mwande?'' Nogwane ne mwaye mubhi.⁹Bhantu bhabhili bhe kubhezya kusoga kukila umwi; hahamwi bhenkadula kulihwa kusoga kungoko ye mlimo gwabho. ¹⁰Kati umwi ye kugwa undi ye kumubhusya mwami wamwe. Nolo hakupinihala kunkondezya awe oyo aliyinene olo alagwa ataliho we kumwilika. ¹¹Olo bhabhili bhalagona hamwi, bhe kupandika ilungule, ngoko mntu umwi enkapandika tyani ilungula nahe aliyinene?¹²Mntu olo aliyinene enkasindwa nguzu, olo bhabhili bhenkaduzya kwimilila hansola ne lugozi lwebhunela bhusatu lutekukatika bwangu.¹³Ne kusoga kubha msumba mhabhikukila kubha mwami mzehe, ne mfwela oyo atekumania kudegeleka kukamwa. ¹⁴Eyane nhana nolo ne mntu mdo, olo alabha mwami kupuna mwigeleza ninga alabhutwa mhabhi mubwami mwami.¹⁵Nahe ndabhona kila umwi oyo alimhanga ne kupilima hansi ye izyobha, bhakwitila hansi ye msumba mdo oyo eyabhuka kati mwami. ¹⁶Itariho ngelelo ye bhantu bhona abhobhe kumkuzya mwami mnhya hya, ngoko binki bhabho bhatalakamlanya awe nenhana hali eya ne mwaye ne kuguli nda myaga.

¹Waangalile kazile kako olo ikuzya mnumba ye mwa Mungu. Nuzye eyo udegeleke. Kubhadegeleka, ne kusoga kukila mfwela, aho bhekupia sitambo hitungo elyo bhatekumania esyo bhekubhezya habwikalo ne sibhi.²Utakabha mwangu we kuteta hamlomo gwako, kandi utakagubhezya mwizo gwako kuleta ingambo tyelo iyona bwangu mtonzi bwe mwa Mungu. Mungu ali mwilinde, kungoko uli hansi, mihayo zyako zibhe mido. ³Olo uline mihayo minki zye kutumama ne kukoya, mbhundi wenkapandika siloti sibha, bhundi we nkateta mihayo minki zye bhufwela.⁴Olo ulatula sihengo mwa Mungu, utakadila kusitumama, kungoko Mungu atakwendanga bhufwela. Tumama esyo wilahila kutumama. ⁵Ne kusoga kuleka kutula sihango kukila kutula sihango esyo utekusipumaho.⁶Utakazumilizya mlomo gwako kukuletelezya mubhuli gwako kutumama mabhi. Utakayoba hamzyana ninga hamwami, ''Esyo silahilo syali ne mabhi.'' Hasisilabhezya Mungu avaye hakwilahila bhubhehi, kumwongezya Mungu kubhihya mlimo gwe mabhoko gamwe? ⁷Ngoko soloti sinki, kati omwo yili hamihayo ninga guliho mwaye mubhi. Ngotine muobhahe Mungu.⁸Olo wa mubhona muhabhi akwagalazibwa ne kutazibwa bhutungilizya ne kubhegezibwa kubhi, habwikala bwamwe, utakakumya oti ataliho oyo atekumania, kungoko bhaliho bhantu bhe bhudula abho bhalinga bhaliho nabho bhalugulu yabho. ⁹Ha nongezya kuzya zya nsi nekila umwi, ne mwami mwenekili akusolanga bhuzya zya kupuna mmalale.¹⁰Tyoyo wona ekutogwa hela atekuhisya ne, tyoyo wona ekutogwa busabi nkandago zyona akwendanga ninga. Nogwane kandi ne mwaye. ¹¹Kati omwo bhusabi bwekwiyongezya ngomwo bhekwiyongezya bhantu abhobhekulya. Yiliho faida si habhusabi nonke kubhakemezya noke kubhilinga haminso gamwe?¹²Tulo ye mtumami ne nseme, kati wekulya sido ninga mno, ngoko busabi bwe mntu musabi bhutekumzumilizya awe kugona kusoga.¹³Liliho igambo ibhi elyo nalibwene hansi ye izyobha: Nabho eyo yatulwa mpamba ne bhenekili yekumletelezya kukoya awe mwenekili. ¹⁴Hitungo msabhi ekubhuzya kusabhi bwamwe habakati mbe, mwana wamwe oyo alamubhuta, atekumsagizya tye syo syona mabhoko gamwe.¹⁵Kati mntu omwo alabhutwa bhuvule kupina munda ye mwanina, ngotine akuzya mubwikalo obwa ali bhuvule. Alekugaywa kupuna hamilimo zyamwe. ¹⁶Igambo lindi ibhi mno, kati omwo mntu alikwizya ne kuhatikwa azye omwo ali ngotine ne faida si mntu tyoyo wona akupandika hamilimo zyamwe ngoko ye myaga? ¹⁷Hitungo lye nsiku zyamwe ekulya mgiti ne kugalizibwa mno malwele ne siniga.¹⁸Linga, esyo nalinasibwene kubha sisoga hakulya ne kunwa ne kutogwa faida kupuna hamlimo gwitu gwone ezyo tutumama hansi yi izyabha hitingo lye nsiku zye bwikalo obwa ezyo Mungu atuha. Ngoko ogwane ne kuhahikwa kwe mntu.¹⁹Tyoyo wona Mungu amha nsabho bhusabi ne bhudula bhwe kwanukula lubhali lwamwa ne kutogwa hamilimo zyamwe eya ne zawadi kupuna mwa Mungu. ²⁰Hankandago hambu atekwizukila nsiku zyebwikala bwamwa kungoko Mungu ekutumama kulihu ne magambo ago ekugatogwa kugatumama.

¹Bhuliho bhubhi obwo, nabhubwane hansi yi izyobha, nahe ne mbi habhantu. ²Mungu enkadula kumha mntu bhusabi ne ikuzyo oli antekabhulwa twesyo syona siyekwigomelwa mwenekili, kandi atekumha bhudula bwe kutogwa. Hanuma yahe mntu undi ekulya vikolo vyamwe. Ogwane mwaye, ne kukonya kubhi.³Kati mntu alazyala bhana igana ne kwikala miaka mingi, ngoti nsiku zye miaka zyamwene nindi, ngoko olo mwizo gwamwe outekufulwa masoga nawe atekuzikwa hikuzyo, kandi nekuyomba, mwana webhuzya lwe olo alakenaguka ne msoga kukila omwo ali. ⁴Nolo mwana oyone alazyalwa bila faida akuhila hagati ni zina lyamwe likwikala lye bhubhise.⁵Kungoko mwana oya atekubhona izyobha nolo kumania tyesyo syona, alinebwifulu ninga mntu oyone atalifula. ⁶Nolo mntu alikala miaka sihumbi sibhili ngoko atekwilazya kusima vikolo visoga, azyelubhahi lumwi kati mntu tyoyo wona.⁷Ngoko mlimo gwona gwe mntu ne kwokazya mlomo gwamwe, ila nkelo yamwe elekwikuta. ⁸Ne nhana ne faida si eyo alinayo webumani kukila mfwela? ne faida si alinayo mhabhi nolo akumania kudula kubhezya bhutonzi bwe bhantu?⁹Ne kusoga kuzumya esyo minso gekusi bhona kukila kwigomelwa nesyo nkelo itekulembela yakwigondwa. eyone kandi ne mwaye ne kugemezya kuguchunga muyaga. ¹⁰Tyesyo syosyaliho, syali syahebwa izina lyahe ne mntu oyo eyitegekaamazila kumanika ngotine ya bhele italiho kusola noyo ekutukukumu mkulu webhona. ¹¹Magambo minki ago ge kuhoyelwa, ngago gatali masoga gekwiyongezya, ngoti yiliho faida si habhantu? ¹²Ngoko nende ekumania nesi siliyo sisoga hamntu ha bwikalo bwamwe, hitungo lyebhubhi bwamwa nsiku bhupetwa ezyo ekuhita kati sinini? nende enkaduzye kumubwila mntu esyo syekwiza hansi ye izyobha hanuma ye kuhita?

¹Izina isoga lye kukila bhumote bwe galama ne lusiku lwekukenaguka nelusoga kukila lusiku lwe kubhutwa. ²Nekusoga kuzya mnumba ye kwililila kukila numba ye bwisimi, kungoko kwililila kukwiza kwe bhantu bhona hitungo lye hankalilo ye bhuhanga ngoti bhantu abho bhekwikala ne kuhatikwa elya bhalitule mmwizo.³Bhupina ne bhusoga kukila luseko, ngoko hanuma ye bhusyo bwe bhupina bhukwizaga bhutogwa bwe mwizo. ⁴Mwizo gwe we bumani guli mnumba ye kwililila, ngoko mwizo gwe mhumbe guli mnumba ye kutogwa.⁵Nekusoga kudegeleka kuhamane mntu we bumani kukila kudegeleka lwimbo lwe mfwela. ⁶Kati kulila kwe migwa hansi ye bhusungu ngomwo luli luseko lwe mfwela. Nogwane ne mwaye.⁷Ne nhana bhumanizya bhumtula mntu muhufwela, ne rushwalubhimya mwizo.⁸Ne kusogo hankalilo yi igambo kukila habhutandikilo bwahyo; ne bhantu bhiyomelezya ne bhasoga kukila abho bhekwibona mmizo. ⁹Utakagaya bwangu mmwizo gwako, kungoko siniga zikala mmizo zye bhahumbe.¹⁰Utakayomba, ''Nesi nsiku zye kale zyali nsoga kukila nsiku ezya?'' Ngoko zitali zyebumani kungoko wekubhuzya iswali elye.¹¹Bumani ne busoga kati vikolo vyegalama evyo visalo kupuna habhazyele bhitu ye kupunia fwaida habho bhe kulibhona izyobha. ¹²Habumani bhuounia bhulindi katioko hela ye kupunia bhulindi, ngoko ne fwaida ye bhumani ngoti bhumani bhumha bhuhanga tyyoyo wona oyo alinabwo.¹³Wiganike vibwezibwa ne Mungu: Nende oyo enkaduzya kusigumya tyeso syona esyo asigondindile?¹⁴Hitungo vyabha visoga wikale habutogwa hatali eyo kungoko olo itungo lyabha ibhi, wiganike elya: Mungu yazumilizya hali zyona zibheho, kungoko eya ataliho mntu tyoyo wona oyo alakamania tyesyo syona sye kwiza hanuma yahe.¹⁵Nabwene magambo mingi hansiku zyane zye bhubhi. Baliho bhantu bhe butungilizya abho bhe bhekuyagala ngoko yoti bhali ne bhutungilizya kandi bhaliho bhantu bhabhi abho bhekwikala bwiliho bulele nolo oti ne bhabhi. ¹⁶Utakabha mtungilizya mmwinso gako mwenekili. Hasi kwibhihya mwenekili?¹⁷Utakasha mubhi muno ninga muhumbe. Hasi ukenaguke zisyali nsiku zyako? ¹⁸Ne kusoga ukwate masala aga kandi utakaleka masala gazye. Hamntu oyo ekwisenga Mungu akuhikilizya hadi yamwe yona.¹⁹Bumani bhuli ne nguzu mgati ye we bhumani, kukila bhakemezya ikumi hakaya. ²⁰Ataliho mntu mtungilizya lugulu ye nsi oyo ekubhezya masoga bila mabhi.²¹Utakadegeleka kila mhayo ogwo gwe kuyombwa, kungoko wenka degeleka mlangisya wako akukukena. ²²Ngotine wekumania mwenekili mgati ye mwizo gwako wabhakena bhandi nkandago ezya.²³Aga gona ndagakanilizya habhuani. Ndayomba, ''Nkubha mmanizya, ''Ngoko kukila omwo nenkabhele. ²⁴Bumani bhuli hale muno, nende enkaduzya kubhupandika? ²⁵Ndugupilula mwizo gwane kwilanzya kwilazya kugulinga ne kukobha bumani ne kufumbulilwa hanhana, nekumania oti bhubhine bhufwela ne masambwa.²⁶Ndamania kwelelwa oti busungu kukila lufu, ngomwo ali mkima tyoyo wona oyo mwizo gwanhwe gwokele miteko na ngozi nawe mabhoko gamwe ne mnyororo. Tyoyo wona ekumsimisya Mungu akafyatuka kupuna wamwe, kungoko mabhi alasolwe nage.²⁷Iganiku esyo nafumbula, ''Ayomba Mlangisya. ''Nabhele kwongezya umwi kandi undi ngoti mpandike kufumbulilwa nhana. ²⁸Eya nge syali syakobha kungoko syali kupandika, ntalapandika mgosya umwi mtungilizya hagti ye sihumbi ngoko ntalapandika mkima hagati yabho bhona.²⁹Ndafumbu elya oti Mungu alamusumba mntu ali mgonoroke. Ngoka bhapuna hahali ye bhugoloke bhakukobha magume mingi.

¹Ne mntu si we bumani? Oyo ekumania makumyo gali ne maana si? Bumani mgati ye mntu bhukuletelezyanga bhusyo bwamwa kukema, ne bhugume bwe bhusyo bwamwe kupiluka.²Nekukushauli kulikuzya ilagilo lye mwami kungoko yesihango sye Mungu sye kumlinda. ³Utakanguhilizya kuvuaho mtonzi bwe nguzu zyamwe, kandi utakwimilila kusanzya kubhoko higambo elyo liyekwigelela, kungoo mwami ekubhezya tyesyo syona esyo ekwigomelwa. ⁴igambo lye mwami liemezya, ngotine nende akudula kumubwila, ''Oti wekubhazya?⁵Tyoyo wona ekutwala ilagilo lye mwami kuhisya mabhi. Mwizo gwe webumani gukumania buzilo bwamwe hitungo lye kuzya. ⁶Ngoko kila igambo liline ijibu lyahe, hitungo liyekusubya, kungoko makoye ge mntu ne makulu. Ataliho oyo ekumania esyo syekulondezya. ⁷Nende enkaduzya kumubwila nesi esyo syekwiza?⁸Ataliho we bhudula lugulu ye mwizo agukemezya mwizo; nolo atali ne bhudula bwebwe lugulu lwe lusiku lwamwe lye kukenagula; ngoko kutaliho kuzumilizibwa hitabhalo elyo;nolo bhubhi bhutalaka msungula oyo alabhumanizile. ⁹Magambo agone gone naga bwene,ndatula mwizo gwane, hakila mlimo ogwo kulabhezibwe hansi yi izyobha. Liliho itungo elyo mntu umwi alinabwo bhudula lugulu lwe mwisyamwe ha nzigu yamwe.¹⁰Ngotine ndabha bhona bhabhi bhakuzi kwa nhana. Bhalapunibwa lubhahi lwe bhatungilizya ne kuzikwa aho bhalisana gizibwa ne bhantu mkaya aho bhaliho bhakubhezya mabhi elyane nalye liteliwendewa. ¹¹Hitungo elyo hukumu yesibwezibwa sibhi ilekuzumilizibwa bwangu yibhahagula mwizo gwe mntu kubhezya bhubhi.¹²Nolo we mabhi abhezye bhubhi nkandago igana asyali ye kwika nsiku ndele nsyali ne kumania ikubha kusoga habho mukuzya Mungu, abho bhekubhukuzya bhudula bwamwa abho bhali nabwe. ¹³Kungoko kusoga ha mntu mubhihya; mkazi atakudizibwa. Nsiku zyamwe kati sintu sisoga omwo sipuni bwaho bwangu, kungoko atekumkuzya mungu.¹⁴Guli mwaye gundi ogo gutekwigelela, hamhayo gundi ogwo gwe kubhezibwa luguluye nsi. Magambo gapuna ha bhatungilizya kati omwo gapunila habhantu bhabhi, nekuyomba elyane nalye ne mweye ogwo gutekwigelela. ¹⁵Kandi ndapendekezya hakusima, ngoko mntu atali nigambo isoga hansi ye izyobh kukila kulya ne kunwa ne kusima. Kusima nge kwe kulondezya hamlimo zyamwe hansiku zyona zye kwikala ezyo Mungu eyamha hansi yi izyobha.¹⁶Ndagutula mwizo gwana kumania bumani ne kwelelwa mlimo ogwo gwe kutumamwa lugulu ye nsi, mlimo ogwo gwe kutumama nkandago ninki bila kuhumilizya minso bwile nolo mwizyobha. ¹⁷Kandi ndiganika vibhezibwa vyona vye mwa Mungu, noti mntu atenkaduzya kwelelwa mlimo ogwo gwe kutumamwa hansi yi izyobha. Nolo kukalalwa mntu ago ekubhezya kupandika kasubhizye akukapandikakasubhizye, ngoko mmani enkatunzya kuzumya oli ekumania sintu nhana atekumana.

¹Ngoko ndiganika aga gona hamasala gane kumania bhantu batungilizya ne bamani ne vibhezibwa vyabho. Bhona bhali mmabhoko ge Mungu. Ataliho oyo ekumania kati kusima ninga kugaya kwekwiza hamntu.²Kila umwi ne ngelelo sawa. Ngelelosawa wekulindilila bhantu bhatungilizya ne bhabhi, ne bhasoga, nabho bhatali bhasoga ne bhasoga, oyo ekupunia sitambo noyo atekupunia sitambo. Kato omwo bhantu bhasoga bhekunaguka otine. Kati omwo oyo ekwilahila omwo alakakenagulika. Ngotine mntu oyo ekwobhaha kututa sihango nawe ekukenaguka.³Haliho ngelelo ye mubhi hakila sintu esyo syekubhezi bwa hansi yi izyobha, nengelelo ye kila mntu. Mwizo gwe mntu gwokele bhubhi ne masambwa guli mmizo zyabho hitungo lye kwikala. Ngotine hanuma ye elyo bhekuzya ha bhebhukenagulike.⁴Ngoti tyoyo wona oyo ekwisanzye habhona abho ne bhahanga buliho bwizigizya, kati omwo yili mbwa nhanga yekukila nsimba ye bhufwe. ⁵Ngoko bhantu bhahanga, kungoko abho bhala kegwike bhatekumania tyelo lyona, bhatari kandi n zawadi tyeyo yona kungoko nkumbu zyabho zyamala kulabhilwa.⁶Busime bwabho, kugaya ne kwigomelwa vila katilwa haleitungo lingi. Bhatalapandike lubhahilye sikolo tyesyo syona esyo silabhezibwa hansi ye izyobha. ⁷Nuzye zyako kulya mkate gwako hakusima, ne kunwa busele bwako hamwizo gwe kusima ne ngoko Mungu iyazumya kusheleheka mlimo msoga. ⁸Mienda zyako zibhe zyepe nsiku zyona, ne mtwe gwako usige mafuta.⁹Wikale hakusima ne mkima oyo wekumsima nsiku zyako zye bhubhi, nsiku ezyo Mungu akuhele hansi ye izyobha, hitungo lye nsiku zyako zye bhubhi. Ngotine ne zawadi ngoko ye mlimo gako hansi yi izyobha. ¹⁰Tyesyo syona kubhoko kwako kwetumama, kutumame hanguzu zyako, kungoko gutaliho mlimo, ninga bhufumbulwa ne bumani ne bhujuzi mu Sheol, olo ukuzya.¹¹Nabwene vikolo vindi vyekutumamila hansi yi izyobha: kwikinda kutekupuna ne bhantu bhe mbilo. Kusola kutekupuna ne bhantu bhagume. Mkate gutekupuna ne bhantu bhe masala, ne nsabho zitekupuna ne bhantu bhelelwa. Sibali sitekupuna ne bhantu masala. Hanuma yahe bahati ibha swalula abhe bhona. ¹²Kungoko aaliho oyo ekumania itungo lyamwe lye kukenaguka kati omwo nsamaki zikwasibwa mngozi ne kufwa, nolo kati noni omwo zikwatilwa hamtego. kati mitugo bhantu bhabhohilwe hitungo ibhi ezyo kubhapapala zibhagwila.¹³Kandi nabwene bumani hansi ye izyobha ngoko hankadayo ezyo hawane zalabhonekana ndazi. ¹⁴Yaliho kaya ndo ne bhantu bhado mgati yahe, ne mwami mkulu aliza, hakupiluka nekaya eyo alayipilima nakuzenga mahandaki kungoko ya kubhahula. ¹⁵Ne hakaya yaliho muhabhi, mntu we bumania oyo habumani bwamwe alayisungu kaya. Ila hanuma yahe oyo alabwizukila oyo muhabhi.¹⁶Ngotine ndayomba, ''Bumani ne kusoga kukila nguzu, ngoko bumani bwe mntu mhabho bhugayilizibwa, ne magambo gamwe gatadegelekwa.''¹⁷Magambo ge bhantu bhe bumani gahoywa hada hado gakudegelekw kosoga kukila lyombo lye mkemezya tyoyo wona oyo aliho gati ye bhafwela. ¹⁸Bumani ne busoga kukila silaha zye kusola, kungoko mubhiiihya umwi enkaduzya kubhihya masoga mingi.

¹Kati nsaz bhebhufwe haletelezya herufu kupuna ye bhubhole ngotine mfwela bado akinda bumani ni ikuzyo. ²Mwizo gwe mntu mmani gukwendaa kulila, ngoko mwizo gwe mfwela gukwe ndana kumanso. ³Hitungo mfwela olo akutumbagila mwibambara, kwiganika kwanwa kule bhuhungwe, ikumanisya kila hamntu oti ne mfwela.⁴Kati siniga sye mkemezya sye kinyume nobhe, utakaleka mlimogwako, bwila bwenkaduzya kukemezya bhulambe bhukulu.⁵Bhuliho bhubhi nabhubwene hansi yi izyaba, nkandago ye bhubhihya obwo bwiza kupuna hamkemezya: ⁶Bhafwela bhakuhebwa nafwasi ye kutongela, hitungo bhantu abho bhe bhukinde bhalahebwe nafwasi zye hansi. ⁷Ndamubhona mzyana akugegera faras, ne bhantu bhe bhukinde bhakutumbagila kati bhazya lugulu ye nsi.⁸Tyoyo wona ekusimba lina enkaduzya kugwamo, nahe tyaho hona mntu ebomola nkande, nzoka yenkadula kumluma. ⁹Tyoyo wona ekusema mabhale, genkaduzya kunegezya nago, ne mntu oyo ekusema mbao. Enkadula kwinegezya nazyo.¹⁰Kati silanga sitali ne bwogi ne mntu atesihyola kandi ne kuhatika kutumamila nguzu ninki, ngoko bumani bupunia fwaida ne kukinda. ¹¹Kati nzoka olo yilamuma olo isyali kutogwa, ngoti iaiho fwaida ha hamtogesibwa.¹²Mihayo zye mmlomo gwe mntu we bumani zili ne bwila, kungoko molo gwe mfwela gummila mwenekili.¹³Kati mihayo omwo zyekwandya kusululuka mmlomo gwe mfwela, mhumbe zipuna, ne hankalilo mlomo gwamwe gusululuka masambwa mabhi. ¹⁴Mfwela yongezya mihayo ngoko ataliho oyo ekumania isyo syekwiza, nende ekumania hanuma yahe?¹⁵Lwoyilo lwe bhafwela lubhambala abhe ngotine bhatekumania nolo ibarabara lye kuzya mjini.¹⁶Obhe lwako kati mwami wako ne msumba mdo ne kati bhatongezi bhako bhandya shelehe mlabho! ¹⁷Kungoko ulafuhya nensi kati mwami wako ne bhana bhe basoga, ne kati bhatongezi bhako bhakulyanga hitungo lye bhulike, ha nguzu nahe hatali habhanuagi.¹⁸Kungoko bhusobe kanu igwa, ne ngoko lyo itekutumama numba ipandika lusalala. ¹⁹Bhantu bhabhezya syekulyahaluseko, ne busele bhuleta laha mubwikalo, ne hela zimala sikobwa kila sintu.²⁰Utakamlaumu mwami, nolo hamasala, kandi utakabhakena bhe nsabo kati msyumba syako sye kugona. Kungoko noni zyehilunde zyenkadula kusola mihayo zyako tyesyo syona esyo silimanana syonkadula kusambazya igambo.

¹Ufile mkate gwako lugulu ye minzi, kungoko ukugupandika kandi hanuma ye nsiku ninki. ²Wisangilizye ne bhantu msamvu ninga mnane kungoko bhatekumania mabhi si sgo gakwiza lugulu ye nsi. ³Kati malunde gakele mvula, gekwiyambula ginene hansi ye nsi. Ne kati mti gulagwa kufwata dakama ninga kufwala sukuma tyaho hona mti gwekugula ngaho gwekwila.⁴Tyoyo wona ekugulinga myaga yadulikana atakagegela, ne tyoyo wona ekulinga malunde yadulikana atakasundula. ⁵Kati onwo utekumanila nzila ye myaga, nolo kati onwo mwana akulila munda ngotine utenkaduzya kuyelelwa milimo ye mwa Mungu, oyo alasumba kila sikolo.⁶Mlabho hamba mbuto yako; mpaka kagolo tumama milimo haabhoko gako kati omwo ekwendelwa kungoko utekumania oti neye tyali eyo ukupandika ye kagolo ninga ye mlabho ninga eya nolo eyo ninga zyonazikubhansoga. ⁷Nhana bhupe ne buseme, ne sintu sye kutogesya ha kulwe minso kubhona izyobha. ⁸kati omwo mntu alikala miaka mingi, nawe aisime yona, kandi iganike lugulu ye nsiku zyekwiza zye giti, kungoko zilabhe ninga, kila sintu esyo syekwiza ne mwaye ogwo gwe kubhula.⁹Nusime msumba, habhusumba bwako ne hamwizo gwako usimehansiku zye bhumba bwako, ulondezye ago masoga ge mwizo gwako, tyosyo syona sili bhutonzi bwe minso gko, nolo umanie oti Mungu alakulete kuhukumilwa, kungoko ye vintu evya vyona. ¹⁰Punia siniga kupuna mmwizo gwako kandi utakagola manegelo tyago gona hamubhili gwko, kungoko bhusumba ne nguzu zyakwe ne mwaye.

¹Kandi mwizukil msumba hansiku zye bhusumba, olo zisyali nsiku ngume kwiza, ne zisyali miaka kuhika aho ulayombe, ''One ntali nelaha hezyo, ²''Bhezya oti bhusyali bhupe bwi izyobha ne kwezi ne nsonda visyali kutula giti, ne malunde kusubha hanuma ye mvula.³Elyone likubha itungo elyo bhalindi bhe habwami kuzuguma, ne bhaosya bhagume kugngomala, ne bhakima abho bhe kusya kwimilila, hangoko ne bhado nabho bhekukengelela hamadilisha bhatekubhana kusoga kandi.⁴Elyo lilabhe itungo milyango zyegekwa mmtaa, musumo gwe kusya kuhulika itungo bhagosya bharakapapulwa ne kusumo gwe noni ne lwimbo lwe silaka sye banike kuhulika.⁵Lilabha itungo aho bhantu bhalakobhaha evyo viyekugungumka, ne hatali eyo ilyo mwibarabara ne itungo aho mlozi alasole malabho, ne itungo nkumbi bhalakiyegelezya bhenekili, naho hitungo nkelo zye bhuleyalwa aho zilakasindwa. Wandi mntu azye mnumba yamwe ye inantamala ne bhililila bhatikila mmitaa.⁶Maizukile musumbi wako zisyali ngozi ne hela kukatwa, ninga ibakuli lye zahabhu kutanduka ninga kasabho kubeleka hamvilo nolo itoroli lye minsi kuvunikila hizibha, ⁷olo lusyali lubhubhu kusubha klubhahi aho lwamvile, ne mwizo kusubha mwa Mungu oyo alagupunia.⁸Kati ifungu ne mwage, ''Ayomba Mlangsya, kila sintu ne mwae we kubhula. ⁹Mlangisya aliye ne bumani n ekbhalazya bhantu masala. Alasoma nekusima kutunga migelegenzo ninga hakuzipanga.¹⁰Mlangisya alakobha kwandika ne kutuma ne kuvihikilizya nhana, magambo ge nhana ago ge bhugololoke. ¹¹Magambo he bhantu bhe bumani ne kati lumambo, kati misumali zye bhukomangile hamgati, ngomwo gali magambo ge bakama hamwibhilingo gwe migelengenzo zyabho, aho zyalanzibwa ne mdimi umwi.¹²Mwanawane ubhe ne masala ne sintu kukila kubhezya vitabho vingi, esyo sitali ne nkalila, ne kusoma mno kuleta bhunoge mmubhili.¹³Nkalilo yi igambo hanuma ye kila sintu bhakwimvua, oti ne kuhatikwa umlamye Mungu ne kukwala malagilo gamwe, ngoko elya nge kalendelea kona ke bhantu. ¹⁴Kungoko Mungu alalete kila sibhezibwa hahukumu, hamwi ne kila sintu syebwibhise, sisoga ninga sibhi.

¹Kaya eyo bhwandizyo yali bhantu minki otine ikele inene tuhu. abhele kati mufyilwa nolo ko ali ihanga ikuvu. Ali mwana we mwami mwagalya mahanga, nahe otine ahatikizibhwe mubhuzyana. ²Ekulile ne kungwe bhwire, ne minsozi gamwe gekukafundikila matama gamwe, ataliho nolo we bhumusime oyo ekumlunguzya. Munwani³Hanuma ye bhuhabhi ne bhwagalale, Yuda azile mubhuzyana. Ekwikala mubhanamahanga natari ne bhwifulilo tyo bho bhona. Abho bhekubhulusya bha bhapandike mubhwinene bhwamwe.⁴Mabarabara ge Sayuni zyekulila nkngwe ataliho oyo ekuzya mubhugeni obhwo bhwatuzilweho, mahitilo gahe gona gali gere. Bhagabhilizya bhahe bhona bhapinihele. Bhanike bhahe bhali ne bupina nawene mwenekili aliho mubhwagalale. ⁵Bhikuvi bhamwe bhabhele bharume bhamwe bhikuvi bhamwe bhekupandika. Yahweh amuhuzile hamabhi gamwe minki bhana bhamwe bhado bhekuzyamubhuzyana kubhikuvi bhamwe.⁶Bhusoga bhwamulekile mwanike we Sayuni. Bhana bhe mwami bhabhele kati ndimu eyo itekubhona madimilo, ne bhekuzya bhatari ne bhuduzyaha bhana bhabho kubhilusya.⁷Munsiku zye lwagalalo lwamwe ne kaleka kubha ne numba, Yerusalemu ila kibhukila mabhikilo gahe ge kapanga ago alinago kunvwa kale. Aho mwitungo bhantu bhamwe aha bhagwira mumabhoko ge bhikuvi, atariho wekumuhweli. Bhikuvi bhalabhona ne kubhaseka mubhuvulazibhwa bhwamwe.⁸Yerusalemu ilagema mabhi muno, ngenotine alagolwa gulwakati sintu sibhi. Bhwona abho bhali bhumukuzyeotine bhekumugalizya oko bhabhwene bhuvule bhwamwe. Ekupinihala ne kugemezya kupiluka hamupero. ⁹Abhele ne makwe hansi ye siketi yamwe. Ataliganika hamupero yamwe. Kugwa kwamwe kwali kubhi kutari ne wekumulunguzya. Alalila, ''Linga bhwagale bhwane, Yahweh, oko mwikuvi abhele mukuvu muno.''¹⁰Mwikuvi atuzile kubhoko kwamwe mwibhikilo litu isoga. Abhwene mahanga gakwingira lubhahi lwamwe lutakatifu nolo oko ulalagizya bhatakingira mulubhahilweko lwekwikumingila.¹¹Bhantu bhona bhekupinihala aho bhekugukobha mukate. Bhapunizye mabhikilo gabho ge kapangamukubha oti silibhwa syekusubhya bhuhanga bhwabho. Linga, Yahweh, unibhukile one, oko nabhele ntari ne sintu tye syo syona. ¹²Ntari sintu kwobhe, bhona abho wekuhila? Nimulinge ne mubhone olo ndi muntu we bhupina kati bhupina ndinabho bhwe kwagalazibhwa, kupina Yahweh anagalazizye wone munsiku zye bhusaye bhwamwe bhulambe.¹³Nekupuna luguru ngaho alafila mulilo mumagufya gane ne wankinzile. Anzile ikila hamaguru gane ne kumpilula. Angemile bhugele ne bhukokolo. ¹⁴Ibhohele lye bhusisi bhwane yabho hilwe ne mabhoko gamwe. Gasuminkilwe ne kutulwa munkingo yane. Agemile bhuduzya bhwane kusindwa Mukama antuzile mumabhoko ge, ne ntekuduzya kwimilila.¹⁵Mukama bhagosya bhane bhuduzya abo bhansizyanga. Alyo bhahisizye mulikuingo lye kunkilanizya one kubuda bhalume bhane bhekapanga. Mukama abhakandagwile bhanike abho bhasyali kuswelwa bhe Yuda hasiseme sye kusyela mvinyo.¹⁶Havintu evyane nekulila. Minso gane, manzi gekutikila hansi ye minso gane kupuna mulunguzya oyo abhanya kuduzya kusuvya bhuhanga bhwane alihale none. Bhana bhae bhabhele bhafuri oko bhikuvi bhane bhakinzile. ¹⁷Sayuni anzile mabhoko gamwe; atariho wekumurunguzya. Yahweh alagilizile abho bhali hihi ne Yakobo bhabhele bhikuvi bhamwe. Yerusalemu ni sintu sye makwe kwabhe.¹⁸Yahweh ne mutungilizya, oko nagomile kuzikila malagilo gamwe. Dekeleka imwe bhantu, ne mubhone bhusoga bhwane. Bhanike bhane ne bhagosya bhe kapanga bhazile mubhuzyana. ¹⁹Ndabhalanga bhanwani bhane, nahe bhali ne bhukelekela kwone. Bhagabhilizya bhane ne bhanamupala bhalavulalila mulikaya, aha bhako bhelezyanga silibhwa syekusubhyu bhuhanga bhwabho.²⁰Linga, Yahweh, oko ndio mubhwagalale. Nda yane yekururuma, mwizo gwane gwasizibhwe mukati yane, oko nabhele mugomi munne. Heru, rupanga lwamulizizye yayo mukati ye numba gurio mutumbi tuhu.²¹Bhinvwite mupinihalo gwane, nahe hataliho wekundunguzya. Bhikuvi bhane bhona bhinvwite kwagalala kwane ne bhasimile wangemele oti. Waletile lusiku olwo ulisagizya; otine uleke bhabhe kati wone. ²²Leka bhubhi bhwona bhwize bhutonzi yako bhe na bho kati omwo ulabha nabho none kubhusisi bhwane bhwona ne bhupina bhwane ne bhwinki ne mwizo gwfyile kavimba kado.

¹Mukama amufundikile mwanike we Sayuni hansi irunde lye bhusaye bhwamwe. litagile ikuzyo lyeIsraeli hansi kupuna mwirunde kuhika mubhusi. syali kusindika itebhe lyamwe lyemaguru lusiku lwe bhusaye bhwamwe. ²Mukama amizilene asyali kubha ne bhwira kumakaya gona ge mwa Yakobo. Nsiku zye bhusaye bhwamwe agwisizye makaya gebhwimilile ge bhana bhakima bhe mwa Yuda; mukugoka atikizizye hansi bhwami ne bhakuru bhahe.³Habhusaye bhulambe akenwile mbahi zyona zye Israeli. Akusubhizye kubhoko kwamwe kupuna mumwikuvi. Osizye Yakobo kati mulilo mulambe ogwo gwe kusikizya sintu tye syo syona silihihi yahe. ⁴Kati mwikuvi aondile bhuta bhwamwe kwiza kwiye, ne wehakulyo kwamwe aliho amalizile, kubhihya. Abhasinzile bhona abho bhamusimisyanga mwihema lyemwanike we Sayuni; Asesile bhulambe bhwamwe kati mulilo⁵Mukama abhele kati mwikuvi. Amumizile Israeli. Agaminzile manumba gamwe gona. Asisile nkingilo zyahe. Ongezizye haku nenkungwe mwabho bhanike bhe Yuda. ⁶Asisile ihema lyamwe lye kwikumingila kati kanumba ke bhusitani. Asisile aho hekwikumingira. Yahweh aletelezizye kwikuminga ne Sabhato kulabhilwa Sayuni, oko amugailizizye mwami ne magabhilizya ha bhulambe bhwe bhusaye bhwamwe.⁷Mukama akemile magabhilizyo gahe ne kukema lubhahi rutakatifu. Azipumzyeho nkande zye manumba mumabhoko ge mwikuvi. Ahamwike ilaka munumba ye mwa Yahweh, kati lusiku lwe bhugeni.⁸Yahweh alamuwile kusisya nkande zye kaya yemwanike we Sayuni. Agalozile lugozi lwekugeleka ne asyali kukukemezya kubhoko kwamwe kuleka kuisisya nkande. Agemile misungezizyo zye nkande nkungwe; sihamwi vilabhula. ⁹Mahitilo gahe gagwire hansi, asisile ne kukenura silanga sye nkande. Mwami wahe ne bhana bhe mwami bhali mwabho bhanamahanga, ilagilo litaliho kandi ne bhahami bhahe bhatekupandika kwolesibhwa kupuna mwa Yahweh.¹⁰Bhanampara ne bhaneke bhabho bhe Sayuni bhikali sye hansi ne bhululike. Bhasamwile rubhubhu mimitwe zyabho ne kwambara magunila bhanike bhe Yerusalemu bhinene mitwe zyabho hansi.¹¹Minso gane gomelwe minsozi gahe; nda yane yekululuma; mbahi zyane zye mukati zyaseseke hansi mubhusisi bhwe mwanike we bhantu bhane, bhana ne bhakeke bhafyile kavimba kado magunguli ge kaya. ¹²Bhekuyomba habha ninabho, ''Mbuto zilihahe ne muvinyo?'' Kati tyomwo bhakufyanga kavimba kado kati muntu oyo afuzibhwe kufya mumagunguli ge kaya, kalendele kabho gasesile hasifubha sye bhaninabho.¹³Nesi nenkaduzya kwobhe, mwanike we Yerusalemu? Nenkaduzya kwikolanizya nesi, oti nkurunguzye mwanike oyo aysali kuswelwe we Sayuni? Bhubhi bhwako ne bhukuru kati nyanza. ¹⁴Nende enkaduzya kukusizya? Bhahami bhako bhabhwene bhubhehi nekwolesibhwagere kwobhe. Bhasyali kutula hepe mabhi gabhokusubhya nsabho zyako, nahe kwobhe bhayombile kayombele ke bhubhehi ne kekubhuzya.¹⁵Bhona bhekuhita hamupero ibarabara bhekula maganza kwobhe. Bhe kukumya ne kutinginhya mitwe zyabho kwabho bhanike bhe Yerusalemu nekuyomba, ''Eyange kaya eyo bhalailanga, ''Bhuhikane bhwebhusoga, ''Bhusime bhwe bhusi bhwona?'' ¹⁶Bhikuvi bhako bhona bhaligula milomo yabho nekukusi bholezya. Bhalakusekelela ne kusya mino ne kuyomba, '''Twamumilize awe! Olwa ne lusiku olwo tulalulindilila! twekele twalulindilile tuduzye kulubhona!''¹⁷Yahweh agemile kati omwo abhanga igani kile kubhezya alihikilizya igambo iyamwe. Akusalike ne bhwira yaya, oko amuzumilizizye mwikuvi kukusanganila;agabhusizye mahembe ge bhikuvi bhako.¹⁸Mizo zyabho zilamulilila Mukama, nkande zyebhanike bhe Sayuni! Kugema minsozi gako kuseseka hansi kati mwiga bhwire ne mwizyobha utakipandikila bhuhasiri, o minso gako kubhulwa hasiri. ¹⁹Bhuka, lila bhwire, kubhukila bhwire hakati sesa mwizo gwako kati minzi bhutonzi bhwe bhusyo bhae Mukama. Golola mabhoko gako oko mubhuhanga bhwe bhana bhako abho bhekufya kavimba kado habhutamo munzila zyona zigubguli.²⁰Linga, Yahweh, ne wibhukile abho ulabhagemera eya. Bhakima abhalya sisumo sye bhuzyele, bhwabho bhana abho bhalabhagora? Bhagabhilizya ne bhahami bhona bhasikwe mbahi takatifu zye Mukama?²¹Bhona bhado kubha kuru bhakalizye hamatotogema gunguli. Bhakima bhane bhado ne bhagosya bhane vgado bhagwire harupanga; wabhasinzile ne bhwira yaya. ²²Wabhakumingile, kati wenkabhalanga bhantu barusiku lwemalya, bhwobha bhwane bhali zyone, halusiku lwe bhusaye lwe mwa Yahweh ataliho oyo alazya ne kutahya yaya; abho ndabhamanhya ne kubhalela, mwikuvi wane abha bhihizye.

¹One ndimugosya oyo ndabhona lwagalalo hansi ye nkoni ye bhusaye bhwe mwa Yahweh. ²Ambingile ne kundetelezya kutumbagila mlizima kutari mumwanga. ³Nenhanane ampilulile kubhoko kwamwe kunkila wone kandi ne kandi, lusiku lwona. ⁴Alugemile rugondo lwane ne ndili yane kuzimazima avunagwire magufya gane.⁵Ombeke marundo ge matoto kwone ne kumpilima ne bhunegele ne bhwagalale. ⁶Angemile nikale mbahi zye mulizima kati abho bhebhufye kale. ⁷Azengile nkande kumpilima none ntekuduzya kuzyane kutahya bhyo. Aigemile minyororo kubha mitimbe. ⁸Noloko nekulanga ne kulilila kuhwelwa ekukuhulisya kusabha kwane.⁹Azibhile nzila yane hankande ye mabhale ge kusongora; agemile nzila yane kubha mbi. ¹⁰Awe ne nkali dubu oyo alindilile kumbihya; nsi mba mumabhwibhise, ¹¹apilwile hampero nzila zyane, angemile kubha mfuvi.¹²Agondile bhuta bhwamwe ne kungema wone kwolekezya ibhano lyamwe. ¹³Aduzile matima gane hamabhano ge silulilo sya gimbano kabho lusiku lwona. ¹⁴Anokazizye habhunegele bhwekunhatika kunwa minzi makari. ¹⁵Alakazizye habhunegele bhwekubhalika kunwa minzi makari.¹⁶Alavugula mino gane ne mabhale madomado ansi ndike hansi mulubhubhu. ¹⁷Bhuhanga bhwane bhwimilwe bhusinge, ''Nalabhile bhwihalale nesi. ¹⁸Nge notine nekuyomba bhwiyomelezya bhwane bhwavulazile ne kandi bhwizigizya bhwane hali Yahweh.''¹⁹Wibhukile lwagalalo lwane ne kugwa kwane, minzi makari ne bhukari. ²⁰Nekubha nkukwibhukila ne kandi ninene mukati yane. ²¹Nahe gukwese ogwane mumasala gane nge naho ndine bhwizigizya:²²Bhusime bhwe bhuhikane bhwe mwa Yahweh bhutari ne bhusiilo ne bhwira bhwamwe bhutakumaranga, ²³ne bhuhyahya mulabho ne mulabho bhutungilizya bhwako ne bhukuru. ²⁴''Yahweh ni salo lyane, ''Ndayomba, ngenotine ndakamwizigizya.²⁵Yahweh ne musoga kwabho bhekumulindilila, kwoyo ekumukobha. ²⁶Ne kusoga kulindilila hadohado habhusizibhwa bhwe mwa Yahweh. ²⁷Nekusoga hamuntu kubhusya ibhobezyo mubhusumba. ²⁸Leka ikalisye inene mubhutekane aho bhwatuzilwe luguru yamwe. ²⁹Leka atule mulomo gwamwe mulubhubhu - kwendaduzya kubha kusyalila kwizigizya.³⁰Leka apunhye itama lyamwe kwawe oyo ekuhulane okazibhwe bhwinki bhwensoni. ³¹Oko Mukama atalatukeme miaka yona, ³²nahe nolo oko ekutula bhupina, akubha ne bhwira kati omwo bhwinki bhwe bhusime bhwamwe omwo bhuli bhwinki. ³³Oko atakuhulanga kupuna mumwizo gwamwe nolo kubhagalazya bhana bhe bhantu.³⁴Kukanda hansi ye kuguru kwe bha bhobhwa bhona bhe mubhusi, ³⁵Kumwima bhutungilizya muntu bhutonzi bwoyoaliko oyo ali ruguru, ³⁶kumwima bhutungilizya muntu Mukama atekuizumilizya kwotine!³⁷Nende oyo enkayomba igamba ne kuhikilizibhwa, olo Mukama atalilagile? ³⁸Itari mukupuma mumulomo gwe oyo aliruguru mabhi ne masoga gatakwiza? ³⁹Muntu oyo muhanya enkaduzya tyane kutorana torana? Muntu ankaduzya tyani kutorana torana kubhuhulwe bhwe mabhi gamwe?⁴⁰Netwilingelinge nzila zitu ne kuzigemezya ne tumusubhile Yahweh. ⁴¹Ne tubhusye mizo zitu ne mabhoko gitu hali Yahweh mwirunde: ⁴²'''Twasisire ne kugoma ne usyali kubhela bhwira. ⁴³Wifundikile ne bhusaye ne kutwilusya, wihege ne usyali kupulugusya.⁴⁴Wifundikile ni runde angu oti kutaka bhaho ne kusabha okwo kwenkaduzya kuhita. ⁴⁵Watugemile kubha kati makwe ne matakala mwabho bhona mahanga. ⁴⁶Bhikuvi bhintu bhona bhatuzumile, ⁴⁷Bhwobha bhwobha be lina lyatuhikile, naku ne bhubhihya.⁴⁸Minso gane gekuselema ne bhuhitilo bhwe minsozi mukubha ntu bhane. ⁴⁹Minso gane gakupunhya minsozi ne kwoya yaya, ne kwifula yaa, ⁵⁰kuhisya aho alinga hansi Yahweh alaka bhona kupuna mwirunde.⁵¹Minso gane gekundetelezya bhupina kubhanike bhemu kaya yane. ⁵²Nahigilwe kati noni abho bhakubhanga bhikwi bhane, bhanhigile ne kutari muhayo. ⁵³Bhantagile mulina bhalantagila ibhale, ⁵⁴ne minzi galaseseka ruguru ye mutwe gwane. Ndayomba, ''Nalekanizibhwe hale!''⁵⁵Nalilanga izina lyako Yahweh, kupuna bhulele bhwe lina. ⁵⁶Ulinvwa ilaka lyane. Ulinvwa ilaka lyane ahanayomba, ''Utakazibhila kutwi kwako munakuzyane zye kukubha.'' ⁵⁷Uliza hihi rusilu olwo ndakulanga, ulayomba, ''Utkobhaha''⁵⁸Mukama, ulagavunilila kesi yane, ulabhusizya bhulanga bhwane! ⁵⁹Yahweh, wabhona mabhi ago bhalagemera, ulamule kesi yane. ⁶⁰Wabhwene kutukana kwabho kazile kabho kona kwone - ⁶¹winvwite kusi bholezya kwabho Yahweh, ne kazile kabho kekwne.⁶²Milomo yabho yekubheka kubhi kwone ne kutenga kwabho kwekwiza kwonene lusiku lwone. ⁶³Ulinge omwo bhekwikalisya ne kubhuka, bhekunsi bhole zya kummbo zyabho.⁶⁴Bhalihizye, Yahweh, kati omwone bhalagemera. ⁶⁵Ukuleta mizo zyabho zitari ne bhusisi! Kulamula kwako kubhe ruguru yabho! ⁶⁶Wekubhilusya bhusaye ne kubha bhihya hansi irunde Yahweh!

¹Siambo syakuluhele; kutiani dhahabu nsoga yapilwike mabhale matakatifu gokele mwinzila zyona zigunguli. ²Bhana bhe kapanga bhe Sayuni bhali bhe kapanga bhe bhutimbe bhwe dhahabu nsoga, nahe otine bhatali bhekapanga muno. Kukila masiseme ge matoto, milimo zye mabhoko mu bhumbi we nungu!³Nolo mabhwa ge mumagunguli gekupunhya mabhele gago kubhonsya bhana bhabho, nahe bhabhe bhe bhantu bhane abhele mulambe, kati nonvwi kati munsi itatumwa.⁴Lulimi lwe mwana muleke oyo ekwonka gwekuhika ruguru mullomo gwamwe hanata; bhana bhekusabha silibhwa, nahe sitaliho syabho. ⁵Abhe bhali kulya silibhwa syekapanga otine bhali ne bhwagalale bhwe bhutamo mumagunguli; abho bhalakusibhwa kwambara myenda zye zambarawe, otine bhagone mumazyala.⁶Bhulamulwa bhwe bhanike bhe bhantu bhane ne bhukuru kukila obhwo bhwe Sodoma, ne bhulapilulwa hadakikane hatariho oyo alakubhusya kubhoko kumuhwela.⁷Matongezi bhamwe bhali bhasoga kukila sye kukemakema, syepe kukila mabhele; mibhili yabho yalimikomele kukila ibhale mibhilizyabho kati ya kuti samawi. ⁸Kwikola kwabho kuli kwepi kati lizima; bhatekumanika mumagunguli ndilizyabho zihinile mumagufya gabho; zyomila bo kati nkwi.⁹Abho bhali hagwa harpanga bhali ne bhwihalale kukila abho bhalafya ne bhutamo, abho bhalabhula, bhaladugulwa mukubhulwa visundulwa vye mumalale. ¹⁰Mumabhoko ge bhakima bhe bhwira bha bhasebhizye bhana bhabho; silibhwa syabho mwitungo aho bhaike bhe bhantu bhane aha abhanga akusiswa.¹¹Yahweh alolekezya bhulambe bhwamwe hwana; alasesa bhusaye bhwamwe bhulambe. Alasya mulilo Sayuni gulasisya nsinzi zyahe.¹²Bami bhe mubhusi bhatalazumya, nolo bhatumami bhe mubhusi, oti bhakuvi nolo bhekukemezya bhaladuzya kwingila mumahitilo ge mu Yerusalemu. ¹³Agene gona galigela mabhi ge bhahami ne kugoma ne bhagabhilizya abho bhalasesa magazi gebhatungilizya bhutonzi bhwamwe.¹⁴Bhalagalala, habhuhofu, magunguri. Bhali bhutulile makwe mumagazi ago atariho oyo alazumilizibhwa kukwata myenda zyabho. ¹⁵''Ikalisya hale obhe uli we makwe! Bhantu bhalabhayogelela hilaka.'' Ikalisya hale! Utakakumika!'' Bhalazya eno neno' bhantu bhalayomba bhamwi bhe munamahanga, ''Bhatenkikala aha kandi.''¹⁶Yahweh mwenekili alabha sambzya atekubhalinga kandi. Abhatekubhakuzya bhagabhilizya, ne bhatekwolekezya bhusimilizyo habhanamupara.¹⁷Minso gitu galasimila gakulinga gele mukukobha; kupuna mumasungenizyo gitu ge bhwmilizi kutalinga ihanga elyo litenkaduzya kusizya. ¹⁸Bhalazilondezya ntando zitu tutaladuzya kutumbagila mumagunguri gitu hampero itu gyari hihi ne nsiku zitu zyebhupetwe, muppero itu ilahika.¹⁹Abho bhalatwilusya bhali bhangu kikila mbesi ye ruguru. Bhalatwirusya munguru ne kutuhiga mwikungu. ²⁰Ifulemunindo zinu - musigwa mafuta we mwa Yahweh - ngoyo alakwata mulina, oyo nge alayombwa, ''Hansi emutaka gwamwe tukwikala bhahanga mubhamwi bhe na mahanga.''²¹Ihalale ne usime, mwanike we Edomu, oyo wekwikala munsi ye Uzi. Nahe kwobhe kandi sikombe silaka hisibhwa; ulakakolwa ne gwambula myenda. ²²Mwanike we Sayuni bhulamulwa bhwako bhulakahika hamupero, atalakakwizya bhusolwa bhwako nahe mwanike we Edomu, alakamuhula; alakafundukila mabhi gako.

¹Wibhukile, Yahweh, ago galigela ne ulinge nsoni zitu. ²Isalo litu lyapilusibhwe habhageni numba zitu habhageni. ³Twabhele bhafuvi, tutali ne dada ne bhayayo bitu ne nkati bhafyilwa. ⁴Nekusoga tulihile hela haminzi ago twekunwa, ne tulihe hela tupandike mbabho zitu.⁵Abhone bhekwiza kwifye bhegelele numa itu; twazobhile ne tutekuduzya kubhona kwifula. ⁶Twipunizye kubha Misri ne ku Bhassiria tupandike silibhwa syekuhika. ⁷Bhisefye bhalabhezya mabhi, ne bhatariho kandi ne twabhusizye mabhi gabho.⁸Bhazyana bhalabha bhakuru bhitu, ne ataliho wekutusizya mumabhoko gabho. ⁹Twekupandika mukate gwitu aho twekubhavulazya bhuhanga, oko kwotine lupanga lwe mwikungu. ¹⁰Ndili zitu zyabhele ne mulilo kati iziko mukubha oti bhusebhe bhwe bhutamo.¹¹Bhakima bhekusolwa hanguzu Sayuni, ne bhanike mulikaya lye Yuda. ¹²Bhabhe mwami bhazindilwe ne mabhoko gbho, ne kutari isima elyo lyekwolekezibhwa habha na mupara.¹³Bhagosya bhasamba bhekuhatikizibhwa kusya mbuto hibhengo lye kusyela, ne bhasumba bhekwikwalula hansi ye milingo zyenkwi. ¹⁴Bhana mupala bhalekile ihitilo lye kaya ne bhasumba bhalekile miziki.¹⁵Bhwihalale bhwe mwizo bhwolile ne kutuma kwitu kwa pilwake kubha naku. ¹⁶Ndezi yagwile mumitwe zitu; twasangwa ifye oko twagemile mabhi!¹⁷Oko mwizo gwitu gwabhele kukulwala, ne minsozi gitu goile he vyane minso gitu gadohizye, ¹⁸oko ruguru Sayuni lwagonile sifuni, mabhwa ge mumagunguri gekwihebha ruguru yamwe.¹⁹Nahe obhe, Yahweh, ulimukulu miaka yona, ne ulakikalisya hitebhe lyako lye syami vizyalo ne vizyalo. Kusi watulabhile miaka yona? ²⁰Kusi watulekaniiye hansiku ninki? ²¹Tusubhye, kwobhe, Yahweh, nifye tusubhe zibhezye bhunhyahya nsiku zitu kati omwo zyali aho kale - ²²nonke hamwi ubhe watukemile uline bhusaye kwifye kukilanizya.

¹Eiya ni gambo lye Mkama elyo lilamwifumbulizya Yoeli mwan wemwa Pethueli. ²mdegeleke aga imwe mbanampara, ne mdegeleke imwe mbatula mbeuzi. Eya neya ilagemezizye kumbaho itungo lye ikanza limu lolo sunku zye mbadala mkime? ³Umbabwile mbana mbako nguno yeya. Ne umbaleke mbana mbako mbambabwile mbana mbambone mbana mbambo mbuzyalwa bwekwiza.⁴Ago galasigazibwa ne tunutu galibwilwa ne nzige mbakulu, ago galasigazibwa ne nzige kumbi mbagalile, nago galasigazibwa ne kumbi? Galilwe ne madumadu.⁵Muhalamuke, imwe mbakolwa, mlile nkungwe, imwe mbona mkunywagwa mbusele, halumba mbusele mbusoga mbwatemwa kufuma winu. ⁶Hakumba syalo syekwiza lugulu ye nsi yane, sigume nesirali ne mbumbazi, mino gamwe na mino ge nganza, nawe aline mino ge ngauza. ⁷Aligemile ilale lyane lye mizabibu kumbe hantu he kwombahya asozile mumuti gwane. Asozile imago lyahane ne kulutaga hale, matambi gahe gambele gepe.⁸Naku kati mkima oyo asyali kuzyala ambele magunila halafu lwe mulume mdo. ⁹Tukulu ye mbufuma ne tukulu ye vinywembwa vyaleemelwe hale ne mumba ye Mkama. Mkuhani ne mbazyana mbe Mkama mbeli ne naku. ¹⁰Malale gambi hibwe, ne usi yambale nogoleke. Hakumba mbuto yambihibwe, mbusele mbuliyaliya bwomile, ne mafuta gambi hibwe.¹¹Nemumbone nsoni imwe mbalimi, mlile, mbalimi mbe mizabibu, ha ngano ne shayiri. Hakumba mbusunduzi bwe malale bwambilile. ¹²Mizabibu yambihile ne miti ye mumuti yomile muti ye mkomamanga, naye mitende, ya mbihile. Ha mbutogwa yambihile kufuma hali mwana we mwa Adamu.¹³Hamba magunila ne ulile nkungwe, imwe mba kuhani! Mwekulila, imwe mbazyana mbeho madhabahu, iza ugone mbwile bwona ha magunila, imwe mbazyana mbe mwa Mungu wane. Hakumba tukuluye mbufuma ne tukuluye vinywe mbwa vyake mezibwe munumba ye mwa Mungu witu. ¹⁴Mlange ha kwegeka kwera ne mlange isangizy lyera, mumusumbizya mbana mpana ne mbatuzi mbona mbe sikato (nsi) mbahike munumba ye Mkama Mungu witu ne kumulilila Mkama.¹⁵Aho halusiku! Hakumbo lusiku lwe Mkama wegelele naye yekwiza kumbihya kufuma ha Msombozi. ¹⁶Hamwi silibwa sitalakemwa hale mbutonzi ye minso ginu ne mbutogwa na seko kufuma mu numba ye Mungu winu? ¹⁷Mbuto zekumbola hansi ye mbulonko mbwahe nkunguku ziligele ne maduku gavnike, hakumba mbuto zyambihile.¹⁸Omwo mitugo zikulilanga! Ng'ombe we ngome mbekukoya kunguno ye kumbulwa silibwa, naho makundi ge ntama gekukoya. ¹⁹Mkama, akukulilila ombe, cha kumba mlilo gwa sya (gwalya) madimilo ge halubala ne mlilo gwa sikizya miti yona ye mumalale. ²⁰Ne mitugo ye mumadle mbekuhamba kunguno yako, hakumba miga ye mingi yomile, ne mulilo gwalye malilo ge halubala.

¹Hula ihembe mu Sayuni, ne uhule mwano lugulu ye lugulu wane lwera! Mbatula mbona mbe nsi mbazugume habwo mba; Hakumba lusiku iwe Mkama lwekwiza. Hana hana ili hihi. ²Ne lusiku lwe giti ne pii, lusiku iwe marunde magiti gine. Kati mlambo yekusambala mugulu, mbasilikale mbinki ne mbe magala lyeglele. Hasyali kwigela mbasilikale kati elyo, ne lilalakambaho kandi, holo kuhita mazyalwa mingi.³Mlilo gulalumizye tyesyo zyona esyo silimbutongi, ne mugongo yamwe mulilo gwekwaka. Nsi eyone ne kati bustani ya edeni mbutongi yamwe. Ne hakumba muma yamwe (mgongo) haliyo itale lye mbumbihe. Hakumba sitaliho sentu tyesyo syona sila toroke.⁴Kigelele ke mbasilikale ne kati farasi ne mbe kwiluka kati mbagegezi mbe farasi. ⁵Mbe kuguluka ne kwiyasa kati ye mtokaa lugulu lwe lugulu, kati kwisaya kwe imbano lye mulilo elyo likukenagulaga matutu, kati masilikale mbamagala ambo.⁶Mbhutonzi yambo mbantu mbali mumbu negezi ne mbusyo syambo ziline rangi. ⁷Mbakwiluka kati mbasozi mbe magala, mbekugegela kano kati masilikale,mbekwegelela buli muntu ha tambo, ne mbatea kuruna myande zyambo.⁸Lolo ataliho umwi wambo oyo yekumsindika mwisyamwe hapelo. Mbekukumagila mbuli yumwi ne nzila yamwe. Ambe mbaku vunikanga mbuli umwi ne Bhuhanga eali kugwa hapelo ye mwande. ⁹Mkekwiluka syalo, mbe kwiluka mukano. Mbekugegela mgati ye numba ne kuhitahita mumadirisya kati mbivi.¹⁰Nsi ye kuzuguma mbutnzi yambo, mwilunde hekuzuguma, izyomba ne kwezi ne giti ne risondo zyoyela kwaka. ¹¹Mkama ekumbusha ilaka iyamwe mbutonzi ye mazilikale mbamwe; hakumba masozi mbamwe ne mbini muno. Hakumba ambene mbe magalo,ambo mbekugema malagilo gamwe, hakumba lusiku iwe Mkama ne ludazi nelwe kwombahya muno. Ende ekadula kuhagama?¹²''Hakumba lolotyaha, ''Aayomba Mkama, ''Musumbile oneha nizo zinu zyona. Mbwangu ulile ne nkungwe.'' ¹³Mguusye mizo zinu, hatali myenda zinuntuhe, ne kusumba hali Mkama Mungu witu. Hakumba awe newe mihanezyo newembwira, atali mwangu we kusaya ne mwiki we mbutungilizya muilagilo ne ekasimile kupiluka kufuma ne ihyo.¹⁴Endeekumamia? Hamwi ekapilwike nekumba ne bwira, nekuleka lumbango numa yamwe. Sadaka mbhufuma ne sadaka ye vinywebwa hali Mkama Mungu witu?¹⁵Hula ihembe eyo Sayuni, langa unguno ye kwegoka kwera, ne mulanganizya masumbizyomera. ¹⁶Mumbasubye mntu, kulangwakwe mbasumbibwa lyera. Sumbya mbanampara, sumbya mbana ne mbana mbado. Mkama mwenga aduze kupuna heluye numba yambo. Ne mama mwenga kupuna mumumba yambo.¹⁷Aho bhagambisya, mbazyana mbe Mkama, mbekulila ha mbatungilizyane madhabahu. Umbabwile mbalange, mbantu mbako, Ombe, Mkama, lolo utakapunia isalo lyako hasoni, ili vyalo vyanihe lugulu yambo. Hakumba hazi yekutakilwa mbayombe hagtai ye vyalo, ''Alihi Mungu wambo?''¹⁸Ngaho Mkama alamba mbudula munsi yamwene kumbambela kwira mbantu mbamwe. ¹⁹Mkama alamba sumbi aya mbantu mbamwe, Mulole, kumbaletela mbuto, mbusale, mbulyahya ne mafuta ukutogelwamo nekumba ntalageme kumba nsoni hagati ya vyalo.²⁰Kumbihaho mbasosezi mbe kaskazini hale yimu, ne kumbatulasihamwi munsi no mumu ilalekilwe. Hantu ye mbutongi ye masilikale mbambo ilakingila mu nyanza ye situluka.

¹Linga, kunsiku ezyone ne itungo elyone, ahondakasumbha bhavelema mbhe Yuda ne Yerusalemu, ²None ndakagasozya nsi yona ne kutukla durumbha ihola lye Yehoshafati. Ndakambhakanilizya eyone, kunguno ye mbhantu mbhane ne mbhisalo lyane Israeli, ambho mbhalambha sambazya hakati ye syalo, ne hakumbha mbhala igambula nsi yane. ³Mbhaluzile kura kunguno ye mbantu mbhane, mbhalagula muyanda hanguno ye msihani kuguzya mwanihe ha mbhusele guno mbhadule kunywa.⁴Hasi otine wekusaila, Tiro, Sidoni ne bwami bwona bwe Bhafilisiti? Hamwi! Mukusumbhizya kulilwa? Halo mkandiha, kandago imwi, kumbhasubhizya maliho ginu lugulu ye mitwe zinu mbhenekele. ⁵Hakubha mwasozile mpelya zyame ne dhahabu jyane, nimwe mulasola kunguku zyane zye mbusomboke ne kuzifire mumasalililo ginu. ⁶Mwambhaguzizye bhantu mbe Yuda ne Yerusalemu ha Bhayunani, ili kumbhihabho hale ne magambo gabho.⁷Linga, kubhakala musya, bhapune eyone aho mulabhaguzya ne kubhasubhizya kulihwa lugulu ye mitwe yinu mbhenekili. ⁸Kubhaguzya bhana bhako ne mbanike bhako umabhoko ge bhantu bhe Yuda. Abhe bhalabha guzye Sheba, ha syolo hale. Hakubha Mkama eyoliba.⁹Utangazye elya hakati ye vyalo, 'Mwibhegelezye mbhanekili haguno ye vitta, mubhahala msye bhakindi mwashaleke bhegelele, lahakindi bhona bhe vita bhagegele lugulu. ¹⁰Mgasule magembe ginu gabhe lupanga na mwambi zinu zye kumbegezya kubha isumu, ngaho bhanogleke bhayonke ndine magala.'¹¹Bwangu mwize vyalo bye hihi, mwisubye sihamwi oyene Ee Mkama, mbhatikize bhakindi bhako.¹²Nahee, vyalo vyona vibwile vyenekili kwiza mpako mwi hola lyemwa Yehoshafati. Hakubha kwikala eyone kumbhahanilizya vyalo vyone vye ubazenganwa. ¹³Ne mtula nu mundu, hakubha si sundurwa sya hile, mwize mubude zabibu, kunguno ye sementi ya bhusele lyohele. Vyuma vyohele evyo. Hakibha bhubhihya bwabho ne bhudazi muno.¹⁴Guliho mwitulo, mwitulo mwilambo lye bhakani lizibhwa. Hakubha lusiku lwe Mkama luli hii ye yilambo lyebhakanibhwa. ¹⁵Izyobha ne kuuzi bilakabha giti, nsonda zyalekile kumuliko.¹⁶Mkamaalakahalata kufuma Sayuni, ne kubhasya ilaka lyamwe kufuma Yerusalemu. Irunde ne nsi vilatingine, ahone Mkama alakabha sikalo kuguno ya bhantu bhamwe, ne bhugitizi habhana bhe Israeli. ¹⁷Aho nge mramamie oti one nge Mkama winu, Mungu winu, eyoekwikala Sayuni, lugulu lwane lwera, ngaho Yerusalemu ilakabho neri ne hakubha litalakabhaho bhasilikale abho bhala kabha bhakupirima kandi.¹⁸¹⁹Lusiku olwone ngulu zilekabhezya mbhusolembhunga, ngulu zilakasaluluka mabhale, migayona ye Yuda ilakahita hakati ye minzi, ne vwilo zilakiza kufuma mu numba ya Mkama ne mingi ga iholo lye Shitimu. Misri ilakabho mzuduhare, na Edomu ilakabha itale gele, kunguno ye mateye obwo bhulagamwa habhantu bha Yuda, hakubha bhalasasa magazi ago gali gatali bhubhihya munzi yabho.²⁰Ngaho Yuda ilakabha bhutulo bhuna myaka ne myaka ne Yerusalemu ilakalaha bhuzukwa ha bhuzyalwa. ²¹Nkubhalihilizya magazi gabho, ago ntilililizye kukenagula, hakubha Mkama ekwikala Sayuni.

¹Aga nge mamihayo ge bha Israeli ago Amosi, umwi we bhadimi bhe mu Tekoa, alabhwanukula bhufundukulwa. Alanukula magambo munsiku zye mwa Uzia mwami we Yuda, ne kandi munsiku zye mwa Yeroboamu mwene Yoashi mwami we Israeli, miaka ibhili aho isyali kwiza nahinga ye nsi. ²Alayomba, ''Mukama alakalunduma kupuna Sayuni; alabhusye silaka syamwe kupuna Yerusalemu. Madimilo ge bhadimi galakahulika sele; nsote yo Karmeli ilakoma.''³Ngomwo Mukama ekuyombela: ''Mumabhi asatu ge Damaskasi, nolo ha nne, ntalakapilula kulihizya oko bhaisuzile Gileadi havisema vye silanga. ⁴Ndakafila mulilo munumba ye mwa Hazaeli, ne ulakayosya ikingilo lye Ben Hadadi.⁵Ndakagavuna megekezyo ge Dameskasi ne kumupunhyaho abhe hale muntu oyo ekwikala mu Bipati Aveni, ne kandi oyo muntu oyo akukwatanga mulanga gwe syami mu Beth Edeni. Ne bhantu bhe Shamu bhalakazya mubho zyana kuhika Kiri, ''ayomba Mukama.⁶Ngo mwo Mukama ekuyombera: ''Okamabhi ge Gaza, nolo ane ntalakapilula kulihiyza, oko bhalabhasora bhuzya na bhantu bhona, kubhatula mukobhoko kwe Edomu. ⁷Ntalakafila mulilo munkande zye Gaza, kuzisikizya nkingilo zyahe.⁸Ndakamupunhyaho ne kumufila hale muntu oyo akwikalanga Ashkeloni. Ndakakupilula kubhoko kwane kuhisya Ekroni, ne masagilwa ge Bafilisti gakamalilika, ''Ayomba Mukama Yahwe.⁹Ngo mwo Mukama ekuyomba: ''Mabhi asatu ge Tiro, nolo hane, ntalakapilula bhulihizya, oko bhalabhafilila bhantu mu bhudugu. ¹⁰Ndakafila mulilo kunkande zye Tiro, nabhe bhakazisikizya nkingilo zyahe.''¹¹Ngo mwa Mukama ekuyomera, ''Mumabhi asatu ge Edomu, nolo kwaane, ntalakapilula bhulihizya oko bhala mulondelezya muduguye halupanga nekufilanizya hale bhwira bhwona. Bhusaye bhwamwe bhulagana kubha bhulambe, ne bulihizya bhwamwe bhulikalaho miaka ne miaka. ¹²Ndakafira mulilo ruguru lwe Temani, ne kuzisikizya numba zye syami zye Bozra.''¹³Ngo mwa Mukama ekuyombela, ''Hamabhi asatu ge bhantu bhe Amoni, nolo kwane, ntalakapirura bhulihizya oko bhabha tandwire bhakima bhe Gileadi bhenda, oti bhaduzye kugazihya nvwumba zyabho.¹⁴Ndakasya mulilo munkande zye Raba, na bhe ulakazisikizya numba zye syami, sihamwi ne kuyoganhya kulusiku lwe kusola, sihamwi ne muyaga kulusiku lwe kasyululu. ¹⁵Mwami wabho alakazya mubhuzyana, awene ne bhakuru bhamwe sihamwi, ''Ayomba Mukama.

¹Ngo mwo ekuyombera Mukama: ''Mumabhi asatu ge Moabu, nolo hane ntalakapilula kulihizya, oko osizye mulilo magufya ge Mwami we Edomu kubha nswankala.²Ndakafila mulilo ruguru ye Moabu, ne ulakasikizya nkingilo zye Keriothi. Moabu alakafya mwiyombo, sihamwi ni yombo lilaa lye tarumbeta. ³Ndakamubhihya mulamuzi mwawe, ne kandi ndakabhita bhana bhe mwami sihamwi na wene, ''Ayomba Mukama.⁴Ngo mwo Mukama ekuyombera: ''Mumabhi asatu ge Yuda, nolo kwane, ntalakapilula kulihizya, oko bhalikemire ilagilo lye Mukama ne bhatalagakwata malagilo gwemwe bhubhehi bhwaho bhwabhaletelezizye kubhulo, abho bhisabho kandi bhabhulondezya. ⁵Ndakafila mulilo ruguru ye Yuda, ne ulabhumila bhukingilo bhwe Yerusalemu.⁶Ngo mwo ne Mukama ekuyombera: ''Kumabhi asatu ge Israeli, nolo kwane ntalapilula bhulihizya, oko bha bhaguzizye abho bhatari ne kabhi kuhela ne bhahabhi abho bhatari ne kabhi kuhela ne bhahabhi kumwenda gumwi gwe vyabhalwe.⁷Nabhe bhakukandanga ruguru ye mitwe zye bhahabhi kati kukanda mulubhubhu lwe hansi; bhekusindika kukandikizya. Muntu umwi nisye bhekulala ne mwani kumwi nge kulitula izina lyane itakatifu. ⁸Nabhe bhakulala hihi ne magabhilizyo hamyenda zya bhufungikwe, ne munumba ye mwa Mungu wabho bhakunhywanga divai ya bhalya abha bhalahisibhwa.⁹Nyali namusikizizye Mwamori bhutonzi bhwabho, oyo bhulele bhwamwe bhwali kati bhulele bhwe myenezi; ali ne nguzu kai myaloli ne kandi ndabhihya visumo vyahe ruguru ne mizi zyahe hansi. ¹⁰Kandi, ndabha gegezya kupuna nsi ye Misri ne kubhatongera miaka makumi ane mwikungu oti mwisole nsi ye Bhaamori.¹¹Nabha bhusizye bhahami kupuna mo mubhana bhinu bhabhe bhe mulahi kupuna mubhana binu bhagosya, angu itali otine, bhantu bhe Israeli? - Ngo mwone Mukama ayombele. ¹²Nahe mwabha bhehagwile bhalya mulai kunwa syekukolana ne kubha hamulisya Bhanadhiri bhatakagema bhuhami.¹³Linga, ndakabhakanda kati limukokoteni lye bhwokale masikoro matimbe ago gankadura kumukanda muntu. ¹⁴Muntu akwilukanga atalakapandika bhwirukilo, wenguzu atalakwongezya nguzu zyamwe nwenekili; nolo mukindi kwisizya mwenekili.¹⁵Mugonda bhuta alakimilila; mwilusi munone atalakiluka; mwirusya we farasi atalakisizya mwenekili. ¹⁶Nolo bhasozi bhe kukinda bhalakiluka bhuvula lusiku wo lwone, ngomo Mukama ekuyombera.''

¹udegeleke igambo lye Mukama elyo alatembusya himwe, bhantu bhe Israeli, mumakaya ginu gona ago ndabhapunhya kupuna nsi ye Misri, ²'''Ndabhasola imwe tuhu kupuna mumakaya ginu gona ge mubhusi ngootine ndakabhalihizya kumabhi ginu gona.''³Angu bhabhili bhenkaduzya kutumbabagila sihamwi olo bhatizumilizizye? ⁴Angu nsimba ikuundumanga mwikungu mwitungo aho sitaliho sye kubhona kulya? Angu mwana we nsimba enkalunduma kupuna mulina lyamwe olo atapandikesye kukwata?⁵Angu noni yenkagwa mwikwatilo hansi mwitungo sitaliho syambo esyo sye bhutulwe kwawe? Angu ikwatizyo lyenkalekela ruguru ye hansi mwitungo sitaliho sye kukwatilla? ⁶Angu ifulilo lyenkana mulikaya ne bhantu bhatakazuguma? Angu ihano lyenkaduzya kwiza mulikaya olo littalesilwe ne Mukama?⁷Syenkama Mukama Yahwe atenkabhezya sintu olo kutali abhafundukulila kazile bhatumami bhamwe bhahami. ⁸Nsimba yalundwime; ne nde oyo atakwobhaha? Mukama Yahwe amazile kuyomba; nende oyo atenkahama?⁹kumunsye mwikingilo eyo Ashdodi, ne mumakingilo gensi ye Misri; ayomba, ''Mwikuminge munguru zye Samaria ne mubhone omwo mulubhuko omw guli mukuru kwawe ne bhukandikizibhwa obhwo bhuliko kwawe. ¹⁰Oko bhatekuanhya omwo kagemela kebutungilizya ngo mwo Mukama ekuyombera- abho bhakubhikanga nguzu ne bhubhihya mumakingilo gabho.''¹¹Otine, ngo mwo Mukama ekuyomba, ''Mwikuvi alakaipilima nsi alakazikwesa hansi nguzu zyako ne bhukingilo bhwinu bhulakasolwa.'' ¹²Nge omwo Mukama yekuyombera, ''Kati mudimi omwo akuzigizyanga maguru abhili tubu mumutomo gwe nsimba, nolo kakatika ke kutwi ngomwo bhana bhe Israeli omwo bhakasigizi bhwa abho bhakwikalanga Samaria, sihamwi ne mbahi zye kulalila, nolo mbahizye bhulili.''¹³Mudegeleke ne kukanilizya ruguru ye numba ye mwa Yakobo - ngo mwo Yahwe ekuyombera, Mungu we madare. ¹⁴''Oko mulusiku olwo nalihizye mabhi ge Israeli, kandi ndakagilihizya magabhilizyo ge Betheli. Mbahi zye magabhilizyo vilakakenulwa ne kugwa hansi.¹⁵Ndakaisisa numba ye mpeo sihamwi ne numba yebhulungule. Numba zye bhusongolwe zilakasiswa, ne numba nkuru zilakabhulaho, - nge omwo Yahwe ekuyombera.''

¹Mulidegeleke igambo elya, imwe ng'ombe bhe Bashani, abho mulimo muluguru lwe Samaria, imwe abha mwekubhakandikizya bhahabhi nimwe abho mwekubhabuda abho bhatali nasyo imwe abho mwekubhabhwira bharume bhinu, ''Mutuletele vyekunwa.'' ²Mukama Yahwe alahile hikuzyo lyamwe, ''Linga, nsiku zyekwiza kwimwe mwitungo aho bhalakabhabhapunhya hando bhano, bhe bhwihelezyo bhwinu ne ndobhano zye kupunizya nsamaki.³Mulakapuna ne kuhitila aho he bhukambulwe munkande zye kaya, ne umwi umwi winu kuzya bhumwi ne bhumwi kuhitila aho, ne mulakitaliya bhutonzi bhwe Hr=armoni -nge omwo ekuyomba Mukama.''⁴''Nemuzye Betheli ne bhubhi, kuhika Gilgali mulongezya mabhi, mulete vitambo vinu bhusyele bhusyela mulabho, zaka zinu aho zyamara nsiku isatu. ⁵Nemupunhye sitambo vye kusimilizya sihamwine mukate ne mukumunsye sadaka zye kwisimila, mubhakumunsizye, oko ngo mwo ikubhasimsanga, imwe bhantu bhe Israeli -nge omwo ekuyombera Mukama Yahwe.⁶Nekubha helezya bhusoga bhwe mino mumakaya ginu ne kudohelwa ne mukate ne mumbahi zinu zyona. Musyali kusubha kwona -nge omwo Yahwe ekuyombera. ⁷Ne kandi naikemezizye mvula kupuna kwimwe mutungo lisyali kubha ne yezi isatu zye bhusunduzi. Ndaigema igwe ruguru ye kaya ne kuigema itakagwa mkaya zindi ikatika limwi lye nsi ilagwa, nahe ikatika limwi lye nsi eyo italagwa halabha homu.⁸Bhalapilima makay abhili nolo asatu kuzya kya indi kumw minzi, nahe bhatalamara nota. Bhalibhasyali nkunsubhila one - ayomba Yahwe. ⁹Nabhahuzile hama lwele ago ge kuletelezya kweleluka. Bhwinki bhwe bhusitani, migunda zinu zye zabibu, mitini zinu, ne mizeituni -kusikizya yona. Musyali kunsubhila nge omwo Yahwe ekuyombera.¹⁰Nalesile malwele kwimwe kati ge Misri. Nabhihege bhana bhinu harupanga kubhusya farasi zinu, ne kubhugema bhununke bhwe bhwikalo bhwinu ne kwingizya munindo zinu. Musyali mutalansubhila one - ngo mwo ekuyombera Yahwe. ¹¹Nazisikizizye kaya zinu mwimwene, kati omwo Mungu alaisikizizya Sodoma ne Gomora. Mwali kati kakigilolo ke bhupulwe kupuna mumulilo. Musyali nkunsubhila ayomba Yahwe.¹²Otine nkungema igambo ibhi kwobhe, Israeli; oo kwotine nkugema igambo ibhi kwobhe, wibhezye bhe zye kusanzya ne Mungu, Israeli! ¹³Oko otine ulinge, oyo akubhezyanga nguru nge noyo akusumbanga muyaga akumufundukulilanga miganiko gamwe muntu, akubhezyanga mulabho kubhalizima, ne kuhakanda hantu hehigulya ye bhusi. Yahwe, Mungu we madale, nge izina lyamwe.''

¹Nemudegeleke alya igambo elyo nekuyomba kati mukulila nkungwe himwe, numba ye Israeli. ²Mwanake oyo asyali kuswelwa we Israeli agwile; atakubuka kandi; atolweke hansi yamwe, ataliho muntu we kumwimilisya.³Oko ngo mwo Yahwe ekuyombera: ''Mukaya eyo wanvwile helu muvihumbibhakasaga igana, nabho bhazile hela igana bhalakasaga ikumi bhensabho ye numba yeIsraeli.''⁴Oko ngo mwo Yahwe ekuyombera kunumba ye Israeli: ''Munkobhelezye ne mukubha bhakanga! ⁵Mutakamukobha Betheli; nolo kwingila Gilgali; mutaka tumbagila kuzya Bersheba. Oko mu Gilgali bhalakazya mubhuzyana ne nhanane, ne Betheli itakabha sintu.⁶Mumukobhelezye Yahwe mukubha bhahanga, nolo alakaka kati mulilo munumba ye mwa Yusufu. Ulakasikizya, ne hatalakabha ne muntu nolo yumwi kuguzimya mu Betheli. ⁷Abhalya bhantu bhakupirusyanga bhutungilizya kubha muhayo muske ne kubhugwisya hansi!''⁸Mungu alasumba Peidezi ne Orioni; apilusizye lizima kubha mulabha; akugemaga lusiku kubha lizima ne hwire kulanga minzi ge nyanza; awe kugaseranga higuru ne bhusyo bhwensi. Yahwe nge izina lyamwe! ⁹Awe akuletanga hukenaguzi bhwe similile ruguru yabho bhali bhuduzye kuhisya oti bhukenaguzi bhwize ruguru ye nkingilo.¹⁰Bhekumugaya tyo yo ekubhakanilizya mulingililo lye kaya, nabhe bhakumugayanga munone tyo yo wona oyo akuyombanga syenkana. ¹¹Oko mwekumukandagilila hansi muhabhi ne ksola zindi ngano kupuna kwawe - ne ngoko mwombeke numba zye mabhale gebhsongolwe, mutalakikala mamunumba ezyone. Mwasimisibhwe ne migunda zye mizabibu, nahe mutalakanwa minzi gahe.¹²Oko nekumanhya ne tyani omwo muli ne bhusisi bhwinki ne omwo mabhi ginu gali madazi imwe abho mwe kubhi bhonela bhatungilizya musole kuhongelelwa, ne kubha pilula abho bhatali naso mulingililo lye kaya. ¹³Nge notine tyo yo wona wemasala alakahulikasele mwitungo kati elyone, oko n tungo lye bhubhi.¹⁴Ne mukobhelezye musoga ne gatali mabhi, kuhisya oti mpandike kubha mahanga. Ngo mwo Yahwe, Mungu we madare, akubha nimwe similile, kati omwo mwekuyombera awe ngawe. ¹⁵Mubhugaye bhubhi munhwimilisye bhutungilizya mubhuhitilo bhwe kaya. Kunoga aho Yahwe, Mungu we madare, enka bhahwela masagilwa ge mwa Yusufu.¹⁶Nge nomwo Yahwe ekuyombera, Mungu we madare, Mukama, ''Halakabha ne nkungwe mubhupindilizye bhwona ne bhalaka yomba mumigala yona, 'Twasangwa! Twasangwa!' Bhakabhalanganizya bhalimi kulila nkungwe nabho bhe bhueluzya bhwe kulila, ne nkungwe. ¹⁷Mumigunda zyona zye mizabibu halakabha nenaku, 'Ne Yahwe.¹⁸Mwasangwa imwe abho mwekulwikumbwa lusiku we mwa Yahwe! Ne kusimwekulwi kubhwa? ¹⁹Lilakabha lizima ne kutali mwanga, kati itungo aho muntu ekuiluka nsimba ne kusanzya ne dubu, nolo alingila munumba ne kutula kubhoko kwamwe hankande ne kulumwa ne zyoka. ²⁰Angu lusiku lwemwa Yahwe lulakabha lwe lizima nelutali lwe mwanga? Bupina ne bhutali bhwihalale?²¹''Nekuzigaya, ne kuzibyeda nsikunkuru zinu, ne kuzigaya mibhilingo zinu zye dini. ²²Nolo oko mukumpunizyanga sadaka zye kwosya ne sadaka zye bhufuma, ntalaka zyanukula, nolo kuzilinga musadaka zye bhusangizyo bhwe ndimu ezyo zyebhunule.²³Ne mumpunizyeho iyo mbo lye nimbo zinu, ntakugadegeleka malaka ge vinubi vinu. ²⁴Hanuma yahe, muleke bhutungilizya bhusesekekali minzi ne bhutungilizya kati runvwilo olworukunwanga nsiku zyona.²⁵Angu mwandetele sitambo ne sadaka zye kwosya omwo hatari sintu hitungo lye miaka makumi ane? ²⁶Mulakamubhusya Sikuthi kati mwami winu, ne kiuni, nsonda inu yesitari Mungu, oyo mwamugemile kwimwe bhenekili.²⁷Nge notine ndakabha samya rubhahi lwekabhili lwe Dameskasi, ''Ayomba Yahwe, oyo ngi izina lyamwe Mungu we madare.

¹Mwasangwa abho mwalembezile mu Sayuni, ne kwabhalya abho bhasizibhwe munsi ye ruguru lwe Samaria, bhantu bhebhikinde bhekapanga bhemahanga abho numba ye Israeli ikwizanga mukukwasibhwa! ²Bhatongezi bhakuyombaga, ''Hita kuzya Kalne ne muzye mulinge; kupuna eyone nemuzye kuhisya Hamathi, kaya nkuru; nge nemuzye hansi kuhika Gathi ye Bhapelestina. Angu ne bhe kapanga kukila bhwami bhwinu bhubhuli? Angu luliho ruvumba rukuru kukila ruvumba lwinu?''³Mwasangwa abho bhe bhakurutulunga rusiku lwemabhi ne kulugema bhwami kubha kanuma kwegelela hihi. ⁴Bhagonde ruguru ye malili ge bhusongele ne kwifula ruguru ye matebhe gabho. Bhalalya bhana bhe ntama kupuna mwidare lye ndama kupuna mulubhigili.⁵Bhakwimbanga nimbo zye bhuhumbe mukalilileke sinubi; bhakubhezyaga nimbo muviseme kati vye mwa Daudi. ⁶Bhakunwanga vye kunwa kupuna mumabakuri ne kwisiga mafuta bhenekili hamafuta ge marhamu, nahe bhatalapini hala hakwagalazibhwakwe mwa Yusufu.⁷Nge ntine lelo bhalakazya mubhuzyana sihamwi ne bhazyana bhe mbele, ni yombo lyabho bhali golozile lilakahta. ⁸''One Mukama Yahwe, nalahile mubhuhanga bhwane ngomwo omwo Mukama Yahwe ekuyombera, Mungu we madare, nabhuzizile busoga bhwe mwa Yakobo; nagaile makinde. Gahe ndakaipunhya eyone kaya sihamwi nevyo vilimo omwone.''⁹Ndakiza mukubha oti olo bhalimo bhagosya ikumi bhebhusagile munumba imwi, halakafya. ¹⁰Mwitungo mudgu wemuntu oyone alakabha akiza kusola mibhili zyabho - oyo ekubhozya hanuma ye kule ngondo zye bufye munumba-kati akuyomba hamuntu munumba, ''Angu aliho muntu oyo alisihamwi nage?'' Ne tyani oyo enka yomba, ''Yaga.''Nge alakayomba, ''Hulika du, oko tutaliyomba izina lye mwa Yahwe.''¹¹LInga, Yahwe alakapunhya ilagilo, ne numba nkuru ilakahulwa kubha makatika katika, ne numba ndo kuha milala milala.¹²Angu farasi bhalakiluka kwitikililo lye mabhele? Angu muntu alakalima eyone ne ng'ombe? Musyali mwapilwile bhutungilizya kubha bhusungu ne sisumo sye bhutungilizya kubha bhunegele. ¹³Imwe mwekwihalalila ruguru ye Lo Debari, mukuyomaga, ''Angu tutalasola Karnaimu kunguzu zitu bhenekili?''¹⁴Nahe linga, ndakabhusya ruguru inu, numba ye Israeli-ngo mwo ekuyombera Mukama Yahwe,Mungu we madare. Bhalakabhagalazya imwe kupuna Lwbo Hamathi kuhisya hamwiga gwe Araba.''

¹Nge omwo omwo Mukama Yahwe omwo alanolekegezya. Linga, alasumba idare ikuru lye nzige mwitungo lye kumela mimelo, ne,linga, gwaliho ne mumelo gwe mpero hanuma ye bhusunduzi bhwe mwami. ²Itungo aho amala kulya misoma soma, zye nsi, nge ndayomba, ''Mukama Yahwe, nekusabha umbele bhwira; angu Yakobo akwikara ytari? Oko awe ne mudo munone.'' ³Yahwe aladohya bhusaye kwo ogwane. ''Halakigerao alayomba.⁴Ngo mwo Mukama Yahwe alanolekezya: Linga, Mukama Yahwe alalanganizya mulilo kulamula. Nagwe gulomesya munone, kutikila hansi ye bhusi ne kukobha kuisikizya nsi kandi. ⁵Nahe ndayomba, ''Mukama Yahwe, leka nekukwiyandila Yakobo akwikala tyali? Oko awe ne mudo munone.'' ⁶Yahwe alaleka kugola ne kwisangizya no gwane, ''Ogwane gutalakigera kandi,'' Ayomba Mukama Yahwe.⁷Ngo mwo omwo Yahwe alanollekezya: Linga, Mukama imilile hihi ne nkande, sihamwi ne bhuzi bhwe timizi mukubhoko kwamwe. ⁸Yahwe alamubwila, ''Amosi, wekubhonasi?'' Ndayomba, ''Bhuzi bhwe timazi.'' Nge Mukama alayomba, ''Linga, ndakadura bhuzi bhwe timazi mubhamwi bhe bhantu hane Israeli. Ntalakabhabhihya kandi.⁹Hantu he ruguru hemwa Isaka halakasiswa, hatakatifu he mwa Israeli alakasiswe, ne ndakabhuka ruguru ye numba ye mwa Yeroboamu harupanga.''¹⁰Nge Amazia, oilya mugabhilizya we Betheli, alafila mpora hali Yeroboamu, mwami we Israeli: ''Amosi agemile bhutolani bwe kwobhe hakati ye numba ye Israeli. Nsi itenkaduzya kubhusya magamba gona aga. ¹¹Oko nge nomwo ekuyombera Amosi, ''Yeroboamu akufya harupanga, ne nhana Israeli ilakazya mubhuzyana kupuna munsi yame.'''¹²Amazia alamubwila Amosi, ''Mubhoni, nuzye, iluka uisubhile nsi ye Yuda, nahone ulye mukate ne kuhamia. ¹³Nahe utakahamila kandi ana mu Betheli, oko ne hatakatifu he mwami ne numba ye syami.''¹⁴Ahone Amosi alamubwila Aazia, ''One ntali muhani nolo mwana we muhami. Wone ndi mudimi we mitungo ne mubhisi we mikuyu. ¹⁵Nahe Yahwe alansola kudima mitungo, ne kumbwila; nuzye, kufumbula kubhantu bhane Israeli.'¹⁶Otine degeleka igambo lye mwa Yahwe. Obhe oyo wekuyomba utakafumbura kubha Israeli, ne utakayomba kunumba ye mwa Isaka. ¹⁷Nge notine omwo nge ekuyombera, 'Yahwe mukazi wako alakabha musihami mulikaga, bhana bhako bhagosya ne bhakima bhalakagwa harupanga, nsi yako ilakagelekwa ne kugahulwa, ulakafyila munsi ye makwe ne Israeli ne syenkana ilakazya mubhuzyana kupuna munsi yamwe.''

¹Esya nge syo omwo Mukama Yahwe anolekezya. Linga, sikapu sye visumo vitungo lye kuhisya! ²Alayomba, ''Wekubhona si, Amosi?'' Ndayomba, ''Sikapu sye visumo vye mwitungo lye kuhisya.'' Nga ahone Yahwe alabwila, ''Mpero yahika kubha bhane Israeli; ntakubha negezya kandi. ³Nimb zye mwisalililo zilabhe naku. Kulusiku olyone - oti ngo mwo ekuyombera Mukama Yahwe. Mitumbi ilakabha ninki, mbahizyona bhala kazitaga mubhuselesele!''⁴Mugudegeleke ogwa imwe abho mukubhakandagulanga bhabhabhi ne kumupunhyaho oyo atalinasyo we nsi. ⁵Bhakuyomba, ''Mwitungo kwezi kuhyahya aho kulamalile, ngo mwo twenkaduzya kuguzya visundulwa kandi? Mwitungo lusiku lwe Sabhato aho lulakamara, oti tuziguzye ngano? Tulageme ngelekelo ndone nekwongezya bei, tulakabha tukubheha haminzani zye bhubhehi. ⁶Ngoti ngo mwo omwo twenkaduzya kuguzya ngano mbi kugula ayo atalinasyo kuhela,ne muhabhi hasyambalwa simwi sye bhubhohwe sye kubadhi.''⁷Yahwe alahile hikuzyo lye mwa Yakobo, ''Sye nkanane ntalakaduzya kulabhila milimo zya bho nolo kumwi.'' ⁸Angu nsi italakazuguma kwo gwa, ne umwi umwi oyo aliho muhanga kulilila nkungwe? Yonane eyone ilakabhuka kati mwigagwe Naili, nagwe kulakagalala ruguru ne kudoha kandi, kati mwiga gwe Misri.⁹''Lulakizya lusiku olwo - obhwa nge bhuyo mbi bhwe Mukama Yahwe - oti ndakaligema izyobha litikile mwitungo lye mwizyobha, ne ndakatula lizima mubhusi mwitungo lye mwizyobha. ¹⁰Ndakazipilula siku nkuru zinu kubha nkungwe ne nyimbo zinu zyona kubha kuyebhara, ndakabhagema bhona kwambala myenda zye magunila ne bhuharure ruguru ye mitwe zyona. Ndakagema agane kubha kati nkungwe, kumwana nakamwi, ne lusiku lwe manegelo hampelo yahe.¹¹Linga, nsiku zye kwizya - ayomba Mukama Yahwe - mwitungo aho ndakaleta bhutamo munsi, bhutali bhutamo bhwe mukate,nolo nota ye minzi, nahe kuleka kwinvwa muhayo gwe mwa Yahwe. ¹²Bhakazya eno neno kupuna nyanza ne nyanza bhalakiluka kupuna sukuma kuzya siloka kuli kobha igambo lye mwa Yahwe, nahe bhatalakalipandika.¹³Mulusiku aolwone bhanike bhasoga ne bhasumba bhalakafya kavimba kado mukubha ne bhutamo. ¹⁴Abhalya bhakulahilanga kumabhi ge Samaria bhalakangwa ne bhatalakabhuka kandi.''

¹Ndamubhona Mukama imilile hihi ne magabhilizyo nge alayomba, ''Zihule mitwe zye makwatililo kuhisya oti nsinzi zitingine. Gavunagule makatika katika ruguru ye mitwe yavyo vyona, none nkumwita harupanga lwe hampero yabho. Ataliho nolo yumwi wabho oyo alakiluka, ataliho nolo umwi wabho oyo alakilula. Nolokabha bhaka simba Musheori, kuliko kubhoko kwane kulakabha solamwo. ²Nolo bhalakabha bhakagegela kuzya mwirunde, ne yone ndakabhatigizya hanzi.³Nolo bhalakabha bhakibhisa ruguru ye Kaemeli, ndakabha kobhelezya eyone ne kubhaleta. Nolo bhalakabha bhakibhisa mukati ye nyanza ntakabha bhona, ndakalilagila izoka, ne lilakabhagoda. ⁴Nolo bhakabha bhakazya mubhuzyana bbhalakavigwa ne bhikuvi bhabho bhhutonzi yabho, ndakafilayo rupanga enyone, ne lulakabhita ndakalinga minso ganeyo ruguru yabho habhu bhine hatari habhusoga.''⁵Mukama Mungu we madale ngo yo akuikumingaga nsi ne ilabha; bhonane abho bhakwikalangamo bhalakalila nkungwe; gona galaka bhuka kati mwiga, ne kandi ilakalobhela kandi kati mwiga gwe Misri. ⁶Ngo oyo akuzyombekanga nsiku zyahe mwirunde, nekutandika kuba yahe ruguru yebhusi. Awe akugalanganga minzi ge munyanza ne kugasesa ruguru ye bhusyo bhwe bhusi, Yahwe nge izina lyamwe.⁷''Angu imwe mutarite bhantu bhe Kushi kwone, bhana bhe Israeli? -Ngo mwo Yahwe ekuyombera. Angu ntalabha gegezya Israeli kupuna munsi ye Misri. Bhafilisti kunvwa Krete, ne Bhashami kupuna Kiri? ⁸Linga, minso ge Mukama Yahwe gali ruguru ye bhwami bhwe mabhi, ne ndakabhubhihya kupuna kubhusyo bhwe bhusi, nahe itali oti ntalakaisisa munone numba ye mwa Yakobo -nge nomwo omwo Yahwe ekuyombera.⁹Linga, ndakalagizya ne kandi ndakelula, numba ye Israeli mwabhone mahanga gona, kati tyo mwo muntu akwerulaga ngano luhe, nge notine -lelo kando. Kataliho hakenuka kibhale ako kalakagwa hansi. ¹⁰Bhalakagema mabhi bhona mubhantu bhane bhalakafya harupanga, nolo abho bhakuyombaga, 'Mabhimabhi gatalakatupandika nolo kusanzya nifye.'¹¹Kulusiku olwone ndakalibhusya ihema le mwa Daudielyo lyali lyagwile ne kugabhoha matabhazi gahe. Ndakagabhusya mabhu kambuke gahene kuyombeka kandi kati munsiku zye kale, ¹²oti bhasole masalo, ge masagilwa ge mwa Edomu, ne mahanga gona ago galalanyilwe kwizina lyane - oti ngomwo Yahwe ekuyombera akugemaga aga.¹³Linga, nsiku zyekwiza ati ngomwo Yahwe ekuyombeea - mwitungo mulimi akamuhita musunduzi ne oyo akukandaglanga zabibu alakamuhit oyo akuhambaga mbuto. Ngru ilakagwisya divai nseme ne nguru zyona zilakaviwusya kweyo na yene.¹⁴Ndakabha subya kupuna mubhuzyana bhantu bhane Israeli. Bhalakombeka matongo ge makaya ne kwikala omwone, bhalaka hamba bhustanizye mizabibu ne kunwa divai, ne bhalakagema bhutani ne kulya visumo vyabho. ¹⁵Ndakaihamba kuhisya munsi yabho, ne bhatalakahelezya, ''Ayomba Yahwe Mungu wao.

¹Mibonwa ye mwa Obadia. Mkama MUNGU ekuyomba ne Edomu Twivwa mihayo kuvwa he Mkama Atumwa ha makaya kuyomba, 'Mubuke! Busozi bwa hika!'' ²Linga, ukubabezya nadoo ha mahanga, babagailizye.³Siburi syako sye mwizo gwako sya kubeha, ne kuba we kwikala hama kaburi masibiro ha numba yako ya higulya; wayomba ha mwizo gwako, 'Nende akutikizya one hansi?' ⁴Nolo kuba wemilile higulya kati tai nolo kana syali syako sili ha nsonda mkukutikizya mpaka hansi, ayomba Yahweh.⁵Nolo bivi biza hobe ne basolezi biza bwile ube wa tagwa hale!) Watabe biba binki olo, ube we kybhilinga zabibu oo babebiza bakuleka mavuno? ⁶Esau amazile kuhulwa ne hazina zyamwe zya Akibo zyebubiswe zya fwalwe helu!⁷Watu pako abo mulisihamwi bakukufila ha zila ne halukumba ne watu abo bali ne mpola bakubeha ne kwikala bakulya mukate yinu batula mtengo hansi, ne kuba ataliho oyo ekumanya. ⁸Ntaledula kubihaga be masala Edomu ne kumanya kuvwa ha mgara gwe Esau? ⁹Mashujaa (pye bakukamala Temani), oko kila mntu akwihegwa kuvwa ha ingwagwe mwa Esau bakufa.¹⁰Haguno ya bukatili obwo mulibezya ha mdungu minu Yakobo, mukugumbikwa ne nsoni, nobe ukutagwa, nilele nsukupye. ¹¹Ulyene lusiku wali wimilike aho bageni basolanga (sabo) nabo bageni balhula kura Yerusalemu, nobe wali nabo sihamwi.¹²Utakasima kubona mdugu wako ali halufu, wala utakasima kubona bantu be mwa Yuda bali na manabii utakasima ha sinku zye lwagalalo lwabo. ¹³Utakingira ha mzingo gwabo ha lufu lwabo utakasima halwagalalo lwaho nahe utakabula ne butafiri bwabo, lusiku lwe twagalalo. ¹⁴Utakimilila h zila maka kubakema bilusi (wakimbizi) ne be babihe utakabapunya lusimu lwe lwgalala (dhiki).¹⁵Lisiku lwe mkama lwaba hihi ne makaya ye akubezya katyomwo alabezya habandi, sitwa syako sikuna ha netwe gwako. Mwinekili. ¹⁶Oko mulanwa ha mgala gwane mtakatifu pye makaya gakunwa. ne kumile nekuba bakuba katyoti batawagaho.¹⁷Ha mugara gwe Sayuni balabeho be kuzumya wakuba batakatifu ne kuisola numba ye mwa Yakobo ne kumiliki miliki zyabo. ¹⁸Numba ye mwa Yakobo ikuba mulilo ne numba ye mwa Yusufu ikuba lumori ne numba ye mwa Esau ikuba (myagi) miyomu. Nabe bakubosya ne kubaziga hakubao tabu ha numba ye Esau oko Mkama ayomba.¹⁹Pye bekuvwa Negebu balasola mgala gwe mwa Esau nabo be mwa sepele bakusola insi ye Bafilisti. Nabe bakusola insi ye Efraimu ne insi ye Samaria; ne Benjamini akuisola Gileadi.²⁰Basami bi jeshi (basilikale) be Israeli bakusola insi ye Kanaani ne Sereta. Basami be Yerusalemu, ne Sefaradi, bakusola insi ye Negebu. ²¹wasizya (waokoaji) bakuzya ha mgala gwe Sayuni kuisola insi ye migala ye mwa Esau, ne mtemi bukuba bwe mwa Mkama (yaani) Bwana.

¹Nge igambo lye Mukama lilamuhikila Yona mwana we mwa Amittai, kuyomba, ²''Imilila uzye Ninawi, mukaya nkulu, neuhamuke ilaka kwa bhe, oko bhukenaguzi bhwa bho bhwa bhukile bhutonzi yane.'' ³Nahe Yona alapuna kwiluka kupuna bhutonzi bhwe Mukama nekuzya Tarshishi. Alatikila kuhika Yafa alabhona melikebu eyo yazyanga Tarshishi. Nge alaliila nauli nekugegera melikebu kuzya nao Tarshishi, hale ne kubha kugaho kwemwa Yahweh.⁴Nahe Mukama alafila muyaga mukuru ruguru ye nyanza, ilabha muyaga mukuru munyanza. Aha lyane kwegelela kubha kati oto meliyabhaga kati yekwenda kutanduka. ⁵Abhalya bhendesya meli bhalobhaha munone ne tyo yo ona amulililanga Mungu wamwe mwene kili bhalataga iligo munyanza eyo yali mu melikebu, oti kuibholola. Yona aliatikile kuhisya hampero ye mukati ye melikebu, nawe ali atindile tulo.⁶Aho nene oya mwendesya meli alazya hadi Yona alamibhwira, ''Kusi wagonile?Halamuka! Uzye umusabhe mungu wako! Hamwi mungu wako enkatumanhya ne tutakubhula.'' ⁷Bhona bhali tembusya, 'Tuhure kura, oti tumanhye nende oyo wekuletelezya mabhi aga gekutubhaho, ahona bhalahura kura, ne kura ilagwira hali Yona.⁸Ha bhele ao bhalamubhwira Yona, ''Hani utubhwirw nende oyo aletelezya mabhi aga gekutupandika ukutumamanga milimo si, n wa[unile hi? Nsi yako ne ye hi, nekupuna kubhantu bhe rugandazi?'' ⁹Yona alabha bhwira, one ndi Muhebrania' none namwo bhehe Mukama, Mungu we mwirunde, oyo alaibhezizye nyanza ne nsi nomu. ¹⁰Nge bhantu abhone bhalobhaha munone, bhalamubhwira Yona, ne muhayo si ogwane wagubhezizye? Oko abhone hantu bhalamanhya oti aliakwiluka hutonzi ye Mukama, oko ali abha bhunzile.¹¹Ngaho bhalamubhwira Yona, Tukugemelesi kuhisya oti nyanza iduzye kulembera? Oko nyanza yali yabhihile muno ne muno. ¹²Yona alabha bhwira, ''Mukwate ne muntagile munyanza nge nyanza ikulemmbera himwe, oko nekunhya oti ne kwone oti muyaga ogwane mukuru gwabha pandike.'' ¹³Nahese, bhantu abhone bhalakwesa mabhugilo hakwiyomba oti kusubha hansui nomu, nahe bhataladuzya kugema otine oko nyanza yabhanga ya bhihile munone kwabhe.¹⁴Ngaho bhamusabha Mukama, bhalayomba twekukusabha Mukama, twekukusabha, utakaleka tuvulale kubhu hanga kw muntu oya, nolo utakutulila kubha ne kabhi mukufya kwamwe, oko bhe Mukama, wagemile kati omwo ulasimila. ¹⁵Nge bhalamusola Yona bhalamutagila munyanza, ne nyanza uoya kubhiha. ¹⁶Nge bhantu abhalyane bhalamwobhaha Mukama munone bhalamupunizya sitambo Mukama ne kutula mulahi.¹⁷Mukama abhanga aituzile nsamaki nkuru ye kumumila Yona, ne Yona alabhamo mukati ye nda ye nsamakinsiku isau ne bhwire bhusatu.

¹Halabhaho Yona alamusabha Mukama Mungu wamwe kupuna munda ye nsamaki. ²Alayomba, 'Namulanga Mukama habhwagalalebhwane nawe alansubhizya; kupuna munda ye kuzimu ndalila mukukobha!Ulalyonvwa ialaka lyane.³Wabhanga wantagile mukati halele, mukati ye mwizo gwe nyanza, neminzi gari ngapilime; magonzi gako gona ne bhwokale bhwe minzi galahita ruguru lwane. ⁴Ndayomba, ''Nabhingilwe bhutonzi ye minso gako; nahe nkuhalinga kandi ruguru isalililo lyako itakatifu.'⁵⁶Minzi galanfyundikila nkunpilima hii ne nkingo yane; bhulele bhulampilima; mwani gulagubhohela mutwe gwane. Ndazya hansi ye ngurl; ni ge bhusumwe bhwahe bhwabhohilwe ruguru yane miak yona. Nahe obhe wabhubhusya bhuhanga bhwane mulina, Mukama, Mungu wane!⁷Aho bhuhanga bhwane bhula bha bhwafya kavimba kado mukati yane, ndamulanga Mukama; otine sala yane ilkuhikila, mwisalililo lyako itakatifu. ⁸Bhona abho bhakukwatililanga sitari Mungu esyo sitari isoga bhakukemanga abhutungilizya bhwako abhene bhenekili.⁹Nahe oe nkukubhagila hilaka lye kusima; kugahikilizya agalya ndilahila. bhasisibhwa bhukupunanga ha Mukama! ¹⁰Halabha aho Mukama alayomba ne nsamaki alamuluka Yona ruguru ye nsi nomu.

¹Igambo lye Mukama lilahika hali Yona rukandagolwe kabhili, alayomba, ²''Punaho, uzye Ninawi, mulikaya elilya ikuru ne ulomele mpora ezyo nkukulagira.'' ³Aho ne Yona alapuna alazya Ninawi mukukuzya igambo lye Mukama. Naye Ninawi lyali likaya ikuru muno, lwali rugendo lwe nsiku isatu.⁴Yona alatandika kwingira mukati ye likaya, hanuma ye rugendo ye rusiku, alahamuka ilaka alayomba, ''Hansiku makumi ane Ninawi ikuvula zibhwa.'' ⁵Bhantu bhe Ninawi bhalamuzumya Mungu ne bhalakumusya kudira bhutamo bhinane bhalambara myenda zye magunira, kubhukila hamukuru kuhisya hamudo.⁶Simililene mpora zilamupandika Mwami we Ninawi. Alimilila nekunvwaho hite lyamwe lye Bhwami, alambura syambalwa syamwe, aliyambika magunila alikalisya mumavu. ⁷Alapunhya mukukumusya ogwo gwekuyomba, ''Mulikaya lye Ninawi, alapunhya luhamo lwe bhukuru bhwe Mwami be bhakuru bhahe, mutakazumilizya muntu nolo ndimu, ngombe nolo idare, atakabhozya situ tye syosyona abhe bhatakalya nolo kunwa minzi.⁸Nahe bhantu ne ndimu bhabhe bhafundikilwe hamagunila ne bhalile hilaka ikuruu hali Mungu. Ne muntu iyo yo wona apiruke nekuleka nzila zyamwe mbi ne kupuna mubhubhi obhwo bhuli mumabhoko gamwe. ⁹Nende ekumanhya? Mungu ekuduzya kusubyane kupilula miganiko gamwe ne kuleka bhusaye bhwamwe bhulambe oti tutiza kuvulala.''¹⁰Mungu alabhona ago bhabhanga bhagabhezizye bhalazileka nzila zyabho mbi. Ahone Mungu alapilula miganiko gamwe habhusaye obhwo abhanga abhabhwilile oti enkabhagemere, nawe atalagema eyone.

¹Nahe ogwane gulamusyahazya Yona nawe alalamba. ²Ahone Yona alamusabha Mukama, ''Obhe, Mukama, aga gatali ago ndayomba mwitungo aho nkusubha munsi yane? Nge nahe ndagema bhwabgu bhwabgu nekukugema kwirukila Tarshishi-oko ndamanhya oti obhe uli Mungu we bhwira mukubhela bhwira, utari mwangu we kusaya, mwinki we mwizo musoga, ne kuleka kubhezya mabhi. ³Otine lelo, Mukama, nekukusabha, ubhupunhyeho bhuhanga bhwane oko nahasiri kwona kufya kuleka kubha muhanya.''⁴Mukama alayomba, Angu, nekusoga wasaya?'' ⁵Ahone Yona alazya mulikaya alikalisya lubhahi lwe bhutuluka, bhwelikaya eyone alagema bhwikalo nge alikalisya hansi yahe hamuka oti aduzye kubhona likaya likubha tyani.⁶Mukama Mungu alabhezya mumero ne kugukuzya ruguru ye mwa Yona oti gubhe mutaka ruguru ye mutwe gwamwe kudohya bhwagalale bhwamwe. ⁷Yonaabha ne bhwiharare bhukuru kwogone mumero. Nahe Mungu alaletaho isina aha bhwasya mulabho eyo indi. Alagulya mumero ne mumero gurahundagala.⁸Aha habha mwizyobha lilabha lyapuna mulabho, Mungu alaleta muyaga mulambe kupuna bhutuluka kandi, izyobha lilisya mutwe gwe mwa Yona ne alagwa. Ahone Yona alikubhwa kufya. Alibhwira, ''Nehasiri kwonw kufya kuleka kubha muhanga.'' ⁹Halabha aho Mungu alamubhwira Yona, ''Angu, ne kusoga obhe kubha ne bhusaye kwogwane mumero?'' Yona alayomba, nekusoga oti nagaile nolo kufya.¹⁰Mkama alayomba, ''Wagubhela bhwira mumero, ogwo utaragugemera mulimo nolo kukula mukumera habhwire ne kufya habhwire. ¹¹Otine wone itari kusoga kugubhela bhwira Ninawi, kaya nkuru, eyo hali ne bhantu bhekukila igana ne makumi abhili vihumbi abho bhatekumanhya kugabhanhya hakonbholo kwe kulila ne kubhoko kwabho kwe kumanso ne kandi ng'ombe ninki?

¹Elya ni gambo lyemwa Yahwe elyo liliza hali Mika Mmorashti munsiku zyemwa Yotahamu, Ahazi, ne Hezekia, bhatemi bhe Yuda, elyo igambo alalibhona kwikola ne Samaria ne Yerusalemu.²Mdegeleke imwe bhantu bhona, mdegeleke, bhwelelo nevyo vyana vili mubweleleo. Mleke Yahwe bhamubhene hakati yinu, Mkama kufuma mwi salililo lyamwe lyera. ³Mulole, Yahwe ekwiza kufuma hantu hamwe akutikila hanzi ne kuhakandagila hantu he lugulu mubwelelo. ⁴Ngulu zikubhombotoka hansi yamwe, mahala gakutanduka vihigovihingo kati mshumaa butozi ye mulilo, kati minzi ago gasesekela hansi ye mutulu menkomulabhe.⁵Aga gone ne kunguno ye bwizuguluke bwemwa Yakobo, neye kubha nguno ye mabhi ge numba ye Israeli. Yalinguno si habwizuguluzya bhwe mwa Yakobo? Nghaho yabhanga Samaria? Nguno yalisi hahantu he lugulu he Yuda? Hamwi yali Yerusalemu?⁶''Kugema Samaria irundo lye bhubhihya bhwe ilale, kati hantu he kuhabila mzabibu. Mkugakwesa mabhale numba yamwe kuzya mwiholo nkuifundukila milibhanga yamwe. ⁷Litunga zyamwe zye kupunza zikubudwa vihigo vihingo ne bhusagazi bhwonane bhwahe zilako sibhwa mlilo, hakubha bhusagalizi zye bhusihani zyona azisubhizye, neyekubha malihwa ge bhusi hanigakasubha.''⁸Nkunguno eyane nkilila ne naku, nkuzya gelegele ne bhuvule; kulila nkungwe kati bhweha ne kulila nkugwe kati ihuna. ⁹Hakubha ilonda lyamwe litaliho ne hakubha ahikile hali Yuda. Lyambakikile bhantu bhamwe kuhika Yerusaemu. ¹⁰Mtakiza kuleka kubhabhila yekubha ne Gathi; mtakalila kandi. Aho Bethi Leafra nekuhilingisha mwenekili muruhubhu.¹¹Mhite hihi ne bhuzengi bwemwa Shafiri, ne kubha mbhuvule ne nsoni. Mbhuzenzi bhumwa Zaanani bhulala kapina heru. Bkugwe zyemwa Beth Ezeli, kunguno ye bhuchunzi gesozilwe. ¹²Hakubha bhazenzi bhe Marothi bhalindilile mihayo misoga, hakubha bhupina, hakubha lufu lwapunia hali Yahwe ne kuzya ha myangozye Yerusalemu.¹³Mumbabhone rijamu farasi mbhawese voliye farasi, mbhwikalo bhwema lakishi, ombe lahishi wali bhwandizyo bhwe mabhi hali manikewe Sayuni, haubha bhubhihya bhwe Israeli galigela hawambho. ¹⁴Ngaho ukulila perehelewa ye kwingila moreshethi Gathi; kaya yemwa Akzibu ukunogolesya minso bai bhe Israeli.¹⁵Kandi kulita bhukindi bwako, sikalo syemwa Moresha; bhusoga bhwe Isaeli bhulizye Adulamu. ¹⁶Kemba sipara syalone kemba musasi zyako kunguno ye bhana ambho wakubhasimisyangambhezya sipira syako kati Tai, nkunguno ye bhana bhako abhombhalazye mubwiru kufuma wako.

¹Nguli habhe abho bhekwenda kubhezya (kwivukila) kumbhezya mabhi, habho mbhekwivuhila havitanda vyambho kubhezya mabhi. Aho mulabho bhekugema kunguno bhali ne managa. ²Bhelewi kubwa nalele ne kugahugula bhekwikubwa numba ne kuzisola, bhekunga muntu ne numba yamwe, muntu ne isalo lyamwe.³Ngoti Yahwe ayomba oti, ''Linga, negelela kuleta mihayo hakati ye luganda elyo mtalakazi haho kingo zinu. Mtalakatumbagila ne myanda hakubha ilakabha itungo lye mabhi. ⁴Munsiku ezyone bhabhilya bhako bhalakimba lwimbo kwilola obhe, ne naku kunaku,zye bhupina bhalakimba, ifwe Waisraeli twekulumizibwa haa; Yahwe akupinishanga hantu he bhantu bhamwe, mulakalipunia tyaniho kufuma halione? Akubhagambulila malale giru kutukema.''' ⁵Hotine emwe bhantu bhasabhi mutalakabha bhuzyalwa kugabhula shintu ha kuhula kura hali sikalo syemwa Yahwe.⁶''Mtakibhatila, ''Bhalayomba. ''Bhatalakibhatila aga magambo, kulalamika kutalakiza.'' ⁷Nahe lilakayomba hana, numba yemwa Yakobo,''Nahe Mwiso gemwa Yahwe? Nahe aga ne mabhezibwa hana?'' Magabo gane gatekwikola hali kila muntu oyo ekutu mbagila habhugororohe? ⁸Oti tyaha bhantu bhane bhabhukile kati adui. Mwalyabhwile ijoho, myenda, kufuma habha bhe kulita abho bhatekutegwa, kati bhasilikale kufuma havita hesyo bhekwiganikila ne sihanga.⁹Mwekubhandesya bhakima bhane habhantu bhane kufuma munumba nsoga, mwekusora lumbango kufuma habhana bhabho bhando sikuzyona. ¹⁰Mubhuke ne muzye, hakubha eya etali sikato isyo mwenkadula kwikalisya kunguno ye busisi kwamwe, yasisilwe hamasisikwa munone. ¹¹Olo muntu aliza hawinu hanguno ye mwizo gwe bhubhali ne kubheha ne kuyomba, ''Kurotela wenu nguno ye vinwebwa ne sikolwa silambe, ''Enkaduzizye kwiganika kubha muhami (mubhusi) kunguno yabha bhantu.¹²Ndakabhaleta sihamwi bhona hanahana, Yakobo. Hanane kugasozya makombo (masasibhwa) ge Israeli. Kubhaleta sihamwine ntamamusibhigili; kati sikundi sye ndimu mumadimilo. Halaka bha ne kwiyasa kunguno ye bwingi bwe bhantu. ¹³Muntu oyo ekuvuna akwigulanga nzila zyabho kunguno yabho bhutozi yabho. Bhabomwele kuhitila mlyango nekufuna helu; mwami wabho alakahita bhutozi yabho. Yahwe alakabha butozi yabho.

¹Nayomba, ''Tyaha mudyageleje, imwe bhakulu bhemwa Yakobo ne kwamuha numba ye Isreali: Ne italikusoga hawima kuimamia hana? ²Imwemwekukema masoga mwasima mabhi, imwe abho mwe kumbambula ndili zyabho, mibhili yabho kufuma mumagufwa gabho- ³imwe abho mwe kulya mibhili ye bhantu bhane, ne kubhabula ndili zyabho, kumwa magufwa gabho ne kubhambangula nilingo vihingo, kati namba munungu, kati namayemwi sufuria odazi.⁴Ngaho imwe bhaniha mulakalila ne Yahwe, notine atalakambhasubya. Alaha bhubhisa bhusyo bwamwe kufuma winu ikaza elyone, kunguno wagema magambo mabhi mahemwa.''⁵Yahwe akuyomba oti kunguno yebhahami ebho abhobhekbhagema bhantu bhane kuhindura, ''Habho bhe kubhalisya, bhekuyobagila, halakabhaho bhutula, ⁶notine habho bhaketukula sintu mumilomo zyabho, bhakulamula kuhazya bhubhihatari yamwe. notine ilakabha bwira kuwinu obwo hutalakuma ne ihane lugulu yinu; ⁷Waonaji watawekwa kwenye aibu, waaguzi wa watachangayikiwa. Wote watafunga midomo yao, kwa kuwa hakuna jibu kutoka kwangu.''⁸Lakini kwangu,nimejaza nguzu kutoka kwa Roho wa Yahwe, na imejaa haki na uweza,kumwambia Ykaobo kosa lake, na Israeli dhambi yake.⁹Sasasikieni hii, ninyi viongozi wa nyumba ya Yakobo,na warawala wa nyumba ya Israeli,ninyi ambao mnaochukia haki, na kupotosha kila haki. ¹⁰Mnaijenga Sayuni kwa damu na Yerusalemu kwa uovu. ¹¹Viongozi wetu hukumukwa rushwa, makuhani wenu hufundisha kwa hijara, na manabii wenu hufanya utabiri kwa ajili ya pesa. hata hivyo bado mtategemea Yahwe na kusema, '''Je hayupo Yahwe pamoja nasi? hakuna uovu utakaokuja juu yetu.''¹²Kwa hiyo, kwasababu yenu, Sayuni italimwa kama shamba,Yerusalemu itakuwa rundo la kifusi, na mwinuko wa hekalu utakuwa kama mwinuko wa msituni.

¹Aho munsiku zye nsesero ilakiza kinkola ye kubha lugulu we numba yemwa Yahwe halatulwe imane lugulu ye lugulu lundi. Ukubhusibwa lugulu ye lugulu, ne bhantu bhalalinganizya.²Vyalovingi vilakazya ne kuyomba, ''Mwize tuzye lugul mulugulu lwemwa Yahwe, munumba ya mwa Mungu wemwa Yakobo. Akubhalagisya nzila zya mwe, ne kutumbagila munzila zyamwe. akubha kufuma Sayuni ihamo lilapuna nigambo lyemwa Yahwe kufuma Yerusalemu. ³Akubhakanilizya hakati yinu nu bhantu ne kulamula kwikala ne vyalo vingi vye ale. Bhakwombaha mpango gabho kubha blaune masumu ghabho kubha ihoro ye kupungilo. Syalo sitalakabhusya ipanga kunguno ye syalo. Hoko kwaniha kwe ndasano kandi.⁴Ne habhu yahe, bhalikalisye bhuli muntu hanzi ye mizabibu gwamwe, naansi ye mti gwamwe. Ataliho bhantu ayoalabhabhezye bhohale, hakubha mulomo gwemwa Yahwe ne majeshi gwayo bhile. ⁵Hakubha bhantu bhana bhalakazya bhuli muntu kwizina lye mngu wamwe. Halioti ifwe tulakazya mwizina iyemwa Yahwe Mungu witu bhuna myaka na myaka.⁶''Munsiku oyene, ''Alyombe Yahwe, ''Nkumusozye oyo ekwavila ne kumusozya oyo abhingilwe, abhone nabhagalazizye. ⁷Kumulagisya oyo ekwavula kumusubya mu masazibwa auo ekutagwa mu syalo sigume, none, Yahwe, kubhanuha lugulu yabho hakati ye lugulu Sayuni, tyaha ne sikuzyone. ⁸Kabha haliyo, mnara gwe nsa kunguno yesikundi, lugulu lwemwanike we Sayuni-lulakiza winu, kwamiha kwinu kwekale mulasubhizikwe, bwami obwo bhekwi kali kizibwa ne mwanike we Yerusalemu.⁹Hasi mwekwiyasa mu silaka sidazi? Nw kubha ataliho mwami hakati yenu? Hamwi mgunani wako afwile? Hasi bulugu bhwakukwasile kati oyo mkima akubha ekuzyala? ¹⁰Hakubha bulugu bwekuzyala oti uzyale, mwanike we Sayuni, katyaho mkima we bhusungu. Hotine ukupuna hehe ye kaya, wikalisye mwilale, ne kuzya Babeli. eyone ukusungulwa. Eyone Yahwe akukusungula kufuma mumabhako ge bhabhi bhako.¹¹Otine vyalo vingi vikwisubya hawako; bhakuyomba; 'Atutiwe bhubhi, minso ginu galinge Sayuni.''' ¹²Bhategamamia, ''Miganiko gemwa Yahwe, mkubha bhategumania migelegezyo zyamwe, hakubha abhasozizye kati migamba ye kuhlila hasebule.''¹³Yahwe ayombaga, ''Wimilile ne uhule mwanike we Sayuni, hakubha kuimbezya chembe lyako kubha syuma, nekuzimbhezya mbukandizyo bwano kubha shaba, ukabhalonda bhantu bhingi. Nkutula ikuzyo bhubhilya bwabho bhenekili, Yahwe, butuzya bwabho hene, Mkama ne bwenelo bwona.''

¹Otine mwize sihamwi hazebhuule ye kusolela, mkima webhasilikale; bhasilikale bhagupilimile kaya, halugito bhakumuhulamafumbuzi we Israeli he tama.²Obhene Bethelehemu Efrata, lolo ukabha ne mdone hakati ye lugendo lwemwa Yuda, kufuma hawako umwi akwiza wane kwamiha Israeli, oyo bhwandi zyo bwamwe ne kufumilila ikanza lye kale, kufuma myaka. ³Ne kubha Mungu akubhaha - ne ikanza lye halyane oyo alinebhusungu bwe kuzyala mwana, ne masazyo ge bhadugu bhamwe gakubhasubhila bhana bhe Israeli.⁴Akwimilila ne kudima ikundi lyamwe ha managa ge mwa Yahwe, kubhukulu bwenkazo lye izina lyemwa Yahwe Mungu wamwe. Bhakuwikala, nehakulala bhakubha bhatugilizya kuseroye bwerelo. ⁵Alakabha buteka bwitu, aho Waashuru bhalakiza musyalo situ, aho bhakutumbagila mulisuka zitu, ngahone tulakabhuko lugulu yabho bhadimi musamru bhahindu bhane lugulu ye bhantu.⁶Bhaladime kaya ye Ashuru hakupanga, nekaya ye Nimrodi humilyango zyamwe, akutusungula kupuna mubha Waashuru, bhalakabha bhiza mukaya yitu, bhalakabhingila muvumba zitu. ⁷Masazibwa gemwa Yakobo galakabha mu ngando zye bhantu bhingi, kati lume lwekupuna hali Yahwe, kati kanangala mumatutu, ago gatekumulindilila - muntu, ne kubha gatakabha lindilila bhana bhemwanadamu.⁸Masazibwa ge mwa Yakobo galakabha hagatagati ye vyalo, hagatigati ye bhantu bhingi, kati nganza hakati ye ntama. Ikanza alakahita hakati yabho alakabha kandagila luglu yabho nekubhatandagula kubha vilingo, ne italakabhaho muntu wekubhasungula. ⁹Kubhako kwaho kulaka bhusibwa hkati ye bhikubhi bhako, ne kubhabhihya.¹⁰''Ilakihela lusiku olyo, ''Ayomba Yahwe, ''Oti kubhabhihya ndogobhe kupuna hakatikati yinu ne kugavunagula magari gako ge ndogobhe. ¹¹Nkuibhihya kaya yako nensi (syalo)syako ne kuzigwisya nsiku zyako zyona.¹²Nkubhubhihya bhulozi kumabhako gako ne bhalaka bhaho bhalaguzi kandi. ¹³Nkuzi bhihya sanamu zyaho zyona zyemwi mago ne nkingi zye mabhale kufuma hakatikati yako utalakisenga kandi bhusoga bwe mabhoko gako. ¹⁴Nkuzidubula nsizni zyako zye Ashera kufuma hakatikati yinu nekubha kuibhihya kaya yinu. ¹⁵Nkulihilizya bhubhi ha bhugaye ne ndogamia lugulu ye vyalo evyo vitalakokwivwa.''

¹Otine mdegeleke esyo Yahwe ekuyomba, ''Bhuka ne utubwile igambo lyako bhutonzi ye lugulu; leka lugulu zibwe silaka syako. ²Mdegeleke magambo gemwa Yahwe, imwe ngulu, nimwe misingi miyomelezya ye bwelelo. Hakubha Yahwe ekwiyomelezya sihamwi ne bhantu bhamwe, ne akusola mwilamulilo lugulu ye israeli.''³Bhantu bhane, nagemile vinde hawinu? Nabhazobya kandago zinga? Mwiyolekezye hali one! ⁴Hakubha ndabhaleta kupuna nsi ye Misri ne kubhasungula kufuma mu numba ya bhazyan. Nekubhatuma Musa, Aruni, ne Mariamu wako. ⁵Bhantu bhane, mwivulule omwo Balaki mwami we Moabu omwo alegeha, no mwo Balamu mwana wemwa Beori alamusubhiza kati omwo abhanga akuzya kufuma hali Gilgali, otine mwekadula kumania misango zye bhusoga zyemwa Yahwe.''⁶Hamwi ndatesi hai Yahwe, olo kuzya kumwinamila Mungu oyo alilugulu? Nahe mwekadula kwiza hawamwe ne sadaka zye kuvulazibwa, sihamwi ne ndama ye mwaka kumwi? ⁷Ne hana Yahwe, akusimila kubha ne vihumbi ye ntama ngosya, au lolo sikumbie ikumi zye miga zye mafuta? Hamwi mupunie muzyalwa wane we bwandizyo kunguno ye bhubhihya bwane. Visumo vye mubhili gwane kunguno ye bhusisi bwane mwenekili? ⁸Akubwizile muntu, esyozilisisoga, nesyo Yahwe akwenda kufuma hahobhe, kugema busoga, kutogwa bhakalibhisya ne kutumbagila kubhunogoloke sihamwi ne Mungu wako.⁹Ilaka lye mwa Yahwe lyekutalaghazya mukaya lolo otine buholo bhuzumilizya izina lyako: ''Ikalizya hana kunguno ya mukayane hali oyo alaitula. ¹⁰Bhuliyo bhusabhi mu numba zye mabhihya, ne sigelekelo syebhubheli elyone sibhi hya munone.¹¹Nenkaduzizye humwiganikila muntu oti atali ne bhubhihya olo ekusitumainia ngero ye bhubehi, sihamwi ne sibhukizyo sya ngero bhubhehi? ¹²Bhasambhi bhohele bhubhihya bwikala bhwabho gayyobhila bhubhihi ne lulimi lwabho kumilomo yabho bhuhehya.¹³Natine nakuhuzile kusihulwa sye kukulumizya nakugemile ihame kunguno ye mabhi gako. ¹⁴Ukulya nahe utakwikuta; bhuvula bhako bhukwikalisya mgati yako.Ukumbiha miligo hale nahe uttakutula kwibhikizya kungulu; nesyowe kwimbikizya nkusihaho kulupanga. ¹⁵Ukuhamba nahe utakwimbula, ukuzisozya zaituni nahe utakwisiga mafuta; ukuzikondela zabibu nahe utalanywe mbusele.¹⁶Malagizyo agogalabhezibwa ne Omiri zyabhikilwe ne misango zyona zye numba yemwa Ahabu. Mwekutumbagila kubhuyombi bwabho. Ngaho ndakubhazye obhe, kaya, bane ne kwikala kwako igabho lyesoni, ne mulakabhusya soni kati bhntu bhane.''

¹Kalihalyone! Hane onene ne kati ikanza lye bhusuneluzi bhulamala, neti visazibwa vye bhusunduzi ge zabibu mwisyamba (ilale) lye lyemuzabibu: Sitaliho sisyamba lye visumo silakigela sitaliho matini ge malimbuko ago nekugikumbilizya. ²Bhantu bhatungilizya bhabhulila kufuma munsi, ataliho muntu mululunganibhwa kubhantu bhena. Bhona bhahubhehanga hakulindilila kusesa magazi (mininga); bhuli muntu akumuhiga mdugu wamwe mwenekili ku mitego.³Mabhoko gabho ne masoga muno hakugema bhubhihya. Bhamihi bhekubhuzya mpilya, muamuzi alikalisye mukukongwa, ne muntu we managa ekubhabwila bhandi esyo ekwenda kusipandika. Omwo ngomwone bhekubhezya sihamwi. ⁴Muntu msoga hawabho nakati mitemba, mtungilizya muno nekati izinga lye ligwa. Yahekile lusiku eyo ilayobwa numa ye mbhahanzi bhoko, lusiku lwe kukanilizibwa. Otine nikanza lye mabhi.⁵Mtakamumanila bhuli mzenganwa; mutaka mutula bhuli mupagasi kumunwaniye tyoyo wona, mubhe minso kwikola nesyo esyo mwekuyomba lolo kubha kima abho bhekubheha kumabhako ginu. ⁶Hakubha mwana akumbhukanga kusolanisya ne nina wamwe ne mkima we mwana we mgosi ya akusolanisya ne nina bhukwe wamwe. Mwikubhiwe bhantu ne muntu we numba yawamwe mwenekili.⁷Ngahaho kati ili halyane, kumulingilila Yahwe. Nkumulindilila Mungu musunguzi wane; Mungu wane akunivwa. ⁸Utahasima lugulu yane, mubhi ya (mwikubhi) wane olondagwa, akumbusyaga, aho ndakabha nikalisye mugiti ne Yahwe alakabha bhupe bwane.⁹Nkunguno nabhezizye mabhi hakati yemwa Yahwe, ndakasola bhubhihya bhwamwe lolo aho atakabhahama kunguno ye ibhi lyane, ne kubhagelegezya bhukanibwa kunguno yane. Alakandeta hepe ne kubha ndakamwilolela akuzizya kufuma mu bhubhezya mbwamwe.¹⁰Ngaho bhabhihya bhane bhalabhe bhakalibhona elyone, ne nsoni zilakamupandika oyo abwizile, ''Yahwe Mungu wako alihahe?'' Minso gane gakumulingilila; akukanalagilwa hansi kati malolo muzyalo.¹¹Lusiku lwe kuzenga nkande zyako zikuhika, lusiku olone, nvumba zilakegelezibhwa hale muno. ¹²Lusiku olwone bhantu bhalakiza hawaho kufuma Ashuru ne kaya mu Misri kufuma Misri lolo mwiga mdazi, kupuna nyanza kuzya munyanza ne kufuma mulugulu kuzya ulugulu. ¹³Ezyo nsi (ago mahanga) zilakabha zilekanizizye kunguno ye bhantu abho bhekwikala eyo otine, kunguno ye visumo vye misango zyabho.¹⁴Bhadime bhantu bhako ne mulanga gwako, sikundi sye isalo lyako. Bhekwikalisya bhenekilimmwipolu hakatikati ye ipolu. Bhadime muli Bashani ne Gileadi kati omwo musiku zye kale. ¹⁵Katomwone munsiku aho mulapuna helu ye mahanga ge Misri, kubhalekezya mahano.¹⁶Vyalo vilakabhana ne kubha ne nsoni ye managa gabho gona. Bhalatule mabhoko gabho mumilomo yabho, matwi gabho galakabha matita. ¹⁷Bhaalamba lubhubhu kati nzoka, kati visubwa evyo vyekwavula lugulu ye mahanga. Bhalakiza hawako ne bwobha, Yahwe Mungu wane ne bhalakobhaha kunguno yako.¹⁸Nende ali Mungu kati obhe, obhe wekusola mabhi obhe wekuhita lugulu ye bhubhi bwe masagizyo ge isalo lyako? Utekubhika busaye kwako bhuna myaka kunguno, wekutogwa kutwolekezya ilagilo lyako lye ikuzyo.¹⁹Ne kandi ulakabha ne bwira lugulu yitu; ulakagakanda mabhi hansi ye magulu gako. Ulakazitaga mabhi gitu gona mu silindilo sye nyanza. ²⁰Ulakamuhelezya syenkana Yakobo ne ilagilo lyako itungilizibwa kuli Abrahamu, ulalahila kubha guku bhiku mwenzyonsiku zye bhunakale.

¹Kwolekezibhwa kwe Muninawi. Sitabhu syekwoleke zibhwa sye mwa Nahumu, Mwelkoshi.²Yehova ne Mungu wi bhubha ne akulihisyanga nzigu; Yehova akulihanga nzigu ne alibhwokale bhusaye; Yehova ekulihizya nzigu habhikuvi bhamwe, ne akubhanga ne bhusaye bhwamwe habhikuvi bhamwe. ³Yehova alinenguzu ninki ne mufula we bhusaye; atalakabha nolo nekuleka kubhapetela bhubhi bhikuvi bhamwe, Yehova akugemanga nzila yamwe mumuyaga gwekasyululu ke muyaga mubhi, ne malunde ne rubhubhulwe maguru gamwe.⁴Akuihamanga nyanza ne kuigema yome; akuyome syanga miga yona. Bashani ne nkonkolo, ne Karmeli na yene; maua ge Lebanoni ne makokolo. ⁵Nguru zikuzumilanga mukubhaho kwamwe, ne turuguru tukwa bhangi; bhusi bhukugwana bhutonzi yamwe, munone, bhusi ne bhantu bhona abho bhakwikala ngamo.⁶Ende ankanduzya kwimilila bhutonzi ye bhulambe bhwamwe? Nende oyo enkaduzya kutemezya bhukali bhwe bhusaye bhwamwe? Bulambe bhwamwe bhwasesilwe katimulilo, ne mabhale agakambwira hale hale.⁷Yehova ne musoga libhisilo lwe kwagalala' nawe ne mutungilizya kwa abhalya abho bhekumwilukila. ⁸Nahe alakagema mupero habhikuvi bhamwe mukwokala kwekukumya; alakabhahiga mulizima.⁹Bhantu bhalakageasi mubhutonzi bhwe mwa Yehova? Awe alakafyinkizya; bhwagaale bhutalakabhuka nkandago ye kabhili. ¹⁰Oko bhalakabha bhagalele kati michongoma; bhalakalo bhekwa musyekunwa syabho bhenekili; bhala kasiswa munone hamulilo kati mazinga ge mabhelele. ¹¹Muntu umwi alabhuka mwimwe, kwinu, Ninawi, oyo abhanga iganike bhubhi hali Yehova, muntu oyo alabhukuzya bhubhi.¹²Ngo mwone ekuyombela Yehova, ''Nolo bhe nkabha ne nguzu zyabho zyebhuhikane ne bhwinki bhwe bhuhikane, nahe bhalakaharurwa, bhantu bhabho bhatalabhaho kandi. Nahe awe, Yuda: Nolo oko nakwangalazizye ntaraka kwagalazya kansi. ¹³Otine nkulikenagula elyo libhohezyo lye bhantu kupuna kwobhe; ndakazivuna minyororo zyako.¹⁴Yehova apunizye ilagilo kwobe, Ninawi: ''Kutalakabhaho ne luzyalo kandi olwo lulakabhusya izina lyako. Ndakazikemezya zye kwikola mungu ezyo zilasonwelwene kuzipunhyaho zitari mungu zye silanga kupuna munumba zye bhamungu bhinu nda simba masizila ginu, mukugailizibhwa kwinu.''¹⁵Linga, ruguru ye muruguru galiyo maguru gemuntu oyo akuletanga mupora nsoga oyo ekukumunsya bhusinge! Muzihalalile nsiku nkuru zinu, Yuda,ne mubhike mulahi gwinu, oko mubhi atalakabhabhihya kandi; apunibhweho munone.

¹Oilya ayo akukubhihya makatika katika ekwiza kwobhe, zilabhade nkande zye kaya, labhada barabara, mwiherezye nguzu imwe bhenekili mugakminge madale ginu. ²Oko Yehova ekusubhya bhusoga bhwe mwa Yakobo, kati bhusoga bhwe Israeli nolo bhabhasolangabhuzyana bhalabhabhihya ne kubhihya matabhazi ge zabibu zyabho.³Nkingilo zye bhenguzu bhamwe ne ntukule, ne bhantu bhekuduzya bhambere myenda mitukule; ne malolige bhusozi gatuzilweho gekukangala muvilanga vyahe mwitungo lye mwizyobha, ne masumu ge mutigwe muvinje gekurusibhwa ruguru. ⁴Maloli ge bhusozi gali bhwangu kuzya mumagunguli, ge kwiruka bhutonzi ne numa mumagunguri. Gali kati kurunzi, ne gekwiluka katilikubha.⁵Oilya oyo alakakenangura makati katika ekubha langa bhakuru bhwamwe; bhekwikwaarura umwi ha mwisyamwe mukutumbagila kwabo; bhekwanguhilizya kuzya kuisambagura nkande ye kaya. Nkingilo nkuru yatuzilweho hakwibhisila kwabha bhakambuzi.⁶Mahitilo ge muminga gahatikizibhwe kwiguka, ni numba lye Mwami lye kunywa mukusisa gulwa. ⁷Usabu ambanguzi bhwe myenda zyamwe ne asozilwe; bhantumami bhamwe bhe bhakima bhekulila nkungwe kati nkundya, bhekuvihula vifubha vyabho.⁸Ninawi ne nkati ilambo lye inzi elyo lyakunvwa, bhantu bhamwe hasi hamwi bhekwiluka kati minzi ago gekuselema. Bhandi bhekuyomba, ''Imilila, imilila, ''Nahe ataliho oyo ekupirukanuma. ⁹Sola vyekusola vye hela, sola vyeksola vye dhahabu, oko gutaliho muhelo gwane, kubhusoga gwevintu vyona visoga vye Ninawi. ¹⁰Ninawi ilihogele ne yasisilwe. Mwizo gwetyo yo wona muntu gwe kwabha, vinwi vyeyuwi yumwi vywkwigudizya gudizya sihamwi, ne bhunegele bhuliho haumwi umwi; nsuso zyabho bhona zyelelwike.¹¹Otine lilihahe likalo lye nsimba, rubhahi olwo nsimba ndondondo zikutyanga siibhwa. Kubhai olwo nsimba ngosya ne nsimba nkima bhalatumbagila, sihamwi ne bhana bhe nsimba, aho bhatalobhaha sintu tye syo syona? ¹²Nsimba alagalya mahigilo gamwe makatika katkakubhana bhamwe; alagazinda mahigilo gamwe kubhakzi bhamwe, ne kulyokazya lina lyamwe mahigilo, bhwikalobhwamwe hanu tumbi ezyo zyaliwe.¹³''Linga, onendiho lubhali rundi nobhe - elya ni gambo lye mwa Yehova we mande. Ndakagosya maloliginu ge bhusozi mulyonsi, ne rupanga lulakasikizya nsimba zinu bhasumba. ndakakemezya visolwa vinu kupuna munsi yane, nemalaka ge bhatumwa bhinu zitakadegelekwa kand.''

¹Mwasangwa makaya ye bhwokale magazi! Bhona okele bhuhehi ne nsabho zye bhwivi, bhebhasolwe bhaliho kwawe nsiku zyone. ²Nahe lelo otine galiho malaka ge milanga ne malaka gekukumik kumika atairi, farasi bhekwisinghya, ne malali ge kusolela gegugurka guruka.³Bhaliho bhagegezi bhe farasi kwiyomba kuhula, rupanga iwekukema, masumo gekwayaka, matumbi gemutumbi, mabhusozye makuru ge mihuri gatari ne muhelo gwe mibhili bhe kuhula kwihaga bhe kwikumpa kwabhe. ⁴Ogwane mukubha vitumamwa vyekwikumbwa kwe musi hani musoga, webhumanile bhulozi, wekuliguzya ihanyamubhusihani bhwamwe, ne bhantu munzira ye vituma mwa vyamwe vye silozi.⁵''Linga, wone di rubhahi rundi nobhe ogwange muhayo gwe mwa Yehova we madale skteti yako ndakaibhusya rguru ye bhusyo bhwako ne kuzizyo lekezyambahi zyajo zye bhwibhise hama hanga, nsoni zyako hamwami. ⁶Ndakagurusya mankwe ge kugaisya ne kukugema ubhemubhu mnone; ndakakugema ubhe muntu we kulinywa ne tyo yo wona. ⁷Ilakabha oti tyo yo wona ekukulinga alakakwiluka ne kuyomba, ''Ninawi asisikele; nende oyo alakalile nkungwe kumulilila awe?' Ne hahe ndakamupandika muntu oyo ankaduzya kukurunguzya?''⁸Ninawi, angu uliwekapanga kukila Noamoni, ogwo gulombekwa ruguru ye mwiga gwe Nairi, ogwo gwani gwebhupilimwe ne minzi, ogwo bhumiliza yalinyanza, ogwo nkande yshs ysli nyanza, ogwo nkande yahe yali nyanza yenekili? ⁹Ethiopia ne Misri zyali nguzu zyahe,ne hamupelo yahe italiho, Putu ne llLibya bhali bhanwamibhamwe.¹⁰Nahe Noamoni alazya mubhuzyana, bhana bhamwe bhaho bhalkenagulwa makatika katia mubhwikalo bhukuru tyaho hona mwingunguli; bhikuvi bhamwe bhala hula kura habhantu bhamwe bhikuzyo ne bhakuru bhamwe bhona bhala bhohwa minyororo. ¹¹Obhe kandi ulakakolwa, ulakagemezyabkwibisya, na wakakobha bhwilukilo kupuna habhikuva bhali.¹²Nkigilo zyako zyone zilakabha kati mitini eyo iline visumo vye tini ezyozili bhuhye kale: Olo zilatinginibhwa, zye nkagwila mumulomo gwe muli. ¹³Linga bhantu mwimwene ne bhakima, mahitilo gensi yako gigwilwe munone mukubhikwi bbhako, mulilo gwasisile megekelo gahe.¹⁴Nuzye utahe minzi mwikingilo elyo lye bhupimibhwe; zigumye nkingilo zyako; nuzyamumatoto ne ukandi kizye malolo; bhumba mukubhu matafari. ¹⁵Mulilo gukukusikizya aha lyane ne rupanga lukumumesya. Ukusikubhwa kati nzige bhaheke omwo bhakusikikizyanga sinyu syona. Imwe bhenekili mwibhezye kubha bhinki kati nzige bhakeke ne bhinki kati nzige abho bhe bhwaruke.¹⁶Wabhokazzye bhasuluzya bhaho kuzikila nsondo zye mwirunde, nahe bhaliho kati masimi aho bhekuisisagula nsi ne kandi ne kuguru kuzya hale. ¹⁷Bhami bhinu bhaliho bhinki kati mzige, ne bhakuru bhinu bhe madale ne nkati idale lye masimi bhekutula bhulendo hankande mwitungo lyemupebo. nahe izyobha olo lyaka bhakugurukanga kuzya hale eyo ataliho oo emuhamanhya.¹⁸Mwami we Ashuru, madimi bhako bhagonile bhakru bhako bhilazizye hansi kwifula. Bhantu bhako bhasambazile ruguru ye nguru, ne ataliho ndo yu mwi we kubhasangizya. ¹⁹Bhutaliho bhusizya obhwo bhwenka duzya kumalonda gako. Malonda gako ne makuru. Abho bhekwonvwa mupora zyako bhalakahula maga nza ge bhwihalale kwo bhe nende oyo isizizye habhubhi bhwako bhwensiku zyona?

¹Mpola ezo Habakuki muhani alanukula, ²Yahwe, hitungo si nkulililwa kuhelwa, ne utakwinvwane kulilile obhe mukuobha bisibhwa, 'Kwibhonezi' bhwa nahe utekunsizya.³Kusi wekungema mbone mabhi ne kulinga vituma mwa vibhi. Bhubhihya ne bhwibhonezibhwa bhuli bhutonzi yane; bhuliho bhusozi, ne bhwikinzi bhwekubhuka. ⁴Nahe bhulagile ne bhukokolo, ne bhutungilizya bhute kubhaho mwitungo ityelo lyona oko bhubhi bhwabhupilime bhutungilizya, nahe bhutungilizya bhwe bhubhehi bhwekupunaho.'' Yahwe'' ekumubhwiva Habakuki⁵''Ulinge mahanga ne kandi ubhagemezye mukumye ne kukankamara! Oko ndine kumanhya kwe kapanga oti kubhezya sintu munsiku zyako oti ukarakasumya aho ilakiza mupora kwimwe. ⁶Oko ne mulinge! Negelele kubha bhusya Bhaakandayo - ihanya ilambe ne kandi lye musindo - bhekutumbagira kuhitira bhugazi bhwe nsi kusola hanguzu numba ezyo zitari zyabhi. ⁷Bhane bhobha ne kwobhaha; bhulamuzi bhwabho ne bhusoga bhukupunanga kwabhe bhwekuzyazazya.⁸Farasi zyabho nazyene zili ne mbilo muno ne kuzikila ngwe, ne bhangu muno kukila mpuge bhe kagoro. Farasi zyabho kubhakemera ne bhagegezi bhe farasi zyabho bhikwiza kupuna hale - bhekulala kati mbesi oyo akwanguhilaga kulya. ⁹Bhona bhekwiza babhwi bhonezi; madare gabhogekuzya kati muyaga gwe hepe ne kandi bhekusozya ne kusola hanguzu kusola vikoro kati msenga.¹⁰Bhekubha sibholezya bhami, ne bhatongezi ne bhusi bholezya kwabho. Bhakulisekelelanga tye lyo ikingilo oko bhakutumbikanga malubhubhu ne kugapunhyaho. ¹¹Ngaho muyaga gulaka hita - ne kubha guhita - bhantu bhe kabhi abho bhuduzya bhwabho ne mu mungu.'' Habakuki ekumubhuzya kandi gundi¹²''Obhe utari wekupuna matungo ge kale, Yahwe Mungu wane, oyo ulimtakatifu? Wifye tutalakafya. Yahwe alabhalekanhya mubhulamuzi, nimwene, Ibhale mwimilisye mukusubhilizya.¹³Minso ginu ne gepe kwasya mukulinga bhubhi, nahe mutekuduzya kulinga vitumamwa vibhi mubhwira; kusi mwekulinga mukuvunilila kwoti ruguru ya bho kutenga habhu bhehi? Kusi kuhulika mwitungo lye bhubhi wekumila muno bhutungilizya kubha kila abhe? ¹⁴Wekubha gema bhantu kati nsamakimunyanza, kati evyo vikulalanga vitari ne mutongezi wabho.¹⁵Nabhe bhekubhaleti handobhano bhekubha kwesa kwesa bhantu kupuna mwikila lye nsamaki ne kubha kuminga mwisumbizyo lyabho. Ogwane nge kubha oti bhikwiharara ne kuyoga muno mubhusime muno. ¹⁶Nahe bhe bhekupunhya sadaka mumakila ga bhoge kutegera ne kwosya bhubhani muma kila gabho, oko ndimu ngine ne lubhahi lwabho, ne namanule ne syekulya syabho. ¹⁷Kwotine bhalakamara makila gabho ge kutegerane kubha bhakusinza bhana mahanya kuleka kubha ne bhwira''?

¹Ndakimilila hansinzi yane ye bhwimizi nekwitula mwenekili ruguru ye kasungenezyo kemwinililizi nge nkulinga kusoga kubhona oyo akuyomba tyari kwone netyani omwo nkupiluka mu bhubhi bhwane.²Yahwe alambwila ne alayomba, ''Wandike kwolesya okwane wandike hepe ruguru ye lubabho oti oyo ekusoma enkaduzya kusoma bhwangu bhwangu. ³Oko kwolesya okwa kusyali ne kutungo elyo lyekwiza ne kandi alakatembusya ne kugwa yaya. Nalo ilakadiri, ilindilile. Oko nesyenkana ilakiza nekandi italadire.⁴Linga! Olilyo oyo kukobha kwamwe kutali kusoga mukati yamwe ekwesela hanguzu. Nahe mutungilizya alakabha muhanya mukuzumya. ⁵Oko muvinyo muhwa hwanhya we bhusumba bhwebhwi bhoni bhoni angu oti atekwikora, nahe akukuzyanga kwikumbwa kwamwe kati sizira ne, kati rufu, lutakuhisyanga. Awe akwikumilanga tye lyo ihanga ne kandi ekukuminga mukabhaoti ne bhantu bhona.⁶Agoni gona gatalakabhezya bhuyomba bhwe kumusibholezya ne lwimbo lwe kusibholezya, 'Olwo ne lwe kwawe! Wasangwa oyone ekwongezya evyo vitari vyamwe! Mwitungo si kwongezya bhutimbe bhwe kufungika evyo wasozile?' ⁷Abhalya bhakulindililanga kwobhe kwobhe bhatalakabhuka similile? Nabhobhakukuzungumyanga kuhalamuka? Ulakabha mukokola kwabhe. ⁸Oko wasozile vyekubhatazya bhantu bhinki, ne masagilwa gone ge bhantu,galakakusola hanguzu obhene. Oko wasesile bhugomi omwo katari kazile kensi, makaya, na bho bhekwikalamo.⁹Asangwa ayo ekusongola vyekusongola vibhi vyenumba yamwe, nge notine enkaduzya kubhezya syali syamwe ruguru kumutulaho awe habhuteka hale ne mabhoko he bhubhi. ¹⁰Wiganike gwe nsoni ku numba yako kukobha bhantu bhinki, ne kandi wagemile mabhi kukilanizya obhene mwenekili. ¹¹Oko ibhale lila hamuka kupuna hankande, ne libhusakale lye bhabho likabhasubhizya,¹²'Asangwa oyo ekwombeka kaya hamagazi, no yo ekuigumya kaya kubhubhi. ¹³Ogwane kutekupuma hali Yahwe we madale oti bhantu bhatumame milimo hamulilo ne mahanya gona honane gekukuluhara ne sintu bhwo? ¹⁴Isyali nsi ilakokala bhumani bhwe ikuzyo lye mwa Yahwe kate minzi omwo gakuyokazyaga nyanza.¹⁵'Asangwa oilya oyo ekumubegezya mutulani wamwe akolwe, ohe oyo wekwonezya bhusungu ubhageme bhakolwe oti bhaduzye kulinga bhuvule bhwabho. ¹⁶Ulakavimbilwa ne nsoni munone kukila ikuzyo. Kunwa eyone kandi, ne fundukula bhuvule bhwako mwenekili sokombe sye kubho kwe kulila kwe mwa Yahwe kulakizya mukukupirukila obhe, ne nsoni ilakafundikila ikuzyo lyako.¹⁷Bhwi bhonezi obhwo bhulagemwa muleba noni bhukakufundikila ne bhubhihya bhwe ndimu bhulaka kwobhahisya oko wasesile magazi ge bhantu ne kandi wabhezizye bhugomi bhwekukila nizya bhwe ilya nsi ne bhona abho bhekwikalamo.¹⁸Sitayomba sye bhusongolwe sye kukuhasi? Oko oyo aisongwele eyo, nolo oyo ekuisula ne kuyabya naye ne mwalimu we bhubhehi; Oko ikuizumya milimo ye mabhoko gamwe aho ekubhezya sitari mungu esyo sitaymba. ¹⁹''Asangwa kwoyo ekulubhuvila lubabho, halamuka! Nalo hibhale elyo litayomba bhuka!' Vintu evyane vikulanzyanga? Linga, esyane luguru sili bhufundikilwe ne dhahabu ne hela nahe mukati yahe sitekwesela ne hado yaya. ²⁰Nahe Yahwe alimo mwisalililo lyamwe itakatifu! Nsi yona ihulike bhutunzi yamwe.

¹Kusabha kwe mwa Habakuki mhani: ²Yahwe, ninvwite mpora zyako, none nobhehe. Yahwe, zyola mulimo gwako hakati kati itungo; hakai kati itungo elya ugeme eyone imanike; wibhukile kubha ne bhwira mubhusaye bhwako.³Mungu aliza kupuma Temani, no ilya Mtakatifu kupuma Parani. Sela. Ikuzyo lyamwe lyaifundikile ilunde, ne bhusi bhwali bhwokele ikuzyo lyakwe.⁴Masase abhili ge mumabhoko gamwe gakanga kati mwanga awo bhuduzya bhwamwe bhulabhiswa. ⁵Bhulwelebhwe kwihaga bhulatonga bhutonzi yamwe, ne bhwagalale bhulagahyagula maguru gamwe.⁶Awe alimilila ne kuigeleka nsi; alalinga nge alagatinginya mahanga. Kuisya ne nguru zye miaka yonazilasambagulwa munone, ne tubhuka bhuka twenguru twe miaka yana tulagwisibhwa hansi. Nzia yamwe ne ye miaka yona.⁷Ndabhona mahema ge Bhakushi nubwagalale, ne vitambara vye mahema mu Midiani vyekuzugumila. ⁸Yahwe aline bhusaye ahalya hamwiga? Bhusaye bhwako bhwali kukila ninga, nolo bhulambe bhwako kukila nyanza, olo ukugegera ruguru ye farasi ezyo zya mikoteni ne zye bhekukinda kwo bhene?⁹Walesilebhuta bhwako bhutari ni zibhizyo;we kutula masonga mubhuta bhwako! Sela. Ulaigabhula nsi ne miga. ¹⁰Nguru zilakubhona obhe ne kupiluka habhupina. Minzi ago galaseswa hansi galahita ruguru yabho; bhulele bhwe nyanza bhulayoga hasilaka.Magonzi gahe galabhuka ruguru.¹¹Izyobha ne kwezi vilimilila bhwimililene ruguru yahe mumwanga gwe masoga gako ne kulala ruguru, ahalya mubhweke bhwe mwanga gwe masumu gako. ¹²Watumbagile ruguru ye nsi habhunegele. Mubhusaye wagahungulwile mahanga.¹³Ulazya helu makubha oti mubhusizya bhwe bhantu bhako. makubha oti mubhusizibhwa bhwemusolwa wako. Obhe uli mupodaguzi we muntwe gwe numba ye mubhi kutula hepe nsinzi ye nkingo. Sela.¹⁴wagwasizye mutwe gwe bhasozi bhamwe ibhano lyamwe mwenekili oko bhaliza kati muyaga kutusambazya ifye, ibhubha lya bho, lyali kati muntu oyo ekumusikizya muhabhi kati hantu hebhubhiswe. ¹⁵Watumbahile ruguru yenyanza hafarasi zyako ne kugakila minzi minki.¹⁶Ndinvwa, ne mukati yane ndazuguma! Milono yane ilazungumya silaka. Bhubhole bhwekwiza mumagufya gane, ne hansi yane mwenekili ndazuguma kati nekulinda mukubha kati halusiku lwe kugayanhike ruguru ye bhantu abho bhahiza kutubhihye ifye.¹⁷Nengoko mutini gutakugulumanga ne kuzyala bhyo mukubha ne muzabhibhu; nolo mukuzyala kwe muti muzeituni kutakusimizyanga ne lugo esya ngesyo ndakasigema.¹⁸Syali ndakihalalila hali Yahwe. Ndakabhane bhwihalale oko Mungu we bhusizibhwa bhwane. ¹⁹Mukama Yahwe ne nguzu zyane ekugagema maguru gane kubha kate ye kulungu. Ekungema wone zye bhutonzi hantu he ruguru - kulondezya bhulagile bhwe kanile kasoga mwiseme vyane vye bhunzi.

¹Elya nge igambo lye mwa Yahwe elyo liliza hali Sefania mwana we mwa Kusi mwana we mwa Gedalia mwana we mwa Amaria mwana we mwa Hezekia, mu nsiku zye mwa Yosia mwana we mwa Yuda.'' ²Nkusisishya muuone sintu shwona kupunamu busho bhwe busi - akane ne kayombele ke Mukama mwenekili. ³Ndakamusishya muntu ne ndimu; ndakamusishya mu nanoni we mwilunde ne nsamaki zye munyanza, bubhi hyane bhabhilihya. Nge notine ndakamupunhyaho muntu kupunaho ha bhusyo bhe bhusi - akane ngekoyombele ke Mukama mwenekili.⁴Ndakahika hakubhoko kwane lugulu ye Yuda ne bhona bhazengibhe Yerusalemu. Ndakagatagila hale masagilwa gonage mwa Baali kupuma lubhali lwane mazina ge Bhantu abho bhekulamilizya sitali Mungu mu bhamwi bhebha gabhilizya, ⁵bhntu abho lugulu ye numba bhakwisenganga mibhili ye mwilunde, ne bhantu abho bhakwisenganga ne kulahilinga hili Yahwe nahe abho kandi bhakulakilanga ha mwami wabho. ⁶Ndakabhatagila hale kandi abhalya abho bhapilukile numa kleka kumulondezya Yahwe aho hatali kubhubhuzya bhwimilizi bhwamwe.⁷Ubhe muhulike mu bhutonzi bhwe Mukama Yahwe! Oko lusiku lwe Mukama Yahwe luli hihi, Yahwe atuzileho sitambo ne kandi abhatuzile hampelo bhageni bhamwe. ⁸''Ilakiza ha lusiku lwe sitambosye Mukama, ngenago ndakabhahula bhakulu ne bhana bhe mwami, na umwi umwi oyo we bhwambikwe myenda zye sigeni. ⁹Lusiku olwone ndakabhahula bhona abho bhakuguru kanga habhwimililo bhwe mizigo abho bhakwokazyaga numba ye mukama wabho habhubhihya ne bhubhehaguzi.¹⁰Ilakabha harusiku olwone okwa nekukumusya kwe mwa Yahwe - nakuzye bhupina kwiza kupuna mumuzigo gwe nsamaki, ekufula kalulu kupuna Wilaya ye kabhili, ni laka lye kutingina kukuru kupuna munguru. ¹¹Nemufule kalufu, bhikazi bhe musokoni ye Wilaya, kubhona bhasuluzya bhalakabha bhasisagwilwe, bhona abhalya abho bhakugelekanga hela bhatagilwe hale.¹²Ilakabha harusiku olwone ndakai kobha Yerusalemu hatara nekubhahula bhagosya abho bhalakabha bhikele mumuvinyo gwabho ne kuyomba mumizo zyabho, Yahwe atakubhezya tye syo syona nolo sisoga mlo sibhi.' ¹³Nsabho zyabho zilakiza kutazibhwa, ne numba zyabho zilakalekanizibhwa mukusisibhwa. Bhala kambeka numba nahe bhatalakilamo ne kuhamba muzabibu nahe bhatalakanwa minzi gahe.¹⁴Lusiku rukuru lwe mwa Yahwe ruli hihi, hihi nekulibhwangu bhwangu munone! Ilaka lye lusiku lwe mwa Yahwe lulakabha lwenaku naku zyebhunegele bhwe sigosya! ¹⁵Lusiku olwone lulakabha lusiku lwe bhusaye lusiku lwebhupina ne bhunegele, lusiku lwe kurunduma kwenuyga ne kusikila, lusiku lwe lizima ne kulekakwibhona bhona, lusiku lwe marunde ne lizima itimbe. ¹⁶lulakabha lusiku lwe kufla ihembe ne nkengele kati muno makingilo mumakaya ne nkande ndele.¹⁷Ngomwo ndakaleta bhwagalale ruguru yebhantu, nge no tine bhalakatumbagila hihi kati bhagosya bhahofu kupuna aho bhalage,ma mabhi hali yahwe. Magazi gabho galakaseswa kati lubhubhu ne mbahi zyabho zye mukati kati mamwi. ¹⁸Nalo hela zyabho nolo dhahabu zyabho zitalakaduzya kubhasizya ruguru ye bhusaye bhwe mwa Yahwe. Mukati ye mulilo gwi bhubha lyamwe bhusi bhwona bhulaka sikizibhwa ngaho alakaleta bhuhikane, nehampero ye kukumya kubho abho bhakwikalanga mubhusi.''

¹Nemwikuminge sihamwi imwe bhenekili mwikumingo gwe hepe ne mwikuminge, ihanga elyo liali ne nsoni - aho ilagilo lisyali kusola mabhi ne lusiku olo kuhita kati matakala, ²aho bhulambe bhwe bhusye bhwe mwa Yahwe kwiza ruguru yinu, aho lusyani kwiza lusiku lwe bhusaye lwe Mukama kwiza ruguru yinu. ³Ne mumukobhe Yahwe, imwe bhatu bhona bhekwidohya mubhusi abho mwekugakuzya malagilo gane ne mukobhe bhutungilizya bhwamwe. Nimulwe bhusaye lwe mwa Yahwe.⁴Nge ntine Gaza ulakalekanizibhwa ne Ashkeloni ulakapiluka kubha bhusiswa. Bhalakabhu vwaniaho hale Ashdodi mwitungo lye mwizyobha ne bhalaka kudubura Ekroni! ⁵Bhasangwa kwabho bhakwikalanga hangilingiili ye nyanza, ihanga lye bha Wakerethi! Yahwe ayombile kwimwe, Kanaani, nsi ye Bhafiisti. Ndakabha sisya ataliho mwikazi oyo alakikalaho.⁶Eyone nsi yehangilingili ne nyanza ilakabha madimilo ge bhadimi hamizigo ye ntama. ⁷Nsi ye hangilingili ye nyanza ilakabha nsabho ye bhe bhusa gile ye bhantu bhe numba ye mwa Yuda, abho bhalakadimila madale gabho eyone. Bhantu bhabholala haolo munumba ye mwa Ashikeloni, oko Yahwe Mungu wabho alakabha nabho ne kubha subhya bhabhohwa bhabho.⁸Ndakwonvwa kusibholezya kwabho zye bha Moabu ne kubhatuka bhantu bhe mwa Amoni mwitungo aho bhabha simanganga bhantu bhane ne kwikuzya munvwamba zyabho. ⁹nge notine, olo omwonkwikalilanga- akane ne kate mbusizye ke mwa Yahwe we madale, Mungu we Israeli, - Moabu ilakiza kubha kati Sodoma, ne bhantu bhe Amoni kati Gomora; aho masimi ne lima lye mwinu, litalimwa hepe nsiku zyoni. Nahe bhantu bhane abho bhebhusage bhasalwa. Mubhuzyana ne bhantu bhihanga lyane abho bhala saga bhalakasola isalo lybho.'¹⁰Ogwane gulakigela hali Moau ne hadi Amoni mukubha oti kuleka kubha ni kuzyo lya bho kupuna aho bhala bhasimanga ne kubhatuka bhantu bhemwa Yahwe we madale. ¹¹Nge naho bhalakamwobhala Yahwe, oko alakabhagailizya sitavi Mungu bhona bhe mubhusi. Netyo yo wona alakamulamilizya awe, tyo wona kupuna kuwamwe, kupuna hona hubhahilwe mpwani.¹²NImwe Bhakushi kandi mulakafya harupanga lwane, ¹³ne kubhako kwe Mungu kulakaivulazya sukuma ne kusisya Ashuru, nge nomwo Ninawi ulakalekenizibhwa mukuusikizibhwa, kubha homa kati hatalimwa. ¹⁴Ngaho madale ge ndimu kalakalala aha lyane, ndimu yona yemumahanga, bhonane lubhundazi ne sinanungu bhalakifula ruguru ye mbahi zyabho malaka galakadekwa kupuna mumakengelezi. Matumbi kala kabha mumizigo; bhusige bhwe mwelezi gwabho mipilimo ilakabha yaifundukwile.¹⁵Eyane ne kaya ye kwihalalilwa eyo ikele itali bhwobha, eyo ikuyombanga muwizo gwamwe, ''Wone ndiyo, ne ataliho yundi we kwikola none.'' Omwo wali we kwobha hika, aho hekulala ndimu mukati yahe. Tyo yo wona ayo akuhitilanga kwawe akwiganikaga ne kutinginhya ngumi kwawe.

¹Yasangwa kaya ye bhugome! Kaya ye bhwibhonezi yabhihibhwe. ²Gutalaidekelela ilaka lye Mungu, nolo gutalanukula bhuyangulwa bhwe mwa Yahwe. Utalamwizigizya Yahwe ne atalamwegelela Mungu wamwe.³Bhami bhabho ne nsimba ezyo zyekurunduma mwaBhone. Bhalamuzi bhabho ne mpuge zyekagolo abho bhatakusasyanga sintu esyo syankabha syatafyinwe mulabho. ⁴Bhahami bhale bhali ne bhugailizya ne bhagosya bhe kubhehela. Bhagabhilizya bhahe bhahasisile aho hatakatifu bhalikenagwileilahilo.⁵Yahwe ne mutungilizya mwabhone. Antenkasisa mulabho ne mulabho akwimililanga bhutungilizya bhwamwe! Ikalakibhisa mubhupe, notine bhantu bhatali ne bhutungilizya bhatakubhanga ne nsoni.⁶Nagasisile mahanga; nkingilo zyabho zyasisilwe nagagemile magunguri gabho kubha matongo, nolo ataliho nolo umwi ekuhitila kwawe. Kaya zyabho zyasisilwe ngenotine atariho muntu oyo ekwikalamo. ⁷Ndayomba, 'Nenhanane mulakanobhaha wone, ne. Mwanukule kuyangulwa ne mutiza kutagilwa hale mukapuna mumakaya ginu kweyone yona eilya nabhanga naituzileho kuibjhezya kwinu.' Nhe bhali ne kusima kutandika nsiku zyona mukusisa muvitumamwa vyobho vyona.⁸Oline mundindilile akane nekayombene ke mwa Yahwe - kuhisya lusiku alwo ndakabhuka kwabho bhebhusise. Bhulamuzi bhwane ne kubha kuminga banamahanga, kugakuminga bha bhwami, nekusesa ruguru yabho bhusaye bhwane,bhunegelebhwane bhwona bhulambe, ngenotine nsi yona ilakamilwa hamulilo gwe bhusaye bhwane.⁹Ngaho ndakabhahelezya milomwo bhantu kubhalanga bhona kwizina lye Mukama kuntumamila eno bhimilile sihamwi. ¹⁰Kupuna kumwiga gwe Ethiopia abho bhakundamyanga - bhantu abho bhali bhusambale - bhalakaleta sitambo kwone. ¹¹Kulusiku olwone mutalakatulwa kubhwobha kuvintumamwa vinu vyona evyo mulangemela wone kupuna mwitungo elyo ndakapunhya kupuna kwimwe mutalakabha abho bhalihalalila bhusoga bhwinu, oko mutalakabha ne tungo ilele lyekubha ne kiwbhona ruguru lwane lutakatifu.¹²Nhe ndakabhaleka kati bhe hansi munone ne bhantu bhabhi, ne mulakapanika bhwikilo kwizina lye mwa Yahwe. ¹³Mwikaziwe Israeli itali itungo ilele atalakabhezya bhubhihya ne kuyomba bhubhehi ne lutaliho lumi lwe bhubhehaguzi olwo lukakakamwo mumulomo gwabho nge notine bhalakadima ne kugona hansi, ne kandi atakakabhaho muntu tyo yowona kwobhaha.''¹⁴Ne wimbe mwanike Sayuni! Yoga Israeli. Usime ne kihalala hamwizo gwako gwona, mwa nike we Yerusalemu. ¹⁵Yahwe apunizyeho kulamula kwao; abhabhingile hale bhikuvi bhako! Yahwene mwami we Israeli mwimwene. Ne hado yaya mutalakamwobhaha kandi mubhi!. ¹⁶Munsiku ezyone bhalakayomba ku Yerusalemu, ''Utakobhaha, Sayuni. Utagalekela mabhoko gako gabhulwe nguu.¹⁷Yahwe Mungu wako aliho ninu, wenguzu zye kubhasizya. Alakihalala nimwe habhwihalale alakabha sele nimwe habhusime bhwamwe alakabha ne bhwihalale ruguru inu ne alakasanga bhala habhusime, halusiku lwe kapanga lwebhugeni. ¹⁸Ndahapunhyaho marufu kupuna kwimwe, litari itungo ilele mtala kabhusya nsoni hawe.¹⁹Linga, Namalizile kubhasanga bhagalazyabhinu bhona. Mwitungo elilya, ndabhasizya bhebhuzingame ne kubhakuminga abha bhala tagilwe hale. Ndakabhagema kubha ikuzyo, ne kandi ndakazipilila nsoni zyabho zibhe kukuzibhwa mubhusi bhwona. ²⁰Mumatungo agalyane ndakabhatongela, mumatungo agalyane ndakabha kuminga sihamwi. Ndakabhagema mahanga gona ge mubhusi kubha kuzya ne kubhasimilizya, mwifungo mulahabha mukabhona otine ndakabha nabhasubhizye, ''Ayomba Yahwe.

¹Ha mwaka gwa kabili mwami Dario, ha mwezi gwe mkaga, lusiu lwe mbele muhayo guliza ha Maboho ge mwa muboni Hagai kuzya ha mwami we Yuda, Zerubabeli mwene Sheatieli kuhani mkulu Joshua mweene Yehozadaki, kuyomba, ²''Mkama wa majeshi alayomba: 'Aba bantu bakuyombaga, ''Litali ikanza lye kuzenga numba ye Mkama.''''''³Nahe mhayo gwe Mkama guliza ha kubako kwe mwa Hagaikuyomba, ⁴''Oti olyene geikanza le kwikala munumba nsoga bwakati numba ye Mkama ya bihile? ⁵Oti mwelyo ikanza Mkama wa Majeshi uyomba oti: 'Mwibwiye! ⁶Mwahaba mbuto niki, sido mwekulya mutekwiguta mwe kunywa. Minzi galekula tosha mwe kwambala mwinda mpelo itekumala, ne mntu we mushahara hele zye kulagala ko mfuko gulibudulike!'⁷Mkama wa Majeshi ayomba oti himwe pye: ⁸'Muzibuzye zila zinu! Mgegele mumugala, mzye mkate miti mwize mzenge numba yemwa, Mkama gaho nkubakuzya none nkukuzibwa! Ayomba Mkama. ⁹''Mlalinde kwiza vinki kasi viza vidoo mkaya navyene kuvitaga kusi? Oko numba ye Mkama yikala kubi nahene twikale, kila ntu ha numba yamwe.¹⁰Ilundelyakwatwa litakapunya lume insi ya kwatwa naye yaduma kubuta misumo. ¹¹Nakulangama kuvwa mumuala ne munsi ne misumo ne mzabibu mihyahya ne vimbulwage insi ge bantu na madimu ne nilimo ye maboko gako.¹²Nose Zerubabeli mwene wa Shelietieli, kuhani mkulu ne Yoshua mwene Yehozadaki, ne masago ge bantu helyo ilaka lye Mkama Kandi mhayo gwe Mhangi Hagai Mkama ali amu tumile ne kuba bantu balobaha. Busyo bwe Mkama. ¹³Hagai, alayomba mhayo gwe Mkama nali nako, ongwe ne mhayo gwe Mkama.¹⁴Mkama alagubihya mwizo gwe mkulu, we Yuda, Zerubabeli mwene Shelitieli, ne mwizo gwe Mhangi mkulu Yoshua mwene Yehozadaki, ne mizo zye masayo zye bantu walazya kutumama milimo ha numba ye Mkama Mkama nkulu Nahe Mkama wabo. ¹⁵Lusiku lwe makumi bili, mwezi gwe mkaga, mwaka gwe kabili gwe butemi Bwami Dario.

¹Ha Mwezi gwe msamvu lusiku lwe makumiyabili ne lumwi, Mhayo gwe Mkama leuliza ha kuboko kwe mwa Hagai, kuyomba, ²''Uyombe ne mkulu we Yuda, Zerubabeli mwene Sheitaeli, ne kuhani mkulu Yehozadaki; ne masago ge bantu. Mubabwile,³Asa ga nde himwe yo alabona bukulu bwe Mkama heya numba ha mbele? Ne kuba mwabona tyani kikunza ilyane? Mumiso ginu ni kati gele? ⁴Mkomele, Zerubabeli' - Ogwane ne mhayo awe Mkama - ne kuba ukomele obe, kuhani mukulu Joshua mwene Yehozadaki; mukomele, imwe bantu beya insi! - Ne mhayo gwe Mkama - ne mliko gwitu sihamwi ogwane mhayo gwa yombwa ne Mkama. ⁵Eyane ne ahadi yi lagano elyo liabezibwa nimwa kuvwa Misri Mwizo gwane gulimilila himwe, mutakobaha'⁶Oko Mkama we basilikale oyomba oti: 'Lyasaga ikava idune nize nayitinginye insi ne ilunde, na nyanza na ensi nomu! ⁷Nkutinginya makaya ne makaya naheba kwandya kuleta vikolovye hana ne kuyokazya numba bukulu!' Ayomba Mkama wa Vasiklikale⁸Dhahabu na hela ne zyane ayomba Mkama wa vasilikale. ⁹Buruku bwe numba bukuba bukuru mno kukila bwe mbele, 'Ayomba Mkama ne kuba kubaha mpola ogwane aguyomba Mkama¹⁰Ha nsiku ye makumyabili ne kane mwezi gwe kenda, mwaka gwe kabili gwe, bwami bwe mwa Dario, mhayo gwe Mkama guliza, ha Mhangi Hagai ne kuyomba, ¹¹''Mkama mkuru ekuyomba: Mumubuzye kuhani hago aragivo gekuyomba: ¹²Olo mntu alabusya nama ve bupunibwe ne Mkama ha myenda yamwe ne kuba lukomolo lwe mwenda lulakumya mkate nelo, mfwa, busele mafuta ,silibwa, je isyone silibwa sikuba sitakatifu?'' Kuhani alasubya kuyomba, ''Byo''¹³Kandi Hagai alayomba.'' Mntu mbi mchafu amukumwi maiti vyena vyaba, vichafu? Kuhani alasubya kuyomba, ''Pye vya chafuka.'' ¹⁴Hagai alasibya, kuyomba, ''Nepye abane bantu ne makaya, ago gali butonzi yane ayomba, '''Mkama na kuba kita sintu sya ara ha maboko gamwe! - Oko bala fumya sibi nahe sichafu.¹⁵Mwiganike kuvwa lusiku lwe bwa lelo ne zye numa, aho lisyali kutulwa ibale halindi ha numba ye Mkama, ¹⁶ilaba tyani? Aha mntu iza ha sipimo sye mukumyabili, nafaka, kasi syaliho sipimo sye ikumi tuhu, neyo aliza kutaha divai ye sipimo makumya tano, kasi syaliho sipomo sye makumyabili tuhu. ¹⁷Nda bakoya imwe ha milimo ye maboko ginu kwa doa na koga, mlakema kusubira ayomba Mkama.¹⁸mwibwaye ha lusiku lwe bwa lelo ne kuzya ha lusiku lwe makumyibili ne kane ha mwezi gwe kenda kuvwa lusiku msingi gwe numba gula tulwa. Mwibuzye elyone! ¹⁹Je, msayali ne mbuto mu kunguku gara? Mzabibu mti gwe neti komamanga, ne mti gwe mzeituni bitalazyele! Oko kuvwa bwa lelo na babariki!'''²⁰Kandi mhayo gwe Mkama guliza ha Mhangi Hagai lusiku lwe makumyabili ne kane ha mwezi kuyomba, ²¹''Uyombe ne mkuru we we Yuda, Zerubabeli umubwila, 'Kuitinginya insi ni nhulu. ²²Kuliguishe itebe lye Mwami ne kubihya bukuru bwamwe ne makaya pye, magari he kubabuzya, farasi na babusibwa, bakugwa ha guno ye panga ye adungu bwamwe.²³Olwone lusiku ayomba Mkama wa Madale - ''Ndakusola obene Zerubabeli mwene Sheltieli, kati mzyana wane' - eyane aiyomba Mkama akuyomba. ''Kukutuma kati pete ye muhuri gwane, oko ngone (na kusima) kukuchagula!' - Ayomba Mkama wenadale!''

¹Alaha igambo la Mkama ha Bhaisraeli ha kubhoko kwe mwa Malaki. ²''Ndakusima, ''Ayomba Mkama. Ngoti we kuyomba, ''Ha nzila si ulasima?'' Esau atali ndugu we mwa Yakob?'' Akuyomba Mkama. ''Nahe nsyamsima Yakobo, ³ngoko ne kumgaya Esau. Nazibhiezya ngulu zyamwe kubha bhupina, kandi nabhezya isalo lyamwe kubha bwikalo mbwe sabwebwe mwi nyika.''⁴Kungoko Edomu ayomba, ''Twahuwa, ngoko twe kusubhe ne kuzenga aho habhihibwe; ''Mkama we majeshi ayomba oti, ''Bhakuzenga kandi ku gwisya hansi ne Bhagozya bhakubhalanga nsiye babhihya, ' Ne ''Bhantuabho Mungu alinabho singa sye khangama.''' ⁵Ha minso ginu mkubhona elya ne kuyomba, '''Mkama mkulu bhutonzi bwe mvumba zye Israeli.''⁶mwana amkuzye isye wamwe, ne mzyana amkuzye mkama wamwe. Ikabha ngone daada, lilihahe isima lyane? Mwami we majeshi ekuomba otiwinu, Bhami, abho mwe kugailizya izina lyane. Ngoko mwekuyomba, ''Twaligaelizya tayari izina lyako? ⁷Hakupunia mikate ye bhugase halutari lwane,. Ne kuyomba oti twakugailizya ha nzila si?' Hakuomba eyo meza ya Mkama nge twakugailizya.⁸Mkapunia sitambo sye mitugo zye bhuhofule, eyoe ita bhubhuhya nelo mlapunia vilema ne Bhalwele, eyone bhutari bhuhuhya? Mflile mwami olo akabhazumilizya nolo akugumla bhusyo bwinu?'' Akuyomba Mkama wemajeshi. ⁹Notine, ekugenezya kukobha bwila bwesi ye Mungu, abhe msoga hawinu. ''Na aina si yesihambo ha lubhahi lwinu ezyo ekuzigumla nsyo zinu? Akuyomba Mkama we majesi.¹⁰Olo ye nkabhideho mntu ankegeke mzigo gwe isalililo, ngoti hatakabha ne mwoga halutale gele! Ngoko ntali ne bwile nimwe,''Akuyomba Mkama we majesi, ''Kindi ntekusyanukula itambo tye syona kupuna Hamabhoko ginu. ¹¹Kupuna kwi izyobha mpaka magwa izyobha izina lyane likubha ikulu; hagati ye bhanamahanga kila lubhahi bhununke bhukupunibwa hizina lyane, kanti sitambo sisoga. kungoko izina lyane ni ikulu mno hagati yebanamaganga,''Ayomba Mkama wa majesi. ¹²''Ngoko imwe mwekwibilya olo mwayombameza ye Mkama mwekuijibhilya, ne sisumo syahe, ne sikulya syamwe kugailizibwa.¹³Nimwe mwekuyomba,'Igabo elya lyotunozya, nimwe mwaligalizya, ''Ayomba Mkama wa majesi. ''Mwasubya esyo syali sya sozilwe, ne ndimu ziye mwipolu ninga vilema na ndwele; ngezyo mwekuleta kubha sitambo sinu! Nahe ngene nkaizunya eyane mmabhoko ginu?'' Ayomba Mkama. ¹⁴Akenwe oyo ne mubhehi oyo aline mtugo mgosya mwisale iyamwe, alaymba kumpunizya ngoko asyali ekumpunizya, one Mkama, eyo ne mubhikele. Kungeko one ndi mwami mkulu, ''Ayomba wa Majesi, ''Ni izina lyane likwobhahwaha bhanamahanga.''

¹Ngotine imwe Bhakama, elya ne kungok yinu. ²Olo kedukeleka, nolo mtalakalisola elya mmiso zinu ne kumpa isima lizina lyane, ''Ayomba Mkama wa Majesi, Kandi kutuma kukeua kwinu, ne nkukena kufuhulwa kwinu. Gwenhana ndamazile kubhala ena nhana, kungoko usyari kutula ilagilo lyane mmizo.³Linga, nkubhukemezya bhuzyele bwako, nahe nkukusiga mamvi lugulu lwe bhusyo bwako, mamvi ge sitambo sinu, nahe nkusolwa hamwi nago. ⁴Ngaho mkumania oti natuma ilagilo elya lwino, oti ilagilo lyane likubha lugulu yane na Law,''yomba Mkama waMajesi.⁵Ilagano lyane nawe lyari ilagano le bhuhanga ne kusoga, nane ndamelezya vikolo evyo kati nzila ye kunkuzya. Alankuzya nahe alinalilaalabha ne bwobha hizina lyane. ⁶Malngisyo ge nhana gali mmlomo gwamwe ne bhubhi bhutalangela mmlomo hwane. Alatumbagila none habhusoga ne bhugololoke ne kubhusubya bhinki kupuna mmabhi. ⁷Kungoko milomo zye Mwami zitula masala, nebhantu bhakakobhe malagiro kupuma hamtwe gwamwe, ngoko ne mzyana we Mkama weMajesi.⁸Ngoko wahita hare ne nzila ye nhana. Waletelezya bhingi kubha ne mashaka ne kukuzya ilagilo. Walibhihya ilagilo lye Lawi, 'Uyomba Mkama we Majesi. ⁹Ngotine nabhabhezya imwe nimwe kugailizibwa bhutonzi bwe bhantu, kunguko mtalabika nzila zyane, notine hanuma yahe mwekusima malagilo ginu.¹⁰Ifwe bhona tutali e bhabha umwi? Atali Mungu oyo umwi oyo alatusumba bhna? Hasi twekwihemela isimwe kila mntu ne mdugu wamwe, mwekulibhihya ilagilo lye bhabha bhintu? ¹¹Yuda abhezya isimwe ne kubhona sondwehavikolo vyebhutule israeli ne Yerusalemu. Yuda yahabhihya lubhahi lusoga we Mkama aho ekuhatogwa nahe abwene mwanike we misambwa migeni. ¹²Mungu akukemezye hela kupuna mwiduku lye mwa Yakobo ne bhuzile bwe mntu obwo bhula bhezya aga, nolo oyo ekuleta sadaka ha Mkama we Majesi.¹³Nobhe bhezya otine wekufindikila igabhililo lye Mkama haminsozi, hakulila ne kulwala, kunguko atekuzumya sadaka ne kuzyanukiula kupuna mmabhoko gamwe.¹⁴Ngoko wayomba, ne kungoko si?'' Ngoko Mkama yabhele mkanilizya kati yako obene mkazi wako ebhusumba bwako hanuma yahe wabhele utari mtungilizya nolo ne mwisyako ne mkazi we ilagilo lye bhusumba bwako. ¹⁵Oti awe atabhabhezya kubha umwi, nolo halubhahi mwizo gwamwe?Otine hasi alabhabhezya imwe kubha umwi? Kungoko nategemeanga kupandika bhana bhekwisenga Mungu. Ngoti ulakane obhe mwenekili mgati gwe mwizo gwako, kandi atali mtungilizya hamkima we bhusumba bwako. ¹⁶''Nekukugaya kulekana, ''Ayomba Mkama, Mungu we Israeli, ''Afundikila mwenda gwamwe habhubhi, ''Ayomba Mkama we Majesi.'' Ngoti wilinde obwo mwenekili mgati ye mwizo gwako kandi utakabha mntu oyo atali mtungilizya.''¹⁷Mwazobhesya Mkama ne magambo. Ngoti mwayomb, '''Twakuzobhesya tyari?'' Hakuyomba kila umwi abhezizye bhubhine bhusoga halubhahi lwe Mkama, kandi alinebhutogwa nabho; ''Ninga ''alihahe Mungu we Bhutungilizya?''

¹Linga, nekumtuma mzyana wane, oyo akutegeka nzila bhunzi bwane. Ne Mkama, oyo mwekunakabha, ekwiza hakupapukizya ji salililo lyamwe; ne mzyana we ilagilo, oyo awe mwekumtogwa, linga ekwiza.'' Ayomba Mkama we Majesi. ²Nende oyo aakiyomelezya lusiku lwekwiza kwamwe? Nende aalakimilila olo alabhonekana? Awe nekati mntu oyo ekuhyaguzya mlilo ne kati sabhuni ye kutunzya. ³Alikalisya ne kukemezya we hela nawe alabhahyagule bhana bhe mwa Lawi. kandi alakabhabhezya bhabhe bhasoga kati zahabhu ne hela, ne alalete sadaka ye bhutungitizya ha Mkama.⁴Ne sadaka ye mwa Yuda ne Yerusalemu ilamtogisye Mkama, kati nsiku zye kale, ne maka zye kale. ⁵Kandi khita hii nimwe kubhahukumu. Nhe ndabhe mkanilizya mwengu hati ye balozi, bhasihani bakanilizya bhe bhubhehi, sinyume sye abho ekubhibhonela bhatuneami hamilago zyamwe, ekubhibhonela mkima mfwilwa ne bhana bhafuvi noyo ekumubhinga mgeni kupuna habhutungilizya bwamwe nabho bhatekunkuzya one, ''Ayomba Mkama we Majesi.⁶Ngone Mkama, ntekupiluka, kandi ninwe bhana bhe mwa Yakobo, mtalatumamila. ⁷Kupuna nsiku zye bhahabhinu mwapilwike hale ne ilagilo lyane nahe mtekuzibhika mpilukile. One none nkubhasubila imwe, ''Ayomba Mkama we Majesi. Kandi mwayomba tukusubhila tyani?⁸Mntu enkaduzya kumwibhila Mungu? Mwekunibhila one, ngoti mwekuyomba, 'Twakwibhila tayari?' Zaka ne sadaka. ⁹Mwakenilwe hamkeno, gwekunibhila one, nsi yona ey.¹⁰Mlete zaka ye bhuhike msitara, sibhemo silibwa mnumba yane, nahe mngemezya helya ekuyomba Mkama we Majesi.'' Katioko ntakubhigulila madirisya ge mwilunde ne kubhasesela bufuhulwa lugulo yinu, lutakubhaho lubhahi lwe kuhisya kuzyanukula. ¹¹Nkumkemezya mubhihya wako oti ataka bhihya masundulwa ginu ge nsi yinu ne mmalale ginu gatalakalagazya olo lisyari itungo lyahe, ''Ayomba Mkama we Majei. ¹²Mahanga gona bhakukulanga mfuhulwa, ku ngoko yako yilabhe nsi ye bhwisini, ''Ayomba Mkam awe Majesi.¹³Magambo ginu gabhele magume, sinyume syane,'' Ayomba Mkama. Kandi mwayomba , ''Twayomba si sinyume syako?' ¹⁴Mwayomba, 'Gutariho msoga kumtumamila Mungu. Yiliho fwaida si kutunzya malgilo gamwe ningakutumbagila eno abho bhekumkuzya eno bhakwililila bhutonzi bwe Mkama we Majesi? ¹⁵Notine twekulanga we makasi mfhulwa. Bhabihya kutali kupandika tuhu, nahe kumgemezya Mungu ne kumwiliga.''¹⁶Kandi abho bhekumkuzya Mkama bhaliyombesya umwi hanuma ne undi; Mkama alinemasala kutudegeleka, ne sitabho sye nkumbusilandikwa bhutonzi bwamwe habho bhekumwobhaha Mkama ne kulikuzya izina lyamwe.¹⁷''Bhakubha bhewane, ''Ayomba Mkama we Majesi, ''Ibhikilo lyane, hansiku ezyo ndakabhezya; ndabhatogw, kati mntu oyo ekumtgwa mwaa wamwe ekumhudumila. ¹⁸Kandi kukila no nkupilukizya kati ye bhutungilizya ne bhatungilia ne bhabhihya, kati ye oyo ekumlamy Mungu noyo atekumlanga awe.

¹Linga, lusiku lwekwiza kati ilala, eyo bhona bhe makasi ne bhabhihya bhalabhe mabhelele. Nsiku lwekwiza lulakabhasya, ''Ayomba Mkama we Majesi,'' Lussiku olwone lurapunicho mizizi nnga izinga. ²Himwe nimwe abhomwekulyobha izina lyane, izyobha lye bhutungilizya lilakabhamoleka ne kubhasizya mmanana gamwe, mlaguruke guluke kati ndama mlugutu. ³Ne bhabhihya bhona mlabhakandagile hansi, bhalakabha mavu hansi ye ngele zye magulu ginu, lusiku olwone ndakabheya, ''Ayomba Mkama we Majesi.⁴Mufizu kile kukuzya ilagilo ye mtumani wane Musa, ne ilagilo ndamelezya eyo Horebu, ha bha Israeli bhona. ⁵Ling, kumlagizya Eliy mhani bhutonzi bwe lusiku lukulu nalwe lwekwo bhahisya kwekweza Mkama. ⁶Alasubye mwizo gwe bhabha ne bhana, mizo zye bhana habhabha bhabha, ngoti ndakiza nkayihaga nsi habhubhihya wona.''

¹Ahane nge bwandizyo bwe injili ye mwa Yesu Kristo, Mwana we Mungu. ²Kati omwo ilandikwa ne nabii Isaya. "Ubone namtuma mtumwawane kub'utonzi b'wako, umwi we kusesa nzila yako. ³Silaka sye muntu kupuna mwikungu umalizye nzila ye Mukama, uzigolole nzila zyamwe.⁴Yohana aliza akub'atizya kupuna mwikungu ne kutembusya bubizo bwe kukuba mabi ne kulekezibwa mabi. ⁵Nsiyone yre Yuda ne bantu b'ona be mu Yerusalemu bale mwizako ala b'ab'alizya mu mwigagwe Yordani bala hungama ne kukuba mabi gabo. ⁶Yohana aliambele (ndilei) ye bwoyabwe ntwanga bulende ne mshipi gwe ndili musibuno syawe, alyanga nzige ne b'wosi bwe mwikungu.⁷Atembusyanga ne kuyomba, "aliho ekwiza ha mgongo gwane we nguzukunkila one, oyo one ntekwikola nolo kwinama kub'oholola ngozi zye vilato vyamwe. ⁸One nab'ab'atizya ku minzi lelo awe akub'ab'atizya ku Mwizo Mtakatifu.⁹Lula hika lisiku kwi itungo Yesu aliza kuvwa Nazareti ye Galilaya, ne alab'atizib'wa ne Yohana mumwiga gwe Yordani. ¹⁰Kwitungo elyone aho Yesu apuna muminzialabona ilunde lila tanduka lila lekana ne Mwizo Mtakatifu ala tikila ku mutwe gwamwe kati oko nkundya. ¹¹Ne silaka silapuna mwilunde "obene uli mwana wane msimwa, ndib'u kutogwe munone,"¹²Tyahone Mwizo alamufila mwikukungu. ¹³Ali kala mwikungu nsiku kanne (40) kugemwa ne Shetani, ali sihamwi ne ndimu zye mwikungu ne Malaika (malahika) bakumutumamila.¹⁴Aho Yohana akwatwa ne kutulwa musifungo(kub'ohwa), Yesu aliza Galilaya akutembusya (kutangazya) Injili ye Mungu. ¹⁵Ala yomba itungo lya hika ne bwami bwe Mungu b'wegelela, mukube mabi ginu ne kuizumya Injili.¹⁶Alahita hampelompelo ne nyanza ye Galilaya, alamubona Simoni ne Andrea muduguye Simoni bakutega nsamaki munyanza mukuboko bali batezi. ¹⁷Yesu alababwila, "mwize mundonde nkubagema bakokozi b'e b'antu." ¹⁸Kwintungo elyone balaleka mitego yabo balamulondezya.¹⁹Yesu alazya kandi hadone, alamubona Yakobo mwene Zebedayo ne Yohana muduguye, bali mulyato bakusobola mitego zyabo. ²⁰Kwitungo elyone alabalanganizya balamuleka isye wabo Zebedayo mu lyato ne batumami bamwe be milimo bala mulondezya.²¹Alaba ahika Kaperinahumu lusiku lwe Sabato Yesu alingila mwi ( Isinagogi ) alanzya kubalanzya igambo lye Mungu. ²²Balakumya kalangizyo kamwe omwo alangisizyanga katioko ne muntu mukulu we nsi itali kati omwo bakulangizyanga bandisi.²³Kwelyone itungu alaho muntu mwi isinagogi lyabo ala ne musabwa alanzya kuyoga, ²⁴Alayomba "tuli ne si nako Yesu we Nazareti? Wiza kutumala? ne kukumania obe, "Obene uli (Mtakatifu)we mwa Mungu!" ²⁵Yesu ala muhana oyo isambwa"homaho ne umupuneko!" ²⁶Elyo isambwa lilamugwisya lilamupunako mukulila kusilaka sye lugulu (higulya).²⁷Bantu bona balumya muno balanya kwibuzya kila umwi oti esyane nge sintu si ? ilangisyo ihyahya lye nguzu ne masambwa ge kumwobeha. ²⁸Elyane igambo lilakumuka hona ku bantu be Galilaya.²⁹Kwelyo itungo aho b'apuna helu ne isinagogi balingila munumba ye mwa Simoni ne Andrea bali ne Yakobo ne Yohana. ³⁰Nina bukwe we mwa Simoni ali mulwele ali ne homa nkali alele, aho bamubwila Yesu eyone mpola zye mulwele. ³¹Aliza ala mukwata kub'oko ala mubusya ho habulili alasila homa alanzya ne kuba tekela silibwa.³²Lusiku olwone kagoloka b'ufuku, bala muletela balwele ne be masambwa (imizimu) ³³Syalo syonane balilalika kwiza kumuzigo. ³⁴Alabasizya binki muno be ndwala niki ne kupunya masambwa ne mizimu atalazumilizya masambwa nolo mizimu kuyomba (kuteta) mukuba bala mumania.³⁵Ala halamuka makesi hasyali kusya kasyali ka giti kuzya hampelo aho batali b'antu kuzya kwisenga (kulomba). ³⁶Simoni ne bisyamwe bona bala mulondezya kuzya kumukob'a. ³⁷Aho b'a mupandika bala mub'wila "kila umwi ekukoba"³⁸Ala babwila, "tuzye handi helu ne ezyane kaya (syalo) nzye neyone kukila injili (igambo lye Mungu) nge syo syandesile aha. ³⁹Alazya akuhita Galilaya yona akuzya akutembusya igambo lye Mungu mu ma sinagogigabo eno akuzya akupunia masambwa /mizimu.⁴⁰We mbizi aliza alasika vivwi ala mwikumbilizya ala mubwila "olo utatogwa wenka nsizya, "(kunezya) ⁴¹Ala mub'ela bwila,Yesu ala golola kuboko ala mukumya, ala mubwila, "Natogwa usile." ⁴²Kwelyone itungo alasila mbizi.⁴³Yesu ala muhangizya kuyomba ala mubwila uzye. ⁴⁴Ala mub'wila "utiza kuyomba igambo elya kumuntu tyoyowona, uzye wilolesye mwa kuhani, ne upunie sadaka yeb'utakaso eyo Musa ala ilagizye ye bushuda kwabe."⁴⁵Oyo muntu alazya akuyomba kwingila mjini (iyisandala )alikala ha mpelo (bwibise) ne bantu baliza kupuna mahanga gona.

¹Izile kusuba Kaperinaumu kunsiku ndone aho zya hita, balamwonvwa oti abanga kaya. ²Bantu binki b'alokala aho ali, ne italiho nolo nzila ye kuhita nolo hamuzigo italiho nzila ye kwingilila ne Yesu atetanga nabo kwi igambo lye Mungu.³Bantu baliza ib'abusya muntu mulwele we bugwe magulu ne maboko ( aliyepooza )ali iya busibwa ne bantu b'anne. ⁴Bala bulwa hekuhitila kumupandika Yesu kungoko bantu bali binki muno, baladula hakasu ha numba aho ali Yesu. Aho bamala kudula hakasu ke numba oyo mulwele bala mutikizya kuhitila kwi dululu ne bulili bwamwe.⁵Yesu aho abona kuzumya (imani) kwabo Yesu alamubwila oyo muntiu mulwele we mangwisya "mwanange walekezibwa mabi gako. ⁶Lelo bandisi abo baliho ahone balanzya kwibuzya mumizo zyabo, ⁷Oyane muntu enkadula tyani kuyomba oti ? Obezya itusi! Ninde oyo ekudula kulekezya mabi, ne atali Mungu inene tuhu?"⁸Kwelyone iyungo Yesu alamania mumwizo gwamwe miganiko gabo. Ala babwila, "Kusi mwekwiganika oti mumizo zinu? ⁹Gwe tyani mwangu kumubwila oya mulwele, "Walekezibwa mabi gako nolo kuyomba oti, Ubuke ubusye bulili bwako utumbagile uzye?"¹⁰Ngoti bamanie mukuba mwana we mwa Adam ali ne buduzya bwe kulekezya mabi ge muntu. ¹¹Nekukubwila olibuka usole silago syako uzye wako. ¹²Helyone itungo alimilila alasola silago syamwe ala puna helu ne bantu aba mwilollela ahone bantu bona balakumya ne kumwi sanagizya Mungu, balayomba ne hamwi nolo hado tusyali kubona igambo kati elya.¹³Alazya kandi ku ngilingili ye nyanza idale lyona lye bantu bala mulondezya ala balanzya igambo lye Mungu. ¹⁴Aho akuzya ala mubona Laswi mwana we mwa Alfayo iyi kala hantu akutobesya ikoti (kodi) ala mubwila "Undonde" ali milila ala mulondezya.¹⁵Aho Yesu atengelwa silibwa alelya hanumba ye Lawi baliza atobesya bi ikoti (kodi) binki ne bantu ne mabi babanga bakulya ne Yesu abange ne bahemba bamwe ne bantu binki abo bali balamulondezya. ¹⁶Kwe olyone intungo bandisi abo bali ne bantu be mabi ne batokesya ikoti (kodi) bala babwila bahemba bamwe, "kusi ekulya ne batobesya ikoti(kodi) ne bantu abo twe kumania ne b'e mabi?"¹⁷Itungo elyone Yesu ala yombo ala babwila oti "Bahanga be mubili batehka mukoba mufumu; balwele angabo bakukobanga mufumu. Ntali bwize ku bantu batungilizya, ndi bwize kubantu be mabi."¹⁸Bahemba b'e mwa Yohana ne Mafarisayo bafunganga. Bantu bandi baliza kumwila "kusi bahemba be mwa Yohana ne Mafarisayo be kufunga, obe bahemba bako bate kufunga? ¹⁹Yesu ala babwila" Bantu be kubwenga benkafunga olo muswezi we bwenga asyaliho nabo? Gutali oti muswezi we bwenga alo asyaliho nabo batenkafunga.²⁰Liliho itungo lye kwiza muswezi we bwenga olo alapunibwa ho, kunsiku ezyane balafunge. ²¹Alaliho oyo muntu eka sumasilaka sihyahya ha mwenda gwe bumala, nko silaka esyone sye nka gutandala mwenda gwe bumale, ne kutandu lwarokwane ne kudezi.²²Ataliho muntu enkatula divai nhyahya mu mfuko (kiliba) ndala eyo divai yenkaibela eyo mfuko ila belelea ne divai ila seseka vyonone vila bula (ulab'ulwa vyona). "Ngoti se utale divai nhyahya mu mfuko nhyahya."²³Kulusiku lwe Sabato Yesu alahita mumalale ne bahemba bamwe balanzya kuvuna kusola ngano. ²⁴Bafarisayo bala mubwila "kusi be kugema igambo elyo lili buhangizibwe kulusiku lwe Sabato?"²⁵Yesu ala babwila "Mtalasoma mu mandiko esyo alagema Daudi aho ali ne butamo awe ne bantu abo ali nabo? ²⁶Elyo alagema mu numba ye Mungu kwi tungo lye mwa kuhani mukulu Abiathari ala lya mkate ogwo gwali buhangizibwe kulibwa ne muntu tyoyo wona gwalibwanga ne bakuhani ne ala bahelezya ne bisya bona abo abanga nabo?²⁷Yesu alayomba "Sabato ilatulwa kungoko ye muntu, atali oti muntu ku Sabato. ²⁸Ngoti, Mwana we Adamu ne Mukama we Sabato".

¹Ne kandi alingila mwisinagogi alimo muntu we bugwe kuboko. ²Kasi bandi bamulondezyanga kukoba kumania olo akusizya kulusiku lwe Sabato bamusitake.³Yesu ala mubwila oyo muntu we bugwe kuboko "buka wimile mwelyo idale lye bantu aba" ⁴Nge alababwila bantu oti, " Ne kusoga kugema igambo isoga kulusiku lwe Sabato nolo kwihanga? Bala hulika sele.⁵Ala balinga ne syaha, alanegelwa mu mizo zyabo, alamubwila oyo muntu, "Golola kuboko bwako". Ala golola kuboko ne Yesu ala mwizya kuboko wamwe. ⁶Bafarisayo bala puna helu bala bezya njama (bwenge) sihamwi ne ba Herode kungoko ye kukoba kumwihaga.⁷Ahone Yesu, ne bahemba bamwe, balazya munyanza, idale lye bantu bala mulonda kupuna Galilaya ne Buyahudi ⁸ne kupuna Yerusalemu, Idumaya ne butonzi ye Yordani ne hihi ne Tiro ne Sidoni, ne idale lye bantu aho bomvwa esyo iya tumama bala mulondezya mpaka aho ali.⁹Ala babwila bahemba bamwe bemu letele lyato idone ingile mo mukuba bantu ne binki muno baliza kumu banilizya. ¹⁰Mukuba alasizya bantu binki, kila muntu ali ne makoye gamwe ali atogwanga ahike kwawe amukumye.¹¹Tyaho hona aho masambwa galamubona bagwanga hansi ne kulila (kuyomba) gakuyomba oti, "Obe uli Mwana we Mungu", ¹²Ala bakemezya kunguzu muno bata kagema bantu bakamumania.¹³Alagegemela hihulya ne lugulu, ala langa abo ekutogwa, ne balazya hawa mwe (kuwamwe). ¹⁴Ala chagula bantu ikumi ne babili abo ala balanga batumwa (mitume) kungoko babe sihamwi nage abe alabatuma kuzya bakutembusya igambo lye Mungu, ¹⁵Ne ala baha nguzu (budula) bwe kupunia masambwa. ¹⁶Ala chagula bantu ikumi ne b'ab'ili; Simoni, oyo ala mwilika Petro,¹⁷Yakobo mwene Zebedayo, ne Yohana mduguye we mwa Yakobo, ala muha izina lye mwa Bonagesi, abone ne bana be ngulumo, ¹⁸na Andrea, Filipo, Bartholomayo, Mathayo, Tomaso, Yakobo mwana we mwa Alfayo,Thadayo, Simoni Mkananayo, ¹⁹ne Yuda Iskariote, oyo ala muguzya (saliti)²⁰Ala mala alazya kaya ne idale lye bantu bala mulondezya kandi, alaba ala duma nolo kulya mukate. ²¹Bantu be kaya yamwe aho biza kwomvwa ezyone mihayo,balazya kumu bada (kwata)balayomba oti "iyasala". ²²Bandisi abo baliza kupuna Yerusalemu balayomba, "Alini isambwa lye kulangwa Beelzebuli," ne ekutumamila mkula we masambwa kupunia masambwa".²³Yesu ala balanganizya ala bukizya kuyomba nabo kuvigemelo "kutyani Shetani enka mupunia Shetani? ²⁴Bwami olo bulalekana obwone bwami nko bwafwa. ²⁵Olo numba ila tanduka ilalekana itenka dula kandi kwi milila.²⁶Olo Shetani alanzyakusola awe kwa awe bwami bwamwe nko bwa mala. ²⁷Ataliho muntu nolo umwioyo enkingila munumba ye muntu we nguzu ne kwib'a vintu vyamwe olo ata duzizye kumukwata ne kumuboha mbela, nge ulasola vintu vye munumba yamwe.²⁸Syenkana ne bubabwila, mabi gona ge bantu zilaka lekezibwa ne matusi gabo gona agobe kuyomba. ²⁹Lelo oyo alaka mutuka Mwizo Mtakatifu atalaka lekezibwa mabi gamwe ne hado byololo. ³⁰Yesu alayomba agone gonane kungoko balamuyomba "ali ne masambwa".³¹Habele aho nina ne baduguye baliza balimilila helu. Balatuma muntu amulange. ³²Ne idale lye b'antu bali ibi kalisya hihinage bala mubwila, "yayo wako ne b'aduguyo bali helu b'e kukukob'a".³³Ala basubizya oti "Ninde yayo ne badugu bene?" ³⁴Ala balinga bantu abo bali ibikalaiba mupilima (pindilizya) "Alayomba oti aba nge bayayo ne badugu bane! ³⁵Tyoyo wona oyo ekuguma busimwa (mapenzi) bwe mwa Mungu, oyone nge mudugu wane, ilumba lyane ne yayo wane"

¹Yesu anzya kulangisya kungilingili ne nyanza. Idale lye bantu bali iba mupilima, alingila mu lyato ahone hanyanza alikalisya, Idale lye bantu bali ha mwalo. ²Ala langisya magambo minki ha kugemekezya ala yomba akuba tembusya malangisyo gamwe.³Ala yomba muntu alazya kuhamba mbuto. ⁴Aho akuhamba mbuto, mbuto zindi zilagwila hampelo ne nzila noni ziliza zilazilya. ⁵Mbuto zindi zilagwila hitale, butaliho bulonko bwinki. ziloma mukuba butaliho bulonko bwinki.⁶Izyoba lizile, kwaka ziloma mukuba, zitali ne mizi. ⁷Mbuto zindi zilagwila mumigwa migwa ilazibananisya zitala tula visumo nolo hado.⁸Mbuto zindi zila hambwa ha bulonko busoga, zilamela zilakula zilatula visumo, zindi makumi asatu zindi lukaga, zindi visumo igana". ⁹Ala yomba oti, "we matwi gwe kwomvwa, omvwe!"¹⁰Yesu aho ikala inene, b'ahemba bamwe obo ikumi ne babili bala mubuzya oti elyone ngi igambo nabasi. ¹¹Alateta ala babwila oti imwene mwa helwe kumania sili yi igambo lye bwami bwe Mungu. Lelo abo balihelu kila igambo ne lugano tuhu, ¹²Olo balalinga, balalinga tuhu lelo kubona byololo, ne olo balinvwa balinvwa tuhu, lelo kumania byololo, olo balamanie benka piluka balakuba mabi gabo ne Mungu ala balekezya."¹³Ala babuzya, nge kuyomba oti ni mwene mutokumania igambo lye lugano olwa? Mukumania tyani ngano zindi?. ¹⁴Mtenzi we mbuto ala hamba igambo lye Mungu. ¹⁵Aho mbuto zila gwila hanzila ngabo batomvwa igambo lye Mungu aliza Shetani alalisola elyo igambo mizo yabo.¹⁶Bandi abo bala hambwa hitale ngabo balomvwa igambo lye Mungu bala lya nukula bangubwa ye kubwi halale. ¹⁷Abane bali gele mizi mumizo yabo olo makoye ne masumbufu gala musanga alagwa.¹⁸Bandi ngabo mbuto zila hamwa mumigwa ngabo balyomvwa nga igambo lye Mungu. ¹⁹Lelo makoye ge mamilimo zye habwelelo, bukovi bwe nsabo ne kwi kumbwa magambo minki kula bingila mumizo ne kulibana elyo igambo lye Mungu lila sindwa kutula visumo. ²⁰Baliho abo balahambwa kubulonko busoga, Abone nge abo babolyomvwa igambo lye Mungu bala lyanukula tila tula visumo, bandi makumi asatu, bandi lukaga, bandi igana."²¹Yesu ala yomba oti wenkaleta tala ulaitula musikapu nolo munkululi ye bulili? bekuletanga ulai hanika ha simbilyango. ²²Mukuba sitaliho tyosyo syona sye kwibisa esyo sintenka maninkana ne italiho siri eyo yitenka maninkana. ²³Akaba ho we matwi onvwe.²⁴Alababwila, "mwitegelezye esyo mwe kwonvwa, mukuba ngelo eyo mwe kugeleka, nge mlagelekelwa ne ntelela. ²⁵Mukuba oyo alinasyo alongezibwe, oyo aligele ala katazibwa vyona evyo alinavyo.²⁶Alayomba, "Bwami bwe Mungu bwe kwikola nolo muntu ala hamba mbuto mu bulonko. ²⁷Aha azya kugona bwile kwiza kuhalaka mulebo, mbuto zilamela ne kukula nahe atekumania obo ilab'a. ²⁸Nsi ikupunianga mbuto yenekilo kwandizya matutu, maua ne mbuto zye bukomele. ²⁹Kwitungo elyo mbuto olo zilakomela ngelyo itungo muntu alafila ibeyenge kuzya kwimbula mukuba itungo lya kwimbula lya hika."³⁰Kandi alayomba, "tubwikolanizye bwami b'we Mungu ne sintu si? nolo tukwigemenkezye nesi? ³¹Ne kati mbuto ye haradali, ne mbuto ndo munone kukila mbuto zyona zye munsi. ³²Olo ila hamba ila kula kukila mimelo yona ye kubustani, ne ilatula matambi makulu ne kandi noni zye mwilunde zye nkabezya vyali mwogwone muti."³³Viliho vigemekezyo vinki alayomba ala babwila igambo omwo ekubonela bamanie elyo igambo, ³⁴alayomba nabo igambo bila kugemekezya, olo ikala ihene ne bahemba bamwe abatembusyanga igambo omwo lili.³⁵Kulusiku olwo aho yahika mpindi ala bab'wila, "Tuzye lwande lwe kabili". ³⁶Balabaleka abo bantu balamusola Yesu, kwe lyone itungo bali mulyato, ne mato gandi gali sihamwi nage. ³⁷Ne muyaga gwe nguzu ne nsyululu ne mahuli galanzya kwingila mulyato ne lyato lyali lyokele.³⁸Lelo awe Yesu ali ingile mukati ne lyato iya gona. Bala muhale musya bala mubwila, "Mwalimu utekugola ifwe twekufwa?" ³⁹Ala halamuka alaguhama ogwo muyaga ne nyanza alaibwila "Ilembele" muyaga gula hulika ne nyanza ila lembela.⁴⁰Alababwila, "Kusi mwekwob'aha? musyali kuzumya tuhu?" ⁴¹Bazugumanga ne kwobaha muno balanzya kwibuzya abe kwa abe, "Oyane nende, ne muyaga ne nyanza ye kumuobaha?"

¹Baliza mpaka lwanda lwe kabili lwe nyanza, kunsi ye ba Gerasi ²Ku elyone itungo Yesu aho akutihila mulyato, muntu we masambwa aliza kupuna kumakabuli.³Muntu ayone alendanga kumakabuli muntu oyane ataliho muntu we kumugumya, nolo kuminyororo byo. ⁴Azikatanga minyororo ne matendele aga vunagulanga, atali muntu oyo aduzyaga kumugumya⁵Bwile ne mwizyoba ikalanga kumakaburi ne mulugulu, alilanga ne kwikata mwenekili ne mabale mogi. ⁶Izile kumwilolela Yesu ali luha lubi aliza kugwa mumagulu, alilanga ge mwa Yesu.⁷Alahilakusilaka sikulu, "wekukoba nkugemelesi Yesu mwana we Mungu we mwi lunde? Nekukulomba (Nekukwikumbilizya) kwi izina lye Mungu mwenekili utakanegezya" ⁸Mukuba ali iya yomba, "Oti obe isambwa mpuneko oya muntu."⁹Nawe ala mubuzya, "Obe ne ulinde?" Nawe alayomba one, "Izina lyane ndi Legion, mukuba tuli binki." ¹⁰Alamwikumbilizya munone kandi ne kandi atakabafila helu ne ogwa mkoa.¹¹Kwe lyone itungo idale lye ngurube (mpunu) lya dimanga mulugulu. ¹²Nabe balamwikumbilizya, kuyomba oti, "uzumilizye tuzye twingile mwenzyo ngurube (mpunu) ¹³Nawe ala zumya, nage ago masambwa gala mupunako oyo muntu kwe elyone itungo galazya kwingila mwenzyo ngurube kwelyone itungo elyo idale lyona lye ngumb'e lililuka kuzya mu nyanza kati oko ngurube vihumbi vibili zilazya kugwila munyanza ne kufwa.¹⁴Obo badimi ba ngurub'e baliluka balizya kutenga kubenekele ngurub'e ne kuzya kutembusya esyo babona nsi yona ila mania ogwo muhayo nge ho bantu binki balazya kulinga evyo vigelo. ¹⁵Bantu baliza mwa Yesu ne balamubona oyo muntu abanga ne masambwa ikalisye iyambikwa myenda ne kandi bwenge bwamwe ibwa suba iyaba kati bandi, obo bantu balobaha.¹⁶Bantu abo baliho ne balabona oyo muntu aleszibwe ne masambwa ne balabona evyo vigelo, balatembusya omwo babonela ne esyo ngurub'e omoilaba. ¹⁷Abobantu bala mwikumbilizya Yesu apune musyalo syabo.¹⁸Yesu aaho akugegela mulyato, oyo muntu ali asazibwe ne masambwa alamwikumbiolizya oti azye nage. ¹⁹Yesu atalamzumizya, ala mubwila oti, "Uzye kuwako kubantu be kaya kinu, uzye uba tembusye oti ali Mukama, ne utembusye masoga ago uja kugemela." ²⁰Oyo muntu alazya akutembusya bantu magambo makulu ago Yesu iya mugemela kunsi ye Dekapoli, ne kila muntu ala kamala.²¹Yesu aho akila nyanza kulwande lwe kabili (lundi) mu lyato, idalemulu munone lye b'antu bala mupilima (balamutula hakati) aho ali hampelo ne nyanza. ²²Ne muntu umwi mkulu we isinagogi, alangagwa Yairo, aliza alagwa mumagulu gamwa Yesu. ²³Ala mwikumbilizya munone munone akuyomba, "mwanawane we buhala mudo ne mulwele muno hihi ne kufwa, nekukwambilizya wize, umutuleko maboko gako mwana wane asile abe mahanga." ²⁴Yesu alizya nage ne idale lye bantu lila mulondezya, alazya iba mwibanilizya iba mutula hakati.²⁵Abanga hu mukima umwi oyo ali ne mugezi kunsi ku miaka ikumi ne ibili. ²⁶Ali alakoyile muno kuzya akulagulwa ne bafumu binki, ala tumamile kila sintu syamwe esyo alinasyo nolo kusila byo nge ndwale yamwe ilagane kukula. ²⁷Alomvwa bantu bakumuyomba Yesu. oti ekusizya (alomvwa mpola zye mwa Yesu) oyone mukima aliza akuhita mwidale lye bantu, nawe aliza ala kumisya myenda ye mwa Yesu,²⁸Mukuba alayomba mu mwizo, "Olo ndazya nda kumya myenda ye mwa Yesu mkusila." ²⁹Aho akumya tuhu myenda zye mwa Yesu mugezi gula kata ne alabona mumabili gwa mwe kuba oti asila, eyo ndwala alakoyile kale.³⁰Kwe lyone itungo Yesu alamania mukuba nguzu zya mupuna mumubili gwamwe. Ala piluka enoneno mwelyo idale lye bantu alabuzya, "Nende oyo akumya myenda yane?" ³¹Bahemba bamwe bala mubwila, "Wekubona elyane idale lye bantu bekukwibanilizya nobe we kuyomba nende oyo akukumya" ³²Lelo Yesu alalinga eno neno kubona muntu oyo iya mukumya.³³Mukima oyo alagema elyo igambo alo baha ne kuzuguma, aliza alagwa mumagulu ge mwa Yesu ne ala tembusya gonane kati omwo vili. ³⁴Ala mubwila, "Obe mwanike kuzumya kwako kwa kusizya, uzye ne buyegi usizibwe ku bwo bulwele bwako,"³⁵35 Aho abanga akuyomba, baliza bantu kupuna hamkulu we isinagogi, balayomba, "Mwanawako iyafwa, utaka mukoya mwalimu?"³⁶Yesu alomvwaaho bayombanga, bakumubwila mukulu we isinagogi, alambubwila mukulu we isinagogi, "Utakobaha. Uzumye mumwizo." ³⁷Atalazumya kulondezibwa ne muntu tyoyo wona ila Petro, Yakobo ne Yohana mduguye we mwa Yakobo. ³⁸Aho ingila munumba yoyo mukulu we Isinagogi alabona lyombo, bantu bakulila muno.³⁹Aho ingila munumba, alababwila, "Kusi mwe kwagalala eno mukulila? Mwana atafwile ali mutulo," ⁴⁰Bala museka, lelo awe ala babinga bapuna helu, ala musola isye woyo mwana ne nina ne abo abanga nabo ne alingila munumba omwo ali oyo mwana.⁴¹Ala mukwata kuboko oyo mwana ala mubwila, "talitha koum" ngoti obe mwana ne kukubwila halauka" ⁴²Kwitungo elyone oyo mwana ala halamuka ne kutumbagila (abanga ne miaka ikumi ni ibili) Kwelyone itungo bantu bala kumya muno. ⁴³Ala bahangizya kunguzu munone atakigela we kulimania elyane igambo. Ne alababwila bamuhe silibwa oyo mwanike.

¹Alapunaho ala ku muji gwabo (kaya kabo) ne bahemba bamwe balazya nage. ²Kulusiku lwe Sabato alanzya kulangisya mu Isinagogi. Bantu bingi balamwomvwa ne balakumya, balayomba, "Agepunia hahe agane malangisyo? Ahelwe bwenge nabasi?" "Ekubezya eyane kumaboko gamwe?" ³" Oyane atali selemala, mwana we mwa Mariamu mdugu we nba Yakobo, Yose, Yuda ne Simoni? Itali oti balumbuye tulinabo ahane sihamwi?" Batalatogwa ago ekugema Yesu.⁴Yesu alababwila, "Nabii atenkalwane isima ila munsi yamwe ne mubaduguye be munumba yamwe." ⁵Atalabezya (miujiza) ahone, ila ala batulila maboko badone ala basizya. ⁶Alakumya muno mu kuleka kuzumia kwabo. Apunanga ahone ala viyungila vijiji vye buzenganwa kuzya akulangisya.⁷Ala balanga bahemba bamwe ikumi ne babili. ne alanzya kubatuma babili babili. Alabaha buduzya bwe kupunia masambwa. ⁸Ala bahangizya bateka sola tyesyo syona basole mulanga tuhu, batakasola mkate, mifuko, nolo hela. ⁹Bambale vilato bataka sola nkanzo ibili.¹⁰Ne alababwila, "Numba tyeyo yona mkingila mwikale omwone mpaka aho mula sube (kupuna). ¹¹Ne kaya tyeyo yona eyo balaleka kubanukula nolo kubadegeleka, mpuneho ne mukungumula lububu kumagulu ginu ibe bushuhuda kwabe."¹²Balazya kutembusya igambo lye Mungu bantu balakuba mabi gabo ne kugaleka. ¹³Bala binga masambwa minki ne bala basiga mafuta balwele ne kubasizya.¹⁴Mwami Herode aho iza kwomvwa magambo ago izina lye mwa Yesu oti ilya kumuka muno. Bandi balayomba, "Yohana Mbatizaji azyoka ne kungoko eyone ne nguzu ye miujiza ye kutumania hali Yesu." ¹⁵Bandi balayomba, "Oyane ne Eliya," kandi bandi balayomba, "oyane ne nabii, kati omwo bali ba nabii be kale."¹⁶Aho Herodeomvwa aga alayomba, "Yohana oyo nda mukata mutwe azyoka," ¹⁷Mukuba Herode mwenekili oyo ala langizya Yohana akwatwe ne ala mufunga mu sifungo kungoko ye mwa Herodia (mka Filipo mkuluye) kungoko ali amuswezile.¹⁸Kungoko ali iyamubwila, "Itali kusoga kumuswela muka mukuluyo." ¹⁹Lelo Herode ala mugaya ne alanzya kumukoba kumwihaga, lelo aladuma ( alasindwa), ²⁰Mukuba Herode amwobahanga Yohana: amanianga oti ni muntu we nhana ne mutungilizya ne mtakatifune ala muleka mpola (muhanga). ne aho endelea kumudegeleka ala negelwa muno mumwizo, kandi alatogwa kumudegeleka.²¹aho lya hika itungo yegelela nsiku zye kubutwa kwe mwa Herodeala bezya sikunkulu ne batumami bamwe ne basilikale ne bakulu bensi ye Galilaya. ²²Ngaho mwana we mwa Herodia alingila kutuma mumunso gabo, balatogwa aho atuma kusoga kumanso ga mwa Herode ne bageni bamwe kagolo ha malagila. Mwami Herode alayomba oti mukwila hizya tyesyo syona esyo wakutogwa uyombe nkukuha."²³Ala mubwila tyelyo lyona ulandomba nkukuha nolo sehemu ye bwami wane mukwilahizya." ²⁴Oyo mwanike alapuna helu kuzya kumubuzya nina, "ndombe si?" Nina alayomba, "mutwe gwe mwa Yohana Mbatizaji." ²⁵Kwe elyone itungo alingila kumubwila mwami, "Nekukoba umpe mutwe gwe mwa Yohana Mbatizaji."²⁶Mtemi ala negelwa mumwizo muno,lelo kungoko ye mlahi gwamwe ne kungoko ye bageni bamwe, aladuma kumukemela elyo igambo. ²⁷Mwami alatuma basilikale mwi idale lye balinzi bamwe ne kubabwila bazye bamuletele mutwe gwe mwa Yohana. Mulinzi alazya kumukata mutwe eyo musifungo. ²⁸Ala guleta mutwe gwe mwa Yohana mwi sahani ne kumuhelezya mwana wamwe, ne oyo mwana ala muhelezya nina. ²⁹Bahemba, bamwe Yohana bizile kwomvwaago balazya kusola mubili gwe mwe balazya kuguzika kuma kaburi.³⁰Batumwa, balisumvya sihamwi muminso ge mwa Yesu, bala mutembusya gona ago batumama ne kulangisya. ³¹Nawe alababwila, "Mwize hampelo twihumunye kwi itungo ," Bantu binki bizanga ne kuzya, batalapandika itungo lye kulya. ³²Balagegela lyato balazya hampelo binene.³³Lelo kandi balababona aho bakupuna kuzya balamania, kubona baliluka lwemagulu kubalondezya kupuna miji yona, naha balahika abe bazya kuhika (bala batanga). ³⁴Aho bahika ha mwalo, alabona idale ikulu lye bantu ala babelabwila mukuba bali kati ntama ezyo zitali ne mudimi. Ne alanzya kubalangisya magambo minki.³⁵Aho itungo lyazya muno, bahemba bamwe baliza bala mubwila. ³⁶Ubatahye bazye kumiji ne vijiji vye hihi bazye biguli silibwa,"³⁷Ala bssubizyaala babwila, "mubbahe silibwa imwene," Bala mubwila, "Twekuzya kugula mikate ye dinari magana abili tuba he balye?" ³⁸Ala babwila, "Muli ne mikate zinga? muzye mulinge, "Balanzya kulinga bala bona mikate balamubwila, "Mikate itano ne nsamaki ibili."³⁹Ala babwila bikalisye mukundi makundi ha mansi mabisi. ⁴⁰Bala babwila bikalisye bandi igana bandi katano. ⁴¹Ala sola ezyo mikate itano ne nsamaki ibili, ala kinga mwi ilunde, alazilombela alabaha bahemba bamwe bazigabula sihamwi nezyo nsamaki ibili ku bantu bona.⁴²Balalya bona balikula kila umwi. ⁴³Bala bilinga vipande evyo vilasaga vye mikate balokazya vikapu ikumi ne vibili ne vya nsama otine. ⁴⁴Bali bagosya vihumbi vitano abo balalya ezyo mikate.⁴⁵Ala babwila bagegele mu lyato bazye handi, bala hika Bethsaida aho awe abanga akubatahya bantu ku mukutano. ⁴⁶Aho basambala alazya mulugulu kulomba. ⁴⁷Aho yahika kagolo (mpindi) ne lyato lyabo kwi itungo elyone lyato hakati ne nyanza, nawe ali inene helu ne nyanza.⁴⁸Ala babona bakukoya kulewesa ngahi kungoko ye muyaga gwa bakoya, aho bwegelela kusya ala balonda akutumbagila higulya ne minzi, alenda kubahitako. ⁴⁹Aho bamubona akutumbagila higulya ne minzi, balabaha balayomba hamwi ne muzimubalahuma mukuyoga. ⁵⁰Kungoko bala mubona balabaha muno. Nawe ala abwila, "Mutakobaha ngone."⁵¹Alingila mu lyato ne muyaga guloya halalembela, nabe bala kumya munone. ⁵²Bali batamanile maana ye ezyo mikate nesi, mukuba bwenge bwabo bwali butekumania minki.⁵³Aho bakila nyanza balahika kumsiye Genesareti, lyato lilimilila (lilima). ⁵⁴Aho babuna mulyato bala mumania. ⁵⁵Baliluka kukumusya mukoa gwona bala bukizya kuleta balwele kumachela kila aho bomvwanga oti ekwiza.⁵⁶Kila aho ingilanga mu vijiji, nolo mijini nolo musyalo tuhu bala tula balwele hama golilo ne bala mwikumbilizya azumye bakumye nolo syasmbalwa syamwe. Nebona abo balakumya (bala mukumya) balasizibwa.

¹Bafarisayo ne bandisi abo bali balapuna Yerusalemubali bilinga kumutula hakati.²Balabona mukuba bahemba bamwe bakulya mikate kumaboko ago gatali buzumilizibwe, ago gatali bwozibwe kusoga. ³(Bafarisayo ne Bayahudi bona batakulyanga mpaka bonye maboko gabo kusoga, Bala lendelele kikalilo ne nzila zyabo zye kikalile ke ba nampala b'ab'o. ⁴Bafarisayo olo biza kupuna kwi golilo, bata kalyanga mbela mpaka boge mubili gwonane. Ne ziliho kandi nzila zyabo ezyo zikubanga mpaka bazi geme kati oko, "Kukusa vikombe, mafulila, ne vineneko vye shaba, ne matebe ago bakwikalilanga mukulya.)⁵Mafarisayo nabo bandisi bala mubuzya Yesu, "Kusi obe bahemba bako batekulonda kazile ke banempala b'e munsi yitu, bekulya tuhu ne kukalaba kusoga byo?"⁶Yesu alababwila, "Isaya ala yomba kusoga aho kale mukuba ime bantu babi alandika, "Bantu aba benkukuzya kumilomo tuhu, lelo mizo yabo ili hale none. ⁷Bekunisenga hagele tuhu, bekulanzya ilagilo lye ke bantu mukazile ke bazyele babo.⁸Mwalilekile ilagilo lye Mungu ne kulondezya kubwangu ilagilo lye kalendele ke bantu." ⁹Alayomba mukubabwila, "Mwalilemile ilagilo lye Mungu bwangu kungoko mulonde nzila zye kalendele kinu! ¹⁰Mukuba Musa alayomba oti, "Umukuzye so ne noko, "Oyo ekuyomba mabi hali isye ne nina sye nkana akufwa.¹¹Kandi imwene mukuyombanga, "Oti olo muntu alayomba hali ise nolo nina, "(tyesyo syona esyo enkanukula kupuna (kuvwa) kwone ne hazina ye Ikanisa, "Elyonenge kuyomba isyapunibwahali Mungu') ¹²Itekuzumilizibwa kugema tyelyo lyona mwa nina nolo mwiisye. ¹³Mwe kuligema ilagano lye Mungu kuba ne gele mu kuzila nizya ne mila zinu. Nemagambo minki gotine ago mwe kutumama."¹⁴Ala balanga bantu kandi ala babwila, "Mundegeleke imwene, bonane mumanie, ne mwitegelezye. ¹⁵Sitaliho tyesyo syona esyo syenka mukula mumabi esyo sye kwingila munda. Lelo esyo sye kupuna mwa awe ngesyo sye kumuletela mabi. ¹⁶(Mwitegelezye," Olo muntu ali ne matwi ge kwonvwa onvwa.)¹⁷Yesu aho abaleka abo bantu ne kwingila munumba, bahemba bamwe bala mubuzya elyo igambo nesi? ¹⁸Yesu alayomba, "Ali mwene musyalo kumania? Mute kubona mukuba tyesyo syona sye kwingila kumuntu sitenka mubihya, ¹⁹mukuba sitenkadula kuzya mumwizo gwamwe, sikwingilanga munda nkatikilo yahe ne musyoloni, "Kwe elyone igambo Yesu ala vizumilizya vilibwa vyona kuba vitali ne mabi ne visoga.²⁰Alayomba, "esyo sye kupuna mu muntu, ngesyo sye kumubihya. ²¹Mukuba esyo sye kupuna mu muntu, mumwizo ngomwo gakupunanga miganiko mabi busihya,bwivi, bwihazi ²²Bumahulu, kwikumbwa mabi, bubi, (budangania) kwilala, kwigomelwa, matusi, kwibona, buhulege. ²³Mabi gonane aga gakupunanga mukati ye muntu, ngago gakumubinyanga nuntu,"²⁴Ala buka ahone alazya kunsi ye Tiro ne Sidoni. Alingila aho ne atalatogwa muntu tyoyo wona amanie oti aliho, lelo bataladula kumubisa. ²⁵Kwitungo elyone mukima abanga ne mwana wamwe mudo abanga ne masambwa, alonwa oti aliho (mpola zye mwa Yesu) aliza alagwa mumagulu ge mwa Yesu. ²⁶Oyone mukima abanga Myunani, we sisesye Kifoeniki.Ala mwikumbilizya amusizye mwana wamwe.²⁷Yesu ala mubwila oyo mukima, "aleke mbela balye bana, itakusoga kusola mukate gwe bana kuguhelezya mbwa." ²⁸Oyo mukima ala suvya alayomba, "nhanane Mukama,ne mbwa zikulyanga makombo ge bana munsi ye meza."²⁹Alayomba, "Oko wayomba oti kwotine walekelwa uzye, masambwa iga mupunako mwana wako." ³⁰Oyo mukima ala suba kaya kuwa mwe alazya kumusanga mwna wame ali tulo agonile, ne masambwa iga mupunako.³¹Yesu ala puna kandi kunsi ye Tirokuhitila Sidonikuzya kunyanza ye Galiliaya mpaka kunsi ye Dikapolisi. ³²Bala muletela muntu we buzibe matwi ne atenkadulakutela kusoga, bala mwikumbilizya Yesu amutule ko maboko.³³Ala mutasya hidale lye bantu kulwibiso (siri) alatula minweyamwe mwa ago matwi, ala tuga mate ala kumya halulimwi lwamwe. ³⁴Ala kinga higulya mwi lunde, ala hema ala mubwila, "Efata," nge kuyomba oti "iguku!" ³⁵kwelyone itungo matwi galiguka ne syo syali buhangizye lulimi sila bihibwaalanzyakuteta kusogane.³⁶Ala bahangizya batakazya kumubwila muntu tyoyo wona. Ala bahangizya walelelo nge balagana kuzya kuyomba kukukumusya muno. ³⁷Syenkana ne bala kumya ne kuyomba, "Abezya visoga vinki.Agema ne banantomvwa kwonwa ne bateta kuteta."

¹Ku ezyone nsiku, kandi lyali idale lye bantu, ne batali ne sye kulya. Yesu ala balenganizya bahemba bamwe alabab'wila, ²Ne kub'ab'ela bwila ab'a b'antu mukuba ndinabo nsiku bali gele sye kulya. ³Olo nda batahya bazye wabo ne butamo benka kabila munzila kungoko ye butamo, mukuba bandi bavwile hale muno. ⁴Bahemba bamwe bala suvya balayomba, 'Tukupandikila hahe mikate ye kwikola kuboha balye bikute kwe eyane nsi ne maduka gataliho?"⁵Ala babuzya, "Muli ne mikate zinga? balayomba, "Musamvu" ⁶Ala babwila elyane idale lye bantu bikalisye hansi. Ala sola mikate musamvu, ala mwisenga Mungu, ala ikenagula. Alabaha bahemba bamwe babagabulile bantu.⁷Kandi bali ne nsamaki ndondondo ndone, ne aho amala kumwisenga Mungu ala babwila bahemba bamwe babagabulile bantu na zyene. ⁸Balalya bantu balikuta, balayola masagilwa ago galagalikanga balokazya vikapu musamvu. ⁹Bantu abo balalya bali hihi ge bantu vihumbi nine. Ala batahya bazye kuwabo. ¹⁰Alingila mu lyato ne bahemba bamwe balazya kunsi ye Dalmanuta.¹¹Bafarisayobalapuna helu kwi halalika nage.Bakukoba abolekezye lumenko kupuna mwi ilunde, mukukoba kumugemezya. ¹²Aliganika mu mwizo gwamwe alayomba, "Kusi luzyalo olwa lwe kukoba lumenko? Ne kubabwila imwe ku nhana, lutaliho lumenko olwo mukwolesibwa, ku luzyalo olwa." ¹³Ala baleka, alingila mulyato kandi, alazya lwande lundi.¹⁴Bahemba bamwe balalabila kusola mikate. Batali ne mikate yindo bali ne kamukate kamwi mulyato. ¹⁵Ala babwila oti mwiyangalile ne mwitegelezye kumihayo mibi ye Bafarisayo ne ya mwa Herode.¹⁶Bahemba bamwe balibuzya abe kwa abe, "Hamwi oko tutali ne mikate." ¹⁷Yesu alalimania elyo, ne ala babwila kusi mwe kwibuzya kungoko ye mikate? MUsyali kumania tuhu? Mizo yinu yabo mi pupe?¹⁸Muli ne minso mutekubona? Mline matwi mtekumvwa? Mutekwibukila? ¹⁹Aho na gabula mikate itano ku bantu vihumbi vitano, mulatolela vikapu vinga vye (masagilwa) ge mikate? balasuvya oti, "Ikumi ne vibili."²⁰Aho nagaba mikate musamvu kubantu vihumbi vine, mula tolela vikapu vinga?" ²¹Balayomba, "Musamvu," Alababwila, "Musyali kumania tuhu?"²²Baliza Bethsaida. Bantu abone balaleta muntu muhofumwa Yesu bala mwikumbilizya amukumyeko. ²³Yesu ala mukwata kuboko oyo muhofu kumutonglakuzya helu ne ye sijiji. Ala mutungila male kuminso ne kugolola maboko higulya kumutwe ala mubuzya, "we kubona si?"²⁴Alalinga higulya alayomba, "Nekubona bantu katioko miti ye kwiluka," ²⁵Ala sonta kandi maboko ha minso gamwe, oyo muntu alanzya kubona kusoga kila sintu. ²⁶Yesu ala muleka azye wabo, "Atakuzya mujini."²⁷Yesu alazya ne bahemba bamwe ku vijiji vye Kaiseria ye Filipi. Aho bali munzila ala babuzya bahemba bamwe, "Banttu bekuniyomba oti ndinde?" ²⁸Bala musubizya balayomba, "Yohana mbatizaji. Bandi balayomba, 'Eliya' ne bandi, 'Umwi we banabii."²⁹Ala babuzya, "Ali imwe mwe kuyomba one ndinde?" Petro alamubwila, "Obene ne Kristo." ³⁰Yesu ala bahangizya bata kamubwila muntu tyoyo wona kungokoyawe oti nende.³¹Alanzya kubela ngisya oti mwana we mwa Adamu akwingila mumateso makulu ne minki muno ne akukemwa na bakulu bensi ne bakuhani bakulu ne bandisine bazumya ne kunsiku kuhita alazyoka. ³²Agane alayomba ku bantu bona bimvwe.Petro ala mupunia hampelo anzya kumuhangizya .³³Yesu alapiluka ala balinga bahemba bamwe ala muhangizya alayomba, "Usube numayane syetani! Utekugola igambo lye Mungu wekugola ge bantu tuhu." ³⁴Ala balanga bantu bona ne bahemba bamwe sihamwi alababwila, "Olo muntu ekutogwa (ekukoba) kundondezya ikeme mwenekili, asole msalaba gwamwe andondezye.³⁵Mukuba muntu oyo ekutogwa kwisi zya maisha gamwe akugabuzya, oyo kutogwa kubuzya maisha gamwe kungoko yone ne kunvuno ye injili akugasizya. ³⁶Ye kumukwasya linde muntu kupandika zyona zye munsi kandi alabuzya maisha gamwe? ³⁷Muntu enka punia si kungoko ye maisha gamwe?³⁸Oyo ekumbonela nsoni ne magambo gane mu luzyalo olwa lwe basihya ne luzyalo lwe be mabi Mwana we mwa Adamu alakababonela nsoni aho alakakasuba kwiza ku bwami bwe mwi isye sihamwi ne bamalaika batakatifu.

¹Ne alababwila, "syenkana ne kubabwila, Bandi baliho ahane baletafwe batabwene bwami bwe Mungu bukwiza kunguzu." ²Aho zyahita nsiku mukaga Yesu ala basola Petro, Yakobo ne Yohana balazya sihamwi nage mulugulu,binene. Ngaho Yesu alanzya kupiluka muminso gabo. ³Myenda yamwe ilela muno, yape munone kukila kupe bwona bwe mu bwelelo.⁴Ku lyone itungo Eliya ne Musa baligela muminso gabo bakulomela ne Yesu. ⁵Petro alayomba akumubwila Yesu, "Mwalimu ne kusoga ifwe kuba aha, tuzengule numba isatu, yimwe ye mwa Musa yimwi yako ne yindi ye mwa Eliya." ⁶(Mukuba atamanianga lye kuteta balabaha muno.)⁷Ilunde liliza lilibafundikila. Silaka kupuna mwilunde silayomba oti, "Oyane nge mwana wane msimwa, mu mwonvwe awe." ⁸Kwe lyone itungo kulinga, batala bona muntu tyoyo wona, bala mubona Yesu inene.⁹Aho babanga bakutikila kupuna mulugulu, alabahangizya batiza kuyomba ku muntu ago gonane iba gabona mpaka mwana we mwa Adamu alakaba azyoka kupuna mu bafu. ¹⁰Bala hulika batala yomba,balikalabakwibuzya abe kwa abe mukuba elyone nge igambo nabasi, "kuzyoka kupuna mu bafu."¹¹Bala mubuzya Yesu, "Kusi bandisi bakuyombanga oti Eliya mpaka asube mbela? ¹²Ala babwila, "syenkana Eliya akwizambela kulokola vintu vyona. Kusi ili bwandikwe mukuba Mwana we mwa Adamu syenkana ne apandike mateso minki ne bamugaye? ¹³Lelo ne kubabwila Eliya alamazile kwiza ne bala mugema omwo be kulogelwa kati omo mandikao ge kuyombela kungoko ga awe."¹⁴Aho basuba kubahemba bamwe alabona idale lye bantu iba mupilima ne Basadukayobali bakwi halalika nabo. ¹⁵Aho bamubona bantu bona bala kumya ne kumwihata kwikezya nage. ¹⁶Ala babuzya bahemba bamwe mwekwi halalika nabo kusintu nabasi?¹⁷Muntu umwi mu elyo idale alasuvya oti, "Mwalimu ina muleta mwana wane kuwako; ali ne masambwa gala mugemile adume kuteta. ¹⁸Gakuletelanga kuzuguma ne kumugwisya hansi aba alatunda ifulo mumaloma ne kusya mino ne kwomabo. Nabalomba bahemba bako kumupunizya elyone isambwa iba sindwa. ¹⁹Ala babwila, "luzyalo lwe gele kuzumya mumwizo, ndi kale ninu mpaka lyali?nkoye ninu mpaka lyali? Ne mumulete."²⁰Bala muleta oyo mwana, masambwa aho gamubona Yesu, galamuzugumya. Oyo muyanda alagwa hansi alanzya kutunda ifulo mumulomo. ²¹Yesu ala mubuzya oyi isye we mwana, "Abele otine ku itungo si?" isye we mwana alayomba, "Ali oti kuvwa budo bwamwe. ²²Ku itungo lindi akugwilanga mu mulilo nolo muminzi, ne kugemezya kumwita (kumwihaga) olo wenkadula kugema tyelyo lyona umbele bwila unkwasye."²³Yesu ala mubwila oti, "Olo wenka dula kuzumiya? Kila igambo lyenka dulikana ku muntu oyo ekuzumya mu mwizo.' ²⁴Ku elyone itungo oyo isye we mwana ala lila akuyomba oti, " Nekuzumya unkwasye kuduma kuzumya kwane." ²⁵Ku elyone itungo Yesu alabona idale lye bantu likwiza lubilo, ala lihame elyo isambwa ala yomba, "Umupuneko utiza kumwingila kandi."²⁶Lila lila kusilaka sikulu ne kumwa galazya oyo mwana ne liliapuna aho naho. Oyo mwana aba kati oko, "iyafwa" ²⁷Yesu ala mukwata kuboko alamwimilika ne oyo mwana alimilila.²⁸Aho Yesu ingila munumba bahemba bamwe balamubuzya hampelo ne bantu, "Kusi twali twaduma kumusizya?" ²⁹Ala babwila otine tuhu mutenkadula mpaka kwisenga Mungu."³⁰Balapunaho balazya kuhitila Galilaya. Atalako bantu bamanie aho ali. ³¹Mukuba abanga akulangisya bahemba bamwe. Alababwila, "Mwana we mwa Adamu akutulwa mumaboko ge bantu ne bakumwita, alakaba afwe ku nsiku isatu alazyoke kandi." ³²Batalamania mihayo eya ne balabaha kumubuzya.³³Bala bahika Karperinaumu. Aho ali munumba ala babuzya, "Mwali kwibuzya muhayo si munzila? ³⁴Balahulika sele. Mukuba bihalalikanga munzila mukuba nende oyo ali mukuba kwabe. ³⁵Alikalisya hansi ala balanga ikumi ne babili sihamwi alayomba nabo, 'Kutyoyo wona oyo ekukoba kuba we mbele, mpaka we numa ne abe mutumami we bona."³⁶Ala musola mwana mudo ala mutuha hakati yabo. Ala mutegula mumaboko gamwe, alayomba oti, ³⁷"Tyoyo wona oyo ekumwanukula mwana kati oya kwi izina lyane, oyane ekunanukula one atekunanukula one tuhu kandi nko ekumwanukula oyo alantuma.'³⁸Yohana ala mubwila, "Mwalimu itwa mubona muntu undi ekupunia masambwa kwi izina lyako tulamuhangizya, mukuba atali mwisitu," ³⁹Yesu alayomba, "Mutaka muhangizya mukuba ataliho oyo enkagema igambo ikulu ku izina lyane kandi alasuba kuyomba kubi kungoko yane.⁴⁰Tyoyo wona oyo atekutukeme ifwe ali ku lwande lwitu. ⁴¹Tyoyo wona oyo alakuhelezye sikombe sye minzi ge kunwa mukuba uli ne Kristo, syenkanane ne kubabwila atalabuzye isima lyamwe.⁴²Oyo ekubahavya aba bado bado be kunzumya one ilikusoga muntu oyane kumubohelezya ibale lye kusyela (ibengo) ne kumutela munyanza. ⁴³Olo kuboko kwako kula kuhavya ukukate. Ne kusoga kwingila mu buhangame utali ne kuboko, itali kwingila mu malilo ganentazima ne maboko gako gona. ⁴⁴(Omwo masimi gatakufwanga ne malilo ganantazima).⁴⁵Olo kugulu kwako kula kuhevya, ukukate. Nekusoga kwingila mubuhanga me ulimulema, itali kutelwa mumalilo ganantamalaeno uli ne magulu gona abili. ⁴⁶"Hantu aho masimi gatakufanga ne mulilo gutakuzimanga.⁴⁷Olo linso lyako lilakuhavya lidubule. Ne kusoga kwingila mu bwami bwe Mungu ne linso limwi, itali kuzya mumalilo ganantamala. ⁴⁸Aho masimigahe gatakufwanga mu malilo ganantamala.⁴⁹Mukuba aho malilo galakongezibwa munone kukila umwi. ⁵⁰Mwinu ne musoga lelo mwinu olo gulabiha, uta kudula kugusubizya buseme? Imwe mube mwinu ne mube ne mpola kila umwi."

¹Yesu alavwaho ku elyone nsi alazya ku mukoa gwe Buyahudi ku butonzi bwe munga gwe Yorodani, Ne bantu bona bala mulondezya kandi, alabalangisya kandi kati omwo agemelanga kale. ²Bafarisayo baliza kumugemezya balamubuzya, "Ne kusoga kumugosya kulekana ne mukazi?" ³Yesu alabasubizya, "Musaalayomba si?" ⁴Balayomba, "Musa alabazumilizya kubandikila talaka ye kulekana ne kandi kumubinga mukima,"⁵"Ne kungoko ye buguma bwe mizo yinu nge naha alabandikila oti eyone ndamulo, "Yesu alababwila. ⁶"Kuvwa kale ne kale ye kusumbwansi ne ilunde, "Mungu alabasumba mugosya ne mukima⁷Kungoko eyone musoga alakabaleka isye ne nina ne alabe sihamwi ne mukazi, ⁸ne abone babili balakaba mubili gumwi, mukuba balali babili kandi balabe mubili gumwi. ⁹Mukuba esyo Mungu, alasitula halumwi muntu atenka silekania¹⁰Aho bali balimunumba, bahemba bamwe balamubuzya kandi ku elyo igambo. ¹¹Ala babwila, "tyoyo wona oyo eku muleka mkazi ne kuswela undi oyone ekusihya ku awene inene. (ekwisihizya) ¹²Mukima nawe olo alamuleka mulume ne kuzya kuswelwane mugosya undi, ekusihya."¹³Nabe balamuletela bana babo badobado abatuluko maboko, bahemba bamwe bala bakemezya. ¹⁴Aho Yesu alimania igambo elyo atalalitogwa nolohado alaba bwila, "Mubaleke bana badobado bize kwone mutakaba hangizya, mukuba obo bali kati abana bana, bwami bwe Mungu ne bwabo.¹⁵Syenkanane ne kubabwila tyoyo wona oyo ate kubwanukula bwami bwe Mungu kati aba bana bado, syenkana ne eti nkadula kwingila mu bwami bwe Mungu. ¹⁶Kandi alabategula bana badobado ala baha lumenko lwe Mungu (akawa bariki) ala batulila maboko ku mutwe.¹⁷Aho abukizya lugendo lwamwe muntu umwi ala mwilukila (kumwihuta) alasukamba muminso gamwe, alamubuzya, "Mwalimuwe nkana, ngeme tyani kungoko ningile muhangame? ¹⁸Yesu alayomba, "Kusi kundanga we nhana? ataliho oyo we nhana, wenhana ne Mungu mwenekili inene. ¹⁹Wekugamania malagilo: "Utakasihya, utakihaga, utakiba, utakazumilizya babehi,utakabezya budangania, ubakuze so ne noko,"²⁰Muntu oyo alayomba, "Mwalimu agane gona ndibuga kwate kuvwilabudo bwane." ²¹Yesu ala mulinga ne ala musima. alamubwila, "Wekubulwa ho sintusimwi tuhu. Uzye uguzye vyona evyo ulinavyo ubahelezye balema (masikini), ahona ukuba iwitulila mpamba mwilunde. Ukamala oti wize undondezye." ²²Oyo muntu alagwamwizo kungoko ye elyane igambo; Alazya akulila mumwizo, mukuba alane nsabo ninko ne vintu vinki.²³Yesu alalinga enone eyo (honahona) ne alababwila bahemba bamwe, "Mukuba ne vigume muntu musavi (mundeba) kwingila mu bwami bwe Mungu! ²⁴Bahemba bamwe balakumya munone ku elyone igambo. Lelo Yesu alababwila kandi, "Imwe baba bado ngomwo guli ne vigume ku muntu kwingila mu bwami bwe Mungu! ²⁵Ne syangu ku ntwanga bulende kuhita mwi idululu lye lusindano, itali muntu musavi (mundeba) kwingila mu bwami bwe Mungu."²⁶Balakumya muno ne banzya kwibuzya abe ku abe, "Nende oyo ala soboke" ²⁷Yesu alabalinga ne alayomba, "Kubantu ne vigume lelo itali ku Mungu, mukuba ku Mungu vyona vye kudulikana." ²⁸Petro alizya kwilomela nage, "Linga ifwe tulalekile vintu vyona ne twe kukulondezya obe."²⁹Yesu alayomba, syenkanane ne kubabwila, ataliho oyo alalekile numba nolo, mkuluye, nolo ilumbuye, nolo nina, nolo isye, nolo bana, nolo malale, kungoko yona, ne kungoko ye Injili, ³⁰oyo atala anukule nkandagu igana kukila aha habwelelo: numba, mukuluye, ilumbu, nina, bana, malale kumakoye, ne bwelelo obwo bwekwiza, buhangame (buhanga bwe nsiku pye). ³¹Lelo abo bembele (babutonzi) balakaba be numa ne abo bali butonzi balakaba be numa.³²Aho bahika munzila kuzya Yerusalemu, Yesu ali iya batongelela butonzi yabo. Bahemba bamwe balakumya, ne abo bali hanuma yabo nabe balabaha. Ngaho Yesu alebesola hampelo abobahemba bamwe ikumi ne babili ala bukuzya kubatembusya esyo sye kuzya kwigela mu nsiku ezyo zye kwiza: ³³Mulinge twekuzya kuhika Yerusalemu ne mwana we mwa Adamu akutulwa mumaboko ge bakuhani bakulu ne bandisi. Bakumulamula afwe ne bakumupunia ku mana mahanga. ³⁴Bamwisinia, bakumutugila mate bakumuhula milanga ne bakumwita. Kulusiku lwe kasatu ala kazyoka."³⁵Yakobo ne Yohana, bana be mwa Zebedayo bala mwizako ne kuyomba, "Mwalimu tusyali lwekukoba utubegezye magambo ago twekukusaba." ³⁶Ala babwila mwekukoba mbagemele si? ³⁷Balayomba, "Utuzumilizye twikale nobe mu bwami bwako, umwi kuwako ko kwe bumanso undi kuboko kwe bulyo."³⁸Lelo alababwila, "Mutekumania esyomwe kusaba. Mwenkadula kusinwela sikombe esyo nda nwele na kudula kwi yomelezya bubatizo obwo nda bazibwe? ³⁹Bala mubwila. "tyenkadula" Yesu ala babwila, "Sikombe esyo nda nwele, mla sinwele.Ne bubatizo ubwo inabatizibwa muladuzye. ⁴⁰Oyo alikale kuboko kwane kwe bulyo nolo kuboko kwane kwe lumoso ntali one we kupunia lelo ne ku abo bamazile kutulwaho."⁴¹Bahemba bandi ikumi aho bomvwa ago balenzya kusaya, kubasayila, Yakobo ne Yohana. ⁴²Yesu ala balanganizya bize alayomba, " Mwekumania mukuba abo bekiganikilwa kuba bakulu, bantu be mahanga bakubanga higulya yabo, ne bantu bakumuhe bakubalanzyanga bukulu bwako.⁴³Ne itenkaba oti kwimwe tyoyo wona oyo enkukoba mukulu ku imwe ngoyo akubatumamila, ⁴⁴Tyoyo wona oyo atakabawe butonzi ngoyo alabe mutumami winu. ⁴⁵Mukuba mwana we mwa Adamu ataliza kutumamilwa, awealiza kubatumamila ne kupunia kuhanga bwane kuliha kusoga gwe binki,"⁴⁶Balahika Yeriko. Aho akupuna Yeriko ne bahemba bamwe ne kusuba idale lye bantu, mwana we Timayo, Batimayo muhofu mwilombelezya ikalanga ha mpelo ne balabala. ⁴⁷Aho omvwa mukuba ne Yesu Mnazareti, alabukizya kuyoga eno akuyomba, "Yesu, Mwene Daudi, umbele bwile!" ⁴⁸Binki balamuhangizya oyo muhofu, bala mubwila ahulike nawe alagana kuyoga kusilaka sikulu, "Mwene Daudi, umbele bwila!"⁴⁹Yesu ali milile ala babwila bamuletebala mulanga oyo muhofu balayomba, "Mukuba mwiyomelezya! buka Yesu enkakulanganizya." ⁵⁰Ala liponiaelyo ikoti ali ambele aliluka munone kuzya mwa Yesu.⁵¹Yesu alitabula alayomba, "Wekukoba kugemele si?" Oyo mugosya muhofu alayomba, "Mwalimu ne kukoba kubona." ⁵²Yesu alamubwila, "Nuzye. Kuzumya kwako kwa kusizya," Kuelyone itungo minso gamwe galabona; ala mulondezya Yesu mubalabala.

¹Aho biza Yerusalemu, aho bagelela huhika Besthfagene Bethania, kulugulu lwe Mizeituni, Yesu alatuma babili kupuna mu bahemba bamwe ²alababwila muzye mumuzengo ogwo gulihihi nifwe, olo mulingila mu ogwo muzengo mukubona ndogobe eyo isyali kutumama. Muikwate eyo ndogobe mundetele. ³Tyoyo wona oyo akabuzya mukuba tyani mwekugema oti? Mukuyomba oti, "Mukama akuikoba eya ndogobe alakuisuvya ahane."⁴Balazya bala sanga ndogobe ya bohilwe helu muzigo kuelyone syalo, bala muboholola. ⁵Ne bantu bandi baliho ibimilila ahone, bala babuzya, "Mwekugema tyani kuiboholola eyo ndogobe?" ⁶Nabe balababwila kati omwo Yesu iya babwila, abo bantu balabaleka bazye.⁷Bahemba babili balaileta eyo ndogobe mwa Yesu bala ikumba myenda eyo ndogobe ku mugongo Yesu agegele ko. ⁸Bantu binki balaba bakwanza myenda mu balabala, ne bandi balaba ba kwanza matabazi ago ibavunagula mu malale. ⁹Abo bali butonzi ne bandi abo bali numa yamwe balanzya kuyoga, "Hosana mufuhulwa oyo ekwiza ku izina lye Mukama. ¹⁰Bufuhulwe bwami obwo bwe kwiza bwe dada (isefwe) Daudi! Hosana ku oyo ali higulya mwilunde."¹¹Ngaho Yesu alingila mu Yerusalemu alazya mu numba ye Mungu ne alalinga vyonane. Oko itungo lyali lyazile alazya Bethania sihamwi nabo bahemba bamwe ikumi ne babili. ¹²KU busye bwahe aho babanga bakusuba Bethania, alatama.¹³Alabona kuhale muti gwe mutini ogwo gwabanga ne matutu, alazya kulinga olo enkabona syekulya mwogo muti. Aho ahika ku ogwo muti atalabonamo tye syosyona alabona matutu tuhu, mukuba lyali litali itungo lye visumo. ¹⁴Alagubwila ogwo muti, "Ataliho muntu tyoyo wona oyo alakalya visumo kupuna ko obe, "Ne bahemba bamwe balomvwa kupuna.¹⁵Balahika Yerusalemu, nawe alingila mu numba ye Mungu ala bukizya kuba punia helu basuluzya ne baguzi mu numba ye Mungu (Hekaluni) ala zisagalika meza zye basuluzya be kukaba mpiya ne matebe ge bantu basuluzya be nkundya. ¹⁶Atala muzumilizya tyoyo wona kusola sintu esyo sya guzibwanga.¹⁷Ala balangisya alayomba, "Ngekuyomba italandikwa, 'numba yane ila kalangwa numba ye kwi sengela ku nsi zyona"? Imwe mwagemile mpembo ye bivi" ¹⁸Bakuhani bakulu ne bandisi balomvwa omwo alayombela, nabe balakoba nzila ye kumwihagila lelo balabaha mukuba idale lye bantu bala kankamalaku ago malangisyo gamwe. ¹⁹Olo yahika mpindi bapunanga munzengo gwe bantu.²⁰Aho babanga bakuzya mulabo bala gubona ogwo muti gwe mutini igwo gwona ne mizi yahe. ²¹Petro alibukila kuyomba, "Rabi! Linga ogwo muti gwe mtini ula gukena igwoma"²²"Mube ne buzumya ku Mungu. ²³Syenkanane ne kubabwila oyo ala gubwile ogwa, "Upuneho ne uzye ugwe mu nyanza, ne kati awene atali ne shaka mu mwizo gwamwe ne ekuzumya esyo ekuyomba sikuba ne nge omwo Mungu akugemela²⁴Ngoti ne kubabwila; Sintu tyesyo syona esyo we kusaba ne kubuzyakungoko ya mwauzumye mukuba iwa syanukula, navye vikuba vye kuwinu. ²⁵Ku itungo elyo mwe kuimilila kusaba, mubalekezye bantu abo bala babihizye nimwe. ²⁶(Olo mutekubalekezya bisinu ne isefwe we mwilunde atela balekezye mabi ginu.)²⁷Baliza Yerusalemu kandi, Aho Yesu abanga akutumbagila mu numba ye Mungu, bakuhani bakulu, ne bandi si ne banampala baliza ku awe. ²⁸Balamubwila, "Mukuzumilizibwa ne nde we kugema agane?"²⁹Yesu alababwila, "Nku babuzya igambo limwi mubwile, none nkubabwila kusi ne kugema aga. ³⁰Nge kuyomba bubatizo bwe mwa Yohana bula puna mwilunde nolo bulapuna kumuntu?³¹Balaba bakuibuzya abe ku abe ne kwiduma ne kuyomba, "Olo tulayomba, "Kupuna mwilunde; akuyomba, kusi mutala muzumya? ³²Kandi tukayomba, 'kupune kubantu;..." Bala bobaha bantu oko bonane bali bumanie mukuba Yohana ali Nabii. ³³Ngaho balamusubizya Yesu oti, "Tutekumania Yesu ala babwila, "Nolo one ntakubabwila ne kusi ne kutumaagane magambo.

¹Ahone Yesu alabukizya kubalangisya mukugemenkezya. Alayomba, "Muntu alahamba mizabibu mwilale ala lipilimizya lugutu alasimba lina lye kukamula mvinyo. Alazenga munala mulele, alihelezya batumami be kulilima, alazya lugendo lwe hale. ²Aho lyahika itungo lye kwibula visumo, alamutuma mtumami wamwe kwa abo balimi be mizabibu azye anukule visumo kupuna kubalimi be mizabibu. ³Oyo muntu bala mukwata, bala muhula, ne kumubinga atali busole sintu tyesyo syona.⁴Ala mutuma kandi mutumami undi, bala mubela luguma ne kumugemela ge nsoni. ⁵Kandi amutuma undi, oyane welabala mwihaga. Bala bagemela bantu binki mabi gotine⁶Alii kezye muntu umwi we kumutuma, oyone ali mwana wamwe musimwa.Awe nge ali we kuhelezya kumutuma kuzyayo ku abo bantu. Alayomba oti, "Bakumukuzya mwanawane". ⁷Lelo abone balimi bakodisya balanzya kwibuzya abe ku abe, "Oyane nge oyo ala sola ezyane nsabo zye balisi ne mwize tumwihange ezyane nsabo zyona zikuba zitu."⁸Bala muvulu mukila, bala mwita balazya kumuponia helu ne ilale lye mizabibu. ⁹Ahone lelo nge kuyomba mwene kili ilale lye mizabibu agugema si? Akwiza ne kubamalaho abone balimi be mizabibu ne kubahelezya bantu bandi elyo ilale.¹⁰Musyali kulisoma elya lyandiko? ''Ibale elyo bazenguzi ibalikema lyabe le ibale lye hampelo. ¹¹Elyane lye kupuna ku Mukama ne nelye kukumya muminso gitu." ¹²Balakoba nzila ye kumubada lelo balobaha bwinki bwe bantu abo be kumudegeleka, bale mania mukuba igemenkezyanga kungonko yabo. Ahone bale maleke balazya.¹³Kandi balabatuma bafarisayo bisyabo ne baherodia bazye kumutega ku tu mihayo ¹⁴Aho bahika, balamubwila, "Mwalimu, twekuania utekugola mihayo ye bantu ne utakwolesya mukuba oti abe ne basoga ne aba ne babi. Wekalanzya nzila ye Mungu ku nhana. Nge kuyomba ne gwe syenkana kuliha ikoti mwe Kaisari nolo byo? Nge kuyomba twenkaliha nolo byo? ¹⁵Ahone Yesu alamania mukula bekumukovya mihayo alababwila, "Kusi mwe kungemya? Mundetele dinari nailinge."¹⁶Bala muletela yimwi, Yesu alababwila, "Nge kuyomba eyane dinari ili ne lususo lumwande ne mandiko ago galiho ne ga mwande? Bala yomba, "Ne gamwa Kaisari." ¹⁷Yesu alababwila, "Mumuhe Kaisari vintu vya mwe ne Mungu vintu vya mwe Mungu, "Bala muteyekela.¹⁸Ku elyone itungo Basadukayo abo bakuyombanga oti kutaliho kuzyoka mu bafu, bala musanga, bala mubuzya . bakuyomba, ¹⁹Musa alatwandikila kuba, "Olo mu atali bubute nage mwana, muntu ala musola muka muduguye, bapandike mwana kungoko ye muduguye.²⁰Baliho bantu musamvu be budugu bumwi, wembele alasola mukima, alafwa atazyele nage mwana. ²¹Ne wekabili ala musola nawene alafwa atazyele nage. Ne wekasatune awene atali buzyale nage. ²²Ne we musemvu nawene alafwa atazyale nage mwana. ²³Ku itungo lye kuzyoka mubafu aho balakazzyoka kandi, Nge kuyomba mulume wamwe alakaba nde? Ne kuyomba abo bantu musamvu be budugu bumwi bali balume bamwe."²⁴Yesu ala babwila, "Nge kungoko imwa havibwa, mukuba mutekumania mandiko nolo nguzu zye Mungu?" ²⁵Ku itungo lye kuzyoka kupuna mu bafu balaka swela nolo kuswelwa, bala kaba kati malaika be mwilunde.²⁶Lelo mukuba bafu abo be kuzyolwa, Mtalasoma mu sitabo ye mwa Masa aho Musa ahika hi isaka alabona kamuti ka kwaka mulilo byo nolo kuziga. Omwo Mungu alayomba akumubwila Musa, "One ndi Mungu we mwa Ibrahimu ne Mungu we mwa Isaka ne Mungu we mwa Yakobo?' ²⁷Awe atali Mungu we be bufwe awe ne Mungu we bahanga, "Syenkanane imwa haba."²⁸Mwandisi umwi aliza kude geleka ezyo ndomelo zyabo, alabona mukuba Yesu alababwila kusoga. Ala mubuzya, "Nge kuyomba ilagilo si elyo ni ikulu kukila gone?" ²⁹Yesu alamusubizya, "Ilagilo ikulu nge elya, "Womvwe Israeli Mukama Mungu witu, Mukama ne umwi. ³⁰Witegelezye umusime Mukama Munhu wako ku mwizo gwako gwona ne kubwege bwako bwona, ne nguzu zyako zyona. ³¹Ilagilo lye kabili nge elya, umusime mwino kati omwo we kwisimila mwenekili.' Litaliho ilagilo lindi ikulu kukila agane."³²Mwandisi alayomba, "Kusoga Mwalimu! Wayomba sye nkana mukuba Mungu ne Umwene, ne kuba ataliho undi. ³³Kusima awe kumwizo gwona ne ku bwenge bwako bwona ne nguzu zyako zyona, ne kumusoma mwisyako kati kwisima obene mwenekili ne igambo ikulu kukila kupunia sadaka. ³⁴Yesu aho abona oti oyo muntu asuvya igambo lye bwenge busoga ala mubwila oti, "Obene utali hale ne bwami bwe Mungu," Aho lyamala elyo igambo ataligela nolo umwiwe kulondezya kumubuzya igambo tye elyo lyona.³⁵Yesu ala basabizya aho abanga akulangisya munumba ye Mungu (Hekaluni) alayomba, Nge kuyomba bandisi be kuyomba tyani mukuba Kristo ne mwana we mwa Daudi? ³⁶Daudi mwenekili ku Mwizo Mtakatifu, alayomba, "Mkama alayomba ku Mkama wane, wikale kukubokokwane kwe bulyo, mpaka namale kubatula bikuvi bako mu magulu gako.' ³⁷Daudi mwenekili akumulanganga Kristo, 'Mukama' Nge kuyomba ne mwana we mwa Daudi kusi? Ne elyo idale lye bantu bali ibamudegeleka ku bwi halale.³⁸Kumalangisyoge mwa Yesu alayomba, "Mwitegelezye bandisi be kwi kumbwa kuyunga ne nkanzo ndele ne kukezi bwa ku isima mumagolilo. ³⁹Ne kwikalisya kumatebe ge bakulu mumasinagogi ne mu vikunkulu aho bali bakulu. ⁴⁰Ne bekulya numba zye balekwa ne be kusalila mu kwisenga mihayo minki kungoko bantu bababona Abane bantu bala kalamulwa bulamuzi bukulu."⁴¹Aho amalaalazya alikalisye hihi ne isanduko lye sadaka mu ihekalu; abanga akulinga omwo bantu be kutulila zyabo mwi isandiko Bantu binki bandeba (basavi) batulanga hela minki. ⁴²Aliza mukima mulekwa muhabi aliza alatula tu hela tubili, twe kwinganila ne senti.⁴³Ala balangisya bahemba bamwe alababwila, "Mukumye ne kubatembusya oyone mukima mulekwa atula hela ninki muno kukila bona abo iba tula mwi isanduko lye sadaka. ⁴⁴Mukubo bona ibatula hela kwinganisya ne nsabo zyabo. Lelo oya mukima mulekwa, mukuba ne buhabi bwamwe atula nsabo zyamwe zyona ezyo enka tumamile ku nsiku zyamwe.

¹Yesu aho abanga akutumbagila kupuna mwi ihekalu, muhemba wa,we umwi alambuzya, "Mwalimu ulinge aga mabale ge kukumya naga manumba ge kukumya!" ²Ala mubwila wekubona agane manumba makulu makulu? Litalakikala nolo ibale limwi lilakikala halindi elyo litalaka gwisibwa hansi".³Yesu aho ali ikalisye mulugulu lwe mizeituni numa ne ihekalu , Petro, Yakobo, Yohana, ne Andrea bala mubuzya ku siri. ⁴Utubwile agane magambo galakaba lyali? Ne luliho lumenko nabasi lwe kuolekezya elyane igambo?"⁵Yesu alanzya kubalembusya mube minso ku muntu tyoyo wona oyo enkiza kubahavya. ⁶Binki balakiza ku izina lyane bakuyomba, "Onene ngawe', ne balahavye binki.⁷Olo mulekomvwa ndasano zye bantu nsi ku nsi, mtiza kwobaha; elyo ne igambo lilakabaho ne lilakiza lelo ogwo muhelo gwe nsi nko gusyali. ⁸Nsi ilakabuka kulasana ne nsi yindi, bwami ku bwamu bundi itakabaho nyahinga ne butomo eno ne eyo obwone ne busungu bwe mbele.⁹Mube minso, balakapafilwa mu mabanza ne mulakahulwa mu masinagogi mulakimilisibwa mu minso ge mbele ye bakulu ne bami kungoko yone bantu bababona. ¹⁰Ngaho injili izye ikutembusibwa mahanga gona.¹¹Olo balakaba bada ne kubatula mumaboko gabo. Mutiza kwobaha ku esyo mulatete ku itungo elyone mulakahebwa sye kuyomba. Mtalakaba imwe mwe kuteta; Mwizo Mtakatifu ngoyo alakateta. ¹²Muntu alakamusitaka mudugu ye ne kwihagwa. Isyene mwana, bana balaka bakema ba dadawabo ne kubaletezya kwihagwa. ¹³Balakabagaya bantu bona kungoko ye izina lyane. Lelo oyo alaki yomelezya kuhika kumala oyone nge alakasila (okoka)¹⁴Olo mulakabona itusi ibilimilila aho lite kwikola kwimilila (oyo ekusoma amanie), ngaho abo bali mu Yuda bilukile mungulu. ¹⁵Oyo alakaba hakasu ke numba akatikila yo nolo atakasola tyesyo syona. ¹⁶Oyo alakaba ku malale atakasuba kusola mwenda gwamwe.¹⁷Makoye galabe ku m=bantu be nde ne abo be kwonzya ku nsiku ezyane! ¹⁸Mulombe itiza kuba oti ku itungo lye mpelo. ¹⁹Mukuba galakaba makoye makulu ago gasyali kubonwa ne bantu kubukila kusubwa kwe libwelelo ne Mjungu ne gatalakabaho kandi. ²⁰Kuhika ku itungo elyo Munguala kazipunguzya nsiku gataliho mu bantu bamwe abo alaba chagule alakazipunguzya nsiku.²¹Ku itungo elyo muntu tyoyo wona alakababwila mulinge Kristo aliho aha nolo mulinge Kristo ali eyo" Mutaka muzumilizya. ²²Mukuba Bakrisito be bubehi ne ba nabii be bubehi balakigela ne balakaba bakupunia mmenko ne makumyo minki, kungoko babahavye ne bantu Mungu abo balamazile kuchagulwa. ²³Mube minso inamala kubabwila agane gona lisyali kuhika ho elyo itungo.²⁴Galakaba gahita ago makoye ku nsiku ezyo izyoba lilakatulwa giti ne mwezi gutali kapunia mwangalazima, ²⁵Nsonda zilakalagala kupunia mwilunde (higulya) ne nguzu zye mwilunde zilaka tingina. ²⁶Ngaho balaka mubona mwana we Mungu akutikila mumalunde ku nguzu muno ne lubango lukulu. ²⁷Alakatuma bamaika bamwe kubasumvya bantu bamwe kupuna kila lwande kupuna mpelo na mpelo ye ilunde.²⁸ku mutini mwilanzye. Kati oko itambi lukumelanga ne kutula matutu gahe kubwangu ngaho mulakamania mukuba syanda sili hihi. ²⁹Syenkanane nekubabwila, luzyalo olwa lutalakahita elyo igambo lisyali kuba³⁰Syenkanane nekubabwila, luzyalo olwa lutalakahita elyo igambo lisyali kuba. ³¹Ilunde ne nsi zilahita lelo igambo lyane litalahite syenkanane. ³²Kungoko ye olwo lusiku ne elyo itungo ataliho oyo ekumania nolo ba malaika be mwilunde, nolo Mwana, Baba ngoyo ekumania.³³Mwitegelezye mukuba, mwisenge mukeyule nsiku zyona kuba mutekumania lusiku olwo omwo lukakilila. ³⁴Ne kati muntu oyo ekuzya lugendo; alaleka numba yamwe iyatula muntu we milimo kwikala ku eyo numba ne kutula we kulindilila kumuzigo heyo numba mukuba ikala minso.³⁵Syenkanane mwikale minso mukuba mutekumania ne lyali musabakaya alakasuba ha wamwe. Yenkaba alasube mwizyoba, kagolonolo nolo kubufuku hakati, hamwi mumahila nkoko nolo mubabo. ³⁶Atakiza kusuba mligele kumania akasaga mulitulo. ³⁷Nge elyo nekubabwila imwe bonane mukeyule"!

¹Zyali nsiku ibili luhu ahoyamale kuhita sikunkulu ye Pasaka ne ye Mikate eyo itali butulwe nambwa. Bakuhani bakulu ne bandisi bakobanga kumukwatila Yesu ku bwenga bwe kumwihaga. ²Bayombaga, "Itali itungo batiza kuzamba."³Ku itungo elyo Yesu abanga Bethania mwa Simoni wa mugusu, aho azya kumeza, mukima umwi aliza ne nchupa ye mafuta ge marasi ge nardo ge hela minki muno, alabela nchupaalamwitilila ku mutwe gwamwe. ⁴Baliho bandi balagaya, balaba ba ku itembusya abe ku abe bakuyomba, "Nekusi kubuzya nsabo oti? ⁵Agane manukato olo gebe ga guzibwa kukila dinari magana asatu, balahebwa bantu bahabi (masikini)," Ahone bala muhama mukumuhangizya,⁶Lelo Yesu alayomba, "Mumuleke inene kusi mwe kumukoya? Agema igambo isoga kwone. ⁷Nsiku zyona bahabi baliho mulinabo ne ku itungo lyelyo lyona olo mwe kwikumbwa mwenkagema igambo isoga ku abe, mukuba mutakuba none itungo lyona. ⁸Agema esyo ekudula, agusiga mubili gwane kungoko ye maziko. ⁹Nhanane ne kubabwila,tyaho hona injili itakabaiku yombwa mu obwa bwelelo bwona esyo agema oya mukima silaka yombwa muku mwibukila awe.¹⁰Kandi Yuda Iskariote, umwi wabo ikumi ne babili, alezya ku abo bakulu be ba kuhani apandike kumutula mumaboko gabo. ¹¹Aho ku elyo itungo bamala kwo mvwa ago bali halala bala mubwila kumuhelezya hela.Alabukizya kukona nzila ye kumutula mumaboko gabo.¹²Kulusiku lwe mbele lwe mikate eyo itali butulwe nambwa ku elyo itungo bamala kutamba sitambosye ntama ye pasaka bahemba bamwe bala mubwila, "We kutogwa tuzye hahe tuzye tubezye kungoko upandike kulya sili bwasye Pasaka? ¹³Ala batuma bahemba bamwe alayomba oti, "Muzye mujini ne mugosya oyo itwikile nzoga akuibona ninu mumulondezye. ¹⁴Munumba eyo akingila, mumulondezye, mumubwileoyo mwenekili we numba eyo, "Mwalimu ayomba oti, "Silihahe syumba sye bageni aho nkulila sye kulya ne bahemba bane?"¹⁵Akubolesya syumba sye higulya sisoga ne sikulu sye vintu vyona vye munumba esyo, syalinzile bageni. Ne mubezyeomwo mwe kubonela kungoko yitu ahone. ¹⁶Bahemba bamwe balazya mjini balazya kusanga vyona evyo ibabwilwa bala bezya silibwa sye sikunkulu sye Pasaka.¹⁷Aho yahika mpindi baliza abo ikumi ne babili. ¹⁸Aho lyahika itungo lye kulya Yesu ala yomba, "Syenkanane ne kuyomba umwi yumwi mu imwene oyo ne kulya nage akunguzya." ¹⁹Bonane bala teyeka ne tyoyo umwi ala mubwila, "Syenkana nta one?"²⁰Yesu alasuvya ala babwila, "Ne umwi mu imwene ikumi ne babili aliho oyo eku kozya ntonge mwibakuli sihamwine one. ²¹Mukuba Mwana we mwa Adamu ekuzya sihamwi ne mandiko omwo ge kuyombela mukuba ali ne izumo oyo muntu eku guzibwa kuhitila maboko gamwe yenkabele kusoga olo atenka zyelwe."²²Aho abanga bakulya Yesu alasola mukate alagufuhula, alagumegula. Alabahelezya alayomba, "Musole ogwane ne mubili gwane." ²³Alasola sikombe, alalumbilizya, ala bahelezya ne bonane balasinwela esyo sikombe. ²⁴Alababwila, "Agane ne magazi gane ge ilagano magazi ago ge kuseseka kungoko ye binki. ²⁵Nhana ne kubabwila, ntalakanwa kandi silibwa sye sisumo sye muzabibu, kuhika kulusiku olwo ndakanwa kandi kubwami bwe Mungu ."²⁶Aho bamala kwimba lwimba balazya mu lugulu lwe mizeituni. ²⁷Yesu alababwila imwene bonane mwikwikala hale kngoko ye one. mukuba ilandikwa, "Nda muhule mudimi ne ntama zilaka sambala.²⁸Aho ndamale kuzyoka mu bafu nda batongele kuzya Galilaya." ²⁹Petro alababwila, "Nolo yenkaba bonane balakuleka, one ntalakuleke."³⁰Yesu alamubwila, "Syenkananene kubabwila, "Mu bufuku obwa aho nkingulume isyali kuhila kabili ukuba iwankana nkandagu isatu." ³¹Lelo Petro alayomba, "Nolo yenkaba kufwa nanko ntakukukana." Bonane balayomba otine mukwilahizya.³²Balaiza aho hekulagwa Gethsemane, ne Yesu alababwila bahemba bamwe, "Mwikale aha aho ne kwisenga." ³³Ala basola Petro, Yakobo ne Yohana alazya nabo, alabukizya kwagalalane kukoya muno. ³⁴Alababwila, "Mwizo gwane gwe kukoya muno, nolo kufwa. Mwikale ahane ne mukeyule."³⁵Yesu alazya butonzi hadone, alagwa hansi alaba akwisenga akuyomba oti, olo oti yenkadulikana ilyane itungo li nhiteko. ³⁶Alayomba, "Aba, Baba, Gonane wenkaduzya. Umpunizyeko isya sikombe. Lelo ibe mukusima kwako."³⁷Alasuba alabasanga bali mutulo, alababwila Petro, "Simoni, iwagona? Waduma kukeyula ninga saha yimwi? ³⁸Mukeyule mukwisenga mtakiza kugemibwa. Syenkanane mwizo ne mutimbe lelo kandi mubili guligele nguzu." ³⁹Alazya kandi kwisenga, alayomba agalyane.⁴⁰Aliza kandi alabasanga mutulo mukuba minso gabo matimbe batala mania lye kusuvya. ⁴¹Alasuba kandi nkandagu ye kasatu alababwila, "musyalele mwekwi humunsya? Ngaho lelo itungo lyahika mwana we mwa Adamu ekatulwa mumaboko ge bantu be mabi. ⁴²Muhalamuke tuzye oyo ekunguzya alihihi kuhika."⁴³Ku elyone itungo aho asyalomela Yuda umwi we abo ikumi ne babili, aladula ne idale lye bantu kuvwa kubaluku be Bakuhani, bandisi ne banampala ba busizye mpanga ne mahili. ⁴⁴Ku itungo elyone oyo muguzya wamwe ali abahele lumenko, akuyomba oyo nka mwababwila, oyone nge we mumubada mumutule mumaboko ginu." ⁴⁵Aho ahika Yuda iyagolola kuzya mwa Yesu ne kuteta, "Mwalimu!" ala babwila. ⁴⁶Ahone balamutula hakati bala mubada.⁴⁷Lelo umwi wabo oyo ali imilile hihi ne Yesu alasomola lupanga ala mutema mutumami we mwa kuhani nkulu alamukala kutwi. ⁴⁸Alayomba, "Mwiza kunkwata ne mehili ne mpanga kati oko ndi mwivi? ⁴⁹Nsiku zyonane nali ninu nkulangisya mu numba ye Mungu, mtali mbada. Elyani lyaba mukuba mandiko gahike. ⁵⁰Abo bonane bali ne Yesu bala muleka balilukalubilo.⁵¹Musumba umwi ala mulondezya ala iyikumba mwenda ogwo aliifundiki gubigubi, bala mukwata lelo ⁵²alabifwutuka alaguleka mwenda alatuka buvule.⁵³Bala mutongeka Yesu kuzya mwa kuhani mkulu. Balezya bali isumvya bonane nage sihamwi ne bakuhani bakulu bona, banampala ne bandisi. ⁵⁴Petro alamulondezya Yesu akuzya akumulinga kuhale, bakuzya kuluba lwe numba mwa kuhani mkulu. Alazya alakalisya sihamwi ne basilikale abo bali hhi ne mulilo bakwikonta kupunia ha mpeho.⁵⁵Ku elyone itungo bakuhani babanga bakukoba ne ibanza lyona baletanga bumashuda bwe bubehi kungoko yamwe bapandike kumwihaga. Lelo batala bupandika. ⁵⁶Bantu binki balaleta bushuda bwe bubehi kungoko yamwe, lelo bumashuda bwabo butalalinganila.⁵⁷Ne bandi balimilile kuleta bumashuda bwe bubehi kungoko yamwe; bakuteta, ⁵⁸"Tula mwomvwa akuyomba, "Nkulibomola elyane inumba lye Mungu lilazengulwa kumaboko ge bantu ne mu itungo lye nsiku isatu nkuba inazengula numba ye Mungu eyo italakaba iya zengulwa ne maboko ge bantu," ⁵⁹Obwone bu mashuda bwabo butali yikola.⁶⁰Kuhani mkulu alimilila hakati yabo ala mubuzya Yesu, "Nge kuyomba utali ne lye kusuvya? Bantu aba be kukutenga?" ⁶¹Ahone Yesu alahulika sele atalasuvya igambo tyelyo lyona. Kandi kuhani mkulu ala mubuzya, "Obene nge uli Kristo, mwana we Mufuhulwa?" ⁶²Yesu alayomba,"Onene nge awe. Kandi ukumubona Mwana we mwa Adamu iyikala kuboko kwe bulyo bwe nguzu akwizane malunde ge mwilunde."⁶³Kuhani mukulu alatandula myenda zyamwe alayomba," Tusyakoba kandi bu mashuda? ⁶⁴Mwomvwa elyoa itusi. Mwe kuyangula tyani?" Bonane bala lamula oya ne syenkana afwe. ⁶⁵Bala bukizya kumutungila male ne bala mufundikila busyo balamuhula bala mubwila, "Umanie" Bakulu be basilikala bala musola ne kumuhula.⁶⁶Ahone Petro abanga munsi kuluba mutumami umwi mwanike mwana we mwa kahani aliza hali awe. ⁶⁷Ala mubona Petro iyimilila akwikonta mulilo, ala mulinga ala mwegelela. Alayomba, "Nobene wali sihamwi ne Yesu Mnazareti". ⁶⁸Alakema alayomba, "Ntekumania esyo we kuteta!" Ku elyone itungo alapuna helu ne luba. Ku itungo elyone nkungulume ilahila.⁶⁹Ahone oyo mutumami mukima amubona alabukizya kubabwila abo babanga ibi milila nage, "Oyane ne mwisyabo!" ⁷⁰Ahone alakema kandi. Hado ne kandi abo bali ibimilila nge balaba bakumubwila Petro, "Syenkanane obene uli mwisyabo mukuba no be uli Mgalilaya."⁷¹Ahone alabukizya kwitule mwi izumo ne kulahila, "Oyane muntu mwe kuyomba ntekumumania." ⁷²Ku elyone itungo nkungilume ilahila lwe kabili. Ahone Petro alabukila magambo ago Yesu alamubwila, "Aho nkungulume isya kuhila nkandagu isatu," Alagwa hansi alagalagala anzya kulila.

¹Mulabo kale bakulu be bakuhani balasanzya sihamwi ne banampala ne bandisi ne ibanza lyona lye banampala bala muboha ngozi Yesu balamufila mwa Pilato. Pilato alamubuzya, "Obene nge uli mwami we Bayahudi?" ²Yesu alasuvya alayomba, "Obene nge wateta otine." ³Bakulu be bakuhani balatembusya magambo minki ago abihizye Yesu.⁴Pilato alamubuzya kandi, "Utekusuvya tyelyo lyona? Utekubona mihayo ezyo aba bantu bekutenga kwobe? ⁵Lelo Yesu atalasuvya igambo hali Pilato ala kankamala ku elyone igambo.⁶Nsiku zyona ku itungo lye sikunkulu bakumulekelanga mufungwa umwi, mufungwa oyo iba mulomba. ⁷Aliho muntu umwi musise musifungo oyo ali umwi mu bantu bihazi ali bufungwe. Oyane muntu alangangwa Baraba. ⁸Idale lye bantu baliza mwa Pilato oti ageme omwo bakugemelanga amulekele musisi umwi.⁹Pilato alasuvya alababwila, "Mwekutogwa na mulekele oya Mwami we Bayahudi?" ¹⁰Mukuba amanianga bakulu be ba kuhani iba mukwata Yesu kongoko ye ibuba nge nahe iba muleta kuwamwe. ¹¹Ahone bakulu be bakuhani balo ngezya kubinginyizya mihayo baantu ne kuyoga muno bakuyomba alekelwe Baraba kungoko yawe.¹²Pilato alasuvya kuyomba kandi, "Oya Mwami we Bayahudi na mugeme si? ¹³Baayoga munone kandi, "Umwi hage!"¹⁴Pilato alayomba, "Iyagema igambo nabasi ibi?" Balagana kuyoga munone, "Umwihage." ¹⁵pilato alabona aba bantu nabagemele omwo be kutogelwa, alamulekela Baraba. Ala muhula milanga Yesu alabahelezya bazye bamwihage .¹⁶Basilikale bala mutongeka kumufila mukati ye luba (omwone mu nkambi) Balasumvya bonane basilikale. ¹⁷Yesu balamwambika nkanzo ye zambarau bala bezya nhofilo ye migwa bala mwambika. ¹⁸Balaba bakumusibolezya, "Katule, waliha twe kukukezya Mwami we Bayahudi!"¹⁹Bala muhula kumutwe ne mulanga gwe mwanzi ne kumutugila mate. Balasukamba mu minso gamwe ku isima ²⁰Aho bamala kumusibolezya, bala mwambula eyo nkanzo ye zambarau, bala mwambika myenda zyamwe, bala mupunia helu kuzya kumwihaga. ²¹Bala muhatikizya muhitayila amukwasye, oyo abanga akwi ngila mjini akapuna mumalale. Alangagwa Simoni Mkirene (isye we mwa Iskanda ne Rufo); Balamuhatikizya kubusya musalaba gwe mwa Yesu.²²Bala mutongeka Yesu kumufila Goligotha (ku izina lindi , kuluhanga lwe mtwe). ²³Bala muhelezya mvinyo yebu sangilizibwe ne manemane, alakema kunwa. ²⁴Bala mwihaga mu kumukoma ku musalaba, balagabana vyambala vyamwe, Bala vyesela vyambala vyamwe mukugabana abo basilikale.²⁵Yali kati ku itungo lye saha isatu mulabo aho bakumukoma ku musalaba. ²⁶Balamukomaho lubabo lwe kumutenga, "Mwami we Bayahudi." ²⁷Bala mukoma kumusalaba sihamwi ne bivi babili, umwi kulwande lwe kuboko kwe bulyo undi kuboko kwe kumanso kwamwe. ²⁸"Ne mandiko galazya kuhika kati omwo ge gekuyombela."²⁹Bantu bahitaga bakumutuka eno bakutinginia mitwe zyabo bakuyomba, "Obene ulabomole numba ye Mungu ne kuizengla ku nsiku isatu, ³⁰ne wisizye se ne witikile ku ogwo musalaba!"³¹Ku nzila eyone bakulu be makuhani bala musibolezya bakuleta abe ku abe, sihamwi bandisi bakuyomba, "Asizyanga bandi atenkaduzya kwi sizya mwenekili. ³²Kristo Mwami we Baisrael, tikilase kumusalaba tubone olo ne nkana nifwe tuzumye." Nabo ne abo balakomwa kumusalaba nabene balaba kumusibolezya.³³Aho yilaba ya hika kuitungo lye saa mukaga liliza lizima kunsi yona kuzya kuhika saa syenda. ³⁴Aho yilahika saa syenda Yesu alahamuka kusilaka sikulu, "Eloi, Eloi, lama sabaktani?" nge kuyomba oti, "Mungu wane Mungu wane kusi wandeka? ³⁵Bandi mu kupuna ku abo bali bimilile aho bomvwa balayomba, "Mudegeleke ekumulanganizya Eliya."³⁶Muntu umwi aliluka lubilo alazya alokazya siki mu siponji atala ku muti gwe mwanzi ala muhelezya anwe. Muntu yumwi alayomba. "Mulinde tubone olo Eliya alakwiza kumutikizya hansi." ³⁷Yesu alalila kusilaka sikulu alafwa. ³⁸Ipazia lye mu numba ye Mungu (ihekalu ) lila tanduka hakati na hakati kupuna higulya mpaka hansi.³⁹Hofisa umwi oyo ali imilile iya mulinga Yesu, aho abona omwo afwila alayomba, "Syenkanane oya ne ali mwana we Mungu." ⁴⁰Baliho ne bakima abo bali bakulingilila kukahalene. Mu abone bakima abangamo Mariamu Magdalena, (nina we mwa Yakobo mzunaye we mwa Yose), ne Salome. ⁴¹Aho bali Galilaya balamulondezya kuzya kumutumamila. Ne bakima bandi binki bali sihamwi nage mukuzya Yerusalemu.⁴²Aho yahika kagolo (mpindi)ne mukuba yali yi kwingila Sabato. ⁴³Yusufu we mwa Arimathaya aliza ahone. Abanga munampala we Ibanza oyo alibukuzibwe ne muntu oyo akobanga kwingila mu Bwami. Kubuginue alazya mwa Pilato kuzya kugusaba mubili gwe ma Yesu. ⁴⁴Pilato alakumya mukuba Yesu iyamala kufwa. Alamulanga oyo afisa alamubuzya olo Yesu iyafwa.⁴⁵Aho amala kumania oti ne nkana kupuna kuba hofisa bamwe oti iyamala kufwa, alamuzumilizya Yusufu kuzya kugusola mubili gwe mwa Yesu. ⁴⁶Yusufu ali iyamala kugula sanda ala mubohelamo alazya kumutula mukabuli eyo yali busimbwe mu ibale. Alamala alegelezya ibale ikulu ku muzigo gwe kabuli. ⁴⁷Mariamu Magdalena ne Mariamu nina we mwa Yose balabona aho Yesu azikilwa.

¹Aho itungo yahika sabato, Mariamu Magdalena ne, Mariamu nina we mwa Yakobo, ne Salome , balazya kugula manukato masoga, bize bazye kugusiga mafuta mubili gwe mwa Yesu, kungoko ye maziko. ²Mulebo kale lusiku lwe mbele lwe musemvu, balazya kukabuli ye mwa Yesu aho lye kukenzya izyoba.³Balanzya kuba bakwbuzya abe ku abe mukuba, " Nende oyo akutulamigizyaho elyo ibale kungoko twingile mukabuli?" ⁴Aho biza kulinga kusoga, balamubona muntu iya mala kuhitaniaho elyo ibale, lyali ibali ikulu muno.⁵Balingila mukabuli bala mubona musumba umwi iyambala nkanzo yesyami yepe, iyikala ku lwande lwe bulyo balabona ikumyo. ⁶Alababwila, "Makobaha. Mwekumukoba Yesu we Nazareti, oyo alakomwa kumusalaba. Iyazyoka! Ataliho ahane. Mulinge aho bali bamutuzile. ⁷Muzye, mubabwile bahemba bamwe ne Petro yekuba iya tonga kuzya Galilaya. Nge eyo mukumubonela, kati omwo ali alababwilila."⁸Balapuna mukabuli lubilo bakuzuguma ne kukankamala. Bataladula kuyomba tyesyo syona kumuntu tyoyo wona muba bali ibabaha muno.⁹Mulabo kale lusiku lwe mbele lwe musamvu aho amala kuzyoka Yesu mubafuwe mbele oyo alamubona ne Mariamu Magdalena oyone nge oyo alamutanzyako masambwa musemvu. ¹⁰Alazya kubabwila abo abanga nabo sihamwi aho babanga bakuagalala ne kupunia minsozi. ¹¹Balomvwa mukuba Yesu ne muhanga oti ibibona nage, batala muzumizya.¹²Aho bavwa ahone aligela kando kubantu bandi babili kunkandagu zye bwikile aho babanga bakutumbagila munsi eyona. ¹³Balazya kubabwila bahemba bamwe abo bali asigala, lelo batala bazumilizya.¹⁴Alazya aligela kandi kubahemba bamwe abo ikumi ne umwi bali ibasendama kumeza, alabakanilizya mukuleka kuzumya kugume bwe mizo zyabo kungoko batalabazumilizya abo bali iba mubona aho mala kuzyoka mu bafu. ¹⁵Alababwila, "Muzye munsi yona muzye mutembusye injili kuvisumbwa vyona. ¹⁶Olo alakazumya ne kubatizibwa oyone alalokolwe ne oyo alakakema alakalamulwa malilibo gane ntamala.¹⁷Ezya ne menko zilakaba ku bantu bona abo be kuzumya ku izina lyane balapunie masambwa balatete kundimi nhyahya. ¹⁸Balakwate nzoka ku maboko gabo, nolo balakanwa sye kwihaga (sumu) bali kale bahanga."¹⁹Aho izile kumala kuyomba nabo, alasolwa kuzya mwilunde ne ali bwikalekukuboko kwe bulyo bwe Mungu. ²⁰Bahemba bamwe balazya bakutembusya injili hona hona, aho Mukama akugema makumyo ne menko kuli hikilizya igambo lyamwe.

¹Mbele na mbele abhangaho igambo ne igambo abhanga sihamwi ne Mungu ne igambo ngenoyo ali Mungu. ²Ne oyone muhayo mbele alisihamwi ne Mungu. ³Vintu vyona vyabhezibhwanga nawe ne olo atali oyone sitaliho sintu tyesyo syona esyo silabhezibhwa.⁴Mukati yamwe ngenomwo bhwalimo bhuhanga ne bhuhanga obhwone ngegwali mwangalazima gwe bhantu bhona. ⁵Ne mwangalazima gwabhakanga mulizima ne lizima litalagufundikila mwangalazima.⁶Abhangaho muntu oyo aliatumilwe kufuma mwa mungu,izina lyamwe alanganangwa Yohana. ⁷Oyone aliza kulwe bhukanilizya agukanilizye mwangalazima bhantu bhona bhazumye kulwamwe. ⁸Yohana atali mwangalazima alahe aliza kulwe kugukanilizya mwangalazima.⁹Aliho mwangalazima we nhana oyo izanga mubhwelelo kumumolekela mutu tyoyowona olo alakabha iza mubhwelelo.¹⁰Abhangayo mubhwelelo ne kwoyone bhwelelo ilabhumbwa ne bhwelelo italamumanwya. ¹¹Aliza kubhamwe ne bhamwe bhatalamwanukula.¹²Alahe bhonane abho bhalamwanukula alabhaha bhudula bhwekubha bhana bhe mwa Mungu nabhe ngenabho bhalibhulizumye izina lyamwe. ¹³Abho bhalabhutwa itali kumagazi nolo itali kubhusime bhwe mubhili,nolo itali kubhusime bhwe muntu alahe kubhusime bhwe Mungu mwenekili.¹⁴Nawe igambo alabha mubhili nawe alikalisya witu; nifwe tulalibhona ikuzyo lyamwe, ikuzyo kati lye mwana webhuzyalwe inene oyo ekufuma mwa Dada; alibhwokale bhwila ne nhana. ¹⁵Yohana alakanilizya alahamuka musilakasyamwe mukuhaya oti oyane ngenoyo ndayomba mpola zyamwe oti, oyo ekwiza mubhutonzi yane; kulwekubha ali bhutonzi yane."¹⁶Kulwekubha kufuma mubhuhikane bhwamwe ifwe bhonane twanukwile bhwila higulya ye bhwila. ¹⁷Kulwekubha silagilo silaletwa hakubhoko kwe mwa Musa, bhwila ne nhana viliza hakubhoko kwe mwa Yesu kristu. ¹⁸Ataliho muntun oyo alamubhwene Mungu ikanza tyelyolyona.Mungu mwana inene oyo ali hasifubha sye mwa Dada oyane ngenoyo alamuzyola kufuma mubhafu.¹⁹Obhwane nge bhukanilizya bhwamwe Yohana, Bhayahudi bhalabha bhabhalagila bhagabhizi ne bha Lawi kufuma Yerusalemu bhabhone kumubhuzya mukubha awe ne nde? ²⁰Nawe alazumya ne atalakema; alayomba oti one ntali Kristu. ²¹Bhalamubhuzya oti ninga uli Eliya? alayomba ntali Eliya.ninga uli muhangizi?alakema yaya."²²Bhalamubhwila oti ulinde lelo tubhone sye kubha bhwila abho bhatulagizye wekuyomba tyani ulinde? ²³Alayomba one ndi silaka sye muntu oyo ekulila mwikungu muigolole nzila ye mwa Mukama kati omwo alahaila muhangizi Isaya."²⁴Nabhe abho bhali bhalagizilwe bhalafuma ku bhafarisayo. ²⁵Bhalamubhuzya oti ne kusi lelo wekubhatizya bhantu olo obhe utali Krisitu,nolo Eliya, nolo muhangizi?"²⁶Yohana alabhitabhila alayomba oti one nekubhatizya kuminzi,ne hakati yinu imilile oyo imwe mutekumumanwya. ²⁷Ngenoyo ekwiza numa yane oyo oti one ntekudula kubhoholola bhuzi bhwe silato syamwe. ²⁸Agone galagemelwa eyo Bethania mukilo gwe Yordani, eyo ali Yohana akubhatizya.²⁹Kulusiku lwe kabhili lwahe alamubhona Yohana akumwizako alayomba oti ulinge mwana we ntama we mwa Mungu, oyo ekusola mabhi ge mubhwelelo! ³⁰Oyane nge ndalomela mpola zyamwe mukuhaya oti ekwiza muntu numa yane oyo alanitanga kubhaho. ³¹Nolo one ntalamumanya; alahe abhone kwolekezibhwa mu bha Israeli ngenahe one ndiza nkubhatizya kuminzi."³²Nekandi Yohana alakanilizya mukuhaya oti namubhona mwizo mutakatifu akutikila kati nkundya kufuma mwilunde; nawe alikalisya higulya yamwe. ³³Nolo one ntalamumanwya;alahe oyo alandagila kubhatizya kuminzi, alambwila oti oyo ulakamubhona mwizo mutakatifu akutikila ne kwikalisya higulya yamwe, oyone nge ekubhatizya kumwizo mutakatifu. ³⁴Nabhona ne kandi nakanilizya oti oyane nge mwana we Mungu."³⁵Nekandi kulusiku lwekabhi Yohana ali imilile sihamwi nebhabhili bhe bhahemba bhamwe. ³⁶Alamubhona Yesu akutumbagila alayomba oti ulinge mwana we ntama we Mungu.³⁷Abhone bhahemba bhabhili bhalamwimvwa akuteta bhalamulondezya Yesu. ³⁸Nekandi Yesu alapiluka ne alabhabhona bhakumulondezya alabhabhwila oti mwekukobha si?bhalamubhwila oti Rabi (kasombolelekahe oti mwalimu) ukwikalanga hi? ³⁹Alabhabhwila oti nemwize nimwe mukubhona. bhalazya bhalahabhona aho akwikalanga, ne bhalikalaho olwone lusiku ne lyali izyobha lye saa kumi kagolo.⁴⁰Umwi wabhone bhabhili abho bhalamwimva Yohana akulomela ne bhalamulondezya Yesu ali Andrea muduguye we mwa Simoni Petro. ⁴¹Oyone alamubhona mbela Simoni muduguye alamubhwila oti twamubhona masihi (kulwe kusombola oti Kristu). ⁴²Alamufila mwa Yesu nawe Yesu alamulinga alayomba oti obhe uli simoni mwana we mwa Yohana;nobhe ukulanganwa Kefa," (mukusombola kwahe Petro nolo Ibhale').⁴³Kulusiku lwe kabhili alakobha kubhuka kuzya Galilaya, nawe alamubhona Filipo Yesu alamubhwila oti nilondezye. ⁴⁴Nawe Filipo ali muna Bethsaida, we mumuzengo gwe mwa Andrea ne Petro. ⁴⁵Filipo alamubhona Nathaeli alamubhwila oti twamubhona oyo alandikilwa ne Musa musilagilo, ne bhahangizi, Yesu mwana we mwa Yusufu, muntu we Nazareti.⁴⁶Nathanaeli alamubhwila oti igambo isoga namuna eyone lyenkigengeleka mu Nazareti?" Filipo alamubhwila oti newize wibhonelezye." ⁴⁷Yesu alamubhona Nathanaeli akumwizako, alayomba oti mulinge muna Israeli we nhana oyo oti mukati yamwe bhubhehi bhutalimo. ⁴⁸Nathanaeli alamubhwila oti wanimanwya katyani? Yesu alitabhila alayomba oti aha Filipo ali asyali kukulanga aha wali hansi ye muti nali nakubhwene."⁴⁹Nathanaeli alitabhila alayomba oti Rabi obhe uli mwana we mwa Mungu, ngenobhe mwami we Israeli. ⁵⁰Alamubhwila oti nhana nekubhabhwila, mukulibhona ilunde ligwike ne bha malaika bhe mwa Mungu bhakugegela ne kutikila higulya ye mwana we mwa Mungu." ⁵¹Alamubhwila oti muzumye nekubhabhwila oti kubukila otine mukubhona ilunde liguka be bhamalaika bhe mwa Mungu bhakubha bhakugegela ne kutikila hamwana we mwa Mungu.

¹Mulusiku lwe kasatu bhwaliho bhwenga mukana ye Galilaya; ne nina we mwa Yesu abhangayo. ²Yesu nawe ali alalikwe hobhwo bhwenga sihamwi ne bhahemba bhamwe.³Ilabha aha minzi ge mizabibu galabha gamala nina we mwa Yesu alamubhwila yesu oti bhatali ne divai. ⁴Yesu alamubhwila nina oti Yayo yekutuzyamo si obhe none?ikanza lyane lisyali kuhika. ⁵Nina alabhabhwila bhazyana oti tyesyo syona esyo alakubhabhwila musigeme."⁶Zyaliliyo nzoga mukaga zye mabhale ezyo zyali bhutulweyo kulwe kukalabhila mu nsiku nkulu zye Bhayahudi ne kila luzoga lwokalanga kati visabho vibhili nolo visatu. ⁷Yesu alabhabhwila oti ne muzyokazye minzi ezyone nzoga zye mabhale nabhe bhalazyokazya melemele. ⁸Hanuma alabhabhwila bhazyana oti ne mutahemo ndone mumufilile mukulu we bhwenga,bhalatahamo bhalamufilila.⁹Mukulu we bhwenga alabhaagabhonzya aga minzi galabhagapilwike kubha minzi ge mizabibu nekandi atalamanwya eyo gali gapunile, (alahe bhazyana abho bhalagatahaagone minzi bhamanwyangana eyo gali gapunile) oyo mukulu we bhwenga alamulanga muswezi. ¹⁰Alamubhwila oti mumageni kati agane bhakubhukizyangakutenga minzi ge mizabibu maseme hanuma olo bhantu bhalanwa munone ngenaho bhakutengelwanga ne masuke yabhatyani obhe wabhika minzi ge mizabhibu mpaka otine"¹¹Ilebha elyane lye mbele alailibhezya Yesu abhanga mukana ye Galilaya, ngenaho bhahemba bhamwe bhalamuzumya.¹²Hanuma yagane alaholomokela Kapernaumu Yesu ne nina ne bhaduguye sihamwi ne bhahembha bhabhwe bhalikalayo nsiku ndone.¹³Pasika ye bhayahudi yali yegelele, nawe Yesu alazya mpaka Yerusalemu. ¹⁴Alabhonamo mwisalililo bhantu bhakubhunzya ng'ombe ne ntama, ne nkundya, mukati ye isalililo, ne bhavuza hela bhalibhikalisyemo mukati ye isalililo.¹⁵Yesu alabhezya afalangulilo lye gozi alabhabhingamo bhonane abho bhabhangamo mukati ye isalililo, sihamwi ne ng'ombe ne ntama alasesagula mpiya zye bhavunza bhe hela alazihenagula ne meza zyabho. ¹⁶Bhaguzya bhe nkundya alabhabhwila oti nemugapunwyemo agane mutakaigema numba ye mwa Dada wane kubha numba ye bhasuluzya."¹⁷Bhahemba bhamwe bhalibhukila mukubha oti ilandikwe oti ibhubha lye numba yako lilakanilya. ¹⁸Bhayahudi bhalamubhwila oti ne simaninkizyo siutulanzye oti wekugema agane. ¹⁹Yesu alabhabhwila oti mulihombole elyane isalililo none munsiku isatu nkubha namazile kulizengula."²⁰Bhayahudi bhalamubhwilaoti elyane isalililo lilazengulwa myaka makumi ane na mukaga nobhe ukulizengula munsiku isatu tuhu? ²¹Alahe awe ayombanga kulwe isalililo lye mubhili gwamwe. ²²Ilabha aha azyoka kufuma mubhafu bhahemba bhamwe bhalibhukila mukubha alayomba namuna eyone nabhe bhalasizumya esyo syandikwa nelyo igambo alayomba Yesu.²³Nekubha aha ali ali mu Yerusalemu mulusiku lukulu lwe Paska, bhantu bhinki bhalalizumya izina lyamwe,aha bhabhona malebha ago alagagema. ²⁴Alahe awe Yesu atalizumilizya nabho kulwekubha ali bhubhamanwye bhantu bhona. ²⁵Atalenda kumubhwila muntu tyoyowona kulwekubha awe amanwyanga ago gakubhanga mumizo zye bhantu.

¹Abhangaho muntu umwi mu Farisayomukulu we Bhayahudi izina lyamwe alanganangwa Nikodemu. ²Muntu oyone alamwizako bhufuku alamubhwila oti Rabi twekumanwya nhana mukubha ulibhufume mw Mungu;kulwekubha ataliho muntu oyo enkadula kugema vimaninkizyo kati evya wekuvigema obhe,olo Mungu atali sihamwi nage."³Yesu alamwitabhila alamubhwila oti nhana nekukubhwila oti olo muntu alaleka kubhutwa lwekabhili atenkabhubhona bhwami bhwe mwilunde." ⁴Nikodemu alabhuzya muntu munampala enka bhutwa lwekabhili?enkasubha kwingila munda ye mwa nina kandi alabhutwa lwekabhili?"⁵Yesu alamubhwila oti nhana nekukubhwila olo muntu alaleka kubhutwa kuminzi ne kumwizo mutakatifu atenkabhubhona bhwami bhwe mwa Mungu. ⁶Esyo silibhuzyalwe hamubhili ne mubhili nesyo silibhuzyalwe kumwizo ne mwizo.⁷Utakakumwya kulwekubha nalakubhwila oti wekwendelwa kubhutwa lukandagu lwe kabhili. ⁸Muyaga gukuzyanga eyo gwekwenda ne silaka syagwo mukusimvwanga alahe mutekumanwya eyo gwekuvwa nolo eyo gwekuzya, ngenomwo ikubhanga kutyoyowona oyo alibhubhutwe kumwizo.⁹Nikodemu alayomba oti magambo agane genkadulika katyani ¹⁰Yesu alamwitabhila alayomba oti obhe ulimwalimu we Israeli wagasuhwa katyani agane magambo? ¹¹Nhana nekukubhwila oti esyo twekusimanwya twekusiyomba nekwesyo tulasibhwene twesikanilizya ne bhukanilizya bhwitu mutekubhuzumya.¹²Olo oti nabhabhwila magambo ge mubhwelelo mwakizya kugazumya mukuzumya tyani olo nkabhabhwila magambo ge mwilunde? ¹³Nolo ataliho muntu oyo alagegele mwilunde alahe oyo alatikile kufuma mwilunde nawe ne mwana we muntu.¹⁴Kati omwo Musa alaihanika nzoka mwihala namuna eyone mwana we muntu yekwendelwa ahanikwe. ¹⁵Ne bhonane abho bhalakamuzumya bhapandika bhuhanga bhuna ntamala.¹⁶Kuwekubha namuna eyone Mungu alaisima bhwelelo kuhikila alamutanga luhambo mwana wamwe webhuzyalwe inene, oti muntu tyoyowona oyo ekumuzumya atakabhula alahe abhe ne bhuhanga bhunantamala, ¹⁷Kungoko Mungu atalamutuma mwanawamwe mubhwelelo kubhuhukumu bhwelelo alahe oti bhwelelo bhulokolwe kwawe. ¹⁸Oyoekumuzumya atakuhukumibhwa alahe oyo atekumuzumya amazile kuhukumibhwa kulwekubha ate kulizumya izina lye mwana wamwe we inene we mwa Mungu.¹⁹Eyane nge hukumu oti mwangalazima gwizile mubhwelelo alahe bhantu bhalasima lizima kukila mwangalazima, kulwekubha vigemo vyabho vyali vibhi. ²⁰Muntu tyoyowona oyo akugemanga mabhi akugugayanga mwangalazima nekandi atakwegelelanga hamwangalazima vigemo vyamwe vikiza kuhamwa. ²¹Alahe mutungilizya akwizanga hamwangalazima vigemo vyamwe vyamwe vimolekwe hepe oti gagemilwe mbele ye Mungu.²²Hanuma yagone Yesu sihamwi ne bhahemba bhamwe bhalazya mu nsi ye Bhuyahudi, alalosyayo sihamwi nabho akubhatizya. ²³Yohananawe abhatizyanga Ainoni hihi ne salimu kulwekubha haliyo ne minzi minki; bhantu bhalabha bhakuzyayo bhabhatizibhwe. ²⁴Kulwekubha Yohana ali asyali kubhohwa mujela.²⁵Ngenaho galigela mihalaliko kubhahemba bhe mwa Yohana ne mu Muyahudi umwi kulwe nsiku nkulu zye kwezibhwa. ²⁶Bhalazya mwa Yohana bhalamubhwila oti Rabi oyo walinage mukilo gwe mwiga gwe Yorodani oyo ulamukanilizya mpola zyamwe otine ekubhatizya ne bhantu bhona bhekumuzyako."²⁷Yohana alabhitabhila mukuhaya oti muntu atenkadula kwanukula sintu tyesyo syona olo atahelwe kufuma mwilunde. ²⁸Imwene bhenekili mwekunikanilizya mukubha ndabhabhwila oti one ntali Kristu alahe natumilwe mubhutonzi yamwe.'²⁹Oyo alinage muswelwa awe nge muswezi, alahe munwaniye we muswezi ngenoyo ekwimilila ne kumudegeleka, akwihalalilanga muno silaka sye muswezi. ³⁰Otine bhuyegi bhwane bhwahikana awe akugana kukula none nkugana kudoha.³¹Oyo ekwiza kufuma higulya alihigulya yegona, alahe oyo alimubhwelelo oyone ne we mubhwelelo nawe akwiganikanga ne kulomela ye mubhwelelo alahe oyo alizile kufuma mwilunde alihigulya ye gona. ³²Awe akukanilizyanga ago alagabhwene ne kugimvwa,alahe ataliho oyo akwanukulanga bhukanilizya bhwamwe. ³³Oyo alabhuzumizye bhukanilizya bhwamwe atuzileho lumanilo mukubha Mungu ne wenhana.³⁴Kulwekubha oti oyo alatumilwe ne Mungu akugayombanga magambo ge Mungu kulwekubha atekumuha mwizo mutakatifu vye ngeleko. ³⁵Dadad ekumusima mwana nawe amuhele vyona mukubhoko kwamwe. ³⁶Oyo ekumuzumya mwana aline bhuhanga bhe nsiku zyona,alahe oyo atekumuzumya mwana atalakabhubhona bhuhanga alahe siniga sye mwa Mungu syekumwikalikizya.

¹Kulweyo aha Mukama alabha imvwa mukubha Bhafarisayo bhimvwite oti bhahemba bhe mwa Yesu bhaganakukwila kukila bhe mwa Yohana,nekandi ekubhabhatizya. ²(Alahe Yesu mwenekili atabhatizyanga alahe bhahemba bhamwe.) ³Alafumayo Bhuyahudi alazya kandi Galilaya.⁴Nawe Yesu yamwendelanga kuhita hakati ye Samaria. ⁵Alahika mwigunguli lye Samaria elyo lyalangangwa, Sikari, hihi ne ilale elyo Yakobho alamuha Yusufu mwana wamwe.⁶Ne ahone lyaliho izibha lye mwa Yakobho nemukubha oko Yesu ali azobhile kulwe lugendo lwamwe alikalisya ahone hizibha.nemakanza gali ge mumazyobha mukaga. ⁷Aliza mukima we Sisamaria.Yesu alamubhwila oti umpe minzi nanwe. ⁸Ne bhahemba bhamwe bhalibhazile hamaduka kugula silibhwa.⁹Oyo mukima muna Samaria alamubhwila Yesu oti yabha tyani obhe muyahudi kusabha minzi kwone none ndi mukima Msamaria?( kulwekubha Bhayahudi bhatakwisangizyanga sihamwi ne bhasamria) ¹⁰Yesu alamwitabhila alamubhwila oti ninga olo ubhe wekumanwya esyo alibhusipunwye Mungu sihamwi noyo ekukubhwila oti umpe minzi nanwe,ubhe wamusabha, nawe abhe akuha minzi ge bhuhanga."¹¹Oyo mukima alamwitabhila Yesu alayomba oti, mukama utali ne syekutahila, nelyane izibha nilele ukugabhona hahe minzi gebhukanga? ¹²Ne obhe ulimukulu kumukila Dada witu Yakobho oyo alatuha elyane izibha, nawene mwenekili alanwa minzi gelya ne izibha, nebhana bhamwe ne sihamwi ne mitugo yamwe?¹³Yesu alamubhwila oti tyoyowona oyo akunwanga agane minzi akupandika nkelo kandi. ¹⁴Alahe kutyoyowona oyo alaganwa minzi ago ndakamuha one atalakabhona nkelo kandi bhwelelo ne bhwelelo; kulwekubha agone minzi ago ndakamuha galakabha mvilo zye minzi gakusesekela bhuhanga bhunantamala."¹⁵Oyomukima alamubhwila oti Mukamawane hani unihe agone minzi ntiza kubhona nkelo kandi ne ntakabhankwiza kutaha minzi kandi ahane. ¹⁶Yesu alamubhwila oyomukima oti nuzye umlange mulume wako wizenage aha."¹⁷Oyone mukima alamubhwila oti natali ne mulume, Yesu alamubhwila oti wayomba nhana oti utali ne mulume. ¹⁸Kulwekubha wabhele ne bhagosya bhatano ne wekatano oyo ulinage otine atali mulume wako ahone wayomba yenhana!"¹⁹Oyomukima alamubhwila oti Mukama nabhona mukubha obhene uli muhangizi. ²⁰Bhisetwe bhalisenga mulugulu olwane alahe imwe mukuhayanga oti Yerusalemu ngeneyo bhantu bhekwendelwa kuzya kwisenga."²¹Yesu alamubhwila oyone mukima oti unidegeleke nziliho nsiku zyekwiza ezyo oti mutalakamwisenga kandi Dada mwolwane lugulu nolo Muyerusalemu. ²²Imwe mwekwisenga esyo mutekusimanwya alahe ifwe twekulamwya esyo twekusimanwya, kulwekubhw bhulokozi bhwekufuma habhayahudi.²³Alahe lyekwiza ikanza ne elyone ikanza liliho, elyo oti bhisengi bhenhana bhakumwisenga Dada mumwizo ne munhana. ²⁴Mungu ne mwizo nabho bhekumwisenga bhekwendelwa kumwisenga mumwizo ne munhana."²⁵Oyo mukima alamubhwila oti nekumanwya mukubha masihi, ekwiza (oyo ekulangwa Krsitu) oyone olo alakiza alakabhabhwila gonane. ²⁶Yesu alamubhwila oti one oyo nekuyomba nanko genawe."²⁷Mwikanza elyone bhahemba bhamwe bhalasubha,nabhe bhalakumya muno kulwekubha oti alomelanga ne mukima,alahe ataliho oyo alagemekakumubhuzya oti wekukobha si nolo nekusi wekulomela nage.?"²⁸Ilabha oyo mukima alaluleka luzoga lwamwe alabha azya mumuzengo ne alabhabhwila bhantu. ²⁹Mwize mulinge aliho muntu oyo anibadiza magambo gane gona ago nkugagemaga, oyane atenkabha nge Krsitu. ³⁰Ngenaho bhalabhuka kufuma mumuzengo bhalazyayo kumulinga.³¹Hanuma Bhahemba bhamwe bhalamubhwila oti Rabi ulye silibhwa. ³²Alahe awe alabhabhwila oti one ndinasyo silibhwa esyo mutekusimanwya imwe. ³³Bhahemba bhamwe bhalibhugilizya bhenekili oti aliho muntu amuletele silibhwa?³⁴Yesu alabhabhwila oti syekulya syane ngenesya kutumama eyo ekusima oyo alanitumile, sihamwi ne kuihikilizya milimo yamwe. ³⁵Mutekuyomba imwe oti isyali myezi inelimbula likubha lyahikile? nekubhabhwila oti hani mulinge migunda yamazile kwela naye yekwendelwakwimbulwa. ³⁶Oyo akwimbulanga akwanukulanga mpelane kubhilingavisumo vye bhuhanga bhunantamala mukubhaoti oyo ekuhamba nekwoyo ekwimbulabhabhone kwihalala sihamwi.³⁷Kulwekubha ilyane igambo likubhanga lye nhana oti umwi akuhambanga alimbula undi. ³⁸One ndabhalagizya mugimbule ago mutalagagalalila;bhandi bhalagalala nimwe mwingila mulwagalalo lwabho."³⁹Ne mwesyo syalo Bhasamaria bhinki bhalamuzumya kulwelyo igambo lye mukima, oyo alakanilizya oti alanibhwila magemo gane gona ago ndagagema. ⁴⁰Ilabha abho Bhasamaria, abho bhalamuzyako bhalamwikumbilizya ikale wabho, nawe alikala eyone nsiku ibhili.⁴¹Bhantu bhinki muno bhalazumya kulwe igambo lyamwe. ⁴²Bhalamubhwila oyo mukima oti olotine twazumya ne itali kumagambo gako tuhu alahe ifwene bhenekili twimvwa bhenekili ne kandi twamala kumanwya mukubha oyane nge mulokozi we bhwelelo."⁴³Hanuma ye nsiku ibhili ezyone alabha afumayo alazya Galilaya. ⁴⁴kulwekubha oti awene mwenekili ali amazile kuyomba oti muhangizi atakuhebhwanga isima munsiyamwe mwenekili. ⁴⁵Alabha afuma galilaya Bhagalilaya bhalamwanukula kulwekuha bhalagabhona magambo gona ago alagagema eyo Yerusalemu mwikanza lye lusiku lukulu klwekubha abhone nabhe bhalibhazile ha lusiku lukulu.⁴⁶Alabha ahika kandi kana ye Galilaya aho alagapilula agalya minzi kubha divai, ne abhangaho diwani umwi oyo oti mwanawame ali mulwele eyo Kaperunaumu. ⁴⁷Alabha imvwa oti Yesu izile kufuma Bhuyahundi ahikile Galilaya,alamuzyako alamwikumbilizya azye amusizye mwana wamwe; kulwekubha ali hihi ye kupotela.⁴⁸Yesu alabhabhwila oti olo mutabhwene vimaninkizyo ne yekukumya mutakuzumya bhumwi? ⁴⁹Oyo diwani alamubhwila oti Yesu mukama tuzye bhwangu mwanawane atakiza kufwa. ⁵⁰Yesu alamubhwila oti nuzye mwanawako ne muhanga otine, oyomuntu alalizumya elyo igambo alabhwilwa ne Yesu,nawe alabhuka kuzya kaya wamwe.⁵¹Ilabha aha akuhikila kaya yamwe bhazyana bhamwe bhalamwanukula bhalamubhwila oti mwana wamwe ne muhanga. ⁵²Alabhabhugilizya mukubha ne makanza si ago alabha mpola; nabhe bhalamubhwila oti igolo yali mumazyobha ge musamvu muswiza gulamuvwako.⁵³Hanuma alibhukila oti ne mumakanza agone aha alabhwilwa ne Yesu mukubha mwana wako ne muhanga.alabhaazumya awe ne kaya yamwe yona. ⁵⁴Elyone ne ilebha lyekabhili elyo alalibhezya Yesu, ahaafuma Bhuyahudi kuzya Galilaya.

¹Hanuma lulabhaho lusiku lukulu lwe Bhayahudi Yesu nawe alabhuka kuzya Yerusalemu. ²Neyone Yerusalemu haliyo [ibhilika] hamuzigo gwe ntamaelyo lyalanganangwa mukabhila ye siebrania Bethzatha, nalye lyali ne [matao] ³Bhalwele bhinki bhabhangayo bhahofu, ne bhekwibhulula sihamwi ne bhalema, bhili bhagonile mu [matao] agone. bhakulindilila minzi galubhulwe, kulwekubha gakubhangaho makanza ago malaika akwizanga atikila agalubhula ago minzi. ⁴kulwago yabhanga muntu we kwandya kwingila mwago minzi ago galubhwilwe alasila malwele ago alinago.⁵Abhangaho muntu umwi oyo alimulwele we nsiku ninki kati myaka makumi asatu ne munane nawe ali agonile mwagone [matao]. ⁶Yesu alabha amubhona oti agonile mukati ye agone [matao] ne mukubha oti alabha amanwya mukubha alibhugoneho nsiku ninki Yesu alamubhuzya oti wekwenda kubha muhanga?"⁷Oyone muntu alamubhwila oti mukama one ntali ne muntu wekunfilamo mwelyo [ibilika] olo minzi galubhulwa,olo nagemezya kwingilamo muntu undi anitanga kwingilamo. ⁸Yesu alamubhwila oti hani bhuka wimilile usole syanzwa syako uzye.⁹Mwikanza elyone oyo muntu alasila alabhusya syanzwa syamwe alabha azya,ne lusiku olwone lwali lusiku lwe Sabhato.¹⁰Bhayahudi bhalamubhwila oyo muntu alasizibhwa oti bhwalelo ne lusiku lwe Sabhato ne mukubha oti ne muzilo kwobhe kwitwika syanzwa syako. ¹¹alabhabhwila oti oyo anisizya ngenoyo alanibhwila oti nusole syanzwa syako uzye."¹²Bhalabhuzya oti nende oyo alakubhwila usole syanzwa syako uzye? ¹³Ne mukubha oti oyo alamusizya atamumanwyanga kulwekubha bhaliho bhantu bhinki ne Yesu aliamazile kuvwayo.¹⁴Hanuma yagone gona Yesu alamusanga oyone muntu mwi [hekalu] alamubhwila oti ulinge wasila wiyangalile utakiza kugema mabhi kandi ukiza kubhona mahano makulu kukila agane. ¹⁵Oyone muntu alazya kubhabhwila Bhayahudi oti kasi ne Yesu oyo alamusizya.¹⁶Kulweyone Bhayahudi bhalabhukizya kumusosohazya Yesu kulwekubha alagagema agone kulusiku lwe sabhato. ¹⁷Yesu alabhahwila oti Dada wane akutumamanga milimo mpaka bhulelo nonene nekutumama milimo. ¹⁸Kulweyone Bhayahudi bhalagana kumukobha bhamwihage nahe itali mukukila muzilo gwe Sabhato alahe ne kumulanga Mungu kubha oti ne Isye nekandi ekwiyikolanizya ne Mungu.¹⁹Yesu alabhabhwila oti muzumye oti mwana atekagema sintu tyesyo syona olo atamubhwene isye akusigema, kulwekubha tyesyo syona esyo ekusigema Dada ngenesyo ne mwana akusigema. ²⁰Kalwekubha olo Dada ekumusima mwana ngenaho akumulanzya kila sintu esyo ekusigema nekandi akumulanzya ne magambo makulu kukila agane nimwe mubhone kukumya."²¹Kulwekubha kati omwo Dada akubhazyosyanga bhebhufwe ne kubhahabhuhanga kandi namuneyone ne mwana akumuhanga tyoyowona oyo ekumusima. ²²Kulwekubha Dada atakumuhukumu tyoyowona kulwekubha amazile kumuha mwana bhudula bhwekuhukumu. ²³Oti bhonane bhamukuzye mwana kati omwo mwana ekumukuzya Isye ne kutyoyowona oyo atekumukuzya mwana wamwe atekumukuzya ne Isye.²⁴Muzumye nekubhabhwila oti tyoyo wona oyo ekulimvwa igambo lyane ne kumuzumya oyo alantumile alinabhwo bhuhanga bhunantamala nekandi atalakapandika hukumu. alahe akizile lufu ingile mubhuhanga.²⁵Muzumye nekubhabhwila oti lyekwiza (ikanza)nolo notine liliho bhafu bhalakimvwa silaka sye mwana we Mungu, ne abho bhalakasimvwa silaka bhalakabha bhahanga.²⁷Kulwekubha oti kati omwo Dada aline bhuhanga mukati yamwe mwenekili, ²⁶namuna eyone ne mwana wamwe amuhele (bhudula) oti [ahukumu] kulwekubha ne mwana we mwa Adamu²⁸Mutakadedebhala kulwelyane, kulwekubha ikanza lyekwiza elyo oti bhebhufwe bhonane abho bhali muvizila bhalakasimvwa silaka syamwe. ²⁹Nabhe bhalakapuna helu, kwabho bhalangema masoga kubhuzyoko bhwe bhuhanga nekwabho bhalagema mabhi kubhuzyoko bhwe hukumu.³⁰Ntenkadula kubhezya muhayo tyogwogwona kati omwo ne kwimvwitila ngenomwo neku hukumila ne hukumu yane ne ye [haki] kulwekubha ntekugema mubhutogwa bhwane alahe kubhutogwe bhoyo alanitumile. ³¹Olo ndikanilizya mwenekili bhukanilizya bhwane bhutakubha bhwenhana. ³²Aliho undi oyo ekunikanilizya ne nekumanwya mukubhaoti bhukanilizya obhwo ekunikanilizya ne bhwe nhana.³³Mwalagizya bhantu mwa Yohana nawe aikanilizya eyo nhana. ³⁴Nekandi bhukanilizya obhwo nekwanukula bhutekupuna habhantu, nekugayomba agane mubhone kusizibhwa. ³⁵Yohana abhanga lumole olwo lwabhakanga ne kulabhagila ne mulasima kwegelela mu mwangalazima gwamwe (mwikanza) idone.³⁶Bhukanilizya obhwo ndinabhwo ne bhukulu kukila bhwemwa Yohana: kumilimo eyo oti Dada anihelezye kuzihikilizya, ezyone milimo nekuzigema zyekukanilizya mukubha oti Dada anitumile. ³⁷Dada oyo anitumile awene ekukanilizya kulwane. Musyali kwimvwa silaka syamwe (ikanza) tyelyolyona nolo bhusumbwa bhwamwe. ³⁸Nimwe mutali ne muhayo gwamwe ogwo gwe kwikala mukati yinu kulwekubha mutekumuzumya oyo alatumilwe.³⁹Mwekugakengelela mandiko mukwiganika oti bhulimo bhuhanga bhwe bhwelelo ne bhwelelo mukati yahe nemandiko agone gekukanilizya mpola zyane. ⁴⁰Nekandi mutekwenda kwiza hawane mwanukule bhuhanga bhunantamala.⁴¹Ntekwanukula ikuzyo kupuna habhantu. ⁴²Alahe nekubhamanwya oti mutali ne bhwisime mukati yinu imwene bhenekili.⁴³Nizile mwizina lye mwa Dada wane mutalananukula, alahe undi olo alakiza mwizina lyamwe mwenekili mulakamwanukula. ⁴⁴Mwenkazumya katyani imwe abho mukwanukulanga ikuzyo himwe kwimwe alahe mutekwanukula ikuzyo kupuna mwa Mungu?⁴⁵Mutakiza kuhaya oti one ndakabhasitaka mwa Dda. Alahe oyo ekubhasitaka imwe ne Musa, oyo imwe mulibhumusendamile. ⁴⁶Olo mwenkabhele mwekumuzumya Musa mwenkanzumizye none kulwekubha alandika mpola zyane. ⁴⁷Olokabha mutekugazumya mandiko gamwe mukugazumya tyani magambo gane?

¹Ilabha aho Yesu alazya mumapande ge nyanza ye Galilaya, ikulanganangwa Tiberia. ²[Mukutano]mukulu gulamulondezya kulwekubha bhalabhona vimaninkizyo evyo alavigema kubhalwele. ³Yesu alagegela mulugulu alikalisya sihamwi ne bhahemba bhamwe.⁴(Ne paska sikunkulu ye Bhayahudi yali ilihihi). ⁵Yesu alabha abhusya minsogamwe alabhabhona bhantu bhinki bhakumwizako Yesu alamubhuzya Filipo oti, tukuzya kugulilahi mikate yekulya abhane bhantu bhona? ⁶Yesu alamubhuzya agane Filipo kulwekumugemezya oko awe amanwyanga esyo akusigema.⁷Filipo alamwitabhila mukuhaya oti nolo mikate ye dinari magana abhili itenkatosya kukila muntu apandike kadone. ⁸Andrea umwi we bhahemba bhamwe muduguye we mwa Simoni Petro alamubhwila oti. ⁹Yesu aliho aha muyanda aline mikate ibhili ne mfwi ibhili, alahe nekubhona sitaliho esyo vyekatumama kubhantu bhinki namuna eyane?"¹⁰Yesu alabhabhwila oti nemubhikalisye bhantu magele magele galiho manansi minki, bhalabhabhikalisya bhagosya vihumbi vitano. ¹¹Yesu alaisola eyone mikate itano ala shukuru hanuma alabhagabhulila bhonane abho bhali bhikalisye, ne mfwi nazyene alabhagabhulila bhona kati omwo bhalikumbilwa. ¹²Bhantu bhalabha bhikuta alabhabhwila bhahemba bhamwe oti nemuvibhilinge evyo vyasaga sitakabhulaho sintu tyesyo syona."¹³Bhalabhilinga bhalabha bhokazya masanzo ikumi ne abhili ge masazyo ago galasaga ahamamala kulya. ¹⁴Ngenaho bhantu bhalabha bhabhona simaninkizyo esyo alasibhezya bhalayomba mukubha oti oyane nge muhangizi oyo ekwiza mubhwelelo. ¹⁵Yesu alabha amanwya oti bhakobhanga kumukwata bhamutule kubha mwami wabho alabhisunda alazya mulugulu inene.¹⁶Ilabhayahika kagolo bhahemba bhamwe bhalagolomonka kuzya hanyanza. ¹⁷Bhalingila mubhwato bhalabhukizya kuzya Kapernaumu (lizima lilabhukizya ne Yesu ali asyali kubhazyako) ¹⁸Mwikanza elyone muyaga mukulu gwahulilanga ne nyanza ilagana kubhiha.¹⁹Bhahemba bhamwe bhalabha bhabhuga makasia kati makumi abhili ne atano oti nolo makumi asatu bhalamubhona Yesu akutumbagila higulya ye nyanza alegelela habhwato nabhe bhalobhaha. ²⁰Alabhabhwila mukubha oti ngenone mutakobhaha. ²¹Bhalazumya kumubhusya mubhwato, hanuma bhwato bhulabha bhwahika musyalo esyo bhazyanga.²²Kubhusye bhwahe, mukutano ogwo gwali gwimilile mukilo ne nyanza bhalabhona mukubha bhutaliho bhwato bhundi alahe bhumwine tuhu obhwo bhalibhingilemo bhahemba bhe mwa Yesu ne Yesu atalingilamo mwobhwo bhato sihamwi ne bhahemba bhamwe alahe bhahemba bhamwe bhalazya bhinene. ²³(Alhe galiza mato gandi kufuma Tiberia, hihi ne lwande olwo bhalalila mikate, aha Yesu (alalumbilizya.)²⁴(Ibhita)lye bhantu ahalyabhona mukubha Yesu ataliho ne bhahemba bhamwe bhataliho bhalingila mwago mato bhalazya kaperunaumu kumukobha Yesu. ²⁵Bhalabha bhamubhona kumukilo gwe nyanza bhalamubhuzya oti, "Rabi wahikile lyali eno?²⁶Yesu alabhabhwila oti imwe mwenkunikobha one alahe itali kulwekubha mulabhona vimaninkizyo alahe kulwekubha mulalya mikate mulikuta. ²⁷Mutakabha mukutumamila silibhwa sye kubhiha alahe mutumamile silibhwa esyo sitakubhihanga bhwelelo ne bhwelelo esyo mwana we muntu akubhaha kulwekubha isefwe amutulile awe lumanilo.²⁸Bhalamubhuzya oti ne si esyo twekwendelwa kugema tumaninke oti twekubhezya milimo ye Mungu? ²⁹Yesu alabhabhwila oti mulimo gwe Mungu ngogwa mumuzumye oyo alamutumile.³⁰Bhalamubhwila oti ne vimaninkizyo si evyo wekugema tukuzumye? wekubhezya mulimo si? ³¹Bhazyele bhitu bhalalya mana mwihala kati omwo ilandikilwa, alabhaha mikate kufuma mwilunde bhabhone kulya."³²Yesu alabhasuvya alayomba oti muzumye oti atali Musa oyo alabhaha mkate gwe nhana kufuma mwilunde. ³³Kulwekubha mukate gwe mwa Mungu ngenogwo gukutikilanga kufuma mwilunde nagwe ngegukubhuhanga bhelelo bhuhanga. ³⁴Bhalamubhwila oti mukama utuhe ogwone mukate (makanza ) gonane.³⁵Yesu alabhabhwila oti one nge ndi mukate gwe bhuhanga oyo aliza hawane atalakabhona bhutamo noyo ekunizumya atalakimvwa nota bhumwi. ³⁶Singoko ndabhabhwila oti mwanibhwene alahe mutekunizumya. ³⁷Bhonane abho Dada akubhampa bhakwiza kwone,neku tyoyowona oyo aliza kuwane ntalakamutaga helu nhana.³⁸Kulwekubha ntalatikila kufuma mwilunde kwiza kubhezya eyo nekusima one alahe kugema eyo ekusima oyo alantumile. ³⁹Ne bhusime bhwoyo alanitumile ngenobhwa oti ntiza kumubhuzya nolo umwi wabho alampele,alahe ndakabhazyosya kulusiku lwe muhelo. ⁴⁰Kulwekubha oti obhwa nge bhusime bhwe mwa Dada wane tyoyowona oyo ekumulinga mwana wamwe ne kumuzumya apandike bhuhanga bhunantamala;none ndakamuzyola kulusiku lwe muhelo.⁴¹Ngenaho Bhayahudi bhalamwidugumbila kulwekubha alayomba oti awe ne mukate gwekuvwa mwilunde. ⁴²Bhalayomba oti oyane atali Yesu mwana we mwa Yusufu oyo isye n nina twekubhamanwya? ekuyomba tyani lelo oti natikile kufuma mwilunde?"⁴³Yesu alabhabhwila oti mutakabhukizya kwidugumba imwe kwimwe. ⁴⁴Ataliho muntu oyo enkiza hawane olo oti atakwesilwe ne oyo alanitumile, none ndakamuzyola kulusiku lwemuhelo. ⁴⁵kulwekubha ilibhwandikwe mu bhafumbuzi oti nabhe bhalakalanzibhwa ne Mungu, ne kila muntu oyo imvwite kufuma mwa Dada alanzibhwe nawe ize kwone.⁴⁶Italioti aliho muntu oyo alibhumubhone Dada ne umwine tuhu nawe ngenoyo alapuna mwa Mungu ngenoyo ali bhumubhone Dada. ⁴⁷Muzumye oti oyo ekuzumya aline bhuhanga bhunantamala.⁴⁸One ndi mukate gwe bhuhanga. ⁴⁹Bhisenwe bhalalya mana mwihala bhalafwa.⁵⁰Ogwane nge mukate ogwo gukutikilanga kufuma mwilunde, netyoyowona olo alagulya atalakafwa. ⁵¹One ndi mukate ogwo guli muhanga gwebhutikile kufuma mwilunde, olo muntu alagulya alakahangama ne mukate ogwo ndakagupunwya ne mubhili gwane kulwe bhuhanga bhwe bhwelelo.⁵²Bhayahudi bhalihalalika bhenekili bhalayomba oti oyand enkadula tyani kutuha mubhili gwamwe tulagulya? ⁵³Ngenaho Yesu alabhabhwila oti muzumye nekubhabhwila olo mutagulile mubhili gwe mwana we muntu nekuganwa magazi gamwe mutakubha ne bhuhanga mukati yinu.⁵⁴Tyoyowona oyo alagulya mubhili gwane nekunwa magazi gane akubha ne bhuhanga bhunantamala none ndakamuzyola kulusiku lwemuhelo. ⁵⁵Kulwekubha mubhili gwane nesyekulya sye nhana, ne magazi gane ne sinwebhwa sye nhana. ⁵⁶Oyoakulyanga mubhili gwane nekunwa magazi gane akwikalanga mukati yane none mukati yamwe.⁵⁷Kati Dada muhanga omwo alanitumile one nonene ndi muhanga kulwe mwa Dada, namuna eyone nekwoyo alanilya alakabha muhanga kulwone. ⁵⁸Ogwane nge mukate kuvwa mwilunde itali kati omwo bhadada bhalalya bhalafwa, oyo alagulya mukate ogwane alakahangama. ⁵⁹Yesu alagayomba agane magambo mukati ye isinagogi ahaalanzyanga mu Kaperunaumu.⁶⁰Ngenaho bhinki bhe bhahemba bhamwe bhalabhabhimvwa namuna eyone bhalayomba oti elyane nilangisyo igume nende oyo enkadula kulyanukula? ⁶¹Yesu kulwekubha alamanwya oti bhahemba bhamwe bhalidugumbilanga elyone igambo, alabhabhuzya oti elyane igambo lya bhikumpya?⁶²Ikubha tyani lelo olo mulakamubhona mwana we muntu akugegela kusubha eyo abhanga mbelenambele? ⁶³ne mwizo goyo akuletanga bhuhanga mubhili gutakutumamanga tyesyo syona,mihayo eyo naiyomba kuwinu ne mwizo nekandi ne bhuhanga.⁶⁴Alahe bhaliho bhantu mukati yinu abho bhatakuzumyanga kulwekubha Yesu amanwyanga kufuma kale abho bhatakuzumyanga omwo bhali noyo wekumusontelezya omwo ali. ⁶⁵Alabhabhwila kulweyo ngenahe ndabhabhwila oti ataliho muntu oyo enkiza hawane olo atagabhulilwe ne Dada."⁶⁶Hanuma yagone bhahembbhamwe bhinki bhalasubha numa bhalaleka kumulondezya kandi. ⁶⁷Yesu alabhabhwila abho ikumi ne bhabhili oti nimwe mwekwenda kuzya? ⁶⁸Simoni Petro alamwitabhila alayomba oti Mukama tuzye mwande nobhe uli ne mihayo ye bhuhanga bhunantamala? ⁶⁹Nifwe twazumizye nekandi twekumanwya oti obhe uli Kristu mwana we Mungu muhanga.⁷⁰Yesu alabhabhwila oti one nge ntalabhalaha imwe ikumi na bhabhili ne umwi winu ne syetani? ⁷¹Amuyombanga Yuda mwana we mwa Simoni Iskariote, oko oyoyne nge akobhanga kumusontelezya, nawe ne umwi wabhone ikumi ne bhabhili.

¹Hanuma yahe Yesu albhukizya kutumbagila mu Galilaya kulwekubha atendanga kuyungila mu Bhuyahudi oko Bhayahudi bhendanga kumwihaga. ²Ne lusiku lukulu lwe Bhayahudi lwe maduku lweli hihi.³Ngenaho bhaduguye bhalamubhila oti nufumeho ahane uzye Bhuyahudi ne bhahemba bhako bhagabhone ago wekugema. ⁴Ataliho oyo akutumamanga muhayo mulwibhiso nawe mwenekili akwenda kumanika, olo oti wekugema magambo agane wiyolesye mwenekili mubhwelelo."⁵Nolo bhadugu bhamwe bhatalamuzumya. ⁶Ngenaho Yesu alabhabhwila oti makanzagane gasyali alahe makanzaginu galiho. ⁷Bhwelelo bhutenkabhagaya imwe alahe bhukunigayanga one kulwekubha nekubhubhwila mukubha vigemo vyabhwo ne vibhi.⁸Nemuzye ku lusiku lukulu imwe one ikanza lyane lisyali kuhikana. ⁹Alabhaamalakuyomba agone magambo alabhaikala mu Galilaya.¹⁰Alahe bhaduguye bhalabha bhazya kulusiku lukulu, nawe alazyayo alahe kulwibhiso. ¹¹Bhayahudi bhalabhukizya kumukobha mulusiku lukulu bhalabhabhakuyomba oti oyane alihahe?"¹²Kulabhaho kwidugumba kukulu mubhantu kulwenguno yamwe, bhandi bhalayomba oti nemuntu musoga bhandi bhalayomba yaya akubhahabhyanga bhantu. ¹³Nolo notine ataliho oyo alayombela hepe kulwekubhobhaha Bhayahudi¹⁴Lusiku lukulu lulabhalwahika hakati Yesu alazya mwi Hekalu alabhukizya kulangisya. ¹⁵Bhayahudi bhalabhabhakukumya bhalayomba oti nekutyani oyane muntu ekugamanwya mandiko nahe atali bhosome? ¹⁶Yesu alabhabhwila oti malangisyogane gatali gane alahe negoyo alanitumile.¹⁷Olo muntu tyoyowona alatogwa kubhezya eyo yekumusimisya awe akumanwya kulwe malangisyo agane ologekufuma mwa Mungu nolo nekugayomba kupuna kuwane mwenekili. ¹⁸Tyoyo akuyombanga gekupuna kuwamwe mwenekili akukobhanga ikuzyo kufuma hawamwe alahe tyoyowona oyo akukobhanga ikuzyo kwoyo alamutumile oyone muntu ne we nhana, ne mukati yamwe bhutalimo bhululunganwya.¹⁹Musa atalabhaha mizilo? alahe ataliho nolo umwi winu oyo akuitumamilanga eyone mizilo, nekusi lelo mwekwenda kunihaga? ²⁰Bhantu bhalasuvya bhalayomba oti uline misambwa nende ekwenda kukwihaga?²¹Yesu alabhabhwila oti nabhezya mulimo gumwi nimwe bhonane gwabhakamazya. ²²Musa alabhaha tohara (itali oti yekuvwa mwa Musa alahe mubhakulugenzi) ne musabhato mwekumu tahili muntu²³Olo muntu alanukula tohara lusiku lwe sabhato mukubha oti muzilo gwe mwa Musa gutakakilwe, nekusi mwekunisyahalila one kulwe kubha namusizya muntu kulusiku lwe Sabhato? ²⁴mutalapunwyange hukumu katiomwo mwekubhonela muminso alahe muhukumu munhana.²⁵Bhamwibhahe kufuma Yerusalemu bhalayomba oti atalingoya bhekumukobha bhamwihage? ²⁶Ulinge ekulomela itali nolo mulwibhiso alahe bhatekuyomba tyesyo syona hawe, yenkabha bhakulu bhamanite mukubha oyane ne Kristu? ²⁷Alahe oyane twekumanwya (mfumo) yamwe nehi, alahe Kristu olo alakiza ataliho muntu oyo ekumanwya (mfumo) yamwe."²⁸Yesu alahamuka kusilaka syamwe akulanzya alayomba oti one mwekunimanwya nekandi mfumo yane mwekuimanwya nekandi one ntalizile kulwane mwenekili, alahe oyo alanitumile ne wenhana, oyone imwe mutekumumanwya. ²⁹Nekumumanwya awe kulwekubha nafumile wamwe nawe alanituma."³⁰Kulweyo halabhukizya kwenda kumukwata alahe ataliho oyo alagolola kubhoko kwamwe kumukwata, kulwekubha ikanza lyamwe lyali lisyali kuhikaho. ³¹Alahe bhantu bhinki hogwo mukutano bhalamuzumya, bhalabhukizya kuyomba oti Kristu olo alakiza alakagema vimaninkizyo vinki kukila evyo ekugema oyone muntu. ³²Bhafarisayo bhalabhimvwa bhantu bhakwihwehwetela agane magambo kulwe mwa Yesu, ngenaho bhakulu bhe bhagabhizi ne Bhafarisayo bhalatuma bhasilikale bhamukwate.³³Ngenaho Yesu alayomba oti lisyaliho ikanza idone nkubha halumwi ninu, hanuma nkusubha kwoyo alantuma. ³⁴Mukunikobha alahe mutalakanibhona kulwekubha eyo nekuzya mutekadula kwizayo."³⁵Kulweyo Bhayahudi bhalibhugilizya abhe kwabhe, oti oyane muntu akuzya hahe tusindwe kumubhone? akuzya kwabho bhasambazile mubhayunani abhalanzye bhayunani? ³⁶Nigambo si elyane ayomba mukubha oti mukunikobha alahe mutakunibhona neyo nekuzya mutenkadula kwizayo'?"³⁷Ilabha kulusiku lwe kwihelezya lwe lusiku lukulu Yesu alimilila alahamuka alayomba oti olo muntu tyoyowona aline nota ize kuwane anwe minzi. ³⁸Oyo ekunizumya oti kati omwo syandikwa syekuyomba miga zyeminzi ge bhuhanga ikuselema kufuma mukati yamwe.³⁹Alagayomba agone mukumuyomba mwizo mutakatifu oyo oti abho bhekumuzumya bhalakamwanukula; mwizo mutakatifu ali asyali kubhaho.⁴⁰Bhamwi bhe (mabhita) bhalabha bhomvwa agone bhalayomba mukubha oti oyane neumwi we bhafumbbuzi. ⁴¹Bhandi bhalayomba mukubha oti oyane ne Kristu, alahe bhandi bhalayomba oti kristu ekafumila Galilaya? ⁴²Syandikwa syekuyomba oti Kristu alakafuma mulugand lwe mwa Dadudi ne kufuma Bethelehemu igunguli elyo Daudi alimo?⁴³Kulabha kwigela kugabhanika mukati ye mukutano kulwewamwe. ⁴⁴Bhamwi bhahe bhendanga kumukwata alahe ataliho oyo alagolola kubhoko kwamwe kumukwata.⁴⁵Ngenaho abho bhasilikale bhalasubha kubhakulu bhe bhagabhizi ne Bhafarisayo, nabhe bhalabhabhwila oti ne kusi mwamulekayo? ⁴⁶Bhasilikale bhalayomba oti tusyali kubhona nolo muntu undi oyo akulomelanga mihayo kati eyane nolo kamwi."⁴⁷Bhafarisayo bhalayomba oti nimwene mwahologanibhwa? ⁴⁸Aliho nolo mutawala umwi oyo ekumuzumya,nolo tyoyowona mu Bhafarisayo? ⁴⁹Alahe (ibhita) eyane elwo litekumanwya silagilo lyazumilwe."⁵⁰Nikodemu (oyo alamuzyako Yesu kale,namwe ne umwi we Bhafarisayo)alabhabhwila oti ⁵¹Sheria yitu yekuzumya kumuhukumu muntu olo asyali kudegelekwe mbela ne kumanwya esyo agemile. ⁵²Bhalamubhwila oti nobhene wapunile Galilaya?⁵³(Witegelezye kweyane mihayo ye Yohana7:53-8:11 gatalimo munakala nsoga zye kale) Nabhe bhalazya [kila] muntu kaya yamwe.

¹(Witegelezye ulinge musombolwe bhwe Yohana 7:53-8:11 aho higulya).Yesu alazya halugulu lwe mizeituni. ²Makesi ahabhwasya alingila kandi muhekalu, ne bhantu bhona bhalamwizako,nawe alikalisya alabhukizya kubhalangisya. ³Bhandisi sihamwi ne Bhafarisayo bhalamuletela mukima oyo aliakwasilwe bhusihya bhalamutula hakati.⁴Bhalamubhwila Yesu oti mwalimu, oyane mukima akwatilwe akusihya. ⁵Musilagilo Musa alatulagila kubhapondagula mabhale bhona abho bhekugema namuna eyone obhe wekuyomba tyani. ⁶Bhalagayomba agane kukobha kumutega bhabhone muhayo gwe kumusitaka, alahe Yesu alinama alabha akwandika hansi nemunwe gwamwe.⁷Bhalabhabhagana kumubhugilizya alimilila alabhabhwila oti olo aliho muntu oyo atali ne mabhi kwelyane igele abhukizye kumuponagula mabhale. ⁸Alinamakandi alandika kumunwe gwamwe.⁹Bhalabhabhimvwa otine bhwiyanguzi bhwabho bhulabhasoma mumizo zyabho, bhalabhukizya kupuna helu umwiumwi kubhukila bhanampala mpaka mudo we kwihelezya, Yesu alalekwaho inene sihamwi ne oyo mukima imilile hakati. ¹⁰Aha Yesu agungumuka atalabhonaho mutu tyoyowo alahe oyo mukima tuhu, alamubhuzyaoti obhe mayo bhatengi bhako bhalihahe? ataliho oyo akuhukumu? ¹¹Alayomba oti Mukama ataliho nolo umwi, Yesu alayomba oti nolo one ntekukuhukumu nuzye mayo alahe utakiza kugima kugema mabhi kandi."¹²Ngenaho Yesu alalomelanabho kandi alayomba mukubha oti one ndi mwangalazima gwe mubhwelelo oyo alanilondezya atalakazya mulizima alahe akubha mumwangalazima gwe bhuhanga. ¹³Bhafalisayo bhalamubhwila oti wekwikanilizya mwenekili bhukanilizya bhwako bhutali bhwe nhana.¹⁴Yesu alabhasuvya alabhabhwila oti nolo ikabha nekwikanilizya mwenekili bhukanilizya bhwane ne bhwenhana, nekumanwya eyo nekuvwa neyo nekuzya, alahe imwe mutekumanwya eyo nekupuna neyo nekuzya. ¹⁵Imwe mwekuhukumu simubhili alahe one ntekumuhukumu muntu tyoyowona. ¹⁶One nolo ndahukumu hukumu yane ne yenhana kulwekubha ntali ninene alahe ndinage Dada oyo alanitumile.¹⁷Nemusilagilo sinu silibhwandikwe oti bhukanilizya bhwe bhantu bhabhili ne bhukanilizya bhwenhana. ¹⁸One ngenoyo nekwikanilizya, ne Dada oyo alanitumile ekunikanilizya."¹⁹Bhalamubhwila oti Dada wako alihahe? Yesu alabhabhwila oti one mutekunimanwya ne Dada wane mutekumumanwya olo mubhe mwabha mwekunimanwya one mubhe mwamumanwya ne Dada wane. ²⁰Yesu alayomba eyane mihayo ali hihi ne ibhikilo lye mpiya, aho alanzyanga muhekalu nekandi ataligelaho muntu we kumukwata, oko ikanza lyamwe lyali lisyali kuhika²¹Alabhabhwila oti nekwizila nimwe mukunikobha nekandi mukufwa mumabhi ginu. neyo nekuzya mutenkadula kwizayo. ²²Bhayahudi bhalayomba oti akwiyihaga mwenekili kulwekubha ayomba oti eyo nekuzya mutenkadula kwizayo'?"²³Yesu alabhabhwila oti imwe muli bhehansi one ndi we higulya, imwe muli bhensi eya one ntali weyane nsi. ²⁴Kulweyone ngenahe nabhabhwila oti mukufwa mumabhiginu, olo mutazumizye oti one ngenawe mukfwila mumabhi ginu."²⁵Bhalamubhuzya oti obhe ulinde? Yesu alabhabhwila oti muhayo ngogwone nabhabhwizile kufuma lwekandya. ²⁶Ndinago magambo minki gekuyomba ne kuhukumu kulwinu, nekandi oyo alanilagizile newenhana ne magambo ago alanilagizile ngenago nekugayomba mubhwelelo. ²⁷Bhatalamanwya mukubha oti ekuyombanabho kulwe mw Dada.²⁸Yesu alayomba oti mulakabha mwamusunga higulya mwana we mntu ngenaho mulakamanwya oti one ngenawe, ne mukubha oti ntekugema tyogwogwona kubhusime bhane, alahe kati omwo Dada alanilngizizye ngenomwo nekuyombela eyane mihayo. ²⁹Oyo alanitumile alisihamwi none, nawe atalibhunileke ninene kulwekubha nhananhana nekugema ago gekumusimisya. ³⁰Aha alomela eyone mihayo bhantu bhinki bhalamuzumya.³¹Yesu alabhabhwila Bhayahudi abho bhalamuzumya oti olo mulikala mwigambo lyane ngenaho mukubha bhahemba bhane bhe nhana. ³²Nimwe mukuimanwya eyo nhana neyone nhana ikubhabhoholola kuvwa mubhusese. ³³Bhalamubhwila ifwe tuli bhana bhemwa Ibrahimu netusyali kubha bhasese bhemutu tyoyo wona wekuhaya katyani obhe oti mukubhohololwa kuvwa mubhusese?"³⁴Yesu alabhabhwila oti muzumye oti tyoyowona oyo akugemanga mabhi ne musese we mabhi. ³⁵Ne musese atakwikalanga kaya nsiku zyona alahe mwana akwikalanga kaya nsiku zyona. ³⁶Kulweyo olo mwana alabhabhoholola kufuma mubhusese mukubha mwabhoholelwe nhana.³⁷Nekumanwya mukubha imwe mulibhuzyele bhwemwa Ibrahimu; alahe mwekwenda kunihaga kulwekubha igambo lyane litalimo mukati yinu. ³⁸One nekulomela eyo ndabhwene mwa Dada, nimwe mukugemanga eyo mulabhwene hali isenwe."³⁹Bhalamwitabhila bhalayomba oti Dada witu ne Ibrahimu, Yesu alabhabhwila oti olomubhe mwabha bhana bhe mwa Ibrahimu mubhe mwabha mukugema vigemo vye mwa Ibrahimu. ⁴⁰Nolo notine mwekwenda kunihaga one oyo nabhabhwizile mihayo eyo nimvwite kupuna mwa Mungu Ibrahimu atali kati omwo muli. ⁴¹Mwekutumama milimo zye mwa dada winu, bhalamubhwila oti tutalabhutwa mubhusihya tulinage Dada umwi Mungu."⁴²Yesu alabhabhila oti olo Mungu ne Dada winu mubhe mwanisima one, kulwekubha napunile mwa Mungu nolo ntaliza kubhusime bhwane alahe alanituma awe. ⁴³Nekusi mutekugelelwa magambo gane? nekandi mutenkiyomelezya kugadegeleka magambo gane. ⁴⁴Imwe mulibhe mwisenwe Syetani nemwekwikumbwa kugema ye mwisenwe,awe ali mwihazi kupuna kale ne atenkadula kwimilila munhana kulwekubha nhana italimo mukati yamwe olo alayomba bhubhehi ekuyomba ge bhusumbwa bhamwe, kulwekubha awe ne mubhehi ne dada we bhubhehi.⁴⁵Mpaka otine nekuyomba eyo yenhana mutekunelelwa. ⁴⁶Nende muwinu oyo ekunikanilizya oti ndine mabhi? olo oti nekuyomba yenhana nekusi mutekunizumya? ⁴⁷Muntu we Mungu akuganukulanga ge mwa Mungu, imwe mutekuganukula kulwekubha imwe mutali bhe mwa Mungu."⁴⁸Bhayahudi bhalamubhwila oti utekubhona tutalayomba oti nhana obhe uli Msamaria nekandi uli ne isambwa? ⁴⁹Yesu alabhabhwila oti one ntali ne isambwa;alahe nekumukuzya Dada wane oyo imwe mutekumukuzya.⁵⁰One ntekukobha ikuzyo lyane alahe aliho umwi oyo akukobhanga ne ngoyo akupunwyanga hukumu. ⁵¹Muzumye nekubhabhwila oti muntu tyoyowona oyo alalikwata igambo lyane atalakabhona lufu byo."⁵²Bhayahudi bhalamubhwila oti otine twamanwyakabhisa oti uli ne isambwa. Ibrahimu sihamwi ne bafumbuzi bhalafwa; alahe obhe wekuyomba oti muntu olo alakwata muhayo gwane atalakabhonzya lufu ne kamwi. ⁵³Obhe uli mukulu we kumukila mukulu genzi witu Ibrahimu oyo alafwa?bhafumbuzi bhona bhalafwa obhe wekwitula kati ende?"⁵⁴Yesu alabhabhwila oti olo nkikuzya mwenekili kwikuzya kwane kukubha ne gele Dada wane ngenoyo ekunikuzya oyo oti mwekumuyomba kubha ne Mungu winu. ⁵⁵Imwe mutekumumanwya alahe one nekumumanwya.olondayomba ntekumumanwya nkubha mubhehi kati imwe,one nekumumanwya ne magambo gamwe nekugakwata. ⁵⁶Isenwe Ibrahimu alayega kulubhona lusiku lwane alabha alubhona alayega.⁵⁷Bhayahudi bhalamubhila oti obhe usyali kuhisya myaka makumi atano Ibrahimu ulamubhonela hi? ⁵⁸Yesu alabhabhwila oti muzumye nekubhabhwila oti aha Ibrahimu asyali kubhutwa one naliho. ⁵⁹Ngenaho bhalasyahala bhalabhusya mabhale bhamuhule alahe Yesu alibhisa alahita hakati yabho alazya.

¹Aha Yesu akuhita alamubhona muntu muhofu kufuma kuzyalwa kwamwe. ²Bhahembabhamwe bhalamubhuzya oti Rabi, nende oyo alabhezya mabhi ne muntu oyane nolo bhazyele bhamwe kuhika akabhutwa muhofu?"³Yesu alabhabhwila oti atali oyane muntu nolo bhazyele bhamwe bhalagema mabhi alahe milimo ye mwaMungu igengeleke kuhitila kuwamwe. ⁴Twekwendelwa kuitumama milimo yamwe oyo alanitumile hasyali mwizyobha bhwile bhwekwizya obhwo oti ataliho muntu oyo alakadula kutumama milimo. ⁵Olo nsyalimo mubhwelelo one ndi mwangalazima gwe bhelelo.⁶Aha amala kuyomba namuna eyone alatuga mate hansi alabhezya matoto hakugasangilizya nagone mate hanuma alamusiga oyo muhofu haminso. ⁷Alamubhwila oti nuzye wivugute hizibha lye Siloamu, (kusombolwa kwahe oyo alatumilwe).oyo muntu alazya alivuguta alasubha akumona.⁸Bhazenganwa bhoyo muntu ne bhona abho bhamumanwyanga oyo muntu kati mwisabhilizya aha bhamubhona bhalayomba oti oyane atali muntu oyo ikalisyanga ne kwisabhiliya? bhandi bhalayomba oti ngenawe. ⁹Bhandi bhalayomba oti yaya atali awe alahe ekwikola nage tuhu, alahe awe ayombanga oti ngenone."¹⁰Bhalamubhuzya oti minso gako galafumbulwa katyani? ¹¹Alabhabhwla muntu oyo ekulangwa Yesu alabhezya malonko alanisiga haminso gane alamala alanibhwila oti nuzye wivuguti Siloamu,ngenaho ndazya ndivuguta ndabhanabhukizya kubhona. ¹²Bhalamubhuzya oti alihahe oyone muntu? alabhabhwila oti one ntekumanwya."¹³Bhalamufila habha Farisayo oyone mutu ali muhofu kale. ¹⁴Ne lwali lusiku lwe sabhato aho Yesu alabhezya malonko ne kumufumbula minso gamwe. ¹⁵Ngenaho bhalamubhuzya mukubha alabhona katyani, alabhabhwila oti alabhezya malonko alagatula haminso gane ndazya kwivuguta ndabhukizya kubhona."¹⁶Bhamwi bhe bhafarisayo bhalayomba mukubha oyane muntu atali bhupune mwa Mungu kulwekubha atekuikwata sabhato, alahe bhandi bhalayomba oti muntu we mabhi enkadula tyani kubhezya vimaninkizyo kati evya? kulweyone kulabhukizyaho kulekana. ¹⁷Bhalamubhuzya kandi oyo ali muhofu oti obhe wekuyomba tyani kulwoyane mutu oko akufumbula minso gako?nawe alayomba oti ne mufumbuzi. ¹⁸Bhayahudi bhalagana kukema oti oyone atali ngenoyo ali muhofu kale nekandi ahebhilwe kubhona mpaka ahabhabhalanga bhazyele bhamwe oyo ala muhofu.¹⁹Bhalabhabhuzya bhazyele oti oyane ne mwana winu oyo mwekuyomba alazyalwa muhofu? abhona kabhonele si? ²⁰Bhazyele bhamwe bhalabhabhwila oti twekumanwya oti oyane ne mwana witu nenhana alazyalwa muhofu. ²¹Nekatyani lelo abhukizya kubhona bhalayomba oti tutekumanwya noyo amufumbwile minso tutekumumanwya, hamwi olokumubhuzya awene mwenekili nemuntu mukulu enkatubhwila,yalabhatyani alabhukizya kubhona."²²Bhazyele bhamwe bhalayomba namuna eyone kulwekubha bhabhobhahanga bhayahudi oko bhali bhamazile kuyomba oti tyoyowona olo alayomba oti Yesu ne Kristu akukindikwa ne Isinagogi. ²³Kulweyo ngenahe bhazyele bhamwe bhalayomba oti ne muntu mukulu mumubhuzye awe."²⁴Bhalamulanga lukandagu lwe kabhili oyone muntu ali muhofu bhalamubhwila oti muhe ikuzyo Mungu, kungoko twekumanwya oti oyane muntu ne wemabhi. ²⁵Ngenaho oyo muntu alabhabhwila oti oyo muntu newemabhi one ntekumanwya ogwo nekumanwya one ngoti nabhanga muhofu otine nekubhona."²⁶Ngenaho bhalamubhwila oti alakugemela tyani? nekandi oti alagafumbula minsogako katyani. ²⁷Alabhabhwila oti namalakubhabhwila tyahane mutanelelwe? mwekwenda kwimvwa kandi kusi, ninga nimwe mwekwenda kubha bhahemba bhamwe. ²⁸Bhalamubhwakila mukuyomba oti uli muhemba wamwe obhe ifwe tuli bhahemba bhe mwa Musa. ²⁹Tyekumanwya oti Mungu alalomela ne Musa alahe oyane muntu tutekumanwya eyo alavwile.³⁰Oyone muntu alayomba oti ogwane muhayo negwekukumwya oti imwe mutekumanwya eyo alavwile alahe afumbwile minso gane. ³¹Twekumanwya oti Mungu atakubhadegekanga bhe mabhi alahe olo muntu akumulamyanga Mungu nekubhezya eyo yekumusimisya, Mungu atenkaleka kumudegeleka.³²Kufuma kubhumbwa kwe bhwelelo tusyali kwimvwa oti muntu afumbwile minso ge muntu oyo alazyelwe muhofu. ³⁴Bhalasuvya bhalamubhwila oti obhe ulazyalwa mumabhi wabhukizya kutulanzya ifwe bhalasyahala bhalamubhingila helu. ³³Olo oyane muntu atenkabhele apunile mwa Mungu atabhe agema tyesyosyona.³⁵Yesu alabha omvwa oti bhamubhingila helu Yesu aha amubhona alamubhuzya oti obhe wekumuzumya mwana we Mungu. ³⁶Alitabhila alayomba oti nende mukama namuzumye. ³⁷Yesu alamubhwila oti wamazile kumubhona nekandi oyo wekuyomba nage genawe. ³⁸Oyone muntu alayomba oti mukama nekuzumya alasunama.³⁹Yesu alayomba oti kuhukumu nizile mubhwelelo ibhe oti abho bhatekubhona bhabhone nabho bhekubhona bhabhe bhahofu, ⁴⁰Bhamwi bhe Bhafarisayo abho bhala sihamwi nabho bhalagimvwa agone bhagambo bhalamubhuzya oti nifwene tuli bhahofo? ⁴¹Yesu alabhabhwila oti olo mubhe mwabha bhahofu mutabhe mwabha ne mabhi alotine mwekuyomba oti twekubhona mabhi ginu galiho."

¹Muzumye nekubhabhwila oti oyo atekwingila kuhitila hamuzigo gwe lugutu lwe ntama alahe ekuhitila hanzila yindi oyone muntu ne mwivi ne muhalamiya. ²Oyo akwingilanga hamuzigo oyone ne mudimi we ntama.³Oyone mwiguzi akumwigulila ne ntama nazye zikwimvwa silaka syamwe akuzilanga kumazina gazyo nekandi akuzifila helu. ⁴Olo alamala kuzigulila ezyo ntama zyamwe alazitongela ne ntama zila mulondezya oko zyekumanwya silaka syamwe.⁵Mugeni ntama zitenka mulondezya byo kulwekubha silaka sye bhageni zitekusimanwya. ⁶Yesu alayomba lusumo olwane ala bhatalagelelwa magambo agane ayombanga nabho.⁷Yesu alabhabhwila kandi oti muzumye nekubhabhwila oti one ndi muzigo ngwe ntama. ⁸Pye bhona abho bhalanitongezile ne bhivi ne bhahalamiya, alahe ntama zitekubhadegeleka⁹One ndi muzigo kutyoyo wona oyo ekwingila mukuhitila hawane akulokolwa; akwingila mukati ne kupuna nawe akupandika hekumesela. ¹⁰Mwivi atakwizanga olo itali kwibha ne kwihaaga one nizile bhapandike bhuhanga nahe bhabhe nabhwo bhwebhuyaga.¹¹One ndi mudimi musoga ne mudimi musoga akubhupunwyanga bhuhangabhwamwe kulwe ntama. ¹²Alahe mwitumamizya we mpela oyo ntama zitali nsabho yamwe olo alabhona mpuge zikwiza kupula ntama akwilukanga alazileka ne mpuge zikupulanga ntama nekandi ezyo zyasaga zikusambalanga. ¹³Mwitumamizya we mpela akwilukanga kulwekubha awe ne mwitumamizya we mpela kulwekubha atekuzikalalwa ntama.¹⁴One ndi mudimi musoga ne nekubhamanwya bhane ne bhane bhekunimanwya one. ¹⁵Dada ekunimanwya none nekumumanwya Dada none nekubhupunwya bhuhanga bhwane kulwe ntama. ¹⁶Ndinazyo ntama zidi ezyo zitali zye lugutu olwane abhone nabhe bhekwendelwa kubhaleta, nabhe bhakusimvwa silaka syane oti libheho idale limwi ne mudimi umwi.¹⁷Eyane nge sabhabhu Dada ekunisima; nekubhupunwya bhuhanga bhwane nekandi nkubhusola. ¹⁸Ataliho oyo ekubhusola kufuma halyone alahe nekubhupunwya mwenekili, ndinabhwo bhudula bhwekubhupunwya nekandi ndinabhwo bhudula bhwe kubhusola kandi nalwanukwile elyane ilagilo kufuma mwa Dada.¹⁹Kusalambana kandi kulabha kwigela mubhayahudi kulwe magambo agone. ²⁰Bhinki bhabho bhalayomba oti aline isambwa nekandi ne musazi,kusi mwekumudegeleka? ²¹Bhandi bhalayomba oti agane gatali magambo ge muntu we isambwa isambwa lye nka mufumbula mutu minso?"²²Zyaliho nsiku nkulu zye kwezya mu Yerusalemu; ²³Zyali nsiku zye mpeho ne Yesu atumbagilanga mwihekalu mubhukumbi bhwemwa Solomoni. ²⁴ngenaho bhayahudi bhalamupilima bhalamubhwila oti ukutwagalazya mpaka lyali?olo obhwe uli Kristu utubhwile.²⁵Yesu alabhabhwila oti namazile kubhabhwila alahe mutekuzumya, milimo ezyo nekuzigema mwizina lye mwa Dada wane ezyone nge zyekunikanilizya. ²⁶Nolo otine mutekuzumya kulwekubha imwe mutali ntamazyane.²⁷Ntama zyane zikwimvwanga silaka syane none ndibhuzimanwye nazye zikunilondezyanga. ²⁸Nazihele bhuhanga bhunanamala nazye zitalakayabhala bhwelelo ne bhwelelo,nekandi ataliho oyo enkadula kuzipula kupuna mumabhoko gane.²⁹Dada wane oyo alanihele ezyane ntama ne mukulu kukila bhona, ne ataliho nolo umwi oyo enkazipula kupuna mumabhoko ge mwa Dada. ³⁰One ne Dada tuli umwi. ³¹Bhayahudi bhalabhusya mabhale kandi bhamuponde.³²Yesu alabhabhuzya oti vigemo vinki visoga navigemile mubhutonzi bhwe minso ginu vyekupuna mwa Dada ne kusigemo si sibhi esyo nagemile nekwesyone mwekwenda kunihula mabhale? ³³Bhayahudi bhalamubhwila oti muvigemo visoga ataliho oyo ekwenda kukuhula mabhale alahe kulwekubha wekutukana mukwiyomba oti obhe uli muntu ne kandi wekwiyomba uli Mungu."³⁴Yesu alabhitabhila mukuyomba oti musilagilo sinu itali bhwandike oti one ndayomba oti imwe muli bha mungu? ³⁵Olo kabha alabhalanga bha Mungu muhayo gwe mwa Mungu guliza wabho, (ne syandikwa sitenkadula kubhohololwa) ³⁶Mwekuyomba tyani kwoyo Dada alamupunwya ne alamulgila kupuna mwilunde mwekumubhwila oti wekumutuka Mungu;kulwekubha nayomba oti ndi mwana we Mungu.³⁷Olo ntekugema vigemo vye mwa Dada mutakanizumya; ³⁸Alahe one olo nekusigema nolo olo mutekunizumya one, nahene musizumwye esyo sigemo; mumanwye nekandi muzumwye oti Dada alimukati yane none ndi mukati Yamwe. ³⁹Bhalakobhakandi kumukata alahe alabhipuluka kupuna mumabhoko gabho.⁴⁰Alabhuka alavwayo alazya kandi mukilo ne Yordani lwande olwo Yohana ali abhukizye kubhatizya; alazya alikala eyone. ⁴¹Bhantu bhinki bhalamuzyako nabhe bhalayomba oti Yohana ali asyali kubhezya simaninkizyo nolo simwi alahe mihayo yona eyo Yohana alaiyomba kulwe muntu oyane ne yenhana. ⁴²Bhantu bhinki bhalamuzumya Yesu eyone.

¹Abhangaho muntu umwi mulwele izina lyamwe alanganangwa zakayo we bethania, we musyalo esyo bhalibhuzengemo Mariamu ne Marita, mukulu wamwe. ²Abhanga Mariamu awene oyo alamusiga Yesu mafuta ge bei nkulu nekandi alahyagula magulu gamwe ne misasi zyamwe, oyone ilumbuye Lazaro ali mulwele.³Ngenaho abhane bhalumbuye bhalamutumila mpola mukubha oti mukama oyo ulibhumusime ekulwala. ⁴Yesu alabhaimvwa alayomba oti obhwane bhulwele bhutali bhwe kumwihaga alahe kulwikuzyo lye Mungu, mwana we Mungu akuzibhwe kulwebhulwele obhwone."⁵Yesu abhanga bhubhasime Maritha ne ilumbuye Lazaro, ⁶Aha imvwa mukubha Lazaro ne mulwele ali alikalayo nsiku ibhili eyo abhanga. ⁷Hanumayahe alabhabhwila bhahemba bhamwe oti hani tuze kandi Mubhuyahudi."⁸Bhahemba bhamwe bhalamubhwila oti Rabi, Bhayahudi bhakobhanga kukuhula mabhale kandi wekwenda kusubhayo ? ⁹Yesu alabhabhwila oti mazyobha ge mwizyobha gatali ikumi ne abhili? muntu olo alatumbagila mwizyobha atenkikumpa, kulwekubha ekubhona kumwangalazima gwe mwizyobha.¹⁰Alahe olo muntu alatumbagila bhwile enkikumpa kulwekubha mwangalazima gutalimo mukati yamwe. ¹¹Alabhabhwila agane; hanuma alayomba oti munwani witu Lazaro agonile; alahe one nekuzyayo namuhalamusye.¹²Bhahemba bhamwe bhalamubhwila oti mukama olo oti agonile akuhalamuka. ¹³Mwikanza elyone Yesu alomelanga mpola zye lufu lwe mwa Lazaro alahe abhe bhaliganika oti ekulomelela tulo ye kwihumunsya. ¹⁴Ngenaho Yesu alabhafumbulila hepe mukubha oti Lazaro afwile.¹⁵Ndine bhuyegi kulwinu oti nali ntaliyo nimwe mubhone kuzumya; alyaho tubhuke tuzyeyo. ¹⁶Tomaso, oyo akulanganangwa pacha alabhabhwila bhahemba bhisyamwe oti tuzye nifwe tufwe sihamwi ne Yesu."¹⁷Yesu alabha ahika alasanga oti Lazaro atagilwe ali ne nsiku ine ali musizila. ¹⁸Ne Bethania yali hihi ne Yerusalemu kati kilomita makumi ane nitano oti. ¹⁹Bhantu bhinki mu bhuyahudi bhalibhizile mwa Maritha ne Mariamu kubhalunguzya kulwe kufwilwa ne ilumbu lyabho. ²⁰Ngenaho maritha alabha omvwa oti Yesu ekwiza alazya kumwanukula alahe Mariamu awe alikala Kaya.²¹Ngenaho Martha alamubhwila Yesu oti mukama olo wenkabheleho ahane ilumbu lyane atenkafwile. ²²Nolo notini nekumanwya mukubha tyelyo wenkasabha kupuna mwa Mungu akukuha. ²³Yesu alamubhwila oti ilumbuyo akuzyoka kandi."²⁴Maritha alamubhwila oti nekumanwya mukubha alakazyoka mu bhuzyoko bhwe nsiku zye muhelo. ²⁵Yesu alabhabhwila oti one ndi bhuzyosyo ne bhuhanga; kwoyo ali munizumye one nolo alafwa alakabha muhanga. ²⁶Noyo ali muhanga nekandi ekunizumya one atalakafwa bhwelelo ne bhwelelo wekuizumya eyane?"²⁷Maritha alamubhwila oti mukama nekuzumya eyane yona nemukubha oti obhe nge uli Kristu mwana we Mungu oyo ekwiza aha habhwelelo. ²⁸Alabha amala kuyomba eyane mihayo alazya alamulanga Mariamu muduguye mukapuzyo, alamubhwila oti mulanzya iza ekukulanga. ²⁹Mariamu alabha imvwa namuna eyone alabhuka bhwangu bhwangu alazya kumubhona Yesu.³⁰Yesu ali asyali kuhika mumuzengo alahe ali asyali halwande olwo alanukulwa ne Martha. ³¹Ngenaho Bhayahudi abho bhali sihamwi ne Mariamu munumba bhakumulunguzya aha bhamubhona Mariamu abhuka bhwangu bhwangu, alapuna helu bhalamulondezya bhakuyomba oti ekuzya hasizila kulila. ³²Mariamu alabha amubhona Yesu alamugwila hamagulu gamwe alamubhwila oti mukama olo wenkabheleho aha ilumbu lyane atenkafwile."³³Yesu alabha amubhona akulila sihamwi ne Bhayahudi abho bhali bhizile nage nabhe bhakulila alapinihala mumwizo nekandi alasunduhala. ³⁴Alabhuzya oti mwamutuzile hahe? bhalamubhwila oti mukama wize ulinge. ³⁵Yesu alalila minsozi.³⁶Ngenaho bhayahudi bhalamubhwila oti mulinge omwo alibhumusimile Lazaro! ³⁷Alahe bhandi bhabho bhalayomba oti oyane oyo alagafumbula minso ge muhofu atenkamuhangizye oyane atakafwa?"³⁸Ngenaho Yesu aha asyalila nkugwe mumwizo gwamwe alazya hasizila, nalye lyali ipango ne ibhale lyaliho bhutulwe higulya yahe. ³⁹Yesu alabhabhwila oti nemulipunwyeho elyone ibhale, Mariamu ilumbuye ne Lazaro oyo ali afwile alayomba oti Yesu otine ekununka amazile kubhola kulwekubha bhulelo ne lusiku lwe kane alibhuzikwe. ⁴⁰Yesu alamubhwila oti ntalakubhwila oti olo ulazumya ukubhubhona bhukulu bhwe Mungu?"⁴¹Ngenaho bhalailpunwyaho ibhale hamulomo gwe sizila Yesu alalangamila minso gamwe higulya alayomba oti Dada nekukulumbilizya kulwekubha ukunidegelekanga. ⁴²Ne nekumanwya oti ukunidegelekanga nsiku zyona, alahe kulwe bhantu bhinki abha bhibhilingile ahane hasizila bhazumye oti obhe nge ulanitumile."⁴³Hanuma yekuyomba agone alalila kusilaka sikulu oti Lazaro nupune eno helu. ⁴⁴Oyo mufwile alapuna nawe ali abhohilwe magulu ne mabhoko mwyenda ye kuzikila; ne bhusyo bhwamwe bhwali bhubhohe sitambala Yesu alabhabhwila oti nemumubhohololele mumulekele azye kaya."⁴⁵Ngenaho Bhayahudi bhinki abho bhali bhizile mwa Mariamu ahabhabhona eyo Yesu alagema bhalamuzumya. ⁴⁶alahe bhamwi bhabho bhalazya ha Bhafarisayo bhalabhabhwila eyo yona Yesu alagema.⁴⁷Ngenaho bhakulu bhe bhagabhizi bhalibhilinga musibhanza ne bhalayomba oti tugeme tyani? oyane muntu ekugema vimaninkizyo vinki. ⁴⁸Olo tukamuleka namuna eyane pyebhona bhakumuzumya; ne Bharumi bhalakiza nabhe bhalakatutazya vyonane hawitu sihamwi ne nsi yitu."⁴⁹Alahe muntu umwi wabho kayafa awe mugabhizi mukulu kumwaka ogwone alabhabhwila oti imwe mutekumanwya muhayo gumwi nolo hadone. ⁵⁰Mutekwiganika nolo hadone oti yekwendelwa muntu umwi kufwa kulwe bhantu bhinki? litiza kuyabhala ihanga lyona."⁵¹Ogwane muhayo atalaguyomba gwamwe mwenekili alahe kulwekubha ali mugabhizi mukulu kumwaka ogwone nawe alahagila oti Yesu ekulifwila elyone ihanga. ⁵²Ne itali kulifwila elyone ihanga tuhu alahe abhabhilinge bhabhe halumwi bhana bhe Mungu abho bhalasambazile. ⁵³Kufumilila lusiku olwone bhalabhukizya kukobha mbuki ye kumwihaga.⁵⁴Kulwemuhayo ogwone Yesu aloya kuyunga iyeleke hepe kandi mubhuyahudi, alahe alafumayo eyon e alazya musyalo esyo syali hihi ne ihala, mumuzengo ogwo gukulanganangwa Efraimu; alazya alikala eyone sihamwi ne bhahemba bhamwe. ⁵⁵Pasika ye bhayahudi yali hihi kuhika; nebhinki bhalabhuka kuvwa musyalo bhalagegela kuzya Yerusalemu aha pasika yali isyali kuhika bhabhone kwiyezya bhenekili.⁵⁶Ngenaho bhali bhabhukizye kumukobha Yesu ne kuulomela kila umwi aho bhali bhimilile mwi Hekalu oti mwekwiganika tyani?atakwiza kulusiku lukulu olwane? ⁵⁷Bhagabhizi bhakulu sihamwi ne Bhafarisayo bhalibhulagile silagilo oti muntu tyoyo wona olo alamanwya eyo Yesu ali ize atubhwile tuzye tumukwate.

¹Aha zisyali nsiku mukaga ihike Pasaka Yesu alazya bhethania eyo Lazaro ikalanga oyo alamuzyola kufuma mubhafwile. ²Bhalamutekela sye kulagila eyone, Maritha alabhatengela silibhwa mwikanza elyone Lazaro ali sihamwi nabho abho bhali bhikalisye hasilibhwa sihamwi ne Yesu. ³Ilabha Mariamu alasola [ratili] ye manukato ago gali bhubhezibwe ne [narido] nsoga, ye [galama] nkulu alagamusiga yesu hamagulu nekandi alabhukizya kumuhyagula ne alamuhyagula hamagulu ne misasi zyamwe; numbayona ilokala bhumote bhwe mafuta.⁴Yuda isikari ote oyo nge akumusontelezya Yesu, alayomba. ⁵Nekusi agane manukato gatabhe gaguzibhwa magana asatu bhakahebhwa bhahabi? ⁶Nawe alagayomba agone itali kulwe kubhabhela bhwila bhahabhi alahe kulwekubha ali mwivi, nekandi ngenoyo ali mukwatilizi we mufuko gwe mpiya nekandi asolangamo evyo vyatangilwe kulwibhiso.⁷Kulweyo Yesu alayomba oti nemumuleke oyone kungoko agabhikile kulusiku lwe kubhikwa kwane. ⁸Bhahabhi mulinabho nsiku zyona lahe one mutakubha none nsiku zyona."⁹Ngenaho (ibhita) ikulu lye Bhayahudi lilamanwya mukubha oti aliho ahone, nabhe bhaliza itali kulwe mwa Yesu tuhu alahe bhamubhone ne Lazaro oyo alamuzyosya kufuma mu bhafwile. ¹⁰Alahe bhagabhizi bhakulu bhali bhamazile kutolana bhamwihange Lazaro. ¹¹Kulwekubha kulwe kuzyoka kwamwe Lazaro Bhayahudi bhinki bhalamuzumya Yesu.¹²Nekubhusye bhwahe (ibhita) ikulu bhaliza ku lusiku lukulu,aha bhalomvwa mukubha Yesu ekwiza Yerusalemu, ¹³bhalabhusya matabhazi ge mitende bhalabhuka kuzya kumwanukula eno bhakuhamuka bhakuyomba oti utusizye otine ali we lubhango oyo ekwiza mwizina lye mukama mwami we Israeli.¹⁴Yesu alabha abhona mwana we sihongwe alagulukila higulya yasyo. ¹⁵Utakobhaha mwanike we Sayuni ulinge mwami wako ekwiza ali higulya ye sihongwe."¹⁶Eyone mihayo Bhahemba bhamwe bhali bhataitegelezye mbele na mbele; alahe aho Yesu amala kukuzibhwa ngenaho bhalibhukila oti eyane mihayo ilandikwe kulwamwe nekandi oti bhalamugemela magambo agone awe.¹⁷Ngenaho (ibhita) ibhita lyebhantu elyo lyali sihamwi ne Yesu mwikanza aho alamulanga Lazalo kupuna musizila alamuzyola kufuma mubhafwile. ¹⁸Kulweyone kandi (ibhita) lilazya kumusanganila kulwekubha bhalimvwa mukubha agemile esyane simaninkizyo. ¹⁹Ngenaho Bhafarisayo bhalibhwila abhekwabhe oti mwabhona otine mutali ne gwekugema mulinge bhwelelo yona yamuzyako."²⁰Bhaliho bhagiliki bhamwi bhabho abho bhazyanga kulamya kulusiku lukulu. ²¹Abhone bhalamuzyako Filipo muna Bethsaida ye Galilaya, bhalamusabha mukuyomba oti mukama ifwe twekwikumbwa tumubhone Yesu. ²²Filipo alazya alamubhwila Andrea; ngenaho Andrea ne Filipo bhalamubhwila Yesu.²³Yesu alabhitabhila alayomba oti ikanza lyahikile mwana we muntu akuzibhwe. ²⁴Nhana nekubhabhwila oti luzuma lwe ngano olo lutagwile hansi mubhulonko lukafwa lukwikalanga namuna eyone; alahe olo lulafwa lukuzyalanga visumo vinki.²⁵Oyo ekubhusima bhuhanga bhwamwe alakabhuyabhazya ne kwoyo alakabhugaya bhuhanga bhwamwe mweya nsi alakabhusizya nekandi alakabhona bhuhanga bhunantamala. ²⁶Muntu tyoyowona oyo alanitumamila anilondezye; nekandi ahondakabha ne mutumami wane alakabhaho ahone, muntu tyoyowona olo alanitumamila Dada alamuhe isima.²⁷Otine mwizo gwane gwekusunduhala none nayombe si lelo?Dada unisizye kupuna mwikanza elyane. ²⁸Dada ulikuzye izina lyako ngenaho silaka silapuna mwilunde kuyomba oti nalikuzya nekandi nkulikuzya. ²⁹Ilabha mukutano ogwo gwali gwimilile hihi nage bhalimvwa bhalayomba mukubha yahinda mvula bhandi bhalayomba oti ne malaika ayomba nage."³⁰Yesu alabhabhwila oti esyane silaka sitizile kulwewane alahe kulwewinu. ³¹Otine hukumu yemweya nsi iliho nekandi mukulu we mweya bhwelelo akutagwa helu.³²None olo nkabha nahanikwa higulya nkubhakwesa bhona kunizako. ³³Alagayomba agone mukulanzya nelufu si olwo akufwila.³⁴(Ibhita) lye bhantu bhalamubhuzya oti ifwe tulibhwimvwe oti Kristu akuhangama bhwelelo ne bhwelelo, nobhe wekuyomba tyani oti mwana we muntu ekwendelwa kuhanikwa higulya?oyane mwana we muntu nende? ³⁵Yesu alabhabhwila oti mwangalazima gusyali sihamwi ninu ikanza idone nemutumbagile nemutumbagile mwikanza musyalinagwo mwangalazima lizima litakiza kubhakwata,oyo akutumbagilanga mugiti atakumanwyanga eyo ekuzya. ³⁶Olo musyali nagwo mwangalazima muguzumwye ogwone mwangalazima,mubhe bhana bhe mwangalazima,Yesu alabha amala kuyomba agone alabha azya kwibhisa bhatakamubhona.³⁷Singoko Yesu alagema vimaninkizyo vinki mubhitonzi yabho namuna eyone alahe bhatalamuzumya. ³⁸Muhayo gwe mufumbuzi Isaya oti mukama nende oyo alazumya mpola zitu? ne kubhoko kwe mwa mukama afundukulilwe ende?"³⁹Kulwe muhayo ogwa bhatalazumya kulwekubha Isaya alayomba kandi oti. ⁴⁰Abhahofwizye minso nekandi mizo yobho ayigemile migume bhatakiza kubhona kuminso gabho ne bhalelelwa ku mizo zyabho bhakapiluka none nkabhasizya."⁴¹Isaya alagayomba agone magambo kulwekubha alabhubhona bhukulu bhwe mwa Yesu ne alalomela mpola zyamwe ⁴²Alahe nebhakulu bhandi bhalamuzumya Yesu; alahe kulwe Bhafarisayo bhataliyeleka bhatiza kukindikwa, ⁴³Bhalasima ikuzyo lye bhantu kukila ikuzyo lye Mungu.⁴⁴Yesu alahamuka kusilaka alayomba oti oyo ekunizumya one atekunizumya one tuhu alahe ekumuumya noyo alanitumile. ⁴⁵Ne oyo alanibhona one akubha amubhona oyo alibhunitume.⁴⁶One nizile kati mwangalazima mubhwelelo ne kutyoyowona oyo ekunizumya atakazya mu lizima. ⁴⁷Olo muntu tyoyowona alagadegeleka magambo gane alahe alaleka kugakwata one ntekumuhukumu kulwekubha ntaliza mubhwelelo kubhahukumu bhe mubhwelelo alahe kubhalokola.⁴⁸Oyo alanikema one alazikema ne mihayo yane alinage oyo ekumuhukumu ne igambo elyo naliyombile ngenelyo lilakamuhukumu kulusiku lwe muhelo. ⁴⁹Kulwekubha one ntalayomba kulwebhusime bhane mwenekili alahe Dada oyo alanitumile awe mwenekili ngenoyo alibhunilagilizye ago gekuyomba ne yekulomela. ⁵⁰None nekuyomba oti silagilo syamwe ne bhuhanga bhunantamala; kulweyo mihayo eyo nekulomela nekulomela kati omwo Dada alanitumile.

¹Aha lusiku lukulu lwe Pasika lusyalikuhika nemukubha Yesu ali amanite mukubha ikanza lyamwe lyahikile apune mubhwelelo eya azye mwisye nemukubha alibhubhasime bhantu bhamwe abho bhali mubhwelelo alabhasima muno. ²Ne Shetani ali amazile kumwingilamo Yuda iskaliote mwana we mwa simoni oti amusontelezye.³Yesu alamanwya mukubha oti isye amuhele vyona mumabhoko gamwe nemukubha awe alibhupune mwa Mungu ne kandi azyanga mwa Mungu. ⁴Alabhuka hasyekulya sye mulagilo alambula syambalwa syamwe hanuma alasola taulo alibhoha mwenekili. ⁵Hanuma alatula minzi mwibakuli alabhukizya kubhozya magulu bhahemba bhamwe nekandi alabhukizya kubhahyagula ne taulo eyo ali ibhohile mwenekili.⁶Alabha amwegelela Simoni Petro Simoni alamubhwila oti Mukama wekwenda kunozya magulu gane? ⁷Yesu alamubhwila oti elyo nekuligea utenkalimanwya otine, alahe ukulimanwya haho. ⁸Petro alamubhwila oti one utenkanozya magulu gane nehado byo, Yesu alamubhwila oti olo wekukema ntakakwozya utakubha sihamwi none. ⁹Simoni Petro alamubhwila oti mukama utakanozya magulu tuhu alahe unozye ne mabhoko ne mutwe gwane."¹⁰Yesu alamubhwila oti tyoyowona oyo amazile kwoga atekwendelwa kwoga kandi alahe magulu gamwe tuhu nekandi abhele wepe mubhiligwamwe gwona imwe mwabhele bhepe alahe mutali bhona. ¹¹Alagayomba agone kulwekubha ali bhumumanwye oyo alakamusontelezya,ngenahe alayomba mutali bhona abho mwabhele bhepe."¹²Yesu alabha amala kubhozya magulu alasola ne syambalwa syamwe alikalisya alabhabhuzya oti mwitegelezya kwesyo nabhabhegezya. ¹³Mwekunilanga one oti ndi mulanzya nekandi ndi mukama mwekugema kusoga kulwekubha ngenomwo ndi. ¹⁴Oloikabha one ndi mulanzya ne mukama nabhozya magulu ginu imwenimwe mwekwendelwa kubhozya bhisinu magulu. ¹⁵Nabhalanzya yekwilanzya mubhone kugema nimwe kati omwo nagemela kwimwe.¹⁶Muzumye nekubhabhwila oti muzyana atali mukulu kumukila mukama wamwe,nolo oti oyo ali bhutumwe nemukulu kumukila oyo alibhumutume. ¹⁷olo mulagamanwya agane mukufuhulwa olo mulagagema. ¹⁸Ntekuyomba kwimwe bhona kulwekubha nebhamanwya abho nabhalahile alahe nekugayomba agane oti syandikwa sibhone kuhikilizibhwa; oti oyo alalya mukate gwane animinulile sigele syamwe.'¹⁹Nabhabhwila agane mukubha gasyali kwigengeleka oti olo galakabha gigengeleka mubhone kuzumya mukubha oti one genewe. ²⁰Nhana nekubhabhwila oti tyoyowona oyo alabhanukula akubha ananukwile one noyo alananukula one akubha amwanukwile oyo alanitumile."²¹Mwikanza elyo Yesu alayomba agone alagalala mumwizo alayomba oti muzumye nekubhabhwila oti umwi winu akunsontelezya." ²²Bhahemba bhamwe bhala bhukizya kwilinga abhe kwa bhe mukwibhugilizya oti kamba ekumuyomba ende.²³Aliho umwi wabho ha meza ye silibhwa mwisyabho we bhahemba bhamwe ali amusendamile Yesu hasifubha oyo Yesu ali bhumusime. ²⁴Simoni Petro alamubhuzya oti agu nende oyo ekumuyombelaho. ²⁵Muhemba oyo ali bhumusendamile Yesu hasifubha alamubhuzya oti mukama nende oyo akukusontelezya?"²⁶Yesu alayomba oti oyo nkamulisya ntoge ngenoyone nekandi alakozya eyo ntoge alaimuha Yuda mwana we mwa Simoni Isikali ote. ²⁷Hanuma ye mukate syetani alamwingila Yuda hanuma Yesu alamubhwila oti mudugu esyo wekukobha kusigema sigeme bhwangu."²⁸Ataliho muntu aho bhali bhikalisye oyo alamanwya ne kusi Yesu ayomba agone. ²⁹Bhamwi bhahe bhalayomba oti hamwi ne Yuda oko nge akwatililanga mufuko gwe sadaka Yesu alamubhwila oti nugule vilibhwa vyekulya mpaka kulusiku lukulu nolo oti abhahe bhahabhi vintu. ³⁰Hanuma Yuda aha anukula ntonge alapuna helu naye yali bhwile.³¹AhaYuda amala kuvwaho Yesu alayomba oti otine mwana we muntu akuzibhwa ne Mungu akuzibhwa kwawe. ³²Mungu akumukuzya kwawe mwenekili akumukuzya bhwangu. ³³Bhana bhado ndisihamwininu ikanza idone mukunikobha ne kati omwo ndabhabhwilila bhayahudi oti eyo nekuzya mutenkadula kwizayo notine nekubhabhwila imwe.³⁴Nekubhaha silagilo sihyahya oti mwisime; kati one omwo ndabhasimila imwe nimwe mwisime imwe kwi mwe. ³⁵Kulwelyane bhantu bhakumanwya mukubha oti imwe muli bhahemba bhane olo muli nekwisima imwe kwimwe."³⁶Simoni Petro alamubhuzya oti mukama wekuzya hahe? Yesu alamubhwila oti eyo nekuzya kwotine utenkadula kwizayo alahe ulakanilondezya haho. ³⁷Petro alamubhuzya oti mukama nekusi ntakakulondezya otine? nekuyomba oti one nkubhupunwya bhuhanga bhwane kulwako. ³⁸Yesu alamwitabhila mukuyomba oti ukubhupunwya bhuhanga bhwako kulwane?uzumye nekukubhwila oti Nkungulume itakuhila nolo kamwi olo usyali kunikana nkandagu isatu.

¹Utakasunduhala mumwizo gwako olo wekumuzumya Mungu unizumye none. ²Munumba ye mwa Dada wane haliho he kwikala hinki olo ibhe yitali otine mbe nabhabhwila kulwekubha oti nekuzya kubhatayalisizya bhwikalo. ³Olo ndazya kubhabhegezya bhwikalo ndakasubha kandi kubhakalibhisya wane oti aho ndakabhandi nimwe mubheho.⁴Mwekuimanwya nzila eyo nekuzya . ⁵Tomasi alamubhwila Yesu oti mukama tutekumanwya eyo wekuzya twenkaimanwya tyani nzila? ⁶Yesu alabhabhwila oti one ngendi nzila ye nhana ne bhuhanga ataliho muntu oyo enkazya mwa Dada olo atahitile kuwane ⁷Olo mubhe mwekunimanwya one mubhe mwekumumanwya ne Dada wane ne kufumilila otine mwekumumanwya nekandi mwamazile kumubhona awe."⁸Philipo alamubhwila oti mukama tulanzye Dada ikubha yatutosya. ⁹Yesu alabhabhwila oti ntikele ninu kwitungo ilele alahe Philipo usyali kunimanwya? kutyoyowona oyo alanibhona one akubha amubhwene ne Dada; nekatyani kandi wekuyomba utulanzye Dada'?¹⁰Mutekuzumya oti one ndi mukati ye mwa Dada ne Dada alamukati yane? magambo ago nekubhabhwila one ntekugayomba kubhutogwe bhane mwemekili alahe ne Dada oyo ekwikala mukati yane ngenoyo ekutumama milimo yamwe. ¹¹Munizumye one oti ndi mukati ye mwa Dada ne Dada ali mukati yane munizumye one kulwe milimo zyane.¹²Muzumye nekubhabhwila oti oyo ekunizumya milimo eyo nekugema akuzigema nekandi akugema ne mikulu kukila ezyo nekugema kulwekubha nekuzya mwa Dada. ¹³Kutyesyosyona esyo mulasabha mwizina lyane nkusigema Dada akuzibhwe kuhitila mwana wamwe. ¹⁴Olo mulasabha tyesyosyona mwizina lyane nkusigema .¹⁵Olo mulanisima mukukwata malagilo gane. ¹⁶None nkumusabha Dada nawe akubhaha mukwasya undi abhe ninu bhwelelo ne bhwelelo. ¹⁷Mwzo mutakatifu we nhana bhebhwelelo bhatenka mwanukula kulwekubha bhatekumubhona, nolo kumumanwya nolo notine imwe mwekumumanwya kulwekubha ekwikala ninu ne akubha mukati yinu.¹⁸Ntakubhaleka napina alahe kusubhakandi kuwinu. ¹⁹Kwikanza idone bhwelelo itakunibhona kandi alahe imwe mwekunibhona kulwekubha ndi muhanga nimwene mukuhangama. ²⁰Kulusiku olwone nge mulakamanwya oti one ndi mukati ye mwa Dada nekandi imwe muli mukati yane nekandi one ndi mukati yinu.²¹Tyoyowona oyo akukwatanga silagilo syane nekusigema ngenoyo ekunisima, ne oyo ekunisima one akusimwa ne Dada wane,none nkumusima nekandi ndakiyeleka kuwamwe. ²²Yuda (atali isikali ote) alamubhuzya oti mukama nesi esyo sikwigela oti ukwiyeleka mwenekili mubhwelelo?²³Yesu alitabhila alamubhwila oti muntu tyoyo wona olo alanisima akukwata muhayo gwane, Dada wane akumusima nekandi tukwiza nekubhezya bhwikalo bhwitu sihamwi. ²⁴Tyoyowona oyo atekugukwata muhayo gwane, ne muhayo ogwo mwekugwimvwa gutali gwane alahe ne gwemwa Dada oyo alibhunitume.²⁵Nagayomba agane gona mwikanza elyo nekwikala ninu. ²⁶Nolo notine mulunguzya mwizo mutakatifu oyo oti Dada akumulagila mwizina lyane akubhalanza magambo gona nekandi akubhibhukizya gona ago ndagayomba kuwinu. ²⁷Bhuteka nekubhaha bhhuteka bhwane ntekubhaha kati omwo bhwelelo bhukubhahanga mutakaigema mizo yinu kwobhaha.²⁸Mwimwya oti nabhabhwila nekuzya alahe kusubha kandi olo mubhe mwekunisima mubhe mwabha ne bhuyegi kulwekubha nekuzya mwa Dada kulwekubha Dada ne mukulu kunkila one. ²⁹Otine namalakubhabhwila gasyali kwigengeleka oti olo galigengeleka mubhone kuzumya, ³⁰Takuyomba magambo miki kulwekubha mukulu we bhwelelo eya ekwiza nawe atali ne bhudula kwone. ³¹Alahe bhwelelo bhupandike kumanwya oti nekumusima Dada nekugema esyo Dada ekunilagila one, ngomwo nekugemela, nemubhuke tuvweho ahane.

¹One nge ndi muzabibu gwe nhana ne Dada wane nge mulimi we mizabibu. ²Itabhazi tyelyolyona elyo litekubhuta visumo kulipunwyangaho, nekandi itabhazi elyo lyekubhuta visumo akulikonelanga ligane kubhuta kusoga.³Imwe mwamazile kwela kulwe igambo elyo nabhabhwizile. ⁴Mwikalisye mukati yane none mukati yinu, kulwekubha kati omwo itabhazi litekabhuta olo lili linene nimwene otine olo mutikele mukati yane.⁵One ndi muzabibu imwe muli matabhazi oyo alagumakwikala mukati yane none mukati yamwe muntu oyone akubhutanga visumo vinki, kulwekubha olo ntali one imwe mutenkagema tyesyosyona. ⁶Muntu tyoyowona olo alaleka kwikala mukati yane autagwa helu kati itabhazi nekandi akwoma nebhantu bhakwizanga bhalagabhilinga bhalagatagila mumulilo galaziga. ⁷Olo mulaguma kwikala mukati yane ne magambogane galikala mukati yinu musabhe tyesyosyona nimwe mukugemelwa.⁹⁸Kwelyane Dada wane ekukuzibhwa kulwekubha mwekubhuta visumo vinki nekandi muli bhahemba bhane.Kati omwo Dada wane omwo alabhasimila ngenomwo none nabhasimile mugume mubhusime bhwne.¹⁰Olo mulasikwata silagilo syane mukuguma mubhwisime bhwane, kati omwo ndasikwatile silagilo sye mwa Dada wane nekwikala mubhwisime bhwamwe. ¹¹Nagayomba agane magambo kuwinu oti bhuyegi bhwane bhubhe mukati yinu nekandi bhuyegi bhwinu bhuhkane.¹²Esyane nge silagilo syane oti mwisime imwe kwimwe kati omwo ndabhasimila one. ¹³Ataliho muntu oyo ali ne bhutogwa mukulu kukila obhwa, oti abhupunwye bhuhanga bhwamwe kulwe bhanwaniye.¹⁴Imwe mwabhele bhanwani bhane olo oti mulagema ago nekubhalagila. ¹⁵Ntekubhalanga kandi bhazana kulwekubha muzyana atakumanwyanga esyo mukama wamwe ekugema, nabhalanga imwe bhanwani kulwekubha esyo nekusimvwa kupuna mwa Dada nekusibhabhwila.¹⁶Mutalanilaha one one nge ndabhalaha nekubhatula muzye mubhute visumo ne visumo vinu vikaleho ibhe oti tyesyosyona esyo mulasabha kufuma mwa Dada mwizina lyane muhebhwe. ¹⁷Magambo agane nekubhalagila oti mwisime kila muntu ne mwisyamwe.¹⁸Olo bhwelelo ilabhagaya mumanwye mukubha oti yilabhukizya kunigaya one aha isyali kubhagaya imwe. ¹⁹Olo mubhe mwabha bhemubhwelelo bhwelelo ibhe yabhasima, alahe kulwekubha imwe mutali bhe mubhwelelo nemukubha ndabhalahula kufuma mubhwelelo ngenahe bhwelelo yekubhagaya.²⁰Mwibhukile igambo elyo ndabhabhila oti muzyana atali mukulu kukila mukama wamwe, olo kabhabhalanagalazya one bhalakabhagalazya nimwene; olo bhalakwata muhayo gwane nke bhalakagukwata ne muhayo gwinu. ²¹Bhalakabhagemela agone gona kulwe izina lyane kulwekubha bhatekumumanwya oyo alanitumile. ²²Olo mbe ntaliza ne nkayomba nabho bhabhebhatali ne mabhi alahe otine bhatali ne kuzyibha kumabhigabho.²³Oyo alanigaya one akubha amugaya ne Dada wane. ²⁴Olo nabhe ntalabhezya sigemo hakati yabho esyo sysli sisysli kugemwa nolo ne muntu umwi, bhabhe bhatali nemabhi alahe otine bhabhwene nekandi bhatugaile one sihamwi ne Dada wane. ²⁵Eyane yigengeleke kulwoti guhikile muhayo ogwo guli bhwandikwe musilagilo syabho oti bhanigayila gele.²⁶Olo mulunguzya alakabha iza oy ndakamulagila kufuma mwa Dada, oyone nge mwizo mutakatifu we nhana oyo ekufuma mwa Dada oyone akunikanilizya. ²⁷Nimwene mwekunikanilizya kulwekubha mwabhelesihamwi none kupuna aho tulabhukila ninu.

¹Eyane mihayo nabhabhwila imwe oti mutakiza kuletelezibhwa kwikumpa. ²Bhalakabhabhinga mumibhilingilo, nekandi ikanza lyekwiza oti oyo alakabhihaga alakahaya oti ekugema mulimo musoga kulwe mwa Mungu.³Bhakubhagemela eyone kulwekubha bhatekumumanwya Dada nolo one. ⁴Nabhabhwila agane magambo oti ikanza olo lilakahika mwibhukile oti nali ndabhabhwila eyane mihayo, ntalibhubhabhwile eyane mihayo kupuna mbele na mbele kulwekubha nali sihamwi ninu.⁵Singoko nekuzya otine kwoyo alanitumile alahe ataliho kwimwe oyo ekunibhuzya oti wekuzya hahe? ⁶Oko nagayomba magambo agane kuwinu bhupina bhwokala mimizo zinu. ⁷Nolo otine nekubhabhwila nhana;yekubhelela navweho kulwekubha olo ntavwileho mulunguzya atakubhizako alahe olo ndazya nkumutuma winu.⁸Olo alakabha izaoyone mulunguzya alakabhakanilizya bhanabhwelelo kulwe ye bhutungilizya nekulwe hukumu. ⁹Nekulwe mabhi kulwekubha bhatalanizumya one. ¹⁰Ne kulwe bhutungilizya kulwekubha nekuzya mwa Dada nekandi mutakunibhona kandi. ¹¹Nekulwe hukumu kulwekubha mukulu weya bhwelelo amazile kupandika hukumu.¹²Ndinago minki gekuhabhwila alahe mutakugitegelezya otine. ¹³Ala mwizo mutakatifu we nhana olo alakabha iza alakabhalondola abhatule munhana yona, ne kwago alakagimvwa ngenago alakagayomba nekandi alakagagengeleka gona hepe. ¹⁴Awe alakanikuzya one kulwekubha magambogane alakaganenelezya kuwinu.¹⁵Vintu vyona evyo alinavyo Dada ne vyane, kulwago ngenahe nayomba oti magambo gane mwizo mutakatifu alakagagengeleka kuwinu. ¹⁶Lisyaliho ikanza idone mutakunibhona kandi; nemwikanza idone kandi mukunibhona."¹⁷Bhamwi bhe bhahemba bhamwe bhalibhwila oti nesi esyo ekutubhwila mukubha lisyali ikanza idone mutakunibhona kandi ne ikanza idone mukunibhona kulwekubha nekuzya mwa Dada? ¹⁸Kulweyo bhalayomba nesintu si esyo ekuyomba? tutekumanwya esyo ekuyomba."¹⁹Yesu alamanwya mukubha bhekwenda kumubhuzya newe alabhabhwila oti ne kusi mwekwibhugilizya bhenekili kulwigambo elyanayomba oti lisyali ikanza idone kandi mutakunibhona nekandi ikanza idone mukunibhona? ²⁰Muzumwye nekubhabhwila oti mukulila nkungwe alahe bhwelelo ilakafula mpundu mukubha ne bhupina alahe bhupina bhwinu bhukupiluka kubha bhuyegi. ²¹Mukima olo akulumilwa bhusungu akubhanga ne bhupina kulwekubha ikanza lyamwe lyekubhuta lyahikile; alahe olo alamalakubhuta mwana, atakwibhukilanga kandi manegelo kulwe bhuyegi bhwamwe oti mwana abhutwa mubhwelelo.²²Nimwe otine muline bhupina alahe ndakabhabhona kandi; nemizo zinu zilakayega ne ataliho oyo alakabhatazya bhuyegi bhwinu. ²³Lusiku olyone mutalakanibhuzya igambo tyelyolyona. Muzumye nekubhabhwila oti olo mulasabha tyelyo lyona mwa Dada akubha mwizina lyane. ²⁴Nolo notine musyali kusabha tyelyolyona mwizina lyane; musabhe nimwe mukuhebhwa oti bhuyegi bhwinu bhuhikane.²⁵Nayomba ninu mukabhila eyo itekumaninka alahe ikanza lyekwiza elyo ntalakayomba ninu mukabhila eyo itekumaninka alahe ndakabhabhwila hepe kulwe mwa Dada.²⁶Lusiku olwone mulakasabha mwizina lyane ne ntekubhabhwila oti mulakasabha mwizina lye mwa Dada. ²⁷Kulwekubha Dada mwenekili abhasimile kulwekubha mwanisimile one nemukubha mwanizumizye oti napunile mwa Dada. ²⁸Ndapuna mwa Dada nekandi niile mubhwelelo; kandi nekupuna mubhwelelo ne nekuzya mwa Dada.²⁹Bahemba bhamwe bhalamubhwila oti wabhona lelo otine wekuyomba hepe ne utekuyombela mukafubho. ³⁰Otine twamanwya mukubha wekumanwya magambo gona, ne itekwendelwa muntu tyoyo wona akubhuzye, kulweyane twazumya oti wapunile mwa Mungu. ³¹Yesu alabhabhwila otine mwazumya?"³²Mulinge ikanza lyekwiza nekandi lyamazile kuhika oti mukusambala kila muntu nekandi mukunileka ninene. ³³Nabhabhwila eyane mihayo oti mukati kwone mubhe ne mpola mubhwelelo mubhe ne mpola, Mubhwelelo mukubha ne kwagalala alahe mutimbye mwizo one namazile kubhukinda bhwelelo.

¹Yesu alagayomba magambo agane hanuma alalangamila mwilunde kuminso ngamwe, alayomba oti Dada itungo lyahika umukuzye mwana ne mwana akukuzye obhe, ²Kati omwo ulamuhela bhudula kuvintu vyona vyemibhili avihe bhuhanga bhunantamala abho bhona ulamuha.³Obhwane nge bhuhanga bhunantamala oti bhakumanwye obhe Mungu we nhana ne we winene ne oyo ulamutuma Yesu Kristu. ⁴Ndakukuzya aha habhwelelo nekandi kuguhikilizya mulimo ogwo ulaniha nagutumame. ⁵Otine Dada unikuzye sihamwi nobhene mwenekili kulwe ikuzyo elyo nalinalyo ahanali ndi sihamwi nanko aha bhwelelo isyali kubhumbwa.⁶Inabhamanwya izina lyako bhantu abho ulaniha aha habhwelelo bhali bhantu bhako alahe ulabhaniha one, nabhe bhalikwatile igambo lyako. ⁷Otine bhekumanwya oti tyesyo syona esyo ulanihele syekupuna wako. ⁸Kumagambo ago ulaniha one namazile kugabhaha gonane.nekandi bhalaganukula ne bhalamanwya mukubha one ndapuna wako, ne bhamazile kuzumya mukubha ulanitumile.⁹Nekubhasabhila abhe ne ntekusabhila bhwelelo alahe abho ulaniha kulwkubha abhone ne bhako. ¹⁰Vintuvyona evyo nevyane evyone ne vyako nevyo ulinavyo obhe ne vyane; none nekukuzibhwa kwevyone. ¹¹One ntalimo kandi mubhwelelo alahe abhe bhali mubhwelelo none nekwiza wako. Dada [mutakatifu] ubhakuzye mwizina lyako elyo ulaniha bhabhe halumwi kati omwo tulihalumwi nako.¹²Ahanalisihamwi nabho ndabhangalila kwizina elyo ulaniha ndabhangalila nekandi ataliho nolo umwi oyo alabhula, olo oti atali tuhu mwana we kuyabhala, kulwekubha oti syandikwa sihikilizibhwe. ¹³Otine nekwiza wako alahe nekugayomba agane mubhwelelo kulwekubha oti bhuyegi bhwane bhuhikilizibhwe mukati yabho bhenekili. ¹⁴Nabhahele igambo lyako bhwelelo yabhagaile kulwekubha abhe bhatali bhe mubhwelelo eya, kati omwo one ntali we mubhwelelo.¹⁵Ntekubhasabhila oti ubhapunwyemo mubhwelelo alahe ubhangalile noyo mubhi syetani. ¹⁶Abhe bhatali bhe mubhwelelo kati omwo one ntali we mubhwelelo. ¹⁷Ubhozye kuhitila munhana yako ne igambolyako nge nhana.¹⁸Ulanituma mubhwelelo none nabhatuma mubhwelelo. ¹⁹Kungoko yabho onene mwenekili nekwiyiha kuwako, oti nabhe bhipunwye kuwako kulweyo nhana.²⁰Bhatali abhane tuhu abho ne kubhasabhila alahe nabho bhalakazumya kuhitila kwigambo lyabho. ²¹Oti nabhe bhabhe halumwi kati omwo obhe Dada uli mukati yane none mukati yako.nekubhasabhilakandi oti bhabhe mukati yitu bhwelelo ibhone kuzumya mukubha oti obhe ngenoyo ulanitumile.²²Ikuzyo elyo ulanihele none nabhahele abhe oti bhadule kubha sihamwi, kati omwo ifwe tuli sihamwi. ²³One mukati yabho nobhe mukati yabho bhabhone kuhikilizibhwa mukubha sihamwi; ne bhwelelo ibhone kumanwya oti obhe ngenoyo ulanitumile, nekubhasima kati obhe omwo ulanisimila one.²⁴Dada esyo ulanihele one nekwikumbhwa nabhe bhadule kubha sihamwi none aho ndi bhapandike kubhubhona bhukulu bhwane obhwo ulaniha; kulwekubha obhe ulanisima one aho misingi ye bhwelelo yali isyali kubhumbwa.²⁵Dada wemunhanayona bhwelelo italakumanya obhe alahe one nekukumanwya obhe ne bhekumanwya mukubha iti ulanitumile. ²⁶Ndaligema izina lyako limaninke kwabhe nekandi ndakaligema limaninke oti bhusime obhwo ulanisima one bhudule kubha mukati yabho none nabhe mukati yabho."

¹Yesu alabha amalakuyomba magambo agone alabhuka sihamwi ne bhahemba bhamwe alazya kumukilo gwe mwiga gwe kidroni, eyo haliyo bhusitani alingilamo sihamwi ne bhahemba bhamwe. ²Yuda musontelezya nawe alibhumanwyeho, kungoko Yesu azyangayo nhana nhana sihamwi ne bhahemba bhamwe. ³Yuda alabha ahebhwa bhasilikale ne bhagabhizi bhakulu alazyayo eno bhaline tala ne vyenge ne vyogi.⁴Yesu ne mukubha amanyanga yonane eyo yamwizilangako alahita bhutonzi ye bhahemba bhamwe alabhuzya oti nende mwekumukobha? ⁵Nabhe bhalamubhwila oti twekumukobha Yesu munazareti Yesu alabhabhwila oti ngone Yuda musontelezya ali imilile sihamwi nabho bhasilikale.⁶Alabhaabhabhwila oti ngenone bhalasubha sifunde numa bhalagwa hansi. ⁷Hanuma alabhabhuzya kandi oti nende oyo mwekumukobha? bhalamubhwila kandi oti "Yesu munazareti."⁸Yesu alabhabhwila oti namazile kubhabhwila oti ngenone olo mwekunikobha nemubhaleke abhabhandi bhazye. ⁹Agane gona galabha namuna eyone mukuhikilizya muhayo ogwo alaguyomba oti mwabho ulaniha ntalamubhuzya tyoyowona."¹⁰Ngenaho Petro, aline lupanga alaludubula alamuhyempula kutwi kwe bhulyo muzyana we mugabhizi mukulu nizina lyoyo muzyana alanganangwa Mariko. ¹¹Yesu alamubhwila oti Petro hani nulusuvwye lupanga lwako mwibhikilo lyalwo, nekusi ntakasinwela sikombe esyo Dada anihele?"¹²Ngenaho abho bhasilikale sihamwi ne bhazyana bhe bhayahudi bhalabhabhamukwata Yesu bhalamubhoha. ¹³Bhalamufila mbela mwa Anasi, kulwekubha awe ali isye bhukwe we mwa Kayafa, ngenoyo ali mugabhizi mukulu mwaka ogwone. ¹⁴Kayafa ngenoyo ali abhahele bhuyangu Bhayahudi oti yekwendelwa muntu umwi afwe kulwe bhantu bhinki.¹⁵Simoni Petro alamulondezya Yesu sihamwi ne muhemba yundi noyone muhemba ali bhumanibhwe ne mugabhizi mukulu. ¹⁶Alahe Petro aliimilile helu ye muzigo oyo muhemba oyo amaninkanga ku mugabhizi mukulu alapuna helu alazya kulomela noyo mukima muzyana oyo alabhadanga muzigo alamwingizya Petro mukati.¹⁷Oyo mukima mulabhadi we muzigo alamubhuzya Petro oti nobhene ne mwisyabho webhahemba bhoyane muntu? Petro alakema oti byo. ¹⁸Nabhone bhazyana sihamwi ne bhakulu bhali bhimilile ahone, bhakwikonta mulilo kulwekubha yaliho mpeho, ne Petro nawe aliho akwikonta mulilo imilile.¹⁹Ngenaho mugabhizi mukulu alamubhuzya Yesu kulwe bhahemba bhamwe ne kulwe malangisyo gamwe. ²⁰Yesu alayomba oti nayombile hepe ne bhanabhwelelo nkulanzya kila lusiku mumibhilingilo, ne mwihekalu eyo bhayahudi bhona bhakwibhilinganga, nekandi ntalayomba igambo tyelyolyona mukapuzyo. ²¹Nekusi wekunibhuzya? ubhabhuzye abho bhanidegelekanga ago nayombanga bhekumanwya gona ago nayombanga.²²Yesu alabha amalakuyomba namuna eyone umwi we bhakulu oyo ali imilile alamupatula luhi Yesu alamubhwila oti wenkamubhwila namuna eyone mugabhizi mukulu?" ²³Yesu alasuvya alayomba oti olo nayombaho muhayo mubhi ubhukanilizye obhwone bhubhi, ne ikabha namusubhizya kusoga nekusi wanipatula luhi? ²⁴Ngenaho Anasi alabha amufila Yesu mwa kayafa mugabhizi mukulu eno ali bhubhohe mabhoko.²⁵Simoni Petro ali imilile akwikonta mulilo, bhalamubhuzya oti nobhene uli mwisyabho we bhahemba bhamwe? alakema alayomba oti one ntali muhemba wamwe. ²⁶Umwi we bhazyana bhe mugabhizi mukulu oyo ali muduguye woyo mugosya oyo Petro alamukata kutwi alayomba oti utali obhe oyo ndakubhona neyo mubhustani? ²⁷Petro alakema kandi ne mwitungo elyone nkungulume ilahila.²⁸Bhalabha bhamutongeka Yesu kupuna mwa Kayafa mpaka mwihukumilo, alahe abhe bhatalingilamo bhatiza kwiletela bhuka kulwe kulya pasika. ²⁹Pilato alapuna helu alabhabhuzya oti mulinemuhayo si kwoyane muntu?" ³⁰Bhalayomba oti olo oyane muntu mbe atali mugema mabhi tutabhe tyamuleta wako."³¹Pilato alabhabhwila oti mumusole imwene bhenekili muzye mumuhukumu kati omwo silagilo sinu syekuyombela, bhayahudi bhalamubhwila oti silagilo ifwe sitekutubhwila kumwihaga muntu tyoyo wona. ³²Ne bhalagayomba agone mukubha muhayo gwe mwa Yesu gwigengeleke ogwo alayomba kulwe kufwa kwamwe.³³Pilato alingila kandi mwihkumilo alamubhuzya Yesu oti angu obhe uli mwami we Bhayahudi? ³⁴Yesu alamubhwila oti obhe wekunibhuzya namuna eyone wekwenda kumanwya ninga oko bhakutuma unibhuzye. ³⁵Pilato alamubhwila Yesu oti one ntali muyahudi?bhe mwihanga lyako sihamwi ne bhagabhizi bhakulu bhakuletile kwone kwani wagemile si?³⁶Yesu alayomba oti bhwami bhwane bhutali bhe mubhwelelo eyane olo bhwami bhane bhubhe bhwabha bhwemubhwelelo eyane bhantu bhane bhabhe bhanisolela ntakatulwa mumabhoko ge Bhayahudi, kulweyo bhwami bhwane bhutali bhwemweya nsi. ³⁷Pilato alamubhuzya oti kasinaga obhe uli mwami? Yesu alamubhwila oti obhe ngenoyo wekuyomba oti one ndi mwami, nekulweyane one nazyelwe nekandi nizile munsi oti nayombe ne kwikanilizya yenhana, nekumuntu oyo akwimvwanga ye nhana akwimvwanga silaka syane.³⁸Pilato alamubhuzya oti nhana nge si? nawe alabha amalakuyomba agane alapuna alazya ha Bhayahudi alabhabhwila oti ntekubhona kabhi tyako kona hoyane muntu. ³⁹Nimwe muli ne kazile kekubhigulila muntu umwi mufungwa kulusiku lwe Pasika mwekwenda tyani nabhalekelele mwami we bhayahudi? ⁴⁰Bhalayoganwya mukuyomba oti muleke oyone alahe umulekele Baraba ne Baraba ali munyoli.

¹Pilato alamusola Yesu anuma alamuhula ne mukobha. ²bhasilikale nabhe bhalasibha ngikili ye migwa bhalamwambika Yesu hamutwe hanuma bhalamwambika mwena gwe rangi ye zambarao. ³Bhalamwizako eno bhakuyomba oti obhe mwami we bhayahudi, eno bhakumpagila mahi.⁴Hanuma Pilato alapuna helu alabhabhwila bhantu oti nekubhaletela oyane muntu nabhahe imwene bhenekili ne mumanwye oti one ntabhwene kabi tyakokona kwawe. ⁵Yesu alapuna helu ali ambele ngikili ye migwa ne syambalwa sye rangi ye zambarao, ngenaho Pilato alabhabhwila oti nemulinge muntu winu oyaha. ⁶Mukulu we bhagabhizi sihamwi ne bhakulu bhalabhabhamubhona Yesu, bhalayoganwya iyombo ikulu bhakuyomba oti mumwagalazye, mumwagalazye. Pilato alabhabhwila oti mumusole imwene bhenekili muzye mumwagalazye kulwekubha one ntekubhona kabhi kuwamwe."⁷Bhayahudi bhalamubhwila Piato oti ifwe tulinasyo silagilo ne kusilagilo esyone oyane muntu ekwendelwa kufwa kungoko awe iyombanga oti ne Mungu. ⁸Pilato alabha imvwa agone magambo alagana kwobhaha, ⁹alingilamokandi mwihukumilo alamubhuzya Yesu oti obhe uli muvwahi?nulo notine Yesu atalamusuvya muhayo.¹⁰Pilato alamubhuzya oti nekusi utekuyomba none?utekumanwya mukubha oti one ndine bhudula bhwekukulekela nekandi ndinebhudula bhwekukwagalazya?" ¹¹Yesu alamubhwila Pilato oti utabhe wabha ne bhudula kwone olo utabhe wahebhwa kupuna higulya,kulweyo oyo akumpele ali nekabhi kakulu muno."¹²Kulwe masuvyo agone Pilato alenda kumulekela alahe bhayahudi bhalayoganwya bhalayomba oti olo ukamulekela obhe utakubha munwani we mwa Kaisari; ne tyoyowona oyo akutebhanga kubha mwami akwisalikanga kumihayo.atakabha sihamwi ne Kaisari. ¹³Pilato alabha agimvwa agone magambo alamupunwya Yesu helu nekandi alikalisya hitebhe lye hukumu halwande olwo luklanganangwa oti sibhunga sye mabhale ne mu si Ebrania syekulangwa oti Gabbatha.¹⁴Lusiku lwe kwitayarisya lwe pasika lulabha lwahika mumazyobha ge saa sita Pilato alabhabhwila bhayahudi oti mwami winu oyaha. ¹⁵Bhalahamuka kwiyombo oti nemumusoleho nemumusoleho ne mwagalazye Pilato alabhabhuzya oti namwagalazye mwami winu?ngenaho mugabhizi mukulu alayomba oti ifwe tutali ne mwami undi tulinage kaisaria tuhu. ¹⁶Ngenaho Pilato alamupunwya Yesu alabhakabhizi bhamwagalazye.¹⁷Ngenaho bhalamusola Yesu bhalamutongeka eno itwikile musalabha gwamwe mpaka mwipande elyo lyalanganangwa oti [fuvu la kichwa] mu si Hebrania Golgotha. ¹⁸Ngenaho bhalamwagalazya Yesu sihamwi ne bhagosya bhabhili umwi ali hakubhoko kwe bhulyo ne undi hakubhoko kwe lumanso nawe Yesu ali hakati yabho.¹⁹Ngenaho Pilato alandika lumanilo alaluhanika higulya ye musalabha nalwe lwayombanga oti YESU MUNAZARETI MWAMI WE BHAYAHUDI. ²⁰Bhantu bhinki bhalasisoma esyone simaninkizyo kungoko lwande olwone bhalamwagalagizya hali hihi ne muzengo ne simaninkizyo esyone syali bhwandikwe mu si hebrania,ne sirumi ne siyunani.²¹Hanuma bhakulu bhe bhagabhizi ne bhayahudi bhalamubhwila Pilato, utakandika mwami we Bhayahudi wandike oti oyoiyombanga mwami we Bhayahudi. ²²nawe Pilato alabhabhwila oti ago nandike namazile ntenkagapilula kandi.²³Bhalabhabhamala kumwagalazya Yesu bhalasola vwambalwa vyamwe bhalavigabhula malundo ane, ku kila musilikale ifungu limwi, nkanzo aye yali itali bhusumwe alahe yali yimwi tuhu kupuna higulya mpaka hansi. ²⁴Bhalibhwila abhe kwabhe oti tutakaitandula eyane nkanzo alahe tuyesele oti ikubha ye mwande, nagane galabhaho kwigele kwigengeleka muhayo ogwo gulayombwa oti bhalagabhula vyambalwa vyane ne nkanzo yane bhalayesela."²⁵mwikanza elyone nina we mwa Yesu ne ilumbu ye we mwa nina, ne Mariamu muka kleopa ne Mariamu Magdalena abhane bhakima bhali bhimilile hihi ne musalabha gwe mwa Yesu. ²⁶Yesu alabha amubhona nina sihamwi ne mubhemba oyo ali bhumusime bhimilile hihi ne musalabha, alamubhwila nina oti yayo ulinge mwana wako oyaho. ²⁷Hanuma alamubhwila oyo muhemba oti ulinge oyaho noko, kubhukila mwikanza elyone oyne muhemba alamusola nina we mwa Yesu alazya kwikala nage kaya wamwe.²⁸Hanuma yagone Yesu mukubha akumanwya oti gonane gamala mukuhikilizya syandikwa alayomba oti nekubhona nota. ²⁹Syaliho siseme syebhwokale ndulila bhalabha bhokazya sikombe sye ndulila bhalalitula ha [hisopo] bhalamunwesya mumulomo gwamwe. ³⁰Yesu alabha abhonzya alayomba oti yamala hanuma alinama alagukabhizi mwizo gwamwe.³¹Ne mukubha oti lyali ikanza lye mitayalisyo maiti zitendelangwa kwikala higulya ye musalabha mwikanza lye Sabhato(kulwekubha Sabhato lwali lusiku lwe lukulu)Bhayahudi bhalamusabha Pilato oti magulu gabho abho bhali bhagalazibhwe magulu gabho gavunagulwe nekandi maiti zitikizibhwe. ³²Ngenaho bhasilikale bhaliza bhalamuvuna wekwandya ne wekabhili kwabho bhalagalazibhwa sihamwi ne Yesu. ³³Bhalabhabhahika mwa Yesu bhalamusnga amazile kufwa, kulweyo bhatalavuna magulu gamwe.³⁴Umwi we bhasilikale alabha amusoma Yesu isumu mulubhavu, galasululuka minzi ne magazi. ³⁵Noyo alabhona agane akanilizye ne bhukanilizya bhwamwe ne bhwe nhana,awe ekumanwya mukubha esyo ayombile ne sye nhana nimwe mubhone kuzumya.³⁶Magambo agane galabha namuna eyone lihikilizibhwe igambo elyo lilayombwa oti, litaliho nolo igufwa lyamwe elyo lilavunwa. ³⁷Nekandi siliho syandikwa sindi esyo syekuyomba oti bhalakamulinglila oyo bhalamusoma isumu."³⁸Hanuma ye magambo agone Yusufu we Arimathaya, kulwekubha ali muhemba we mwa Yesu alahe mulwibhiso mukubhobhaha Bhayahudi, alamusabha Pilato oti agusole mubhili gwe mwa Yesu.Pilato alamuzumilizya Yusufu alazya kugusola mubhili gwe mwa Yesu. ³⁹Nikodemo oyo alamuzyako Yesu bhwile nawe aliza, nawe alaleta bhuganga bhwekutunzya maiti bhwebhusangilizye mo ne mane mane ne udi kati ratili igana.⁴⁰Bhalagusola mubhili gwe mwa Yesu bhalagubhohelezya mu sanda ye kitani sihamwi nobhwo bhuganga bhwe maiti kati omwo kali kimile ke bhayahudi mumakanza ge kuzika. ⁴¹Mulwande olwo alagalagizibhwa Yesu haliyo bhusitani ne mukati ye bhusitani syaliyo sizila sihyahya esyo ataliho muntu oyo ali bhuzikwemo. ⁴²Kulwekubha lwali lusiku lwe mitayalisyo ge bhayahudi,ne mukubha esyo sizila syali hihi bhalabhabhamuzika Yesu mukati yahe.

¹Makesi kulusiku lwe kwandya lwe numa Mariamu ne Magdalena bhaliza hasizila bhalalisanga elyo ibhale lyapunibhweho hasizila. ²Aliluka kuzya mwa Simoni Petro nekwoyo muhemba ali bhusimwe ne Yesu alabhabhwila oti bhamusozilemo Yesu musizila nifwe tutekumanwya eyo bhamutuzile."³Ngenaho Petro sihamwi noyo muhemba undi bhalabhuka kuzya hasizila. ⁴Bhona bhaliluka halumwi alahe oyo muhemba undi aliluka bhwangu bhwangu kumukila Petro, ne alabha wembele kuhika hasizila. ⁵Alimilila hanuma alakengelela musizila; alaibhona eyo sanda ilimo alahe atalingilamo mukati yahe.⁶Simoni Petro nawe alahika alingila mo musizila alaibhona eyo sanda ye kitani ilimo musizila. ⁷Neyo leso eyo yali hamutwe gwamwe itali sihamwi neyo sanda zye kitani alahe yali bhulale hampelo inene.⁸Noya muhemba undi nawe alingilamo musizila alabhona alazumya. ⁹Kulwekubha bhali bhasyali kugamanwya mandiko oti Yesu endelangwa azoke kufuma mubhafu. ¹⁰Abhone bhahemba bhalabhabhazya kayabho.¹¹Alahe Mariamu ali imilile haszila akulila,hanuma alegelela alakengelela musizila. ¹²Alabhabhona bhamalaika bhabhili bhebhwambale vyambalwa vyepe bhikalisye umwi hamutwe undi hamagulu aho Yesu ali alele. ¹³Bhamalaika bhalamubhwila oti mayo ne kusi wekulila? nawe alabhabhwila oti nekulwekubha mukama wane bhamusozilemo none ntekumanwya eyo bhamutuzile."¹⁴Aha alimukuyomba agone alapiluka numa alamubhona Yesu imilile alahe atalamanwya mukubha oti nge Yesu. ¹⁵Yesu alamubhwila oti mayo nekusi wekulila? wekumukobha ende?nawe aliganika mukubha oti ne mulabhadi we bhusitani alamubhwila oti mukama olo ngobhe wamusozile hani unibhwile eyo wamutuzile nezye namusoleyo."¹⁶Yesu alamubhwila oti Mariamu, alapiluka alamubhwila mukabhila ye kiaramu, Rabboni mukuyomba oti mwalimu. ¹⁷Yesu alamubhila oti utakanikumya kulwekubha nsyali kulala kuzya mwa Dada, otine uzye habhadugu bhane ubhabhwile oti nkulala kuzya mwa Dada wane oyo nimwe ne Dada winu Mungu wane ne Mungu winu. ¹⁸Mariamu Magdalena alazya kubhabhwila bhahemba oti namubhona mukama nekandi anibhwila magambo agane.¹⁹Ne ilabha yabha mpindi kulusiku lwe kwandya lwe musamvu, ne mizigo zyali zyegekwe omwo bhali bhahemba kulwe kubhobhaha bhayahudi, Yesu aliza alimilila hakati yabho alabhabhwila oti mpola ibhe kwimwe. ²⁰Alabha amala kuyomba agone alalanzya mabhoko gamwe ne lubhavu lwamwe, bhahemba aha bhamubhona mukama Yesu bhalihalala.²¹Yesu alabhabhwila kandi, oti mpola ibhe ninu kati omwo Dada alanilagile one namuna eyone none nekubhalagizya imwe. ²²Yesu alabhaamala kuyomba agone alabhahahila alayomba ne mwanukule mwizo mutakatifu. ²³Tyoyowona oyo mulamubhela bhwila mabhigamwe akubha abhezilwe bhwila, nekwoyo mulamufungila akubha afunngilwe."²⁴Thomaso umwi wabho ikumi na bhabhili oyo alanganangwa Didimas atali sihamwi ne bhahemba bhemwa aha Yesu alabhizako. ²⁵Hanuma Bhahemba bhisyamwe bhalamubhwila oti ifwe twamubhona mukama, nawe alabhabhwila oti one olo ntabhwene nkovu zye misumali mumabhoko gamwe nekuzikwata ezyone nkovu nekandi kutula kubhoko kwane halubhavu lwamwe ntekazumya ne hado."²⁶Hanuma ye nsiku munane bhahemba bhali munumba kandi ne Thomaso ali sihamwi nabho, aho mizigo yali bhwegekwe Yesu alimilila hakati yabho, alayomba oti mpila ibhe sihamwi ninu. ²⁷Hanuma alamubhwila Thomaso oti leta munwegwako ubhone mabhoko gane nekandi ulete kubhoko kwako ukwate halubhavu lwane utizakubha munantazumya alahe muzumya."²⁸Thomaso alitabhila alayomba oti mukamawane ne Mungu wane. ²⁹Yesu alamubhwila oti oko wanibhona wazumya alahe bhali bhebhufuhulwe abho bhekuzumya ne kubhona bhasyali."³⁰Hanuma Yesu alagema vimaninkizyo vindi mubhutonzi bhwe bhahemba ezyo zitalandikwe musitabho esyane. ³¹Alahe ezyane zilandikwe oti mubhone kuzumya oti Yesu nge Kristu mwana we Mungu nekandi oti olo mulazumya mubhe ne bhuhanga mwizina lyamwe.

¹Hanuma ye magambo agone Yesu aligengeleka kandi ha bhahemba bhamwe hanyanza ye Tiberia; naye yali oti. ²Simoni Petro ali sihamwi ne Thomasi oyo alanganangwa Didimas, Nathanaeli we mukana ye Galilaya, ne bhana bhe mwa Zebedayo sihamwi ne bhahemba bhandi bhabhili bhe mwa Yesu, ³Simoni Petro alabhabhwila oti one nekuzya kuzubha nsamaki,nebhe bhalamubhwila oti nifwene tukuzya sihamwi nanko, bhalazya bhalingila mumashua, alahe bhwile bhwonane obhwone bhatalabhona sintu tyesyosyona.⁴Mulabho ahabhwasya Yesu alimilila hamwalo, nabhe bhahemba bhatalamanwya oti ali Yesu. ⁵Yesu alabhabhuzya oti bhana bhane mulinasyo syekulya tyesyosyona? nabhe bhalitabhila oti byo. ⁶Alabhabhwila oti nemutikizye bhukila kulwande lwe bhulyo bhwe bhwato nimwe mukupandika bhalatagila bhukila nabhe bhatalabhwezya kubhukwesa kulwe bhwinki bhwe nsamaki.⁷Oya muhemba oyo Yesu ali bhumusime alamubhwila Petro oti ne mukama Yesu, nawe Petro aha imvwa oti ne mukama alambala syambalwa syamwe (kulwekubha ali bhuvule) alitagila munyanza. ⁸Bhahemba bhandi bhaliza habhwato, (kulwekubha bhatali hale ne mwalo oko yali kati mita igana) nabhe bhakwesanga obhwo bhukila obhwo bhwali bhwokele nsamaki. ⁹Bhalabha bhahika hamwalo bhalabhona mulilo gwe makala sihamwi ne nsamaki yatuzilwe higulya yagwo ne mukate.¹⁰Yesu alabhabhwila oti ne mulete lelo nsamaki zimwi ezyo mwamala kukwata otine. ¹¹Simoni Petro alingila alakwesa obhwo bhukila bhwali bhwokele nsamaki nkulunkulu kati 153; singoko zyali ninki alahe bhukila bhutalakatika.¹²Yesu alabhabhwila oti nemwize mupunwye mbovolo mumulomo, ataliho nolo umwi oyo alagemeka kumubhuzya oti obhe ulinde? bhalamanwya mukubha otiali mukama Yesu. ¹³Yesu aliza alasola mukate alabhaha alasola ne nsamaki alabhaha. ¹⁴Eyane yali nkandagu ye kasatu mwa Yesu kwigengeleka kubhahemba bhamwe kufuma kuzyoka kwamwe.¹⁵Hanuma aha bhamala kupunwya mbovulo mumulomo Yesu alamubhwila Simoni Petro oti Simoni mwana we mwa Yohana wekunisima oti kukila abhane bhona? Petro alayomba oti ee mukama obhe wekumanwya oti nekukusima Yesu alamubhwila oti nulisye ntama zyane." ¹⁶Alamubhuzya lukandagu lwe kabhili Simoni mwana we mwa Yohana wekunisima? Petro alamubhwila oti ee mukama obhe wekumanwya oti one nekukusima, Yesu alamubhwila oti nudime ntama zyane."¹⁷Alamubhwila kandi lukandagu lwe kasatu Simoni mwana we mwa Yohana wekunisima? Petro alapinihala kulwekubha alamubhuzya kand lukandagu lwe kasatu oti wekunisima? nawe alamubhwila oti mukama wekumanwya yona wekumanwya oti nekukusima, Yesu alamubhwila oti nulisye ntama zyane. ¹⁸Uzumye nekukubhwila oti aha wali usyali muyanda wiyambikanga myenda mwenekili nekuzya tyeyohona eyo wendanga alahe olo ulakabha munampala ulakagolola mabhoko gako ne undi alakakwambika myenda nekukuzyana eyo utekwenda kuzya."¹⁹Yesu alagayomba agane mukulanzya oti ne lufu si olwo Petro alakamukuzya Mungu, alabhaamalakuyomba agone alamubhwila Petro oti nilondezye."²⁰Petro alapiluka alamubhona oyo muhemba ali bhusimwe ne Yesu alabhalondezya oyane ngenoyo asendamanga hasifubha sye mwa Yesu mwitungo lye silibhwa sye kagolo ne kumubhuzya oti mukama nende oyo akukusontelezya?" ²¹Petro aha amubhona alamubhuzya Yesu oti mukama aloyane nawe tyani?"²²Yesu alamubhwila oti olo one nekusima oti ikaleho mpaka lusiku olwo ndakabha nasubha obhe yekukuzyaho si? nilondezye. ²³Kulweyone mpola zilabha zyenela mwabho bhadugu oti oyone muhemba atalakafwa, alahe Yesu atalamubhwila oti oyone muhemba atalakafwa, alahe oti olo nekusima oyane ikaleho mpaka aho ndakasubhila yekukuzyaho si obhe?"²⁴Oyane nge muhemba oyo ekupunwya bhukanilizya bhwe magambo agane, ne twekumanwya oti bhukanilizya bhwamwe ne nhana. ²⁵Galiho magambo minki ago Yesu alagagema oti olo genkandikwe gona limwilimwi bhwelelo itenkabhele ne hekuvitula evyone vitabho evyo vyenkandikwe.

¹One ndi Paulo mtume. Ntali mtume kupuna kubantu nolo kuhitila ku bantu, lelo kuhitila mwa Yesu Kristo ne Mungu Ba'ba oyo ala muzyola mu bafu. ²Sihamwi ne badugu bona no nene, ne kugandikila makanisa ge Galatia.³Neema ibe kwimwe ne buteka kupuna mwa Mungu isefwe na Mukama Yesu Kristo, ⁴oyo alipunia mwenekili kungoko ye mabi gitu, atusoboke ne itungo elya lye bubi, ku busime bwe Mukama Mungu witu ne isefwe. ⁵Libe ikuzyo kwawe nsiku zyona.⁶Ne kukumya mwekupiluka bwangu ku injili zindi. Nekukumya mukuba mwe kumutega mugongo oyo muntu oyo ali bubalanganizye ku neema yemwa Yesu Kristo. ⁷Italiho injili yindi, lelo baliho bantu bandi abo bekubaletelezya kukoba kuipilula injili yemwa Yesu Kristo.⁸Nolo yenkaba nge ifwe nolo malahika kupuna mwilunde aka batangagiza injili yindi, itali injili eyo tulabatangagizya, oyone nko ali buzumwe. ⁹Kati omwo tulandigizya kuyomba, kandi ne kuyomba, "olo muntu aliho ekubatangagizya injili yindi itali eyo mulabuyanukula oyone ali buzumwe." ¹⁰Kwotine ne kukaba lumenho lwe bantu nolo Mungu? Nkaba ne kukoba kubagema bantu bihalale, one nkontali mtumami we mwa Yesu Kristo.¹¹Badugu bane ne kukoba mumanie oti injili eyo nda itangazya ite kupuna ku bantu. ¹²Ntali buyanukule kumwa kumuntu nolo ntalalangisibwa. Kungoko ndafundukuliwa ne kwolesibwa ne Yesu Kristo.¹³Kungoko mulubumanie ne kwomvwa kungoko ye kalendelo kane ke numa mu dini ye Bayahudi omwo nabanga nkulyagalazya ikanisa lye Mungu kubulambe kukila sipimo ne kulisambazya. ¹⁴Nabanga nku tumamila dini ye Bayahudi kukila badugu bane binki Bayahudi. Nidadilanga muno kuhitila kalendelo ne kikalile ke bazyele bane.¹⁵Lelo Mungu ali butogwe ala muchagula kuvwa munda ye mwa mayo. Ala ndanganizya kuneema yamwe. ¹⁶Namukumusye ne bamubo ne mwana wamwe kuhitila kwone, kungoko na mutangazye awe kubantu be mahanga, nolo ntalagemeka kuzya akwitozya ne bantu ¹⁷Nolo ntalagegela kuzya Yerusalemu kuzya kwibona ne abo bali mitume aho nsyali kuehagulwa, aho naho ndazya ku balabu kandi ndasuba Damaski.¹⁸Aho zyahita miaka isatu nge ndazya Yerusalemu kumuyungila Kefa, ndikala nage nsiku ikumi ne itano. ¹⁹Ntalabona mitume bandi ila Yakobo, muduguye ne Mukama witu. ²⁰Mulinge mu minso ge Mungu, mutekubeha ku esyo ne kubandikila.²¹Kandi ndazya munsiye Shamu ne Kilikia. ²²Ntali bukumuke ne batali bunie be mumakanisa ge Bayahudi ago gali mwa Yesu Kristo, ²³Bahanga bakunomvwa tuhu, "Oyo abanga aku twagalazya otine ekuzya akutangazya imani eyo azyanga akuibihya." ²⁴Babanga bakumukumilizya Mungu kungoko yone.

Aho zyamala kuhita miaka ikumi ne ine ndazya kandi Yerusalemu nali sihamwi ne Barnaba, kandi nda musola Tito. ²Ndazya kungoko Mungu alanolekezya kuba ekukoba nzye. Ndabatembusya Injili eyo ndazya kuitangazya kubantu be mahanga (ndalomela ku lwibiso ku abo babanga bakulu be mitume) Ndagema oti mukuba mabanga ntikwiluka, nolo ntilukanga ku gele.³Kandinolo Tito oyo nabanga nage, abanga myunani ala hatikizibwa kutahiliwa. ⁴Elyane igambo lilaba oti kungoko ye badugu be bubehi abo bali baliza kubugilizya kulwibiso bwiyagalule obwo twali nabwo mu Yesu Kristo. Batogwanga kutugema ifwe kuba basele be ilagilo. ⁵Tutalagema kwidohya kwabe nolo itungo limwi kungoko ye injili ye nhana yikale itakapilulwa ku winu.⁶Abo biyombanga mukuba nge batongezi ne bakulu batala tumama nolo kupunia tyesyo syona sye kunkwasya. Tyesyo syona esyo bagemanga sitali ne maana kwone, Mungu atekutogwa bwitulatuzi bwe bantu. ⁷Hanuma, balambona kuba inazumibwa ne Mungu kutangazya injili kubantu abo batali bulahiliwe. Yali kati oti Petro atangazye injili ku abo bali butahiliwe. ⁸Mukuba Mungu oyo alatumama mwa Petro ku butume bwe bantu be butahiliwe, abanga akutumama kuhitila kwone ku bantu be mahanga.⁹Kwe elyo itungo Yakobo, Kefa, ne Yohana, nge bali bumanike kuba bali buzengule Kanisa, Balamania kuba neema eyo ina hebwa one, bala twanukula mu buzumya, onene ne Barnaba. Balagema oti kungoko tuzye kubana mahanga, kandi baduzye kuzya kubantu abo bebutahiliwe. ¹⁰Kandi bala tubwila mukuba tubibukile bagalale. Nonene nabanga nkwikumbwa kugema elyone igambo.¹¹Aho Kefa iza Antiokia nda muhangizya ku minso ge bantu makuba abanga iyazya kundi. ¹²Aho bantu bandi basyali kwiza kuvwa mwa Yakobo, Kefa abanga akulya ne banamahanga. Aho biza abane bantu , aloya ne alapunaho kubantu be mahanga Abanga akwobaha bantu abo bekukoba kutahiliwa bantu.¹³Kandi Bayahudi bandi balabezya bululungania obwane sihamwi ne Kefa. Nkalikilo yake ne Barnaba alasolwa ne bululungania bwabo. ¹⁴Aho nabona mukuba batekuzya munzila ye injili ye nhana nda mubwila Kefa mu miso gabo bonane, "Olo imwe muli Bayahudi ne muli ne kalendelo ke bantu be mahanga, itali mukalendelo ne Buyahudi, kusi mwe kubahatikizya batu be mahanga kulenda siyahudi?"¹⁵Ifwe abo tuli Bayahudi be kuzyalwa ne itali "Bantu be mahanga be mabi" ¹⁶mumanie mukuba ataliho oyo alaka petelwa nhana mu katumamile ke kamwe ke ilagilo Bantu bala kapetelwa nhana mukuzumya kwabo mu Yesu Kristo. Tuliza mukuzumya hali Yesu Kristo kungoko tupetelwe nhana mukuzumya hali Yesu Kristo atali mukutumama. Ilagilo, mukutumamila ilagilo gutaliho mubili ogwo gutakapetelwa ku nhana.¹⁷Ikaba twe kumukoba Mungu mukupetelwa nhana mu Yesu. Twekwisanga benekili nefwe kuba be mabi, nge kuyomba Yesu alagemwa musese we mabi? itali oti! ¹⁸Olo nkaba ne kubezya bwizigizya bwane mu kugema ne kugazigizya malagilo, ne bwizigizya obwo nda bulekile, ne kwiyolesyo onene mwenekili mukuba ntekugalonga malagilo. ¹⁹Kuhitila ku ilagilo ndafwila kwi ilagilo, otine syenkana kalendelo kane nalende kungoko ye Mungu.²⁰Ndahani kwa kumusalaba sihamwi ne Yesu. Ntali one kandi ne kulenda, lelo Kristo oyo akulenda mu one kalendelo kane nekulenda mu buzumya ku mwana we Mungu, oyo alansima alaipunia kungoko yone. ²¹Nte kuigema neema ye Mungu, mukuba olo nhana yaliho kuhitila ilagilo, yenkabele Kristo alafwa kugele (alafwila gele).

¹Bagalatia babulwa bwenge muli buzumwe nende? Nge kuyomba Yesu Kristo atalolesibwa mukuhanikwa ku musalaba muminso ginu? ²One ne kutogwa kumania kuvwa kwimwe. Nge kuyomba alanukula mwizo Mtakatifu magamanie ne kugalonda malagilo, nolomukuzumya esyo mulasimvwa? ³Muli babulwa bwenge katyani, Nge kuyomba balabukizya kumwizo mula maligizye kumubili?⁴Ngekuyomba mlagalala kugele, ne nhanane yali kugele? ⁵Ngekuyomba oyo akupunia nga Mwizo gwinu ne kubezya kunguzu hakati yinu akugemanga mukutumamila nguzu zye malagilo nolo mu kwomvwa ne kuzumya?⁶Abramu "Alamuzumia Mungu alapetelwa kuba we nhana". ⁷Kati omwo guli mumanie mukuba abo be kumuzumia ne bana be mwa Abrahamu. ⁸Lyandiko lilayomba oti Mungu enkabapetele nhana bantu be mahanga kunzila ye kuzumya kwabo. Injili ila tembusibwa mbela mwa Abrahamu; "kuvwa kwobe mahanga gona balakafuhulwa". ⁹Mukubukila abo balakazumya balakafuhulwa sihamwi ne Abrahamu, awe oyo ali ne buzumya bwe nhana.¹⁰Bantu abo be kwizigizya kutumamila ilagilo bali buzumwe, mukuba ilibwandikwe, "Kila oyo muntu ate kukwatane kuligumya ilagilo ne gona ago galibwandikwe mu sitabo sye ilagilo (malagilo) ne kugagema gona." ¹¹Ili oti, Mungu atenkamupetela butungilizya nolo umwi ku ilagilo, mukuba mutungilizya akwikala ne buzumya bwamwe. ¹²Ilagilo litali mukuzumya ne kandi, "Muntu oyo akugemanga agone kunzila ye ilagilo, alakalenda ne ilagilo."¹³Kristo alatusobola ifwe kupuna mu izumo lye ilagilo aho agemwa izumo kungoko yitu mukuba ili bwandikwe, "Alibuzumwe tyoyo wona oyo ali buhanikwe kumuti." ¹⁴Akobanga oti, bufuhulwa obwo bwali mwa Abrahamu, bwe nkabele ku bantu be mahanga mu Yesu Kristo, kungoko tunduzye kwanukula bwizigizibwe bwe Mwizo Mtakatifu kuhitila kuzumya kwabo.¹⁵Badugu ne kuyomba simuntu. Nolo ku itungo elyo ilagano lye si muntu lya mazile kutulwa ne kwimilila alaliho muntu oyo enka gailizya nolo kulyongezya. ¹⁶Kwotine Ibrahimu alisangizibwa sihamwi ne luzyalo lwamwe ite kuyomba, "kwolekezya" kubakomezya bantu binki ila kungoko ye muntu umwi tuhu, "kulizyalo lwako," awe ne Kristo.¹⁷Nekuyomba oti, ilagilo elyo lilapunibwa miaka 430, litekulitania ho elyo ilagano lye kale na kale elyo lilatulwa ne Mungu. ¹⁸Mukuba isalo lyenkizile kunzila ye malagilo, itenkabele kandi kwiza ku nzila ye kwisagizibwa, Lelo Mungu alapunia kugele mwa Ibrahimu ku nzila ye kwisagizibwa.¹⁹Kusi lelo otine ilagilo lilapunibwa?lilongezibwa tuhu mubuhavi, kuhika ku luzyalo lwe mwa Ibrahimu ize ku bantu abo bali balisagizibwa. Ilagilo lilatulwa mukuhatikizya kuhitila malaika mumaboko ge muyangu. ²⁰Otine muyangu ne kuhila muntu umwi, kandi ne Mungu umwine.²¹Otine itali kati omwo tulisagizibwa ne Mungu? Byololo! olo yenkaba elyo ilagilo tulahebwa lyekabele ne buhanga, nhana yenkigezile kuhitila ilagilo. ²²Ilyoti lyandiko lye kubsya gonane ku mabi, Mungu alagema oti kungoko mu bwisagizya bwamwe bwe kutukomola kunzila ye kuzumya mu Yesu Kristo ibe ku abo be kuzumia.²³Aho yali kutaliho kuzumia mu Kristo kusyali kwiza twali bubohwe ne kuba munsi ye ilagano mpaka twiza kufumbulilwa okwo kuzumya mu mwizo. ²⁴ilagilo lyabanga likutulondola kuhika mwa Kristo aho iza kungoko tupetelwe nhana mu kuzumia kwitu. ²⁵Mukuba kungoko kuzumya mumwizo ikwiza tutali kandi munsi ye kwimilililwa. ²⁶Kungoko imwene bona muli bana be Mungu kuhitila mu kuzumya mwa Yesu Kristo.²⁷Bonane abo mula batizibwa ku izina lye mwa Yesu Kristo, bona ne mwa mwambele Kristo. ²⁸Ataliho Myahudi, nolo Myunani, muzyana ne bwiyagalule, mugosya nolo mukima mukuba imwene muli sintu simwi hali Yesu Kristo. ²⁹Ikaba muli be mwa Kristo muli luzyalo lwe mwa Ibrahimu, muli ne isalo ha kwisagizibwa kwinu.

¹Nekuyomba oti oyo akusolanga isalo ne mwana atekwikila ne muzya na nolo yenkaba ezyo nsabo ne zyamwe. ²Mukuba ali ne mwimilizi we kumwimilila mpaka kuhika kwi itungo elyo lilibutulwe ne isye.³Nolo ni ifwe, aho twali tusyali bado twali tula kwalililwa kati oko bazyana kati omwo bwelelo ili. ⁴Aho lyahika itungo lyahe Mungu ala mutuma mwana wamwe we bubutwe ne mukima, we bubutwe mu nsi ye ilagilo. ⁵Alagema otine kungoko ye kubakomola abo bali munsi ye ilagano, kungoko twanukule kuba kati bana.⁶Kungoko muli bana, Mungu ala mutuma Mwizo gwe mwana wamwe, mu mizo zitu Mwizo oyo akulanganizyaga, "A'bba, B'ab'a." ⁷Kungoko eyone obe utali kandi muzyano uli mwana. Oko uli mwana obene uli ne isalo ku Mungu.⁸Aho mwali musyali kumumania Mungu, mwali nazyana ku abo bali kuvwa kale balali ba Mungu. ⁹Kwotine oko mwe kumumania Mungu nolo kungoko mwe kumanika mwa Mungu, kusi mwe kusuba numa kuzya ne nzila zye sagala zye sinakale ezyo zitali ne nsobokelo? Mwekukoba kandi kuba bazyana?¹⁰Mlomelele nsiku ne kubala kwe miezi, matungo ne miaka ne kwobaha kungoko yinu. ¹¹Nekwobaha ne kubabela bwila mukuba mwe kwiyagalazya hagele.¹²Nekubasaba, badugu mube kati omwo ndi one, mukuba nonene nali kati omwo muli imwe Mtabibihizizye. ¹³Mwekumania kuba yali ndwala ye mumubili kuba nda tembusya injili ye Mungu kuwinu ku nkandaguye mbela. ¹⁴Mubili gwane gula batula hakugembwa mtalagailizya nolo kunkema, mulananukula katioko ndi malahika we Mungu, katioko nali Kristo Yesu awene.¹⁵Ngekuyomba oti bwihelele bwinu bulihi? Oko nekubabwila mwenkaduzile kusolo minso ginu ne kumpa one. ¹⁶Nge kuyomba nabele mwikuzi winu mkuba ne kubabwila nhanane omwo guli?¹⁷Bakuba koba kumabi itali kumasoga bekukoba batulekanie none mubalonde abe. ¹⁸Nekusoga kuba ne bwitogwe kungoko ye masoga ne itali tuhu ahonekuba ninu.¹⁹Bana bane nekulumwa busungu kungoko yinu, kuhika Kristo Yesuasumbwe mu mizo yinu. ²⁰Nali kutogwambe ninu sihamwi ninu ne kupilula silaka syamwe kungoko mwizo gwene gutekutekana kungoko yinu.²¹Mumbwile imwe mwekwikumbwa kuba munsi ne ilagilo, mtekwomvwa ilagilo omwo lye kuyombela? ²²Oko ili bwandikwe mukuba Abrahamu abanga ne bana bagosya babili undi kwoyo mukima muzyana ne undi ku oyo mukima we bwiyagalule. ²³Nolo yenkaba oyo we muzyana alabutwa hamubili tuhu lelo kandi oyo we kumukima we bwiyagalule alabutwa ku buhangwa bwe Mungu.²⁴Agane magambo genkatembusibwa mu kugemekezya. Mukuba abane bakima bekwikola ne malagano abili, limwi kupuna kulugulu lwe sinai kuzya ba bana abo bali bazyana, oyane ne Hajiri. ²⁵Oyane Hajiri ne lugulu lwe sinai ulwo luli kunsi ye Balabu. Yekwikolanizibwa ne Yerusalemu ye bwalelo mukuba ne muzyane sihamwi ne bana bamwe.²⁶Lelo Yerusalemu eyo yili higulya yili bwiyagalule oyane nge yayo mzyele witu. ²⁷Oko yilibwandikwe wihalale obe mukima mugumba, obe uta kuzyalanga ufule mpundu ku bwihalale obene oyo utali buzyale mukuba binki ne bana be mugumba kukila abo boyo ali buswelwe."²⁸Otine mudi katioko Isaka imwe muli bana be ilagano. ²⁹Kwi itungo elyo muntu oyo alabutwa kumubili alamwagalazya oyo alazyalwa kunzila ye Mwizo. Kwoti ne ngomwo yili³⁰Mandiko gakuyombanga tyani? "Umubinge mukima muzyanesihamwi ne mwana wamwe mugosya. mukuba mwana we muzyana atenkandika isalo sihamwi ne we mwana we ilagano. ³¹Ifwe tutali bana be mukima muzyana, tuli bana be mukima wi ilagano.

¹Kungoko Kristo alahula bwiyagaluzi twiyagalule, mwime higi mutiza kukwalisibwa mukuba bazyana. ²Mulinge, one Paulo, ne kubabwila kuba olo mlatahiliwa, Kristo atakubakwasya tyesyo syona.³Kandi ne kumubwila kila mugosya oyo alibutahiliwe, imilile kubutungilizya bwe ilagilo lyon. ⁴Mwatuzilwe hale ne Kristo, abone bana "mwe kupetelwa nhan" ye ilagilo mwagwile hale ne neema.⁵Mukuba kunzila ye Mwizo, mu kuzumya twalindilile nguzu zye munhana. ⁶Mu Kristo Yesu kutahiliwa ne kuteka kutahiliwa etekutukwasya tyesyo syona. Nekuzumya tuhu kwinene okwo kwe kutumama kuhitila busime nge esyo sye kutukwasya. ⁷Mwabanga mukuzya kusoga nende oyo abahangizye kuleka kwidohya ku nhana ye Mukama? ⁸Okwone kubehagulwa mukugema agone kutekuvwa kumuntu oyo alibabalanganizye imwe.⁹Kugasa hadone kwekubihya silibwa syona. ¹⁰Nekubona mu mwizo gwane imwene ku izina lye Mukama mutekwiganika kunzila yindi tyeyo yona. Tyoyo wona oyo ekababehagula akusola ne kubusya kuyagulwa ku mabi gamwe gona.¹¹Badugu olo one nekuzya nkutangazya bantu batahinwe nkonsyali mulwagalalo? Ku elyone igambo lye kuhangizya msalaba lyenkaduzya kubihibwa. ¹²One nekutogwa ku batongezi binu abo bekubatongela kubi bakwiyihagabenekili.¹³Mungu imwe abatuzile mubwiyagalule, bwiyagaluzi bwinu mutaka bufila kulondezya mibili. Mubutumamile busime muj kwiyambilizya imwe kwi imwe. ¹⁴Mukuba ilagilo lye Mungu lyamazile kuba limwi; nalye, "Syenkanane umusime muzenganwa kati obe mwenekili. ¹⁵Olo mulabukizye kuba mulilumagula ne kwilya, mwitegelezye mtiza kwi bihya imwe kwi imwe.¹⁶Nekuyomba oti, mwizo gubatongele, ngaho mutakutumama igambo lye kwikumbwa nzila zye mubili. ¹⁷Ngaho mubili gwe kwikumbwa muno gukwiguganizya ne Mwizo, ne Mwizo gwe kwikumbwa gukwigunizya na mubili ezyane zitekwizumilizya, ngaho twekwisanga tutenkagema evyo twekwikumbwa kuvigema. ¹⁸Olo Mwizo gulabatongela mutenkaba munsi ne ilagilo.¹⁹Lelo mubili gwe kwolekezya agano. Busihani, makwe, mihuhu, ²⁰kwisenga vintu, bulozi, nzigunsola, ibuba, syaha, kwiguganizya, kulekana, kulekana mukwisenga mukama, ²¹ibuba, bukolwa mihankila, ne gona ago ge kwikola nagane. Ne kubakama, kati omwo nda bakamila kale, ku abo bona bekugema magamba agane batali ne isalo kubwami bwe Mukama Mungu witu.²²Lelo sisumo sye mu mwizo ne bufula bwihalale, butaka, bwiyomelezya, bwila, kutogwa bantu, buzumya, ²³bukonde, kugukinda mwizo, ku agane gona litaliho ilagilo. ²⁴Abo bemwa Yesu Kristo bali bumale kuguhanika mubili kumusalaba sihamwina mwizo gwe kwikumbwa mabi.²⁵Olo tukalenda mukulonda zya Mwizo, twikale ne buteka bwe Mwizo. ²⁶Tutakaba badosi ne kubatulijoga ifwe kwi ifwe nolo tutaki bubila.

¹Badugu olo muntu alakwatwa ha mabi, imwe be mumwizo ne mulimo gwinu kumusuvya oyone mudugu ku mwizo gwe bukonde. Eno mukulinga mtakiza kugemibwa. ²Mwikwasye miligo yinungaho mukulihisya ilagilo lye mwa Kristo.³Ikaba muntu tyoyo wona ekwibona awe nge awe itekumukwasya ekwibehagula mwenekili. ⁴Kila muntu ilinge mwenekili ngelo yamwealinge milimo yamwe. ngaho akuba ne sintu mwenekili sye kuyomba ne atakazya akwilinganizya ne bantu bandi. ⁵Muntu tyoyo wona alakagubusya muligo gwamwe mwenekili.⁶Muntu oyo ali bulangisibwe igambo syenkanane amulanzye masoga gona mwalimu wamwe. ⁷Mutakibeha, Mungu atakumelwanga. Tyesyo syona esyo muntu we kuhamba ngesyo ulakimbula. ⁸Esyo muntu ekuhamba mbuto ye kuvwa mumabi alakimbula mabi, lelo muntu oyo ekuhamba mbuto ku Mwizo gwe Mukama alakimbula buhanga bunantamala kupuna ku Mwizo gwe Mukama.⁹Tutakazoba kubezya masoga kungoko ku itungo lyahe tulakanukula aho tusyali kugwa mwizo. ¹⁰Badugu twiyomelezye kubezya masoga kubantu bona, ne muno muno kubazumya bisitu.¹¹Mwitegelezye kubukulu bwe baluba ezyo ndabandikile ku kuboko kwane mwenekili. ¹²Obo bekukoba kubezya masoga mukulonda mubili ngabo bekubahatikizya kutahiliwa be kugema otine kungoko batakingila ku lwagalalo lwe msalaba gwe mwa Yesu Kristo. ¹³Abone ngabo balatahiliwa benekili batekulikwala ilagano. Lelo be kukoba imwe mtahiliwe, badule kwivunila mibili yinu.¹⁴Itakaba one kwivuna ila ku musalaba gwe Mukama witu Yesu Kristo. Kwoyone bwelelo bwona ibwahanikwa kumusalaba kwone none kubwelelo. ¹⁵Syenkanane kutahiliwa ne kuleka kutahiliwaitali sintu. Gwenha na ngogwa luzyalo luhyahya nge lwenhana. ¹⁶Ku abo bekwikala mukalendelo aka bube ne buteka, ne businge bube kwi imwe bona ne ku Israeli ye Mungu.¹⁷Kubukila elyane itungo muntu tyoyo wona atakakoya, kungoko nabusizya lumenko lwe mwa Yesu kumubili gwane. ¹⁸Neema ye Mukama witu Yesu Kristo ibe ku muzo zinu, ne badugu. Amina.

¹Paulo na Timotheo, batumami be mwa Yesu Kristo, habobe kwikala hali Kristo aho filipi, ne wagalizi ne Mashemasi. ²Bwila na mpola ibe ninu hali Mungudada witu Bwana witu Yesu Kristo .³Namulumbilizya witu aho nekubiganika imwe pye. ⁴Nsiku pye hakulomba kwane hanguno yinu kubanga ne buyegi, hakubalombela. ⁵Dime kulumbilizya ha mwibilingo gwinu haguno ye injilikuvwa lusiku lwe mbele na lelo. ⁶Dine kumanya oti oyo alayandya milimo misoga himwe, akuimara ha sniku ya Bwana Yesu Kristo.⁷Ni kwiyivwa kusoga himwe oko pye nabatuzile mumwizo gwane mwabela bazumya basoga hasifungo syane ni gunana hagunu ye injili. ⁸Mungu ne mubona wane omo ni kubenda pye mugati ya mwizo, ha batogwa bwe Kristo Yesu⁹Ne kubalomba: bwitogwe bwinu bakule muone ne kuba ne masala, imwe bona/ pye. ¹⁰Nekulomba helya, mubene budula bwe kupima kuchagula masoga, nekuba ne kubalomba muba basoga bila sango hali Yeu Kristo. ¹¹Mwakale busumo/ tunda obwo bwe kuvwa hali Yesu Kristo, habutukufu bwe mwa Mungu.¹²Nekwenda mumanye ago gatapunila one ngago gaikuzya injili. ¹³Ngaho vifungo vyane vilakumuka ha bantu pye ne balinzi be ikulu pye ne habantu bona. ¹⁴Na badugu binki ha kufungwa kwane bagimakulomela injili bila ya kwobaha.¹⁵Nekuba bandi ba mukumusha Kristo ha bwiva ne kusola ila bandi bali ne mihayomisoga. ¹⁶Abo be kumukumusha Kristo ha butogwa be kumanya oti natuzilwe kuyombela eyo injili. ¹⁷Bandi be kumukumushya Kristo ha nzila mbi ne kuba be kutogwa be na matatizo,ne kufungwa minyololo.¹⁸Ntekugela ibe ha bubi ne busoga nolo ha hana Kristo ekukumusibwa ne kuba kuyega nake mnone. ¹⁹Oko ilyane ne kumanya likuleta kufungulwa kwane ne kandi likwiza hakulomba kwinu mwizo ne hali Kristo Yesu.²⁰Ne kwisiga ne kuba ne hana oti ntekabona soni oko ndi ne magala ge nsiku pye ne kuba ne kumanya Kristo alabusibwe ha mubili ne gwne ne kuba ali ha buhanga nolo ali bufwe. ²¹Oko hana kwikala na Kristo kandi kufwa ne faida.²²Oko kulenda kwane ha mubili kuzyala busumo ne ha mulimo gwane, ntekumanya ichagula tyali. ²³Miganiko gaba abili. Nekuba ne hamu ye kuleka mubili ne kuba ne Kristo okoge mhayo, gwe hana. ²⁴Oko kwikala ne mubili nakusoga mnowe hagumo yinu.²⁵Oi ne bumanya oti kwikala wina ne kwendeleya kuyega ne kuba ne mpola. Ikuba ne buyegu bukulu hali Kristo Yesu, oko ikwongezeka kuba ninu. ²⁶Mwikale kusoga ha kalendelo kinu katyomo injili ya Kristo. ²⁷Yekuyomba mube otine nda ndabeniza kubalola nolo ndakizya nivwe oti mwimilile kusoga hali mwizo gumwi ne kutogwa kwivwa oti muli ne mwizo gumwi ne kusola buzumya bwe injili yimwi.²⁸Mutakabobaka babi binu ne kuba abona ni babi hu oko himwe ne bwokovu bwe kuvwa hali Mungu. ²⁹Oko imwe mwahebilwe ha guno ye injili ya Kristo, itali kumzumya tuhu kasi nolo kateswa. ³⁰Mlive mgogolo kati gwane ne kuba mve kwivwa oti syali nagwo mpaka otine.

¹Mutule mwizo hali kristo. Oko iliha falaja ha kuvwa ha bwitogwa buzumya bwe mwizo oko haliko rehema/huluma. ²Mumalizye buyegu ha kwiganika gamwi ne kuba ne bwitogwa bamwi ne mwizo ne miganiko gamwi.³Mtakihalalika kasi mwi manya nakuba mumibone mwisinuni oti ne msoga kuleka obe. ⁴Kilyo atakagola makobwa gamwe tuhu kasi mugahole ni makobwa ge bandi.⁵Mubo ne kusima katyomwo Yesu ali. ⁶Oko awe alikati Mungu ila italaba sababu ye kwikuzya kuba Mungu. ⁷Kasi alidohya alaba mzyana kati mntu ne mntu. ⁸Awe alidohya mpaka kufwa lufu lwe kesalaba.⁹Mungu alamukuzya mnone alamuha zina ikulu lye kukila mazina pye. ¹⁰Alabezya otine hanguno ye kuba kila sivwi siname ne sivwi sye mwilunde ne be hansi ne be higulya oti Yesu ne Kristo. ¹¹Alabezya oti lulimi luyombe oti Yesu ni Kristo na Bwana kwa utukufu ws Mungu dada / Baba.¹²Oko mwe kuzumya nsiku pye ne kuba hatali h kudula bwane kasi kila mntu atumame ha bwokovu bwamwe ne kuzuguma. ¹³Oko Mungu ye ekutumama mgati yinu ne kubabozya mgeme masoga ge kumusimishya.¹⁴Mubezya pye ma mihayo wala mtakabane mihalaliko. ¹⁵Mubezye otine bila kugalizibwa na kuba bana be mwa Mungu basoga batali ne bubi mubebupe bwe nsi ha buzyalwa bwe mabi ne mabi. ¹⁶Mubukwate buhaga oko ge kumukuzya Kristo gaho kumanya, ntaliluka gle/ au gele.¹⁷Nolo kaba ne kuseswa katyomwo saaka ne dhabihu, ye butumami ye kuzumya kwinu ne kuyega nahe ne kuyega mnone ninu. ¹⁸Nemwe pye mwe kuyega nahe mwekuyega wone.¹⁹Ne kutogwa matume hinu Timotheo hali Bwana Yesu ili mutulwe mwizo, ndabena manyage winu. ²⁰Oko ntali nage yundi wekwigaika hinu misoga. ²¹Bandi be kubatuma ntekubabona oko pye bekwiganika gawabo tubu bila kwignika ge mwa Yesu Kristo.²²Mwekumuanya busoga bwane kati mwana oyo ekumugunana dada wamwe gomwo alatumama none ha injili. ²³Oko otine ne kukoba mutume bwangu ndabe na manya isyo sikupunila one. ²⁴Dine bumanya hali Bwana onene mwenekili oti kwiza ikanza litali ilele.²⁵Nekwiganika kumlela hinu Epafradito. Ne mdugu wane mtumami mwisyane, msilikale mwizinu mzyana winu hanguno ya mabulwa gane. ²⁶Oko alimwoba alelasima abe ninu oko mlivwa oti ne mlwele. ²⁷Ne hana ali mulwele hili ne kufwa Mungu alamubela bwila, atelyawetuhu kasi nonene oti ntakaba ne bwoba bwe nsiku zyona.²⁸Nu mulela kinu magu mkamubona musime, none kuba na mara bwoba. ²⁹Mumukalibisye Efpafradito hali Bwana ha buyegi pye mubakuzye bantu katyawe. ³⁰Oko ali ha mulimo gwe mwa Kristo nolo kaba ali hihi ne kafwa, alasolane kwikala kwane alabezya, esyo mtalaula kubezya, kubezya one kwani oko mwali hale none.

¹Badugu bane msime haBwana. Nte kubona soni kwandika mihayo eyone oko agane gakubaha mpola. ²Mwikale hale ne mbwa butumami babi nahemwikale hale nabo be kwikata mubili yabo. ³Ifwe je tohaha ne kuba tumusenga Mungu ha Mwizo. Ne kwikuzya hali Kristo Yesu nekubatutali ne magana ha mubili.⁴Olo abe abaho mntu we kugukuzya mubili one be nagema kukila imwe pye. ⁵Nda kembwa lusiku lwe mnane ndazyalwa bwoko Bweisraeli. Bwokobwe Benjamini. Mwebrania ha sheria ye mwa Musa na kuba nli Farisayo.⁶Ndalitesa isengelo/kaisa ha sheria/ batalagailizya. ⁷Ago ndapeta kuba faida nda hika hikanza lye kugapeta, hasara hali Yesu Kristo.⁸Ne kumtogwane kugapeta pye kuba hasara oko ne kumtogwa Yesu Bwana wane na lekele kila sintu ne kugapeta hasara hakumpandika Yesu. ⁹Nibona mugati amwe. Oti ntali ne haki musheria kasi ni bone haki iyoyekuvwa ha kuzumya kwe Kristo, ne kuuvwa hali Mungu, okoge musingi ha kuzumya. ¹⁰Numumanya awe ge magalane buzyoko buzumya,mateso mupilulwe ne Yesu Kristo ha lufu lwamwe. ¹¹Be ne bwezigizyehali buzyoko bwe bafu.¹²Itali hana oti na gapandika agane gona oti na bele we kapanga, ne kwiyomelezya kupandika esyo sye kwigela kali Kristo Yesu. ¹³Badugu bane isyali kupandika ila ne kulabila go muma, ne kukoba ge butoonzi. ¹⁴Ne kukoba hike hilego hebwe tuzo/ syane ihabulangwa bwe mwa Mungu hali Kristo Yesu.¹⁵Abo tulibwokovu twekutakilwa kunganika tofauti nifwe helyo igambo lye mwa Mungu lilagubuke hitu. ¹⁶Nolo otine tusyali kuhika twendelee ne hali eyane.¹⁷Badugu bane mumikole one ne kuba muba lole mnone bantu abo be kwikala nifwe. ¹⁸Abo bwe kwikala gabo nababwilaga nahe ha misozi - nekuba binki ne babi nake be msalaba wa Kristo. ¹⁹Mwisho gwabo ne bubi oko Mungu wabo ne (nda)tumbo ne batukutu, ne soni bekwiganika ge dunia.²⁰ifwe witu ni mwilunde, twekumlinda mwokozi Yesu Kristo. ²¹Alapilule mibili mizobe kuba ye magala ha budula obwone bwe nsiku zyona ne vikolo vyona.

¹Oko badugu bane abo ne kubatogwa ne kuba ne buyegi bwane nr taji yane mwimilile ha bwana. ²Nekukubebelezya Eudia, ne kukubebelezya Sintike, mwisubizye kuba ne mpola imwe himwe oko pye mulasanzibwa ne Bwana. ³Nawa bubelezya batumami bisyane mubagunane bakima oko balatuma none, kuyomba injili ya Bwana aho Kelementi ne batumami bandi be mwa Bwana abo mazina gabo gandikwe musitabo sye bupanga.⁴Musime ha Bwana nahe ha nsiku pye msime. ⁵Bufula bwinu bube ne bantu bona Bwana alihihi. ⁶Mlakikoya ne mhayo tyogwogwona kasi msalile mlombe ne kulumbilizya, makobwa ginu aga manyi Mungu. ⁷Mpola ya Bwana ye kukilakila sintu ikubngalila, mizo zimu ne miganiko hali Yesu Kristo.⁸Mugiganike mnone agane mamihayo ge hana, haki, busafi, butogwa, nago maosga, masala, ago ge kukuzibwe. ⁹Mgalazye gona ago ndabalaga ne kwanukula, ne kwivwa ne kubona hone Bwana we mpola akuba winu.¹⁰Ndi ne buyegi bukulu hali Bwana oko mwaba ne mwizo gwe kuzya kungunana ne kuba kale mlegunana ndo kaba wutali ne sintu. ¹¹Teluriyombelezya kusudi mpandike kintu himwe kasi nilagile kutosha nasyo ndi nesyo. ¹²Nitangile kwikala ne sintu nolo kubulwa sintu ha mazingira pye, wilagile siri ye kulya ne kwiguta nolo kulya ne nzala,ne kuba ne bukobi/ mhitaji. ¹³Ne kubezya agane hali awene oyo yekutulila magala.¹⁴Nahene mulabezya kuba none ha tabu pye. ¹⁵Imwe Bafilipi mwe kumanya, alu ne puna,Makedonia litaliho isengelo/ kanisa elyolilgunana hakupumya kasi ngimwe mwinene Bafilipi mlagunana. ¹⁶Naho nali tesalonike ulalutumila hela yekugunana hahe mara niki itali kamwi tulu hone. ¹⁷Itali oti ni kuboba kugunanwa kasi Mungu abahe busumo bwe milimo yinu, nekuba mpandika faida.¹⁸Nanukula vikolo vinki himwe ne epafradito. Ne vikolo besoga bwe kumika kusoga, nabizumya ne kuba ne sadaka yekumsimisha Mungu. ¹⁹Mungu atawajaza kubokazya, bisabwa vinu ne nsambo/ utajiri utukufu hali Yesu Kristo. ²⁰Otine ne hali Mungu dadawinu ibe butukufu milele na milele. Amina.²¹Lukezya lwane lumuhukile kila awe muzumya hali Yesu Kristo. ²²Watogwa abo ndinabo ahane babakezya. Ne kuba bazumya pye baha babakezya nahe abone be kaya kulu ye mwa Kaisari. ²³Na sasa otine bwila bwe mwa Bwana witu Yesu Kristo bube ne mizo zitu.

¹Paulo, mtume wa Kristo Yesu ha mapenzi ge mwa Mungu, ne Timotheo mdugu witu, ²habazumya ne badugu pye basoga hali Kristo aho kolosai. Neema ibe ninu, ne mpola ha Mungu dada. ³Twekupunya bulumbilizi hali Mungu dada ne Yesu Kristo ne kuba twe kubalombela mara kwa mara.⁴Twivwite buzumya bwinu hali Yesu Kristo ne butogwa, habo pye batalulwa hanguno ye mwa Mungu. ⁵Mline butogwa hanguno ye hana oyo yabikilwe mwilunde hanguno yinu, ne kuba mlivwa injili, kale, ⁶iliza wenu oko nge ya ulele busumo/ tunda ne kwokola bwelelo ngima yabezyaga otine kuvwa aho mulivwa ne kwilazya, neema ya hana hali Mungu⁷Eyane ge injili eyo nelilangahali Epafra, mtogwa ne mtumami witu, oko ne mwaminifu hali Kristo hanguno yitu. ⁸Epafra agemile kukumka/ kubukumusha bwitogwa bwitu hali mwizo Mwela.⁹Hanguno ye bwitogwa aha twivwa tutalaleka kulomba ne kuba twekwendeleya mpaka mwokale, masala bwege bufahamu pye hali mwizo mwela. ¹⁰Twabele tukulomba mtumbagila ha butulivu wa Bwana ne ha nzila ezyo ekutogwa ne kuba twekulomba mzuala, busumo ha muhayo msoga, ahone mukuba ne masala hali Mungu.¹¹twekubalombela bube ne magala ha budula bwamwe butukufu, buvumilivu ne kwikola ha bantu pye. ¹²Twekulombaha buyegu, mkupumya kulumbilizya hali dada, oyo alababezya mube ha bulithi bwe bazumya.¹³Atusizye kuvwa ha butawala bwe giti ne kuhisamya, kuya ha bwami bwe Mwana wamwe mtogwa. ¹⁴Aha ha Mwana tuline bukombozi ne kulekezibwa mabi gona.¹⁵Mwana ne kwikolnibwa ne Mungu oyo atekwigela ne mzyalwa wembele, ha busumwa bwona. ¹⁶Oko hawe vitu pye bilasumbwa vye mwilnde ne vye hansi, evyo vye kuvigela ne vindi vitekwigela nola kaba ne enzi, butawala pye vilasumbwa, hai Kristo. ¹⁷Awe abagaho ne kabla ye kusumbwa vintu pye vye habwelelo ne kuba vilibihinga hali Kristo .¹⁸Awe ge mutwe ne mubili gwe kanisa ne kuba ge wembele ne mzyalwawe mbele kuvwa ha bafu ne kuba ne we mbele mwevyo vitu vyona. ¹⁹Mungu atasima oye hana yona ikala/ hawe/hamwe. ²⁰Ne kubalunga ha vitu pye hangune yamwe Mwana. Mungu alabezya butogwa hali magazi ne msalaba Mungu. Alabalunga vitu vyana hawe mwenekili ne kuba ni vitu vye bwelelo nolo vye mwilunde.²¹Nimwe kandi he kanza limwi mwali hagoni hali Mungu mwali babi ha masala ne sitwa sibi. ²²Abalunganisha ha kuhitila mubili gwamwe ne lufu atagema otine oko muli batakatifu mtali ne sibi nolo kasoro ha butonzi yamwe. ²³Olo mulendelea ha kuzumya ne kukomela balakugwa kuvwa ha bugimu bwe injili oyo mulaivwa oyone ge injili oyo ilalomelwa nekila mntu oyo alasumbwa hansi, eyane ge injili eyo Paulo, alaba muzumya.²⁴Nasime kwagalazibwa hanguno yinu ne kuba na zumya mubili gwane gutakadoha hakwigalazibwa hali Kristo hanguno ye mubili ogwo ge isengelo/ kanisa. ²⁵One di mtumami wi sengeo/ kanisa kuvwa aho dahebwa ne Mungu hanguno yinu kulyokazya li mhayo lye mwa Mungu. ²⁶Eyane ne hana kuvwa mulwibiso lwe myaka miki buzyalwa ne buzyalwa oko otine yigulwa ha bantu pye bazumya hali Kristo. ²⁷Ne kati abo Mungu alasima kubigula butajiri ne butukufu siri ye hana mumahanga ne kuba Kristo ali mgati yinu, ha bwigime obo bwe kwiza.²⁸Ngoyo ywe kumuyomba,kandi twabakanya kubalanga ha masala pye, kusudi tumleta okila kitu hali Krisro. ²⁹Ha nguno iyane ne kukoya koya ha magala gamwe ago ge kutumama mlimo mugati yane aho ha budula.

¹Ne kwenda mumanye oko ada koyakoya ha gumu yinu abo nuli Laodikia ne ha bantu pye abo basyali kubona busyo ne mubili. ²Nekubezya otine ili bapandike mwizo ne kuba babe ne bwitogwa butajiri bwiki ne masala ha kumumanya Mungu, oko ge Kristo. ³Halyawe nsabo pye masala bwege zyabisilwe.⁴Nagema otine kusudi mntu wona wona atiza akababegezya ye kubona mumalagisyo. ⁵Nolo kaba ntali ninu ha mubili kasi ndi ninu ha mwizo. Nasima kubona mipangilio misoga magala mpola yinu hali Kristo Yesu.⁶Katyomo mulamwanukula Kristo Bwana, myubagile halyawe. ⁷Mkomele halyawe muzengwe halyawe, ha buzumya oko ge mulelangw, ne kubonwa hakulumbilizibwa kwinki.⁸Mwangalile mntu atakabakwasya ha wita tyezyo zyona, bubehi makuzumya ge kale ga bantu kamwi zye bwelelo na wala zitali zye kulingana ne Kristo. ⁹Oko haliyawe Mungu hana yona ye kwikala, ne kuba akwikala ha mubili.¹⁰Nekubamwokezye halyawe ne kuba awe ne mtwe, gwe bwami ha budula bwamwe. ¹¹Ne kuba halyawe mlabagwa hatali ha kutogwa ne bantu kasi ni hali hakutogwa hali Kristo Yesu. ¹²Mulazikwa nawe habubatizo ne ha nzila ye buzumya na hali mlazyoka ha magala gamwe oyo alamuzyala kuvwa mu bafu.¹³Ne kuba mwali mulefwile hanguno ye mabi ginu ne kukizya kukembwa nibili zinu alatubezya bahanga, hawe ne kutulekezya mabi gitu. ¹⁴Alafuta madeni pye ago gali gandikwe habutaratibu bubi alaihaho ne kuzya nayo ha msalaba. ¹⁵Alazipunya ozyo magala ne butemi alafundukula nekubezya bugeni bwe kukinda ha nzila ye msalaba.¹⁶Atakabaho we kuwafunga ha silibwa nolo ha kunwe nolo musikukulu nolo mwezi nuhyuhya nolo Sabato. ¹⁷Agane ne mutaka tuhu hago ge kwiza butonzi sikulu ne Kristo.¹⁸Mntu tyooyoyona atakatazibwa zawadi/tuzo hakutogwa kwidohya ne kulamya malaika mntu we namna yotine, ekingila hambi ge kubona kubehagulwa ne miganiko ge mubili. ¹⁹Awe atekugukwata mutwe kuvwa ha mutwe oti mubili gwamwe ha viungo vyamwe magufwa, gatulwa ne kukwata nawe ne kuba gakula ha magala ge mwa Mungu.²⁰Kaba mulafwa ne Kristo hanguno ya bwelelo, kusi kulenda ha kutogwa omwo bwelelo ye kutogwa: ²¹''Mutakakwata nolo kubozya nolo kukumika''? ²²Agane galibutulwe hanguno ye kubiha ha butonzi, h mamihayo nemalagizyo ge bantu. ²³Agane masala ne ge makanisa gali bubezibwe, ne kuvuna mntu awene ne hakwagalazibwa ne mubili ne kuba zilali ne misoga kwani ni matamaa tuhu ge mubili.

¹Kaba Mungu abazyokizye ne Kristo mufuate mamihayo ge mwigulya eye Kristo ekwikala kuboko kwe kulyo kwe mwa Mungu. ²Mwiganike ge mwigulu /mwilunde kkizya kwiganika ge hansi. ³Oko mwifwile nekuba kwikala kwinu kwa bisilwe, hali Krsto ne kuba hali Mungu. ⁴Alabe igela Kriso oko ge kalendelo kinu gaho nimwe mlibone ha butukufu.⁵Mugihaga pye ago gali hansi, busihani buchafu miganiko mibi tamaa ne kulamya masanamu. ⁶Heyone mihayo masiniga ge mwa Mungu gekwiza ha bantu abo bate kuzumya. ⁷Okoni mwene mulatumbagila nabo aho mwikalanga abo ⁸Oti ne kubalomba mugapune agone gona yaani gadhabu syaha, mibi, matusi, mamihayo, mabii, gekuvwa mu milimo yinu.⁹Mutakibeha imwe himwe oko mwabwile lugondo lwe kale ne sitwa syahe. ¹⁰Mwabele lugondo luhyahya hali masala kuvwa ha hakwikolanibwa hoyo alatusumba. ¹¹Hagane masala ataliho Muyunani nolo Muyahudi, we kukembwe nolo oyo atali bukembwe we kusoma nolo oyo atali busome muzyana nolo oyo aali muzana, kasi hagone gona Kristo ge mkulu ha gona.¹²Kati bazumya be mwa Mungu, batakatifu, batogwa, mwabale, mizo misoga bunyenyekevu, bupole. ¹³Mwibusya imwe himwe mwe bele bwila imwe himwe olo kaba aliho aline malalamiko mumusamehe katyomo Bwana alabasamehe nimwe. ¹⁴Mwago magambo mube ne bwitogwa oko ge sikulu sye buzumya.¹⁵Mpola ye mwa Krisro yibagazie mumizo zinu oko pye mulalangwa ha mubili gumwi mubene bulubilizye. ¹⁶Ne mhayo gwe mwa Kristo gwikale mwinki kimwe ha masala pye mwilagisye. Imwe himwe bushauri Zaburi, nimbo zye mumwizo mwimbe ne mwizo gumwi hali Mungu. ¹⁷Esyo mwe kubezya ha mihayo ne sitwe meme he zina lye Bwana Yesu. Munuhe kulumba dada kuhitila halyawe.¹⁸Bakima babe bafula kutyomo Bwana ekusima/anapenda. ¹⁹Nimwe bagoshya mubasime bakazi binu mutakaba balambe habe. ²⁰Watoto / bana mubakuzye bazyele binu oko ge ye kumusimishya Bwana / Mungu. ²¹Imwe badada mutakabacokozya bana binu, bayiza kugwa mwizo.²²Bazyana mubakuzye bakulu binu ha mubili ne ha mihayo pye itali na kulola miso tulukwisimisha kasi ha mwizo gwe hana. ²³Ne kumwobaha Mungu. Kila esyo mwekubezya mubezye kuvwa ha mizo zinu kati ha Bwana itakaba ha mntu. ²⁴Mukanukula tuzo ye kumiliki kuvwa hali Bwana ne Kristo Bwana oyo mwe kumutumamila. ²⁵Oko oyo ekutumama eyo itali hana alfungwe ha sitwa syamwe esyo siali sye kana asyo alabezta ne kuba butaliho, bupendeleo.

¹Imwe baklu mupunye hana oko mwekumanya oti mulinage Bwana mwigulu.²Mube miso ha kulomba. Mwikale chonjo helyo igambo ne kulumbilizya. ³Mulombe hanguno yitu ili, Mungu igule mzigo hitu ne ha mhayo tuyombe hana hali Kristohelyane nabohilwe, mikalale / minyororo. ⁴Mulombe litulwe mwazye katyomo lyekutakilwa kuyomba.⁵Mutumbagile ne masala habo mulinabo be heru, ni kuba muzye ha sizya ikanza. ⁶Mihayo yinu yokale kila ikanza yakale hadi mwinu ikanza e ne kuba mumanye wamna yekumusubya mntu.⁷Neyo ye kuhusu one Tikiko akuibezya himwe awe ni mdugu mtumami msoga ne kuba ekutumama nifwe hali Bwana. ⁸Na mtuma himwe ili mumanye na mihayo nguno ne kuba abotule mwizo. ⁹Namutuma ne Onesimo, mdugu winu mtogwa nahe we hana, alababwile pye isyo siligela aha.¹⁰Aristarko, mfungwa mwisitu abakezya ne Marko mubyala we mwa Barnaba oyo alanukulamihayo ye witu olo aliza winu mumwanukule,'' ¹¹Ne Yusto. /Yesu abana ne kuba ne batumami bisitu ha bwami bwe mwa Mungu. Babele bantu basoga hifwe.¹²Epafra abakezya nawe ne mutumami mwisitu hali Yesu ne kuba akulombaga hanguno yitu ili mwimilile ne bahakika ha mapenzi ge mwa Mungu. ¹³Ne kumumanya kuvwa kele oti ekutumama hanguno yitu, nabone bali Laodekia, nabo bali Hierapoli. ¹⁴Luka oyo mfmu ne Dema abakezya.¹⁵Mubakezye badugu bane abo bali Laodekia na Nimfa, ne isengelo / kanisa ilyo lili hakaya yamwe. ¹⁶Iyane nyaluba olo ilabe yasomwa himwe kandi izye isomwe he sengelo / kanisa lye Walaodekia, nemwa kandi mukazye oti eyo nyaruba isomwe ye kuvwa Laodekia. ¹⁷Uyombe ne Arkipo, ''Ulole eyo huduma, wayanukulile ha Bwana oti wekutakilwa kuizumya ne kuibezya/kuitimiza.''¹⁸Eyane salamu / lukezya ne ye mumaboko gane onene - Paulo. Muiganike mikalale / minyororo yane. Neema iwe nanyi / winu.

¹Paulo, silwano,ne Timotheo hikanisa lye Bhasesalonike eyo ilimuli Mungu isetwe ne Mukama Yesu Krisitu. sigongo ne mpola vibhe sihamwi ninu.²Twekumulumbilizya Mungu kulwewinu bhonane,mwikanza ahotwekubhayomba kumazinaginu umwiumwi mukusabha kwitu. ³Twekugwibhukila mulimogwinu nsikuzyona mubhutonzi bhwe mwa Mungu kubhuzumya bhwinu ne mukutumamakwinu mubhusime bhwe mwizo ne mukwiyomelezya kwebhugime kwinu,kulwemakanza gebhutonzi mumukama Yesu Krisitu.⁴Bhadugu abhomwekusimwa ne Mungu twekumanwya bhulangwa bhwinu. ⁵Ne munamuna eyo injili yitu omwo ilizila winu itali mumihayo tuhu, alahe mubhudula ne Mumwizo mutakatifu,ne munhana.ne kunamuna eyone mwekumanwya oti twalibhantubhekatyani himwe kulwinu.⁶Mwalibhantu bhe kutufwatilizya ifwe sihamwi ne Mungu, kati omwo mulanukulila muhayo mumakoye alahe mwaline bhuyegi bhwekupuna ku Mwizo mutakatifu. ⁷Nenkaliloyahe mulabha bhekulingizibhwaho, kubhazumyabhonane abho bhali mu Makedonia ne Akaya.⁸kulwekubha muhayo gwe Mungu gwakumukile nahe itali mu Makedoniatuhu alahe mpaka mu Akaya, ne mumapandegonane kuzumyakwinu okwo mulinakwo mwa Mungu kwamazile kwenela; ne kwagone tutali ne mulimo gwekuyomba muhayo tyogwogwona. ⁹Kulwekubha abhene bhenekili bhekukumusya kizile kitu, kalikekatyani winu, bhekunenelezya nekatyani mulamupilukila Mungu ne muloya kwisenga misambwa, ne kubhukizya kumwisenga Mungu muhanga ne wenhana. ¹⁰Bhalanenelezya mukubha mwekumulindilila mwanawamwe kufuma mwilunde,oyo alazyosibhwa kufuma mu bhafu. nawe ne Yesu oyoekutusizya kubhusyahale obhwo bhwekwiza.

¹Kulwekubha bhadugu imwenebhenekili mwekumanwya kwizakwitu winu oti kutali kwegele. ²Mwekumanwya oti lwe mbhele bhalatwagalazya ne bhalatuponda nsoni eyo Filipi, katiomwo mwekumanila.Twaline bhugime bhukulu mwizina lye mungu kuilomela injili ye mwa Mungu nolo mumakoye minki.³Kulwekubha mahane gitu gatali gatali ge kubhuzya bhantu nolo gekubhihya bhwenge nolo ge nakelekele. ⁴Alahe katiomwotulabhona kuzumilizibhwa ne Mungu kubha bhemwisanibhwe kuitumamila injili ngomwo tukuihailanga; itali oti twekubhihalazya bhantu alahe bhihalazya bhemwa Mungu. awene inene ngenoyo ekutumanwya miganiko gitu.⁵Kulwekubha tutalagema hamihayo ye kwigemenkezya mwikanza tyelyolyona, katiomwo mwekumanila nolo hakubhehelekezya kulwekwikumbwa vintu. ⁶Nolo tutakobhanga ikuzyo mubhantu nolo hawinu nolo habhandi, ne twali ne bhudula bhwe kubhatimbila mukutugalila kati bhazyana bhemwa Kristu.⁷Nekandi twalibhafula himwe katiomwo nine we bhana akubhasimanga bhanabhamwe ne kubhalabhada. ⁸Kunamuna eyone twalitwabhakumbwile mubhwisime muno tulihalala muno kubhaha itali injili ye mwa Mungu tuhu,alahe ne bhuhangabhwitu bhwona, oko imwe bhabhele bhasimwa bhitu. ⁹Kulwekubha bhadugu mwekwibhukila milimo ne makoyegitu.bhwile ne izyobha twatumamanga milimo tutiza kubhamuligo hamuntu tyoyowona.mwelyone ikanza tulabhatembusya injili ye mwa Mungu.¹⁰Imwe muli bhakanilizya sihamwi ne Mungu ne (mubhutakatifu)bhwekatyani ,oti bhutalinekwidugumbilwa mubhutonziyinu imwe bhazumya. ¹¹Nekandi mwekumanwya ne munamuna si hakila muntu hawinu,ne kati muzyele habhanabhamwe omwo tulabhakankanila ne kubhatimbya mwizo tulakanila. ¹²Oti mwendelangwa kutumbagila kati omwo bhuli bhulangwe bhwinu mwa Mungu oyo alabhalanga mubhwami ne mwikuzyo lyamwe.¹³Kulweyo twekumulumbilizya Mungu makanza gona. kulwekubha mwikanza elyo mulanukula kufuma witu mpola ye Mungu eyo mulimvwa, mulanukula italikati muhayo gwe bhantu.alahe mulanukula katiomwo nhana guli, muhayo gwe Mungu omwogukugemelanga kwimwe bhazumya.¹⁴Kulweyo imwe bhadugu mubhe bhantu bhe kwilanzya kufuma kumakanisa ge Mungu ago galiyo mu Bhuyahudi mu Kristo Yesu. kulwekubha nimwe mulagalala mumihayo ezilyane kufuma mubhantu bhinu, katiomwoyali kufuma mu Bhayahudi. ¹⁵Abho bhalamwihaga Yesu bhalabhihaga ne bhahangizi nabhe bhalatubhinga tuzye helu. bhatakumuyezyanga Mungu nekandi ne bhikuvi bhe bhantubhona. ¹⁶Bhalatuhangizya kulomela ne bhanamahanga bhatizakupandika kusizibhwa. nenkalikiloyahe bhasyalimo mumabhi gabho ne bhusyahale bhabhizileko ne bhulihigulyayabho.¹⁷Alahe bhadugu twali twalekanileninu hikanza linhi, kimubhili itali kimwizo. tulagemakubhudulabhwitu ne kunkumbu nkulu kubhubhona bhusyo bhwinu. ¹⁸kulweyo tulenda kwiza winu one Paulo kulukangala lwekwandya ne lwekabhili alahe syetani alatuhangizya. ¹⁹Kulwekubha kwisagizyakwitu ne si kunsikuzye bhutonzi nolo bhuyegi nolo ngikili yekwikumilizya mubhutonzi bhwe Mungu witu Yesu mwikanza lyekwizakwamwe nesi? italiimwe muminso ge mwa mukamawitu Yesu ahoalakiza? ²⁰Kulwekubha imwe muli ikuzyolitu ne bhuyegibhwitu.

¹Kulwago, ahotwalitutekudula kwiyomelezya muno,tulabhona nekusoga kwikala, Athene twinene. ²Tulamulagizya Timotheo muduguwitu ne muzyana we mwa Mungu mu injili yemwa Krisitu kubhagumya ne kubhalunguzya mukuzumya kwinu. ³Tulagema agane kulwekubhaoti atizakubhaho muntu tyoyowona we kugwamwizo kulwe magalalo agane, kulwekubha imwene bhenekili mwekumanwyamukubha oti tulibhulahwe kulweyane.⁴Oko mwikanza elyotwalisihamwininu, tulatongakubhabhwilamukubha twalihihi kupandika makoye, nagone galatupandika kati omwo mwekumanila. ⁵Kulweyane ahanalintekudula kwiyomelezya kandi ndalagila kulwekwenda kumanwya kuzumyakwinu. olo oti hamwi syetani amazile kubhagemezya ne milimoyitu tubhetwagalalilagele.⁶Alahe Timotheo aliza kufumawinu ne alatuletela mpolansoga kulwe kuzumyakwinu ne bhwisime bhwinu. alatubhwila oti mukutwibhukilanga nsikuzyona, ne mukukumbulanga kwibhonanitu, katiomwo nifwe tukukumbulilanga kwibhona ninu; ⁷Kulweyone bhadugu tulalunguzibhwa muno nimwe mwilundu litu lyona ne mukwagalazibhwa kwitu kwona kulwe kuzumyakwinu.⁸Otine twekwikwla bhahanga olo mulimilila mukuhandikila mwa mungu. ⁹Oko ne kulumbilizya kwetyani okwo twenkamuha Mungu kulwewinu, kulwebhuyegibhwona obhwo twekubhuyegela kulwinu mubhutonzi bhwe Mungu witu? ¹⁰Twekusabha muno bhwile ni zyobha mukukobha kubhubhona bhusyobhwinu ne kubhongegezya esyotwenkabhona syekulebhaho mukuzumya kwinu.¹¹Mungu witu ne Dada mwenekili ne Mukama witu Yesu atutongelenzila tuhike winu. ¹²Ne Mukama abhongezye ne kandi abhakwigizye kwisima imwe kwimwe, ne kubhantu bhona katiomwo nifwe tukugemelanga kuwinu; ¹³Ageme namuna eyone kulwe kuzigumya mizozinu zitizakubha ne nkule mubhutonzi bhwe mwa Mungu Dada witu mwikanza lyekwiza Mukamawitu, Yesu sihamwi ne bhatakatifu bhamwe bhona.

¹Bhadugubhane yekwihelezya ngeneya twekubhikumbilizya mwizina lye mwa Yesu Krisito oti katiomwo mulanukulila malanzye kufuma witu oti nekatyani omwo mwekwendelwa kazile mukumuyezya Mungu, mutumbagile namuna eyone nahe mukankane. ²Kulwekubha mwekumanwya oti nemalangisyosi ago tulabhaha mwizina lye mwa Yesu.³Kulwekubha agane ngago alibhusime Mungu: kwezibhwakwinu oti mubhehale ne bhusihya. ⁴Oti kila muntu amanwye kubha ne mukaziwamwe tuhu mubhutakatifu ne isima. ⁵Utakiza kubhane mukima kulwe nkumbu zye mubhili (katiomwo bhali abhobhatekumumanwya Mungu.) ⁶Atakiza kubhaho muntu tyoyowona oyo alakakila mvumba ne kumubhihya muduguye kulwe muhayo ogwane. kulwekubha Mungu nge muliha nsika kumagambo agane gona kati omwo tulabhabhwilila.⁷Kulwekubha Mungu atalatulangila mabhi alahe alatulangila masoga. ⁸Kulwago oyo ekulikema elyane atekumukema muntu alahe ekumukema Mungu oyo ekubhaha mwizo mutakatifu wamwe.⁹Kulwe kwisima kwe bhadugu, italiho sabhabhu ye muntu tyoyowona kubhandikila kulwekubha imwene bhenekili mulibhulanzibhwe ne Mungu kwisima imwe kwimwe. ¹⁰Oko nhana mulagema agane gona mubhadugu bhona bhe Makedonia yona,alahe twekubhasabha, mugeme negekukila nahone. ¹¹Twekubhasabha mulende kubhutekane mukugola milimo zinu, mukutumama milimo kumabhoko ginubhenekili katiomwo tulabhalagilila. ¹²Oti mugeme namuna eyone mukutumbagila mubhutengeke mwisima kwabho bhalihelu ne kuzumya mutiza kulebhelwa sikobhwa tyesyosyona.¹³Alahe bhadugu, tutekwenda imwe mutakamanwya omwo itali kulwabho bhalapotele, mutiza kupinihazibhwa kati omwobhalibhandi abhobhatali ne kumanwya kulwemakanzagebhutonzi agogekwiza. ¹⁴Olotwekuzumya mukubha Yesu alapotela hanuma alazyoka namune eyone Mungu alakabhaleta sihamwi ne Yesu abhobhalapotele mwizina lyamwe. ¹⁵Kulwagone twekubhabhwila imwe kwigambo lye Mukama oti ifwe abho tulibhahanga abhotulakabhaho mwikanza lyekwiza kwemwa Yesu oti tutalakabhatanga abho bhalapotele kumwanukula Yesu.¹⁶Kulwekubha Mukama mwenekili alakatikila kufuma mumalunde. alakiza ne silakasikulu sihamwi ne silaka sye mwa malaika mukulu sihamwi neihembe lye mwa Mungu, nabhobhalapotele mwizinalye mwa Krsitu bhalakazyoka mbela. ¹⁷Ngenaho nifwe abho tulakabha bhahanga tulakisangizya nabho mumalunde sihamwinabho kumwanukula Mukama mwigulya.kunzila eyane tulakabha ne Mukama bhelelo bhwona. ¹⁸Kulweyo mwilunguzye imwe kwimwe kumaganbo agone.

¹Alahe kulwemihayo zye makanza ne nsiku italiho sabhabhu oti nabhandikile sintu tyesyosyona. ²Kulwekubha imwene bhenekili mwekumanwya nhana oti lusikulwe Mukama lwekwiza kati mwivi omwo akwizilanga. ³Ahobhakubhanga bhakuyomba oti iliho mpola ne bhuteyeye, ngenaho kuyabhala kukubhifumbukizyanga, nekati omwo bhusungu bhukumwizangaho mukima we nda, nabhe bhatalakapuluguka.⁴Alahe imwe bhadugu mutalimo mugiti kuhika olyo lusiku lubhifumbukizye kati mwivi. ⁵Kungoko imwenebhona mulibhana bhe mumwangalazima ne bhanabhe mwizyobha.ifwe tutalibhanabhe bhufuku nolo bhemulizima. ⁶Alilelo tutakiza kutindila kati bhandi omwo bhakutindililanga alahe tukeyule nekubha minso. ⁷Kungoko abhobhakutindilanga bhakutindilanga bhwile nebhakolwa bhakukolwanga bhwile.⁸Kungoko ifwe ne bhana bhemwizyobha tubhe ne bhwenge bhutekane Twambale kuzumya sihamwi ne bhwisime kati ikigizyo lye hasfubha ne nkofilo ye silanga eyo oti nge (bhuhakika ) bhwe kulokolwe kwemumakanza ago gekwiza. ⁹Kungoko Mungu atalatulahula lwekwanya kulwesyaha, alahe kulwekubhona kulokolwa kulwenzila ye Mukama Yesu Kristu. ¹⁰Awe ngoyo alatufwila oti olotuliminso nolotwagonile tulakabha sihamwi nage. ¹¹Kulweyo mwikomelezye ne kwizenga imwe kwimwe katiomwo mukugemelanga.¹²Bhadugu twekubhasabha mubhamanwye abho bhakukoyakoyanga kulwinu nabho bhakubhimilililanga kulwe Mungu nabho bhakubhahananga. ¹³Twekubhasabha mubhamanwye nekubhaha ikuzyomunone ne mukubhasima kulwemilimozyabho. nekandi mubhe ne mpola imwe kwimwe. ¹⁴Twekubhasabha imwe bhadugu mubhahane abho bhatakuzyanga kubhutekane, mubhatimbye mwizo bhebhugwe mwizo, mubhambilizye bhakokolo, nekandi mubhe bhiyomelezya habhantu bhona.¹⁵Mwilabhade oti atizakubhaho muntu tyoyowona wekusuvya ibhi kwi bhi kumutu tyoyowona. Alahe mugeme ago galimasoga kukila umwiwinu ne kubhantu bhona. ¹⁶Mwihalale nsikuzyona. ¹⁷Ne mutiza kwoya kusabha, ¹⁸Mumulumbilizye Mungu mutyogwogwona, kulwekubha agone gona ne kubhusime bhwe mwa Mungu hawinu muli Yesu Krsitu.¹⁹Mutakiza kumuzimya Mwizo mutakatifu. ²⁰Mutakabhugailizya bhuhangi, ²¹Mugemezye magambo gona, mulikwate elyo lilisoga. ²²Mubhe hampelo ne mihayoyona mibhi.²³Ne Mungu we mpola abhahikilizye mubhutakatifu. mwizo bhuhanga ne mubhili vilabhadwe mubhuhikanwe mwikanza lyekwizakwamwe Mukamawitu Yesu Kristu. ²⁴Awe oyo alabhalanga ne mutungilizya nawe nge wekugema.²⁵Bhadugu mutusabhile. ²⁶Mubhakezye bhadugubhona mukwabhabhila kutakatifu. ²⁷Nekubhasabha mwizina lye Mukama oyi balubhaeyane isomwe kubhantu bhona. ²⁸Sigongo sye mwa Yesu Kristu ibhe sihamwi ninu.

¹Paulo, silwano, ne Timotheo, mukanisa ye Bhathesalonike mwizina lye Mungu, Dada witu ne Mukama Yesu Kristu. ²Sigongo sibhe hawinu sihamwi ne mpola esyosikufumanga mwa Mungu Dada witu ne mwa Mukama Yesu Kristu.³Twekwendelwa kumulumbilizya Mungu nsikuzyona kunguno yinu, bhadugu. kungoko ngomwoyekwendelwa kulwekubha kuzumyakwinu kwekukula muno, ne bhwisime bhwinu kukilamuntu bhwakwizile kwimwe. ⁴Mweyoyona ifwe bhenekili twekwikumilizya mumakanisa ge mwa Mungu. Twekulomelela mpola zye kwiyomelezya kwinu ne kuzumya okwo mulinakwo mumakoye ginu,ago mwekwiyomelezyamo. ⁵Esyane nge simanikizyo sye hukumu ye haki ye Mungu. mwagone gona imwe mupetelwe kubha mwekwendelwa kwingila mubhwami bhwe mwa Mungu obhwo kulwabhwo mwekwagalazibhwa.⁶Kungoko ilisawa hali Mungu kubhaliha makoye abho bhekubhagalazya imwe. ⁷Nekubhaha bhuteyeye imwe abho mekwagalazibhwa sihamwi nifwe. Alakagema namuna eyone mwikanza lye kufundukulwa kwamwe Mukama Yesu kufuma mwilunde sihamwi ne bhamalaika bbhe bhudula bhwamwe. ⁸Mundimi zye mulilo alakabhaliha nsika abho bhatekumumanwya Mungu nekwabho bhatakuidegelekanga injili ye mwa Mukama witu Yesu.⁹Bhalakagalala mumayabhalo ge bhwelelo ne bhwelelo, mwikanza elyo bhalabhe bhakindikwe kuvwa mumisoge mwa Mukama ne mubhubheho bhwe nguzu zyamwe. ¹⁰Alakagema mwikanza elyoalakiza kukumilizibhwa ne bhantu bhanwe ne kukamazibhwa ne bhona abho bhalazumizye. Kulwekubha bhukanilizya bhwitu kuwinu bhulazumibhwa kuwinu.¹¹Kulweyo tukubhasabhilanga nsikuzyona. Tukusabhanga oti Mungu witu abhapetekubha mwekwigelelwa kulangwa. Twekusabha oti ahikilizye kwenda kwe musoga ne kukila mulimo gwe kuzumya kunguzu. ¹²Twekusabha magambo agane mupandike kulikuzya izina lye mwa Mukama Yesu. Twekusabha oti mukumilizibhwe nage, kulwe sigongo sye Mungu ne sye mwa Mukama Yesu Kristu.

¹Alahe bhadugu hampola zyekwiza kwe Mukama witu Yesu Kristu ne kikumingile kitu hawamwe twekubhasabha imwe bhadugubhitu oti. ²Mutiza kwagalazibhwa nolo kuyubhayubhibhwa ne mwizo, nolo ne mpolandebhe, nolo balubha eyo yekwikola kati yafumile witu, ikuyomba oti lusikulwekwiza kwe mwa Mukama kulamazile kuhita.³Muntu atakabhabheha kunzila tyeyoyona, kulwekubha lutalakiza olobhusyali kwigengeleka mbela bhugomi, ne muntu we bhugomi afundukulwe hepe, oyomwana we bhukenaguzi. ⁴Oyone nge muhangizya nawe akwikuzyanga mwenekili mukumuhangizyan Mungu ne tyesyosyona esyo sikulamibhwagwa kuhikila alikalisya mwi hekalu lye mwa Mungu, ne kwiyolesya awe kati nge Mungu.⁵Alahe? mutekwibhukila oti ahanalininu ndabhabhwila mihayo eyane. ⁶Otine mwekumanwya esyo sye kumuhangizya, alahe ize afundukulwe kumakanza mahikane ololulakabhalwahika. ⁷Kulwekubha oyone muntu we bhugomi hotine ekutumama mulwibhiso, alahe alihotuhu oyo ekumuhangizya⁸Ngenaho oyo mugomi alakigengeleka oyo oti Mukama Yesu alakamwihaga hamyayu zye mulomo gwamwe. Mukama alakamugemakubha atalisintu tyesyosyona mukwigengeleka kwe kwiza kwamwe. ⁹Kizile kamwe oyomugomi kulakabha kulwe mulimo gwe mwa syetani munguzu zyona, vimaninkizyo ne yekukumya ye bhubhehi. ¹⁰ne bhubhehi bhwona obhwo bhutali ne bhutungilizya. agane gona galakabhaho habho, bhatalazumya kuisima nhanaye Mungu bhabhone kusizibhwa.¹¹Kulweyo Mungu ekubhatumila nguzu ye bhuhugane bhabhuzumye bhubhehi. ¹²Nkalikiloyahe ngoti bhona bhalakahukumibhwa, abho oti bhatalaizumya nhana alahe abhe bhakubhuyegelanga bhubhi.¹³Alahe twekwendelwa kumulumbilizya Mungu mumatungo gona kulwimwe bhadugu abho mukusimwanga ne Mukama. Kulwekubha Mukama alabhalahula imwe kati bhekwandya mubhulokolwa ne mukukuswa kwe mwizo ne mukuzumya mweyo nhana. ¹⁴Esyane ngenesyo alabhalangila imwe, oti kuhitila injili mulibhone ikuzyo lye Mukama witu Yesu Kristu. ¹⁵Kulweyo bhadugu mwihandikile, mugamanwye malangisyo ago mulalanzibhwa kumihayo nolo kubalubha yitu.¹⁶Otine Mukamawitu Yesu Kristu mwenekili, ne Mungu Dada witu oyo alatusima nekutuha kulunguzibhwa kwe bhwelelobhona ne bhugime bhusoga kulwe maisha ge bhutonzi kusigongo. ¹⁷Abhalunguzye ne kuzihandikizya mizo zinu mukagemele kona ne milimo misoga.

¹Otine bhadugu tusabhile muhayo gwe Mukama oti gusambale bhwangu hanuma gukuzibhwe kati omwo gulikwimwe. ²Musabhe oti tulokolwe kufuma mumabhi sihamwi ne bhantu bhagomi, kulwekubha bhatalibhona abho bhali ne kuzumya. ³Alahe Mukama ne mutungilizya oyo akubhagumya imwe ne kubhangalila noyo mubhi.⁴Tuline bhugime hali Mukama kunguno yinu, oti mwekugema nekandi mukugana kugema magamboago twekubhalagila. ⁵Mukama azitongele mizo zinu mubhwisime bhwe Mungu ne mukwiyomelezya kwemwa Kristu.⁶Otine twekubhalagila bhadugu mwizina lye mwa Mukama Yesu Kristu, oti mubhe hampelo ne muntu tyoyowona oyo akuzyanga bhuyagabhuyaga,ne bhuzobhe oyo ate kulondela malangisyo ago mulilanzya kufuma witu. ⁷Oko imwebhenekili mwekumanwya katiomwo mwekwendelwa kutulondezya, kulwekubha ifwe tutalikala bhuyagabhuyaga ne kubha bhazobhe ahatwali winu. ⁸Nekandi tutalalya syekulya syemuntu tyoyowona esyo twali tutalibhusilihile, alahe tulatumamamilimo migume ne zyemakoye bhwile ne mwizyobha tutizakubha miligo hamuntu tyoyowona himwe. ⁹Tulagema namuna eyone alahe itali oti tutali ne bhudula kuwinu alahe mubhone hekulingizya.¹⁰Munsiku ezyo twalisihamwi ninu tulabhalagila oti "oloaliho muntu mwisinu oyo atekwenda kutumama milimo nekulya atakalya" ¹¹Kulwekubha twekwimvwaoti bhandi bhandi nebhazobhe bhekuzya bhuyagabhuyaga. ¹²Otine abhone nabhe twekubhalagila mwizinz lye Mukama Yesu Kristu oti bhekwendelwa bhatumame milimo kubhutekane nekandibhalye silibhwa syabho bhenekili.¹³Alahe imwe bhadugu mutakiza kuzobha kugema masoga. ¹⁴Oloaliho muntu tyoyowona atekwenda kulidegeleka igambolitu lyemubalubha eya mwiyangalile nage ne mutakabha halumwi nage apondeke nsoni. ¹⁵Alahe mutakamupeta kati mwikuvi mumupete kati mudugu.¹⁶Ngenaholelo Mukama we mpola abhahe mpola makanza gona mumagambo gona, Mukama abheninu. ¹⁷Okwane nekukezya kwane one Paulo hakwandika ne kubhoko kwane mwenekili,eyo oti nge lumenko kukila balubha. ezyo nkwandikanga. ¹⁸Sigongo sye Mukama witu Yesu Kristu ibhe sihamwi ninu bhona.

¹Paulo muzyana wemwa Kristu, katiomwo kuli kulagila kwe mwa Mungu ne mulokozi witu Yesu Kristu oyo ne kwisagila kwitu. ²Mwa Timoteo mwanawane nhana mukuzumya: sigongo, bhwila ne mpola kufuma mwa Mungu isefwe ne kufuma mwa Kristu Yesu mukama witu.³Katiomwo ndakukomelezya kwikala Efeso aha ndabhuka kuzya Makedonia, oti ubhakemezye bhantu bhamwi bhatakiza kugima kulanzya malangisyo gandi ago tutalalangisya. ⁴Nekandi bhatakiza kukwata migani ne nongololo ye nganda ezyo zitali ne ngelelo.⁵Nkalilo ye ilagilo elya ne kwisima kwe mwizo gwepe, ne bhwiyanguzi bhusoga, sihamwi ne kuzumya kusoga. ⁶Bhamwi bhe bhantu bhalibhuhologanike bhalagaleka malangisyo agane bhalapilukila malomezi ge napumbafu. ⁷Bekusima kubha bhalangisya bhe silagilo; alahe esyo bhekusiyomba bhatekusimanwya. ⁸Alahe twekumanwyamukubha oti silagilo ne sisoga, olo oti muntu alasitumamila kayi omwo sili.⁹Twekumanwya mukubha silagilo sitalatulwa kulwe muntu mutungilizya, alahe ilatulwaho kulwe bhantu bhanantimvwa, ne bhagomi, kulwe bhantu abho bhatalinikuzyo ne bhe mabhi, nekwabho bhatalibhasoga ne bhebhumukeme Mungu ne kulwe abho bhakubhahulanga ne bhazyele bhhabho, ne kubhihazi bhe bhantu. ¹⁰Kulwe bhasohozya ne bhasihyani kulwe abho bhakwisubhangamokwiswela bhagosya kubhagosya ne kulwabho bhakubhakwatanga bhantu kuhalali nekubhagema kubha bhazyana bhabho, kulwe bhabhehi, ne kulwe bhakanilizya bhe bhubhehi ne kutyoyowona oyo alihampelo ne malagilo ge bhutungilizya. ¹¹Katiomwo ilayombelwa mpola nsoga yikuzyo lye mwa Mungu we bhufuhulwe kulweyone ndi bhubhikizibhwe.¹²Nekumulumbilizya Yesu Kristu Mukama witu. oyo alampa nguzu, kulwekubha alampetakubha ndi mutungilizya, ne alantula mubhutumami. ¹³Nalimuntu mutukani ne bhugailizya we Mungu mwagalazya we bhantu, ne muyozya. Alahe nda bhelwabhwila kungoko nagemanga agone kulwebhutamanwya ne bhutazumya. ¹⁴Alahe bhwila bhwe mwa Mungu witu bhulibhwokale kuzumya ne bhutogwa obhwo bhulimu Kristu Yesu.¹⁵Ogwane ne muhayo gwe nhana ne gwekwendelwa kwanukulwa ne bhantu bhona oti Kristu Yesu aliza mubhwelelo kulokola bhemabhi. Mwabhone one naliwekwandya. ¹⁶Alahe ndabhelwa bhwila mukubha oti kwone mubhi wekwandya Yesu Kristu olesye kwiyomelezya kwona nabhe we kulingizyaho kwabho bhona bhekwenda kumuzumya bhabhone bhuhanga bhunantamala. ¹⁷Otine kumwami we bhwelelo ne bhwelelo oyo atakukenagukanga, oyo atakubhonangwa, oyo ne Mungu umwituhu, kubheho kukumilizibhwa sihamwi nikuzyo bhwelelo ne bhwelelo Amina.¹⁸Ilagilo elyane nekulitula bhutonziyako obhe Timoteo, mwana wane. Nekugema namuna eyone kulwe bhuangizi obhwo bhulayombwa kulwobhe, kulwobhwone usole nsola nsoga. ¹⁹Ugeme namuna eyone upandike kuzumya sihamwi ne bhwiyanguzi bhusoga. Eyane mihayo bhantu bhandi bhaitagile hale bhalayabhazya kuzumya kwabho. ²⁰Nebhamwibhabho alimo Himenayo ne Alekizanda abhone namazile kumuha syetani abhalanzye bhatiza kugana kumutuka Mungu.

¹Kulweyoneyona nekukomelezya oti kwikumbilisya ne kusabha sihamwi ne kusabhila ne kulumbilizya vigemwe kulwebhantu bhona. ²Kulwe bhami ne kulwebhantu bhona; twikale bhahanga mumpola ne mubhulembele, ne mubhwela bhwona ne bhubyedeke nisima. ³Elyane nisoga ne lyekuzumilizibhwa mubhutonzi bhwe mwa Mungu mulokozi witu. ⁴Oyoalibhutogwe bhantubhona bhalokolwe ne bhaimanwye eyo nhana.⁵Kulwekubha aliho Mungu umwi ne musangizya we mungu ne bhantu umwi oyo ne Kristu Yesu. ⁶Alipunwya mwenekili abhe silokolelo sye bhantu bhona; kati bhukanilizya bhwe makanza gahe. ⁷Kulweyo onene mwenekili ndagemwa kubha umwi we bhana injili ne mutumwa. (nekuyomba nhana mwizina lye mwa Kristu ntekuyomba bhubhehi) mulanzya we bhanamahanga mukuzumwya ne munhana.⁸Kulweyo nekwenda bagoshya basabhe tyahohona eno bhagolozile higulya mabhoko matakatifu, enobhataline bhusyahale nolo mpaka. ⁹Nekandi nekwenda bhakima bhigalile bhenelili musyambalwa sisima, ne kwichuma itali mukusibha misasi nolo kwambala vintu vye dhahabu ne lulu nolo myenda ye mpiya ninki muno. ¹⁰Alahe muvigemo visoga kati omwo yekubhendela bhakima abho bhalibhumuzumye Mungu.¹¹Mukima ilanzye mubhutekane ne mwisima lyona. ¹²Ntekumuzumilizya mukima kulangisya nolo kubha mukulu kumukila mugosya alahe abhe wesele nekubha mudegelekituhu.¹³Kulwekubha Adamu alabhumbwa wembele ne Eva alihelezya kubhumbwa. ¹⁴Ne Adamu atalabhehagulwa alahe mukima nge alabhehagulwa ne alabha ahologanika. ¹⁵Alahe alakalokolwa mukubhuta bhana, nahene olobhalagumamo mukuzumya ne mukwisima ne mubhwela sihamwi ne bhwenge bhusoga.

¹Ogwane ne mubhayo gwe kapanga oti muntu oloalakobha kubha mulabhadi we kanisa oyone ekwenda mulimo musoga. ²Kulweyo mulabhadi we kanisa atekwendelwa kuyombwaho kubhi, nekandi ekwendelwa abhe mugosya we mukima umwi, wekwiyangalila mwenekili, nekandi abhe ne bhwenge bhutekane, nekandi abhe muntu mwidibe, mupokela we bhageni, nekandi abhe ekumanya kulangisya kusoga. ³Atakabha mukolwa we bhusele, nekandi atakabhane nkologonsyo mubhantu alahe abhe mufula, nekandi atakabha muntu we kusima mpiya.⁴Nekandi ekwendelwa kuimililila kaya yamwe mwenekili ibhe nisima ne bhanabhamwe bhabhe bhekapanga mwisima lyona. ⁵Oloilabha muntu atekumanwya kuimililila kaya yamwe mwenekili akusobhola tyani kulimililila ikanisa lye Mungu?⁶Nekandi atakiza kubha muhyahya mubhuzumya atizakudosa ne kalikiloyahe alagwila mubhukila bhwe mwa syetani kati omwo syetani alagemela. ⁷Nekandi ekwendelwa kuyombwa kusoga nabho bhalihelu ne bhuzumya atiza kugwila mukaponda nsoni ne mubhukila bhwe mwa syetani.⁸Bhashemasi bhekwendelwa kuhebhwa ikuzyo bhatakizakubha ne mampilupilu, bhatakabha bhakolwa nolo kubha ne milu ge mpiya. ⁹Bayangalile kumwizogumwi eyo nhana ye kuzumya eyo yilafundukwilwe. ¹⁰Bhabhe bhalagemezibhwe mbela, hanuma bhagutumame mulimo gwe bhushemasi. kulwekubha bhatali ne kuyombwa kubhi.¹¹Bhaimanabhe bhabhe nisima.bhatakizakubha bhabhehezi bhebhantu mubhutolani, bhabhe bhatungilizya mumihayo yona. ¹²Bhashemasi bhatekwendelwa (kuhalika) nekandi bhalelebhanabhabho kusoga mumakaya gabho. ¹³Kulwekubha abho bhakutumamanga kusoga bhakwibhegezyanga bhukulu bhusoga ne bhugime bhukulu mukuzumya okwo kuli mwa Kristu Yesu.¹⁴Nekukwandikila mihayo eya enondinenkumbu yekwiza wako tyahane. ¹⁵Alahe olondakendelela nekwandika kukumanwya kazile ke munumba ye Mungu eyo ne kanisa ye Mungu muhanga nekandi ne nsinzi ne bhwambilizya bhwe nhana.¹⁶Nemuhayo ogwa gutaligwekuhalalikwa oti kufundukulwa kwe kumwobhaha Mungu ne kukulu;oti Mungu aligengelesibhwa mumubhili alakanilizibhwa mukubha ne mutungilizya mumwizo mutakatifu, alabhonwa ne bhamalaika alatangazibhwa mubhanamahanga, alazumibhwa ne bhemunsi nekandi alanukulwa mwilunde mwikuzyo.

¹Alahe mwizo mutakatifu ekuyomba hepe mukubha munsiku zye muhelo bhantu bhamwi bhalakakuleka kuzumya ne bhalakabha bhigogo kudegeleka mizo ye bhubhehaguzi ne malangisyo ge misambwa. ²Bhalakabha bhakulomela bhwibhelezya; ne bhwiyanguzi bhwambho bhulakabha bhwagunile.³Bhalakabhabhakubhakemezya bhantu kuswela nekandi kubhakemezya kulya syekulya esyo silabhezibhwa ne Mungu silibhwe mukulumbilizya nebhantuabho bhekuimanwya nhana ye Mungu. ⁴Kulwekubha kilasintu esyo alasibhumba Mungu ne sisoga. sitaliho esyo tukwanukulanga mukulumbilizya esyo ne sye muzilo. ⁵Kulwekubha syekwezibhwa kunzila ye igambo lye Mungu ne kunzila ye kusabha.⁶Olo ulabhibhukizya bhadugu mihayo eyane ukubha mutumami musoga we mwa Yesu Kristu. kulwekubha alibhukule mumihayo ye kuzumya ne mukulanzibhwa kusoga okwo ulibhukukwate. ⁷Alahe uzikeme ngano zye mubhwelelo ezyo bhalibhuzisime bhakikulu. hanumayahe wilanzye kwimanilzya mwenekili mubhwela. ⁸Kulwekubha bhwimanilizya bhwe mubhili bhwekwendelwa hadone, alahe bhwela bhwekwendelwa mumihayo yona, bhukwisagizyanga bhuhanga bhwotine ne bhuhanga obhwo bhwekwiza.⁹Muhayo ogwane ne gwe kuzumibhwa ne kandi gwekwendelwa kuzumibhwa nhana. ¹⁰Kulwekubha twekwiyomelezya kutumama eno tukusondagulwa kulwekubha tulinebhugime muli Mungu oyo ali muhanga, oyo ne mulokozi we bhantu bhona munomuno kubhazumya.¹¹Mihayo eyane uyiyombe ne kuilanzya. ¹²Muntu tyoyowona atakiza kubhugailizya bhusumba bhwako. hanuma yahe ubhe silingizyo mubhuzumya, mukayombele ne mukatumbagilile, ne mubhwisimi,ne mukuzumya ne mubhwela. ¹³Komelezya mulimo gwe kusoma ne kukama ne mukulazya.¹⁴Utakiza kulekanizya bhugabhilwa obhwo bhulimukati yako, obhwo ulahebhwa kuhitila bhuhangizi mukutulilwa mabhoko ne bhanampala. ¹⁵Ugagole magambo agane wihelezye kwage ibhe mukukulakwako kumanike kubhantu bhona.ukalalilwe muno kazile kako ne kalangizye kako. ¹⁶Komela mumagambo agone, kulwekubha mukugema otine ukwisizya mwenekili sihamwi nabhobhekukudegeleka.

¹Utakiza kumukama munampala ne bhulambe, alahe umuhane kati so; basumba nabhe kati bhaduguyo. ²Bhakikulu nabhe ubhahane kati bhanoko, ne bhanike kati bhalumbuyo mubhwela bhwona.³Ubhakuzye bhafwilwa abho bhalibhufwilwe nhana. ⁴Olo mufwilwa aline bhana nolo bhizukulu, bhaleke mbela bhilanzye kubhalela bhantu bhe wabho bhenekili, bhaleke bhabhabhegezye bhazyele bhabho masoga, kulwekubha elyane lyekubhelela mubhutonzi bhwe mwa Mungu.⁵Alahe mufwilwa we nhana ngoyo alalekilwe inene nawe akulindililanga kwambilizibhwa ne Mungu nekandi nsikuzyona akubhanga mubhutonzi bhwe Mungu mukusabha bhwile nizyobha. ⁶Alahe olo mufwilwa aline mapabhagu ge mubhwelelo oyone alibhumale kufwa mukuzumya singoko ekutumbagila.⁷Nemihayo eyane uilanzye kwabhe bhatiza kwisigitilwa. ⁸Alahe muntu tyoyowona oyo ate kubha ngalila bhe mukaya yamwe akukemile kuzumya nekandi ne mubhi kukila oyo asyali kuzumya.⁹Oti mufwilwa andikisibhwe musitabho sye bhafwilwa olo aline myaka makumi mukaga, nahene alimukima we mugosya umwi. ¹⁰Nahe abhe alamanikile mukubha myotozyamwe ne misoga, nahe alabhalela bhanabhamwe kusoga ne kandi alimukalibhisya we bhageni nolo alakusa magulu ge bhazumya bhatumami bhe mwa Mungu nolo alabhakwasizye bhebhwagalazibhwe nolo abhanga akwipunya mumulimo tyogwogwona musonga.¹¹Alahe bhafwilwa abhobhasyali bhanike ukeme kubhandikisya musitabho sye bhafwilwa, kulwekubha olobalabhabhwa mibhili bhakwenda kuswelwa. ¹²Kunzila eyone bhakwingilanga muhatia kulwe kutaga bhuzumya bhwabho bhwekwandya. ¹³Nekandi bhakwilanzyanga bhuzobhe nekubha bhakuyunga yunga mumanumba, talioti nebhazobhetuhu alahe bhakwilanzyanga ne bhutolani ne bhekwitagila mumagambo ago gatali gabho. nekuteta mihayo eyo ite kwendelwa kutetwa.¹⁴Kulweyo one nekwenda oti bhafwilwa abho bhasyali bhanike bhaswelwe ne bhabhute bhana, bhimililile makayagabho bhatiza kumuha mwikuvi nzila ye kutusondagula kulwekugema mabhi. ¹⁵Kulwekubha bhamwibhabho bhamazile kumupilukila syetani. ¹⁶Oloalibho mugosya nolo mukima muzumya tyoyowona oyoaline bhafwilwa abhambilizye mwenekili kanisa itakiza kutimbilwa, igole kubhambilizya bhafwilwa abho bhatali ne bhambilizya.¹⁷Bhanampala abho bhakutongelanga bhazumya kusoga bhapetwe mukubha bhekwendelwa kuhebhwa ikuzyo malakabhili, nahe kwabho bhakukilinkimanga kulanzya igambo lye Mungu. ¹⁸Kulwekubha syandikwa syekuyomba oti utakiza kugubhoha mulomo gwe ng'ombe olo ikukandagula ngano hikandagulilo; nekandi mutumami ekwendelwa mpela yamwe.¹⁹Utakiza kwanukula kutengwa kwe munampala olobhukanilizya bhwe bhantu bhabhili nolo bhasatu bhutaliho. ²⁰Abho bhakenagwile ubhakame mubhutonzi bhwe bhona nebhandi bhobhahe.²¹Nekukulagila mubhutonzi bhwe Mungu ne mubhutonzi bhwe mwa Kristu Yesu ne bhwebha malaika bhasolwa oti ugakwate agane malagilo utakiza kubhukugema muhayo tyogwogwona mukugwilila muntu. ²²Utakiza kubha ukwanguha kumutulila mabhoko muntu tyoyowona utiza kwisangizya kugema mabhi ne muntu tyoyowona.²³Kufumila otine utekwendelwa kunwa minzituhu alahe ulanwange ne minzi ge mizabibu kulwe malwele gako ge nhananhana. ²⁴Mabhigebhantu bhandi galihepe negekubhatongela muhukumu, bhandi mabhigabho gekubhalondezya numayabho. ²⁵Namuna eyone nemilimo misoga ikwigengelekanga hepe, alahe nolozindi zitakwibhisanga.

¹Abho bhali mubhutumwa bhwe bhusese bhabhahe isimalyona bhishe bhuzya, izina lye Mungu litakiza kutukwa nolo kulanzyakwiytu kutakiza kutukwa. ²Bhazyana abho bhaline bhisyebhuzya bhazumya bhatakiza kubhagailizya kulwekubha abhone ne bhadugu hanuma yahe bhabhatumamile munomuno kungoko ne bhazumya ne bhekusimwa, ilanzye eyane mihayo ne uitangazye.³Olo muntu tyoyowowna ekulanzya ye sagala nekandi atekuganukula magambogitu ago ne magambo ge Mukamawitu Yesu Kristu, nolo atekuzumya malangisyo agogekwikola ne kumuha isima Mungu. ⁴Muntu oyone nemudosi nekandi atekumanwya tyesosona. hanuma yahe aliniyombotuhu sihamwi ne mpaka ne mihayo eyone ikuzyalanga wivu, nsoola, matusi, ne kwiyiganikila kubhi. ⁵Ne mahalali ago gatakukalikanga,mubhantu abho bhaline bhwenge bhubhi, ne bhekuileka nhana bhakalila kwiganika kubha oti bhuzumya ne nzila ye kusabhilamo.⁶Alahe kumukuzya Mungu sihamwi ne kulizika ne faida nkulu. ⁷Kulwekubha tutaliza ne sintu tyesyosyona nekandi tutalakazyana sintu tyesyosyona kufuma mubhwelelo. ⁸Kulwago olotulabha ne silibhwa ne vyambalwa hifwe vyekutosya.⁹Alahe abho bhalibhusime kubha ne nsabho bhakugwilanga mumagemo ne mubhukila bhwe mwa syetani, bhakugwilanga mu milu mabhi ne muvintu evyo vikubhagemangabhantu bhatibhile mumayagale ge bhukenaguzi. ¹⁰Kulwekubha kusima mpiya nge mbuki ye mbikazyona zye mabhi, bhantuabho bhakwikumbagwaagone bhalibhunyamwe kufuma mukuzumya nabhe bhiyosizye kumanegelo minki.¹¹Alahe obhe muntu we Mungu ugiluke agone magambo. ulondezye bhutungilizya, bhwela, bwaminifu, bhwisimi, kwiyomelezya ne bhufula. ¹²Sola bhulugu bhwekuzumya kusoga, kwatilila bhuhanga bhwebhwelelo ne bhwelelo obhwo ulalangilwemo, nekandi ulakanilizya kuzumya kusoga muminso ge bhakanilizya bhinki.¹³Nekukulagila mubhutonzi bhwemwa Mungu oyo akuvihanga bhuhanga vintu vyona, ne mubhutonzi bhwe mwa Yesu Kristu oyo alayomba mihayo ye nhana mubhutonzi bhwemwa Pontio Pilato; ¹⁴Kwata eyo ulalagilwa kubhwaminifu bhwona nekandi utakabha ne kwiganulizya kuhika kwiza kwe mwa Yesu Kristu.¹⁵Mungu alakolesya kwiza kwamwe mumakanza mahikane oyo aline lubhango ne bhudula bhwona awe inene, mwami we bhami ne mukama we bhakama. ¹⁶Oyo inene akwikalanga mwisana elyo litakwegelelangwa ne tyoyowona oyo atalabhwenwe ne muntu tyoyowona, nekandi ataliho muntu oyo enkadula kumubhona; kwawe libhe libheyo ikuzyo bhwelelo ne bhwelelo Amina.¹⁷Nubhabhwile abho bhali bhasabhi bhe mubhwelelo eya oti bhatakiza kubha bhadosi, nolo bhatakiza kwisanya bhusabhi obhwo bhutali ne nsolobho alahe bhamwisanwye Mungu oyo akutuhanga bhusabhi bhwe nhana, mubhwilabhwamwe tubhone kuyega kusoga. ¹⁸Bhabhwile bhageme masoga bhabhe bhasabhi muvigemo visoga bhabhe bhila ne bhabhe bhangu kugabha vintu vyabho: ¹⁹Munzila eyone bhakwibhikila musingi musoga mumagambo ago gekwiza, bhabhone kubhukwata bhuhanga obhwo bhualamale.²⁰Obhe Timoteo yangalile eyo ulabhikizibhwe uyihege mihayo ye nabuli ne malihalalika gesagala ago gakuyombwangawa mubhubhehi. ²¹Ago bhandi oko bhalibhugazumye ne bhakugasambazyanga bhamazile kukuleka kuzumya, Sigongo sibhe sihamwi nanko Amina.

¹Paulo mutumwa we mwa Yesu Kristu kati omwo Mungu alasimila kati omwo bhulibhwisagizibhwa kwebhuhanga obhwo bhuli muli Kristu Yesu. ²Hali Timoteo mwana musimwa muno: sigongo ne kulekezya ne mpola kufuma mwa Mungu Dada ne Kristu Yesu mukama witu.³Nekumulumbilizya Mungu oyo ne kumutumamla mukwenda kusoga, kati omwo bhalamutumamila bhazyele bhane nekukwibhukila bhwile nizyobha mukusabha kwane. ⁴Nekwikumbwa kwibhona nanko nabhone kwokalwa ne bhuyegi, olonagibhukila minsozi gako. ⁵Olo nibhukila kuzumya kwako okwo kutali ne bhwibhelezya, okwo kwali mwa mamayo Loisi sihamwi ne noko Eunike, ne nekumanwya mukubha kuzumya okwone kulimo ne mumwizo gwako.⁶Kulweyo nekukwibhukizya mukubha usosele esyo ulahebhwa ne Mungu esyo sili mumwizo gwako kulwekutulilwa mabhoko gane, ⁷Kulwekubha Mungu atalatuha mwizo gwe bhwobha alahe alatuha mwizo gwe bhudula ne bhwisimi, ne gwisima.⁸Kulweyo utakiza kubha ne nsoni kumukanilizya mukamawitu, nolo kulwane oyo ndi mutumwa wamwe, alahe wisangizye mukwagalazibhwa kwe mu injili katiomwo bhudula bhwe mwa Mungu omwo bhuli, ⁹Ne Mungu oyo alatulokola ne kutulanga kulangwa kutakatifu. kutali kuvigemovitu kati omwo vali alahe alatulanga mubhwila ne kati omwo aliganikila awe,alatuha magambo agane aho nsi yali isyali kubhaho. ¹⁰Alahe otine kwolesibhwe hepe kulwekwiza kwe mulokoziwitu Kristu Yesu. ne Kristu oyo alakuhangizya kufwa hanuma alaleta bhuhangabhunantamala kulwe mwangalazima gwe injili. ¹¹Kulwago ndalahwa kubha mulomezi nekandi kubha mulanzya we mahanga.¹²Kulweyoyona nekwagalala kulwemuhayo ogwane alahe ntekwibhelwa nsoni, kulwekubha nekumumanwya oyo ndamuzumizye. Nekumanwyakubha nhana awe alinebhudula bhwekusilabhada osyo ndasibhisizye kuwamwe kuhikila lusiku lulakabha lwahika. ¹³Wibhukile sigemenkezyo syekalangikizye ke mihayo mihanga eyo ulainvwa kufuma hawane, sihamwi ne kuzumya, ne bhwisimi obhwo bhulimukati ye mwa Krisitu Yesu. ¹⁴Galabhade magambo masoga ago alakuha Mungu kunzila ye mwa Mwizo mutakatifu oyo akwikalanga mukati yitu.¹⁵Wekumanwya muhayo ogwa oti pyebhonane abho bhakwikalanga mu Asia bhanilekile; mwabhone alimo Fugelo sihamwi ne Hermogene. ¹⁶Mukama abhabhele bhwila bhemukaya ye mwa Onesiforo, kulwekubha nkandagu ninki anihumunsyanga nekandi atalabhona nsoni kulwe munyololo gwane. ¹⁷Alahe aho ali Roma alankobha hakwihandika mpaka alambona. ¹⁸Mukama amuhe kubhelwa bhwila kufuma kuwamwe kulusiku olwone; nekatiomwo alanambilizya aha nali ndi Efeso, nobhe wekuimanwya kusoga.

¹Kulweyo obhe mwanawane ubhe ne nguzu musigongo esyo sili mukati ye mwa Kristu Yesu. ²Nemagambo ago ulaginvwite kufuma kuwane mubhutonzi bhwe bhakanilizya bhinki, oti ugabhahe bhantu bhatungilizya abho bho bhakudula kubhalanza ne bhandi.³Wiymelezye sihamwi none mukwagalala kati musilikale musoga we mwa Kristu Yesu. ⁴Ataliha musilikale oyo akusolanga hanuma alabha akutumama ne milimo zindi zye mubhwelelo eya mukukobha amusimisye mukuluwamwe we milimo. ⁵Nekandi olo muntu akwikinda ne muntu undi atenkahebhwa ngikili olo atekusola kati omwo alalangizibhwe.⁶Nekusoga oti mulimi oyo akulimanga abhe wekwandya kulya visumo vye milimo yamwe. ⁷Usidedenkanwye esyo ne kuyomba, kulwekubha Mukama alakakuha kwitegekezya mumihayo yona.⁸Umwibhukile Yesu Kristu oyo alazyosibhwa kufuma mubhafwile we mubhuzyele bhwemwa daudi kati omwo injili yane yekuyombela. ⁹Mweyone nekwiyomelezyamuno mukwagalazibhwa kuhika kubhohwa minyololo kati ndi mubhihya. ¹⁰Kulweyoyona nekwiyomelezya muyona kulwe bhalahwa, oti nabhe bhabhupandike bhulokozi obhwo bhuli mwa Kristu Yesu, sihamwi ne ikuzyo elyo litalakamala.¹¹Ogwane muhayo ne gwenhana kubha oti olotulafwasihamwinage tulakahangama sihamwi nage. ¹²Olotuliyomelezya tulakatawala sihamwi nage nekandi olo tulamwikana nawe alakatwikana. ¹³Olotulalekakubha bhatunglizya awe alikale kubha mutungilizya kulwekubha awe atenkadula kwiyikana mwenekili.¹⁴Ugane kubhibhukizya eyane mihayo. ubhakanwye mubhutonzi bhwe Mungu oti bhaleke kwihalalika kulwemagambo, kulwekubha italimo nsolobho, alahe ikubhahuganwyaga abho bhekuimvwa. ¹⁵Ukankane kwiyolekezya mukubha wazumibhwe ne Mungu kati mutumami oyo atali ne mbuki ye kubhona nsoni oyo akulitumamilanga igambo lye Mungu kunhana.¹⁶Alahe ugihege malomezi ge nachiluchilu ago gataline nsolobho kulwekubha gakwongezyanga mabhi. ¹⁷Ne malomezigabho galakasambala kati ilonda lye mpole nemwabhone alimo Himenayo sihamwi ne Fileto. ¹⁸Abhane nebhantuabho bhalibhuileke nhana ye Mungu mukuhaya oti bhuzyoko bhulamazile kuhita nekweyone bhapilwisye kuzumya kwe bhantu bhamwi.¹⁹Alahe musingi gwemwa Mungu agwe ne mugume nagwe guline lumanilo olwa oti Mukama ekubhamanya bhantu bhamwe nekandi tyoyowona oyo ekuliyomba izina lyema Mungu ale mabhigona. ²⁰Alahe munumba nkulu vitakubhangamo viseme vye zahabu, ne sye feza tuhu alahe silimo sye miti ne sye mabhumba; sindi sitalinikuzyo ne sindi silinikuzyo. ²¹Kulweyo olomuntu alikusa ne alagihega agone akubha siseme sikuzyo esyo silakusilwe syekumulinganila Mungu esyo silabhezibhwe kulwe milimo misoga.²²Alahe ukwiluke kwikumbwa kwe mubhusumba alahe ubhe mutungili zya, bhuzumya, bhwisimi, mpola, sihamwi nabha bhakumulanganga mukama ne mwizo gwepe. ²³Alahe ugakeme mabhuzyo ge bhuchiluchilu ne ge napumbafu, kulwekubha gakuzyalanga nsola.²⁴Ne mutumami we mwa Mungu atekwendelwa kubha ne nsoola alahe abhe mufula kubhantu bhona oyoekudula kulanzya nekandi ne mwiyomelezya. ²⁵Nekandi ekwendelwe kubhalanzya kubhufula abho bhekumuhalalika.hamwi Mungu abhahe kupiluka bhaimanwye nhana ye Mungu. ²⁶Nekandi bhamanguke bhipunye mubhukila bhwemwa syetani, abho bhalamazile kulemibhwa kubhukila bhwamwe.

¹Alahe umanwye mukubha munsiku zye muhelo galakabhaho makanza magume gekwihiga. ²Kungoko bhantu bhalakabha bhekwisima bhenekili, bhekusima mpiya, bhikumilizya, bhadosi, bhagailizya bhe Mungu, bhanantabhimvwa bhazyele bhabho, bhanantalumbilizya, nekandi bhantu bhabhi. ³Bhatali ne kwisimane tyoyowona, bhihazi, bhabhehezi, bhasonganwya, bhanantihangizya, bhiyombo, ne bhanantasima masoga. ⁴Bhasontelezya, bhesitwi, bhigambi, bhibhelezya, ne bhananta musima Mungu.⁵Kuhelu bhaline bhusyo bhwe Mungu alahe bhalibhukeme nguzuzyamwe, bhantu bhenamuna eyone ubhisundeko. ⁶Kulwekubha mwabhone bhalimo abho bhakusyepanga ne kwingila mumakayagebhantu nekubhaloda bhakima bhabuli abho bhalatimbilwe ne mabhabhi nebhikumbwamabhi ge mbikanambika. ⁷Bhakimaabhane bhakwilanzyanga nhananhana alahe bhatenkaduzya kuitegelezya nhana ye Mungu.⁸Katiomwo Yane ne Yambre bhalamuhangizya Musa muntu we Mungu namuna eyone abhane bhantu bhalakaikema nhana; nebhantu bhebhukenaguke mumasalagabho, bhalakemilwe mukuzumya. ⁹Alahe bhatalakzya lugendo lulele kulwekubha bhuchiluchilu bhwabho bhulakigengeleka kubhantubhona, katiomwobhwali bhwebha Yane ne Yambre sihamwi ne bhisyabho.¹⁰Alahe obhe wagamanite nekugalonda malangisyogane, kazilekane ne miganikogane, nekuzumyakwane, bhwiyomelezya bhwane, bhwisimibhwane ne kwiyomelezya kwane. ¹¹Kusosohazibhwa ne kwagalazibhwa okwo kulampandika Antiokia, ne Ikonio, sihamwi ne Listra. maluhomakulu ago ndagiyomelezya alahe Mukama algansizya gonane. ¹²Bhonane abhobhalibhusimekukwatayeMungu mu Kristu Yesu kunhanayona bhalakasosohazibhwa. ¹³Alahe bhantu bhabhi ne bhabhehaguzi bhalakagana kubha mumabhi, bhalakabhahologanwyabhandi nabhebhenekili bhalahologanike.¹⁴Alahe obhe wikale mumagambo ago ulamazile kulanzibhwa ne kugitegelezya, kulwekubha wekumanya oyoalakulazya omwo azilanga. ¹⁵Newekumanya mukubha kufuma mubhuyanda bhwako ulibhusimanwye syandikwa syela esyo siline bhudula kukuha bhwenge kuhika mubhuhanga kulwekuzumya okwo kulu mwa Kristu Yesu.¹⁶Syandikosyona siline mwyayu zye Mungu syekwendelwa mumalangisyo, ne mukuganila, ne kuhugula bhakenaguzimunhana. ¹⁷Oti muntu we Mungu abhe muhikane webhuhikane mumilimozyona misoga.

¹Nekukuha ilagilo elya mubhutonzi bhwe mwa Mungu ne mubhutonzi bhwe mwa Kristu Yesu, oyo alakabhahukumu bhahanga ne bhafwile, mukwigela kwamwe ne mubhwami bhwamwe, ²Lilomele igambolye Mungu, ubhe ne bhulegeke mwikanza elyo lyekwendelwa nekwelyo litekwendelwa. bhahugule bhantu kumabhigabho, bhahame, bhakomelezye, mubhwiyomelezya bhona sihamwi ne malangisyo.³Kulwekubha galakiza makanzaago bhalakakema kalangizye kenhana; alahe katiomwo kwikumbwakwabho omwokuli bhalakikobhela bhalanzya bhekwikolanabho abhobhalakabhalanzya ago matwigabho gekwenda kwimvwa. ⁴Bhalakoya kudegeleka magambogenhana ge Mungu ne bhalakapilukila kudegeleka ngano zye bhubhehi. ⁵Alahe obhe ubhe mutungilizya kumagambo gona,wiyomelezye mumagume, tumama mulimogwe mulanzya, maligizya bhutumamibhwako.⁶Kulwekubha one otine namazile kupunibhwa kati sitambo, neikanza lyekufulukakwane lyahikile. ⁷Inalwana kulwa kwe nhana,lugendo nalumazile,ne kuzumya nakulabhede. ⁸Ne nabhikilwe ngikili ye bhwami yebhutungilizya eyo mukama muyangu wenhana alakampa lusiku olwone. ne itali kwone tuhu alahe ne kubhona abho bhalalindilile kwigengeleka kwamwe.⁹Ukangilizye kwiza kuwane. ¹⁰kulwekubha Dema anilekile, alaisima bhwelelo bhwebhulelo, nawe azile Thesalonike, Kreske alazya Galatia, Tito alazya Dalmatia.¹¹Luka tuhu ge ndisihamwi nage. Oloukwiza umwizane Mariko kulwekubha ekufwaya mubhutumami bhwane. ¹²Tikiko namulagizye kuzya Efeso. ¹³Elya ikoti lyempeho elyo ndalileka Troa mwa Karpo, oloukwiza ulizane, sihamwi nevyo vitabho munomuno evyo vyendili.¹⁴Aleksanda oya musuzi we vyuma alangemela mabhi minkimuno. Mukama alakamuliha kati omwo magemo gamwe gali. ¹⁵Nobhe wiyangalile nage, kulwekubha alaihanda mihayo yitu. ¹⁶Mukwiteteakwane kwekwandya ataalihonolo muntu umwi oyo alimilila sihamwi none alahe pyebhona bhalanilekanizya, kulweyane Mungu atakabhabhonela muhayo.¹⁷Alahe Mukama alimililasihamwi none, alampanguzu, nekubha mukunzilayane igambo liyombwe kubhuhikane, nebhemahanga bhabhone kwimvwa, none ndasizibhwakufuma mumulomo gwe nsimba. ¹⁸Mukama alakanisizya mumuhayo mubhi tyogwogwona nekandi alakanangalila mpaka kuhika mubhwami bhwamwe bhwe bhwelelo ne bhwelelo. Amina.¹⁹Umunkegezye Priska sihamwi ne Akila, nekaya ye mwa Onesiforo. ²⁰Erasto alikala Korintho: alahe Trofimo ndamuleka Mileto nawe ali mulwele. ²¹Ukazye kwizabhwangu kungoko makanza ge mpeho gasyali. Eubulu ekukukezya, ne Pudene ne Linu, ne Klaudia, sihamwi ne bhadugu bhona. ²²Mukama Yesu Kristu abhe sihamwi ne mwizo gwako. Sigongo sibhe sihamwi ninu.Amina.

¹Paulo, mtunwa we mwa Mungu ne muhamba we mwa Yesu Kristu habhuzumya bhwe bhalahwa bhe mwa Mungu, ne bhumani bhenhana bhukuletanga bhufula. ²Bhalimo mubhwizigizya bhwe bhuhanga bhunantamala obyo Mungu ote kaduzya kuyomba bhubhehi alatwi zigigizya kuvwa kale. ³Hamakanza mahikane alatufumbulila igambo lyamwe kupuna ntumwe eyo alampa one kuhubili ilane hatika kugema otine kwilagilo lye mwa Mungu mlokozi witu.⁴HaliTito mwana we nhana wekuzumya kutwi sgongo bhwila, bhuteka, kupuna mwa Mungu isefwe ne Yesu Kristu mlokozi witu. ⁵Ngenahe ndakuleka Krete, kubha oti ugabhegelezye agogasyali kuhikila nekutula bhanampala bhekanisa kila mzengo kati omwo ndalagilila.⁶Munampala wekanisa twomovibhe atakapandika lawama, mugosya we mukima umwi oyo ali ne bhana bhafula abhobhata kuyombangwakubi bhali ne isima. ⁷Ye kubhelela mulezi te mulezi wenu ye Mungu atakapandika lawama atakabha mwangu we syaha, atakabha mukolwa, atakabha musongan'ya atakabha nihuhu.⁸Hanuma abhemuntu mwila oyo ekusima miyeye yekebhelela abhene bhwengebhwe bhugelanile wekapangamwizo gwa mwegu bhwegwe kusima Mungu nhanane oyo ekudula kwihana mumagololoke aweneemwenekili. ⁹Oyo akudula kugimilila ago malagisyo masoga oyo ekuduzya kubhagololela abho bhekumuhalaleka.¹⁰Oko mkubha bhagomi bhinki bhaliho (kati abho bhetohala bhusangilwe)mihayo yabho ye nahulege bhekubhabhehagla bhantu ne kubhatongelela mumabhi. ¹¹Yekubhelela kubha kemezya bhantu kati abhone bhekulanzya ago gatali munzila hafaida ye nsoni ne kubhibya miganazyona.¹²Umwiwahe we bhenge alayomba bha Krete bhaline bhu bhehi obho bhutali ne nsemizyo bhabhi ne kat madimu masyahale, bhazobhe, bhihuhu. ¹³Eyane mihayo neyenhana hotine ubhakemezye kunguzu ili bhayombe nhana mubhuzya.¹⁴Obhe utakisanzya mumiganizye siyakundi nolo malagilo ge bhantu abhobhakuzuvyanga numa oyo ye nhana.¹⁵Kubhona abho bhalibhasoga ne vintu vyabho nevisoga kwabho bhaline (bhuchafu)ne bhantazumya sitaliho sisoga kungoko miganiko gabho ne bhwiyanguz bhwabho bhwabhihibhwe. ¹⁶Bhekuzumyakumuman'ya Mungu hanuma yahe (vyeswa vyabho). Vye kumukema abhene bhabhi bhatali nisima bhatekufwaya hamulimo tyogwogwona musoga.

¹Mukubha oti obhe uyombe eyo ye kwikola ne ngenhana. ²Bhanampala bhabhene bhwenge bhutekana isima, bhitegelezya bhuzumya busogo mubhisime ne kwiyomelezya.³Ne bhakikulu bhilanzye bhenekili kwiha isima bhatakabha bhatolan bhataka bhalevi. ⁴Bhe twendelwa kulanzya masoga. Hanuma kubhatula kusoga bhanike bhabhi sime bhalume bhabhone bhanabhabho. ⁵Bhekutakilwa kubhafundisha bhwitegelezya bhusoga bhalezi bhasoga bhe makaya gabho nekubhaha isima bhalume bhabho yekubhulela kugema mihayo eyo ne misoga igambo lye Mungu litaza kutukwa.⁶Mweyone mbhahemizo bhayanda bhabhene bhwitegelezya. ⁷Mzila zyona mwitulebhenekili kubha vigemekezyo visoga olo mlimlangisyo mbhe nikuzyo. ⁸Mlomelele mihayo zyebhulongeke eyo itenkagailizibhwa ne tyoyowona halalika apondeke nsoni kulwekubha atali nibhi lyekutoyomba.⁹Bha zana bhabhahe ikuzyo habhisabhobhuzya mgona hanuma bhabha togishe bhatakiza kwihalalika nabho. ¹⁰Bhatakubhibha hanuma yahe bhalezye bhwaminifu mtyeyo yona bhabhegelezye malangisyo gitu mkumuyomba Mungu mlokozi witu.¹¹Kungoko bhwila bhwe mwa Mungu ibhwigela habhantu bhona. ¹²Bwila obwane bhwekutulanzya kukema mihayo eyo itali ye Mungu ne malabho ge msi nobhwane bhwila bhwe kutulanzya kwikala mbhwitegelezya mzila zye mwa Mungu mwitungo elyene. ¹³Mwikanza elyo tukulindilila kupokela bhisagizye bhwitu ohwe bhutukufu bhwe mwa Mungu witu bhukolone mlokozi witu Yesu Kristu.¹⁴Yesu alipun'ya mwekili kulwitu mkutulokola kupuna mbhugomi nu kutuozya kulwe wamwe bhizigizibhwa bhe nkumbu yekutumama milimo misoga.¹⁵Iyombe ne vikomeezye eyane mihayo tulinanguzu zyako zyona hubhahama utakazumilizya mtu tyoyo wona akugailizye.

¹Ubi bhukizye kwidohya kubakulu be nsinekwdohya ne kutumama kila mulimo musoga. ²Ubei bhukizye kuleka kumgemela bhubhi mntu tyoyo wona utekane ne halali ubhehe bantu bhandi nafasi kugema buyangu (kumalamihayo) ne kulesya mwidohyo kubantu bhona.³nifwene twali nemiganiko mabhinekandi bhehalali twali b'eb'ubule ne twali tulagemwa bhasese bhe miluminki ge kuitogwa bwelelo tulikula ne ibhuba ne mabhi twi tyogozyanga nekwigaya.⁴Lelo kubwila bhwamwe kubhantu aho bhigela. ⁵Italikumilimo yitu yenhana eyo twa tumamanga alatukomola ku neema yamwe alatukomola mukutwozya tubhutwe buhwahya mukugemwa buhyahya.⁶Mungu alasesa Mwizo Mtakatifu kubhinhi kwifwe kuhitila Yesu Kristo mkomozi witu. ⁷Alagema oti bube kupetelwa nhana kuneema yamwe tube bazumya benhana be kuhangama.⁸Ogwane ne mhayo gwenhana ne nekukobha mgayombe kubhugime magambo aga ngotiabho be kumuzumya Mungu bhabhe ne bwitegelezya kumilimo misoga ezyoalazitula mbele yabo magambo aga nemasoga ne galine faida kubhantu bhonane.⁹Lelo ulekane ne mamihayo ge bhabhulwa bwenge, bhudugu iyombo, nsola, zyemalagilo magambo agone gatali ne nsonga nolo (faida). ¹⁰Mumukeme oyo ekuleta kubhalekania olo mwamala kumukanilizya kamwi nolo kabili. ¹¹Mumanie mukuba muntu wotine ailekanzila ye nhana ne ebubezya mabhi nekwi sitaka awe mwenekili.¹²Ndaka mutuma kuwako Arteminolo Tikiko, wanguhe wize wane eno nikopoli aho inabhona nkwikala kwitungo lye mpeho. ¹³Utakaleka kumutuma zena kwiilagano ne Apolo, atakapungukilwa nesitu tesyosyona.¹⁴Bhantu bitu bhataka leka kwilanzya kumilimo misoga esyo zye kubakumie kupandika vintu vye kutumamila abhe bhatiza kubha bhantu bhanantazyala visumo.¹⁵Bhona abho balisihamwi none bhekukukezya bhakezye abho bhekutusima mubhuzumya (amani) Neema ibhenimwe bhona.

¹Paulo mufungwa wemwa Kristo Yesu, ne mudugu Timotheo mwa Filimone, msimwa munwani witu ne mtumami mwisitu ²Ne mwa Afia ilumbu litu, Ne mwaArkipas musilikale mwisitu ne mwikanisa elyo likusanzya kuwako. ³Neema ibe kwimwene buteka kupunamwa baba mungu witu nekumukama witu yesu kristo.⁴Itungo tyelyo lyona nekumwisimulizya Mungu, ne kukutula mukusaba kwane. ⁵Mwimvite busime bwako ne kuzumya kwako kumukama yesu ne kubazumya bone. ⁶Nekusaba bumwi bwe buzumya bwinu bubene buduzya bwekumanya mihayo misoga iyo ili halali yitu mwa yesu kristo ⁷Muhuba ndi nebusime mumwizogwane kungoko yobe kungoko nazozye bazumya zyabele zikuhozibwa nobe mdugu⁸Nolo yenkaba ne kudula kuba ne nguzuzyone mu yesu kukuhamaobe utumame esyo wekuduzya kutumama ⁹Mukuba kungoko ye busime bwa nekukusaba one Paulo ndebele munampale notine ndi mufungwa kungoko ye mwanawane onesmo, oyo mubuta notine ndi mufungwa kungoko ye mwa Yesu Kristo.¹⁰Nekukusaba kungoko ye mwanawane Onesmo, oyonde mubata mu vifungo vyane. ¹¹Mukula aho kale atakukwasyanya kwo line ukudula kukwasya obe none ¹²Namtuma awe oko ne wenu mwizo gwane gwona asube kuwako. ¹³Nekutogwa abenone sihamwi, antumanile badala yobe, mwitungo ndi musifungo sye injili.¹⁴Ntala togwa kugema igambo lyelyona aho utazumizye obe nagoma oli igambo tyelyo lyona isoga tuligeme kungoko nda kuhalikizya. kungoko uko obe mwenekili ulisema mwenekili kulibezya . ¹⁵Hamwi kungoko alalekanibwa nobe kwi itungo ngomo ngali ubenage hamwinsiku ziyone ¹⁶Mahuba aliza kubakandi musese abe kukila musese, kali mudugu musimwa kungoko yane, ne munomuno kwobe ha mubillo ne ha Mukama.¹⁷Notine we kunsolela one muzumuye, umwanuke kati omwo wenka nanukulila one ¹⁸Nolo enkaba akubuzye igambo tyelyo lyona, nolo wekumatonda sintu tyesyo syona utonde one ¹⁹One Paulo nekwendekaha kuboko kwane mwenekele one ndakulihu ntekuyomba hawako oti nekutonda [maisha]gako ²⁰One mudugu undeke mpandike buteka ha mkama kuvwa kwobe;mpandike buteka mwa Kristo.²¹Oko nekuzumya mubwidohya bwako, nekukwandikila mukumania oti ulatumame nolo kukilya ovyo ne kukusaba. ²²Kwitungo olyene utule syumba sye b ageni kungoko yane, mukuba kuhitila kusaba kwako nda kuyungile tyahane.²³Epafra mufungwa mwisyane mukristo yesu ekukukezya, ²⁴Katiomwo akutumamilaga Marko, Aristarko, Dema,Luka, batumami bisyane. ²⁵Neema ye Mukama Yesu Kristo ibe sihamwi ne mwizo gwako Amena.

¹Yakobo, mtumwa we Mungu ne we Mukama witu Yesu Kristo, kubantu be ndimi ikumi ne ibili abo balasambazile, ne kubakezya. ²Mupete kuba ne bwihalale muno, badugu bane abo mwe kuhitila mu makoye kukila nzila. ³Mukumania kuba kugemwa kubuzumya bwinu kukubaha kwiyomelezya⁴Muleke kwiyomelezya kwinu kuhikilizye mulimo gwamwe mukuba muduzye kukomela kwe nhana, mtakapungukilwa tyesyo syona. ⁵Olo muntu akukoba (bwenge) alombe kuvwa mwa Mungu, oyo akubahelezyanga kubwila, itali mukubahama, ku bona abo bekumulomba ne akubaha bwenge.⁶Lelo ulombe mu kuzumya mu Mwizo utaka hana hana, mukuba oyo ali ne buhanehane mu mwizo ne kati mahuli ge munyanza, akusolwa na muyaga ne kuzya kutagwa eyo ne eyo. ⁷Sye nkanane oyone Muntu atakuganika mukuba akwanukulwa igambo lyamwe kuvwa ku mukama. ⁸Muntu oyone aline nzila ibili mu mwizo atali ne nguzu kunzila zyamwe zyona.⁹Muntu muhabi ihalale kungoko Mungu akumukuzya. ¹⁰Mundeba akutikizibwa kati oko maua ge mwilale gala galakabalaho. ¹¹Kungoko izyoba oli lilaka likugomeke, matutu ne iua lyahe lilagwa hansi busoga bwahe bulabulaho, nge notine mundeba ala koma ku nzila zyamwe.¹²Ne kusoga ku muntu oyo ekwiyomelezya mu kugemibwa kwamwe;olo amala kuzumibwa ne Mukama ala kanukula, ngikili ye buhanga butantamala (buhangame) eyo Mukama alibubisagizye abo be ku musima. ¹³Muntu oyo ekuhitila mukugemibwa atakayomba, "ne kugemibwa ne Mungu," kungoko mungu atakugemibwanga ne mabi, ne Mungu mwenekili atekumugemezyanga tyoyo wona.¹⁴Muntu akugemibwanga ne kwikumbwa kwamwe mabi ngaho mwizo gwamwe gukumukwesala hale. ¹⁵Ngaho kwikumbwa mabi kulatwalanda, mabi gala butwa, mabi alo gakomela mulo nkalikilo yahe ne lufu. ¹⁶Badugu bane mutakibehagula.¹⁷Ntukulu nsoga, ne ntukulu ye kapanga ikupunanga higulya ikutikilanga hansi kupuna hali isefwe Mukama witu. Nolo hado atakupilukanga kati sinini omwo siku samilanga. ¹⁸Mungu atachagula kutuhelezye ifwe buhanga ku igambo lye nhana kungoko tusoboke kuba kati luzyalo lwe mbele kuvisumbwa vyona.¹⁹Mwekumania elya, badugu bane batogwa, kila umwi witu abe mupupe (mwangu) we kwomvwa itali mwangu we kuteta nolo kusaya. ²⁰Kuba kusyahala kwe muntu kutekugema nhana ye Mungu. ²¹Mutule hali mabi ginu gona ne bubi bwona tyaho hona aho buli, ne kubwidohya mulyanukule igambo ye Mukama elyo lili butulwe mumizo yinu elyo lili ne budula bwe kubazahula mizo yinu.²²Mulyanukule igambo lye Mungu mutekaba badegelesi tuhu mukwibehagula mizo zinu benekili. ²³Mukubo oyo akulyomvwanga igambo alalileka tuhu ne kati muntu oyo ekwilinga mwilole. ²⁴Alaba kwilingalinga busyo bwamwe ala buka alazya ku idungo idone alalabila omwo ali bonela. ²⁵Ku muntu oyo ekulinga kusoga ilagilo, ilagilo lye bwiyagulule ne kulyanukula elyo ilagilo itali kungoko ne mudegelesi oyo we kujlabila oyone muntu akufuhulwa muku litumamila elyo ilagilo.²⁶Oyo muntu tyoyo wona aliganika kuba ne we dini ne atenkaduzya kulukinda lulimi lwamwe oyone ekugubeha mwizo gwamwe ne dini yamwe ne gele tuhu. ²⁷Ndini nsoga eyo etekubihibwa muminso ge Mungu witu isefwe nge ya, kubakwasya bafuvi ne balekwa ku makoye gabo ne kuleka kulonda nzila zye mu bwelelo.

¹Badugu bane mutakababazumya be Mkama witu Yesu Kristo Mukama we isima, mukuba mulaba mukubatogwa bantu bandi bandibyo. ²Muntu olo alingila mwibanza iya mbala kusoga ne pete nsoga ye dhahabu, ne alingila undi muntu muhabi we myenda ye bamale gatali butule (machafu). ³Imwe mulolekezya kumogola muno oyo muntu we bwambale kusoga ne kuyomba, "twekukusaba obe wikale sye aha hasoga," kandi mulamubwila oyo muhabi, "obe wimelile aho," nolo "ikala aha mumagulu gane," ⁴Nge kuyomba mutekwiyangula imwene benekili, ne kuba bayangu be miganiko mabi?⁵Badugu bane basimwa nge kuyomba Mungu atali buba ihagule bahabi be munsi kuba bandeba ku buzumya ne kuba balisi be bwami obwo Mukama ala batulile (bisangizye) abo be kumusima? ⁶Lelo mwekubagailizya bahabi! Nge kuyomba batali bandeba abo bekubagalazya imwe, batali abo bekuba bala babulula kubafila kumabanza? ⁷Batali bandeba abo kulituka izina lye Mukama, elyo izina elyo mwe kulilangilwa?⁸Nolo ikaba mwe kulilinga ilagano lye bwami kati omwo lilibwandikilwe, mumandiko, "ukumutogwa muzenganwa kati oko obe mwenekili," mwe kugema kusoga. ⁹Mukaba mwekusoma bantu bandi mwabagaya mwekugema mabi, mwe kutengwa ne ilagilo mukuba mwe kulikila ilagilo lye Mukama¹⁰Mukuba tyoyo wona ekwidohya ku ilagilo lyona, ali ne kuba asyali ekusindwa kukado ne tuhu, ali ne bubi bwe kusindwa ku ilagano lyane. ¹¹Mukuba Mungu oyo aloyoma utaka, "sizya," ngoyo alayomba, "ulakihaga,"olo utekusizya ne kandi we kwihaga, obene iwali kila ilagano lye Mungu.¹²Otine mwilomele ne kwidohya kati omwo obo muli hihi ne kuyangulwa ne ilagano lye Mukama. ¹³Mukuba buyanguzi bukwizanga bulali ne bwila, bwila bukwizanga higulya ye buyangu.¹⁴Sisoga ne si badugu bane hakuba muntu alayomba one ne kumuzumya mukama mumwizo nahe kandi atekubezya masoga nge kuyomba buzumya bwamwe bwe nka musobola? ¹⁵Mudugu abe mugosya nolo mukima atali ne myenda ne silibwa sye nsiku zyona, ¹⁶mwisinu alababwila, muzye ne bwihalale muzye mwikonte mulilo ne mulye visoga, "ne itakubahelezya vintu evyo mutali navyo vye kubakwasya kumakoye ginu oyone ekubakwasya linde? ¹⁷Syenkanane buzumya bwinene butali ne kugema masoga bulibufwe.¹⁸Muntu enkayomba uli ne buzumya none ndi ne katumamile kasoga," Onolesye buzumya bwako obwo butali ne ntumamile nsoga none nkwolesyebuzumya bwane mu vigemelo visoga. ¹⁹Bazumya kuba aliho Mungu umwi ulikusoga. Lelo masambwa nagene ge kuzumya otine ne kandi gakuzuma. ²⁰Wekukoba kumania? obe ulomubulwa bwenge, omwo buli buzumya obwo butali ne kugema masoga butaliho.²¹Nge kuyomba atali isefwe Abrahamu oyo mukama ala mubona we nhana ku kugema kwamwe aho amutanga mwana wamwe Isaka higulya ye madhabahu? ²²Mwekubona kuba kuzumya kwamwe alatumama ne kugema kwamwe, ne kugema kwamwe, kuzumya kwamwe kulahisya ku nota ye mwizo gwamwe. ²³Maandiko gala hikila omwo ge kuyombela, Abrahamuala muzumya Mungu ne alapetelwa kuba muntu musoboke," ngahe Abrahamu alalangwa kuba munwani we Mungu. ²⁴Mwabona kuba kuntumamile muntu ekupetelwa kuba musoboke ne itali kubuzumya tuhu.²⁵Nge kuyomba atabanga Rahabu oyo abanga musihani alapetelwa busoboke ku ago alatumama, alabanukula batumwa be Mukama ne alabolekezya kuhita nzila yindi? ²⁶Ne kati oko mubili olo gutalimo mwizo gulibufwe, ngomo ili buzumya olo buligele katumamile bulibufwe.