¹E buka eyati hweta ezu ku kati kya Jeso Kiresite kwamata kadzera, mwana Davida, mwana Abburahama. ²Abburahama kalindi hana Isaka hape Isaka kali hana Jakowo, Jakowo kali ndishe Juda kushanganisa ni mukurakye, ³Juda kali ndishe Perezi indi Zera sha Tama, Perezi hana Herozoni, Herozoni hana Ramu.⁴Ramu hana Ammidabi, Ammidabi hana Nashoni, Nashoni hana Solomoni. ⁵Solomoni hana Bozi, Eywa Rahabbi, Bozi hana Obedi, Obedi hana Jese. ⁶Jese kali hana Davida yee Shikati Davida hana Solomoni shamukaza Uriya.⁷Solomoni kalindi hana Rehobboni, Rehobboni shee Abbijani, Abbijani aku paka Asa. ⁸Asa aku paka Josifati, Josifati hana Joramu hape Joramu, kalinje ndi bamatoti a uzi⁹Uzi kalinje mata paka Jota, Jota kali ku paka Ahazi, Ahazi hana Zakiya, ¹⁰Zakiya kali ku paka Manase, Manase aku paka Amoni hape Amoni akuya ku shemuna Josiya. ¹¹Josiya kalindi ywi ntazi koku Jokoniya hape Karasite mukurakye, po kwinako iyi ruzuro kwenda ko Bbabbirona.¹²Kudzwapu ruzuro kwawo e rukadzwa ko Bbabbirona, Jekoniya kalindi shee Shelutalu. Shulitalu kali enjwa katazi koku Zarubbaberu. ¹³Zarubbaberu kali ndisha Abidi, Abidi kali ndishe Elikimu. Kudzwapo Elikimu kali ndisha Azori. ¹⁴Azori kali ndisha Zodoki, Zodoki kali ndisha Achimu kudzwapo, Achimu hana Eliudi.¹⁵¹⁶¹⁷Eliudi kali ndisha Eliza, Eliza kali ndisha Matahoni, hape ku dzwapo Mahati ndisha Jakowo. Jakowo kali ndisha Josefa, baa Mariya kwa mata pakuwa Jeso ya mati beruwa Kirisite. ¹⁷Kudzelira pu rusinga rwa Abburahama ku twara koku Davida kali mburusinga rwa mashumi anee, kudzelira ko Bbabbilona kurusinga rwa Kirisite rwa wu lyishumi indi tunee tu nee.¹⁸Ku pakuwa kwa Kirisite kwa taba mwi njira iya tifwana tandi, nyina Mariya mataya kuba murusuno ni murumbwana yama tiberuwa Josefa, kono piri pubahara chire kuba paxiki, kwa kuya ku shangeneha atikya muyima ku mupupo wo muchena ndi wataya kukye mi kwakuya ku shangeneha atikya muyima. ¹⁹Hape Josefa baakye kali munyana yo muchena mi ama kwene kuswabisisa mwi kyo lya bayeyi, atikya kakwene, ku tikya ali tukiseza ku mushita ka piri-piri²⁰Pukali ku yanakanisisa izuto zopa kozo, mwi nako yopa Lyinyiroi lya Shikati lya kuya kulyi mwanahaza kokukye mwi ntoro, Lya ku tikya, '' Josefa mwana Davida, siya ku ywapa yisa Mariya atikya i mukazwe, yana moo mokukye mata lyetwa ku mupupo wo muchena. ²¹Sha pakye umwana hape shani murukye atikya e Jeso yeye eshaya kuyaka abato bakye kuzi bbisa zao.²²Kozo zopa zata yezahara kwendiliza ni sha mata hweta Shikati kudzelira kuba porofita, atikya, ²³''Sheni mwene'' mughekwa shara tyere hape i shashe mune murumbwana, ishani bera atikya enji ndi Immanuale'' yati toroka atikya Urezya ana natswe''²⁴Josefa kali ku pasumuka kuturo twakye mi Lyinyiroi lya Shikati lyku murayerera atikya, muyisa indi mukazwa. ²⁵Kono kakara mu yizire tana pukaru kuya kupaka umwana yu mushimani. Akali ku muruka lina lya Jeso.

¹Kudzwa pu Jeso karu ku pakuwa mo Betelehema iya Judeya mumayiba aShikati Heroda, Barwa baba tsauka kudzwa ku wudzero bakuya mo Jelusareme ba kutikya, '' ²Ikure ana Shikati a ma Juda yamata pakuwa? Tata mwana zinyata kozo kuwudzero mi taya kuku murapera.'' ³Shikati Heroda pukaru kuyuywa akyo, zaku mwiguni, indi Jelusarema nakye.⁴Heroda aku lyeta kowo ma purisita ba bakuru indi banoli wa bayeyi, akuba wuza, ''Ikure ana Keresite ya mapakuwa?'' ⁵Baku tikya kukye, '' Mo Beterehema iya Judeya, zopani ndizata noruwa kuba porofita, ⁶'Cware yewe; Beterehema, mu muvu a Juda, ka mwikyo lyenu ba yendisi ba Juda, kamo kunwe isha mudzwa muyendisi aba yeyi ba Isiraere.''⁷Cware Heroda kurupati aku bera baba barwa sauka kuya kuba wuza atikya kakanda kare i nyata ya mwanahara. ⁸Akuba tuma ko Beterehema, atikya, ''Nakwenda nika lyaye-lyaye naqa mupundi. Punaka mushangana, nika lyetye lyiyi atikya indimye ndiye ku murapera.''⁹Pubaru mana ku yuvwa shikati, baka kyita injira awo, mi inyata ibata mwana muwu dzero yakwenda puwuso wawo tana kuya ku yima papa pumupundi karana. ¹⁰Pubaru ku mwana inyata, bakwidze nanyina.¹¹Ba kwenda mwi njuwo ka mwana mupundi indi Maria nyina. Ba kuwa peshi indi ku murapera. Ba kuputurura mi kwatana indi ku mutsipa zi tsipa zi gawuda, indi zati nuka nanyina. ¹²Urezya akuba Chikisa mwi toro awo ku shuka ku Heroda, baku kawu hana ka kyita kumavu awo shizi njira zawo.¹³Pubaru kakyita, linyiroi lya shikati lyaku mwanahara ku Josefa mwi toro lyaku tikya, ''Tambuka, yisa mupundi indi nyina, mi utire ko Egepita. Uka sikame koo tana pushanda kuku zira, kakuli Heroda shashakye mupundi atikya amu bbure.'' ¹⁴Masuku maxiki Josefa aku yisa mupundi indi nyina baka kyita ko Egepita. ¹⁵Aka sikama koo tana rufu rwa Heroda. Zopa ku yiziriza shi Shikati amata hweta sha ba porofita, ''Kudzwa mo Egepita ndata bera mwananga.''¹⁶Cware Heroda, pukaru ku mwana atikya mapanguwa wubbi kubarwa baba sauka, akwixa nanyina. Aku tuma atikya ku bburuwe kowo bapundi baba nyina mo Beterehema indi zibaka kozo ibana zu mwaka zimbiri, shukwenda shika kanda kubata muzilira barwa baba sauka.¹⁷Kwaru ku yizirizwa ishata hwetuwa ku muporofita Jeremia, ¹⁸''Lyiyi lyata yuvwahara mo Rama, ku lira shulyuro sheshi kuru, Rahere aku lira abana bakye, aku shita kutotuzwa, shuku tikya bamana.''¹⁹Pu Heroda kali kufwa, nimwene, linyiroi lyaShikati lyaku mwanahara ku Josefa kuturo mo Egepita lya ku tikya, ²⁰''Tambuka mi uyise mupundi indi nyina nakwenda kulyuvu lya Isiraere, shuku tikya ibaru ku shaka kuyisa wuparo wu upundi kali bafu.'' ²¹Josefa aku tambuka, aku yisa mupundi indi banyina, ba kwenda kulyuvu lya Isiraere.²²Kono pukaru kuyuvwa atikya Arkelausi kali mati para mo Judeya mushi baka sha shee Heroda, aku ywapa kwenda koo. Kudzwa pu Rezya kali ku mukalimera mwi toro, aku siya shibaka sha Galileya. ²³Aka kyita kuka para mumurenenyi Nazareta. Yopani ku yizireza ishata hwetuwa shaba porofita, atikya isha bweruwe mu Nazarena.

¹Muma yiba a Johani Mukorobezi akuya ku kutaza mwi shumwe a Judeya aku tikya, ²''Ni bakye, shuku tikya mu wuso wulyiro wuna shufupi.'' ³Ndishata hwetuwa ku muporofita Isaya, aku tikya, lyiyi lyi xiki ilyata shupura mwishumwe, 'Ni shiyamise injira a Shikati, ni ware makituro akye'''⁴Johani pani aku rara ziraro zata tswumuwa pu waya wi mbongolo indi mutsunga ukakabi mushuwuno. Zu lyuwa zakye kali imba nqesi indi zi nyishi. ⁵Cware Jerusalema, indi Judeya koyo indi raro kozo kuzungura murwanga a Jodani baku dzwara kukye. ⁶Baku korobezwa kukye mu murwanga a Jodeni, ku bashera zibe zawo.⁷Kono pukaru ku mwana uwinji wa Bafalisi indiba Saduki batiya kukye kuku korobezwa, aku tikya, ''Nwee abana wu zubbobbuma iyani imani ziri zuku tiya ku ywapa ku menga ikwa tiya. ⁸Ni bikye zi pata iza tiqe ku baka. ⁹Nisiye ku yanakana zu ku hweta mwikyo lyenu, 'Tina Abburahama shetu.' Zi ndani ziri atikya Urezya mati kwana ku tambusa abana ba Abburahama ku dzelyira pumawee ngapani.¹⁰Kembe kabika kare pu zizi zu muti. Ku tikya kowo muti iwa hati bika zipata zeziqa wu shawirwe peshi nduwi kyamina mu munduro. ¹¹Ndani korobeza shuka baka. Kono ya matiya mulyuqo una iqumu kundi bbara, ama ndaku kwana nanga ku yisa zi shangu zakye. ndiyi shaya kuni korobeza shumupupo wo muchena indi munduro. ¹²Lyutundu yakye lina mulyanja lyakye kuvuura muyungu indi ku shanganisa zuvuma mushixandi. Ndisha ku pisa muyungu shumunduro wa hati mana.''¹³Cware Jeso aku dzwa ko Galileya kwenda ku murwanga Jodani kuka korobeza ku Johani. ¹⁴Kono Johani aku lyika ku muyimika aku tikya ''ndati shaka ku korobezwa kuwe, hape yewe, ndukuya kumye?'' ¹⁵Jeso aku muzwara aku tikya, nditi shira papani, ku shiyama ku yiziriza kozo zezi chena. ''Cware Johani aku muti shira.¹⁶Pukaru kumana ku mukorobeza, Jeso aku pwera ku kakumuka ku dzwa mwami, mi lyiro lyaku muyazu shira. Aku mwana mupupo Urezya wa tiya peshi tandi ukyiri wa kuya ku sikama pwi lyiro lyakye. ¹⁷Ni mwene, lyiyi lya ku dzwa kwi lyiro lya tikya, ''Yopa ndi mwananga indati shaka. Indati dze shakye.''

¹Jeso mata tumuwa ku mupupo omuchena kwanda mu linkanda kuka lyu kuwa koku Satani. ²Pukali kulyi yi mina zulyuwa shi mayiba ama shumi anee indi masuku anee, matafwa injara. ³Muliki akuya kukye akuya ku mutyeya atikya,'' Ati umwana Urezya, zira mawee ngapani ngabe ichira.'' ⁴Cware Jeso aku muyaru muna atikya, ''shukuru kunwara, muyeyi muqhu kupara ichira chekye kono indi mayi inga tidzwa mu muromo Urezya.'''⁵Nduku tikya Satani aku mutwera mu murenenyi wo muchena kuma menisizi ama yuwo, Aku tikya kukye, '' ⁶Ati umwana Urezya, uwulye peshi, shuku tikya kwata noruwa atikya, mbwazire manyiroyi akye aku baba lyere.'' Indi kutikya mbonga ku kakwire mwilyiro sha manja atikya makondo aye ngasiye kuli zipa pu mawee.'''⁷Jeso aku tikya kukye, '' nangweza siya kwi xyaba Shikati Urezya aye.'' ⁸Nangweza satani aku mutwara pwi kakumuko yindee kamwiqe kowo muwuso ulyivu indi wuqa wawo. ⁹Aku tikya, ''kozo zopani izuto izinamo ndati kupazo, ati nduwulye peshi ku ndirapera.''¹⁰Ku dzwapo Jeso aku tikya kukye.'' dzwa ukwenda kuna shire, Satani! Shiku tikya ku nwara, atikya ukubamere Shikati Urezya aye. ¹¹Mi satani aku musiya, numwene, manyiroyi ngakuya ku muyaka.¹²Papa ngaho Jeso pukaru kuyuvwa atikya Johani kali mapatuwa, akudzwa Galileya. ¹³Akudzwa Nazareta kwenda aka sikama mo Kapenauna, lyina kurupati lyi lyiwate ilya Galileya mumuwuso iwa Zebbulani indi Naphatani.¹⁴Chopani ndi shata rasisini ku yiziriza shi porofita sha Isaya shamata hweta. ¹⁵Lyuvu ilya Zebuluni indi lyuvu ilya Naphatani, shufupi ni lyi wate ku wuso wa Jodani, Galileya iba machaba. ¹⁶Abato ibata sikama muka rema bata mwana rumwenyi rorukuru, indi barasise muzi baka indi minzire yu rufu kwaku zukuka rumwenyi pumaso awo''¹⁷Mukakanda kapa Jeso aku xhitika kwenda ku kutaza, ''Nibakye muwuso ulyiro kali waya shufipi.''¹⁸Pukaru kwenda ku lyuwate lya Galileya, aku mwana banyina babiri, Simone ikaru ku beruwa Pitorosi, indi Andiriasi muzatakye, baru kutyeya kanyandi mulyu wate, papa kali bazyambizi. ¹⁹Jeso aku tikya kuwo, ''Nakuya, nindi qama, yeme mbondini pange bazyambizi ibati yamba bayeyi. ²⁰Shuku pweraka baku siya tunyandi twawo baku muqama.²¹Pu Jeso kali kushera shera aku mwana barwa babiri, Jakowo mwana Zebediya, indi Johani muzatakye. Barana muwoto indi Zebediya shawo karuku tandaura kanyandi. Aku babera, ²²Shuku yangasa bakusiya uwoto indi shawo baku mwiqama.²³Jeso akwenda lyuvu kolyo ilya Galileya, kwenda ku ruta mi minzi indi mumaraperero, kuruta lyiyi lyu muwuso indi ku pwelisa matuku-tuku ngama chichana-chichana indi mimashiro mwikyo lya bayeyi. ²⁴Imbuzakye ya kuyira yira lyuvu lya Siriya, bayeyi baku lyeta kukye kowo ibarana muwuzuwo wa matuku-tuku indi ku masiza, indi barana mi pupo yemibbi ya madimona, iabruku kukutira indi kugogobera. Jeso akuba pwelisa. ²⁵Uwunji wa bayeyi baku mwi qama kudzwa ku Galileya, Dekapolisi, Jerusarema indi Judeya indiko kyo lya Judeya.

¹Pu Jeso karu ku mwana bayeyi babenji, aku kakuka pu lyi rundu. Pwamata kasikama, barutiwa bakye bakuya kukye. ²Aku yashama kuba zira, atikya, '' ³Bana maso ibana peshi mu mupupo, kakuli shichawo muwuso ilyiro. ⁴Bana maso ibati fwerwa, inkaba katotuzwa.⁵Bana maso babawa zidziba, kakuli inkya ba kapewe lyuvu. ⁶Bana maso babafu injara indi lyinata shukuchena, kakuli shaba puwe zukulya. ⁷Bana maso ibana kaxumakawo kakuli shiba kara xumuwa. ⁸Bana maso wi mitima yemi chena, kakuli inkya baka mwene Urezya.⁹Bana maso ibati pwelisa wubbi, kakuli inkya baberuwe abana wuRezya. ¹⁰Bana maso ibati shisizwa wuqa kakuli lyiiro indyawo.¹¹Maso ingu muyeyi yamati shandisuwa indi tukuwa indi ku hweta kukye izuto zezibbi zimbuzi shilyi baka lyanga. ¹²Ni radze na nyina, shanika tswupuwe shukuru mu lyiiro. Yopa injira yati fwana bayeyi bata shandisa ba porofita bata para indanzi kunwe.¹³Nwee ndu nchwanga ulyivu. Ati unchwanga kali muqu munati, ingahare utyeri kwisi atikya abe unchwanga nangweza? Inkya kafwa ngweza kuba naqa kwi chuto kocho tana kumwikyi ngaho muma kondo abato balyatire pakye. ¹⁴Nwee ndu nchwanga ulyivu. Munzi wa pulirundu kuku yukuwu zika.¹⁵Kuqu muyeyi yuku mwenika i rambi ndukuyi cheka rukumbu, tana kuyi bika pukankandara, atikya bayeyi kowo bayi mwene mwi njuwo. ¹⁶Ni siya rumwenyi rwanu rumwenishire bayeyi mwi njira yopa bamwene zisi zenu zeziqa mi indi ku kambira Sheenu ya mu lyiiro.¹⁷Kanaka yanakana atikya ndataya ku manisa mirawo indi ba porofita. Yemwe ama ndiye kuku zimanisa, kono kuya kuziyi ziriza. ¹⁸Ndatini zira nanyina atikya lyivu indi lyiiro inkya zimane, tindi muxiki ushawu maniswa ku mirawo, tana izuto kozo ishaza kwi sisini.¹⁹Sha zopa kwekye yushu vunja murawo muxiki womuche nanyina indi kwiqe akyopa babamwe ankya beruwe yomudana mu muwuso ilyiiro. Kono yushu yibika kapa kwaha yivunja indi ku yiqe shaberuwe yomukuru mu muwuso akwi lyiiro. ²⁰Ndati ku kweshira atikya zisi zenu zeziqa nakana pusheku bbara zisi zeziqa zaba noli indi ba Falisi, kamuni shani njene mwi njendiso ilyiiro.²¹Nata yuvwa atikya kwata sumushira katanzi, ''Siya ku bbura,' Kwekye ya mati bbura shabe muwuzuwo wukuya turuwa.' ²²Kono ndati nityeya atikya kwekye ngaho yamati menjira mukwakye shabe mu wuzuwo wuku yaturuwa; hape kwekye yamati tyeya mukwakye atikya, paqu shumutu yewe!' ana muwuzuwo niba yendisi; hape kwekye yama tikya, 'Umugigi!' ana mu wuzuwo wumunduro mu lyihere.²³Ndaku tikya ati matipa ipo aye pwi alutare indi ku yanakana atikya kuna mukwe yana sheshibbi nawe, ²⁴Siya ipo aye puwuso wi alutare, mi ukwenda injira aye. Piri uka shusize mutima nakye, nduka shuka kuya kutsipa.²⁵Upwerakye kayu vana puni shina paxiki mwi njira kwenda kushu kwata, ati shire kwaha kutwara kuba malinda zikanga, malinda zikanga takupa kumuyendisi, tukali shangana mabikuwa mwi torongo. ²⁶Ndati ku kweshira atikya, umuqu kudzwa moo nakana ishuku mana ku shara marwapa kongo ngu murandu aye.²⁷Mayuvu atikya kwata hwetuwa, 'Siya ku shanganwa ni mukazi yahali unjwa.' ²⁸Kono ndati nizira atikya yamati lyaya mukazi shuku mushashira mu moyo kali mashangana nakye mu moyo.²⁹Ati ilyisho lywe lya makhamu lyati ku lyetiza wuzuwo, lyikusamo ulyikyi shire nawee. Mi ku shiyama atikya shirama shixiki pumumbiri aye shishinyehe kufitera mumbiri kowo wura kiwa mu lyi here. ³⁰Ati lyanja lywe lyamankhamu lyati ku kataza lyi tsurako indi kulyiki shire nawee. Mi ku shiyama atikya shirama shixiki pu mumbiri aye shishinyehe ku bbara mu mbiri aye kowo wu yendye mulyi bbimbiro.³¹Kwata hwetuwa hape atikya, yamat tsukana ni mukazakye, amupe lyunoro limu tsukana.' ³²Kono ndatikya kunwe kwekye yamati tsukana ni mukazakye, ati kazuwu shashi, mati mupangisa wu shashi. Kweekye yushuka murowura mulyuqo mati ka mupangisa wu shashi.³³Hape, nata yuvwa atikya kwata hwetuwa kuba kulyiqo, 'Siya ku kwaka shimbuzi, kono uhwetye ngaho injahamu ku Shikati.' ³⁴Kono ndatikya kunwe, siya ku kwaka nanga kaxenine, nanga ishi lyiiro shuku tikya masuso Urezya; ³⁵Nanga ishi lyiiro, kakuli ndima lyaturo akye, kapa sha Jerusalema, kakuli ndumunzi aShikati mukandu.³⁶Siya kukwaka shumushoro, shuku tikya amu ku kwana ku hwesa nanga rushishi kapa kusipisa ruxiki. ³⁷Kono shihweta chee 'I eye, eye; kapa Aaa, aa; kocho shoshu kuru kubbara chopanishatidzwa kuyo mubbi ngaho.³⁸Nata yuvwa atikya kwata hwetuwa atikya, 'Ilyisho ni lyisho, indi lyino ni lyino.' ³⁹Kono ndatikya kunwe, Nisiye ku shitira yo mubbi kwekye. Yamati kwizipa kulipama lywe lya makhamu, zoromuka rupati urumwe.⁴⁰Ati kuna yamati shaka ku kuzekisa kapa ku yisa ubbaki aye, umupye indu ukawuso aye. ⁴¹Kwekye ya mati ku hambereza atikya umu sindi kize shibaka, umusindi kize nanyina. ⁴²Upe kwekye yamati ku rwamba, hape usiye kwahara kyekye yamati shaka ku kalima ichuto kuwe.⁴³Nata yuvwa atikya kwata hwetuwa, 'Nishakye ibana puru pati rwenu indi ku twaya yina hati rumarana nakye. ⁴⁴'Kono ndatikya kunwee, ni shakye zira zenu indi ku raperera ibati ni shandisa. ⁴⁵Nduku tikya niraqho abana ba shenu ya mulyiiro. Kakuli matidzisiza liba lyekye bababbi indi babaqa, ndiku tumina ivura akye baba shiyama indi bahali bashiyama.⁴⁶Ati mati suna ngaho ibaku suna, shikya mati shanganapo? Nanga iba tyelisa zizuto zati fwana barasi? ⁴⁷Ati nikoti tambusa ngaho bakwe, shikya matisi kubbara babamwe? Tananga iwu lyivu bati kwana ku zisi? ⁴⁸Cware hee nibe baba shiyama, tandi shenu ya kwi lyiiro shali mushiyama.

¹Ni mamere atikya ni siye kwisi zisi zenu zezi chena pu wuso wa bayeyi atikya bazi mwene, nakana amuku shaka ku shangana ichimwe ku Shenu yani kwi lyiiro. ²Ushiyaka muyeyi yo muhungwee, tsukana nuku lingura itoro mbita pumaso aye tandi mubatisama ibatilipa mu zinjira zama Sinagogee, atikya bayeyi baba rumbe. Injahamu ndatikya kunwe, kali bashangana izawo.³Yewe ushiyaka yo muhungwee, usiye ku tishira lyanja lyee lyimosho kuyiba shilya makhamu lya tisi. ⁴Atikya ipo aye uyi perwe kurupati. Mi shenu yamati mwana kurupati mbwa kupe.⁵''Ushi rapera, siya kuba tandi ibati limwana, shuku tikya ba shaka ku rapera bayi minwe mu mayira ama sinagogee atikya bayeyi baba mwene. Shiku gisiza ndatiky kunwe, kali bashanga izawo. ⁶Mi yenwe, nishi rapera, ni njene. Ya ziya mumbero miurapere Shenu, yuna ku rupati. Cware Shenu ya mati mwana kurupati mbwa ku share. ⁷Ushi rapera, usiye ku shushira shushira iza hati yaka tandi wu lyuvu shubarasi, shuku tikya bati yanakana atikya mbwa bayuvwe shamayi awo nga menji menji.⁸Cware, ni siye kuba tandiwo, Shenu uyizire izuto kozo zinati shaka kanicire kuzi ringira. ⁹Cware ni rapere tandi akyani: 'Shetu ya mu lyiiro, lyina lye libe atikya lyichena. ¹⁰Ka muwuso enu wuye. Zinati yanakana zibe akyo mulyuvu tandi muzina mina mulyiiro.¹¹Utipe namushi zu lyuwa tandi mayiba kongo. ¹²Patira zi bbisa zetu, tandi shiti tatira ibati panga wubbi. ¹³Siya kuti lyeta mushi tyeyo, kono tiyaka kuyo mubbi.'¹⁴Ati mati patira bayeyi zi bbisa zawo, Shenu ya ku lyiiro indi nwe mbwani patire. ¹⁵Ati amuku patira zibbisa zawo, indi Shenu kanuni ani patire zi bbisa zenu.¹⁶Nishi liyimina zulyuwa, siya ku panga tandi bana pwi njinjo tandi ibalipa, shuku tikya bati nyanisa wuso atikya ba mwanahare ku bayeyi atikya amabalye. Shuku gisiza ndatikya kunwe, kalibata shangana izawo. ¹⁷Kono yenwe, nishiri yimina zulyuwa, niraxa amazi indi kuywa kuwuso ¹⁸Atikya kusiye kuqe ku bayeyi atikya naliyiminizulyuwa, tana Shenu yakuru pat; mi Shenu ya mati mwana mukuli ziza mbwani tsipe.¹⁹''Nisiye kuli bishira shufumu mu lyivu, muna bapuka ni makarabbeni zati shinya, indi babezi bati bbura nduku yiba. ²⁰Kwaha, libishira shufumu shenu ku lyiiro, kokuku bapuku ni makarabbeni ingati sinya, koku ku abezi bati bbura nduku yiba. ²¹I kuna shufumu chwe, ndikuna indi umoya aye.²²I lyisho ndilyati mwenishira mumbiri. Cware, atikya i lyisho lyee lyina naqa, mu mbiri kowo mbowu yire wucena. ²³Mi ati lyisho lyee libbi, mumbiri aye mbowu yire wubbi. Cware, mbowu yire ngaho karema. Cware, ati rumwenyi runa kuwo karema, karema kapa kakuru atikya? ²⁴Kuqu yuteri ku bberishira ma shikati abiri, mati kwana ku twaya yuyumwe nduku shaka yuyumwe, nakana akwixi yuyumwe nduku kara ku yuyumwe. Amuku kwana ku bberi shira Urezya indizi tsuwa.²⁵Cware ndatikya kunwee, ni siye kubbirayera ni wuparo wenu, shisha nilya indinwe; kapa mu mbiri enu, shishani rara. Kaku tikya wuparo mukuru kubbara zu lyuwa, indi mu mbiri ku bbara zirara. ²⁶Ni lyaya zi nyini zi lyiiro. Ka zutu lyumu indi ku vuuna indi ku kunga nisa, Kono Shenu ya kwi lyiiro matizi yaka. Kaku tikya yenwee nina butokwa kuzo.²⁷I yani kokunwee yuteri ku yekeza atikya akaye kuru kokuna kapa kuyekeza ku wuparo wakye kakace? ²⁸Shikya shati ni bbiraeza puku rara? Ni yanakane mwendye mwi shumwe, shinga kura. Amanga ku bberika, mi maqu ziraro. ²⁹Ehee ndatikya kunwee, nanga i Solomoni pu shuroo shakye ama rare tandi nwee.³⁰Ati Urezya aku cheka mutsodzo, iwati para namushi indi lyakuca nduku wikyama mwati pisa, zi lyare zaku ni cheka, yenwee wi tumero iche? ³¹Cware siya ku bbiraera ko tikya, 'Shikya shandilya' kapa Shishandi nwaa?' kapa ' Shiraro kya shandi rara?'³²Wu lyuvu basite ni ku shaka izuto zo pani, mi Shenu ya kwi lyiiro ayi zire atikya nati zi shaka. ³³Kono ni shakye itanzi muwuso i lyiiro indi ku chena kwakyee, Mi kozo izuto zopani shazi pewe kunwee. ³⁴Cware, ni siye ku bbiraera za lyakuca, lyakuca shalyilyi mwene iza lyoo. Lyiba ni lyiba lyina wubbi wa lyoo.

¹Siya kuya tura, mi kamuni shuya turuwe indiwee. ²Shi katuro yumati yatura, shuya turuwe indiwee, mi zumatisi ku babamwe, indi kokuwe shazi rasuwa.³Siya ku dzisa kataka ikana mwi lyusho lya mbiyaw'ee, kono muku yiba atikya kuna muti mulyilyee i lyisho? ⁴Ingahare matikya ku mbiyaye, 'Ndisiya ndidzise kataka ikana mwi lyisho lye; Mi muti wuna mulyilye i lyisho? ⁵Yenwee yu walyipa! Itanzi kusa muti mwi lyusho lyee, mi umwene naqa nduka dzisa tutaka tuna mwa mesho aba mbiya'a wee.⁶Siya kupa sheshi chena kuba mbwaa, mi siya ku kya mina wuqa yenwe puwuso wuzu zungu, shiku tikya mbozimane kuzi lyatara, indi ku yaru muka zini xharare tuquu-quu.⁷Rungira, mi mbupewe. Shaka, mi mbushangane. Odisa, mi mbuya zwire. ⁸Kwekye yamati rungira, mati yamuhera; kwekye yamati lyaya, mati shangana; ku muyeyi yamati odisa, mati ya zwira. ⁹I yani ku nwee, ati mwana kye mamu rungira mukamu, nduku mupa lyiwe? ¹⁰Kapa marungiri ishwi, nduku mupa i nywaka?¹¹Cwrae, ati yenwee ba babbi ni yi zire kupa abana benu zeziqa, ingahare Shenu yakwi lyiiro aha tipa zeziqa ku bati mu rungira? ¹²Cware, kozo zumati shaka atikya bayeyi atikya baku pangire, indiwe ubara samazo, mopani ndi murawo indi shi porofita.¹³Ku njena muka njira kaxu. Injira yimwa indi wu kuru yati twara ku rufu, mi abenji bayeyi batiyi twara. ¹⁴Kono kayira kakaxu kazuwo ikati twara ku wuparo, mi bache ibati ka shangana.¹⁵Ni mamere ba porofita wi mbuzi, batiya kunwee muzi raro zizi ngu kono injahamu ku tikya imba mbwaba. ¹⁶Shani bayibe shizi pata zawo. Kana bayeyi ku xutara muwombo kwi miya kapa zu kuyu ku muti murwezi? ¹⁷Mwi njira ixiki, muti kowo womuqa wati pata zipata zeziqa, wo mubbi wati pata zezibbi.¹⁸Muti wo muqa tishawa kafwa ku pata zezibbi, kapa wo mubbi kupata zeziqa. ¹⁹Kowo muti iwashati pata zeziqa wati kaka ruwa indi kuwikyi mu munduro. ²⁰Mi akyopa, shaniba yibe shizi pata zawo.²¹Ka kwekye ya matikya kumyee, Shikati, shikat; shaba njenee mu muwuso i lyiiro aaa, tana wowo ibatisi zi Tatye ya mwi lyiiro amati shaka. ²²Bayeyi babenji shaba tikya mu lyiba lyopana, 'Shikati, Shikati, atikya amati porofite mu lyina lyee, shi lyina lyee taru ku hindika ma Dimona, shi yina lyee amati rasi izuto zezi kuru? ²³Ndishanda kuba chekwira purukanda, 'Kandini yi zire! Nidzwe ku myee, nwee ba babbi!'²⁴Cware, kwekye yamati yuvwa mayi anga indi kunga bika shabe tandi murwa yamati xhini injuwo akye pu lyiwe. ²⁵Invura yi shina, inyuu ishiya, mupupowaku shura nduku zipa injuwo, kono amayiwe, yatara xhinuwa pu lyiwe.²⁶Kwekye yamati yuvwa mayi anga indi kunga kyeshebisa mati fwana murwa yo mugigi yamatara xhini injuwoakye pulyi zyana. ²⁷Invura yakuya kuna, inyuu kuya, indi mupupo wa kuya kuzupa injuwo, miya kuwa, yakuyi hwabara.''²⁸Kwa kuya atikya Jeso aku mana ku hweta mayi ngapa, ilyinji lyaku hakamara shuzu hweta zakye, ²⁹Karuku hweta nokoti ana iqumu, katandi ba noli.

¹Pu Jeso karu kusuka pwi kakumuko, ilyinji lyaku muqama. ²Ni mwene, ywi mbingo akuya kuwa pumaswa akyee, aku tikya, Shikati, ati mati shaka, mati kwana kundi chenisa.'' ³Jeso aku wara lyanja lyekyee aku mupata, aku tikya, ''Ndati shaka. Chena.'' Papa ngaho aku chena kwi mbingwa akye.⁴Jeso akutikya ku kye, ''Mwana siya ku zira muyeyi tindi kaxeninee. Kwenda injira aye, akuliqe kuma purisita, akupe ipo yi Mushe amata hweta, shuwu pakyi kuwo.''⁵Pukaru kuya koKapenauna, muyendisi akuya ku kyee, ku mukambira ⁶atikya, ''Shikati, mu bberiki anga aranzire ku munzi makukutiri mi ana mu kumashira ku bbi.'' ⁷Jeso akutikya kukye, ''Mbondiye indi mupwelise.''⁸Muyendisi aku muyarumuna aku tikya, ''Shikati, kandi muchena atikya ukanjene mwi njuwo anga. Hweta ngaho lyiyi mubberiki anga mbwa pwere. ⁹Indi myee ndu muyeyi yana pu murawo, ndina masore mwishi lyanga. A ku tikya ku yopa, 'Kwenda; aka kyita, yuyumwe, 'Kuya; 'Rasi zopani; aku zisi.'' ¹⁰Pu Jeso karuku zu yuvwa, mata hakamara aku tikya kwi bata mwiqama, ''Shuku gisiza ndatikya kunwee, Kandi chire ku shangana yamati tishira akyopa mo Isiraele.¹¹Ndani zira, uwunji shawudzwa kuwu dzero indi kuw zimino, shaba kabe pwi tafure ni Abburahama, Isaka, indi Jakowo, mu muwuso akwi lyiiro. ¹²Kono abana wu muwuso shabara kiwa mukarema, kushaba kalira.'' ¹³Jeso aku tikya ku muyendisi umasore, ''Kwanda! Tandi shumati tishira, kube akyopa.'' Mubberi akye aku pwara papa ngaho.¹⁴Pu Jeso karu kuya mwi njuwo a Pitorosi, aku mwana banyina mino akye baranzire lyi xqhebe laba pata. ¹⁵Jeso aku pata manja awo, lyixqhebe lyaka kyita. Aku tambuka aku kalyisa ku mubberi shira.¹⁶Pu maxuhumu ngakuya, bayeyi baku lyeta ba banji ba maDimona. Aku hindika koyo mi pupo yemibbi aku pwelisa kowo baru ku mashira. ¹⁷Shi njira yopani kwaku yizi lyizwa zata hwetuwa ku muporofita Isaya, atikya, ''Yeye malyi yisiza matu etu indi zi mashira zetu.''¹⁸Papa Jeso pukaru ku mwana i lyinji lyamu zunguza, akupa shi hweta atikya bayendye kuru pati rurumwe lyu lyuwete lya Galilee. ¹⁹Munoli baru kuya ku kyee ba ku tikya, ''Muruti, mbondi kwiqama koko ku kwenda.'' ²⁰Jeso aku muqha pura, ''Ba mbwaba bana maqho, zinyina zina zu yuwo, kono mwana muyeyi muqu pwamati kambilka shushoro akyee.''²¹Yuyumwe ku barutiwa aku tikya kukyee, ''Shikati, nditi shira ndika zikye tatye itanzi,'' ²²Jeso aku tikya kukye, ''Ndiqama, siya wafu bazikye bafu bawo.''²³Pu Jeso karu kunjena mu woto, barutiwa bakyee baku muchera koo. ²⁴Ni mwene, kwaku zukuka mupupo wamu kuru lyu lyiwate, mani uwoto waku mwanahara ku chekuwa ku makapa. Kono karu ku kwama. ²⁵Barutiwa bakuya kum tambusa, atikya, ''Tiyaka, Shikati; ndufwa kyetu!''²⁶Jeso aku tikya kuwo, ''Shikya punati ywapa, yenwe wutu tumero totu dana?'' Aku yima aku kalyimera mupupo indi lyu wate. Mi baku hakamara nanyina. ²⁷Bayeyi baku komoka baku tikya, ''Murwa ya ngahare yini, yuku tikya mupupo indi lyi wate zatimuyuvwa?''²⁸Pu Jeso karu kaya rupati urumwe mu lyuvu lya Gadarene, barwa babiri barana maDimona baku mushangana. Baru kudzwa mwizimba mi baru kukataza nanyina, atikya ku ikaru kutsura injira yopa. ²⁹Ni mwene, baku shupura kwinje atikya, ''Shikya titeri kwisi nawe, mwana Urezya? Maya kukuti mbwilira kalyi chire kuwulya?''³⁰Papa zungu zizinji za lyikulya, kashire nana kuwo. ³¹Ma dimona ngaku dzera kuwuso kutoliya Jeso kanga tikya, ''Ati mati hindika, tikyama mu zungu zina.'' ³²Jeso aku tikya kungo, ''Nakwenda!'' Ngakuya kudzwa ngakwenda mu zungu; ka ni mwene, kozo zaku shezu muka pwi kakumuko kucchena mu lyuwate zaku fwa kozo.³³Ibaru kuzi lisa baku tiya kanjena mu munzi ka zuwura imbuzi kozo, tandi shata rasisini ku barwa barana ma dimona. ³⁴Ni mwene, munzi kowo wa kuya ku mwana Jeso. Pubaru ku mu mwana, baku murungira ku siya muzawo.

¹Jeso aku njena muwato, ku lyuwuka, akuya mu munzakye'e. ²Ni mwene, baku mulyetiza muyeyi yo mukukutira mumbiri aranzyire pu lyi checha. Ku mwana ku tishira kwawo, Jeso aku tikya ku murwa yopa,'' Mwananga igisa. Zibe zwe zapaturwa.''³Ni mwene, babamwe ibaba noli baku hwetizana mwikyo lyawo, 'Murwa yo matinya zurusa.'' ⁴Jeso aku yiba miyanakano awo, aku tikya, ''Shikya punati yanakana shibe mwi moyo enu? ⁵Sheshi tere ichire, ku tikya, zibezwe za patirwa, 'hali ku tikya,' tambuka shukwenda? ⁶Shazopa shani yibe atikya mwana muyeyi ana iqumu lyuvu i yi kupatira zibe, ...'' aku tikya kuyo muku kutira mu mbiri, ''Yima, isa lyichecha lye, ukwenda kwi njuwo aye.''⁷Muyeyi yopa aku tambuka akwenda kwi njuwo akye. ⁸Pu lyi ywaba lyaru ku mwana zopa, bata ywapa indi kwi dzamina Urezya, yibatapa iqumu ku bayeyi. ⁹Pu Jesu kalyi tsura papa, aku mwana murwa yamati berwa Mateu asise pwikaraki umusharisi. aku tikya kukye, ''Ndiqama.'' Aku tambuka aku mwi qama.¹⁰Jeso karu ku sikama mwi njuwo nuku lya, ni mwene, ba tyerisi indi ba qwezabbi batiya kulya ni Jeso indi barutiwa wakye. ¹¹Ba Farisi pubaru ku mwana akyo, ba ku tikya barutiwa bakye, ''Shikya pu muruti enu matilya ni basharisi indi ba qwezabbi?''¹²Pu Jeso karuku zu yuvwa, aku tikya, ''Bayeyi babaqhi mumu mbiri awo amaba ku shaka zi naka, tana bati mashira. ¹³Nati swanera kwenda ni ka lyitutye zi ndati toroka: 'Ndati lyopeza zuxuma indi shita bero.' Amandi yere kuya kubera baba chena kuku baka, kono maqhezabbi.''¹⁴Cware barutiwa ba Johani bakuya kukya baku tikya, ''Shikya yatswe tati lyiyimina zu lyuwa kono barutiwa wee amaba kulyi yimina?'' ¹⁵Jeso aku zwara, ''Kana abana wu muyeyi yamati rpwura bati kwana ku lyira yamati rowura ashina nawo? kono mayiba ishangaye pwisha ya matirowura isha kuku suwa kuwo, mi ishaba lyi yimine zu lyuwa.¹⁶Ku njemwa muyeyi yamati bika kagaugau ku shiraro sheshi piya pu shiraro shakare, shuku tikya shikamba shashi khware shiraro sheshi piya.¹⁷Nangweza bayeyi amaba ku kwana ku tyera i waine yi mpiya mutu kwatana tushi kabi totu kooro. ba ku kyopa, zikatana zati khwaruka, mi waine yi tyeshire peshi nduku tikya, indi tu katana twati sinyeha, cware, bati bika i waine mutu kwatana totu piya, mi kozo kuti zamameruwe.''¹⁸Pu Jeso karunku hweta zopani kozoo, ni mwene, kwakuya malinda zikanga akuya kuwa peshi lyakye. Aku tikya kukye, ''Mwananga yo mukazi mafu, ukuya yubike lyanja lywee pwi lyiro lyakye, mi kuti apare.'' ¹⁹Cware Jeso aku yima aku mwi qama, indi barutiwa bakye.²⁰Ni mwene, murwakazi ikaru ku twanga wutuku wuku dziya marwapa shi mwaaka yilyi kumi indi biri akuya mulyuqo lya Jeso aku pata ku shiraro sha Jeso. ²¹Shuku tikya mata yizira yuyumwe atikya punda ku pata ku shiraro shakye ndati pwara.'' ²²Kono Jeso aku xhwapuka aku mwana, aku tikya, ''mwananga yo mukazi, bani qumu; ku tishira kwe kwaku yaka; murwakazi yopa aku pwe lyusuwa ku dzwa papa ngaho.²³Pu Jeso karu kuya mwi njuwo amalinda zikanga, aku mwana ibaru ku wulisa tuworo woro mi i lyinji lyaru ku tolyiya. ²⁴Aku tikya, ''Na kwenda kuna, mukana yo amafwe, kono mati kwama. ''kono baku musheka sheka.²⁵Pu lyiywaba lyaru dzwera pwenje, aku njena mwikyo aku mukotura shilyanja lyakye, mukana aku tambuka. ²⁶Imbuzi yopa yiqa yaku yira yira zi baka zopa.²⁷Pu Jeso kalyi ku tsura kopa, barwa ba biri baba pofu baka mwi qama. Baku dzera ku wuso ku shupura atikya, ''Ti yuvura zuxuma, Mwana Davida!'' ²⁸Pu Jeso akaru kuya njuwo, baba pofo baru kuya ku kyee. Jeso aku tikya kuwo, ''Nati tishira atikya ndati kwana kwisi zopani? Baku tikya ku kye, Eyee, Shikati.''²⁹Pu Jeso karu kupata amesho awo aku tikya, ''Kube akyopa kokunwe tandi shina ti tishira,'' ³⁰Amesho awo ngaku ya zuka. Jeso shuku gisiza mayi aku tikya kuwo, ''Ni mwene kukuyamati swanera ku yiba zopani.'' ³¹Kono barwa bapa baka kyita mi baka sumuka imbuzi yopa shikiriti kocho.³²Pu banyana bapa baru kwenda shire, ni mwene murwa yu hati hweta yana mupupo ama dimina aku lyetuwa ku Jeso. ³³Pu madimona ngaruku dzusuwa kukye, munyana yahara ku hweta aku hweta lyi ywaba lyaku hakamara lya ku tikya, ''Zopa kazi chire ku monuwa mo Isiraele!'' ³⁴Kono ba Farisi baru ku tikya, ''Yee nduyo muru kuma dimona, nanga kunga hindika.''³⁵Jeso akwenda mu minzi indi mirenenyi kuyo. Ku dzera kuwuso ku ruta mu msinagogee, kupa wu rumiwa wumu wuso indi kuyaka ibati mashira indi matuku kongo ingati chichana chichana. ³⁶Pu karu ku mwana lyi ywaba, akuba nika xumakawo, shuku tikya bata ratse indi ku fwana ku shushira mulyiqo. Tandi zungu zozu ku yamatizi lyaya.³⁷Aku tikya ku barutiwa bakye, ''Ku vuna ukunji nanyi, kono ibati vuna bache. ³⁸Cware papani ngaho ni kambire ku Shikati uyu ku vuna, akya aka tumine ba bberiki muku vuna kwakyee.''

¹Jeso akubera barutiwa bakye wu lyikumi indi babiri aku bapa iqumu pwi lyiiro lyi mi pupo yemibbi, kuyii kusa, indi ku pwelisa zi mashira kozo indi mi mashiro koyo.²Pani mana ama apositora ngani. Itanzi, Simoni (ikaru ku beruwa Pitorosi), indi muzatakye Andiriasi; Jakowo iywa Zebedia, Indi Johani muzatakye; ³Filipi, Batoromia; Tomasi indi Mateu mushalisi; Jakowo mwana Harubeya, indi Tediyasi. ⁴Simone ywa Zeriyoti, indi Juda Isikarioti, yamata muyene kyena ku mubbura.⁵Wu lyushumi ni ba biri Jeso aku batuma. Akuba tyeya atikya, ''Ni siye kwenda muzi baka imwati para iwu lyivu, Ni siye kanjena mu minza Samariya. ⁶Na kwenda ku zungu za zimina mwi njuwo a Isilaere; ⁷mi puna kwenda, ni kutaze kaniti atikya, 'Mu wuso u lyiiro kali waya shufupi.'⁸Ni pwelyise bati mashira, ni tambuse babafu, ni chenise wi ngara, ni kuse maDimona. Na pewa ngaho ni pe ngaho. ⁹Ni siye kuyisa i gauda, silibera, mu zukwama zenu. ¹⁰Ni siye kuyisa ukyezi mu lwendo lyenu, kapa muramu, kapa tushangu indi chuto ni chuto, mubberiki ana zu lyuwa zakye zati mukwena.¹¹Mi kowo murenenyi kapa wunati njena, ni shangane mo yana naqa ni sikame ku kye tana pushana kudzwa mo. ¹²Puna ku njena mwi njuwo, niyi tambuse. ¹³Ati njuwo ina naqa ikozo enu ibe pwi lyiiro lyayo. Kono ati kandiyo naqa i kozo enu niyi shushire.¹⁴Kowo ibahati tishira indi kwi kyekye kumayi enu, nishizwa mu murenenyi kapa munzi yopa, ni kuku munwe ududusa yaku makondo enu. ¹⁵Shiku gisiza ndatikya kunwe, shakube atikya mirandu a Sodoma indi Gomora shaibe mince kuyi minzi yopa mu lyiba lyi katuro.¹⁶'' Ni mwene, ndani tumina tandi zingu pakati lyaba mbwaba, nanga ndipakyo nisaukye tandizi nywaka indi ku shiyama tandi makyire. ¹⁷Ni nyaye bayeyi! Shabani twere ku bayendisi, indi ni zipa mu ma sinagogee. ¹⁸Shaba ni lyetye puwuso iba tyendisa indi ms shikati shilyina lyanga, ibe wu paki kuwo indi wulyuvu.¹⁹Pushe bakuni pata, ni siye ku bbiraera nizi sheni ka hweta, zi shani hweta shani zi pewe puka kanda kapa ngaho. ²⁰Kanwe ishani hweta kono mupupo a shenu isha wu hweta kunwe.²¹Muyeyi isha yaru mushire ku bburaza mu kwakye, ba shemuzi na bana bawo. Abana shaba yaru mushire ba shemuzi kuba twera ku rufu. ²³Shani toyuwe shilyi baka lyi lyina lyanga. Kono yushu dzera ku wuso ku twara mameni sizi, muyeyi yopa shapa lyisuwe. ²²Bashini shandisa mumunzi yopa, nishosho rushire ku rupati, injahamu ndatikya kunwee, ka muni shani manee mi renenyi koyo ya Isiraera mwana muyeyi kachire kuya.²⁴''Murutiwa ama ku bbara muruti akye, Kuku mutanga yani pu lyiiro lyu mushu yendisi akye. ²⁵Kuti kwanahara atikya murutiwa aba mbanwe ni muruti akye, ati bati bera umunu injuwo Beluzabele, ingahare baka bera mana abana basikama nawo mwi njuwo!²⁶Cware ni siye kuba ywapa, shuku tikya kuku sheshi cheka ishamuni shashi chekuruwe atikya shu mwanahare. ²⁷Kocho shindati ni zira muka rena nishi hwetye mushikati tywee, kocho shinda tini chekesiza nishi sumukye pushi thuwo shi njuwo.²⁸Ni siye ku ywapa ibati bbura mumbiri mi amabaku kwana ku bbura mupupo. Mi ni ywepe yamati bbura kozo mu lyibbimbiro. ²⁹Kana tushanga mulyero tu biri ku wuruwa shutiki? Kunjemwa ikatiwa peshi kahamuni ayibe Shenu yakwi lyiiro. ³⁰Tananga zishishi za ku mushoro eni zabaruwa. ³¹Siya ku ywapa. Unjuwu tokwa kutu bbara.³²Cware kwekye yamandi hweta ku bayeyi, indi mye shandi muhwetye puwuso wa Tatye ya kwi lyiiro. ³³Kono yamandi shapura puwuso wa bayeyi, indi mye shandi mushapure puwuso wa Tatye ya kwi lyiiro.³⁴''Ni siye kuyanakana atikya ndalyeta ikozo mu lyuvu. Amandi lyetye i kozo, kono Lywanga. ³⁵Shuku tikya ndaya ka kuwuhana umwana ku she, umwana ushi kazi ku nyina, murwa kazi indi muka mwanakyee. ³⁶Zira zu muyeyi iba tire nawo mwi njuwo.³⁷Yama tishaka shee kapa nyina nanyina amakundi rukyera; yamati shaka abana bakye kundi bbara amaku ndi rukyera. ³⁸Yahati kotura Shifapano shakye indi kundi qama amaku rukyera. ³⁹Yeye yamati baba lyera wuparo wakye. Kono yamati sinyeharwa wuparo wa kye shamye shawu shangane.⁴⁰''Yamani tambura imye ama tambura, mi yamandi tambura matambura yakandi tuma. ⁴¹Ya mati tambura mu porofita shuku tikya mu porofita mbwa pewe ipu uwu porofita, yeye yamati tambura muyeyi yomushiyama shuku tikya mushiyama sha shangane ipo yu muyeyi yomushiyama.⁴²Kwekye ngaho yamatipa bapa babadana ami ingati totura shuku tikya murutiwa anga, izi njahamu ndatikya kunwe, kamuni sha sinyehere shipewa shakye.

¹Kwa kuya atikya pu Jeso karu ku mana kuzira barutiwa bakye wu lyi kumi indi babiri, akudzwa kuwo kwenda kuka ruta indi kakutaza mi minzi. ²Papa pu Johani karu kuyavwa zisi za Jeso mwi torongo, aku tumina lyiyi shaba rutiwa bakye, ³aku tikya kukye, ''I wee ikaru kuya, kapa tilyaye urwezi?''⁴Jeso akuba zwara atikya, ''Na kwenda nika zire Johani zina monu indi kuyuvwa. ⁵Baba pofo mati mwana, zihwere za tyenda, wi mbongo bachenisuwa, baba poro bati yuvwa nangweza, bafu bata mbuswa ndiku pewa wuparo nangweza, wurumiwa wa zirwa ku baba hongwe. ⁶Imbuyoti inju muyeyi kwekye indahara panga shibbi.''⁷Barwa bapa baka kyita zi njira zawo,Jesoaku akuxhitka ku hweta za Johan ku lyiywaba, ''Shikya mata chinga mulyi haraupa ka mwana- mupupo wati nyangasa mubbu? ⁸Kono shikya mata chinga penji kuka mwana- murwa ya marara zi raro zezi twere - twere? Injahamu, iba rara zezi twere - twere bati para mu mayuwo ama shikati.⁹Ta shikya mata chinga pwenji ka mwana - Mu porofita? Eee, ndatikya kunwe, ku bbara mu porofita. ¹⁰Yopa ndiya mata nera izakya, 'Mwana, ndati tuma bayeyi puwuso wee, ikaku panga injira piri yewe. '¹¹Injahamu ndati kya kunwe, kwibata pakuwa ku mukazi kuqu yo mukuru kubbara Johani Mukorobezi. Muyeyi yomu bbibbirukwe nduyo mukuru mumu wuso i lyiiro. ¹²Kudzwa ku mayiba Johani ku lyeta apani, muwuso ilyiiro wati shanda ku wu hapana, mi bayeyi baba hapana bati yisa shuku kaka tiza.¹³Kowo ba porofita indi mirawo zata poroftwa tana Johani; ¹⁴ati mati shaka kuzi tishira, i Elija ikaru kuti aye. ¹⁵Yana mati ukuyu ayuvwe, ni musiye ayuvwe.¹⁶I kushikya ndaku fwenisa rusinga ropani? Tandi bapundi batikyi ku mi sika, basise kalitili bera = bera ¹⁷mi ndiku tikya, 'Taku zipiri tungo, amu zane. Taku yimbiri ruyombo, ruku lyira amu lyire.'¹⁸Johani amayere ku lya mikamu indi kunwe i waine, baku tikya, 'Ana ma dimona.' ¹⁹Mwana muyeyi mataya ku lya indi ku nwa baku tikya, 'lyaya, muyimizi hape shidakwa, mbiya aba shalyisi indi bababbi!' Kono yo mu sauka mati chenisuwa shizisi za kye.''²⁰Jeso aku xhikika ku kalimera murenenyi muzi sisini zezi kuru zata pangahara, shuku tikya amaba bake. ²¹''Manguwe yewe, una wu shwamana yewe Korozani! Manguwe yewe, Betsaida! Kambe zi makazo zezi kuru zata pangahara mo Taire indi Sodoma izata rasisini kunwe, kambe bata baka kuzi raro za masaka indi mutwee. ²²Murandu a Taire indi Sodoma shayi chepe mu lyiba lyama menisizi kuni bbara.²³Yewe, Kapenauna, mati yanakana atikya shuku lyisuwe ku lyiiro? Yemwa, shulyetuwe peshi pwi zimba. Ati mo Sodoma ndimwatara sisini zi makazo zata rasisini mokunwe, ni zata karapo akyopa tanamushi. ²⁴Kono ndatikya kunwe ishakube wutwere-twere mu lyuvu lya Sodoma kuni bbara.''²⁵Pu kakanda kapa Jeso aku tikya, ''Ndati ku rumba, Tatyee, Shikati ulyiiro indi lyuvu, shuku tikya zitaba zwee mata zizishira baba sauka i bati yuvusisa, uku ziyera abana wee babadana. ²⁶Eee, Tatye, shazopani zati dzekawo amesho aye. ²⁷Izuto kozo zata pewa ku mye ku dzelyira ku Tatye; mi kuku yuyizire umwana tana Shee; mi kuku yuyizire Shee tana umwana mi tana kwekye ngaho yu mwana ama shara atikya amu yerezo.²⁸Nakuya kumye, kwenu naratse inina miziyo ye miremu, mbo indi nipe kutsutsu ruka. ²⁹Ni yise ujokwe anga indi kulyi tuta kumye, shuku tikya ndina muxhumakawo indi umoyo yo muxamu - xamu, mi kuti ini shangane mi pupo enu kutsutsu ruka. ³⁰Ujokwe anga mupuba indi miziyo anga mupuba.''

¹Kakanda kapa Jeso pukaru kwenda lyiba lyi Sabata aku kyityira injira uruwa. Barutiwa bakye bata fwa injara, baku xhitika kuvunja zu lyuwa kaba tilya. ²Ba Falisi baku ba mwana, baku tikya ku Jeso, ''Mwana, barutiwa wee batisi zahali ndizo mu lyiba lyi Sabata.''³Kono Jeso aku tikya kuwo, ''Amani bare shi Davida amata rasi pukaru kufwa injara, indi barwa barana nakye? ⁴Mata yenda mwi Urezya akalya mikamu zarana mo, kalyi wubbi atikya azilye indi barana nakye, konokalyi iza ma purisita ngaho.⁵Ama nibare mu murawo atikya rwi Sabata ba purisita mwi kereke amaba ku panga naqa i Sabata kono baku murandu? ⁶Kono ndatikya yomukuru kubbara i kereke yini.⁷Kambe ni yizire shanda tarusa, 'Ndati shaka rusuno ka shitabero; kambe amani zire wu lyuvu. ⁸Mwana muyeyi i Shikati ya rwa Sabata.''⁹Jeso aku dzwa po aka kyita mu minzi awo. ¹⁰Nimwene, kwarana murwa ikali mu hwere lyanja. Ba Falisi baku wuza Jeso, atikya, ''Kana wushiyama ku pwelyisa rwi Sabata?'' atikya bamu pambikye atikya mapanga shibe.¹¹Jeso aku tikya kuwo, ''Iyani muyeyi mwikyo lyenu, yeye, ana ngaho ingu i xiki, ati ngu yopa ya wulyi mulyuqho mulyiba lyi Sabata, mbukayi kuse mo kapa mboyise mo? ¹²Ishuwu tokwa inombe kapa umut, cware, muyeyi hali ingu! Ehee wuqa kupanga wuqa rwi Sabata.''¹³Mi Jeso aku tikya ku murwa, ''Wara lynja lyee.'' Aku wara, mi lyaku shushira mulyara rana mina, tandi lyilyimwe lyanja. ¹⁴Ba Falisi bakwenda kwinje kabati hweta kukye. Baru ku shaka shubaku mubbura.¹⁵Jeso pukarun kumana ku panga zopa, aku dzwa kuwo. I lyiywaba lyaku mwiqama, aka ba pwelyisa kawo. ¹⁶Aku bazira tikya basiye ku muyibahaza kuba bamwe, ¹⁷atikya ziyi zurizwe zata hwetuwa ku mu porofita Isaya, akya,¹⁸'' Mwana, mu bberiki anga yindata shara; indati shaka, shakye mupupo anga wati chutuka. Ndakya ndibikye rupupo lyanga pwi lyiiro lyakye, shazire wu lyuvu zati yaka.¹⁹Kamuni sharwene kuku kushupura; kwekye yushu yuvwa lyiyi lyakye muzinjira. ²⁰Ka muni isha vunjilire kataka kakanxe kare, kamuni isha mwenikye rumweni rushu tsukura, tana pushi wuqa pusha waku kwama wubbi, ²¹Shicaba shi sepe ku lina lyee.''²²Yo mupofo indi wuporo akuya, yana ma dimona, aku lyetuwa ku Jeso. Aku mupwelyisa, atikya muyeyi yo mupofo indi wuporo aku hweta indi ku mwana. ²³Lyi ywaba kolyo lyaku hakamara baku tikya, ''Atikya to murwa yopani i mwana Davida?''²⁴Kono ba Falisi puba rukuyuvwa zisi za kye, baku tikya, ''Murwa yopa mati hindika mu pupo yemibbi shilibaka lya Belushazaba, yo muku ywa ma dimona.'' ²⁵Kono Jeso kara yi zire kare zubaru ku yana mi aku tikya kuwo, '' Kowo muwuso iwatitsukana pakati kulyi rwesa, kapa minzi idi mirenenyi iyati lyirwenisa, njuwo kapa munzi kulyi rwesa kamuni shawu gipe.²⁶Ati Satani mati hindika, mati lyi rwenisa ye haline. Ingahare hee muwuso akye waku gipa? ²⁷Mi ati ndati hindika ma dimona sha Belushaza, isha yani abana benu bati hindika hee? Shilyi baka yopa shababe baya tulyi benu.²⁸Kono ati ndati hindika ma dimona shimupupo Urezya, muwuso wu Rezya waya pulyiro lyenu. ²⁹Ingahare muyeyi akuya kunjena mwi njuwo yu murwa yomugi ku yiba iziba za kye ama ku kalyera ku shimina yeye amana. Nda kuyiba iziba zakye mi njuwo akye. ³⁰Yomuku namye mandi rwenisa, yahati kunganisa namye mati qhambara.³¹Cware ndatikya kunwee, shibe kocho, indi ku nyazurusa zati patirwa muyeyi, kono kurwenisa mupupo wo muchena tishaha kafwa ku patirwa. ³²Nanga ndipa kyo, ku renisa Mwana Muyeyi, yopa ku paturwa. Kono ku rwenisa mupupo wo muchena, chopa tishasha kafwa ku paturwe, nanga mulyuvu yopani, hali lyatiya.³³Panga muti naqa indi zipata za tyeni wuqa, hali panga muti naqa indi zi pata za teni wuqa, muti wati yibahara shizi pata zatyeni. ³⁴Kakuli nwe abana ba bayeyi ni babbi, ingahare naku hweta zeziqa? Kakuli zi poro zenu zati hwetisa izuto izati dzelyira ku mitima enu. ³⁵Muyeyi yomuqa kumu tima akye wo muqa mati dzisa zeziqa, yomubbi kudzelyira ku moyo yo mubbi matidzisa zezibbi.³⁶Ndatikya kunwe mu lyiba lyikaturo bayeyi sheba zekisizwe lyiyi ni lyiyi lyelyiku ituso lyumata hweta. ³⁷Sha mayi enu shani panguwe babaqa hape shamayi enu shani shani shinyehe.''³⁸Kakanda kapa banoli indi ba Falisi bakwi taba Jeso baku tikya, ''Muruti, tati shaka ku mwana zi makazo kuwe.'' ³⁹Kono karu kuba qhapura atikya, rusinga rorubbi indi wushashi bati shaka iziqe. Kono kuku zindaku niqe tana zi mu porofita Jonasi. ⁴⁰Jonasi pukararana mayiba atatu indi masuku atatu mu wura wishwi yi kuru, akyopa mwana muyeyi shayise mayiba atatu indi masuku atatu mu wura wulyuvu.⁴¹Murwa ya Nenive shayime mu lyiba lyi katuro ni rusinga rwaba yeyi baya turuwe. Tabata baka kuwu kutazi wa Jonasi, mi shaba mwene, yo mukuru kubbara Jonasi maya.⁴²Shikati yu mukazi shatambuke ku dzwa mbowera pwi katuro nabana bakye mi ibaya yaturuwe. Mati kadzwa kuma menisizi ulyuvu kuya ku yuvwa wu sauka wa Solomoni, indi kuya mwana, yuyumwe yo mukuru kubbara Solomoni maya.⁴³Pu mupupo wo mubbi waru kudzwa ku yeyi yopa, waku tsura mundumu ku lyaya shibaka shuku tsutsuruka, kono amashi shanganehe. ⁴⁴Wa kutikya, 'Ndati shuka kwiwo anga kundata ka dzwa; puwaru ku shuka, waka shangana atikya shibaka shachenisuwa indi ku bikuwa naqa. ⁴⁵Wati shuka ndikayisa yiyimwe mipupo ye 7 ku wubbara ku wubbi, yatiya kunjena ndukupara moo. Mamenisizi umuyeyi yopa ndukuba ngamabbi kubbara katanzi. yatiba akyo ku bayeyi wurusinga ropa.''⁴⁶Pu Jeso karu kushi hweta ni lyiywaba, ni mwene, ba nyinaindi bazatu bakye bakuya ku yima penji, ku shaka ku hweta ku kyee. ⁴⁷Yuyumwe aku tikya kukye, ''Lyaya ba nyoko indi bazatuwe bayimine penji ba shaka ku hweta nawe.''⁴⁸Kono Jeso akumu zwara yamata hweta kukye, ''Mango ndiyani indi bazatu wanga imbani?'' ⁴⁹Aku wara lyanja lyakye kuba rutiwa bakye aku tikya, ''ni Mwene, bani ndi bama indi bazatu banga! ⁵⁰Kwekye yamatisi zi Tatye amati shaka ya mu lyiiro, ndimu zatanga indi maa.''

¹Mulyiba yopa Jeso aka kudzwa aka kyita kurupati ru lyiwate aka sikama. ²Lyi ywaba lyaka muzunguza, akunjena muwuto aku sikama lyi ywaba lina pudzwo.³Jeso aku hweta izuto zizinje shuzi nguli. Aku tikya, ''Ni mwwene, Mulimi mata yenda kuka kuna zitanga. ⁴Pu karu kukuna, zizimwe zitanga za kuwulya kuru pati rwi njira, zi nyini za kuya zakuyi lyaa. ⁵Zizimwe zitanga za kuwulya mu mawee, kopa kalyi kuku muvu wumunji. Papa ngaho yaku mena shuku tikya muvu ingwa pwi lyiiro. ⁶Kashe kakuya, shuku tikya zizi zufupi, zaku piya.⁷Zi zimwe za kuwulya muma zuna. Pumavu ngaru ku kura ngaku kura nazo. ⁸Yiyimwe ya kuwulya mu muvu wo muqa mi zakubika zipata, zi zimwe zaku bika 100, zi zimwe 80, zi zimwe 60. ⁹Yana mati, ayuvwe.¹⁰Barutiwa bakuya ku tikya Jeso, ''Shikya pumati hweta ku lyiywaba muzu nguli?'' ¹¹Jeso akuba zwara atikya, ''Yenwee nata pewe kuyiba zuku nuto indi ku yuvusisa zi lyiiro, kono wowo amaba pewe. ¹²Yana ichuto shaye kye zuwe, ku shangana zizinji . Kono yomuku, tananga icha sitye shaya nguwe.¹³zopani ndizati lyata atikya ndu hwetye nawo shuzu nguli: Nanga ndiba hati mwana, amaba ku mwenisisa; nanga nduba ti yuvwa, amaba ku yuvusisa. ¹⁴Kokuwo shuporofita sha Isaya shati yizi rizwa, isha tikya, 'Ku yuvwa shani yuvwe, kono kamuni shani yuvusise; ku mwana nati mwana kono ka muni shani mwenisise.¹⁵Shikutikya imeyo abayeyi ya sipa, wuzuwo kuyuvwa, mi bavuru mata, atikya amesho awo ngasiye ku mwana, kapa mitima awo kuyuvwa, baku yaru muka, shandi ba pwelise.'¹⁶Lyina imbuyoti i lyisho, lyati mwana; indi lyiti, lyati yuvwa. ¹⁷Injahamu ndatikya kunwe ba porofita babenji indi baba chena babanji bati shaka ku mwana izuto zinati mwana zubati mwana. Bati shaka ku yuvwa izuto zinati yuvwa zubati yuvwa.¹⁸Ni rakyekye inguli umu lyumi yamata kuna zitanga za kyee. ¹⁹Kwekye yamati yuvwa mayi umu wuso kokno ama ku kayuvusisa, yo mubbi maya kuyisa ishata kunuwa mu mutima akye. Yopa ndizi tanga zata kunuwa kuru pati rwi njira.²⁰Ishata kunuwa mu machwee muyeyi yamati yuvwa lyiyi mi papa ngaho ndulyi pambura shukwi dze, ²¹Ehee mi muku zizi kukye mi matisikama ngaho kaxenine. Wuzuwo indi mashando ngashinjena shu lyiyi, papa ngaho ndukuwa.²²Ishata kunuwa mumavuna, muyeyi ya mati yuvwa lyiyi, kono ashi bbiraera ni lyuvu mi zu tsuwa zi shiya nduku yemburuka, ndukuba yomuku zi pata. ²³Zitanga zata kunuwa mu muvu wo muqa, yopa muyeyi yamati yuvwa lyiyi indi ku lyi yuvusisa. Mati bika zi pata indi kulyeta zuvuma, kubbara 100, umuwme 60, umumwe 80 kwenda shinata kuna.''²⁴Jeso akupa yiyimwe inguli. Aku tikya, ''Muwuso ulyiiro wati fwana tandi mulyimi yamati kuna zatanga zeziqa mwi fuba akye. ²⁵Bayeyi puba ranzire, yamu twaya ndukuya ku kunamo kalyiri-lyiro muma bere akye ndika kyita. ²⁶Zushikura ndu mwanahara ndibika zipata kono nduba ipupu tinzi.²⁷Muvuya umunu ifuba akuya ku tikya kukye? 'shikati anga, amu kunwe zitanga zeziqa mwi fuba aye? ingahare pukwati shanganeha kalyuro lyiro?' ²⁸''Aku tikya kukye, 'Yandi twaya mazisi.' ''Muvuya aku tikya kukye, 'Matishaka atikya takyenda kuse?'²⁹''Umunu ifuba akutikya, 'Yemwa. Shuku tikya panaku kusa kalyiro lyiro tanaku kusa indi mabere. ³⁰Nizi siye zikure paxiki tana puku vuna. Pushata ku vuna shandi zire bati vuna, ''Ni kalyere kudzisa ka lyuro lyiro ni kashi minwe tuqa atikya tikazi pise, ndina kunganisa mabere nibike muzi xandi.''''³¹Jeso lyeta inguli yi yimwe kuwo. Aku tikya, ''Muwuso akwi lyiiro wati fwana muyeyi yamati kuna itanga yiqa mufuba akye. ³²Itanga yopa ndiyiche kuzi tanga kozo. Kono yishi mena, yati kura kubbara zi vuna za mwi fuba. Ndukuba muti, mani zini zatiya ku pangira mo zu yibo.''³³Jeso akuba zira yi ymwe inguli. ''Mu wusoi lyiiro wati fwana tandi mukazi yamati ruba i furawa tana koyo puya ku zimba.''³⁴Izuto zopani kozo Jeso matazi hweta kulyi ywaba muzu nguli; kozo zikaru ku hweta kali zu nguli. ³⁵Zopani kozo atikya izata hwetuwa kozo shaba porofita zibe izi njahamu, ''Mbondi ya shame shuzi nguli. Shanda ku hweta izuto izata zukuwa ku dzwa kwitanzi ulyuvu.''³⁶Jeso aku siya lyi ywaba aku njena mwi njuwo. Barutiwa bakye bakuya ku tikya, ''Ti toroshera inguli uka lyiro lyiro mwi fuba.'' ³⁷Akuba ya rumuna atikya, ''Yeye yamati kuna zitanga zeziqa i mwana muyeyi. ³⁸I fuba lyuvu; mi zitanga zeziqa, bapa abana wulyiro. Ka lyiro lyiro abana ya yumubbi, ³⁹Shira ishazi kunu i satani. Ku vuna mamenisizi ulyuvu, bati vuna manyiroi.⁴⁰Cware, pu kalyiro lyiro kati kunganiswa nduka pisa mu munduro, kasha kuba kuma menisizi ulyuvu. ⁴¹Mwana muyeyi shatume manyiroi akye, kakunga nisa izuto kozo zezibbi indi zata panga wubbi. ⁴²Shibakazi kyamina mubbibbiro umu nduro, kopa kushaba shupura indi ku lyira. ⁴³Baba chena shabaku mwenika tandi lyiba mu wuso a Tatye. Yeye yana mati, musiya a yuvwa.⁴⁴Mu wuso akwi lyiiro wati fwana tandi shifumu sheshi zika mwi fuba. Muyeyi kushi shangana nduku shizika. Shuku radze ndukwenda, ka wulyisa kozo zasitye ndikuya kuwura i fuba. ⁴⁵Nangweza mu wuso wakwi lyiiro watifwana muyeyi mati shaka ichuto shuwu tokwa. ⁴⁶Ashi shangana shixiki shuwu tokwa, ndika wulyisa zutsuwa za kye ndukuya ku shi wura.⁴⁷''Namgweza muwuso ilyiiro wati fwana tandi kanyandi kubara kyamina mu lyuwate, nduku pata izuto zati chichan chichana. ⁴⁸Kashi yira muyambi ndukuya kuka puta puta nduka kweshira pu lyudzo. Ndukuya kusikama kutwapara zeziqa katibika, zezibbi ndukwikyi.⁴⁹Shakube akyopa ku mamenisizi ulyuvu. Manyiroi shangaye ku sharara bababbi kubaba shiyama. ⁵⁰Shabaye kwi kyiwa mulyi bbibbiro lyu munduro, muba ku shupura indi ku lyira.⁵¹''Tanati yuvusisa izuto kozo?'' Barutiwa baku tikya kukye, ''Eyee.'' ⁵²Jeso akutikya kuwo, ''Cware kowo banoli batiba barutiwa ku muwuso u lyiiro bati fwana tandi murwa yana injuwo, yamati kusa izakare ndiku bika zezi piya.'' ⁵³Pukwaru kukita atikya Jeso kali mamana ku hweta zu nguli zopa, akudzwa pushibaka chopa.⁵⁴Jeso aku njena mushi kiriti shakye aku ruta bayeyi mu masinagogee. Zi nepo kutikya, bata komoka baku tikya, ''Zini ikure amati shangana Wutali wopa indi zi makazo ikure zatidzwa? ⁵⁵Yopa kandi mwana shuku beya? Kaku tikya nyina ndiya mati beruwa Mariya? Bakuru bakye ka Jakowo, Josefa, Simoni indi Judasi? ⁵⁶Kaku tikya indi baqhwenwe bakye tina nawo? Ikure ama shangana zopani kozo?''⁵⁷Baku katazwe kukyee. Aku tikya kuwo, ''Mu porofita kamu porofita mulyuvu lyakye kapa kuba kwakye.'' ⁵⁸Ama pange i makazo shukwaha tishira kawo.

¹Mu kakanda kapa, Heroda aku yuvwa imbuzi a Jeso. ²Aku tikya ku bavuya bakye, ''Yopani i Johanai Mukorobezi; maka tambuka kuba fu. Cware ndipwa tika dzwelyira i qhumu akye. ''³Shuku tikya Heroda mata pata Johani, indi ku mushimina, aku mubika mwi torongo, sha Herodiasi, mukaza muzata kye Filipi. ⁴Shuku tikya Johani mata tikya ku kye, ''Kawu shiyama atikya umuyise atikya abe mukazwe.'' ⁵Heroda mata tikya amu bbure, aku ywapa bayeyi, shuku tikya bati muyisa atikya muporofita.⁶Kono pu lyiba lya Heroda lyukupakuwa lyaru kuya, mwana Herodiasi akuya kuzana naqa pwi lyinji mi kwi dze kawo Heroda. ⁷Muku muzwara, akuli shimina atikya mbwa pewe kocho ngaho shikaku rungira.⁸Pukaru kumana ku mana ka zirwa kuba nyina, akutikya, ''Ndipa kuni, mushiqo, Mushoro a Johani Mukorobezi.'' ⁹Shikati aku tsuka mutima shiza mata rungira, shuku lyishimina kwakye indi babarana nakye puzu lyuwa za maxuhumu, aku hweta atikya zi pangahare.¹⁰Aku tishira kutsura mushoro a Johani mwi torongo. ¹¹Mushoro waku lyetuwa kukye mushuqo aku wuyisa kuwu twera ba nyina. ¹²Barutiwa bakye bakuya, kuyisa shutupu indi shizika. Puzaru ku mana, bakwenda kuka zira Jeso.¹³Papa pu Jeso karu yuva zopa, aku dzwa muwoto aka lyi kyitira mwi shumwe. Pu lyiywaba lyaru ku yuvwa, baku mwi qama shama kondo kudzwa ku murenenyi. ¹⁴Jeso pukaru kuya shufupi nawo aku mwana bayeyi ba benji. Akuba fwera zi xuma aku bapwelyisa.¹⁵Pu kwaru kuzima, barutiwa bakuya ku kye baku tikya, ''Lyopani haraupa, lyiba kalyi lyawulyi. Shusa lyi ywaba, atikya bashukye ku minzawo baka lyi wire zu kulya.''¹⁶Jeso aku tikya kuwo, ''Ku njemwa shuba kushushira. Ni bape zukulya.'' ¹⁷Baku tikya kukyee, Tina ngaho mikamu yati mana lyanja indi tushwi tu biri.'' ¹⁸Jeso aku tikya, ''Nitu lyetye kumye.''¹⁹Jeso aku zira lyi ywaba ku sikama peshi pu mutsodzo. Aku yisa mikamu indi tushwi. Aku lyaya kwi lyiiro, aku zu fuyora akuyi chamara akuyi pa barutiwa bakye, barutiwa bayipa lyi ywaba. ²⁰Kowo baku lya kukuta. Baku kunganisa muchuku mushuro - waku yira zitanda zu lyukumi indi zibiri. ²¹Kowo ibata lya kali 5000 barwa kukusa ko barwa kazi indi bapundi.²²Papa ngaho aku panga barutiwa bakye ku njena muwoto kwenda nakye kuru pati rurumwe, Pwa shishusa lyi ywaba. ²³Pukaru ku mana ku shusa lyi ywaba, aka kyita kwi kambamo ku karapera. Maxuhumu ngakuya, karana ko yekye. ²⁴Mi uwoto warana shire nilyidzo, baru ku katazwa ni makapa, mupupo waru ku shura kudzwa kubaya.²⁵Inako iyi wune yaru ku kwana Jeso akaba shera, kwenda pulyiwate. ²⁶Barutiwa pubaru ku mumwana matyenda pwi lyiro lyu lyuwate, baru ku ywapa baku tikya, ''Shurumba,'' baku shupura shuku ywapa. ²⁷Jeso aku hweta kuwo apa ngaho aku tikya, ''Ni gipe! Imyee! Ni siye ku ywapa.''²⁸Pitorosi aku muya rumuna atikya, ''Shikati, ati iwee, hweta namye ndaku ya kuwee pwa-ami.'' ²⁹Jeso aku tikya, ''Kuya'' Pitorosi akudzwa muwoto akwanda ku Jeso pwi lyiro lya mi. ³⁰Kono pu Pitorosi karu ku mwana mupupo, aku kalyisa ku ywapa. Aku ka lisa ku mina, aku lyira indi ku shupura atikya, ''Shikati, ndiyaka!''³¹Papa ngaho Jeso aku wara lyanja lyakye, aku zuwura Pitorosi, aku tikya kukye, ''Yewe yuku tishira kokuche, shikya pumati kyeshira?'' ³²Mi Jeso indi Pitorosi pubaru ku njena muwoto, mupupo wakutii qamwi. ³³Cware barutiwa muwoto baku murapera Jeso ba ku tikya, ''Injahamu iwee ndu mwana mulyumo.''³⁴Pubaru ku lyuwushira kyo, bakuya mu lyuvu lya Genesarete. ³⁵Mi bayeyi wushi baka puwaru ku yiba Jeso baku tumina lyi shibaka koche indi baba zungura, kulyeta bakulyi. ³⁶Baru ku rungira kupata nanga ziraro akye, mi babenji ibaru kupa baru ku pwara.

¹Mafarisi indi bañoli bakuya ku Jeso kunzwa Jerusalema. Baku tikya, ²''Shikya barutiwa wee puti vunjara shuzo shaba kuru? Amaba kuywa ku manja bashilya.'' ³Akwi taba aku tikya kuwo, ''Shikya punati vunjara mirawo Urezya shu zizo zenu?⁴Urezya aku tikya,' Ku tyeka sho indi nyoko; mi 'Ikaku hweta zezibbi ku nyina ni shee mbo afwe.' ⁵Kono naku tikya, 'Kwekye ika ku tikya ku she kapa nyina, ''Kocho ngaho shaniyaka shina tapura kumyee pani impo iyati pewa ku Rezya,'' ⁶muyeyi yahati shaka kuli shusa pyeshi lya shee.' Mwi njira yati fwena nalikusa ku lyiyi lyu Rezya shilibaka lyu zuzo zenu.⁷Yenwe inalipa! Isaya mata porofita izenu pukaru ku tikya, ⁸bayeyi bani bandi kutika shi miromo awo, kono mitima awo ina shire namye. ⁹Bandi rapera mulyu pupo shuku tikya bati ruta zizawo ngaho mirawo aba yeeyi.'''¹⁰Aku bera lyiywaba kukye aku tikya kuwo, ''Nira kyekye mi ni yuvwe- ¹¹Ku njemwa ishati njena mu muromo shati bbisa muyeyi. Nanga, ishati ndzwa mu muromo, chupa ndishati bbisa muyeyi.''¹²Barutiwa ba kuya mi bakuya ku tikya Jeso, ''Uyi zire atikya Bafarisi ama balyi yuvwe naqa pubaru ku yuvwa mayi ngapana?'' ¹³Jeso akwi taba atikya, ''Kocho shuvuna shi Tatye yaku lyiiro ahata kuna shazi xomu nuwe. ¹⁴Niba siye wekye, bayendisi babapofo. Muyeyi yo mupofo ndiku kitira yuyumwe yo mupofo, kowo mboba wulye mulyuqxo.''¹⁵Pitorosi akwi taba aku tikya, ''Toroka inguli yopa ku tswe.'' ¹⁶Jeso aku tikya, ''Indi nwe nishili amana ku yuvusisa? ¹⁷Amana ku mwana kocho shati njena mu muromo shati kyitira muwura mi ndika kyita kukudzwa?¹⁸Kono izuto kozo zatizwa mushuporo zati kadzwa ku mutima. Ndi zuto zati sinya muyeyi. ¹⁹Ku mutima ndikwati kazwa mi yana kano yemibbi, kubbura, wuhure, indi zuwu shashi, uwuzi, indi mbuzi. ²⁰Zopa ndizuto zati sinya muyeyi. Kulya nimanja ngahara ywa ama kwa ku sinya muyeyi.''²¹Jeso aku dzwapo aka kyita mi akuya kuru pati lyi shikiriti shumu renenyiwa Taire indi Sidoni. ²²Ni mwene, Mukazi ya Kananite akuya ku dzwa mu shikiriti shipa. Aku shupura atikya, ''Bani zixuma ku mye, Shikati, Mwana Davida! Mwananga yushi kazi mapatuwa ku ma dimona.'' ²³Kono Jeso ama mwitaba lyiyi. Barutiwa bakyee bakuya ku mukambira, akya, ''Muhundi shira kuna, mati shupura ku tswee.''²⁴kono Jeso aku bara taba atikya, ''Amandi katu muwe kuyani ni yani tana ku zungu iza zi mina zi njuwo a Isiraele.'' ²⁵Kono akuya kuku bama pumaso akyee, akya, ''Shikati, ndiyaka.'' ²⁶Akwi taba atikya, ''Kawu shiyama kuyisa mukamu amwenwe mi ndikwi kyamina tumbwa totu dana.''²⁷Aku tikya, ''Eyee, Shikati, kono nanga tumbwa totudana twati lya izatiwa pushu lyiro shayo mukuru awo.'' ²⁸Mi Jeso aku tikya kukye, ''Murwakazi, shuwu kuru wi tumero aye; kube akyopa tandi mu mati shashira.'' Mwana kye aku pwara kakanda kapa.²⁹Jeso aku siya shibaka shopa mi aka kyita kuru pati lyu lyuwate lya Galilea. Kopa kwamata kakyita pwi kaku muko aka sikma koo. ³⁰Lyi ywaba lyilyinji lya kuya ku kyee. Bataya nibaba pofo, zuhwere, baba poro, wi mbingwa, indi ba benji baru ku mashira. Kuba lyeta puma kondo a Jeso, mi akuya kuba pwelisa. ³¹I lyinji lyaku hakamara pubaru ku mwana zumumu zati hweta, zuhwere za panguwa, baba pofo wati mwana. Baku rumba Urezya Isiraele.³²Jeso aku bera barutiwa bakyee aku tikya, ''Nda fweri lyiywaba zuxuma shuku tikya basika kakanda mayiba atatu ngaho kuku shuba tilya. Amanda ku shaka kuba shisa ku njemwa shubalyi, taba kuku tira mwinjira pubaku shuka.'' ³³Barutiwa baku tikya ku kyee, ''Ikure taku shangana mikamu yi minji mu linkanda lyolyi lyopani atikya tipe lyiywaba lyi lyopani?'' ³⁴Jeso aku tikya kuwo, ''Mi kamu ilyare ni sitye?'' Baku tikya, Kumana lyanja indi tubiri, indi tushwi totuche.'' ³⁵Mi Jeso aku zira lyiywaba kolyo ku sikama peshi.³⁶Aku yisa mikamu indi tushwi, mi pukaru ku mana ku kambira, aku tuncamara mi akupa barutiwa. Barutiwa bakupa lyiywaba. ³⁷Bayeyi kowo bakulya indi kuli lyuvwa naqa. Mi baku kunga nisa kuyiza zitanda zati mana lyanja indi zibiri, muncuku mino iwata karapo. ³⁸Bapa ibatalya kali 4000 barwa ngaho, kukusa ko barwakazi indi bapundi. ³⁹Mi Jeso aku shusa lyiywaba papa aku njena muwoto kwenda ku shikiriti shaMagadani.

¹Ma Farisi indi ma Suduki ba kuya ku mwiqaba shuku muwuza atikya abaraqe imakzo mwi lriiro. ²Kono aku baya rumuna akya, ''Ati maxuhumu, natikya, 'Lyatidzwa naqa, lyiiro lya xwapa.'³Ati ku shilyi maxehumu, atikya, 'Invura yati dzwima, lyiiro lya xwapa indi lya chekuwa ku munjanga.' Nizi sumukya naqa ziqe zinako. ⁴Ba babbi indi rusinga rwa mahure bati shaka zi qewa (makazo), kuku ziqewa zu baku pewa tana iya Jonasi.'' Jeso akuba siya aka kyita.⁵Pubarutiwa baru kaya kuru pati rurumwe, bata yibara kuyisa mi kamu, ⁶Jeso aku tikya kuwo, ''Ni yise zuvuma ni mamere mi mena ama Farisi indi ma Saduki.'' ⁷Barutiwa ba xqitika ku qhoqhora mwikyo lyawo atikya, ''I shuku tikya amati kayise mikamu.'' ⁸Jeso aku yiba zopa aku tikya, ''Yenwe wumuti shiro wo muche, shikya punati qxhuqxhura mwikyo lyenu atikya ishuku tikya amani kayise mikamu?⁹Ama naku yanakana mi mi kamu yati mana lyanja indi 5000, mi zitanda zi lyare zi nata yiza? ¹⁰Mi kamu ye 7 indi 4000 bayeyi, mi zitanda zi lyare nata yisa?¹¹Ingahare punahati yuvusisa atikya amanda ku hweta kunwe zi mikamu? Ni yise zuvuma ni dzwa ku minena a Mafarisi indi Masaduki.'' ¹²Baku yuvusisa atikya ama ku amaku bazira ku bayana kanisa zi mi mena iyina mi mikamu, kono ku yanakanisa zu muruturo a Mafarisi indi Masaduki.¹³Papa pu Jeso karu kuya kuzi kiriti shi shupi ni Sisiria Filipi, aku wuza ba rutiwa bakye atikya, ''Bayeyi batikya mwana muyeyi iyani?'' ¹⁴Ba bamwe batikya, Johani mukorobezi; babamwe, Elija; mi ba bamwe, Jeremia, kapa yuyumwe ya ba porofita.'' ¹⁵Aku tikya kuwo, ''Yenwe natikya myee ndiyani?'' ¹⁶Ku muyaru muna, Simoni Pitorosi aku tikya, Wendi Kirisite, mwana Urezya ya mati para.''¹⁷Jeso akuba ya rumuna atikya, ''Imbuyoti injwe Simoni mwana Jona, inyama indi mupupo kandi za kuyeri zopa kuwe, kono i Tatye ya mu lyiiro. ¹⁸Ndati ku zira atikya Pitorosi, pu lyiro lye mbondi raxhini i kereke anga. Mi mbero imbazi ka muni shaukome.¹⁹Mbondi kupe zi yazwiso zu muwuso i lyiiro. Kochoo isha shimi nuwa mu lyuvu indi kwi lyiiro akyopa, kochoo ishati chuturuwa mu lyuvu indi kwi lyiiro ingahopa.'' ²⁰Jeso aku zira barutiwa bakye atikya basiye kuzira bayeyi atikya inje ndi Keresite.²¹Ku dzwa inako yopana Jeso aku xhitika ku zira barutiwa bakyee atikya mati shaka kwenda ku Jerusalema, kashandi sidzwa izuto zi zinji kuba yendi indi ba bakuru bama purisita ni ba noli, ku bburuwa, indi ku tambuka mulyiba lyi wutatu. ²²Pitorosi aku muyisa kuru pati aka mukalyimera, atikya, ''Zopa zidzwe shufupi nawe, Shikati; zopa zi siye ku panga hare kuwee. ²³Jeso aku qhapu shira Pitorosi, ''Dzwa muqo lyanga, Satani! Nand chira mayira anga, amu ku bbiraera kwi zuto zu Rezya, kono izuto za bayeyi.''²⁴Jeso aku tikya kuba rutiwa bakyee, ''Ati kuna yamati shaka kundi qama, alyixa yehalyine, ayise shifapano shakye andi qama. ²⁵Kwekye yamati shaka ku palisa wuparo wakye mbwa shinyehere, mi kwekye ikaku sinyerwa wuparo wa kye shi libaka lyanga mbwa ushangane. ²⁶Kwati thusa kya muyeyi ku tsuwa lyuvu kolyo nduku sinyeherwa wuparo we? Shikya shu muyeyi chicha ni wuparo?²⁷Mwana muyeyi ishaye mu rumweni rwa Shee sha manyiroi. Shayara muyeyi kwenda shizu marasi. ²⁸Injahamu ndatikya ku nwe, kuna babamwe kunwee iba yimine pani yaha muni sha mwene rufu tana pushaba ku mwana mwana muyeyi.''

¹Kuma ku mayiba ngamana lyanja indili xiki Jeso aku yisa Pitorosi, Jakowo, indi Johani muzata kye, mi akuba twara pu lyurundu lyelire. ²Aku chicha pu maso awo. Shifateho shakye sharu ku kabera tandi lyiba, ziraro zakye zaru ku mwenika.³Ni mwene, kwaku mwanahara Mushe indi Elija baru ku hweta nakye. ⁴Pitorosi akwi taba Jeso aku tikya, ''Shikati, kuqa atikya tibe kuni. Ati mati shaka, Mbondi pange kuni zitara zi tatu - shixiki inchwe, shixiki i nchanga mi shixiki incha Elija.''⁵Pukaru ku shu hweta, ni mwene, lidzunzho lyakuba cheka, mi ni mwene, kwaru kuzwa lyiyi mu lyudzuzho, atikya, ''Yopani i mwananga indati shaka, indati rumbuwa shakye. Ni mwi kyekye.'' ⁶Pu barutiwa baru ku yuvwa akyo, baru wulya peshi mi bata ywapa nanyina. ⁷Jeso akuya kuba pata aku tikya, ⁸''Ni yime nisiye ku ywapa.'' Baku lyaya kwi lyiiro kono kuku yibaru ku mwana tana Jeso ngaho.⁹Pubaru ku suka pu lyurundu, Jeso akuba zira atikya, ''Nisiye kazira shina tana pushi Mwana Muyeyi ishaku tambuka kubafu.'' ¹⁰Barutiwa bakye baku muwuza, shikya, ''Shikya pu bañoli bata tikya Elija ndamati swanera kuya itanzi?''¹¹Jeso akwi taba atikya, ''Elija nanyina shaye indi kuya ku shusiza izuto kozo. ¹²Kono ndatni zira, Elija kali mataya, kono kuku yamuyiba. Nanga ndipakyo, batisi kozo zubati shaka kukye. Mwinjira yati fwana, Mwana Muyeyi shashiswe mumanja awo.'' ¹³Mi barutiwa bakye baku yuvusisa atikya karu ku hweta za Johani Mukorobezi.¹⁴Pu baru kuya kwi lyinji, muyeyi akuya kukye, akuya ku kubama, aku tikya, ¹⁵''Shikaka, fwera mwananga zuxuma, mati mashira indi ku shanda ahuru. Mata wulya mwami kapa munduro. ¹⁶Ndamu lyeta ku barutiwa wee, kono amaba mupwelise.''¹⁷Jesoakwi taba atikya, ''Shicaba shahati tishira sheshi fosahara, kalyare ndaku sikama nanwe? Kalyare ndakuba nanwe? Mulyeta kuni kumyee.'' ¹⁸Jeso aku kalimera ma Dimona, mi zakuzwa kukye, karwa kaku pwara papa ngaho.¹⁹Mi barutiwa ba kuya ku Jeso kurupati baku tikya, ''Shikya putahara kunga hindika?'' ²⁰Jeso aku tikya kuwo, ''Ishi tumero enu yiche. Injahamu ndatikya kunwe, nanga ndinina tu tumero totuche tandi zishe zama sitete, nati kwana ku tikya ku lirundu, 'nzwapa ukwenda kuna,' mi mboli yendye, mi kuku shati para kunwe.'' ²¹Ma dimona ngangahopani amanga kwenda tana shuku rapera indi kuli yimina zulyuwa²²Pubahara shisise mo Galilea, Jeso aku tikya ku barutiwa bakye, ''Mwana Muyeyi mbwapewe mu manja abayeyi, ²³mi Mbuba mubbure, mi mulyiba liwu tatu sha tambuke.'' Barutiwa bakye baku hakamara nanyina.²⁴Pubaru kuya ko Kapenauna, muyeyi yumu tyerisi akuya ku Pitorosi aku tikya, ''Muruti enu tanikati shara mutyero?'' ²⁵Aku tikya, ''Eye.'' Pitorosi pukaru kuya kwi njuwo, Jeso aku hweta kukye itanzi atikya, ''Shikya mati yanakana, Simone? Ikure ma shikati ulyuvu bayisa zi shira? kwa bana bawo kapa kuba bamwe?''²⁶''Kuba bamwe,'' Akwi taba Pitorosi. ''Cware abana bali kyeta,'' Jeso aku tikya. ²⁷Kono amata ku panga bashalyisi kupanga shibe, nakwenda ku liwate, ni karakyi tushuto, mi nika patye zushwi zakuya itanzi. Punaka chekura mi romo azo, mboni shangane ushereñi. Ni muyise nika mupe bati sharisa atikya ijwanga nanwe.''

¹Mukakanda kapa barutiwa bakuya ku Jeso baku tikya, Yo mukuru ku menina mu muwuso i lyiiro iyani?'' ²Jeso aku bera ka pundi kakadana, aku mubika takati lyawo, ³aku tikya, ''Zi njahamu ndatikya kunwe, nakana naku yaru muka tandi kapundi kaka dana, kuku mushani njena mu muwuso ulyiiro.⁴Cware, kwekye yamatili qhokawo tandi mupundi yo mudana nduyo mukuru mu muwuso i lyiiro. ⁵Kwekye yamati chenjira mupundi yo mudana akyopani imye ama tambura. ⁶Kwekye yamati lyetisa atikya yuyumwe aba pundi bati tishira kumyee apange shibe, mbokube wuqa atikya ashiminwe lyuwe lyelyi kuru mwi sungu, mi ara kyiwa mu lyuwate azyime.⁷Wu shwamana wuna mu lyuvu shizi kanga! Ku tikya zi kanga zopa ziye, wu shwamana ingu muyeyi izatiya shakye! ⁸Ati lyanja kapa lyikondo lye lyati lyeta akyo, lyitsura ulyikyi shire nawe. Wu shiyama ko kuwe ku njena wuparo ni lyinja kapa lyi kondo lyelyi hwere ku bbara kwi kyiwa mulyi bbibbiro lyahati mana ni manja abiri ni makondo abiri.⁹Ati ilyisho lywe lyatiku lyetiza zikanga, lyikusa ulyikyi shire nawe. Wu shiyama kuwe kanjena mu wuparo ni lyisho lyi xiki kakwi kyama mubbibbiro na mesho aye kongo.¹⁰Ni mwenee atikya ni siye kwixi uyumwe aba pundi bapa. Ndatikya kunwe manyiroi awo nga lyayi lyira puwuso wa ya namwi lyiiro. ¹¹shuku tikya mwana muyeyi mataya ku palisa lyuvu¹²Shikya nati yanakana? Ati muyeyi ana zungu zilyi 100, i xiki ndiku zimina, kuku kusiya zopa pwi kambamo aka lyaye yahati mwana? ¹³Ashi kayi shangana, Injahamu ndatikya kunwe, mbo ara dze ku bbara indi zizinji izahara zi mina. ¹⁴Shi njira yati fwana, kaku shaka kwa Shikati enu yakwi lyiiro atikya yuyumwe aba pundi shinyehe.¹⁵Ati mukwe ashi kwisi wubbi, yenda uka muzire wubbi wa marasi, yenwe ngaho nwekye. Ati mati kakwi kyekye, kalyi mayaka mukwe. ¹⁶Kono ati ama kakwi kyekye, yisa muxiki kapa ba biri shimi romo ibiri itatu zi tanduro zi lyiyi ni lyiyi zu yuvwahare.¹⁷Ati mati kashita kabara kyekye, zira itaba kwi kereke. Ati indi papa ashishita musiya abe kunwe atikya muhedeni kapa musharisi.¹⁸Injahamu ndatikya kunwe, ichuto ni chuto shinati shimina papeshi indi kwi lyiiro bashi shimini, kocho shinati chutura peshi indi ku lyiiro bashi chutura. ¹⁹Nangweza ndatikya kunwe, ati ba biri batishi zana kwi chuto kocho shubati rungira, mboshi pewe kuwo sha Tatye ya kwi lyiiro. ²⁰Puba biri kapa batatu bashengeni mu lyina lyanga, indi myee ndina mwi kyo lyawo.''²¹Cware Pitorosi akuya ku tikya ku Jeso, ''Shikati, kalyare mukwanga katindi panga wubbi kanditi mupatira? ku twara ka 7?'' ²²Jeso akumu yaru muna atikya, ''Amandi hwetye ka 7, kono 70 kuyi twara ka7.²³Cware muwuso akwi lyiiro wati fwana tandi shikati yuyumwe yamati shaka ku shara bavuya bakye. ²⁴Ashi xhitika ku shara, yuyumwe aku lyetuwa kukye yamati korota zi tareta zilyi 10 000. ²⁵Kono shuku tikya muku injira yiyimwe yuku shara, shikatya akye akutikya awulyu suwe indi bamukaza kye, abana indi zi zutsuwa za kye kozo za sitye, atikya share.²⁶Apa muvuya akye akuwa peshi pumaso akye, aku tikya, Shikati, bani kaxumakawo ku mye, ishandi ku share kozo zopa.' ²⁷Mi shikati umuvuya, shuku kyitirwa ni kaxumakawo, aku mukusa indi kumu patira shikoroti shakye.²⁸Kono muvuya aka kyita aka shangana yuyumwe ya bavuya, ikaru ku mukorota 100. Aku mupata, ku mupatira mu mulyuwo, atikya, 'Ndi shara zumandi korota.' ²⁹''Kono muvuya aku wulya peshi shuku lyishusa peshi kukye, atkya, 'ndifwera zu xuma, shandi ku share.'³⁰Kono muvuya ywi nthanzi aku shita. Nanga ndipa kyo, aku munjenisa i torongo tana pusha ku mushara za mati mukorota. ³¹Ba vuya babamwe pubaru ku mwana zatara sisini, bata bbiraera. Bakuya ku zira shikati awo kozo zatara sisini.³²Mi shikati akye aku mubera akuya kutikya ku kye, 'Wee muvuya yo mubbi, ndata ku patira shi koroti shwe shuku lyixuma kawo kwe ku myee. ³³Amukwi xuma mu vuya ngawe, tandi shindi shindata kwi xuma?'³⁴Shikati akye aku menga nanyina aku mupa kwibati shandisa tana pusha shera za mati korota. ³⁵Ehe Tatye ya kwi lyiiro kasha nisi ati amana ku patira ba kwenu shi mitima enu.''

¹Kwa kuya atikya pu Jeso karu ku mana mayi ngapa, aka kyita ko Galilea akuya ku shikiriti sha Judeya kokyo lyi murwanga Jodani. ²I lyinji lyaku mwi qama, aka ba pwelisiza koo.³Ba Farisi bakuya ku kye, bakumwi kaba, atikya ku kye, ''Kana shu murawo murwa mati tishwirwa ku shita murwakazi akye shi chuto kocho?'' ⁴Jeso aku bayaru muna atikya, ''Ama ni bare atikya yamata ba wumba kwitanzi mata ba wumba murwa indi murwa kazi?⁵Mata ba wumba aku tikya, 'Shilyibaka lyini murwa sha siye bashumuzi bakye aka shangane ni murwa kazi akye, mi wubiri wawo shababe inyama ixiki,' ⁶Kaba shiberuwa babiri, kono inyama i xiki. Cware shu Rezya ama shanganisa, kusiye ku shanganeha yamatishi qapura.''⁷Baku tikya ku kye, ''Shikya pu Mushe amata tikya takupa linoro lyuku shita indi ku muhindika?'' ⁸Aku tikya kuwo, ''Shuwu kukutu wi mitima enu, Mushe aku niti shira ku shita bakazi benu, kudzwa itanzi kali kangahopa. ⁹Ndatikya kunwe, yamati shita murwakazi akye, yahali ishu wuhure, ndika rowura uyumwe, mati panga wuhure; murwa yamata ka rowura murwakazi yo mushutuwa mati panga wuhure.''¹⁰Barutiwa baku tikya ku Jeso, ''Ati yopa nditaba umurwa indi murwakazi akye, kuqa kwaha rowura zini.'' ¹¹Kono Jeso aku tikya kuwo, ka kwekye mati tishira muru turo wa pani, kono tana baba tishira kuzi tishira. ¹²Kuna baha muni sheba kyopa kabata pakuwa mu mara aba nyina bawo, babamwe bata rasuwa akyopa ku bayeyi, babamwe imbo balyi kyopa shuku shaka mu wuso i lyiiro. Yeye yamati kwana ku tishira zu tuto zini, ni musiye ati shire.''¹³Hape bapundi bbamwe baru ku lyetuwa kukyee atikya aba bikye banja indi kuba raperera, barutiwa kyee bakuba kalimera. ¹⁴Kono Jeso aku tikya, ''Ni tishire bapundi, ni siye kuba chikisa kuya kumwee, mu wuso ulyiiro wati fwana tandiwo.'' ¹⁵Yamati bika lyanja lyakye pu bapundi, mi ndi kuzwa kuwo.¹⁶Ni mwene, muyeyi akuya ku Jeso aku tikya, ''Muruti, shikya sheshiqa shinda ku kwisi atikya ndishangane wuparo wa hamana?'' ¹⁷Jeso aku tikya kukye, ''Shikya pumandi wuza atikya shikya sheshiqa? Shixiki sheshiqa, kono ati mati shaka kunjena ku wuparo wa hamana, patisa murawo.''¹⁸Aku tikya kukye, ''Mirawo yire?'' Jesoaku tikya, ''Siya ku bbura, siya ku panga wushashi, siya ku yiba, siya ku yuvwa wupaki wi mbuzi, ¹⁹Kutyeka basho indi ba nyoko, shaka yuyumwe tandi shumatili shaka.''²⁰Munyana yomudana aku tikya kukye, ''Kozo zopa izuto ndazi mamera. Shikya ndishi shaka?'' ²¹Jeso aku tikya kukye, Ati mati shaka kuba naqa, ukwenda, uka wulise zusitye, mi aka zipe baba hungwe, mi shuka shangane zutsuwa mu lyiiro; mi ukuya, ndiqama.'' ²²Kono murumbwana pukaru kuyuvwa zi Jeso karu ku hweta, aka kyita matsuka mutima, shuku tikya ana zu tsuwa zizinji.²³Jeso aku tikya ku barutiwa bakyee, ''Nanyina ndatikya kunwe, ku zowo mufumu ku njena mu muwuso wi lyiiro. ²⁴Nangweza ndatikya kunwe, ati kutwere i Mbongolo ku njena mwi lisho lindwanga cware mufumi ndisha ku njena mu muwuso Urezya.''²⁵Pubarutiwa baru kuyuvwa akyo, baru ku hakamara baku tikya, ''I yani he yushu yakuwa?'' ²⁶Jeso aku ba lya aku tikya, ''Sha bayeyi zopani amaza ku kwanahara, kono shu Rezya izuto kozo zati kwanahara.'' ²⁷Mi Pitorosi akwi taba atikya kukye, ''Lyaya, tasiyi izuto kozo indi ku kwiqama. Cware shikya shishati shangana?''²⁸Jeso aku tikya kuwo, ''Injahamu ndatikya kunwe, mu lyuvu lyeli piya pu shumwana Muyeyi shaka sikama pushuro shati kabera, yenwe nata mwi qama shani kasikame pu zuro zati kabera zulyu kumi ni zibiri, kuya tura mishowo yi lyukumi ni biri ya bana ba Isiraere.²⁹Kwekye yama siyi injuwo, bazatu bakye indi bakuru bakye wushi nyana indi wushi kazi, bashe indi ba nyina indi bapundi, indi lyuvu shi liina lyanga mbwa shangane zi mashumi nga mana lyanja indi yora wuparo waha mana. ³⁰Kono bata kyelira shababe witanzi, witanzi shababe bama menisizi.

¹Injendiso ilyiiro yati fwana muyeyi yana muvu ya mati tambuka shichacha ku ka shaka ba bberiki ba mwi fuba akye. ²Mulyiqo lyuku yuvana in ba bberiki ku ba shara usherenyi muxiki shilyiba, nduku batuma kwi fuba.³Mukakanda ka shupi aka kitako mi aka shangana ba bberiki babamwe bali yimine ngaho muma wulyisizo. ⁴Aku tikya kuwo, 'Indinwe, ni njene mwi fuba, kokyo shashiqa shindi nipe.' Baka kyita kuku bberika.⁵Nangweza yuwu 6 indi yuwu 9, aku panga zati fwana hape. ⁶Nangweza muka kanda ku lyi kumi indi kaxiki aka shangana babamwe bayiminwe, aku tikya kuwo, 'Shikya puni yimine ngaho wuqholyi wulyiba?; ⁷Ba ku tikya ku kye, kali kunjemwa yama tipe musebezi, akuba tyeya atikya, indinwe yendye mi fuba.'⁸Maxuhumu pungaru kuya,umunu i fuba aku tikya ku muyendisi mwi fuba, 'Bera ba bberiki yuba shara marwapa nguba bberi shiri, kudzwa kuywa ma menisizi ku lyata kuya makalyero. ⁹Ba bberiki bata njena mushikati, uyumwe nu yumwe aku shangana isherenyi ixiki. ¹⁰Wi thanzi pubaru kuya baru ku yanakana atikya mboba shangene pakuru, kono indi wo baku pewa ixiki ixiki.¹¹Pubaru ku shangana marwapa, baku bbiraera ku munu ifuba. ¹²Ba ku tikya, 'ba bberiki bama menisizi bayisa ngaho kakanda ka xiki, kono mabapi izati fwana natswe, tafu mizilyo ulyiba indi ku piya kashe.'¹³Kono umunu ifuba aku zwara yuyumwe aku tikya, 'Mbiya, ama ndiku pange wubbi. Amu tishi zanwe namyee shu shereni muxiki? ¹⁴Yisa shicho ukwenda. Ndali kyetiri kupa indi banjeni mushika shuku fwana nanwee.¹⁵Ama ndaku swanera kwisi mundati shashira ku shi changa? kapa ilyisho lywe lyina wubbi shuku tikya ndu mushiyama? ¹⁶Cware bama menisizi indi wi thanzi, wi thanzi nduwu mamenisizi.''¹⁷Pu Jeso karu kwenda ku Jerusalema, aku yisa barutiwa kuru pati, mwi njira aku tikya kuwo, ¹⁸''Ni mwene, ta tyenda ko Jerusalema,mwana muyeyi mati ka pewa kama pirisita ba bakuru indi ba noli wu mirawo. Shaba ku mu twere ku rufu. ¹⁹Mboba ka mupe kuwu lyuvu atikya baka mwinwaa, baka muzipe mi shaba ka mubamba. Konomu lyiba lyuwu tatu shata mbukye.''²⁰Nyina abana ba Zebedia akuya ku Jeso nabana bakye. Akuya kuwa peshi pu wuso wa Jeso aku murungira. ²¹Jeso aku tikya ku kye. ''Shikya mati shaka?'' Aku tikya ku kye, ''Ndati ku zira atikya abana banga bani ba biri baka sikame, uyumwe ku lyanja lywe lyikhamu, uyumwe kwi mosho, mu muwuso wee.''²²Jeso aku barataba atikya, ''Kani yi zire shinati rwamba. Nati kwana kunwa ukompi indina shufupi nuku munwa?'' Ba ku tikya kukye, ''Tati kwana.'' ²³Aku tikya kuwo, ''Ukompi anga nati swanera injahamu ku nwaa. Kono ku sikama ku lyanja lyi khamu kapa kwi mosho kamyee ndati pa, kono ikubapa ibata raqawu-qawu ma sha Tatye.'' ²⁴Pu barutiwa ba bamwe wulyi kumi baru ku yuvwa zopa, baku menjira baba biri.²⁵Jesoakuba bera aku tikya, ''Ni yizire atikya bayendisi wu lyuvu bati bakyi tira, wutokwa wawo batyendisa shiqumu awo. ²⁶Ku siye kuba akyopa kouk nwe. Nanga ndipa kyo, yamati yanakana kuba yo mukuru enu abe muvuya enu, ²⁷mi yamati shaka kuba kuwuso wenu abe muvuya enu, ²⁸tandi shi mwana muyeyi amaye kuku yakuwa kono kuku yaka, kuya kupa wuparo wa kye ku shara mirandu abayeyi kowo.''²⁹Pubaru kudzwa ko Jeriko, lyi ywaba lya kubara qama. ³⁰Kwarana barwa ba biri bara sise ku rupati ru mugwaga. Pu baru yuvwa atikya Jeso mati tsura, baku shupura, ''Shikati, mwana Davida, tixuma.'' ³¹Lyiywaba lyaku ba kalyimera, kuba zira atikya bati qamwi, kono baku shupura nanyina, ''Shikati, Mwana Daivda, tuyuvura zuxuma.''³²Jeso aku yima akuba bera aku tikya, ''Shikya nati shaka atikya atikya ndini sama?'' ³³Ba kutikya kukye, ''Shikati, amesho etu kamwene.'' ³⁴Cware Jeso, aku xhitika kwenda shuku bara xuma, aku pata amesho awo. papa ngaho baku shangana ku mwana ba kumwi qama.

¹Pu Jeso indi barutiwa bakye baru shera shufupi ni Jerusalema kuya Betefege, kwi kaku muko a Olive, mi Jeso aku tuma barutiwa ba biri, ²aku tikya kuwo, ''Nakwenda ku munzi washi fupi, mi mboni shangane ka uhashi yomu shimina, indi mwana hashi. Nikazi chuture nizi lyetye kumyee. ³Ati kuna ikaku hweta kocho kunwe, ni tikya, 'Shikati matiba shaka; mi muyeyi yopa papa ngaho mbwaka tu tumine nanwe.''⁴Zopani ziya ati zata hwetuwa shaba porofita zi yizirizwe. Aku tikya, ⁵''Zira abana wushi sizani ba Zayona, 'Mwana, Shikati enu matiya ku nwe, shukulyi xumakawo mi maranda pu Hashi- mwana hashi.''⁶Cware barutiwa ba kwenda bakarasi shi Jeso ama taba tyeya. ⁷Baka lyeta uhashi indi mwana kye baku bika ziraro zawo pwi lyiro, mi Jeso aku sikama pwi lyiro lya ziraro. ⁸Uwonji wu lyiywaba baku rara ziraro zawo mwi njira, ba bamwe baku xhaka zu tobye zimiti indi ku ziyara mwi njira.⁹Cware lyi ywaba ilyaru kwenda pu wuso wa Jeso indi barana mu lyiqo lykye baru ku shupura, ''Hosana ku mwana Davida! Ku rumbuwe imatiya mu lyina lya Shikati! Hosana mwi lyiiro!'' ¹⁰Pu Jeso karu kuya mo Jerusalema, Murenenyi kowo wata yima kana baru ku tikya, ''I yani yoo?'' ¹¹Lyi ywaba lyakwi taba, ''Yoo i Jeso muporofita ku dzwarira ko Nazareta indi Galileya.''¹²Cware Jeso aku njena mwi kereki. Aku hindi shira penje ibaru ku wulyisa indi ku wura moo, kereki, ndukuyi yaru muna zi tafure zaba tichicha marwapa, indi zu puna ku sikama ibati wulisa makiri. ¹³Aku tikya kokuwo, ''Kunwara injuwo anga ikya iberuwe atikya injuwo uzi tapero; kono kali nayizoru malyi zuko aba bezi.'' ¹⁴Cware baba pofo indi baba hwere ba kuya kukye mwi kereki, akuba pwelisa.¹⁵Kono ba purisita ba bakuru indi ba noli pubaru ku mwana izuto izati hakamaza iza mata rasi, indi pu baru ku yuvwa ba pundi bati shupura mwi kereki atikya, ''Hosana ku mwana Davida,'' Baku menga nanyina. ¹⁶Baru ku tikya kukye, ''Tamati yuvwa zubati hweta? ''Jeso aku tikya, ''Eyee! Kono kani chire kubara, 'muzu toroza bapundi indi i bashi nxhamwa ma marukisa mi rumbeko'?'' ¹⁷Cware Jeso akuba siya akwenda kwinje lyi murenenyi, kwenda ko Betenia aka ramgara ko.¹⁸Cware maxhehumu, pukaru ka shuka mu murenenyi, matafwa injara. ¹⁹Pu karu ku mwana wu kuyu ku muguru injira, akwenda kuwo aka shangana atikya muqu tana mapapa. Aku tikya kawo, ''Shu siye ku bika zipata nangweza,'' papa ngaho wuku kukuta.²⁰Barutiwa pubaru ku wu mwana, baruku hakamara baku tikya, ''Ingahare muti wa pweri kuku kuta akyopa?'' ²¹Jeso aakubara taba, aku tikya kuwo, injahamu nanyina ndani zira, ati nati tishira nahati gooroza, kani muni shani rasi ishara sisini ku muti ngaho, kono shani tikya ku lyiqhiri, zomuka papa uka wulye mu lyuwate; shashi rasisini. ²²Kono shinati rungira shi tapero, niti shire, shani shipewe.''²³Jeso pukarukuya mwi kereki, ma pirisita kuru indi baba kuru mu minzi ba kuya kukye pu karu ku kutaza, bak uya ku tikya, ''Iqumu kya mati bberikisa mi i yani maku piyo?'' ²⁴Jeso akubara taba atikya, ''Indimye ndati ni wuze shihweta shixiki, ati nandi zira indimye mbondini zire atikya ishi qumu ayani ndatisi zopani shayo.²⁵I korobezo a Johani ikuyani yata dzwa? Ikwi lyiiro hali ku muyeyi?' Baru ku hwetizana mwikyo lyawo, ''atikya, 'iku lyiiro, 'kuti atikya ikutswe, 'Tashikya nahata mutishira?' ²⁶Hape puta ku tikya, 'ku bayeyi, 'tati ywapa lyi ywaba, shuku tikya lyaya Johani akya muporofita.'' ²⁷Bakwi taba Jeso akya, ''kati yi zire.'' Indimyee ka muni ndini zire i qumu indati sikawo zopani shayo.²⁸Cware shikya nati yanakana? Muyeyi ana abana ba biri. Akwenda kwi ywi tanzyi ndika tikya, mwananga ukwenda uka bberike namushi mwi fuba yi waine! ²⁹Mwanakye ndu mwi taba atikya, 'yemwa ndakwenda; kono ku dzwapo aku yaru muna amano akye akwenda. ³⁰''Cware muyeyi ndu kwendira yuyumwe mwanakye ndika muzira izati fwana. Akwi taba atikya, Ndatyenda, kono ama yendye.³¹I yire kwa bana baba biri yamata rasi za mati shaka shawo? Baku tikya, ''Uywi tandzi'' Jeso aku tikya kuwo, ''injahamu nanyina ndani zira, mushalyisi indiba bashashi shaba njene mu muwuso ilyiiro kuni siya. ³²Shuku tikya Johani mataya kunwe shi njira yi shiyama, kono yemwa ni muti shire. Cware mushalisi indi baba shashi bata muti shira. Kono yenwe, indi puna monu zini, yemwa ni bake ku dzwapo atikya numu ti shire.³³''Nira kyekye kwi nguli yi yimwe. Kwarana muyeyi, yana muvu. Aku kuna i fuba yi waine, akuya kuzhabira mapara, akusa shurubiro, akwi qhini mo katara kuku bika mo balimi. Akwenda ku lyuvu lyi lyimwe. ³⁴Kakanda ku kuvuna pukaru ku shera, aku tuma bavuya bakye ka kunganisa zi pata.³⁵Kono balimi baku yisa bauvya bakye, baka zipa muxiki, baku bbura yuyumwe, yuyumwe baku muxapara sha mawee. ³⁶Ku dzwapo, umuni i fuba aku tuma babamwe nangweza, babenji ku bbara iwi tanzyi, balyimi bakuya kubarasi tandi shubata rasi wi tanzyi. ³⁷Ku dzwapo aku tuma mwanakye kuwo, akya, tama mboka yope umwana.'³⁸''Kono balyimi pubaru ku mwana mwanakye, bakuli zira mwikyo lyawo atikya, 'swana yoo. Nakuya, tumu bbureti yore'. ³⁹Cware baku mu yisa, baku mwi kyamina penje, lyi fuba indi ku mu bbura.⁴⁰Papani umunu i fuba pusha kuya, shaye ku tyera malyimi? '' ⁴¹Ba ku tikya kukye, 'shaye ku shinya bayeyi ibana kansa mwi njira i bbi nanyina. Indi kupa i fuba akye kuba rwezi, ishaba mupa iza kye mu kakanda kuku vuna.''⁴²Jeso aku tkya kuwo, ''Amani bare manoro, 'Lyiwee lyu muxhinikawo uma yuwo amata shita, ndi lyataba ndima qhipiro. zopa zata dzwa ku Shikati, zati hakamaza mwa mesho etu'?⁴³Cware ndata tikya kuwo, muwuso Urezya shawu gisuwe kunwe indi ku pewa ku rusinga irwati bika zipata. ⁴⁴Kwekye imati wulya pu lyiwe lyopani, inkya xanakye xanakye kono isha wulywa kulyo inkya nxapukye.⁴⁵Ba pirisita bakuru indi ba Farisi pubaru ku yuvwa zinguli za kyee, baku yuvwa atikya izawo ka ru ku hweta. ⁴⁶Baku shaka ku mupata, baru ku ywapa lyi ywaba, shuku tikya bayeyi baru ku muyisa atikya muporofita.

¹Jeso aku hweta kuwo nangweza shizi nguli, akya, ²''Muwuso u lyiiro wati fwana shikati yuyumwe yamati qawu-qawu ishangono ulyi rowura lya mwana kye. ³Aku tuma bavuya bakye ka bera ita beruwa kwi shangano ulyi rowura, kono ama baye.⁴Nangweza shikati aku tuma bavuya bakye, kya, 'Nakaba zire ibata beruwa, ''Ni mwene, Ndaru kisa zi lyuwa za maxuhumu. Maturu anga indi zezi nunu za bburuwa, izuto kozo za shiyama. Nakuya kwi shangano ulyi rowura.''⁵Kono amaba mi kyekye bakali kyi tira, uyumwe kwi fuba, uyumwe kwiza kye. ⁶Abamwe baku pata ba vuya bakye, ku bashandisa abamwe baku ba bbura. ⁷Mi shikati aku menga nanyina, aku tumina ko masore baka ba bbura indi kapisa minzawo.⁸Aku tikya kuba vuya bakye, 'i shangano ilyi rowura ya shiyama, kono ibata beruwa kabaru ku wuswanena. ⁹Ku dzwapo nakwenda muzi njira nika bere bayeyi babanji shuku pweraka.' ¹⁰Ba vuya bakwenda mu zi njira baka shanganisa bayeyi kowo, kowo bababbi indi babaqa. Ndu ku tikya shibaka mwaru ku lyirwa i shangano ulyi rowura shayira bayenyi.¹¹Nduku tikya shikati pu karu kuya kulyaya kuba yenyi, aku mwana murwa yuhata rara ziraro zilyi rowura li shangano. ¹²Shikati aku tikya kukye, 'Mbiyanga, ingahare manjeni mopani wahararara ziraro zi shangano ulyirowura? kono murwa,shukwi kyini shuku hweta.¹³Shikati aku tikya, kuba vuya, ni shimine muyeyi yopa ku manja indi ku makondo, ni mwi kyama penje pukarama, indi munduro indi ku rwara ameno.' ¹⁴Shuku tikya uwunji wa bayeyi bata beruwa, kono bache ibataya.''¹⁵Ndiku tikya ba Farisi bakwenda indi karera shuba ku patiseza Jeso shamayi akye. ¹⁶Nduku tikya baku tumina ku kye barutiwa, ku shanganisa paxiki ni ba Herodiasi. Baku tikya ku Jeso, ''Muruti, tiyizire atikya iwe ndiywi njahamu, indi ku tikya mati ruta injira Urezya mwi njahamu. Amu ku bbiraera shu muyeyi amatilyi yuvwa, hape amu ku lyaya atikya muyeyi shikya. ¹⁷Ti zira, shimati yanakana shikya? Kwati tishirwa ku sherwa Sesare mutyero?''¹⁸Shuku tikya Jeso aku yuvusisa runya rwawo aku tikya, ''Shikya punandi qaba yenwe inati lyimwana? ¹⁹Nindiqe usherenyi umu tyero.'' Baku mulyetiza i Dinare.²⁰Jeso aku tikya kuwo, ''Wuso iwunapo ungwani?'' ²¹Baku tikya kukye, ''Isha Sisare'' Nduku tikya Jeso aku tikya kuwo'' Nipe Sisare shalyi ichakye, nipe Urezya shalyi i shu Rezya.'' ²²Pubaru kuyuvwa akyo, baku hakamara. Baku musiya baka kyita kurwezi.²³Mulyiba lyopa ma Suduki babamwe, ibaru tikya njemwe ku tambuka, bakuya kukye. ²⁴Baku muwuza atikya, ''Muruti, Mushe matikya, ' Ati muyeyi mafu munjemwe umwana arowure murwakazi akye apakye ko abana ba mukurakye.'²⁵Kali bayeyi bamana lyanja indi tu biri. I ywitanzyi aku rowura aku fwa. Aku siya kuku umwana, aku sira muzatakye mukazi. ²⁶I yuwu biri muzatakye aku kyopa indiye, ndukuya ku yuwutatu, kowo bamana lyanja ni tubiri, mwi njira yati fwana takuya mamenisizi. ²⁷Pu baruku mana kowo, murwakazi aku fwa. ²⁸Nduku tikya mu kakanda kuku tambuka ku bafu, ku bamana lyanja ni tubiri, murwakazi shwabe unjwani? shuku tikya kowo bata murowura.''²⁹Nduku tikya Jeso aku bara taba atikya, ''Nati fosa shuku tikya kani yi zire manoro indi qhumu Urezya. ³⁰Kuku tambuka ku njemwa yamati rukera ku rowura kamba kurowuruwa kono batu rukyera ku fwana manyiroi akwi lyiiro.³¹Kono kuamana ni ku tambuka kwa bafu, amani bare ishata hwetuwa ku dwelyira ku Rezya, aku tikya, ³²'Myendu Rezya Abburahama, the uywa Isaka, indi Urezya a Jakowo'? Urezya kha Urezya ababafu kono baba yimi.'' ³³Pu lyi ywaba lya ru ku yuvwa akyo, ba ku hakamara kwi tuto akye.³⁴Cware puba Farisi pubaru ku yuvwa atikya Jeso mati pu kawu ba Suduki bakulyi shanganisa paxiki. ³⁵Yuyumwe puwo, akalyi muruti umurawo, aku wuza ipuzo, ku mwi qaba, ³⁶''Muruti itayero ikuru iyi murawo iyire?''³⁷Jeso aku tikya ku kye, '''Shaka Shikati Urezya aye shumutima aye kowo, indi shamano aye kungo.' ³⁸Wopani nduwomu kuru indi wi ntanzyi ku mirawo.³⁹i wuwu biri murawo wuni-' Shaka wuntire nawo tandi shumati lyi shaka.' ⁴⁰Pu yopa ibiri mirawo ndi pwatire mirawo koyo indi shi porofita.''⁴¹Pukali bashiri bashengena paxiki ba Farisi, Jeso aku bawuza atikya. ⁴²Aku tikya, ''Shikya mati yanakana kwamana ni Keresite? I mwana yani?'' Batikya ku kye, ''Mwana Davida.''⁴³Jeso aku tikya kuwo, ''Tingahare Davida amu bera mumupupo atikya Shikati, ⁴⁴'Shikati matikya ku Shikati, ''Sikama ku lyanja lyanga i lyama khamu, nakana, pushanda kupanga zira zwa malya turo aye'''?⁴⁵Ati Davida mati bera Keresite 'Shikati; Ingahare kaku berwa mwana Davida?'' ⁴⁶Ku njemwa ikaru ku kwana kwi mitaba nanga lyiyi, hape ku njemwa imata gipa umoyo ku muwuza ipuzo kudzwa rusuku ropa.

¹Pu Jeso karu mana ku hweta ku lyi ywaba indi barutiwa bakye. ²Aku tikya, ''Ba noli indi ma Farisi bati sikama mushi puna sha Mushe. ³Nanga ndipakyo kocho shiba kuni zira nishisi shubabbara, kono nisiye ku cheriza zu batisi, shuku tikya bati hweta izuto zubahatisi.⁴Eyee, baruku shimina mi zuyo yemi remu hape yemiremu pukuyi kambika, mi bakuyibika puma qaba abayeyi. Kono shawowo halinwe baru kushitira nanga tu ngara kuzu kotura. ⁵Baru kwisi izuto za wo atikya bayeyi babamwene. Baruku panga zi kwezira zawo mafirakateri ni minganja, baru kulyisa kumamenisizi uziraro zawo.⁶Bati shaka zuturo izina kuwuso mu zi shangano indi zi turo za baba kuru muma sinagogee. ⁷indi kwi wayiwa naqa mo zi baka zama wulyisizo, indi ku beruwa 'Rabbi' ku bayeyi.⁸Kono yenwe ama na ku swanera ku beruba 'Rabbi; shuku tikya muruti enu muxiki, yeye Keresite. ⁹Mi yenwe kwenu nabana wu muyeyi muxiki. Mi hape nisiye kubera bera muyeyi ngaho atikya i Shenu, shi libaka lyuku tikya ninangaho Shenu muxiki, yana kwi lyiiro. ¹⁰Hape nisiye kuberuwa atikya' nibaruti; shuku tikya ninangaho muruti muxiki, yeye Keresite.¹¹Yo mukuru kunwe abe muvuya enu. ¹²Kwekye yamatili kakura shali bike peshi, kwekye yamati lyishusa peshi shakoturuwe.¹³Kono wushwamana ungenu, yenwe banoli indi ba Farisi, ibatilyi mwana! Shuku tikya nati yazira bayeyi mu wuso i lyiiro. Shuku tikya yenwe yemwa naka njenamo, mi ibati shaka ku njena yemwa naku bati shira. ¹⁴¹⁵Wu shwamana ungwenu, banoli indi ba Farisi inalipa shuku tikya, nati mina mayuwo aba rwakazi baba fwera, shuku ba pangira zi tapero zezinde, shazopa shani ya turwe shuku bbara.¹⁶''Wushwamana, ungwenu yenwe bayendisi ba bapofo, yenwe inatikya, 'Kwekye yamati kwaka shi kereki, kunjemwa ichumwa. Kono kwekye yamati kwaka shi gauda iyi kereki, mati shimi nuwa shuku lyi shimina kwakye.' ¹⁷Nwe bapofo baba gigi! Sheshi kuru ichire, i gauda kapa i kereki iya ti chenisa?¹⁸Muyeyi kwekye yamati kwaka shi alutare, kuku ichumwe. Kono yimati kwaka shimpo iyina payo, matishiminwe shuku lyishimina kwakye.' ¹⁹Yenwe baba pofo sheshi kuru shikya, i mpo, kapa i altare iya ti chenisa i mpo?²⁰Cware, nanga ndipa kyo muyeyi ashi kwaka shi alutare ku kwaka shayoyo indi zinapo kozo. ²¹Imati kwaka shi kereki mati kwaka shayoyo ngaho indi shayeye yamati para mwayo. ²²Indi yeye yamati kwaka shilyiiro mati kwaka shishi puna shu Rezya yeye yusikama moo.²³Wushwamana, ungwenu banoli indi ba Farisi, ibalyipa! shuku tikya bati shara ichuto shixiki ku zilyikumi. Kono nasiyi izuto zezi remu izi murawo- muxumakawo indi tumero. Kono zopa ndizi naruku swanera kwisi indi kwahasiya zizimwe zaharara sisini. ²⁴Yenwe bayendisi babfu amesho, nwe inati yimba kamburu mburu hape nati mina i kamele!²⁵Wushwamana ungwenu, banoli indi ba Farisi, ibalyipa! Yenwe nati ywesa kwinje lyu kompi indi kwinje lyu mbenga, kono mwikyo muyire fufurerwa indi kulyi pata. ²⁶Yenwe mu Farisi yo mupofo! ywesa amana mwikyo lyu kompi indi umbenga, nduku tikya pange pachene.²⁷''Wushwamana ungwenu, ba noli ni ba farisi, yenwe inalyipa! shuku tikya nati fwana imbazi, yara tsuwa wuhwe ingatu mwanahara wuqa popenje, zini mwikyo muyire zu shupa za bayeyi uwunji wazo kazi chena. ²⁸Mwi njira yati fwana, hape kunje nati mwanahara wuchena ku bayeyi kono mwikyo muyire kulipa indi murawo womuku ituso.²⁹''Wushwamana ungwenu, ba noli indi ba Farisi, ibalyipa! Yenwe inati panga zi mbazi za ba porofita indi ku ziqasa zi mbazi za baba chena. ³⁰Natikya, 'Kambe tata para mumbayiba aba shebetu, nita hata patizana nawo kuta marwapa aba porofita.' ³¹Ndipopa hee niyi zirize mwikyo lyenu atikya enwe nda bana ibata bbura ba porofita.³²Ni popahe ni yizirize kwandi lyira niba shebenu. ³³Yenwe zinywaka, abana wuzu bbobbuma, ingahare ishani pima i katuro yu munduro?³⁴Cwrae he, ni mwene, ndati ni tumisiza ba porofita indi baba sauka, banoli. Babamwe shani ba bbure indi kuba bamba, babamwe shani bara kyamu mu zikereki indi kuba hindi shira kwinje lyi minzi. ³⁵Yatikya marwapa kongo ingababa shiyama ingata tyeshira peshi, kudzwa kumarwapa Abere, ku twara kunga Zakaria mwana Barakia, inata bbura pakati lyi kereki indi alutare. ³⁶Shinjahamu nanyina ndani zira, kozo izuto zopa ishaziye pwi lyiro rurusinga ropa.³⁷''Jerusalema , Jerusalema, yewe yumati bbura ba porofita, indi ku hwabara wundati tumina kuwe! Kashiche shinda shaka kwiqawu-qawu bana wee paxiki, tandi ukhukhu shashanganisa tutsuyo-tsuyo, kono, amuku shaka. ³⁸Ni mwene, injuwo aye yati kara nali limbo. ³⁹Shuku tikya ndani zira, ndatikya kudzwa papani, kamuni shenindi mwene nakana shina ku tikya, Imbuyoti injakye yamatiya shilyina lya Shikati.'''

¹Jeso akudzwa mwi kereki baka kyita mwi njira. Barutiwa ba kyee kuqe miyaho wu wumwe ywi kereki. ²Kono aku bara taba atikya, kuwo, ''Ama naku mwana izuto zopani kozo? Injahamu ndatikya kunwe, kuqu lyiwe lyishali kara pwi lyiro lyalyi lyimwe kongo shanga waru mukye.''³Pukara sise pwi kaku muko a Olive, barutiwa bakuya kukye kuru pati baku tikya, ''Tizira, indi zopani izuto shazi pangahara? Ziqe zire zishazi raqe zuku yakwee indi mameni sizi ulyuvu?'' ⁴Jeso akubara taba aku tikya, ''Ni mamere atikya kunjemwa yamani dzisa mwi njira. ⁵Ba benji shaye molyina lyanga. Shaba tikya, Myendi Keresite,' mi shaba rakyi bayeyi ba benji.⁶Shani yuvwe zu ndwa indi zi piho zizindwa. Ni mwene atikya imeyo enu isiye ku lyangana, izuto zopa zitama hera kisisini; kono mameni sizi kanga chire kuya. ⁷Lyuvu shalyi rwenisa lyuvu lyilyimwe, muwuso ni muwuso. Shakube nizati ywasa indi indi zizi kinyeho muzi baka zati chichana chichana. ⁸Kono kozo zopa maka lyero uwu tuku.⁹Cware shabani patye bani shandise indi kuni bbura. Shani toyiwe ku lyuvu kolyo shi lyibaka lyi lyina lyanga. ¹⁰Shakube nizi kakanga zi zinji, indi kuli twaya. ¹¹Ba porofita ba benji shabaye ndukuya ku dzisa ba benji mwi njira.¹²Kakuli wubbi shawu yinjipe, rushunu rwa bayeyi sharu mane. ¹³Kono yeye yushulyi gisa ku twara mamenisizi nduya kuwa. ¹⁴Imbuzi yiqa yu muwuso shayi hwetuwe lyuvu kolyo kuba wupaki kulyuvu kolyo. Kudzwapo mameni sizi ndisha ngakuya.¹⁵Cware, pushe na ku mwana wubbi womuku iwati qapara, iwata hwetuwa ku muporofita Daniele, ku yima mushibaka sheshi chena'' (ni siye baye ndisi bayuvwe), ¹⁶''Siye bapa ibana mo Judeya batire ku marundu, ¹⁷ni siye yana kushi tiwo shinjuwo asiye ku suka kuya kuyisa ichuto mwi njuwo, ¹⁸yana kuruwa asiye kashuka kuya kuyisa inguwo.¹⁹Kono ba shwamana barwakazi ibati xamisa kapa ba tyere mu lyiba yopa! ²⁰Ni rapere nanyina atikya ku ywapa kwenu ku siye kuba pu shipepo kapa rwi Sabata. ²¹Shuku tikya ni mashando ngama kuru, ingaha chire ku mwanahara kudzwa makarero ulyuvu ku lyeta apani. ²²Nakana mayiba ngapa shanga ku shupipa, nakuku, yushu ya kuwa. Kono shi lyibaka lyabata shararwa shanga shupipe.²³Ati kuna isha tikya kunwe, 'Lyaya, Keresite yini!' kapa,' Keresite yoo!' ni siye ku tishira. ²⁴Ba Keresite wi mbuzi indi ba porofita wimbuzi shabaye kuya kwiqe ziqe indi zi makazo zezi kuru, kuni kusa ngaho mwi njira, ati shaku kwanahare, tananga ibata ketuwa. ²⁵Ni mwene, ndani ziri shinako.²⁶Cware, ati batikya kunwe, 'Ni lyaye, ana kuni kwishumwe,' kapa, Ni mwene, ana mwinjuwo yamwi kyo,' ni siye ku shira. ²⁷Pusha ku besa shaka ku mwenika kudzwa kuwu dzero taku wuzima, kopa ndukuya kwa Mwana muyeyi. ²⁸Koko ikuna unya uya yo mufu, mboku kungene mayini.²⁹Papa ngaho kudzwa ku mashando umayiba ngapa lyiba shali zime, umwezi kamuni shaumwe nikye, zinyata shazuwa ku lyiiro, indi qumu ulyiiro shayi nyangase.³⁰Cware siqe za Mwana muyeyi shazi mwanahare mu lyiiro, mi showo koyo mu lyuvu shyi lyire. shaba mwene Mwana muyeyi shama tiya muma dzudzo u lyiiro indi qumu yi kuru. ³¹Shatume manyiroi akye ni mushupu wa mukuru wu torombita, shaba kunga nise bata shararwa muziqha zine, kuma menisizi taku mamenisizi.³²''Lituta ituto ku wukuyu. Papa ngaho ushu mwana zutobe zateni zata kuku muka kali ngati gutura, uyibe atikya invura yina shufupi. ³³Akyopa, pushana ku mwana zopa kozo, ana shufupi, puru pati rumu mbero.³⁴Injahamu ndatikya kunwe, rusinga ropani ka muni sharu mane izuto zopani kazi chire kwisisini. ³⁵Pushi lyuvu indi lyiro shalya ku tsura, kono mayi anga ka muni shaka tsure.³⁶Kono zu lyiba indi nako kuku yuzi yizire, nanga manyiroi ulyiiro, nanga u Mwana, kono tana Shee.³⁷Tandi mayiba a Nuwe, shakube tandi kuya kwa Mwana muyeyi. ³⁸Tandi mu mayiba ngapa baru kunwa indi ku lya munda ka wuchire kuya, kurowura indi ku rowuza ku twara liba lyu Nuwe amata njena mwi areka, ³⁹kuku shubara yi zire tana pu munda waruya wakuya kuba gura- mi shakube akyo indi kuya kwa Mwana muyeyi.⁴⁰Ba biri ishana mwi fuba- uyumwe shayu suwe, uyumwe shakare. ⁴¹Barwakazi ba biri batitwa- uyumwe ayu suwe, uyumwe akare. ⁴²Cware nindi lyindire, kani yizire lyiba lyishi Shikati enu ishaya.⁴³Kono niyibe chini, kambe umunu injuwo ayi zire inako yamatiya, nisha sikame kwi qawu qawu atikya injuwo akye isiye ku bburuwa. ⁴⁴Cware nati swanera ku lyindira, Mwana muyeyi shaye mukakanda ku nahati yanakana.⁴⁵''I yani yamati sepahara indi muvuya yo mu sauka yamata bikuwa mwinjuwo a shikati akye atikya uku mupa zu lyuwa shaka kanda kaka shiyama.? ⁴⁶Ana imbuyoti muvuya yushu shanganuwa matisi pushi shikati akye akuya. ⁴⁷Injahamu ndatikya kunwe shikati akye shaya mupe zu tsuwa zakye kozo za sitye.⁴⁸Kono ati muvuya yo mubbi aku tikya mu moyo akye, 'Yo mukuru anga maka lyiyeha,' ⁴⁹Nduku xitika nukwi kyamu ba vuya ngakye, ku lya indi kunwa nizi ndakwa, ⁵⁰Yo mukuru akye shaye mwi nako yama lyi yibara yaha yi zire. ⁵¹Yo mukuru akye shamu xanare xanare indi kumukyi kuba balyipa, kopa kuba kulyira indi ku rwara ameeno.

¹Mu wuso aku lyiiro wati fwana tandi bakana wu lyikumi ibata yisa marambi kuka mwana yamati rowura. ²Bamana lyanja kuwo kalyi gigi indi bamana lyanja kuwo kalyi ba sauka. ³Mi baba gigi pubaru kuyisa ma rambi awo, ama bayise amazi mu marampi awo. ⁴Kono baba sauka bata yisa amazi ngangamwe nga ma rampi awo.⁵Papa puyi karuku rowura kalyi kalyi yeha, kowo bakwenda kuku rangara mi baka kwama. ⁶Kono pakati lya masuku baku yuvwa mushupu, 'Ni lyaye, yamati riwura! Nakwenda nikalyi shangane nakye.'⁷Kowo bakana batambuka baku mwenika ma rampi awo. ⁸Baba gigi baku tikya ku baba sauka, 'Ni tipeko amezi shuku tikya ma rampi etu nduku zima kango.' ⁹''Kono baba sauka baku bara taba, 'Ngutina nango mache ngaku kuti kwana kwetu, na kwenda kubati wu lyisa ni ka lyiwire nga ngenu.'¹⁰Pu baru kwenda kuku wura, ikaru kurowura akuya, ibata lyi tukiseza baka kyita nakye kwi shangano ama rowura, mi mumbero waku ya zuyiwa. ¹¹''Kowo bakana bakuya baku tikya, 'yo mukuru, yo mukuru, tiya zwira.' ¹²''Kono aku tikya kuwo, 'Injahamu ndatikya kunwe, Kandini yi zire.' ¹³Ni lyindire cware, shuku tikya kani yi zire lyiba indi nako.¹⁴Kwati fwana tandi muyeyi mati yimina kwenda lyuvu ilyimwe. Aku bera ba vuya bakye akubapa shutsuwa shekye. ¹⁵Ku yuyumwe aku mupa zi tareta zati mana lyanja, ku yumwe akupa zi mbiri, ku yumwe akupa ixiki. Kwekye mata pewa kwenda mama ti kwena, muyeyi aka kyita mu musipiri akye. ¹⁶Yamata pewa zati mana lyanja aka kyita akazi bikasa aka shangana izimwe zati mana lyanja pwi lyiro.¹⁷Kwati fwana niyamata pewa zi mbiri aka yekyezapo zi mbiri nangweza. ¹⁸Kono yamata shangana ixiki aka kyita, akasa lyuqo akayi zika.¹⁹Papa shika kanda kakare aka shika kuru awo mi akuya kuti shizana nawo. ²⁰Muvuya yamata pewa zati mana lyanja akulyeta zati mana lyanja pwilyiro. Aku tikya, 'shikati, matandipa zati mana lyanja ndalyeta zatimana lyanja pwilyiro.' ²¹''Aku tikya kukye, 'Mapanga naqa, muvuya yomuqa yamati sepahara! Mata sepahara muzeziche. Mbondi kubikye kwendasa izuto kozo. Njena niradze ni shikati aye.'²²''Shata yisa zi mbiri shakuya ku tikya, 'shikati, matandipa zi mbiri. Mwena, Ndaka panga zi mbiri pulyiro.' ²³''Aku tikya kukye, 'mapanga naqa, muvuya yomuqa yati sepahara! Mbondi ku bike kwendisa zi zinnji. Njena niradze ni shikati aye.'²⁴''Muvuya yamata pewa ixiki akuya ku tikya, 'shikati, ndara yi zire atikya, shikati ndara yizire atikya muyeyi yomu zuwo. Yamati matishanganisa muhara kuna, mati vuna muhara lyima. ²⁵Ndata ywapa, ndata yenda ndaka yizika mu muvu. mwana, yisa shalyi ichwe.'²⁶Kono shikati akye akumwi taba atikya kukye, 'Yewe muvuya yomu tolyi indi ku kwesa, uyi zire atikya ndati kunga nisa mundahara kuna indi kuvuna mundahara lyima. ²⁷Kambe matayipa kwi paka, kambe ndaya ku shangana ichanga indi chimwe pu lyiro.²⁸Cware akuyi yisa kukye akuyipa yana zu lyi kumi. ²⁹Koku kye yana , shapewe zizimwe- indiku bbara nanyina. Kono kukukye yomuku, nangaishalyi muku shashi yanguwe. ³⁰Akukyi mu vuya yomuku ituso muka rama. Kubati shupura indi ku rwara ameeno.'³¹''PushiMwana muyeyi isha kuya muku besa indi manyiroi akye, mi shasikame pu shuro shakye sheshiqa. ³²Puwuso wakye shaku nganise lyuvu koyo, shakuse muyeyi nu muyeyi kuyumwe, tandi mulisani yamati kyeta zungu kuzi penwe. ³³Shabikye zungu ku lyanja lyi khamu indi zu penwe kulyanja lyi mosho.³⁴Shikati shati kya ku ibana ku lyanja lyi khamu, 'Nakuya, yenwe inata tonorofazwa ku Tatye, nira swana mu wuso iwata ni bishirwa kudzwa kwi thanzyi ulyuvu. ³⁵Shuku tikya nata ndipa zu lyuwa pundata fwa injara; ndatafwa lyinata nakundipa ami ndaku nwaa; kali ndimuyeni naku ndiyisa mwikyo; ³⁶Kalyi ndi muku ziraro nakundi rarika; Ndaru ku mashi natandi qawu-qawu; Ndarana mwi torongo nataya ku ndimwana.'³⁷''Baba chena bakwi taba atikya,' Shikati, Indini tata ku mwana mafu injara mi takupa zu lyuwa? kapa lyinata takupa ami? ³⁸Indini tata ku mwana umuyeni mi takuyisa mwikyo? kapa ku tsushira taku rarika? ³⁹Indini tata ku mwana mwi torongo indi ku mashira takuya kuwe?' ⁴⁰Cware Shikati ndisha kwita atikya kuwo, 'Injahamu nda tikya, shinatarasi kubapana wakwenu, ikumye natazisi.'⁴¹Cware ndisha kutikya ku ibana kulyi khamu, 'Nidzwa kumye, yenwe ina kutuwa, nakwenda mulyi mbimbiro lyata kwezirwa Kamuhema (satani) indi manyiroi akye, ⁴²Shuku tikya ndata fwa injara, kono amani ndipa zulyuwa; ⁴³Kalyi ndumu yeñi, ama nindi yise; Ndata tsushira ama nindipe zi raro; Ku mashira, mwi torngo, ama nindi petiyre.'⁴⁴''Cware ndishaba ku mwi taba atikya, 'Shikati, Indini tata kumwana mafu injara, kapa lyinata, muyeñi, matsushira, ku mashira indi mwi torongo amati kwi nasamina?' ⁴⁵''Mi shara taba atikya, 'Injahamu nda tikya kunwe, shinahata rasamina bapa imye nahata rasama.' ⁴⁶Bapa shabayendye ku rufu, baba chena mu wuparo wa hamana.''

¹Kwaru kuya atikya Jeso pukaru ku mana ku hweta mayi ngapa kongo, aku tikya ku barutiwa bakye, ²''Niyi zire atikya kudzwa mayiba abiri i Paseka yatiya, mi Mwana muyeyi shapewe atikya aba mbuwe.''³Ma pirisita babakuru indi babakuru bakwi xamu paxiki mushi baka shumu purisita yo muku, ikaru ku berwa Kayafa. ⁴Ku yanakana kupa ku pamba Jeso indiku mubbura. ⁵Mi baru kutikya, ''I siye kwiqho mu kakanda kwi shangano, ku siye ku njena zundwa pukati lyabayeyi.''⁶Papa Jeso karana mo Betani murubba rwa Simoni ywi mbingwa, ⁷pukaru ku chenisa (tafure), murwakazi akuya ku kye asitire lyichimba lya mazi ingati tura nanyina, mi kunga shanjera ku mushoro akye. ⁸Kono barutiwa bakye pubaru ku mwanaakyo, baku menga baku hweta atikya, lyibaka lyuku sinyeherwa akyo ndilyire? ⁹Cho sharu ku rukerwa ku wulyi suwa shimarwapa ngamenji indi ku pewa kuba hungwe.''¹⁰Cwarehe Jeso, shuku yiba aku tikya, shikya punati guni murwakazi yo? Shuku tikya mandi sama ichuto shishiqa nanyina. ¹¹Shina kubanga nibaba hungwe kakanda koko, mi yemye kamuni nakubanga namye kakanda koko.¹²Shuku tikya pwamati tyera amazi ngani pu mumbiri, anga marasi akyo shuku ndizika. ¹³Ndani zira injahamu, koko ku shaku hwetuwa imbuzi yiqa yini mu lyuvu kolyo, shisha marasi murwakazi yini shashi hwetuwe idni cho shuku muyanakana.'¹⁴Yu yumwe ku wulyi kumi indi ba biri, ikaru ku beruwa Judasi Isikariota, akwenda kuyo mukuru ya ma purisita. ¹⁵Aka tikya, ''Shikya nati shaka ku ndipa atikya ndini qeye?'' Baku mubera marwapa umu waya-waya iwa makumi atatu (30). ¹⁶Kudzwa kakanda kapa aku kalyisa ku shaka ipwera iyi kubaraqe ye.¹⁷Pani mulyiba lyithanzyi iyi chira sheshi ku mumena barutiwa bakuya ku Jeso baku tikya, ''Ikure mati shaka atikya tukwi qawu-qawa mina ku koku lyira mu rero i Paseka?'' ¹⁸Aku tikya, ''Ni yendye mu murenenyi ku muyeyi yuyumwe ndika hweta kukye atkiya, 'Muruti matikya, ''Kakanda kanga ndukuya kako. Ndati bika i Paseka anga kwi njuwo aye indi barutiwa banga.''''' ¹⁹Barutiwa batarasi shamata baraqe Jeso, bakara qawu-qawu zu lyuwa zi Paseka.²⁰Pumaxuhumu ngaru kuya, aku sikama peshi kati lya ni barutiwa wu lyi shumi indi ba biri. ²¹Pubaru kulya, aku tikya, ''Ndani zira injahamu atikya, kokunwe yu yumwe shandi bbraze.'' ²²Bakwi xorosini nanyina, baku xhitika kulyi wuza uyumwe nu yumwe, ''Yemwa tama ime, Shikati?²³Akubara taba, ''I matyendiriza lyanja lyakye namye muku tupika mumbenga ndimandi bburaza, ²⁴Mwana muyeyi shayendye, ngoshizata ñoruwa ziza kye. Wushwamana hee ku muyeyi ishawu bburaze Mwana muyeyi! Wuqa ku muyeyi yopa shuwa ama pakuwe.'' ²⁵Judasi, ikari ku bburaza aku tikya, ''Yemwa tama ime, Rabbi?'' Aku tikya kukye, ''Mayi hweti wumune.''²⁶Pu baru kulya, Jeso akuyisa mukamu, akuwu pera, indi kuwu gawura. Aku wupa barutiwa bakya aku tikya, ''Ni yise ,ni lye. Wopani mu mbiri anga.''²⁷Aku yisa ukopi aku kambira, aku bapa nangweza, ''Ni nwe mo, kwenu. ²⁸Shiku tikya ngani marwapa anga inguwu mbiya ingati tyeshira lyuywaba shuku patira zibbisa. ²⁹Cware he ndatikya kunwe, kamuni shandinwe nangweza kuzi pata zi waine, nakana mulyiba lyopana pushanda kanwa yipiya nanwe mu muwuso a Tatye.''³⁰Pu baru kumana kuyimba ruyumbo, baka kyita pwi kakumuko a Olive. ³¹Papa Jeso aku tikya kuwo, ''Kwenu nati kya nuwe pu masuku shilyi baka lyanga, shuku tikya zu ñwara, Shandi zipe mulisani mi kabbu ku zungu shaka rapukye.' ³²Ku lyuqo kalyi ndatambusuwa, shandilyi hingize kunwe ko Galilea.''³³Cware he Pitorosi aku tikya ku kyee, ''Nanga kowo ndiba kuwa shawe, yeme kamuni shandiwe.'' ³⁴Jeso aku tikya kukye, ''Injahahamu ndati ku zira, masuku ngapani, Mukwembwe ka wuchire kulyira, mbundi shapure ka tat.'' ³⁵Pitorosi aku tikya kukye, tananga me ndinda kufwa nawe, ama ndaku shapura.'' Barutiwa kowo baku hweta ichuto ishati fwana.³⁶Papa Jeso akwenda nawo ku shibaka shatu beruwa Getisimani aku tikya kuwo, ³⁷''Ni sikame papani pundi shiyenda kuku rapera.'' Aku yisa Pitorosi indi abana ba Zebedia ba biri nakye mi aku lyi yuvwa kutsuka mu tima indi kwi guniwa. ³⁸Aku tikya kuwo, ''Mupupo wati yuvwa wubbi, nokoti ndufwa kanga. Nikare apani mi nilyaye namyee.''³⁹Akwenda shire axenine, aku wulya peshi, Aku tikya, mi aku repera. Aku tikya, ''Tatye, ati kwati kwati kwanahara, siya ukopi yopa anditsure. Nanga ndipa kyo, kamundati shashira, kono mu mati shashira.'' ⁴⁰Akuya ku barutiwa bakye akuya kuba shangana bati kwama, aku tikya ku Pitorosi, ''Shikya, puhati kwana kwiqe namye kakanda kakache? ⁴¹Ni lyaye indi kurapera atikya ni siye ku njena mumu liko. mupupo wati shaka kono inyama ina peshi.''⁴²Aka kyita nangweza aka rapera. Aku tikya, ''Tatye, ati amaya kukwana kundi zungura nakana nakunwa, kura suwa mu mati shashira.'' ⁴³Aka shuka kuya kuba shangana bati kwama, amesho awo kalyi mare. ⁴⁴Akuba siya hape ruwu tatu, aku shuka ruwu tatu kuka rapera, hweta ngaho mayi ngati fwana.⁴⁵Jeso akuya kuba rutiwa bakye aku tikya, ''Ni shu kwama mi na tsutsu ruka? Ni lyaye, kakanda kalyi kaya, Mwana muyeyi nduku pewa kakye mumanja aba qwezabbi. ⁴⁶Ni tambukye, takwenda, Ni lyaye, yamandi bburaza ana shufupi.''⁴⁷Pukaru ku shu hweta, Judasi, ikali ujwa barutiwa, akuya. Lyi ywaba lya rukuya nakye kudzwa kumu pirisita yo mukuru indi kubaba kuru batyendisa. baru kuya ni masaure indi miramu. ⁴⁸Murwa ikaru bburaza Jeso matabapa zusupo, atikya, ''Indaku xupita ndiye. Ni mupatye.''⁴⁹Papa ngaho akuya ku Jeso aku tikya, ''Tishira, Rabbi!'' aku xupita. ⁵⁰Jeso aku tikya kukye, ''Mbiya, rasi shuma yeri kyisi.'' Bakuya, ku bika manja pu Jeso, baku mupata.⁵¹Ni mwene, yuyumwe ikarana ni Jeso aku wara lyanja, aku shomuna isaure, akutsura liti lyumu vuya amu purisita yo muru. ⁵²Mi Jeso aku tikya kukye, ''Bika isaure aye, kozo zopani zati swanera ku bako isaure shayi mane shi saure. ⁵³Mati yanakana atikya kandaru ku kwana ku bera ku Tatye, mi namata lyeta manyiroi ngamenji menji? ⁵⁴Ingahre cware mañoro ngaku yizirizwa, zati swanera kwi sisini?''⁵⁵Pu kakanda kapa Jeso aku tikya kwi lyinji, ''Shikya punatiya ni masuare kuya pundi pata nokoti ndu muzi? Lyiba ni lyiba nikanditi sikama ku ni ruta mwi kereki, ama nindi patye. ⁵⁶Kono kozo zopani zati sisini atikya wuñoli wushi porofita wuyi zirizwe.'' Kowo barutiwa bakumu siya baka kyita.⁵⁷Ibata pata Jeso baku mu tyera ku Kayafa mupurisita yo mukuru, kubata ka shengana bañoli indi babakuru. ⁵⁸Kono Pitorosi aku bara qama koshire kaxenine ku rumba rumu pirisita yomu kuru. Aka njena aka sikama peshi nibati baba rera atikya amwene shakwi sisini.⁵⁹Papa mu pirisita yo mukuru indi shangono baru ku shaka wu paki wimbuzi ku Jeso atikya mu bbure po. ⁶⁰Kono kuku shubata shangana, nanga ndi kwarana baruku paka imbuzi. Ma menisizi ba biri bakuya ⁶¹baku tikya, ''Murwa yo mata tikya, Ndati kwana ku bbura i kereke Urezya ndi kuyi panga ma mayiba a tatu.'''⁶²Mu purisita yo muru aku yima aku tikya, ''Una ikarawo kuzubati ku hambereza?'' ⁶³Kono Jeso aku tupo. Mu pirisita yo kuru aku tikya tizira shilyina lyu Rezya iwe ndi Keresite, tizira kapa iwee, Mwana Urezya.'' ⁶⁴Jeso akwi taba, ''Mayi hweti kare we haline. Kono ndati ku zira, kudzwa papani shani mwene Mwana Muyeyi asise ku lyinja lyikhamu lyi qumu, mi kuya ni madzudzo u lyiiro.''⁶⁵mu porofita yomukuru akuxqhara ziraro za kye aku tikya, ''Kali ma hweti malyi uku yefura! Shikya tishi shashira wupaki hape? Ni lyaye, pani nayuvu ku nyefura. ⁶⁶Shikya ni shiyana kana?'' Bakwi taba atikya, ''Mati swanera ku fwa.''⁶⁷Baku mutsara indi ku muzipa shizi pana amanja awo. ⁶⁸akya, ''Porofita kutswe, yewe Keresite. I yani maku zipi?''⁶⁹Papa Pitorosi kara sise penje lyu mutara, Muvuya yu mukana akuya kukye atikya, ''Indiwe korana ni Jeso uywa Galilea.'' ⁷⁰Aku shapura pakati lyawo kowo, atikya, ''Kandi yi zire shinati hweta.''⁷¹Pukaru kwenda pu mumbero, shichumwe shombwa shaku mu mwana shaku tikya, ''Murwa yo indiye karana ni Jeso ya Nazareta.'' ⁷²Aku shapura hape, ''Kandi muyi zire murwa yopa!''⁷³Kaxenine ngaho ibara yimine shufupi ni Pitorosi, ''Injahamu indi ujwakuwo, shumati hweta ngaho.'' ⁷⁴Aku kalyisa ku kwaka nindi shapura, ''Kandi muyizire murwa yopa,'' papa ngaho mukombe waku lyira Pitorosi aku yakakana. ⁷⁵Pitorosi aku yanakakana mayi a Jeso atikya, ''Piri mukombe kawu chire ku lira kali mandi shapura katatu.'' Aku dzwa penje aku kalisa ku lira.

¹Papa maxehumu pungaru kuya, kowo ma pirisita indi ba bakuru baya turera Jeso rufu. ²Baku mushimina baku mutwara, twara ku Pirato muyendisi.³Cware pu Judasi, yamata mubburaza, pukaru ku mwana atikya kali bamupata, aku baka mi aku shusa muwaya-waya umakumi a tatu ku ma purisita bab kuru indi kuba malinda zikanga, ⁴aka tikya, ''Ndata panga shibye shuku bburaza marwapa ngamaku bubbi.'' Konobaku tikya, ''Zukya zopa kutswe? Zi mwana izwe.'' ⁵Papa akungarakyi mwi kereki, aka kyita, akali sunga.⁶Ma purisita baba kuru bakunga yisa baku tikya, ''Ama kwaku tishira kunga bika mushu kwama shuku tikya mu mbuliso umarwapa.'' ⁷Bakuzi hweta mwi chawo chawo, mi bakunga twara mwi fuma a Pote mubaru ku zinga makwa mavu. ⁸Shazopa i fuba yopa yaru berwa akya, ''I fuba amarwapa'' kulyeta namushi.⁹Atikya zina izata hwetuwa shumuporofita Jeremia zi yizwirize, Atikya, ''Baku yisa muwaya-waya, mubburo iwata bikiwa sha mwana Isiraele, ¹⁰Mi bakungapa yamati mwana zi fuba, shuku tikya Shikati mabaraqe.''¹¹Papa Jeso akuyima puwuso lyumu yendisi, mi muyendisi akumuwuza, ''Wee ndi Shikati ama Juda?'' Jeso aku muzwara, ''Ma hweti.'' ¹²Kono nanga ndikaru ku haperwezwa izuto ku ma purisita ba bakuru indi ba yendisi, kuku zamata rataba. ¹³Cware Pirato aku tikya kukye, ''Amu ku yuvwa kozo zezibbi zibati hweta kuwe?'' ¹⁴Kono amara taba nanga lyiyi lyixiki, mi muwusisi aku hakamara nanyina.¹⁵Pwi shangano kali shuzo shawo muyendisi kuncutura muxiki moni porongo yu lyuywaba bati shaka. ¹⁶Puka kanda kapa kwarana shigebenga sharu kuberuwa barabasi.¹⁷Pubaru ku shangana paxiki, Pirato aku tikya kuwo, ''I yani nati shaka atikya ndini ncuture? Barabasi, kapa Jeso yamati beruwa Keresite?'' ¹⁸Kara yizire atikya bataya kumuta mbika kukyee shuwubbi. ¹⁹Pukara shisise pushuro shuku yatura, ''murwakazi akye akutu mina lyiyi aky, ''Siya kwisi konco ku muyeyi yo kuku shayi zire. Ndashanda namushi shitoro yindabi nayo shumurwa yopa.''²⁰Papani ba purisita ba bakuru indi babakuru baku zira lyi ywaba atikya ringire Barabasi, mi Jeso abburuwe. ²¹Muyendisi akuba wuza, ''I yire pubani ba biri inda kuni ncutwira?'' Ba kutikya, ''Barabasi.'' ²²Pilato aku tikya, ''Shikya nda kwisi ni Jeso yamati beruwa Keresite?'' kowo bakwi taba, ''Nimu bambe.''²³Mi aku tikya, ''Hape shikya, wugebenga kya amarasi?'' Kono baku shupura nanyina, ''Aba mbuwe.'' ²⁴Cware Pilato aku mwana atikya ama ku kwana kuyaka incumwe, kono kuye keza kuwu zuwo, aku yisa ami, akuywa ku manja pumaso ulyu ywaba, mi aku tikya, ''Ndumuku shibbi mu marwapa umutu yo muchena. Kulyi mwene yenwe.''²⁵Bayeyi kowo baku tikya, ''Marwapa akyee ngabe pulyiiro lyetu indi abana betu.'' ²⁶Mi aku ncutura Barabasi kuwo, kono akupe Jeso mu manja awo atikya bamu bambe.²⁷Masore umuyendisi baku yisa Jeso ku miyaho umuwuso mi baku shanganisa abatyendisa masore. ²⁸Ba kumu zipa indi kumu shimina muhara. ²⁹Baku panga ituru yi miya baku murarika yoo, mi baku bika yuyumwe ku lyanga lyiqhamu. Bakuwa peshi puwuso wa kyee mi bakumu shuwura, atikya, ''Hee, Shikati ama Juda!''³⁰Bakumu tsera, bakuyisa izuto mi hape baku muzipa mu mushoro hape indi hape. ³¹Pubaru kumana kumu shandisa, baku muncutura yumuzi mi bakubika ugwasi akyee, bakumutwara kuka kokotera.³²Pubaru kuzwa penje, baku shangana murwa yamati dzwa sirene yu lina Simone , ibata kakatiza kwenda nawo atikya ayise shifapano shakyee. ³³Bakuya pushibaka shati beruwa Gologota, i yati tarusa ''Shibaka shaka tendere.'' ³⁴Baku mupa i waine ikopana. Kono pukaru kuyi qaba, amayi nwaa.³⁵Pubaru kumana ku mubamba, baku charara ziraro zakyee tu yemba yemba, ³⁶mi baku sikama indi ku sikama kabati lindira. ³⁷Pulyiro lyakyee baku bika mirandu pakyee, yati baruwa, ''Yo pani ndi Jeso, shikati amu Juda.''³⁸Ba bezi babiri baka bambuwa na kyee, uyumwe kwi qhamu mi uyumwe kwi mosho. ³⁹Bapa ibaru ku mutuka, baku nyunga mi shoro awo. ⁴⁰mi baku tikya, ''Yewee yumati kwana ku wumbara i kereke indi kuyi xhini mu mayiba atatu, liyaka! Ati iwee ndumwana Urezya, suka pu shifapano!''⁴¹Mwi njira yati fwana ma purisita baba kuru baru ku musheka, indi bañoli indi baba kuru, mi ku tikya, ⁴²''Mata yaka ba bamwe, kono mati shitira ku liyaka yeye. Yee ndi Shikati a Isiraele. Numu siye asuke pushi bambiro.⁴³Mati tishira ku Rezya, ni musiye Urezya yamu yake apani, ati Urezya mati tishira ku mukusa, Mani mata tikya, 'Ndi mwana Urezya.'' ⁴⁴Mwi njira iyati fwana indi babaezi ibata bambuwa nakye baku hweta mayi ngamabbi ku kyee.⁴⁵Papa kakanda kati mana lyanja indi kanee kaxiki karema kakuyira lyuvu kolyo ku twara kakanda katimana lyanja indi tunee tunee. ⁴⁶Jeso aku shupura shulyiyi lyolyu kuru aku tikya, ''Eli,Eli, lama sabachthani?'' iya tikya, ''Urezya, urezya, shikya mandi siri?'' ⁴⁷Puba bamwe ibara yi minepo baru kuyuvwa, baku tikya, ''Mati bera Elija.''⁴⁸Papa ngaho yuyumwe aku tiya kuka yisa shupochi, skashi yiza i waine, akuya kumupa atikya anwee. ⁴⁹Uwunji wawo baku tikya, ''Ni musiye yekye. Pu mwene Eliya mbwaye ku muyaka.'' ⁵⁰Mi Jeso aku shupura nangweza shulyiyi lyelyi kuru mi akupa rupupo lyakyee.⁵¹Ni mwene, Lidzira lya mwi kereke lyaku ncharuka pakati, mi lyuvu lyaku nyangasa, mi indi mawe ngaku qxataka. ⁵²Zimbazi zaku yazuka, mi mimbiri ababa chena bara ranzire baku tambuka. ⁵³Bakuzwa mwi zimba ku tambuka, baku njena mu mirenenyi, kuli mwana haza ku babenji.⁵⁴Papa ibararana po indi baru ku wuha Jeso pubaru ku mwana ku nyanya ku lyuvu indi izuto zara sisini, baku ywapa baku tikya, ''Injahamu yopani kali mwana Urezya.'' ⁵⁵Barwakazi bata kara qama Jeso kuzwa Galilea kumu fwera zutsuma bara yimine shire sana. ⁵⁶Pubapa pwarana Maria Magadelena, Maria nyina Jakowo indi Josefa, mi indi nyina abana ba Zebedia.⁵⁷Pumaxuhumu ngaru kuya, kwaru kuya murwa yo mufumu kuzwaArimatea, kuru kuberwa Josefa, ikali muraqama a Jeso. ⁵⁸Akuya ku Pilato indi kuya ku rungira shutupu sha Jeso. Pilato aku tikya shipewe kukye.⁵⁹Josefa akuyisa shutupu, aku shuputira mulyi dzura li line, ⁶⁰mi aka shibika mwi mbazi akye yi piya yamata panga pulyuwe. Aku rabelira po lyuwe lyeli kuru pu mumbero mi aka kyita. ⁶¹Maria Magdalena indi Maria yuyumwe kubarana, bara sisine kuru pati lyi mbazi.⁶²I lyati lyiba, kuzwa ku lyiba lyikuli bbakaña, ma pirisita baba kuru indi ba falisi baka shangene ku pilato. ⁶³Baku tikya, ''Yo mukuru, Tati yanakana mufu pukara chire kufwa, mata tikya, 'Mu mayiba atatu shandi tambuke nangweza.' ⁶⁴Baku tikya i mbazi yamame ruwe kutwara lyiba lyu wune, taba rutiwa bakye bakuya ku muyiba mi baku tikya ku bayeyi, 'Matambuka kubafu,' mi zita fosu mbezibe zezibbi kubba zitanzi.''⁶⁵Pirato aku tikya ku kyee. ''Ni yise bagatelyi. Nakwenda nika pange munati kwena komo.'' ⁶⁶Baka kyita kuka raqawu-qawu i mbazi, nika bikepo lyuwe mi indi ka bikapo bati lyaya po.

¹Maxuhumu rwi Sabata, kushera ku lyiba lyithanzyi lyi viki, Maria Magadalena indi Maria yuyumwe bakuya kuku mwana imbzi. ²Nimwene, kwarana izi kinyeho yi kuru, mi lyinyiroi lwa Shikati lyata kadzwa ku lyiiro, kuya kurawura lyiwe, lyaku sikama palyo.³Karu ku mwanahara ku mwenika, mi ziraro zakye kalyi zuhwe twaaa. ⁴Baruku mamera baku ywapa bakuba tandi bayeyi babfu.⁵Lyinyiroi lyaku hweta ku barwakazi atikya, ''Nisiye ku ywapa, ndiyi zire atikya nati shaka Jeso, yamata bambwa. ⁶Kukuye kuni, kono matambuka, tandi shamata hweta. Nakuya ni mwene pu Shikati karana nzyire. ⁷Ni shukye papani ngaho nika zire barutiwa bakye, 'Matambuka ku bafu. Ni mwene, makyiti kuwuso ko Galilea. Nduku shani kamu mwena.' Ni mwene, Ndani ziri.''⁸Barwakazi papa ngaho baku siya imbzi shuku ywapa indi kwi dze, kutiya kuka zira barutiwa bakye, ⁹Ni mwene, Jeso akuba shangana aku tikya, ''Nakotuka!'' Barwakazi bakuya, pumakondo akye ku murapera. ¹⁰Mi Jeso aku tikya kuwo, ''Ni siye ku ywapa. Nakwenda nika zire bakuru banga bakwenda ko Galilea. Kopa shabaka ndimwene.''¹¹Papa barwakazi pubaru kwenda, ni mwene, baru ku mamera ba bamwe baka tikya ku mureneñi ka zira ma purisita ba bakuru izuto za panga hara kozo. ¹²Pu ma purisita pubaru ka lyishanganisa ni bakuru ka hweta zitaba nawo, bakupa marwapa ngamenji masole. ¹³mi baku bazira, Atikya, 'Jeso' barutiwa baya masuku kuya kuyiba shutupu shakye pubaru ku kwama.'¹⁴Ati ipiho yopani yati kaya ku muyendisi, mboti mususuwe kukusa zibbiraera kokunwe.'' ¹⁵Mi masole bakuyisa marwapa mi ba karasi tandi shuba zirwa. Ipiho yopani ya kwenda koko ku dzera kuwuso mu ma Juda.¹⁶Kono barutiwa wu lyikumi indi muxiki baka tita ko Galileya, kwi kambamo ku Jeso amata bazira. ¹⁷Pubaru ku mu mwana, barukumu rapera, kono babamwe kabaru ku tishira.¹⁸Jeso akuya kuwo indi ku hweta nawo atikya, ''Koyo iqumu yata pewa kumye mu lyiiro indi mulyuvu. ¹⁹Akwenda cware nika pange barutiwa mu lyuvu. Ni bakoro beze mu lyina lya Tatye, u Mwana, indi Mupupo wo Muchena.²⁰Ni barutye izuto zindata nizira. Ni mwene, ndina nanwe kakanda koko, nanga iku mamenisizi ulyuvu.''

¹I linji liabato kuliarana mu mayiba ngapa mi kali kunjemwa zukulia ,Jeso akubera barutiwa bakie ,aku batiwa ba akye . ²Ndabi na bato bapa maiba atatu ndi munjemwa zikulia ³Akya ndi barukurure bayende kumizawo baka shakie zukulia ,taba ku kutira muni njira ba bamwe batidzwa koshire , ⁴ Barutiwa bakye ,ba kumwitaba ikure ta kumwa zuliwa zu ku bapa ,muni nkanda iya ngahopani akia tikwene kuba relisa .⁵5 ,Akumbuza nina ma bread ali kai ,bakwi taba tina ngaho manalianjainditubiri . ⁶A ku barayerera shichaba koco kusikama popeshi ,akuisa ma bread akuli tumera ,akupa barutiwa bakie ,ba kupa a bato kuwo mushibaka shakye ,mi bakupa a bato kowo .⁷, kwarana tushwi totuce a kuli tumera , a kuraera batiwa bakye kupa abato kowo , ⁸,bata lya mi bata liubwa naqa mi bakutwara iza takarapo zi tanda zimanalyanjainditubiri , ⁹,kali bali fo abato i bararana ko ,mi aku barukurura . 1 ¹⁰kudzwapa akunjena muni woto ni barutiwa bakye ,Mi batayuenda mushikiriti sha dalmanuta .¹¹11: Mafalisi bakuya kokuke bakuya kumu kakanisa ,kuya kumulika shukurungira i zuto i zatidzwa muniliro. kumwana kapa ¹²,jeso akususa mupupo ,mi akutikia ,lisinga liopa shikya pu liatiya kushaka shibe ? Mi akutikya kunjemwa shibe i sha kuba kumushowo wopa ¹³A ,akunjena muwoto kwenda kurupati rurumwe .¹⁴:Mwinako yopa barutiwa bakye ba kuyibara kurwanga i cira ,kali baqu na kana shinkwa shitsiki shi barana naco muni woto , : ¹⁵A ku bazira akya ba mamere , baywepe mumena wa mafalisi indi maheruda ,¹⁶Barutiwa ba kye bakukalisa ku hweta akya libaka ti banjemwa icira ¹⁷Jeso a remuha mi akutikya kjuwo shikya punati hweta zu kwikini i cira, kanicire kuremuha indi yubwisisa ? I meyo enu yaradaru .¹⁸Nina mesho yema ni mwene ,Nina mati ,yema ni yubwe , Yemani yanakane , ¹⁹Pundara kucamara camara ma bread ali nga manalyanja kwa batu bali five thousand .Mi zitanda zili kai zatayira zinkwa zezi camaka zi nataisa ? baku mwitaba ,lishumi indi Tubiri²⁰Mi zinkwa zi manalyanja ini tubiri zindata camelira a bato i batikaya poku 4 thousand , nata twara zilikai izi yi yire mucukumwino ,Ba kumwitaba ,zimana lyanja indi tubiri ,A ²¹ku hweta, indi nako yopani kanicire kundiyubwisisa .²²22 :Cware ba kuya kwi betiseda , A bato baku mulyetiza munyana ya hara kumwana .a kurungiruwa ,kwaha mupata , 23 : ²³Jeso a kumupata kulyanja akwenda nakye kwinje limuzi ,Akumtswera kwamesho ,a ku mubika manja ,kwamesho ,aku mumbuza ,shika mati mwana ?.²⁴: munyana ya hara kumwana akuliaya akutikya ndati mwana a bato i batyendinda , ndati bamwana tandi miti yatyendinda ²⁵,Jeso akushusiza manja akye hape ,mi yahara kumwana akulyaya , Akupwara a kukalisa kumwana²⁶Jeso a kumushusiza muni njuwo akye .siya kunjena muwu kuwa .²⁷: Jeso pukara kudzwa indi barutiwa bakye a kunjena muni mizi yi mi bambana ni sesarea iywa filipi .Muni njira aku wuza barutiwa bakye , akya a bato bati mubera akya inje ndiyani ? ²⁸Ba kumwitaba ba bamwe bati tikya i we Johani Mukorobezi ,ba bamwe akya iwe ndi Elija ,ba bamwe akia iwe yuyumwe iywa baporofita .²⁹Aku bambuza cware yenwe na ti tikya ime ndiyani ,pitorosi ,a kumwitaba iwe kiresite ³⁰,Jeso aku bapa i mamera ni siye kuzira a bato akya ime ndiyani³¹31: Akukalisa kuzira a bato , mwana mulyumo sha yubuswe wu tuku a huru shashapuruwe ku bakuru ,indi kubapirisita ba bakuru indi ba ñoli shabburuwe ,Mishatambukye mumayiba atatu ³².Aku hweta mayi ngapa purukandara ,Pitorosi a kumutwara kurupati a kukalisa a kumugupira .Jeso a kulyaya kuliqo ,akulyaya barutiwa bakye , aku gupira pitorosi dzwa kume dyaburusi ,mi yanakano yopa kanju lyezya , inja bato ,³³ Jeso a kudzqapuka mi akulyaya barutiwa bakye ,aku gupira pitorosi a kutikya dzwa kume dyaburusi ,mi yanakano yopa kanju redzya ,inju mutu ³⁴.A kubera ilinj kolyo indi barutiwa bakye ,aku hweta kuwo u mutu ashishaka kundi qama matiswanera kuli toboha a kulike shifapano chake ,mi a kuya ndiya muliqo .³⁵Kweke ya masha kwiqawuqawu rupupo rwakye sha wusinyeherwe , Yama tisinyeherwa mupupo akye shilibaka lyanga indi liyi lyuredzya ,Sha palise mupupo akye .i ³⁶tuso ndiyire ? U mutu indi puka kutsuwa livu kolyo ,kati sinyehrwa rupupo rwakye ³⁷.U mutu shikya nangali kupa ku rupupo rwakye .³⁸Mutu kwekye isha ndiswabera yeme indi liyi lyanga ,murusika rwaba bbabba indi ba eza livi , mwana mutu indiye sha muswabere pusha kuya indi mañiroyi nga macena mu rumweni rwashe .

¹Kwi tandzi kwarana Lyiyi, mi Lyiyi lyarana indi Uredzhya, mi Lyiyi kalyi Uredzhya. ²Lyopa lyarana kwi tandzi indi Uredzhya. ³Izuto koozo zatarasuwa shayeye, mi kwizata rasuwa kuku ishatarasuwa aharasipo indiye.⁴Mokukye mwarana wuparo, mi wuparo kalyi mumwenyi wa bhato. ⁵Mumwenyi watimwenika mukarema, mi karema mukawukweme.⁶Kwarana munyana yamatakatumuwa ku Redzhya, lyina lyake kalyi Jwahani. ⁷Mataya shuwupaki kupaka zimumwenyi, atikya kowo batishire shayeye. ⁸Jwahani kalyi kanje ndi mumwenyi, kono mataya atikya akwene kupaka zumumwenyi.⁹Kalyindi mumwenyi winiti, iwati mwenika umutu kweke yamatiya mulyuvu.¹⁰Karana mulyuvu, mi lyuvu lyatarasuwa shayeye, mi lyuvu molyimuyibhe. ¹¹Mataya kubha kwake,mi bhakwake mubha mutambure.¹²Nangweza shuwunji ibhata muamuhera, kokuwo matapa mata ingukubha abhana wu Redzhya, nanga kokuwo kwi bhata tishira pulina lyake. ¹³Yemubha pakuwe shi marwapa, kapa shukushaka kwi nyama, kapa shukushaka kwa bhato, kono shu Redzhya.¹⁴Mi Lyiyi lyalikupanguwa inyama, mi lyali kupara mwikyo lyetu, (mi tata mwana kanya kake, kanya kake yeke ya matakadzwa kwilyiro kokushe,) yomu yire shishemo indi wuniti. ¹⁵Jwahani mata paka wupaki wake, mi kalyikulyira, katitikya, yopa ndi ndali kuhweta, yeye yamatiya kulyiqo lyanga mukuru kundi mbhara: kukarana yeme kandicire kubhako.¹⁶Mi shukuyira kwake kwetu tata amuhera, mi shishemo ni shishemo. ¹⁷Murawo wata pewa sha Mushe, kono shishemo indi wuniti wataya sha Jeso Kresite. ¹⁸Kunjemwa umutu ikelya mwana Uredzhya, Mwanake yeke muxiki, yana pushi tzuba sha Tatye, ndi yamata muyibahaza.¹⁹Mi wunii ndu wupaki wa Jwahani, pu Majuda baliku tuma ma purisita indi Malevi kutzwa ko Jerusarema kuya kumu wuza, "Iwe ndi yani?" ²⁰Mi kalyi ku toroka naqa emwa zike, mi emwa shite, kono kalyi ku toroka naqa emwa zike, "Kame ndi kresite." ²¹Mi bhalyi kumu wuza, "cware shikya? Iwe ndi Elyiya?" Mi kalyi kutikya, "Kame." "iwe ndi muporofita?" Mi kalyi kwitaba, "yemwa."²²Bhalyi kuti kya kokuke, "Iwe ndi yani?" akya shiti kape i karawo kwi bhakatituma. Shikya umati hweta kurupatirwe?" ²³Kalyi kutikya, "Ime ndi lyiyi ilyati lyira mulyi harawupa, Wara injira ya Shikati, shamata hweta Isaya.²⁴Mi bhanaa ibata tumiwa kalyi mba ku Mafarisi. ²⁵Mi balyi kumuwuza, mi balyi kutikya kokuke, "shikya umati korobhezehe, ati kanduwe Kresite yopa, kapa Elyiya, kapa muporofita yopa?"²⁶Jwahani aku bharatabha, atikya, "Ndati korobheza shami: kono pakati lyenu kuyimine muxiki, yinahayizire; ²⁷Ndiye, yamatiya puwuso wanga mandi mbhara, indahatikwana kushumununa zishiminiso zizi shangu zakye." ²⁸Izito zoo zatara sisini mo Bhetani mokyo lya Jordani, ku Jwahani ali kukorobheza.²⁹Lyiyibha ilyalyikuchera Jwahani kalyi kumwana Jeso katiya kokukye , mi kalyi kuhweta, "Nimwene Ingu yu Redzyha, iyatiyisa shibe shulyuvu. ³⁰Yoo ndiye indalyi kuhweta izakye, kudzwa yeme kwatiya munyana ya mandi bhara: shukutikya kukarana yeme kandicire kubako. ³¹Mi mondi muyibhe: kono akya akwene kuyibhahara ku Isiraere, nanga ndaya kanditi korobheza shami."³²Mi Jwahani kalyi kupaka wupaki, kati hweta, ndamonu Mupupo kawutidzwa kwi lyiro tandi ikwilyimba, mi yalyi ku sikama pokuke. ³³Mi mondi muyibhe: kono yamatandi tuma akya ndi korobheze shami, yamatiswana mata hweta kume, yukokumwana ipwa kusushira mupupo, mi ndukukara pokukye, yamatiswana ndiyamati korobheza shu Mupupo Mucena. ³⁴Mi ndalyi kumwana, mi ndalyi kupaka wupaki atikya yoo ndi Mwana Uredzhya.³⁵Hape lyiyibha ilyalyikuchera pu Jwahani kalyi kuyima, indi bharutiwha bhake bha bhiri; ³⁶Mi kati lyaya Jeso pukalyi kwenda, kalyi kutikya, Nimwene Ingu yu Redzhya!³⁷Mi bha rutiwha bha bhiri bhata muyubwa kati hweta, mi bhalyi kuchera Jeso. ³⁸Cware Jeso kalyi kuyarumuka, mi kalyi kubha mwana kabhati muchera, mi kalyi kutikya kuwo, Shikya nati shaka? Balyi kutikya kuke, Rabbi, (iyati hweta atikya, iyati toroka akya, Muruti,) ikure matisikama? ³⁹Kalyi kutikya kuwo, Nakuya mi inimwene. Balyi kuya mi bhalyi kumwana kukalyi kusikama, mi bhalyi kusikama nake lyiyibha lyopana: kakulyi kelyi kalyi inako yake 10.⁴⁰Muxiki kwi bhata yubwa Jwahani kati hweta, mi kalyi kumu chera, kalyi Enduru, muzata Simoni Pitorosi. ⁴¹Matikalyisa kushangana Simoni, mi ndikutikya kukye, Tashangana i Mesiya, i yati, toroka akya, kreste. ⁴²Mi kalyi kumulyeta ku Jeso. Mi pu Jeso alyi kumu mwana, kalyi kutikya, Iwe ndi Simoni mwana Jona: mboti ubheruwe Sefasi, (iyati toroka atikya, Lyiwhe).⁴³Lyiyibha ilyalyi kuchera Jeso kalyi kwenda mo Galyileya, mi kalyi kushangana Firipi, mi kalyi kutikya kuke, Ndichera. ⁴⁴Firipi kalyi kudwa mo Bhesaida, mu murenen`i wa Enduru indi Pitorosi. <sup>45</sup>Firipi matishangana Natanieru, mi ndi kutikya kuke, tamushangana, ye Mushe mumirawo, indi maporofita, bhata n`wara, Jeso injwa Nazareta, mwana Josefa.⁴⁶Mi Natanieru kali kutikya kukye, kana kuna ishuto shoshiqa ishati kwana kuzwa mo Nazareta? Firipi kali kutikya kuke, Ukuya yumwene. ⁴⁷Jeso kali kumwana Natanieru katiya kuke, mi kali kuhweta zake, Mwana mu Isiraere tota, kokuku imbuzi kuke! ⁴⁸Natanieru kali kutikya kuke, Ikure undiyizire? Jeso kalyi kwi taba kalyi kutikya kuke, Piri Firipi kacire kuku bhera, pukorana mwishi lishikuni shi feige, Ndakumonu.⁴⁹Natanieru kalyi kwitabha kalyi kutikya kuke, muruti, iwe ndu Mwana Uredzyha; iwe ndi shikati ywa Isiraere. ⁵⁰Jeso kalyi kwi taba mi kalyi kutikya kuke, shukutikya ndatikya kokuwe, ndakumonu mwishi lyishukuni shi feige, kelyi matishire? mbu mwene izuto zozukuru kubhara zini. ⁵¹Mi kalyi kutikya kuke, tota, tota, ndatitikya kokuwe, kudzwa papani mbumwene lyiro kalyiti yazuka, mi manyiroyi ngu Redzyha kangati suka indi kukakuka pu Mwana umutu.

¹Mi lyiyibha lyuwu tatu kwarana mukiti wulyirowura mo Kana inja Galilea ²Mi Jeso kweke matamemiwa, indibha rutiwa bhake, kumukiti wulyirowura.³Mi pubhali kushaka iwaine, nyina Jeso kalyikutikya kuke, " bhaku iwaine." ⁴Jeso kalyi kutikya kuke, " Mukurukazi, shikya ndakukwisi? kakanda kanga kakachire kuya. ⁵Nyina akutikya kuba vuya, ''Kwosho shika kunizira, nishisi.''⁶Mi kwali kubhikuwa turongo twami tumanalya indi kaxhiki, shumukwa wuku chenisa kwama Juda, ⁷⁸⁹¹⁰Mi kalyikutikya kuke, umutu kweke

¹Ndakambiri Teofile, iwuka iyukutanga ndataisi shizusu kozo zamatakara Jeso kusi katiyaya shazo, ²kutwala kuldiiba lyamarakwenda kuldiro, atiakumana Shumuku Omuqa bayaywa bake wamatasharara. ³Bapa, atia akuyuvwa wutuku, kaya kulyumwahaza kuwo pwamarashiri muimi, shizimweniso zizinji. Kabamumonu shamaiba amakumi ane kali kauhana nawo, marukuhweta zumuwuso Urezha.⁴Marukurayaya muso uldiiro,ati akushangana nawo kabatyeya atikya basiye kundzwa mo Jerusalema, baldindire Sheshi amata barayaya shashe urezha, "Shukutikya ⁵Johani mata nwengiswa shami. Yenwe nati nwengiswa Shumuku Omuqa mumaiba ngamace."⁶ Atibakushangana panxiki kabamuwuza ati "Shikati, papani ishutambise muwusa aisilalere?" ⁷Jesu kabarataba atikya, "Kuyemwa nupuwe kuiba zinako kapa zumwaka, tana Tatye yeke, shukutikya ishanipuwe kwihqumu. ⁸Umuku Womuqa ishawuye kunwe, ishanirandzo abato ibatishumuka mayi anga, mokumavu kongo inga Jerusalema indi Jutiya indi anga Samariya, kwenda kukamana ku ldiivu."⁹Ati Shikati Jeso a kuhweta zopa Amaruisiwa moku ldiiro, kabamumonu popumarukwenda, lindzundzo kalitibayaziya kwa mesho awo, ¹⁰atibakulyaya akyopa kuldiro banyana bayiri kabatiya kuwo barara ziraro zozuhwe, ¹¹kabatitikya kuwo nwe banyana baGalilea, "Shikya niyimine muni kanitilyaya kokuldiiro? Jeso mayendi mokuldiiro ishakashuke shinjira yinamumonu mayendi shayo koku ldiiro."¹² Ngabati tsurumuka popu lyuwe ilyati beruwa Miti iya Oliver,wufupi walyo watilikana nirwendo rwi Sabata,ngabati tsurumuka ko Jerusalema . ¹³atibakunjena mokumuzi, ngabatiranda mokwinjuwo aya kokuldiiro,imwarukusikama ba Pitolosi indi Johani indi Jakobo indi Andreasi indi Filipi indi Tomasi ni Bartolome indi Mateu indi Jakobo imari imwana Harufea indi Simon Zeloti indi Juda imaldi mwana Jakobo, ¹⁴Kowo barana umuku munxiki mukuraqhumu kukambira urezha. kwarana bakazi indi Maria nyina Jeso indi bazatu bake.¹⁵ Mumaiba ngapa, Pitolosi katiyima mwikyo lyaba kwake, mi uwunji wawo ngautubarwa shamakumi Ulyukumi ni makumi ayiri, ¹⁶katitkya, nwebakwanga kali kutikya mañoro ngarasisini ingata hwetuwa Shishuporo sha Davida, ilyatihweta sha Judasi. Imatakitira abato ibaruku shaka Jeso.¹⁷ Shukutikya tatabaruwe kokutswe, malindi murara rupati mukwi yaaya kwake ¹⁸ ati akulyuwira ifuba shukupuwa shuwubbi, amaru kulyu bbura, akuqatuka pakati,mirake kayo yaku dzwera kwinje ¹⁹itaba yataziruwa kwabato kowo ibatara dxini moJerusalema. ifuba yopa yatib etiberuwa sha hakeldama moku mushowo awo kutikya, ifuba Amarwapa.²⁰ Moku Rukwaro rwa Lisamu kwata ñoruwa atikya, ichuto Shawoshayarumuka limbo, takura kinisini umutu imatikara dxini mo, Nangwena katitikya, uyumwe ayise uvuya wake.²¹Panga ndipakyo kubanyana wutaru kupara nawo inako koyo Shikati Jeso amata yenda natswe, ²²kutanga shuku nwengiswa kwa Johani, takuya shi ldiiba lyamata ndzusuya kutswe akutoruwa kokuldiiro. ²³ndupubaru kulyeta bayiri, uyumwe awo maldii Josefa maruku ku berwa sha Barsabasi, matiyerwa nangwena sha Justus;indi Matiyasi.²⁴Ngabati kambira , kabatikya, Shikati, yewe yuyizire mitima abato nwe,uketye yuyizire kwabato bani ²⁵shukutikya ayise shupuna shu uvuya indi wu mu apostora shamatawa kucho Judasi,amarukakita kushibaka shake, ²⁶papa ngabati mwana zimbe, zarukupata Matiyasi; ndupukaru kunjena mwa bato ulikumi ni uxiki.

¹Ldiiwa Mopupo ucena lyakuya, barasise pa xhiki mwi njuwo, ²puvaresise vatiyubwa mopupo ku kuliro watinjena mwi njuo koyo ,Omuqa wakuya kuyira injuwo koyo mubarasise.kwakuya ³kumwanahara rulime rumonduro Omuqa nu yumwe.kowo baru ⁴kushangana umuku Omuqa.barukuyima nukuhweta shizindime zezitsukana tsukana, Shumuku wamatabapa.⁵Kwarana maJuda mo Jerusalema batu ba balimu kuzwa mishovo ni mishovo mo livu ⁶ha ku utwahala,kwatayuvwahara murumo wo livu lyataya koyo, ⁷batalyangana kowo ndi kukomokwa atica koo maGalileans?⁸Sikya sitatuyubwa momoshovo wetu, mumu shovo wetu. ⁹maParthians and ma Medes,indi Elamites ni batipara mwi Masopotamia indi Juda ni Cappadocia, indi Pontus indi, ¹⁰Asia indi Phrygia indi Pamphylia, indi Egypt indi babamo barakuzdwa mu Libya indi ba Cyrene indi bapoti batizdwa mo Roma, ¹¹maJuda indi ma Proselytes, Cretans, Arabians,twatubayubwa mumushowo wetu batirumbeka Shikati mulimwe yetu.¹²Kowo bata batabemuka indi kwiidzuu; batikya kuwo ''shikya kyopa"? ¹³barukuba rataba shukumenga kabatikya, bapa ibataddakwa wuwara womupiya¹⁴Pitrosi pwakarayiminee ni wu likumi ni wuyiri,shi ldii lyolyukuru, alikutikya kuwo, nwe abana bama Juta indi kowo yibatipara moJerusalema niyibe zini, nirakyekye ¹⁵shabato bani yemwa badakwe momunati yanakena,shinako yuwutatu kudzwa pulyadzweri.¹⁶Shihweta coo inco shatahwetiwa ku muporofita Joere; ¹⁷Kwa mamenisizi a maiba; Urezha matakya,'nikasulula Mupupo wo ucena kwa batu kowo.a bana we ba babanyana indi babakazi bata ba ma polofita,baana babanyinyani batabona lipono, indi babahulu bakabona litoro.¹⁸Ni kubawuya indi basali bawuya muzinako za ma manisize nditere Mupopo ucena, ba ka profita. ¹⁹Nditi kurakye mwa mbimbyulu indi limakazo mumuvu indi zisupo,marwapa,mondiro indi usi.²⁰ldiiwa lyata ulya,ukwezi izoromoke marwapa,pili ldiiwa lelimakaza indi lelituna la Shikati lisika fita kale. ²¹ldiiba lyopa Shikati abatu kowo abataketiwa.²²Ibaana ba Isiraere, murakyekye: Jeso wa Nazareta,munyana yata hquwa ku Urezha ka zisi ze tigi ze mata indi lisupo zeo Urezha matatikyamwicwetu, ²³shikutikya munyana yopa una murero womugi indi Urezha,indi shukuyiba kwake matayakwa,shamanja abababi matabambwa pushibambiro,natamubura. ²⁴Urezha mata mutambusa vufu,amarukumucutura muku rufu;shikutikya kuhqu mwamatatikya ashiminwa mukurufu ropa.²⁵Shikutikya Davida matahweta, katikyandatabika Shikati puwuso wanga;una kulyanja lyanga ilya maxqamu ndumuhqu ku nyangaswa. ²⁶Mutima anga waradze. Rulimi,mumbiri wanga ususuruke.²⁷ Shutikya umuhqu kusilira Mupupo anga mushibaka Shibatafwa, Imataketuwa iwe, umuhqu kumusiya yo mucena atikya amwane ku bbora. ²⁸Mandimwenisa injira uwuparo ,kuti undi gdisize i tabo yatizda muwuso aye.²⁹Bazatanga, ndatini zira pukakanda aza mupatriaarreka Dafita: atikya mata fwa, ta libita lyake ldina muni mokutswe namushimi. ³⁰Shkutikya mali muporofita, akali kuiba atikya Urezha mamuyaka nanyina atikya keresite yeye tota ishadzwe moni masinga ake,tisha sikame moku ikanya ake. ³¹Shukulyu numwene chopa katandzii, Davita ,Davida atahweta kutambuswa kwa Keresite, matahweta atikya mupupo wa kwe ku hqu kusiwa mwa sibaka sababata fwa.³²Yoo ndi Jeso,yamatatambuswa ku Erezha;yeswe kwetu tuzipakii. ³³Atimana kutirekiwa ku lyanja la makhamu ulyu Urezha, mataisa mupupo o qha ku Shikati one basepisizwe,matawubika; kyopa shimwatimwana ndisico indi shina yuvu.³⁴Shukutikya Dafita kacire kwenda kwi liro;atatikyaShikati atatikya ku Shikati, unisikamine kulyanja lyu ukhamu. ³⁵Kutwara pushanda kubi kashira sisebeliso sha makondo.³⁶Kya kyopa nisiye ma yuvo kongo ama Isiraere kuhaliyehisa kuyiva kya Erezha mata wumba kuwo Shikati indi Kresite, yoo Jeso yinata vamba³⁷Atibatimana kuyuvwa,batikimbwa muzi moyo,batahweta atikya kuPitorosi indi ba apositora babamwe atikya bazatu bake ingahare twakurasi? ³⁸Pitorosi atikya kuwo,nisikuruhe indi kunwengiswa,umutu indi umutu,shi liina la Jeso Kresite ami patire zivii zenu mi nishangane zimpo zu Mupepo womucena. ³⁹Kokunwe yisepiso yopa yatapangirwa yenwe,indi banabenu.indi bato kowo kosire, babenji abato pusha Shikati Urezha pushakutibera.⁴⁰Shamayi nga ngamwe ngamenji karuku qisa shikubapa ldii katikya; ni li babarere kumushowo womu fosahara. ⁴¹Papa baru ku tishira ldii baruku nwengiswa ,cware barukuyezwa kokuwo mwi liiba lyopa shi mipupo yi 3,000. ⁴²Barukuzwera kuyuso mo ku apositola kubaruta indi kurapera,shekuvunjara uroto indi kurapera.⁴³Kuywapa kwatiya pu liro ili mipupo kowo; indi zimakazo indi zisupo zalikupangwa kuzdwerera kuba apositola. ⁴⁴Kowo batatishira barana paxikiki indi barana izito kozo cikuswana. ⁴⁵baruku wulisa zibwa zawo indi zibarana kozo atikya bali yabere na bato kowo, uyumwe nu yumwe matishashira.⁴⁶Liiba lyopa kuzdwa pu liiba batizdwera indi cito shi xikiki mwi Tempere ; bari kuvunjara u roto mu mizi awo,barikuriyabera shuryuwa shikutava indi kuharyaya yo mubi ni yo mucena mumitima. ⁴⁷Baruku kambira Urezha, barukuchuma kwa bato kowo,Shikati kali kuekereza kuwo liiba indi liiba bapa batapaliswa.

¹Ldiiwa lilimwee Johani indi Pitorosi baali kweenda mwi Injuwo mwi nako yo kulapela, mwi hoola budja bu xhiki. ²Munyaana mata pakiwaa muwere mara sise pu mumberwi kerike ikha ldiiwa ni ldiiw mararazile pumupero we kereke mali kuringira. ³A ku mwaana Johani indi Pitorosi batiyenda mwi Injuwo shiwere shaku aku rungira ituuso ko kuwoo.⁴Pitorosi papa ngaho amulyaya, indi Johani amuziera ali ayime ,alyaye kukuwo. ⁵munyana wo chihwere alyaya kukuwo, Mali kuyanakana tema matimupa chichimwi. ⁶Pitorosi matarataba ''mujemwa marwapa ni nihwe'', Shinina nacho, ndatikupa cho. Mulina la Jeso Kirisite wa Nazareta, kwenda.⁷Pitorosi amuyimika shi lyja lya makahwu.papangaho makondo indi zingwengwe ze zifupa angipa. ⁸Munyaana akalisa kwend a kilra. munyana we shihwere ayima a kalisa nkwenda; indi Pitorosi indi Johani ba ku njena mwi Ikereke, nkwenda, nkinda indi urummbeke Shikati.⁹Lyivu kowo lyatamwana matiyenda indi kurumbeka Shikati. ¹⁰Bata yanakana anticha nji munyana ma marikusikama shi buhwere pu Mumbero we Muhxa we Injuwo, indi mara yire ku komoka indi kulyangana shilibaka shatayizahala ku kuke.¹¹Shina pulilo la Johani indi Petorosi livu koolyo lyata komokwa pu mashengeno a Solomoni, ahuru ku ywaapa ¹²Pa mali ku mwana zo, matarabataba linvu, We munyana wo muisilaele ,Sicha mati ywaapa? Sicha kulyaya ko kuswe , Nakati iswe ta muziri aticha a kwenda, Iswe kapa sha maata a Shikati?¹³Shikati wa Abrahama ,indi Isaka ,indi Jakobo, Shikati wa Sukuru betu, Kurumbekwe muvuya wa Jeso. Enje mata ake mata reta kwi lilo ku Shikati puvuso bwa Pilato, Mata atulelwa ku musiya.¹⁴Matashita Mupupo indi Mushiyama Muxhiki,indi kuringira shikuti kuli bbura indi kumucutula ko kuke.¹⁵I we ma mbura Mwana Shikati shi buparo ,Yopa mata yimikiwa khu khufwa indi tuzipaki . ¹⁶Shilibaka ku tishira lina lya ke, Lina lya ke lyata leta mutu yopa Munyana mati indi -matifwana liina yi mata mupa maata.Yi mwatimwana indi ku yiba.I,itumelo ywe yo ku tishira Jeso ya ku yaka,Kwenu kunina.¹⁷Papani, Mukurwanga, Ndi yizire marasi sho hayizire, shina kwenu mirao. ¹⁸Shina inzitu zopa Ulyezya mata . nzirwa amana shi shiporo kozo shi shipolofita,Aticha Keresite matishanda,matayiziliza.¹⁹Kumbemuka, mubake, mu zoromoke, Aicha bubbi bwenu bupatirwe ku Shikati, ²⁰indi kutuma keresite i mataketiwa we,Jeso.²¹I nje lilo imatimutambura mwi kada kumubika, kuzwapo Ulyezya mata hweta ku likoo shi shiporo ku mupupo polofita. ²²Mushe angisiza aticha, Shikati Ulyezya shyape ku polofita matifwana name mwi cho a bakuru. ²³Shamurakeke izitu kozo kazi hwete kokuwe.Kazi yezahale ku mutu kweke ya hati rakeke ku mupolofita kowoo shiba rapara mwi cho ilinvu.²⁴Ee, indi koo bapolofita mwi cho aHamwere indi bapa baya gho, bata hweta kwinje indi kushupura mu mayiba. ²⁵ U mwana mupolofita indi tumelo ku Ulyezya shi matararasi ngwi simuloho , mati hweta ku Abrahama mwicho imbeyo shi kube koo bakwetu be lilo bapatirwe., . ²⁶Kunjwa Ulyezya matayimika ku patirwa, matatumina piri,mwicho murawo ku patirwa we shi ku chica muxhiki shive.

¹Pubaruku shikya hweta nabato, Pitorosi indi Jwahani ngabatiya kuwo, bana ni nduna ywi njuwo indi Basaharuki. ²barukuzukaka mitima shikutiya ba Pitorosi indi Jwahani batiyaaya abato, tabatihweta zi ibatafwa sha Jeso. ³barukubapata ngabati babika mwi torongo kutwara ilyatica ko; shukutikya kali manxuhumu. ⁴nanga ndipakyo uwunji wibata yuvwa ldii ngaba tishiri, kubwaruwa kwibata tishira ngabati barwa sha 5. 000,⁵Ati lyakuca ko, manduna indi ba bakuru indi bacangiti ba manoro ngati shangena mona Jerusalema. ⁶Barana ni Anna muprisiti yomukuru indi Kayafa indi Jwahani indi Alexandere indi zizha zaba presita babakuru kowo. ⁷Ati bakuimisa ba Pitorosi indi Jwahani po pakati lyawo. baruku bawuza, atikya, kyopa nashisi she hqu irekapa shi ldiina kya?"⁸Pitorosi karayire umuku womuqa, katbazira katikya, nwe Mashikati uldiivu indinwe babakuru ⁹ba Isirayere. ati muni taberuwa namushi shizisi zoziqa izasuwa ku mutu yushuhwere, atikya tisumuke shama pwelyiswa. ¹⁰injahamu kyuvwahare kokunwe kwenu indi Rusinga rwa isileare koro, atikya Umutu yuimine puwuso wenu mapweliswa shi ldiina lya Jeso Keresite ywa Nazareta imata bambwa pushi bambiro yamata tambusa Urezha moku rufu.¹¹ Jesu Keresite ndi ldiiwe ilyata shutuwa, ndishi gqa . ¹²Taku palisuwa kunjemwa kuyu yumwe shukutikya kunjemwa idiina lyirwezi mwikyo ldii idiiro ilyata puwa abato, lishaba paliswa shalyo.¹³Atibaku mwana kugipa kwa Pitorosi indi Jwahani barukuiba atikya nda bato ibahata lyututa, zini abato ngaho, baruiba atikya Pitorosi indi Jwahani nda bato ibarukwendinda ni Jeso. ¹⁴Shukutikya barumwana imata pwelyusuwa uyimine nawo, barukwi kini shihweta.¹⁵Barukuba tyeya Ba apositola atikya nidzwe muni shikwata ngabati hwetizana. ¹⁶nga batitikya. abato bani kuti takubati? shikutikya kowoibatara ndxini mona Jerusalema batayuvwa shisu ishata rasisini shata yuvwahara ishata rasisini shawo, tibahqu kushapura. ¹⁷Shukutikya kurapaka kwitaba yipa kusiye kudzera ku wuso moku lduvu lyopa, tibacikisa nanyina atikya ishabasiye kushwishirapo kwiyaaya umutu tananga iyani shi ldiina lyopo. ¹⁸Ndupubaru kuba rukurura Pitorosi indi Jwahani ngabati bazira atikya kabalika tanga kanxenine kapa kwi yaaya shi ldiina rwa Jeso.¹⁹Pitolosi indi Jwahani ngabati yarumuna, ngabati tikya, akanititiyatura yenwe, kutikya tuyuvwe yenwe kubbara Urezha. ²⁰shukutikya yetswe tibahqu kushitira kuhweta zitatamwana, indi zitatayuvwa.²¹Ndupubaru kubacutura ba Pitorosi indi Jwahani ngabati bakalimera kabarakini shibaku bazipira, shutikya abato kowo ngabati dzemina Urezha shizusu zezamata rasi. ²²Shukutikya umutu yo kupwelyisuwa kwake kwatarasama yeye, karana zumwaka zi nnee indi kukita pa.²³Atibaku bacutura, Pitorosi indi Jwahani kabati sushira kuba kwawo;bakuba zira zitab a kozo ba presita indi babakuru. ²⁴Bapa atiba bakuyuvwa zopa, andabati shupura sha maii uku kambira Urezha shi mutima munxiki, kabatitikya, Shikati yewe imata wumba ldiiro indi lduvu indi ami tindi izutu kozo izinamo; ²⁵Mata hweta shu Mupupo indi shuporo sha shetu Davida muvuya aye, kotikya shikya llingi mavu, shikya pwa abato bati fumbera zezi hqu ituso?²⁶Mashikati ngatayuvwana niba yendisi bata shangana kurwenisa Shikati ni muvuya ake Jeso Keresite.²⁷Heroda indi Ponse Pilato batasha ngana ni mavu Ilingi Isirayere , moku muzi yopa kurwenisa muvuya yomucena, Jeso imata ketuwa. ²⁸Tabatarasi zusu kozo zibata ziruwa shitandzi shilyanja lywe indi shuwuzuya we.²⁹Shikati, lyaya kufumbera kowa, upe bavuya we ihqumu atikya bahwetye ldii lye bahaywapa. ³⁰Waara lyanja lye kupwelisa abato , indi zati bbemukisa shi ldiina lya Jeso, muvuya aye yo mucena. ³¹Ati bakumana ku kambira, ku shibaka shibata shangena kuco sharu kunyangasa,abato kowo bataira Mupupo omu hqa, baruku kalisa kuhweta ldii lyu Urezha baha ywapa.³²Uwunji wi batatishira bana mutima munxiki indi mupupo munxiki ngaho ,, shukutikya kunjemwa umutu izuto zana nazo izake, tizuto zu yumwe nu yumwe izawo kowo. ³³Ba apositola baruku zuwura zuku tambuka kwa Jeso Kitresite shuwugi; indi shi zunxuma zezi kuru kaziti sikama populdiro lyawo kowo.³⁴Nangwena kali kunjemwa umutu imaruku shaka kuichimwe kokuwo; shutikya kowo ibana zufuba nanga maiwo , balikunga wulisa,ngabati lyeta marwapa,kwizata wulyusuwa. ³⁵Ngabatibika kumakondo aba map apositola; uyumwe nu yumwe marukupuwa mwamati shashira.³⁶Josefa Mali mulivi koku Cupurasi imata bikuwa ldiina lya barnabasi kumu apositola , ( kutikya umwana yuzi yaaya , angakuti taruswa) imata pashurwa moni shipara. ³⁷amaru kuwulisa ifuba yatama tsuwa, amalyi kulyeta marwapa ayo, katingabika kumakondo aba apositola.

¹Papani yu yumwi munyana matiberwa Aneniyasi ,indi Safira mukazake ,mata wulisa ifuba.Mata libishira marwapa ,ayo ²,Bata rumaraana ni indi mukazake,Shatakara mata shitwara, Mata shibika ku makondo apositola..³Hape Pitorosi anticha, Ananiyasi ,Satani ingahare maya khu moyo we, Anticha uzire Mupupo muchena lisheya, U libishire ku marwapa ifuba? ⁴Ndaticha , Ifuba yali kulisisire ngaho ishili ngwee. Shihweta cho, Ingahare sha njeni mu mooyo we? Kame matikitaka kono i Urezha. ⁵Ananiyasi pukaru yuvwa zihweta zopa , mata wa popeshi indi kufwa.Ku ywapa ahuru itaba yopa aKu ywapa. ⁶Barumbwana bata yima, bata mucheka lidzira indi ku mubika.⁷Kuligo lyako nako yo butatu, Mukazake mataya ku njena,Sho kuhahiba shata yezahala. ⁸Pitorosi aku hweta kuke, Ndi zire mayemo ma wulisi ifuba pu wulyare: Atikya, Ee, ndungo.⁹Pitorosi alikutikya kuke, Ingahare navuna ku lika Mupupo a Shikati? Lyaya, makondo abapa bakabika baaye ngana mu mumbero, indi we batukutwara ko. ¹⁰ papa akuwulya pumakondo a Pitorosi, akufwa. barumbwana pubaru kunjena, bakumushangana, mufu, ¹¹cware kuywapa koku kuru kwaru pata iwi kereke kowo, cware abato kowo bata yuvwa zopa.¹²wunji wu zikwikwi indi kumbemuka kwa taba mwicho ldiivu kudzwa mu manja a apositola. Bara sise kowoo indi Solomoni mushibaka shiku tsutsuruka. ¹³Kali kunjemwa umutu kokuwo ikali kugisa. cware abato baruba tyemba.¹⁴Kudz uwunji wiba tishira ku Shikati waruku yekezeha banyana indi bakazi, ¹⁵ Takwali kulyetuwa ibati mashira moku maira, bakubikuwa pumarangaro indi puzipuna, indi bakazi. atikya Pitorosi pukakuya. babamwe kokuke babikuwe mumudziire ake. ¹⁶ indi wunji wa bato ewumizi iya muzipati ngabatiya mona Jerusalema, barukulyata ibatibati mashira, indi batitsweniwa kumupuop omubbi, baali pweliswa.¹⁷ mupurisita yo mukuru indi ibatiyuvwana nake kowo, iwi tuto aba saduki,barukuima bayire muna. ¹⁸Indi kuba pata sha manja cware barukubapata ba apositora. bakuba bika mwi torong idlinji.¹⁹Mwi nako ya masuku Liniloyi la Shikati lyata yazula mimbero yi torongo Indi ku ba ngwisa po penge, Indi a nticha , ²⁰Kwenda, Yima mwi tepere, Indi ku hweta kwa batu kowoo mazwi wu wuparo wopa; ²¹Atibaku yuvwa zopa, baruka njena mwi tempera manxehumu tota, barukwi yaaya bato. Mupresata yumukuru indi yibarana nake, pubarukaya, baruku shanganisa ikuta indi Babakuru kowo iba bana ba Isiraere.²²ibaruku mamera kwi Torongo atibakuya, ba bakuru bi tolorongo bata yenda kono yemwa baka shangane mo umutu mwi torongo, Indi bata shuka ku ka biha. ²³Bata kashangana itorongo iya zuka Indi ba ngateri ba yimine pu mumbero, Kono pu bali kuyazura , Bata shangana ku njemwa mutu.²⁴Papani yo mukuru wi Tepere indi Shikati ni yo mukuru wa Purisita bata yubwa mayi ,Bata ywapa ahuru shi kumwana shaya ko kuwoo ²⁵.Yu yumwe mataya ko kuwoo indi kuhweta ko kuwoo, Baanyana barana mwi Tolrongo ba yimine pwi Tepere indi kuruta batu.²⁶Nangadipakyo mukuru matayenda nni ba bamwi bamberiki,Indi ku ka bashusa, kono kali ku njemwa indwa,Sho kuyopa anti cha a batu tana ba ba zipe sha machwe. ²⁷Indi ku ka ba shusa ikuta,Ba ta batumina amana kuliyaya, Yo mukuru wa bapurisiti mata ba wuza. ²⁸Ani cha, bata zirwa ku ha ruta shi liina lyake, Indi piri, U yizirize Jerusalema sho kuruta, Indi takazo ku reta ku munyana she marwapa pu lilo lya swe.²⁹Kono Pitorosi, Indi ba Apositola ba tarataba, Tati rukera ku kutyeka Urezha ka baanyana. ³⁰Urezha ywa bashetu matayimika Jeso, Yopa bata mbura indiku tirika kwi ldilo lyu muti. ³¹Urezzha mata murela shi lyanja lyake lya manxamu,Antikya abe yee Shikati,Indi mupalisi yi matipa Isirayere ku baka indi ku patirwa ku bubbi. ³²Yetswe tizipaki zake muzihweta zopa, Tina ni mupupo o mucena , Wa tamapa a batu bati muyuvwa.³³Ba pangisi bi kuta murawo pubali ku yuvwa, Bata nyangana indi ku shaka ku ba mbura ba Apositola. ³⁴Kono mufalisi yu yumwe yi matiberwa Ngamaliyelu, muruti murawo, Yopa matashitiwa na batu kowo, Mata yima indi ku rayera ba Apositola ku ba yisa ku ba twara kurupati shi nako ice.³⁵Mata hweta, Atikya,: A bana ba Isilayele, ni mamere sha batu bapa, Shatiswanera ku rauiwa, ³⁶shukutikya kakare ahuru, kwataya Tendiyusi, kali kuli hwetira atikya icutu sheshikuru, akali kucherwa kwabato ibataya kusi shizi mwaka za makumi annee, amaruku bburuwa, cware ibata mutishira barukuraparwa kowo, bakumana. ³⁷Kulikyo lya yopa, Kwataya Judasi imatizwa Galileya, shi nako ye shiparo, matakwaka abatu ba benji,Indiye mata fwa, Batamuyuvwa bata raparwa kowo. .³⁸Papani ndati cha ko kuwe, Murapake indi baanyana indi ku basiya weke, Shi ku yanakana musebezi ngwa baanyana, Sha u rakiwe. ³⁹Shukuti chsa ya tizwa ku Urezha, yemwa kurakiwe, mati swanera ku mwana anticha wa tirwanisana ni Urelza. Bata patirwa.⁴⁰Kuzwapo bata bera ba Apositola mwicho indi ku ba zipa indi ku layera anticha basiye ku hweta mwi lina la Jeso, Indi ku basiya anti ba kwenda. ⁴¹tazwa pwi kuta ba taba, shilibaka anti cha bata ba swabiswa shilibaka shi liina la Jeso. ⁴²Kuzwapo liiba indi , mwi Tepere indi mwi njuwo ni njuwo,Bali ku shushira ku ruta indi ku kutaza Jeso enje Keresite.

¹Shinako yopa,i paro yi ba maruti yakuyekeza,kubiraera kwa ma Greke ma Juda iba ma Heberu kwa tatika,kwa ma Heberu,shukutikya zi mberwa zawo yemwa za ku puwa ziliwa liiba ni liiba zi pewa ziliwa.²Cware ba wulishumi ni wuyiri,baku bera wunji wa ma ruti kowo indi kutikya,yemwa kwakuswanera atikya tisiye kuhweta ldiina lyo Urezha,tati tuse puzi tafure. ³Nanga ndipakyo yenwe aba babakwetu,niketye kokonwe banyana bali 7,ibatisepahara,banyana i bati sepahara,i bayire Mupupo womucena indi wutali;tati babike mumusebezi wopa. ⁴Kono yetswe mboti gdisize mukurapera indi mukusebeza ldii.⁵Intaba yopa yata tabisa babenji kowo .Ba ru kuketa Sitefeni,munyana ikarayire intumero indi Mupupo omu cena, indi Filipi,Prokoro,Nikanora,Timon,Permena,indi Nikola muproselite ywa ko Antioke. ⁶Barukubaimisa puwuso wa ba apositora,bati baraperera indi kuba bika mayanja pudliro.⁷Ldii lyu Urezha lyatayekeza;indi i paro yaba ruti yatayekeza mo Jerusalema kukitirira; indi paro ya ba priesita bataba ba rumeli tota mwi tumero.⁸Setefani,karaire kutishira indi wugi,kali kusi zimakazo, indi zi swaniso mu bu nji wa bato.⁹Cware ba bamwe a bato ba sinagoge yati beruwa sinagoge ya Barukurlii,Sirenian indi Arexazandriya,indi ba bamu ba tizdwa moku Silisia indi Asia,bari kuima kabati kakana ni Sitefani.¹⁰Cware barukushitira kukakana wutali wake, indi Mupupo wakaru Setefani kuhweta shawo. ¹¹Cware baruku shwanga banyana barukutikya Setefani tamuyuvu pukaru kuhweta zitaba zuku nyefura Mushe indi Urezha.¹² ildiinji lya bato, indiba babakuru , indiba bañoli wulyiyi mani baruku mupata Setefani, bakumutwara pwi kuta. ¹³Barukulyata zipaki izimbuzi,izarukutikya: umutu yopa yemwakusiya kuhwata zitaba izatinyefura shibaka sheshicena, indi murawo; ¹⁴Shikutikya tamuyuvu matihweta atikya Jeso ywa Nazareta yopa mbwasinye shibaka kyopa, ayerumune indi mikwa iyatapuwa ku Mushe. ¹⁵Ibarana pwi kuta kowo barukumu lyaya , barukumwana wuso wake tikya tandi linyiroyi.

¹Mupirisita yomukuru akutikya, zopa,iziniti? ²Setefani akutikya nweba kwanga indinwe batatye, kani rakeke kuni kukome,Urezha yu kanya matali mwanahaza ko ku shukuretu Abrahama, pwamarana ko Mosopotamia, pwahara cire ka sikama ko Karani kare; ³akutikya dzwa moku ldiivu lywe, uyendye muldiivu lindata kwi hqe⁴Akudzwa muldiivu lya Makaradeya, akali kukara ndzini mo karani. atishe aku amana kufwa, Urezha akali kumugusa mo, akali kumulyeta mu ldiivu mwamata radzini cware. ⁵Yemwa mupe ichimwemo tananga shibaka shoshince Abrahama ishatilikana nuku lyata Shulyukondo, akumu sepisa atikya ishamupeyo, iraqho shutsuwa shake indi bana baba yukuru bake.⁶Urezha mata muzira atikya, bayukuru bake ishaba kakweze muldiivu lyi rwezi, barasuwa wubbi shizilimo izatilikana 4.00. ⁷cware shicaba shini ishashiba bike mu wuvuya, ishandi shiyature, kwati hweta urezha, pwisha kwaku mana zopa, ishaba dzwemo, ishebaye kundi sebereza mu shibaka chopani. ⁸cware Urezha akaliku pa Abrahama wumbiya iwu mupato, cware Abrahama akali kupaka Isaka, akali kumutwara kumupato mwi ldiiba lyu wu 8; Isaka akupaka Jakowo cware akali kumwisi akyopa; Jakowo akali kupaka ba Pirisita wulikumi ni wuyiri inddi wo barukwisiwa akyo.⁹Ba patriareka bakufwera Josefa muna baliku muwulisa atikya atoruwe ko Egepita, cware Urezha akuba nake. ¹⁰Akali kumuyaka moku mashando ake komo, akali kumupa kumwanahara naqa indi wuchuldi. pu wuso wa Faro Shikati ywa Egepita; yopa akali kumubika imatiwusa mo Egepita indi iwi njuwo ake kowo.¹¹kwali kuya injara muldiivu lya Egepita kolyo indi ko kanana, kwali kuba kulyangana koku kuru, tabashukuru bake batarakini shukulya. ¹²Jakobo ywa Isirayere akali kuyuvwa atikya zulyuwa zina ko Egepita, akali kutumako bakuru bake, shukutanga . ¹³iruwuyiri Josefa barukumuiba bakwake; cware Faro akali kuziruwa zabakwa Josefa. Josefa ndupukali kutumina she Jakowo.¹⁴Josefa akali kutumina kukaisa she Jakowo indi bakwake kowo, kali abato ibatiwaruwa sha 75 bakushangana kowo. ¹⁵Jakowo akali kwenda ko Egepita, kwamata kafwera indi bashukuru betu kowo. ¹⁶Zutupu zawo zarukutorwa ko Sikemi, zarukabikuwa mu libita lya Abrahama, lyamata wura shamarwapa kwa bana ba Hamore ywa ko Sikemi.¹⁷Ati inako yakushera, i yatasepisuwa Abrahama ku Urezha, shicaba sharuku kura ngabatizira mo Egepita. ¹⁸takwa rukuyolisuwa Shikati yuyumwe mo Egepita, yuhara yizire Josefa. ¹⁹Faro yopa amali kwisi mushowo etu shiwu wuchuldi wowubbi; matashandisa bashukuru betu,amaruku shandisa abana betu atikya basiye kuyinjipa nanyina.²⁰Cware Mushe amaruku pakuwa mwinako yopana, akali kuba munyana yomuqha yu Urezha, akali kunxyaminisuwa imezi itatu mwi njuwo ashe. ²¹Mwi nako iyukufwa, mwana Faro yomukazi akali kumutwara, akuliyiseza ye atikya abe mwanake.²²Mushe akurutuwa wuchuldi kowo mo Egepita; ana ni wugqi mukuhweta indi mukwisi. ²³ ati akuba ni zimwaka zamakumi annee ukupakuwa, mutima ake warukushaka kwenda kuka mwana bakwake, abana ba Isirayere. ²⁴akali kushangana uyumwe ywa bakwake matisiwa wubbi; akali kumurwena, akali kumuyaka shukubbura mu Egepita. ²⁵kali kuyanakana atikya abana babakwake batikwana kuyuvusisa atikya lyanja lyu Urezha lyatikwana kubayaka. cware yemwa bayuvusise.²⁶Atilyakuca akushangana babamwe ma Isirayera batirwana; amali kubayereza atikya basiye kurwana,akutikya, nwe banyana nabato ba panxiki shikya punatilisi wubbi.? ²⁷imarikwisi umbake wubbi, akali kuyarumuna katikya, iyani imakupi wushikati indi kutiyatura?. ²⁸kutikya matishaka kundi bbura, tandi shimata bbura mu Egepita?.²⁹Shildii lyopa Mushe akali kuywapa, akali kutira muldiivu lya Midiyani, cware akali kukaba na bana bayiri mo. ³⁰Atikwa kuya zumwaka za makumi annee, linyiroyi lyu ngaliti muyera mwishimwe pulyurundu lya Sinayi, murulime lyushuvuna ishali kunxowuka.³¹Mushe ati akumwana akyopa, katikomoka sheshama monu, amarukutikya ashere amwenisise, ldii lyu Shikati lyarukuhweta kuke,atikya. ³²Mendi Urezha aba shukuruwe, Urezha ywa Abrahama indi ywa Isaka Indi ywa Jakowo, papa Mushe katiywapa kulyaya.³³Shikati akutikya cutura zishangu zwe kumakondo, shukutikya shibaka shuna paco muvu omucena. ³⁴ndalyaya, mindamonu mashando abato banga mo Egepita, ndayuvu ku bbiraera kwawo, cware ndatsurumuka kuya kuba yaka, ukuya ndukutumwe ko Egepita.³⁵Mushe yibata nyaza, atikya iyani imata kubika wushikati indi kutiyatura? ndiya mata bika Urezha shikati indi muyaki awo, shilyanja ldii linyiroyi ilyataya ku Mushe mushivuna. ³⁶Ndiye imataba dzisa mo Egepita. akali kwisi zimakazo indi zatikomokisa mo Egepita, indi Mumawate ngama nxwa indi mwishimwe, shizilimo za makumi annee. ³⁷Mushe yopa ndimatazira abana ba Isirayere, atikya Shikati Urezha enu ishanipe muporofita popakati lyenu, imatifwana name; yeye ishanimuyuvwe.³⁸Yeye ndumu murume mwishimwe, yeye ikarana ni linyiroyi pulyarana nake pulirundu lya Sinayi, ana niba shukuru betu; akatambura maldii ingati palisa, atikya atipengo. ³⁹cware bashukuru betu barukushita kumuyuvwa; baruku munyaza kabatishwishira mo Egepita shimeyo awo. ⁴⁰kabatikya ku Aruni; tipanjira mlimo ikakuti kitira kuwuso; shukutikya Mushe, imatakati dzisa mo Egepita, katiyizire ishamuyeri.⁴¹Moku mayiba ngapa barukupanga unamani; shishiswaniso kyopa, bakushipanjira shitabero; bakutabera mubberiko amanja awo.⁴²Cware papa Urezha akubavutatira, akali kubasiya kubberishira uwunji wuldiiro; tandishi kwata ñoruwa mwiwuka umuporofita , atikya; yenwe iwi njuwo a Isirayere, kutikya natandi lyetiza zuñombe indi matabero shizimwaka za makumi annee m wishimwe indi mwinjuwo AIsiraere?⁴³Yemwa,kono nataseka i tebernakere yu Moroke,indi inyata shikati Remufani, kakuli maswaniso ngumata, kunga kubamera: shilibaka lyopa ishandini zirisize koshire,mokyo lya Babbirona.⁴⁴Bashukuru betu barana itabernakara iyu wupaki mwi shumwe, mwamata hwetira Urezha yeye ikaru kuhweta ni Mushe mwishumwe; akutikya, ayisi shukufwenisa shamata mwana. ⁴⁵ndi ntente ibashukuru betu bataipuwo, barukuibika mwabato wamata hindika Urezha, puwuso wawo, barana ni Joshuwa; akali kusikama mwi lildiivu kutwara kumayiba a Davida, ⁴⁶Akali kumwana shishemo shu Urezha,akali kuringira atikya ashashira urezha ywa Jakowo injuwo.⁴⁷Cware Soromoni ndimata mwi ndzinimina injuwo. ⁴⁸Nanga ndipakyo ,yeye ywaku ldiiro yemwa kusikama mu Mayuwo Ngama panguwa sha manja; ndishamata hweta muporofita atikya; ⁴⁹ldiiro rumeni rwanga, ta ldiivu malyaturo amakondo anga, injuwo yinakundi panjira injangahare? kwatihweta Urezha; tashibaka shuku tsutsuruka shanga nidicire? ⁵⁰Kakutikya lyanja lyanga ndilyata zisi?⁵¹Yenwe abato wi meyo iyahayuvu, inaha bika mitima indi mati enu mumupato, naticikisa Mupupo Omuhqa, shibasire bashukuru benu ikani sire indinwe. ⁵²Iyire muporofita ibasukuru benu bahata shandisa? bata bbura tindi ibatahweta katanzii atikya Ishakuya Yomushiyama, mipani, yo inwe namubeteki ,inwe nata bbura babake. ⁵³Nwe inata tambura murawo shi seberezo amanyiroyi, hape yemwa ni wumamere.⁵⁴Atibaku yuvwa zitaba zopo, bakuli gya moni mitima awo, balikuli tumera yeye Setefani. ⁵⁵Karayire Mupupo Omuqha, akulyaya kwi ldiiro akumwa ikanya Urezha indi Jeso uyimine kulyanja lyu Ureza. ⁵⁶Setefani akutikya ndatimwana ldiiro liyazuka, mi Mwana mutu uyimine ku iyanja lyashe Urezha''.⁵⁷Cware baruku kalisa kushupura, baruku gisa kumati, baruku shangana panxiki. ⁵⁸barukumu kweshira kwinje lyumuzi, barukuzipa shamawe, zipaki zarukubika ziraro zawo popeshi, pumakondo umurumbwana ikarukuberuwa sha Saure.⁵⁹Atibaku dzwera kuwuso kumuzipa shamawe, Setefani aliku kambira, akutikya Shikati Jeso cinjra Mupupo anga, ⁶⁰Ndipapa katikubama, akushupura shildii lyolyukuru, katitikya, Shikati usiye kubabera shibe chini! ati akumana kuhweta akyopa katirangara.

¹Saure matatishira ku bburuwa kwa Sitefani,mwi ldiiba lyopa,mashando ngamakuru ngakuyera i kereke mo Jerusalema,barumeri kowo barikuraparwa mumavu inga Judiya indi inga Samariya;kwarikukara ba apositora weke. ²Banyana babamwe i barukutishira barukukabika Sitefani,bata mulira nanyina. ³Cware Saure kali kusinya zi kereke;kalikunjena mumayuwo,kali kukweshira banyana indi bakazi kwinje katiba njenisa mwi ntorongo.⁴Ibata raparwa balikwenda kabatihweta ldii. ⁵Filipi akutsurumushira mumuzi wuwumwe iwa Samariya,akali kuhweta eza Kresiti.⁶Uwunji wa bato barikuba ni moyo munxiki mukuyamuhera zamatahweta Filipi,pubalikuyuvwa indi ku mwana zamaratarasi. ⁷Kakuli mipupo ye mibbi yarikudzwa kubabenji ibatanjena kuwo,yatishupura shildii lyelyukuru;uwunji ibata kukutira mimbiri,indi babahwere makondo, bata pweliswa. ⁸Cware kwidze kokukuru kwalikubako mumuzi wopa.⁹Cware papa kuzopa kwarana munyana mumuzi imarukuberuwa Simoni,ikali kwisi mabibo;kalikukitaka shicaba sha Samariya shikulihweta umutu yomukuru. ¹⁰Barukumutishira kowo,kukalisa kuyomunxene kutwara kuyo mukuru,bakutikya,umutu yopa iqhumu Urezha,ingatiberuwa ngamakuru. ¹¹Barukumutishira akyopa,shikutikya matakalisa kare kubakomokisa shamabibo ake.¹²Cware ati bakutishira Filipi,kukali kubayaya zamañoro u muwuso Urezha indi muldiina lya Jeso Kresiti,barume indi bakazi bakunwengiswa. ¹³Indiye Simoni akutishira,akali kunwengiswa:Cware kali qhangatira Filipi;pukali kumwana zimakazo indi zati komokisa zezikuru zikalikwisi akukomoka.¹⁴Papa ma apositora ibatakara Jerusalema batayuvwa atikya ma Samaria bata tambura ldii lyu Urezha,bakutumina Pitorosi indiJwahani ¹⁵Ati bakuya batarapera,atikya ba puwe Mupupo Omucena. ¹⁶Yemwa wuye, nanga munxiki akuwo: batanwengiswa ngaho shi ldiina lya shikati Jeso. ¹⁷ Cware Pitrosi indi Jwahani ba ruku babika manja, papa barukupuwa mupupo Omucena.¹⁸Papa ngaho Simoni aku mwana mupupo muchena wata pewa sha bata rangara pu manja aba apositola, mata bapa marwapa ¹⁹Mata hweta,mundipe mata, apa, anticha kweke inda ku pata sha manja, apewe mupupo muchena.²⁰Pitorosi mata nticha ku kuke, marwapa ywe afwe nawe, shikutixha mayanakana ku yarumuka ipo ku Urezha sha marwapa. ²¹U munjemwa shibaka indi ku pewa, muzi taba zopa, shikutixha u moyo we ka mushiyama mwa mesho Urezha . ²²Shikutixha shiba zoromoke mu u bbi we, indi kurapera ku Shikati, anticha ni nshangane iswalero shi muhupuro una ku mo yo. ²³Ndati mwana usise mushibaka shi shinyeha shatimasiza indi ku shiminwa mu bubbi.²⁴Simoni mata rabataba indi hweta,Kurapera ku Shikati wame, anticha kunjemwa izitu zo mahweta zati sisini ku kume:²⁵Indini Pitorosi indi Jwahani bata pakiwa kuba zipaki indi ku hweta maayi a Shikati, bata shuka koo Jerusalema bati hweta maayi a Shikati, bati hweta maayi mu mizi ye minji ya masamariya.²⁶Papa lingeroyi lya Shikati lyata hweta ku Filipi indi anticha ,Yima, uyende rupati mbowera mu mungwanga wati yenda ko Jerusalema ku Kaza, Injila yatikita mwi rihalaupa. ²⁷Mata yima indi kwenda, maata mwana munyana wo muyisopiya. Kali munvuya yo mukuru wa Kandasi,Shikati wi Etopiya woo mukazi, kali mubabaleri woo shifumu shake kowoo, mataya mwi Jerusalema ku ku rapera, ²⁸Mali kushuka kwa malikuzhwa asise mwi koloyi yake, kali ku bara mwi wuuka yi mupolofita Isaya.²⁹Mupupo waku hweta ku Filipi, Kwenda kuwuso indi kusikama shifupi pwi koloyi yopa. ³⁰Filipi mata wondoka , mata muyuvwa mati bara mwi wuuka yo mupolofita Isiya, mata muwuza , antixha, kana mati yufwisisa sho mati bara? ³¹Ethiopiya, batatikya, ingahare ndakuyubusisa ati kuku yamatindibika mwinjira? kali kurapera phiripi, atikya asikame nake.³²cware, shibaka shamoni liñoro Etopia shikali kubara cini: batamuyisa nokoti ingu yatyenda kuku bburuwa, mi, nokoti ingu iyahatilira pwi shangano yopa, , amayashame shumuromo ake. ³³ku rungira, ikaturo yake yari kuyimikwa.Iyani marikuhweta rusinga lyake.Shikutixha buparo wake nvu ngwiswe mo linvu.³⁴Malindaxhikana mata wuza Filipi anticha, ndakurapera , ndizire umwine shi hweta shati hwetiwa indi mupolofita , shikutixha matirihwetira kapa matihweta kuyu yumwi? ³⁵Filipi mali kuhweta, mata kalisa shi mayi ana mo ku Isaya kukutaza Jeso kokuwo .³⁶Pubaru kwenda mumugwaga ,batiya pwa ami ;mamina ndau akutya ywaya ,ami nga,hika shandishitirwa kunwengiswa. ³⁷Filipi akutikya wushitishira shi moya aye kowo,kwagtikwanahara mamina ndau akutya ndatishira ku Jeso Kreste imwana murimo. ³⁸Ethopian akuraera ikoloi ati kya yiyime ,bakujena mwa ami kowo,Filipi akumu korobeza mamina ndanvu..³⁹Pubati zwa mwa ami,mupupo wa Shikati waku ngusa Philip,liminandau yemwa mumwene hape , kuzwera puwuso mwi jira nakya ati taba. ⁴⁰Kono Pilipi,akumwanahara mo Azoto,akuzera puwuso kwenda.katoi hweta ldii yu Uredza mizi koyo,akuya ko Sasaria.

¹Cware Saure karukushi shitabera indi kufumbera indi kubbura bayaaya bashikati; amarukwenda ku mupresita yo mukuru. ²Akali kuringira kwi kuke moñoro ukwenda nango mu sinagoge inga ko Damasika; atikya atikashangana babamwe iwituto yopa, nanga banyana kapa bakazi, abashimine, abalyetye mona Jerusalema.³Pwakarashina mwinjira, ati akushira kwenda ko Damasika, akuyerwa kurumyeni irwati menika, ilyatidzwa kuldiiro, lyalikumubika popakati. ⁴Akuwulya popeshi, cware akuyuvwa ldii ilyati muzira, ilyatikya: Saure, Saure, shikya matindi shandisiza ?⁵Saure akutikya: wendiyani Shikati? Shikati akutikya: mendi Jeso yimatishandisa. ⁶Cware tambuka, unjene mumuzi, mbuziruwemo shimati swanera kuhweta. ⁷Bwakali kwenda nawo, barayimine ba bbemuka; shukutikya batayuvwa ldii pulyaruku hwetuwa, cware yemwa bamwene umutu.⁸Cware Saure akutambuka pumuvu, ati akulyaya, akushitira kumwana umutu; barukumu pata kulyanja, barukumutwara mo Damasika. ⁹Akalikusikamamo maiba atatu yemwa akumwana; yemwalye kapa kunwa icimwe.¹⁰cware kwarana muyaaya mo Damasika, akarukuberuwa sha Aneniyasi. Shikati akumuzira kuturo atikya, Aneniyasi. yeye katikya: meyini, Shikati. ¹¹Shikati katikya kuke: yima, yenda mwinjira wumuzi iyatiberuwa ishiyama; ukashake mwinjuwo aJuda, umutu imatiberuwa Saure, ywakwa Tarese. shukutikya matikambira; ¹²indiye mamonu mwipono munyana imatiberuwa sha Aneniyasi matinjena, akumubika manja puldiiro, atikya amwene hape¹³Cware aneniyasi akwitaba, akutikya: Shikati, ndayuvu kuba benji zitaba zumunyana yopa, mwamatashandisiza barumeri we shuwubbi mona Jerusalema. ¹⁴indi pukarukuya kuni kutikya matapuwa iqhumu kuba bapresiti babakuru, ingukushimina kowo ibatikambira shildiina lye. ¹⁵Cware Shikati akali kutikya: ukwenda ,shukutikya umutu yopa shibberikiso shindanda likitira kutwara lddiina lyanga Mumavu, indiku Mashikati, indikwa Abana ba Isirayere. ¹⁶mu lyemuse wukuru wuwutuku wisha swanera kuyuvwa, shilibaka ldii ldiina lyanga.¹⁷Papangaho Aneniyasi amarukwenda; ati akunjena mwinjuwo, akumubika manja pu ldiiro, akutikya: Saure, muzatanga, Shikati manditumu, yeye Jeso imatalyumwenisa kuwe mwinjira mumata yera, atikya umwene hape, indikutikya uyire Mupupo Omucena. ¹⁸Papangaho, izuto izatifwana tandi makumbo zaku dzwa mwamesho akye; katimwana hape.papa akalikuima, kati nwengiswa. ¹⁹papa katilya zulyuwa , papa kugqi kwakushushira kukye. akarukusikama ni bayaaya mo Damasika shamayiba ngangamwe.²⁰Papangaho katihweta sha Jeso mona sinagoge, katihweta shakye Mwana Urezha. ²¹Ibarukumu yuvwa kowo kabatikya: umutu yopa, kakutikya, yeye ndikaruku shandisa nanyina ibaruku kambira ldiina lyopa mona Jerusalema? tindipwamaya kopani, kuya kubashimina katibatwara ku ba presita babakuru. ²²Cware Saure akugqisa nanyina, atikwa kwama Majuda ibatara zdini mo Damasika, shukumenisa atikya Jeso ndiye Keresiti.²³Atikwakukita maiba Ngamanji , kabati yanakana kumubbura. ²⁴Cware Saure akuchakesizwa muhupuro awo. batamushangena pumumbero umuzi, mushikati indi masuku, atikya bamu bbure. ²⁵Cware bayaaya bakumuisa masuku ngabati mushonisa mokuru kwaka rumuzi, kabatika mubika popeshi mushitanda.²⁶Saure ati akuya mona Jerusalema akali kulika kushangana niba yaaya; cware barumuyupa kowo, bahati tishira atikya muyaaywa. ²⁷Barnabasi akuyisa Saure , akumutwa kuba Apositara, akatibazira shamatamwana Shikati mwinjira, indi mwamata hwetira nakye, indi mwamata hwetira ldiina shiwugqi mona Damasika shildiina lya Jeso.²⁸Amaruku shangana nawo mona Jerusalema, ati akunjena, akudzwa katihweta ldiina lya Shikati Jeso ahaywapa ichimwe. ²⁹Akuyarumuna ni Majuda iwa Magerike; cware wowo barukufumbera kumubbura. ³⁰Bayaaywa atibaku yuvwa akyopa, kabatyenda nakye ko Sesariya; ndipubaku mufundura kwenda ko Tarese.³¹Cware kereke zarana nuwuqha mona Judeya komo, indi mo Galileya, indi mona Samariya mushibaka ishaku ldiiro; kabatyenda shukuywapa kwa Shikati, kazitikura shi Mupupo Omucena zikereke kazikura. ³²Pitorosi pwakaru kupwetira zibaka kozo una, katiya indi kubarumeri ibatara dzini mo Lida.³³Akatishangana mo munyana imatiberuwa Enea, uranzxire pumumbeta shuwutuku wuzimwaka ze 8; kali mukukutira mubiri. ³⁴Pitorosi katikya kukye: Enea, Jeso Kresiti matiku pwelisa; tambuka, yarura marangaro ngwe. akatiyima katitambuka. ³⁵Ibataradzini mo Lida koko indiko Saroni ,ba kumu mwana, ba kuzoromushira ku Shikati.³⁶Mo Jopa kwararana murutiwa i ldiina , ldia Dabita,a kutikya , i Dokasi, murwakazi yopa i kara kwisi mibberiko i miqha, i minji indi zituso. ³⁷Mu ma yiba ngapa, a ku patuwa kuwutuku, a kufwa.Pubara kumu ywesa, ba ku mumbika mwinjuwo iya kuliro.³⁸kakuti Lida indi Jopa zararana shifupi,barutiwa ba ku yubwa akya Pitorosi ku karana , ba kutumina barume ba viri kokukye, kuka murungira akya asiye kuliyeha , kuya kokutswe. ³⁹Pitorosi a kutambuka akwenda nawo. Pukara kaya,ba kumulyeta mwinjuwo iya kuldiiro, barwakazi ba bafwera kowo ,bakuya kokukye,aka bati lira,ba kumwiqhe zidzato zikara kubara samina Dokasi, pu kara shina nawo.⁴⁰Pitorosi a ku bagusiza popenje kowo, cware a kudzita shama dzi, a ku kambira ,a ku zoromushira ku mumbiri, a kuti kya Dabita tambuka , Tabita aku liya; pukara kumwna Pitorosi, a ku sikama. ⁴¹Pitorosi a ku mupata kulianja, a muyimika; a kubera barumeli indi barwakazi i bata fwerwa,a ku bapa ye nali muyimi nangweza. ⁴²Shihweta copa sha ku yibuwa mu muzi iwa Jopa koyo; ildinji lia ku tishira ko ku Shikati. ⁴³Pitorosi a ku sikama mayiba nga menji,kara sise ku murume ikara ku beruwa Simoni, mu shuwisi u zikatana.

¹hape kwarana munyana yuyumwe yikaru kundzera mumuzi womunguro Sesarea;ldina lyake e Kornele .mi kali muyendisi wa masole,lyndji ya italia . ²mi kari mutu yukali kuywapa urezha, ye indi bwinjuwo akye kowo,kari kutusa babakuru indi ba shandikwe moku ldivu,mi kakari kwitse kukambira urezha .³mwi nako iyimushikati kali kumweniswa naqa mwi pono lingiroyi lya shikati lyati njena ko kukye lyakutikya kokuke kornela ⁴,. ye puka rukulyayako kali kuywapa akutikya :i taba ndiyire shikati?lyakutikya zitapero indi zipazwe za kakushiri kokulidiiro koku urezha zayanakanwa . ⁵cwale tuma banyana bayende ko Jopa bakayiseko munyana yima tibwerwa simon Pitrosi ⁶kali zorumuka ku munyana yamati berwa simoni yu musuhi yo i njuwo akye ina kumunguro ulyurwanga.⁷pulya kwenda lingiroi lyarukuhweta nakye ,Kornela karukubera bavuya bake bayiri; yuyumwe kali lisole lyari kuywapa urezha imaldi kuliqawu qawu ⁸ Karu kuba zira zitaba kozo mi, akali kuba tuma ko Jopa .⁹pulyarikucako ,babamwe barashina mwi njira ,barukuya pumunguro umuzi pitrosi amarukuranda pushituwo shinjuwo kuka kambira inako ya iyi ldiikumi indiwu yiri yimushikat ¹⁰,akufwa injara kali kushaka kulya ,pubati mutereshira zulyuwa ,umuku anke wakumana ¹¹.Akaldikumwana rilyo lyaru kuyazuka,kwatisuka kunke i cito shati mwanahara akya nokoti ldindzira lyelyi kuru ahuru lyatiya papeshi ldishimina kane ¹²'Mo kwikyo muna banyawuya iba makondo ane indi mifuta koyo ,zatenda shiwura indi zinyini iza kurilyo.¹³ldii lyari kuhweta kokuke :"wuka Pitrosi bbura indi kulya ¹⁴.kono Pitrosi akutikya kusiye kuba akyopa uredza kakuli kandicire kulya koco shahali kucena. ¹⁵kono ldii lyatiya hape kabili "koco shikati macenisa usiye kutikya kashicena ¹⁶.lyati shushila ka tatwo kashicilenkushusizwa kuriro .¹⁷Pitrosi pukali kulyayisisa ipono akya ya kya. nimwene ,barume bata tumuwa i kornele barukuya bakuwuza i njuwo ya Simoni ¹⁸barukaya pumumbero .Bavera;bawuza hari ndimo pitrosi matibelera¹⁹Pitrosi pukali kalwayisisa izintolo yeo,mupupo wakutikya kokuke ,banyana batatu baa batikushaka ²⁰.yema ukwenda nawousa hakanyehi ,kakulinime ndabatumu ²¹.pitrosi akwenda kubanyana bapa bata tumwa kokuke akutya ime natishaka ;naya shi taba yile?²²bakutikya kornele muyendisi ulikumi munyana yomu ruka ahuru ,yuywapa uredzha yimatipakwa uwujwi kowo wamajuda ,maranwa shi ligiroyi lericena aca ayubwe mayi ako.bati njena mwi juwo akuba tishira ,pulyatica ko ²³pitrosi akaru kubamema akya baye mwiko baye basikame nake .pulyatikyako akutambuka idi kwenda nawo indivazatu kuzwa jopa .²⁴lyakucako batijena mo Saseria .Kornele karinkuba rinda ,karubwera bakwake, ingi bashaka ahuru balikanake²⁵pukarukujena Pitrosi ,Kornele akumushanganeza akuwera pumadi akye akumukubamera ²⁶.kono Pitrosi amu akumuyimisa akutya tambuka,indime dumutu ngaho.²⁷akujena kabatihweta mi ashangana abato abenji babanamo. ²⁸akutikya kubo nayiba akya mujuda katushangena indi urungu cicimwe nanga kujena kokuke kono shikati mandizira akya ndisiye kulyaya mutu uyuhari hali yo mucena kokuke ²⁹.nanga ndaya ` ndahakakani mi,ndati miwuza ibata nandi bwera.³⁰³³kornele akwi taba akutikya kari kwakiti mayiba ane mwinako yatifwana yopani yindati ldi yimina zulyuwa ndati kambira mwi injuwo anga,ndamonu munyana yimayimi puwusonga muni zatikabira ³¹;akutikya Kornele zitapero zwe zayubwahara ,mi zituso zwe zahupurwa ku urezha ³².utuma umutu ko Jopa aka bere Simon indi yumatiberwa shi ldiina lya Pitrosi;matiberera mwi juwo ya Simoni yu musuhi ina shifupi indi ni murwanga.nanga ndapweri kukutumina ,marasi naqa pumaya shinako,papani putinamo kwetu puwuso urezha kurakekekozo zima zanazirwa ku uredzha³⁴Pitrosi aku hweta akutikya izinti shikati yemwa a kwenda shuku kuketa abato ³⁵shuku tikya murusinga nu rusinga uyumwe nu yumwe yimati mukambira indi kwisi shesherukera matitishirwa kokuke.³⁶mata tumina ldii kwa bana ba Isiraere akuba zira ziwuyimi sha Jeso kirisiti yeye shikati awo kowo ³⁷.Niyizire zitaba kozo zataya mo Judiya koyo ,zatanga mo Galilea,mulyuqo lyuku nwengiswa yikwata hwetuwa ku Johani.niyizire atikya urezha mataranxuwa shuku muku omuqa indi shi hqumu yiya ³⁸Jeso ywa nazareta. sha ma tapa Mupupo o Mucena sha mata. akwenda kupwelisa kowo i bara kukatazuwa ku dyavurusi, shu Redzya i kara na nawo.³⁹yetweswe tuzipaki zuzihweta kozyo zata sisini mwi kanda ya majuda indi mo Jerrusamu, Jeso ya mata bburuwa shuku vambuwa muti. ⁴⁰Munyana yopa Uredzya a kutambuka mu lyiva lyuwu tatu,akya aba amwanahare kwa bato, ⁴¹Ka kwa bato kowo kono kuiba taketuwa ku Redzya ndi bata mumwana bata lya nakye indi kunwa nawo pukara kutambuka ku bafu.⁴²ku baraera a ku bazira abato indi kupaka akya ije mabikwa ishikati yendi muyendisi waba bayimi indi yibatafwa. ⁴³kokuke baporofita kowo batamupaka, akutikya u mutu kweke yama titishira kuke sha shangane impatiro izibe shi lina lyakye.⁴⁴Pitolosi pwakaru kushihweta zihweta zopa umuku womuqa walyiku tyeshira puldiro lya ⁴⁵Abato kowo yibata yuvwa ldii .batishizi ubu mupato yibatayayi ndi Pitrosi barukomoka kumwana mupupo wo mucena wati tyeshira Masinga⁴⁶baruku yuvwa vatihweta shizindime zezi tsukana tsukana kabati kambira urezha .Pitrosi akuhweta ⁴⁷akutiya takuna yukushitira ami akya basiye ku nwengiswa ?shukutikya ndibani ikaruba tambura umuku womuqa tanditswe. ⁴⁸Akaliku bazira atikya ba nwengiswemoku ldina lya shi ldina shikati Jeso Kirisiti ,ngabati mukambira kabatikya urashara natswe shamaiba ngangamwe.

¹Ba Apositora indi barumeli i ba mu Judeya ba kuyubwa akya ilinji lya bato bata tambura liyi lyu lyedzya. ²Pitorosi pukara kadqapumuka ,ko Jerusarema ,barumeli i bata njena muni mupato ba kumuzekusa. ³Ba kumutyatika manjeni mu barume i bahata njena muni mupato,indi kulya nawo.⁴Pitorosi akukara ku batandwira i zuto shukuyira, akutyikya. ⁵Ndara kurapera muni muzi iya Jopa mi mupupo anga wa kuhapuwa, ndaku mwana i pono , i yara kufwana lyidzyira lielyukuru liara kudzwa kulyiro, i LIshimina muni makona a nnee ,ya kuya kokume. ⁶Pundara kulitumera ,nda kumwana ba nyawuya wu lyuvu, i wu zikondo zi nnee, indi zi lyikanisi ,indi zatyenda shimara indi zinyini iza mulyiro.⁷Ndakuyubwa lyiyi ilyatitikya kokume tambuka Pitorosi, u bbure u lye. ⁸Nda kutikya yemwa kusiye kuba akyopa,e shikati. Shukutikya kakucire kunjena shulyuwa i shamasira kapa shahalyi shi cena isha njena muni muromo nga. ⁹Kono lyi lyaku mwitaba kudzwelyira muni lyiro, Uredzya shama cenisa ima sha kukwanahara kuberuwa akya shina masira . ¹⁰Mi zata yezahara katatu ,mi kweke kakara kukwana kusiwa muni lyiro hape.¹¹Mwi nako yopa kwa ku tumuwa barume ba tatu kadzwa ko Sisaria kuya pumumbero injuwo undarana mwayo. ¹²Mupupo wa kundi tyatika ndiyende nawo, ndaha lyiki kapa kulyangana, nwe bakwanga ba bamana lyanja indi katsiki bapa bakwenda name,tara kanjena mwinjuwo . ¹³Akuti zira lingiroi shilya ta njena mwini njuwo akye,liyimine lyakutikya kokuke ,u tume barume ko Jopa ba kaise Simoni ya mati beruwa Pitorosi. ¹⁴Ndi sha kuzira zintaba zushupaliswa shazo ,yewe indi winjuwo aye kowo.¹⁵Pundara kukalisa kuhweta Mupupo omucena wa kususira puliro lyawo, tandi shuwataya kokutswe kwintanji. ¹⁶Ndaku yanakana lyiyi Uredzya lyama tahweta, Johani mata korobeza shami,mi yenwe sheni korobezwe shu Mupupo o mucena .¹⁷Mi Uredzya pwamata bapa i mpo yati fwana indiyatata puwa , yetswe ta tatishira Shikati Jeso Kiresite,popa kutindikya ime ndiyani akya ndishitye kuredzya. ¹⁸Pubara kuyubwa zintaba zopa, kunjemwa shiba tahweta ba kuwa mitima, mi ba kurumba Uredzya ka batitikya matapa ilinji kubaka akya babe ni wuparo .¹⁹I bata hasanyiwa shimashando urufu rwa Sitefani, bakwenda kaya ko Sephania, Sipera ndi Antiyoke kunjemwa kuzira u mutu iza Jeso tana ma Juda. ²⁰Mi ba bamwe mokuwo barume ba Sipera ni Sirene ba kuya mo Antiyoke bakuhweta ni Magerike kuya kuhweta lyiyi lyu lyu Redzya Jeso. ²¹Mi lyanja lyu Redzya lyarana nawo i lyinji liakutishira ba kushuka ku Redzya .²²I ntaba yopa ya kuya kuyubwahara kwi kereke iya Jerusarema ,mi bakutuma Bbanabbasi akya akaye ko Antiyoke. ²³Mi pukarakaya aka mwana shishemo shuredzya akataba ,aku ba kutaza akya bagisize ku Shikati shimutima kowo indi kutundamena. ²⁴Kakuti kali munyana yo muqa i karana zintsuma indi Mupupo indi tumero, mi linji lya bato lyaku kumarera ku Redzya.²⁵Bbanabbasi akwenda Kotarese ku kashaka Sawure. ²⁶Mi pukara kamushangana aku mulyeta mo Antiyoke, ba kusikama mo umwaka kabati kopanera muni Kereke, mi bakukalisa kuruta ilinji lya bato mo antiyoke ndi pwakwata kaliera Barutiwa kuberuwa Bakiresite.²⁷Muzi nako zopa ba ba Porofita bakukalisa kudzwa mo Jerusarema kwenda mo Antiyoke. ²⁸Muporofita yama tiberuwa Agabusi a kuyima ,mi aku porofita Shumupupo akya injara inkuru sheiwulie livu lya bato kowo, mi injahamu yataya ku Klaude.²⁹Barutiwa ba kukalisa kuyanakana kutumina zituso ku barumeli ba baradjini mo Judea . ³⁰Bata panga akyopa bakutumina zituso zopa kuba bakuru iwi kereke shi manja a Bbanabbasi indi Sawure.

¹Muzinako za shikati Heroda kalikushandisanga abato mwi kereki. ²Kali kubburaza shi bburazo Jakobo mukura Joani.³Mipukali kumwana atika zuhweta zopa zatidze kawo ma Juda, kali kuyekeza, akubbura indi Pitorosi. Kali mumayiwa uzulyuwa zahata bikuwa mumena. ⁴Pukali kumupata akumubika mwi torongo akumupa zikwata zi nnee atika zimulindire. shitwapa ni shitwapa sharana masore ba nnee. Ngatarera kumudzekawo pwi linji.mukiti puwa Likumana.⁵Pitorosi akulindira akyopa mwi torongo kono ikereki yakudzwera kuwuso kukambira ku Rezya. ⁶inako yamatika hupura Heroda kumulyeta,masuku ateni, Pitorosi akukwama uturo papataka li masore babiri,bakumushimina shizisipi zi mbiri; balindizi babiri bali kwiqamina i torongo pubuso bateni.⁷Nilyaye,lingiroi lya Shikati lyalikuya kokuke, rumweni rwalikumwenika mwi torongo; lyali kumukumuna Pitorosi puzimpati, lyali kumutambusa, lyakutika: tambuka apani ngaho. zisipi zali kuzdwa kumanja ake. ⁸Lingiroi lyalikutika kokukye lishimina lukanda, rara zishangu zwee. kalikupanga akyopa. Lyalikumuzira hape, atikya: ligawu inguwo aye, undiqama.⁹Cware Pitorosi kali kuya kudzwa lyakumutyeya atika amuraqama; kakarayizire atika zi lingiroi zatisi iziniti, kono kalikuhupura atika matimwana i pono. ¹⁰Puwa likusiya shitwapa shitanzii indi shububiri, balikuya pumumbero bwi sipi i wwa tyenda mwinkyo, wwalikuliyazura wwahaline; balikudzwa, balikwenda shibbakanyana:shubufupi lingiroi lyali kumusiya.¹¹Cware Pitorosi kali kuya kokuke kali kutikya, cware kali kuyiwa atika injashamu, atika u Rezya makatuma lingiroi lyake, mi mandiyaka mu lyanja lya Heroda, indi za lyairi kurusinga rwa ma Juda. ¹²Cware pukalikulyaira,akuwara kwinjiwo a Maria, nyina Joani yamatiberuwa Mareka, mwatashangena barumeli babenji,wali kurapera.¹³Pukali kungongota pushugwaro shama fuli mughekwa yamatiberuwa Roda akuya kwikeke . ¹⁴Pukali kulyemuha lyiyi lya Pitorosi,amayazure mumbero, shilibaka likwidze,akushuka kazira bamwikyo atika Pitorosi yini, ayimine pumumbero. ¹⁵Balikutikya kuke: matitakana. miyeye akugisiza, akutika: inje, bakutikya lingiroi lyake.¹⁶Kono Pitorosi akudzera kuwuso ku ngongota; Puwali kuyazura balikumumwa, bakubbemuka. ¹⁷Kali kubarawa shilyanja atika batupo, kalikuwazira mwamatamugusiza, Shikati mwi torongo. akutika: nizire Jakobo indi barumeli zihweta zopa. kali kudzwa, akakita kushuwaka shurwezi.¹⁸Masuku pungali kucako, kulyangana kokukuru kwali kubako ku masore; balikutika Pitorosi ikure ana?. ¹⁹Heroda kalikumushakisisa,kono amamushangane. akuzekisa balindizi bake, akuhweta atika baka bburuwe. Pitorosi kalikudzwa mo Judeya, kalikwenda mo Sesarea kukasikamamo.²⁰Heroda akumenjira a bato Tire indi Sidoni. bali kuya kuke shumoyo muxiki; ati bakukwana Blasto, muvuya a Shikati, balikuringira lisuno.shulyuvu lyawo balikupara zulyuwa za shikati. ²¹Liba lyata dxituwa, Heroda kalikurara zidzato za Shikati, katisikama murumweni rwake, kali kwi yaya abato babenji shubu shikati.²²A bato bali kushupura kabatitikya: ldii yini kandu mutu indi Rezya. ²³Popa ngaho lingiroi lya shikati lyali kumuzipa, Shukutika ama kambire Urezya. mavunyu ndali kumulya akufwa.²⁴Ldii lyu Rezya lyakudzera nikukura indi kukauhana. ²⁵Barnabasi indi Saure bali kushuka ko Jerusalema, bakuyisa Johani yamatiberuwa Mareka.

¹Munzi waku beruwa i kereke ya Atiyoke mwa rana mupolofita i ndi baruti,kwarana Munzi womukuru kwarana Simoni i kakuberuwa Banambasi. ²Ka kwenda murunvu ilya ti beruwa Nageriya, A bato baku beruwa Sirasi indi Manase Imatakurusuwa mo Heroda.Ka kubika Saure. ³Mu ku mberika mo ku Shikati, bakulyi yi mina zilyuwa. Mu njendiso a Mbanambasi i ndi Saure. Ba kwenda ku mu mbero akyee.Ba ku lyiyimina nzi lyiwa, indi ku kambira,ba ku babika manja,ba ku njera kuuso.⁴Banambasi i ndi Saure ba ku yunva Mupupo wo mu ncena wa kwenda ku Seleucia mu lyu nvu lya Cyprus. ⁵Pubarana ko ku Salamis,ba kara ku kutaza liyi Lyirenja mwi kambira i ma Juda.Ba kuyu nva hape liyii lya Joani Mareka.⁶Ba kwenda mu shinja sha Pafura, baku shangana mu nyana yuumwe, ka ku weta inzi mbunzi kari muporofita. Lyi nalyake,mushobo u Juda,yulyina lya Bar-jesus; ⁷Ka kusikama ku mu yendisi i maberiwa Serguis ni Paulusi,i karana a mano.Lyi na lyake kari Barnambasi. ⁸Elimasi a ku nzira "mukita-shipuna" (Mu lya swanela kunyera) aku nzire lyina lyakee,kutincira.⁹ Saule ikara ku beriwa Palusi a kunjeniwa ni Mupupo, omu ncena, a ku mu njamina. Yewe yuna i mbunzi usiye nziweta nzi mbunzi i nda mano ma xtu i ncimwe. ¹⁰U siye ku sinya lyi lyIlyenja a koopa,Nzezi shiama a kyoopa Urenja?¹¹ Cware lyaya, lyanja Lyashikati li na puliro ree, i shira pofo, i siyeku mwana kabakanyana. A kuyerwa ni ku nzima i ndikarema; ¹²ka ku patapta ku ldiiya i ka ku mukitira shi lyanja. Muyendisi pu ka ku mwana i sha rasisini kari ku tishira; matambwemuka shi mayi ka mata weta u lrenja.¹³ Paulusi i ndiba kwenda na wo ba ku njena musisepe mo Pafosi ba ka ya mo shibaka sha Perga i sha mwa Pamfilia. Papa, Johani ba ku xapaka na wo. A ku shushira mo Jerusalema. ¹⁴Paulusi i ndi bambiya bakke wo wo, ba ku njena mo Perga, ba kaya mo Antioke ya mwa Pisidia, ba ku njena mwi kereke ri ku Nsunsuruka, ba ku sikama. ¹⁵Pu ba ku weta nzi Murawo i ndi Baporofita, ba yendisi ba Sinagoge ba ku tishira i mutu yo pa, Bakwetu, a ti kuna nzina ku rutana ka zoo, ni nzi wetyee.¹⁶Popa Paulusi kari ku yima, pukaraba shi lyanja, A ku tikya; a bato ba Isilaele, i indi nwe na ti yopa Urenja, ni ra kyekye. ¹⁷Urenja u shisi sa i Isilaere ma tarishashira ba nakurawo, a ku kulisa i ldiinji lyopa, purashina ku sikama mu rinvu lya Egepeta, ba ku njisiwa mo shilyanja rire yima. ¹⁸A ku ripata wu mbiya na wo mulihalaupa, nzi rimo za maku mi a nee.¹⁹A ku bbura i rinji ba ma naranja a seveni mu lyivu lya Kanana; a ku ba yabera kwenda shishi fumu sha wo. ²⁰Papa mwi nako i ya makumi a 450.A ku bapa baaturi,ku ntwara ku Mupolofita Samweele.²¹Ba ku rungira Shikati a tikya a peko Muyendisi. Urezha a ku bapa Saule mwana Kishi. Yomurume yu ru singa rwa Benjamine, a kwendisa zirumo za makumi a nnee. ²²Urezha pu ka ku mushita, a ku ba pa Davida a be shikati a wo.A kumuzuwura a ti kya; Nda shangana mwana Jese, murume ima ti ngisa u moyo a nga, yu sha rasi shindashaka Yeme koozo.²³Murusinga rwa kye ,nga ha sha matasepisa, Urezha a ku lyeta Muyaki mo Isilaere, yee Jeso. ²⁴Ka shire ku ya kare, Johani kari ma ta nzira kare a batobakye mo Isiraere kowo ikorobezo i ku baka. ²⁵Johani kari kwenda ku mana maikuto a kyee, a ku ti kya; Na ti nahana ti kyaa me ndi yayani? Ka ndi mee. Ka, ni mwe nnee, yu wu mwe i mati ya kulyu xyoranga, yii nda tu kwana ku shutura nzi shangu za kyee.²⁶Nabakwetu, nwee u rusinga rwa Abrahama, yennee kweenu i na ti ywapa Urezha,lidii lya ku nwe i lyi u paro. ²⁷Koo ba ta ra xini mo Jerusarema i nda ba ndara ba wo ba bakuru, shi ku titya ka ba nciri kuyi ba Jeso, i ba ta mu yatura ba ta yi nzirinza ma yii nga baporofita, i nga ti baariwa mu ku Nsunsuruka i nci mwe ni nci mwe.²⁸I ndi pu baa ta shingana pa kye murandu ba ku weta a tikyaa matu swanera rufu, ba ku rungira Pilato a ti kya a bburuwe. ²⁹Pu ba ku mana koo zoo za ta nyoriwa shiri ba ka lya kye, ba ku mu nsusa pumuti, ba ka mu bika mwi ldi bita.³⁰Urezha ka ku mu tambusa ku rufu ka xiki. ³¹A ku mo ni wa mu ma yiba a mwe nji, ba ta nzirwa mo Galileya ku ntwara mo Jerusarema,ba pa i ba ta mwana i ndi zipaki za kye mwi ldinji.³²Yenswee ta ni lye ti za ma yii nga maqa i ngati kyaa, i sepiso i yata ezahara ku ba nakurubenu; ³³Urezha a ku ldi monisa kwa bana benu, shi ku tambusa Jeso; shi kuñwara mwi buka i ldi Samu i ya ti kya,Wee ndi Mwana nga, nda ku paka na mushi. ³⁴Shi ku mwenisa a ti kya mata tambunsuwa ku bafu ka shishura ku bbwara, ndi za ma ta weta Urezha a ti kya, i sha ndi ni pyee nzimbuyoti za tu ndjwa ku Davida, ze nceena, ze nzi qi.³⁵I ndi mo ku ldi Samu yuyu wumwe aku ti kya,wo mucena ka u mwee nee i sha bbwere, ³⁶.Shi ku tikya Dafita pyu sha bberika mu ma yi ba kyee i sha ku shakahera u Rezha, a ku fwa. ku nzi rwa ku ba nakurakyee, ka ni mwenee i sha bbwere. ³⁷Hape, i ma ta nzirwa ku Rezha, yopa, a ma monnee ku mbwara.³⁸Nabakwetu, ni yigve a tikya, shaa kye, ba zyirwe zi ku patirwa wu bbi wenu,Na nga ti pa kyo muyeyi ni muyeyi i mata puwa kwi ba ta titishirwa, a ku puwa ku kee ku shiama ³⁹Mu zisi za mata kwana ku kwisini koo zoo mo mu shiama mu murao wa Mushe.⁴⁰Ni ma meere papa, pa kani ni yerwee sha ta weetiwa ni baporofita a ti kyaa , Ni mwe nee yee nee ba ma ta shungura, Ni bbemuke yeno , mi ni mwe nnee, ⁴¹Ye me i sha ndi mbereke mu ma yiba e nu, wo pa mu mberiko u nda ti kwa nisa. na nga we ndi mu yeyi ma ni nziri a kyopa.⁴²Paurusi indi Barnabas pu ba kwenda, a bato ba ku ba rungira ku shushira a ti kya ba wetye mayii inga tu swaana shi wu gyi mwi Sabata i ya ku nceraa. Ma Sinangoge pu nga ku maana, ⁴³Majuda indi bapositora ba ku bberishira Urezha, ba ku ncera Paurusi indi Barnabasi. Bapa a ku lyi ya ya nawo, ba ku ba nzira i zi runsunu ldu Urezha.⁴⁴Mwi Sabata yi yi mwee ya ku yaa, koo wo pu baku shangana mu murenenyi ba ku ku kye kye ma yii a Shikati. ⁴⁵Majuda pu ba ku mana kuyu vya ldi, ba ku ye rwa ni mu naa, ba ku ba ka kanisa shi nzi weta za wo za Paurusi, u rungu, ba ku nyaza.⁴⁶Papa Paurusi indi Barnabasi ba ku njera kuu nso ku weta kwa ha ywaapa, ba ku ti kya, kwa tu swanera a ti kya ldi yi ldu Rezha ldi zii rwee ye nnee; na ku ldi shikikya , yenee ndi ldi lya ta ya kunee, na ku ldi shitama ku ntwaa ye nwee , ha ma na ku rukera u paroo, ni lda yee, ni gzwe ku ldi nvu lya ma Gentarus. ⁴⁷Shikati kari ku rareera a tikya, ka ti weta a tikya, nda ta ni bika ni be rumweeni ku ma Gentarus, ni ntwere u paro ku wo koo mo mu rupati rurunvu.⁴⁸Papa ma Gentarus pu ba ku yu nva, ba ku djee i ndi ku rrumba indi ldi lya Shikati. A baato ba bee nji ba ku sharara ku wu u paro wo wu qya shi ku tishira ku ku wo. ⁴⁹Ldiyi lya Shikati lya ku rapaka ku njee dli dlivu koo dlo.⁵⁰Majuda ba ku rungira ku ba ta sharara ba dgye kwa i ba mano, indi ba ba mwe ba rume i ba ta ki tira munzi o mu kuru. ⁵¹Papa Paurisi indi Barnbasi ba ku djukutura u gywaa ku ma koondo a wo shi ku rubaana. ⁵²Hape ba kwenda mu murenenyi wa Iconium.Papa barutiwa ba njenwa i ndi Mupupo wo mu ncena indi qya.

¹Mo Ikone ,Pawurusi indi Banabasi kunjena kowo mo Sinagoge iya Majuda ,pura kuhweta lyiyi mo, kwakutumina a bato ba benji mwinkyo lya Majuda indi Magerike. ²Kono Majuda i bahata tishira ba kususuwiza Ilyinji mi bakufilikana muni mitima awo sha barumelyi .³Na ngahopa ba kusikama mayiba nga menji kaba tihweta yemwa bakuywapa ba kugipira ku Redzya ikara kugisa ldii lishishemo shake shukwisi zi makazo izara kukomokisa shimanja a Pawurfusi indi Barnabasi. ⁴Mi ilnji ilya bato iwu muzi bakurapuka ba bamwe bara kuyimina ma Juda ba bamwe bara kuyimina ba Apositora.⁵I nyakanyaka ya kuya Kwilinji indi ma Juda indi bayendisi bawo, Pawurusi indi Barnabasi pubara kutikya bakapange barumeli wubbi indi kubara qhekere shima rwawa. ⁶Ba Apositora pubara kukuremuha intaba ba kuywepira muni muzi mu likaonia yoyo Listra indi Derber. ⁷Indi mubati hwetira ldii⁸Mo Listra kwarana munyana yama tapakuwa nali muhwere,nanga kara kupakuwa aha yendi, ⁹Yeye murume akuyubwa Pawurusi mati hweta, Pawurusi aku lyaya aku mwana akya ana tumero i kupwelisuwa. ¹⁰A kumuzira shi ldii lyelyukuru ,a kutikya yima shizi kondo zwe yeye akuyima shuku kira mi akulyata.¹¹I linji pulyara kumwana iza rasisini ko ku Pawurusi ba kukara kushupura shumushowo iwu Silikaonia ba kutikya , Uredzya maya kuti pwetira mushipanguwa sha bato. ¹²Barnabasi ba kutikya Jupitere, Pawurusi ba kutikya i Mercuri kakuti inje kara kuhweta. ¹³Mupirisita iywa Jupitere iyu njuwo iyu kukambira mwayo puwuso u muzi a kuya kutikya muni mumbero iwu muzi iya lyeta zipoho zezi rarukuwa zingarangara akuyanakana kwisi shitabero indi lyinji kolyo.¹⁴Mu Apositora iywa barnabasi indi Pawurusi ba kyara ,zidzyato zawo ba kutira mwinkyo kaba shupura. ¹⁵Bakutikya barume shikya puna tipanga zopa akyopa,zini inditswe tabato ti chuto shixiki na nwe, tani lyetiza zintaba zeziqha ,akya nisiye kwenda shizisi zawo zeziqhu ituso ,ni zoromoshire kuredzya yamatipara yama tapanga lyiro indi lyivu ind lyiwate indi zuto kozo izina ko. ¹⁶Muzi nako iza kare Uredzya matasiya ilinji kolyo akya ayende shizisi zawo.¹⁷Nanga tipakyo ya masiye kuyibahaza shukupanga a bato naqha ,indi kuni tusa shinvura iyi lyiro indi shizi nako zukuvuna,a kuni pazulyuwa shuwunji ,a kuyiza mitima awo kwidzee. ¹⁸Shimayi ngapa Pawurusi indi Barnabasi bata kwanisa shi nxhumu ngaho, kucikisa a bato bapa a kya basiye kwidzamina matabero.¹⁹Popa kwakukita Majuda i bara kudzwa mo Antiyoke,indi mo Ikone,pu bara kuyereza ldiinji ba kwiqhekere Pawurusi shi marwava, ba kumukweshira kwinje lyi muzi ba kuyanakana akya mafu. ²⁰Mi barutiwa ba kumubika popakati a kutambuka a kunjena muni muzi puliara kucako a kwenda ko Derba indi Barnabasi.²¹Pubara ku kutaza ldii mu muzi wopa, ba kupanga barutiwa ba benji, ba kuqhapumushira ko Listra indi Ikone indi Antiyoke. ²²Kabatigisa mitima a barutiwa indi kubakutaza akya baraqhumu nanyina mwi tumero, ba kuziruwa akya batinjena muni muwuso Uredzya shima shando nga menji.²³Bakubika ba bakuru mwi kereke indi kereke, pu bara kubarungira shukuliyimina baku basiya muni shishemo shu Redzya i batishiri kukye. ²⁴Ba kuqhatura inkanda iya Pisida,bakwenda ko Pamphylia . ²⁵Pubara kumana hweta ldiiyi mo Perga ba kudzuwushira ko Atalia. ²⁶Pubara kayako bakushuka ko Antiyoke shuwoto mu bata bikiwa muni shishemo shu Redzya ba shutumuwa kapanga mubberiko u bati kamenisiza cware.²⁷Pubara kaya mo Antiyoke bakashanganisa i kereke ba kuhweta ze zikuru za matarasi Uredzya shawowo ,indi shamata bayazwira wulicaba [ ilnji] mumbero i wi tumero. ²⁸Bakusikama indi barutiwa mayiba nga menji.

¹A bato babamwe batakadzwa mo Judeya, bali kwiyaya barumeli atika:ati kamuni ninjene mumupato,kwenda shumurawo a Mushe, nibaku kuyakuwa. ²Papa, Paurusi indi Barnabasi bakushita tota, balikuzeka nake shubuzuwo; barumeli bakurumarana atika Paurusi indi Barnabasi, indi babamwe kuwo, bali kukawushira ko Jerusalema, bali kamwana indi ma Apositora indi babakuru wi kereke shintaba yopa.³Bakutishira akyapo kwi kereke,balikwenda shinjira ya Fenisiya indi ya Samariya, balikuhweta shuku zoromuka shilinji lyawo: itaba yopa yali kutabisa nabbi barumeli. ⁴Pubali kaya mo Jerusalema bali kaba tambura naqa mwi kereke indi ma apositola indi babakuru; balikutoroka zihweta kozo zamatarasi Urezya kokuwo.⁵Barumeli babamwe mwi tuto yimbuzi, bakuyima bakutika: ishatishakara mwi linji ishukutika ba njene mumupato, bayendye shu murawo a mushe. ⁶Ma apositola indi babakuru bakukopana kushakisisa intaba yopa.⁷Pubali kumwana atika keli bayambara ahuru zitaba zopa, Pitorosi a kuyima, akubazira atika: bakwanga niyizire atika keli ndina mayiba ngamenji kudzwa pwamatandi ketira Urezya mwikyo lyenu, shumuromo anga, ilinji liyuvwe ldii lyi tishire. ⁸Urezya ayizire mitima, kubapashira indi kubapa Mupupo bo Muncena. ⁹Imayise zisi zetu kabiri, yetswe indi woo; mataba ncenisa mitima abo shitumero.¹⁰Ingahare natilika Urezya, kusunga barutiwa ujokwe ibatashitira banakuretu kukambika, indi tswe akyopani? ¹¹Shitatitishira cini: shetipaliswe shi lisuno lya Shikati Jeso keresite, shizisi zixiki induwo.¹²Popa ngaho ishangano yakutupo; bakwikeke koku Barnabasi indi Paurusi pubali kuhweta imakazo indi zalikuhakamalisa zamatarasi Urezya kokuwo mwikyo lyabahedeni.¹³Pubali kumana kuyambara, Jakobo, akutikya: nabakwanga nindi kyekye; ¹⁴Simoni maniziri shamatakalisa Urezya kulyaya iwu zusu zezibbi, atikya mwikyo lyawo akulishashira uwunji shatikakura ldiina lyakye.¹⁵Zihweta zopa zakutishizana indi mayii aba nuhi, matañwera atika: ¹⁶Kubuso, zopa puzali kumana , akushuka, nditambuse Tabernakele ya Davida iyatawa; shendiyi dxini pu limbo lya kare, ndiyiyimise; ¹⁷Atikya abato ibakara bashake Shikati , indi rusinga kolyo ldina lyakye lyati raperwa pwi lyiro lyawo. ¹⁸Matihweta Shikati ya matawumba izuto kozo, yamatayiwa shikwisi kudzelira kwi tadxi ulyuvu.¹⁹Nanga ndipakyo tatiyatura atika tudzwe nikukataza ilinji ilyati sukuruhera ku Rezya. ²⁰Tiba ñwere akya baliyiminnee kuze zibbi izi mupupo wo mubbi indi shiswaniso, indi kubushashi, indi kuza bburuwa indi kwizi gazi. ²¹Atikya Mushe, kudzwa kuzi nako zitanzi, kuna iwati mupaka mumizi, kali kuhwetuwa muma Sinagoge wuqa icimwe ni cimwe.²²Kono ma apositora indi babakuru, indi kereke koyo, balikumwana atikya, ati kwatikwanahara tilyaye barume papakati lyawo,bashe batumuwa ko Antioke indi Pawurusi indi Barnabasi; bali kuketa Juda ikali kuberuwa Barsabbasi, indi Sirasi, barume iba yibahara mushurumeli. ²³Bakuba, tumina liñoro lyatikya: yetswe ma apositora indi babakuru indi barumeli, kokutswe barumeli wi linji, banamo Antioke indi siriya indi Sirisiya: nitishire.²⁴Tandi shitayuvu atikya babamwe kutswe badzu, batakandi kukumeza shimayi awo, kuzukaka mitima; wutahata rayera;. Shumutima muxiki tamonu kuliyaya ²⁵indi kuketa barume indi kubatuma, bayendye kokunwe hape balikusunuwa tota, Pawurusi indi Barnabasi. ²⁶Abato ibalitobuha wuparo bwabo shilina lya Shikati etu Jeso Keresite.²⁷Nangi Ingahapa Mboti nutumine Juda indi Sirasi, induwo shibatizire shumuromo zuhweta zopa. ²⁸Kwata monuwa akyopa shumupupo bumuncena indi kokutswe, tisiye kunikambikisa buremu bobukuru. ²⁹Niliyimine kwi zuto zezibbi indi gazi, indi zata sunuwa, indi bushashi. Nishuywapa ngaho izuto zopa, natipanga naqha. nikare paa,³⁰Pubali kuxwaka kwenda Antioke; bakushanganisa barumeli shubunji wawo, bali kubapa liñoro. ³¹Pubali kutikya ba bborome, bali kwidze tota shi kutazo abo. ³²Juda indi Sirasi kali ba porofita induwo, balikukutaza barumeli shi mayi nga menji, bakuba gisa.³³Pubali kwishara mayiba ngangamwe, bakushuka barumeli, shi kozo, kubatakaba tuma. ³⁴Sirasi kalikushaka kukara yeye. ³⁵Pawurusi indi Barnabasi balikasikama mo Antioke; bali kwiyaya indi kusumuka ldii lyu Rezya, babamwe balikabatusa.³⁶Pumayiba ngangamwe ngali kumana Pawurusi akuzira Barnabasi, atikya: tushuke, tikatatube barumeli muzi ni muzi mutata kahweta ldii lya shikati; tumwene mubatipera. ³⁷Barnabasi kali kushaka kuisa Johani ikali kuberuwa Mareka. ³⁸Pawurusi akumwana atikya kuku naqa kuyisa Mareka yamatakabasiya mo Pamfilia,amayendye nabo kumubberiko awo.³⁹Papa, kufapana kokukuru kwali kuya, mane bali kutsukana. Barbanasi akuyisa Mareka, balikulyubushira Sipera. ⁴⁰Pawurusi akuyisa Sirasi akwenda nakye, bakubikiwa mumanja a Shikati shi lirato lya barumeli. ⁴¹A kapwetira manaha nga Siria indi Silisia, kagisiza zi kereke zateni.

¹Pawurusi akuya mo Derba indi mo Listra akuya kushangana murutiwa ikara ku beruwa Timoteya, indiye mukararana u murwakazi ikara kutishira yu mu Juda she kali Mugerike. ²Kara kuyiminwa ku ba mbiya bakye i ba Listra indi Ikone. ³Pawurusi karakushaka kwenda nakye ,a kumuisa a kumunjenisa mu mupato shilibaka lyama Juda, ibara kupara muzi bbaka zopa kakuti baraizire akya she mugerike.⁴Pubara kwenda mumizi ba kuzira barumeli kumamera mirao yata bikiwa kuba Apositora indi ku ba bakuru iwu zikereke iza Jerusarema. ⁵Zikereke za kukumarera mwi tumero inda batu bara kuyekezeha shuwunji lyiba ni lyiba.⁶Pawurusi indi ba mbiya bakye akwenda mu livu lya Frigia lya Galatia,indi ba bamwe kakuti Mupupo o mucena wata bakanera kuhweta ldii lyu Redzya mo Asia. ⁷Pubara kushera ko Misia, barakutikya baka njene mo Bitinia, kono Mupupo a Jeso yemwa u batishire. ⁸Pubara kuqhatura muzi ya Misia ba kutsurumukera ko Troasi.⁹Mopa Pawurusi a kumwana i pono ,masuku ,akumwana murume [munyana] iywa ko Masedonia ikara yimine a kurunjira a kutikya lyushira mo Masedonia yuti tuse. ¹⁰Pawurusi pukara kumwana i pono yopa ta kuli bbakanya shukuli tahanera kwenda ko Masedonia ,katiti tishira akya Uredzya matiti bera mo kahweta Idii.¹¹Putara kudjuwa mo Traasi ta kupushira ko Samotrasi pulyara kucako takwenda mo Neapolisi. ¹²Putarakaya mo takanjena mo Filipi,muzi iwu intanzi mu muzi utokwa lyuvu lya Masedonia i koroni iywa Waroma, takwishara mayiba mu muzi wopa. ¹³Rumukibero ta kudzwa mu muzi ta kwenda pulidzoo linda katiti yanakana akya murubba shukukambira, mi takusikama ta kuhweta ni barwakazi ba bamwe ba bashangana.¹⁴Muxgekwa i matiberuwa Lidia mumbulisi iyu pulipera iywa mu muzi i wa Tiatire ,yamatiywapa Uredzya a kwikeke ,mi shikati akuyazura mutima akye akya atokomere zintaba izati hwetuwa ku Pawurusi. ¹⁵Pukara kumana ku korobezwa indi injuwo akye a kuti kambira a kutikya, puna yatura akya ndati sepahara ku Redzya, ninjene mwinjuwo anga yeni sikame mo,a kuti hambereza.¹⁶Mwinako iyimwe putara kwenda mushibbaka shu kukambira ta kushangana muxgekwa ikarana mupupo, u wunuhi kara kufumisa mashikati shubunuhi. ¹⁷Muxgekwa a kwiqhama Pawurusi inditswe kati huwa katikya, banyana bapa ba vuya ba Yana Kulyiro Uredzya,batiti zira injira iyu wuparo. ¹⁸Akupanga akyopa maiba nga menji kono Pawurusi shukukatezeha ahuru a kuxgapumuka aku zira mupupo atikya ndati kupa itayero shilina lya shikati Jeso Kiresite akya udzwe kukye, mi wa kudzwa mwinako yopa.¹⁹Mashikati akye pubara kumwana ba menwa i sepo i yuku fuma ba kupata Pawurusi indi Sirasi ba ku bakweshira kushikwata shiba wusisi. ²⁰Baku balyeta kuba yatulyi bakutikya a bato bapa batilyanganisa muzi etu shi Majuda. ²¹Batiruta zisi zitahati swanera kutambura kamba kwi xhama yetswe Waroma.²²Ilinj lyaku kalyisa ku barwenisa Pawurusi indi Silasi ,ba yatulyi ba ku bakyera zidzato zawo,ba ku raera akya bazupuwe dshizinchupa. ²³Pu bara kumana kuba zipa baku njenisa muni torongo ,ba ku bakanda mapolisa akya ba tokomere nanyina. ²⁴Yopa pukara kumana kuzirwa aku banjenisa mwintorongo iya mwinkyo ,a kubika makondo awo muni miti.²⁵Popakati lyamasuku Pawurusi indi Sirasi barana mirapero mi bara kuyimbira Shikati awo zinjumbo,i barana nawo mwintorongo bara kwikye. ²⁶Mwi nako inxiki kwa kuya izikinyeho yu livu ziqha izi ntorongo zakunyanganya,ndipopa ngaho mimbero koyo yaku yazuka indi mawenge ngacutuka.²⁷Mulindizi iyu ntorongo pukara kutambuka aku mwana akya mimbero iyi ntorongo miyazuka,akugusa isawure akye akya alyi bbure shuku yanakana akya mapantiti kongo nga shonuka. ²⁸Kono Pawurusi a kushupura shu kugisa a kutikya siya kuli bbura mutishina kwetu.²⁹Mulindiri aku rungira rumweni a kutira muninkyo aka wulya puzi kondo za Pawurusi indi Sirasi akati cacalika. ³⁰Mi baku gusizwa popenje a kutikya nwe bashikati banga ingahare ndakwisi akya ndipalisiwe. ³¹Ba kumu tyatikya utishire ku Jeso mi mbupalisiwe yewe indi winjuwo aye.³² Bakuhweta ldii lyu Redzya kowo mwinjuwo akye. ³³Angahopa mwi nako yopa ya masuku ,mi aku ywesa ziremano zawo, mi shitanzi a kukorobezwa yeye indi winjuwo nakye kowo. ³⁴Aku twara Pawurusi indi Sirasi mwinjuwo akye a kubika zulyuwa puwuso wawo mi a kwidze shilyi baka lyukutikya ma tishiri ku Redzya kowo indi winjuwo akye kowo.³⁵Pulyara kucako bawusisi ba kutuma mapolisa bawo kwenda kukye baka mutyeya akya asiye bato baliyendire. ³⁶Mulindiri iywi ntorongo a kuzira Pawurusi i ntaba yopa,a kutikya bawusisi baka tumina akya nilyi yendire narukuruha nili yendire shikozo.³⁷Pawurusi akuhweta kokuwo katikya; bata tizipa puso wa bato yemwa bati yature, yetswe Waroma, bata tinjinisa mwi ntorongo basha kuti gvusa mo kurupati,yemwa ya kukwanahara,baye wowo i bati guse mo. ³⁸Mapolisa bakutwara zi hweta ku bawusisi pu bara kayubwa akya waroma ba kuywapa akya Pawurusi indi silais Waroma. ³⁹Muwusisi akuya a ku ba kambira ; pubara kubagusa mwintorongo popenje ba kurungira akya badzwe mu muzi⁴⁰Pawurusi indi Sirasi ba kudzwa mwi ntoorongo ba kuya mwinjuwo, aLydia.Pawurusi indi silasi pubara kumwana bakwawo ba ku baraswakawo,kudzwa apa ba kudzwa mu muzi

¹Pubarukwenda shi jira ya Amfipoiisi indi Aporonia ,mi bakuya mo Tesolonika muna i kereki ya Majuda. ²Shi zisi zake Paurusi aku jena kuwo shi mayiba i liba rupumuro atatu akurizwarara nawo shukwenda sha mañolo.³Aru kuyazura iwuka a bazira indi kuba mwenisa akya Keresite karu kuswanela kuyubwiswa butuku,mi awuke kwa babafu xikiki akutikya Jeso yindaya kumizira zake ye ndi Kresite. ⁴Babamwe kuwo Majuda batishira mi bapatira Paurusi indi Silasi indi wunji bwa Magerike baba ywapa indi barwakazi batikutekiwa babeji .⁵ Babahari kutishira Majuda ,barukuba fwera muna barukuya indi barume babamwe bababbi ,batwarwa popakiti lyumuzi;barukubika i juwo ya Jasoni, mushikwenda ,bali kulyaya Paurusi indi Silasi kubatwara puwuso uwuji . ⁶Shikutikya yemwa baba shangane baru kukweshila Jasoni indi barumeri puwuso aba babakuru uwuzi ,kaba kavatishupara akya yini murume yimata yarumuna ruvu kalyimaya indi kuni ⁷Josoni karu kuba yamuhera zini kowo barukurwenisa mirawo ya Sesare;bakutikya kokume indi shikati yuyumwe matiberwa Jeso.⁸She mayi abaru kususumeza uwunji indi babbereki wuu mizi bakuyubwa buzuwo. ⁹Barukuyisa yima timwana za marwapa kumulindiri kakubwerwa Josoni uwi swarero,mi barukubasiya barukwenda.¹⁰Masuku ngapa bazantu baru kutuma Paulusi indi Silasi masuku akya bayende ko Berea .pubatijena mwi kereki ya Majuda ¹¹I Mewo yemija kumbara babana mo Tesalonika,baru kumuhera ldii shukuritabera ,mi baru kushakisisa mumañolo, shi mayiba kongo ,barukuyiba akya zitaba zibarukuzirwa ndizo ¹²Uwuji mokuwo ,indi barwakazi iba Magerike batikutekwa ,indi barume babengi .¹⁴¹³Majuda indi baTesoronika pubatiyubwa akya ldii rya Shikati lyati hwetiwa mo Berea i Paulusi baya mo indi kuya kulyanganisa uwuji .¹⁴Papa ngaho baru kufundura Paulusi kumutwara kuriwate, ye Temotea indi Silasi barukukala ¹⁵Bapa barukusindikiza Paulusi baru kumuyisa koku muzi wa Atene;puba kusiya Paulusi barukuya indi ldii akya Silasi indi Temotea bayende kapili kokuke shukuritahanera.¹⁶Paulusi puka kuriberera mo Atene mupupo ake warukuyubwa kumasizha kulyaya muzi musisire kuziswaniso izi mirimu yaku bbereshirwa ¹⁷Kuhwetizana mwi kereki indi Majuda indi barume bati rapera Shikati.akutikopa mi,baru kushangananga riba indi riba kwi patero yi mawurisezo.¹⁸Babarituta babamwe ibwi tuto ya Epikure indiya Stoiki barukuyambara nanke ;babamwe barukutikya ,muhweti yo matitikya ?yendimatihweta zi milimi yikuko ,kakuri karu kubaruta iza Jeso indi zizuho akye kubafu .¹⁹Barukumuyisa Paulusi kwenda nake ko Areopagos,baru kumuzira akya bashaka kuyibaa ituto yatyi tiruta yatitya? ²⁰She kutitya yewe matilyeteza ma ldii ngahati ubwahara mumati yetu ;tashaka kuyiba she ngatiyimina ²¹Maatene kowo indi babamwe barukuya kukupwata mo ,kavarukuhweta cicimwe tana kuhweta zitaba zezi pywa.²²Paulusi karukuyima pakati lyawo a Areopago akutitya, nwe barume ba Atene ndaremuha akya mwizito kozo natitokomera ahuru ziseberezo zi milimu ²³.Kakuri pundina shina kupwatapwata mumizyi ndati mirwaya shinati rapera ndati shangana akya mane aretare pwo kuñoorwa po!KU UREDZA YAHA YIZWIRWE .Urezha yo natirapera yimuhayizire yije ndati hweta zake ijendi mizira .²⁴Urezha yata wumba ruvu indi zito kozo izinamo kakuri nyendi Urezha uri rilyo indi ruvu katusikamu muzi kereki izi kuwumba uwmba sha manja. ²⁵Mi yee mwa kubwerekerwa a barume ka manja ,yendi matipa zeziyimi kozo vuparo indi kupuyimuka ,indi zito kozo.²⁶Kudza ku murume muxikii yimatawumbwa ruvu indi abato kowo muzimwaka kozo zinamo muryuvu zinako izi wuparo indi miyibano ²⁷kuzwa po bashake Uredza nangaye mugi akya akaye ,kuzwa kukye basgane indiye ,ka sisi shire natswe.²⁸Shaye tina buparo ,tati nyangasa mi,tatiba she batahweta ba robizi babamwe kokunwe akya inditswe ibbu rusinga rwenu. ²⁹Tswe wurusinga uru Uredza yemwa taswanera kunahana akya atifwana itandi gauda ,silivera hari ribwe lyata beyiwa shuwutali she maikuto wumurume .³⁰Shukutikya Urezha pukaru kusiya izito zukuharayiba anca riye,akuzira abato muzibaka kozo akya babbake. ³¹Shikutikya mata bika riba yukuyatura ruvu shukuruka ,mi mata pa uwuji imakazo yiyiiji yiku batambusa kwa babafu.³²Pubaru kuyubwa barume Athens kuwuka kwabafu ,babamwe bakusheka ,babamwe bakutikya sheti kuyubwe hape mwi taba yopa ³³.Paulusi akarukuzwa mwikyo rwawo. ³⁴Barume babamwe ,batitishira kumwana barana indi Denisi yu wi khuta ya Areopango indi muqekwa yuyumwe yimati berwa Damaris indi babamwe .

¹Puzara kumana zopa Pawurusi a kudzwa mo atene , a kwenda ko Korinte. ²Mopa akashangana mu Juda yu yumwe yama ti beruwa Akila yama tapashurwa mo Ponto. popa akudzwa italia indi Prisila murwakazi akye, kakuti Klaude matarana Majuda akya badzwe mo Roma. ³Pawurusi a kwenda kuwo. Shukutikya kara kubberika mubberuko muxiki nawo a karasise ko kuwo katisi mubberuko, mubberuko awo kali ngu kwidzyini matente.⁴Rumukibero indi ,Mukibero Pawurusi kara hweta zintaba mo sinagoge ,kati gisa Majuda indi Magerike. ⁵Silasi indi Timoteya pubara kaya kudzwa ko Masodenia, Pawurusi kara kuruta Shumupupoa kupatira kuyaya ldii ku Majuda katipaka ku Majuda akya Jeso i Kiresite. ⁶Mi wowo bara kukakana ,ba kunyaza, a kudzukutura zidzato zake, akutikya kokuwo i gazi enu she ibe puliro lyimishoro enu,yeme ndi munjemwa murandu kokuyo, mi kudzwa popani kutindi yende Kwilyinji.⁷A kudzwamo aka kita mwinjuwo u munyana yama ti beruwa Justus ,Titusyama rapera Uredzya i ywi njuwo i bambana ni sinagoge. ⁸Angahopa Krispo muyendisi iywa sinagoge indi winjuwo akye kowo ba kutishira ku Shikati indi Makorinte ba banji pubara kuyubwa Pawurusi ba kutishira indiwo mi ba ka korobezwa.⁹Uredzya akuhweta ko ku Pawurusi mwi pono,masuku, a kutikya siya kuywapa mi uhwetye u siye kutupo. ¹⁰Shukutikya ndina nawe kunjemwa i sha wara lyanja lyake kokuwe ku kupanga wubbi kakuti ndina a bato ba benji mu muzi wopa. ¹¹Pawurusi a kusikama mo u mwaka una ukwezi kumana lyanja indi kaxiki.katiyaya ldii lyu Redzya ko kuwo.¹²Galio pukara kuba mubusisi iywa Akaya Majuda baku ba ni mutima muxiki mukurwenisa Pawurusi ba kumutwara pushi kwata. ¹³Bakutikya u mutu yopa matiyaya a bato kubberishira Uredzya shi mukwa i wati fapana ni murawo.¹⁴Pawurusi pukara kutikya a yazure muromo akye , Galio a kwi taba Majuda,yenwe Majuda a kutikya kambe kuna intaba i fosahara iya tiyubwahara kambe murandu wurunya rorubbi nandara keke kunwe, yenwe Majuda. ¹⁵Kushi zekwa zintaba iza ma ldii indi ya mana indi yi mirawo una kunwe popa ni limwene nwe beni yeme kandisine kuba ndi muyatuli muzintaba iza ngahopa.¹⁶Galio a ku batanda mwikuta yumubusis. ¹⁷Magerike kowo ba kupata Sostene,muyendisi iywa sinagoge, mi bakumuzipa puwuso ushi kwata, Yeye Galio yama twelizeko kwintaba yopa.¹⁸Pawurusi pukara kwishara mo mayiba nga menji a kurana ba bambiya bakye a kwenda ko Siria shi shisepe a kwenda indi Prisila indi Akila, A kwiqhumu zinshushi mo Senkreya, kakuti mata lyi shimina wutamo wuwumwe. ¹⁹Pubara kaya mo Efese Pawurusi akusiya Prisila indi Akila , indi ba bamwe yeye a kunjena mo sinagoge, mi a kuhweta, ni Majuda.²⁰Bakumurungira Pawurusi akya asikame nawo mayiba angamwe ,yeye yama tishire. ²¹A kurana akuti kya, shendi kani shushire Uredzya akushaka,mi a kudzuwira mo Efese.²²Cware Pawurusi a kudjuwira mo Sesarea, a kwenda ko Jerusarema a kurumelisa i kereke mi a kwenda ko Antiyoke. ²³Pukara kumana mayiba mo Antiyoke, Pawurusi, akufunduka aka shakisisa shuku sherana shukucera inkanda,iya Galatia,indi yaFrigia kati gisa ba rutiwa kowo.²⁴Cware Mujuda yumwe yama ti beruwa Apolosi,ya matapashurwa mo Alexandra murume yama tihweta shuwu kwara a kuya mo Efese mi ma tatalifera mañoro ahuru. ²⁵Apolosi yopa matiyaya injira a Shikati,shukutikya mata tukufalyerwa mu mupupo akye,kara kuhweta indi kuyaya zintaba za Jeso, shu kutokomera indi pukara izire ngaho ikorobezo a Johani. ²⁶Apolosi kara ku hweta a ha ywapa mo sinagoge,kono Prisila indi Akila pubara kumuyubwa ba kuisa kokuwo mi ba ku ba zira injira yu Redzya, ku bbara mukara iziramina.katanzi.²⁷I nako pukara kutabera kwenda ko Akaya, bambiya bakumugisa mutima, ba kuñwera barutiwa i ba kopa ko Akiya,akya bamutambure,pukara kaya mo ,a kutusa ahuru i batatishira shishemo . ²⁸Apolosi kara kuatura Majuda shimata ngama kuru aku bagisa shi mañoro a Jeso i Kiresite.

¹Apolosi pukara mo Korinte, Pawurusi yeye akuqhatura mavu a kauka ahuru, akulyubushira mo Efese. mopa akashangana bayaaywa babamwe. ²Pawurusi kali kubawuza atikya: natashangana Mupupowo Muncena punali kutishira? bakumwitaba atikya: imatuyuvwe atikya: kuna Mupupo wo Muncena.³Pawurusi akuba buza atikya: injira kya nata natanwengiswa shayo? bakumwitaba atika : tata nwengiswa sha Jwahani. ⁴Pawurusi akutikya: initi natabaka ati nata nwengiswa shinwengiso ya Jwahani. akuzira abato atikya; batiswanera kutishira kumutu imatiya muliqho lyake yeye Jeso.⁵Abato pubali kuyuvwa akyopa baku nwengiswa shi ldiina lya Shikati Jeso. ⁶Pawurusi pukalikumana kubabika manja, Mupupo wo Muncena bwalikuya pwi ldiro lyawo, ndupubali kuhweta mishobo indi bayanakani. ⁷Barume bapa kowo kali likumi nubu yiri.⁸Pawurusi akunjena muma sinagoge, kalikuhweta ahaywapa, shi mezi itatu , akuyarumuka indi Majuda,akuba giisa shu muwuso Wurezha. ⁹Babamwe Majuda bakukutiza, bakushita kutishira, bakunyaza injira ya Keresite puwuso aba batu babenji. Pawurusi akudzwa kokuwo akugusa bayaya, ali kayaya mwi kereke yu mutu yuyumwe yama tiberuwa Tirano. ¹⁰Zitaba zopa zakusikama akyopa likumu nubu yiri: abato kowo ibata radxini mo Asiya,bakuyuvwa ldii lya Shikati, Majuda indi Magerike.¹¹Urezha kali kupanga zimakazo izati bbemuka shi manja a Pawurusi. ¹²zintaburu indi madzira ngangamwe ngali kubikiwa kubatimashira ndiku bapwelisa indi mipupo ye mibbi yali kudzwelira,mumumbiri a Pawurusi.¹³Majuda babamwe, ziñaka izali kwenda kugusa mipupo yemibbi kuba yeyi, bali kuweranga ldiina lya Jeso pwiliro lyabato ibana mipupo ye mibbi, atika: ndatini rayera sha Jeso yana koku Pawurusi. ¹⁴Ibalikwisi zopa kali abato ba mwana lyanja shaba yiri [7], abana ba Sikeva Mujuda yuyumwe kwabato abayendisi babakuru.¹⁵Mupupo wo mubbi wali kubayarumuna atikya: Jeso ndumuyizire indi Pawurusi ndumuyizire: cware yenwe nwe ndibani?. ¹⁶popa ngaho, umutu yana mupupo wo mubbi akutikya: akubakyira pwiliro, akuba kyinda papeshi rubuyiri, akuba kwana; pubarana kwinjiwo yopa barana muzyumbiri, bakudzwa indi gazi. ¹⁷I ntaba yopa yakuyibahara kumutu kweke, Majuda indi Magerike, babaradxini mo Efese; balikuywapa nabbi kowo, indi ldiina lya Shikati bakulidze.¹⁸Babenji, ibatatishira bataya, kono pubali kuhweta, barukusumuka zibe zawo. ¹⁹Babenji ibatarasi za mabibo, bakulyeta ziwuka zawo, baku zipisa pubuso wilinji, pubali kubara marwapa ngwi teko azo, kwalikushanganeha atika marwapa ngapa ngatilikana Silivera sha 50,000. ²⁰Ldii lya Shikati lyakutuuma akyopa, lyakubberika ahuru.²¹Zopa puzali kumana, Pawurusi pukali kumana mubberiko wa Maefese akuhupura, Shumupupo, atikya ayendye ko Jerusalema shi njira a Masedoniya indi Akaya; pukali kwendako, kali kuswanera ka mwana indi Roma. ²²Pawurusi akutumina bayiri ko Masedoniya atikya bakamutuse, i Timotiya indi Erasito. kono yeye akasikama mo Asiya.²³I nako yopa ngaho, i ziyezi ikuru yakuya mo Maefese shi Njira. ²⁴Murume yu ldii lya Demetiruyisi, shikwara kali kulika za silivera ikali kwisi mubberiko wopa. ²⁵Kali kubashanganisa akyopa inda bato ibali kwisi mubberiko wopa, akutikya: barume, taniyizire atikya ishatiti fumisa ndumu bberiko wopa.²⁶Natumwana, natiyuvwa, atikya Pawurusi yopa matasikurura a bato babenji kono ka mo Efese ngaho indi Asiya koyo. ²⁷Wuzuwo walikuya, shukutikya mubberiko bwetu shuwumane; indi kereke yumurwakazi Diyana, urezya yo mukuru, sheku zoromuke icuto ishaha lyaiwa, indiye yamatiyopuwa ko Asiya indi lyuvu kolyo, shamane shurumweni rwake.²⁸Pubali kuyubwa akyopa, bakugyupa, bakushupura, atikya: yo mukuru i Diyana ywa Mayefese!. ²⁹Muzi kowo celi inyakanyaka ngaho, bakutira ko Teatere kowo, bakupata Gayusi indi Arisitarko, barume bako Masedoniya, batasindikiza Pawurusi.³⁰Pawurusi kali kushaka kulilyeta kwi linji kono barutiwa bakumucikisa. ³¹Indi malinda zikanga ba Asiya babamwe, ibatirumarana nake, bakumuzira atika asiye kuya ko Teatere. ³²Babamwe balikushupura zihweta izatikya kanduzo: batashangana shimaziyezi, babamwe kabarayizire shibashangeni.³³Bakugusa alexandere muwunji, Majuda bakumubika kuwuso, Alexandere akuraba, kalikushaka kulikarabera pwi linji. ³⁴Pubali kulyemuha atikya Mujuda, bakwendiriza kushupura kowo, pubali kumwana atika celi kwakara zinako ziyiri akutikya: yo mukuru i Diyana ywa Mayefese!.³⁵Muñoli ywi kuta iya mumuzi pukali kuwa totuza, akutikya: abana ba Efese, iyani yahayizire atika muzii wa Efese nanga wututokomera i tempere ya Diyana indi shiswaniso shake ishatawa kwiliro?. ³⁶Zihweta zopa kunjemwa kuzishapura, nanga ndipakyo kutiqamwi kakwisi icuto shukuputaka:. ³⁷Barume wunata lyeta kuni kabacire kusinya mwi kereke indi kunyazurusa urezya etu.³⁸Demetiriusi indi mikwa ake baqhu mizeko inda bato, kuna mayiba ngubatabika ngukuzeka, indi batiyatura: bakazeke. ³⁹Ati nina intawa yatiswanera kuzekiwa, kuyakuyizeka mumu kopano urwezi. ⁴⁰shikutikya kalita linjenisa mubuzuwo wa namushi, tiwaku liwaka litakuliyimina shalyo shilibaka limukopano wopa. ⁴¹Pubali kumana kuhweta akyopa akurapura abato.

¹Mufilyifilyi puwara ku kunjena, Pawurusi aku tumina barutiwa aku basusuweza. A ku hweta kuwo,a ku basiya kwenda ko Masedonia. ²Pu kara kamana kumwana inkanda yopa,a katiyaya barumeli shi mayi ngamenji,a kwenda mwi nkanda ya Magereke. ³Akusikama mo mezi tatu ,Kara kulitukiseza kunjena mushisepe kwenda ko Siria,Majuda ba kumu kwenuhera, a kushuka shuka shinjira a Masedonia.⁴Bakumusindikiza kwenda ka muyesa ko Asiya, kali Sopatere, mwana Pirusi, iywa Berea; Aristarko indi Secundo, Mateselonika; indi Gayusi iywa Derba, indi Timoteya; iba ko Asia kali Tikiko indi Trofini. ⁵Wowo ba kuli tangiza ba ka tilindira ko Troasi. ⁶Yetswe ta kunjena mushisepe, ta kulyuwushira mo Filipi, mayiba pungara kumana i ngu shunkwa, muma yiba nga mana lyanja,takuya kokuwo mo Troasi, mopa taka sikama mo myiba ngamana lyanja indi tuviri.⁷Mulyiba lyitanzi iyi sunda putara kushangana, kulya zulyuwa, Pawurusi aku hweta ku ni barumeli, Kara kuyanakana kwenda mulyiba lyaticera, akudzwera kuwuso kuhweta ta pakati lya masuku. ⁸Mikwarana mamoni nga menji mwinjuwo iya kuliro mubata shangena.⁹Kwi windo kwarana murumbwana ikara ku beruwa Eutiko ikarana muturo totukuru. Pawuwrusi pukara kuhweta inako inde,murumbwana yopa kara shiranzire a kuwulya popeshi popenje,a katwaruwa mufu. ¹⁰Pawurusi akusuka a kutsingamina pokukye , a ku mupata,a kumu nyangasa ,a kutikya, Siya kuywapa kakuti wuparo we ushina kuke.¹¹A kwenda kulyiro hape aku bunjara i bread , pukara kumana a kubakutaza i nako yinde,kwakuca a kukira. ¹²Ba kushusa murumbwana kumuzi nali muyimi, intaba yopa ya kubagisa mitima ahuru.¹³Yetswe ta kukwera mu shisepe ta kudjuwa , ta kwenda ko Asoso, mutara kaisa Pawurusi shisepe, yeye ma rukisa kwenda shi zukondo kakuti kara kuyana kana kwenda muzi indi muzi. ¹⁴Putara kakopana nakye mo Asoso ,taka murwanga kwenda nakye mo Mitileni.¹⁵Putara kujuwa mo ,pulyara kucako takaya po shifupi indi Kiyo . kulyacera takutsura inda kwenda a Samosi.Kucako takaya mo Mileta. ¹⁶Kakuti Pawurusi mata yanakana kwaha ka djuwushira mo Efese akya asiye kulyiyehera mo Asia; kara kupwerashira akya a kabe mo Jerusarema lyiba ilya Pentekonta.ati kwara kukwanahara kokukye akya arasi.¹⁷Pukarana mo Mileta, a kutumina, ko Efese kaywera ba bakuru wi kereke. ¹⁸Pukara kokuwo aka bazira katikya ni izire zisi zindata para nanwe kudzwa lyiva lyitanzi pundara kuya mo Asia, indi zi nako kozo. ¹⁹Ndata bberishira Shikati shukuli bika kwinshi koko, kanditi tyeka zinshwezi ka kenji,indi kuyerwa mashando shi mifumbo iya Majuda. ²⁰Yemwa ndini zishire intaba tandi nxiki iyati swanera,mi ndata nizira zo, indi kuni yaya zo, papenje pukakandara, indi shukupwata mwinjuwo indi njuwo. ²¹Kanditi pashira Majuda indi Magereke, izi kubaka i kwatitwara ku Redzya,indi zikutishira ku Jeso Kiresite shiukatI etu.²²Kani mwene cware ndatienda ko Jerusarema ndashiminuwa ku Mupupo, kandiyiba zintaba i shezi kandiyera mo. ²³Nakana muzi indi muzi , Mupupo o Mucena kawuti ndiyimina, i shandilyindire kushiminuwa indi kushandisuwa. ²⁴Mi zopa yemwa zakundi bbiraeza ,mi wuparo wanga yemwa ndakuwu babalyera, ndatitikya , nda mana musipilyi anga indi mu bberuko, undata puwa ku Shikati Jeso, i wukupaka ldii lyi shishemo shu Redzya.²⁵Cware kani lyaye ,ndi zire akya kwenu wundata yendira misipiri kuya kuni zira zu muwuso u Redzya,kamuni sheni mwene wuso wanga,kapa i pata anga. ²⁶Shilibaka lyopa ndati pashira namushi initi namushi, ndatiti kya ndi munjemwa murandu mwi gazi enu koyo. ²⁷Kakuti yemwa ndi showolyike, mukunizira murero kowo uwu Redzya.²⁸Cwre yenwe ni lyi tiberere, mi mi ni bbabbarere mutapi kowo una ta puwa ku ba balivereri wawo shu Mupupo o Mucena i wata nitwara kumawate. kurera i kereke Uredzya yama taliwira shi gazi akye tota,mu mumbiri akye. ²⁹Kakuti ndi izire akya pusha ndakwenda , shekuye kunjena kunwe bampuru, ba bagu ,i bahati kwana kuyubwira mutapi wutuku. ³⁰Indi mwinkyo lyenu tota shekudzwe ishe bahweta zintaba zezi lyangana akya barutiwa bapa bara qama.³¹Nilyaye cware kani tiyanakana akya ndata isa u mwaka wutatu kali ndi liseri, kuyereza shi zishwezi u mutu nu mutu iywa kunwe,masuku indi mushikati. ³²Mi cware ndati ni kambira ku Redzya indi ku ldii lyi shishemo shake ,Yeye yama tikwana kuni dzini indi kunipa sanda indi ba bacena kowo.³³Yemwa ndirakaze shilivera kamba i gawuda ,inguwoyu mutu yani indi yani. ³⁴Ishi ldii nwe ni izire kya manja ngapa , ngata sebeza kutishanganisa shitararana kushaka , yeme ,indi wundarana nawo. ³⁵Ndata ni mwenisa muzi ntaba kozo akyashuku bberika akyopa,nati swanera kutusa iba tifokora ,kani tiyanakana ma ldiii nga tahwetuwa ku Shikati Jeso Kiresite, yeye tota,aka tikyakuna rusuno mukupa [mbuyoti],yati bbara mukupuwa.³⁶Pukara kuhweta zintaba akuwa shimadji aku kambira nawo kowo, ³⁷Mikowo ba kukara kabati lyira ,ba kuldiqambayi mwinsungu a Pawurusi , ba kumunxupita shurusuno . ³⁸Ba kubbiraera mu mitima shintaba yama tahweta pukara kutikya kamuni sheba mumwene hape i pata akye. ba kumujuwa kwenda kushi sepe.

¹Cware putara ku kawuhana nawo shu wuzuwo,ta kudjuwa, mi takwenda Koso , pulyara kucako,takaya mo Rode, Putara kaya mo, takaya mo Patara. ²Putara kaya ta kushangana shisepe ishara kukwenda ko Fenisia, ta kunjena mwaco ,ta kujuwa.³Mi putara kaya kushidazi, isha Sipera takushiqhama kulyi mosho , katityenda ko Siria taka fweshira mo Tire, kakuti shisepe shara kushi isa itutu. ⁴Kudzwapa takushangana barutiwa ,taku sikama mayiba ngamana lyanja indi tuviri. Barutiwa ba kutikya koku Pawurusi, shu Mupupo akye asiye kwenda ko Jerusarema,⁵Putara kumana mayiba, taku kudzwera kuwuso ni rwendo rwetu. Ta kwenda, indi barwakazi inda bana bawo bakuti sindikizatabara katigusa mu muzi.Taku djita madji pulidjo ta kukambira . ⁶Takunjena mushisepe wowo bakushuka kumuzi nangweza⁷Putara kudjuwushira mo Tire takumenisiza rwendo, rwetu wamushisepe putara kujuwira ko Ptolemaisi taka rumelyisa ba rumelyi, ta kusikama nawo lyiba xiki. ⁸Pulyara kucako taku djwera kuwuso ni rwendo , takaya mo Desarea,ta kunjena mwinjuwo yu muivangelyi,, Filipi, ikali yu yumwe ywa bakutazi iba mana lyanja indi tuviri,7,mi takusikama kokukye. ⁹Murume yopa kararana a bana ba qekwa ba ba nee,i bahara cire kurowuruwa nanga bara kuba i bara kunuha.¹⁰Putara shisise mopa mayiba kwakuya muporofita ikara ku dzwa mo Judea ikara ku beruwa Agabusi. ¹¹Akuya kutswe akuya kuisa rukanda rwa Pawurusi,shalyo a kulyi shimina manja indi makondo, mi akutikya, Mupupo, Uredzya wati hweta watitikya ,Majuda mo Jerusarema sheba lishimine a kyopa murume u munu rukanda ku manja ,ropa, ba kumbika mwinqumu i Wilyinji.¹²Cware putara kuyubwa zintaba zopa kwetu inda bato i bara kupara mushi bbaka chopa,ta kurungira Pawurusi,akya asiye kwenda ko Jerusarema. ¹³Pawurusi a kwitaba, shikya natisi kani tilyira akya ni bunje mutima nga, Ndi mulyitukiseza kashuminuwa, indi kufwa mo Jerusarema, mulina lya Shikati Jeso . ¹⁴Akushita kugisa kutswe, ta kutipo takutikya kupanguwe ishati shakuwa ku Shikati.¹⁵Pungara kumana mayiba takuyisa mi kwatana etu takwenda ko Jerusarema. ¹⁶Bakwenda natswe ba bamwe barutiwa ko Sesarea ,Ba kuti twara kwinjuwo a Mnasoni, murume iywa ko Sipera, ikara kuswanera kuti chinjira takusikama.¹⁷Putara kaya mo Jerusarema ba rumeli ba kuti cinjira shi kwidze. ¹⁸Pulyara kucako Pawurusi a kwenda natswe ko ku Jakobo, ba bakuru kowo bata kopanera kukye. ¹⁹Pukara kumana kubarumelisa, a ku bazira shuku cincana .zintaba kozo zamatarasi Uredzya,mwi Lyinji shi seberezo akye.²⁰Pubara kumana ku yubwa zintaba zopa ba kurumba Shikati ba kumuzira bakutikya mukwanga mati mwana akya Majuda i bata tishira kali batiyekezeha ,kowo batiqumukawo murawo. ²¹Bata ziruwa kuamana nawe akya yewe mati yaya Majuda, i batipara indi Lyinji.akya ba butatire Mushe, basiye kunjenisa a bana bawo mu mupato,mi basiye kwenda shizisi zawo.²²Ingahare takwisi , kakuti i ldinji shelyi yubwe akya kukorana. ²³U rasi shitati hweta popani, kuna barume ba nee i bali shimini wuitamo . ²⁴U ise barume uka bacenise induwo, u lifere akya ba kwene kubishirwa mi shoro; a bato kowo,Akutikya u mutu kwekye a yibe zintaba zopa izata hwetuwa, akya kani inzi njahamu, Sheba lyi tutye akya indiwe nongo tiqhama murawo.²⁵Hailyi Ldinji, bata tishira tata bañwera shitata yatura shawo,kakuti kamuni shi shimunuwe shi iza ngahopa, mi nishitye izara dzaminwa madimona, indi gazi indi za bburuwa, indi wushashi. ²⁶Cware Pawurusi a ku isa murume, pulyara kucako , akara kulicenisa ,a kunjena nawo mwinjuwo ,a kuhweta mayiba ngu kulyi cenisa,kwawo pushe ngamena , akya kulyetuwe shitabero i shukulitumera i shuyumwe nu yumwe iywa kuwo.²⁷Mayiba ngamana lyanja indi tubiri ,[7] , pungara kumana ,Majuda i ba ko Asia, ba ku mwana Pawurusi mwinjuwo /mwi Kereke ba kususuweza ilyinji shu wunji mi baku mupata. ²⁸Ba kushupura ka batyityikya a bana ba Isiraere ,yeni tuse . U mutu yopa mati yaya a bato kowo kure indi ikure, ituto yati rwenisa ilyinji indi murawo, indi shibaka ,copani, kali malyeta Magerike, mwi kereke , masirafaza. ²⁹Shukutikya bata mumwana katanzi mu muzi, kara kwenda indi Trofimoi ywa ma Efese, ba kuyanakana akya Pawurusi ma munjenisa muni kereke³⁰Muzi kowo wa kuyima shukulyi kalyirwa,a bato bakutiya kokuwo , ba kupata Pawurusi, ba kumukweshira kwinje,lyi kereke, bakuyaziya mumbero shukuli tahanera . ³¹Kalyi bara kushaka kumu bbura ,intaba puyara kaya kumuyendisi ,iywa masore, akya Jerusarema kali yayimi ni mifilyifilyi.³²Popa a kuisa masore, indi bayendisi bakwenda susira kwi ldinji ,I ldinji pulyara kumwana, yo mukuru muyendisi uywa masore, indi masore , ba kusiya kuzipa Pawurusi. ³³Muyendisi iywa masore a kushera a kupata Pawurusi, a kuraera ,akya a shumunuwe mawenge a biri [2], mi popa akuwuza zizakye, akya inje ndiyani ,indi zamarasi zikya .³⁴Mi ilyinji lya bato lyara , kushupura icuto shixiki, ba bamwe bara kushupura zi zimwe,a kushitira kuyubwa shilyibaka lyirata, a kuraera akya Pawurusi akya toruwe kwinjuwo ingi ³⁵Pukara kaya kuma kakushiro a kuisuwa kumasore,shilyibaka lyuwugu wi lyinji. ³⁶Kakuti u wunji wi lyinji wata mwiqhama,aka batishupura, kabatitikya abburuwe.³⁷Pawurusi pukara kutikya anjene mwinjuwo ingi, a kutikya ku muyendisi iywa masore, ndati rungira kuhweta nawe ,yeye a kutikya , matihweta shi Gererike. ³⁸Kawe ndi Muigepita yina yamata lyeta mifilyifilyi,mumayiba ingana inga ,mana, ba kuisa abato ibara kaya mo 4000 ,mi a kwenda kuliharawupa,³⁹Pawurusi a kutikya ,yeme ndi mutu iyu Mujuda ,ndata pashurwa mo Tarese ,mu muzi iwa mo Silisia ,i iwa hati shaka kuyibahara,ndati rungira undipe shibaka shu kuyaya ni ldinji. ⁴⁰Pukara kumupa shibaka Pawurusi a kuyima puma randiro,a kubera a bato shilyanja pubara kutupo a kukalisa kuyaya,shumushowo iwi wu Shiheberu akutikya.

¹Bazatu banga indi nwe Tate nirakeke zi zitaba zina likarabera kokunwe pani ².Uwuji puwati yubwa akya mati hweta mwi puo yi Shiheberu barukuti poo.akutikya ;³Yeme ndi Mujuda ndata pashirwa mo Tarese yikwa Silisia kono ndata kwira mumuzi wopani mu makondo a Gamaliele narutwa shi mukwa watirukera kwenda shi murao uba nakure anga mi, ndaru kutufarerwa zu Urezha mumunamina indi nwe namushi. ⁴Ndatirwenisa ahuru ituto yopa kutwara rufu ndaru kushimina barume indi barwakazi kubabika mwi tolongo ⁵Indi muprista yo mukuru koku Damascus kuti andi pake i kopano koyo iyababakuru barukubareta ko Jerusarema akye baye bazipiwe .⁶Punarukwenda mi ndatiya shefupi ndi Damaseka kuya kushimina bwi tuto yoo, puyaku kushaka kuba mushikati omukulu mwi nako i xikiki ngaho ndaru ku cekiwa she liseri lyelikuru lyatizwa kuriro ⁷.Ndakuwera papeshi mi ndati yubwa ldii lyatitikya kokome Paulusi Paulusi she kya mati ndishandisiza ⁸?ndarwikwi taba ndati kya we yeni Shikati? akukya komume; me ndi Jeso wa Nazareta yimati shandisa.⁹barukwenda name bata mwana liseli kono yemwa ba yubwe ldii lyaruku hweta kokume ¹⁰.Ndaku kutikya ,shikati ingahare ndakwisi? Shikati akutya kokume yima ujene mo Damaseka mo kuti uzirwe zima tiswanera kurasi kozo ¹¹.Shikutya kanaru kumwana she libaka likanya ililiseri ,ndakwenda nawo bandi pata kulyaja.¹²Anenius murume yimati ywapa Uredza shi kwenda shi murao yimati pakwa kowo Majuda baraxinamina mo. ¹³Akuya kokume akuyima puwusu anga akundizira akya Muzatanga Saule mapewa kumwana ,papa ngaho nda kulyaya .¹⁴Akutikya Shikati uwa ba nakurwe betu matatiketa akya uyibe Shamatishaka ye, mi uyubwe ldii ryatizwa mu shiporo shake . ¹⁵Akya ube paki akye puwuso uwuji kowo kupaka zimamwana indi zimayuvu. ¹⁶Shikya marindi? yima u nwengiswe ,mi uyweswe zibi zwe shi kurapera rina lyakye.¹⁷Punarukushuka ko Jerusarema yinako yindaru kurapera mo Keriki ndaru kuyisiwa shi mupupo ¹⁸;Ndaru kumwana Shikati mati nditeya akya ;pweraka uzwe mwa Jerusarema ,baku kutishira bupaki bushundipaka kawo kokubo.¹⁹Ndakutikya Shikati bayizire akya ime ndaru kujenisa mwi torongo,indi kuzipa mwi kereki barukutishira kokuwe. ²⁰Ndipwaru kusururwa marwapa a Sitefani ipaki aye pundarana ndata tishira kubbura kwake me ndaru kurindira zi ngubo zababa mubbura ²¹Akutya kokuke kwenda kakuli kuti ndikutwere koshire ku babahari Batishira .²²Abato baru ku murakeke tana pukarukumana kuhweta ldii lyopa;apapa ngaho baru huwa akya umutu wa ngahopa azwiswe mu ruvu yemwa kuswanera kupara. ²³Barukuhuwa kabati ngusa zu nguvo zabo,bazi kuraki muriro barukukezira ujwa. ²⁴Yemuyendisi wa masore kari kuraera akya ayisiwe mwi juwo ingi ahuru awuzuwe batimuzipa ,ayibe shiba shi muhuwerera akopya.²⁵Pubatimana kumushimina shi marapo ,Paulusi karu kuwuza muyendisi uwi mpi akutikya .itukero kuzipa umutu yu Maroma aha cire ku atulwa? ²⁶Mulauli wumpi pumati yubwa akyopa ,akukazira muyendisi wa masole akutya'uyibe shikwisi akutika umutu yo Muroma .²⁷Muyendisi wa masore akuya ku Paulusi akutikya kuye :undizire atikya u Muroma ?ye akutikya eee....... ²⁸Muyendisi uwu masole akutikya ndarifa mali ameji akya ndiriwire yitukero yopa, Paulusi akutikya yeye ikushizwaro. ²⁹Papa ngaho bali bamuwuze shumuzipa,batizwa kokuye; muyendisi wamasole indiye akuywapa pwatiyubwa akya Muroma shiriba lyutikya mata mushimana.³⁰Pulya ticako shikushaka kuyiba buniti bwizi ndava iba muzekisa kayo Majuda karukutswura Paulusi, karu kurayeya akya babakuru indi bwikhuta bashangane barukwenda indi Paulusi aku mubika puwuso wabo.

¹pawurusi, pukalikulyaya ahuru shukwata , akutikya nawakwangana, ndayendi shilizwaro lyeliqha kolyo puwuso Wurezha, kutwara ldiba lya namushi. ²Popa, Ananiyasi, mu pirisita yo mukuru, akurayera bamatabambana nawo atikya bamuhowure pumuromo. ³Pawurusi akutikya kokuke: Urezya mbwakuhwaware, yewe ulyu mota lyeli kabisa wuhwe; shukutikya: pusise apa, kundiyatura shukwenda shu murawo; ushirayera atikya bandihwabare celi kukira murawo.⁴Ibata bambana nake, batitikya, yewe matikuta mupirisita yo mukuru yu Rezya? ⁵Pawurusi akutikya: nabakwanga, kandarayizire atikya mupirisita yo mukuru, shukutikya kwata ñoruwa atikya: shakuhweta wubbi mwilinji koku shikati enu.⁶Cware Pawurusi, shukuyiwa atikya babamwe mokuwo bayarumushiri, indi Bafalisi, akushupura mwi kuta, akutikya: nabakwanga, yeme ndu Mufalisi, ndi mwana Mufalisi; ndatiyatura shiliwaka li sepo indi kutambuka kuwafu. ⁷Pukali kumana kuhweta akyopa, kwakuya kupwama kokukuru papakati lyawo Bafalisi indi Basaduki; indi shikwata yakukauhana papakati. ⁸Shukutikya Basaduki batihweta atikya: ibatafwa imawa kutambuka, indi kutikya kunjemwa lingiroi, nanga mupupo; atikya Bafalisi batitishira akyopa.⁹Kwali kudzwa lirata lyeli kuru; kuba ñoli,iwatiyimina Bafalisi bakuyima, bakucikisa ikaturo, atikya: imataku mwana wubbi kokukye; tyema mupupo wahweti kokuke indi lingiroi ?. ¹⁰wuzuwo wakukura, muyendisi u masore akuywapa atikya tiwakuxanara Pawurusi; akuzira masore atikya watsurumuke, bakamupatye mwikyo lyawo, balikumushwishiza mwinjiwo yigyi,.¹¹Masuku ateni, Shikati akulyumwanahaza kokukye,akutikya: uligise Pawurusi, shukutikya: matandipaka mo Jerusalema, matirukera kandipa akyopa indi ko Roma.¹²Pulyali kuca, Majuda babamwe bakuyanakana, bakulishimina shimatswe, bakutikya bakukulya shulyuwa indi kunwa. ¹³Ibatapanga muhupuro wopa, kali awato iwatibbara makumi a nnee.¹⁴Balikwenda kuma Pirisita babakuru, babakuru bali katikya: talishimini shamatswe atikya: tiwaku kulya shicimwe nakana takubbura Pawurusi amana. ¹⁵Nangi ndipakyo, yenwe indi wi shikwata niyibise yo mukuru ywa masore atikya banilyetizeye, kanitishaka kushakisisa zihweta zake; yetswe mbotikare tiwalitukiseza kumubbura kacire kuya kokunwe.¹⁶Mwana mugxenake Pawurusi, yo murume, akuyubwa mifumbo yopa; akanjena mwinjiwo yigyi, akazira Pawurusi. ¹⁷Pawurusi akubera yuyumwe ywa barauli wa mwanda, akutikya: twara munyana yopa kuyamatyendisa masore; kuna shakamuzira.¹⁸kali kumuyisa, akumutwara kuyo mukuru wa masore; akutikya: Pawurusi ywa mwi torongo, mandiweri,atikya ndikulyetize munyana yini,kuna shuhweta shika kuku sumushira. ¹⁹Yo mukuru wa masore akumupata kwi lyanja, akwenda nakye kurupati, akumuwuza kurupati atikya: shikya matindisumushira?²⁰Yeye kali kutikya:Majuda balikuyanakana kuringira Pawurusi kokuwe, atikya umulyetye kwi shikwata shawo lyakuca,bapange nokoti batishaka kuyibisisa zihweta zake. ²¹Usiye kubatishira; shukutikya barume ibatilikana makumi a nnee bamuzikamini, balishimini shima tswe atika basiye kulya shulyuwa indi kunwa kabacire kubbura amana.popani balitukisezi, balindiri i karawo kokuwe.²²Yo mukuru wa masore akushusa munyana yopa, akumukanda , atikya; asiye kuzira u mutu atikya mamuziri zihweta zopa. ²³Ndupukali kubera ibatimwana zimbe mwanda bayiri [200] atikya barukise masore ba mwanda bayiri, indi bakauki baba piyi bakumi amana lyanja bayiri [70], indi batiximba mwaanga bali 200; bakuyima masuku ateni kaya ka 9 yamasuku, kwenda ko Sesareya. ²⁴Barukise indi zibberensa zikakuya kukawukapo Pawurusi, bamutwere ko Felikisi, muyatuli kudzwa muwuzuwo naqha.²⁵Aku ñwara liñoro lyatitikya:. ²⁶Yeme kilaude Lisiyasi, koku Felikisi, muzekisi yamati yopuwa ahuru, ndakambiri!. ²⁷U mutu yopa matapatuwa ku Majuda, balikushaka kumubbura nanga ndaya ni masore; ndakumuyaka pundali kuyubwa atikya mu Roma.²⁸Shukushaka kuyiwa shiwatimurwenisiza, ndakumutwara mu shikwata shawo. ²⁹Mopa ndalikashangana atika batimuzekisa zizi ntawa zu murawo awo; kunjemwa murandu kokukye iwatiswanera rufu, nanga maweenge. ³⁰Ndaziriwa atikya Majuda bamuyamini; nanga ndamutumini kopa kokuwe; ndaziri iwatimuzekisa atikya zibatumuzekiseza bazitwere kokuwe.³¹Masore bakucera akyopa ngaho shibaziruwa; balikwenda indi Pawurusi, balikwenda ko Antipatiri, masuku. ³²Pulyali kucako, bali kusiya Pawurusi, wowo bali kushuka kwinjiwo yigyi. ³³Wowo pubali kuya mo Sesareya, bakupa muyatuli liñoro, bakulyeta Pawurusi kokuke.³⁴³⁵Muyatuli pukali kumana kuwara liñoro, akuwuza Pawurusi atikya unju lyuvu kya. pukali kuyubwa atikya i ko silisia, akutikya:.Shendikuyubwe pushe bakuya u matizeka nawo, akumutyeya atikya pwashibalindira, akusikama mwinjiwo a Heroda.

¹Pungara kumana mayiba ngamana lianja, Anenia yo mukururu i ywa mapirisita indiye, a kuya ni ba bakuru ba bamwe, indi mutoroki yama tiberuwa, Tertulo, mi ba kuli lieta ku mubusisi,ku ya kumuzira iza Pawurusi. ²Pubara kumu bera Pawurusi ,pukara kuyima puwuso uwu mubusisi ,Tertulo a kukalisa , kumushimina, kwilinji. ³kutikya.Tishipara mwikozo inkuru, ishayewe Felikisi ,ikara ku kutiekeha ,a huru, mi tara kufosezwa shazo puzara kuqhawu qhawa, i shipa baliero akie ,⁴Akya ndisiye ku kulira inako , ndati kurungira akya u rakeke shi rusuno ,zi tati kuzira, shi ma ldii. ⁵Murume yopa ta mushangana akya muyerezi , u muni uma shangenero, puna Majuda kowo,mwizi kanda kozo ,inje ndu mushoro, i tuto, i zorumuka iya Banazareni. ⁶Maliki tama tikasirafaza injuwo, ta kumupata, mi tara kushaka ku muyatura shi murawo etu.⁷Ba kuwuza Pawurusi, muyendisi iywa masore , Liseasi, akuya a ku muisa , shi qhumu inkuru, kuti yanga ye. ⁸A kutikya i bati mushimina bati swanera kuya puwuso we, u muwuze mbuyubwe kuke injahamu izi ntaba zitati mushimina shazo. ⁹Indiwo Majuda ba kugisa akya ngahopa basire.¹⁰Mubusisi a kuzira Pawurusi akya hwetie,Pawurusi a kwitaba, ndati yubwisisa akya zilimo zi zinji ni li u muwusisi, wi lyinji lyopani, ndati litaba mina shi sepo i nkuru. ¹¹Kuna muko kuyibira akya ndina mayiba a 10 mo Jerusarema , nanga ndara kunjena mo ka kambira. ¹²Mi pubara kundi shangana mwi kereke, yemwa, ndi kakane nu mutu,mo masinagoge,kapa mu muzi. ¹³Yemwa ba kukwana kulyeta zi hweta izatindi shimina shazo mwi nako yopani.¹⁴Shinda kukambira shaco kokuwe, icini zinjira, i batitikya i tuto i nkwenuha injahamu ,akya ndati bberishira Uredzya, i ywa ba bbabba shukwenda shuinjira yopa, kanditi remuha zintaba kozo izi murawo ,indiza ta ñoruwa ku Baporofita. ¹⁵Ndina i sepo ku Redzya,mi indiwo bana i sepo yopa, akya kutambuka ku bafu she kubeko, ku ba baruka indi ku bahali baruka. ¹⁶Angahopa ndati panga mata i nako koyo, akya ndibe ni zinxuma, lilinjemwa kunjazwa, ku Redzya indi kwa bato.shi zuto kozo.¹⁷Cware pundara kwenda i mwaaka i minji ndakashuka, ndati lyetiza ilinji lyetu zituso indi zimpo. ¹⁸Ndi mu bata shangana Majuda,ba mwe ibo ko Asia,kandicire kuhweta mwi Kereke ,kushanganisa a ilyinji ,kapa kupanga . ¹⁹Murume yopa ndi bati swanera kuya puwuso we,kuya kubbiraera ati bana zi kubbiraera shayeme.²⁰Nanga imbo bapa,ba hwetie wubbi u bashangana kokume,mwinako pundara yimine mwi kwata awo. ²¹Na kana bakuhweta ldii lixiki lindata hweta shuku gisa ndara yimine mwinko liawo pundara kutikya, ndati yaturuwa kunwe na mushi shilibaka likutambuka kubafu zindata hweta kunwe..²²Felikisi ikara izire naqha izi tuto yopa , pukara kuyubwa zihweta zopa aku ba bishira liba ,a kutikya Lisiasi muyendisi i ywa masore , pukakuya mo Jerusarema ,ndinda kuhweta ,puzi hweta zenu. ²³Mi aku raera muyendisi iwa makumi , akya Pawurusi a lindirwe , kusiye kucikisuwa u mutu ku bakwake kuya ku mutusa kapa kumupwetira.²⁴Pukwara kukita mayiba Felikisi, akwenda ko Drusilaindi murwakazi akye, iyu Mujuda, a kubera Pawurusi ,a kuyubwa pukara kutarusa izi kutishira ku Kiresite Jeso. ²⁵Pukara kuhweta Pawurusi izi kushiyama indizi kuli bbabbalira, indi zi katuro, iyatiya , Felikisi a kupatuwa ni kuywapa , mi a kutikya uliyendire cware , pushi ndakushangana inako, shendi kubere naqha,²⁶Mwi nako yati fwana kara kuyanakana akya tama mbwapuwe marwapa ku Pawurusi,nanga kara kumutumina akenji kati hweta nakye. ²⁷Pukwara kukita imwaka i biri 2 Porsiusi Festusi a kubikuwa mushi puna sha Felikisi.Mi yeye Felikisi, a kya ara dzekawo Majuda, a kusiya Pawurusi mwintorongo.

¹Cware Festusi pukara kuya mwi linji a kusikama mo Sesarea mayiba a tatu 3 , a kwenda ko Jerusarema. ²Mupirista yo mukuru indi ba bakuru iba Majuda ba kulilyeta ko kukye, mi ba ku bbiha Pawurusi, indizi bara kumushina shazo, ba kumu kambira. ³Bakumurungira akya aba lyetie shu ku batuma ko Jerusarema,; zini bara kushaka kumu zikamina mwinjira akya ba mubbure,pwashina mwinjira.⁴Mi Festusi a ku bara taba akutikya ,Pawurusi,shakulindirwa mo Sesarea, a ku hweta hape ,indiye padji sha kutsurumushira, mo. ⁵A kutikya kunwe mishoro,sheba tsurumuke name,akutikya munyana yopa ati ana murandu i bawu bbihe kume.⁶A kwishara nawo mayiba ingahati bbara 8 kapa 10 , akushira ko Sesarea;mi pulira kucako, akusikama pushi puna ishi katuro,mi aku raera akya Pawurusi a lyetuwe. ⁷Pawurusi pukara kuya Majuda ba kudzaw ko Jerusarema, ba kumu bika popakati, ba kumu hambereza murandu, iminji, i mukuru ibara kushitira kulyeta wupaki wayo. ⁸Pawurusi yeye a kuli tabamina akutikya yemwa ndi foseze murawo iwa Majuda,nanga i Kereke , nanga i Sesare.⁹Festusi kakuti kara kushaka kwidzekawo Majuda a kwi taba ¹⁰Pawurusi a kutikya, kana matishaka kwenda ko Jerusarema , u ka yatwirwe ko zihweta zopa puwuso wanga. Pawurusi akutikya ndi yimine mushi kwata sha Sesare, ndimu ndati swanera ka ya twira, Hairi ma Majuda yemwa ndi ba fosezei cimwe,shina puizire indiwe.¹¹Ati ndata kira murawo kapa ndarasi shi cimwe i shati swanera rufu ,yemwa nda kushita kufwa, mi ati kunjemwa injahamu mu zihweta zi batindi shimina popa, kunjemwa u mutu i kakundi bika mu mata awo.ndati lihambiriza ku Sesare. ¹²Festusi a kushanganisa muromo indi shi Kwata; a ku mwi taba akuti kya ,u li hambereze ku Sesare shuyende ku Sesare.¹³Pukwara ku kita mayiba nga nga mwe, Shikati Agripa indi Berenisiba kuya mo Sesarea, ku rumelisa Festusi. ¹⁴Pu bara kwishara kukye mayiba ngangamwe ,Festusi aku kandyeshira shikati zintaba za Pawurusi, a ku tikya kuni kuna murume yama siwa mwi ntorongo ku Felikisi. ¹⁵Murume yopa pundarana mo Jerusarema bapirisita badquli indi ba bakuru, ba Majuda ,baya kumbiha kokume, bati rungira akya a yaturuwe. ¹⁶Mi ndaku bara taba nda kutikya, kazisi za Maroma,kuyatwira u mutu rufu, yama tizekisuwa a siye kushangana indi bazekisi bakye. a siye kupuwa shibaka shukuli taba mina, mu zintaba zi bati muzekiseza.¹⁷Nangahopa pubarakuya kopani yemwa ndi lyiyehe, pulyara kucako nda kusikama pwi shi kwata, mi nda kuraera akya munyana yopa a lyetuwe. ¹⁸Bazekisi bake pubara kuyima yemwa bahwetie shi cimwe ishi mirandu inda ta liayira kuyubwa . ¹⁹Ba kumuhambereza zihweta ngaho zihweta izi tumero awo, indi za yuyumwe yama ti beruwa Jeso, i batiti kya mata fwa,Pawurusi yeye matigisa akya mati para. ²⁰Shilibaka lyu kunjena muwuzuwo kuzihweta iza ngahopa nda kumbuza ,yemu kushaka kwenda ko Jerusarema, ku kayatirwa muzi zihweta zopa ko.²¹Yeye Pawurusi ,a kulihambereza ,ku shikati yo mukuru, Agugusto,a kutikya, intaba ake i bishirwe kuya turwa shayeye.cware ndakarana akya a lindire kutwarapushi nda ku mutumina ko Sesare. ²²Agiripa akutikya koku Festusi ndara kushaka ku yubwa murume yopa, a kutikya shumu yubwe liakuca.²³Puliara kucako Agiripa indi Berenisi ba kuya shuwu shikati wo wukuru,ba kunjena mu shikwata ,ndi muyendisi iywa masore, inda batu ba bakuru i wu muzi, shitayero a Festusi, Pawurusi akulyetuwa.Cware ²⁴Festusi a kutikya shikati Agiripa indinwe barume kowo i bana natswe mopani , nati mu mwana murume yopa i balyeta ku kuzekisa Majuda ba benji nanyina , ko kume mo Jerusarema, indi mopa baku shupara ba kutikya ,kashi swanera kupara.²⁵Ndata lituta akya kunjemwa shama tarasi, ku amana ni rufu;shikutikya yeye mahamini koku Sesare nda yaturuwa kumutumina kokukye. ²⁶Ndishi shaka intaba inkuru inda kuñwera, Shikati, shilibaka , lyopa nda mulyeta pu wuso, shi huru puwuso wa yewe Shikati, Agripa ,akya pushi kwakuwuziwa intaba akye indi zi nda kumubbiha shazo ²⁷Kakuti kuna intaba iya hati yubwahara, pusha u mutu ya ,mata lishimina yemwa kwa kutarusa shihweta izi kuzekisuwa.

¹Cware Agripa a kutikya ko ku Pawurusi ,mapuwa shibbaka shu kuli tabamina , Pawurusi, a kuwara lyanja a kutikya. ²Shikati Agripa ndaradze nabbi, punda puwa shibbaka shi kulitabamina, kozo, zi batindi hambereza Majuda. ³Shihuru kakuti,u izire zisi za Majuda kozo ,indi zuto zi batirumarana, shazo Majuda ,nda ti tikya unda rakeke, shi mutima u mure.⁴Shi njahamu Majuda baizire shindata para kudzwa puwu pundi wanga,mwi linji lyetu,mo Jerusarema . ⁵Bata ndiyiba kudzwa kuma kalyero ,sheba hwetie,atikya nda para tandi Mufalisi ,kwenda shi tuto .⁶Ndayima mo cware akya ndiyaturuwe, shilibaka likutikya ndata liyayira i sepiso bashemi betu, ku Redzya. ⁷I sepiso yopa masinga etu ali shumi indi tu biri nga liayiri kumwanahara kwayo, kanga tibberishira Uredzya masuku indi mushikatishi libaka lyu kusepa a copa Shikati Agripa , pundara kuzekisuwa, ku Majuda. ⁸shikya kokunwe ka kutiyana kaniwa akya Uredzya matitambusa batafwa.⁹Yeme injahamu ndarakuyanakana kwisi zi zinji kupwama lina lya Jeso iywa Nazareta. ¹⁰Ndizi ndata rasi mo Jerusarema nda kuyazira barumeliba benji mwintorongo ,shi nqhumu indata puwa kuma Mapirisita ba bakuru inako puba kubburauwa, indime ndarakutishira. ¹¹A kenji mosinagoge indi sinagogendata ba zipa ndakuba hambereza kunyefura shi kutikya ndata ba dqapura a huru ndaka bashandisa mu mizi i yi linji lyu livu.¹²Pundara kupanga zopa , nda kwenda, ko Dameseka shiqhuma indi shitaero, iya ba purisita ba bakuru. ¹³Shangwe Shikati,pundararana mwinjira mushikati o mukuru nda kumwana rumweni i rwara kudzwa kuliro rwara kubbaraliva ku kumwenika ,lya kundi bika popakati indi wundara kwenda nawo. ¹⁴Takulyaya popeshi kwetu nda kuyubwa ldii i lyati hweta shi shi heberu lyakutikya Sawure ,Sawure shikya matindi shandisiza , kuzuwo kokuwe kuraha muwayo,¹⁵Nda kutikya iwe ndiyani Shikati Shikati akutikya ime ndi Jeso ima tishandisa. ¹⁶Kono utambuke u yime shizi kondozwe ,kakutindali lyilyeta kokuwe akya ndikubikye mubuya anga indi paki izi ntaba zi mamonu,indizindara kulyi mwanahaza shazokokuwe. ¹⁷Shendi kuramurere kwi lyinji ,indi kwilinji lindati kutuma kulyo. ¹⁸Akya u yazure mesho awo, badzwe muni karema ,banjene mu rumweni, badzwe mumata a satani,mi badgapushire ku Redzya,akya bashangane impatiro i zibe zawo indi i bati shanda kowo indi iba shiyama shu kutishira kokume.¹⁹Kudzwa apa , shangwe Shikati Agripa yemwa ndishitye ku yubwa i pono yopa iyi lyiro. ²⁰Shitanzi ndatiremusa i ba mo Damaseka indiba mo Jerusarema, indi bamwinaha iya Judea kowo ,mi ndatiremusa indi bahedeni akya bati swanera ku baka indi kuradgapushira ku Redzya ,ka batisi mubberuko iya swanera ba bashiyama bati swanera ku baka ²¹Zopa ndi zintaba zi bata ndipatira shazo Majuda mwi Kereke bata kundi bbura shi libaka lia zopa.²²Shikutikya ndata shangana kutusuwa shu Redzya ,ndatilyigisa kulyeta namushi ,kupashira ba pundi indi ba bakuru, ndaha hweti, zintaba zirwezi.tana iza tihwetuwa ku Mushe ,indiku Baporofita akya shezi mwanahare. ²³Kakuti kwatahwetuwa, Kiresite sha yubwisuwe wutuku, ibe yeye isha kalisa kutambuka ku bafu, akya a mwenise rumweni mwi lyinji lya Majuda,indi kwi lyinji .²⁴A ku tikya ali tabamina mu zihweta zopa Festusi pukara kuhweta shuku gisa a kutikya Pawurusi matipuka. ²⁵Pawurusi a kutikya yemwanda kupuka , Festusi ya matikutyekeha ahuru ,kono ndati hweta zintaba izi njahamu iza tiyubwahara . ²⁶Shukutikya Shikati Agiripa a zi yizire zihweat zopa, ndati muzira pukakandara kanditi tishira akya kunjemwa kokuwo yaha izi yizire, kakuti ku zopa kunjemwa shicimwe i shata panguwa kurupati.²⁷Shikati Agripa esi mati tumina ba baporofita ? ndi izire akya mata batishira. ²⁸Agripa a kutikya ko ku Pawurusi kwakara ngaho kanxenene akya ndi giswe akya ndibe ndi mu Kiresite. ²⁹Mi Pawurusi a kukambira ku Redzya kamba kara kupanga atikya nanga i popani kapa kuwuso ,ka yewe ngaho inda bato kowo i bati ndiyubwa, na mushi ni zoromukye shindi siretana mawenge ngapa.³⁰Pawurusi pukaraku hweta zopa, Shikati a kuyima ,indi mubusisi indi Berenisi indiwu bararana nawo. ³¹Pu bara kudzwa pwi kuta ba kulihwetira ba kutikya ,U mutu yopa a mapange i shati rukera rufu, nanga kushiminuwa. ³²Agripa a ku tikya ko ku Festusi mutu yopa a rukuruhe ngaho indi pwa mapelieri ko ku Sesare.

¹Putatimana kurukisa kwenda ko Tenda she sisepe baru kubika Paurusi indi mapapatiti babamwe sha mata ayo mukuru yaberwa Julius uyi mpi yiya iya Augusto. ²Taru ku jena mushisepe isha kwa Adramiti sharukwenda makamba a Asia. Twaru kujena mo indi Aristarko yarukuzwa mo Tesolonika muzi wamwa Masedonia.³Pulyaticako tarukuya Mosidon, Julius karu kuisa Paulusi naqha kumupa shibaka kukushanganera mo indi barumeri baba Maheberu ⁴Putatidzwa taru kwenda mumunguro uwun shioli sha Sipera kakulim shisepe sharu kwenda ku mupup. ⁵Putaru kusira liwate ilya Silisia indi lya Pamfilia tarunkuyima mo Mira muzi uwu Lisia. ⁶Yomukuru karu kushangana shisepe sharu kuzwa ko Arexandria sharukwenda Itaria akutijenisa kukuco .⁷Tarukwenda shukuliyeha mayiba a menji tarukuya mabapa indi Knido mupupo kawaru kutishira ku juwa ,twaru kuzungura shioli sha Krete kurupati urwa Salmone. ⁸Kukwenda mumu nguro shuwuzuwo ,tarukuya pubatikya ndu pu Siko she shi qha ishirupati lya indi muzi wa Lasea.⁹Shikutikya mayiba ameji Majuda ngata kita kwenda muliwate karukwa kuywasa [umwezi ukuliyimina zuryuwa kali ngwa kukita ] Paulsi karu kubarana, ¹⁰.Akutikya kokubo barume ndatimwana akya musipili ushisepe kuti ube wiziyezi indi zisinyehero zezikuru aka kwi tutu indi shisepe ngaho kono indi kuvuparo wetu. ¹¹Nanga kwa ba akyopa yomukuru karukurakeke kumuyendisi uwu shisepe yo mwine ako,kubbara zibazwira i Paulusi.¹²Sikutikya mayimisizo shisepe kaharungo naqha, imwi nako yishipepo uwuji wakutikya sheshi akya ku juwa ko kukayina ko Fenekisi, shiko sha Kreta sharyayira wiko u Mbowera. ¹³Papa mupupo uwa mbowera puwatikara kutura barukuyana kana akya murero wawo kuti ukonde, baru kukotura ankora bati juwa kwenda puridjo lya Kreta.¹⁴Kuwusu kwatitambuka mupupo ulyunungwa watiberwa Eurakilo wakuzipa pu shioli .Shisepe sharu kuyisiwa kumupupo ,sharu kushitira kulitusa,twarukushisiya sharu kuriyendila ¹⁵Waru kutikashiza kushi oli shati bwerwa Klauda tatishaka kushita kukwaka kasepe kokutswe . ¹⁶Pubakati kakura baru ku gisa shisepe shatibwerwa Cauda.shikushimina shimistwa yaru kukita kwishi bakuwusa maseili baku kuka akopya.¹⁷Pubakati kaakura baru ku gisa shisepe shikushimina she mihara yaru kuta kwishi bakuwusa maseili bakukuka akopya Syrtis, barukusiya shtiryendisa . ¹⁸Pulyaticako shirivaka rwukulwenisa shu mupupo uliñungwa barukuraki itutu imwe muliwate¹⁹Liva lyubutatu twaru kuraki muniriwate shi manja etu izito zitarukwenda nazo mushisepe ²⁰.Liva indi zinareri yemwa zimwenwe mayiba amenji, riwate lyaru kuyekeza shi kujipa shu mupupo mi, takuyanakana akya tibaku kupariswa.²¹Batayisa nako bahara lya shuruwa Paulusi akuyima mwiko lyabo akutikya shibi nata nitishira shibi iziyezi yemwa iye indi Crete. ²²Pani ndati mipa ldii ndatikya nili gise kujemwa uyu sha sinyeherwa, vuparo bwake kuti kufe ngaho shisepe.²³Shikutya liñiroi yu Uredza ,ye yeniri waye indati bbereshira lyarukuya kome masuku ngapani ²⁴lya kutica siya kuywapa Paulusi maswanera kukayima puwusoa Sasere mi, lyaya Urezha makupi kuwo bumatiswanera kwenda nawo mushisepe. ²⁵Ndupo barume niligise kakuli ndina itumero ku Urezha akya kuti kwisisini sha hwetiwa naye. ²⁶Akya tatiswanera kwenda kucimwe shiwoli .²⁷Shi masuku a 14 putarana kutwarwa shi mupupo kowo indi muriwate lya Adria puya tisha kuba masuku baru ku juwa shisepe kali bana kuruvu lilimwe. ²⁸Pubarukulikanisa buriva bwaami barukushangana litikanyezo ze 20 za manja kuwuso hape barukushangana 15. ²⁹Barukuywapa akya mupupo kuti uba tware po mave balu kugusa liakora ze .³⁰Ba juwi wu shisepe baru kushaka kushonuka mushisepe ,baru kusukera mukansepe nyana umuni liwate. ³¹Paulusi karu yibisa yomukuru akya barume baharana sikama mushisepe tubaku kupariswa. ³²Papa ngaho masole bati tura mitswa yaru kupata kasepe bakukasiya kati ndiva muliwate .³³Pulyatikya ko Paulusi akaru kuba lapera kowo akya balye shuruwa.akutikya kali kwakiti mayiba a 14 natirinda indi kuriyina zulyu wanishina shinalyi. ³⁴Ndati mirapera nilye, shishati shakahana akya nipare kakuli kujemwa rushishi ruruna pumushoro umutu indi umutu uru kusinyeha. ³⁵Pwakuhweta akopya akuyisa yicira aku rapera Urezda mwa mesho abo kowo mi akukalisa kulya³⁶Baruku gisa mitima mi,kowo batirya . ³⁷Kowo mushisepe bari 276 ³⁸Pubatilya nakya baru kuhubahaza kuwuremu uwshisepe shiku laki u wuroto muriwate.³⁹Pulyati kyako kabarayizile inaha akya iyire ,bakuyiba shiko sharana likamba.baru kutwara shisepe. ⁴⁰Baru kutura mitswa yaru kupata liankole baru kuzisiya muwulwate ,baru ku tyutura mitswa yaru kupata mabbarero yukusikurura shisepe baru kwenda pulikamba ⁴¹Twaru kufwama pu muguro wu muti yiyina ami kowo indi kowo ,liyusi lyakuwuso raru ku diva lyakuko lyati bujaka ku mandinda ami.⁴²Masole baru kuhwetizana akya ba bure babashimina bari babamwe batikwana ku shonuka she ku jwaa. ⁴³Yomukuru wu impi akutikya matashaka ku parisa Paulusi aku bacikisa.akutikya kokubo batikwana ku juwa bacile muriwate ba juwe kwenda mpi tasi. ⁴⁴Babamwe bati seberisa mabbarero babamwe miti yushisepe shakopya bakaya kowo pwi tasi.

¹Putara kushi para akyopa taku yubwa akya shidazi copa shati bberuwa Melita. ²I ba tyebbe i bararana mo, ba kutipanga shi rusuno, rorukuru, ba kuticinjira kwetu, u mutu indi mutu, ba kuqhowusa munduro o mukuru, shi libaka linvura inkuru iyara kuna indi shi libaka limpepo.³Cware Pawurusi a kukyaba, iñata i zinkuni, zezi kukutu, aku iki mumunduro, mopa mwa kudzwa shi bbobbuma,shi libbaka li kutukuta , shakuli zingaza kulyanja liake. ⁴Ibatyebbe bapa pubara kumwana inywaka yati dzyenga, ba kutikyta tota u mutu yopa mubburazi, shikutikya mata banduka muliwate, kulikanisa kuliro yemwa kwakutishira akya apare.⁵Mi a kudzukitira inywaka mu munduro, yemwa i mupange wubbi. ⁶Urungu rwa kuyanakana akya mbwazimbe,kapa akya awe.nali mufu, pubara kushilyaira zopa i nako inde ahuru, ba ku mwana akya kunjemwa i shati muyera, ba kuzorumaka ba kutikya uiredzya.⁷Po shifupi indi putarana kwararana i i muzi iwu nduna iywa sooli, ikara ku bberuwa , Publiusi. Indiye a kuticinjira naqha,a kutiyisa mwinjuwo akye, mayiba atatu. ⁸Sha a Publiusi, kara ranjire, shu wutuku iwi likyebe indi kusurura i gazi, Pawurusi a ku mwi kabi, a kumurungira, mi kumubbika manja puliro, a kumupwelisa. ⁹Zopa puzara kumana, kowo i bararana mo sooli i bara kumashira ba kuya ba kupwelisuwa. ¹⁰Bakuti kutyeka shi likutye lielikuru; mi tishifura batiti bbabbaliera, kashi zitatishaka.¹¹Pukwara kukita i mezi i tatu, ta kwenda shi shisepe, i shara kudzwa ko Alexandria, i shata tiiberera mo Sooli, shipepo koco po Litusi kuna shiswaniso isha. ¹²Putara kaya mo Sirakuza ta kwishara mo mayiba a tatu.¹³Putara kujuwa takujuwishira pulidzo li liwatye takaya mo mo Regio. Puliara kucako mupupo,iwa mbowerawa wa kushura, putara kwenda mayiba a viri taka fweshira mo Puzeoli. ¹⁴Mi mopa taka shangana barumeli, ba kurungira akya tirashara nawo mayiba ngamana lianja indi tu viri, ndishi takwenda ko Roma. ¹⁵Kudzwa apa barumeli i ba Roma pu bara kuyubwa zihweta zetu, bakaticingaza, Pumusika iwa Apiiusi, indi Pumahoteru Tatu inga maruti, Pawurusi pukara kumana kuba mwanaa ku kambira ku Redzya, a kugipa mutima.¹⁶Putara kaya mo Roma , Pawurusi a kutishira kusikama yeke, indi lisore ilya timubbabbalyera. ¹⁷Pu kwara kukita mayiba nga tatu Pawurusi, a kubera ba bakuru i ba Majuda, pubara kukopana a ku bazira a kutikya nwe bakwanga, indi pundahara panga shicimwe, ndata rwenisa ilinji, kapa shi mikwa aba nakura etu, shazopa ndashangana kushiminuwa mo Jerusrema ,mi ndakubikuwa mu manja a Maroma. ¹⁸Bapa batandiwuza, bara kushaka kundi rukurura, kakuti kali kunjemwa murandu kokume, i wara kuswanera rufu.¹⁹Majuda pu bara kushita nda kumwana i swanero kwenda ko ku Sesare, nda kutikya ndina shi hweta, shishe ndi shimina ilinji lyetu. ²⁰Ndi libaka lindani bberi, kopani, ndi niqhe ndi hwetie nanwe, shi kutikya ndata shimuniwa shi liwenge, lyopani, shi libaka lisepo iya ma Siraere.²¹Ba kutikya kokukye yema titambure mañoro, ngapa, ingatidzwa ko Judea ingati hweta zi hweta zwe, indi bakwetu, kunjemwa i maya ku kuhweta, kapa ku lieta shi hweta cwe, she shifosahara. ²²Nanga ndi pakyo tatiswanera ku yubwa kokuwe shi mati yanakana, kakuti ti izire akya ituto yopani nkwenuha yatirwenisa kure indi kure.²³Pubara kumubishira liva kwaya ilnji mwinjuwo akye. A kuhweta nawo, a kupaka izi muwuso uwu Redzya, nanga kara kubagisa sha Jeso, shu kuisa zi hweta mu murawo a Mushe, indi mu Baporofita, a ku kalisa manxehumu, kutwara manxuhumu. ²⁴Ba bamwe ba kutishira i sha hwetuwa, ba bamwe ba kushita kutishira.²⁵Shu kutikya bata pwama pubara kudzwa, Pawurusi a kuyekeza shi hweta shi cimwe, a kutikya Mupupo Uredzya, wa hweti naqha, shi muporofita Isaya puwara kuzira banakura etu. ²⁶Wa kutikya u yende kwi linji, lyopa, ukatikya kyubwa sheni yubwe, kono kamuni sheni yubwisise, kumwana sheni mwene, mi akmuni sheni mwenisise.²⁷Shikutikya ziñombe zi linji lyopani zi caca, Mati awo ngati yubwa shu wukukutu, mi ba burumata akya basiye kumwana sha mesho, basiye kwike shi mati, basiye kuyubwa shi mitima awo, basiye kudqhapumuka ndisiye ku bapwelisa.²⁸Niyibe atikya kupaliswa ku Redzya, kwalyetizwa i linji, wowo i bati yubwa. ²⁹Pukara ku hweta mayi ngapa, Majuda ba kumusiya, kabana kupwama kokuru muni nkyo liawo.³⁰Pawurusi a kusikama u mwaaka i viri mwinjuwo, mukara kupara kuyo shuku lifa ma rwapa kara kucinjira a bato kowo i bara kuya kokukye. ³¹Kara kuhweta muwuso i wuliroi wu Redzya, indi kuyaya zihweta iza Shikati Jeso Kiresite. Aha ticikisuwa ku mutu.

¹Paulusi, mutanga Jeso Keresite, kuberuwa mu apositora mi indi kubi shirwa kurupati shulyiyi lyu Rezya, ²yamata sepisa baporofita bakye sha mañoro ndama chena, ³ku hweta za Mwana'kye yama taya muru singa rwa Davida shi nyama.⁴Kwenda shu mupupo uwati chenisa mata zuwura shi qhumu kuraqho Mwana Urezya shuku tambuswa ku bafu, Jeso Keresite shikati etu. ⁵Shakye tati chinjira rusuno indi wu apositora shuku tikya itumero mu mishowo koyo, shilibaka li lina lyakyee. ⁶Mu mishowo yopa, indinwe nati beruwa atikya ni shanganehe koku Jeso Keresite.⁷Kuwo kowo ibana ma Roma ibati shakuwa ku Rezya mi indi ku beruwa bayeyi bakye baba chena: Rusuno kunwe indi shixamu ku dzwa ku Rezya Shetu indi Shikati Jeso Keresite.⁸Intandzi, Ndati kambira Urezya sha Jeso Keresite sha kwenu, shuku tikya itumero enu yati hwetuwa lyuvu kolyo. ⁹Akyopa Urezya mandi yimina, yu mupupo anga wati bberishira shu wurumiwa wa Mwana'kye, indati dzera kuwuso ku hweta ku nwe. ¹⁰Nikanditi rungira mu zitapero zanga munjira kozo atikya tidzere ku wuso pani shiku shaka ku Rezya mu kuya ku nwe.¹¹Ndati shaka ku ni mwana, atikya ndinipe zupo zu mupupo, atikya zini gise. ¹²Zopandi, nanwe ndati shaka atikya tiligise, kwetu mwi tumero, yiyenu indi yi yanga.¹³Pani amanda ku shaka atikya nisiye kuyiba, bakwenga, atikya ndati shaka kuya ku nwe (ndaru ku cikisiwa indi papani), atikya ndishangane zipata mwikyo lyenu, tandi shina tishangana ni lyuvu kolyo. ¹⁴Ndati korota kowo indi ma Gerike indi madzwa shire, kowo ba basauka indi ba bagigi, ¹⁵Cware, tandime, ndumu yi mina ku hweta lyiyi indi kokunwe ibana mo Roma.¹⁶Shuku tikya yemwa ndaku swabera ivangeli, dhi qhumu Urezya shuku paliswa ku muyeyi kwekye ya mati tishira, ma Juda itandzi piri mi ndu kwakuya ma Gerike. ¹⁷Shuku ruka ku Rezya kwatara qewe shuku tishira kwi tumero, tandi shukuta ñoruwa, ''Ba bashiyama shaba pare shi tumero.''¹⁸Shu wugyu wu Rezya wata mwenisiwa ku dzelira kw lyiiro ku rwenisa bababbi mi indi bayeyi bababbi shuwubbi batidzwa kwi niti. ¹⁹Zopani ishuku tikya iza yibahara ku Rezya zati mwanahara kuwo. Urezya mata ba mweni shira.²⁰Iza kyee zaha mwanahara, kubera i qhumu akyee mi indi wukuru wa kyee, zati mwanahara naqa, ku dzelira kwi tandzi ulyuvu, mwi zuto izata panguwa. atikya kuku ku shapura. ²¹Zopani ishuku tikya, nanga ndiba yi zire Urezya, amabaku mu kotura atikya Urezya, amb kuli tumera. nanga ndipakyo, babi ba bagigi mu miyanakono awo, mi mitima awo yahati yanakana naqa ina muka rema.²²Batili mwana wusauka, kono batiya kuba babagigi. ²³Bata yaru muna i kanya yu Rezya yahati fwa mi bati yi fwanisa shi swaniso shu muyeyi ishati fwa, ziini, shi batana shama kondo anee, mi indi zati kokuba.²⁴Cware Urezya mata bapa atikya bayendye mu mitima awo yati shashira kwisi za masira, atikya basiye kuku tyeka mi mbiri awo. ²⁵Imbo bati yaru muna injahamu Urezya kuyi panga imbuzi, mi bati rapera zipanguwa ku siye yeye yamata zipanga, (mupangi) yamati rumbuwa kutwara kwaha mana. Amen.²⁶Shi libaka lyopani, Urezya mata basiya kwenda mu yati shashira mitima awo, mi barwakazi bawo batali chicha wu mbiya wawo niba baku muwu mbiya. ²⁷Akyopa, indi barwa bata siya wu mbiya wawo ni barwakazi mi bapisuwa ku kutabera ba bamwe. Bapa barwa ibatarasi zopa zezibbi ni bayeyi indi kuli tambwira murandu wati ba rukyera zisi ziba tarasi.²⁸Shuku tikya amaba tishire ku yiba haza Urezya muzu hweta zawo, mata bapa amano ngahali ndingo naqa, atikya barasi izuto za hali ndizo.²⁹Bata yira zahali zi shiyama, runya, zitakazo zuku fuma, wubbi. Bayire wubbi, kubbura, zi kani, ku kitaka, mi yana kano ye mibbi. Bana mashopye, ³⁰Ibana imbuzi, ba twaya Urezya, bana mahanyi, batili ku musa, bati jwama mayira ukwisi wubbi, bahati ku tyeka bashe muzi bawo. ³¹Baku amano, itumero iche, mitima yemiche, indi baku zi xuma.³²Bati yuvu sisa zi tyeya zu Rezya, batisi zopa izuto bati swanera rufu. Kono kakwisi zopa ngaho, bati tishira abamwe kwisi zopa.

¹Yenwe iniba njemwa zi shita, yewe muyeyi, yewe yumati yatura, zumati yatura ku babamwa ziti rwenisuwa kokuwe. ²Yewe yumati yatura matizisi zati fwana. Kono niyizire zikaturo zu Rezya izi njahamu zishu bulya pwiliro libatisi izati fwana.³Kono shazo pani, yewe muyeyi, yenwe inati ya tura ibatisi izuto zopa nanga ndinwe inatisi izati fwana. Shani zungurwe kuzi katuro zu Rezya? ⁴Kapa nati yanakana zeziche zuwufumu wakye wowuqa, mati liyehisa zi katuro za kye, indi kuba nu mutima mure? Tani yizire atikya wuqa wakye wuyimina kuni twara kuku zoruka?⁵Kono ishu mitima wukukutu indi kuha qhapuka ku mitima enu natili kunganisiza wuqhu muliba lyu wuqhu, liba likwiqe zi katuro zu Rezya zeziqa. ⁶Shaya share muyeyi kwenda shizisi ze kye: ⁷Ku bapa bati shaka wuchena indi kweha fwa, bati dzwera ku wuso ni kwisi naqa, abape wuparo wa hamana.⁸Kono bati shaka ku panga zati baradze kawo, bati shita initi kono indi ku shaka zezibbi, wuqhu indi ku manga shazi bayere. ⁹Urezya shalyetye ku shandi suwa indi ku ywapa ku wuparo wawo ibati panga wubbi, ku Majuda intanzi indi kwa kuya ku Magerike.¹⁰Kono ku rumba, likutye indi shixamu za tiya kuyumwe nu yumwe yamatisi naqa, ku Majuda piri, mi indiku Magerike. ¹¹Urezya muku ikyetururo. ¹²Kowo bapanga wubbi kuku murawo shaba ya turuwe kuku murawo, uwunji wati panga shibe shuku yiba shibe shaba ya turuwe shu murawo.¹³Ka bati kyekye murawo baba chena pu wuso wu Rezya, kono ibatisi zi murawo ndi shaba ya kuwa. ¹⁴Wu lyuvu, ba baku murawo, batisi ngaho izuto zu murawo, wondu murawo, nanga ndubaku murawo.¹⁵Shazopani zisi zati shaka murawo zuñwara mu mitima awo. Izina kana zawo zati ba imina, mi yanakano awo kutikya nyaza kapa ku bayimana. ¹⁶Mi indi ku Rezya. Zopa shazi rasisini muliba lyu shu Rezya aya tura izali zika za bayeyi kowo, kwenda shi ivangeli anga, sha Jeso Keresite.¹⁷Kono ati matilibera akya u Mujuda mi utsutsurukye ku murawo mi uli kakure ku Rezya. ¹⁸Uyi zire zishaka zakye indi ku sharara zati tsukana shuku tikya mata rutuwa ku murawo; ¹⁹Mi ati yewe mayuvusisi akya yewe halinwe ndiyama tyendisa yo mupofo, mu mweni kubana mukarema. ²⁰Yamati xhapura baba gigi, muruti aba dana, mi una ku yuvusisa murawo indi injahamu, cware ingahare zopa zaku sinya mu mati pera?²¹Yewe yu mati ruta abamwe, mati liruta wa halinwe? Yewe yumati ruta kwaha yiba, mati yiba? ²²Yewe yuma tikya uyumwe asiye kwi shashi, mati panga wushashi? Yewe yantwaya zi swaniso, mati yibira i kereke?²³Yewe yumatili kakwira murawo, amu kuku tyeka Urezya shuku vunja murawo? ²⁴Lina lyu Rezya lyati xuwa mulyuvu shilibaka lyee,'' tandi shikwata ñoruwa.²⁵Injahamu atikya mupato wuna ituso ati mati chera murawo, kono ati mati vunja murawo, wati zoro muka kahaba mapato. ²⁶Ati, akya, yahata njena mu mupato ashi chera murawo, kwahaba kwakye mu mupato kuku zoromuka kuba mupato? ²⁷Ya hachire ku njena mu mupato nanga karu ku pakuwa amaku kwana ku ku yatura ati mati chera murawo? Zopani ishuku tikya nina murawo wo muñwara indi mupato, nangweza ni shi vunja murawo!²⁸²⁹Mujuda nanyina kandiye naqa kwinje; Mupato nanyina kandi wati panga naqa kwinje. Kono Mujuda inje nanyina mwikyo, mi mapato ungu mutima, mu mupupo, kamu mañoro. ku rumbuwa kwakye ka kwaku bayeyi kono ku Rezya.

¹Wuqa kya basitye ma Juda? Zikya bati shangana ku mupato? ²Kukuru mwi njira koyo. Shi tandzi, nanyina tandi shi mayi Urezya ngata bikiwa kuwo.³Cware tandi ma Juda babamwe kali baku itumero? Kamuni ishe bashire ku sepahara ku Rezya? ⁴Ku siye kuba kyo. Shuku tikya, ni siye Urezya ashanga nehe ni njahamu, nanga nduku tikya muyeyi kwekye ana imbuzi. Tandi shukuru ku ñoruwa, ''Atikya mati kwana kwi quwa ku chena mu mayi aye, ube yamati kyira pushu kuya pwi katuro.''⁵Kono ati kau muchena ndukwiqe wuchena wu Rezya, shikya taku hweta? Tati kwana ku tikya Urezya ka muchena tilyata wuqhu wakye pwilyiiro lyetu? (Ndati sikawo mayemo umuyeyi.) ⁶Ku siye kuba akyo! Cware ingahare Urezya isha yatura lyuvu?⁷KOnoati imbuzi anga yati mwanahara shi mbuzi anga muku murumba, shikya pundishi yaturuwa tandi mugwezabbi? ⁸Shikya putaha tikya, putali shibiha wupaki wimbuzi tatikya, mi puta hati fwana nizita ti hweta, ''Ti panga wubbi, atikya wuqa wuye''? bashi nyazuwa bapa ku shiyama.⁹Shikya cware? Tatili kusa tswe bahalinwe? Yemwe. Tata nyazuwa kare kwetu ma Juda indi ma Gerike, kowo, shukuba mwishi lishibe. ¹⁰Zopani tandi muzali zuñwerwa: ''Kuku yo muchena, tindi muxiki.¹¹Kuku yamati yuvusisa. Ku njemwa yamati shaka Urezya. ¹²Kuwoo bata yaru muka. Paxiki babi baba njemwa ituso. Ku njemwa yamatisi wuqa, kuku, tindi muxiki.''¹³''Mi lyuwu uzimbazi (mabita). Zindime zawo zati kitaka. Zi ndime awo zi fanu zizi nywaka zi namo.'' ¹⁴''Mromo awo yayira zukuto indi zezibbi.''¹⁵''Zikondo zawo zupuba kutira kukata igazi. ¹⁶Ku wumbara indi ku ku shandisa kuna mu zinjira zawo. ¹⁷Bayeyi bapani kabayi zire injara ikozo.'' ¹⁸''Ku njemwa kuywapa Urezya mwa mesho awo.''¹⁹Pani kali tayiba kocho shu murawo wati hweta, ndati hwetga kubana mwishi lyu murawo. Zopani ku tikya muromo kowo wuti qamwi, mi lyuvu kolyo lili tabama ku mirandu alyo ku Rezya. ²⁰Zopani ku tikya kuku mumbiri ishawu chenisiwa shu musebezi u murawo mwa mesho akyee. Shu murawo kwatiya ku yiba kapa amano ushibe.²¹Kono kudzwa pani kuruka ku Rezya ku murawo wata panguwa ku yibahara. Wata yiminwa ku murawo indi ba Porofita. ²²ndu ku tikya, ku ruka ku Rezya shi tumero ku Jeso Keresite kuwo kowo ibati tishira. ku njemwa mubati fapanera.²³Kowo batarasi kupanga shibe mi bata tsuruwa kwi kanya Urezya. ²⁴Induku bikuwa ba bachena shizi xuma zu Rezya shuku palisuwa sha Jeso Keresite.²⁵Shuku tikya Urezya matapa Jeso Keresite shitabero shuku tishira muma rwapa akye. Mata raqe akyopa rusuno rwakye, ama lyaye zibe zintandzi zimwi nako iyikuli pata. ²⁶Zopani kozo zatara sisini kwiqe wuqa wakye mu kakanda kapani. Zopaniku tikya alyiqe yehaline naqa, indi kwiqe kuyaka muyeyi kwekye shuku tishira ku Jeso.²⁷Ku lirumba ikure kuna? Kwatamana. Shu murawo wure? Wuku sebeza? Yemwa, kono shu murawo uku tishira. ²⁸Tati kwenjira atikya muyeyi mati yakuwa shuku tishira kuku musebezi umurawo.²⁹Urezya, Urezya ama Juda kwee? Ka ku tikya Urezya uwu lyuvu? Eye, indi lyuvu akyopa. ³⁰Ati, ku tikya, Urezya muxiki, mbwa yake Mbwa yake indi baba tsura shuku tishira (mupato), indi bahali batsura shuku tishira.³¹Kana tati mana murawo shuku tishira? Kusiye kuba akyo! Tati gisa murawo.

¹Cware mboti tikya Aburahama, sheetu kwenda shi nyama, mata shangana kya? ²Ati Abburahama mata cheniswa shi misebezi akye, namataba ni libaka likuli kakura, kono ka puwuso wu Rezya. ³Mañoro ngatikya? ''Abburahama mata tishira ku Rezya, mi mata bikuwa yomu chena.''⁴Pani kukye yamati bberika, zamati pewa ama zaku beruwa akya mupuzo, kono shukoroti. ⁵Kono koku kye yahati sebeza kono mati tishira kuya mati chenisa bababbi, itumero akye yati bikuwa akya ishiyama.⁶Indi Dafita mata hweta zi mbuyoti ku muyeyi yamati lyaya Urezya atikya muchena kuku mubberiko. ⁷Mata tikya, ''Bana imbuyoti bata paturwa zibbisa zawo, wu zibe zawo za chekuwa. ⁸Ana imbuyoti muyeyi yu Rezya ahati bishira zibe za kye.''⁹Imbuyoti yopa kana yata pewa ngaho ku wu mupato, kapa kubahali imbu mupato? Mita tikya, ''Itumero yata bikuwa ku Abarahama shuku chena.'' ¹⁰Ingahare yata bikuwa kukye? Kali piri kachire ku tsuruwa kapa kali matsuruwa? Ka chire ku tsuruwa?¹¹Abarahama mata tambura rukutsuruwa rutswayo rwati yi mina wuchena wamata shangana shi tumero piri ka chire ku tsuruwa. Libaka kali ku mubika akowo bati tishira kono amaba tsuruwe, akya wuchena ube kuwo. ¹²Abe hawo ibata tsuruwa nangweza ka bata tsuruwa ngaho kono iba tyenda mwi njira itumero shetu Abburahama kars sitye piri ka chire ku tsuruwa.¹³I sepiso Abbarahama indi bayukuru bakye yuku jowura lyuvu amayiye shu murawo kono shuku ruka iwuna muku tishira. ¹⁴Kambe ku jowora kwati pewa shu murawo, kambe kuti shira ku njemwa ituso, indi ku tishira kambe kwa mana. ¹⁵Murawo wati lyeta wugyu, kono koku njemwa murawo, kuku kukyira.¹⁶Shi libaka lini liku tishira, atikya ku tishira kube akyo shi shishemo ku jowura kwata pewa ku Abburahama indi bayukuru bakye- kaku bana mwishi lyu murawo, kono indi bati liyabira ku tishira kwa Abburahama. Ishetuu kwetu. ¹⁷Tandi shukuta ñoruwa, ''Ndaku biki shaa masinga amenji.'' Abburahama karana pumaso ayi karuku tishira ku kye, yopa, Urezya, yamatipa wuparo ku bafu, indi kubera zezi kuko nokoti kuzina.¹⁸Mwi sepo mata tishira kwi sepo, akya shabe isha umasinga amenji, shazamata zirwa, ''Cware ba yukuru shabe.'' ¹⁹Kwaha shuka peshi mwi ku tishira, mati yisa mumbiri akye atikya mufu (shuku tikya kali karana mwi mwakha uma shumi ngati mana linja (100), indi kufwa kuru pako rwa Sara.²⁰Kono shi sepiso Urezya, Abburahama ama bbiraere shi sepiso. nanga, mata gisiza muku tishira indi kupa ku kambira ku Rezya. ²¹Mata yira ku tishira ku zi sepiso zu Rezya, hape karu ku kwana kuma. ²²Cware yopani nangweza, ''yati mupanga ku beruwa wu shiyama.''²³Kono mayi ''ngata bikuwa kukye'' amanga ñwerwe yakye ngaho. ²⁴Ngata ñwerwa indi tswee, shanga bikuwa kutswe shayeye yamata tambusa Shikati etu Jeso kubafu. ²⁵Yopani ndiye yamata pewa shizi bbisa zetu indi ku koturwa akya tibi kuwe baba shiyama.

¹Cware putata bikuwa baba shiyama kwenda shi tumero, tina ikozo koku Shikati Jeso Keresite. ²Hape ishakye nanga taku shnangana itumero, ku shera ku shishemo shitina naccho, mitati lirumba shi sepo indi kanya yu Rezya.³Ama kwaku mena papa kono tishi lirumba indi shama shando, shuku tikya tiyi zire atikya mashando ngati lyeta ku gisiza. ⁴Mi ku gisiza kwati lyeta ku sepahara, ku sepahara kuti lyeta isepo. ⁵Mi sepo amaya ku lyeta maswabi, shuku tikya rusuno ru Rezya rwata tyeruwa mu mitima etu shu mupupo omu cena, iwata pewa kutswe.⁶Pukali tubaku iqumu mukakanda kati swanera Keresite mata tifwera shilibaka lyuwu gwezabbi. ⁷Shuwu zuwo uyumwe ku fwera muyeyi yo mucena, takwa ku tikya uyumwe agise mutima afwere yo muqa.⁸Kono Urezya maraqe rusuno rwakye kutswe, shuku tikya putarana mushibe, Keresite mata tifwera. ⁹Cware pushata ku bikuwa baba ruka shigazi akye, shati palisuwe shayeye ku wuqgu wu Rezya.¹⁰Ati, putali tizira, taku shusizwe ku Rezya shurufu rwa mana kye, kumana ku shusizwe kukye, shati palisuwe shu wuparo wa kye. ¹¹Ka zopa ngaho, kono shati radze ku Rezya sha Jeso Keresite, shayeye pani tata mbura ku shwisizana.¹²Cwarehe, shu muyeyi muxiki shibe shata njena mu lyuvu, shi njira yati fwana shibe shanjeni. Mi rufu rwayra ku bayeyi kowo, shuku tikya kwatu tapanga shibe. ¹³Piri murawo, shibe sharana mu lyuvu, kono kuku kubara shibe koku ku murawo.¹⁴Nanga ndipakyo, shibe shata yendisa kudzwa ku Adama ku twara ku Mushe, nanga ibahata panga shibe tandi Adama shuku hasepahara, yishaba shu swaniso ku yopa ishaya. ¹⁵Impo yamaye ku swana nokoti icuto ishataya shu mutu muxiki ya mata panga shibe. Shuku tikya murandu wu mutu muxiki wata lyetisa ikaturo yukupa babaenji murandu, kono impo shi shemo yatadzwa ku wubbi wumunji.¹⁶Impo amaya ku fwana shibe shu muyeyi muxiki. I katuro yati chera wubbi kowo mi indiku lyetuwa ku zibbi zizinji, yata mena kuku bika baba cena. ¹⁷Shu murandu umutu muxiki, rufu rwatu wusa shu muyeyi yopa muxiki, su huru ibati tambura shi shemo muwu kuru wacho, indi mpo iyi kuba baba shiyama sheba yendise mu wuparo, shu muxiki yeye Jeso Keresite.¹⁸Cware, murandu umutu muxiki shina puwata lyeta i katuro ku bayeyi kowo, nanga ndipakyo kuruka ku muyeyi muxiki kwata lyetiswa atikya bayeyi kowo babe ni wuparo. ¹⁹Shuku hasepahara ku muyeyi muxiki uwunji wati panga shibe, nanga ndipakyo ku sepahara ku muxiki kwati panga uwunji kuba naqa.²⁰Kono murawo wataya atikya ku fosa kube kukunji. Kono musharana shicinji, shishemo shibeko shicinji kubbara. ²¹Shina shibe pushata wusa shilibaka lyu rufu, akyopa shishemo shuwuse kubika baba shiyama kutwara mamenisizi sha Jeso Keresite Shikati etu.

¹Shikya taku hweta hee? Tidzere ku wuso mushibe akya shishemo shumwana hara shuwunji? ²Kusiye kuba akyo. Tifwe kushibe, ingahare tishi para mucho? ³Niyi zire akya uwunji wata korobezwa ku Jeso Keresite bata korobezwa murufu rwakye?⁴Tata bikuwa, hape, nakye shi korobezo murufu. Zopani zarasisini akya tandi Keresite shamata tambuswa ku bafu shuku chena kwa Shee, inditswe tyendye mu wuparo wo muchena. ⁵Ati tatiba paxiki nakye muku fwana murufu rwakye, shati kabe paxiki muku tambuka kwakye.⁶Ti ziyi zire, mukurukome etu mata bambirwa nakye akya mumbiri ushibe wubburuwe.Zata rasisini akya sitye kuba bavuya ku shibe. ⁷Yeye yamatafwa mata kusuwa kuku panga naqa shibe.⁸Kono ati tatafwa ni Keresite, tati tishira atikya shati kapare paxiki nakye. ⁹Ti yi zire akya kudzwa pu Keresite amata tambushira ku bafu, kamuni shafwe nangweza; rufu karu shiba ni qumu kukye.¹⁰Shukwenda shurufu rwama tafwa ku shibe, matafwa kaxiki kwee. nanga ndipakyo, wuparo wamata para, mata pera Urezya. ¹¹Mwinjira yati fwena, ni yanakanwe indinwe kufwa ku shibe, kono ku para ku Rezya sha Jeso Keresite.¹²Cware nisiye ku tishira shibe kwendisa mi mbiri enu kwandi suwa kusho. ¹³Nisiye kupa shirama shenu ku shibe, kuba shisebeliso shiwubbi. Kono niliqe ku Rezya tandi bata kusuwa ku rufu kulyetuwa ku wuparo, indi kupa zirama zumu mbiri enu kuba zi sebeliso zeziqa ku Rezya. ¹⁴Ni siye ku tishira wubbi kuni yendisa. Nibaku mwishi li murawo, kono mwishi lirusuno.¹⁵Shikya hee? Tipange shibe shuku tikya tubaku mwishi li murawo, kono mwishi lirusuno? kusiye kuba akyo ¹⁶Kani yizire akya nakulipa ku wuvuya, niba vuya kuyinati ku tyeka? Kapa niba vuya ku shibe, shati twara ku rufu, kapa bavuyakuku chera, kwati twara ku wuqa.¹⁷Kono ku kambira ku Rezya! Kali niba vuya wu shibe, kono nata rachere ku mutima yata chinjira zu toto zinata pewa. ¹⁸Nata kusuwa ku shibe, indi kubikuwa bavuya wuwu shiyama.¹⁹Ndati hweta tandi muyeyi shuwu toli wumi mbiri enu. Tandi shinapa zizimwe zu mumbiri enu ku wuvuya kuzahali zi chena indi wubbi, mwinjira yati fwana, nizipe kuwu vuya womu shiyama wuku chenusuwa. ²⁰Punali niba vuya wushibe, kali niba njemwa ku wuchena. ²¹Mukakanda kapana, zipata zinaru kubika kuzinati sobiswa kuzo apani? Mi mamenisizi azo zopa rufu.²²Kono pani puna kusuwa ku shibe indi zoromuka bavuya wu Rezya, nina zipata zuku chenusuwa. ²³Kusharuwa ku shibe rufu, kono zipewa zu Rezya wuparo waha mana ku Jeso Keresite Shikati Etu.

¹Kani yi zire, bakwanga ( ndati hweta ni bayeyi iba yi zire murawo), murawo wa tyendisa muyeyi mu kakanda ka mati para?²Ku murwakazi ya rowuruwa mushimi nuwa ku murawo kmuchutuka ku murawou mwana bakye ashi para, kono bakye ashifwa, muchutuka ku murawo umarowura. ³Cwarehe, bakye ati ashipara, ashi rowuruwa ku murwa yuyumwe, she beruwe ya matiwuka. Kono bakye ashifwa, muchutuka ku murawo, cware kashi beruwa mubuki aku para ni murwa yuyumwe.⁴Cware, bakwanga, natafwa ku rutati ru murawo shu mumbiri a Keresite. zopani atikya ni njene ku yumwe, ku tikya, kukye yamata tambuka ku bafu, atikya yiraqe zipata ku Rezya. ⁵Putarana mwi nyama, zitakazo zi shibe, izata kulyuswe ku murawo, zaru ku sebeza mumbiri etu ku bika zipata zu kufwa.⁶Kono pani kali tata dzisuwa ku murawo. Tatafwa ku zitara patire. Zopani ku tikya ti bberike mu zuhweta zu mupupo wo mucena, mi kaku mañoro akare.⁷Cware shikya taku hweta? Murawo wo halinwe shibe? Kusiye kuba akyo. nanga ndipakyo, kambe kandi yi zire shibe, kambe ka shu murawo. Kambe amandi yibe ku rakaza tana murawo pu waru ku tikya, ''Usiye ku rakaza.'' ⁸Kono shibe shata shangana shibaka mushata shu murawo mi shata lyeta itakazo kume. Ati kuku murawo, shibe shifu.⁹Kakanda kakamwe ndaru ku para kuku murawo, kono pu murawo waru kuya, shibe shaku shangana ku para, mi myendifwa. ¹⁰Murawo iwaru ku lyeta wuparo wata yaru muka kuba rufu kumye.¹¹Shibe shata shangana shibaka shu murawo mi indi kundi yisa. Shu murwao wati ndibbura. ¹²Murawo muchena, mi ndizizira zi chena, wuruka, indi wuqa.¹³Sheshiqa shalyeta rufu ku mye? Ku siye kuba akyo. Kono shibe, atikya shiraqe kuba shibe, ku lyeta rufu ku me shi chuto sheshiqa, shizi ziira shibe shati kwana kuba shibe nanyina kubbara. ¹⁴Tiyi zire atikya murawo mupupo, kono yemye jwi nyama. Ndata wulyusuwa kuba muvuya ku shibe.¹⁵Zindatisi, amanda ku zi yuvusisa. Zindati shaka kwisi, amanda ku zisi, mi zinda twaya ndizi ndatisi. ¹⁶Kono ati ndatisi zinda hati shaka, ndati tishira ku murawo atikya muqa.¹⁷Kono pani kali kame ndati zisi, kono shibe shati para kume. ¹⁸Ndiyi zire akya kume, mwi nyama, kuku zeziqa zati paramo. Zitabera zeziqa kumye, kono amanda ku kwana kwizisi.¹⁹Izuto zeziqa zindati shaka, amanda ku zisi, kono zezibbi zindahati shaka, ndizi ndatisi. ²⁰Pani ati ndatisi zi ndahati shaka, sheri imye indati zisi, kono shibe ishitire ku mye. ²¹Cware, ndata shangana murawo: ndishi shaka ku panga wuqa, wubbi wuna namye.²²Ndati shaka murawo Urezya shu muyeyi yana mwikyo. ²³Kono ndati mwana mirawo yahati fwana muziyemba zu mumbiri anga. Zati rwenisa murawo womupiya wuna mwa mano anga. Yati panga muvuya shu murawo ushibe iwuna shiyemba shu mumbiri anga²⁴Ndu muyeyi yo mushwamana! I yani ishandi kusa ku mumbiri wuni iwati fwa? ²⁵Kono ndatili kambira ku Rezya sha Jeso Keresite Shikati etu! Cwarehe, yemye ndati panga murawo Urezya na mano anga. Nanga tipakyo, shi nyama ndati bberishira murawo ushibe.

¹Kali ku njemwa pani i katuro kubana ku Jeso Keresite. ²Murawo umupupo u wuparo ku Jeso Keresite wata ni rukurura ku murawo ushibe indi rufu.³Murawo kawuru ku kwana shuku tikya taranana mwi nyama, Urezya matarasi. Mata tuma Mwana kye tandi fwana njira ishibe shinyama kuya kuba ineu ku shibe, mi akuya ku bbura shibe. ⁴Mata panga zopa shuku tikya ishati raerwa shipangahare ko kutswe itaha tyenda shi nyama, kono tatyenda shu mupupo. ⁵Ibati para shi nyama bati bika inako awo kwi zuto zinyama, kono ibati para kwenda shu mupupo bati bika inako awo kwi zuto zu mupupo.⁶Ingana i nyama rufu, kono ingana iyu mupupo wuparo indi kozo. ⁷Ingana inyama ku twaya Urezya, amaya kuli bika mwishi limirawo Urezya, amaya ku kwana kwisi akyo. ⁸Ibana mwi nyama ama baku kwana rapera Urezya.⁹Cwarehe, nibaku mwi nyama kono mu mupupo, ati mupupo Urezya wati para mokuwe. Kono ati kuna yomuku mupupo a Keresite, ama ku wulya ku kye. ¹⁰Ati Keresite ana kuwe, mumbiri mufu kuku tyeka shibe, kono mupupo wati para kuku tyeka wuchena.¹¹Ati mupupo akye yamata tambusa Jeso kubafu wati para kuwe, Yeye yamata tambusa Jeso ku bafu shakupe wuparo akyopa indi ku mumbiri aye watifwa shu mupupo, iwati para kuwe.¹²Bakwanga, tuba njemwa shu koroti, kwi nyama atikya tipare shi nyama. ¹³Ati mati para shu kwenda shi nyama, ndukufwa kwee, kono ati ishi mupupo nati bika ku fwa ku mumbiri shizisi, shu pare.¹⁴Uwunji watyendisuwa shu mupupo Urezya, bapa abana wu Rezya. ¹⁵Ati amu shangane mupupo uwuvuya atikya upare muku ywapa nangweza; kono mapewa mupupo akuyi suwaa, wutati bera, ''Abba, Tatyee!''¹⁶Mupupo yeye matipa wupaki ni mupupo etu atikya ta bana wu Rezya. ¹⁷Ati ta bana, hee inditswe shati swana, baswana wu Rezya. mi tati shangana mu wuswana ni Keresite, ati injahamu tata shanda nakye atikya inditswe tishangane kanya nakye.¹⁸shuku tikya ndati lyaya mashando ngwi nako yopani amanga ku swanera ku fweniswa indi kanya yi sheyi mwanahara ko kutswe. ¹⁹Kakuti izati wumbuwa zaliberelwa atikya zi raqewa shabana wu Rezya.²⁰Kakuti izata wumbuwa zata bikuwa mwi njenduso yi mbuzi, shuku ha shaka kwazo, kono shilibaka lya kye, mwi sepo. ²¹shi sepo yu ku tikya indi zata wumbuwa, shizi kusiwe kuwu vuya, mi shazu chuturuwe kanya ka bana wu Rezya. ²²Kakuli tiyi zire atikya zu wumbuwa kozo, zati twanga paxiki, zati yuvwa wutuku paxiki wuku hapaka ta pani.²³Ka zopa ngaho, kono inditswe, tumutamuno umupupo, E, inditswe tati guniwa mokutswe, talindiri ku bikuwa abana, kuyakuwa ku mumbiri. ²⁴Shuku tikya tata palyusuwa shi sepo, mi isepo puyaru ku mwanahara. Ka yi shili isepo, kakuli shamati mwana muyeyi ingahare kaku shilindira? ²⁵Kono ati tati tishira kuzitaha chire ku mwana, tati lindira shukuli kyeta.²⁶Mwi njira yati fwana, mupupo wati yaka muku fokora kwetu. Kati yi zire shita ku rapera, kono mupupo yeye mati wati tiqe muku twanga kwetu muna mutahati kwana. ²⁷Yeye yamati lyaya mitima ayi zire ingana umupupo, shuku tikya mati rungira mushi baka sha bayeyi wu Rezya shuku kwenda shuku shaka ku Rezya.²⁸Tiyi zire atikya bapa ibati suna Urezya, matisi izuto zeziqa paxiki, ibata biruwa kwenda shuku shaka kwakye, ²⁹Kakuli bapa bamata yiba katandzi, kaba chire kubako, mata bakyeta atikya ishababe ibati swanera sha Mwanakye, atikya kube yeye iywi katandzi kuba ku zatubakyee. ³⁰Wata kyeta katandzi, mata babera, mi mata basuna, hapye mataba bika baba shiyama, mi bamata bika wushiyama, hapye matabapa kanya.³¹Zikya taku hweta kwi zuto zopani? Ati Urezya ana natswe, iyani atyeri kuti rwenisa? ³²Yeye yahata kata Mwana kye kono kumupa kutswe kwetu, Ingahare ahatisi kukye kutipa izuto kozo kutswe?³³I yani atyeri kulyeta zikani kwa bana wu Rezya bamata shara? Urezya inje mataba bika ku ruka. ³⁴I yani ishaba ya tura? Jeso Keresite ndiyamata bafwera- ku bbara apa, matata mbuka - yana ku lyanja likhamu Urezya, mi ndiyamati rungira.³⁵I yani ishati kauhana ku rusuno rwa Keresite? Wuzuwo, kapa ku ywapa, kapa ku shandi suwa, kapa injara, kapa mapunu, kapa ikozi, kapa isaure? ³⁶Nanga kwali ku ñwara atikya, ''Shizi nati shangana tati bburuwa lyiiba kolyo. Tati yusuwa tandi zungu zaka tsumbuwa.''³⁷Mwi zuto zopa kozo tatkira ku bbara yati shaka. ³⁸Kakuli ndati tishira atikya nanga rufu, nanga wuparo, nanga Mañyiroi, nanga izati yendisa, nanga izinako papani, nanga izi shiya, nanga izina iqumu. ³⁹Nanga ipubati ka kushirabayeyi, nanga butasi, nanga shikya kozo zu wumbuwa, ku njemwa ishityeri kuti kawuhana nuru suno ru Rezya, iruna ku Jeso Keresite Shikati etu.

¹Ndani zira injahamu shilina lya Keresite. Kambuzi, lizwaro lyanga yandi paka shumupupo wo muchena. ²Ndatikya ndina maswabi ngama kuru indi wutuku iwahati pwara ku mutima anga.³Kakulinandili ketire akya, yeme tota, ndibe icuto sheshi ku tuwa koku Keresite, ku yimana bakwanga iwu mukowa anga shinyama. ⁴Bapa ma Isiraele. Ku añurwa ukwawa, indi kanya, indi wumbiya, indi ku pewa murawo, indi ku rapera Urezya, indi sepiso. ⁵Indi ibakare ku Keresite amatadzwa ku kutyekuwa kwi nyama - Yeye ndu Rezya izuto kozo. Araperwe ku twara mamini sizi. Amen.⁶Kono kaku tikya zi sepiso zu Rezya za shitiri. Kakowo mo Isiraele ibati wulya mo Isiraele. ⁷Nanga iwu rusinga rwa Abburahama abana bakye. Kono, ''Isha Isaka rusinga rwe sharu beruwa akyo.''⁸Ngahopa, abana wi nyama ka bana wu Rezya. Kono abana wi sepiso bati wikuwa rusinga. ⁹Mi ngapani mayi i sepiso: '' Mukakanda kapani shandiye, mi umwana mushimani wa pewe ku Sara.''¹⁰ka zopani ngaho, kono indi ku Rebbeka aku shangana abana ku murwa muxiki, yeye shetu Isaka- ¹¹Bapundi kabara cire ku pakowa mi kabara cire ku panga wubbi kapa wuqa, akya muyana kano Urezya wugipe wukuli shera ku kye, ka shimisebezi kono shilibaka lya yeye yatati bera. ¹²Kwata tikya kukye, ''Baba kuru mbwa bayakye bapundi.'' ¹³Akyopa tandi shukwata ñoruwa: ''Ndati shaka Jakowo, kono ndiku twaya Isau.''¹⁴Shikya tatihweta cware? Kuna kuha shiyama ku Rezya? Kusiye kuba akyo. ¹⁵Mata zira Mushe, ''Shendibe ni zuxuma kuyindi shandira xuma, ndiyuvure mutuku ishandi yuvura wutuku.'' ¹⁶Cwarehe, intaba iku mwi qumu ayamati pweraka kapa yama tishaka, kono ina mwi qumu Urezya, yama tiqe zuxuma.¹⁷Liñolo lyatikya ku Faro, ''Shilibaka lini pundata kurera, atikya ndiraqe iqumu anga kuwe, indi ku tikya lini lyanga lyu yuvuhare lyuvu kolyo.'' ¹⁸Nanga ndipakyo, Urezya ana zuxuma kuya mati shaka, hape yamati shaka mati mapanga kwaha yuvusisa.¹⁹Cware yewe shutikya kume, ''Shikya pumati nyaza? Kakuli iwe ndutyeri ku shaka zamati shaka?'' ²⁰Yemwa, kono wendi yani yutyeri ku kwi taba zibbi ku Rezya? Kana kapoto ka kapanga pulima, sheka tikya kuya maka panga, ''Shikya pumandi panga akyopani?'' ²¹Kapa yama panga arakini maata ku lima, kupanga pulirwaba lixiki kapoto kati kutye kuwa indi akamwe kahati ku tyekuwa?²²Shikya ati Urezya, ashi shaka kwiqe wuqyu indi iqumu akye, akuli pata ahuru inako yinde shuzu poto zuwuqyu izata panjurwa ku bbura? ²³Cware ati mata panga zopani shuku licera akya, ku yibahaza wufumu wa kye sha kanya ka kye shuzu poto tuzu xuma, zamata panjira kare kanya? ²⁴Cware ati mata panga zopani kutswe, yamata beruwa, kapakati lya Majuda ngaho, kono indi kuwu lyuvu?²⁵Tandi shamata hweta moku Hoseya: ''Bayeyi bahali imbanga shandi babera atikya imbabga, mi murwakazi yahati sunuwa shandi mubere ya mati sunuwa. ²⁶Shibata zuruwa akya kuwo, yenwe kani bayeyi banga, papa ngaho shaba beruwe bayeyi wu Rezya.'''²⁷Isaya mata hweta kuza Isiraele, ''iparo abana ba Isiraele indi puyakuba tandi ncawu apu liwatye, shuku yakuwe bati mushaka ngaho. ²⁸Kakuli Shikati shapange za mati hweta ku lyuvu shuku haliyeha.'' ²⁹Katandzi Isaya mata hweta kare, ''shikati kambe amatisire bayuku kambe tayaru muka tandi Sodoma, indi kuba tandi Gomora.''³⁰Shikya ta ku hweta hee? Atikya Shicaba, shahara ku shaka wu shiyama, shashangana wu shiyama, wu shiyama shu tumero. ³¹Kono Isiraele, iyaharu ku shaka wu shiyama, amaba pare shu murawo.³²Shikya? Shuku tikya amaba wushake shi tumero, kono nokoti ishi mubberiko kakuli bara qaqara pu lyuwe. ³³Tandi shukuru ku ñoruwa, ''Lyaya, Ndati bikuwa mo Siyone liwe lyati lika mi liwe lyaku qaqara, mi yamati shitura ku kye kamuni afwe zu shweni.''

¹Ba kwanga, mitima enu yati shaka mi ndati rungira Urezya kuwo, kuku yakuwa kwawo. ²Mati bapaka atikya badzeri kuwuso nuzu Rezya, kono kashuku yuvusisa. ³Ba shitiri ku yuvusisa wuqa iwati kadzwa ku Rezya, mi bati shaka ku panga wuqa wu wawo ngaho, ama balipe ku wuqa wu Rezya.⁴Keresite ndiya taya ku yiziriza murawo uwuqa atikya kwekye ya mati tishira. ⁵Mushe mata ñwara zu wushiyama iwati dzwa ku murawo: ''Muyeyi ya mati panga wushiyama wu murawo mati para shuwu shiyama wopani.''⁶Kono wu shiuyama iwati dzwa kwi tumero watikya: ''siya ku tikya mu mutima aye, 'I yani shayi sidzwa kwi lyiro?' (akya, ku lyeta Keresite peshi); ⁷Mi ka kukyo, 'Yushu shezu mushira mulyoqxo?''' Akyopa kulyeta Keresite ku rufu).⁸Kono kwatikya? ''Liyi lina shufupi nawe, mu muromo indi mu mutima aye.'' Lyopa ndiliyi li tumero, litati hweta. ⁹Ati mati hweta Shikati Jeso Keresite shu muromo aye, mi koti tishira mu mutima aye atikya Urezya matamu tambusa ku batafwa, mbuya kuwe. ¹⁰Ku tishira shu mutima muxi mi abe umushiyama, mi shu muromo muxiki wa tishira mi aya kuwe.¹¹Mañoro ngatikya, ''Kwekya ngaho ya mati tishira ku kye kamuni abikuwe ku swaba.'' ¹²Mi ku njemwa ichichano pakati lya Majuda indi Magerike. Shikati ya mati fwana ndi Shikati ulyi ywaba, mi matili shengena ku bati bera kukye. ¹³Kwekya yamati bera lina lya Shikati mati ya kuwa.¹⁴Ingahare baku bera ku kye wowo ibahati tishira? Ingahare baku tishira ku kye yibahara chire ku yuva? Ingahare baku yuvwa ati kuku mukutazi? ¹⁵Cware ingahare baku kutaza, nakana batu muwa? - Tandi shuku ku ñwaruwa, ''Zukondo zao ziqa akyare ibati hweta imbuzi yiqa!''¹⁶Kono kakowo bati kutyeka imbuzi yopa yiqa. Isaya mata tikya, ''Shikati, iyani ya matishiri zuba yuvu kutswe?'' ¹⁷Cware itumero yati dzwa puku yuvwa, mi ku yuvu kwatiya shiliyi lya Keresite.¹⁸Kono Ndatikya, ''Amaba yuvwe?'' Eye, yemwa. ''Ku yuvwahara kwawo kwata yira lyuvu kolyo, mayawo ku twara mamenisizi uluyvu.''¹⁹akyopa, Ndatikya, ''Isiraele karayara yi zire?'' Intandzi Mushe mata tikya, ''Ndakya ndini guni shili ywaba lini. Ndatikya ndini mengise shili ywaba lyahati yuvusisa''²⁰Cware Isaya kali mugi pukali ku tikya, ''Ndashanga nuwa ni bahali ku ndilyaya. Ndaliqe ku bahara kundi wuza.'' ²¹Kono ku ma Isiraele matikya, ''Wu kuru wuliba ndawara lyanja lyanga ku bahati chere indi ku bayeyi wu likono.''

¹Ndatikya, Urezya mata shita bayeyi bakye? Kusiye kuba akyopa. Shuku tikya indime ndu mu Isiraele muyukura Abburahama, uyu rusinga rwa Benjameni. ²Urezya ama shitye bayeyi bakye, bayi zire kare. Kani yi zire shimañoro ngati hweta ku Elija, Shi karu ku ringira Urezya kwa bana ba Isiraele? ³''Shikati, bata bbura ba porofita wee, bata vungara ma arutare aye. Myekye ndinda kara, mi bati shaka wuparo wanga.''⁴Kono ikarawo Urezya yatikya ku kye? ''Ndayi bishiri bayeyi ba 7000 baha chire kuxhitira Baale madzi.'' ⁵Nanga ndipakyo, indi kakanda kapani ku shina ibakara shilibaka lyuku likyetira shi shemo.⁶Kono ati ishishi shemo, kwe ngaho kashi misebezi. Ati ingahopa shishemo kali kashi shemo. ⁷Shikya cware? Ichuto shubaru ku shaka ma Isiraele, yemwa bashi shangane, kono bata shararwa bata shi shangana, mi iwunji kali wuzuwo. ⁸Tandi shikwata ñoruwa: ''Urezya mata bapa mupupo ukuzungura kwa mesho, atikya basiye ku mwana, mati awo ngasiye ku yuvwa, kuya namushi.''⁹Cware Davida mata tikya, ''Nisiye zi tafure zawo zibe tunyandi indi tupeto, shishi tataliso, indi murandu wati balikana. ¹⁰Amesho awo ngabe ni karema akya ngasiye ku mwana, araxe kawo mi shana awo kutwara koo.''¹¹Ndatikya, ''Batara qaqara pubata waa?'' Ku siye kuba akyo. Akya, shukuwa kawo, kuya kuwa kwata yera wu lyuvu, atikya bakusiwe ku muna. ¹²Pani ati kuwa kwawo ikuzi tswuwa zu lyuvu, Ati kwi kini kwawo iku zu tswuwa zu lyuywaba, ku mana kwawo shakube kukuru akyare?¹³Kono pani ndati hweta kunwe wu lyuvu, mi ku mwana ngaho ndu mu apositora ulyuvu, ndati radze ku mubberiko anga. ¹⁴Nanga ndipakyo shandi kuse muna kuwu mbiri anga. Nanga ndipakyo shati yakye abamwe.¹⁵Ati ku shita kwawo toroka ku shwishizana ni lyuvu, cware ku tamburwa kwawo ishakube akyare kono wuparo ku dzelira ku rufu? ¹⁶Ati mutamuno mucena zu lyuwa shu wunji zi cena. Ati zizi zicena, indi zitwebe.¹⁷Kono ati zintobe zizimwe zat5a njungaka, ati yewe, una ntobe iya Olive ya mwi shumwe, ma bikuwa mu shibaka shayo, indu ku shengena zinzi zayo. ¹⁸Siya kuli rumba shizi ntobe. Kono ushi lyirumba, kawe mati gisa zinzi, kono zinzi ndizati ku gisa.¹⁹Shu tikya he, ''Zinzi zata vunjaka akya yeme ndi shanganehe mu shibaka shazo.'' ²⁰Injahamu yopa. Shuku hati shira kuzo izata vunjaka, kono yewe mati gipa shi tumero aye. Siya ku yanakena shire shawe ngaho, kono ywapa. ²¹Ati Urezya ama yakye zintobe za mwi shumwe, indiwe ka muni shaku yakye.²²Lyaya ko, cware, zisi zi shi shemo indi kuyaka ku Rezya: kuyaka kwataya ku ma Juda ibatawa, kono shi shemo shu Rezya shataya kuwe, ati mati dzera ku wuso murusuno rwa kyee. Indiwe nushu tswuruwe.²³Tananga imbo ati amaba ku dzera ku wuso ni tiha tishira kwawo, ishaba shwisizwe muzi baka zawo. Urezya mati kwana kuba shusiza muzibaka zawo nangweza. ²⁴Ati mati xakuwa ku muti wi olive, iwa mwi shumwe ndu kuya ku kunuwa ku muti olive wo muqa, ingahare kwa kuba ku zintobe, puza ku bikiwa mu muti azo tota?²⁵Yemwa ndaku shaka atikya ni ziruwe, bakwanga, zitaba zini, atikya nisiye ku sauka mu miyanakano enu ngaho: Atikya ku zuwupa kwata yera ma Isairaele shuku yira ku twara pushu wulyuvu ishaba ku njjena.²⁶Cware papa ma Isiraele pushaba ku yakuwa, tandi shikwa ta ñoruwa: ''Yamati yaka ishadzwe mwi kyo lya Ziyoni. Ishaye ku kusa matoti (milimo) ku Jakowo. ²⁷Chopa ndisha kwiqyo wu mbiya wanga nawo, pusha ndaku gusa zibi zawo.''²⁸Tandi pwi evangeli yati hwetuwa, bati lyayi shika atikya zira shilyina lyenu, Kono shukuli kyetira, bayeyi wunati shaka shilibaka lya bashukuru betu. ²⁹Zi pewa indi ku beruwa ku Rezya amaza ku chuchuwa.³⁰Ngaha katandzi shiruku shita Urezya, pani nashangana shi shemo shuku hati shira kwawo. ³¹Mwi njira iyati fwana, pani ma Juda kali baraqyo ibahati tishira. Shimuya nakano wa ngahopa indiwo shaba yakuwe shurusuno rwara quwa kunwe indiwo bachichinjiri rusuno. ³²Urezya maya ziri bayeyi kowomu kuha tishira akya aba mwenise shi shemo koowo.³³Oo, wa fuma indu ku yiba izuto zuku sauka mi indi mano Urezya! zi yatura zakyee amaza ku shakisiswa, mi indi zi njira za kyee amaza ku shanganeha! ³⁴''I yani mata yiba miyanakano a Shikati kapa i yani ikaru ku zwara?³⁵Hali i yani imata ywi tandzi ichuto ku Rezya, akya Urezya amu shusize?'' ³⁶Shuku tikya izuto koowo zata dzwa ku kyee mi ishakye mi kukye izuto kozo zina. Kube ni rumwenyi kukyee. Amen

¹Cware nwe bakwanga, ndati ni rapera shi shishemo shu Rezya, ni bike mimbiri enu ibe shitabero sheshi yimi, shichena, ishsati tishirwa ku Rezya. Yopani ndi seberezo ya tirukera. ²Ni siye kuli kakwira zu lyuvu lyopani, kono niya rumuke shuku shemunwa muku yuvusisa, ni pange zopa shuku yiba atikya zeziqe izire. Ishati shakahara indi ku shakuwa ku Rezya.³Cware shilibaka lyi shishemo shindata puwa, ndati zira muyeyi nu muyeyi akune: Ni siye kuyana kana kuli kakura kubbara muku namina, kono, ayanakane zi katuro zeziqa, kozo kwenda shi tumero yu Rezya amata kupa.⁴Tandi putina zirama zizinji pu mumbiri muxiki, mi zirama amazaku panga mubberiko muxiki. ⁵Mwi njira iyati fwana, yetswe babenji tishi rama shixiki ku Keresite, mi kwetu tumumbiri ku yumwe nu yumwe.⁶Tina zipewa zati chichana kwenda shishemo shitata pewa. Ati ichimwe ishu mupupo uku porofita, kube akyo kwenda shi tumero akye. ⁷Ati yiyimwe ichi ku bberika, ni musiye abberike. Ati iyimwe inji ku kutaza, ni mu siye a kutaze. ⁸Ati yiyimwe injiku gisa, ni musiye agisize. Ati yiyimwe inju kupa, ni musiye adzere kuwuso. Ati iyimwe inji kwendisa, ni siye kube akyopa shuku mamera. Ati iyimwe inji zuxuma, apange nali mwidze.⁹Rusuno rudzwe ku kuli kakura. Nitweye wubbi; indi ku mamera wuqa. ¹⁰Kwenda shurusuno nwe bakwenga, tilibike paxiki. kwenda shuku panga naqa, kuli kutyeka.¹¹Kwenda kuzu kuli kataza, ni siye kushuka mulyuqo. Kwenda shu mupupo, Kwenda sha Shikati, ni mubberishire. ¹²Niradze mwi sepo, ni lindire mu mshando, ni beni tumero mwi tapero. ¹³Ni lipeko kuza mati shaka kuzu bati shaka baba chena uwu rezya. Ni shangane zi njira muna kwi qamina wuqa.¹⁴Ni fuyore ibani shandisa; fuyora mi kaku tuta. ¹⁵Niradze nibati dze; ni lire ni bati lira. ¹⁶Niba ni ngana ixiki kwenu. Ni siye ku yanakana mwi njira iyi kukuli kakura, kono niti shira ibana peshi. Ni siye ku sauka mumi yanakano enu.¹⁷Ni siye ku shusa wubbi shu wubbi. Ni pange wuqa mwa meesho aba yeyi kowo. ¹⁸Ati kwati kwanahara, tananga nduku zina, ni pare naqa ni bayeyi kowo.¹⁹Nati shakuwa, ni siye ku shusa wubbi yenwee, kono nipe wugyu ku Rezya. Ku ñwara, '''ku likanisa ukwanga, ku hweta Shikati.'' ²⁰Kono ati shira nchwe shafu injara, shipa shulyuwa shilye. Ati shafu linata, shipa ami shunwe. Ati mati panga zopa, mati shanganisa makara pu mushoro akye.'' ²¹Siya ku kyiruwa ku wubbi, kono ukwire wubbi shuwuqa.

¹Muyeyi kwekye ali bike kwishi libata pewa wuyendisi, shuku tikya ku njemwa wuyendisi wahatidzwa ku Rezya. ²Wu yendisi iwuna ko Urezya mata wulyeta. Nanga ndipakyo yamati shita wulyendisi mati shita shu Rezya amata bika; ibati shita shaba shangane ikaturo awoo.³Bayendisi amaba ku ywasa kuwu misebezi ye miqa, kono ku wuzisi zezibbi. Ku tikya nati shaka ku ywapa bayendisi? Nirasi zeziqa, mi mboni shangane ku tishirwa. ⁴Yee muvuya Urezya ku ku twara ku wuqa. Kono nakwisi zerzibbi, ywapa; shuku tikya amuku pata isaure kuku chimwe. Muvuya Urezya, mutyerisi ya bishirwa kwi kyamu bati panga wubbi. ⁵Cwarehe ni tishire, kashuqhu ngaho, kono shuru xuma kawo.⁶Shazopani nati shara mutwero, bayendisi bavuya wu Rezya, ibatisi akyo badzero ku wuso niku panga akyo. ⁷Ni shara kwekye yinati korota: nishara kunati tishirwa akyo, ni yopwe nimati swanera ku yopuwa, niku tyekye yamati swanera ku pewa akyo.⁸Ni siye kuba ni shukoroti, tana kuli shaka. Kuya mati shaka mbiyakye mati yiziriza murawo. ⁹Mirawo, ''Siya ku panga wushashi, siya ku bbura, siya ku yiba, siya ku rakaza,'' mi ati kuna mirawo yiyimwe yata shangerwa muni, ''Shaka uyumwe tandi shumati lishaka.'' ¹⁰Rusuno amwa rwaku panga uyumwe wubbi. Cwarehee, rusuno rwati yiziriza murawo.¹¹Shizopani, ni yizire inako, atikya kaliyaya atikya ni tambukye ku turo. Pani ku yakuwa kwatu kali kuna shufupi katandi putaru ku tishira. ¹²Masuku ngaya, mi liba ndikudzwa kalyo. Tibishire kuru pati musebezi uka rama, mi tirare zirweniso zi liseli.¹³Tiyendye shumu yanakano wo muqa, tandi mushikati, ka kwidze muwu dekwa, kapa kunwa nanyina; mi tisiye kunda muwuhure kapa ku panga iza sobisa, zi kani indi muna. ¹⁴Kono ni rare Shikati Jeso Keresite, mi nishitire zi nyama, shuku para shazo.

¹Ni yamuhere yamati shushira peshi mitumero, ni kwaha muyatura shizi kani. ²Yuyumwe matiti shira ukulya izulyuwa kozo, yo mushushira peshi matilya ngaho miroho.³Yama tilya kozo asiye kwiñxa yamati zilya; mi yahati zilya asiye ku yatura yamatilya ichimwe ni chimwe. Shuku tikya Urezya mamu chinjiri. ⁴Wendi yani, atikya uranxa muvuya yuyumwe yamati wulya ku yumwe? Ipu maso a shikati akye kapa matiwa kapa ku gipa. Kono mbwa gipe, Shikati ati kwana ku magisa.⁵Muyeyi uyumwe mati lyaya akya liba lilimwe likuru kunga ngamwe. Uyumwe mati ngayisa akya ngati fwena. Kowo bati shire shumu yanakano awo. ⁶Yamati kutyeka liba, kuli kutyeka sha Shikati; indi yama tilya, Kulya sha Shikati, Yamati kambira ku Rezya. Yeye yahatilya, mati panga akyo sha Shikati; matili tumera ku Rezya.⁷Ku njemwa kutswe yamati para shayeye, mi kuku yamatafwa. ⁸Tati para, tatira sha Shikati, mi tishifwa, tatifwa sha Shikati. Kapa tatira kapa kufwa, imba Shikati. ⁹Shilibaka yopani Keresite matafwa indi ku para nangweza, atikya abe Shikati awo kowo batafwa indi baba yimi¹⁰Kono yenwe, shikya punati yatura bakwenu? Indinwe, shikya punatinxa bakwenu? Tishi kayima kwetu pushuro shikaturo shu Rezya. ¹¹Kweta ñworuwa, ''Shame yamati para,'' ku hweta Shikati, ''Madzi kongo shanga kubame, mi showo koyo shayilipe ku Rezya.''¹²Nangandi pakyo, muyeyi kwekye shali tabama halinwe ku Rezya. ¹³Cwarehe, tisiye kuli ya tura tswebalinwe, kono ni pange zini, akya uyumwe asiye kubika shibbi kapa kutyera mukwekye.¹⁴Ndiyi zire indi ku tishira ku Shikati Jeso atikya ku njemwa shali shichena chohalinwe ngaho. Tana yeye yamati shimwana kwaha chena, kukye shina masira. ¹⁵Ati mati yuvusa mukwe wubbi shushu lyuwa, amu kwenda murusuno. Siya ku bbura uyumwe shushu lyuwa yamata fwerwe ku Keresite.¹⁶Siya ku tishira zumati mwana wuqa ku panga wubbi. ¹⁷Muwuso Urezya kangu zulyuwa kapa kunwa, kono ingu wuchena, kozo, indi kwidze mu mupupo wo muchena.¹⁸Yamati bberi shira Keresite mwi njira yopani mati tishirwa ku Rezya mi indi bayeyi. ¹⁹Cwarehe, tishakye izuto zi kozo izuto zatiqhini kwetu.²⁰Siya ku bbura mubberiko Urezya shushu lyuwa. Izuto kozo zi chena, kono wubbi muyeyi kulya kocho ngaho shati lyeta yuyumwe kuwa. ²¹Wuqa kwahalya inyama, ni siye kunwa i waine, nanga ishati wusa mukwenu.²²I tumero ini sitye, niyi bikye pakati lyenu indi Urezya. Ku fuyorwa iku muyeyi yahati guniwa kwi zuto zamata liti shirwa. ²³Yeye yana zuntongo wuzi ku zulyuwa, shuku tikya kazu dzwa kwi tumero. Mi kocho shahati dzwa kwi tumero shibe.

¹Papani yetswe babagi tati swanera ku kambika miziyo ya baba tweli, indi kwaha yima kuzati tabisa tswe abwenwe. ²siya yuyumwe apatswe atabise umbakye pu chito sheshiqa, atikya amu koture.³Nanga i Keresite amali tabise yumunwe. Nanga ndipakyo, kaku kwata ñwaruwa, ''Matuka abapa ibati kutuka shanga ndi wulye pwi lyiiro.'' ⁴Kocho ishata ñoruwa mulyuqo shata ñoruwa shuku zirwa ku kyezira kugisa indi gisizwa kwenda shama ñoro atikya tibe ni sepo.⁵Pani Urezya yeye umunu izuto kozo anipe ku gisuwa akya nibe ni ngana yati fwana kwenda sha Jeso Keresite. ⁶Mata panga zopani shuku tikya shamano maxili ni tyembe shu muromo muxiki Urezya indi Shee aShikati etu Jeso Keresite. ⁷Cwarehe, nili yamuhere kwenu, tandi shi Keresite amani ya muheri, shuku rumba Urezya.⁸Ndatikya Keresite mata panga bavuya wu mupato ku mwenisa injahamu Urezya, atikya agisize zi sepiso zata panjirwa bana kurubetu, ⁹mi indi wu lyuvu akya ba tyembe Urezya shi shemo shakye. Tandi shukwata ñoruwa, ''Cwarehe shandipe kurumba kunwe mwikyo lyu wu lyuvu indi ku yimba kulina lywe.''¹⁰Nangweza kwatikya, ''Radze, nwe wulyuvu, ni bayeyi bakye.'' ¹¹Nangweza, ''Ni rumbe shikati, kwenu wu lyuvu; ni siye bayeyi kowo bamu rumbe.''¹²Nangweza, Isaya matikya, ''Runzi rwa Jese sharuye, yeye ku kuswa kwendisa lyuvu; shaye lyuvu shalibe ni sepo.''¹³Pani Urezya i sepo ani tyere kwidze indi kuli keta muku tishira, atikya shi qumu umupupo omu chena nibe ni sepo.¹⁴Indimye ndati tishiri shanwe, Ba kwanga, Ndati shiri shuku tikya indinwe abwene ni yire wuqa, niyere ingana. Ndati shiri akya indinwe abwene nati kwana kuli zwarara.¹⁵Kono Ndati ñara shumu ñoro wamu kuru kuwe shizuto zizimwe atikya uyana kanwe hape, shi shishemo shindata pewa ku Rezya. ¹⁶shipewa shopani atikya ndibe muvuya Jeso Keresite tumuwa mulyuvu, kupa akya mupurisita yuliyi lyu Rezya, atikya zitapero zu lyuvu ziti shirwe, akya zi chenusuwe shu mupupo wo muchena.¹⁷Ku Jeso keresite ndina libaka lindati kwana kuli kakura shalyo ku Rezya. ¹⁸Akya kamuni ishendi likye ku hweta ichuto tana isha Keresite isha hweta kume shuku tikya iwu lyuvu bayuvwe izuto zopani zata panguwa shiliyi indi shizisi. ¹⁹Shi qumu indi shiziqe izati bbemukisa, indi shi qumu iyi mupupo. Zopani kuliku tikya kudzwa ko Jerusalema, indi kuzungura wure wa Iliriko, Ndati kwana kuyisa liyi lya Keresite.²⁰Mwi njira yopani, itakazo anga ku tikya ndi hwetye liyi, kono kaku Keresite ayibahara shilina, atikya ndisiye kwi xhini makalyero umuyeyi. ²¹Ingahopa tandi shukwa ñoruwa: ''Bapa ibahata ziruwa sha bamu mwenwe, indi bapa ibahata yuvwa zikye sheba yuvwe.''²²Shuku tikya indimye ndata qhapurwa kwi zuto zizinji kuya ku kyee. ²³Kono pani, ndimuku shibaka muni, mi ndina imwaka yi minjii kwi qaba kuya kunwe.²⁴Ndati sepa kuya kuni mwana pu shanda ku tsura kwenda spain, indi kuya ku tusuwa kunwe njira anga, putaru kuya kuba paxiki ndata radze. ²⁵Kono pani ndatyenda ko Jerusalema, ku lyeta kuya kuwa ku bayeyi wu Rezya baba chena.²⁶Cware kali kuqa ko Masodonia indi Akaya indi kuya ku panga ichumwe ku bayeyi wu Rezya baba hungwe ibana jerusalema. ²⁷Eyee, kali kakanda kakaqa kuwo, mi bata bika shukoroti kuwo. Ati wu lyuvu batalipa kwizuto zu mupupo, batazi korota ku Majuda kuba ziseberezo zawo ni zuto zu lyuvu.²⁸Cwarehe, pundaru ku mana zindata pewa mi ndaku mwana akya bashangana kozo zubata yisa, Ndatyenda Spain mi indi kuya kuni pwetira muru kito rwanga. ²⁹Ndi yizire akya ndishiya kunwe ndati swenera kuya ni zi mbuyoti za Keresite.³⁰Pani ndati ni rungira, bakwanga, sha Shikati etu Jeso Keresite, indi shuru suno ru mupupo, atikya turwanwe paxiki name muzi patero zenu ku Rezya kume. ³¹Ni rapere atikya ndiya kuwe kuba hati tishira mo Judeaakya misebezi anga mo Jerusalema yi tishirwe ku bayeyi baba chena wu Rezya. ³²Ni rapera atikya ndiye kunwe mwi kwidze shuku shaka ku Rezya, Ati ndibe, paxiki nanwe, tishangane ku tsutsuruka.³³Urezya ywi kozo abe nanwe kwenu. Amen.

¹Ndati ku zira febe muqhonwe etu, yewe muvuya mwi kereke iyina mo Senkreya. ²Atikya umu pambure ku Shikati. Rasi zini mwi njira yiqa ya bayeyi babaqa wu Rezya, mi ni muyakye kwi chuto kocho shika ku shaka kunwe, mata yaka babenji mi indi kunwe akyopa.³Ni rawaya Prisila indi Akila, baya kuzi banga ku Jeso Keresite. ⁴Ibatapa wuparo wawo. Ndati kambira kuwo, mi kamye ngaho, kono indizi kereke za mulyuvu. ⁵Nira waya zi kereke izina muzi baka zawo. Nirawaya Epaineto ya shakuwa, yeye mutamuno iwa Asia koku Keresite.⁶Nirawa Maria, ya mata bberika nanyina shanwe. ⁷Nirawaya Androniko indi Junyasi, bakwanga bara tire namye mwi torongo. iba yibahara indi kuma apositora, mi barana ku Keresite itandzi kume. ⁸Rawaya Ampliasi, ya mati shakauwa sha Shikati.⁹Nirawaya Urbano, muyakuzi mu mubberuko a Keresite, indi Stakisi, ya mati shakuwa. ¹⁰nirawaya Apele, yatishirwa ku Keresite. Nirawaya bapa wi njuwo Aristobulu. ¹¹Nirawaya Herodioni, mukwanga. Nirawaya indi wi njuwo a narsiso ibana ku Shikati.¹²Nirawaya Trifena indi Trifosa, bati bberika nanyina ku Shikati. Nirawaya Persida yamati shakuwa, yamati bberika nanyina ku Shikati. ¹³Narawaya Rufusi, yamata sharuwa ku Shikati, indi nyina bama. ¹⁴Narawaya Asinkrito, Flegono, Hermes, Patrobasi,Hermesi, indi bakwakye batyire nakye.¹⁵Narawaya Filologo indi Julia, Nerea indi muzatakye yushi rwakazi, indi Olimpa, indi kowo bayeyi wu Rezya baba chena ibana nakye. ¹⁶nirumere kwenu shukuli xupita shuwu chena. Kozo zi kereke za Keresite ni rumere.¹⁷Nwe bakwanga, pani ndati zira, ku yanakana bapa ibati lyeta kuka wuhana indi kulyeta zezibbi. Batidzwa muzinata lituta. Ni dzwa kuwo. ¹⁸Bayeyi bati fwana ni bapa amaba ku bberishira Shikati etu Keresite, kono mara awo ngaho. Shamayi ingati yuvusa wutuku indi ku kyezira kyezira kudzisa mitima iyaha yi zire.¹⁹Shumu tara enu iwu kuyuvusisa kaya kuyumwe nu yumwe. Ndatidze, cwarehe, nanga inwe, kono ndati shaka akya ni sawushire ze ziqa, indi kwaha yiba zezibbi. ²⁰Urezya ikozo papani ngaho ishaku xapura Satani mwishi lya makondo enu. Shishemo sha Shikati etu Jeso Keresite shibe nanwe.²¹Timotea, Mbiyanga ku mubberiko, rumera, indi Lusiusi, Josani, indi Sosipatere, bakwenga. ²²Yemye, Tersiusi, yamata ñwara lyuñoro peshi, ndani waya ku Shikati.²³Geyusi, yamandi tandura indi kereke koyo, ni rumero. Erasto, mwi qawu-qawu umunzi, ni rumere, indi Kwarto mukura kye. ²⁴Rusuno rwa Shikati Jeso Keresite rube nanwe.²⁵Pani ko kukye yama tikwana kuni gisa mu lyiyi indi wu kutazi wa Jeso Keresite, kwenda shuku zukura zu hweta zata bikuwa zizika kudzwa kantandzi. ²⁶Kono pani zazukuruwa indi kuyibahara shuwu porofita ku ñwara lyuvu, shizi zira zu Rezya, ku lyeta kwisi naqa kwi tumero.²⁷Ku Rezya umunu uku sawuka, sha Jeso Keresite, kube akyopa. Amen.

¹Paulusi, mata beruwa ku Jeso Keresite atikya abe mu apositora, shuku rusuno ku Rwezya, ni Sosetane mulikani etu. ²Kwi Kereke Urezya mo Korinte, ku bapa ibata Chenisa sha Jeso keresite, ibata beruwa kuba abato baba chena. hape tati ñera kowo ibati bera lina Shikati Jeso Keresite muzi baka kozo, ku Shikati awo indi yuywetu. ³Shishemo indi kozo ibe nanwe kudzwa ku Urezya shetu indi Shikati Jeso Keresite.⁴Ndati kyitisa wu itumero ku Rezya shayenwe shuku tikya shishemo shu Rezya shi Jeso Kerisite amata nipa. ⁵Mata ni panga bafumu muzi njira kozo, muzu hweta indi mwi ngana. ⁶Tandi shuwu paki wa Keresite shiwata tishirwa atikya ingi njahamu mokunwe.⁷Cwarehe kuku zupuwa zeziqxa zina rakyini hape yenwe nalindiri ku mweniswa za Shikati etu Jeso Keresite. ⁸Hape mbwani gise ku twara mameni sizi, atikya shani siye ku nyazuwa muliba lya Shikati etu Jeso Keresite. ⁹Urezya ana itumero kapa kusepahara, yamani beri mwi kopano a mwana kye, Jeso Keresite Shikati etu.¹⁰Pani ndatini rungira, balikani, shilina lya Shikati Jeso Keresite, shuku tikya kwenu natishiri, atikya kusiye kuba ni kauhano mwikyo lyenu. ¹¹Ndati rungira atikya ni njene ni kopano mwi ngana ixikyi indi maikuto.¹²Hape yata bikuwa puru kandara ku mye, balikani, kwa bato ba Koloe ibana mwikyo lyenu. Ndata tarusa atikya: kwekye ya kutikya, ''Ndina ni Paulusi,'' kapa ndina ni Apolosi,'' kapa Sefasi,'' kapa ndina ni Keresite. ¹³''Jeso mukawu hana? Paulusi mata kokoterwa shayenwe? Nata korobezwa mulina lya Paulusi?¹⁴Ndati litumera ku Rezya atikya, kuku yindata kolobeza, tana Crispo indi Gerusi. ¹⁵Kopani ku tikya kunjemwa ikaku tikya mata kolobezwa mulina lyanga. ¹⁶Hape ndata kolobeza wi njuwo a Sitefani. Kwanda yopa, amanda ku yanakana yuyumwe indata kolobeza.¹⁷Cware Keresite amandi tume kuya ku kolobeza kono kuya ku kutaza evangeli. Amandi tume kuya kuku taza mayi uwu tali wu mutu, atikya shifapano sha Keresite shikare shina mata.¹⁸Ku batifwa wulumiwa wu shifapano ingu wugigi. Kono mwikyo lyuwu Rezya amati tusa, ishi mata Urezya. ¹⁹Kwata ñoruwa, ''shandi bbure wutali waba batali. Shandi yalyanga nise ikutusiso ababa tali''.²⁰babatali kure? Ibali tuta kure? Ibati hweta ahuru kure? Amanda ku tikya Urezya mata ra rumuna wutali wuLyuvu kuwu panga wugigi. ²¹Nanga wutali wu lyuvu waru ku kalisa kaba yi zire Urezya. kwati tabisa Urezya muwu kutazi wati mwanahara wugigi atikya wutuse bati tishira.²²Majuda baku rungira atikya kwi qxewe zi makazo mi Magerike baku shaka wutali. ²³Kono tati kutaza zuku kokoterwa kwa Keresite, i zuto zati tibera ku Majuda indi wugigi ku Magerike.²⁴Kono kuba Wurezya amata bera, ku Majuda kapa Ku Magerike, tati kutaza za Keresite kakuli ndi wutali Urezya. ²⁵Kakuli wugigi Urezya wati bbara wu mutu, kufokora ku Rezya kwati bbara ku mutu.²⁶Nilyaye kuku beruwa, balikani. Kakwenu narana wutali wi kutisiso umutu. Kawunji wenu kali nibagi. Kabenji kokunwe ibata pashurwa murusinga rushi shikati. ²⁷Urezya mata keta izuto zezibbi zu lyuvu ku sobisa baba tali Urezya mata keta babaku mata atikya basobise babagi.²⁸Urezya mata keta ibana peshi indi za kyenduwa mulyuvu. Mata keta izuto zuba yisa atikya zuku muzinamina, kulyeta izuto zibaraxa atikya zibe ni wima. ²⁹Matarasi zopa kozo atikya kusiye ku shanganeha ikaku bani libaka liku likumusa puwuso wakye.³⁰Shuzu Rezya amatarasi, pani nina ni Keresite Jeso, yamataba wutali wetu ku Rezya. Yamataba kuku luka kwetu, ku cheniswa indi ku lyuwururwa. ³¹Shizi nepo, mayi ngatikya, ''nisiye yamatili kumusa ali kumuseze Shikati.

¹Shindaya kunwe, bazatanga. yemwa ndiyere kuhweta kapa butali bukuya kutoroka izazlkiwa wuniti wa mulimo, yemwa ndiye ni buqha wowu kuru uwa mayi. ²Kunjemwa shindatiyanakana pundarana nanwe shikutishira ku jeso chresite indi kukokotera kwake.³Pundarana kunwe ndakufokora, indi kuywapa nanyina. ⁴Wupaki wake indi zi tuto zakye ya kupwelisa shimayi iwutali,shikutikya tali kumwanahara mupupo wo mugyi. ⁵Shikutikya itumero akye ka muni ifwene wutali wu mutu,kono watukyo wufwene ni maata a mulimo.⁶Shikutikya, tatihweta kwa bato ba baworushika, ka wutali wulivu wopa,kapa iyuwurena, uwulyuvu lyopa. ⁷Kono tatihweta wutali wa mulimo, wuzikasi iwa tazukuwa,butali wa matalyeta intanzi, mulimo,zinako izahacire kuya kare, yenshwe tibe ni rumoni.⁸Kumarena u livu kunjemwa indi muqxiki yayizire shibarayizire,shiba yemwa bakokotere murena mulimo uyu rumoni pushifapano. ⁹Shina pukwata ñoruwa za mata rukiseza ibatu mushaka, kunjemwa ilyisho ilya tumwana, kunjemwa lyiti ilya tuyuvwa kunjemwa wurubi iwatiyanakana, izito za mulimo marukisa ku bapa ibatu mushaka.¹⁰Zopa izito zama tamwanahaza mulimo kuxswe shimupupo. Mupupo wa kupukura izito kozo indi kusa izito ku mulimo. ¹¹Cware ya yizire u mutu kwanda u mupupo u mutu kokuke. Akyopa, kunjemwa yayizire ishina mwikyo lya mulimo kwanda mupupo a mulimo.¹²Yemwa tishangane mupupo uwulyuvu , mupupo uwa mulimo, kwa tilyetiza atikya tumwene izito shuwupuba zitatipewa ku mulimo. ¹³Tatuhweta izito shimayi atikya wutali wu mutu yemwa wa kuruta, shiwa turuta mupupo kutswe. mupupo wa tutoroka mayi u mupupo indi mupupo uwu wutali.¹⁴Yomuku mupupo wo mucena yemwa kushangana izito izatudzwa ku mupupo a mulimo, cware ba gyigyi kokuke. shikutikya kayizire atikya bana mupupo. ¹⁵U mutu uyu mupupo matiyatura izito kozo.kono yeye yemwa akuyaturwa nu mutu. ¹⁶I yani i matukwana kuyiba amano a murena.matikwana kurayerera yeye?Tina a mano a chresite

¹Popa yeme ,bakwanga kandara kukwana kuhweta kunwe ,shukurutiwa kwa bato shurupupo ,kono shukwatirutiwa wi nyama ,tandi bapundi ba badana kukiresite ².Ndata ni relisa mashita ,kashi nyama, shilyivaka lyukutikya kanara kuzi kwanisa ,mi nanga i popani yema na kuzi kwanisa ,³Shi livaka lyukutikya ni shili mbwinyama ,shili baka lyikutikya kuna muuna indi zifapano mwinkyo lyenu ndatitikya nishilyi mbwinyama ,mi natyenda shizisi za bato , ⁴U yumwe ashi hweta akya yeme injwa pawurusi yu yumwe yeme injwa Apolosi ,esi natyenda shi mikwa ya bato ⁵,Apolosi iyani ,paurusi iyani ,ba buya ngaho wuna tatishira shawo ,u mutu nu mutu mwama ta mupera mulyumo .⁶Yeme ndata kuna ,Apolosi matatyerera ami ,ya matimenisa u Redzya ⁷,Yana zihweta iyani kanje ya matikuna kapa yama tityerera ,Uredzya ndamati menisa⁸Yama tukuna indi yama tityerera i cuto shitsiki ngaho mi uyumwe ni yumwe shapuwe mupuzo akye shukulyikanisa musebezi akye ⁹,Shukutikya tati sebeza nu redzya ,inwe ndizi mbwa zuredzya inwe ndi miyaho u redzya .¹⁰Shishemo shu redzya ishatapuwa ,ndataradzyini [ mutomo sina ] ndati mudzyinikawo iyi [ sikwara ] mi uyu yimwe yama tidzyini po ,mi mutu ni mutu a mamere mwa matidzina mina ¹¹,Kunjemwa isha radzini ,mutomo tana wundata radzini yeme kiresite ,¹²U yumwe pusha kwidzini [ mutomo ] wopa shi gawuda kapa silivera kapa shi macwe ingu wutokwa kapa shi miti kapa shumusuhera kapa kamwange ¹³,Misebezi u mutu nu mutu she i mwanahare ,shilibaka lyukutikya liva lyatiya i shelimwanahaza sheililimwanahaze shumunduro ,mi munduro she u like musebezi u mutu nu mutu kapa ingahare u sire ,¹⁴Mi musebezi u mutu ushawukara wu yimine , yeye shatambure mupuzo akye , ¹⁵Mi musebezi a bato pushi wa kudzywanga u mutu yopa sha sinyeherwe mupuzo akye ,yeye shapalisiwe ,kamuni shapisiwe kumunduro .¹⁶Kani izire akya yenwe nizi tempere zu redzya ,indi kutikya mupupo u redzya una kunwe ¹⁷,U mutu pusha kusinya i ntepere yu redzya ,u redzya sha mushinye ,shi livaka lyukutikya i tempere u redzya i ncena , mi tempere yopa i nwe .¹⁸U mutu a siye kuli kitaka :u yumwe kunwe ashi lyumwana wutali mulivu lyopani ,a yarumukye litanya ,na kutikya a yarumuke yana wutali ¹⁹,Mi wutalyi wulivu lyopani ,wutanya mwa mesho uredzya kwa tañoruwa ,mati patika va vatali mwa mano awo ²⁰.Kwata hwetuwa uredzya a yi zire mi yanakano ya va vatali akya inji mbango .²¹Mi angahopa u mutu asiye kuli rumba sha batu , shi livaka lyukutikya i zuto kozo i nzenu , ²²Nanga i pawurusi ,nanga Apolosi ,nanga Kefasi naga Lyuvu nanga wuparo ,nanga rufu nanga i zina ko nanga izi shiya kozo i nzenu. ²³Mi yenwe imba kiresite ,mi kiresite inju redzya .

¹Abato kowo batilyaye akya,tubavuya ba keresite ,indi zikombwa ze zizi kama za shikati. ²Shati shakahara kuzi kombwa ku baninjahamu.³Yeme ndicito sheshice kundi yatura kunwe ,indi kwikuta abato, nanga ime ema ndakuliya tura ⁴. Ema nda kumwana wubbi wanga,nanga ndipakyo ema nda kubikiwa yo muxha shazopa,shikati ndushu ndiyatura⁵Nisiye kuyatura izuto inako ka i cire kuya ,ni lindire ,shikati kacire kuya.yushulyeta zazi kama zilyififi muliseli a tandure mihupuro ya mwimeyo a bato .umutu nu mutu shakupewa kuibahaza kwati muswanera.⁶Bakwanga ndahweti zopa kume ,indi kubapositola shinguli,atikya niyibe shina kuhweta ,atikya kusiye kuba nu mutu yi matilyikumusa ku babamwe. ⁷Iyani yi mata kupanga akya u bbare babamwe,Cicwe shikya shuhata pewa, shikya shukulimwana nakati inwe nata zipanga.⁸Ni bakuta ,nu bafumu , nati wusa ye tswe kuku tswe, kapa natiwusa,atikya inditswe tu wuse nanwe. ⁹Shindati mwana nakati Urezya mata tibika kuba maapositola,kuba mulyuxho kumenisiza,nokoti bata yatwirwa kubburuwa tabikiwa lyaiwa kulivu indi mañyirobi ,indi abato.¹⁰Yetswe tubagigi she libaka lya keresite, yenwe ni batali sha kereste ,yetswe tatiliyuvwa kufokora,yenwe nati liyuvwa kugipa,yenwe na yibahara,yetswe tati shuwurwa. ¹¹Kuya inako yopani,nanga titifwa injara indi linata,tubaku zi raro,tata zupuwa nañina, tuba kumasikamo.¹²Tati tse kubberika shamanja,bashiti sheka tati fuyora,tishishandiswa tatigipa. ¹³Indiputati ñyefurwa tati likataza ,tata shutuwa indi ku tapanguwa tandi masira ngulivu.¹⁴Punda ñoru zopa paka kuni swabisisa,kuni remusa tandabana batishakuwa, ¹⁵Indipunaba ni maruti ba 10,000 kukereste,nu baku bashenu babenji ,shikutikya ime ndata nipaka sha jeso kereste shiliyi. ¹⁶Ndani rapera nindiyerisize.¹⁷Ndanipa timotea mwananga indatishaka, yi mati sepahara kushikati, ani hupulise za jeso keresite.mundati rutira koko mwizi kereke zizimwe. ¹⁸Babamwe batalikumusa nakati kandishiya nanwe.¹⁹Zini ndukuya kanga papani shikati ati mati shaka,shandibe ni mai abati likumusa i ndi mata awo, ²⁰Muwuso wuliro ema wa kuya shiliyi kono shimaata ²¹Shinati shaka kuyakunwe shicupa kapa shilirato,indi shimupupo wu xhumu.

¹Kwatayuvwahara liñusa atikya kuna wushashi mwikyo lyawo,wushashi iwahata tishirwa mwikyo aba macaba. Liñusa lyatikya yuyumwe kunwe matukwama ni mukaza bashe. ²Induwe matilyukumusa.shuha tilyira ngaho.Muqxiki imarasi zopa matudzwa mwikyo lyawo.³Kono yeme ndumuku kumumbiri,kono ndina mupupo,kanda yatura kare imarasi zopa, shindaranako. ⁴Nakushangana paqxiki mulyina lya murena jeso, Ikare nda yatura u mutu. ⁵U mutu yopa a pewe mumanja a satani kubburuwe i nyamake,shikutikya mupupo wupalitswe mwi liba lya murena.⁶Kulyurumba kwenu kakushiyama.Tama kani yizire atikya mumena womudana wa tukulisa mukamu kowo? ⁷Nilicenise ku mumena uwakare shikutikya nibe ni mumena wo mupiya.chresite ingu iya kita kwi paseka iyi shitabero. ⁸Cware titabere mukiti kashimumena u wa kare,mumena uwu mikwa mibbi. kono wube iwecira womuku mumena mucena indi njahamu.⁹Ndata niñwera liñoro atikya nise kukopana inda bato ibatipanga wu shashi. ¹⁰Yemwa ndakutikya babashashi a bato wu lyuvu kapa kuyimina,babezi,ibatirapera milimo,nisikame shire nawo nidzwe nakwenda mulyuvu.¹¹Papani ndati niñwera nise kuli pashiyango nabato i matilibera muzatanga kono imatipara muwushashi kapa uwuzi, milimo, imatisinya, kapa zidakwa,babashashi,sa kulya shilyuwa na bato bapa. ¹²Shikya pundati kopana niku yatura ibana mwi kereki?Cware,u siye kuyatura bapa ibana mwi kyo lyi kereki? ¹³Kono Mulimo matiyatura bapa ibana kwinje,Ukuse abato bababbi mwikyo lyenu.

¹Ati yuyumwe mwikyo lyenu ana muzeko indi yuyumwe asye ku ywapa kwenda ku bana mulyuvu kwenda kuba bacena ²,Kayizire akya baba cena kuti bayature bu lyubu. cware pubati atula bulyubu yemwa bakukwana kusikamisa izito ziwu tokwa? ³Niyizire akya kuti tu ature indi ma ñyiroyi ?,ndi babamwe babenji shuhuru zi zuto tisiye kuzi atura .?⁴Cware ati nina muzeko mu wuparo bopa, cware shikya natilyetiza zintaba zopa kwa bato ba baku mu batiberwa muni kerekev ⁵Ndati hweta akyo nakya niswebye kana kopani nkokunwe kunjemwa wuna wutari yatikwana kuhweta kumurumeri indi yamatipakwa nake. ⁶Murumeri matizeka ind mugenyake yari murumeri papakati abahari barumeri,.⁷Atu yumwe mwikyo lyenwu ana muzyeko indi yu yumwe . Barumeri bata kwama kare kunwe. Shikya pubata ni shandira? Kaniyizile akya baba cena shi ba yaturwe shu livu ⁸,,ishili nwe natikyezira babamwe bubi bunati kyezira akyopawu nati pakuwa nawo ,bazatuwe⁹Niyizire akya bahali baruka baka wumuwuso wurezya? Nisiye kulyi kyitaka, nwe mahure .indi batirapera milimo indi sodoma ¹⁰Uwuzi indi batirakaza, zidakwa, bati hwet zezibbi, kitaka babamwe baku kumwana mumuwuso a mulimo ¹¹.Hape babamwe kunwe. Shabikiwa kucena, kukokoterwa indi ku bikuwa shi mupupo wa murimo womucena she Jeso chresite mulimo¹²Ezito kozo zina papakiki, kono kakozo zati kwana kuku tusa kapa ku tuseherapo. Izuto kozo zi shiyama kume kono kamuni shandi tishire atikya zindi yendise ¹³Zuruwa izi wura indi wura uzyu ziruwa ,kozo shikati kuti azimane kozo ,cware mumbiri ka ubuhure kono ugwa urezya ndi muno umu mbiri .¹⁴Urezya yimata tambusa shikati shati tambuse inditswe sha matake ¹⁵Yemwa nayibwa kya mubiri enu zirama zimubiri wa Keresite? cware zirama iza Keresite ndizi bike kurihure? Kwati kwanahara!¹⁶Nata nayubwa akya yima tikopana indi lihure mati fetuha kuba mumbiri mukiki indi lihure? Ikimana yatikya. ''Babiri shababe mumbiri muxikyi'' ¹⁷.Yima tikopana indi shikati matifetuha kuba mupupo mukiki mumpupo akye.¹⁸Niywape wuhure .. shibi indi shibi shatisi umutu shina papenje umu mbirike yati para shi buhure mati foseza mumbirike ahuru.¹⁹Niyizire akya mubirinye enu i tempre ya mupupo o mucena,watipara kokunwe.,wati zyera ku mulimo and yemwa nati rituwa ²⁰.Kakuri nata wulwa shiteko yati tura.indi kutikya yemwa nakuriyuwa.

¹Shintaba ina ma tandi ñwera shinda kuhweta i cini , she kube naqa muñyana a ku sikama ngaho a makupata mukazi. ²Shilyibaka lyikuywapa wu mulyuko ,muñyana ndi muñyana a be ni mukazakye ,I ndi mukazi ni mukazi abe ni bakye ,³Mi muñyana ape mukazakye izati muswanera ,indi mukazi ape bakye izati muswanera ,mi indi mukazi apange akyopa muñyana . ⁴Mu mbiri u mukazi u njemwa mu mata akye ,Una mumata a bakye ,shi mukwa i wangahopa mumbiri u muñyana unjemwa muni mata akye ,una mu mata a mukazakye .⁵Ni siye kuli yimina ,na kana ati narumarana , , atyi nina i nako i yu kurapera mi ni shusizane ,ta dyaburusi asiye kuni lika , ⁶Mi pundati hweta akyopa ndati ni panjira wutwere ,ka kunipa murawo . ⁷Ndara kushakya akya kambe a bato kowo batiba tandi me shi lyi vaka lyukutika u mutu nu mutu mata puwa shuku cincana .⁸Ku ba hacire kurowura indi kubakazi i bu zimberwa ,shinda kuhweta i cini wuqa akya balisikamine ngaho tandi me ⁹.Ati batishitira kuli [ kuma ] kuli pata va rowure ,basiye kubburuwa kuzi takazo .¹⁰Ku varowura , ndati ba rayera kame i mulyumo mukazi asiye ku kawuhana ni bakye . ¹¹Ati makawuhana a lyi sikamine ngaho asiye kurowuruwa ,kapa va lishuse ni bakye akye ,indi munyana asiye kutanda mukazakye .¹²ku va vamwe ndati ti kya ,ndati vazira ka shikati , ndatitikya murumeri i yana mukazi iya hatitishira ati matishakya kusikama nakye asiye kumu hindyeka ,asikame nakye ¹³,Mi mukazi yana muñyana yahatyi tyityishira [ yaha tirumera ] ati masha kusikama nakye a sikame nakye ¹⁴,Muñyana ya hatyityishira matyi chenisiwa ku mukazakye ya tishira ,indi mukazi ya hatyityishira matyi chenisiwa ku bakye ya tyishira ,puqu akyopa kambe Avana venu kambe vana masira , mi pani va cena .¹⁵Yaha tyityishira a shishakya ku kawuhana a kawuhane ,murumeli yo muñyana indi yo mukazi zopa yema za kubayama ,Uredzya mata ni vera mwi kozo ¹⁶.Mi yewe mukazi u yizire kya kapa shupalise vaye aye , mi yewe muñyana u yizire kya ,kapa mbu palyise mukazwe .¹⁷Fera mwa mata pyera u mutu nu mutu ,mwa mata tibera Uredyza ,u mutu nu mutu ayende akyopa ,ndi shindati rayerera muni zikereke kozo . ¹⁸Ati mutu mata beruwa ,mi manjeni muni mupato asiye ,asiye kulipanga nokoti yama njene muni mupato ,ati u mutu ama beruwa kwanda mupato asiye kunjena mo . ¹⁹Mupato kashicimwe indi kwikini mupato kashicimwe ,intaba inju kwenda shumurawo wa Urezya .²⁰U mutu kweke asikame muni wuparo wakye wukarana nawo mwinako pukara ku beruwa ²¹,Ati mata veruwa akya u umu vuya usiye kubbirayera , mi atyi mati kwana kurukuruha ,u lyi kyetire akyopa ²².Mi mu vuya yama beruwa ku shikati mu rukuruha u redzya , ya maveruwa yo murukuruha mu vuya a kiresite ²³,Nata wuruwa shiteko inkuru ,nisiye kufetuha va vuya ba bato ²⁴,Bakwanga u mutu kwekye a sikame mukararana mina mwi nako pukara kuberuwa .²⁵Mi kuba hacire kurowuruwa ,ndi ,munjemwa i tayero yu redzya ndati tilyeta mayikuto anga ,mi popa ndata shemu buwa ku redzya akya ndi sepahare ²⁶,Cware ndatiyanakana akya wuqa u mutu asikame ngaho mwana mina shilyivaka lyama zyiyezi ingana ko .²⁷Atyi wa lyi shimina ku murwakazi usiye kulyi rukurura kukye ,Atyi yemulyi shimine kumukazi usiye kushaka murwakazi ²⁸.Mi indi pumatirowura kashibe ,Indi pumatirowuruwa yemu kupanga shibe ,mi i vangahopa sheba ve mumashando ,mi yeme ndasha kuni gusa muni mashando ngapa .²⁹Mi ndatyityikya bakwanga inako i nfupi ,I bana bakazi vave nokoti vanjemwa wo. ³⁰I batilyira ba ve nokoti yemwa ba kulyira ,va va taba ba ve nokoti yemwa batave ,i bati wura vave nokoti kunjemwa shi ba tsuwa ³¹. I batilyitukiseza zu lyuvu lyopani vave nokoti yema ba kuli tukiseza ,kakuti wuparo wu lyuvu lyopani i she lyimane .³²Mi shindatishaka inshu kutikya kubbiraera kusiye kuva muni nkyo lyenu , mi yaha cire kurowura mati mamera iza shikati ,musha mutavisiza Uredzya . ³³Mi munyana ya rowura mati tokomera mukazakye , musha tabisiza mukazakye ³⁴.Mi mukazi ya rowuruwa indi musizana yaha cire kurowuruwa bati cincana , mi yahacire kurowuruwa mati mamera iza shikati akya ave yo mucena muni mumbiri indi mupupo ,ya rowuruwa yeye mati mamera zulyuvu lyopani , mwatyelyi kutabisiza bakye .³⁵ndishi hweta akyopani ndati ni tusa ,ka kunipatkya tandi tihweta zopani akya sheshiqxa icire kono kuni twara kuiza tiswanera ,akya ndi kutikya ni bberishire Uredzya kunjemwa ishati ni gusa .³⁶Mi u mutu ashi yanakana akya icuto i shati swatiswabisa akya u mutu kali mabbarazu lyumo zakye izi kurowuruwa ,mi ati mati mwana akya matiswanera kurowuruwa a kwisi mwamatishashira arasi akyopa ama kupanga shive mi a rowuruwe , ³⁷Mi mushemi yo mugi muni mutima akye ,ko kunjemwa i sha mushimini ,mi ana shibaka shukwisi mwamatishashira iywa ngahopa a shiyaqnakana zukwisi murukuruha kwisi a shi yanakana ku bika mwanakye akya asiye kurowuruwa ma tipanga naqa ³⁸.Mi yama tirowuza mwanakye i yu musizana matisi naqa ,indi ya hati rowuza mwanakye matisi naqa kubbara .³⁹Mi mukazi kwekye mushiminiwa ku mirawo ko kubakye .mwinako yamatipara bakye ,mi ashifwa mushutuka karowuruwa kurwezi ,mi sharowuruwe kuya matishaka kweke ,mi ibe ngaho kushikati ⁴⁰.Mi mwikaturo anga ati matipara tandishana ,pusha kulisikamina ngaho shabe mulyiketa indi kumana mi nda ndatiyanakana akya ndina mupupo u redzya .

¹Izopani zulyuwa izata kyezirwa shitabero iyi milimo, ''yetswe tiyizire atikya tina a mano'' ukuli mwenisa mi rusuno rwati nxini. ²Atikya u mutu kweke, matiyanaka uyizire icimwe, u mutu yopa kayi zire shika kushaka kuyiba. ³Kono yuyumwe matishaka Urezya, umutu yopa ayibahara kuke.⁴Cware shizito izi kulya izishi tabero zi milimo, iyi maswaniso tiyizire atikya milimo iya maswaniso iyulivu kunjemwa shikutikya kunjemwa mulimo tana muxiki, ⁵Shina pukwatuberiwa milimo iya hatipara kwi liro indi papeshi, kuna milimo yiminji indi mashikati ngamenji, ⁶Cware kutswe,kuna mulimo ,tatye kuke izito kozo zitatipara, Shikati muxiki, Jeso Keresite, shukutikya izito kozo zatu kwanahara shukupara kuke.⁷Cware amano yapa manjemwa ku mutu kweke. Babamwe baruku likanisa milimo kurapera, bakulya zilyuwa shikutikya izito izi shitabero shi milimo. mi zi qsxuma zawo zilyangana shikutikya zitoli.⁸Kashilyuwa shitati kwana kuti tarusa ku Rezya. yemwa taku yekezwa atikya yemwa takulya , ku shiyama kambe tatilya ngaho. ⁹Itukuruho yi kulyi qxawo-qxawu isiye kuba libaka lyayuyumwe yamati fokora mwi tumero asiye kuwa. ¹⁰Shikutikya u mutu matukumwana. ibana amano, kulya zilyuwa ni milimo mwi kereki.kamutoli kono kufwa zuqsxuma indi kususuweza kulya ishadzu ku milimo?¹¹Shikuyuvusisa initi iyi milimo babatoli mo,bazatubetu kopa chresite matafwa indi kumaniswa. ¹²U shifoseza mukwe matiremika ziqxuma zake zezi ntoli indi kupanga shibe ku Keresite. ¹³Ndipapa shulyuwa shakuwusa mukwe, ndiku kulya inyama hapye, shiku tikya ndise kulyetiza muzatanga kuwa.

¹Kandi muruku ruha? Kandi mu apositora? Amandi mwene Jeso Shikati etu. yenwe kanibatusi banga muliyi lya shikati? ²Ati kandi mu apositola kuba bamwe, cware ndimu apositora kunwe. cware yenwe ndiwu niti wanga wu apositora ku shikati.³Kopani ndikukuli ramurera kubapa ibandi kataza. ⁴atikya tibaku (mata) amano ukulya indi kunwa? ⁵Tubaku mata uku sikama inako yinde ni bakazi betu ibati tishira, tandi ba Apositora kowo, indi bambetu ba shikati, indi Sefasi? ⁶kapa Banabasi ngaho indi mye ibati swanera ku bberika?⁷Iyani yatyeri kwenda kwindwa nizi sinyehero zakye? Iyani yatyeri kukuna minti mwi fuba hape amakulya zipata zamo? Kapa iyani yatyeri ku babarera zi Ngu hape ama kunwa ku muziriri azoo? ⁸Amanda ku hweta izuto zopani mumata umutu? Kana murawo wati hweta akyopani?⁹Shuku tikya kwata ñoruwa mwi wuka a Mushe? usiye ku yaziya muromo Upuru ati yati shaka kulya mabere, ''Atikya Urezya mati qxawu-qxawu Ziñombe? ¹⁰Ku tikya Urezya mati hweta ku tswe. Atikya ati yamati lima i swanero a lime shi sepo. Yewe yumati vuna mabere uvune shiku tishira atikya shuyu ya bireko babamwe? ¹¹Ati tata kuna izuto zumu pupo kunwe, kuzuwo nanyina atikya yetswe tivune kakuli zi bberikiso zina kunwe?¹²Ati babamwe bati panga zi swanero zopani kunwe, tibaku zizinji? nanga ndipakyo, yemwa taku rungira zu swanero zopa. Yemata ku kwana kusiya kutumina lyiyi lya Kersite.; ¹³Kana ni yizire atikya ibati sebeza mwi Tempere bati shangana zu lyuwa zawo mwi Tempere? Tani yi zire atikya ibati sebeza Pwi Alutare bati shangana kuzati newuruwa pwi Alutare? ¹⁴Mwi njira yati swana, Shikati mataba rayera atikya. bapa ibati twara lyiwi bapare shiliyi.¹⁵Kono amandi litusise kuyi yimwe yizi swanero zopani. Hape amanda ku ñwara zini atikya ku mwanahara shichimwa ku mye. Wuqxa kufwa atikya umutu asiye kusiya wuyi kyetero wanga wukuli kumusa. ¹⁶Ndishi kutaza burumiwa, ndimuku libaka likuli kumusa, shuku tikya ndishindati swanera kwisi. Wushwamana wuna kumye ati amanda ku kutaza lyiyi.¹⁷Ati ndatisi zati shakuwa, ndina mupuzo. Kono atiku kuzati shakuwa, ndishina shukwisi atikya ndisepahare. ¹⁸Mupuzo anga shikya zini? Mindishi kutaza, ndatipa wurumiwa wunda hati lifisa hape amanda ku rungira abato atikya bandi tuse kuku kutazi wurumiwa.¹⁹Mye ndimurukuruha kwi zuto kozo,ndatiba mutanga abotokowo, shuku tikya ndati shaka ku kwama babanji. ²⁰Ku Majuda ndatiba Mujuda, atikya ndikome Majuda, ku bana mwi li murawo, ku bana mwishi li murawo, atikkya ba kome ibana li muraro. Ndata rasi zopani nanga imye kali ndi muku mwishe li murawo.²¹Kubana kwishi li murawo, ndatiba nokoti ndina kokyo li murawo,nanga imye ndarna kokyo lyu murawo Urezya, kono mishi lyu murawo a Keresite. Ndata rasi akyo atikya ndi kome ibarana kokyo lyu murawo. ²²Kubabaku mata babe ni mata, atikya ndikome. ndataba ni zuto kwa abto koo. atikya babamwe bapaliswa. ²³Ndatisi kozo zopani ngaho shu wurumiwa, atikya indi rasi muku fuyora.²⁴Tani yizire atikya, kowo ibati tiya, ibana muku tiya, muxiki ngaho matipewa mupuzo? Cware ni tire kupewa mupuzo. ²⁵Kuya mati tiya matili tuta indi kuli yendisa. Bati panga akyopa atikya ba shangane i Turu iyati bbwara, tati tiya atikya tika shangane i Turu etu ya hati bbwara yati tura. ²⁶Kono amata kutiya ngaho kuzipa mu pupo. ²⁷Ndatowuha mimbiri anga indi ku wupanga wuvuya, kudzwapo ndati kutaza babamwe, atikya shandi siya ku shutuwa.

¹Ndati shaka akya ni yibe,bashebetu barana mwishi ulidzudzo kono bata kyitira muliwate ²,Bata korobezwa kumushe mulidzudzo indi mwiliwate ³. Kono batalya zulyuwa zatifana shilyuwa shimupupo, ⁴Kowo bata nwa ami ingati fwana ngumupupo, batanwa kuli we limupupo,lyata bacera. lyiwe lyopa kali keresite⁵Shikati ema baratwa uwunji wawo, mimbiri awo yata hasanera mulikanda ⁶,Zopa zitemuso zati xhe atikya tisiye kurakaza zezibbi shibata rakaza.⁷Nisiye kupanga milimo yiyimwe tandibabamwe kuwo,kwata ñoruwa,abato bakusikama peshi bakulya bakunwa indikwiki. ⁸Tisiye kupanga woshashi ,shibata rasi wowo, mwiliba lixhiki kwakufwa abato bali 23,000 shilibaka lyopa.⁹Nisiye kulika Keresite batamulika kowo baku mana kubburuwa kuzi nywaka. ¹⁰Nisiye kubiraera shibata biraera kowo ,bata bburuwa shilingeroi lirufu.¹¹Izito zopa zata pagahara kuwo shimutara,Zita ñoruwa shitaero etu yetse wi nako yopani yama menisizi ¹²Cware Imati hupura atikya uyimine alindire a siye kuwa. ¹³Kanicire kuyerwa kumuliko waha cire kumonuwa, kumutu. Shuku tikya, Urezya matisepahara muku kutishira muliko kulikwa kuzatini bbara, mu miliko ana injira yuku nidzisa kuwo atikya ni kwene ku gipe.¹⁴Yenwe natishakuwa nidzwe kuwushashi. ¹⁵Ndati hweta kunwe yenwe a bato batihupura,ni ya ture shindati hweta , ¹⁶Ikomoki izimbuyoti zitati fuyora ,ikabero yama rwapa akereste? Mukamu utati vunjara, kandi wutati shengena mumu mbiri a Keresite? ¹⁷Kuna mukamu muxiki,yetse tabenji mumumbili muxiki, tatilya mukamu muxiki.¹⁸Nilyaye abana bayi siraere ;batilya zitabero bashikopana mukatara, ¹⁹shindati hweta cini? mapikica pakacito? zilyuwa zi natipanjira zitabero pakacito?²⁰Shizito zibati panga bahedeni zitabero ,nanga batipanjira mupupo womubbi Urezya, amanda ku shaka atikya ni panjire mupupo wo mibbi! ²¹Yemana kukwana kunwena mwikomoki a shikati indimwi komoki u mupupo womubbi. Amana ku kwana kurapera pwi tafure a Shikati indi pwi tafure umupupo wo mubbi ²².Tati shendekera shikati shimuna?tibagi kumubbara.?²³Izito kozo zati tishirwa ,kono kakozo zina ituso, izito kozo zatishirwa, kono kakozo zati xinikawo. ²⁴Kusiye kushanganeha umutu i timashaka zizake ngaho,kono bashake zabamwe.²⁵Nilye kozo zati wuliswa mumusika, kunjemwa kuwuza zu puzo zimi yanakyeno. ²⁶Lyuvu indya shikati indizina mo. ²⁷A ti kuna yahati tishira yimakumemi kuzulyuwa ,mi mati shaka kwenda sa kuwuza zimi yanakyeno lyangaho.²⁸Ati yuyumwe mati kuzira, ''Atikya zulyuwa zopa izi shitabero'', Usiye ku zilya. Shi libaka lyayama kuziri, indi shi libaka limi yanakano ²⁹.Ema kwakutarusa zixuma zizwe kono zayuyumwe, itukuruho yatikwana kuyaturwa akyare shizi xhuma zuyumwe ³⁰. ndishilya shikulitumera ,ndati katazuwa akyare kuzi ndalitumeri kuzo?.³¹Kapa natinwa kapa nati lya ,koco shinatisi ni pange akya shikati a rumbiwe. ³²Nisiye ku bbiraezwa majuda kapa magerike, kapa mwi kereke a shikati. ³³Nitabise abato kowo mwi zuto kozo, ema naku litabisa yenwe ngaho kono indi babamwe nati panga akyopa akya bapaliswe.

¹Ni likanise yeme shina pundatikya ndirasi za matisi kiresite. ²Mi ndati ni rumba shilyibaka lyukutikya nati ndiyanakana muzintaba kozo. Ndati ni rumba shuku tikya nakumareri ituto indata nipa ³.Mi ndatishaka ni yibe cini ,mushoro u munyana kwekye i ngwa kiresite ,mi munyana, mushoro u mukazi ,Uredzya mushoro a kiresitye . ⁴Munyana kwekye ashi rapera kapa ashi porofita mu dzata inturu ku mushoro mati shu bura mushoro akye .⁵Zini mukazi kwekye ya matirapera kapa kuporofita kunjemwa shama dzata kumushoro ,matishuvura mushoro akye ,mi icuto ishati fwana indi ku dgumu . ⁶Mi ati mukazi ama kudzata i cuto kumushoro a ngahopa ara dgumu ,mi ati cuto ishati mwiguni akwi dgumu a rare shicimwe kumushoro .⁷Mi munyana a makuswanera kurara inturu kumushoro ,shukutikya yeye shi swaniso indi kanya yu redzya, mi mukazi i kanya i munyana . ⁸Shukutikya munyana amasiwe kumukazi ,kono mukazi nda mata isiwa ku munyana .⁹Mi munyana a muwumbuwe shi lyivaka lyu mukazi ,kono mukazi nda mata wumbuwa shi lyi vaka lyu munyana . ¹⁰Mi angahopa mukazi mati swanera kuba ni shi supo kumushoro i shatiqe atikya matyendisuwa shi lyivaka lya mangiroi .¹¹Nanga ndipakyo , mukazi munjemwa kumunyana , indi munyana munjemwa kumukazi kokushikati . ¹²Shukutikya mukazi pwama tayisiwa ku munyana indiye munyana mati pakuwa kumukazi ,mi kozo zopa zati dzwa kuredzya¹³Ni yature nanga nwe ,i swanero akya mukazi a rapere mulyumo kunjemwa shama dzata ku mushoro ? . ¹⁴Mi ndatyityikya i zi mushoro zatyityi ruta akya munyana atyi yama kwidgumu zinshushi zakye kulyi shubura , ¹⁵Mi mukazi aku ba ni zinshushi ze zinde i kanya kokukye ,kakuti matapuwa zi nshushi tandi lyidzyira ilya cekyi mushoro . ¹⁶U mutu ashishaka ku lyeta zinkani mi hupuro yopa [ mikwa ] yopa munjemwa wo kokutswe ,munjemwa wo indi mu zi kereke zu redzya .¹⁷Mi shinda ku ni remusa , yema ndakukwana kuni rumba ,shukutikya ni shishangana yema na kulyeta wuqa kono nati lyeta wubbi . ¹⁸I ntaba yiyimwe ini puni sina kukopanera munizi kereke ndati yuvwa muna zifapano kunwe ,mi papamwe nanga zitindi dakisa . ¹⁹Shukutyikya zi kawuhano indizo zati swanera kubako kokunwe akya kumwanahare i batishirwa muni nkyo lyenu.²⁰Mi ni shikopana mushivaka shicumwe kakulya shilyivera isha shikati . ²¹Ni shilya uyumwe nu yumwe mbwa pwerakye kulya zulyuwa zakye ba bamwe ka bacire kulyazizawo, mi yu yumwe mufu injara ,zini yu yumwe mu dakwa , ²²Kana ni banjemwa mayuwo muni tyelyi kalyira indi kunwena mo ? ,kapa nati shwawura ngaho i kereke u redzya ? mi nati swabisa ba banjemwa mbunditikya kokunwe ? ndi rumbe ?kuzopa yemwa nda kuni rumba .²³Mi yeme ndata tambura kushikyati, shinda nipa ndico ,mi kana kutyikya shikati jeso mu masuku ngapana nga mata vetekuwa mata isa i cira. ²⁴A kulyi tumera a ku camara-camara ,akutikya ni ise nilye wopa mumbiri anga i wavunjelyiri yenwe ,nipange akyopa ni ndi yanakane shaco .²⁵Shi mukwa i wangahopa puvara kurera akuisa shuniso ,mi akutyikya , shiniso copa vulyikani wowupiya ,mwigazi anga ,ni pange akyopa puna tinwa mo ,atikya punakwisi akyo nakuni yene kyenao. ²⁶Mi inako koyo puna kulya i cira copa mi kani ti nwena muni shinwiso copa ,she ibe mbuna kuhweta zurufu rwa shikati kufitera pushayera .²⁷Shi mukwa wopa u mutu nu mutu isha lya kwicira copa indi kunwena mushi nwiso copa shi mukwa i wahatitishirwa ,shave ni mafosisa i wumumbiri indi gazi a shikati . ²⁸U mutu nu mutu a lyiremuhe ndi mo ,mi cware alye kwicira ,mi a nwene muni shinwiso copa . ²⁹Mi kuya matyilya indi kunwa a hati remuhe mumbiri wa shikati ,mi mati lyilyira indi kulyi nwena ikaturo . ³⁰Shi lyivaka lyopa kuna va venji i bati fokora mwiknyo lyenu indi i batimashira ,mi vavenji kali vata fwa .³¹Kambe tatyi lyitatuba tswe a beni ,kambe na kamuni sheti aturwe . ³²Mi takuyaturwa kushikati tatyi tina lyikutye kokukye akya tisiye kuya kuyaturuwa nu lyuvu³³Mi he bakwanga nishi kopanera kulya nilyi lyindire . ³⁴Mi u mutu i mafu injara a lye kumuzi,akutikya kukopana kwenu kusiye kuni shanganisa i katuro ,mi zintava zizimwe zimata ñwara shendi zirukise pushi ndakuya .

¹Kwamana indizimpo zu mupupo wumucena bazatubanga,ema ndakushaka akya nisiye kuha yiba. ²Ni yizire atikya pukalini bahedeni,na rukwendiswa shi milimo ye mibbi ya hatihweta,mwinjira yina kwendiswa shawo. ³Cware ndati shaka atikya kuku umutu i matihweta shumupupo wu rezya imati kwana kutikya, Jeso mukutuwa ,kuku i mati kwana kutikya jeso i shikati , tana shimupupo wo mucena.⁴Papani tina zimpo zati cicana ,kono mupupo wa tufwana. ⁵Hape kuna zi kawuhano ku miberiko kono Shikati matufwana, ⁶Hape kuna miberiko yati cicana ,kono Urezya matufwana imati zipanga atikya zikwanahare kuyuyumwe.⁷Papani kuyuyumwe a pewa kumwanahara kupewa kumupupo zimpo kowo. ⁸kuyuyumwe apewa kumupupo mai nguwu tali,kuyuyumwe mai ngamano shi mupupo wati fwana.⁹Kuyuyumwe apewa itumero shimupupo watu fwana,kuyuyumwe impo iyu kupwelisa shi mupupo muxiki. ¹⁰Kuyuyumwe apewa maata nguku panga zisi, yuyumwe wuporofita.yuyumwe kuketa mwikyo yumupupo,yuyumwe mishowo yati cicana-cicana yuyumwa kutoroka zindimye, ¹¹Yuyumwe indi mupupo wa tisebeza muzopa kozo ,kupa zimpo kuyuyumwe muwati shashira.¹²shikutikya mumbili muxiki kono wuna zirama zizinji ,hape kowo zirama zizinji zimumbili wa tufwana,wuna ku keresite. ¹³Shumupupo muxiki kwetu tata korobezwa mumumbili muxiki ,kapa mujuda kapa mugerike ,indi yu mushimina kapa kurukuruha,kwetu tata panguwa kunwa kumupupo muxiki.¹⁴Shikutikya mumbili paka shirama shixiki kono izinji, ¹⁵atilikondo lyatikya, shikutikya kandilyanja ,pakandi shirama shimumbili,ishumumbili nanga ndipakyo, ¹⁶Atiliti lyatitikya ,shukutikya kandi lisho ,paka ndishi rama shumbili,nanga ndipakyo zi rama zumumbili, ¹⁷Ati mumbili kowo kambe ilisho ,kamba amano ngukuyuvwa kamba ngana kure,? ati mumbili kamba liti ,kamba kuyuvwa mushuni kuna kure?¹⁸Urezya mata bika zirama zumumbili kwenda shamata zipanga, ¹⁹kamba kutikya kozo zirama zaku fwana kamba mumbili wuna kure? ²⁰Cware zirama izinji kono mumbili muxiki ngaho.²¹Ilisho yemwalyakukwana kutikya kulyanja,yemwandakuku shaka,nanga mushoro kuhweta kulikondo atikya yemwa ndakuku shaka, ²²Kono zirama zumumbili zatimwanaha wutoli zina wutokwa, ²³Hape zirama zumumbili zitati hupura akya zati sepahara,nanga titizipa likute,ndizita ti kutyeka ahuru,kono kozo zirama zina ituso yinkuru, ²⁴Cware zirama zati mwanahara zitati mwana atikya ziku likute ndizina likute kukitira ,shukuti kya urezya mata zikopanisa zirama paxiki ,hape a kuzipa likutye lyati kitira za hati rara.²⁵Matapanga akyopa, kusiye kuba ni kukawuhana mu mumbili, akya zirama zili babarere shiswanero yatiswanera. ²⁶Hape shirama shixiki shishi masiza kozo zirama zatimasiza paxiki. kapa shirama shixiki shishi kutyekuwa kozo zirama zatitaba paxiki ²⁷.Cware mumbili muxiki koku keresite, indizirama ni shirama.²⁸Urezya mata yirika mwikereki wintanzi bapositora wuwubiri baporofita, wuwutatu baruti indi batipanga mata ngu zisi ,indi wuzi mpo zuku pwelisa indiba titusa,indibati panga mibberiko iyiwuyendisi ,indi bati hweta misho yati cicana. ²⁹kowo mapositora?kowo maporofita? kowo maruti? kana kowo bana mata ngukupanga zimakazo?³⁰Kana kowo bana zimpo zikupwelisa?kana kowo bati hweta zindime?kana kowo bati tarusa zindime ³¹Nishakye zimpo zezi kuru,hape shandini qxe zizinji zezi qxa mwinjira.

¹Shikutikya ndatihweta shirulyime urwa bato indi mañiroyi. Atikutikya ndi muku lyirato.Ndatipanga lyirata nokoti shilyimba. ²Shikutikya ndina impo iyiwu porofita indi kuyuvwisisa izito iza lyizika izi wuniti, inda mano,indi kuba ni tumero iyukudzisa marundu. Ati ndi muku lyirato ndi muku shindina nakyo. ³Ati kutikya ndatipa zindina nazo ku baba hungwe, indi kupa mumbiri nga atikya wupisiwe ati ndi muku lyirato kuku shi ndatishangana.⁴Lyirato lina ziqxuma indi kuruka. Lyirato yemwa lya kulikumusa. Kashikulyukumusa. ⁵Kapa mahanyi kashiwe ,wumune,kashuwupuba kumenga,kapa kulyi bera wubbi. ⁶Yemwa ya ku tabisa bahali ba cena. Yemwa ba kuli tabisa mwi niti. ⁷Lyirato lyati zika izito kozo.indi kutishira izito kozo.indi sepo kwi zito kozo, indi kuyuvwi sisa mashando kozo.⁸Lyirato yemwa lya kumana,atikuna wu porofita kuti, shiwumane.indi rulyime sherushitye kuhwetuwa, mano, shangaye kuku mana. ⁹Shiku tikya kuyiba kwetu ikuru pati, indi wuporofita wetu ingurupati ruqxiki ¹⁰.Zinako zozuworushika puza kuya,kuha mana sheku mane hapye.¹¹Pukalyi ndimupundi, ndaku hweta notikya mupundi,ndaku hupura notikya mupundi, ndaku yanakana notikya mupundi. Pundakuba ndi mukuru, ndaku bika iziwu pundi kurupati. ¹²Shapapani kamuni ndikumwenise mushimponi, kono shishifateho ni shifateho.Ndiyizire rupati rurumwe ngaho. kuti ndi yibe shikuyira shumata ndiyiyiba. ¹³Zopa zitatu zati kara akyopa, itumero, isepo iya kuwuso,indi lyirato.Sheshikuru kuzopa lyirato.

¹Ni tundamene muni lyirato ,i ndi pukuna, ni shukyere zimpo i zi mupupo, shihuru iyu buporofita. ²Mi ya matihweta zindime ,ama kuhweta na bato mati hweta nu Redyza ,kakuti kunjemwa yama tumuyuvwa ,mati hweta i zahati yibiwa mu mupupo . ³Ya matiporofita matizira a bato iza ti dzini kawo ,izi ku kutaza izatyi gisa mutima . ⁴Ya matihweta zindime mati dzinikawo yumunye ,mi yama tiporofita matidzini i kereke .⁵Ndara kushaka akya kwenu ina tihweta zindime , nanga kukitira popa , ndara kushaka akya ni porofite ,kakuti yamati porofita ana kuwuso kuya mati hweta muni zindime ,[nakana u yumwe katitoroka akya i kyerekye kwene kudzinuwa], kono pani ,nwe bakwanga akya ndiye kuhweta mu zindime zina hati yubwa , Mi he bakwanga ndakuya kuhweta kunwe muni zindime ,shikya shishe ni shangana po ?, ⁶Yema ndakukwana , na kana kanditi hweta nanwe ,kwizuto iza ta tandawurwa . kapa shi zivo kapa wu porofita kapa kuruta .⁷Inka kusire kwizuto i za hatipara i zina murumo mutsiki tandi kapara ,kapa kambuli ,ati shezi lyilyisiwe murumo mutsiki ,ingahare shekuyibiwa akya kwa lyilyisiwa pala kapa kambuli? ⁸Ati torombita she i lyilyisiwe shi murumo iwu mukawuhana, iwati yuvwahara naqxa, i yani kakulyitukisiza i ndwa? . ⁹Mi shumukwa i wa ngahopa indinwe ati yema na kulyeta shuhuru izimwe zintaba iza ti yu bwahara, ingahare she kuyibiwa i shati hwetuwa ? she ibe nati li hwetira mu mupupo .¹⁰ Mu lyuvu kuna mi futa iminji iyi zindime ,mi kunjemwa shilyati toraka. ¹¹Mi ati kandi izire kulya tyenda lyiyi , kutitindibe nokoti u mutu yo mukyelyira ,mi ndiya yama tihweta kume indiye mukyelyira .¹²Cware yenwe shina puna tukufalyeri kwisi izuto izyi mupupo , ni shakye kuyinjipa i kwati dzini kawo i kereke . ¹³Ya mati kwana kuhweta zindime a rapere akya a kone kutarusa . ¹⁴Kakuti ndishi rapera kandi tyi hweta zindime ,mupupo anga watirapera kono i kutisiso anga ,yema ya kusebeza .¹⁵Cware ndikyare pani ? shendi rapere shu mupupo ,indi kurapera shi kutwisiso ,shendi yimbe shu mupupo indi kuyimba shi kutwisiso, ¹⁶Indi pumatyilyi tumera ku Redzya shu mupupo , indiya bana popenje ingahare baku hweta ''amen''. Indi puka kuli tumera ati kayi ka izire shi matihweta?¹⁷Injahamu yewe mati litumera naqa .kono yu yumwe a makwidzini kawo . ¹⁸Ndati lyitumera ku Redzya ka kuti ndati hweta mu zindime ku nibbara. ¹⁹Kono muzi kereke ndara kushaka kuhweta mayi nga manalyanja shi kutwisiso anga ,akya ndikwene ku hweta mushowo i wa hatiyubwahara ku mayi inga tikaya mo 10 000 .²⁰Bakwanga ni siye kuyanakana ndati ba pundi, kuzi runya ni be tandi bapundi ,mi muwutali ni be ni bakuru. ²¹Kwata ñoruwa mu murawo,shendi hwetye ni shicava sha bato u mushowo irwezi ,indi shi miromo abato barwezi ,mi indi popa kamuni sheba ndiyubwe me, ku hweta shikati.²²Mi nanga ndipakyo zindime shi supo,ka kuiba tishira kono kuiba hatyityishira ; zini wuporofita shisupo,ka kuiba hatyityishira,kono ku barumeri. ²³Cware i kereke koyo ati ya kopana, mi kowo ,mushibaka shi cimwe ,mi kowo bati hweta zi ndime indi pukwakunjena ,kapa ndi pukwakunjena a bato i baxhu i zibo .Kapa i ba hacire kutishira ,mi basiye kutikya na ti puka²⁴Kono kowo bashi porofita ,indi pukwakunjena ya hati tishira kapa yaha yi zire, mati kolyisa kokuwo,shuyaturuwe kwi zuto kozo za mati hweta. ²⁵Za zukuwa iza muni mutima akye za tandururwa mi shawulye puwuso shipata, mi a kubamere Uredzya ,mi a hwetye atikya, Uredzya ana nanwe.²⁶Kukyaruwe bakwanga ? ndatitikya ;ni shi kopana u mutu nu mutu kokunwe shabe nuruyumbo kapa ituto ,kapa intaba ya tandururwa ,kapa zindime ,kutarusa mandime izuto kozo zipanguwe shi kwidzini kyerekye. ²⁷Ati kuna i bati hweta zindime ku hwetye ba biri kapa batatu shu kupuwa shibaka akya u yumwe a taruse. ²⁸Mi ati kunjemwa yama titoroka ni siye kowo batupo muni kereke ,nisiye u mutu kweke ali hwetire yeke koku Redzya ,²⁹Kuzirwe ba porofita ba viri kapa ba tatu ba bamwe ba yature i shatihwetuwa . ³⁰Yu yumwe kokunwe ku ibasise ashi puwa kutandurura iza paturura , yuyumwe ikaku hweta ati qxamwii.³¹Kakutyi sheni porofite kwenu shukulyipa shibaka ,ndi kutikya kwenu ni rute ,mi kowo bakutaze ³²Mipupo aba porofita ya tyendusuwa ku baporofita. ³³Kakuti Uredzya kanju mifilyifilyi kono injwi kozo, inka mwatisiwa muni zikereke kozo iza ba rumelyi.³⁴Mi bakazi ba tupo muni zi kereke ,yama bakutishirwa kuhweta, mi batiswanera,kuli bika kwinshi shina puwa tihweta murawo. ³⁵Ba shishaka kutalifera shicimwe ba akwuze ba bebawo kumuzi kakuti kwatyi runa bakazi kuhweta muni zi kereke . ³⁶Kana kutikya lyiyi lyu redzya ku lyata kalyera kuya i ko kunwe ? kapa inwekye ngaho lyata shangana?³⁷U yumwe ashi lyi mwana wu porofita kapa u mutu yana mupupo ,a yu bwisise akya zindati ni ñwera i taero ashikati. ³⁸Yu yumwe ati yama ku yubwisisa a shitye .³⁹Cware ba kwanga ni twere mitima enu nanyina ku kuporofita, mi nisiye kuyibara ku kuhweta zindime. ⁴⁰Mi izuto kozo zirasiwa indi shi murawo .

¹ Ndati mihupulyisa burumiwa bunda kutaza kokunwe buna tayamuhera ,ina gipiri kuyo, ².Yina tipalwisa kayo ati naiburuke ati yo ndamisumushiri ,ati ngahopa kuti shira kwenu kujemwa ituso.³Kakutyi zizimwe; ndamipi shinda zimuheri indime ;atya Kresite matafwa shiribaka lyizibye zetu ,shimanoro ngati hweta ⁴.Ndikutikya mata zikwa ,mi amati tambuka lyiva lyubutatu ,shi manoro ati hweta .⁵ Ndiku tyikya mata mwanwe indi Kefasi ;indi babalishumi sha baviri bata mumwana ⁶.Kuwuso matimwa inako ixiki ba lumeli bati kita batibbara mashumi ngamana lyanja uwujni wabo bushi para babamwe bata fwa. ⁷Kuwuso mata mwana i Jakowo indi ba Apositola baku mumwana .⁸Ku mamenisizi , akuya kuli mwanahaza kumye, nokoti ka mbututu kapa kuwa mwinako yahalyi ndiyo ⁹.Mi yemye nduyo mudana kuba Apositora. Mi yemwa nda kuswanera kubyerwa mu Apostora kakuli ndata shandisa i kereki yu Urezya.¹⁰kono shishemo shuredzya pundalyi ndico mi shishemo shakye kokume , ndasebeza nanyina kuba bbara kowo. Pakame kono shisemo shu Rezya shina kokume ¹¹.Nanga yeme ,indi bo ,ico tiruta shukutikya ba shitire .¹²Mi pukwati rutiwa akya Kiresite mata tambuka ku bafu ,shikya bati hweta babamwe kokunwe akya kujemwa i zuho yababafu? ¹³Shyiva kujemwa izuho ya bafu cuwa Keresite yemwa tambukye. ¹⁴Kambe Keresite yemwa tambukye, i tuto etu injemwa ituso indi tumero utu ijemwa ituso.¹⁵Hape kuti tishangane akyi tyizipaki zyu Rezya, i zyi mbuzi, kakuti tati paka akya Uezya mata tambusa kiresite zini yama mu tambuse ¹⁶Ati bafu yemwa baku tambuka, Kresite indye yemwa ta mbukye . ¹⁷Atyi Kresite yemwa yemwa tambukye, itumero enu inku i tuso ,mi ni shina muzyibwe zenu.¹⁸Ndi kutikya bata fwera ku Kresete bata fwerila. ¹⁹Ati tasepa Kresite muvuparo bopa ngaho, tiba mayi kubbara batu kyowo.²⁰Kono Kresite mata tambuka ku bafu, miye ndirya pili ryabafu kowo. ²¹rufu purwataya shu mutu mutsiki, indiyo izuho ya bato yataya shu mutu.²²Shi kutitya abato kowo pubatifwa sha Adama, sha kyopa abato kowoshe bapare sha Kiresite ²³,Kono umutu undi umutu shatambukye shi nako akye, Kresite ndiyu ntanji;i ba kresite she batambukye pusha kuya.²⁴MIi shekuye ma nisizo, i nako pusha bika muwuso mu mata a mulyumo a tatye, pusha kumana wurena indi muwuso kowo, indi mata ²⁵.Kakutyi mati swanera ku busa kutwara pusha bira zira zakye mu makondo akye ²⁶.Shira shama menisizi, shisha menisiza rufu .²⁷Shikutika shikati mata bika izito kozo mwikyo lya makondo akye , mi tikya ''mata bika izito kozo'' Ichena akya amaya ku kopanya yopa yamata bika izuto kozo kokukye. ²⁸.mi izuto kozo pukalyi za bikiwa mwinshi lyakye ,mi yeye u mwana mbwa bikiwe muta matakye, Zopani shazi rasisini atikya Urezya Tatye abye yekye ngaho.²⁹Shilyi baka lyikutikya bati korobezwa shilyi baka lya ba vafu, ati bafu kamuni shaba tambukye, shikya zini pubati korobezwa shawo? ³⁰Mi inditswe shikya putatyi para zikozi za mayiba ngapani kongo.³¹Ndatifwa liba ni liba, chopa ndishindati chenisa shuli kuli kumusa kunwe, bakwanga, atikya ndisitye Jeso keresite shikati etu ndati tikya ndina mwi kozi i yurufu shilyiba ni lyiba. ³²Shikya ndati shangana, kuku lyayisisa izuto zu mutu, Ndata lwana indi shibatana mu Efese, ati bafu yemwa ba kutambuka ,tilye ndi kunwa kakutyi lyakuca tatifwa.³³Nisiye kulyi ki taka ''Shiyangu sheshibbi shati sinya Izuto. ³⁴Nilyiremuhere nipare shu kuruka mi, nisiye kukezira bubbi .kakuri babamwe baku izibo yu Rezya ndati ni zira akyopa aca niswewe.³⁵bamwe she ba hwetye ingahare bafu sheba tambuka? sheba ye ni mumbiri i wa ingahare? ³⁶,?Kurakini amano kwe shi mata kuna yema sha kupara na kashi tufwa.³⁷Ushi kuna mumbiri ka mumbiri wopa ushe uya, zitanga zati bika. zati kwana uroto kapa ichuto ngaho. ³⁸Urezya shape mumbiri tandi shamata kyeta, hape ku itanga ni tanga ni mumbiri atyeni. ³⁹Ka nyama koyo yati fwana.kono kuna mumbiri muxikyi i wumutu, indi yiyimwe mumbiri uba nyawuya, yiyimwe mimbiri uzini, yiyimwe yizu Shwii.⁴⁰Kuna mubiri wakulyiro indi mumbiri wa peshi kono rumweni i ru mimbiri yakulyiro rwaticicana indi lumonyi lyi mwi imbiri ya papeshi ⁴¹iyi lyiva rwaticicana indi rumweni iru mwezi, indi yizi ñyata, kakutyi inyata iyimwe yati cincana ni nyata iyimwe ku rumweni.⁴²I ndi kutambuka kwa bafu she kube akyopa ,mumbiri i watikunuwa ushi bbwara,she utambukye ka mu bboro. ⁴³Wati kunuwa wati nyanyisa she utambukye ni rumweni,wati kunuwa shu kufokora she utambukye ni mata. ⁴⁴Wati kunuwa nelyi nyama yu mumbiri wu mupupo kuna ,kuna mumbiri iwi nyama,hape kwarana mumbiri iwi mupupo.⁴⁵Kakutyi kwata ñoruwa atkya u mutu iywi tanji adama mata panguwa shumupupo i watyi para ,mi Adama iywa ma menisizo mataba wuparo wata pewa mupupo. ⁴⁶kono mupupo ama wuye piri, kono wataya ngaho, indi mupupo⁴⁹Umutu ywu iyu tanji kalyi nju lyuvu, uyu muvu ,i yu bubiri kalyi unji lyiro. ⁴⁷Shasire iyu lyuvu induwu lyubu inka basire, shasire iyu lyiro indi wulyiro inka basire. ⁴⁸Shina puta dzata shiswaniso i shumuvu ,shetirare shi swaniso shilyiro akyopa.⁵⁰Cware pani bazato bangu ndatikya inyama indi ngazi yemwa za kwana kuyora sanda shumuwuso wa murimo, amakwaku kwanahara atikya ishati bbwara shiyore ishahati bbwara. ⁵¹.Nilyaye ndati mizira, zezi zukuwa zi niti: Tibaku kufwa kwetu ,kono shati yaru mukye.⁵²Mwi nako intsikyi shukukwapa kwilyisho shintorombita yatilyira shi mulyira shi murumo o mukuru ,mi bafu she batambukye mi ka bashibbwara mi inditswe ,mi inditswe sheti fetuhe. ⁵³I swanero akya sheshi bbwaara shidzatye kwaha bbwara,mi mimbiri yati bbwara shayi rare kwaha bbwara.⁵⁴Inako yopa sheshi bwara she shi dzatye kuha bbwara she shi fwa shi dzatye kuhafwa popa cware kuti ku ezahare lyiyi lyata tikya rufu rwata minuwa shu , kutura ⁵⁵Yewe rufu kukyira kwe ndikure, yewe rufu shi bburazo cwe kure ?⁵⁶Sibburlyiso sh rufu shi bee ,mata u ngu rufu murao ⁵⁷Ndalitumela ku kurezya yamatipi kuyira sha shuikati etu jeso kiresite⁵⁸Cware bazato banga bundatishaka ni gipe nisiye kunyangasa ni gipire, kalina yiba atikya musebezi a Shikati wusiye kuba wimbuzi

¹Ku zi [koreko ] izatyi panjirwa barumelyi ,nipange mundata irayerera zi kereke i za galatia. ²Mwilyiba ilyitanji rwisunda u yumwe nu yumwe kunwe a bikye kuru pati i kokukye, shama kopyanya shityi kanyo, panga akyopa atikya kusiye kuya kuba ni koreko pusha kuya.³Pushanda kuya, kwekye ishani tishira shendi batume indi mañoro akya ba twere zumpo ko jerusarema . ⁴Mi ati kwatiswanera yeme ndiyende ,sheba yende name .⁵Shendiye kunwe pushindakuya kwenda mo masedonia ,kakutyi shendiyende shinjira iya masedonia . ⁶Tama shendisikame nanwe shibaka sheshire shendi sikame nanwe indi pushipepo ndi kutikya sheni ndituse kundi sindikiza kushendi yenda .⁷Mi ndara kuyanakana akya kuni mwana popani mwi nako ince ,mi ndati sepa akya shendisikame nanwe mayiba nga menji shikati pusha kutishira. ⁸Ndisise mo ifese kutwara ko pentekonta. ⁹Kakuti ndata yazwira mo mumbero,o mukuru i wu musebnezii wati dzwera kuwuso mi ibatyi kakana a benji .¹⁰Pukakuya timoteya ni mwene kya a sikame kunwe kunjemwa shamati ywapa. ¹¹Mi kusiye kuba nu mutu ikaku mu shwawura ,,kono sheni musindikize shi kozo akya kwene kuya kokume ,kakutyi ndamulyindiri ni ba kwanga. ¹²Hailyi Apolosi mwana a ba kwetu ,ndata mu kutaza kakyenji atikuya ayende ko kunwe inda bana ba bakwetu kono ya matabere tindi kantsenene kulyeta popani ,sha yende pusha kushangana shibaka.¹³Nilyaye ni gipe mwi tumero ni be na banna ,ni be ni xhumu. ¹⁴Zintaba zenu kozo zinatisi ni zisi shilirato.¹⁵M i ndatyi ni rapera bakwanga ni izire iwu njuwo a sefenansi ndi mi tamuno ya Akaya indi kutyikya ndata sikama na ku ba bberishira ba rumeri . ¹⁶Ndatyikya ni yubwe a bato i bangahopa indi batyi bberika natswe musebezi mutsikyi .¹⁷Ndataberi kuya kwa sitefana si ni fortunato indi Akaiko kakuti batandi tusa mwinako pukaru kuku nwe. ¹⁸Ba pumulyisa mutima anga indi wu wenu ni tishire i batyi panga a kyopa.¹⁹Zi kyerekye iza Asia zati rumelyisa ,Akila indi purisira indi kyerekye iya mwinjuwo awo batyini ni rumelyisa ahuru kuredzya . ²⁰Bakwetu kowo ,batini rumelyisa ni rulyimyelyise shulyi ntsupita ko kucena.²¹, Kurulyimelisa inku lyanja lyanga yeme pawurusi. ²²Ati kuna u mutu ya hati shakya Uredzya a be anatema maranatha ,Uredzya matyiya . ²³shishemo sha shikati etu jeso kiresite shive nanwe. ²⁴lyirato lyanga lyisikame nanwe kwenu.ku jeso kiresite ,Amen.

¹Paulusi, mu apositola- kamu apositola kudzwa ku bayeyi a muyimini abayeyi, kon mudzwa ku Jeso Keresite indi Urezya Tatye, yamata mutambusa ku bafu- ²mi indi kowo bazatu ni bakuru namye, ku zi kereke za Galata:³Zuxuma kunwe indi shixamu ku dzelira ku Rezya Shetu indi Shikati etu Jeso Keresite, ⁴yamata lipa ku wubbi wetu atikya tiyakuwe ku wubbi waciciba, shuku shaka ku Rezya indi Shetu, ⁵wu kuru ungwakye ku twara mameni sizi. Amen.⁶Ndara dzuwu atikya kali mati muyaru mushira kashunu pani yamata nibera shuzuxuma za Keresite. Ndara dzuwu atikya kali nati yaru mushira ku mayi marwezi, ⁷Paqha ku tikya kuna mayi marwezi, kono kuna bayeyi batini tswenya indi ku shaka ku yarumuna lyiyi lya Keresite.⁸Kono nanga ku tikya yetswenanga liñoroi lya ku lyiiro atikya lyu hwetye lyiyi lyita hara ni ziira, aku tuwe. ⁹Ngashi tata hweta katandzi, tati hweta nangweza, ''Muyeyi aku ni ziira lyiyi lyinahata yuvwa ko kutswe, aku tuwe.'' ¹⁰Kana nati shaka ku yiminwe ku muyeyi kapa ku Rezya? Kana ndati shaka kwidze kawo bayeyi, Ati ndishi kwezira kwezira kuradze kawo bayeyi, paqha ndu muvuya a Keresite¹¹Ndati shaka atikya ni yibe, nwe bakuru banga atikya lyiyi lyi ndati hweta paqha ndi muyeyi. ¹²Yemwa ndili shangane ku muyeyi yire hali yire, nanga ku rutuwe ku muyeyi. Ishikwi qhewa sha Jeso Keresite ku mye.¹³Nata yuvwe zu wuparo wanga wa katandzi mushu Juda, ngashi ndali ku shandisa i kereke Urezya ku kyitiiza indi ku tikya ndali kwiqhaba ku ibbura. ¹⁴Ndata dzera pu wuso mushi Juda ku bbura kowo ibali zataka zanga, papakati lya bato banga kowo. Shandaru ku kulisa nanyina akyopa shuzo shaba shemuzi banga.¹⁵Kono Urezya, yamata ndiwumba muwura wabama, indi yi matandi byera shuzu xuma zakye, ¹⁶Ndataradze kundi sumushira za Mwanakyee, atikya ndi kutaze izakye ku bayeyi lyuvu kolyo, yemwa ndipwere ku wuza shu mumbiri kapa shama rwapa. ¹⁷Yemwa ndiyendye ko Jerusalema kubataraqho barutiwa puwuso wanga. Shindtarasi, ndata yenda ngaho Galilea indi ku shuka ko Damaseka.¹⁹Mu lyuqho lyizi mwaka zitatu ndakwenda ko Jerusalema atikya ndikayibe Kayafa indi ka sikama nakye mayiba ulyi kumi indi mayiba amana lyanja. ¹⁸Kono yemwa ndika mwene barutia nakana Jakowo, mukura Shikati. ²⁰Kuzindati ni ñwera, ndati ni zira injahamu puwuso wu Rezya amanda ku kyitaka.²¹Kudzwapo ndakwenda muziqha za Siria indi Silisia. ²²Kandara cire ku yibahara shushi fateho muzi kereke za Gudea indi izina ku Keresite. ²³Baru ku yuvwa ngaho zama sumusizi, ''Murwa ikaru kuguni kali mati kutazazu hweta zeziqa zuku tishira zakuli ku shaka ku bbura.'' ²⁴Mi baku rapera Urezya shilibaka lyanga.

¹Ku wuso pukwaru ku kwita zi mwaka zuli kumi indi mwaka inee ndaru kwenda ko Jerusalema ni Banabasi, taku yisa Tite natswe. ²Ndakwenda shuku qewa indi kubika pu wuso wawowu rumiwa wondata hweta pakati lya wulyuvu. Ndaku hweta kurupati kubaru ku mwanahara atikya bakuru indi bayendisi, atikya kube atikya zindarasi zi siye kuba zeziku ituso.³Kono mani Tite, ikarana name mi ikali mu Gerike, mata kakatizwa ku tsuruwa. ⁴Tatarasi akyopa shaba kwetu ibataya shuku liyiba atikya iba yise ituku ruho etu ku Jeso Keresite. Baru ku shaka kuti panga ba vuya, ⁵kono amati shere kuwo muka kanda, atikya injahamu yilyiyi ikare natswe.⁶Kono baru ku mwanahara wu kuru (zubaru kwisi kazaru kundi bbiraeza, Urezya ama kwisi zahali ndizo) -zopa, Ndatikya, yamati mwanahara wukuru ku njemwa shamati yekyeza kume. ⁷Meni, baku wana atikya ndati shaka ku hweta lyiyi kubapa bahata njena mu mupato, tandi Pitrosi karu ku shaka ahuru ku hweta lyiyi ku bayeyi bata njena mu mupato. ⁸Ku Rezya, yamata rasi kuba apositora kubapa ikali batsura, mati sebeza kume mu Hedeni.⁹Pu Jakowo, Kefasi, indi Johani, babagi ziqha, bata lyemuha zixuma kawo zata pewa kuwo, batili pata ku manja ikhamu kwiqe wumbiya yeme indi Banabasi. Bata tishizana kwenda ku wulyuvu mi bayendye kuwu mupato. ¹⁰Bata ringira atikya tiyana kane babahungwe, ichuto chwekye ngaho shindata zirwa kwisi.¹¹Kono pu Kefasi karu kuya ku Antioke, aku mukaka nisa pu wuso wa bayeyi shuku tikya karu tikya maraxe kawo. ¹²Pu wuso wu murwa yuyumwe ikaru kadzwa ku Jakowo, Kefasi karu ku lya niba Hedeni. Kono pu bayeyi babamwe baru kuya, aku siya kulya mi akuzwa kuwo. Karu kuywapa bapa baru shaka mupato.¹³Indi ma Juda babmwa bata lishanga nisa ni batili mwana (balipa). Nanga i Banabasi bata mutwara ku ku zimina shuku lipa kwawo. ¹⁴Kono pundaru ku mwana atikya shubatisi amazaku chera wuru miwa winjahamu, Nda kutikya ku Kayafa pu maso awo kowo, ''Ati umu Juda kono mati para tandi wulyuvu mi katandi mu Juda, ingahare utyeri ku kakatiza atikya wu lyuvu bapare tandi ma Juda?''¹⁵Yatswe tima Juda shuku pakuwa mi ka bayeza libi wu lyuvu; ¹⁶Ehee tiyi zire atikya ku njemwa muyeyi yushu yakuwa shi misebezi umurawo kono shu tumero ku Jeso Keresite. Inditswe taya shi tumero ku Jeso Keresite atikya shati yakuwe shi tumero ku Keresite mi kashi misebezi u mirawo. Kuku mu mbiri ushawu yakuwa shu misebezi umurawo.¹⁷Kono ati, putishi shaka ku chenu suwa sha Keresite, inditswe tati shanganeha kuba bayeza libi, cware Keresite mata babaza shibe? Yemwa! ¹⁸Cware ndakwi qhini nangweza zindata wumbara, ndatiqe atikya ndati vungara murawo. ¹⁹Shu murawo ndatifwa ku murawo, ati ndipare Urezya.²⁰Ndata bambuwa ni Keresite. Kali kame ndati para, kono Keresite mati para kumye. Wuparo wundati para mwi nyama ndati para shi tumero ku Mwana Urezya, yamatandi suna mi indi kulipa kumye. ²¹Amanda ku bishira kuru pati rusuno ru Rezya, ati ku tikya ku chenusuwa kuti shanga nuwa shu murawo, cware Keresite matafwa mahara!

¹Nwe Malata babagigi! I yani mata nirwa? Kali imwa mesho enu Jeso Keresite amata bambirwa kaniti mu mwana. ²Chopani ndincuto shindat shaka ku lituta ku nwe: Nata ya muhera mupupo shi misebezi enu yi mirawo kapa shuku tishira zinata yuvwa? ³Ni bagigi? Punati kalisa shu mupupo, nati kamana shi nyama?⁴Nata shanda izuto zizinji mahara- Nokoti injahamu mahara? ⁵Tamatapa mupupo kunwe mi atikya mwikyo enu ni pange zi makazo kwisi akyopa shu mirawo, kapa kuyuvwa shitumero?⁶Tandi Aburahama ''Mata tishaira ku Rezya itumero akye yati berwa atikya ishiyama. ⁷Mwi njira iyati fwana, yuvusisa, ehe, akya bapa ibana itumero abana ba Aburahama. ⁸Mañoro, ngati mwenisa akya Urezya isha bike babakuru itumero ishiyama, bati ruta lyiiyi puwuso ku Abuburahama, atikya, ''Shayewe lyuvu kolyo shalyi fuyorwe.'' ⁹Mihe, ibana tumero bafuyorwa akyopa indi Aburahama, murwa ywi tumero.¹⁰Kowo ibatili tinga ku musebezi wumirao bana mwishi lyi shukuto; shuku tikya ku ñoluwa, ''Mukutiwa kwekye ngaho yahati cera izuto zozu ñoruwa mwi buka yu murao, indi kuzi panga.'' ¹¹Cware kwati mwanahara atikya ku njemwa isha bikiwa akya muruka puwuso wu Rezyashumurao, kakuli, ''babaruka bati para shi tumero.'' ¹²Kono murao ka tumero, kapa, ''Muyeyi ya mati panga musebezi wu murao mati swanera shawo.''¹³Keresite matati gusa mushukuto shu murao shuku panga ya mata kutuwa shatswe- kwata ñorowa, ''Muku tuwa kwekye yamatili shimina ku muti''- ¹⁴Atikya zu mbuyoti za Aburahama zati kuwulyuvu sha Keresite Jeso, atikya shi tumero ba yamuhere isepiso yu mupupo.¹⁵Bakwenga, Nindi siye ndi hwetye shukwa umuyeyi. shilikani nangi i shumuyeyi ati kali shagipiri shu urawo ku njemwa, yatyeri ku shibi shira kurupati kuekeza. ¹⁶Pani i sepiso yata hwetuwa ku Abburahama indi baywu kuru bakye. Ama yaku tikya, ''Ku baywukuru,'' kushusa kwi lyinji, kono ku yekye ngaho, ''mi baywukuru,'' Keresite i yani.¹⁷Pani shundati tarusa chini: Murawo, wataya imwaka ye 430 kare, amawa ku bishira kurupati wumbiya iwata panguwa ku Rezya. ¹⁸Ati kwi swena kwatiya shu murawo, cware kayi shiya shi sepiso. Kono Urezya matayipa ku Abburahama shi sepiso.¹⁹Shikya, cware, wutokwa wu murawo? Wata yekyezwa shilibaka lyu kubika izuto puru kandara, tana pusha baywu kuru ba Abburahama isha bakuya kwi sepiso yata panjirwa. Murawo wata bikiwa sha mañiroi shu muyimini. ²⁰Pani muyimini mabiki bayeyi ibati bbara mixiki, kono Urezya mixiki.²¹Cware murawo wati rwenisa i sepiso Urezya? Kangahopa! Ati murawo wapewa wati kwana kupa wuparo, kambe kuruka ni shakuye shu murawo. ²²Kono mañoro ngata yizira bayeyi kowo mushibe. Urezya mata panga akyopa, shuku tikya zi sepiso zati ya kura shi tumero sha Jeso Keresite bati kwana kupewa kwi bati tishira.²³Pani piri itumero kayi cire kuya, kali tarana mwishi ru murawo, tata shimi nuwa tana itumero pushaya kwi qewa. ²⁴Cware murawo watiba watiqe tana pushi Keresite isha kuya, atikya itiba ba bacena shi tumero. ²⁵Kono pani pwi tumero yaya, kali tuba njemwa mwishi linjenduso. ²⁶kwenu na bana wu Rezya shi tumero ya Keresite Jeso.²⁷Uwunji wenu inata korobezwa ku Keresite nata lirarika Keresite. ²⁸Kali kuqu Mujuda kapa Mugerike, kuqu muvuya kapa, murwa kapa murwakazi, kwenu niba xiki ku Jeso Keresite. ²⁹Cware ati ujwa Keresite, ni bayu kuru ba Abburahama, mi niyore kwenda shi sepiso.

¹Ndatikya imatara swana, pukali ishili mupundi, kuku pwati chichana nu muvuya, nanga ndiye umunu umu wuso. ²Kono ana mwishi lyiya matyendisa indi bati yimina tana kakanda kushe amata bika.³Hapye, putali tibadana, kali tu bavuya kwi zuto zi mirawo u lyuvu. ⁴Kono puku yiziriza kakanda kwa rukuya, Urezya aku tuma Mwana kyee, ku pakuwa ku mukazi, ku pakuwa mwishi lyumurawo. ⁵Matarasi zopani kuyaka ibana mwishi lyu murawo, atikya tikwene ku shangana kwi qharuwa tandi abana.⁶Mi shuku tikya nabana, Urezya mata tuma mupupo a Mwana kyee mu mitima etu, yamani bera, ''Abba, Tatye.'' ⁷Kali ni bavuya, kono mwana, mi ati u mwana, cware mati yora shu Rezya.⁸Kono mukakanda kapa, punahara chire kuyiba Urezya, nata panguwa kuba bavuya kubapa, shi qhumu awo, ka milyumo koyo. ⁹Kono pani punaya ku yiba Urezya, kapa atikya kali nayibahara ku Rezya, shikya hape puni shuzoromuka ku zuwubbimi indi zahali ndizo naqa zi mirawo? Nati shaka kuba bavuya kakanda koko?¹⁰Nati lyaya mayiba, i mezi yemipiya indi zinako ni mwaka! ¹¹Ndati ywapa atikya uyumwe mati kwana ku bberika nanwe mahara ngaho.¹²Ndani kambiri, bakwanga, nibe tandimye, indimye ndabi tandi nwe. Kuku shibbi shina ndisi. ¹³Kono ni yizire atikya kali ishi wutuku wu mumbiri akya ndata hweta wurumiwa kunwe ithanzi. ¹⁴Mundi nama mwani bika pukuni qaba, amani shitye kapa kundi hindika. Kono natandi chinjira tanokoti ndi linyiroi lyu Rezya, tana nokoti Jeso Keresite yeye.¹⁵Ikure zi mbuyoti zenu zina apani? Ndani sumushira atikya, kambe kwaru ku kwanahara, nana kusa amesho enu mi nindi pengo. ¹⁶Cwarehe, ndabi shira shenu shuku ni zira injahamu?¹⁷Bani pwera shiri atikya bani kome, kono puku ku libaka lyelyiqa. Bati shaka kuni kusa atikya nibe ibati qama zubati shaka wowo. ¹⁸Kuqa kiw qama izuto zina libaka lyelyiqa, kaku tikya tana ndishiba nanwe.¹⁹Bapundi banga babadana, nagweza ndati yuvwa wutuku wuku paka kunwe tana pu Keresite isha ku panguwa kunwe. ²⁰Ndati shaka kuba nanwe apani indi kuni yaru muna mawe anga, kakuli ndumu zierehera shanwee.²¹Nindi zire, yenwe inati shaka kuba mwishi lyu murawo, amana kwi kyekye ku murawo? ²²Kwata ñoruwa atikya Abburahama ana abana babiri, uyumwe ku muvuya akye yushu rwakazi mi uyumwe ku murwakazi akye. ²³Muxiki mata pakuwa ku muvuya shi nyama, kono uyumwe mata pakuwa ku mukaza kye shisepiso.²⁴Izuto zopani zati kwana ku toro kuwa tandi zunguli, bakazi babiri bati yi mina wu mbiya wu biri. wuwumwe ku rundu lya Sinai mi mata paka mupundi yu muvuya. Yopani i Hagarri. ²⁵Pani Hagarri mati yi mina lyu Rundu lya Sinai iyina Arabbia; mi ku yimina Jerusalema, mu vuya indi mwana kye akyopa.²⁶Kono Jerusalema iyina kwi lyiiro inja mahara, mi ndi nyinetu. ²⁷Ku ñwara, ''Radze, yewe yuhati paka; lira indi shupwira idze, yewe yuhati shanda ku wutuku wuku paka; shuku tikya abana babakazi bara xuwa abenji ku bbara bakazi ibana babe bawo.''²⁸Kono yewe, bakwanga, tandi Isaka, nabana wi sepiso. ²⁹Ku kakanda kapa yamata pakuwa shi nyama mati shandisa yamata pakuwa shukwenda shumupupo. Kwati fwana pani.³⁰Kono ingahare mañoro ngati hweta? ''Kusa mukazi yumuvuya indi mwana kye. mwana mukazi yu muvuya amaku shangana shiyemba kuku yora ni mwana mukazi ywama hara.'' ³¹Cwarehe, bakwenga, kata bana ba bakazi baba vuya, kono bati liyimina.

¹Shitu kuruho Keresite matati ruku rura. Niyimi shuku gipa, cwarehe, nangweza nisiye ku bikuwa mwi lyi njendiso ujokwe uwu vuya. ²Nilyaye, Mye, Paulusi, ndatikya kunwe ati natili bika nwabyenwe mu mupato, Keresite ku njemwa shaku shangana kunwe mwi njira koyo.³Ndani zira nagweza kwekye murwa ikakuli tishira ku njena mu mupato nduku tikya ara qama mirawo koyo. ⁴Natsuruwa ku Keresite, yenwe ishani cheniswa shu murawo; kanishiba namano ushi shemo.⁵Shumupupo, i Tumero, tatini tyeya atikya ni lyindire i sepo ichena. ⁶Moku Jeso Keresite kapa unju mupato hali kanju mupato ku njena shiyati toroka, kono itumero ngaho yati sebeza shuru suno. ⁷Naru kutiya naqa. I yani mata ni kusa ku kwi qama injahamu? ⁸ku susuweza kopa ama kwakudzwa ku kyee yamata ni bera!⁹Mu mena wo muche wati kwana ku zimbisa mi kamu. ¹⁰Ndati tishira nanyina ku Shikati atikya ni siye kuyisa mu lyairo wuwumo. Yamani guni mbwa life muramdu, kapa iyani.¹¹Bakwanga, ati ndishi hweta zu mupato, shikya pundi shi shandiswa? Mwi zuto izaru kundi chiya ku shifapano zata gusuwa. ¹²Tandi ku bapa ibani guni, Ndaru ku shaka atikya bali tsure wa byenwe!¹³Yenwe nata beruwa kwi tukuruho, bakwanga. Kono siye kwisi kawo kuruku ruha kwenu atikya ibe injira iyi wubbi; ibe, shuru suno kuyaka yuyumwe. ¹⁴Mirawo koyo yati yiziruzwa mu murawo muxiki: ''Shaka mukwe tandi shimatili shaka.'' ¹⁵Kono ati natili rumata mi indi kuli yimina, nilyaye kwinje atikya kaniba kuba bamwe.¹⁶Kono ndatikya, niyendye shumupupo mi kamuni ni yise zitakazo zi shibe. ¹⁷Shuku tikya zitakazo zi shibe zati rwenisa mupupo, mi zitakazo zu mupupo zati rwenisa mimbiri yi shibe. Zopani zatili rwenisa, atikya nisiye kwisi izuto zinati shaka. ¹⁸Kono ati natyendisuwa nu mupupo, nibaku mwishi lyu murawo.¹⁹Pani musebezi umu mbiri ushibe wati mwanahara: wushashi, wubbi, wuchunu. ²⁰Ku rangara ni bakazi babayeyi, wurwezi, shutoyo, zi fapano, lifufa, zikhani, ku tsukana tsukana, ku menga, muna, wuzyu. ²¹Wubbi, wudakwa, wudakwa pu mikiti, indi zizimwe izati fwana zopani. Ndani kweshira tandi shindata ni kweshira kare, bapa ibati panga izuto zangahopani kamuni shaba njene muwuso u Rezya.²²Kono zipata zu mupupo rusuno, kwidze, ku totiza, ku linda, wushiyama, wuqa, itumero. ²³Kuli kyeta, kuli kuma; kurwenisa izuto zangahopa paku murawo. ²⁴Bapa ibati wulya ku Jeso Keresite ba bambuwa ni mimbiri yi shibe ni miyanakano awo indi zibati shaka.²⁵Ati tati para shu mupupo, tikwezire tyendye shu mupupo. ²⁶Tisiye ku lyu mwana, kwi guni ba bamwe, kuli fwera muna.

¹ba kwanga, iti yuyumwe mapatuwa ku wubbi kowo, yenwe inina mu mupupo wo muqa nati swanera ku mushusiza mu mupupo wo mushayama. Ni libbiraere indinwe, atikya ni siye ku likuwa. ²Tili yakure ku wuzuwo kwetu, mi tiyi zirize murao a Keresite.³Muyeyi kwekye yamati yanakana atikya asitye achumwe kono munjemwa, matili kitaka. ⁴Kwekya ngaho alyayi sise misebezi akye, mi libaka likuli kakura izakye yekye kanu yuyumwe. ⁵Muyeyi kwekye shayise injira akye yekye.⁶Yamati zirwa lyiyi mati swanera kuli yaya izuto kozo zeziqa ni yamati zi ruta. ⁷Nisiye ku kita kuwa, Urezya ka lyukuwa, kocho shu muyeyi amati kuna, ndishisha vuna. ⁸Yamati kuna zitanga shaye ngaho mwi nyama, mwi nyama sha vune ku sinyiwa. Yamati kuna zi tanga shu mupupo, ku mupupo sha vune wuparo wa hamana.⁹Tisiye kuba ibati bbiraera kwisi zeziqa, mu kakanda kakaqa shati shangane muku vuna, ati kamuni shati sire pakati. ¹⁰Cwarehe, puti shina ni kakanda, tirasi wuqa ku bayeyi kowo, mani tandi kubati berwa kwi njuwo i tumero.¹¹Ni mwene mañoro nga menji ngundata ni ñwera shi linja lyanga. ¹²Wowo ibati shaka ku panga miyana kano yemiqa yi nyama bati lika kuku panga atikya ni njene mu mupato. Bati anga zopa ku ywasa ku shandu suwa shu shifapano sha Keresite. ¹³Indi puba njeni mu mupato amaba ku mamera mirawo, kono bati shaka atikya indinwe ninjene mu mupato atikya bali kakwire mu mbiri enu.¹⁴Kono amanda kuli kakura tana shi shifapano sha shikati etu Jeso Keresite, shu lyuvu lyatandi bambirapo, indime ku lyuvu. ¹⁵Kapa unju mupato hali ka nju mupato, shati lya yuwa ku panguwa shica. ¹⁶Kowo ibati para kwendi lira shu wuparo wo pani, kototura indi rusuno rube pwi lyiiro lyawo, nangi ipwi lyiro lya Isiraele Urezya.¹⁷Ku zwa apani kuku yamati swenera kundi kataza, ndayisa mu mbiri anga imaka a Jeso. ¹⁸Rusuno rwa Shikati Jeso Keresite rube nuru pupo rwenu, bakwanga. Amen

¹Paulusi, mu apositola a Jeso Keresite shuku shaka ku Rezya, ku bayeyi wu Rezya baba chena ibana mo Efese, bati tishira ku Jeso Keresite. ²Zu xuma zibe kunwe indi ku yuvwana kwatidzwa ku Rezya Shetu, indi ku Shikati Jeso Keresite.³Ku radzama Urezya Shetu hana Shikati Jeso Keresite, yamatipe shizipa koozo zu mupupo wa kwi lyiiro ku Keresite. ⁴Tandi shamata ti ketira kokukye, itandzi, ulyuvu kali chire ku xhutuwa, atikya tibe baba chena ibahati nyazahara pumaso akye.⁵Shuku shaka kwakye, Urezya matati bika manja atikya tibe tuba pundi shayeye Jeso Keresite, shuwuqa wuku shaka kwakye. ⁶Shukwi dzama kwakye, zitata shangana shukabira shuku shaka shitata puwa mahara koku kye muxiki yimati shakuwa.⁷Sha Jeso Keresite tata yakuwa shama rwapa akye, indi ku patyirwa zisizetu, kwenda shuwutsuzi wakye. ⁸Matali kambi shira zu quma zekye indi mi yanakano akye kowo.⁹Urezya matiti yanakanisa zizakya, indi zatati mwidzama, zamata raqe Keresite. ¹⁰Shuku lyaya kuyanaka kakanda, ku lyeta izuto koozo paxiki, koozo za mwi lyiiro indi za peshi, kuzi lyeta paxiki, nanga i Keresite.¹¹Sha Keresite tata tungurwa ka yisa rupati, shuku bikuwa manja kwenda shumwisi kowo bamata rasi shuku shaka kwa kye. ¹²Urezya mata yi rika yetswe, atikya timwi dzama, tswe wi tandzi kwi sep a Keresite.¹³Keresite, indinwe, punaru ku yuvwa mayi injahamu, zutu muwa zuku ni yaka, nata tishira kukye, indi ku toruwa shuku sepisuwa shu mupupo muchena. ¹⁴Yimata patisa shukwazango chetu, tana pushata ku tsuwa, kwi dzama ku liseli lya kye.¹⁵Shazopa koozo, nanga ndaru ku yuvwa zuku tishira kwe ku Shikati Jeso indi ku shaka koko ku Rezya yo muchena ku bayeyi bakye. ¹⁶Ku yemwa indi yi mike ku yanakana kwe zu Rezya tandi shinda hweti kuwe mwi patero.¹⁷Ndati ku rungira ku Rezya Shikati etu Jeso Keresite, Shaa liseli, anipe mupupo womu chena indi ku tandura izata zukuwa za mwamano akye. ¹⁸Ndati rapera atikya a mesho umutima we ngara qewa, atikya uyibe iqumu yu maberwa indi zu tsuwa zu bakwanga koozo ku bayeyi wu Rezya baba chena.¹⁹Muzi tapero zanga ndati rumba atikya uyibe iqumu yu wukuru wakye koku tswe itati tishira, kwenda shizisi zi qumu akye. ²⁰Woo nduwugyu wati fwana Urezya amatarasi koku Keresite pukaru ku mutambusa kuba bafu indi kumu sisika ku lyanja lyakye lyima khamumu lyiiro. ²¹Aku sisika Keresite ko shire nanyina, nduwu yendisi, indi qumu indi ku lyatirwa, indi ilna kolyo lyata rukuwa. Keresite shayendise, ka papani ngaho, indi mukakanda ika shiya.²²Urezya mata bika izuto koozo mwishi lya makondo a Keresite indi ku mupaikereke kuba mushoro akye kwi zuto koozo. ²³I kereke mu mbiri akye, shukuya ku kye tati yiziriza ichimwe ni chimwe.

¹Tandi kunwe, natafwa ku zisi zenu indi zibe. ²Imu zisi zopani indi zibe zinaru ku para shazo mwi njira u lyuvu. Naru ku para kwenda shuba yendisi indi mata uru pupo, mupupo iwati bberika kwa bana bahati tishira. ³Putishi para mwikyo lya bayeyi, ku yiziriza miyano kano yemibbi yu shibe shetu, indi ku dzera ku wuso nizi shaka zu mumbiri indi ingana etu. Kali ta bana wuwuqhu, tandi babamwe.⁴Urezya mufumu mushi shemo shu rusuno rwakye roru kuru rwamati shaka sharo. ⁵Putali tubafu mu wubbi, matati pa wuparo paxiki muku Keresite - shuru suno mata ku yaka. ⁶Urezya matati tambusa paxiki ni Keresite, Urezya mati panga kasikama paxiki mu shibaka mwi liiro indi Jeso Keresite. ⁷Atikya mwi mwaka iya tiya shatiqe wukuru wushi shemo shakye shauru suno ku Jeso Keresite.⁸Shishi shemo nata yakuwa shi tumero, zopani ama ziye shanwe, impo yatinzwa ku Rezya. ⁹Ka shizisi, atikya kusiye ku shanganeha yatili kakura. ¹⁰Tuba bberikisi wu Rezya, tata pangirwa ku Jeso Keresite ku panga misebezi ye miqa yu Rezya amatati yanakena kare koo, akya tyendye shayo.¹¹Cwarehe ni yibe atikya kali imbulivu mwi nyama. Na beruwa ''akya kambu mupato'' shisha tiberuwa ''mupato'' shata panguwa shamanga umuyeyi. ¹²Mu kakanda kapana nata kusuwa ku Keresite, makwamavu kuba yeyi ba Isiraere, makwamavu ku karwi kata zuwurwa, ku njemwa itishiro indi kuku Urezya mu lyuvu.¹³Kono pani mu Jeso Keresite yenwe inarana shire ku Rezya nalyetuwa shufupi shamarwapa a Keresite. ¹⁴Yendi shikhamu shetu. Mata panga zibiri kuba shixiki. Shi mumbiri mata bbura mudiya-diya ukuli twaya watati qhapara. ¹⁵Mata manisa murawo indi njendiso atikya apange muyeyi yo mupiya ku kye, indi ku panga shikhamu. ¹⁶Keresite mata shisa bayeyi kowo mu mumbiri muxiki ku Rezya shishi bambiro, pwamata bhira shutoyo.¹⁷Jeso mataya ku hweta shikhamu ku nwe inarana shire shikhamu kubarana shufupi. ¹⁸Sha Jeso akya kowo babe ni njira mumupupo ku Shee.¹⁹Cwarehe, pani yenwe wu lyuvu kani bayeni indi makwamavu. Ni bapa xiki ni bayeyi baba chena wu Rezya indi wi njuwo iwu Rezya. ²⁰Natara xhiniwa pu makuru ama aposutora indi ba porofita, Jeso Keresite yeye ndishiga shiti nvunja. ²¹Kukye injuwo yati yima paxiki indi ku gipa akya i tempere ku Shikati. ²²Ikukya indinwe nara xhiniwa paxiki kuba shibaka mwati sikama mu mupupo wu Rezya.

¹Shilibaka zopani mye, Paulusi, ndi bbatiti a Jeso Keresite shayenwe wu lyuvu. ²Ndati tishira atikya nata yuvwa zu musebezi ushi shemo shu Rezya wata pewa kumye shanwe.³Ndati ñwa kwenda shazata zukuwa ndukuya kuyibahara shamye. Yopani injahamu yata zukuwa shuwu fupi ndani ñwera. ⁴Ni shibara zopani, mboni kwene ku yuvusisa zina mwikyo zi njahamu yata zukuwa za Keresite. ⁵Ku rusinga rurumwe injahamu yopani amayi yibahare kwa bana ba bayeyi. Pani kali yayi bahara shu mupupo bawa apositola indi ba porofita ibata bikuwa kuru pati shu musebezi wopani.⁶Injahamu yi zika ku tikya wu lyuvu ndisha bajowura wuqa indi babamwe ibati panga mumbiri, kuli yabira isepiso ku Jeso Keresite shuwu rumiwa. ⁷Ndabi shukwembwa shuwu rumiwa shimpo Urezya indata pewa shishemo ku mye shu musebezi umata akye.⁸Ku mye - nanga ku tikya imye yomudana ku bayeyi wu Rezya ba chena- ku shishemo shata pewa,ku kutaza lyuvu wufumu wa Keresite. ⁹Atikya ndilyetye liseli puru kandara mi yanakano ku yumwe ni yumwe- mayi ndata zukuwa kare kare koo ku Rezya, ya mata wumba izuto kozo.¹⁰Mi yanakano yopani yataya ku yibahara shi kereke akya bayendisi indi njendiso muzi baka mwi liiro bayibe wusawuka wu Rezya watiya mu zi njira zizinji zinji. ¹¹Zopani zara sisini kwenda shi muyanakano wahati mana wamata yanakana sha Jeso Keresite Shikati etu.¹²Sha Keresite amata ku ywapa indi ku tishira shuku yira shi tumero itina nayo ku kye. ¹³Cware ndani ringira ni siye ku shushira mulyuqo shi mashando ngundati shanda shanwe, kokunwe wuqa.¹⁴Shilibaka yopani ndatiwa shamazhi pu wuso wa Tatye. ¹⁵Kukye rusinga koro mwi liiro indi mu lyuvu rwati beruwa. ¹⁶Ndati rapera akya anipe, kwenda shuwu fumu wuwu kuru wakye, ku gisuwa shi mata akye kwenda shu rupupo rwakye, iwuna ku nwe.¹⁷Ndati rapera akya Keresite apare ni mitima enu shi tumero, mushani kwira indi ku gupa mu rusuno. ¹⁸Atikya ni kwenwe ku yuvusisa, indi kowo bayeyi baba chena wu Rezya, muwure, wukuru, wumwa indi wugupwi. ¹⁹Ku yiba rusuno lya Keresite, wati bbara amano, akya niyire wuqa wu Rezya.²⁰Pani ku kye amati kwana kwisi ku bbara zitati ringira kapa ku yanakana, kwenda shamata akye ingati bberika ku tswe. ²¹Kanya kabe ku kye mwi kereke indi ku Jeso Keresite ku masinga kongo. Amen.

¹Mye, tandi shindili ndi bbatiti a Shikati, ndatini ringira kwenda ndandi shinata beruwa. ²Ndatini rungira ku para naqa mukuli keke indi ku lindira, kuli bika paxiki murusuno. ³Ni rasi munati kwena mu mupupo muxiki wi kozo.⁴Kuna mu mbiri muxiki indi mupupo muxiki, tandishina beruwa paxiki muku tishira. ⁵Nangweza kuna Shikati muxiki, itumero ixiki, ikorobezo ixiki. ⁶Urezya indi Shee aba yeyi, yana pwi liiro lizuto kozo kozo.⁷Uyumwe nu yumwe akutswe mata pewa shishemo kwenda shuku likanisa shimpo a Keresite. ⁸Tandi shimayi ngati hweta: ''Mata yenda kwi liiro, mata twara bata patuwa ka baruwa, indi kapa zumpo ku bayeyi.''⁹I toroko uku ''mata kaku ruwa,'' niti shire atikya mata lyetuwa peshi mulyuvu? ¹⁰Muxiki ndiyamati kaku ruwa kutoruwa kwi liiro pwi liiro lizuto kozo, atikya ayize izuto kozo.¹¹Keresite matapa izumwe ku ma apositora, izumwe ku baporofita, izumwe kuba yendisi wulyiyi indi baruti. ¹²Matapa zi seberezo kwa bato wu Rezya baba chena ku musebezi, kwi xhini mu mbiri a Keresite. ¹³Mati dzera ku wuso kwixhini mu mbiri akye kutwara pushata kwixhini karwi kaxiki indi ku yiba mwana Urezya, indi kuba barumeli indi kaya puka likana ni Keresite.¹⁴Keresite matati panga atikya tisiye kuba bayeyi bati yararuwa ku mipupo koyo, kati twara koko ngaho shuzu tuto za bayeyi zezi piya indi kuti qhapura shuku kyitaka kawo. ¹⁵Cwarehe, ku hweta injahamu mu rusuno, takura kare muzi njira zakye kozo yeye mushoro, yee, Keresite. ¹⁶Keresite mata panga mu mbiri kowo, indi kuzi shanganisa paxiki mukuli gisa, mi shiyemba ni sheyemba ku bberika paxiki, zati panga mu mbiri ku kura paxiki mu rusuno lya teni.¹⁷Cwarehee, Zi ndati hweta ndati zigisiza ku Shikati, atikya ni siye ku para tandi wulyuvu shubati para, ku yibahara shizi ngana zawo. ¹⁸Ku yuvusisa kwawo karema, bakana shire ni wuparo wu Rezya shukuli xakawo kuna kuwo, indi shimi tima wukukutu. ¹⁹Amaba ku swaba indi kulipa wohanwe kuzahali ndizo, indi ku dzera ku wuso kwisi kozo zezibbi shizi sire.²⁰Kono kandishinata lituta ku Keresite. ²¹Mye ndati tishira atikya nata muyuvwa, indi kuni rutuwa kukye, injahamu ina ku Jeso. ²²Nata rutuwa kusiya zati wulya ku wuparo wenu wintandzi, ku dzisa umutu kare. Muyeyi ya kare ndumuyo mubbi shuku tikya ana zitakazo zati kitaka.²³Nata rutuwa kuli chenisa mu mupupo umi yanakano enu. ²⁴Ku bika muyeyi yomu piya yamata panguwa shuku fwana Urezya - muwu chena wi njahamu.²⁵Cwarehe, ni kuse ku kitaka, muyeyi kwekye akunwe ahwetye injahamu niya na nake, shuku tikya tu bayeyi bapaxiki. ²⁶Menga mi siya ku panga shibbe. Kaku menga taliba lyaka wulya umu menga. ²⁷Siya kupa shibaka ku wubbi.²⁸Ikaru ku yiba asiye ku yiba nangweza. A bberike, musebezi wumuqa wa manga akye, ku tikya abeni zimwe zukuli yabira ni bati shaka. ²⁹Ku siye kudzwa liyi lyelibbi mu shiporo chwee. Ni bberikise mayi ingati yaka ba bamwe, kwenda shizi bati shaka, mayi anu ngabe ni ku yaka ibati ngara kyekye. ³⁰Ni siye ku sobisa mupupo wo muchena wu Rezya, ishawoo watani shimina liba lina lyuku yakuwa.³¹NI dzise zati rura, ku menga, ku rwana rwana, ku tuka, ku twaya, kozo zezibbi. ³²Nili pange naqa, nili lyuvure wutuku, nili patire, tandi shi Rezya amani patira sha Keresite.

¹Cware ni fweliniswe tandi Urezya, nokoti bapundiibati shakuwa. ²Indi kwenda murusuno, tandi shi Keresite shamata tishaka indi kulipa yumunwe ko kutswe, mata litowuha indi kuba shitabero ku Rezya.³Kono kusiye kuba kunwe mwikyo lyenu miyana kano iyi wuhure kapa indi zizimwe zahali zichena kapa zezibbi, zopani kaziqa kwa bato Urezya baba chena. ⁴Ku siye kuba nizi hweta zi lisheya kapa zezibbi kapa kozo zahali ziqa. Kono kupewa kuli tumera.⁵Yenwe ni yibe zini, akya kuku wuhure, bahali bachena, kapa wulukono- beri shira matoti- kuwo ku njemwa yushu njena mu muwuso a Keresite indi Urezya. ⁶Muyeyi asiye kuni kitaka shamayi ngama ku ituso, shazopani wuqhu wu Rezya watiya pwi lyiro lyaba hati chere. ⁷Cware, siya kuli wumba kabbu nawo.⁸yemwa inarana mulififi kono pani seli nina muliseli kokushikati nakwenda tandi bapundi wuliseli. ⁹Zipata za muliseli zatiba iziwuqa kuba zezicena nanyina indi initi. ¹⁰Nangweza nilitutye izati rumbeka shikati. ¹¹Nishe kulipa shiyango indi misebezi yemiku zipata iyamulififi kono nudzwe kuzo nizi hindike. ¹²Nuliyubwa wubbi kuhweta izuto zibapanganga zukunutu.¹³Kono izuto zopa kozo zati nyazuwa, zati mwanahara shuku byenya. ¹⁴Kocho shati mwanahara liseli. Cware ndatikya, ''Tambuka, nwe natikwama, ni tambuke ku bafu, mi Keresite mbwa mwenikye kunwe.''¹⁵Ni lyaye naqa shinati para- katindi ba bagigi kono ba basauka. ¹⁶Ni swena mayiba shuku tikya mayiba mabbi. ¹⁷Cware, ni siye kuba bayangano, kono ni yuvusise zi Shikati amati shaka shizi sire.¹⁸Ni siye kudakwa wu wara, zati twara kupa zezibbi. Ni yire mupupo wo muchena. ¹⁹Ni liyambare muzi njumbo indi ku yamba zunjumbo zushi lumeli, ni yimbe indi kupa wuqa ku Shikati shu mutima aye kowo. ²⁰Ni kambire kwi chumwe ni chumwe, mu lina lya Shikati Jeso Keresite ku Rezya Shee. ²¹Nilipe ku muyeyi nu muyeyi shuku ywapa Keresite.²²Bakazi, nili bike kwishi lyaba bebenu, tandi ku Shikati. ²³Ba bebenu ndumu shoro ushi baka tandi shi Keresite ali mushoro i kerekye, mi Keresite yee muyaki. ²⁴Kono tandishi kereke yatilipa ku Keresite, akyopa indinwe bakazi nilipe kuba bebenu mwi zuto kozo.²⁵Banyana, ni sune bakazi benu, tandi shi Keresite ashaka ikereke indi kulipa kuyo. ²⁶Keresite matalipa atikya ibe ichena, mata yi chena shami ulyiyi. ²⁷Atikya aliqe kukye shuwuqa, kwi kyini kakabbi kapa koko, kono ku chena indi kwikyini kakabbi.²⁸Mwi njira yati fwena banyana ni shake bakazi benu akya mi mbiri enu. Yeye yamati shaka mukazake matili shaka. ²⁹Ku njemwa ya twaya mu mbiri akye, kono mati wupanga naqa, tandi shi Keresite amati baba lyera ikereke naqa. ³⁰Shuku tikya tizi gau-gau zumu mbiri akye.³¹''Shilibaka lyazopani munyana shasiye ba shee indi ba nyina indi kaba paxiki ni mukazakye, wu biri wawo batiba inyama ixiki.'' ³²Yopani injahamu yi zika ikuru - kono ndati hweta za Keresite indi kereke. ³³Nanga ndipakyo, uyumwe akunwe ashakye bamukazakye tandi yee, indi bakazi baku tyekye ba bebawo.

¹Bapundi, ni kutyekye ba shimi benu sha Shikati, kyopani ndishi shiyama. ²''Ku tyeka basho indi banyoka'' (ndi murawo wi ntandzi ni sepiso). ³''Akya kube naqa kuwee indi ku para nanyina mu lyuvu.''⁴Tatye, ni siye ku mengisa abana bwenu. Kono, niba kulise muli kute indi murawo a Shikati.⁵Bavuya, ni sepahare ku mashikati enu shuli kutye lyeli kuru indi ku ywapa, muku sepahara mu mitima enu. Shuku sepahara kuwo mboni sepahare ku Keresite. ⁶Ka ku sepahara ngaho ati shikati aye maku lyayiri, akya uba radze kawo. Kono, ni sepahare shuwu vuya ku Keresite, yamatisi zu Rezya amati shaka shu mutima akye. ⁷Sebeza shumutima kowo, shuku tikya mati bberishira Shikati ka bayeyi. ⁸Shuku tikya tiyi zire akya zisi zu muyei kwekye, shata mbure shipewa ku Shikati, kapa muvuya hali ka muvuya.⁹Mashikati, niba pange mwi njira yati fwena. Ni siye kubara guni. Ni yibe akya Shikati enu kwenu ana kwi liiro, ku njemwa ikyetururo ko kukye.¹⁰Kamana, ni gipe ku Shikati indi mwiqumu akyee yahati shitira ichimwe. ¹¹Ni bike zirweniso kozo zu Rezya, atikya ni kwenwe ku yima nduku rwenisa miyanakano yemibbi ya diwulusi.¹²Kurwana kwetu kakuku rwenisa inyama indi marwapa, kono tati rwana niba yendisi indi injendiso, rwenisa iqhumu ukarema, rwenisa mipupo ye mibbi mwi liiro. ¹³Cwarehee, ni bike zirweniso zu Rezya, akya ni kwenwe ku yima mukakanda kani ku wubbi, punaku mana kwisi kozo, ni yime shuwugi.¹⁴Ni yime shuwugi hee, ni shimine rudzira rwii njahamau mushu wuno, indi kucheka zidziba shuwuqa. ¹⁵Indi, makondo ngayi minwe kwenda ku tyera ivangeli yi kozo. ¹⁶Muzopa ni patye itebe yuku tishira, shayo nati kwana kuzimisa muduro umita yati yati piya ngayo mubbi.¹⁷Indi, ni bike ituru yuku yakuwa indi seure yu Mupupo, yoyo liyi lyu Rezya. ¹⁸Shizi tapero indi ku ringira, ni rapere kakanda koko Mupupo. Ku mamenisizi, kakanda koko ni lyaye shuku dzera kuwuso punati raperera bayeyi wu Rezya baba chena.¹⁹Nindi rapelyere, akya mayi ngapwewe kumye pundaku ya shama. Ni rapere akya ndiyi bahaze injahamu iya zikama kwenda shuwu rumiwa. ²⁰Ishu wurumiwa nanga ndabi muyimini yana muma haka, akya ndihwetye, tandi shindati tishirwe ku hweta.²¹Titikasi, yamati shakuwa indi muvuya yamati sepahara ku Shikati, mbwani zire izuto kozo, akya ni yibe shindatisi. ²²Ndamu tumu kunwe shilibaka lyopani, akya ni yibe akya tswendi bani, indi kuni gisa mitima.²³I kozo ibe nanwe bakwetu, indi rusuno shuku tishira ku Rezya Sheetu indi Shikati Jeso Keresite. ²⁴Shishemo shibe kuwo kowo ibati suna Shikati etu Jeso Keresite shu rusuno rwahati xhapuka.

¹Paulusi, mu apositola a Jeso shuku shaka ku Rezya, indi Timotea mukwetu. ²Ku baba chena wu Rezya indi bati sepahara bakwetu ku Keresite ibana mo Kolose. Shishemo shibe nanwe, indi shixamu kudzwa ku Rezya Shetu. ³Tati kambira ku Rezya, Shee a Shikati etu Jeso Keresite, indi hape nikatiti ni raperera.⁴Tata yuvwa ku tishira kwenu ku Jeso Keresite indi rusuno runi sitye ku bayeyi kowo wo Rezya baba chena. ⁵Nina rusuno shilibaka li sepo ina bishirwa mwi lyiiro. Natata yuvwa zi sepo yopani piri mu lyiyi li njahamu, wurumiwa. ⁶I yataya kunwe. I tumero yopani yati bika zi pata hape yati kura mu lyuvu kolyo. Yatisi akyopa mo kunwe kudzwa liba lyumata yi yuvwa indi kuli tuta zi shixamu shu Rezya mwi njahamu.⁷Wopani ndi wurumiwa tandi shimata li tuta woo ku Epafrasi, mbiyetu yamati shakuwa, yamata sepahara muvuya a Keresite kutswe. ⁸Epafrasi mata yibahaza kutswe zurusuno rwenu mu mupupo.⁹Shu rusuno ropani, kudzwa lyiba litata yuvwa zopani amati siye kuni raperera. Nikatiti rungira akya niyire ingana koyo yuku sauka indi ku yuvusisa shu mupupo. ¹⁰Ni katiti rapera atikya ni yendye mwi njira yi chena ya Shikati iyati mwidze kawu. Ni katiti rapera atikya ni bike zipata muzisi zenu zeziqa indi akya ni kwire mwi ngana iyu Rezya.¹¹Tati rapera atikya nigisuwa mwiqumu koyo shu kwenda mu liseli kolyo yuku yuvusisa indi kuba mutima womure. ¹²Tati rapera atikya shani radze kupa ku rumba ku Shetu, yamatani panga akya ni kwene kwiswana bayeyi wu Rezya baba chena mu liseli.¹³¹⁴Matati yaka kuku khomuwa ku karema indi kuti twara ku mu wuso amwana kye. Mutati ka shangana ku yakuwa, ku paturwa ku zibe.¹⁵Inje indishi swaniso shahati mwanahara shuRezya, ywi tandzi kuzi panguwa kozo. ¹⁶Shayeye izuto kozo zata panguwa, izina mu lyiro indi mu lyuvu, zati mwanahara indi zahati mwanahara. Kapa shurwo shuwu Shikati, injenduso, muwuso, izuto kozo zata panguwa shaye mi izakye. ¹⁷Yeye ndiyana puwuso wazo kozo, shayeye izuto kozo zati shanganusuwa.¹⁸Inje ndumu shoro umu mbiri, i kereke. Yee ndi makarero iywi tandzi mwikyo lyabafu, shibaka shitandzi ichakye mwi chumwe ni chumwe. ¹⁹Urezya mata radze kawo muku yira kura kukye. ²⁰Indi ku shusiza izuto kozo shu Mwana kukye. Urezya mata panga shixamu shingazi ushi bambiro shakye. Urezya mata shusiza izuto kozo koku kye, iza mu lyuvu kapa iza kwi lyiiro.²¹Mwi nako ixiki indinwe kali ni yeni ku Rezya mi kali nizira zakye mwa mano indi muzisi zezibi. ²²Kono pani matani shusiza shumu mbiri akye shurufu. Matarsi akyo atikya ani bike kubaba chena, baba njemwa wubbi, baba njemwa shibbi pumaso akye. ²³Ati nati dzwera puwuso ni tumero, ni panguwe indi ku gipa, ni siye kudzwa mwi sepo yi wurumiwa wuna yuvu. Lyopani ndiliyi lyeli chena ilyati zirwa muyeyi kwekye yamata panguwa mwishi lyi lyiiro. Wopani nduwu rumiwa wu mye, Paulusi, ndabi muvuya.²⁴Pani ndaradze mu mashando anga kunwe, hape ndati yiza inyama anga zezi njemwa ku shiwumbuwa sha Keresite shumu mbiri akye, yoyo i kereke. ²⁵Ishi ikereke nanga ndali ndi muvuya, kwenda shiza tidzwa ku Rezya izata pewa kume shayenwe, kuyiziriza lyiyi lyu Rezya. ²⁶Yopani ndi njahamu yata zukuwa kudzwa kare kono pani yaraqewa kwa bato wu Rezya baba chena. ²⁷Ikuwo Urezya karu ku shaka ku yiba haza wufumu wu kurumba injahamu izukuwa mwikyo lyuwu lyuvu, i Keresite kunwe, i sepo yu liseli.²⁸Tati hweta izakye, ku ruta kowo ku sauka koko, nduku tikya tu kwene ku mwenisuwa uyumwe nu yumwe ku kara ku Keresite. ²⁹Sha zopani ndati bberika indi shanda shilibaka lyi mata ake ingati bberika kume shi qumu.

¹Ndati shaka atikya ni yibe wukuru wa mashando ndisitye kunwe, ku bana mo Laodisea, indi babenji ibahata ndi mwana mwi nyama. ²Ndatisi atikya mi tima awo i susuwezwe shuku balyeta paxiki mu rusuno indi muku yanakyenwa kuba ni ku yuvusisa koku yire, mwi ngana iyi ku yiba wukuru wu Rezya wali zika, akya, i Keresite. ³Moku kye shufumu shuwu sauka indi ingana izika.⁴Ndati hweta zopani atikya kusiye kaba niyama ni kwama shizi hweta. ⁵Nanga ndali ndi muku nanwe shi nyama, ndina nanwe mu mupupo. Ndatidze kuni mwana nina naqa indi ku gipi kwi tumero ku Keresite.⁶Tandi shina tambura Keresite Shikati, nwendye nakye. ⁷Ku mena ku kye, kwi xhini ku kye, ku panguwa mwi tumero tandi shinata rutuwa, indi kuba paxiki mukupa.⁸Ni mwene atikya ku njemwa yamati kwana kuni pata shingana yana nayo kapa ku kitaka. Kwenda shingana umuyeyi, ku tishira mi pupo yiminjii yu lyuvu, indi kwaha tishira ku Keresite. ⁹Kakuli koku kye ku yire koko iku Rezya kwati para mushu wumbuwa shumu mbiri.¹⁰Ni bayire moku kye, yeye ndumu kuru kuba yendisi kowo indi murawo. ¹¹Moku kye nata panguwa mupato shu mupato iwahati siwa ku bayeeyiiwu ku tsura shirama shumu mbiri kapa inyama, kono mu mupato a Keresite. ¹²Nata njena nakye mwikorobezo, shayeye nata kulyusuwa mwi tumero mu mata Urezya yamata muta mbusa ku bafu.¹³Pukali umufu shimi randu aye indi mupato umumbiri, mata ku tambusa uku para nakyeindi kuku patira mirandu aye. ¹⁴mata manisa zisi zezi ñwara izishi koroti isharana natswe shuku shitwara pu shibambiro. ¹⁵Mata yanga bayendisi zi rweniso zawo indi mata indi ku ywasa bayeyi kuku cera murawo awo, kuba fwera pu shibambiro.¹⁶Nduku tikya, siya ku yatura muyeyi muku lya kapa kunwa, kapa shi shangano, umwezi wo mupiya, kapa shi mayiba i sabata. ¹⁷Yopani ndimi ndzire izuto zatiya, kono yamati yaka i Keresite.¹⁸Ku siye kuba ni muyeyi ya mati shaka milimo indi ku rapera manyiloi akya ani ya ture zisi zenu. Muyeyi ywa ngahopa mati njena mwi zuto za mata mwana indi ku dzwa mwazo muku rusuno shimi yanakano iyi nyama akye. ¹⁹Yemwa aku pata ku mushoro akye. Mushoro ndiwati lyetisa atikya mu mbiri kowo mwikyo lyama ngwero ku nyangase ku kwanahare kupata paxiki; kwati kura kugipa ikwati dzwa ku Rezya.²⁰Ati natafwa paxiki indi Jeso ku mipupo iyi lyuvu, shikya punati para tand muyeyi yamata sharuwa mu lyuvu: ²¹''Siya kwisi, kwi qaba kapa ku pata''? ²²Kozo izuto zopa shezi mane ku musebezi, kwenda shi mirawo indi zututo zu muyeyi. ²³Mirawo yopani yina shuku sauka, indi ku sauka shukuli panjira indi milyumo indi kwi suwa wubbi ku mumbiri. Kono zinjemwa ituso nuku njenuswa kwi nyama.

¹Ati Urezya mani tambusa ni Keresite, ni shake izuto za kwi liiro, ku Keresite sise ku lyanja lima khamu Urezya. ²Yanakana izuto za kwi liiro, ka zuto za peshi. ³Shuku tikya matafwa, mi wuparo wee mizika ni Keresite ku Rezya. ⁴Pushi Keresite aku mwanahara, yeye wuparo wenu, indinwe shani mwanahare mu kanya.⁵Ni bike kurufu, zirama za mulyuvu - wuhure, zamasira, ku fuma, zitakazo zezbbi, likono. ⁶Zopa ndizuto zu wuqyu wu Rezya watiyera kwa bana bahati yuvwa. ⁷Mi indi nwe zopa ndizinaru kwenda nazo kare. Hane musa pira ku zona. ⁸Kono pani nati swanera kudzwa kuzo kozo- wuqyu, indi ku menga, kwaha shaka babamwe, indi mayi ingati xorosini kawo ngasiye kudzwa mi milomo enu.⁹Ni siye kuli kyitaka, shuku tikya nata chutura umutu ya kare indi misebezi akye. ¹⁰Mi kali narara umutu yo muyo mupiya kwenda shishi swaniso shaya mata ni wumba. ¹¹Kali kuku Mugerike kapa Mujuda, wu mupato haka nju mupato, yo mukelira kapa Sitiya, muvuya kapa yahali muv uya, Keresite ikozo, indi muzo kozo.¹²Cware, ni shiba bata sharuwa, baba chena, bati shakuwa, ni rare miyanakano yuzu xuma, musa, kuli shusa mwishi, wutwere-twere indi mutima wo mure. ¹³Ni lipange naqa. Ati kuna shuyumwe amati nchiyaka, nili patire mwi njira yati fwana shi Shikati amata ni patira. ¹⁴Kuzopa kozo izuto, rusuno ndishati panga kuba naqa.¹⁵Ni siye i kozo a Keresite iyendise mi tima enu. Isha yopa ikozo nanga nata beruwa mumbiri mixiki. Mi nikambire. ¹⁶Ni siye liyi lya Keresite lyati para kunwe lira xhini wufumu. Linipe wusauka kowo ni lirutye indi kuli kutaza sha lisamu, shuku rumba indi zunjumbo zu mupupo. Ni yimbe shuku kambira mu mitima enu ku Rezya. ¹⁷Kocho shina tisi, muku hweta indi muzisi, nirasi kozo mulina lya Shikati Jeso. Nipe kuli tumera ku Rezya She shayeye.¹⁸Barwakazi, nili bike kwishi lyaba banu, kakuli kakwati swanera ku Shikati. ¹⁹Barwa, ni shake barwakazi benu, mi nisiye kuba qyupira. ²⁰Abana ni yuvwe bashemuzi benu moni zuto kozo, kakuli ndishati dzekawo Shikati. ²¹Tatye, ni siye ku qyusa abana benu, atikya basiye ku mana mitima.²²Bavuya, mizuto kozo ni kutyekye mashikati enu ba bayeyi, ni siye kuba bberishira bakuni lyayira ngaho, nokoti nati shaka ku tabisa bayeyi, kono ni kyezire shu mutima wo muchena. Ni ywepe Shikati. ²³Kocho shina tisi, ni bberike shuru pupo tandi ku Shikati mi kanokoti bayeyi. ²⁴Ni yizire atikya mboni tambure ku Shikati kusharuwa ku jowura. I Shikati Keresite yina ti bberishira. ²⁵Kwekye yamatisi wubbi shata mbure murandu ku wubbi wamata rasi, mi njemwa iketururo.

¹Mashikati, nipe bavuya sheshiqa, indi shati swanera ni yibe atikya indinwe nina Shikati kwi liiro.²Nidzere ku wuso ni ku rapera. Nira qowo amina mo shuku litumera. ³Niti rapere ko inditswe, Akya Urezya aya zure mumbero uliyi, ku hweta injahamu yizika ya Keresite. Shilibaka lyopa, ndumuli shimina. ⁴Ni rapere atikya ndikwene kuyi chenisa, mwi njira yati swanera ku hwetuwa.⁵Ni yendye shuku sauka ni bapyenje, ni yake inako naqa. ⁶Mayi enu ngabe ni shishemo. Niba kwazire bapange zizi shiyama, atikya ni yibe shina ku bara taba.⁷Tandi shizuto zandi yama, Tachicus mbwazi yiba haze kunwe. Imbiyanga yamati shakuwa, muvuya ya mati sepahara, muvuya a Shikati. ⁸Ndamu tumu kunwe sha chini, atikya ni yibe shati shakahara kwamana natswe, atkya a susuweze mitima enu. ⁹Ndamu tumu paxiki ni Onasumusi yamati sepahara indi ku shakuwa, yuyumwe akunwe. Mbobaye kuni zira kozo zatara sisini koni¹⁰Aristachus, itarana nakye mwi torongo, mani waya, akyopa indi Mareka, muqhene a Banabasi (yamati yamuhera murawo; ati akuya kunwe, ni mutambure). ¹¹indi Jeso yamati beruwa Jusitasi. Bapa ngaho wu mupato bambiya banga mu musebezi umu wuso wu Rezya. Batandi wusa mutima.¹²Epafrasi mani waya, muvuya a Jeso Keresite. Yamani rwena muzi tapero, ni yime nali ni bashiyama indi kuli bika kubbelira kuku shaka koko ku Rezya. ¹³Ndati mupaka, akya mata bberika nanyina shenu, indi ba Laodisea, indi ba Yerapolisi. ¹⁴Luka uñaka yamati shakuwa, indi Demasi, bani waya.¹⁵Ni waya bakwetu mo Laodisea, indi Nimfasi, indi kereke iyani mwi njuwo akye. ¹⁶Liñoro lyopani pulyaku baruwa mwikyo enu, libe ruwe indi mwi kereke a Laodisea, ni mwene atikya nati bara indi liñoro kudzwa Laodisea. ¹⁷Nangweza ni zire Arkipo, ni kikya, ''Lyaya musebezi wuma tambura ku Shikati, atikya uwu manee.''¹⁸Kwi wayiwa uku lyanja lyanga, mye -Paulusi. Ni yanakane zi shimina zanga. Shishemo shibe nanwe.

¹Paulisi, Silvanusi, indi Timosi ku zi kereke za Tesolonika ku Rezya Shee indi Shikati Jeso Keresite. Shi shemo indi shixamu shibe nanwe.²Tasina kuli tumera ku Rezya kokunwe kwenu tandi shiti dzera ku wuso kuni hweta muzi tapero zetu. ³Tati yanakana puwuso wu Rezya indi Shee misebezi enu yi tumero, misebezi iyi rusuno, indi kugipa mwi sepo ku Shikati Jeso Keresite.⁴Bakwetu bati shakuwa ku Rezya, tiyi zire atikya mata ni sharara. ⁵Shilibaka liliyi lyatudzwa kutswe kashuku hweta, kono indi mu mata, umupupo wu muchena, indi mata ngamenji. Mwi njira iyati fwana, ni yizire atikya bayeyi iba ngahare barana nanwe shayenwe.⁶Nataba pakati lyetu indi Shikati, punaru ku tambura lyiyi shuwu zuwo mwi kwidze ku mupupo wu muchena. ⁷Shizinepo, mataba mutara ku Masodonia indi Achaia ibati tishira.⁸Kudzwa ku lyiyi ilyata hwetuwa mi nangweza kaku Masodonia indi Achaia, kono itumero enu ku Rezya yata yenda koko koko. Nanga ndipakyo, kuyemwa taku shaka ku hweta nanga shixenine pokucho. ⁹Shizi biha biha kuyama yatswe kuya muhera ikwa ngahare tashangana kunwe, mi ingahare nata zoromu shira ku Rezya kudzwa kuma swaniso nduku rapera Urezya ywi njahamu. ¹⁰Yina lindiri mwanakye yakwi liiro, yamata tambuka kubafu- Jeso, yamati yaka ku wuqyu watiya.

¹Nwe bakwetu ni yizire, atikya kuya kwetu kunwe kaku tikya kuku ituso. ²Niyi zire atikya katandzi tata shanda indi kusowiswa shizi batatisi mo Filipi. Tata liwumba kaqa ku Rezya etu ku hweta kunwe liyi lyu Rezya moku zuwo nanyina.³Ku kutaza kwetu ama kwaku dzwa kuku chicanisa, kapa ku wubbi. ⁴Tandi shitata tishirwa ku Rezya ku sepuwa mu wurumiwa, akya ti hwetye, kaku tabisa bayeyi, kono Urezya. Inja ndiyamati lyaya mitima etu.⁵Nanga ndipakyo, tishata kafwa kuya mayi ngahali ndingo, tandi shini yizire, kuku shititeri kucheka mahanyi- Urezya ndipaki. ⁶Ati ku tikya tati shaka ku rumbuwa ku bayeyi, kapa kunwe, kapa kwa bamwe. Natata shaka litohonolo tandi ma apositola a Keresite.⁷Tarana naqa nanwe tandi murwakazi shamati wusa mwanakye mutima. ⁸Mwinjira yopani tani yambsizi ko indinwe. Tata radze kawo kuli yaya nanwe mayi aurezya kono indi wuparo wetu. Nataba bambiya kutswe. ⁹Nwe bakwetu, kani yanakane, misebezi etu. Masuku ni mushikati taru kwisi atikya tisiye kupa wuzuwo uyumwe akunwe putati kutaza kunwe lyiyi lyu Rezya.¹⁰Yenwe nizi paki, Urezya akyopa, wuchena akyare, wuqa, kwaha nyazahara kali ndi mukwa etu kunwe baru ku tishira. ¹¹Mwinjira yati fwana ni yizire shatarana kunwe kwenu, tandi musheni kwa bana bakye. ¹²Kuni kutaza, kuni susuweza, kuni rungira kwenda mwinjira yiqa yati rumba Urezya, yamatani bera ku muwuso indi kanya akye.¹³Shilibaka lini tati dzera ku wuso kuli tumera ku Rezya, akya puna tambura liyi lyu Rezya lina yuvu kutswe, nali chinjiri amalya ku fwana liyi li muyeyi, kono tandi shilina, liyi lyu Rezya, ilyati sebeza kunwe bati tishira.¹⁴Shanwe, bakwetu, nibe bayimini wuzi kereke zu Lyezya izina mo Judea ku Jeso Keresite. Yenwe inati shandisuwa shizuto zati fwana kuwu natidzwa nawo, tandi shibatarasi ku Majuda. ¹⁵Bata bbura Shikati Jeso indi ba porofita, ibatati hindika. Amaba ku tabisa Urezya. batyendisa bayeyi kowo. ¹⁶Bati chikisa ku hweta kuwu lyuvu atikya bapalisuwe. shuku tikya inako koyo bati yiziriza zibe zawo ku twara koo. Kono wuqyu shawu babbare kuma menisizi.¹⁷Bakwetu, yetswe, tata dzwa kunwe kakanda kaka shupi, muwu yeyi ka shimitima. taru shakahara, shimi yanakano yem kuru, kuni mwana. ¹⁸Taru ku shaka kuya kunwe- nanyina yemye, Paulusi, nangweza hape- kono Satani matati yimisa. ¹⁹Isepo etu shikya, kwidze, ituru yuwuqa pumaso a Shikati etu Jeso pukya kwakye? Kanwe? ²⁰Yenwe ndi kanya indi kwidze kwetu.

¹Cwarehe, putaru ku mwana atikya ta kyiruwa shizi zenu, takuli kyetira ku siyuwa mo Atene tswekye. ²Taku tuma Timotea, mbiyetu muvuya Urezya mu mubberiko a Keresite, kuya kuni qumu kawo indi kuni lika mi tima mwi tumero. ³Atikya ku siye shanganeha yamati nyangasuwa ku wuzuwo. Yenwe ni yi zire atikya izuto zopa tata zi bishirwa inako.⁴Nanyina, putararana nanwe, tatani zira shinako atikya nduku shanda kyetu kuwuzuwo, mi kwata pangahara akyo, tandi shini yi zire. ⁵Shilibaka lyopani, pundati shitira kwasi akyo, ndatumu yuyumwe atikya ndiyibe ku tishira kwenu, tama kuna yamaya kuni qaba, akya musebezi etu ube ungwa mahara.⁶Kono Timotea mataya kutswe kudzwa kunwe, kuti lyetiza zeziqa izi ku tishira indi zurusuno lyenu. Matati zira zukuti yanakana kwenu, nduku shaka kuti mwana ndati shitati shaka kuni mwana. ⁷Shazopani, bakwetu, tawusuwa mitima shuku tishira kwenu, muwuzuwo wutina nawo indi makukuti etu.⁸Pani tati para, ati nati gipira ku Shikati. ⁹Ku kambira kopa kupewe ku Rezya shayenwe, shukwidze kuti sitye koko puwuso wu Rezya etu shakunwe? ¹⁰Masuku nu mushikati tati rapera atikya shatu limwene indi kuya kunipa izati shakahara mwi tumero enu.¹¹Urezya indi shetu yeye, indi Shikati Jeso, atiqe injra kunwe. ¹²Shikati ani xamu paxiki indi kuni yekyeza ku rusuno, ku bayeyi kowo tandi shita tisi kunwe. ¹³A gise mitima enu akya ibe ye michena yahatizahara puwuso wu Rezya etu, Shetu pukuya kwa Jeso indi ba bayeyi bakye baba chena.

¹Mameni sizi, bakwetu, tati ni susuweza indi kuni kutaza sha Shikati Jeso. Tandi shina tambura zituto kutswe shinati swanera kwenda indi ku rumba Urezya, akyopa mwinjira yopa nwendye, akya nikarasi mani zizinji. ²Ni yizire zututo zitanipi sha zshikati Jeso.³Chopa ndishamati shaka Urezya, ku chenusuwa kwenu, atikya nidzwa ku wuhure. ⁴Uyumwe nu yumwe ayibe ku bbakanya mu mbiri akye kuba wo muchena, wati ku tyekuwa. ⁵Ni siye kuwu silira ku zitakazo zezibbi, (tandi ba hedeni baha yi zire Urezya). ⁶Muyeyi asiye kukambika mukwekye kamba ku munjenisa mwi zuto zezibbi; shuku tikya Shikati mati fweniswa mwi zuto kozo, muta ni ziri shuku gisiza.⁷Urezya amati bere ku wubbi, kono ku wuchena. ⁸Cwarehe, yamatixa zopani ama kwixa muyeyi, kono Urezya, yamatipa mupupo akye wo muchena kunwe.⁹Shuzu kuli shaka kwenu, amana ku shaka kuni ñwera, yenwe nata rutuwa ku Rezya kuli shaka kwenu. ¹⁰Nirasi akyo kuba kwenu kowo ibana Masodoniya. Kono tati ni kutaza, nirasi akyo indi ku bbara. ¹¹Nangweza tatini kutaza ku para shuku likana, ni patye naqa izuto zenu, nirasi shamanja enu, tandi shitani ziri. ¹²Atikya ni yendye naqa pu wuso libana penje mi nahati shaka ichumwe.¹³Bakwetu, Amata ku shaka atikya ni fwenwe, tandi bapa barandzire, ni siye ku sikama mu maswabi, tandi baba ku i sepo. ¹⁴Tishi tishira atikya Jeso matafwa, indi ku tambuka nangweza, tati swenera ku tishira atikya ibata fwera ku Jeso, Urezya shaba lyetye nakye. ¹⁵Shazopani, tatikya ku nwe shimayi a Shikati, yetswe itati para, ati tatikara tana pushi Shikati akuya, nanyina ka muni shati siye batafwa.¹⁶Shikati yeye shashezumukye ku liiro. Shaye nika shupu, ni lyiyi lyu nduna a manyiloi, indi torombita Urezya, mi ibata fwera ku Keresite shaba tambukye intandzi. ¹⁷Yetswe baba yimi, ita kara, shati shanganwe nawo ku shengena ni Shikati mu madzudzo. Shatibe ni Shikati inako koyo. ¹⁸Cwarehe, tili gise mitima ni mayi ngapani kwetu.

¹Pani kwenda shizi nako indi imwaaka, bakwetu, amana ku shaka ku ñwerwa izuto kozo. ²Ni yizire naqa atikya liba lya Shikati lyatiya tandi yumuzi pakati lya masuku. ³Puba tikya, ''Kwidze indi kuli kyeta,'' ku shinyeha kwati ba wulya. Shakube tandi wutuku wuku paka ku murwakazi yo muyima. Ku njemwa ku zungulwa.⁴Yenwe, bakwetu, ni baku muka rema akya liba yopa lini dzere tandi yu muzi. ⁵Na bana wuliseli indi abana wu liba. Kata bana wu masuku kapa karema. ⁶Cware, ti siye ku kwama tandi ba bamwe. Ti lyaye indi kuba naqa. ⁷Bati kwama bati panga akyo masuku, indi badakwa batinwa masuku.⁸Kono shuku tikya indu mushikati, tibe naqa mi tibe ni tumero indi rusuno indi shati qawu qawu shidziba, indi sepo iyu kuya kuwa ni turu etu. ⁹Urezya amati bishire wuqyu, kono ku shangana kuya kuwa sha Shikati Jeso Keresite. ¹⁰Inje matati fwera akya, titambukye ku turo, ku para paxiki nakye. ¹¹Nili gise mitima indi kuli wumba kabbu, tandi shinata rasi kare.¹²Tani rungira, bakwetu, ni yibe wunatisi nawo, ibani yendisa ku Shikati indi kuniyereza. ¹³Tati ni rungira ni bape likutye, shuru sunu shu musebezi awo. Ni palisanwe naqa. ¹⁴Bakwetu, ni yereze ibaha tyenda shu murawo ni gise mitima yahali ndiyo naqa, ni yake bana peshi, ni be ni mitima yemire ku bayeyi kowo¹⁵Ku siye ku shanganeha yamati shusa wubbi shu wubbi, ni shake ku panga naqa ku bayeyi kowo. ¹⁶Ni radze inako koyo. ¹⁷Kaku tsutsuruka ku rapera. ¹⁸Ni kambire kwi chuto kocho. Ndishu Urezya amati shaka kunwe sha Jeso Keresite.¹⁹Ni sye ku yimina mupupo. ²⁰Ni siye kwixa itoroko ushi porofita. ²¹Nira qaba kozo. Nipatye ku zeziqa. ²²Ni dzwa kozo zibbi kozo.²³Urezya ywi kozo, yeye tota, ani chenise ku meni siza. Mupupo, mu mbiri indi mitima enu, ibe yahati nyazahara ku twara Jeso Keresite pusha kuya. ²⁴Yama ni beri mati sepahara, yeye mati zisi.²⁵Bakwetu, niti raperere indi inako koyo. ²⁶Ni rawaya bakwetu kowo shuku xupituwa koku chena. ²⁷Ndani kambira sha Shikati akya ni kabere liñoro lyopani kuwo kowo. ²⁸Shishemo sha Shikati etu Jeso Keresite shibe nanwe.

¹Paulusi, Silvano indi Timotea, ndati ñwera ikereke a Mateselonika iyu Rezya Shetu indi Shikati Jeso Keresite. ²Shishemo indi kozo zibe nanwe kudzwa ku Rezya Shetu indi Shikati Jeso Keresite.³Tati swaneraku kambiri ku Rezya shanwe, bakwetu, shuku tikya ku tishira kwenu kwati kura nanyina nanyina, rusuno rwenu kuyumwe nu yumwe rwati yekeza. ⁴Yetswe tati lirumba shuku hweta shayenwe muzi kereke zu Rezya shuku linda indi ku tishira mu mashandu suwa kwenu, indi muzi kakanga zani njeni. ⁵Zopani ziqe zi katuro Urezya yiqa, atikya nibe bati swanera mwi njenduso Urezya, muku shanda kwenu.⁶Ku shiyama Urezya ku yaru mina batani shandisa mashando. ⁷Indi kumi yakura kubaru kuni shandisa niye ku tsutsuruka kutswe, pushi Shikati aku mwanahara mwi liiro ni manyiloi ingana qhumu. ⁸Muzi ndime zumunduro, akya ape i koto kubaha yi zire Urezya indi kubahati qauqau mayi a Shikati Jeso.⁹Cware shaba pewe ikoto yaha mana shire puwuso wa Shikati indi shire ni ku benya kwi qhumu akye. ¹⁰Sharasi zopani pusha kuya muliba lyopana kuya ku chenisa mayeyi baba chena indi kuya ku panga zati hakamalisa kubata tishira kowo, shuku tikya zu hweta zetu kunwe zata tishuruwa.¹¹Sha zopani tatini raperera ku dzera ku wuso, akya Urezya ani pange bati swanera kuku weruwa kwenu indi shiqhumu akye shayizi rize kozo zirera zakye indi misebezi i tumero. ¹²Tati rapera zopani shilina lya Shikati etu Jeso li rumbuwe kunwe, indinwe ku kye, kwenda shuru suno ru Rezya indi Shikati Jeso Keresite.

¹Pani zukuya kwa Shikati etu Jeso Keresite indi zuku panga karwi paxiki nakye, tati mbuza, bakwetu. ²Atikya nisiya kwi guniwa kapa kuni guni, hali shu mupupo kapa shamayi, kapa shama ñolo ngati dzwa kutswe, shuku tikya liba lya Shakati kali lyaya kare.³Muyeyi asiye ku kitaka shinjira iyimwe. Ku twara kura rumuka shukwe kuya, ku mwana hare muyeyi yo mubbi, yeye umwana yo musinyeha. ⁴Yopani iyamati rwenisa indi kali kakura pwi liro ishati bera lina lyu Rezya kapa shati raperwa. Akya, asikame mikereke Urezya indi kuli bika akya yendi Urezya.⁵Amana ku yanakana akya pundarana nanwe ndata ni zira izuto zopani? ⁶Pani nayiba shati mupaka, akya shamweniswe ngaho mukakanda kana naqa. ⁷I zuto zezi lizika zezibbi kali zati bberika, kono yamayi yeri ashezuwe pani kutwara pushaku dzusuwa.⁸Cware yamatili ka kura shamwnisuwa, yu shu bburuwa shiliyi lyatidzwa mumuromo a Shikati Jeso indi kumu mana pushakuya kuliqe. ⁹Yeye yamatili kakura shaye shiqhumu a Satani, ziqe, indi zuku kitaka zati hakamalisa. ¹⁰Indi kozo zuwu kitaki zati zwara bapa batiya ku mana, shuku tikya bashiti rusuno rwi njahamu indi ku palisuwa.¹¹Shumu yanakano wopa Urezya mati batumina zikitasi zezi zuwo akya ba tishire imbuzi. ¹²Akya yaya ture kowo ibahara ku tishira injahamu kono ba shaka shahali shi shiyama.¹³Kono tati swanera kupa kurumba Urezya shayenwe, bakwetu nati shakuwa ku Shikati, shuku tikya Urezya mani shara kuba zipata zintandzi ku yakuwa shuku ywesuwa shu mupupo indi kuti shira mwi njahamu. ¹⁴Mata ni bera shi evangeli, akya ni shangane ku kabira kwa Shikati etu Jeso Keresite. ¹⁵Akya hee, bakwetu, niyimi shuwuqi indi kupata nana shuzo shinata zirwa, hali shimayi kapa mañolo.¹⁶Pani Shikati etu Jeso Keresite yee halinee indi Urezya Shetu, yamati shaka indi ku tipa kutsutsuruka indi ku tishira kokuqa shi shishemo. ¹⁷Kuqisa mi tima enu muzisi zeziqa indi mayi.

¹Pani bakwetu, niti raperere, akya liyi lya Shikati lipwerake indi ku rumbuwa, tandi shilina ku nwe. ²Akya tirwene ku wubbi indi kwabato babbi, ka kowo ibana itumero. ³Kono Shikati mati sepahara, yamani panga indi kuni qawu qawu ku yomubbi.⁴Tina ku tishira ku Shikati shayenwe, akya kwetu tirasi indi kudzera ku wuso kwisi izuto zitani zira. ⁵Shikati atwere imeyo enu ku rusuno ru Rezya indi mu mashando a Keresite.⁶Pani tani zira, bakwetu, mulina lya Shikati etu Jeso Keresite, akya nidzwa kuyumwe yamati para wuparo wuwu kelira indi yahati para kwenda shushuzo mayi ngunata chinjira kutswe. ⁷Yenwe ni yi zire wuqa wukuti fwanisa, shuku tikya amata ku sikama ngaho ati tina nanwe. ⁸Ama takulya shulyuwa shu muyeyi taha shishara, kono tati bberika masuku nu mushikati mumu bberiko wo muzuwo indi wukukutu nana, akya tisiye kuba wuzuwo ku muyeyi kwekye akunwe. ⁹Tata rasi zopani shuku tikya kati bati shira, kono tarasi akyo akya tibe mutara kunwe, akya niti fwanise.¹⁰Putarana nanwe, tata ni sumu shira, ''Ya hati shaka ku bberika amaku swanera kulya.'' ¹¹Tati yuvwa akya abamwe kunwe amaba kwenda mwati tishirwa, ama baku bberika, batili njenisa mwi zuto zahali izawo. ¹²Pani ba ngahopa tati ni zira indi tati bazira sha Shikati Jeso Keresite, ba bberike shuku tipo indi kulya zu lyuwa zawo.¹³Bakwetu, kono yenwe, nisiye kwitse kwisi naqa. ¹⁴Ati kuna yahati chere mayi etu muliñolo muni, ni yuvwe, nidzwa kuku lishanganisa nakye, akya asobe. ¹⁵Ni siye ku muyisa atikya shura, kono ni mukalimere.¹⁶Pani Shikati ywi kozo yee halinee anipe i kozo kakanda koko mwi njira enu. Shikati abe nanwe kwenu. ¹⁷Mye, Paulusi, ndañoru zini shilyanja lyanga, shiqe kuma ñolo kongo ngunda ñoru. ¹⁸Shishemo sha Shikati eut Jeso Keresite shibe nanwe kwenu. Amen

¹Mye Paulusi, muvuya Urezya indi mu aposutora jeso Keresite shitumero aba yeyi wu Rezya amata sharara indi ngana yi jnahamu ku tishira kuku tyeka Urezya. ²I sepo yama yu wuparo waha mana wu Rezya, yahati kwitaka, yata sepisuwa koo. ³Muka kanda kaka shiyama mataraqe mayi akye shuwu kutazi wutata sepa kwenda shuzi hweta zu Rezya muya kuzi etu.⁴Kuwe Tite, u mwana ywi njahamu mwi tumero. Shishemo indi kozo ku Rezya Shee indi Jeso Keresite muyakuzi etu. ⁵Libaka lindata ni sira mo Korete, ku tikya ni bike naqa izuto zaha chire ku mana indi ku bika bakuru mu minzi tandi shinda niqe.⁶Ba bakuru basiye ku nyazahara, yu murwakazi muxiki, na bana bati sepahara ka bati nyazahara babaku mifilifili kapa kwa sepshara. ⁷Kwati swenera akya muruti, shuku tikya muvuya i kereke Urezya, asiye ku nyazahara. Isiye kuba muyeyi yamatili kakura yahati menga kapiri, yahati nwe zati dakisa, kapa yahati shaka ku fuma shakwa puterera bayeyi.⁸Ibe muyeyi yamati chinjira bayeyi mbiya azeziqa. Yo musauka, yo muqa, wuchena, yamati likuteka. ⁹Yamati patisa ituto yi njahamu, yamati susuweza babamwe ni zututo zeziqa indi kuqhapura bati mwiguni.¹⁰Kuna bayeyi babenji bati yaru muka, ba tyenda muzi njira zezibbi, tandi bapa wu mupato. ¹¹Kwati swanera kuba yi misa. Bayeyi batiqapara masinga ngamenji shizi tuto zawo akya ba shangane ko wu fumu wahali nduwo.¹²Babamwe baba porofita bawo bata tikya, ''Makareta bati kyitaka, zibatana zezibbi, zezi toli.'' ¹³Zu hweta zopani izi njahamu. Cwarehe, kuba qapura, atikya bayuvwa hare mi tumero. ¹⁴Ba siye ku bishira miyanakano kuma tangu a Majuda kapa zu hweta za bayeyi bata qapuka kwi njahamu.¹⁵Ku baba chena, izuto kozo zi shiyama. Kono ku bapa bababbi indi bahati tishira, kuku sheshi chena, kono kozo ingana indi miyanakano zata shinyeha. ¹⁶Bati hweta nokoti bayi zire Urezya, kono bata mushapura shizisi zawo. Kakuli imbuzisi zezibbi, bahati sepahara, bahati swanera kwisi misebezi ye miqa.

¹Kono yenwe, ni hwetye izati swanera. ²Ni rutye ba bakuru akya babe bayeyi batili kuma, batili yuvwa, ibati yuvusisa, ibana injahamu mi tumero mu rusuno, indi muku gupa matima.³Ni rutye barwakazi baba kuru babe nimu yanakano wo muqa, basiye ku shwapa, ba siye kunwa uwara, kono babe maruti uzeziqa. ⁴Ni rutye tukana ku suna babe bawo indi ku shaka abana bawo. ⁵Mi yanakano yemiqa, ye michena, kwi qau-qau mayuwo, indi ku sepahara kubabe bawo, akya liyi lyu Rezya lyisiye kulixa.⁶Mwi njira yati fwana, ni susuweze barumbwana bapare shuku yuvusisa. ⁷Niliqe kuba mutara ku misebezi ye miqa. Muku ruta kwenu, niraqe kuchena. ⁸Mayi enu ngabe ngati yaka, akya kwekye yamani kakanisa asobe shuku tikya ku njemwa sheshibbi shuba teri ku hweta kunwe.⁹Ni rutye bavuya kuku tyeka mayendisi bawo mwi zuto kozo, kubara dze kawo kaku kakana nawo. ¹⁰Kakuba yibira, kono kupanga kozo zeziqa zi tumero, akya injira koyo ilyetye wuqa kuku ruta zu Rezya Muyakuzi etu.¹¹Shishemo shu Rezya shata mwanahaza kuya kuwa ku bayeyi kowo. ¹²Yati tiruta ku shita za matoti indi wufumu wulyuvu, ku para shukulyi qhapura, wushiyama, indi shuku tishira. ¹³Tati nyayira ku wuso ku tambura isepo ifuyora, ku mwanahara kuku byenya kwakye kuku kuru ku Rezya indi Muyakuzi etu Jeso Keresite.¹⁴Jeso matalipa kutswe akya ati yakye kuzi bbisa indi ku panga wuqa kukye bayeyi batili yimina ku kwisi misebezi ye miqa.¹⁵Ku hweta zitaba zopani, ku zira bayeyi kuzisi, indi kupa ku qhapura shiqumu. Kusiye kuba muyeyi yamati ku tyera peshi.

¹Niba yanakanise kulipa kuba yendisi indi njeniso, shuku ku tyeka, niyiminwe misebezi koyo ye miqa. ²Ni siye kwikinipo uyumwe. Ni yope ku menga, nibe ni zixuma kawo, niraqe muxumakawo ku bayeyi kowo.³Yatswe itandzi kali tuba gigi indi kwaha yuvwa. Tata putelyerwa indi bavuya wulyuvu indi ziki. Taru ku para muwubbi indi muna. Katitili twaya indi ku toyiwa.⁴Kono shishemo shu Rezya muyakuzi indi rusuno rwakye ku bayeyi rwaku mwanahara. ⁵Kashi misebezi ye miqa yitatarasi, kono shurusuno rwakye rwamatati yaka sharo, shuku ywesuwa kuku pakuwa kwakye indi kushu sizwa shu mupupo wo muchena.⁶Wu fumu wu Rezya wamata tyera kutswe sha Mwanakye Jeso Keresite. ⁷Akya tibikowe baba chena shishemo shakye, akye tibe bati swana kuba ni wuparo waha mana.⁸Liyi lyopani ligi. Ndati shaka atikya ni dzere ku wuso kuligisa shazopani, kutikya bapa bati tishira ku Rezya bamamere kuli xheghe wohalinwe ku misebezi yemiqa. Izuto zopani zi shiyama indi tuso kutswe kwetu.⁹Kono ywapa zi hweta zuwugigi indi ku kakana indi zundwa zu murawo. Izuto zopani amaza kuyaka hape zujku ituso. ¹⁰Ni dzwe kubati lyeta ziqhapara mwikyo lyenu, kamana ku mukalima kaxiki kapa kaberi. ¹¹Niyi zire akya muyeyi mata qhapuka mwi njira yishiyama indi kupanga shibe indi kuli ya tura ye halinwe.¹²Pundaru ku tuma Atema kapa Titiko kunwe, Ni pwere kuni kumye kuku Nikopolisi, kunda yanakana ku sikama shipepo shini. ¹³Rasi kozo zumati kwana kwisi kuba tuma mwi njira awo Zenasi indi mu Apositola, ku tikya basiye kwi kini ichimwe.¹⁴Bayeyi betu bali tutye kuli njenasa mu msebezi ye miqa yati lyeta zati shakuwa apa ngaho, ba siye ku kara amaba ku bika zipata.¹⁵Kowo ibana namye bani waya. Nira yawa bapa ibati shaka mwi tumero. Shishemo shibe nanwe kwenu.

¹Paulusi, ibbatiti a Jeso Keresite, indi Timosi, ku Filimoni, mbiyetu ku mubberiko. ²Apia muqheni akye indi ku Achipusi mukwetu lyisore, indi kwi kerekye yati shangena mwi njuwo aye. ³Shi xamu shibe kunwe indi kuli kyeta kudzwa ku Rezya Sheetu indi Shikati Jeso Keresite.⁴Nikanditi kambira ku Rezya ndishi nihweta mwi tapero anga. ⁵Shuku tikya ndata yuvwa zuku tishira kunina nako ku Shikati Jeso indi rusuno runina naro ku bayeyi bakwe baba chena. ⁶Ndati rapera akya ku liyabira kuku tishira kube naqa, akya nibe nuku yuvusisa izuto zeziqa ziti siti ku Keresite. ⁷Ndisitye kwidze indi tsutsuruko shuru suno rwenu, shuku tikya mitima abayeyi baba chena wu Rezya yata koturwa nangweza shanwe, bakwenga.⁸Cwarehe, nanga ndimu qangatira ku Keresite kuni zira shinati lingana kwisi. ⁹Eee shuru suno, ndati nirungira kaku tikya- Mye, Paulusi, mukurukome, indi ya shiminuwa sha Jeso Keresite.¹⁰Ndati ku wuza kwenda sha mwananga Onesimusi, indata lyeta kumye. ¹¹Yeye ikali kandiye kunwe, kono pani ndiye naqa kunwe indi mye. ¹²Ndamutume kunwe nangweza, yeye mutima anga. ¹³Ndaku tikya kambe ndaku mubika kumye akya andi yakye kunwe mundi shina paxiki shuwu rumiwa.¹⁴Konokandaru ku kwana kwisi kocho nahara ku hwetapo. Kandaru ku shaka zisi zenu zeziqa shuku tikya ndani tyeyako kono shuku kwenu. ¹⁵Nanga ndipakyo yeye kusuwa kunwe shikakanda, akya numu shangane. ¹⁶Kashiba muvuya, kono kubbara muvuya, yeye yamati shakuwa. Yee matishakuwa nanyina kumye, nanyina nanyina kunwe, ku kozo mwi nyama indi ku Shikati.¹⁷Nishindi shangana muwumbiya, nimuchinjire tandi mye. ¹⁸Ati manibbisiza hali matayisa ichumwe kunwe, nizi shake kumye. ¹⁹Mye, Paulusi, ndati ñwara zopani shilyanja lyanga. Yemye shandi zishare- kwaha hweta atikya yenwe natili korota kumye! ²⁰Eyee, bakwanga, nindi pange akyopa sha Shikati; nipange mutima anga naqa ku Keresite.²¹Ndumuqhi shuku sepahara kwenu, Ndati ni ñwera. Ndiyi zire akya shanirasi kubbara zinda rungiri. ²²Mukakanda katifwana, nindi bishire kayuwo kuma rangaro kurupati, ndati tishira shizi tapero zenu shandi pewe kunwe nangweza.²³Epafrasi, mbiyanga ibbatiti ku Jeso Keresite, mani waya. ²⁴Akyo Mareka, Aristachusi, Demasi, indi Luka, bambiya ku mubberiko. ²⁵Rusuno rwa Shikati etu Jeso Keresite rube nurupupo rwenu. Amen.

¹Jakowo, muvuya Urezya indi ywa Shikati Jeso Keresite, ndati ñwera masinga nguli shimi indi abiri ingahasana: tishire! ²Nwe bakwenga, ni yanakane kwidze koko, nishi yerwa ku wuzuwo. ³Ni yibe akya kwiqaba itumero enu kwati lyeta ku gipa.⁴Ku gipa kopa ku menisiza musebezi atikya nibe kupanguwa naqa ku mana, kwikini shishimwe. ⁵Kono ati yuyumwe akunwe mati shaka ku sauka, nimu siye aringire ku Rezya, yeye yamatipa kubbara indi kwaha kakanisa bati ringira, indi ku mupa.⁶Kono a rungire shi tumero, asiye ku bbiraera ni chimwe. Kakuli yamati bbiraera mati fwana tandi likapa mu lyuwate ilya tyendisuwa ku mupupo, lyati kapa shira koko. ⁷Muyeyi ya ngahaopa asiye ku yanakana ku pewa ichumwe ku Shikati; ⁸Muyeyiyu njira zi mbiri, yamati qaba muzi njira zakye kozo.⁹Ni siye yomuhungwe ali rumbe ishana nacho. ¹⁰Kono yomufumu ali rumbe shukuli shusa peshi, kakuli shazi mane tandi zipalisa za mumu tsodzo. ¹¹Kakuli lyiba lishidzwa indi ku pisa kwalyo, mutsodzo mati qhwa, zipalisa zatiw, wuqa wazo waru ku tabisa wati mana, yu mufumu indiye isha kyopa indi za matyendira kozo.¹²Imbuyuti inju muyeyi yamatili gisa mukwi qawuwa. Kakuli ashidzwa muzi qaba zopa, mati pewa ituru uwuparo, yata sepisuwa kubati shaka Urezya. ¹³Ku siye ku shanganeha yama tikya ashi qawuwa, ''Ndara qawuwa ku Rezya,'' kakuli Urezya kati qawu shuwubbi, hape amakwi qaba muyeyi.¹⁴Muyeyi kwekye mati qawuwa shuku kokuwa shizi shaka zakye. ¹⁵Itakazo ishidzwa, yati lyeta shibe, mi shibe shishi kura shati paka rufu. ¹⁶Nwe bakwanga bati shakuwa nisiye ku kwita kuwa.¹⁷Mupuzo wo muqa kowo indi mupuzo womu shiyama, watidzwa kwi lyiiro. Wati kadzwa ku Shee uliseli. Shayeye kuku ku yaru muka kapa ku yaru muka ku mundzire. ¹⁸Urezya mata tyema kutipa ku pakuwa shi mayi injahamu, kuzu panguwa zakye tibe nokoti imbu kuzya.¹⁹Nwe bakwanga, ni yizire zini: Muyeyi kwekye ayuvwe ka piri, yamati liyeha ku hweta indi ku menga. ²⁰Kakuli ku menga ku muyeyi ama kwaku sebeza ni ku ruka ku rezya. ²¹Shili baka lyopa ni siye zezibbi kozo, indi shikansa mi nitambure wuqa wuliyi lyata kunuwa mikyo lyenu, lyati kwana ku yaka mupupo enu.²²Nibe babagi mu liyi mi kakuba ibati yuvwa ngaho ibatili kitaka. ²³Kakuli muyeyi amaku yuvwa liyi ahatili panga, mati fwana tandi yamati lilyaya mushuponi wusho wakye wamata pakuwa nawo. ²⁴Ashimana kuli mwana, ndika kita papa ngaho nduku yi bara sha sire. ²⁵Kono yamati lyayisisa naqa murawo mi mati gisiza mwawo, ndiku dzwera ku wuso kwisi akyo, kayamati yuvwa ndu yibara, muyeyi yopa mati fuyorwa muzisi za kye.²⁶Ati uyumwe apanwe mati yanakana atikya mati para shishi rumeli, kono amaku panga naqa muhweturo akye, mati kitaka mu tima akye indi wu rumeli wakye muku ituso. ²⁷Wu rumeli wo muchena wahati nyazuwa puwuso wu Rezya Tatye iwuku yaka baba ku bashe abwo indi bazise mu wuzuwo wawo, mi matili bbakanya kuzu lyuvu.