¹Ega gamatawa gabhana bha hu Izlaeli bhabhahenzele hu Misri nu Yakobo ola muntu ne khaya yakwe. ²O Rubeni, oSimioni, oLawi, nu Yuda, ³O Isakari, oZebuluni, no Benjamini, ⁴O Dani, oNaftali, oGadi, no Asheri. ⁵Embaazyo ya bhantu bhakhaya ya Yakobo bhahali sabini. O Yusufu ahali hu Misri tayali.⁶Papeepo oYesofu, na kolo bhakwe na bhana bhakwe bhonti bhahafwa. ⁷Bhahuisraeli bhawezizye pagosi, bhahanjelela embaazyo yabho, na bhahabha ne nguvu maana enzi bhaamemile abhene.⁸Esaala ezi ofalme wamwabho wa sagamenye oYosefu alongozezye hu Misri. ⁹Abhabholele abhantu bhakwe, "Enyaji, ebha bhahu Israeli bhinji nantele bhali nenguvu atishinde ate. ¹⁰Enzi na tikhale nabho kwa njeele sana, nkasaga shashesho bhaihwendelela hwonjelele alafu nkalibho lyaibha, bhaibha pandwemo na bhibhi bhetu, bhailwa nate, alafu bhaisogola."¹¹Esho bhabheshele alinzi bhabhatesile abhapele embombo ehome. Bhahuisraeli bhazenjile evyaanga vya mkhaya kwa ajili ya Farao: Pishoni ne Ramsei. ¹²Bhahumisri shabhahendelelaga abhatese, Bhahuisraeli bhahonjeleye nabhe bhinji. Esho Bhahumisri bhahanda abhogope bhahu Israeli.¹³Bhahumisri bhabhabheshele bhahu Israeli aje bhabhanje bhabhomba embombo ehome. ¹⁴Bhabhele amaisha gabho abhe gavwalale abhabhombesye embombo ehame entooli amatafwali ne mbombo zyonti zyahugonda. Embombo zyabho yonti zyahali home.¹⁵Ofalme wa hu Misri abhabholele bhabhapapizya abhana abhe Shiebrania; omo itawa lyakwe ahali Shifra, no wamwabho ahali yo Puha. ¹⁶Ajile, "Pamubhavwa abhashe bhe Shiebrania pabhapapa abhana, bhenyaji pabhapapa. Nkeshele mwana we shilume, mugogaje; ila nkeshele weshilendu, mulehaje abhanje mwomi." ¹⁷Lakini bhala amama bhamwogope Angolobhe sagabhabhombile shabhabholelwo no mfalme abhene bhahabhaleha abhana bheshilume bhalohanje bhomi.¹⁸Ofalme wahu Misri abhakwizizye (abhakujile) bhala bhabhahwavwa amama apape abhana abhabhozyezye, "Yenu mubhombile ega, na bhaleshe abhana abheshilume bhabhanje bhamo?" ¹⁹Bhala Amama bhahamweteha ogosi bhahaga, "Ebha abhashe abhe Shiebrania sagabhali neshi abhashe bheshi Misri. Ebha bhali ne nguvu na bhahwiamini tee abhene bhapapa sali sele nafishe wapapizya."²⁰Ongolobhe abhenyizye shinza ebha Amama. Abhantu bhahwonjelele nabhe ne nguvu sana. ²¹Kwa sababu bhala bhabhapapizya abhana bhamwogope Angolobhe na lume bhabho. ²²O Farao abhabholele abhantu bhonti, "Lazima mtaje omwana weshilume wawonti wapapwa mwisoho, ila weshilendu wawonti muleshe abhanje mwomi."

¹Eshi olume we shi Lawi amwejile oshe weshi Lawi. ²Ola oshe apete olwaanda ahapapa omwana we shilume. Pahalola aje mwana wali nobele gwinza ahafisa humei gatatu.³Lakini pahali sagawezya ahufise ahejile eshikapo shemasole ahapaha evinza ne lami. Apheshele omwana muhati na ashibheshela pamwanya pamene mumasole panshenje pisoho. ⁴Okolo wakwe ahemelela sahutali aje amanye ga gandahumwaje.⁵Olendu wa Falao ahiha ahwoje hwisoho wakati abhomba mbobo bhakwe bhajenda jenda mushenje mwisoho. Hope ashilola eshikapo mumasole ahatuma obhomba bambo wakwe abhaleshilete. ⁶Pahigula alolile omwana enya omwana alilanga asajie, "Naje ono omo wabho owa bhana bha Ebulania."⁷Eshi okolo wamwana ola ahabhola olendu wa Falao, "Huje abhale humwanzile oshe owe Shiebulania ayenze alelele omwana hwajili yaho?" ⁸Olendu wa Falao ajile, "Bhalaga." Esho ola olendu abhalile awizizye onyina wakwe ola omwana.⁹Olendu wa Falao ahabhola onyina wa mwana mweje omwano ono bhalaga omwoshezye, nane embahupele eshalye esho ola oshe ahamwega omwana nahu mwoshezye. ¹⁰Omwana pahabha gosi, aletile hwalendu wa Falao, ahabha mwana wakwe. Ahamweta itawa lyakwe yo Musa ajile, "Hwa sababu ehamwajile mumeze."¹¹O Musa pali mtu gosi abhalile hwa bhantu bhakwe nalole embobo ehome zyabhali bhabhomba. Alolile Omisili ahukhama Amuebulania, omo owa bhatu abhe shikholo shakwe. ¹²Ahenyezye ohu na hula, palolije nomo omtu, agojile ola omisili nahufise obele gwakwe mwinkondi.¹³Abhalile nantele isiku lyalyabhenjelele, enya, Aebulania bhabhele bhali bhakhomana. Abholele alayali anajile, "Yenu ohukhoma owa mwenyuu?" ¹⁴Lakini ola muntu ayajile, "Wenu yabheshele awe abhe longozi nahwamulenye huliti? Ohwaza agaje nane nashi ohagaji ola omisili?" Pepo oMusa ahogope ajile lyoli ge mbombile gamanyishe.¹⁵O Falao pahovwezye enongwa ezi alenjele ahugoje oMusa. Lelo oMusa ahanyila nabhale akhale husi eya Midiani. Hula akheye pasi pashenje yisoho. ¹⁶Esiku ezye okuhani we Midiani ali nalendu saba bhahenzele hwisoho atape amenze na menye evyelelo vyabho aje zimwelezye evyoma vya ise wabho. ¹⁷Adimi bhahenzele nahwande abha bhenje, lelo oMusa bhalile abhavwe. Nantele ahazimwelezya evyoma vyabho.¹⁸Bhala alendu pabhabhalile hwa Leueli oyise wabho, abhabhoyezyee, "Yenu muuile akhaya nanali asanyono?" ¹⁹Bhahabhola aje, "Omisili omo atavwizye hwa bhala adimi. Nantele atepe amenze amwelezyezyee evyoma vyetu." ²⁰Pepo ahabha bhazya alendu bhakwe, "Ali hwi eshi? Yenu mwalehagaa? Kwezi alye eshalye pamo nate."²¹O Musa aheteha akhole nola omtu yali apiye olendu wakwe oZipola huje amweje. ²²Apepe omwana osahala, oMusa amwetele itawa lyakwe Geshomu; ajile; "Edi we mbobo msi ejenyi."²³Esiku nyinji pamande omwene wa hu Misili afwa. Aizilaeli bhalalamishe hu sababu ye bombo ze utumwa. Bhalilile ahwanze amusaada ne puto yabho yafishila Ogolobhe hu sababu ye mayemba gabho. ²⁴Ongolobhe pahovwa amalalamiho gobho, Ongolobhe akomboshe ilagano lyakwe no ibulahimu no Isaka no Yakobo. ²⁵Ogolobhe abhalile Aisilaeli nahwele we sabhali.

¹Esiku ezyo oMusa ahedeleye adime evyoma vya Yethro okhoyi wakwe okuhani we Midiani. O Musa alilongozezye idimila abhale abali ohutali husi eyomosu paka fishe hu Holebu, hwi gamba lya Ngolobhe. ²Pali pala ohala olelu owa Yahwe ahabhoneha nashi okhozyo olwemwoto pagona. O Musa ahenyizye, enya, agona sahalongolela. ³O Musa ajile, "Ebagalushe ili enenye eshitaku eshi eshaswizye, yenu agona sahalongolela."⁴O Yahwe palolila aji agalushe hundwemo aje ayenye, Ongolobhe akwizizye afume mwagana naje, "Musa, Musa." Musa ajile, "Ane epa." ⁵Ongolobhe ajile, "Oganje anzobhelile! Aula amalato mumagaga gaho, aje epo poyemeleye pabheshalwe wakifu hwajili yane." ⁶Ahonjeye ayaje, "Ane ne Ngolobhe wa ise bhaho, Ngolobhe wa Ibulahimu Ngolobhe wa Isaka na Ngolobhe wa Yakobo." Esho oMusa akwishila amaso gakwe huje ahogope hu mwenye Ongolobhe.⁷O Yahwe ajile, "Lyoli egalolile amayemba aga bhatu bhane bhabhali hu Misili. Enovwezye ibwago gabho hu sababu ya mambwana bhabho, hwa huje ega menye amayemba gabho. ⁸Enezele pasi afyole hu zidi ye mamlaka ya misili na bhefwe hunsi ela na bhalete hunsi enyinza, ehweli ensi yememile amazibha no woshi; huula hwa Kanani, Aahiti, Aamori, Aapenzi, Ahivi, na Yebusi.⁹Eshi eshilio sha bhantu abha hu Israeli shenzele whaline. Tee, Ane engalolile amateso gapewa na bhahu Misili. ¹⁰Eshi basi, embahutuma awe wha Farao ili obhefwe abhantu bhane, abhana bhahu Israeli, afume hunsi ya hu Misili."¹¹Lakini oMusa ahabhula Ongolobhe, "Ane nenanu poiga embale hwa Farao na bhefwe abhantu bwahu Israeli afume hu Misili?" ¹²Ongolobhe ajibule, "Lyoli embabhe pandwemo nawe. Olu lubhabhe bhonesyo huliwe aje efumile. Pobhabhe obhefwizye abhantu afume hu Misili, mwa imputa ane pigamba eli."¹³O Musa ahabhula Ongolobhe, "Nkembabhale hwa bha hu Israeli na bhabhule, 'Ongolobhe wa isa bhenyu aufumile ane hulimwe,' na nkeshe bhambozya aje, 'itawa lyakwe yonanu?' naibhabhola yenu?" ¹⁴Ongolobhe ahabhula oMusa, "ANE EHWELI NE HWELI." Ongolobhe ahaga, "Lazima obhabhule bhahu Israeli, "ANE EHWELI antumile hulimwe." ¹⁵Nantele Ongolobhe ahabhula oMusa, "Lazima obhabhuule bhahu Israeli, 'O Yahwe, Ongolobhe waisa bhenyu, Ongolobhe wa Abrahamu, Ongolobhe wa Isaka, no Ngolobhe wa Yakobo antumile ane hulimwe. Eli lyaa litawa lyane huwiila, na eshi shabhainkomboha bhonti.'¹⁶Bhala obhabhonganye azehe bhahu Israeli pandwemo. Bhabhole, 'O Yahwe, Ongolobhe wa isa bhenyu, Ongolobhe wa Abrahamu, no Isaka no Yakobo, amtumiye ane nayanje, "Lyoli embenyizye na endolile gala gamubhombelwe ohwo hu Misili. ¹⁷Eneteshe abhefwe amwe mmateso ge Misili na bhalete hunsi ya Kanaani, Ahiti, Amwori, Aperizi, Ahivi na Yebusi. Ensi ye mema amazibha no woshi." ¹⁸Bhaihumwovwa. Awe nazehe bhahu Israeli muhwanziwa abhale mfalme wa hu Misili, na hubhuule aje, 'O Yahwe, Ongolobhe wa Ebrania akhomene nate. Esho tileshe tibhale hunsiku zitatu hwijangwa ili tifumye evintu hwa Yahwe Ongolobhe wetu.'¹⁹Lakini emenye aje ofalme wa hu Misili saga aibhaleha amwe mubhale, ila nkabhalazimisiwe. ²⁰Naizovya okhono gwane na bhakhome abhahu Misili hu miujiza gonti ge mbabhombe hwabhene. Afume epo, aibhaleha mubhale. ²¹Naibhapela abhantu ebha bhabhenye afume hwa Misili ili pamusogola msibhale wene. ²²Kila wali mama ailabha hwawamwabho wahu Misili na hwa kila wali mama wakhala munyumba ya wamwabho, evintu vyehela ne zahabu na menda. Namwe whidala mwaibhakwatizya abhana bheshilume nabheshishe. Whidala eli mwaibhakhopela abhahu Misili."

¹O Musa ajibule, "Lakini yaibha wele nkasagabhaineteshela au nomvwe aje, 'O Yahwe sagafumiye awe?" ²O Yahwe ajile, "Eho henu mukhono gwaho?" O Musa ahaga, "Sanzo." ³O Yahwe ahabhola oMusa, "Gutaje pansi." O Musa wagutaga pansi gula osanzo, gwageuha nabhe nzoha. O Musa ahauya akhosi.⁴O Yahwe ahabhula oMusa, "Yeje aikhate oswiha kwakwe." Esho aikhete ela enzoha. Pepo yakeuha abhe sanzo mukhono gwakwe nantele. ⁵"Eli ili bhamini aje oYahwe, Ongolobhe wa isa bhabho, Ongolobhe wa Abrahamu, Ongolobhe wa Isaka no Ngolobhe wa Yakobo afumiye awe."⁶O Yahwe nantele ahabhuula, "Eshitosya okhono gwaho mumwenda gwaho." Esho oMusa ahatosya okhono gwakwe mumwenda gwakwe. Na pagufumizye ahwonze, enya, okhono gwakwe gwahwali no ukoma, gwabha zelu neshi theluji. ⁷O Yahwe ahajile, "Tosya okhono gwaho mumwenda gwaho nantele." Esho ahatosya okhono gwakwe mumwenda gwakwe na pafwefwa ahonze alolile gwinza leene neshi saguli obele gwakwe gwonti.⁸O Yahwe ahaga, "Kama sagabhaihumweteshela - kama sagabhaigeteshela ganaibhomba pehwanda ge nguvu zyane na zyeleshele, basi bhaihweteshela lyahaibhomba malaya bhele. ⁹Na kama sagabhahweteshela ega gonti gabhele ge nguvu zyane, au nkasagabhaihumwomvwa awe, basi tapa amenze afume mwisoho na hwite munsi enyomu. Amenze gawaihwita gaibha danda munsi enyomu."¹⁰Epo oMusa ahabhuula oYahwe, "Bwana, ane endi endi mwinza wa yanje, saga papeepo kwanza au ata baada yaje ayanjile no muntu waho. Ane sagemenye ayanje tena endi ne shisayo." ¹¹O Yahwe ahabhola, "Yonanu walengenye ilomu lya mwanaadamu? Yonanu wabhomba omwanadamu asinte yanje alole na sinte lole? Je saga nene na Yahwe? ¹²Eshi bhala, ane embabhe ni tomu lyaho na hulanganyizye ha yanje." ¹³Lakini oMusa ahaga, "Bwana, twala omuntu wa mwabho, wosongwa hu twale."¹⁴O Yahwe avitililwa oMusa. Ahaga, "Wele ahusu oAroni okolo waho oLawi? Emenye aje owezya ayanje shinshinza. Esho, ahwenza akhomane nawe, na pabhahulola omwoyo gwakwe gubhashime. ¹⁵Awe waiyanga na waibheha ga yanje mwilomu lyakwe. Nane embabhe ni tomu lyaho ni lomu lyakwe. Nane embabhe ni lomu lyaho ni lomu lyakwe, ane naibhalanga amwe mwentu gamuhwanziwa bhombe. ¹⁶Omwene aiyanga na bhantu badala yaho. Omwene aibha yanzi waho, nowe wibha neshi Ngolobhe hwamwene. ¹⁷Waihwega osanzo olu mukhono gwaho. Hu sanzo olu waibhomba amagosi."¹⁸Esho oMusa ahavya hwa Yethro - okhoyi wakwe na hubhole, "Elabha embweele hwa holo bhane bhabhali hu Misili ili emenye nkeshele bhali sa bhomi." O Yethro ahabhola oMusa, "Bhalaga ne amani." ¹⁹O Yahwe ahabhola oMusa hula hu Midiani, "Bhala, weela hu Misili, maana bhabhenzaga hugoje bhafwile." ²⁰O Musa ahamwega oshe wakwe na bhana bhakwe bheshilendu na sahala nabhabheshe muda gobhi. Ahauya hadi hu Misili, ahejile osanzo gwa Ngolobhe mukhono gwakwe.²¹O Yahwe ahabhola oMusa, "Pawaiwela hu Misili, obhombaje gondi gepiye abhombe hwa Farao. Lakini embabheshe omwoyo gwakwe abhe khome, wope sagabhabhaleshe abhantu bhabhale. ²²Lazima obhuule oFarao, 'Eshi shayanga oYahwe oIsraeli mwana wane, opapwa wa kwanza waline, ²³nane ehubhala, "Leshe omwana wane abhalaje ili ampute ane." Lakini kwa sababu okhanile ahuleshele, lyoli embahugoje amwana waho osahala, epwa waho wa kwanza."'²⁴Eshi pabhahali mwidala, no siku pabhatoyele, oYahwe akhomene no Musa na hwande ahugoje. ²⁵Peepo oZipora ahejile ofyo ogwooji na bhol igovi lya mwana wakwe we shilume nalibheshe mumagaga gakwe. Eepo haga, "Lyoli awe we bwana harusi wane we danda." ²⁶Esho oYahwe ahaleshela. Ahaga, "Awe oli bwana harusi we danda" kwa sababu otahiriwe.²⁷O Yahwe ahabhuula oAroni, "Bhala hunyika okhomane no Musa." O Aroni ahabhala na khomane nawo hwigamba lya Ngolobhe, na hu busu. ²⁸O Musa ahabhuula oAroni amambo gonti oYahwe galajizizye ayanje hu mambo gonti ge nguvu zya Yahwe gabholele abhombe.²⁹Esho oMusa no Aroni bhahabhala abhabhonganye azehe bhonti bya hu Israeli. ³⁰O Aroni ahabhula amambo gonti oYahwe gabholele oMusa. Tena abhonesezye amambo ge nguvu zya Yahwe hwa bhantu. ³¹Abhantu bhaheteshela. Pabhahomvwa aje oYahwe ahabhalola bhahu Israeli nagalole amateso gabho, bhahisya amatwe gabho na hupute.

¹Pabhala enongwa ezyo pazyafumie, oMusa no Haluni bhabhalile hwa Falao na hubhole, ""Eshi shashesho oYahwe, Ongolobhe wa hu Isilaeli aiga: 'Bhaleshe abhatu bhane bhabhale abobele kalamu husi enyomosu." ²O Falao ahaga, "O Yahwe yonanu? Yenu ane enovwe izu lyakwe nabhalehe Aaizilaeli bhabhalaje? Ane semenye oYahwe; nantele saga ebabhaleshele Aizilaeli bhabhalaje."³Bhahaga, "Ongolobhe wa Bhaebrania akhemene nate. Titeshe tibhale hwijangwa hunsiku zitaatu ili lifumye evintu hwa Yahwe Ongolobhe wetu ili asitikhome eshikhomo au shabholwe." ⁴Lakini ofalme wa hu Misili abhabholele, "O Musa Aruni, yesu mubhefwa abhantu mumbombo yabho? Bhalaji hu mbombo yenyu." ⁵Nantele yanjile aje, "Eshi bhali Aebrania bhinji munsi yetu, namwe muiga bhaleshe embombo zyabho."⁶Isiku lya lila, oFarao afumizye ilajizyo hwa longozi bhakwe na nyampala bha bhala abhantu. Ajile, ⁷"Saga shayahali palwandilo, "Saga shayahali palwandilo msibhapele nantele abhantu isole lyalengenyizye amatafwali. Bhaleshi bhene bhabhale bhahwiyanzile isole. ⁸Japo bhahwanziwa alete ibhazyo lyalitengana na lyabhalenganyaga palwandilo. Msihwejelele madodo maana abhene bhoolo bhombe embombo. Ndio maana bhabwaga naje, 'tileshe tibhale tifumizye evintu Ongolobhe wetu.' ⁹Bhonjeli embombo alume ili bhasibhe ne sala zya tejezye amambo gagasanganya."¹⁰Esho avilongozi bha bhantu na bhabha bhenyu bhabhabholele abhantu. Bhajile, "Eshi shayanjile ofarao: 'Sembabhapele nantele vyalenganyizizye. ¹¹Mwemwe mubhabhale ahwanze isole hwa hwonti hwamubhalyaje, lakini embombo zyenye agazibhahonda.¹²Basi abhantu ebho bhazyongoleye enzi yonti yahu Misili ili bhabhonganye amatakataka badala yi sole. ¹³Bhabhabhenya bhabhabholele aje, "Malezyi embombombo zyenyu, sawa ne sala zyakwe isola lya hali." ¹⁴Anyampara bha Farao bhabhakhomile bhabha bhenya bha hu Israeli, abhantu bhabhala bhabhabheshele aje bhabhenyaje. Bhala anyapala bhabhabhozyezye, "Yenu saga mletile embazyo yehwanziwa hulimwe, isiku ligamo na sanyono neshi shamwabhombaga ensiku zya hosi?"¹⁵Basi Anyapara na bhana bha hu Israeli bhabhalile ahulilile oFarao. Bhajile, "Yenu obhabhombela abhantu bhaho eshi? ¹⁶Ate tatibhenya sagatipewa isole nantele, lakini bado bhatibhola ate, "Lenganyaji amatafwali!' Ate tibhantu bhaho tikhomwa eshi, lakini bhabhakosele bhantu bhaho." ¹⁷Lakini oFarao ajile, "Amwe muli bholo! Muli bholo! Amwe muyiga, 'Tileshe tibhale ahufumizye oYahwe evintu. ¹⁸Eshi wuyi hu mbombo. Sagamubhapewe isole nantele, lakini muhwanziwa alenganye embazyo yela yematafwali."¹⁹Anyapara bha bhana bha hu Israeli bhahamanya aje bhali mumayemba amagosi pabhabholelwe, "Sagamubhahonzye lwonti embazyo ye matafwali ga mubhalenganye huwila." ²⁰Wakakutana na Musa na Haruni, waliokuwa wamesimama nje ya Ikulu wakati wanatoka kwa Farao. ²¹Bhakhomine no Musa no Haruni, oYahwe abhenye anwe nabhakhome maana mubhombile aje ate tibhoneshe bhabhibhi hwa Farao na longozi bhakwe. Mubheshele ipanga munyobhe zyabho ili bhatigoje."²²O Musa ahauya hwa NGOLOBHE na hubhole, "Ngolobhe, yenu obhabhombile amabhibhi abhantu ebha? Yenu antume ane nasoti? ²³Afume panahenzele hwa Farao hwitawa lyaho, abhabhombeye amabhibhi abhantu ebha, saga obhombile aminza ata hashe."

¹Eshi oYahwe ahayanga no Musa, "Eshi wailola hanaibhomba hwa Farao. Wailola eli, kwa kuwa aibhaleha bhabhale hukhono gwane gwe nguvu. Hu khono gwane gwe nguvu, aibhefwa hwonze hunsi."²Ongolobhe ahayanga no Musa ahabhula, "Awe ne Yahwe. ³Nafumiye oIbrahimu, oIsaka, no Yakobo endi Ngolobhe nendi ne nguvu; lakini hwitawa lyane, Yahwe, saganamanyishe hwa bhene. ⁴Nantele nalengenye ahwele wane ane na bhene, ili embapele ensi yahu Kanani, ensi yabhakheye ogaje saga nsi yabho, ensi ya bhakhalaga sabhazyongola zyongole. ⁵Hu gonti, enomvwezye alile hwabho bhahu Israeli bhenye bhabheshelwe bhabho mbombo zyewene hu Misili na enkomboeshe shatahetehene.⁶Eshi, yanga hwa Israeli, 'Ane ne Yahwe. Embabhefwe hwa muayanzwa hu Misili, na bhabheshe mubhene. Embabhavwe hu nguvu zyane, ehone zyane na hu mambo ga saga gewene gabhatese. ⁷Embabhalete hwline mubhe bhantu bhane, na embabhe Ngolobhe wenyu. Mubhamanye aje ane ne Yahweh Ongolobhe wenyu, wabhefwizye humabhibhi hwa bhantu bha hu Misili.⁸Embabhale hunsi yabholile aje naihupela oIbrahimu, oIsaka, no Yakobo. Embabhapele anje yalimwe. Ane ne Yahwe." ⁹O Musa pabhabhulile ega bhahu Israeli, sagabhamwomvwezye afumilane na makhome gabha bhombwile.¹⁰Esho oYahwe ahayanga no Musa na hubhule, ¹¹"Bhala ubhule oFarao, ofalme wa hu Misili, abhaleshe abhantu bhahu Israeli bhasogole hunsi yakwe." ¹²O Musa ahabhula oYahwe, "Kama bhahu Israeli sagabhanomvwezye ane, yesu oFarao amumvwe ane, ane sagendi mwinza ayanje?" ¹³O Yahwe ahayanga no Musa no Aruni. Abhapela zyazuhulongozya oFarao na bhahu Israeli ofalme wa hu Misili, abhefwe bhahu Israeli hunsi ya hu Misili.¹⁴Ebha bhahali matwe ge nyumba ya isa wabho: abhana bha Rubeni, oppwe wa kwanza wa hu Israeli, bhahali oHanoki, oPalu, oHezroni, no Karmi. Ebha bhahali bha maama bhenyumba ya Rubeni. ¹⁵Abhana bha Simeoni bhahali Yemueli, Yamini, Ohadi, oYakini, oZohari, no Shauli - omwana washe wahu Kanani. Ebha bhahali bha maama bhe nyumba ya Simeoni.¹⁶Epa gasimbilwe amatawa gabhana bha Lawi, pandwendo ne mbaapo zyabho. Bhahali bha Gerishoni, oKohathi, no Merari. O Lawi akheye hadi pafishile amaha 137. ¹⁷Abhana bha Gerishoni bhahali bha Libni no Shimei. ¹⁸Abhana bha Kohathi bhahali bha Amramu, Izhari, oHebroni, no uzieli. O Kohathi akheye amaha 133. ¹⁹Abhana bha Merari bhahali bha Mahli no Mushi. Ebha bhahenzele abhe bha maama bhe nyumba ya Lawi, pandwemo na bhana bhabho.²⁰O Amramu amwejile oYekebedi, oyilombo wa ise. Apapiye oAruni no Musa. O Amramu akheye amaha 137 ndiyo pahafwa. ²¹Abhana bha Izhari bhahali bha Kora, oNefegi, no Zikri. ²²Abhana bha Uzieli bhali Mishaeli, oElizafani no Sithri.²³O Aruni amwejile oElisheba, omwale wa Aminadabu, oilombo wa Nashoni. Apepe oNadabu no Abihu, oEleazari no Ithamari. ²⁴Abhana bha Kora bhahali bha Asiri, oElikana no Abiasa. Ebha bhahali bha maama bhe nyumba ya Kora. ²⁵Eleazari omwana wa amwejile amo mwabhala abhale Bha Putieli. Apapile oFineazi. Ebha bhahali bhahali matwe ge khaya zya isa wabho mubhala Alawi, pandwemo no bhana bhabho.²⁶Ebha alume bhabhele bhahali oMusa no Aruni bhenye oYahwe ajile, "Bhaleti bhahu Israeli afume hu Misili, hu bhandu bhabhamenye alwe." ²⁷Aruni na Musa bhahayanga no Farao, omfalme wa hu Misili, bhaleshe bhahu Israeli bhafume hu Misili. Ebha bhahali yo Musa no Aruni bhabhala.²⁸Pala oYahwe payanjile no Musa hunsi ya hu Misili, ²⁹ahabhula, "Ane ne Yahwe. Yanga hwa Farao omfalme wa hu Misili, kila hantu hehubhula." ³⁰Lakini oMusa ahabhula oYahwe, "Aane saga endi mwinza ayanje, esho yenu oFarao anomvwe ane?"

¹Yahwe ahayaga no Musa, "Enya, ebheshele aje Ngolobhe hwa Falao. O Haluni okolo waho abhabhe kuwa waho. ²Obhayanje shila hatu hemba hubhole oHaluni okolo waho abhayanje no Falao aje abhaleshele abhatu abha huIsilaeli bhafume musi yakwe.³Nantele embaa gubheshe omoyo gwa Falao khome, na mbabhonesye endolesyo nyiji ezye nguvu zyane, eswigo enyiji musi ye hu Misili. ⁴Nantele oFalao sagada hutejelezye hwahuje embagulete okhono gwane hwega hu Misili nafumye abhatubhane apapwa bhahu Isilaleli, bhafume msi ye Misili hu mafumilo amagosi agelozi. ⁵Amisili bhandamanye ake ane ne Yahweh pembagolosye okhono gwane hu Misili na fumye Asilaeli afume mwabhanje bhabho.⁶O Musa no Haluni bha habhomba esho; bha bhabhombile nashi oYahwe shabha bhulelee. ⁷O Musa ali na mahaa semanini no Haluni ali na mahaa semanini na tatu pabhali bhayanga no Falao.⁸O Yahwe ahabhola oMusa no Haluni, ⁹"Ensiku oFalao paibhabhola bhomba amiujiza waihubhola oHaluni engaizinga lyaho livuguzye pasi hwitagalila lya Falao oje ligaluhani nzoha." ¹⁰Nantele oMusa no Haluni bhabhalile hwa Falao, na bhabhombile shayanjile oYahweh shabhabholele. O Haluni aviguzizye pasi izinga lyakwe hwitagalila ya Falao natumishi bhakwe, na galuhane nzoha.¹¹Pepo wope Falao akwizizye agosi abhe hekima na bhitonga bhabhomba ijambo lyalila hwitonga lyabho. ¹²Kila mtu aponyize pasi ilesa lyakwe na madesa gahabha zoha nantele idesa lya Haluni lyamilile ezoha zyabho zyonti. ¹³Omwoyo gwa Farao wahali khome, na saga ahomvwezye, shila shayanjile oYahwe.¹⁴O Yahweh ahayanga no Musa, "Omwoyo gwa Farao khome, tena akhana abhaleshe abhantu bhasogole. ¹⁵Bhala wha Farao nashampwii nobhala hu menze. Emelela hwagandiye amenze okhomane nawo, nantele oyeje mmakhono gaho ikwi lyalyabadilishe abhe nzoha.¹⁶Ubhule, 'O Yahwe, Ongolobhe Waebrania, antumile huliwe, "Leha abhantu bhane bhasogola, ili bhampute hula hunyika. Mpaka eshi saga onomvwezye." ¹⁷O Yahwe ayanga eli: "Hweli obhamanye aje ane ne Yahwe. Embala akhoma amenze ga mwisoho iya hu Misili hwikwi lyane lyalili mkhono gwane, isoho libhabhe daanda. ¹⁸Esamaki zyazili mwisoho zibhafwe ni soho libhahunshe. Abha hu Misili Sagabhabhamwele amenze gagali mwisoho.""'¹⁹Eshi oYahwe ahayanga no Musa, "Bhule oHaluni, 'Ega ikwi lyaho ogolosye okhono gwaho mumenze gabhahu Misili, na masoho gakwe, amadala ge menze, mwagafuma amenze, na mwagafishila amenze mwonti, ili amenze gabho ge danda. Bhomba eshi hubha danda enzi yonti ya hu Misili, hadi mvyelelo vyabho bhonti vye makwi na mawe."²⁰O Musa no Aruni bhahabhomba sabhabhulile oYahwe. O Aruni azuvizye amwanya ikwi na khome amenze ga mwisoho, pa maso ga Farao na bhantu bhakwe. Amenze gonti mwisoho gahabha daanda. ²¹Esamaki mwisoho zyahafwa, isoho lyanda anunshe. Bhahu Mmisili bhahamenwa amwele amenze mwisoho, nayedanda yahabha ensi yonti yahu Misili. ²²Lakini alozi bhabhombile shesho no lozi wabho. Esho omwoyo gwa Farao gwahabha khome, ahakhana abhomvwe aMusa no Aruni, shila oYahwe shajile ebhabhoneshe.²³Esho Farao ahauya na bhale akhaya yakwe. Saga alibheshele sana mwitwe eli. ²⁴Abhahumisili bhonti bhadibile bhahatile munshenje mwisoho bhagaje amenze ga mwene, lakini bhamenilwe amwele amenze ga mwisoho. ²⁵Ensiku saba zyahashila afume oYahwe pakhomile isoho.

¹Esho oYahwe ahayanga no Musa, "Bhala hwa Farao ubhuule, 'O Yahwe ayanga eshi: Leha abhantu bhane ili bhampute. ²Nkokhana abhaleshe bhasogole, embaikhome ensi yaho yonti hunyola. ³Ensi ebhameme enyola. Bhabhafuma nahwenze hukhaya yaho, ahati yaho na hushitala shaho/igonelo lyaho. Bhabhabhale hukhaya zya bhantu bhaho. Mmateshelo na mvyelelo vyamkhandila amabumunda. ⁴Enyola zibhahumeme awe, abhantu bhaho na bhabhalongozya abhantu bhaho bhonti.""'⁵O Yahwe ahabhula oMusa, "Bhule oAruni, 'Golosya okhono gwaho nikwi lyaho mwisoho mwagajenda amenze na muula mwagafishila, nantele oyefwe enyola munsi yahu Misili. ⁶O Aruni ahagolosya okhono mmenze gahu Misili, ne nyola zyahafume na imeme ens yahu Misili. ⁷Lakini abhalozi bhabhombile sheesho no lozi wabho: bhahefwa enyola hunsi ela ya hu Misili.⁸Eshi oFarao abhakwizizye aMusa no Aruni nabhabhule, "Labhaji oYahwe ayefwe enyola huline na hwa bhantu bhane. Pembaabhaleshe abhantu bhasogole, bhafumizye evintu." ⁹O Musa ahabhula oFarao, "Ogambula ndii elabhile awe, bhabhalongozya na bhantu bhaho, ili enyola zyepe huliwe na hukhaya yaho na zisagale hwisoho hweene."¹⁰O Farao ahaga, "Shandabho." O Musa ahaga, "Leha ibhe sheesho shoyanjile, ili omanye aje nuumo Ongolobhe owenje neshi oYahwe, Ongolobhe wetu. ¹¹Enyola zibhahwepe huliwe, hu khaya yaho, hwalongozi bhaho na hwa bhantu bhaho. Zibhasagale mumasoho mwene." ¹²O Musa no Aruni bhahafuma hwa Farao. Eshi oMusa ahalila hwa Yahwe hu ziila enyola zyaletile hwa Farao.¹³O Yahwe ahabhomba shashila shalabhile oMusa: Enyola zyahafwa munyumba, hu nyuani, na mumagonda. ¹⁴Abhantu bhazingonganya pandwemo, pandwemo, ensi yahanuha. ¹⁵Lakini oFarao pahalola aje huli shinza hashe, ahabheha omwoyo gwakwe abhe khome, sagamwomvwa oMusa no Aruni, shila shayanjile oYahweh.¹⁶O Yahwe ahabhula oMusa, "Mubhuule oAruni, 'Golosya ikwi lyaho okhome olongo pansi, gubhe mponi hunsi ya hu Misili."' ¹⁷Bhahabhomba esho: O Aruni ahagolosya okhono gwakwe nikwi lyakwe. Aahakhoma olongo. Emponi zyahenza hwa bhantu nabhanyama. Olongo gwonti pansi gwahabha mponi hu Misili.¹⁸Abhalozi bhalenjele alenganye emponi hu lozi wabho lakini bhahamenwa. Pahali ne mponi hwa bhantu na bhanyama. ¹⁹Abhalozi pabhahabhula oFarao, "Eha hadole ha Ngolobhe." Lakini omwoyo gwa Farao gwahalikhome, esho ahakhana abhomvwe. Yahali shashila oYahwe shayanjile aje embabhombe.²⁰O Yahwe ahabhula oMusa, "Odamushe nashampwii na hwemelele hwa Farao pabhala hwisoho. Ubhuule, 'O Yahweh aiga eshi: "Leha abhantu bhane bhabhala bhampute ane. ²¹Ila nkasaga obhaleha abhantu bhane bhasogole embalete ensanzi huliwe, hwalongozi bhaho na hwa bhantu bhaho na hukhaya zyenyu. Enyumba zya bha hu Misili zimeme nsansi zyene, na yensi ya bhahwemelela ebhameme nsanzi.²²Lakini hwi siku elyo embaibhombele ensi ye Gosheni sheenje, ensi yabhaikhala abhantu bhane, ili husibha ne nsanzi ohwo. Eli libhabhoneshe mumanye aje ane ne Yahwe ensi ene. ²³Embabheshe abhantu bhane bhasilengane na bhantu bhaho. Eli lyenguvu zyane lyaibhoneha shandabho""' ²⁴O Yahwe ahabhomba esho, na ensanzi zinyinji zahenza hwa Farao na hu nyumba zya bhantu bhakwe. Hunsi yonti yahu Misili, ensi yahananjiha ne nsanzi.²⁵O Farao abhakwizizye oMusa no Aruni abhabuula, "Bhalaji, mufumizye Ongolobhe wenyu evintu hunsi yetu." ²⁶O Musa ahaga, "Saga shinza ate abhombe esho, evintu vyatihupela oYahwe Ongolobhe wetu zivisya hwa bhantu bhahu Misili. Neshi ogaje tifumya evintu vyavivisya pamaso gabho bhahu Misili, sagabhabhatikhome na mawe? ²⁷Hamna, lujeendo lwe nsiku zitaatu abhate hu nyika mwisengo lazima tijende, tifumye evintu hwa Yahwe Ongolobhe wetu, neshi shatilajizya."²⁸O Farao ahayanga, "Embahuleshe abhale ahufumiye evintu oYahwe Ongolobhe wenyu mwisengo. Ila osibhale hutali tee. Ndabhile." ²⁹O Musa ahaga, "Pembabhale afume huliwe, embahulabhe oYahwe ili ensanzi zyepe huliwe, awe Farao, alongozi bhaho na bhantu shandabho. Lakini osibhombe amabhibhi nantele asinte bhaleshe abhantu bhetu bhabhale ahufumizye evintu oYahwe."³⁰O Musa ahabhala hanze afume hwa Farao na hula bhe oYahwe. ³¹O Yahwe ahabhomba shila oMusa shalabhile: ahafwizye ensanzi hwa Farao, alongozi bhakwe, na bhantu bhakwe. Neemo yayasagele. ³²Lakini oFarao, ahabheha khoma omwoyo gwakwe nantele, sagahabhaleha abhantu bhasogole.

¹Eshi ahabhula oMusa, Bhala hwa Farao ubhuule, 'O Yahwe, Ongolobhe wa Ebrania, aiga eshi: "Leha abhantu bhane bhabhale bhampute ane." ²Lakini nkokhane abhaleshe bhabhale, nkeshele obhahwendelele abhasagazye aahosi, ³basi okhono kwa Yahwe sheenje ne vyoma vyaho hu magonda na hu farasi, edogobhi, engamia, eng'ombe ne ngole, naileta empongo embibhi sana. ⁴O Yahwe abhabhombele sheenje evyoma vya hu Israeli na vyahu Misili: Nuumo omunyayma wa hu Israeli wa bhafwe.⁵O Yahwe abheshele esala: ajile, "Hu shandabho pembabhombe eli munsi."" ⁶O Yahwe ahabhomba eshi shandabho lwakwe: evyoma vyonti vyahu Misili vyafwile. Lakini nuumo omnyama wahu Israeli wafwile, numo ata weeka. ⁷O Farao ahenya tee, wenya, nashimo eshooma shashafwile. Ila omwoyo gwakwe gwahali khome, esho saga abhaleshile abhantu bhasogole.⁸Eshi oYahwe ahabhula oMusa nu Aruni, "Ega ilota omenye mukhono afume mwitanuli/mwauhwaha omwoto. Awe, Musa, lazima oponye amwanya oFarao ohu ahwenya. ⁹Libhabhe linkondi linza ensi yonti yahu Misili. Tibhalete avimba n amafua hwa bhantu ne vyoma ensi yonti ya hu Misili." ¹⁰Esho oMusa no Aruni bhahega ilota afume mwauhwaha omwoto na hwemelela hwa Farao. O Musa ahaponya ilota amwanya. Ilola lyahaleta avimbe amalonda na mafua genza hwa bhantu.¹¹Alozi bhamenilwe ahudamule oMusa bhope bhahali bhavimbile amalonda, kwa kuwa bhavimbile abhene na Misili bhonti. ¹²O Yahwe abheha omwoyo gwa Farao abhe khome, oFarao saga abhamvwezye oMusa no Aruni. Eli lyabholelwe oMusa afume hwa Yahwe aje oFarao lyabhabhombe.¹³Esho oYahwe ahabhula oMusa, Odamula nashampwii, emelela hwifanzi hwa Farao, ubhuule, oYahwe, Ongolobhe, Waebrania, ajile eshi: Leha abhantu bhane bhabhala bhamputa ane. ¹⁴Esala ezi embalete eshikhomo hwaliwe, hwa longozi bhaho na bhantu bhaho. Embabhombe esho omanye aje nuumo neshi ane ensi yonti.¹⁵Mpaka eshi nagolosyaga okhono gwane na hukhome awe na bhantu bhaho ne mpongo/ehoma, na wenzaga hwepe munsi. ¹⁶Lakini shasheshi eleshela okhale mwomi: ili abhonesye ehone zyane, ili itawa lyane liyanga ensi yonti. ¹⁷Bado uhwizovya hwa bhantu bhane obhadama asogole.¹⁸Tejezya! Shandabho esala neshi ezi naileta emvula ye mawe, amagosi, neshi yenye sagewaile abhoneshe hu Misili afume payandadundile hadi eshi. ¹⁹Eshi sasa, lajizya alume na bhonganye ovibheshe shinza. Ola muntu neshooma shashili hugonda shasashiletilwe akhaya - amawe ge mvula gavishile vibhafwe.""'²⁰Eshi ebho bhantu bha Farao bhabhahomvweye enongwa zya Yahwe bhahabhombo haraka alete abhantu ne vyoma vyabho munyuma zyabho. ²¹Lakini ebha bhasagabhahejile enongwa zya Yahwe mumatwe gabho bhabhaleshile abhantu bhabho ne vyoma vyabho mmagonda.²²Eshi oYahwe ahabhula oMusa, "Golosya okhono gwaho amwanya hubhe na mawe ge mvula hunsi yonti yahu Misili, hwa bhantu, hu vyoma na hu masola gonti mmagonda nensi yonti." ²³O Musa ahakolosya okhono nikwi lyakwa humwanya, oYahwe ahaleta eholo, amawe ge mvula, na ye ladi munsi. Nantele ahaleta emvula munsi ya hu Misili. ²⁴Esho hwahali ne ladi yayasangene ne mvula ye mawe ge barafu, yahali mbibhi sana, saga sawa na gonti gagawaile bhoneshe hunsi ya hu Misili afume payabha nsi ngosi.²⁵Munsi yonti ya hu Misili, ebarafu ye mawe yahakhoma vyonti hugonda, abhantu ne vyoma. Yahakhoma eviyabho mumagonda na budula amakwi gonti. ²⁶Yahasagaha ensi ye Gosheni, yabhakhele bha hu Israeli, sagapahali na mawe ge barafu.²⁷Eshi oFarao ahabhabhula alume bhabhakwizye oMusa no Aruni. Ahabhabhula, "Embombile embibhi esala ezi. O Yahwe yo gosi, ane na bhantu bhane tili bhabhibhi. ²⁸Labhe oYahwe, eradi ne barafu ye mawe ehwonjelela. Embabhaleshe musogole, sagamubhasagale nantele epa."²⁹O Musa ahabhula, "Pembasogole munsi, embazuvye enyobhe zyane hwa Yahwe. Ehoolo zibhaleshe, na sagahubhabhe na barafu ye mawe nantele hweli. Obhamanye aje ensi ya Yahwe. ³⁰Lakini hwa liwe na bhantu bhaho, ehwelewa aje bado sagamuli ne nshinshi hwa Yahwe Ongolobhe."³¹Eshi ensi ye kitani ne shayiri zinanganyiziwe, eshayiri yahali hukhono khone, na ekitani yahali hulembe. ³²Lakini engano ne kusemethu sagazyakhomwilwe maana azyaichelewa akule. ³³O Musa paleshile oFarao nensi, azuvizye enyobhe zyakwe hwa Yahwe; eholo ne barafu ye mawe yahaleha, ne mvula sagayatonya nanele.³⁴O Farao pahalola emvula, ebarafu ye mawe, ehoolo zileshila, ahabhomba embibhi na bheshe omwoyo gwakwe abhe khome, pandwemo na bhantu bhakwe. ³⁵Omoyo gwa Farao gwahali khome, saga abhaleshile bhahu Israeli bhasogole. Eshi oYahwe shabhulile oMusa aje oFarao abhabhombe.

¹O Yahweh ahabhola oMusa, "Bhala hwa Falao, hwahubhe engubheshele mwoyo gwakwe abhekhome no mwoyo gwa tumishi bhakwe embombile eshi abhonezye ezi eishala zye nguvu zyane mwabhene. ²Nantele embombile eshi aje mubhabhole abhana bhenyu na mama bhenyu evitu vye mbombile sendi sejibhombeye eMisili hu khali aje seji bhonesezye eaina sheje sheje ezye ishala ye nguvu zyane hwa bhene bhebho. Hweli mubhamanye aje ane ne Yahweh."³Esho aMusa no Haluni bhabhalile hwa Falao nahubhole, "O Yahweh, Ongolobhe wa Ebulania, aiga eshi hu nsiku zilenga obhabhe sokhana ahwiyisye hwitagalila lyane? Leha abhatu bhane bhabhale ansaye. ⁴Nantele nkokhana abhaleshele abhatu bhane asogole, tejezya, sandabho ehaleta enkompa msi yaho.⁵Bhaikwinshila ensi ya pamwanya ili abhantu bhasilole inkondi. Bhailya gala gonti amasagalilo gagasagele pa mvula ye barafu na mawe. Nantele bhailya amakwi gonti gagakula mmagonda. ⁶Bhaimenya enyumba zyenyu zyonti ezya tumishi bhenyu na zyoti zya Misili bhoti - enongwa zyazili aisebhenyu hata amaama bhenyu sagabha waile alole enongwa bhenyu sagabhawaile alole enongwa lyalili selyewaile ashuhudiwe afume sabhahali msi pakasanyono." Eshi oMusa ahasogola na fume hwa Falao.⁷Atumishi bha Falao bhahabhola, "Paka dii ono olume aibha tami huliti? Leha Aisilaeli bhabhale bhasaye oYahweh Ogolobhe wabho bado saga omenye aje eMisili enankanyiziwe?" ⁸O Musa no Haluna bhahaletwa nantele hwa Falao yali abhabholele aje, "Bhalaji musaye oYahweh Ongolobhe wenyu. Eshi bhatuwele bha dabhalee?"⁹O Musa ahaga, "Tibhasogola na nangana bhetu nagosi bhetu, pamo nabhana bhetu naledu bhetu. Tibhasogole ne ngombe nengole zyetu nantele lazima tibheshe eshikulukulu sha Yahweh." ¹⁰O Falao ahabha bhola aYahwe lyoli abhenamwe nkashele embaleshe mubhale na nangana bhenyu bhabhale. Enya, oli ne mbibhi hu nsebho. ¹¹Hwa huje! Bhalaji, na lume bhabhali bhenyu na mmsaye oYahweh aje elyo lyamlyazya." Esho aMusa no Haluni bhahabhasogozya mwali mwa Falao.¹²Pepo oYahweh ahabhola oMusa, "Golosya okhono gwaho msi ye Misili papali ne nkompa aje zishambulile msi ye Misili na lyekila hatu haha melile ekata eye mawe yali eleshile." ¹³O Musa agolosya ilesa lyakwe msi ye Misili oYahwe aletile ehala eya mashaliki msi osanya woti no siku woti lyapali. Sadabhe ehala eye mashaliki yaletile enkompa.¹⁴Ekopa zyabhalile msi yoti ye Misili na nankanye esehemu zyoti sepawaile abhe ni kundi nashelyo elye nkopa msi nalimo nasheli nante nasheli lyai lyafumila. ¹⁵Zyakwishie esi eya msi yoti ya habhankisi zyaliye kila hahamela na kila lidondolo elikwi lyalyali ebalafu eye mawe yasagazye. Zyee lieneo lyesi ye Misili, nalimo lyalimela elemba lyalisageye wala ikwi au hohomela mmagonda.¹⁶Nantele oFalao ahabha hwizya aMusa no Haluni nabhole embombile embibhi kwa Yahweh na huliwe. ¹⁷Eshi lelo nsajile ebibhi zyane esala yene na olabhe hwa Yahweh Ongolobhe waho ayefwe ne efwa hulini." ¹⁸O Musa asogola hwa Falao na hulabhe oYahweh.¹⁹O Yahweh aleta ehala ehali ya magalibi yayali eyejile zila enkopa nazitwale huSombe ya Shamu nemo enkompa hata emo yayasage ye mwieneo elye Misili. ²⁰Lelo oYahwe agubheshele omwoyo ogwa Falao abhekhome, oFalao sagaleshile Azilaeli bhabhale.²¹Lelo oYahwe abhola oMusa, "Golosya okhono gwaho abhalile hu mwanya aje hubhe nkisi msi yonti ye Misili, enkisi yeli ebhawezye ahisiwe." ²²O Musa wagolosya okhono gwakwe ohwelekele hu mwanya na hwali ne nkisi engosi msi yoti ye Misili husiku zitatu. ²³Nomo yalolaga owa mwabho nomo yafuma munyumba yakwe hu nsiku zitatu. Lakini, Azilaeli bhoti bhali netala pala pabhakheye.²⁴O Falao akwizizye oMusa naje, "Bhalaga osaye oYahwe. Hata abhana bhenyu ziwezizye abhale namwe, lakini eng'ombe zyenyu ne ngole zyenyu zibhasagale." ²⁵Lakini oMusa ahaga, "Lazima otipele evwoma hwajili ye dhabihu ne sadaka ezya longolezye ili tibhefwe dhabihi hwa Yahweh Ongolobhe wetu. ²⁶Amifugo getu lazima gabhale nate hata omo saga awezizye asagale, lazima tibhatwale bhabhale husaye oYahweh Ongolobhe wetu. Huje saga timenye hatibha husaye hope oYahweh pakatifishe pala.²⁷Lakini oYahweh abheshele omwoyo aFalao abhe khome na saga bhaleshile bhabhale. ²⁸O Falao abholele oMusa, "Eepa hulini! Obhaje mwangalifu ne nongwa emo, aje oganje andole nantele huje isiku pohailola amaso gane, ohaifwa." ²⁹O Musa ahaga, "Awe humwene ojile. Saga embagalole amaso gaho nantele."

¹Nantele oYahweh ahaal oMusa, "Ensele hulini pigo limo lye mbali bhombe hwa Falao ne Misili baada yelyo abhahuleshe osogole epa panda huleshe obhale, ada husagozye kabia. ²Welekezya abhatu aje kila lume noshe abhozye ojilani wakwe evitu evye hela ne vitu evye dhahabu." ³Eshi oYahweh abha bheshele aMisili abhe ne shauku eya bhapendezye Aisilaeli. Aje, oMusa ali wavutile sana patumishi bha Falao na bhatu bha hu Misili.⁴OMusa ahaga, "Yahweh aiga eshi: "Owakati we siku embabhale mu Misili mwoti. ⁵Apapwa abhahwande bhonti bha msi ye Misili bhandafwe ahwande opapwa wahwande wa Falao, yakhalila itengo lyakwe elye tutumsu paka opapwa owa hwande olendu otumwa yasya embeyu na hwapapwa abhahwande abhevyoma.⁶Nantele paibha neshililo eshigosi msi yoti ye Misili, shasaga shiwaile afumile nantele saga sgaifumila nantele. ⁷Nantele hata embwa saga yaiwaga hwa bhantu bhahu Isilaeli zidi ya mtu au evyoma. Hweli ohaimanya aje embobhombela aMisili na Isilaeli payopayo.' ⁸Atumishi bhoti ebha bhaho, Falao, bhaiyeza pasi yane nasujudile ane. Bhaiga, 'Bhalaga, awe na bhatu bhoti bhabha hufuta baada yepo naisogola shesho ahasogola hwitagalila lya Farao hwilyoyo igosi.⁹O Yahweh ahabhola oMusa, aganda hutejezye. Aje embombe enongwa ye ojabu msi ye Misili." ¹⁰O Musa no Haluni bhabho mbile amambo ega agaswizye hwitagalila lya Falao. Lakini oYahwe agubheshele omwoyo saga bhaleshile abhatu bhahu Izilaeli asogole msi yakwe.

¹Yahweh ahayanga no Musa no Haluni msi ye Misili. Ayajile, ²"Hwaliwe awe, omwezi ogu gabhabhe mwanzo mwezi, omwezi ogwa hwande gwe mwaha gwaho.³Libhole ikusanyiko lye Izilaeli isiku lya kumi omwezi ogu shila mtu lazima ayeje ahana he ngole au he mbuzi endodo ya mwene, kila khoya ebhombe esho enyanangole shila nyumba. ⁴Nkashile eyo enyumba ndodo sana hu nyana ngole edume no jilani wakwe bheje enyana gole au enyama ye mbuzi edodo yebha bhaye abhatu. Lazima ebhe eye hwa kila mtu alye, hwelyo lazima ahweje enyama eyaye alisye bhotu.⁵Enyana gole yaho au ebuzi yaho endodo lazima eganjebhe no upungufu, ilume eye mwaha gumo owezizye ahweje emo egole au ebuzi. ⁶Lazima oyituze paka isiku elya kumi na nne eyo gwo omwezi eshi ikusanyiko lyoti lye Isilaeli lazima libhagoje ebha awanyama dyebhela. ⁷Lazima oyeje baadhi ye danda obheshe esehemu zibhele zye mabada lyango age lyango na pamwanya pa felemu zyediago pohalela ezyo enyama. ⁸Lazima olye ezyo nyama no siku, baada ya hwoshe pa mwoto olyanje ni kate lyali lenganganyiziwe ne hamila pamo namagonela amakhali.⁹Osahalye embese ama yatelehwe na menze. Badala yakwe oshapa mwoto ni twe lyakwe, amagaga ne sehemu zya mhati. ¹⁰Osileshe hata hashe asagale paka nasapwi. Lazima oyoshe hahoti hahosageye nasapwiti. ¹¹Eshi shashi hwaziwa alye obhanje obhanje opinyile ilampa lyaho, okwete evilato vyaho, ni lesa lyaho mukhono gwaho. Lazima olyanje nalinali. Pasaka Yahweh.¹²O Yahweh aiga eli: Ebabhale msi ye Misili no siku na shambulile apapwa bhoti abhahwande abha bhatu nabhevyoma msi ye Misili ebalete ipigo hu mangolobhe goti ge Misili. Ane ne Yahweh. ¹³Edanda yaibha ndolesyo hu nyumba zyenyu pehaiyenza ane panailola idanda. Ehaishizanya pehaishambulila esi ye Misili. Eli ipigo sagalyai bhenzela abhanankanye. ¹⁴Eli isiku lyaibha kumbukumbu hulimwi, yeli lazima mkombosezye abheshe eshalehe ya Yahweh. Yaibha shelia hulimwe nantele, huvizazi vyonti evya bhantu bhenyu, bhabhali mhwanziwa akobosezye sanyono.¹⁵Obhalye ikata lyasagali ne hamila owakati we siku saba. Isiku elya kwanza ohaiyefwa ehamila hu nyumba zyenyu. Yayonti yailya ikate lyali ponyezewe chachu ahwande isiku elya kwanza paka isiku elya saba oyo omtu lazima akatwe afume hu Islaeli. ¹⁶Isiku elya hwande hwaibha obhongano lyali te ngwilwe hwajili yane ni siku elya saba hwaibha no bhongano nashi elyo. Nemo embobo yehaibhombwa ezi ensiku ,zaidi ya teleshe. Kila mtu alye eyo diyo mbobo nyene yehaibhombwa nawe.¹⁷Lazima oazimisye ne eshalehe ye mkate gwaseguponyezewe ehamila huje lisiku eli lye mbabhalete abhatu bhaho amakudi gagali ne silaha hu makudi gagali ne silaha afume msi ye Misili lazima oazimisye eli isiku hwa bhana bhenyu bhoti bhabhatu bhaho. Ene yaibha shelia huliwe. ¹⁸Lazima olye ikale lyasaga liponyewe ehamila ahwadile ndiebhela yisiku elya kumi nanne ye mwezi wa hwande we mwaha paha diebhela yi siku elya ishilini na moja ya mwazi.¹⁹Owakatit wezi esiku mnyumba zyenyu msahapatihane ne hamila yayoti yailya omkate gwa gulenganyiziwe ne hamila lazima akatwe afume hu jamii ye Zilaeli, oyo omtu abhe jenyi au mtu ya pepwe msi yenyu. ²⁰Sohailya hahonti hahalenganyiziwe ne hamila. Paponti pobha khale lazima olye ikate la seli ne hamila."'²¹Pepo oMussa ahabha kwizya aviongozi bhonti we Isilaeli eli nabhabhole, "Bhalaji msalule enyana ngole au embuzi zyazibhoye alisye efamiliya zyenyu namugoje enyana gole ye pasaka. ²²Eshi ega itondo lye hisopo otobhezye mudanda yehaibha eli mwibeseni. Paha edanda yeli mwibeseni pamwanya ye felemu ezya hwemelela zibhele zye lyango. Nomo hata omo yaifuma hwoze ye lyango gwakwe paka na sanabho.²³Hwa huje oYahweh abhashele ashambulile Amisili. Padailole edanda pamwanya pafelemu ye dyango na mihimili gabhele age dyango, aishola ahweze akhaya abhaluhusu ohalibifu ahweze akhaya zzyenyu abhashambulile.²⁴Lazima azimisye eli etuki. Eli libhabhe daima shelia huliwe na bhana bhenyu. ²⁵Pobha hwijile msi oYahweh yadahupele, nashi sahaidiye, abhombe, lazima uadhimishe eli itendo lye ibada.²⁶Abhana bhaho pabhaihubhozya, 'Eli itendo eli lye ibaada li ne mana wele?' ²⁷eshi lazima oje, 'Sadaka ye Pasaka ya Yahweh, huje oYahweh shilile mnyumba zya Isilaeli hu Misili pabha shambulie Amisili abheshele enyumba zyetu hulu." Pepo abhatu bhafugamilie oYahweh. ²⁸Aisilaeli bhahabhala abhombe nashi oYahwe sabhalajizizye aMusa no Haluni.²⁹Hwahabha siku we manane aje oYahwe bha shambulila apapwa bhonti abha hwande abha msi ye Misili, ahwade opapwa owa hwande owa Falao, yakheye pitengo lyakwe elye ezi, opapwa owa hwande owa mtu yali mwigeleza napapwa bhonti abhahande abhe mifugo. ³⁰O Falao wabhoha no siku - omwene, atumishi bhakwe na Misili. Pali ne kelele ezye maombolezo Misili, huje nemo enyumba yayali nomo omtu yafwiye.³¹O Falao wakwiza oMusa na Haluni no siku naje, "Bhoha sogolaji hwa bhatu bhane, amwe pamo na Isilaeli. Bhalaji, musaye oYahwe, nashi samuyejile muhwaza abhombe. ³²Eji eng'ombe zyenyu ne gole zyenyu nashi sanamu yajile mubhalaje lelo mbaliki. ³³Amisili bhali ne halaka eyabhefwe msi, hwa hubhe bhajile, "Ate tili bhatu bhafwe."³⁴Abha hejile engano yobho pasipo ahwonjezye ehamila yayoti. Embakuli zyabho ezya khandile ousu owe ngano bhapinyiliye mmenda gabho namvipongo vyabho. ³⁵Abhatu abhahu Isilaeli bhobhombile nashi oMusa. Sayanjile bhabha labhile evintu evye hela, evitu evye dhahabu na menda. ³⁶O Yahweh abhabhombile Amisili ne shauku yabhapedezye Aisilaeli. Esho Amisili bhabhapiye hahonti habhalabhile hweli Asilaeli bhabhejeye viji Amisili.³⁷Aisilaeli bhasafiliye afume hu Lamesi abhale hu Sakothi. Bhali ne idadi ya lume 600, 000 hu manama ahonjezye abhashe na bhana. ³⁸Asanganye wikudi lyabha sebhaIsilaeli bhope bhabhalile nabho pamo ne ng'ombe ne ngole, eidadi egosi eye vyoma. ³⁹Bhateleshe amikate no wusu we ngano owe hamila wabhafumi nawo hu Misili. Gwagwali saga guli ne hamila kwa sababu bhabhe ngwelye hu Misili nasaga bhawezizye achelewe ahwandale eshalye. ⁴⁰Aisilaeli bhakheye hu Misili hu maha 430.⁴¹Baada ye maha 430, isiku elyo ego amajeshi gonti ga Yahweh gagahwi hamile bhasogoye afume msi ye Misili. ⁴²Ou wali siku owabhe maso aje oYahweh abhefwe afue msi ye Misili. Ou wali siku wa Yahwe wa azimisye na Isilaeli bhoti na bhantu abhe vizazi vyabho vyoti.⁴³O Yahweh wabhola oMusa no Haluni, Ene shelia ye Pasaka: namo ojenyi yaluhusiwa alye. ⁴⁴Walakini, kila otumwa wa Mislaeli, yakalilywe hu hela awezizye alye baada yatahiliwe.⁴⁵Ajenyi natumishi bhajiliwe sebhahwanziwa alye eshalye shashonti. ⁴⁶Eshalye shihwanziwa alewe mhati mnyumba emo. Saga oluhusiwa anye mule yayoti hoze ye nyumba na saga oluhusiwa abubune ifupa lyalyonti.⁴⁷Eshikholo shoti Isilaeli shihwanziwa aazimisye eshalehe. ⁴⁸Nkashele ojenyi akhala nawe na ahwanza azimisye ePasaka ha Yahweh, aholo bhakwe bhonti abhilume bhahwanziwa atahiliwe. Esho awezya ahwenze na azimisye abhabhe nashi abhantu bhabha pepwe mwomwo msi lakini nomo omtu yasaga atahiliwe yaluhusiwa alye eshalye shashonti.⁴⁹Eshelia ye nene ebha hu sishe hwa papwa abhe asili no jenyi yakhala pamo namwe." ⁵⁰Asilaeli bhanti bhabhombile shajile oYahweh shabhabholelee aMusa no Haluni. ⁵¹Enza abhe isiku elyo oYahweh abhaletile Asilaeli afume msi ye Misili hu makundi gaga jiami.

¹O Yahweh ahayanga no Musa nahubhole, ²"Mbagulile apapwa bhonti abha hwande kila papwa wa hwande bha Isilaeli, abhatu ne vyoma. Evya hwande vyalini."³O Musa abhabhola abhatu, "Eli mukomboshe elisiku, isiku lyamwa fumile hu Misili, afume mnyumba ye tumwa hu khono hodali ogwa Yahweh abhafumizye afume hwene esehemu. Hamuna omkate ogwe hamila gwaguluhusiwa alewe. ⁴Mfuma hu Misili eli isiku, omwezi ogwa Abibu. ⁵O Yahwe pandabhalete msi ye Kanani, Wahiti, Waamoli, Wahivi, na Yebudi, esi ya bhalapie amama bhenyu abhapele esi yehwita amazibha no woshi eshi ehwanziwa azimisye elitendo elye ibada kila mwezi.⁶Hu siku saba ohailya omukate bila hamila; isiku elya saba hwaibhane makuli eya hu azimisye oYahweh. ⁷Omukate gwase guli ne hamila ohwanziwa alye hu siku saba zyoti; nagumo omukate gwaguli ne hamila gwa guline hamila gwaguhwanziwa alewe hulimwe. Nemo ehamila yehwanziwa abhoneshe hu mipaka genyu.⁸Eshi siku pohayanga hwa bhana bhaho eli li kwasababu yalila oYahweh lyabhombile hulini panaitekile eMisli.' ⁹Ene ehabha kumbukumbu mukhono gwaho na kumbukumbu pamoji ye maso gaho eli libhe sheliya ya Yahweh ebhe mwilom lyaho maana hu khono hodali oYahweh abhafumizye afume hu Misli. ¹⁰Eshi basi ehwanziwa wa aikhate ene eshelia husiku zyazi kusudiwe afume omwaha hadi omwaha.¹¹O Yahweh paibhaleta msi ye Kanani nashi salapile hulimwe nahwa babu bhenyu abhombe, napaipela esi amwe, ¹²lazima obagulile opapwa owa hwande omwana no uzao owa hwande owe vyoma vyenyu. Abheshilume bhaibha bha Yahweh. ¹³Kila papwa wa wahwande wende gomi lazima okale nantele ne nyanangole. Nkashile saga obhakale nantele lazima oibudule ensingo yakwe. Lakini kila papwa owa kwaza owe shilume mwabhala bhenyu - lazima okale nantele.¹⁴Omwana wakwe paihubhozya pamande, 'Ene eli ne mana wele?' eshi ohai hubhola, 'Hu khono hodali ogwa Yahweh afume hu Misili afume hu nyumba ye utumwa. ¹⁵O Falao pakhanile huu jeuli atileshele tibhale oYahweh abhagojile apapwa abhahwade abhe msi ye Misili apapwa ahahwade abhabhatu nabhe vyomo dio sababu eya fumye edhahabu hwa Yahweh hwa kila papwa wahwade we kila shoma nantele esababu ye kala apapwa abha hwande abha bhana bhane nantele.' ¹⁶Ene ehaibha kumbukumbu hu makhono gaho nakumbukumbu pamoji yaho ye maso, huje khono hodali oYahweh atifumizye afume hu Misili."¹⁷O Falao pabhalesheye abhatu bhabhalaje, Ogolobhe saga abhalongozezye hwidala lya Filisiti, lelo elyo idala lyalili lipepe. Lelo Ogolobhe ayanjile, "Khawole abhantu bhaibadiliha enia zyabho pabhailola evita bhaiuya hu Misili." ¹⁸Esho Ogolobhe obhalongozezye abhantu azyongole isengo shilile hu Bahali ya Shamu. Osilaeli bhabhasogoye afume husi ye Misili bhali bhahihamile hwibho.¹⁹O Musa ahejile amafupa ga Yusufu pamo no mwene hubhe oYusufu abhalapisizye Asilaeli naje, "Ogolobhe zabhafyole, na muiganye mule omafupa gane na namwe." ²⁰Asilaeli bhasafile afume hu Sakothi na bheshe ikambe hu Ethamu mushenje mwi sengo. ²¹O Yahwe atanguliye hwitagalila lyabho pasanya nashi eguzo eyi bhengo abhalongozye idala no siku abhalile nashi enguzo eye mwoto abhapele amwanga. Hu namna ene bhawezizye asafili pasanya no siku. ²²O Yahwe saga hejile afume hwa bhantu eguzo eyi bhengo pasanya wala enguzo ye mwoto no siku.

¹O Yahweh ahayanga no Musa nahubhole, ²"Bhabhole Asilaeli bhagalushe nabheshe ikambe hwitagalila lye Pi Hahirothi, pahati ye Migdoli ne bahali, witagalila Baali Zefoni. Ehwaziwa abheshe ikambe pashenje ye Pi Hahirothi. ³O Falao ahayanga ahusu Asilaeli, 'Bhahagaiha msi. Mwisengo libhakwiye.'⁴Embagubheshi omwoyo gwa Falao khome, no mwe andabha nyize embapate otuntumsu hu sababu ya Falao ni jeshi lyakwe lyoti. Amisili bhandamanye aje ane ne Yahweh." Shesho Aisilaeli bhaha bheha ikambe nashi sabha bholelwe. ⁵Omwene owa hu Misili pabholelwe aje Aislaeli bhatoloshe enia ya Falao natumishi bhakwe yageushe zidi ya bhatu. Bhahayanga, "Tibhombile yeno hubhaleshele Asilaeli bhabhalaje wene bhaganje titumishile?"⁶Shesho oFalao ahejile amagali gakwe age falasi ni jeshi lyakwe. ⁷Ahejile amagali ge falasi mia sita imala na magali goti ge falasi ge Misili, pamoja na maafisa abhego amagali. ⁸O Yahwe agubheshele omwoyo gwa Falao, omwene owa hu Misili, abhafukuzizye Aislaeli. Sheshi Aisilaeli bhasogoye sabhashimile. ⁹Lakini Amisili bhabhanyililiye, pamoja ne falasi na magali ge falasi bhabhapende efalasi, ne jeshi lyakwe bhabhajile Asilaeli bhabheshela ikambe mshenje ye bahali kati Pi Hahirothi na Baali Zefoni.¹⁰O Falao pabha kalibiye, Asilaeli bhahenyizye mwanya na bhaswijile. Amisili bhali bhahwenza hwabhene, bhahogope. Asilaeli bhalilie oYahweh. ¹¹Bhabholele oMusa, "Sababu gali na gamo amakabuli hu Misili, hadi otiletile tifwe ohu hu nyika? Yenu otibhombeye eshi, otifumizye hu Misili? ¹²Eli se lyalila tabholelee hu Misli? Tabholelee aje tile sheiletibhombele Amisili ebombo.' Yenza gabhe shinza huliti ate abhabhombele embombo kuliko afwele mwisengo."¹³O Musa abhabhonlele abhantu, "Mgajehwogope. Emeleli imala na mulole owokovu wa Yahweh gwa ndafumi hulimwe sanyono. Kwa maana sagamwaibhalola nantele Amisili bhamubhalola sanyono. ¹⁴O Yahweh ada bhakhomanile, na mwe mubhahwemelele imala."¹⁵Eshi oYahweh abhonlele oMusa, "Yenu awe Musa, ohwendelela akwizye ane? Bhabhole Asilaeli bhendelele hwitagalila. ¹⁶Bhosya ilesa lyaho amwanya, golosya okhono gwaho ahwelekele hu bahali na oigabhnye esehemu zibhele, aje abhantu abha hu Silaeli bhashele mbahali msi enyomosu. ¹⁷Hwisundi embabheshe omwoyo oga Misili abhe khome aje bhabhafwate. Embapata outukufu hu sababu ya Falao ni jeshi lyakwe lyonti amagali gakwe ge falasi na panda falasi. ¹⁸Eshi Amisili bhadamanye ajene ne Yahweh pemba pate outukufu husababu ya Falao, amagali gakwe ge falasi, na panda falasi bhakwe."¹⁹O malaika wa Ngolobhe yabhalile hwitagalila lya Isilaeli, ali hama na bhale hwisalo au ahosi yabho. Enguzo yibhengo ehazabheleye hwitagalila lyabho na bhale ahwemelelee ahosi yabho. ²⁰Ibhengo lyahezele pahati yikabe lya Misili ni kambe lya Isilaeli lyali ibhengo lilu hwa Misili, lakini lyalavizye no siku hwajili ya Isilaeli, eshi oupande umo sagawawezizye ahwenze pepe nowamwabho nosiku woti.²¹O Musa agolosya okhono gwakwe ahwelekela hu bahali. Yahweh azobhezyezye ebahali ahosi huhala ehali ye mashaliki osiku owo wonti naibheshe ebahali nsi enyomosu. Hu namna ene amenze gagabhanyishe. ²²Aisilaeli bhabhalile pahati ye bahali husi enyomosu. Amenze gabheshele okuta okhono gwabho olelo nakhoo gwabho omongo.²³Amisili bhabhanyilile. Bhafwatile hadi pahati pabahali - efalasi zyoti ezya Falao, amagali age falasi, na panda falasi. ²⁴Lakini amasala agemapema ya ndabhe, O Yahweh ahenyizye pasi ijeshi lya Misili ashelile enguzo ye mwoto ni bhengo asabisizye ehofu miongoni mwa Misili. ²⁵Omagali gabho ge falasi gali gakwama maili, apand falasi bhajezizye hu khome. Esho Misili bhayajile, "Leha tibhanyizye Aisilaeli, hwa hubhe oYahweh abhapiganila zidi yetu."²⁶O Yahweh abhola oMusa, "Golosya okhono ahwelekele hu bahali aje ameze gavye Amisili, amagali gabho ge falasi na wapada falasi wabho." ²⁷Esho Musa agolosyeze okhono gwakwe ahwelekele hu bahali nayauile huhali yakwe ye kawaida pahwapambazushe Amisili bhanyililiye muhati mu bahali, no Yahweh ahabhejizya Amisili pahati muhati yakwe. ²⁸Amenze gavile na gakwishile amagali ge falasi ga Falao, apada falasi ni jeshi lyakwe lyoti lyalyafwatile amagali ge falasi hu bahali. Nomo yaponile.²⁹Walakini, Aisilaeli bhajendile msi enyomosu pahati ye bahali. Amenze galikuta hwa bhene akhono ogwahulelo no khono ogwa humongo. ³⁰Esho oYahweh abhafyolenle Aisilaeli elyo isiku afume mukhono gwa Misili, na Aisilaeli bhagalolile amaiti ga Misili hu fukweni. ³¹Aisilaeli pehalolile eguvu engosi oYahweh yaitumie zidi ya Misili abhatu bhasombela oYahwe nahumwamini oYahweh, no tumishi wakwe oMusa.

¹Esho oMusa na bhatu bha Isilaeli bhahembele enyembo hwa Yahweh. Bhahembele, "Embahwembe hwa Yahweh, hwa hubhe ashindile huutukufu; efalasi no deleva wakwe abhatajile mbahali.²Yahweh fyozi wane wembo wane na ali fyozi wane. Ono Ngolobhe wane embahusombe, Ongolobhe wa baba bhane embahutufye. ³O Yahwe dandamazu; oYahweh litawa lyakwe.⁴Atajile amagali ge falasi ga Falao ni jeshi lyakwe hu bahali. Amaafisa bha Falao ahodali bhadwimile mBahali ya Shamu. ⁵Ohwibhile hwabha kwishie; bhabhalile hwahwibhie nashi iwe.⁶Okhono gwaho ogwa hu ndelo, Yahweh, guli ne guvu eye utukufu; okhono gwaho Yahweh, gubha buduye abhibhi. ⁷Hu utukufu ogosi bhapinduye bhabhabhoshele zidi yaho otumile igadhabu libhateketezyezye nashi ikalatasi. ⁸Hu pumuzi ye mpulo yaho amenzi gamemile; amenze gagajenda gahemeleye wema na meme pamwanya; amenze gali mavilima muhati ye shilindishe bahali.⁹Obhibhi ajile, 'Embanyinze, embashele, embagabhe hembahweje; ensongwo zane embazimye hwabhane embavute ipanga lyane; okhono gwane gubhanankanye abhene.' ¹⁰Lakini ohaputile humwoi gwaho, ebahali ehabha kwinshiye obhane; bhadimile nashi ijela imwamu mumenze aminji. ¹¹Wenu nashiwe, Yahweh, mwa ngolobhe? Wenu nashiwa omutakatifu weutukufu, we sombo otukuzwa yabhomba amiujiza?¹²Ohagozizye amakhono gaho olelo, nesi ehabhamila. ¹³Nashi owaminifu waagano lyaho obhalongozyezye abhantu bho habhafyolele. Hu weza waho obhalongozyezye husemu etakatifu yokhala.¹⁴Abhatu bhadahwovwe bhadaije owoga udabhakhate akazi bhahu Filisiti. ¹⁵Eshi azee abha hu Edom bhandahwogope; abhanajeshi bhahu Moabu bhainga; akazi bhoti bhahu Kanani bhadayeyushe.¹⁶Agudushe no woga ubhabhagwele. Hu sababu ye guvu ye khono gwaho, bhadabhemye nashi iwe hadi abhatu bhaho pabhadashi zanye, Yahweh - hadi abhatu bhoha bhafyolile pabhodashizanye.¹⁷Obhabhalete nabhapande mwigamba lye ulithi waho, esehemu, Yahweh, yozenjile yakhale esehemu etakatifu, oBwana wetu, amakhono gaga zenjile. ¹⁸O Yahweh abhatabhale esiku zyewila wila."¹⁹Hwa hubhe efalasi za Falao bhabhalile na magali ge falasi na panda falasi mu bahali. O Yahweh aletile amenze gamu bahali pamwanya yabho. Lakini Aisilaeli bhabhalile juu yesi enyomosu pahati ye bahali. ²⁰Miliamu weshishe, oilombo wa Luni, wabhosya tali abhashe bhoti bhafumile namati nahwanje nawo. ²¹Miliamu ahabhembela: "Mmwembeli oYahweh, hwahubhe ashidile huu tukufu. Falasi no panda falasi abhatajile mbahali.²²Shesho oMusa walongozya Eisilaeli hwitagalila ashizanye hu bahali ya Shamu. Bhabhalile mwisingo lya Shuli. Bhasafilie hu nsiku zitu mwisengo pasipo alole amenze gagonti. ²³Eshi bhabhenza Mala, lakini sagabhamwelile amenze agohwo kwasababu gali gahwaya. Esho bhahayeta esehemu Mala.²⁴Shesho abhatu bhalalamishiye oMusa naje, "Yenu tiwezya amwele?" ²⁵O Musa alilie Yahweh nahulolesye ikwi oMusa alitajile mmeze amenze gahabha minza amwele. Papala oYahweh abhapiye eshelia ehali na papala pabhalenjele. ²⁶Ayanjile, "Nkashele tejezye izu lya Yahwe Ogolobhe waho hu shinza nabhombe gagali sahihi pamaso gakwe, nkobhateji ikutu hu amuli yakwe natii eshelia zyakwe zyoti - saga ehaibha bheshela empogi ela yana bhabheshele Amisili, ajene ne Yahweh nehuponya."²⁷Shesho abhatu bhahenza hu elimu papali nedobhe kumi na bili ezye meze na makwi sabini ge mitende. Bhabheshele ikambe epo pashenje ye menze.

¹Abhatu bhahendeleye ne safali afume Elimu, ne jamii yoti ya Isilaeli yahenzele mwisengo mu sinu yeli pahati ye Elimu ne Sinai, isiku lya kumi na tano ye mwezi gwabhele pabha fumile hu Misili. ²Ejami yoti ya Isilaeli bhabhalalamishiye aMusa no Haluni mwisengo. ³Asilaeli bhabha bholele nkashele tigafwiye hukhono gwa Yahweh msi ye Misili patali tikheye muvyelele vye nyama tali tilya ikati husana. Eshi otiletile hwisengo ogoje ejami zyetu ne zala."⁴Shesho oYahweh wabhola oMusa, "Embabhatonyoze evula eye mikate. Abhantu bhadabhale abhoganye ekiasi shesnsiku kila siku ili embalenje ajebhadahwendelele akhate eshelia yane au ndadi. ⁵Lyaihwe nzabhe isiku lya sita, aje bhaibhonganya mala mbili zaidi vyabhabhonganya, na bhaiteleha habhaleta."⁶Eshi aMusa no Halui bhabhabholele abhatu bhoti bhahu Israeli, "Nalyebhela mbhamanye aje yo Yahwe yabhalitile afuma msi ye Misili. ⁷Nasadabho ohailola utukufu wa Yahweh, kwa maana ahwovwa mhulalamishila ate tenanu hadi tilalamishile?" ⁸O Musa wope ahaga obhamanye eli pala oYahweh padahupele enyama diebhele omukate na sadabho ga miji ayovwezye omalalamiho gamuhwanza zidi yakwe. We nanu yo Haluni nanee? Amalalamiho genyu saga zidi yetu; zidi ya Yahweh."⁹O Musa ahabhola oHaluni, "Yanga hu jamii yoti ya bhantu bhe Isilaeli, 'Eza pepe ya Yahweh, hwa huje ayovwezye amalalamiho genyu."' ¹⁰Ehabha, oHaluni payanjile ne jamii yoti ya bhatu bha Isilaeli, bhahenya ahwelekele mwisengo, enya, outukufu wa Yahweh wafumiye mwi bhengo. ¹¹Nantele oYahweh ahayanga no Musa na hubhole, ¹²"Enovwezye amalalamiho ga bhantu bhe Isilaeli yanga nabho no oyanje diebhela obhalye enyama nasapwi obhakute omkate. Eshi obhamanye ajene ne Yahweh Ongolobhe waho.'''¹³Ehenza abheje diebhela ekwale zyahenza amwanya nakwi shile ikambe. Nashapwiti entongwe yagwiye pikambe. ¹⁴Entongwe payamalishe pala pamwanya yesi yenyika pali nashi ebalafu yegandile musi. ¹⁵Abhatu bha Isilaeli pabhalolile bhayajile omo hwawamwabho, "Ene yenu?" Sagabhamenye ehali yenu. O Musa abho bhola, "Mkate oYahweh abhapelile mlye.¹⁶Ene amli oYahwe afumizye: 'Lazima obhoganye kila omo wenyu ekiasi shahwaza alye litazibhele hwa kila mtu eshi sho bhabhoganye bhonganya eshaye kilamutu yakhala mwihema lyaho."' ¹⁷Abhatu hu Isilaeli bhabhombile esho. Bhamo bhabhagenyeviji bhamo bhabhogenye vidodo. ¹⁸Pabha pimaga hushipimo shelita, ebhobhabhogene zaidi sagabhali nes hashisageye nebho bhabhabhongenye hashe saga bhali ni pungufu. Kila mtu abhongenye eshaye akidhi ahitaji gakwe.¹⁹Esho oMusa abhabhola, "Nomo hata omo asagazye paka ne dabhe." ²⁰Walakini, saga bhamwovwezye oMusa baadhi yabho bhaleshile baadhi yabho hadi ne dabha, lakini ehapepe otudadu nabhe batili. Eshi oMusa ahabha ne nkuni juu yabho. ²¹Bhabhongenye nadabhe nadabhe. Kila mtu abhongenye eshe alye kwahiyo isiku. Isanya palyali likhali ehayeyushe.²²isiku elya sita bhabhongenye mikate mala mbili zaidi, lita zibhele hw akila mtu. Aviongozi bho abhe jamii bhabhenzele nohubhole eli hwa Musa. ²³Abhabholele, "Lyalyelyo oYahweh oliyaji: 'Sandabho taitoya ahwiliwazye, ne sabato takatifu huutukufu wa Yahweh. Babihaga kila shohwaza banishe telehaga kila shohwanza ateleshe. Vyoti vyavibhasagale, hwilenganyizyaji paka sadabho."²⁴Esho bhabheha pashenji hadi nadabhe, nashi oMusa shayelekezeze. Sagaya najishe, nantele sagayali nadudu hahoti. ²⁵O Musa ajile, "Lyali esho eshalye sanyono, huje sanyono lisiku lyali tengwilwe elyahutufye oYahweh. Sanyo saga mubhagaje humagonda.²⁶Mubhabhonganye hu siku sita, lakini isiku elya saba lye Sabato. Na humo abhe na mana." ²⁷Ehenzele abhe lisiku lya saba ambapo baadhi ya bhatu bhabhalile akasange amana, lakini sagabhayajile.²⁸Esho Yahwe ahabhola oMusa, Hu muda wele obhahwedelele akhane eamuli zyane neshelia zyane? ²⁹Enye, oYahwe apiye eSabato. Eshi isiku elya sita ahupela omukate ogwe siku zibhele. Kila moja wenyu lazima akhale hu sehemu yakwe nomo hata omo owa fume esehemu yakwe esiku elya saba." ³⁰Eshi abhantu bhazatoye esiku elya saba.³¹Abhatu bhahu Isilaeli bhashetele eshalye shila "maana." Ehali nzelu nashi embeyu ye mgiligani, ne ladha yakwe nashi amaadazi gagatelehwe no woshi. ³²O Musa ahaga, "Eli lya lyelyo oYahweh lyayamuye: 'Leha elita zibhele zye maana ihifadhiwe hwa jili ye vizazi vya bhatu bhaho aje eshi ouzao waho ulole omukate gwana lisizye mwisengo, baada yahufumye afume msi ye Misili.³³O Musa ahabhola oHaluni, "Ega ijagi obheshe lita zibhele zye maana mahati yakwe. Bheha hwa Yahweh ekhale evizazi vyoti evya bhantu." ³⁴Nashi oYahwe samwamliye oMusa, Aluni ahifazile mshenje mmawe gagali ne amuli lye agano. ³⁵Abhatu bhe Isilaeli bhaliye emaana amaha alobaini pakapabhahenzele msi yeli na bhatu. Bhaliye paka pabha fisile hu paho yesi ye Kanani. ³⁶Elita zibhele makumi ge efa.

¹Ekhaya yondi yasogole afume hwisengo lye Sinu, hunongwa zyabhabholelwe no Yahwe. Bhabheshele apakhale hu Lifidimu, ila hagapahali na menze gamwele abhantu. ²Esho abhantu bhalaumuye oMusa nayanje aje, "Tilabha otipela amenze gamwele." O Musa ahaga, "Yeenu mulwa naane? Yenu muhulenga oYahwe?" ³Abhandu bhahomela amenze, na bhahalalamishila oMusa. Bhahaga, "Yenu olefwizye hu Misili? Otugoje ate na bhana bhetu ne vyoma vyeetu asinte mwela amenze?"⁴Esho oMusa ahalilila oYahweh, "Embombenshi hwa bhandu ebha? Bhali tayali ahome na mawe." ⁵O Yahwe ahabhula oMusa, "Bhala hwabhene, obheje agogolo bhahu Israeli. Ega ikwi lywakhomeye isoho, na osogole. ⁶Embahwemelela whitanzi lyaho pala pagula omwamba(pamawe) gwe Horebu, obhagukhome omwamba. Amenze gabhafume abhandu bhabhamwele." Esho oMusa ahabhomba esho pitanzi pagogolo bhahu Israeli. ⁷Aipile amatawa ela esehemu Massa no Meriba aje shabhalalamishe naje bhalenjele oBwana huje, "Je oYahwe ahweli hulite au hamuna?"⁸Ijeshi lya bhandu bhahu Ameleki bhahenza nabhakhome bhahu Israeli hu Refidimu. ⁹Esho oMusa ahabhula oYoshua, "Salula abheshilume bhadodo obhale ahonze. Olwe na Ameleki. Shandabho naihwemelela pigamba ni kwi lya Ngolobhe mumakhono gane." ¹⁰O Yoshua ahalwa na Ameleki shabholelwe no Musa, oMusa, oAruni, no Huri bhahabhala pigamba.¹¹O Musa pakhete amakhono gakwe hu mwanya, Eisraeli yahali ebhakhomile, Ameleki pagaleshi amakhono gakwe gatoye, Ameleki yahanda abhakhome bhahu Israeli. ¹²Enyobhe zya Musa oazyabha mwamu, oAruni no Musa bhahega iwe bhahabheha panzi ili akhalile. Esala zyezyo oAruni no Huri bhahabhosya enyobhe zyakwe humwanya, omo hundwemo no wamwabho hundwemo. Esho enyobhe zya Musa zyahakhatwa hadi palyahaswa isanya. ¹³Esho oYoshua ahabhakhoma Ameleki hwi panga.¹⁴O Yahweh ahabhula oMusa, "Siimba(Andiha) ega mushitabu nahubhazizye oYoshua, kwasababu emahwefwe aje bhahali Ameleki panzi epa." ¹⁵O Musa ahazenga esehemu ya naipele itawa "O Yahweh bendera yane." ¹⁶Ahayanga, "Kwa kuwa okhono kwabhosewe humwanya abhale hwitengo lya Ngolobhe oYahwe - aje oYahwe abhabhakhome Ameleki empaapo ne mbaapo."

¹O Yethro, olongozi wa Midiani, okhoi wakwe oMusa, ahwomvwezye gondi Ongolobhe gabhombile hwa Musa na hu Israeli abhantu bhakwe. Ahomvwezye oYahweh abhefwizye bhahu Israeli afume hu Misili. ²O Yethro, okhoi wakwe oMusa, ahamwega oZipora, oshe wa Musa, baada yahutwale akhaya, ³na bhashe bhabhele; itawa omo ahali yo Gershomu, kwa kuwa oMusa ajile, "Endi jenyi munyumba ya jenyi." ⁴Itawa lya wamwabho ahali yo Eliezeri, kwa kuwa oMusa ajile, "Ongolobhe wa maama bhetu anavwizye. Anokole ne nyobhe zya Farao."⁵O Yethro, okhoi wakwe oMusa, ahenzele nabhana bha Musa nu she wa Musa hwalengenge pakhale hwigamba lya Ngolobhe. ⁶Abhulile oMusa, "Ane, ne Yethro ne khoi waho, ehwenza huliwe nushe waho na bhana bhaho bhabhele."⁷O Musa ahafuma abhale akhomane no khoi wakwe, ahiha na hubusu. Bhahalamuhana na winjile muhati mwihema. ⁸O Musa ahabhula okhoi wakwe gala gonti oYahweh gabhombile hwa Farao na bhahu Misili ili abhokole bhahu Israeli, amakhome gonti gagabheje mwidala ne shenye oYahweh abhokole.⁹O Yethro ahashimilile aminza gonti oYahweh gabhabhombele bhahu Israeli, hwelyo abhokole mukhono kwa bhahu Misili. ¹⁰O Yethro ahaga, "O Yahwe asovewe kwa sababu amwokole munyobhe zya bhahu Misili na mnyobhe zya Faraom na bhefwe abhantu mukhono kwa bhahu Misili. ¹¹Eshi imenye aje oYahweh gosi kuliko agosi bhonti, kwa sababu Amisili pabhabhabhombile bhahu Israeli hu mashento, Ongolobhe ahabhokole abhantu bhakwe."¹²O Yethro, okhoi wakwe oMusa, ahaleta evintu vya pembe ne dhabihu hwa Ngolobhe. O Aruni na zehe bhonti bhahu Israeli bhahenza alye eshalye hwa Yahweh nu khoi wa Musa.¹³Shandabho lwakwe oMusa abhahukumu abhantu. Abhantu bhahazyongola oMusa ahwanda nashambwii hadi palisiva isanya. ¹⁴Okhoi wakwe pahalola abhomba shila hwa bhantu, ahaga, "Yenu obhabhombela abhantu eshi? Yenu okhele humwene abhantu bhonti bhemelela ahuzyongole nashambwii hadi naliswa isanya?"¹⁵O Musa ahabhula okhoi wakwe, "Abhantu bhahwenza abhuuzye ologozyo lwa Ngolobhe. ¹⁶Pabhabha bhakosene, bhahwenza huline. Ehwamula hwa muntu omo no wa mwabho, na embapele amaagizo no longozyo."¹⁷Okhoi wakwe ahabhula, "Hoahomba saga hinza. ¹⁸Ohwilisya tee, awe na bhantu bhabhali na we. Eli izigo li mwamu tee huliwe. Sagobhawezye abhombe hu mwene. ¹⁹Nomvwe. Embahubhole shabhombe nu Ngolobhe abhabhe nawe, maana awe ohwemelela hwa bhantu bha Ngolobhe, na otwala enongwa zyabho hwa mwene. ²⁰Lazima obhalanganyizye ne ndongoozyo. Lazima obhalanganyizye idala lya jende ne mbombo ya bhombe.²¹Ahagosi, lazima osalule abheshilume bhabhawezye afume abhantu bhonti, alume bhabhali nshishi hwa Ngolobhe, alume bhabhahwega evintu vyavihwegwa na bhantu huwibha. Lazima ubhabheshe hwa bhantu, bhaba longozye abhantu bhinji. ²²Bhabha hukumu abhantu hu kesi, enongwa endodo ndodo, ila enongwa ehome bhaileta huliwe. Hu nongwa endoodo bhawezizye, ahukumu bhebho(azimale bhebo). Esho saga ebhabhe home huliwe na bhabanyemule izigo nawe. ²³Ngobhomba eshi, na kama Ongolobhe abhahupele na gamwabho obhajimbe, na bhantu bhonti bhabhawele bhali shinza mukhaya zyabho."²⁴Esho oMusa ahatejezya enongwa zya khoi wakwe na ahabhomba gala gonti gabholelwe. ²⁵O Musa ahasalula alume bhabhawezya afue hu Israeli na abhabheha bhalongozi hwa bhantu, bhalongozye, hu maelfu, mamia, hamsini na makumi. ²⁶Bhatejezezye enongwa zya bhantu endodo ndodo. Enongwa ehome bhaletela oMusa, lakini abhene bhatejezezye enongwa endodo ndodo. ²⁷O Musa ahaleha okhoi wakwe asogole, nu Yethro ahawela hunsi yakwe.

¹Hu mwezi gwa taatu baada ya bhantu bha hu Israeli afumi hu Misili, isiku elyo, bhahabhala hu nyikani hu Sinai. ²Pabhasogole hu Refidimu nawenza hu nyikani ya hu Sinai, bhabheshele pakhale hwitanzi hwigamba.³O Musa ahabhala amwanya hwa Ngolobhe. O Yahwe ahakwizya afume hwigamba na hubhule aje, "Lazima obhabhule enyumba ya Yakobo, bhantu bha uIsraeli: ⁴Walolile hanabhombile hu bhantu bha hu Misili, shila shananyemule na mapiho ge tai na hulete huline. ⁵Eshi ngobhanvimvwe nabhe ne nshishi ne sauti yane, na khate enongwa zyane, eshi obhabhe hantu hane ahinza, mubhantu bhonti, maana ensi yonti yaline. ⁶Waibha falme we kikuhani wi taifa ilinza lyaline. Ega gohwanziwa abhabhule bhahu Israeli.⁷Esho oMusa ahabhakwizya azehe bha bhantu. Ahabhula enongwa ezi oYahweh zyabholile. ⁸Abhantu bhonti bhaheteha pandwemo, "Tibhabhombe gonti oYahweh gatibholele." O Musa ahatwala zyabholela na bhantu hwa Ngolobhe. ⁹O Yahweh ahabhula oMusa, "Embahwenza huliwe hwi bhengo igosi ili abhantu bhomvwe peyanga nawe bhamwovwe enziku zyonti." Eshi oMusa ahabhula oYahwe enongwa zya Yahwe.¹⁰O Yahweh ahabhola oMusa, "Bhala hwa bhantu. Sanyono na sandabho lazima obhagabhanye, na khonzye aje bhozye amenda gabho. ¹¹Obhe tayali hwi siku lya tatu, kwa kuwa isiku lya tatu oYahweh aihwiha pansi pi Gamba lya hu Sayuni.¹²Lazima obheshe embaho hwonti azyongole igamba kwa ajili ya bhantu. 'Obhabhule, 'Mwenyeje msibhale hwi gamba na khate embaho zyakwe. Yayonti wabhakhate igamba abhafwe.' ¹³Nagumo okhono gwagwonti ahukhate omuntu ono. Ila lazima akhomane na mawe no mushale. Aabhe muntu au shooma, lazima afwe. Etarumbeta pazyaikhomwa esala nyinyi, owezizye ahwenze pansi pigaga lyigamba."¹⁴O Musa ahishile hwigamba abhale hwa bhantu. Abhagabhenye abhantu kwa ajili ya Yahweh na bhahozya amenda gabho. ¹⁵Ahabhabholele abhantu, "Mubhe tayali isiku lya tatu; mgande bhozubhilile abhashe bhenyu."¹⁶Isiku lya tatu, palyahafiha nashambwii hwa hali na hoolo ne radi ni bhengo igosi hwigamba, esauti engosi ye tarumbeta. Abhantu bhonti bhahogopa. ¹⁷O Musa ahabhaleta abhantu afume pabhakhala (pabhadela) akhomane no Ngolobhe, na bhahemelela pagaga pansi pigamba. ¹⁸Igamba lyahu Sinai lyahali kwa sababu oYahweh ahishile nomwoto ni lyosi. Ilyosi lyahazubha amwaha neshi lyosi lyamwitanuri, igamba lyonti lyayinjile tee.¹⁹Esauti ye tarumbeta peyahonjelel, oMusa ahayanga, Ongolobhe ahamwomvwa na yanje tee. ²⁰O Yahweh ahiha pansi pi Gamba lye Sinai, pamwanya pi gamba, na ahakwizya oMusa abhale pigamba. O Musa ahazubha pamwanya. ²¹O Yahweh ahabhola oMusa, "Iha pansi na bhadame abhantu bhasijende anenye ane, au abhinji bhabhafwe. ²²Leha akohani bhabhahwenza huline bhakhale panshenje - bhahwiandale ili ensibhagoje."²³O Musa ahabhola oYahweh, "Abhantu sagabhawezizye awenze humwanya hwigamba, kwa kuwa otibholele: 'Tibheshe empaho azyongole igamba na ogabhe kwa ajili ya Yahwe." ²⁴O Yahweh ahabhula, Bhalaga, ila pansi pigamba, na oyenze nu Aruni lakini osilehe akuhani na bhantu ashile na hwenza huline, au embabhagoje." ²⁵Esho oMusa ahabhola hwa bhantu nayanje nabho.

¹Ongolobhe ahayanga enongwa zyonti ezi: ²Ne Bwana Ongolobhe wenyu, nambefwizye huMisili, ahonze hu nyumba ye makhome. ³Mgandabhe na ngolobhe abhenje ila nemwene.⁴Msilenganye evintu vye makwi na lenganisye na hantu hahonti hahali amwanya, pansi au mumenze. ⁵Mgande songwe navipuute evintu evyo, ane ne Yahweh ne Ngolobhe wenyu, ne Ngolobhe we wivu. Naikhoma embibhi zyabhasaga bhayanga alete shikhomo hu mbaapo, ya taatu hadi embapo ya une hwabhamvitwa ane. ⁶Ila embabheshe enongwa zya nomvwe hu bhantu abhinji bhabhabhangane na zikhate endogoozyo zyane.⁷Oliyanje wene itawa lya Yahweh Ongolobhe waho, saganaibha bhibhi hwa muntu waiyanga itawa lyane wene.⁸Oizushe isiku lye Sabato, na olibheshe lyene. ⁹lazima obhombo embombo zyaho zyonti hunsiku sita. ¹⁰Ila isiku lya saba Sabato kwa ajili ya Yahwe Ongolobhe waho. Isiku elyo ogande bhombe embombo yayonti, awe au omwana waho, omwale waho, au obhomvi waho we shilume au weshishe, au evyooma vyaho, au ajenyi bhabhali munyumba yaho. ¹¹Hu nsiku sita oYahweh alengenye emwanya ne pansi, amenze, ne vintu vyonti vyavihweli ni siku lya saba ahatoya. Esho oYahweh alilenganye isiku lye Sabato na libheshe lyene.¹²Obhe ne nshinshi hwa isa waho na maye waho, ili okhale amaha mingi pa dunia oYahweh Ongolobhe waho afumizye. ¹³Usiue. ¹⁴Usibhombe ohoni(na bhashe).¹⁵Osihwibha hwa muntu muntu wawonti. ¹⁶Osihuyanjile ilenga owapa nshenje yaho; ¹⁷Ugandazilishe ye wapenshenje yaho; oshe wakwe, obhomvi wakwe weshilume au weshishe, evyooma vyakwe, wala hahonti hali naho ogandezilishe.¹⁸Abhantu bhonti bhahalola eradi no mwanga, na hamvwe embiu, igamba lifumya ilyosi. Abhantu pabhahalola esho, bhahayinga na wemelele hutali. ¹⁹Bhahabhula oMusa, oyanje nate, tibhahumwovwe; lakini ogandeje Ongolobhe ayanje nate tibhafwe. ²⁰O Musa ahabhabhula abhantu, "mgande hwogope Ongolobhe abhalenga lenga ili mubhe ne nshinshi, esho msibhombe embibhi." ²¹esho abhantu bhahemelela hutali no Musa ahazubhila hu ngisi engosi Ongolobhe hwa hali.²²O Yahweh ahabhula oMusa, "Lazima obhabhule eli abhahu Israeli: 'Awe wewe ondolile enjanjile nawe afume humabhengo. ²³Msihwilenganyizye evintu vyavipute na ane, vyapuutu vye hela au evinza.²⁴Lenganyaji pampuutile ane no longo, lazima mfumyaje evintu vyapembe/ahwoshe, evintu vye winji, engole ne ng'ombe. kila panaihwanza ane itawa lyane lipewe enshinshi, embawenze hulimwe nabhalenganye. ²⁵Nkashele mubhalenganye na mawe, mgande zenye na mawe gagamesushe, ngamubhatumile evintu vyenyu pamwanya, mubhabhe ubhibhi. ²⁶mganda hwenze pamwanya pamunzanjele ane na magaga genyu, ili mgande bhonesye amabele genyu."

¹Ezi endongoozyo zyobhabheshe hwa bhene:²'ngamubhakale olongozi we shiebrania, aibhombela hu maha sita, omwaha gwa saba mwaihuleha wene no pewa ahantu hahonti. ³Ngahenzele mwene, aibhala mweene; ⁴ngeshe ogosi wakwe aihupela oshe au ahupapile ovwele no mwale, oshe na bhana bhaibha bhagosi wakwe na abhasogole mwene.⁵Lakini ngeshe obhomvi abhayanje, "Egene obwana wane, oshe wane na bhana; sagembabhale ahonze," ⁶"ogosi wakwe abhahulete hwa Ngolobhe. Ogosi wakwe abhahulete hu lyango au hwa gosi we lyango na ogosi wakwe abhatulule lyakwe ne sindani. Esho obhomvi wakwe abhahubhombela ensiku zyakwe zyonti.⁷Ngeshe olume abhahukazye omwale wakwe kama bhomvi weshishe, abhabhale mwene neshi abhomvi bheshilume shabhabhala. ⁸Ngasa hubhombela shinza ogosi wakwe, wabheshele hwamwene, lazima akale nandele. Sagali ne haki yahukazye hwa bhantu abhenje ajenyi. Saga awezizye akhonzye esho, maana abhombele shibhibhi no hantu hahonti.⁹Ngeshe ogosi wakwe abhahuposole abhe she wa vwele wakwe, abhahubhombele neshi shabhomba hwa bhale bhakwe. ¹⁰Kama abhahweje oshe wa mwabho, asihumwonzezye eshalye oyo wakwanza, amenda ne vintu vya mwabho vyonti. ¹¹Lakini ngasaga obhabhombelwe ega amambo gatatu, awezizye asogole wene nofumya ahantu nahamo mmali.¹²Omuntu wawonti wakhoma omuntu nafwe, ahwanziwa ahugoje wape omuntu oyo. ¹³Lakini ngasaga amwobheye, ila bahati mbaya sagabhombile nsini, basi embahulenganyizye panyilile. ¹⁴Omuntu ngabhalile owamwabho hu mbibhi ili agoje, oyo obhahugoje ata ngeshele pitanzi paline ili ogoje.¹⁵Wawonti wabhakhome oise au nyina oyo lazima afwe. ¹⁶Wawonti wa hukhate omuntu na hukazye, au omuntu amweje kama muntu wakwe, wakhete lazima ahugoje. ¹⁷Yayonti wabhayaje embibhi hwa ise au hwanyina wakwe oyo lazima ahugoje.¹⁸Ngeshe alume bhabhahukhome na omo wakhoma wa mwabho niwe au engumi, na oyo omuntu agandefwe ila agone pashitala; ¹⁹abhapone na awezye ajenda hwikwi lyakwe, omuntu wakhomile ahwanziwa alipe omuda gwakwe, gwatezezezye, na lazima afumye eghalama zyonti zyahushipitali. Lakini omuntu oyo sagali ne nongwa zyagoje.²⁰Ngeshe olume abhahukhome obhomvi wakwe weshilume au weshishe ni desa, ngeshe obhomvi oyo wafwa akhomwe wakwe, oyo wakhomile lazima apewe eadhabu. ²¹Lakini obhomvi oyo ngaklele isiku limo au zibhele, ogosi wakwe sagawanziwa abhe no nongwa, kwa kuwa abhavwalale ahutezye obhomvi wakwe oyo.²²Ngeshe alume bhalwiye na bhavwalazye oshe wali no lwanda na nanganye olwanda, lakini nagamo amalonda gamwabho hw amwene, lazima olume alipe hwalume ola omwanesho she shahwanza, nalipe shahwanza omuntu wi balaza shawanza. ²³Lakini ngeshe huli na malonda agenje amagosi, lazima ofumye owomi huwomi, iliso hwi liso, ²⁴ilino hwi lino, okhono hu khono, igaga hwi gaga, ²⁵apembe na pembe, ilonda hwi londa, omkwaluzyo hu mkwaluzyo.²⁶Nkashe olume akhome iliso lya bhomvi wakwe washilume, au weshishe nalinanganye, lazima aleshe obhomvi wakwe asogole bila fidia yi liso. ²⁷Ngayefwe ilino lya bhomvi wakwe weshilume auweshishe, lazima aleshele obhomvi wakwe asogole ebhe fidia yi lino.²⁸Ngeshele eng'ombe yakhoma olume au oshe wafwa, eng'ombe lazima ekhomwe na mawe, na nyama yakwe sagehwanziwa alewe; lakini omwanesho ng'ombe lazima abhe ne nongwa. ²⁹Lakini kama eng'ombe yakhomaga afume hale omwanesho abholelwa sagahomvwezye, ne ng'ombe yagoga olume au oshe, eng'ombe lazima ekhomwe na mawe, na omwanesho wape lazima afwe. ³⁰Kama sehemu yalipe owomi ehwanziwa, lazima au zye hahondi hahwanziwa alipe.³¹Kama eng'ombe ekhomile omwana(ovwele wa lume) au omwale wakwe, omwanesho ng'ombe ahwanziwa abhombe shashihwanziwa abhombe. ³²Ngeshele eng'ombe yakhoma obhomvi weshilume au weshishe, omwanesho ng'ombe ahwanziwa alipe amalongo thelathini, na eng'ombe lazima ekhomwe na mawe.³³Ngeshele olume ayigule ilenda, au kama olume adibe ilinde na sagakwinshila, na eng'ombe au edogobhi yinjila muhati, ³⁴omwanesho lilende awanziwalipe gagatokeye. Lazima afumye ehela hwa mwanesho ng'ombe yefwile ne ng'ombe yefwile ebhabhe yakwe.³⁵Ngeshele eng'ombe ya lume yaivwalazya eng'ombe ya lume nafwe, lazima akazye eng'ombe yefwile nagabhane ehela, na lazima bhagabhane eng'ombe ye fwile. ³⁶Lakini ngeshle yamanyiha aje eng'ombe yakhomaga abhantu ahwande hale, omwanesho sagaifunjile muhati, lazima alipe eng'ombe hu ng'ombe, na eng'ombe ela yefwile ebhabhe ya mwene.

¹Ngeshele olume wibha eng'ombe au engole nagoje au akazye, lazima awuzye eng'ombe zisanu au eng'ombe yeka, ne ngole zine hu yeka. ²Ngeshele omwibha bhamweje abudula ili ayibhe munyumba, na ngeshele nafwe, sagahubhabha na nongwa yagoje hwa muntu wawonti. ³Lakini ngeshele isanya lifumile omwane salisele na budule na hwibhe, enongwa yagoje ebhabhe hwola wagojile. Omwibha lazima alipe hayibhile, esho lazima akaziwa huwibha wakwe. ⁴Ngeshele eshoma bhashajile sashomi pakhaya yakwe, ngeshele ng'ombe dogobhi au ngole, lazima alipe mala habhele.⁵Ngeshele olume watwala alye evyooma vyakwe au hugonda gwa mizabibu na wavileha na vyabha vilya mugonda gwa lume wa mwabho, lazima abhomba eshilipo eshinza afume mugonda gwakwe no gonda gwakwe gwe mizabibu.⁶Ngeshele omwoto gwahisle na bhale humivya hadi mumbeyu, au evyelewa au ogondwa gwakwe gwapya, wayansizye omwoto lazima alipe.⁷Ngeshele olume wapela ehela, au emali owamwabho abheshele na ngeshele abhahwibhilwe hwa wamwabho, ngeshele omwibha wa bhoneha oyo omwibha ahwanziwa alipe mala habhele. ⁸Lakini ngsehele omwibha sagawabhonesha, na omwanesho nyumba abhahwenze hwagosi bhabhatejezya enongwa zya bhantu alole aje abheshele okhono gwakwe mvintu vya jilani wakwe owamwabho." ⁹Hu kila lu visyo lwabha visenye ahusu ahantu, ngeshele ng'ombe dogobhi, ngole, nyenda au hahonti hahatejile omuntu hayanga, "Eha haline," amalalamiko ga bhantu bhonti lazima gafishe hwa gosi. Olume wabhahumwaga ne nongwa embibhi abhalipe mala mbili hwa wamwabho.¹⁰Ngeshele apele ojilani wakwe edogobhi, eng'ombe, engole au eshoma shashonti amwenyezyaje, na ngeshele shafwa, shavwalala au ahwegwe bila lole omuntu nomo, ¹¹eshilapo hwa Yahweh lazima bhabheshe bhonti bhabhele, ngeshele sawa au hamna basi omuntu abheshele okhono gwakwe. Mmali ya wamwabho, omwanesho lazima ayeteshe eli, no wamwabho saga abhalipe. ¹²Lakini ngeshele shahibhilwa hwa mwene, owamwabho lazima alipe hwa mwanesho. ¹³Ngeshele eshoma shabholwa, leha olue wamwabho oyo alete enyama zila paushahidi. Sagabhalipe maana aletile evipande.¹⁴Ngeshele olume wazimya eshoma hwa wamwabho na eshooma shavwalala au afwe bila mwanesho abhe nesho, olume wa mwabho lazima abhalipe. ¹⁵Lakini ngeshele omwanesho bhahali bhonti, olume wa mwabho sagahwanziwa alipe, ngeshele eshoma shahazimwe abhalipe egalama zyahwazimye.¹⁶Ngeshele olume asipile omwana olendu wasagali no sahala wakwe, na ngagone nawo, lazima abheshe abhe wakwe alipe egalama zyazihwanziwa alipe. ¹⁷Ngeshele oise wakwe akhane lwonti, lazima alipe ehela yelengana ne galama zya bibi harusi.¹⁸Sagatibhahuleshe olozi abhe mwomi. ¹⁹Yayonti yabhagone ne shoma lazima ahugoje.²⁰Yayonti yabhagone ezabihu hwa ngolobhe owenje siyo oYahweh lazima afwe. ²¹Saga obhahubhombele embibhi ojenyi, au ahuyanje shibhibhi, namwe mwahali bhajenyi hu Misili.²²Sagaoluhusiwa ahubhombele shibhibhi wafwelele no lume au omwana wa saga ali no ise. ²³Ngobhavwalazye ata hashe, na ngabhankwizye ane, embahomvwe pabhankwizya. ²⁴Oluvisyo lwane lubhahwanshe, na embahugoje ahubhole, abhashe bhenyu bhabhe bhano bhalume na bhana bhenyu no bhe ise bhabho.²⁵Ngoyazimye ehela hwa bhantu bhane apena sago hwanziwa abhe neshi bhabhakhopezya ehela hwa mwene au ahufumye ya pamwanya. ²⁶Ngoyeje omwenda gwa wamwenyu akhope khopa, lazima owezye salili sele aswe isanya, ²⁷maana elyo lyaligubiho lyakwe, mwenda gwa bele gwakwe. Henu nandele hawezya agonele? Pabhankwizye ane, embahwomvwe, kwakuwa ane endi ne nsajilo.²⁸Osinjanje shibhibhi ane, ne Ngolobhe, ata ahulije walongozya abhantu bhaho.²⁹Ogande dama evintu afume muvyelewa vyaho au mwobheshele emwelo. Lazima ombele ane embapo ya kwanza ya bhana bhaho. ³⁰Lazima obhombe shesho hu ng'ombe ne ngole zyaho. Hu nsiku saba lazima zisagale ne nyina zyabho, lakini isiku lya nane lazima ompele ane. ³¹Mubhabhe bhantu mwamuli mubhene huline. Esho sagamubhalye enyama yegogwilwe ne vyooma vya hwonze. Ezyo muzipelaje embwa.

¹Sagahwanziwa afumye enongwa zilenga hwa muntu wawonti. ogandabhe pandwemo no lume wilenga afumye enongwa zilenga. ²Saga ohwanziwa abhale hwa bhinji abhombe amabhibhi, na ayanje enongwa zilenga aje zye lyoli kumbe lilenga na bhinji ili abhantu bhasimanye zyelyoli. ³Sagaohwanziwa ahupendelele alume omasikini hu kesi yakwe.⁴Nkokhomene ne ng'ombe ya bibhi waho au dogobhi yakwe yetejile, lazima oiuzye. ⁵Nkoilolile edogobhi yola waha vitwa egwiye apanzi nizigo lyakwe sowezizye ahuleshe oyo omuntu. Lazima omwavywe ne dogobhi yakwe.⁶So hwanziwa aitezye ehaki nashi yehwanziwa abhale hwa bhantu amaskini nashi ku kesi yalume omasikini. ⁷Oganje hwi unje na bhanje abhombe eshutuma ezilenga oganje agoje yasaga ali ne hatia nola we haki hwa huje se mba huleshe obhibhi. ⁸Oganje ahwenje erushwa hwahuje erushwa epofusya bhabhalola na tezye enongwa eye lyoli. ⁹Saga ehwanziwa ahu fyole ojenyi, huje awe ahali jenyi munzi ye Misili.¹⁰Hu maha tandaa abhatote embeyu hunsi yaho na bhonganye amazao gakwe. ¹¹Lakini hu mwezi ugwa saba ahaileha semuli milwe aje eshi amasikini bhabhali na mwee bhalye habhala leha anyama bha mwisenge bhanzalye. Abhabhombe esho namagonda genyu gemizabibu na ge mizeituni.¹²Owakati we nsiku sita waibhomba embombo lakini isiku lya saba ohaitoya bhomba eshi eng'ombe ne dogobhi zyaho litoye aje abhana bhatumwa bhaho abheshishe na jenyi bhatoye nupate eauhueni. ¹³Abhe makini hwa kila hantu hebholele oganje tambule amatawa ga ngolobhe abhanje, wala aluhusu amatawa gabho ahonvywe afume mumalomu gabho.¹⁴Lazima osafiri mala tatu haajili yane kila mwezii. ¹⁵Lazima oazimisye eshelehe ye Mkate ngwasaga kuponye zyewe Echachu. Nashi sebholele hwaibha no mkate ngwasaga yuponyezyewe ehamila hunsiku saba . Owakati owo waifumizanya hulini omwezi ugwa Abibu, gwagabhehelwe hwaajili ye kusudi eli. Hu mwezi ogu gwagufumiye hu Misiri. Lakini ahaganje fumile hulini makhono wene.¹⁶Lazima aazimisye eshalehe ye mavuno amadondoloo ga kwanza gembombo yaho poha totile embeyu mugonda. Nantele lazima oazimisye Eshalehe eyabhonganye eya mwisho we mwaha pobhonganya amazao gaho afume hugonda. ¹⁷Alume bhonti bhaho lazima bhahwifumye hwa Gosi aYaahwe mara 3 kila mwezi.¹⁸So hwanziwa afumye endanda yefumiziwe zabihu hulini no mkate gwaguponyezyewe ehamila. Amafuta ofume hu zabihu zye sherehe zzyane segahwanziwa asagale osiku wonti mpaka shandabho. ¹⁹Lazima olete amadondolo ega kwanza aminza ofume mgonda gwaho muhati ye nyumba yane, enyumba ya Yahwe Ongolobhe waho. Sohwanziwa ateleshe embuzi enyana yeli bado bhoha.²⁰Embala ahulete omalaika hutagalila lyaho ahulongozye mwidala nahulete esehemu yenandaliye. ²¹Obhe makini no mwenele nahutii. ²²Ogande huvitilililwe huje saganda husajile amabhibhi gaho. Itawa lyane lilihwa mwenele. Nkashele hakika anzalitii izu lyakwe na bhombe kila hehu bhola embabhe bhibhi hwa bhibhi bhaho na pinzani hwa pinzani bhaho.²³Omalaika wane anzabhale hutagalila lyaho nahulete hwa Aamori, hwa Iti, hwa Pelezi, hwa Kanani, hwa Hivi na Yebusi. Embabhanankanye. ²⁴Sohwanziwa ahwinamile angolobhe bhabho, asaye au abhombe shabhabhomba. Baadala yakwe, lazima obhagalure kabisa nabhudule enguzo zyabo zye mawe vipande vipande. ²⁵Lazima asaye oYahwe Ongolobhe waho, na anda baliki omukate gwaho na menze. Emba hwefwe empongo hulimwi.²⁶Nomo oshe yaibha gomba au evyanda ana ngishe munsi yaho. Amba embabhapele ensiku enyinji. ²⁷Embatume owaga wane hwa bheene bhabhali mubhala embabude bhonti mwamu khomana nabho embabhombe bhabhibhi bhenyu bhabhogope hu galu hugalushe amasna gabho hulimwi. ²⁸Nitatuma mavu kwenu watakao fukuza Wahivi, Wakanani, na Wahiti mbele zenu. ²⁹Sembabhefwe hulimwi hu mwaha gumo aje ensi ebhabhe etelekezye we na nyama bha mwisengo bhanzabhe bhinji huli mwi.³⁰Baadala yakwe, amba bhabhenje hashe hashe ofume hulimwi mpaka poihabha aitawilee na gale ensi. ³¹Ehailenganya empaho yaho ofume hu Bahali ye Shamu hadi eBahali ya Firisti nafume mwisengo hadi Mwisoho Flati. Ehaihupele oushindi pamwanya ya bhantu bhaho bhonti abhe nsi ohaibhefwa ofume huliwe wewee. ³²Sohwanziwa abhombe ilagano nu bheene au na Ngolobhe bhabho. ³³Sohwanziwa akhale munsi yabho au bhanza hu bheshe obhombe embibhi zidi yane. Nko bhapute angolo bhe bhabho hakika bhandabhe tego huliwe."

¹Eshi oYahwe abholele oMusa, "Enza pamwanya hulini awe, no Haruni, Nadabu, Abihu, nazehe sabini bhahu Islaeli, na nsaye hu patali. ²O Musa mwene awezya ahwenze karibu yane. Bhamo abhanje sebha hwanziwa wa ahwenze karibu wala abhantu ahwenze pamwanya no mwene."³O Musa ahabhala pamwanya na hubhole abantu enongwa zyonti zya Yahwe ne amri zyakwe. Abhantu bhonti bhaheteshe hwizu limo naje, "Tibha bhombe enongwa zyonti oYahwe zya yanjile." ⁴Eshi oMusa asimbile apansi enongwa zyonti zya Yahwe. Sandabho sambwiti, oMusa azenjire emazabahu apansi yema gago gigaamba napanje enguzo 12 ezye mawe aje amawe gawakilisye amakabile kumi na mbili ge Islaeli.⁵Abhatumile asahala abha eshi Islaeli afumwe esadaka eyalongolezye nafumye ezabihu zye ng'ombe zye sadaka ye ushirika wa Yahwe. ⁶O Musa ahejile enusu ye danda nabheshe mmabeseni; asansiye enusu emo humazabahu.⁷Ahejile eshitabu eshe malagano nabhamanyilile hu nguvu abhantu. Bhajile, "Tibhabhombe gonti oYawe gayanjile. Tibhaabhe bhatiifu." ⁸Eshi oMusa ahega edanda nasanse hwa bhantu. Ajile, "Ene danda yi lagano lya Yahwe lyabhombile namwe hubhapele ene eahadi hunongwa zyonti ezi."⁹Eshi oMusa no Haruni, Nadabu, Abihu, na zehe sabini bhe Islaeli bhabhalile pamwanya pigamba. ¹⁰Bhalolile Ongolobhe bhe Islaeli. ¹¹Apansi yemagaga gakwe paali ne sakafu yezengilwe hwi we lye yakuti samawi, enyinza nashi emwanya yeli ya Ngolobhe sagagusa no khono hwilyoyo aviongozi bhe Islaeli bhalolile Ongolobhe bha mwelile na lye.¹²O Yahwe abholele oMusa, "Enza pamwanya hurini mwigamba osagale pala embahupele ensahani zye mawe ne sheria ne amri zyenandishe, aje obhafundizyo." ¹³Eshi oMusa abhala no saidizi wakwe oYoshua nabhale pamwanya pigamba lya Ngolobhe.¹⁴O Musa abhabhola azehe, "Sagali epa mtigole mpaka patibha hwenze. O Haruni no Wuri bhali namwe ngashele huli no mtu we malalamiho, leha abhabhalile." ¹⁵Eshi oMusa ahabhala pamwanya yigamba, ni bhengo lya kwinshila.¹⁶Outukufu wa Yahwe wasageye pamwanya yi Gamba lye Sinai, ni bhengo lyakwinshie hu nsiku sita. Isiku lya saba akwizizye oMusa afume muhati yi bhengo. ¹⁷Outukufu wa Yahwe wahali nashi omwoto waali pamwanya pigamba humaso ga Islaeli. ¹⁸O Musa ahainjila mwibhengo na bhale pamwanya pigamba ahali hwi gamba ensiku orobaini no siku orubaini.

¹O Yahweh ahabhula oMusa, ²"Bhabhuula bhahu Israeli bhamfumizye esadaka ola muntu nawe oyejelele hwa muntu wawonti wabhafumye humwoyo ogwinza. Lazima oyejelele ezi esadaka sababu yaline.³Ezi zye sadaka zyobhahwejelele hwa bhene; edhahabu, ehela, ne shaba, ⁴ebululu, ezambalau ne nshamwamu, ne menda ge kitani enyinza, na mawoya ge mbuzi; ⁵ne ngola zye ndobhi zyazibhahwelwe ousha mwamu ne ngola ye pomboo, amakwi ge mjohoro, ⁶amafuta ge tala, ne vintu vyavinushila shinza, humafuta gapahala ne vintu vyonti evinza; ⁷amawe ge shohamu na mawe ga mwabho gapashenela enevera na hwahala afuko hapashifuloha.⁸Bhaleshe bhandanganyizye apinza ili ehala nabho. ⁹Lazima ubhombe neshi ega gehulanga ofano gwe nyumba ne vintu vyakwe, ndivyo shabhabhabhombe.¹⁰Bhahwanziwa alenganye empogoso yikwi lye mjoholo. Otali wakwe ubhe ne dhiraa zibhele na nusu; na mapana gakwe dhiraa yeka na nusu, na bhale humwanya hwakwe edhiraa yeka ne nusu. ¹¹Lazima olikwinshile muhati ne dhahabu enyinza na obheshe okingo gwe dhahabu alizyongole munshenje mwonti.¹²Nawe obhayeyusye mviduara vine vye dhahabu, navibheshe mumagaga gakwe gane; eviduara vibhele oupande wakwe wabhele. ¹³Nawe lazima olenganye amakwi amatali ge mshita na ikwinshile edhahabu. ¹⁴Nawe lazima obheshe ego amakwi mviduala vyavili epande zibhele zyi mpogoso ili eyeje eyo empogoso.¹⁵Ego amakwi gabhakhale mula muviduara vye mpogoso; sagagaihwepa. ¹⁶Esho obheshe mumpogoso endongozo zye mbahupele. ¹⁷Nawe lazima olenganye igubiho lye dhahabu ilinza. Otali wakwe ubhabhe edhiraa zibhele na hashe, na amapana gakwe dhiraa yeka na hashe. ¹⁸Nawe lenganya amakerubi gabhele ge dhahabu mumiisho gabhele gitengo lye rehema.¹⁹Bheha ikerubi limo hu mwisho umo wi tengo lye rehema, ni kerubi lyabhele hu mwisho gwa mwabho. Lazima ebho akerubi bhabha hantu hamo ni tengo lye rehema. ²⁰Na ebho amakerubi bhabhabhosye amapiho amwanya, na likwinshile elyo itengo lye rehema n amapiho gabho. Amaso gabho gabhahwenyane na wehelekele itengo lye rehema. ²¹Lazima obheshe itengo pamwanya pampogoso, esho obheshe endongozyo zyembahupele mpogoso.²²Nane embakhomane nawe epo pampogoso. Naiyenga nawe pala pehweli pamwanya pitengo lye rehema. Yaibha pahati yabho amakerubi bhabhele bhabhali pamwanya pampogoso ye ushuhuda pana iyanga nawe hu mambo gembahubhole hu bhana bha hu Israeli.²³Nawe olenganye emeza yikwi lye mshiti. Outali wakwe yaibha edhiraa zibhele, no uvitima wakwe edhiraa yeka na bhale mwanya hwakwe dhiraa emo na hashe. ²⁴Oikwinshile edhahabu enyinza mmwisho wa izyongola esehemu zyonti.²⁵Lazima olenganye ifelemu lya izyongole esehemu zyonti, ouvilima wakwe waibha nyanda zine, oumwisho we dhahabu alizyongole ifelemu lyonti. ²⁶Olitenganyizye eviduara vine vye dhahabu na vibheshe mkona zyakwe zine, mmagaga gakwe gane pagahali. ²⁷Vila eviduara vibhe karibu nalila ifelemu ili vibhe pabheshele gala amakwi, gahwejele emeza.²⁸Lenganya amakwi ge mshita, na ikwinshile edhahabu, aje ela emeza eyegwe hweyo. ²⁹Nawe lenganya ensahani zyakwe, ne ntiho zyakwe, na makopa gakwe, ne vikombe vyakwe vyatapulile. Vilenganya vyonti vye dhahabu nyinza. ³⁰Nawe obhabheshe amabumunda ge wonyesho pamwanya pameza hwitagalila lyane ensiku zyonti.³¹Nawe lenganya ahantu he taa he dhahabu enyinza; eho habhe he mbombo ya hwonjezye omwanga, eshikhosi shakwe, ni kwi lyakwe, vikombe vyakwe, na matovu gakwe, na maua gakwe, vyonti vibhabhe vya hantu hamo. ³²Hope habhabhe ne nsamba sita zyafume mumbazu zyakwe - ensaamba zitatu eshinara esehemu yakwe yeka, ne nsaamba zitatu esehemu yakwe yabhele.³³Osamba lwa kwanza lazima libhe ne vikombe vitatu vyavilenganyiziwe neshi amaua mlozi mnsaamba yeka, itovu ni ua ne vikombe vitatu vyavilengenywe neshi amaua mlozi msaamba yabhele, itovu ni ua. Shesho ezo ensamba zyonti sita zyazifuma mshinala. ³⁴Mshinala esho, lazima mubhe ne vikombe vine vyavilengenywe neshi amaua mlozi, amatovu gakwe, na maua gakwe.³⁵Lazima hubhe ni tovu pansi pansamba - gabhele gagali pandwemo, ni tovu pansi pansamba zibhele zyazili pandwemo, hunsamba sita zyazifuma pashinala. ³⁶Amatovu gakwe ne nsamba zyakwe gaibha gepandwemo, habhe honti nantele mbombo emo, yahwonjezye, ye dhahabu enyinza.³⁷Lazima nawe olenganye evyo evinara saba ne taa zyakwe saba, bhope bhaihwansya ezyo etaa zyakwe, zifumye omwanga hwitagalila lyakwe. ³⁸Na makolelo gakwe, ne visahani vyakwe, vyonti vyaibha vye dhahabu enyinza. ³⁹Tumila etalanta yeka ye dhahabu enyinza, pandwemo ne vyombo evi vyonti. ⁴⁰Nawe enya aje ovilenganye neshi shabhalanjile hwigamba.

¹Lazima obhombe esho enyumba ebhe ye mapazia kumi ilenganye no mwenda kitani enyinza ya shone, ne nyuzi zye langi ye buluu, ezambalau ne nshamwamu, panwemo na makerubi. Embombo ya fundi owashone. ²Outali huikila lipazia waibha dhiraa shilini na nane, no uvilima hu kila lipazia waibha ziraa zine. ³Amapazia gonti gaibha shipimo shimo. Amapazia gasanu gabhaunganiswe pandwemo, na mapazia gasanu gamwabho gabhashonwe pandwemo.⁴Lazima olenganye empinyo ye langi ye samawati oupande wa mwisho wi pazia umo hula hupindo wi fungu lyakwe. Shesho waibhomba oupande wa mwisho wi pazia shaliliweli, hwi fungu lyabhele. ⁵Lenganya amapinyo hamsini mwipazia limo, na matanzi hamsini hu upande wa mwisho wi pazia pali ngene na lyabhele. ⁶Bhomba eshi ili ezyo empinyo zibhale sawa. Alafu olenganye evifungo hamsini vye dhahabu, na unganisye amapazia pandwemo hu vila evifungo neyo emaskani ebhabhe yeka.⁷Lazima waiunganisya amapazia gasanu hutali na mapazia sita hutali na lila ipazia lya sita wailipinta epo pitagalila pi hema. ⁸Outali hu kila lipazia waibha dhiraa thelathini, na ovilima hu kila lipazia waibha dhiraa zine. Ego amapazia kumi na moja gabhabhe neshipimo shimo. ⁹Lazima olenganye amapazia ne nsisi zye mbuzi gabhe lihema pa maskani, lazima olenganye amapazia kumi na moja.¹⁰Olenganye etanzi hamsini hu mwisho ni pazia lya mwisho hwego gagashonilwe pandwemo. ¹¹Olenganye evifungo hamsini vye shaba, na vibheshe vila evifungo mtanzi, na unganisye lila ihema pandwemo.¹²Eshipande shila shashisagalila, shashigwa, shagala amapazia gi hema, shibhalagalile ahosi hu maskani. ¹³Lazima hubhe ne dhiraa emo oupande umo, nela edhiraa emo oupande wabhele ge utali we mapazia gi hema hwahusagalile, zibhagwe hu mbazu zye maskani oupande owu no upande owu, ili ayikwinshila. ¹⁴Nawe lenganya(gomba) igubiho lye hema, lyengola ye ngole endobhi zyazibhehwelwe e langi enshamwamu, pamwanya yakwe igubiho lye ngola ye pomboo.¹⁵Nawe lazima olenganye ezyo efelemu zye nyumba yikwi lye mjoholo. ¹⁶Kila felemu yaibha na outali we dhiraa kumi, ouvilima wakwe kila ubhabho waibha dhiraa yeka na hashe. ¹⁷Kila felemu yaibha ne mele zibhele zyazikhalene ogu nogu. Shobhazilenganye embabho zye nyumba. ¹⁸Esho ogombe zila embabho zye nyumba, embabho shilini oupande wa huswelo abhale hu swelo.¹⁹Lazima nawe olenganye evikhosi alubaini vye hela panzi ya zile efelemu shilini. Evikhosi vibhele pansi pi felemu lyeka, ahwejelele zila emele zibhele, na evikhosi vibhele pansi pi felemu lya mwabho ahwejele emele zakwe zibhele. ²⁰Huu pande wabhela we nyumba, opande wa hu mwanya, embabho shilini ²¹ne vikhosi vyakwe vye hela alubaini. Lazima hubhe ne vikhosi vibhele pansi pifelemu(limo/lyeka) ne vikhosi vibhele pansi pifelemu elyenje.²²Ogombe efelemu sita opande wa hosi we nyumba abhale hu swelo. ²³Nantele ogombe efelemu zibhele hwezyo enyumba zyazili ahosi. ²⁴Ezi efelemu zibhabhe ela nyene opande wa pansi, ila amwanya zikhatene pi duara limo. ²⁵Efelemu zyaibha nane, ne vikhosi vye hela. Evikhosi kumi na sita, evikhosi vibhee pi felemu lyeka, ne vikhosi vibhele pansi pa babho lwa bhele.²⁶Lazima ogombe amataruma gikwi lye mshita- amataruma gasanu kwa ajili ye mbabho zye pande weka we nyumba, ²⁷na mataruma gasanu kwa ajili ye felemu zye pande wa bhele we nyumba, na mataluma gasanu kwa ajili ye felemu zye felemu zya hosi hu nyumba abhale hu swelo. ²⁸Elyo itaruma lya pahati lyalili pahati pa felemu zila, libhajende afume hu mwisho ohu hadi ohu.²⁹lazima ozikwinshile efelemu ezyo ne dhahabu. Nawe lazima ogombe amaduara gakwe ge dhahabu, abhe makhatizyo, nego amataruma obhagakwinshile edhahabu. ³⁰Nawe obhayemelesye enyumba eyo shashila shaualolile hwi gamba.³¹Nawe gomba ipazia lye uzi gwe buluu, ezambarau no shamwamu, na menda aminza ge kitani, libhashonwe na bhehwe makerubi embombo ya wagomba. ³²Eshi olibheshe mnguzo zine zyikwi lye mshita zyazikwinshilwe ne dhahabu, evipinyo vyakwe vyaibha vye dhahabu, hu vikhosi vine vye hela. ³³Nawe bheha lila ipazia pansi pavipinyo vila, nawe ega empogoso ye nongwa zya Ngolobhe. Lila ipazia libhagabhile apinza, na pinza tee.³⁴Nawe lazima obhabheshe itengo lye rehema pamwanya pampogoso ye nongwa zya Ngolobhe muhati mwa pala apinza tee pa Ngolobhe. Na ela emeza waibheshe ahwonze wi pazia. ³⁵Lazima obheshe eshinara she taa abhale hu meza oupande we nyumba na bhale hu swelo. Ela emeza ubhaibheshe opande wa mwanya.³⁶Esho obagombe abheshe hu lyango gwi hema, hu nyumba zye langi ye buluu, ezambarau ne shamwamu, ne kitani enyinza ye tabhilwe, embombo ya watabha wa hu taraza. ³⁷Nawe lenganya amenda gasanu hikwi lye mshita kwa hula abheshe shinza, nazikwinshile edhahabu; ekulabu zyakwe zyaibha zye dhahabu. Nawe wayisubu evikhosi vye shaba hwelyo.

¹Nawe (lenganya/gomba) amazabahu gikwi lye mshita, outali libhanje dhiraa zisanu no vilima dhiraa zisanu. Eyo emadhabahu yaibha mraba na bhale amwanya hwakwe hwaibha ne dhiraa zitatu. ²Nawe lenganya epembe zine neshi empeeta zye ng'ombe. Ezyo empeeta zyaibha zya hantu hamo ne madhabahu, nawe obagakwinshile ne shaba.³Lazima evyelelo vyakwe vyagefwe amalota gakwe abhavilenganye, na malimilo gakwe, na mabakuli gakwe, ne uma zyakwe, na meko gakwe, evyelelo vyakwe vyonti obhavilenganye vye shaba. ⁴Nawe oilenganyizye eyo emadhabahu owavu we shaba. Ngobheshe epete zine zye shaba mpembe zine zye wavu ula.⁵Nawe lazima obheshe owo owavu pansi pa shizingo shashizyongola amazabahu opande wa pansi. ⁶Nawe lenganya amakwi ge madhabahu, amakwi ge mshita, na ogakwinshile e shaba.⁷Na ego amakwi obhagabheshe mumaduara, nagala amakwi gabhabhe mpande zibhele zye madhabahu, esala zya yeje. ⁸Ogombe ye mbabho, yeli no mvungu muhati shawalolile hwigamba.⁹Nawe olenganye iua mnyumba opande wahu swelo abhale hu swelo hubhabhe ne chandarua ye mwenda gwe kitani ogwinza gwa tabhe, hwi ua, otali wakwe opande umo waibha dhiraa mia moja. ¹⁰Ne nguzo zyakwe zibhabhe nguzo shilini, ne vikhosi vyakwe shilini, vikhosi vyakwe vyaibha vye shaba kulabu zya zila enguzo ne vipinyo vyakwe vyaibha vye hela.¹¹Shesho opande wa mwanya, outali wakwe eyo evhandarua waibha dhiraa mia moja, na menda gakwe shilini, ne vikhosi vyakwe shilini vibhabhe vye shaba, ekulabu ye zila enguzo ne vipinyo vyakwe vyaibha vye hela. ¹²No pande we swelo, ovilima wika hwaibha ne chandarua ye dhiraa hamsini; enguzo zyakwe kumi, ne vikhosi vyakwe kumi. ¹³No vilima we upande wa (hutukulilo/hutukulo) abhale hutukulo hubhabhe dhiraa hamsini.¹⁴Echandarua opande weka we ndyango ubhabhe dhiraa kumi na tano ovilima wakwe. Lazima enguzo zyakwe zibhe zitatu na vikhosi vyakwe vitatu. ¹⁵Opande wabhele shesho echandarua ye dhiraa kumi na tano; enguzo zyakwe zitatu, ne vikhosi vyakwe vitatu. ¹⁶Pa lila ilyango li ua paibha na pabheshe shinza a dhiraa shilini, shibhabhe shemenda erangi ye buluu, ezambarau ne nshamwamu, na kitani enyinza enyabhe, embombo etaraza; amenda gakwe gaibha gane, ne vikhosi vyawe vine.¹⁷Amenda gonti gi ua zyaziuzyongol epande zyonti zyaibha ne vipinyo vyehela; ekulabu zyakwe zye hela ne vikhosi vyakwe vye shaba. ¹⁸Outali wakwe oua waibha dhiraa mia emo na ovilima wakwe dhiraa hamsini hwonti hwonti, na bhale mwanya dhiraa zisanu; gabhe ge mwenda ogwinza gwe kitani, na vikhosi vyakwe vyaibha vye shaba. ¹⁹Evyelelo vyonti vya munyumba vyavibhomba mumbombmo yakwe yonti, ne vigingi vyakwe vyonti vyi ua, vyaibha vye shaba.²⁰nawe obhabhule bhahu Israeli bhaletela amafuta ge zeituni enyinza ya polwe kwa ajili ye mwanga ili aje etaa eyaushe ensiku zyonti. ²¹Muhati mwihema lila lyakhomanile, ahwonze hwipazia na bhana bhakwe bhailenganya ahwande jioni hadi nashampwii hwitagalila lya BWANA; yaibha ndongoozyo ye nsiku zyonti hu bhantu bhonti bhahu Israeli.

¹Okwizye ovyala waho oAruni na bhana bhakwe - oNadabu, no Abihu, no Eleazari, no Ithamari - mubhana bha hu Israeli, ili ambombele mumbombo yane. ²Nawe obhahugombele oAruni oholo waho amenda aminza gaputile, huwinza. ³Nawe obhabhabhula abhantu bhonti bhe mwoyo ogwinza, bhembapile eloho ye hekima bhalenganyizye oAruni amenda ili ahulenganye ambombele mumbombo ye ukuhani.⁴Na menda gabhabha ugombesle shifuko sha pashifubha, na naivera ne joho, ne kanzu ye mbombo ya pendeze, ne shitambala shahwitwe, no mshipi; bhope bhabhalenganyizye Aruni oholo wakwe, na bhana bhakwe, amenda aminza ili ambombele ane mumbombo ye ukuhani. ⁵Bhope bhabhahweje edhahabu, no mwenda gwe rangi ye samawi, ye rangi ye zambarau, na ye rangi enshamwamu.⁶Bhope bhalenganye enaivera hu nyuzi zye dhahabu na zye samawi, na zye zambarau, ne zye rangi enshamwamu, ne kitani enyinza yatabhe na bhabhatabha. ⁷Lazima ebhabhe ne vipande vibhele vya mshipongo vyavikhatene mumwisho zibhele, ili zibhe pandwemo. ⁸No mshipi gwe mbombo ye ustadi gwa guli pamwanya yakwe, ili aifunje esehemu yakwe, waibha we mbombo neshi ela ye naivera, ne vintu vya vila vye uzi we dhahabu, na zye rangi ye samawi, yezambarau, enshamwamu, ne kitani enyinza yashonwe nabhabha shona. ⁹Nawe obhahweje evito vibhele vya shohamu, vye rangi ye chani-kiwiti, nawe obhasimba pamwanya amatawa ga bhana bhe Israeli;¹⁰Amatawa gabho sita huhantu (heka/hamo), na matawa sita gagasagele mhantu habhele, na papwe hwabho. ¹¹Hu mbombo omuuntu wa simba mumawe au amihuri shavisimbwa, obhavyandishe evi evito vibhele, shashila sha matawa, gabha hu Israeli, nawe obhavibheshe mwamu memile edhahabu. ¹²Nawe obhavibheshe vila evito vibhele pamwanya pavi pande vya mshipongo vye naivera, na vibhe vito vya kombohwe hu bhana bha hu Israeli. Wape oAruni abhaweje amatawa gabho witagalila lya Yahwe muvipongo vyonti vibhele ili hubhanje hukomboshe.¹³Nawe lenganya evimenyo vibhele vye dhahabu ¹⁴ne nyaambo zibhele zye dhahabu enyinza; obhalenganye nashi empinyilo, ye mbombo yabhabha tabha; nawe ozibheshe enyaambo mula muvimemyo.¹⁵Nawe lazima olenganye eshifuko shapashifuba she hukumu, shembombo enyinza; washigomba afuate embombo ye naivera. Lenganya(enyuzi/ouzi) we dhahabu, zye rangi ye samawi, ye zambarau ne nshamwamu, ne kitani enyinza ya shomwe, shobhalenganye. ¹⁶Shibhabhe mraba, nantele shashipuutilwe; otali wakwe ubhabhe hibiri yeka, no vilima wakwe shibiri emo/yeka.¹⁷Nawe oshimenye eviweko vye vito, esafu emo yaibha ye akiki, ne yakuti ye rangi ye manjano, ne baharamani, evi vibhabhe safu ya kwanza. ¹⁸Ne safu yabhele ebhabhe zumaridi, yaibha zumaridi, ne yakuti, esamawi ne almasi. ¹⁹Ne safu ya tatu yaibha hiakintho, na akiki ennshamwamu, na amethisto. ²⁰Ne safu ya une yaibha zabarajadi, ne shohamu, ne yaspi. Evito evyo vya ikazwa muhati mudhahabu ameme esehemu ela.²¹Na vila evito vyaibha sawa na matawa ga bhana bhahu Israeli, kumi na mbili, sawa na matawa gabho. Ofano kwa simbe neshi omihuli kila hamo sawa ni tawa lyakwe, vibhabhe vye makabela kumi na mbili. ²²Nawe lazima obheshe mwafuko hapashifubha enyambo neshi (empinyo/ekamba), embombo ya tabhe, ye dhahabu enyinza. ²³Nawe obheshe amaduara gabhele ge dhahabu mwahala afuko hamushifubha, nazibheshe ezyo epete zibhele hu ncha zyafuko pahashifubha. ²⁴Nawe obheshe ezyo enyambo zibhele zye dhahabu zyazitabhilwe mupete zibhele zyazili munch zyafuko hapashifubha.²⁵Ne ncha zila zya mwabho zya zila enyaambo zibhele zyatabhe obhazibheshe muvimenyo vibhele, na vibheshe muvipande vya (mshipongo/mumabega) vye naivera opande wa hwitagalila. ²⁶Nawe obhagombe eviduara vibhele vye dhahabu, ovibheshe mu ncha zibhele zya fuko hapashifubha, mumwisho wakwe.²⁷Nawe lazima ogombe eviduara vibhele vye dhahabu, na vibheshe muvipande vibhele (mshipongo/mmabega) vye naivera pansi yakwe, hwitagalila karibu ne shifungo shakwe, pamwanya pa mshipi we naivera wautabhilwe shinza. ²⁸Bhope bhabashikaze shila eshilesho hu viduara vyakwe mviduara vye naivera hu sehemu ye rangi ye samawi, ili aje akhale pamwanya pa mshipi gwe naivera gwa gutabhilwe shishinza, aje afuko hapashifubha hasilehane na naivera.²⁹No Aruni aihwega amatawa gabha hu Israeli pafuko hapashifuba he hukumu pamwanya pa mwoyo gwakwe hu hwamule, epo pamubhahwinjile apinza, akombohwe hwitagalila lya Yahwe ensiku zyonti. ³⁰Nawe obheshe ezyo e Urimu ne Thumimu pafuko hapashifubha he hukumu; zyope zibhabhe mumwoyo gwa Aruni, epo pabhahwinjila muhati hwitagalia lya Yahweh no Aruni abhahweje ehukumu zyabho abha hu Israeli humwoyo gwakwe hwitagalila lya Yahwe ensku zyonti.³¹Nawe lenganya esho ijoho lye rangi ye naivera ye rangi ye samawi yonti. ³²Yope ebhabhe ni tundu pangati pashizye itwe; yaibha no utepe we mbombo yatabhazyongole itundu lyakwe, neshi itundu lyali hweli mwi kanzu ye chuma, ili ligande gojeshe.³³Nawe mpindo zyawke obhabheshe amakomamanga ge rangi ye samawi, ye zambarau ne rangi enshamwamu, azyongole epindo zyakwe hwonti hwonti; ne njuga zye dhahabu pahati pamakomamanga epande zyonti. ³⁴Kengele ya dhahabu na komamanga, mpindo zye joho aizyongole epande zyonti. ³⁵Yope ebhabhe hwa Aruni pabhombeha; ne sauti ye kengele ebhahomvwewe pahwinjila apinza hwi tagalila lya Yahweh na pafuma hwonze, ili agandafwe.³⁶Nawe lenganya ibamba ilinza lye dhahbu na simbe pamwanya, neshi amasimbo ge muhuri, "Omwinza hwa Yahweh." ³⁷Nawe olibheshe ibamba hwa huli ne rangi ye samawi, lyope libhabhe pashilemba; tibhabha opande wa hwitagalila hushilemba. ³⁸Lyope libhabhe pamonji pa Aruni, no Aruni abhaweje obhibhi we vintu evinza, vyabhabhahwozye bhe Israeli mu vipawa vyonti evinza, lyope libhabhe pamonji yakwe ensiku zyonti, ili vyetehwe hwi tagalila lya Yahweh.³⁹Neyo ekanzu obhaitabhe ne kitani enyinza ye pendezya, olenganye ne shilemba she mwenda gwe kitani enyinza, nawe obhalenganye oshipi we mbombo ya tarazye.⁴⁰Esho obhalenganye ekanzu zya bhana bha Aruni, nawe bhalenganyizye amishipi, bhalenganyizye ne kofia enyinza. ⁴¹Nawe okwatizye oholo waho Aruni na bhana bhakwe bhope amenda ego; nawe bhapashe amafuta, na bhabheshe hu mbombo enyinza ya Ngolobhe na bhozye amoyo gabho, ili bhabhombe embombo ye ukuhani.⁴²Nawe bhalenganyizye esulubhale zye menda ge kitani, ili bhakwinshile owelele we mabele gabho, esubhulabhe ezyo zifume mushiuno hadi muma sheto. ⁴³Aruni na bhana bhakwe bha ikwata, pabhaihwinjilaga mwilomu mwihema lyakhomanle, au pabhabhaizobhelel emazabahu ili bhabhombeshe pa Ngolobhe; pasije bhagega obhibhi, bhagafwa; ene yaibha ndongozyo ye nsiku zyonti hwa mwene na bhana bhakwe.

¹Ohwanziwa akhonzye eshi ili bhafumishe neshi akuhani. Enyana ye ng'ombe ensahala ne ngole no lawama, ²omkate no hamila, ne keki no hamira yesanganyiziwe na mafuta. Nandele ega amandazi gagali no hamira yeli na mafuta. Lenganya obheshe mwidebe limo, leta mwidebe naleta ne ng'ombe ensahala ne nyama ngole zibhele.³Lazima obheshe mwidebe limo, leta mwidebe, nalete ne ng'ombe ensahala ne nyana ngole zibhele. ⁴Lazima nawe olete oAruni na bhana bhakwe bhabhele mwilyango lyi hema lya khomanile. Lazima obhozye oAruni na bhana bhakwe mumenze.⁵Leta ego amenda gahukwatizye oAruni; ibheshe ekanzu, ni joho naivera, ne naivera, nafuko hapashifubha, na hufunje omshipi gwe naivera gwa gutabhilwe shinza. ⁶Nawe kwatizye eshilemba hwitwe, nela etaji enyinza ya Ngolobhe obhaibheshe mshilemba. ⁷Pobhaweje amafuta, nahusohanyizye hwitwe lyakwe na hupashe amafuta.⁸Bhalete abhana bhakwe nabhakwatizye ikanzu. ⁹Nawe bhafunje amishipi, Aruni na bhana bhakwe, na bhakwatizye ekofia. Bhope bhabhabhe no ukuhani hundogozyo ye nsiku zyonti. Nawe obhahubheshe oHaruni na bhana bhakwe mumbombo ya Ngolobhe.¹⁰Obhailete eng'ombe pihema lya khomanile; no Haruni na bhana bhakwe bhaibheha amakhono gabho pitwe lye ng'ombe eyo. ¹¹Obhaisinza eng'ombe eyo hwitagalila lya Yahwe pihema pihema lya khomanile. BWANA,¹²Ega endanda ndodo ye ng'ombe, oibheshe mkona zye madhabahu hwadole haho; naisohanye edanda yonti pamazabahu. ¹³Kisha ega amafuta gonti gagakwinshila evyanda, ne shitambe shashili pa ini ne figo zibhele, na mafuta gagali pamwanya yakwe, oganang'anye gonti pa madhabahu. ¹⁴Lakini enyama yakwe eyo eng'ombe, engole yakwe no chafu wakwe, obhavipembe no mwoto ahwonze; sadaka hu nzambe.¹⁵Nantele oyeje endobhi emo; no Aruni na bhana bhakwe bhabhabheshe amakhono gabho pitwe lye ndobhi eyo. ¹⁶Obhaisinze endobhi eyo, nahweje edanda yakwe na hwite mumazabahu aizyongole munshenje. ¹⁷Obhaibhole evipande vyakwe, na hwozye evyanda vyakwe na magaga gakwe, na bheshe pandwemo nitwe lyakwe, ¹⁸nawe osha engole enyoni pa mazabahu. Sadaka ya hwoshe kwa ajili ya Yahweh; nunsi winza, esadaka yebhalile hwa Yahweh hwidala lye mwoto.¹⁹Ega engole ya mwabho; no Aruni na bhana bhakwe bhaibheha amakhono pitwe lye ngole eyo. ²⁰Kisha obhaisinze, na weje edanda yakwe, naibheshe pikulu lya Aruni lya hundelo, na makutu gahundelo ga bhana bhakwe, na munyanda zye gumba vye makhono gahundelo, na mvidole evigosi vya mnyayo zya hondelo, nahwitilile edanda eyo mumadhabahu aizyongole munshenje.²¹Kisha ega eyo edanda yeli amwanya mumadhabahu, na mumafula, na humwitile, oAruni, mmenda gakwe, na bhana bhakwe, na menda gabho bhope, na yoyo; wope abhahwozyewe, na menda gakwe, na bhana bhakwe, namenda ga bhana bhakwe.²²Nantele ega amafuta ge ndobhi no swiha lwakwe lwe mafuta, na mafuta gagakwinshila evyanda, neshitambi shashili mu ini, ne figo zibhele, na mafuta gagali mufigo ezyo zibhele, ni sheto lya hundelo, maana ngole yaibheshe apinza pa Ngolobhe. ²³Ayeje ni bumunda limo lye wusu, ni bumunda limo lyalilenganywe na mafuta, ne keki emo mushikapo sha mabumunda gasaga gabhehwelwe echachu, shashibhehwelwe hwitagalila hwa Yahweh.²⁴Nawe obhavibheshe evi mmakhono ga Aruni, na mumakhono ga bhana bhakwe; nawe obhaviyinzye vibhe sadaka ya yinzye hwa Yahweh. ²⁵Kisha oyeje vila evintu mmakhono gabho, na vipembezye pamwanya pa madhabahu, pamwanya pa sadaka ya pembezye, vibhe nunsi winza hwitagalila lyane; sadaka yelenganywe huline afume mmwoto.²⁶Kisha ega eshidali she she ngole eyo yabhehwe hwakwe oHaruni hu mbombo ya Ngolobhe, nashiyinzye shibhe sadaka yayinje hwitagalila lya Yahweh shope shibhabhe shaliwe. ²⁷Nawe shozya shila eshidali shela esadaka yayirije, na lila isheto lye sadaka yabhosye amwanya, lyalyihwe hu mbombo ya Ngolobhe, eyo yayahali ya Aruni na bhana bhakwe. ²⁸Vyope vibhabhe vya Aruni na bhana bhakwe endyo ye lazima huwila yefuma hwa bhana bhahu Israeli, mudhabihu zyabho zye sadaka zye amani, sadaka yabho yabhosye kwa ajili ya Yahweh.²⁹Nego amenda aminza ga Aruni gabhabhe ga bhana bhakwe badala ya mwene, bhakwate pabhabhapashe mafuta, na pabhabhabhehwe mumbombo ya Ngolobhe. ³⁰Oyo omwana wakwe waibha kuhana afume pamwene aikwata amenda ego hunsiku saba, paihwinjila pihema lya khomanile, ili abhombe embombo ya Ngolobhe.³¹Nawe ega eyo endobhi yayahali kwa ajili ye mbombo ya ngolobhe, itokosye enyama yakwe pala apinza pa ngolobhe. ³²No Aruni na bhana bhakwe bhailya enyama ela yengole, na mabumunda gagahweli mushikapo, hwi tagalila hu lyango gwi hema lya khomanile. ³³Bhope bhailya evyalye, vyenye oupatanisho wafanyishe whevyo, ili abhabheshe hu mbombo ya ngolobhe na bhozye amoyo gabho; lakini ajenyi bhasile evintu, maana vintu vya ngolobhe. ³⁴Aje ahantu hahonti he nyama ela, yehweli kwa ajili yabhehwe mumbombo ya ngolobhe, au hahonti he mabumunda ego, ngahasagele ata nasubui, obhavipembe vyavisagele; sagavibhalewe, maa vintu vya ngolobhe.³⁵Shashesho shobhahubhombele oAruni na bhana bhakwe shebholele. Obhabhabheshe kwa ajili ye mbombo ya ngolobhe ensiku saba. ³⁶Kila lisiku waifumya eng'ombe ye sadaka ye nzambe kwa ajili nsajilo hwa ngolobhe; nawe obhayo zye emazabahu, pobhabhombe oupatanisho wheyo embadhabahu; nawe obhapashe amafuta, ili ayozye. ³⁷Obhabhomve oupatanisho hu madhabahu eyo hu nsiku saba, na yozye; pebhabha takatifu emadhabahu; kila hantu hahaigusa haibha hinza hwa ngolobhe.³⁸Lazima ofumye hu madhabahu enyana-ngole humwaha zibhele isiku hadi isiku ³⁹huwila. Enyana-ngole emo wayisinza nasubuhi; ne ya mwabho waisinza naliswa isanya.⁴⁰Pandwemo ne nyana-ngole emo obhafumye evibaba vitatu vye wusu ogwinza wausangene na mafuta gagapondilwe, hashe eshibaba ne robo yakwe; ne divai alengane ne shibaba ne nebo shihbaba, ebhe sadaka ya mwele.⁴¹Neyo enyana-ngole yabhele waisinza naliswa. Nawe obhaibhombele neshi esadaka ye usu yanasubui, na neshi esadaka ya mwele. Ene yaifumya onunsi owinza, dhabihu yahwene huline yapembwe. ⁴²Yaibha sadaka ye mwoto huwila na bhana bhenyu bhonti palyango li hema lya khomanile hwitagalila lya Yahweh, panaikhomana namwe, ili enjanje nawe epo.⁴³Nane naikhomana na bhana bhe Israeli epo; eyo ehema yaibha takatifu huline. Nane naiyozya ehema eyo yakhomanile, neyo emadhabahu. ⁴⁴Nayo Aruni na bhana bhakwe embabhozye anoyo gabho, ili bhabhombele embombo ye kuhani.⁴⁵Nane naikhala na bhana bhe Israeli, naibha Ngolobhe wabho. ⁴⁶Bhope bhaimanya aje ane ne Yahweh, Ongolobhe wabho, nembefwizye hu Misili, ili ehale nabho. Nene ne Yahweh, Ongolobhe wabho.

¹Nawe lenganya amadhabahu gafukizye ovumba; obhailenganye hwikwi lye mshita. ²Otali wakwe waibha dhiraa yeka, no vilima wakwe dhiraa yeka; yaibha mraba; na bhala mwanya hwakwe dhiraa zibhele; epembe zyakwe zibhabhe pandwemo naho.³Nawe obhabheshe edhahabu enyinza pamwanya yakwe - na mbazu zyakwe munshenje, ne pembe zakwe. ⁴Nawe obhabheshe okingo we dhahabu aizyongole. Obhalenganye epete zibhele zye dhahabu, pansi pa ukingo nakwe mu mbazu zibhele, mupande zibhele obhazilenganye; zyope zibhabhe pa kwizizye amakwi gahwejele emadhabu.⁵Na gala amakwi obhagalenganye hwikwi lye mshita, naibheshe edhahabu enyinza. ⁶Nawe obhabhe hwitagalila hwi pazia lyalili karibu ne mpogoso lye nongwa zya Ngolobhe hwitagalila hwi lengo lye rehema lyalili amwanya hushuhuda, epo pembakhomane nawe.⁷No Aruni aifukizya ovumba we manukato pa mwanya yakwe; wila nashampwii. Pailenganya zila etaa, aifukizya, ⁸no Aruni paihwansya zila etaa paliswa, aifukizya, gubhe uvumba we nsiku nzyonti hwitagalila lya Yahwe, hwa bhana bhenyu bhonti. ⁹Sagamwaifukizya hwa muntu ojenyi, wala esadaka ya pembe, wala esadaka ye usu, wala sagamwaihwita pamwanya yakwe esadaka ya mwele.¹⁰Wope oAruni abhabhomba ahwelewane huzila epembe zyakwe mala limo limo kila mwaha. Hu danda yela esadaka ye nzambe yabhombe awelewane, mala limo hu mwaha, aibhombela awelewane, mu bhana bhakwe bhonti. Linza tee hwa Yahweh."¹¹O BWANA ahayanga no Musa, ¹²"Pawaibhabhazya bhahu Israeli, shaihwenza embazyo yabho, pabhaihupela O BWANA ola muntu oukombozi hu loho yakwe, pawaibhabhazya, ili zigandebhe empongo hwa bhene, pawaibhabhozya. ¹³Ola muntu wajenda hwa bhabhabhaizwe aifumya enusu ye shekeli aifuate eshekeli ye pala apinze pa Ngolobhe (gera ishilini). Nusu shekeli hu sadaka ya Yahweh. ¹⁴Ola muntu wajenda hwa bhabhabhaziwe ahwande oyo wali na maha shilini, au ahwendelele, aifumya eyo esadaka huline.¹⁵Abhantu pabhaileta esadaka huline abhombe ahwomvwane, bhabhali ne hela enyinji sagabhaileta zinyinji, wala bhasagabhalinazyo sagabhaifumya hashe hunusu shekeli. ¹⁶Nawe waiwejelela ezyo ehela zya wele wane mmakhono gabho abhana bhe Israeli, nazibheshe zya tumishi wi hema lya khomanile. Ili zikombohwe hwa bhana bhahu Israeli hwitagalila lyane ili abhome awele wane hu loho zyenyu.¹⁷O Yahweh ahabhula oMusa, ¹⁸"Lenganya ni birika lye shaba, ni khosi lyakwe lye shaba, ili ahwojele; nawe obhalibheshe pihema lya khomanile na madhabahu, nawe obhabheshe amenze.¹⁹No Aruni na bhana bhakwe bhaihwozya amagaga gabho na makhono gabho mwomwo. ²⁰Pabhahwinjila mwihema lyakhomanile au pabhabhala hu madhabahu ambombele ampembezezye esadaka, bhaikwiyozya mumenze, ili bhagandefwe. ²¹Basi bhaihwozya amakhono gabho na magaga gabho ili bhagande fwe; ne nongwa ezi zyaibha ndogoyo hwa bhene hu wila, hwa mwene na hwa bhana bhakwe bhonti.²²O Yahweh ahayanga no Musa, ²³"Whiyejele amanukato gagali minza, emanemane embese eshekeli mia zisanu, no mdalasini kwaguli no nonsi owinza 250, ne kane shekeli 250 ²⁴ne kida shekeli mia sizanu, alifuata ishekeli lya paala pa ngolobhe, na mafuta ge zeituni evibaba visanu. ²⁵Nawe obhabheshe mafuta gapashe apinza pa ngolobhe, emarhamu yesangenywe humbombo enyinza ya muntu watenganya; gaibha mafuta aminza gabheshe.²⁶Nawe waipaha ehema ya khomanile amafuta ego, ne mpogoso ye nongwa za ngolobhe, ²⁷neyo emeza, ne vyelelo vyakwe vyonti, ne shinara she taa, ne vyombo vyakwe, ²⁸ne madhabahu yafukizizye ouvumba, ne madhabahu ya pembele esadaka, pandwemo ne vyelelo vyakwe vyonti ni birika ni khosi lyakwe.²⁹Nawe waivyozya evintu evyo, ili vibhe vinza tee; kila hahagusa evintu evyo haibha hinza. ³⁰Nawe waibhapaha amafuta oAruni na bhana bhakwe, na bhozye, ili habhombele embombo ya ukuhani. ³¹Nawe waibhabhula abhana bhe Israeli aje, Ega gaibha mafuta aminza gapashe kwa ajili yaline hwa bhana bhenyu bhonti.³²Saga gaisohanywa mshiwiliwili sha muntu, mgande bhombe ga mwabho neshi ega; ga ngolobhe, na hulimwe gaibha minza. ³³Omuntu wawonti waisanganya amafuta neshi ega, au omuntu wawonti waipaha amafuta ega hwa jenyi, omuntu oyo aifwela hutali na holo bhakwe."'³⁴O Yahweh ahabhula oMusa, "Hwiyejele amanukato aminza, yaani, enatafi, ne shekelethi, ne kelbena; evisanganyizyo vye manukato enyinza no ubani owinza; evintu evyo vyonti vibha ne shipimo shimo. ³⁵Nawe obhalenganye ouvumba we vintu evyo, amanukato gembombo ye ustadi ya bhantu bhabhalenganya amanukato, gaibha gakholele, safi, minza hwa ngolobhe. ³⁶Nawe gamo obhagapole tee, nagbhe hwitagalila hunongwa zya ngolobhe muhati mwihema lya khomanile, panaikhomana nawe; gope gaibha hulimwe minza tee.³⁷No uvumba wa mubhalenganye, sagamwaihwilenganyizya ovumba wa uli ne vilongo neshi evyo; wubhabha winza huline. ³⁸Omuntu wa wonti wabhalenganye neshi owo, ili aununsye, omuntu oyo afwe.

¹O Yahweh ahayanga no Musa, ²"Enya ekwizizye hwitawa lyakwe oBezaleli omwana wa Uri, omwana wa Huri, wi kabela lya Yuda.³Nane ememizye oBezaleli ne roho ya Ngolobhe, mhekima, na hwelewe, na manye, na mambo ge mbombo zyonti, ⁴ili ayande embombo ye ustadi, alenganye edhahabu, na we hela, na we shaba, ⁵na bhole evito abhehwe esehemu, asimba amakwi, nabhombe embombo ye ustadi yayonti.⁶Nandele, esalule, abhe nawo Oholiabu, omwana wa Ahisamaki, wi kabela lya Dani. Nane embeshele ehekima hwa bhabhali no mwoyo gwe hekima, ili bhabhombe vyonti vyembabholele. Eli li, ⁷hema lyakhomanile ni empogoso ye nongwa zya Ngolobhe, ni tengo lye rehema lya lili pamwanya yakwe, ne vyelelo vyonti vye Hema; ⁸ne meza, ne vyelelo vyakwe, ne shinara she taa safi pandwemo ne vyelelo vyakwe vyonti, ⁹ne madhabahu yafukizizye ouvumba; ne madhabahu ye sadaka zye mwoto ne vyelelo vyakwe vyonti, ni birika ne shikhosi shakwe.¹⁰Na menda gagatabhilwe shinza, na menda aminza ga Haruni okuhani, na menda ga bhana bhakwe, ili bhabhombe embombo ye ukuhani. ¹¹Na mafuta gapashe, no vumba we manukato aminza, kwa ajili ya pinza pa ngolobhe; gonti gelajizizye sha bhaibhomba abhene.¹²Ahayanga nu Musa, ¹³"Bhabhula bhana bhahu Israeli, 'Mwaizikhata eSabato zyane, maana ndio uholo ane namwe na bhana bhenyu bhonti; ili mumanye aje ane ne BWANA ne mbozya amoyo genyu amwe. ¹⁴Basi mwaiyikhata Esabato kwa kuwa nyinza hulimwe; ola muntu wabhainanganye aifwa; ola muntu wabhomba embombo hwi siku elyo, enafsi yakwe ebhafwele hutali na bhantu bhakwe. ¹⁵Embombo yaibhombwa ensiku sita; lakini siku lya saba Sabato yatoye kabisa, nyinza hwa BWANA; ola muntu waibhomba embombo isiku lye Sabato naihugoga.¹⁶Hwego abhana bhe Israeli bhaikhata eSabato. Ayenye tee eyo Esabato na bhana bhabho bhonti, hwaibha sheshi huwila. ¹⁷Hahabhoneha huline na bhahu Israeli hu nsiku zyonti; maana hwi siku lya sita oYahweh alengenye emwanya ne pansi, atoyele isiku lya saba.¹⁸Epo Ongolobhe pahamala ayanje no Musa hwigamba lye Sinai, ahapela ezyo embabho zibhele zye nongwa zya ngolobhe, embabho zibhele zye mawe, zyazyasimbilwe no yobhe gwakwe.

¹Abhantu pabhalolile aje oMusa acheliwe awele afume hwi gamba, bhabhongana bhabhalila oAruni, bhahaga, "Enza, tilenganyizizye ahantu hahabhabhale hwitagalila lyetu, maana oMusa watefwizye hu Misili sagatimenye hahamwajile ohwo." ²O Aruni abhabhula, "Zyefwi epete zye dhahabu zyazili mmakutu gabhashe bhenyu, na bhana bhenyu, na bhale bhenyu, mndetele."³Abhantu bhonti bhahaula epete zye dahahbu zyazili mmakutu gabho, na bhahapela oAruni. ⁴Ahejelela mmakhono gabho ahalenganya na patasi, ebhe sanamu ya ndama huiyeyusye. Bhope bhahaga, "Ebha bha ngolobhe bhaho, Awe we Isaeli, bhabhamwefwizye hu Misili."⁵Wope oHaruni palilolile eli, ahazenga amadhabahu hwitagalila lyakwe; O Aruni ahatangazya ahaga, ⁶"Shandabho lyaibha lisiku igosi lya Yahweh." Bhahasogola nashampwii, bhahafumya edhabihu, bhahaleta esadaka zye amani, abhantu bhahala amwele nalye, bhahasogola abhale ahwanje.⁷O Yahweh ahabhula oMusa, "Iha lubhilo, maana abhantu bhaho wawabhefwizye hu Misili bhahwinangenye. ⁸Bhananjishe haraka bhalileshile idala lyanabhalajizizye, bhahwilenganyizizye endama ya yeyusye, bhaiputa naifumizye edhabihu. Bhahaga, 'Ebho bhangolobhe bhaho, Ee Israeli, bhabhamwefwizye hu Misili.⁹O Yahweh ahabhola oMusa, "Ane embalolile abhantu ebha, enya bhantu bhabhali ne ningo ehoma. ¹⁰Sasa ogande ndama. Ili oluvisyo lwane lwanshe hwa bhene, embagoje. Ane embahubheshe awe awe nsi ngosi." ¹¹O Musa ahalabha tee oYahweh Ongolobhe wakwe, naje yenu oluvisyo lwaho lwanshe hwa bhantu wawabhefwizye afume hu Misili hu nguvu zyaho, na hukhono gwaho gwe nguvu?¹²Yenu bhahu Misili aje, 'Abhefwizye hubhabhombe obhibhi, ili abhagoje hwigamba, na bhefwe munsi bhagande bhe lwonti?' Efwa oluvisyo lwaho, oganda bhombe obhibhi ou wolinawo hwa bhantu bhaho. ¹³Okomboshe oIbrahimu, no Isaka, no israeli, abhantu bhaho, bhenye wabhalapiye hu nafsi yaho na bhabhule, 'Embahwonjezye embaapo zyenyu kuliko entontwe zya humwanya; nantele enzi ene yenjanjile naibhapela abhana bhenyu yaibha ya bhene amaha gonti."' ¹⁴O Yahweh saga ahavitwa nantele wajila aibhabhomba abhantu bhakwe.¹⁵O Musa ahageuha ahiha afume hwi gamba, na zila embambho zibhele zye mawe mnyobhe zyakwe. Embabho zyazyasimbilwe epande zyonti zibhele, opande owu no pande owu zyasimbilwe. ¹⁶Zila embabho zyahali mbombo ya Ngolobhe zyope ensimbo zyahali zya Ngolobhe, gagasimbilwe mumbabho zila.¹⁷No Yoshua pahomwezye ibwago lya bhantu pabhabwagag, ahabhula oMusa, "Huli ni bwago lyibho hwatigona. ¹⁸"Lakini oMusa ahaga, "Eli sa libwago lya bhantu bhabhabwaga mwibho, wala saga zyabhabwaga amenwe; ila libwago lya bhantu bhabhatela lye ndyomvwa ane."¹⁹Pakalibila pabhagona ailolile ela endama, na bhantu bhahwanga. Oluvisyo lwa Musa lwa haha. Ahatagazila embabho munyobha zyakwe, wazibudulanya. ²⁰Wega ela endama yabhalengenye, waipemba mmwoto, ahasya yahabha linkondi, witilila pamwanya pa menze. Ahabhamweleya abhana bhahu Israeli.²¹O Musa ahabhula oAruni, "Abhantu bhabhombele yenu hadi waleta enzambe ene engosi wabhene? ²²O Aruni ahaga, "Oluvisyo lwaho lusihwanshe, gosi wane. Awe obhamenye abhantu ebha, aje bhali hu mabhibhi? Bhajile, 'Embalenganyizye hapute, hahabhale hwitagalila lyetu. ²³Maana omuntu oyo, watefwizye hu Misili, satimenye zyazimwajile. ²⁴Ehabhabhula, 'Omuntu wawonti wali ne dhahabu ayaule; bhahampela nane naitaga mmwoto, yafuma endama ene."²⁵O Musa palolile aje abhantu ebha bhabhombile embibhi (maana oHaruni abhaleshile bhabhombe embibhi ili bhabhe neshi abhibhi bhabho) ²⁶O Musa pahemelela mlyango gwe marago, ahaga, "Omuntu wawonti wali hwa Yahweh, ayenza huline." Abhana bha Lawi bhonti bhabhonganila. ²⁷Ahaga, O Yahweh, Ongolobhe wa Israeli, aiga eshi, 'Ola muntu ahwifunje/ahwipinye ipanga lyakwe mwisheto lyakwe, abhale ajende ohwo no hwo olyango hadi olyango mmarago, mbhale musinze ola muntu oholo wakwe, ola muntu owa mwabho na ola munti wapashenje yakwe."²⁸Na bhala abhana bha Lawi bhahabhomba shila shayanjile oMusa, bhahagwa isiku lila neshi bhantu elfu zitatu. ²⁹O Musa ahaga, Whibheshi hwa Yahweh sanyono, ola muntu hwa mwana wakwe na hwa holo wakwe; ili oYahweh abhapele evinza sanyono."³⁰Nashampwi lwakwe oMusa ahabhabhula abhantu, "Mubhombile enzambe engosi. Eshi embabhale hwa Yahweh. Nganga embabhombe owelewano hu nzambe zyenyu." ³¹O Musa ahavya hwa Yahweh ahaga," Oh! Abhantu ebha bhabhombile enzambe engosi bhalengenye angolobhe we dhahabu. ³²Walakini eshi, ngobhashasajile enzambe yabho -- na ngeshe saga shesho, onefwe, ehulabha, mushitabu shaho shawahandishe."³³O Yahweh ahabhula oMusa, "Omuntu wawonti wambombile embibhi we mbahumwefe mushitabu shane. ³⁴Eshi obhale obhalongozye abhantu ebha hadi pala panabhulile enongwa zyakwe. Enya, omalaika wane abhatagalile. Lakini pamoja nego, isiku lyanaibhe nzela naibhagojela hutali hunzambe yabhabhombile." ³⁵Esho oYahweh ahabhakhoma abhantu ebho, pabhailengenye ela endama, yailengenye oAruni.

¹O Yahweh ayanga nu Musa, "Sogola epa, awe na bhantu bhobhefwizye hu Misili. Bhala hunsi yanaibhesheel nadhiri no Ibrahimu, Isaka, Yakobo, penajile, 'Naihupela we na bhantu bhaho'.' ²Embahulete omalaika hwitagalila lyaho, nabhalabhe Akanani, Amori, Ahiti, Apenzi, Ahivi na Yebusi. ³Bhalaga hunsi eyo, ye hwiha izibha no woshi, lakini sagembabhale nawe, amwe muli bhantu bha mashento. Engabhanganganya mwidala."⁴Abhantu pabhahomvwezye enongwa ezi zya gundusye, bhahalila, nomo wakwete enyaambo. ⁵O Yahweh ahayanga hwa Musa, "Bhabhule bhahu Israeli, 'Amwe muli bhandizi. Engabhalaje namwe ata hashe, ne nzaga bhananganye. Esho, efwi enyambo zyenyu enenye habhombe hulimwe." ⁶Esho bhahu Israeli sagabhakwete enyambo afume hwi Gamba lye Horebu na bhala hwitanzi.⁷O Musa ahega ehema ya kila ahwonze hwi kambi, ohutali hashe napikambe. Aikwizizye hem ya khomanile. Ola muntu wabhazizye oYahweh ahantu hahonti abhalile hwi hema lyakhomanile ahwonze hwi kambe. ⁸O Musa pabhalile hwi hema, abhantu bhonti bhahemele mshenje mwihema lyabho na humwenye oMusa hadi nahinjila muhati. ⁹Esala zyonti oMusa patohaga muhati mwihema, enguzo yi bhengo yahihaga pansi nawemetele ahwonze hu lyango gwi hema, no Yahweh ahayanga no Musa.¹⁰Esala zyonti abhantu pabhalolile ibhengo ne nguzo mu lyango gwi hema, bhabhoshele na pute mulyango gwi hema lyakwe. ¹¹O Yahweh ayanjile no Musa alolane pamaso, neshi omuntu payanga no wa mwabho. O Musa auyaga hwi kambe, ila obhomvi wakwe oYoshua omwana wa Nuni, osahala, ahasagala hwi hema.¹²O Musa ayanjile no Yahweh, "Enyaga, obha oyanga nane, 'Bheje abhantu ebha ajenda,' lakini hagombolele aje yonanu wawaihutuma nane. Ojile, 'Emenye hwitawa, na owajile owinza huline.' ¹³Ngeshele engwajile owinza huliwe, ndanje amadala gaho emanye engwaje owinze owinji huliwe. Komboha ene ensi bhantu bhaho."¹⁴O Yahweh ahamweteha, "Abhe hwane hu bhabhe nawe, nahupele otoyo." ¹⁵O Musa ahaga, "Ngeshele abha hwaho saga ubhabhale nate, usitefwe epa. ¹⁶Au ebhamanyishe wele engwajile owinza huliwe, ane na bhantu bhaho? Sagashibhabha wene ngobhabhe nate ane na bhantu bhaho tibhabhe shenje na bhantu bhanje bhabhahweli?"¹⁷O Yahweh ahabhula oMusa, "Naibhomba neha ahantu hondabhile, awe owajile owinza pamaso gane, na emenye hwitawa lyaho." ¹⁸O Musa ahaga, Elabha ndanje enguvu yaho."¹⁹O Yahweh ahaga, "Naibhomba owinza wane wonti waubhoneha huliwe, nailibheha itawa lyane whonti 'Yahweh' huliwe. Naibha neema hwa mwene waibha ne neema, na naibha ne rehema hwa mwene nailanga erehema." ²⁰Lakini oYahweh ahaga, "Sagawailola abhoneshe hwane pamaso gaho, maana nomo walola abhoneshe wa hwane nabhe mwomi."²¹O Yahweh ahaga, "Enya, epa paline; waihwemelela pamawe ega. ²²Wakati enguvu yane yaijenda, naihubheha mwilenda igosi lya mawe nahukwinshile no khono gwane hadi panashila. ²³Panaihwefwa okhono gwane, wailola usana gwane, ila pamwanya gane sagawaindola."

¹O Yahwe abhola, oMusa, "Kata embao zibhele eze mawe nashi zila zye mande embawandishe mlambao eze mawe enongwa zazili nashi zyali mu mawe ze mwanzo, mbao ze mawe zohabule. ²Obhe tayali nasandabho oyenze hwi Gamba lye Sinai, oyeze hwitagalila lyane pamwanya pi gamba.³Nomo yaihwenza nawe osahalusu omtu yayoti abhoneshe paponti hwi gamba. Nalimo ikundi lya elye vyoma lyope aluhisiwe hata alye hwitagalila li gamba." ⁴Shesho oMusa wakata embabho zibhele ze mawe nashi zya mwanzo, na abhoha nasadabho mapema nabhale pamwanya yi Gamba lye Sinai, nashi oYahweh samwelezezye. Anyemuye ebabha ezemawe mkhono gwakwe.⁵O Yahweh ahenza pasi yi bhengo nahwemelele hwitagalila lya Musa na watambula itawa "Yahweh." ⁶O Yahweh washela hwa mwene nahweteshe, "Yahweh, Yahweh, Ongolobhe wele hema nawe neema saga mwepesiwe hasila na akhala muwaminifu, we agano no wadilifu, ⁷nkokhate owaminifu wilagano hu vizazi maelufu, nkosajile amaasi, amakosa, ne zambe. Lakini sagamusafili muhatia ailete eadhabu eye zambe za baba no mwana wabho hushizazi shatatu ne shaone."⁸O Musa nanali winamisya itwe lyakwe mwinkondi nasaye. ⁹Shesho waga nkashile eshi empete oupendeleo pamaso gaho, Bwana wane, tafadhali bhala pamo nate hwahubhe ebha abhatu bhakolofi. Sajila amaasi getu ne zambe zetu na oteje nashi olisi waho."¹⁰O Yahweh ahaga, "Enya, endikalibu abhombe ilagano hwitagalila lya bhatu bhaho embabhombe esyigo gagali sega waile abhombwe msi yoti mula mliwe wala mwi taifa lyoti abhatu bhoti miogoni mwiliwe bhadalole amatendo gane hu bhe hatu he woga he bhomba huliwe. ¹¹Tii eamuli zane sanyono embabhefwe hwitagalila lyaho Aamoli, Wakanani, Wahivi, Wahiti, Waperizi, Wahivi, na Wayebusi.¹²Obhanje mwangalifu oganje bhombe ilagano na kazi bhamsi yobhala bhandabhe tego huliwe. ¹³Badala yakwe, lazima ombagule amadhabahu gabho, boza engazo zabho ezye mawe na kate enguzo zyabho zye Ashela. ¹⁴Huje awe sagaohwanzi asaye ongolobhe owa mwabho, maana Yahweh yali itawa lyakwe yo Wivu, yo Ngolobhe we wivu.¹⁵Eshi ebhe mwangalifu oganje bhombe ilagano nakazi bhamsi, huje bhahwibhombe oukahaba hwa ngolobhe bhabho no bhafumia edhabihu hwa ngolobhe wabho eshi omo aihukalibiza nawe wailya baazi ye zabihu zabho, ¹⁶nantele oyeje baadhi yalendu bhakwe hwa bhana bhaho nalendu bhakwe abhombe okahaba hwa ngolobhe bhabho, na bhaibhomba abhana bhaho oukahaba hwa ngolobhe bhabho. ¹⁷Oganje abhombe angolobhe wijela elya yeyusye.¹⁸Lazima okhate eshalehe ye mikate lya sagaliponyezewe ehamila nashi sanabho lele, lazima olye omukate gwasagaguline hamila husiku saba hu muda gwa gutengwilwe we mwezi gwa Abibu, maana huje mwezi gwe Abibu ohafumile hu Misili.¹⁹Apapwa bhoti bhalini, hata opapwa owa kwanza oweshilume we vyoma, voti vye ng'ombe ne ngole. ²⁰Lazima okale nantele opapwa owa hwande owe dogomi ne ngole, lakini nkasaga obhakale. Lazima okale nantele apapwa bhahwade bhoti abhana bhaho. Nomo hata omo yaihwenza halini makho wene.²¹Ohaibhomba embombo esiku sita, lakini isiku elya saba ohaitoya. Ata owakati we kilimo no we mavuno lazima otoye. ²²Lazima ouzimisye sehemu ye majuma hu mazao ga kwanza ge mavuno ge ngano, hu mwisho we mwaha.²³Mala tatu hu mwaha alume bhalimwe bhoti bhada bhadafumizanya hwa Bwana oYahweh, Ongolobhe we Israeli. ²⁴Embahwefwe esi hwitagalila lyenyu natanile empaho. Nomo yainyonywa abhene nsi yenyu nashi eyabho pahaifuma hwitagalila lya Yahweh mala tatu hu mwaha.²⁵Sagaohaifumya edanda ye dhabihu yane ne hami yayoti, wala enyama yayotit afume ha dhabihu ye Shalehe ye Pasaka asagale hadi nasadabho. ²⁶Lazima olete amadondolo agahwande gali miza afume akhaya yaho oganje taleshe embuzi enyana mmabhele genyi nia yakwe."²⁷O Yahweh abhola oMusa, "Simba pansi enongwa, huje ehwihaidiye ezi engwa gehayanje, na embabile iagano huwe Esilaeli." ²⁸O Musa ali ohwo no Yahweh hu nsiku alobaini no siku; sagalie eshalye eshalye shashoti shila wala amenzi gagonti. Ahandishe mu mbabho enongwa zye agano eamuli kumi.²⁹O Musa pali aishile pansi pi Gamba lye Sinai ne mbao zibhele ze agano zye ushuhuda mmakhono gakwe, sagamenye aje engola ehumaso gakwe yalilabha payanga no Ngolobhe. ³⁰Owakati oHaluna na Isilaeli pabha lolile oMusa engola ye mao gakwe hwali hulabha bhahogope ahwonze pepe no mwene. ³¹Lakini oMusa abhakwizizye, na Haluni na viongozi bhe jamii bhanza hwa mwene. Shesho oMusa ahayanga nabho.³²Baada yenga, abhatu bhoti bhe Iizilaeli bhahenza hwa Musa, abhabhola eamuli zanzotit oYahweh zyapie hwi Gamba Sinai. ³³O Musa pamali ayanje nabho akwishie hu maso gakwe neshitambala.³⁴Wakati oMusa pabhalile hwitagalila lya Yahweh ayanje nawo, ahefwizye eshitala, hadi pafumile. Abhabholele Aisilaeli habholelwe ayanje. ³⁵Aisiliaeli pabhalolile oMusa alabha hu maso, auzizye eshetambala hu maso paka palibhla abhala ayanje oYahweh.

¹O Musa abhabhangenye ekhaya yonti yahu Israeli na bhabhula, "Ega gagega oYahweh gajile tibhombe. ²Hu nsiku sita embombo ega bhombwa, ila huliwe, isiku lya saba lisiku lya Ngolobhe lyahupute, isiku lye Sabato lyatoye, isiku ilinza hwa Yahweh. Yayonti yabhabhombe embombo isiku elyo lazima aifwa. ³Sagamuwanziwa ahwansye omwoto mukhaya zyenyu isiku lye Sabato."⁴O Musa ahayanga ne khaya yonti ye Israeli, ahaga, "Eli lyalajizizye oYahweh. ⁵Mweje esadaka zyahupele oYahweh, mwenti mwamuli no mwoyo ogwinza. Mtwale esadaka hwa Yahweh - edhahabu, ehela, eshaba, ⁶ebuluu, ezambarau, esufu enshamwamu ne shitambala eshinza; enzisi zye mbuzi; ⁷engola zye ngole zyazibhehwelwa erangi enshamwamu ne ngola ye pomboo; ne mbao zye mshita; ⁸amafuta ge taa ga pala apinza pa ngolobhe, evilongo vye manukato hu mafuta ego abhehwe, ⁹hu vumba owinza ne vito vya shohamu ne vito vyabhehwe hweyo enaivera, na hweho afuko hapashifubha.¹⁰Ola luma wamenye alenganye hulimwi abhombe kila hantu habholelwe nu Yahweh -- ¹¹ihema lyaputile, ni gubiho lyakwe, ne vifungo vyakwe, na mbabho zyakwe, ne nguzo, ne sakafu; ¹²nantele emeza empogoso ne nguzo zyakwe, itengo lye rehema, ni pazia lyapafise.¹³Bhaletile emeza na magaga gakwe, ne vyelelo vyakwe vyonti, ni hu munda lye wonyesho; ¹⁴eshinara, evyelelo vyakwe, etaa, na mafuta gazila etaa; ¹⁵ela emadhabahu ye uvumba ne nguzo zyakwe, amafuta ge upashilo no vumba lwabhehwelwe amanukato; eshi khatizyo she winjililo wi hema yaputile; ¹⁶emadhabahu ye sadaka eya pembe neshitunzi she shaba ne nguzo ne vyelelo; na lila ibakuli igosi ne sakafu yakwe.¹⁷Bhahaleta evikhatizo vye nyuani ne nguzo zyakwe ne sakafu yakwe, ni pazia huwinjililo we nyauni; ¹⁸na gala amasumali gi hema lyaputile ne nyuani pandwemo ne kamba zyakwe. ¹⁹Bhahaleta amenda gagatabhilwe abhombela pala pa ngolobhe, amenza aminza ga Aruni okuhani na bhana bhakwe, hwa bhene abhe bha kuhani."²⁰Amakabela gonti ge Israeli gasogole afume hwa Musa. ²¹Ola muntu omwoyo gwakwe gwabhulaga na wahali tayali afume mmwoyo gwakwe afumizye esadaka hwa Yahweh alenganye ehema yaputile, ne vintu vyonti hu mbombo ya muhati, na humenda aminza. ²²Bhahenzele, bhonti alume na bhashe, bhonti bhabhahali tayali hu moyo gabho. Bhaletile, amadini, eheleni, epete, ne vintu evinza, na vintu evyenje vye dhahabu. Bhatwalile esadaka zye dhahabu. Neshi esadaka ezya punje hwa Yahweh.²³Ola muntu ahenzele ne sufu ye buluu, ezambarau, au enshamwamu amenda aminza, esinga zye mbuzi, engola zye ngole zyazigalushebhe shamwamu, ne ngole ye pomboo bhaviletile. ²⁴ola muntu alenganye esadaka ye hela au eshaba bhaviletile sadaka hwa Yahweh, na ola muntu wahali nikwi lye mshita lye mbombo aliletile.²⁵ola she walenganyaga bhalebhe sufu hu makhono gabho na bhaletile esufu zyazitabhilwe zye buluu, dhambarau, au esufu enshwamwamu, au amenda aminza. ²⁶Abhashe bhonti bhabhali na moyo gagaiga bhomba jina bhabatabha bhatabhe esinga zye mbuzi.²⁷Alongozi bhaletile amawe ge shohamu na mawe agenje gabheshe mweyo enaivera neho afuko hapashifubha; ²⁸bhaletile evilongo na mafuta ge taa, hu mafuta ge lupashilo, na huvumba lwe manukato. ²⁹Bhahu Israeli bhatwalile esadaka yasaga ye lazima hwa Yahweh; ola lume no she bhenye amoyo gabho gahali tayali bhafwalile evintu vye mbombo zyonti oYahweh zyabhabholele hwa Musa aje zibhombwe.³⁰O Musa ayanjile hwa Israeli, "Enyi, oYahweh akwizizye hwitawa pamwanya pe Bezaleli omwana wa Uri omwana wa Huri, afume hwi kabela lya Yuda. ³¹Aimemizye eBezaleli huloho yakwe, ahupele enshinshi, owelewa, na manye embombo zyonti zya zyenje, ³²abhombe embombo ya hwandisye ne mbombo zye dhahabu, ne shaba; ³³nantele nabhole nabheshe shinza amawe ne mbabho zyazilenganyiziwe- abhombe embombo zyonti zya zenje.³⁴Abheshele alanganyizye mmwoyo gwakwe, omwene no oHoliabu omwana wa Ahisamaki, afume hwi kabela lya Dani. ³⁵Abhamemizye alenganye abhombe embombo zyonti, abhombe neshi achole amawe, neshi awa welewa, neshi wabheshe etaraza u ui we rangi ye buluu, edhambarau, ne nshamwamu, na menda aminza, neshi bhabhatabha. Bhahali bhachonga amawe bhe ensiku zyonti, na bhahali bhahwandishe achonje.

¹Esho oBezaleli no Oholiabu na ola muntu wa pewilwe achonje na manje embombo yonti zya zenje apinza pa ngolobhe nu Yahweh bhabhombe embombo shabhabholele oYahweh.²O Musa ahakwizya oBezaleli, Oholiabu, na ola muntu wapewilwa habhombe nu Yahweh wabholwaga abhombe hu mwoyo gwakwe awenze abhombe embombo. ³Bhahejelele hwa Musa esadaka zyonyi zya bhaletile abhahu Israeli zyazenjele esehemu enyinza ya ngolobhe. Abhantu bhahali sabhatwala esadaka hu moyo gabho kila pahusha hwa Musa. ⁴Esho abhantu bhonti bhahali bhamenye bhahali bhabhomba embombo ya ngolobhe bhafumaga mmbombo bhabhombaga.⁵Bhabachonga amawe bhabholele oMusa, "Abhantu bhaleta tee gagawanziwa abhombe embombo oYahweh yatipiye." ⁶Esho oMusa ahaga omuntu wawonti agandelete nantele vya zenjele esehemu ya ngolobhe. ⁷Abhantu bhahaleha alete. Bhahali ne vintu vinji vya zenjele.⁸Esho bhaba chonga amawe bhahazenga lila ihema lyaputile hu mapazia kumi gagazengilwe eshitmbala eshinza ne buluu, ezambarau, ne sufu enshamwamu hu aina ye kerubi. Ene mbombo ya Bezaleli, wamenye tee azenje. ⁹Otali we kila li pazia wahali makhono shilini na nane, wope ovilima wahali makhono gane. Evitamba evyo vyonti vya hali shipimilo shimo(sheka). ¹⁰O Bezaleli ahaunganisya evitambala visanu pandwemo, na vila evitambala vya mwabho visanu aviunganisizye pandwemo.¹¹Alenganye eshipinyo she uzi we buluu hu pinto we shitambala shashili paunganisizye. ¹²Alenganye evipinyilo hamsini mshitambala shimo/sheka alengenye evipinyo hamsini humwisho we shitambala shashili pa mwabho paunganisye, evipinyilo evyo vyahali vibhalilana. ¹³Hu mwisho ahalenganya ekulabu hamsini zye dhahabu na viunganisye evitambala evyo pandwemo ne kulabu ezyo, eshi aje eyo yahabha khaya emo.¹⁴O Bezaleli ahalenganya evitambala vye mahema vya mawoya ge mbuzi hwi hema lyalili pamwanya pa maskani. Evitambala kumi na moja vyavilenganyizye. ¹⁵Otali hu kila shitambala wahali makhono thelathini, ovilim wahali makhono gane. Evitambala kumi na moja evyo vyahali shipimilo shimo. ¹⁶Ahaunganisya evitambala visanu na vila sita pandwemo. ¹⁷Ahalenganya evipinyilo hamsini hupinto we shitambala sha hwonze nyene shashili paunganisizye, wope ahalenganye evipinyilo hamsini hu pinto we shitambala eshenje shashiungene nesho.¹⁸O Bezaleli ahalenganya ekulabu hamsini zye shaba zyaunganisye ihema pandwemo libhe shipande shimo. ¹⁹Wope ahalenganya eshigubiho shi hema she ngole endobhi zyazibhehwelwe erangi ensha mwamu ne shigubiho ngola zye sili, opande wa mwanya.²⁰O Bezaleli ahalenganya eviunzi vye mbabho vyi hema lya khomanile vye mbabho ye mshita. ²¹Otali we shiunzi wahali makhono kumi, wope ovilima wakwe wahali khono gumo ne nusu. ²²Kila shiunzi shahali ne mee zibhele zyazili pandwemo. Esho shalenganye eviunzi vyonti vye khaya. ²³Basi ahalenganya eviunzi vye maskani, eviunzi shilini, kwa ajili ye pande we pansi.²⁴O Bezaleli ahalenganya evikhalilo arobaini vye hela vibhe pansi pa vila eviunzi shilini, evikhalilo vibhele pashiunzi shimo pandwemo ne mele zyakwe zibhele. ²⁵Na hula opande wa mwabho we nyumba, opande wa mwanya, ahalenganya eviunzi shilini ²⁶ne vikhalilo vyakwe arobaini vye hela. Evikhalilo vibhele pashiunzi shimo/sheka, ne vikhalilo vibhele pashiunzi sha mwabho²⁷Na hwa zila esehemu zya hosi zye nyumba abhale hu swelo ahalenganya eviunzi sita. ²⁸Wape ahalenganya eviunzi vibhele vya mshenje mnyumba hu sehemu zyakwe zibhele zya husi²⁹Ezi zyahali mapasa opande/esehemu ya pansi, lakini pamwanya ye kila yeka mmpete ya kwanza. Esho shabhombile gonti gabhele, gala amiimo gamunshenje. ³⁰Basi vyahabha viunzi nane ne vikhalilo vyakwe kumi na sita vye hela, evikhalilo vibhele, mshenje mvikhalilo vibhele pansi pa kila shiunzi.³¹O Bezaleli ahalenganya amakwi ge mshita, gasanu kwa ajili ye viunzi vya pande umo we maskani, ³²na makwi gasanu hu viunzi vye pande wa mwabho we maskani na makwi gasanu kwa ajili ye viunzi vye maskani hu pande zibhele zya hosi zya swelo. ³³Ahalenganya ikwi lya pahati lishilile pahati paviunzi afume humwisho weka hadi wa mwabho. ³⁴Wope ahakwinshila vila eviunzi ne dhahabu, ahabheshezya epete zyakwe zye dhahabu ili vyavwaje gala amakwi, ahakwinshila amakwi gala ne dahhabu.³⁵O Bezaleli ahalenganya ipazia, lye uzi we buluu ne sufu ye rangi ye zambarau ne shitambala she rangi enshamwamu ye kochinili ne kitani enyinza ya shonwe, ahabheha emakerubi hu mbombo ya zenje. ³⁶Ahalilenganya enguzo zine zye mshita na zikwinshile ne dhahabu, evibanilo vyakwe vyahali vye dhahabu, na lenganye evikhalilo vyakwe vine vye hela.³⁷Wope ahalenganya eshifisilo she winjililo wi hema no uzi we buluu ne sufu te rangi ye zambarau ne shitambala she rangi enshamwamu ye kochinili ne kitani enyinza enshome, embombo ya washone. ³⁸Ahalenganya ne nguzo zyakwe zisanu ne vibanilo vyakwe. Wape ahakwinshila amwanya hwakwe ne viungo vyakwe ne dhahabu, lakini evikhalilo vyakwe visanu vyahali vye shaba.

¹O Bezaleli ahalenganya empogoso ye mbabho ye mshita. Amakhono gabhele ne nusu otali wawe, no khono gumo ne nusu ovilima wakwe, no khono gumo ne nusu abhale amwanya. ²Ahakwinshila ne dhahabu enyiza muhati na hwonze nalengane dhahabu mushenje yakwe alizyongole hwonti. ³Ahalenganyizya epete zine zye dhahabu, zya mwanya hu magaga gakwe gane, epete zibhele opande umo, ne pete zibhele opande wakwe wa mwabho⁴Ahalenganya amakwi ge mshita naikwinshile ne dhahabu. ⁵Alafu ahabheha amakwi ego mupete zyazili hwisanduku ili ahinyemule. ⁶Wope ahalenganya igubiho lye dhahabu enyinza. Amakhono gabhele ne nusu otali wakwe, no khono gumo ne nusu ovilima wakwe.⁷O Bezaleli ahalenganya amakerubi gabhele ge dhahabu. Hu mbombo ahalenganya hu mwisho ubhele gigubiho. ⁸Akerubi limo hu mwisho ula, no kerubi wa mwabho hu mwisho ou. Alenganye akerubi amwanya hwi gubiho hu mwisho ubhele. ⁹Bhahabha makerubi bhabagolosya amapiho gabho gabhele amwanya, ohu bhafisa igubiho na mapiho gabho, amaso gabho gahali gabhalilana. Amaso gamakerubi ebho gahenyizye igubiho elyo.¹⁰O Bezaleli ahalenganya emeza ye mbabho ye mshita. Amakhono gabhele otali wakwe, no khono gumo ovilima wakwe, no khono gumo ne nusu azubhe amwanya. ¹¹Alafu ahaikwinshila ne dhahabu enyinza na lenganye omwisho we dhahabu munshenje mwonti. ¹²Ahalenganya ozyongolelo we vilima we khono aziyongole na bheshe edhahabu azyongole mshenje mwonti. ¹³Nantele, ahalenganya epete zine zye dhahabu na zibheshe mkona zine zye magaga gala gane.¹⁴Epete ezyo zyahali kalibu na gula ozyongolelo, ili agavwe gala amakwi gagakhete emeza. ¹⁵Alafu ahalenganya amakwi ge mshita na gakwinshile ne dhahabu ili gainyemule emeza. ¹⁶Afume epo ahalenga evyombo vye dhahabu vyapameza pamwanya, embakuli zyakwe evikombe vyakwe namabakuli gakwe na masayi gakwe gabhabheshelaga esadakazye mwelo.¹⁷Ahalenganya eshinala she taa she dhahabu enyinza. Hu mbombo ya shansye ahalenganya eshinala she taa. Epande zyakwe ne nsamba zyakwe, evikombe vyakwe, mafundo gakwe na maua gakwe gahabhoneha. ¹⁸Ne nsamba sita zyafumaga hu pande zyakwe, ensamba zitatu zye shinala she taa afume hu pande wa mwabho. ¹⁹Evikombe vitatu vyi umbo lye maua ge mlozi vyahali mshikundi shimo she nsamba evifundo na maua vyafuatanaga/vyalongozanyaga; ne vikombe vitatu vye maua ge mlozi vyahali mshikundi sha mwabho she nsamba; evifundo na maua vyalangozanyaga. Esho shayahali hu zila ensamba sita zyazyafumile hushinala she taa.²⁰Na mula mushinara she taa hwa hali evikombe vine vyi umbo lye maua ge mlozi, evifundo vyakwe na maua gakwe galongozanyaga. ²¹Na shila shifundo pansi pa nsamba zibhele afume epo, ne shifundo shashili pansi pazila ensamba zibhele afume hu lyene, kwa ajili ye nsamba sita zyazifuma hu shinara. ²²Evifundo vyakwe ne nsamba zyakwe vyafumile hu lyene, vyonti vyahali ne mbombo emo yahwansye, she dhahabu enyinza.²³Ahalenganya ataa zyakwe saba ne meteto zye tambe zyakwe ne vyetezo vyakwe hu dhahabu enyinza. ²⁴Ahalengenye ne talanta ye dhahabu enyinza, eshene pandwemo ne vyelelo vyakwe vyonti.²⁵Ahalenganya emadhabahu e uvumba ne mbabho zye mshita. + Okhono gumo otali wakwe, no khono gumo ovilima wakwe, hwonti hwalenganaga, na makhono gabhele azubhe mwanya. Ekona zyakwe zyafumile huyene. ²⁶Aikwinshile ne dhahabu enyiza, opande wakwe wa mwanya ne pande zakwe zya mshenje azyongole ekona zyakwe, wope ahalenganya ne dhahabu mshenje aizyongole epande zyonti.²⁷Wape ahalenganyiza epele zibhele zye dhahabu pansi pa mwisho we pande zyakwe zibhele, mupande zyakwe zibhele zyazibhalitana, na zyazigavwagala amakwi gagainyemula. ²⁸Ahalenganya gala amakwi ge mshita naikwinshila ne dhahabu. ²⁹Nantele ahailenganya na gala amafuta gabheshele amafuta no uvumba owinza waubhehwelwe amanukato,+ embombo ya walenganya e marhamu.

¹Wape ahalenganya emadhabahu ye sadaka zya pembwe ne mbabho zye mshita. Amakhono gasanu otali wakwe, na makhono gasanu ovilima, shesho hwonti, na makhono gatatu azubhe mwanya. ²Ahalenganya ekona zyakwe hu zila encha zyakwe zine. Ekona zyakwe zyafumile epo. Ahaikwinshila ne shaba. ³Afume epo ahalenganya evyelelo vyonti vye madhabahu, gala amakopo na zila esepetu na gala amabakuli, zila enyuma na zila evyelezo. Evyelelo vyakwe vyonti avilengenye hu shaba.⁴Nantele ahailenganyizya emadhabahu eshiunzi she nsanzo, omtandao we shaba, pansi pa mwishoh wakwe, pansi abhale pangati yakwe. ⁵Ahalenganya epete zine hu misho gane jilani na shila eshiunzi she shaba, ili agavwe gala amakwi.⁶O Bezaleli ahalenganya amakwi ge mshita na gakwinshile eshaba. ⁷Ahabheha gala amakwi muzila epete zyazili hu madhabahu ili ainyemule. Alilenganye hu mpogoso ye mbabho yeli wene.⁸Ahalenganya ibeseni lye shaba ne shinara shakwe she shaba. Na afumile amagalasi ga bhomvi abhashe bhabhabhombile obhomvi wawakhele pawinjililo wi hema lya khomanile.⁹Wape ahalenga o ua. Opande wahu Negebu, abhale ukusini, amapazia giua gahali ge kitani enyinza yatabhe, hu makhono mia emo. ¹⁰Enguzo zyakwe shilini ne vikhalilo vyakwe shilini vyahali vye shaba. Amisumali ge nguzo ne viungo vyakwe vyahali vye hela¹¹Lakini, hu pande we mwanya hwa hali na makhono mia. Enguzo zyakwe shilini ne vikhalilo vyakwe shilini vyahali vye shaba. Amisumali ge nguzo ne viungo vyakwe vyahali vye hela. ¹²Lakini kwa ajili ye upande wa swelo amapazia gahali makhono hamsini. Enguzo zyakwe zyahali kumi ne vikhalilo vyakwe vyahali kumi. Amisumali ge nguzo ne viungo vyakwe vyahali vye hela.¹³Na kwa ajili ye upande we tukulo hwahali na makhono hamsini. ¹⁴Amapazia gahali makhono kuni na gasanu hu pande umo lweka. Enguzo zyakwe zyahali zitatu nevikhalilo vitatu. ¹⁵Na hupande ula wa mwabho, ou ula, wi lyango lye ua, amapazia gahali kumi na gasanu. Enguzo zyahali zitatu ne vikhalilo vyakwe vitatu. ¹⁶Amapazia gonti ge ua azyongole epande zyonti gahali ge kitani engozi yatabhe.¹⁷Vyope evikhalilo vye nguzo vyahali vye shaba. Evibanio vyevikhalilo ne viungo vyakwe vyahali vye hela vyope vyakwinshilwe eshaba hu mwanya, na hwahali ne viungo vye shaba hu nguzo zyonti zye ua. ¹⁸Shope eshifisilo she ndyango gwe ua shahali na makhono shilini mtali. She uzi we buluu ne sufu ye rangi ye zambarau ne shitambara she rangi enshamwamu ye kochinili ne kitani enyinza ya shonvwe, no tali wakwe wahali makhono shilini, na zubhe mwanya hwonti shahali makhono gasanu neshi mapazia ge ua. ¹⁹Ne nguzo zyakwe zine na vikhalilo vyakwe vine yahali vye shaba. Amisumali gakwe gahali ge hela no utando we matwe gakwe ne viungo vyakwe wahali we hela. ²⁰Na misumali gonti gi hema kwa ajili ye nyumba ne ua azyongole epande zyonti yahali ye shaba²¹Evi vye vintu vya vibhaziwe vye nyumba, enyumba ye nongwa zya Ngolobhe, vyavyabhaziwe hundongozyo ya Musa, abhe ubhomvi wa Lawi palongozi wabho Ithamari omwana owa Aruni okuhani. ²²Wape oBezaleli omwana wa Uri omwana wa Huri wikabela lya Yuda abhombile gonti gala oYahweh galajizizye oMusa. ²³No mwene ahali Oholiabu omwana wa Ahisamaki wi kabela lya Dani, wamene afarizi na watabha ouzi we buluu ne sufu ye rangi ye zambarau ne shitambala she rangi enshamwamu ye kochinili ye kitani enyinza.²⁴Edhahabu yonti yayabhombeshe mumbombo yonti ye pala pa ngolobhe yahali yonti edhahabu ye sadaka yayinzye, + etalanta shilini na tisa ne shekeli 730 alengane ne shekeli ya pinza pa ngolobhe. ²⁵Yope ehela yabhabhahandihwe mubhongano yahali talanta mia emo ne shekeli , 775 alengane ne shekeli ye pala apinza, ²⁶ela enusu shekeli kwa ajili ya muntu omo/umo yahali nusu shekeli alengane ne shekeli ye pala apinza pa ngolobhe,. Hwa muntu hwa hinjililaga hwa bhabhahandihwe awande maha shilini na wendelele, embazyo ya bhantu 603, 550.²⁷Ne talanta mia emo ye hela zyanabhombeshe alenganye evikhalilo vya pala apinza pa ngolobhe ne vikhalilo vipazia. Eikhalilo mia emo vyayile ne talanta mia emo, etalanta emo hushikhalilo shimo. ²⁸Na afume huzila eshekeli 1, 775 alengenye evibanio vye nguzo na vikwinshile esehemu yakwe ya pwamanya na viunganisye/avikhatanye pandwemo. ²⁹Yope eshaba ye sadaka ya yinzye yahali talanta sabini ne shekeli 2, 400.³⁰Wape abhombeye alenganye vila evikhalilo vye winjililo wi hema lya khomane ne madhabahu ye shaba ne shiunzi she shaba, ne vyelelo vyonti vye madhabahu, ³¹na vile evikhalilo vi ua azyongole epande zyonti, na vila evikhalilo vyi lyango gwi ua, ne misumali gonti ge maskani yonti yi ua azyongole epande zyonti.

¹Hu uzi ula wa buluu ne sufu ye rangi ye zambarau ne shitambala she rangi ensamwamu ye kochinili bhahatabha amenda wha bhomvi wa pala pa ngolobhe. Bhahatabha amenda aminza ga Aruni, neshi oYahweh yabholele oMusa.²Ahabheha enaivera ye dhahabu, ouzi we buluu ne sufu ye rangi ye zambarau ne shitambala eshi shamwamu she kochinili ne kitani enyinza eya shonwe/entabhe. ³Bhahalenganya amabamba ge dhahabu gabhe manyela, wape ahabhola owuzi wa tabhe pandwemo no ula we buluu ne sufu ye zambarau na shila eshitambala eshishamwamu she kochinili ne kitani enyinza, neshi embombo ya zenje.⁴Bhahalenganyizya evipande vya mshipongo vyavikhatene. Yaghatene mmiisho gakwe gabhele. ⁵Gwope omshipi, gwahali pamwanya yakwe aifunje, wahali we shitambala shashila alengane no lenganyo wakwe, ne dhahabu, o uzi we buluu, ne sufu ye rangi ye zambarau ne shitambala eshelangi enshamwamu ne kochinili ne kitani enyinza yatabhe, neshi oYahweh shabholele oMusa.⁶Bhahalenganya amawe ge shohamu gabhehwele shinza mmapambo ge dhahabu, gachongwilwe humicholo ge muhuli alengane na matawa gabhe Israeli. ⁷O Bezaleli ahabheha mvipande mshipungo vye naivera gabhe mawe gakombohwe hu bhana bhe Israeli, neshi oYehova shalajizizye oMusa.⁸Ahalenganya afuko hapashifubha hu mbombo yazenje, neshi ula we mbombo ye naivera, ne dhahabu, ouzi we buluu ne sufu ye rangi ye zambarau ne shitambala eshi shamwamu she kochinili ne kitani tabhe. ⁹Shahalengane hwonti pashahali shipinta. Bhahalenganya afuko hapashifubha, pashipintwa, eshiburi emo otali wakwe ne shubiri emo ovilima wakwe.¹⁰Bhahashimenya amastali gane ge mawe. Ostari owe zabarijadi, topazi ne zumaridi wahali wa kwanza. ¹¹Ositali gwa bhele wahali feruzi, yakuti ne yaspi. ¹²Wope ositali wa tatu gwahali liwe lye leshemi, eakiki ne amethisti. ¹³Gwope ositali gwa une gwahali krisolito ne shohamu ne yashefi. Gabhehwehwe mmapambo ge dhahabu esehe ela.¹⁴Na mawe ego gahali alengane na matawa gabhana abhahu Israeli. Gahal kumi na mbili alengane na matawa gabho, humichango ge muhuli, ola muntu alengane ni tawa lyakwe hu gala amakabela kumi na mbili. ¹⁵Bhope bhahalenganya aminyololo gagali na mashada pamwanya pafuko hapashifubha, osokoto/otabhilo we kamba, we dhahabu enyinza. ¹⁶Bhahalenganya amapambo gabhele ge dhahabu ne pete zibhele zye dhahabu na bheshe ezyo epete zibhele mgala amiisho gabhele ga shila eshifuko sha pashifubha.¹⁷Baada yelyo bhahashizya zila ekamba zibhele zye dhahabu mwa zila epete zibhele zyazili mmiisho gafuko hapashifubha. ¹⁸Bhope bhahashizya gala amiisho gabhele ge kamba zibhele mgala amapambo gabhele, Alafu bhahabheha mwanya mvipande vya mshiungo vyenaivera, hwitagalila lyakwe.¹⁹Esho bhahalenganya epete zibhele zye dhahabu na zibheshe mmiisho gabhele ga shila eshifuko shapashifubha mupinto wakwe wauli opande wela efodi opande wa muhati. ²⁰Alafu bhahalenganya epete zibhele zye dhahabu na zibheshe pamwanya pa vipande vibhele vya mshipongo vye efodi opande wa pansi, hwitagalila, jilani na pakhomanila, pamwanya pa mshipi we naivera.²¹Hu mwisho bhahagalila eshifuko sha pashifubha ne pete zyakwe hupete zye efodi no uzi we buluu, ili zibhe pamwanya pa mshipi gwe efodi na hala afuko hapashifubha hasihwepe pamwanya pa efodi neshi oYahweh yalajizizye oMusa.²²O Bezaleli ahalenganya ikoti lye naivera, lyonti lye uzi we zambarau, embombo ya watabha. ²³Ne sehemu yeli wene ye lyo ikoti yahali pahati yakwe, neshi esehemu ye welele ye mwenda gwe chuma. Esehemu yayali pa welele yahali ne shenje aizyongole epande zyonti zigandezembushe. ²⁴Alafu bhahalenganya amakomamanga mu pindo wikoti ge uzi we buluu ne sufu ye rangi ye zambarau neshi tambala she langi enshamwamu she kochinili, vyavyalabhilwe pandwemo.²⁵Bhahalenganya amajomvu zye dhahabu enyinza nazibheshe amajomvu ezyo pahati pamakomamanga hwi pinto lyo koti azyongole epande zyonti, pahati pa makomamanga; ²⁶ijomvu ne komamanga, ijomvune kommanga hupinto wi koti azyongole epande zyonti, kwa ajili yabhombe, shila oYahweh yalajizizye oMusa.²⁷Bhahalenganya ekamba zye kitani enyinza, zya Haruni na bhana bhakwe. ²⁸Na shila eshilemba she kitani enyinza na gala amakwatilo ga hwitwe na mapambo ge kitani enyinza na zila esulubhale zye kitani eniza shashitabhilwe, ²⁹na ula ukumbuu we kitani enyinza ya tabhe hu uzi we buluu, ne sufu ye rangi ye zambarau ne shitambala she langi enshamwamu ye kochinili, embombo ya watabha, shila oYahweh shabholele oMusa.³⁰Hu mwisho bhahalenga ibamba lyalihwahah/lipendezya, bhonesyo owinza owakfu, hu dhahabu enyinza na simbe pamwanya yakwe enongwa hu mchongo we muhuri: "Winza hwa Yahweh. " ³¹Bhahabheha ouzi we buluu ili bhalibheshe pamwanya pashilemba. Shila oYahweh shajile bhombe oMusa.³²Embombo yela emaskani yi hema lya khomanile yahafiha omwisho wakwe, maana abhana bhahu Israeli yahendelela abhomba shila Ongolobhe shayanjile no Musa. ³³Bhope bhahatwala emaskani hwa Musa, lila ihema pandwemo ne vyelelo vyakwe vyonti, ekulabu zyakwe, eviunzi vyakwe vye mbabho, amakwi gakwe, ne nguzo zyakwe ne vikhalilo vyakwe, ³⁴ne shigubiho shakwe she ngola zye ngole-endobhi zye langi enshamwamu ne shigubiho shakwe she ngola sheli ni pazia lyapafise, ³⁵ni sanduku lye nongwa na makwi gakwe ni gubiho lyakwe.³⁶Bhahaleta emeza, evyelelo vyakw evyonti, ni bumunda lye wonyesho, ³⁷shila eshinara she taa she dhahabu enyinza, etaa zyakwe, gula ositali gwe taa, ne vyelelo vyakwe na gala amafuta gawanzizye etaa, ³⁸na madhabahu ye dhahabu na mafuta gagabhombela abheshe amafuta no uvumba waubhehwelwee manukato na shila eshafise huwinjililo wi hema, ³⁹ela emadhabahu ye shaba na shila eshiunzi shakwe she shaba, amakwi gakwe ne vyelelo vyakwe vyonti, lila ibakuli ne shinala shakwe,⁴⁰Bhahatwala amapazia ge ua, enguzo zyakwe ne vikhalilo vyakwe na shila eshafise+ hu lyango gwe ua, empinyilo zyakwe zyi hema ne nsumali zyi hema ne vyelelo vyakwe vyonti hu bhomvi we khaya, hwi hema lya khomanile. ⁴¹Bhahatwala gala amenda amatabhe abhombele embombo apinza pa Ngolobhe, gala amenda aminza ga Aruni okuhani na menda gabhana bhakwe gabhombele pabhali bhakuhani.⁴²Alengane no Ngolobhe shayanjile no Musa, esho shabhabhombile embombo a Ngolobhe abhana bhe Israeli. ⁴³Wape oMusa ahailola embombo yonti ela, na bhahali bhabombile shashila oYahweh shajile bhabhombe. Esho shabhabhombile. Esho oMusa ahabhalabhila aminza hwa Ngolobhe.

¹O Yahweh ahayanga no Musa, ²"Isiku lya kwanza lye mwezi wa kwanza lye mwaha lazima olenganye ihema lya khomanile.³Waibheha empogoso lye nongwa zya ngolobhe muhati, na obhazije empogoso ni pazia. ⁴Whaileta emeza muhati na bheshe shinza evintu vyakwe. Nantele waileta eshinara na ilenganye etaa.⁵Nawe waibheha emadhabahu ye dhahabu no uvumba hwitagalila hu mpogoso ye nongwa, na waibheha ipazia pa winjililo wi hema lya khomanile. ⁶Waibheha emadhabahu ye sadaka ya pembezye hwitagalila huwinjililo wi hema ya khomanile. ⁷Waibheha ela embakuli engozi pahati pi hema lya khomanile na madhabahu na waibheha amenze muhati.⁸Obheshe shinza enyuani yeizyongola, na obheshe ipazia muwinjililo we nyuani. ⁹Lazima oyeje amafuta ge upako opashe ihema lya khomanile na kila hahahweli muhati. Lazima oibheshe panshanje ne esamani zyakwe huline; ebhabha nyinza. ¹⁰Lazima opashe amafuta emadhabahu ye sadaka zya pembe ne vyelelo vyakwe. Lazima obheshe panshenje emadhabahu yane na ebhabhe nyinza huline. ¹¹Opashe amafuta ibeseni lye shaba ne sakafu yakwe obheshe panshenje yaline.¹²Otwale oAruni na bhana bhakwe pa winjililo wi hema lya khomanile obhozye na menze. ¹³Waihukwinshila oAruni na menda gagali gene kwa ajili yaline, opashe amafuta obheshe mwene ambombele embombo ye ukuhani.¹⁴Waibhatwala abhashe nabhakwinshile na menda amamwamu. ¹⁵Waibhapaha amafuta gawapeshe oise wabho ili bhabhombe oukuhani. Opashilo wabho waibhabheha bhakuhani bhemaha gonti na bhana bhabho bhonti ." ¹⁶Eshi shayanjile oMusa abhombile gonti oYahweh gayanjile. Abhombile gonti ega.¹⁷Esho ihema lyakhomanile lyalenganywe shinza isiku lya kwanza lye mwaha gwa bhele. ¹⁸O Musa ahalengany aihema lya khomanile, ahabheha esakafu zyakwe esehemu yakwe, ahabheha shinza efelemu zyake, ahakhatiziza enchuma zyakwe, na ahalenganya aminara ne nguzo zyakwe. ¹⁹Ahalenganya igubiho pamwanya pi hema lya khomanile, nabheshe pamwanya yakwe, shayanjile oYahweh. ²⁰Ahejile endongozyo zya welewane na bheshe mupogoso. Nantele ahabheha ne nguzo mmpogoso na bheshe ogubiho gwi tengo lye rehema.²¹Ahejile empogoso nabheshe pihema lyakhomanile. Alengenye ipazia ili lizije empogoso ye nongwa zya Ngolobhe, shila oYahweh yanjile. ²²Abheshele emeza mwihema lya khomanile, hu pande wa mwanya wi hema lya khomanile, hwonze hwi pazia. ²³Abheshele ibumunda shishinza pa meza ya Yahweh, shayanjile oYahweh.²⁴Abheshele eshinala she taa mwi hema lya khomanile, opande wa bhele we meza, pansi pi hema lya khomanile. ²⁵Ahansya etaa hwitagalila lya Yahweh, shila oYahweh shayanjile.²⁶Abheshele amadhabahu ge dhahabu ye uvumba muhati mwihema lya khomanile hwi pazia. ²⁷Ahoshizye o uvumba we manukato epo, oYahweh shayanjile.²⁸Abheshele ipazia pihema lyakhomanile. ²⁹Abheshele amadhabahu ge sadaka eya pembe pi hema lya khomanile. Aaifumizizye esadaka eya pembe na ye usu, shila oYahweh shayanjile. ³⁰Abheshele ibeseni pahati pi hema lya khomanile ne madhabahu, na menze gahwozyezye.³¹O Musa, oAruni, na bhana bhakwe bhahwozizye amakhono gabho na magaga gabho mwibeseni ³²esala zyonti pabhabhalaga mwihema lya khomanile ne sala zyonti pabhabhalaga a madhabahu. Bhahwiyozizye, neshi shayanjile oYahweh nu Musa. ³³O Musa ahalenganya enyuani ahosi hwi hema elya khomanile ne madhabahu. Alengenye ipazia pa winjililo we nyuani. Peli, oMusa ahamala embombo.³⁴Ibhengo lyahagubiha ihema lya khomanile, no winza wa Yahweh wahakwinshila ihema lya khomanile. ³⁵O Musa amenilwe awinjile mwi hema elya khomanile maana ibhengo lyahali amwanya yakwe, na maana owinza wa Yahweh wakwinshile ihema lya khomanile.³⁶Esala zyazyonti ibhengo palyahasogola pihema lya khomanile, abhantu bhe Israeli bhahendelela ajende/abhale. ³⁷Lakini ngeshele ibhengo sagalyahepile pihema lya khomanile, abhantu sagabhahendelele abhale. Bhasagele hadi palyahepile ibhengo. ³⁸Kwa kuwa ibhengo lya Yahweh lyahali pamwanya pihema lyakhomanile pasanya, no mwoto gwakwe gwahali pamwanya yakwe nusiku, pawelele hwa bhantu bhonti bhahu Israeli eshipindi shonti shabhajendaga mwidala lyabho.

¹Ega maizwi ambago uMusa agayanjile hu Israeli wonti whisyela yi jangwa li Yordani, hu tambalale yi soho li Yordani pamwanya ya Suph, pakasi mwi Paran, Topheli, Laban, Hazeroth, na Di Zahab. ²Ni safwali yi nsiku kumi na moja afume Horabu ashilile mwidala lya mwigamba li Seir abhale hu Kadeshi Barnea.³Yafumiye mumwaha gwa nne, mu mwezi gwa kumi na moja, isiku lya kwanza li mwezi, uMusa ayanjile hu bhantu bhi Israeli, ahubhawozye gonti gala uYahwe abhawozyezye ahubhahusu abhene. ⁴Ene yali baada yu Yahwe ahuvamile uSihoni umwene wi Amoria, uwene akheye oho hu Heshboni, nu Ogi omwenne wi Bashani, uwene akheye oho hu Ashtarothi yi Edrei.⁵Whisyela yi Yordani, whense yi Moabu, uMusa ahandile atangazye amaelekezo ego, ayanga, ⁶"U Yahwe Ungulubhe uwetu ayanjile nate oho hu Horebu, ayanga, ukheye vyatosye whigamba li nse ene.⁷Geuha na uyande isafari yaho, ubhale hunse yi magamba gi Amorites, hu mazwi gonti pepe ni tambalale yi soho Yordani, honse yi magamba ni nyanda zya pansi oho hu Negev, na hu mpwani - ense yi Bhakanani no ho hu Lebanoni uhutali yi soho igosi li Euphratesi. ⁸Enya, intejile ense whajili yaho, bhalaga mukasi na utabhale ense yi uYahwe alapile wha baba bhaho, Ublamu, uYisaka nu Yakobo, ahubhapele impapo yawo baada yawo.⁹Nayanjile nawe hu wakati owo, nayanga, sigiwezya ahwosye ne mwene, ¹⁰U Yahwe Ungulubhe waho azidisizye, na enya, ilelo huli umati winzoto humwanya. ¹¹U Yahwe awezya, Ungulubhe wa baba bhaho, ahuwombe awe mara ielfu yeka hani shuli, na husaye, hansi shasobhezezye!¹²Ila iwezehana ane ne mwene awosye indunduma zyaho, amazigo gaho, na matatizo gaho? ¹³Ega abhalume bhihekima, abhalume bhabhamenye, naalume bhabhali shinza afume hu kila kabela, nahubhawomba abhe matwe pamwanya yenyu. ¹⁴Mwanjibule na yanje, 'Ijambo lyawaliyanjile linza hulite awombe.'¹⁵Whesho nahejile amatwe vimakabela genyu, ujemedari hu elfu, ujemedari hu hamsini ujemedari na amaakida, ikabela ni kabela. ¹⁶Nabhamulisizye atanjizi bhenyu hu muda ogo, ayanje, 'Tejelezia ababisanyo hwa holo bhenyu, na mulonje hu haki kati yuholo nu holo wakwe, nujenu peka nawo.¹⁷Sagamubhalolesye upendeleo whawowonti pakasi yi tatizo, mubhahevwe amadodo na magosi tena. Sagamubhahogope isheni ya muntu, afwatanaje ulongwe lwa Ngulubhe. Amatatizo gagali makhome hu mwenyu, mzahundetele ane, nane imbahugatejelezye. ¹⁸Nabhawozezye hu wakati owo mamambo gonti gamubhahugawombe.¹⁹Tasafilile afume hu Horebu na bhale ashilile hu jangwa lila igosi lyonti na lyahogofwe lila lyamwalilolile, mwidala lyetu abhale hunse yi magamba oho hu Amorites, hansi uYahwe Ungolobe wetu shatiwozezye ate, na tenza hu Kadeshi yi Barnea.²⁰Nabhawozezye, mwenzele hunsi yi magamba yi Amorites, ambayo uYahwe Ungulubhe wetu atipiye ate. ²¹Enya, uYahwe Ungulubhe wenyu abheshele ense whilongolela lyenyu; bhala pamwanya, utabhaale, hansi uYahwe, Ungulubhe wa baba bhenyu, ayanjile namwe, mungajiahogope wala akate itama.²²Kila weka wenyu nkawenza huline na yanje, 'Basi titume abhantu whilongolela lyetu, ili aje bhayipelelezye ense kwa ajili yetu, na hutiletele ate izwi ahusilane ni dala lya whitivamile, na husilane ni khaya yatibhawhinjile. ²³Ishauri elyo lyansayile ane, 'Nahejile abhantu kumi na bhabhele afume hu mwenyu, nu muntu weka whikila kabela. ²⁴Bhageushe na bhale pamwanya yense yi magamba, afishe whibonde li Eshcol na wombe uwupelelezi wa mukasi.²⁵Bhahejile vimo iviyawo viardhi munyobhe zyawo nale humwetu, Natena bhaletile izwi na yanje, 'Anse nyinza uYahwe Ungulubhe wetu atipiye ate'²⁶Bado mwakhanille ashambulile, lila mwasaliti le indajizyo zya Yahwe aUngulubhe wenyu. ²⁷Mwalalamishe muvyegu vyenyu na yanje, "Hu sababu uYahwe ativitilwe ate afwatanaje atefwizye hunse yi Misri, hutebheshe hunyobhe zya Amorites hutiteketezye. ²⁸Tibhale whi eshi? Aholo bhetu bhawombile amoyo getu ayeyushe, nayanje, Ewo abhantu bhagosi na bhatali ashile ate, ikhaya zyawo ngosi na ziimalishiwilwe ale humwanya; ashile gonti, tibhalolile abhana bha Anakim oho"²⁹Tena nayanga anawo, mungaji atisiwe wala ahogope. ³⁰U Yahwe Ungulubhe wenyu, wabhala whilongolela lyenyu anzahubhapiganile hansi gonti gagawombile kwa ajili yenyu oho hu Misri whilongolela yimaso genyu, ³¹na tena mwijanga, munolile uYahwe Ungulubhe wenyu hansi shabhawosezye hansi umuntu shawosya abhana bhakwe honti honti whamwabhalile hadi afishe epa.'³²Bado yi zwi ili sagamwamweteshe uYahwe Ungulubhe wenyu, ³³wabhalile whilongolela whidala awhanza ise hemu kwa ajili yenyu abheshe ikambe, nu moto nusiku, na mabhengo hushasenya.³⁴U Yahwe ahevwezye isauti yimazyi ginyu na vitwe alapile na yanje, ³⁵Ihakika nomo we bhantu ebha bhishipapo eshi ishibhibhi wanzalole ense inyinza yanabhalapiye ahubhapele ababu bhawo, ³⁶ila uKalebu umwana wa Jephuneeh; umwene anzahuyilole. Uwene inzahupele ense yayekhenye tayali na bhanabhakwe, hu sababu afwatile uYahwe hu ukamilifu.'³⁷Tena uYahwe avwitililwe ane hu sababbu yenyu, ayanje, 'Awe nawe sagwayihwinjila oho, ³⁸U Yoshua umwana wa Nuh, wayemeleye whilongolela lyaho, uwene ayihinjila, pele umwoyo, uwene ayihubhalongozya Israeli ahuyitabale.³⁹Ashi le zyonti abhana bhenyu abhadodo, bhawayanjile bhayibha bhayibhabha asilika, ambao ilelo sagabhali ni elimu yi winza au ubhibhi-bhayibhala mukasi omo. Abhene nayihupela ense eyo, na bhayihuyimiliki. ⁴⁰Ila amwe, geushi nawhandde isafari yabhale whijangwa wha ambaye idal ali dimi igosi limalanzi'.⁴¹Tena mwanjibule nayanje huline, 'Tiwombile imbibhi wha Yahwe, tinzabhale humwanya na khomane, tinzafate gonti ga Yahwe Ungulubhe wetu gatiwozezye ate awombe'. Kila umuntu mwikundi lyenyu abheshele isilaha yilogo, na mwali tayali avamile ense yi magamba. ⁴²U Yahwe ayanjile nane, 'Bhawozye, musavamile nalwe, afwataje sigimbabhe pamoja namwe, na mubhamenwe na abhibhi bhenyu'.⁴³Nayanjile namwe whidala eli, ila sagamwantejelezezye mwa asile indajizyo zya Yahwe, mwali bhingosi na mwavamiye ense yi magamba. ⁴⁴Lakini Amorites bhabhakheye hunse eyo yi magamba bhafumile na hubhadigizye hansi inzoshi, na hubhakhome pansi oho hu Seir, utali hansi hu Hormah.⁴⁵Mwawelile na lile whilongolela lya Yahwe; ila uYahwe sagatejelezezye isauti zyenyu, wala saga ahali makini hu mwenyu. ⁴⁶Kwa hiyo mwasyalile hu Kadeshi insiku nyinji, insiku zyonti mwasyalile oho.

¹Tena tageushe na whande isafari awhelekele whijangwa whidala lidimi Igosi li Malanzi, hansi uYahwe shayanjile nane, tabhalile azyongole igamba li Seir hu nsiku nyinji. ²U Yahwe ayanjile nane, ayanje, ³Mulizyongulele igamba eli humuda untali; geushi hu kaskazini.⁴Bhawozye abhantu, ayanje, "Mubhashile ashilile mumpaho wa holo bhenyu, abhimpapo ya Esau, bhakhala hu Seir; mubhahuwogope amwe. Whesho mubhe makini ⁵musahakhomane anawo afwatanaje sigimbahubhapele ense yoyonti iyawo, ndadi, navimo hata vyatoshelezye ulwayo lwinama akhanye, afwatanaje impiye uEsau igamba li Seir hansi imiliki.⁶Mubhakale ishalye afume humwawo huhela, aje muwezye alye, tena mubhakale amenze afume humwawo huhela, ili muwezye amwele. Afwatanaje ⁷U Yahwe Ungulubhe wenyu abhasayile hu mbombo zinyobhe zyenyu, amenye ajende whenyu ashilile ijangwa eli igosi. Whega amaha arobaini uYahwe Ungulubhe wenyu ali pamoja namwe, nasaga mupongoshewelwe hohonti.⁸Basi tashilile papepe na holo bhetu, abhapapwe bha Esau, bhabhakhala hu Seir, hutali ni mbarambara yi Arabah, afume Elathi, na fume hu Ezion Geber. Na tageushe na shile papepe mjangwa li Moabu.U Yahwe ambozezye ane,'Usayiyanzye iMoabu, na usahalwe anawo ivita. Afwatanaje sigimbahupela ense yakwe abhe miliki yaho, hu sababu imbapiye Ar abhapapwe bha Lot, abhe miliki yawo'.¹⁰(Epo pa mwanzo bhakheye Waemi, abhantu hansi agosi, bhinji, na bhatali hansi Awaanaki; ¹¹ebha nape bhasebhelelwa abhe Rephaimu, hansi Awaanaki, ila Awamoabu bhahubhakwizya Awaemi.¹²Awahori nape bhakheye epa mwanzo pa Seir, ila abhapapwe bha Esau bhabhafwatile. Bhabhananganyenye afume whilongolela lyawo na khane pakasi yi sehemu yao, hansi Iisraeli shayawombile hanse yatabhale whakwe yu Yahwe abhapiye.)¹³"Eshi woha na ubhale whihasoho hi Zaredi". Whesho tabhalile whihasoho hi Zaredi. ¹⁴Eshi afume isiku lyatahenzele afume hu Kadeshi hu Barnea hadi tafwemela asoho hi Zaredi, gali amaha thelathini na ganne. Yali huwakati owo ishizazi shonti shabhantu bhabhafaile akhomane bhali bhamalishe asogole whabhantu, hansi uYahwe shalapile hu mwawo. ¹⁵Ashile gonti, inyobhe ya Yahwe yali shinyume ni shipapo esho ili awezye hubhateketezye afume hu bhantu hadi lwabhasogoye.¹⁶Basi yafumiye, uwakati abhantu wonti bhabhafayile akhomane, bhali bhafwiye, na whepe pakasi ya bhantu, ¹⁷aje uYahwe ayanjile nane, ayanje, ¹⁸Ilelo mubhafwemele Ar, impaho yi Moabu. ¹⁹Uwakati lwamubhafishe pepe nu mukabala wa bhantu wa Ammoni, musabhayanzye au akhomane nawo, afwatanaje sigainzahubhapele ense yoyonti ya bhantu bhi Ammoni hansi imiliki, hu sababu imbapiye uwupapo wa Lutu hansi imiliki".²⁰(Esho natena yasebhelelwe aje ense yi Rephaimu. Warephaimu bhakheye epo lwawhande-lakini Abhammonites bhahubhakwizya Zamzummim, ²¹abhantu hansi abhagosi, abhinji, na bhatali hansi Anakim. Ila uYahwe abhananganyenye hwilongolela lya Wammonites na bhabhafatile na khale huma eneo gawo. ²²U Yahwe ono tena awombile hu bhantu bha Esau bhabhakhala hu Seir, hu wakati lwabhateketezezye Wahori afume whilongolela lyawanibhompapo bha Esau bhabhafwatile na khale hu maenewo gawo hadi ilelo.²³Na Waavi, bhabhakheye muvijiji vya hutali ni Gaza, Wakaftori, bhabhafumiye ni Kaftori, bhabhateketezezye na khale pa maenewo gawo.)²⁴Eshi imelela, bhala whidala lyaho naufwemele ibonde li Arnoni, enya, ipiye munyobhe yaho iSihoni li Amorite, umwenne wi Heshboni, nense yakwe. Anda amiliki na khomane nawo uwite. ²⁵Ilelo imbawhande abheshe uwoga ni hofu yenyu wha bhantu ambawo bhali pansi yimwanya lyonti, bhanzawhevwe inongwa ahusu amwe na bhanzatetemeshe na bhe ni shida hu sababu yenyu'.²⁶Natumile ajumbe afume whijangwa li Kedemothi ahelekele hu Sihoni, umwenne wi Heshbon, pamoja na mazyi gitenganu, ayanje, ²⁷Hebu mpele panse yaho; imbashile mu mbarambara ingosi, sigimbageushe hunyobhe endelo wala yahu kushoto.²⁸Mubhahu nkazizye ane ishalye hu mpeya, ili aje imbwezye alye, mpele amenze hu mpeya, ili aje imbwezye amwele, nemwe ni nduhusu inshile hu manama gane, ²⁹hansi abhapapwe bha Esau bhabhakhala hu Seir, na hu Moabu bhabhakhala hu Ari, bhawombile huline, hadi ifwemele hu Yordani mkasi yense yi Yahwe Ungulubhe wetu ahutipela ate'.³⁰Ila uSihom, umwenne wi Heshbon, sagayenzaga awezye hutiruhusu ashile hu kwakwe; afwatanaje uYahwe Ungulubhe wenyu ayibheshele home injele yakwe na wombe umoyo gwakwe ahe hwinsyosi ili aje awezye humene hu ngovo zyakwe ambavyo amalezezye awombe ilelo. ³¹U Yahwe ayanjile huline, "enya, Iinandile humokole uSihon nense yakwe whilongolela lyaho; awhande hutitabhale, ili ikusudi muwezye atabhale ense yakwe.³²Tena iSihoni ahenzele zidi yetu, umwene na bhantu wonti abhakwe, akhomane oho hu Jahazi. ³³U Yahwe Ungulubhe wetu amwefwizye hu mwetu natashindile, takhomile hadi afwe, abhana bhakwe na bhantu bhakwe.³⁴Tahejile ikhaya zyakwe zyonti hu wakati owo nananganye kabisa kila khaya- abhalume na abhashe na bhana adodo; sagataleshile waponele. ³⁵Ing'ombe zyene tahejile hansi amateka hu kwajili yetu hantu heka na mateka gi khaya gatahejile.³⁶Afume hu Aroer, yili huu kingo wi bonde li Arnon, na afume hu khaya yili whibondeni, yonti whidala lyabhalile whi Galeadi, sagapali ni khaya yayali ntali hu mwetu. U Yahwe Ungolobhe wetu atipiye uwushindi humaaduwi bhetu whilongolela lyetu. ³⁷Yali anse ya papwe bha Ammoni mwene yagamwahinjiye, pamoja ni sehemu zyonti zisoho Jabboki, ni khaya zyense yi magamba- poponti pala uYahwe Ungulubhe wetu atikhanile ate abhale.

¹Tena tageushe na bhale idala lya pamwanya hu Bashani. U Ogi, umwenne wa Bashani, ahenzele na hutivamile, umwene na bhantu bhakwe wonti, akhomane oho hu Edrei. ²U Yahwe ambozezye ane, "Usamogope; afwatanaje ipiye uwushindi na imbeshele abhantu bhakwe nense yakwe pansi yiwutawala waho. Ubhahumombe hansi shawamombile uSihoni, umwenne wi Amorites, wakheye hu Heshbon.³Whesho uYahwe Ungulubhe wetu tena atipiye uwushindi dhidi yi Ogi umwenne wa Bashani, na bhantu bhakwe wonti bhabheshewelwe pansi yiwutabhala wetu. Na takhomile hadi afwe na nomo wowonti wa bhantu bhakwe bhabhasyalile. ⁴Tahejile ikhaya zyakwe zyonti hu sala ezyo; sagapali ikhaya hata yeka yasagatahejele afume hu mwawo: ikhaya sitini amikowa gi Argobi gonti, uwumwenne wa Ogi Bashani.⁵Ezi zyali khaya zyazyali imala ni mbomba intali, amalyango, nivyazijile, ene yali aleshe ivijiji ivinji hani vyali sagavili ni mbomba. ⁶Tavinanganyenye kabisa, hansi shatawombile wha Sihoni umwenne wi Heshbon, kabila tateketezezye kila khaya- abhalume na bhashe na abhana abhadodo. ⁷Ila ing'ombe zyonti na bhabhatekwilwe bhikhaya, tabhejile hansi abhatekwe bhetu.⁸Hu wakati owo tahejile ense afume hu nyobhe zya amwenne bhabhele bhi Amorites, bhabhali whisyela lya bhele yi Yordani, afume whibonde lya Arnon abhale whigamba lya Hermoni, ⁹(Igamba li Hermoni, bha Wasidonia bhakwizya Sirioni, na abha Wamorites bhakwizya Seniri) ¹⁰ni khaya zyonti zitambalale, zyonti zi Gileadi na zyonti zi Bashani ashile idala lyonti li Salekah na Edrei, ikhaya ya mwenne wi Ogi oho hu Bashani".¹¹(Gagasageye gi Refaimu, umwenne Ogi mwene wi Bashani ali aswalile. Enya! Ishitala shakwe shali shichuma. Nomo oho uRabbah, ambaho abhapapwe bha Ammoni bhakheye? Shali ishipimo tisa utali ni shipimo zenne upana, elyo idala bhatumiye abhantu apime.)¹²Eli ienewo lyatahejile hulitabhale huwakati afume hu Aroer, aje whibonde li Arnon, ni nusu yense yi gamba li Gileadi, ni khaya yakwe-Napiye uReubenites na wha Gadites. ¹³Bhabhasyalile bhi Gileadi ni Bashani yonti, umwenne wa Ogi, Nabhapiye nusu ikabela li Manasseh: hu wonti bhi Argob, ni Bashani yonti. (Ienewo elyo ihetwa anse yi Refaim)¹⁴Jair, upapwe wa Manasseh, ahejile umukowa gonti gwi Argob, ahelekele mumpaho yi Geshnuties na bhi Maacathites. Akwizizye umukowa aje Bashani whitawa lyakwe, Havvothi Jair, paka ilelo.)¹⁵Napiye Gileadi hu Machir. ¹⁶Hu Reubenites na hu Gadites nahefwezye ienewo afume hu Gileadi awhelekele whibonde li Arnon- pakasi mwibonde na mumpaho mwienewo na whelekele mwisoho li Jabbok, lilipahene bhapapwe bha Ammoni.¹⁷Lweka lwimpaho izyamwao natena lwitambalale yi bonde lisoho li Yordani, afume Chinnerethi awhelekele whidimi igosi yi Arabah(ambago lidimi igosi yi Bheya) ahweleshele amitelemuko gigamba li Pisgah hu mashaliki.¹⁸Nawozezye awe huwakati owo, ayanje, uYahwe Ungolobhe waho apiye ense ene atabhale, awe abhalume wonti bhiwo, bhanzashile lwabhali ni silaha whilongolela ya holo bhaho, abhantu bhi Israeli.¹⁹Lakini abhashe bhenyu, na bhana bhenyu ni ng'ombe zyenyu (emenye aje uli ni ng'ombe nyinji) zyayisyala mizikhaya zyenyu zibhapiye, ²⁰hadi uYahwe abhapele ulotoyo aholo bhenyu, hansi shali hu mwenyu, hadi bhatabhale na tena ense yu Yahwe Ungolobhe wenyu ahubhapela whisyela lya bhele hu Yordani, tena munzageushe, kila muntu wenyu, hu shoma shenyu zimbapiye.²¹Namozezye uYoshua huwakati owo, ayanje, 'Amaso genyu galolile gonti gala uYahwe Ungulubhe wenyu gawombile whebha abhamwenne bhabhele; U Yahwe abhawombe esho whumwenne zyonti honti whamunzabhale. ²²Sagamunzahuwogope, afwatanaje uYahwe Ungulubhe wenyu yoyo hubhakhomanile.'²³Nanabhile uYahwe huwakati huwo, ayanje, ²⁴'Gosi Yahwe, uyandile hunolesye uboyi waho uwugosi waho ni nyobhe yaho gwi hodari; afwatanaje yunanu Ungulubhe waliho hu mwanya au panse wewezye wombe imbombo zizila hansi shiwombile na matendo gagala amagosi? ²⁵Amba imbale humwanya, Ihulabha, indole ense inyinza yili isyela lya bhele li Yordani, ela ense inyinza yi gamba, na tena iLebanoni.²⁶Ila uYahwe ali avwitililwe ane hu sababu yenyu sagaantejelezezye ane. U Yahwe ayanjile huline, "Amba eli libhe lyatosye huliwe usayanje hani nantena huline ahusu ijambo eli. ²⁷bhala humwanya yishilele shi Pisgah n uyinule amaso gaho hu magharibi, hu mashariki; enya humaso gaho afwatanaje sugunzabhale zaidi yi Yordani.²⁸Hu badala yakwe, mwelekezye uYoshua na hupele umoyo na humwimalisye, afwatanaje anzabhale hani whilongolela ya bhantu, na anzasababisye ahuyitabhale ense yamunzahuyilole. ²⁹Whesho tasyalile whibonde mkabala mwi Beth Peor.

¹Eshi, Israeli, tejelezya indajizyo ni amuri yindi karibu hufundezye huzi wombe, ili aje vwezye akhale na whinjile mkasi na miliki ense ya Yahwe, Ungulubhe wa baba bhaho ahupela. ²Sagabhahonjezye amazu gihuwozya, wala sugubhahugapongozye ili aje uwezye akhate indajizyo zya Yahwe Ungulubhe waho zinzabhate huwozye.³Amaso gaho halolilenshi uYahwe awombile hu sababu ya Baal Peor, afwatanaje abhantu wonti bhafwatile Baali Peor, uYahwe Ungulubhe wenyu abhateketezezye afume mwikundi lyenyu. ⁴Lakini bhakhatene nu Yahwe Ungulubhe wenyu bhali womi ilelo, kila uweka wenyu.⁵Enya, imbafundizizye indajizyo ni amri hansi uYahwe Ungulubhe wane shambozezye ane, ila aje muwombe esho pakasi yense yamuhuyibhalila ili muyitabhale. ⁶Whesho bhalemeleli na hubhawombe, afwatanaje eli ni hekima yenyu nu manye wenyu whilongolela li maso ga bhantu bhabhanzawhevwe indajizyo ezi zyonti na yanje, "Lyoli itaifa eli igosi lili na bhantu bhi hekima nu welewaa.'⁷Huli taifa wele ilya mwawo li shila lilililyepo lili ne ngovu pepe nawo, hansi uYahwe Ungulubhe wetu lwatiwhikwizya umuda gogonti? ⁸Huli itaifa wele ilya mwawo igosi lileho epo lili ni ndajizyo ni amri ili aje ihaki pamoja ni ndajizyo ambayo ebheha whilongolela lyenyu ilelo?⁹Zingatizya wa mwene nabhe makini ahuyilinde, ili usahewe mamba ambago amaso gaho galolile, ili aje gasauleshe umoyo gwaho hu nsiku zyonti zi khalo gwaho. Badala yakwe, gawombe gaulihane hubhana bhaho na hubhana bhabhana bhaho. ¹⁰Ahusu isiku lila lyawahemeleye whilongolela lya Yahwe Ungolobhe waho hu Horebu, uwakati uYahwe ayanjile nane, 'Mbonganizizye abhantu, na imbahubhawombe bhevwe amazu gane, ili aje bhawezye amanyile ahunogope ane insiku zyonti ambazyo zyabhakhala panse, na je bhawezye ahubhamanyizye abhana bhawo.¹¹Mwahenzele mapepe na whemelele munyayo zigamba. Igamba lyahanshile umoto mumoyo wahu mwanya, pamoja na gisi, amabhengo nahisi ahanyela. ¹²U Yahwe ayanjile pakasi yi moto, wahevwezye isauti pamoja na azigakwe ila sagalolile iwumbo, ila wahevwezye yi sauti yene.¹³Atangazezye hu mwenyu iagano lyakwe lyabhawozezye amwe huliwombe, iamuri kumi. Azyandishe muvimbawo vibhele vi mawe. ¹⁴U Yahwe ambozezye ane huwakati owo hubhafundizye indajizyo ni amuri, ili aje muwezye huziwombe monse mumuhuyifwe mela abhale huyimiliki.¹⁵Eshi bhanji bhaangalifu amwe mwemwe afwatanaje mwalolile nemo inamuna yiwombo isiku elyo ambapo uYahwe ayanjile namwe oho Horeb afume pakasi yi moto, ¹⁶ili aje usananjishe na chonje iwumbo yi sula yishiumbe shoshonti, iumbo lya nume au umuntu wesheshe, ¹⁷au isheni shi hanu wali monse, isheni yinyonyi yoyonti yi mapiho yipuluha hu mwanya, au ¹⁸isheni shihantu shoshonti shishiwhavula pansi, au isheni yeswe yoyonti mumenze pansi yense.¹⁹Sagaubhahinule amaso gaho humwanya na whenye isenya, umwezi, au inzota - ijeshi lyonti lya humwanya lisojela na whabudu na hwinamile- vila vyonti vi Yahwe Ungulubhe wenyu abhapiye ihisa abhantu wonti bhali pansi yi mwanya lyonti. ²⁰Lakini uYahwe abhefwizye amwe na hubhaleta honze yi tanuli lichuma, hunze yi Misri, abhe hukwakwe abhantu bhi ulithi wakwe hansi shamuleho ilelo.²¹U Yahwe avitililwe ane hu sababu yenyu; alapile aje insahabhale whisyela yi Yordani, lakini na je insahabhale honse inyinza, nense yili uYahwe Ungolobhe wenyu ahubhapela amwe hansi ulithi. ²²Badala yakwe iwhanziwa aifwe hunse ene, sigihanziwa abhale whisyela li Yordani, ila munzabhale whisyela na miliki ense inyinza²³Simisizi mwemwe, ili aje musahewe iagano lya Yahwe Ungulubhe wenyu lyaliwombile pamoja namwe, nahujichonjele ishifwani shi sanamu whiumbo li hantu hohonti ambaho uYahwe Ungulubhe wenyu abhakhanile awombe. ²⁴Afwatanaje uYahwe Ungulubhe wenyu motu gugulya, Ungulubhe wikelo.²⁵Hu muda gwampapa abhana na bhana, nu muda gwa mwayibha hune hu muda untali, na hansi mwayinanjishiwa mwemwe na chonje iwomba liumbo lyolyonti, nawombe imbibhi pamaso ga Yahwe Ungulubhe wenyu, husonzye inkuni- ²⁶Imbakwizye ense ni mwanya ashuhudile hu mwenyu ilelo afatanaje mapama kabisa mubhateketele afume hunse yamuhuyibhalila oho whisyela li Yordani huyimiliki, sagamwayizidisya insiku zyenyu mkasi yakwe, ila mwayiteketezwa kabisa.²⁷U Yahwe ayihubhasambazya amwe mumyongoni mwa bhantu, na mwayisyala bhashe mwiyidala mumyongoni mumataifa ambapo uYahwe ayihubhalongozya uhutali. ²⁸Oho mwayitumishila aminglobhe aganje, imbombo yi nyobhe zya bhantu, imbawo na mawe, gasagagalola, awhevwe wala anunswe.²⁹Ila aishandile epo mwayihumwanza uYahwe Ungulubhe wenyu, na mwayihumwanza hu moyo gwenyu gonti na huroho zyenyu zyonti.³⁰Huwakati mubha humayemba, nu wakati ega gonti gayibha genzele hu mwenyu, hu nsiku zipamande mwayihumwelela uUYahwe Ungulubhe wenyu na whevwe isauti yakwe. ³¹Afwatanaje uYahwe Ungulubhe wenyu yu Ngulubhe wi nkombo; sagayigubhagwisya wala hubhateketezye amwe, wala ahewe iagano lya baba bhenyu lyalapile huwamwo.³²Kwa ajili ya wozelezye isalezi ahusu insiku zyazyashilile zyazyali whilongolela yenyu: fume isiku lila li Ungolobhe awombele umuntu panse, afume huwupande weka yense hadi iyenje wozelezya nkesho sheleho shoshonti hansi eshi ishigosi, au shoshonti hansi esho shiwahile ahevweshe? ³³Yawahile afumile abhantu awhevwe isauti ya Ngolobhe ayanje pakasi yi moti, hansi shamwahevwezye, na khale?³⁴Au Ungulubhe awahile ajalibu abhale na huhejele kwa ajili yakwe itaifa afume mumiongni mwitaifa whajezye, huishala an mayele nahuvita, ni nyobhe ye ngovu ni nyobhe yi golloshewelwe na magaidi abhagosi, vila vyonti vivili uYahwe Ungulubhe wenyu awombile kwa ajili yenyu Misri whilongolela li maso genyu?³⁵Hu mwenyu ega galolesewelwe ili muwezye amanye aje uYahwe yu Ngolobhe naje nomo uwamwawo zaidi yakwe. ³⁶Afume humwanya awombile mwevwe isauti yakwe, ili aje awezye hubhaelekezye, pamwanya yense, abhawombile mulole umoto gwakwe ugosi, mwahevwezye amazwi gakwe, afume pakasi yi moto.³⁷Hu sababu abhaganile ababa bhenyu asaluye apape bhawo badala yawo, na hubhefwe amwe hu Msiri hu nkongu yakwe hu nguvu yakwe ingosi, ³⁸ili ikusudi abhefwe afume whilongolela li mataifa amagosi na ge ngovu ashile amwe, hubhalete mukasi, hubhapele amwe ense yawo hansi uwurithi, eshi ilelo.³⁹Tambula eshi ilelo, bheha mumoyo gwaho, uYahwe yu Ngolobhe pamwanya yi mwanya na pansi yi duniya, nomo uwa mwawo wowonti. ⁴⁰Mubhahuzileme indajizyo zyakwe ni iamri zyakwe zihumbawozya ilelo, ili aje na bhenyu baada yenyu, naje muwezye ahonjezye insiku zyenyu hunse yu Yahwe Ongulubhe wenyu abhapiye wila."⁴¹Tena uMusa asaluye ikhaya zitatu mtukulilo mwi Yordani, ⁴²ili aje wowonti awezye ashembele kati ya weka wawo hansi ingojile umuntu awamwawo kwa ajili, bila abhe nua aduwi epo pamwanzo. Whashembelele whikhaya yeka ene, ayibha anusulishe. ⁴³Bhali: Bezeri mwihangwa, ense itambalale, hu Warubenites; Ranothi oho hu Gileadi, hu Gadites; na Golani oho hu Bashani, hu Manassites.⁴⁴Ene ndajizyo ya Musa ambayo uMusa abheshele whilongolela lya bhantu bhi Israeli, ⁴⁵ezi ndajizyo zi agano ni ndajizyo na amuri izya mwawo ayanjile na bhantu bhi Israeli huwakati lwabhafumie hu Misri, ⁴⁶hu muda gwabhahali hutukulilo mwi Yordani, whibonde mu kabala wi Beth Peori, hunse yi Sihoni, umwenne wi Amorites, wawahile akhale hu Heshbon, wali uMusa na bhantu bhi Israeli bhawahile ahushinde hu wakati lwabhafumile hu Misri.⁴⁷Bhahejile ense yakwe hansi uwurithi, ne nse ya Ogi umwenne wi Bashani- ebha, amwenne bhabhele bhi Amorites, bhali whisyela lya bhele li Yordani ahelekele Hutukulilo. ⁴⁸Ihimaya ene yabhalile afume Aroer, mulubhambalo lwi bonde li Arnon, whigamba li Sion (igamba Hermon), ⁴⁹na ilijumuisha itambalale zyonti zi bonde lisoho Yordani, Hutukulilo mwi syela lya bhele li Yordani, ahelekele idimi igosi li Arabah, ahelekele amiteremuko gigamba Pisgah.

¹U Musa abhakwizizye Israeli wonti na yanje anawo, "Tejelezi, Israeli hundajizyo ni sheria zimbayanje humakutu genyu ilelo, muwezye amanyile na huzileme. ²U Yahwe ³Ungolobhe wenyu awombile iagano nate oho hu Horeb. U Yahwe sagaawombile iagano eli pamoja na babu bhetu, ila nate, ete wonti tili womi epa ilelo.⁴U Yahwe ayanjile nawe maso kwa maso whigamba afume pakasi yi moto ⁵(Nahemeleye pa Yahwe nawe hu muda owo, ahukwinkulile awe izwu lyakwe agwatanaje wali ugogope hu sababbu yi moto, nasagawabhalile pamwanya yigamba), uYahwe ayanjile, ⁶'Ane ni Yahweh Ungolobhe waho, ifumizye hunse yi Misri, afume hu nyumba yiwuboyi.⁷Sagawayibha na mangolobhe agamwawo wilongolela lyane. ⁸Sagawayihuyiwombela wa mwene ishifani ya chunje wala umfano wo shintu shoshonti shishili pamwanya yi mwanya, au shishili pansi yi dunia, au shishili pansi yi menze.⁹Sagawayihuvisujudila au huvitumishile, afwanaje ane, Yahwe Ungolobhe waho indi ne Ngolobhe wi kelo, ihumbaadhibu ubhibhi wa mababu, whalete iadhabu pamwanya ya bhana, hushipapo shatatu ni shanne shabhala bhabhahumvitwa, ¹⁰na lolesye iagano liuamanifu humaelfu, whabhala bhabhahungana na huzileme indajizyo zyane.¹¹Sagawahega itawa lya Yahwe Ungolobhe waho wene, aafatanaje uYahwe sagayihunemelela aje ali ni hatia uwene wa whega itawa wene.¹²Zingatizya isiku li Sabato whahuyibheshe finjilwe, hansi uYahwe Ungolobhe waho shawozezye. ¹³Hu nsiku sita wayiwomba imbombo na womba imbombo zyaho zyonti, ¹⁴lakini isiku lya saba Sabato wha Yahwe Ungulubhe waho. Whi siku elyo sagawayiwomba imbombo yoyonti saga wewe, wala umwana waho, wal annendo waho wala uboyi waho wishilume wala imasayi zyaho, wala indogobhi zyaho, wala amifugo gaho, wala ujenu wowonti wali panylango gwaho. Ene huje uboyi waho wishilume nu boyi waho weshashe bhapate atezye pamoja nawe.¹⁵Wayikomboha hunjele yaho aje wali boyi hunse yi Misri, nu Yahwe Ungulubhe waho awhefwizye afume oho hunyobhe nu uwezo ni nyobhe ye goloshe. Whasho uYahwe Ungolobhe waho awozezye ahuyitunze insiku yi Sabato.¹⁶Umweshimu ubaba waho nu maye waho, hansi uYahwe Ungolobhe waho shawozezye awombe, ili aje uwezye akhale umuda untali hunse oYahwe Ungolobhe waho apiye, ili aje ibhale huwinza whaho.¹⁷Sagawayigoga, ¹⁸sagawayifanya umalaya, ¹⁹sagawayihibha, ²⁰sagawayishuhudila ilenga whaholo bhaho.²¹Sagawaihunyonywa oshe wa jirani waho, sagawayinyonywa inyumba ya jirani waho, ugonda gwakwe, au uboyi wakwe wishilume, au uboyi wakwe wesheshe, imasayi au indogobhi zyakwe, au shoshonti shishi shoma sha jirani waho.Ega amazu uYahwe ayanjile hu sauti ingosi hompoga yahu yonti whigamba afume pakasi yi moto, amabhengo, inkisi imwamu, sagahonjezezye amazu gogonti hani. Na asimbile pansi mumbawo zebhele zi mawe na ampela ane.²³Lwayasojela, lwawevwa isauti afume pakasi pahisi, wakati igamba li whaha umoto, aje mwahenzele pepe nane, abhazehe bhaho wonti, na agosi bhi makabela gaho. ²⁴Wayanjile, Enya, uYahwe Ungolobhe wetu atilolesezye utuntumu wakwe nu ugosi wakwe, na tevwezye isauti yakwe afume pakatikati yi moto, tilolile ilelo aje uwakati Ungolobhe ayanga na bhantu, bhawezya akhale.²⁵Lakini yenu tifwe? Afwatanaje isoho eli igosi linzahutitoshelezye ate, nkesho tinzahevwe isauti ya Yahwe Ungolobhe wetu na tena, tinzafwe. ²⁶Afwatanaje badala yetu huli mumiongoni mwetu bhabhele bhabhewvezye isauti ya Ngolobhe wali momi lwayanga afume pakasi yo moto na khale, hansi shatiwombile? ²⁷Hu mwenyu amwe, mhanziwa abhale na tejelezye kila hantu ha Yahwe Ungolobhe wetu ayanga; welela hu mwetu kila hantu ambaho uYahwe Ungolobhe wetu ayanjile hu mwenyu; tinzahutejelezye nahumweteshe.'²⁸U Yahweh ahevwezye amazu genyu pindi iwamwayangaga nane. Ayanjile nane, "Enevwezye amazu ga bhantu ebha, shila shabhayanga whaho. Shila shabhayanjile shali shinza. ²⁹Oho, whali nu moyo wi namba eyo mukasi mwao, aje bhayiheneshimu wila aleme indajizyo zyane zyonti, ili izye abhe shinza humwawo na pamoja na bhana bhawo wila! ³⁰Bhala uyanje nawo, "Weli hu shegu."³¹Lakini hu mwenyu, emelela pepe nane, naimbahuwozye indajizyo zyonti, indajizyo nindajizyo ambazyo mubhahubhamanyizye, ili aje bhawezye ahugaleme monse yihumbapela ahuyimiliki.'³²Unzaleme, wheyo, shila uYahwe Unglobhe wenyu abhalajizizye; sagamubhageushile inyobhe ya hundelo au humongo. ³³Mubhajende mumadala gonti ga Yahwe Unglobhe wenyu, abhawozezye ili ikusudi muwezye akhale, na ili aje iwezye abhale shinza hu mwenyu, na aje muwezye ahonjezye insiku zyenyu monse yamubhamiliki.

¹Eshi ega ndajizyo, ni amri ni ndajizyo zya Yahwe Ungolobhe wetu ambozezye ane ahubhamanyizye amwe, ili aje muwezye huzileme monse yamubhala whisyela lya bhele li Yordani huyimiliki, ili aje mupate ahumweshimu uYahwe wenyu, ²ili muzileme iamri zyakwe zyonti ni ndajizyo zimbawozezye- amwe, abhana bhenyu na abhana bhahna bhenyu, hu nsiku zyenyu zyonti zikhalo, ili aje insiku zyenyu zyonjeleshe.³Whesho bhatejelezi, Israeli, na huzileme ili aje iwezye abhe nyinza hulimwe, ili ikusudi muwezye azidi hani monse yiwhitiha izibha nu woshi a nu woshi, hansi uYahwe Ungolobhe wa Baba bhenyu, abhasobhezezye abhawombe.⁴Tejelezya, Israeli: U Yahwe Ungulubhe wetu ali weka. ⁵Munzahugane uYahwe Ungolobhe wenyu hu moyo gwenyu gonti, hu roho zyenyu zyonti, na hunjele zyenyu zyonti.⁶Amazu gihumbawozya amwe ilelo ganzabhe humoyo genyu; ⁷na munzahugamanyizye hu bidii hu bhana bhenyu, mwayihugayanga lwamukhala hunyumba zyenyu, hu muda gwamugona, nu wakati lwa muwoha.⁸Unzahuzipinye hansi iishara pamwanya yi nyobhe yaho, nape gayibha uwutepe hu maso gaho. ⁹Wayihuzyadiha hu feremu zi nylango gwinyumba yaho na mumalyango.¹⁰Hu wakati uYahwe Ungulubhe waho ahuleta monse yayilapiye whababa bhaho, uIbrahimu, uIsaka, nu Yakobo, aje ahupela, pamoja ni khaya ingosi ni nyinza yasagawazizenjile, ¹¹ni nyumba zizimemile kila iayina yi vintu ivinza vyasamwaziwombile, visima vyasaga mwabanile, amagonda na makwi gindilolo gasagamwagatotile, mwayilya na tosewe- ¹²basi bhanji makini ili aje musamwewe uYahwe, wabhaletile afume honse yi Misri, afume munyumba yiwo boyi.¹³Mubhahumweshimu uYahwe Ungolobhe wenyu, uwe mwayihumwabudu, na mwayilapa whitawa lyakwe. ¹⁴Sagamwayihugabhalila amingolobhe agamwawo, amingolobhe ga bhantu bhabhahubhazyongola wonti- ¹⁵afwatanaje uYahwe Ungolobhe wenyu pakasi yenyu yu Ngolobhe wi kelo nkesho mwayiwomba, ihasira ya Yahwe Ungolobhe wenyu abhawhansye dhidi yenyu na abhahubhangamizye afume hu maso gi dunia.¹⁶Sagamwayijezya uYahwe Ungolobhe wenyu hansi shamwajezizye oho hu Massah. ¹⁷Hu bidii mwayihugalema amaagizo ga Yahwe Ungolobhe wenyu, amaagizo gakwe makini, ni amri zyabhawozezye.¹⁸Mwayiwomba shila shishili sahihi ni shinza hu maso ga Yahwe, aje ibhe shinza hu mwenyu, naje muwezye hainjile na miliki enbe inyinza ya Yahwe alapile wha baba bhenyu, ¹⁹ahubhefwe abhibhi bhenyu wonti whilongolela lyenyu, hansi uYahwe shayanjile.²⁰Hu wakati umwana waho awozelezya hu wakati wowowhenza, ayanje,"Zihoshi iamri zi agano, indajizyo ni amri zya mwawo zya Yahwe Ungolobhe wetu zyatiwozezye? ²¹Basi wayiyanga wha mwana waho, tali bhaboyi bha Farao oho hu Misri, uYahwe atefwizye hu Misri hu nyobhe nu uwezo, ²²na alolesezye iishara na mayele, amagosi na makhali, hu Misri wha Farao, na hunyumba yakwe yonti, whilongolela li maso genyu, ²³na atefwizye afume oho, ili aje atilete mukasi, hutipele ense ya lapile hwa baba bhetu.²⁴U Yahwe atiwozezye daima ahuzileme iamri ezi, humogope uYahwe Ungolobhe wetu huwinza wetu, ili aje atebheshe womi, hansi shati ilelo. ²⁵Nkesho tibhaleme indajizyo ezi zyonti whilongolela lya Yahwe Ungolobhe wetu hansi shutiwozezye, ene yayibha haki yetu.

¹Hu wakati uYahwe Ungolobhe wenyu atiletile honze ya muhu yibhalila yitabhale na hubhefwe amataifa aminji whilongolela lyenyu- Umhiti, Umgirgashi nu Mwamori, nu Mkanaani, nu Mperizi, Umhivi, Umyebusi- amataifa saba amagosi na gengoro ashile awe.²Nu wakati uYahwe Ungolobhe wenyu ahubhapela amwe uwushindi pamwanya yawo pindi mutangana nawo huwite, munzahubhashambulile, basi muhanziwa hubhateketezye kabisa. Sagamwayiwomba iagano anawo, wala alolesye inkombo humwawo. ³Wala sagamwayipanga indowa zyozyonti pamoja anawo, sagamwayihubhafumya alendo bhenyu whasahala bhawo, na sagamwayihubhega alendo bhawo whasahala bhenyu.⁴Afwatanaje bhayihubhabadilisya asahala bhenyu ahuhane ane ili aje bhawezye aabudu angulubhe bhawo. Whesho inkuni ya Yahwe yayiwhaha hulimwe na ayihubhateketezya haraka. ⁵Esho shesho shamwayibhashugulishila abhene; mwayivunza imadhabahu zyawo, vunza inyoha zyawo zimawe huvituli pnsi incha zi Asherahi, na huzipembe isanamu zya tagwe.⁶Afwatanaje awe ulilitaifa wutengwilwe wha Yahwe Ungolobhe waho. Asaluye awe abhe bhantu kwa ajili yakwe amiliki, hani abhanu abhanje wonti bhabhali bhaho hu maso gi dunia.⁷U Yahwe sagaabheshele ulugano lwakwe pamwanya yenyu au hubhasalule hu sababu mwali hani huidadi ashile abhantu wowonti, afwanaje mwali bhadodo ashile abhantu wonti- ⁸Ila husababu abhagene amwe, awhanza aleme indapo yalapile wha baba bhenyu. Uno yu Yahwe wabhefwizye hunyobhe mwuwezo nahubhagombole afume hu nyumba yiwuboyi, afume hu nyobhe ya Farao, umwenne wi Misri.⁹Whesho tambula yaje uYahwe Ungolobhe waho-yu Ngolobhe, Ungolobhe umwaminifu, watunza amaagano nu waminifuf wi vizazi elfu wha bhala bhabhagene na leme indajizyo zyakwe, ¹⁰ila ahubhalipa bhala bhabhahuvitwa hu vyeni vyawo, ahubha angamizya, sagayibha ne nkombo wha wowonti wahuvitwa, ayihunipa husheni shakwe. ¹¹Whesho wayilema indajizyo, iamri, ni ndajizyo zihuwozya ilelo ili aje uziwombe.¹²Nkesho mubhatejelezye indajizyo ezi, hugaleme nahugawombe, yayibha uYahwe Ungolobhe wenyu ayihubhalema pamoja ni agano nu uwuwaminifu ambawo alapile wha baba bhenyu. ¹³Anzahubhagane, anzahubhasaye, na hubhazidisye, tena anzasaye itunda limabele genyu ni tunda li aridhi yenyu, inafaka zyenyu, ihombwa ipya, amafuta agenyu, anzazidisye ivyoma ni mpoga yaho yi vyoma ividodo, hunse yalapile wha baba bhenyu hubhapele.¹⁴Mubhasaywe hani ashile abhantu abhanje wonti; sagawhayibha nunume wasagayibha numwana au oshe ugombwa mumyongoni mwenyu au mumyonguni muvyoma. ¹⁵U Yahwe ayihubhefwezya impongo zyonti; nazimo impongo imbibhi yi Misri yamuyimenye gagayibheloha pamwanya yenyu, Ila ayihugabheha wha wonti bhabhahubhavitwa amwe.¹⁶Mwayihuyefwa empoga ya bhantu wonti gagali uYahwe Ungolobhe wenyu ahubhapele uwashindi, ni liso lyenyu ahubhapele uwashindi, ni liso lyenyu sagalyayihubhalolela inkombo. Nasagamwayihabudu amangolobhe gawo, afwatanaje ogo gwayibha mutego gwenyu.¹⁷Nkesho mwayiyanga humoyo, Ega amataifa minji hani kuliko ane nayiwezya wele hubhadigizye? ¹⁸Ungajehuwogope; ubhakomboshe hunjele uYahwe yenu Ungolobhe wenyu awombile wha Farao na hu Misri yonti? ¹⁹Amayemba amagosi gi maso genyu gagalolile, ishala amayela, inyobhe yi uwezo, yi nyobhe yayanyosilwe ya Yahwe Ungolobhe wenyu shabhefwizye. U Yahwe Ungolobhe wenyu atafanya shishila shishila wha bhantu wonti bhamuhuwogopa.²⁰Ashile zyonti, uYahwe Ungulubhe wenyu ayituma intendefu mumyongoni mwawo, hadi bhala bhabhasyalile na bhala bhabhahujifisa bhelwo whilongolela lyenyu bhateketezwe whilongolela hwu uwepo wenyu. ²¹Sagamwahogopewa anawo, afwataje uYahwe Ungolobhe wenyu aleho mumyongoni mwenyu, Ungolobhe ugosi ma wahogofwe. ²²U Yahwe Ungolobhe wenyu ayihugefwa amatayifa whilongolela lyenyu hadodo hadodo. Sagamwayihugamena gonti hu wakati weka, au ihanu zya mwipoli zyayibha nyinji mupepe yenyu.²³Ila uYahwe Ungolobhe wenyu ayihubhapela amwe uwushindi dhidi yawo huwakati mutangana huwite; ayuhubhasanganya hu kiyasi ishigosi hadi bhateketezwe. ²⁴Ayihubhabheha amwene bhawo pansi yi utabhala wenyu, n mwayiwomba itawa lyawo ateketele afume pansi yi mwanya. Nomo wayiwezya awhemelele whilongolela lyenyu, hadi mubhateketezye.²⁵Wayihuzipemba isanamu zya chunje zimingolobhe gawo usahanyonywe amadini gihela au gi zahabu gagakwinshila na huyeje kwa ajili yenyu, hu sababu nkamwawomba, mwayilemwa anago afwatanaje luvito wha Yahwe Ungolobhe wenyu. ²⁶Sagamwayileta uluvito lolonti mukasi yi nyumba zyenyu na hwande ahuyiabudu. Mwayivitilwa kabisa na navitwe afwatanae itengwilwe kwa ajili yiwugalibifu.

¹Muhanziwa aleme indajizyo zyonti zihumbapela ilelo, ili aje muwezye akhale na hunjeleshe, na whinjile anahuyitabhale ense yu Yahwe alapile wha baba bhenyu. ²Mubhakomboshe munjele idala lyonti lya Yahwe Ungolobhe abhalongozezye amaha ega arobaini mwijangwa, ili aje apate ahubhatonsye, ili aje abhajezye amanye yenu shali mukasi yi moyo genyu, hansi nkamwawezyaga ahugaleme amaagizo gakwe au ndadi.³Abhisizye, na hubhawombe abhe ni nzala, na hubhalisye inamna, yasagamwayimenye na ambayo ababa bhenyu sagabhayimenye. Awombile esho hubhawombe amwe amanyesi whibumunda tu abhantu bha khala, badala whi shoshonti shifuma mwilomu lya Yahwe aje abhantu bhakhala.⁴Amenda genyu sagagazembushe na lagale, na manama genyu sagagavimbile ishipindi shimaha ego arobaini. ⁵Munzasebhe humoyo genyu ahusu, inamuna, hansi umuntu lwahumwazibu ovwele wakwe, esho uYahwe Ungulubhe wenyu ahubhadabisya amwe. ⁶Mubhahugaleme amaagizo ga Yahwe Ungolobhe wenyu, ili aje humwezye ajende mwida lyakwe na humweshimu.⁷Afwatanaje uYahwe Ungolobhe wenyu ahubhaleta hunse inyinza, ense yitusoho twe menze, ivisima ni mbwiwi, viviwhiha abhale humabonde na mumyongoni mwimagamba, ⁸ense yi ngano ni shairi, amizabibu, umutini, na makomamanga; ense yi mizeituni nu woshi.⁹Anse yamubhalye ibumunda bila apongoshewe na mwayibhala bila shoshonti; anse yi mawe gagagombwilwe whichuma atokane na magamba mwayiwezya abane ishaba. ¹⁰Mwayilya na whigute, na mwayihusaya uYahwe Ungolobhe wenyu hunse inyinza yabhapiye.¹¹Bhanji makini aje musahamwewe uYahwe Ungolobhe wenyu, naje musasyolanye indajizyo zyakwe, ulongwe lwakwe ni nindajizyo zyakwe zihuwozya ilelo, ¹²ishamwawo lulya na whigute, nu wakati luzenga inyumba inyinza nakhale mukasi yawo.¹³Na mubhe makini huwakati empoga yenyu ne vyoma vyenyu lwavihonjeleha, nu wakati wihela zyenyu na dhahabu zyenyu lwazihojeleha, na vyonti vyamulinavyo vihonjeleha, ¹⁴basi aje amoyo genyu gambozelezezye pamwanya ya humwewe uYahwe Ungolobhe wenyu-wabhaletile afume hunse yi Misri, afume hu nyumba yi wuboyi.¹⁵Usahamwewe uwene wabhalongozezye ashle whijangwa igosi nalyahogofwe, ambaho mukasi yakwe mwali inzoha zi moto ni nkonya, na shilile ense yi nyoota ambaho sagawhali na menze, uwene aletile amenze afume mu mwala gwiwe. ¹⁶Wabhalisizye mwijanga hu manna ambayo ababu bhenyu sagabhayimenye, ili aje abhajezye, awombe uwinza hu mwenyu hu mwisho- ¹⁷ila muwezya ayanje humoyo genyu, Engovu yane ni nyobhe yane nu wuwezo wupete ishoma eshi shonti.¹⁸Ila mwayoihunkomboha munjele uYahwe Ungolobhe wenyu, afwatanaje yoyo ahubhapela amwe engovo ya pate ishoma ili aje awezye awhanzisye iagano lyakwe lyalapile wha baba bhenyu, hansi sheleho ilelo. ¹⁹Yayibha aje, nkesho mwayihumwewa uYahwe Ungolobhe wenyu na hugabhalile amangolobhe aga mwao, hugabudu, na hugeshimu, ishuhudila shingunga dhidi yenyu ilelo aje mwayiteketela. ²⁰Hansi amataifa gagali uYahwe agomba hugateketezye whilogolela lyenyu, esho mwayiteketela, husababu sagamwatejelezezye isauti ya Yahwe Ungulubhe wenyu.

¹Tejelezya, Israeli; upalamiye afwemele whisyela lyabhele li Yordani ilelo, ahugadigizye amataifa ge ngovo nuwushujaa ashile amwe, ni khaya zizili ngosi na zizili ni boma yibhalile hu mwanya, ²abhantu abhagosi na bhatali, abhana bha Anakimu, wamumenye, nula wamwamwevwezye abhantu bhayanga, 'Yunanu abhawhemelele whilongolela lya bhana bha Anak?³Whesho tambula ilelo aje, uYahwe Ungolobhe uwenyu yoyo wali abhalile whilongolela lyenyu hansi umoto guguhubhalya; anzahubhananganye na huabhateketezye whilongolela lyenyu whesho mubhahubhefwe na hubawombe hubhatezye whadigane, hansi uYahwe shayanjile hu mwenyu.⁴Mugajiyanje humoyo genyu, baada ya Yahwe Ungulubhe wenyu hubhatajile afume whilongolela lyenyu, "yali husababu yi haki yane aje uYahwe andetile ane amiliki ense ene; afwatanaje yali husababu yi mbibhi zi mataifa ega aje uYahwe ahubhefwa afume whilongolela lyenyu.⁵Saga hu sababu yi winza wenyu au ugolosu wi moyo genyu yamuhuyibhalila huyinjile ahuyimiliki yawo, ila nikwasababu yi mbibhi yi mataifa ega ambago Ungolobhe ahubhefwa afume whilongolela lyenyu, ni kusudi aliwombe abhe lyoli izu lyalapile wha babu bhenyu, uIbrahimu, uIsaka nu Yakobo.⁶Whesho umanye, aje uYahwe Ungulubhe wenyu sagaahubhapela amwe ense inyinza ahuyitabhale husababu yi winza wenyu afwatanaje muli bhantu bhinsyosi.⁷Izuha na msahewe hansi shamwachochezi zye uYahwe Ungulubhe wenyu inkuni oho whijangwa, afumi isiku elyo lyalyali mlileshile honse yi Misri hadi lwamwahenzele huenewo eli, muli bhaasi bha Yahwe. ⁸Tena oho hu Horebu mwachochezezye uYahwe ni nkuni, uYahwe avitilwe wha tosewe humwenyu hubhateketezye.⁹Hu muda lwanabhalile pamwanya yi gamba aposhele imbawo zi mawe, imbawo zi agano lya Yahwe awombile namwe, Nasyalile ishigamba insiku arobaini nu usiku arobaini; Wala saganaliye ibumunda wala saganamwelile amenze. ¹⁰U Yahwe ampiye imbawo zebhele zimawe zyazyasimbilwe whishidole shakwe; pamwanya yakwe pasimbilwe kila hantu hansi amazu gonti ga Yahwe gatangazezye hu mwenyu pamwanya yigamba afume pakasi yi moto isiku elyo lyawongane.¹¹Yafumiye hu mwisho mu nsiku ezyo arobaini nu siku arobaini ya je uYahwe ampiye ane imbawo zebhele zimawe, imbawo zi agano. ¹²U Yahwe ayanjile nane, 'Woha bhala pansi diganaga afumile epa, afwatanaje abhantu bhaho, wawabhaletile afume hu Misri, bha bhabhibhi bhewo. Wha digane bhageushe afume whidala lyanabhawozezye. Bhajiwombeye bhewo iwumbo lya tagwe.¹³Ashile ego, uYahwe ayanjele nane na yanje, "Imbalolile abhantu ebha; bhantu bhinsosi. ¹⁴Leha ane ne mwene ili aje imbwezye ahubhateketezye na hulifute itawa lyawo afume pansi yimwanya, na imbahubhawombe amwe itaifa lye ngovo ni gosi ashile abhene."¹⁵Whesho negewushe whisinda na whishe pansi yi gamba ni gamba lyali liwhaha umoto. Imbawo zebhele zi agano zyali munyobhe zyane. ¹⁶Nahenyizye, na enya, mwali muwombile imbibhi dhidi ya Yahwe Ungulubhe wenyu. Mujigombeye mwenemwe ingwata. Whadigane mugeushe afume whidala lya Yhawe ali abhawozezye.¹⁷Nahejile imbawo zebhele na huzitaje afume munyobhe zyane. Nazibuduye whilongolela limaso genyu. ¹⁸Na tena nagonile shihubama whilongolela lya Yahwe hunsiku arobaini nu siku arobaini; hamuna alye ibumunda, wala amwele amenze, hu sababu imbibhi zyenyu zyonti zyamwali muziwombile, wawombe oho shayali shibhibhi pamaso ga Yahwe, ili aje husonzye uwene hu nkuni.¹⁹Afwatanaje nali ihogopa inkuni nigadhabu ihali yayali uYahwe ali avitilwe vyatosye hu mwenyu hubhateketezye. Ila uYahwe antejelezezye ane uwakati owo tena. ²⁰U Yahwe ali ni nkuni wha Aaroni whikusudi lyahuteketezye; tena naputile kwa ajili ya Aroni hu wakati owo owo.²¹Nahejile imbibhi zyenyu, ingwata yamwayigombile na huyipembe, huyikhome huyibheshe pansi abhendodo, hadi lwayali nyololo hansi isuto. Naponyizye isuto lyakwe mwifweleji lyalyahihaga pansi afume mwigamba.²²Oho hu Taberah, hu Massah, nu ho hu Kibrothi Hattaavah, mwasonzizye uYahwe hu adhabu. ²³Hu wakati uYahwe abhefwizye afume hu Kadeshi yi Barnea na yanje, 'Bhala pamwanya na utabhale ense yipiye, epo mwaasile indajizyo zya Yahwe Ungulubhe wenyu, na sagamwamweteshe na hutejelezye isauti yakwe. ²⁴Muli bhaasi wha Yahwe afume isiku lila lyanabhamenye.²⁵Whesho nagonile shigubama whilongolela lya Yahwe insiku zila arobaini nusiku arobaini, hu sababu ali ayanjile aje andibhateketezezye. ²⁶Nalabhile wha Yahwe na yanje, 'Oh Gosi Yahwe, usabhateketezye abhantu bhaho au abhapyane bhaho wawawokoye hu ugosi waho, wabhefwizye afume hu Misri hu nyobhe yi wuwezo.²⁷Munjele bhakwizye awombi bhenyu, uIbrahimu, uIsaka, nu Yakobo; musahenye isyosi zya bhantu ebha, wala imbibhi zyawo, idhambe zyawo, ²⁸ili aje ense yawatifumizye iyanje, "Hu sababu uYahwe sagawezizye hubhalete hunse yabhasobhezezye, na husababu abhavitililwe, abhaletile hunze hubhagoje mwijangwa. ²⁹Bado bhantu bhahumwenyu nuwupyano wenyu, wawabhefwizye hu ngovo zyaho ingosi na whalolesye imamulaka yaho,

¹Hu wakati wula uYahwe ayanjile huline, 'Chonga imbawo zebhele zimawe hansi zila zya whande, na enza huline ohu humwanya yigamba, na ugombe isanduku li mbawo. ²Imbasimbe mu mbawo amazu gagaleho mumbawo zya whande zyawazibuduye, na unzahuzibheshe mkasi yi nsanduku.³Basi nagombile isanduku li mbawo zi mikalatusi, nanachonga imbawo zebhele zi mawe whazila zya whande, na zyabhala humwanya yigamba, nali ni mbawo zebhele munyobhe zyane. ⁴Asimbile mumbawo, hansi amandi gawhande iamuri kumi zya Yahwe ayanjile namwe whigamba afume pakasi yi moto whisiku liwongano, epo uYahwe amiye ane.Negeushe na whishe pansi afume mwigamba, na bheshe imbawo mukasi yi nsaduku lyalyali ligombwilwe; epo zyakhalile hansi uYahwe shambozezye."⁶(Abhantu bhi Israeli bhashulele afume hu Beerothi yi Bene Jaakan abhale Moserathi. Oho uAaroni afwiye, nu ho asyelelwe; uEleazar, umwana wakwe, atumishile hu hofisi yiwuputi munafasi yakwe. ⁷Afumile oho bhasholele abhale hu Gudgodah, na afume hu Gudgodah abhale hu Jotbathah, hunse yimikondo gemenze.⁸Hu wakati owo uYahwe asaluye ikabela li Lawi awosye isanduku li agano lya Yahwe, awhemelele whilongolela lya Yahwe ahuntumishile na husaye abhantu whitawa lyakwe, hansi ilelo. ⁹Whesho Alawi sagabhali ni sehemu wala upya no wense pamoja na horo bhakwe; uYahwe pyano wawo, hansi uYahwe Ungulubhe wenyu ayanjile anawo)¹⁰"Nasyalile mwigamba hansi shayahali imala ya whande, insiku arobaini nu siku arobaini. U Yahwe antejelezezye hu wakati owo nape; uYahwe sagaahanzile ateketezye. ¹¹U Yahwe ayanjile nane, "Woha, bhala whilongolela lya bhantu ubhalongozye mushulo lwawo; bhanzahwinjile na tabhale ense yahabhalapiye ababu bhawo hubhapele.¹²Eshi, Israeli, uYahwe Ungolobhe wenyu awhanza anshi hu mwenyu, isagibha uwoga ya Yahwe Ungulubhe wenyu, ajende mwidala lyakwe lyonti ahusongwezye umwene na humwabudu uYahwe Ungulubhe wenyu hu moyo wenyu wonti ni roho yenyu yonti. ¹³Ahuzileme iamri zya Yahwe, ni ndajizyo zihumbawozya amwe ilelo kwa ajili yiwinza wenyu?¹⁴Enya, wha Yahwe Ungulubhe wenyu imwanya zyakwe ni mwanya nizimwanya, ense, na vyonti vivileho. ¹⁵U Yahwe mwene ahejile usungo wha baba bhenyu ili aje abhagane, na abhasaluye amwe, apapwe bhawo, baada yawo, ashile abhantu abhanje wowonti, hansi shawomba ilelo.¹⁶Whesho basi bhatahilile igovi li moyo gawo, na musahabhe bhisyosi tena. ¹⁷Afwatanaje uYahwe Ungulubhe wenyu yu Ngulubhe wi mingolobhe na Gosi wa gosi, Ngulubhe ugosi, we ngovu na wahogofwe, wasagaganilizya wowonti na sagaposhela ihongo-¹⁸Atekelezya ihaki wha pena na jane, na alolesya ulugano whabhajenu whahubhapele ishalye na menda. ¹⁹Whesho basi gane ujenu; afwatanaje mwali bhajenu afume honse yi Misri.²⁰Mubhahupute uYahwe Ungolobhe wenyu uwene mubhahumwabudu. Mubhalemane hu kwakwe, na whitawa lyakwe mubhalape. ²¹Uwene ntemo yenyu, yu Ngulubhe wenyu wawombile kwa ajili yenyu ega amambo amagosi na gahogofwe, gagali amaso genyu gagalolile.²²Baba bhaho bhabhalile hu Misri hansi abhantu sabini; eshi uYahwe Ungulubhe waho awombile awe abhe bhinji hansi inzota zya humwanya.

¹Whesho mubhahugane uYahwe Ungulubhe wenyu na wila mubhaleme amaelekezo gakwe, ni ndajizyo zyakwe, isheria zyakwe ni amuri zyakwe.²Nkomboha aje sigiyanga wha bhana bhaho, bhasagabhamenye wala alole ulongwe lwa Yahwe Ungulubhe waho, ugosi wakwe, inyobhe yakwe yiwuwezo, inyobhe yigolosewelwe, ³Iishala ni mbombo yawombile pakasi yi Misri wha Farao, umwenne wi Misri, na nane yakwe yonti.⁴Wala sagabhalolile shila shawombile whalugo bhi Misri hu farasi zyawo, au amagari gawo; namuna shawombile amenze gidimi igosi li Reeds ahubalemele hu sababu yahubha fwatilile, hu namuna ya Yahwe shabhateketezye hadi ilelo, ⁵au henu hawombile humwenyu whijangwa hadi mwahenzele ienewo eli.⁶Sagabhalolile nahamo uYahwe shawombile wha Dathani au wha Abiramu, abhana bha Eliabu umwana wa Reubeni; inamuna ense shahuguye ilomu lyakwe na hubhamile, ense shahuguye ilomu lyakwe na hubhamile, ni nyumba zyawo, ivyegu vyawo, na kila hantu hahali homi shashabhafwatile, pakasi yi Israeli yonti. ⁷Ila amaso genyu galolile imbombo yonti ingosi ya Yahwe yayiwombile.⁸Whesho lemi indajizyo zyonti zimbawozezye ilelo, aje muwezye abhe shinza, na whinjilr na tabhale ense, yu bhala huyitabhale hani; ⁹na aje uwezye ahonjezye insiku zyaho honse yu Yahwe alapile wha baba bhaho hubhapele ni mpapo yaho enseyiwhisya izibha nu woshi.¹⁰Afwataneje ense, yu whinjila huyitabhale, saga hansi ene yi Misri, whamwafumile, whamwatotile imbeyu na whitilile hu manama genyu, hansi ibustani yi makwi gonda; ¹¹Lakini ense, yu bhala huyitabhale, anse yimagamba na mafolomo, na mwele amenze givwula ya humwanya, ¹²ense ya Yahwe Ungolobhe wenyu ahubhajali; amaso ga Yahwe Ungolobhe wenyu wila gail pamwanya yakwe, awhandile huwando wi mwaha hadi hu mwisho wi mwaha.¹³Yayifumila, nkeshe mwayitejelezya hu bidii indajizyo zyane zihumbawozysa ilelo hugane uYahwe Ungolobhe wenyu, na hutumishile humoyo wenyu wonti ni roho zyenyu zyonti, ¹⁴aje nayihubhapela ivwula ense yenyu hu majira gakwe, ivwula zyahumwanzo ni mvula zya pamande, ili aje muwezye awonganye iviyawo vyenyu, ihombwa yenyu impya, na mafuta genyu. ¹⁵Nayihubhapela amasole mumagonda genyu kwa ajili yi vyoma vyenyu, na mwayilya na whigute.¹⁶Ubhanje shinza wewe, ili aje umoyo gwaho husagobelwe, na geushe na awhabudu amangolobhe ga mwawo, na huginamile; ¹⁷ili aje inkuni ya Yahwe isawhanshiwe hu mwenyu, na ili aje vwula nense sagayayivuna pasahabhe ni vwula, nense sagayayivuna amayawo, na ili aje muteje whadigane afume monse inyinza ya Yahwe ahubhapela.¹⁸Whesho gabheshe ego amazu mukasi yi moyo gwaho ni roho; gagalile hansi iishara munyobhe yaho, na gabhe uutepe pakasi yi maso gaho. ¹⁹Wanyimanyizya whabhana na yanje pamwanya yakwe hu wakati lukhala mukasi yi nyumba yaho, hu wakati lujenda mwidala, hu wakati ugona, nu wakati wuwoha.²⁰Wayihugasimba mufelemu yi malyango gi nyumba zyenyu na mumalyango genyu, ²¹aje insiku zyenyu ni nsiku zya bhana bhenyu ziwezye ahonjeleshe hunse ya Yahwe alapile wha babu bhenyu hubhapele, imaadamu imwanya zili humwanya ye nse.²²Nkesho mubhahugaleme hu bidii indajizyo ezi zyonti zihubhawozya amwe, ili aje mugawombe, gani uYahwe Ungolobhe wenyu, jenda mwidala lyakwe lyonti, nalemane nawo, ²³basi uYahwe abhahubhefwe amataifa ega gonti awepe whilongolela lyenyu, na mubhahugadigizye amataifa amagosi na ge ngovo ashile amwe.²⁴Kila ieneo li nyayo zi manama zibhajende lyayibha lyetu; afume whi jangwa hadi hu Lebanoni, afume isoho li Euphratesi, hadi hu magharibi mwidimi igosi yayibha mpaho yenyu. ²⁵Nomo umntu wayiwezya awhemelele whilongolela lyenyu; uYahwe Ungulubhe wenyu ayibheha uwoga wenyu nuwugayidi wenyu pamwanya yense yonti ya mujenda pamwanya yakwe hansi shayanjile namwe.²⁶Enya, ibheha whilongolela lyenyu insayo ni shigune; ²⁷insayo, nkesho mwayitejelezya indajizyo zya Yahwe zihuwozya ilelo, ²⁸ni shigune, nkesho sagamwayitejelezya indajizyo zya Yahwe Ungulubhe wenyu, lakini nkamwalileha idala lihumbawozya ilelo, abhalile amanama aga mwawo gasagamugamenye.²⁹Yayibha hu wakati uYahwe Ungolobhe wenyu ahubhaletela amwe monse yamuhuyibhalila huyitabhale, aje mwayibheha insayo pamwanyi yi gamba Gerizimu ni shigune pamwanya yi gamba Ebali. ³⁰Sagabhali isyela lya bhele hani yi Yordani, mu magharibi mwidala li magharibi, monse yi Bhakanani bhabhakhala hu Arabah, pamwanya dhidi yi Gilgali, hu shenje yi mialo yi Moreh?³¹Whesho mwayifwemela whisyela lya bhele li Yordani awhinjile atabhale ense yu Yahwe Ungolobhe wenyu ahubhapela, na mubhatabhale na khale mukasi yakwe. ³²Mwayilema indajizyo zyonti ni iamri zibheha whilongolela lyenyu ilelo.

¹Ezi amri ni ndajizyo zya mubhahuzileme honse yili, uYahwe Ungolobhe wa baba bhenyu, abhapiye atabhale, insiku zyonti zya mukhala monse. ²Lyoli mubhananganye amaenewoi gonti gimataifa gamwayidigizya angolobhe bhawo gabhagabudugu, hu magamba amatali, hutugamba nense ya kila likwi ilemba.³Na mwihuzivunza imadhabahu zyawo pansi, mwayinanganya huvitulituli inyoha zyawo zi mawe, na pembe iincha zi Asherahi, mwayihuzitema isanamu zya chongwe zya ngolobhe bhawo na te teketezye aitawa lyawo hunze yi enewo elyo. ⁴Sagamwayihumwabudu uYahwe Ungolobhe wenyu hansi esho.⁵Lakini whi eneo lili uYahwe Ungolobhe wenyu abhasalule afume amakabela genyu abheshe itawa lyakwe, epo payibha enewo lyakhala noho hoho mwayibhala. ⁶Uho hoho mwayileta isadaka ya teketezye, imfumizyo zyenyu, izaka zyenyu, ni sadaka zizimwa hunyobhe zyenyu, isadaka zyenyu zindapo, isadaka zyawhateshe ni zi viyawo vya whande zivyoma ni vikhanu.⁷Uho mwayilya imbeyu zya Yahwe Ungulubhe wenyu na songwe ahusu kila hantu hambheshele inyobhe, amwe na holo bhenyu, uYahwe Ungolobhe wenyu abahsayile.⁸Sagamwayiwomba amambo gonti gatiwomba epo ilelo; eshi kila weka awomba shoshonti shila ishinza pamaso gakwe, ⁹afwatanaje bado sagamotoyele, huwupyano wuwuli uYahwe Ungolobhe wenyu ahubhapela.¹⁰Ila tulwamubhala whisyola lyabhele li Yordani na khale mukasi yenze yu Yahwe Ungolobhe wenyu aababusizye amwe apyane, nu wakati ahubhapela utoyo afume wha bhibhi bhenyu bhabhahubhazyongola pepe, ili aje mukhale hutenganu, ¹¹tena yayibha ienewo lili uYahwe Ungolobhe wenyu ayisalula asababisye itawa lyakwe akhale, oho mwayileta gonti gi mbawozezye; isadaka zyateketezye, imfumizyo zyenyu, izaka zyenyu, isadaka zizifumiziwilwe hu nyobhe zyenyu, ni sadaka zisalulo lyenyu kwaajili yilusobhezyo zyamwayifumya wha Yahwe.¹²Mwayisongwa whilongolela lya Yahwe Ungolobhe wenyu amwe, abhana bhenyu, alendo bhenyu, aboyi wishilume, uboyi sheshe, na Alawi bhabhali sagabhali ni sehemu au upyano mumyongoni mwenyu.¹³Ubhe makini wewe aje usahefwe isadaka zyaho zyateketezye kila li eneo lyulola; ¹⁴lakini whieneo elyo lya Yahwe ayihubhasalula mumyongoni weka kati yi makabela genyu lyalyayifumya isadaka yateketezye, noho mwayiwomba kila hantu huhuwozya.¹⁵Hata esho, mwayiwezya agoje nalye ihanu mukasi yi malyango genyu, hansi shmuwhanza, aposhele insayo zya Yahwe Ungolobhe wenyu kwa ajili ya gonti abhapiye, na bhantu bhasagabhali shinza na bhinza wonti bhawezya alye, ihanu hansi shila ensya ni kulungu. ¹⁶Ila sagamwayilya idanda, mwayiwhita mu ardhi hansi amenze.¹⁷Muwezya sagalye mukasi yinwango afume muzaka yiviyawo vyenyu, ihombwa yenyu impya, amafuta genyu au upapo wa whande wi vyoma au ihanu; na sagumuwezya alye inyama yoyonti yamufumya mfumizyo pamoja nivilapo vyovyonti ivyenyu muwomba, wala isadaka yenyu yilweteho, wala isadaka ya mufumya hu nyobhe yenyu.¹⁸Ibadala yakwe, munzalye whilongolela lya Yahwe Ungolobhe wenyu hu enewo lya Yahwe Ungolobhe anzasalule- amwe, umwana wenyu, unendu wenyu, uboyi wishilume, uboyi we sheshe, nu Umlawi wali panwango gwenyu; mwayisongwa whilongolela lya Yahwe Ungolobhe wenyu ahusu kila hantu shamubheha inyobhe yenyu. ¹⁹Mubhanje shinza mwemwe ili aje musahaneshe uMlawe iwezehana mkhala monse yenyu.²⁰Hu wakati uYahwe Ungolobhe wenyu atanula impaho zyenyu, hansi shabhasobhezezye, na yanje, "Nailya inyama," hu sababu yanyonywe wenyu mulya inyama, muwezya alye inyama, hansi unyonywe wi roho zyenyu.²¹Hansi ienewo lya Yahwe Ungolobhe wenyu asaluye ahulibheshe itawa lyakwe hutali afume hu mwenyu, eshi mwayigoga vimo ivyoma vyenyu ni hanu yenyu zila uYahwe abhapiye, hansi shanabhawozezye: esho muwezya alye mukasi yi malyango genyu, hansi unyonywe wiroho zyenyu. ²²Nkesho ensya ni kulungu vilewa, esho mwayilya abhantu bhasagabhalishinza na bhabhali shinza bhawezya alye.²³Lakini mubhe nuwukeli aje sagamutumil idanda, afwatanaje idanda womi, sagamwayilya uwomi, pamoja ni nyama. ²⁴Sagamwayilya, mwayihuyiti honze mwilongo hansi amenze. ²⁵Sagamwayilya, ili aje iwezya abhe shinza humwenyu, na bhala bhenyu ababa bhenyu, hu wakati mwayiwomba hala hahali hihnza pamaso ga Yahwe.²⁶Lakini amambo gagali ga Yahwe gamulinago ni sadaka zindapo zyenyu mwayihega ezi nabhale ienewo li Yahwe alisaluye. ²⁷Epo mwayifumya isadaka yatekezye, inyana ni danda, hu mazabahu wha Yahwe Ungolobhe wenyu, indanda yi mfumizyo zyenyu yayihitwa honze hu madhabahu ya Yahwe Ungolobhe wenyu, na mwayilya inyama.²⁸Pelelezi na mutejelezye ega amazu gonti gimbawozezye, ili ibhe hinza hu mwenyu na bhana bhenyu baada yenyu wila, hu wakati muwomba hala hahalihinza na sawa na maso ga Yahwe Ungolobhe wenyu.²⁹Hu wakati uYahwe Ungolobhe wenyu apongozya amataifa afume hu mwenyu, huwakati muwhinjila ahubhadigizye, na muhubhadigizya na khale hunse eyo, ³⁰mubhanje makini mwemwe ili ajemusahalemwe lwabhahubhafwata baada yatekeketezwe afume hu mwenyu alemwa huwupelelezi angolobhe bhawo, katika awozelezye, "Hu namuna wele ega amataifa ga abudu angolobhe bhawo? Nayiwomba sheshoshesho.³¹Sagawayiwomba esho whahufanyile ishishih uYahwe Ungolobhe waho, afwatanaje kila hantu hahali vitwe wha Yahwe, mambo gahugavitwa- bhawombile ego ngolobhe bhawo, hata mteketezya asahala bhawo na alendo bhawo mumoto kwa ajili ya ngolobhe bhawo. ³²Shoshonti imbahozye, pelelezy. Usahonjezye pamwanya yakwe au apongozye.

¹Nkesho mumyongoni mwenyu awoha ukuwe au walota injozi, ²na nkesho ahobhapela ishala au mayele, na nkesho ishara au amayele gafumila, hansi shayanjile humwenyu na yanje, "Eshi tifate angolobhe abhamwawo, wasagatibhamenye, na tigabudu. ³Usatejelezye amazu ga nkuwe oyo, au hoyowaleta injozi, afwatanaje uYahwe Ungolobhe waho ahujezya amanye nkesho ugene uYahwe Ungolobhe waho hu moyo gwaho gonti ni roho yaho yonti.⁴Mwayijenda baada ya Yahwe Ungolobhe wenyu, umweshimu, muzileme indajizyo zyakwe, na muyitii isauti yakwe na mwayihumwabudu na lemane. ⁵Ukuwe oyo au walota injozi ayigogwa, hu sababu ayanjile utolosi wha Yahwe Ungolobhe wenyu wabhaletile afume hunse yi Misri, na abhagomboye afume munyumba yiwuboyi. Esho ukuwe ahanza hubhefwe mwidala lya Yahwe Ungolobhe wenyu abhawozezye ajende. Whesho bhishi uhutali imbibhi afume humwenyu.⁶Tiyanje aje uholo waho, umwana wa maye waho, au umwana waho, au umwale waho, au ushe wepepe nawe au uchale waho wali hansi iroho yaho, ahusipe husili na yanje, "Leha tibhale nawhabudu angolobhe abhamwawo sagatigamenye, wala awe wala ababu bhaho- ⁷Angolobhe bhobhonti bha bhantu bhabhazyongolele, pepe namwe au uhutali afume, hu mwiisho winse abhale hu mwisho uwa mwao winse.⁸Usamweteshe au huntejelezye. Wala amaso gaho gosahalole inkombo, wala sagawayihuneha shipolo au humfise. ⁹Baadala yakwe, wayihuneha kweli; inyobhe yaho yayibha ya whande hugoje, na pamande inyobhe ya bhantu wonti.¹⁰Mwayihupola hadi afwe humawe, hu sababu ajezizye hubhefwe afume wha Yahwe Ungolobhe wenyu, wabhefwizye afume hunse yi Misri, hunze yi nyumba yiwuboyi. ¹¹Iisraeli yonti yayihevwa nahogope, na sagayayihendelela awombe ikabela yiwubhibhi mumyongoni mwenyu.¹²Nkesho ubhahevwe wowonti ayanga ahusu yeka yi khaya zyenyu, aje uYahwe Ungolobhe wenyu ehubha pela akhale mukasi yakwe. ¹³Abhamwenyu bhamo abhabhibhi bhaleshile mumyongoni mwenyu na leshe uhutali abhakhaya bhikhaya zyawo na yanje, "Leha tibhale na whabudu angolobhe abhamwawo bhasaga mubhamenye. ¹⁴Basi wayipelelezya amanye, awombe uwupelelezi na huyipelelezye sha mukasi. Hu wakati umanya aje lyoli na hamuna amashaka aje uvisyo owo wowombeshe mumyongoni mwenyu, tena wayihega ihatuwa.¹⁵Wayihubhashambulila lyoli abhakhaya bhikhaya eyo hu makhali gi panga. Wayiteketezya kabisa na bhantu wonti bhabhali mukasi yakwe, pamoja ni vyoma vyakwe, pamoja na makhali gipanga. ¹⁶Wayiwonganya inyara zyonti afume pakasi mu mitaa gakwe na wayipemba ikhaya, pamoja ni nyara zyakwe zyonti - afwatanaje uYahwe Ungolobhe waho. Ikhaya yayibha hali yibhibhi wila; sagawuhanziwa azengwe tena.¹⁷Nahamo hata heka kati yi vintu evyo vibheshewelwe sipesho kwa ajili yahangamizye vihanziwa akhamantane munyobhe yaho. Ene ihanziwa abhe nongwa, ili aje uYahwe abhageushe afume hu khali winkuni yakwe, ahunolesye irehema, abhe ni nkombo huliwe, na huwombe awe uyonjeleshe hu hesabu, hansi shalapile wha baba bhaho. ¹⁸Ayiwomba eshi hu sababu utejelezya isauti ya Yahwe Ungolobhe waho, ahuzileme indajizyo zyaho zihuwozya ilelo, awombe shila shishili shinza whilongolela limaso ga Yahwe Ungolobhe waho.

¹Amwe bhantu bha Yahwe Ungolobhe wenyu. Musajiteme bhebho, wala asyengule isehemu zi maso genyu kwa ajili ya bhabhafwiye. ²Afwatanaje muli litaifa lilibheshewelwe wakifu wha Yahwe Ungolobhe wenyu, nu Yahwe abhasaluye abhe bhantu kwa ajili yi pyano wakwe, hani ashile abhantu wonti bhabhali pamwanya yi maso gense.³Sagamuhanziwa alye ahantu hahali vito. ⁴Ezi hanu zyamuwezya alye: ing'ombe, ingole, imbuzi, ⁵ikulungu, ensya, ikulungu indume, imbuzi yamwigona, ensya inzelu, ni pofu ni ngole ya mwigamba⁶Muwezya alye ihanu zyonti zizigawanyishe ikwato, wali ni kwato zizigawanyishe mala habhele na isyola amatapiho. ⁷Hata esho, sagamuhanziwa alye baadhi yihanu zizisyola amatapiho au zyasagazili ni kwato zizigabhanyishe habhele: ingamia, ikalolo, ipomono, hu sababu zisyola amatapiho lakini sagazigabhanyishe ikwato bhachafu hu mwenyu.⁸Ingolobhe nchafu humwenyu husababu igabhanyishe ikwato lakini sigisyola amatapiho nchafu humwenyu. Musahalye inyama yi ngolobhe, mungajehuse amizoga gawo.⁹Ega gagali mkasi yemenze muwezya alye: shoshonti shishili na mapezi na makhalakhamba; ¹⁰lakini hohonti hasagahali na mapezi na makhala khamba mungaje alye; shichafu hu mwenyu.¹¹Inyonyi zyonti inyinza muwezya alye. ¹²Lakini ezi nyonyi zyasagamuwhanziwa alye: insimula, itumbusi, ikipungu, ¹³ipanga ishamamu ni lilu, ni kabela yoyonti yi mapanga.¹⁴Sagamuwhanziwa alye ikabela yoyonti yikunguru, ¹⁵ni mbuzi ni panga ly anusiku, iLanes inyonyi ya mwidimi ingosi ikabela yoyonti yi panga, ¹⁶inkwitwa indodo, inkwitwa ingosi, ni nkwitwa inzely, ¹⁷Mwali, inyamifwe yi nsimula, umunandio.¹⁸Sagamuhanziwa alye ikorongo, ikabela yoyonti yikongoti, ihudihudi, ni insyonsyo. ¹⁹Zyonti zizili na mapiho, ivintu vyo mandelembwe vichafu humwenyu sagavihanziwa alewe. ²⁰Muwezya alye ivintu vyonti vivipuluha.²¹Sagamuhanziwa alye hohonti hahafwa hene muwezya humpele ujenu waleho pakhaya yenyu, aje awezya alye au muwezya akazye wha jenu. Afwatanaje muli litaifa lilibheshewelwe wakifu kwa ajili ya Yahwe Ungolobhe wenyu. Sagamuhanziwa yuyidogozye imbuzi inyana whizibha li nyina yakwe.²²Lyoli muhanziwa afumye ifungu lya kumi livwuno zi mbeyu zyenyu zyonti ziwhenza afume hugonda kila humwaha. ²³Muhanziwa alye hwilongolela lya Yahwe Ungolobhe wenyu, whi enewo lyanzasalule hansi apafinjile pakwe, ifungu likumi li viyawo vyenyu, zihombwa impya, na mafuta genyu, nu papwe wawhande wihanu ni vyoma, aje muwezya amanyile wila ahumweshimu uYahwe Ungolobhe wenyu.²⁴Nkesho usholo lutali hu mwenyu naje sagamwezya awosye, hu sababu ienewo lya Yahwe Ungolobhe wenyu anzasalule hansi apafinjile apakwe hutali humwenyu eshi huwakati uYahwe Ungolobhe anzahubhasaye, ²⁵mwayibadilisya isadaka hu mpeya. Pinyi impeya munyobhe, na bhalaji whienewo lya Yahwe Ungolobhe wenyu anzasalule.²⁶Oho mubhatumile impeya hu shoshonti muyonywa hung'ombe au ingole au huhombwa, au hushimwelo shi imara au hu shoshonti munyonywa; mwayilya epo whilongolela lya Yahwe Ungolobhe wenyu, na mubhasongwe, amwe ni nyumba zyenyu. ²⁷Umlawi wali munylango gwenyu musamwewe, afwatanaje sagali ni sehemu wala upyano pamoja namwe.²⁸Hu mwisho wa kila maha gatatu mwayileta amafungu gonti gi kumi ni viyawo hu mwaha gogo gogo, na mwayitunza mumalyango genyu; ²⁹nu Mlawi, hu sababu sagaali ni sehemu wala upyano pamoja namwe, nu jenu nu pena, nu mujane bhabhali mukasi yi malyango genyu, bhayihenza alye natengane. Womba esho wha Yahwe Ungolobhe wenyu awezya hubhasaye hu mbombo zyonti zi nyobhe zyenyu zya muwomba.

¹Kila umwisho wa kila amaha saba, muwhanziwa afute iliga. ²Ene jendo ya gombole. Kila wakhopezya anzafute shila shampiye ujilani wakwe, sagayidayi afume wha jilani wakwe au uholo wakwe kwa sababu ufutaji wimiga wa Yahwe utangazezye. ³Afume wha jenu muwezya adayi; lakini whashoshonti ishenyu shishi nu holo wenyu muwhanziwa hushifumye.⁴Hata esho, pasahabhe umpena mumyongoni mwenyu (afwatanaje uYahwe hu haki ayihubhasaya hunse yahubhapela hansi upyano ahutitabhale) ⁵hansi mubhene mtejelezya hubidi isauti ya Yahwe Ungolobhe wenyu, ahuzileme indajizyo zyonti zyahubhawozya ilelo. ⁶Afwatanaje uYahwe Ungolobhe wenyu ayihubhasaya, hansi shabhasobhezezye; mwayikhopezya amataifa aminji, lakini sagamwayihazimya; mayilongozya pamwanya yi mataifa aminji, ila sagagayihubhalongozya amwe.⁷Nkesho huli muntu umpena mu myongoni mwenyu, weka waholo bhenyu mukasi yi malyango genyu gogonti hunse yenyu ya Yahwe Ungolobhe wenyu ahubhapela, musawombe makhome amoyo genyu wala afunje inyobhe zyenyu afume wha holo bhenyu, ⁸Lakini muhanziwa lyoli ahugule inyobhe zyenyu hu kwakwe na lyoli mukhopezye umwene wha tosye ihitaji lyakwe.⁹Mubhe shinza whasagabhe ni wazo ibhibhi au lyateje hu moyo genyu, ayanje, "Umwaha wa saba, mwaha gwiwukombozi wulipepe; ili aje musahabhe bhimi ahusilane na holo bhenyu upena na sauhupela shoshonti; awezya hunilile uYahwe ahusu amwe, na yayibha mbibhi yenyu. ¹⁰Muhanziwa kweli mpele, nu moyo gwenyu sagamuhanziwa ahuyilombosye hu wakati muhupela, hu sababu humwezyesye wha Yahwe uno Ungolobhe wenyu abhahubhasaye hu mbombo zyenyu zyonti na hohonti hamubheha inyobhe yenyu.¹¹Afwatanaje upena sagaayileha akhale hunse, whesho ihuwozya awe na yanje, "Uwhanziwa huwukweli ahugule inyobhe yaho wha holo waho, wawhanza whaho na whapena waho na hunse yaho.¹²Nkesho uholo waho yu Mwebrania wi shilume aumwebrania we sheshe, akaziwilwe whahona ahutumishila hu maha saba, basi hu mwaha wa saba uhanziwa ahuneshe abhale zyakwe hutenganu. ¹³Luhuneha abhale mwene hutenganu usahaneshe abhale nyobhe zyene. ¹⁴Uhanziwa abhe kalimu ufumye hu kwakwe afume ivyoma vyaho, afume ipura yili pansi, ni toli lyaho lihombwa. Hansi uYahwe Ungolobhe waho shasayile, uwhanziwa ahupele uwene.¹⁵Uwhanziwa akomboshe aje wali boyi hunse yi Misri, na aje uYahwe Ungolobhe waho agomboye; whesho ihuwozya ilelo awombe eshi. ¹⁶Yayibha aje nkesho ayiyanga whaho, " "Sitaenda mbali yako; kwa sababu anakupenda na nyumba yako, na kwa sababu ni mzuri kwako, ¹⁷basi uwhanziwa aheje iua nu musukumo ashilile ikutu lyakwe hu nylango, na ayibha boyi waho wila. Nantele wha boyi waho wesheshe wayiwomba shesho.Isaloleshe abhe shikhome whaho huneshele abhale mwene huru kwa sababu atumishiye hu maha sita na apiye mara habhele uuthamani wa muntu waajiliwilwe. U Yahwe Ungolobhe waho anzahusaye wha gonti guwomba.¹⁹Apapwe wonti bhawhande bhishilume hu hanu ne vyoma vyaho uwhanziwa uzitenje wha Yahwe Ungolobhe waho. Sagawayiwomba imbombo na papwe bha whande zihanu zyaho wala asyengule upapwe wa hwande wi vyoma vyaho. ²⁰Uwhanziwa ahuyile upapo wa whande whilongolela lya Yahwe Ungolobhe waho kila mwah whi enewo lya Yahwe abhasaluye, awe ni nyumba yaho. ²¹Nkesho ili ni kasolo yoyonti- hushifwani, hansi shilema au shi[ofu, au ali ni kasolo yoyonti- suguhanziwa huyefwe mfumizyo wha Yahwe Ungolobhe waho.²²Wayihuyilya mukasi yi nylango gwaho, umuntu wasagali chafu sawa uwhanziwa alye, nkesho walyanga ensya au ikulungu. ²³Yene suguhanziwa amwele idanda lyakwe; whanziwa ahuyite idanda lyakwe pamwanya yi ardhi hansi amenze.

¹Enya umezi gwa Abibu, nauyileme ipasaka ya Yahwe Ungolobhe waho, afwatanaje umwezi gwa Abibu uYahwe Unglobhe waho aletile afume hu Misri nu siku. ²Wayihufumizya imfumizyo yi pasaka uYahwe Ungolobhe waho na bimo vivyoma ni hanu hwielewo lya Yahwe lyanzasalule hansi pafinjile pakwe.³Sagawayilya ibumunda lisafu pamoja nalyo, insiku saba wayilya ibumunda lyasaga lilinusafu, ibumunda li mayemba; afwatanaje mwafumile hunsi yahu Misri hudiganu. Womba ega hunsiku zyaho zyonti zi halo gwaho ili uwezye akumboshe munjele isiku lyamafumile honse yi Misri. ⁴Naumo usafu uwahanziwa aloleshe mumyongoni mwenu mukasi yi mpaho genyu hu wakati wi nsiku saba; wala inyama yoyonti yamufumya mfumizyo shalyabhela whisiku lya whande isyala hadi shandabhe.⁵Mungajefumye imfumizyo yi pasaka hu malyango genyu gamukasi ga Yahwe Ungulubhe wenyu ahubhapela. ⁶Badala yakwe, efwa imfumizyo mwienewo lya Yahwe Ungolobhe wenyu anzasalule hansi pafinjilwe pakwe. Epo mwayifumya imfumizo yi pasaka yishalyabhela hu muda isenya li dwina, hu wakati owo wamwafumile hu Misri.⁷Muhanziwa ahuoshe na huyilye whienewo lya Yahwe Ungolobhe wenyu abhasalule; shandabhe mwayigewuha na bhale hu vyegu vyenyu. ⁸Hu nsiku sita mwayilya ibumunda gwasagagubheshe welwe usafu; whi siku lya saba whayibha ne mpoga yili shinza kwa ajili ya Yahwe Unglobhe wenyu; whi siku elyo sagamwayiwomba imbombo.⁹Mwayibhazya amajuma saba kwa ajili yenyu; afume hu wakati lwamwahandile abheshe ishikwakwamuviyawo yi yemeleye muhanziwa awhande abhazye amajuma saba. ¹⁰Muhanziwa aleme amajuma gishelehe zya Yahwe Ungolobhe wenyu pamoja nu sangwi gwi sadaka yiwutayari afume inyobhe yaho yubhafumye, alengane nu Yahwe shasayile.¹¹Wayisongwa whilongolela lya Yahwe Ungolobhe waho- awe, usahala waho, unendo waho, uboyi waho wi shilume, uboyi waho wesheshe, Umlawi wali mumalyango gaho, nu jenu, upena numujane wali myongoni mwenyu, hu enewo lya Yahwe Ungolobhe waho abhasalule kwa ajili ya pafinjile pakwe. ¹²Wayikomboha munjela aje wali tumwa hu Misri; uhanziwa ahwenya na huzileme indajizyo ezi.¹³Uwhanziwa ahuzileme ishelehe yi vibanda hunsiku saba baada yabhe muwonganyenye iwvuno afume mumbungolo yi mpolelo na fume mwitori lyaho lihombwa. ¹⁴Wayisongwa huwakati wishelehe- awe, usahala waho, nendu waho, uboyi waho, wishilume, uboyi waho we sheshe, uMlawi, nu jenu, nu pena nu mjane hali mukasi yi malyango gaho.¹⁵Hu nsiku saba uwhanziwa ahwenye ishelehe ya Yahwe Ungolobhe waho whi enewo lya Yahwe abhasaluye, hu sababu ya Yahwe Ungolobhe waho abhahusaye huvwuno zyaho zyonti ni mbombo zi nyobhe zyaho zyonti, uhanziwa abhe nusongo kabisa.¹⁶Mara hatatu hu mwaha abhalume bhaho wonti bhawhanziwa aloleshe whilongolela lya Yahwe Ungolobhe waho hu maenewo gabhasalule: hu shelehe zi juma na shelehe yi vibanda; na sagabhayiloleha whilongolela lya Yahwe nyobhe zyene; ¹⁷badala yakwe, kila muntu ayihefwa hansi shawezya aje mubhamanye insayo aje uYahwe Ungolobhe waho apiye.¹⁸Uwhanziwa awombe abhaamuzi na maakida mukasi yi malyango gaho ga Yahwe Ungolobhe waho ahupela; bhayiwhegwa afume kila kabela na bhayilonga abhantu hulongwe wi haki. ¹⁹Sagahanziwa ahuyefwe ihaki ho ngovo; suguhanziwa alolesye uganilizyo wala aheje ihongo, afwatanaje ihongo ipofusya amaso gi hekima na tezye amazu gi haki. ²⁰Uhanziwa afwate baada yi haki, baada yi haki nyene ili aje ukhale na pyane ense ya Yahwe Ungolobhe waho ahupela.²¹Sigiwhanziwa huyibombele iAsherahi, ikabela yoyonti yikwi panshenje yi madhabahu ga Yahwe Ungolobhe waho yayihujigombela. ²²Wala usahajigombele iwe ifinjile linyoha, lya Yahwe Ungolobhe waho avitwa.

Suguhanziwa hufumizye imfumizyo uYahwe Ungolobhe waho ing'ombe au ingole yili na mapungufu au ahantu hohonti ahabhibhi, afwatanaje eyo yayibha vito wha Yahwe Unglobhe waho.²Nkesho hupatihana mumyongoni mwenyu, mukasi yi malyango gi khaya yoyonti ya Yahwe Ungolobhe wenyu apatihana, unume wowoni au oshe wawomba imbibhi whilongolela lya Yahwe Ungolobhe wenyu huli nanganye ipatano lyakwe - ³wowonti wabhalile na hugabudu amingolobhe agamwawo na huginamila, wala isenya, umwezi, au ijeshi lya humwanya- na hamo hohonti iwozezye, ⁴na nkesho ungowozewelwe ahusu eha, au hansi uli ni vyoma- basi uwhanziwa awomba uwuchunguzi wishinza. Nkesho lyoli ni hakika aje uvisyo hansi elyo liwombeshe hu Israeli-⁵-basi wayihuneta oyo unume au oshe, wawombile ubhibhi owo hu malyango gi khaya, aje unume kabisa au onshe, umpole oyo umuntu hadi afwe. ⁶Whilomu lya simisizi bhabhele, au asimisizi bhatatu, yayibha uwene wahanziwa agogwe; ila whilomu lya simisizi weka mwene sagaayigogwa. ⁷Inyobhe ya simisizi iwhanziwa abhe ya whande ahugoje, na pamande inyobhe ya bhantu wonti; na mwayihumwefwa umibhi mumyongoni mwenyu.⁸Nkesho ijambo lifumila lili likhome humwenyu awombe amaamuzi pamo liswali ligogwe au lyafwe shi ajali, ihaki ya muntu weka ni haki ya muntu uwa mwawo au iswali lyeka likabela lyazusye awombeshe, au ikabela iyamwawo yijambo-amambo gitatanizi mukasi yi malyango genyu, basi wayihanziwa abhale wi enewo lya Yahwe Ungolobhe waho abhasalule hansi apafinjile pakwe. ⁹Wayihanziwa abhale wha puti, apapwe bha Lawi, nu mwamuzi wayitumiha huwakati owo; mwayihanza uwushauli waho na bhayihubhapela amwe amaamuzi.¹⁰Muwhanziwa afwate indajizyo yamupewilwe, whienewo uYahwe anzasalule hansi apafinjile apakwe. Mwayibha makini awombe kila hantu habhahubhawozya awombe. ¹¹Fwata indajizyo yabhahubhamanyizya, na womba alengane na maamuzi gabhahubhapela. Musahewushe afume wha shila bhahubhawozya, hundelo au humongo.¹²Wowonti wawomba hu nsyosi, wasagaahutejelezya uputi wawhemelela atumishe whilongolela lya Yahwe Ungolobhe waho, au sagaahutejelezya wahamula- ono umuntu abhafwe; mwayibheha uhutali ubhibhi afume hu Israeli. ¹³Abhantu wonti bhawhanziwa awhevwe na hogope, na bhasawombe hunsyosi tena.¹⁴Hu wakati lwamwahenzele honse ya Yahwe Ungolobhe ahubhapela, nu wakati mumiliki na whande akhale mukasi yakwe, na halafu uyanga, 'Imbahujibheshele umwene pamwanya yane, hansi amataifa gonti gagahunyongola ane,' ¹⁵basi whanziwa kwa uhakika hujibheshele umwene pamwanya yaho umuntu wowonti wa Yahwe anzasalule. Uwhanziwa hujibheshele hansi umwenne pamwanya yaho umuntu wowonti afume myongoni mwa holo bhenyu suguhanziwa abheshe ujenu. Wali sagaholo wenyu pamwanya yenyu.¹⁶Lakini sagahanziwa azidisye ifarasi kwa ajili yakwe, wala asababisye abhantu awele hu Misri ili aje awezye azidisye ifarasi afwatanaje uYahwe ayanjile hu mwawo, 'Uhanziwa awhandile isalezi usawele indala elyo tena.' ¹⁷Na sagahanziwa azidisye abhashe kwa ajili yakwe, ili aje umoyo gwakwe gasageushe afume wha Yahwe; wala sagahanziwa hani azidisye kwa ajili yakwe impeya au iwe li mpeya.¹⁸Hu wakati wa khala pitengo shi enzi shiwumwenne wakwe, awhanziwa asimbe hushitabu kwa ajili yakwe inakala yi sheria ene, afume mundajizyo yi leho whilongolela lya puti bhabhali bha Lawi. ¹⁹Ishitapu shiwhanziwa abhe mwene, na awhanziwa abhazye mukasi yakwe hunsiku zyakwe zyonti ili aje awezye amanyile ahumweshumu uYahwe Ungolobhe wawo ili aje aleme amazu gonti ni ndajizyo ene ni amuri ezi, ahuzileme.²⁰Awhanziwa wombe eshi ili aej umoyo gwakwe husanyenyuliwe hani yaholo bhakwe, ili aje asageushe uhutali ni amuri, hundelo au humongo whikusudi aje awezye huzileme insiku zyakwe katika uwumwene wakwe, umwene na bhana bhakwe, mumyongoni mwi Israeli.

¹Aputi, bhabhali Bhalawi, na makabela gonti ga Lawi, sagagayibha ni gawo wala upyano antu heka ni Israeli; bhahanziwa alye imfumizyo ya Yahwe yigombilwe hu moto hansi upyano wawo. ²Sagabhayibha nu pyano myongoni mwa holo bhawo; uYahwe pyano wawo, hansi shayanjile nawo.³Ene sababu ya puti afume hu bhantu, afume whabhala bhabhafumya imfumizyo, hansi yayibha ng'ombe au ingole: bhahanziwa afumye wha puti ibega amadele gabhele, ni sehemu zya mukasi. ⁴Iviyawo vya whande viviyawo zyaho, ihombwa yaho ipya, na mafuta gaho, na masepe gawhande gongole zyaho uhanziwa upele. ⁵Afwatanaje uYahwe Ungolobhe waho asaluye afume hu makabela gonti goho awhemelele atumishe whitawa lya Yahwe, umwene na bhana bhakwe wila.⁶Nkesho Umulawi afuma hu khaya zyenyu hunze yi Israeli yonti afuma wha khala, nanyonywe hu moyo gwakwe gonti awhenze whi enewo lya Yahwe anzasalule, ⁷basi awhanziwa atumishe whitawa lya Yahwe Ungolobhe wakwe nkesho aholo bhakwe wonti Bhalawi bhawomba, bhabhawhemelela whilongolela lya Yahwe. ⁸Bhahanziwa abhe ni gawo lililengana walye, badala ya sgila shishiwhenza alengane ni nkazyo yi pyano wifamiliya yakwe.⁹Hu wakati mwenzele honse ya Yahwe Ungolobhe wenyu ahubhapela, muwhanziwa amanyile awhenye amavisyo gi mataifa. ¹⁰Pasahapatihane mumyongoni mwenyu weka wahumeha usahala wakwe au unendo wakwe mu moto, wowonti watumila uwusu, wowonti wauwa, au unozi, unozi wowonti, ¹¹wowonti wahwizya na bhafwe, au wowonti wahwizya ni roho.¹²Wha wowonti wawomba amambo ega luvito wha Yahwe hu sababu yivwisyo ega ga Yahwe Ungolobhe wenyu ahubhefwa whilongolela lyenyu. ¹³Nawhanziwa abhe bhatimilifu whilongolela lya Yahwe Ungolobhe wenyu. ¹⁴Hu mataifa ega gamubhahugadigizye atejelezye bhala bhabhawomba ulozi nu ganga; lakini humwenyu, uYahwe Ungolobhe wenyu abhakhanile amwe awombe esho.¹⁵U Yahwe Ungolobhe wenyu ayiwhemelesya kwa ajili yenyu ukuwe afume humyongoni mwenyu, weka wa holo bhenyu, hansi ane. Muwhanziwa hutejelezye. ¹⁶Eshi shesho wawozelezezye afue wha Yahwe Ungolobhe wenyu oho hu Horebu whi siku liwongano, ayanje, "Leha tisahevwe tena isauti ya Yahwe Ungolobhe wetu, wala alole umoto ugosi tena, wala tayifwa."¹⁷U Yahwe ayanjile nane, "Shila shabhayanjile shinza. ¹⁸Imbahumwemelesye ukuwe kwa ajili yawo afume mumyongoni mwa holo bhawo, hansi awe. Imbabheshe amazu gane mwilomu lyakwe, na yayiyanga anawo gonti giwozezye. ¹⁹Yayibha hansi wowonti wasagayihevwa amazu gane gayanga whitawa lyane, nayihulyanza hu kwakwe.²⁰Lakini ukuwe wayanga izu whinsyosi whitawa lyakwe, izu zyasagaimozezye ayanje, au wayanga whitawa lya ngolobhe abhamwawo, oyo ukuwe ayifwa. ²¹Esho shesho uwhanziwa ayanje hu moyo genyu: "Tayigundula wele aje intumi ya Yahwe sagayanjile?Mwayigundula intumi ya Yahwe yayanjile pala ukuwe ayanga whitawa lya Yahwe. Hansi esho sigitokela wala sigifanyiha, basi esho shishila sha Yahwe sagayanjile nu kuwe ayanjile hu nsosi, na sagamuwhanziwa humogope.

¹Hu wakati uYahwe Ungolobhe wenyu ahugafutilila uhutali amataifa, gala ga Yahwe Unglobhe wenyu ahubhapela ense yawo, hu wakati muwhenza humwawo na khale hu khaya yawo ni nyumba, ²muhanziwa asalule ikhaya zitatu kwa ajili yenyu pakasi mwense yenyu ya Yahwe Ungolobhe ahubhapela atabbhale. ³Muhanziwa azenje idala na gabhe impaho yense iyenyu hu maenewo gatatu, ense ya Yahwe Ungolobhe wenyu awomba huyitabhale, ili aje kila weka wagoga umuntu uwenje apate ashembele epo.⁴Ene ndajizyo kwa ajili ya muntu wagoga uwenje na washembelela oho akhale: wowonti wagoga ujilani wakwe bila amanye, na epo hu mwanzo sagaavitilwe- ⁵hansi uwakati umuntu lwahinjila mwisita pamoja nu jirani wakwe ateme inkwi, ni nyobhe zyakwe wutema ikwi pansi ni ntemo, nitwe likulumuha afume mu shaha na hukhome ujilani wakwe hadi afwa- basi umuntu ono awhanziwa ashembelele hu khaya yeka yi khaya ene na khale.⁶Ivinginevyo idanda yalipizya ishisasi abhahufwate uwene wayefwizye uwomi, na whilyoyo ikhali ahushila kwa sababu yali nshulo intali. Nahukhomana hugoje, afwatanaje umuntu oyo sagayanziwaga afwe; na hata sagayanziwaga iadhabu yifwe; kwa sababu sagaavwitilwe ujirani wakwe ali shalisele afumile. ⁷Basi eshi ihuwozya asalule ikhaya zitatu kwa ajili yawo.⁸Hansi uYahwe Ungolobhe wenyu apanula impaho yenyu, hansi shalapile wha babu bhenu awombe, na hubhapele ense yonti yabhasobhezezye hubhapele ababu bhenyu; ⁹nkesho muhuzilema indajizyo ezi zyonti huziwombe, zihumbawozya ilelo indajizyo zya hugane uYahwe Ungolobhe wenyu na wila ajende mwidala lyakwe, basi muwhanziwa ahonjezye ikhaya zitatu hani kwa ajili yenyu, ndadi gala gatatu. ¹⁰Womba eshi ili aje idanda yasagaili ni hatiya isahitwe pakasi yense ya Yahwe Ungolobhe wenyu ahubhapela kwa ajili yi wupyano ili aje pasahabhe ihatiya yi danda humwenyu.¹¹Lakini nkesho wowonti ahuvitwa ujilani wakwe, ilenga lihugola, liwoha hu kwakwe, na malonda gafwe hukwakwe ili aje afwa, na nkesho basi ashembela whi khaya yeka ene- ¹²basi azehe bhi khaya yakwe bhalibhanziwa ahufumye na humwezye afume oho, nahukabiziwa hunyobhe zya holo abhahusika ili aje agoje. ¹³Iliso lyaho sagaliwhanziwa hunolele inkombo; badala yakwe; awhanziwa awhefwe ihatiya yi danda afume hu Israeli, ili aje ibhe shinza whaho.¹⁴Suguwhanziwa awhefwe ialama ya jilani waho yabhabheshele whienewo humuda untali, huupyano, hunse ya Yahwe Ungolobhe waho ahupela atabhale.¹⁵Usimisizi weka mwene sagawhanziwa awoshe whamuntu kwa ajili yi bhibhi wowonti, au kwa ajili yi mbibhi zyozyonti, whijambo lyolyonti lilili awombile imbibhi; whilomu lya simisizi bhabhele au whilomu lya simisizi bhatatu, huwhanziwa ijambo lyolyonti lisimisizwe. ¹⁶Hansi uwusimisizi wa muntu wasagali ni haki awhinula wha muntu wowonti asimisizye dhidi yakwe humambo amabhibhi.¹⁷Basi abhantu wonti bhabhele, weka kati yola uwutatu wuleho, awhanziwa awhemelele whilongolela lya Yahwe, whilongolela lya puti na bhawhamule bhabhatumila insiku ezyo. ¹⁸Abhawhamule bhawhanziwa asimisizye huwuwangalifu; enya nkesho uwusimisizi wusimisizi wilenga na wusimisiziwilwe whilenga wha holo bhaho, ¹⁹basi uwhanziwa awombe whakwe, hansi sha kusudiye awombe wha holo bhakwe, na ubhawhefwe ubhibhi afume mumyongoni mwenyu.²⁰Basi bhala bhayiwhevwa na hogope, na whandile epo na whendelele sagabhayiwomba tena ikabela yi bhibhi mumyongoni mwawo. ²¹Amaso gaho sagawhanziwa alole enkombo; ukhalo gayilipa hu khalo, iliso huliso, ilino hu lino, inyobhe hu nyobhe, inama whi nama.

¹Hu muda gufuma abhale hulogo alwe na bhibhi bhaho, nalole ifarasi, na bhantu abhinji hali ashile awe, suguwhanziwa ahuwomwogope; afwatanaje uYahwe Ungolobhe waho ali pamoja nawe, uwene waletile afume hunse yi Misri.²Hu wakati upalamila awhinjile huwite, uputi awhanziwa ahubhasojelele na yanje na bhantu. ³Awhanziwa ahubhawozye,"Tejelezi, Israeli, mubhala alwe na bhibhi bhenyu. Musahazohofisye amoyo genyu. Mungajehuwogope. ⁴Afwatanaje uYahwe Ungolobhe wenyu yoyo abhala pamoja namwe akhomane kwa ajili yenyu dhidi ya abhibhi bhenyu na hubhagombole.⁵Amaakida bhawhanziwa ayanje na bhantu na yanje, "Muntu wele wazenjile inyumba ipya na sagaayibheshele wakifu? Leha abhale na wele hu khaya yakwe, ili aje asahafwe huwite nu muntu uwamwao ayibheshe wakifu.⁶Huli wowonti watotile izabibu na sagasongwezye amayawo gwakwe? Leha abhale hukhaya, ili aje asahafwe huwite nu muntu asongwe amayawo gakwe. ⁷Muntu wele wazinjiye na wheje oshe ila bado sagayejile? Leha abhale huh khaya ili asahafwe huwite nu nume uwamwawo amweje."⁸Amaakida bhawhanziwa ayanje hani hu bhantu na yanje, "Nume wele aleho epa wali ni nuwoga au zugumanu? Leha abhale na awele hukhaya yakwe ili aje umoyo gwa holo wakwe asadologane hansi umoyo gwakwe. ⁹Hu wakati amaakida bhamalile ayanje na bhantu, bhawhanziwa asalule amajemedari pamwanya yawo.¹⁰Hu wakati mufuma ateke ikhaya, ubhawombe abhantu ewo fumilo litenganu. ¹¹Nkesho bhayiposhela utenganu na hugule amalyango gawo mukasi yakwe bhahanziwa alazimisiwe huwombele imbombo na bhawhanziwa ahutumishile.¹²Lakini nkesho sigigomba utenganu humwenyu, lakini ibadala yakwe igomba uwite dhidi yenyu, basi muwhanziwa ahunuhusu, ¹³nu wakati uYahwe Ungolobhe wenyu ahubhapela ashinde na hubhabheshe pansi yiutabhale wenyu, muwhanziwa agoje kila muntu mukhaya.¹⁴Lakini bhabhaha, abhadodo, ing'ombe, na kila hantu hahali mukasi yikhaya, ni nyara zyakwe zyonti, wayihuzyega hansi bhabhatekwilwe humwawo. Nawe wayihubhamalezya amateka na bhibhi bhaho, bha Yahwe Ungolobhe apiye. ¹⁵Uwhanziwa ahuyiwombele esho awhelekele ikhaya zyonti gagali hutali nawe, ikhaya zizili saga khaya zi mataifa zizifwatila.¹⁶Katika ikhaya zya bhantu ebha bha Yahwe Ungolobhe wenyu ahubhapela hansi upwano, muwhanziwa atunze shoshonti shishili nu womi. ¹⁷Badala yakwe, muhanziwa kabisa ateketezye: Hittite, na Amorite, Abhakanani, Abhapelezi, Abhahivite, na Wabusi, hansi uYahwe Ungolobhe wenyu shabhawozezye. ¹⁸Womba eshi ili aje bhasabhamanyizye awombe whidala livisyo, hansi shabhawombile wha ngolobhe bhawo. Nkesho mwayiwomba, mwayiwomba imbibhi dhidi ya Yahwe Ungulubhe wenyu.¹⁹Hu wakati huyizyongole ikhaya hu muda utali, ohu mukhomana dhidi yakwe ahuguteke, sagamuwhanziwa ananganye amakwi gakwe whaleme intemo dhidi yakwe. Afwatanaje wawezya alye amayawo gakwe, whesho ungajeteme. Kwa maana ikwi lya mugonda umuntu wayihulizyongola? ²⁰Ila amakwi gugamenye saga amakwi gishalye, uwezya ananganye na hugateme pansi; wayizenga amaburuji dhidi yi khaya yiwomba uwite nawe, hadi wugwe.

¹Nkesho umuntu umweje agogwilwe mukasi yense ya Yahwe Ungolobhe waho ahubhapela atabhale, agona mugonda, na sigimanyiha wehambuliye; ²basi azehe bhenyu pamjoja na bhamuzi bhenyu bhawhanziwa afume honze, na pime mukhaya yihuzyonula ola wagogwa.³Tena abhazehe bhikhaya yili jilani nubele gwa fwiye bhahaziwa aheje itambala afume hu mpoga li vyoma, yasaga iwahile autumikisiwe, wala ahuyiwosezye ijoko. ⁴Tena bhahanziwa huyilongozye ishe eyo hadi pansi yi folomo liliwhitiha amenze, ifolomu lyasagaliwahile alimwe wala atotwe na mula mwifolomo bhawhanziwa abudule insingo yenshe eyo.⁵Aputi, upapowa Lawi, bhawhanziwa awhenze whilongolela, kwa ama uYahwe Ungolobhe waho abhasaluye bhantumishile uwene na fumye insayo whitawa lya Yahwe na whamule kila amaganigani na mawo whiziw lyawo.⁶Abhazehe wonti bhikhaya yili pepe nu muntu wagogwilwe bhahanziwa anawe inyobhe zyawo pamwanya yenshe yibudulilwe insingo mwifolomo; ⁷na bhawhanziwa afumye isulusho pamwanya yijambo elyo na yanje, 'Inyobhe zyetu sagazitile idanda ene, wala amaso getu sagagalolile iswala eli.⁸Tisamehe bhantu bhaho Israeli, uYahwe, wubhagomboye na usabheshe ihatiya pamwanya ya white idanda lyasaga lilinatule mumyongoni mwa bhantu bhaho Israeli. ' Tena awhite idanda wubhasamahewe hu mwawo. ⁹Whidala eli ubhabheshe uhutali ahwite idanda wasagauli ni hatiya mumyongoni mwenyu, lwamwa yiwomba gagali minza pamaso ga YAHWE.¹⁰Lwawayibhala akhomane uwite dhi ya bhibhi bhaho nu Yahwe Ungolobhe waho ayihupela uwushindi na hubhabheshe pansi yi mamulaka yaho, na hubheje uhutali abhe bhatekwe, ¹¹nkesho wanola umateka onshe umwinza pakati yawo, nawe wanyonywa na whanze ahujejele abhe she waho, ¹²basi wayihuneta hu khaya yaho; ayisyengula insisi zyakwe na tende impopa zyakwe.¹³Tena abhakole amenda agakwete hu wakati lwahe gwagwa mateka na abhasyale hu khaya yaho na hubhalilile ubaba wakwe nu maye wakwe hu mwezi gonti. Baada yepo uwezya agone nawo nabhe nume wakwe, nape anzabhe she waho. ¹⁴Lakini nkasagawasongwezwa anawo, basi uwhanziwa ahunuhusu asogole asongwe umwene. Lakini suguhanziwa kabisa hunkazye humpeya, na tena suguhanziwa humeshe hansi uboyi, hu sababu uzalilisizye.¹⁵Nkesho unume ali na bhashe bhabhele na weka wawo agene nu wa mwawo humweje, na wonti bhapapiye abhana - wonti onshe uganwe nu she wavitilwa - ¹⁶basi whisiku lya nume lwayihubhapyanizya ishoma shakwe abhana bhakwe, sagahanziwa humombe umwana washe wagene abhe papwe wa whande kabla ya mwana wa nshe wahuvitwa, wali mwana wa whande. ¹⁷Badala yakwe, ahwanziwa hutambule umwana wa whande, umwana washe wasagaagene, hupele mala habhele yi shoma shakwe; kwa maana oyo umwana mwanzo wi ngovo zyakwe; ihaki zya papwe wahande zyakwe.¹⁸Nkesho ume ali nu mwana winsyosi na muasi wasagatii isauti ya baba wakwe au isauti ya maye wakwe wali, hata baada yalekebiswe, sagaahubhevwa; ¹⁹basi ubaba wakwe nu maye wakwe bhahanziw hunene na hunete whilongolela lya bhazehe bhi khaya na humalyango gi khaya.²⁰Bhahanziwa hubhawozye azehe bhi khaya, "Ono umwanawetu winsyosi na mwasi; sagawhanza awhevwe isauti zyetu; malaya na tena akholwa'. ²¹Tena alume wonti bhi khaya bhahanziwa hukhome hu mawe hadi afwe; namwe mwayihefwa ubhibhi munyongoni mwenyu. Israeli yonti yayihevwa pamwanya yeli na hogope.²²Nkesho unume awomba imbibhi yihanziwa agwe na tena agogwa, whanyongwe pamwanya yikwi, ²³basi ubele gwakwe sagaguhanziwa asyale usigu wonti pamwanya yi kwi. Badala yakwe, guhanziwa ahakisye uhusyela isi lyelyo; kwa maana wowonti wa syongwa agunilwe nu Ngolobhe. Eteha indajizyo ili aje usahaponye uwuchafu ense ya Yahwe Ungolobhe waho ahabhapela hansi uwupyano.

¹Suguhanziwa hujenye ing'ombe au ingole ya Mwisraeli huwa mwenyu nkakosela idala na hujifise huliwe; hakika ubhahanziwe huziwezye hu kwakwe. ²Nkesho Umwisraeli uwa mwenyu sagali pepe nawe, au nkesho sagamenye, basi uwhanziwa huyilete ihanu eyo hukhaya yaho, na lazima ubhe nayo hadi pala uwene panzahuyanze, na tena lazima uyiwezye wewe.³Uwhanziwa awombe shesho hundogobhi zyakwe; uwhanziwa awombe shesho shesho nu mwenda gwakwe uwhanziwa awombe sheshoshesho whashila hantu hatezizye Umwisraeli uwemwenyu, ahantu hohonti hatezizye na wahaga; suguhanziwa ahobhe. ⁴Sagauwhanziwa huyilole indogobhi ya Mwisraelu uwa mwenyu au ing'ombe yakwe agwe pansi mwidala na hobhe dhidi yawo; lyoli uhanziwa ahumwavwe humosye tena.⁵Oshe sagahanziwa akwate shishikusudiwa wha nume, shesho shesho unume sagahanziwa akwate amenda gashe; kwa maana wowonti wawombe ivintu evi luvisyo wha Yahwe Ungolobhe waho.⁶Nkesho ishitenjeli shinyonyi shiloleha mwidala whilongolela lyaho, mwikwi lyolyonti au pamwanya yi ardhi, nkashili ni nyana zi nyonyi au amajenza mukasi yakwe, nu maye wawao lwali humwanya yawo au humwanya yi majenza, sagauwhanziwa ahumweje umaye pamoja ni nyana au amajenza gakwe. ⁷Hakika uwhanziwa ahuneshe umaye abhale mwene, ili inynaa zyakwe uwezya huzyeje. Eteha indajizyo ene ili ubhale shinza ni nsiku zyaho ziwezye atalimpane.⁸Luzenga inyumba impya, basi uwhanziwa azenje ishitalu kwa ajili yigeblo lyaho ili usalete idanda pamwanya yi nyumba yaho untu nkagwa afume pala.⁹Sagauhanziwa atote ugonda gwaho gwimizabibu hu mbeyu zebhele, ili aje ivwuno yonti isahegwe ni sehemu yifinjilwe, imbeyu yuyitotile pamoja na matunda gi muzabibu. ¹⁰Sagauhanziwa alimile ing'ombe ni ndogobhi kwa pamoja. ¹¹Sagauwhanziwa akwate ishitambala shishigombwilwe ni sufu ni shitani kwa pamoja.¹²Uwhanziwa agombe ipindo hupembe zene zimenda guhugakwata.¹³Nkesho unume sagaahejile oshe, tena agona nawo na pamande huvwitwe, ¹⁴na tena ashitaki huvintu vinsoni na hunangayizizye intemo yakwe whayanje, "Namwejile ono oshe, lakini lwanapalamila saganaweje uwusimisizi wiubikila hu kwakwe".¹⁵Tena ubaba nu maye muzazi wa nendo bhawhanziwa atwale uwusimisizi wi ubikila wakwe whabha zehe munylango gwi khaya.¹⁶Ubaba wa nendo awhanziwa hubhawozye abhazehe, "napiye unendo wane wha nume ono abhe she wakwe, nape ahuvitwa. ¹⁷Enya, atuhumule ni vintu vinsoni na yanje, "Saganaweje uwusimisizi wi ubikra wha nendo waho". Ila uwusimisizi owo epa wi ubikra wa nendo wane". Tena bhasambazya ishuka whilongolela lya bhazehe bhi khaya.¹⁸Abhazehe bhi khaya bhahanziwaa ahumweje unume oyo na humwadhibu; ¹⁹nape bhawhanziwa hufumye isombo li shekeli imia yeka yi mpeya, na hupela ubaba wa nendo, kwa sababu unume asababisizye intemo imbibhi wha bikra wi Israeli. Unendo ono awhanziwa abhe she wakwe; unume ono sagawhanziwa hudigizye zyakwe zyonti.²⁰Nkesho ijambo eli li lyoli aje usimizi wa bikra yanendo sagawapatihene, ²¹basi bhawhanziwa hutwale unendo munylango mwa baba wakwe, na tena abhalume bhi khaya yakwe, bhawhanziwa hukhome wha mawe hadi afwe, kwa sababu awombile ijambo li nsoni hu Israeli, wha womba hansi umalaya pansi yi nyumba ya baba wakwe, namwe mubhabhe mwefwizye ubhibhi mumyongoni mwenyu.²²Nkesho unume bhamweje agonile nashe wali she wa muntu, basi wonti bhawhanziwa afwe, unume wagonile nushe pamoja nushe yoyo; namwe mubhabhe mwefwizye ubhibhi mumyongoni mwenyu.²³Nkesho huli unendo ubikra, wazinjiliwilwe nu nume, tena unume uwa mwawo amwaga hu mujini na gone nawo, ²⁴bheji wonti bhabhele mumalyango gi khaya, na hubhakhome mawe. Uwhanziwa hukhome unendo amawe, kwa sababu sagakholile isauti alabhe umusada, ingabha amweje mukasi yi khaya. Kwa sababu amwinjiliye oshe wa jilani wakwe; namwe munzabhe mwefwizye ubhibhi mumyongoni mwenyu²⁵Lakini nkesho unume amweje unendo wazinjililwe hugona na nkesho akhata na gone nawo, basi unume mwene wagonile nawo yoyo lazima afwe. ²⁶Lakini hu kwakwe unendo musawombe hohonti; emo imbibhi yiwhanziwa afwe mkwakwe unendo. Kwa maana whiswala eli lili hansi unume ahushambulila ujilani wakwe na hugoje. ²⁷Kwa maana amweje hugonda; unendo ono wazinjililwe akholile hu sauti, lakini sagapali umuntu wa hugombole.²⁸Nkesho unume amweje unendo wali bikra lakini sagazinjililwe, na nkesho anema na gone nawo na nkesho bhagunduliha, ²⁹basi unume wagonile nawo lazima afumye ishekeli hamusini zimpeya wha baba wa nendo, nape lazima abhe she wakwe, kwa sababu azalilisizye. Sagawhanziwa hudigizye hu nsiku zyakwe zyonti.Unume sagahanziwa ahumweje oshe wa baba wakwe hansi wakwe; sagawhanziwa awheje ihaki zi ndowa zya baba wakwe.

¹Unume wakwaluzuzshe wha polwe au atemwe sagaluhusiwa awhinjile pampoga ya Yahwe. ²Umwana haramu sagaluhusiwa abhe myongoni mwi wongano lya Yahwe; afume hadi impapo ya kumi yi uwupapo wakwe, nomo pakasi yawo wahwanziwa abhe pa mpoga ya Yahwe.³Umuamori au Ummoabu sagaruhusiwa abhe myongoni mwi mpoga ya Yahwe; afume hadi ishipapo sha kumi shi uwuwpapo wakwe, nomo pakasi yawo wahanziwa abhe pampoga ya Yahwe. ⁴Ene ni kwasababu sagabhatangene namwe whibumunda na menze mwidala lwamwefumile honze yi Misri, na kwa sababu mwakodile uBalamu umwana wa Beoro afume hu Pethoro hula hwa Aramu Naharaimu, abhagune.⁵Lakini uYahwe Ungolobhe waho sagaatejelezezye uBalaamu; badala yakwe, uYahwe Ungolobhe waho ageuzizye ishigugne abhe lusayo humwenyu, kwa sababu uYahwe Ungolobhe waho abhaganile. ⁶Sagamuwhanziwa awhanze utenganu amafanikiyo gawo, hunsiku zyenyu zyonti.⁷Saga uhanziwa ahuvitwe Umuedomi, kwa maana yu kaka waho; sagauwhanziwa huvitwe Ummisri, kwa maana wali jenu honse yakwe. ⁸Apapwe bhi shipapo sha tatu bhabhapapwa hu mwawo wawezya abhe katika whiwongano lya Yahwe.⁹Lwawayijenda shijeshi dhidi ya bhibhi bhaho, basi uwhanziwa ahujitenje na kila kabela liwubhibhi. ¹⁰Nkesho mumyongoni mwenyu huli unume walimwinza kwa sababu yi jambo liliwombeshe hu kwakwe nusiku, basi awhanziwa afume honze yi shegu shijeshi; sagawhanziwa awele whi kambe. ¹¹Ishalyabhela nkayafiha, awhanziwa ajojesye na menze; ni senya nkalyadwina abhawele mukasi yikambe.¹²Tena uwhanziwa abhe ni enewo honze yi kambe lyubhabhale; ¹³na ubhabhe na hantu huzana zyaho zya banile; lubhachumale ahujisaidile, uwhanziwa abane ichoho na tena awezezye ilongo n kwinshile shila shishifumile whaho. ¹⁴Kwa maana uYahwe Ungolo9bhe waho ajenda mumyongoni mwi kambe yenyu ahubhapele uwushindi na huhapele abhibhi bhenyu munyobhe zyenyu. Whesho ikambe yenyu lazima ibhe mfinjilwe, ili aje asahalole ahantu hohonti ahabhibhi mumyongoni mwenyu na hubhaleshe.¹⁵Sagauwhanziwa ahumwezezye ugosi utumwa watoloshe hu kwakwe. ¹⁶Nuhusu akhale peka nawe, whi khaya yoyonti yanzasalule. Usamonele.¹⁷Sagapahanziwa abhe nu malaya wi shizehebu mumyongoni mwa lendo bhi Israeli, na wala sagapahanziwa abhe nu malaya wishizehebu mumyongoni mwa bhana bhi shilume bhi Israeli. ¹⁸Sagauhanziwa alete iposho ya malaya au iposho ye mbwa mu nyumba ya Yahwe Ungolobhe waho.¹⁹Sagauhanziwa ahukhopezye Umuisraeli uwa mwenyu hu riba -- iriba yi mpeya, yishalye, au iriba yi hantu hohonti shikhopezwa hu riba. ²⁰Wha jenu uwezwa hukhopezye hu riba; lakini wha Mwisraeli uw amwenyu sagauhanziwa akhopezye huriba, ili aje uYahwe Ungolobhe waho awezye husaye wa kila jambo lyobheha munyobhe zyaho, hunse yamubhala atabhale.²¹Luwomba indapo wha Yahwe Ungolobhe waho, sagauwhanziwa akhale ahuyitimizye, kwa maana uYahwe Ungolobhe waho lyoli abhadayi indapo eyo; yayibha mbibhi huliwe nkasagawatimizya. ²²Lakini nkesho wayihujizubhila afumye indapo, sagayayibha mbibhi huliwe. ²³Shila shishifumile mwilomu lyaho uwhanziwa hushifwate na hushitekelezye; alengane ni ndapo yutamushe wha Yahwe Ungolobhe waho, shoshonti shutamushe hu hiyari whilomu lyaho.²⁴Lwawayibhala hugonda gwimizabibu lya jirani waho, uwhanziwa alye amizabibu ihesabu yoyonti yuwhanziwa, ila sagauhanziwa abheshe yoyonti mwiseje lyaho. ²⁵Lwawayibhala hugonda liviyawo vivivunilwe vya jilani waho, uwezya avune itwe limavuno hu nyobhe yaho, ila sagauhanziwa atumile ishikwakwa avune iviyawo vivijinile vya jirani waho.

¹Unume nkayega oshe na humweje, nushe nkasaga ayeteha pa maso pa nume kwa sababu agundula ijambo lyasaga linza hu kwakwe, basi awanziwa asibile italaka, ayibheshe munyobhe zyakwe, na hudigizye munyumba yakwe. ²Nkasogola munyumba yakwe, awezizye abhale nabhe ashe wa nume uwa mwawo.³Nkesho unume wabhele avwitwa na husimbile italaka, ayibheha munyobhe zyakwe, na hudigizye hukhya yakwe; au ono unume wa bhele afwa, unume wamwejile abhe she wakwe -- ⁴basi unume wa whande, ola wadigizizya mala ya whande, sagaaluhusiwa humweje nantele abhe she wakwe, baada yawene abhe chafu, kwa maana eyo yayibha visyo wha Yahwe. Sagauhanziwa asababisye ense ibhe ni hatiya, enshe ambayo uYahwe Ungolobhe waho ahupela hansi upyano.⁵Unume lwayihega oshe umpya, sagaayibhala huwito ni jeshi, na wala sagaayihamuliswa ayibha tenganu abhe hu khaya humwaha gonti ma ayihusongwezya oshe wakwe wamwejile.⁶Unume wowonti sagaayihega itori wala iwe li toti hansi idhamana, kwa maana eyo yayibha hu wheje wa muntu hansi idhamana.⁷Nkesho unume bhamweje atekile weka wa kaka bhakwe mumyongoni mwa bhantu bhi Israeli, na humombele hansi utumwa na tena hukazye, oyo umwibha lazima afwe; na ubhabhe uyefwizye ubhibhi mumyoni mwenyu.⁸Ubhe mwangalifu ahusu ishi ini shoshonti shi wukoma, ili aje ubhe makini katika achunguzye na fwate kila ndajizyo lyupewa whaho lya puti, Alawi, bhahumanyizya; hansi shanabhawozezye, ili utekelezye. ⁹Kumboshi yenu uYahwe Ungolobhe waho shamombile uMiriamu lwawfumaga hu Misri.¹⁰Lufumya inyobhe wikabela yoyonti wha jirani waho, sigihanziwa abhale mukasi yi nyumba yakwe awhanze idhamana yakwe. ¹¹Wayihemelela honze, nu nume waleho whaho ayileta idhamana yakwe honze whaho.¹²Nkesho muntu pena, sagauhanziwa agone ni dhamana yakwe nkili munyobhe zyaho. ¹³Lyoli uhanziwa ahumwezezye idhamana yakwe shalisele isenya adwine, ili awezye agone mukasi yi mwenda gwakwe na asaye; yayibha ufinjile huliwe whilongolela lya Yahwe Ungolobhe waho.¹⁴SIgihanziwa humonele uboyi wa ajiliwe wali pene na wawhanza, hata nkesho holo wi Israeli, au bhajenu bhaleho monse mukasi yi malyango gikhaya yaho; ¹⁵Kila lisiku uwhanziwa hunipe umushahara gwakwe; isenya sahaliwhanziwa adwine shalisele iswala eli atatuliwe kwa mana pena na ahuutegemela. Womba eshi ili asahalile dhidi yaho wha Yahwe, na aje isahabhe naibhe mbibhi yuyiwombile.¹⁶Abhazazi sagabhawhanziwa agogwe huniaba ya bhana bhawo, na wala abhana sagabhahanziwa agogwe huniaba ya abhazazi bhawo. Badala yakwe, kila muntu ahanziwa agogwa humbibhi yakwe yoyo.¹⁷Saga uhanziwa atumile engovo awheje ihaki yihumusu ujenu au uyatima, wala aheje umwenda gwa mujane hansi idhamana. ¹⁸Badala yakwe, uwhanziwa ukomboshe yaje wali boyi hu Misri, na aje uYahwe Ungolobhe waho agomboye afume hula. Whesho ihulajizya aleme iamri ene.¹⁹Lwawayivuna izawo lyaho mugonda mwaho, na wewa ishipande shi mbeyu mugoda, sagauwhanziwa awele na husheje; shiwhanziwa abhe asha jenu, sha yatima au sha mujane, ili uYahwe Ungolobhe waho asaye hu mbombo yi nyobhe zyaho. ²⁰Lwawayinzya ikwi lyaho li muzeituni, sagauwhanziwa azubhe hu mwanya yi masamba tena; yayibha kwa ajili ya jenu, whayatima na bhajane.²¹Lwawayiwonganya amizabibu mugonda gwaho, sagauwhanziwa awonganye gagasyalile tena. Shishisyala shayibha sha jenu, sha yatima na bhajane. ²²Uwhanziwa ukomboshe aje wali boyi honse yi Misri; ihulajizya atii iamri ene.

¹Nkesho whayibha na amalumbano kati ya lume na bhabhala whibaraza, na bhamuzi bhabhahukumu, basi bhanzahuneshele ufinjele na humukumu umibhi. ²Nkesho unume watule awhanziwa akhomwe, basi umwamuzi anzahumombe agone pansi na khomwe whilongolela lyakwe huidadi yiyangilwe alengane ni kosa lyakwe.³Umwamuzi awezya hupele ihomo arobaini, lakini sagaawhanziwa afwemele iidadi eyo na hukhome hu homo iya mwawo hani, basi Umuisraeli awamwenyu ayibha asosezye whilongolela li maso genyu.⁴Sagauwhanziwa ahuyipinye indogobhi yaho impulo ni lomu lyayilima mugonda gwaho.⁵Nkesho ukaka bhakhala pamoja na weka wawo afwa bila abhe nu mwana, basi oshe wa malehemu sagaahanziwa awhegwe nu muntu hunze yi familia. Badala yakwe, ukaka wakwe wanume wakwe awhanziwa agone nawo na humweje abhe she wakwe natekelezye uwajibu wa kaka wa nume hu kwakwe. ⁶Ene huje umwana wa whande wayipapwa apyana pansi yi tawa lya kaka wakwe unume wafwiye, ili itawa lyakwe lisateje mukasi yi Israeli.⁷Lakini nkesho unume sagawhanza humweje oshe wa kaka wakwe abhe wakwe, basi oshe wa kaka wakwe awhanziwa abhale panylango hadi whazehe na yanje, "Ukaka wa nume wane akhanile awhajibishe hu niaba litawa lya kaka wakwe amu Muisraeli; sagawhanza awombe uwajibu wa kaka wa nume wane". ⁸Tena azehe bhi khaya yakwe bhahanziwa hu kwizye na yanje anawo. Lakini tiyanje abhasisitizye na yanje, "Sagaiwhanziwa humweje".⁹Basi oshe wa kaka wakwe awhanziwa ahwenze hu kwakwe whilongolela lya zehe, ahukole indara zyakwe mumanama gwakwe, na huswelele umaso. Ahanziwa ajibu na yanje, "Esho shesho shishiwombeha wha nume wasagawhanza azenje inyumba ya kaka wakwe". ¹⁰Itawa lyakwe hu Israeli lyayikwiziwa, "Inyumba ya muntu wakolewelwe indala zyakwe".¹¹Nkesho alume bhakhomene bhewo kwa bhewo, nashe wa weka wawo ayenza hugombole unume dhidi yola wakhomile, nape agolosya inyobhe yakwe na huneme isehemu zi hoyi, ¹²basi uhanziwa huyiteme inyobhe yakwe; iliso lyaho sagaliwhanziwa abhe ni nkombo.¹³Sagauwhanziwa abhe ni mizani yi mwamu tofauti mwifuko lyaho, igosi ni dodo. ¹⁴Sagawhanziwa abhe ni vipimilo tofauti mukasi yi nyumba yaho, ivigosi ni vidodo.¹⁵Uwhanziwa abhe nu mwamu kamili na wihaki; uwhanziwa abhe ni vipimilo kamili ni vi haki, ili insiku zyaho zibhe ntali huns ya Yahwe Ungolobhe waho ahupela. ¹⁶Kwa maana wonti bhawomba ivintu evi wonti bhabhabudula ihaki, luvisyo wha Yahwe Ungolobhe waho.¹⁷Komboha lijambo wele uAmeleki lyawombile huliwe mwidala lwawafumile hu Misri, ¹⁸jinsi lwatanganile nawe mwidala na hubhashambulile amwe sha whisinda, bhala bhabhali bhanyongonyeye whisinda, lwamwali bhadhaifu na lite, sagaamwishimule Ungolobhe. ¹⁹Whesho, uYahwe Ungolobhe waho lwayihubhapela ulotoyo wha bhibhi bhaho kila sehemu, hunse ya Yahwe Ungolobhe waho ahubhapela atabhale hansi upyano, sagauhanziwa awhewe aje uwhanziwa afute inkomboho ya Bhamaleki pansi yimwanya.

¹Lwawayifiha ense yili uYahwe Ungolobhe waho ahupela hansi upyano, na lwawayihuyitabhala na khale mukasi yakwe, ²basi uwhanzwa awheje baadhi yi vwuno zyonti zya whande zi ardhi gugaletile afume honse ya Yahwe Ungolobhe waho ahupela. Uwhanziwa ahugabheshe mukasi yi seje na bhale whienewo lya Yahwe Ungolobhe waho ahupasalula hansi mahali pafinjile.³Uhanziwa abhale wha puti wanzabhe ahudu hunsiku ezyo na humozye, "Isiku lilelo iwheteha wha Yahwe Ungolobhe yaje inenzele honse yili ya Yahwe yalapile wha babu bhetu hutipele". ⁴Uputi awhanziwa awheje iseje munyobhe zyaho na hushibheshe pamadhabahu ga Yahwe Ungolobhe waho.⁵Uhanziwa ayanje whilongolela lya Yahwe Ungolobhe waho, "Ibabu wane ali Mwalemi wazyongole. Abhalile pansi hadi hu Misri na khale hul, ni idadi ya bhantu bhakwe yali ndodo. Hula abhalitaifa igosi, li ngovo ni idadi ingosi.⁶Abhamisri bhatiwombeye ishibhibhi na hutiyevye. Bbhatilazimisizye awombe imbombo zitumwa. ⁷Taniliye uYahwe, Ungolobhe wa baba bhetu, nape ahevwezye isauti zyetu nalole amayomba getu, imbombo zyetu na mayemba getu.⁸U Yahwe atefwizye hu Misri hu nyobhe yakwe ingosi, hu nyobhe yakwe wuwugolosewelwe, hu woga ingosi, hu ishara na mayele; ⁹na atiletile isehemu ene na hutipele ense ene, ense yiwhitiha izibha nu woshi.¹⁰Enya eshi, indetile ivwuno zya whande afume honse yili awe, Yahwe umpiye. " Uwhanziwa abheshe pansi whilongolela lya Yahwe Ungolobhe waho na humwabudu whilongolela lyakwe; ¹¹na uwhanziwa asongwe hu minza gonti ga Yahwe Ungolobhe waho awombeye, kwa ajili ni nyumba yaho -- awe, nu Mulawi, nu jenu wali mumyongoni mwaho.¹²Lwawayimala afumye izaka yonti yivwuno humwaha wa tatu, yani umwaha wafumye izaka, basi uwhanziwa hubhapele Umulawi, wha jenu, wha yatima, na wha mujane, ili aje bhwezye alye mukasi yi malyango genyu gi khaya na amemeswe. ¹³Uwhanziwa ayanje whilongolela lya Yahwe Ungolobhe waho, "Imfumizye afume hu khaya yane ivintu vivili shoma sha Yahwe, na hupela Umulawi, ujenu uyatima, nu mujane, alengane ni amri zyonti zyumpiye. Sigivwunzile iamri yaho yoyonti, wala sagainzyewelwe.¹⁴Sigindiye pamansozi gane wala saga inzebheshele pamahali apenje lwanali chafu, wala sagainzegwizye pakasi yawo hunshinshi ya bhafwe. Entejelezezye isauti ya Yahwe Ungolobhe wane; Eneteshe kila hantu shombozezye awombe. ¹⁵Enya ense afume pamahali pafinjile pukhala, afume humwanya, na usaye abhantu bhaho Iisraeli, ne nse yutipiye, hansi shawalapile wha babu bhetu, ense yiwhusya izibha nu woshi.¹⁶Ilelo uYahwe Ungolobhe waho ahubhawozya awheteshe indajizyo ezi; basi wayihuzilema na huziwombe humoyo gwaho gonti na hunafsi yaho yonti. ¹⁷Utamushe ilelo aje uYahwe yu Ngolobhe waho, naje wayijenda mwidala lyakwe na huzilemelele indajizyo zyakwe, na malajizyo gakwe ni amuri zyakwe, naje ubhatejelezye isauti yakwe.¹⁸Ilelo uYahwe atamushe aje mulibhantu bhi shoma shakwe, hansi shabhasobhezezye humwenyu, naje muwhanziwa alemelele indajizyo zyakwe zyonti. ¹⁹Na anzahubhabheshe pamwanya hani yimataifa aganje ggawombele namwe mwayiposhela entemo. Uwumalufu ni nshinshi. Bhayibha bhantu bhabhabheshewe honshenje ya Yahwe Ungolobhe waho, hansi shayanjile."

¹U Musa na azehe bhi Israeli bhabhawozezye abhantu na yanje, "Zilemi iamri zyonti zihumbwozya ilelo. ²Whunsiku zya mwayishila pamwanya yi Yordani hunsi ya Yahwe Ungolobhe waho ahubhapela, muwhanziwa agombe madodo amagosi na hugazyeme hulipu. ³Muhanziwa ahugasimbe pamwanya yakwe amazu gi ndajizyo ene pala pamufwemela; ili muwezye abhale hunse ya Yahwe Ungolobhe waho ahubhapela, ense yiwhiha izibha nu woshi, hansi uYahwe, Ungolobhe wa babu bhenyu, abhasobhezezye⁴Lwamwayifwemela pamwanya yi Yordani, gapanji ego amawe gihumbawozya ilelo, pamwanya yigamba li Ebali, na muzyeme hulipu. ⁵Epo muwhanziwa azenje imazabahu wha Yahwe Ungolobhe waho, idhahabu li mawe; lakini sagauwhanziwa winule ishombo shi chuma azenje mawe.⁶Uwhanziwa azenje izabahu lya Yahwe Ungolobhe waho hu mawe gasagagali ni mbombo; uwhanziwa afumye imfumizyo yateketezye pamwanya yakwe wha Yahwe Ungolobhe waho, ⁷na unzafume isadaka ya wonti na wayilya pala; wayisongwa whilongolela lya Yahwe Ungolobhe waho. ⁸Wayisimba pamwanya yi mawe amazu gonti gondajizyo ene huwazi.⁹U Musa na puti, Abhalawi bhahizizye na Bhaisraeli wonti na yanje, "Pumi na tejelezi Israeli: Ilelo muli bhantu bha Yahwe Ungolobhe wenyu. ¹⁰Muwhanziwa basi awheteshe isauti ya Yahwe Ungolobhe wenyu na huyeteshe iamri ni ndajizyo zyakwe zihumbawezya ilelo."¹¹U Musa abhawozezye abhantu isiku elyo elyo na yanje, ¹²"Amakabela ega gawhanziwa awhemelel pamwanya yi gamba Gerizimu ahubhasaye abhantu baada yenyu afwemele hu Yordani; uSimiyoni, uLawi, uJudah, uIsakari, uYusufu nu Benjamini.¹³Ega makabela gagali lazima gemelele pamwanya yi gamba Ebali atamushe ishigune: U Rubeni, uGadi, uAsheri,u Zabuloni, uDan nu Naftali. ¹⁴Alawi bhayijibu na yanje whalume wonti bhi Israeli hu sauti ingosi:¹⁵"Agunyle unume wa chonga ishifwani au ishinyago, luvisyo wha Yahwe, imbombo yi nyobhe yiwufunsi, yayihuyiwomba hu siri". Tena abhantu wonti bhahanziwa ajibu na yanje, 'Amina'.¹⁶Agunyle unume wahusosya ubaba wakwe au umaye wakwe. Tena abhantu wonti bhayanje, 'Amina'. ¹⁷Agunyle unume wafumya ialama yi ardhi.' Tena abhantu wonti bhayanje, 'Amina'.¹⁸Agunyle unume wasababisya ukipofu afume honze yidala. Tena abhantu wonti bhayanje, 'Amina'. ¹⁹Ayanjile unume watumila engovu afwole ihaki ya jenu, uyatima, au umujane. Tena abhantu wonti lazima bhayanje, 'Aamina'.²⁰Agunyle unume wayigona nushe wa baba wakwe, kwa sababu ayibha ayejile ihaki zya baba wakwe'. Tena abhantu wonti lazima bhayanje, 'Amina'. ²¹Agunyle unume wayigona ni kabela yoyonti yi hanu'. Tena abhantu wonti lazima bhayanje, 'Amina'.²²Agunyle unume wayigona nu yilombo wakwe, unendo wa baba wakwe au unendo wa maye wakwe. Tena abhantu wonti lazima bhayanje, 'Amina'. ²³Agunyle unume wayigona umaye ukhoyi'. Tena abhantu wonti lazima bhayanje, 'Amina'.²⁴Agunlye unume wayihugoga ujilani wakwe hu siri'. Tena abhantu wonti lazima bhayanje, 'Amina'. ²⁵Agunyle unume waposhela ihongo hugoje umuntu wasaga ali ni hatiya'. Tena abhantu wonti lazima bhayanje, 'Amina'.²⁶Agunlye unume wasagasibitisya amazu gindajizyo ene, ili aje agaleme. ' Tena abhantu wonti lazima bhayanje, ''Amina'.

¹Nkubhatejelezye hu makini isauti ya Yahwe Ungolobhe waho ili aje ulemelele iamri zyakwe zyonti zyahuwozya ilelo, uYahwe Ungolobhe waho anzahubheshe pamwanya yi mataifa gonti ga panse. ²Insayo ezi zyonti zinzahwenze whaho na hushile, nkesho unzatejelezye isauti ya Yahwe Ungolobhe waho.³Unzasaywe mukasi yi khaya na unzasaywe hugonda. ⁴Amayawo gi bele gwaho ganzasaywe na mayawo gi ardhi yaho, na mayawo gibhanyama bhaho, ulonjeleho lwi ng'ombe zyaho, na usangwi lwi ivyoma vyaho.⁵Shinzasaywe iseje lyaho ni shombo sha kandile. ⁶Unzasaywa lwawayiwela mukasi, na wayisaywa lwawayifuma honze.⁷U Yahwe anzasababisye abhibhi bhaho bhabhahinuha dhidi yaho akhomwe pansi whilongolela lyaho; bhanzahuyifumizye dhidi yaho whidala lyeka lakini bhayishembela whilongolela lyaho hu madala saba. ⁸U Yahwe ayileshela insayo ahwenze huliwe; huvyanga vyaho na kila lubheha inyobhe yaho; anzahusaye humbe yaho yahupela.⁹U Yahwe anzahubhaimalisye hansi abhantu bhabha bheshewelwe kwa ajili yakwe, hansi shalapile hu mwenyu nkesho mwayilemelela iamri zya Yahwe Ungolobhe wenyu, na jende mwidala lyakwe. ¹⁰Abhantu wonti bhi duniya bhanzalole aje akwiziwilwe whitawa lya Yahwe, nape bhayihuwogopa.¹¹U Yahwe anzahuwombe abhe nu mafanikiyo hani hunayawo gibele gwaho, hu mayawo gi ng'ombe zyaho humayawo gi ardhi yaho, hunse yalapile wha babu bhaho hubhapele. ¹²U Yahwe anzahugule whaho ishanga shaho limwanya aluhusu ivwula pamwanya yi ardhi hu muda gogo, na saye imbombo zyonti zinyobhe zyaho; wayikhopezya hu mataifa aminji, ila awe sagawayikhopa.¹³U Yahwe ayihuwomba abhe litwe, na saga ulubinda; wayibha pamwanya tu, na sagawayibha pansi, nkesho wayitejelezya iamri zya Yahwe Ungolobhe waho zihuwozya ilelo, ili huzilemelele na huziwombe, ¹⁴na nkasaga ugeuha shinyume na amazu gogonti gihuwozya ilelo hundelo whaho wala humongo whaho na fwate anglobhe abhamwawo nahubhatumishile.¹⁵Lakini nkasaga uutejelezya isauti ya Yahwe Ungolobhe waho, na lemelele iamri zyakwe zyonti ni ndajizyo zyakwe zihuwozya ilelo, basi ishigune eshi shonti shaihenza whaho na hushile.¹⁶Wayigunyla lwa wayibha hu mujini, na wayigunyla lwawayibha hu magonda. ¹⁷Shayigunyla ishiseje shaho ni shombo shaho sha kandishile.¹⁸Lyayigunyla iyawo libele gwaho, iyawo li ardhi yaho, ulonjeleho lwi ng'ombe zyaho na abhacheche bhi vyoma. ¹⁹Ubhagunlye hu wela, na wayigunyla lufuma.²⁰U Yahwe ayituma ishigune pamwanya yaho, achanganyishiwe na mashutumu hu kila jambo lyubheha inyobhe zyaho, hadi lwayihangamizwa haraka kwa sababu yi matendo gaho amabhibhi gawayibha untelekezezye ane. ²¹U Yahwe ayiwomba ihomo lilemelele hadi huteketezye fume hunse yawayibhala atabhale.²²U Yahwe ayihushambulila humpongo zya hambushizye hunzegem wha vimbe whishisenya ni senya, ikhali, nahunkongu ihali nahuwukungu. Evi vyayihudigizya hadi uangamile.²³Imwanya zizili hu mwanya yi matwe genyu zyayibha shaba, ni ardhi pansi yenyu yayibh chuma. ²⁴U Yahwe ayiwomba ivwula yi ardhi yaho abhe ni suto, afume humwanya vyayiwhiha whaho, hadi lwawayihangamila.²⁵U Yahwe ayihusubabisya ukhomwe whilongolela lya bhibhi bhaho; wayihubhafwata whidala lyeka dhidi yawo lakini wayishembela whilongolela lyawo hu madala saba. Wayitwalwa oho na hula mumyongoni mwa mwenne bhe nse. ²⁶Umuzoga gwaho gwayibha shalye shi nyonyi zyonti zya humwanya na huhanu zya muduniya; sagawhayibha umuntu wa huwogofye.²⁷U Yahwe ayihubhashambulila na mapomba ga hu Misri na malonda, ishiseyeye muwasye wasagawayipona. ²⁸U Yahwe ayihushambulila huwulalusi, huwupofu pamoja na changanyiwe injele. ²⁹Wayipalamansya palamansya shasenya hansi ushipofu iwapalamansya nu siku, sagawayifanikiwa hu madala gaho; wila wayididimiziwa na fyolwe na sagawhayibha umuntu wa huhokole.³⁰Wayihuzinjila oshe lakini unume uwa mwawo ayihunema na hubake. Wayizenga inyumba lakini sagawayikhala mukasi yakwe; wayitota ugonda gwimizabibu ila sagawayisongwa amayawo gakwe. ³¹Ing'ombe yaho yayiwolwa whilongolela li maso gaho, lakini sagawayila inyama yakwe; indogobhi yaho yayihegwa hu ngovo whilongolela lyaho na sagabhayiwezya huliwe. Ingole zyaho bhayipewa abhibhi bhaho, na sagawayibha nu muntu wahuwhavwe.³²Abhana vishilume na lendo bhaho bhayipewa hu bhantu abha mwawo; amaso gaho gayihubhanza whi siku lyonti, ila kagayipotwa hushawuku pamwanya yawo. Sagamwayibha engovo munyobhe zyaho.³³Ivwuno yi ardhi na yi mbombo yaho yonti -- itaifa lyasaga ulimenye lyayihugasyola; wila wayiwonela na didimiziwe, ³⁴ili ulemwe na mazimu hola gawayihugalola lwagawombeha. ³⁵U Yahwe ayihushambulila mumafugamo na mumanama hu mapomba amakhali gasagawayiwezya apone, afume pansi yi manama gaho hadi pamwanya yitwe lyaho.³⁶U Yahwe ayihubhega pamoja nu mwenne wa mwayibha mumeshele pamwanya yenyu whi tayifa lyasagamulimenye, ala amwe au ababu bhenyu; hula mwayihabudu angolobhe abhamwawo bhi mbawo na mawe. ³⁷Nawe wayibha mwanzo wivitisyo, nu wuvumi, imithali, mumyongoni mwa bhantu wonti ambaho uYahwe ayihutwala.³⁸Wayibheha imbeyu inyinji mugonda, ila wayiwonganya ndodo kwa mana inzige yayihuziteketezya. ³⁹Wayitota amagonda gi mizeituni na hugasagule lakini sagawayimwela ihombwa yoyonti, wala saga wayiwonganya amayawo gogonti, kwa maana ifunza zyayilya.⁴⁰Wayibha na makwi gi mizeituni whi enewo lyaho, lakini sagawayihujipaha amafuta gogonti pamwanya yaho, kw maana ikwi lyaho limuzeituni lyayigwisya amayawo gakwe. ⁴¹Wayibha na bhana bhishilume na lendo, lakini sagabhayisyala abhe bhaho, kwani bhayihegwa mateka.⁴²Amakwi gaho gonti na mayawo gi ardhi yaho - inzige bhayihujejela. ⁴³Ujenu wali mumyongoni mwaho ayiwoha pamwanya na pamwanya, awe wewe ubhawhishe pansi na pansi . ⁴⁴Ayikhopezya, lakini sagawayihukhopezya; ayibha litwe, nawe wayibha lubida.⁴⁵Ishigune eshi shonti shayihuwhenzela pamwanya yaho na huwhandame na hushile hadi lwawayiteketela. Ene yayifumila hu sababu sagawayevwezye isauti ya Yahwe Ungolobhe waho, ili alemelele iamri ni ndajizyo zyakwe shawozezye. ⁴⁶Ishigune ishi shayibha pamwanya yaho hansi ishara na miujiza, na pamwanya yi papwe bhaho wila.⁴⁷Kwa sababu saga wamwabudile uYahwe Ungolobhe waho husongo na songwe mmoyo gwakwe lwawali na mafanikiyo, ⁴⁸whesho wyitumishila abhibhi uYahwe bhayituma dhidi yaho; bhayihubhatumishi ni nzala, ni kiwu, huwelele, na hupena. Ayibheha izigo lichuma pamwanya yinsingo yaho hadi ateketezye.⁴⁹U Yahwe ayileta itaifa dhidi yaho afume uhutali, afume humwisho yense, hansi insimla yipuluha wha muhanga wakwe, ⁵⁰itaifa linjango yakwe suguhelewa; itaifa lisola ikatili lyasagaliheshimu azehe sagalilolesya ifadhila whadodo. ⁵¹Bhayila acheche bhi ng'ombe zyaho na amayawo gi ardhi yaho hadi lwawayihangamizya. Sagabhayihubhaleshela iviyawo, ihombwa ipya, au amafuta, achechebhi ng'ombe au ivyoma vyaho, hadi lwabhayisababisya awhepe haho.⁵²Bhayihubhazyongola hu malyango gikhaya zyenyu hadi ikuta zyenyu intali ni imara lwazyayiwhiha pansi pi ardhi, imbomba zyamwazyaminile. Bhayihubhazyongora mukasi yi malyango gi khaya yenyu afumile honse ya bhibhi bhaho bhayibheha pamwanya yaho. ⁵³Utakula tunda la mwili wako mwenyewe, nyama ya watoto wa kiume na binti zako, ambao Yahwe Mungu wako aliwapatia, katika uvamizi na katika dhiki ambayo adui zako wataweka juu yako.⁵⁴Unume umololo nu goyigoyi mumyongoni mwenyu -- ayibha nu kele wha kaka bhakwe na whashe wakwe na wha bhana wonti bhabhasyalile. ⁵⁵Whesho sagaayihubhapela paasi yawo inyama yi bhana bhakwe yayibhala huyilye, kwa sababu sagaayisyaliwa na shoshonti huwuvamizi ni dhiki yayibheha umibhi waho pamwanya yaho mukasi yi malyango gonti gi khaya yaho.⁵⁶Oshe umololo na ugoyigoi mumyongoni mwenyu, wasagayidiriki abheshe isheto linama lyakwe mu ardhi hu sababu yi wololo na mashento gakwe -- ayibha nukelo wha nume aganyle wakwe mwene, wha mwana wakwe wishilume, na wha nendo wakwe, ⁵⁷na wha mwana wakwe ucheche wayifuma pakasi yi manama gakwe, na whabhana mayipapa. Ayihubhala husiri kwa kose ahantu hamwawo, huwuvamizi ni dhiki yamibhi waho yayibheha pamwanya yaho mukasi yi malyango gi khaya yaho.⁵⁸Nkasaga wayilema amazu gonti gi ndajizyo gagasimbwilwe mushitabu eshi ili aheshimu itawa eli ituntumu na lyahogofye, uYahwe Ungolobhe waho, ⁵⁹basi uYahwe ayiwomba amakhono gaho abhe gahogofye, na gala ga papwe, bhaho; gayibha makhomo amagosi, gi muda utali, ni mpongo ihali, zi muda untali.⁶¹Ayileta pamwanya yaho mala hamwawo impongo zyonti zi Misri zyawali uhuzyogopa; gayihulemelela. ⁶⁰Tena kila mpongo ni homo lwasagalwa lisimbwile mshitabu shi ndajizyo ene, ego ten uYahwe ayihugaleta pamwanya yaho hadi lwawayiteketezwa. ⁶²Wayisyala bhadodo hu idadi, ingabha wali hansi inzota zya humwanya hu idadi, kwa sababu sagawayitelezezye isauti ya Yahwe Ungolobhe waho.⁶³Hansi shila hu mwanzo uYahwe shasongwezye pamwanya yaho na wombe aminza, na hubhazidisye, basi ayisongwa pamwanya yaho whahuwombe uteje na whahuteketezye. Wayisyenywa hunse yawayibhala ahuyitabhale. ⁶⁴U Yahwe ayuhunyampanya mumyongoni mwa bhantu wonti afume hu mwisho weka wense hadi umwisho uwa mwawo wense; oho ayiabudu anglobhe abhamwao bhasagaubhamenye awe wala ababu bhaho, angolobhe bhi mbawo niwe.⁶⁵Mumyongoni mmataifa ega sagawayipata utenganu, na sagawhayibha nu toyo pansi yi manama gaho; badala yakwe, uYahwe ayihupela umoyo wayingane amaso gagafeli ni nafsi yikholela. ⁶⁶Ukhalo waho wayilembela hu mashaka whilongolela lyaho; wayihogopa kila nu siku na shasenya na sagawayibha nuwukweli kabisa mukhalo gwaho.⁶⁷Shandabhe wayiyanga, "Inyonywa andiwhabhanga shalyabhela!" na shalabhela wayiyanga, "Inyonywe andiyabhanga shandabhe!" kwa sababu yiwoga mumoyo genyu ni vitu vivili mu maso gaho yayilazimiha alole. ⁶⁸U Yahwe ayihuleta hu Misri humara iya mwawo whi tori igosi, whidara lyanawozezye, "Sagawayihuyilola iMisri tena". Hula wayihujefwa akazwe wha bhibhi bhaho hansi atumwa bhishilume na bhesheshe, lakini sagawhayibha nu muntu wa hubhakale.

¹Ega mazu ga Yahwe amozezye uMusa ahubhawozye abhantu bhi Israeli hunse yi Moabu, amazu gagahonjezewelwe whi agano liwombile pamoja anawo hula hu Horebu.²U Musa abhekwizizye Abhaisraeli wonti na hubhawozye, "Mulolelile kila hantu hai Yahwe awombile whilongolela li maso genyu hunse yi Misri wha Farao, wha bhatumishi bhakwe wonti, nabhe pansi yakwe yonti -- ³amayemba amagosi gi maso genyu galolile, ishara, pamoja na gala amayele amagosi. ⁴Lakini hadi ilelo uYahwe sagaabhapiye umoyo gwiwelewa, amaso galola, au amakutu gevwa.⁵Imbalongozezye amaha arobaini whijangwa; amenda genyu sagagachakaile pamwanya yenyu ni ndala zyenyu sagazyachakaile mumanama genyu. ⁶Sagamwaliye ibumund lyolyonti, na wala sagamwamwelile ihombwa yoyonti au ishimwelo shoshonti shishili nukholwe, ili aje muwezye amanye aje ane ni Yahwe Ungolobhe wenyu.⁷Lwamwahenzele mahali epa, Sihoni, umenne wi Heshboni, nu Ogu, umwenne wi Bashani, ahenzele dhidi yetu hutikhome, ina tabhakhoma. ⁸Tahejile iardhi yawo na hubhapele hansi upya no Abhareubeni, wha Abhagadi, na hunusu yikabela lya Manase. ⁹Whesho lemelela amazu giagano eli nahugawombe ili ufanikiwe hu kila hantu huwomba.¹⁰Amwe mwenti muhemelela ilelo, whilongolela lya Yahwe Ungolobhe wenyu, amwene bhenyu, amakabela genyu, azehe bhenyu na amaafisa bhenyu -- abhalume wonti bhe Israeli, ¹¹abhana bhenyu, abhashe bhenyu, na abhajenu bhabhali mumyongoni mwikambe yenyu, afume hola watema imbawo zyenyu hadi hola watapa amenze.¹²Muleho opo ili aje mwinjile whi agano lya Yahwe Ungolobhe wenyu na hundapo sha Yahwe Ungolobhe waho awomba nawe ilelo, ¹³ili aje abhawombe ilelo abhe bhantu bhakwe na aje awezye abhe Ngolobhe kwa ajili yaho, hansi shayanjile whaho na hansi shalapile wha babu bhoho, wha Abrahamu, wha Isaka na wha Yakobo.¹⁴Kwa maana iwomba iagano eli ni ndapo ene siyo nawe tu -- ¹⁵pamoja nu muntu wayemeleye epa pamoja nate ilelo whilongolela lya Yahwe Ungolobhe wetu -- bali nabhala bhasagabhaleho pamoja nate ilelo tena. ¹⁶Umenye shatakheye honse yi Misri, na shatajitokezezye mumyongoni mwa mataifa gawagashiliye.¹⁷Mulelolile ishifwani shawo zizivisya zizigombwilwe ni mbawo na mawe, impeya, niwe lihela, zyazyali myongoni mwenyu. ¹⁸Hakikisya nomo kati yenyu unume, oshe, ishiholo, au ikabela limoyo gwalwe guhuneha uYahwe Unglobhe wetu ilelo, ili abhale na awhabudu angolobhe bhi mataifa ego. Hakisya nomo kati yenyu izi lili papa inyongo nipakanga. ¹⁹Hu wakati umuntu oyo lwawhevwa amazu gishihune eshi anzahujifaliji humoyo gwakwe na yanje, "Nayibha nu tenganu, ingabha ijenda hunsyosi yi moyo gwane". Ene yayiteketezya uwolo pamoja nu womu.²⁰U Yahwe sagaayihusamehe, lakini badala yakwe, inkuni ya Yahwe nu kelo wakwe wayihubaniha umuntu oyo, ni shiguna shonti shishisimbwilwe mushitabu eshi vyayibha pamwanya yakwe, nu Yahwe ayihulyefwa itawa lyakwe afume humwanya. ²¹U Yahwe ayihumeha panshenje kwa ajili yitwe afume hu makabela gonti gi Israeli, whazingatile ishigune shonti shi agano lilisimbwilwe hushitabu eshi shindajizyo.²²Ishipapo shishifwata, abhana bhaho bhabhayihinuha baada yaho, nu jenu wayiwhenza afume ense yahutali, bhayiyanga lwabhayilola ihomo pamwanya yense ene ni mpongo zya Yahwe zyaziwombile zibhe -- ²³na lwabhayilola abhe ense yonti ili salfa ni bheya yihosha ambapo hamuna ahantu hahatotwa au apape amayawo, wakati sagapamela umumeya gogonti, hansi ugwe wi Sodoma ni Gomola, Adma na Seboimu, ya Yahwe ateketezezye hu gadhabu ni nkuni yakwe -- ²⁴bhayiyanga kwa pamoja na mataifa agamwawo, "Yenu uYahwe awombile eli hunse ene? Ilyoto li nkuni ene ihali imanisya yenu?"²⁵Tena abhantu bhanzayanje, "Hu sababu bhalitelekezezye iagano lya Yahwe, Ungolobhe wa babu bhawo lyawombile anawo lwabhefwizye afume hu Misri, ²⁶na husababu bhasogoye natumishile angolobhe abhamwawo na huzinamile, angolobhe bhasagabhabhamenye na bhasagaabhapiye.²⁷Whesho inkuni ya Yahwe iyanshile dhidi yense ene, ili alete pamwanya yakwe ishigune shonti zizisimbwilwe mshitabu eshi. ²⁸U Yahwe abhasenyile afume hunse yawo hu nkuni, hugadhabu, na hu gadhabu ihali, na hubhataje hunse iyamwawo, ilelo.²⁹Amambo gi siri ga Yahwe Ungolobhe wetu mwene; lakini amambo gagafichiliwilwe getu wila pamoja na papwe bhetu, ili tiwombe amazu gonti gindajizyo ene.

¹Ivintu evi vyavyayihenza pamwanya yaho, insayo ni shigune zinzibheshele whilongolela lyaho, nalwawayihuziwelela munjele mumyongoni mwamataifa agamwawo ga Yahwe Ungolobhe waho abhatwala, ²na lwayihubhawelela uYahwe Ungolobhe waho n a wheteshe isauti yakwe, na na fwate gonti gihuwozya ilelo -- awe na bhana bhaho -- hu moyo gwaho gonti na hunafsi yaho yonti, ³tena uYahwe Ungolobhe waho ayigeuzya atekwe whaho na hulolele inkombo; ayihubhawezya na huhawonganye afume hu bhantu wonti uYahwe Ungolobhe waho abhasambazezye.⁴Nkesho wowonti wa bhantu bhabhali hu samizi bhali isehemu zya hutali sana pansi yimwanya, afume oho uYahwe Ungolobhe waho ayihubhawonganya, na afume oho ayihubhawezya. ⁵U Yahwe Ungolobhe waho ayihubhaleta hunse ya babu bhenyu bhatabheye, namwe mwayihuyitabhala tena; ayihubhawombela aminza na hubhazidisye hani ya shawombile wha babu bhenyu.⁶U Yahwe Ungolobhe waho ayitahili umoyo gwaho nu moyo gwa upapo waho, ili usongwezye uYahwe Ungolobhe waho humoyo gwaho gonti na hunafsi yaho yonti ili aje uwezye akhale. ⁷U Yahwe Ungolobhe waho ayibheha ivigune ivi vyonti wha bhibhi bhaho na wha bhantu bhabhahuvitwa, bhala bhabhayevwezye. ⁸Wayiwela na wheteshe isauti ya Yahwe, nawe wayiwomba iamri izyakwe zyonti zihwozya ilelo.⁹U Yahwe Ungolobhe waho ayihufanikisya humbo zyonti zi nyobhe zyaho, humayawo yibele gwaho, humayawo givyoma vyaho, na humayawo gense yaho, humafanikiwo; kwa maana uYahwe ayisongwa tena amafanikiyo gaho, hansi shasongwezye wha baba bhaho. ¹⁰Ayiwomba eshi nkesho wayiwheteha isauti ya Yahwe Ungolobhe waho, ili huzileme iamri zyakwe ni kanuni zyakwe zizisimbiwilwe mushitabu eshi shih ndajizyo, nkesho wayihugeushila uYahwe Ungolobhe waho humoyo gwaho gonti na hunafsi yaho yonti.¹¹Kwa maana iamri ene yihuwozya ilelo sagahome hani, wala sagaili honze yiuwezo waho afishe. ¹²Sagaili humwanya, ili usayanje, "Yunanu wayibhala kwa ajili yetu humwanya na hutiletele humwetu na hutiwombe tevwe, ili tiwezye atekelezye?"¹³Wala sagaili whisyela lidimi igosi ili usahuyanje, "Yunanu ayibhala whisyela lyabhele yidimi igosi kwa ajili yetu humwanya na hutiletele humwetu na hutiwombe tiyevwe ili tiwezye atekelezye ahuyiwombe? ". ¹⁴Lakini izu lilijilani hani huliwe, whilomu lyaho nu moyo gwaho, ili uwezye atekelezye.¹⁵Enya, ilelo imbeshele whilongolela lyaho uwomi na minza, ufwe na mabhibhi. ¹⁶Nkesho ubhawheteshe indajizyo zya Yahwe Ungolobhe waho, zihuwozya, ilelo ahugane uYahwe Ungolobhe waho, ajende mwidala lyakwe, na lemelele iamri zyakwe, ikanuni zyakwe ni ndajizyo zyakwe, wayikhala na honjeleshe nu Yahwe Ungolobhe waho ayihusaya hunse yuwhinjila ahuyitabhale.¹⁷Ila umoyo gwaho nkagwageuha, na usatejelezye na badala yakwe uvutwa na whinamile angolobhe amwawo na habudu, ¹⁸basi ilelo ihutangazizya huliwe ya je lyoli unzahangamile; insiku zyaho sagazinzahonjeleshe hunse yuhuyishila pamwanya yi Yordani awhinjile na huyitabhale.¹⁹Ihunzikizya imwanya nense asimisizye dhidi yaho yaje imbeshele whilongolela lyaho uwomi nu fwile, insayo nishigune; whesho salula uwomi ili uwezye akhale, awe nu papwe waho. ²⁰Womba eshi ili ugane uYahwe Ungolobhe waho, awheteshe isauti yakwe na lemelele hukwakwe. Kwa maana umwene womi waho na utali wi nsiku zyaho, wha Abrahamu, wha Isaka, na wha Yakobo, hubhapele.

¹U Musa abhalile na yanje amazu ega hu Israeli yonti. ²Ayanji humwawo, "Hu salezi indi nu umri wi maha myamoja na ishirini; Sigiwezya afume na whinjile tena; uYahwe ambozezye, "Sagawayifwemela iYordani ene" ³U Yahwe Ungolobhe waho, abhahutangulile whilongolela lyaho; anzahugateketezye amataifa ego whilongolela lyaho, nawe wayihubhafyola. U Yoshua ayibhala kabula yaho, hansi uYahwe shayanjile.⁴U Yahwe ayiwomba humwawo hansi shawombile wha Sihoni na wha Ogu, amwenne bhi Waamori, na honse yawo, yayiteketezezye. ⁵U Yahwe ayihupela uwushindi pamwanya yawo lwawayitangana anawo huwite, nawe wayiwomba hu mwawo gonti gimbahuwozye. ⁶Ubhe hodari nu dandamazu uwinza, ungajeahogope, na usawogope; kwa maana uYahwe Ungolobhe waho, yoyo wabhala shusele awe; sagaahugwisya wala huleshe."⁷U Musa akwizya uYoshua na amozya pamaso gi Israeli gonti, "Ubhe hodari nu dandamazu uwinza, afwatanaje ubhasogole ne abhantu hunse ya Yahwe alapile wha babu bhawo hubhapele; ubhawombe bhayipyane. ⁸U Yahwe, umwene yoyo ayibhala kabula yaho; ayibha pamoja nawe; sagayihugwisya wala sagaayihuteketezya; ungajehogope, ungajebudushe umoyo."⁹U Musa asimbile indajizyo ene nahubhapele aputi, abhana bha Lawi, bhabhawosezya ibokosi li agano lya Yahwe; tena agabhile inakala zyakwe wha zehe wonti bhi Israeli. ¹⁰U Musa abhawozezye na yanje, "Wha kila umwisho wi maha saba, humuda wuwubheshewelwe wa khale kwa ajili yafute amiga, hu Sikulukulu yi Vibanda, ¹¹ambapo Iisraeli yonti iyenzele hujilolesye whilongolela lya Yahwe Ungolobhe waho pamuhali panzasalule abhe pafinjile pakwe, ubhabhazye indajizyo ene whilongolela li Israeli wonti bhevwe.¹²Wonganya abhantu, alume, abhashe, n bhadodo, nu jenu waho wali miongoni munylango gwaho, ili awezye awhevwe na manyile, na ili aje abhe ni nshinshi wha Yahwe Ungolobhe waho na leme amazu gonti gi ndajizyo ene. ¹³Womba eshi ili aje abhana bhawo, bhasagabhamenye, bhawezye ahevwe na manyile humweshimu uYahwe Ungolobhe waho, nkesho ukhala hanse yubhabhale pamwanya yi Yordani ahuyitabhale."¹⁴U Yahwe amozezye uMusa, "Enya, isiku liwhenza lilazima ubhafwe; kwizye uYoshua na shihilisye mushegu shi luwongano, ili aje imbweze ahubhapele iamri. " U Musa nu Yoshua bhasogoye na hujidhilisye mushegu shi luwongano. ¹⁵U Yahwe ajigubuye mushegu hulunyoha lwe bhengo; inyoha yi bhengo yahemeleye pamwanya yi nylango gwi shegu.¹⁶U Yahwe amozezye uMusa , "Enya, wayigona na baba bhaho; abhantu ebha bhanzawoshe na hujiwombe hansi amalaya na bhale wha ngolobhe bhi mayele bhbhaleho mumyongoni mwawo hunse lwa bhabhala. Bhanzahundeshe na budule iagano lyane lindiwombile anawo.¹⁷Basi hunsiku eyo, inkuni yane yayiwhaha dhidi yawo nane nayihubhaleha. Nayifisa amaso gane humwawo nape bhayimilwa. Ufwe na mayemba aminji gayihubhaga ili bhayanje whisiku elyo, "Ufwe owu sagawenzele humwetu kwa sababu Ungolobhe nomo pakasi yetu? " ¹⁸Lyoli nayifisa amaso gane humwawo whisiku elyo kwa sababu yi bhibhi wonti wabhayibha bhawombile, kwa sababu bhageushiye angolobhe abhamwawo.¹⁹Basi eshi simba ulwembo olu kwa ajili yenyu na ubhamanyiye abhantu bhi Israeli. Ubheshe mwilomu mwawo, ili aje ulembo olu luwezye abhe simisizi huline dhidi y abhanu bhi Israeli. ²⁰Kwa maana lwanayihubhaleta hunse yanalapile wha babu bhawo, anse yiwhitia izibha nu woshi, na lwabhayilya na tengane na nenepe, epo pabhayigeushila angolobhe abhamwawo nabhayihubhatumishila nayihunsyoshela na budule iagano lyane.²¹Imbibhi na mayemba aminji lwagayihenza pamwanya ya bhantu ebha, ola ulwembo lwayisimisizya whilongolela lyawo (kwa maana sagalwayihewa mwilomu lulupapo lwawo). Kwa maana emenye amipango gabhagomba ilelo, hata shinsele ahubhalete hunse yanabhasobhezezye.²²Whesho uMusa asimbile olu ulwembo isiku elyo elyo nahubhamanyizye abhantu bhi Israeli. ²³U Yahwe apiye uYoshua umwana wa Nuni iamri na yanje, "Ubhe mujuzi nu wujasiri uwinza; kwa mana wayihubhaleta abhantu bhi Israeli hunse yanalapile humwawo, nane nayibha pamoja nawe."²⁴Yafumiye aje uMusa lwamala asimbe amazu gindajizyo ene mushitabu, ²⁵abhawozezye Alawi bhawosye ibokosi liagano lya Yahwe, na yanje, ²⁶"Ega ishitabu eshi shindajizyo na ushibheshe hunshenje mwibokosi liagano lya Yahwe Ungolobhe wenyu, ili shiwezye abhe pala hansi uwusimisizi dhidi yenyu.²⁷Maana imenye uwu asi wenyu ni nsingo zyenyu ihome; enya, maadamu endeho momi pamoja namwe hata ilelo, muli bhaasi dhidi ya Yahwe inzabhe wele baada yane afwe? ²⁸Mbonganisizye abhazehe wonti bhimakabela genyu, na maafisa bhenyu ili injanje amazu ega mumakutu gawo na huzikwizye imwanya nense asimisizye dhidi yawo. ²⁹Kwa maana imenye baada yifwe wane mwayihujinanganya kabisa na geushe hulileshe idala lyanabhwozezye; infwa gayihubhaga hunsiku ziziwhanza. Ega gayifumila kwa sababu mwayiwomba gagali mabhibhi pamaso ga Yahwe, ili huchokozye hu nkuni hunyobhe zimbombo zyenyu."³⁰U Musa ayanjile mumakutu giluwongano lyonti li Israeli amazu gonti gilwembo olu hadi lwa ga kamilishe.

¹Teji ikutu, amwe mwanya, ayanje. Leha ense iyevwe amazu gilomu lyane. ²Leha amamanyizi gane gitishe pansi hansi ivwula, leha uyangwe wane wua gashe hansi imangwe, hansi ivwula yituliye pamwanya yimasole alaini, na hansi ivwula zisunyanga pamwanya yi mimeya.³Kwa maana imbatangaze itawa lya Yahwe, na na hupele ugosi Ungolobhe wetu. ⁴Ukhome, imbombo yakwe ikamilishe; kwa maana amadala gakwe gi haki. Uwene Ungolobhe mwaminifu saga ali mwubhibhi. Uwene wi haki na mwadilifu.⁵Muwombile gagali mabhibhi dhidi yakwe. Abhene sagabhana bhakwe. Nsoni humwawo. Abhene shipapo ishibhibhi na shishipindishe. ⁶Eshi! Uhuzawadila uYahwe whida eli, amwe bhantu bhakwelengusu mwasagamuyitambula? Aje! uwene baba wenyu, ola wabhawumbile? Abhawombele na hubhaimalisye.⁷Komboshi hu nsiku zila zimande, sebhi pamwanya yi maha aminji ga whisinda. Mozelezye ubaba waho nape anzahulolesye, abhazehe bhaho nape bhanzahuwozye. ⁸Pala ambapo Wali Humwanya lwabhapiye amataifa upyano wawo -- lwabhagabhile abhanadamu wonti na bheshe impaho zya bhantu, na lwaimalisizye idadi ya angolobhe bhawo.⁹Kwa maana ifungu lya Yahwe bhantu bhakwe; uYakobo ligawo lipyano wakwe. ¹⁰Apiye hunse yi jangwa, ni jangwa ilyomu lilivugula inkongu; akinjile nahutunze, anindile hansi imbomi yiliso lyakwe.¹¹Hansi insimula yidima ishitenjeli shakwe na khome khome amapiho pamwanya yi nyana zyakwe, uYahwe atandazezye amapiho gakwe na hubheje nahubhawosye humapapatilo gwakwe. ¹²U Yahwe mwene anongozezye sagapali ni ngolobhe ujenu pamoja numwene.¹³Amombile ajezye humaenewo gahumwanya gense, na anisizye amayawo gamumbuga anutubisizye huwoshi afume whiwe, na mafuta afume humwamba ukhome hani.¹⁴Aliye isiagi afume humpoga na mwele izibha afume humpoga yi vyoma, pamoja na mafuta gi nyanangole, ingole indume zya Bashani ni mbuzi, pamoja ni ngano inyinza kabisa -- nawe wamwelile ihombwa yifuma ipovu yigombwilwe hujuyisi yi mizabibu.¹⁵Lakini Yeshuruni akula hunene na khome amateke -- wali huwunene, wali vilima hani, na wali uliye umeme waho -- aneshile Ungolobhe wamombele na hukhane umwana wigombolwe wakwe. ¹⁶Bhamombile uYahweh apatwe nu kelo wha ngolobhe bhawo bhi mayele; huvisyo lwawobhavisizye.¹⁷Bhahefwizye imfumizyo humasetano, gasaga yu Ngolobhe -- angolobhe bhasagabhabhamenye, angolobhe bhajitokezezye shineshi jilani, angolo ababu bhetu sagabhahogope. ¹⁸Uguleshile Umwamba, gwagwali baba waho na wewa Ungolobhe wapepe.¹⁹U Yahwe alolile eli na hubhakhane kwa sababu abhana bhakwe bhishilume na alendo bhakwe bhachokozezye. ²⁰Nayifisa amaso gane huliwe", ayanjile, "nane nayilola umwisho wawo wayibha wele; maana abhene shipapo shivimene, abhana bhasabhaminifu.²¹Bhambombile abhe nu kelo wha shila shasagashili ngolobhe na huvwisye hu mambo gawo gasagali ni maana. Imbahubhawombe bhalole ukelo whabhala bhasagabhali litaifa; imbahubhavisye hutaifa ikwelengusu.²²Kwa maana umoto kubhawhanshe hunkuni yane na ibhawhanshe hadi pansi pi Sheoli; iwhansya umoto amisingi gi magamba.²³Nayiwelela ufwe pamwanya yawo; nayifyatula amishale gane gonti humwawo; ²⁴Bhayitega hunzala na milwe whilyoto liliwhaha nuwuharibifu ukhali; nayituma humwawo amino gihanu zya mwigona, pamoja ni sumu yi vintu viviwhavula mwisuto.²⁵Honze ipanga lyayihubhega, na mukasi yi vyumba uwoga ugosi wayiwomba esho. Wonti unume usahala nu bikra nayihubhatekeyezya, umuchana guhoha, nunume wi vwi. ²⁶Nayanjile nayihubhasambazya uhutali, aje nayiwomba ulukumboho lwawo amalishe mumyongoni mwa bhanadamu.²⁷Nkasagayali huje ihogopa uwuchokozi wa bhibhi naje abhibhi bhakwe bhalonga humakosa, naje bhanzagayanje, "Inyobhe yetu iyinuliwilwe, " nawombaga ega gonti.²⁸Kwa maana Israeli litaifa lilipongoshewa ni hekima nawumo uwelewa mukasi mwawo. ²⁹Aho nkesho bhali ni hekima, bhenzagawhelewe eli, nazingatile ahwenze wihatima yawo!³⁰Iwezehana wele weka adigizye amaelfu, na bhabhele abheshe amakumi elfu ashembele, afwatanaje Umwamba wawo sagabhakazizye nu Yahwe sagaabhalesheye humwawo? ³¹Kwa maana umwamba gwa bhibhi bhetu saga hansi Umwamba gwetu, hansi shila abhibhi bhetu shabhawheteha.³²Kwa maana umuzabibu gwawo gufuma hu muzabibu gwi Sodoma, na humagonda gi Gomorra; ni zabibu zyakwe zabibu zi sumu; ivishaada vyawo vikhali.³³Ihombwa yawo sumu yinzoha ni sumu hali yi nzoha. ³⁴Ogu umupango sagagufisilwe huline hu siri, na pinywe kabisa huhazina zyane?³⁵Ishisasi shane afumwe, ni fidiya, hu muda inama lyawo lwalyayikulumuha; kwa maana isiku lifwile humwawo lilijilani, ni vintu vya vyayihenza pamwanya yawo vyayikhala mbanya awombeshe.³⁶Kwa maana uYahwe ayifumya ihaki hubhantu bhakwe, na ayihubhalolela inkombo abhatumishi bhakwe. Atahakikisha kuwa nguvu yao imetoweka, na hakuna atakayesalia, iwe watumwa au watu huru.³⁷Tena ayiyanga, "bhaliwhi angolobhe bhawo, umwamba gwabhashembeleye? -- ³⁸angolobhe bhabhaliye isadaka zyawo ivwilima na mwele ihombwa yi sadaka zyawo zishimwelo? Na bhawoshe na whavwe; na bhabhe uwulinzi humwawo.³⁹Enya eshi ane, hata ane, ne Ngolobhe, naje nomo ongolobhe tofauti yane; igoga, naileta uwomi, ivwalazya, na iponyla, na nomo umuntu wayihuhokola afume huwuwezo wane. ⁴⁰Kwa maana iwhinula inyobhe zyane humwanya na yanje, "Shikhala wila, imbawombe.⁴¹Lwanayisenya ipanga lyane liliwhaha, ni nyobhe yane lwawayihanda alete ihaki, nayilipizya ishisasi pamwanya ya bhibhi bhane nahubhalipe bhala wonti bhabhavwitwa.⁴²Nayiwomba amishale gane akholwe ni danda, ni panga lyane lyayimila inyama hu danda ya bhagogilwe na bhatekwe, na afume humalomu galongozi bha bhibhi."⁴³Sungwa, amwe mataifa, na bhantu bha Ngolobhe, kwa maana anzalipisye ishisasi idanda lyabhatumishi bhakwe, abhalipizye ishisasi pamwanya ya bhibhi bhakwe, nape ayiwomba upatanizi kwa ajili yense yakwe, wha bhantu bhakwe.⁴⁴U Musa ahenzele nayanje amazu gonti gilwembo olumumakutu ga bhantu uwene nu Yoshua umwna wa Nuni. ⁴⁵Tena uMusa amalile ayanje amazu ega gonti hu Israeli gonti.⁴⁶Abhawozezye, "Imalisyaji injele yenyu whega amazu gibhasimisizisizye humweyu ilelo, ili aje mubhawozye abhana bhenyu hugaleme, amazu gonti gindajizyo ene. ⁴⁷Kwa maana eli sagali jambo idodo whaho, kwa sababu womi waho, na shilile ijambo eli wayitalimpizya insiku zyaho hunse yubhala pamwanya yi Yordani atabhale."⁴⁸U Yahwe ayanjile nu Musa hunsiku eyo eyo na yanje, ⁴⁹"Bhalaga huwusawa owu wigamba li Abarimu pamwanya yi gamba Nebo, guguleho hunseyi Moabu, mukabala ni Yeriko. Wayiwhenya ense yi Kanani, yanayihubhapela abhantu bhi Israeli hansi utabhalwe wawo.⁵⁰Wayifwa mwigamba lwawayizubha, na wayiwonganywa hu bhantu bhaho, hansi uHaroni Umuisraeli uwamwenyu shafwiye pamwanya yigamba Hori na wonganywe wha bhantu bhakwe. Ene ⁵¹yayiwombeha kwa sababu sagawali mwaminifu huline mumyongoni mwa bhantu bhi Israeli humenze gi Meriba hula hu Kadeshi, whi jangwa li Zini; kwa sababu sagawandeteye utuntumu ni heshima mumyongoni mwa bhantu bhi Israeli. ⁵²Kwa maana wayilola ense whilongolela lyaho, lakini sagawayibhala hula, hunse yihumbapela abhantu bhi Israeli."

¹Ene nsayo ya Musa umuntu wa Ngolobhe abhasayile abhantu bhi Israeli shausele ufwe wakwe. ²Ayanjile: U Yahwe ahenzele afume hu Sinai na awoshele afume hu Seiri pamwanya yawo. Azelipe afume mwigamba lya Paramu, na yenza ni elfu kumi ya finjile hu nyobhe yakwe yi ndelo iradi zya mulishe.³Lyoli, abhagene abhantu; afinjile bhakwe wonti bhali munyobhe zyaho, bhamwinamiye mumanama gakwe; bhaposheleye amazu gaho. ⁴U Musa atiwozezye indajizyo, upyano whiwongano lya Yakobo.⁵Tena pabha numwene pa Yeshurumu, pala pabhagosi bha bhantu pabhawongene amakabela gonti gi Israeli peka. ⁶Leha uRubeni akhale asahafwe, ila alume bhakwe bhabhe bhadodo.⁷Ene nsayo ya Yuda. U Musa ayanga: Tejelezya isauti ya Yuda, uYahwe, unete wha hantu bhakwe tena. Mukhomane; abhe musaada dhidi ya bhibhi bhakwe.⁸Ahusu uLawi, uMusa ayanga: Thumimu aleho nu mele lwaho lwa finjile waho, ola wawajezizye hula hu Masa, wamwapotene amnawo humenze gi Meriba.⁹Umuntu wayanjile pamwanya ya baba nu maye wakwe, "Sigaimbalolile. " Wala sagaabhamanyile akaka bhakwe wala sagaazingatizizye pamwanya ya bhana bhakwe bhewo. Kwa maana alindile izu lyaho na leme iagano lyaho.¹⁰Amanyizya uYakobo indajizyo zyaho ni Israeli isheria zyaho. Ayibheha uwubani whilongolela lyaho ni sadaka kamili yateketezye pamwanya yi madhabahu.¹¹Sya ishomu shakwe, uYahwe, na eteha imbombo yi nyobhe zyakwe. Vunza iviwuno vya bhala bhabhawhinuha dhidi yakwe, na bala abhantu bhabhahuvwitwa, ili bhasabahinushe tena.Ahusu uBenyamini, uMusa ayanjile: Ola wagenle nu Yahwe akhata huwusalama panshenje yakwe; U Yahwe ahukinga kila whisiku lazima nape akhala pakasi yi nyobhe zya Yahwe.¹³Ahusu uYusufu, uMusa ayanga: Ense yakwe na isaywe nu Yahwe ni vintu ivi samani vya humwanya ni mangwe, na shila shishigona pansi.¹⁴Ense yakwe na isaywe ni vintu visamani ivwumo zisenya, ni vintu visamani iviyawo vimezi, ¹⁵hu vintu ivinza vimagamba gimande, na huvintu visamani vimagamba gi wila.¹⁶Ense yakwe isayiwaje ni vintu vi samani vi ardhi nu winji wakwe, na humapenzi aminza gola wahali mumasatela. Insayo na ifishe pamwanya yitwe lya Yusufu, na pamwanya yitwe lyola wali mwana wa mwenne wha kaka bhakwe.¹⁷Upapwe wawhande wi ng'ombe, hu tuntumu wakwe, ni mpeta zyakwe mpeta zi ng'ombe ya mwipoli whebha ayihubhasukuma abhantu, wonti, hadi umwisho wi duniya. Ebha maelfu makumi ga Efraimu; ebha maelfu ga Manase.¹⁸Ahusu uZabuloni, uMusa ayanjile: Sungwa, Zabuloni, whafume whaho, na we, Isakari, hu shegu shaho. ¹⁹Bhayihubhakwizya abhantu hadi mwigamba. Oha bhayifumya isadaka zi ufinjile. Maana ayihoha uwinji wi dimi igosi, nulusanga wa hunshenje.²⁰Ahusu uGadi, uMusa ayanjile: Asayiwaje ola wahukuzya uGadi. Ayikhala pala hansi insama enshe, nape ayiwega inyobhe au itwe.²¹Ahefwizye isehemu inyinza hu kwakwe yoyo, maana whali ni fungu li ardhi lya nongozi lyalyabhashewelwe. Ahenzele na matwe ga bhantu. Atekelezye ihaki ya Yahwe ni ndajizyo zyakwe pamoja ni Israeli.²²Ahusu uDani, uMusa ayanjile: U Dani mwana wi nsama yiluha afume hu Bashani.²³Ahusu uNaftali, uMusa ayanjile: U Naftali, walidhishe ni fadhila, na meme insayo zya Yahwe, tabhala ense yileho huswelo na hu kusini.²⁴Ahusu uAsheri, uMusa ayanjile: Asayiwe uAsherli hani yi bhana abhamwawo bhi shilume; nape ayetewhe wha kaka bhakwe, na atobhezye inama lyakwe mukasi yi mafuta gi muzeituni. ²⁵Ivyuma vikhaya yaho na vibhe vyuma ni shaba; hansi shila insiku zyaho shazyayibha, shesho uwusalama waho shawayibha.²⁶Nomo wali hansi Ungolobhe, Yeshurumu -- wali kamili, wajenza imwanya huwhavwe, nu tuntumu wakwe pamwanya yi mabhengo.²⁷Ungolobhe wiwila shembelelo, na pansi yakwe huli inyobhe zi wila. Zibuha abhibhi whilongolela lyaho, nape ayanjile, "Teketezya!"²⁸Iisraeli bhakheye pa usalama. Abhana bha Yakobo bhali salama hunse yi viyawo ni hombwa impya; lyoli, imwanya nailagazye imangwe pamwanya yakwe.²⁹Insayo zyaho nyinji, Israeli! Yunanu hansiwe, abhantu bhabhagombolelwe nu Yahwe, ingawo yimusaada waho, ni panga lituntumu waho? Abhibhi bhaho bhayihenza huliwe whayinje; wayikhanya isehemu zyawo zizinushe.

¹U Musa asogoye afume inyanda zi Moabu hadi whigamba li Nebo, hadi pashilele shi Pisga, shishili mkabala ni Yericho. Oho uYahwe anolesezye ense yonti yi Gileadi afume whutali wi Dani, ²ni Naftali yonti nense yi Efraimu nu Manase, nense yonti yi Yuda, hadi idimi igosi lya huswelo, ³ni Negevi, nu uwuwanda whi bonde li Yericho, ikhaya yi mitende, hadi uhutali wi Soari.⁴U Yahwe amozezye, "Ene anse yanalapile wha Abrahamu, wha Isaka, na wha Yakobo, na yanje, "Imbahubhapele upapo waho. " Iluhusile uyenye humaso gahjo, ila sagawayibhala hula. " ⁵Basi uMusa umutumishi wa Yahwe, afwiye pala panse yi Moabu, hansi izu lya Yahwe sobhezezye. ⁶U Yahwe asyeleel whi bonde lyense yi Moabu umukabala ni Beth-peori, lakini nomo wamenye imbepa yakwe peleho hadi ilello eli.⁷U Musa ali nu wumuri wi maha myamoja na ishirini lwafwanga; amaso gwakwe sagagafifiliye, wala engovo zyakwe ziasili sagazyapongoshe. ⁸Abhantu bhi Israeli bhamombolezezye uMusa hunyanda zi Moabu hunsiku thelathini, epo pepo insiku zi maombolezo ga Musa pazyatimiye.⁹U Yoshua umwana wa Nuni ali amemwilwe ni roho yi hekima, kwa maana uMusa amesheye inyobhe pamwanya yakwe. Abhantu bhi Israeli bhatejelezezye na wombe gala ga Yahwe gamozezye uMusa.¹⁰Afume epo sagahutokeye ukuwe hu Israeli hansi uMusa, wamenye uYahwe amaso wha maso. ¹¹Sagahufumiye abhe nu kuwe wowonti hansi uwene hu ishara na amiwujiza ga Yahwe gatumile awombe hunse yi Misri, wha Farao, na whabhatumishi bhakwe, na hunse yakwe yonti. ¹²Sagahuwahile abhe nu kuwe wowonti hansi uwene hu mambo gonti amagosi, gahogofye ga Musa awombile pamaso gi Israeli yonti.

¹Baada yafwe uJoshua, awana wa Israeli bhaha mwonzya Ungolobhe bhahayanga, "Yunanu anzahubhakhome Awakanaani huji yetu, ili akhomane nao? ²Ungolobhe ahayanga, "U Yuda anzahuwakhome. Enya, imbapiye akhate insi ene. ³Awana wa Yuda bhahawawuzya abhana bha Simoni uholo wao, "Enzi peka nante hu sehemu yetu yatipelilwe ili tiwe peka tikhomana na Wakanaani. .Ppia nate tinza bhale namwe isehemu yampewilwe." Basi ikabila lya Simoni bhabhala peka nao.⁴Awantu wa Yuda bhahamena, nu Mwene ahabhapele ushindi hwa Bhakanaani na Waperizi. Bhahabha buda awantu elfu kumi hu Bezeki. ⁵Bhahamwanga Adani Bezeki hu Bezeki, bhahakhomana nao na bhahamene Umkanaani na Umperizi.⁶Lakini uAdoni Bezeki ahashembeli, bhahafuate na bhahakhata, bhahadumula igonyele ni ivifinga vyakwe ivigosi. ⁷U Adoni Bezeki ahayanga, "Abhamweene sabini ewo amagonyelo gao ivifinga ivigosi vividumulilwe, bhahawunganya shalye shao pasi yimeza yane. Nanzishanaha wombile, hata shesho Ungolobhe awombile huline." Bhahaneta hu Yerusalemu, nape ahafwa ukho.⁸Aawantu bha Yuda bhahakhomana ni jiji lya Yerusalemu na hulyeje. Bhahakhomile na mapanga amoji na bhahapemba ikhaya nu moto. ⁹Baada yengo awantu wa Yuda bhahabhala akhomane na Bhakanaani bhabhakheye mumagamba, Negube, na hu maghalibi ya mumagamba. ¹⁰U Yuda ahabhala hwa Bhakanaani bhabhahakheye hu Hebroni (itawa lya Hebroni epo pahwande lyahali Kiriath-arba), nape bhahamena uSheshai, Ahimani na Talmai.¹¹Afume ukho awantu wa Yuda bhahalwa na bhakhaya bha hu Debiri (itawa lya Debiri epo pahwande lyahali Kiriath-seferi). ¹²U Kalebu ahayanga, Wuwunti yanzavamile iKiriathi-seferi na huyeje, imbala hupele Aksa, unende wane, awe ashe wakwe. ¹³Otinieli, umwana Kenazi, uholo udodo wa Kalebu, ahaikhata iDebiri, uKalebu ahapela Aksa, unendu wakwe, awe ashe wakwe.¹⁴Ndipo Aksa ahafiha hwa Othnieli, nape ahanabha anawile hwa baba wakwe ampele ugunda. Pahihaga pa dogowi wakwe, uKalebu ahamuozya, "Iwombeleshi?" ¹⁵Ahamuozya, Usanye. Kwa kuwa umpiye insi ya Negebu, mpele ni mbwiwi yi menze. Kwa hiyo uKalebu ahapela imbwiwi zya pamwanya na zwapasi.¹⁶Ishizazi sha Mkeeni ushemeji wakwe yu Musa, bhahabhala afume hu mji wa mitende peka na wantu bha Yuda, mpaka hwikhombe lya Yuda , lili hu Negevu, akhale na wantu wa Yuda karibu ni Aradi. ¹⁷Nepe awantu bha hu Yuda bhahabhala peka na wana bha Simeoni abhaholo bhao, bhahabhagamizya Awakanaani bhabhakheye hu Zefath, bha hainanganya kabisa. Umji gwetwaga Horma.¹⁸Awantu bha Yuda bhahakhete iGaza insi yiizyongoleye, Ashkeloni ninsi yizyongoleye, ni Ekroni insi yiwongoleye. ¹⁹Ungolobhe ahalipeka na wantu bha Yuda na bhahakhete insi yi magamba, lakini sagabhawezya hubhafumye abhakhaya hwi khombe kwa sababu bhahali na magari gi jela.²⁰U Hebroni ahapewa uKalebu (nanzi uMusa shahayajile), nape ahawadaga afume okho awan abhatatu bha Anaki. ²¹Lakini awana wa Benyamini sagabhabhahadajile Wayebusi bhabhahanye hu Yerusalemu. Basi Wayabusi bhahakhala na wantu bha Benyamini oho hu Yerusalemu hata ilelo.²²Inyumba ya Yusufu ihali tayari huikhome iBetheli, nu Ungolobhe ahali peka nao. ²³Bhahatwalile awantu hu pelelezye iBetheli (ijiji lyalyahetelwe Luzu). ²⁴Abhapelelezi bhahalola awantu lwalofuma honze yi jiji, bhahbah wuzya, "Tihuwalabha mtilolesye ishahwijile mhanti yi jiji, tinzahuwombele inyiza.²⁵Ahabhalolesha idala lyahwijile hu muji. Bhahaukhata umji hwi panga ilyoji, lakini bhahanekha umunu uyo na abhaholo wakwe wonti bhahasogola. ²⁶Nu muntu uyo ahawala hunsi ya Wahiti, ahazenga ikhaya ahayeta Luzu, ambalo litawa lyakwe hata lelo.²⁷Abhantu awa Manase sagabhabhahadajile, awantu bhabhahali hu mji gwa Bethsheani ni vijiji vyakwe, au Taanaki na ivijiji vyakwe au bhala bhabhakhakheye hu Dori ni vijiji vyakwe, wala bhalabhabhahakheye hu Ibleamu ni vijiji vykwe, wala bhabhakhekheye Megido ni vijiji vyakwe, kwa sababu Awakanaani bhahamuye akhale hunsi yao eyo. ²⁸Israeli lwihali ni ngovu, bhahalazimisizye Awakanaani bhabhawombele imbombo ikhome, lakini sangabhahadagwile kabisa.²⁹Efraimu sagahabhadajile Awakanaani bhabhahakheye hu Gezeri; kwa hiyo Abhakanaani bhahakhala pahati yao.³⁰U Zebuloni sangaahadajile awantu bha hu Kitroni, wala awantu bhabha hali hu Nahaloli; na Awakanaani bhahendelela akhale peke anao; lakini uZebuloni ahawalizmisya Abhakanaani wabhawombele imbombo ikhome.³¹U Asheri sagaahadajile awantu bhabhakhala hu Aka au awantu bhabhakhala hu Sidoni, au bhala bhabhakhala hu Alabu, Akzib, Helba, hu Afeka, au Rehobu. ³²Kwa hiyo ikabila lyabha Asheri lyahakheye pahantu ya Bhakanaani (bhahakheye hunsi eyo), kwa sababu sangabhahadagwilwe.³³Na ikabila lya Nafutali sagalyahadaji awantu bhabhakhala hu Bethshemeshi, wala bhabhakhala hu Bethanathi. Kwa hiyo ikabila ilya Naftali lyahakheye pahati ya Bhakanaani (awantu bhabhahakhala insi eyo). Hale esho, abhakhaya bha Bethshemeshi nabha Bethanathi bhahabhalazimisya awombe imbombo ikhome hwabha Naphthali.³⁴Awaamori bhahabhalazimisya ikabila lya Dani akhale hunsi yi gaba bhahakhana ahwenze hwikhombe. ³⁵Basi Awamori bhahakhala hwigamba ilya Heresi, uho hu Aiyaloni na hu Shaalbimu, lakini ingovu zya bhalongo zya nyumba ya Yusufu zyahabhamena nape bhahalazimisha huwawombela imbombo ikhome. ³⁶Impakho ya Waamori afume hwigaba ilya Akrabimu uho hu Sela hadi insi iya magamba.

¹Umalaika wa Mweene ahafuma hu Gilgali, ahawala hu Bokimu, ahayanga, "Iletile hunsi yindapile hupele ubaba waho. ²Nahayanga, 'Sagaimbala leshe kamwe indagano lyane nawe,, usahawombe indagano na wala bhabhakhala insi ene. Zigwisye impuno zyao. Lakini sanga uhovyezye izwi lyane. Je! henu huwombile eha?³Basi eshi iyanga, "Sagainzahuwadaje Awakanaani hwitagalila lyenyu, ewo bhanzawe mivwa hulimwe, amangolobhe gao ganzawe lozo kwa ajili yenyu." ⁴Umalaika wa Mweene lwabhawawonzya inongwa ezyo awantu woti bha Israeli, abhantu bhahakhoma ishongo na lila. ⁵Bhahapakwizya amahali epo Bokimu. Epo wafumya isadaka hwa Mwene.⁶U Yoshua lwabhawozya awantu asogole, awana bha Israeli weka weka bhahabhala amahali papewilwe bhahakhata insi yao. ⁷Awantu bhahamwombela Umweene uwakati wa maisha ga Yoshua na abhagogolo bhabhahaleho baada yakwe, bhabhala bhabhahalolile gonti Ungolobhe gahawombile hu Izraeli. ⁸U Yoshua umwana wa Nuni, umuomba mbombo wa Mweene, ahafwa lwal nu umri wi maha 110.⁹Bhahasyela mhanti yinsi yabhahapelile uho Timnath Heresi, hwi gamba lya Efraimu, kaskazini mwi Gamba lya Gaash. ¹⁰Ishizazi esho shonti shahawungene hw bhababa wao. Ishizazi ishamwao shashahafuata baada yesho sagashahamenye Ungolobhe shila shanashiweshe hu Izraeli.¹¹Awantu wa Izraeli bhahawomba amwiwi pamaso ga Ngolobhe, ewo bhahabhawombela Amabaali. ¹²Bhahepa hwa Ngolobhe, Ungolobhe wa bhababa wao, yahabha fuminzye hu Misri. Bhahaifwata amangolobhe agamwao, amangolobhe ga wantu bhabhahali papepe nao, nape bhahagaputa. Bhahavisizye UMWENE ¹³kwa sababu bhahepile hwa Ngolobhe na hupunte uBaali nu Maashtoreti.¹⁴Ihasila ya Ngolobhe ihaha hwabha Israeli nope ahawapela bhahubhakhome bhabhaliwile imali zyao afume hwa wene. Ahawakazizye nanzi awawomba mbombo, bhabawombeshe hu ngovu zya wawiwi wao bhabhazongoleye sagawahawezizye huifise hwa bhawiwiw bhao. ¹⁵Israeli lwabhabhala ahomane, inyobhe ya Ngolobhe ihali peka nao nazi shahawalapiye. Bhahali na malabha amagosi.¹⁶Epo Ungolobhe ahabheha abhahwamule, huwokole myobhe zya wibhaga imali zyao. ¹⁷Hata shesho sagabhahawuvyanga abhahwamule abhao. Sagabhahali bhagolosu hwa Mweene na haifumizye wewo aje bhamalaya hwa mangolobhe agache na huwapute. Bhahagalushe nalinali na hulileshe idala lyabhakheye abhababa bhao-bhala bhaheteshe iamri zya Mweene-lakini awene sangabhaha wombile isho.¹⁸Umweene ahabheshele abhahwamule hwa weni, Umwene ahabhavyizye abhahwamule na hubhakombole afume mnyobhe zya bhawiwi bhao isiku zyonti zyabhahwamule zyabhahakheye. Umwene ahabhasajiye lwabhawina kwa sababu ya bhala bhabhahopanga na hubhalavye. ¹⁹Lakini bhabhahamulaga lwawafwa, bhahagalushe nawombe amambo gagahali mawiwi hani kuliko abhababa bhao gabha ahawombile. Bhahabhalile hugafuate amangolobhe aganche, hugawombele na hugapute. Bhahakhana aleshe imbiwi zyao zyonti namadala gao amawiwi.²⁰Ilyoyo lya Mwene lyahaha hwa bha Israeli; ahaga, Kwa sababu ensi ene ibuduye amashariti gi ndongano zyane zyanahaweshele kwa ajili ya bhababa wao-kwa sababu sagabhahatejelezezye isauti yane. ²¹Ahwande eshi sanga inzahuyefwe insi yoyonti yahaileshe uJoshua baada yafwe. ²²Imbala awombeshi ili huwajele Abhaisraeli nkabhaza fuate idala lya Mweene au hagha nazi wala abhabababhao shabhahafuatile. ²³Ndiyo sababu Umweene ahaileshe insi eyo, wala saga ahabhadajile nalinali na hubhaweshe munyobhe zya Joshua.

¹Eshi Umweene ahagaleshele amataifa ega gaijele Israeli, yaani kila muntu wa Israeli yasanga ahawombile iwo lyolyonti uho hu Kanaani. ³(Ahawombile esho ili huwamanyizye iwo ishizazi ishipya isha Israeli bhasagabha hamenye hale). ²Enga ndiyo ga mataifa: abhamwene bhasanu afume hwa Bhafilisti, Awakanaani wunti, Awasidoni, na Awahivi bhakheye mumagamba ga Lebanoni, afume mwigamba saali Hermoni hadi Huhamathi.⁴Amataifa ega gahalehwile nazi idala elyo Umweene angaijela Israeli, amanye aje bhanza huzieteshe iamri zhahawapiye abhabubu wao ashilile uMusa. ⁵Basi Awana wa Israeli bhahakhala pahati ya Bhakanaani na Wahiti na Waamori, na Bhaperizi, na Bhahivi, na Bhawayebusi. ⁶Bhahawejile awaledu wao awe washe wao, nope bhahawapela awana bhao abhalendu, nope bhahagawombela, amangolobhe gao.⁷Awana bha Israeli bhahawombile amawiwi pa maso ga Ngolobhe bhahamwewa Ungolobhe, Umrongo wao. Bhaputile uBaali nu Asherah. ⁸Basi, ilyoyo lya Mweene lyahaha hwabha Israeli, nape ahawakazya mnyobhe zya Aram Naharaimu. Awantu wa Israeli bhahawawombela Abakushani Rishathaimu hu maha nane.⁹Awantu bha Israeli lwabhanabha Umweene, Umweene ahamwemelesya umuntu yanza huwavye awana bha Israeli, nu muntu yanahuwokole: Othnieli umwana wa Kenazi (oholo udodo wa Kalebu). ¹⁰Ufinjile wa Mweene ahapela ingovu, nope ahailonga Israeli ahafuma abhale huliwo. Umweene ahapela huimene iKush-rishataimu umweene wa Aram. Ukhono gwa Othnieli ahaimenile iKushan Rrishathaimu. ¹¹Insi ihali ni amani hu maha arubaini. Epo Otinieli umwana wa Kenazi ahafwa.¹²Baada yepo, Awanabhaisraeli bhahawomba amawiwi pamaso ga Ngolobhe; Ungolobhe ahapela Egloni umweene wa Moabu ingovu, hubhamene Abhaisraeli. ¹³Egloni ahawungana na bhana bha Amoni na Awaamaleki bhahabhala na hubhamene Abhaisraeli, na bhahehjile umuji gwa Mitende. ¹⁴Awantu bha Israeli bhahamombele uEgloni umwene wa Moabu hu maaha kumi na nane.¹⁵Abhabhaisraeli lwabhanabha Umweene, Umwene ahamwemelesya umuntu ya bhavwizye, Ehudi umwana wa Gera, Mbenjamini umuntu wimongo. Abahatuma Egloni, umweene wa Moabu, hu malipo gao gi kodi.¹⁶Ehudi ahawombele ipagna wahali nu weji huwele, ulali wa idhraa yeka; ahaupinyile pansi yi mwenda gwakwe pamwanya yinama lyake ilyahunelo. ¹⁷Ahapela uEgloni Umweene wa hu Moabu amalipo kigodi. (Egloni ahali muntu vilima sana.) ¹⁸U Ehudi lwawalipa ikodi, nabhala bhahanyumuye.¹⁹Hata esho uEhudi umwene lwawafiha mahali pa sanamu izya pupnze zizigombwilwe karibu ni Gilgali, ahagaluha nawele, ahaga, 'Indi ninongwa zi siri nawe, mweene wane.' U Egloni ahaga, 'Pomaji mye!' Kwa hiyo wonti bhabhamombelaga bhahafuma hukasi. ²⁰Ehudi ahenza hwa mwene. Umwene ahakheye. Mwene wene hu kakasi ishahumwanya ishi isasa. Ehudi ahaga, 'Indi nizwi atume afume hwa Ngolobhe kwa ajili yaho.' Umweene ahemelela afume pitengo lyakwe.²¹U Ehudi ahagolosya inyone yakwe ya hunogo ahenga ipanga afume mwinamo lyakwe lya munelo, ahalibhiha mbele gwa mweene. ²²Na ishakha shipanga shahinjila mhati yakwe ipanga lyahatumila hwisida lyakwe, na mafuta gahahatamana pamwanya yi panga, uEhudi sagaahaufumizye upanga honze yi bele gwakwe. ²³Nantele ahafuma hukumbi ahagalile uniango gwi kasi ya humwanya hwisinda lyakwe na ahawagalilila.²⁴Baada ya Ehudi asogole, abhawomba mbombo bha umweene bhaheza; bhahalola amaniango gi gasi ishahumwanya shifungwile, kwa hiyo bhahasebha, 'Lyoli anzabhe aifumizye mwene hu hali yisasa hu kasi isha humwanya.' ²⁵Bhahojeleye abhe nu woga hata lwabhamala akisile aje bhahazalauye imbombo yao wakati umweene ahasele ahungule amalyango gi kasi zya pamwanya. Kwa hiyo bhahenga ufunkulo bhahahuguye, enya umweene wao, ahagwiye pasi, afwiye.²⁶Uwakati abhawombambombo bhagola, bhaiwozelezyng henu habhahwaziwa awombe, uEhudi ahashembeye nashile amahali isanamu ya punze, epo ahashembela abhale Seira. ²⁷Lwahafiha ahakhomile impeta hunsi hwi gamba lya Efraimu. Nantele awana wa Israeli bhaliha peka nao afume hu magamba, nope ahahabho longozya.²⁸Ahabhawozya mfuate kwa kuwa Umweene anzahubhamene abhabhibhi wenyu, Awamoabu. Bhahafuata bhahakhata ivyafuemelele vyahwikhombe ilya Yorodani, afume hwabha Moabu, wala sangabhaheteshe umuntu wowonti afwemele isoho. ²⁹Wakati uwo bhahabhandile awantu elfu kumi Abhamoabu wonti bhahali wantu wingovu wiuwezo. Nomo yahashembeye. ³⁰Kwa hiyo isiku elyo ihamenilwe ni ngovu zya Israeli. Eyo insi ihali nu seshelo amaha selasini.³¹Uwahwamle yahafuatile baada ya Ehudi, ahali yu Shamgari umwana wa Anathi yahabhabudile Awafilisti 600 ni fupa ling'ombe. Nantele ahawokoye Abhaisraeli afume hu hatari.

¹U Ehudi lwafwa, abhantu bha Israeli bhahawomba nantele amawiwi pamaso ga Ngolobhe. ²Umweene ahabhabheha munyobhe za Tabini, Umweene wa Kanaani, ahatabheye okho Husori. Ugosi wabhalogu wakwe yabhamwetega Sisera, nope ahakheye Hurosheti ya Munsi. ³Abhawa Israeli bhahanabha Umweene awavwe kwa sababu uSisera ahali na magari gijela mia tisa ahabhamene abha Israeli hu ngovu hu maha ishirini.⁴Basi iDebola, ukuwa wishishi(ushe wa Lapidothi), ahali mwamulizi yalongozya Israeli uwakati uwo. ⁵Nape ahakheye pasi yi mtende wa Debora pahati ya Rama na Betheli hunsi yi Gaba ilya Efraimu, na awantu wa Israeli bhahabhala ili wamalizye ishida zyao.⁶Ahatuma uBaraka umwana wa Abinoamu afume hu Kedeshi uho hu Naftali. Ahamuozya, Umweene, Ungolobhe wa Israeli, ihutuma, Wala hwi gamba lya Tobori, ubhale peka nawe awantu elfu kumi afume hu Naftali na hu Zabuloni. ⁷Imbala hudaje uSisera, ugosi wa bhalongo wa Yabini, akhaomane nawe karibu ni soho lya Kishoni, peka na magari gakwe, na bhalogo wakwe, imbala hupele amene, hwa mwene. '⁸U Baraka ahamuozya, 'Nkunza bhale nane, imbala bhale, nkuleshe saga ubhala nane, sagaimbala peka nawe, sangaimbala.' ⁹Ahaga, 'Inzibhala nawe. Hata esho idala lyubhala sagalinzahupele iheshima awe, kwakuwa Umweene anzahukazye uSisera munyobhe zya she. Ndipo uDebora wemelela, wabhala peka nu Baraka hu Kedoshi.U Baraki ahabhakwinza awana wa Zebuloni na bha Naftali wabhungane hu Kedeshi. Awantu elfu kumi bhahafuete nu Debora ahabhala peka nao.¹¹Heberi(Mkeni)ahaibagula na Bhakeni - bhahali wazao bha Hobabu (mkwe wa Musa) - na ahabheha iwanza lyakwe hu mwaloni wuwileho uho hu Saanaimu karibu ni Kedeshi.¹²Lwabhahamnozya uSisera aje uBaraka, umwana wa Abinoamu, ahali abhalile mwigamba ilya Tabori, ¹³Sisera ahabhakwinzya, amagari gakwe gonti, amagari gi farasi mia tisa, nabhalugo wonti bhabhahali peka nao, afume hu Haroshethi lya ga Munsi mpaka mwi Soho ilya Keshoni.¹⁴U Debora ahamwozya uBaraka, Bhala! Kwa maana eli ndiyo lisiku lyapiye Ungolobhe amene hwabha Sisera. Je! sanga yu Mweene ahulongozya? Basi uBaraka ahikha afume mwigamba ilya Tabori na wantu kumi elfu bhahafuata.¹⁵Umweene ahabhawomba abhalongo bha Sisera achanganyikiwe amagari gakwe gonti na abhalogo wakwe wonti. Awantu bha Baraka bhahamena nu Sisera ahagwa afume mwigali lyakwe, na shembele hu manama gakwe. ¹⁶Lakini uBaraka ahagafuala amagari na bhalongo mpaka hu Haroshethi huyama Munsi, na abhalogo wonti bha Sisera bhahabudwa ni panga, numo umuntu yahaponile.¹⁷Lakini uSisera ahashembele hu manama gakwe mpaka hwibhaza lya Yaeli, usheo uHeberio Mkeni; kwa sababu hwahali useshelo pahati ya Yabini umweene wa Hazoni, ni nyumba ya Heberi Umkeni. ¹⁸U Jaeli ahafuma hunamshe uSisera, ahamuozya, karibu, mweene wane; karibu huline, nantele usahahogope. Basi ahayembela hwa mwene ahinjila mwibhaza lyakwe, nope ahakwatizya ibushuti.¹⁹Ahamuozya, Ilabha umpele ameze madodo imwele, kwa maana inumele. Ahugula ifuko lizibha ahapela ahamwela tena ahakwishila. ²⁰Ahamwonzya, "Emelela mlyango gwi bhanza. Umuntu nkayeze na huwozye je huli umuntu epa?', Ugaje 'Nanga'."²¹Nantele uJaeli (ushi wa Heberi) ahenga ishigigi sgebhanza ni mpondelo myobhe yakwe ahamalila husiri kwa sababu ahagonile utalo utumwamu, nope ahashiwekha ishigigi shi bhanza hwitwe lyakwe ahanasa shahaduwula mpaka pasi. Mpaka ahafwa. ²²U Baraka lwahafuatanga uSisera, U Jaeli ahafuma atangane nao ahamuonzya, "Enza, imbalahuwonesye umuntu yuhumwanza. Basi ahinjila peka nao, enya uSisera afwiyi, ni shigingi shi bhanza pambembe yitwe lyakwe.²³Basi isiku elyo Ungolobhe ahamenile uJabin, umweene wa Kanaani, pamaso ga wantu wa Israeli. ²⁴Uwenzo wa bhantu wa Israeli wahali ni ngovu zaidi ya Bhajabin umweene wa Kanaani, hata lwabhahabuda.

¹Isiku elyo uDebora nu Baraka, umwana wa Abinoamu bhahemba ulwembo ule: ²'Abhalongozi lwabhalogozya hwilongolela lya Israeli, abhatu lwabhahuifumya akhomane iwo, tihulufya Umweene!³Tejelezi amwe mubhamweeene! Tejelezi shinza, amwe mubhalongozi! Ane inza hutelele Umweene; Nane imbala hutufye Umweene, Ungolobhe wa Israeli. ⁴Ee Mweene, uwakati lufumille Seiri lwawabhala afume hu Edomu, insi ihayiujile humwanya nope hwahayinjile; nantele; amawengo gahafumizye amenze.⁵Amagamba gehepa hwitagaliala ga maso ga Mweene; hata igamba li Sinai uhayinjile pamaso ga Mweene, Ungolobhe wa Israeli. ⁶Hu siku zya Shamgari (umwana wa Anathi), hu siku zya Jaeli, ibalabara ingosi zyahalehwile, na bhalabhahajendaga wene bhahatumie idala linkhungo.⁷Hwahali nabhadadamazu bhadodo uho hu Israeli mpaka ane, ni Debora, iwanahenga amri- umaye ahejile iamri hwa Waisraeli! ⁸Bhahasaluye amangolobhe amapya, hwahali iwo humalyango gishijiji lakini bado sagahwahali ingao ni mpalala ni yihaoneshe pahati ya wantu elfu arubaini munsi yi Israeli.⁹Umoyo gwane ubhabhalila awagosi bha Israeli, peka na wantu bhabhaifumizye -tihusaya Umweene kwa ajili yao! ¹⁰Sebha humwanya yeli- amwe msaga mhwangalila idogobhi izeru mkheye mumakeka, amwe mwamujenda mumadala.¹¹Amwi izwi lyabhala bhabhahwemba hu sehemu ya bhatapa amenze. Ukho bhayanga tena pamwanya yi mbombo iya lyoli ya Ngolobhe na imbombo ya lyoli iya bhakhomanaje wakwe hu Israeli. Ndipo awantu wa Mweene bhahiha hu malyango gi muji.¹²Damula, damula, Debora! Damula, damula, emba uwembo! Emelela, Baraka, na ubhakhate abhapinywe bhakho, awe mwana wa Abinoamu. ¹³Bhala bhabhafumile bhahenza pasi awantu wi ngovu; awantu bha Mweene bhahenza huline peka na bhadandamazu.¹⁴Bhaheza afume Efraimu hwagali amazizi gao ukho hu Amaleki; abhantu bha Benyamini bhahafwente. Abhagosi bha Makiri bhahafuma, bhahafuma hu Zebuloni bhala bhayomola indesa ya gosi.¹⁵Na abhagosi bhane hu Isakali bhahali peka nu Debora; nu Isakari ahali nu Baraka bhahinjiye mwikhombe hu ngovu pasi yi amri yakwe. Pahati ya bhaholo bha Reubeni pahali ahwanze ugosi wi moyo.¹⁶Shunu uhakheye pahati yi moto uhubhatejelezya abhaputi lwabhakhoma ifilimbi zyao humakundi gao? Na hwabhaholo zya Reubeni huiahali ahwanze ugosi wi moyo.¹⁷Gileadi ahakheye upande wa bhele ya Yordani; nu Dani, shonu ahazyongolele pamwanya yi meli? U Asheri ahasageye hu pwani ahakhala karibu ni bandari zyakwe. ¹⁸Zabuloni lyahali kabila liliwezizye ahatalishye amaisha gao mpaka afishile afwe, uNafthali, nope, hu shiwanja shi iwo.¹⁹Abhamweene bhahezele akhomane; abhamweene bha Kabaani bhakhomana uho hu Taanaki karibu na menze ya Megido. Lakini sagabhahefwizye ihela nazi inyara. ²⁰Inzonto zyahakhomene afume hu mwanya, afume hwidala lyao ilya humwanya zyahakhomene nu Sisera²¹Isokho Kishoni wahawefwizye, Isoho lila ilimande, isokho Kishoni. Bhalanga hwitagalila nafsi yane, yipelaje ingovu! ²²Nantele izwi ilyawoga lifarasi akhome imbiyo, akhomane na wantu wakwe wi ngovu.²³'Yigune Meroz!' ayanga umalaika wa Mweene. 'Lyoli wagune abhakhaya bhakwe!' Kwa sababu sagabhahezele humwavwe Umweene, humwavwe Umweene hwiwo lyakwe ilya bhadandamazu wi ngovu.²⁴U Yaeli asaiwilwe zaidi kuliko awashe wonti abhache, uYaeli (ushe wa Heberi Umkeni), asaiwilwe zaidi kuliko awashe wonti bhabhakhala hu bhanza. ²⁵Umuntu ola ahala amenze, nope ahapela izibha; ahanetela ni samuli msahani yiwajiye hwa bhagosi.²⁶Ahabheha inyobhe yakwe hushigigi shi bhanza, ni nyobhe yakwe ya hunelo hupondele ya womba, hu mpondelo ahakhoma uSisera, ahakhomile pitwe lyakwe. Ahalilehaya ifupa lyakwe lhekalheka wakati lwabhakhoma pambembe yi yitwe lyakwe. ²⁷Ahagwa pahati yi manama gakwe, ahagwa ahagona pala. Pahati gi manama gakwe ahagwa. Amahali pahagwiye pala ahabudilwe hu govu.²⁸Ahagwiye mwidilisha - umaye wakwe uSisera ahagwiye ashilile ukusa na ahayanga shazungumiye, ''Shunu igali lyakwe lichelewelwe ahweze? Shoni indesa zi farasi vivikwesa amagari gakwe vichelewelwe? '²⁹Abhamweene wakwe bhabhali ni jele bhahajibu, nope mwene ahajibu ijubulila ³⁰'Je, sangabhahapete na gabhane vyabhahapete? Ivwanda, amavyanda gawele hwa kila muntu; bhahejile ishitambala shahavwenehaga uSisera, bhahejile ishitabala shavunesye amenda gabhile gi rangi yahafunishilwe hu msumari ya bhala bhabhupele?³¹Naam, abhabhiwi bhao wonti bhanzahuangamile, Ee Mweene! Lakini ukondanu wakwe bhanzabhe nazi iseye lwalihojelela hu wezo wakwe. Ni nsi ihabha nuseshelo humaha arubaini.

¹Awana bha Israeli bhahawombo gagali mawiwi pamaso ga Mweene; nope ahabheha munyobhe zya Midiani humaha saba. ²Uwezo wa Midiani wahabhalavizye Abhaisraeli. Kwa sababu yi Wamidiani awantu ha Israeli bhagombile amakao bheo afume hu mabwawa hu magamba, amagodi, ni ngome.³Nantele ihabha aje uwakati wownti Abhaisraeli bhahatotile imbeyu zyao Abhamidiani na Abhamaleki, na wantu afume hu mashariki bhahabhavamie Abhaisraeli. ⁴Bhahawezizye agombe abhalugu wao pamwanya yinsi nananganye amazao mpaka idala ilya Gaza. Sagabhahaleshile ishalye uho hu Israeli, wala ingole wala ing'ombe wala idogobhi.⁵Kila wakati awene na mifugo gao na mahema lwabheza, bhaheza nazi ikundi lizinge, na sagaahabhajie abhazye awanu au ingamia zyao. Bhahavamiye insi ili huinanganye. ⁶U Midiani ahabhalejezezye Abhaisraeli sana mpaka awantu bha Israeli bhakwinzya Umweene.⁷Awantu wa Israeli lwabhanabha Ungolobhe kwa sababu ya bha Midiani, ⁸Umwene ahatumile ukuwa hwabhana bha Israeli. Ukuwa ahabhawuozya, Umweene, Ungolobhe wa Israeli Ungolobhe ayinga eshi, Iletile afume hu Misri; Nahafumizye hoze yi nyumba ya malabha.⁹Nahawokoye afume hu nyobhe zya Wamisiri, na nyobhe zya wonti bhabhalavyaga. Nahabhadajile pamaso genyu na imbmapiye insi yao. ¹⁰Nahabhawuozezye, "Ane nene Mweene, Ungolobhe wenyu; Imbalajizizye msahapuute amangolobhe ga Waamori, gagakhala hunsi yao. Lakini sagamwaheteshe izwi lyane."¹¹Basi umalaika wa Ngolobhe ahakhala pansi ya mwalomu oho hu Ofra, wawahali hu Yoashi (Mwabiyezeri), uwakati Gidioni, mwana wa Yoashi lwahalehanyaga, ingano hu sakafu, mshikapu shi divai-huifese afume hwa Wamidiani. ¹²Umalaika wa Mweene ahafumila, ahamuozya, Umweene alipeka nawe, akhomana ali ni govu!¹³U Gidioni ahamuozya, Ooo, mweene wane, Umweene nkali peka nate, shoni gali utanga ega gonti? Je, zilihwi imbombo zyakwe inyiza zyonti ezyo abhababa wetu bhatiwozezye, bhahajile, 'Je! si yu Mweene ahatukomboye afume hu Misri?' Lakini eshi Umweene atileshe atiweshe;e munyobhe zwa bha Midiani. '¹⁴Umweene ahamwenya ahagaa, "Bhala hu ngovu zulinazyo tayari. Uyokolo Israeli afume mnyobhe zya bha Midiani. Je, saganahatumile?" ¹⁵U Gidioni ahamuozya, "Tafadhali, Bwana, nawezeje kuwaokoa Israeli? Angalia, familia yangu ni dhaifu zaidi katika Manase, na mimi si muhimu katika nyumba ya baba yangu."¹⁶Bwana akamwambia, "Inzawe peka nawe, nawe unzahuumeneme abhalugo wonti bha Midiani nazi umuntu weka." ¹⁷U Gidioni ahamuozya, "Nkusongwezye ane basi lolesya amayele nkawewe uyenje nane. ¹⁸Ihulabha usahasogole epa, mpaka lwanahiyenza huliwe na lete izawadi yane na hwibheshe hu maso gaho." Umweene ahaga, "Imbala hugole mpaka luhaiwela."¹⁹U Gidioni ahabhala ahatayalisha inyana yimbuzi ni efa yeka yi usu ahateka amakate gasagaweshilwe iamila. Ahaiweha inyama eyo mushikapu, iamila ahaiweha inyama eyo mushikapu na ahabheha usunyu mhati yi ifwilila na huvilete pasi yikwi lya mwoloni, ahavyefwa. ²⁰Umalaika wa Ngolobhe ahamuozya, "Ega inyama na makate gasaga gaweshelwa iamila, ugabheshe pamwanya yi mwabha ungo, uhwite usonyu pamwanya yakwe." U Gidioni ahawomba esho.²¹Nantele umalaika wa Mweene ahakhata hu mwisho yindesa munyobhe yakwe. Kwa hiyo ahapala masya inyama na makate gasagagaweshelwe amila; umoto uhafuma honze yi mwamba waholongolezya inyama na makate gasagagaweshelwe iamila. Kisha umalaika wa Mweene ahabhala, nu Gidioni sagaahanola tena.²²U Gidioni ahamanya aje ola ahali malaika wa Mweene. U Gidioni ahaga, "Ee Mweene NGOLOBHE! Kwa maana inolile umalaika wa Mweene pamaso na maso!" ²³Umweene ahamuozya, "Iamani iwe nawe! Usahahogope, saga unzafwe." ²⁴Basi uGidioni ahazenjela Umweene paputile uho. Ahapete, "Umwene yu Amani." Hata ilelo bado ili hu Ofra hu bhantu wa Abiezeri.²⁵Usiku uwo Umweene ahamuozya, "Enga ingombe bha baba waho ni ngombe bhabhele wi maga saba, uhahefye paputile uBaali, papali pa baba waho, na dumulanja Ashera yilipape neyo. ²⁶Zenga papulile hwa Ngolobhe, Umweene waho amahali pashembelele, na hulizenje idala lilisawa. Fumya ingombe lya bhele ibhe sadaka ya longolezye, unzatumile ingomwa zyafume hu Ashera zyudumye. '²⁷U Gidioni ahabhenga awa womba mbombo wakwe kumi na wombo nazi Ungolobhe shamuozezye. Lakini kwa sababu ahogope sana awantu wa munyumba ya baba wakwe na wantu bha muji saga ahawombile esho wakati washasenya ahawombile esho nusiku.²⁸Ishandawe wakati awantu bhahumuji lwabhadamula, papatile uBaali papomolilwe, na Ashera pepe nope idumulilwe ni ngombe lya bhele bhafumizye sadaka pazengwilwe paputile. ²⁹Awantu wi muji bhahayangana, "Yunanu awombile ijambo eli?" Lwabhayangaga nawamobhazanga amajibu, bhahaga, 'U Gidioni umwana wa Yoashi yawombile ijambo eli."³⁰Ndipo awantu wi mji bhahamuozya uYoashi, "Mwefwe umwana waho ili afwe, kwa sababu abomoye apaputile uBaali, na kwasababu atumuye Ashera yilipepe neyo."³¹U Yoashi ahabhawuozya wonti bhaakhanaga, "Je, amwe mnzahunabhe uBaali? Je, mnzahumwahumokole? Umuntu wowonti yanzahumwavwe, basi azabudwe ishandabhe yilelo. U Baali nkayu ngolobhe, basi anzahuyavwe yuyo mwene wakati umuntu abomolo paputile umwene." ³²Kwa hiyo isiku elyo bhahakwizya uGidioni "Yerubaali," kwa sababu ahayenje, "U Baali aisajile yuyo," kwa sababu uGidioni abuduye paputile uBaali.³³Basi Awamidiani wonti, Waameleki, na wantu bhahumashariki bhahawungene peka. Bhakhafwemela iYorodani bhahapanga hwikhombe ilya Yezreeli.³⁴Lakini Ufinjile wa Mweene ahenze pamwanya ya Gidioni. U Gidioni ahakhoma impenta, ahabhakwizya awantu wa Abiezeri, ili bhafuate. ³⁵Ahabhatumile abhajumbe wonti hwa Manase, neo nope, bhahakwiziwilwe, hoze hufuante. Nope ahatuma awajumbe hwa Asheri, nu Zabuloni, nu Naftali; nope bhahabhala hunamshe.³⁶U Gidioni ahamuzoya Ungolobhe, "Nkusongwezye huntumile huwokole Israeli, nazi shunyenje, ³⁷enyaji, imbeshele ikwembe yisamazi pasakafu. Nkashele huli intongwa tu pamwanya yi kwembe, pasi pumu, inzama aje unzahutumile hu wokole abha Israeli, nazishuyenje."³⁸Eshi ndiyo shafumiye uGidioni ahadamuye shapwi isha ndabha, ahankhama ikwembe elyo, na ahefwa indongwe mwikwembe wakwelane amene imbakuli ameze.³⁹U Gidioni ahamuozya Ungolobhe, 'Usahavitilwe, imbala ajaje tena hu mara iya mwawo. Ihulabha umpele injezye tena atumille ikwembe. Uwakati uwu uyiwombo iwe nyumu na ibhe nintongwe pamwanya yinsi yonti azyongole. ⁴⁰Ungolobhe ahawomba shila alabhile usiku uwo. Ikwembe lyahali lyomu na hwahali itungwe pansi yonti yizwongoleye.

¹Ndipo uYerubaali (yaani uGidioni) ahawula napwi na wantu wonti bhahali nao, bhahawehe ikambi pambembe yi mbwiwi ya Harodi. Ikambi lya Midiani lyahali kaskazini mwinkhombe papepe mwigamba lya More.²Umweene ahamuozya uGidioni, Huli abhalogo wichi sana amahupele amene pamwanya ya Bhamidiani, ili Abhaisraeli bhasahaitufye huline, bhaje, 'Ingovu zyetu zitokeye'. ³Basi, tangazya mumakutu ga wantu, aje, Wowonti yahongopa, yayinga, awele na asogole mwigamba lya Gileadi. 'Basi awantu elfu ishirini na mbili bhahasogola na elfu kumi bhahasagala.Umweene ahamuozya uGidioni, 'Awantu bado wichi sana. Bhatwale pasi pamenze, inzawombe idadi yo ibhe ndondo kwa ajili yaho. Nkizajaje aje uno abhala peka nawe,' anzabhale peka nawe; lakini nkizayanje, 'Uno saga awajiye abhale nawe,' sagazabhale. '⁵U Gidioni ahawatwala awantu pa menze; Umweene ahamuozya, "Mwefwe kila muntu yanza mante ameze, nazi embwa sha manta, afume hwa bhala sugumiye amafungamilo na mwele." ⁶Abhalume mia tatu bhaha mantile. Abhamwao wonti bhahsungumie amafungamilo amwele amenze.⁷Umweene ahamuozya uGidioni, "Hu wantu ebha mi atatu bhabhamatile amenze, imbala hukhokole na hupele amene pamwanya ya Wamidiani. Leha shila muntu abhale humwao." ⁸Kwa hiyo bhala bhahasalulilwe bhahenga ivyombo vyao ni impeta zyao. U Gidioni ahabhawezya awantu wonti bha Israeli, kila muntu abale hwibhanza lyakwe, lakini ahabheha awantu mia tatu. Basi ikambi lya bha Midiani lyahali pasi yakwe yi khombe.⁹Usiku wuwuwo Umweene ahamuozya, "Imelela! Bhala uvamile ikambi, kwa maana nitakupa ushindi juu yake. ¹⁰Lakini ikiwa unaogopa kushuka, shka kwenye kambi peka nu Purh umwomba mbombo waho, ¹¹utenjelezwe shabhayanga, nu dandamazu waho unzawezye akhome ikambi." Basi iGidioni ahabhala peka nu Pura umuomba mbombo wakwe, mpaka pasi hwabhalizi wi kambi.¹²Abhamidiani, Abhameleki na bhantu wonti bhahu mashariki bhahakhala pepe ni khombe wichi nazi iwengo li nzinge. Ingamia zyao zyahali zaidi yi mawengo; bhahali wichi kuliko uwichi ulusanga wa mwidimi.¹³U Gidioni lwabhafiha ukho, umuntu ahamuozyanga uwamwao indoto. Umuntu oyo ahaga, "Enya! Nahalotile indoto, nahalola ikate lya shayiri, ulageshe pasi yi kambi lya Midiani. Wenza mwibhanza na khome hu ngovu sana hata lyahagwa pasi nawungulushe na gone pasi. ' ¹⁴Umuntu uweche ahayanga, 'Eha sagahantu heche ila upanga wa Gidioni (umwana wa Yoashi), Umuisraeli. Ungolobhe apiye amene hwabha Midiani na balugo wakwe wonti. '¹⁵U Gidioni lwahuvwa yi ndonto ela ni njango yakwe, ahinama pasi na punte. Ahawela hwikambi lya bha Israeli na yanje aje, "Emelelaji! Umweene atipinye hubhamene abhalugo bha Midiani." ¹⁶Ahabhagula awantu mia tatu hu makundi gatatu na ahabhapela impenta zyonti na mitungi gagali wene ni tala mhati yi shila mtungi.¹⁷Ahabhawuozya, 'Nenyaji ane nawombe gala giwomba ane. Enyi! Lwifiha humwisho wikambi, lazima muwombe shinza wombe. ¹⁸Lwinza khome impenta, ane peka wonti bhamli nane, basi mnzakhome impenta zyenyu shila upande wi kambi lyonti nakhome ishongo, "Hwa Mweene nu Gidioni!"¹⁹Basi uGidioni na wantu mia moja bhabhahali peka nao bhahafikha hu mwisho yi kambi, epo pahwande musala ya pahati. Wakati Abhamidiani lwabhakalanya abhalinzi, bhakhoma impeta nabudule amatungi gagahali mnyobhe zyao.²⁰Ivikosi vitatu vyahakhonile impenta na budule amitungi. Bhahali nitala mnyobhe zyao ya humwogo na impeta hu khono gha hunelo ili hubhakhome. Bhahakhono gha hunelo ili hubhakhome. Bhahakhomile ishongo, "Ipanga lya Mweene na ilya Gidioni." ²¹Kila muntu ahemeleye amahali pakwe pambembe yikambi nulungo wa Midiani lyahashembela. Bhahakhoma ishongo nashambele²²Lwabhakhoma impeta mia tatu, Umweene ahabheha ipanga hwa shila muntu wahu Midiani ahabheha ipanga hwa shila muntu wahu Midiani uwa mwao na huwalogo wakwe wonti. Abhalongo bhahashembeye mpaka hu Betshita abhale hu Serera, mpaka mu mpakho zya Abeli Mehola, karibu ni Tabathi. ²³Awantu bhe Israeli afume hu Nathali, Asheri, na hu Manase wonti bhakwiziwilwe honze, nope bhahabhafuata abha Midiani.²⁴U Gidioni ahatuma abhajumbe hunsi zyoti izi gaba lya Efraimu, ahaga, "Bhala pasi hubha Midiani ukhate isoho lya Yorodani mpaka hu Bethbara, ubhazijile." Basi abhalume wonti bhahu Efraimu bhahawungene peka nakhate amenze, mpaka hu Bethbara ni Sokho lya Yordani. ²⁵Bhahabhenga abhagosi bhabhele bhahu Midiani Orebu nu Zeebu. Bhahabhabuda uOrebu humwaba gwa Orebu, tena bhahabudu uZeebu hu mgunda gwi divai lya Zeebu, Bhahabhafuata Abhamidiani, bhahanetela uGidioni amatwe ga Orebu nu Zeebu, hwisyela lyabhele lya Yordani.

¹Abhantu bha Efraimu bhahamuozya uGidioni, "Shonu utiwombeye eshi? Sagauhakwizizye uwakati lwawa akhomane nabha Midiani." Bhahamuozya hu ngovu.²Ahabhawunzya, "Imbombileshe kwani alenganye nashamuombile amwe? Je! Amavuno gi zabibu zya Efraimu sago miza zaidi kuliko amavuno ga Abiezeri? ³Ungolobhe abhapiye hu bhamene abhagosi bha Midiani- Orebu nu Zeeb! Ane imbombileshe natonanisye namwe?" Ilyoyo lyao lyahihi pasi lyawayagesho.⁴U Gidioni ahenza hu Yordani ahafwemela pamwanya yakwe, umwene na wantu mia tatu bhabhahali peka nu mwene. Bhahalitile, lakini bado bhahendeleye mufuatilile. ⁵Ahabhawuzya awantu bha Sukothi, "Mulabha wapele amakatu bhabhahunanza, kwa kuwa bhalitile, nane ifuatilile uZeba na Salmuna, umwene wau Midiani.⁶Na abhagosi bhahayanga, "Je, inyobhe zya Zeba nu Salmuna eshi zilimyobhe zyakwe? Shanu tihapele abhalugo wonti amakate?" ⁷U Gidioni ahaga, "Umweene nkatipele amene hwa Zeba nu Salmunna, imbala sanyantile ikwembe lyenyu humivya gamwikhombe na mivwa.⁸Ahasogola ukho ahabhala hu Penieli, ahabhawuzya abhantu inongwa zye zyezyo; lakini abhanu bha Penieli bhahajibu aje abhantu bha Sukothi shabhajibule. ⁹Ahabhawuozya na wantu bha Penieli, ahaga, "Lwanahiyeza hu seshelo, nahaiunganisha umnara ogu."¹⁰Eshe uZebu na Salmuna bhahali okho hu Korkoni peka nulugo wao, karibu na wantu elfu kumi na tano wonti bhabhahasageye hoe ya bhalugo wonti hwa bhantu bha hu Mashariki, kwa kuwa bhahagwiye abhantu 120, 000 bhabhamanyizilwe alwe ni panga.¹¹U Gidioni ahazubha ibalabala yihegwelwe nabhakhala mwibhanza, uNoba nu Yogbena. Ahaumena ulungo wa bhabhiwi, kwa sababu sangabhahameye aje khomwe. ¹²Zeba nu Salmuna bhahashembeye, nu Gidioni ahabhafuata, ahawenga abhamweene bhabhele bha Midiani-Zeba nu Salmunna- na hubhawombe abhalugo wonti abhe nuoga.¹³U Gidioni umwana wa Yoashi ahawela afume hwiwo abhale hu Heresi. ¹⁴Ahashembelela usahala weka wa wantu bha Sukothi nahwanze ushauri afume hwa mwene usahala uyo ahatwala afume hwa mwene. Usahala uyo ahatwala hubhalongozi bha Sukothi nahubhagogolo wakwe, abhatu sabini na saba.¹⁵U Gidioni ahenza huwantu bhahu Sukothi, ahaga, "Enyaji uZeba nu Salmuna, ewo bhahasosezye kwa ajili yao, nahayanga, 'Je! mumenile uZeba nu Salmuna? Sagatimenye aje lihwanziwa huwasombe abhalugo wakwe ikate." ¹⁶U Gidioni ahabhenga abhagogolo wi mji, nape ahabhakomesya awantu bha Sukothi peka namivwa na gagalasa. ¹⁷Ahagwisya umnara wa Penieli na hubhabunde abhantu wi muji ugo.¹⁸U Gidioni ahamuozya uZebe nu Salmuna, "Bhantu wi aina wele bhabhabudilwe hu Tabori?" Bhahajibu, "Nazi awe shulekho ndiyo shabhahali. Weka ahaoneshe aje mwana wa mweene." ¹⁹U Gidioni ahaga, 'Abhene bhahali bhaholo bhane, na abhana bha maye wane. Nazi Ungolobhe shakhala mngaleshile womi, saganababudaga."²⁰Ahabhawuzya uYetheri (upapwe wakwe uwa huande), "Imelela ubhabude!" Lakini usahala uyo sagaahafumizye ipanga lyakwe kw akuwa ahogope, kwa sababu bado ahali mwana dodo. ²¹Ndipo uZeba nu Salmuna bhahaga, emelela wewe, Utibudi! Kwa maana nazi umuntu shalekho, ndiyo shazili ingovu zyakwe. U Gidioni ahemelela na hubabunde uZeba nu Salmuna. Nantele ahefya amapambo gagahali pamwanya yisingo zi ngamia zyao.²²Ndipo Abhana Israeli bhahamuozya uGidioni, "Utitabhale ate, nu mwana wakho, nabhazokolo bhakho; kwa sababu utokoye mumakhono ga Midiani." ²³U Gidioni ahabhawuozya ane sagainza hubhatabhale amwe wala abhana wae sagabhaza hubhatabhale amwe. Ungolobhe anzahubhatabhale amwe."²⁴U Gidioni ahabhawuozya, "Indi ni shida yane yihwanza huli mwe aje shila weka wenyu anzahupele ipete afume hu vintu vyakwe." (Abhamidiani bhahali ni pete zi golodi kwa sababu bhahali Bhaishmaeli.) ²⁵Bhahajibu, "Tisongwenzye hupele." Bhahala umwenda kila muntu atanga ipete afume huvitu vyakwe.²⁶Umwamu wipete zi golodi zyahawumbele zyaha ihela 1, 700 izi golodi. Ivintu vya bhahejile peka na mapambo gi makoja, vidani, amenda gilangi yi zambarau zyabhahakwatanga abhamwene wa hu Midiani, amanyololo gagahali karibu ni singo zya ingami zyao.²⁷U Gidioni ahawomba efodi afume hu pete na huiweshe pa muji gwake, uho hu Ofra, Abhaisraeli wonti bhahafuata umalaya na pante. Ihali mtengo hwa Gidioni na hwa bhala bhabhali myumba yakwe. ²⁸Kwa hiyo iMidiani ihamenwilwe pamaso ga bhanu bha Israeli na sagabhahawosezye amatawa gao tena. Insi ihali nuseshelo amaha arubaini husiku ziya Gidioni.²⁹U Yerubaali, umwana wa Yoashi, ahabhala akhale hu nyumba yakwe. ³⁰U Gidioni ahali nabhana sabini, bhabhahali uazo wakwe, kwa kuwa ahali nabhashe winchi. ³¹Ushe wakwe yahali yu Shekemu, ahapapa umwana tena, na uGidioni ahapela itawa lyakwe Abimeleki.³²U Gidioni umwana wa Yoashi, ahafwa hugogolo umwinza ahaselwa uho hu Ofra hwi kaburi lya baba wakwe Joashi, uwa Abiyezeri. ³³Ihabha, uGidioni lwawafwa, abhantu bha Israeli bhahagaluha nantele huiwombele umaalaya bhebho na pute Amabaali. Bhahameshele uBaali abhe ngolobhe wao.³⁴Abhantu bha Israeli sagabhahakumboshe hutufwe Umweene, Ungolobhe wao yawokoye afume hu yobhe zya bhabhibhi bhao kila upande. ³⁵Sagabhahaweshele iahadi zyao hunyumba ya Yerubaali (yaani Gidioni), kwa ajili ya miza gonti gawombile hu Israeli.

¹U Abimeleki, umwana wa Yerubaali, ahabhala hwabhaholo bha maye wakwe uho hu Shekemu, ahabhawuazya, abhaholo wonti bha maye wakwe, ²Ilabha yanga ega, ili abhagosi wonti bha Shekemu wunvwe, Henu ahiza hwa bhene Je, abhana sabini wonti bha Yerubaali atabhale pamwanya yao au weka tu alabhale pamwanya yetu? Kombushi aje ane indi lifupa lyenu ni nyama yenyu.³Abhaholo bhamaye wane bhahayenje huniamba yakwe hwa bhalongozi bhahu Shekemu, nope bhaheteha hufuate uAbimeleki, bhahaga, Umwene ndiyo holo wetu. ⁴Bhahapela ivipande sabini ivimpeya hu nyumba ya Baali Berith; U Bimeleki ahazitumila agwelezey awantu bhasabhali ni sheria na bhasaga wajinga, bhabhahafuete.⁵U Abimeleki ahabhala hu nyumba ya baba wakwe uho hu Ofra; pamwanya yiwe lyekha, ahabhabuda abhaholo wakwe sabini, abhana bha Yerubaali. U Yotamu yahasageye umwana wadodo kabisa wa Yerbuaali kwa kuwa ahobhele. ⁶Abhagosi wonti bha hu Shekemu na bha hu Beth Milo bhahawungana, abhale humeshe uAbimeleki umweene, karibu nu mwaloni karibu ninyokha yili hu Shekemu.⁷U Yotamu lwabhamuozya ijambo elyo, ahabhala, ahemelela pamwanya yi Gamba lya Gerizimu. Aahabwanga ishongo ahabhawuozya, 'Tejelezi, amwe mubhalongozi bhahu Shekemu, ili Ungolobhe abhatenjelezye. ⁸Isiku lyeke amakwi gahabhalile hupashe amafuta umweene pamwanya yao. Bhauwuozya umzeituni, tabhala pamwanya yetu.⁹Lakini ikwi li mzeituni lyabhawuzya, Je! Inzahugalesha amafuta gane, giwombela ishishi hu mangolobhe ga wantu ili impate awele na fwemele amakwi aganche? ¹⁰Amakwi ego gahaliwuozya ikwi, 'Enza utabhale pamwanya yetu.' ¹¹Lakini ikwi lyahabhawuozya, Je, imbalaleshe uwiza wane, na madondo gane amiza ili imbwele na fwemele amakwi aganche?¹²Amakwi ego gamuozya umuzabibu, 'Enza utitabhale ate.' ¹³Umzabibu gwahabhawuozya, Je, inzaleshaga bhantu nawele nafwemele amakwi agenche? ¹⁴Nantele amakwi gonti gahauwuozya ulusanga, 'Enza utabhale hulite.'¹⁵Amakwi gi mivwa ihaiwuozya amakwi, 'Nkuhwanza hu pashe amafuta imbe mweene huliwe, enza uyeje usalama pasi yishizyongoli shane. Nkasaga shishesho basi umoto lazima wepe hulusanga na uilongolezye imierezi ga Lebanoni. ' ¹⁶Basi, nkuwombile lyoli nu golosi, uhameshele uAbimeleki mweene, na nkuwombile shinza hwa Yerubaali na hunyumba yakwe, na nkusombezezye nanzishihwaziwa,¹⁷- na nkusebhe aje ubaba waho ahakhome ne kwa ajili yenyu, ahatezyanga amaisha gakwe, na ahawokola afume hu nyobhe izya Midiani - ¹⁸lakini ilelo muwoshele hu nyumba ya baba wenyu na hubhabude abhana wakwe, awantu sabini, pamwanya yiwe lyeka. Na umeshele uAbimeleki umwana wa muomba mbombo wakwe abhe mweene pamwanya ya bhagosi bha Shekemu, kwa sababu umwene holo wenyu.¹⁹Nkamwahawombile hugolosu na hwenje peka nu Jerubalai ni nyumba yakwe ,basi mhwanziwa asongwe nu Abimeleki nope asongwe pahati yenyu. ²⁰Lakini nkasagashishesho, umoto gufuma hwa Abimeleki ubhangamizye abhantu bhahu Shekemu nahu Beth Milo. Basi umoto gufume hwa bhantu bha Shekemu nahu Beth Milo, ili hunungolezye uAbimeleki. ²¹U Yothamu ahashembela, nope ahabhala hu Beeri. Ahakhala uho kwa sababu ahali hutali nu Abimeleki, ukaka wakwe.²²U Abimeleki ahatabhala pamwanya ya Israeli hu maha mia tatu. ²³Ungolobhe ahatuma impepo imbiwi pahati ya Abimeleki na bhalongozi bha Shekemu. Abhalongozi bha Shekemu bhahanile ugolosu wawahali hwabha Abimeleki. ²⁴Ungolobhe ahawombile esho ili unajisu uuwombilwe hwa hana sabini bha Yerubaali ulipizwe ishisasi nu Abimeleki uholo wakwe anzakhatwe na budwe, na bhantu bha Shekemu bhanzakhatwe kwa sababu bhahamwamuwizye abudu uholo wao.²⁵Basi abhagosi bha Shekemu bhahabheha abhalume bhahagola pamwanya yi gamba ili bhamwangamizye, nope bhahawiwila wonti bhabhashilaga ni barabara eyo. Eli lyahawoneshe hwa Abimeleki.²⁶U Gaali umwana wa Ebedi ahabhala peka nabhaholo wakwe, bhahafwemila iShekemu. Abhalongozi bha Shekemu bhahamweleha. ²⁷Bhahabhala humagonda bhahabhunganya izabibu, nope bhazikhanya. Bhahawomba isikurukuru hu nyumbaya ngolobhe wao, bhahalya na mwele bhahaguna Ubimeleki.²⁸U Gaali umwana wa Ebeli, ahaga, uAbimeleki yunanu, na uShekemu yu nanu, hata timwombele? Je, si mwana wa Yerubaali? Nu Zebuli si gosi wakwe? Bhawombelaji abhanu bhahu Hamori, ubaba wakwe uShekemu! Shonu tihwaziwa humwombele? ²⁹Afadhali abhantu ebha bhangahali pasi yi amri yane! Namwefuanga uAbimeleki namuozyanga uAbimeleki, 'Bhefwe hoze abhalugo bhao wonti.'³⁰U Zebul, ugosi wi muji, lwahovwa inongwa iya Gaali, umwana wa Ebedi, ilyoyo lyakwe lyahaha. ³¹Ahatuma abhajumbe hwa Abimeleki ili bhabhakhopele, aje, Enyi, uGaadi umwana wa Ebeli nabhaholo wakwe bhafiiha hu Shekemu; nope bhasonzanya umuji na bhene.³²Eshi wuha nusiku, awe nabhalugu peka nawe, mubhale mvamile humagonda. ³³Alafu ishandabhe isenyu lwalizamalishe, wuha nashapwi, uangamizye umji. Nu mwene na bhantu wakwe bhabhalipeka nao, lwabhaza hwenze hulimwe, wombi lyolyonti lyanzawezye.³⁴Basi uAbimeleki ahawuha nusiku, umwene nawantu wonti bhahali peka anao, bhahavamila iShekemu bhahale hna upande une. ³⁵U Gaali umwana wa Ebedi ahafuma, ahemelela paniango gwi muji. Abemeleki na bhantu bhali peka nao bhahafuma pabhahowele.³⁶U Gaali lwahabhalola ewo abhantu ahamuozya uZebuli, "Enya, abhantu bhafuma hu magamba!" U Zebuli ahamuozya, "Awe ulola mazwongoli pamwanya yigamba nazi abhantu". ³⁷U Gaali ahayanga tena naje, "Enya, abhantu bhahwikha pahanti yinsi, nulozolweka luhwenza hwidala lya mwaloni wa Maenenimu."³⁸Ndipo uZebuloni ahamwuzoya, "Je, upezu waho uyanga inongwa zyaho ilihwi eshi, awe uhayenje, 'U Abimeleki yunanu, ili timwombelee?' Je, ewo saga bhantu ubhazalauye? Mpaka eshi ukhomana nao." ³⁹U Gaali ahafuma ahabhalongozyanga abhantu bha Shekemu, nope ahakhomene na Abimeleki. ⁴⁰U Abimeleki ahadajile, nu Gaali ahashembele hu maso gakwe. Na bhichi bhahagwiye nafwe hwilongolela lyango lyahwinjilele hu muji.⁴¹U Abimeleki ahakheye Huruma.U Zebuli ahabhalazimisye uGaali nabhaholo wakwe bhasogole hu Shekemu. ⁴²Isiku ilyabhele awantu bha hu Shekemu bhahasogolo hu magonda, ni ihabari ene ihafishila uAbimeleki. ⁴³Ahawenga awantu wakwe, ahabhabagulanga isehemu zitatu, bhahayada avamile hu magonda. Ahenyizye nalole abhantu bhafuma hu mjini. Ahabhakhata na hubhabude.⁴⁴U Abimeleki na bhantu bhahali peka anao bhahakhoma nazijile pashile paniango gwi muji. Ivikundi ivyamwao vibhele vyahakhomile wonti bhabhahali hugonda nahubhabude. ⁴⁵U Abimeleki ahakhomna nugwa umji isiku lyonti. Ahakhete umji ugo, na hubhabude abhantu bhabhahali mhanti yakwe. Ahabomolo uhuwumba iwi mji na nyapanye umonyi pamwanya yakwe.⁴⁶Wakati abhagosi wonti bha mnara wa Shekemu lwawuovwa ego, bhahinjie mwiwumba li nyumba ya El Berithi. ⁴⁷U Abimeleki bhahamuozezye aje abhalongozi wonti bhahawungene peka hu mnara wa Shekemu.⁴⁸U Abimeleki ahabhala mpaka mwigamba lya Salmoni, umwene na bhantu wonti bhahali nao peka. U Abimeleki ahenga intemo nadumule amazazala. Ahagabheha pamwanya yishipugoshakwe, na hubhalajizye abhantu bhabhahali peka nao, 'hamhalolile ihawombile wombi nanzi shimbombile.' ⁴⁹Basi weka weka bhahadumula amazazala bhahafwata uAbimeleki. Bhahaga pinyila pamwanya yiluwumba wa mnala, nope bhahasya umoto, na bhantu wonti bhahunara wa Shekemu bhahafwa, abhalume nabhashe elfu.⁵⁰U Abimeleki ahabhala hu Tebezi, nope ahakhoma ikambi hwabha Thebezi, ahabhenga. ⁵¹Lakini hwahali umnara gwingovu hu mji, abhalume na bhashe wonti na bhalongozi wonti wi mji bhahashembeleye ahobebhe bhene. Kisha bhahabhala pamwanya yigolo li mnara.⁵²U Abimeleki ahabhala hu mnara na khomane nao, nope ahabhala karibu nu niango gwi mnara ili apembe. ⁵³Lakini ushe ahatenga iwe ilya pamwanya, pamwanya litwe lya Abimeleki lyahabazula ifupa litwe lyakwe. ⁵⁴Kisha ahakwinza ula usahala yahamweje isilaha zyakwe, ahamuozya, "Ega ipanga lyaho umbude, nomo umtu yanzayanje ahusu ane, 'Ushe ahabuda."' Basi usahala wakwe ahanasa ahafwa nape.⁵⁵Abhantu bha Israeli lwabhalola aje uAbimeleki afwa bhahabhala hu khaya. ⁵⁶Basi Ungolobhe ahabhasombezezye ishisasi ishi mbiwi izya Abimeleki zyahamombeye ubaba wakwe, hubhabude abhaholo wakwe sabini. ⁵⁷Ungolobhe ahawomba imbiwi zyonti izya bhantu bha hu Shekemu ubhagalushile hu matwa gao bhebho, na pamwanya yao wahezele ugunwe wa Tothamu umwana wa Yerubaali.

¹Baada ya Abimeleki, Tola, umwana wa Pua, umwana wa Dodo, umuntu wa Isakari, yahakheye hu Shamiri, hwigamba lya Efraimu, ahabhal aili huwokolo Abhaisraeli. ²Ahabha nonzi wa Israeli amaha ishirini na tatu. Ahafwa nasilwe hu Shamiri.³Ahafuata uYairi Umgieladi. Ahabha nozi wa Israeli hu maha ishirini na gabhele. ⁴Ahali na bhana selasini bhabhahangalilaga idogobhi selasini na bhahali ni khay selasini yi hwetwa Hawoth Yairi hata ilelo, yili hu nsi iya Gileadi. ⁵U Yairi ahafwa nasilwe hu Kamoni.⁶Abhabhaisraeli bhahabha shabhawomba imbibhi pamaso ga Ngolobhe, bhahaputaga Amabaali, Amaashtoreti, amangolobhe ga Abhalamu, amangolobhe ga Sidoni, amangolobhe ga bhana bha Moabu, na mangolobhe ga bhana bha Amoni, na mangolobhe ga bha Filisti. Bhahamwewa Umweene wala sagabhahaputile tena. ⁷Ilyoyo lya Mweene lyahaha hwabha Israeli nope ahabhakazya nnyobhe zya Wafilisti na mnyobhe zya bhana bha Amoni.⁸Bhahabhangamizya na hubhazulumu awantu bha Israeli umwaha ugo, hu munda kwi maha kumi na nne bhahabhadaji abhantu wonti bha Israeli bhabhahali hwisyela yi Yordani hunsi ya Waamori, yileho hu Gileadi. ⁹Nope abhana Amoni bhahafwemela iYordani, bhahakhomana ni Yuda, nu Benjamini ni nyumba ya Efreimu; uIsraeli; ahakhomwa sana.¹⁰Ndipo abhana bha Israeli bhahakwinza Umweene, bhahaga, "Tinanjili kwa sababu tineshile Ungolobhe wetu, lihuputa uBaali." ¹¹Ungolobhe ahabhawuozya abhana bha Israeli, "Je, sanganahabhefwizye amwe afume hu Misri, hwa Bhamori, na hwabha Filisti, ¹²na hwabha Sidoni? Waameleki na Bhamaoni bhahabhamwinyilizizye; afume hugovu zyao.¹³Lakini amwe mwahandeha napute amangolobhe agamwao. Kwa hiyo sangainza huwokole tena. ¹⁴Bhalaji mgakwizye amagolobhe gamputa. Ili gawokole uwakati wa malabha.¹⁵Abha bha Israeli bhahamuozya Umweene, Tiwombile imbibhi. Tiwombele sheshonti shishiwoneha shiza huliwe. Tihulabha, utokole ilelo. ¹⁶Bhahagaleha amagolobhe gishijenu gahali nago, nope bhahaputa Umweene. Nope ahabhagulele hu malabha ga bha Israeli.¹⁷Ndipo Abhaamoni bhahawongagna, bhahabhiha ikambi hu Gileadi. Abhaisraeli bhahatangana na weshe ikambi lyao hu Mispa. ¹⁸Abhalongozi bhabhantu bha Gilaedi bhahayangana, 'Yunanu anzahwande akhomane na Bhaamoni? Umwene anzabhe nongozi hwa wonti bhabhakhala hu Gileadi.

¹U Yefthe Umgileadi ahali dandamazu, wingovu, lakini ahali mwana wa malaya. U Gileadi ahali baba wakwe. ²Ushe wa Gileadi ahapepe abhana abhamwao. Abhana washe wakwe lwabhakula bhahanazimisya uYeftha asogole bhahanazimisya uYeftha asogole pakhaya, na humuozye, "Sagaungalithi shoshonti afume, hu familia yetu. Awe uli mwana washe uamwao." ³Basi uYeftha ahasogola afume hwabha holo wakwe, ahakhala hunsi ya Tobu. Abhantu bhasaga bhali ni sheria bhawungana nu Yeftha bhahenza na bhale peka nao.⁴Isiku lwazyashila pamande, abhana bha Amoni bhahakhomana ni Israeli. ⁵Abhana bha Amoni lwabhakhomana ni Israeli, abhagogolo bha Gileadi bhahabhala hunente uYeftha afume hunsi ya Tobu. ⁶Bhahamuozya uYeftha, "Enza ubhe nongozi wetu ili likhomane na bhana bha Amoni."⁷U Yeftha ahabhawuozya abhalongozi bha Gileadi, "mwahavitililwe na hundasimisye ahwepe munyumba ya baba wane. Shonu mhwenza huline eshi lwamli na mlabha?" ⁸Abhagogolo bhahu Gileadi bhahamuozya uYeftha, "Ndiyo sababu tigalushe huliwe eshe; enza peka nate tikhoma na bhantu bhahu Bhamoni, awe ubhe nongozi wetu bhabhakhala hu Gileadi.⁹U Yeftha ahabhawuozya abhagogolo bha Gileadi, Nkamuhubwezya hu khaya tena ili akhomane na bhana bha Amoni, nu Mweene nkatipele hubhamene abhene inzabhe nongozi wenyu." ¹⁰abhagogolo bha Gileadi bhahamuozya uYeftha, "Umweene abhe shahidi pahaniti yetu nkasanga tinza wombe shuyenje!" ¹¹U Yeftha ahabhala peka na bhagogolo bha Gileadi, nope abhantu bhahameha abhe mwemelezi wao nabhe gosi wao. Hwilongolela lya Mweene uho hu Mizpa, uYeftha ahawelela iyahadi zyonti zya wombile.¹²Ndipo uYeftha ahatuma abhajumbe hwa mweene wabhana bha Amoni, ahaga, "Huli matatizoshi pahanti yenyu? Shonu mwenzele hu ngovu ahweje insi yetu?" ¹³Umweene wabhana bha Amoni ahabhajibu abhajumbe bha Yeftha, "Kwa sababu abha Israeli lwabhazubha afume hu Misri, bhahejile insi yane afume hu Arnoni hata hu Yaboki, mpaka hu Yordani. Eshi wezya insi iyo nu seshelo."¹⁴U Yeftha ahatuma tena abhajumbe hwa mwene wa Amoni, ¹⁵ahayanga, "U Yeftha ayinga eshi, Israeli sagabhahejile insi ya hu Moabu ninsi ya bhana wa Amoni; ¹⁶lakini bhahepile hu Misri, na Israeli bhahabhala ashilile hwikhombe hadi hwidimi igosi lya Shamu na hu Kadeshi.¹⁷Israeli lwayatuma abhajumbe hwa mweene wa Adomu, sagaahabha tenjelezezye, 'Bhahatiumwa abhajumbe hwa mweene wa Moabu, lakini ahakhanile. Basi Abhaisraeli bhahakhala hu Kadeshi. ¹⁸Kisha bhahashilila hwikhombe, bhahasogola hunsi ya Edomu, ninsi ya Moabu; bhahafwe hupande wa mashariki wensi ya hu Moabu; bhahapanga husyela lya Amoni. Lakini sagabhahijiye, mpakho ya Moabu, mana uAmoni ahali mpaho ya Moabu.¹⁹Israeli bhahatuma abhajumbe hwa Siholi, umwene wa Amori, yahatabheye hu Heshboni; Israeli ihamuozya ihulabha tishele hunsi yaho, hata pamahali petu.' ²⁰Lakini uSihoni saga ahabheteshe Israeli ashile hu eneo lyakwe. Basi uSihoni ahabhatwala hwa Yahasa, nuho ahakhomana nabha Israeli²¹Umweene, Ungolobhe wa Israeli, ahameha uSihoni mwa bhantu wakwe wonti mumakhono ga Israeli, nope bhahabhamena. Basi Israeli bhahega insi yonti ya Waamoli insi eyo. ²²Bhahenga kila hatu muhati yi wilanya ya Waamori, afume Amoni hadi hu Yaboki, nafume hwikhombe hadi hu Yordani.²³Basi, Umweene, Ungolobhe wa Israeli abhadajile Abhamori pamaso ga bhantu wakwe Israeli neshi muhwanza akhate insi yao? ²⁴Je, ungenga insi ambayo Kemoshi, ungolobhe waho, ahupela? Kwa hiyo insi yoyonti Umweene, Ungolobhe wetu, atipiye tinzahwenje. ²⁵Eshi awe bora zaidi ashile uBalaki, umwana wa Sipori, umweene wa Moabu? Je, ahadaile abhe ninongwa ni Israeli? Je, umwene awahile akhomane iwo nape?²⁶Wakati Israeli lwagafiha amaha mia tatu uho hu Heshboni ni vijiji vyakwe na Areoeri hu miji gonti yili karibu ni Amoni, shunu sagamuhawejile tena na uwakati uo? ²⁷Sagaimbawombeye shiwiwi, lakini mumbeye shiwiwi hunkhome. Umweene, umwamuzi anzahwamle ilelo pahanti ya wana wa Israeli na bhana bha Amoni. ²⁸Lakini umweene wa Amoni ahakhana asundwe lyahatumile uYeftha.²⁹Basi, Upepo Ufinjile wa Ngolobhe ahenza hwa Yeftha, ahashila Gileadi, na h Manase, ahashilila hu Mizpa yahu Gileadi nafume hu Mispa yahu Gileadi ahashila hwa bhana bha Amoni. ³⁰U Yeftha ahasobhelezye Ungolobhe, ahayanga, "Nkunza hupele umeni hwa bhana bha Amoni, ³¹shoshonti shashinzafume munyumba yane hunenzele ane lwanaiwela nuseshelo hwabhana bha Amoni shinzabhe sha Ngolobhe; Nane imbalafumye eyo isadaka ya longolezye."³²Basi uYeftha ahashila hu bhana bha Amoni ili alwe nao, nope Umweene ahapela amene. ³³Ahabhamena ahasababisya hubhabudu uhugosi afume hu Aroeri hadi amiji ishirini nagabhele-na Abeli Keramimu. Basi abhana bha Amoni bhahabheshelwa pasi ya uenyezi wa bhantu bha Israeli.³⁴U Yeftha ahafiha hu nyumba yakwe uhoh hu Mispa, na unendu wakwe ahafuma hunamshe ni goma, nahwanje. Ahali mwanawakwe uganwe, sagahali nu mwana wishilume wala unendu. ³⁵Mara tu lwawanola, ahazebuye amenda gakwe nayanje, 'Loo! Unendu wane! Umbuduye nazugumile, uli muntu uhusababisha avwalale ane! Kwa maana indapile hwa Nglobhe wala sagaingagalusya usobhezyo lwane.³⁶Ahambozya, "Ubaba wane abheshele usowezyo hwa Mweene, umbombele kila hantu husobhezyezye; kwa kuwa Umweene asombezezye ishisasi hwa bhawiwi bhao, abhana bha Amoni." ³⁷Ahamuozya ubaba wakwe, "Ebu sobhezya eli ulibheshe kwa ajili yane. Ndeshe hu miezi gabhele, isogole abhala hwigamba nazondolezye ubikila wane, ane na bhamwetu."³⁸Ahayanga, "Bhala." Ahatumile hu muda gwi mezi gabhele. Ahamwefwe, umwene nabhamwao nope bhahazondelezya ubikila wakwe hu magamba. ³⁹Hu mwisho yi mazi gabhele ahawela hwa baba wakwe, yahawombile alengane nulusobhelo lwahaweshele. Eshe saga ahagonile nume, ihabha desturi hu Israeli ⁴⁰aje unendu wa Israeli kila mwaha, hu siku zine, bhawelele ishili sha nendu wa Yeftha Umgileadi.

¹Abhantu bha Efraimu bhahafuma peka; nope bhahashilila hu Zefoni, bhahamuozya uYeftha, Shonu utagaliye akhomane na bhana bha Amoni, mbona saga utikwizizye abhale peka nawe? Tinzahoshe inyumba yaho. ²U Yeftha ahabhawuzya, Ane na bhantu bhane tahali niwo igosi na bhana bha Amoni. Lwanahakwizizye, saga uhanokoye afume hwa bhene.³Lwanalola aje saganunokoye, nahabheha uwomi wane nenene ni ngovu zyane, nahashila ili akhomane na bhana bha Amoni, nu Mweene ahampela hubhamene. Shonu mwenzele akhomane nane ilelo?" ⁴U Yeftha ahabhawunganya abhantu wonti bhahu Gileadi na bhakhomana nabha Efraimu. Abhantu bha hu Gileadi bhahawangamizya abhana bha Efriamu kwa sababu bhahayeje, "Amwe mubha Gileadi mlibhalobhezi munsi yi Efraimu-hu Efraimu nu Manase."⁵Abhagileadi bhahalogolezezye ubhaga Yordani zizibhala hwa Efraimu. Yoyonti ya bhanda uwa Efraimu ahayanga, Ndeshe imbale panya yi soho; abhantu bha Gileadi bhahamuozya, "Je, awe uli Mwefraimu?" Ahayanga, "Hagaa," ⁶basi bhanzahumuozye, Yanga Shibolethi. Nkayanje 'Sibboleth' (kwa maana saga ahawezizye ayanje ineno elyo shinza), Abhagileadi bhanzahukhate nahubude hu mabwawa ga Yordani. Abhaefraimu arobaini elfu bhahabudilwe uwakati uwo.⁷U Yeftha ahali hwabha Israeli amaha sita. Ndipo uYeftha Umgileadi ahafwa, ahasyelwa hu mji gweka hu Gileadi.⁸Baada yuyo, uIbzani wa Bethelehemu ahabha nonzi wi Izraeli. ⁹Ahali na bhana selasini. Ahabhalwalile abaledu ahwengwe, nope ahabhaleta abhalendu selasini afume hoze kwa ajili yabhana bhakwe,. Ahali nonzi wa Israeli humaha saba.¹⁰Ibzani ahafwa nasyelwe hu Bethelehemu. ¹¹Baada yuyo, uEloni wahu Zabuloni ahabha nonzi wa Israeli. Ahabhalonga Abhaisraeli humaha kumi. ¹²U Eloni wa Zabuloni ahafwa, ahasyelwa hu Aiyaloni hunsi ya Zabuloni.¹³Baada yuyo, Abdoni ni umwana wa Hileli, Umpirathoni, ahabha nonzi wa Israeli. ¹⁴Ahali na bhana alubaini nabhazukolo selasini. Bhahangalilaga idogowi sabini, nope ahabhalongo Abhaisraeli humaha nane. ¹⁵U Abdoni umwana wa Hileli, Mpirathoni ahafwa ahasyelwa hu Pirathoni hunsi ya Efraimu, hu gamba lya Waameleki.

¹Abhantu bha Israeli bhahawomba amabhibhi pamaso ga Ngolobhe, nope ahabhabheha mnyobhe zya Bhafilisti humaha alubaini. ²Hwahali nu muntu afume hu Sora, hu bhantu bha Wadani, itawa lyakwe yu Manoa. Ushe wakwe saga ahapete ulwanda kwa hiyo saga ahapapile.³Umalaikawa Mweene ahafumila ula ushe ahamuozya, Enya eshi, upotilwe apate ulwanda wala saga upapile, lakini unzabhe nulwanda unzapape umwana. ⁴Eshi ubhe maso, usahamwele ipyokula au ihombwa, wala ushahlye ahanu hahonti aha chafu. ⁵Enyanga, unzabhe nu mwamu na pape umwana unume. Naumo uwembe wunzashile pitwe lyakwe, kwa kuwa umwana anzabhe Munazili wa Ngolobhe afume mvyanda, nope anzahwande huwokole abha Israeli afume mnyobhe zya Bhafilisti.⁶Alafu ushe ahabhala humuozye unume wakwe, "Umuntu wa Ngolobhe ahezele huline, nawoneshe hwakwe ahalije yu malaika wa Ngolobhe, ahogofya sana. Saganamuzya afumile hwi saga ahabozezye itawa lyakwe. ⁷Ahambozya, 'Enyaji! Unzabhe nu mwamu unzapape umwana. Basi usahamwele impyukula wala ihombwa, wala usahalye ishalye shoshonti shiyanga isheria aje shichafu, kwa kuwa umwana onu anzabhe mwana wa Ngolobhe ahwande mvyanda vyaho mpaka isiku lyafwe hwakwe."⁸Ndipo uManoa ahanabha Ungolobhe, ahagaa, Ee Mweene, ihulabha uneshe umuntu wa Ngolobhe yutumile awele hulite, ili atimanyizye shila shiitnza wombele nu mwana yanzapapwe sagapatali. ⁹Ungolobhe ahajibu imputo ya Manoa, umalaika mugonda. Lakini uManoa unume wakwe saga ahalipeka nao. .¹⁰Basi ushe ahashembela nalinali humuozye unume wakwe, "Enya! Ula umuntu aloleshe huline- yahezele isiku lila!" ¹¹U Manoa ahemelela nahufuate ushe wakwe. Lwawafiha hwa muntu uyoy ahayanga, "Je, awe yuyula muntu yayenje nushe wane?" Umuntu ula ahagaa, "Ee nene."¹²U Manoa ahayanga, Eshe inongwa zyaho zileleshe. Je! huli ndajizyoshi kwa ajili ya mwana, ni mbombmo yakwe inzabhe yenu? ' ¹³Umalaika wa Mweene ahamuozya uManoa, 'Lazima ushe waho awomba kila hantu himonzezye. ¹⁴Asahalye ahantu hohonti hahafumila nu mzabibu, wala amwele impyukula, au ihombwa; asahalye ishalye shoshonti isheria shijile shichafu. Ahwanziwa ahweteshe shimonzezye awombe.¹⁵U Manoa ahamuozya umalaika wa Ngolobhe, Ihulabha ukhale ulipele umuda gwateleshe imbuzi kwa ajili yaho. ¹⁶Umalaika wa Mweene ahamuozya uManoa, Hata nkihale sagindwa ishalye shaho. Lakini nkunza tayalisye isadaka yalugulezye, fumya hwa Mweene. ' (U Manoa saga ahamenye aje malaika wa Mweene.)¹⁷U Manoa ahamuozya umalaika wa Mweene, Itawa lyaho we nanu, ili tisungamile izwi lyaho lwalizawoneshe? ¹⁸Umalaika wa Mweene ahamuozya, Mbona uwuzya itawa lyane? Iswiga! '¹⁹U Manoa ahayenga ela imbuzi peka ni sadaka yivyalye ahafumya isadaka pamwanya yi mwala hwa Mweene. Ahawombile ijambo lyaswijisye wakati uManoa nushe wkwe wenyaga. ²⁰Wakati uwo umoto wahafuma pamwanya paputile abhale umwanya, umalaika wa Ngolobhe ahazubha hu moto gwagaputile. U Manoa nushe wakwe lwabhalola ijambo elyo bhahinama amatwa gao pasi.²¹umalaika wa Mweene saga ahaloleha tena hwa Manoa au hwa she wakwe. U Manoa ahamanya aje ula ahali malaika wa Mweene. ²²U Manoa ahamuozya ushe wakwe, 'Lyoli tinzafwe, kwa sababu tinonile Ungolobhe!'Lakini ushe wakwe ahamuozya, Nkashele Umweene ahanzaga hutibude, saga waposhelaga isadaka yalongolezye ni sadaka yivwalye yalipinye. Sagawatilolesyanga amambo gonti, wala hutuleshele ahuvwe amambo ega.²⁴Pamande ushe ahapapa umwana ahakwinzya itawa lyakwe Samsoni. Umwana ahakula nu Mweene ahasaya. ²⁵Umpepo wa Ngolobhe ahanda hunyembezye hu Mahane Dani, ahanti yi Sora ni Eshtaoli.

¹U Samsoni ahiha abhale hu Timna, uho ahalola ushe, weka abhalendu bha Wafilisti. Lwawawela, ahamuozya ubaba wakwe nu maye wakwe, ²'Inolile ushe uho hu Timna, weka unendu wa Wafilisti. Eshi munejele abheshe wane.³Ubaba wakwe nu maye wakwe bhahamuozya, "Je, nawamo abhashe pahati ya bhalendu ya bhaholo bhaho au pahati ya bhantu bhao wonti? Je! Unzahwenje ushe afume hwa Bhafilisti bhasaga bhatahililwe?" U Samsoni ahamwuozya ubaba wakwe, "Nejele kwa ajili yane, kwa maana lwanahamwenya, nahasungwa.' ⁴Lakini ubaba wakwe nu maye wakwe sagabhahamenye aje ijambo eli lifumile hwa Mweene, kwa maana ahazagaje agombe inongwa na Bhafilisti (wakati uwo Abhafilisti bhatawalaga Abhaisraeli).⁵Basi uSamsoni ahabhala hu Tina nu baba wakwe nu maye wakwe peka; bhahafiha hu magonda gi zabibu gahu Timna. Enya, huli isama indodo ahenza iwuna. ⁶Umpepo wa Mweene ahenza galfa pamwanya yakwe, nope ahazembulanya isama nanzi shazembulaya imbuzi indodo, nope saga ahali na hantu mnyobhe zyakwe. Lakini saga ahayenje hwa baba wakwe au hwa maye wakwe hala hawombile.⁷Ahabhala ayanje nushe, lwawamwenye ahasongwezye uSamsoni. ⁸Insiku ndodo pamande ahawela humweje, ahagaluha ahwanze isama yifwiye. Enya, hwa hali ikundi lizoshi nu woshi, hwa shila shashahasageye hubele hwisama. ⁹Ahabheha uwoshi mnyobhe zyakwe, ahabhala alya uhu ajenda. Lwawenza hubaba wakwe nu maye wakwe habhapela, nope bhahalya. Lakini sagaahayenje aje ayejile uwoshi honze hwa shila shishisageye hu bele gwisama.¹⁰Ubaba wakwe uSamsoni ahabhala pasi pahali ushe wakwe, nu Samsoni hawomba ishikulukulu uho kwa maana ene ihali desturi ya bhasahala. ¹¹Abhaholo wakwe lwabhanola, bhahanetela abhamanyani wake selasini abhepeka anao.¹²U Samsoni ahabha wuzya, namba imbawuzye ishili. Weka nkayaje na humbuzye ijibu husiku saba zishikulukulu,, inza fumye amenda aminza selasini ni zigo limenda selasini. ¹³Lakini nkamzapotwe humbozye ijibu basi mnzahupele amenda selasini amiza, ni zigo limenda selasini. ' Bhahamuozya, Tiwuzye ishiri shaho, ili tonvwe.¹⁴Ahabhawuzya, 'Pahati ya muntu yaliye ahali nahatu halye; honze yi ngovu hwahali ahatu ahinza. Lakini abajenu wakwe, sagabhaha lyajile husiku zitatu.¹⁵Iisku ilyaune bhahamuozya ushe wa Samsoni, 'Khopele unume waho ili atiwuozye ijibu lishiri, au inza hupembe awe ni nyumba ya baba waho. Je, utanile epa ili hutiwombe wapena? '¹⁶Ushe wa Samsoni ahada alile hwilongolela lyakwe; Ahayanga, 'Gonti hamuomba munvitiilwe! Sagaungene. Uyenje ishirih hwa bhantu bhane, lakini sagauwaweuzezye ijibu. 'U Samsoni ahamuozya, 'Enya epa, shisele humwozye ubaba wane nu maye wane, iwozye awe?' ¹⁷Ahalila isiku saba zishikulukulu. Isiku ilya saba ahamuozya ijubu kwa sababu ahanazimisizye sana. Ahabhawunzya ijimbu abhajama wakwe.¹⁸Na bhantu bhapa miji bhahamuozya, isiku ilya saba shalisele isenya aswe, 'Henu hahali bora zaidi kuliko uwoshi? Na shintushi shilini ngovu kuliko isama? ' U Samsoni ahabhoawuzya, 'Nkamulimile ni ngombe zyane, sagamza hulyaje ijibu lishili shane.'¹⁹Kisha Impepo ya Mweene ihenza hwa Samsoni hu ngovu. U Samsoni ahahiha abhale Ashkeloni nabude abhantu selasini pahati ya bhantu ewo. Ahega amenda gao, na hubhapele izigo limenda bhala bhayenje ishili shakwe. Ahavitilwe ahabhala hu nyumba ya baba wakwe. ²⁰Nushe wakwe ahegwa nu manyani wakwe wapapepe.

¹Baada yi siku ashile uwakati wayiwile ingano, uSamsoni ahenga imbuzi indondo ahabhala hujendele ushe wakwe. Ahaiwuzya mwene, "Inzabhale hu kasi yashe wane." Lakini ubaba wakwe ahakhanile ahwinjile. ²Ubaba wakwe ahayanga, "Nanganga uvitililwe, napela umanyani waho. Uilombo wakwe mwinza kuliko umwene, Mweje uno."³U Samsoni ahamuozya, 'Uwakati uwu sangaizawe inajile hwabha Filisti lwinza huwavwalazye.' ⁴U Samsoni ahabhala akhata ibweha mia tatu ahazipinya peka zibhile, ziwele, ubinda nu binda. Alafu ahenga itala nahuzipinye pahati yi kila bindo.⁵Lwapembe umoto huvienga ahazileshela imbweha huvwalye vya Wafilisti zizyahemeleye, imbweha zhahapemba umoto ivyalye zonti zizyahatotilwe, nivwali zizyahemeleye mumagonda, peka na magonda gizabibu na mizeituni. ⁶Abhafilisti bhahawuzelezya, "Yu nanu awombile eshi?" Bhahaga, "Yu Samsoni, umkwe wa Mtimna,, ahawombile esho kwa sababu Umtimna ahamwejile ushe wakwa uSamsoni ahapela umanyani wakwe. Basi Abhafilisti bhahamalila bhahamwosha nu moto umwene nu baba wakwe.⁷U Samsoni ahabhawuzya, "Nkamuwombile esho imbala wezye ishisafi hulimwe, baada yengo imbalalesha." ⁸Alafu ahabhadumula vipande vipande, ishonte ni nama na hubhabude sana. Nantele ahiha pasi ahakhala hwipaho hu mwala gwa Etamu.⁹Ndipo Abhafilisti bhahenza, bhaitahindi alwe iwo ukho hwa Yuda, bhahandi ulungo wao uho hu Lehi. ¹⁰Abhantu bha Yuda bhahayanga, "Shonu mwenzele hutikhome?" Bhahaga, "Tihubhakhoma ili tikhale uSamsoni, timwombe nanzi shatiwombile."¹¹Nantele abhantu elfu tatu bha Yuda bhahikha mpaka hwipaho lya Eatamu, bhahamuozya uSamsoni, "Je, sangaumenye aje Abhafilisti bhahutilabha ate? Je! utiwombeyeshi?" U Samsoni ahabha wuzya, "Shabhabhombye ane shimbawombel abhene."¹²Bhahamuozya uSamsoni, "Tishile hupinye nahubheshe mmakhono gabha Filisti." U Samsoni ahabhawuozya, "Ndapili aje sangamza hubude amwe." ¹³Bhahamuozya, "Hagaa, tinzahupinye wene ni nkusa nahutwale hwa bhene. Ate sagatinza hubude." Bhahapinya ni nkusa zibhele ipya bhanente afume hu mwala.¹⁴Lwawafiha hu Lehi, Abhafilisti bhahakhoma ishongo lwabhatangana nao. Kisha Umpepo wa Mweene ahenza pamwanya yakwe hu ngovu. Inkusa zyazyahali mnyobhe zyakwe zyahabhaje shitambala shalongolezye, zhahalagaha mnyobhe zyakwe.¹⁵U Samsoni ahalianga ifupa iwese li yego li dogobhi, ahalyenga nabude awantu elfu huifupa elyo. ¹⁶U Samsoni ahayanga, "Hwi yengo lidogobhi isonda pamwanya yisonta, hu zala yi dogobhi imbudile abhantu alfu."¹⁷U Samsoni lwawamala ayanje, ahataga iyengo lidogobhi, ahapenta itawa pala Ramathi Lehi. ¹⁸U Samsoni ahomele sana ahakwinza Ungolobhe nayanje, " Upinye umuomba mbombo waho amene uhugosi. Lakini eshi imbalafwe nahume amenze imbalagwe mnyobhe mwabhala bhasagabatahiliwe?"¹⁹Nu Ngolobhe ahapugula amahali pigodi pala pa Lehi, na menze gahafuma. Lwawamwela, ingovu zyakwe zyahawela ahabha ni ngovu. Ahapeta itawa pala enhakore uho hu Lehi hata ilelo. ²⁰U Samsoni ahalino wi Israeli hu siku zya Bhafilisti hu maha ishilini.

¹U Samsoni ahabhala hu Gaza ahanola umalaya uho, nae ahagona peka nao. ²Abhantu bha Gaza bhahamanya, "U Samsoni ayenzele epa. "Abhantu wa Gaza bhahazyongola amahali pala hu siri, bhahagola usiku wonti huniongo gwi muji. Bhahakhala mie usiku wunti. Bhahayanga, "Namba tigole mpaka ishasenya atafutibude."³U Samsoni ahagona pashitala mpaka nusiku pahati. Pasiku pahati ahawuha ahahata uniango gwi muji ifoloma zyakwe ziwile. Ahazi kwesa afume hoze, imanga zyonti ahazibheha hushipungo imanga, zyonti ahazibheha mpaka pamwanya pigamba, hwitagalila hu Hebroni.⁴Baada yengo, uSamsoni ahagana ushe yahakheye hwikhombe lya Soreki. Itawa lyakwe ahali u Delia. ⁵Bhala, abhagosi bha Filisti bhahamalila, bhahamwuozya, "hopele uSamsoni ili ulole pazili ingovu zyakwe ingosi hu namla wele tingawenzya humene, ili tupinye nahunavye. Womba esho, kila muntu anzahupele ivipande 1, 100 ivi mpeya."⁶U Delila ahamuozya uSamsoni, "Ihulabha umbozye, hu namna wele awe ulinigovu sana na hunamna wele umuntu angapinya ili akhante?" ⁷U Samsoni ahabhawuozya, "Nkahampinye ni nkusa saba inzelu zyasagazwazwomele sagainzabhe ni ngovu inzabhe nanzi umuntu uweche wowonti."⁸Basi abhagosi Bhafilisti bhahanetela inkusa saba inyolo, nope ahapinya uSamsoni. ⁹Epo ahali na bhantu bhahobhele hu siri bhahakheye hu kasi yakwe ha mhanti. Ahamuozya, "Abhafilisti bhali pamwanya yaho, U Samsoni!" Ahazidadula inkusa zila na uuzi nkawapalamasya umoto. Sagabhahamenye isiri yi ngovu zyakwe.¹⁰Ndipo uDelila ahamwuozya uSamsoni shuhuhopela ane na humbuzye ilenka. Ilabha, umbuzye hu namna wele ungapinywa." ¹¹Ahamuozya, "Nkabhaza hupinye ni nkusa ipye yasaga iwalile awombele imbombo sagainzabhe ni govu nanzi umuntu uwenche wuwunti." ¹²Basi uDelila ahenga inkusa ipya ahapinya peka nu mwene, ahamuozya, "Abhafilisti walipamwanya yaho Samsoni!" Abhantu bhabhahagolaga bhahali muhanti yikasi ya muhati. Lakini uSamsoni ahefwa inkusa afume mnyobhe yakwe nanzi nanzi ishipande shi uzi.¹³U Delila ahamwozya uSamsoni, "Mpaka eshi uhopenye na humbozye ilenka. Hu namna wele ungapinywa uSamsoni ahamuozya ivishungi vyane vinyele nkuza huzipinye nishitambala, alafu upinye mwisumali inzabhe nanzi umuntu nanzi umtu wowonti." ¹⁴Lwahagonile uDelila ahavitabha ivifugo saba vinyele zyakwe ahazipinya mhanti yi shitambala nahuzipinye mwisumali ahamuozya, "Abhafilisti wali pamwanya yaho, Samsoni!" Ahawuha afume mtulo ahakunja ishitambala peka nipini zizyahapinyilwe.¹⁵Ahamuozya, "Ungagawele aje," Ungene, wakati isili zyaho sanga uhumbozya ane? Uhopeye hatatu saga umbozezye ingovu iyinchi zuli nazyo." ¹⁶Kila lisiku uhakazilaga sana inongwa yaho nope ahadamila sana hata anyonywe afwe.¹⁷Basi uSamsoni ahamuozya kila hantu, ahamuozya, "Uwembe sagauwahile akate inyele pamwanya yitwe lyane, kwa maana indi Mnaziri wa Ngolobhe afume mvyaanda vya maye wane. Nkawashete itwe lyane, ,basi ingovu zyane zinzahudesha, nane inzabhe bila ngovu nanzi umuntu uwenche. '¹⁸U Delila lwawalola aje amuozezye lyoli kila hantu ahabhatuma nahubhakwinzye abagodi bha Filisti, aje, "Inzaji tena, ambozezye kila hantu." Ndipo abhagosi bha Filisti bhahabhala bhahaleta ihela mnyobhe zyao. ¹⁹Ahameha agone mmafungamilo gakwe. Ahakwinzya umuntu anshate ivishingi saba vitwe lyakwe. Nope ahanda humene, kwa sababu ingovu zyakwe zineshile.²⁰Ahayanga, "Abhafilisti wali pamwanya yaho, uSamsoni!" Ahawuha hutulo ahayanga, "Imbala fume honze nanzi shifuma wila imba ni ngovu." Lakini sagaahamenye aje Ungolobhe aneshile. ²¹Abhafilisti bhahakhata bhahamwefwa amaso. Bhahatwala hu Gaza bhahapinya mumunyololo. Ahasianga ingano hu jela. ²²Lakini inyele zitwe lyakwe ziahandile mele tena baada ya sheta.²³Abhagosi Bhafilisti bhahawungana ili afumye isadaka hwa Dagoni ungolobhe wao, nasongwe. Bhahayanga, "ungolobhe wetu amenile uSamsoni, umibhi wetu, na humeshe mjele zyetu." ²⁴Abhantu lwabhanolo bhahapala ungolobhe wao, bhahayenje ungolobhe wetu amenie umibhi wetu atipiye ate - yawananganyaga insi yetu abhabudile winchi abha mwetu."²⁵Lwabhahabhiha isikulukulu, bhahaga, 'Kwizye uSamsoni, ayenze hutifuraisye.' Bhahakwinzya uSamsoni honze yi jela ahabha sesya. Bhahamwemelesya pahati yi nyoha. ²⁶U Samsoni ahamwuzya ula usahala yahakhete inyobhe yakwe, 'Ndeshe ihate inyoha zizikhete inyumba ene, ili inegamile."²⁷Inyumba ihaemile abhalume nawashe. Abhagosi wonti bha Filisti bhahali umo. Pamwanya yigolo bhahali abhalume nawashe elfu tatu, bhahenyanga uSamsoni lwawasesyanga.²⁸U Samsoni ahakwinza Umweene, ahayanga, "Mweene NGOLOBHE, mpele ingovu! Ihulaha umpele neka tu Ngolobhe ili isombe ishisasi hwabha Filisti ahwenje amaso gane gabhele. ²⁹U Samsoni ahemelela panyoha sibhele zizikhate imyumba eyo, nape ahegamila pamwanya yakwe, inyoha yeka inyobe yakwe yahu nelo, iya mwao hu mwoyo hwakwe.³⁰U Samsoni ahayanga, "Ifwe peka na Bhafilisti!" Ahazubha hu ngovu zyakwe na inyumba ihagwa pamwanya yabhagosi na bhantu wonti bhabhahali mhati yakwe. Kwa hiyo bhabhahabudilwa lwafwa uSamsoni bhali zaidi bhabhabudilwe wakati wa maisha gakwe. ³¹Abhaholo wakwe ni nyumba yonti ya baba wakwe bhahiha. Bhahamwenga, bhahamwezye bhahasiela hu Sora nahu Eshtaoli pahasielelwe mumama ubaba wakwe. U Samsoni ahali nozi wa Israeli hu maha ishirini.

¹Hwahali umuntu hunsi yi magaba ga Efraimu, itawa lyakwe yu Mika. ²Ahamuozya umaye wakwe, "Ishilingi 1, 100 zi hela zyahengwilwe afume huliwe, zyuhaye uje hundapo, nahumbuzye-enya epa! Indi ni hela peka nane. Umaye wakwe ahayanga, 'Nu Mweene anzahusaye, mwana wane!'³Ahawezya ihela 1, 100 hwa maye wakwe, nu maye wakwe ahayanga, "Imbeshele ihela ezi hwa Mwene, kwa ajili ya mwana wane awombe apunze itakwimu yijela. ⁴Kwa hiyo eshi, ihimbawezya." Lwawagalusizya umaye wakwe ihela umaye wakwe ahega ivipande mia mbili zihela ahapela umuomba mbombo wijela yahaweshel abhe sanamu yapunze utakwimu zijela, bhahabhehwa mhanti yi nyumba ya Mika.⁵Umuntu uyo uMika ahali ni nyumba yi sanamu, nope ahawomba efodi ni nyumba ya mangolobhe, nope ahagwelezya weka umwana wakwe abhe puti wakwe. ⁶Isiku ezyo sagaziahali ni mweene uho hu Israeli, kila muntu ahawomba gagalimiza pamaso gakwe.⁷Alafu pahali usahala weka hu Bethelehemu uho hu Yuda, hu bhantu bha Yuda, yahali Mlawi. Ahakheye uho ili ili amalezye imbombo yakwe. ⁸Umuntu uyo ahasogeye hu Bethelehemu uho hu Yuda abhale ahwanze amahali pakhale. Lwahabhalaga ahafiha hu nyumba ya Mika hunsi yi gamba lya Efraimu. ⁹U Mika ahamuozya, Ufumile hwi? Uyo umuntu ahamuozya, Ane indi Mlawi wahu Bethelehemu uho hu Yuda, imbala ahwanze amahali pakhale.¹⁰U Mika ahamuozya, "khala peka nane, ubhe baba wane na puti wane. Inzahuwapele ivipande vihela kumi hu mwaha, umwenda gwi suti ni shalye shao." Basi Umlawi ahinjila munyumba yakwe. ¹¹Umlawi ahali nu sehshelo kwakhale nu muntu uyo peka nu sahala hwa Mika ahabhaje mwana wakwe.¹²U Mika ahabagula Umlawi kwa ajili yi mbombo yi zelu wi moyo, peka nu sahala ahabha punti wakwe, nope ahali mnyumba ya Mika. ¹³Ndipo uMika ahayanga, Eshi namanya aje Umweene anzahumbombele aminza, kwa kuwa Umlawi uno wabha puti wane.

¹Isiku ezyo sagazyahali nu mweene uho hu Israeli. Ikabila lya Bhadani lyahanzaga amahali pahale, kwa maana ahwande isiku elyo sagabhahaposheye ulithi wowonti afume hu makabila gi Israeli. ²Abhantu bha Dani bhahatuma abhatu bhasana afume hu makabila gao gonti, abhalume abhadadamazu afume hu Sora nafume hu Eshtaoi, ili huyenye insi hu manama gao. Bhahbhawuzya, "Bhalaji muyenye insi.' Bhafiha hunsi yi gamba lya Efraimu hu nyumba ya Mika bhahagona uho.³Lwabhabha karibu ni nyumba ya Mika bhahazimanya inongwa zya Mlawi. Basi bhahamwemelesya nahumuozye, "Yu nanu ahaletile epa? Uwombashi epa? Shoni uli epa?" ⁴Ahabhawuzya, "Eshi shawombile uMika kwa ajili yane Umwene agwelezezye ane abhe puti wakwe."⁵Bhahamuozya, "Lihulabha anza ushauli hwa Ngolobhe, ili timanye aje isafari yatili nayo inzagoloshe." ⁶Uputi uyo ahabhawuozya, "Bhala nu sesheto. Umweene alongozye idala lyubhala."⁷Bhala abhantu bhasanu bhahasogola bhahafiha hu Laishia, bhahabhalola abhantu bhabhakheye epo bhali salama-sagahali umtu yahabhamenile hunsi eyo au yahabhalavizye hu namuna yoyonti. Bhahakheye hutali nabha Bhasidoni, sagabhahakondeni nu muntu wowonti. ⁸Bhahawela hu kabila lyao uho hu Zora nu Eshtaol. Abhaholo bhao bhahabhawuzya, 'Mlini habali shi?'⁹Bhahayanga, "Enza! Namba tibhakhome! Talole insi ene nyinza sana. Je sagamuwomba ahantu? Msahabhe wolo akhome nahwenje insi. ¹⁰Lwambhala, mnza huwaje abhantu bhasebha bhali salama, alafu insi ngosi! Ungolobhe abhapiye amwe-amahali pasaga pagaile ahantu hahonti pa dunia. '¹¹Abhantu mia sita wi kabila lya Dani, wi siraha ziwo, bhahasogoye afiume hu Sora nahu Eshtaoli. ¹²Bhahashula, bhahapanga hu Kiriath-yearimu, uho hu Yuda. Ndiyo maana abhantu bhahapenta amahali pala Mahane Dani hata ilelo; hu maghalibi yi Kiriath yearimu.¹³Bhahasogola uho nabhale hunsi yi gamba lya Efraimu, bhahafiha hu nyumba ya Mika. ¹⁴Alafu abhantu bhasanu bhabhahabhalile ahwenye insi iya Laisha bhahabhawuozya abhantu bhao, "Je, mumenye aje hu nyumba ezi huli efodi, amangolobhe gi nyumba isanamu zizipuzilwe ni sanamu zijela? Amula eshi lyuzawombe."¹⁵Basi bhahawela uho, bhahafiha hu nyumba ya Mlawi, hu nyumba ya Mika; bhahabhalamha. ¹⁶Abhana bha Dani mia sita bhi silaha ziwo, bhahemelela hwa hwinjilile huniango.¹⁷Bhala abhantu bhasanu bhabhahabhalile ajendele insi bhahabhala uho, bhahenge isanamu zyapunze efodi, na mangolobhe gi nyumba, ni sanamu zimajela wakati uputi ayemeleye hwa hwiinjilile hu niango nabhahome mia sita wi silaha ziwo. ¹⁸Lwabhahinjilaga hu nyumba ya Mika nahweje isanamu zyapunez, efodi, amangolobhe gi nyumba ni sanamu zimajela, uputi ahayanga, "muombashi?"¹⁹Bhahamuozya, "Puma! Bheha inyobhe yaho pilomu lyaho uyenze hulite ubhe baba hulite na ubhe puti. Je, shinza abhe puti hu nyumba ya muntu weka abhe puti hu kabila zya bhantu bha Israeli?" ²⁰Umoyo gwa puti ghahasogwelwe. Ahega efodi, amangolobhe gi nyumba, ni sanamu zya punze, ahabhala peka na bhantu ewo.²¹Basi bhahagaluha bhahabhala. Abhana abhadodo bhahabhabheha hwilongolela lyao, peka ni ng'ombe ni mali zyao. ²²Lwabhabha patali ni nyumba ya Mika, abhantu bhabhahali mhanti yi nyumba yihali pepe ni nyumba ya Mika bhahetelwe, nope bhahafiha hwa Bhadani. ²³Bhahabhakhomela ishongo, nope bhahagaluha, bhahamuozya uMika, "Shonu mwenzele peka?²⁴Ahayanga, "amwe mwibhile amangolobhe gingagombile, mumwejile uputi wane, alafu msogoye. Je, indi ni yenu tena? Ubhajiye humbozelezye henu hahulavya?" ²⁵'Abhantu bhahwa Dani bhahamuozya," Usahaleshe tumvye shoshonti shiyanga, abhatu bhilyoyo sana bhanza hubhakhome awe ni familia yaho bhanzahubhabude." ²⁶Ndipo abhantu wa hwa Dani bhahabhala uMika lwawalola aje bhahali ni ngovu sana pamwanya yakwe, ahagaluha nawele hu khaya yakwe.²⁷Abhantu bha Dani bhahenga ahantu hawombile uMika peka nuputi wakwe, bhahafiha hu Laisha, hwa bhantu bhasagabhalaga bhahabhabuda nwipanga napembe umji ugwo. ²⁸Saga pahali umuntu wahuwokole kwa sababu pahali patali afume hu Sidoni, nasanga bhahakondene nu muntu wowonti. Pahali pikhombe lili karibu ni Beth Rehobu. Abhadani bhahazenga umuji nakhale uho. ²⁹Bhahweta itawa lyakwe Dani, itawa lya bhababa wakwe Dani, yahali peka na bhana bha Israeli. Lakini itawa ilya hwande limji lyahali Laisha.³⁰Abhantu bha Dani bhahazenga isanamu zya punze bhewo. Nope uYonathani, umwana wa Gershomu, umwana wa Musa, umwene na bhana wakwe, bhali bhaputi bhi kabila lya Bhadani mpaka isiku lya same insi. ³¹Basi bhahaputa isanamu ya punze iya Mika yahagabheshele mnyumba ya Ngolobhe uho hu Shilo.

¹Isiku ezyo, sagahali umweeni hu Israeli, hwahli umuntu, uMlawi yahakheye hadodo hu sehemu yapatali zaidi nensi ya Efraimu. Ahayejee ushe afume hu Bethelehemu uho hu Yuda. ²Lakini ushe wakwe sagahali golosu hwa mwene ahasogoye nawele hu nyumba ya baba wakwe uho hu Bethelehemu ya Yuda. Ahakheye uho amezi gane.³Alafu unume wakwe ahafuata ili abembelezye awele. Umuomba mbombo wakwe ahali peka anao, ni dogobhi bhabhele. Ahaneta hunyumba ya baba wakwe. Ubaba wa nendu lwahanola, ahasongwa. ⁴Ubaba mkwe wakwe, ubaba wa nendu, habembelezya akhale isiku zitatu. Bhahaliye namwele, bhahakheye usiku uho.⁵Isiku ilyaune bhahadamu shapwi ahayanda asogole, lakini ubaba wa nendu ahamuozya umkwe, "Yipele ingovu ni kate idodo, alafu ungawezya asogole." ⁶Basi ewo bhabhali bhahakhala alye na mwele peka. Alafu ubaba wa nendu ahayanga, "Ihulabha ubhe tayari akhale usiku owu abhe wakati mwinza.'⁷Umlawi lwawuha ili asogole, ubaba washe uyo ahanabha akhale, kwa hiyo ahagalusya asogole ahagona usiku tena. ⁸Isiku ilya sanu ahadamula shapwi ahasogola, lakini ubaba wa nende ahayanga, 'Yipele ingovu wewewe, ugole mpaka ishasenya.' Kwa hiyo ewo bhabheli bhahalya ishalye.⁹Umlawi nusuria wakwe numuomba mbombo wakwe bhahawuha ili bhasogole, ubaba mkwe wakwe, ubaba wa nendu ahamuozya, "Enya, eshi shasenya ibhala lyewela. Ihulabha khala usiku owu ili ibhe nu wakati umwinza. Uhaiwuha indabhe nashapwi unzawele hukhaya."¹⁰Lakini Umlawi sagahali tayari akhale usiku. Ahawuha nasogole. Ahabhala hu Yebusi (hu Yerusalemu). Ahali ni dogobhi ziwele na masuria wakwe ahali peka nao. ¹¹Lwabhapalamila afishe hu Yebusi, isiku elyo lyahabhalile sana, umuomba mbombo ahamwuonzya umwene wakwe, Haya, tibhalaje umuji gwa Waebusi, tikhala mhati yakwe usiku owu.¹²Ugosi wakwe ahamuozya, "Sagatingabhala hu muji gwa bhajenu wagaga wabhahna Israeli." Tinza bhale hu Gibea. ¹³Umlawi ahamuozya ola usahala, "Enza, libhale isehemu yeka tikhale usiku weka hu Gibea au hu Rama.¹⁴Basi, bhahabhala, ni senya lwaswanga lwabhali karibu hu Gibea, hu sehemu ya Benyamini. ¹⁵Bhahagaluha uho ili bhakhale hu Gibea usiku weka. Nope ahinjila akhale hwidala igosi lijiji, maana numo umuntu yahawinjizizye panyumba yakwe nusiku.¹⁶Lakini umuntu ugogolo ahenzaga afume hu mbombo yakwe yahumagonda ilyebhela eyo. Ahafumile hwigamba lya Efraimu, nope ahakheye hu Gibea hadodo. Lakini abhantu bhabhakhala pala bhahali Bhabenyamini. ¹⁷Ahawusya amaso ahanola yasholele hwi dala igosi li shijiji. Uyo ugogolo ahayanga, "Ubhala hwii? Ufumile hwi?"¹⁸Umlawi ahamuozya tibhaa afume hu Betelehemu ya Yuda mpaka isehemu yahutalizaidi insi yigamba lya Efraimu, hwifuma ane. Nahabhalile hu Bethelehemu ukho hu Yuda, nane imbala hunyumba ya Mweene; lakini numo umuntu yanzahuneje hu nyumba yakwe. ¹⁹Tili ni sole lya lisye idogobhi zyetu na tili nikate ni divai kwa ajili yane nu muomba mbombo waho ushe epa nahwa sahala uno peka nabhawomba mbombo bhaho. Sagatigaile hahonti.'²⁰Uyo ugogolo ahabhalamkha, "Useshelo ubhe nawe! Imbala hupele vyuhwanza vyonti. Usahakhale usiku tu hwidala igosi." ²¹Basi uyo umuntu ahaneta Umlawi hu nyumba yakwe, ahazilisya idogobhi. Bhahagozya amanama gao, nalye namwele.²²Amoyo gao gahasungwezye, abhantu abhamwao wi shijiji, abhantu bhasagabhalini maana, bhahazugula inyumba bhahugukhoma uniango. Bhahamuozya ula ugogolo umwenesho nyumba, aje, "Fumye umuntu yayinjie mnyumba yaho ili tiwombe amapenzi anao." ²³Ula umwenesho nyumba, ahawezela, ahabhawuzya, "Hag'aa, bhaholo wane, ihumbalabha msahawombe ijambo iwiw! Kwa kuwa umuntu uno jenu mnyumba yane msahawombe ijambo eli iwiwi!"²⁴Enya, unendu wane saga amenye unume na masuria wakwe ebha epa. Namba imbalete eshi. Msahabhasajile wombi nao shoshonti shamsongwezye. Lakini msahawombo ijambo eli iwiwi hw amuntu uno!" ²⁵Lakini abhantu sangabhahamuvwezye kwa hiyo ula unume ahakhata ula ushe ahaneta hoze. Bhahkhata bhahagona nao, bhahamuombela imbiwi usiku wonti ishandawe bhahanekha abhalaje. ²⁶Ishandabhe ushe ahenzele ahagwa pasi yiniango gwi nyumba ya muntu pahali ugosi, umwene ahagona pala mpaka lwahwasha.²⁷Ugosi wakw eahasogola ishandabhe ahugula amalyango gi nyumba, ahafuma abhale hwidala. Ahanola ushe wakwe agonile pala paniango, inyobhe zyakwe zyahali pamwanya yi sugamilo. ²⁸Umlawi ahamuozya, "Emelela tibhaleje." Lakini sagaaheteshe. Ahamekha pamwanya yi dogobhi, nuyo umuntu ahasogola hu khaya.²⁹Umlawi lwabhafiha hu khaya yakwe ahenga umaje, nope ahakhata usuria wakwe, ahadumula inama ninama ahabheha ivipande kumi na mbili, ahatwala ivipande kila mahali hu Israeli. ³⁰Wonti bhahalola eli bhahayanga, "Ishintu eshe sagashiwalile awombeshe au aloleshe ahwande isiku zya bhantu bha Israeli ahwenze afume insi ya Misri mpaka ilelo. Sebha juu yeli! Uti[ele usharui! Tiwozye shawombe!"

¹Ndipo abhantu wonti bha Israeli bhahafuma nanzi umuntu weka, afume hu Dani mpaka Beer-sheba, peka ninsi ya Gileadi; nope bhahawungana hu maso ga mweene uho hu Mispa. ²Abhalongozi wonti bhabhantu wonti wi kabila zyonti zya Israeli, bhahenga inafasi zyao bhahawungana abhantu bha Ngolobhe abhantu 400, 000 bhabhajenda na manama bhahali tayari akhomane ni panga.³Basi abhana wa Benyamini iwawuvwa aje abhantu bha Israeli bhahazuwile hu Mispa. Abhana bha Israeli bhahayanga, "Tiwozye hu namna wele ubhiwi uwombeshe owu." ⁴Umlawi, unume washe yahabudilwe, ahajibu, Nahezel hu Gibea hunsi ya Benyamini ane nu suria wane, ili tigone.⁵Wakati wa nusiku abhalongozi bha Gibea bhahahomile, bhahaizwongola inyumba bhahapanjile hubude. Bhahakhete nahugone usuria wane, ahafwa. ⁶Nahamwenga usuria wane nadumula ubele gwakwe vipande vipande kila ansi nahameha yi ulithi wa Israeli, kwa sababu bhawombile ubhibhi uwo nupumbafu hu Israeli. ⁷Eshi, amwe Bhaisraeli wonti, fumiaji inongwa nu shauri wenyu epa."⁸Abhantu wonti bhahasogola peka nanzi umuntu weka, bhahayanga, Numo hata weka wetu yanzabhale hwibhaza lyakwe, wala numo hata weka wetu yazawele hu nyumba yakwe. ⁹Lakini eshi ndiyo shatinza huiwombele iGibea tinzahuikhome nanzi ikura shihutilongola.¹⁰Tinzahweje abhantu kumi hu bhantu mia moja hu makabila gonti ga bha Israeli, na mia moja hu elfu na lhu elfu moja hu elfu kumi, hubhapele ishalye kwa ajili ya bhantu ebha, ili bhafishe hu Gibea ya Benyamini, bhanzahubhalavye humbiwi zyao zyabhawombile hu Israeli. ¹¹Basi abhalugo wonti bha Israeli bhahawungana pamwanya yi muji, nanzi umutu weka.¹²Amakabila ga Israeli bhahabhatuma abhantu wikabila lyonti ilya Benyamini, bhahayanga, "Yenu muwombile ubhibhi uwu pahantu yenyu? ¹³Kwa hiyo, tipeli abhantu ewo abhabhibhi bhahu Gibea tibhabude, epo tinza hwefwe kabisa ubhibhi uwo afume hu Israeli." Lakini Abhabenyamini sangabhahatenjetezya Israeli, ¹⁴Ndipo abhana bha Benyamini bhawungana afume hu mjini abale hu Gibea bhaipanga akhomane na bhana bha Israeli.¹⁵Abhantu bha Benyamini bhahawungana afume hu miji gao ili akhomane isiku elyo, abhalugo elfu ishirini na sita bhapangwile akhomane ni panga. Lakini, huli abhantu mia saba bhahasaluliwe afume hwabhakhaya bhahu Gibea. ¹⁶Mwabhalungo wonti ebha bhahali abhantu mia saba bhabhasalulilwe wi mongo. Kila muntu ahawezizye akhome isisi na mawe bila tukule.¹⁷Abhantu bha Israeli, bila abhazye inamba afume hwa Benyamini, bhali abhantu 400, 000 bhabhaahamanyiye akhomane ni panga. Wonti ebha bhahali bhantu wiwo. ¹⁸Abhantu wi Israeli bhahasogola, bhahabhala hu Betheli, bhahalabha ushauri afume hwa Ngolobhe. Bhahawuozya, "Yunanu uwahwande yanzahuwangamizye abhantu bha Benyamini kwa ajili yetu?" Ungolobhe ahayanga, "U Yuda anzahubhakhone kwanza."¹⁹Abhantu bha Israeli bhahawuha ishandabhe, bhahasamya ikambi lya karibu hu Gibea. ²⁰Abhantu bha Israeli bhahabhala alwe nabha Benyamini. Bhahabheha inafasi zyao ziwo uho hu Gibea. ²¹Abhantu bha Benyamini bhahasogo hu Gibea, bhahabhabuda abhantu elfu ishirini na mbili abhalungo bha Israeli isiku lila.²²Abhana bha Israeli bhaipela ingovu bhewo, bhahatayalisya umstari gwiwo amahali pala lwawenga inafasi isiku ilya hwande. ²³Abhana bha Israeli bhahabhala bhahalila pamaso ga Ngolobhe hata ilyewela. Bhahanza ulongozi afume hwa ngolobhe "Je, tihwanziwa abhale tena alwe nabha holo bhantu, abhantu bha Benyamini?" Ungolobhe ahaga, "Bhakhomaji!"²⁴Abhantu bha Israeli bhahakhomana na bhalugo bha Benyamini isiku ilyabhele. ²⁵Isiku ilyabhele uBenyamini ahabhala alwe nao afume hu Gibea, bhahabhabuda abhantu bha Israeli elfu kumi na nane. Wonti abhantu ewo bhahamanyiye akhomane nu panga.²⁶Basi abhalugo wonti bha Israeli na bhantu wonti bhahabhala hu Betheli, bhahalila, bhahakhala pilongolela lya Ngolobhe; nope bhahaleha alye isiku elyo hata ilyebhela, bhahafumya isadaka ya lungolezye ni sadaka yi seshelo pamaso ga Ngolobhe.²⁷Abhana bha Israeli bhahanabha Ungolobhe, - kwa sababu yisandiko yi ndagano zya Ngolobhe lyalyahali isiku ezyo; ²⁸nu Finehasi, umwana wa Eleazari, umwana wa Haruni, yahawombaga hwisandiko insiku ezyo. "Je tibhale hwiwo tena hwabhantu wa Benyamini, abhaholo wetu, au tileshe?" Ungolobhe ahayanga, "Bhakhomi, maana indabhe nahibhavwa mwahaimamena.²⁹Basi Israeli ihabheha abhantu amali pa siri karibu ni Gibea. ³⁰Abhantu bha Israeli bhahakhomene na bhana bha Benyamini hu siku zitatu, bhahazenga iwo lyao hu Gibea, nanzi shabha halongoleye.³¹Abhantu bha Benyamini bhahabhala akhomane na bhantu, nope bhahegwa hutali nu muji. Bhahnda hubhabude abhantu abhamo. Hwa hali abhantu selasini abha Israeli bhabhafwiye hu magonda na hu balabala. Idala lyeka lyahabhalile hu Betheli, ilya mwao lyahabhalile hu Gibea.³²Ndipo abhana bha Benyamini bhahayanga, "Bhapotilwe na bhahutishembela, nanzyepo pahwande." Lakini abhalugo bha Israeli bhahayanga, "Namba tishembele libhavunte palali nu muji hadi hu barabara." ³³Abhantu wonti bha Israeli bhahasongola afume isehemu yao, bhahaipanga hwiwo uho hu Baal-Tamari. Basi abhalugo bha Israeli bhabhahobhele amahali pa siri bhahashembele afume hu Maare-Geba.³⁴Bhahasogola hu Gibea abhantu kumi elfu bhabhasaluliwe afume hu Israeli yonti, iwo lyahali likhali, lakini Abhabenyamini sagabhahamenye aje impungo ihali karibu hwa bhene. ³⁵Ungolobhe ahamenile uBenyamini hu maso ga bha Israeli. Isiku elyo abhalugo bha Israeli bhahabhabudile abhantu bha Benyamini 25, 100. Bhabhahafwiye wonti bhahamanyie alwe ni panga.³⁶Basi abhalugo bha Benyamini bhahalola aje bhamenilwe. Abhana bha Israeli bhahafumizye insi iya Benyamini, kwa kuwa bhahabhazizye abhantu bhabhahabheshelwe hu nafasi zizyahafisilwe hosi yi Gibea. ³⁷Ndipo abhantu bhabhahubhele bhahabhukha nalinali bhahashembela uGibea. Nope bhahabuda kila muntu yahakheye hu mjini ni panga lyao. ³⁸Idala lyalyahapagwilwe nabhalugo bha Israeli na bhantu bhabhahobhele hu siri lyahali libhengo igosi ni lyosi linzafumile hunze yi munji.³⁹Injama lyayenz eabhalugo bha Israeli bhahagaluha afume hwiwo. Basi Abhabenyamini bhahanda hubhakhome nahubhabude abhantu bha Israeli selasini, bhahayanga, "Lyoli bhakhomwa pamaso getu, nanzi iwo ilya huande."⁴⁰Lakini wakati ilyosi lyalyahanda asushe honze yi muji, abhabenyamini bhahagaluha na hulyenye ilyosi humwanya afume hu muji gonti. ⁴¹Ndipo abhantu bha Israeli bhahabhagaluha. Abhana bha Benyamini bhahogopa kwa sababu bhahalola aje ufwe ubhe eye.⁴²Basi bhahashembele afume hwabha Israeli, abhale idala lyahwikhombe. Lakini iwo lyahabheje. Abhalogo bha Israeli bhahafuma hu mjini pabhaahemeleye pala⁴³Bhahabhazyungoleye abha Benyamini na hubhafuate. Bhakhabhakhaya okho hu Noha, bhahabhabuda hata upande wa hu mashariki wi Gibea. ⁴⁴Afume hwi kabila lya Benyamini abhantu kumi nanne elfu bhahafwiye, wonti bhahali bhalume bhahamanyishe hwiwo.⁴⁵Bhahagaluha nashembele ibhale hwikhombe hadi hu mwala gwa Rimoni. Abhaisraeli bhahabudilwe zaidi ya elfu tano pahati yi barabara. Bhahendeleye hubhafuante hwidala igosi abhale hu Gidimu ukho bhabhabhabuda elfu mbili zaidi. ⁴⁶Abhalugo bha Benyamini bhabhahishile isiku elyo bhahali abhantu ishilini na tano bhahamanyiye akhomane ni panga wonti bhahamanyishe aje wiwo.⁴⁷Lakini abhantu mia sita bhahagaluha nashembele hwi khombe abhale hwiwe lya Rimoni. Bhahakhala hwiwe ilya Rimoni hu muda gwi mezi gane. ⁴⁸Abhalugo bha Israeli bhahabhawelelea abhantu bha Benyamini bhahamamena nahubhabude umuji gonti, ing'ombe na kila hantu habhahenje. Alafu bhahapembile nu moto kila muji hwidala lyao.

¹Eshi abhantu bha Israeli bhahaidile ukho hu Mispa, "Nomo hata weka wetu yanza hupele unendu wakwe ahwegwe nabha Benyamini." ²Ndipo abhantu bhahabhaa hu Betheli bhahakhala oho pamaso ga Ngolobhe hata ilyewela, bhahalila hu sauti ingosi. ³Bhahakhoma ishongo, "Shunu Umweene, Ungolobhe wa Israeli, awombile ijambo eli hwabha Israeli, aje ikabila lyetu lyeka liteje ilelo?"⁴Isiku lilyahafuatile abhantu bhahawushele ishandabhe bhahazenga paputile ukho bhahafumya isadaka yalongolezye ni sadaka yiseshelo. ⁵Abhantu bha Israeli bhahayanga, "Aje yunanu pahati yi kabila zyonti zya Israeli sagabhahezele hu manukato gwa Ngolobhe?" Kwa kuwa bhahaweshele iahadi yaje umuntu wowonti yasaganza hwenze hwa Ngolobhe uho hu Mispa. Bhahayanga, "Lyoli umwene abhalabudwe."⁶Abhantu bha Israeli bhahali ni sajilo hwabha holo wao uBenymini. Bhahayanga, "Ilelo eli ikabila lyeka likhanilwe afume hu Israeli. ⁷Yunanu anzahuwapele bhabhalehwile abhashe, kwa sababu tiahidile hwa Ngolobhe aje sagatiwajiye huneshe wowonti pahati yao ayegwe unende wetu?"⁸Bhahayanga, "Yunanu pahati yi kabila yi Israeli sagabhahezele hwa Ngolobhe uho hu Mispa? Ihaloleha aje numo umuntu yahezele hu mkutano afume hu Jebeshi-Gileadi. ⁹Kwa maana abhantu lwabhahapangwile hu talatibu, enya, numo hata weka ukhaya wahu Yebeshi Gileadi. ¹⁰Umkutano ugwa gwahabhatuma abhantu kumi na mbili abhantu bhao abhadadamazu hundajizyo yabhale hu Jabeshi-gileadi nahubhangamizye nahubhabude hata awashe nabhana.¹¹"Womba esho uhwaziwa abude kila nume na kila ashe yagonile nu nume." ¹²Abhantu bhala bhahabhaga abhantu kati yao bhabhakheye hu Yabeshi-gileadi, abhashe mia nne bhasaga bhahagonile nu nume, bhahabhatwala hwikambi uho hu Shilo, hu Kanaani.¹³Umkutano gonti wahatuma abhajumbe hubhawuzye abhantu bha hu Benyamini bhabhahali hwiwe lya Rimoni aje bhahabhapiye useshelo. ¹⁴Abha Benyamini bhahawela uwakati wuwuwo bhahabhapela abhashe bha Yabeshi Gileadi, lakini sagapahali na bhashe bhahubhakwelane wonti. ¹⁵Abhantu bhahazondile hwa shila shashahafumiye hu Benyamini, kwa kuwa Ungolohbhe ahabagulanya pahanti yi makabila gi Israeli.¹⁶Kisha abhagosi wi mkutano bhahayanga, "Tinzawombe wele ili Abhabenyamini wapate abhashe, kwa kuwa abhashe bhahu Benyamini bhabudilwe?" ¹⁷Bhahayanga, 'Lazima tibhe nurithi hwabha Benyamini bhabhasageye, ili ikabila lyetu lisahananganywe afume hu Israeli.¹⁸Sagatihubhapela awashe afume hubhalendu bhetu, kwa kuwa abhana bha Israeli bhahayenje iahadi, 'Na agunwe umuntu yanzahupele uBenyamini ushe."' ¹⁹Bhahayanga, "Aje mumenye aje huli ishikulukulu hwa Ngolobhe kila mwana ukhoh hu Shilo ( yili hu kasikazini mwa Betheli, imashariki yi balabala yizubha afume hu Betheli hadi hu Shekemu na hu kusini mwa Lebona).²⁰Bhahabhalajizya abhana bha Benyamini, bhahayanga, " Bhalaji, mubhe hu siri, mugole mumagonda gi zabibu. ²¹Enya uwakati wabhalendu afume hu Shilo bhanzafume ahwanje, Fumi honze yi mizabibu na kila muntu ahwanziwa anyagule ushe afume hwabhalendu bhahu Shilo, alafu awele hunsi ya Benyamini.²²Wakati abhababa bhao au abhaholo bhao lwanbhanza hwenze hutikhome, tinzahubhawuzya, 'Tipeli weene! Bhaleshe bhasagale kwa sababu sagatahapetile abhashe kila muntu wakati wiwo. Namwe sagamunajile ahusu iahadi kwa sababu sagamuhabhapiye abhene abhalendu wenyu."'²³Abhantu bha Benyamini bhahawombile esho. Bhahejile idadi yabhashe bhabhahazanga afume hwabhalendu bhabha hanganga nope bhhawenga ili bhabhe washe bhao. Bhahabhala na wele amahali pa urithi wao bhahazanga tena umuji, bhahakhal amuhati yakwe. ²⁴Kisha abhantu bha Israeli bhahafuma amahali epo nabhale hu khaya, kila muntu hu kabila lyakwe ni shikholo shakwe na kila muntu hu rithi wakwe mwene.²⁵Isiku ezyo sagahali umweene uho hu Israeli. Kila muntu ahawomaga gagali sawa pamaso gakwe yuyo.

¹Lyafumiye isiku lyeutawala wajaji munsi nwali enzala, no mntu omo wahu Bethelehemu yo Yuda abhalile munsi ya Moabu pandwemo noshe wakwe na bhana bhakwe bhabhalile na sahala. ²Etawa ilya muntu oyo aliyo Elimeleki, na itawa lya she wakwe aliyo Naomi. Amatawa ga bhana bhakwe asahala bhabhakuvizyanga Mahiloni no Kileoni, bhali bha Waefraemu bhahu Bethelehemu yahu Yada. Bhali shile munsi ya Moabu na khale pepo.³U Elimeleki, ulume wakwe Naomi, afwiye no Naomi alehwilwe na bhana bhakwe bhabhale asahala. ⁴Aihana ebha bhahejile abhashe bha Moabu; itawa omo ali yo Oripa, na itawa owamwabho aliyo Ruth. Bhakheya shwo amaha kumi. ⁵Bhonti Mahiloni no Kileoni bhafweye na bhale shile o Naomi mwene bila lume na bila bhana bhakwe bhabhele.⁶O Naomi ahamuye asogole Moabu pandwemo na bhashe bhakwe na bhana na awene whwa Yuda esababu ali ayonvwezye omkoa gwa Moabu aje ya Yahweh abhavwe abhantu bhakwe aje habhawanza abhapele eshalye. ⁷Esho asogoye esehemu yeyali pandwemo no she na bhana bhakwe bhabhele, bhahishile idala lya wele munsi eya Yuda.⁸O Naomi abhabholele abhana bhakwe, ''Bhaji, muwere, omo wenyu, mmnyumba ya nyina wenyu wakwe. No Ungolobhe alanje uwinza whwobho bhabha fwiye na whaline ⁹Ungolobhe abhavwe amwe agwaje utoyo, ole weka mhati yenyu mnyumba ya lume uwenje.'' Antele abusu, na wonjezya esauti zyabho na lile. ¹⁰Bhabhozya, ''Ndadi! Tauvela pandwemo nawe hwa bhantu bhaho.''¹¹Ila u Naomi ayanjile, ''Weli, whaline! Yenu mwaibhala nane? Kwani endi nabhana mvyanda vyane kwajili yenyu, ili bhahenze abhe bhalume bhenyu? ¹²Weli, bhana bhane, bhaji amadala genyu mbhene kwakuwa ane ensi gogote tee abhe no lume. Nkenje enjanje, 'Ehwamini embahumwaje ulume usiku hwogu, ;Nantele napape umwana usahala, kwa hiyo mgangole hadi akule? ¹³Mubhagolele na msahegwe esalazi? Ndadi, mwema wane! Inswezya tee kuliko samwa nkongobhe zezye emwe kwa sahala amakhomo ga Yahweh ubhalile shingunga nane.''¹⁴Ndipo abhashe na bhana bhazuvya esauti zyabho na lile nnantele. Oripa alajile nahulusu, lakini u Ruth ahahenseleye akhale nawo. ¹⁵O Naomi ayanjile, ''Tejezya, uwamwenyu awelile hwa bhantu bhakwe na mizimu gakwe. U Ruri pandwemo wape.''¹⁶Ila Ruth ayanjile, ''Usahandeshe isisogole hutali nawe, kwa kuwa hwobhabhale, embabhale, pa bhakhale embakhale; abhantu bhaho bhabhabhe bhantu bhane, no Ngulubhe waho abhabhe Ngolobhe wane. ¹⁷Pawafwele nafwela pepo na pepo naiswyelwa. Yahweh enavwe na hata nyinji nkashele pali hohonti isipokuwa entwa namwaha sagavwezizye andehanye. ¹⁸O Naomi nawalola aje u Ruth ali ayamuye abhale mawo, aleshile abesanye nawo.¹⁹Shesho bhonti bhabhele bhasafiliye paka bhalishile hujini hu Bethelehemu. Shesho na bhafiha hu Bethelehemu, hujini bhonti bhasongwelwe, abhashe bhajile, ''Ono yo Naomi?'' ²⁰Ila wabhabhozya, ''Msikuvizye Naomi. Mnkwizyaje Chungaji, kwa kuwa Ongolobhe ambombeye amambo makhali sana. ²¹Nabhalile emelile, ila Yahweh wambwezya akhaya sendi na bhonti. Shesho yenu mkwizya Naomi, wakati mndola Yahweh antesile, wha Ngolobhe ayintesa?''²²Shesho ona Naomi no Ruth Mmoabu, oshe na bhana bhakwe, bhawelile afume ensi ya o Moabu. Ihawelile hu Bethelehemu huwhande amatingo gea mashairi.

¹Basi Elemeleki ulume wa Naomi, ali no wanwa kiho bhakwazyaga o Boazi, alitajili na ali muntu wa manyishe. U ²Ruth, Mmoabu, abholele o Naomi, ''Gola emlale emlonganye amasagazi ge shalye mgonda. Emba holondole wawonti wemba pewe uruhusa pamaso gakwe.'' Shesho u Naomi wabhabhola, ''Bhala, mwanawane.''³U Ruth abhalele ayabhile mgonda abhalondolezya mwisalo bhabha yabhila. Nakumbe ilaeshenu ye gonda gwali gonda gwa Boazi, wali na mahusiano no Elimeleki. ⁴Enya, Boazi ahwenza afume hu Bethelehemu na abhabhola bhabha yabhila, ''Yahweh abhe namwe.'' Bhagimula, ''Yahweh anwavwe.''⁵Ndipo o Boazi wabhabhola bhabha bhomba embombo eya yabhile bhabhali abhasimamila bha yabhilaagamuye na yanje, ''Tafadhali mnduhusu ayabhile na abhonganye amasagazi ga bhabhu yabhile, ''Wele gosi ulendu ono wananu? ⁶Omtumishi o mamizi wabhabhayabhila wugamula wayanga, ''Olendu o Mmoabu. awele na Naomi afume munsi ya Mmoabu. ⁷Wambola, ''Tafadhali nduhusu ayabhile na bhonganye amasogazi ga bhabhayabhile shesho ayenzele eyendeleye ayabhile ahwande sambwili paka esalazi, ila atoyele hashe mnyumba.''⁸Kisha o Boazi wabhola u Ruth, ''Uatejezya mwanawane? Usahabhale ayabhile mgunda ogwenje; usahasogole mgonda gwane. Badala yakwe, sagala pepa na lendu bhane bhe mbombo. ⁹Amaso gaho genyaje hugonda uha bhayabhile alume ufwaje mwisalo ya bhashe abhanje. Je, sinabhelevezezye alume bhahuguse? Na nobha whome uwezye abhale amwele amenze mnsonta ambayo alume bhu meminzye.''¹⁰Ndipo wafugamila hwitagalila lya Boazi, na guzizye itwe lyakwe pansi. Wabhola, ''Yenu enduhusiwe pamaso gaho, hata usamini ne jenyi?'' ¹¹U Boazi wajibu na bhola, ''Tayari amlilelwe, gonti go bhombile afume ulume whaho afwe. Uleshile uyisa ehaho, umanye nensi yewepepwe ahumwanze ushe wa khoyi waho na nawhwenze abhantu wasobhamenye. ¹²Yahweh asombe hu mambo gaho. Yahweh asombe huminji, Ungolobhe wa Israeli, amlapo pansi pa mapiho gakwe upajile apanyililile.''¹³U Ruth ayanjile, ''Inshaje eshilale pamaso gaho, ugosi wane, kwa kuwa unfalijile no uyanjile uloniza hwaline, ingawa ane soga endi weka na tumishi bho alendu.''¹⁴Umuda we shalye u Boazi abholele u Ruth, ''Enza epa, ulyo amabumunda gamo na atofye apande mu hobwa.'' Akhaye pansheje pa bhabhayabhila na u Boazi apite ehela ne sanga vyavikalanjiwe. U Ruth aliye paka akute na sagazye.¹⁵Nabhobhaga abhale ayabhile, u Boazi abhamulizye avijane bhakwe, ayanjile, ''Leshi ayabhile hata masuke, na msihubhole lyalyonti ibhibhi. ¹⁶Na mleshele baadhi ye masuke mmafuko kwa ajili ya mwene, na muleshe ili ayabhile. Msihudamile.''¹⁷Kwa hiyo ayabhuye paka andyebhela. Kisha wagobhanya evisaga na masole ambago ayabhije, ne visonga zyali nanshi efa yeka ne shairi. ¹⁸Wa zinyemula na bhale humuji. Ndipo ukhoyi wakwe na wahalola hala hayabhiya. U Ruth pia aletile ukhoyi wakwe huvisanga livipoe zyazi kalanjilwa zyajagazezye mushalye shakwe.¹⁹Ukhoyo wakwe ushewabhala, ''Sayono uyabhiye whii? Uhabhalele whi abhombele embombo? Obarikiwe bhole, ''umntu wa mwavwizye.'' Shesho u Ruth wabhola akhoyi wakwe ahusu umwanensho gonda girali abhomba embombo. Wabhole, ''Etawalya muntu we gonda gira bhomlelaga embombo aliyo Boazi.'' ²⁰U Naomi wabhola u Ruth, ''Ungalobhe amwonjezye wasaga ahefwuzye umwaminifu wakwe wha bhabhali bhomu na bhabha fasiye.'' U Naomi wabhola, ''Umntu ono wawetu na muntu ambaye tikhala pandwemo wamwetu ayavwa.''²¹U Ruth Mmoabu wabhola, ''Lyoli, ambolele, ''Ukhale pandwemo na vijana bhane na asahala paka pa bhaimala ayabhile eviyane vyonti.'' ²²U Naomi wabhila u Ruth ushe wabhana bhakwe wa sahala, ''Shinza, mwanawane, aje ubhale pandwemo na lendu wakwo abhe mbombo, ili msenza apate amashida gagonti mgonda gwagwonti.''²³Shesho akheye karibu na bhabhabhomba embombo alandu ili ayabhele paka pa mwisho pa vyabhovya shayiri na ne vyabho ne yengano. Na ali akhala pandwemo na khayi bhakwe.

¹U Naomi, ukhoyi wakwe, abholele, ''Mwanawane, selazima awhanze emali pa awe toya, ili aje amambo gaho gabhale shinza? ²Wape u Boazi, umntu alipandwemo na lendu wakwe abhe mbombo, umwene se wamwetu? Enya, andyebhele ene abhabhe ajuyunta ishairi mu sementiye kupuria.³Shesho, oga, potola amafuta, kwata amende gaho aminza, na uyishe na bhale pa apasakafile pakupuria. Lakini usahamanyishe wa mntu ono paka pabhamale alye na mwele. ⁴Na uhakikisye aje, pa bhagone pansi, uyizuhaje esehemu pa gonile ili aje pamande ubhalaje ukwinkule amanama gakwe, na ugone pepo. Kisha abhahubhole aha bhombe, '' ⁵U Ruth abholele u Naomi, ''Anibabhombe kila hantu huyanjile.''⁶Ahishile abhale pa sakafu ya kupuria, na afwatile amaelezo gapewelwe no khoyi wakwe. U ⁷Bozai na wamala alye na mwele na umwoyo gwakwe gwa songirelwe, abhalile agone pansi pa mwisho esehemu egatunzile evipole. Kisha u Ruth abhalile wilowilo ahwimkuye amanama ga Boazi, na wagona apo pansi.⁸No nsiku pahati u Boazi agandushe wahwigaluzanya pepo ushe ali aginile pamanama gakwe! ⁹Wabhola, ''Awe we nanu?'' Wagamula, ''Ane ne Ruth, ne tmishi waho ulendu wenesye ishuka hyaho anene tumishi waho ulensu, kwa kuwa awe uli wamwetu.''¹⁰Boazi wabhola, ''Mwanawane, Yahweh amwavwe. Ubhonesezye uwinza humwisho kuliko humwanzo, kwa sababu sewa bhalile wha ume asahala, abhe tajili au umasikini. ¹¹Ne salazi, mwanawane, usihwogope! Embabhombe gonti gamyonjile, esababu umuji gwa bhantu wane bhonti bhamenye aje awe ulishewo faa.¹²Lyoli aje ane endi wamwenyu; hata shesho, huli uwamwetu watumanyene kuliko ane. ¹³Sagala epa no siku uwu, na sampwiti nkashele abhabhombe amajukumu gakwelye karibu, shinza, mleshe jukumu lyakwe lyeshiholo, uarama sagabhombe ijukumu lyeshi holo hwaliwe ndipo ane ambabhombe nanshe Yahweh sakihala. Gona paka sampwiti.''¹⁴Kwa hiyo u Ruth aganile pa manama ga Boazi hadi sampwiti. Lakini abhoshele sampwiti kabla lyalyonti sagawezizye ahumanye umntu uwa mwabho. Kwa kuwa aliabholele, ''Isahamanyishe aje ushe ayenzele msakafu ya kupuria.'' ¹⁵Shesho u Boazi wabhola, leta mtandio gwaho na uguukhatizyaje.'' Pabhombile esho apimile evipimo tanda vyeshairi katika mtandio na hutwishe u Ruth. Kisha u Boazi wabhala hujini.¹⁶U Ruth nawawela hwa khoyi wakwe, ayanjile, ''Uhabhombile, mwanawane?'' Ndipo u Ruth abholele mambo gonti gabhombelwi no muntu oyo. ¹⁷Abholele, '''Evi ovipimo tanda vye shairi ni vile vyampiye umwene kwa kuwa ayanjile, 'Wabhabhale nyobhe wene hwa khoyi bhaho.''' ¹⁸Kisha u Naomi ayanjile, ''Sagali epa, mwanawane, paka pobhamanya aje u Boazi hata toya paka palibhamalibhe ijambo elisanyuu.''

¹Ndipo u Boazi abhalile pandyango lya Bethelehemu na khale pansi. Umuda ufupi tu ahenzela no hilo wa papepe ambeyeyo Boazi ayanjiliye. U Boazi abholle, ''Uholo wane, enzaga epe na unkale. Kisha umntu oyo wenza na sahala. ²Ndipo u Boazi wabhonganya alongozi kumi bhe mji na yanje, ''khali epa.'' Shesho bhakhala.³U Boazi wabhola ola iyama wapapepe, ''U Naomi wawelile ye afume humuji gwa Moabu, akazya esehemu ye gonda gwali nagevo ya kaka tu Elimeleki. ⁴Nafebheleye ahubhole aje, 'Ukale hwi tagalila hwibha ishabha kheye epa, na hwitagalile ya longozi wa bhantu lhane.' yali ugasongwa, agombola, ogombole. Ila ikuva huhwanza agombole wambola je, ili emanye kwa kwera nomo umwamwabho walanga, ''Abhagombole.''⁵Kisha Boazi wayanga, ''Ile isiku lyawaikala igondya aume mmakhono ga Naomi, yatakulazimu pia ahumweje u Ruth Mmoabu, wafwelewe no lume na mwana wa Eimeleki, ili alibhosye itawa lya wafwiye kama hugali hwakwe.'' ⁶Ndipo umntu ovyo uwamwawo wayanga, ''Ane simbwizizye agombole ensi kwa ajili yane bila alete amatatizo munsi yane nemwene. Ehupela awe ehaki eya gombole kwa ajili yane nemwene, kwa kuwa ane simbewezye.''⁷Ene yali mila ye mwaha yahu Israeli ahusu ahwokole na abadilesye aminza. Ahwaminisye amambo gonti, umntu one ahawuye eshilato shakwe na apiye ujirani wakwe; ene yali namna ya bhombe ahwetebane ya kusheria hu Isareli. ⁸Kwa hiyo ono ujamaa wa papepe wabhada u Bozai, ''Kala wewe.''Shesho waula evilato shakwe.⁹Ndipo u Boazi wabhabhola alongozi na wantu bhonti, '''Amwe mribhashaidi aje enkalile na kila hahali ha Elimeleki na kila hahali no Kileoni na Mahilon afume mumakhono ga Naomi. ¹⁰Zaidi yego agahuhusu u Ruth Mmoabu, ushe wa Makilon: Epiye uruhusa esha she wane, ili ahwendelezye itawa evya gale hwa wafwije, ili aje itawa lyakwe. Lisiteji mhati ya holo bhakwe na umndyango gwa bhantu bhane. Amwe mribhashahidi sanyunu.''¹¹Abhantu bhonti na aongozi bhali pa ndyango bhayanjile, ''Tu mwashaidi. Yahweh abhombe ushe ono wayenzole pakhaya yaho nanshi u Raheli no Leya, ambao bhabhele ebha bhazenjile enyumba hu Israeli. Na abhavwe katika Efrata na abhe wapatanisye wa hu Bethelehemu. ¹²Ne enyumba yaho nanshi mnyumba ya Peres, wali Tamari apapiye u Yuda, ashilile empago ya Yahweh abhahuyele pandwemo no lendu ono.''¹³Shesho u Boazi amwejile u Ruth, na wabha she wakwe. U Boazi agonile nawo, no Yahweh aluhukusile apate aminiba na apepe imwa usahala. ¹⁴Ushe ono wabhola u Naomi, ''Yahweh abarikiwe, wali saga aleshile, bila holo wa pepe yani umwana ono. Itawa lyakwe libhe ikhaya pa Israeli. ¹⁵Na abhe hwaluve mrutubishaji we maisha na bheruzuku hugogoro hwaliwe na hwa mwanawaho ukhoyi wali agene wali mwinza hwaliwe kuliko abhana asahala saba apepe.¹⁶Shesho u Naomi amwejile umwana, na wagonya pashifubha shakwe, na humwawa. ¹⁷Na ajirani ula ushe, wapela, bhayanga, ''Umwana apepwe hwa Naomi.'' Wakwizya yo Obedi. Wali aliayenzele hwa ise wakwe vyese wai ayenzele hwa yishe aje uyise wakwe no Daudi.¹⁸Eshi shali papo sha Peresi: Peres apepe Hezroni, ¹⁹Hezroni wapapa u Ram, Ram wapapa u Aminadabu, ²⁰Aminadabu wapapa Nashon, Nashon, wapapa Salmon, ²¹Salmon wapapa u Boazi, Boazi wapapa u Obedi, ²²Obedi wapapa u Jese, na u Jese wapapa u Daudi.

1Samweli 1: 1-2 ¹Pali no muntu omo wa hulama oMusufi, we nsi ye magamba amagamba gaho Efuraimu; itawa lyakwe ahetwaga yo Elikana omwana wa Yolahamu omwana wa Elihu omwana wa Tohu omwana wa Sufu, Omwefraimu. ²Omuntu oyo ahejile abhashe bhabhele, itawa lyashe owa hwande ahetwaga Hana, nola owa bhele ahetwaga Penina, apepe abhana, ila oHana saga apepe. 1 Samweli 1: 3-4³Shila mwaha, asogolaga humujini abhale apute nafumye esadaka hwa NGOLOBHE we shisikari ohwo hu Shilo. Abhana bhabhele bha Eli, Hofini no Finehasi, adimi bha NGOLOBHE, bhahali ohwo hu Shilo. ⁴Shila mwaha ezamu ya Elikana nayafihaga ali ahupela esehemu ye nyama oPenina oshe wakwe na bhana bhakwe bhonti asahala na lendu 1 Samweli 1: 5-6⁵Ila humugawo gwa Hana apiye mara habhele ashizanye, afuatanaje agene oHana, haata Ongolobhe aali afunjile evyanda vyakwe. ⁶Oshamwabho avisyaga yooli aje ahuvisye, afuatanaje Ongolobhe ali afunjile evyanda vyakwe. 1 Samweli 1: 7-8⁷Esho shila mwaha, lwali abhala hu nyumba ya NGOLOBHE pandwemo ne familia yakwe, oshamwabho wakwe azididile ahukolofisye, Aali muntu walile shila wakati na sagaa lyanga ahantu hahonti. ⁸O Elikana olume wakwe shila wakati abhozyaga, "Hana, yeenu olila? Yeenu soolya eshalye? Yeenu ozugumiye amwoyo gwaho? Ane seeneli mwinza huliwe ashile abhana kumi? 1 Samweli : 9-10⁹Owakati umo, lwabhali bhamalile alye na mwele ohwo hu Shilo, oHana ashoshele. Owakati owo oEli, odimi ali akheye pamwanya yitengo lyakwe pandyango abhalile hu nyumba ya NGOLOBHE. ¹⁰O Hana amemile ni lyoyo tee; waputa ONGOLOBHE na walila sana. 1 Samweli 1: 11¹¹Abheshele enadhili nayanje, "NGOLOBHE we shikari, nkashe obhahwenye amalabha gabhomba mbombo waho na nkomboshe, na nkasobhanewe ne bhomba mbombo waho, na mpele nebhomba mbombo waho omwana osahala epo nkanayifumya oyo omwana hwa NGOLOBHE ensiku zyonti zye lwizyo lwakwe, owembe gusahashile hwitwe lyakwe na mwaha¹²O Hana ahendeleye apute hwitazi lya NGOLOBHE, oEli alyenyizye ilomu lyakwe. ¹³O Hana ayanjile mumwoyo gwakwe. Ilomu lyakwe lyayingaga, ila esauti yakwe seya homvwehwaga. Esho oEli amenye aje akholilwe. ¹⁴O Eli abhozya, "Obhabhe mwezi paka ndii? Bheha hutali ehombwa yaho." 1 Samweli 1: 15-16¹⁵O Hana agomola, "Sio esho gosi wane, ane endi she we mwoyo ozugumizu. Se mwelile ehombwa wala eshinywaji shashonti eshakholwe, ila nali ehwisya nafsi yane hwi tazi lya NGOLOBHE." ¹⁶Usamwejele owomba mbombo waho nanshi abhashe alema; nali eyanga afumilane ne mbabho nasikitishe hwane." 1 Samweli 1: 17-18¹⁷O Eli nkagomola na yanje, "Bhalaga nolusongwo; no Ngolobhe we Israeli apele hala holabhile." ¹⁸O Hana ayanga, " No bhomba mbombo waho apate eshibali pa maso gaho epo oshe ola nkahwibhalila alye eshalye na sagazufumiye nantele. 1 Samweli 1: 19-20¹⁹Bhadamushe shapwiti na nkasha bhabhalile ahumwanishe ONGOLOBHE, pamande bhawelile akhaya kwabho hu Rama. O Elikana agonile noshe wakwe oHana, no NGOLOBHE akomboshe. ²⁰Baada ye muda gumo, oHana anyemuye evyanda apapa omwana osahala. Atanula itawa lyakwe yo Samweli, ayanga, "Afutanaje ono naputile afume hwa NGOLOBHE." 1 Samweli 1: 21-23²¹Enamuna ya mwabho, oElikana ne nyumba yakwe, bhazubhile abhale ahufumizye ONGOLOBHE esadaka ye mwaha na hwefwe enazili yakwe. ²²Ila oHana sagabhalile ohwo; ali abhozezye olume wakwe, "Sembabhale ohwo paka omwana aleshe ahwonshe; epo naihuleta, aje ahuzulile hwitazi lya NGOLOBHE na akhale ohwo kabisa." ²³Olume wakwe oHana, oElikana, abhozya, "Bhomba gala gagahukhondela. Golela paka pawaibha oleshezezye ahwonshe; ONGOLOBHE awezye mwene akamilisye izu lyakwe." Esho ola oshe asagaye ahumwonshezya omwana wakwe paka pala pali aleshezezye ibhele. 1 Samweli 1: 24-25²⁴Naali aleshezezye ahwonshe, anyemuye, ahejile pandwemo ne ng'ombe endume mia tatu, ousu kilo salasini ne nsupa ye mvinyo, atwala munyumba ya NGOLOBHE ohwo Shilo. No mwana oyo ali bado doodo. ²⁵Bhasinzile ela eng'ombe na hukabidhi omwana hwa Eli. 1 Samweli 1: 26-28²⁶Ayanga, "Ee gosi wane! Ane yayola nehemeleye epa peepe nawe ehuputa ONGOLOBHE. ²⁷Naputile hu sababu ya mwana ono no NGOLOBHE abhe angomoleye emputo zyane zyanaputile. ²⁸Nane efumizye hwa NGOLOBHE; hu lwizyo lwakwe lwonti, epiye ONGOLOBHE." Epo oElikana ne familia yakwe bhamwamiha ONGOLOBHE ohwo hu Shilo.

1 Samweli 2: 1-1 ¹O Hana alabhile ajile, "omwoyo gwane gwa mwamiha ONGOLOBHE. Empetu yane emanyishe hwa NGOLOBHE. Ilomu lyane litamba ashile amaadui bhane, afataneje ensongwelwe oufyozi waho. 1 Samweli 2: 2-2²Nomo wali takatifu nanshi ONGOLOBHE, afuatanaje nomo wamwabho ashile awe; nomo omwamba nanshi Ongolobhe wetu. 1 Samweli 2: 3-4³Mugonje hwivune tee esho hu mampole; amalomu genyu gaganjefumwe amampole. Afwatanaje OGOSI yo Ngolobhe we maarifa; omwene azipima embombo hu mizani. ⁴Empinde zye mashujaa zibudushe, ila bhala bhabhabomela bhakwata enguvu nanshi amishipi. 1 Samweli 2: 5-5⁵Bhala bhabhali ne shalye shishinji bhahwikodizizye aje bhapate eshalye; bhala bhabhali ne nzala sebhali ne nzala nantele. Hata yayola wali gomba apeepe abhana saba, ila oshe we bhana abhinji anyong'onyeye. 1 Samweli 2: 6-7⁶Ongolobhe avyonsya nantele abuda. Ahwisya hu kuzimu na ahuleta pamwanya. ⁷ONGOLOBHE ahubheha omasikini omwene ahutajilisya omuntu omwene ahumwisya omuntu nantele ahuzuvya 1 Samweli 2: 8⁸Omwene ahubhosya pamwanya opena afume mumakhondi: Abhabhosya abhe shida afume mwi yalala na bhakhazye pandwemo na gosi na gaale itengo lye enzi lye umwamihwe. Afuatanaje enguzo zye dunia zya NGOLOBHE na aikhezye ensi pamwanya yakwe. 1 Samweli 2: 9⁹Omwene aigalinda amagaga ga bhantu bhakwe abhaaminifu abhene bhaipomezewa munkisi, afutanaje nomo waimena hu nghuvu zyakwe. 1 Samweli 2: 10-10¹⁰Bhala bhabhahupinga ONGOLOBHE bhabudulwa vipande vipande; aibhakhoma eradi afume humbinguni. ONGOLOBHE aibhalonga wa munsi ye dunia; ayihupela enguvu omwene wakwe na huibhosye mpeta ya mtiwa mafuta wakwe." 1 Samweli 2: 11-11 Epo oElikana abhalile hu Rama, hu nyumba yakwe. Nola omwana abhombela ONGOLOBHE pa maso ga Eli, odimi. 1 Samweli 2: 12-14¹²Shesho, abhana bha Eli bhabhali bhakolofi. Abhene sebhamwogope ONGOLOBHE. ¹³Ekawaida ya dimi na bhantu gaali aje endapo umuntu wawonti nkawafumya esadaka, otumwa wa dimi nandahenzele ali no uma we mino gatatu mukhono gwakwe, enyama lwe hali epya. ¹⁴Wope hada abheshe euma eyo mwifwilila, au mwibirik au mushombo au munsonta; enyama yonti yegabhosewe ne uma hande ehegwilwe no dimi yooyo. Shashesho shabhabhombile ohwo hu Shilo hwa Israeli bhonti bhabhabhalile ohwo. 1 Samweli 2: 15-17¹⁵Nantele, shagali sele alongolele amafuta, omtumishi wa dimi ahenzele, na hubhozye wali ahwefwa esadaka." Teega enyama eya hwoshe hu sababu ya dimi; alenganaje sagaanza yeteshele ela eyasinte na kosese afume huliwe, bali ela embese." ¹⁶Nkanshe omuntu anzabhabhozye, "Bhoshe amafuta nasoti, nantele oyeje ekiasi shohwanza." Epo handayanje aje, "Ndaali, obhampele esalezi; Nkaseshashesho embahweje laazima." ¹⁷Edhambe ezya vijana ebha zyaali mbibhi tee hwitazi lya NGOLOBHE, afuatanenaje bhazalauye esadaka ya NGOLOBHE. 1 Samweli 2: 18-19¹⁸Ila oSamweli atumishiye ONGOLOBHE lwahali doodo akwataga amenda geneivara ye kitani. ¹⁹Shila mwaha onyina wakwe lenganyaga inkanzu idoodo na huletele, owakati wabhahwenza nolume wakwe afumye esadaka ye shila mwaha. 1 Samweli 2: 20-21²⁰O Eli abhabarikile aElikana no oshe wakwe naje, "ONGOLOBHE apele abhana tee hwashe ono afuatane eahadi yakwe yafumizye hwa NGOLOBHE." Pamande bhawelile akhaya amwabho. ²¹ONGOLOBHE amwavwizye nantele oHana, abhaa anyemuye evyanda evyamwabho. Apaapa abhana bhatatu osahala na alendu bhabhele. Owakati wowo wowo omwana oSamweli ahakula lwa hali hwitazi lya NGOLOBHE. 1 Samweli 2: 22-24²²Shesho oEli ali gogolo sana, agomvwa gonti ambago abhana bhaali bhahumbola abha Israeli bhonti, na shila shabhajendile noshe waali atumiha hundyango gwi hema elya khomanile. ²³Abhabhozya, "Yenu mubhomba amambo ego? Afwatanaje ehomvwa embombo zyenyu mbibhi afume hwa bhantu ebha bhonti." ²⁴See shashesho, abhana bhane, emaana ene ye homvwa setaarifa nyinza. Sanganya abhantu bha NGOLOBHE. 1 Samweli 2: 25-26²⁵"Nkashe omuntu omo ahukosela owa mwabho, Ongolobhe ayihulonga; Ila omuntu nkahukosela ONGOLOBHE, wenu waihumwavwa omuntu oyo?" Ila sebhayomvwaga esauti ye ise wabho, afuatanaje ONGOLOBHE apanjilie abhabhude. ²⁶Ola omwana oSamweli ahonjeye ogosi, na pate eshibali hu NGOLOBHE na hwa bhantu nantele. 1 Samweli 2: 27-28²⁷Pamande omuntu wa Ngolobhe abhalila oEli na hubhozye, "ONGOLOBHE aiga, 'Sehahwibhonesezye nene hu nyumba ye ise bhaho, na bhahali hu Misri huutumwani munyumba eya Farao? ²⁸Ane nasaluye omwene afume hu makabila gonti ge Israeli abhe dimi wane, azubhe hu madhabahu hwaline, ye neivera hwitazi lyane, Nawapiye enyumba ya ise bhaho esadaka zyonti zya bhana bhe Israeli zyazyofumiziwe hu mwoto. 1 Samweli 29-30²⁹Yenu basi, oidhau esadaka yane ne sadaka ambazyo enzyanza apantu pekhala? Yenu uwogopa abhana bhaho ashile ane, mhwikuzya mwemwe mubhene hu winza we shila sadaka ya bhantu bhane bhe Israeli?' ³⁰Afuatanaje, ONGOLOBHE, Ongolobhe we Israeli, ayanga, nabhahaidile aje enyumba yaho, ne nyumba ya ise waho, ehwanziwa ashale hwitazi lyane wilawila,' Ila esalezi ONGOLOBHE aiga. 'Amambo ega gashile hutali. nane ensabhombe eshi, maana embabhaheshimu bhabhaheshimu, ila bhabhanzarau ane sebhanzabhe ne thamani. 1 Samweli 2: 31-33³¹Enya, ensiku zihwenza nanayefwa enguvu zyaho ne nguvu zya ise waho, aje sisije abhe omuntu ogogolo munyumba yaho. ³²Nawe abhahwenye ahangaiko munyumba yaho. Hata kama Israeli bhapewilwe ijambo ilinza, sebhaibha nantele omuntu wawonti ogogolo munyumba yaho. ³³Wawonti mhati yenyu wa semwefwizye afume hu madhabahu gane, Naisebabisya uzugumizu mulwizyo lwenyu. Alume bhonti bhabhapepwe mfamilia yaho bhaifwa. 1Samweli 2: 34-35³⁴Ene yayaibha ishara huliwe yayaibhenzela abhana bhaho osahala bhabhele, pamwanya ye Hofni ne Finehasi: Bhonti bhabhele bhaifwa isiku limo. ³⁵Nane naihubhosya pamwanya odimi wane omwaminifu waibhomba hala hahali humwoyo gwana na hunafisi yane. Nane naihuzenjenjela enyumba enyinza; wope aibha hwitazi lya mwene wane ombalikiwa we wila. 1 Samweli 2: 36-36³⁶Shila omo wa sagaliye munyumba yaho ayenza na hufugamile hwitazi lya muntu oyo, ailabhe eshapande she hela ni kati limo, wope aiga, "Nafu onajili humo yenafasi zya adimi aje embwezye alye eshipande bumunda""

1 Samweli 3: 1-4 ¹Ola omwana oSamweli alitumishilaga ONGOLOBHE pansi ye uangalizi wa Eli. Izu lya NGOLOBHE selyapatihanaga lilinji ensiku ezyo; sepali na lole mara kwa mara sheshi kuwa. ²Owakati owo, enguvu ye maso ga Eli yali efifiliye kiasi shaje sintenalole shinza, na ali agonile pashitala shakwe. ³Lula olukhozyo lwa NGOLOBHE lwali bado luhwaha, no Samweli ali agonile munyumba ya NGOLOBHE, pali ni mpogoso ya Ngolobhe. ⁴ONGOLOBHE akwizya oSamweli, wope aheteha, "Endi epa" 1 Samweli 3: 5-6⁵O Samweli abhaliye oEli naje, "Endi epa, afuatanaje onkwizizye." O Eli ajile, "Sekwizizye; gona nantele." Esho oSamweli awelile na gone. ⁶ONGOLOBHE akwizya nantele, "O Samweli." Samweli adamaha nantele nabhale hwa Eli naje, Endi epa, afuatanaje onkwizizye, "Sekwizizye mwana wane; gona wene nantele." 1 Samweli 3: 7-8⁷O Samweli sagali zowefu ahusu Ongolobe, wala sagawayile apate oujumbe wawonti afume hwa NGOLOBHE naubhoneha hwa mwene. ⁸ONGOLOBHE akwizya nantele oSamweli hu mara yatatu. O Samweli abhoha nantele abhale abhale hwa Eli naje, "Endi epa, afuatanaje onkwizizye," Epo oEli wa manya aje ONGOLOBHE akwizizye okijana. 1 Samweli 3: 9-9⁹O Eli abhozye oSamweli, "Bhalaga ogone nantele; nkashe anzahukwizye nantele , ogaje, 'Yanga, 'NGOLOBHE, maana omutumwa waho ahomvwa." Esho oSamweli ahabhala agone apantu pakwe nantele. 1 Samweli 3: 10-11¹⁰ONGOLOBHE ahenzele na hwemelele; akwizya shashila nanshi shila ahuwando, "Samweli, Samweli." Shesho oSamweli ahayanga, "Aje yanga, afuatanaje omutumwa waho ahomvwa." ¹¹ONGOLOBHE ayanga no Samweli, "Enya, Endi tayari abhombe ijambo mu Israeli ambalo amakutu ga shila muntu nkayomvwa aigunduha. 1 Samweli 3: 12- 14¹²Isiku elyo naikamilisya shila hantu henjanjile ashile ahusu enyumba yakwe, afume huwando hadi humalishilo. ¹³Ebhozezye aje endi tayari alonje enyumba yakwe nanali hwela edhambe yayimenye amakhosi pamwanya yabho bhebho sagabhagomeye. ¹⁴Ene ndiyo ye sababu endapile hu nyumba ya Eli aje embibhi zye nyumba yakwe sezyasajilwa hu dhabihu au hu sadaka kamwe." 1 Samweli 3: 13-16¹⁵Samweli akalala hadi asubuhi; baadaye alifungua milango ya nyumba ya BWANA. Lakini Samweli aliogopa kumwambia Eli kuhusu maono hayo. ¹⁶Kisha Eli akamwita Samweli na kusema, "Samweli, mwanangu." Samweli akasema, "Niko hapa." 1 Samweli 3: 17- 18¹⁷Abhozya, "Lizu nshi lyayanjizizye? Nafu osifise ijambo elyo. Ongolobhe abhombele shesho na ahuzidisizye, nkashe obhanfise ahantu hahonti, hu gonti gayanjile nawe." ¹⁸O Samweli amwelekezya kila hantu; sagafisile ijambo lyalyonti. O Eli ayanga, "Yo NGOLOBHE. Na abhombe lyalibhoneha linza hwa mwene." 1 Samweli 3: 19-21¹⁹O Samweli akulilile, ONGOLOBHE ali pandwemo nawo sagaleshile akamilisye amazu gakwe ga kuwaa. ²⁰Eisraeli yonti afumile Dani hadi Beersheba bhamanye aje oSamweli asaluliwe aje kuwaa wa YESU. ²¹Wope O YESU abhoneshe nantele ohwo hu Shilo, maana ahwibhonesezye yoyo hwa Samweli ohwo hu Shilo hwizu lakwe.

1Samweli 4: 1-2 ²Izu lya Samweli lyabhafishiye Israeli bhonti. Aisraeli bhafumile alwe na Filisti. Bhope bhabheha ikambe epo Ebenezeri, na Afilisti bhabheha ikambe ohwo Afeki. ¹Bhope Afilisti bhahwipanjile kwa ajili ye vita vye bha Israeli. Evita navyapamba omwoto, Israeli bhamenwilwe na Afilisti, bhafwiye abhantu elfu zine hushibhanja she vita. 1 Samweli 4: 3-4³Abhantu nabhahenzele hwi kambe, agogolo bhe Israeli bhajile, "Yenu O BWANA atishindile sanyono hwitazi lya Filisti? Ombe tilete epa empogoso ye lweteshelo olwa GOSI afume hu Shilo, aje libhe epa pandwemo nate, aje litibheshe shinza afumile mu nguvu zya haduwi bhetu." ⁴Shesho bhabhatumile abhantu ohwo hu hilo; afumile ohwo bhanyemuye empogoso ye lweteshelo olwa GOSI we shikari, wakhala pamwanya ye makerubi. Hofni na Finehasi, abhana bhabhele bha Eli, bhali pandwemo nela empogoso ye lwetesho lwa Ngolobhe. 1 Samweli 4: 5-6⁵Empogoso ye lweteshelo ewa GOSI nayafishile hwi kambe, abhantu bhonti bhakholile, ehoolo nensi yahavuma. ⁶Afilisti nabhahomvwa eholo, bhajile, izu eli lye holo mwikambe lya bhe Brania libhonesya yenu?" Pamande bhahamanya aje empogoso ya GOSI efishile hwi kambe. 1 Samweli 4: 7-9⁷Afilisti bhalwi ye tee, "Ongolobhe afinjiye mwi kambe." Bhajile, "Ole wetu! Ijambo nanshi eli seliwayile afumile ohwo khosi! ⁸Ole wetu! Wenu wanzatilinde ashile enguvu zya Ngolobhe wali no uwezo? Ono yayono Ongolobhe wabhashambuliye Abhamisiri hu namuna tofauti zye homo enyinji hwipoli. ⁹Amwe Mwafilisti, bhanji bhadandamu, na bhombi, eshilume, nkaseshashesho mubhabhe bha boyi bha Ebrania, nanshi shabhahali aboyi wenyu. Bhombi shilume, alwe nabho." 1 Samweli 4: 10-11¹⁰Afilisti bhalwiye, na wabha Israeli bhahamenwa. Shila muntu ashembeleye akhaya yakwe ne mbuda zyali ngosi tee; asikari bhe Israeli elfu thelasini bhabhabhalile na hu vita, bhagwiye. ¹¹Ela empogoso ya Ngolobhe yayahegwilwe na bhana bha Eli, Hofni no Finehasi bhafwiye. 1 Samweli 4: 12-13¹²Omuntu omo wa Benjamini ashembeye afume hushibhanja she vita ahenzele hu Shilo isiku elyo lyelyo, afishile na menda gakwe gazembushe na matoto mwitwe lyakwe. ¹³Lwafihaga, O Eli ali akheye pitengo lyakwe peepe ne barabara ahenyaga afuatanaje omwoyo gwakwe gwaingaga hu sababu ye mpogoso ya Ngolobhe. Omuntu ola lwahinjilaga pa mjini nafumye etaarifa, ensi yonti yalilile. 1 Samweli 4: 14-15¹⁴O Eli lwahomvaga eholo ye ndilo eyo, ajile, "Endilo eyo eli ne maana anshi?" Hu haraka omuntu ola ahenzele ahumwelekezye oEli. ¹⁵O Eli ali no umuri we maha tisini na nane; amaso gakwe gapofushe, na sagawezizye alole.¹⁶Ola omuntu abhozya oEli, "Ane nene enchomoshe afume hu vita. Entoloshe afume hwibho sanyono." O Eli ayanga, "Amambo gabhalile bhole, mwana wane?" ¹⁷Ola muntu waletile ezyo ehabari agomoye naje, "Abhaisraeli embanyilile Afilisti. Bhantu bhinji bhabhafwiye. Abhana bhaho, Hofni no Finehasi, ne mpogoso ya Ngolobhe eyegwilwe." 1 Samweli 4: 18-18¹⁸Lwahayanga empogoso ya Ngolobhe, oEli agwiye galama afume pitengo lyakwe peepo no ndyiango. Abuduha ensingo yakwe, nafwe alengane naji ali gogolo nantele mwamu. Wope ali wahwamle hwa bhe Israeli hu maha arobaini. 1 Samweli 4: 19-20¹⁹Basi okhoyi yakwe oshe wa Finehasi, ali ne vyanda apalamiye apapa. Ahoomvwezye ehabali aje empogoso ya Ngolobhe etekwilwe naje okhoyi no lume wakwe afwiye, akheye pansi wahwifunkula, ouchungu wakwe wakhete na wayanzizye tee. ²⁰Lwapalamiye afwe, abhashe bhabha hudumilaga bhajile, "Oganje hwogope, maana ohwifunkuye omwana sahala." Ila sebhagomoye nkahamo hata hukhate habhabhozewe. 1 Samweli 4: 21-22²¹Atanuye omwana Ikabodi, ajile, "Oumwamu usogoye hu Israeli!" Alengane naje empogoso ya Ngolobhe etekwilwe enyara na alengane nenfwa ya khoyi wa lume wakwe. ²²Na ajile, "Oumwamihwe usogoye afume hu Israeli, elengane empogoso ya Ngolobhe etekwilwe enyala."

1 Samweli 5: 1-3 ¹Afilisti bhabhabhejile empogoso ya Ngolobhe, bhaileta afume Ebenezeri hadi Ashdodi. ²Afilisiti bhayega empogoso ya Ngolobhe, bhaileta mhati ye nyumba ya Dagoni, bhaikhazya panshenje mwa Dagoni. ³Abhantu bha Ashdodi nabhadamuhaga shapwiti isiku lya bhele, enya, oDagoni ehegwiye pansi kupana hwitazi lye mpogoso ya NGOLOBHE. Shesho bhayejile eDagoni na yemelesye nantele pa sehemu yakwe.. 1 Samweli 5: 4-5⁴Ila nabhadamuha shandabho yakwe, enya, eDagoni yali egwiye pansi kupama hwitazi lye mpogoso ya YESU. Itwe lye Dagoni ne vitanga vyakwe vibhele vyajayishe na gone pandyango. Obele gwe Dagoni gwa gwasageye wene. ⁵Na wawonti sababu, adimi bhe Dagoni na wawonti wahinyiye mhati munyumba ye Dagoni, hata sanyono, sawezizye akhanye odyango gwe Dagoni hu Ashdodi. 1 Samweli 5: 6-7⁶Okhono gwa YESU gwaali mwamu hwa bhantu bhe Ashdodi. Abhatezizye abhatesile hu mapomba, oAshdodi ne wilaya zyakwe pandwemo. ⁷Abhantu bhe Ashdodi bhamenye hahahali na hahafumiye, bhajile, "Empogoso ya Ngolobhe we Israeli esahakhale hulite, afuatanaje okhono gwakwe mwamu hulite na juu ya Ngolobhe wetu we Dagoni." 1 Samweli 5: 8-9⁸Basi bhahabhatuma abhantu abhabhonganye pandwemo alongozi bhonti bha Filisti; bhabhozya, "Tibhombe bholo ne mpogoso ya Ngolobhe we Israeli?" Bhabhagomola, "Empogoso ya Ngolobhe we Israeli esamiziwe atwale hu Gathi." Bhahasamya eyo empogoso ya Ngolobhe we Israeli paka oho hu Gathi. ⁹Ila baada ya twale ohwo, okhono gwa YESU gwali pandwemo nensi eyo gasababisiwe machafuko amagosi. Abhatesile abhantu wensi eyo, agosi hwa bhana; na mapomba gamelile mumabele gabho. 1 Samweli 5: 10-10¹⁰Basi, bhaiitwala empogoso ya Ngolobhe paka hu Ekuloni. Peepo empogoso nayahinjila he Ekroni, abhantu bha hu Ekroni bha bwajile ekelele bhajile, "Bhatileteye empogoso ya Ngolobhe we Israeli atigoje ate na bhantu bhetu." 1 Samweli 5: 11-12¹¹Bhatuma abhantu bhabhabhonganye pandwemo alongozi bhonti bhe bha Filisti; bhabhabhozya, "Itwali hutali empogoso ya Ngolobhe we Israeli, liwezi mwalikhala lisije atigoye ate na bhana bhetu." Afuatanaje hwa owoga wa hwogofye mumjini mwonti; Okhono gwa Ngolobhe gwali mwamu sana ohwo. ¹²Abhantu bhasebhafwiye bhatesilwe na mapomba, ne shililo she ensi shazubhile hadi hu mbinguni.

1 Samweli 6: 1-2 ¹Empogoso ya NGOLOBHE yakheye mhati ye nsi ya Filisti amezi saba. ²Afilisti nkabhabhakwizya aimi na ganga; bhabhabhozya, "Tibhombele eyenu empogoso ya NGOLOBHE? Tibhozyaji shashikwanziwa aiwezye empogoso munsi yakwe." 1 Smaweli 6: 3-4³Adimi na ganga bhabhabhozya, "Nkashe mubhawezye empogoso ya Ngolobhe we Israeli, muganje twali bila zawadi; hu namna yayonti ila twalilaji esadaka ye hatia. Epo nkamubhapone, na mubhamanye aje yenu okhono gwa Ngolobhe segusogoye hulimwe." ⁴Bhabhabhozya, "Esadaka ye hatia yaibha yenu aje tihutwalila bhagomoka?" Amapomba gasanu ge dhahabu ne mbebha zisanu zye dhahabu, Eidadi yabho ye zisanu sawa sawa ne idadi ya longozi bha Filisti. Afuatanaje etauni ye aina emo yabhashambulie amwe na longozi bhenyu. 1 Samweli 6: 5-6⁵Eshi eyo, lazima mulenganye amifano ge mapomba genyu na mifano ge mbebha zyenyu zyazinankanya ensi, na panje umwamihwe Ongolobhe we Israeli. Ganga anahwefwe okhono gwakwe afume amwanya yenyu, afume amwanya yemangolobhe genyu, na afume amwanya yensi yenyu. ⁶Yenu mubheshi amoyo genyu abhe makhome, nashi shila abhahu Misiri na Farao shabhabheshle amayo gabho abhe makhome? Eshi shipindi ambasho Ongolobhe we Israeli abhashughulishilaga tee; Aje, Bhahumisiri sebhabhalesheye abhantu, na bhasogoye? 1 Samweli 6: 7-9⁷Basi esalezi bhalaji, muvute shipya pandwemo ne ng'ombe zibhele zyakwe zyazihwonsya, zyaseziwaile apinywe enira zifunji eng'ombe mwikokoteni, ila mziwezye zila endama zyabho akhaya. ⁸Pamande yeji empogoso ya NGOLOBHE na ibheshe muhati yi kokoteni bheshi muhati ye kasha ye maumbo ge dhahabu ya mhutwalila ambayo sadaka ye hatia panshenje yakwe. Nkamutwale lipate asogole. ⁹Eshi mubhe makini; nkashe libhazubhe abhale hwidala hadi pansi yakwe hadi Beth Shemeshi, mumanye aje NGOLOBHE ndiyo wabhomba ipigo eli igosi. Nkashe selibhabhale, epo tibhanye aje se khono gwakwe gwagutipiye amalabha; pamande yakwe tibhamanye aje gagatajile yali bahati mbibhi wene. 1 Samweli 6: 10-12¹⁰Abhantu ebho bhabhombile nanshi shabhabhozewe, bhahejile eng'ombe zibhele zyazihwonshezya, bhazikonga mwikokoteni, nabhasagalizye endama zyabho akhaya. ¹¹Bhaibheha empogoso ya NGOLOBHE pamwanya yi kokoteni, pandwemo ni lila ikasha lyalyanyemuye embebha ikasha dhahabu na gaala amaumbo ge mapomba gabho. ¹²Enzyo eng'ombe zyasogoyo moja kwa moja abhalile hu Beth Shemeshi. Bhabhalile alifuate idala lila limo igosi, bhahishile na bhaali bhabhala, na sebhagarushe oupande we mongo au wendelo. Alongozi bha Filisti bhalondoye akhosi paka hupaho ya Beth Shemeshi. 1 Samweli 6: 13-13¹³Na bhantu bha Beth Shemeshi bhali bhavuna engano zyabho hu ntebha. Na bhabhosya amaso gabho amwanya nailole empogoso, bhasongwa.¹⁴Elyo ikokoteni nalyafiha ye gonda gwa Yoshua Beth Shemeshi na lyahemelela epo. Paali niwe ampantu epo. Bhazilenganya enkwi alengane ni kokoteni elyo, bhahazifunya eng'ombe ezyo sadaka yalongolezye kwa ajili ya NGOLOBHE. ¹⁵Alawi bhalisizye empogoso ya NGOLOBHE pansi pandwemo ni kasha lyakwe lyalyautile gala amaumbo ge dhahabu, bhabheha evintu evyo pamwanya yelyo iwe igosi. Abhantu bha Beth Shemeshi bhafumizye esadaka zya longolezye nafumwe edhabihu hwa NGOLOBHE isiku lyelyo. 1 Samweli 6: 16-16¹⁶Ebho alongozi bhasanu bha Filisti na bhalola ego, bhawelile hu Ekroni isiku lyelyo. 1 Smaweli 6: 17-18¹⁷Ega gamapomba ge dhahabu ambago Afilisti bhawezizye nanshi esadaka ye hatia hwa NGOLOBHE: limo hwa Ashdodi limo hwa Gaza, limo hwa Ashkeloni, limo hwa Gathi, na limo hwa Ekroni. ¹⁸Eidadi ya zila embebha zye dhahabu yaali sawa nela eisadai yensi zyonti zya Filisti ye milikiwa na longozi bhe sanu, hwensi yehazengwilwe maboma ne vijiji vya mumagonda. Lila iwe igosi, lila iwe igosi panshenje bhabheshele empogoso ya NGOLOBHE, ehweli nanshi ulweteshele hadi sanyono mumagonda ga Yoshua Mbeth-Shemeshi. 1 Samweli 6: 19-20¹⁹ONGOLOBHE abhashambuliye bhamo abhantu bhe Bethi Shemeshi afuatanaje bhagodezezye muhati ye mpogoso yakwe. Abhabudile abhantu sabini. Abhantu bhahwilombolezezye afuatanaje ONGOLOBHE abhapiye abhantu ipigo igosi tee. ²⁰Abhantu bhe Beth Shemeshi bhayanjile, "Wenu wali no uwezo washindane no NGOLOBHE, ono Ongolobhe omwamihwe? Anza hutotele owenu nkanzafume hulite."" Aje, wenu wanzawezye ahwemelele hwitazi lya NGOLOBHE, ono Ongolobhe omwamihwe? Na jwa nanu empogoso ya Ngolobhe ebha hwendelele afume epa." 1 Samweli 6: 21-21²¹Bhatumile ajumbe abhale hwa bhenyeji bhe Kiriath Yearimu, bhajile, "Afilisti bhaiwezizye empogoso ya NGOLOBHE; yingaji nantele mlitwale amwenyu."

1 Samweli 7: 1-2 ¹Abhantu bhe Kiriath Yearimu bhahenzele, bhayejile empogoso ya NGOLOBHE, bhaileta mhati ye nyumba ya Abinadabu mwigamba mwalyali kilimani. Bhateula oEleazari omwana wakwe, aiiute empogoso ya NGOLOBHE. ²Ahwanda isiku ambalyo empogoso yakheye ohwo Kiiriath oYearimu, gwashilile omuda gosi, amaha ishilini. Enyumba yonti ye Israeli ahuwelele ONGOLOBHE.³O Samweli abhabhozya abhantu bhonti bhe Israeli, "Nkashe mubhahuwelele ONGOLOBHE nkashe mubhahuwelele ongolobhe hu mwoyo gwenyu gwonti, mwefwe amangolobhe amajenyi no Ashtorethi afume muhati yenyu, guluzyaji amoyo genyu hwa NGOLOBHE, putaji omwene mweene, epo anzabhafyozye afume mukhono gwa Filisti." ⁴Epo abhantu bhe Israeli bhamwefwa oBaali no Ashtorethi, na bhaputaje ONGLOBHE mwene. 1 Samweli 7: 5-6⁵O Samweli ajile, "Bhalataji bhe Israeli bhonti hadi Mispa, nane embahupute ONGLOBHE kwa ajili yenyu." ⁶Bhabhongana Mispa, watepe amenze na hwite pansi hwitazi lya NGOLOBHE. Isiku bhafunjile na yanje, "Tibhombeye ONGOLOBHE embibhi." Epo Mispa ndipo oSamweli abhabhozya na bhalongozye abhantu wa Israeli. 1 Samweli 7: -7-8⁷Basi Afilisti hwabhahomvwezye Bhaisraeli bhabhongene epo Mispa, alongozi bhe Bhafilisti bhabhashambuliye bhe Israeli. Bhaisraeli lwabhahomvwezye esho, bhahogope Afilisti. ⁸Epo Bhaisraeli bhabhozya oSamweli, "Osahaleshe ahupute ONGOLOBHE Ongolobhe wetu hu kwajili yetu, aje atifyozye afume mumakhono ga Filisti." 1 Samweli 7: 9-9⁹O Samweli ahega engole endodo na humye sadaka eyalongozye kamili hwa NGOLOBHE. Epo Samweli aliliye ONGOLOBHE hu sababu ye Israeli, no NGOLOBHE ajibuye. 1 Samweli 7: 10-11¹⁰O Samweli lwali afuma esadaka yalongolezye, Afilisti bhasojeleye peepe abhashambulile bhe bhe Israeli; ila ONGOLOBHE akhomile omungurumo gwi uzu igosi isiku elyo ashila Afilisti na bhabheshe enswingo, na bhamenwilwe hwitazi lye Israeli. ¹¹Abhaisraeli bhasogoye Mispa, bhabhafuata Afilisti nabhabude hadi afishe pansi ye Beth kari. 1 Samweli 7: 12-12¹²O Samweli ahega iwe ahalimwelesya pa Msipa ne Sheni. Ali alitanuye elyo iwe Ebeneza, ajile, "Hata esalezi ONGOLOBHE atavwizye." 1 Samweli 7: 13-14¹³Kwa hiyo Afilisti bhamenulwe na sebhahinjiye mumpaho ye Israeli. Okhono gwa NGOLOBHE gwabhalemeye Afilisti ensiku zyonti ezya Samweli. ¹⁴Amiji ambago Afilisti wahejile afume hwa bha Israeli gaweziwe, afumile hu Ekroni hadi hu Gathi; Esraeli yawezewa nantele esehemu zyensi zyakwe afume hwa Afilisti. Epo nkayabhalwomvwano kati ye Israeli na Waamori. 1 Samweli 7: 15-17¹⁵O Samweli abha wahwamule we Israeli ensiku zyonti zye maisha gakwe. ¹⁶Shila mwaha abhalile hu Betheli hwazyongole, abhalile hu Gilgali, no hwo Mispa. ¹⁷Eshi awela hu Rama, hu sababu ye mji gwakwe gwali ohwo; no hwo nantele abhamulenye abhe Israeli. Hata hwahwo hu Rama, nantele azenjeye ONGOLOBHE amadhabahu.

1 Samweli 8: 1-3 ¹O Samweli lwa gogoloshe, abhabheshele abhana bhakwe bhabhe bhamuzi hu Israeli. ²Omwana wakwe wahwande ahetwaga Yoeli, no mwana wakwe owabhele ahetwaga Abiya. Ebha bhali bhamuzi hu Bersheba. ³Abhana bhakwe sebhabhalaga humada ga ise wabho bali bhapengaga lunyila ahanze amapato ge udhalimu. Bhaposheye erushwa natezanye eshalonje. 1 Samweli 8: 4-5⁴Agogolo bhonti bhahu Israeli bhatengene pandwemo na hubhalile oSamweli ohwo hu Rama. ⁵Bhabhozye, "Enya, awe oli gogolo, na bhana bhaho sebhabhala hu madala gaho. Tisalule omwene owatamulanye nanshi shagali amataifa gonti." 1 Samweli 8: 6-7⁶Ila sebhapendezezye oSamweli nabhajile, "Otipele omwene owatamulanye." Esho aputa ONGOLOBHE. ⁷Na ONGOLOBHE abhozya oSamweli, "Tejezya esauti ya bhantu ebha shila lijambo lya bhahubhozya; afuatanaje sebhakhene awe, bali bhahene ane ensahabhe mwene wabho. 1 Samweli 8: 8-9⁸Esalezi bhabhomba nanshi shila shabhabhombile ahwande isiku lila nanabhafumizye ohwo hu Misiri, andeshe natumishile amangolobhe, nantele bhahubhombela nawe. ⁹Eshi esalezi obhatejezye; ila obhasunde shinza na obhalanganyizye etabia ya mwene wanzabhe abhalongozya. 1Samweli 8: 10-12¹⁰Eshi oSamweli abhabhozya abhantu bhabhali bhahula omwene amazu gonti ga NGOLOBHE. ¹¹Ajile, "Eshi shashesho omwene anzabhagale. ¹²Aibhega abhana bhenyu asahala na bhabheshe pamwanya ye magali gibho naje apanda farasi bhakwe, na shembele hwitazi lye magali gakwe, aibhabheha ama-kapteni bhakwe pamwanya ye malufu ga sikari na pamwanya ye sikari, amusini. Bhamwabho aibhabheha bhakulima bhe magonda gakwe, bhamwabho bhavene eviyabho vyakwe, bhamwabho bhalenganye esilaha zyakwe ne zana zye magari gakwe. 1Samweli 8: 13-15¹³Wope aibhega alendu bhenyu aje bhalenganya amunakato, bhatelesi, na bhakalanje amikate. ¹⁴Ayega amagonda genyu aminza, ge mizabibu, na gaala ge mizeituni nabhapele atumwa bhakwe. ¹⁵Ayega emo ye nkumi ye mangago genyu ne mizabibu nabhapele amaofisa na tumishi bhakwe. 1 Samweli 8: 16-18¹⁶Ayega atumwa bhenyu na bhe mbombo bhenyu na vijana bhenyu bhabhali bhinza ne punda zyenyu; aibhabhombezye bhonti hwa ajili ya mwene. ¹⁷Abhasomvya emo ye kumi ye vyoma vyenyu, na mwaibha bhatumwa bhakwe. ¹⁸Epo nkamwailala isiku hwa ajili ya mwene wenyu wamwasaluye huliji yenyu; ila isiku elya NGOLOBHE sagaibhajibu 1 Samweli 8: 19-20¹⁹Ila abhantu bhakhene ahutejezye oSamweli; bhajile, "Ndadi!" Lazima abhe omwene pamwanya yetu. ²⁰Ili tibhe nanshi nanshi amafuta aganje gonti, na shesho omwene wetu awezye atamule na afume hwitazi lyetu na atikhomanile ibho lyetu. 1 Samweli 8: 21-22²¹Wope oSamweli lwahomvwezye enongwa zyonti zya bhantu, aziwelela mumakutu ga NGOLOBHE. ²²ONGOLOBHE abhozya oSamweli, "Tejezya enongwa zyabho abhombile omwene." O Samweli abhabhozya abhantu bhe Israeli, "Shila muntu awele hu mujini hwakwe."

¹Samweli 9: 1-2 Pahali omuntu omo afume hu Benyamini, omuntu we khone. Iitawa lyakwe aahetwaga yo Kishi omwana wa Abieli, omwana wa Zerori, omwana wa Bekorathi, omwana wa Afia, omwana wa Mbenyamini. ²Ono aali no mwana osahala wa hetwaga Sauli, osahala omwinza pamaso. Sepali no lume omwinza nanshi ono pamaso muhati ya bhantu bhonti bhe Israeli. Afume hu mabegani abhale pamwanya ali taali ashile abhantu amwabho. 1 Samweli 9: 3-4³Na edogomi ya Kishi, oise wakwe no Sauli bhatejile. Esho oKishi abhozya oSauli omwana wakwe, "Mweje omo wa boyi wakwe; obhoshe obhale ahwanze edogobhi," ⁴O Sauli ashila mhati yensi ye tugamba otugamba twa Efraimu ila sebhahali ohwo. Pamande ashilile muhati yensi ye Benyamini, ila sebhazilolile zila edogobhi. 1 Samweli 9: 5-6⁵Nabhabafiha hunsi ye Sufu, oSauli ahabhozya aboyi wakwe waali nawo, "Enzaga tiwele, labda obaba anzaleshe adime edogobhi na hwande atiaje ate." ⁶Ila aboyi bhabhozya, "Tejezya, Ahweli omuntu wa Ngolobhe mhati yensi ene. Wope muntu wahweshimiwe yooli; shila lyayenjile libha yooli. Eshi saali ohwo; ganga anzawezye atibhozye tishilile hwii mhati ye safari yetu." 1 Samweli 9: 7-8⁷Epo oSauli abhozya oboyi wakwe, "Ila nkashe tibhabhale hwa mwene, tiwezizye ahutwalile eyeenu? Afunaje hata likati mhati yi fuko lyetu limalishe, na nemo ezawadi ya hutwalile omutumishi wa Ngolobhe. Tiili na hantu nshii? ⁸Oyo omtumishi wagomola oSauli na yaanje, "Epa, endi ne robo ye shekeli ye hela yembahupele otumishi wa Ngolobhe, atibhozye lidala bhole lihwanziwa aje tiyibhalile." 1 Samweli 9: 9-11⁹(Mwaha mhati ye Israeli, omuntu lwahanzaga amanye izu ahusu amapenzi ga Ngolobhe, ajile, "Enza, haya saale hwa mwonaji." Afuatanaje okuwaa wa sanyono, emande akwiwaga Mwonaji). ¹⁰Epo oSauli abhozya oboyi wakwe, "Oyanjile shinza. Haya, enzaga saale." Bhahabhala mhati yensi mla omuntu wa Ngolobhe mwa hweli. ¹¹Nabhahazubha igamba ahwelekele hu mjini, bhakhomene na lendu bhabhola atape amenze; oSauli no boyi wakwe bhabhabhozya, "Omwonaji sahweli epa?" 1 Samweli 9: 12-13¹²Bhope bhagomora naje, "Ahweli; enyaji aali hwitazi lyenyu. Diganaji, afuatanaje ahwenza hu mjini sanyono, abhantu bhafumya esadaka zyabho apamwanya. ¹³Mala na mabhahwinjile hu mjini mubhahulole, shali bado azubhe pamwanya alye ashalye. Abhantu sebhanzalye paka panzahwenzele alengane naje anza ibariki esadaka; na pamande bhala bhabhahalihwe bhalya. Eshi zubhaji, mubhahulole sheshi esalezi." 1 Samweli 9: 14-14¹⁴Eshi bhazubhile abhale hu mjini. Nabhali bhahwinjila hu mjini, bhalolile oSamweli ahwenza hwi tazi lyabho, azubha abhale amahati pamwanya. 1 Samweli 9: 15-16¹⁵Iisku limo oSauli shali bado afishe, ONGOLOBHE afunuliye oSamweli: ¹⁶"Shandabhe owakati nanshi ou naihutumila omuntu afume munsi ya Benyamini, nawe waihuponya amafuta abhe mwene juu ya bhantu bhane bhe Israeli. Aibhafyozya abhantu bhane afume mkhono ogwa Filisti. Afuatanenaje embaloleye empiana abhantu bhane nendilo ya hwanze omsaada zimfishiye." 1 Samweli 9: 17-19¹⁷O Samweli lwahalola oSauli, BWANA abhozya, "Ono yayono omuntu wanabhozezye ehabari zyakwe! Omwene yooyo wanzabhagale abhantu bhane." ¹⁸O Sauli ahenza peepe no Samweli pandiango naje, "Mbozye enyumba ya Mwonaji eli hwii? ¹⁹O Samweli agomola oSauli ajile, "Ane nene ne Mwonaji. Tangulila hwitazi hadi apantu pamwanya, nane embahumwelekezye shila hantu hahali hu mwoyo gwaho. 1 Samweli 9: 20-21²⁰Nanshi edogobhi zyenyu zyaziyejile ensiku zitatu zyazishilile, mganje saje ahusu ezyo edogobhi, efuatanaje bhobheneshe. Gonti gagazilihwe kwa ajili ye Israeli gahugwela owenu? Sio huliwe ne nyumba ya isi waho yonti?" ²¹O Sauli ahagomola naje, Sio ane Mbenyamini, afume mwi kabela idodo tee hu makabela ge Israeli? Sio eshikholo shane shashili shidodo tee hu makabela ge Benyamini? Yenu ombozya hunmana ene?" 1 Samweli 9: 22-22²²Esho oSamweli amwega oSauli oboyi wakwe, amwinjizya muukumbi abhakhazya apantu apinza pa bhala bhabhalihwe, eidadi yabho yaali takribani abhantu thelathini. 1 Samweli 9: 23-24²³O Samweli abhozya wateleha, "Leta esehemu yepelile, esehemu ela yanabhozezye eshi, "Oitenje." ²⁴Wateleha ahejile isheto lyalyabhosewe afume mdhabahu na hala hahali pandwemo nalyo, aibheha hwitazi lya Sauli. O Samweli ajile, "Enya haala hahautilwe hujili ya huliwe! Alya, afuatanaje hautilwe hadi owakati maalumu ufishe kwa ajili ya huliwe. Nahusalezi eshi owezizye ayanje, 'Embalishe abhantu."' Epo oSauli aliye pandwemo no Samweli isiku elyo. 1 Samweli 9: 25-26²⁵Nabhali bhishile pansi afume esehemu ya pamwanya na hwinjile hu mijni, oSamweli ayanjile no Sauli hwi goolo. ²⁶Na hwahasha, oSamweli akwikwizizye oSauli hwi goolo naje, "Bhoha, ili nkelolele nkohwibhalile," Shesho oSauli abhoshele, na bhantu bhabhele, omwene no Samweli bhafumile abhale humitaani. 1 Samweli 9: 27-27²⁷Nabhalibhafuma honze ye viunga vyensi, oSamweli abhozya oSauli, "Bhozye oboyi waho atangulile hwitazi lyetu(na atunguliye hwitazi), Ila awe lazima ogolele hashe, empate ahubhozye oujumbe wa Ngolobhe."

1 Samweli 10: 1-2 ¹O Samweli ahega ensupa ye mafuta, pamwaya yitwe lya Sauli, na ahabusu. Ahaga, "Aje, Ongolobhe saponyezye amafuta aje obhe longozi juu ye urithi wakwe? ²Nobhasogole huline sanyono, obhabhalole alume bhabhele ni kabaru lya Laheli, munsi ya Benyamini ohwo hu Selsa. Abhantu ebho bhaibhozya, 'Zila edogobhi na ali wooga ahusu sonje edogobhi na ali wooga ahusu amwe, aiya, "Embabhombe eyenu ahusu omwana wane?" 1 Samweli 10: 3-4³Esho obhabhale hwitazi afume epo, na waifiha hu mwaloni mwa Tabori. Waikhomana na bhantu bhatatu epo bhabhala hwa Ngolobhe ohwo hu Betheli, omo anyemuye otwana twe mbuzi tu tatu, owa mwabho anyemuye amakati gatatu, amwabho anyemuye eshiriba she divai. ⁴Bhayibhalamaha na bhapele amakati gabhele, afume mumakhono gabho. 1 Samweli 10: 5-6⁵Baada yego, ubhafishe hwigamba lya Ngolobhe, hwa huli engome ya Filisti. Lwawaifiha hu mjini, obhakhomane ni kundi lya kuwaa bhahwiha pansi afume pamwanya bhaali ne shinanda, tari, eshinubi, ne filimbi hwi tazi lyabho; bhaibha bhatabiri. ⁶Ompepo wa NGOLOBHE aihumemya, nawe waitabiri pandwemo nabho, nawaibhadilisiwa nabhe muntu we payo. 1 Samweli 10: 7-8⁷Olubhonesho olu lwaihufishila, bhomba lyalyoti ambalyo okhono gwaho gubhalole abhombe, afuatane naje Ongolobhe ali pandwemo nawe. ⁸Bhalaga oishe hwitazi lyane hadi hu Gilgali. Nantele embahufuate ohwo enefwe edhabihu zyalongolezye nafumye edhabihu zye amani. Hwaliwe na elanje shohwanziwa abhombe." 1 Samweli 10: 9-10⁹O Sauli na tejile osana aleshe oSamweli, Ongolobhe apiye omwoyo ogwenje. Epo embonesyo zyonti zyatimila no siku olyo. ¹⁰Lwabhafiha hwigamba, ikundi lya kuwaa lya khomene, nawo Empepo ya Ngolobhe amwe nzela hu nguvu aje atabiri pandwemo nabho.¹¹Shila muntu wa menye shali sele ahulole atabiri pandwemo no kuwaa, abhantu bhabhozezeznye bhebho hu bhebho,:"Hantu hahamwajile omwana wa Kishi? ¹²Ivii oSauli mojawapo wa kuwaa insiku ezi?" Omuntu omo afume ieneo elyo agomola, "Yowenu oise waho?" Afuatane ni jambo eli, yahabha enjango, "Ivii oSauli wope mojawapo wa kuwaa?" ¹³Lwahamala atabiri, ahafiha pamwanya.¹⁴1 Samweli 10: 14-16 Epo oise wakwe ododo ahabhozya oSauli no tumishi wakwe, "Mwabhalile hwii?" Wope ahagomola, "Ahwanze edogobhi; natalola aje setiwezizye azyaje, tahabhala hwa Samweli." ¹⁵Oise wakwe ododo ajile, "Nafuu mbozye shila shayanjile nawe oSamweli," ¹⁶O Sauli ahagomora oise wakwe odoodo, "Atibhozezye pa zelu aje edogobhi zipatihene." Ila ahusu iswali lye umwene lyayanjile oSamweli sagabhozezye. 1 Samweli 10: 17-19¹⁷O Samweli abhakwizizye abhantu pandwemo ohwo hu Mispa. ¹⁸Abhabhozya abhantu bhe Israeli, "Eshi shashesho ONGOLOBHE, Ongolobhe we Israeli shayanga: 'Nabhefwizye bhe Israeli afume hu Misiri, nabhafyozezye afume munsi ye Misiri, na afume mkhono gwe umwene wonti wamenelile.' ¹⁹Ila sanyono mukhene Ongolobhe wenyu, wabhafyozya afume umajanga na mahangaiko; na mubhozezye, ' Tibheshele omwen pamwanya yetu,; Esalezi hudhulilaji mwemwe hwitazi lya NGOLOBHE humakabela ne jamaa zyenyu." 1 Samweli 10: 20-21²⁰Pamande oSamweli aleta amakabela gonti ge Israeli peepe, na salule ikabela lya Benyamini. ²¹Abhazubhizya peepe ikabila lya Benyamini huzifuate ejamaa zyabho ne jama zye Bhamatri ya saluliwa; no Sauli omwana wa Kishi asaluliwa. Ila nabhabhalile ahumwanze saga wezizye abhoneshe. 1 Samweli 10: 22-23²²Esho abhantu bhahanzaga ahubhozye Ongolobhe amaswali zaidi, "Bado ahweli omuntu wa mwabo wa hwenza?" ONGOLOBHE agomora, " Omwene yoyo ahwifisa mu mizigo." ²³Bhabhalile mbio na hulete oSauli afumo omwo lwa hemeleye pahati yabho lwali taali ashile abhantu bhonti ahwande pavipongo vyakwe abhale pamwanya. 1 Samweli 10: 24-24²⁴O Samweli abhabhozya abhantu, "Muhulola, omuntu ONGOLOBHE wasaluye? Nomo omuntu nanshi omwene kati ya bhantu bhonti." Abhantu bhonti wakhomile Ekelele, "Omwene na aizye" 1 Samweli 10: 25-25²⁵O Samweli abhabhozya abhantu edesturi ne sheria zye umwene, ahaandiha mushitabu na zibheshe hwitazi lya NGOLOBHE. Pamande oSamweli abhaluhusu abhantu bhasogole shila muntu abhale amwabho hwa mwene. 1 Samweli 10: 26-27²⁶O Sauli wope abhalile akhaya yakwe ohwo hu Gibea, ali na bhantu bhe nguvu bhabhali na mwoyo gwagugusilwe no Ngolobhe. ²⁷Ila bhamo abhantu bhasebhakhondeye bhajile, "Ono omuntu anza tifyozye bhole?" Abhantu ebha bhasolenye oSauli na sebhaleteye ezawadi yayonti. Ila oSauli apomele kati.

1 Samweli 11: 1-2 ¹Epo Nahashi Omwamoni akhome ikambe azyongule eYebeshi Giliadi. Abhantu bhonti bhe Yabeshi bhabhozezye oNahashi, "Bhomba omukataba nate, tibhahutumishile," ²O Nahashi Mwamoni abhagora, "Hwi sharti eli embabhombe omukataba namwe, aje bhonti embasenye amaso ga hundelo, na hushotendo eshi shilete ensebho mu Israeli yonti." 1 Samweli 11: 3-3³Shesho agogoro bhe Yabeshi bhagomola, "Tileshe hu nsiku saba, nkatibhatume ajumbe mhati yensi yonti ye Israeli. Nkashe nomo umuntu watifyozye, tainyosya amaelezo huliwe." 1 Samweli 11: 4-5⁴Bhope ajumbe bhahafiha hu Gibea, wakhalaga oSauli, na bhabhelekezya abhantu shila shashafumiye. Abhantu bhonti bhalile hu sauti engosi. ⁵O Sauli ali abhalondola khosi amakisai afume hu magonda. O Sauli abhozya, "Abhantu henu hawajile hadi bhalila?" Bhamwelekezya oSauli hala ambaho abhantu bhahayanjile. 1 Samweli 11: 6-8⁶O Sauli nahomvwa hala habhayanjile, Empempo wa Ngolobhe ya mwenzela hu nguvu, na aviitwa. ⁷Ahakhata enira ye maksai, ahadumula eng'ombe vipande vipande, ahatuma evyo evipande munsi yonti ye Israeli hwa bhatumila ajumbe, Aje, "Wawonti wasaihwifumya ahufuate oSauli no Samweli, eshi shesho eng'ombe zyakwe sazyaimbelwa." Ne hofu ya NGOLOBHE yabhinjila abhantu, na bhahwifumya bhonti pandwemo. ⁸Lwabhabhazya epo pa Beseki, abhantu bhe Israeli bhaali elfu mia tatu, na bhantu bhe Yuda elfu thelathini.1 Samweli 11: 9-10⁹Bhabhabhozya bhala ajumbe bhabhatumwilwe, "Mubhabhabhozye abhantu bhe Yabeshi Gileadi, 'Shandabho, owakati wi sanya ikhali, Mwaifyozewa."' Shesho bhala ajumbe bhahabhala abhabhozye abhantu bhe Yabeshi, na bhantu bhahasongwa. ¹⁰Shesho abhantu bhe Yabeshi bhabhozya oNashoni, "Shandabho taigolosha amaelezo huliwe na waiwezya atibhombele hahonti hulola aje hakhondeye," 1 Samweli 11: 11-11¹¹Isiku lyalyafuataga oSauli abhapanga abhantu vikosi vitatu. Bhahafiha muhati ye Kaambe owakati wa shapwiti, bhabhashambuliye na bhamene Awaamoni nahwafiha pasanya. Bhabhasalimishe bhanyampene, ikiasi aje hata bhantu bhabhele sebhalehwilwe pandwemo. 1 Samweli 11: 12-13¹²Abhantu bhabhozya oSamweli, "Bhali hwii bhabhayanjile, 'Eshi yooli oSauli anzatilongozye?' Bhalete abhantu ebho, aje tibhabude." ¹³Ila oSauli ajile, "Nomo wanzabhabude isiku lya sanyono, afuatanaje sanyono ONGOLOBHE afyozezye oIsraeli." 1 Samweli 11: 14-15¹⁴O Samweli abhabhozya abhantu, "Enzaji, saali hu Gilgali tiulengaje oumwene hwitazi lya NGOLOBHE ohwo." ¹⁵Shesho abhantu bhonti bhahabhala bhamwemeha oSauli abhe mwene hwitazi lya NGOLOBHE ohwo hu Gilgali. No hwo bhafumyizye esadaka zye amani hwitazi lya NGOLOBHE, na abhantu bhonti bhe Israeli bhahasongwa tee.

1 Samweli 12: 1-2 ¹O Samweli ayanjile ne Israeli bhonti, "Enomvwezye shila hantu hamumbozezye, na ebheshele omwene pamwanya yenyu. ²Ahweli epa omwene waali hwitazi lyenyu, ane ongogoloshe andwemo namwe. Endi loongozi wenyu ahwande pasahala wane hadi sanyono. 1 Samweli 12: 3-3³Ane endi epa, Embahakikisya hwitazi lya NGOLOBHE na hutazi lya waponyezewa amafuta wakwe. Enejile eng'ombe ya nanu? Enejile epunda ya nanu? Wenu wedhulumile? Obhoneye onanu? Enejile erushwa mmakhono gananunu empofule amaso gane? Mbozyaji, wenu embabhawezezye 1 Samweli 12: 4-5⁴Bhope bhajile, Sotikhopeye, atibhonele, na hwibhe hahonti afume mukhono gwa muntu wawonti." ⁵Abhabhozya, "ONGOLOBHE shahidi juu yeenyu no masihi wakwe sanyono shahidi aje semwalolile ahantu mumakhono gane." Na bhope bhagomoye, "NGOLOBHE shahidi." 1 Samweli 12: 6-7⁶O Samweli abhabhozoya abhantu, "ONGOLOBHE ndiye wasaluye oMusa no Haluni, na wabhefwizye aise bhenyu afume hu Misiri. ⁷Eshi esalezi hwi hudhulisyaji aje nkembwezye afumye outetezi juu yenyu hwa NGOLOBHE embombo zyonti enyinza hwa NGOLOBHE, ambazyo abhabhombeye amwe na ise bhenyu. 1 Samweli 12: 8-9⁸O Yakobo nafishile hu Misiri, na maama bhenye bhaliliye ONGOLOBHE. ONGOLOBHE atumile oMusa no Haruni, bhabhalongozezye amaama wenyu afume hu Misiri na bhahenza akhale esehemu ene. ⁹Ila bhamwewelwe ONGOLOBHE wabho; abhakazya mumakhono ga Sisera, ajemedari bha majeshi ge Hazori, mhati ye khono gwa Filisti, na mhati ye khono gwa mwene bhe Moabu; ebha bhonti bhalwiye na maama bhenyu. 1 Samweli 12: 10-11¹⁰Bhaliliye ONGOLOBHE bhajile, 'Tibhombile embibhi, alengane tileshe ONGOLOBHE tibhatumishila Amabaali na Mashtorethi. Ila salezi tifyozye afume mmakhono ga hadui bhetu, na tibhahutumishile.' ¹¹Esho ONGOLOBHE atumile aYerubu Baali, oYefta na Samweli, na abhapela oumenezi ashile ahadui bhenyu bhonti bhabhabhazyongolele, naje mukhale olwomvwano. 1 Samweli 12: 12-13¹²Namwalolile aje oNahashi omwene wa bhantu bhe Amoni ayenzele ashile amwe, mwambozya, 'Ndadi! Pamande yakwe, omwene abhanje agale pamwanya yetu japokuwa OGOSI, Ongolobhe wenyu, aali mwene wenyu. ¹³Esalezi ahweli epa omwene wamusaluye, wamlabhile ola ONGOLOBHE watenye abhe mwene pamwanya yeenyu. 1 Samweli 12: 14-15¹⁴Nkashe muhumwogopa ONGOLOBHE, tumishilaji, mulyeteshalye izu lyakwe, musasolanye endwajizo zya NGOLOBHE, shesho bhonti bhabhale amwe no mwene wabhalongozya mubhabhe bhantu bha NGOLOBHE Ongolobhe wenyu. ¹⁵Nkashe semubhaleteshele izu lya NGOLOBHE, munankanya ndajizyo zya NGOLOBHE, epo okhono gwa NGOLOBHE gubhabhe pamwanya ya ise bhenyu. 1 Samweli 12: 16-18¹⁶Hata sheshi mubhanje kabisa na mulole ijambo igosi lila ONGOLOBHE lyanzabhombe hwitazi lye maso genyu. ¹⁷Aje, sanyono se huvune engano? Embahulabhe ONGOLOBHE wope aileta omungulumo ne mvula. Epo nkamwaimanya na lole, aje oubhibhi wenyu winji, wamubhombile pamaso ga NGOLOBHE, muhwilabhila omwene wenyu amwe mwemwe." ¹⁸Shesho oSamweli aputa ONGOLOBHE ni siku lyelyo ONGOLOBHE ahatuma omungurumo ne mvula. Epo abhantu bhonti bhamwogopa tee ONGOLOBHE pandwemo no Samweli. 1 Samweli 12: 10-21¹⁹Shesho abhantu bhonti bhabhozya oSamweli, "Bhaputile atumishi bhaho hwa NGOLOBHE Ongolobhe waho, aje tisahafwe. Afuatanaje tonjezezye oubhibhi pamwanya ye mbibhi zyetu lwatuhwilabhiye omwene ate tete." ²⁰O Samweli abhagomora, "Msahogope. Mubhombile oubhibhi wonti ou, ila msagalushile hutali no NGOLOBHE, ila tumishilaji ONGOLOBHE hu mwoyo gwenyu gwonti. ²¹Nantele msagalushe afuate amambo gagali wene bila faida na bhafyozye, alenganaje obatili.1 Samweli 12: 22-23²²Hu sababu yi tawa lyakwe igosi, ONGOLOBHE saganzabhakhane abhantu bhakwe, afuatanaje ekhondeye ONGOLOBHE abhabheshe amwe abhe bhantu hwa mwene. ²³Huline ane, hubhe hutali nane ahumbombele ONGOLOBHE embibhi aleshe abhaputile amwe. Embabhalanganyizye idala ilinza lya lili sahihi.1 Samweli 12: 24-25²⁴Putaji ONGOLOBHE mwene na tumishilaji omwene hu lyoli ye moyo genyu gonti. Sebhelelaji amambo amagosi gabhabhombeya. ²⁵Ila nkashe mubhadumu abhombe amabhibhi, amwe mwenti no mwene wenyu mubhabudwe."

1 Samweli 13: 1-2 ¹O Sauli ali no umri we maha [thelathini] lwahandaga olongozye; lwali alongozyaga oIsraeli hu maha [arobaini], ²abhasaluye alume elfu tatu bhe Israeli . Elfu mbili bhali pandwemo nawo ohwo hu Mikmashi na hunsi ye magamba ge Betheli, owakati owo bhala elfu moja bhali pandwemo no Yonathani hu Gibea ye Benyamini. Asikari bhabhasageye abhabhawezezye akhaya, shila muntu hwi hema lyakwe. 1 Samweli 13: 3-4³O Yonathani ahaimene engome yi jeshi lya Bhafilisti lyalyali hu Geba na Filisti bhahomvwa enongwa eyo. Pamande oSauli akhomile etarumbeta munsi yonti, ajile, "Tejezyaji amwe mwa Ebrania." ⁴Eisraeli yonti eyonvwezye aje oSauli akhomile engome ya Filisti, na nantele na aje eIsraeli eli eli mvunzu hwa Filisti. Asikari bhakwiziwa kwa pandwemo akhomane no Sauli ohwo hu Gilgali.⁵Afilisti bhahubhongane pandwemo akhomane ashile Aisraeli: amagari elfu tatu, abhantu elfu sita abhajenzye amagari na majeshi aminji nanshi osanga mwifuko mu bahari. Bhahazubha na khome ikambe ohwo hu Mikimashi, mashariki mwa Beth aveni. 1 Samweli 13: 6-7⁶Abhantu bhe Israeli na bhalola aje bhali mumatatizo afuatane naje abhantu bhakete etamaa, bhahobhele mumagwenya, mumadudi, muntuha, na mvisima na mumalende. ⁷Bhamo Aebrania bhazubhile abhale hu Yordani mhati yensi ye Gadi na Gileadi. Ila oSauli asageye hu Gilgali, na bhantu bhabhafuatile bhaingaga. 1 Samweli 13: 8-10⁸Agoloye hu nsiku saba, umuda gwagwapangwilwe no Samweli. Ila oSamweli sagafishile ohwo hu Gilgali, na bhantu bhanyampene hutali no Sauli. ⁹O Sauli ajile, "Ndeteli esadaka eyalongolezye ne sadaka ye amani." Epo ahafumya esadaka eyalongolezye. ¹⁰Na bhahamala afumye esadaka yalongolezye oSamweli ahafiha. O Sauli ahafuma honze bhakhomene na hulamshe. 1 Samweli 13: 11-12¹¹O Samweli ajile, "Obhombile yenu?" O Sauli ahagomora, "Nanalolile aje abhantu bhailehanaje ochelewe sewafishile hu muda gwagwapangwilwe, naje Afilisti bhabhongeno hu Mikmashi, ¹²naga, 'Esalezi Afilisti bhanza hwishe ashile ane ohwo hu Gilgali, na sendandabhile eshibali hwa NGOLOBHE.' Eshi esalezi nahwilazimisya neene afumye esadaka eyalongolezye." 1 Samweli 13: 13-14.¹³Epo oSamweli abhozya oSauli, "Obhombile mambo geshilema. Sewaiheshimule endajiyo zya NGOLOBHE Ongolobhe waho wapiye. Afuatanaje ONGOLOBHE ayenzaga alenganye oulongozi waho pamwanya yebha Israeli wiila wila. ¹⁴Ila esalezi oulongozi waho seubhahwendelele. ONGOLOBHE ayanzile omuntu wahwetehwa no mwoyo gwakwe, afuatane naje awe sewahesheye habhozezye." 1 Samweli 13: 15-16¹⁵O Samweli ahemelela ahazubha hu Gilgali hadi hu Gibea ye Benyamini. O Sauli abhabhazya abhantu bhabhalipandwemo eidadi yabho yali kama abhantu mia sita. ¹⁶O Sauli, omwana wakwe oYonathani, na bhantu bhabhali pandwemo nabho, bhasagala hu Geba ya Benyamini. Ila Afiristi bhahakhoma ikambe ohwo hu Mikmashi. 1 Samweli 13: 17-18¹⁷Bhabhateka enyara amakundi gatatu bhenza afume hwi kambi lya Filisti. Ikundi limo lyagolombana abhalile Ofra, hadi ensi ya hu Shuali. ¹⁸Ikundi limo lya galuha abhalile hu Bethholoni, ni kundi lyamwabho lyabhalila hu mpaho aifishile entebha yahu Seboimu abhalile hwi poli. 1 Samweli 13: 19-21¹⁹Nomo hata muhunzi wabhoneshe munsi yonti ye Israeli, afuatanaje Afilisti bhajile, "Abhebrania bhasahenze bhahwilenganyizizye amapana ne mpalala." ²⁰Ila Abheisraeli bhonti bhahishile hwa Filisti, shila muntu anole ijembe lyakwe, ne nsololo yakwe, ne ntwanga yakwe emundu yakwe. ²¹Egharama ezyalole woji we majembe, ensololo entwanga nanyosye amishokoo gagali theluthi yeko ye shekeli. 1 Samweli 13: 22-23²²Esho isiku libho, sehwali amapanga au empalala yayabhoneshe mumakhono gagonti ga sikari bhabhali no Sauli no Yonathani; Yo Sauli no mwana wakwe mwene bhabhali nazyo. ²³Evikhosi vya Filisti bhafumizanya hwidala lya Mikmashi.

1 Samweli 14: 1-1 ¹Isiku limo, O Yonathani omwana wa Sauli abhozezye wanyemula esilaha zyakwe wali doodo, "Enzaga, saale oupande wa mwabho hungome ya Filisti." Ila sagabhozezye oise wakwe. 1 Samweli 14: 2-3²O Samweli akhalaga honze yensi ye Gibea pansi yikwi lye mkomamanga lyalili hu Migroni. Takribani abhantu mia sita bhali pandwemo nawo, ³ahali bhiye omwa wa Ahitubu (oholo wakwe Ikabodi) omwana wa Finehasi, omwana wa Eli, odimi wa NGOLOBHE hu Shilo, wakwete enaivera. Abhantu ebho sebhamenye aje oYonathani asogoye. 1 Samweli 14: 4-5⁴Muhati ye vichochoro, vila Yonathani vya sebheleye avishile hadi engome ya Filisti, yali no mwamba gwaguli nolwiha okhali oupande uwamwabho. Ijabali limo lyahetwaga Bosesi, nilya mwabho lyahetwa ga Sene. ⁵Lila ijabali lyalyali no lwiha okhali tee lyabhoshele oupande wahu kaskazini hwitazi lya Mikmashi, ni lya mwabho oupande wa hu kusini hwitazi lya Geba. 1 Samweli 14: 6-7⁶O Yonathani abhozya osahala wanyemula esilaha, "Enza, tilobhoshe paka engoma yebhabhasebhatahiliwe. Pamo ONGOLOBHE agabhomba kwa niaba yetu, alingane naje nahamo ahantu hahawezizye ahuzubhile ONGOLOBHE asafyozye hwa bhinji au hwa bhantu adoodo." ⁷Owabebe isilaha agomora, "Bhomba ahantu hahali hu mwoyo gwaho. Bhalaga hwitazi, enya, endi pandwemo nawe, embazye teshele endajizyo zyaho zyonti." 1 Samweli 14: 8-10⁸O Yonathani ahayanga, "Tibhalobhoshe tibhalaje hwa bhantu ebho, tibhahwibhonesye tete hwa bhene. ⁹Nkashe bhanza tibhozye aje, 'Goleli peepo paka natayenza amwenyu' - epo tibhasagale hu sehemu yetu na setailobhoha abhale amwabho. ¹⁰Nkashe bhanzatigomore aje, 'Enzi hulite,' epo tailobhoha; afuatanaje ONGOLOBHE abheshele mkhono gwetu. Ene yaibha lubhonesyo." 1 Samweli 14: 11-12¹¹Shesho abhantu bhonti bhabhele hwitazi lye ngome ya Bhafilisti. Bhajile, "Enyaji Abhebrania bhahwenza afumile humalende hwa bhahobhele." ¹²Peepo abhantu bheela engome bhakwizya oYonathani no wanyemula silaha wakwe, bhajile, "Enzaji ohu hulite, tibhabhalanje ijambo fulani." No Yonathani abhozya wanyemula esilaha; "Ifuataje akhosi yane, alenganaje ONGOLOBHE abhabheshele mumakhono gabhe Israeli." 1 Samweli 14: 13-14¹³O Yonathani azubhile pamwanya na makhono na magaga gakwe, no wanyemula esila afuata akhosi yakwe. Afilisti bhabhafwiye hwitazi lya Yonathani, no wanyemula esilaha abhabudile bhamo akhosi yakwe. ¹⁴Elyo ishambulilo lya hwande lyabhabhombile aYonathani nawanyemla esilaha, bhabhabudile abhantu ishirini muutali we nusu ihandaki hu heka yeka yi nkondi. 1 Samweli 14: 15-15¹⁵Hwali no woga ogosi mwi kambe, na muuwandani, na hwa bhantu. Hata hu ngome yi jeshi na bhabhateka enyara bhope bhabha no woga ogosi 1 Samweli 14: 16-17¹⁶Epo alinzi bha Sauli ohwo hu Gibea ye Benyamini bhahalilo ikundi lya sikari bhe Filisti bhanyampana, bhabhala ohwu no hwo. ¹⁷Shesho oSauli abhabhozya abhantu bhali nabho, "Mhwibhazye ili mlole wenu wanomo epa."Nabhabhazizye, bhagundula aje oYonathani no wanyemla isalaha wakwe na bhamo. 1 Samweli 14: 18-19¹⁸O Sauli ahabhozya oAhiya, "Leta epa eneivera ya Ngolobhe"- afuatanaje isiku ilyo Ohiya akwete enevera ali pandwemo na sikari bhe Israeli. ¹⁹Owakati oSauli ayanga no dimi, ibwago ne ghasia engosi zyahendeleye na hwonjelele hwi kambe lya Filisti. epo oSauli abhozya odimi, "Leha embombo zyobhomba." 1 Samweli 14: 20-21²⁰O Sauli na bhantu bhonti bhali nabho bhahwipanga na bhale hwibho. Ipanga lya Filisti lwali hwa Filisti owa mwabho, na hwali ghasio engosi. ²¹Shesho Abhebrania ambabho hula ahwande bhahwiunjile na Filisti, na bhale humakambe gabho, abheni nantele bhaungana na bhe Israeli bhabhali pandwemo bhaungana nabhe Israeli bhabhali pandwemo no Sauli no Yonathani. 1 Samweli 14: 22-23²²Abheisraeli bhonti bhabhali bhobhelu mumagamba peepe no Efraimu nabhahomvwezye aje Afilisti bhashembeye, bhope nantele bhabhalondola Afisliti na bhenje hwibho elyo. ²³Shesho isiku lya NGOLOBHE abhafyozya abhe Israeli, na ibho lyalobhoshe ashizanye Beth aveni. 1 Samweli 14: 24-26²⁴Isiku elyo abhantu bhe Israeli bhahwibhozezye alengane oSauli abhabheshele abhabheye abhantu eshalapo ajile, "Abhe na makhosi omuntu wailya eshalye bila fiha endyabhela na bila lipizya eshisasi hwa haduwi bhane." Shesho nomo hata weka kati ya bhantu wabhonjile eshalye. ²⁵Epo abhantu bhonti bhahinjila mwiengo na lole owooshi uuli pamwanya yi nkondi. ²⁶Abhantu nabhahinyiye omwo mwisengo, owooshi wahitihaga, ila nomo wabheshele okhono gwakwe mwilomu afuatanaje abhantu bhahogope eshilapo. 1 Samweli 14: 27-28²⁷O Yonathani ali sayomvwezye aje oise wakwe anhalajizizye abhantu eshilapo. Agolosya osanzo lwalwali mukhono gwakwe na tobhezye muwooshi. Nante anyosya okhono gwakwe hadi mwilomu lyakwe, na maso gakwe gabhonesewa. ²⁸Epo omo wa bhantu ebho, ahabhozya, "Oise waho alajizizye abhantu hu mukazo ne shilapo, ayanje aje, 'Abhe na makhosi omuntu waibha alye eshalye hwi siku lya sanyono,' ingawa antu bhanyong'onyeye kwa ajili ye nzala."²⁹Pamande oYonathani ajile, "Oise wane abhombile matatizo munsi. Enya amaso gane shagaponyiziwe olukhozyo afutanaje nabhonjile owoshi hashe. ³⁰Aje, se shinza tee nanshi sanyono abhantu bhagaliye bila agomelwe enyara zyabhapete afume hwa maadui bhabho? Afuatanaje esaleze enfwa seyali ngosi mhati ya Filisti." 1 Samweli 14: 31-32³¹Isiku ilyo bhabhashambuliye Afilisti afume hu Mikmashi hadi Aiyaloni. Na bhantu bhabhali bhalitile tee. ³²Abhantu bhazivamiye enyara na hweje engole, eng'ombe ne ndama na zibhole epo pansi. Abhantu bhaliye enyama zyabho pandwemo ni daanda. 1 Samweli 14: 33-34³³Bhahabhozya oSauli, "Enya, abhantu bhahubhombela ONGOLOBHE embibhi walya pandwemo ni daanda." O Sauli ajile, "Mubhombile yaseli yooli. Esalezi, wungulusi iwe igosi hwaline." O Sauli ajile, ³⁴"Bhalaga kati ye bhanyu na mubhabhozye, 'Shila muntu alete eng'ombe ne ngole zyakwe zyonti wazibhole epa, na zilye. Mganje hubhombele ONGOLOBHE embibhi alye enyama ni daanda."' Epo abhantu bhonti bhaleta shila muntu ne ng'ombe yakwe usoku wowo nazibhole pantu epo. 1 Samweli 14: 35-35³⁵O Sauli azenjeye ONGOLOBHE amadhabahu gagali gali gahwande hwakwe ahuzenjele ONGOLOBHE. 1 Samweli 14: 36-37³⁶O Sauli ajile, "Haya tibhabhenje Afilisti na bhateke enyara hadi shampwiti; tisahaleshe hata muntu ali mwomi." Na bhagomora, "Bhomba lyolola aje likhondeye." Ila odimi ajile, "Omba tisojelele Ongolobhe apantu epa." ³⁷O Sauli ahanzaga aje abhozyezye Ongolobhe amaswali zaidi, "Aje, huwanziwa abhabhenje Afilisti? Aje, obhabheshe mukhono gwe Israeli?" Ila isiku elyo ONGOLOBHE sagagomuye nkahamo. 1 Samweli 14: 38-39³⁸O Sauli abhabhozya, "Enzaji epa alongozi bhonti bha bhantu; mumanye na lole enamuna ibhibhi eli salifumiye sanyono. ³⁹Nanshi ONGOLOBHE shahweli, wabhafyoezye eIsraeli, hata nkashe agali mwana wane oYonasani, anzahwanziwe afwe." Ila nomo hata omo omuntu muhati ya bhantu wagomoye enongwa.1 Samweli 14: 40-42⁴⁰Abhabhozya bhe Israeli bhonti, "Emeleli upande weeka, nane no Yonathani tayemelela upande wa mwabho." Abhantu bhabhozya oSauli, "Bhomba lila lyolora linza huliwe." ⁴¹O Sauli abhozya ONGOLOBHE, we Israeli, "Tilanje Ithumimu." O Yonasani no Sauli bhahwegwa, ila abhantu bhanusulishe achaguliwe. ⁴²O Sauli ajile, "Taga amawe ge bahati nasibu tilole ahusu ane no mwana wane oYonathani." O Yonathani ahegwa. 1 Samweli 14: 43-44⁴³O Sauli abhozya oYonathani, "Mbozye obhombile bhole." O Yonasanani abhozezye oise wakwe, "Nabhonjile owoshi hashe natumiye asanzo hahali mkhono gwane. Endi epo; embafwe." ⁴⁴O Sauli ajile, "Ongolobhe abhombe esho na shile hata huline, nkashe oYonathani saga obhafe." 1 Samweli 14: 45-46⁴⁵Abhantu bhabhozya oSauli, Aje, ehwanziwa aje oSauli afwe, wenu watekelezezye oumene ou ogosi hwa bhe Israeli? Hutali nego! Nanshi ONGOLOBHE shahweli hata lisisi limo lyalili mwitwe lyakwe selyaigwa pansi, alenganaje sanyono abhombile embombo pandwemo no Ngolobhe." Shesho ebho abhantu bhafyozesye oYonasani aje asahafwe. ⁴⁶O Sauli asingamwa abhalondolele Afilisti, bhope bhawela mukhalo gwabho.1 Samweli 14: 47-48⁴⁷O Sauli lwahandaga alongozye pamwanya ye bhe Israeli, alwiye na haduwi bhakwe bhonti shila upande. Alwiye ashile Amoabu, ashile bhantu bha Amoni, Edomu, amwene bhe Zoba, na Bhafilisti. Paponti pagalishiye abhakhomile na malabha abhibhi bhakwe. ⁴⁸Abhabhombile huudandamu owinji na abhene Ameleki. Abhafyozezye abhe Israeli afume mumakhono ga bhantu bhabhatekire enyera.1 Samweli 14: 49-51⁴⁹Abhana bha Sauli bha bhabhebha Yonathani, Ishvi, Malkishua. Matawa ga bhana bhakwe bha bhele gali gagega, Merabu wapapwe wa hwande, no doodo ahetwaga Mikali. ⁵⁰Itawa lya she wa Sauli ahetwaga Ahinoamu; wope ali lendu wa Ahimaasi. Ni tawa lya jemedali wi jeshi lyakwe ahetwaga Abneri omwana wa Neri, oise wa Sauli odoodo. ⁵¹Kishi ali ise wakwe oSauli; no Neri ali ise wakwe no Abneri, bhonti bhali bhana bha Abieli.1 Samweli 14: 52-52⁵²Hwali nibho igosi ashile Abhafilisti hu nsiku zyonti zya Sauli. Wope nalolile omuntu wawonti owikhone, au omuntu wawonti odaandamu, aunganisizye hwa mwene.

1 Samweli 15: 1-3 ¹O Samweli abhozezye oSauli, "ONGOLOBHE antumile aje eponye amafuta obhe mwene wa bhantu bhakwe Aisraeli. Tejezya amazu ga NGOLOBHE. ²Eshi shesho ONGOLOBHE we shisikari shayanga, 'Ehenyizye abhakhome shabhombeye oIsraeli abhakhome mwidala, lwabhazubhila afume hu Misiri. ³Esalezi bhalaga oshambulile oAmeleki na otezye kabisa evintu vyonti vyabhali navyo. Usavileshe, ebho bhonti olume, noshe, omwana no mwana odoodo okachanga, ng'ombe ne ngoole, engamia ne dogobhi."' 1 Samweli 15: 4-5⁴O Sauli abhakwizya abhantu nabhabhazye munsi ye Talemu: abhantu mia mbile elfu bhabhala na magaga, na bhantu elfu kumi afume hwa Yuda. ⁵O Sauli ahenza mpaka ensi ya Ameleki agolela ohwo hu ntebha. 1 Samweli 15: 6-7⁶O Sauli ajile Bheshi, "Bhalaji, msogole, mhwitenye na Ameleki, ensije abhabude pandwemo nabho. Afuatanaje wabhonesezye owinza hwa bhantu bhonti bhe Israeli nabhafuma hu Misiri." Abhakeni bhahwitenga na Aameleki. ⁷O Sauli abhashambuliye Aameleki, afume hu Havila hadi afishe hu Shuli, wahuri hu mashariki mwa Misiri. 1 Samweli 15: 8-9⁸Bhamwega oAgagi omwene wa Ameleki na huleshe mwomi; abhabudile kabisa abhantu bhonti meele lwipanga. ⁹O Sauli na bhantu bhakwe bhaleshele oAgagi ali mwomi pandwemo ne ngole enyinza, eng'ombe, endama zazyinonile, enyama zye ngole. Shila hantu hahali hinza, sebhahabudile. Ila bhabudile kabisa hahonti habhahasolele na hasehali ne thamani. 1 Samweli 15: 10-11¹⁰Pamande izu lya NGOLOBHE lya mwenzela oSamweli naje, ¹¹"Enzungumizye aje echaguye oSamweli abhe mwene, afuatanaje agalushe akhosi asafwate satekelezezye endajizyo zyane." O Samweli avitilwe; aliliye ONGOLOBHE usiku wonti. 1 Samweli 15: 12-13¹²O Samweli abhoshele khasha akhomene no Sauli owakati wa shapwiti. O Samweli abhozewe aje, "O Sauli afishile hu Karmeli na ahwizenjeye ishimilo hujili ya mwene, pamande agaluha na hwendelele pansi hadi hu Gilgali." ¹³O Samweli abhalila oSauli no Sauli abhozya, "Osaitwe no NGOLOBHE! Nane entekezezye endejizyo zya NGOLOBHE." 1 Samweli 15: 14-16¹⁴O Samweli ajile, "Ezyo eholo zye ngole zye yenu mumakutu gane, holo zye ng'ombe ezye zyenzyomvwa? ¹⁵O Sauli ahagomora, "Abhene bhaletile afume hwa Meleki. Alengane abhantu bhabhaleshile bhomi engole enyinza ne ng'ombe, kwa ajili ye sadaka hwa NGOLOBHE waho. Zyazyasageye tazigojile kabisa. ¹⁶O Samweli abhozya oSuali, "Golela embahubhozye hala ambaho ONGOLOBHE ayanjile huline osiku ou." O Sauli ajile, "Yaanga!" 1 Samweli 15: 17-19¹⁷O Samweli ajile hata, "Nkashe awe oli doodo pamaso gaho wewe, aje, sewabheshewe gosi wikabila eye Israeli? Na ONGOLOBHE aponya amafuta obhe mwene we Israeli; ¹⁸ONGOLOBHE atumile msafwali yaho ajile bhala ogoje kabisa abhe mbibhi, Ameleki, okhomane nabho hadi obhagoje.' ¹⁹Yeenu sohetesheye esauti ya NGOLOBHE, pamande yakwe wa khatiliye enyara na wabhombe embibhi panaso ga NGOLOBHE?" 1 Samweli 15: 20-21²⁰O Sauli abhozya oSamweli, "Yooli kabisa nayetesheye esauti ya NGOLOBHE, Na endilondoye idala ONGOLOBHE lyantumile. Etekile oAgagi, omwen wa Aameleki, nabhatezye kabisa Aameleki. ²¹Na bhantu bhahejile baadhi ye nyara ngole ne ng'ombe, ne vintu evinza vyavyakusuduwe abudwe, aje bhafumye dhabihu hwa NGOLOBHE, Ongolobhe waho, ohwo hu Gilgali." 1 Samweli 15: 22-23²²O Samweli agomora, "Aje, ONGOLOBHE asongwa esadaka ezyalongolezye na dhabihu nanshi shehweli ayeteshele esauti yakwe? Ahweteshe hwinza ashile edhabihu, na homvwe hwinza ashile amafuta ge beberu. ²³Uasi sawa ne dhambe tiyonga, na masola sawa ne mbibhi zye udhalimu. Afutanaje olikhene izu lye NGOLOBHE, wope nantele akhene awe usahabhe mwene." 1 Samweli 15: 24-25²⁴O Sauli abhozya oSamweli, "Embombile embibhi; afuatanaje enankenye endajizyo zya NGOLOBHE na maazu gaho, alenganaje nabhogope abhantu na hweteshele esauti zyabho. ²⁵Esalezi, tafadhali onsajile embibhi zyane, na owele nane ili empate ahupute ONGOLOBHE." 1 Samweli 15: 26-27²⁶O Samweli abhozya oSauli, "Sembawele pandwemo nawe; afuatanaje okhene izu lya NGOLOBHE, wope ONGOLOBHE akhene osahabhe mwene hwa bhe Israeli." ²⁷O Samweli lwa agaluha ahasogora, oSauli ahakhata pintilo wi nkanzu lyakwe lyazembuha. 1 Samweli 15: 28-29²⁸O Samweli abhozya, "ONGOLOBHE auleshile oumwene we Israeli afume huliwe sanyono na opiye oumwene owo ojilani waho, wali mwinza ashile awe. ²⁹Omwene, Uwezo we Israeli sagaiyanga, ilenka wala abadilisye enia yakwe; alenganaje se mwanadamu aaguluzanye enia yakwe." 1 Samweli 15: 30-31³⁰O Sauli ayanga, "Ebhombeye embibhi. Elamba mpele eheshima hwitazi lya gosi na bhantu bhane na hwitazi lye bhe Israeli. Owele nantele pandwemo nane, ili nkebwezye ahupute ONGOLOBHE waho." ³¹O Samweli aweleye nantele oSauli aputa ONGOLOBHE. 1 Samweli 15: 32-33³²O Samweli ajile, "Mlete huline oAgagi omwene wa Aameleki." O Agagi ahafiha hwa mwene ali apinyilwe aminyoro naje, "Ouchungu wanfwe ushilile." ³³Wope oSamweli ajile, "Oupanga shawabhombilwe hwa bhashe bhatezye abhana, shesho onyina waho wope sagaibha no mwana mhati mwa bhana bhakwe." O Samweli ahadumula oAgagi vipande vipande hwitazi lya NGOLOBHE ohwo hu Gilgali. 1 Samweli 15: 34-35³⁴O Samweli ahabha hu Rama, no Sauli ahuzubha abhale akhaya yakwe hu Gibea ya Sauli. ³⁵O Samweli sagalolile nantele oSauli hadi isiku lyafwe hwakwe, ila alombolezezye oSauli. No NGOLOBHE asikitishe abhombe aje oSauli abhe mwene hwa bhe Israeli.

1 Samweli 16: 1-1 ¹ONGOLOBHE abhozya oSamweli, "Obhahulilile hu muda anshi, nkashe akhene asahabhe mwene hwa bha Israeli? Memya empeta yaha amafuta na obhale. Embahusontezye hwa Yese wakhala hu Beselehemu, afuatanaje ehwisaluliye omwene hwa bhanavwe. 1 Samweli 16: 2-3²O Samweli ajile, hu namna bhole embabhombe? Nkashe oSauli ayomvwe ijambo eli, anzangoje." ONGOLOBHE ajile, "ega motamba aje, 'Enenzele afumwe edhabihu hwa NGOLOBHE.' ³Okwizye oYese ayenze hu dhabihu, nane embalanje hala ahhawanziwa abhombe. Obhaponye amafuta kwa ajili yane ola hwemba hubhozye." 1 Samweli 16: 4-5⁴O Samweli abhomba nanshi ONGOLOBHE shabhozezye na abhalile hu Bethelehemu. Ngongoro bhe mji wali bhaingainga nabhehenzele akhomane nabho na bhayanjile, "Aje, oyenzele hulwomvwano?" ⁵Wope ayanjile, hulwomvwano; Enenzele fumye edhabihu hwa NGOLOBHE. Hifumyaji mwemwe hwa NGOLOBHE hwajila ye dhabihu na mukhatane nane," Abheha wakfu oYese na bhana bhakwe hwa NGOLOBHE, na pamande abhakwizya bhonti hu dhabihu. 1 Samweli 16: 6-7⁶Nabhahafiha, bhamwemwa oEliabu ahwiyanjile yoyo aje waponyezewe amafuta uwa NGOLOBHE yooli ayemeleye hwitazi lyakwe. ⁷Ila ONGOLOBHE abhozya oSamweli, "Uganje hwenye owaje wakwe wa honze, au oufupi we beele gwakwe; alienganaje ekheene. ONGOLOBHE sahwenya nanshi omuntu shahwenya; omuntu ahwenya owaje wa honze, ONGOLOBHE ahwenya omwoyo." 1 Samweli 16: 8-10⁸O Yese akwizya oAbinadabu ajile oshile hwitazi lya Samweli. Na oSamweli ajile, "Hata yayono ONGOLOBHE sagasaluye." ⁹O Yese abhozya oShama ashile jirani. No Samweli ajile, "Ata yayo ONGOLOBHE sagasaluye." ¹⁰O Yese abhaleta abhana bhakwe saba bhahashila hwitazi lya Samweli. No Samweli abhozya oYese, "Nomo hata omo wasaluliwe no NGOLOBHE kati yebha." 1 Samweli 16: 11-12¹¹O Samweli ahabhozya oYese, "Aje abhana bhaho bhonti bhahweli epa?" Wope agomoye, "Wope agomoye, "Ahweli odoodo nyeene ila adima engole." O Samweli ahabhozya oYese, "Bhatume abhantu bhakwizye, setibhakhale pansi paka lwanzabhe afishile epa." ¹²O Yese ahatuma abhantu bhaleta. Wope osahala ono ali shamwamu no we maso aminza na wabhoneshela shinza. ONGOLOBHE ajile, "Bhoha, oponye amafuta; afutane naje ono yooyo." 1 Samweli 16: 13:13¹³O Samweli ahega empeta ye mafuta nahuponye amafuta pahati ya kolo bhakwe. Empo wa NGOLOBHE ahamwenzela oDaudi hwi khone ahwande isiku elyo na hwendelele. O Samweli abhoha abhale hu Rama. 1 Samweli 16: 14-16¹⁴Ompepo wa NGOLOBHE ahaleha oSauli, baada yesho eroho embibhi afume hwa NGOLOBHE yayanzya. ¹⁵Aboyi bha Sauli bhabhozya, "Enya, eroho embibhi afume hwa Ngolobhe ehuyanzya. ¹⁶Eshi gosi wetu esalezu bhabhali hwi tazi lyaho bhalondolele omuntu wa menye akhome eshinumbi. Nkashe eroho embibhi afume hwa Ngolobhe ehweli huliwe, anza shikhome eshinumbi nawe onzahwiyomvwe shinza." 1 Samweli 16: 17-19¹⁷O Sauli abhozya oboi wakwe, "Mnanzile omuntu wagawezya akhome shinza mundetele huline." ¹⁸Osahala omo kati yabho agomora, naje, "Elolile omwona wa Yese Mbethelehemu, waali fundi wa khome, wi khone, nantele muntu widandi, muntu wibho, wali ne heshima na yanga muntu mwinza pamaso; no NGOLOBHE ali pandwemo no mwene." ¹⁹O Sauli ahatuma ajumbe hwa Yese, naje, "Niumile omwana waho oDaudi, wazidima engole." 1 Samweli! 6: 20-21²⁰O Yese ahega edogobhi yehali enyemuye amakati, na shiriba she divai, na hana he mbuzi, na ahatuma hwa Sauli pandwemo ne vintu evyo. ²¹Daudi ahafiha hwa Sauli na hwande embombo yakwe. O Sauli agene tee oDaudi, na wabha wanyemule esila zyakwe. 1 Samweli 16: 22-23²²O Sauli ahatuma ajumbe hwa Yese, ajile, "Ruhusu oDaudi abhe hwitazi lyane, afuatanaje apete eshibali pamaso gane." ²³Owakati wawonti eroho ye usumbufu afume hwa Ngolobhe nkebhabhe pamwanya ya Sauli, oDaudi ahejile eshinumbi na shikhome. Esho oSauli handaburudisiwe na pone, neyo eroho ye usumbufu handa ehafumile.

1 Samweli: 17: 1-1 ¹Afilisti bhabhongenye amajeshi gabho kwa ajili yibho. Bhabhongenye ohwo hu Soko, lyalyahu Yuda. Bhope bhakhomile ikambe hu Soko na hu Aseka mhati Efesdamimu. 1Samweli 17: 2-3²O Sauli na bhantu bhe Israeli bhahwibhongenye nabheshe ikambe huntebha ye Ela, na bhahwipanjile ibho akhomane na Filisti. ³Afilisti bhamele pamwanya yi gamba upande umo, na Israeli nabho bhahemeleye pamwanya igamba oupande wa mwabho bhatenganisiwe ne nthebha kati yabho.1 Samweli 17: 4-5⁴Omuntu omo owikhone afumile mwikambe lya lya Filisti, omuntu oyo ahetwaga Goliathi wa Gathi, eshipimo shakwe amakhono sita ne shubiri emo. ⁵Ahali no chapeo ye shaba hwitwe lyakwe, akwe edirii yi jela. Eyo edirii yali no umwamu wa hela elfu hamsini zye shaba. 1 Samweli 17: 6-7⁶Ali na mabampa ge shaba hu magaga gakwe na empalala ye shaba mhati ye vipongo vyakwe. ⁷Shila eshaha she mpalala yakwe shali shi gosi, shali no lwabho lwalwali na shitanzi kwa ajili ya ponyezye nanshi olwabho lye sindani ya taibhile. Itwe lye mpalala yakwe wali no umwamu shekeli mia sita zye majela. Wanyemuluye engao ajendile hwitazi lyakwe. 1 Samweli 17: 8-9⁸Ahemeleye ibwago amajeshi ge Israeli, "Yenu mwenzele na muhwipanjile kwa ajili yibho? Ane sende Mfilisti, namwe semuli bha boyi bha Sauli? Saluli omuntu afume hulimwe aishe na hwenze huline. ⁹Nkashe anzawezye alwe nane na mbude, nkataibha bhabhoyi bhenyu. Nkashe naihumena na hubude, mwaibha bhaboyi bhetu na atibhombele." 1 Samweli 17: 10-11¹⁰Omfilisti oyo ayanga nantele, "Sanyono engapela echangamoto amasikari ge Israeli. Mumpele omuntu aje embwezye alwe nawo." ¹¹O Sauli no Israeli bhonti nabhahomvwezye hayanjile Omfilisti oyo, bhaholowe na bhahogope tee. 1 Samweli 17: 12-13¹²O Daudi ali mwana wa Mwefraimu wa Bethelehemu eya Yuda, Yese. Wope ali na bhana nane asahala ali gogolo huu nsiku zya Sauli, wali na maha aminji mhati ya bhantu. ¹³Abhana bhatatu agosi bha Yese bhalondoye oSauli hwibho. Amatawa ga bhana bha tatu bhabhalile hwibho bhali yo Eliabu uwapapwe ahwande, wafuatile yo Abinadabu, no watatu ahetwaga Shama. 1 Samweli 17: 14-16¹⁴O Daudi ndio wali doodo kabisa. Ebho agosi bhatatu bhalondoye oSauli. ¹⁵O Daudi abhalile nawele ashilile kati ya sikari bha Sauli ali ngole zya ise ohwo hu Bethelehemu, aje nkazidime. ¹⁶Hu muda gwe nsiku alobaini ola Omfilisti owi khone ali ahwifumye shampwiti na ndyabhela kwa ajili yibho. 1 Samweli 17: 17-18¹⁷O Yese abhozya omwana wakwe oDaudi, "Bhatwalile akolo bhaho empwagu nega amakati kumi, na ovitwale nanali hula hwi kambe kwa ajili ya kolo bhaho. ¹⁸Nante twala ezi ejibini kumi hwa jemedari bhe vikosi vye elfu. Obhenye bhali ne hali nshii ondetele ehabari ahusu shabhahwendelela shinza. 1 Samweli 17: 19-21¹⁹Akolo bhaho bhali pandwemo no Sauli na bhantu bhonti bhe Israeli afume hu ntebha ye Ela, bhalwa na Filisti." ²⁰O Daudi abhoeshel shampwiti khasha nalileshe ikundi pansi ye wenyezi wa dimi. Ahega vila evintu na sogole nanshi oYese sabhozezye. Ahafiha hwi kambe owakati asikari lwa bhasogola abhale hu shibhanje shibho bhahakhoma ibwago libho. ²¹Bhope Aisraeli na Filisti bhahwipanga eshibho, asikari ashile asikari. 1 Samweli 17: 22-24²²O Daudi ahavileha evintu vyakwe hwa muntu wavitunza amahitaji, ashembelela asikari, na bhalamushe akolo bhakwe. ²³Ayanjile nabho, olo omuntu uwikhone, Omfilisti wa Gathi, itawa lyawe Goliathi, ahwifumya afume mwa sikari bha Afilisti, wope ahayanga enongwa zyazila nanshi epo ahwande. Wope oDaudi azyomvwa. ²⁴Abhantu bhonti bhe Israeli nabhahalola Goliathi, bhashembeye nabhahogope tee. 1 Samweli 17: 25-25²⁵Abhantu bhonti bhajile, "Ololile omuntu ono shahwifumizye? Ayenzele aipele echangamoto eIsraeli. Omwene aihupela emali enyinji omuntu waihubuda aihumwejezya no mwale wakwe, ne familia ya ise seyailipa ekodi mu Israeli." 1 Samweli 17: 26-27²⁶O Daudi abhabhozya abhantu bhabheleye jilani nawo, "Abhabhombelwe eyenu omuntu wanzahubude Ommisili ono nayefwezye ensebho eIsraeli? Wenu Ofilisti ono wasayokoshe abharije asikari bha Ngolobhe wali mwomi?" ²⁷Abhantu bhawelile hala habhenjile na hubhozye, "Shashesho shashibhabhombeshe hwa muntu wanza hubude." 1 Samweli 17: 28-30²⁸Okolo wakwe ogosi oEliabu, ahomvwa owakati nayanga na bhantu. Ilyoyo lya Eliabu lyaha nanshi omwoto ahusu oDaudi, wope abhozya, "Yenu oyenzele epa? Zila engole endondo ozileshile nonanu hwi poli? Engamenye amampole gaho, no upugusi we mwoyo gwaho; maana oyenzele epa aje uwezye ahwenye ibho." ²⁹Wope oDaudi ahagomora, "Embomboli yenu eshi? Ane siebhozya liswali wene? ³⁰Agalushila omuntu owa mwabho na huleshe oyo, nayanje shesho shesho. Wope abhantu bhagomora shashila na ahwande. 1 Samweli 17: 31-33³¹Enongwa zyayanjile oDaudi zya homvwehwe, asikari bhayanjile nantele hwa Sauli, wope abhatumile hwa Daudi. ³²O Daudi abhoezye oSauli, "Pangabhe amwoyo gwa muntu wanzamile afuatanaje Ofilisti omo; Oboyi waho anzabhale alwe no Mfilisti ono." ³³O Sauli abhozya oDaudi, "Sowezizye ahupinje Omfilisti au alwe nawo; awe oli sahala wene na omwene ali muntu wibho ahwande hu sahala hwakwe." 1 Samweli 17: 34-35³⁴Ila oDaudi abhozya oSauli, "Oboyi waho ali adima engole zya ise wakwe. Esimba ne dubu zyahenzele ahweye ahana he ngole afume mwidimilo, ³⁵Nabhenjele nahushambulile na hufyole afume mwilomu lyakwe. Nalwayandushiye, nakhete endevu zyakwe, na khomile, na hubude. 1 Samweli 17: 36-36³⁶Omuntu waho abudile esimba ne dubu. Nono Ofilisti wasayokoshe anzabhe nanshi emo ya wanyama ebho, afuatanaje agasolenye amasikari ga Ngolobhe wali mwomi." 1 Samweli 17: 37-38³⁷O Daudi ajile, "ONGOLOBHE wananfyozezye afume mumpopa zye simba na mumpopa zye dubu. Anzanfyozye afume mkhono gwa Filisti ono." Ono oSauli abhozya oDaudi, "Bhalaga, ONGOLOBHE pandwemo nawe." ³⁸O Sauli akwatizye oDaudi amenda gibho. Akwatizya ichapeo lye shaba mwitwe lwakwe, na hukwatizye ikoti lijela. 1 Samweli 17: 39-40³⁹O Daudi aliguye ipanga lyakwe mumenda ga Sauli. Ila sagawezezye ajende, alengane sagapete amafunzo humenda ego. O Daudi obhozya oSauli, "Sembwezizye abhale alwe nkembabhenega afuatanaje senapete amafunzo hwega." O Daudi ahaula. ⁴⁰Ahega osanzo mkhono gwakwe na salule amawe gasanu amapoposu afumo mwasoho; agabheha mwafuko hakwe he shidimi. Ekombeo lyakwe mukhono abha azubhila ola Ofilisti. 1 Samweli 17: 41-43⁴¹Ola Omfilisti ahenza na husojelele oDaudi, wabebile engao yakwe ali hwi tazi lyakwe. ⁴²Omfilisti nahenya shila upande na hulole oDaudi asolanye, maana ali sahala wene, shamwamu no beele gwa gukhondeye. ⁴³Omfilisti abhozya oDaudi, "Aje ane endi mbwa hata onenzela no sanzo? Wope Omufilisti hu magaga gakwe apela makhosi oDaudi. 1 Samweli 17: 44-45⁴⁴Oyo Mfilisti abhozya oDaudi, "Enza huline, ne nyama yaho embaziponyezye enyonyi za mwanya na wanyama bha mwipoli." ⁴⁵O Daudi agomora Omfilisti, "Endodo. Eshi ehwenza hwitawa lya NGOLOBHE we shisikari, Ongolobhe we shisikari we Israeli, wosolenye. 1 Samweli 17: 46-47⁴⁶Sanyono ONGOLOBHE anzampele oumene ashile awe, na embahubude na hwefwe itwe itwe lyaho mubele. Sanyono embezipele enyonyi zya mwanya ne wanyama bha mwisengo bhabhali munsi mizoga ga sikari bha Filisti, ili ensi yonti imanye aje ahweli Ongolobhe mu Israeli, ⁴⁷ni bhongano ili lyonti limanye aje NGOLOBHE safumya oumene hwi panga wala humpalala. Afuatanaje ibho lya NGOLOBHE, anzabhabheshe mumakhono getu." 1 Samweli 17: 48-49⁴⁸Omfilisti lwa nyenyushe nazubhilile akhomene no Daudi ndipo oDaudi ashembele nanali abhalile hw asikari bha haduwi aje akhone nawo. ⁴⁹O Daudi abheshele okhono gwakwe mwafuko, ahega iwe afume omwo, aliponya hukombeo, na lyakhoma Omfilisti pamonji, wagwa pansi kupama. 1 Samweli 17: 50-51⁵⁰O Daudi amenile Omfilisti hu kombeo na hwiwe limo. Akhomile oyo Omfilisti na ahubude mumakhono ga Daudi semwali ni panga. ⁵¹O Daudi ashembela ahemelela pamwanya ya Mfilisti na hweje ipanga lyakwe achomola afuma mwa beji, ahabuda na dumle itwe lyakwe hwi panga elyo. 1 Samweli 17: 52-54⁵²Abhantu bhe Israeli na bhala bha Yuda bhabhoha hwi bwago, na abhabhenje Afilisti alobhoshe entebha na humandyango ge Ekroni. Na maiti ga Filisti gagonile mwidala lyali bhalila hu Shaaraimu, ni dala lyonti abhalile hu Gathi ne Ekroni. ⁵³Abhantu bhe Israeli bhawela afume abhatanje Afilisti, na bhatekile enyara zye makambe gabho. ⁵⁴O Daudi ahega itwe lya Mfilisti na alitwale hu Yelusalemu, ila alibheha inkanzu libho mwihema lyakwe. 1 Samweli 17: 55-56⁵⁵O Sauli lwalolile oDaudi lwa bhala akhomane no Mfilisti abhozezye oAbneri, ojemedari wa sikari, "Abeneri, osahala ono mwana wananu? O Abeneri ayanjile, "Nanshi shakheye omwene ane sehwelewa." ⁵⁶Wope omwene ajile, Bhabhozye bhabhawezya ahumanye, aje osahala ono mwana wa nanu." 1 Samweli 17: 57-58⁵⁷O Daudi lwawelile afume ahubude Ofilisti, Abeneri amwejile, na hulete hwitazi lya Sauli ali ni twe lya Mfilisti mukhono gwakwe. ⁵⁸O Sauli abhozya, "We sahala, awe oli mwana wa nanu? No Daudi agomoye, "Ane endi mwana boyi waho oYese wa hu Bethelehemu."

1 Samweli 18: 1-2 ¹O Daudi lwali amalile ayanje no Sauli, eroho ya Yonathani yakhatene ne roho ya Daudi, oYonathani ahagana nanshi eroho yakwe yoyo. ²O Sauli ahabheha pambombo oDaudi isiku ilyo sagaleshile aje awele khaya hwa ise wakwe. 1 Samweli 18: 3-4³O Yonathani no Daudi bhahabheha makubalioano ge urafiki afuatanaje oYonathani agene na eroho yakwe yooyo. ⁴O Yonathani ahaula inkanzu lyali akwete na hupele oDaudi, apela amenda agibho pandwemo, ni panga, no upinde no mshipi. 1 Samweli 18:5-5⁵O Daudi abhalile papanti ambapo Sauli atumile, wope aholoshe sana. O Sauli ateuy oDaudi abhe gosi wibho. Ijambo eli lyakhondeye pamaso ga bhantu na pamaso gatumishi bha Sauli. 1 Samweli 18: 6-7⁶Owakati wa bhawela akhaya afume abhakhome Afilisti, abhashe bhafumile ensi yonti ye Israeli, bhatelaga na hwanje, ili akhomhane no mwene oSauli, bhali na matowazi bhe lusongwa na bhali ne ala zye muziki. ⁷Ebho bhashe bhatelile ahwopelane ohu bhahwanga; Bhatele: "O Sauli abudile maelfu, oDaudi abudile makumi elfu yake." 1 Samweli 18: 8-9⁸O Sauli avitilwe tee ne ng'oma ene seyagwezezye. Wope ajile, "Wasombele oDaudi huu makumi elfu ane bhansombele maelfu wene! Abhapate hantu zaidi ila oumwene? ⁹Ahwande isiku elyo na hwendelele, oSauli amwenyezye oDaudi hu mashaka.¹⁰Shandabho yakwe eroho embibhi afume hwa Ngolobhe yamwinjila oSauli hwikhone. Wope abha abhomba nanshi omwendawazimu akhaya yakwe. Nanshi shabhombile shila siku. O Sauli ali ne mpalala yakwe mkhono. ¹¹O Sauli ataga empalala yakwe asebhele, aje embehukhomele mlubhomba." Ila oDaudi mahabhele aliepa uwepo wa Sauli. ¹²O Sauli amwogope oDaudi, afuatanaje ONGOLOBHE ali pandwemo nawo, ila sagali no Sauli nantele. 1 Samweli 18: 13-14¹³O Sauli amwefwa oDaudi hwitazi lyakwe no ateula okamanda weshikosi sha sikari elfu emo. Afuatanaje ene David afumi huhwinjile hwitazi lyabhantu. ¹⁴O Daudi ali atefuhu hunamba gakwe gonti maana ONGOLOBHE ali pandwemo nawo. 1 Samweli 18: 15-16¹⁵O Sauli lwalolile aje Daudi atefuha, amwogope. ¹⁶Eisraeli yonti ne Yuda bhagene oDaudi, afutanaje afumile na hwinjile hwitazi lya Ngolobhe. Samweli 18: 17-18¹⁷O Sauli ahabhozya oDaudi, "Ono epa lendu wane ogosi oMerabu. Emba hupele abhe shee waho. Ila obhe daandamu kwa ajili yaline olwe ibho lya NGOLOBHE." Maana oSauli asebhele, "Gusije okhono gwane gugabha hwa mwene." ¹⁸O Daudi abhozya oSauli, "Ane ne nanu, noluzyo lwane luline yenu, hata lwizyo lwe familia ya baba wane oIsraeli, mpaka abhe khoyi wa mwene?" 1 Samweli 18-19-19¹⁹Lakini wakati ambao Merabu, binti Sauli, ilipasa kuwa ameolewa na Daudi, aliozwa kwa Adrieli Mmeholathi. 1 Samweli 18: 20-21²⁰Ila oMikali, omwale wa Sauli, agane oDaudi. Na bhantu bhabhozezye oSauli, ni jambo ilyo lya khondela. ²¹Epo oSauli asebha, "Embahupele ono abhe she wakwe, aje gubhe tego hwa mwene, na shesho okhono gwa Filisti pamo gubhabhe pamwanya yakwe." O Sauli abhozya oDaudi emala ya bhele, "Awe obhabhe khoyi wane." 1 Samweli 18: 22-22²²O Sauli abhobhozya aboyi bhakwe, "Yaanji no Daudi hwidala lye sili, na myanje, 'Enya, omwene ahusongwa, na aboyi bhakwe bhonti bhagene. Esalezi basi obhe khoi wa mwene." 1 Samweli 18: 23-24²³Aboyi bha Sauli bhaziyanga enongwa ezi hwa Daudi. O Daudi ajile, "Hulimwe amwe mlola lijambo lidodo abhe khoi wa mwene, ane endi pena, ne heshima yane ndodo." ²⁴Aboyi bha Sauli bhagomora hwa mwene etaarifa yee noongwa ambayo oDaudi ayanjile. 1 Samweli 18: 25-26²⁵Na oSauli ajile, "Shesho shamwaihubhozya oDaudi, 'Omwene sahwanza emali yayonti, ila egori mia emo zya Afilisti, aje embapyamizye ipanto hwa bhibhi bha mwene."' O Sauli asebhele aje embahugwisye oDaudi hu makhono ga Filisti. ²⁶Aboi bhakwe bhakwe bhabhozya enongwa ezi, zyavutila oDaudi abhe khoi wa mwene. 1 Samweli 18: 27-29²⁷Kabla ye nsiku izi sezya shila, oDaudi asogoye na bhantu bhakwe bhabhabudile Afilisti mia mbili. O Daudi aleta egori zyabho, mia mbili oDaudi aleta egovi zyabho, akabibizizye omwene alengane ne idadi yakwe, ili awezye abhombeshe khoi wa mwene. O Sauli amwejezya oMikali, olendu wakwe abhe khoi. ²⁸O Sauli alolile na manye aje ONGOLOBHE ali pandwemo no Daudi. O Mikali omwale wa Sauli, agene oDaudi. ²⁹O Sauli azidile ahumwogope oDaudi. O Sauli abha haduwi kabisa. 1 Samweli 18: 30-30³⁰Agosi bha Filisti bhahwitokezya kwa ajili ye yibho, nabhahwitokezezye oDaudi aholoshe sana ashile aboyi bhonti bha Sauli, shesho itawa lya pete eheshima engosi.

¹1 Samweli 19: 1-3 O Sauli abhozya oYonathani omwana wakwe na boyi wakwe bhonti aje bhahwanziwa ahubude Daudi. Ila oYonathani omwana wa Saul, azilishe sana aje akhale no Daudi. ²Yonathani abhozya oDaudi, "Oise wane oSauli ahwa ahugoje. Eshi obhe maso owakati washampwiti ohwintu hwe siri. ³Nane embafume honze na hwemelele panshenje ya baba wane oyo hugonda hwoli awe, embayanje no baba wane awe. Nkana manya enongwa zyazyonti embahubhozye." 1 Samweli 19: 4-5⁴O Yonathani asifiye oDaudi hwitazi lya Sauli oise wakwe ajile, "Omwene asije aga agabhomba embibhi ashile oboyi wakwe Daudi. Afuatanaje omwene sagabhombile embibhi, embombo yabhombile emwavwizye tee. ⁵Maana ahufumizye amaisha gakwe na hugoje ola Omfilisti, wope ONGOLOBHE abhaletela bhe Israeli bhonti owokovu ogosi. Taulolile tasongwa. Yeenu obhombe embibhi hwi danda lyaseli n ehatia hwa hugoje oDaudi bila sababu?" 1 Samweli 19: 6-7⁶O Sauli atejezezye Yonathani. O Sauli alapa, "Nanshi ONGOLOBHE shahwizya, oYonathani saganzabudwe." ⁷O Yonathani akwizya oDaudi na hubhozye mambo ega gonti na Yonathani ahaleta oDaudi hwa Sauli, wope oDaudi abha hwitazi lyakwe nanshi imwaha. 1 Samweli 19: 8-9⁸Pamande hwa nibho nantele. O Daudi na ahafuma na alwe na Afilisti na bhamene humbuda engosi sana. Bhope bhashembela hwitazi lyakwe. ⁹Ela eroho embibhi afume hwa NGOLOBHE yamwenzela oSauli lwali akheye munyumba yakwe ne mpalala mkhono gwakwe, no Daudi ali akhoma eshombo shakwe. 1 Samweli 19: 10-11¹⁰O Sauli alenjele ahukhomelele oDaudi mulubhomba ashembela afume pamaso gakwe, naje oSauli atitizya empalala mlubhomba, no Daudi ashembeye natoroshe nosiku owo. ¹¹O Sauli abhasontezezye ajumbe akhaya hwa Daudi bhazije ila nkawezye ahubude shampwiti. Mkewe Daudi ahabhozya, "Nkasaogofyozya uwizyo waho osiku ou, shandabho waibudwa." 1 Samweli 19: 12-13¹²O Mikali ahamwisya oDaudi ashile hwi dirisha. Wope ahabhala, ashembela, na toroshe. ¹³O Mikali ahega eshinyago na shigonye pansi ye shitala. Ahabhe omuto gwe nkwembe zye mbuzi hwitwe lyakwe, ahakwenesya no mwenda. 1 Samweli 19: 14-15¹⁴O Sauli lwatumile ajumbe ahumweje oDaudi, oshe wake ajile, " Daudi bhinu." ¹⁵O Sauli atumile ajumbe ahumwenye; ajile, "Mlete hune shali pashitala, ili egoje."1 Samweli 19: 16-17¹⁶Bhala ajumbe na bhahinjiye muhati, enya, hala ashinyago hali pashitala pandwemo ne nsonga zye buzi mwitwe. ¹⁷O Sauli abhozya oMikali, "Yenu ahopeye na huleshele oadui wane abhale, nantete atoroshe?" O Mikali agomora oSauli, "Ajele, 'Leha embale. Yeeni ebube?" 1 Samweli 19: 18-20¹⁸O Daudi ashembeye na toroshe, na ahabhala hwa Samweli ohwo hu Rama ahumwelezye gonti ambago oSauli ahubhombela. Ndipo oSamweli ahabhala akhale aNayothi. ¹⁹Wope oSauli abhozya aje, "Enya, oDaudi ahweli ohwo hu Nayothi yeeli hu Rama." ²⁰O Sauli atumile ajumbe ahukhate oDaudi. Bhope nabhalilolile ikundi lya kuwaa bhatabiri, no Samweli ayemeleye nanshi olongozi wabho, Ompempo wa Ngolobhe abhinjila bhala ajumbe bha Sauli, bhope bhatabiri 1 Samweli 19: 21-22²¹O Sauli nabhozewe esho, atumile ajumbe bhamwabho, bhope nantele bhatibiri. ²²Wope ahabhala hu Rama na fishe hu shisima shashi ohwo hu Seku. Abhozya, "O Samweli no Daudi bhali hwii?" Omuntu ajile, "Enya, Bhali hu Nayothi ohwo hu Rama." 1 Samweli 19: 23-24²³O Sauli ahabhala hu Nayothi ohwo hu Rama. Ompepo wa Ngolobhe ahenza pamwanya yakwe, wope lwali abhala atabiriye, hadi afishile hu Nayothi ohwo hu Rama. ²⁴Wope azembuy amenda gakwe, wope atabiriye hwitazi lya Samweli isiku elyo agonile welele usanya wonti nosiku khasha alengane ni jambo eli, abhantu bhaiel, "Aje, oSauli wope ali pandwemo na kuwaa?"

1 Samweli 20: 1-2 ¹O Daudi ashembeye afume Nayothi ohwo hu Rama ahabhala na hubhozye oYonathani, "Embombile yenu? Amabhibhi gane genu? Hwa ise waho, yesababisya aje ayanze ahwefwe owomi wane." ²O Yonathani abhozya oDaudi, "Ndadi; sobhafwe. Oise wane sabhomba ijambo igosi wala idoodo bila mbozya. Yeenu ehulazimu obaba wane anfise ijambo eli? Nkase shesho?" 1 Samweli 20: 3-3³O Daudi alapile nantele naje, "Oise waho amenye wene aje empete eshibabali pa maso gaho. Pamo aiga, 'Asahenze oYonathani amanye ijambo eli, labda abha zugumile.' Ila yooli nanshi ONGOLOBHE shahwizye, nanshi awe shohwizya, huli ehatua emo tuu kati yane nenfwa." 1 Samweli 20: 4-5⁴O Yonathani ahabhozya oDaudi, "Lyolyonti lyobhayanje, embahubhombele." ⁵O Daudi ahabhozye oYonathani, "Shandabho lisiku lye mwezi opya, na enaanza akhale nalye pandwemo no mwene. Ila leha embale, ili nkembezye ahwobhe mgonda hadi isiku ilya tatu nandabhela. 1 Samweli 20: 6-7⁶Baada yaliwe nkawankosa haani, epo embaje, 'O Daudi andabhile hu msisitizo oluhusa asogole abhale hu mjini hwakwe hu Bethelehemu; afwatane naje ohwo shipindi she utoaji we dhabihu ye mwaha hu familia yabho yonti.' ⁷Nkashe anzayanje aje shinza, 'basi osontezewa waho anzabhe nolusongwo. Nkashe anzavitwe tee nkamanye aje ayamuye ambambeye embebhi. 1 Samweli 20: 8-9⁸Kwa hiyo, obhombele minza osontezewe waho. Maana obheshele osontezewe mhati ye agano lya NGOLOBHE pandwemo nawe. Lakini nkashe huli mbibhi mhati yane, awe wewe ongoje; maana yeenu basi ontwale hwa ise waho?" ⁹O Yonathani ajile ndaali nkashe emenye aje ayamuye ibhibhi limwaje sebwezizye ahubhozye?" 1 Samweli 20: 10-11¹⁰O Daudi abhozya oYonathani, "Wenu wanzambozye nkashe efumiye oise waho nkagomore noukhali?" ¹¹O Yonasani abhozya oDaudi, "Enza, tibhalaje ohwo hu magonda." Bhonti bhahasogora abhale hu gonda. 1 Samweli 20: 12-13¹²O Yonathani ahabhozya oDaudi, "No NGOLOBHE, Ongolobhe we Israeli, abheketi. Shandabho omuda nanshi ogo, naibha ebhozezye oise wane au isiku lya tatu, enya nkashe hwaibha ni jambo ilinza oupande wa Daudi; ehaganje hutumile taarifa na libhonesye hu liwe? ¹³Nkashe ekhondeye oise wane abhombele amadhara, ONGOLOBHE abhombe ega hwa Yonathani na zide nkashe senahujulisya ijambo na hutwale hutali, ili aje abhale hulosongwo. Na ONGOLOBHE abhe pandwemo nawe, na shahali na baba wane. 1 Samweli 20: 14-16¹⁴Nkashe bado endi mwomi, sewaimbonesya uaminifu wi agano lya NGOLOBHE, aje sambozizye whopo O BWANA, ONGOLOBHE aje sembwezizye afye? ¹⁵Osahefwe oumanifu wahu wi patano la kati yaho ne nyumba yane, hata owakati wa NGOLOBHE lwaibhefwa shila la muntu omo wa adui bha Daudi afume mwiliso lye dunia." ¹⁶O Yonathani abhomba ipatano lye nyumba ya Daudi naje, "Wope ONGOLOBHE anzabhefwe ahaduwi bha Daudi." (ESHISWAHILI IDIOM? ==== ULB ENGLISH IDIOM) 1 Samweli 20: 17-19¹⁷O Yonathani ahamwanza oDaudi alape nantele kwa sababu ye lwomvwano lwali nabho pamwanya yakwe, afuatanaje agene na shaigene eroho yakwe yooyo. ¹⁸O Yonathani abhozya oDaudi, "Shandabho lisiku lye mweizi opya. Sewaibha, alengane itengo lyaho lyaibhaweene. ¹⁹Lwa waibha okheye ohwo ensiku zitatu, obhale nanali hadi apantu pohobhele emala ya hwande, owakati embombo lwa lwayabhombeha, okhale peepe ni we Ezeli. 1 Samweli 20: 20-21²⁰Naiponya amishale gatatu panshenje mwiwe, nashi shila shelenga ahantu fulani. ²¹Kisha nitamtuma kijana wangu na kumwambia, 'Nenda utafute hiyo mishale.' Kama nitamwambia kijana hivi, 'Tazama, mishale iko upande huu wa kwako; kaichukue," ndipo uje; maana hapo kutakuwa na usalama kwako na siyo madhara, kama BWANA aishivyo. 1 Samweli 20: 22-23²²lla nkashe ebhozye oshahala eshi, 'Enya, amishale gahweli hwitazi lyaho,' epo nobhabhale, maana ONGOLOBHE asongolwe aje ohwibhalile. ²³Alengane no lwetahano ambolwo ane nawe tiyanjile, enya, ONGOLOBHE ali kati ya line nawe wila wila." 1 Samweli 20: 24-25²⁴O Daudi ahobhele mla mgonda. Omwezi nagwafiha omwene akheye pansi alye eshalye. ²⁵Omwene akheye pamwanya yi tengo lyakwe, nanshi ekawa pitengo peepe nolubhomba. O Yonathani ahemeleye wemelela, Abeneri akheye mubhazu mwa Sauli. Ila enafasi ya Daudi yaali waazi. 1 Samweli 20: 26-27²⁶Hata sheshi oSauli sayanjile ahantu isiku elyo, afuatanaje asebhele, "Huli ijambo limwajile oDaudi. Sali sawa." ²⁷Ila isiku lya bhele, isiku limo baada ye mwandamo ye mwezi, bado enafasi ya Daudi eli wene. Epo oSauli abhozya oYonathani omwana wakwe, "Yeenu omwana wa Yese sagahenzele hu shalye, igamo ha sanyono? 1 Samweli 20: 28-29²⁸O Yonathani agomoya oSauli, "O Daudi alabhile huline oruhusu kabisa aje abhale Bethlehemu. ²⁹Ajile, 'Nafuu onduhusu embale, maana familia yetu bhali ne dhabihu ohwo hu mjini, no kolo wane andajizizye embe ohwo. Basi eshi empete ishabali pamaso gaho, nafuu onduhusu embale embalole akolo bhane.' Sagahenzele hu meza ya mwene hu sababu ene." 1 Samweli 20: 30-31³⁰Ehasira ya Sauli ya hahaa juu ya Yonathani, na abhozya, "Wee mwana washe wemasola no we maasi! Oyiga sehwelewa aje ochaguye omwana omwana wa Yese kwa ajili ye nsoni yaho, na aje ensoni yaho, na hunsoni ye uwelele wanyina waho? ³¹Afuatanaje omwana wa Yese ahwizya munsi, sio awe wala omweene waho wobhaimalishe. Esalezi, tuma bhantu bhalete huline, afutanaje ehwanziwa afwe." 1 Samweli 20: 32-34³²O Yonathani ahagomora oSauli oise wakwe, "Hu sababu nshi ahwanziwa afwe? Abhombile nshi?" ³³O Sauli ahaponyezya empalala apate ahubude. O Yonathani ahamanya aje oise wakwe apanjiliye ahugoje oDaudi. ³⁴O Yonathani afumile pa menza ali ni lyoyo ikhali bila alye eshalye isiku lya bhele lye mwezi, afuatanaje azugumiye oDaudi, na afuatanaje naje oise wawe akenyenseye. 1 Samweli 20: 35-37³⁵Hwabha shampwiti, oYonathani ahabhala ohwo hu gonda nanshi shabhayangane no Daudi, ali pandwemo no sahala wakwe. ³⁶Ahabhozya ola osahala wakwe, "Shembela oyanze gala amishale gamatajile no sahala ashembeleye atajile mshale gwa mwabho hwitazii lyakwe. ³⁷Okijana lwahafiha mwieneo ambamo omushale atolele, gula gwagwatumwilwe oYonathani, akwizya nantele osahala, na hubhozye, "Ogwo umshale nagumo hwitazi lyaho?" 1 Samweli 20: 38-40³⁸O Yonathani ahakwizya ola osahala, "Nanali, diganaga, oganjekhale!" Shesho osahala wa Yonathani agabhonganya amishale na wele hwa gosi wakwe. ³⁹Ola osahaala sagaenye nkahamo. Yo Yonathani no Daudio mwene wamenye ehabari yakwe yooyo. ⁴⁰O Yonathani apela osahala wakwe esilaha na hubhozye, "Bhala, ozitwale hu mujini." 1 Samweli 20: 41-42⁴¹Kidogo tu osahala lwa hasogoyo, oDaudi ahemeleye afume oupande wa kusini, ali agonile kupama, aundeme mara hatatu. Bhabusilene abhene hwa bhene na bhonti bhahalila kwa pandwemo, oDaudi alililie sana. ⁴²O Yonathani abhozya oDaudi, "Bhalaga no lusongwo, afuatane naje tenti tilapile hwitawa lya NGOLOBHE abhe kati yane nawe, na abhe kati yenu zao wane no uzao waho, wila wila." O Daudi ahemeleye na asogola no Yonathani awela hu mjini.

1 Samweli 21: 1-2 ¹O Daudi ahafiha hu Nobu ahulole Ahimeleki odimi. Ahimeleki ahenza akhomane no Daudi ohu ayinga na hubhozye, "Yeenu ali humwene soli no muntu wahwambatane nawe?" ²O Daudi agomora Ahimeleki odimi, "Omwene antumile hwi jambo maalum na ambozezye eshi, "Aganjebhe hata muntu omo wamenye hahonto ahusu embombo yetumile, na hala hendajizizye.' Embelekezezye asahala abhale esehemu fulani. 1 Samweli 21: 3-4³Eshi basi shalye nshi shashipatihana epa? Mpele amakati ga sanu, au hahonti hahali epa." ⁴Oyo odimi agomoye oDaudi na naje, "Nagamo amkati ge kawaida mmakhono, gahweli amakati takatifu- nashi asahala sebhajendile na bhashe." 1 Samweli 21: 5-6⁵O Daudi ahagomora odimi, "Yooli setijendile nabhashe ensiku ezi zitatu. Hwanahandile esafari, amabele ga sahala gabhehwelwe wakifu hwa NGOLOBHE." ⁶Esho odimi ahapela amikate gagali ga bhehwelwe wakfu hwa NGOLOBHE. Afuatanaje sagahali amikate ga mwabho epo, ila tu gaala gabhaonyesho, gagasogozewe afume hwa NGOLOBHE, ili sehemu yakwe ebhehwe amakati ge mwoto, nagali gasogozewe. 1 Samweli 21: 7-7⁷Isiku elyo omo wa boyi bha Sauli ahali apantu epo, akhetwe hwitazi lya NGOLOBHE. Itawa lya muntu oyo ahetwaga Deogi Mwedomu, ogosi wa dimi bha Sauli. 1 Samweli 21: 8-9⁸O Daudi abhozya Ahimeleki, "Aje nemo hata mpalala yayonti au ipanga maana ane senanyemuye ipanga lyane au esilaha zyane, maana ela embombo ya mwene yaali ye muhimu." ⁹Odimi ajile, "Lila ipanga lya Mfilisti Ogoliathi, wobudile hwi ntebha ye Ela, guli epa gukwinshilwe na menda okhosi ye neivera. nkashe ohwanza ahweje ogwo oyeje, maana nemo esilaha ya mwabho epa." O Daudi ajile, "Nemo isilaha ya mwabho nanshi eyo, mpele eyo." 1 Samweli 21: 10-11¹⁰O Daudi ahabhoha na shembele hutali no Sauli ahabhala hu Kishi, omwene we Gathi. ¹¹Oboyi wa Akishi abhozya, "Ono seyo Daudi omwene wensi ene? Aje abhashe sebhahope lene atele na hwanje, 'O Sauli abudile maelfu gakwe, oDaudi makumi elfu gakwe?"' 1 Samweli 21: 12-13¹²O Daudi abhe zila enongwa pamwoyo gwakwe na amwogopa sana oAkishi, omwene wa Gathi. ¹³O Daudi abadilisya enjendo yakwe hwitazi lyabho na ahwibheha aje mwendawazimu pamaso gabho; ahodora-dora ealama hu felemu zye mandiango ohu azwanga amate gakwe pansi ye ndevu zyakwe. 1 Samweli 21: 14-15¹⁴O Akishi abhabhozya aboyi bhakwe, "Enyaji, muhulola omuntu ono mwehu. ¹⁵Yeenu mletile huline? Aje, ane endi ne haja no wehu, kumbe mletile omuntu ono aje ambombele ego hwitazi lyane? Eshi yooli ono anzahwinjile akhaya yane?

1 Samweli 22: 1-2 ¹O Daudi asogeye epo ataroshe abhale hwigwenye lya Adulamu. Akolo bhakwe bhonti bhe nyumba ye ise wawe nabha homvwezye ego, bhaiheshile abhale ohwo. ²Shila omo wali na malabhaa, shila omo wali ni deni, na shila omo wasagali no lusongwa mumwoyo gwakwe gwonti bhabhongene hwa mwene, no Daudi ahabha jemedali wabho. Hwali nalume mia nne bhabhali pandwemo nawo. 1 Samweli 22: 3-5³O Daudi ahafuma ohwo ahabhala hu Mispa ohwo hu Moabu. Abhozya omwene wahu Moabu, "Nafu bharuhusu aise bhane na maye bhane bhakhale huliwe paka epo lwanaimanya aje hantunshi ambaho Ongolobhe anzabhombe kwa ajili yaline." ⁴Ahabhaleha hwa mwene wa Moabu. Oise no nyina wakwe bhahakhala hwa mwene hu muda gwonti ambago oDaudi ali hungome yakwe. ⁵Onabii oGadi ahabhozya oDaudi, "Osikhale hu ngome yaho. Sogola obhale hunsi ye Yuda." O Daudi ahafuma epo ahabhala hwi sengo wa Harethi. 1 Samweli 22: 6-6⁶O Sauli ahomvwa aje oDaudi apatihene, ali pandwemo na abhantu bhali nabho. Owakati aSauli ali akheye hu Gebea pansi yikwi lye mkwaju ohwo hu Rama, ali ne mpalala yakwe mkono gwakwe na aboi bhakwe bhonti bhali bhemeleye bhazyongololele. 1 Samweli 22: 7-8⁷O Sauli abhabhozya aboyi bhakwe, Esalezi tejei, abhantu bhe Benyamini! Aje mwana wa Yese abhabhapele amagonda na magonda ge mzabibu? Aje, anzabhabheshe mwenti abhe majemedari bhe maelfu na majemedari bhe mia, ⁸hata amwe mwenti mgahwipanjile enjama ashile ane? Nomo hata omo wenyu wa ndolela ehuruma. Nomo hata omo wenyu wambozya aje omwana wane achochela hwa boyi wane oDaudi abhe shingunga shane. Sanyono mwobhele na angolela aje avishambulile." 1 Samweli 22: 9-10⁹O Doegi Mwedomu, wahemeleye peepe na boyi bha Sauli, agomeye, Ahalolile omwana wa Yese abhala hu Nobu, hwa Ahimeleki omwana wa Ahitubu. ¹⁰Aputile ONGOLOBHE ili nkamwavwe na apiye amahitaji no upanga wa Goliathi, Omfilisti" 1 Samweli 22: 11-13¹¹Omwene ahatumile omuntu akwizye odimi oAhimeleki omwana wa Aahitubu na bhantu bhonti bhe nyumba ya ise wakwe, adimi bhabhali bhabhali ohwo hu Noabu. Bhonti bhafishile hwitazi lya mwene. ¹²O Sauli ajile, "Esalezi tejezya, mwana wa Ahitubu," Wope ahagomora, "Endi epa, gosi wane." ¹³O Sauli ahabhozya, "Yeenu ohwipanga enjama shile ane, awe pandwemo na bhana bha Yese, hwa hupele amakati, no upanga na oputile Ongolobhe aje amwavwe oDaudi, ilengo ahane ane, na ahwobhe esehemu ye sili, nanshi sabhombile sanyono?" 1 Samweli 22: 14-15¹⁴O Hameleki agomora omwene naje weenu miongoni mwa boyi bhaho bhonti waali mwaminifu nanshi oDaudi, wenu okhoyi wa mwene wahweli pamwanya ya linzi bhaho, na wenshishi munyumba yaho? ¹⁵Aje, sanyono mara ya hwande huline ahupute Ongolobhe nkanavwe? Ndadi! Mwene usandaumu ana ne boyi waho hwi jambo lyalyonti wala ajamaa bhane bhonti. Maana ane ne boyi waho semenye lyalyonti ahusu kadhia ene." 1 Samweli 22: 16-17¹⁶Omwene ahagomora, "Yooli onzafwe, oAhimeleki awe no jamaa yonti ye nyumba ya ise waho." ¹⁷Omwene abhozya olinzi wahemeye peepe nawo, "Galuha obhabude adimi bha NGOLOBHE. Alenganaje bha unjile okhono gwa Daudi, alenganaje bhamenye aje anyilile, ila sebhanjulisizye." Aboyi bha mwene sebhanyosizye okhono abhene abhagoje adimi bha NGOLOBHE. 1 Samweli 22: 18-19¹⁸Omwene abhozezye oDoegi, "Galuha na obhagoje adimi." Eesho oDoegi Mwedomu agaluha na bhakhome adimi; abhabuda abhantu themnini na bhasanu bhabhakwete eneivera ya kitani isiku elyo. ¹⁹Huu woji wipanga, akhomile oNobu, omuji wa adimi, abhabudile alume na bhashe, abhana bhabhahwoha, eng'ombe ne dogobhi ne ngole. Bhonti abhabudile huwoji wi panga. 1 Samweli 22: 20-21²⁰Ila omo bhana bha Ahimeleki omwana wa Ahitubu , wahwetwaga Abiathari, lwanyoshile na shembelele hwa Daudi. ²¹O Abiathari abhozya oDaudi aje oSauli abudile akuwaa bha NGOLOBHE.1 Samweli 22: 22-23²²O Daudi abhozya Obiathari, "Naamenye aje isiku elyo, oDoegi Mwedomu aali apantu pala, aje yooli handa abhozezye oSauli. Ewajibiha hunfwa ya shila muntu hu familia ya ise waho! ²³Khala pandwemo nane oganje ahwogope maana omuntu wahwanza eroho yaho ahwanza eroho yane. Waibha shinza nkobha pandwemo nane."

1 Samweli 23: 1-2 ¹Bhabhozya oDaudi, "Enya, Afilisti bhaukhoma eKeila na bhafyola amangaga gagadenywa." ²O Daudi ahaputa ONGOLOBHE kwa ajili ye msaada, na abhozya, "Aje, ensogolaje embakhome Afilisti? BWANA akamwambia Daudi, "Nenda ukawapige Wafilisti no bhafyozye Keila." 1 Samweli 23: 3-4³O Daudi abhozewa mubhantu bhakwe, "Enya, epa Yuda tihwogopa. Aje, se zaidi te nkashe hu Keila alwe na majeshi ga Filisti?" ⁴Epo oDaudi ahabhozya ONGOLOBHE kwa ajili ye msaada, bado, nantele, ONGOLOBHE agomoye, "Bhoha, oishe hadi hu Keila. Maana embahupele oumene dhidi ya Wafilisti." 1 Samweli 23: 5-6⁵O Daudi na bhakwe bhabhalile Keila nalwe na Filisti. Bhazisamya eng'ombe zyabho na bhakhome hu mbuda engosi mno. Esho oDaudi abhafyozya abhenyeji bhe Keila. ⁶Abiathari omwana wa Ahimeleki lwali ashembelela hwa Daudi ohwo hu Keila, anyemuye eneivera mkhono gwakwe. 1 Samweli 23: 7-9⁷O Sauli aje Daudi abhalile hu Keila. Sauli ajile, "Ongolobhe abheshele gwane. Bila shaka afungwilwe mhati afuatanaje mmuji gwagulii no ndiango mpeti." ⁸O Sauli agakwizya amajeshi gakwe gonti kwa ajili yibho bhabhale hadi hu Kiela bhatekile oDaudi na bhantu bhakwe. ⁹O Daudi amenye aje oSauli apanga enjama ezya hudhuru omwene. Epo ahabhozya odimi oAbiathari odimi, "Oolete epa hu nevera." 1 Samweli 23: 10-11¹⁰O Daudi ajile, "ONGOLOBHE, Ongolobhe we Israeli, oboyi waho yooli ayomvwezye aje oSauli ahwanza enamuna ya hwenze hu Keila, ili agulongolezye omuji kwa ajili yaline. ¹¹Aje, abhantu bhe Keila bhanza hwemelesye mkhono gwakwe? Aje, oSauli ahishahomvwezye? ONGOLOBHE, Ongolobhe we Israeli, ehulabha, nafuu bhozye oboyi waho." ONGOLOBHE aiga, "Ayenza ohwo." 1 Samweli 23: 12-12¹²O Daudi ahabhozya, "Aje, abhantu bhe Keila bhanzanemelesye ane na bhantu bhane hu khono gwa Sauli?" ONGOLOBHE ajile, "Abhantu ebho bhainemelesya hwa bhene." 1 Samweli 23: 13-14¹³O Daudi na bhatu bhakwe, bhabhali mia sita, bhafumile abhale hutali ne Keila, na bhazyongola shila sehemu. O Sauli ahabhozewa shila sehemu. O Sauli ahabhozewa aje oDaudi atoroshe afume ohwo hu Keila, shesho ahemelesya ahulondolele. ¹⁴O Daudi akheye hungomeni hwi poli, hu nsi ye magamba hwipoli lye Zifu. Shila oSauli amwanzile, ila Ongolobhe sagabheshele mkhono gwakwe. 1 Samweli 23: 15-16¹⁵O Daudi alolile aje oSauli ahwifumizye olwizyo lwakwe; o Daudi ali hwipoli lye Zifu ohwo hu Horeshi. ¹⁶O Yonathani, omwana wa Sauli, ahabhoha abhale hwa Daudi ohwo Horshi, wope apela omwoyo ategemele Ongolobhe. 1 Samweli 23: 17-18¹⁷Abhabhozya, "Msahogope. Afuatana naje okhono gwa ise wane oSauli segwaihumwaga. Waibha mwene pamwanya ye bhe Israeli, nane embabhe wahumwavwe awe. Oise wane oSauli pia amenye esho." ¹⁸Basi bhonti bhabhele bhabheha ipatano hwitazi lya NGOLOBHE. O Daudi asageye Horeshi, no Yonathani abhalile akhaya. 1 Samweli 23: 19-20¹⁹Owazifi abhalile oSauli ahalila oSauli ohwo hu Gibea ajile, "Aje, O Daudi sayobhele kati yetu hu ngome ohwo hu Horeshi, pamwanya yi igamba lye Hekila, lyali li hu kusini mwe Yeshimoni? ²⁰Basi oyenze, omwene! Alengane shohwanza awe, oyenze! Embombo yetu yaibha ahubheshe mumakhono ga mwene." 1 Samweli 23: 21-23²¹O Sauli ajile, "Sailwa we NGOLOBHE. Alengane naje munsajiye. ²²Bhalaji, mhakikisye yoliyoli. Anzaji amanye amobho gakwe gali hwii na wenu walolile ohwo. Embozewe aje omwene janja tee. ²³Kwa hiyo enyaji, mumanye esehemu zyonti hwa hobha. Pamande weeli hwaline mubhe ne taarifa kamili, na nailongozanya namwe. Nkashe ahweli munsi, naihumwanza afume mhati mwe elfu zyonti zye Yuda." 1 Samweli 23: 24-25²⁴Bhahadamula na bhale paka hu Zifu hwitazi lya Sauli. Owakati owo oDaudi na bhantu bhakwe bhali mwipoli lye Maoni, ohwo Araba oupande wa hu kusini mwa Yashimoni. ²⁵O Sauli na bhantu bhakwe bhahabhala ahumwanze oDaudi no Daudi ahabhozewa ehabari eyo, epo ahiha hadi hwi gamba lya mamba ahakhala hwipoli lye Maoni. O Sauli na homvwa esho, atanjile oDaudi hwi Poli lye Maoni. 1 Samweli 23: 26-27²⁶O Sauli ahabhala abha oupande umo wigamba no Daudi na bhantu bhakwe bhali bhabhala oupande wamwabho wi gamba. O Daudi nanali ahepa hutali no Sauli. Alengane naje oSauli na bhantu bhakwe bhali bhahuzyongola oDaudi na bhantu bhakwe bhabhakhate, ²⁷ojumbe omo ahenza hwa Sauli naje, "Enza, jenziaga maana Afilisti bhapanjile avamile munsi." 1 Samweli 23: 28-29²⁸O Sauli ahawela asafwate oDaudi na ahabhala apambane na Afilisti. Ela esehemu ehwetwaga Mwamba gwa Hwobhe. ²⁹O Daudi ahazubha afume ohwo na akhale hu ngome ya Engedi.

1 Samweli 24: 1-2 ¹O Sauli lwawelile abhatanje Afilisti, abhozewa aje, "O Daudi ali hwipoli lye Engedi." ²O Sauli ahega abhantu elfu tatu bhabhasaluliwe afume mu Israeli yonti, bhahabha ahumwanze oDaudi na bhantu bhakwe hu miamba ye Mbuzi Mwitu. 1 Samweli 24: 3-4³Ahafiha pamagoma ge ngole panshenje yi dala, apantu papali ni gwenya. O Sauli ahinjiye mhati yakwe ahwisaidile. Owakati owo oDaudi na bhantu bhakwe bhali bhakheye hutali zaidi mhati ye gwenya lyalila. ⁴Abhantu bhakwe oDaudi bhabhozya, "Eli lyelisiku ambalyo NGOLOBHE ajile nkaihubhozya, 'Naihubheha adui waho mukhono gwaho aje nkobhombele nanshi shahwanza." O Daudi anyemelela sha hwitazi kati na alidumule ipintito lye nkanzu lya Sauli. 1 Samweli 24: 5-7⁵Pamande omwoyo gwa Daudi gwahalasa afuatanaje adumuye oupintilo lye nkanzu lya Sauli. ⁶Abhabhozya abhantu bhakwe, "ONGOLOBHE ansamehe, senahanziwaga ahubhombele ijambo eli ogosi wane oponyezewa amafuta wa NGOLOBHE, hwa hunyosye okhono gwane pamwanya yane, maana omwene yo masihi wa NGOLOBHE." ⁷Shesho oDaudi abhakemela abhantu bhakwe hu maneno ega, na abhazubhile bhaganje ahukhome oSauli. O Sauli ahemeleye, ahafuma mwigwenya, na hwibhalile. 1 Samweli 24: 8-9⁸Pamande nantele, oDaudi ahemelela pamwanya, ahafuma mwigwenya, na hukwizye oSauli: "Gosi wane mwene." O Sauli ahenyezye hu nyuma, oDaudi ahasujudu paka pansi na bhonesye eheshima. ⁹O Daudi ahabhozya oSauli, "Yeenu obhatehezya abhantu ambao bhayanga, "Enya, oDaudi ahwanza ahudhuru?' 1 Samweli 24: 10-11¹⁰Sanyono amaso gaho galolie jinsi ONGOLOBHE shabheshele mumakhono gane natali mhati i gwenya wa mwabho bhambozezye ebude, ila naleshile mwomi. Najile, 'Sembanyosye okhono gwane pamwanya ya gosi wane; afuatanaje masihi wa NGOLOBHE.' ¹¹Enya, oise wane, enyaji opintilo kwi nkanzu lyaho mkhono gwane. Nkashe nadumuye oupintilo wi nkanzu lyaho na senabudile, amanye na olole aje sendi no ubhibhi au ikosa mkhono gwane, na sembombile embibhi huliwe, japokuwa ovwema ahwefwe owomi wane. 1 Samweli 24: 12-13¹²ONGOLOBHE ayamule kati yaline nawe, no NGOLOBHE andipizye isasi juu yho, lakini okhono gwane segwaibha pamwanya yaho. ¹³Nanshi emithali ya gogolo sheyanga, 'Hwa bhe mbibhi zifuma embibhi.' Ila okhono gwane segwaibha pamwanya yaho. 1 Samweli 24: 14-15¹⁴Omwene we Israeli afumile ahumwandamo wenu? Ohusaka wenu? Osaka omzoga gwe mbwa! Osaka eshiloboto! ¹⁵ONGOLOBHE na abhe mwamuzi na afumye oulonzi kati yane na awe, na ailole, na antentele ilengo lyane na anduhusu anepushe okhono gwaho."1 Samweli 24: 16-16¹⁶O Daudi hwa hamala ayanje maneno ego hwa Sauli, O Sauli ajile, "Ene sauti yaho, omwawane Daudi?" O Sauli abhosezye esauti yakwe walila. 1 Samweli 24: 17-18¹⁷Abhozya oDaudi, "Awe oli we yooli ashile ane. Afuatanaje andipiye aminza, owakati ane ondipiye amabhibhi. ¹⁸Sanyono otangazezye jinsi sohambombeye aminza alenganenaje sewangojile owakati ONGOLOBHE lwa mbeshel hu humpiana yaho. 1 Samweli 24: 19-20¹⁹Afuatanaje omuntu okamweje oadui yakwe, anzahuleshe abhale shinza? Na ONGOLOBHE azawadile aminza hwa hala hobhombile sanyono. ²⁰Basi, emenye aje yooli aje aibha mwene naje oumwene we Israeli waiimariha hukhono gwaho.1 Samweli 24: 21-22²¹Ndapile hwa NGOLOBHE aje badala yane sewahukalia hutali ouzao wane, na aje sewailinankanya itawa lyane hu nyumba ya baba wane." ²²O Daudi alapizya oSauli eshilapo. O Sauli ahabhala akhaya, lakini oDaudi na bhantu bhakwe bhahazubha abhale hu ngomeni.

1 Samweli 25: 1-1 ¹O Samweli ahafwa. Abheisraeli bhonti bhabhongana pandwemo na ahumwa, na bhasyela akhaya hwakwe ohwo hu Rama. O Daudi ahabhoha na hwishe hadi hwipoli lye Parani. 1 Samweli 25: 2-3²Hwali no muntu omo ohwo hu Maoni, ne mali zyakwe zyali ohwo hu Kalimali. Omuntu oyo ali tajili tee. Ali ngole elfu tatu ne mbuzi elfu moja. Wope ali adumula amawoya engole zyakwe ohwo hu Karmeli. ³No muntu oyo ahetwaga Nabali, ni tawa lya she wakwe ahetwaga Abigaeli. Oshe oyo ali we mpiana na mwinza we waje. Lakini olume ali we masola na bhibhi hu mambo gakwe. Ali no uzao we nyumba ya Kalebu. 1 Samweli 25: 4-6⁴O Daudi ahomvwa ali hwi poli aje oNabali ali akata omawoya engole zyakwe. ⁵Esho oDaudi atumile hwa mwene asahala kumi. Abhabhozya bhala asahala, "Zubhaji abhale hu Karmeli, bhalilii oNabali na mlamushe hwi tawa lyane. ⁶Mubhahubhozye, 'Uizye msailwa, obhe nolusongwo ne nyumba yaho ibhe no lusongwo, na bhonti bholi nabho bhabhe no lusongwo. 1 Samweli 25: 7-8⁷Ehomvwa aje oli nabho akata amawoya. Adimi bhaho bhali pandwemo nate, na setubhabhombeye ibhibhi, no munda gwonti bhali hu Karmeli na sehatejile ahantu hahonti. ⁸Bhabhozye asahala bhaho, na bhanzahubhozye. Avijana bhane bhapate eshibali pamaso gaho maana tifishile isiku lye sherehe. Nafu ofumye hahonti holi na naho mkhono mwa boyi bhaho na hwa Daudi amwana waho."' 1 Samweli 25: 9-11⁹Asahala bha Daudi nabhahafiha abhozya oNabali hu niaba ya Daudi na bhagolela. ¹⁰O Nabali ahagomora aboyi bha Daudi, "O Daudi yo nanu? Na wenu omwana wa Yese? Ensiku izi bhahweli aboyi bhinji bhatoroha agosi bhabho. ¹¹Aje, eneje makati gane na menze gane ne nyama yane yembabholeye akata nawoya, wane, na embapele abhantu bhabhafuma hwa sehumenye?" 1 Samweli 25: 12-13¹²Asahala bha Daudi bhagarushe na wela, na hubhozye shila hantu hahayangwilwe. ¹³O Daudi abhabhozya abhantu bhakwe, "Shila muntu ahwifunje oupanga wakwe. O Daudi wope nantele ahwifunga oupanga wakwe. Abhantu mia nne walondolela oDaudi na bhamwabho mia mbili bhasageye ali nale amiigo gabho. 1 Samweli 25: 14-15¹⁴Osahala mojawapo abhozya oAbigaeli, oshe wa Nabali ajile, "O Daudi abhatumile ajumbe afume hwi poli bhenze bhala mushe ogosi wetu wope abhaliga. ¹⁵Badu abhantu ebha bhatibhombeye aminza. Setalizishe na setazizye hahonti owakati wonti nate jendaga na natali hu mbugani.1 Samweli 25: 16-17¹⁶Bhali lubhomba lwetu osiku no sanya, owakati wonti tuli pandwemo nabho tadimaga engole. ¹⁷Eshi limanye eli na zingatila obhabhombe bhole, maana amabhibhi gahuzijila ogosi wetu, na gaibha pamwanya ye nyumba yakwe yonti. Omwene yo muntu we safaa na nomo uwashauliane nawo." 1 Samweli 25: 18-19¹⁸O Abigaeli ahadigana na ahega amakati mia mbili, ensupa zibhele zi divai, engolo zisanu zyazyahandaliwe, ne vipimo visanu vye bisi, evishanda mia tano vya Dhabihu na makati mia mbili ge tini avipashila pamwanya ye dogobhi. ¹⁹Ahabhozya osahala wakwe, "Tangulili hwi tazi lyane nane embalondelele hu nyuma yaho." Ila sebhabhozezye oshe wakwe ila sebhabhozezye olume. 1 Samweli 25: 20-20²⁰Lwali aphara pamwanya ye punda wakwe na hwishe papali na pahwobhe hwi gamba, O Daudi na bhantu wakwe bhahishile pansi bhabheshela Abigaili wope akhomana nabho. 1 Samweli 25: 21-22²¹O Daudi ali ayanjile, "Yooli endindile bure vyonti vyali navyo omuntu omo ohwo hwi poli, na vyonti vyalinavyo nahamo hahatejile, pandwemo nego andipile ambhibhi badala ye minza. ²²Ongolobhe na ambambele esho ane, oDaudi, ebhe zaidi, nkashe embahuleshe hata muntu omo wa mwene abhe mwomi afishe sashandabho shampwiti. 1 Samweli 25: 23-24²³O Abigaeli nahalola oDaudi adigene na hwishe pansi ye punda yakwe, agonile kupama naundame hadi pansi. ²⁴Agwela pamagaga gakwe na yanje, "Juu yaline wene, ogosi wane, na abhe bhibhi. Nafuu leha owembombo waho ayanje nawe, nantele azitejezye zya enongwa za womba mbombo waho. 1 Samweli 25: 25-26²⁵Ehulaha gosi wane oganje husaje omuntu ono wasakhondeye, oNabali, afuatanaje nkashe itawa lyakwe shalihweli ali shesho. Itawa lyakwe yo Nabali, na oulema uhweli pandwemo nawo. Ila ane ne bhomba mbombo waho senabhalolile asahala bha gosi wane, wabhabhatumile. ²⁶Eshi salezi, gosi wane, nkashe ONGOLOBHE shashizya amwefwizye afume ahwite idanda, naleshe alipizye eshisasi hu khono gwaho wewe, basi abhibhi bhaho, na bhala bhabhahwanza alipizye amabhibhi ogosi wane, bhabhe nansi oNabali 1 Samweli 25: 27-28²⁷Ne salezi ezawadi ene ambayo obhomba mbombo waho ailetile huli gosi wane, bhapewe asahala bhabha humwanza ogosi wane. ²⁸Nafuu olisajili ikosa lya womba mbombo waho, maana ONGOLOBHE yooli aihubhombela ogosi wane enyumba yooli afuatanaje ogosi wane akhomana ibho lya NGOLOBHE; no ubhibhi seubhabhoneshe mhati yaho maadamu ahwizya.1 Samweli 25: 29-29²⁹Abhantu bhagabhoshele na humwanze aje bhabude, bado owomi wa ngolobhe wane waipinywa muvifurushi vya bhali bhomi no NGOLOBHE Ongolobhe waho; anzalutaje olwizyo lwa bhibhi bhaho hutali nanshi shila afume mwifuko lye kombeo. 1 Samweli 25: 30-31³⁰Na shaibha, ONGOLOBHE lwaibha atimizizye ogosi wane amambo gonti aminza ambago ahaidile, nashabheshele longozi pamwanya ye Israeli, ³¹ijambo eli selyaibha lyazugumile huliwe, wal alyavisye mmwoyo gwa gosi wane alengane naje sewahitile idanda bila sababu, na solipizizye eshisasi. Na ONGOLOBHE nkaletele afanikiwe, okomboshe owomba mbombo waho." 1 Samweli 25: 32-33³²O Daudi ahabhozya oAbigaeli, "OGOSI, Ongolobhe we Israeli, asailwe, watumile aje ololane nane sanyono. ³³Na enjele yaho esailwe, nawe osailwe, afuatanaje sanyono onzubhiye ensahabhe na hatia ya hwite idanda, na asinte nalipizye ishisasi hu khono gwane nene. 1 Samweli 25: 34-35³⁴Yooli, nanshi ONGOLOBHE, Ongolobhe we Israeli, shahwizya, olo wanzubhiye, aje ogasintile na digane ahwenze akhomane nane, yooli shandabho shampwiti handa sohasageye ata mwana omo osahala hwa Nabali." ³⁵O Daudi ahaviposhela afume mumakhono gakwe vila vyali aleteye ahabhozya, "Bhalaga hulusongwo hadi akhaya yaho; enya, enjitejezezye esauti yaho na enjeteshe." 1 Samweli 25: 36-36³⁶O Abigaeli ahawela hwa Nabali; enya, ali abhomba esherehe ya mwene no mwoyo gwa Nabali gwa songwelwe mhati yakwe, alengane naje ali okholilwe tee. Eshi sagabhozezye hahonti kabisa hadi nahwashiye 1 Samweli 25: 37-38³⁷Na hwabha shampwiti, edivai nayali efumile oNabali, oshe wakwe abhozya amambo ega; omwoyo gwakwe gwafwa mhati yakwe na abha nanshi iwe. ³⁸Baada ye nsiku kumi ONGOLOBHE akhomile oNabali wope wafwa. 1 Samweli 25: 39-40³⁹Wopo oDaudi nahomvwa aje oNabali afwiye , ajile, "ONGOLOBHE asailwe wane jeye ehatua ye shutuma yane afume mkhono gwa Nabali, nahuzubhile oboyi wakwe asabhombe embibhi. Na awezezezye oNabali itendo ibhibhi pamwanya itwe lyakwe yoyo." O Daudi ahabhatuma abhantu bhayanje no Abigaeli, aje amweje abhe she wakwe. ⁴⁰Aboyi bhakwe oDaudi bhafishile hwa Abigaeli oho hu Karmeli, bhayanga, nawo naje, "O Daudi atitumile huliwe timweje hadi hwa mwene obheshe wakwe." 1 Samweli 25: 41-42⁴¹O Abigaeli ahabhoha, ahaundama iliso lyakwe pansi, na yanje, "Enya, obhomba mbombo waho yo boyi wahwozya amagaga ga boyi bha gosi wane." ⁴²Adigana obhoshe, apande edogobhi ali na wombambombo bhakwe bhasanu ha Daudi, na abha she wakwe. 1 Samweli 25: 43-44⁴³O Daudi amwega oAhinoamu we Yezreeli abhega; bhonti bha bhele bhabha bhashe bhakwe. ⁴⁴Owakati owo osali ali apiye Palti, omwana wa Laishi omuntu we Galimu, oMikali, olendu wakwe waali she wa Daudi.

1 Samweli 26: 1-2 ¹O Wazifi ahabhalila oSauli ohwo hu Gibea naje, "Aje, oDaudi sagahobhele hu magamba ge Hakila, ambago gahweli hwitazi li poli?" ²O Sauli ahabhoha na bhale pansi yi poli lye Zifu, ali na bhantu elfu tau bhabhachaguliwe mu Israeli, bhamwanze oDaudi hwi poli lye Zifu. 1 Samweli 26: 3-4³O Sauli ahabheha ikambe hwi gamba lye Hakila, lyalyalili hwitazi lye poli, ansheje ne barabara. Lakini oDaudi ali akheye hwi poli na alolile aje oSauli ahumwanza ohwo hwipoli. ⁴Esho oDaudi ahatuma apelelezi na ahamanya aje yooli ali ayenzele. 1 Samweli 26: 5-5⁵O Daudi ahabhoha abhale hadi apantu ambapo oSauli akhomile ikambe; ahalola amahali pagonile oSauli, no Abneri omwana wa Neri, ogosi we jeshi lyakwe; oSauli agonile mhati yi kambe, na bhantu bhakhomile ikambe ahuzyongole, na bhonti bhagoneleye.1 Samweli 26: 6-8⁶O Sauli ahabhozya oAhimeleki Omhiti, no Abiashai omwana wa Seruya, oholo wakwe oYoabu, "Weenu wanzabhale nane hwi kambe lya Sauli? O Abishai ajile, "Ane embahwishe pandwemo nawe." ⁷O Daudi no Abishai bhahali bhalila ijeshi no siku. No Sauli ahali asinzila mhati yi kambe, empalala yakwe ilasilwe pansi yi kambe, empalala yakwe ilasilwe pansi panshenje pitwe lyakwe. O Abneri no Askari wakwe bhagonile bhazyongolele. ⁸O Abishai ahabhozya oDaudi, "Sanyono Ongolobhe abheshele obhibhi waho mkhono gwaho. Basi nafuu leha elase ne mpalala etulule hada pansi hwi pigo limo. Sembahukhome mara ha bhele. 1 Samweli 26: 9-10⁹O Daudi ahabhozya oAbishai, "Uusahabude; kwa maana wenu wanzawezye anyosye okhono gwakwe ashile aponyezewa amafuta bha NGOLOBHE na asahabhe ne hatia?" ¹⁰O Daudi ajile, "Nkashe ONGOLOBHE shahwizya, ONGOLOBHE ayaamla, au isiku lyafwe hwakwe lihwenza, au aibhala hwabho na aihwangamila. 1 Samweli 26: 11-12¹¹ONGOLOBHE ataje hutali ensanolesye okhono gwane ashile oponyezewa amafuta wakwe esalezi; ehulamba empalala yeeli pitwe lyakwe ni jagi lye menze, tisogole." ¹²O Daudi ahejile empalala ni jagi lye menze afume hwitwe lya Daudi, bhahasogola. Nomo omuntu walolile au amanye ehabari ene, wala nomo wafumile muturo, maana bhonti bhasinziliye, alengane oturo lwali mwamu afume hwa NGOLOBHE lwabhagweleye. 1 Samweli 26: 13-14¹³O Daudi ahabhala oupande wamwabho na hwemelel pamwanya yi gamba hutali tee; outali ugosi mhati yabho. ¹⁴O Daudi abwajile ibwago na bhantu ebho no Abneri omwana wa Neri; ajile, "Sogomora ineno Abineri?" Abineri agomoye naje, "Awe we nanu wohubwajile ibwago umene?" 1 Samweli 26: 15-16¹⁵O Daudi abhozya oAbineri, "Awe soli muntu dandamu? Wenu wali nanshi awe hu Israeli yenu sokhala maso ahulinde ogosi waho omwene? Omuntu omo ahinjiye ahubude omwene, ogosi waho. ¹⁶Ijambo eli lyawabhombile se linza. Nkashe ONGOLOBHE shahwizya, uhwanziwa afwe afuatane naje sewalindile ogosi waho, oponyeewa amafuta wa NGLOBHE. Ne salezi enya peli empalala ya mwene, ni jagi lye menze lyalyali hwitwe lyakwe." 1 Samweli 26: 17-18¹⁷O Sauli amenye esauti ya Daudi ajile, "Eyo sauti yaho Daudi mwana wane?" O Daudi ajile, "Ni zu lyane, omwene, gosi wane." ¹⁸O Daudi ajile, "Yeenu gosi wane ahumwanza oboyi wakwe? Embombile yeenu mkhono gwane? Huli embibhi nshi?1 Samweli 26: 19-20¹⁹Kwa hiyo esalezi, ehulabha, gosi wane omwene ayomvwe enongwa zya boyi wakwe. Nkanshe ONGOLOBHE wachocheye ashile ane, ayeteshe esadaka yaho nkashe mwanadamu apate amakhosi hwitazi lya NGOLOBHE, maana sanyono bhambenjele, enganje akhatane no urithi wa NGOLOBHE; bhambozezye, 'Bhalaga opute amangolobhe ga mwabho.' ²⁰Kwa hiyo, esalezi, eshi uganje leshe idanda lyane lilagashe mwinkondi hutari noupo wa NGOLOBHE; afuatanaje omwene we Israeli afumile honze embalisi, nanshi shila omuntu shavwema enkwale hwi gamba." 1 Samweli 26: 21-21²¹O Sauli ajile, "Embombile mbibhi. Wela, Mwana wane, Daudi; maana sembahudhuru nantele, afuatanaje sanyono olwiyo lwane lwali pamaso gaho. Enya, embombile oulema na enkosile tee." 1 Samweli 26: 22-23²²O Daudi agomoye naje, "Enya, empalala yaho eli epa, omwene! Luhusu osahala omo ayenze ahweye alete huliwe. ²³ONGOLOBHE asombe shila muntu hu heshima yakwe na huaminifu wakwe alengane naje sanyono ONGOLOBHE abheshele mkhono gwane, ila engali sekhomile oponyezewa amafuta wa wakwe. 1 Samweli 26: 24-25²⁴Sanyono olwizyo lwaho sanyono lwali lwe thamani pamaso gane, shesho olwizyo lwane lwa thaminiwe tee pamaso ga NGOLOBHE, na awezye anfwozye mshida zyonti." ²⁵O Sauli abhozya oDaudi, "Na asailwe, mwana wane Daudi, "Aje owezye abhombe amambo amagosi, na yooli uwezye afanikiwe." O Sauli ahwibhalila, no Sauli awela hwa mwene.

1 Samweli 27: 1-1 ¹O Daudi ajile mmwoyo gwakwe, "Iisku limo naifwa hu khono gwa Sauli; nalimo ijambo ilinza huline asgile atoroshe hadi hunsi ya Afilisti; oSauli aikata etamaa asanfwate nantele mhati ye mpaho yonti ye Israeli; hwidala eli embafume mkhono gwakwe." 1 Samweli 27: 2-4²O Daudi ahasogola na lobhoshe, ali pandwemo na bhantu mia sita hadi hwa Akishi omwana wa Maoki, omwene wa Gathi. ³O Daudi ahiziya no Akishi ohwo hu Gathi pandwemo na bhantu bhakwe na shila muntu ne familia yakwe, no Daudi ali na bhashe bhabhele, Ahinoamu Myezreeli , no Abigaeli Mkarmeli waali she wa Nabali. ⁴O Sauli abhozewa aje oDaudi ashembeleye hu Gathi, sagamwanzile nantele. 1 Samweli 27: 5-7⁵O Daudi abhozye oAkishi, "Nkashe empete eshibali pamaso gaho, akhale pandwemo nawe hunsi ye shimwene?" ⁶Isiku elyo oAkishi apelela oDaudi eZiklagi; afuatanaje ensi ye Ziklagi mali ya mwene bhe Yuda mpaka sanyono. ⁷Eidadi ye nsiku oDaudi zyahizizye hunsi ya Filisti gwali mwaha gumo na mezi nane. 1 Samweli 27: 8-9⁸O Daudi na bhantu bhakwe bhazikhomile esehemu esihemu nyinji nyinji, bhatekele enyara hwa Ngeshuri, Wange bhangerilizi, Waameleki; afuatanaje amataifa ego ndio bhabha wakhalaji bhensi embalo ya bhalile hu Shuri hadi afishe hunsi ye Misiri. Bhali bhakheye munsi eyo afume ne nyakati zi mwaha. ⁹O Daudi akhomile ensi segaleshile olume wala oshe wali mwomi; ahega engole, eng'ombe, edogobhi, engamia, na menda; pamande awelile nantele afishe hwa Akishi. 1 Samweli 27: 10-10¹⁰Ndipo Akishi humuuliza, "Je, leo umefanya mashambulizi dhidi ya nani?" Daudi humjibu, "Nimefanya dhidi ya kusini mwa Yuda," au dhidi ya kusini mwa Wayerameeli," au "dhidi ya kusini mwa Wakeni." 1 Samweli 27: 11-12¹¹O Daudi sagaahenzaga ahuleshe olume wala oshe abhe mwomi abhalete mpaka hu Gathi, ajile, "aje bhasije atisenshe, 'O Daudi abhombile eshi neshi."' Eshi shabhabhombile hushipindi shonti sha kheye munsi ya Filisti. ¹²O Akishi amweteshe oDaudi, ajile, "Asababisizye abhantu bhakwe Israeli bhamweje kabisa; kwa hiyo aibha boyi wane wila wila."

1 Samweli 28: 1-2 ¹Ensiku izyo Afilisti bhabhongenye amasikari gabho pandwemo kwa ajili yibho, bhalwe na Israeli. O Akishi abhozya oDaudi, "Omanye huu yooli aje obhabhale nane mhati ya sikari, awe na bhantu bhaho." ²Wope oDaudi abhozya oAkishi, "Esalezi obhamanye hala ambaho oboyi waho awezya abhombe." O Akishi abhozya oDaudi, "Basi esalezi, embahubhombe obhe mlinzii wane binafsi yooli."1 Samweli 28: 3-4³O Samweli ali afwiye; Abheisraeli bhonti bha mwombelezezye na husyele ohwo hu Rama, hunsi yakwe yooyo. Owakati owo oSauli ali abhabhenje afume munsi bhabhayanjile na bhafwe au amapepo. ⁴Afilisti bhahwibhongenye abhene bhebho bhahenza na bheshe ikambe ohwo hu Shunemu; no Sauli abhabhonganya Aisraeli abhabhonganya bhonti pandwemo na abhabheha abhabheha ikambe lyabho ohwo hu Giboa.⁵O Sauli nalililolile ijeshi lya Filisti, ahogope no mwoyo gwakwe gwainjile tee. ⁶O Sauli nahaputa hwa NGOLOBHE kwa ajili yemusaada, ONGOLOBHE sagagomoye - see hu nte wala Urimu, wala hwa kuwaa. ⁷O Sauli ahabhabhozya aboyi bhakwe, "Mnanzile oshe wagawezya ayanje na bhafwe, aje nkebhalile na hwanze omsaada gwakwe." Aboyi bhakwe bhabhozya, "Enya, ahweli oshe ohwo hu Edoni wawezizye ayanje na bhafwe." 1 Samweli 28: 8-10⁸O Sauli ahwigaluzanya, akwata amenda ga mwabho, payo ahasogora omwene pandwemo na bhantu bhabhele; bhahabhalila ola oshe owakati wa nosiku. Ajile, "Ntabilire, ehulabha, ahwayanje, na bhafwe, na ombosezye ela wembahu tambulile." ⁹Ola oshe abhozya, "Enya, omenye habhombile oSauli, shabhabhenjele afume munsi yabhayanga na bhafwe au nazimu. Basi yenu ontega omtego kwa ajili ye womi wane ili ambude?" ¹⁰O Sauli alapizya hwa NGOLOBHE nayanje, "Nanshi ONGOLOBHE shahwizya, nemo eadhabu yohaipata afumilane ni jambo eli." 1 Samweli 28: 11-12¹¹Ola oshe ajile, "Aje ebhosezye onanu?" O Sauli ajile, "Ombesezye oSamweli." ¹²Ola oshe lwalolile oSamweli, alilile hu sauti ongosi nayanje no Sauli, ajile, "Yeenu onkhopeye? Maana awe we Sauli." 1 Samweli 28: 13-14¹³Omwene abhozya, "Osahogope. Olola hantu nshi?" Ola oshe abhozya oSauli, "Elola ongolobhe afuma muhati yensi." Ahabhozya oshe, ¹⁴"Aje, alengana no nanu?" "Oshe ola agomora, "Muntu gogoro avyoha; wope akwete inkanzu." O Sauli ahaundama amaso gakwe hadi pansi abhonesyaga eheshima. 1 Samweli 28: 15-15¹⁵O Samweli ahabhozya oSauli, "Yeenu onjazizye na mbosye pamwanya?" O Sauli agomoye, "Ehangaishe tee, maana Afilisti bhapanjile ibho ashile ane, no Ngolobhe andeshile na sampala amajibu nantele, see hwa kuwaa, wala hundoto. Eshi ekwizizye onjulisye hala hembabhombe." 1 Samweli 28: 16-17¹⁶O Samweli ajile, "Afuatanaje ONGOLOBHE aleshile, eshi ombozya yeenu, wope ali bhibhi waho? ¹⁷ONGOLOBHE abhombeye hala hayanjile aje handabhombile. ONGOLOBHE azembuye oumwene afume mmakhono gaho na apiye oumwene omuntu owenje - apiye oDaudi. 1 Samweli 28: 18-19¹⁸Afuatanaje sohayeteshe esauti ya NGOLOBHE na sewatekelezezye ilyoyo lyakwe likhali ahusu Ameleki, eshi sanyono wope abhombile eli huliwe. ¹⁹Zaidi yego, ONGOLOBHE oIsraeli pandwemo nawe mkhono gwa Filisti. Shandabho awe na bhana bhaho mwaibha pandwemo nane. ONGOLOBHE ailibheha ijeshi lye Israeli mmakhono ga Filisti." 1 Samweli 28: 20-21²⁰Ghadula oSauli agwiye pansi kupama na ahogope ye gala amaneno ga Samweli. Ahishiwe enguvu mubele gwakwe, afuatanaje isiku elyo ali saliye eshalye hata nosiku woowo wonti. ²¹Ola oshe ahenza hwa Sauli na ahalola aje oSauli apete eshida, wope abhozya, "Enya, obhomba mbombo waho ayomvwezye esauti yaho; Endubheha olwizyo lwane mmakhono gane na enomvwezye enongwa zyoyanjile. 1 Samweli 28: 22-23²²Eshi basi, ehulamba, tejezya esauti ya bhomba mbombo waho, onduhusu endete eshalye hashe hwitazi lyaho. Olye opate nguvu zya bhale hula hwobhala." ²³Ila oSauli akhene naje, "Sembalye." Ila aboyi bhakwe, pandwemo nolo oshe, bhalazimisizye pamande ahovwa esauti zyabho. Abhoha afume pansi na khale pashitala. 1 Samweli 28: 24-25²⁴Ola oshe ali ne ndama ye nonile akhaya; abhomba nanali na bhole; ahega ousu, ahakhaukhanda, ahalenganya amakati gasegasapa huu usu owo. ²⁵Ahaleta hwitazi la Sauli na boyi wakwe, bhope bhahalya. Pamande bhahabhoha osiku owo.

1 Samweli 29: 1-2 ¹Afilisti bhabhongene pandwemo amasikari gabho gonti ohwo Afeki; Aisraeli bhakhomile ikambe peepe ne chemi chemi ye hali Yezreeli. ²Bhope agosi Bhafilisti bhashililwe ne mamia hu maelfu; oDaudi bhamwisho bhakwe bhashilile bhali bha mwisho pandwemo na Kishi. 1 Samweli 29: 3-3³Agosi bha Filisti bhajile, "Ebha Abrania wabhomba yenu epa?" Akishi abhabhozezye agosi bhamwabho bha Filisti, "Ono se yo Daudi, ogosi wa Sauli, omwene we Israeli, ambaye akheye nane hwi siku ezi, au hu maha ega, endolile saali ni kosa huline hadi sanyono?" 1 Samweli 29: 4-4⁴Agosi bha ogosi bha Filisti bhavitilwe oAkishi; bhabhozya tanji omuntu oyo, abhale hwa mwene hula hwoha mwajile, osaharuhusu abhale nate hwibho, aje asibhe bhibhi wetu hwibho hu namna bhole omuntu ono agewezizye abheshe olumwano no gosi wakwe? Se hu gharama ye matwe ga bhantu bhetu? 1 Samweli 29: 5-5⁵Aje ono seyo Daudi ambaye bhatelelene na ahwopelane na hwanje, bhajile: ' O Sauli abudile amaelfu gakwe, No Daudi makumi elfu gakwe?"' 1 Samweli 29: 6-7⁶O Akishi akwizya oDaudi na hubhozye, "Nanshi ONGOLOBHE shahwiya, ali mwinza, na afume huliwe na ahwinjile hwaliwe pandwemo nane hwi jeshi hwinza shelola ane; maana sendolile ikosa lyaho ahwande isiku lyali hwenza hadi isiku eli lya sanyono. Hata shesho, agosi sebhagene. ⁷Basi esalezi wela obhale hulwovwano, aje osabhavisye agosi Bhafilisti." 1 Samweli 29: 8-9⁸O Daudi abhoya oAkishi, "Lakini embombile yeenu? Hantu nshi ohalolile hwa boyi waho huu muda ambago endi hwitazi lyaho paka sanyono, aje ensabhombe alwe na bhibhi bhagosi wane omwene?" ⁹O Akishi agomoye na hubhozye oDaudi, "Emenye aje soli ne lawama hwitazi lyane nanshi shali ohalo ozelu wa Ngolobhe; hata sheshi, bhala agosi Bhafilisti bhayanjile, Yooli sagaanzapande pandwemo nate hadi hwibho.' 1 Samweli 29: 10-11¹⁰Basi esalezi bhoha shampwiti khasha na boyi bha gosi bhaho bhabhahenzele pandwemo nawe; mara tu namundamuha shampwiti khasha na hupele olukhozyo sogolaji." ¹¹Esho oDaudi abhoshele shamwpiti, omwene pandwemo na bhantu bhakwe bhasogole shampwiti na bhantu bhakwe bhasogole shampwiti bha wele hula hunsi ya Filisti. Ila Afilisti bhazubhile abhale hu Yezreeli.

1 Samweli 30: 1-2 ¹O Daudi na bhantu bhakwe na bhali bhafishile hu Ziklagi isiku lya tatu, Aameleki bhabhombile amashambulizi hu Negevu na Ziklagi. Wautajile oZiklagi, waupembano mwoto omuji, ²na bheje mateka abhashe bhinti na shila omo waali muhati yakwe, ogosi no doodo. Wabho sebhabudile hata weka, ila bhabhejile abhantu nasogole nabho. 1 Samweli 30: 3-4³O Daudi na bhantu bhakwe bhahafiha hunsi, yali epembwilwe omwoto - na bhashe bhabho, abhana bhabho asahala na lendu bhahegwa mateka. ⁴O Daudi na bhantu bhali nabho bhahafumya esauti zyabho na lile hadi lwa bhali sebhali ne nguvu zyalile. 1 Samweli 30: 5-6⁵Abhashe bhabhele bha Daudi bhahegwa mateka, yaani Ahinoamu Myezreeli, no Abigaili wali she wa Nabali Omkarmeli. ⁶O Daudi agusilwe tee, maana abhantu bhali bhayanga ahusu ahukhome na mawe, alengane eroho zya bhantu bhonti bhahuzunishe shila muntu kwa ajili ya mwana wakwe osahali no lendu, ila oDaudi ahwilengenye hwa NGOLOBHE, Ongolobhe wakwe. 1 Samweli 30: 7-8⁷O Daudi abhozya oAbiathari odimi, omwan awa Ahimeleki, "Nafuu ndetele epa eneivera."Abiathari aileta eyo eneivera hwa Daudi. ⁸O Daudi aputa ONGLOBHE kwa ajili ye mwongozo, ajile, "Aje, nkashe mwali zongolele ijeshi eli, embalipate?" ONGOLOBHE ahagomola, "Bhanfuate, maana yoali waibhaga, na yooli waiwezya shila hantu." 1 Samweli 30: 9-10⁹Kwa hiyo oDaudi ahabhala, omwene na bhala abhantu mia sita bhali pandwemo nawo bhope bhafishile hwa soho he Bethori, apantu pabhakheye bhala bhabhalehwilwe akhosi. ¹⁰Lakini oDaudi ahendeleleye abhafuate, omwene na bhantu mia nne; maana bhala mia mbili bhasageye akhosi, bhali bhalitile ekiasi shasinte na lobhoshe isoho lye Besori. 1 Samweli 30: 11-12¹¹Bhope bhamwajile Omumisiri hu ngonda na bhaleta hwa Daudi; wapela ikati na ahalya; bhapela amenze gamwele; ¹²bhapiye ishipande shekeli ye tiini ne vishanda vibhele vye mzabibu. Lwahamala alye, ahapa enguvu nantele afuatane naje ali saliye omkate wa amwele amenze, isiku lya tatu osanya no siku. 1 Samweli 30: 13-14¹³Ndipo oSauli ahabhozya, "Awe oli muntu wa nanu? Aje, ofuma hwii?" Wope ahagomora, "Ane ne sahala wa hu Misiri, oboyi wa Mwamaleki omo wa gosi wane andeshile, afutane naje isiku lya tatu zyazyafuatile nali bhinu. ¹⁴Tabhombile amashambulizi ashile ya Negevu ya Wakerethi, yeli pansi ya Yuda, na ela Negevu ya Kalebu na ipembe omwoto eZiklagi." 1 Samweli 30: 15-15¹⁵O Daudi ahabhozya, "Aje, obhantwale hadi hwijeshi lyalyabhombile amashambulizi?" Ommisiri ajile, "Ondapile hwa Ngolobhe aje sewaimbosya au ansaliti na mbeshe mmakhono ga gosi wane, nane embahutwale hwalili elyo ijeshi." 1 Samweli 30: 16-17¹⁶Ola Ommisiri na hatwala ohwo oDaudi, ebho ateka nyara zyonti zyabhali bhejile afume munsi ya Filisti na afume munsi ya Yuda. ¹⁷O Daudi abhashambuliye ahwande isanya nalya swanga hadi ndabhela ya shandabho isiku lya bhele. Nomo omuntu wa fumile ila asahala mia nne bhabhapende engamia na shembele. 1 Samweli 30: 18-20¹⁸O Daudi ahawezy vyonti vyavyali Aameleki bhali bhavyejile; no Daudi ahabhafyoya abhashe bhakwe bhabhele. ¹⁹Nahamo hahatejile, sehadodo wa hagosi, se bhana ashala wala alendu se mali ye hatekwilwe, wala hahonti ambaho avamizi wahejile hwa jili ya yabho. O Daudi awezezye shila hantu. ²⁰Ahega amakundi gonti ge ngole ne ng'ombe, ambago abhantu wazitangulizezye hwitazi lye ng'ombe, bhamwabho. Bhajile, "Ezi nyara zya Daudi." 1 Samweli 30: 21-22²¹O Daudi ahafiha hwa bhala abhantu mia mbili bhabhali bhalitile afuatane nawo, bhala bhabhali bhalitile afuatane nawo, bhala bhabhalehwilwe bhakhale hwasoho he Besori. Abhantu ebha bhahwifumya ahulaki na bhantu bhabhali nawo. ²²Abhantu bhonti abhibhi bhasefaa mhati mwa bhabhalile no Daudi bhajile, "Afuatanaje abhantu sebhabhalile nate setuibhapela hahonti afume hu nyara zyatawezizye. Isipokuwa omuntu awezizye ahweje oshe na bhana bhakwe bhabhafumye na abhale zyao." 1 Samweli 30: 23-25²³Epo Daudi ajile, "Bhaholo bhane, msabhombo esho hu vintu ambavyo ONGOLOBHE atipiye. Atitunzile na abhabheshe mmakhono getu avamizi bhabhatibhoesheye. ²⁴Weenu aibhomvwa ahusu ijambo eli? Afuatane naje agabhane hwa yayonti wabhala hwibho, nantele agabha hwa yayonti walindile izigo; Bhope bhapete nantele hahali sawa." ²⁵Shali esho ahwande isiku elyo paka sanyono, maana oDaudi ahamuye ebhe ndijizyo na lazima hu Israeli. 1 Samweli 30: 26-28²⁶O Daudi ahafiha hu Ziklagi, ahatuma esehemu ye nyara hwa gogoro bhe Yuda, hwa mwabho bhakwe, ajile, "Enya, ene zawadi yenyu afumilane ne nyara zya bhibhi bha NGOLOBHE." ²⁷Ezawadi zya bhalile hwa gogoro bhabhali hu Betheuli, na hwebho bhabhali hu Ramothi yeli hu kusini, na hwebho bhabhali hu Yatiri, na hwebho bhabhali hu Aroeri, ²⁸na hwebho bhabhali hu Sifmothi, na hwebho bhabhali hu Eshtemoa 1 Samweli 30: 29-31²⁹Nantele na hwa gogoro bhabhali hu Rakari, na hwebho bhabhali hunsi ye Wayerameeli, na hwebho hunsi ye Wakeni, ³⁰na hwebho bhabhali Horma, na hwebho bhabhali Borashani, na hwebho bhabhali hu Athaki, ³¹na hwebho bhabhali hu Hebroni, na hu sehemu zyonti ambazyo oDaudi yooyo na bhantu bhakwe bhazobheloye abhale.