Sekujam: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Matthew

Chapter 1

1Tuk, kisah keturun Yesus Kristus anak Daud, anak Abraham.2Abraham yok apai Ishak, Ishak apai Yakub. Yakub yok apai Yehuda tamai balo menyadikneh.3Yehuda yok apai Peres tamai Zerah, inai sidok bedamo Tamar. Peres yok apai Hezron. Hezron yok apai Ram.4Ram apai Aminadab. Aminadab apai Nahason. Nahason yok apai Salmon. 5Salmon apai Boas, inai neh yok Rahab. Boas apai Obed, inai neh yok Rut. Obed yok apai Isai. 6Isai yok apai re rajo Daud. Daud apai Salomo, inai neh yok bekas bini Uria.7Salomo apai re Rehabeam. Rehabeam apai re Abia. Abia apai Asa. 8Asa apai re Yosafat. Yosafat apai re Yoram. Yoram apai Uzia.9Uzia yok apai Yotam. Yotam apai re Ahas. Ahas apai Hizkia.10 Hizkia yok apai manasye. manasye apai Amon. Amon apai Yosia.11 Yosia yok apai Yekhonya serto balo menyadik neh, watu sidok di buai ke babel.12Seudah dibuai re babel, Yekhonya yok apai Sealtiel. Sealtiel apai Zerubabel. 13Seda Zerubabel apai Abihud. Abihud apai Elyakim. Elyakim Apai Azor.14 Azor apai zadok. Zadok apai Akhim. Akhim apai Eliud.15Eliud apai re Eleazar. Eleasar apai Matan. Matan apai Yakum. 16Yakub apai re Yusuf, laki Maria. re Maria yok Yesus diperanak te disebut Kristus. 17Jadi, semuo keturun re Abraham sampai ngau Daud ado empat belas keturun, serto re Daud sampai ngau pemuai ke babel ado empat belas keturun, serto pemuai re Babel sampai Kristus ado empat belas gok keturun.18Pituk, Watu Yesus Kristus lahir upo pituk. Watu Maria Umak-Neh udah betunang ngau Yusuf, seapan sidok idup besamo, neh udah nga'ndo re Roh Kudus.19 Ute Yusuf calon laki neh, seura te selampur pempulah te benar serto endo mau'k nyuruh Maria malu enta ura bangat, kemau'k Yusuf ngebibas Maria caro nugau-nugau, isok endo salah de pantau ura.20Tapi, watu Yusuf agik nima pekaro yok, pegari oleh neh, malaikat Tuhan mansut de muo neh, tidur bemimpi serto jekuk malaikat Tuhan "Yusuf, anak Daud, nusah takut nuan ngamik Maria ngau bini nuan ute Nebiak te dika'ndoneh yok re Roh kudus. 21Neh beranak seura nebiak lelaki piyok nuan arus merik damo-Neh Yesus, ute Neh te tauk nyelamat balo umat-Neh re duso-duso sidok.22Semuo utan tuk tejadi ngau ngenap apo te udah di Firman uleh Tuhan ngelalu balo Nabi-Neh, 23"Pantau, seura betinok perawan yok neh ngando piyok beranak seura nebiak lelaki. Sidok (Bangat ura) tentu nyebut damo-Neh Imanuel," ute retineh:" Allah bereto kito".24Sento Yusuf jago re penidor neh, sigat neh ngelaku apo te dipadah malaikat Tuhan peritah ngau neh, lalu neh nguso Maria, ngamik ngau binineh,25 tapi sidok duo endo besetubuh sampai Maria beranak. lalu maria beranak nebiak lelaki, Yusuf merik damo-Neh, Yesus.
Chapter 2

1Seudah Yesus lahir di Betlehem, diYudea, pas jaman Rajo Herodes, datai ura-ura Majus re timur ke Yerusalem.2 Sidok betanyok, "Dini Neh, Rajo ura Yahudi te baru lahir yok? ute kami udah mantau binta-Neh di timur, serto kami datai kok nyemah-Neh."3 watu Rajo Herodes menin pekaro yok, sajo gelisah ati neh serto semuo Yerusalem te tamai neh.4Lalu, neh ngumpul semuo balo imam kepalo serto ahli taurat banso yok. Neh ngeritik asil penera re sidok, aro Kristus te diperanak. 5Jekuk sidok ngusoneh, "Di Betlehem, aro tanah Yudea, upo tuk te ditulis uleh nabi:6Kebok, engkau Betlehem, aro tanah Yuhuda, samo sekalik bukan te palin renyai disentaro balo penguaso Yehuda,ute re kitak kok mansut se'ura pemimpin te mau'k ngemalo umat-Ku, Israel."'7Udah yok, Herodes secaro sunyik-sunyik ngumai ura majus, mintok kepesti re sidok utan te besinar upo binta de timur.8Lalu, neh nyuruh sidok ke Betlehem serto madah, "Angkatkin, selidek serto teliti utan tenta Nebiak yok. bilo, kitak udah nemu-Neh, padah ngau aku isok aku tau'k datai gok serto tau'k nyemah-Neh."9Setelah,menin'd apo jekuk rajo, sidok angkat. Lalu,mantau binta te sidok pantau de timur te nunyok jalai ngau sidok nyampai aro te di tuju serto betegok di darat aro Nebiak yok bisi'k. 10Watu merati binta yok, sidok sajo gago, serto ngau ati te senang benar.11seudah tamok ke dalam dangau, sidok betemu ngau Nebiak tamai Maria inai-neh. lalu sidok tesungkur besujud nyemah-Neh.udah yok, sidok pun mukok balo badah pema'ik serto merik pesemah ngau-Neh. balo utan emas, kemenyan, tamai mur.12 Ute sidok dipadah dalam mimpi nusah bekalih nguso Herodes, sidok pun pulai ke tanah aik dirik niti jalai lain.13Seudah ura Majus yok angkat pulai, Malaikat Tuhan ngenampak ngau Yusuf dalam mimpi serto madah neh upo tuk, Jagolah re penidur, bai'k Nebiak yok tamai umak-Neh kitak lari kin ke tanah Mesir. Nugau din sampai Aku madah ngau nuan(ikam) ute Herodes mau'k ngegok Nebiak yok serto kok munuh-Neh."14Yusuf pun tekejut serto te jago re penidurneh lalu ngemaik Nebiak yok tamai umak-Neh malam yok angkat ngunsi ke Mesir,15 sampai Herodes mati sidok nugau di mesir ute dah digenap apo te difirman Tuhan ngelalu Nabi:" Re Mesir Aku ngumai Anak-ku."16Setelah, Herodes ketauk ute neh di kemelo uleh ura-ura Majus, neh sajo sangat luat serto merintah ngau munuh semuo nebiak lelaki di Betlehem serto seluruh Wilayah te semak neh, te umur duo taun ke baruh, sesuai ngau waktu te di ketauk re ura-ura Majus.17Semuo yok genap apo te dipadah uleh Nabi Yeremia:18"Te penin'd ingan di Rama, tangis sabak serto keluh te sangat piluk. Rahel nangis ke anak-anakneh, serto endo mau'k de ibur ute sidok udah nisik agik."19Seudah Herodes mati, Malaikat Tuhan ngenampak dirik ngau Yusuf dalam mimpi de Mesir, 20jekukneh: "Jagolah re penidur, amik Nebiak tamai umak-Neh angkat kitak ke tanah Israel, ute ura-ura te berusaho kok munuh Nebiak yok pituk udah mati." 21Lalu, neh angkat serto ngemaik Anak tamai umak-Neh bekalih ke tanah Israel.22Tapi, watu neh menin'd ute Arkhelaus merintah Yudea nganti Herodes, apai neh, Yusuf takut ngua ke aro yok. ute neh diperingat dalam mimpi, Neh ngua ke aro Galilea. 23Yusuf datai serto nugau enta sebuah kuto te di berik damo Nazaret isok genaplah apo te udah disampai uleh balo nabi, "Neh tentu disebut 'Ura Nazaret."
Chapter 3

1Pas ari yok, mansut Yohanes Pembaptis, re pada gurun belantaro.2 neh madah ura bangat, "Betubat em kitak, ute kerajaan Surgo udah semak". 3Sebab Neh yok te jekuk nabi Yesaya watu neh madah, " Bisik ingan tekuat mangkas nyarin te penin'd re pada gurun, : Pesiap jalai ngau Tuhan, pulah jalai te bujur ngau-Neh"'.4Yohanes kedirik ngau baju re bulu binata(unta) bekebat pinga ngau kulit, serto te di makai neh balo buntak tamai macam madu te di rimok.5Udah yok, datai ura bangat re Yerusalem nguso neh, re seluruh Yudea serto semuo tempat te besemak Yordan. 6Sidok ngakuk duso penyalah dirik mintok dibaptis uleh Yohanes enta alur aik Yordan.7Tapi, serto neh(Yohanes) mantau bangat ura Farisi tamai ura Saduki datai nguso neh mintok dibaptis, jekuk neh ngau sidok, "Kitak tuk kenturun ular beludak( tedu'o), sapo te ngingat ke kitak tauk lari re mato muo te luat ute kok datai? 8Kebok em arus ngasil buah te sebannin ngau betubat,9 Serto nusah ngiro tauk becakap dalam ati kedirik, 'Kami empu Abraham, apai leluhur kami,'! ute aku madah ngau kitak. balo batu-batu tuk Allah sangup ngejadi anak-anak Neh ngau Abraham.10Pantau pituk, kapak te udah di sedio enta pun kayu, setiap pun kayu endo ngasil buah te baek di teba lalu di tikam ke dalam api. 11Aku mabtis kitak ngau aik isok betubat, tapi Neh te datai se udah aku yok lebih bekuaso re aku, selup Neh pun endo berani aku ngelecut. Neh tentu membabtis kitak ngau Roh Kudus tamai api. 12alat penampik udah di jari-Neh, serto Neh kok mersih tempat aro pengirek-Neh, serto ngumpul padi, gad'num ke dalam juro. tapi debu jeramik tamai sekam de tunu Neh ke dalam api, ute endo tauk di padam.13Udah yok, Yesus datai re Galilea ke Yordan nguso Yohanes isok di baptis uleh Yohanes. 14Tapi, Yohanes berusaho nidah-Neh serto madah, "Akutuk te perlu dibaptis uleh- Nuan, tapi Nuan sempalek Nuan te datai nguso aku?"15Lalu, Yesus nyaut serto madah nguso sidok, " Pituk, isokneh semuo upo tuk ute searus tejadi ngau kitak ngenap ke seluruh te benar."Kebok, Yohanes pun ngisok Neh.16Seudah dibaptis, Yesus langsung nengkadah ke langit, serto mantau, surgo te bukok serto Neh merati Roh Allah turun nguso Neh upo buro merpati, lalu singah ke darat-Neh. 17Lalu te penind ingan re langit te sangat nyarin, "Tuk lah Anak-Aku ute Aku kasih, nguso-Neh yok Aku keran." ( bekenan)
Chapter 4

1Setelah yok, Yesus di unant oleh Roh Kudus nuju ke pada belantaro isok di cubo uleh iblis. 2Kebok, Neh bepuaso empat puluh ari empat puluh malam pelamahneh, seudah yok Neh ngeraso lapar. 3Lalu, datai sitan berupo ular kok encubo Neh, serto becakap ngau Yesus, "Bilo Nuan yok Anak Allah, suruh batu-batu yok jadi rute." 4Tapi, Neh nyaut serto madah, Bisi'k tetulis, 'Mensio idup bukan uleh rute genno, tapi uleh setiap Firman te keluar re mulut Allah"'.m5Udah yok iblis ngemaik -Neh ke kuto te suci serto enta aro te tingik ke bummo rumah Tuhan, 6Sitan pun becakap ngau-Neh, "Bilo benar Nuan Anak Allah, engkerjok ke baruh ute bisi'k tetulis:' 'Tenta Nuan, Allah nyuruh balo malaikat-Neh nyamut ngau jari serto ngangkat ke darat isok kaki-Nuan endo terantok batu."7Yesus pun madah neh, "sekalik lagik, bisi'k tetulis,: kitak nang encubo Tuhan Allah kitak."'8Sekalik tuk lagik sitan ngemaik Yesus ke aro te sangat tingik serto nyuruh mantau semuo kerajaan dunio serto ngau isik neh te miwah nguso Yesus,9 lalu madah ngau-Neh, " Semuo tuk kok aku berik ngau-Nuan, bilo Nuan besujud serto nyemah aku."10Udah yok, jekuk Yesus madah neh, " Lari re Aku Sitan! Ado tetulis, kitak arus nyemah Tuhan Allah kitak serto nguso Neh sajo kitak semaya."'11Lalu, sitan(iblis) nudi Neh, serto nampak pegari balo malaikat datai nguso-Neh lalu ngelayan Yesus.12Yesus menind gisah ute Yohanes udah ditangkap, lalu Neh ngelari kedirik ke Galilea. 13Neh nudi Nazaret lalu nugau di Kapernaum, di tebin danau, di sentaro Zebulon tamai Naftali,14Isok genap apo te di padah uleh Nabi Yesaya:15Tanah Zebulon tamai tanah Naftali, jalai nuju ke danau, di sebera sungai Yordan, Galilea, wilayah ura atau banso te bukan Yahudi,16 banso te nugau enta te keleman mantau tera te besai, serto bagi sidok te nugau enta negeri te bebaya-baya pemati, tera yok dah terbit.17Nemulo re watu yok, Yesus mulai bekotbah serto merik petuah,"Betubatlah ute kerajaan surgo udah semak!"'.18Watu Yesus bejalai di pingir aik danau Galelia, Neh mantau sidok duo menyadik, Yok neh Simon te di sebut Petrus tamai Andreas, menyadik neh, tengah nyalo di tengah danau ute sidok yok penyalo ikan.19Jekuk Yesus nguso sidok duo, "Boh tamai Aku piyok Aku kok nyuruh kitak jadi penyalo mensio."20Sidok pun lalu nudi ke jalo neh lalu tamai Yesus.21Tengah Yesus bejalai Neh mantau sidok duo menyadik te lain Yokobus anak Zebedeus tamai Yohanes, menyadikneh. sidok tengah nugau dalam perau tamai Zebedeus apai sidok, tengah nyemaek jalo-jalo neh. Lalu ,Yesus ngumai sidok.22Lalu, lanso angkat nudi perau tamai apai sidok, serto tamai Yesus.23Seudah yok, Yesus pun bekelilin seluruh Galilea, samil ngajar di dangau gerejo, madah berito injil lerajaan Allah, serto nyemuh bangat macam penyakit semuo macam pemedih diantaro bangat ura.24Kebok, tesebar berito tenta-Neh sampai ke seluruh Siria, sidok pun ngemaik ura pedih bangat macam jenis penyakit, ura te susah, serto ura te kerasuk sitan, te butok manuk, ute lumpuh, nguso-Neh. lalu Neh pun nyemuh sidok.25Ura datai bekerumun sajo bangat nemulo re Galilea, Dekapolis, Yerusalem,Yudea, serto re sebera sungai Yordan namai nerudi Neh.
Chapter 5

1Watu Yesus mantau ura bangat, Neh naek kedarat bukit. balo murid-neh datai nguso-neh. 2Yesus pun nemulo mukok mulut-Neh serto ngajar sidok , jekuk-Neh, :3"Diberik berkat ura te miskin di muo Allah dalam Roh ute sidok te empu kerajaan surgo.4Diberi berkat sidok te susah ati ute sidok tentu di ibur.5Diberik berkat ura te lemah lemut ute sidok tentu empu bumi.6Diberik berkat sidok te lapar tamai aus tenta te benar ute sidok tentu di suruh kenyang.7Diberik berkat sidok te bemuarah ati ute sidok tentu beruleh bangat belas kasih.8Diberik berkat sidok te bersih dalam ati ute sidok tentu mantau Allah.9berik berkat sidok ngemaik damai ute sidok tentu disebut anak-anak Allah.10Diberik berkat sidok te dianiayo demi te benar ute sidok te empu kerajaan surgo11Diberik berkat kitak apo bilo ura ngejai'i kitak serto nyikso kitak, tamai madah segalo macam te dituduh ngau kitak,ute semuo yok uleh Aku.12Besukaati tamai serto gago ute upah kitak besai disurgo, kebok upo tuk sidok nyikso balo nabi seapan kitak.''13"Kitak yok garam dunio, tapi bilo garam yok tabar, ngau apo kitak nyuruh masin lagik? endo sik guno neh lagik selain di buai serto di tijak uleh mensio."14"Kitak yok tera dunio.Kuto te teletak de darat bukit endo tauk di tapok.15Ura endo ngidup pelito lalu ngeletak neh di baruh, ke dalam tepayan, sajo ditaruh ke darat, isok tauk nera semuo te ado didalam dangau. 16Isok tera kitak gok mancar ngau caro te samo isok sidok tauk mantau pempulah- pempulah kitak te baek tamai ngemulio Tuhan Allah di surgo."17"Nusah bepikir ute aku datai ngapus Hukum Taurat atau kitab balo nabi. Aku datai bukan ngau nyuruh nisik tapi ngau nyuruh ngenapneh.18Aku madah ute sebenarneh nguso kitak, sampai langit tamai bumi ngayap,endo bisi'k sutik urup atau angko te di lenyau re Hukum Taurat sampai semuo neh di genap.19kebok pituk, sapo te ngayap salah sutik perintah- perintah te renyai tuk, serto merik pengajar ngau te lain, ngelalu hal te samo, neh tentu disebut te renyai dalam kerajaan surgo. tapi, sapo te ngelaku perintah-perintah yok serto merik pengajar tentu disebut besai dalam kerajaan surgo.20Kebok, Aku madah ngau kitak ute bilo kebenar kitak endo ngelebih baik re utan kebenar ahli Taurat tamai ura farisi, kitak samo sekalik endo tauk tamok ke dalam kerajaan surgo.21Kitak udah menind apo te dipadah ngau inik muyang kitak, 'Nang munuh,' serto 'Sapo te munuh pantas neh di bai'k ke rua sida.'22Tapi, Aku madah ngau kitak ute sapo pun mudah ringat ngau menyanak neh pantas berado nerimok ukum, serto sapo pun kitak te madah balo menyanakneh,' kitak budu' sajo pantas berado di muo Mahkamah Agamo, serto sapo pun te madah, ' kitak budu,' neh pantas nerimok ukum berado dalam api nerako.23Ute piyok, bilo kitak merik pesemah ke dalam kantung atau nepuk kedalam kutak pesemah,,24dudilah pesemah kitak di muo serto angkat lebih dulu bedamai ngau balo sentuo menyadik kitak, udah yok ligas bakalih merik pesemah kitak.25Arus pempulah baek ngau ura te udah nuduh kitak selagik kitak bereto bejalai, bereto neh isok nang sampai penuduh kitak nepuk kitak ngau hakim, serto hakim de rua sida nyerah kitak ngau balo pengawalneh, lalu kitak di tamok ke dalam penyaro.26Aku madah te sebenar neh nguso kitak,bilo kitak udah tamok kiok tentu bakal endo mansut lagik, sampai kitak mampu mayar se sen rupiah te pengabis".27Kitak udah menind ute dipadah,"Nusah beselingkuh".28Setiap ura te mantau betinok serto ngingin neh, yok udah temasok beselingkuh ngau betinok yok di dalam ati neh29bilo mato sepiak kanan nyuruh kitak beduso, cungkil mato yok serto de buai. kebok lebih baek kitak ngayap sutik utan te didalam tubuh kitak daripado semuo tubuh kitak di buai ke dalam api nerako.30Serto bilo jari kanan kitak beduso, tetak atau lungko lalu buai jari kitak yok, ute lebih baek ngayap salah sutik utan tubuh kitak dari pado seluruh tubuh kitak te di buai ke dalam api nerako.31Sapo te nyerai bini neh aruslah neh merik surat cerai ngau bini neh yok.32tapi Aku madah ngau kitak ute Sapo nyerai bini neh, kecuali ute beselingkuh, neh nyuruh binineh beselingkuh gok.Serto sapo pun ura te kawin ngau betinok yok ute udah dicerai, neh pun gok beselingkuh.33Sekalik lagik, kitak udah suah menind apo te dipadah ngau inik muyang kito, 'Nusah besumpah palsu, tapi arus dipenuh sumpah kitak yok di muo Tuhan.' 34Ingat bah, Aku madah ngau kitak: nusah sekalik- kalik kitak besumpah, baek demi surgo, ute surgo yok aro takhta Allah, 35atau pun demi bumi ute bumi yok penumpu kaki-Neh, atau pun demi Yerusalem ute yok kuto Rajo te besai.36Nusah gok besumpah demi kepalo kitak ute kitak endo tauk mulah selemar bok, baek te itam atau te putih. 37kebok semuo yok aruslah jekuk kitak, aok bilo aok, endo bilo endo, ute selebihneh asal re ute jai'i.38Kitak udah menind apo te udah dipadah, 'Mato ganti mato serto gigi ganti gigi.'39Tapi, Aku madah ngau kitak nusah ngelawan ute jai'i, aruslah kitak ngalah sapo te nampar kuyuk sepiak kanan, berik gok ngau neh kuyuk sepiak kibok.40Bilo bisi'k ura kok nuntut kitak serto mau'k ngamik baju kitak berik ke semuo ngau jubah kitak. 41sapo te ngemaik kitak bejalai kaki sejauh sekilo miter, bejalailah bereto neh sejauh duo tigo kilo meter.42 Berik ngau ura te mintok ngau kitak serto nusah nulak ura te mau'k minyau utan re kitak.43''Kitak udah menin'd apo te di Firman uleh Tuhan, 'Kasihlah sesamo kitak,' serto' Bencilah musuh kitak.44 Tapi Aku madah ngau kitak kasihlah balo munsuh kitak serto berdu'olah ngau ura-ura te mencik kitak,45 ute upo tuk kitak tau'k jadi anak-anak Apai kitak te di surgo Ute Neh te nyipto nerbit matoari-Neh, bagi te jai'i piyok gok bagi te baek, serto nurun ke ujan bagi te benar tamai endo te benar.46Kebok, kalau kitak ute ngasih ura-ura te ngasih kitak, apo upah te tauk di peruleh? kalau endo salah balo pengumpul pajak pun gok mulah pempulah te samo? 47piyok gok , bilo kitak merik salam nguso balo menyanak-menyadik kitak, apo lebihneh pempulah kitak? ura-ura te ngelalo Allah gok mulah pempulah upo yok?48Kebok pituk, kitak arus jadi ura te sempurno, samo upo Apai kitak te disurgo yok neh Sempurno,''
Chapter 6

1" ingat, ati-ati bilo ngelaku tugas agamo kitak di muo mensio, nang sampai dipantau ura. bilo upo tuk, kitak endo nerimok upah re Apai kito de surgo.2Ute piyok, watu kitak merik pesemah, nang nebah atau niup sulin di muo kitak upo te ura-ura te babal, ura te mintok puji ngelaku pempulah de rumah gerijo atau di jalai-jalai isok sidok di puji uleh ura lain. Aku madah utan te benar ngau kitak ute sidok udah nerimok upah neh.3Tapi, bilo kitak merik pesemah, nang sampai jari kibok kitak ketauk apo utan te kitak berik uleh jari kanan, 4isok pesemah kitak yok betapok serto Apai kito de surgo mantau apo te ditapok yok tentu merik upah te besai ngau kitak.5Kalau berdu'o, nang upo ura-ura te purok-purok pecayok ute sidok rajin bediri isok di pantau ura lain. Aku madah te sebenar neh ngau kitak, sidok udah nerimok upahneh.6 anti'k piyok, bilo kitak berdu'o, tamoklah ke dalam dangau serto tutuplah pintu, serto berdu'o nguso Allah Bapa kitak te nugau te aro endo tepantau, tentu Allah Bapa kitak te mantau ute utan te belapok yok merik upah te sangat besai ngau kitak.7Serto, bilo kitak berdu'o, nusah ngucap te bara ari atau te endo bisi'k retineh, upo te di pulah ura-ura te endo ngelalo Allah, ute sidok ngiro bilo bangat becakap atau bangat ampur, jekuk sidok tauk di penin.8Kebok pituk, nusah upo sidok. ute Allah Bapa kitak ketauk apo te kitak perlu seapan kitak mintok ngau-Neh.9Berdu'olah upo tuk, ''Apai kami te ado disurgo, dikuduslah damo-Nuan. 10Datailah kerajaan -Nuan, Jadilah nurut kemau'k-Nuan di bumi upo di Surgo.11Beriklah kami, ngau ari tuk, pemakai kami te secukup neh. 12Serto, ampunlah semuo penyalah kami,upo kami gok ngampun ura te besalah ngau kami.13 serto, nusah ngemaik kami ke aro pencubaan, tapi lepaslah kami re utan te jai'i. ute Nuan te empu kerajaan, kuaso serto temulio sampai selamah-lamahneh.Amin."14Kebok bilo kitak ngampun penyalah ura lain, Allah Apaikitak ute disurgo tentu gok ngampun kitak. 15piyok gok sebalekneh, bilo kitak endo ngasi ngampun penyalah pangan lain, Allah Apai kitak gok endo tentu ngampun penyalah kiak."16Bilo kitak bepuaso, nang mato muo te ngecenut upo ura te kafir ute sidok mulah mato muo sidok tengah bepuaso dipantau ura lain. Aku madah te benar ngau kitak sidok udah nerimok upahneh.17Tapi pituk ngau kitak, bilo bepuaso, kepalo kitak diunsut ngau minyak tamai tempungas muo kitak18 isok puaso kitak endo dipantau ura lain. tapi dipegari uleh Bapa apai kitak te nugau de aro endo te pantau. Serto, Tuhan Bapa kitak merati pempulah kitak te belapok yok tentu malas pempulah kitak te baek ngau kitak."19"Nusah nimun ngau kitak kedirik reto di bumi, tempat te nyegat serto bekarat te ngerusakneh, serto penugau pencuri te mungkar lalu encuri.20Sebaekneh, kumpul ngau kitak kedirik reto di surgo, aro te nyengat tamai karat endo ngerusakneh serto balo pencuri endo tauk ngamik neh.21Ute dini reto kitak nugau, tentu diok gok ati kitak nugau."22"Mato 23Tapi, bilo mato kita mantau te jai'i, seluruh tubuh kitak pun tentu penuh utan te keleman. jadi, bilo dangkar, atau tera te searus neh ado enta kitak tapi keleman te bisik, sajo pekat keleman yok." 24Endo bisik ura te tauk ngelayan duo tuan, tentu neh ngebencik tuan te sikuk serto ngasih tuan te lain, atau neh gok setio ngau tuan te sikuk serto ngerimeh te lain. kitak endo tauk ngelayan Allah tamai sitan mamon." (serakah)25Kebok re pituk Aku madah ngua kitak, nusah kewatir tenta hal idup kitak, apo te tentu kitak makai atau apo te kitak pinum. Piyok gok tenta tubuh kitak, apo utan te kitak pengau. Bukankah hidup lebih pentin re utan te di makai, atau tubuh kitak re utan balo baban? 26Pantau balo buro-buro de langit ute endo suah nabur, endo suah menuai. serto endo suah ngumpul utan ke dalam juro, tapi Allah Apai di surgo kitak merik sidok makai. Bukan kah kitak lebih berego re balo buru yok?27Sapo di antaro kitak te gaduh tauk namah setengah miter umur neh? 28Piyok gok tenta balo baban, ngapo kitak selalu gaduh? Perati benar bungo bakung di pada, upo keti sidok tumuh, sidok endo bekerjo serto endo bisik nenun kain, 29tapi Aku madah ngau kitak ute Salomo enta semuo kemulio neh pun endo bisik pergau upo salah sutik re bungo-bungo yok.30Jadi, bilo rumput di pada, ute ari tuk tamai pagi disempalo ke dalam api, Tuhan Allah nanand neh sajo baek rupo neh, bukankah telebih lagik kitak, hui, bah kitak te kura pecayok kura iman? 31kebok pituk, nusah kitak kewatir atau gaduh serto madah, Apo utan te kok kami makai?', atau apo utan te kami pinum?', atau 'Apo utan te kami perngau?'32Ute semuo mensio di dalam dunio tuk semuo ngegok utan yok, serto Allah Apai di surgo ketauk ute kitak sangat perlu semuo utan tuk. 33Tapi searus neh, gegok dulu kerajaan tamai kebenar-Neh sertp semuoneh yok tentu di tamah nguso kitak.34 Jadi, pituk nusah selalu kewatir tenta ari pagi ute ari pagi tentu ngewatir dirik neh kedirik.Isok neh seari ngau susah neh kedirik."
Chapter 7

1"Nusah ngukum atau ngakim pangan isok kitak endo keno akim. 2Ute bilo salah kitak ngakim pangan, kitak gok tentu di akim oleh -Neh, serto ngau ukur te di ngau kitak yok gok di ukur ngau kitak3Sebaek neh nusah merati ensiban kayu di mato pangan, malah kitak endo ketauk sebata balok te ado di mato kitak kedirik? 4Atau ,upo keti kitak tauk madah ngau pangan, kelok aku nyukit atau nyepu ensiban kayu te nyuruh kempeman di mato kitak,' tapi pantau, ado sebata balok di mato kitak kedirik? 5Hai, ura te munafik atau pengemulik, keluar dulu balok yok re mato kitak, tentu kitak tauk merati secaro jelas ngau ngeluar ensiban kayu re mato pangan atau menyanak kitak.6Nusahlah merik utan atau bara te kudus ngau balo asuk, nusah gok nikam mutiaro kitak ke muo babi isok sidok endo nijak neh ngau kaki, tapi malah bebalek ngeransik- ngerida mato muo kitak."7"Mintolah semuo hal yok, tentu diberik ngau kitak. Gegoklah, tentu kitak tauk nemu.Ketuklah, tentu lawa yok di bukok ngau kitak.8Kebok, setiap ura te mintok, neh nerimok, serto ura te ngegok neh tauk nemu, apo lagik kalau neh ngetuk pintu atau lawa tentu di bukok.9Atau, sapo di sentaro kitak, bilo anak neh mintok rute lalu kitak merik neh batu ngau nebiak yok?10Atau, bilo anak neh mintok ikan, lalu kitak berik neh ular ngau nebiak yok, nang sampai upo yok?11Jadi, bilo kitak ketauk te jai'i, upo keti kitak tauk merik balo anak kitak te baek, te lebih lagik Allah Apai kitak di surgo, Neh tentu merik hal te baek ngau sidok te mintok nguso-Neh." 12 "Kebok pituk, semuo utan te kitak mauk ura pun ngelaku ngau kitak, piyok gok kitak ngelaku ngau sidok ute upo tuk isik re Hukum Taurat tamai kitab balo nabi."13"Tamoklah ngelalu lawa te sempit, ute lawa te besai serto te luas nuju ke jalai binaso, serto bangat ura tamok ngelalu jalai yok.14Kebok, sempit lawa serto sangat besesak ura niti jalai te nuju ke pengidup, serto sikit te tauk nemu neh."15"Ingat, arus ati-ati teradap balo nabi pelsu, sidok yok sebenarneh balo binata te rangkok.16Re buah kitak mantau neh serto ngelalo sidok.apo tauk ura ngumpul buah angur re belayan durik tamai buah aro re tanam tumuh te bedurik.?17piyok gok, re setiap pun kayu buah te baek ngasil buah te baek, tapi pun kayu buah te endo baek tentu ngasil buah ute endo baek gok.18Setiap pun kayu te baek endo tentu ngasil buah te jai'i, piyok gok pun kayu te jai'i endo tentu ngasil buah te baek.19Setiap pun kayu ute endo ngasil buah te baek pasti di teba serto di buai ke dalam api. 20Jadi, re buah neh kitak tentu ngelalo sidok.21Endo semuo ura te becakap ngau Aku,' 'Tuhan, Tuhan,' tauk tamok ke dalam kerajaan surgo, ute sebalek, neh te pempulah kemauk Apaiku te di surgo.22Pas ari yok, bangat ura tentu ngumai becakap ngau-Aku,'Tuhan,Tuhan, bukankah selamah tuk kami benubuat dalam damo-Nuan, serto ngusir roh-roh jai'i dalam damo-Nuan, serto ngelaku bangat mujisat dalam damo-Nuan.? 23Lalu, Aku madah te sebenar neh ngau sidok, Aku endo suah ngelalo kitak!Larilah re-Aku, kitak te ngerjo pempulah te salah!"'24Semuo ura te menind apo te Aku padah tuk serto ngelaku neh tentu upo ura te bijak, mulah dangau didarat batu. 25Udah yok turun ujan serto datai aik pasa, belumok ngau angin ribut nerapok nerja rumah atau dangau yok, lalu rumah atau dangau yok endo rubuh ute didiri didarat batu.26Piyok gok, setiap ura te menind apo te Aku padah tuk tapi endo ngelaku neh tentu jadi upo ura te budu, ute mulah dangau atau rumah neh di darat pasir. 27Lalu turun ujan tamai aik pasa, serto angin ribut nerapok nerja dangau yok, semuo isik dangau yok rubuh, sajo sangat besai kerusak neh."28Watu Yesus udah pengabis madah hal semuo utan tuk, ura bangat iran menind apo te diajar-Neh.29 ute Neh merik pengajar ngau sidok te penuh ngau kuaso, tentu endo upo balo ahli Taurat sidok.
Chapter 8

1Pas Yesus turun re bukit yok, ura bsngat bekerumun mupuh-Neh.2 Te pantau seura te kenok penyakit kusta datai nguso-Neh, serto nyemah di muo-Neh, lalu becakap, "Tuan, bilo Nuan mauk, taukkah Nuan nyemuh penyakit aku tuk."3Lalu, Yesus ngulur jari-Neh serto megai neh, jekuk-Neh," Aku mauk, semuhlah." sekelin yok, penyakit kusta ura yok semuh.4Lalu, Yesus madah ngau neh, "Pantau serto peratilah, nusah kitak begisah ngau sapo pun ura, tapi angkatlah, suruh sidok imam mantau,"5Watu Yesus tamok ke kampo Kapernaun, seura tentaro datai nguso-neh, mintok nyuruh Neh datai, 6serto madah,"Tuan, pemantukaku lagik tengah pedih lumpuh tegurin genno di rumah, sangat menderito." 7Lalu Yesus madah neh,"Aku pasti datai tauk nyemuh neh."8Tapi, tentaro yok nyaut serto madah," Tuan, aku endo patut ngau Nuan tamok ke dalam dangau aku, tapi padah genno sepatah kato tentu pemantuk aku tauk semuh. 9Ute, aku kedirik seura bawahan gok, ngau balo prajurit di baruh aku, aku madah ngau seura, ' angkatkin,' neh pun angkat piyok gok ngau te lain,'Datailah,' lalu neh pun datai, piyok gok ngau pemantuk aku, ,'Kerjo tuk.' neh pun ngelaku apo te aku padah. 10"Watu Yesus menind apo te di padah yok, Neh salut lalu jekuk Neh ngau ura-ura te nurut-Neh, Aku madah utan te sebenarneh ngau kitak, pan suah Aku nemu Iman sebesai tuk di tengah ura Israel.11Aku madah ngau kitak ute bangat kok datai baek re timur atau re barat, serto duduk makai besamo Abraham, Ishak, tamai Yakub enta kerajaan surgo, 12tapi anak-anak kerajaan yok tentu di buai ke dalam enta tekeleman sajo palin peta. Din bisik tangis tamai gigi mengkerit"13seudah yok, Yesus becakap ngau tentaro yok, "Angkatkin, isok tejadi ngau nuan apo te nuan pecayok." lalu, saat yok gok pemantuk neh semuh.14Watu Yesus datai ke rumah Petrus, Neh mantau mentuo Petrus te betinok tengah gurin ute lagik demam.15Lalu, Yesus megai lengan ura tuo betinok yok sekelin yok demam neh ngayap. lalu neh angkat ngejamu ngelayan Yesus.16Pun malam ari, sidok ngemaik ura nguso-Neh bangat ura te kerasuk sitan, Neh pun ngusir sitan yok ngau sepatah kato genno, serto nyemuh ura te pedih, runguk.17 Isok digenaplah apo te dipadah uleh nabi Yesaya: "Nehlah ute ngamik kelemah kito serto nango semuo balo penyakit kito."18Watu Yesus mantau ura bangat di sekelilin-Neh, Yesuspun merintah isok tauk nyebera ke sebera.19Datailah seura Ahli Taurat serto becakap ngau-Neh, "Guru, aku tamai Nuan entah kini Nuan angkat."20Jekuk Yesus ngauneh "Balo serigalo bisik luba serto balo buro di langit bisik sara te ngau nugau. tapi anak mensio endo bisik aro ngau ngeletak kepalo-Neh."21Seura murid ngumung ngau-Neh, "Tuhan, aku mintok ijin dulu, kok ngubur apai Ku,"22tapi Yesus becakap ngau neh "Tamai Aku, isok neh ura mati ngubur ura matisidok kedirik."23Yesus pun naek ke dalam pera'u balo murid tamai Neh. 24Lalu te pantau, angin ribut beguruh sangat besaibdi danau sampai pera'u te ditumpa tetutup ulih aik. tapi Yesus tengah tidur. 25Lalu murid datai nguso Yesus serto ngerak Neh re penidur, jekuk sidok, "Tuhan, angkat, tulo kami ! kito tuk kelok binaso!"26Yesus ngumung ngau sidok, "Ngapo kitak takut, hui kitak ute kura iman?" Lalu, Neh bediri serto nyuruh angin ribut tamai danau yok jadi tenang.27seudah yok, ura-ura pun sangat iran serto ngumung ngau pangan te lain "Ura macam apo Neh tuk, sampai angin ribut tamai danau pun nurut apo jekuk-Neh?"28Pas watu Yesus datai di sebera danau, di daerah ura Gadara, ado duo ura te kerasuk sitan datai nguang-Neh. Sidok pansut re kubur sajo sangat ganas sampai endo bisik ura tauk mansok jalai yok.29Te perati, sidok pun mangkas mukau, jekukneh, "Apo urus Nuan ngau kami, hai Anak Allah? Apo Nuan datai kok nyikso kami seapan waktuneh?."30Endo jauh re sidok bisik balo babi tengah ngegok pemakai.31Sitan-sitan yok mintok ngau-Neh serto madah, "Bilo Nuan mauk ngusir kami, suruhlah kami tamok ke dalam babi yok."32 Yesus pun ngumung ngau sidok, "Rarilah!" sidok lalu keluar serto tamok ke dalam balo babi yok. udah yok, semuo babi yok pun terjun re tebin tanah tamok ke dalam danau lalu mati dalam aik.33Ura te ngunan pengkidup babi yok bebedap, lalu neh tamok ke tengah kuto, begisah semuo apo te di pantau neh, temasuk utan tejadi ngau ura-ura te dirasuk sitan.34 seluruh kuto keluar isok tauk betemu Yesus.watu sidok mantau Yesus, sidok mintok-Neh angkat re daerah sidok.
Chapter 9

1Seudah yok Yesus tamok ke dalam pera'u nyebera danau lalu datai ke kuto-Neh kedirik. 2Sidok ngemaik ura lumpuh nguso-Neh ute lagik galai enta penidur neh. Yesus mantau iman sidok, serto becakap ngau ura lumpuh yok, "Pecayoklah serto kuatlah ati ikam,anak-Ku, duso ikam udah di ampun."3Udah yok, balo ahli Taurat ngumung dalam atineh, "Ura tuk ngelulok Tuhan!"4Tapi, Yesus ketauk pemikir sidok, jekuk-Neh, "Ngapo kitak mikir te jai'i dalam ati kitak? 5Ni te lebih mudah, madah," Duso-duso kitak diampun,' atau madah,' Angkatlah serto bejalailah'?6Tapi isok kitak ketauk ute di dunio tuk Anak mensio bekuaso ngau ngampun duso." Lalu, Yesus madah ngau ura te lumpuh yok, "Angkatlah, baik semuo tempat tidur nuan, serto pulai kin ke rumah.7Ura lumpuh yok angkat lalu pulai ke rumah neh. 8Kebok, watu ura bangat mantau hal tuk, sidok jadi iran serto sidok mulio ke Allah te merik kuaso upo tuk ngau mensio.9Seudah Yesus angkat enta nyok, Neh merati seura te di kumai Matius, tengah duduk di aro pengumpul pajak. lalu, Yesus madah ngau neh,"Buh Tamai Aku". Lalu, Matius bediri serto mupuh Yesus.10Pas watu Yesus duduk makai di dalam rumah Matius, datai sidok pemungut cukai tamai ura te beduso makai bereto Yesus serto balo murid-Neh. 11Watu ura Farisi mantau hal yok, lalu betanyok ngau balo murid-Neh. "Ngapo Guru kitak makai bereto balo pengumpul pajak tamai ura-ura te beduso?"12Tapi Yesus menind apo jekuk sidok, Neh lalu becakap, "Ura te sihat endo perlu berubat, tapi ura te pedih runguk." 13Sebaekneh, angkat kin serto pelajar apo retineh firman tuk: Ute Aku kemauk belas kasih, bukan pesemah, ute Aku datai bukan ngau ngumai te benar, tapi ura-ura te beduso."14Seudah yok, balo murid Yohanes datai nguso Yesus serto betanyok, "Ngapo kami tamai ura-ura Farisi bepuaso, tapi balo Murid-Nuan Endo?"15Saut, Yesus ngau sidok, "Taukkah balo pengirin pengantin beduko selamah pengantin lelaki agik bereto beramo ngau sidok? tapi, sekejab agik sento waktuneh. pengantin lelaki diamik re sidok.baru sidok bepuaso".16Endo suah ura nampal kain te baru ngau kain te lamah, ute penampal yok tentu kok nerida kain te lamah piyok makin besai neh teransik.17Upo yok gok, endo suah ura nuang aik angur te baru ke dalam badah kulit te lamah. kalau upo yok, badah kulit yok tentu terida, serto aik angur tentu tumpah, tamai badah kulit abis ancur. tapi sebaekneh, naruh aik angur ke dalam badah kulit te baru isok semuo neh pasti te jago."18Tengah Yesus ngumung madah utan yok ngau sidok, datai seura kepalo pemimpin rumah ibadah, lalu neh nyemah Yesus, serto ngumung jekukneh,"Anak betinok aku baru sajo mati. tapi, datailah serto letak jari-Nuan ke darat neh, isok neh tauk idup."19Lalu, Yesus angkat serto tamai ura yok, piyok gok ngau balo murid-Neh.20Tengah Yesus bejalai, bisik seura betinok tuo udah duo belas tahun ngidap penyakit pendarahan neh nyemak Yesus re belaka neh nyamah ujo rumai jubah Yesus, 21ute betinok nyok ngumung dalam ati neh kedirik, "Bilo aku nyentuh ujo jubah-Neh genno, aku tentu semuh." 22Tapi, Yesus bebalek serto man'nda betinok yok, lalu neh madah, "Kuatlah ati nuan, hai anak-Ku, iman nuan udah nyemuh ke nuan." sekelin yok gok, semuhlah betinok yok.23Watu Yesus datai didangau kepalo rumah ibadah yok, Neh mantau balo ura nyepu sulin serto kerumun ura te kacau barau, 24Neh ngumung ngau ura bangat yok, "Rarilah, ute nebiak betinok tuk endo mati, neh lagik tidur."semuo sidok ngetawok ke Yesus.25Tapi, watu ura bangat yok udah di suruh keluar, barulah Yesus tamok ke dalam lalu Neh megai jari nebiak yok, nebiak betinok yok pun te jago.26Berito tuk pun tesebar ke seluruh daerah yok.27watu Yesus angkat re aro yok, ngelanyut pejalai Neh, bisik duo ura butok nurut Neh samil ngumai mangkas kuat, "Kasihlah ngau kami, Anak Daud."28Udah yok Yesus tamok kedalam dangau, sidok duo te butok datai nguso-Neh lalu Yesus pun betanyok ngau sidok, "Apo kitak pecayok pempulah Aku tuk?" Sidok pun nyaut ngau-Neh, "Aok, Tuhan!"29Lalu, Yesus nyamah mato sidok, jekuk-Neh, "Jadilah ngau kitak menurut iman kitak." 30Lalu, tebukok mato sidok. Yesus pun keras ngingat ke sidok, " Peratilah, nang sampai bisik seura pun te ketauk utan tuk." 31tapi, sidok pun keluar serto nyebar berito tenta Yesus ke seluruh daerah aro yok.32Seudah sidok duo yok keluar, tepantau, bangat ura ngemaik seura te bisuk tengah dirasuk sitan nguso Yesus.33Roh sitan di usir Yesus, ura bisuk yok pun tauk becakap.Ura bangat te diok pun iran serto ngumung,"Utan macam tuk apan suah tejadi di Israel".34Ura Farisi pun usil, serto ngumung,"Neh ngusir ruh te Jai'i ngau penguaso ruh-ruh sitan."35Yesus pun angkat ngelilin semuo kuto tamai desa samil ngajar di rumah ibadah, serto ngabar Injil kerajaan, serto nyemuh bangat ura re segalo macam penyakit ute di idap.36Watu Yesus mantau ura bangat, Neh ngeraso kasih ngau sidok ute sidok udah kepok, bepencar biar upo balo kamin dumba nisik gemalo te ngintu.37Udah yok Neh pun ngumung ngau balo murid-Neh, "Sebenarneh, padi ganum di umo tuk udah tauk di ketau tapi ura te bekerjo endo bangat."38Kebok piyok, minto nguso Tuhan te empu padi ganum, isok Neh tauk ngirum balo sidok te bekerjo."
Chapter 10

1Yesus ngumai keduo belas murid-Neh serto merik sidok kuaso teradap ruh-ruh te kutur serto tauk nyemuh semuo macam penyakit tamai bangat macam pemedih te di idap.2Tuk em damo-damo keduo belas rasul yok: Te pertamo Simon te di kumai Petrus, tamai Andreas menyadikneh, serto Yakobus anak Zebedeus, tamai Yohanes menyadikneh,3Filipus, tamai Bartolomius, Tomas, serto Matius pengumpul pajak, Yokobus anak Alfeus, tamai Tadeus, 4Simon ura Zelot, tamai Yudas Iskariot te ngianat Yesus.5Yesus ngutus keduo belas murid serto bepesan ngau sidok,"Nusah nyimpa ke jalai banso lain atau tamok ke dalam kuto ura Samaria,6Lebih baek kita angkat ngegok dumba-dumba te ngayap di tengah umat Israel.7selamah kitak angkat, padah ngau ura "Kerajaan surgo udah semak.'8Semuhlah ura te bisik pemedih, idup keura te mati, semuhlah ura te penyakit menular, serto usirlah ruh-ruh balo sitan.kitak nerimok secaro cumo-cumo, berik gok secaro cumo-cumo. 9Kitak nusah ngemaik balo utan Mas, pirak atau temago dalam ikat pinga.10piyok gok nusah ngemaik bekal, balo baban, atau balo senal, atau tungkat, ute seura te bekerjo neh patut nerimok upah.11Apobilo kitak tamok ke kuto atau ke desa, kitak gegok ura, sapo te patut ngau kitak singah, nugau diok sampai kitak angkat lagik. 12Bilo kitak tamok ke dalam dangau ura, di kumai serto berik salam ngau sidok.13Bilo sidok nerimok kitak, salam kitak turun enta neh, tapi bilo endo, isok salam kitak bekalih lagik ngau kitak.14piyok gok, sapo pun ura te endo mauk nerimok kitak atsu endo mauk menind apo jekuk kitak, sebaek neh kita rari re dangau atau kuto yok , tepas serto kibas debu di kaki kitak.15Aku madah te sebenarneh ngau kitak, ute watu ari pengakim, tanah Sodom tamai gomora tentu endo berat tangoneh re kuto yok."16Pantau, Aku ngutus kitak upo balo kamin dumba di tengah serigalo, searusneh kitak numut upo ular,tulus upo buro merpati.17Tapi, was-was kitak ngau ura te nyerah kitak ngau majelis agamo serto ngukum kitak di rumah ibadah sidok. 18Lalu, kitak di ba'i ngadap balo penguaso serto balo rajo demi Aku, arus besaksi ngau sidok serto ngau banso lain, ute endo ngelalo Allah.19Tapi, watu sidok nyerah kitak, nusah gaduh tenta upo keti atau apo te kitak padah ute tengah pituk gok diberik ngau kitak apo te arus kitak padah.20Kebok, bukan kitak te ngumung, tapi semuo yok Roh Apai kitak te di surgo becakap di dalam kitak.21Menyanak tentu nyerah menyadikneh nguso kematian, serto apai teradap anakneh, piyok gok balo nebiak ngelawan ura tuo neh serto munuh sidok. 22Kitak pasti di bencik ulih semuo nyok ute damo-Aku, tapi ura te betan sampai pengabis tentu diselamat.23Watu sidok nyikso kitak enta sutik kuto, rarilah ke kuto te lain. Aku madah ute sebenarneh ngau kitak ute kitak endo tentu udah ngelalu kuto-kuto Israel sampai Anak mensio datai.24Seura murid endo belebih re guruneh, piyok gok seura kuli endo belebih ngau tuanneh.25cukup genno murid jadi upo guru neh, piyok gok hamba(kuli) jadi upo tuanneh. bilo sidok nyebut tuan rumah yok Beelzebul, lebih buruk agik ngau semuo keluargo neh."26Kebok pituk, nusah kitak takut ngau sidok kebok apo utan te ado apo pun te ditutup tentu te bukok, atau apo utan te belapok tentu di ketauk.27Apo te Aku padah ngau kitak enta te keleman, padah dalam tera. serto apo utan te di dingo te di bisek ke penind kitak, di berito ngau ura de darat atap dangau.28Nusah takut ngau sidok te munuh tubuh, tapi endo tauk munuh jiwo, sebaekneh arus lebih takut ngau Neh ute tauk ngemusnah jiwo piyok gok tubuh di nerako. 29kalau endo salah duo ikur buro pipit dijual ngau sutik duit!? endo bisik sikuk pun re sidok jatuk ke tanah di luar kemauk Allah Apai kitak.30Bah, semuo buk te di kepalo kitak semuo neh te rito.31kebok pituk. nusah takut, kitak lebih berego re pemangat buro pipit."32"Jadi, setiap ura te ngakuk Aku di muo mensio, Aku gok tentu ngakuk neh di muo Apai-Ku te ado disurgo.33Tapi sebalekneh, sapo te nyangkal Ku di muo mensio, Aku gok nyangkal neh di muo Apai-Ku te ado di surgo."34"Nang ngiro Aku datai ngau ngemaik te bedamai dibumi. Aku datai endo ngemaik te bedamai, sajo ngemaik peda, bepera.35Ute, Aku datai sajo misah lelaki re apaineh, nebiak betinok re inaineh, menantu betinok re mentuo betinok, 36seura munsuh re semuo isik keluargo neh.37Sapo te ngasih apai atau inaineh endo ngasih Aku, neh endo payut bagi-Aku. Serto, sapo te lebih ngasih anak lelaki atau anakneh betinok lebih re Aku, neh endo patut bagi-Aku.38Serto, sapo te endo ngesan salibneh tamai mupuh Aku, neh endo patut bagi-Aku. 39Sapo te ngetan nyawoneh tentu ngayap nyawoneh, serto sapo te nyawo neh ngayap demi Aku tentu neh tauk nemu agik.40"Sapo te nerimok kitak, nerimok Aku. piyok gok, sapo te nerimok Aku, nerimok Neh te ngutus Aku. 41Sapo te nerimok nabi dalam damo nabi tentu nerimok upah nabi. serto, sapo te nerimok ura benar dalam damo ura benar tentu nerimok upahura benar.42Piyok gok, sapo te merik minum ngau salah seura re ura-ura te renyai tuk meski secawan aik celap dalam enta damo seura murid, Aku madah ute sebenarneh ngau kitak, neh endo tentu ngayap upah neh."
Chapter 11

1Seudah Yesus merik perintah ngau keduo beas murid-Neh, lalu Neh pun angkat re yok lalu ngajar serto bekhotbah di kuto-kuto te semak sidok.2Pituk, watu Yohanes ado di penyaro, menin'd ute dikerjo uleh Kristus, neh pun ngirum pesan ngelalu muridneh,3 serto betanyok ngau-Neh,"Apo Nuan te kok datai yok, atau aruskah kami nunguk te lain agik?"4Yesus pun lalu nyaut serto bepesan ngau sidok," Angkatkin serto padah ngau Yohanes apo te kitak penin'd tamai te kitak pantau,5 ute butok tauk merati, ute lumpuh tauk bejalai, te kenok penyakit menular(kusta) tauk di semuh6serto, diberkat ura te endo kaki terantuk ulih-Aku."7Seudah sidok murid Yohanes angkat, Yesus nemulo becakap ngau ura bangat tenta Yohanes,"Apo te ingin kitak pantau di pada belantaro te beguya disepu ribur?8Mantau apo kitak angkat? seura te baju alus, baek? sidok ute ngau balo baju alus yok ado nugau di istana keratun rajo.9Jadi, ngau merati apo kitak angkat? seura nabi? auk, aku madah ngau kitak, neh bah lebih besai re seura nabi.10Kebok, tenta neh bisik te ditulis: 'Perati! Aku nyuruh pengutus-Aku dulu re-Nuan. Neh ute nyiap jalai bagi-Nuan di muo-Nuan.'11Aku madah ngau kitak, di sentaro sidok te beranak ulih betinok, endo suah tampil ura te lebih besai re Yohanes pembaptis. tapi te palin renyai dalam kerjaan surgo, lebih besai re neh. 12Subok jaman Yohanes pembaptis sampai pituk, kerjaan surgo menderito kekerasan, ura-ura ute pempulah secaro kejam yok ngelakuneh secaro pakso.13Kebok,semuo nabi tamai Hukum Taurat benubuat sampai zaman Yohanes. 14Bilo, kitak mauk nerimokneh, neh yok Elia te tentu pesti datai yok.15Sapo te empu penind tauk ningo, aruslah neh menind neh!16Tapi, ngau apo utan te Aku bandin ngau kenturun tuk? Sidok tuk upo nebiak renyai te duduk diaro tempat umum, te lagik ngumai balo kaban neh,17 serto ngumung,'Kami nyepu sulin ngau kitak, tapi kitak endo kok bejuget. Kami benyanyi lagu te ridu,tapi kitak pun endo beduka.18Ute Yohanes datai endo makai, piyok gok endo minum, lalu jekuk kitak, Neh kerasuk sitan.' 19Tapi sebalekneh, watu Anak mensio datai lalu makai serto minum, lalu kitak madah, 'Pantau,seura te rangkok serto pemabok, kaban re balo penagih pajak tamai ura-ura beduso.'Tapi sebalekneh, penumut sangat dibenar uleh pempulahneh."20Seudah yok Yesus ngeraro keras kuto-kuto aro Neh mulah utan te ajaib ute sidok endo betubat.21"Celako am kitak, Khorazim! sidok udah lamah betubat ngau selawar baju te bekabo tamai abu.22Tapi Aku madah ngau kitak ute watu ari pengabis atua ari pengakim, Tirus tamai sidon tentu lebih tauk nango utan neh re kitak.23Kitak gok Kapernaum, apo kitak ditingik sampai kelangit? endo, kitak akan diturun ke dunio ura mati, ute bangat muzisat te udah tejadi di tengah kitak samo tejadi di sodom, kuto yok agik tubah sampai ari tuk.24Tapi, Aku madah ngau kitak ute watu ari pengabis, ari ngukum, tanah Sodom tentu lebih tauk nango utan neh re kitak.''25Pas watu yok Yesus becakap,"Aku ngucap syukur ngau-Nuan. Apai, Tuhan segalo langit tamai bumi, ute Nuan napok semuo yok re semuo ura tuk re ura-ura te bijak tamai numut, tapi Nuan ngungkapneh ngau balo nebiak renyai. 26Auk, Apai, upo utan tuk lah te kenok di muo-Nuan.27Semuo utan udah di serah ngau-Aku ulih Apai-Aku di surgo. Serto, endo seurapun te ngelalo Anak, selain Apai neh; piyok gok endo seurapun ngelalo Apai selain Anak neh serto setiap ura te dikemaukneh Seura Anak ngau ngungkapneh.28Datailah nguso-Aku, semuo te kepok lesu serto te be mok berat, Tentu Aku merik kitak lego isok tauk senang.29San lah Kuk (palang kayu) te Aku pasa, serto belajarlah re- Aku ute Aku lemah lemut tamai renah ati, tentu kitak tauk nemu jiwo te tenang.30Ute, pemangal kayu atau kuk te Aku pasa yok mudah serto beban-Aku pun lempo.
Chapter 12

1Pas watu yok, ari minggu Yesus bejalai ngelalu umo te bangat ganum, Neh tamai balo murid ngulih lekoneh ute sidok lapar lalu makai neh.2Ura Farisi pun mantau sidok, lalu becakap ngau-Yesus. "Perati, balo murid-Nuan sidok ngerjo apo te endo patut dipulah sidok pas ari mingu.3Tapi, Yesus ngumung ngau sidok,''Apan suahkah kitak maco apo utan te pulah Daud watu ura te namai neh lapar, 4keti caro neh tamok ke dalam Rumah Allah lalu makai rute pesemah ute endo dibenar bagi-Neh ngau dimakai, piyok gok ngau ura-ura te tamai ngau neh, ute arus ngau balo imam?5Atau, endo suahkah kitak maco enta Hukum Taurat, ute kalau ari minggu, balo imam di Dangau Tuhan ngelangar ari minggu tapi sidok endo besalah?6Tapi, Aku madah ngau kitak ute telebih besai re Dangau Tuhan ado dituk.7Bilo, kitak udah ketauk retineh tuk: 'Kemauk Aku belas kasih bukan pesemahan',kitak endo suah ngukum ute endo besalah. 8kebok, anak Mensio tuk yok enh Tuhan atas ari mingu."9seudah Yesus angkat aro sidok yok, Neh datai di rumah ibadah sidok.10 Teperati, bisik seura lelaki te lumpuh sepiak lengan jarineh. sidok pun betanyok ngau Yesus, jekuk sidok, "Apo benar tauk nyemuh ura pas ari mingu?" isok sidok pun tauk nyalah ke Yesus.11Lalu, Neh pun ngumung ngau sidok,"Sapo ura di sentaro kitak te bisik empu sikuk domba, bilo kamin atau domba yok jatuk tamok kedalam luba pas ari mingu, endokah kitak ngulih serto ngeluarneh? 12peraso tuk, mensio lebih berego re sikuk kamin atau dumba! ute pituk, sajo dibenar pempulah te baek pas ari mingu."13Seudah yok, Yesus ngumung ngau ura yok, "cubo diulur lengan nuan." ura yok pun ngulur lenganneh serto di semuh sepenuh neh upo lengan ura te lain.14Ura-ura Farisi angkat re yok lalu berencano ngelawan Yesus, entah upoketi caro sidok tauk munuh Neh.15Tapi, watu Yesus ketauk apo maksud sidok, Neh lalu ngelari dirik aro yok.Bangat ura mupuh namai-Neh serto bangat penyakit te disemuh Neh re sidok. 16lalu ngingat ke sidok nang sampai dirik-Neh diketauk. 17Utan tuk tejadi isok di genap apo te disampai ulih nabi Yesaya:18Peratilah, hamba-Aku te Kupilih,te Aku kasih, te nguso-Neh jiwo-Aku bekenan. Aku akan naruh roh-Aku kedarat-Neh, isok Neh ngakim merik te adil ngau banso-banso te lain.19Neh endo ngemantah, atau mangkas, serto endo bisik seura pun te menind ingan-Neh di belah jalai. 20Buluh te patah endo Neh putus, serto summu pelito te ampir padam endo di mati neh, sampai Neh nyuruh te adil yok menang, 21serto dalam damo-Neh, semuo banso lain tauk bearap."22Udah yok bisik ura te kerasuk sitan, ute butok, ute bisuk, di bai'i nguso Yesus. Lalu, Yesus nyemuh neh sampai te butok tauk mantau tamai te bisuk yok tauk becakap. 23Semuo ura diok jadi iran serto betanyok, "Amang Neh tuk Anak Daud?"24Tapi, watu ura-ura Farisi menind Neh, lalu sidok ngumung te endo bisik reti, "Ura tuk amang ngusir ruh-ruh te jai'i ngau ilmu sitan, pemimpin ruh-ruh te jai'i."25Yesus ketauk te dipikir sidok Neh pun ngumung ngau sidok "Setiap kerajaan te pecah tentu belawan ngau samo dirik, lalu de dudi. Piyok gok setiap dangau te pecah tentu belawan ngau samo dirik, tentu endo tan lamah.26Piyok gok, bilo Iblis ngusir iblis, neh tentu pecah pamar ute belawan ngau samo dirik.antik piyok, upo keti kerajaanneh tauk be tan.27 Bilo Aku, ngusir ruh-ruh te jai'i ngau ilmu sitan, ngau sapokah balo anak kitak ngusir sidok?Kebok pituk, sidok yok te jadi hakim kitak.28Tapi sebalekneh, bilo Aku ngau Roh Allah ngusir ruh-ruh te jai'i, bereti kerajaan Allah udah datai enta kitak. 29Atau, keticaro seura tauk tamok kedalam dangau ura te kuat lalu ngamik ngerampas balo reto bendoneh kalau neh endo ngebat ura kuat yok lebih dulu? udah yok, neh baru tauk ngerampok ngamik isik dangau yok.30Sapo sajo te endo besamo ngau Aku, bereti ngelawan Aku. piyok gok, sapo te endo bekumpul tamai Aku, bereti neh te nyerai berai.31Kebok em pituk, Aku madah ngau kitak, ute setiap duso serto ngelulok ngino mensio tentu di ampun, tapi ngelulok atau ngino teradap Roh endo akan di ampun. 32Serto sapo sajo te madah utan te ngelawan Anak Mensio tentu diampun, tapi sapo pun neh te sajo ngumung ngelawan Roh kudus endo akan diampun, baek watu maso pituk atau pun watu maso ute kok datai."33"Bilo pun bata kayu yok baek, buahneh gok tentu baek. atau piyok gok, bilo pun bata kayu endo baek, buahneh endo baek gok. ute, pun te di kelalo ura re buahneh. 34Hai, kitak kenturun balo ular nago, keti kitak pemikir te jai'i tauk bejantuh utan te baek.? ute dalam ati dulu, baru re mulut ngumung. 35Ura baek ngeluar utan te baek re asil kekayoneh te baek,serto ura te jai'i ngeluar utan te jai'i re kekayoneh te jai'i.36Tapi, Aku madah ngau kitak ute setiap annai te percumo,ute di ucap ura, sidok tentu betangojawab watu ari pengakim atau ari pengabis.37Ute ulih umung kitak, kitak tentu dibenar,serto ulih umung kitak,kitak tentu kenok ukum.38udah yok, ura Farisi tamai balo ahli Taurat ngumung ngqu Yesus, "Guru, kami mauk mantau tanno re-Nuan". 39Yesus pun lalu nyaut sidok serto madah ngau sidok, " Kenturun te jai'i tamai te cabul tuk nuntut suatu tanno. Tentu, endo diberik ngau sidok, selain tanno Nabi Yunus.40kebok semuo yok, upo Nabi Yunus te nugau dalam perut ikan te besai selamah tigo ari tigo malam, upo yok gok Anak Mensio selamah tigo ari tigo malam Neh nugau dalam perut bumi.41Ura-ura Niniwe tentu bediri bereto ngau kenturun tuk watu ari pengakiman sidok pun diukum secaro bereto, ute sidok betubat seudah menin khotbah Yunus. peratilah, te besai re Yunus ado dituk.42Ratu re selatan tentu bangkit samo ngau kenturun tuk watu ari pengakiman kelok tentu diukum ute neh datai re ujo bumi ngau menind petuah Salomo.Peratilah, ute lebih besai re Salomo ado dituk.43Anti'k bilo ruh te jai'i keluar re mensio, neh mansok aro tempat te endo beraik ngau ngegok aro betegok, tapi endo nemuneh.44Lalu, neh pun banai, 'Aku kok bekalih ke dangau aku, aro aku pansut.'Lalu, watu neh datai, neh pun mantau dangau yok dah pua, udah di sapu bersih serto teratur.45udah yok, ruh jai'i yok angkat rari lalu ngemaik te beretoneh tujuh ruh lain ute sangat lebih jai'i re neh, sidok pun tamok serto nugau enta yok. akibat neh, pengidup ura yok jadi lebih buruk re subok.Upo yok gok te tauk tejadi ngau kenturun te jai'i tuk."46Sementaro Yesus agik becakap ngau ura bangat, te perati, inai serto balo menyanak-menyadik-Neh bediri de luar, sidok berusaho sok tauk ngumung ngau-Neh. 47Bisik seura madah ngau-Neh, "Perati kin, inai tamai balo menydik Nuan bediei de luar, sidok kok betemu ngau-Nuan48Tapi, Yesus nyaut ura te madah-Neh yok lalu ngumung, "Sapo Inai-Aku serto sapo balo menyadik-Aku?"49Lalu jekuk-Neh samil nunyuk kearah balo murid-Neh, jekuk Yesus,"Tuklah inai-Aku tamai balo menyadik-Aku! 50Ute sapo pun te ngelaku kemauk Apai-Aku ute bisik disurgo, nehyok menyadik-Aku te lelaki, serto menyadik-Aku te betinok yok inai-Aku."
Chapter 13

1Watu arti yok gok, Yesus keluar re dangau serto duduk ditepi danau. 2Ura bangat pun bekumpul ngau Neh. udah yok, Neh naek ke perau lalu duduk, ura bangat yok pun bediri di tepi danau.3Neh madah ngau sidok bangat pekaro dalam perumpamo, jeku-Neh,"Bisik seura turun ngemenih,4 watu neh nabur benih, bisik benih jatuk dipingir jalai,buro-buropun datai lalu makai benih sampai abis.5 benih te lain jatuk di aro te bebatu, te endo bangat tanah, benih pun tumuh ute idup dikulit tanah. 6Tapi, setelah matoari yok terbit, pentanam yok pun layuk te di sengat panas. ute endo bisik bangat akar, pentanam yok pun jadi mati rangkai.7Benih te lain jatuk di belayan bedurik, belayan durik yok pun tumuh, lalu ngimpitneh.8Tapi, benih te lain jatuk ditanah te baekserto ngasil buah, bisik te seratus kalik lipat, ado gok te enam puluh kali lipat, serto ado te tigo puluh kalik lipat. 9Sapo te bisik penind, isok neh tauk ningo."10Balo murid-Yesus datai serto betanyok ngau-Neh. "Ngapo Nuan ngumung ngau sidok ngau perumpamo? 11"Yesus nyaut sidok, "Ngau kitak udah di berik karunio isok ketauk resio kerajaan Surgo, tapi ngau sidok endo di berik karunio.12Ute, ura te bisik empu utan, ngau neh tentu di berik, serto neh belimpah-ruah.Tapi, sapo te nisik ngempu utan, bah sapo te bisik ngempu utan enta neh tentu di amik re neh.13kebok piyok am, aku becakap ngau sidok ngau umpamo ute watu sidok mantau, sidok endo merati, piyok gok watu menind, sidok endo menind, serto endo ngerti.14Ngau pempulah sidok yok, genaplah apo te dinubuat ulih Nabi Yesaya, ute jekuk neh,'Ngau penind kitak tentu menind, tapi endo suah ngerti.Serto, ngau pemerati kitak tentu merati, tapi endo tentu nyarok.'15Ute ati sidok tuk udah kebal, penind sidok lemau ngau ningo, serto sidok nutup mato sidok.bilo endo, tentu sidok tauk mantau ngau mato sidok kedirik, ningo ngau penind sidok, tentu tauk ngerti ngau ati sidok, lalu sidok bebalek nguso-Aku serto di semuh.'16Tapi, diberkatlah mato kitak tauk mantau serto penind kitak tauk ningo.17Aku madah te sebenarneh ngau kitak ute bangat balo Nabi tamai ura-ura benar sidok ingin mantau apo te kitak perati, tapi endo meratineh, serto ingin menind apo te kitak penind, tapi endo tauk ngau menindneh."18kebok pituk, penind em reti umpamo tenta penabur benih.19Watu ura menind Firman kerajaan serto endo nyarok, sitan datai serto ngerampas apo te udah ditabur dalam ati ura yok.Tuklah ura ute benih di tabur ditisi jalai.20Benih te ditabur di aro tanah te bebatu, yoklah ura te menind firman serto langso nerimokneh ngau ati senang, 21tapi neh endo bisik empu akar enta dirikneh serto tan sekejab genno. bilo datai te ninnas atau te nganiayo tejadi ute firman yok, neh langso jatuk, atau murtad22Benih te jatuk dibelayan durik yok neh ura te menind firman tuk, udah yok kewatir dunio tamai nipu dayo kekayo nesak firman yok sampai endo bebuah. 23tapi, ura te benihneh ditabur ditanah te baek, tuk em ura te menind firman yok serto faham piyok ngertineh. Neh yok te benar-benar bebuah serto berasil, bisik te seratus kali lipat, ado gok te enam puluh kali lipat, serto bisik te tigo puluh kali lipat."24Yesus ngisah umpamo te lainneh ngau sidok, jekuk-Neh, "Kerajaan surgo yok tauk di umpamo upo ura te nabur nenih te baek di umoneh.25Tapi, sementaro ura-ura tetidor, balo munsuhneh datai serto nabur benih lala di tengah benih ganum, lalu sidok angkat. 26watu pentanam yok tumuh serto bebuah, lala pun tepantau gok.27Kebok, ura atau hamba re te empu umo yok datai serto betanyok ngau neh, 'Tuan, endokah nuan nabur benih te baek di umo kitak yok subok? lalu re ni penatai lala yok? 28Neh pun nyaut ngau sidok, 'Seura munsuh udah mulah tebiat tuk.' lalu balo hamba yok beannai ngau neh, 'Apo nuan mauk kami suruh serto ngumpul neh?'29Tapi, tuan nyok pun madah, 'Nusah! ute bilo kitak ngumpul (ngemabau) lala-lala yok, kelok kitak gok encabut ganum yok bereto lala.Isok em keduoneh tumuh bereto sampai musim kito ngetau. 30Watu kito ngetau pagi,aku kok ngumung ngau sidok te nabur benih, "Pertamo, kumpul dulu lala-lala yok serto dikebat taruh de tisi pagi lusok kito nunu. Tapi udah yok baru kumpul ganum yok kedalam juro-Aku"'31Udah yok Yesus pun begisah umpamo te lain ngau sidok, jekuk-Neh, " Kerajaan surgo yok upo igik ensabi te di amik ura serto di tabur di umo neh.32Igik ensabi yok te palin renyai re semuo jenis benih, tapi watu tumuh, neh lebih besai re semuo jenis pakuk, bah sampai jadi be bata sampai balo buro dilangit besara di caba-cabaneh."33Yesus pun becerito sutik umpamo te lain ngau sidok, "Kerajaan surgo yok upo ragi, te di amik seura betinok di tepuk neh ke dalam adun tepo terigu tigo takar sampai seluruh adun yok becampur ngau ragi.34Semuo utan tuk Yesus padah ngau ura bangat dalam perumpamo, serto Neh endo ngumung ngau sidok bilo endo ngau umpamo. 35kalau piyok, genaplah apo te sampai ulih nabi, "Aku mauk mukok mulut-Aku bilo dalam perumpamo, Aku mauk ngucap hal te belapok re subok dunio tuk di pulah.36Udah yok, Yesus pun nudi ke ura bangat yok lalu pulai ke dangau. Balo murid-Neh datai nguso-Neh serto betanyok ngau-Neh, Jelas ke kami perumpamo tenta lala-lala ute di umo. 37''Saut Neh pituk, ''Ura te nabur benih te baek yokneh Anak Mensio, 38serto umo nyok, dunio tuk. Benih te baek yok,balo anak kerajaan, serto lala yok, balo nebiak te jai'i, 39serto munsuh te nabur neh yok iblis, musim ngetau (panen) yok pengabis zaman, serto balo pemanen yok neh balo malaikat.40Jadi, samo upo lala te di kumpul lalu de tunu dalam api, upo yok neh te arus tejadi watu pengabis zaman. 41Anak Mensio akan ngutus balo malaikat-Neh, sidok pun ngumpul semuo te nyesat serto ura-ura te mulah pempulah te jai'i re kerajaan-Neh, 42semuo de sempalo neh ke dalam api tungkuk. de aro yok tentu bisik sabak tangis tamai gigi mengkerit. 43udah yok, balo ura te benar akan besinar upo matoari enta kerajaan Apai sidok. Sapo te bepenind isok neh tauk menind."44Kerajaan surgo yok neh upo reto te ditapok dalam sebida tanah ditengah umo, ute ditemu ura, lalu ditapokneh agik. Serto, ngau ati senang, neh pun angkat, nyual semuo reto neh te di empu, lalu neh meli sebida tanah di umo yok.45Sekali lagik, kerajaan surgo yok upo seura te bedaga te ngegok mutiaro te innah serto berego.46Watu neh nemu sigik mutiaro te benilai tingik, neh pun angkat lalu nyual semuo te diempuneh, lalu meli mutiaro yok."47Piyok gok, Kerajaan surgo yok upo jalo te ditibar ke tengah laut, lalu ngumpul macam jenis ikan. 48Watu jalo yok penuh, sidok nyiritneh ke pantai serto duduk, ngumpul ikan-ikan te baek ke dalam badah keranya te besai, serto ikan te endo baek di buai sidok.49Jadi, piyok am te akan tejadi watu pengabis zaman.Balo malaikat pun keluar serto misah te jai'i re ura-ura benar, 50serto nyempalo ura-ura te jai'i yok kedalam tunkuk api. Enta yok tentu bisik sabak serto kertak gigi.51Apo kitak nyarok semuo yok?" sidok pun nyaut ngau-Neh,"Aok, kami nyarok.''52Yesus pun madah ngau sidok, "Ute pituk,setiap ahli taurat ute udah jadi murid kerjaan surgo, neh upo tuan rumah te ngeluar reto te baru tamai te lamah re kakayoneh."53Watu Yesus udah selesai begisah tenta umpamo yok, Neh lalu angkat re aro yok.54Watu Neh datai di kuto asal-Neh, Neh ngajar di rumah ibadah sidok sampai sidok pun iran serto ngumung ngau pangan,"Re ni Ura tuk tauk numut mulah mujisat?55Kalau endo salah Neh tuk anak tuka kayu? piyok inai-Neh bedamo Maria, serto balo menyadik-Neh Yakobus, Yusuf, Simon serto Yudas?56Serto kalau endo salah balo menyadik-Neh te betinok bisik di entaro kito tuk? Lalu, reni ura tuk tauk nemu semuo hal utan upo tuk.57Lalu, sidok pun tesingo uleh-Neh. Tapi Yesus ngumung ngau sidok,"Seura nabi dihormat dinipun neh nugau, kecuali diaro asalneh serto didangauneh kedirik." 58Yesus pun endo mulah bangat mujisat diok ute sidok endo pecayok ngau Neh.
Chapter 14

1Pas watu yok, Herodes rajo wilayah, menind berito tenta Yesus. 2Serto, neh madah ngau balo pegawai neh, "Yok tentu Yohanes Pembaptis. Neh udah bangkit re sentaro ura mati yok sebab neh numut mulah mujisat tuk ye bekerjo didalam-Neh.3Ute, Herodes udah nangkap Yohanes, ngebatneh, serto nepukneh ke dalam penyaro uleh Herodias, bini Filipus, adik Herodes.4Ute Yohenes suah madah ngau neh, "Endo patut nuan ngempu Herodias."5Herodes kok munuh Yohanes, tapi neh takut ngau ura bangat ute sidok ngangap Yohanes yok seura nabi.6tapi, watu ari ula taun Herodes, anak betinok Herodias menari di muo balo tamu, hal yok sangat nyenang ati Herodes, 7sampai neh besumpah tauk merik apo sajo utan te di mintok daro yok.8Kebok, semuo yok diasut ulih inaineh, anak daro yok pun madah ngau Herodes, jekuk neh, "Berik ngau aku dituk kepalo Yohanes pembaptis didarat talam."9Rajo lalu sedih, menind pemintok daro yok, tapi neh udah besumpah serto ura-ura bangat menind apo jekuk neh, Rajo pun merintah sidok isok pemintok daro yok tauk diberik.10Neh pun nyuruh sidok manco kepalo Yohanes di penyaro.11Lalu, kepalo Yohanes di bai'i sidok dedarat talam, lalu diberik ngau daro yok serto neh pun ngemaik ngau inaineh.12Udah yok, baru balo murid Yohanes datai ngamik tubuh Yohanes serto nguburneh. udah yok sidok angkat madah ngau Yesus.13seudah Yesus menind gisah yok, Neh pun ngelari dirik re yok ngau perau, ke aro te sunyik. tapi, watu ura-ura menind serto nurut-Neh bejalai kaki re kuto-kuto sidok.14Watu Yesus pansut, Neh mantau kerumun ura bangat, lalu Neh kasih mantau sidok, serto Neh nyemuh sidok re penyakit.15Ari pun udah baruh, balo murid datai nguso Yesus serto madah, ''Tempat tuk sunyik piyok ari tuk udah kok malam. Suruh ura bangat yok angkat ke desa atau ke kampo te semak tuk isok tauk meli pemakai ngau sidok kedirik."16Tapi, Yesus ngumung ngau balo murid-Neh, "Sidok endo perlu angkat. kitak te arus merik sidok makai."17Sidok pun nyaut Neh, "Di tuk kito endo bisik apo utan, cumo te ado limo utik rute tamai duo ikuk ikan." 18lalu, Neh madah, "Bai'ik kituk, ngau Aku."19Udah yok, Neh pun nyuruh ura bangat yok duduk di rumput, lalu Neh ngamik limo rute tamai duo ikan yok, lalu Neh nengkadah ke langit, samil ngucap sukur lalu mecah-mecah rute yok. udah yok,Neh merik ngau balo murid-Neh, serto balo murid-Neh beduman ngau ura bangat yok. 20Sidok semuo makai serto kenyang. lalu sidok ngumpul sisokneh, ado duo belas keranya penuh. 21Sidok te makai diok sajo bangat de pekiro limo ribu ura lelaki, apan temasuk betinok tamai balo nebiak.22Yesus nyuruh balo murid-Neh sigat naek ke dalam perau serto nyuruh sidok dulu re-Neh nyebera ke sebera, Sementaro Neh agik dudi nyuruh ura bangat yok pulai.23Seudah Yesus nyuruh ura bangat pulai, Neh naek ke darat bukit kedirik Neh lalu berdu'o.Watu ari dah malam, Neh kedirik din. 24Tapi, perau te di ngau balo murid-Neh udah jauh ke tengah, lingar lingak lingok ulih geluma ute belawan ngau arah angin.25kiro-kiro jam tigo dini ari, Neh datai nguso sidok, bejalai di darat aik.26 Watu balo murid mantau-Neh bejali di darat aik, sidok sangat takut serto mangkas, "Yok antu!" sidok pun lalu mangkas mukau kuat-kuat ute sidok takut. 27Tapi, Yesus lanso becakap ngau sidok, jekuk-Neh, "Tenang! tuk Aku, nang takut".28Lalu, Petrus ngumung ngau-Neh, "Tuhan, bilo yok Nuan, tauk endo aku datai nguso Nuan di darat aik."29jekuk Yesus, "Kituk em!" lalu petrus pun keluar re perau serto bejalai di darat aik, neh nguso Yesus. 30Tapi, watu neh mantau Angin tamai geluma, neh lalu takut serto ampir tengelam. Neh pun ngumai samil mangkas, "Tuhan, selamat ke aku!"31Yesus pun langso ngulur jari-Neh, megai Petrus, jekuk Neh, "Ikam te kura iman, ngapo ikam ragu-ragu?."32Watu sidok tamok ke daam perau, ribut pun betegok. 33Udah yok sidok te di dalam perau nyemah Yesus serto ngumung, "Sunguh Nuan tuk Anak Allah!"34Seudah sidok nyebera, sidokpun sampai ditanah Genesaret.35Ura-ura diok pun bangat ngelalo Neh, sidok madah ke ura ke seluruh daerah semak yok serto ngemaik semuo ura te runguk nguso Yesus.36Sidok pun muhun ngau Yesus isok tauk nyentuh ujo jubah-Neh, serto semuo ura te runguk te nyetuh ujo jubah-Neh jadi semuh.
Chapter 15

1Udah yok bisik, duo tigo ura Farisi tamai balo ahli Taurat re Yerusalem datai nguso Yesus, jekuk sidok,2"Ngapo balo murid-Nuan udah ngelangar adat istiadat inik muyang? ute sidok endo bebasok jari watu makai rute" 3Tapi, Yesus nyaut serto ngumung ngau sidok, ngapo kitak gok ngelangar perintah Allah demi adat isiadat inik muyang kitak?4Ute Allah befirman, 'Hormatlah apai ngau inai nuan,' 5Tapi, kitak madah, " Sapo sajo te madah ngau apai atau inaineh, 'Apo pun pemerik ngau kitak udah dipesemah ngau Allah,'''6neh endo perlu hormat ngau apai atau inaineh.Utan piyok, firman Allah kitak angap endo belaku demi adat istiadat kitak kedirik.7kitak, ura-ura munafik, sajo benar nubuat nabi Yesaya tenta kitak: 8'Banso tuk hormat ngau Aku de mulut neh genno, tapi ati sidok jauh re Aku. 9Sio-sio sidok nyemah Aku serto ngajar perintah-perintah mensio."10Lalu, Yesus ngumai ura bangat jekuk-Neh, "Dingo serto ngertilah!11Bukan te tamok ke dalam mulut te nyuruh najis ura, tapi apo te keluar re mulutneh, yok te najis ke ura."12lalu, balo murid-Neh datai serto betanyok ngau Neh, "Ketauk endo Nuan, ute Nuan padah yok nyuruh ura Farisi tesingo menind apo te Nuan sebut?Tapi, Yesus nyaut jekuk-Neh, 13"Setiap pentanam ute endo ditanam ulih Apai-Aku di surgo tentu dicabut sampai ke akar-akarneh.14Isokneh sidok.Sidok yok pengunan te butok re ura-ura butok. bilo ura butok ngunan ura butok, keduoneh tentu tamok ke dalam luba."15Jekuk Petrus ngau-Neh, "Cubo jelas ngau kami reti perumpamo yok."16Jekuk Yesus, "Kitak pun agik apan ngerti gok?17Apo kitak endo ketauk ute semuo utan te tamok ke dalam mulut tentu turun ke perut serto di buai ke jamban pemirok?18Tapi, Apo te keluar re mulut timul re ati yok neh te nyuruh najis ke ura.19 Ute re dalam ati te nimul pemikir te jai'i, upo munuh, jadi pelacur, beselingkuh di luar nikah, encuri, ngemulok ura atau saksi palsu serto ngutuk mitnah ura. 20Hal ute bako tuk te najis ke ura. tapi bilo makai endo bebasok jari yok endo najis ke ura."21Udah yok Yesus angkat re yok lalu nuju ke daerah Tirus tamai Sidon.22Bisik, seura betinok kanaan te asalneh re daerah yok datai serto ngumai,"Kasihlah Aku, Tuhan, Anak Daud! anak aku te betinok kerasuk ruh sitan sajo parah benar. 23tapi, Yesus endo nyaut betinok yok, sepatah kato pun. Lalu, murid-murid-Neh datai serto ngesak-Neh jekuk sidok, "Suruh neh rari re yok ute neh selampur ngumai samil mangkas di belaka kito."24Barulah Yesus nyaut serto madah, "Aku tuk diutus ngegok balo dumba te ngayap re umat Israel."25Udah yok, betinok nyok pun datai serto besujud di muo Yesus, jekuk neh, "Tuhan, tulolah aku!"26Lalu, Yesus pun nyaut serto madah, "Endo baek ngamik rute empu balo nebiak serto nyempalo neh ngau balo asuk."27Betinok yok pun nyaut, "Benar, Tuhan, tapi balo asuk yok makai cepai-cepai te jatuk re mijo tuan neh."28Udah yok, Yesus ngumung ngau neh, "Hai betinok tuo, iman nuan besai !Tejadilah ngau nuan apo te nuan kemauk."Pas watu yok gok, anak betinok yok semuh.29Yesus angkat re yok, Neh bejalai de pingir pantai danau Galilea. Lalu, Neh naek ke darat bukit, serto duduk diok.30Udah yok, ura bangat bekerumun datai nguso-Neh, ngemaik ura-ura te lumpuh, te cacat, butok, bisuk, serto bangat ura te runguk lain neh. Lalu, sidok ngurin ura-ura yok do kaki Yesus, Neh pun nyemuh sidok, 31sampai ura bangat yok pun iran mantau sidok te bisuk tauk ngumung, te cacat tauk semuh upo asal, te lumpuh tauk bajalai, serto te butok tauk mantau. Lalu, sidok pun ngemulio Allah Israel.32Lalu, Yesus ngumai balo murid-Neh serto madah, "Aku bebelas kasih teradap ura-ura yok ute sidok udah besamo-Aku selamah tigo ari serto endo bisik empu pemakai. Aku pun endo mauk nyuruh sidok pulai tengah lapar isok sidok endo tepinsan tengah bejalai."33Udah yok, balo murid ngumung ngau Neh, "Re ni kito tauk nemu rute te bangat de aro te sunyik upo tuk, tauk ngenyang ke ura te sangat bangat tuk."34Yesus betanyok ngau sidok, "Berapo pemangat rute te kitak empu?" Sidok pun nyaut, "Tujuh, serto bisik duo tigo ikuk ikan renyai-renyai."35Lalu, Yesus nyuruh ura bangat yok duduk di tanah.36Udah yok, Neh ngamik ketujuh rute tamai ikan yok. Lalu ngucap sukur, lalu Neh pun mecah rute yok serto merik ngau balo murid-Neh, balo murid-murid-Neh merik ngau ura bangat yok.37Sidok semuo makai sampai kenyang.Lalu, sidok ngumpul semuo sisok papo rute, lagik ado tujuh bakul penuh. 38Sidok te makai diok ado empst ribu ura lelaki, apan temasuk betinok tamai balo nebiak. 39udah yok, Yesus nyuruh ura bangat yok pulai, Neh naek ke dalam perau serto angkat ke daerah Magadan.
Chapter 16

1Udah yok, Ura-ura Farisi tamai Saduki datai ngau encubo Yesus. Sidok mintok Neh mulah tandno ngau sidok sutik tandno re surgo. 2Tapi, saut Yesus, "Pas ari kok malam, kitak madah, 'ari tuk cerah ute langit mirah.'3Sento, ari lelam pandnam, 'Ari tuk endo baek ado angin ribut piyok langit mirah dah keleman.' Kitak tauk mido rupo langit, tapi endo mampu mido tandno-tandno jaman. 4Kenturun te jai'i tamai endo patuh tuk nuntut sebuah tandno, tapi sutik tandno pun endo di berik ngau sidok, selain tandno nabi Yunus." Lalu, Yesus angkat nudi kesidok lalu hrari.5Pas watu murid-murid datai de sebera danau, sidok kelupo ngemaik rute.6Jekuk Yesus ngau sidok, "Ati-atilah serto was-was teradap ragi ura Farisi tamai ura saduki.7Sidok pun nemulo becakap di sentaro sidok kedirik serto ngumung, " Ute kito tuk endo bisik ngemaik rute." 8Tapi, Yesus ketauk apo te sidok umung, jekuk Neh, "Hai, ura te kura beriman, ngapo kitak ngumung disentaro kitak kedirik, tenta endo bisik ngemaik rute?9Apo kitak agik kura ngerti,serto endo ingatkah kitak ute limo rute ngau limo ribu ura, serto berapo keranya sisokneh te kitak kumpul? 10atau, tujuh rute ngau empat ribu ura, serto berapo keranya pemangat sisok neh te kitak kumpul?11Upoketi kitak endo ngerti ute Aku endo ngumung ngau kitak tenta rute? tapi kitak arus ati-ati teradap ragi ura-ura Farisi tamai balo Saduki."12Barulah sidok ngerti ute Neh endo madah isok ati-ati teradap ragi rute, tapi teradap pengajar ura-ura Farisi tamai balo Saduki.13Tengah Yesus datai didaerah Kaisarea Filipi, Neh betanyok ngau balo murid-Neh, "menurut jekuk ura, Sapokah Anak mensio tuk.?"14Saut sidok, "Kedok madah Yohanes Pembaptis, te lain madah Elia, serto bisik te madah Yeremia, atau salah sikuk re balo Nabi."15Lalu, Yesus betanyok ngai sidok, "Tapi menurut kitak, sapo Aku tuk?"16Simon Petrus pun nyaut, "Nuan yok Mesiad, Anak Allah te hidup!"17Jekuk Yesus ngauneh, "Diberkat nuan, Simon anak Yunus, ute bukan darah atau dagin (mensio)ute merik pengerti tuk ngau nuan, selain Apai-Aku disurgo.18Serto, Aku madah ngau nuan ute nuan yok Petrus. ute alam maut endo tentu nguaso neh.19Ngau nuan Aku berik kunci-kunci kerajaan surgo. serto apo sajo te nuan kebat di bumi tentu tekebat disurgo. piyok gok apo te nuan lepas di bumi tentu telepas disurgo."20Lalu, Yesus ngingat ke balo murid-Neh isok endo madah ngau sapo pun ura ute Neh yok Mesias.21Pas watu yok, Yesus nemulo nunyok ngau murid-murid-Neh ute Neh arus angkat ke Yerusalem serto menderito bangat hal re balo tuo-tuo, imam-imam kepalo, serto balo ahli-ahli Taurat, lalu dibunuh serto bangkit ari ketigo.22Udah yok Petrus narek Yesus ke tisi, ngeraro-Neh, jekuk Petrus, "Tuhan, kironeh Allah ngejauh hal yok re Nuan!Utan tuk nang sampai tejadi ngau-Nuan. " 23Tapi, Yesus bebalek ngadap ke Petrus serto madah neh, "Rarilah re muo-Aku, hai iblis! nuan yok batu sandungan bagi-Aku ute nuan endo netap ke pemikir dirik re hal-hal re Allah, selain mikir hal-hal re mensio."24Yesus pun ngumung ngau balo murid-Neh, " Anti'k bisik te mauk namai Aku, neh arus nyangkal dirikneh kedirik ngesan salibneh, baru tamai Aku.25Ute sapo te ingin nyelamat nyawoneh tentu ngayap nyawo neh. Tapi sapo te ngayap nyawo neh ulih Aku, neh tentu nemu nyawo neh.26Apo unto neh bilo seura tauk buleh seluruh dunio, tapi nyawo neh ngayap?Atau, apo bisik seura tauk merik ganti nyawo neh?27Sebab Anak Mensio tentu datai dalam kemulio Apai-Neh besamo ngau balo malaikat-Neh, lalu udah yok baru malas setiap ura nurut apo pun pempulah neh.28Aku madah te sebenarneh ngau kitak, bisik beberapo ura te bediri dituk te endo ngalam pemati sampai sidok mantau Anak Mensio datai enta kerajaan-Neh."
Chapter 17

1Enam ari agik, Yesus ngemaik Petrus, Yakobus, serto Yohanes menyadik Yakobus, maik sidok naek ke gunung te tingik, ngau caro kedirik. 2Lalu, Yesus berubah rupo Neh di muo sidok. muo-Neh besinar upo matoari serto pakaian-Neh jadi putih becahyo.3Lalu te pantau ulih sidok nampak Musa tamai Elia, tengah becakap ngau Yesus.4Petrus pun ngumung ngau Yesus, "Tuhan, sajo baek bagi kito lagik nugau dituk, aku mauk niri tigo mentiro dituk, sutik ngau-Nuan, sutik ngau Musa, serto sutik lagik ngau Elia."5Watu Petrus lagik becakap, datai awan te tera nutup sidok, serto bisik ingan re dalam awan yok,"Tuk lah Anak-Ku te Aku kasih, nguso-Neh Aku bekenan. Penindlah Neh."6Watu balo murud-murid menind yok, sidok tesungkur mato muo sampai ke tanah serto sangat takut.7Tapi, Yesus datai lalu nyentuh sidok, jekuk-Neh, "Angkatlah serto nusah takut."8Watu sidok angkat nengkadah, sidok endo bisik merati sapo pun, selain Yesus kedirik.9Watu sidok turun re gunung, Yesus bepesan ngau sidok, jekuk-Neh, "Nusah ngisah ke ura apo te kitak pantau sampai Anak Mensio di bangkit re sentaro ura mat."10Balo murid pun betanyok ngau-Neh, "Lalu, ngapo ahli-ahli Taurat madah ute Elia arus datai lebih dulu?"11Yesus nyaut, "Elia sajo udah datai lebih dulu tamai mauk mulih ke semuo utan.12Tapi, Aku madah ngau kitak ute Elia udah datai, tapi sidok endo ngelaloneh serto nebiat neh nurut kemauk sidok. piyok gok Anak Mensio tentu menderito di tangan sidok."13Barulah balo murid ngerti ute Neh becakap ngau sidok tenta Yohanes pembaptis.14Watu Yesus tamai balo murid datai nguso ura bangat, seura lelaki datai nguso Yesus lalu besujud nyemah di muo-Neh samil madah, 15"Tuhan, kasihlah anak aku neh kenok pemedih gilo babi sajo sangat menderito. neh rajin jatuk ke dalam api tamai tamok ke aik.16Aku udah ngemaikneh ngau balo murid-Nuan, tapi sidok endo tauk nyemuh neh."17Yesus nyaut, "Uoi, Kitak keturun ute endo pecayok tamai sesat! Pelamah lagik Aku tauk nugau besamo ngau kitak?Pelamah lagik Aku arus besabar teradap kitak?Bai'ik kituk nebiak yok nguso-Aku."18Lalu Yesus mentak roh jai'i yok sampai keluar re nebiak lelaki yok, nebiak yok pun semuh saat yok gok.19Udah yok balo murid datai nguso Yesus, watu sidok kedirik ngau-Neh serto betanyok, "Ngapo kami endo tauk ngusir ruh jai" i yok?"20Jekuk-Neh ngau sidok, "Ute iman kitak te renyai. Aku madah te sebenarneh ngau kitak, bilo kitak ngempu iman sebesai igik ensabi genno, kitak tauk madah gunung tuk, 'Pinahlah re aro tuk, kin!' sekelin yok gunung yok tentu pinah.Endo bisik te iran bagi kitak.21[tapi ruh jai'i jenis tuk tauk diusir caro berdu'o tamai puaso."]22Watu Yesus tamai balo murid-Neh tengah bekumpul di wilayah, Neh ngumung ngau sidok, "Anak Mensio kok diserah ke dalam tangan mensio, 23sidok kok munuh-Neh, lalu Neh pun bangkit ari ke tigo." Udah menind yok, balo murid-Neh jadi sangat be sedih.24Watu sidok datai di Kapernaum, balo pengumpul pajak nagih seura setaun. ngumung ngau Petrus, jekuk sidok "Apo guru kitak mayar pajak 2 dirham?"25Petrus nyaut, "Aok". Watu tamok ke dalam dangau Yesus lebih dulu becakap ngau neh, " Upoketi penapat nuan Simon? Re sapokah rajo-rajo dunio tuk nagih bea tamai pajak? Re balo anak atau re ura lain?"26Watu Petrus nyawab "Re ura lain," Yesus pun madah neh, "kalau piyok, bereti anak-anak neh te bibas.27Tapi, isok kito endo nyingo sidok, angkat kin ke danau lalu ngail. Amik ikan te pertamo nangkap lalu nuan bukok mulutneh, nuan tentu nemu sekipin stater. amik duit nyok lalu berik ngau sidok, bagi-Aku tamai bagi nuan."
Chapter 18

1Pas watu yok, Murid-murid datao nguso Yesus lalu betanyok, "Sapokah tebesao dalam kerajaan surgo?"2Lalu, Yesus ngumai seura nebiak renyai ngau-Neh, serto ngeletak nebiak renyai yok ditengah-tengah sidok, 3serto madah, "Aku madah te sebenarneh ngau kitak, bilo kitak endo betubat serto upo nebiak tuk, kitak tentu endo tamok ke dalam kerajaan surgo.4Sapo pun te ngerenah dirik neh upo nebiak tuk yok em te besai dalam kerajaan surgo. 5Serto, sapo pun te nerimok nebiak renyai upo te seura tuk dalam damo-Aku, neh nerimok Aku."6"Tapi, sapo te nyesat ke salah sikuk re balo nebiak renyai ute pecayok ngau-Aku tuk, lebih baek bagineh di kebat sigik batu lalu diganto de reko neh, sempalo ke tengah laut te palin dalam isok neh tengelam.7Celakolah dunio ute bangat penyesat nugau didalam neh! kebok, penyesat yok arus bisik, tapi celakolah ura te natai ke neh. 8Bilo jari lengan atau kaki kitak te nyuruh beduso, lungko serto buai dulu. lebih baek bagi kitak tamok ke dalam idup ngau jari te kuntung atau kaki te timpa, anti'k bilo ngempu duo jari tamai duo kaki, tapi di buai ke dalam api nerako.9Bilo mato kitak te nyuruh beduso, cungkil genno serto buai dulu. lebih baek kitak tamok ke dalam idup ngau sutik mato, bilo ngempu duo mato tapi di buai ke dalam api nerako10Perati benar-benar, nang kitak ngelulok salah sikuk nebiak re ruguk balo nebiak yok.Ute, Aku madah ngau kitak balo malaikat sidok de surgo selalu mandna mato muo Apai-Neh di surgo.11[Ute, Anak Mensio udah datai nyelamat ura te ngayap.]12Upoketi nurut kitak?bilo seura ngempu 100 ikuk dumba, tapi te sikuk re sidok tesesat, endokah ura yok nudi 99 ikuk di gunung serto angkat ngegok te sikuk ute tesesat yok?13bilo neh udah nemu, Aku madah ngau kitak, neh sajo gago ati senang, salah sikuk tesesat udah temu re 99 ikuk ute endo tesesat.14Piyok gok, bukan kemauk Apai kitak de surgo bilo seura re nebiak renyai tuk binaso.15Bilo menyadik kitak beduso, angkat serto tunyuk penyalahneh, sentaro kitak duo kedirik genno. bilo neh menind kitak, bereti kitak udah nemu menyadik kitak. 16Tapi, bilo neh endo mauk menind ke kitak, ngemaik seura duo agik besamo ngau kitak isok ngau besaksi re mulut pangan te lain.17umpamo neh nulak serto ngai menind sidok, padah hal utan yok ngau jemaat. bilo neh nulak gok ingan re jemaat, isok neh jadi upo banso-banso lain tamai balo pengumpul pajak.18Aku madah te sebenarneh ngau kitak ute apo te kitak kebat di bumi tentu tekebat sampai disurgo. Serto, apo te kitak lepas dibumi tentu telepas gok di surgo." 19Sekalik lagik, Aku madah ngau kitak biloduo ura disentaro kitak sepakat di bumi tentu semuo utan te sidok mintok, semuonutan yok tentu tejadi bagi sidok ulih Apai-Aku te ado di surgo. 20kebok, enta aro duo atau tigo urabekumpul besamo dalam damo-Aku, Aku pasti ado di tengah-tengah sidok.21Udah yok, Petrus datai nguso Yesus serto betanyok, "Tuhan, sampai berapo kali aku arus ngampun menyadik/menyanak Aku te beduso teradap aku? sampai tujuh kali?"22Yesus ngumung neh, bukan Aku te madah ngau nuan sampai tujuh kalik tapi sampai tujuh puluh kali tujuh kalik.23Ute pituklah, kerajaan surgo diumpamo upo seura rajo te berito atau ngempuli ngau balo hambaneh.24Watu neh nemulo berito, ura te beruta pemesai neh 10.000 (talenta) penumut di bai'k ngau neh.25Ute neh endo mampu mayar, tuanneh nyuruh isok neh dijual, tamai bini anakneh, serto semuo reto te di empuneh, ngau caro upo tuk neh tauk mayar.26Kebok, hamba yok pun besujud nyemah tuanneh, jekuk neh, 'Besabarlah ngau aku, aku tentu mayar semuo nyok ngau nuan.'27Lalu, tuan pun kaseh mantau hamba neh serto ngebibasneh tamai ngampun semuo uta neh yok.28Tapi, watu hamba yok keluar serto betemu ngau hamba te lain ute beruta 100 dinar ngau neh, Neh nangkap serto nyekak hamba yok, serto madah, 'Bayar pula duit te nuan pinyau re aku!'29Lalu, hamba te beruta yok besujud serto muhun ngauneh, jekukneh, 'Besabarlah ngau aku, tentu aku bayar semuoneh ngau nuan.'30Tapi, neh nulak serto nepuk kabanneh yok ke penyaro sampai neh yok tauk ngelunas semuo utaneh.31Watu kaban hamba te lain mantau tebiat yok, sidok jadi sangat sedih lalu datai serto ngelapur ngau tuanneh tenta pempulah te udah tejadi.32Udah yok, tuanneh pun ngumai hamba te pertamo yok serto madah ngau neh, 'Nuan hamba te jai'i serakah. Aku ngampun semuo uta nuan ute nuan muhun ngau Aku.33Endo kah nuan searusneh ngempu belas kaseh ngau sesamo kitak te hamba, upo aku gok te udah nunyuk belas kaseh ngau nuan?'34Lalu, tuanneh sangat luat, Neh nyerah ke hamba yok ngau balo penyikso sampai neh tauk mayar agik semuo ute di pinyau nguso neh.35Apai-Aku te di surgo pun gok ngelaku hal te samo ngau kitak, bilo kitak ngampun menyadik atau menyanak kitak re dalam ati kitak."
Chapter 19

1Watu Yesus udah nutup pengajar yok, Neh pun angkat re Galilea, Neh nuju ke wilayah Yudea, di sebera sungai Yordan. 2Ura bangat bekerumun nama'i-Neh, Neh pun nyemuh ke sidok diok.3Lalu datai ura Farisi nguso-Neh mauk encubo Neh, serto betanyok, "Apo benar bagi lelaki tauk nyerai binineh ngau bangat macam alasan?" 4Lalu, Yesus pun nyaut serto madah, "Endo kah kitak maco ute neh te nyipto sidok re semulo, mulah sidok lelaki tamai betinok,5serto Neh berfirman 'Ute lelaki yok, arus nudi ke apai tamai inaineh, serto besatu ngau bini neh, ute sidok duo yok jadi sutik tubuh'?6Jadi, sidok bukan lagik duo, tapi udah sutik tubuh. Ute piyok, apo te udah di suruh sutik uleh Allah, mensio endo tauk misah ke neh."7Sidok ngumung ngau Yesus, "Lalu, ngapo Musa mulah serto merik surat cerai?"8Yesus pun nyaut sidok, "Ute ati kitak keras serto degil, Musa nyuruh kitak nyerai ke bini kitak. tapi semulo neh endo piyok. 9Aku madah ngau kitak ute sapo te nyerai bini neh, lalu beselingkuh, serto kawin ngau betinok te lain, baru neh yok selingkuh."10Murid-murid ngumung ngau-Neh, "Bilo upo tuk hal neh lelaki tamai binineh lebik baek nusah kawin."11Tapi, Yesus ngumung ngau sidok, "Endo semuo ura tauk nerimok pemadah tuk, selain sidok te dikarunio.12Kebok, ado ura ute endo kawin demi kerajaan surgo.Barasapo te tauk nerimok utan tuk, isok em neh nerimok.13Udah yok, bisik ura ngemaik nebiak renyai nguso-Yesus isok neh tauk ngeletak jari-Neh ke darat balo nebiak yok serto berdu'o ngau sidok. tapi balo murid ngeraro ura-ura yok. 14Tapi, Yesus ngumung, "Isok balo nebiak renyai yok. Nang ngala sidok te datai nguso-Aku ute kerajaan surgo yok neh empu ura-ura te upo balo nebiak renyai tuk."15Seudah Yesus ngeletak jari-Neh kedarat balo nebiak yok, Neh pun angkat re aro yok.16seudah yok, datailah seura nguso Yesus serto betanyok, "Guru, pempulah apo te baek ute arus aku pulah isok tauk idup te kekal?"17Lalu, Yesus madah ngau ura yok, "Ngapo nuan betanyok ngau Aku tenta apo te baek? ute bisi'k sutik te baek.Tapi bilo nuan mau'k tamok ke dalam idup, taat serto patuh perintah-Perintah yok"18Ura yok pun betanyok ngau Yesus, "Perintah ute ni?" 'saut Yesus' " Nusah munuh, nusah selingkuh, nusah encuri, nusah merik gisah palsu, 19 hormat ngau apai inai nuan, serto kasihlah sesamo kitak20Ura mudok yok pun betanyok ngau-Neh, "Semuo yok udah aku taat, apolagik ute agik kura?"21Yesus madah ngau neh, " Bilo nuan mauk sempurno, pulai angkat kin serto jual semuo te nuan empu. Lalu, berik ngau ura miskin, tentu nuan ngempu reto di surgo, baru tamai Aku."22Tapi,watu ura mudok yok menind apo te di padah, neh angkat ngau ati te sedih ute neh sangat kayo.23Lalu, Yesus becakap ngau murid-murid-Neh, "Aku madah te sebenarneh ngau kitak, sulit bagi ura kayo tauk tamok ke dalam kerajaan surgo.24Sekalik lagik, Aku madah ngau kitak ute lebih mudah bagi sikuk unta tauk ngelalu luba jarum re ura kayo tamok ke dalam kerajaan Allah.25Watu balo murid menind nasihat yok, sidok sangat iran, serto ngumung, "Kalau piyok, sapo te tauk di selamat?26Samil ma'nda sidok, Yesus pun becakap, "Bagi mensio, utan tuk sangat iran, tapi besamo Allah, semuo utan yok endo nyuruh iran."27Udah yok, Petrus becakap ngau-Neh, "Peratilah, kam udah nudi ke semuo neh serti nurut Nuan. jadi, apo te akan kami terimok?"28Jekuk Yesus ngau sidok, "Aku madah te sebenarneh ngau kitak ute kitak te udah namai Aku enta dunio te baru pagi, watu Anak Mensio duduk ditakhta kebesai-Neh, kita gok tentu duduk de darat duo belas takhta ngau ngakim keduo belas suku Israel.29Setiap ura te udah nudi ke rumah neh, menyadik lelaki, menyadik betinok, apai, inai, balo anak, atau umo kebunneh uleh damo-Aku tentu nerimok seratus kali lipat serto tentu ngewaris idup te kekal.30Tapi, bangat ura te pertamo akan jadi penudi, serto te penudi tentu jadi te pertamo."
Chapter 20

1Kebok, kerajaan surgo yok upo ura te empu kebun neh angkat lelam kenyung sekalik ngau ngegok mensio te bekerjo di kebun angurneh.2Sento neh udah sepakat ngau sidok te bekerjo di upah sedinar se ari, neh lalu nyuruh sidok ke kebun angurneh.3Jam semilan lelem neh angkat bejalai mantau ura bagat ngangur nugau enta te ramai. 4Neh madah sidok "kitak, angkat gok ke kebun angur empu aku, kelok te patut aku berik ngau kitak." sidok pun lalu angkat.5kiro-kiro jam duo belas tengari pempulah neh samo ngau lelam tadik.6Piyok gok jam tigo malam ari, Neh angkat lalu betemu ngau te lain tengah bediri lalu Neh becakap ngau sidok, ' ngapo kitak bediri dituk ngangur nugau sepanya ari?'7Sidokpun ngumung ngau neh, 'ute apan bisi'k nyuruh kami bekerjo.' Empu kebun yok madah sidok 'kitak angkat gok ke kebun angur aku.'8Watu ari udah kok keleman, empu kebun yok madah kepalo kerjoneh, 'Kumai balo sidok te bekerjo serto bayar nguso sidok upahneh, di temulo re ute pengabis sampai ngau sidok re te nemulo bekerjo tadik.' 9watu sidok te bekerjo jam tigo malam ari datai, masin-masin sidok nerimok sedinar sikuk.10Watu sidok te nemulo bekerjo re lelam, datai, sidok ngiro tentu nerimok lebih bangat. tapi, sidok pun nerimok sedinar gok.11Watu nerimok upahneh, sidok besungut nguso empu kebun. 12Sidok madah, " ura-ura te baru'k bekerjo sejam genno, nuan nyuruh sidok samo ngau kami, ute udah nango beban tamai terek matoari se ari tuk.''13Tapi, te empu kebun yok nyaut lalu madah nguso sikuk re sidok, " Kaban, aku endo besalah ngau nuan. bukan kitak udah sepakat ngau aku, te upah sdinar seari?14Amiklah empu nuan tuk lalu pulai kin, aku kok merik ngau ura te pengabis tuk, samo upo ngau empu nuan.15Apo aku endo benar ngelaku apo utan te aku mau'k ute semuo empu aku kedirik? atau, apo kitak ngiri mantau aku bebaek ngau sidok?" 16Jadi, upo tuk ute pengabis tentu jadi te nemulo, piyok gok ute nemulo tentu jadi te pengabis."17Sento Yesus kok angkat ke Yerusalem, Neh ngemaik duo belas murid-Neh secaro bepisah. Tengah bejalai, Neh madah ngau sidok,18Perati in, kito seda nuju ke Yerusalem kelok anak mensio kok di serah nguso imam-imam kepalo tamai ahli-ahli Taurat. sidok kok ngukum Neh ngau ukum mati. 19Udah yok sidok kok nyerah Neh nguso banso-banso ute endo ngelalo Allah, sidok ngelulok, nyikso tamai kok nyalib-Neh. Lalu, ke tigo ari, Neh di bangkit re sentaro ura mati.''20Uda yok, inai re balo anak Zebeius bereto balo anakneh datai nguso Yesus lalu nyemah nyujud mintok utan ngau Yesus. 21Lalu, Yesus madah ngau neh, "Apo te kitak mau'k?" Ibuk yok nyaut, "Suruh keduo anak aku isok tauk duduk enta kerajaan-Nuan, seura di sepiak kanan-Nuan serto seura di sepiak kibok-Nuan22Tapi, Yeaus nyaut, "Kitak endo ngerti apo ute kitak pintok. Apo kitak sangup minum re cawan te arus aku pinum?" Sidok pun nyaut Yesus, "Aok, kami sangup." 23Yesus ngumung ngau sidok, "Kitak tentu minum re cawan-Aku, tapi ngau duduk enta sepiak kanan-Aku atau di sepiak Kibok-Aku, bukan hak-Aku merikneh, semuo yok bisik sidok te udah dipesiap ulih Apai-Aku." 24Sento, sepuluh murid te menin'd neh, sidok lalu luat ngau sidok duo menyadik yok.25Lalu, Yesus ngumai sidok serto ngumung jekuk-Neh, "Kitak ketauk ute balo penguaso banso-banso lain merintah enta sidok, Ura-ura sidok te besai nyalan tugas enta sidok genno. 26Searusneh endo upo tok enta kitak, tapi sapo ute kok jadi besai di tengah kitak, neh arus ngelayan kitak. 27Serto, sapo sajo te kok nemulo di tengah kitak, neh arus jadi hamba kuli kitak,28 samo upo anak mensio te datai bukan ngau dilayan, tapi ngau ngelayan serto merik nyawo-Neh ngau nebus bagi bangat ura".29Udah yok, watu sidok nudi Yerikho, ura bekerumun namai -Neh. 30Serto bisik duo ura butok tengah duduk de tisi jalai, watu menin'd Yesus mansok, sidok lalu mangkas, "Tuhan, Anak Daud, kasihlah ngau kami!" 31Ura bangat ngeraro sidok isok sidok nugau. tapi, sidok makin nyarin mangkas, "Tuhan, Anak Daud, Kasihlah ngau kami!"32Lalu, Yesus betan tengah bejalai lalu ngumai sidok, Neh madah, "Apo te kitak mau'k kelok Aku pulah ngau kitak?"33Sidok pun ngumung ngau-Neh "Tuhan, kami mau'k mato kami tebukok."34Yesus tegerak ati-Neh ngau belas kasih, lalu nyeput mato sidok, sekelin yok gok sidok nerimok pemantau agik, udah yok lalu nurut Yesus.
Chapter 21

1Watu sidok udah semak ngau Yerusalem piyok udah enta Betfage, mata enta aro bukit Zaitun, Yesus nyuruh duo ura murid-Neh;2 Jekuk Neh ngau sidok, "Angkatlah kitak duo ke kampo te ado di muo kitak, kelok kitak pesti nemu keledai betinok te di kebat tamai sikuk anak keledai te semak neh.Lepas pengebatneh serto ba'i keduo ikuk keledai ngau-Aku.3 Bilo bisik ura te nidah kitak ngemaik neh, kitak arus madah," Tuhan mau'k merlu neh," Neh tentu angas ngirim mula agik ngau kitak."4Hal tuk tejadi isok genap apo te di padah ulih nabi:5 "Padah ngau penuduk Sion, Pantau rajo kitak datai nguso kitak, Neh lemah lemut, serto naek seikor keledai, ngau seikor keledai beban te mudok,6Lalu, angkat balo murid ngelaku apo te udah Yesus suruh ngau sidok. 7Sidok ngemaik inuk keledai tamai anak keledai yok, serto naruh balo baban sidok didarat keledai yok, lalu Yesus duduk di daratneh. 8Ura bangat te sangat besai pemangatneh ngampar balo kain di jalai, piyok gok te lain netak rangngau kayu te lagik bedaun, lalu nyebar ngamparneh di jalai.9Bangat ura bejalai dimuo-Neh serto sidok te namai -Neh bingan mangkas, "Hosana bagi anak Daud! 'Diberik berkat Neh te datai dalam damo Tuhan.' Hosana aro tempat te tingik!.10Watu Yesus tamok Yerusalem, seluruh kuto jadi gempar. Sidok betanyok, " Sapo Neh tuk?" 11sajo kumpak, ura nyaut, "Neh tuk Nabi Yesus, re Nasaret enta Gelilea."12Udah yok, Yesus tamok ke bait Allah serto ngusir ura-ura te bejual bebeli aro temelayan bait Allah serto Neh malek semuo mijo bangku te ngau nyual buru merpati.13Jekuk Neh ngau sidok. "Udah tetulis, Rumah-Ku yok te disebut Rumah do'a. tapi kitak nyadineh jadi sara balo perampok." 14Serto ura te butok tamai ura te lumpuh datai nguso-Neh di bait Allah, lalu Neh Nyemuh sidok.15Tapi, watu balo tetuo imam tamai ahli-ahli Taurat mantau mujisat te udah di laku Yesus tamai mantau balo nebiak te mangkas re dalam Bait Allah, "Hosana bagi Anak Daud," sidok sajo jadi peluat. 16Udah yok, sidok betanyok ngau Yesus, "Apo Nuan menin'd te dipadah balo nebiak tuk?" Lalu Yesus nyaut sidok, "Aok. kitak apan suahkah maco,'Re nyawo nebiak baru idup?" 17Udah yok, Yesus nudi ke sidok lalu keluar re kuto yok nuju Betania serto bemalam Neh din.18Pituk, pas kok tengah ari, Yesus datai ke kuto, Neh ngeraso lapar. 19Serto, watu mantau pun aro de tisi jalai, Neh nguso pun yok, lalu Neh endo bisi'k nemu utan diok, balo daun geno. lalu,Neh ngumung ngau pun yok,"Nang ngarap tauk bebuah agik pun aro tuk sampai selamah-lamahneh!" sekelin yok gok pun aro yok jadi rangkai kersai.20Watu balo murid mantau utan hal yok, balo murid pun iran serto betanyok, "Upoketi pun aro tuk tauk rangkai kersai sekelin yok?"21 Lalu, Yesus nyaut sidok, "Sebenarneh Aku madah ngau kitak, bilo kitak empu iman serto endo bimbma, kitak endo geno tauk ngelaku apo te dilaku teradap pun aro tuk, bah bilo kitak ngumung ngau gunung tuk, Terangkat serto tengelam tetanam kedalam laut,' semuo yok tentu tejadi. 22Serto, semuo utan te kitak pintok anti'k berdu'o pecayolah, kitak tentu nerimokneh,"23Pas, Yesus tamok Bait Allah, balo imam kepalo tamai balo tuo-tuo banso Yahudi datai nguso-Neh sementaro Neh tengah ngajar, sidok betanyok, "Ngau kuaso apo Nuan mulah pempulah utan tuk? tamai, sapo te merik Nuan kuaso upo tuk?" 24Yesus nyaut sidok, "Aku gok kok nanyok semacam ngau kitak, bilo kitak tauk nyawabneh, Aku pun tauk madah kitak ngau kuaso apo Aku mulah pempulah semuo utan tuk.25Re ni baptisan Yohanes bilo kitak ketauk? Re surgo atau re mensio?" udah yok, sidok baru'k nemulo becakap ditengah sidok kedirik, jekuk sidok, " Bilo kito madah,' Re surgo, ' Neh tentu madah, kalau piok, ngapo kitak endo pecayok ngau Yohanes?' 26Tapi, bilo kito nyaut, berasal re mensio' kito takut ngau ura bangat ute sidok semuo ngangap Yohanes yok Nabi." 27Kebok sidok nyaut Yesus, "Kami endo ketauk." Piyok gok, Yesus nyaut sidok, "Kalau piyok Aku pun ngai madah kitak ngau kuaso apo Aku ngelaku pempulah utan tuk,''28Tapi, apo penapat kitak? Bisik ura te empu duo ura nebiak lelaki, neh datai nguso tetuo lalu madah, Anakku, angkat kin bekerjo ari tuk ngintu kebun angur,' 29Lalu neh nyaut, 'Aok, Apak,' tapi udah yok neh lalu endo angkat. 30Udah yok Apai neh angkat nguso te biak lalu madah utan te samo. Anak te biak lalu nyaut, 'endo kok,' tapi neh nyesal lalu angkat.31Sapo re keduo nebiak yok te patuh ngau apaineh?'' Sidok nyaut ''Te pengabis.'' Yesus madah ngau sidok, '' sebenarneh Aku madah ngau kitak ute balo pengumpul pajak tamai balo pelacur dulu tamok kedalam kerajaan Allah ngelampat kitak.32Ute, Yohanes datai nguso kitak enta jalai te benar tapi kitak endo pecayok ngau neh, tapi balo pengumpul pajak tamai balo pelacur pecayok ngau neh. piyok gok kitak, watu mantau hal upo tuk bah endo nyesal seudah yok sampai kitak endo pecayok ngauneh,''33" Dingolah umpamo te lain. Bisik ura empu sebida kebun angur, neh massa pagar di kelilinneh, serto ngali luba aro meras angur, lalu niri menaro. Udah yok, neh nyewo kebun angurneh ngau balo petani, udah yok neh angkat ke luar negeri.34Pas musim buah kok datai, neh nyuruh balo anak buahneh nguso balo petani yok ngau nerimok asil buahneh.35Lalu, balo petani nangkap balo anak buah pelayan neh yok lalu sidok mangko melasah te seura, munuh te sikuk, piyok gok te lain di tikam ngau batu. 36Sekali lagik, te empu kebun yok nyuruh balo anak buah neh te lain, te lebih bangat re te udah. lebih lagik balo petani yok sangat teridok mulah hal te samo ngau sidok.37Pengabisneh, empu kebun yok ngutus anakneh kedirik nguso sidok, jekukneh, 'Sidok tentu sangat hormat ngau anak aku,'38Bukan te sebenarneh, watu balo petani yok merati anakneh, sidok ngumung di tengah sidok kedirik, 'Neh tuk te empu waris kebun, buh kito munuh neh tamai ngamik bagi kebun neh tuk.' 39Lalu, sidok nangkap anak te empu kebun yok, nyempalo neh keluar kebun angur, serto munuhneh.40Ute hal yok, watu empu kebun angur datai, apo te kok dilaku neh ngau balo petani yok? 41Jekuk sidok ngau-Neh, " tentu Neh ngebinaso ura-ura te jai yok, te sangat teridok ngau pangan, piyok Neh kok nyewo kebun angurneh ngau balo petani te lain, ute tentu benar nyerah asil buah bilo musimneh."42Jekuk, Yesus nguso sidok, "Apo kitak endo suah maco dalam kitab suci: 'Batu te di buai ulih balo tuka bangunan udah jadi batu penyuru. Hal yok tejadi re pihak Tuhan, serto hal yok sangat ajaib dimato kito'?43Utan nyok, Aku madah ngau kitak, Kerajaan Allah kok di amik re kitak serto kok diberik ngau ura-ura te ngasil buah re neh.44Bilo, sapo te jatuk ke darat batu yok neh ancur, serto sapo pun te di tinga batu yok, tentu neh remuk."45Watu imam-imam kepalo tamai ura -ura Farisi menin'd umpamo re Yesus, sidok ngerti utan Yesus padah tenta sidok.46Tapi, sidok sajo berusaho mau'k nangkap Yesus, sidok takut ngau ura bangat yok te ngangap Yesus yok seura Nabi.
Chapter 22

1Yesus becakap agik ngau sidok enta umpamo jekuk Neh, "2 Kerajo Surgo tauk di umpamo upo seura rajo te ngado gawai kawin ngau anak neh te laki. 3Neh nyuruh balo ulunneh ngau ngumai ura-ura te udah di padah nguso gawai yok, tapi sidok endo mau'k datai.4Lalu, rajo nyuruh agik balo hamba te lain, jekukneh ,'Padah ngau semuo ura te di undna, pantau aku udah nyiap te kok di perenta. Lembu te laki balo pengidup te gemuk bentan semuo neh udah di semelih, serto semuoneh udah siap. Datai bah nguso pejamu kawin tuk.5Tapi, Sidok endo peduli lalu angkat nudi semuo yok, te sikuk kumoneh, te bukan nguso usahoneh, 6serto te lain nangkap balo hamba rajo yok, lalu nyikso, tamai munuh sidok. 7kebok, Rajo lalu luat, serto ngirum balo tentaroneh, ngemunas balo pemunuh yok, serto nunu kampo, kuto penugau sidok.8Udah yok, neh ngumung ngau hamba-hambaneh, 'Gawai nikah udah siap, tapi ura-ura te di unda yok endo patut.9Anti'k piyok, angkatkin nuju ke jalai rayo serto undalah sepemangat ura te kitak temu ngau gawai nikah tuk.' 10Lalu, balo hamba yok angkat nuju kejalai serto ngumpul semuo ura ute sidok temu, te baek serto te jai'i.enta aro ura gawai nikah yok sajo dipenuh uleh balo tamu.11Tapi, watu rajo tamok ngau betemu balo tamuneh, neh mantau seura te jauh duduk din endo ngau baju baek ngau gawai nikah.12Rajo pun ngumung ngau neh,'Kaban, upo keti nuan tauk tamok kituk endo ngau baju khusus gawai nikah?' ura yok pun nugau genno.13seudah yok rajo pun ngumung ngau balo hambaneh, 'Kebat jari kaki ura tuk, serto sempalo neh ke aro enta keleman te palin luar. Din tentu bisik tangis tamai kertak gigi.'14Ute, bangat te dikumai, tapi sikit te di pilih."15udah yok, ura-ura Farisi angkat serto bepekat isok sidok tauk nyerat Yesus ngau caro ucap-Neh.16Sidok pun ngutus balo murid sidok nguso Yesus, bereto ngau ura Herodian. jekuk sidok, "Guru, kami ketauk ute Nuan jujur serto ngajar jalai Allah enta te benar. Nuan endo takut ngau sapo pun ute Nuan endo mantau rupo ura.17Kalau piyok, padah ngau kami, apo penapat- Nuan ngau kami. Apo benar tauk mayar pajak ngau kaisar atau endo?"18Tapi, Yesus ketauk penyaik sidok serto madah, " Ngapo kitak encubo Aku, hui munafik? 19Tunyuk ngau Aku duit te di ngau kitak mayar pajak yok."Lalu, sidok nyerah sekipin dinar nguso-Neh.20Neh pun ngumung ngau sidok, "Gamar tamai tulis sapo tuk?" 21Sidok pun nyaut, "Kaisar." Lalu, Yesus pun ngumung ngau sidok, " Kalau piyok, bayarlah ngau kaisar semuo hal tuk empu kaisar, serto ngau Allah semuo hal te empu Allah." 22Watu sidok menindneh, sidok jadi iran serto nudi ke Neh lalu angkat rari.23Ari te samo, ura-ura Saduki, te madah endo bisi'k bangkit, datai nguso Yesus serto betanyok ngau-Neh. 24Jekuk sidok, "Guru, Musa madah bilo seura lelaki mati serto endo bisik anak, menyadik lelakineh arus kawin ngau iparneh isok ngau ngelanyut keturun ngau menyadikneh te mati yok.25Pituk, kami tujuh menyadik. Te pertamo kawin, lalu mati endo bisi'k anak, serto nudi ke bini neh ngau kami te menyadik neh. 26Piyok gok, te keduo, ketigo, sampai te ke tujuh. 27Pengbisneh udah sidok semuo, betinok yok pun mati.28Watu ari pemangkit pagi, betinok yok jadi bini sapo re tujuh menyadik?Ute, sidok semuo udah kawin ngau neh."29Tapi, Yesus nyaut serto madah ngau sidok, "Kitak tuk sesat, endo ngerti kitab suci atau pun kuaso Allah.30Ute watu ari pemangkit, sidok endo kawin atau pun dikawin, tapi upo malaikat-malaikat di surgo.31Kebok, tenta ari pemangkit ura-ura mati, apan suahkah kitak maco apo te dipadah ngau kitak uleh-Allah, 32'Akulah Allah Abraham, Allah Ishak, serto Allah Yakub'? Neh bukan Allah ura mati, tapi Allah ura idup." 33sento neh ura bangat menind hal tuk, sidok pun iran apo te diajar-Neh.34Watu, ura-ura Farisi menind Yesus udah nyuruh ura-ura Saduki nugau, lalu sidok pun bekumpul.35Udah yok, seura re sidok, ahli ukum Taurat, betanyok ngau Yesus serto nguji-Neh,36"Guru, perintah upo keti te pentin enta ukum Taurat?"37Lalu, Yesus madah ngauneh, "Kitak arus ngasih Tuhan Allah kitak ngau segenap ati kitak, serto ngau segenap jiwo kitak, serto ngau segenap pemikir kitak. 38Tuk em neh perintah te besai serto te pertamo.39Ute keduo yok neh upo tuk, 'Kitak arus ngasih sesamo kitak upo dirik kitak kedirik.'40Enta keduo perintah tuk, teganto semuo ukum Taurat tamai kitab balo nabi."41Sementaro ura-ura Farisi bekumpul besamo, Yesus betanyok ngau sidok, 42"Upoketi penapat kitak tenta Kristus? Neh anak sapo?" Sidokpun nyaut ngau-Neh, "Anak Daud."43Neh madah ngau sidok, "Kalau piyok, upoketi Daud, dalam Roh, ngumai-Neh 'Tuan' jekukneh, 44'Tuhan berfirman ngau Tuanku, " Duduklah di sepiak kanan-Aku, sampai Aku nempat ke munsuh-munsuh-Nuan dibaruh kaki-Nuan.'?45Bilo Daud ngumai Kristus yok 'Tuan', endo masuk akal Neh yok anak Daud?"46Endo bisi'k seurapun tauk nyawab sepatah kato pun ngau-Neh. Serto, nemulo ari yok, endo bisi'k ura berani nanyok serto betanyok lagik ngau-Neh.
Chapter 23

1Udah yok, Yesus ngumung ngau ura bangat tamai balo murid-Neh, 2"Balo ahli Taurat tamai ura-ura Farisi duduk didarat bangku Musa.3Ute piyok, lakulah semuo utan, sebangat te sidok padah ngau kitak serto di peratilah, tapi nusah ngelaku pempulahneh te di padah sidok ute sidok endo ngelaku neh.4Sidok ngebat semuo beban te berat serto ngeletak neh didarat ba'u ura lain. tapi, sidok kedirik endo mauk minah neh ngau jarineh kedirik. 5Sidok ngelaku semuo tebiat sidok isok dipantau ura. Sidok nyuruh besai tali-tali semaya sidok.6Kemau'k sidok tempat tehormat enta te bejamu, aro duduk kalah di muo enta rumah gerijo, 7merik salam hormat arus di tempat umum, isok tauk dikumai ura Guru.8Tapi, kitak nang mau'k disebut guru ute seura genno Guru kitak, serto kitak semuo yok menyanak.9Nusah nyebut sapo te jadi apai kitak di dunio yuk ute sutik genno Apai kitak, yok neh te ado di surgo.10Nusah gok kitak disebut pemimpin ute seura genno te mimpin kitak yok neh Kristus.11Sapo te besai di sentaro kitak,neh arus jadi pelayan.12Sapo te ningik ke dirikneh tentu di renah serto sapo te ngerenah ke dirikneh tentu di tingik.13celako kitak, balo ahli Taurat tamai ura Farisi, ura te munafik! kitak nutup pintu kerajaan surgo di muo ura ute kitak kedirik endo namokneh, piyok gok endo nyuruh ura te tengah tamok tauk namokneh.14Celako kitak, hui ahli-ahli Taurat tamai ura Farisi, ura te munafik! kitak nelan dangau balo jandno serto bepurok-purok kitak berdu'o te sangat panya. ute pituk, kitak tentu nerimok ukum te lebih berat.15Celako kitak, hui ahli-ahli Taurat tamai ura-ura Farisi, ura munafik! kitak udah nyelajah laut tamai darat isok tauk ngemaik ura tamok ke dalam agamo kitak. bilo neh udah jadi salah sikukneh, kitak ngejadi ke neh anak nerako, duo kali lipat re kitak kedirik.16Celakolah kitak, hui balo pemimpin te butok, te madah, 'Sapo te besumpah demi rumah Allah, hal upo tuk endo bisi'k reti. tapi, sapo te besumpah demi mas rumah Allah, neh terikat uleh sumpah neh.'17Kitak te budu tamai te butok! Ni te lebih besai, mas atau rumah Allah te ngudus emas yok?18'Sapo te besumpah demi temparok, sumpah yok endo bisi'k reti. Tapi sapo te besumpah demi te dipesemahneh darat temparok yok, neh terikat uleh sumpah yok.'19Hui,.kitak ura-ura butok! Ni te besai, isik pesemah atau temparok te ngudus ke utan te disemah yok?20Ute pituk, sapo te besumpah demi temparok, besumpah demi temparok tamai semuo utan te ado di daratneh.21Serto, sapo te besumpah demi Rumah Allah , besumpah demi Rumah Allah serto demi Neh ute nugau didalam.22Sapo te besumpah demi surgo, besumpah demi takhta Allah, serto Neh te duduk di daratneh.23Celakolah kitak, hui balo ahli-ahli Taurat tamai ura Farisi, ura-ura munafik! Kitak merik pepuluhan re daun selasih, kayu manis, serto garu, tapi udah endo peduli ngau hal te lebih berat re ukum Taurat, yok neh te adil, bangat kasih, serto iman. semuo utan tuk te arus kitak laku endo arus ngabai balo utan te lain.24kitak pemimpin-pemmpin te butok, te bangat ngarin semuo pempulah25Celakolah kitak, hui balo ahli Taurat tamai ura-ura Farisi, ura-ura te munfik! ute, kitak mersih enta luar genno cawan tamai pingan kitak,tapi enta dalamneh penuh ngau asil rampas tamai serakah.26kitak, ura-ura Farisi te butok! Bersih dulu enta dalam cawan tamai pingan, baruk enta luarneh gok tauk jadi bersih.27Celako kitak, ahli-ahli Taurat tamai ura-ura Farisi, ura-ura munafik! ute, kitak samo upo kubur te di cat putih, enta bagian luarneh te pantau baek, tapi enta bagian dalamneh penuh ngau tula-tula ura mati serto semuo te najis aram.28Piyok gok ngau kitak, enta bagian luar nampak benar bagi mensio. tapu enta dalamneh kitak penuh serakah serto pemikir jai'i.29Celakolah kitak, ahli-ahli Taurat tamai ura-ura Farisi, ura te munafik! Ute kitak mulah bangko kubur balo nabi serto nyemaek nisan ura-ura te saleh, serto madah, ' 30seumpamo kami udah idup maso inik muyang kami, kami tentu endo ngamik duman ngau sidok enta darah balo nabi.'31Anti'k piyok, kitak udah besaksi teradap dirik kitak kedirik ute kitak yok balo anak sidok te munuh balo nabi.32Jadi, genaplah ute diukur inik muyang kitak.33Kitak, yok ular, kenturun balo ular beludak, upo keti kitak ngelepas dirik re ukum nerako?34Ute piyok, peratituk, Aku ngutus balo nabi, ura-ura te bijak, serto balo ahli Taurat ngau kitak.Setengah re sidok tentu kitak bunuh tamai disalib, kedok neh kitak pangko pelasah de rumah ibadah kitak, serto kitak ngelulok neh re kuto ke kuto, 35isok semuo darah ura-ura te benar di tumpah ke tanah tentu datai nguso kitak, nemulo neh re darah Habel, 36Sebenarneh Aku madah ngau kitak ute semuo hal utan tuk tentu datai ngau kenturun te pituk."37Oh, Yerusalem. Yerusalem, te munuh balo nabi serto nikam ngau batu sidok te di utus ngau neh.Kemauk neh Aku ingin ngumpul balo anak-anak kitak semuoneh, upo inuk manok ngumpul anakneh enta baruh sayap, tapi kitak endo mau'k. 38Peratilah, rumah kitak de dudi ngau kitak serto jadi sepi sunyik. 39Ute, Aku madah ngau kitak utan pituk nemulo re pituk, kitak endo tauk merati Aku lagi sampai kitak madah, Diberik berkat Neh te datai dalam damo Tuhan.'"
Chapter 24

1Yesus ke luar re rumah gerijo lalu angkat nguso ke balo murid-Neh te nunyuk semuo bangunan rumah ibadah ngau-Neh. 2Neh pun betanyok ngau sidok, " Endokah kitak merati semuo utan tuk? Aku madah te sebenarneh ngau kitak ute endo seleko pun sigik batu te dituk de isok genno de darat batu te lain, ute endo tentu di rubuhneh."3Watu Yesus duduk didarat bukit Zaitun, balo murid-Neh datai nguso-Neh secaro kedirik serto becakap, "Padah ngau kami, sebilo pekaro tuk tauk tejadi serto apo utan te tentu tejadi balo tanno penatai-Nuan serto pengabis jaman tuk?" 4Yesus nyaut sidok, Peratilah isok nang bisik ura te mauk nyesat kitak. 5Ute, bangat te mauk datai ngau damo-Aku serto madah, 'Aku tuk em kristus,' lalu sidok pun bangat nyesat ke ura bangat.6Kitak tentu menind ura bepera serto gisah tenta keti caro ura bepera.De perati benar isok kitak endo takut tenta semuo utan tuk te arus tejadi, tapi tuk apan pengabisneh.7Kebok em, banso tuk ngelawan banso te lain, piyok gok kerajaan belawan ngau kerajaan, serto di bemacam tempat tentu ado tejadi lapar tamai gempa bumi.8Semuo hal upo tuk nemulo neh re pedih watu kito beranak.9Udah yok, sidok tentu nyerah kitak ngau ura te nyikso serto munuh kitak, kitak pun dibencik ulih seluruh banso ute ngemaik damo-Aku. 10Pas watu yok, bangat ura tentu terantuk, serto salin nyalah ke pangan, tamai benci ngau te lain kedok neh.11Bangat pansut balo nabi te palsu serto ngenyesat ke ura bangat.12Kebok, ura pun pituk makin bekura kasih, malah bangat ura nerako ke pangan.13Tapi, ura te mampu betan sampai pengabisneh tentu di selamat jiwoneh.14Inyil kerajaan pun di berito ke seluruh dunio jadi saksi idup bagi semuo banso, udah yok pencudahneh tentu datai.15jadi, bilo kitak mantau te nyuruh binaso yok kerampak, upo te di padah nabi Daniel, bediri de aro te suci, aruslah balo te maco nyarok jekukneh, 16kebok sidok te bisi'k di Yudea arus ngelari kedirik ke darat bukit.17Sapo te ado de darat atap dangau, nusahlah neh turun ngau ngamik utan te ado alam dangau neh.18Sapo pun te ado te tengah umo, nusah pulai ngau ngamik balo baju selawarneh.19Celakolah balo betinok te nganno serto sidok te beranak biak ute lagik nyusu anakneh pas watu ari-ari yok.20Berdu'olah isok kitak angkat ngelari kedirik nusah watu musim perujan atau pas ari mingu. 21Ute udah yok kok datai maso te susah, upo te apan suah tejadi re nemulo dunio tuk sampai pituk, serto endo suah tejadi lagik. 22Serto, bilo ari-ari tuk endo pa'ndak endo bisi'k idup tuk tauk di selamat. tapi, demi sidok te di pilih, ari-ari pituk tentu di suruh pa'ndak.23Udah yok, bilo bisi'k seura madah ngau kitak, ' Perati, Kristus ado dituk,' atau' Neh ado diyok atau din,' nusah pecayok ngau neh.24Ute yok, kristus-kritus te palsu tamai balo nabi palsu tentu sidok mansut mau'k mulah utan ta'ndo-ta'ndo te besai tamai mulag balo mujisat isok sidok tauk nyesat ke ura, anti'k benar, bah sidok te di pilih.25Pantau benar-benar, Aku udah madah ngau kitak seapanneh.26Bilo sidok madah ngau kitak, 'perati kituk, Neh bisi'k di tengah belayan pada rumput ,' nusah angkat kin, atau 'Perati, Neh ado didalam pangkin yok,' nusah pecayok ngau neh.27Kebok utan, samo upo kilat te mancar re timur serto besinar sampai ke barat, piyoklah penatai Anak Mensio bilo tejadi. 28Bilo bisi'k bangkai bau buntau, tentu diyoklah penugau balo buro nasar bekumpul."29"Sigat, seudah maso te susah yok, ' Matoari tentu keleman, serto bulan endo agik merik sinarneh, binta di langit pun jatuk, piyok gok balo kuaso te di langitpun digunca.'30Lalu, ta'ndo Anak Mensio akan mansut re langit serto balo suku te ado dibumi jadi runguk.Sidok mantau Anak Mensio datai enta awan-awan di langit, ngau kuaso tamai kemulio te besai.31Neh, pun ngutus balo malaikat-Neh ngau ingan terumpit te sangat nyarin, serto sidok ngumpul ke balo umat pemilih-Neh re empat pitok ujo bumi, re ujo langit te sutik ke ujo langit te lain.32Pituk, Belajarlah re umpamo pun kayu aro bilo ujo dan neh jadi lemah serto daun mudok mansut betunas, tentu kitak ketauk ute musim panas udah semak. 33piyok gok watu kitak mantau semuo hal utan tuk, kitak ketauk ute Neh udah semak, nugau dimuo lawa.34Sebenarneh, Aku madah ngau kitak ute kenturun pituk endo tentu belalu sampai semuo hal utan tuk tejadi. 35Langit tamai bumi tentu lenyau, tapi Firman-firman-Aku endo tentu ngayap piyok genno."36Tapi, kalau ari tamai waktuneh, endo bisi'k sikuk pun ketauk, balo malaikat disurgo pun endo ketauk, Anak pun endo, selain Allah Bapa genno.37Samo upo tejadi watu jaman Nuh, piyok gok penatai Anak Mensio tuk tejadi.38Kebok, em. upo watu ari-ari seapan aik bah, Sidok makai minum, kawin ngawin pangan, sampai watu ari Nuh tamok ke dalam perau bahtera. 39Lalu, sidok pun endo ngerti ke neh sampai aik bah tauk datai serto ngelenyap ke sidok semuo; upo yok gok penatai Anak Mensio tuk tejadi.40Bisik, duo ura di umo; te seura tentu di amik serto te seura agik de dudi.41Duo ura betinok ute tengah ngilin ngau batu kilang, ute seura di amik tapi te seura de dudi ke Neh.42kebok em pituk, bejago-jago ute kitak endo ketauk ari apo Tuhan kitak datai.43Tapi, ketauklah utan tuk bilo tuan rumah udah ngetauk sebilo, pas watu malam, pencuri datai, tentu neh bejago-jago serto endo ngisok dangau neh di bungkar.44Ute pituk, kitak gok arus siap sedio ute Anak Mensio datai waktu neh kitak endo dugo.45Lalu, sapo hamba te setio tamai te bijak, ute tuan neh angkat jadi ngunan ura ngau seluruh isik dangauneh isok tauk merik sidok makai pas waktuneh?46Diberkatlah hamba yok,bilo tuanneh datai, tuanneh mantau hamba yok tengah bekerjo ngelayan pangan.47Aku madah ngau kitak ute tuan yok tentu ngangkat hambaneh yok ngau ngintu semuo reto empuneh.48Tapi, bilo hamba te jai'i yok madah dalam atineh, Tuanku agik lamah ngau datai,' 49lalu neh mangko melasah balo hamba te lain, udah yok neh makai minum besamo ngau ura pemabok; 50sento waktuneh tuan re hamba datai pas ari yok te endo diketauk neh,51 lalu tuan yok pun munuh neh, serto nempat ke neh besamo -samo ura-ura munafik. Di aro yok tentu ado tangis sabak serto gertak gigi mengkerit.
Chapter 25

1Udah yok, Kerajaan surgo pun diumpamo ngau sepuluh betinok te ngemaik lampu pelito serto angkat nguso betemu ngau pengantin te laki. 2Limo disentaro sidok yok betinok te budu, serto limo betinok te lain yok te bijak atineh.3Balo betinok te budu yok, ngemaik pelito tapi endo bisik ngemaik minyak.4Seda, te bijak ngemaik minyak dalam butul renyai, sutik ngau pelito-pelito sidok.5Tapi, watu pengantin lelaki yok lamah ngau datai, sidok semuo pun jadi ngantuk serto te tidur.6Watu tengah malam bisi'k te mangkas, ' pengantin lelaki datai! Keluarlah ngau nyamutneh!'7Semuo betinok yok pun tejago re penidur serto ngemaik pelito-pelito sidok.8 Lalu, te budu ngumung ngau te bijak, 'Duman ke kami sikit genno minyak kitak ute pelito kami ampir padam.' 9Tapi, betinok te bijak pun nyaut, 'Endo, endo tentu cukup ngau kami tamai kitak. Lebih baek, ligas kitak angkat nguso ura te nyual binyak serto beli em sikit ngau kitak kedirik.'10Sementaro sidok angkat ngau ngegok minyak, pengantin lelaki yok pun datai, sidok te udah siap, tamok bereto besamo ngau neh nguso pejamu kawin, lalu lawa pun ditutup.11Udah yok, datai gok balo betinok te lain serto ngumung ngau, 'Tuan, tuan! bukolah lawa ngau kami.'12Tapi, neh pun nyaut, 'Sebenarneh, aku madah ngau kitak, aku tuk endo ngelalo kitak.'13ute bako tuk, bejago-jagolah ute kitak endo ketauk ari atau waktuneh."14Kebok, Kerajaan surgo samo gok upo seura te angkat ke luar negeri, neh ngumai balo hamba suruhneh serto nyerah ke semuo reto be'ndo empuneh ngau sidok.15Ngau te seura, neh merik 5 talenta. Ngau te lainneh 2 talenta, serto ngau te lain agik, 1 talenta. Masin-masin sesuai ngau kemampuneh. udah yok, neh angkat. 16Ura te nerimok 5 talenta yok langsung angkat, serto nyalai ke talenta yok, lalu neh ngasil ke 5 talenta lagik.17Piyok gok ngau ura te nerimok 2 talenta, neh ngasil ke 2 talenta lagik.18Tapi, ura te nerimok 1 talenta yok angkat, lalu ngali luba di tanah, serto napok ke duit tuanneh.19Udah lamah tuan angkat, neh pun datai nguso balo hambaneh berito ngau sidok.20Ura te udah nerimok 5 talenta yok ngadap tuanneh serto ngemaik 5 talenta lagik, jekukneh, 'Tuan, nuan nyerah 5 talenta ngau aku. Pantau, aku udah ngasilke 5 talenta lagik.'21Tuanneh pun ngumung ngau neh 'baek benar, hamba te baek serto setio.Nuan setio ngau pekaro te renyai, aku tentu ngangkat nuan ngintu bangat hal, tamoklah ke dalam aro sukacita senang tuan nuan tuk.'22Lalu, ura te nerimok 2 talenta gok datai ngadap tuanneh serto ngumung, 'Tuan, nuan udah nyerah 2 talenta ngau aku.Pantau, aku udah ngasil 2 talenta lagik.'23Tuanneh pun nyaut, Baek benar, hamba te baek serto setio. Nuan setio ngau pekaro te renyai, aku tentu ngangkat nuan ngau ngintu bangat hal, tamoklah ke dalam sukacita senang tuan kitak tuk..'24Udah yok, ura te nerimok 1 talenta yok gok datai ngadap serto madah,'Tuan, aku ketauk nuan ura te sangat kejam, nuai (ngamik) enta aro te nuan endo nabur, serto ngumpul enta aro te nuan endo nanam. 25Ute pituk, aku takut, serto angkat lalu napok ke talenta nuan ke dalam tanah. Pantau, nuan ngempu apo te jadi empu nuan.'26Tapi, tuanneh nyaut serto madah ngauneh, 'kitak hamba te jai'i serto lemau! kitak ketauk ute aku menuai di aro te aku endo nabur serto ngumpul kesemuoneh de aro te aku endo nibar benih.27 Ute pituk, searusneh kitak naruh utan duit ringit aku di balo bank serto watu aku pulai bekalih, aku nerimok empu aku pulai ngau bisi'k bungoneh.28Amik sutik talenta yok re neh serto berik ngau kaban te lain, te ngempu 10 talenta yok. 29Kebok, setiap ura te ngempu tentu di berik lagik, serto neh yok tentu bekelimpah utan.tapi,sebalekneh re ura te endo ngempu, bah apo lagik te neh empu tentu di amik.30Sempalo hamba te endo beguno yok ke dalam enta te keleman te endo te perati lagik. Enta yok aro bangat ingan tangis serto ado gigi te mengkerit.'"31"Watu Anak Mensio datai dalam kemulio-Neh, balo malaikat pun bereto-Neh, lalu Neh pun duduk ditakhta kemulio-Neh. 32Semuo banso tentu bekumpul de muo-Neh, serto Neh tentu misah sidok sikuk-sikuk re lain, upo gemmala te misah domba re balo kamin.33Lalu, Neh pun nyuruh balo domba di sepiak kanan-Neh, serto balo kamin di sepiak kibok-Neh.34Udah yok Rajo pun ngumung ngau sidok te di sepiak kanan-Neh, "Buh..,kitak te di berik berkat ulih Apai-Aku, waris serto empu kerajaan te di sedio Neh ngau kitak re dunio tuk nemulo. 35Bilo Aku lapar, kitak merik Aku makai. Aku aus kitak pun merik Aku minum. Aku ura penatai, kitakpun nyuruh Aku tamok ke dangau.36Aku telanya, kitak pun merik Aku selawar baju. Aku pedih runguk kitak pun ngansau Aku. Aku di dalam penyaro kitak pun datai nguang nguso-Aku.'37Lalu, ura-ura benar yok tentu nyawab-Neh, 'Tuhan, sebilo kami mantau Nuan lapar serto tauk merik Nuan makai, atau aus serto tauk merik Nuan minum? 38Sebilo kami merati Nuan ura penatai serto nguna Nuan tamok, atau telanya serto tauk merik Nuan selawar baju?39Sebilo kami mantau Nuan pedih runguk atau dipenyaro lalu kami datai nguso-Nuan?' 40Rajo pun lalu nyaut, 'Aku madah te sebenarneh ngau kitak, upo keti kitak belaku teradap pangan re.balo sentuo menyadik-Aku te palin renyai tuk, kitak pun belaku ngau -Aku.41Lalu, Neh pun madah Sidok gok te di sepiak kibok-Neh, 'Lari re tuk enta mato muo-Aku, kitak ute tekutuk, ke dalam api te abadi te dah disiap ngau balo iblis tamai balo malaikatneh.42Ute, Aku lapar kitak endo merik Aku makai. Aku aus kitak pun endo merik Aku aik minum. 43Aku ura penatai kitak endo nyuruh Aku tamok;Aku endo beselawar baju kitak endo merik Aku baban, piyok gok Aku runguk serto dalam penyaro, kitak endo suah nguso Aku.'44Sidok pun nyaut, 'Tuhan, endo suah kami mantau Nuan lapar atau aus, atau ura penatai, atau runguk atau telanya, atau di penyaro, serto endo ngelayan-Nuan?' 45Udah yok, Neh pun nyaut apo te jekuk sidok, " Aku madah te sebenarneh ngau kitak, Bilo kitak endo belaku sikap baek ngau salah seura re sidok te palin renyai tuk, kitak pun endo belaku baek ngau-Aku.'46Lalu sidok pun semuo angkat ke dalam pengukum te kekal, tapi ura-ura te benar tamok ke dalam pengidup te kekal."
Chapter 26

1Watu Yesus udah becakap encudah semuo jekuk, Neh pun madah ngau semuo balo murid-Neh,2 "Kitak ketauk endo duo ari agik paskah, Anak mensio tentu diserah serto disalib ulih sidok."3Balo imam kepalo tamai tetuo banso bekumpul besamo de dalam keraton(istana) Imam besai, ute bedamo Kayafas.4Lalu, sidok pun bepekat sekungkul ngau nangkap Yesus ngau caro nipu kok ngemunuh-Neh. 5Tapi sidok pun madah nusah selamah watu ari perayo isok endo bisi'k tejadi kerusuh ditengah ura bangat."6Yesus pun lagi nugau di Betania, di rumah Simon te kusta, 7seura betinok datai nguso-Neh ngemaik sebutol guci pualam te renyai be'isik minyak wangi te sangat mahal regoneh, betinok yok pun numpah kedarat kepalo Yesus watu Esus tengah duduk makai.8 watu balo murid-Neh mantauneh, sidok jadi luat serto madah, "Ngapo burus benar semuo yok?9 ute, minyak wangi yok tauk dijual te regoneh sangat mahal serto tauk diberik ngau ura te miskin.10Ute, Yesus ketauk pekaro tuk, madah ngau sidok, "Ngapo kitak nyusah ke betinok tuk? ute neh, ngelaku pempulah te baek ngau Aku. 11Bisik penyebab, kitak selalu ngempu ke ura-ura te miskin tamai kitak, tapi kitak endo tauk ngempu ke-Aku.12Sento betinok tuk numpah binyak wangi ke tubuh-Aku, neh pun ngelaku ngau nyiap ke semuo ngubur ke-Aku.13Aku (Yesus) madah te sebenar ngau kitak dini injil tuk di berito ngau seluruh dunio, apo te udah dilaku uleh betinok tuk tentu di umung ura jadi ngau ngingat ke Neh."14Udah yok, salah seura re keduo belas murid, te bedamo Yudas Iskariot, angkat nguso ngau balo imam kepalo, 15Yudas pun ngumung ngau sidok" kitak merik aku apo bilo aku nyerah Neh ngau kitak?"Sidok pun netap ngau merik Yudas 30 kipin pirak ngau neh.16Sementaro yok, neh pun ngegok aro tamai penyempatneh te baek ngau nyerah ke Yesus.17Watu ari yok, ari pertamo mulah rute ute endo bisik ragi, Balo murid-pun datai nguso Yesus lalu betanyok, "enta ni Nuan pituk, kami mau'k nyiap ke pemakai paskah ngau-Nuan.?"18Yesus lalu nyaut, Tamoklah ke dalam kuto, nguso seura, serto padah ngau-Neh,"Guru pun ngumung, "'Watu-Aku udah semak. Aku kok ngerayo askah tuk di dangau kitak samo-samo ngau balo mueid-Aku."'19Semuo murid ngelaku apo te dipadah Yesus, te udah dipesan ngau sidok semuo, serto nyiap ke semuo paskah yok.20pituk, ari silup keleman, malam ari Yesus duduk makai bereto beramo ngau keduo belas murid. 21Tengah sidok makai, Neh pun bepadah, "Aku madah te sebenar ngau kitak semuo te dituk ute salah seura re kitak tentu ngianat Aku." 22Sidok pun lalu besedih ati lalu masin-masin ura nemulo becakap ngau-Neh, "Pastineh, bukan aku, Tuhan?"23Yesus pun nyaut, "Neh, te encelup jarineh ke dalam mangkok besamo-samo Aku, neh yok te bekhianat ngau Aku. 24Anak mensio tentu angkat upo te ditulis tenta Neh.Tapi, sajo celako ura yok, te ulihneh Anak mensio di khianat! Tentu lebih baek bagi ura yok bilo neh endo suah diperanak."25Udah yok Yudas, te tentu nyerah Yesus, ngumung ngau-Neh, Tentu bukan aku, Guru?" jekuk Yesus ngau neh, Nuan udah madah neh."26Watu sidok tengah makai, Yesus ngamik rute. Lalu, seudah merik berkat, Yesus pun meceh-mecah lalu merik ngau balo murid serto madah, Amiklah serto makailah, tuk tubuh-Aku."27Udah yok, Neh pun ngamik cawan, ngucap syukur, lalu merik ngau sidok, jekuk-Neh, "Kitak semuo, minumlah re semuo yok.28Sebab tuk, yok neh darah-Aku, darah pejanyi, te di tumpah ngau bangat ura isok tauk ngampun duso-duso. 29Aku madah ngau kitak ute Aku endo lagi munum asil pun angur tuk, re pituk sampai ari yok pagi, bilo Aku minum angur te baru besamo ngau kitak enta kerajaan Apai-Aku."30Seudah sidok, nyannyi lagu pujian, sidok pun angkat nuju ke bukit Zaitun.31Udah yok Yesus bepadah ngau balo murid-Neh, "kitak semuo tentu pamar biar ute ulih Sku malam tuk. kebok bisik te ditulis, 'Aku kok nyipat mangko melasah gembalo, serto balo pengkidup dumba re balo kabanneh tentu becerai berai'. 32Tapi ,seudah Aku bangkit, Aku tentu dulu datai nemu kitak di galilea."33Petrus pun ngumung, "Sekali pun kami semuo tesano tesentok ulih-Nuan, aku endo suah tesano apo lagi tesentok."34Jekuk Yesus ngau neh, "Aku madah te sebenar ngau kitak ute malam tuk, seapan manok engkukok, nuan tentu nyangkal Aku tigo kali."35Petrus pun nyaut ngau-Neh, "Sekalik aku arus mati bereto-Nuan, aku endo nyangkal-Nuan!" Semuo murid te lain pun gok madah utan te samo.36Yesus tamai balo murid-Neh datai ke aro te bedamo Getsemani Lalu Neh pun becakap ngau balo murid-Neh, "Duduk em sekejab dituk, sementaro Aku kok kin mau'k berdu'o." 37Neh pun ngemaik Petrus serto keduo anak Zebedeus bereto ngau-Neh, Lalu Neh (Yesus) nemulo beduka serto besusah ati.38Udah yok, Neh madah ngau sidok,"Ati Aku tuk sangat beduka, bah sajo upo mau'k mati rasoneh. Nugaulah dituk sekejab serto tetap bejago-jago besamo ngau-Aku."39Neh pun jauh sikit re sidok, lalu besujud, mato muo Neh nyentuh tanah serto berdu'o, jekuk-Neh," Bapa-Aku, kalau tauk, isok neh cawan tuk belalu re-Aku. Tapi, nusah upo te Aku kemauk, isoklah kemauk-Nuan."40Udah yok, Neh datai nguso balo murid-Neh lalu nemu sidok tengah tiduor. Lalu, Yesus madah Petrus, " Jadi, kitak endo sangup bejago-jago besamo ngau-Aku selamah sejam ?41Bejago-jago serto berdu'olah isok kitak endo jatuk kedalam pencubaan. Roh memang penurut tapi dagin tentu lemah."42Yesus angkat lagik keduo kalikneh serto berdu'o, jekuk-Neh, Apai-Aku, bilo tuk tauk belalu kecuali Aku te minumneh, kemau'k-Nuanlah ute tentu tejadi." 43Sekalik lagik, Neh datai lalu nemu sidok tengah te tidor ute mato sidok udah ngantok berat benar. 44Lalu,Neh pun nudi ke sidok, lalu angkat lagik, ngau berdu'o ke tigo kalikneh, ngucap kato-kato te samo.45Udah yok Yesus bekalih ngau balo muridneh serto madah, Tidorlah dulu serto betegoklah. pantau, waktuneh makin semak serto Anak Mensio diserah ngau ura-ura te beduso.46Jagolah re penidor, buh kito angkat.perati, ura te nyerah ke Aku udah semak benar."47Sementaro Yesus agik becakap, Yudas, seura re keduo belas murid yok pun datai. Bereto ngau neh, kerumun ura bangat datai ngemaik manau tamai pemangko, re balo imam kepalo tamai re tetuo banso yok.48Lalu pituk, neh te nyerah Yesus merik sidok tandno, jekukneh, "Sapo te aku cium, yok em Neh, tangkap em Neh."49Yudas lalu nyemak serto nguso Yesus serto madah, "Salam, Guru!" lalu Yudas nyium-Neh.50Jekuk Yesus ngau neh, "Kaban, sigat apo kemauk penatai nuan."Udah yok ura bangat pun lalu nyemak, ngeletak jari ngau Yesus, lalu nangkap-Neh.51lalu tepantau, seura re sidok te besamo ngau Yesus ngulur jarineh, lalu narek isauneh, serto nyera imam besai yok, lalu nyayat daun penindneh.52Lalu, jekuk Yesus ngau neh,"Tamok ke dalam saro isau nuan yok. ute semuo te ngau isau tentu binaso ulih isau.53Atau, kitak pikir aku endo mampu mintok tulo ngau Apai-Aku, tentu Neh, sigat gok,merik duo belas pemangat balo pasukan malaikat ngau Aku.?54Tapi, upo keti kitab suci tauk di genap te madah arus upo yok ute arus tejadi.55Pas watu yok, Yesus madah ngau ura bangat te diok, "Apo kah Aku tuk seura perampok kitak keluar ngemaik balo isau tamai pemangko ngau nangkap Aku?Setiap ari, Aku duduk ngajar di dangau gerijo ngapokitak endo nangkap Aku.56Tapi, semuo yok arus tejadi isok kitab-kitab balo nabi di genapi." Udah yok, semuo balo murid udi ke-Neh serto ngelari kedirik masin-masin.57Sidok te nangkap Yesus lalu ngemaik-Neh nguso Kayafas, seura imam Besai, aro balo ahli Taurat serto balo tetuo bekumpul semuo.58Lalu, Petrus nerudi Yesus re jauh sampai ke temelayan dangau imam besai. Lalu, Petrus tamok, duduk besamo ngau balo pengawal ngau merati pencudahneh.59Lalu, balo imam kepalo tamai seluruh tokoh agama ngegok penyalah Yesus ngau merik kisah te palsu isok tauk ngukum mati Neh.60 Tapi, sidok endo tauk nemu ke penyalahneh meski bangat balo saksi te pengemulok te datai.udah yok, bisik duo ura mansut, 61serto ngumung, "Ura tuk madah, Aku mampu ngerubuh dangau gerijo serto mulahneh agik dalam tigo ari."'62Lalu, Imam besai yok bediri serto ngumung ngau Yesus, Apo Nuan endo numut nyaut? apo te ura-ura tuk saksi teradap Nuan?63Tapi, Yesus tetap nugau. lalu Imam besai yok pun becakap ngau Yesus, "Aku nyumpah Nuan demi Allah te idup isok Nuan madah ngau kami, Apo Nuan tuk Mesias, Anak Allah?"64Yesus lalu nyaut ngau Neh, Nuan kedirik te ngucap neh. tapi, Aku madah ngau nuan ute nemulo re pituk nuan tentu merati Anak Mensio duduk di sepiak kanan te maha Kuaso, serto datai di awan-awan re langit.65Udah yok, Imam Besai ngeransik baju jubah Neh serto ngumung, "Neh udah ngelulok! Apo perlu agik balo saksi? perati, kitak semuo udah menind Neh ngelulok.66Upoketi penapat kitak?Balo pemimpin Yahudi yok pun nyaut, " Neh pantas di ukum mati."67Lalu, sidok pun ngeludah-Neh serto ngucok-Neh. piyok gok te lain nampar-Neh.68Jekuk sidok, "pulah te ajaib teradap kami, hai Mesias; sapo kah te mangko Nuan?"69Petrus pun duduk di luar temelayan lalu seura pelayan betinok datai ngusoneh serto becakap jekukneh, Nuan tamai Yesus kan ura Galilea yok."70Tapi, Petrus nyangkalneh di muo sidok semuo, jekukneh,"Aku endo ketauk apo te kitak umung."71Watu Petrus keluar re pintu gerba, pelayan betinok te lain pun mantau neh serto ngumung ngau ura-ura te ado diok, "Ura tuk te besamo ngau Yesus re Nasaret yok." 72Lalu, sekali lagik Petrus nyangkalneh ngau sumpah, "Aku endo ngelalo ura yok."73Endo lamah re yok, ura-ura te bediri diyok nyemak Petrus lalu banai," Tentu nuan gok salah sikuk re sidok, ute cakap ngau lugat nuan samo." 74Lalu, Petrus nemulo ngutuk serto besumpah, jekuk neh, "Aku endo ngelalo Ura yok." apan lamah, manok sabo lalu engkukuk.75Petrus lalu ingat apo te dipadah Yesus, " Seapan manok sabo engkukuk, nuan udah nyangkal Aku tigo kali." udah yok Petrus keluar aro ura bangat neh nyabak piyok piluk ati.
Chapter 27

1Pituk, watu lelsm kenyung dah dangkar, semuo imam kepalo tamai balo tuo-tuo banso yok ngamik keputus besamo tenta Yesus ngau ngukum Neh.2Lalu, sidok pun ngikat Yesus, lalu ngemaik serto nyerah-Neh ngau Gubernur Pilatus.3Watu Yudas, te nyerah Yesus, mantau ute Yesus di jatuk ukum mati, neh ngeraso nyesak serto ngemula ke 30 kipin pirak ngau imam-imam kepalo tamai balo tuo-tuo,4 jekukneh " Aku udah beduso ute nyerah darah te endo bisik penyalah."tapi, sidok pun ngumung, "Apo urusanneh ngau kami? yok urusan nuan!"5Lalu, Yudas nikam kipin-kipin pirak yok ke dalam dangau gerijo serto nudi ke neh. lalu,neh angkat serto nganto dirikneh.6Balo imam kepalo ngamik kipin duit pirak yok serto ngumung, "Endo tauk di taruh enta bendahara ute utan tuk duit rego darah."7Kebok, sidok ngamik keputus besamo serto ngau duit yok, Sidok meli tanah tuka mulah priok ngau aro ura ngubur isok tauk ngau semuo ura penatai tauk de kubur diok.8yok em penyebabneh, tanah disebut 'Tanah Darah' sampai ari pituk.9Kebok upo yok, genaplah apo te dipadah ulih Nabi Yeremia: " Udah yok sidok ngamik duit 30 (tigo puluh) kipin pirak. Yok em neh rego dirik-Neh ute udah di kiro atau di taksir ulih ura-ura Israel. 10Sidok nguno ke 30 kipin duit pirak ngau meli tanah tuka periok, upo te udah Tuhan perintah ngau aku."11Yesus pun bediri di muo petingi negaro lalu petingi Negaro betanyok ngau-Neh, "Apo Nuan tuk Rajo ura Yahudi?"Yesus nyaut, "Aok, benar upo te nuan padah."12Tapi, watu Neh dituduh ulih imam-imam kepalo tamai balo tuo-tuo Neh endo nyaut sepatah kato pun.13Udah yok, Pilatus pun ngumung ngau-Neh, "Apo Nuan endo menind sajo bangat ura nuduh Nuan?"14Yesus pun endo nyaut Pilatus, bah ngau sutik te dituduh ngau-Neh sampai petingi Negaro yok sangat iran mantau-Neh.15Setiap ari rayo Petingi Negaro selalu ngebibas bagi ura bangat, seura ute di tahan te di kemauk ulih sidok.16Watu yok, sidok bisik ngempu seura te ditahan te sangat di kelalo, damo neh Barabas.17Kejadineh, watu ura bangat bekumpul, Pilatus betanyok ngau sidok semuo, " Sapo te kitak ingin isok tauk aku bibas, Barabas atau Yesus, te disebut Kristus?"18Sebabneh, Pilatus ketauk ute ati sidok iri, sidok udah nyerah Yesus ngauneh.19Watu Pilatus tengah duduk di bangku pengadilan, bini ngirim pesan ngauneh, "Nusah ngelaku apo pun teradap Ura benar yok. Ute, aku udah pedih bangat pekaro ari tuk enta mimpi ulih Neh."20Tapi, balo imam kepalo tamai balo tetuo sangat merik pecayok ngau ura bangat isok tauk mintok Barabas serto munuh Yesus.21Petingi Negaro betanyok ngau sidok, "Ute ni re keduo ura tuk te kitak kemauk isok tauk aku bibas bagi kitak? Lalu sidok pun nyaut, " Barabas!"22Pilatus ngumung ngau sidok, apo te arus aku pulah ngau Yesus, te di sebut Kristus?" Semuo sidok pun nyaut, "Salib geno Neh!"23lalu, Pilatus betanyok, "Ngapo Neh tuk? penyalah apo te udah di pulahNeh? Tapi, sidok lebih kuat agik mangkas, "Salib geno Neh" 24Watu Pilatus merati ute neh endo encudah apo pun utan, malah rusuk baru nemulo tejadi, neh pun ngamik aik serto bebasok ke jari neh de muo ura bangat yok serto madah, "Aku endo bisik penyalah ngau darah Ura tuk. semuo utan tuk uruasan kitak kedirik!"25Sidok semuo te diok pun nyaut, "Darah-Neh kami tamai balo anak kami te nangoneh!"26Udah yok pun Pilatus mibas ke Barabas bagi sidok, Yesus pun di camok, lalu Pilatus nyerah Yesus ngau di salib.27Balo pengawal petingi Negaro ngemaik Yesus ke dalam gedungk pengadilan penugau petingi Negaro serto ngumpul ke seluruh padukan Romawi ngelilin ke Neh.28 Sidok ngelecut baju Yesus lalu di sarok jubah te ungu ngau-Neh. 29Udah yok pun sidok nganyam sutik mahkota te bedurik besamo-samo, sidok ngelekatneh di kepalo Yesus, seruas buluh di jari kanan-Neh, serto besujud di muo-Neh, samil ngelulok ke Yesus, jekuk sidok, "Salam Rajo ura Yahudi!"30Sidok ngelujah-Neh, ngamik buluh yok, lalu mangko ke kepalo-Neh.31Seudah sidok ngelulok Neh, sidok pun ngelepas jubah ungu te di ngau yok re Yesus, lalu ngenok ke lagik baju Neh kedirik, serto ngemaik Yesus angkat isok tauk nyalib ke-Neh.32Waktu Balo tentaro yok keluar, sidok betemu seura lelaki re Kirene te bedamo Simon. Sidok pun maksa Simon ngesan Kayu salib Yesus.33Sepenyampai sidok di aro te bedamo bukit Golgota, reti ute yok "Aro tengkurak" 34,sidok pun merik-Neh angur masam ngau dipinum te becampur ngau empeduk, seudah ngerasoneh, Neh endo mauk minum.35Tengah sidok nyalib Yesus, sidok beduman ke baju-Neh ditengah sidok ngau caro becabut undi.36Udah yok, sidok duduk serto samil ngawas-Neh diok.37Lalu didarat kepalo-Neh, sidok masa ute di tuduh ngau-Neh, "TUKLAH YESUS, RAJO URA YAHUDI."38Pas watu yok, ado duo ura penjahat te disalib bereto ngau Yesus. seura sepiak kanan serto seura lagik sepiak kibok.39Piyok gok ura-ura te mansok ngelalu ngelulok Neh samil ngilien-ngilien kepalo, 40serto madah, "Nuan te mauk ngerubuh Dangau Gerijo serto niri kelagik dalam tigo ari, selamat dirik-Nuan kedirik! Bilo Nuan Anak Allah, turunlah re salib yok!"41Piyok gok ngau imam-imam kepalo, tamai ahli-ahli Taurat serto balo teuo ngelulok Yesus, serto ngumung, jekuk sidok, 42"Neh nyelamat ke ura lain, tapi Neh endo tauk nyelamat Dirik-Neh kedirik.Bilo Neh yok Rajo Israel, isok Neh turun re salib yok pituk varu kito tauk pecayok ngau-Neh.43Neh pecayok ngau Allah, isok Allah nyelamat-Neh pituk, bilo Allah keran ngau-Neh. ute Neh kedirik madah, 'Aku tuk Anak Allah."'44Balo penjahat te di salib bereto ngau Neh gok ngelulok-Neh.45Nemulo re jam duo belas ari keleman sampai jam tigo.46Di pekiro jam tigo Yesus mangkas sangat nyarin, jekuk-Neh "Eli, Eli, lama sabakhtani?" ute retineh, "Allah-Ku, Allah-Ku, ngapo Nuan nudi ke Aku?"47Menind yok beberapo sidok te bediri diyok, madah, "Ura tuk lagi ngumai Elia."48Lalu datai seura re sidok bebedap, neh ngamik bungo karang, encelupneh ke dalam angur masam,serto ngikatneh ke sebata buluh, lalu merik ngau Yesus isok-Neh tauk minum.49Tapi, ura te lain madah, "Buh kito mantau, apo Elia tentu datai isok tauk nyelamat Neh."50Yesus pun mangkas sekali lagik ngau ingat te kuat lalu Neh nyerah ke nyawo-Neh.51Serto perati, tirai dalam Dangau Gerijo terida jadi duo re darat sampai ke baruh, serto bumi pun begunca,piyok gok bukit batu tebelah.52Kubur-kuburpun tebukok, bangat ura te suci ute udah lamah mati di bangkit.53seudah keluar re kuburneh, seudah pemangkit Yesus, sidok tamok ke dalam kuto kudus serto ngenampak kedrik ngau bangat ura.54Kepalo pasukan tamai balo prajurit ute tamai ngawas Yesus, watu sidok merati gempa bumi serto semuo hal ute tejadi tuk, sidok jadi takut serto ngumung, "Benar, Neh tuk Anak Allah!" 55Diyok pun bangat balo betinok te merati re jauh, ute nerudi Yesus re Galilea ngau ngelayan Neh.56Di sentaro sidok yok bisik Maria Magdalena, Maria inai Yakobus serto Yusuf derto inai re balo anak Zebedeus.57Ari udah baruh, datai seura te kayo ura re Arimetea bedamo Yusuf, te udah jadi murid Yesus gok. 58Neh angkat nguso Pilatus serto minto tubuh Yesus. lalu, Pilatus meritah isok tubuh Yesus di berik ngau Yusuf.59Yusuf ngamik tubuh Yesus, lalu malut-Neh ngau kain putih linan te bersih, lalu ngeletak60 Neh kedalam kubur te baru, empuneh kedirik, ute udah Neh gali enta sebuah bukit. Lalu. Yusuf ngulin ke batu besai yok ke pintu kubur alu neh pub angkat pulai.61Ute lagi nuguk nugau diyok Maria Magdalena tamai Maria te lain tengah duduk di muo kubur yok.62Pas ari keduo, yok neh ari seudah nyiap ngau ari minggu, imam -imam kepalo tamai ura Farisi bekumpul di muo Pilatus. 63Sidok madah, "Tuan, sepengingat kami ute watu pengemulok yok agik idup, Neh suah madah jekuk-Neh," Seudah tigo ari, Aku tentu bangkit lagik.'64Ute piyok, suruh balo pejurit Nuan nunguk kubur yok sampai ari ketigo, kelok balo murid-Neh amang datai lalu ngamik-Neh, serto ngumung ngau ura bangat, 'Neh udah bangkit re sentaro ura mati.'Lalu, pengabis nipu tuk tentu lebih jai"i re te udah."65Pilatus ngumung ngau sidok,"Kitak bisik gok penyagoneh.Angkatkin, jago serto tunguk apo utan te kitak ketauk."66Angas sidok angkat serto ngaman ke kubur yok besamo ngau kelumpok penyago, serto ngunci merik pala penutup lawa kubur.
Chapter 28

1Sentoneh lelam kenyung seudah ari sabat, ari berawak dangkar, pas ari minggu, Maria Magdalena tamai Maria te lain ngansau kubur. 2lalu te di pantau tejadi gempa bumi te sangat kuat ute malaikat Tuhan turun re Surgo, datai ngulin ke batu penutup lawa kubur yok, lalu duduk di darat batu yok.3Mato muoneh upo kilat serto bajuneh putih upo salju. 4Ute raso penakut teradapneh, sidok te bejago diyok takut begetar upo ura -ura mati.5Malaikat pun becakap ngau betinok-betinok yok, "Nusah takut ute aku ketauk tentu kitak ngegok Yesus te udah disalib. 6Neh endo bisik dituk ute udah bangkit upo te dipadah-Neh. Kituk, pantau aro Neh de gurin.7Sigat angkat kin serto bepadah ngau balo murid-Neh ute Neh udah bangkit re sentaro ura mati, serto peratikin, Neh udah dulu re kitak ke Galilea. Din, kitak mantau Neh.Perati gok, aku udah madah ngau kitak."8Sidok pun sigat-sigat nudi ke kubur yok ngau raso takut tamai ati gago te besai; serto bebedap bepadah nguso balo murid-murid-Neh. 9Sekelin yok Yesus bediri nemu sidok serto ngumung, "Salam bagi kitak!" lalu sidok datai nguso Yesus, megai kaki-Neh, serto nyemah-Neh.10Udah yok , Yesus pun becakap ngau sidok, "Nusah takut; angkat kin serto padah balo sentuo Aku suruh datai ke Galilea, din sidok tentu mantau Aku."11Sementaro sidok angkat, duo tigo ura re penyago angkat ke kuto serto bepadah ngau balo imam kepalo tenta semuo hal te udah tejadi.12Watu sidok bekumpul besamo balo tetuo sidok pun bepekat, sidok pun bepekat lalu merik duit bangat ngau balo penyago kubur yok,13 serto madah "Begisah, 'Murid-murid Yesus datai tengah malam lalu ngamik-Neh tengah kami te tidor,'14Bilo pekaro tuk te penind ulih petingi negaro, kami tentu begisah isok neh pecayok serto isok kitak endo nemu pemedih tamai ragu."15Sidok pun nerimok duit yok serto ngelaku apo te diajar ngau sidok; gisah yok pun tesebar di tengah ura Yahudi sampai ari pituk.16Udah yok, ke sebelas murid pun angkat ke Galilea, ke bukit te udah ditunyuk Yesus ngau sidok.17Watu sidok mantau-Neh, sidok pun sujud nyemah+Neh. tapi bisik gok disentaro sidok te ragu-ragu.18Lalu, Yesus datai nguso sidok, serto madah, "Semuo kuaso udah diberik ngau-Aku, disurgo ataupun di bumi.19Ute piyok, angkatlah jadi kesemuo banso murid-Aku, baptislah sidok dalam damo Apai, serto Anak serto Roh Kudus,20Ajar sidok isok tauk taat semuo ute Aku perintah ngau kitak; serto ketauklah Aku selalu besamo kitak, bah sampai pengabis zaman

Mark

Chapter 1

1Tu em pemulo injil 2te de tulis kitab nabi Yesaya:" Pantau em!, Aku ngirim ura te Aku pecayo dulu ari Ikam, ngau nyiap ke jalai Ikam. 3Bisik suaro ura te mangkas ari belayan tanah," Siap ke jalai ngau Tuhan, nyadi ke jalai Neh bujor."4Piok go'k Yohanes watu de blayan tanah, mangkas nyuruh betobat ngau ngampun penyalah sidok, 5lalu semuo ura yerusalem tamai Yudea datai ngaku penyalah sidok semuo serto de pemanik Yohanes de sungai Yordan.6 Yohanes ngenok ke baju bulu unta.7Tuk em te de berito neh," seudah aku bisik seura datai, Neh lebeh bekuaso ari aku. Aku pun ndo laya' mungko'k serto muko'k senal Neh. 8Aku ngemanik kitak dengan ai, tapi Neh ngemanik kitak dengan Roh Kudus."9Pada watu yok datai Yesus, ari Nasaret, wilayah Galilea lalu de pemanik uleh Yohanes de sungai Yordan. 10Seudah keluar ari ai, Yesus mantau langit tebelah serto Roh upo buru'ng merpati turun ke ba'u Neh. 11Lalu tedingo suaro ari surga," Ikam anak te Kukaseh, Ngau Ikam Aku Bekenan."12Seudah yok, Roh mai'k Neh ke belayan tanah. 13Neh nugau de belayan tanah selamo empat puluh ari lalu iblis ncubo Neh. Yesus idup de entaro balo jelu ganas tamai balo malaikat ngelayan Neh.14Seudah Yohanes de penyaro, Yesus angkat ke wilayah Galilea serto nyebar ke Injil Allah.15Neh madah," Genaplah Watuneh, kerajaan Allah. Bertobat serto pecayoklah ngau Injil!"16Pado watu Yesus ngelilin't danau Galilea, Neh mantau Simon.17 Lalu, Yesus madah ke sidok, "Tamai em Aku, Aku akan nyadi ke seduo penyalo mensio."18 Simon tamai Andreas nudi ke jalo seduo lalu tamai Neh.19Watu Neh angkat jauh agik, Neh mantau Yakobus anak Zebedeus tamai Yohanes menyadik neh tengah dalam perau serto lagik tengah nyemaek jala. 20Yesus ngumai, lalu sidok nudi ke apai sidok, Zebedeus dalam perau tamai balo anak buah neh, lalu angkat tamai Yesus.21Lalu, Sidok sampai de Kapernaum serto ngajar.22 Sidok iran ningo ajar Neh padai Neh ngajar upo ura te mpu kuaso, Ndo upo ahli-ahli taurat.23Pada watu yok, de Sinagoge bisik seura de tamok roh jai lalu menciak, 24bungi neh,"Apo urus entaro Nuan ngau kami, Yesus ari Nasaret?" Apo Nuan datai ko'k munuh kami? Aku ketau sapo Nuan. Nuan yok Ura Kudus ari Allah!" 25Tapi Yesus mentak neh, bungi Neh"Nugau!,angkat ari ura tuk! 26Seudah roh jai yok nguncang-nguncang neh samil menciak, roh yok angkat ari neh.27Sidok semuo ngeraso iran lalu samo betanyok ke pangan, bungi sidok" Apo utan tuk?" Ajaran baru te bisik kuaso! Neh merintah roh-roh jai yok lalu sidok patuh ke Neh." 28Lalu berito yok cepat tesebar kini-kini sampai ke seluruh wilayah Galilea.29Seudah Yesus tamai murid-murid-Neh angkat ari Sinagoge, Sidok tamok ke dangau Simon tamai Andreas, bereto Yakobus tamai Yohanes. 30Watu yok mentuo betino'k Simon tengah tegalai padai tabin, lalu sidok madah keadaan neh ngau Yesus. 31Yesus jengo'k neh tamai megai jari neh serto mantu neh kok bediri. Pado watu yok go'k tabin neh semuh lalu betinok yok ngelayan sidok.32Watu ari ko'k malam, Sidok ma'i semuo ura-ura pedih tamai ura te kerasukan roh ja'i ngau Yesus. 33Lalu semuo ura kuto bekero di muo pintu dangau yok. 34Yesus bangat nyemuh macam-macam pemedih ura serto ngusir bangat sitan. Neh ndo nyuroh sitan-sitan yok ngomong padai sidok ngelalo Neh.35Lelam benar, watu ari lagik kleman, Yesus teruas lalu angkat ke tempat sungik, Neh bedoa diok.36 Lalu Simon tamai ura-ura te serto neh nggo'k Yesus. 37Watu sidok nemu Yesus, sidok madah,"Semuo ura nggo'k Nuan!"38Lalu bunge Yesus, "Bom kito angkat ke kota-kota te semak, Iso Aku tau berkhotbah ngau ura- ura din. Padai tuk em alasan Aku datai." 39Karno yok, Yesus bejalai ngelilint semuo wilayah Galilea. Neh madah ke firman di gerejo-gerejo sidok serto ngusir sitan-sitan.40Lalu bisik sura te keno kusta datai ngau Yesus, 41Lalu Yesus kaseh mantau neh, udah yok Yo ngulor ke jari megai ura yok samil madah," Aku ko'k, jadilah ikam semuh." 42Pada watu yok go'k penyakit kusta yok ayap serto ura yok nyadi semuh.43Yesus nyuruh ura yok angkat serto ngingat ke neh.44Bunge Yesus,"Ndo usah madah ngau sapo-sapo tentang hal tuk". Tapi ikam angkat am, pantau ke sidok Imam sebagai kesaksian ngau sidok.45Udah yok, ura yok angkat lalu madah serto becerito ke ura bangat. Padai cerito yok, Yesus ndo ta'u bangari tamok ke dalam kota, Neh cumo di luar di daerah sungi'k. Tapi, ura-ura datai ari segalo tempat tetap datai ngau Neh.
Chapter 2

1Beberapo ari udah yok, Watu Yesus pulai lagik ke Kapernaum, kedingo berito bahwa Neh bisik di dangau. 2Lalu ura bangat bekero sampai ndo sik rua lagik sampai ke sisi lawa, lalu Yo madah ke firman ngau sidok.3Lalu datai sidok ura empat, samil nangkun ura tungkut ngau Yesus.4 Watu sidok ndo ta'u ma'i ura yok semak Yesus padai ura bangat, Sidok mukok atap di darat Yesus. Watu udah di bukok, Sidok nurunt ke tilam tempat ura tungkut yok tegalai.5Watu Yesus mantau iman sidok, Neh madah ura tungkut yok,"Hai anak-Ku, Duso-duso ikam udah diampun." 6Beberapo ahli Taurat te dudok diok mulai bepikir dalam ati sidok,7"Ngapo ura yok madah upo yok? Neh tengah ngujat! Sapo te ta'u ngampun duso-duso selain Allah kedirik?"9esus langsung ketau ari dalam Roh-Neh bahwa sidok bepikir-pikir dalam ati sidok. Neh madah ke sidok,"Ngapo kitok bepikir upo yok dalam ati? 9Ni te mudah, madah ke ura tungkut yok,"Duso-duso ikam di ampun"? atau madah" Angkat kasur ikam lalu bejalai?"10Isok diketau, bahwa Anak Mensio bekuaso di bumi ngau ngampun duso-duso. Yesus madah ke ura tungkut yok,11 " Aku madah ngau ikam: angkat kasur ikam lalu pulai kin kerumah." 12Ura tungkut yok lanso bediri ngamik kasur neh lalu angkat keluar di muo semuo ura. Sidok semuo iran lalu muji Allah, serto madah,"Kami ndo suah mantau utan upo tuk!"13Yesus angkat lagik ke sisi danau dan semuo ura nurut Neh, lalu Neh ngajar sidok.14 Watu Neh mansok, Neh mantau Lewi, anak Alfeus, lagik dudok di tempat pembayar pajak. Lalu bunge Yesus,"Tamai Aku." Lalu Lewi bediri serto tamai Neh.15Sementaro Yesus dudok makai bereto sidok tamai balo murid Neh, kerno diok bangat ura lalu sidok tamai Yesus. 16Pada watu ahli Taurat ari kelompok Farisi mantau Yesus tengah dudok makai tamai balo ura-ura beduso serto pengumpul-pengumpul pajak, sidok betanyok ngau murid Neh,"Ngapo Neh makai tamai balo penageh pajak serto tamai ura-ura beduso?"17Watu Yesus ningo yok, Neh madah kesidok,"Sidok te sehat ndo perlu ke dokter,tapi ura yang rungguk. Aku datai bukai ngumai ura-ura bae'k tapi ura-ura beduso."18Murid-murid Yohanes tamai ura-ura Farisi tengah bepuaso. Beberapo ura datai lalu betanyok ke Neh,"Ngapo murid-murid Yohanes tamai murid-murid ura Farisi bepuaso, tetapi murid-murid Nuan ndo bepuaso?"19 Lalu Yesus madah kesidok,"Tau ndo balo pengirin't pengatin bepuaso sementaro pengantin lelaki lagik tamai sidok? Selamo pengantin lelaki yok lagik tamai sidok, sidok ndo tau bepuaso.20Tapi, bisik arineh datai watu pengantin lelaki diamik ari sidok dan pada ari yok lah sidok bepuaso.21 Ndo sik ura namal pakaian lamah te tebinsak ngau kain baru. Tik piok, penambal kain te baru yok nyuruh minsak pakaian lamah dan pakaian lamah makin besai tebinsak.22Lalu, ndo sik ura te numpah anggur baru ke dalam kantong te lamah. Tik piok, anggur yok tau minsak kantong kulit yok bae'k anggur maupun kantong tau rusak. Piok gok, anggur baru disimpan dalam kantong kulit te baru."23Pado suatu ari minggu, Yesus ngelalu umo gandum, watu bejalai, murid-murid-Neh mulai ngetam bulir-bulir gandum.24 Lalu ura-ura Farisi madah ke Neh,"Pantau, ngapo sidok ngelanggar ari minggu?"25Lalu, Neh madah ke sidok,"Pan suahkah kitok maco apo te dipulah Daud watu yo tamai ura-ura te tamai neh lagi kura lalu lapar?26 Keti yo tamok ke rumah Allah pado watu Abyatar menjabat Imam Besai, lalu makai roti persembahan, te tau dimakai hanya oleh balo Imam, lalu meri roti yok ngau ura-ura te tamai neh?"27Lalu Yesus madah ngau ura-ura Farisi Yok," Ari minggu dipulah ngau mensio, bukai mensio ngau ari minggu.28 Jadi Anak Mensio adalah Tuhan atas ari Minggu."
Chapter 3

1Yesus tamok lagik ke sinagoge, diok bisik seura te jari neh mati sepiak.2 Sidok mrati Yesus ngau mantau, apokah Yo ko'k nyemuh ura pado ari minggu, isok sidok tau nuduh Neh.3Lalu, Yesus madah ngau ura te mati jari sepiak yok,"Bediri di tengah-tengah." 4Lalu bunge Yesus madah ke sidok," Tau ndo mulah pempulah baek atau ja'i pado ari minggu? Nyelamatkan nyawa atau munuh?" Tapi, sidok Nugau.5Yesus mantau sekelilin't sidok serto ngau peringat. Neh sangat sedih atas pengerampak ati sidok. Lalu, Yesus madah ngau ura te mati jari sepiak yok," Ulur ke jari nuan." Dan ura yok ngulur ke jari neh, dan jari neh nyadi semuh. 6Padai yok, ura-ura Farisi lanso angkat, lalu mulai besekongkol ngau ura-ura Herodian te ngelawan Yesus, nggok caro keti munuh Neh.7Tapi, Yesus tamai murid-murid Neh nyauh kedirik ke danau, lalu bangat ura Galilea tamai Yudea nurut Neh, dari Yerusalem, Idumea, daerah sebera sungai Yordan ugok dari sekitar Tirus,8 bangat ura watu ningo semuo te Yesus Pulah, datai ngau Neh.9Padai ura bangat yok, Yesus madah ngau murid-murid Neh nyuruh nyiap ke prau ngau Neh isok sidok ndo nesak Neh.10 Padai Yesus udah nyemuh bangat ura, semuo ura te bisik pemedih terus nesak-nesak isok tau nyentuh Neh.11Watu roh-roh najis mantau Yesus, sidok sujud di muo Neh lalu mangkas," Nuan tuk Anak Allah!"12 Tapi Yesus sajo ndo nyuruh becerito siapo Neh.13Lalu, Yesus nae'k ke bukit serto nguna ura te dekedeko yo berto Neh, sidok pun datai ngau Neh. 14Neh nentu ke duabelas ura isok sidok tau berto Neh, serto Neh tau nuyok sidok berkotbah, 15piok gok Yo merik kuaso ngau ngusir balo antu. 16Yesus nentu ke duabelas ura yok: Simon (te Neh meri namo Petrus),17Yakobus, anak Zebedeus, lalu Yohanes, menyadik Yakobus (te Yesus merik namo sidok Boanerges, bereti "Anak-anak Guruh''),18 Andreas, Filipus, Bartolomeus, Matius, Tomas, Yakobus, anak Alfeus, Tadeus, Simon ura Zelot, 19serto Yudas Iskariot te hianat Neh.20Pado watu Yesus tamo'k ke dangau, ura bekerumun diok lagik, padai yok Yesus tamai murid-murid Neh ndo tau makai rote. 21Watu keluargo Neh menen't hal yok, sidok datai ma'i Yesus pulai padai sidok madah bahwa Neh udah ndo waras lagik.22 Ahli-ahli Taurat te turun ari Yerusalaem madah," Neh kerasukan Beelzebul!" Lalu Neh nguser antu ngau kuaso pemimpin antu."23Lalu, Yesus ngumai sidok datai ngau Neh lalu madah ngau perumpamo,"keti iblis tau ngusir iblis? 24Tik ado kerajaan tepecah-pecah ngelawan dirik neh kedirik, kerajaan yok ndo tau betahan. 25Lalu tik ado dangau tepecah-pecah ngelawan dirik neh kedirik, dangau yok ndo tau betahan.26Tik iblis bangkit ngelawan dirik neh kedirik lalu tepecah-pecah, yo ndo tau betahan, tapi abis em riwayat neh.27 Ndo sik seura pun tau tamok ke dangau ura te kuat lalu ngerampok segalo reta neh, kecuali yo dulu ngikat ura kuat yok, baruk yo tau ngerampok dangau neh."28"Aku madah te sebenar ngau kitak, semuo duso anak-anak mensio tau diampun, serto ujatan te diucap sidok. Tapi29 sapo te ngujat Roh Kudus yok ndo akan diampun kerno duso yok kekal."30 Padai, ahli-ahli Taurat yok madah,' Yo kerasukan roh najis."31Udah tok, umok serto menyadik-menyadik Yesus datai lalu bediri diluar dangau. Sidok nyuroh ura ngumai Neh.32 Watu ura dudok bekerumun ngelilin't Yesus, sidok madah ke Neh," Pantau, umok serto menyadik-menyadik nuan diluar lagik ngegak nuan."33Yesus nyaut sidok serto madah,"Sapo umok-Ku serto menyadik-menyadik-Ku?" 34Lalu neh mantau ura-ura te dudok ngelilin't Neh serto madah,"Pantau am, tuk umok-Ku serto menyadik-menyadik-Ku!35 Kerno, siapo te ngerjo kemau Allah yok menyadik lelaki-Ku, serto menyadik betino-Ku, lalu umok-Ku."
Chapter 4

1Pado watu Yesus mulai ngajar lagik di sisi danau. Datai balo ura bangat benar bekumpul ngerumun Yesus, di sisi danau. Padai yok Neh nae'k ke perau te tengah betamat di danau lalu dudok diok. Sementaro ura bangat di darat, di sisi danau. 2Neh ngajar sidok tenta bangat hal ngau perumpamo. Dalam pengajar Neh, Neh madah ke sidok,3"Dingo! Bisik sura angkat menih.4Pado watu neh angkat menih, bisik benih jatuk ke jalai, lalu balo buro datai, lalu dimakai neh. 5Sebagi jatu di darat tanah bebatu te ndo bangat tanah. Benih yok tumoh cepat padai tanah ndo dalam.6Watu mata ari makin tere'k, pentanam yok angus padai ndo si'k akar. pentanam yok nyadi tengkerin't. 7Sebagi jatuk di tengah-tengah blayan duri. Lalu blayan duri tumoh serto ngimpit pentanam yok sampai mati, lau pentanam yok ndo tau bebuah.8Tapi, sebagi lagi jatuk ke tanah te bae'k serto ngasil ke buah, pentanam betumoh makin besai, serto ngasil ke buah tigo puluh kali lipat, lalu seratus kali lipat." 9Lalu, bunge Yesus," Sapo te bisik penin't ngau ningo, isok neh ningo!"10Pado watu Yesus kedirik, ura di kelillin't Neh, berto ngau kedua belas rasul nanyok ngau Neh tenta perumpamo-perumpamo yok.11 Lalu Yo nyaut sidok, "Rahasia kerajaan Allah udah diberik ngau kitak. Tapi ngau ura-ura laen, setiap hal dipadah ngau perumpamo-perumpamo,12isok, "walaupun tau di pantau, sidok mantau lalu ndo ngerti; walaupun tau di dingo, sidok ndo paham, isok sidok ndo betobat serto ndo di ampun.13Lalu Yesus madah ke sidok"Ndo kah kitok ngerti perumpamo yok? Keti kitak kok ngerti semuo perumpamo yok?14 Tuka benih yok menih firman. 15Sidok yok ura-ura te jatuk di sisi jalai, tempat firman yok di amor. Saat sidok menin't, Iblis lanso datai lalu ngamik firman te di amor ngau sidok.16Piok gok, sidok te di amor ditanah bebatu, yok ura-ura te menen't firman lalu gago nerimok neh. 17Tapi sidok ndo berakar dalam dirik sidok, serto betahan sementaro. Watu datai masa sulit kerno firman yok, sidok lanso murtad.18Lalu te lain, jatuk ke tengah blayan duri. Sidok yok ura-ura te ningo firman, 19tapi kuatir tenta dunia, hawa nafsu kok kayo serto bangat penekok laen tamok di sentaro firman lalu ngimpit firman yok sehinggga ndo bebuah.20 Tapi, Sidok te di amor di tanah te bae'k yok sidok te menen't firman, nerimo lalu ngasil ke buah, tigo puluh kali lipat, enam puluh kali lipat serto seratus kali lipat."21Lalu Yesus madah ke sidok," Ura te mai plito bukan di taroh di baroh kaki plito atau di bawah penino'k, tapi di taroh di darat kaki plito. 22Sebab ndo sik te tau di tapo'k serto rahasia kerno yok akan tebuko. 23Barang sapo te bisik penen't, isok neh menen't!"24Lalu,Yesus madah ke sidok,"Pantau apo te kitak dingo. Takar te de ngau kitak yok te ngau nakar kitak serto agik bisik te di tamah ngau kitak.25 Kerno sapo te bisik, yo akan diberi, tapi sapo te ndo bisik, apo pun te dekebisik neh yok akan diamik ari neh."26Lalu, bunge Yesus,"Kerajaan Allah yok upo seura te ngamur benih di tanah. 27Tuka benih yok tidor malam ari lalu angkat tengah ari, lalu benih yok terbit lalu tumoh. Tuka benih yok ndok ketau kleti yok terjadi.28 Tanah yok ngasil ke buah kedirik. Mulo-mulo tangkai neh,lalu krubo buah neh, lalu igik-igik genum dalam krubo buah yok.29 Watu igik-igik genum yok muduh, ura yok lalu mabat neh padai udah musim ngetam."30Udah yok, bunge Yesus."Ngau apo kita tau manen't kerajaan Allah? atau, ngau apo di umpamo kito manen't neh?31 Kerajaan Allah yok upo igik ensabi te di amor di tanah, biarpun igik neh yok paling renyai di sentaro igiok di bumi, 32tapi watu di amor, igik yok tau tumoh lau nyadi lebih besai dari pado semuo pentanam kebun, lalu caba-caba neh besai, Ulih pemesai yok , balo buro tau mulah sarang di bawah neh."33Yesus mengau bangat perumpamo ngau ngajar firman ke sidok, sesuai ngau apo te sidok tau dingo.34 Neh ndo suah ngumo ke sidok ndo mengau perumpamo, tapi Yo nyelas semuo ngau murid-murih Neh secaro kedirik.35Pado ari yok, watu udad malam ari Yesus madah ngau murid-murid Neh," Bom kita angkat ke sebera danau." 36Seudah nudi ke urea bangat yok, Sidok mai'k Yesus tamok dalam perau tempat Yesus udah dudok, Perau-perau lain bereto ngau Neh.37 Lalu angin kudik serto geloma besai ngempas perau, yok nyuruh perau penuh ai'k.38Tapi, Yesus tidor di semak kemudi. Maka sidok ngewas serto madah ke Neh, "Guru,Ngapo Nuan ndo Peduli kalau kita tau mati?"39 Lalu Yesus angkat serto mentak angin, serto madah ke danau,"Nugau! Tenang!" Maka, angin yok betegok serto nyadi tenang.40Lalu, Neh madah ke sidok,"Ngapo kitak nyadi takut? Apo kitak pan sik empu iman?"41 Sidok nyadi takut benar lalu samil madah pangan,"Sapo Neh tuk? angin kudik serto danau tuk patuh ngau Neh!"
Chapter 5

1Sampailah sidok di sebera danau, di daerah ura-ura Gadara. 2Watu Yesus turun ari perau, datai seura te kerasukan roh ja'i ari kubur betemu Yesus.3Ia nugau di kubur yok. Ndo sik ura te mampu ngikat neh lagik, biarpun ngau rantai.4 Sebab neh udah rajin di peto'k kaki serto di ikat rantai, tapi neh mampu mutus rantai serto matah peto'k yok. Ndo sik seura pun te de takut neh.5Siang malam neh menciak di kubur serto dibukit-bukit lalu mangkung dirik neh ngau batu.6 Watu ura yok mantau Yesus ari jauh, neh bededas serto tunok di peradap Yesus.7Lalu samil mangkas nmeh madah,"Apo urus sentaro aku ngau Nuan Yesus, Anak Allah Te MahaTinggik? Aku mohon ngau Nuan demi Allah, ndo usah nyisa aku!"8 Sebab Yesus udah madah ngau neh,"Keluar ari ura tuk, hui roh jai!"9Lalu Yesus betanyok ngau ura yok,"Sapo namo ikam?" lalu neh nyaut,"Namaku Legion kerno kami bangat." 10Neh memohon ngau Yesus isok ndo ngusir sidok ari daerah yok.11Diok bisik peririn't bukit, bisik babi bangat benar lagik tengah makai.12 Lalu roh ja'i yok mintok mohon ngau Yesus,"Suruhlah kami tamok ke dalam babi-babi yok."13 Yesus ngabul ke pamintok sidok. Lalu roh-roh ja'i yok angkat serto tamok ke babi-babi. Pemangat babi te kiro-kiro duo ribu ikuk yok terjun ke jura ke dalam danau, lalu tegelam di dalam danau yok.14Lalu penyago-penyago babi yok ngelari kedirik serto madah ke kota serto kampung. Lalu ura keluar mantau apo te udah tejadi. 15Lalu ura-ura yok datai ngau Yesus lalu mantau ura te kerasuk roh ja'i tadik, te empu Legion, lagik tengah dudok, udah ngau kain, serto neh udah bae'k. Sidok pun nyadi takut.16Lalu, Sidok te udah mantau kejadian yok, becerito ngau ura-ura keti hal yok tau tejadi ngau ura te kerasuk roh ja'i serto becerito ke babi-babi yok. 17Padai yok ura-ura mintok Yesus angkat ari daerah yok.18Pado watu Yesus nae'k ke perau, ura te kerasuk roh ja'i yok mintok isok neh tamai Yesus.19 Tapi Yesus ndo nyuroh neh, lalu madah,"Pulai kin ke menyanak ikam. Cerito ke sidok apo te udah Tuhan pulah ngau ikam bahwa Tuhan udah kaseh ngau ikam." 20Lalu, ura yok angkat serto mulai becerito ngau ura-ura di Dekapolis tenta semuo hal te udah Yesus pulah ngau neh. Semuo ura nyadi iran.21Watu Yesus nyebera lagik ngau perau ke sebera, ura bangat bekerumun di sisi-Neh, Neh disisi danau. 22Lalu datai Yairus seura pemimpin gerijo, watu neh mantau Yesus neh sujud di kaki Yesus. 23Lalu neh mintok mohon ngau Yesus, bunge neh," Anak betino aku te agik renyai ko'k mati. Datai lalu letak jari Nuan di darat neh iso neh tau semuh serto idup."24 Lalu Yairus angkat bereto Yesus. Ura bangat benar tamai Yesus serto ngerumun-Neh.25Lalu, bisik seura betinok te pendarahan selamo duo belas taun. 26Neh udah bangat menderito padai balo dukun, serto udah bangat ngeluar semuo te de kebisik yo, tapi ndo sik guno serto pemedih neh makin parah. 27Seudah menin't tenta Yesus, betinok yok nguso Yesus ari belakang di tengah kerumun ura serto megau jubah-Neh.28Betinok yok madah," Asal aku megai jubah-Neh, aku tau semuh." 29Pado watu yok gok pendarahan neh langso betegok lalu peraso tubuh neh udah semuh ari pemedih yok.30Yesus langso ketau ari dirik Neh bahwa bisik kuaso te keluar ari-Neh. Neh bebalek di entaro kerumun yok serto madah; "Sapo te udah megai jubah-Aku?" 31Lalu murid-murid Neh madah ngau Neh," Nuan mantau kerumun ura berimpit, lalu Nuan madah,"Sapo te megai jubah Aku?" 32Lalu Yesus mantau sekelilin't sapo te udah megai Yo.33seudah ketau apo te udah di aso Neh, betinok yok nyadi takut serto begetar. Neh datai lalu sujud di peradap Yesus serto madah tesebenar neh.34 Lalu Yesus madah ngau betinok yok,"Anak-Ku, iman kulo'k udah nyelamat kulo'k. Pulai kin ngau damai sejahtera serto semuhlah penyakit kulo'k."Sementaro Yesus lagik ngumong, datai beberapo ura ari dangau pemimpin gerijo madah,"Anak ikam udah mati. Ngapo lagik ngaru Guru?"36Tapi Yesus ngai menin't apo bunge sidok, Yo madah ngau pemimpin gerijo yok,"Ndo usah takut, pecayok jak." 37Lalu Yesus ndo nyuroh sapo-sapo tamai Neh, kecuali Petrus tamai Yakobus serto Yohanes menyadik Yakobus. 38Watu sidok sampai di dangau kepalo gerijo yok, Neh mantau ura ribut serto ura-ura nangis.39Watu Yesus tamok, Yo madah ngau sidok,"Ngapo kitak ribut serto nangis? Anak yok ndo mati, tapi lagik tetidor." 40Tapi sidok ngetawok ke Yesus. Yo nyuruh sidok semuo keluar lalu ma'i apak tamai umak nemiak yok, serto ura-ura te berto Neh, lalu tamok ke rua tempat nemiak renyai yok.41Lalu dipegai uleh Neh jari nemiak yok serto madah ke yo,"Talita kum" (reti neh, "Angkat em!") 42Anak betinok yok langso bediri serto mulai bejalai-jalai, umur neh duo belas taun, langso semuo ura ngeraso iran. 43Lalu Yesus merik perintah ngau ura tuai nemiak yok isok ndo sik ura ketau ke hal yok, lalu madah ngau seduo nyuruh nemiak yok diberi makai.
Chapter 6

1Udah yok, Yesus angkat re enta yok serto sampai di kuto asal-Neh, lalu balo murid-Neh tamai semuo. 2Watu ari mingu, Yesus nemulo ngajar di rumah gerijo. Serto bangat ura te mednin-Neh ngeraso iran, serto ngumung, ''Re ni Neh buleh semuo utan yok? Penumut apo te di berik ngau-Neh tamai ute aneh-aneh upo yok dipulah ngau jari-Neh? 3Aso endo salah Neh yok tuka kayu, anak Maria, serto sentuo Yakobus, Yoes, Yudas, serto Simon? Balo menyadik betinok Neh ado dituk besamo ngau kito?'' Lalu sidok pun ketauk sapo Neh, serto endo pecayok ngau Neh.4Udah yok, Yesus ngumung ngau sidok, "Dini-dini ura tentu hormat ngau seura Nabi, kecuali enta asalneh kedirik, serto di tengah balo menyanakneh kedirik, tamai di dangau neh kedirik." 5Yesus endo tauk mulah mujizat din lagik, selain ngeletak jari-neh enta ura te pedih serto nyemuh sidok.6 Lalu, Neh iran ute sidok endo pecayok. udah yok, Neh pun angkat bekelilin ke kampo-kampo samil ngajar.7Neh pun ngumai keduo belas murid lalu ngutus sidok bekaban duo ura, serto merik sidok kuaso ngau nangkis roh te jai'i.8Lalu, Neh pun bepesan ngau sidok isok sidok endo ngemaik balo utan anti'k bejalai, selain ngemaik tungkat, nusah ngemaik rute, nang ngemaik tas, apo lagik duit ringit enta ikat pinga samo sekalik nusah,9 tapi tauk ngau senal serto nusah ngaqu baju belapis duo.10Lalu, Yesus ngumung ngau sidok, "Dini genno kitak tamok ke dalam dangau, nugau diok sampai kitak keluar re yok. 11Serto, bilo ado te endo nerimok kitak tamai endo kok mednin kitak, watu kitak angkat re yok budau debu te lekat dikaki kitak isok ngau ngingat bagi sidok."12Lalu, sidok pun angkat tamai merik kabar berito ute semuo ura arus betubat.13 Sidok pun ngusir bangat sitan serto ngusuk minyak zaitun ngau ura pedih, tamai nyemuh sidok.14Rajo Herodes gok mednin tenta Yesus ute damo-Neh udah te kenal mulah mujizat-mujizat te bekerjo didalam-Neh.'15Te lain madah "Neh yok Elia," tapi te lain madah Neh gok seura nabi, salah sikuk re balo nabi."16tapi, watu Herodes mednin hal yok, neh ngumung, "Yohanes te udah aku panco kepaloneh, udah bangkit lagik!" 17Sajo Herodes kedirik te udah nyuruh ura nangkap Yohanes, serto maso neh dalam penyaro demi Herodias, bini sentuo neh, Filipus, ute Herodes udah kawin ngau Herodias.18Kebok, Yohanes berapo kalik madah ngau Herodes, "Endo benar nuan ngamik bini sentua nuan." 19Ute piyok, Herodias bisi'k dedam ngau Yohanes serto mau'k munuhneh, tapi neh endo tauk.20Ute, Herodes takut ngau Yohanes te neh ketauk Yohanes yok ura benar serto suci, Herodes pun ngelidno neh.senta Herodes mednin Yohanes, neh jadi sangat bingung, tapi Herodes sangat gago mednin Yohanes.21Tapi, Sento ari te tepat, watu Herodes pas ula taunneh mulah acaro bejamu ngau balo pejabat tingik neh, balo tentaro neh, serto balo petingik Galilea.22 Lalu watu anak betinok Herodias tamok serto menari, nrh nyenang Herodes serto sidok te duduk besamo ngau neh. Rajo ngumung ngau anak daro yok, 'Mintok apo sajo te kulok mau'k tentu aku merikneh ngau dik.'23Herodes besumpah ngau neh, Apo sajo te kitak pintok ngau aku, pesti aku berik ngau kitak, sampai setengah re kerjaan aku tuk.'' 24Lalu, daro yok angkat serto madah ngau inaineh, ''Aku arus mintok apo?" Inai neh nyaut, "kepalo Yohanes pembaptis.'' 25Serto watu yok gok ngau te gesak-gesak, daro yok datai ngau rajo serto madah,''Aku mau'k pituk gok nuan merik nguso aku kepalo Yohanes Pemaptis didarat talam.26Sekelin't yok, rajo nyadi sedih, tapi ute sumpah neh tamai ura-ura te makai bereto neh, neh endo mau'k nulak daro yok. 27lalu rajo cepat nyuruh ura ngemaik kepalo Yohanes, lalu pengawal yok angkat serto manco kepalo Yohanes di penyaro. 28Udah yok, neh ngemaik kepalo Yohanes didarat talam serto merik neh ngau daro yok, lalu daro yok merik ngau inai neh. 29Watu balo murid Yohanes menin't, sidok datai lalu ngamik tubuh Yohanes serto ngeletak neh dalam kubur.30Udah yok, Balo rasul samo bekumpul tamai Yesus lalu madah apo te udah sidok kerjoserto apo te udah sidok ajar.31 Lalu Yesus madah sidok"Abom kito angkat ke tempat sungik ngau betegok sekejap." Padai bangat ura te datai serto pulai, ngau makai pun sidok ndo sempat.32 Lalu Yesus tamai murid-murid Neh angkat ngau perau ke tempat sungik.33Tapi ura bangat mantau sidok angkat lalu ngenal sidok. Ura bangat yok bereto bebedap ngelalu jalai darat re semuo kota, penatai sidok dulu re Yesus tamai balo murid Neh. 34Watu Yesus bejalai ke sisi danau, Yo mantau bangat benar ura, lalu Yo ngeraso kaseh ke sidok padai sidok upo domba te ndo sik gemala neh. Maka Yesus mulai ngajar sidok bangat hal.35Watu ari kok kleman, murid-murid Yesus datai lalu madah,"Tempat tuk tempat sungik serto udah tengah malam. 36Suruhlah sidok angkat ke kampong sekelilin't isok sidok meli pemakai."37Tapi Yesus nyaut sidok,"Kitaklah te merik sidok makai." Lalu bunge sidok,"Haruskah kami angkat lalu meli rute rego duo ratus dinar lalu merik ngau sidok makai?" 38Yesus nanyok sidok,"Ado berapo rute te kitak bisik? cubo periso!" Seudah diperiso sidok, sidok madah,"Limo rute serto duo ikan."39Lalu Yesus nyuruh sidok semuo dudok bekelompok-kelompok. 40Ura bangat yok dudok bekelompok, ado te seratus, ado te limo puluh. 41Seudah Yesus ngamik limo rute serto duo ikan yok, Neh nengkadah ke langit serto ngucap syukur lalu mecah rute yok serto merik ke murid-murid Neh isok dibagi ke ura bangat, piok gok duo ikan yok Neh bagi ke semuo ura.42Sidok semuo makai sampai kenyang. 43Lalu sidok ngamik duo belas bakul sisok rute serto ikan yok. 44Ado limo ribu laki te makai rute.45Lalu Yesus nyuruh balo murid Neh naek ke perau serto angkat dulu re Neh ke sebera, ke Betsaida, sementaro Yo nyuruh ura bangat yok pulai. 46Seudah neh bepisah re sidok, Neh naek ke bukit lalu bedoa. 47Pado watu ari udah kleman, perau yok udah di tengah danau, sementaro Yesus tengah kedirik di darat.48Watu Neh mantau murid-murid susah payah ngayuh padai angin belawan arah ngau sidok, kiro-kiro jam tigo malam Yo datai ngau sidok bejalai didarat aik lalu Yo kok bejalai ngelalu sidok. 49Pado watu sidok mantau Yesus bejalai didarat aik, sidok nyangkok Yo antu lalu sidok mangkas, ute sidok semuo mantau Yesus lalu takut. 50Udah yok Yesus ngumung ngau sidok serto madah,"Tenanglah! Tuk Aku, ndo dah takut!"51Lalu Yo naek bereto sidok ke perau, lalu angin pun betegok sidok semuo nyadi kagum. 52Padai sidok pan paham tentang mujisat limo rute yok serto ati sidok agik degil.53Pado watu Yesus tamai murid-murid Neh nyebera, sidok betamat di tanah Genesaret. 54Watu sidok turun re perau, ura-ura langso ngenal Yesus55 lalu bededas ke semuo kampung lalu mulai maik ura-ura pedih ute tegurin't di tilam ngau Yesus, dinipun Yesus bisik.56Maka, kinipun Yesus tamok ke balo kampung, atau balo kota, sidok naroh ura-ura pedih di pasar lalu minto Neh isok sidok tau megai ujo jubah Neh geno. Lalu sapo pun ute megai jubah Neh nyadi semuh.
Chapter 7

1Lalu, bekumpul ura-ura Farisi betemu ngau Yesus berto ngau beberapo ahli Taurat te datai re Yerusalem.2Sidok mantau beberapo murid Yesus makai rute ngau jari kutur.3 Ute ura-ura Farisi tamai semuo ura Yahudi ndo ko'k makai tik jari sidok ndo di basok sampai ke buku'k lengan padai udah adat inik muyang te sidok pegai. 4Bilo ura ura-ura Yahudi yok datai re tempat umum, sidok ndo makai dulu seapan masok jari. Serto bangat adat lain neh te sidok terimo ngau di pegai, upo masok cawan, balo keni, serto tempayan-tempayan re temago.5Udah yok, ura-ura Farisi tamai ahli-ahli Tautar betanyok ngau Yesus," Ngapo murid-murud Nuan ndo idup ngau adat inik muyang, tapi makai ruyte ngau jari kutur?"6Saut Yesus ngau sidok,"Yesaya madah benar tenta kitak te purok-purok nyadi ura baek, upo ado tetulis:"Banso tuk merik hormat ngau aku ngau mulut geno, tapi ati sidok jauh re Aku. 7Sidok nyemah Aku sio-sio geno ute ngajar perintah te di pulah ulih mensio."8Perintah Allah kitak abai serto ndo peduli, tapi adat ngau tradisi mensio kitak pegai kuat-kuat." 9Lalu Yesus becakap lagik ngau sidok,"Sajo numut kitak nulak perintah Allah sampai tau ngetan adat kitak kedirik.10 Ute musa madah," Hormatlah apai ngau inai kitak, sapo te ngutuk apai ngau inai neh arus di ukum mati."11Tapi, Kitak madah bilo seura becakap ngau apai inai neh,"Apo unto te tauk nuan peruleh re aku utan yok kurban pesemah ngau Allah.' 12Lalu kitak ndo lagik nyuruh neh ngelaku apo pun utan ngau apai tamai inai neh,13Upo yok kitak udah ngemela Firman Allah ngau adat tradisi te udah turun-temurun. Serto kitak ngelaku bangat utan hal agik upo yok."14Lalu Yesus ngumai lagik semuo ura lalu madah,"Penin't semuo jekuk Aku, kitok semuo serto kingat. 15Ndo bisik utan re luar mensio te tamok ke dalam dirik neh ge tau ngutur neh, tapi utan te keluar re mensio te ngutur neh." 16Bilo seura mpuk penin't arus ningo isok neh tauk menin't!"17Lalu watu Yesus tamok ke dangau serto nudi ura-ura yok, balo murid betanyok ngau Neh tenta perumpamo yok. 18Lalu Yo madah ke sidok,"Apo kitak gok ndo ngerti? Ndo kitak ketauk ute re luar tamok ke dalam mensio, yok ndo ngutur ke neh?19 Kebok ute tamok yok ndo tamok ke dalam ati neh, tapi ke perut neh, lalu keluar enta kakus." yok bereti maksud Yesus semuo pemakai tauk di makai.20Lalu bunge Neh" Apo te keluar re mensio te nyuruh neh kutur. 21Ute re dalam, re ati mensio pansut pemikir-pemikir ja'i, duso cabul, encuri, munuh, 22selingkuh, serakah, iri ati, nipu, nguto'k ura. 23Semuo utan yok datai re ati mensio, yok ute ngutur neh."24Re tempat yok Yesus angkat ke benuo Tirus tamai sidon. Lalu tamok ke dangau ute ndo sik ura ketau, tapi penatgai Neh ndo tauk di resio. 25Pado watu menin't tenta Yesus, Ado seura betinok ute anak neh kerasuk roh ja'i datai lau sujud di kaki Yesus. 26Betinok yok ura Yunani bansa Siro-Fenuidia. Neh minto Yesus isok ngusir sitan keluar re anak neh.27Udah yok, Yesus madah ke betinok yok,"Isok em balo nemiak dulu kenyang, ndo baek ngamik rute empu balo nemiak lalu nyempalo rute yok ngau balo asuk." 28Tapi betinok yo nyaut Yesus," Benar Tuhan, tapi balo asuk ute di baroh mijo pun makai siso nemiak yok.29Lalu Yesus madah betinok yok,"Padai kata-kata nuan yok, pulai kin. Sitan yok udah lari re anak nuan." 30Lalu betinok yok pulai ke dangau serto betemu ngau anak neh lagik tengah gurin't, serto sitan yok udah angkat.31Udah yok Yesus keluar lagik re benuo Tirus lalu angkat ngelalu Sidon nuju ke danau Galilea dibenuo Dekapolis. 32Lalu sidok maik ngau Yesus ura tulik ute ndo lancar ngumung. Sidok mintok mohon ngau Yesus isok ngeletak jari Neh enta ura yok.33Udak yok Yesus maik ura yok jauh re kerumun ura bangat. Yo majak tunyuk jari Neh ke penin't ura yok, lalu ngeludah serto megai lidah ura yok. 34Lalu Yesus nengkadah ke langit, Neh nyintak penyuan panyai lalu madah,"Efata!", retineh "Tebukok!" 35Sekelin't yok penin't ura yok tebukok, pengebat lidah neh telecut lalu yo tau becakap jelas.36Yesus nidah sidok becerito masalah tuk ngau sapo-sapo. Tapi nguman Neh nidah sidok, sidok nguman becerito. 37Sidok benar-benar iran lalu madah,"Yo udah ngelaku segalo utan te baek. Neh nyuruh ura tulik nyadi menin't serto ura bisuk tau ngumung."
Chapter 8

1Pada watu yok, tengah bangat ura bekumpul ndo sik ute di makai, Yesus ngumai balo murid serto madah sidok,2 "Aku kaseh mantau ura bangat yok, padai sidok pituk udah tamai Aku selamo tigo ari lalu ndo sik utan te tauk di makai. 3Entik aku nyuruh sidok pulai ke dangau lagi tengah lapar, sidok tauk tepinsan di tengah jalai padai sidok bisik ute datai re jauh."4 Lalu balo murid Neh nyaut," Keti tauk di tempat sungik upo tuk ura tauk merik sidok makai sampai kenyang?"5Lalu Yesus betanyok ke sidok,"Berapo igik rute ute dikebisik kitok?" Saut sidok,"Tujuh rute." 6Udah yok Yesus merintah ura bangat yok dudok di tanah lalu Yo ngamik rute lalu mecah-mecah rute yok serto ngucap syukur, udah yok merik ngau balo murid Neh isok tauk di berik ngau ura bangat.7Murid-murid Neh gok bisik sikit ikan renyai. Seudah ngucap syukur Yesus nyuruh balo murid Neh magi ikan yok ngau ura bangat. 8Ura bangat yok makai sampai kenyang lalu sisok pemakai sidok ute tekumpul yok tujuh ragok. 9Ute makai yok dipekiro empat ribu ura, Udah yok Yesus nyuruh sidok pulai. 10Lalu Yesus tamok dalam perau tamai balo murid Neh lalu nuju ke benuo Dalmanuta.11Lalu ura-ura Farisi datai serta bepadu ngau Yesus samil mintok Yesus merik tano re surgo, ngau encubo Neh. 12Maka Yesus ngeluh dalam ati Neh serto madah," Ngapo kitak jaman tuk mintok tano? Aku madah ute sebenar ngau kitak, endo sutik pun tano ute diberik ngau kitak di jaman tuk." 13Udah yok Yesus pun nulak sidok, tamok ke perau lalu angkat ke sebera.14Murid-mirid kelupo maik rute tapi angok bisik sepapo rute dalam perau.15 Lalu Yesus bepesan ngau sidok,"Awas serto ati-ati ngau ragi ura Farisi tamai ragi Herodes."16Lalu sidok mulai bepekat padai sidok ndo bisik rute. 17Watu ketauk ke hal yok, Yesus madah ke sidok,"Ngapo kitak ngumung ke hal kitak ute ndo bisik rute? Apo kitak ndo paham atau ndo ngerti? Apo ati kitak udah ngematu?18Kitak bisik mato, Apo kitak ndo mantau? Bisik penin't tapi ndo ningo? Apo kitak ndo ingat lagik,19 Watu Aku mecah limo rute ngau dimakai limo ribu ura, berapo bangat ragok ute penuh ngau siso rute ute kitok kumpul?" Sidok nyaut,"Duo belas ragok."20"Lalu, Watu tujuh rute ngau dimakai empat ribu ura yok, berapo ragok penuh ngau sisok rute ute kitak kumpul?" Sidok nyaut,"Tujuh ragok." 21Lalu Yo madah sidok,"Apo kitak lagik ndo ngerti?"22Udah yok Yesus tamai balo murid Neh datai ke Betsaida. Diok ura maik ngau Yesus sikuk ura butok lalu muhun isok Neh megai ura yok. 23Yesus pun lalu megai jari ura butok yok serto maik neh keluar re kampo. Lalu Yesus ngeludah mato ura butok yok serto ngeletak jari Neh ngau ura yok. Yesus betanyok ngau ura yok," Apo nuan bisik mantau utan?24Lalu ura yok mantau ke darat lalu madah,"Aku mantau balo ura, tapi sidok upo bata kayu ute tengah bejalai."25 Udah yok Yesus ngeletak jari Neh ngau ura yok lagik, lalu ura yok mukok mata neh, pemantau neh pun baek serto tauk jelas mantau semuo utan.26 Yesus pun nyuruh yo pulai ke dangau serto bepesan,"Ndo usah tamok kedalam kampo."27Udah yok Yesus pulai bereto balo murid Neh, ke kampo-kampo di Kaisarea Filipi. Di tengah jalai Yesus betanyok ngau balo murid Neh,"Jekuk ura sapo Aku tuk?"28 Sidok nyaut, "Yohanes Pemabtis, ute lain madah Elia, lalu ute lain madah salah sikuk nabi."29Udah yok Yesus betanyo ngau sidok,"tapi nurut kitak, sapo Aku tuk?" Petrus nyaut Neh,"Nuan yok Kristus."30 Lalu Yesus bepesan ngau sidok isok ndo madah ngau sapo pun tenta dirik Neh.31Lalu Yesus mulai ngajar balo murid Neh bahwa Anak mensio harus menderito bangat hal lalu ditulak tuo-tuo Yahudi, imam-imam kepalo, serto ahli Taurat, lalu dibunuh, seudah tigo ari bangkit lagik.32 Yesus madah hal tuk secaro tebukok. Yok nyuruh ngapo Petrus narek Yesus ke sepiak lalu ngeraro Neh.33Samel mantau balo murid Neh, Yesus ngeraro Petrus lalu madah,"Lari re Aku, hei Iblis! kitak bukan mikir pekaro Allah tapi mikir pekaro mensio."34 Udah yok Yesus ngumai ura bangat, serto balo murid Neh, lalu madah ngau sidok,"Entik bisik seura kok tamai Aku, neh arus nyangkal dirik neh kedirik lalu mikul salib neh serto tamai Aku.35Sapo ute kok nyelamat nyawo neh, nyawo neh akan ayap, tapi sapo ute ayap nyawo padai Aku tamai Injil yok akan nyelamat nyawo neh.36 Kebok apo unto seura buleh seluruh dunio, tapi ngayap nyawo neh?37 Apo ute tauk seura berik ngau nebus nyawo neh?Sapo pun ute malu padai Aku tamai Firman-Ku di tengah jaman ute ndo setio serto beduso tuk, Anak Mensio pun malu ngakuk ura yok watu Yo datai dalam kemuliaan Apai-Neh bereto ngau malaikat-malaikat ute kudus.
Chapter 9

1Udah yok Yesus becakap ngau sidok," Aku madah ute sebenar ngau kitak, bisik beberapo ura ute tengah bediri dituk ute ndo akan mati sampai sidok mantau kerajaan Allah datai ngau kuaso." 2Lalu enam ari udah yok, Yesus maik Petrus, Yakobus serto Yohanes ke bukit ute tinggik kedirik sidok. 3Lalu Yesus berubah rupo Neh di muo sidok. Ute dipengau Neh nyadi putih mengilat. Ndo bisik seura pun di dunio tuk ute tauk nyuruh pengau Neh Putih upo yok.4Lalu, timul di muo sidok, Elia tamai Musa, sidok tengah becakap ngau Yesus. 5Jekuk Petrus ngau Yesus,"Rabi kami ngeraso sangat gago enta tempat tuk, entik piok kami mulah tigo utik kemah, Sutik ngau Nuan, sutik ngau Musa, sutik lagik ngau Elia." 6Petrus ndo tauk nyaut padai sidok semuo takut.8Lalu awan turun nutup sidok sderto tedingo suaro ute datai re awan yok, bunge Neh," Tuk em Anak-Ku ute ku kaseh. Dingo Neh baek-baek!" 8Sekelin't yok gok, watu sidok mantau sekelilin't, sidok ndo mantau lagi sapo pun ute tamai sidok kecuali Yesus.9Sementaro sidok turun re bukit, Yesus merik perintah ngau sidok isok ndo madah sapo pun apo ute udah sidok pantau, sampai Anak Mensio bangkit re entaro ura mati. 10Padai yok sidok megai perintah yok ngau sidok kedirik samil betanyok-tanyok apo reti bangkit re entaro ura mati yok.11Lalu sidok betanyok ngau Yesus,"Ngapo balo ahli Taurat madah Elia arus datai?" 12Lalu saut Yesus,"Elia arus datai lebih dulu ngau nyiap segalo utan te baek. Lalu keti ute bisik di tulis tenta Anak Mensio arus disiso bangat hal serto dihino?" 13Tapi Aku madah ngau kitak, bahwa Elia udah datai, lalu sidok mulah neh sesuai dengan kemauk sidok, upo ute tetulis tenta neh.14Udah yok, pada watu Yesus ,Petrus,Yakobus tamai Yohanes betemu lahik ngau murid-murid, Sidok mantau ura bangat bekerumun di sekelilin't balo murid nyok, diok balo ahli Taurat seda bedebat ngau sidok. 15Lalu seudah sidok ute bekerumun nyok mantau Yesus, sidok nyadi tekejut serto bededas nyamut penatai Neh.16 Lalu Yesus betanyok ngau sidok." Apo ute kitak pedebat ngau balo ahli Taurat yok?"17Seura re kerumun yok nyaut Neh,"Guru, aku maik anak ute laki ngau Nuan padai kerasuk roh ute nyuruh yo bisuk.18 Tiap kali roh yok tamok ke neh, neh pun tengkasak linak nyempio dirik ke tanah, mulut neh ngeluar ke pupu'k serto gigi neh ngkertup udah yok tubuh neh tengkerin't. Aku minto balo murid Nuan ngusir roh yok tapi sidok ndo sanggup" 19Lalu bunge Yesus,"Hei,kitak jaman ute ndo beriman! berapo lamah lagik Aku arus betan tamai kitak? Baik nemiak yok kituk ngau Aku!"20Lalu sidok maik nebiak yok ngau Yesus. Pado Watu roh yok mantau Yesus, yo lanso nguca-nguca nebiak yok sampai tegulek-gulek jatuk ke tanah, mulut yo gok ngeluar ke pupu'k.21 Udah yok Yesus betanyok ngau apai nebiak yok." Udah berapo lamah yo pituk?" Saut neh,"Watu agik renyai.22 Roh yok selampor nyempio neh ke dalam api tamai aik ngau munuh neh. Tapi entik Nuan tauk, kaseh serto tolonglah kami."23Bunge Yesus madah sidok,"Entik Nuan tauk? Ndo sik ute ndo mungkin, ngau sidok ute pecayok."24 Sekelin't apai nebiak yok nyabak lalu madah,"Aku pecayok! Tolonglah aku ute ndo pecayok tuk!" 25Pado watu Yesus mantau ura cepat bekerumun, Neh mentak roh yok samil madah ngau neh,"Kitak roh bisuk tamai tulik, Aku merintah kitak keluar re nebiak tuk serto ndo usah tamok kedalam neh lagik!"26Sesudah mangkas serto kuat ngunca-ngunca nebiak yok, roh yok keluar re neh. Nebiak yok nyadi upo ura mati lalu bangat ura madah,"Neh mati!"27 Tapi Yesus megai jari nebiak yok lalu nyuruh neh angkat. Nebiak yok pun lanso bediri.28Pado watu yesus tamok kedalam dangau, balo murid Neh betanyok ngau Neh secaro pribadi," Ngapo kami ndo tauk ngusir neh?" 29Lalu Neh madah sidok," Roh upo tuk ndo tauk keluar kecuali ngau doa."30Yesus tamai balo murid Neh angkat re tempat yok ngelalu benuo Galilea. Neh ndo kok bisik ura Ketauk. 31Yesus tengah ngajar balo murid Neh serto madah ngau sidok," Anak Mensio akan di serah ke jari mensio lalu sidok akan munuh Neh. Tigo ari udah Neh di bunuh, Neh bangkit." 32Tapi balo murid Neh ndo ngerti pemadah yok serto sidok takut betanyok ngau Neh.33Udah yok Yesus tamai balo murid Neh datai ke Kapernaum. Watu neh tengah dalam dangau, Neh betanyok ngau sidok,"Apo ute kitak umung watu pejalai tadi?" 34Tapi sidok nugau padai watu di tengah pejalai tadi sidok bepadu tenta sapo ute palin't besai.35 Lalu Yesus dudok serto ngumai ke duo belas murid. Bunge Neh madah sidok,"Entik bisik seura ute kok nyadi dulu, neh arus nyadi ute penudi re semuo serto nyadi pelayan re semuo."36Lalu Yesus ngamik seura nebiak renyai lalu nyuruh neh bediri di entaro sidok. Samil merekut nebiak yok, Neh madah ke sidok, 37"Sapo pun ute nyamut nebiak renyai upo tuk dalam nama-Ku, yo nyamut Aku. Udah yok Sapo pun nyamut Aku, bukai Aku ute di samut neh, Tapi Neh ute ngutus Aku."38Yohanes madah ngau Yesus,"Guru, kami mantau ura ngusir balo sitan ngau namo-Nuan, lalu kami nidah neh padai neh ndo tamai kita." 39Tapi bunge Yesus, "Ndo usah nidah neh padai ndo sik ura ute mulah utan nyaroh ngau nama-Ku, watu yok gok neh ngejai'k ke Aku.40Sapo ute ndo ngelawan kito, yo di sepiak kito. 41Aku m adah ute sebenar ngau kitak, sapo pun ute merik secawan aik padai kitak pengikut kristus, ndo tauk ayap upah neh."42"Lalu sapo pun ute nyesat salah sikut balo nebiak renyai ute pecayok ke Aku yok mulah duso, lebih baek di ganto batu kilangan enta reko'ng neh lalu dibuai ke dalam laut.43 Lalu entik jari kitak ute nyuruh kitak beduso, jari kitak yok di tetak. Lebih baek ngau kitak tamok ke dalam pengidup ngau jari punto'ng, daripado ngau keduo jari tamok nerako, kedalam api ute ndo tauk padam,44 di tempat yok ulat ndo tauk mati serto api ndo tauk padam45Entik kaki ute nyuruh kitak beduso, tunko'ng kaki yok. Lebih baek bunto,ng kaki tamok kedalam idup daripado ngau keduo kaki disempio ke nerako, 46di tempat yok ulat ndo tauk mati serto api ndo tauk padam.47Entik mato nyuruh kitak beduso, cungkil mato yok. Lebih baek kicint tamok kedalam kerajaan Allah daripado ngau keduo mato di sempio ke dalam nerako,48 tempat yok ulat ndo tauk mati serto api ndo tauk padam.49Setiap ura akan digaram ngau api.50 Garam yok baek, tapi entik garam yok ndo masen, keti kitak nyuruh neh masen lagik? kitak arus empu garam dalam dirik kitak kedirik serto idup selalu bedamai ngau ura lain."
Chapter 10

1Udah yok Yesus nulak aro yok lalu angkat ke benuo Yudea serto ke sebera sungai Yordan. Diok ura bangat udah bekerumun lagik. Upo kebiaso Neh, Neh ngajar sidok lagik. 2Udah yok ura Farisi datai kok encubo Neh, bunge sidok,"Apo tauk seura laki nyarok bini neh?" 3Yesus nyaut sidok,"Apo ute musa perintah ngau kitak?" 4Bunge sidok,"Musa nyuruh ura laki mulah surat sarok lalu nyarok neh."5Tapi bunge Yesus madah ngau sidok,"Padai kerampak ati kitak yok, Musa nulis perintah yok ngau kitak. 6Tapi pado watu dunia dipulah, 'Allah mulah sidok laki ngau betinok7Padai yok, ura laki nulak apai neh serto inai neh. 8Lalu sidok duo nyadi sutik dagin.' Sidok bukan lagik duo tapi sutik dagin. 9Jadi apo ute udah Allah pesutik, ndo usah di sarok mensio."10Udah yok, di dalam dangau, balo murid Neh betanyok lagik ke utan yok.11 Kebok Yo madah sidok,"Sapo ute nyarok bini neh lalu kawin lagik ngau ura lain, bereti neh buta'ng. 12Lalu entik bini nyarok laki neh, lalu kawin lagik ngau ura lain, bereti yo buta'ng."13Lalu sidok maik balo nebiak renyai ngau Yesus isok Yo nyentuh balo nebiak yok, tapi balo murid Neh nidah sidok.14 Watu Yesus mantau, Yo nyadi ringat lalu madah balo murid Neh."Isok em balo nebiak renyai yok datai ngau Aku, ndo usah nidah sidok padai kerajaan Allah yok empu ura-ura upo sidok.15Aku madah utan sebenar ngau kitok, sapo ute ndo nyamut kerajaan Allah upo nebiak, neh ndo tauk tamok kedalam yok."16 Udah yok Yesus ngerengkut balo nebiak yok, Yo emberkat sidok lalu ngeletak jari ngau sidok17Watu Yesus tengah nyiap ke pejalai Neh, seura bededas ngau Neh lalu belutut di muo Neh sero betanyok," Guru ute baek, apo ute arus aku pulah isok tauk buleh warisan idup ute kekal?"18 Saut Yesus." Ngapo nuan madah Aku baek? Ndo bisik ura ute baek selain Allah kedirik.19 Nuan ketauk ke balo perintah:' Ndo usah munuh, ndo usah buta'ng, ndo usah encuri, ndo usah ngemulok, bebaso ngau apai inai nuan."20Lalu, bunge ura yok ."Guru, semuo yok udah turut re kebiak aku."21 Yesus mantau lalu kaseh ngau neh serto madah,"sutik utan ute kurang re nuan. Angkat serto jual segalo reto ute dikebisik nuan udah yok berik ngau ura miskin, yok baru nuan empu reto disurga. Udah yok kituk tamai Aku.22 Padai pemadah yok, neh nyadi susah ati lalu angkat padai yo bangat benar reto.23Udah yo Yesus mantau ke sekelilin't lalu madah ngau balo murid Neh," sajo mar ura ute kayo ngau tamok kedalam kerajaan Allah!" 24Balo murid tekejut padai pemadah Neh yok. udah yok bunge Yesus,"Balo nebiak, sajo mar tamok kedalam kerajaan Allah! 25Lebih mudah sikuk unta tamok ngelalu luba jarum daripado ura ute kayo tamok kerajaan Allah."26Balo murid makin tekejut lalu madah ngau samo dirik," Lalu sapo ute tauk selamat?" 27Yesus mantau sidok lalu madah,"Bagi mensio utan yok ndo mungkin, tapi ndo bagi Allah. Segalo utan mungkin bagi Allah."28 Petrus mulai madah Yesus,"Pantau, kami udah nudi segalo utan lalu tamai Nuan!"29Bunge Yesus,"Aku madah uten sebenar ngau kitak, Tiap ura ute udah nulak rumah, menyadik laki, menyadik betinok,inai, apai, balo nebiak, balo umo empadai Aku serto Injil, 30ura yok pado watu tuk akan nerimok seratus kali lipat: rumah, menyadik laki, menyadik betinok, nebiak, serto umo sekalipun ditamah penyiso, pagi lusok akan nerimo idup ute kekal. 31Tapi bangat ura ute petamo akan nyadi penudi, udah yok ute penudi akan nyadi ute petamo."32Sidok tengah dalam pejalai naek ke Yerusalem, Yesus maik serto keduo belas murid Neh,Yo mulai madah ngau sidok apo ute akan tejadi ngau Neh, 33bunge Neh," Pantau, kito ketengah naek ke Yerusalem lalu Anak Mensio akan diberik ngau Imam-imam kepalo serto ahli-ahli Taurat. 34Sidok akan ngina Neh, lalu ngeludah Neh, nyiso Neh serto munuh Neh. Tapi, seudah tigo ari, Neh akan bangkit."35Udah yok, Yakobus tamai Yohanes, anak-anak Zebedeus datai ngau Yesus serto madah,"Guru, kami kok Nuan mulah ute semuo kami pintok ngau Nuan.36 Lalu saut Yesus," Apo ute kitak kok pintok re Aku? 37Lalu saut sidok,"Abok suruh seura re kami dudok di sepiak kanan Nuan, lalu seura lagik dudok disepiak kibak Nuan dalam kemuliaan Nuan."38Tapi bunge Yesus madah sidok,"Kitak ndo ketauk apo ute kitak pintok. Sangup ndo kitak minun re cawan ute Aku minum ute dipemanik ngau Aku?" 39Saut sidok ngau Neh," Kami sangup!" Lalu bunge Yesus lagik,"Cawan ute Aku minum yok ute arus kitak minum, lalu kitak akan dibaptis ngau baptisan ute Aku terimo. 40Tapi isok tauk dudok disepiak kanan atau sepiak kibok, yok bukan hak Ku ngau merik, aro yok ngau sidok ute patut dudok diok."41Ningo yok, sepuluh murid ute lain nyadi ringat ngau Yakobus tamai Yohanes. 42Lalu Yesus ngumai sidok serto madah,"Kitak ketauk bahwa sidok ute dianggap sebagai pemerintah ura-ura bukai Yahudi bekerjo seolah-olah bekuaso ngau sidok. Lalu balo petingik sidok guno kekuaso nbeh ngau sidok.43Tapi, ndo piok di sentaro kitak. Sebalek neh, Sapo pun ute kok nyadi besai di entaro kitak, arus nyadi palayan kitak, 44lalu sapo pun kok nyadi ute petamo di entaro kitak, arus nyadi pelayan semuo. 45Kebok Anak Mensio pun dataik bukai kok dilayan, tapi ngau ngelayan lalu merik nyawo Neh isok nyadi penganti nyawo bangat ura."46Udah yok sidok sampai ke Yerikho. Watu Yesus angkat re Yerikho bereto balo murid Neh serto ura bangat, Bisik Bartimeus seura butok mato, anak Timeus tengah dudok disisi jalai. 47Watu neh ningo bahwa ado Yesus re Nasaret, neh pun mulai mangkas lau madah," Yesus, Anak Daud, kasih ke aku!" 48Lalu bangat ura ngeraro neh lalu nyuruh neh nugau. Tapi neh makin kuat mangkas," Anak Daud, kasih ke aku!"49Lalu Yesus betegok serto madah," Kumai neh." sidok pun ngumai ura butok yok lalu madah ngau neh," Kuat ke ati nuan! bediri em, Yo ngumai nuan." 50Samil mukok jubah neh, ura butok yok bediri lalu datai ngau Yesus51Lalu Yesus madah neh,"Apo ute dikedekok Aku pulah ngau nuan?" Ura butok yok nyaut,''Rabi, isok em aku tauk mantau." 52Lalu Yesus madah ngau neh,"Angkat kin. Iman nuan udah nyemuh ke nuan. Sekelin't yok gok, yo tauk mantau lagik, lalu neh nurut Yesus sepanya jalai.
Chapter 11

1Watu sidok sampai di Yerusalem, semak Betfage tamai Betania, di Bukit Zaitun, Yesus nyuruh duo ura murid Neh2 lalu madah ngau sidok,"Angkat kin ke kampo depan nuan, lalu seudah kitak tamok, kitak akan nemu sikut keledai mudak ute kenok ikat, ute pan suah di tumpa ura. Kelok lepas tali pengikat neh lalu baik kituk. 3Entik bisik ura ute nanyok ngau kitak," Ngapo kitak mulah utan piyok?" Sautlah,"Tuhan ute Perlu lalu Neh akan ngirim neh pulai lagi kituk."4Lalu, sidok angkat serto nemu sikuk keledai muda ute dikebat di lawa luar, disisi jalai, lalu dilepas sidok. 5Beberapo ura ute bediri diok betanyok ngau sidok,"Ngapo kitak ngelepas tali pengebat keledai yok?" 6Sidok nyaut upo ute dipadah Yesus ngau sidok, lalu ura-ura yok ngisok sidok angkat.7Lalu sidok msik keledai yok ngau Yesus, ngeletak jubah sidok di darat keledai yok lalu Yesus dudok didarat neh. Udah yok bangat ura nyenta8 jubah sidok di jalai, ute lain nyebar balo rangau kayu ute sidok baik re umo. 9Ura bangat ute bejali di muo lalu ute tamai mangkas," Hosana! Diberkati Yo ute datai dalam damo Tuhan.10 Diberkati penatai kerajaan Daud, inik muyang kito! Hosana di aro ute mahatinggi!"11Udah yok Yesus tamok ke Yerusalem lalu tamok ke Bait Allah. Seudah mantau segalo utan kibok kanan,Yo angkat ke Betania bereto keduo belas murid Neh padai ari udah tengah malam. 12Lalu pado ari pagi nreh, watu sidok nudi Betania, Yesus ngeraso lapar.13Seudah mantau pon kena ute bedaun re jauh, Neh angkat ngau mantau entik mungkin ado utan ute ditemu re pon yok. Watu Neh datai ke pon yok, Neh ndo nemu apo-apo kecuali balo daun neh padai watu yok bukan musim buah kena. 14Kebok Yesus madah ngau pon yok," Ndo usah lagik ado ura ute suah makai re buah-buah tuk selamah-lamah neh" Lalu balo murid Neh ningo.15Udak yok, Sidok sampai di Yerusalem. Yesus tamok ke Bait Allah lalu mulai ngusir balo sidok ute tengah bedaga di Bait Allah. Yo ngemalek balo mijo penukar duit, 16Neh ndo nyuruh lagik ura maik balo utan ngelalu Bait Allah.17Udah yok, Yesus ngajar sidok lalu madah." Bukai kah ado ditulis,'Dangau-Ku yok di sebut dangau doa ngau semuo banso." 18Imam-iman kepalo tamai ahli-ahli Taurat ningo neh lalu enggok caro keti caro munuh Neh. Kebok sidok takut ngau Neh padai ura bangat kagum ngau pengajar Neh. 19Watu ari kok kleman, Yesus tamai balo murid Neh nudi kota yok.20Lalu lelam watu sidok ngelau, sidok mantau pon kena ute udah tengkerin't sampai ke akar-akar neh.21 Petrus kingat lalu madah ngau Yesus,"Rabi, pantau! Pon kena ute Nuan kutok yok nyadi tengkerin't!"22Yesus nyaut sidok,"Pecayolah ngau Allah.23 Aku madah ute sebenar ngau kitak, sapo pun ute madah ngau bukit tuk, Terangkatlah serto tepelantinlah ke laut,' lalu pecayo apo ute udah tejadi, maka utan yok tau tejadi ngau neh.24Aku madah ngau kitak, apo pun ute kitak mintok, pecayolah bahwa kitak udah nerimok neh, maka utan yok akan diberik ngau kitak. 25Entik kitak bedirik lalu bedoa, ampun dulu pemedih ati kitak ngau ura lain, isok Apai kitak ute disurga gok ngampun balo penyalah kitak.26 Entik kitak ndo ngampun, Apai kitak ute di surga pun ndo ngampun balo penyalah kitak."27Udah yok Sidok datai lagik ke Yerusalem. Sementaro Yesus lagik bejali di Bait Allah, balo imam kepalo, balo ahli Taurat serto balo tuo Yahudi datai ngau Neh. 28Lalu bunge sidok," Ngau kuaso apo Nuan mulah utan yok, sapo ute merik Nuan kuaso ngau mulah utan yok?"29Bunge Yesus madah sidok,"Aku kok nanyo sutik ngau kitak. Saut Aku, baruk Aku madah kitak ngau kuaso sapo Aku mulah segalo utan yok. 30Apokah baptisan Yohanes asal neh re surga atau re mensio? Saut Aku!"31Sidok bepekat ngau samo dirik lalu madah," Entik kito nyaut, 'Re surga' Neh pasti madah, 'lalu, ngapo kitak ndo pecayak ngau neh?' 32Tapi entik kito saut, ' Re mensio'?" Balo pemimpin yok takut ngau ura bangat padai sidok semuo ngangap Yohanes yok benar-benar Nabi. 33Padai yok , sidok nyaut Yesus,"kami ndo ketauk." Lalu bunge Yesus nyaut sidok," Entik piok Aku pun nga'i madah ngau kuaso sapo Aku mulah segalo utan yok."
Chapter 12

1Lalu, Yesus ngumung angau sidok ngau balo perumpamo,"Bisik ura mulah sebida kebun angur, Ia mulah pagar di sekelilin't, lalu mulah sigik luba ngau merah angur, tamai niri menara pengawas. Udah yok, ia nyewa kebun yok ngau balo pengarap, lalu angkat ke luar negeri. 2Watu kok panen, ia ngirim seura pelayan nguso sidok pengarap kebun yok ngau nerimo re sidok hasil kebun angur neh. 3Tapi sidok nangkap pelayan yok, melasah neh, lalu ngusir neh ngau jari pua.4Kerno yok, ia ngirim lagik pelayan ute lain ngau sidok, lalu sidok pun melasah kepalo neh serto mulah neh isok malu. 5Udah yok ia ngirim lagi pelayan ute lain, sidok pun munuh neh. Pekaro tuk terjadi ngfau ura bangat, kedok dipelasah, kedok dibunuh.6Ute empu kebun yok hanya bisik anak tungal ute dikasih neh. Lalu neh nyuruh anak tungal yok angkat ngau sidok, bunge neh, 'sidok akan tunok ngau anak aku'. 7Tapi balo pengarap yok madah ngau samo dirik,'Tuk yo ahli waris neh. Boh, kito munuh neh maka waris neh empu kito.8Lalu, sidok nangkap serto munuh neh, lalu muai neh ke luar kebun angur. 9Apo ute akan dipulah ura ute mpu kebun yok? Neh akan datai lalu munuh balo pengarap yok serto akan merik kebun yok ngau ute lain.10Apan suah kah kitak maco ayat kitab suci tuk: 'Batu ute dibuai uleh tukanhg bangunan, udah nyadi batu penjuru. 11Tuk em pempulah Tuhan, pempulah tuk jaruh dimato kito'. 12Udah yok sidok berusaha ngau nangkap-Neh, tapi sidok takut ngau ura bangat padai sidok keta'u bahwa Yesus meri perumpamo yok ngau sidok. Lalu, sidok nudi Yesus lalu angkat.13Udah yok, sidok nyuruh datai ngau Yesus beberapo ura Farisi tamai ura-ura Herodian ngau nyebak Neh ngau kata-kata Neh kedirik. 14Sidok datai lalu madah ngau Yesus, "Guru kami keta'u bahwa Nuan benar serto ndo peduli ngau pendapat ura lain. Padai, Nuan ndo mantau penampilan ura tapi ngajar jalai Allah ute sesuai ngau kebenar. Apokah benar mayar pajak ngau kaisar', 15Haruskah kami mayar atau haruskah kami ndo mayar? Tapi seudah Yesus keta'u sidok pura-pura, Nehmadah sidok,"Ngapo kitak kok enubo Aku? Ba'i ke Aku 1 dinar isok Aku ta'u mantau neh."16Lalu, sidok ma'i keneh, lalu bunge Yesus "Gamar tamai tulis sapo tuk?" bunge sidok nyaut Neh, "Gamar tamai tulis Kaisar." 17Udah yok Yesus madah sidok, "Berik mngau kaisar apo ute mpu kaisar lalu berik ngau Allah apo ute mpu Allah." Lalu sidok iran ngau Yesus.18Lalu, ura-ura Saduki ute madah mensio ndo bisik bankit, datai ngau Yesus serto betanyok ngau Neh, 19"Guru, Musa nulis ngau kito bahwa tik seura ute empu menyadik laki, mati lau nudi seura bini, tapi ndo bisik anak, menyadik neh ute laki yok arus kawin ngau janda yok isok mangkit kenturun re menyadik neh.20Bisik tujuh menyadik. Menyadik petamo ngami sura bini, lalu watu neh mati, neh ndo bisik nudi kenturun.21 Lalu, menyadik ute keduo kawin ngau betino yok, lalu mati ndo bisik kenturun. Piok gok ngau menyadik ketigo. 22Lalu ndo bisik ketujuh menyadik yok ute bisik anak. Pengabis re semuo neh, betino yok mati gok.23 Pado watu ari bangkit, watu sidok bangkit, nyadi bini sapo betino yok? Padai, ketujuh menyadik yok udah nyadi bini neh."24Yesus nyaut sidok,"Bukankah tuk alasan kitak nyadi sesat, padai kitak ndo ngertim kitab suci atau kuaso Allah? 25Pado watu ura bangkit re entaro ura mati, sidok ndo bisik ute kawin mengawin, tapi sidok nyadi upo malaikat di surgo.26Tenta balo ura mati ute bangkit, ndokah kitak maco dalam kitab Musa, pado bagian belayan babas? 27Neh bukan Allah ura mati, tapi Allah ura ute idup. Kitak benar-benar sesat!"28Udah yok, salah sikuk re balo ahli Taurat datai lalu menint sidok bedebat. Watu neh mantau Yesus udah nyaut sidok ngau baek, maka neh betanyok ngau Yesus,"Perintah ute ni ute palin pentint re semuo yok?" 29Yesus nyaut,"Ukum ute palint utamo yok: Penint, hai balo ura Israel! Tuhan Allah yok sikut-sikukneh Tuhan. 30Lalu, kasihlah Tuhan Allah kitak ngau segenap ati, segenap jiwa,segenap pemikir serto ngau segenap kekuatan kitak,31 lalu ute keduo: 'Kasihlah ngau sesamo dirik upo ngau dirik.' Ndo bisik ukum ute lebih besai re kasih tuk."32Lalu, Ahli Taurat yok madah Yesus, Nuan benar,Guru. Nuan benar ute madah Neh yok sikuk lalu ndo bisik ute lain re Neh.33 Lalu kasih ke-Neh ngau segenap ati, segenap pengertian,segenap kekuatan, serto kasih ngau sesamo upo ngau dirik kedirik, memang lebih pentin repado semuo kurban tunu tamai pesemah." 34Udah yok, watu Yesus mantau bahwa ura yok nyaut ngau baek, Neh madah ura yok," Nuan ndo jauh re kerajaan Allah." Udah yok, ndo bisik ura ute berani betanyok ngau Yesus.35Samil ngajar di Bait Allah, Yesus madah, "Keti ta'u balo ahli Taurat madah bahwa Kristus yok anak Daud? 36Daud kedirik madah dalam roh kudus, 'Tuhan madah ngau Tuanku; Dudok em disepiak kana-Ku, sampai Aku nyimpan balo musuh-Nuan dibawah kaki-Nuan.'37 Daud kedirik nyebut Kristus sebagai 'Tuhan'. Nyadi, keti ta'u Kristus yok anak neh?" Lalu, urang bangat gago menint Neh.38Dalam pengajar-Neh, bunge Yesus," Ati-atilah ngau balo ahli taurat, ute rajin bejalai ngau jubah panyai lau rajin nerima salam hormat dipasar, 39lalu bisik tempat dudok terhormat ditempat semayang serto tempat terhormat di tempat meja makai besai. 40Sidok ute ngerapas balo dangau janda, lalu pura-pura bedoa panyai. Sidok yok akan nerima ukum ute lebih berat."41Udah yok, Yesus dudok deperadap ngau kotak pesemah lalu mantau balo ura ute namok duet ke dalam kotak pesemah yok. Bangat ura kaya ute majak duet bangat kedalam kotak yok. 42Lalu datai janda miskin majak duo kepin duet logam senilai 1 sen.43Lalu Yesus ngangau balo murid-Neh erto mafdah ngau sidok, "Aku madah ute sebenar ngau kitak, janda yok udah majak ute palint bangat kedalam kotak pesemah yok repado semua ura lain neh. 44Padai sidok semuo merik re kelimpahan sidok, tapi janda yok merik re semuo ute dikebisok neh, yok semuo nafkah neh.
Chapter 13

1Lalu, watu Yesus nudi Bait Allah, salah seura murid Neh madah,"Guru, pantau pemaek-maek batu yok serto pemaek gedung yok!" 2Lalu Yesus nyaut," Apokah nuan mantau gedung ute baek yok? Ndo bisik sigik batupun ute akan tedudi didarat batu lain ute ndo rubuh.3Sementaro Yesus tengah dudok didarat Bukit Zaitun ute ngadap Bait Allah, Petrus, Yohanes, Yakobus tamai Andreas betanyok mngau Yesus kedirik,4 "Padah ke kami, sebila hal yok akan tejadi, lalu apo tano kalau semuo yok akan tejadi?"5Lalu Yesus mulai madah ngau sidok," Ati-atilah isok ndo bisik ura ute nyesat kitak. Bangat ura akan datai 6ngau damo-Ku, madah, 'Aku tuk em Neh.' sidok akan nyesat bangat ura.7Watu kitak ningo berito tenta ura bepera, ndo usah takut. Balo pekaro yok arus terjadi, tapi yok semuo bukan kok selesai.8 Balo bansa akan bangkit ngelawan bansa, kerajaan nelawan kerajaan. Akan tejadi gempa bumi diok-diok, bisik kelaparan. Semuo tuk baruk pemulo penyiso kok nyambut jaman baru.9Tapi jagalah dirik kitak! Padai Aku, Sidok akan nyerah kitak ke pengadilan, lalu kitak akan dipelasah di gerijo-gerijo, kitak akan bediri di muo Sanhedrin tamai balo rajo, yok sebagai saksi ngau sidok.10 Lalu Injil arus lebih dulu dipadah ngau semuo banso.11Pado watu sidok maik lalu nyerah kitak, ndo usah kuatir dulu ngau apo ute kitak kok umung, tapi padah geno apo ute kitak kok umung watu yok, padai bukan kitak ute ngumung tapi yok Roh Kudus. 12Lalu seura menyadik akan merik menyadik neh ngau dibunuh, piok gok apai ngau anak neh. Balo nebiak akan bangkit ngelawan ura tuai lalu munuh sidok. 13Kitak akan dibencik semuo ura padai damo-Ku. Tapi ura ute mampu betan sampai selesai neh akan selamat,"14Watu kitak mantau pembinasa keji, sidok ute nugau di Yudea arus angkat ke gunung. 15Ura ute tengah nugau di darat dangau, ndo usah turun lalu ngamik balo utan di dalam dangau yok. 16Lalu ura ute tengah di umo, ndo usah bebalek ngau ngamik baju neh.17Celakolah balo inuk ute tengah ngano'ng tamai sidok ute tengah nyusu balo nebiak renyai pado ari yok. 18Bedoalah isok ndo tejadi pado rama celap. 19Pado ari-ari yok akan tejadi watu penyiso besai ute pan suah tejadi re pemulo mulah dunia, ute Tuhan pulah sampai pituk, ndo akan tejadi lagik. 20Enti Tuhan ndo nyingkat ari-ari yok, ndo bisik seura pun ute akan selamat. Tapi padai ute dipilih Neh, Neh nyingkat ari-ari yok.21Udah yok, entik bisik ura madah ngau kitak,' pantau, Kristus bisik dituk!' atau,' Pantau, Neh bisik diok!' ndo usah pecayok ngau neh. 22Padai balo Mesias palsu tamai balo Nabi palsu akan datai lalu sidok numut mulah tano-tano serto balo mujisat, maksud sidok sapo ketauk tauk nyesat ura-ura ute udah dipilih. 23Ati-ati! Aku udah madah semuo tuk ngau kitak subok.24Pado ari-ari yok, seudah tejadi ari penyiso besai,' Mato ari akan kleman lalu bulan ndo besinar. 25Binta-binta akan jatuh re langit serto balo kuaso di langit akan begetar'. 26Udah yok sidok akan mantau anak Mensio datai dalam awan ngau kuasao serto kemulian ute besai. 27Lalu Yo akan ngirim balo malaikat lalu ngumpul balo ura ute dipilih re empat arah mato angin, re balo ujo bumi sampai balo ujo langit.28"Belajarlah re pun kena: watu balo dan neh udah lemah serto balo daun neh udah bekantuk, bereti kitak pun ketauk musim panas udah semak.29 Piok gok ngau kitak, watu kitak mantau hal yok tejadi, bereti Yo udah semak muo lawa.30Aku madah ute sebenar ngau kitak, jaman tuk ndo akan abis sampai semuo yok tejadi. 31Langit serto bumi akan abis tapi Firman-Ku ndo akan abis." 32Tapi tenta ari serto watu yok ndo b isik ura ute ketauk, balo malaikat di surga ndo ketauk, Anak pun ndo ketauk, hanya Apai ute ketauk.33Ati-ati serto bejaga-jaga, padai kitak ndo ketauk sebilo watu neh akan datai. 34Hal tuk upo ura ute tengah dalam bejalai. Watu yo nudi dangau lalu merik kuaso ngau balo pelayan Neh, ngau kerjo sidok masing-masing lalu merintah penyaga lawa tetap bejaga.35Padai yok, bejagalah pdai kitak ndo ketauk sebilo watu ute empu dangau datai, malam ari atau tengah ari, atau watu manok engkukok, atau lelam kenyung, 36ndo usah kalau neh tiba-tiba datai lalu mantau kitak tengah gurin. 37Apo ute Aku padah ngau kitak tuk, Aku padah ngau semuo ura:''Bejagalah!"
Chapter 14

1Duo ari lagik Ari Raya Paska, Balo imam kepalo tamai balo ahli Taurat tengah ngok caro kok nangkap tamai munuh Yesus ngau caro ngakal. 2Bunge sidok,"Ndo usah pado watu ari raya paskah bisik ute di keribut disentaro ura."3Pado watu Yesus di Betania, di dangau Simon ura ute keno kusta tengah dudok makai, datai seura betinok maik sebotol minyak wangi Narwastu ute mahal rego neh. Seudah mecah ujo botol, yo nuang minyak yok ke kepalo Yesus.4 Tapi beberapo ura ringat lalu madah ngau samo dirik," Ngapo neh ngeruak minyak wangi upo yok"? 5Minyak yok tauk di jual 300 dinar lebi lalu ntauk diberik ngau ura miskin." Lalu sidok ringat ngau betinok yok6Tapi bunge Yesus,"Isok neh, ngapo kitak nyusah ke neh? Neh yok udah mulah ute baek ngau Aku. 7Enta kitak selarat bisik ura miskin, sebilo kitak kok , kitak tauk mualah ute baek ngau sidok. Aku tuk ndo selarat enta kitak. 8Betinok yok udah mulah apo ute dikemampu neh. Tubuh-Ku udah diminyak neh lebih dulu seapan Aku dikubur. 9Aku madah ngau kitak ute sebenar, dini pun Injil dipadah di seluruh dunia, apo ute di pulah betinok yok gok akan dipadah sebagai ngau ngingat neh."10Udah yok Yudas, salah seura are keduo belas murid, angkat ngau Iman-iman kepalo ngau nyerah Yesus ngau sidok. 11Watu sidok ningo neh, sidok gago lalu bejaji merik Yudas duit. Ulih hal yok, Yudas enggok watu ute baek ngau nyerah Neh.12Pado ari petamo Ari Raya Roti ndo beragi, watu sidok munuh anak domba paska, Balo murid Yesus betanyok ngau Neh,"Kini Nuan kok nyuruh kami angkat ngau nyiap makai paska ngau Nuan?" 13Lalu, Yo nyuruh duo ura murid Neh serto madah sidok duo,"Angkat kin ke kota, diok bisik seura laki ute tengah maik ai'k betemu ngau kitak.14 Tamailah neh kini pun yo tamok, padah ngau ute empu dangau,' Guru madah: Dini rua tempat Aku tauk makai pasaka ngau balo murid-Ku?'15Lalu, yo akan nunyok ke kitak duo sigik rua besai ute uda siap segalo pingan mangkok diok. Siap ke pemakai paska kito diok.16 Udah yok, murid-murid angkat lalu sampai ke kota. Diok sidok betemu apo ute udah dipadah Yesus ngau sidok, lalu sidok nyiap ke pemakai paska.17Watu ari malam, Yesus datai bereto keduo belas murid. 18Pado watu sidok tenghah dudok makai, Yesu madah," Aku madah ute sebenar ngau kitak, salh seura re sentaro kitak, ute tengah makai bereto kito, kok nyual Aku." 19Sidok mulai sedih lalu madah ngau Neh sikuk-sikuk," Bukai aku ya Tuhan?"20Yesus madah ngau sidok," Yo yok salah seura re duo belas murid, ura ute nyelup ke rute ke dalam mangkok. 21Anak Mensio akan angkat, upe ute ditulis tenta Neh, tapi celakolah ura ute ulih neh Anak Mensio yok dijual. Akan lebih baek ura yok ndo suah diperanak.22Watu sidok tengah makai, Yesus ngamik rute, lalu diberkat Neh, Yo mecah lau merik ngau sidol, serto madah,"Amiklahtuk tubuh-Ku."23 Lalu, Yo ngamik cawan serto ngucap sukur. Yo merik ngau sidok lalu sidok semuo minum re cawan yok. 24Bunge Yesus madah sidok," Tuk darah-Ku, darah pejanji ute dicurah ngau ura bangat.25 Aku madah ute sebenar ngau kitak, Aku ndo akan minum lagik asil buah re pon anggur, sampai pado ari Aku minum anggur ute baru di dalam kerajaan Allah."26Seudah menyanyi lagu rohani, sidok pun angkat ke bukit Zaitun. 27Udah yok Yesus madah ngau sidok,"Kitak semuo akan nudi Aku, 'Aku akan nyerang gembala lalu domba-domba yok akan pamar.'28Akan tetapi seudah Aku bangkit, Aku akan angkat dulu re kitak ke Galilea." 29Namun bunge Petrus madah Neh,"Sekalipun sidok semuo nudi Nuan, tapi aku ndo."30Lalu bunge Yesus," Aku madah ute sebenar ngau ikam, malam tuk, seapan manok mengkukok duo kali, ikam akan nyangkal Aku tigo kali."31 Lalu bunge Petrus nyaut," Biarpun aku harus mati bereto Nuan, aku ndo akan nyangkal Nuan!" Lalu sidok semuo samo madah piok32Udah yok, sampailah sidok di suatu tempat benamo Getsemani, lalu Yo madah ngau balo murid Neh,"Dudoklah dituk sementaro Aku berdoa."33 Lalu Yo maik serto Petrus, Yakobus serto Yohanes bereto Neh, Neh sangat takut sero tertekan. 34Lalu bunge Neh madah sidok,"Jiwa-Ku sangat sedih, aso kok mati. Tetaplah dituk serto bejago-jago."35Maka, seudah jauh sikit, Yo nyungkur ke tanah lalu berdoa, entik mungkin saat yok belalu are Neh.36 Lalu bunge Neh,"Ya Abba, Ya Bapok, ndo bisik ute mustahil bagi Nuan, amiklah cawan tuk re Aku, tetapi bukan apo ute dikedekok aku, melainkan apo ute dikedekok Nuan.37Udah yok, Yo datai lalu mantau balo murid Neh tengah guren, lalu bunge Yo madah Petrus," Simon, ngapo ikan guren? Ndokah ikam bejago-jago selamo se jam? 38Bejago-jagolah serto bedoa isok ikam ndo jatuk kedalam pencobaan. Roh memang penurut, tapi dagin lemah." 39Udah yok, Yo angkat lalu ngucap doa yok lagik.40Lalu, Yo datai lagik mantau sidok tengah guren padai mato sidok sangat berat, sidok ndo ketau arus nyaut apo ngau-Neh. 41Udah yok Yesus datai lagik ketigo kali serto madah ngau sidok, "Kitak lagik guren lalu betegok? Cukup, watuneh udah datai. Pantau, Anak Mensio diserah kedalam jari balo ura beduso. 42 Bom kito angkat am. Pantau, ute nyerah ke Aku udah semak."43Udah yok, Sementaro Yesus tengah ngumong, Yudas, salah seura re kedua belas murid, datai bereto ura bangat maik pedang serto pentung, diutus oleh balo imam kepalo, ahli-ahli Taurat, sero tuo-tuo bansa Yahudi. 44Ura ute nyerah ke Neh udah merik suatu tano ngau sidok," Ura ute aku cium, Neh yok am ura. Tangkap lalu baik Yo angkat dibawah pengawasan." 45Watu Yudas datai, yo lalu nyemak Yesus serto madah," Rabi!" Lalu neh nyium Yesus. 46Udah Yok, sidok megai Yesus lalu nangkap-Neh.47Namun, salah seura re sidok ute bediri, nyabut pedang neh lalu nyerang pelayan Imam Besai, lalu nyayat penint neh. 48Lalu bunge Yesus madah sidok," Ngapo kitak datai maik pedang serto pentungk nangkap Aku upo seura perampok?49 Tiap ari Aku ngau kitak di Bait Allah samil ngajar, tapi kitak ndo nangkap Aku. Namun Pekaro tuk harus tejadi, isok Kitab Suci ta'u digenapi. 50Udah yok sidok semuo nudi Neh serto ngelari kedirik.51Bisik ura bujang ute tamai Yesus, neh hanya nguno ngau kain lenan ngau nutup tubuh neh, Lalu sidok nangkap neh,52 tapi neh nudi kain lenan yok lalu ngelari kedirik telanja.53Udah yok, sidok maik Yesus ngau Imam Besai. Semuo Imam kepalo, tuo-tuo serto balo ahli Taurat bekero sutik. 54Lalu Petrus muntut Yesus re jauh, sampai ke halaman dangau Iman Besai. Diok, neh dudok tamai balo pengawal samil bekinuk ke api.55Balo Imam Kepalo tamai semuo Mahkamah Agamo nggok kesaksian ngau ngelawan Yesus isok sidok tau munuh-Neh, tetapi sidok ndo nemu apo-apo. 56Padai bangat ura ute merik kesaksian bulo'k ngau ngelawan- Neh, gisah sidok ndo sesuai sura-sura.57Udah yok, beberapo ura bediri lalu kesaksian bulok ngau ngelawan Yesus, bunge neh,"58 Kami menint Neh madah, Aku akan mungkar bait Allah ute dipulah jari mensio, lalu dalam tigo ari, Aku akan mulah ute lain ute ndo dipulah ngau jari."59 Tapi, kesaksian sidok tuk pun ndo sesuai ngau sura-sura.60Lalu, Imam Besai bediri di tengah-tengah sidok lalu betanyak ngau Yesus,"Apokah Nuan ndo nyaut ngau balo ura ute nyadi saksi ngelawan Nuan?" 61Tapi Neh tetap Nugau serto ndo nyaut. Imam Kepalo betanyok lagik ngau Yesus lalu madah,"Apokah Nyan Mesias, Anak Allah ute Terpuji?" 62Lalu bunge Yesus,"Aku tuk em Yo, lalu kitak akan mantau Anak Mensio dudok disepiak kanan Ute Mahakuaso lalu datai bereto ngau awan-awan di langit."63Lalu, samil minsak jubah neh, Imam Besai madah,"Ngapo kita perlu saksi lagik? 64Kitak udah menin't keja'i Neh. Apo keputusan kitak?" Lalu sidok semuo ngukum-Neh ngau ukum mati. 65Beberapo ura mulai ngeludah Neh, lalu nutup muko-Neh udah yok ngucoh-Neh, serto madah ngau-Neh" Bernubuatlah!" Balo pengawal nerimok-Neh ngau penampar6769Pelayan betinok yok mantau Petrus sekalik lagik lalu madah ngau ura-ura ute bediri," Ura tuk salah sra re sidok." 70Akan tetapi neh nyangkal lagik. Ndo lamah udah yok, balo ura ute bediri madah lagik ngau Petrus," Nuan pasti salah seura re sidok padai nuan gok ura Galilea."69Pelayan betinok yok mantau Petrus sekalik lagik lalu madah ngau ura-ura ute bediri," Ura tuk salah seura re sidok." 70Akan tetapi neh nyangkal lagik. Ndo lamah udah yok, balo ura ute bediri madah lagik ngau Petrus," Nuan pasti salah seura re sidok padai nuan gok ura Galilea."71Namun, Petrus mulai nguto'k lalu besumpah," Aku ndo kenal ura ute kitak padah!" 72Lanso, manok renyau mengkukok keduo kalineh lalu Petrus kingat apo ute udah Yesus padah ngau neh,"Seapan manok renyau mengkukok duo kali, nuan akan nyangkal Aku tigo kali." Lalu Petrus ndo mampu nahan tangis.
Chapter 15

1Lelam kenyung benar, balo Imam Kepalo berunin't ngau balo tuo-tuo, balo ahli Taurat, serrto semuo Sanhendrin. Lalu sidok ngikat Yesus, maik-Neh angkat lalu nyerah-Neh ke Pilatus. 2Pilatus betanyok ngau Neh," Apokah Nuan Rajo Ura Yahudi?" Lalu, Yo nyaut neh," Nuan ute madah."3 Udah yok, balo Imam Kepalo bangat nuduh Yesus.4Lalu, Pilatus betanyok lagik ngau-Neh," ngapo Nuan ndo nyaut? Pantau, berapo bangat tuduhan sidok ngau ngelawan Nuan.'' 5Tapi Yesus ndo lagik nyaut, lalu Pilatus iran6Pado Ari Rayo Paskah, Pilatus biaso ngelepas bagi sidok sura ute di dalam penjaro, ute sidok pintok. 7Bisik sura bedamo Barabas udah ditahan bereto balo pemberontak ute munuh ura. 8Ura bangat datai lalu mintok Pilatus isok ngelepas ura, upo kebiaso neh ngau sidok.9Lalu, Pilatus nyaut sidok, bunge neh, "Apokah kitak kok aku ngelepas ngau kitak Rajo Ura Yahudi tuk? 10Sebab, neh keta'u bahwa balo Imam Kepalo udah nyerah Yesus padai sidok iri ati. 11Tapi balo Imam Kepalo ngasut ura bangat isok Pilatus ngelepas Barabas12Lalu bunge Pilatus madah sidok," Jadi, apo ute arus aku pulah ngau Ura ute kitak sebut Rajo Ura Yahudi tuk?" 13Lalu, sidok mangkas lagik," Salib ke Neh!"14Udah yok, Pilatus madah sidok,"Ngapo? Keja'i apo ute udah Neh pulah?" Namun, sidok mangkas lebih kuat lagik,"Salib ke Neh!" 15Padai kok muas ke ati ura bangat, Pilatus ngelepas Barabas ngau sidok, seudah Yesus di sipat, Pilatus nyerah ke-Neh isok disalib.16Balo prajurit lalu ma'i Yesus tamok aro Istana, atau gedung pengadil bekero. 17Lalu sidok nyarok ke-Neh Jubah Ungu, seudah nganyam mahkota ute bedurik, sidok nyarok ke kepalo Yesus.18 Udah yok, sidok mulai merik salam ngau-Neh,"Salam, Rajo Ura Yahudi!"19Sidok lalu maluk kepalo-Neh ngau buluh serto ngeludah-Neh, lalu sujud nyembah-Neh. 20Seudah sidok ngeluluk Yesus, sidok mukok jubah ungu re Yesus, lalu nyarok baju-Neh kedirik. udak yok sidok ma'i Yesus keluar isok ta'u nyalib ke-Neh. 21Sidok maksa ura ute tengah mansok, Simon ura re Kirene ute tengah datai re kampung, bapok re Aleksander tamai Rufus, ura yok sidok paksa mikul salib Yesus.22Lalu, sidok ma'i Yesus aro Golgota retineh" Aro Tengkorak". 23Sidok merik Neh anggur becampur mur, tapi Neh ndo ngamik. 24Udah yok, sidok nyalib ke-Neh lalu magi balo pakaian-Neh di entaro sidok, samil nikam undi ngau nentu apo ute buleh re masing-masing sidok.25Pado saat yok jam ketigo watu sidok nyalib ke-Neh. 26Tulisan ute dituduh ngau Yesus tertulis," Rajo Ura Yahudi."27 Lalu, sidok nyalib ke duo ura perampok bereto-Neh, seura disepiak kanan-Neh, seura lagik disepiak kibok-Neh.28 Nyadi genaplah Kitab Suci ute madah," Neh teritung di entaro ura-ura durhaka."29Udah yok, balo ura ute tengah mansok ngeja'i Yesus samil ngilin't kepalo sidok serto madah,"Hai! Nuan ute kok ngerubuh Bait Allah lalu mulahneh lagik dalam tigo ari, 30selamatkan dirik Nuan lalu turun re salib yok!"31Piok gok balo Imam Kepalo, tamai balo ahli Taurat ngeluluk Yesus, bunge sidok,"Neh nyelamat ke ura lain, Tapi Neh ndo ta'u nyelamat ke dirik-Neh kedirik! 32Isok Mesias, Rajo Israel,pituk turun re salib isok kito ta'u mantau lalu pecayok." Sidok ute disalib bereto Yesus gok ngeluluk-Neh33Pado watu jam keenam, tejadi kleman disemuo tanah yok sampai pado jam ke sembilan.34 Pado jam ke-9, Yesus mangkas,"Eloi, Eloi, lama sabakhtani," retineh "Allah-Ku,Allah-Ku, ngapo Nuan nudi ke Aku?" 35Lalu seudah ninganeh, beberapo ura bediri di semak-Neh madah,"Pantau! Neh ngumai Elia."36Lalu, seura bededas udah yok neh nyelup kain ngau anggur asam, ditaroh neh di ujo buluh lalu merik Yesus isok diminum, samil neh madah, "Isok kita mantau apokah Elia datai nurun ke-Neh. 37Udah yok Yesus mangkas lalu narek penyuan pengabis-Neh. 38Pado watu yok gok, tirai Bait Allah tebinsak nyadi duo, re atau sampai ke baroh.39Watu kepalo paasukan bediri ngadap Yesus, mantau keti caro Yesus mutus penyuan, neh madah, "Benar mek, ura tuk Anak Allah!" 40Diok bisik balo inuk ute mantau re jauh, di entaro sidok bisik Maria Magdalena, Maria umak Yakobus mudak tamai moses, serto Salome. 41Watu Yesus din wilayah Galilea, sidok tamai Neh serto ngelayan Neh. Lalu, din bangat ura betinok lainneh ute datai bereto Yesus ke Yerusalem.42Pado watu ari udah malam, padai ari yok Ari Persiapan seapan ari sabat, 43Yusuf ura Arimatea datai, seura anggota Majelis Besai ute dihormati, ute dirik neh gok nunguk penatai Kerajaan Allah, merani kedirik lalu angkat ke aro Pilatus, neh minto tubuh Yesus. 44Pilatus tekejut ningo Yesus udah mati. Neh ngumai kepalo pasukan lalu betanyok ngau neh, apokah Yesus benar udah mati.45Seudah Pilatus ketau re kepalo pasukan, neh merik mayat Yesus ngau Yusuf. 46Lalu Yusuf meli kain lenan serto nurun ke mayat Yesus, seudah mungkus-Neh ngau kain lenan yok, neh guren ke-Neh dalam kubur ute digali di bukit batu. Lalu neh ngolek sigik batu ke muo kubur yok. 47Maria Magdalena tamai umak Yoses mantau aro mayat Yesus yok di gurin.
Chapter 16

1Watu ari sabat udah belalu, Maria Magdalena, Maria umak Yakobus, serto Salome, udah beli balo rempah ngau sidok ngeminyak Yesus. 2Lelam kenyung benar, pado ari petamo mingu yok, watu matoari terbit, sidok datai ke kubur.3Bunge sidok madah samo dirik, "Sapo ute ngolek batu re penamok ngau kito yok?" 4Namun seudah mantau ke darat, sidok mantau batu ute besai yok udak tegolek.5Setelah tamok ke dalam kubur, sidok mantau ura laki ute lagi mudak ngau jubah putih tengah dudok disepiak kanan, lalu sidok tekejut. 6Lalu bunge neh,"Ndo usah tekejut, kitak nggok Yesus ura Nasaret ute udah disalib. Neh udah bangkit. Neh ndo bisik dituk. Pantau aro Neh digurin. 7Tapi, angkat kin, padah ngau balo murid-Neh tamai Petrus bahwa Neh tengah dulu re kito ke Galilea. Din, kitak akan betemu ngau Neh,upo ute udah dipadah Neh ngau kitak.8Udah yok, sidok keluar lalu bededas re kubur yok padai sidok begetar lau iran, sidok ndo madah apo-apo ngau ura padai sidok takut. [Segalo utan ute udah diperintah ngau sidok, sidok padah ngau Petrus tamai balo kawan-Neh secaro singkat. Udah yok, Yesus kedirik ute ngutus sidok re Timur sampai ke Barat, ngau madah berita ute kudus serto ute ndo tau abis tenta keselamatan kekal.Amin]9Watu Yesus bangkit pado ari petamo mingu yok, Neh petamo-tamo nunyuk kedirik-Neh ngau Maria Magdalena ute re neh Yesus udah ngusir tujuh roh ja'i. 10Lalu neh angkat serto madah ngau sidok ute udah bereto Yesus, sementaro sidok tengah beduka. 11Lalu watu sidok menin't bahwa Yesus hidup serto dipantau uleh neh, sidok ndo pecayok.12Seudah kejadian yok, Yesus timul dalam bentuk lain ngau duo ura re sidok ute tengah bejalai ke kampong. 13Lalu, sidok bebalek serto madah ngau ute lain neh, tetapi ute lain yok ndo pecayok gok ngau sidok.14Seudah yok, Neh timul kedirik ngau kesebelas murid-Neh watu sidok tengah dudok makai, lalu Neh negur sidok padai ndo pecayok serto kedegil ati sidok. Padai sidok ndo pecayok ngau balo ura ute udah mantau Neh seudah Neh bangkit. 15Bunge Neh madah sidok," Angkat kin keseluruh benuo serto padah ke berita injil ngau semuo ute udah dipulah.16 Sapo ute udah pecayok serto udah dipemanik akan selamat, tapi sapo ndo pecayok akan diukum.17Lalu, tano-tano tuk akan bereto sidok ute pecayok: Dalam damo-Ku sidok aka ngusir balo roh ja'i; sidok akan ngumung dalam bahasa baru; 18sidok akan ular ngau jari sidok; tik sidok minum racun ute nyuruh mati ndo akan mulah sidok celaka; sidok akan ngeletak ke jari sidok ngau ura ute pedih, lalu ura yok akan semuh."19Lalu, seudah Tuhan madah yok ngau sidok. Neh trangkat ke surgo lalu dudok disepiak kanan Allah. 20Lalu, sidok angkat serto nyebar ke berito Injil ke segalo penjuru, sementaro Tuhan turut bekerjo lalu nguat ke Firman-Neh ngelalu tano-tano ute bereto neh.

Luke

Chapter 1

1 Dah bisi'k, piyok bangat ura berusaho kok nyusun gisah ute tejadi di tengah kito, 2Upo hal neh te ditulis te udah disampai ngau kito ulih ura-ura te pertamo jadi saksi mato tamai pemerik kabar berito Firman.3Bangat macam gisah ute udah de padah ngau kito uleh ura-ura tepertamo jadi saksi matoserto te ngemaik berito baek yok neh Firman.Aku pun udah belajar semuo neh sajo runih benar re temulo,piyok gok aku nulis secaro beurut ngau kitak,hai Teofilus te mulio, 4isok nuan ketauk utan te benar tenta banfat hal te udah di ajar ngau kitak. Pemadah tenta Yohanes pembatis5Watu, maso pemerintah Herodes, Rajo Yudea, bisi'k seura imam bedamo Zakaria neh berasal re kelumpok imam Abia. Bini neh beasal re kenturun Harun, serto damo nrh Elisabet.6 Zakaria tamai Elisabet sidok duo benardi mato Tuhan Allah.Sidok idup endo bisik cacat cela selalu ngau hukum serto perintah Tuhan.7Tapi, sidok nisik anak ute Elisabet manul piyok sidok duo udah sangat tuo.8Pas watu gilir rumbungneh betugas, Zakaria bulih tugas ngau jadi imam di muo Allah. 9Menurut kebiaso mimpin imam, Lalu Zakaria pun tepilih nurut dasar cabut undi tamok kedalam dangau Allah. serto nunu utan te saji.( Rancak) 10pas saat rancak di pesemah, seluruh umat berduo di luar.11Lalu sekelin, malaikat Tuhan ngenampak kedirik nguso Zakaria serto berdiri di sepiak kanan temparok rancak. 12 Watu mantau malaikat yok, Zakaria jadi begetar serto sangat takut. 13tapi malaikat yok lalu madah ngau neh "nusah takut, Zakaria, ute doa pemohon nuan udah di penind. Bini nuan, Elisabet, neh ngano serto beranak nebiak lelaki ngau nuan lalu nuan arus merik damo neh Yohanes.14Nuan besenang ati serto gago, piyok gok ura bangat tentu tamai senang nunguk penatai neh ke dunia.15Neh tentu jadi besai di muo Tuhan serto endo minum balo arak tuak angur atau balo utan lain te nyuruh mabok. Bah, agik dalam kano perut umak neh udah di penuh ulih Roh kudus16Neh nyuruh ura israel bangat bebalek nngau Tuhan, Allah sidok. 17Neh bejalai dulu mukok jalai Tuhan ngau Roh serto kuaso Elia, 'isok balo ati apai-apai bekalih nguso balo anak neh'.Neh pun nyuruh bangat ura te endo taat isok tauk bebalek ngau himat penumut ura-ura te benar. Tentu macam nyok neh nyiap umat te udah di siap ngau Tuhan."18Zakaria ngumung ngau malaikat yok, "Upo keti aku ketauk tenta hal tuk? ute, aku tuk udah tuo serto bini aku gok udah tuo".19Malaikat pun nyaut, " Aku tuk Gabriel, malaikat te bediri di muo Allah. Aku di utus becakap ngau nuan serto disuruh nyampai kabar baek tuk ngau nuan.20Kebok, pituk de penind! nuan jafi bisuk serto endo tauk ngumung sampai pas watu ari utan tuk tejadi ute nuan endo pecayok ngau apo utan te padah, semuo nyok tentu di genap waktu pun udah ditentu".21Sementaro Zakaria di dalam balo jemaat pun nunguk neh di luar, sidok pun betanyok ngapo Zakharia lamah benar di dalam dangau Tuhan.22watu Zakharia keluar, neh endo tauk becakap ngumung ngau sidok.Sidok pun ketauk tentu Zakharia udah bisik pemantau dalam dangau Tuhan ute neh sajo selampur mulah baso isarat ngau sidok, tapi neh endo tauk ngumung.23Setelah abis jangko watu neh mimpin, Zakharia pun Lalu pulai ke rumahneh.24Seudah kejadi yok, Elisabet lalu ngano neh pun betapok selamah limo bulan. Jekuk neh, 25"Tuk em ute udah Tuhan pulah ngau aku. Neh peduli ngau aku serto ngapus penyalah duso aku re ura bangat"Pemadah tenta Yesus Kristus26Pas umur kano Elisabet udah enam bulan, Allah nyuruh malaikat Gabriel datai ke kuto aro Galilea, damo teban yok 27Nazaret.Neh diutus betemu ngau seura betinok agik daro ute tengah lagik betunang ngau seura lelaki bedamo Yusuf, kenturun Daud. Damo daro yok Maria.28Sekelin yok malaikat datai nguso Maria serto madah, "Salam, hui kulok ute di berik berkat! Tuhan bereto kulok." 29Menind pemadah yok, Maria jadi iran. neh pun betanyok-tanyok dalam atineh apo utan reti Salam yok.30Malaikat yok pun madah ngau neh, "Nusah takut, Maria, ute Allah udah merik kasih karunio-Neh ngau kulok.31Penind benar, kulok ngano serto beranak seura nebiak lelaki, serto kulok arus merik damo-Neh Yesus. 32Neh jadi besai piyok di sebut Anak Allah Ute sangat Tingik. Tuhan Allah akan merik-Neh takhta Daud, inik muyang-Neh. 33Neh akan merintah semuo kenturun Yakub ngau selamah-lamaheh serto kerajaan-Neh endo bakal abis."34Maria pun becakap ngau malaikat yok, "Upoketi utan tuk tauk tejadi seda aku apan belaki?" 35Malaikat pun nyaut neh serto madah"Roh kudus datai ngau kulok serto kuaso Allah te sangat Tingik tentu nyago kulok. Kebok semuo tuk Nebiak te kok kulok peranak pagi yok kudus serto di sebut Anak Allah36Serto diketauk gok ute Elisabet, menyanak kulok yok, tengah ngano gok de umur neh tuo pituk. Neh re subok dipadah manul, pituk udah ngano enam bulan.37Ute endo bisik nyaruh bagi Tuhan Allah. " 38Lalu Maria pun nyaut,"Sebenarneh aku tuk,hamba Tuhan. Tejadi em ngau aku upo ute Nuan padah yok."udah yok malaikat pun angkat nudi ke neh.Maria beranau ngau Elisabet.39Seari yok pun Maria besiap angkat ke aro bebukit, neh nuju ke kuto di Yudea. 40 Neh beranau lalu tamok ke dangau Zakaharia serto nyapo Elisabet. 41 Watu Elisabet menin salam re Maria, nebiak di dalam kano neh pun begerak ngelumpat lalu Elisabet pun di penuh olih Roh kudus.42Udah yok Elisabet pun mangkas ingan neh sangat kuat, Di berkat Nuan di sentaro balo semuo betinok, serto di berkat gok buaj kano nuan.43Sapo aku tuk sampai umak(inai) Tuhan datai nguso aku?44Sunguh benar, watu nuan nyapo salam sampai te dingo benar di penind aku, nebiak dalam perut tuk begerak ngelumpat sangat gago. 45besenang benar neh te pecayok ute apo te di padah Tuhan ngau Neh tentu di genap benar.46 jekuk Maria, jiwo aku tuk memulio ke Tuhan,47serto Roh aku tuk besenang ngau ati gago di dalam Tuhan , juru selamat.48Ute Allah udah ngasih hamba Neh te papo tuk.De penin, nemulo re pituk sampai selamahneh semuo ura nyebut aku bahagia.49 Ute Neh bekuaso udah mulah pempulah te besai ngau aku, Damo-Neh selalu Kudus.50Ramat-Neh di berik re turun-temurun, ngau ura-ura te takut ngau Neh.51Neh udah nunyuk kuaso-Neh ngau jari-Neh Neh nyerai-miah ura-ura te tingik ati summo enta pemikir atineh.52Neh nurun balo penguaso re re penuduk sidok, serto ningik ura-ura te baruh ati.53Neh udah ngenyang ke ura te lapar ngau te baek,tapi Neh nyuruh ura kayo angkat ngau jari pua.54Tuhan udah merik penulo ngau Israel(sekujam), hamba-Neh, ute ngingat ramat-Neh.55Upoketi te udah dipadah Neh ngau inik muyang kito, Abraham serto balo keturunneh sampai selamah-lamahneh."56Maria pun tingal besamo Elisabet kiro-kiro tigo bulan lamahneh, udah yok neh pun pulai kedangau dirik neh.Penatai Yohanes pemaptis57Sento watu Elisabet ngau beranak neh pun beranak seura nebiak laki.58Balo ura te besemak tamai menyanakneh menin ute Tuhan udah nunyuk ramat-Neh te besai nguso Elisabet, sidok pun tamai gago besenang ati ngau neh.59Pas lapan ari, sidok datai nyunat nebiak yok. Kemauk sidok merik damo nebiak yok Zakharia, samo ngau damo apai neh. 60Tapi inai neh madah, ''Nusah, damo neh Yohanes.''61Jekuk sidok ngau Elisabet, ''Seura pun nisik de sentaro balo menyanak kitak te di berik damo yok.''62udah yok, sidok pun betanyok ngai baso siarat ngau Zakharia apai nebiak, apo damo te baek ute kok di berik ngau nebiak tuk.63Zakharia pun mintok utan te ngau nulis,serto nulis upo tuk: ''Damoneh Yohanes.'' sidok pun jadi iran semuo.64Sekelin yok gok, mulut Zakharia tebukok serto lidahneh pun bibas, Neh pun ngumung becakap muji Tuhan. 65Semuo ura te besemak ngau sidok jadi takut serto masalah tuk jadi umung ura di seluruh bukit Yudea. 66Lalu semua ura te menin hal tuk sidok betanyok dalam ati, "Jadi apo geno nebiak tuk pagi lusok neh?" ute jari lengan Tuhan nyerto neh.Zakahari Memulio ke Tuhan67Zakharia apai Yohanes pun gok dipenuh Roh kudus serto benubuat jekuk neh,68Puji syukur ngau Tuhan, Allah Israel(Sekujam) Ute Neh udah ngintu serto nebus balo umat-Neh69Neh udah mulah tanouk penyelamat ngau kito re keturun Daud, hamb-Neh,70Samo upo te udah di kabar ngelalu mulut balo Nabi-Neh te kudus re zaman merek 71Isok kito tauk selamat re balo munsuh-munsuh kito, serto re jari lengan semuo ura te bencik ngau kito.72Neh nunyuk ramat ngau inik muyang kito, Kebok neh ingat ngau pejannyi-Neh ute kudus,73Yok neh sumpah te di ucap-Neh ngau inik muyang kito, Abraham,74Isok kito tauk lepas re jari lengan balo munsuh kito kito tauk semaya nisik beban piyok gok nisik takut,75enta kekudus tamai kebenar de muo-Neh, seumur idup kito76Ikam yok anak aku, tentu disebut nabi Tuhan Allah te Mahatingik, ute ikam dulu re Tuhan, nyiap jalai ngau-Neh. 77isok merik pengerti tenta jalai selamat ngau umat-Neh ngelalu neh ngampun duso-duso sidok78ulih ramat tamai belas kasih Allah kito, sinar matoari lelam kenyung nyinar kito re aro te tingik79ngau nyinar sidok te nugau enta te keleman serto enta te nugaudalam baya-baya kemayang maut, isok tauk nuntun kaki kito nuju ke jalai damai sejahtera."80Nebiak yok betumuh makin besai serto mskin kuat di dalam roh. Neh nugau de pada gurun sampai sento watu neh nunyuk kedirik ngau banso Israel.
Chapter 2Lahir Yesus Kristus.

1Pas watu yok, Kaisar Agustus ngeluar perintah nyensus semuo penuduk di seluruh dunio.2Tuk lah sensus penuduk te pertamo kalik ado watu kirenius jadi gubernur di Siria.3Kebok em, semuo ura datai ke kuto asal sidok masin-masin ngau naftar dirik.4Piyok gok Yusuf angkat re Nazaret, kuto Galilea, neh pun nuju ke Yudea, ke kuto Daud te di sebut Betlehem, ute neh berasal re keturun Daud, 5Isok tauk di daftar besamo ngau Maria, tunang neh ute lagik ngano.6Watu Maria tamai Yusuf tengah di Betlehem sento watu neh Maria ngau beranak.7Maria pun beranak nebiak lelaki te pertamo tuk. Neh pun malut ngau lampin serto engkah-Neh di gurin enta dalam dula, ute nisik dangau, pangkin ngau sidok bemalam. Balo Gembala mantau kebiak Yesus8Enta aro te samo, bisik balo gemalo te nugau di pada nyago balo pengkidup sidok pas ari malam. 9Lalu, sekelin yok malaikat Tuhan bediri di muo sidok serto kemuliaan Tuhan besinar di sekelilin sidok sampai sidok pun jadi sangat takut.10Jekuk malaikat yok ngau sidok,''Nusah takut ute sebenarneh, Aku merik berito ngau kitak kabar baek tenta ke senang ati besai sajo di peruntuk ngau semuo banso.11Hari tuk udah lahir bagi kitak seura Juru selamat, yok neh Kristus Tuhan, di kuto Daud.12Tuk em tanno ngau kitak: kita tentu nemu seura nebiak renyai te lagik di balut ngau lampin serto di pegurin di dalam dula."13sekelin bereto, pansut ngenampak kedirik bereto beramo malaikat sekelumpok besai balo tentaro surgo ute muji Allah, jekuk sidok:14''Kemuliaan bagi Allah di aro te mahatingik serto damai sejahtera di bumi, di tengah ura-ura te bekenan ngau-Neh.''15Watu balo malaikat nudi balo gemalo yok lalu bekalih ke surgo, balo gemalo yok ngumung seura ngau te lain,''Boh kito ke Betlehem merati apo utan te udah tejadi din, ute udah Tuhan padah ngau kito.''16lalu sidok pun sigat-ligas angkat lalu betemu ngau Maria tamai Yusuf, serto nebiak te gurin di dalam dula.17Watu balo gemalo mantau Neh,sidok begisah apo utan te udah dipadah ngau sidok tenta nebiak tuk,18Lalu, semuo ura te menin hal tuk iran ketauk ke hal macam tuk ute udh dipadah balo gemalo ngau sidok.19Tapi Maria naruh hal tuk serto ngerenung dalam atineh. 20Udah yok balo gemalo pulai nguso kamin dumba sidok samil ngemulia muji Allah ute semuo udah sidok perati serto menin upo te dipadah ngau sidok21Udah lapan ari nebiak yok pun disunat, lalu damo neh di sebut Yesus,damo te dipadah ulih malaikat seapan Neh di kanno dalam perut.BAYI YESUS DI BAI' KE DANGAU TUHAN
23Upo te ditulis enta ukum Tuhan, ''semuo nebiak lelaki te tuo arus di kudus bagi Tuhan 24serto ngau merik pesemah sesuai ngau apo te udah ditulis enta ukum Tuhan, yok neh sepasa buro daro atau duo ikuk buro merpati mudok.''SIMEON TAMAI HANA MANTAU YESUS25Bisik seura lelaki bedamo Simeon te nugau diYerusalem.Neh yok ura te benar serto saleh, te nunguk penatai pengibur Allah atas Israel, serto Roh kudus beserto-Neh. 26Roh kudus udah madah ute neh pan tauk mati seapan mantau Kristus te di urapi Tuhan.27Simeon pun datai ke Bait Allah neh dituntun Roh kudus,watu Yusuf tamai Maria ngemaik kebiak Yesus ke bait Allah ngelaku ngau-Neh apo te udah ditentu ulih ukum Taurat. 28Udah yok, Simeon ngerengkuk kebiak Yesus lalu neh muji Allah, jekukneh, 29''pituk, oh Tuhan, kiro neh Nuan nyuruh pelayan-Nuan tuk angkat(mati) dalam damai, tenang sesuai ngau pemadah firman-Nuan.;30Ute mato aku udah merati keselamatan re Nuan.31Te udah Nuan siap, disedio di muo semuo banso;32Yok neh cahayo te besinar te tentu nera banso-banso te apan ngelalo Tuhan, serto jadi kemuliaan bagi semuo umat- Nuan, Israel.''33Yusuf tamai ibai nebiak yok jadi iran apo jekuk Simeon semuo utan tenta Neh.34lalu Simeon pun merik berkat ngau sidok serto madah ngau Maria inai Yesus,''penin, Nebiak tuk udah di tetap ngau nyatuk serto ngebangkit bangat ura di Israel, serto jadi tanno te nyuruh bebantah bangat ura.35(serto, sebilah peda tentu nusuk ke dalam jiwo nuan) isok isik ati bangat ura jadi nyato36Diok gok bisik seura nabi betinok bedamo Hana, anak Fanuel re suku Asyer. Neh udah tuo benar. Neh idup tamai laki selamah tujuh taun seudah kawin, 37Usah yok pun neh jadi janno sampai umur 84 taun. Beh endo suah nudi ke bait Allah, neh beribadah semaya siang ngau malam serto bepuaso tamar berdu'o.38pas watu besamo ngau neh datai Hana neh pun ngucap syukur ngau Allah serto begisah tenta Yesus ngau semuo ura te nganti penatai penebus Yerusalem. YUSUF TAMAI MARIA PULAI KE NAZARET3940Nebiak yok pun betumuh mansa besai, kuat, penuh ngau penumut, piyok gok Allah selalu merik berkat ngau-Neh.YESUS DI BAIT(DANGAU) TUHAN41Setiap taun, ura tuo Yesus datai ke Yerusalem pas ari rayo paskah.42Ari perayo udah abis, sidok pun pulai.tapi, Yesus agik te dudi di Yerusalem endo di ketauk ulih apai tamai inai-Neh. 44Ute ura tuo Yesus ngiro Neh udah bereto tamai balo rummo te lain, sidok pun ngelanyut pejalai seari nampun(anyal) lalu di tengah jalai sidok pun begegok ke-Neh diantero balo menyanak tamai ura-ura te sidok kelalo.45Watu sidok nemu Yesus, sidok bekalih ke Yerusalem lalu ngegok-Neh. 46Udah tigo ari, baru sidok nemu Yesus di bait Allah, Neh tengah duduk di tengah sentaro balo guru agama, samil Neh menin serto ngaju bangat te di tanyok ngau sidok. 47Semuo ura te menin-Neh sajo iran ngau bangat te di ketauk serto saut jawab-Neh48Watu ura tuo-Neh merati Yesus, sidok gok iran. Lalu, inai-Neh betanyok, ''Jang, ngapo tebiat Nuan upo tuk ngau kami? aku tamai apai sajo gaduh begegok ke-Nuan.''49Saut Yesus ngau sidok,"Ngapo kitak ngegok Aku? endo ketauk kitak ute aku tentu nugau di dangau Apai-Aku/'' 50Tapi sidok endo nyarok apo utan te dipadah-Neh ngau sidok.51Lalu, Yesus pulai bereto ngau sidok ke Narazaret serto nurut pejalai sidok. Semuo utan jekuk Yesus di taruh inai-Neh dalam atineh. 52Yesus pun betumuh makin besai serto betamah bijak. piyok gok Neh makin dikasih Allah tamai mensio.
Chapter 3YOHANES PEMBAPTIS NGELAYAN

1Pas limo belas taun maso pemerintah Kaisar Tiberius, Watu Pontinus Pilatus jadi Gubenur Yudea, Herodes jadi rajo Galilea; Filipus menyadik Herodes jadi rajo wilayah Iturea tamai Trakhonitis;lalu Lisanias pun jadi rajo Abilene,2Hanas tamai Kayafas jadi pejabat imam agung, datailah Firman Allah ngau Yohanes, anak Zakaharia, te nugau di belan pada belantaro.3Lalu, angkatlah Yohanes nuju seluruh daerah sekitar Yordan serto merik baptis betubat ngau ngampun balo duso,4upo te ditulis enta kitab nabi Yesaya: ''Tuklah ingan ura te ngumai mangkas nyarin di belan pada belentaro, 'Disiap jalai ngau Tuhan,dipebujur jalai ngau-Neh.5Semuo lentap paro kok di ti'mbun, serto setiap gunung tamai bukit kok di rato. Jalai te bingkok keliok kok di pebujur,serto semuo jalai te lempak lengo kok di perato.6Isok, semuo ura tauk merati penyelamat re Tuhan!''' Yesaya 40:3-57Lalu, Yohanes madah ngau ura bangat te datai ngau di baptis ulihneh, ''Hui, kitak keturun ular beladak! Sapo ngingat ke kitak ngau ngelari ke dirik re peluat te kok datai?8Kebok neh, arus ngasil balo buah te nunyuk petubat kitak.Nang bepadah ngau dirik kitak kedirik, 'Abraham yok inik muyang kami!' Aku madah ngau kitak, sebenarneh re batu-batu tuk Allah tauk ngebangkit balo nebiak bagi Abraham!9Bah, nemulo re pituk kapak udah di letak di akar pun kayu. setiap pun kayu ute endo ngasil buah te baek tentu di teba serto di sempalo ke dalam api.''10Ura-ura betanyok ngau ,''Anti'k piyok, apo te arus kami pulah?''11Neh nyaut, "Setiap ura sapo te ngempu duo baju, neh arus bebagi ngau ura te nisik ngempu. Serto, setiap ura te bisik pemakai arus belaku te samo gok.''12bisik datai gok pengumpul pajak mintok di baptis. Sidok betanyok ngau Yohanes, ''Guru, apo te arus kami pulah?''13Yohanes madah ngau sidok, ''Nusah nagih pajak lebih re te udah ditetap ngau kitak,''14balo pejurit tamai tentaro pun betanyok, "Upo keti ngau kami? apo te arus kami pulah?'' saut Yohanes ngau sidok, ''Nusah mintok duit re sapo pun ngau caro ngerampas meras. di pecukup geno dirik kitak ngau gajih kitak.''15Watu semuo ura ngarap nunguk penatai Mesias, Sidok semuo betanyok-tanyok dalam ati tenta Yohanes, Apo neh tuk Kristus atau bukan.16Yohanes nyaut sidok serto madah,''Aku ngebaptis kitak ngau aik. tapi,Seura te lebih bekuaso re aku kok datai. Ngau mukok tali senal-Neh pun aku endo patut. Neh ngebaptis kitak ngau Roh Kudus tamai api.17Alat penampik udah di jari-Neh ngau mersih lantai pengirik serto ngumpul ganum(Padi) te baek kedalam juro-Neh. tapi Neh tentu nunu jeramik, sekam kedalam api te endo suah padam.''18Ngau bangat petuah nasihat te lain, Yohanes ngabar inyil ngau ura bangat.Yohanes pembatis di penyaeo19tapi, seudah Yohanes ngeraro Herodes, rajo Wilayah, pempulah te dilaku ngau Herodias, ute bini menyadik Herodes, serto semuo utan te ja'i udah dilakuneh, 20kebok rajo Herodes namah semuo te ja'i serto nepuk Yohanes kedalam penyaro.Yesus Dibaptis21Watu semuo ura udah dibaptis, Yesus gok dibaptis. pas, sento watu neh berduo, langit tebukok, 22lalu Roh kudus pun turun ke darat-Neh berupo buro merpati. lalu, bisik ingan datai re langit, ''Nuan tuk Anak-Aku ute Aku kasih.Ngau-Nuanlah Aku keran.''Sisilah Yesus23Watu Yesus nemulo pelayanan-Neh, umur Neh kiro-kiro tigo puluh taun. serto ura-ura pun bepenapat Neh yok anak Yusuf. Yusuf anak Eli.24Eli anak Matat.Matat anak Lewi.Lewi anak Malkhi.Malkhi anak Yanai.Yanai anak Yusuf.25Yusuf anak Matica.Matica anak Amos.Amos anak Nahum.Nahum anak Hesli.Hesli anak Nagai.26Nagai anak maat.Maat anak matica.matica anak Simei.Simei anak Yosekh.Yosekh anak Yoda.27Yoda yok anak Yohanan.Yohanan anak resa.Resa anak Zerubabel.Zerubabel anak Sealtiel.Sealtiel anak Neri.28Neri anak Malkhi.Malkhi anak Adi.Adi anak Kosam.Kosam anak Elmadam.Elmadam anak Er.29Er anak Yesua.Yesua anak Eliezer.Eliezer anak Yorim.Yorim anak Matat.Matat anak Lewi.30Lewi yok anak simeon.Simeon anak Yehuda.Yehuda anak Yusuf.Yusuf anak Yonam.Yoam anak Elyakim.31Elyakim anak Melea.Melea anak Mina.Mina anak Matata.Matata anak Natan.Natan anak Daud.32Daut anak Isai.Isai anak Obed.Obed anak Boas.Boas anak Salmon.Salmon anak Nahason.33Nahason yok anak Aminadab.Aminadab anak Admin.Admin anak Arni.Arni anak Hezron.Hezron anak Peres.Peres anak Yehuda.34Yehuda anak Yakub.Yakub anak Ishak.Ishak anak Abraham.Abraham anak Terah.Terah anak Nahor.35Nahor anak Serug.Serug anak Rehu.Rehu anak Peleg.Peleg anak Eber.Eber anak Salmon.36Salmon yok anak Kenan.Kenan anak Arpakhsad.Arpakhsad anak Sem.Sem anak Nuh.Nuh anak Lamekh.37Lamekh anak Metusalah.Metusalah anak Henokh.Henokh anak Yared.Yared anak Mahalaleal.Mahalaleal anak Kenan.38Kenan anak Enos.Enos anak Set.Set anak Adam.Adam adalah anak Allah
Chapter 4Pencubo Yesus di pada gurun

1Yesus te penuh ngau Roh kudus pulai re sungai Yordan. Udah yok Neh di bai'k Roh kudus nuju pada belantaro2selamah empat puluh ari Neh di cubo iblis. Neh pun endo bisik makai apo utan selamah ari-ari yok. watu udah abis, Neh pun jadi lapar.3Lalu sitan pun ngumung ngau-Neh ''Bilo Nuan Anak Allah, suruh batu yok jadi rute.'' 4saut Yesus ngau neh. ''bisik tetulis, Mensio idup bukan re rute geno.''' Ulangan 8:35Udah yok, sitan(iblis) ngemaik Yesus nguso aro te tingik serto merati ngau-Neh semuo kerajaan dunio sekejab mato. 6lalu, sitan ngumung ngau-Neh, ''Aku kok merik-Nuan kuaso tamai temulia ngau semuo aro yok, ute semuo nyok udah di berik ngau aku. serto aku merikneh ngau sapo geno te aku kemauk. 7jadi, bilo Nuan nyemah aku semuo yok jadi empu-Nuan.''8tapi Yesus nyaut ngau neh, '' ado tetulis, 'kitak (ikam) arus nyemah Tuhan Allah kitak, serto ngau-Neh kitak arus bebakti.''' Ulangan 6:139Udah yok sitan ngemaik Yesus ke Yerusalam lalu nempat-Neh aro tampok bumo dangau bait Allah.jekuk sitan ngau Yesus,''Bilo Nuan Anak Allah, engkerjoklah re tuk ke baruhk, 10ute bisik tetulis, Ngenok ke-Nuan, Allah tentu nyuruh balo malaikat-Neh ngau nyago ngelino-Nuan.' Mazmur 91:1111lalu, ngau jari lengan sidok, sidok pun tentu nyamut ngapuh-Nuan isok kaki-Nuan endo tesentok ngau batu,"' Mazmur 91:1212Saut Yesus ngau sitan, "ado tetulis, 'Nusah encubo Tuhan Allah kitak."'Ulangan6:1613seudah sitan abis encubo Yesus, neh angkat nudi ke-Neh serto nuguk penyempat agik.Nemuloneh Yesus ngelayan de Galilea14Yesus bekalih ke Galilea penuh ngau roh kudus, serto berito tenta-Neh nyebar ke seluruh daerah aro neh. 15Neh pun lalu ngajar di dangau -rumah ibadah serto semuo ura pun muji-Neh.Yesus di tulak re kuto asal-neh16udah yok Yesus angkat ke Nazaret, kuto aro tempat-Neh dibesai, upo biaso-Neh, Yesus angkat ke rumah ibadah pas ari sabat(mingu) serto Neh pun bediri ngau maco.17Kitab nabi Yesaya diberik ngau-Neh, Lalu Neh mukok kitab yok serto nemu bagian ayat te nulis,18''Roh Tuhan bisik enta-Aku,Ute Neh udah ngurapi Aku ngau merik berito kabar baek ngau ura-ura miskin.Neh ngutus Aku ngau merik berito ngebibas ngau balo tawanan, serto nyemuh pemantau bagi ura-ura te butok, serto mibas ke ura-ura te tinas,19serto ngabar ke taun ramat Tuhan udah datai.''Yesaya 61:1-220Yesus nutup kitab yok lalu mula ngau pejabat rumah ibadah, udah yok Neh pun duduk. Mato semuo ura di dalam dangau rumah ibadah te tuju ngau-Neh, 21lalu, Yesus nemulo ngumung ngau sidok, ''Ari tuk, genaplah apo te ditulis kitab suci yok saat kitak meninneh.''22Lalu, semuo ura ngebenar ke-Neh samil iran ngau apo te dipadah baek tekeluar re mulut-Neh. lalu jekuk sidok, '''aso-aso Neh tuk anak Yusuf?''23Udah yok, Yesus ngumung ngau sidok, ''KItak pasti tentu ngucap pribahaso tuk ngau-Aku, 'TAbib, Semuhlah dirik kitak kedirik! kami udah menin tenta hal-hal te Nuan pulah di Kapernaum, dipulah gok yok dituk, aro kuto asal-Nuan kedirik.'''24Jekuk-Neh agik, ''Aku madah kitak, sesunguhneh endo bisik nabi te diterimok di kuto asalneh kedirik.25Enta kebenar, Aku madah ngau kitak, watu jaman Elia sajo bangat janda di israel, waktu yok langit tetup selamah tigo taun enam bulan, musim lapar tejadi di seluruh negeri. 26tapi, Elia endo diutus ngau sapo pun kecuali ngau seura janno di sarfat, semak aro sidon. 27piyok gok, bangat ura kenok penyakit kusta di Israel watu jaman Nabi Elisa, endo bisik seura pun re sidok te suci selain Naaman, ura Siria yok.'''28Menin semuo pekaro yok, semuo ura te didalam rumah ibadah lalu luat semuo.29Kebok,sidok lalu bediri nyiret Yesus ke luar kuto, lalu ngemaik-Neh ke tampok bukit dikuto sidok, amuk kok ngejuk-Neh re tebin yok. 30tapi, Yesus bejalai re tengah-tengah sidok lalu angkat jauh. Seura lelaki Dibibas re roh Sitan31Yesus pun angkat ke kapernaum, sebuah kuto di wilayah Galilea, serto ngajar ura bangat pas ari minggu.32sidok kagum benar tenta te diajar-Neh ute jekuk-Neh penuh ngau kuaso.33didalam rumah ibadah, bisik seura lelaki tengah kerasuk sitan. ura yok mangkas mukau sajo kuat ingan, 34"Isok em kami kedirik! Apo urus Nuan ngau kami, hui Yesus, ura Nazaret? Apo Nuan datai kok nyuruh kami binaso? Aku ketauk sapo Nuan, te kudus re Allah!''35tapi, Yesus ngebentak roh sitan yok, jekuk-Neh, "Nugau! pansutlah re ura tuk!" Udah yok sitan ngempas ura yok ke tanah, di muo semuo ura, lalu neh pansut re tubuh ura yok tapi endo medih ke neh.36Semuo ura pun iran, kagum benar te bisik mantau diok, lalu ngumung seura ngau te lain, "Apo jekuk Neh tuk? ute ngau supan serto kuaso, Neh merintah roh-roh ja'i yok lalu sidok pansut keluar.'' 37lalu, berito tenta Yesus tesebar ke semuo di seluruh aro yok. Yesus Nyemuh mentuo inuk Simon Petrus tamai bangat Ura38Udah yok, Yesus nudi ke rumah ibadah yok lalu nuju ke dangau Simon. pas saat yok gok mentuo inuk Simon tengah runguk kuat demam, kebok sidok mintok Yesus tauk nyemuh neh. 39Lalu, Yesus bediri semak mentuo inuk simon lalu Neh ngebentak demam yok, Sekelin yok gok, inuk mentuo simon semuh lalu angkat ngelayan sidok40watu matoari kok tebenam, semuo ura ngemaik balo menyanak sidok te pedih runguk te bangat macam jenis penyakit nguso Yesus. lalu Yesus pun ngeletak jari lengan-Neh ke darat sidok masin-masin serto nyemuh ke sidok. 41Balo sitan pun pansut keluar re ura bangat yok samil mangkas, "Nuan tuk Anak Allah!" Tapi, Yesus ngebentak sidok, Neh endo ngisok sidok becakap ngau sidok utan sidok ketauk ute Neh yok Kristus.Yesus khotbah ngajar di kuto-kuto lain.42Lelam kenyung Yesus angkat ke aro te sunyik kedirik-Neh. Ura bangat ngegok-Neh, sento sidok nemu-Neh, sidok pun berusaho ngetan-Neh isok endo nudi ke sidok. 43Tapi, Neh madah ke sidok, "Aku arus ngabar Inyil kerajaan Allah ke kuto-kuto lain gok ute ngau tuk Aku diutus,"44Lalu, Yesus ngabar Inyil di rumah-rumah ibadah di Yudea.
Chapter 5Dikumai ngau jadi penyalo Mensio

1Pas waktu yok, ura bangat begumpul ngelilin-Neh ngau menin firman Allah. Waktu yok, yesus bediri di tisi danau Genesaret, 2lalu Neh mantau duo perau te lagik di tambat de tisi danau yok, tapi balo nelayan endo di perau lagik, kedok lagik masok jalo neh. 3Yesus pun naek ke darat ute empu Simon, lalu Neh pun nyuruh Simon ngayuh ke perau neh jauh sikit re pantai ke aro te dalam. udah yok Yesus pun duduk serto ngajar ura bangat re darat perau.4Seudah-Neh ngumung, Yesus madah ngau Simon, "Betulak ke aro te dalam serto tibar jalo nuan ngau nangkap ikan."5Simon nyaut, ''Guru, kami udah mantin kerjo sepanya malam, piyok kami endo bisik nemu utan! tapi, anti'k Nuan te nyuruh, aku tauk nibar ke jalo tuk.''6seudah sidok ngelaku apo jekuk-Neh, sidok pun nangkap bangat sekalik ikan sampai jalo sidok pun terida.7Lalu, sidok merik isyarat ngau balo kaban di perau te lain isok datai ngau nulo sidok. Udah yok, datai balo kaban sidok lalu ngisik keduo perau yok ngau ikan sampai penuh, perau sidok pun ampir kok tengelam.8Watu Simon Petrus mantau utan tuk, neh lalu besujud di muo Yesus serto madah, ''Angkatlah re enta aku tuk Tuan, ute aku tuk ura beduso!''9Petrus madah upo yok ute neh tamai semuo ura te besamo ngau neh diok ngeraso iran ngau pemangat ikan te sidok peruleh. 10Piyok gok ngau Yakobus tamai Yohanes, anak-anak Zebedeus, te bekaban ngau Simon. Jekuk Yesus ngau Simon, ''Nusah takut. nemulo re pituk, nuan jadi penyalo mensio.''11Seudah sidok narek perau-perau sidok ke darat, sidok nudi ke semuo utan lalu tamai Yesus.Ura te sakit kustaDi semuh12Sento ari yok, Yesus berado di sebuah kuto. di kuto yok, bisik seura te tubuhneh penuh ngau penyakit kusta. Watu ura yok mantau Yesus, neh besujud sampai mato muo neh nyentuh ke tanah serto mintok muhun ngau-Neh, ''Tuan, anti'k Tuan kok, Nuan tauk nyemuh ke aku.''13lalu, Yesus ngulur ke jari lengan-Neh serto nyentuh ke ura yok. jekuk-Neh, "Aku mauk, semuhlah.'' Sekelin yok gok, penyakit kusta ura yok ngayap.14Yesus pun nidah ura yok madah ngau sapo pun ura serto-Neh madah, ''Angkat pulai kin serto padah dirik nuan ngau imam. berik pesemah nuan upo te udah di perintah ulih Musa ngau bukti bagi sidok15Berito tenta Yesus makin tesebar sampai bangat ura datai bekumpul ngau menin-Neh serto mintok disemuh re penyakit sidok. 16Tapi Yesus rajin napok kedirik ke aro-aro te sunyik ngau semaya( bedu'o).Ura te lumpuh disemuh gok17Pas ari yok, watu Yesus tengah ngajar, ura-ura Farisi tamai ahli Taurat te datai re semuo kuto enta aro Galilea, Yudea, serto kuto Yerusalem piyok gok duduk enta yok. Kuaso Tuhan nyerto Yesus sampai Neh tauk nyemuh bangat ura.18Lalu datai beberapo ura ngemaik seura te lumpuh enta tempango tidurneh, sidok pun berusaho ngemaik neh tamok lalu ngeletak ura yok di muo Yesus. 19Tapi, sidok endo nemu jalai ngau ngemaik ura yok tamok ute akibat ura bangat bekerumun, lalu sidok pun naek kedarat atap serto nurun ura lumpuh yok tamai tempango te di ngau tidur ke tengah muo Yesus.20Watu mantau iman sidok, Yesus madah," Uoi menyanak, duso nuan udah di ampun."21Balo Ahli Taurat tamai ura Farisi mulai betanyok-tanyok, "Sapobah ura te ngelulok Allah tuk? Sapo te tauk ngampun balo duso selain Allah geno?"22Watu Yesus ketauk pemikir sidok, Neh pun madah, "Ngapo kitak betanyok upo yok dalam ati kitak? 23Ni te lebih mudah, madah 'Duso-duso kitak dah diampun atau 'Angkat serto bejalai kin'?24Tapi, isok kitak ketauk ute anak mensio bekuaso di bumi ngau ngampun duso,"jekuk Yesus ngau ura lumpuh yok, "Aku madah ngau nuan: Bediri em, angkat tempat tinok nuan serto pulai kin."'25Sekelin yok gok, ura yok lanso bediri di muo semuo ura lalu ngamik te di ngau neh gurin, lalu neh bejalai pulai samil muji Allah. 26Semuo ura diok ngeraso iran serto muji Allah. Ngau peraso takut te besai teradap kuaso Allah, jekuk sidok, "Ari tuk kami merati hal-hal te sangat luar biaso!"'Lewi tamai Yesus27Udah yok, Yesus keluar serto mantau seura pengumpul pajak bedamo Lewi ute tengah duduk enta pemungut pajak. jekuk Yesus ngau neh,''Tamai Aku.''28Lewi pun lalu bediri, nudi ke semuo utan diok, lalu nurut Yesus.29udah yok, Lewi mulah acaro gawai besai ngau Yesus di dangauneh. Bangat balo penagih pajak tamai ura-ura lain te makai bereto beramo ngau sidok.30Tapi, ura-ura Farisi tamai ahli-ahli Taurat besungut ngau balo murid Yesus, "Ngapo kitak makai minum besamo balo penagih pajak tamai ura-ura beduso?''31Lalu saut Yesus ngau sidok, jekuk-Neh ''Bukan ura sehat yte perlu ngau mantri, tapi ura te pedih. 32Aku datai bukan ngau ngumai ura te benar, tapi ngau ngumai ura-ura beduso isok sidok betubat.'' Ura Farisi manin ke murid Yohanes ngau Murid Yesus33Jekuk sidok ngau Yesus, ''Balo murid Yohanes pembaptis rajin bepuaso tamai berdu'o, piyok gok balo murid ura Farisi. Tapi, murid-murid-Nuan selampur makai ngempok tamai minum.''34saut Yesus ngau sidok, ''Tauk endo kitak nyuruh balo pengirin pengatin lelaki bepuaso sementaro pengantin lelaki yok agik bereto ngau sidok?35Tapi, sento datai waktu neh, bilo pengantin lelaki yok di amik re sidok, barulah sento neh ari-ari yok sidok bepuaso.''36Yesus gok begisah perumpamo tuk ngau sidok, ''Nisik seura kok ngeransik setetak kain re baban te baru ngau nampal baban te udah lamah. bilo upo yok, ura yok tentu ngerusak baban te baru, serto baban te baru yok endo cucok ngau baban te lamah.37Piyok gok endo bisik seura pun te kok nuang angur baru ke dalam kantung plastek te lamah. Angur te baru yok tentu ngerisak kantung plastek te lamah lalu angur yok jadi tumpah serto kantung plastek yok pun jadi ancur.38Angur te baru arus di taruh ke dalam kantung plastek te baru.39Endo suah seura pun te udah minum angur lamah, kok minum angur te baru ute jekuk sidok,''angur te lamah tuk tentu lebih nyaman.''
Chapter 6Tuhan atas ari Sabat/Minggu

1Pas ari sabat, Yesus bejalai ngelalu selamar umo ganum. waktu yok gok balo murid-Neh metek leko ganum, dikusok-kusok ngau jari sidok, lalu di makai,2beberapo ura Farisi betanyok, ''Ngapo pempulah kitak ngelaku hal ute endo tauk di kerjo pas ari sabat.?''3Yesus pun nyaut sidok, ''Endokah kitak suah maco apo te di pulah Daud watu neh tamai ura-ura te besamo ngau neh ngeraso lapar,4upo keti neh tauk tamok ke dalam rumah Allah, ngamik rute pesemah, lalu makai rute yok, serto beduman merik ngau ura-ura te besamo ngau neh, ute endo tauk di makai, selain balo imam geno?''5Lalu, Yesus madah ngau ura-ura Farisi yok, ''Anak Mensio yok em neh Yuhan atas ari Sabat.''Yesus Nyemuh ura pas Ari Sabat6Pas ari sabat agik, Yesus tamok ke rumah ibadah lalu ngajar.Diok bisik seura te jari lengan neh mati sepiak kanan. 7Balo ahli Taurat tamai ura Farisi merati pempulah Yesus apo kah Yesus kok nyemuh ura pas ari sabat, isok sidok bisik alasan ngau nuduh Neh. 8Tapi, Yesus ketauk apo te sidok pikir.Neh pun ngumung ngau ura te mati jari yok, Angkat serto bediri di tengah.'' lalu, ura yok pun angkat serto bediri diyok.
10Udah yok Neh manda sekelilinneh, ngau sidok semuo, Yesus ngumung ngau ura te mati jari sepiak yok, ''Deulur lengan jari nuan.'' lalu ura yok pun ngulur lengan jarineh sekelin yok lengan jarineh jadi semuh. 11Lalu ura-ura Farisi tamai ahli-ahli Taurat jadi sangat peluat serto bepekat tenta apo te dipulah sidok ngau Yesus.Ngumai serto milih Keduo Belas Rasul13Sentoneh ari beramak sia, Neh ngumai murid-murid-Neh serto milih duo belas ura re sentaro sidok, yok neh ura-ura te si sebut-Neh rasul:14Simon ute damoneh di kumai "Petrus'', Andreas menyadik Petrus, Yakobus, Yohanes, Filipus tamai Bartolomius,15Matius tamai Tomas, Yakobus anak Alfeus, Simon te sisebut ura Zelot,16Yudas anak Yakobus, serto Yudas Iskariot te jadi pengianat. Yesus Ngajar17Seudah Yesus tamai balo rasul turun, Neh pun bediri di aro tanah te rato. lalu, datai nguso-neh serummo besai balo murid-neh serto ura bangat datai re seluruh wilayah Yudea, Yerusalem, serto re daerah pantai Tirus tamai Sidon.18Sidok semuo datai ngau menin Yesus serto isok tauk semuh re semuo penyakit. piyok gok ura-ura te kenok rasuk ruh-ruh ja'i tauk gok semuh. 20Yesus manda ngetunih ngau balo murid-Neh lalu bepadah, "Diberik berkat kitak te miskin, ute kitak te ngempu kerajaan Allah.21Diberik berkat kitak ute pituk tengah lapar, ute kitak tentu di suruh kenyang.Diberik berkat kitak te pituk tengah nangis ute kitak tentu ketawok.22Diberik berkat kitak bilo ura bencik ngau kitak, ngejauh re kitak, ngelulok kitak, serto ngeja'i damo baek kita ute demi Anak Mensio.23Besenangatilah pas ari kitak ngalamneh, serto ngelumpat gago ute upah kitak besai di surgo; kebok upo tok em neh inik muyang kitak te ngelupo balo nabi.24Tapi, celako kitak te kayo, ute kitak udah nemu penyaman idup.25Celakolah kitak te pituk kenyang ute kitak tentu lapar. Celakolah kitak te pituk tengah ketawok, ute kitak tentu piluk serto nangis.26Celakolah kitak bilo ura madah utan hal te baek tenta dirik kitak ute upo yok em inik muyang sidok waktu ngumung tenta balo nabi pelesu,''Kasihlah Munsuh kitak27''Kebok em, Aku madah ngau kitak te menin jekuk Aku. Kasihlah munsuh kitak serto pulah te baek ngau ura te udah bencik ngau kitak. 28Berik berkat ura te udah ngutuk kitak serto berdu'o ngau sidok te udah teridok ngau kitak.29Bilo ura te nampar kuyuk kitak, suruh neh gok nampar kuyuk kitak te sepiak. Piyok gok, sapo pun te ngerampas jeket kitak, nusah nidahneh ngau ngamik baju kitak gok.30Beri em ngau setiap ura te mintok ngau kitak, serto bilo setiap ura ngamik empu kitak, nusah ngamikneh lagik.31Betebiat ngau ura lain upo keti kitak disempulah ulih sidok.32Bilo kitak geno ngasih ura te ngasih kitak, apo te di pujineh diberik ngau kitak? Ute , ura te bedusopun ngasih ura-ura te ngasih sidok.33Bilo kitak geno udah pempulah baek ngau ura te udah baek ngau kitak, patut em kitak bisik te muji? ute, ura te beduso pun belaku utan te samo.34Bilo kitak minyau bara ngau ura lain nang ngarap upah pengasih,Apo puji te diberik ngau kitak?Ute, ura beduso pun minyau ngau ura beduso te lain isok sidok tauk nerimok pemula ngau pemangat neh samo.35Tapi, kasihlah munsuh kitak serto betebiat te baek, berik pinyau ngau ura lain nusah ngarap pemulaneh. anti'k upo yok, kitak tentu nemu upah te besai serto kitak tentu jadi anak-anak Allah te mahatingik, Ute Allah yok baek teradap ura-ura ute endo numut beterimok kasih serto ura te ja'i.36Kebok em piyok, kitak arus bebelas kasih, samo upo Apai kitak te penuh ngau belas kasih.''Nusah ngakim Ura lain37Nusah ngakim isok kitak endo di akim. Nusah ngukum isok kitak endo kenok ukum. Berik ampun tentu kitak di ampun gok.38Berilah tentu diberik ngau kitak: utan penakar te baek, te padat rapat, te di guyu serto belimpah ruah, serto te di tu'a tumpah ke pangkuk kitak. ute ngau ukur te samo te kitak guno ngau ngukur,utan yok semuo tentu di ukur ngau kitak lagik.''39Yesus begisah ngau sidok perumpamo tuk, ''Taukkah ura butok ngirin ura butok? Endokah sidok duo jatuk tamok ke dalam luba? 40Seura murid endo lebih re guruneh.Tapi setiap ura te udah belajar belatih tentu jadi upo guru sidok.41Ngapo kitak merati ensiban kayu di mato menyanak kitak, tapi kitak endo ketauk balok kayu di mato dirik kitak?42Upo keti kitak tauk madah ngau menyanak kitak. 'Sentuo menyadik, kelok aku nyukit ngeluar ensiban kayu yok re mato nuan', seda kitak kedirk endo mantau balok kayu di mato kitak? hui kitak ura-ura te purok-purok baek! Keluar dulu balok kayu yok re mato kitak kedirik. udah yok, kitak tauk mantau secaro jelas ngau ngeluar nyukit ensiban kayu re mato menyanak kitak.'' Pun te baek ngasil buah te baek43Pun te baek endo tentu ngasil buah te buruk, piyok gok pun te buruk endo tentu ngasil buah te baek. 44Setiap pun dikelalo re jenis buah te diasilneh. Ura endo ngumpul buah aro re semak bedurik, piyok gok ngulih angur re bangat berauk45Ura te baek ngeluar utan te baek re atineh te baek serto ura te ja'i ngeluar utan teja'i re atineh te ja'i. Apo te pansut keluar re mulut seseura yok tentu berasal re apo te menuh isik atineh.'' Duo macam dasar46Ngapo kitak ngumai Aku, 'Tuhan, Tuhan,' tapi edo ngelaku apo te Aku Padah? 47Aku mau'k nunyuk ngau kitak, upo apo ura te datai nguso Aku, menin pengajar Aku serto ngelakuneh.48Neh upo ura mulah sebuah dangau, te ngali dalam-dalam, lalu ngeletak dasar ke darat batu. Waktu aik pasa datai, aik pun ngantam dangau yok, dangau yok pun endo beguyu ute dangau yok di pulah sajo sangat kukuh.49Tapi, ura te menin pengajar-Aku tapi endo ngelakunen, ura yok samo upo mulah dangau enta darat tanah nisik dasar.waktu aik pasa datai, dangau yok rubuh serto ngalam perusak te sangat besai.''
Chapter 7Yesus Nyemuh Seura pelayan Pewiro

1Seudah Yesus encudah semuo jekuk-Neh di muo ura bangat, Neh tamok ke Kapernaum.2Din, bisik seura Pewiro Romawi te ngempu budak te sangat diregoneh. Budak yok tengah sangat pedih piyok ampir mati.
4Sento ura-ura yok datai nguso Yesus, sidok sunguh-sunguh muhun ngau-Neh. jekuk sidok, ''Ura tuk patut nerimok penulo-Nuan, 5ute neh ngasih banso kito serto neh yok te udah nulo mulah rumah ibadah ngau kito.''6Yesus pun angkat bereto sidok. Waktu Neh udah semak ke dangau pewiro yok, pewiro yok ngutus balo kabannehisok ngau ngumung nguso Yesus, ''Tuan, nusah Nuan nyusah kedirik ngau aku ute aku endo patut nerimok-Nuan ke dangau aku. 7Kebok em neh, aku kedirik ngeraso endo patut tauk datai nguso-Nuan. tapi, sebut sepatah kata geno, tentu pelayan aku yok tauk semuh. 8Ute aku tuk gok seura te di baruh te di baruh aku balo prajurit. Anti'k aku madah ngau seura prajurit, 'angkatkin', neh pun angkat. Anti'k aku madah ngau seura prajurit te lain, 'Datai em kituk'. neh pun datai. Serto, bilo aku madah ngau budak aku, 'Kerjo utan tuk', budak aku pun ngerjoneh.''9Waktu Yesus menin hal yok, Neh pun ngeraso iran ngau pewiro Romawi yok. samil neh bebalek ngadap ngau ura bangat te tamai-Neh, Yesus pun ngumung, ''Aku madah ngau kitak, di sentaro ura Israel Aku apan suah nemu iman sebesai tuk.'' 10Seudah rumo te diutus nguso Yesus datai ke dangau pewiro yok, Sidok nemu budakneh yok udah semuh.Anak Seura janno dibangkit11Pas ari sutikneh, Yesus angkat nuju ke kuto bedamo Nain besamo balo murid-Neh serto rummo ura bangat te tamai Neh. 12Sento Neh semak pintu gerba kuto, bisik mayat seura lelaki te dikato keluar. Ura te mati yok anak tungal re inaineh udah janno. Serto bangat ura re kuto yok besamo ngau betinok yok. 13Waktu Tuhan mantau betinok yok, Tuhan bebelaskasih ngau neh serto madah, "Nusah nangis."14Udah yok, Neh pun semak serto nyeput peti mayat yok. Ura-ura te ngesan peti mati yok pun betegok. Lalu, Yesus ngumung, ''Hui nebiak mudok, Aku madah ngau ikam, uwas angkat!''15Udah yok pun, ura ute tadik mati yok duduk serto mulai becakap. Lalu, Yesus mula ke nebiak mudok yok ngau inaineh.16Semuo ura te mantau utan diyok di penuh ngau raso takut lalu mulai muji Allah serto madah, "Seura Nabi besai udah mansut di tengah-tengah kito!" serto"Allah udah miaro umat-Neh." 17Lalu, berito kabar tenta Yesus nyebar ke seluruh Yudea serto seluruh tempat te semak sekitarneh. Yohanes pembaptis ngutus muridneh nguso Yesus18Balo murid Yohanes madah ngau Yohanes tenta semuo hal yok. 19Lalu, Yohanes ngumai duo ura muridneh serto nyuruh sidok nguso Tuhan serto betanyok, ''Nuankah ute kok datai yok? atau kami arus nunguk te lain?''20Pas sento sidok duo datai nguso Yesus, sidok pun betanyok, ''Yohanes Pembaptis nyuruh kami datai nguso-Nuan serto betanyok,''Nuankah te kok datai yok? atau, kami arus nunguk te lain?''21Pas saat yok, Yesus tengah nyemuh bangat ura re macam penyakit, wabah, serto ruh-ruh ja'i. Neh gok nyemuh ura bangat butok lalu bisik pemantau. 22Saut Yesus ngau duo ura yok, ''Angkatkin serto gisah ngau Yohanes apo te udah kitak pantau serto penin'd(dingo): Ura butok tauk merati, ura lumpuh tauk bejalai, ura kenok pemedih kusta tauk semuh, ura tulik tauk menin'd, ura mati di bangkit, serto ngau ura miskin dipadah kabar baek. 23Ute piyok, besenang atineh ute endo besungut tamai nulak Aku.''24Seudah ura suruh Yohanes angkat, Yesus pun ngumung ngau ura bangat tenta Yohanes. ''Kok mantau apo nuan angkat ke pada gurun? Merati buluh te di sepu ribut? 25Atau apo te nuan perati din? Ura te ngau pakaian baek? Perati benar,ura te ngau pakaian baek serto idup te serba bisik yok nugau enta istana rajo. 26Jadi, kok merati apo nuan angkat kin? Seura Nabi? Benar, Aku madah ngau kitak, bah lebih re seura nabi.27Neh yok uraneh, ute tentaneh bisik te tulis: 'Pantaulah! Aku nyuruh utusan Aku dulu re Nuan. Neh yok ute tentu nyiap jalai di muo-Nuan.' Maleakhi 3:128Aku madah ngau kitak, di antaro semuo ura te suah diperanak ulih betinok, endo bisik seura pun te lebih besai re Yohanes. Tapi, te palin renyai enta kerajaan Allah, lebih besai re neh.''29Waktu ura bangat tamai balo penagih pajak menin'd hal yok, sidok semuo ngakuk kebenar adil Allah ute sidok udah dibaptis ngau baptis Yohanes.30Tapi, ura-ura Farisi tamai ahli-ahli Taurat nulak rencano Allah terdap dirik sidok ute sidok apan dibaptis ulih Yohanes.31"Ngau apo Aku merik umpamo ura-ura te idup ngau kenturun tuk? upo apo sidok yok?32Sidok yok upo balo nebiak te duduk di pasar, bekumai ke pangan, 'kami niup sulin ngau kitak, tapi kitak endo menari. Kami nyanyi lagu beduko, tapi kitak endo nangis.'33Ute, waktu Yohanes pembaptis datai, neh endo makai rute piyok gok minum angur, kitak madah, 'Neh kerasuk sitan.' 34Tapi, waktu Anak Mensio datai, Neh makai minum, kitak madah, 'Perati! Neh seura te rangkok serto peminum! Neh gok bekaban ngau balo penagih pajak tamai ura-ura beduso!' 35Tapi, hikmat te benar ulih anak-anakneh serto semuo ura te nerimokneh.''Seura betinok beduso ngurapi Yesus36Bisik seura re kelumpuk Farisi ngunang Yesus makai bereto ngau neh. Yesus datai ke dangau ura Farisi yok lalu duduk makai.37Di kuto yok bisik seura betinok sajo tekenal beduso. Waktu neh ketauk Yesus datai ke dangau ura Farisi, Yesus tengah makai,betinok yok nguso Yesus, neh ngemaik minyak wangi dalam butul.38Lalu, neh bediri di belaka Yesus, semak kaki-Neh, samil nyabak neh masok kaki Yesus ngau aik mato serto ngelap ngau bok neh. Udah yok, neh ngencum kaki Yesus lalu merik minyak wangi ke kaki Yesus.39Waktu ura Farisi te ngunang Yesus merati hal tuk, neh pun ngumung dalam ati,'Bilo Neh tuk seura nabi, Neh tentu ketauk sapo serto ura betibok macam apo te udah nyentuh-Neh yok ute betinok tuk yok neh seura beduso.''40Lalu Yesus ngumung ngau neh, ''Simon, bisik te kok Aku padah ngau nuan.''saut Simon, ''Padah geno, Guru.''41Jekuk Yesus, ''Bisik duo ura ute beruta minyau duit ngu seura ngelepas duit, te seura beruta 500 rupiah serto te seura lagik beruta 50 rupiah. 42Sidok duo yok endo sangup mayar, Ura te merik pinyau duit ngapus uta sidok duo yok. Lalu sapo disentaro sidok duo yok ute lebih di kasih ura te merik pinyau duit yok?''43Saut Simon, ''Menurut aku ura te bangat di apus utaneh.'' Jekuk Yesus ngau neh, ''Benar penapat nuan yok.''44Samil ngadap betinok yok, Yesus ngumung ngau Simon, nuan mantau betinok tuk? Waktu Aku datai ke dangau nuan, nuan endo merik aku aik ngau masok kaki-Aku, tapi neh masok kaki Aku ngau aik mato neh serto ngelap ngau bok neh.45nuan endo encium Aku, tapi neh endo betegok ngecium kaki-Aku re Aku tamok.46Nuan endo ngeminyak kepalo-Aku ngau minyak, tapi neh ngeminyak kaki-Aku ngau minyak wangi. 47kebok em piyok, Aku madah ngau kitak,dusoneh te bangat yok udah diampun ute neh nunyuk kasih te besai. Tapi ura te sikit diampun, sikit gok bisik kasih48Lalu Yesus madah ngau betinok yok, ''Duso nuan udah diampun.''49Ura-ura te duduk makai besamo ngau Yesus mulai betanyok-tanyok dalam ati sidok, "Sapo ura tuk sampai Neh tauk ngampun duso?''50Jekuk Yesus ngau betinok yok, ''Iman nuan udah nyelamat ke nuan, angkatkin ngau damai.''
Chapter 8Balo Betinok Penulo Yesus

1Pas ari pagineh, Yesus angkat bekelilin ke kuto-kuto tamai ke desa-desa ngau ngabar berito inyil Kerajaan Allah. Keduobelas murid ado besamo ngau Neh, 2Piyok gok balo betinok ute udah disemuh Yesus re segalo ruh-ruh ja'i serto bangat macam penyakit. Disentaro sidok yok bisik Maria, te disebut Magdalena, ute dibibas Yesus re tujuh ruh ja'i. 3Bisik ugok Yohana bini Khuza bendahara Herodes, Susana, serto agik bangat betinok te lainneh. Sidok ngau kekayo dirik ngau ngelayan nukung Yesus. Perumpamo tenta Penabur Benih4Wakyu ura bangat bekumpul serto ura re kuto datai nguso Yesus, Neh ngumung ngau sidok ngau sebuah perumpamo:5''Seura Petani angkat nabur benih, sento neh nabur benih, ado sebagi ute jatuk de tisi jalai lalu de tijak-tijak, serto di makai ulih buro-buro di udaro.6Sebagi lagik jatuk ke tanah enta bebatu, setelah benih tumuh, benih yok jadi kerin ute endo bisik aik.7Sebagi te lain jatuk di tengah-tengah belan durik lalu tumuh besamo-samo sampai belan durik ngelilitneh sampai mati.8Sisok benih te lain jatuk ditanah te subur serto tumuh baek sampai bisik asil seratus kalik lipat pemangatneh.'' Seudah Yesus ngencudah perumpamo yok, Neh pun madah, "Sapo te empu penin'd neh ningo, arus menin'd ngau baek-baek!''9Seudah yok, murid-murid Yesus betanyok ngau-Neh apo reti umpamo yok. 10Neh lalu nyaut, ngau kitak dipadah resio kerjaan Allah, tapi ngau ura lain di padah ngau caro perumpamo, isok neh sekalik merati, sidok endo mantau, serto sekalik pun menin'd, sidok endo ngerti.'' Yesaya 6:9Yesus nyelas tenta Perumpamo Benih11Tuk em reti perumpamo yok: ''Benih yok neh Firman Allah.12Benih te jatuk di tisi jalai yok neh sidok te menin'd firman Allah. udah yok datai sitan lalu ngamik firman yok re ati sidok isok sidok nusah pecayok serto di selamat. 13Benih te jatuk di darat tanah bebatu yok neh ura-ura te menin'd firman Allah serto nerimok neh ngau sukacito, tapi endo berakar. Sidok pecayok sekejab geno, tapi watu sulit datai, sidok murtat lalu bebalek re Allah.14Benih te jatuk di sentaro belan durik yok neh ura-ura te menin'd firman Allah, tapi sementaro sidok tumuh, sidok dililit ulih raso gaduh, kekayo serto penyaman idup sampai sidok endo ngasil buah te mansak. 15Seda benih te jatuk ditanah te subur yok neh ura-ura te menin'd firman Allah lalu naruhneh dalam ati te jujur, baek. serto bebuah enta ketekunneh.'' Perati Sinar Nuan16Endo bisik seura ngidup pelito, lalu nutup neh ngau imer atau naruhneh dibaruh penidur. tapi sebalek, nen tentu ngeletak pelito yok ke darat penudok pelito, isok ura te tamok ke dalam dangau tauk merati cahayaneh.17Sebab, endo bisik hal te betapok ute endo di padah, serto endo bisik resio ute endo di keluar serto di ba'i nguso ute dangkar.18ute piyok, perati benar upoketi kitak menin'd ute sapo te ngempu tentu diberik lebih bangat lagik. Tapi, sapo te endo bisik, ute re neh tentu diamik, lebih apo te dikiro empu dirikneh.''Menyanak Yesus te sebenarneh19Inai tamai balo menyadik Yesus datai betemu ngau-Neh, tapi sidok endo tauk nyemak-Neh ute bangat ura. 20Lalu, bisik ura te madah ngau-Neh, ''Inai tamai balo menyadik-Nuan bisik nunguk diluar, sidok kok betemu ngau-Nuan.''21Tapi, Yesus nyaut sidok, "Inai-Aku tamai balo menyadik-Aku yok neh sidok te menin'd firman Allah serto ngelakuneh.'' Yesus Ngeredo Angin Ribut22Pas suatu ari, Yesus naek ke dalam perau besamo ngau balo murid-Neh lalu Yesus bepadah ngau sidok, ''Buh kito nyebera ke tisi danau sebera in." Lalu, angkat em sidok ke sebera.23Tengah sidok belayar, Yesus te tidor. Lalu datai angin ribut ke danau yok lalu perau sidok pun tamok aik sampai sidok ampir kok karam.24udah yok, datai balo murid nguso Yesus serto ngerak-Neh samil madah, ''Guru! Guru! kito ampir tengelam!''Lalu, Yesus pun angkat serto nyuruh angin ribut tamai geluma aik yok nugau. Angin ribut pun redo serto danau yok pun jadi tenang.25Lalu, Jekuk-Neh ngau sidok, "Enta ni iman kitak?''Sidok jadi takut serto iran samil ngumung seura ngau te lain, ''Sapo sebenar Ura tuk? sampai Neh merik perintah ngau angin tamai aik, lalu sidok pun patuh ngau-Neh.''Roh ja'i di usir re ura Gerasa26Lalu sampai Yesus tamai balo murid-Neh enta aro ura Gerasa, di sebera Galilea. 27Udah yok Yesus keluar re perau, lalu naek kedarat, Neh betemu ngau seura lelaki re kuto yok te di rasuk sitan. Ura yok udah lamah endo suah bebaju serto penugau neh endo di dangau, tapi aro kubur.28Wakyu ura yok mantau Yesus, neh pun mangkas lalu sujud di muo-Neh. Ngau ingan te nyarin neh madah, ''Apo urusan Nuan ngau aku, hui Yesus, Anak Allah te mahatingik? aku muhun ngau-Nuan, nusah nyikso aku!'' 29Utan yok tejadi ute Yesus nyuruh roh ja'i yok keluar re ura yok.sitan yok rajin ngemaik ngunan ura yok sampai neh pun di rantai, serto di lengu, piyok di jago ura, tapi neh tauk mutus ke rantai lalu di ba'i sitan ke aro te sunyik.30Udah yok Yesus betanyok ngau ura yok, "Sapo damo ikam?" saut ura yok, "Legion,'' ute bangat sitan te ngerasukneh.31Balo sitan yok mintok muhun ngau Yesus isok Neh nusah nyuruh sidok tamok ke jura maut.32enta aro yok, bisik seperinuk besai babi tengah ngegok pemakai di bukit. Balo sitan yok mintok ngau Yesus, isok sidok tamok ke dalam babi yok. lalu Yesus pun ngabul apo pemintok sidok.33Lalu, balo sitan tok pansut re ura yok lalu tamok kedalam babi-babi, udah yok babi-babi pun lari nurun peririn bukit nuju ke danau lalu mati tengelam.34Waktu balo pengkidup babi yok mantau, sidok bededas ngelari kedirik lalu begisah utan te udah tejadi di kuto tamai di kampo te semak yok.35Lalu, ura bangat pun datai merati apo utan te udah tejadi. Sidok datai nguso Yesus serto betemu ngau ura te udah di bibas re sitan yok, neh tengah duduk disemak kaki Yesus, udah ngau baju, piyok pemikirnen udah baek.Semuo hal yok nyuruh sidok jadi takut.36Sidok te mantau kejadian tuk begisah ngau ura lain upoketi ura te dirasuk sitan yok tauk semuh. 37Semuo ura te nugau di daerah tesemak Gerasa memintok ngau Yesus nudi ke sidok, ute sidok sangat takut. Kebok em piyok Yesus pun naek ke perau lalu bekalih ke Galilea.38Tapi, ura te udah dirasuk sitan yok mintok ngau Yesus isok neh tauk besamo ngau Yesus. Tapi, Yesus nyuruhneh angkat, jekuk-Neh, 39''Pulaikin ke rumah ikam serto gisah apo utan te udah tejadi te udah Allah pempulah ngau ikam.'' Ura yok pun angkat ngelilin ke seluruh ujo kuto serto begisah apo utan te udah Yesus pulah ngauneh.Yesus ngidup ke anak Yairus tamai nyemuh seura betinok te nyeput jubah-Neh40Sentoneh Yesus bekalih ke Galilea, Ura bangat nyamut penatai-Neh ute udah lamah sidok nunguk-Neh.41Diok bisik seura te bedamo Yairus te datai nguso-Neh, neh yok seura kepalo rumah ibadah. Samil sujud nyemah dikaki Yesus, Yairus muhun isok Neh tauk datai ke dangauneh. 42Ute neh ngempu seura betinok geno te kiro-kiro umur duo belas taun, serto nebiak yok ampir mati.Waktu Yesus nuju kin, ura bangat bedesak-desak te ngelilin-Neh.43Diok pun bisik seura betinok te udah ngidap pemedih pendarahan selamah duo belas taun, endo bisik seura pun tauk nyemuh ke neh.44Betinok yok nyemak Yesus re belaka lalu nyeput ujo jubah-Neh, lalu sekelin yok gok pendarahan neh betegok45Lalu, Yesus ngumung, ''sapo te nyeput jubah-Aku?'' Semuo ura pun nyangkal, lalu petrus pun ngumung, ''Guru, ura bangat bekumpul ngelilin-Nuan serto bedesak-desak ngau-Nuan!''46Tapi, jekuk Yesus, ''Bisik seura udah nyentuh nyeput-Aku ute Aku ngeraso ado kuaso te keluar re dirik-Aku.''47Waktu betinok yok merati ute neh endo tauk napok ke dirik, pempulah neh kenok ketauk neh datai nguso Yesus caro begetar lalu sujud di muo-Neh. Di muo ura bangat, neh begisah ngapo neh nyentuh Yesus, serto sekelin yok gok neh jadi semuh. 48udah yok pun yesus madah ngau neh, Hui anak-Ku, iman nuan udah nyelamat ke nuan. Angkatkin dalam damai sejahtero.49Tengah Yesus lagik becakap, datai menyanak re dangau kepalo rumah ibadah lalu ngumung ngau Yairus, "Anak nuan udah mati, nusah lagik nyusah ke Guru.'' 50Tapi, Yesus menin'd hal yok, lalu ngumung ngau Yairus, "Nusah takut, pecayok geno anak nuan tentu selamat.''51Waktu Yesus sampai di dangau Yairus, Neh nidah seura pun endo tauk tamok bereto ngau-Neh selain Petrus, Yohanes, Yakubus, serto apai tamai inai nebiak yok. 52Semuo ura nangis serto ngenang ke nebiak betinok yok, tapi Yesus madah, ''Nusah nangis, neh endo mati tapi tidur.''53Ura bangat yok pun ketawok ke-Neh ute sidok ketauk nebiak betinok yok udah mati.54Lalu Yesus megai jari lengan nebiak yok serto ngumaineh, "Hui nak, angkatlah." 55lalu, bekalih roh nebiak yok serto sekelin yok gok neh bediri. lalu Yesus nyuruh sidok merik nebiak yok makai. 56Keduo ura tuo nebiak yok iran, tapi Yesus nidah sidok madah ngau sapo pun apo te udah tejadi.
Chapter 9Yesus Ngutus Balo Murid-Neh

1Seudah yok Yesus ngumai balo murid-Neh lalu merik sidok kuaso ngau merik perintah ngusir roh-roh ja'i, piyok gok ngau nyemuh bangat macam penyakit.2Neh ngutus sidok ngau merik berito tenta kerajaan Allah serto nyemuh ke ura.3Jekuk Neh ngau sidok, "Nusah ngemaik apo pun utan enta pejalai kitak, nusah ngemaik tungkat, bekal, rute atau duit, piyok gok duo lamar baju. 4Apo bilo kitak di terimok enta sebuah dangau,nugaulah diok sampai kitak angkat re aro yok5Kalau bisik ura endo kok nerimok kitak, keluar de dudi kuto yok serto kibas debu te lekat di kaki kitak bayah ngau pengingat teradap sidok.6Udah yok berangkat balo murid-Neh lalu bekelilin re desa ke desa samil ngabar inyil tamai nyemuh ura pedih enta segalo macam tempatneh.Herodes tamai Yesus7Herodes seura rajo wilayah, menin'd semuo utan ute tengah tejadi lalu neh sangat bingung ute beberapo ura madah Yohanes pembaptis udah bangkit re sentaro ura mati, 8seda bisik te lain madah Elia mansut agik, piyok gok bisik temadah salah seura re balo nabi te idup waktu jaman me're udah bangkit.9Herodes madah, "Aku udah nyuruh netak manco kepalo Yohanes. Sapo sebenarneh ura yok te aku ningo kabarneh ngelaku hal-hal te ajaib yok?'' kebok Herodes kok benar betemu ngau Yesus. Yesus merik makai Limo Ribu Ura10
11Tapi, ura bangat pun ketauk lalu sidok pun tamai nurut-Neh. Samil nyamut sidok, Yesus becakap ngau sidok tenta kerajaan Allah serto Neh pun nyemuh ke ura-ura te perlu penyemuh re pemedih.12Ari udah ngalih ke malam ari, keduo belas murid datai nguso-Neh serto ngumung, ''Suruh ura-ura yok pulai ke kampo-kampo serto ke desa-desa te semak tuk isok sidok tauk bemalam serto ngegok pemakai, ute dituk kito nugau enta aro te sunyik.''13Tapi, Yesus ngumung ngau sidok, ''Kitak te merik sidok makai.''sidok balo murid-Neh nyaut, ''Kami bisik ngempu limo rute tamai duo ikan, kecuali kami angkat meli pemakai ngau semuo ura tuk.'' 14Ute enta yok ado sekitar limo ribu ura lelaki.lalu Yesus madah ngau balo murid-Neh, ''Suruh sidok duduk secaro bekelumpok, kiro-kiro limo puluh ura sekelumpok.''15Lalu balo murid ngelaku apo te di perintah Yesus, lalu nyuruh semuo ura duduk. 16Udah yok Yesus ngamik limo rute tamai duo ikan yok, Neh lalu nengkadah ke langit, ngucap berkat, mecah-mecah ke rute serto merik ngau murid-Neh isok magi-magineh ngau ura bangat. 17Sidok semuo diok makai sampai kenyang. lalu sisok tedo sidok makai papo rute tamai ikan di kumpul bisik duo belas bakul. Petrus ngakuk Yesus yok Kristus18Suatu kalik, waktu Yesus tengah berdu'o kedirik, balo muird-Neh bisik te datai nguso-Neh. Lalu, Neh betanyok ngau sidok, ''sapo Aku tuk menurut ura bangat?" 19Saut sidok, ''Yohanes pembaptis, bisik gok te madah Elia, serto bisik te lain madah Nuan salah seura nabi waktu jaman subok te udah bangkit agik.''20Udah yok Yesus ngumung ngau sidok, ''Kalau, menurut kitak, sapo Aku tuk?"Saut Petrus, ''Nuan yok Kristus re Allah.''22Udah yok yesus ngumung, ''Anak mensio arus nango bangat derito serto di tulak ulih tuo-tuo, balo imam kepalao, tamai balo ahli-ahli Taurat, lalu di bunuh serto dibangkit pas ari ketigo.''23Yesus ngumung ngau sidok semuo, ''Setiap ura te kok tamai Aku, neh arus nyangkal dirikneh kedirik, ngesan salibneh setiap ari, lalu tamai Aku.24Ute sapo pun ura te kok nyelamat nyawoneh, tentu ngayap nyawoneh. Tapi, sapo pun ura te ngayap nyawoneh ulih Aku, tentu diselamat ulihneh.25Apo untoneh bilo seura bulih seluruh dunio, tapi mati atau ngayap nyawoneh kedirik?26Ute sapo pun ura te ngeraso malu ulih Aku serto jekuk-Aku, Anak mensio pun tentu malu ngaku ura yok waktu neh datai enta kemulio-Neh tamai kemulio Bapa-Neh be serto balo malaikat kudus.27Aku madah te sebenarneh ngau kitak, bisik di sentaro kitak te bisik dituk te endo pan mati seapan mantau kerajaan Allah.'' Yesus besamo Musa tamai Elia28Kiro-kiro 8 ari seudah Yesus merik segalo pengajar-Neh yok, Neh ngemaik Petrus, Yohanes, serto yakobus naek ke gunung ngau berdu'o. 29waktu Yesus tengah berdu'o, wajah muo-Neh berubah serto pakaian-Neh jadi putih bekilau.30udah yok, tampak duo ura tengah becakap ngau-Neh. keduo ura yok Musa tamai Elia. 31keduo nampak kedirik dalam kemuliaan lalu becakap tenta kematian Yesus te tentu digenapi di Yerusalem.32pas waktu yok, Petrus tamai balo kabanneh tengah tetidur, tapi waktu sidok teruwas, sidok mantau Yesus dalam kemulio-Neh serto sidok duo te bediri besamo-samo ngau-Neh gok diok. 33Sento neh Musa tamai Elia nudi Ke Yesus, Petrus pun ngumung, ''Guru, sajo senang kami enta aro tuk. kelok kami niri tigo mentiro dituk, sutik ngau-Nuan, sutik ngau Musa serto sutik lagik ngau Elia.'' tapi, Petrus endo ketauk apo te neh padah yok.34Waktu Petrus tengah madah utan yok, datai awan nutup naung ke sidok sampai Petrus, Yohanes, tamai Yakobus jadi takut waktu sidok tamok ke dalam awan yok. 35Lalu, te penin'd ingan re awan yok,"Tuklah Anak-Aku, Neh yok te Aku Pilih, dingo jekuk-Neh.'' 36Seudah ingan yok betegok, nampak Yesus seura dirik geno. balo murid ngerasioneh serto endo madah ngau sapo pun tenta apo te udah sidok pantau.Seura Nebiak lelaki Dibibas re roh ja'i37Lelam kenyung ari yok, waktu sidok turun re gunung, sekelumpok ura bangat datai nguso Yesus. 38Seura re ura bangat yok mangkas, ''Guru aku muhun ngau-Nuan, perati anak aku sekejab ute neh yok anak aku seura yok geno. 39Pantau, bisik roh te nguasaineh, lalu neh mangkas mukau. roh yok nyuruh neh tengkasak linak sampai mulutneh bepupuk, roh yok selampur medih neh serto endo kok nudi ke neh. 40aku udah mintok ngau murid-murid Nuan ngau ngusirneh, tapi sidok endo tauk ngelakuneh.''41Saut Yesus, ''Hui, kitak kenturun te endo pecayok serto sesat! Berapo pelamah agik Aku arus nugau besamo ngau kitak serto besabar teradap kitak? Ba'i kituk anak nuan yok.''42Waktu nebiak yok udah semak ngau Yesus, roh ja'i yok ngempasneh ke tanah serto tengkasak linak anak biak yok. tapi, Yesus ngeraro roh ja'i yok, sajo luat, lalu nyemuh nebiak lelaki yok, seudah yok Neh mula ngau apaineh.Yesus begisah keduo kali tenta pemati-Neh43Semuo ura ngeraso iran atas kuaso Allah, tapi waktu sidok tengah iran teradap semuo utan te di pulah Yesus, Neh madah ngau balo murid, 44''Di dingo jekuk-Aku tuk baek-baek: Anak Mensio di serah ke lari mensio.'' 45tapi, balo murid endo nyarok pemadah yok, ute retineh betapok bagi sidok sampai sidok pun endo ngerti. sidok endo berani betanyok ngau Yesus nanyok reti apo jekuk-NehSapo te pertamo?46Kebok, bisik te bekelai di sentaro balo murid Yesus, ute sapo te pertamo di sentaro sidok. 47Tapi, Yesus ketauk te di pikir ati sidok, lalu Neh ngamik seura nebiak renyai, serto ngumai neh duduk di sepiak-Neh.48lalu, Neh ngumung ngau balo murid, ''Sapo pun ura te nerimok nebiak tuk dalam damo-Aku, neh nerimok Allah, serto sapo pun te nerimok-Aku, neh gok nerimok Allah te ngutus Aku.ute sapo pun te palin renyai di sentaro kitak, neh yok te pertamo.Pihak te samo49Yohanes nyaut-Neh serto madah, ''Guru, kami mantau seura ngusir roh sitan dalam damo-Nuan lalu kami berusaho nidahneh ute neh bukan kaum kelumpok kito.''50Tapi, Yesus madah ngau neh, ''Nusah nidah neh ute sapo pun te endo ngelawan kitak, neh yok di pihak kitak.''Yesus ditulak ura Samaria51Sento, waktuneh makin semak bagi Yesus ngau ditingik, Neh neguh ke ati ngau angkat ke Yerusalem.52Neh nyuruh ura dulu re-Neh. Lalu, ura te di suruh yok pun angkat lalu tamok ke sebuah desa dareah Samaria ngau nyiap semuo utan ngau Neh.53Tapi, ura-ura enta aro yok endo nerimok Yesus ute Neh tengah nuju ke kuto Yerusalem.54Waktu murid Yesus, Yok neh Yakobus tamai Yohanes, mantau hal yok, sidok madah, ''Tuhan, apo Nuan kok nyuruh kami nurun api re langit isok tauk ngagus ke sidok?''55Tapi, Yesus mantau ke belaka serto ngeraro sidok.56Lalu, Yesus tamai balo murid-Neh angkat ke desa te lain.Syarat Nurut Yesus57Waktu sidok tengah di jalai, bisik seura ngumung ngau Yesus, ''Aku kok nurut Nuan kini pun Nuan angkat.''58Yesus pun ngumung ngauneh, "Serigalo ngempu luba ngau nugau serto balo buro bisik saraneh tapi, Anak Mensio endo bisik ngempu aro te ngau belepo.''59Yesus ngumung gok ngau seura te lain, ''Tamai Aku em!'' tapi, ura yok madah, ''Tuhan, Aku kok bekalih dulu ngubur apai aku.''60tapi, Yesus madah ngau neh, ''Isok em ura mati ngubur ura mati, tapi nuan arus angkat serto ngabar berito tenta kerajaan Allah.''61Lalu, bisk seura lagik madah, ''Aku kok tamai Nuan, Tuhan, tapi suruhlah aku bepesan lebih dulu ngau balo menyanak aku.''62Yesus ngumung ngau neh, ''Endo bisik ura te majak tapi agik mantau kebelaka, upo yok endo patut ngau kerajaan Allah.''
Chapter 10Yesus ngutus Tujuh Puluh Penurut-Neh

1Udah yok, Yesus nunyuk tujuh puluh ura penurut te lain, lalu Neh nyuruh sidok angkat bekaban duo geno isok dulu re-Neh ke setiap kuto serto aro te kok Neh datai.2Jekuk-Neh ngau sidok, ''Asil panen sajo sangat bangat, tapi pekerjoneh sikit geno. kebok piyok, mintok ngau Tuan te ngempu asil panen yok ngau nyuruh balo pekerjo isok tauk ngumpul asil panen-Neh.''3"Angkatkin! Aku nyuruh kitak upo anak kamin di tepuk ke tengah ruguk serigalo. 4Nusah ngemaik kanto duit, bekal, atau selup. Serto, nusah ngeraro sapo pun ura selamah lagik bejalai.5Bilo kitak tamok ke sebuah dangau, padah lebih dulu, 'Damai sejahtero ngau dangau tuk.'6Bilo ura bisik diok piyok patut nerimok salam damai, damai sejahtero nuan tentu nugau entaneh. Tapi, bilo endo, damai sejahtero nuan yok tentu pulai agik ngau nuan.7Nugaulah di dangau yok. makai serto minum apo te sidok enta ngau kitak, ute seura pekerjo patut nerimok upahneh. nusah bepinah-pinah re sutik dangau ke dangau te lain.8Bilo setiap kali kitak tamok ke sebuah kuto serto ura-ura diok nyamut kitak, makai utan te di enta di muo kitak.9Semuh ke ura-ura te pedih runguk te bisik nugau diok, serto padah ngau sidok, 'Kerajaan Allah udah semak ngau kitak.'10Tapi, bilo kitak tamok ke sebuah desa serto ura-ura diok endo nyamut kitak, angkatlah nuju ke jalai rayo kuto yok serto mangkas,11Debu re kuto kitak te lekat dikaki kami tentu kami kibas di muo kitak. tapi, ketauklah tuk: Kerajaan Allah udah semak.'12Aku madah ngau kitak: pas ari yok, kuto Sodom lebih lempo te di tango re kuto yok."Ukum bagi kuto te Nulak Yesus13" Celako nuan, Khorazim! Celako nuan, Betsaida! Kironeh Aku mulah mujisat te samo di Tirus tamai Sidon, sidok tentu dah lamah betubat duduk ngau kain pemati serto ngelekat abu di kenin.14Tapi, sento ari pengakim, te di tango Tirus tamai Sidon lebih lempo re te di tango kitak.15Serto kitak Kapernaum, Benarkah kitak di angkat sampai ke surgo? Endo, kitak tentu di turun ke dunio ura mati!16Sapo pun ura te menin'd kitak, tentu neh menin'd Aku. tapi, sapo pun te nulak kitak, neh gok nulak Aku. serto, sapo nulak Aku, neh nulak Allah te ngutus Aku.''balo sitan tunuk ngau pengikut Yesus17udah yok ketujuh puluh penurut yok bekalih pulai ngau senang ati gago samil madah, ''Tuhan, balo sitan pun tunuk ngau kami dalam damo-Nuan.'' 18Yesus ngumung ngau sidok, "Aku merati iblis jatuk re langit upo kilat. 19sebenarneh Aku udah merik kitak kuaso ngau nijak ular tamai kalonyelipan, piyok gok kuaso ngau ngetan segalo penguat munsuh. endo bisik tauk medih kitak. 20Tapi, nusahlah senang gago ute roh-roh yok tunuk ngau kitak, tapi besenang ngau ati gago ute damo kitak udah ditulis di surgo."Yesus ngucap syukur ngau Bapa21Sento wakyu yok, besenangatilah Yesus di dalam Roh Kudus serto madah. "Aku besyukur ngai-Nuan Bapa, Tuhan langit tamai bumi, ute Nuan tapok hal tuk re ura bijak tamai penumut. tapi Nuan tunyuk ngau ura renyai. oh Bapa, ute semuo yok te bekenan baek di muo-Nuan.22Bapa-Ku udah nyerah semuo utan ngau-Aku, serto endo bisik seura pun te ngelalo Anak selain Bapa.Piyok gok, endo bisik seurapun te ngelalo Bapa, selain Anak tamai ura-ura te ngau sidok Anak bisik kemauk madahneh."23Udah yok Yesus mantau ke belaka merati ngau balo murid-Neh lalu ngumung ngau sidok secaro kedirik, "Bahagio mato te mantau apo te kita pantau, 24ute Aku madah ngau kitak: bangat nabi tamai rajo te sangat mauk merati balo utan te kitak perati pituk, tapi sidok endo tauk meratineh. Serto, sangat mauk menin'd balo utan hal te kitak dingo pituk, tapi sidok endo tauk ningoneh."Ura Samaria te baek ati25Udah yok, seura ahli ukum Taurat bediri ngau encubo Yesus, jekukneh, "Guru, apo te arus kami pulah ngau nemu idup te abadi?"26Saut Yesus ngauneh, "Apo te ditulis enta ukum Taurat? Apo te nuan baco didalamneh?"27Ura yok nyaut, "Kasihlah Tuhan, Allah kitak, ngau segenap ati kitak, ngau segenap jiwo kitak, ngau segenap penguat kitak, serto ngau segenap akal budi kitak. serto kasihlah sesamo kitak mensio upo kitak ngasih dirik kitak kedirik."28Yesus madah ngau neh, jawab nuan yok sajo tepat ngau benar. bebuatlah upo yok tentu nuan idup.29Tapi, ura yok ingin ngebenar kedirikneh, lalu neh ngumung ngau Yesus, "Lalu, sapolah sesamo aku mensio?''30Saut Yesus, ''Bisik seura turun re Yerusalem ke Yerikho, neh jatuk ke tangan balo perampok te ngerampas balo retoneh piyok gok melasahneh, udah yok nudi ke neh tekapar ampir mati.31Endo sengajo, seura imam ngelalu jalai yok. waktu neh merati ura yok, neh merati geno lalu bejalai re tisi jalai. 32Piyok gok te dipulah seura Lewi, waktu datai ke aro yok serto mantau ura yok, neh ngelalu bejalai re tisi jalai gok.33Tapi, bisik seura Samaria tengah bejalai ngelalu jalai yok.Sento neh mantau ura yok, neh ngeraso kasih ngau ura yok.34Lalu, ura Samaria yok nyemak neh, lalu malut lukok te di tubuh ura yok. neh ngusok ngules ngau minyak tamai angur, lalu naek ura yok ke darat keledaineh serto ngemaik ke sebuah rumah ngau bemalam, serto ngerawat ura yok. 35Ari pagineh, ura Samaria yok ngeluar ke duit 2 dinar lalu merik ngau penyago rumah ngau bemalam yok lalu neh madah 'tulo rawat ura te lukok tuk. serto berapo pun nuan abis duit ngau neh, aku tentu ngantineh waktu aku bekalih.''36Lalu, Yesus madah ngau ura ahli Taurat yok ''Menurut Nuan, sapo di sentaro sidok tigo ura yok jadi sesamo mensio re ura te jatuk ke tangan balo perampok yok?'' 37Saut ahli taurat yok, "Ura te nunyuk belas kasih ngauneh.' lalu, jekuk Yesus, ''Angkatkin, serto laku em pempulah te samo.''Maria tamai Marta38Waktu Yesus tamai balo murid-Neh agik tengah bejalai, Yesus tamok ke sutik kampo diok seura betinok bedamo Marta nyamut Yesus ke dangauneh. 39Marta bisik menyadik betinok bedamo Maria. Maria duduk di semak kaki Yesus serto menin'd te Yesus ajar.40Tapi, Marta telalu sibuk ngerjo semuo utan ngau ngelayan.Marta pun nyemak Yesus serto madah, "Tuhan, endo pedulikah Nuan ute menyadik betinok aku yok ngisok aku ngerjo semuo utan kedirik? Suruh neh nulo aku!''41Tapi, Tuhan nyautneh, ''Marta, Marta, kulok kuatir serto nyusah kedirik ngau bangat hal. 42Sutik geno hal te pentin. Maria udah milih bagian te lebih baek, serto bagianneh yok endo suah diamik re neh.''
Chapter 11

1Pas waktu yok, Yesus berdoa diaro yok. waktu Neh udah berdoa, seura dari murid-murid Neh ngumung ngau Neh, ''Tuhan, ajarilah kami bedoa samo ngau Yohanes ngajar murid-muria nya.''2Udah yok Yesus ngumung ngau sidok, waktu sidok berdoa, berdoalah macam tuk: Bapa, dikuduskanlah namo-Nuan.Datailah kerajaan-Neh.3Beriklah ngau kami pemakai te cukup setiap ari, 4dan ampunilah duso-duso kami sebab kami kedirik kok ngampun setiap ura te be salah ngau kami.Udah yok nang maik kami kedalam pencobaan.''Mintoklah, gok, ketoklah5Udah yok Yesus numung ngau sidok, ''Seandainya bisik seura dari kitak bisik seura kawan udah yok turun kerumah kawan kitak yok tengah malam lalu ngumung ngau neh, kawan pinyau ke neh tigo roti, 6Kerno seura kawanku agik dijalai kok singah kerumah aku, kerno aku ndo sik apo-apo dirumah te kok diberik ngau neh. 7Taukkah kawan ku nyaut dari dalam rumah, 'nang ngaru aku! mo lawa udah udah aku sengkar dan aku ngau balo anak aku kok tidor. Aku ndo tau angkat agik ngau merik utan ngau kitak.'8Aku madah ngau kitak walaupun kawan aku ndo merik utang ngau kitak kerno kitak kawan ku, kerni kitak terus memohon, neh pasti kok merik apo te kitak pintok ngau neh.9Jadi, Aku madah ngau kitak mintoklah, kitak pasti buleh. Goklah, pasti kitak buleh. Ketuklah, mo lawa pasti dibukok ngau kitak.10Sebab sapo te mintok pasti buleh. sapo te ngok pasti akan buleh. Dan sapo pun te ngetok,mo lawa akan dibukok ke neh.11Bisik ndo diantaro balo apai te merik anak neh ular antik neh mintok ikan? 12Atau merik anak neh kalo, antik neh mintok telor? 13Antik kitak te jai tau merik te baek ngau anak-anak neh, apo lagi apai kito te de sorga. Neh kok merik Roh Kudus ngau ura-ura te mintok ngau neh.''Yesus Ngau Kuaso Allah14Waktu iok, Yesus ngusir setan aro seura lelaki te bisuk. udah yok setan yok keluar, ura te bisuk tau ngumung dan uran bangat pun iran. 15Udah yok, bisik ura te ngumung, Neh ngusir setan ngau kuaso Beelzebul, pemimpin setan.''16Berapo ura te lain kok nguji Yesus, sidok mintok Yesus madah ngau sidok tano te bisik dari sorga. 17Tapi yok, Yesus ketauk apo te de pikir sidok, ''Setiap kerajaan te de pecah-pecah te kok myera kok de ancor. Te keluarga te balo menyanak kok bemusuh kok sarak.18Jadi, antik iblis kok mecah belah dan ngelawan dirik neh kedirik, keti kok kerajaan kok tetap betan? Aku madah macam tuk kerno kitak madah Aku ngau kuaso Beelzebul ngau ngusir setan-setan. 19Antik Aku ngusir setan-setan ngau kuaso Beelzebul, ngau kuaso apokah anak-anak kitak ngusir neh? Kerno yok, sidoklah te kok njadi hakim bagi sidok. 20Tapi yok, Antik Aku ngau kuaso Allah ngau ngusir setan, Kerajaan Allah udah datai ngau aku.21Antik seura te kuat ngau senjata te lengkap menjaga istana neh kedirik, reto beno neh pasti aman. 22Tapi, anti bisik ura te lebih kuat dari dirik neh te tau nyera tamai ngalakkan neh, tauk ura te lebih kuat ngamik senjata te sangat baek uleh ura yok dan megi kesidok reto asil rampasan neh.23Sapo pun te ndo sik de pihak Aku, neh ngelawan Aku. Dan sapo te nisik ngumpul ngau Aku, neh sarak rerak.Datai Roh Najis24Apo bilo roh najis keluar re tubuh seura, roh yok kok ngelilin nelalu aro te rangkai ke ngau neh betegok, tapi neh ndo sik nemu neh. kerno yok, 'Aku kok pulai kerumah te de tugau subok.'25Saat neh pulai, neh merati rumah yok bersih kerno rajin desapu dan de atur rapi.26Udah yok, roh najis yok rari ngemaik tujuh roh te lebeh jai dari yok tamok kerumah yok lalu nungau diok sehingo mensio yok nyadi lebih burok dari te sepan yok.''Ura-Ura te Bahagia27Waktu Yesus madah utan tuk, bisik seura te bisik de antaro ura bangat beteriak, ''Deberkatilah rahim te udah beranak ke aku dan te udah nyusu keaku.''28Tapi yok, Yesus ngumung, ''berbahagialah ura-ura te dah menin firman Allah dan taat ngau Neh.''Tano Yunus29Waktu ura-ura te begumpol semaken bangat, Yesus ngumung, Generasi tuk adalah generasi te jai; sidok nuntot bangat tano, tapi nisik sutik pun tano te de tunjok ngau sidok selaen tano mpuk Yunus. 30Bako Yunus te bisik tano bagi ura Niniwe, macam yok gok anak mensio bisik tano ngau generasi tuk.31''Waktu ari kiamat, Ratu dari Selatan kok bangkit ngau ura-ura dari generasi tuk dan kok ngukom sidok kerno neh datai dari ujo bumi ngau menin hikmat dari Salomo, sedangkan dituk bisik te lebih besai daripado Salomo.32Waktu ari kok kiamat, ura-ura Niniwe kok angkat tamai generasi tuk kok ngukum neh, kerno ura-ura Niniwe bertobat waktu Yunus bekotbah de depan sidok, sedangkan dituk bisik seura telebih besai daripado Yunus.''Mato Adalah Pelito Tubuh33Nisik seura pun te dah bisik ngidop pelito, kok naroh pelito aro te ndo tampak,atau de baroh kulak. sebalek neh, sidok naroh pelito yok de kaki pelito sok ura-ura te tamok tau mantau cahayo pelito yok. 34Mato adalah pelito tubuh neh. antik mato neh baek, seluruh tubuh neh penuh ngau tera. Tapi yok, antik mato neh jai, seluruh tubuh neh kok depenuhi te keleman.35Kerno iok, ati-ati nang sampai tera dedalam tubuh neh njadi keleman. 36Antik tubuh neh depenuhi ngau te tera dan nisik te keleman, Tubuh neh akan tera semuo neh samo macam sutik pelito te nera ke semuo cahayo.Yesus Negor Ura Farisi Dan Ahli Taurat37Waktu Yesus udah ngomong, seura Farisi ngemaik Yesus makai. Yesus pun kiok, Lalu dudok tamai makai. 38Tapi yok, ura Farisi yok iran merati Yesus ndo masok jari-Neh sepan Yesus makai.39Tuhan ngumung ngau neh, ''Ura-ura Farisi macam kitak meresih cawan tamai pingan, Tapi de dalam dirik neh penuh ngau keserakahan tamai te jai. 40Hai ura-ura budu! bukankah neh te mulah te dedalam tamai mulah te de luar? 41Kerno iok, bagi jak apo te bisik de aro kitak ngau sedekah kitak. macam yok lah kitak akan bersih.42Tapi yok, celako sidok, ura-ura Farisi! sidok merik persepuluhan dari asil selasih, tai segalo macam hasil kebon kitak, tapi kitak ndo kok lalu mengabaikan te adil tamai kaseh Allah. seharus neh, kitak mulah semuo hal yok ndo arus nudi hal-hal te lain.43Celakolah kitak ura-ura Farisi kerno kitak dudok de aro te baek de Singogo lalu merimok hormat de pasar.44Celakolah kitak macam kubor te ndo ngau tano, te de tijak-tijak ura kerno ndo de ketauk.''45Udah yok, bisik seura ahli Taurat ngumung ngau Yesus, ''Guru, waktu sidok ngumung hal-hal yok, sidok gok menghino kami.''46Udah yok Yesus nyaut, ''celakolah kitak, hai ahli-ahli taurat! sebab, kitak naroh bebang te berat de tango ura lain, tapi kitak ndo kok megai beban yok ngau jari kitak.47celakolah kitak te mulah rumah ngau balo nabi-nabi te de bunuh balo inik moyang kito. 48Bahkan, sidok madah ngau semuo ura bahwa sidok te mulah pempulah macam yok; sidok lah te munuh nabi-nabi yok, tapi sidok gok te mulah kubur neh.49Yok lah sebab neh, Allah de dalam hikmat-Nya ngumung, Aku kok nyuruh nabi-nabi tamai rasul-rasul ngau sidok, tapi dari beberapo ura te deutus yok kok de bunuh dan de siso, ' 50supayo darah semuo nabi, te de tumpah s dari dunio de pulah, tau de tuntut dari generasi tuk, 51Mulai dari darah Habel sampai darah Zakharia, te de bunuh de antaro altar dan Bait Allah. Yok aku ngumung ngau kitak bahwa generasi tuk kok betangojawab ngau hal tuk.52Celakolah kitak,hai ahli-ahli taurat! sebab kitak udah ngamik kunci pengetahuan, tapi kitak ndo kok tamok tamai nidah ura lain tamok.''53Seudah Yesus nudi aro yok, ahli-ahli Taurat tamai ura-ura Farisi mulai bemusuh tamai nekan Yesus ngau bangat te betanyok. 54Sidok bekomplot ngau nangkap Yesus ngau umung te de padah-Neh.
Chapter 12Kemunafikan pemimpin Yahudi

1Sementaro yok, Waktu bisik ribuan ura bekumpol lalu sidok nijak pangan, Yesus mulai ngumung ngau balo murid te lebeh dulu, ''Berhati-hatilah ngau kipin ura-ura Farisi, yoklah kemunafikan.2Sebab, semuo te de tutup kok ditapok kok dipadah. 3Kerno yok apo te kitak padah de dalam keleman pasti tepantau waktu tera dan te de padah de dalam pankin kok de padah de darat atap dangau. Takut ke Allah4Aku madah ngau kitak, hai balo menyanak-Ku, nang takut ngau sidok te tauk munuh tubuh, Tapi udah yok ndo dapat mulah te lebeh jaoh lagik. 5Aku kok madah ngau kitak ngau sapo te harus kitak takut; takutlah ngau Neh, te udah munuh, ugok bekuaso nikam kitak kedalam nerako. Yok lah te arus kitak takut.6Bukankah 5 ikuk buro pipit de jual serego 2 kepin jak? nisik sikuk pun buro pipit te kelupo de depan Allah. Bahkan berapo pun jumlah bok de darat kepalo pun tetap de ito. Nang takut, kito jaoh lebeh berego dari pado buro pipit.''Ute Arus De Ingat apo bilo Menyangkal Yesus8Aku madah ngau kitak, setiap ura te ngakuk Aku de depan ura lain, ugok kok diakuk uleh anak mensio de depan malaikat-malaikat Allah.9Tapi, antik bisik te nyangkal Aku de depan ura lain ugok de sangkal de depan malaikat-malaikat Allah. 10Sapo pun te madah utan te melawan Anak Mensio tauk de ampuni, Tapi sapo pun te menghujat Roh Kudus ndo tauk de ampun.11Waktu sidok maik aku ke Sinagoge de depan pemimpin tamai penguaso, nang kuatir ngau kitak te tauk membela dirik atau apo te arus kitak padah,12Sebab saat yok gok Roh Kudus kok ngajar kitak apo te arus kitak padah.''Umpamo Ngau Seura Te Kayo13Seura dari ura bangat yok ngumung ngau Yesus, ''Guru, suruh menyadik aku ngau magi warisan ngau aku.''14Tapi yok, Yesus ngumung ngau sidok, ''sapo te ngankat Aku njadi hakim atau pengentara ngau kitak?'' 15Udah yok Yesus ngumung ngau sidok, ''bejago-jago tamai trus waspada ngau balo ura te tamok ngau idop kerno idop ndo beganto ngau reto te mpuk neh.''16Udah yok Yesus becerito ngau sebuah umpamo ngau sidok, ''Bisik tanah mpuk ura te palin kayo te bangat benar asil neh.17Jadi, ura yok bepikir dalam ati neh, ' Apo te arus neh pulah kerno nisik aro lagik ngau nyimpan asil panen neh ?'18Lalu, neh ngumung, ' Tuklah te kok aku pulah. Aku kok mungkar juro-juro mpuk aku udah yok aku kok mulah te lebih besai lagik. Diok, aku kok naroh semuo gandum tamai balo bara mpuk aku. 19Udak yok aku kok ngumung ngau jiwo ku, 'Hai jiwaku, aku bisik bangat bara te arus de taroh ngau betaon-taon; betegok,makai, nginsop aik, udah yok tauk besenang-senang!'20Allah ngumung ngau ura yok, 'Ai, ura budu! malam tuk gok, jiwo kitak kok diamik dari neh. Udah yok, sapo te kok mpuk bara-bara te de taroh diok?' 21Macam yok gok te kok de pulah ngau ura te naroh reto beno ngau neh kedirik, Tapi ndo kayo de depan Allah.'' Nang Kuatir22Yesus ngumung ngau balo murid-murid-Neh, ''Sebab iyok, Aku madah kitak, nang kuatir ngau idop kitak, apo pun te kok kitak makai. Atau, kuatir ngau tuboh kitak, ngau apo te kok kitak pengau. 23Sebab, idop tuk lebeh penten dari pado pemakai udah yok tuboh lebeh penten dari perengau24Perati balo buro-buro gagak. sidok ndo nnanam tamai ngetau, sidok gok nisik balo gudang ata pun juro, tapi Allah merik sidok makai. Kito tuk bah lebih berego dari pado balo buro-buro yok. 25Sapo te antaro kitak te kuater tauk namah semitir gejo idop neh? 26Antik kitak ndo tauk mulah pempulah te renyai tuk, ngapo kitak kuatir ngau hal-hal te laen?27perati bungo bakung,keti bungo yok tumoh. Bungo-bungo yok ndo kerjo runtik, tapi aku madah ngau kitak, Salomo te terkenal pun ndo ngau perengau se baek bungo-bungo bakung yok. 28Antik Allah mensia rumput de umo, te ari tuk tumoh udah yok ari pagi de buai ke dalam api, Ndo kah Yesus kok ngerias kitak lebeh dari rumpot yok?Ai, kitak te ndo pecayok!29Jadi, nang lah kitak ngok apo te kitak makai tamai apo te kitak minum, nang kitak jadi kuatir ngau utan yok.30Sebab, bangso-bangso de dunio ngok utan yok semuo, Tapi apai kito te de surgo ketauk kalau kito perlu utan yok.31Sebalek neh, gok dulu kerajaan Allah, udah yok kok deberik semuo ngau kito.Ngumpul Reto De Surgo32Nang takut, ai, kawan te renyai, kerno Tuhan Allah kok merik ngau kitak kerajaan yok.33Juallah segalo apo te bisik lalu berik sedekah. Pulah ngau kito aro ngau naroh duet supayo ndo tauk jai, yoklah reto de surga te ndo tauk linyau, te ndo tauk de amik pencuri atau pun ndo de kibot ngengat.34Sebab, dini reto kito bisik diok gok ati kito.Hamba Te Setia Mulah Kerjo Neh35''Biarlah pungo neh te terikat tamai balo pelito-pelito neh tetap idop. 36Semacam ura-ura te nunguk ura pulai dari pesta kawin sok sidok tau mukok mo lawa ngau neh, waktu neh pulai lalu ngetok mo lawa.37De berkatilah Sidok-sidok te de temu udah siap ketiko neh datai. Aku madah ngau kitak, benar-banar, neh kok ngikat pungo neh ngau ngelayan tamai balo pelayan-pelayan neh ngau dudok makai. Neh kok datai tamai ngelayan sidok.38Antik tuan yok datai tengah malam atau dini ari lalu nemu sidok tengah setia, de berkatilah sidok!39Aku kok madah kitak, Antik seura te mpuk dangau ketauk ke pencuri te kok datai ke dangau neh, neh pasti ndo kok merati dangau neh de curi pencuri. 40Uleh kerno yok, kitak tetap selalu siap-sidio kerno anak mensio kok datai ndo ketauk kebilo neh datai.''41Udah yok, Petrus betanyok ngau-Neh,''Tuhan, apokan Neh becerito masalah tuk ngau kami geno atau ngau u semuo ura?''42Saot Tuhan, ''Sapo kepalo pelayan te setia tamai bijaksana te tau aku de pecayok tuan neh ngau ngawas sidok te laen, ngau merik sidok makai saat te kenok?De berkatilah hamba yok, te saat tuan neh datai, lagik bekerjo sesuai tugas neh. 44Aku madah ngau kitak, sesungguhnya, tuan yok te kok milih neh ngau ngawas semuo utan mpuk neh.45Tapi yok, Antik hamba neh ngumung dalam ati neh jak, Tuan aku ndo kok datai, lalu mulai nyipat sidok te laki-laki tamai te betinok gok, lalu makai tamai minum sampai mabok, 46Waktu tuan neh datai ndo deketauk uleh sidok yok, balo tuan kok munuh hamba yok lalu marati sidok ndo setia47Sura hamba te ketauk kedekok tuan neh, tapi ndo siap ngau mulah te de kedekok tuan neh pasti buleh bangat hal. 48Udah yok hamba te ndo ketauk te de ke dekok tuan neh udah yok mulah hal-hal te pantas buleh pempulah, neh buleh pempilah te lebih sikit. Tiap ura te de berik bangat, de tuntot bangat. Dan sidok te de pecayok lebeh bangat kok de tuntot lebeh bangat lagik.Yesus Mulah Pemisah49Aku datai kok nikam api kedunio, dan Aku bearap api yok udah idop!50Tapi yok, bisik babtisan te arus aku jalani, Aku ngeraso sangat te tekan sampai hal yok degenapi.51Apo kah kitak nyangko Aku datai maik perdamaian de atas bumi?Ndo, Aku madah ngau kitak, melainkan perpecahan! 52Mulai saat tuk, limo ura dalam sutik keluarga kok depisah. Tigo ura kok ngelawan duo ura dan duo ura kok ngelawan tigo ura.53Sidok kok depisahkan; Apai kok melawan anak lelaki, udah yok anak laki-laki kok ngelawan apai neh.Inai kok ngelawan anak betinok neh,anak betinok kok ngelawan inai neh.Inai mentuo kok ngelawan menantu betinok neh,dan menantu betinok kok ngelawan inai mentuo neh.''Meramal zaman54Udah yok, Yesus ngumung ngau ura bangat, ''waktu sidok mantau awan berugo de sepiak barat, kitak pasti ngumung, 'Ujan kok datai,' dan ujan benar benar turun.55Waktu kita k ngeraso angin betiup sepiak selatan, kitak ngumung, 'Ari tuk kok panas kuat,' dan hal yok benar- benar terjadi. 56KItak ura munafik! kitak tauk menafsirkan macam langit dan bumi, tapi ngpo kitak ndo tauk menafsirkan zaman tuk?''57Ngapo kitak ndo tauk mutus te benar? 58Waktu kitak turun tamai musuh kitak ngau ngadap pemerintah, kitak usahakanlah ngau nyelesai masalah kitak dalam pejalai supayo ndo maik kitak ngau hakim udah yok hakim kok nyerah kitak ngau pengawal, dan pengawal yok kok nikam kitak kedalam penjara. 59Aku madah ngau kitak, kitak ndo keluar dari yok sepan kitak mayar uta kitak sampai te pengabis
Chapter 13Dekumai Ngau Betobat

1Dituk, bisik beberapo ura te kok madah Yesus tentang ura-ura Galilea te daerah neh de campur Pilatus ngau kurban persembahan sidok.2Yesus nyaut sidok,''Apokah kitak ngiro ura-ura Galilea tuk lebih bedosa daripado ura-ura Galilea te lain kereno sidok menderito macam yok? 3Aku madah ngau kitak, ndo. tapi yok, antik kitak ndo bertobat, kitak semuo pasti mati.4Atau mengenai kedelapan belas ura te mati, waktu menaro de semak kolam Siloam jatuk lalu nimpok sidok, apokah kitak ngiro sidok adalah ura beduso te lebeh jai dari ura te nugau de Yerusalem?5Aku madah kitak, ndo. Tapi nyok, antik kitak ndo bertobat, kitak semuo akan mati!'' Pon Te Ndo Bebuah6Yesus ugok madah cerito ngau perumpamaan tuk: ''Bisik seura te mpuk sebata pon arok te de tanam de kebun anggur neh. Tapi nyok,saat neh datai ngok buah de pon iyok, neh nisik buleh buah yok.7Jadi, neh madah tuka kebun neh, 'Udah tigo taun aku datai ngok buah pon arok tuk, tapi aku pan suah buleh sutik pun buah arok iok. Teba jak pon arok iok! ngapo arus menyia-nyiakan tanah ngau nanam pon arok iok?8Tapi yok, tuka kebun iok nyaut, Tuan, berik kesempatan pon arok iok setaon lagik ngau bebuah. Biarlah aku ngali tanah semak iok ngau merik pupuk, 9Mungkin pon arok iok kok bebuah taon muo. antik ndo bebuah ugok, Tuan tauk meba neh.Yesus Myembuh ari sabat10Suah, Yesus ngajar de sutik Sinagoge waktu ari sabat. 11Din bisik seura betinok te tengah kerasukan roh yok nyuruh neh pedih lamah sampai delapan belas taon. Punggo betinok iyok bungkok sampai neh ndo tauk bediri agik.12Waktu Yesus merati neh, Yesus ngumai betinok iok lalu ngumung ngau neh, ''Hai betinok, kulok dah de bebas dari pemedih kulok.'' 13Udah yok, Yesus menumpangkan jari-Neh ngau betinok iok lalu sekejap iok, betinok iok dapat bediri tegap lalu memuji Allah.14Tapi yok, pemimpin Sinagoge yok njadi geram kerno Yesus nyemboh ura pado ari sabat. Neh madah ngau ura bangat, ''Bisik enam ari ngau bekerjo. kerno yok, datailah ngau desembuh pado ari-ari yok, bukan ari sabat.''15Namun, Tuhan nyaut ura iok, ''Kitak ura-ura munafik! Bukan kitak semuo ngelepas sapi atau keledai mpuk kitak te terikat de kana dan nyuruh sapi keluar pado ari sabat?16Kerno iyok, ndo kah betinok tuk, agik kenturun Abraham, te udah de ikat selamah delapan belas taon uleh setan, ugok arus delepas dari belenggu yok pado ari sabat?''17Waktu Yesus ngumung macam iyok, semuo lawan neh njadi malu, dan bangat ura besukacita kerno segalo pempulah ajaib te udah de pulah Yesus. Perumpamaan Igik Nsabi Tamai Kipen18Udah yok, Yesus ngumung, Macam apokah kerajaan Allah yok ?Ngau apokah Aku tauk mengumpamakannya?
20Dan lagik Neh ngumung, ''ngau apo Aku mengumpamakan Kerajaan Allah? 21Kerajaan Allah macam kipen te de amik betinok lalu de campor neh ngau 3 sukat tepo sampai semuo adonan yok njadi keremai.''Hanyo siket te de Selamatkan22Yesus nelusor kuta-kuta tamai desa-desa, Yesus ngajar lalu trus bejalai nuju Yerusalem. 23Lalu, seura betanyok ngau Yesus, Tuhan, apokan hanyo sikit ura tede selamatkan?'' Yesus ngumung ngau sidok semuo,24'' berjuanglah ngau tauk tamok ngelalu mo lawa te sempit; sebab Aku ngumung ngau kitak, bangat ura kok berusaha tamok kin, tapi sidok ndo tauk25Antik tuan rumah bediri lalu menutup mo lawa rumah neh, sedangkan kitak bediri de luar samil ngetok mo lawa lalu ngumung, ' Tuan, tulo bukok mo lawa ngau kami.' Neh kok nyaut, 'Aku ndo tauk dari ni asal kitak.' 26Udah yok, kitak kok nyaut, kami udah makai tamai minum besamo Ikam. Ikam ugah ngajar de jalai-jalai kuta kami.' 27Namun Neh nyaut Aku ndo kenal kitak dan ndo ketauk dari ni asal kitak. Nang dituk lagik, kitak semuo penjahat!'28Kitak pasti nagis dan bekeret gigi waktu merati Abraham, Ishak, tamai Yakub, beserto semuo nabi nugau dalam kerajaan Allah sementaro kitak de tikam keluar. 29Udah yok ura-ura datai dari timor dan barat, ugok datai dari utara dan selatan. Sidok duduk dan makai dalam kerajaan Allah.30Sesungguhnya, ura-ura te penudi akan njadi te petamo dan ura-ura te petamo akan njadi penudi.''Yesus Arus turun Ke Yerusalem31Pado waktu iyok, beberapo ura farisi datai nguso Yesus lalu ngumung, ''turonlah, nang agik dituk kerno Herodes kok munuh Yesus.''32Yesus nyaut sidok, ''kin padah ngau rubah yok, 'Ari tuk atau pagi, Aku kok ngusir roh-roh jai dan kok njembuh ura, pado ari ketigo, Aku kok nyelesaikan penkerjok Aku.'33Tapi yok, Aku arus ngelanjut pekerjok ari tuk, pagi,lusok,kerno ndo mungkin nabi mati de luar Yerusalem.34Yerusalem, Yerusalem! kitak munuh para nabi dan merajam ura te udah de utus ngau kitak!Beula kali Aku rindu ngumpol anak-anak kitak, samo macam inuk manok te ngumpul anak-anak neh de baroh sayap neh. Tapi kitak ndo kok.35Pituk rumah kitak pasti kosong dan njadi sepi. Aku madah nguso kitak, kitak ndo akakn mantau aku lagik sampai saat neh kitak pasti ngumung hal tuk, 'Deberkatilah Ia te datai dalam nama Tuhan!'
Chapter 14

2Waktu iok, bisik seura te pedih buso aik, de depan-Neh. Yesus ngumung ngau ura-ura Farisi tamai ahli-ahli Taurat, Apokah tauk ntamo ura ari sabat?''4Tapi nyok, sidok ndo nyaut Yesus. lalu Yesus megai ura te pedih,lalu ura tepedih langsung semoh. 5Yesus madah sidok, ''sapo te de antaro kitak tuk antik bisik anak atau sapi te lelaki jatuk kedalam sumor waktu ari sabat, ndo kok ngamik neh keluar dari dalam sumor?'' 6Maka, sidok pun nisik te tauk membantah umungan Yesus.ARO TE PALIN BAEK8''Antik kitak de undang kesebuah pesta pernikahan, nanglah kitak duduk de aro te de hormat kerno tuan rumah amang dah ngundang ura te lebeh te kenal dari pado kito.9Lalu, tuan rumah ke aro kito kok madah, 'berik ke neh tempat dudok tuk! Lalu kitak pun pinah dudok kearo laen samil ngetan raso malu.10Kalau kito de undang ura, dudoklah detempat palin belaka, supayo antik ura te ngundang kito datai, neh kok madah ngau kito, boh pinah ke tempat tepaling terhormat. 'Dengan demikian kito mendapat penghormatan de hadapan ura-ura te dudok makai ngau kito.11Sebab, semua ura te ningik kedirik kok derendahkan, tapi neh te ngerendahkan diri kok detingikan.'UNDANGAN MAKAI DAN BALASAN13Tapi yok, antik kitak bepesta, undanglah ura-ura te miskin, ura-ura cacat, ura-ura lumpuh, ura-ura butok. 14lalu kitak akan deberkati kerno ura-ura yok ndo akan malas ngundang kitak lagik; Kitak akan buleh balasannya pada waktu kebangkitan ura-ura benar.''16Tapi yok, bengi Yesus ngau sidok, ''Bisik seura te kok menjamu makai malam te besai sidok ngundang bangat ura, 17waktu makai malam udah mulai,ura yok nyuruh sidok ngumung ngau balo tamu te dah de undang yok, datailah kerno semuo dah siap.'18Namun, semuo tamu undangan yok mulah alasan-alasan. Bisik ura te petamo ngumung, ''aku baru meli sutik umo dan aku harus kin mantau umo yok. terimok maaf dari aku.''20Dah yok te laen ngumung, 'Aku baru jak nikah. kerno yok, aku ndo tauk datai.'21Lalu, balo pelayan madah ngau ura te mpuk gawai yok. Lalu te mpuk gawai ringat, lalu madah ngau pelayan, Cepatlah! turon kejalai-jalai dan setiap gang dedesa tuk. baik ngau aku ura-ura te miskin, ura-ura lumpoh,ura-ura timpa,tamai ura-ura te butok,'22Lalu, pelayan yok ngumung ngau ura te mpuk gawai, Tuan, Aku dah mulah apo te desuruh neh tapi sikuk pun ura pan sik datai.'23Tuan yok ngumung ngau pelayan neh, 'turun kejalai-jalai rayo,setiap gang. Baik sidok te bisik diok kituk supaya rumah ku njadi penuh.24Aku madah ngau kitak, ndo se ura pun sidok te de undang sepan yok makai utan dituk.''''Mengikut Yesus''25Bangat ura bejalai besamo samo Yesus. lalu Yesus mantau ngau sidok lalu ngumung, 26Antik bisik kitak te datai ngau aku lalu ndo sik mencik apak tamai ame neh, bini,anak-anak neh, menyadik laki-laki,menyadik betinok, neh ndo tauk jadi murid-Ku.27Sapo te nisik nango salibneh tamai ngikut Yesus, neh ndo tauk jadi murid Yesus.28Sapo te de antaro kitak te kok mulah menaro, tapi ndo dudok dulu ngito berapo biaya te kok de pengau mulah menaro yok apokan neh bisik duet sampai neh tauk menyelesaikan neh?29Antik ndo macam yok, Antik neh meletakan dasar lalu ndo sangup ngau menyelesai neh, semuo ura te merati neh pasti kok ketaok ke neh.30Ura-ura yok akan ngumung,''ura yok mulai mulah, tapi ndo sangop mulah sampai selesai31Atau, Raja ni te kok be pera ngelawan rajo lain tapi ndi kok dudok dulu samil ngito apokan bisik 10.000 tentara tauk ngelawan musoh te besai neh 20.000 tentara? 32Antik neh ndo tauk ngalah rajo te lain yok, neh pasti kok ngirim utusan dan betanyok syarat-syarat perdamaian antik pasukan lawanneh agik jaoh.Macam yok gok kitak, nisik seura pun de antaro kitak te tau njadi murid-Ku Antik Neh ndo menyerahan semuo te mpuk neh.'Garam te Ndo Masin Nisik Guno34Garam yok baek,Tapi garam yok dah nisik rasa masin neh, keti kok mulah garam yok njadi masin agik? 35Garam yok ndo sik guno neh lagik selain ngau pupok sehinga de buai ura.Sapo te bisik penin ngau mening supayo neh menin!'
Chapter 15Perumpamaan Domba Te Linyau

1Balo pengumpul pajak dan ure te bedosa semak ngau Yesus sidok menin-Neh.2Lalu ura-ura Farisi dan ahli-ahli taurat mulai besungut-sungut, Ura tuk nerimok ura te bedosa lalu makai tamai neh.'3Dah yok madah perumpamaan tuk ngau sidok, bengi-Neh, 4''Sapo te bisik de antaro kitak te bisik 100 ikuk domba, lalu linyau sikuk, lalu tingal 99 ikuk agik de rimok? Bukan kah neh kok ngok te tesesat sampai neh memu neh? 5Saat neh nemu, nek kok ngemok domba yok de darat bahu neh lalu samil senang ati.6Waktu de rumah, neh kok kearo kawan atau kerabat neh lalu ngumong tamai sidok, besenanglah tamai aku kerno domba aku te lenyau dah ketemu.'7Aku madah ngau kitak,Demikianlah bisik suka cita te besai ketiko bisik seura te betobat dari pada 99 ura te benar te ndo perlu pertobatan.Perumpamaan Duet pirak te Linyau8Atau betinok ni te mpuk sepuluh kepen duet pirek, Antik bisik sutik te linyau de antaro yok, ndo ngidop pelito dan menyapu rumah neh, lalu ngok duet yok ngau belubah-lubah sampai neh ketemu?Lalu antik neh nemu, neh madah balo kawan neh lalu ngumong ngau sidok,' bergembiralah bersama aku kerno duet pirak dah ketemu.' 10Aku madah ngau kitak, macam yok lah bisik sukacita de antaro balo malaekat Allah kerno seura bedosa te betobat.''Perumpamaan Duo anak laki-lakiAnak te bungsu mudi ke apai neh11Lalu Yesus berkata, '' bisik seura te bisik anak laki-laki. 12Anak te bungsu madah apai neh, Apak, beri ngau aku bagian heto te mpuk aku.'udah yok apak neh pun merik reto ngau ke duo anak neh.13Ndo lamah dah yok, anak te bungsu ngumpol semuo mpuk neh, dah yok turok ke negeri te jaoh lalu neh bepesta pora ngau idop poya -poya. 14waktu neh dah ngabis reto neh semuo, bisik bencana kelaparan te besai de negeri yok, lalu nebiak yok mulai nisik utan lagik.15Lalu, turunlah nebiak yok lalu bekerjo ngau seura penduduk negeri yok, lalu nyuruh neh keumo merik makai babi-babi ura yok. 16Nebiak yok lapar lalu kok makai buah karob te de makai babi-babi yok, Tapi nisik sikuk pun te merik ngau neh. Anak bungsu pulai ke aro apak neh.17ketika anak bungsu yok sadar, neh ngumung, bangat kerjo apai aku te mpuk pemakai te belimpah-limpah, tapi aku dituk ampir mati mpadai lapar. 18Aku kok pulai ngau apai aku. Aku kok madah apai aku:Apak, aku udah bedosa ngau sorga tamai ngau nuan. 19Aku ndo pantas de sebut anak nuan, jadikan aku salah satu dari ura te bekerjo ngau nuan.'20Bedirilah anak yok lalu nguso apak neh. Tapi nyok, waktu anak yok agik jaoh, apak neh merati anak yok lalu timol raso kaseh, Apak neh ngejar neh lalu meluk d tamai ngencom neh. 21Udah yok, anak yok ngumung ngau apak neh, apak, aku udah berdosa terhadap sorga tamai ngau nuan. aku ndo pantas agik desebut anak nuan.22Udah yok, apai nebiak yok ngumung ngau pelayan-pelayan neh,' cepat ! baik kituk jubah te palin baek sok anak tuk tauk ngau neh. suruh neh ngau cincin de jari tengah neh lalu suruh ngau senal de kaki neh. 23Baik kituk anak sapi te gemuk lalu bunuh. lalu kito semuo makai sammil begembira, 24Kereno anak ku udah mati, tapi pituk idop agik! neh dah linyau, tapi pituk dah ketemu! lalu sidok pun mulai begembira.'Anak te petamo ringat ngau apak neh.25Waktu yok, anak te tuo lagik deumo, waktu neh udah semak rumah neh, neh menin suaro musik dan tari-tarian. 26Anak te tuo ngumai salah sikuk Dari sidok te diok lalu nanyok sidok apo te de pulah de rumah sidok. 27Pelayan yok madah ngau anak yok, adik ikam dah datai, lalu apai kitak munuh anak sapi te gemuk, kerno anak te bungsu datai ngau selamat.'28Lalu anak te tuo ringat ngai tamok kerumah sampai de bujok apai neh. 29Tapi, anak te tuo madah apai neh, betaon - taon aku udah bekerjo ngelayan apak dan ndo suah aku nulak perintah apak, tapi ngapo apak ndo suah meri aku sikuk kamin te biak supayo aku tauk gawai tamai kawan-kawan aku. 30Tapi ngapo pas anak nuan te biak datai nuan ngabis reto nuan ngau balo pelacu-pelacur, dan nuan munuh anak sapi te gemuk ngau adek aku.'31Maka, apak neh pun madah, anakku, ikam setiap ari bisik besamo ngau apak, dan semuo te mpuk apak yok gok mpuk ikam gok. 32Udah yok, ari tuk kito arus bepesta dan bersukacita sebab adik ikam tuk dah mati,tapi pituk neh idop agik; neh udah linyau tapi neh pituk udah ketemu.'''
Chapter 161 jekuk Yesus ngau balo murid- Neh "Bisik seura ute kayo te mpuk seura pemimpim, neh bulih peluluk kalau pemimipin mabis ke retoneh.2 jadi ura kayo yok ngumai neh tamai madahneh," Hal apo tuk te aku dingo tenta ikam? Mintak catatan duit te ikam kerjo, kerno ikam ndo dikerjo jadi pemimpin lagi."3 Pemimpin yok ngumong dalam ati," Apo te dah aku pulah, seudah jeragan ngamik kerjo aku? aku ndo mpu penguat ngau nyangkul, tamai aku malu kok ngemis. 4Aku ketau te kok aku pulah, jadi antik aku ketau kok dibrenti re pekerjo aku, balo ura pasti nerimok aku dirumah sidok.5Lalu pemimpin yok balo ura te beruta nguso jeraganneh, lalu neh betanyok ngau ura petamo," berapo bangat utaneh ke jeragan aku?" 6Neh madah seratus tepayan minyak zaitun."dah yok neh madah,"Amik nuta nuan, cepat duduk, tamai tulis jak limo puluh." 7Lalu pemimipin yok ngumong ngau te lain," Dah yok berapo bangat uta ikam? Neh madah,"Seratus pikul gandum."Neh ngumong lagi,"Amik nuta nuan, dah yok tulis jak delapan puluh."8 Lalu jeragan yok muji pemimipin te bulok yok kerno neh bepempulah panai. Kerno balo anak dunia lebih panai dari pado balo anak tera. 9Aku madah nuan, gegok kaban nuan ari duit te ndo bulok, jadi bilo duit yok ayap, sidok kok nerimok nuan diaro te kekal.10Neh te taat nta hal te renyai, mako neh taat gok nta hal te besai, dah yok neh te bulok nta hal te renyai, mako neh bulok ugok nta hal te besai. 11Antik nuan pan taat ngau duit te renyai, sapo te kok pecayok kenuan ngau kekayo te sejati? 12Antik nuan pan taat nguno ke duit ura,sapo te kok merik duit te mpu nuan kedirik?13Ndo isik babu te kok ngelakon duo jeragan, kerno neh tau bencik ke seura dah yok neh kasih ke te lain, atau neh taat nguso ke ura te ngalom pangan lain. Nuzn ndo tau ngelayan Tuhan tamai kayo14Dah yok balo ura Farisi, sidok cumo nyan ke duit, ningo balo hal tuk, tamai sidok ngejai ke Neh. 15Dah yok Neh madah sidok,"Kitak ngemenar ke dirik upo te di pantau mensio, tapi Allah ketau ke kitak. Kerno apo te ditingik mensio yok te dingai Allah.16Ukum taurat tamai kitab balo rasul belaku sampai penatai Yohanes. re watu yok, Injil kerajo Allah di padah, dah yok semuo ura ncubo ngau ngemulih keneh. 17Tapi lebih mudah sorga tamai bumi ayap dari pado hal renyai re ukum taurat jdi ndo benar.18Barasiapo nyarak ke binineh dah yok bejadi tamai betinok lain, neh beduso, dah yok barasiapo te bejadi tamai betinok te dah disarak lakineh, neh beduso gok.19 Bisik seura te kayo bepakaian warna ungu re kain lenan alus tengah ngeraso pengayoneh tiap ari. 20 Dah yok bisik seura pengemis benamo Lazarus tengah tegurin didepan gerba ura kayok yok, penuh ngau balo lukok 21neh minta makai tapi diberik pemakai te jatuk re mijo ura kayo yok- selain yok, balo asuk datai ngilat segalo lukoknehDah yok pengemis mati lanso dibai balo malaikat ke sepiak Abraham. Ura kayok yok mati gok lalu dikubur,23 dinerako neh disiso, neh ngkadah kedarat lalu mantau Abraham re jauh tamai Lazarus dimuoneh24Neh nangis lanso madah,"Apai Abraham, kasih aku bai Lazarus kituk,biar ngenamok ke ujo jari neh ke lam aik sok nyelap kedilah aku, kerno aku siso lam api."25 Tapi Abraham madah,"Nak, ingat selamo idup nuan nerimok balo te baik,seda Lazarus nerimok balo hal te jai. Tapi pituk neh dah nyaman dituk, tapi nuan nta te pedih. 26Dah seabis yok, jura te dalam udah disiap, jadi bara siapo te kok nyebera re tuk nguso nuan ndo tau, dah yok ndo isik te tau datai nyebera re in nguso kami."27Ura kayo yok ngomong, "Aku minta tulo kenuan Apai Abraham, biar nuan ngirim neh kerumah apai aku- 28kerno aku mpu limo menyadik lelaki- biar neh ngingat ke sidok, ngau takut datai aro nta penyiso tuk."29Tapi Abraham madah." Sidok dah mpuk Musa tamai balo nabi; biar em menyanak nuan menin ke sidok." 30Ura kayo yok nyaut," Ndo, Apai Abraham, tapi antik seura te dah mati tau nguso sidak, sidok pasti kok betubat." 31Tapi Abraham madahneh," Antik sidok ndo kok menin Musa tamaio balo nabi, pasti sidok ndo kok gok pecayok ulih seura te dah idup re mati."

Chapter 171Yesus ngumong ngau balo muridNeh," Dah pasti bisik balo hal te nyuruh kito beduso, tapi celakolah sidok te mulah yok ! 2Lebih baek ngaunneh antik sutik batu kilangan pasa direkoneh dah yok ditikam ke lam laut, dari pado neh mulah penyalah re sikuk anak biak tu te mpu pemedeh.3Jago em dirik nuan. Antik menyanak mulah duso, tegur em neh, dah yok antik neh betubat, neh dimaaf geno. 4Antik neh mulah duso lagik ke ikam tujuh kali seari, neh arus tujuh kali nguso ikam, tamai neh madah" Aku nyesal," ikam arus ngampun keneh!"5Balo rasul yok ngumong nguso Tuhan,"Tambah jak iman kami." 6Tuhan madah antik ikam mpu iman mesai igik nsabi, ikam tau ngumong ngau pon kiarok tuk," rebah em, ditanam dilaut,' dah yok pon yok tunuk ke ikam.7Tapi sapo diantaro ikam, te mpu seura hamba te majak tanah tamai te ngurus domba, padah ke neh antik neh datai re umo," Datai em cepat dah yok duduk lalu makai" 8Ndokah neh madah, siap ke aku utan te kok aku makai, tamai pasa kain panya disekitar baban nuan dah yok ngelayan aku sampai aku udah makai minum. Dah yok gilir ikam te makai tamai minum'?9Neh kok ndo beterimok kasih ngau pelayan te dah kok dieprintah yok? 10Piyok gok ikam, antik ikam dam ngerjo segalo sesuatu te diprintah ke ikam, dah yok ikam madah," kami tuk hamba te ndo patut. Kami cumo ngerejo apo te patut kamo kerjo."11Hal tuk tejadi watu Neh tengah bejalai ke Yerusalem, Neh bejalai ngelalu antaro Samaria tamai Galelia. 12Watu Neh tamok sutik desa, din Neh betemu ngau sepuluh ura te bepemedeh kusta. Sidok bediri jauh re Neh. 13 dah yok sidok ngangau kuat," Yesus, guru, kaseh em ke kami."14Watu Neh mantau sidok, Neh madah ke sidok," angkat kin tunjuk dirik nuan ke balo imam." Nta pejalai, watu sidok angkat, sidok jadi semuh. 15Watu seura re sidok mantau dirikneh semuh, neh bebalek, ngau suaro nyaren ngemulia ke Allah. 16Neh tesungkur dikaki Yesus, beterimok kaseh ngau Neh. Neh yok seura Samaria.17Yesus nyawab, jikukNeh "ndokah sepuluh te semuh? Dini te semilan? 18Ndo isik kah te lain bebalek ngau ngemulia ke Allah, selain ura luar tuk?" 19Yesus madah ke neh, "Bediri em, dah yok angkat. Iman nuan te dah nyemuh ke nuan."20Dah yok balo ura farisi betanyok sebilo Kerajoan Allah datai, Yesus nyawab sidok ude yok ngomong, "Kerajoan Allah bukanlah utan te tau dipantau secaro lahiriah. 21Sidok ndo kok madah, 'pantau dituk atau! atau "pantau din! "kereno Kerajoan Allah bisik diantaro kitak."22Yesus madah balo muridneh, udah sento arineh antik kitak kok mantau sutik re ari anak mensio, tapi kitak ndo tau mantauneh. 23 Sidok pasti madah kitak,"Pantau, kin! Pantau," dituk!" Tapi nusah ngigok atau tamai sidok, 24upo kilat pansut re langit dah yok besinar re sutik arah langit ke langit te lain, upoyok Anak Mensio watu ariNeh.25Tapi Neh arus nango bangat penyiso dah yok ditulak keturun tuk. 26Upo te dah tejadi watu zaman Nuh, upo yok gok hal tuk te jadi nguso Anak Mensio. 27Sidok makai, sidok mabuk, sidok belaki bini dah yok kawin mengawin, sampai watu Nuh tamok ke dalam bahtera - datai aik pasa lalu ngancur ke sidok semuo.28Upo te tejdi watu zaman Lot, sidok makai, mabuk,bejual beli,betanam tamai mulah utan. 29Tapi watu ari yok Lot keluar re Sodom, ujan api tamai belerang keluar re langit dah tok ngancur ke sido demuo.30Upo yok gok lah watu Anak Mensio ngakuk kedirikneh. 31 watu yok nang ngemiar neh te tengah dibumo atap nusah turun ke baruh kok ngemai balo bara keluar re lam rumah. Dah tok te disawah nang nyuruh neh pulai lagi.32Ingat em bini Lot. 33Sapo te berusaha nyelamat nyawo neh, pasti ayap gok nyawo, tapi barasiapo te rela nyawo neh ayap, neh yok te diselamat.34Aku madah kitak, malam yok bisik duo ura te sepenidur. Te seura dibai dah yok te te seura lagi di dudi. 35Bisik duo ura betinok besamo ngisar. Seura dibai dah yok te lain di dudi. 36 Kalau bisik duo ura te diumo seura dibai dah tok te lain di dudi. 37Sidok nanyok neh," dini, tuhan?" dah yok neh madah sidok,"Dini bisik bangkai mensio, diok pasti bisik buro pemakai bangkai."

37Udah yok balo murid betanyok ngau Yesus, "Nta ni Tuhan?" Saut Yesus ngau sidok, "Dini bisik bangkai, tentu bisik buro la bekerumun."
Chapter 181Dah yok nyampai ke sutik perumpamo ngau sidok hal apo macam ni sidok arus rutin bedoa ndo putus-putus, 2 jikukNeh," Disutik kota, bisik seura hakim te ndo takut ngau Allah dah yok neh ndo peduli ke ura lain.3Dah yok bisik lagi seura jando dikota yok te pisit datai nguso neh, dah yok ngumong," tulo aku ngau bulih te adil teradap lawan aku." 4,Hakim yok lamah ndo kok nuloneh, tapi udah yok neh bepikir lam ati," Walau aku ndo takut ke Allah tamai ndi ngerego ura lain, 5kerno jando tuk slalu ngenyusah ke aku, aku kok nulo neh ngau ngemulah keadilan, biar neh ndo datai kituk terus ngenyulit ke aku."6Lalu Tuhan ngumong, "tingo apo te diumong hakim te ndo adil yok. 7pituk ndokah Allah kok gok merik nguso balo ura tepilih te beseru ngauNeh sia malam? Apokah Neh pansento nulo sidok? 8Aku madah ke kitak Neh pasti ngemai kedilan ngau sidok segro. Tapi antik Anak Mensio dah datai, apokah Neh nemu iman di bumi?"9Lalu Neh madah gok perumpamo tuk nguso beberapo te ngangap dirik benar tamai te ngeredah ura lain, 10"Bisik duo ura te angkat ke Bait Allah kok bedoa-- te seura yok ura Farisi tamai te lain yok seura pengumpul pajak.11Ura Farisi yok bediri dah yok bedoa lam ati,'Ya Allah aku ngucap syukur kerno aku ndo upo ura lain te perampok, bukan ura lalim, ndo kanyi, atau ndo upo pengumpul pajak tuk. 12Aku bepuaso dua kali dalam semingu. Aku merik sepersepuluh re semuo te aku peruleh.'13Tapi pengumpul pajak bediri nta te jauh, bahkan ndo berani ngadah matoneh ke langit, tapi mangko dado dirineh, dah yok ngumong,"Tuhan, kaseh em ke aku tuk." 14Aku madah nuan, ura tuk pulai kerumah neh lebih dibenar dari te lain, kerno semuo ura te ningik kedirik nehpasti direnahkan, tapi semuo ura te ngerenah kedirik akan ditingikan."15Balo ura ngemai ngauNeh balo anak sidok, sehingo Neh tau megai sidok, tapi watu balo murid mantau hal yok, lalu negor sidok. 16Tapi Yesus ngumai sidok dah yok madah, "Biar em balo anak miak tuk datai nguso Aku, nusah ngalang ke sidok. Sebab balo ura macam tuklah te mpuk Kerajoan Allah. 17Sebanarneh Aku madah kitak, siapopun te ndo kok nerimok Kerajoan Allah upo seura anak miak renyai, neh pasti ndo tamok ke lamnyok."18 Seura pengusaho nanyokNeh, jikuk neh "Guru te baek, apo te arus aku pulah ngau ngerawis idup te kekal?"19Yesus madah neh, "Ngapo nuan ngumai Aku baek? ndo isik seura pun te baek, kecuali Allah geno. 20Kitak ketau perintah Allah- nang bezinah, nang munuh, nang ncuri, nang bulok, tunuklah ngau apak inai," 21Ura yok madah, "Semuo hal yok udah aku taat semenjak aku mudok."22Watu Yesus menin hal yok, Yesus madahneh, "Sutik hal te agik kura. Nuan arus nyual semuo te nuan mpuk dah yok bagi nguso te miskin, baruk nuan tau bulih harto disurgo--dah yok datai em, tamai Aku." 23Tapi watu ura kayo yok menin hal tuk, neh sangat sedih, kerno neh seura te sangat kayo.24Lalu Yesus, mantau neh, dah yok yok ngomong: "Pedih benar ura te kayo tamok Kerajoan Allah. 25Sebab lebih mudah sikuk unta ngelalu luba jarum, dari pado ura kayo tamok Kerajoan Allah."26Sidok te menin yok madah, "Lalu siapo te tau diselamatkan?" 27Yesus nyaut, "Balo hal te ndo mungkin bagi mensio yok mungkin bagi Allah."Petrus madah, "Kami dah nudi segalo te kami mpuk dah yok tamai Nuan," 29Dah yok Yesus madah sidok," sebenarneh, Aku madah ke kitak ndo isik seurapun te nudi rumah, atau bini, atau balo menyanak, atau ura tuo, atau balo anak, demi Kerajoan Allah, 30te ndo kok nerimok lebuh lagi di dunio tuk, dah yok di dunio ye akan datai, yok em idup te kekal."31Seabis Yesus ngumpul keduo belas muridNeh, Neh madah sidok," Kito kok angkat ke Yerusalem, dah yok semuo hal te dah ditulis ulih balo nabi tenta Anak Mensio kok digenapi. 32Sebab Neh kok diserah ngau balo ura bukan Yahudi, dihina, dipemalu, dah yok dilujah. 33Seabis Neh dicambuk, sidok munuhNeh dah yok ari ketigo Neh bangkit."34Sidok ndo paham sutik pi re balo hal tuk, dah yok pemadah tuk ditapok re sidok, tamai sidok ndo ngerti tenta hal te dipadah nyok.35Watu Yesus ampir datai di Yerikho, seura te butok tengah duduk dipingir jalai samil ngemis, 36tamai menin ura bangat mansok, neh betanyok bisik apo tuk. 37Sidok madah neh Yesus dari Nazaret tengah ngelalu.38Ura butok yok ngangau, ngomong, "Yesus, Anak Daud, kaseh em ke aku." 39Balo ura te bejalai didepan ringat ngau ura butok yok, nyuruh neh sungik. Tapi neh ngangau lebih kuat agik, "Anak Daud, kaseh em ke aku."40Lalu Yesus nyuruh supayo ura yok dibai ngau Neh. Dah yok watu ura butok yok dah semak, Yesus nanyok neh, 41"Apo te dikok nuan biar Aku tau mulah kenuan?" neh madah, "Tuhan, aku kok biar aku tau mantau."42Yesus madah neh, "Terimok em pemantau nuan. Iman nuan te dan nyemuk ke nuan." 43Sekelin yok gok neh tau mantau, dah yok tamai Yesus, samil memuliakan Allah. Mantau hal tuk semuo ura memuji-muji ke Allah.

Chapter 191Yesus tamok ngelalu kota Yeriko. 2Pantau em, din bisik seura lelaki benamo Zakheus. neh yok seura kepalo pemungut cukai tamai kayo.3Neh ncubo kok mantau siapo Yesus yok, tapi ndo tauk kerno ura bangat, kerno tubuh neh panak. 4Jadi, kerno Yesus kok ngelalu jalai yok, neh belari ngelampat ura bangat dah yok naek pon ara kok mantau Yesus.5Watu Yesus sampai aro yok, Neh mantau kedarat dah yok madahneh, "Zakheus, cepat turun, kerno ari tuk Aku arus numpa dirumah nuan." 6Lalu neh begegas, turun dah yok nyamutNeh ngau sukacita. 7Watu semuo ura mantau yok, sidok semuo ngeluh, lalu madah, "Neh dah angkat nguso seura te bedosa8Zakheus bediri dah yok madah Tuhan, "Tuhan, pantau em, setengah re harto aku kok aku berik ngau ura miskin, dah yok antik aku dah nipu siapopun hal apopun, aku kok mulai empat kalik lipat." 9Yesus madah Zakheus, "Ari tuk dah datai keselamatan dirumah tuk, kerno neh anak Abraham gok. 10Kerno Anak mensio datai ngau ngegok tamai ngau nyelamat balo ura te sesat."11Watu sidok ningo hal tuk, Neh terus ngumong tamai madah sutik perumpamo, sebab Neh udah semak di Yerusalem, sidok bepikir kalau Kerajaoan Allah cepat datai. 12Kerno yok Neh madah, "Seura bangsawan angkat ke sutik negri te jauh kok dinobat jadi rajo dah yok pulai.13Neh ngumai sepuluh ura pelayan, dah yok merik sidok sepuluh mina, tamai ngumong ke sidok, ' Berusahalah mulahneh sampai aku datai lagi.' 14Tapi masyarakat diok benci ke neh, lalu ngirim utusan seudah neh, madah, 'Kami ndo kok ngemiar ke ura tuk ngatur kami.' 15Hal tuk tejadi watu neh bebalek agik, udah nerimok kerajaan, neh merintah balo pelayan yok nguso siapo te dah merik duit ngau dikumai ke neh, biar neh ketau berapo keuntungan te sidok tau ngerjo usaha.16ura te petamo datai ke adapneh madah, "Tuan, mina mpu nuan udah ngasil sepuluh mina agik." 17Bangsawan yok madah ke neh, "Baek benar, pelayan te baek. kerno nuan setia nta hal te renyai, nuan pasti mpu kuaso ngau sepuluh kota."18Te keduo datai, tamai madah, "Mina mpu nuan, tuan, dah ngasil limo mina." 19Bangsawn yok madah keneh, "Nuan betango jawab ngau limo kota."20Dah yok te lain datai, lalu madah, "Tuan, tuk mina mpu nuan, te aku taruh ngau aman lam baju, 21kerno aku ndo berani kenuan, kerno nuan yok kerampak. Nuan ngamik apo te ndo ditanam nuan, dah yok ngetau apo te ndo ditabur."22Bangsawan yok madah ngau neh, "Ngau omong nuan kediri aku kok ngadil ke nuan, nuan pelayan te jai. Nuan ketau kalau aku ura te kerampak, te ngamik apo te ndo aku tanam, tamai menuai apo te ndo aku tabur. 23Ude yok nuan ndo naruh duit aku di bank, biar antik aku pulai ngamik duit yok besamo tamai bungo?"24Lalu bangsawan yok bediri tamai madah ngau sidok, "Amik lagi re neh mina yok, dah yok berik ke pelayan te mpu sepuluh mina." 25Sidok madah ke neh, "Tuan neh dah mpu sepuluh mina."26"Aku madah nuan, bahwo tiap orang te mpu kok diberik lebih bangat, tapi barasiapo te mpu nta neh kok amik, tamai apo te bisik ntaneh. 27Tapi mush aku tuk, sidok te ndo kok aku jadi rajo sidok, bai em sidok kituk dah yok bunuhlah sidok didepan aku."28Watu Neh madah semuo tuk, Neh bejalai didepan, nuju ke Yerusalem29Watu Neh semak Betfage tamai Betania, ke bukit te disebut Zaitun, Yesus nyuruh duo ura murid, 30lalu Neh madah, "Angkat em ke kampo lain. Watu tamok kampo yok, nuan betemu ngau sikuk keledai mudok te ndo suah ditaek. Lepas em dah yok bai nguso Aku. 31Antik bisik te betanyok ngau kitak, "Ngapo kitak ngelepas keledai yok?" padah, " Tuhan te merluneh."32Sidok te disuruh angkat dah yok nemu keledai upo te dah dipadah yesus. 33Watu sidok tengah ngelepas keledai yok, jikuk te mou keledai yok nguso sidok, "Ngapo kitak ngelepas keledai yok?" 34Sidok madah, "Tuhan te kok ngau neh." 35Sidok ngemai keledai yok nguso Yesus, dah yok sidok nikam perengau sidok ke keledai yok lalu Yesus duduk di daratneh. 36Watu Neh angkat, sidok ngeredai pakaian sidok dijalai.37Pado watu yok, watu Neh nyemak sutik aro dijalai te menurun re bukit Zaitun, semuo murid mulai bersukacita dah yok memuji Allah ngau suaro te nyarin oleh kerno segalo muzijat te dah sidok pantau, 38sidok madah, "Diberkatilah rajo te datai dalam namo Tuhan! Damai di surgo tamai kemuliaan di aro te maha tingik!"39Beberapo ura Farisi te bisik nta kerumun yok madah ngusoNeh: "Guru, tegur em balo murid nuan." 40Yesus nyawab tamai madah, "Aku madah kitak, antik balo batu tuk ndo bisuk, balo batu yok te beteriak."41Watu Yesus nyemak kota yok, Neh menangis, 42Neh madah, "Kalau nuan ketau ari tuk bahkan nuan, balo hal te ngemai nuan ke damai sejahtera! Tapi pituk hal yok ditapok re mato nuan.43Kerno balo ari yok kok datai ngau kitak, watu musuh kitak mulah pengala disekelilin kitak, dah yok ngepo kitak, tamai nyempit ke kitak re segalo penyuru. 44Sidok nyera kita sampai jatuk ke tanah dah yok bala anak tamai kitak. Sidok ndo nyisok sigik pun batu didarat batu lainneh, sebab kita ndo ngelaloneh watu Allah lagi berusaho ngau nyelamat ke kitak."45Yesus tamok ke Bait Suci dah yok mulai lah Neh ngusir semuo te bejual, 46Neh madah sidok, "Ado tetulis, 'Rumahku adolah rumah doa,' tapi kitak dah ngenyadi keneh sara penyamun."47Mako Yesus beari ari ngajar di Bait Suci. Balo imam kepalo tamai balo ahli Taurat dah yok balo balo pemimipin ingin munuh Neh, 48 namun sidok ndo tau nemu caro ngau ngelakuneh, kerno semuo balo ura benar-benar ingin ningo ke Yesus.

Chapter 201Suatu ari watu Yesus ngajar ura bangat di Bait Allah tamai ngabar ke Injil, datailah balo imam kepalo tamai balo ahli Taurat ngusoneh tamai balo tuo-tuo. 2Sidok ngumong madah ke Neh, "Padah ke kami ngau kuaso siapo Nuan mulah semuoneh tuk? Atau siapokah Neh te merik Nuan otoritas tuk?"3Neh nyawab tamai madah ke sidok, "Aku gok kok ngaju pertanyaan. Padah ke Aku: 4Baptisan Yohanes. Yok, re surgo atau re mensuo?"5Sidok bepekat diantaro sidok, tamai ngumong, "Antik kito madah, Re surgo, Neh pasti madah, 'Lalu ngapo kitak ndo pecayok keneh?' 6Tapi antik kito madah re mensio, semuo ura pasti nikam kita ngau batu, kerno sidok yakin kalau Yohanes adolah seura nabi."7Lalu sidok madah kalau sidok ndo ketau re ni Baptisan Yohanes berasal. 8Yesus madah ke sidok, "Antik piok, Akupun ndo kok madah ke kitak ngau kuaso ni Aku mulah balo hal tuk."9Neh madah ngau balo ura sutik perumpamo, "Seura lelaki mukok kebun anggur, lalu menyewa ngau petani anggur, dah yok neh angkat ke negaro lain ngau watu te lamah. 10Pado watu te ditentukan neh nyuruh seura hamba nguso petani anggur, kalau sidok arus merik asilre kebun anggur yok. Tapi petani anggur melasahneh lalu nyuruhneh angkat ngau jari pua.11Udah yok dikirim lagik hamba te lain, sidok pun melasahneh, lalu ngemalu keneh, lanso nyuruh neh angkat ngau jari pua. 12Neh ngirim lagi hamba te ketigo sidok ngelukok keneh, tamai nyempaloneh keluar kebun.13Lalu tuan te mpu kebun anggur yok madah, "Apo te kok aku pulah? Aku kok ngirim anak te aku kasih. Amang sidok kok menghormatineh. "14Tapi watu petani anggur mantauneh, sidok bepekat diantaro sidok kedirik, madah, 'Tuk lah ahli waris'. Buh kito bunuh neh, biar warisan neh tauk jadi mpu kito."15Sidok nikam neh keluar kebun yok, lalu munuh neh. Pituk apo kok dipulah ulih tuan te mpu kebun anggur yok ke sidok? 16Neh kok datai tamai ngancur petani anggur tuk, dah yok kok merik kebun anngur ke ura lain. " Watu sidok menin hal yok, sidok madah," Tuhan ndo nyuruh! "17Tetapi Yesus nuleh ke sidok tamai madah, "Apo artineh nats tuk? 'Batu te dibuai uleh tuka batu, dah jadi batu te utamo'? 18Setiap ura te jatuk kje batu yok pasti ancur. Dah yok bara siapo tetimpok batu yok pasti pecah, tebelah-belah"19Jadi balo ahli Taurat tamai balo imam kepalo berusaho nangkap Neh watu yok gok, kerno sidok ketau kalau Neh dah madah perumpamo tuk te dah ngarah ke sidok. Tapi sidok takut ngau ura bangat. 20Lalu sidok ngawas Neh secaro ati-ati, sidok ngirim mato-mato te bepurok-purok jadi ura benar, kalau sidok amang tau nemu penyalah te diajarNeh, biar tau nyerah ke Neh ngau peraturan tamai kekuasoan gubernur.21Sidok betanyok ngusoneh, jikukneh: "Guru, kami ketau kalau Nuan madah tamai ngajar te baek, dah yok ndo dipengaruh uleh siapopun, tapi Nuan ngajar tebenar tenta jalai Allah. 22Apokah tau kami mayar pajak nguso Kaisar atau bukan? "23tapi Yesus ketau sidok kok ngakal, dah yok madah sidok, 24"Tunjuk em dinar ke Aku. Gambar tamai tulisan siapokah te di daratneh? "Sidok madah," Kaisar."25Neh madah ngau sidok, " berik em ke kaisar apo te patut kaisar terimok, dah yok berik ngau Allah apo, te pantas ke Allah. "26Balo ahli taurat tamai balo imam kepalo ndo peruleh ngeritik apo te dah dipadah dimuo balo ura. Sidok salut ke jawabanneh dah yok sidok sungik27Watu beberapo ura Saduki datai ngauneh, balo ura madah kalau ndo isik kebangkitan, 28sidok betanyok ngauNeh, jikuk sidok: "Guru, Musa nulis nguso kito kalau antik seura menyadik laki-laki mati, mpi seura bini, tamai ndo mpu anak, menyadikneh arus ngamik binineh yok biar tau bulih anak.29Bisik tujuh menyadik te petamo bebini, dah yok mati tapi ndo mpu anak, 30tamai te keduo piyok gok. 31Te ketigo macam yok gok, sampai te ketujuh ndo nudi ke anak, dah yok mati. 32Seabis yok betinok yok mati gok. 33Watu kebangkitan kelok, siapokah te jadi laki betinok yok? Kerno ketujuhnyok udah jadi lakineh."34Yesus madah ngau sidok, "Balo anak re dunio tuk kawin, tamai dikawin. 35Tapi sidok te ditilai ndo layak nerimok kebangkitan re antaro ura mati ndo kok kawin tamai ndo dikawin. 36Sebab sidok ndo tau mati lagik, kerno sidok samo upo malaikat dah yok jadi balo anak Allah, jadi balo anak kebangkitan37Tapi ura mati dibangkitkan, bahkan Musa dah nunyuk tenta semak durik, aro neh ngumai Tuhan sebagai Allah Abraham tamai Allah Ishak dah yok Allah Yakub. 38Pituk Neh bukan lagik Allah ura mati, ngelaiakan Allah ura te idup, kerno dimuoNeh semuo ura idup."39Beberapo ahli Taurat nyawab, "Guru, Nuan nyawab tepat benar." 40Kerno sidok ndo berani betanyok lagi keNeh41Yesus madah ke sidok, "Macam ni sidok madah kalau Kristus nyok anak Daud? 42kerno Daud kedirik madah dalam Kitab Mazmur,Tuhan berfirman ngau tuanku, 'Duduk em di sebelah lengan kananKu, 43sampai Aku mulah balo lawan kita jadi penumpu kaki kitak."44Uleh kerno yok Daud nyebut Kristu 'Tuhan' jadi bako ni Neh tau anak Daud?"45Watu ura bangat menin yok, lalu Yesus madah ngau balo muridNeh 46"Waspadolah teradap balo ahli Taurat, te rajin bejalai ngau jubah panyai, tamai gago dipuji nta pasar, dah yok biaso duduk dibangku muo dalam sinagoge-sinagoge, tamai balo tempat utamo digawai. 47Sidok gok mabis rumah balo jando, dah yok purok-purok be doa te panyai. Tapi hal tuk kok nyuruh sidok nerimok hukuman te lebih berat."

Chapter 21Pesemahan seura janda miskin

1Waktu Yesus nengkadah muo-Neh, Yesus mantau ura-ura kayo nepuk pesemah sidok ke kutak pesemahan.2Neh gok mantau seura janda miskin nepuk 2 kipin duit ke dalam kutak yok gok. 3Yesus ngumung, ''Aku madah te sebenarneh ngau kitak, janda miskin tuk merik lebih bangat re semuo ura kayo yok. 4Ute sidok merik pesemah re kelebih sidok, tapi janda tuk merik pesemah re kekuraneh, yok semuo te empuneh ute di berik ngau be tan idup.''Tanno-tanno pengabis jaman5Waktu beberapo murid piyok gok ura lain tengah ngumung tenta bait Allah te di hias ngau batu-batu innah tamai balo bara pesemahan, Yesus madah, 6Tentu datai waktuneh, semuo te kitak perati yok tentu di ancur.Endo bisik sutik pun batu te bediri didarat batu te lain semuo yok tentu di rubuh.''7Lalu balo murid betanyok ngau-Neh, ''Guru, sebilo hal yok tejadi? lalu, apo tanno-tanno bilo semuo yok tejadi?''8saut Yesus, ''Ati-atilah isok kitak endo disesat ute bangat ura tentu datai nguno damo-Aku serto madah, 'Waktuneh udah semak,' Nusahlah kitak nurut sidok.9Tapi, bilo kitak menin'd tenta ura bepera tamai meruntak, nusahlah kitak takut, tekejut, ute hal yok sajo arus tejadi lebih dulu, tapi, pencudahneh endo mudah sekelin datai.''10Udah yok, Yesus ngumung ngau sidok, Banso tentu bangkit ngelawan banso tamai kerajaan bangkit ngelawan kerajaan. 11Bisik tejadi gempa bumi sangat kuat, bencana kelaparan, serto bemacam tempat penyakit sampar. piyok gok pansut peristiwo tejadi ngejut nakut serto tanno-tanno besai re langit.12Tapi, seapan semuo yok tejadi, ura-ura kok nangkap tamai nyikso kitak. Sidok tentu nyerah kitak ke rumah ibadah-ibadah sidok lalu nepuk kitak kedalam penyaro. sidok gok tentu ngemaik kitak ngadap balo rajo tamai gubernur ute ulih damo-Aku. 13tapi, semuo utan yok jadi kesempatan bagi kitak ngau besaksi.14Jadi, tetap ke ati kitak isok endo mikir apo utan te kitak padah ngau ngelaban dirik, 15ute Aku kok merik pemadah tamai petuah ngau kitak te endo tauk dilawan serto dibantah ulih munsuh-munsuh kitak.16kitak tentu diserah ulih ura tuo kitak, balo menyadik kitak, kaum menyanak kitak, serto balo kaban kitak, lalu sidok tentu munuh ura di sentaro kitak. 17Kitak tentu dibencik ulih semuo ura ute ulih damo-Aku.18Tapi, endo selemar bok pun te dikepalo kitak te tauk ngayap. 19Ngau ketabah ati kitak, kitak tauk nemu pemansa idup.''Pemadah ancur runtuh Yerusalem20"Tapi, bilo kitak merati kuto Yerusalem di kepu ulih balo pasukan tentaro, bereti kitak udah ketauk ancur yerusalem udah semak. 21Pas waktu yok ura-ura te ado enta wilayah yudea sidok arus ngelari ke dirik ke bukit, ura-ura te ado didalam kuto arus keluar kuto, serto ura-ura te nugau di kampo-kampo endo tauk tamok ke kuto Yerusalem. 22Yok lah ari-ari ukuman isok semuo utan te udah di tulis udah genap.23Sial bagi balo betinok te tengah ngano serto nyusu ke anakneh pas waktu yok, ute tentu tejadi pemedih te sangat luar biaso di negeri yok, serto peluat te sangat besai ngau banso tuk. 24Sidok dibunuh ngau peda(isau) tamai di bai'k jadi tawanan ulih banso-banso. Kuto Yerusalem di amik ulih banso lain te endo ngelalo Tuhan, sampai maso jayo banso-banso yok abis.''Penatai Anak Mensio enta kemulioneh25''Tentu bisik tanno-tanno ngau matoari, bulan, tamai binta-binta. serto di bumi banso-banso tentu takut serto bingung ngau ingan begemuruh laut tamai ingan deru ummak. 26Ura-ura bangat mati tempisan ute takut serto nunguk semuo utan tekok tejadi di bumi tuk. ute semuo kuaso te bisik di langit tentu digunca-Neh27Udah yok, baru sidok mantau Anak Mensio datai enta awan ngau kuaso tamai kemulio te besai.28Apobilo semuo utan yok tejadi, sigat bediri serto angkat kepalo kitak ute waktu penyelamat ngebibas kitak udah semak.''Umpamo Pun Aro29Lalu Yesus begisah sutik umpamo ngau sidok: ''Perati pun aro tamai semuo pun te lain.30Apobilo pun-pun kayu yok betunas numuh ke daun-daunneh, kitak tentu ngerti serto ketauk ute musim panas udah semak.31Piyok gok apobilo kitak merati semuo yok tejadi, kitak tentu ketauk ute kerajaan Allah udah semak.32Aku bepadah ngau kitak sebenarneh, kenturun tuk endo mudah mati sampai semuo hal tuk tejadi. 33Langit tamai bumi tauk ngayap, tapi pemadah-Aku endo mudah belalu.''Siap Sedio Setiap Saat34Ati-atilah isok ati kitak endo di penuh ngau kemauk begawai, minum-mabuk serto kuatir ngau pengidup. Ute, ari yok tentu datai ngau kitak upo perangkap.35Ute, ari yok tentu datai ngau semuo te nugau di seluruh muo bumi tuk.36Bejago-jago setiap waktu serto rajin berdu'o isok kitak nemu penguat ngau ngelepas dirik re semuo hal te kok tejadi kelok serto ngau bediri di muo Anak Mensio."37Waktu sia ari, Yesus ngajar ura bangat di kaki limo rumah Tuhan, tapi waktu malam ari Neh angkat bemalam di bukit Zaitun.38Lalu, lelam kenyung, semuo ura datai nguso-Neh di dalam rumah Tuhan ngau menin'd-Neh.
Chapter 22Rencano ngau Munuh Yesus

1Ari rayo rute endo beragi te disebut Paskah udah semak.2Imam-imam kepali tamai ahli-ahli Taurat ngegok caro ngau munuh Yesus, tapi sidok takut ngau ura bangat.Yudas nyual Yesus3Udah yok, tamok sitan ke dalam tubuh Yudas, te disebut Iskariot, neh yok salah seura re keduo belas murid.4lalu, angkatlah Yudas lalu bepekat ngau imam-imam kepalo tamai balo pengawal nyago rumah Tuhan masalah upo keti neh tauk nyerah Yesus ngau sidok.5Lalu, sidok sangat senang serto sepakat ngau merikneh duit. 6Kebok, Yudas setuju lalu nemulo ngegok penyempat ngau nyerah Yesus nguso sidok tengah endo bisik ura bangat.Nyiap ngau makai Paskah7Udah yok, sento ari rayo rute endo beragi, yok lah saat ngau merik pesemah anak dumba paskah. 8Waktu yok, Yesus nyuruh Petrus tamai Yohanes, jekuk-Neh, ''Angkatkin serto siap te di makai ngau pejamu paskah ngau kito makai.'' 9Jekuk sidok ngau-Neh, ''Enta ni kemauk Nuan isok kami nyaman nyiap neh?''10Saut Yesus ngau sidok, "Sento kitak udah tamok ke dalam kuto, kitak tentu betemu ngau seura lelaki te ngemaik tepayan; turut geno neh yok ke dangau te kok ditamokneh, 11lalu, padah ngau empu dangau yok, 'Guru betanyok ngau nuan: Enta ni rua temuai tempat Aku tauk makai Paskah tamai balo murid-Aku?'12Lalu, neh pun tentu nunyuk ngau kitak sutik ruangan te besai di darat, te perabutneh lengkap. di siap pemakai ngau kito diok.''13lalu, Petrus tamai Yohanes angkat serto betemu ngau semuo tejadi upo te dipadah-Yesus lalu sidok pun nyiap pemakai Paskah.Pejamuan Paskah14Pas sento waktuneh, Yesus tamai balo rasul duduk makai.15Udah yok Yesus ngumung ngau sidok, "Aku mau'k sekalik makai pejamu Paskah tuk bereto beramo kitak, seapan Aku menderito. 16Ute Aku madah ngau kitak,Aku endo lagik makai pejamu tuk sampai hal tuk digenap dalam kerajaan Allah.''17Lalu Yesus ngamik cawan be'isik angur serto ngucap syukur, udah yok madah, ''amik cawan tuk serto duman disentaro kitak.18Ute, Aku madah ngau kitak, nemulo re pituk Aku endo minum angur lagik sampai kerajaan Allah datai.''19lalu Yesus ngamik rute serto ngucap syukur, Neh mecah-mecah rute yok lalu merik ngau sidok samil madah, "Rute tuk yokneh tubuh-Aku te diberik ngau kitak; laku ke tuk sebagai pengingat ngau Aku.'' 20Piyok gok seudah makai, Yesus ngamik cawan angur lalu madah ''Cawan te di tuang ngau kitak tuk yokneh pejannyi baru dalam darah- Aku.Pemadah tenta Ura te Nyerah Yesus21Tapi, pantau, jari ura te kok nyerah Aku bisik besamao ngau Aku di mijo tuk.22Ute, Anak Mensio sajo angkat ngau caro upo te udah ditatap, tapi celako ura te nyerah Neh! 23Murid-murid-Neh betanyok seura ngau te lain tenta sapo disentaro sidok te mau'k ngelakuneh.Jadi Ura te Ngelayan24Bepadu mulut tejadi gok disentaro balo rasul tenta sapo di sentaro sidok te diangap palin besai. 25Tapi, Yesus madah ngau sidok, "Rajo-rajo banso te endo ngelalo Tuhan bekuaso ngau rakyatneh, lalu ura-ura te bekuaso ngau rajo-rajo disebut 'pelino rakyat.'26Tapi, kitak nusah upo yok. sebalikneh, te palin besai di sentaro kitak arus belaku upo te palin mudok, serto te mimpin arus jadi upo pelayan. 27Sapo te palin besai, ura te duduk makai atau ura te ngelayan? endokah ura te duduk makai? tapi, Aku di tengah kitak jadi ura te ngelayan.28Kitak yok ura-ura te tetap besamo-Aku dalam segalo pencubaan te aku alam. 29Ute piyok, Aku merik ngau kitak sebuah kerajaan, samo upo te di berik (Bapa)Apai-Aku nguso-Aku, 30Isok kitak tauk makai minum semijo ngau Aku dalam kerajaan-Aku. piyok gok kitak tentu duduk di darat taktha ngau ngakim kedua belas suku Israel.'' Petrus tentu Nyangkal Yesus31''Simon, Simon perati Aku tuk. sitan udah nuntut nampik nuan upo ganum, 32tapi Aku udah berdu'o ngau nuan isok iman nuan nang gugur. Serto, seudah nuan betubat, di pekuat balo menayanak-menyadik nuan.''33Tapi, Petrus madah ngau Yesus, ''Tuhan, aku siap dipenyaro bah mati besamo ngau-Nuan!'' 34Yesus nyaut neh, ''Aku madah ngau nuan Petrus, ari tuk manok sabo endo tentu engkukok seapan tigo kali nuan nyangkal ute nuan ngelalo Aku.'' Besiap-siap Ngadap Pemedih35Lalu Yesus betanyok ngau sidok balo murid-Neh, "Waktu Aku ngutus kitak endo bisik ngemaik duit, bekal atau senal, apokah kitak kura utan?''saut sidok, ''endo''36jekuk-Neh ngau sidok,''Tapi pituk, sapo pun te bisik ngemaik duit atau bekal arus di ba'i, Serto sapo te nisik ngempu pedang, arusneh nyual jubahneh lalu meli pedang.37kebok em Aku madah ngau kitak ute apo te ditulis dalam kitab suci tuk arus digenap didalam Aku, 'Neh tentu tebilang besamo ura-ura beduso.' Yesaya 53:12 kebok, te tulis tenta Aku tengah tejadi pituk.'' 38Lalu sidok madah, ''Perati Tuhan, dituk bisik duo utik pedang.'' Yesus nyaut sidok, ''yok cukup.'' Yesus berdu'o di Taman Getsemani39Udah yok, Yesus keluar kuto lalu angkat nuju ke Bukit Zaitun upo te biaso Neh pulah, balo murid-Neh pun tamai ngau Neh. 40Sento Yesus sampai enta aro yok, Neh ngumung ngau sidok, "Berdu'olah isok kitak endo tamok kedalam pencubaan.''41udah yok, Yesus nyauh ke dirik re sidok kiro-kiro sepenikam batu penyauhneh, lalu Neh belutut serto berdu'o, jekuk-Neh 42''(Bapa),Apai, bilo Nuan mauk,amiklah cawan tuk re-Aku. Tapi, nusahlah kemauk-Aku te tejadi, tapi kemauk-Nuan.43Udah yok seura Malaikat re surgo nampak kedirik ngau-Neh serto nguat ke-Neh. 44Sangat benar derito-Neh, Yesus berdu'o lebih sunguh-sunguh; peluh-Neh sajo enterutuk upo darah te nitek ke tanah.45Waktu Yesus udah berdu'o, Neh angkat nguso balo murid-Neh lalu merati sidok tengah tidur ute ati piluk. 46Yesus ngumung ngau sidok, ''Ngapo kitak tidur? uwas serto berdu'olah isok kitak ndo tamok ke dalam pencubaan.'' Nangkap Yesus47Tengah Yesus agik ngumung, datai serumo ura; murid-Neh te bedamo Yudas salah seura re keduo belas murid te ngunan sidok. lalu, Yudas nyemak yesus serto encium-Neh.48tapi, Yesus ngumung ngauneh, ''Yudas, apo nuan nyerah Anak Mensio ngau caro di cium?''49Waktu balo murid-Neh te bediri ngelilin-Neh mantau apo utan tejadi, sidok madah, ''Tuhan, aruskah kami nyera ngau pedang?'' 50lalu, seura re murid nyera pelayan imam besai sampai nyayat daun penin sepiak kananneh. 51Tapi Yesus madah,''Udah cukup!'' lalu Yesus nyeput pelayan yok serto nyemuh ke neh.52Kebok em, Yesus ngumung ngau imam-imam kepalo, tamai balo kepalo pengawal rumah Tuhan, serto tuo-tuo te datai ngau nangkap-Neh, ''Ngapo kitak datai ngemaik pedang tamai pemangko seulah kok nangkap perampok? 53waktu Aku besamo kitak di rumah Tuhan tiap ari, ngapo kitak endo nangkap Aku. tapi,tuklah sentoneh bagi kitak serto bagi kuaso keleman yok.'' Petrus Nyangkal Yesus54Seudah nangkap Neh, ura-ura yok pun ngirin serto ngemaik Yesus ke dangau imam besai. Petrus pun nurut sidok re jauh. 55Di tengah temelayan ura-ura ngidup api sidok duduk bekelilin besamo-samo, Petrus duduk gok di sentaro sidok.56Tapi seura pelayan betinok te mantau Petrus duduk semak api perugo yok merati mato muo Petrus lalu madah, ''Ura tuk suah besamo ngau-Neh.''57Tapi, Petrus nyangkal, jekukneh, ''Bukan, aku endo ngelalo Neh.'' 58Endo lamah re yok, bisik seura te lain meratineh lalu madah, ''Nuan gok temasuk salah seura re sidok!''Tapi, Petrus madah, "Endo, aku bukan salah seura re sidok!'59Kiro-kiro sejam udah yok, seura te lain ngumung sajo nyarin, ''Ura tuk pasti gok besamo ngau-Neh, ute neh gok ura Galilea.'' 60Tapi, Petrus ngumung, '' Bukan, aku endo ketauk apo te kitak padah yok!'' Saat yok gok, tengah Petrus ngumung, mengkukok manok sabo.61Lalu, Yesus malek serto manna petrus. sekelin yok Petrus ingat apo jekuk Yesus, waktu Yesus ngumung ngau neh, ''Seapan manok sabo engkukok ari tuk, nuan udah nyangkal Aku sebangat tigo kalik''62Udah yok Petrus angkat lari ke luar lalu nangis ngau ati piluk. Balo penyago teridok ngau Yesus63Ura-ura te nahan Yesus nemulo ngelulok serto mangko melasah-Neh. 64Sidok nutup mato-Neh serto madah, ''Cubo terko! Sapo te mangko Nuan? 65Sidok gok madah bangat hal utan te lain te nenta-Neh ngau ngelulok-Neh. Yesus beradap ngau Pemimpin Yahudi66Pas ari siang, tuo-tuo pemimpin Yahudi, balo imam kepalo, serto ahli-ahli Taurat bekumpul lalu ngemaik Yesus ngadap Mahkamah agama sidok.67Sidok ngumung, '' Bilo Nuan yok Mesias, padah ngau kami.'' tapi Yesus nyaut ngau sidok, ''Bilo Aku madah kitak, kitak endo tentu pecayok ngau-Aku. 68Piyok gok bilo Aku betanyok ngau kitak, kitak endo kok nyaut.69Tapi, nemulo re pituk Anak Mensio udah duduk di sepiak kanan Allah te mahakuaso.''70Jekuk sidok semuo, ''Kalau bakayok, Apokah Nuan tuk Anak Allah?" Yesus nyaut sidok, ''Kitak kedirik te madah ute Akulah anak Allah.'' 71Udah yok pun sidok madah, ''Endo perlu kito bukti saksi lagik? kito udah menin'dneh kedirik re mulut-Neh!''
Chapter 23Yesus di ba'i Ngadap Pilatus

2Sidok pun nemulo nuduh Yesus lalu madah, ''Kami nemu ura tuk nyesat ke banso kami serto nidah kami mayar pajak ngau Kaisar, piyok gok madah dirikneh Kristus seura Rajo.''3Pilatus betanyok ngau Yesus, ''Apo benar Nuan Rajo ura Yahudi?'' Yesus nyaut, ''Nuan kedirik te madah.''4Udah yok, Pilatus ngumung ngau imam-imam kepalo tamai ura basngat, ''Aku endo bisik nemu penyalah ngau Ura tuk.''5Tapi, sidok nuntut samil mangkas sangat nyarin, ''Neh ngasut ura-ura ngau te di ajar-Neh diseluruh wilayah Yudea nemulo re Galilea sampai kituk!'' Yesus diba'i Ngadap Herodes6Waktu Pilatus menin'd pekaro tuk, neh betanyok apokah Yesus ura Galilea. 7Serto, seudah neh ketauk ute Yesus berasal re wilayah kuaso Herodes, Pilatus pun ngirum Yesus ngau Herodes te saat yok tengah lagik di kuto Yerusalem.8Sento Herodes merati Yesus, neh sangat senang, neh udah lamah kok betemu ngau-Neh ute neh udah menin'd bangat hal tenta Yesus, piyok gok neh bearap Yesus tauk mulah mujisat te tauk dilaku ulih-Neh. 9lalu, Herodes bangat ngaju te ditanyok ngau Yesus, tapi Yesus endo nyaut apo pun ngauneh. 10Imam-imam kepalo tamai ahli-ahli Taurat te bediri diok nuduh Yesus ngau macam jenis te berat.11kebok, Herodes tamai balo tentaroneh piyok gok ngerenah serto ngelulok Yesus. udah yok, sidok ngenok ke jubah te baek lalu ngirum-Neh bekalih ngau Pilatus. 12Subok, Pilatus tamai Herodes sajo bemunsuh, tapi pas ari yok gok sidok bekaban. Pilatus Bala Ngebibas Yesus13Udah yok, Pilatus ngumpul balo imam kepalo, balo pemimpin Yahudi, serto ura bangat, 14lalu, ngumung ngau sidok, ''Kitak ngemaik Ura tuk nguso aku sebagai ura te nyesat ke bangat ura. Tapi, waktu aku merikso-neh di muo kitak, aku endo nemu penyalah upo te kitak tuduh ngau-Neh.15Herodes pun endo bisik nemu penyalah-Neh kebok neh mula Ura tuk agik ngau kito. Perati, Neh endo ngelaku penyalah te patut tauk diukum mati.16Kalau piyok, aku nyuruh balo tentaro encamuk-Neh, baru aku ngelepas-Neh.'' 17[Setiap ari rayo paskah, Pilatus arus ngelepas mibas seura te di tan dalam penyaro ngau bangat ura.]18Tapi sidok pun mangkas besamo-samo, "Bunuh Ura tuk! Lepas Barabas ngau kami!''19[Barabas yok seura te dipenyaro ute telibat tamai meruntak di kuto serto piyok gok suah munuh.]20Ute Pilatus mauk ngelepas Yesus, kebok em sekalik lagik neh ngumung ngau sidok.21Tapi, sidok pun mangkas mukau, ''Salib ke Neh! Salib ke Neh!''22Tuk ketigo kalik Pilatus betanyok ngau sidok, ''Ngapo? Penyai'k apo te udah dipulah Ura tuk? Neh endo besalah. Aku endo bisik nemu penyalah apo pun re-Neh te patut nerimok ukum mati. Ute piyok, aku udah nyuruh tentaro ngajar encamok-Neh lalu ngelepas-Neh.''23Tapi, sidok sajo entegin atineh serto nuntut ngau ingan nyarin isok Yesus di salib. lalu ingan sidok pun menang. 24akhirneh, Pilatus mutus isok menuh te dituntut sidok. 25serto neh mibas ke ura te dimintok ulih ura bangat, te dipenyaro ute meruntak tamai munuh. tapi, nyerah ke Yesus ngau kemauk sidok. Yesus disalib26Waktu sidok tamai balo tentaro ngemaik Yesus angkat, sidok gok ngetan seura te bedamo Simon re Kirene te baru datai re desa. Balo tentaro ngeletak salib Yesus di bauneh lalu nyuruh ngesan salib di belaka Yesus.27Bangat ura te nurut Yesus, di sentaro sidok bisik betinok te nangis serto ngenang ke-Neh. 28Tapi, Yesus malek ngau sidok serto madah, ''Hai, Betinok-betinok Yerusalem, nusah kitak nangis ke Aku. Tangislah dirik kitak kedirik tamai balo anak kitak.29Kebok sento waktuneh, bisik ura-ura tentu madah, ''Bahagia balo betinok te manul, te perutneh endo suah ngano beranak biak, serto te susuneh endo suah nyusu.' 30Pas saat yok sidok tentu madah ngau gunung-gunung.'Runtuhlah ninga kami!'' serto ngau bukit-bukit, 'Timbunlah kami!' 31Ute, bilo sidok ngelaku hal-hal tuk ngau pun kayu agik idup, apo te tentu tejadi ngau pun kayu te mati rangkai?''32Bisik gok duo ura penjahat te di ba'i ngau di ukum mati besamo-samo ngau Yesus.33Sento sidok sampai enta sebuah tempat te bedamo ''Tengkorak,'' balo tentara nyalib Yesus besamo keduo penjahat yok, seura disepiak kanan-Neh tamai seura lagik disepiak kibok-Neh. 35Ura bangat te bediri diok mantau semuoneh, tapi balo pemimpin Yahudi ngelulok Yesus samil ketawok sidok ngelulok. Jekuk sidok, "Neh nyelamat ura lain, jadi isok Neh nyelamat dirik-Neh kedirik bilo Neh yok Kristus, Ura te dipilih Allah!''36Balo tentara piyok gok ngelulok-Neh, lalu sidok datai lalu nawar ke angur masam ngau-Neh, 37serto ngumung, ''Bilo NUan Rajo ura Yahudi, selamat dirik-Nuan kedirik!" 38Bisik gok utan ditulis di darat-Neh: "TUKLAH RAJO URA YAHUDI.''3940Tapi,seura penjahat te lain ngeraro neh serto madah, ''Endokah nuan takut ngau Allah ute nuan gok nerimok ukum te samo?41Kito tuk sajo udah searusneh nerimok apo te udah kito pulah, Tapi Ura tuk endo ngelaku penyalah apo pun.''42Lalu, neh ngumung ngau Yesus, ''Yesus, ingat ke aku bilo Nuan datai jadi Rajo.'' 43Udah yok jekuk Yesus ngau neh, ''Aku madah te sebenarneh ngau nuan, ari tuk gok nuan tentu besamo ngau Aku di dalam Firdaus.'' Pemati Yesus44Kiro-kiro waktu nunyuk sekitar jam duo belas tengari, ari pun keleman nutup seluruh daerah yok sampai jam tigo malam ari45ute mato ari jadi keleman lalu tirai rumah Allah terida tebelah duo.46Lalu Yesus mangkas ingan sangat nyarin, ''Ya bapa, ke dalam tangan-Nuan Kuserah nyawo-Aku tuk.'' Seudah madah yok, Yesus mutus penyuan-Neh te pengabis.47Sento balo pasukan mantau apo utan te udah tejadi, neh ngemulio ke Allah serto madah, ''Sunguh, Ura tuk endo besalah!"48Waktu ura bangat te datai besamo-samo ngau mantau piyok nuntun kejadi tuk, sidok pulai samil mangko melasah dirik.49Semuo te ngelalo Yesus tamai balo betinok te udah nurut-Neh re Galilea bediri jauh-jauh serto mantau semuo utan tuk. Yesus Dikubur50Bisik seura lelaki bedamo Yusuf, neh anggota Dewan penasihat, seura te baek serto benar. 51(Neh kedirik endo setuju ngau keputus tamai pempulah sidok) Yusuf asalneh re kuto Arimatea, sebuah kuto ura Yahudi. Neh gok seura te ngantik-nunguk Kerajaan Allah.52Neh angkat nguso Pilatus serto mintok mayat Yesus. 53Lalu, neh pun nurun mayat Yesus re kayu salib lalu mungkusneh ngau kain putih. Udah yok, neh ngeletak ngurin-Neh dalam sebuah kubur bukit batu te di tebok ngau pat. Diok, apan suah seura pun mayat digurin.54Ari tuk yok neh Ari jum'at serto ari sabat ampir di te mulo.55Balo betinok te datai besamo Yesus re Galilea tamai Yusuf. Sidok merati kubur yok serto upo keti mayat Yesus di gurin di dalamneh. 56Udah yok, sidok pulai lalu nyiap balo rempah-rempah serto minyak ngau ngoles mayat Yesus, pas ari sabat sidok betegok menurut ukum Taurat.
Chapter 24Kabar Pemangkit Yesus

1Pas ari pertamo minggu tuk, ari pun agik lelam kenyung, Balo betinok yok angkat ke kubur Yesus samil ngemaik rempah-rempah te udah sidok siap. 2Sidok nemu batu besainudah te begarin re kubur. 3Tapi, sento sidok tamok, sidok endo nemu mayat Tuhan Yesus.4Sementaro sidok bediri tengah iran ute hal yok, sekelin yok ado duo ura ngau baju te mengkilat bekilau bediri semak sidok. 5Balo betinok yok pun tekejut serto takut lalu nunuk ke muo sidok, tapi keduo ura yok madah.''Ngapo kitak ngegok ura te idup disentaro ura mati?6Yesus endo bisik dituk, Neh udah bangkit. ingatlah utan te udah dipadah-Neh ngau kitak waktu Neh agik di Galilea.7Neh madah ute Anak Mensio arus diserah ke jari tangan ura-ura beduso, disalib, serto tentu bangkit agik pas ari ketigo.''8Lalu, Balo betinok yok pun ingat apo te dipadah Yesus. 9Seudah sidok pulai re kubur Yesus, sidok begisah semuo utan te udah tejadi yok ngau kesebelas rasul serto balo menyanak nurut Yesus te lain. 10Balo betinok te begisah utan yok ngau bal rasul yok neh Maria Magdalena, Yohana, Maria inai Yakobus, serto balo betinok te lain.11Tapi, Jekuk balo Betinok yok diangap bulok ulih balo rasul sidok pun endo pecayok ngau balo betinok yok. 12Tapi, Petrus bediri serto lari begua ke kubur Yesus.Neh ngemungkuk serto merati ke dalam, tapi neh geno nemu kain putih te ngau mungkus mayat. udah yok, Petrus pulai sangat iran ngau apo te udah tejadi.Yesus Nampak Kedirik ngau Penurut-Neh di tengah Jalai nuju Emaus13pas ari yok gok, duo ura Penurut Yesus angkat nuju ke kampo bedamo Emaus te jarakneh kiro-kiro 12 km re kuto Yeruslem. 14Sidok duo begisah apo utan te udah tejadi.15Tengah sidok becakap serto samil betukar pemikir, Yesus kedirik datai nyemak sidok serto bejalai bereto ngau sidok. 16Tapi, mato sidok endo tauk mantau ute ado te ngala sampai sidok endo tauk ngelalo Neh.17Yesus ngumung ngau sidok, ''Apo te kitak duo ampur samil bejalai?''Keduo ura yok pun betegok serto muo sidok tampak sangat sedih. 18Seura re sidok bedamo Kleopas ngumung ngau-Neh, ''Apo Nuan tuk salah seura penatai di Yerusalem te endo ketauk apo utan te udah tejadi din kemarik ensanok?"19Jekuk Yesus, Utan Apo?"Sidok pun madah ngau Neh, "Tenta Yesus ura Nazaret. Neh yok seura Nabi te penuh kuaso enta pemadah serto pempulah-Neh di muo Allah tamai di muo seluruh banso kami.20Tapi, imam-imam kepalo tamai balo pemimpin kami nyerah Neh ngau diukum mati, serto sidok nyalib-Neh.21Sebenarneh kami bearap ute Neh yok te tauk ngebibas banso kami Israel, Tapi, ari tuk yokneh ari ketigo re semuo yok te udah tejadi.22Tapi, Balo betinok re sentaro kami udah ngejut kami. Waktu sidok datai ke kubur lelam kenyung, 23sidok endo nemu mayat-Yesus. Lalu, sidok pulai serto madah ute sidok udah merati malaikat-malaikat nampak ke sidok lalu madah ute Neh idup. 24udah yok, bisik kaban kami angkat ke kubur serto nemu gok upo te dipadah ulih balo betinok yok. Tapi, sidok endo merati Yesus.''25Udah yok pun Yesus ngumung ngau sidok, "Oh, sajo budu benar kitak serto lentus benar ati ngau pecayok semuo utan te udah dipadah ulih balo nabi.26kalau endo salah Kristus arus menderito serto tamok ke dalam kemulio-Neh,'' 27udah yok pun, Yesus nyelas semuo utan te ditulis dalam seluruh kitab suci tenta dirik-Neh, nemulo re kitab Musa sampai seluruh kitab balo nabi.28Sento sidok udah semak ngau kampo Emaus, Yesus selampur bejalai kemauk nerus pejalai-Neh. 29Tapi, sidok ngetan Neh serto madah, "Nugau dulu tamai kami ute ari udah kok keleman piyok matoari ampir padam.'' Lalu, Yesus tamok serto nugau besamo tamai sidok.30Sento Neh duduk makai ngau sidok, Yesus ngamik rute serto ngucap syukur. Neh mecah-mecah rute lalu merik ngau sidok. 31Saat yok, mato sidok tebukok serto ngelalo Yesus. Tapi, sekelin yok Yesus ngayap re tengah-tengah sidok. 32Udah yok, ngumunglah sidok seura ngau te lain, ''Endokah ati kito bedebar-debar waktu Neh begisah ngau kito selamah bejalai serto waktu Neh nyelas kitab suci ngau kito?"33Saat yok gok, sidok bediri angkat bekalih ke Yerusalem. Sidok betemu ngau kesebelas murid tamai ura-ura te besamo ngau sidok tengah bekumpul besamo-samo. 34Murid-murid yok madah ngau sidok duo, ''Tuhan benar-benar udah bangkit serto ngenampak kedirik ngau Simon!''35Keduo ura penurut yok pun begisah apo te udah tejadi tengah kami bejalai. Sidok begisah upoketi sidok ngelalo Yesus waktu Neh mecah rute.Yesus Ngenampak kedirik ngau Penurut-penurut-Neh36Sementaro keduo ura yok agik ngumung utan hal tuk, Yesus bediri di tengah-tengah sidok lalu madah ngau sidok, "Damai sejahtero beserto kitak.'' 37Sidok tekejut serto takut. sidok nyangkok ute sidok tengah mantau antu.38Udah yok, Yesus ngumung ngau sidok, ''Ngapo kitak tekejut tamai timul ragu dalam ati kitak? 39Perati tapok jari-Aku tamai kaki-Aku. Tuk benar-benar Aku. Rabolah Aku serto peratilah, antu endo bisik dagin tamai tula upo te kitak pantau ngau-Aku.'' 40Samil Neh ngumung, Neh madah tapok jari tamai kaki-Neh ngau sidok.41Sementaro sidok agik apan pecayok ute gago tamai iran, Yesus betanyok ngau sidok, "Apo kitak dituk bisik utan te tauk di makai?'' 42Lalu sidok merik sepapo ikan te udah diperapi ngau-Neh. 43Yesus ngamik ikan yok lalu makaineh di muo sidok.44Udah yok, Yesus ngumung ngau sidok, ''Tuklah pemadah te Aku padah ngau kitak waktu aku agik besamo kitak. Semuo utan te ditulis tenta Aku enta ukum Taurat Musa, kitab balo nabi serto kitab Mazmur arus digenap.''45Udah yok Yesus mukok pemikir sidok sampai sidok tauk ngrti maham kitab suci.46Jekuk Yesus lagik ngau sidok, "Bisik tetulis ute Kristus arus menderito serto bangkit re sentaro ura mati pas ari ketigo. 47Berito ngau betubat serto ngampun duso tentu dipadah dalam damo-neh ngau semuo banso, nemulo re Yerusalem.48Kitak yok saksi-saksi re semuo tuk. 49Ketauklah, Aku ngirum janyi Bapa-Aku ngau kitak. Tapi, nugaulah dikuto Yerusalem sampai kitak diberik pelengkap ngau kuaso re aro tetingik.'' Yesus terangkat ke Surgo50Udah yok, Yesus ngemaik balo penurut-Neh sampai semak Betania. Diok, Neh ngangkat lengan jari-Neh lalu merik berkat ngau sidok. 51Sento Yesus merkati sidok, Neh bepisah re sidok serto terangkat ke surgo.52Lalu, sidok nyemah-Neh udah yok bekalih ke Yerusalem ngau ati sangat sukacita. 53Sidok selalu bisik nugau di dalam rumah Allah serto memuji Allah.[[ayt. dyk sekujam. Cornelis]]

John

Chapter 1

1Pado mulo neh tuk Firman,Firman nyok namai Allah, lalu Firman nyok mek Allah.2 Firman nyok uda bisik namai Allah ari subok. 3Semuo te ado dipulah Neh. Kalau ndo bisik Neh,semuo te ado pituk nado bisik.4Di dalam Neh ado idup, lalu idup nyok Tera mensio. 5Tera nyok becahayo dalam te keleman, keleman nyok ndo tau nguaso ke-Neh.6Ado sura te disuruh Allah, nama neh Yohanes. 7Neh datai ngau jadi penyerito tenta Tera nyok isok ngelalu neh semuo ura jadi pecayok.8 Yohanes bukan Tera nyok, Tapi neh datai hanyo jadi pencerito tenta Tera nyok.9Tera te sejati, te kok nera kesemuo ura, kok datai ke dunia tuk.10Tera nyok udah ado didunia, tamai kedunia tuk dipulah uleh-Neh, tapi dunia nado ngenal Neh. 11Neh datai nguso te dimpu-Neh, tapi te dimpu-Neh ndo kok nerimok.12Tapi semuo ura te kok nerimok Neh diberik kuaso ngau jadi anak-anak Allah, nyok mek kebalo sidok te pecayok keh Neh.13Ura-ura nyok dilahir bukan ari darah dagin, bukai ugok secaro jasmani ura laki, tapi nyok ari Allah.14Firman nyok dah jadi mensio, lalu Neh nugau di ntaro kito. Kito dah mantau kemuliaan-Neh, nyok mek kemuliaan anak tungal Apai, te pnuh Anugrah ngau benar.15 Yohanes besasi tenta Neh samil mangkas, '' Tuk Neh te ku masud pas aku ngumung, 'seudah aku, kok datai Neh te dulu ari aku empadai Neh dah ado seapan aku.''16Ari te dipnuh-Neh, kito semuo nerimok anugrah ngau anugrah. 17Empadai , Ukum Taurat diberik ngelalu Musa; tapi anugrah namai kbnar-Neh datai ngelalu Yesus Kristus. 18Nado bisik sura pun te suah mantau Allah, tapi Anak Tungal Allah, te dipankuk nyok Madah ke-Neh.19Nyok mek kesasian Yohanes pas ura-ura Yahudi nyuruh balo imam-iman namai ura Lewi ari Yerusalem ngau betanyok ke Yohanes, "sapo ikam?"20Yohanes ngakuk, namai ndo kok ngemulok sidok, "Aku bukan Kristus nyok. ''21Lalu sidok nanya agik ke neh, Kalau piok sapo ikam tuk? Apo ikam tu Elia?" yohanes nyawab, " Aku bukan Elia.'' ''Apo ikam Nabi nyok?" Neh nyawab, "bukan. "22Udah nyok, sidok ngumung keneh, ''Sapo ikam, kerno kami arus merik te dijawab ke ura te nyuruh kami?apo te ikam padah tenta ikam nyok?" 23Yohanes nyawab ngau apo te dipadah Nabi Yesaya, "aku tuk mek suaro ura te mankas di pada belataro: 'Lurus keh jalai ngau Tuhan!"'24Ura - ura Yahudi disuruh kiok nyok ura Farisi. 25Lalu, sidok madah ke Yohanes, "kalau ikam bukan Mesias, bukan Elia, ngau bukan Nabi nyok, ngapo ikam ngebaptis?"26Yohanes nyawab sidok, " Aku ngebaptis ngau ai'k, tapi di ntaro kitak ado sura te nado kitak kenal. 27Neh nyok te kok datai seudah aku. Mukok tali senal-Neh pun aku nado tau'k. 28Semuo utai nyok tejadi di Betania, disebeha sugai Yordan, nta Yohanes ngbaptis.29Ari pagi piok, Yohanes mantau Yesus datai ngusung neh, lalu Yohanes ngumung, ''pantau em, Anak Doma Allah! 30Neh nyok mek masud aku pas ku ngumung, 'Seudah aku kok datai sura te lebih besai dari aku kerno Neh ado seapan aku.'31 Subok, aku ndo ngenal Neh, Tapi isok Neh tuk dinyato ke ura-ura Israel, kebok mek aku maptis ngau aik.32Lalu, Yohanes besasi, neh madah, ''aku mantau Roh turun are langit upo buro merpati dan Roh nyok nugau di-Neh.33 Aku kedirik ndo ngenal Neh, tapi Neh te nyuruh ngebaptis ngau aik ngumung ke aku, 'kalau ikam mantau Roh nyok turun ke se-ura lalu nungau diatau-Neh, Neh nyok mek te kok ngebaptis ngau Roh kudus.'34 Aku udah mantau Neh dan besasi kalau Neh nyok Anak Allah. "35Ari pagi piok, Yohanes bediri agik namai duo ura murid neh, 36Lalu neh mantau Yesus lagi bejalai. Yohanes lalu ngumung, ''Pantau, Anak Domba Allah!"37Keduo murid neh mening te diumung Yohanes udah nyok sidok nurut Yesus.38 Yesus mantau kebelaka pas Neh mantau sidok nurut-Neh, lalu Neh ngumung, "Apo te kitak gigok?" Seduo nyawab Neh, "Guru dini nuan nugau?" 39Neh ngumung ke sidok, "Bum namai Aku ngau kitak mantau neh." Udah nyok, sidok datai lalu mantau dini Neh nugau, dan sidok nugau tamai-Neh ari nyok empadai watu nyok udah jam 4 malam ari.40Sura dari seduo murid te mening te diumung yohanes lalu nurut yesus nyok benamo Andreas, menyadik Simon Petrus. 41Seapan nyok, Andreas udah nguso Simon, menyadik neh, neh madah, '' kami udah nemu Mesias ( te di terjemah jadi 'Kristus')." 42Seudah nyok, Andreas ngemai'k Simon nguso Yesus. Yesus mantau Simon lalu ngumung ke neh, ''ikam Simon, ikam dinamo keh Kefas (te arti neh 'petrus' atau 'Batu').''43Pagi piok, Yesus bemasud kok angkat ke Galilea. Neh betemu ngau filipus lalu ngumung keneh, '' Namai aku!" 44Asal Filipus dari Betsaida, kota tempat Adreas tamai Petrus nugau. 45Filipus betemu ngau Natanael lalu madah neh, ''kami udah nemu Neh te ditulis Musa di Hukum Taurat dan oleh balo nabi, yaitu Yesus dari Nazaret, anak Yusuf.''46Natanel ngumung keneh, ''Ado kah utai te baek datai ari Nazaret?" filipus madah ke neh, ''Datai lalu pantau em.'' 47Yesus mantau Natanael datai ngusung-Neh lalu ngumung, ''Pantau em ura Israel te asli, nado bisik te palsu di dalam neh!" 48Natanael betanyok, ''tipo nuan tauk ngenal aku?" Yesus nyawab, " Seapan Filipus ngumai ikam, Aku udah mantau ikam dipun ara.''49Jawab Natanael, ''Guru nuan mek Anak Allah. Nuan nyok mek Rajo ura Israel.'' 50Yesus nyawab neh, Empadai Aku ngumung ke ikam Aku mantau ikam dipun ara' , kebok ikam pecayok? Ikam pasti kok mantau te jauh lebih besai dari utai nyok, 51Lalu Neh ngelayut, " benar tuk ku ngumung ke ikam, Ikam pasti mantau langit tebukok namai malaikat-malaikat Allah naek turun
Chapter 2

1Pado ari ketigo, ado acaro pekawinan di Kana, Galilea, ado ibu Yesus din. 2Yesus namai kebalo murid-murid-Neh diunda gok ke acaro perkawinan nyok.3Pas aik angur abis, inai Yesus ngumung ke Yesus, ''sidok abis aik angur.'' 4Yesus nyawab neh, "ura inuk pan datai.''5 inai yesus madah kebalo pelayan, "apo te diumung yesus kekitak kerjo keh nyok.6Din, ado nam tempayan ari batu, te biaso diguno ura yahudi ngau upacaro penyucian. 7Yesus madah kebalo pelayan, ''Isik tempayan-tempayan nyok ngau aik.'' Lalu, sidok ngisik tempayan-tempayan nyok ngau aik sampai pnuh. 8Udah nyok, Yesus ngumung kesidok, pituk, m amik kesikit lalu berik ke pemimpin acaro.'' Udik sidok ngemaik ke pemimpin acaro9Pas pemimpin acaro ngaso aik te udah jadi angur nyok, neh ndo ketau'k asal angur nyok dari ni (tapi kebalo pelayan te ngamik aik nyok ketau'k), kebok mek pemimpin acaro nyok ngumai mempelai laki-laki.10 lalu neh madah, ''Semuo ura ngida ke aik angur te dulu, seudah ura puas minum baruk mek ngida te kura baek. Tapi ikam nyimpan angur te baik sampai pituk.''11Utai nyok te dipulah yesus diKana, Galilea, sebagai tando ajaib pertamo, te nyata keh kemulian-neh, te mulah murid-murid pecayok ke-Neh12Seudah nyok, Yesus angkat ke Kapernaum namai inai, menyanak-menyanak, dan murid murid-Neh. Sidok nungau din selamo berapo ari piok.13Ari Rayo Paskah ura Yahudi udah semak, lalu Yesus pergi ke Yerusalem.14 Di Bait Allah, Neh mantau ura-ura bejual lembu,domba dan merpati namai kebalo penukar duit duduk diok.15Yesus mulah cambuk-cambuk dari tali lalu neh ngusir sidok semuo keluar dari Bait Allah, temasok semuo domba tamai lembu sidok. Neh muai ugok duit duit pirak dari balo penukar duit namai malik keh mejo-mejo sidok.16 Kebalo pedanga merpati, Yesus ngumung, ''Bai'k keluar semuo tuk dari tuk nusah nyadi keh rumah Bapa-Ku tempat ngau bejual-beli!"17Murid-murid-Neh teingat kalau ado tetulis: "Cinta ngau rumah-Mu,nunu ke Aku.'' 18Udah nyok, ura-ura Yahudi nyawab lalu ngmung ke-Neh, ''Tando ajaib apo te udah udah Nuan padah kekami isok Nuan mpu hak mulah semuo tuk?"19 Yesus nyawab sidok, ''Ancur keh Bait Allah tuk dalam tigo ari ku tauk mulah ke neh lagik.''20Sidok nyawab, ''Perlu 46 taun mulah Bait Allah tuk, tapi Nuan kok mulah neh ngau watu tigo ari?''21 Tapi te Yesus masud Bait Allah nyok tubuh-Neh kedirik.22 Kerno nyok, pas Yesus dibangkit dari ura mati, murid-murid-Neh te ingat ngau te diumung Neh tuk; lalu sidok pecayok ngau Kitab Suci tamai apo te Yesus Umung.23Pas Yesus ado di Yerusalem selamo ari Rayo Paskah, bangat ura te pecayok dalam namo-Neh empadai mantau tando-tando ajaib te dipulah-Neh.24Tapi, Yesus nado mencayok kedirik-Neh ke sidok karena Neh ngelalo sidok, 25Neh nado perlu sura pun te merik kesasi'an tenta mensio empadai Neh dah ketauk'k te ado di ati kebalo mensio.
Chapter 3

1Ado ura Farisi te namo neh Nikodemus. Neh nyok pemimpin bangso Yahudi.2 Satu malam ari, neh datai ke yesus lalu ngumung, "Guru, kami ketau'k nuan nyok Guru te datai dari Allah empadai nyok ndo bisik sura pun te numut mulah tando- tando ajaib te nuan pulah, selaen ado Allah teh namai neh.''3Jawab Yesus ke neh, " Aku benar-benar tuk ngumung ke ikam, kalau ado sura te nado di lahir keh agik, neh ndo tau'k mantau Kerajaan Allah."4Nikodemus betanyo, "Tipo sura tau'k di lahir agik kalau neh udah tuo? Tau'k kah neh namok lagik kekanung inai neh lalu dilahir keh lagik?"5Jawab Yesus ke neh, "sunguh, Aku ngumung ke ikam, kalau ado ura te nado dilahir dari aik ngau Roh, neh nado tauk namok ke Kerajaan Allah. 6Apo te dilahir dari dagin.7Nusah iran Aku ngumung ke ikam piok, ' Ikam arus dilahir keh agik.' 8Angin betiup kini neh kok, lalu ikam menin ingan neh, tapi nado ketau'k dari ni asal neh tamai kini neh kok angkat. Piok mek semuo ura te dilahir dari Roh."9Nikodemus betayok, ''Tipo semuo utai nyok tau'k tejadi?" 10Yesus nyawab neh "bukankah ikam nyok guru ura Israel, tapi ngapo ikam ndo ngrti tenta semuo utai nyok?11 Benar-benar tuk, Aku madah ke ikam kalau kalau kami tuk ngumung tenta apo te kami ketau'k lalu merik ksasi'an tenta apo te kami pantau, tapi ikam ndo nerimok kesasi'an kami.12Aku madah ikam tenta hal-hal duniowi jak ikam nado pecayok, tipo ikam kok pecayok kalau Aku madah tenta hal-hal surgawi?13Nado bisik sura pun te suah naek ke surga, kalau ndo Neh te udah turun dari surga, nyok mek Anak Allah14Samo upo Musa naek ke ular tembago dipadang belantara, upo nyok ugok Anak Mensio arus ditingi keh, 15isok semuo ura te pecayok ke-Neh bulih idup te kekal.16kerno sangat besai kasih Allah kedunio tuk, sehinggo neh ngerunia keh Anak-Neh te tungal, isok semuo ura te pecayok ke-Neh nado binasa, tapi bulih idup te kekal. 17Kerno Allah nyuruh Anak-Neh ke dunio tuk bukai ngau ngakim keh dunio tuk, tapi isok dunio tuk diselamatkeh ngelalu Anak-Neh.18 Ura te pecayok ke-Neh nado diukum, tapi ura te nado pecayok uda pasti ado dibawah ukuman empadai neh nado pecayok ke namo Anak Tungal Allah.19Tuk me ukuman nyok: Tera udah datai ke dalam dunio, tapi mensio lebih nyuko keh te keleman dari te tera empadai apo te dipulah sidok nyok te jai'k.20kerno semuo ura mulah te jai'k menci'k te Tera lalu nado datai ugok ke tera nyok isok pempulah neh nado di ungkit-ungkit.21 Tapi, ura te mulah kebenaran datai ke Tera isok bala pempulah nyata neh nyok dipulah dalam Allah.22Seudah nyok, Yesus tamai balo murid-Neh angkat ke tanah Yudea. Din, neh ngabis keh watu besamo sidok namai ngebaptis 23Yohanes ugok ngebaptis di Ainon semak Salim empadai bangat aik din. Ura-ura datai-menatai kiok lalu dibaptis.24 Watu nyok, Yohanes apan ditamok kepenjaro26Lalu, timul mek adu mulut ntaro be'brapo murid Yohanes namai sura Yahudi tenta peyucian. 26Sidok ngusung Yohanes lalu ngumung, "Guru, ura te namai nuan disebeha Yordan, te tenta Neh nuan dah besasi, pantau mek, Neh ugok ngebaptis lalu semuo ura datai ke-Neh.27Yohanes nyawab neh, "mensio nado tau nerimok apo-apo,kecuali hal nyok diberik keneh dari surga.28 ikam tauk merik kesasi'an kalau aku uda suah ngumung, 'Aku bukan Mesias, ' tapi aku diutus ngau nulu ke-Neh.29Ura te mpu mepelai betinok ura nyok mepelai te laki; tapi kawan mempelai te laki, te bediri lalu mening neh,ngau raso sukacito mening suaro mepelai te laki. Jadi, sukocito nyok udah dijadi keh pnuh.30 Neh arus makin besai lalu aku ahur semakin senik.31"Neh te datai dari atau nyok mek te diatau semuo nyok, Neh te ado dari bumi dan ngumung tenta hal-hal te ado di bumi. Neh te datai dari surga ado diatau segalo sesuatu. 32Neh merik kesasi'an tenta apo te Neh pantau ngau apo te Neh penin, tapi ura-ura ndok nerimok kesasi'an-Neh.33 Ura te nerimok kesasi'an-Neh ngakuk ngau sunguh kalau Allah nyok benar.34Empadai, ura te di utus Allah kok madah ke apo te diumung Allah kerno Allah teh merik Roh te nado bebatas.35 Apai ngaseh Anak dan udah nyerah kekebalo sesuatu ke dalam jari-Neh. 36Ura te pecayok ke Anak mpu idup te kekal, tapi te nado nurut Anak ndo mantau kehidupan, tapi keluat Allah te ado dineh."
Chapter 4

1Pas Tuhan ketau'k kalau ura-ura Farisi udah mening kalo Neh mulah dan ngbaptis lebih bangat murid dari Yohanes, 2(meskipun Yesus kedirik nado ngebaptis, tapi murid-murid Neh te ngebaptis),3 Neh angkat dari Yudea, lalu pulai agik ke Galilea.4Tapi, Neh arus ngelalu daerah Samaria. 5Datai ke Samaria, dikota te benamo Sikhar, semak tanah te subok diberik Yakub ke anak neh, Yusuf.6Diok ado sumur Yakub, Yesus te letih kerno bejalai dudok di sisi sumur nyok, watu nyok kiro- kiro jam 12 sia. 7Datai m sura betino Samaria ngau nimok aik. Yesus ngumung keneh, "berik aku minum." 8(Empadai, murid-murid-Neh uda angkat ke kota ngau meli pemakai.)9Betino Samaria nyok ngumung ke Yesus, " tipo tauk nuan ura Yahudi mintok aik minum ke aku ura Samaria?" (Empadai, ura Yahudi nado betegur namai ura Samaria).10 Yesus nyawab lalu madah neh, "kalau kulok ketau'k tenta kerunia Allah lalu keta'uk sapo te ngumung ke kulok, ' berik aku aik minum', kulok pasti kok mintok ke-Neh, ngau neh merik kulok aik kehidupan."11Ura betinok nyo ngumung ke-Neh, "Tuan, nuan nado bisik timak ,dan sumur tuk dalam, dari ni nuan nguleh air idup nyok? 12Apo nuan lebih besai dari inik muyang kami, Yakub, te udah merik sumur tuk kekami lalu te udah minum kedirik dari sumur tuk ngau semuo anak namai ternak neh?"13Yesus nyawab, lalu ngumung ke neh, "semuo ura te minum dari aik tuk pasti aus lagik,14 tapi ura te minum aik te Kuberik ke neh pasti nado aus lagik; aik te kuberik ke neh pasti jadi mata aik didalam dirik neh te trus memancar sampai ke idup te kekal.15Betinok nyok ngumung ke Yesus, "Tuan berik ke aku aik nyok isok aku nado aus lagik, isok aku nado perlu datai lagik kituk ngau nimak aik." 16Yesus madah ke neh, Pergi, kumai laki kulok, lalu bekaleh kituk agik."17Betinok nyok nyawab, Aku nado mpu laki."Yesus madah keneh, "kulok benar pas ngumung, 'aku nado bisik mpu laki'.18Empadai kulok udah suah mpu limo laki, lalu pituk ura laki te nungau tamai kulok bukan laki kulok. Dalam hal nyok, kulok madah te benar."19Kata betinok nyok ke-Neh, "Tuan, pituk aku ketau'k kalau Nuan sura Nabi. 20Inik muyang kami nyemah di gunung tuk, tapi bangsa-Mu madah kalau Yerusalem nyok tempat ura arus nyemah.21Yesus ngumung ke neh, "Pecayok em ke Aku, ui betinok! Kok datai watu neh bukan di gunung atau di Yerusalem ura nyemah Bapa. 22Kulok nyemah te nado kulok kenal, tapi kami nyemah te kami kenal, kerno keselamatan datai dari bangsa Yahudi23Tapi, kok datai watu neh, pituk watu neh, penyemah-penyemah te benar kok nyemah Bapa dalam Roh dan kebenaran ; empadai Bapa nuntut te piok ngau nyemah Neh.24Allah nyok Roh lalu sidok te nyemah Neh arus menyemah-Neh dalam roh ngau kebenaran."25Betinok nyok ngumung ke-Yesus, "Aku ketau'k kalau Mesias kok datai (Neh te dipadah Kristus). Pas Neh datai, Neh kok madah utai ke kami."26Jawab Yesus ke betinok nyok, "Aku te agik ngumung ngau kulok tuk em Neh.27Watu nyok, datai em murid-murid-Neh lalu sidok iran mantau Yesus agik ngumung namai sura betinok.tapi, ndo bisik sura pun te betanyok ke Yesus, "apo te nuan gigok?" atau ngapo nuan ngumung ngau neh?"28Udah nyok, betinok nyok nudi keh tempayan aik lalu angkat kekota lalu madah ke ura-ura te din,29 "bum, mantau ado ura te ngumung ke aku segalo te udah ku pulah. Amang Neh Mesias nyok?"30Sidok pun angkat keluar kota ngau ngusung Yesus31Sementaro nyok, murid-murid Neh nesak yesus samil ngumung," Guru, makai em."32Tapi, Yesus madah kesidok, " Aku mpu pemakai te nado kitak ketau'k." 33Lalu murid-murid betanyok sesamo dirik, Apo ado bisik ura te udah ngemai'k ke Neh utai te tau'k dimakai?"34Yesus ngumung kesidok, "Pemakai Aku tuk em mulah apo utai te dikok Neh te nyuruh Aku ngau nyelsai keh perkerjoan-Neh.35Bukan keh kitak ngumung , mpat bulan agik hamo ngetau datai'? Pantau em, Aku madah ke kitak, bukok mato kitak lalu pantau umo-umo te dah nguning siap ngau di ketau.36Watu tuk em, neh te nanam udah nerimok upah tamai ngumpul keh buah ngau hidup kekal sehingo penanam namai pengetau tau'k besuko cito besamo- samo37Dalam hal tuk umungan tuk benar, 'te sura te Nanam lalu te sura ngetau.'38 Aku nyuruh kitak ngau ngetau utai te nado kitak kerjo; ura lain udah ngerjo keneh lalu kitak udah namok ke pekejaan sidok."39Bangat ura Samaria dari kota nyok pecayok ke Yesus empadai te diumung betinok nyok, te madah kesasi'an, " Neh madah aku semuo hal te udah aku pulah."40jadi, watu ura- ura Samaria nyok datai ke Yesus, sidok minto-Neh nungau diok tamai sidok lalu Yesus nungau diok duo ari.41Dan, ado lebih bangat ura lagik te pecayok kerno apo te diumung Yesus.42 Sidok ngumung ke betinok nyok, " bukan agik empadai te diumung kulok kami pecayok, tapi empadai kami kedirik udah mening, lalu kami ketau'k kalau Neh tuk benar-benar juru selamat dunia.43Seudah 2 ari, Yesus nudi tempat nyok lalu angkat ke Galilea.44 (Seapan nyok, Yesus kedirik udah madah kesasi'an kalau sura Nabi nado diberik hurmat di negeri neh.) 45Watu Yesus datai di Galilea, ura-ura Galilea nyambut-Neh empadai sidok dah mantau segalo utai te dipulah yesus dalam diperayoan Paskah di Yerusalem kerno sidok namai perayoan nyok.46Empadai nyok, Yesus datai lagik ke Kana, Galilea tempat Neh suah mulah aik jadi aik angur. Di Kapernaum ado sura pengawai istana te anak laki-laki neh agik sakit.47 Waktu pegawai istana nyok mening kalau Yesus udah datai dari Yudea ke Galilea, neh angkat ngusung lalu mintok ke Yesus isok datai ngau nyemuh keh anak neh kerno anak neh udah kok mati.48Lalu, Yesus ngumung ke neh, "kalau ikam nado bisik mantau tando-tando ajaib, apo ikam nado kok pecayok."49 Pengawai istana nyok ngumung, "Tuan datai em seapan anak aku mati." 50Yesus madah neh, "pulai em, anak ikam idup!" Ura nyok pecayok ke te diumung Yesus ke neh lalu pulai em ura nyok.51Watu pegawai istana nyok lagi dijalai, budak-budak neh te betemu ngau neh madah kalau anak laki-laki neh idup. 52Pegawai istana nyok betanyok ke sidok jam berapo kondisi anak neh mulai baek.Lalu sidok nyawab, kemarik kiro-kiro jam 1 sia deman neh lenyau."53Apai anak nyok ketau'k, kalau watu nyok mek Yesus ngumung keneh , " Anak ikam idup." jadi, pegawai istana tamai semuo menyanak neh jadi pecayok ke Yesus. 54Nyok tando ajaib keduo te dipulah Yesus seudah pulai dari Yudea ke Galilea
Chapter 5

1Seudah semuo nyok, ado perayaan ari rayo ura Yahudi lalu Yesus angkat ke Yerusalem.2 Di yerusalem, semak muo Gerbang Domba ado sutik kulam te dalam baso Ibrani dipadah Betesda te mpu limo jeramah.3 Di jeramah- jeramah ado bangat ura sakit gurin: ura butok, ura timpa, ura tungkut ( sidok nunguk aik dikulam nyok begeluma. 4Empadai ado watu te udah di tentu malaikat Tuhan turun kekolam lalu ngerak ke aik nyok. Ura te petamo namok ke kulam seudah aik begeluma, disemuh keh dari kebalo penyakit te diidap neh5Diok, ado ura te udah pedih selamo 36 taun.6 Pas Yesus mantau neh gurin diok lalu ketau'k kalau neh udah lamok sakit, Yesus betanyok ke neh, "Apo ikam kok semuh?"7Ura sakit nyok lalu nyawab, "Tuan nado bisik ura te nurun keh aku ke kulam pas aik begeluma, tapi watu aku tengah berusaho, ura lain udah turun dulu."8 Yesus madah ke neh, "bediri! Angkat tilam ikam lalu bejalai em."9Watu nyok ugok, Ura nyok semuh, neh ngangkat tilam, lalu bejalai. Tapi ari nyok pas ari sabat10Empadai nyok, ura-ura Yahudi madah ke ura te disemuh nyok, " Ari tuk ari sabat, ikam nado tau'k ngangkat tilam ikam." 11Tapi, ura nyok nyawab, " Ura te nyemuh ke aku, Neh nyok te ngumung ke aku, 'Angkat tilam ikam lalu bejalai em."'12Sidok betanyok ke neh, "Sapo Ura te ngumung ke ikam, ' Angkat tilam ikam lalu bejalai m'?" 13Tapi, ura te udah disemuhkeh nyok nado ketau'k sapo Neh empadai yesus dah namok ke ntaro bangat ura14Seudah nyok, Yesus betemu lagik ngau ura nyok di Bait Allah, lalu madah neh, "Penin, ikam udah semuh, nusah mulah duso agik isok nado te jadi hal te lebih jai'k ke ikam!" 15Ura nyok angkat lalu nyerito ke Ura- ura Yahudi kalau Yesus te udah nyemuh keneh.16Empadai nyok, ura- ura Yahudi nyiso Yesus empadai neh mulah utai nyok pas Ari Sabat.17Tapi, Yesus ngumung ke sidok, "Bapa-Ku agik bekerjo sampai watu tuk, kebok mek Aku agik bekerjo."18Jawaban nyok nyuruh ura-ura Yahudi mantin- mantin be'usaho ngau munuh Yesus, bukan hanyo empadai yesus ngelangar ari sabat, tapi empadai neh nyebut Allah nyok Bapa-Neh kedirik te bereti nyamo keh dirik-Neh namai Allah.19Udah nyok, Yesus nyawab sidok kata neh, "Benar-benar m , Aku ngumung ke kitak, Anak ndo tau'k ngerjo ke utai te dari dirik-Neh kedirik, kalau Neh ndo mantau Bapa ngerjo keh neh; Kerno apo te dikerjo Bapa, nyok ugok dikerjo ke Anak.20Empadai, Bapa ngasih keh Anak lalu nyuruh mantau ke Anak semuo utai te udah Neh kedirik pulah, Bapa kok nunjok ke Neh perkerjaan te lebih besai agik isok kitak iran.21Empadai, samo bako Bapa mangkit keh ura mati lalu merik pengidup, bako nyok ugok Anak merik pengidup ke ura te Neh kok.22Bapa ndo ngakim kesapo-sapo tapi semuo pengakiman nyok dah berik ke Anak,23 isok semua ura merik hurmat ke Anak samo upo sidok hurmat ke Bapa, Ura te ndo merik hurmat ke Anak, nado ngehurmat Bapa te ngutus Neh.24Benar, Aku ngumung ke kitak, ura te mening umungan-Ku lalu pecayok ke Neh te nyuruh Aku mpu idup kekal, lalu te ndo pecayok namok ke pegakiman kerno neh udah pinah dari mati ke idup.25Benar tuk, Aku ngumung ke kitak, Watu nyok kok datai dan udah datai pituk, watu ura-ura mati mening keh suaro Anak Allah lalu sidok te mening nyok hidup.26Kerno bako Bapa mpu idup di dirik-Neh kedirik, upo nyok ugok Neh merik ke Anak idup di dalam dirik-Neh kedirik, 27lalu Bapa merik kuaso ke Anak ngau nyalan ke pegakiman Empadai Neh nyok Anak Mensio28Nusah iran ngau hal tuk kerno watu kok datai pas semuo ura te ado dalam kubur mening suaro-Neh 29lalu sidok keluar, nyok mek sidok te bepempulah baek te nunju ke idup, seda ke sidok mulah pempulah jai'k, nuju ke penghakiman30Aku ndo numut mulah apo-apo dari dirik-Aku kedirik. Aku ngakimi sesuai ngau te Aku pening lalu pengakiman- ku nyok adil kerno Aku ndo ngigok te d'ingin-Ku kedirik, tapi te d'ingin Neh te ngutus Aku." 31Kalau Aku besasi tenta dirik-ku kedirik kesasian-ku ndo benar. 32Tapi ado te lain te besasi tenta Aku, lalu Aku ketau'k kalau kesasian te dipadah-Neh tenta Aku nyok benar.33Kitak udah nyuruh ke Yohanes lalu neh udah merik sasian tenta kebenaran.34Tapi, kesasian te Aku terimok bukan dari mensio, Aku ngumung ke utai nyok isok kitak dislamat keh.35Yohanes nyok pelito te idup, lalu kita kok besukacita sekejap dalam idup neh.36Tapi, kesasian te Aku mpu lebih besai dari kesasian Yohanes. Empadai, kebalo kerjo te di berik Bapa ke-Ku ngau dipabis, nyok mek kebalo kerjo te agik Kupulah pituk, merik kesasian tenta kalau Bapa te ngutus Aku. 37Bapa te ngutus nyok kedirik udah merik kesasian tenta Aku. Tapi kitak nado suah mening suaro Neh namai mantau mato muo Neh. 38Firman Neh nyok nado nungau dalam ati kitak empadai kitak nado pecayok ke Neh te disuruh nyok.39Kitak belajar Kitab Suci empadai kitak ngiro kalau dalam Kitab Suci kitak buleh idup te kekal; Kitab suci nyok ugok merik kesasian tenta Aku,40 tapi kitak ndok kok datai ke-Aku isok kitak idup.41Aku ndo nerimok kemulian nyok dari mensio.42Tapi , Aku ngenal kitak, kalau kitak mpu kasih Allah dalam dirik kitak.43Aku datai atas namo Bapa-Ku, tapi kitak ndo nerimok Aku. Kalau ura lain datai atas namo sidok kedirik, kamu kok nerimok neh. 44Tipo kitak tau'k pecayok, kalau nerimok pujian dari sura ngau te lain lalu ndo ngigok pujian te datai dari Allah te Esa45Nusah nyangko kalau Aku kok ngukum kitak dimuo Bapa; te ngukum Kitak nyok mek Musa, ura te kita arap.46Kerno, kalau kitak pecayok ke Musa, kitak arus pecayok ke-Ku empadai neh Musa nulis tenta Aku.47Tapi, kalau kitak ndo pecayok ke apo te Musa tulis, tipo mungkin kitak pecayok ke te diumung-Ku?"
Chapter 6

1Udah nyok, Yesus nyebera danau Galilea, nyok em danau Tiberias. 2Bangat ura nurut Neh empadai sidok mantau tando-tando ajaib te Neh pulah ngau ura-ura sakit. 3Udah nyok, Yesus naek keatau bukit lalu duduk din namai murid-murid-Neh.4Watu nyok, perayaan paska ura Yahudi dah sema'k. 5Samil memantau te di keliling Neh lalu mantau ura bangat datai nguso Neh, Yesus ngumung ke Filipus, " Dini kita tau'k meli ruti isok kebalo ura-ura tau'k makai?" 6Yesus ngumung ke utai nyok ngau ngetes Filipus kerno sebenar Neh kedirik udah ketau'k apo te kok Neh pulah.7Filipus nyawab, " Ruti te hargo neh 200 dinar ndo cukup ngau sidok kalaupun sidok buleh senik- senik."8 Sura murid Yesus, Andreas menyadik Simon Petrus, ngumung ke Yesus, " 9dituk ado sura nemia'k te mpu limo ruti jelau namai duo ikan, tapi apo mek reti neh ngau ura sebangat tuk?"10Yesus ngumung, " suruh em semuo ura duduk." Di tempat nyok bangat rumput, jadi ura te duduk diok kiro-kiro limo ribu ura laki pemangat neh.11Udah nyok, Yesus ngamik ruti-ruti nyok lalu ngucap syukur, Neh magi ruti-ruti nyok kesidok te duduk; bako nyok ugo te Neh pulah ngau ikan-ikan nyok sebangat te sidok kok.12 Pas semuo ura dah kenya, Yesus ngumung ke murid-murid-Neh, "kumpul keh putungan-putungan te tesisok isok nado bisik te dibuai."13Empadai nyok, kebalo murid ngumpulkeh neh lalu ngisi Duo belas rago'k ngau putungan-putungan dari limo ruti jelai te didudi sidok te udah makai.14 watu ura-ura nyok mantau tando ajaib te dipulah Yesus, sidok ngumung, "Neh tuk pasti Nabi te di janyi datai kedunia." 15Kerno ketau'k kalau ura-ura bangat kok datai makso Neh jadi Rajo sidok, Yesus angkat lagi kebukit kedirik.16Watu ari udah kok malam, kebalo murid turun ke danau17 lalu pas udah naek kepera'u sidok mulai nyebera danau ke Kapernaum. Ari udah mulai keleman, tapi Yesus apan ugok datai nguso sidok. 18Danau mulai begeluma empadai ribut kuat.19Pas sidok dah ngayuh peha'u kiro kiro duo tigo mil, sidok mantau Yesus bejalai diatau aik danau lalu semak peha'u sehingo mek sidok jadi takut.20 Tapi Yesus madah sidok, "Tuk Aku, nusah takut!" 21Udah nyok, sidok kok ngemaik Neh ke peha'u tibo-tibo peha'u nyok udah datai ketempat te kok di guso sidok.22Ari pagi piok, ura bangat te agik bediri disebeha danau mantau kalau nado bisik pera'u lain diok, kecuali sutik peha'u jak te di ngau murid-murid. Tapi, Yesus ndo tamai sidok kebalo murid-Neh ngau peha'u nyok te udah angkat kedirik. 23Datai em peha'u-peha'u dari Tiberias kesema'k tempat ura-ura nyok makai ruti, seudah Tuhan ngucap syukur.24Watu ura bangat mantau kalau Yesus tamai kebalo murid-Neh nado bisik agik diok, sidok naek peha'u- peha'u nyok lalu angkat ke Kapernaum ngau ngigok Yesus. 25Sewatu ura bangat nemu Yesus di sebeha danau, sidok betanyok ke-Neh, "Guru, sebilo nuan datai kituk?"26Yesus nyawab sidok lalu kata neh, "Sunguh aku ngumung ke kita, kita ngigok Aku bukan kerno kitak udah mantau tando-tando ajaib, tapi empadai kitak udah makai ruti sampai kenya. 27Nusah bekerjo ngau ngigok pemakai te nyuruh mati, tapi ngigok ngau pemakai te tau betan sampai idup kekal, te Anak Mensio berik ke kitak, kerno nguso Anak Mensio nyok, Bapa, nyok em Allah, te udah merik pegesah-Neh.28Lalu, ura bangat nyok bertanyok ke Yesus, "Apo te arus kami pulah isok kami ngerjo keh kerjo te dikok Allah?" 29Yesus nyawab lalu ngumung kesidok, "Tuk mek kerjo te dikok Allah: pecayok ke Neh te udah diutus Allah.30Sidok betanyok Ke-Neh, "Kalau piok, tando ajaib apo te kok nuan pulah isok mantau lalu pecayok ke-Nuan? Kerjo apo te Nuan pulah?31 Inik muyang kami makai manna."32Yesus ngumung ke sidok, " Sesungguh neh Aku ngumung ke kitak, bukai musa te merik ruti dari surga, tapi Bapa-Kulah te merik kitak ruti te dari surga. 33Empadai nyok, ruti dari Allah nyok mek Neh te turun dari surga lalu merik idup kedunia." 34Sidok ngumung ke-Yesus, " Tuhan berik kami ruti nyok seruntik."35jakuk Yesus ke sidok, "Aku tuk em ruti idup; ura te datai ke-Aku nado lapar agik, tamai ura te pecayok ke aku nado aus lagi. 36Tapi, Aku udah ngumung ke kitak kalau kitak udah mantau Aku, kitak tetap nado pecayok.37Semuo te berik Bapa ke-Aku kok datai ke-ku, lalu te datai ke Aku nado suah Aku usir.38Empada nyok, Aku turun dari surga bukai mulah te kukok kedirik, tapi te di kok Neh te ngutus Aku.39Tuk mek te dikok Neh te ngutus Aku: isok semuo te udah diberik-Neh ke Aku nyok ndo bisik te lenyau, tapi Aku mangkit pada ujo zaman.40 Empadai nyok, tuk em te dikok Bapa-Ku, kalau semuo ura te mantau Anak lalu pecayok ke Neh buleh idup kekal tamai Aku mangkit ke neh watu ujo zaman.41Kerno nyok, beberapo ura Yahudi ngerutu ke Neh, Empadai Neh ngumung, "Aku tuk em ruti te turun dari surga nyok."42 Sidok ngumung, " Bukai m Neh nyok Yesus, anak Yusuf te apai tamai inai kito kenal? tipo Neh tau'k ngumung, 'Aku dah turun dari surga?"'43Yesus nyawab sidok, "Nusah ado te ngerutu di ntaro kitak kedirik. 44Ndo bisik sura tau'k datai ke-Ku, kecuali Bapa te ngutus Aku narik neh, tamai aku mangkit keh pado ujo zaman. 45Ado tetulis di kitab balo nabi: 'semuo ura arus di ajar uleh Allah.' setiap ura te udah mening lalu belajar dari Bapa datai ke Aku.46Utai nyok bukan bereti ado ura te udah suah mantau Bapa, kecuali Neh te datai dari Allah; Neh nyok mek te udah suah mantau Bapa. 47Aku ngumung ke kitak, ' sesunguh neh, semuo ura te pecayok mpu idup kekal.'48Aku tuk m ruti idup. 49Inik muyang kitak dah makai manna dipadang belantara, tapi sidok mati.50Tuk em ruti te turun dari surga, isok semuo ura te makai neh nado mati. 51Aku tu em ruti idup nyok te udah turun dari surga. kalau ura makai ruti tuk, idup selamo-lamo neh; lalu ruti te ku berik ngau pengidup dunia tuk nyok tubuh-Ku.52Ura- ura Yahudi nyok mulai bedebat sura tamai te lain, sidok ngumung, "Tipo tau'k Ura tuk merik tubuh-Neh ngau dimakai?" 53Yesus ngumung kesidok, " Aku madah kitak,sesunguh neh kalau kitak nado makai tubuh Anak Mensio lalu minum darah-Neh, kita nado mpu idup.54Semuo ura te makai dagin-ku tamai minum darah ku mpu idup kekal, lalu Aku mangkit ke neh pada ujo zaman. 55Empadai dagin-Ku tuk pemakai te sejati, lalu darah-Ku tuk minuman te sejati. 56Sapo te makai dagin-Ku lalu minum darah-Ku nungau dalam Aku dan Aku didalam dia57Bako Bapa te idup ngutus Aku, lalu Aku idup empadai Bapa, upo nyok ugok neh te makai Aku, neh idup empadai Aku. 58Tuk em ruti te turun dari surga bukai ruti bako te di makai inik muyang lalu sidok mati, ura te makai ruti tuk idup selamo-lamo neh."59 Yesus ngumung kesemuo nyok di Kalernaum pas Neh ngajar dirumah ibadah.60Seudah murid murid mening ajaran nyok, sidok ngumung, "Ajaran tuk telalu keras. Sapo te sangup nerimok neh?"61 kerno Yesus ketau'k kebala ura te nurut neh ngerutu tenta utai nyok, Yesus ngumung kesidok, "Apo te Aku umung tuk mulah kitak tesingung?62Kalau piok, tipo pas kitak mantau Anak Mensio Naek agik ke tempat asal-Neh?63Roh em te merik idup, seda keh dagi nado bisik guno samo sekalik. Umungan te ku padah ke kitak tuk mek roh ngau idup64Tapi, ado brapo di ntaro kitak te nado pecayok. " Empadai dari semulo, Yesus ketau'k sapo te nado pecayok lalu sapo te ngianat Neh. 65Yesus ngumung, "Empadai nyok mek Aku madah ke kitak kalau ndo sura pun tau'k datai nguso Aku, kecuali nyok dikarunia ke neh uleh Bapa."66Pas watu nyok, bangat penurut neh ngunur kedirik lalu behenti nurut Neh. 67Empadai utai nyok, Yesus ngumung ke duo belas murid-Neh, "Apo kitak ugok kok angkat?"68 Simon Petrus nyawab Yesus, "Tuhan , nguso sapo kami kok angkat? Nuan tuk em te mpu umungan kehidupan kekal.69Kami udah pecayok lalu ngenal Nuan kalau Nuan mek te kudus diberik dari Allah."70Yesus nyawab sidok, "bukai keh Aku kedirik te milih kitak duo belas ura tuk, tapi sura dari kitak tuk setan.''71Te Yesus masud nyok Yudas, anak Simon Iskariot, kerno Yudas te ngianat Yesus.
Chapter 7

1Seudah nyok, Yesus bejalai ngelilin Galilea. Neh ndo kok bejalai di Yudea empadai ura-ura Yahudi diok kok munuh Neh. 2Watu nyok, ari rayo ura Yahudi, ari rayo Pondok daun udah sema'k.3Empadai nyok, menyanak-menyanak Yesus ngumung ke-Neh, " Angkat m dari tuk ke Yudea isok balo murid Ikam mantau kebalo kerjo te Ikam pulah. 4Kerno, ndo bisik ura te mulah utai sunyik-sunyik kalau neh kok dikenal ura bangat. Kalau Ikam mulah utai nyok, padah m dirik Ikam ke dunia."5Empadai, menyanak-menyanak Yesus kedirik pun nado pecayok ke-Neh.6Yesus ngumung kesidok, Watu-ku pan datai, tapi watu kitak selalu ado.7Dunia ndo tau'k mencik kitak, tapi dunia mencik Aku empadai Aku merik kesasian tenta dunia, kerno pempulah neh nyok jaik8Angkat em kitak ke perayoan nyok. Aku apan angkat kiok empadai watu Ku apan datai."9 Udah madah piok Yesus agik nungau di Galilea.10Tapi, udah kebalo menyanak Neh angkat keperayoan nyok, Yesus ugok angkat kiok ngau caro sunyik-sunyik. 11Ura-ura Yahudi ngigok Neh di perayoan nyok, "dini Neh?"12Bangat ura bebisik ngumung keh Yesus. Ado te ngumung pituk, "Dia ura baik." Ado ugok te ngumung, "Neh nyesat keh ura." 13Tapi nado bisik sura pun te berani ngumung lanso tenta Yesus empadai takut ke ura-ura Yahudi.14Pas agik perayoan nyok, Yesus tamok ke Bait Allah lalu mulai ngajar. 15Ura- ura Yahudi jadi iran lalu ngumung, "Tipo mensio tuk bangat ilmu padahal ndo belajar?" 16Yesus nyawab sidok, "Ajaran- ajaran aku ndo datai dari Aku kedirik, tapi dari Neh te ngutus Aku.17Kalau, ura kok mulah te dikok Allah, neh ketau'k ajaran-ku, apo nyok dari Allah atau dari Aku kedirik. 18Ura te ngumung tenta dirik kedirik ngigok hurmat ngau dirik neh kedirik, tapi ura te ngigok hurmat ngau Neh te ngutus neh, nyok benar em nisik te bulok dalam dirik neh.19Bukan em Musa udah merik Ukum Taurat ke kitak, tapi nisik sura pun ntaro kitak te taat ke ukum nyok? Ngpo kitak kok munuh Aku?" 20Ura bangat nyok nyawab Yesus, "Ikam ditamok jelu! sapo te kok munuh Ikam?"21Yesus ngumung kesidok, "Aku cumo mulah sutik kerjo, lalu kitak semuo iran. 22Musa nyunat, sebenar neh utai nyok bukan dari musa, tapi dari inik muyang, lalu kita nyunat ura pas ari Sabat.23Tapi kalau ura disunat ari Sabat ukum musa nado diidah, lalu ngapo kitak luat Aku nyemuh ke ura pas ari Sabat?24 Nusah nuntut pangan empadai apo te dipantau, tapi tuntut em nurut tuntutan te benar.25Udah nyok, ura-ura te nungau di Yerusalem ngumung, Bukan em Neh nyok te kok dibunuh sidok? 26Tapi, pantau em, Neh ngumung lanso lalu sidok nisik umung ke Neh.Amangku kebalo pemimpin udah ketau'k kalau Neh nyok Kristus? 27Tapi kito ketau'k dari ni Neh, sementaro nyok kalau Kristus datai nisik ura Ketau'k dari ni neh ado.28Watu nyok, Yesus ngajar Bait Allah, neh mangkas, "kitak tuk emang ngenal Aku lalu ketau'k dari ni Aku tuk. Aku nado datai dari dirik Aku kedirik, tapi Neh te ngutus Aku nyok em te benar, kitak nado ngelalo Neh, 29tapi Aku ngelalo Neh empadai Aku berasal dari Neh lalu Neh mek te udah ngutus Aku."30Lalu, sidok kok nangkap Yesus, tapi sura pun nado tau'k megai Neh empadai watu nyok pan datai. 31Tapi, bangat dari ura-ura nyok pecayok ke Yesus. Sidok ngumung, "kalau Kristus datai apo Neh kok mulah bangat tando ajaib dari te udah dipulah ura tuk?" 32Ura-ura Farisi mening apo te diumung ura bangat tenta Yesus, kebok mek imam iman kepalo lalu nyuruh ura-ura Farisi te nyago Bait Allah ngau nangkap Yesus.33Empadai utai nyok, Yesus madah sidok, "Watu Aku tamai kitak sekejap agik, udah nyok Aku kok angkat nguso Neh te ngutus Aku. 34Kitak pasti ngigok Aku tapi nado nemu dini Aku nungau, Kitak ndo numut datai kin.35Ura-ura Yahudi ngumung sesamo dirik, "kini Ura tuk kok angkat, kebok kita ndo tau'k nemu Neh? Apo neh kok angkat nguso ura-ura Yahudi te ado di ntaro ura-ura Yunani, lalu ngajar ura-ura Yunani? 36Apo masud umungan nyok, "Kamu pasti ngigok Aku tapi ndo nemu dini Aku, kitak ndo tau'k datai kin?"'37Pas ari terakhir, puncak perayoan nyok, Yesus bediri lalu mangkas, "Kalau ado te aus, sebaek neh datai ke Aku lalu minum. 38Ura te pecayok ke-ku, bako te diumung Kitab Suci, dari dalam dirik neh kok ngalir aliran aik idup."39Utai te dmasud Yesus nyok Roh, te kok diterimok ura te pecayok ke-Neh. Empadai, Roh nyok pan diberik kerno Yesus apan dimulio keh.40Watu sidok mening umungan nyok, beberapo dari sidok madah, "Ura tuk benar-benar sur Nabi."Ura te lain madah, "Neh nyok Kristus." 41Ura te lain agik madah, "Amangku Kristus datai dari Galilea? 42Bukan em Kitab Suci madah kalau Kristus enturun Daud dari Betlehem, desa nta Daud nungau?"43Lalu, tejadi em pepecahan ntaro ura-ura nyok empadai Yesus. 44Beberapo ura ntaro sidok kok nangkap Yesus, tapi nado sura pun megai-Neh.45padai nyok em, kebalo penjago Bait Allah bebalek ke imam-imam kepalo lalu ura- ura Farisi betanyok kesidok, "Ngapo kitak nado ngemai'k Yesus?" 46Kebalo penjago Bait Allah nyok nyawab, "Nado surapun suah ngumung bako Ura tuk!"47Ura-ura Farisi nyok nyawab sidok, "Apo kitak udah nurut neh? 48apo ado pemimpin namai ura Farisi te udah pecayok ke Neh?49Tapi , ura bangat nado ketau'k hukum taurat tuk em terkutuk!"50Tapi, Nikodemus, ura te di'ntaro sidok suah nguso Yesus ngumung kesidok, 51"Apo Ukum Taurat kitak tuk nuntut sura te umungan apan di pening lalu diketau'k apo te neh pulah?"52 Sidok nyawab, "Apo ikam tuk ura Galilea ugok? Perikso lalu pantau kalau nado bisik Nabi te datai dari Galilea."53Udah nyok, sidok semuo pulai kerumah mase-mase.
Chapter 8

1Tapi, Yesus angkat bukit zaitun.2Lam kenyung, Neh datai agik ke Bait Allah lalu semuo ura datai nguso Neh. Yesus duduk lalu ngajar sidok.3 Pas Neh agik ngajar Ahli- ahli Taurat tamai ura-ura Farisi ngemai'k sura betinok te ditangkap basah agik bezina, lalu nyuruh betinok nyok bediri ditengah,4sidok madah ke Yesus, "Guru betinok tuk kami tangkap pas lagi bezina. 5Ukum Taurat Musa nyuruh kito nikam betinok bako tuk ngau batu. Apo pendapat nuan tenta utai tuk?"6 Sidok madah piok ngau ngetes Yesus isok sidok mpu alasan ngau nyalah ke Neh. Tapi, Yesus mungkuk lalu nulis ngau jari ditanah.7Empadai sidok lulo, Yesus bediri lalu ngumung ke sidok, "Sapo te diantoro kita nado mpu dosa, neh mek te arus nikam pertamo betinok tuk ngau batu."8 Udah ngumung piok, Yesus mungkuk agik lalu nulis agik ditanah.9Watu sidok mening utai nyok, sidok angkat nudi Yesus namai betinok te agik bediri di tengah mulai dari tetuo. 10Udah nyok, Yesus bediri lalu ngumung kebetinok nyok, "Ui betinok, kini sidok? Nisik kah ura te kok ngukum kulok?"11 Jawab betinok nyok, "Nado bisik Tuhan." Yesus madah neh, "Aku pun nado ngukum kulok, angkat em, nusah mulah duso lagik."12Udah nyok, Yesus beluluk ke ura bangat, kato Neh, " Aku em tera dunia. Semuo ura te nurut Aku Nado bejalai di tempat te keleman, tapi mpu tera idup." 13Udah mening nyok, Ura-ura Farisi ngumung ke Yesus, "Ikam becerito tenta diri Ikam kedirik, kebok mek cerito Ikam nyok bulok."14Yesus nyawab sidok, "Biar em Aku becerito tenta dirik-Ku, cerito Ku nyok benar empadai Aku ketau'k dari ni aku datai tamai kini aku angkat, tapi kitak nado ketau'k dari ni aku datai lalu kini Aku angkat.15 kitak nuntut ngau dagin, seda keh Aku ndo nuntut sapo-sapo.16 Tapi, seandai neh Aku nuntut, tuntutan aku nyok benar empadai Aku ndo nuntut kedirik, Tapi namai Bapa te ngutus Aku.17Kan, dalam Kitab Taurat kitak bisik ditulis kalau cerito duo ura nyok benar. 18Aku becerito tenta Aku kedirik tamai Bapa te ngutus Aku bercerito tenta Aku."19Kebok em, sidok betanyok ke Yesus, "Dini Bapa ikam?" Yesus nyawab, "kitak nado ngelalo Aku tamai Bapa Aku, kalau kitak ngelalo Aku, kitak ugok ngelalo Bapa-ku."20 Umungan Yesus nyok sampai ke perbendaharaan, watu Neh ngajar di Bait Allah, tapi nado bisik ura te nangkap Yesus empadai watu nyok apan datai.21Udah nyok, Yesus ngumung lagik kesidok, "Aku nudi ke kitak lalu kitak ngigok Aku, tapi kita mati dalam duso kitak. kini aku angkat, kitak nado tau'k datai." 22Lalu, ura Yahudi nyok ngumung, "Apo Neh kok munuh dirik kebok ngumung bakonyok, ' kini Aku angkat, kita nado tau'k datai'?"'23Tapi, Yesus ngumung kesidok, "kitak ado dari bawah, Aku ado dari atau. Kitak dari dunia, tapi Aku nado dari dunia tuk.24 Empadai nyok, Aku ngumung ke kitak kalau kitak mati dalam duso kitak kerno kitak nado pecayok ke-ku, kitak mati dalam duso-duso kitak."25Udah nyok, sidok betanyok ke Yesus, "Sapo Ikam?" Yesus nyawab sidok, "Aku Udah madah ke kitak dari subok. 26Ado bangat utai tenta kitak te arus Aku padah ngau Aku tuntut, tapi Neh te ngutus Aku nyok benar lalu apo te Aku pening nyok ku padah kedunia." 27Sidok ndo ngerti kalau Yesus agik beluluk tenta Bapa.28Empadai utai nyok, Yesus ngumung, "Watu kitak udah ninggi keh Anak Mensio, watu nyok ugok kitak ketau'k kalau Aku nyok Neh, kalau ndo isik utai te pulah uleh dirik Aku kedirik, tapi Aku madah apo te diajar Bapa ke Aku. 29Neh te ngutus Aku ado tamai Aku, Neh nadok kok nudi Aku kedirik kerno Aku mulah utai te dikok Neh." 30Pas Yesus madah semuo nyok, bangat ura te jadi pecayok ke Yesus.31Lalu, Yesus ngumung ke ura-ura Yahudi te pecayok ke-Neh, "Kalau kitak tetap dalam Firman-Ku, kitak benar murid Aku,32 kitak ketau'k kebenaran nyok, lalu kebenaran nyok ngelepas ke kitak." 33Sidok nyawab Yesus, "Kami tuk enturun Abraham,kami nado suah jadi hamba sapo sapo. Jadi, ngapo nuan ngumung, " kitak kok dilepas?""34Yesus nyawab sidok, "sungoh, Aku madah kitak, semuo ura te mulah duso nyok hamba duso. 35sura hamba nado nungau dalam sutik menyanak ngau selamo neh, tapi sura anak nungau ngau selamo neh diok.36Jadi, apobilo Anak ngelepas kitak, kitak benar-benar lepas.37Aku ketau'k kitak enturun Abraham, tapi kitak kok munuh Aku empadai ajaran-Ku nado buleh tempat di dalam kitak. 38Aku madah utai nyok te udah Aku pantau tamai Bapa-ku, bako nyok ugok kitak mulah utai te kitak pening dari apai kitak."39Sidok nyawab Yesus, "Abraham nyok apai kami." Jawab Yesus, "kalau kitak enturun Abraham, kitak searus neh mulah apo te Abraham pulah. 40Tapi, kitak berusaho munuh Aku, ura te madah kitat tenta kebenaran, te Aku pening dari Allah. Abraham mulah nyok. 41Jadi, kitak hanyo mulah apo dipulah apai kitak kedirik." Sidok betanyok ke Neh, "Kami nado diperanakeh dari asil perzinaan. Kito mpu sura Bapa, nyok mek Allah."42Yesus ngumung kesidok, "Kalau Allah nyok Bapamu, kitak ngaseh Aku empadai Aku datai dari Allah. Aku datai bukan dari te dikok Aku kedirik, tapi dari Neh te ngutus Aku. 43Apo kerno nyok kitak ndo ngerti apo te Ku padah? Nyok kerno kitak nado mening Firman Aku. 44Kitak ado dari apai kitak nyok em antu lalu kita kok mulah te dikok apai kitak. Neh nyok pemunuh dari subok ngau nado bepegai ke kenaran empadai dalam neh nisik kebenaran. kalau Neh nyok madah utai bulok, neh madah bako dirik neh, empadai neh nyok pemulok tamai apai pemulok.45Tapi, empadai Aku ngumung kebenaran ke kitak, kitak nado pecayok ke Aku.46 Sapo di ntaro kitak te tau'k madah kalau Aku tuk beduso? kalau Aku madah kebenaran, ngapo kita nado pecayok ? 47Sapo te asal neh dari Allah, neh mening firman Allah; empadai nyok mek kitak nado mening empadai kitak nado berasal dari Allah."48Ura-ura Yahudi nyawab Yesus, "Benar ndob kalau kami madah ikam ura Samaria lalu ditamok jelu?" 49Yesus nyawab, "Aku ndo ditamok jelu, tapi Aku ngehurmat Bapa tapi kita nado ngehurmat Aku.50Tapi, Aku nado ngigok kemulian ngau diri aku kedirik; ado sura te ngigok namai nuntut neh.51 Dengan nyok, Aku ngumung ke kitak, semuo ura te nurut Firman-ku, neh ndo suah mantau te nyau."52Ura-ura Yahudi nyok ngumung ke Yesus, "Pituk kami ketau'k kalau nuan ditamok jelu! Empadai, Abaraham namai balo nabi pun dah mati. Tapi ikam madah, 'Semuo ura te nurut Firman-Ku, neh ndo suah nyau.'53 Apo nuan tuk lebih besai dari Abraham, bapa kami, te udah mati? Balo nabi ugok udah mati; tamai sapo ikam kok nyamo dirik.54Yesus nyawab, "Kalau aku mulio keh dirik kedirik, kemulioan Ku nisik reti; Bapa-kulah te mulio ke Aku, tenta utai nyok kitak ngumung " Neh nyok Allah kami."' 55Tapi, kitak nado ngenal Neh, Aku ngenal neh; Kalau Aku madah nado ngenal neh, Aku jadi pemulok samo bako kitak, tapi Aku ngenal Neh lalu Aku nurut firman.56 Apai kitak Abraham pasti agik gago empadai mantau ari-ari Aku, neh mantau ngau ati sena."57Udah nyok, ura-ura Yahudi nyok ngumung, "Umur kita jak pan sik te datai 50 taun, tapi kitak dah mantau Abraham?" 58Yesus ngumung kesidok, "Aku madah kitak seapan Abraham ado, Aku udah ado." 59Empadai nyok, sidok ngamik batu ngau nikam Yesus, tapi Yesus betapok lalu angkat dari Bait Allah.
Chapter 9

1Pas watu Yesus agik bejalai, Neh mantau ura buto'k tedibai'k neh dari kano. 2Murid-murid yesus betanyok, "Guru, sapo ura beduso tuk, te nyuruh neh dilahir buto'k?"3Yesus nyawab, "Bukan neh tamai ura tuo neh te beduso, tapi nyok isok kerjo-kerjo Allah dinyato ke dalam Neh. 4Kito arus ngerejo kebalo kerjo Neh te ngutus Aku mumpo ari agik sia; malam ari kok datai watu nyok nado bisik sura pun tau'k kerjo. 5Selamo Aku lagik didunia, Aku tuk em tera dunia."6Udah madah piok, Yesus ngeludah ketanah lalu ngadok ludah tamai tanah, udah nyok ngoles ludah tadi kemato ura nyok, 7lalu ngumung ke neh" Angkat kin, cuci mek dirik ikam dikulam Siloam." Arti Siloam nyok "diutus". Udah nyok, ura buto'k angkat, nyuci dirik neh, lalu neh tau'k mantau.8Kebalo tetango'k te mantau kalau neh ura buto'k ngumung, "Bukan mek ura tuk tebiaso duduk minto'k pemerik ura?" 9Setengah dari sidok ngumung, "Aok, neh nyok pemintok nyok." Te lain ngumung, "Bukan, neh nyok cumo mirip geno namai pemintok nyok." Tapi, ura buto'k nyok ngumung, "Aku tuk em pemintok nyok."10Udah nyok, ura-ura nyok betanyok, "Tipo ikam tau'k mantau?" 11Ura nyok nyawab, "Ura te benamo Yesus nyok ngaduk tanah lalu ngoles kemato aku, udah nyok, Neh ngumung ke aku, " Angkat ke Siloam lalu cuci dirik ikam' , jadi aku angkat nyuci dirik aku udah nyok aku tau'k mantau." 12Sidok ngumung keneh, "Dini ura nyok?" neh nyawab, "Aku nado ketau'k."13Lalu, sidok ngemai'k ura tetadik buto'k nguso ura-ura Farisi. 14Ari watu Yesus ngaduk tanah ngau nyemuh ura buto'k nyok pas ari Sabat. 15nyok nyuruh, ura- ura Farisi nanyok lagik ura nyok tipo tau'k mantau.16Empadai utai nyok, beberapo ura Farisi ngumung, "Ura nyok ndo datai dari Allah empadai Neh ndo nurut ari Sabat." Te lain ngumung, "Tapi tipo tau'k deh ura te beduso tau'k mulah tando ajaib bako tuk? "kebok empadai nyok, timul mek perkelaian ntaro sidok.17 Empadai nyok, sidok betanyok agik keura buto'k, "Apo penapat ikam tenta Neh nyok kerno Neh dah nyuruh ikam mantau?" Ura buto'k nyawab, " Neh nyok sura Nabi." 18Ura-ura Yahudi tetap nado pecayok ke neh, kalau neh nyok ura buto'k te pituk tau'k mantau empadai nyok sidok sampai ngumai ura tuo neh.19Lalu sidok betanyok keura tuo neh, "Apo tuk anak nuan, te buto'k dari lahir? Kalau piok, tipo neh tau'k mantau pituk?" 20Ura tuo neh nyawab, "Kami ketau'k neh tuk anak kami te butok dari lahir,21 tapi tipo neh tau'k mantau pituk kami nado ketau'k; sapo te udah mukok mato neh nyuruh mantau kami, nado ketau'k. Tanyok em kedirik, Neh dah tuo; Neh tau'k ngumung ngau dirik neh kedirik."22Ura tuoneh madah upo yok, sidok takut ngau ura-ura Yahudi. Ute ura Yahudi udah bepekat, ngau semuo ura, sapopun ura te ngakuk Yesus jadi Kristus, tentu sidok akan di pebencik pangan di dangau mau'k pun diluar gerijo. 23Yoklah penyebabneh, ura tuo apaineh madah, "Neh kedirik udah Tuo, tanyok gen'no ngauneh.24Jadi, ngau keduo kalik neh ura-ura Yahudi ngumai ura buto'k nyok, lalu ngumo ke neh, ''Berik kemulioan ke Allah, kami ketau'k kalau ura tuk beduso.''25 Neh nyawab, ''Apo ura tuk ura beduso atau nado, aku nado ketau'k; sutik utai te aku ketau'k seapan tuk aku buto'k, tapi pituk aku tau'k mantau.''26Sidok ngumung ke neh, ''Apo te Yesus pulah ke ikam? Tipo Neh tau'k mukok mato ikam?'' 27Neh nyawab sidok, '' Aku dah madah ke kitak, tapi kitak nado kok mening; ngapo kitak kik mening agik? Apo kitak kok jadi murid-neh ugok?'' 28kebok, sidok ngino neh lalu ngumung, ''Ikam nyok mek murid Ura nyok, kami tuk murid-murid Musa. 29kami ketau'k kalau Allah ngumung ke Musa, tenta Ura nyok, tapi kami nado ketau'k dari ni Neh datai!''28kebok, sidok ngino neh lalu ngumung, ''Ikam nyok mek murid Ura nyok, kami tuk murid-murid Musa. 29kami ketau'k kalau Allah ngumung ke Musa, tenta Ura nyok, tapi kami nado ketau'k dari ni Neh datai!''30Ura nyok nyawab sidok, ''Sunguh anih kalau kitak nado ketau'k dari ni Neh datai, padahal Neh udah mukok mato aku. 31Kito ketau'k kalau Allah ndo mening ura beduso, tapi sapo te takut ke Allah lalu mulah tedekok-Neh Allah mening neh.32Dari subok sampai pituk, apan isik mening kalau sura tau'k mukok mato ura buto'k dari lahir.33 Jiko ura nyok nado datai dari Allah, Neh ndo tau'k mulah apo-apo.'' 34Ura-ura Yahudi nyawab, ''Ikam lahir pnuh duso, lalu ikam kok ngajar kami?'' Kebok mek, sidok ngusir ura nyok.35Yesus mening kalau ura-ura Yahudi udah ngusir ura buto'k nyok; watu Yesus betemu tamai neh, Yesus ngumung, ''Apo ikam pecayok ke Anak Mensio?"36 Ura nyok nyawab, ''Sapo Neh nyok, Tuhan, isok aku pecayok ke-Neh? 37 Yesus nyawab, ''Ikam dah mantau Neh. Neh tuk em te agik ngumung tamai ikam." 38Ura nyok nyawab, ''Tuan, aku pecayok!" Udah nyok, neh sujud dimuo Yesus.39Yesus ngumung, "Ngau tuntutan Aku datai kedunia tuk isok sidok te nado tauk mantau jadi mantau, sidok te tauk mantau jadi buto'k.'' 40Berapo ura Farisi te semak Yesus mening utai nyok lalu ngumung, '' Apo kami butok ugok?'' 41Yesus ngumung, ''Kalau ikam butok, kitak nado mpu duso; tapi empadai kitak ngumung, 'kami mantau', duso kitak tetap ado."
Chapter 10

1Yesus ngumung, "sunguh kungumung ke kitak, ura te tamok kekana domba nado ngelalu lawa, tapi neh naek ngelalu jalai lain, ura nyok pencuri tamai perampuk.2 Tapi ura tetamok ngelalu lawa, neh nyok gembalo domba3Ngau neh, penjago lawa mukok pintu, domba-domba mening suaro neh pas ngumai domba-domba neh kedirik ngau namo sidok, pas ngemaik sidok keluar. 4Udah ngeluar domba-domba, neh bejalai dimuo domba-domba nurut neh empadai sidok ngelalo suaro neh.5Ura te nado dikelalo nado sidok kok nurut, malah sidok lari dari neh empadai nado ngelalo suaro ura nyok." 6Pepatah nyok te diumung Yesus ke sidok, tapi sidok nado ngerti apo te diumung Yesus ke sidok7mpadai utai nyok, Yesus ngumung agik kesidok, "Sunguh Aku ngumung kekitak, Aku tuk em lawa nguso domba-domba nyok. 8Semuo ura te datai seapan Aku datai nyok pencuri tamai perampuk, tapi kebalo domba-domba nado mening sidok.9Aku tuk em lawa. Kalau sura tamok ngelalu Aku, neh diselamat keh, watu keluar masuo, namai nemu padang rumput. 10Pencuri datai ngau ncuri geno, munuh, tamai membinasa keh; Aku datai isok sidok mpu idup tamai mpu neh secaro melimpah.11Aku tuk em gembala te baek; gembala te baek merik nyawo-Neh ngau domba-domba. 12Sura te digajih, bukan em gembal, te mpu domba-domba nyok, mantau serigalo datai, neh nudi domba-domba nyok lalu lari; serigalo nyok pasti nangkap lalu makai domba- domba nyok. 13Neh lari empadai neh cumo ura tegajih lalu ndai peduli kedomba-domba nyok.14Aku tu em gembala te baek. Aku ngelalo domba-domba lalu domba-domba-Ku ngelalo Aku 15samo bako Bapa ngelalo Lalu Aku ngelalo Bapa; Aku merik nyawo Aku ngau domba-domba nyok. 16Aku mpu domba-domba lain te bukan dari kana tuk; Aku arus ngemaik sidok ugok, lalu sidok mening suara-Ku; sidok kok nyatu jadi peliharaan sutik gembalo.17Empadai tuk em Bapa ngaseh Aku, kerno Aku merik nyawo Aku isok Aku tau'k ngamik neh lagik. 18Nado bisik sura pun te udah ngamik dari Aku tapi Aku tuk em te merik nurut te dikok Aku kedirik. Aku mpu hak ngau merik nyawo-Ku tamai Aku mpu hak ngau ngamik neh lagik. Tuk em perintah te aku terimok dari Bapa-Ku.19Sekali agik, ado pepecahan ntaro ura-ura Yahudi empadai te diumung Yesus. 20Bangat dari sidok te ngumung, "Neh ditamok jelu jaik lalu jadi gilo. Ngapo kitak mening Neh?" 21Te lain ngumung, "Nyok bukan umungan ura te ditamok jelu jaik. Tau'k jelu jaik mukok mato ura buto'k.22Pado watu nyok, ari rayo penabisan di Yerusalem. pas musim celap, 23Yesus agik bejalai di Bait Allah, di Jeramah Salomo. 24Pas nyok, ura-ura Yahudi ngumpol ngeliling Neh lalu ngumung ke Yesus, "berapo lamok agik Nuan nyuruh kami ragu? Kalau Nuan Kristus, ngumung lanso kekami."25Yesus nyawab sidok, "Aku udah madah kekitak, tapi kitak nado pecayok. Kebalo kerjo te udah Aku pulah ngau nama Bapa-Ku, nyok mek te udah nyerito tenta Aku.26Tapi, kitak nado pecayok empadai kitak bukai domba-domba-Ku27Domba-domba-Ku mening suaro-ku, Aku ngelalo sidok lalu sidok nurut Aku. 28Aku merik idup kekal ke sidok, sidok nado pernah mati ; nado bisik sura pun tau'k ngerebut sidok dari jari-Ku.29Bapa-Ku te udah merik sidok ke Aku, lebih besai dari semuo te lain, nado bisik sura pun te tau'k ngerebut neh dari jari Bapa.30 Aku tamai Bapa nyok sutik." 31Sekalik agik, ura Yahudi ngamik batu ngau nikam Yesus32Tapi Yesus ngumung ke sidok, "Aku udah nunyok kekitak bangat kerjo te baek dari Bapa, kerjo ni te mulah kitak kok nikam Aku ngau batu?" 33Ura-ura Yahudi nyok nyawab Neh, "bukan empadai kerjo te baek, kami kok nikam Nuan ngau batu, tapi empadai hujat; empadai Nuan sura mensio te kok nyadi dirik Allah.34Yesus nyawab sidok, "Bukan em bisik ditulis di Kitab Taurat kitak, 'Aku udah berFirman, Nuan nyok Allah'? 35Kalau Allah nyebut sidok te nerimok firman nyok 'allah', padahal Kitab Suci nado tauk nado lalu, 36Apo kitak madah tenta Neh te udah di dikudus tamai diutus Bapa ke dunia, ' Nuan ngujat', empadai Aku madah kekitak, 'Aku tuk em Anak Allah'?37Kalau Aku nado mulah kebalo kerjo Bapa-Ku, nado usah pecayok ke-Ku. 38Tapi, kalau Aku mulah kerjo nyok, biarpun kitak nado pecayok ke Aku, pecayok em ke balo kerjo nyok isok kitak ketau'k lalu ngerti kalau Bapa dalam Aku, Aku dalam Bapa."39Sekali agik, sidok nyubo nangkap Yesus, tapi Neh lulos dari sidok.40Udah nyok, Yesus angkat lagi nyebera sungai Yordan ngau nguso tempat Yohanes pertamo kalik ngebaptis subok lalu Yesus nungau din.41 Bangat ura datai ke Neh lalu ngumung, "Isok mek Yohanes nado isik mulah sutik tando ajaib pun, tapi semuo te dipadah Yohanes tenta Ura tuk benar." 42Lalu, bangat ura te pecayok ke Neh din.
Chapter 11

1Ado sura te laki agik pedih, namo neh Lazarus dari Betania, kampo Maria tamai menyadik neh, Marta. 2Maria tuk betinok te ngeminyak kaki Yesus ngau minyak wangi tamai menyeka kaki-Neh ngau ramut, menyadik neh te laki, Lazarus watu nyok pedih.3Empadai nyok, keduo menyadik betinok neh, ngirim pesan ke Yesus, kato neh,"Tuhan, ura te Nuan kaseh agik pedih." 4Tapi, pas Yesus mening pesan nyok, Neh ngumung, " penyakit nyok nado nyuruh mati, tapi madah kemuliaan Allah isok Anak Allah dimulio ngelalu nyok."5Yesus memang ngaseh Marta ngau menyadik betinok neh, tamai Lazarus. 6Jadi, pas watu Yesus mening kalau Lazarus pedih, neh sengajo nugau diok 2 ari lagik ditempat nyok. 7Seudah nyok, Yesus ngumung ke murid-Neh, "Bum kita angkat lagik ke Yudea."8Kebalo murid ngumung ke Neh, "Guru, ura- ura Yahudi apan lamok tuk beusaho nikam Nuan ngau batu, apo Nuan agik kok kin?" 9Yesus nyawab, "bukan em ado 12 jam seari? Kalau sura bejalai watu sia ari, neh nado tetikap teterap empada neh mantau tera dunia tuk10Tapi, kalau ada ura tebejalai watu malam ari, neh pasti teterap tetikap empadai keleman."11 Udah Yesus ngumung piok, Neh madah kesidok, "kawan kito, Lazarus udah tetinok, tapi Aku kok angkat ngeha'k keh Neh."12Murid-murid ngumung ke Yesus, "Tuhan, kalau neh dah tinok pasti neh kok semuh." 13Yesus sebenar neh ngumung kalau lazarus belalu, tapi murid-murid ngiro Neh ngumung tinok dalam arti betegok. 14Empadai nyok, yesus ngumung trus tera kesidok,"Lazarus udah mati,15Aku ngago nisik din tepat watu, isok kitak belajar pecayok. Bum pituk kito angkat ngusung neh. 16Udah nyok Tomas, te dikumai ura Didimus, ngumung ke balo murid-murid te lain, "Bum kito angkat ugok isok kita nyau bereto-Neh."17Watu Yesus datai, Neh nemu kalau lazarus udah dikubur selamo 4 ari. 18Di Betania te letak neh duo mil jauh dari Yerusalem.19Bangat ura Yahudi te udah datai nguso Maria tamai Marta, ngau ngibur seduo empadai Lazarus udah mati. 20Pas watu mening Yesus udah datai, Maria angkat nyambut Yesus, sementaro Maria nungau dirumah.21Marta ngumung ke Yesus, "Tuhan, umpamo watu in Nuan dituk, menyadik aku pasti nado mati.22Tapi pituk pun aku ketau'k, kalau Allah kok merik ke Nuan semuo te nuan minto ke-Neh."23 Yesus madah marta, "Menyadik kulok pasti bangkit."24Marta nyawab Neh, "Aku ketau'k neh pasti idup agik watu pengidupan watu ujo zaman." 25Yesus ngumung ke neh, "Aku tuk pengidup; sapo pun te pecayok ke Aku, neh pasti idup lagi biar neh dah mati,26 lalu semuo ura te idup pecayok ke Aku neh pasti nado mati. Apo kulok pecayok ngau nyok?"27Marta ngumung ke Yesus, "Aok Tuhan, Aku pecayok kalau Nuan Kristus, Anak Allah te datai kedunia." 28Udah madah piok, Marta angkat ngumai Maria, menyadik neh lalu ngumung mpat mato, "Guru ado dituk, neh ngumai kulok." 29mening nyok, Maria lalu bediri tamai angkat nguso Yesus.30Watu nyok, Yesus apan datai kekampung nyok, neh agik ado ditempat Marta nguso-Neh.31 Ura-ura Yahudi te lagi ngibur maria dirumah nyok, mantau kalau maria begesak bangkit lalu angkat keluar; sidok ngiro neh kok angkat kekubur ngau nangis din. 32Watu Maria datai nguso Yesus, neh mantau Yesus lalu tersungkur dikaki neh, udah nyok ngumung ke Yesus, "Tuhan umpamo em Nuan bisik dituk watu nyok, menyadik kami pasti nado mati33Watu Yesus mantau Maria nangis, ura-ura Yahudi te tamai maria nangis ugok, hati Yesus tergerak dan terharu. 34Lalu Yesus betanyok, "Dini Lazarus dikubur?" Sidok nyawab, "Tuhan, bum tamai kami, pantau mek." 35Yesus pun nangis.36Nyok nyuruh, Ura-ura Yahudi ngumung, "Pantau mek! Neh benar-benar kasih ke Lazarus. 37Tapi berapo ura ntaro sidok ngumung, " nado tau'k kah Neh te udah mukok mato ura buto'k ngidup keh Lazarus agik?"38Dalam diri Yesus mengerah kok angkat kekubur. Kuburan nyok gua te muo neh ditutup ngau batu. 39Yesus lalu ngumung, "pinah keh batu nyok!" Marta, menyadik ura te nyau nyok madah Yesus, "Tuhan pituk pasti udah bau buntau, empadai neh udah mati 4 ari ke tu'k. 40Yesus nyawab neh, "Bukan mek Aku udah madah ke kulok kalau kulok pecayok, kulok mantau kemuliaan Allah?"41Sidok ngangkat batu nyok, udah nyok, lalu Yesus tengakadah keatau samil ngumung, "Bapa Aku besukur ke Nuan empadai Nuan mening Aku.42 Aku ketau'k kalau Nuan mening Aku trus, tapi empadai ura-ura te bediri di keliling- Aku, Aku ngumung piok isok sidok pecayok kalau Nuan te udah ngutus Aku."43Udah madah piok, Yesus mangkas, "Lazarus keluar ikam!"44Lalu ura te mati nyok keluar, jari tamai kaki neh agik diikat ngau kain kafan, muo neh pun agik ditutup kain kafan. Yesus ngumung kesidok, "Bukok em kebalo kain kafan nyok dari neh, isok mek neh angkat."45Ura-ura Yahudi te datai nguso Maria, mantau apo te udah dipulah Yesus, lalu pecayok ke Neh. 46Tapi, ado berapo dari sidok ura Yahudi ngusung ura Farisi ngau madah apo te udah dipulah Yesus.47Empadai nyok, iman-iman kepalo, ura-ura Farisi ngumai mahkamah agama ngau bekumpul samil ngumung, "Apo te arus kita pulah, ura Nyok udah bangat mulah tando ajaib.48 Kalau kito ngisok ke Neh upo piok trus, semuo ura pasti pecayok lalu kebalo ura-ura Roma ura datai kituk ngau ngerebut tempat tuk nama bangsa kita."49Tapi suara di ntaro sidok te namo neh Kayafas, te jadi imam besai taun nyok, ngumung kesidok, " kitak nado kitau'k apo-apo. 50Atau nimang keh kalau lebeh baek sura te nyau ngau semuo bangsa daripado semuo bangsa te nyau."51Kayafas ngumung piok bukan empadai dirik neh kedirik, tapi empadai neh Imam besai taun nyok, neh benebuat kalau Yesus kok mati bangsa nyok. 52Bukan cumo bangsa yahudi geno, tapi ngau ngumpul jadi sutik kebalo anak- anak Allah te nyebar. 53Kebok mek, mulai ari nyok, sidok setuju kok munuh Yesus.54Empadai nyok, Yesus bejalai betapuok di ntaro ura Yahudi, Neh angkat ke ke padang belantara ke sutik kuto te namo neh Efaraim; Yesus nungau diok tamai kebalo murid-murid Neh.55Watu nyok, Ari paska ura Yahudi dah semak, bangat ura dari daerah nyok angkat ke Yerusalem seapan paska ngau nyuci kedirik sidok.56Udah nyok, sidok ngigok Yesus lalu beluluk samo dirik watu nyok sidok bediri dalam Bait Allah, sidok sale betanyok, "Tipo menurut nuan? Apo Yesus samo sekali ndo datai ke ari rayo tuk?"57Sementaro nyok imam-imam kepalo, ura-ura Farisi udah ngeluar printah kalau ado ura ketau'k dini Yesus, ura nyok arus ngelapor isok sidok tau'k nangkap Yesus.
Chapter 12

1Enam ari seapan ari Rayo Paska, Yesus angkat ke Betania, tempat Lazarus nungau, ura te dibangkit keh Neh. 2Din, ado acaro makai malam ngau Yesus, Marta te ngelayanan neh, sura te makai semejo namai Yesus nyok Lazarus. 3Udah nyok, Maria ngamik setengah kati minyak wangi murni te mahal hego neh, lalu ngeminyak kaki Yesus udah nyok ngering neh ngau ramut, rumah nyok pun dipnuh bau wangi minyak nyok.4Tapi, Yudas Iskariot, sura dintaro murid Yesus te kok nyerah Yesus, ngumung, 5"Ngapo minyak wangi nyok nado dijual geno hego neh tigo ratos dinar lalu duit neh berik ke ura-ura miskin?"6Neh ngumung piok bukai empadai neh peduli ngai ura miskin, tapi empadai neh nyok pencuri kerno biaso ngamik duit te biaso ditamok ura kedalam kotak te dipegai neh.7Udah nyok Yesus nyawab te diumung Yudas, "Isok neh mulah utai nyok ngau pesiapan ngau ngubur-ku.8Kerno, ura miskin selalu ado tamai kitak, tapi Aku ndo selalu ado tamai kitak."9Watu bangat ura Yahudi mening kalau Yesus ado di Betania, sidok angkat kin bukan hanyo ado Yesus tapi ugok kok mantau Lazarus te udah dibangkit ke Yesus dari pemati. 10Udah nyok, imam-imam kepalo mulah rencano ngau munuh Lazarus ugok. 11Empadai Lazarus bangat ura Yahudi nudi kesidok lalu pecayok ke Yesus.12Pagi ari piok, bangat ura te datai ke pesta nyok, watu mening Yesus kok datai ke Yerusalem, 13sidok ngamik daun palem udah nyok angkat keluar ngau nyamut Neh samil berseru, "Hosana! Diberkati Neh te datai dalam namo Tuhan, Rajo Israel!"14Yesus nemu sikuk kedelai mudok, lalu duduk diatau neh, bako te ditulis :15"Nusah takut, ui kebalo betinok Sion! Pantau em! Rajo kitak datai duduk diatau sikuk kedelai mudok."16Mulo neh, Murid- murid Yesus nado ngerti semuo utai nyok, tapi watu Yesus dimulio sidok udik ngerti kalau semuo te ditulis tenta Neh, lalu ngerti kalau sidok mulah semuo te udah ngau Neh.17Jadi piok, ura-ura te namai yesus watu Neh ngumai Lazarus keluar dari kubur lalu mangkit keh neh dari pemati trus becerito.18Empadai nyok, bangat ura te nyamut Yesus kerno sidok mening kalau Neh nyok te udah mulah tando ajaib.19Kebok mek, ura-ura Farisi ngumung sura ngau te lain, "Ikam pantau, apo te direncano kito nado behasil.Pantau mek, semuo dunio udah nurut Neh!"20Pado watu nyok, ado ugok ura-ura Yahudi di ntaro sidok te angkat semaya pado ari rayo nyok.21 Kebalo sidok nguso Filipus te asal neh dari Betsaida nta Galilea , lalu ngumung keneh, "Tuan kami kok betemu ngau Yesus."22Filipus angkat ngau madah Andreas; udah nyok Andreas seduo Filipus angat ngau madah Yesus.23Yesus nyawab seduo, "Watu tuk udah datai Anak Mensio ngau dimulio keh.24sunguh, Aku madah kitak, kecuali igik ganum jatuk ketanah lalu mati, igik nyok tetap sutik em; tapi kalau igik nyok mati, neh nyok bangat bebuah25Ura te cinto nyawo neh, pasti ayap nyawo neh, tapi ura te ndo saya ke nyawo neh didunia tuk, pasti meliaro neh ngau idup kekal. 26ura te ngelayan Aku, neh arus nurut Aku; dini aku ado, diok ugok bisik pelayan ku; ura te ngelayan Aku, Bapa merik hurmat ke neh."27"saat tuk, jiwo ku nado tena. Apo te arus ku umung?'Bapa selamat keh Aku dari tuk?' Tapi, ngau tujuan tuk em Aku datai pituk. 28Bapa, mulio keh nama Nuan!" udah nyok te pening suaro dari surgo, "Aku udah memulio nama-ku, lalu aku ngemulio keh neh agik." 29Bangat ura te bediri diok ningo suaro nyok lalu madah nyok suaro guntur, tapi te lain madah, "Sura malaikat dah ngumung ke -Neh!"30Yesus nyawab sidok, "Suaro nyok te pening bukan ngau kepentin-Ku tapi ngau kepentin kitak.31Pituk em pengakiman ngau dunia tuk, watu tuk em penguaso dunia tuk kok diusir.32Udah nyok, kalau Aku ditingik dari dunia tuk, Aku kok narek ura ke Aku." 33Yesus ngumung piok ngau madah pemati neh keti caro Neh mati.34Ura bangat nyok nyawab Yesus, "Kami udah mening nyok dari ukum Taurat kalau Kristus tetap tingal selamo lamo; kok tipo nuan ngumung bako nyok, 'Anak Mensio arus ditingik?' Lalu sapo Anak Mensio nyok?" 35Yesus nyawab sidok, "Nado lamok agik tera nyok ado tamai kitak. Bejalai mek selagi tera nyok ado isok keleman nado tau'k nguasa kitak; empadai ura te bejalai nta te keleman nado ketau'k neh kok kini. 36Watu kitak mpu tera nyok, pecayok mek ketera nyok isok kita jadi kebalo anak tera." Udah madah piok Yesus angkat udik napok kedirik dari sidok.37Meskipun Yesus dah bangat mulah tando ajaib dimuo sidok, sidok tetap nado pecayok ke Neh,38 utai nyok isok ngenap ke apo te diumung Nabi Yesaya, "Tuhan, sapo te pecayok ke pemberitaan kami? Lalu nguso sapo jari Tuhan udah dinyatakan?"39Empadai nyok, sidok nado tau'k pecayok kerno Yesaya ugok ngumung, 40"Neh udah ngemutok mato sidok udik ngeras ke ati sidok, isok sidok nusah mantau ngau mato sidok udik paham ngau ati sidok, lalu bekalih sehingo Aku ngentamo sidok."41Yesaya madah semuo tuk kerno neh udah mantau kemulian Yesus udik neh ngumung tenta Yesus. 42Bangat ugok kebalo pemimpin te pecayok ke Yesus, tapi empadai takut ngau ura Farisi sidok nado ngumung trus tera isok nado dikucilkan.43empadai, sidok lebih gago nerimok kemuliam dari mensio daripado kemulian Allah44Udah nyok, Yesus beteriak, "Tiap ura te pecayok ke Aku, nado pecayok ke Aku, tapi ngau Neh te ngutus Aku.45Udik, tiap ura te udah mantau Aku, udah mantau Neh te ngutus Aku46Aku udah datai jadi tera kedunia tuk, isok tiap ura te pecayok ke Aku nado nungau nta keleman. 47Ura te mening pemadah Aku tapi neh ndo nurut, Aku ndo ngakim neh; empadai Aku datai bukan ngau ngakim dunia, tapi ngau nyelamat ke dunia.48Sapo te nulak Aku udik nado nerimok pemadah-Ku, Firman te Aku padah nyok mek te ngakim ke neh pado ujo zaman. 49Kerno Aku nado ngumung ngau penekok-Ku, tapi empadai Bapa te ngutus Aku merik perintah ke apo te arus Aku padah lalu kuumung. 50Udik, Aku ketau'k kalau perintah Neh nyok mek idup kekal. Empadai, hal te udah Ku padah, Aku padah bako te udah dipadah Bapa nguso Aku."
Chapter 13

1Seapan ari Rayo Paska, Yesus ketau'k kalau udah watu-Neh nudi dunia tuk ngau nguso Bapa, samo bako Neh slalu kasih ke murid-murid upo nyok mek Neh kasih ke sidok sampai kepensudahan.2Selamo watu agik makai malam, antu tamok ke ati Yudas Iskariot, anak Simon, nyuruh ngianat Yesus.3Yesus ketau'k, kalau bapa udah merik segalo utai ke dalam jari-Nya, udik ketau'k kalau Neh datai dari Allah, udik Kok bebalek ke Allah, 4Neh bediri dari jamuan makai malam udik ngelepas jubah, lalu ngamik kain linen udik ngikat ke pingang. 5Udah nyok, Neh nuang aik kedalam baskom, udik ngemasuk kaki murid-murid Neh lalu ngering ke kaki sidok ngau kain te diikit di pingang Neh.6Pas giliran Simon Petrus, neh ngumung ke Yesus, "Tuhan, nuan kok ngemasuk kaki aku?" 7Yesus nyawab neh, "Apo te Aku pulah, ikam nado ngerti pituk,tapi pagi usok ikam pasti ngerti."8Petrus madah, "Nuan nado tau'k ngemasuk kaki aku!" Yesus nyawab, "kalau Aku nado ngemasuk ikam, ikam ndo mpu pemagi dalam Ku." 9Simon petrus lalu madah Neh, "kalau piok Tuhan, nusah kaki aku geno, tapi jari udik kepalo ku ugok!"10Yesus madah ke neh, "Ura te manik hanyo perlu nyuci kaki geno, tapi udah bersih semuo, ikam dah bersih tapi nado semuo dari kitak bersih.11Kerno Yesus ketau'k sapo te kok ngianat Neh, empadai nyok Neh ngumung, " nado semuo dari kitak bersih."12Udik, seudah Yesus masuk kaki murid-murid, Neh ngau jubah agik, udik bebalek ketempat tadik, Neh madah sidok, "Apo kitak ngerti apo te aku pulah ke kitak?13 kitak ngumai Aku Guru namai Tuhan ugok. Nyok kenok em kerno Aku tuk Guru tamai Tuhan. 14Kalau Aku, Tuhan udik Guru kitak, dah masuk kaki kitak, kita ugok arus saling ngemasuk kaki pangan. 15Empadai, Aku udah merik contoh kekitak, isok kitak mulah ugok bako apo te Aku pulah kekitak.16Benar- benar, Aku madah kekitak, sura hamba nado lebeh besai dari Tuan, sura te diutus nado lebeh besai dari pengutus. 17Kalau kitak udah ketau'k tenta semuo tuk, kitak diberik berkat kalau kitak ngerjo kenya. 18Aku nado madah tenta kitak semuo. Aku ketau'k sapo te Kupilih, tapi janyi tuk arus di genapi, 'Ura te makai rute-Ku udah ngakat tumit neh ke Aku.'19Aku madah kitak pituk, seapan hal nyok tejadi isok pas hal nyok tejadi, kitak pecayok kalau Aku tu em Neh. 20Benar-benar Aku madah kitak, tiap ura te nerimok ura te Aku utus nerimok Aku; udik ura nerimok Aku, nerimok Neh te ngutus Aku."21Udah ngumung piok, Neh terharu, udik bercerito, "Benar-benar Aku madah kitak, sura di ntaro kitak kok mengkhianti Aku."22 Murid- murid saling mantau pangan ngau raso bingung mikir kesapo te dimasud Yesus.23Sura dintaro murid duduk nyanar ke dado Yesus.24Udah nyok, Simon Petrus merik isayarat udik madah, "Tanyok em sapo te dimasud Neh.25 Murid te nyanar di dado Yesus bertanyok ke Neh, " Tuhan, sapo ura nyok?"26Yesus nyawab, "Ura nyok em ura te Aku berik putungan ruti te udah Aku celup." udah en'celup putungan ruti nyok, Yesus merik ke Yudas, anak Simon Iskariot. 27Udik, udah nerimok putungan Ruti nyok, iblis tamok ke tubuh Yudas. Kerno nyok Yesus ngumung ke neh, "Apo te kok ikam pulah, pulah mek cepat!"28Nado bisik ura dari sidok te agik makai ngerti ngapo Yesus ngumung piok ke Yudas. 29Beberapo dari sidok ngiro kerno Yudas tuk megai kutak duit sehinggo Yesus ngumung piok, "Beli em hal-hal apo te kita perlu ngau perayaan, " atau isok neh merik kebalo utai ke ura miskin. 30Udah nerimok putungan ruti, Yudas angkat keluar seudah makai malam nyok .31Seudah Yudas angkat, Yesus ngumung, ''Pituk em watu Anak Mensio dimulio ke, udik Allah te dimulio ke ngelalu Neh. 32Kalau Allah dimulio ke dalam Neh, Allah ugok ngemulio ke Neh, udik ngemulio ke Neh secepat na.33Anak-anak-Ku, Aku ado tamai kitak nado lama agik. kitak ngigok Aku bako te ku padah ke ura Yahudi, pituk Aku padah ugok kekitak, 'Kini Aku angkat, kitak nado tau'k datai.'34Sutik Perintah te baru Aku berik kekitak, isok kita sale kasih kepangan bako Aku te udah kasih ke kitak, upo nyok mek kita arus sale kasih kepangan. 35Ngau nyok, Semuo ura ketau'k kitak em murid-murid-Ku, kalau kita sale bekasih kepangan36Simon Petrus betanyok ke Yesus, "Tuhan kini nuan kok angkat?" Yesus nyawab, "Kini Aku angkat, ikam ndo tau'k nurut Aku pituk, tapi pagi usok ikam tau'k nurut Aku." 37Petrus betanyok agik, " Tuhan ngapo aku ndo tau'k nurut nuan pituk? Aku kok nyerah ke nyawo aku demi Nuan!"38 Yesus nyawab, "Ikam kok nyerah ke nyawo ikam ngau Aku? Benar benar ku madah ke ikam, Seapan manuk ngekukok, ikam udah tigo kalik menyangkal Aku.
Chapter 14

1Nusah begelisah ati; pecayok em ke Allah udik pecayok ugok ke Aku. 2Di rumah bapa bangat tempat nugau; Aku udah madah kekitak Aku angkat ngau nyiap ke sutik tempat ngau kitak. 3Udik, seudah Aku angkat ngau nyiap ke tempat kitak, Aku datai agik ngau ngemai'k kita nguso-Ku isok dini Aku nungau, kitak pun nungau diok ugok.4Udik, kita ketau'k jalai nguso Aku angkat." 5Lalu, Tomas ngumung ke Yesus, "Tuhan kami nado ketau'k kini Nuan angkat, tipo kami kok ketauk ke jalai?" 6Yesus ngumung ke neh, "Aku tuk em jalai, udik kebenaran, udik kehidupan. Sura pun ndo tau'k datai nguso Bapa, kalau ndo ngelalu Aku. 7jika kitak dah ngelalo Aku, kitak ugok dah ngelalo Bapa-Ku; mulai pituk, kitak udah ngelalo Bapa udik dah mantau Neh."8Filipus ngumung ke Yesus, "Tuhan, tunyok ke dini Bapa, nyok udah cukup ngau kami." 9Yesus nyawab neh, "Filipus, udah melamo Aku tamai ikam udik ikam apan ngenal Aku? Sapo pun ura te udah mantau Aku, neh udah mantau Bapa, tipo ikam tau'k ngumung, 'Tuhan tunyok em Bapa nyok ke kami?'10Apo ikam ndo pecayok kalau Aku dalam Bapa udik Bapa dalam Aku? Semuo pengumung te Aku padah ke ikam, Aku ndo ngumung dari diri-Ku kedirik, tapi Bapa te nungau dalam Aku tu em te mulah pekerjaan-Neh. 11Pecayok em nguso Aku, kalau Aku didalam Bapa udik Bapa dalam Aku; senado-nado neh, pecayok empadai kebalo kerjo nyok kedirik.12Benar-benar, Aku madah ke kitak, tiap ura te pecayok nguso-Ku, kebalo kerjo te Aku pulah, neh ugok tamai mulah udik empadai kebalo kerjo te lebeh besai dari semuo tuk Aku angkat nguso Bapa. 13Apo te kitak pintok dalam namo-Ku, nyok Aku pulah isok Bapa dimulio ke didalam Anak. 14Kalau kitak mintok Apo pun nguso-Ku dalam namo-Ku, Aku pulah.15"Kalau ikam kaseh ke Aku, kitak nurut semuo printah Ku, 16Aku mintok ke Bapa, udik Neh merik ke kitak penulo te lain, isok Neh tamai kitak selamonya, 17nyok em Roh kebenaran, te ndo tau'k diterimok dunia empadai dunia tuk ndo mantau Neh namai ngenal Neh; tapi kitak ngenal Neh, kerno Neh nungau tamai kitak udik Neh ado dalam kitak.18Aku ndo kok nudi kitak bako ura te nisik apai inai; Aku kok datai nguso kitak. 19Nado lamak lagi, dunia ndo tau'k mantau Aku lagik, tapi kitak mantau Aku; Empadai Aku idup, kitak pun idup. 20Pado ari nyok, kitak ketau'k kalau Aku dalam Bapa Ku, udik kitak di dalam Aku, udik Aku di dalam kitak.21Sapo pu te megai printah-Ku udik ngerjo ke printah, Neh ngaseh Aku; ura te ngaseh Aku di kaseh Bapa-Ku, udik Aku ngaseh ke neh ngau nyatakan diriku nguso neh." 22Yudas, te bukan iskariot, ngumung ke Yesus, "Tuhan tipo nuan menyatakan diri-Nuan nguso kami tapi bukan nguso dunia?"23Yesus nyawab neh, " Sura te kasih ke Aku neh kok nurut firman-Ku; udik Bapa ngaseh neh, lalu Kami datai nguso neh ngau nungau namai neh.24Tapi ura te ndo kaseh ke Aku, ndo nurut firman-Ku.Firman te kitak pening nyok bukan dari Ku, tapi dari Bapa te ngutus Aku.25Semuo hal tuk udah Aku padah ke kitak selamo Aku agik nungau tamai kitak. 26Penulo nyok, nyok em Roh Kudus, te kok diutus Bapa dalam namo Aku, Neh kok ngajar ke kitak segalo hal udik ngingat ke kitak semuo te udah Aku padah.27Damai sejahtera Ku dudi tamai kitak; Damai sejahtera-Ku kuberik nguso kitak, bukan bako te dunia berik. Nusah ngisok ke ati kitak gelisah udik gentar.28Kitak udah suah mening kalau Aku madah kitak, 'Aku kok angkat, udik kok datai agik nguso kitak.' kalau kitak ngaseh Aku, kita pasti bersukacita kerno Aku angkat nguso Bapa, empadai Bapa tuk lebih besai dari Aku. 29Aku madah hal nyok pituk isok watu hal nyok tejadi, Kitak pecayok. 30Aku ndo ngumung lebih bangat agik tamai kitak kerno peguaso dunia tuk kok datai. Penguaso dunia ndo sikit bekuaso ngau Aku. 31Tapi isok dunia ketau'k kalau Aku kaseh ke Bapa, Aku mulah tepat bako te Bapa printah ke Aku. Bangun em, bum kito angkat dari tuk."30Aku ndo ngumung lebih bangat agik tamai kitak kerno peguaso dunia tuk kok datai. Penguaso dunia ndo sikit bekuaso ngau Aku. 31Tapi isok dunia ketau'k kalau Aku kaseh ke Bapa, Aku mulah tepat bako te Bapa printah ke Aku. Bangun em, bum kito angkat dari tuk."
Chapter 15

1esus ngumung, " Aku tuk em pun anggur te benar udik Bapa-Ku pengusahanya. 2Tiap dan-Ku te ndo bebuah ditungko-Neh udik dan tebebuah dibersih, isok bebuah lebih bangat.3kitak memang udah dibersih kerno firman te udah Kupadah kekitak.4Nungau mek dalam Aku udik Aku dalam kitak. Samo bako dan ndo tau'k bebuah dari dirik kedirik, kecuali neh ado pun anggur, upo nyok ugok kitak ndo tau'k bebuah kalau ndo nungau dalam Aku.5Aku tuk em pun anggur udik kitak dan dan anggur. Tiap ura te nungau dalam Aku, udik Aku di dalam neh, neh pasti bebuah bangat empadai nyok diluar Aku, kitak ndo tau'k apo-apo. 6Ura te ndo nungau dalam Aku, neh pasti dibuai bako dan te udah mati; ura pasti mengumpulkan udik ditikam ke api lalu ditunu.7 Kalau kitak tetap nungau di dalam Aku udik umungan Ku nungau di dalam kitak, mintok mek apo jak te kitak kok, udik nyok aku berik kekitak.8Dalam hal tuk Bapa-ku dipermuliokan, nyok mek watu kitak bebuah bangat udik empadai nyok, kitak em murid-murid-Ku."9"Bako Bapa udah ngaseh Aku, upo nyok ugok Aku udah ngaseh ke kitak; tetap em nungau dalam kaseh-Ku.10Kalau kitak nurut semuo printah-Ku, Kitak pasti nungau dalam kaseh-Ku, Bako Aku nurut printah Bapa udik nungau dalam kasih Bapa. 11Hal-hal tuk Aku padah kekitak isok sukacita-Ku ado dalam kitak, Sehinggo sukacita kitak jadi pnuh.12Tuk em printah-Ku isok kitak saling ngaseh kepangan, samo bako Aku udah kaseh ke kitak.13Nado bisik kaseh te lebih besai dari ura te merik nyawo neh ngau kebalo kawan-kawah neh.14Kitak em kawan-kawan-Ku kalau kitak mulah apo te ku printah kekitak. 15Aku ndo agik ngumai kitak hamba kerno hamba ndo ketau'k apo te dipulah tuan neh. Tapi, ku ngumai kitak kawan kerno apo te udah kupening dari Bapa, udah Aku padah kekitak.16Bukan kitak te milih Aku, tapi Aku em te milih kitak udik dah nunyok kitak isok kitak angkat ngau ngehasilkan buah, udik buah kitak tetap sehinggo apo pun te kitak mintok ke Bapa dalam namo-Ku, Neh pasti merik ke kitak.17Tuk em printah ku: Kitak arus sale ngaseh kepangan!"18"Kalau dunia bencik ke kitak, Kitak ketau'k dunia udah bencik ke Aku seapan bencik kekitak.19Kitak dari dunia, tentu mek dunia kaseh kekitak empadai kitak mpu neh, tapi kerno kitak bukan dari dunia, tapi dari Aku te udah milih kitak dari dunia kebok mek dunia bencik ke kitak.20Ingat mek ke apo te udah kupadah kitak: Sura hamba ndo lebih tingik dari tuan neh.Kalau sidok nyiso Aku, sidok ugok kok nyiso kitak. Kalau sidok nurut firman-Ku, sidok ugok nurut pemadah kitak.21Tapi, semuo nyok dipulah sidok ngau kitak, empadai namo-Ku.kerno, sidok ndo ngelalo Neh te ngutus Aku.22Seandai neh Aku ndo datai udik ndo madah sidok, sidok tentu ndo beduso. Tapi pituk sidok ndo mpu dalih ngau duso sidok.23Tiap ura te bencik ke Aku, neh ugo bencik ke Bapa-Ku. 24Seandai mek Aku ndo mulah pekerjaan dintaro sidok bako te dah dipulah ura lain, sidok tentu mek ndo beduso. Tapi pituk sidok dah mantau tapi tetap bencik ke Aku tamai Bapa-Ku.25Tapi, firman te ditulis di Kitab Taurat arus digenapi: 'Sidok bencik ke Aku ndo beralasan.'26Watu penulo nyok datai, te Aku utus ke kitak dari Bapa, nyok mek Roh Kebenatan dari Bapa, Neh pasti becerito tenta Aku.27Kitak ugok pasti becerito kerno kitak udah tamai Aku dari mulo.
Chapter 16

1"Semuo tuk udah ku padah kekitak isok kitak ndo beguya. 2Sidok pasti ngusir kitak dari sinagoge. Bahkan, ado watu kalau tiap ura te munuh kitak bepikir kalau sidok seda bebakti ke Allah.3Udik, hal-hal nyok sidok pulah kerno sidok ngenal Bapa tamai Aku.4Tapi, semuo nyok udah Aku padah kekitak isok apobilo waktu neh datai, kitak ingat kalah Aku udah madah kekitak.Udik, hal-hal tuk ndo ku padah dulu kerno Aku agik tamai kitak.5Tapi, pituk Aku kok angkat nguso Neh te ngutus Aku, udik nado sura pun dintaro kita te nanyo, 'Kini Nuan kok angkat?' 6Tapi, empadai Aku dah madah semuo tuk kekitak, kesedihan menuh keati kitak. 7Tapi Aku madah kebenaran kekitak: lebih baek bagi kitak kalau Aku angkat, kerno kalau Aku ndo angkat, Penulo nyok ndo datai ke kitak; tapi kalau Aku angkat, Aku ngutus Neh nguso kitak8Udik, watu penulo nyok datai, Neh kok nyadar kedunia tenta Duso, kebenaran tamai penghakiman;9Tenta duso, kerno sidok ndo pecayok ke-Ku;10Tenta kebenaran kerno Aku angkat nguso Bapa udik kitak ndo tau'k mantau Aku agik,11Tenta penhakiman kerno penguaso dunia tuk udah dihakimi.12Agik bangat hal te kok Aku padah, tapi pituk kitak pan tauk nango-neh.13Tapi, watu Neh datai, nyok mek Roh kebenaran, Neh ngajar kitak tenta semuo kebenaran.Empadai, Neh ndo ngumo ngau keingin Neh kedirik, tapi semuo hal te dipening Neh.nyok mek te kok dipadah udik Neh kok merik berito kekitak hal-hal te kok tejadi.14 Neh kok ngemulio ke Aku kerno Neh nerimok apo te Aku terimok, udik madah hal nyok kekitak.15Segala utai te mpu Bapa, mpu Aku ugok.Empadai nyok, Aku ngumung kalau Roh kebenaran madah berito kekitak apo te diterimok Neh dari-Ku."16"Tingal sekejap agik, kitak mantau Aku, sekali agik tingal sekejap kitak mantau Aku."17Beberapo murid Yesus sale bentayok, "Apo masud Neh ngumung piok kekito, 'Tingal sekejap agik, kitak mantau Aku; sekali agik, tingal sekejap agik kitak mantau Aku?' kerno Aku kok angkat nguso Bapa'?"18Empadai nyok, sidok betanyok, "Apo te Neh masud ngumung 'tingal sekejap agik'? kito ndok ketau'k apo te neh umung."19Yesus ketau'k kalau balo murid kok betanyok ke Neh, kebok em Neh ngumung, "Apo kitak betanyok samo dirik tenta hal te ku masud, watu Aku ngumung, 'Tingal sekejap agik, kitak mantau Aku; sekali agik, tingal sekejap kitak mantau Aku'? 20Benar-benar, Aku madah kitak, kitak nangis udik meratap, tapi dunia tuk sena, kitak berdukacita tapi duka cita kitak berubah jadi sukacita.21Sura betinok bedukacita watu neh kok beranak, tapi seudah neh beranak, neh ndo ingat ngau derito te berat nyok kerno besukacita kalau sura mensio udah datai kedunia.22Bako nyok ugok kitak menderito watu tuk, tapi Aku nguso kitak udik kitak besukcita, nisik sura pun te tau'k ngamik sukacita kitak.23Pado ari nyok kitak nado betanyok apo-apo ke Aku. Benar-benar Aku madah kitak: Apo te kok kitak mintok ke Bapa, kok diberik ke kitak ngelalu namo Ku.24Sampai pituk, kitak apan suah mintok apo apo dalam namo Ku.mintok mek, udik nerimok te kita pintok isok sukacita kitak penuh."25"Aku udah suah madah nyok kekitak ngau perumpamaan; Watu neh datai, Aku ndo ngumung agik kekitak ngau perumpamaan tapi Aku ngumo trus tera tenta Bapa.26Pado ari nyok, kitak bedoa dalam namo Ku,udik Aku ndo madah kekitak kalau Aku mendoakan nyok ke Bapa ngau kitak.27Empadai, Bapa kedirik kaseh ke kitak kerno kitak udah kaseh ke Aku udik pecayok kalau Aku datai dari Bapa. 28Aku berasal dari Bapa udik datai kedunia; pituk, Aku kok nudi kedunia tuk ngau bebalek nguso Bapa."29Murid-murid Neh lalu ngumung, "Nah, pituk pantau Neh udah ngumo trus tera ndo ngau perumpamaan agik. 30Pituk, kami ketau'k kalau Nuan ngetau'k kesegalo sesuatu udik ura ndo perlu betanyok ke Nuan.kerno nyok, kami pecayok, kalau Nuan datai dari Allah."31Yesus nyawab, "Pecayok kah kitak pituk?32Pantau em! watu nyok kok datai, udah datai watu kita ngau dipisah, masing-masing pulai ketempat asal kitak nudi ke Aku.tapi, Aku nado kedirik kerno Bapa tamai Aku.33Semuo tuk Aku padah kekitak isok dalam Aku kita mpu damai sejatera.Di dunia, kita dianiaya, tapi kuat ke ati kitak!Aku dah ngalah kedunia tuk!"
Chapter 17

1Nyok mek umungan Yesus, udah nyok neh ngadap ke langit udik ngumung, "Bapa, watu udah datai, muliokan Anak Nuan tuk, isok anak-anak Nuan memulio kan Nuan.2Samo bako nuan udah merik Neh kuaso atau semuo mensio, isok nguso semuo te Nuan berik ke -Neh, Neh tau'k merik idup kekal.3Tuk em idup kekal, nyok kalau sidok ngelalo Nuan, sutik Allah te benar, udik ngelalo Kristus Yesus te dah Nuan utus. 4Aku dah memuliakan Nuan di bumi ngau nyelsai ke kerjo te Nuan berik ke Aku ngau di kerjo. 5Udik pituk, ya Bapa, mulio ke Aku tamai Nuan ngau kemulian te udah Aku mpu tamai Nuan seapan dunia tu ado.6Aku dah menyatokan Nama Nuan ke ura-ura te Nuan berik ke Aku dari dunia tuk.Sidok mpu Nuan udik Nuan dah merik sidok ke Aku, sidok ugok dah nurut Firman Nuan.7Pituk, sidok ketau'k semuo te Nuan berik ke Ku be'asal dari Nuan.8Empadai, Aku dah merik Firman te Nuan berik ke Aku, sidok dah nerimok udik benar-benar ketau'k berasal dari Nuan, udik sidok pecayok kalau Nuan te ngutus Aku.9Aku bedoa ngau sidok, Aku ndo bedoa ngau dunia, tapi ngau sidok te Nuan berik ke Ku; kerno, sidok mpu Nuan.10Semuo te Kumpu mpu Nuan, udik semuo te Nuan mpu nyo ugok mpu Aku; udik Aku dah dimuliokan dalam semuo nyok.11Aku ndo agik didunia tuk, tapi sidok agok ado didunia tuk. Udik aku kok datai nguso Nuan.Bapa te Kudus, jago lah sidok dalam namo Nuan, namo te dah Nuan berik nguso Aku, sehinggo sidok jadi satu bako kito.12Selamo Aku tamai sidok, Aku udah nyago sidok dalam namo Nuan te dah Nuan berik ke-Ku. Aku dah nyago sidok udik ndo sura pun dari sidok te ayap kecuali anak kebinasaan. isok Kitab suci digenapi. 13Tapi pituk, Aku kok datai nguso Nuan; semuo tuk aku padah didunia tuk isok sidok tau mpu sukocito Ku te dipnuhkan dalam sidok.14Aku dah merik Firman Nuan ke sidok, dunia bencik ke sidok kerno sidok ndo berasal dari dunia, samo bako Aku ndo berasal dari dunia.15Aku ndo mintok ke Nuan ngau ngamik sidok dari dunia, tapi ngau ngelido sidok dari te jaik.16Sidok ndo berasal dari dunia, samo bako Aku ndo berasal dari dunia.17Sucikan sidok dalam kebenaran; Firman Nuan nyok em kebenaran.18Bako Nuan te dah ngutus Aku kedalam dunia, upo nyok ugok Aku ngutus sidok kedalam dunia.19Demi sidok, Aku menyucikan dirik Aku isok sidok disucikan dalam kebenaran.20Aku ndo hanyo bedoa ngau sidok, tapi ugok ngau ura-ura te pecayo nguso Aku ngelalu cerito sidok,21 isok semuo sidok jadi sutik, samo bako Nuan, ya Bapa, di dalam Aku udik Aku dalam Nuan; isok sidok ugok jadi sutik dalam kito sehinggo dunia pecayok kalau Nuan te dah ngutus Aku.22Kemulian te dah Nuan berik ke Aku, dah Aku berik kesidok isok sidok jadi sutik. Samo bako Nuan tamai Aku tuk sutik.23Aku dalam sidok udik Nuan dalam Aku, isok sidok jadi sutik te utuh.Ngau nyok, dunia ketau'k kalau Nuan tuk te ngutus Aku, udik Nuan kasih ke sidok, samo bako Nuankasih ke Aku.24Ya Bapa,Aku kok sidok, te dah Nuan berik ke Aku, ado tamai Aku dini pun Aku ado, isok sidok mantau kemulian Ku, te dah Nuan berik ke Aku, kerno Nuan kaseh ke Aku seapan Aku seap permuloan dunia.25Ya Bapa te adil, meski dunia tuk ndok ngelalo Nuan, tapi Aku ngelalo Nuan, udik sidok ketau'k kalau Nuan te ngutus Aku. 26Aku dah madah namo Nuan ke sidok udik kok trus madah sidok isok kaseh te tamai Nuan kaseh ke Aku ado dalam sidok, udik Aku ado dalam sidok."
Chapter 18

1Udah madah hal-hal tuk, Neh angkat tamai murid-Neh ke sebera sungai Kidron, din ado sutik taman udik Yesus tamok ke dalam taman nyok tamai murid-murid Neh.2Yudas, murid te mengkhianti Yesus, ugok ketau'k ke taman nyok kerno Yesus rajin ngumpul diok tamai murid murid Neh din. 3Seudah Yudas nerimok sejumlah Pasukan udik hamba-hamba dari kebalo imam-imam kepalo tamai ura-ura Farisi datai ketaman nyok ngemaik lentero , ubur udik senjato.4Yesus, ketau'k semuo hal te kok tejadi, Neh maju kemuo sidok udik betanyok, "Sapo te kitak gigok?"5Sidok nyawab Yesus, "Yesus re Nazaret."Yesus."Yesus madah kesidok, "Aku tuk em Yesus." Sementaro nyok Yudas, te mengkhiati Neh , bediri tamai sidok.6Watu Yesus madah, "Aku tuk em Yesus,"Ura-ura nyok temunur jatuk ketanah.7Udah nyok, Yesus betanyok agik kesidok,"Sapo te kitak gigok?"Sidok nyawab, "Yesus re Nazaret."8Yesus nyawab, "Udah ku padah kekitak, Aku tuk em Yesus. Jadi, bilo kitak ngigok Aku, isok ke Murid-murid Ku tuk angkat."9Hal tuk tejadi isok genap ke pemadah Yesus: "Dari semuo te Nuan berik nguso Ku, Ndo isik te ayap sutik pun."10Simon Petrus, te ngemaik sebilah peda, mantap penin kanan pelayan Imam Besai sehingo putus penin neh; namo imam besai nyok Malkhus.11Empadai nyok, Yesus madah Petrus, "Tamok keh peda ikam kedalam saro! Cawan te dah berik Bapa nguso Aku, bukan mek Aku te arus minum neh?"12Udah nyok, kebalo prajurit Romawi udik perwira perwira tamai kebalo pelayan ura Yahudi nangkap Yesus udik ngikat Neh,13 telebih dulu sidok ngemaik Yesus nguso Hanas mentuo Kayafas, Imam Besai pado taun nyok.14Kayafas mek te nasihat ke ura-ura kalau ado hal te beguno kalau ado ura te mati ngau rakyat.15Simon Petrus tamai sura murid nurut Yesus.Murid nyok dikelalo Uleh Imam Besai udik neh tamok namai Yesus kedalam temelayan istana Imam Besai.16Tapi Petrus bediri diluar, di semak lawa.udik, murid, te ngelalo Imam Besai, bebalek keluar udik ngumung tamai betinok te nyago lawa, lalu ngemaik Petrus tamok.17Betinok te nyago lawa nyok betanyok ke Petrus "Bukan mek ikam tuk ugok murid Ura nyok?" jawab Petrus, "Bukan!"18Seudah mulah perapian, Kebalo pelayan tamai perwira bediri semak perapian kerno watu in cuaca teraso celap, udik sidok bediang diok. petrus ugo tamai sidok bediri ngau bediang.19Udah nyok, Imam Besai betanyok ke Yesus tenta murid-murid Neh udik tenta balo pengajar Neh.20Yesus nyawab neh, "Aku dah ngumo trus tera kedunia tuk. Aku slalu ngajar di sinagoge-sinagoge udik di Bait Allah, tempat semuo ura Yahudi bekumpul.Aku ndo ngumung secaro betapok-betapok.21Ngapo Nuan betanyok nguso Aku?Tanyok em kesidok te udah mening ke apo te udah Aku padah; sidok ketau'k apo te dah ku umung.22Watu Yesus madah piok, sura penjago te bediri diok nampar muo Yesus, "Piok kah caro Ikam nyawab Imam Besai?" 23Yesus nyawab neh, "kalau Aku madah utai te salah tunjuk keh dini te salah; tapi kalau te ku padah nyok benar, ngapo ikam nampar Aku?"24Udah nyok, Hanas ngirim Yesus samil ditamit nguso Imam Besai Kayafas.25Sementaro nyok, Simon Petrus agik bediri bediang.sidok betanyok ke Petrus" Bukan mek ikam ugok murid Ura nyok?" Petrus nyangkal udik nyawab, "Bukan." 26Salah sura pelayan Imam Besai, te kerabat ura te pening neh di tungko Petrus, madah, "Bukan em Aku mantau ikam tamai Neh ditaman?"27sekalik agik, Petrus nyangkal, pas watu nyok ugok, manuk bekukok.28Udah nyok, sidok ngemaik Yesus dari tempat Kayafas ke gedo pengadilan, sehingga sidok tauk makai paska.29Pilatus keluar ngau betemu sidok udik betanyok, "Apo tuduhan kitak ngau Ura tuk?"30Sidok nyawab udik madah ke neh, "Kalau Ura tuk bukan ura jai, kami ndo ngemaik Neh nguso nuan."31Pilatus madah sidok, "bayi'k mek Neh, udik akim mek nurut ukum kitak."Ura-ura Yahudi nyok nyawab,"Ndo sesuai ukum bagi kami ngau ngukum mati ura."32Tuk tejadi ngau ngenapi kepemadah Yesus, te nunjok upo apo Neh mati.33Empadah hal nyok, Petrus namok agik kedalam gedo pengadilan udik ngumai Yesus ngau betanyok, "Apo Nuan tuk rajo ura Yahudi?" 34Yesus nyawab, Apo te nuan tanyok nyok dari dirik nuan kedirik, atau ado ura lain te madah nuan tenta Aku?"35Pilatus madah, "Apo aku ura Yahudi? Bangsa tamai imam-imam kepalo Ikam kedirik nyerah ikam ke aku.Apo te dah Ikam pulah?"36Yesus madah pilatus, "Kerajaan-Ku bukan dari dunia tuk.Jika kerajaan-Ku dari dunia tuk, pelayan-pelayan-Ku pasti ngelawan isok Aku ndo diserah ke ura-ura Yahudo.Tapi, kerajaan-Ku bukan em dari dunia tuk."37Pilatus ngumung, "Jadi, Ikam tuk rajo?"Yesus nyawab"Nuan te madah kalau Aku rajo. Ngau tuk mek Aku lahir, udik ngau tuk em Aku datai ke dunia ngau becerito tenta kebenaran.Tiap ura te asal neh dari kebenaran mening suaro-Ku.38Pilatus madah ke Yesus, "Apo kebenaran nyok?" Udah madah piok, Pilatus keluar nguso ura-ura Yahudi udik madah sidok, "Aku ndo nemu kesalah te ado nta Neh.39Kitak mpu sutik kebiasaan kalau aku arus ngelepas ke tahan pado ari Paska. Jadi, apo kitak kok aku ngelepas 'Rajo Ura Yahudi' tuk?"40Sidok lalu mangkas, "Nusah ngelepas Ura tuk, tapi lepas ke Barabas!"Barabas nyok perampok.
Chapter 19

1Pilatus ngamik Yesus udik merintah ura-ura isok Yesus di sesah. 2Kebalo prajurit ngayam sutik mahkota dari rantin-rantin te bedurik udik masa kekepalo Yesus, udik masa jubah ungu ke Neh.3Sidok maju nyemak Yesus udik madah, "Salam, ui Rajo ura Yahudi!"udah nyok, sidok nampar Muo Neh.4Pilatus keluar agik udik madah, "Pantau em! Aku kok ngemaik Yesus keluar nguso kitak isok kitak ketau'k aku ndo nemu kesalahan apo pun dari Neh."5Udah nyok, Yesus keluar ngau mahkota tamai jubah ungu. Pilatus madah kesidok, "Pantau em Neh!" 6Watu imam-imam kepalo tamai kebalo perwira mantau Yesus, sidok lalu mangkas, "Salib ke Neh, salib ke Neh!" Tapi Pilatus madah kesidok, "bai'k em udik salib kekedirik kerno Aku ndo nemu kesalahan apo pun dari Neh."7Ura-ura Yahudi lalu nyawab Pilatus, "Kami mpu ukum, udik nurut ukum nyok, Neh arus mati kerno neh ngangap dirik Neh Anak Allah."8Watu Pilatus mening nyok, neh makin takut9 udik tamok agik ke gedo pengadilan, udah nyok lalu betanyok ke Yesus, "Dari ni asal Nuan?" Tapi Yesus ndo nyawab neh.10Pilatus madah Yesus, "Nuan ndo kok ngumung tamai Aku?Apo Nuan ndok ketau'k Aku mpu kuaso ngau ngelepas Nuan udik mpu kuaso ngau nyalib ke Nuan?" 11Yesus nyawab, ''Nuan ndo mpu kuaso apo pun ngau Aku, kecuali kuaso nyok diberik ke Nuan dari atau in. Empadai nyok em ura nyerah Aku nguso ikam lebih besai duso.12Udah mening nyok, Pilatus berusaho ngelepas Yesus, tapi ura Yahudi mangkas, ''Kalau nuan ngelepas Ura tuk, Nan bukan agik kawan Kaisar; tiap ura te ngangap dirik neh rajo bereti ngelawan Kaisar.'' 13Watu Pilatus mening nyok, neh ngemaik Yesus keluar, udik dudo dibangku pengadilan. Di tempat te namo neh Litostrotos, dalam baso Ibrani te dipadah Gabata.14Ari nyok merupakan ari persiapan. Pilatus madah keura Yahudi, ''Tuk mek Rajo kitak!'' 15Empadai nyok, sidok lalu mangkas, ''Enyah ke Neh! Enyah ke Neh! Salib ke Neh!'' Pilatus madah sidok, ''Arus kah aku nyalib ke Rajo kitak?'' Imam-imam kepalo madah, ''Kami ndo mpu raja selaen Kaisar!"16 ujo ujo neh, Pilatus nyerah ke Yesus nguso sidok ngau disalib.17Yesus keluar samil mingkul salib kedirik ke tempat te benamo, ''Tempat tengkurak'' te dibaso Ibarani dipadah ''Golgota''. 18Din em sidok nyalib ke Yesus tamai duo ura, te disalib di kanan udik dikibok Yesus, sementaro Yesus ditengah sidok.19Pilatus nulis sutik surat udik nyimpan neh diatau kayu salib.Tulisan nyok bingan, ''YESUS URA NAZARET, RAJO URA YAHUDI.'' 20Bangat ura Yahudi te maco tulisan nyok kerno tempat Yesus disalib semak kota, tulisan nyok ugok ditulis dalam baso Ibrani, Latin, tamai baso Yunani.21Empadai nyok, imam-imam kepalo Yahudi ngumo ke Pilatus, ''Nusah nulis, 'Rajo ura Yahudi, 'tapi tulis mek, Ura tuk madah, ' Aku em Rajo ura Yahudi.''' 22Jawab Pilatus, ''Apo te dah aku, tetap tetulis!''23Kebalo prajurit watu sidok nyalib ke Yesus, ngamik pakaian Yesus udik magi jadi empat, sutik bagian ngau mase-mase prajurit, tami jubah Neh; jubah nyok nisik kelim hanyo ditenun dari atau ndo dijait.24 kebalo prajurit nyok ngumo sesamo dirik, "Nusah ngerinsak tapi pulah mek undian ngau nentu sapo te buleh neh." Hal nyok tejadi isok genap mek te udah dalam Kitab Suci: "Sidok mebagi-bagi pakaian Ku dintaro sidok ngau jubah Ku, sidok muai undi." Upo nyok mek kebalo prajurit mulah semuo nyok.25Sementaro nyok, Inai Yesus, menyadik betinok inai Yesus, Maria bini Klopas, udik Maria Magdalena bediri semak salib Yesus.26Watu Yesus mantai inai neh tamai murid te dikasih Neh bediri diok, Neh ngumu ke inai neh, "inai, pantau em tuk anak nuan!" 27Udik, Yesus madah ke murid te dikasih Neh, "Tuk em inai ikam!"Mulai dari nyok mek, murid nyok nerimok inai Yesus nungau dirumah neh.28Seudah nyok, Yesus ketau'k kalau semuo udah selesai, ngau ngenap ke Kitab Suci, Neh madah, ''Aku aus!'' 29Diok ado bejana penuh ngau anggur masam. Sidok nyucuk bunga karang te dah dicelup ke anggur te masam udik ngemaik ke mulut Yesus. 30Seudah mencecap anggur masam nyok, Yesus madah, ''Udah selesai.'' lalu nunok kekepalo udik nyerah ke nyawo Neh.31Kerno ari nyok ari persiapan, isok mayat-mayat nyok ndo beganto dikayu salib pado ari Sabat, kerno Sabat nyok ari besai, ura-ura Yahudi mintok ke Pilatus isok kaki ura-ura te disalib dipatah udik mayat-mayat diturun dari salib. 32Lalu, balo prajurit datai ngau matah kekaki ura te petamo tamai ura te disalib tamai Yesus.33 Tapi, watu sidok datai ke Yesus udik mantau kalau Neh dah mati sidok ndo matah ke kaki.34Tapi, sura prajurit nusuk tumak neh ke lamo Yesus udik ngalir mek darah tamai aik keluar. 35Ura te mantau nyok merik cerito tenta pristiwo nyok, cerito nyok benar kerno neh ketau'k kalau neh madah te benar-benar isok kitak pecayok.36Empadai, semuo tuk tejadi isok genap te dah ditulis dalam Kitab Suci: "Ndo sutik pun dari tula Neh te dipatah.'' 37dalam bagian te lain Kitab Suci madah, ''Sidok merati Neh te udah sidok tikam.''38Seudah nyok, Yusuf dari Arimatea, te agik murid Yesus mintok ke Pilatus isok neh tau'k ngamik mayat Yesus tapi neh mintok secaro betapok empadai neh takut ke ura-ura Yahudi; Pilatuspun nyuruh neh. Jadi em, Yusuf dari Arimatea datai ngau ngamik mayat Yesus. 39Nikodemus, ura te subok nguso Yesus watu malam ari, ugok datai kiok neh ngemaik campuran minyak mur tamai gaharu, te berat neh sekitar limo puluh kati.40Sidok ngamik mayat Yesus udik mungkus neh ngau kain linen te dah berik rempah-rempah sesuai adat ngau ngubur ura Yahudi. 41Disemak Yesus disalib, bisik sutik taman te ado kuburan baru te nado suah bisik mayat te diletak din. 42kerno ari nyok ari pesiapan ngau ura Yahudi, udik empadai letak kubur nyok ndo jauh, sidok ngeletak mayat Yesus din.
Chapter 20

1Pado ari petamo minggu nyok, Maria Magdalena angkat ke kubur Yesus pagi-pagi benar pas ari lagik gelap, pas mantau penutup kubur nyok udah begeser dari kubur. 2Empadai nyok, neh bebedap nguso Simon Petrus namai murid lain te dikasih Yesus, udik neh madah kesidok kalau, ''Sidok dah ngamik Tuhan dari kubur, tapi kami ndo ketau'k dini sidok ngeletak neh.3Nyok nyuruh, Petrus tamai murid lain nyok angkat kekubur. 4Seduo samo-samo bebedap, tapi murid te lain lari neh lebih cepat dari Petrus sehinggo neh datai lebih dulu kekubur. 5Neh melungok mantau kedalam, udik mantau kalau kain linen te mungkus mayat tegeletak din, tapi neh ndo tamok kedalam.6Seudah nyok, Simon Petrus datai, nyusul neh, lalu tamok kedalam kubur neh mantau kain linen pembungkus nyok teletak din. 7Udik, kain penutup muo Yesus ndo tegeletak tamai kain pembungkus te tadi, tapi udah begulo ditempat te lain.8Seudah nyok, murid te lain tadi, te dulu datai kekubur tamok kedalam. Neh mantau udik pecayok. 9Empadai, seapan kejadian nyok sidok ndo ngerti Kitab Suci, kalau Yesus arus bangkit agik dari kematian.10 Jadi, keduo murid nyok pulai kerumah.Tapi, Maria bediri diluar kubur nangis. Samil nangis, neh ngitip kedalam kubur, udik neh mantau duo ura malaikat bebaju putih agik duduk di tempat mayat Yesus di pegurin. Te sura duduk di bagian kepalo udik te sura duduk dibagian kaki. Keduo malaikat nyok betanyok ke Maria, "Ui betinok, ngapo kulok nangis?" Maria nyawab malaikat nyok, ''Sidok dah ngamik mayat Tuhanku udik aku ndo ketauk dini sidok ngeletak Neh.''14Seudah madah piok, Maria medok kebelaka udik mantau Yesus bediri diok, tapi neh ndo ketau'k kalau nyok Yesus. 15Yesus betanyok ke neh, ''betinok, ngpo kulok nangis? Sapo te kulok gigok?'' kerno neh ngiro kalau Yesus tuk sura penjago taman kebok mek maria ngumung, ''Tuan, jika Tuan dah minah Neh, padah aku dini tuan naruh Neh, udik aku kok ngamik neh.''16Yesus ngumai neh, ''Maria.'' Maria pun mantau Neh udik ngumung dalam baso Ibrani, ''Rabuni'' , te reti neh ''Guru''. 17Yesus madah neh, ''Nusah kulok megai Aku kerno Aku apan angkat nguso Bapa. Tapi, angkat em nguso menyanak- menyanak-Ku udik padah kesidok, 'Aku kok angkat nguso Bapa-Ku dan Bapamu, nguso Allah-Ku te ugok Allah kitak.18Maria Magdalena pun angkat udik neh madah murid-murid, ''Aku dah mantau Tuhan,'' nyok Yesus em te dah madah hal-hal tuk nguso neh.19Watu ari udah malam, pado ari pertamo dalam nyok, para murid nutup lawa-lawa nta sidok bekumpul empadai sidok takut ke ura-ura Yahudi, Yesus datai bediri ditengah-tengah sidok udik ngumung, ''Damai sejahtera bagi kitak!'' 20Udah madah piok Yesus madah ke jari tamai lamo Neh nguso murid-murid te diok. Balo murid benar-benar gango pas sidok mantau Tuhan.21Seudah nyok, Yesus madah agik kesidok, ''Damai sejatera bagi Kitak. Samo upo Bapa dah ngutus Aku, bako nyok ugok pituk Aku ngutus kitak.'' 22Udah Neh madah piok, Yesus mengembusi sidok udik madah, "Terimo mek Roh Kudus! 23jika kitak mengampuni duso ura, duso ura nyok diampuni. Kalau ado ura te duso-duso neh ndo kitak ampuni, duso sidpok nado diampuni.''24Tomas, sah sura dari 12 murid, te dikumai Didimus, ndo bisik namai sidok watu Yesus datai. 25Nyok nyuruh, murid-murid te lain madah neh, ''Kami dah mantau Tuhan.'' Tapi, Tomas nyawab sidok, ''Kalau aku ndo mantau bekas paku dijari Neh udik namok ke tunyok aku ke dalam bekas paku nyok, serto namok ke jari aku ke dalam lamo Neh, aku ndo pecayok.''26Lapan ari seudah nyok, murid-murid bekumpul agik dirumah nyok, Tomas ado namai sidok. Meskipun kebalo lawa-lawa ditutup, Yesus datai udik bediri ditengah-tengah sidok, serto ngumung, ''Damai sejatera bagi kitak!'' 27Udik Neh nyuruh tomas, ''Ulur ke tunyok ikam udik pantau jari Aku; ulur ke ugok jari kituk letak ke dilamo Aku. Nusah ndo pecayok, tapi pecayok em!"28Tomas nyawab Yesus, ''Auk, Tuhanku Allahku!" 29Yesus nanyok Tomas, ''Apo ikam pituk pecayok empadai ikam dah mantau Aku? Diberkati sidok te ndo mantau, tapi pecayok.''30Agik bangat tando ajaib lain te dipulah Yesus dimuo murid-murid Neh, te ndo ditulis dalam kitab tuk.31Tapi, semuo tuk diulis isok kitak pecayok kalau Yesus nyok em Kristus, Anak Allah, udik ngelalu kepercayaan kitak , kitak buleh idup dalam namo Neh.
Chapter 21

1Seudah nyok, Yesus madah kedirik agik disemak danau Tiberias. Neh madah kedirik ngau caro tuk: 2Simon Petrus, Tomas te dikumai Didimus, Natanael dari Kana di Galilea, anak-anak Zebedeus, tamai 2 murid te lain agik bekumpol. 3Simon Petrus madah, ''Aku kok angkat nangkap ikan.'' Sidok nyawab neh, ''Kami kok angkat tamai ikam.''Semuo sidok angkat keluar udik naek keperau, tapi malam nyok, sidok ndo nangkap apo-apo.4Pas subuh, Yesus bediri dipantai, tapi murid-murid Neh ndo ketau'k nyok Yesus. 5Neh ngumo kesidok, ''Anak-anak, apo kitak mpu ikan?'' sidok nyawab, ''Ndo.'' 6Neh nyuruh sidok, ''Tikam em jalo kitak ke sebelah kanan perau, udik kitak buleh ikan.'' Empadai nyok em, sidok nikam jalo, tapi ndo tau'k narek kedalam perau kerno bangat buleh ikan.7Empadai nyok em, murid te dikaseh Yesus madah ke Petrus, ''Nyok Tuhan!" Watu Simon Petrus mening kalau nyok Tuhan, neh lalu ngau pakaian kerno neh ndo baju pas kerjo udik lalu terjun kedanau. 8Murid-murid te lain datau ngau perau samil narik jalo te penuh ikan. Watu nyok, sidok ndo jauh dari darat, kiro-kiro 200 hasta.9 Watu datai kedarat sidok mantau barok api ado ikan diatau neh namai rute.10Yesus madah sidok, ''Bai'k kituk berapo ikuk iakan te baru kitak tangkap.'' 11Simon Petrus naek keperau udik narik jalo te penuh ikan besai kedarat, pemangat neh 153 ikuk. Meskipun ikan nyok bangat benar, tapi jalo ndo terinsak.12Yesus madah sidok, ''Bum makai.'' Ndo sura pun dari sidok te berani betanyok ke Neh, ''Sapo Nuan?'' kerno sidok ketau'k kalau nyok Tuhan. 13Yesus datai udik merik rute kesidok. Upo nyok ugok te dipulah Neh merik sidok ikan.14Tuk em ketigo kali, Yesus madah kedirik nguso balo murid Neh seudah Neh bangkit dari ntaro ura mati.15Seudah sidok selesai makai, Yesus ngumo ke Simon Petrus, ''Simon, anak Yohanes, apo ikam kaseh ke Aku lebih dari semuo tuk?" Petrus nyawab, ''Benar Tuhan, Nuan ketau'k kalau aku kaseh ke Nuan.'' Udah nyok, Yesus madah neh, ''Gembala ke Aku domba-domba-Ku!'' 16Yesus madah agik keduo kali neh, ''Simon, anak Yohanes, apo ikam kaseh ke Aku?'' Petrus nyawab, ''Benar Tuhan, Nuan ketau'k kalau aku kaseh ke Nuan.'' Yesus madah neh, ''Gembala ke Aku domba-domba-Ku!''17Yesus madah ketigo kalik, ''Simon, anak Yohanes, apo ikam kaseh ke Aku?" Ati Petrus jadi sedih kerno Yesus betanyok tigo kalik, ''Apo ikam kaseh ke Aku?'' Lalu, Petrus madah Neh, ''Tuhan, Nuan ketau'k segalo sesuatu, Nuan ketau'k kalau Aku kaseh ke Nuan!" Yesus madah neh, ''Gembala ke Aku domba-domba-Ku!18Aku madah benar-benar ke ikam, watu ikam agik biak, ikam kedirik te ngikat pinga ikam udik bejalai kini pun ikam kok; tapi watu ikam jadi tuo, ikam merenta jari ikam udik ura lain te ngikat pinga ikam, udik ngemaik ke tempat te ndo dikok ikam."19Yesus madah hal tuk ngau nunjuk kepemati bako ni petrus memuliakan Allah. Udik dah madah piok, Neh madah ke Petrus, ''Turut Aku!"20Petrus medok udik mantau murid te dikasih Yesus nurut sidok. Neh nyok em murid te duduk semak dado Yesus watu pejamuan malam te betanyok, ''Tuhan, sapo ura te kok mengkhianti Nuan?"21 Watu mantau neh Petrus betanyok ke Yesus, ''Tuhan, tipo neh nyok?"22Yesus nyawab, ''Seandai Aku kok nyuruh neh tetap idup sampai Aku datai agik, apo urusan ikam? Ikam, turut em Aku!" 23Empadai, umungan Yesus tuk tesebar dintaro balo menyanak-menyanak kalau murid nyok ndo tau'k mati, padahal Yesus ndo madah piok nguso neh kalau neh ndo tau'k mati, tapi hanyo madah, ''Seadai Aku kok nyuruh neh tetap idup sampai Aku datai agik, apo urusan ikam?"24Neh nyok em murid te becerito tenta semuo tuk, udik te dah nulis semuo tuk, lalu kito ketau'k kalau cerito neh nyok benar.25Agik bangat hal lain te Yesus pulah, kalau di tulis sutik sutik, aku raso seluruh dunia pun ndo cukup ngau semuo kitab te arus ditulis.

Acts

Chapter 1

1Enta buku te ditulis sepan Teofilus, tenta Yesus. 2 Yesus dikato, udah yok merik perintah ngelalu Roh kudus, nguso rasul-rasul te dah dipilih. 3Yesus nyuruh sidok nunyuk kedirik neh, udah idop tamai menderito, ngau bangat bukti tamai madah kedirik Neh selama empat puloh ari tamai madah tahto Allah.4semuo berito tenta sidok, Yesus nyuruh sidok nang nudi Yerusalem, tapi nunguk janyi Bapa te madah "kitak menin Aku". 5Yohanes membaptis ngau aik, kito dibaptis ngau Roh kudus, ndo lamah agik.6Kerno yok, tengah sidok bekumpul semuo, sidok nanyok "Tuhan apo tuk waktu Nuan nyemaik tahto israel ? 7" Yesus madah kesidok, "bukan kitak udah ketauk sebilo waktu te udah dipadah Bapa dalam kuasa Neh? " 8 Tapi, sidok bisik nerimok kuaso udah datai dan kitak jadi saksi-saksi Yesus de Yerusalem, Yudea, Samaria datai ke bumi.9Udah yok Petrus madah , Yesus kok datai, Yesus dikato ngemaik Neh lenyau dipantau sidok.10 sementaro sidok mantau ke langit, sementara Neh angkat, mantau bisik dua ura lelaki bebaju putih disisi sidok,11 " ura-ura Galilea, ngapo kitak bediri mantau ke langit, Yesus tuk, te udah dikato, antara kitak ke surgo kok datai agik, sama ngau waktu kitak mantau Neh ke surgo.12Udah yok, sidok pulai ke Yerusalem re bukit Zaitun, te de sisi Yerusalem jaoh sepejalai sabat. 13Ketiko sidok tamok, sidok naek ke darat, senta sidok nugau. Petrus, Yohanes, Yakobus, Andreas, Filipus tamai Tomas, Bartolomeus, Matius, Yakobus anak Alfeus tamai Simon ura Zelot tamai Yudas anak Yakobus. 14Sidok semuo sepikir nta doa, baek sidok betinok-betinok tamai Maria inai Yesus tamai balo menyanak.15Pada ari yok, Petrus bediri de tengah-tengah balo menyanak seiman (bangat ura kiro-kiro seratus duo puluh). 16Balo menyanak, kitab suci udah digenap, te udah dipadah ngau Roh kudus, ngelalu mulut Daud tenta Yudas te nyadi pemimpin ngau ura-ura te nangkap Yesus.17kito te dah ngelayan yok te di ito antaro kito 18Pituk , ura tuk meli tanah ngau upah dari pempulah te jai, udah yok kepalo jatuh dulu, tengah tubuh neh pecah, semuo isi perut teberuncai. 19Udah diketauk sidok te nugau di Yerusalem, sehingo tanah enta bahaso sidok disebut Hakal-Dama, reti yok, "Tanah Darah".20Udah di tulis kitab Mazmur : sok am enta sidok nugau jadi sunyik, sok din nisik ura te dudi de dalam, sok te lain ngamik pangkat.21Kereno yok, seura te bereto sidok, te tamai Tuhan Yesus tamok keluar re kito, 22Yohanes pembabtis sampai pada ari Yesus de kato, surgo udah jadi saksi tenta bangkit Neh bereto kito. 23Sidok nyuruh dua ura, Yusuf te disebut Barsabas, te disebut ugok Yustus tamai Matias.24Udah yok sidok bedoa, Tuhan ngenal hati semuo ura, nguso sapo antaro keduo ura yok te dipilih.25 Ngau nerimak pelayanan tuk tamai pangkat rasul, re Yudas te udah nyimpa ke badah neh kedirik. 26Udah yok, rasul muai undi de antaro sidok, undian jatuk ngau matias, sehingo neh bereto kesebelas rasul.

Chapter 2

1Pas ari pentakosta datai, sidok semuo bisik di tempat te samo. 2Tibo-tibo tepenin ari langit, ingan bako ribut. Ingan yok menuh ke rumah nta sidok tengah dudok. 3Udik tepantau ngau sidok bako baro api betabur dan nugau nta sidok. 4Sidok semuo penuh padai Roh kudus terus mulai ngumung ngau bangat bahaso bako te diberik Roh kudus ngau sidok padah.5Pada waktu yok, bisik ura-ura yahudi te nugau di Yerusalem, ura-ura taat ari tiap-tiap bangsa di baroh langit. 6Pas ingan yok tepenin, balo ura bangat datai samo-samo udik bingung karena tiap ura menin sidok yok ngumung ngau bahaso sidok kedirik.7 Sidak iran mantau samil ngumung, bukaikah sidok te tengah ngumung yok ura-ura galilea?8Keti tauk kito menin sidok ngau bahaso tapak kita diperanak? 9Sidok Partia, Media, Elam, Sidok mesopotamia, Yudea, Kapadokia, Pontus, Asia,10 Frigia, Pamfilia, Mesir, daerah Libia semak kirene, Penatai ari Roma, ura-ura Yahudi tamai ura Proselit,11 ura-ura Kreta tamai Arab. Kito menin sidok ngumung ngau bahaso kito tenta pempulah-pempulah besai Allah.12Sidok semuo iran samil ngumung sura ngau te lain, Apo reti tuk? 13Tapi, ura lain ketawok dan ngumung, "Sidok yok mabuk minum angur"14Petrus bediri ngau sebelas rasul, lalu ngumung ngau sidok "Ui kitak ura-ura Yahudi tamai semuo te nugau di Yerusalem, isok kitak ketauk dan menin te aku umung. 15Ura-ura tuk bah ndo mabok, bako te kitak kiro karena ari baruk jam 9 lelam,16tapi tuk am te dipadah dari nabi Yoel : 17Pada ari-ari pengabis kok terjadi, Allah berfirman :Aku kok curahkan Roh-ku ke atau semuo mensio. Nemiak-nemiak te laki tamai nemiak-nemiak te betinok tauk bernubuat, nemiak-nemiak te mudok tauk mantau, ura-ura tuo antaro sidok tauk mimpi.18Ke atau hamba-hamba Neh te laki dan hamba-hamba Neh te betinok pada ari yok, Aku kok curahkan Roh-ku, udik sidok tauk bernubuat. 19Aku kok mantau ke kitak mukjizat-mukjizat di atau langit ngau tano-tano ajaib di bumi, di baroh, darah, api, tamai kabut asap.20Mataari kok diubah jadi keleman dan bulan jadi darah. Sepan ari Tuhan te besai dan mulia datai.21Tiap ura te ngumai namo Tuhan diselamatkan.22Ui ura israel, penin umung aku tuk. Yesus ura Nazaret, seura te di padah di antaro hal-hal ajaib, mukjizat-mukjizat, tamai tano-tano, te di tunyok Allah de antaro sidok ngelalu Neh, te kitak ketauk. 23Yesus tuk, te de serah nurut rencana te udah te tentu uleh Allah sepan yok, kitak munuh tamai nyalib Neh ngelalu jari ura-ura durhaka. 24Tapi Allah mangkit ke Neh, dan ngelepas Neh dari penderito maut kereno ndo mungkin bagi Neh dikuasai kematian.25Daud suah ngumung tenta Yesus, aku mantau Tuhan bisik de depanku, kerno Neh berado de sebelah kanaku, sehingo aku ndo tauk di guya.26 Sebab tuk, atiku gembiro, lidahku besurak-surak. Tubuhku ugok nugau ngau pengarap.27Kerno Neh ndo nudi jiwo ku nta dunio ura mati, atau miar tubuh ura kudus binasa. 28Neh udah madah ngau aku jalai pengidup. Neh mulah aku gembiro ngau muka Neh.29Balo menyanak, aku madah ngau kitak tenta bapa leluhur kito, Daud, neh udah mati dan dikubur, kubur neh agik bisik tamai kito sampai pituk. 30Kerno neh adalah seura nabi ngetau bahwa Allah udah bejanyi ngau sumpah ke neh nuduk kesutik keturun Daud di darat tahto neh.31 Kerno yok, Daud te mantau seapan yok, neh ngumung kebangkitan Kristus bahwo : 'Neh ndo akan didudi di dunio ura mati, tubuh Neh ndo mantau binasa.'32Yesus tuk lah te Allah bangkitkan dan kami semuo saksi tenta yok.33 Sebab tuk, udah ditingik ngau jari kanan Allah nerimok janyi Bapa tenta Roh kudus, Neh udah curah apo te kitak pantau dan penin.34Daud ndo naik ke surgo, neh kedirik ngumung, "Tuhan ngumung ngau tuan Neh, 'Duduklah di sepiak kanan-Ku, 35sampai aku mulah musuk-musuh Neh menjadi penumpu kaki-Mu. 36Oleh kerno yok, biarlah semuo dangau israel ketauk pasti bahwa Allah udah nyadi ke Neh Tuhan dan Kristus, tuk am Yesus te kitak salib.37Waktu sidok menin hal yok, pedihlah ati sidok. Lalu ngumung ngau Petrus tamai para rasul te lain, "menyanak-menyanak apo te aris kami pulah?" 38Petrus ngumung ngau sidok, "Bertubatlah dan baptis ke kitak kedirik ngau namo Kristus Yesus isok dosa-dosa kitak diampuni, sok kitak nerimok pemerik Roh kudus. 39Janyi tuk untuk kitak tamai anak-anak kitak, ngau ura te agik jaoh, sebangat te Tuhan Allah kito ngumai.40Ngau umung te lain, Petrus bersaksi benar-benar dan ngumung ngau sidok, "Selamatkan dirik kitak re generasi te nyimpa tuk !" 41Ura-ura te nerimok umung Petrus dibaptis pada ari yok jumlah sidok betamah kiro-kiro tiga ribu jiwo. 42Sidok betekun menin pengajar rasul-rasul dalam persekutuan, bisik te mecah rute lalu berdoa43Sidok semuo takut, bangat hal ajaib serto tano-tano tedatai ngelalu paro rasul. 44Semuo te pecayok bekero besamo dan mpuk segalo sesuatu besamo-samo. 45Sidok nyual reto beno mpuk sidok, udah yok merik kesemuo sidok, sesuai keperlu sidok.46Setiap ari sidok bekero de bait Allah memecah-mecah rute re dangau ke dangau. Sidok nerimok pemakai ngau ati tulus, samil muji Allah, Sidok47 de suka ura bangat. Semakin ari Tuhan namah jumlah sidok, ura-ura te diselamatkan.
Chapter 3

1pado ari nyok,waktu kok semaya jam 3 malam ari,angkat em petrus namai yohanes ke bait Allah.2udik diok bisik ura laki te tungkut mulai dari kano inai neh dikato,tiap ari sidok naruh neh dimuo lawa bait Allah te namo neh Gerbang Indah ngau mintok pemerik ura te kok namok Bait Allah .3pas neh mantau petrus namai kok tamok ke Bait Allah,neh pun mintok kok sidok duo.4udik petrus namai yohanes mantau ke neh lalu ngumung"pantau kami."5 ura tungkut nyok pun mantau ke petrus ngau yohanes, samil neh ngarap ke pemerik sidok duo.Petrus madah ke neh nyok " aku ndo bisik perak gau emas kam, 6tapi apo te aku bisik ku kok ku berik ke ikam.Dalam namo Yesus ura Nasaret nyok, angkat lalu ikam bejalai!"7udah nyok,petrus megai jari kanan ura tungkut nyok samil nulo neh bediri.Watu nyok ugok kebalo kaki jari neh kuat.8samil melumpat,neh bediri lalu mulai bejalai,neh tamok Bait Allah namai Petrus ngau Yohanes,pas bejalai neh melumpat-lumpat muji Allah.9semuo ura mantau neh bejalai muji Allah,10udik kelamok sidok ngenal neh kalau neh nyok te rajin dudok enta Gerbang Bait Allah ngau mintok pemerik ura ,sidok penuh raso nyaroh dan iran medok apa te udah terjadi ke neh.11ura nyok trus namai kini Petrus gau yohanes,semuo ura iran mantau nyok,lalu angkat nguso sidok dijeramah dipadah ura Jeramah Salomo. 12udik Petrus mantau sidok lalu neh ngumung, "ui balo sidok ura Israel, ngapo kitak tuk iran mantau utai nyok, upo-upo kuaso nyok mpu kami te nyuruh neh tuk bejalai?13Allah Abraham ,tamai Ishak, namai Yakub, Allah ini'k muyang kitak tuk em te udah ngalu-ngalu ke Neh te kito padah Yesus, te kitak berik lalu kitak tulak dimuo Pilatus pas neh kok mebas kemensio Nyok. 14Tapi kitak tu nulak ura te Kudus gau benar nyok,lalu kitak semuo tuk minto ura te dah munuh dilepas ngau kitak,15lalu kitak tuk lebih milih munuh ura te merik idup kekito,tapi Neh udah dibangkit Allah dari ntaro ura te udah mati,nyok lah mulah tuk jadi saksi-saksi Neh. 16karno ngau iman te pecayok ke namo Yesus nyok nyuruh ura tuk kuat,ura te rajin kitak pantau ngau kitak kenal,iman nyok mek teh nyuruh neh semuh dimuo kitak semuo.17pituk,balo menyanaku, aku ketauk kitak tu mulah pempulah utai ndo kitak ketauk upo te dipulah balo ketuo kitak nyok. 18tapi ngau utai nyok Allah mukti keh benar apo te depadah bala nabi kalau Kristus tuk arus mendereto19nyok mek nyuruh kito arus betubat pulai kejalai neh iso duso-duso kito diapus neh, 20isok Tuhan merik kekito watu te tau melego keati,namai neh nyuruh Kristus datai kekito "nyok mek Yesus,21kristus nyok arus nugau di surgo sampai kewaktu tesenang nyok upo te dah di padah Allah ngelalu balo nabi jaman marik. 22Upo te udah dipadah Musa, "kalau neh kok mangkit ke sura dari balo menyanak kito. 23Utai nyok pasti tejadi ,kebok ura te ndo mening padah nabi nyok kok deayap dari bangso kito tuk."24bara nyok bah udah suah di umung semuo nabi mulai ri Samuel sampai sidok ari-ari tuk. 25kitak nyok mek te enturun balo nabi upo janyi ti udah dipulah Allah gau ini'k muyang kitak,Abraham neh madah,' ngelalu semuo balo anak ucuk ikam nyok mek dunio tuk deberkati.' 26Allah tuk dulu mangkit ke hamba namai nyuruh ke neh datai ke kitak isok merik berkat sambil nyuruh sidok ngayap keati jai.
Chapter 4

1Watu yok Petrus tamai Yohanes ngumung ngau ura bangat, datai ke sidok kebalo Imam, Kepalo Penjago Bait Allah, tamai balo ura Saduki,2 datai mata ringat benar, padai sidok ngajar ura bangat, madah de dalam Yesus bisik kebangkitan ari entaro ura mati.3 Lalu sidok nangkap Petrus tamai Yohanes lalu majak sidok duo dalam penjaro sampai lelam pagi padai ari udah kleman. 4Tapi bangat ari sidok te udah ningo pemadah balo rasul nyadi pecayo, pemangat balo lelaki entaro sidok nyadi kiro - kiro limo ribu ura.5Ari pagi neh, balo pemimpin, balo tuo-tuo tamai ahli Taurat sidok bekerumun de Yerusalem,6 tamai balo Imam Besai Hanas, tamai Kayafas, Yohanes, Aleksander tamai semuo ura ari keluargo Imam Besai.7 Watu yok sidok naroh Petrus tamai Yohanes de tengah-tengah, sidok nanyok," ikam mulah pempulah tuk ngau namo sapo tamai namo sapo?8Lalu, Petrus de penuh Roh Kudus madah ke sidok," Balo pemimpin banso tamai tuo- tuo,9 tik kami de periso ari tuk empadai pempulah bae'k kami ngusung ura ndo mampu tuk, ngau apo agik ura tuk de entamo?" 10 Isok hal tuk de ketau Kitak semuo tamai semuo ura israel bahwa nama Yesus Kristus, ura nasaret, te udah kitak salib, te udah Allah suruh bangkit ari entaro ura mati, ura tuk bediri de muo kitak udah bae'k.11Yesus tuk em Batu te de tulak kitak, balo tuka pulah utan, te udah nyadi Batu Pejuru. 12 Lalu kito ndo tau selamat ulih ura bukai, empadai ndo sik ura bukai di bawah Langit tuk te meri ke mensio te empadai nama yok kito selamat.13Watu sidok mantau pemerani petrus tamai Yohanes serto ketau bahwa sidok ura ndo sekulah, ura biaso, sidok nyadi tekejut lalu mulai ngelalo bahwa sidok duo suah tamai Yesus. 14Seudah mantau ura te semuh yok bediri de semak Petrus tamai Yohanes, sidok ndo tau mantah neh.15Tapi watu sidok nyuruh Petrus tamai Yohanes angkat ari Sanhendrin, sidok berunin16 lalu madah " Apo te arus kito pulah ngau ura duo tuk? padai bisik tano te benar-benar nyaroh udah te sidok pulah, lalu nyato ngusung semuo ura te nugau de Yerusalem, lalu kito ndo tau nyangkal neh. 17Tapi isok hal tuk ndo de ketau balo ura, buh kito ngancam sidok isok ndo ngumung ke ura." Watu nyok, 18sidok ngumai Petrus tamai Yohanes, lalu nyuruh sidok duo ndo ngumung atau ngajar apo - apo dalam nama Yesus.19Tapi Petrus tamai Yohanes nyaut lalu madah ke sidok," Putus em, ni te baek nurut pemantau Allah, ningo ikam atau ningo Allah? 20Sebab kami ndo mungkin madah ke utan te ndo udah kami pantau serto dingo.21Kebok, watu yok sidok slalu ngancam Petrus tamai Yohanes, sidok nyuruh balo Rasul nyok angkat, seudah ndo sik nemu caro ngau ngukum sidok duo padai bangat ura muji Allah atas pempulah Neh. 22Sebab ura te de semuh ke sidok duo nyok udah beumur empat puluh taun23Watu udah de lepas, Petrus tamai Yohanes angkat ngusung balo kaban neh, lalu bekisah ke segalo utan te de padah Balo Imam Kepalo tamai tuo-tuo ke sidok.24 Watu balo kaban neh ningo, sidok ngankat suaro ngusung Allah tamai madah" Ya Tuhan, Nuan te udah mulah langit, bumi, laut tamai segalo isik neh,25 te madah ngau Roh Kudus, ngau mulut hamba-Mu, Daud, inik muyang kami: 'ngapo banso- banso lain ringat, tamai balo ura te udah mantau te ndo sik reti?26Balo Rajo dunio tamai balo penguaso samo ngerumun ngelawan Tuhan tamai ngelawan Yang DeUrapi-Neh.'27Sebab sebenar neh kota tuk udah samo kok di kerumun ngelawan Yesus, Hamba-Mu te Kudus, te Nuan Urapi, baek Herodes tamai Pontius Pilatus, serto banso- banso laen, tamai ura ura- ura Israel,28 ngau mulah segalo utan te udah de rencano oleh Neh se apan terjadi.29Pituk Tuhan, pantau balo ancaman sidok, Beri karunia ngau balo Hamba Nuan tuk ngau madah Firman Nuan isok brani,30 sementaro Nuan ngulur ke jari Nuan ngau nyemoh ura, tano- tano serto keajaiban terjadi ngau Hamba- Nuan te kudus, Yesus."31 Lalu seudah sidok semaya, tempat sidok bekerumun beguncang lalu sidok semuo de penuh Roh Kudus, serto ndo takut nyebar ke firman Tuhan.32Lalu kumpulan sidok te pecayo sutti ati jiwo. Ndo sik sura pun te madah bahwa barang neh yok mpuk neh kedirik, tapi segalo utan nyok mpu sidok semuo.33 Lalu kuasa besai balo rasul merik kesaksian sidok tentang kebangkitan Tuhan Yesus serto anugrah te besai bisik ngusung sidok semuo.34Ndo sik sura pun te kura de entaro sidok padai semuo ura te bisik umo, langkau, de jual serto asil penyual yok de taroh de kaki Bala Rasul, serto de bagi ke ura sesuai keperluan neh.35 Piok ugok Yusuf, ura Lewi, Kenturunt Siprus te de kumai ugok oleh Balo Rasul, Bernabas, te bereti 'anak pengibur', nyual umo te mpu neh serto mai duit asil yok lalu de taroh de kaki para rasul.36Piok ugok Yusuf, ura Lewi, kenturunt Siprus te de kumai ugok ulih balo Rasul, Barnabas, te bereti " anak Pengibur", 37 nyual umo te mpu neh lalu ma'i duet yot, di taroh neh de kaki Balo Rasul,
Chapter 5

1bisik sura laki benamo ananias tamai bini neh nyual keboreto mpu neh.2 lalu gok sepengetauk bini neh,Ananias ngetan sebagi asil ari penyual reto yok de ngau dirik neh, lalu sisok ari stengah yok de anyung neh ke rasul.3ulih petrus madah ," keti Iblis lalu tau ado dalam ati ikam, singgolah ikam brani ngemulok RohKudud, lalu ngetan setengah perulih ari penyual tanah bah yok. 4 watu yok gik se pan de jual , Tanah yok kan mimang kan mpu dirik ? tentu agik hak ikam ? ngapo ikam mikir pempulah tuk alam ati ikam ?ikam ndo ngemulok ke mensio, tapi ngusung Tuhan Allah. 5 lalu watu neh menin peluluk yok, Ananias langsung tejatuk lalu mati, lalu smuo sidok ute menin umung yok nyadi takut. 6 beberapo ura biak datai kiok ngimpus neh, ngesan neh kluar lalu ngubur neh.7dah yok, dalam watu lebihkura tigo jambini Abnanias pun datai,tai neh ndo ketauk apo ute udah kejadi diok. 8 Petrus madah ke neh, " pada ke aku apa bnar kulok tanah bah yok sepemangat tuk, sefira pun nyaut,' auk bnar sepemangat yok,"9lalu petrus madah ke neh, ngapo dirik tamai laki dik bepekat nyubo Roh Tuhan ? pantau kaki ura yang udah blalu pulai ngubur laki dik sidok yok agik bisik de muo lawa, sidok yok gok ute ngesan kulok kluar.10 tuli seklin yok safira jatuk de muo Petrus lalu nyintak penyuan ute pemaduk. ktiko balo ura ute biak tamok, sidok mantau safira udah mati,lalu sidok ngesan neh kluar lalu ngubur neh de spiak laki neh. 11 lalu, ngejadi praso takut ntaro smuo jemaat tamai ura-ura ute menin pekaro yok.12bangat tano ajaib tamai mukjizattejadi ntaro bangat jari balo rasul,sidok yok smuo spekat bekero ta jeramah Salomo. 13 nisik surapun ari sidok brani tamai bgabung tamai sidok, dah yok balo ura bnar-bnar ngalu-alu sidok.14nyadi, makin bangat agik pemangat ura ute pecayok ngusu Tuhan, bnar-bnar bangat, baek balo laki, piok gok balo betinok. 15 dah yok sidok ngesan ura-ura ute pedih ke jalai-jalai, ngurin siok ke darat tanu pegesan tamai kasur ari uma padi sok petrus datai kiok, paling ndo kemaya neh kenok balo sidok ute pedih yok. 16 gok bisik bangat ura ari kota-kota spiak yerusalem datai berto ngemaik balo ura pedih ute kenok pemedih angin jaik, sidok yok nyadi semuh smuo.17lalu imam besaipun angkat bediri,berto kebalo ute tamai neh yok klumpuk saduki,dalam ati sidok yok tengah bisik peluat peringat.18 sidok yok lalu nangkap balo Rasul,lalu de pajak ke dalam penyaro ura bangat.19dah yok ,watu kelman ari,datai sura malaikat Tuhan mukok tlingu lawa penyaro yok, ngirin sidok rasul kluar ari dalam penyaro yok,lalu madah,20 bediri, angkat kin , padah ke balo ura de bait Allah ta semuo Firman sual pengidup tuk ." 21 watu sidok menin yok,watu diniari, sidok lalu tamak kalam Bait Allah lalu mulo ngajar.watu Imam besai tamai balo ura ute tamai sidok datai,sidok ngero sanhedrin tamai smuo majlis retuo Israel, lalu nyuruh ura ke penyaro sok tauk ngemaik balo rasul yok ngadap sidok.22ulih, watu kebalo sidok ute de suruh tuk datai, sidok ndo nemu sidok Duo rasl yok dalam penyaro yok.lalu sido pulai ngelapor,23 lalu ngumung," kami nemu penyaro yok tekunci ngau smuo pengaman gok tamai balo penyago agik bediri de muo lawa, ulih watu kami mukok lawa , nisik sura pun kami nemu sidok dalam penyaro yok.24lalu, ktiko kepalok penyago Bait Allah tamai balo Imam kepalok menin peluluk yok, sidok lalu iran ngau balo rasul yok, lalu betanyok keti tauk tejadi upo yok.25 lalu bisik sura datai madah sidok ," Pantau ! Ura-ura ute kitok pajak kalam penyaro pituk tengah bediri de Bait Allah ngajar ura bangat .26lalu, penyago Bait Allah tamai kebalo neh,lalu angkat ngemaik balo Rasul yok,ulih ndo ngau caro kras agik sbab sido gok taku de tikam ke batu ulih ura bangat.27 ktiko sidok udah ngemaik petrus tamai yohanes, sidok ngirin seduo yok ngadap sanhedrin .lalu Imam besai mulo nanyok seduo yok. 28 jekuk neh," kami udah nidah, nang agik ngajar ngemaik namo yok,tapi kitok yok udah menuh Yerusalem ulih pengajar kitok yok yang kok nangu' Darah ura tuk ke kami.29ulih, petrus tamai balo Rasul nyaut," kami lebih nurut Allah ari Mensio30 Allah inik muyang kitoudah mangkit ke yesus ute udah kitok bunuh ngau caro ngantu-Nehta kayu salib. 31 Allah ningik ke -Neh ta jari kanan - Nya sbagai pemimpin gok Juru Slamat sok merik pertobatan ngusu israel gok tamaingampun balo Duso. 32 kami tuk gok ute nyadi saksi-saksi ari smuo tuk, piok gok Roh Kudus ute udah Allah berik nguso balo ura ute udah nurut-Neh.33ktiko sidok menin pekaro yok, ati sidok ringat lalu timul pemkir kok munuh kebalo Rasul. 34dah yok, bisik sura Farisi benamo Gamaliel, sura pengajar Taurat ute di tuo smuo ura, bediri de muo Sanhedrinnyuruh sok balo Rasul de baik kluar skejap.35lalu neh madah ke sidok," Hai balo Israel pantau bnar-banr apo ute kok de pulah kitok nguso balo ura tuk. 36sbab beberapo watu lalu, Teudas bangkit, ngakuk dirik upo ura pentin lalu lebih kura empat ratus ura ute begabung ngabung dirik tamai neh.ulih neh lalu di bunuh lalu smuo ute namai neh pamar biar ,sampai nisik agik. 37dah yok teudas, Yudas ari Galilea bangkit,watu ari-ari sensus penduduk, yok narek bangat ura tamai neh, yok gok de bunuh sidok,lalu smuo sidok ute tamai neh nyadi pamar biar.38sbab,dalam pekaro tuk,aku kok ngajar kitok: nang nyemak sidok yok sok piok.sbab, ntik kemauk tamai pempulah yok brasal ari Mensio pasti ndo tauk brasil. 39ulih ntik kemauk tuk brasal ari Allah, kitok ndo talah nidah -Neh, tauk malah kitok de padah nglawan Allah40sidok nunok pemadah gamaliel, lalu dah yok udah ngemaik ke duo Rasul,sidah lalu maluk mlasah seduo rasul yoklalu nidah seduo rasul ngumung dalam namo Yesus ,ngisok seduo yok angkat. 41dah yok ,rasul-rasul yok blalu ari muo sanhedrin ngau ati pengago,sbab seduo di kiro talah ngetat ati pemedih ulih penghinaan demi namo-Nya. 42lalu, tiap-tiap ari dalam Bait Allah gok ari rumah ke rumah , sidok ndo kalok betegok ngajar samil ngabar Injil, bahwa Yesus nyaklah ute di kumai Kristus.
Chapter 6

1pado ar'i yok,pemangat murid betamah selampur ,bisik keluh kesah pansut dar'i ura Helenis nguso ura-ura Ibrani asli,ker'eno balo jando sidok dah ndo dipeduli agi'k ngau ngelayan makai tiap ar'i.2Mako,keduo belas rasul ngumai semuo murid,udah yok ngomong"ndo benar klu kami ndo peduli ke firman Tuhan demi ngau ngelayan mijo.3 Ker'no yok,balo menyanak milih sidok tujuh ur'a kitak tebaek penuh ngau Roh Kudus tamai ngerti.4Udah yok,kami kok benar-benar dalam duo tamai dalam ngelayan Tuhan.5Penyatoan yok nyenang ke ati semuo ur'a,udah yok sidok milih Stefanus ur'a te penuh iman tamai Roh Kudus,serto Filipus,Prokhorus,Nikanor,Timon,Parmenas,tamai Nikolaus seur'a proselit dari Antiokhia. 6Sidok dibai ngadap balo rasul,udah yok beduo.Balo rasul numpa menumpakan jar'i sidok ke darat tujuh ur'a yok.7Firman Allah makin tesebar,lalu pemangat murid di Yerusalem makin betamah sampai,sekelumpuk besai imam patuh nguso iman yok.8Stefanus penuh ngau anugrah tamai kuaso,udah mulah hal te iran tamai tando-tando ajaib antaro ur'a bangat.9Tapi,balo ur'a sinagoge te disebut ur'a Libertini,baek ur'a Kirene,ur'a Aleksandria,beberapo dari Kilikia,udah yok ur'a Asia,angkat bepadu tamai Stefanus.10Tapi,sidok ndo talah bepadu pengerti te tamai Neh stefanus omung.11 Lalu,nugau-nugau sidok ngasut beberapo ur'a ngau ngomung,"kami udah mennin ur'a tuk ngucap kato te ja'i ngu.12Lalu,sidok nyuruh ura bangat tuo-tuo,ahli Taurat nguso Stefanus ngau nangkap neh,udah yok ngemai neh ngadap Sanhedrin.13Sidok ngemai saksi palsu ngau ngumong,"ur'a tuk ndo kok brenti ngumong te ngelawan ar'o kudus tuk tamai Hukum Taurat. 14Ker'no,kami udah mennin neh madah bahwo Yesus dari Nasaret kok ngancur ke tempat tuk,udah yok kok ngubah adat istiadat te udah dibrik Musa ke kito. 15Pado waktu yok,mantau muo Stefanus semuo te duduk dalam Sanhendrin mantau muo neh upo malaikat.
Chapter 7

1Udah yok, bungi Imam besai ''Apo benar upo yok? 2 Stepanus madah''balo menyanak penin aku Allah te mulio nganyok ke ini moyang kito, Abraham wakyu neh agik di Mesapotamia, seapan neh nugau di Haran,3 Neh madah larikin ke tanah balo menyanak nuan, udah yok datai ke tanah Ku tunyok ngau nuan.4Udah yok Abraham nudi tanah ura Kasdim lalu nugau di Haran udah yok apai neh mati, Allah nyuruh pindah ke tanah tuk enta sidok nugau pituk. 5Yok Allah endo merik reto bendo ngau neh, bah setapak tanah pun endo, tapi bejanji merik abraham hak neh keturun udah neh. Abraham apan isik empu anak.6bukan piok bungi Allah, keturun neh jadi penatai de tanah ura lain sidok de jadi budak serto di aniayo selamah empat ratus taun lamah neh, 7Aso piok, Aku kok ngukum banso te ngukum sidok bungi Allah, udah yok sidok keluar re yok, semaya ngau Aku aro yok. 8Lalu, Allah merik Abraham pejanji sunat, abraham jadi apai Ishak, nyunat neh waktu umur lapan ari, Ishak jadi apai yakub, udah yok Yakub, tamai keduo belas apai leluhur.9Empadai ngiri ngau Yusuf Apai leluhur kito nyual neh ke mesir. tapi Allah nyerto Yusuf, 10Nyelamat neh re semuo derito, serto merik neh Anugerah tamai pengrerti ke muo Firaun, rajo Mesir, tenyadi ketua atas mesir semuo istana neh.11Sekejab mato, musim lapar tejadi di tanah Mesir tamai Kanaan, nyebab derito sangat besai, sampai inik muyang endo buleh pemakai. 12Bukan piok, waktu Yakub menin'd bahwa ado genum di mesir, neh nyuruh inik muyang kito datai kin ngau pertamo kali.13 Waktu beranau keduo kali, Yusuf madah dirik ngau balo menyadik Neh, semuo menyanak Yusuf jelas bagi Firaun.14Udah yok Yusuf ngirum kabar ngunda Yakub apai neh, semuo balo menyadik menyanak neh, semuo pemangat sidok 75 jiwo. 15Yakub turun ke mesir neh mati din, besamo inik muyang kito. 16Ari din sidok de pindah ke Sikhem, di gurien aro kubur te udah Abraham beli ngau duit anak Hemor di sikhem.17Bukan piok makin semak pejanji tuk, Allah padah ngau Abraham, banso betamah belipat di mesir, 18 Sampai ado Rajo telain bangkit atas mesir, endo ketauk tenta Yusuf. 19 Rajo ngemulok ngakal banso kito, piok nganiayo inik muyang kito sampai makso sidok muai balo anak biak lelaki sidok sampai endo be tan idup.20Waktu yok Musa lahir, sangat baek bako neh di muo Allah. Musa di intu enta apai neh selamah tigo bulan. 21 Udah yok neh di buai, putri Firaun ngamik neh, sampai ngemesai upo anak dirik.22Kebok, Musa di didik dalam kepanai ura mesir, neh bekuaso re mulut sampai tebiat. 23 Seda Musa genap umur 40 taun, pansut pemikir neh kok nguso balo menyanak neh, keturun Israel. 24Sekejab, mantau sikuk re sidok endo senunuh uleh ura ura mesir, Musa datai mangan ura te di keruyok, lalu neh munuh ura mesir yok. 25Musa ngiro balo menyanak neh, ngerti bahwa Allah selamat ngelalu neh, sidok pun lalu endo ngereti.26Seudah ari yok Musa nguso ura israel lagik betangkap, neh encubo nenang ke sidok, lalu madah'' hai bukan kitak tuk lagi ado kait menyanak, ngapo rajin medih pangan. 27Tapi , ura te medih menyadikneh yok nangkis musa ketisi samil madah, sapo te nyuruh nuan jadi penguaso tamai pemutus pekaro atas kami?28 Apo nuan kok munuh aku upo nuan munuh ura mesir kemarik?'29Menin'd pemadah ura yok, Musa ngelari kedirik lalu jadi penatai di tanah Midian. Din neh jadi apai re duo nebiak anak lelaki. 30 Pas genap empat puluh taun, seura Malaikat mansut kedirik ngau Musa de belayan rampuk gunung sinai,dalam lidah api di belayan durik.31Waktu Musa mantau, neh iran mantau penampak yok. sekejab neh semak, lalu ngamat datai em ingan Tuhan,.32 Akulah, Allah inik muyang kitak Allah Abraham, dan Allah Ishak,dan Allah Yakub.' Musa begetar takut endo berani ngamat Neh.33Lalu, Tuhan madah neh, dudi selup re kaki ikam, aro tuk enta ikam bediri tanah suci.34 Aku benar-benar udah mantau pemedih umat-Ku te ado di mesir puas menin'd keluh sidok's, Aku udah turun kok nyelamat sidok's, pituk em boh, Aku kok ngutus ikam ke mesir.35Musa udah di tulak sidok lalu bingan,''Sapo tenyadi penguaso tamai pemutus pekaro kami?'' Neh yokura te Allah utus ngau jadi penguaso atau penyelamat ngelalu jari malaikat te mansut kedirik ngau neh di belayan rampuk.36 Ura tuk mimpin kitak keluar, samil bisik mujizat tamai tandno-tandno ajaib di tanah mesir,di laut mirah serto belayan rampuk duri selamah empat puluh taun.37 Musa tuk em madah ngau banso Israel,''Allah kok ngebangkit ngau nuan se'ura nabi, upo akude antaro balo menyanak nuan.38Tuk neh ura te ado antaro jema'at di belayan semak bereto makaikat ngumung ngau neh di gunung sinai,bereto inik muyang kito,neh udah nerimok Firman te idup di berik ngau kito. 39 Inik muyang kito nulak nurut ngau Musa, tapi ngelari neh yok serto mau'k bekalih ke mesir dalam ati sidok. 40Ngumung ngau Harun, ''pulah ke kami balo jelu-jelu te tauk bejalai de muo kami uleh Musa tuk, te mimpin kami keluar re tanah mesir, kami endo ketauk apo tejadi ngau neh.41Waktu yok, sidok's mulah pentek anak benata, serto ngumpan ngau pentek yok, serto gago ngau pempulah jari sidok. 42Bukan bereti, Allah endo merati sidok, ngisok sidok nyemah balo tentaro langit, upo ado tetulis lam kitab sidok nabi, ''Apo kitak ngemaik ke Aku benata semelih tamai pesemah selamah empat puluh taun de belayan tanah, hai umat Israel?.43Kitak ngemaik dangau Molokh tamai binta jelu, Refan, pentek te di pulah kitak ngau di semah, Aku kok muai kitak ke sebera Babel.'44Inik muyang kito empu dangau Kesaksian de belayan tanah, Upo te Allah padah waktu ngumung ngau Musa, mulah gamar samo te ngau neh pantau. 45 Udah nerimok dangau yok inik muyang kito maik tamok berto Yosua, waktu berebut tanah sidok re banso-banso lain ,Ute Allah pacin re muo inik muyang kito, sampai waktu zaman Daud.46 Daud bulieh kaseih karunio de muo Allah serto bulieh aro ngau nugau bagi Allah yakub.47Bukan piyok, Salomo mulah rumah Neh.48 Ute yok te Maha tingik endo nugau dalam rumah te di pulah jari mensio upo te di padah balo nabi,49 Langit yok tahtaKu , bumi yok penumpu kaki-Ku. Rumah upo keti kok kitak pulah ngau AKu? Allah berfirman Dini aro Aku betegok? 50Sajo jari Aku tuk te mulah semuo yok?51Hai kitak ura keras kepalo, ngau ati tamai penin serto endo besunat, kitak selampur ngelawan roh kudus, macam di pulah inik muyang kitak! 52Nabi-nabi te ni endo di sikso, uleh inik muyang kitak sidok munuh ura seapan madah kedatai sang tebenar,tepituk nyuruh kitak kedirik jadi penghianat tamai pemunuh.53 Kitak te udah nerimok ukum taurat upo udah disampai uleh balo malaikat tapi kitak ndo nyago neh.54waktu sidok menin pekaro tuk , ati sidok pedih serto gigi sidok engkertup terhadap Stefanus.55 Sajo piok,stefanus te dipenuhi oleh Roh Kudus nengkadah kelangit,serto mntau kemulio Allah,serto mantau Yesus bediri disepiak Kanan Allah.56Bungi Stefanus,"penin ! Aku mantau langit tebukok Anak mensio bediri disepiak kanan Allah.57sento,sidok mangkas mukau ngau ingat nyar'in sento nutup penin sidok,lalu sepakat nyera Stefanus.58 Lalu sidok nyerit neh keluar kuto lalu nikam neh gau batu.udah nyok, balo saksi mato nangal jubah sidok disura lelaki bedamo Saulus.59Lalu, sidok nyiso Stefanus te mangkas lalu madah, "Tuhan Yesus terimok rohku"60Udah yok belutut neh mangkas ngau ingan nyarin,"nang tango duso tuk ngau sidok!" seudah madah yok neh pun mati.
Chapter 8

1Saulus pun setuju ngau pemunoh Stefanus yok. Pado ari yok, penyiso yo besai tejadi ngau jemaat di Yerusalem, dan sidok semuo bepisah ke daerah-daerah Yudea tamai Samaria, kecuali sidok rasul. 2Beberapo ura nurut ngubor Stefanus lalu mulah pemiluk ati ke neh.3 Uda yok, Saulus beusaho munoh jemaat ngau caro tamok ke rumah-rumah. Neh ngeruntai lelaki bok betinok, dan yok nepuk sidok ke penyaro.4Dah yok, sidok yo uda tepisah yok bekelilint samel madah Injil. 5Filipus turunt ke Samaria dan yo madah berita Kristus.6Ura bangat setuju mantau apo yo Filipus padah watu sidok ningo dan mantau tano-tano nyaro t depulah ne. 7Padai roh-roh jaik pansut dari ura-ura te disaro ne, samel mangkas ngau ingan kuat urang te tungkot tamai timpa te dientamo. 8Uda yok, ado gago besai di kota yok.9Ado seura lelaki benamo Simon yo sebelum ne uda ngelabok ilmu penenong di kota dan mulah irant semuo ura Samaria, ngan nyebut dirik ne ura besai. 10Semuo ura, mulai dari te palent senek (renyai), sampai te palent besai, madah "Ura tuk ado kuaso Allah yo te disebut 'besai'." 11Kebok sidok mantau ke neh, padai uda sekiant lamok ne uda mulah sidok irant ngau ilmu tenong neh.12Seudah ura-ura pecayok ke Filipus madah Injil ngau Kerajaan Allah tamai namo Kristus Yesus, sidok dipemanik, baek te lelaki pun te betinok. 13Simon kedirik pecayok uda yok neh dipemanik gok, ne lalu ado di semak Filipus, watu neh mantau mujizat tamai tano-tano nyaroh te ado, neh pun jadi nyaroh.14Pado watu yok, watu rasul-rasul di Yerusalem ningo ura-ura Samaria uda nerimok Firman Allah, sidok merintah Petrus tamai Yohanes ngau 15balo ura dint, datai tamai semaya ke sidok sok sidok nerimok Roh Kudus. 16Padai Roh Kudus pant turunt ngau seura pun dari sidok, sidok cumo dipemanik dalamp namo Yesus. 17Uda yok, Petrus tamai Yohanes naroh jari di darat sidok, lalu sidok nerimok Roh Kudus.18Watu Simon mantau Roh Kudus diberik ngelalu jari rasul. Simon nawar duet ngau sidok rasul yok19 ngau madah, "Berik gok kuaso tuk ke aku sok tiap ura te ke aku numpa jari aku ke neh nerimok Roh Kudus.20Tapi, Petrus madah ke Simon, "Semoga duet ikam lenyau tamai ikam, padai ikam bepiker ikam dapat buleh kurnia Allah ngau duet! 21Ikam nisik pemagi atau hak dalamp hal tuk, padai ati ikam nado bujor di muko Allah.22 Mako, betobat am dari pempulah jaik yok, lalu semaya mintok ke Tuhan sok niat ati ikam dapat diampunt ke ikam. 23Padai aku ado mantau ikam dalamp empeduk te paet tamai jerat pempulah jaik.24Lalu, Simon nyaot tamai madah, " Bedoa am (semaya) ngau aku ke Tuhant, sok apo yo udah iko padah nado ngenok aku."25Seudah yok, Petrus tamai Yohanes mulah ne benar-benar ngau firman Tuhant, sidok pulai ke Yerusalem samel madah Injil ke banyak kampo ura de Samaria.26Uda yok, Malaikat Tuhant ngumong ngau Filipus, kato ne, "Angkat am lalu bejalai ke selatan, ke jalai te turun dari Yerusalem nguso Gaza. Jalai yok am te jalai te sungik." 27Filipus pun angkat lalu neh turunt. Lalu, ketilok ura Etiopia, ura bepangkat dari seura pejabat pengadilan Sri Kandake, Ratu Kerajaan Etioia. Neh, betango jawab ngau semuo reto bedo Ratu. Neh, uda datai ke Yerusalem ngau semaya,28 watu ne pulai, samel dudok dalamp kereta ne maco kitab Nabi Yesaya.29Lalu, Roh Kudus madah ke Filipus, "Lari, dah yok bekumpol am tamai sidok di kereta yok." 30Filipus bebedap ke kerata yok watu ura yo ketengah maco kitab Nabi Yesaya. Filipus betanyaok ke neh, "Apokah tuant ngereti ke apo yo agik tengah tuant baco?" 31Ura yok nyaot, " Keti tauk piyok, kecuali ado ura nipu aku?" Kebok ne nguna Filipus naek lalu dudok besamo neh.32Pado watu yok, bagian dari kitab suci agik neh baco tuk "Neh dibaik upo domba ke tapak penyemeleh, upo anak domba sepan diguntint bulu ne, nugau nom nado mukok mulut neh.33 Dalamp kehinaan-Neh, kenadoadelan derebut dari Neh. Sapo te dapat ngisah kenturunt Neh? Padai idup Neh uda derampas dari dunio.34Balo petingik negeri yok nyaot tamai madah ke Filipus, "Aku mohon ke ikam, ngau sapo nabi t madah tuk, ngau dirik ne kedirik atau ngau ura laent. 35Dah yok, Filipus mukok mulut ne lalu mulai dari kitab suci neh kotbah ngau Yesus ke neh.36Watu sidak bejalai pulai, sidok sampai ke tapak te beraik, balo petingik yok ngumong, "Pantau, ado aik. Apo te ke ngala aku nak dipemanik?" 37Filipus pun ngumong, "Entik ikam pecayok sepenoh ati ikam, tauk" neh nyaot lalu ngumong, "Aku pecayo ke Kristus yok am anak Allah." 38Balo petingik nyuroh kereta yok berenti. Sidok duok turun ke aik lalu Filipus ngemanik neh.39Seudah sidok duok pansut dari aik, Roh Tuhant maik Filipus angkat, balo petingik yok nado mantau ke neh agik, lalu melaju penyalai ngau ati te gago.40 Uda yok Filipus nemu dirik neh ado di Asdod, watu neh ngelalu sisi yok, neh madah Injil ke semuo kota sampai ke Kaisarea.
Chapter 9

11.Saulus, samil ngancam munuh murid - murid Tuhan,neh nguso iman besai. 2Dan mintok surat te de tuju ngau sinagoge - sinagoge de damsyik,sapo te pecayok kejalai yok baek laki atau betinok kok dipaso de Yerusalem.3Selamo neh bejalai neh makin semak ngau Damsyik, tibo - tibo cahayo dari langit mancar sidok semuo. 4Udah yok neh jatuk ketanah dan menin suaro te betanyok saulus, saulus ngapo ikam nyiso Aku?5Saulus betanyok sapo ikam tuan? dan neh ngumung Akulahyesus yang ikam siso. 6Udah yok angkat turun kekota lalu neh ketauk apo teh arus dikerjo. 7Ura - ura te tamai Saulus bediri ndo ngomon apo - apo tapi menin suaro iyok, tapi ndo mantau sapo-sapo. Saulus bediri ditanah, walaupun mato neh tebukok neh ndo mantau sapo - sapo.8Saulus bediri ditanah, walapun mato neh tebukok nah ndo mantau apo - apo ura diok megai neh lalu maik neh ke Damsyik. 9Selamo tigo ari, saulus ndo mantau, ndo makai tamai minum10Waktu yok, seura murid deDamsyik, benamo Ananias. Tuhan nanyok gau neh sutik pemantau, Ananias ngumung tuk aku Tuhan. 11Udah iyok Tuhan madah gau neh,angkat bejalai kejalai te lurus, kerumah yudas goklah ura Tarsus te be namo Saulus, pantau ura yok agik bedoa. 12neh udah merati seura te benamo Annias datai dan naroh jari de darat kepalo neh sok neh tauk mantau agik13Ananias nyaut, Tuhan, aku udah menin dari ura yok, bangat benar pempulah te ndo bereti te de pulah gau umat kudus de Yerusalem. 14diok neh bisik kuaso dari imam - kepalo gau ngikat semuo ura te ngumai namo-Neh. 15Tuhan ngumung gau neh, turunlah kereno ura tuk alat te neh pilih ngau maik namo-Ku ke bangso - bangso lain, dan rajo - rajo bangso Israel. 16Aku kok nunyok gau neh betapo bangat neh arus menderito gau namo-Neh.17Mako,Ananias angkat tamok kerumah iyok, Saulus, udah naruh jari kedarat Saulus, neh ngumung, Saulus Tuhan yesus te nampak kedirik gau neh waktu neh bejalai kituk, neh ngutus,sok neh mantau lagik dan dipenuh ngau roh kudus. 18Sekejap yok,neh mantau utan macam sisek - sisek ikan jatuk dari mato neh lalu neh tau mantau agik.udah iyok neh angkat lalu dibabtis. 19Udah makai, Saulus dikuatkan. neh besamo murid - murid de damsyik selamo beberapo ari.20Lalu neh becerito tenta Yesus di Sinagoge - sinagoge lalu ngumung, yesus tuk anak Allah.21 semuo ura te menin iran lalu ngumung, bukankah neh tuk te bisik deyerusalem munuh sidok te nyebut namo neh te datai kituk maik sidok te de paso de depan imam - imam kepalo? Saulus makin kuat neh nyuruh sidok bingung22 ura - ura Yahudi te nugau de Damsyik maik mukti ke Yesus yok am kristus23Genap beberapo ari, ura - ura yahudi bepekat kok munuh Saulus. 24Pekat sidok iyok ketauk Saulus, sidok mantau molawa gerba siari sampai malam sidok kok munuh neh. 25Murid - murid Saulus maik neh waktu malam nurun ke neh dari timok agau tali ke baroh gau keranja.26Ketiko Saulus datai de Yerusalem, neh n cubo besamo murid - murid sidok takut merati neh ndo pecayok neh murid. 27Bernabas ngakuk saulus maik neh ke para rasul, lalu neh becerito ngau sidok ketineh mantau Tuhan de jalai, neh madah Tuhan udah ngumung ngau neh, serto keti neh berani ngumung dalam namo yesus de Damsyik.28Saulus besamo - samo gau sidok ketiko sidok tamok dan keluar dari Yerusalem samel ngumung ngau berani namo Yesus. 29Neh ngumung samil beseteru ngau ura Helenis, kok berusaho munuh neh. 30Balo menyanak seimam ketauk hal iyok, sidok maik neh turun ke Kaisarea dan ngutus neh ke tarsus31Kerno iyok, jemaat de semuo yudea, Galilea, dan Samaria, mpuk damai lalu betumoh. idop sidok takut Tuhan dan roh kudus ngibor sidok trus bertambah bangat. 32Waktu yok petrus ngelilin semuo wilayah yok. neh gok nguso ura - ura kudus te nugau dilidia.33Din, neh nemu seura te benamo Eneas, te udah guren selamo delapan taon kareno lumpuh. 34Petrus ngumung ngau neh, Eneas, kritus Yesus nyemuh neh. angkatlah kemas penidur! Eneas angkat. 35mako, semuo ura te nugau de lida dan saron mantau neh dan sidok bebalek ngau Tuhan.36Waktu yok, de yope, bisik seura murid betinok benamo Tabita, bilo diartikan dorkas, neh penuh gau pempulah baek dan relo. 37Pado ari yok tejadilah, neh pedih dan mati. udah ura - ura manik neh, sidok nguren neh di darat38Lida, nugau semak yope, balo murid, setelah menin bahwa Petrus bisik din, ngutus duo ura ngau petrus dan memohon gau neh, nang nunda turun ke aro kami. 39Mako Petrus angkat dan turun besamo sidok, neh sampai maik petrus ke rua darat. semuo jando - jando bediri de sepiak petrus samil nangis, samil nunyok baban - baban laen ute biaso de pulah Dorkas waktu neh besamo tamai sidok.40Petrus nyuruh sidok semuo keluar, lalu belutut dan berdoa. udah yok neh ngelinguk mantau mayat Tabita dan ngumung Tabita, angkatlah lalu betinok yok mulah mato neh lalu mantau Petrus, neh duduk. 41Mako, Petrus ngulor jari ngau neh bediri. samil ngumai ura - ura kudus dan balo jando, neh madah tabita idop. 42Berito yok tersebar de semuo Yope, dan bangat ura pecayok ngau Tuhan. 43Mako petrus nugau lamah de yope tamai seura benamo Simon seura pengupak kulet.
Chapter 10

1Subok, di kaisarea bisik ura bernamo Cornelius perwira dipadah prajurit Italia. 2Ura taat te takut Allah, piok gok tamai ura te bisik merik bangat pemerik nguso ura te selampur berdoa nguso Allah.3Pelemari yok sekitar jam tigo, Petrus mantau jelas ingan Allah ngau Cornelius. Petrus mantau malaikat, langso takut "Apo tuk,Tuan?" 4malaikat yok madah, doa-doa tamai pemerik-pemerik, udah de terimok Allah. 5Pituk suruh ura-ura Yupe, kumai seura benamo Simon, te de sebut Petrus.6 Petrus dudi tamai seura pengelupak kulit be namo Simon, te rumah semak laut."7waktu yok, Malaikat numung nguso Kornelius , kornelius tamai duo ura pelayan tamai seura prajurit te setio de antaro semuo ura-ura te selalu ngelayan.8 udah yok madah sidok, Kornelius nyuruh sidok ke Yupe.9Ari pagi waktu sidok tengah bejalai semak kota, Petrus naek kedarat atap, kiro-kiro jam enam lelam nagau bedoa.10 Petrus lapar kok makai, tapi tengah ura-ura kok berenta makai, Petrus buleh pemantau , langit tebukok,11 tamai manatu kain te besai turun tamai telulur datai ke tanah.12 Dalam yok binata te bekaki empat, binata ngerayap de bumi tamai buro-buro te de langit.13Udah yok datai ingan madah ngau Petrus'' Agkat Petrus semeleh tamai makai'' 14Petrus madah gok'' ngayi Tuhan'' aku ngayi makai apo te jai. 15Ingan yok, tepenin agik ke duo kali'' Apo te udah Allah beresih, nang di padah jai. 16Ingan yok udah tigo kali, tibo-tibo semuo di kato ke langit.17Sementaro Petrus agik tebelenggo mikir apo reti te de pantau, tepantau ura banggat bediri di,Kornelius ngegok dini dangau Simon. 18Samil ngumai sidok Simon te de sebut Petrus nugau dini.19Sementaro Petrus tengah mikir te de pantau, Roh madah ke Petrus'' Pantau, ado tigo ura lelaki tengah lelaki tengah ngegok Petrus tamai 20turun, angkat bereto sidok Aku nyuruh sidok.21 Petrus nguso ura-ura te madah'' Pantau aku te ura kitak gegok, Apo alasan kitak datai.23Sidok madah, Kornelius, seura tentaro,ura benar, te takut nguso Allah, te de kenal diantaro semuo bahaso Yahudi, udah di padah Malaikat Kudus nyuruh datai ke rumah,tamai menin ute udah di umung.22 Petrus numai sidok , nyuruh sidok singgah kiok, lelam yok Petrus angakt tamai sidok tamai balo pengelupak kulit te seiman re Yupe bekaban.24Pada ari sutik, sidok tamok ke Kaisarea. Kornelius udah nugguk sidok tamai dah bekumpul tamai balok menyanak.25Petrus tamok, Kornelius betemu lalu belutut de kaki Petrus tamai nyembah Petrus.26 Petrus nulo Kornelius ngau bediri,udah yok madah'' Bediri''! Aku tuk mensio biaso gok.2927trus ngumung tamai Kornelius ,Petrus tamok ke dalam rumah mantau bangat.28 Petrus madah sidok, kitak ketauk ke jai nguso ura betemu ngau ura Yunani, Allah madah nguso aku ,endo tauk madah sidok aham . Yok am aku endo nangguh29 kitak datai, aku kok nanyok apo te jadi alasan kitak ngumai kituk?''30Kormelis madah kilan mensanok sampai lelam tuk, tengah jam semilan ,Petrus tengah be doa de danggau, mantau seura bediri de dimuo ngau pakaian te mengkilat.31 lalu madah'' Kornelius doa ikam udah di penin, pemerik ikam di ingat Allah. uleh yok, suruh ke Yupe 32mintok Simon te de sebut Simon ngau datai. Petrus seda numpa di rumah Simon penyamak kulit. Kornelius nyuruh Petrus datai, Kornelius madah baek ati Petrus udah kok menen apo te de padah. 33Pituk kito semuo dah betemu de muo Allah, ngau menin perintah re Tuhan.34Petrus mukok mulut, udah yok ngumung,'' Pituk, aku benar-benar ketauk Allah endo be pangan ngau sapo-sapo. 35Setiap Bangso takut ngau Allah, te bempulah baek ngau Allah.36Firman te dah de padah ngau bangso Israel, ngabar ke kabar baek ngau kito semuo re Tuhan Yesus, Tuhan di darat semuo yok.37 Kitak udah ketauk cerito de seluruh Yudea, Galelia, seudah Baptis de padah. 38Kitak ketauk Yesus, ura Nasaret, keti Allah ngurap ngau Roh Kudus tamai Kuaso.Yesus angkat bekelilin bepempulah te baek, nyembah semuo ura.39Kito tuk saksi-saksi Yesus, baek ura Yunani tamai Yerusalem.Sidok udah munuh Yesus, nganto Yesus di kayu salib. Ari ke tigo, Allah bangkit.Pado hari ke tigo gok 40Yesus madah ke diri, bukan nguso semuo ura, tapi nguso kami, saksi-saksi te de pilih Allah. 41Te makai, minum, seudah dikato bereto sidok te mati.Yesus nyuruh kami bepisah nuso semuo ura tamai madah ke semuo ura, tenta Yesus ngehakim ura mati tamai te idup. Tamai Yesus semuo nabi madah, setiap ura te pecayok dalam namo Yesus, bisik nerimok pengampun dari namo Yesus.44mentaro Petrus madah, Roh Kudus turun ke darat semuo te menin Firman yok.45 Ura-ura te dah pecayok te dah besunat.46Sidok menin ura-ura ngumung ngau bahaso kemuliaan Allah. 47Petrus ngumung,endo bisik sikuk pun tauk ngehalang nerimok Roh Kudus samo ngau sidok.48 Petrus madah, sidok dipanik dalam namo Kristus Yesus, udah yok ura-ura mintok Petrus nudi sidok be be rapo ari.
Chapter 11

1Sementaro yok, balo rasul dan saudaro - saudaro seiman te bisik de yudea menin ura - ura bukan yahudi ugok bisik nerimok firman Allah. 2kerno yok, ketiko Petrus naek ke yerusalem, ura - ura te besunat beselisih umung ngau neh. 3Sidok ngumung, turun ke ura - ura te ndo besunat lalu makai besamo sidok.4Tapi, Petrus mulai nyelas ke sidok secaro beurut gau sidok, bengi neh. 5Aku agik berdoa de yope, neh ndo sadar, sidok mantau sutik pemantau, utan macam sutik kain luai turun, te deulur ke empat pitok dari langit, utan yok semak ke aku. 6Waktu aku mantau neh, aku merati binata - binata bekaki empat de bumi, binata - binata liar, binata - binata melata, tamai buro - buro diudara.7Aku menin ugok bisik suaro te ngumung ngau aku, angkat, Petrus, semelih dan makailah. 8Aku madah, tidak, Tuhan nisik te ndo tauk dimakai te udah tamok ke dalam mulutku. 9Tapi suaro iyok nyaut ngau keduo kalik dari langit, apo te udah Allah tahirkan, nang sekalik - kalik kitak nyebut ndo tauk. 10Hal iyok tejadi tigo kalik, lalu semuo iyok pulai agik ke langit.11Pantaulah, waktu yok ugok bisik tigo ura te de utus gau aku datai kerumah dini aku bisik dari Kaisarea. 12Waktu yok, roh ngumung ngau aku turun besamo - samo sidik ndo sah ragu, ke enam menyadik seiman iyok gok turun besamo aku, kami semuo tamok kerumah ura yok. 13Neh madah ngau kami keti neh udah mantau malaikat bediri de rumah neh dan ngumung, suruhlah ura yope mintoklah Simon te di sebut Petrus datai kituk.14 Neh madah pesan ngau neh pesan keselamatan, sidok semuo te nugau de rumah neh.15Waktu aku mulai ngumung - ngumung roh kudus turun ke darat sidok, macam te awal tadik petamo te jadi gau kito.16 Mako, aku ingat umung Tuhan, waktu neh ngumung, yohanes memanik ngau aik, tapi sidok de manik ngau roh kudus.17Jiko Allah merik karunio te samo ngau sidok macam te de berik ugok ngau semuo waktu pecayok ke Tuhan Yesus Kristus, sapokah aku sehingo neh tau ngalah Allah. 18Waktu sidok menin hal - hal iyok, sidok tenang dan memuji Allah lalu ngumung, antik piok, Allah ugok udah mengaruniakan gau ura - ura bukan yahudi petobatan te menuju ngau idop.19Waktu iyok, ura - ura te cerai kerno te aniayo te ditemu Stepanus, nyebar sampai ke Fenisia, Siprus, dan Antiokhia,nod madah Firman Tuhan gau sapo pun kecuali ngau ura - ura Yahudi. 20Bisik beberapo ura dari sidok, ura - ura Siprus dan Kirene, te datai ke Antiokhia ugok ngumung ngau ura Helenis, samil madah tentang Tuhan Yesus. 21Jari Tuhan nyertai sidok, jumlah ura te pecayok bebalek ngau Tuhan22Berito tentang sidok tepenin de penin jemaat de Yerusalem, sidok ngutus bernabas ke Antiokhia. Ketiko Barnabas 23datai neh mantau kaseh karunia Allah, neh besuko cito dan madah sidok semuo ngau tetap setia ngau neh 24Tuhan ngau ati te tegoh. kerno Barnabas ura te baek, penuh ngau Roh kudus dan iman, sejumlah besai ura de baik ngau Tuhan25Udah yok,Barnabas turun ke Tarsus ngok Saulus. 26udah yok neh nemu dan ngemaik ke Antiokia. setaun sidok betemu ngau jemaat dan ngajar bangat ura. de Antiokhia, murid - murid petamo kalik dipadah ura kristen.27Ari yok, beberapo nabi turun ke Yerusalem datai ke Antiokhia. 28Se ura dari sidok benamo Abagus, bediri dan ngeramal ngau pertolongan Roh bahwa kok tejadi kelaparan de semuo dunio. kelaparan iyo tejadi de maso pemerintah Klaudius.29Mako, murid ngirim sumbangan, sesuai ngau penisik sidok, ngau balo menyanak seiman te nugau de yudea. 30Ute sidok kerjo, ngirim sumbangan yok ngau paro penatuo ngau jari Barnabas tamai Saulus.
Chapter 12

1Pado maso yok, Rajo Herodes ngangkat jari ne atas beberapo ura ngau nyiso sidok. 2Neh munoh Yakobus, menyadik Yohanes, ngau peda.3Watu Herodes mantau pempulah ne yok ngau nyenang ati ura-ura Yahudi, neh melalu ne ngau nangkap Petrus gok. Jelu yok tejadi selamo Ari Raya Ruti Ndo Beragi. 4 Uda yok ne nangkap Petrus lalu nepuk ne ke alam penyaro tamai merik ne ke empat nebuah, lalu maik ne ke muo ura bangat.5Kebok Petrus ditahan alam penyaro, tapi balo jemaat teros noa Petrus ke Tuhant. 6Pado suatu malamp watu Herodes nak maik Petrus ke luar, Petrus agik tidor di entaro duok ura anak buah te laent, dikebat ngau rantai, balo penyago di muko lawa agik ngawas sidok di penyaro.7Pantau, ado seura malaikat Tuhant bediri di semak Petrus, cahaya ne besinar di sel penyaro, lalu malaikat Tuhant yok nepok rusok Petrus ke ngurak ne lalu ngumong, "Cepat angkat!" Rantai-rantai yok jatuk telepas dari keduok jari ne. 8Malaikat Tuhant yok pun ngumong ke ne, "Kebat pungo lalu ngau senal ikam." Neh pun nyalai perintah tadi te. Lalu neh madah agik, "Ngau jubah ikam, lalu pupoh aku!"9Petrus pansut lalu mupoh Malaikat yok. Neh nado ketauk apo te tejadi ngelalu malaikat yok nyato, neh cumo ngiro neh agik mantau jelu. 10Watu sidok uda ngelalu penyago te petamo tamai keduok, sidok datai ke lawa besi te nuju ke kota. Lawa gereba yo tebukok kedirik ne ngau sidok, lalu sidok pansut teros bejalai sampai ke luba tanah, tibo-tibo malaikat ningal Petrus.11Watu Petrus ingat ke apo te tejadi ngau dirik neh, neh ngumong, "Tuk, aku baruk benar-benar ketau, kalau Tuhant ngutus malaikat Neh ngau nulo aku dari Herodes tamai semuo hal te diarap semuo ura Yahudi." 12Uda Petrus ngingat dirik ne, neh lalu pulai ke rumah Maria, inai Yohanes te disebut Markus gok, di yok agik bangat ura bekumpol, agik semaya.13Watu Petrus ngetok lawa gereba, seurang pelayant betinok benamo Rode datai mukok lawa ke neh. 14Seudah ne ngenal suaro Petrus, padai neh sangat gago lalu kelupo muko lawa, lalu ne bebalek bebedap ke dalamp agik madah ke sidok kalau Petrus uda bediri di muko lawa gereba. 15Sidok madah ke Rode, "Iko gilo!" Tapi, Rode agik gok madah upo yok dan sidok tetap madah, "Yok malaikat neh."16Petrus teros meneros ngetok, watu sidok mukok lawa lalu mantau Petrus, sidok tekejut. 17Seudah Petrus merik tano ngau jari ne, sok sidok nugau, neh ngisah ke sidok keti caro Tuhant maik ne pansut dari penyaro. Neh ngumong, "Padah tuk ke Yakobus tamai menyanak-menyanak te laent." Dah yok, neh angkat agik ke tapak te laent.18Watu sia ari datai, timol kekacauan besai di entaro balo anak buah ngau apo t ngenok Petrus. 19Watu Herodes ngegok Petrus dan nado nemu neh, neh nyengok sidok penyago lalu merintah sok sidok dibunoh. Dah yok Herodes turunt ke Yudea jurus ke Kaisarea dan nugau di yok.20Watu yok, Herodes ringat ngau ura-ura Tirus dan Sidon, lalu sidok sepakat datai nguso Herodes, uda yok mujok Blastus, pengurus rumah tangok rajo, sidok mintok tulo sok bedamai padai daerah sidok buleh makai dari daerah Herodes. 21Pado ari yo udah ditentu sidok, Herodes ngau baju kerajaan, dudok di takhta pengadelan, samel madah pedato ngau sidok.22Rayat mangkas-mangkas, "Tuk suaro allah, bukai suaro ensio!" 23Sekalo yok gok malaikat Tuhant nampar neh padai neh nado mulah jelu baek ke Allah, lalu neh demakai cacint-cacint lalu mati.24Tapi Firman Tuhant makint bangat dan betamah bangat. 25Uda yok, Barnabas dan Saulus pun pulai dari Yerusalem seudah sidok mabis pelayanan, samel ngerah Yohanes te disebut gok Markus.
Chapter 13

1Suatu ari bisik di antaro jemaat Antiokhia, nabi-nabi tamai guru-guru, nyok em sidok Barnabas, Simeon te di kumai Niger, Lukius dari Kirene, Menahem te dibesai besamo Herodes rajo wilayah tamai saulus. 2 sementaro balo ur'a tuk tengah semaya nguso Tuhan tamai bepuasa, Roh kudus ngumong,"Khusus brik ke Aku Barnabas tamai Saulus ngau tugas tek yok Aku ngumai sidok." 3 Udah yok sidok bepuasa tamai berduo serto numpa ke jar'i sidok nguso Barnabas tamai Saulus, sidok ngutus keduo neh angkat.4Se'udah disur'uh angkat oleh Roh Kudus, Barnabas tamai saulus turun ke Seleukia, dari in sidok belayar ke Siprus.5 Watu sidok datai di Salamis,sidok memberitokan firman Allah disinagoge-sinagoge ur'a Yahudi, udah yok sidok ngemai Yohanes ngau pesur'uh sidok.6watu sidok menelusor semuo pulau sampai ke Pafos, sidok betemu seur'a tuka sihir, seur'a nabi plesu Yahudi, te namo neh Baryesus.7 Neh besamo ngau Prokonsul Sergius Paulus, seur'a te pandai, te mintok Barnabas tamai Saulus datai ngusoneh tamai kok ningo firman Allah. 8Tapi, Elimas, tuka sihir yok, ker'no piok em namoneh diterejemah, ngelawan Barnabas tamai Saulus, ngau berusaha malek ke Prokonsul yok dar'i iman neh.9Tapi, Saulus, te ugok diklalo paulus, penuh ngau Roh Kudus, mantau Elimas, 10Lalu madah, "Hei nuan, te penuh ngau tipu dayo tamai segalo te ja'i, nuan yok anak Iblis, kita'k yok musuh dari semuo te benar, ndo kok kah kita'k berenti bebiluk dar'i jalai Tuhan te bujur?11Pituk, pantau em, jar'i Tuhan datai ke nuan dah yok nuan akan jadi butok tamai ndo tau mantau mato ar'i selamo beberapo watu." Watu yok gok, asap tamai keleman turun ngau neh dah yok neh angkat bekelilin ngigok ur'a te kok nuntun jar'i neh.12 Seudah yok, Prokonsul yok jadi pecayok watu mantau te udah terjadi,ker'no neh nyan ter'adap pengajar Tuhan.13 Suatu ktiko, Paulus tamai balo ur'a te besreto neh belayar dari Pasfos sampai ke Perga, di Pamfilia, tapi Yohanes nudi ke sidok langsung pulai ke Yerusalem.14Tapi, Saulus tamai Barnabas terus bejalai dari Perga udah yok sampai di Antiokhia, di Pisidia. Pas ar'i Sabat, sidok angkat ke sinagoge udah yok duduk din.15 Seudah maco Hukum Taurat tamai kitab balo nabi, kepalo-kepalo sinagoge nyuruh ur'a ngumong nguso keduo rasul yok,"Balo menyanak, antik kok kita'k mpuk kato-kato penyemangat ngau ur'a-ur'a tuk, padah geno."16 Dah yok, Paulus berdiri tamai mrik sarat ngau jar'i neh lalu ngomong," Hai balo ur'a Israel tamai te takut ngau Allah, dingo bh!17 Allah bangso Israel tuk dah milih inik moyang kito te udah meningik ke bangso kito selamo sidok nugau ditanah Mesir udah yok ngau jari trangkat Neh mimpin sidok kluar dari diok.18 Selamo kur'a lebih empat tahun, Neh sabar mantau pempulah sidok debelayan tanah.19Seudah,Neh ngebinaso tujuh banso ditanah kanaan,Neh ngewaris ke tanah yok.20 Semuo tuk terjadi kir'o-kir'o selamo 450 taun.Abis yok,Allah meri'k ke sidok balo hakim sampai pado maso Nabi Samuel.21Udah yok,sidok minto se'ura rajo,dan Allah mrik sidok Saul, ana'k laki-laki Kish,ur'a dari suku Benyamin,selamo empat puluh taun.22 Seudah Allah nyingkir ke Saul,Allah ngangkat Daud jadi rajo sidok,Allah udah besaksi tentang Daud,dah yok madah,"Aku udah nemu Daud,ana'k laki-iaki Isai,ur'a te bekenan di ati Aku,te kok ngelaku ke semuo kemau'k Aku.'23Dari keturun ur'a tuk, Allah, sesuai janyi Neh, ngemai nguso Israel se'ur'a Juruselamat nyok Yesus. 24 se'apan kedatai Yesus,Yohanes udah memberi'tokan se'apan tenta baptisan petubatan nguso semuo ura Israel. 25 Sementaro Yohanes agik mabis te diker'jo neh,udah yok neh madah,'Nuan kiro sapo aku tuk?Aku bukan Neh,tapi,pantau em,Sese'ura datai seudah aku, selup dikaki Neh pun aku ndo patut ngelepas keneh.26Balo menyanak,keturun Abraham tamai ur'a te sema'k kita'k takut ngau Allah,nguso kito kaba'r keselamatan tuk udah di padah. 27Ker'no,sidok te nugau di Yerusalem tamai balo pemimpin sidok,te ndo ngenal Neh tamai te ndo nge'reti pemadah balo nabi,te dibaco setiap ari sabat,udah genap apo di padah balo nabi yok ngau ngukum Yesus.28Walau sido'k ndo nemu alasan apo te ngau ngukum mati,sidok udah minto'k ke Pilatus ngau munuh Neh. 29pado waktu sido'k mengenapi semuo te ditulis tenta Neh,sido'k nuru'n Neh dar'i kayu salip udah yok ngure'n ke Neh dalam kubur.30Tapi,Allah mbangkit ke Neh dari antaro ur'a mati,31selamo bear'i-ar'i,Yesus nampak ke diri'k nguso balo ur'a te besamo tamai neh dar'i Galelia sampai Yerusalem,te pituk jadi balo saksi ngau banso tuk.32Dah yok, kami ngemai'k nguso kita'k Kaba'r bae'k tenta jany'i Allah nguso inik muyang kito, 33sebab Allah udah nepat ke jany'i yok ngau kito,anak-anak sido'k, tamai ngemangkit ke Yesus,upo te ditulis dalam kitab Mazmur pasal duo:'Nuan yok anak -KU.Ar'i tuk,Aku udah jadi Apai Nuan.'34Tenta Allah te udah ngemangkit ke Yesus dar'i antar'o ur'a mati,ndo akan agi'k bebale'k nguso kebinasaan,Allah udah madah,'Aku kok meri'k ke ikam berkat te kudus tamai tau'k di pecayok,te udah diberi'k nguso Daud.35Uleh ker'no yok,Neh madah go'k dalam Mazmur te lain,'Nuan ndo tau ngemia'r ke ur'a Kudus-Mu mantau kebinasaan.'36 Kre'no,daud,udah ngelayan keturun neh kediri'k ker'no kemauk Allah,dah yok mati, lalu di kubur di antar'o inik muyang neh,tamai mantau kebinasaan, 37tapi Yesus te udah diangkat dari ur'a mati,ndo mantau kebinasaan.38Ol'eh ker'no yok,bia'r di keta'uk ol'eh ikam,balo menyanak,jadi ngelalu Neh tuk em te tau'k ngampun balo duso-duso te udah dinyato ke ikam,39 dah yok ngelalu Neh,setiap ur'a te pecayok dilepas dari balo sesuatu yok,te dari neh ikam ndo tau'k telepas dar'i Hukum Taurat Musa.40Jadi,be'ati-ati em bia'r balo hal te dipadah dalam kitab balo nabi bia'r ndo tejadi ngau ikam:41 'Pantau,balo pengelulo'k! Tekejut tamai binaso em,kern'o Aku te mulah pempulah yok pado maso kita'k,bisik suti'k pempulah te ndo kok kita'k pecayok,bahkan bilo seur'a te madah neh ke kita'k.42Sementaro Paulus tamai Barnabas kelua'r, balo ur'a muhon ke sidok bia'r tau'k nyampai ke tenta firman yok pado ar'i sabat seteru's neh. 43Seudah bekumpul di sinagoge yok abis,bangat ur'a Yahudi tamai balo proselit te takut ke Tuhan nuru't Paulus tamai Barnabas,te ngumung ke sidok tamai nyuru'h sidok nugau teru's dalam anugera'h Allah.44Pada ar'i seteru's e, ampi'r semuo ur'a di kuto bekumpul ngau ningo firman Tuhan. 45tapi,balo ur'a Yahudi mantau keramai yok,sidok ir'i ati udah yok mulai nenta apo dipadah ole'h Paulus same'l mgolok neh.46Dah yok,Paulus tamai Barnabas b'rani ngenyawab neh dah yok madah,"Utan tuk penting ker'no firman Tuhan Allah haru's dinyato ke kita'k palint dulu.Ker'no kita'k nula'k neh tamai ngangap diri'k kita'k ndo pantas m'puk idup ke kekal,pantau em,bebalek ke balo banso lain. 47ker'no,pituk em Tuhan meri'k per'intah ke kami:'Aku udah ngenyadi ke kita'k ter'a ngau balo banso lain supayo kita'k tau'k ngemaik keselamtan sampai ujo bumi."48watu balo ur'a Yahudi yok men'ien hal tuk,sidok besukocito tamai memulia ke firman Tuhan. sebangat te udah ditentukan ngau idup kekal,jadi pecayok. 49 Mako, firman Tuhan nyeba'r ke semuo wilayah tuk.50Tapi balo ur'a Yahudi ngasut balo betinok saleh te baek tamai balo ur'a penting di kuto,dah yok ngemangkit penganiayaan nguso Paulus tamai Barnabas,lalu ngusi'r keduo neh kelua'r dar'i daer'ah pebatasan sidok. 51Tapi,samil ngenepas debu dari kaki sidok ter'adap balo ur'a Yahudi te din,Paulus tamai Barnabas angkat ke Ikonium.52 Dah yok balo murid penuh ngau sukocito tamai Roh Kudus.
Chapter 14

12lalu, bisik tejadi,di ikonium,paulus tamai barnabas tamo'k besamo kalam siagoge ura yahudi lalu ngumung panyailibar sampai nguna bangat ura,baek ura yahudi pio'k go'k ura yunani,nyadi pecayo'k.2.ulih,ura yahudi yang ndo pecayo'k ngasut ura-ura bukan yahudi lalu ngracun ke pemikir sido'k so' k nglawan ura yang udah nurut.34lalu,sido'k diau dio'k cukup lamah samil ngumu ngau pemerani bagi Tuhan, yang udah meri'k saksi ta brito anugrah-Nya, serto mengaruniakan tando ajaib dan bemacam mukjizat yang tejadi ulih jari sido'k. ulih ura-ura dalam kota yo'k tebagi,kedo'k mihak ngau ura-ura yahudi kedo'k mihak balo rasul.5ketiko suatu usaho kok di pulah ulih ura bukan yahudi tamai ura-ura yahudi,tamai balo pemimpin sidok,kok nyiso tamai nikam balo rasul ngau batu, 6hal yok lalu di ketauk ulih paulus tamai barnabas lalu ngelari ke dirik ke listra tamai derbe, kota-kota di likonia,lalu ke wilayah sekitar yok.7din sidok ngalanyut mrito ke injil.8di listra, bisik sura tengah duduk lemah kaki neh,tungkut pengemaik ari alam kanu inai neh pan kalok bejalai. 9ura yok tengah ninga paulus ngumu,watu paulus tepantau ke neh medok ura yok bisik iman sok tauk semuh, 10paulus madah ke neh ngau ingan nyarin ," bediri tegap ngau kaki ikam."lalu,ura yok nglumpat dah yok mulo bejalai.11ktiko ura bangat mantau apo yang udah paulus pulah, sidok lalu bingan ngumu ngau bahasa likaonia,balo petaro dah turun ke tengah kito lalu nyadi serupo mensio !" 12ura-ura yok nyebut barnabas upo Zeus sbab neh yang mimpin umung 13Imam dewa Zeus,yang kuil yok ado di luar kota,ngemaik sapi-sapi laki lalu ngrangkai bungo ke lawa kota. ya tamai ura bangat yok kok merik sesaji ngusung Paulus ngau Barnabas.14ulih yok, watu Barnabas ngau Rasul Paulus menin hal yok, sidok lalu minsak baju dirik lalu begua tamak ke tengah ura bangat yok, samil mangkas 15,lalu madah balo menyadik, keti kitok tauk mulah pempulah tuk ? kami gok mensio biaso upo kitok gok lalu kok ngemaik brito baek sok kitok ndo mulah pempulah ti jaik ngusung Allah ute idup, ute mulah langit ,ngau bumi,laut,gok smuo yang ado di dalam yok. 16de kenturun yang lalu, Neh ngisok smuo bangso bejalai nunok jalai-jalai neh kedirik.17dah yok,Ya ndo miar Neh-Kedirik nisik saksi.sbab,Neh mulah ute baek ngau merik ke kitok ujan ari langit tamai balo musim bebuah yang muas ke ati ikam ngau pemakai tamai kegago ati." 18walau dah madah smuo yok,sidok sidok pedih nidah ura bangat sok ndo merik sesaji ke sidok.19lalu ura-ura yahudi datai ari antiokia tamai Ikonium,dah yok mujuk ura bangat yok,sidok nikam paulus ngau batu lalu ngirit neh keluar kota sidok nyangkok paulus tuk dah mati. 20ulih watu balo murid ngelilin paulus,neh lalu bediri lalu pulai agik namok kota.watu ari pagi, neh angkat bereto tamai barnabas ke derbe.2121 dah yok sidok mrito injil di kota yok lalu namah bangat murid,sidok pulai ke listra,lalu ke ikonium,lalu ke antiokhia, 22samil merik smangat balo murid,nyemangat sidok sok sunguh-sunguh dalam iman,bahwa kito tamak kalam krajaan Allah ngelalu bangat pemerinsok.23watu paulus tamai barnabas nunyuk balo retuo ngau sidok de tiap jemaat, udah bedoa tamai bepuaso,sidok nyerah ke balo retuo yok ngusu Tuhan, yang ngusu Neh sidok dah pecayok. 24lalu,sidok mansok Pisida lalu datai di Pamfilia. 25lalu, watu sidok udah ngabar Firman di Perga,sidok turun ke atalia. 26ari in,sidok belayar ke antiokhia,arung sidok udah di serah ngusung anugrah Allah untuk kerjo yang udah sidok temuk.27watu sidok datai bekero besamo tamai jemaat, sidok nglapor smuo hal yang udah Allah pempulah besamo tamai sidok lalu keti Neh udah mukok lawa Iman ngusu balo banso laen. 28lalu, sidok nugau besamo balo murid dalam watu yang cukup lamah .
Chapter 15

1Beberapo ura turun dari Yudea ngau ngajar menyanak-menyanak seiman, "Entik ikam nado diperirik upo adat istiadat Musa, ikam nado dapat diselamatkan." 2 Entik tejadi seliseh bok bedebat te nado senek di entaro Paulus bok Barnabas tamai sidok yok, sidok nyuroh Paulus bok Barnabas tamai beberapo ura laent ne dari sidok yok, arus naek ke Yerusalem ngau betemu bok sidok rasul tamai balo pengurus gereja ngau ngurus pekaro tuk.3seudah sidok jemaat ngantar ne, di tengah penyalai sidok ngerensok Fenisia dan Samaria samel begisah ngau pertobatan banso laent, jelu yok am te maik gago besai ngau menyanak seiman. 4 Watu sidok sampai di Yerusalem, sidok disamut jemaat, sidok rasul, sidok pengurus gereja, baruk sidok ngisah balo jelu te dipulah Allah ngau sidok.5Beberapo ura dari banso Farisi te uda pecayok bediri di yok lalu madah, "Pentent ngau meririk sidok, sok dapat merintah sidok nunok ukum Musa." 6Sidok rasul bok pengurus gereja betemu ngau ngumong pekaro tuk.7Seudah sidok bedebat panyai dint, Petrus bediri lalu madah ke sidok "Balo menyanak, ketau nado kitak jaman marik t Allah uda mileh aku ari antaro kitak, sok ngau mulut aku banso-banso laent ningo berito Injil jadi pecayok.8 Allah ngenal ati mensio, Neh uda madah mau nerimok sidok, padai Neh merik Roh Kudus gok ngau sidok macam ke kito. 9Neh samo sekali nado medo-medo kito ngau ura laent, seudah Neh mereseh ati sidok ngau iman.10Kalau macam yok, ngapo ikam nak ngelabok Allah, ngeletak balo jelu berat di bau balo anak buah ne, te nado dapat sidok tangkont, ari balo inik muyang sampai ke kito kedirik. 11Sebalek ne, entik kito pecayok ke kaseh Tuhant Yesus Kristus kito pasti buleh keselamatan samo upo sidok.12Sidok semuo te nugau, lalu sidok ningo Paulus bok Barnabas ngisah balo tano tamai mujizat te dipulah Allah ngau sidok di tengah-tengah banso-banso laent.13Seudah sidok berenti ngumong, Yakobus nyaot "Balo menyanak, dingo aku. 14Simon uda madah keti Allah ari marik te mantau banso-banso laent, ngau ngamik di entaro banso yok, umat ngau Neh.15Sidok nabi setuju ngau hal yok, upo te detulis, 16"Seudah yok, Aku datai agik." Aku mulah agik langkau Daud te udah ruboh. Aku mulah agik tungol-tungol ne, dan Aku akan nyuroh ne kuat sok siso ensio dapat ngegok Tuhant, 17sok semuo banso laent te dikumai ngau namo-Ku nunok tuk,' firmah Allah te mulah semuo tuk, 18uda diketau dari jaman baru nemulo.19Menurut aku, kito nado usah medeh ura-ura dari banso laent te nak bebalek ke Allah. 20Tapi arus ne kito nulis ngau sidok, sok sidok jaoh dari balo jelu te mulah duso, upo nyemah empaguk, mulah beduso, menata mati di tanah, tamai balo darah.21 Padai ari kenturun marik te, ukump Musa uda depadah di tiap kota, sampai mayo tuk ukump yok agik dibaco pado ari besai di rumah semaya.22Baek menurut sidok rasul, balo pemimpint gereja, tamai balo jemaat, kebok sidok mileh ura-ura di entoro sidok ngau diutus ke Antiokhia tamai Paulus bok Barnabas. Sidok merintah Yudas te disebut Barnabas, bok Silas gok, balo pemimpint di entaro menyanak seiman. 23Lalu, sidok nulis ngau jari sidok kedirik, macam tuk: "Dari balo rasul tamai pemimpint agama, menyanak-menyanak seiman, ngau semuo menyanak te bukai Yahudi di Antiokhia, dan Siria, dan Kilikia, Salamp!24Padai kami udah ningo berito beberapo ura di entaro kami, te nado buleh perintah dari kami, ngau sidok ne kami nado nyuroh apo-apo, jelu yok nang sampai mulah pemiker kitak,25 hal yok t dianggap baek ngau kami, kami dah setuju ngau mileh lalu merintah sidok ngau iko, tamai menyanak-menyanak te laent te kami kaseh gok, Barnabas dan Paulus, 26te uda ngerela dirik demi namo Tuhant kito, Yesus Kristus.27Mpadai yok kami dah ngutus Yudas bok Silas, sidok kenirik am te madah berito yok secara lisan. 28Padai keputusan Roh Kudus dan keputusan kami sok kitak nado nango pemaik lebeh bangat dari te deperelu. 29Kita arus nyaoh diri dari balo pengumpant antu, dari balo darah, balo menata te mati dicekak, tamai dari peduso. Entik kitak ngerintu dirik dari jelu yok, kitak bebuat baek. Sekiant, selamat.30Seudah minto dirik, sidok turun ke Antiokhia, dan setelah ngumpol balo jemaat, sidok merik surat yok. 31Watu ura-ura te pecayok maco ne, sidok gago ngau pempulah yok. 32Yudas tamai Silas, sidok yok am nabi, te meneguhkan dan menguatkan menyanak seiman ngau bangat umong ne.33Uda yok, sidok nugau dint beberapo ari, ura-ura taat yok ngelepas sidok pulai dengan ati gago tamai tenang ke ura-ura te udah merintah sidok. 34Tapi alangkah baek ngau Silas entik ne tetap nugau dint. 35Paulus bok Barnabas nugau di Antiokhia, samel ngajar tamai madah firman Tuhant bok ura bangat te laent gok.36Seuda beberapo ari, Paulus madah ke Barnabas, "Boh kito pulai ngua menyanak-menyanak seiman di tiap kota, tapak kito merik firman Tuhant ke mantau keti berito sidok." 37Barnabas nak ngerah Yohanes gok te dikumai Markus.38 Tapi Paulus madah nado searus ne ngerah ura te uda ninggal sidok di Pamfilia lalu nado tamai sidok e mulah pegawai yok.39Kebok tejadi em seliseh paham te tajamp nyuroh sidok besarok tamah pangan e. Barnabas maik Markus gok tamai belayar ke daerah Siprus, 40tapi Paulus mileh Silas lalu angkat, seuda ne diserah menyanak-menyanak seiman ke dalamp anugrah Tuhant. 41Neh ngelalu Siria bok Kilikia samel nguat balo jemaat diyok.

Chapter 16

1Paulus pun datai ke derbe namai listra.Neh mantau ado sura murid te namo neh Timotius,anak betinok ura Yahudi te udah pecayok,tapi apai neh te ura Yunani. 2Neh dikenal ura baek demuo balo menyanak neh de Listra gau Ikonium.3 Paulus kok ngemaik lalu nyunat neh karno bangat ura-ura Yahudi te nungau didaerah nyok,karno sidok dah kalau apai neh ura Yahudi4Samil mansok jalai kota, sidok madah keapo te ndo tauk dipulah balo ura pecayok isok sidok nurut Neh selampur karno sidok nyok udah dilepas kebalo sidok rasul namai balo ura tuo-tuo Yerusalem. 5Kebok mek, balo jemaat diok arus dekuat ke lalu pemangat sidok makin ari makin bangat.6Udah nyok,sidok angkat ngelalu tempat ura Firgia namai Galatia karno tempat nyok dilino Roh Kudus gau ngabar ke injil di Asia. 7Pas waktu nyok sidok datai ke Misia,sidok be'usaho ke Bitinia,tapi Roh Yesus ndo nyuruh sidok kin. 8Kebok mek,udah mansok Misia, sidak ngelalu Troas.9Ado utai te di pantau paulus waktu malam ari nyok.Ado ura datai dari Makedonia agik bediri lalu Neh madah,''datai kituk ui ke Makedonia lalu tulo kami."10Udah Paulus medok utai nyok,lalu kami be'usaho cepat angkat ke Makedonia,kami ngangap utai nyok Allah te ngumai kami gau madah ke injil ke sidok diok.11kebok mek,udah nyok kami belayar dari Troas,lalu kami belayar ke Samotrake ,lalu udah ari nyok ke Neapolis. 12lalu dari nyok ke Filipi,te kota paling besai di Makedonia nyok em te dijajah Roma,kami nungau dikota nyok beropo ari piok. 13Udah nyok ari minggu kami keluar ke muo gerba kota nyok bejalai ke tebing sungai,diok kami medok ado tempat tau degau bedoa,kebok kami lalu dudok samil ngumung gau balo betino te agik bekerumun diok.14Ado ura betinok te nama neh Lidia,ari kota Tiatira penyual kain ungu.Tuhan mukok ati neh ngau mening namo te dipadah Paulus. 15Udah nyok Lidia namai semuo ura te nungau di rumah neh lalu di pemanik keh,neh mintok kekami ,''kalau kami tuk ngangap neh udah benar pecayok ke Tuhan,datai kerumah aku lalu nugau din."neh nyok nesak kami.16watu kami lagik angkat ke tempat ngau bedoa,ado sura pemantuk betino, te bisik jelu tetauk menteno ngusung kami,neh tuk maik bangat unto gauk balo bos neh ngelalu peteno -peteno neh. 17betinok nyok nurut Paulus namai kami samil neh mangkas,''ura-ura tuk em hamba-hamba Allah te mahatinggi te ngabar jalai selamat kekitak!''18betino tuk trus madah bakayok beari-ari. paulus pun ringat ninggo,neh medok kebelaka ,lalu madah keroh nyok,"dalam namo kristus yesus keluar dari neh nyo'k!" watu nyok gok roh nyo'k keluar.19Tapi,watu balo bos neh medok hal nyok kalau nado bisik lagi em arapan sidok ngau bangat unto karno bara nyok udah lenyau,sidok lalu nangkap Paulus namai Silas nyirit sidok duo ke muo balo peguaso diok.20 lalu watu sidok udah ngemaik Paulus namai Silas ke kepalo bala hakim-hakim diok,sidok ngumung " ura-ura tuk em ura-ura Yahudi lagik ngaru kota kita.21 Sidok ngajar balo adat te ndo bereti te nado tau di terimok ngau dipulah kita Roma tuk.''22Ura bangat nyo'k angkat samo-samo nyera Paulus namai Silas lalu kebalo hakim diok nyar'ek kebaju Paulus namai Silas,lalu neh nyo'k nyuruh ura mangko sido duo ngau tungkat.23 watu ura-ura lagi nyiso Paulus namai Silas ,sidok nikam paulus seduo Silas kepenjaro lalu nyuruh kepalo penjaro nyago sidok duo ngau terek. 24Udah ninggo perintahh piok neh lalu menjara paulus seduo silas dipenjaro tedalam di pet'ok.25kiro-kiro pas tengah malam piok,pas Paulus sidok duo Silas lagi bedoa namai nyanyi keh lagu ngau Allah,pas waktu nyok kebalo ura te dipenjaro diok mening apo te dipulah sidok duo. 26Udah nyok, Tibo-tibo tejadi gempa bumi te besai sampai mulah penjaro nyok begunca.Lalu tibo-tibo kebalo lawa diok tebukok semuo tambai kebalo ura te dipet'ok diok telepas ugok.27Watu kepalo penjaro nyok angkat tinuk neh lalu mantau kalau kebalo lawa-lawa diok udah tebukok,neh lalu nyabut peda lanso kok munuh dirik karno neh tuk ngiro kalau sidok te dipenjaro diok lari.28Tapi, Paulus tuk lanso mangkas ke neh,"nusah ikam kok munuh dirik piok kami bah lagi ado dtuk!"29Udah ningo nyok,kepalo penjaro nyok mintok lampu lalu cepat masuk kiok samil neh begetar,neh belutut dimuo Paulus seduo Silas.30Udah nyok, neh ngemaik sidok duo keluar lalu neh ngumu piok,''Tuan-tuan namo te arus ku pulah isok aku tuk selamat?"31Lalu,sidok nyawab neh,"pecayok no ikam ke Tuhan Yesus nyok mek nyuruh selamat,ikam namai balo smuo ura te nungau nta rumah ikam .''32Udah nyok,Paulus seduo silas merito ke injil Tuhan ke kepalo penjaro nyok tambai kebalo keluarga neh te dirumah. 33Dah nyok, kepalo penjaro ngemaik Paulus seduo Silas ,ngubat kebalo lukok-lukok sidok lalu neh tambai semuo menyanak neh di pemanik keh. 34Udah nyok,kepalo penjaro ngemaik Paulus seduo Silas kerumah neh samil merik seduo makai. kebok mek ,neh nyok gago empadai neh namai keluarga neh udah pecayok ke Allah.35Tapi, pas sia ari,kebalo akim-akim kota ngutus keberapo pulisi, ngusu kepalo penjaro lalu ngumung,''lepas keh ura-ura nyok!"36Lalu,kepalo penjaro nyok madah ke Paulus,neh madah piok,''akim-akim kota nyok nyuruh ngelepas keh kitak duo,kerno nyok keluar mek pituk,lalu angkat ngau ati damai.37Lalu,Paulus madah kesidok,''ura-ura nyok te mangko kami dimuo ura bangat,ngapo sidok ndo di ukum,ura-ura nyok bah kebalo sidok ura Roma,sidok nyok te nikam kami ke penjaro.Lalu ngapo keh sidok ngelepas ke kami ndo sik ngumung dulu?Ndo usah!Isok sidok kedirik te datai ngau ngelepas ke kami duo Silas." 38 Kebalo pulisi diok madah ke apo te diumung Paulus ke balo akim-akim.Sidok takut watu udah ningo kalau Paulus seduo Silas ura Roma.39Nyok mek,nyuruh sidok datai kiok lalu sidok minta maaf ke Paulus seduo Silas .Uda nyok sidak ngeluar ke Paulus seduo Silas dari penjaro,sidok lalu mintok kesidok duo nudi ke kota nyok.40Udah nyok, Paulus seduo silas keluar ari penjaro,sidok duo engkanau kerumah Lidia,diok sidok duo mantau balo menyanak-menyanak te sutik Iman,Paulus seduo Silas nguat ke ati sidok ,lalu angkat dari nyok.
Chapter 17

1Saat yok, Ketiko Paulus tamai Silas udah ngelalu Amfipolis tamai Apolonia, Sidok datai de Tesalonika, diok adai sinagoge ura Yahudi. 2Sesuai ngau kebiaso Paulus, neh begabo ngau sidok, selama tigo ari Sabat ngumung ngau sidok re Kitab Suci,3Samil nyelas tamai merik bukti ke sidok bahwa Kristus arus menderito dan bangkit re antaro ura mati, lalu ngumung, " Yesus tuk, te aku padah ngau kitak yok am Kristus. " 4Sebagi ari sidok pecayok udik begabo ngau Paulus tamai Silas bereto ngau sejumlah besai ura Yunani te pecayok ngau Tuhan tamai ndo sikit betinok-betinok terhormat.5Ura-ura Yahudi jadi iri hati tamai ngemaik beberapa ura jai te pempulah ndo baek, sidok ngumpulkan bangat ura lalu mulah gaduh di kota, lalu sidok nyerbu dangau Yason samil ngegak Paulus tamai Silas ngau ngemaik Sidok keluar ngau ura bangat. 6Ketiko sidok ndo nemu Paulus tamai Silas, sidok nyirit Yason tamai beberapa menyanak seiman ke depan paro pejabat kota, lalu ngumung, "Ura-ura tuk te udah ngacau ke dunio, udah datai ugok kituk.7 Yason nyamut sidok dan sidok semuo bertindak te ngelawan hukum Kaisar te madah bahwa adai rajo lain, yok am Yesus."8Ura bangat tamai paro pejabat kota jadi gaduh menin hal yok. 9Seudah sidok nerimok jaminan re Yason tamai te lain, ura-ura yok mebas ke neh.10Menyanak-menyanak te seiman langsung nyuruh Paulus tamai Silas malam yok ugok ke Berea, ketiko udah datai, sidok angkat ke sinagoge ura Yahudi. 11Ura-ura Yahudi diok lebih baik ati di banin ura-ura te de Tesalonika kereno sidok nerimok firman dengan semangat, samil nyelidik Kitab Suci tiap ari sok ketauk yok benar. 12Oleh kereno piok, bangat re sidok jadi pecayok, termasuk betinok tamai te laki-laki Yunani terhormat te jumlah sidok ndo sikit.13Tapi, ketiko ura-ura Yahudi de Tesalonika ketauk bahwa firman Allah ugok di padah Paulus de Berea, sidok datai ke Berea ngau nguyah tamai ngaduh bangat ura diok.14 Dengan sigat, menyanak-menyanak seiman nyuruh Paulus angkat sampai ke pantai, tapi Silas tamai Timotius tetap dudi diok. 15Ura-ura te ngawan ke Paulus ngemaik neh sampai ke Atena, seudah nerimok pesan re Paulus ngau Silas tamai Timotius sok datai sigat ngusung neh, sidok pun angkat.16Sementaro Paulus nunguk sidok di Atena, roh neh ngaso disusahkan de dalam neh kereno neh mantau kota yok penuh padai pentik-pentik. 17Oleh kereno yok, neh betukar pikiran di sinagoge ngau ura-ura re bangsa lain te pecayok ngau Tuhan, serto nta tempat umum, tiap ari, ngau ura-ura te ndo sengajo diok.18Beberapo ahli pikir ugok ngumung-ngumung ngau neh. Beberapo ngumung, "Apo te kak di padah pemulok tuk?" te lain madah, "Bako sik, neh tuk seura pemberito dewa-dewa lain." kereno neh madah tenta Yesus tamai kebangkitan.19Sidok ngemaik neh ke Areopagus, samil ngumung, "tauk ndo kami ketauk ajaran te baru apo te ikam padah tuk?20Sebab ikam tengah maik hal te iran di penin kami. Kami kok ketauk apo reti hal-hal yok." 21(Saat yok, semuo ura Atena tamai ura-ura asing te nugau diok kebiaso ngabis waktu sidok ndo mulah apo-apo selain madah atau menin hal te baru.)22Paulus bediri di tengah-tengah Areopagus lalu ngumung, "Ui ura-ura Atena, aku mantau kitak dalam bangat hal sajo religius. 23Soal, ketiko aku ngelilin dan mantau utai te kitak semah, aku ugok mantau altar bisik tulisan tuk, 'NGAU ALLAH TE NDO DIKELALO.' Kereno yok, apo te kitak semah tapi ndo dikelalo, yok am te aku kok padah ngau kitak.24Allah te mulah dunio tamai bangat hal te bisik diok, kereno Neh yok am Tuhan te mpu langit tamai bumi, ndo nugau nta kuil-kuil te dipulah ngau jari mensio, 25ndo ugok Neh dilayan jari-jari mensio, upo te Neh merlu sesuatu kereno Neh kedirik yang merik ngau ura bangat pengidup, penyuan, dan bangat hal.26Neh mulah re sura, semuo bangsa umat mensio ngau nugau di bumi, seudah netap ke musim-musim tamai sentaro nta idup sidok, 27sok sidok ngegok Allah, tamai antik tauk sidok megai Neh tamai nemu ke Neh walau Neh ndo jauh re kito.28Di dalam Neh kito idup, begerak, tamai ado. Bako ugok pujangga-pujangga kitak te ngumung, 'Kereno kita tuk ugok kenturun Neh.'29Kebok, kereno kita tuk kenturun Allah, kita searus ndo sah mikir pempulah Ilahi yok bako mas, pirak, atau batu, sutik bentuk te dipulah re kenumut serto pemikir mensio.30Oleh kereno yok, seudah miar ke waktu pemudu, pituk Allah madah ke semuo ura sok betubat,31kereno Neh udah nentu ke ari sebilo Neh kok ngakim dunio ngau keadilan ngelalu sura te udah ditunyuk Neh, seudah Neh merik bukti ngau semuo ura ngau caro mangkit ke Ura yok re antaro ura mati.32Ketiko sidok menin tenta pemangkit re antaro ura mati, beberapo ura nguluk, tapi te lain ngumung, "Kami kok menin ke ikam agik tenta yok."33Paulus angkat re nta sidok.34Tapi, beberapo ura begabo ngau neh lalu pecayok, diok ugok bisik Dionisius, anggota Areopagus, tamai sura betinok te namo Damaris, serto beberapo ura lain te tamai sidok.
Chapter 18

1Udah yok, Petrus nudi Atena lalu angkat ke Korintus.2 Paulus nemu ura Yahudi bernamo Akwila, kenturun Pontus, baru datai re Italia tamai bini te benamo, Priskila, kerno Klaudius udah merintah semuo ura Yahudi nudi ke Roma.3 Paulus datai nguso sidok. Paulus bisik kerjo samo ,Paulus dudi tamai sidok ngau bekerjo mulah .4Petrus betukar penapat ngau ura-ura Sinagoge tiap ari Sabat, berusaha nyuruh sidok pecayok baek Yahudi tamai Yunani.5 Silas tamai Timotius turun re Makedonia, Paulus ngabdi ke dirik sepenuh ati ngau cerito Firman Tuhan, samil besaksi ngau sunguh-sunguh nguso ura Yahudi bahwo Yesus yok am Kristus.6 Tapi sidok nenta tamai ngehina Paulus, Paulug nesai baban aku berseh.7Udah yok, Petrus nudi tempat yok angkat ke rumah seura te benamo Titus Yutus, seura te bukan Yahudi te nyembah Allah, te rumah di sepiak Sinagoge.8 Krispus,kepalo Sinagoge, jadi pecayok lam Tuhan ngau semuo ura te dudi de danggau neh, banggat ura Korintus te udah menin Paulus lalu pecayok dah yok di baptis.9Tuhan ngumung ngau Petrus pado malam yok'' nang takut, ngumung geno, nang nugau. 10Aku tamai kitak, nang takut disera, kerno bangat umat-Ku dikoto tuk.11 Paulu dudi diyok selamo 1 taun 6 bulan, samil ngajar tenta Firman Tuhan.12Galio nyadi Prokonsul Akhaya, ura-ura Yahudi sepikir angkat ngelawan Paulus, maik Paulus ngadap ke kursi pengadilan,tamai madah,''13 Ura tuk tengah depengaruh bangat ura nyembah nelawan ngau Hukum Taurat.''14Paulus ampir mukok mulut, Galio madah nguso ura-ura Yahudi,'' Antik tuk soal penyalah te parah, ura-ura Yahudi, aku kok nango pekaro-pekaro tuk. 15Tapi antik tuk tenta kato-kato,tamai namo-namo te de ukum kedirik, sok ngurus kediri.17Udah yok, Galio ngusir sidok ri ruang pengadilan.16 Seudah sidok semuo nangkap Sostenes, kepalo Sinagoge, tamai melasah Sostenes di ruag pengadilan.18Paulus dudi beberapo ari agik, udah yok madah kok angkat belayar ke Siria, tamai Priskila ngau Akwila. De Kengkrea, Paulus udah nyukur bok neh.19 Udah sidok datai ke Efesus tamai Paulus. Paulus ninggal ke Priskila tamai Akwila din, tapi neh kediri tamok ke Sinagoge betukar pikir ngau ura-ura Yahudi.20Sidok mintok Paulus dudi lebih lamah agik, Paulus endo kok.21 Tapi Paulus lalu angkat tamai madah,'' Aku pasti bebalek nuso kitak antik Allah nyuruh,''. lalu Paulus belayar ari Efesus.22Petrus turun de Kaisarea, Petrus naek merik salam nguso jemat,lalu turun de Antiokhia.23 Udah ngabis ke berapo waktu din, Petrus nudi ke tempat yok, udah yok be kelilin ke wilayah Galatia tamai wilayah Frigia,samil nguatk ke iman murid neh.2524Bisik ura Yunani te bernamo Apolos,keturun Aleksandria, datai ke Efesus. Apolos se uraelajar tamai panai dalam Kitab Suci.25 Apolos udah diajar tenta jalai Tuhan tamai betekun dalah roh.26 Apolos berani ngumung de dalam Sinagoge, tapi ketiko Priskila tamai Akuila menin te de padah Apolos,didok narek ke sisi ,udah yok madah jalai Allah te lebih baek.27Apolos kok nyebera,ke Akhaya,balo menyanak nguat ke neh, tamai nulis surat nguso murid-murid sok nyamut penatai Apolos. Ketiko Apolos datai bangat ura nulo sidok te uleh anugerah jadi pecayok.28 Apolos mantah ngau kerin ura-ura Yahudi de muo umum, samil nuyuk Kitab Suci bahwo Kristus yok am Yesus.
Chapter 19

1Hal yok tejadi, sementaro Apolos ado di Koritus, Paulus ngelalu aro kampo sampai di Efesus, Din neh bulieh duo tigo ikuk murid.2 Paulus madah ngau sidok,'' Apo kitak nerimok Roh Kudus watu kitak udah pecayok?'' Sidok nya'ut,'' Endo, apan kami suah menin bisikh Roh Kudus.''3Piok, Paulus madah,'' Di dalam apo, Kitak di baptis?'' Saut sidok,'' Didalam baptisan Yohanes,''4 Paulus madah,'' Yohanes baptis ngau baptis betubat, samil madah ura-ura ngau pecayok ngau se'ura te kok datai se'udah neh, Neh yok Yesus.''S5e'udah sidok menin kisah yok, Sidok dibaptis de dalam damo Tuhan Yesus.6 Udah yok Paulus numpa jari enta sidok, Roh Kudus datai ke darat sidok, udah yok sidok becakap bamacam baso tamai benubuat.7 Sidok semuo bejumlah kiro-kiro duo belas ura lelaki.8Sento, Paulus tamok ke sinagoge serto becakap ngau brani selamah tigo bulan, samil betukar penapat tamai ngeyakin ke sidok tenta Kerajaan Allah.9 Senangkan berapo ura ngerin ati tamai nulak pecayok, samil banai utan te jai tenta jalai nyok de muo ura bangat, Paulus nudi ke sidok serto maik balo murid lari, samil betukar penapat setiap ari di sekulah Tiranus. 10Utan yok belanso selamah duo taun sampai semuo ura te nugau di Asia menin Firman Tuhan, baek ura Yahudi atau Ura-ura Yunani.11Allah mulah bangat mujizat te luar biaso ngelalu jari Paulus, 12Sento sapu tangan atau celemek te suah kenok kulit Paulus de bai'k ngau ura-ura pedih, semuo penyakit sidok ngayap tamai roh te jai'i pansut re sidok.13Sento, balo-balo pengusir sitan Yahudi te bejalai bekelilin ngarap nyebut damo Tuhan Yesus atas ura-ura te de rasuk roh-roh jai'i samil bingan,''Aku nyumpah kitak dalam damo Yesus te Paulus kisah!''14 Tujuh nebiak lelaki Skiwa, salah sikuk imam besai Yahudi, te ngelaku neh.15Bukan bereti, roh jai'i yok nyaut serto ngumung ngau sidok, ''Aku kenal Yesus serto aku ketauk tenta Paulus, tapi sapo nuan?''16 Lalu, ura te keno rasuk roh jai'i tadi ngelumpat ke muo sidok, neh bekuaso atas sidok, serto ngalah ke sidok, semuo ura ngelari dirik re dangau yok serto bisik telannya tamai lukok.17 Utan yok kenok ketauk semuo ura Efesus', Baek ura-ura Yahudi atau ura-ura Yunani. sidok semuo jadi takut sento damo Tuhan Yesus makin tingik de mulio.18Bangat re sidok udah jadi pecayok tetap datai, samil ngakuk tamai madah pempulah-pempulah sidok.19 Lalu bangat re sidok te suah ngelaku sihir, ngumpul buku-buku sidok serto nunu de adap muo ura. sidok ngito nilai bukuk yok sampai nemu rego 50.000 kipin pirak. 20Udah yok Firman Tuhan selampur betumuh dan bekuaso.21Se'udah utan yok udah, Abis, dalam Roh kudus, Paulus ingin lari ke Jerusalem seudah neh ngelalu Makedonia tamai Akhaya. lalu madah seudah aku din, aku harus mantau Roma.22 Seudah ngutus duo ura te melayan ke makedonia, yokneh TImotius tamai Eratus, neh kedirik tedudi de Asia.23Sekitar watu yok, din tejadi rusuh te endo renyai tenta jalai yok. Sebab ada ura bedamo24 Demetrius, ura perajin pirak te mulah kuil_kuil Pirak Dewi Artemis, merik pengasil te endo sikit bagi tuka-yuka neh. 25Balo tuka nehyok de kumpul bereto ngau kuli-kuli di bida serupo lalu madah, ''balo menyanak, kitak ketauk bahwa asil kitak berasal re kebun tuk.26Lalu, kitak mantau berto menin bahwo, bukan de Efesus genno ampir de seluruh Asia, Paulus udah yakin serto mulah bangat ura bekalih serto madah bahwa allah te mulah jari mensio bukan teh Allah.27 Utan yok nyuruh celako, bukan usaho kito kok nyatuk ke dalam duso, tapi kuil Dewi Artemis te ago yok endo sikit de perito, utan yok te di semah seluruh asia tamai dunia, tauk ayap keago neh.''28Watu sidok menin utan yok, sidok jadi sangat luat serto mangkas mukau,'' Besailah Artemis, dewi ura Efesus!'' 29 lalu kuto yok di penuh ngau kacau balau serto sidok begua bereto beramo nguso dangau seni yok samil nyiret Gayus tamai Aristarkus, ura Makedonia kaban sepejalai Paulus.30Kiro, watu Paulus kok angkat tamok antaro ura bangat yok, Balo murid endo ngisok neh.31 Nyuruh, balo pemesai Asia te bekaban ngau neh ngirum sutik pesan ngau neh serto berula kali ngarap ngau neh isok endo nyerah dirik ke dangau seni yok.32 Kebok, kedok mangkas utan yok ,kedok mangkas te lain. kerno tempat yok sangat kacau balau de tamah kedok re sidok endo ketauk apo alasan sidok udah datai bekumpul.33Kedok re ura bangat yok merik sarat ngau Alexander kerno ura Yahudi udah ngejuk neh ke muo, Udah yok Alexander merik sarat ngau jari neh, neh bemaksud ngemilo dirik de muo ura bangat.34 Seda, watu sidok ngelalo Alexander ura Yahudi yok, selamah kiro duo jam, sidok semuo mangkas kuat-kuat. ''Besailah Artemis, dewi ura Efesus!"3623Sekitar watu yok, din tejadi rusuh te endo renyai tenta jalai yok. Sebab ada ura bedamo24 Demetrius, ura perajin pirak te mulah kuil_kuil Pirak Dewi Artemis, merik pengase endo sikit bagi tuka-yuka neh. 25Balo tuka nehyok de kumpul bereto ngau kuli-kuli di bida serupo lalu madah, ''balo menyanak, kitak ketauk bahwa asil kitak berasal re kebun tuk.38Kerno yok, antik Demetrius tamai tuka-tuka te bereto ngau neh empu keluh di muo se'ura, pengadil tebukok serto bisik Prokonsul. isok sidok ngaju tuntut neh ngau te lain. 39 Kiro, kitak mau utan te lain, macam nyok tauk udah dalam sidang genno, nurut ukum akim.40Antik, kito berado bisik celako di tuduh ngau kito kalut arituk,endo bisik alasan apo pun yok tauk kito jelas neh tenta petemu te kacau balau tuk.''41 Udah neh madah utan yok, neh misah ura yok.
Chapter 20

1dah yok.dah playok sidok tuk temuk,paulus ngunabalo murid,lalu udah nyemangat ke ati sidok,ya mintok dirik tamai sidok lalu angkat ke makedonia.2 dah yok ya nengah balo benuo din3 lalu merik ke sidok bangat petuo,neh sampai de yunani.lalu din paulus nugau slamo 3 bulan.sbab ura-ura yahudi mulah pekat kok nglawan neh watu neh kok blayar ke siria, neh mutus kok bebalek mansok Makedonia4Paulus dekaban ulih sopater ari brea,anak Pirus,ulih Aristarkhus tamai Sekundus,ari Tesalonika,tamai Gayus ari Derbe,tamai Timotius,serto Tikhikus tamai Trofimus ari Asia. 5sidok angkat lebih dulu lalu nunguk kami di Troas,6 ulih kami belayar ari Filipi udah ari prayo rute ndo bragi,lalu datai ngusung sidok de Troas alam 5 ari,din kami nugau slamok 7 ari.7watu tmulo ari minngu yok, paulus ngumung ke sidok beniat kok angkat ari lain,lalu neh manya ke petuo yak sampai tenah malam. 8 bisik bangat lampu de darat kamar, aro kami bekero.9alu, din bisik sura buja benamo Eutikhus tengah duduk di tlingu lawa lalu telelap.lalu,smentaro Paulus nguman lamah bekisah,neh makin nyenyok tiduk lalu jatuk ari lantai tigo watu di angkat neh udah mati. 10 ulih yok, Paulus turun lalu ngerekut neh samil ngumung," nang kitok kalut sbab penyuan neh agik bisik dalam neh."11watu paulus pulai naek ke darat, lalu magi-magi rute lalu makai, neh bekisah ke sidok sedang lamah gok,sampai diniari, dah yok neh angkat sidok12 ngemaik bujang yok pulai udah idup tamai praso ati senang.13ulih, dah sidok pulai ke kapal,kami blayar ke Asos beniat nyemou Paulus din sbab neh udah beniat piok,neh kedirik beniat angkat kin ngau bejalai kaki. 14lalu,watu neh betemu ngau kami di Asos, kami nyemput neh, lalu angkat ke Metilene.15dah belayar dari in,kami datai pado ari pagi di Khios.ari pagi agik kami nyemak samos, lalu sari pagi kami datai di Miletus.16 sbab,Paulus udah mutus kok blayar mansok Efesus sok ndo abis watu neh di asia,kebok neh gesok kkok datai di Yerusalem,ntik dapat ngejar ari Pentakosta.17ari Miletus, Paulus ngutus ura ke Efesus lalu nyuruh balo retuo jemaat datai ngusung neh. 18 lalu,watu sidok datai ngusung neh, neh madah ke sidok,"kitok kedirik ketauk, keti aku tuk idup de tengah kitok sepanya watu,mulo ari pertamo aku nijak kaki di Asia, 19 samil ngelayan Tuhan ngusu sgala kerenah Ati aku,serto aik mato,lalu balo cubaan ute ngenok aku ulih pekat jaik balo yahudi20 , keti aku ndo ngetan dirik sok ngisah ngusung kitok ta hal ute bguno lalu ngajar balo kitok de muo ura bangat lalu ari rumah ke rumah, 21 bnar-banr merik saksi, baek ngusung balo ura yahudi piok gok balo ura yunani, ta pertobatan ngusung Allah lalu beriman ngusung Tuhan Kito, Yesus Kristus .22lalu pituk, pantau dulu, ntik dah di kebat ulih roh, aku tengah dalam pejalai ke Yerusalem,ndo ketauk apo yang kok tejadi ke aku din pagi.23 kecuali roh kudus tuk benar-benar besaksi de stiap kota ngusung aku bahwa penyaro tamai penyiso udah nunguk aku. 24 ulih aku ndo nganggap idup aku bisik rego bagi aku kedirik singgalah aku tauk nuntas ke kerjo pelayanan yang aku trimok ari Tuhan Yesus, sok aku besaksi dengan benar ta Injil Pemerik Allah.25lalu pituk ,pantaulah, aku ketauk bahwa nisik de entaro kitok,ke kitok aku tuk bekeliling ngisah ke rajaan,kok mantau muo aku agik.26 kebok yok, aku besaksi ngusung kitok ari tuk bahwa aku ndo besalah sbab darah kitok smuo.27 sbab aku ndo ngetan dirik kok nyrito ngusung kitok smuo rencano Allah.28njago dirik kitok tamai kebalo kaban blayan. 29 aku ketauk ntik udah aku angkat, balo srigala rangkok kak datai ntaro kitok,ndo besaya ke kaban blayan yok.30 lalu, ari ntaro kitok kedirik klok bangkit balo ura yang kok ngumung ta hal ute nyesat mensio kok ngemaik balo murid ari sidok .31ulih yok lah, bejagolah kitok ,samil ngingat ari sia ngau malam,slamah 3 taun, aku ndo betegok ngingat ke kitok smuo ngau aik mato. 32 lalu pituk aku dah nyerah kitok ngusung Tuhan lalu ngusung Firman anugrah-Nya yang udah talah nyemaek idup kitok lalu merik waris ntaro smuo ura yang di kuduskan.a33ku ndo kok perak atau mas, atau percok kain mpu sidok, 34 kitok kedirik ketauk bahwa jari tuk ngelayan keperlu pengidup aku tamai sidok ute idup tamai aku.35 alam smuo hal,aku udah nunyuk ngusung ke kitok bahwa berkat kerejo bekayo upo cero tuk,kito arus nulo yang ndo mampu lalu ngingat pekato Tuhan Yesus, bahwa ya kedirik madah," lebih nyaman praso merik ari pado nrimok.lal36u,watu neh udah madah pekaro yok,neh belutut lalu bedoa bereto sidok smuo. lalu, bangat ute nangis 37 lalu ntaro sidok smuo lalu sidok merekut ler Paulus,samil nyium neh.38 sidok sangat piluk ati, ulih sbab ya madah ke sidok bahwa sidok ndo dapat mantau muo neh agik.lalu sidok ngaban Paulus ke Kapal.
Chapter 21

1dah yok kami bepisah ari sidok lalu angkat, 2 lalu udah kami nemu sebuah kapal yang kok nyemera ke Finisia, kami nikik kedarat kapal yok lalu belayar3watu kami udah mulo mantau Siprus sbab kapal yok kok mungkar muatan neh.4 dah yok betemu ngau balo murid,kami nugau din slamo tujuh ari.lalu sbab ulih roh, sidok trus ngingat ke Paulus sok neh ndo naek ke Yerusalem.5pas watu kami din dah abis, kami angkat agik nglanyut pejalai kami. sidok smuo tamai bini ngau balo anak sidok ,nganyung kami sampai kluar kota.lalu, dah yok belutut de pantai lalu bedoa,6 kami mintak dirik ngau balo kaban.lalu kami naek ke kapal lalu sidokpun pulai agik ke rumah .7dah yok kami mencudah pejalai ari Tirus,kami datai di ptolemais, lalu kami betegursapa ngau balo menyadik seiman, serto lalu nugau tamai sidok selamo satu hari. 8 pas ari pagi, kami angkat agik blalu ke kaisarea,lalu diau ta sidok. 9 ya bisik mpu empat ura nemiak daro yang tauk bernubuat.10ndo lamah kami diau diok cumo beberapa ari, sura nabi benamo Agabus turun ari Yudea. 11 lalu, udah ngusung kami ,ya ngamik tali pinga Paulus lalu ngebat jari tamai kaki ya kedirik, lalu madah ," tuk lah yang kok Roh Kudus padah, nagau caro tuk balo ura Yahudi de Yerusalemn kok namit ura yg ngempu Tali pinga tuk lalu nyerah ke kuaso ura lain."12watu kami menin pekaro yok, kami tamai ura-ura yang diau din mintok paulus krumok ndo naek ke yerusalem. 13 lalu paulus nyaut ," apo yang kitok pulah diok,nyabak lalu medih ke praso ati aku ? sbab ,aku siap lebih ari de kebat, tapi ugok brani mati de yerusalem demi namo Yesus." 14 lalu ulih Paulus ndo tauk nera ke kami , kami lalu ndo ngumu lalu madah ," sok kemauk Tuhan yang jadi."15udah blalu ari yok, kami besiap kok angkat ke yerusalem. 16 beberapo ura murid ari kaisarea gok angkat tamai kami, samil mai kami ke rumah Manason, ura Siprus,sura murid lamah,tamai neh kami nugau .17udah yok kami pun datai de yerusalem, balo mnyadik seiman ngalu penatai kami ngau pengago 18ati. lalu pado ari pagi, paulus bejalai bereto kami branau ngusung yakobus, 19 lalu smuo retuo datai kiok. udah madah salam ke sidok, Paulus mulai ngisah sutik-sutik pekaro yang udah Allah pulah de ntaro balo Banso laen ngelalu kerjo pelayananan Neh.20lalu, kemayo sidok menin yok, sidok lalu muji Allah.lalu sidok madah ke Paulus ," pantau,menyadik,brapo ribu ura ntaro balo ura Yahudi din yang jadi pecayok lalu sidok smuo begiat nurut ukum Taurat, 21 lalu sidok udah de padah dulu hal ikam, sbab ikam tuk ngajar smuo bansa Yahudi ntaro balo banso laen sok nyimpang ari ukum Musa, samil madah sidok sok ndo nyunat balo anak sidok atau bejalai nunok adat istiadat kito.22lalu, apo yang mesti kito pulah? Sidok mesti kok menin bahwa ikam dah datai. 23 ulih sbab yok, pulalahlah apo ute kami padah ke ikam.ado empat ura ari kami ute ado de baruh nazar, bai'k sidok lalu nyuci dirik ikam besamo tamai sidok. 24 kebok piok,smuo ura kok ngetauk bahwa ngemulok keba hal ute udah di padah ke sidok sual ikam, tapi ikam kedirik gok idup nunok ukum taurat.25ulih, su'al balo banso laen ute nyadi pecayok, kami udah nulis surat lalu mutus bahwa sidok tuk mesti nyauh kedirik ari ,' dagin ute udah de pesaji ke balo petaro antu,gok ari darah,lalu ari apo ute udah de cekak,lalu ari balo duso bezinah.' 26 dah yok, Paulus ngemaik ura-ura yok, lalu ari pagi agik,udah neh nyuci dirik neh besamo tamai sido'k neh lalu tamo'k ke bilik Bait Allah lalu madah watu penyuci duso.27watu kok ampir gnap tujuh ari, balo ura yahudi ari asia, udah mantau paulus dalam Bait Allah,nagsut ura bangat lalu nangkap Paulus , 28 samil mukau," hai kitok balo israel, tul ! ura tuklah yang ngajar tetiap ura dini-dini nglawan banso kito,nglaban ukum Taurat, gok aro tuk.gok, lebih agik,neh ngemaik balo ura Yunani ke dalam Bait Allah lalu udah ngutur tempat suci tuk !" 29 Sbab,sepan yok sidok udah mantau Trofimus, ura Efesus, berto neh dalam kota lalu sidok nyangkok Paulus udah ngemaik neh tamok kalam Bait Allah.30dah yok, smuo ura de kota nyadi bkalut lalu balo urapun datai bekero. sidok nangkap Paulus lalu ngirit neh kluar ari lawa Bait Allah , lalu lawa Bait Alah gesok de tutup. 31 smentaro sidok berencano kok munuh neh, lalu kepenin kisah yok ke kepalok serdadu Roma bahwa smuo Yerusalem tengah kacau balau.32ndo betunguk agik,neh lalu ngemaik balo serdadu tamai balo petingi serdadu,lalu turun ngusu sidok . lalu ketiko ura bangat mantau kepalok serdadu, sidok pun betegok maluk mlasah Paulus. 33 dah yok, kepalok serdadu nyema'k Paulus lalu nagkap neh,serto merik printah sok Paulus de kebat ngau duo rantai.lalu,neh dulu nanyok sapo Paulus lalu apo ute udah de pempulah neh.34dah yok, sebagi ari ura bangat yok lalu mukau ute ndo jelas tamai sebagi ari ute laen.lalu mayo neh ndo dapat ngetauk ute sbenar sbab musabab krusuh yok,neh mrintah sok Paulus di bai'k ke markas sidok serdadu. 35 watu neh udah de tangok markas, Paulus mesti de tangu ulih balo serdadu sbab kenok krumun ura, 36 sbab ura bangat yok ndo betegok nunok sidok, samil mukau," bunuh geno neh.37smentaro Paulus kok de bai'k tamo'k ke markas, Paulus madah ke kepalok serdadu," tauk ndo aku madah sutik hal ke dirik ?" lalu, Kepalok serdadu yok nyaut, ikam ketauk bahaso Yunani ? 38 ntik piok, ikam tuk bukan ura Mesir ute watu lalu mulah ulah mruntak tamai mimpin empat ribu ura pemunuh ke pada gurun ?"39ulih, Paulus lalu nyaut," aku tuk ura Yahudi ari Tarsus,kilikia, sura penduduk ari kota yang pentin. aku mintok ijin kok ngumung ngau balo ura yok. 40lalu , watu kepalok serdadu ngijin ke neh, Paulus bediri de tangok lalu merik tano ngau jari neh,lalu watu ura udah ndo bisik ribut agik, neh ngumu ke sidok ngau bahaso Ibrani lalu madah .
Chapter 22

1Menyanak - menyanak balo apai, penin aku membelo kitak. 2Waktu sidok menin paulus ngumai sidok ngau bahaso Ibrani, sidok semuo sungik, dan paulus ngumung,3Aku adalah ura yahudi, beranak de Tarsus, Kilikia, tapi debesai de kota tuk, diajar Gamaliel dengan ketat sesuai ukom inik moyang kito,lalu giat ngau Allah, samo ngau kitak semuo ari yok. 4Aku ngiayo jalai tuk sampai kematian, ngikat dan namok sidok, baek laki maupun betinok ke dalam penjaro, 5Macam te Imam besai seluroh mejelis pemukok agamo besaksi ngau aku. Dari sidok aku nerimok surat - surat ngau balo menyanak de Damsyik turun ngau ngikat sidok te bisik din ke Yerusalem sebagai ura te diukum.6Mako, tejadilah, waktu aku dalam pejalai ampir sampai de Damsyik, kiro - kiro tengah ari, tibo - tibo bisik cahayo tra dari langit be sinar ngelilin sidok. 7Aku tesusuk ke tanah dan menin suaro te ngumung ngau neh, Saulus, Saulus ngapo ikam ngiayo aku. 8Dan, aku nyaut, Sapo ikam, Tuhan? lalu neh ngumung ngau aku, Akulah Yesus dari Nazaret, te sidok aniayo.9Ura - ura te besamo neh mantau cahayo yok, tapi ndo ngerti suaro ura te ngumung ngau neh. 10Dan, aku ngumung, apo te arus aku pulah, Tuhan? lalu Tuhan nyaut aku, bediri lalu turun ke Damsyik, din,neh madah semuo te tlah ditetapkan ngau kitak pulah. 11waktu aku ndo mantau kerno kemuliaan cahayo yok, aku dipegai uleh ura- ura te besamo neh lalu masuk ke Damsyik.12Udah yok, bisik se ura benamo Ananias, ura saleh menurut ukom taurat, neh dikenal baek uleh semuo ura Yahudi te nugau din. 13Datai ngau aku, lalu bediri disemak aku, neh ngumung, nuan saulus, mantaulah! waktu yok gok, aku tauk mantau agik mantau neh.14Neh ngumung, Allah inek moyang kito netap ke neh ngau ngetauk kemauk-Neh dan mantau te benar, serto menin suaro dari mulut neh. 15Kerno sidok menjadi saksi bagi neh ngau semuo ura apo te udah sidok pantau dan penin. 16Dan, pituk, ngapo neh nundo - nundo? angkatlah berik neh dibabtis, serto bersih ke duso - duso neh samil ngumai namo-Neh.17Waktu aku pulai ke Yerusalem aku berdoa de bait Allah, aku de kuasai roh. 18Lalu aku mantau Neh ngumung ngau aku, begesak keluar dari Yeruselem sidok ndo nerimok kesaksian tentang Neh.19Neh ngumung, Tuhan, sidok kedirik tauk bahwo aku memenjaro tamai igikat sidok te pecayok ngau-Neh dari sutik sinagoge ke te laen. 20udah yok, ketiko darah saksi- Neh, Stefanus, desioh, aku kedirik bediri din, setuju, dan nyago baban - baban ura-ura te munuh. 21Udah yok, Yesus ngumung ngau neh, turunlah! sebab, aku kok ngutus neh jaoh ngau bangso - bangso lain.22Ura bangat menin Paulus ngumung. udah yok, sidok semuo ngangkat suaro sidok dan ngumung, lenyapkan ura tukdari bumi kerno neh ndo pantas idop!. 23Lalu sementaro sidok mukau, lalu nikam jubah neh, dan nikam debu ke udaro. 24Kepalo balo pemerintah maik paulus kebaruh ke markas, samil madah Paulus arus de perso ngau cambuk sehingo neh tauk nemu alasan ngapo sidok beteriak ngelawan neh macam yok.25Ketiko sidok udah ngikat neh ngau tali - tali kulet, Paulus ngumung ngau pewira te bediri de semak neh, Apokah sah bagi ura ngecambuk neh te seura warga negaro Roma tampa diadiel?. 26Waktu pewira yok menin, neh turun ngau kepalo pasukan lalu madah, bengi neh, Apo tearus sidok pulah?. sebab, ura tuk adalah seura warga negaro Roma.27Mako, kepalo pasukan iyok datai lalu ngumung ngau Paulus, bengi neh ngau aku, apokah neh seura warga negaro Roma?. Paulus nyaut, iyok. 28Kepalo pasukan iyok nyaut, Aku bulih kewarganegaraan tuk ngau sejumlah besai duet. Paulus ngumung, aku njadi warga negaro uleh peranak neh. 29Mako, ura - ura te merikso paulus udah yok nudi ke kepalo pasukan njadi takut waktu neh ketauk bahwa Paulus adalah seura warga negaro Roma bahwa neh udah igikat.30Tapi, ari berikut neh, kerno kepalo pasukan ingin ngetauk alasan sebenar neh ngapo Paulus de tuduh uleh ura - ura Yahudi yok, neh ngelepas Paulus dan madah imam-imam kepalo tamai seluruh Sanhendrin bekumpul, lalu neh maik Paulus turun dan ngadap ke tengah - tengah sidok.
Chapter 23

1Paulus mantau Sanhedrin lalu ngumung, "Menyanak-menyanak, aku udah nyalai ke idup ngau ati te baik di depan Allah sampai ari tuk." 2Lalu, Imam Besai Ananias merintah ura-ura te bediri semak Paulus sok tauk nampar mulut Paulus.3Udah yok, Paulus ngumung ngau neh, "Allah te tauk nampar kitak, ui kitak dinen te dicat putih! Apo kitak dudok ngau ngakim aku nurut ke Hukum taurat, tapi ngelangar ukum yok ngau nyuruh sok aku ditampar?"4Ura-ura te bediri semak neh ngumung, "Apa ikam tuk ngina Imam Besar Allah?" 5Lalu Paulus ngumung, "Aku ndo ketauk menyanak-menyanak, antik neh yok Imam Besai. Bisik tertulis, 'Ndo sah kitak ngumung te jai tenta seura pemimpin bangsa."'6Tapi, ketiko Paulus ketauk antik sebagi re sidok yok ura-ura Saduki, Paulus ngumung di dalam Sanhedrin, "Menyanak-menyanak, aku tuk am orang Farisi, anak ura Farisi. Aku tengah diakim mpadai pengarap tamai pemangkit ura mati!"7 Ketiko Paulus madah hal tuk, bepadu mulut antaro ura-ura Farisi tamai ura-ura Saduki, tebagi-bagi ura bangat yok. 8Kereno ura-ura Saduki madah antik ndo sik pemangkit, ndo sik malaikat tamai roh, tapi ura-ura Farisi ngakuk yok semuo.9Terjadi keributan te besai, beberapo ahli Taurat re kerumun Farisi bediri lalu mantah, "Kami ndo nemu utan te salah ngau ura tuk. Keti antik roh tamai malaikat udah ngumung ngau neh?" 10Ketiko bepadu mulut makin besai, kepalo pasukan takut antik paulus diransik mpadai ura bangat yok, lalu nyuruh balo prajurit turun ngamik Paulus re tengah sidok caro pakso serto maik neh ke markas.11Pada malam pagi, Tuhan bediri disamping Paulus lalu ngumung, "Kuatkan ati ikam, karena ikam udah bersaksi ngau benar-benar tenta aku di Yerusalem, ikam arus ugok bersaksi di Roma."12Ketiko ari sia, ura-ura Yahudi kerjo samo lalu ngikat dirik ngau sumpah ndo makai atau minum sampai sidok munuh Paulus. 13Bisik lebih re empat puloh ura te kerjo samo.14Sidok datai ngau imam-imam kepalo tamai tuo-tuo lalu ngumung, "Kami udah ngikat dirik kami ngau sumpah sok ndo bepusam sampai kami munuh Paulus. 15Jadi pituk, nuan tamai Sanhedrin, padah ke kepalo pasukan sok tauk ngemaik neh ngau nuan, bako nuan kok mutus ke pekaro neh ngau teliti agik, kami siap munuh neh seapan neh semak ngau tempat tuk."16Tapi, nemiak laki re menyanak betinok Paulus menin tenta yok, neh angkat lalu tamok ke markas, serto madah Paulus. 17Paulus ngumai sura perwira lalu ngumung, "Baek nemiak mudok tuk ngusung kepala pasukan kereno bisik hal te kok dilapor ngau neh."18Perwira yok ngemaik neh ngusung kepala pasukan lalu ngumung, "Paulus, tahanan yok, ngumai lalu mintok ngau aku ngemaik nemiak mudok tuk ngau nuan, bisik hal te kok dipadah ngau nuan. 19Kepalo pasukan megai jari nemiak mudok yok lalu narek neh ke samping, mulai nanyok nemiak mudok yok, "Apo te arus ikam padah ngau aku?"20Lalu neh madah, "Ura-ura Yahudi udah bepekat mintok nuan ngau ngemaik Paulus turun ke Sanhedrin pagi, purok-purok sidok kok nanyok sesuatu te lebih teliti tenta neh. 21Jadi ndo sah menin sidok kereno bisik lebih re empat puloh ura re sidok tengah ngincar Paulus, te besumpah ndo makai atau minum sampai sidok munuh Paulus. Pituk sidok udah siap dan tengah nunguk persetujuan nuan."22Kepalo pasukan nyuruh nemiak mudok yok angkat, samil bepesan ngau neh, "Ndo sah madah sapa-sapa kalo ikam udah madah aku tenta hal tuk."23 Kepalo pasukan yok ngumai duo ura perwira lalu madah, "Siap ke duo ratus tentara, ngau tujuh puloh te nunga kuda tamai duo ratus prajurit maik senapa sok angkat ke Kaisarea pada jam 9 malam tuk. 24Siap ke ugok binata ngau maik Paulus lalu antar neh dengan aman ngusung Feliks, gubernur yok."25Neh nulis surat te bako tuk : 26Dari Klaudius Lisias. Ngau Gubernur Feliks te mulia. Salam,27Ura tuk ditangkap uleh ura-ura Yahudi dan ampir dibunuh uleh sidok ketiko aku datai bereto prajurit-prajurit dan nyelamat ke neh, seudah ketauk antik neh yok seura banso Roma.28Kereno aku kok ketauk apo alasan sidok nuduh neh, aku maik neh turun ngau Sanhedrin sidok.29Aku nemu antik neh tuk dituduh re pekaro-pekaro tenta Hukum Taurat sidok, tapi ndo sik alasan apo-apo pantas ngau ukum mati atau penyaro.30 Ketiko dipadah ngau aku antik bisik kerjo samo ngau ngelawan ura tuk, aku segero merintah ke balo penuduh sok tauk madah tuntutan sidok ngau neh didepan nuan.31Balo prajurit sesuai te de perintah ngau sidok, ngamik Paulus lalu ngemaik neh ke Antipatris pada malam ari. 32Pada ari pagi, sidok miar ke balo pemaik kuda yok angkat bereto neh, lalu sidok bebalek ke markas.33Ketiko sidok udah datai ke Kaisarea dan merik surat yok ngau gubernur, sidok ugak ngadap ke Paulus ngau neh.34Seudah gubernur maca surat yok, re daerah ni asal Paulus. Ketiko neh ketauk antik Paulus berasal re Kilikia, 35neh ngumung, "Aku kok menin ikam seudah balo penuduh ikam datai ugok." Udah yok, neh merintah sok ngawal Paulus di dalam markas besai Herodes.
Chapter 24

1Limo ari udah nyok, Iman besai Ananias angkat namai beberapo tuo-tuo dan sura pengacaro te namo neh Tertulus. sidok kok nuntut Paulus ke Gubenur. 2Udah nyok Paulus dikumai Gubenur, diok m Tertulus tu mulai nuduh Paulus neh ngumung piok,"Gunemur temulia,kerno kerjo nuan tuk kami trus ngeraso nyaman lalu kerno nuan bijaksana, bangat utai te jadi baek kebangso kami, 3semuo nyok kami sambut dini-dini tempat nungau ngau raso sena.4tapi,isok nado ngelamah kewatu,aku benar-benar mintok kenuan ngau mening kami tuk sekejap geno. 5Empadai ura tuk uda jadi pegaru te udah mulah kacau kebalo ura-ura Yahudi di semuo dunio,Paulus tuk ketua sekte ura nasrani. 6Malah neh tuk kok ngelagar apo te jadi kekudusan Bait Allah. Kami kok nangkap ke Paulus tuk sesuai ngau ukum taurat kami.7Tapi,Lisias,kepalo pasukan nyok datai lalu ngerebut neh ari kami tuk ngau caro kasar,8samil neh nyuruh ura-ura te nuduh Paulus ngau ngusung nuan,apo nuan tuk mampu merikso apo te kami sangko ke paulus." 9Ura-ura Yahudi nyok pun udah sepakat ,kalau apo te dituduh ke paulus nyok benar10Pas Gubenur nyok merik watu ke Paulus ngau ngumung,Paulus pun madah" aku ketauk nuan uda jadi akim bangso tuk btaun-taun lamo neh,aku ngago tauk mela dirik. 11Nuan ketauk duo belas ari te udah aku ke Yerusalem ngau semaya.12 Sidok nado suah nemu ke aku betangkap ngau balo ura lalu nyuruh sidok mulah utai te ndo bereti di Bait Allah,rumah ngau semaya,namai kebalo tempat di kota tuk.13Sidok pun ndo tauk ngebukti ke nuan apo te udah dituduh sidok ke aku pituk.14Tapi,aku ngaku ke nuan kalo aku tuk nyembah ke Allah Inik Muyang kami,namai pecayok ke segalo ukum te udah te udah ditulis dikitab balo nabi, 15samil aku naruh pengarap ku ke Allah,samo gau sidok ugok kalau ado tebangkit ngau ura benar namai ke ura te nado benar. 16Kebok mek aku tuk beusaho nyago ati nurani tuk tetap jernih ,di muo Allah namai mensio.17Lalu,udah brapo taun tuk, aku slalu datai ngemaik kebalo pemerik ku ngau merik pesemah-pesemah. 18Pas aku lagi ngelaku kesemuo nyok,brpo ura Yahudi dari Asia nemu ke aku di Bait Allah,seudah aku disucikan,diok ura nado bangat tamai nisik ura te bingan.19Searus neh,sidok mek te ado di muo nuan nyok ngaju ke aku berapo tuduhan,kalau sidok nyok mpu utai te tauk ngelawan aku.20Cubo,labok nyuruh ura-ura nyok kedirik madah ke apo kesalah aku te di temu sidok pas bediri di muo Sanhedrin, 21kecuali sutik te aku pangkas pas aku bediri diantoro sidok,"kerno ado te,bangkit ari ura mati,kalau empadai nyok nyuruh aku disida dimuo nuan ari tuk."22Tapi Gubenur nyok bangat ketau tenta jalai cerito nyok,neh lalu nunda perkaro nyok,neh lalu ngumung,"nunguk Lisias,kepalo pasukan nyok datai baruk aku mutus ke pekaro ikam."23seudah nyok,Gubenur lalu nyuruh balo tentaro ngetan paulus,tapi ditan lempo isok kebalo kaban neh agik tau ngelayan.24Seudah berapo ari piok,datai em Gubenur seduo bini neh,Drusila,te ura Yahudi nguso Paulus ,sidok kok mening apo te umung Paulus tenta kepercayoan neh ke Yesus Kristus.25 Pas lagi bekampur tenta utai te benar,ngau ngenali dirik namai ke ukum te kok datai,Gubenur nyok pun jadi takut,lalu neh ngumung,"angkat kin ikam pituk,kalau bisik watu agik aku ngumai ikam kituk."26Pada watu nyok ugok, Gubenur ngarap ke Paulus merik neh duit,empadai nyok meh neh rajin nyuruh paulus datai bekampur ngau neh kiok. 27Tapi udah duo taun piok,neh diganti Perkius Festus ,ngau nyena ke ati bangat ura-ura Yahudi, Gubenur Ferkius ngisok ke Paulus tamok kepenjaro
Chapter 25

1Seudah tigo ari nugau de provinsi yok, Festus angkat ari Kaisarea ke Yerusalem. 2Imam- imam Kepalo tamai balo ura pemuko yahudi datai, ngaju ke penyalah ngelawan Paulus lalu sidok nesak Fesfus, 3samil minto neh baek ati ngau sidok isok ura mai' Paulus ke Yerusalem, sebab sidok udah ngerencano ko' munuh neh di tengah jalai.4Tapi Fesfus nyaut sidok bahwa Petrus tetap detahan de Kaisarea lalu neh kedirik akan datai kin. 5 Jekuk neh" Isok em balo pemimpin kitak turun kin tamai aku, lalu kalau bisik penyalah ura yok, isok em sidok te nuntut neh.6Fesfus nugau nta sidok ndo lebih ari lapan sampai sepuluh ari de Yerusalem, neh pulai ke Kaisarea. Lalu ari lelam , neh dudok di bangku pengadil lalu merintah isok Paulus di bai ke muo neh.7 Watu paulus datai, ura -ura Yahudi te turun ari Yerusalem bediri ngelilint neh, serto madah bangat penyalah te berat ngelawan Petrus, te ndo sik bukti neh.8 Sementaro yok Paulus madah" Aku ndo mulah penyalah apo-apo ngelawan Hukum Taurat Yahudi, Bait Allah, serto Kaisar."9Tapi padai ko' nyuruh gago ura-ura Yahudi, Fesfus madah Paulus," Apakah ikam ko' angkat ke Yerusalem, isok ikam di ukum dimuo aku padai penyalah- penyalah tuk?10 Tapi Paulus madah," Aku pituk tengah bediri di muo pengadil Kaisar, tempat sebenar aku de adili . Aku ndo sik penyalah apo-apo ngau ura-ura Yahudi upo te kitak ketau.11Jadi tik aku besalah serto mulah pempulah te nyuruh aku arus de ukum mati, aku ndo ko' ngelari ke diri'k. Tapi tik tuduhan sidok ndo benar, ndo sik sura pun te tau nyerah akuy ke sidok. Aku nae'k banent ngau kaisar. 12Lalu seudah Petrus berunint tamai Sanhedrin, iyo nyaut," Ikam udah nae'k banent ngau Kaisar, maka ikam arus angkat ngadap Kaisar."13seudah beberapo ari, rajo Agripa datai ke Kaisarea meri'k hormat ngau Fesfus.14 Sementaro sidok nugau din selamo beberapo ari, Fesfus becerito ke kasus Paulus ngau rajo, kata neh," Bisik seura te de dudi sebagai tahanan ulih Feliks. 15Watu aku di Yerusalem, imam-iman Kepalo tamai Tuo-tuo Yahudi becerito ke penyalah-penyalah ngelawan sidok tamai mintok iso iyo di ukum. 16Aku nyaut sidok bahwa bukai adat ura Roma ngau nyerah sura seapan de tuduh betemu tamai balo penuduh neh, muko dengan muko, neh de beri kesempatan ngau mbela tuduhan yok.17Maka, watu sidok datai bekero dituk, aku ndo nuna pekaro tuk, tapi ari pagi neh, aku dudok di kursi pengadil serto merintah isok ura yok di bai ngadap aku. 18Watu balo penuduh yok bediri, sidok ndo becerito ke penyalah ja'i te upo aku piker. 19Tapi sidok hanya bisik utan te ndo de stuju dengan ura yok tentang agamo sidok kedirik serto seura benama Yesus, te udah mati, Paulus madah dengan pasti Yo idup. 20Padai aku bingung keti meriso semuo tuk, aku betanyok apo yo ko' angkat ke Yerusalem serto de adil din ngau pekaro tuk.21Watu Paulus naek banend, aku merintah isok yo tetap de tahan sampai aku tau ngirim neh ke kaisar. 22Lalu, Agripa madah ngau Fesfus," Aku gok ko' ningo kedirik ura yok." "Ari pagi," Fesfus madah, "ikam ningo neh."23Pada pagi ari neh, Agripa tamai Bernike datai serto segalo kemegahan neh lalu tamak ke rua pengadil bereto balo pasukan serto pemimpin-pemimpin kota yok. Lalu sesuai perintah Fesfus, Paulus de bae'k tamok. 24Fesfus madah, "Raja Agripa tamai segalo ura te tamai kami dituk. Pantau ura tuk, te de mohon semuo ura Yahudi ngau aku, bae'k de Yerusalem maupu dituk, serto betriak bahwa ura tuj ndo tau lamah idup agik.25Tapi aku nemu neh, ndo sik mulah apo-apo te setimpal ngau ukuman mati. Watu neh nae'k banend ngau Yang Mulio, aku mutus ngirim neh ngau Kaisar. 26Aku ndo bisik te pasti te de tulis ngau tuanku. padai yok udah mai ura tuh de muo kitak semuo, kusus neh de muo Rajo Agripa. udah yo seudah pemeriso tuk, aku bisik te de tulis. 27Padai upo ndo sik masu'k akal ngirim ura te ndo sik penyalah neh.
Chapter 26

1lalu, Agripa madah ke Paulus ," ikam di berik ijin ngumung untuk ngemilo dirik." lalu, Paulus ngerenta jari neh lalu nyelas ke alasan neh . " smuo hal ute de sangkok ke aku ulih ura -ura Yahudi, 2aku ngangap dirik aku bruntu,Raja Agripa,sbab aku kok madah alasan de muo nuan Rajo ari tuk gok, 3utamo sbab nuan lebih ketauk smuo kebiaso tamai pekaro ntaro balo ura Yahudi.ulih yok, aku mintok ngusu nuan sok kok menin aku ngau penyabar ati.45smuo ura yahudi ketauk caro idup aku mulo ari watu aku biak dulu, ute temulo dulu dah ngabis idup aku de tengah bansoku kedirik piok gok de Yerusalem. sbab dahh lamah sidok ketauk sual dirik aku, ntik sidok kok, sidok dapat besaksi bahwa aku tuk idup dah upo ngau pengajar klumpuk ute paling krampak ari agamo kito, aku idup sbagi ura Farisi .6lalu piyok, aku bediri dituk kok de sidang pekaro ulih pengarap aku kok merik janji ute de janji Allah ngusu inik muyang kito. 7janji tuklah ute de arap ulih keduo belas suku banso kito sok bulih, smentaro sidok nyemah Allah ngau bnar-bnar baek sia ari ngau malam ari. lalu,ulih pengarapan yok tuklah aku de sangkok ulih ura-ura Yahudi, ya Raja. 8ngapo kitok ngangap ndo mungkin bahwa Allah ngemangkit ura mati ?9ulih yok lah, aku kedirik ngiro bahwa aku arus mulah bangat pekaro ute nenta nama Yesus ari Nazaret. 10lalu, yoklah ute aku pulah de yerusalem .aku bukan skedar kok ngenamok ura-ura Kudus kalam penyaro,dah yok lalu nrimok kuaso ari imam-imam kepalok,ulih gok ktiko sidok de ukum mati, aku gok stuju. 11lalu, suah gok ngukum sidok de sinagoge-sinagoge lalu beupayo makso sidok sok ngangkai Tuhan.lalu, ngau pluatperingat ute sangat ngusu sidok,aku nyiso sidok singgolah ke kota-kota lain.12untuk maksud yok gok, aku agik tengah kok bejalai ke Damsyik,bedasar perintah ari imam-imam kepalok. 13watu tengah ari , ya Raja, de tengah pejalai aku,aku mantu sutik cahaya ari langit, lebi tera ari matahari,ute ute nera de skitar aku tamai balo ura ute besamo aku diok. 14lalu ktiko kami smuo tejatuk ke darat Tanah, aku lau menin sutik ingan madah ke aku alam bahaso Ibrani.15lalu aku betanyok, sapo dirik tuk Tuhan?" lalu, Tuhan nyaut,' Aku Yesus ute ikam siso. 16ulih , angkat lalu bediri ngau kaki ikam. sbab, aku dah ngemantau dirik Aku ke ikam untuk maksud tuk, kok netap ke ikam sbagi sura playan tamai saksi Aku,ndo skedar pekaro ute udah ikam pantau, tapi gok untuk pekaro ute kok aku tnyuk ke ikam. 17aku kok nylamat ikam ari banso ikam tuk lalu ari banso-banso laen, untuk yok lah Aku ngutus ikam, 18sok tau mukok mato sidok singgolah ssidok kok bebalek ari kelman ke tera lau ari kuso Iblis kepado Allah sok sidok nrimok pengampun sbsb duso-duso sok tau nrimok bagi ntaro ura-ura ute udah de kudus ulih iman dedalam Aku."19kebo'k,Raja Agripa, aku ndo kalo'k nunok pemantau ari surgawi yo'k, 20ulih pertamo- tamo, aku madah yo'k ke sido'k ute ado de damsyik,lalu de yerusalem lalu de semuo Yudea, go'k ke banso-banso laen,bahwa sido'k mesti betubat lalu bebale'k ngusu Allah, so'k nuno'k pempulah ute benar nuno'k pertubatan sido'k. 21yo'klah penyebab,ura-ura Yahudi nangkap aku de Bait Allah lalu beupayo munuh aku.22sampai ari tuk, aku dah de tulu Allah seinggolah aku bediri ditu'k untuk besaksi, bae'k ngusu ura-ura renyai pio'k go'k ura-ura besai ngau ndo madah hal laen, kecuali apo ute de padah ballo Nabi tamai uleh Musa su'al pekaro ute ko'k tejadi, 23bahwa Kristus mesti siso lalu bahwa , ngau caro yok Neh nyadi ute pertamo bangkit ari ntaro ura mati,ya kok madah pekaro tera, baek ngusu ura-ura Yahudi piok gok ke balo banso laen.24smentaro Paulus nyampai pekaro dalam pembelaan neh, festus madah ngau ingan nyarin," Paulus, ikam tuk dah gilo ! pengetauk ikam yang udah bangat yo'k nyuruh ikam lalu ndo waras." 25ulih, Paulus nyaut," yang Mulia Festus, aku ndo gilo,tapi aku ko'k madah ute benar lalu plulu'k ute masuk akal. 26sbab rajo ngetau'k pekaroo tu'k lalu ngusu neh aku ko'k nngumu ngau pemrani ati.sbab, aku pecayo'k bahwa ndo bisi'k sura pun ari pekaro tu'k ute tauk lolos ari pemantau Neh sbab tu'k ndo tejadi de aro ute renyai.27Rajo Agripa, pecayok ngau nabi? Aku tau engkau pecayok".28 Raja Agripa madah nguso Paulus," Dalam waktu te singkat, sidok telah ngeyakin29 Paulus jadi ura Kristen. Paulus nyaut," Aku mohon ngau Allah sok cepat, atau lumai, nado cumo ikam, tapi semuo ura te ningo aku ari tuk, dapat jadi macam aku, kecuali rantai-rantai."30Lalu, Rajo bediri. Gubenur bediri gok, Bernike, tamai semuo ura te dudok tamai sidok pun bediri gok. 31Watu sidok ningal rua yok, sidok sengkayo ngumong, "Ura tuk nado mulah kesalah apo pun nyuruh neh tau diukump mati atau dipenyaro." 32Kebok am Agripa madah ke Festus, "Ura tuk tau dilepas entik neh nado diberik ke Kaisar."

Chapter 27

1Tlah de putus ke bahwo sidok kok belayar ke Italia, sidok nyerah Paulus tamai beberapo tahanan laen ngau se ura pewira pasukan Agustan, te benamo Yulius. 2Sidok naek ke sutik kapal dari Adramitium te kok angkat belayar ke sutik pelabuhan de sepanja pantai Asia. sidok belayar tamai Aristarkhus, ura Makedonia dari Tesalonika.3Ari pagi yok sidok datai de Sidon. Yulius mulah Paulus ngau penuh perartian lalu nyuruh Paulus nguso kaban-kaban neh ngau ngurus Paulus. 4Dari yok, sidok angkat dan berlayar ngelalu Siprus kerno ribut betiup laen arah. 5Udah sidok belayar ngelalu pantai de sepanja pantai Kilikia dan Pamfilia, sidok datai De Mira de Likia. Din, 6pewira yok nemu suti kapal dari Aleksandria te agik belayar ke Italia, mako neh minah ke sidok ke kapal.7Sidok belayar lamah beberapo ari, susah payah sidok datai de Knidus. Salmone. 8Sidok belayar ngelalu tanyo susah payah dan datai de pelabuhan te baek, te bisik de semak kota Lasea.9Kerno sidok udah ketauk bangat waktu te abis, saat tuk, pejalai laut bahayo kerno masa puaso ura Yahudi udah lewat, Paulus madah sidok, 10lalu ngumung ngau sidok, balo menyanak aku, aku mantau pejalai kitak de serto kerugi besai, bukan hanyo muatan tamai kapal tapi nyawo sidok. 11Pewira yok lebeh pecayok ngau supier kapal tamai te empuk kapal dari umung Paulus.12Ndo baek nugau de pelabuhan yok selamah musim celap, sebagian besai ura setuju ngau turun belayar dari in dan sidak arus datai ke Feniks, sutik pelabuhan de Kreta, ngadap ke arah barat laut, nugau din selamah musim celap. 13Ketiko ribut betiop dari selatan, sidok bepikir sidok udah datai ke tujuan sidok. Uleh kerno yok, sidok narek jangkar dan belayar de sepanya pantai Krea.14Tapi, ndo lama agik, ribut kuat, te de sebut Euroklidon, betiup dari pulau yok. 15Waktu kapal sidok de tiup uleh ribut kapal sidok ndo sangop agik mutar luan, sidok nyerah kapal sidok tekapo - kapo. Sementaro sidok bergerak nguso16 pulau renyai te benamo Kauda, ngau susah payah sidok berasil nyuruh sidok datai kiyok.17Udah awak kapal narek sekuci kedarat kapal, sidok ngikat tali - tali kuat- kuat. kereno sidok takut tekato de Sirtis, sidok nurun alat-alat kapal sidok terkato-kato. 18Ari yok, kerno sidok tekato - kato kenok ribut kuat, ura - ura mulai muai isik kapal19Ari te ketigo, sidok muai alat - alat kapal ngau jari sidok kedirik. 20Baek matoari tamai binta-binta ndo sik pansot beberapo ari dan ribut besai nerapok sidok, linyaulah arapan sidok ngau selamat.21Kerno bangat ura te dah turun ndo makai, Paulus bediri detengah - tengah sidok lalu ngumung, balo menyanak searus neh nurut pemadah neh dan ndo belayar dari Krea sehingo ngalam kerusak serto kerugi macam tuk. 22Pituk, aku madah kitak tetap tabah kerno diantaro sidok ndo sik linyau nyao neh, kecuali linyau kapal.23Sebab, semalam, bisik malaikat Allah, te mpuk aku te udah aku sembah, nugau de adapku, 24Samil ngumung, nang takut, Paulus ikam arus bediri de adap kaisar. pentaulah Allah udah bemurah ati ngau semuo ura te belayar tamai aku. 25kerno iyok, balo menyanak, tabahkan ati neh kerno aku pecayok dalam Allah semuo akan tejadi macam te udah dipadah sepan yok. 26kerno aku arus terdampar de sutik pulau.27Tapi, malam keempat belas, sementaro sidok te kato - kato de sepanja laut Adria, kiro - kiro tengah malam, balo awak kapal mendugo bahwo sidok semak darat. 28Sidok ngulur batu. 29kerno sidok takut kapal ngandas de batu kara, sidok nurunkan empat jangkar dari buritan dan berdoa sok ari cepat sia30Yok am, sementaro beberapo awak kapal berusaho ngelarikan dirik dari kapal dan udah nurunkan sekoci kelaut samil bepurok- purok nurun jankar-jankar dari kemudi. 31Paul ngumung ngau pewira tuk tamai balo prajurit, jiko ura-ura tuk ndo nugau de kapal, sidok ndo tauk deselamat. 32Udah iyok, balo prajurit mutus tali sekoci lalu miar kapal anyut.33Waktu lelam iyok, Paulus mintok sidok semuo ngau ngamik beberapo pemakai, lalu ngumung, Ari tuk ari keenam belas sidok trus menerus berado dalam ketegangan dan nahan lapar kerno ndo makai. 34Kerno iyok, aku mintok ngamik pemakai sok ndo lapar. sebab ndo selamar rambut pun te linyau dari sidok. 35udah ngumung yok, Paulus ngamik rute lalu ngucap sukur ngau Allah didepan sidok semuo, memecah-mecah rute yok, lalu mulai makai.36Mako, sidok semuo dekuatkan ati neh lalu sidok makai. 37jumlah sidok dikapal bejumlah 276 ura. 38Udah makai sampai kenyang, sidok ngelempo ke kapal udah yok muai genom kelaut.39Ketiko ari mulai sia, sidok endo ketau bisik darat, tapi sidok mantau sebuah telok te bepantai, enta sidok mutus ngau singgah antik tau. 40Mako udah sidok nikam angkar-jangkar, sidok nudi kapal di laut, de waktu te samo, sidok ngelepas tali-tali kemudi dah yok narek layar de bagian muo sidok sampai ke pantai. 41Tapi kapal ngentok kara te de tempat betemu duo laut sehinggo kapas kanas. Luan kapal te sangkut endo tau begerak, sementaro kemudi kapal ancur kenok geluma.42Balo prajurit buleh rencano ngau munuh balo tahanan supayo endo sik ura te berenag tamai ngelari ke dirik. 43Perwira yok, bearap tau nyelamat ke Paulus, encegak rencano sidok yok. Paulus madah sok ura-ura te tauk berenang ngelumpat dulu dari kapal lalu berenang ke darat. 44Sisok neh bisik te de darat papan, bisik gok te nguno bara-bara lain re kapal. sidok semuo te kedarat selamat.
Chapter 28

1watu kami udah manso'k yo'k ngau nisi'k ute ngala, kami ketauk bahwa pulau yo'k di sebut Malta. 2ura kampu dio'k antus smuo ati sido'k luar biaso bae'k.sbab,sido'k lalu ngidup prungun api nyamut kami smuo sbab watu yo'k musim pengujan cuaco meri'k celap.3watu paulus ngumpul kkebo rangau-rangau kayu lalu naruh dedarat rugu api, siku'k ular tedu pansut ari alam rugu api abab ndo tan angat lalu ngelilit samil manto'k jari Paulus. 4watu ura kampu diok mantau benata bebiso yok begantu de jari Paulus, sidok ngumu samo dirik," ndo de ragu agik, ura tuk bnar sura pemunuh.walau neh slamat ari laut, keadilan ndo kok miar neh idup ,"5ulih, Paulus ngisai benata yok kalam api lalu neh sikitpun ndo bisik lukok. 6balo ura yok nyangko Paulus tauk selap atau tejatuk lalu mati watu yok gok. ulih udah lamah sidok nunguk ,ndo gok mantau ute tejadi ngusu neh, sidok lalu berubah pemikir lalu spekat madah bahwa Paulus tuk Dewa.7pado watu yok, sekitar aro yok, bisik Tanah mpu pemimpin de pulau yok ute benamo Publius, ute nyamut kami lalu nglayan kami ddengan pemaek yok slamo tigo ari. 8watu yok, apai Publius tegurin de aro peniduk neh ulih sbsb neh kenok demam disentri. Paulus datai kiok kok masau lalu kok mendoakan neh, lalu numpa ke jari neh ke darat ura yok lalu nyemuh ke neh. 9seudah kejadian yok ,ura laen de pulau yok ute tengah ngetat pemedihgok datai ngusu Paulus lalu di semuh ulih neh. 10sidok gok makin segan ke kami lalu watu kami kok belayar agik, sido dah nyiap balo ute de keperlu kami.11dah tigo bulan blalu, kami belayar dalam sebuah kapal ari alexanderia, ute singah de pulau yok slamah musin celap ngau nguno dioskuri sbagai tano neh. 12watu dah datai de sirakusa, kami diau din selamo tigo ari.13ari in, kami blayar ngenyisi pantai lalu datai de regium.ari pagi ribut slatan betiup ,lalu pado ari lusok , 14din kami nemu beberapo ura menyadik se iman lalu de kumai sok nugau besamo sidok slama tujuh ari. lalu kami angkat agik ke Roma. 15lalu, balo mnyadik se iman din,watu ningo hal kami datai ari in sampai ke Forum Afius tamai Tres Taberne sok nemu kami. watu Paulus mantau sidok , neh lalu besukur ngusung Tuhan Allah lalu ati neh di ndo brubah.16watu kami datai de roma, Paulus desuruh nugau kedirik,taami sura serdadu ute nyago neh. 17tigo ari kemuo paulus ngero balo pemimpin Yahudi diok,lalu udah sidok bekero, neh madah ke sidok," balo mnyadik, meski aku ndo mulah bara ute tauk ngau nglaban banso kito atau adat istiadat inik muyang kito,ulih piok aku sik de serah sidok mpamo sura tahanan ari yerusalem ke kuaso ura Romawi. 18watu sidok dah merso aku, sidok kok nglepas aku sbsb ndo bisik nemu penyalah sok tauk de ukum mati.19ulih yok, sbab balo ura yahudi ndo kok aku bibas, aku tepaso naek banding ke Kaisar, bukan berati aku tuk bisik penyalah nentang banso aku. 20jadi, yoklah penyebab aku udah mintok sok tau mantau kitok lalu ngumung tamai kitok sbab aku de kebat ngau rantai tuk demi pengarap Israel.21lalu, sidok madah ke Paulus," kami ndo nrimok surat sual dirik ari yudea ndo bisik sutikpun ari balo mnyadik seiman ute datai kituk kok merik kabar atau kedok kok madah kabar ute ndo baek sual dirik 22.ulih kami tuk kak menin ari dirik. ulih kami kok menin ari dirik apo penapat dirik sual agama tuk, kami ketauk bahwa diok-diok ura-ura nentang neh.23watu sidok udah nentu ke ari untuk paulus de aro neh bemalam, besamo rumu ura bangat. ari lelam sampai malam , Paulus nyelas ke sidok madah tentang krajaan Allah lalu beupayo ngeyakin sidok tentang Yesus, baek ari ukum Taurat Musa, baek gok ari kitab balo nabi. 24bebrapo ura nyadi pecayok nglalu ute udah de padah Paulus, ulih ute lain nolak ndo pecayok.25watu sidok ndo stuju samo dirik,sidokpun lalu angkat Paulus madah piok ," mimang bnar apo ute de padah Roh kudus kepado inik muyang kito nglalu Nabi yesaya, 26angkat kin ngusu banso tuk lalu padah : kitok kok menin, tapi ndo kok paham, lalu kitok kok mantau, lalu ndo nyaruk-nyaruk.27sbab, ati banso tuk udah tebal lalu penin sidok sangat brat untuk menin. sidok udah nutup mato neh. sok, nang sidok mantau ngau mato sidok,menin ngau penin sidok, maham ngau ati sidok lalu bebalek. lalu , aku kok nyemuh sidok.28sbab yok, sok lah pekaro tuk kitok ketauk bahwa keslamatan ute ari Allah tuk udah de padah ngusu banso-banso laen lalu sidok kok ningo. 29dah Paulus madah pesan-pesan yok, ura-ura Yahudi lalu angkat serto bangat slisih penapat dentaro sidok.30Paulus nugau slamo duo taun penuh de rumah ute desewa neh kedirik lalu nyamut smuo ura ute datai ngusu neh, samil nyebar brito krajaan Allah lalu ngajar sidok 31tentang Tuhan Yesus Kristus ngau penuh brani gok nisik ute ngaral.

Romans

Chapter 1

1Paulus, hamba2 te udah Allah janyi seapan yok ngelalu nabi-nabi Neh enta Kitab Suci 3tenta anak Neh te nurut dagin diperanak re keturun Daud,4Te udah di nyato ngau Anak Allah te bekuaso ngelalu pemangkit re sentaro ura mati nurut Roh kudus, yok am Kristus Yesus, Tuhan kito. 5Ngelalu neh, kami nerimok pemerik tamai perangkat rasul ngau ngemaik te taat iman di tengah semuo banso bukan Yahudi demi damo-Neh, 6termasuk kitak te dikumai jadi empu Kristus Yesus.7Ngau kitak semuo te bisi'k di Roma, te dikaseh Allah, te di kumai ngau jadi ura-ura kudus :kasih karunio serto damai sejahtero bagi kitak re Allah, Apak kito, re Tuhan Yesus Kristus!8Pertamo-tamo, aku bersyukur ngau Allahku ngelalu Kristus Yesus ngau kitak semuo ute iman kitak udah dipadah ke seluruh dunio.9 Allah te aku layan ngau rohku dalam Injil Anak Neh, jadi saksi aku ute aku endo suah berenti ngingat kitak semuo;10dalam du'o aku, aku seruntik mohon isok sekironeh pituk, uleh kemau'k Allah, udah yok aku berasil ngunyo kitak.11Aku nyan benar betemu ngau kitak isok aku tauk merik karunio rohani ngau nguat ke kitak,12Yokneh isok kito tauk dikuat bersamo-samo ulih iman kedirik, baek iman kitak atau gok iman aku.13Balo-menyanak, aku mau'k kitak ketauk ute aku udah bekalik-kalik bisi'k rencano nguso kitak, tapi bisi'k te ngala sampai pituk, isok aku tauk gok nuai asil panen re sentaro kitak upo re sentaro banso-banso bukan Yahudi te lain. 14Aku beruta ngau ura Yunani tamai ura barbar, ngau te berhikmat tamai ngau te budu. 15ute nyok am aku sanagat mau'k benar madah Injil ngau kitak te adai di Roma.16Aku endo malu ulih Injil, ute Injil yok kuaso Allah ngau nyelamat tiap ura te pecayok; pertamo ngau ura Yahudi, udah yok ngau ura Yunani. 17kebok di dalamneh tebenar dinyato ulih Allah re iman ngau iman, upo ado te ditulis: "Ura benar tentuidup ulih Iman."18Kebok, keluat Allah di nyato re surgo ngau semuo duso tamai mensio te jai'i te nekan tebenar ngau pempulah tejai'i ulih sidok. 19Ute nyok, apo te tauk diketauk ulih Allah udah jelas bagi sidok ute Allah udah nunyuk ngau sidok.20Watu dunio dipulah, sifat-sifat Allah te endo tauk dipantau, kuaso Neh te kekal tamai keilahian Neh, udah di pantau jelas ngau dingerti ngelalu hal-hal te Neh pulah sampai sidok endo tauk bedalih. 21Tapi,sidok ngelalo Allah tapi sidok endo hormat ngau Neh sebagai Allah atau besukur ngau Neh; malah pemikir sidok jadi endo beguno tamai ati sidok te budu jadi keleman.22Sidok nganggap dirik numut tapi sangat budu, 23serto nukar kemulio Allah te endo kutur ngau utan te begamar.24ute yok, Allah nyerah sidok ngau te dimau'k ati sidok te kok nyemar sampai sidok ngeruh tubuh sidok di sentaro sidok kedirik. 25Ute, sidok nukar kebenar Allah ngau pemulok,serto sujud tamai nyemah balo benata te dipulah, bukan nyemah Sang Pencipta te tepuji selamah-lamahneh. Amin!26Kebok, Allah nyerah sidok ngau nafsu-nafsu te jai'i, ute betinok-betinok sidok nukar hubungan te wajar ngau hubungan te ndo wajar. 27Piyok gok te laki, sidok nudi ke hubungan te wajar ngau betinok, tapi benafsu sikuk ngau te lain; te laki tamai te laki mulah pempulah te mulah malu; serto di dalam tubuh sidok kedirik, sidok nerimok ukum uleh duso-duso sidok.28Ute sidok ngai ngakuk Allah bisi'k pengetauk re sidok, kebok Allah nyerah sidok ngau pemikir te jai'i sampai sidok ngelaku hal-hal te endo searusneh sidok pulah.29Sidok dipenuh ngau segalo macam te endo benar, pempulah jai, rangkok, serto bencik; penuh ngau iri ati, munuh, bekelai, ngemulok, dengki; sidok yok pengampur, 30ngumung ura, bencik ngau Allah, kasar, sumung, besai mulut, penemu pempulah jai'i, endo nurut ngau ura tuo, 31budu, endo setio, endo empu peraso, tamai kejam.32Sekalik sidok ketauk peratur Allah te madah anti'k ura te mulah hal-hal semacam yok pantas mati, sidok bukan genno ngelakuneh, tapi nuko ura-ura te ngelaku utan hal-hal yok.
Chapter 2

1Kebok piyok, kitak endo tauk berdalih lagik, hai kitak mensio, sapopun te ngakim ura lain, te watu kitak ngakim sidok, kitak gok ngukum dirik kedirik; sebab kitak te ngakim mulah hal-hal te samo. 2Kito ketauk bilo Allah ngakim dijatuk ngau adil ngau semuo ura te mulah hal-hal semacam yok.3Tapi, Apo kitak ngiro tauk lepas re pengakim Allah, hai mensio, yok am kitak te ngakim sidok te mulah hal-hal upa yok, tapi kitak mulah hal te samo gok? 4Atau, apo kitak ngangap rimeh kekayo kemurah-Neh, kesabaran-Neh, tamai lapa ati-Neh ngau endo ketauk ute kebaek Allah bisi'k tujuan mimpin kitak isok betubat?5Tapi, ute kitak keras kepalo tamai ati kitak te endo kok betubat, kitak tengah naruh keluat ngau dirik kitak kedirik, ngau ari keluat watu pengakim te benar re Allah te dinyato neh.6Neh tauk malas semuo ura sesuai ngau pempulah sidok kedirik: 7yok am idup kekal ngau sidok te tekun enta pempulah te baek ngegok temulio tamai tehormat,8tapi murka datai ngau sidok te menting dirik kedirik tamai ndo nurut te benar, tapi nurut te ndo benar.9Adai derito tamai pemedih ngau semuo jiwa ura te mulah pempulah jai, pertamo ngau ura Yahudi udik ura Yunani ugok.10Kemuliaan, kehormatan, tamai damai sejahtera adai disedio ngau semuo ura te pempulah baik, pertamo ngau ura Yahudi udik ngau ura Yunani. 11Kereno Allah ndo milih-milih ura. 12Ngau ura-ura te mulah dosa tapi ndo ngelala Hukum Taurat, sidok tauk binasa ndo ngau Hukum Taurat. Tapi, ura-ura te mulah dosa di baroh Hukum Taurat akan diakim berdasar Hukum Taurat.13Kereno, bukan te menin Hukum Taurat te dibenar di hadapan Allah, tapi ura te melakukan yok te tauk dinyatakan benar. 14Ketiko ura bukan Yahudi te ndo bisik Hukum Taurat nyalai secaro alami apo te dituntut Hukum Taurat, maka sidok te ndo bisik Hukum Taurat, sidok yok am jadi Hukum Taurat ngau sidok kedirik.15Hal tuk madah antik pempulah Hukum Taurat yok adai di dalam ati sidok, nurani sidok merik kesaksian, pemikir sidok saling nyangkak atau mela sidok, 16pada ari ketiko Allah ngakim pemikir-pemikir mensio te ndo diketauk ngelalu Yesus Kristus ngau injilku.17Tapi, antik kitak madah dirik ura Yahudi udik bergantung ngau Hukum Taurat, bermegah dalam Allah, 18ngelala kehendak Neh, setuju ngau te baik, udah diajar tenta Hukum Taurat, 19yakin antik kitak yok penuntun ngau sidok te butak, tera ngau sidok te adai dalam kegelapan, 20pengajar ngau ura-ura budu, guru ngau ura-ura te pan dewasa, kereno bisik wujud pengetahuan tamai te benar di dalam Hukum Taurat,21Ui kitak te ngajar ura lain, ngapo kitak ndo ngajar dirik kedirik? Kitak te ngajar sidok sok ndo encuri, ngapo kitak kedirik encuri? 22Kitak te ndo nyuruh ura berzina, ngapo kitak kedirik berzina? Kitak te jijik ngau pentik-pentik, ngapo kitak kedirik ngerampok dangau pentik?23Kitak te gaga ngau Hukum Taurat justru mulah malu Allah dengan ngelangar Hukum Neh! 24Kereno, bako adai tertulis: "Nama Allah dihujat di antaro bangsa-bangsa lain kereno kitak."25Sunat bisik nilai antik kitak patuh ngau Hukum Taurat, tapi antik kitak yok seura pelangar Hukum Taurat, sunat kitak jadi ndo bersunat.26Antik te ndo bersunat melakukan perintah-perintah dalam Hukum Taurat, bukankah te ndo bersunat yok diito bersunat? 27Ndokah ura te ndo bersunat secaro lahiriah, antik neh melakukan Hukum Taurat tauk menghakimi kitak, ura te bisik Hukum Taurat tamai bersunat tapi pelangar hukum ugok?28Kereno te disebut Yahudi sejati bukan ura te tepedak re luar geno, tamai sunat te benar bukan sunat nta tubuh geno. 29Seura Yahudi sejati yok ura te batin benar-benar Yahudi, sunat te benar yok sunat te dilakukan pada ati, te dijalai empadai Roh, bukan empadai hukum tertulis. Pujian ngau ura te bako tuk bukan datai re mensio, tapi re Allah kedirik.
Chapter 3

1Antik piok, apo kelebih ura Yahudi? atau apo unto besunat? 2Bangat benar, dalam segalo hal; terutamo ngau sidok yok dipecayok ke firman Allah.3Antik beberapo ura ndo pecayok, apo ndo pecayok sidok membatalkan kesetiaan Allah? 4Sama sekalik ndo! Allah yok benar sekalipun tiap ura yok pemulak. Bako te adai tertulis: "Nuan terbukti benar dalam umung Nuan, Nuan menang antik mensio ngakim Nuan."5Tapi, pempulah jai kito justru nunyuk ke kebenaran Allah, apo te arus kito umung? Taukkah kito ngumung antik Allah ndo adil udah ngukum kito? (Aku ngumung piok sebagai seura mensio) 6Samo sekalik ndo! Antik piok, tipa Allah tauk ngakim dunio?7Tapi, antik ngelalu pempulah bulak ku, kebenaran Allah makin memuliakan Neh, ngapo aku agik diakim sebagai seura pendosa? 8(bako te disangkok beberapo ura ngau kami) ngapo ndo ngumung, "Boh, kito pulah te jai sok te baik timul re pempulah jai yok." Sidok te ngumung bako yok arus diukum!9Udik apo?Apo kito lebih baik re ura lain? Samo sekalik ndo! Kereno, kami udah ngumung seapan yok antik ura-ura Yahudi atau ura bukan Yahudi, adai dibaroh dosa. 10Bako adai tertulis, "Ndo sik seura pun te mulah pempulah baik, seura pun ndo.11Ndo sik seura pun te berakal budi. Ndo sik seura pun te ngegok Allah. 12Semuo ura udah bebalek re Neh, sidok besamo-samo jadi ndo beguno. Ndo sik seurapun te mulah pempulah baik, ndo sik seurapun.13"Rekung sidok bako kubur te ngangok, lidah sidok ngerayu, bisa ular adai di baroh bibir sidok." 14"Mulut sidok penuh kutuk tamai kepahitan."15"Kaki sidok cepat numpah ke darah.16Pemedih tamai kehancuran adai di jalai sidok.17Sidok ndo ketauk tipa idup dalam damai." 18"Takut ngau Allah ndo sik di depan mato sidok."19Pituk kito ketauk antik apo te dipadah Hukum Taurat, dijatah ngau sidok te adai di baroh Hukum Taurat sehingo tekatup tiap mulut, dunio adai di baroh penghakiman Allah. 20Kereno ndo seurapun te tauk dibenarkan di hadapan Allah empadai melakukan Hukum Taurat, kereno empadai Hukum Taurat ura tauk ngelala dosa.21Tapi pituk, antik ndo ngau Hukum Taurat, kebenaran Allah udah dinyatakan, disaksi ngelalu Kitab Taurat tamai balo nabi. 22Kebenaran Allah ngelalu iman ngau Kristus Yesus dijatah ngau semuo te pecayok, kereno ndo sik perbedaan;23Kereno semuo ura udah berdosa dan udah ayap kemuliaan Allah, 24udik dibenarkan empadai kasih pemerik Neh secaro cuma-cuma ngelalu penebusan di dalam Yesus Kristus;25te udah Allah nyatakan secaro tebukok ngau jalai damai dalam darah Neh ngelalu iman. Hal tuk nunyuk ke keadilan Neh, kereno dalam kesabaran Neh, Allah udah miar ke dosa-dosa te subok tejadi. 26Hal yok dimaksud ngau nunyuk ke keadilan Neh pada masa tuk sok Neh tebukti benar udik menar ura te beriman ngau Yesus.27Jadi, dini kemegahan dirik kito? udah dibuai! Empadai hukum apo? Empadai hukum pempulah kito? Ndo, tapi empadai hukum iman. 28Kereno yok, tuk am te kito pecayok, antik mensio dibenarkan di hadapan Allah ngelalu iman, bukan re pempulah-pempulah berdasar Hukum Taurat.29Apo Allah yok hanya Allah ngau bangsa Yahudi geno? Bukankah Neh yok ugok Allah ngau bangsa bukan Yahudi? Auk! Ngau bangsa bukan Yahudi ugok, 30kereno Allah yok sutik udik Neh menar ke ura-ura te besunat empadai iman, udik te ndo besunat ngelalu iman.31Jadi, apo kami ngayap ke Hukum Taurat ngelalu iman? Sama sekalik ndo! Sebalek, kami nguat ke Hukum Taurat.
Chapter 4

1Jadi apo utan te kok dipadah Abraham, apak leluhur kito nurut dagin? 2Ute bilo Abraham dibenar ngelalu pempulah neh, neh mpu alasan ngau bermegah, tapi ndo dimuo Allah. 3Kebok apo te dipadah uleh Kitab Suci? "Abraham pecayok ngau Tuhan serto Tuhan ngitu hal yok ngau neh upo te benar."4Ngau ura te kerjo, upah te diberik ngau sidok bukan hadiah, tapi hak sidok. 5Tapi, ngau ura te endo kerjo, tapi pecayok ngau Allah te menar ura fasik, iman sidok diperito upo utan te benar.6Upo Daud madah bahagio ura te dibenar uleh Allah tapi ndo mantau macam hal te udah neh pulah: 7"Sunguh bahagio ura te diampun penyalahneh tamai te ditutup duso-dusoneh. 8Sunguh bahagio ura te bangat duso tapi ndo diperito uleh Tuhan!"9Apo berkat tuk ngau ura te besunat? atau gok ngau ura te ndo besunat? Kebok kami udah madah utan "Iman Abraham diito ngau te benar." 10Lalu, upo keti utan yok diperito ngau neh? seapan atau seudah neh disunat? Bukan seudah neh disunar tapi seapan neh disunat.11Tano sunat yok diterimok neh sebagai meterai te benar uleh iman seapan neh besunat isok neh tauk jadi apak ngau semuo ura te pecayok ndo besunat sampai te benar yok diperito ngau sidok; 12piyok gok jadi apak ngau ura-ura besunat te ndo besunat geno tapi bejalai dalam jalai iman te suah dipansok uleh apak kito, Abraham, seapan neh disunat.13Janyi ngau Abraham tamai ngau keturun neh anti'k sidok mpu seluruh bumi ndo dipenuh ngelalu Hukum Taurat, tapi ngelalu iman te benar. 14Kebok, bilo sidok te berasal re Hukum Taurat tauk jadi mpu waris, iman jadi pecumo serto janyi Allah dibatal; 15sebab Hukum Taurat natai ke peluat, tapi antik ndo bisik Hukum Taurat, diok gok ndo bisik te ngelangar.16Tuk am ngapo janyi tuk berasal re iman, isok janyi yok bisi'k dasar kasih karunio sampai janyi yok datai ngau seluruh keturun Abraham; bukan geno te berasal re Ukum Taurat, tapi gok te berasal re iman Abraham, apak kito semuo, 17(upo te di tulis, "Aku udah nyadi ke ikam, apak ngau bangat banso") di muo Allah, te neh pecayok, yok neh Allah te merik pengidup ngau ura mati tamai te nyebut semuo utan te apan bisik jadi bisik.18Dalam pengarap di atau te diarap neh pecayok, sampai neh tauk jadi apak re bangat banso upo te udah dipadah, "Sajo piok am bangat keturun ikam." 19Imanneh ndo jadi lemah, sekironeh ketauk tubuhneh kedirik ampir mati ute umurneh kiro-kiro 100 taun serto perut Sara gok udah ketutup;20neh endo ragu ngau janyi Allah uleh ndo pecayok. Sebalekneh, imanneh dikuat sampai neh merik te mulio nguso Allah, 21serto ngeraso yakin antik Allah bekuaso ngelaku apo te udah dijanyi-Neh. 22Ute yok am, imanneh "diperito arus jadi te benar."23Tapi, utan yok ndo ditulis ngau kepentin Abraham geno, 24tapi ngau kito gok. Hal yok diperito ngau sidok te pecayok ngau Neh te ngemangkit Yesus, Tuhan kito, re sentaro ura mati. 25Yok am, Yesus te udah diserah uleh penyalah tamai duso kito, isok kito tauk dibenar di muo Tuhan.
Chapter 5

1Uleh utan nyok, ute kito udah di benar uleh iman, kito udah bedamai ngau Allah ngelalu Tuhan kito, Kristus Yesus; 2 ngelalu Neh, kito buleh jalai tamok nuju iman nguso kasih karunio Allah te pituk jadi dasar kito bediri, serto kito ngau ati gago bisi'k pengarap te mulio re Allah.3Endo piyok genno , kito besyukur gok di dalam ati susah, ute kito alam serto kito ketauk dalam derito tuk tentu ketekun kito ngasil kesabar. 4Ketekun kito tentu tan uji, piyok gok te tan uji merik pengarap ngau kito, 5 serto pengarap kito endo nyuruh kecingau, kebok kasih Allah de curah ke dalam ati kito ngelalu roh kudus te udah di berik ngau kito.6Watu kito agik lemah, Kristus mati ngau ura-ura te nerako ngau-Neh, watu yok udah di tentu uleh Allah.7 Kebok, jara bisi'k ura te kok mati ngau ura benar, tapi bisi'k gok ura te kok mati ngau ura te bae'k.8Tapi, Allah nunyuk kasih-Neh ngau kito, watu kito agik beduso, Kristus mati ngau kito. 9Lebih re yok, seudah di benar uleh darah -Neh, kito di selamat re peluat Tuhan ngelalu neh.10Anti'k, bilo kito agik jadi munsuh Allah, kito udah bedamai ngau Allah ngelalu Anak-Neh te mati ngau kito, lebih agik pituk ute kito udah bedamai ngau-Neh. tentu pituk kito udah bedamai ngau Allah, piyok gok kito pesti diselamat ngelalu idup-Neh. 11Bukan yok genno, kito gok gago di dalam Allah ngelalu Tuhan kito Yesus Kristus, ute ngelalu-Neh kito pituk nerimok damai re Allah.12ute piyok, upo duso udah tamok ke dalam dunio ngelalu ura sikuk tamai maut tamok ngelalu duso, piyok gok maut nyebar ngau semuo ura ute semuo nyok udah beduso.13 kebok, duso udah ado di dunio seapan ukum taurat Musa bisi'k, tapi duso endo di perito Allah selamah endo bisi'k Ukum Taurat.14Sunguh upoyok, maut bekuaso re jaman Adam sampai ngau Musa, utan yok ura-ura te endo ngelaku duso upo te dilaku uleh adam, yok em neh baya-baya re Neh te kok datai. Tapi te di berik re Allah yok endo seba'dnin ngau duso.15 Anti'k, bilo uleh duso seura, bangat ura udah mati, udah belebih-lebih kasih karunio re Allah serto pemerik Neh ngelalu kasih karunio sikuk ura yok, yokneh Kristus Yesus.16Serto, karunio endo upo akibat re duso sikuk ura yok. bilo pengakiman yok ngau sutik pelangar tentu ngemaik ke ukum, tapi karunio re bangat te di langar ngemaik te benar.17 Bilo uleh duso seura, maut bekuaso ngau seura yok, lebih agik ura-ura te nerimok belimpah anugerah tamai karunio te benar tentu merintah di dalam idup neh ngelalu sikuk ura yok, yok neh Yesus Kristus!18Jadi, samo upo ngelalu sutik pelangar semuo ura nerimok ukum, piyok gok uleh pempulah te benar seura yok gok semuo mensio nerimok idup te benar.19 Ute endo taat sikuk ura yok, jadi bangat ura beduso. piyok gok te taat sikuk ura, jadi bagat ura te di benar.20Ukum Taurat di tamah isok duso betamah bangat. Tapi, dini bagat duso betumpuk, diok gok kasih karunio Allah te makin belimpah-limpah,21 isok samo upo duso bekusao didalam maut, kasih karunio gok bekuaso ngelalu te benar te di unant ngau idup kekal di dalam Kristus Yesus Tuhan kito.
Chapter 6

1Jadi apo te arus kito padah? Apo kito selampur mulah duso isok kasih karunio makin melimpah?2 Tentu sajo endo! Keti caro neh kito ute udah mati bagi duso agik idup di dalam neh?3 Atau kitak endo ketauk ute kito semuo te udah di baptis ke dalam Yesus Kristus udah di baptis dalam ke pemati-Neh?4Ute yok, kito udah dikubur bereto Neh watu kito di baptis ke dalam pemati-Neh ;Isok samo upo Yesus te di bangkit re sentaro ura mati ngelalu kuaso Apak te mulio, kito gok tauk nyalan idup te baru.5 Sebab, bilo kito udah di sutik besamo Neh samo serupo pemati-Neh, tentu kito gok di sutik serupo ngau kebangkit-Neh.6Kito ketauk ute mensio te lamah, kito udah di salib neh bereto Kristus serto tubuh kito te beduso endo di lenyau neh sampai kito endo mau nawar dirik agik ngau duso. 7kebok, semuo ura te udah mati, neh udah bebas re duso.8Pituk,bilo kito udah mati bereto Kristus, kito pecayok ute kito gok tentu idup besamo ngau-Neh. 9Kito ketauk ute Kristus ute udah dibangkit re sentaro ura mati pasti endo mati agik; maut endo agik bekuaso atas Neh.10Kebok, utan pemati-Neh, pemati teradap duso sekalik ngau selamah-lamahneh, tapi utan idup-Neh yok, Neh idup ngau Allah.11 Piyok gok dirik kitak, kitak arus ingat ute kitak udah mati teradap duso, serto idup ngau Allah didalam Kristus Yesus.12Ute piyok, nusah em ngisok duso nguaso tubuh kitak te sementaro sampai kitak patuh teradap kemau'kneh. 13serto nusah gok nyerah isik tubuh kitak ngau duso jadi alat te jai'i. tapi, serah dirik kitak ngau Allah jadi te idup re sentaro te mati, serto isik tubuh kitak jadi alat Allah ngau pempulah te benar.14 Ute macam nyok, duso endo agik bekuaso ngau kitak ute kitak endo agik idup di baruh Ukum Taurat tapi di baruh kasih karunio.15jadi, apo te arus kito pulah? Apo teh kito arus mulah duso ute kito endo idup di baruh Ukum Taurat, tapi di baruh kasih karunio?Tentu sajo endo! 16Kitak pasti ketauk ute watu kitak nyerah dirik kitak jadi budak te pecayok ngau semuo utan atau sikuk ura, kitak udah jadi budak ngau pihak te kitak pecayok nyok; baek ngau duso te ngunan kitak nuju maut, atau nguso te di pecayok ute tauk ngunan nuju te benar.17Tapi, syukur ngau Allah ute kitak te subok utan yok budak duso, pituk udah jadi taat sepenuh ati ngau utan te dipelajar te udah di ajar ngau kitak,18 kebok em kitak udah di bibas re duso, kitakudah jadi budak te benar.19Pemadah aku tuk secaro mensio ute kelemah kitak. ute samo upo subok kitak nyerah ke seluruh tubuh kitak jadi budak te najis tamai te jai'i jadi hamba te benar uju neh kitak ngau te kudus.20 Kebok, watu kitak agik jadi budak te beduso, kitak bibas re te benar. 21Tapi, apo unto'u te kitak peruleh re utan-utan te pituk nyuruh kitak mulah malu? Ute pengabis semuo yok maut.22Tapi pituk, seudah di bibas re duso serto udah jadi hamba Allah, kitak bisi'k buleh buah te suci tamai pengabis neh idup te kekal.23 Ute upah duso yok neh maut, tapi karunio Allah idup te kekal dalam Yesus Kristus, Tuhan kito.
Chapter 7

1Apokah kitak ketauk balo menyanak aku ( ute aku madah ngau kitak te ketauk ukum Taurat ), utan Ukum Taurat bekuaso enta seura dirik selamah ura yok idup?2Ute piyok, seura betinok te kawin terikat secaro ukum ngau laki neh selamah laki idup; tapi bilo laki neh mati, udah bibas neh re ukum te ngikat pekawin seduo. 3Jadi, bilo betinok yok jadi bini lelaki te lain selagik laki neh idup, neh di sebut selinkuh atau cabul, tapi bilo laki neh mati, neh bibas re ukum endo di sebut selinkuh bilo kawin ngau lelaki lain.4Utan pituk, balo menyanak aku, kitak gok udah mati bagi ukum Taurat ngelalu tubuh Kristus isok kitak jadi empu te lain, yok tuk empu Neh te udah di bangkit re pemati-Neh sampai kitak tauk ngasil buah bagi Allah.5 Kebok, kitak agik idup dalam dagin, kemau'k nafsu duso te diransa uleh Ukum Taurat bekerjo dalam seluruh tubuh kitak ngau ngasil buah bagi Maut.6Tapi pituk, kitak udah bibas re Ukum Taurat, udah mati teradap apo te subok ngebat kitak sampai kitak pituk ngelayan dalam rupo te baru nurut Roh, bukan nurut ukum lamah te ado te tulis7Anti'k upo yok, apo te mau'k kitak padah? Apo UKum Taurat yok duso? sekalik-kalikendo! sempalekneh, aku endo tentu ngelalo duso bilo endo ngelalu Ukum Taurat, ute aku endo nyaro'k reti empu ura lain anti'k Ukum Taurat endo madah, " Nusah ngingin." 8Tapi, duso sempat ngamik asil ngelalu peritah utan yok bangat macam kemau'k dalam dirik aku; Ute nisi'k Ukum Taurat duso tentu mati.9Subok aku idup endo ngau Ukum Taurat, tapi watu Ukum yok datai, duso jadi idup serto aku mati; 10 udah yok peritah tuk, te arus neh ngemaik nguso idup, malah yok te ngunan aku ngau maut.11Kebok, duso ngamik kesempatan ngelalu ukum yok ngau nipu tamai munuh aku. 12Jadi Ukum Taurat yok te kudus, serto Ukum yok te kudus, benar tamai bae'k.13Anti'k upo yok, apo te bae'k yok natai pemati ngau aku? sekalik yok endo! Duso te ngasil maut di dalam aku ngelalu apo te bae'k isok pegari ute duso yok neh duso. serto ngelalu ukum yok duso makin pegari benar duso neh.14 Ute kito ketauk utan Ukum Taurat besifat Rohani, tapi aku besifat jasmani, te di jual di baruh kuaso duso.15Ute,aku endo ngerti apo te aku pulah utan aku endo ngelaku macam hal te kemau'k aku, tapi aku ngelaku apo te aku bencik. 16Tapi, bilo aku ngelaku apo utan te endo mau'k aku pulah, yok te aku tuju, ute Ukum Taurat yok bae'k.17Anti'k piyok, bukan aku agik te ngelaku neh, tapi duso te idup didalam aku. 18Ute aku ketauk, utan endo bisi'k hal bae'k te idup didalam aku, yok neh di dalam dagin aku, ute kemau'k nyok bisi'k de dalam dirik aku, tapi ngau ngelaku te bae'k yok endo bisi'k dalam aku.19kebok, aku endo ngelaku pempulah bae'k te aku mau'k, tapi aku ngelaku utan hal te jai'ite aku mau'k!.20 jadi, bilo aku ngelaku utan te endo aku mau'k, yok bukan agik aku te ngelaku neh, tapi duso te idup di dalam aku. 21Piyok gok aku nemu ukum tuk, yok neh: watu aku mau'k ngelaku utan te bae'k, te jai'i gok bisi'k besamo ngau aku.22Kebok, aku mau'k utan ukum Allah di dalam tubuh rago aku,23 tapi aku mantau ukum te lain dalam seluruh tubuh aku te bejua ngelawan ukum akal budi aku serto naban aku tamok ke dalam ukum duso te ado dalam seluruh tubuh aku24Aku mensio te celako! sapo teh pesti nyelamat aku re tubuh maut tuk? 25Syukur ngau Allah ngelalu Tuhan kito, Kristus Yesus! 26Jadi, ngau akal budi aku, aku ngelayan ukum Allah, tapi ngau tubuh jasmani aku ngelayan ukum duso.
Chapter 8

1Uleh utan yok, pituk endo lagik bisi'k pengukum ngau ura te berado de dalam Yesus Kristus. 2Sebab, ukum Roh pengidup de dalam Yesus Kristus udah menang ke kitak re ukum duso tamai maut.3Kebok,apo te endo tauk di laku uleh Ukum Taurat ute di lemah uleh tubuh, udah Allah laku ngau caro ngutus Anak-Neh kedirik ngau jadi serupo ngau mensio te beduso tamai bekait ngau duso, Neh ngukum duso di dalam tubuh, 4isok te di tuntut Ukum Taurat di genap dalam kito te idup endo nurut tubuh, tapi nurut Roh. 5Anti'k sidok te idup nurut tubuh, selalu mikir utan te bebentuk tubuh, tapi sidok te idup nurut Roh, mikir utan te bebentuk Roh.6Kebok pemikir te ngarah ngau tubuh yok neh maut, tapi pemikir ngau roh yok neh idup tamai damai sejahtreo. 7Ute pemikir te ngarah ngau tubuh tuk nenta Allah; kebok neh endo tunuk ngau Ukum Allah, serto endo tauk ngelakuneh. 8Sidok te idup di dalam tubuh endo tauk nyenang Allah.9Tapi upo yok, kitak endo idup dalam tubuh, tapi dalam Roh bilo Roh Allah sajo nugau didalam kitak. tapi, bilo seura endo empu Roh Kristus, neh bukan milek Kristus. 10Tapi, bilo Kristus bisi'k di dalam kitak, atau tubuh kitak mati uleh duso, tapi roh idup uleh utan te benar11Tapi, bilo Roh Neh te mangkit Yesus re pemati nugau didalam kitak,Piyok gok Neh te mangkit Yesus Kristus re pemati tentu merik idup ngau tubuh kitak te sementaro ngelalu Roh-Neh te nugau enta kitak12Jadi, Balo menyanak aku, kito tuk ura-ura te beruta, tapi bukan ngau tubuh, isok idup nurut tubuh. 13Anti'k, bilo kitak idup nurut tubuh, kitak tentu mati, tapi bilo uleh Roh kitak ngemati pempulah-pempulah tubuh kitak, kitak tentu idup.14Semuo ura te di pimpin uleh Roh Allah, sidok yok anak-anak Allah. 15Kebok, kitak endo nerimok lagik Roh te mudak te nyuruh takut, tapi kitak udah nerimok Roh te udah ngangkat kitak jadi anak Allah, ngelalu Roh yok kitak ngumai," ya Apak, ya Apai!"16Roh yok te besaksi bereto roh kito,utan kito tuk anak-anak Allah. 17Anti'k kito tuk anak Allah, kito gok empu pewaris, pewaris Allah, serto samo pewaris ngau Kristus; bilo kito benar- benar tamai pedih bereto Neh, kito gok tentu dimulio bereto beramo ngau Neh.18Kebok,aku ngangap utan pemedih watu jaman pituk endo tauk di ban'dnin ngau kemulio te mau'k di padah ngau kitak. 19Ute, semuo te di pulah sangat nganti'k serto ridu watu Allah madah dirik ngau anak-anakneh.20Ute, semuo te di cipta udah tunuk ngau te sio-sio,endo nurut kemau'kneh kedirik, tapi nurut kemau'k Neh te udah nakluk semuo yok, ngau dasar te di arap,21 isok semuo te di cipta kedirik piyok gok di menang re budak te binaso nuju kemenang anak-anak Tuhan te mulio. 22Ute kitak ketauk utan semuo te di cipta samo-samo ngakai ngaduh tamai ngetat pemedih beranak sampai pituk.23Bukan yok genno, tapi kitak kedirik pun nerimok buah pertamo Roh piyok gok ngakai ngaduh enta dirik kitak kedirik, samil ngantik ngangkat jadi anak, yok neh penebus tubuh kito.24 kebok kito di selamat bisi'k pengarap. tapi pengarap te pegari bukan lagik pengarap, ute sapo te bearap utan te udah di pantau.? 25Tapi, bilo kito ngarap utan te endo pegari, kito nunguk neh arus tekun.26Piyok gok, Roh nulo kito enta kelemah kito; anti;k kito endo ketauk upo keti searusneh kito berdu'o, tapi Roh kedirik ngelengkap apo te kito ucap,27 Neh merikso ati ketauk apo te dimasud Roh yok, kebok Neh berdu'o ngau ura-ura kudus sesuai ngau kemau'k Allah.28Pituk, kito ketauk ute Allah tamai bekerjo berto beramo ngau kebae'k ura-ura te ngasih-Neh, yok neh sidok te di kumai sesuai ngau rencano Allah. 29Kebok, sidok te di kelalo-Neh watu temulo, piyok gok udah di tentuneh watu temulo ngau jadi serupo ngau gamar Anak-Neh, isok Neh jadi te tuo di tengah bangat menyanak.30 Sidok te di tentu-Neh watu temulo, piyok gok di kumai-Neh; serto sidok te di kumai-Neh piyok gok di benar-Neh; tamai sidok te di benar-Neh, piyok gok te di mulio-Neh.31Jadi, apo te kok kitak padah tenta semuo tuk? Anti'k Allah di sepiak kito, sapo te ngelawan kito? 32Neh endo nyaya Anak-Neh kedirik, tapi nyerah-Neh ngau kito semuo, upo keti sebenar Neh endo merik karunio semuo utan ngau kito bereto ngau-Neh?33Sapo ute kok ngungkit ura-ura te di pilih Allah? Allah te ngemenar sidok. Sapo te kok ngukum sidok? 34Yesus Kristus te udah mati, lebih agik udah bangkit, duduk di sepiak kanan Allah jadi pemilo bagi kito.35Sapo te kok misah kito re kasih Kristus? apo te ninas atau te nyulit, atau te nganiayo, atau lapar,atau telanya, atau bahayo, atau peda? 36Upo ado te tulis, " Ute ulih Nuan, kami bisi'k dalam bahayo maut sepanya ari; kami di angap balo benata te di semelih.''37Tapi enta semuo yok, kito lebih re utan balo pemenang ulih Neh te ngasih kito. 38Ute, aku pecayok bukan pemati atau pengkidup, bukan gok balo malaikat mau'k pun petingi-pemerintah, bukan gok macam hal te pituk atau te kok datai, penguaso, 39bukan gok te di darat mau'k pun te di baruh, atau utan te lain di cipta, mampu misah kitore kasih Allah,ute ado dalam Yesus Kristus, Tuhan kito.
Chapter 9

1Aku madah te benar dalam Kristus, aku endo ngemulok, serto suaro ati aku tamai bereto- reto ngau Roh kudus, 2utan aku te beduko sagat besai tamai penyedih dalam ati aku upo tuk selampur.3Ute, aku bearap isok dirik.aku tekutuk tepisah re Kristus demi balo menyanak aku, kaum sebanso aku secaro jasmani 4yok neh ura Israel; empu hak ngau di angkat jadi anak- anak Allah, nerimok temulio, pejanyi- pejanyi nerimok pemerik Ukum Taurat, ibadah, serto janyi- janyi 5Sidok keturun apai-apai leluhur, serto di tengah sidok Kristus di peranak nurut tubuh dagin, Neh yok Tuhan re semuo utan serto te di puji selamah- lamahneh.Amin.6Tapi, Firman Allah endo suah bala. Kebok, endo semuo ura te berasl re Israel yok ura Israel, 7serto endo semuo keturun Abraham yok anak-anakneh, tapi" te disebut keturun kitak yokneh te berasal re Ishak,"8Hal tuk berati ute bukan anak-anak secaro tubuh te terito upo anak-anak Allah, tapi anak pejanyi genno ute terito jadi keturun. 9Kebok, sajo utan tuk pemadah janyi yok: "Pada watu te samo taun muo Aku datai bisik nebiak lelaki re Sara."10Endo yok genno, watu Ribka ngano balo anak re sikuk ura, yok neh Ishak, inik muyang kito. 11Kebok, seapan balo anak yok de peranak tamai apan ngelaku semuo utan te bae'k atau te jai'i, isok te di tuju Allah kenok te di pilih-Neh diteguhneh bukan secaro pempulah tapi uleh Neh te di kumai, 12dipadah ngau Ribka, "Anak te tuo ute ngelayan anak te mudok." 13Upo ado tetulis, "Aku ngasih Yakub, tapi Aku sangat bencik ngau Esau."14Jadi, apo te mau'k kito padah? Apo Allah endo adil? sekalik-kalik endo! 15Ute Neh madah ngau Musa," Aku bebelas kasih ngau sapo aku bebelas kasih, serto Aku bemurah ati ngau sapo Aku mau'k bemurah ati." 16Jadi, hal tuk endo beganto ngau kemau'k atau mantin kerjo mensio. tapi ngau kemurah ati Allah.17Kebok, kitab suci madah ngau Firaun: " Ute ngau alasan tuk Aku ngangkat kitak isok Aku nunyuk kuaso-Aku enta kitak, serto damo Aku di berito di seluruh dunio." 18Jadi Allah bebelas kasih ngau sapo pun ura te di kemau'k-Neh. serto ngerin ke ati sapo pun te di kemau'k-Neh.19Pituk,apo te kok nuan padah ngau aku: "Ngapo Neh agik mulah penyalah?ute, sapo te tauk nenta kemau'kNeh" 20 Sebalekneh, sapo nuan, hai mensio, sampai kitak bebantah ngau Allah? apo tauk semuo utan te di pulah becakap ngau te di pualahneh, "Ngapo nuan mulah aku upo tuk?'' 21Apo tuka mulah tepayan endo bisi'k hak enta tanah linat; ngau mulah tepayan re gumpal tanah, te samo utan bendno te di guno ngau hal te mulio, serto bendno te lain te diguno ngau hal te biaso?22Upo keti bilo Allah, meski neh nyuruh ngau nunyuk keluat-Neh tamai madah kuaso-Neh, udah nango'u kesabar te besai enta bendno-bendno te nyuruh Neh luat te udah disiap ngau binaso? 23Neh ngelaku yok ngau madah kekayo mulio-Neh serto utan bendno pengasih-Neh, te udah di siap-Neh ngau te mulio,24 yok neh tuk kito, te dikumai-Neh, bukan yok genno re sentaro ura Yahudi, tapi yok gok re sentaro banso-banso te lain.25Upo te di firman-Neh dalam kitab Hosea: "Sidok te bukan umat-Aku, Aku sebut gok umat-Aku. serto te endo Aku kasih, Aku sebut gok kekasih.''26Serto aro enta Allah madah watu subok: ''Kitak bukan umat-Aku,'' enta aro yok sidok di sebut'' anak-anak Allah te idup.''27Serto Yesaya menangis ke Israel:" sekalipun jumlah anak Israel upo pasir di laut, tapi kedok sisok- sisok sidok genno te tauk di selamat, 28Ute Tuhan tauk ngelaku firman-Neh di bumi, sempurno tamai cepat."29 Samo upo tedi padah oleh Yesaya: "Bilo Tuhan semesta alam endo nudi kito ngau keturun, kito udah jadi samo upo Sodom tamai Gomora."30Jadi, apo te kok kitak padah? ute banso-banso Yahudi te endo nurut te benar, bisi'k buleh te benar, yok neh kebenar te berasal re iman; 31tapi banso Israel te berusaho ngegok kebenar Ukum Taurat yok endo sampai ngau ukum yok?.32Ngapo?ute sidok endo ngejar ngau iman, tapi ngau pempulah. Sidok te rentuk batu ngau batu sandno.33 Upo ado tetulis: " pantau, Aku ngeletak aro Sion sigik batu sandno tamai sigik batu kara, serto bara sapo te pecayok ngau-Neh endo lagik di pemalu."
Chapter 10

1Balo menyanak, keingin ati tamai du'o aku nguso Allah isok sidok tauk di selamat.2 Kebok, aku tauk besaksi tenta sidok ute empu semangat idup ngau Allah, tapi endo bedasar ngau pengetauk te benar.3 Ute, sidok endo ketauk kebenar Allah serto enggok usaho kok negok te benar enta sidok kedirik, sidok endo tunuk ngau kebenar Allah.4Ute, Kristus yok te ngenap Ukum Taurat te nyadi te benar bagi ura te pecayok.5 Musa nulis tenta tebenar te berasal re Ukum Taurat, ute seura ngelaku te benar bedasar Ukum tentu idup ulihneh.6Tapi, tebenar ute berasal re iman madah upo tuk, " Nusah bingan dalam ati kitak,'sapo te mau'k naek ke surgo?' retineh ngemaik Kristus turun. 7Atau 'sapo te kok turun ke jura maut?' retineh ngemaik Kristus naek re sentaro ura mati.8Tapi, apo te di padahneh? "Firman berado semak ngau kitak, yok neh didalam mulut kitak serto di dalam ati kitak." utan tuk pemadah iman te kami berito.9 Anti'k ngau mulut kitak ngakuk ute Kristus yok neh Tuhan, serto pecayok di dalam ati kitak ute Allah ngemangkit Neh re sentaro ura mati, kitak tentu di selamat.10 Kebok ngau ati, ura jadi pecayok sampai bisi'k buleh kebenar; kedok ngau mulut, ura ngakuk sampai tauk bisi'k bulih selamat.11Ute kitab suci madah, " Sapopun te pecayok ngau Neh endo tentu suah di pemalu."12 Endo bisi'k te bido entaro ura-ura Yahudi tamai ura-ura Yunani; Tuhan te sutik yokneh Tuhan te semuo, te belimpah kekayo ngau semuo ura te selalu ngumai-Neh.13 Semuo ura te ngumai dalam damo Tuhan tentu di selamat.14tapi, upo keti sidok mintok tulo ngau Neh te apan sidok pecayok? Serto, upoketi sidok tauk pecayok ngau Neh te apan sidok penin'd? piyok gok, keti sidok tauk menin'd, bilo endo bisi'k madah berito-Neh?15 Serto, keti sidok tauk madah berito-Neh, bilo sidok endo di utus? upo bisi'k tetulis: "Sajo baek benar kaki-kaki sidok te datai ngemaik kabar baek!"16Bukan piyok, endo semuo ura nerimok kabar baek yok ute Nabi yesaya udah madah,"Tuhan, sapo te udah pecayok ngau berito te udah di penin'dneh re kami?"17 jadi, iman timul re pemenin'd serto pemenin'd ulih Firman Kristus.18Tapi, aku betanyok, "apo ura-ura tuk endo menin'd?" tentu sidok udah menin'dneh kebok "Ingan sidok sampai seluruh dunio, serto pemadah sidok sampai ke ujou-ujou bumi."19Tapi, aku ngumong," Apo banso Israel endo ngerti?" pertamo Musa madah, Aku kok ngemangkit iri ati kitak teradap sidok te bukan sutik banso, tamai ngemangkit keluat kitak ngau banso te budu."20Serto ngau berani, Yesaya becakap: "Aku di temu uleh sidok te endo ngegok aku; Aku ngenampak kedirik ngau sidok te endo nanyok ngau Aku, 21Tapi, tenta banso Israel Neh ngumung, " Sepanja ari Aku udah ngulur jari-Aku ngau banso te rajin bebantah tamai endo taat."
Chapter 11

1Kebok aku betanyok, " Apo Allah udah nulah umat-Neh?'' sekalik-kalik endo! Ute, Aku kedirik gok seura re Israel, Keturun Abraham, re suku Benyamin. 2Allah endo nulak umat-Neh, te udah dipilih-Neh re semulo. Apo kitak endo ketauk utan te dipadah kitab suci tenta Elia, watu neh ngadu Israel nguso Allah? 3"Tuhan, sidok udah munuh balo nabi-nabi-Nuan, sidok udah ngancur tempat te ngau merik pesemah ngau-Nuan. tingal aku kedirik ute lagik idup, serto sidok kok munuh aku gok."4Tapi, apo saut Ilahi te di berik ngau neh? ''Aku agik ngisok tujuh ribu ura ngau-Aku, te endo suah sujud nyemah ngau Baal." 5Piyok gok watu tuk, ado sikit sisok te dipilih menurut kasih karunio-Neh.6tapi, bilo nurut kasih karunio, tentu endo lagik nurut pempulah, anti'k bilo upo yok kasih karunio endo lagik jadi anugerah. 7Lalu upo keti? banso Israel tauk bala bulieh apo te di gegokneh, tapi sidok te di pilih Neh udah bulieh, sementaro te lain udah bekeras atineh 8upo ado te tulis: '' Allah merik sidok roh pengantuk, mato te endo tauk merati, serto penind te endo tauk menind, sampai ari tuk.''9Daut pun madah gok: '' isok gawai pejamu sidok jadi jerat tamai perankap ngau sidok kedirik, jadi luba, aro sidok jatuk tamai ancur serto ado balas ngau sidok.10 Isok pemantau sidok jadi keleman serto sidok endo tauk merati, piyok gok pungo sidok di suruh bungkok selampur salamah-lamahneh.''11Jadi, aku betanyok,apo sidok bujur tesandno sampai jatuk? sekalik-kalik endo! tapi pelangar sidok, keselamat udah datai ngau banso-banso bukan Yahudi, isok nyuruh ati sidok ngiri.12 Kebok, bilo te di langar jadi kekayo bagi dunio, tamai kegagal sidok jadi kekayo ngau banso-banso bukan Yahudi, lebih lagik te nyempurno sidok!13Pituk aku madah ngau kitak, hui banso-banso bukan Yahudi, searus neh ute aku yok jadi rasul ngau banso-banso bukan Yahudi, aku ngagap yok te mulio uleh pelayan aku,14 Isok aku tauk mulah menyanak sebanso ngau aku iri ati, serto tauk nyelamat berapo ura re sidok.15Kebok sidok di tulak bereti bedamai ngau dunio, apo retineh nerimok sidok selain re iduo re sentaro ura mati?16 Bilo rute pertamo yok kudus,bereti semuo rute te di adun yok kudus, serto bilo akar yok kudus,bereti semuo caba-caba yok gok kudus.17Ute yok,apo bilo berapo caba udah di patah, bereti kitak tunas te liar udah di cangkok ditengah sidok serto tamai bulih duman enta akar,getah pun zaitun yok,18 nusah em jadi sumbmo teradap caba-caba yok. tapi bilo kitak sumbmo, ingat ute bukan kitak te nupa akar, tapi akar te nupa kitak.19Amang kitak kok ngumung gok "caba-caba yok dipatah genno isok aku tauk di cangkok."20Yok benar!Sidok dipatah,ute sidok endo dapat di pecayok, tapi kitak bediri tegok ulih iman. Nusah sumbmo, tapi lebih baek takut21 bilo Allah endo nyaya caba-caba te seli, Neh gok endo kok nyaya ngau kitak.22Ute yok, perati benar-benar kebaek Allah tamai pengeras-Neh; pengeras ngau sidok te udah jatuk, tapi Neh sangat baek ati ngau kitak asal kitak tauk nugau di dalam kebaek Neh. anti'k endo upo yok kitak gok di tetak-Neh.23Piyok gok ngau sidok, anti'k sidok endo upo yok selampur agik endo pecayok, sidok tentu dicangkok ulih Allah te bekuaso ngau nyangkok sidok gok. 24Ute bilo kitak udah ditetak re pun kayu zaitun te alam serto di cangkok ngau pun kayu zaitun te ungul di tanam, te endo senenta ngau tebiat kitak, lebih lagik sidok yok te berasal re caba te seli tentu dicangkokNeh ngau pun kayu zaitun sidok kedirik?.25Kebok, balo menyanak, aku endo mau'k kitak endo ketauk resio tuk isok kitak nang ngagap dirik kitak numut, te sikap keras kepalo udah ninga setengah banso Israel sampai betamah bangat banso-banso lain udak tamok.26Ngau serto yok, seluruh ura Israel tentu diselamat. macam ado tetulis,"Penebus tentu datai re Sion, serto Neh kok nyingkir te jai'i re keturun Yakub.27 Serto tuk pejanyi Aku ngau sidok, watu Aku ngampun duso-duso sidok."28Nurut injil, sidok yok bemusuh ngau kitak, tapi kalau nurut pemilih, sidok yok ura-ura te dikasih Allah ute ulih inik muyang sidok. 29kebok kasih karunio serto te dipangil Allah endo suah bala.30Ute, samo upo kitak te subok endo taat ngau Allah, tapi pituk udah nerimok bangat belas kasih ulih ke endo taat em sidok; 31upoyok gok sidok pituk endo taat isok bulih belas kasih Allah te udah nampak ngau kitak sidok gok tentu bulih belas kasih.32Kebok Allah udah nepuk sidok semuo enta endo taat isok Neh tauk nunyuk belas kasih Neh ngau semuo ura.33Oh, baek benar dalam kekayo tamai penumut serto pengetauk Allah! sunguh endo te selidek keputusan-Neh serto endo te dugo jalai-jalai-Neh.!34 "Ute, sapo te ketauk pemikir Tuhan? atau, sapo te dapat merik-Neh nasihat?"35"Atau, sapo te suah merik utan ngau-Neh subok te arus di balas ulih-Neh?" 36Kebokemuo utan ado re Neh, serto ulih Neh, tamai nguso Neh. bagi Neh temulio sampai selamah-lamahneh! Amln.
Chapter 12

1Ute nyok, Allah sangat baek ngau kito. aku merik nasihat ngau kitak, balo menyanak, isok kitak mepersemah tubuh kitak jadi pesemah te idup, te kudus serto te bekenan ngau Allah; yok ibadah kitak te baek.2 Nusah jadi samo ngau dunio tuk, tapi berubah uleh pemaru akal budi kitak, isok kitak tauk ngebido apo te jadi kemau'k Allah; ni te baek, te bekenan nguso Allah, serto apote sempurno.3Kebok, ngelalu kasih karunio te udah di berik ngau aku, aku madah setiap ura di tengah kitak nang sampai mikir macam hal te lebih tingik re utan te arus neh pikir, tapi arus bepikir jernih sesuai ukuran iman te udah Allah berik ngau kito masin-masin.4Ute, samo upo sutik tubuh kito empu bagat anggota, masin-masin endo empu kerjo te samo. Piyok gok ngau kito,5 Isok pun bangat tapi yokneh sutik tubuh dalam Kristus. Serto, masin-masinkito yok neh aggota ngau te lain.6Kito empu anugerah te bebido-bido nurut kasih karunio te di berik ngau kito. bilo ngau benubuat, baek em kito ngelakuneh sesuai baneh iman kito. 7Bilo ngau ngelayan, baek em neh ngelayan, anti'k bilo ngau ngajar, baek em neh ngajar. 8Atau bilo ngau ngibur, baek em neh merik pengibur, bilo ngau merik, baek em neh merik ngau murah ati, bilo ngau mimpin atau ngunand, baek em neh mimpin atau ngunand secaro sunguh, bilo ngau nunyuk belas kasih, baek em ngelakuneh ngau suka cito.9Aruslah kasih endo bepuro'k-puro'k. Bencik te jai'i,serto bepegai ngau apo te baek. 10Aruslah kitak salin ngasih ngau kasih menyadik serto salin nyuruh dulu dalam merik hormat,11Nang sampai kerajin kitak jadi lemah, aruslah kitak bisi'k semangat dalam Roh ngau ngelayan Tuhan. 12Besukocita dalam pengarapan, besabar dalam te sesak, serto betekun dalam du'o!13Tamai ngamik duman dalam encukup te diperlu ura-ura kudus, berusaho dalam nunyuk te antus, awas, serto te ramah.14Berik berkat sidok te kejam ngau kitak, berik berkat nusah ngutuk! 15Besenang ati ngau sidok te gago, serto nangis ngau sidok te nyabak.16De pikir utan te samo sutik ngau te lain. nusah mikir hal-hal te tingik, selalu ngarah ngau ura-ura te benar renah. Nusah ngangap dirik numut!17Nang malas te jai'i ngau ura utan te jai'i. lakulah te baek enta semuo ura.18Amang benar, sekironeh utan yok te ganto ngau kitak, arus em idup selalu bedamai ngau semuo ura.19Balo menyanak aku te dikasih, nusah kitak kedirik nuntut balas, tapi berik tempat ngau keluat Allah. ute ado tetulis," Te merik balas yok hak-Aku, Akutuk te kok malasneh," jekuk Tuhan. 20"tapi, bilo munsuh kitak lapar,berik sidok makai, serto bilo munsuh kitak aus , berik neh minum. Ngau pempulah tuk, kitak akan numpuk baro api di darat kepaloneh." 21Nang sampai kitak kalah ulih te jai'i, tapi arus di kalah te jai'i ngau te baek.
Chapter 13

1Aruslah setiap ura tunuk ngau petingi negeri te bekusao atas neh ute pemerintah te ado semuo berasal re Allah, serto semuo petingi negeri te ado, di tetap uleh Allah.2 kebok yok, sapopun te nenta petingi negeri, neh nenta te di tetap uleh Allah, serto sapo te nenta tentu natai ke ukum ngau dirik neh.3Ute, petingi negeri endo nyuruh takut ngau pempulah te baek, tapi sebalekneh bilo pempulah te jai'i. Mau'k endo kitak idup endo bisi'k raso takut ngau petingi negeri? pulah utan te baek, tentu kitak de puji re neh4 ute sidok yok pelayan Tuhan ngau kebaek kitak. Tapi, apo bilo kitak ngelaku te jai'i, pasti kitak takut ngau sidok, bisi'k alasan petingi negeri bilo ngukum kitak. Sidok yok pelayan Tuhan, te bekerjo nyalan ukum ngau mensio te mulah tebiat jai'i. 5Jadi, kitak arus tunuk ngau petingi negeri, bukan bereti ngau keluat Allah, tapi ngau ati te bersih serto benar di mato Allah.6Yok gok penyebabneh kitak arus mayar pajak, ute sidok yok te ngurus utan yok ngabdi dirikneh jadi pelayan Tuhan. 7Berik ngau ura apo te arus kitak berik; pajak ngau ura te be hak nerimok pajak, cukai ngau te be hak nerimok cukai, raso takut ngau ura te be hak nerimok raso takut, serto hormat ngau ura te be hak nerimok hormat.8Nusah kitak beruta ngau sapo pun ura, tapi kasih sikuk ngau te lain ute ura te ngasih sesamo udah menuh Ukum Taurat.9 Kebok," nang selingkuh, nang munuh, nang encuri, nusah ngingin10 Kasih endo ngelaku te jai'i ngau sesamo mensio. ute piyok, kasih yok pengenap Ukum Taurat.11Piyok gok kitak ketauk watu kitak angkat tidour; ute pituk teselamat udah semak ngau kitak re watu pertamo kalik kitak pecayok.12 Malam udah belalu sementaro ari sia udah dangkar, ute piyok buh kito muai pempulah-pempulah te keleman tamai kenok ke pelengkap balo senyato tera.13Buh kito idup secaro supan upo watu sia ari, bukan ngau gawai tamai mabuk, endo ngelaku te cabul atau duso te lain serto endo salin betangkap tamai iri ati ke pangan.14Tapi, bekenoklah ngau Tuhan Yesus Kristus, jadi pelengkap balo senyato tera, serto nusah ngerawat tuhuh kitak ngau muas te diingin kitak.
Chapter 14

1Terimok ura te lemah imanneh, tapi bukan ngau bebantah penapatneh.2 Ado ura te pecayok ute neh tauk makai semuo jenis utan te di makai, tapi ura te lemah imanneh makai pakuk genno.3Ura te makai nusah ngino ura te endo makai, serto sapo te endo makai nusah ngakim ura te makai, ute Allah udah nerimok neh. 4Sapo teh kitak sampai kitak ngakim hamba ura lain? baek neh tegah bediri atau neh jatuk, yok urus tuanneh kedirik. Tapi, neh tetap bediri ute Tuhan sangup nyuruhneh bediri.5Bisi'k ura te ngangap seari lebih pentin re ari te lain, sementaro te lain ngangap semuo ari samo. setiap ura arus benar-benar pecayok dalam atineh kedirik. 6Sidok te sangat mentin ari te di tentu, bereti te di pentinneh yok ngau Tuhan. Serto, sidok te makai, makai ngau Tuhan ute neh ngucap syukur ngau Allah. piyok gok sidok ute endo makai, sidok endo makai ngau Tuhan serto endo ngucap syukur ngau Allah.7Kebok, endo bisi'k seura pun re kito te idup ngau dirikneh kedirik, piyok gok endo bisi'k seura pun te mati ngau dirikneh kedirik. 8Ute, bilo kito idup, kito idup ngau Tuhan atau bilo kito mati, kito mati ngau Tuhan. Jadi, baek kito idup atau kito mati, kito tuk empu Tuhan.9 Ute ngau nyok em Kristus mati serto bangkit, isok Neh jadi Tuhan, baek ngau ura-ura mati mau'k pun ngau ura-ura te idup.10Tapi ngapo kitak ngakim menyanak kitak? atau ngapo kitak bencik ngau menyanak kitak serto nginoneh? ute kito semuo arus ngadap Allah ngau di adili. 11Dalam kitab madah serto nulis, " Ute ulih Aku idup, piyok firman Tuhan, semuo peletut tentu nyemah ngau-Aku, serto setiap dilah yok ngakuk ngau Allah."12Jadi, setiap kito arus merik tango jawab tenta dirikneh kedirik nguso Allah. 13Kebok em piyok, nusah em kito selampur ngakim pangan, tapi lebih baek kito berusaho endo naruh te ngala atau sigik batu sandno ngau menyanak kito.14Aku ketauk tamai udah di pecayok dalam Tuhan Yesus ute endo bisi'k semuo utan te najis re utan yok kedirik, tapi bagi ura te ngangap ute semuo utan te najis, bereti utan yok najis ngau dirikneh. 15Anti'k, bilo ati menyanak kitak lukok ulih utan te kitak makai, kitak endo lagik idup sesuai kasih. nusah em kitak ngisok neh apo te kitak makai yok, ute Kristus udah mati ngauneh gok.16Yok akibat neh, nusah ngisok apo te kitak angap baek, lalu di pantau ura lain utan te jai'i.17 Ute kerajaan Allah endo mikir tenta makai ngau minum, tapi tenta te benar, damai sejahtero, serto sukacito dalam Roh Kudus.18Sapo pun ura te ngelayan Kristus ngau caro tuk, ura yok nyenang ati Allah, serto di rehgai ulih mensio. 19Jadi, buh kito ngunyar utan hal te ngenatai damai sejah tero serto ngangkat sikuk ngau te lain20Nang ngerusak pekerjo Allah tegal utan te di makai! semuo utan halal, tapi sangat jai'i ngau ura te makai serto nyuruh ura te lain beduso. 21 Lebih baek nusah makai dagin atau minim arak angur, atau ngelaku utan te tauk nyuruh menyanakkitak jadi beduso.22Pegai benar-benar te dipecayok kitak apo te di empu ngau dirik kitak ngadap Allah. Sangat bahagio ura te endo ngakim dirikneh kedirik teradap apo te di angap neh baek. 23Tapi ura te ragu tentu di ukum bilo neh makai, ute neh makai endo ngau dasar iman; serto semuo utan te endo berasal re iman yok neh duso.
Chapter 15

1Kito te kuat arus nango kelemah ura te endo kuat, tamai endo nyenang dirik kedirik.2 Aruslah setiap ura di tengah kito selalu nyenang sesamo kito demi kebaekneh, isok rohanineh betamah kuat.3Ute, Kristus endo nyenang dirik-Neh kedirik, dalam kitab ado tetulis,"Te keluar re mulut sidok, selalu ngino-Nuan, udah kenok ke aku." 4Kebok, apo pun te di tulis subok udah ditulis ngau ngajar kito isok ngelalu ketekun tamai pengibur te di berik kitab suci, kito tauk bisi'k arapan5Semugo Allah, sumer te sabar tamai pengibur merik kitak karunio ngau tauk idup dalam seati sikuk samo ngau te lain sesuai ngau Yesus Kristus,6 ngau seati tamai sutik suaro kitak ngemulio ke Allah serto Apak Tuhan kito Yesus Kristus. 7Ute piyok, terimok sikuk ngau te lain, samo upo Kristus gok nerimok kito ngau kemulio Allah.8Aku madah ngau kitak ute Kristus udah jadi pelayan bagi ura-ura te besunat ngau neguh ke janyi te di berik ngau inik muyang kito, 9serto ngau banso-banso bukan Yahudi isok sidok mulio ke Allah atas belas kasih-Neh. upo ada tetuis" Ute piyok, aku mau'k muji-Nuan ditengah banso-banso bukan Yahudi; serto aku mau'k nyanyi mazmur ngau damo-Nuan,"10kedok bungi neh pituk, "sangat gago hai banso-banso, besamo ngau umat Allah!'' 11 Serto lagik, "Puji em Tuhan hai semuo banso! Isok semuo umat merik puji ngau Tuhan."12Serto, Yesaya madah lagik, "Kok datai re keturun Isai, Neh te bangkit ngau meritah banso-banso, serto aro enta Neh, banso-banso tentu bearap."13Kironeh Allah sumer te di arap menuh kitak ngau semuo sukacito tamai damai sejahtero dalam iman kitak sampai kitak belimpah utan serto bisi'k arapan ulih kuaso Roh Kudus.14Balo menyanak aku, aku kedirik pecayok ngau kitak, ute kitak penuh ngau te baek, melimpah ngau semuo te di ketauk, serto betah merik nasihat sikuk ngau te lain.15Tapi, aku udah nulis ngau sangat berani nguso kitak utan berapo hal ngau ngingat kitak bekalih,ute kasih karunio te udah Allah berik ngau aku, 16 aku jadi pelayan Yesus Kristus ngau banso-banso bukan Yahudi jadi imam ngau Injil Tuhan, sampai banso-banso bukan Yahudi tauk jadi pesemah te tauk di terimok, te dikudus ulih Roh Kudus.17Jadi yok em kebokneh, enta Yesus Kristus, aku tauk gago tenta te aku pulah ngau Allah.18 Ute, aku endo berani becakap tenta utan te lain, kecuali te udah dilaku Kristus ngelalu aku, ngau nyuruh banso-banso te bukan Yahudi taat ngau pemadahtamai pempulah,19 Ngelalu kuaso tandno-tandno serto mujizat, ngelalu kuaso Roh re kuto Yerusalem tamai sekelilinneh sampai ke Ilirikum, aku udah merik kabar berito sepenuhneh Injil Kristus.20Tuk em kemau'k aku ngau ngabar Injil enta Kristus apan dikelalo isok aku endo mulah enta dasar te udah di letak ura lain. 21Upo ado tetulis, "Sidok te apan suah nerimok berito tenta Neh tauk mantau, serto sidok te apan suah menind tauk ngerti."22Yok neh aku tuk kalau kok ngunyo kitak ado te selalu ngala.23 Tapi pituk, ulih aku endo bisi'k aro ngau aku bekerjo enta tuk serto ulih aku udah betaun-taun lamahneh mau'k datai ngau kitak,24Watu aku ke Spanyol, aku bearap tauk beranau serto tauk betemu ngau kitak sampai kitak tauk nulo aku din, seudah aku di jamu kitak secaro bereto ngau kitak sekejab. 25Tapi pituk aku datai ke kuto Yerusalem dulu nulo ngelayan ura-ura kudus,26Ute Makedonia tamai Akhaya ngau senang ati udah nyu'mba ngau ura miskin di tengah ura-ura kudus di Yerusalem. 27Sidok sangat gago ngelakuneh, ute yok udah wajib sidok berik. bilo banso- banso te lain udah nerimok duman reto rohani empu ura Yahudi, kebok sidok arus gok ngelayan ura Yahudi ngau reto sidok.28Apo bilo aku udah encudah tugas tuk serto nyerah asil ngau sidok, baru aku angkat ke Spanyol mansok kuto kitak. 29Aku ketauk ute watu aku datai ngau kitak, aku datai penuh berkat Kristus.30Pituk, aku mintok ngau kitak, balo menyanak, demi Tuhan kito Yesus Kristus tamai Roh kudus, kito bekumpul besamo-samo ngau aku dalam du'o nguso Allah ngau dirik aku, 31isok aku di lecut re ura-ura te endo taat di Yudea, serto isok pelayan aku di Yerusalem di samut baek ulih ura-ura kudus. 32Serto,isok ulih kemau'k Allah aku tauk datai nguso kitak ngau ati gago, serto bulih penyegar iman di tengah kitak33Kironeh damai sejahtero Allah nyerto kitak semuo. Amin.
Chapter 16

1Aku nyerah Febe ngau kitak, menyadik kito te ngelayan jemaat di Kengkrea. 2Terimok neh didalam Tuhan sepatutneh ura-ura kudus, serto tulo em neh enta semuo utan te di perluneh re kitak ute neh kedirik udah nulo ngau bangat ura piyok gok ngau dirik aku.3padah em salam aku ngau Priskila tamai Akwila, balo kaban samo ngelayan dalam Kristus Yesus,4 te sidok ampir mati demi idup aku. enta sidok, bukan aku genno te ngucap terimok kasih tapi, semuo jemaat bukan Yahudi.5 Padah gok salam aku ngau jemaat di dangau sidok. padah gok salam ngau Epenetus te aku kasih, neh yok te pertamo di Asia te nerimok Kristus.6Salam ngau Maria te udah mantin bekerjo ngau kitak.7 Salam ngau Andronikus tamai Yunias, balo menyanak sebanso aku te suah samo di tahan dalam penyaro piyok gok te di kenal di tengah balo rasul, te udah berado didalam Kristus gok seapan aku.8Salam ngau Ampliatus, te aku kasih didalam Tuhan.9Salam ngau Urbanus, kaban sutik ngelayan kito di dalam Kristus, tamai ngau Stakhis te aku kasih. 10Salam ngau Apeles, te bisi'k bukti udah tan uji dalam Kristus. Padah gok salam aku ngau balo anggota keluargo Aristobulus. 11Padah salam aku ngau Herodion, menyanak sebanso aku. salam ngau balo anggota keluargo Narkisus, te ado dalam Tuhan.12Padah gok salam aku ngau Trifena tamai Trifosa, te bekerjo mantin tula didalam Tuhan. serto ngau Persis te aku kasih, piyok gok te udah mantin tula bekerjo didalam Tuhan.13 Salam gok ngau Rufus, ura te dipilih didalam Tuhan, serto ngau inai neh te jadi inai bagi aku gok. 14Salam ngau Asinkritus, Flegon, Hermes, Patrobas, Hermas serto balo menyanak te besamo ngau sidok.15Salam ngau Filologus tamai Yulia, Nereus tamai menyadikneh, serto ngau Olimpas, tamai semuo ura kudus te besamo ngau sidok.16Berik salam sikuk samo ngau te lain ngau cium kudus. semuo jemaat Kristus nyampai salam sidok ngau kitak.17Pituk aku merik nasihat ngau kitak, balo menyanak, bejago-jago ngau sidok te kok nimul masalah te nyuruh pecah tamai nyesat, serto te betenta ngau te di ajar ute udah kitak terimok; nang nyemak sidok yok.18 Ute, ura-ura upo yok endo ngelayan Tuhan kito Yesus Kristus, tapi ngelayan kemau'k sidok kedirik; serto ngau pemadah te alus tamai and'nai te mintok puji, sidok nipu ati ura-ura te endo naruh curigo19Kebok, ute kitak taat udah di ketauk semuo ura, utan yok aku gago ulih kitak. tapi, aku mau'k isok kitak numut ngau apo te baek tamai bersih re utan te jai'i. 20Allah sumer damai sejahtero Neh sekelin ngeremuk iblis di baruh kaki kitak. kasih karunio serto anugerah Tuhan kito Yesus Kristud nyerto kitak.21Timotius, kaban sutik ngelayan ngau aku, nyampai salam ngau kitak, serto gok re Lukius, Yason, tamai Sosipater, balo menyanak sebanso ngau aku.22 Aku Tertius, te nulis surat tuk, nyampai salam aku ngau kitak dalam Tuhan.23Gayus, te nyuruh beranau ngau aku tamai ngau semuo jemaat, madah salam ngau kitak. Erastus, bendahro kuto, serto Kwartus menyanak kito, nyampai salam ngau kitak. 24(Kasih karunio Yesus Kristus, Tuhan kito, nyerto kitak semuo! Amin.)25Bagi Neh te sangup nguat kitak sesuai Injil te aku bai'k serto berito re aku tenta Yesus Kristus, te sesuai ngau te di nyato ulih Neh secaro resio ute udah di tapukneh selamah berabad-abad, 26Tapi pituk udah di nyato ngelalu kitab-kitab balo Nabi, sesuai ngau perintah Allah te kekal te udah di padah ngau semuo banso ngau ngunan sidok te nuju ke taat iman,27Bagi Neh, sikuk-sikuk nyok Allah ute bangat hikmat ngelalu Kristus Yesus; semuo temulio sampai selamah-lamahneh! Amin.

1 Corinthians

Chapter 1

1Paulus, dikumai jadi rasul menyanak kito.2 Nguso jemaat Allah te nugau di Korintus, ngau sido,k te dikudus dalam Kristus besamo semuo ur'a di tiap ar'o te ngumai namo Tuhan kito Yesus Kristus, bae'k te diar'o sido'k tamai te diar'o kito Anugerah ngau kita'k 3tamai damai sejahtera dar'i Allah Apai kito Tuhan Yesus Kristus.4Aku selar'at ngucap syukur ngau Allahku ker'no anugerah Allah te dah diber'ik ke kita'k dalam Yesus Kristus, 5dalam segalo pekar'o, kita'k dipekayo dalam Neh, dalam semuo pemadah, tamai semuo pengetauk, 6samo upo kesaksian tenta Kristus te udah di teguh ke dalam kita'k.7Dah yok, kita'k ndo kur'a dalam balo karunia sementar'o kita'k nungu'k te dijanyi Tuhan kito, Yesus Kristus, 8te negu'h kita'k ugo'k sampai pengabis neh sok kita'k ndo bercela pado ar'i Tuhan kito Yesus Kristus. 9Allah yo'k setio, ole'h-Neh kita'k dikumai bekumpul tamai anak-Neh, Kristus Yesus, Tuhan kito.10Pitu'k, aku negu'r kita'k, balo menyanak, ngau namo Tuhan Yesus Kristus bia'r kita'k semuo madah utan te samo bia'r ndo isi'k te beper'ar'ok antar'o kita'k,justr'u bia'r kita'k di pecukup ngau pemiki'r te samo tamai penemu te samo go'k.11Ker'no, dah dipadah nguso aku tenta kita'k, balo menyanak aku, menyanak Kloe, ker'no bisik te bekelai antar'o kita'k12Maksud aku pitu'k kita'k kediri'k- kediri'k madah," Aku dar'i Paulus,"13Apo Kristus tau'k di per'ar'ok? Apo Paulus disalib ngau kita'k? Atau kita'k dibabtis ngau namo Paulus?14Aku besyukur nguso Allah ker'no aku ndo membaptis seur'a pun dar'i kita'k, selaien Krispus tamai Gayus,15 bia'r ndo isi'k ur'a te madah kita'k dibaptis dalam namo aku.16 Aku go'k te membaptis semuo ur'a dir'umah Stefanus; te lebe'h dar'i yo'k, aku ndo ketauk apo aku dah membaptis ur'a te lain.17Ker'no, Kristus ndo ngutus ke aku ngau membaptis, tapi ngau membr'ito ke Injil, bukan ngau hikmat balo kato, bia'r salib Kristu ndo dipulah pecumo.18Yo'k ker'no, pemadah tenta salib yo'k tebudu ngau sido'k te agi'k binaso, tapi kito te diselamat, pekar'o tuk yok penguat Allah. 19Ker'no ado tetulis," Aku ko'k ngancu'r ke hikmat ur'a te bepenge'rti, tamai kepinta'r ur'a te panai, Aku ko'k nula'kneh."20Dinikah ur'a te nger'ti? Dinikah ahli Taurat? Dinikah ahli padu jaman tu'k? Ndokah Allah udah mulah budu hikmat dunio tu'k? 21Ker'no dalam hikmat Allah, dunio ngelalu ke hikmatneh tapi ndo ngenal Allah, ker'no yo'k Allah setuju ngelalu pemadah Injil ngau nyelamat te di pecayokneh.22Ker'no, ur'a Yahudi minto'k balo tano dah yo'k ur'a Yunani ngigo'k hikmat.23 Ker'no yo'k kami membr'ito ke Kristus te disalib, bagi ur'a Yahudi tauk jadi suti'k pekar'o, dah yo'k bagi balo ur'a te bukan Yahudi, te budu.24Sepan yo'k, ngau sido'k dikuma'i, bae'k ur'a Yahudi atau ur'a Yunani, Kristus yo'k kekuatan Allah tamai hikmat Allah. 25ker'no te budu dar'i Allah yo'k lebe'h bijaksana dar'i mensio, tamai te lemah dar'i Allah yo'k te lebe'h kuat dar'i mensio.26Per'ati keadaan ikam watu kita'k dikumai, balo menyanak ndo banga't te bijaksana nuru't dagin, ndo bangat te bekauso, ndo bangat te tepan'a, 27tapi Allah udah mileh te budu dar'i dunio ngau ngemalu ke te bijaksana, tamai Allah mileh te lemah dar'i dunio ngau ngemalu ke te kuat.28Dah yo'k, Allah mileh te ndo tepan'a dar'i dunio tamai te rena'h, sampai balo pekar'o te ndo ber'eti, nyur'uh ndo jadi balo pekar'o te ber'eti, 29bia'r tiap mensio ndo tau'k bemegah ke diri'k dimuo Allah.30Ole'h ker'no Neh, kita'k ado dalam Yesus Kristus, te nyuru'h kito jadi hikmat, bena'r, kudus, tamai penebusan dar'i Allah,31 bia'r samo ngau te dah ditulis," BIa'r em ur'a te memegah ke diri'k, bemegah dalam Tuhan."
Chapter 2

1Watu aku datai ke kita'k, balo menyanak, aku ndo datai ngau kemampu beumong atau hikmat ngau madah rasio Allah ke kita'k. 2Sebab, aku nentu ngau ndo ngetau'k apo di antar'o kita'k selain tenta Kristus Yesus, To'k em Neh te disalib.3Aku besamo kita'k dalam ke telemah, dalam te ditakut, tamai sangat genta'r. 4Pemadah aku atau te dibr'ito aku ndo dalam kato hikmat te dipecayo'k, tapi ngau tan'o Roh tamai kuaso, 5bia'r iman kita'k ndo bedasa'r ke hikmat mensio, tapi yo'k te kuaso Allah.6Kami madah hikmat diantar'o sido'k te pan tuo, te ko'k dibinaso, 7tapi kami madah hikmat Allah dalam resio, hikmat te ditapu'k, te ditetap Allah seapan pemulo jaman ngau kemuliaan kito8Ndo isi'k balo penguaso jaman tu'k te ngelaloneh. Sebab, anti'k sido'k dah ngelaloneh, sido'k psati ndo ko'k nyalib ke Tuhan te mulia. 9Tapi samo ngau te ditulis," apo ndo suah dipantau mato, tamai peni'n ndo suah meni'n, dah yo'k ndo suah kelua'r dalam ati mensio, semuo tuk udah disiap Allah ngau sido'k te kaseh ke Neh,"10Tapi, balo pekar'o tuk udah dinyato ke Allah ngau kito ngelalu Roh ker'no Roh te nyelide'k ke semuo pekar'o, bahkan sampai kedalam Allah. 11Sebab, siapo em diantar'o mensio te ngetau'k balo pekar'o mensio selain roh mensio te bisi'k di dalam neh? Piyo'k go'k ndo isi'k seur'a pun te ketau'k balo pekar'o Allah selain Roh Allah.12Pitu'k, kita'k dah nerimo'k, bukan roh dar'i dunio, tapi roh te dar'i Allah bia'r kita'k ketau'k balo pekar'o te dianugerah Allah nguso kita'k. 13Balo pekar'o te kami umong go'k tu'k, bukan balo pemadah te diajar ule'h hikmat mensio, tapi yo'k te diajar uli'h Roh ngau ngemani'n balo pekar'o rohani ngau ke te rohani.14Tapi, mensio te ndo rohani ndo ko'k ner'imok balo pekar'o te asal dar'i Allah ker'no balo pekar'o tu'k diangap budu ngau sido'k. Neh ndo tau'k nger'ti ker'no balo pekar'o tuk cumo tau'k dinilai dar'i rohani. 15Mensio te rohani nilai ke semuo pekar'o, tapi neh kediri'k ndo ditilai ole'h siapo pun. 16Sebab," siapokah te ngetau'k pemiki'r Tuhan sampai tau'k neg'ur-Neh?" Tapi, kami te mpu'k pemiki'r Kristus.
Chapter 3

1Tapi, balo menyanak, aku ndo tau'k ngumong ke kita'k upo ngau mensio te rohani, tapi upo te ngau mensio duniowi, yo'k upo kebalo ana'k bia'k te didalam Kristus. 2Aku meri'k kita'k nginsup susu, bukan te dimakai, ker'no kita'k pan mampu, sampai pitu'k pun kita'k pan mampu,3ker,no kita'k agi'k duniowi. Sebab anti'k bisi'k te ir'i ati tamai te beseliseh diantar'o kita'k, ndo kah yo'k kita'k agi'k duniowi tamai idup car'o mensio? 4Sebab, watu seur'a madah," Aku di piha'k Paulus," tamai te lain," Aku di piha'k Apolos," yo'k ndo kah ber'eti kita'k adolah mensio? 5Lalu siapokah yo'k Apolos? tamai siapokah yo'k Paulus? Yo'k balo hamba te ole'hneh kiya'k jadi pecayo'k upo te dikar'unio Tuhan nguso kedir'ik-kediri'k.6Aku nanam, Apolos nyir'am, tapi Allah te nyur'uh tumu'h. 7Jadi, bukan te nanam tamai te nyira'm, tapi Allah yo'k em te nyuru'h tumo'h.8Ur'a te nanam tamai nyir'am yo'k adolah suti'k, tamai te ko'k ner'imo'k upah neh kedir'ik te tumas ngau usaho neh kediri'k. 9Sebab, kami tu'k kawan ker'jo Allah; kita'k yo'k umo Allah, r'umah Allah.10Sesuai ngau anugerah Allah te dikar'unio ke aku, upo seur'a tuka r'umah te ter'ampil, aku ngelet'ak fondasi tamai mulah didar'at neh. Tapi, tiap ur'a ar'ua mantau bako ni neh mulah didar'at neh. 11Sebab ndo isi'k seur'a pun te tau'k ngeleta'k fondasi te lain selain te udah dileta'k, yo'k Kristus Yesus.12Anti'k bisi'k ur'a te mulah didar'at fondasi tu'k emas, perak, balo batu ber'ego, kayu, r'umput, r'uman, 13usaho te dipulah tiap ur'a tau'k jelas ker'no Ar'i tu'k ko'k dinyato ke neh ngau api, tamai api tu'k ko'k nguji macam ni upo peker'ejo tiap ur'a.14Anti'k ker'jo te dipulah ur'a yo'k betan, neh te ner'imo'k upah. 15Anti'k ker'jo ur'a yo'k angus semuo, neh te rugi, walaupun piyo'k, neh te diselamat, tapi keadaan neh upo ngelalu api.16Ketau'k ndo kita'k kalau kita'k yo'k Bait Allah tamai Roh Allah te nugau enta kita'k? 17Anti'k bisi'k ur'a te ngancu'r Bait Allah, neh te diancu'r Allah ker'no Bait Allah yo'k kudus, yo'k em kita'k.18Nusah bisi'k ur'a te nipu diri'k neh kediri'k. Anti'k bisi'k ur'a te ngir'o diri'k neh bijaksana pado jaman tu'k, sok em neh jadi budu bia'r neh tau'k jadi bijaksana. 19Sebab hikmat dunio tu'k yo'k tebudu dimuo Allah. Ker'no ado te ditulis," Neh yo'k em te nangkap ur'a bijaksana enta te ja'i sido'k," 20dah yo'k ," Tuhan ngetau'k balo pemiki'r ur'a te bijaksana, semuo yo'k pecumo."21Ker'no yo'k, nang bisi'k seur'a pun te bemegah enta mensio. Sebab, segalo sesuatu yo'k mpu'k neh, 22baek Paulus, Apolos, atau Kefas, baek dunio, baek idup, atau te mati, baek balo pekar'o te pitu'k atau balo pekar'o te pagi uso'k; semuo yo'k mpu'k kita'k. 23Kita'k yo'k mpu'k Kristus, dah yo'k Kristus mpu'k Allah
Chapter 4

1Pitu'k em te dikemau ur'a beper'ito ke kami te jadi balo hamba Kristus tamai balo ur'a te dipecayo'k. 2Dah yo'k, balo ur'a dipecayo'k ngau balo pekar'o te ber'ego ar'us em ngemukti kalau kalau sido'k tau'k dipecayo'k.3Tapi, bagi aku ndo penting kalau sku diadil oli'h kita'k atau oli'h pengadilan mensio. Bahkan, aku kedir'k ndo ngadil kediri'k aku. 4Sebab, aku ndo nyada'r kediri'k aku. Tapi bukan ker,no pekar'o tu'k aku bena'r, yo'k Tuhan te ngadil aku.5Ker'no yo'k , nusah em ngadil seapan watu neh, kalau Tuhan pan datai. Neh te ko'k ner'a balo pekar'o te ditapu'k dalam te kleman tamai te ngenyato te ingin ati. lalu, tiap ur'a ner'imo'k Pujian dar'i Allah.6Balo menyanak, aku dah mulah balo pekar'otu'k ngau aku kediri'k tamai Apolos demi kita'k bia'r dalam kami, kita'k tau'k belaja'r ngau ndo ngelebih dar'i apo te ditulis bia'r ndo isi'k siku'k dar'i kita'k te jadi sum'o nguso te lain. 7Sebab,sapo te membedo - bedo ke kita'k? Apo te kita'k mpu'k, te bukan kita'k trimo'k? Sebab anti'k bena'r kita'k ner'mo'kneh, ngapo kita'k nyum'o kediri'k upo te ndo suah ner'imo'kneh?8Kita'k dah disur'uh kenyang, aku ar'ap kita'k udah ben'ar jadi rajo bia'r kami tau'k mer'intah tamai kita'k. 9Sebab, jiku'k aku, Allah dah nar'uh ke kami, balo rasul, dar'o te pengabis, upo balo ur'a te diberi'k ukum mati; ker'no kami jadi dipetuntun ngau dunio, bae'k ngau balo malaikat atau mensio.10Kami tu'k budu demai Kristus, tapi kami bijaksana dalam Kristus. Kami lemah, tapi kita'k kuat,Kita'k tepan'a tapi tu'k hino. 11Sampai pitu'k, kami lapar tamai aus, pakaian kami teransi'k, dipelasah, tamai idup ndo nentu.12Kami bejer'ih payah, ker'jo ngau jar'i kami kediri'k. watu kami dikelai, kami memberkati, Watu kami disiso, kami betan. 13Watu kami dipeja'i, kami nyawab te bae'k. Bahkan sampai pitu'k, kami jadi upo berau'k dunio tu'k, te kuto'r dar'i semuo.14Aku nulis balo pekar'o tu'k bukan ngau ngemalu ke kita'k, tapi ngau nasehat kita'k sebagai balo ana'k te aku kasi'h. 15Sebab, walau kita'k mpu'k sepuluh r'ibu gur'u dalam Kristus, kita'k ndo mpu'k bangat apai. Ker'no dalam Yesus Kristus, aku go'k te jadi apai kita'k ngelalu Injil. 16Jadi, aku nyuru'h kita'k, jadi ur'a te nur'ut teladan aku!17Yo'k sebabneh aku dah ngutus nguso kita'k Timotius, ana'kku te kukasi'h tamai te setio dalam Tuhan. Neh ko'k ngingat ke kita'k tenta balo jalai aku dalam Kristus, upo te aku aja'r diok - diok, tamai tiap jemaat. 18Beber'apo dar'i kita'k jadi sum'o, upo aku te ndo ko'k datai agi'k nguso kita'k.19Tapi aku ko'k seger'o datai nguso kita'k, anti'k Tuhan setuju, tamai aku ko'k ngetau'k bukan cumo pemadah balo ur'a sum'o tu'k, tapi kuaso sido'k go'k. 20Sebab, Ker'ajo Allah ndo enta pemadah, tapi enta kuaso. 21Apo te kita'k ko'k? Apokah aku ar'us datai nguso kita'k ngau tungkat atau ngau kasi'h tamai roh te lemah lembut?
Chapter 5

1Memang dah dilapu'r bahwo bisi'k te bezinah diantar'o kita'k, zinah te ndo ado diantar'o banso - bamso lain, 2Kita'k sum'o, sear'us neh kita'k justr'u ndo senang bia'r ur'a te mulah pempulah tu'k dibuai antar'o kita'k?3Memang, secar'o jasmani aku jauh, tapi aku bisi'k enta roh. Aku dah nyatu'k ke ukum ngau ur'a te mulah pekar'o tu'k, aku upo - upo te bisi'k. 4Dalam namo Tuhan Yesus, watu aku beker'o tamai aku besamo enta roh ngau kuaso Tuhan kito, Yesus, 5aku dah mutus ke ngau nyer'ah ur'a tu'k nguso Iblis bia'r roh neh tau'k diselamat pado ar'i Tuhan.6Penyum'o kita'k tu'k ndo bae'k. Ndo ketau'kkah kita'k bahwo sikit kipin jak tau'k ngipin kesemuo adonan? 7Ber'seh em semuo kipin te lamah sebab, Kristus, Domba Paskah kito,dah disemeli'h. 8Ker'no tu'k, buh kito nger'ayo gawai tu'k, ndo ngau kipin te lamah, ndo ngau kipin te bur'uk tamai te ja'i, tapi ngau r'ute ndo bekipin dar'i te mu'rni tamai te bena'r.9Aku nulis ke kita'k dalam surat aku: Nang bekawan ngau ur'a te cabul. 10Maksud aku, ndo ngau balo ur'a cabul te didunio tu'k, balo ur'a te tamo'k, balo pengakal, balo te ndo pecayo'k ke Tuhan. Anti'k pio'k, sebena'r neh kita'k ar'us kelua'r dar'i dunio tu'k.11Tapi, pitu'k aku nulis ke kita'k, nang bekawan ngau balo ur'a te dipadah menyanak anti'k neh yo'k ur'a te cabul, tamo'k, ndo pecayo'k ke Tuhan, ngumong te ndo bena'r, pemabo'k, tamai pengakal. Dah yo'k, nusah makai tamai ur'a upo tu'k. 12Sebab, apo te diur'us aku ngadil ke balo ur'a lua'r? Ndokah kita'k ngadil te ado dalam jemaat? 13Tapi Allah te ko'k ngadil sido'k te dilua'r jemaat. Ker'no tu'k, usi'r em ur'a te mulah te ja'i dar'i antar'o kita'k.
Chapter 6

1Anti'k siku'k dar'i kita'k mpu'k seliseh ngau te lain, apokah neh ber'ani angkat ngigo'k teadil dimuo balo ur'a kudus? 2Apokah kita'k ndo ketau'k kalau balo ur'a kudus ko'k ngadil dunio? Anti'k dunio di adil oli'h kita'k, apokah kita'k ndo laya'k ngau ngadil balo pekar'o te r'enyai bena'r? 3Apokah kita'k ndo ketau'k kalau kito ko'k ngadil balo malaikat? apo agi'k cumo balo pekar'o biaso sear'i - ar'i!4Jadi, anti'k kita'k ngadap balo pekar'o biaso upo tu'k, ngapo kita'k ngemai ngau sido'k te ndo dipr'ito dalam jemaat? 5Aku madah tu'k bia'r kita'k malu. Apokah ndo bisi'k seur'a diantar'o kita'k te bijaksana, te sangup ngur'us ke pekar'o diantar'o balo menyanakneh? 6Justr'u, antar'o menyanak ngau menyanak angkat ngigo'k keadil dimuo balo ur'a te ndo pecayo'k!7Sebena'rneh, dah jadi kegagal ngau kita'k ker'no mpu'k balo pekar'o ukum te bisi'k diantar'o kita'k. Ngpo kita'k ndo ko'k salah? Npo kita'k ndo ko'k dirugi? 8Sebale'kneh, kita'k kedir'ik te besalah tamai nger'ugi. Lalu, kita'k mulah yo'k nguso balo menyanak kita'k.9Apo kita'k ndo ketau'k kalau ur'a te ndo bena'r ndo tau'k ngewar'is Kerajaan Allah? Nang sesat! balo ur'a cabul, balo te ndo pecayo'k ke Tuhan, balo ur'a te bezinah, banci'k, 10balo te kanyi, balo pencur'i balo ur'a te tamo'k, balo pemabo'k, balo te ndo ngumong bena'r, tamai balo penipu, sido'k semuo ndo tau'k ngewar'is Kerajaan Allah. 11Beber'apo dar'i kita'k dah upo yu'k go'k.Tapi, kita'k udah diber'seh,dah dibena'r dalam namo Yesus Kristus tamai dalam Roh Allah kito.12Semuo pekar'o disur'uh tau'k ngau aku tapi ndo semuo te beguno. Memang semuo pekar'o disur'uh tau'k ngau aku tapi aku ndo ko'k dipehamba oli'h apo pun. 13pemakai ngau per'ut, tamai per'ut ngau pemakai, tapi Allah te nyur'uh keduo neh binaso. Tubuh bukan ngau bezina, tapi ngau Tuhan, tamai Tuhan ngau tubuh.14Allah te mangkit ke Tuhan tamai mangkit kito go'k, yo'k ker'no kuaso Neh. 15Apokah kita'k ndo ketau'k kalau tubuh kita'k yo'k adolah balo anggota Kristus? Apokah aku ko'k ngamik anggota Kristus tamai nyur'uh sido'k jadi pelac'ur? Samo sekali'k aku ndo ko'k!16Apokah kita'k ndo ketau'k kalau ur'a te ngikat diri'k neh ngau pelacu'r yo'k jadi setubuh tamai pelacu'r? Sebab, Neh madah," Ke duo neh jadi suti'k tubuh," 17Tapi ur'a te ngikat diri'k ngau Tuhan jadi suti'k roh ngau Tuhan.Jadi nang bezina! tiap duso lain te dipulah seseur'a yo'k adolah dilua'r tubuh neh,19Apokah kita'k ndo ketau'k kalau tubuh kita'k adolah bait Roh Kudus, te bisi'k didalam kita'k, te kita'k ter'imo'k dar'i Allah, kalau kita'k bukanlah mpu'k diri'k kita'k kediri'k? 20Sebab, kita'k dah ditebus ngau hargo lunas. Ker'no yo'k, mulio em Allah ngau tubuh kita'k!
Chapter 7

1Pitu'k, tenta balo pekar'o te kita'k tulis nguso aku: yo'k lah bae'k balo te laki ndo ko'k negu'k te betino'k. 2Tapi, ker'no bisi'k te bezina, tiap balo laki sebae'kneh mpu'k bini kediri'k tamai te betino'k mpu'k balo laki kediri'k.3Laki aru's ngemenuh kewajiban neh ngau bini diri'k , piyo'k go'k bini ngau laki diri'k neh. 4Bini ndo bekuaso ter'adap tubuh neh kediri'k, tapi laki te bekuaso. Piyo'k go'k laki ndo bekuaso ter'adap tubuh neh kediri'k, tapi bini neh te bekuaso.5Nang kita'k bepera'ro'k kecuali kita'k samo ko'k ngau sementar'o watu bia'r kita'k leluaso meri'k watu ngau kita'k berdoa. Dah yo'k uduplah besamo agi'k bia'r Iblis ndo ncubo kita'k ker'no kelemah kita'k te ngendali diri'k. 6Tapi aku madah kita'k tu'k te ketat, tapi ndo ngau per'intah. 7Aku ngara'p semuo ur'a upo aku, tapi tiap ur'a mpu'k kar'unio kediri'k dar'i Allah, te seur'a enta pekar'o tu'k, tamai te lain enta pekar'o yo'k.8Nguso te ndo kawin tamai te balo jan'o, aku madah te bae'k ngau sido'k anti'k tetap upo aku. 9Tapi anti'k sido'k ndo tau'k ngedali diri'k, lebi'h bae'k sido'k kawin. Sebab kawin dar'i pado angus padai hawo nafsu.10Nguso te kawin, aku meri'k balo per'intah (bukan dar'i aku tapi dar'i Tuhan), bini ndo tau'k nudi laki neh, 11( tapi anti'k dah telanyu'r nudi ke laki, neh tetap ndo kawin, atau damai tamai laki neh agi'k), dah yo'k laki ndo tau'k nyer'ai ke bini neh.12Selebi'h neh, aku madah (aku bukan Tuhan ) kalau bisi'k menyanak te mpu'k bini ndo pecayo'k tamai betino'k yo'k ko'k idup besamo neh, nanglah nyer'ai bini neh yo'k. 13Piyo'k go'k anti'k bini mpu'k laki te ndo pecayo'k, tamai laki yo'k ko'k idup besamo neh, nang nudi ke laki neh yo'k. 14Ker'no laki te ndo pecayo'k yo'k dikudus oli'h bini neh, dah yo'k bini te ndo pecayo'k dikudus oli'h laki neh. anti'k ndo piyo'k, balo anak bia'k najis, tapi piyu'k sido'k dah kudus.15Anti'k kita'k te ndo pecayo'k ko'k bepisah, bia'r em neh bepisah. Dalam pekar'o tu'k balo menyanak ndo ter'ikat agi'k. Tapi Allah dah ngumai kita'k ngau idup enta damai sejahtera. 16Ker'no hai bini, upo ni ketau'k kalau kita'k em te nyelamat laki kita'k kediri'k? Atau, hai laki kita'k em te nyelamat bini kita'k kediri'k?17Tapi, upo te dah Tuhan tetep ke setiap ur'a, upo Allah udah ngumai ke sido'k kediri'k - kediri'k, tetap em idup dalam keadaan upo yo'k. Jadi upo yo'k go'k aku per'intah ke semuo jemaat. 18Apokah bisi'k ur'a te dikumai watu neh dah disunat? Nang neh ngayap te balo tan'o sunat? Adokah te watu dikumai neh pan besunat? Nang neh besunat. 19Sebab, te besunat tamai ndo besunat, ndolah penting. Tapi, te penting adolah taat ngau balo per'intah Allah.20Tiap ur'a ar'us nugau te kadaan upo watu neh dikumai. 21Apokah kita'k budak watu dikumai? Nanag kita'k kwati'r ke pekar'o tu'k. Tapi kalau kita'k tau'k jadi ur'a te merdeka, lebi'h bae'k guno em kesempatan tu'k. 22Sebab, neh watu dikumai dalam Tuhan budak, neh yo'k adolah ur'a te nerdeka mpu'k Tuhan. Piyo'k go'k anti'k ur'a te merdeka dikumai, neh adolah budak Kristus. 23Kita'k dah ditebus ngau reg'o lunas, ker'no yo'k nanglah kita'k jadi budak mensio. 24Balo menyanak aru's lah tiap ur'a tetap nugau besamo Allah, dalam keadaan watu neh dikumai.25Pitu'k, tenta balo ur'a et pan kawin, aku ndo isi'k per'intah dar'i Tuhan. Tapi, aku meri'k penapat sebagai ur'a, te oli'h belas kasih Tuhan tau'k dipecayo'k. 26Aku ngangap pekar'o tu'k bae'k enta keadaan te sulit watu tu'k, yo'k lebi'h bagi seseur'a ngau tetap nugau upo apo adoneh.27Apokah kita'k ter'ikat ngau seur'a bini? Nang ko'k ber'usaha becerai. Apokah kita'k ter'ikat ngau bini? Nusah kita'k nggo'k bini. 28Tapi anti'k kita'k kawin, kita'k ndo bedosa, anti'k betino'k kawin, neh ndo bedosa. Tapi, sido'k te kawin ko'k ngaso balo pemedi'h idup duniowi, aku ko'k kita'k tehida'r dar'i balo pekar'o yu'k29Balo menyanak, masud aku watu tu'k dah singkat. Jadi mulai pitu'k, bia'r em sido'k te mpu'k bini, idup macam sido'k te ndo mpu'k neh, 30sido'k te nangis macam upo ndo nangis, sido'k te gag'o macam upo te ndo gag'o, sido'k te meli upo te ndo mpu'k, 31tamai sido'k te nguno balo pekar'o dunio tu'k, upo te ndo nguno ke neh. Sebab, dunio tu'k tengah lenyau.32Aku ko'k kita'k bebas dar'i te nyur'uh kwati'r. ur'a te ndo kawin miki'r balo pekar'o tenta Tuhan. ket'i neh tau'k nyenang ke Tuhan. 33Tapi, ur'a te kawin miki'r balo pekar'o dunio, ket'i neh tau'k nyenang ke bini, 34dah yo'k pemantau neh ndo suti'k. Betino'k te ndo kawin tamai balo dar'o kwati'r ngau balo pekar'o tenta Tuhan bia'r neh tau'k jadi kudus, bae'k tubuh atau rohneh. Tapi betino'k te kawin kwati'r ngau balo pekar'o dunio tu'k, ket'i neh tau'k nyur'uh laki gag'o.35Aku madah pekar'o tu'k so'k kita'k unt'o, bukan ko'k ngau ngakal kita'k, tapi ngau pekar'o te bae'k bia'r pelayan kita'k nguso Tuhann ndo te ar'u.36Anti'k bisi'k ur'a te ngangap diri'k neh dah mulah te ndo bae'k nguso te dar'o ker,no betino'k yo'k dah tuo tamai upo yo'k sear'usneh, bia'r em apo te ko'k dipulah neh, neh ndo bedosa; so'k sido'k kawin. 37Tapi, neh dah bae'k te enta ati, te ndo dipaksa, mpu'k kuaso te diko'k neh kediri'k, tamai enta ati neh ndo ko'k kawin ngau betino'k yo'k, justr'u neh betina'k ngau te bae'k. 38Anti'k neh kawin ngau betino'k yo'k neh mulah te bena'r, tapi anti'k neh ndo kawin ngau betino'k yo'k, pempulah neh yo'k pun bae'k.39Bini ter'ikat selamo laki neh lagi'k idup, anti'k laki neh dah mati, neh tau'k kawin ngau sapo te dimau'k, asal ur'a yo'k dienta Tuhan. 40Tapi nur'ut aku, neh lebi'h bae;k enta keadaan yo'k,tamai nur'ut aku, aku go'k mpu'k Roh Allah.
Chapter 8

1Pitu'k,tenta balo dagi,n te dipersembahkan ngauso balo berhala. Kito ketau'k kalau kito mpu'k pengetau'k. pengetau'k nyuru'h sum'o, tapi kasih nyuru'h membagun. 2Anti'k ado ur'a te ngir'o neh ketau'k sesuatu, neh pan ketau'k te searu's neh ketau'k. 3Tapi, anti'k seseur'a te kasi'h ke Allah, neh dikenal oli'h Allah.4Ker,no yo'k, tenta pemakai balo dagi'n te dipersembah ngau berhala, kito ketau'k kalau berhala ndo bisi'k didunio tu'k, tamai ndo isi'k Allah kecuali Neh te siku'k yo'k. 5Tapi, anti'k isi'k allah te lain bae'k di surga atau te di bumi, (te macam ni bisi'k bangat " allah " tamai te bangat "tuhan", 6tapi bagi kito cumo bisi'k siku'k Allah yo'k Bapa. Dar'i Neh yo'k segalo sesuatu tamai kito bisi'k ngau Neh. Dah yo'k, cumo bisi'k siku'k Tuhan, yo'k Kristus Yesus, te uli'h Neh segalo sesuatu ado, tamai kito ado ngelalu Neh.7Kalau pun piyo'k, ndo semuo mensio mpu'k pengetahuan tu'k. Tapi te dah biaso ngau berhala sampai pitu'k, makai pemakai yo'k sebagai pemakai te dipersembah ngau berhala. Ker,no yo'k ati nur'ani sido'k te lemah jadi tecema'r.8Pemakai ndo nyuru'h kito sema'k ngau Allah. Kito ndo lebi'h ja'i kalau kito ndo makai, atau ndo nyuru'h lebi'h bae'k anti'k kito makai. 9Tapi, ingat kalau kebebasan kita'k tu'k nang jadi batu sandungan ngau sido'k te lemah. 10Ker'no, anti'k bisi'k ur'a te mantau kita'k, te mpu'k pengetahuan, makai enta kuil berhala, ndo ati nu'rani neh, anti'k neh lemah, ko'k diteguhkan ngau makai balo dagi'n te dipersembahkan ngau berhala?11Jadi, ngelalu pengetau'k kita'k, ur'a te lemah yo'k, yo'k te menyanak kita'k, te ngau neh Kristus dah mati, jadi binaso. 12Jadi, tamai bedosa ter'adap balo menyanak seiman kita'k dah yo'k ngeluko'k ati nu'rani neh te lemah, maka kita'k bedosa ter'adap Kristus. 13Ker,no yo'k, anti'k pemakai te nyuru'h menyanak seiman aku tersandung, aku ndo ko'k makai dagi'n selamo-lamoneh bia'r aku ndo mulah menyanak aku tersandung.
Chapter 9

1Ndokah aku ur'a bebas? Bukankah aku adolah rasul? Bukankah aku dah mantau Yesus. Tuhan kito? Bukankah kita'k yo'k asil kerjo aku enta Tuhan? 2Anti'k bagi ur'a lain aku bukan rasul, paling ndo aku adolah rasul bagi kita'k, sebab, kita'k adolah meterai kerasulan aku enta Tuhan.3Aku ngelapan diri'k ter'adap sido'k te ko'k mre'so aku. 4Apokah kami ndo mpu'k ha'k ngau makai tamai minum? 5Apokah kami ndo mpu'k ha'k ngau ngemai seur'a bini te seiman, samo upo balo rasul te lain, balo menyanak Tuhan, tamai go'k Kefas? 6Atau, apokah cumo Barnabas tamai aku te ndo mpu'k ha'k ngau ndo ker'jo?7Sapo te suah ngabdi jadi tentar'o te ngau biayo kediri'k? Siapokah te nanam kebun angu'r tamai ndo makai buahneh? Atau, siapokah te ngidup pengkidup dah yo'k ndo minum susuneh? 8Apokah aku madah balo pekar'o tu'k nuno'k mensio? Ndokah Hukum Taurat madah go'k balo pekar'o te samo?9Sebab, ado ditulis enta hukum Taurat Musa," Nang kita'k memberangus Apokah lembu te tengah Allah pantau? 10Atau, apokah Neh madah demi kito? Auk demi kito em pekar'o yo'k ditulis ker;no te maja'k aru's maja'k enta te diara'p tamai te ngire'k aru's ngire'k enta te diara'p ngau neh buli'h pemagi. 11Anti'k kami ngamu'r benih rohani diantar'o kita'k, apokah belebi'h anti'k kami ngami'k go'k balo pekar'o materi dar'i kita'k?12Anti'k ur'a lain mpu'k ha'k tu'k atas kita'k, ndokah kami lebi'h beha'k agi'k? Walaupun piyo'k, kami ndo nguno ke ha'k yo'k. Sebale'kneh, kami nang'o segalo sesuatu so'k kami ndo ngehala ngau Injil Kristus. 13Apokah kita'k ndo ketau'k kalau sido'k te ngere'jo balo pekar'o te kudus yo'k, makai pemakai dar'i Bait Allah go'k? Tamai, sido'k te ngelayan di altar buli'h pemagi dar'i kurban pesembahan yo'k? 14Piyo'k go'k, Tuhan te nyampai bri'to Injil ngau idup dar'i Injil go'k.15Tapi, aku ndo suah nguno suti'k pun dar'i balo pekar'o tu'k. Tamai, aku ndo nulis balo pekar'o tu'l bia'r dipulah upo yo'k ke aku. Sebab, lebi'h bae'k aku mati dar'i pado seseur'a ndo isi'k te kebango aku. 16Ker'no, anti'k aku madah Injil, aku ndo isi'k alasan ngau bemegah ker'no kewajiban yo'k ado enta aku. Celako em aku anti'k aku ndo madah ke Injil.17Anti'k aku madah ke Injil to'k ker'no kemau'k aku kediri'k, aku buli'h upah. Tapi, anti'k tu'k bukan kemau'k aku, tu'k adolah tugas te dipecayo'k nguso aku. 18Anti'k piyo'k, adokah upah aku? Upah adolah anti'k madah ke Injil, aku tau'k madah Injil ndo ngau upah tamai ndo nyalah ke ha'k aku enta Injil.19Tapi, walau aku bebas atas semuo ur'a, aku ngenyadi ke diri'k aku hamba ngau semuo ur'a bia'r aku tau'k menang lebi'h bangat agi'k. 20Ngau ur'a Yahudi, kau jadi upo ur'a Yahudi bia'r aku tau'k ngemenang ke ur'a Yahudi. Ngau ur'a te idup dibaro'h Hukum Taurat, aku jadi upo ur'a te idup dibaro'h Hukum Taurat (walau aku ndo dibaro'h Hukum Taurat) bia'r aku tau'k ngemenang ke sido'k te ado dibaro'h Hukum Taurat.21Ngau sido'k te ndo ngau Hukum Taurat, aku jadi upo te ndo ngau Hukum Taurat (bukan ndo ngau Hukum Allah, tapi dibaro'h hukum Kristus) bia'r aku tau'k ngemenang ke sido'k te ndo ngau Hukum Taurat. 22Ngau ur'a te lemah, aku jadi lemah bia'r aku tau'k ngemenang ke sido'k te lemah. Aku dah jadi segalo macam ke semuo ur'a bia'r ngau segalo car'o aku tau'k nyelamat bebera'po ur'a.23 Aku ngelaju ke semuo tu'k demi Injil bia'r aku tau'k buli'h pemagi di enta neh.24Ndo ketau'kkah kita'k kalau sido'k te belar'i enta utan te dilumo'k semuoneh belar'i, tapi cumo siku'k te buli'h upah? Jadi belar'i em macam yo'k bia'r kita'k te buli'h neh! 25Setiap ur'a te belumo'k nguaso kekediri'k enta segalo pekar'o. Sido'k ngelaku keneh ngau nerimo'k mahkota te fana, tapi kiti buli'h te abadi. 26Sebab yo'k, aku ndo belar'i upo te ndo isi'k dituju. Aku ndo nguco'h upo ur'a te nguco'h angin. 27Tapi, aku ngelati'h tubuh aku ngau te kuat tamai nguasoneh bia'r seudah aku meri'to ke Injil nguso ur'a lain aku ndo ditula'k.
Chapter 10

1Sebab, aku ndo ko'k kita'k ndo ketau'k, balo menyanak, kalau balo ini'k muyang kito, semuoneh nugau dibaro'h awan tamai semuoneh ngelalu laut. 2Sido'k semuo dibaptis Musa,te enta awan tamai te enta laut. 3Sido'k semuo makai pemakai rohani te samo, tamai semuoneh 4minum te dipinum rohani te samo, sebab sido'k minum dar'i Batu rohani te ser'to sido'k, Batu yo'k adolah Kristus.5Walaupun piyo'k, Allah ndo bekenan nguso sebagian dar'i sido'k. Ker'no yo'k, sido'k disuru'h mati di belayan belantar'o. 6Pitu'k balo pekar'o tu'k jadi cunto'h ngau kito bia'r kito ndo jadi ur'a ke ko'k ingin ja'i upo sido'k te ngingin te ja'i.7Nang jadi penyembah behala upo bebra'po dar'i sido'k, upo te ditulis," Babgso yo'k dudu'k ngau makai tamai minum, lalu angkat ngau begura'u." 8Nang kito bezina upo te dipulah bebera'po dar'i sido'k sampai 23 ribu ur'a mati dalam sear'i9Kito ndo tau'k go'k nyubo Tuhan, macam bebra'po dar'i sido'k nyubo Tuhan go'k dah yo'k dibinaso uli'h balo ula'r.10 Kita'k nang ngeluh macam sido'k ngeluh dah to'k dibibaso uli'h malaikat maut.11Balo pekar'o tu'k ter'jadi nguso sido'k ngau cunto'h tamai ditulis ngau peri'ngatan ke kito, te nguso siapo akhir zaman dah datai. 12Ker'no yo'k, bia'r em ur'a te nyangko'k kalau diri'kneh teguh bedir'i waspado bia'r neh ndo jatu'k! 13Ndo isi'k pencubo te suah keno'k kita'k kecuali pencubo te biaso ngau mensio. Allah yo'k setio, Neh ndo ko'k mia'r kita'k dicubo lebi'h dar'i kekuat kita'k, tapi ngelalu pencubo yo'k, Neh nyedio jalai kelua'r bia'r kita'k tau'k nang'uneh.14Ker'no yo'k, balo menyanak aku te dikasi'h, nusah kitak nyembah behala. 15Aku ngumong upo ngau balo ur'a te bijaksana, piki'r em apo te aku padah. 16Ndokah cawan ber'kat te kito syuku'r to'k adolah persekutuan enta dara'h Kristus? Ndokah r'ute te kito pecah yo'k adolah persekutuan enta tubuh Kristus? 17Ker'no bisi'k suti'k r'ute, jadi kito te bangat tu'k adolah suti'k tubuh; ker'no kito semuo te jadi bagian dar'i suti'k r'ute yo'k.18Pra'ati em balo ur'a Israel, ndokah sido'k te makai persembahan ngami'k bagian enta altar? 19Jadi, apokah masud aku? Apokah pemakai te disembah ngau behala adolah sesuatu, apokah behala sesuatu?20Ndo. Aku madah ke kita'k kalau balo pekar'o te dikurban bangso lain, yo'k dikurban ke balo roh te ja'i, ndo nguaso Allah. Aku ndo ko'k kita'k besekutu ngau balo roh te ja'i. 21Kita'k ndo tau'k minum cawan Tuhan tamai ndo tau'k minum dar'i cawan balo te ja'. Kita'k ndo tau'k jadi bagian dar'i jamuan Tuhan tamai jamuan dar'i balo roh te ja'i. 22Atau, apokah kito nyuru'h Allah cembur'u? Apokah kito lebi'h kaut dar'i pado Neh?23" Segalo sesuatu disuru'h tau'k," tapi ndo semuo te beguno. Segalo sesuatu disuru'h tau'k ," tapi ndo semuo tau'k membangun. 24Nang ado siku'k pun te ngigo'k te bae'k ngau diri'k kediri'k, tapi yo'k kebae'k ur'a lain.25Makai em apo te dijual dipasa'r dagi'n nusah mer'esoneh, demi ati nura'ni. 26Ker,no, bumi tamai semuo isi'kneh yo'k mpu'k Tuhan. Anti'k seseur'a te 27pan pecayo'k ngun'a kita'k dah yo'k kita'k ko'k datai, makai em apo te dir'enta dimuo kita'k nusah mere'soneh, demi ati nura'ni.28Tapi, anti'k bisi'k ur'a te madah, " Pemakai tu'k dah dipersembahkan nguso behala," nang kita'k makai, demi ur'a te madah to'k tamai demi ati nura'ni. 29Masud aku, ndo demi ati nura'ni kita'k kediri'k, tapi ati nura'ni ur'a lain. Ngapo kebebasan aku ditentu uli'h ati nura'ni ur'a lain? 30Anti'k aku ngami'k bagian aku tamai ngucap syuku'r, ngapo aku te disalah ker,no pemakai yo'k aku ngucap syuku'r?31Jadi, apokah kita'k makai atau minum, atau apo ja'k te kita'k pulah, pulah em semuo yo'k ngau kemuliaan Tuhan. 32Nang nyuru'h ur'a tere'ntok, bae'k ur'a Yahudi, ur'a Yunani, maupun Jemaat Allah, 33upo aku go'k enta segalo pekar'o nyenang ke semuo ur'a, ndo nggo'k te unt'o kediri'k, tapi ngau keunt'o ur'a bangat bia'r sido'k tau'k diselamat.
Chapter 11

1Jadilah balo ur'a te nuru't teladan aku, upo aku ter'adap Kristus. 2Pitu'k aku muji kita'k ker'no kita'k ngingat ke aku enta segalo pekar'o tamai bepegai ke balo tradisi upo te aku sampai ke kita'k. 3Tapi, aku ko'k kita'k nger'ti kalau kepalo tiap balo laki adolah Kristus, kepalo betino'k yo'k adolah balo laki, tamai kepalo Kristus adolah Allah. 4Tiap balo laki te bedoa tamai te benubuat ngau kepalo te betudo ndo hor'mat ke kapalo neh.5Tapi,tiap betino'k te bedoa atau te benubuat ngau kepalo te ndo betudo, ngehino kepalo neh, pekar'o yo'k samo upo anti'k kepalo neh dicuku'r. 6Sebab, anti'k seur'a betino'k ndo nudo kepalo neh, bia'r neh nuko semuo bo'kneh. Tapi, anti'k malu betino'k yo'k nuko tamai nyuku'r bo'k bia'r em kepalo neh ditudo.7Balo laki ndo tau'k nud'o kepalo neh ker'no neh adolah gama'r tamai kemuliaan Allah. Tapi, betino'k adolah kemuliaan balo laki. 8Balo laki ndo ber'asal dar'i betino'k, tapi betino'k ber'asal dar'i balo laki.9lo laki ndo dicipta ngau betino'k, tapi betino'k ngau balo laki. 10Yo'k sebab neh, betino'k aru's mpu'k tan'o kekuaso di kepaloneh11Walaupun piyo'k, enta Tuhan ndo isi'k betino'k te ndo si'k balo laki, atau balo laki te ndo si'k betino'k. 12Sebab, betino'k ber'asal dar'i balo laki, piyo'k go'k balo laki dipera'nak ngelalu betino'k. Tamai, segalo sesuatu bera'sal dar'i Allah13Diri'k em miki'r, apokah pantas nagu seur'a betino'k bedoa nguso Allah ngau kepalo ndo di tud'o? 14Bukankah alam te ngaja'r ke kita'k anti'k balo laki mpu'k bo'k panya, pekar'o yo'k nyuru'h neh hina, 15Tapi anti'k betino'k te mpu'k bo'k panya pekar'o yo'k adolah kemuliaan ngauneh: Sebab, bo'k yo'k diberi'k ngusoneh ngau penud'o. 16Anti'k ado ur'a te agi'k ko'k mantah, kami ndo mpu'k kebiaso yo'k, piyo'k go'k jemaat Tuhan.17Te enta meri'k per'intah tu'k, aku ndo muji ker,no kita'k bekumpul bukan ngau pekar'o te bae'k, tapi ngau pekar'o te lebi'h buro'k. 18Petamo, kalau kita'k bekumpul sebagai jemaat, aku men'in kalau bisi'k te pera'ro'k diantar'o kita'k. Kedo'k neh aku pecayo'k. 19Sebab, aru's ado te pera'ro'k diantar'o kita'k bia'r sido'k te kebukti tan uji jelas diantar'o kita'k.20Watu kita'k bekumpul ditempat te samo, pekar'o yo'k bukan ngau makai pejamuan Tuhan. 21Ker'no watu makai, tipa ur'a ngami'k lebi'h dulu pemakai neh kediri'k kebok em ado te lapa'r tamai te lain neh mabo'k. 22Apo kita'k ndo mpu'k ru'mah ngau makai tamai minum? Atau, apokah kita'k ngehina jemaat Allah tamai ngemalu kr sido'l te ndo mpu'k apo-apo? Apo te aru's aku padah nguso kita'k? Aru'skah aku muji kita'k? Tentu ndo!23Ker'no, aku neri'mok dar'i Tuhan apo te aku sera'h ngau kita'k, bahwa Tuhan Yesus, pado watu malam Neh dikhianat ngami'k ru'te, 24dah ngucao syuku'r lalu dipecah-pecah Neh tamai ngumong," Tu'k em tubuh Aku, te adolah ngau kita'k; pulah em ngau ngingat ke Aku."25Piyo'k go'k Neh ngami'k cawan seudah makai lalu ngumong," Cawan tu'k adolah perjanjian bar'u 26sebab, tiap kali'k kita'k makai r'ute tu'k tamai minum cawan tu'k, kita'k membri'to kematian Tuhan sampai Neh datai27ker'no yo'k sapo te makai r'ute atau minum cawan Tuhan ngau car'o te ndo laya'k, neh besalah ter'adap tabuh tamai dara'h Tuhan. 28Mensio aru's nguji diri'kneh kediri'k, ngau piyo'k bia'r em neh makai r'ute tamai minum dar'i cawan yo'k. 29Sebab, ur'a te makai tamai minum tapi ndo ngaku'k tubuh Tuhan, neh ngenatai ke ukum ngau diri'kneh. 30Yo'k sebabneh ngapo bangat diantar'o kita'k te lemah tanai pede'h,dah yo'k sampai bangat te mati.31Tapi, anti'k kita'k nilai diri'k kito ke diri'k ngau bena'r, kito pasti ndo diukum. 32Tapi, anti'k kito diukum, kito di didik uli'h Tuhan bia'r kito ndo diukum besamo-samo ngau dunio.33Jadi, balo menyanak aku, watu kita'k bekumpul ngau makai bae'k samo nunggu'k. 34Kalau ado te lapa'r, bae'k neh makai dulu dir'umah bia'r nusah kita'k bekumpul ngau pengadi'l.dah yo'k balo pekar'o lain aku atu'r watu aku datai.
Chapter 12

1Pitu'k,tenta balo karu'nio rohani, Balo menyanak, aku ndo ko'k kita'k ndo ketau'k. 2Kita'k ketau'k watu agi'k jadi ur'a te pan ngenal Allah, kita'k disesat nguso behala bisu'k upo ni kita'k dipimpin. 3Ker'no yo'k aku madah nguso kita'k bahwa ndo siku'k pun, te ngumong uli'h Roh Allah, te madah, "Yesus tekuto'k," tamai ndo siku'k pun te tau'k madah," Yesus adolah Tuhan," selain uli'h Roh Kudus.4Ado bemacam kar'unio rohani, tapi Rohneh samo. 5Tamai bemacam pelayanan, tapi Tuhan neh samo. 6Ado bemacam ker'jo, tapi Allah te samo nger'jo segalo sesuatu enta semuo ur'a.7Nguso tiap-tiap ur'a dikaru'nio penyato Roh ngau te bae'k besamo. 8Nguso te siku'k diberi'k balo kato hikmat ngelalu Roh dah yo'k nguso te lain balo kato pengetau'k uli'h Roh te samo.9Ngguso te lain diberi'k iman uli'h Roh te samo, nguso te lain balo karu'nio te nyemu'h uli'h Roh te suti'k yo'k. 10Nguso te lain di beri'k balo peker'jo mukjizat, nguso te lain nubuat. Nguso te lain diberi'k kemampu ngau membedo balo roh, nguso te lain bangat macam bahaso dilah, tamai te lain entejemah balo bahaso dilah yo'k. 11Semuo tu'k diker'jo uli'h Roh te suti'k tamai te samo, te magi nguso balo tiap ur'a, upo te Neh mau'k.12Samo upo tubuh adolah suti'k, tapi mpu'k bangat angguta, tamai semuo angguta tubuh, bia'r bangat yo'k adolah suti'k tubuh, macam yo'k go'k em Kristus. 13Sebab, uli'h suti'k Roh, kito semuo dah dibaptis enta suti'k tubuh, bae'k ur'a Yahudi maupun ur'a Yunani, bae'k buda'k maupun ur'a te merdeka, dah yo'k kito semuo diberi'k minum dar'i suti'k Roh.14Ker'no tubuh ndo terdir'i dar'i suti'k angguta. 15Anti'k kaki madah," Ker'no aku bukan jar'i, jadi aku ndo bagian dar'i tubuh," ndo bere'ti neh bukan bagian dar'i tubuh. 16Anti'k peni'n madah," Ker'no aku bukan mato, aku bukan angguta tubuh," ndo bere'ti neh bukan bagian tubuh. 17Anti'k semuo tubuh adolah mato, dini peningo? Anti'k semuo adolah peni'n, dini pencium?18Tapi, pitu'k Allah dah naru'h ke balo angguta yo'k, tipa ur'a dar'i sido'k, enta tubuh, upo te Neh mau'k. 19Anti'k semuoneh yo'k suti'k angguta, dinikah tubuh? 20Jadi, memang bisi'k bangat angguta, tapi cumo suti'k tubuh.21Ker'no yo'k, mato ndo tau'k madah nguso jar'i," Aku ndo per'lu kediri'k!" Atau, kepalo nguso kaki," Aku ndo per'lu ke diri'k!" 22Sebalekneh, balo angguta tubuh te upo lemah yo'k te sangat diper'lu. 23Balo angguta tubuh te kito piki'r kur'a terhormat, justr'u yo'k em te lebi'h dihormat. Tamai, balo angguta tubuh, te diangap ndo laya'k tampil, aru's dipulah ngau lebi'h laya'k tampil, 24kerno balo bagian te dah laya'k tampil ndo diper'luneh. Tapi Allah dah ngatu'r tubuh yo'k ngau diberi'k penghormatan lebi'h besai nguso balo angguta te mpu'k kekur'a,25Bia'r ndo isi'k te bepera'ro'k enta tubuh, sebale'kneh bia'r balo angguta yo'k tau'k mera'ti suti'k ngau te lain. 26Anti'k suti'k angguta te menderi'to, semuo angguta menderi'to besamo. Anti'k suti'k angguta te dimulia, semuo angguta gag'o besamoneh. 27Pitu'k kita'k adolah tubuh Kristus tamai kita'k kediri'k- kediri'k adolah balo anggutaneh.28Allah udah menetap enta jemaat, petamo adolah balo rasul, keduo adolah balo nabi, ketigo adolah balo gur'u, dah yo'k balo mukjizat, balo karunio penyemu'h, penul'o,pemimpin tamai bemacam-macam bahaso. 29Apokah semuoneh rasul? Apokah semuoneh nabi? Apokah semuoneh gur'u? Apokah semuo adolah te mulah mukjizat?30Apokah semuoneh mpu'k karunio penyemu'h? Apokah semuoneh ngumong ngau balo bahaso? Apokah semuoneh menejemah? 31Tapi, mau'k em ngau bena'r- bena'r balo karunio te paling besai. Tamai, aku ko'k nunyo'k ke kita'k jalai te lebi'h bae'k.
Chapter 13

1Anti'k aku tau'k ngumong enta balo bahaso mensio tamai balo malaikat, tapi ndo mpu'k kasih, aku adolah ketawa'k te bingan tamai canang te gemerincing. 2Anti'k aku mpu'k karunio benubuat tamai ketau'k semuo re'sio dah yo'k semuo pengetau'k, anti'k aku mpu'k semuo iman ngau mina'h balo gunung, tapi ndo mpu'k kasi'h, aku bukanlah apo-apo. 3Anti'k aku meri'k makai ke ur'a miskin, tamai nyera'h ke tubuh aku ngau ditunu, tapi ndo mpu'k kasi'h, sikitpun ndo si'k gunoneh ngau aku.4Kasi'h yo'k saba'r tamai mura'h ati, kasi'h yo'k ndo cemur'u, ndo ningi'k kediri'k, ndo sum'o,5 ndo mulah te ndo pantas, ndo nggo'k kepenting ngau diri'k kediri'k, ndo mudah ri'ngat, ndo mpri'to penyalah ur'a lain, 6ndo gag'o ke te ndo bena'r, tapi gag'o ngau te bena'r. 7Kasi'h yo'k tan nang'o segalo sesuatu, pecayo'k ngau segalo sesuatu, ngara'p segalo sesuatu, tamai saba'r nang'o segalo sesuatu.8Kasi'h ndo suah abis. Tapi anti'k bisi'k balo nubuatan, ko'k disuru'h ndo si'k; anti'k bisi'k balo bahaso, ko'k dibre'nti; tamai anti'k bisi'k pengetau'k, ko'k disuru'h ayap. 9Sebab, kito ngetau'k te sebagian geno tamai kito benubuat sebagian geno go'k. 10Tapi, anti'k te sempur'na datai, te sebagian to'k ko'k disuru'h ayap.11Watu aku lagi'k jadi ana'k bia'k, aku ngumong upo ana'k bia'k, aku bepiki;r upo ana'k bia'k, tamai mila upo ana'k bia'k. Watu aku dah dewaso, aku nudi ke balo pekar'o ana'k bia'k yo'k. 12Ker,no pitu'k kito mantau enta cer'min secar'o sama'r-sama'r, tapi dah yo'k muo tamai muo. Pitu'k, aku cumo ngelalo sebagian, tapi dah yo'k aku ngelalo semuoneh, upoaku go'k dah dikelalo semuoneh. 13Jadi, pitu'k ketigo pekar'o tu'k te tetap nugau, nyo'k iman, pengara'p, tamai kasi'h; tapi te paling besai dar'i ketigo yo'k adolah kasi'h.
Chapter 14

1Kejar em kasi'h tamai nyan ngau te bena'r-bena'r balo karunio rohani, teru'tamo bia'r kita'k tau'k benubuat. 2Sebab, sapo te ngumong enta bahaso dilah, ndo ngumong ngau mensio, tapi nguso Allah; ker'no ndo si'k ur'a te nger'ti, tapi neh madah balo pekar'o te re'sio enta roh. 3Tapi, ur'a te benubuat ngumong nguso mensio ngau membangun, negu'r, yamai ngibu'r. 4Balo ur'a te ngumong enta bahaso dilah membangun diri'k neh kediri'k, tapi ur'a te benubuat membangun jemaat.5Aku ngara'p kita'k semuo ngumong enta balo bahaso dilah, tapi lebi'h agi'k bia'r kita'k benubuat. Ur'a te benubuat lebi'h besai dar'i pado ur'a te ngumong enta bahaso dilah, kecuali anti'k neh menejemah go'k sampai jemaat tau'k neri'mo'k peneguhan. 6Balo menyanak, anti'k aku datai nguso kita'k tamai ngumong enta balo bahaso roh, apo unt'oneh ngau kita'k, kecuali anti'k aku ngumong nguso kita'k ngau penyato, pengetau'k, nubuat, atau te diaja'r?7Bahkan, balo bar'a te ndo benyawo, upo suling atau kecapi te ngelua'r ingan, Anti'k ndo ngelua'r ke te ndo samo enta ingan neh, macam ni ur'a tau'k ketau'k alat apo te lagi'k digura'u, suling atau kecapi? 8Atau tru'mpit ngelua'r ingan te ndo jelas, sapokah te nyiap diri'k ngau beper'a? 9Piyo'k go'k kita'k. Anti'k ngau dilah kita'k, ngucap balo kato te ndo tau'k dinger'ti, macam ni ur'a ketau'k apo te dipadah? Seula'h-ulah kita'k ngumong ngau udar'o.10Amang, ado piyo'k bangat jenis bahaso didunio tamai ndo isi'k suti'k pun dar'i padoneh te ndo bere'ti. 11Tapi, anti'k aku ndo ketau'k re'ti bahaso yo'k, aku ko'k jadi ur'a lua'r ngau neh te ngumong, tamai ur'a te ngumong yo'k jadi ur'a lua'r ngau aku.12Anti'k piyo'k kita'k, ker'no kita'k bena'r-bena'r beru'saho ngau balo karu'nio, beru'saho em bia'r belebi'h ngau membangun jemaat. 13Ker'no yo'k, aru's em ur'a te ngumong enta bahaso dilah bedoa bia'r neh tau'k menejemah nyo'k. 14Sebab, anti'k aku bedoa enta bahaso dilah, roh aku bedoa, tapi pemiki'r aku ndo bebuah.15Jadi, apo te aru's aku pulah? Aku ko'k bedoa ngau roh aku tamai aku ko'k bedoa ngau pemiki'r aku. Aku ko'k nyanyi ngau roh aku tamai aku ko'k nyanyi ngau pemiki'r aku. 16Anti'k kita'k cumo ngucap syuku'r ngau roh kita'k, macam ni ngau ur'a, te bisi'k senenta ndo mpu'k karu'nio yo'k, tau'k madah," Amin," atas pengucap syuku'r kita'k yo'k ker'no neh ndo nger'ti apo te kita'k padah?17Kalaupun kita'k ngucap syuku'r ngau bae'k, tapi ur'a lain ndo dibangun. 18Aku besyuku'r ke Allah kalau aku ngumong enta balo bahaso dilah lebi'h dar'i kita'k semuo. 19Tapi, enta jemaat, aku lebi'h bae'k ngumong limo kato ngau pemiki'r aku bia'r aku tau'k go'k ngaja'r ur'a lain, dar'i pado sepuluh ri'bu kato enta bahaso dilah.20Balo menyanak nang jadi ana'k bia'k enta pemiki'r kita'k. Jadilah ana'k bia'k re'nyai enta te ja'i, tapi enta pemiki'r kita'k jadi em dewaso! 21Upo te ditulis enta Hukum Taurat, "Uli'h balo ur'a te mpu'k bahaso lua'r tamai uli'h mulut balo ur'a lua'r, aku ko'k madah nguso bangso tu'k, tapi sido'k ndo ningo ke Aku, firman Tuhan."22Jadi, balo bahaso dilah yo'k tan'o, ndo ngau ur'a te pecayo'k, tapi ngau ur'a te ndo pecayo'k, sementar'o benubuat yo'k tan'o, ndo ngau ur'a te ndo pecayo'k, tapi ngau ur'a te pecayo'k. 23Anti'k semuo jemaat bekumpul besamo enta suatu tempat, tamai semuoneh ngumong ngau balo bahaso dilah, lalu bisi'k balo ur'a te ndo nger'ti atau balo ur'a te ndo pecayo'k tamo'k, ndokah sido'k madah kalau kita'k dah gilo?24Tapi, anti'k semuo benubuat, dah yo'k bisi'k ado te ndo pecayo'k atau te ndo nger'ti tamo'k, neh disuru'h sada'r uli'h semuoneh tamai dinilai uli'h semuoneh. 25Re'sio enta ati neh ko'k nyato, neh tesungku'r, tamai nyembah Allah, ngaku kalau sebena'rneh Allah bisi'k diantar'o kita'k.26Jadi, seudahneh macam ni, balo menyanak? Anti'k kita'k bekumpul,kediri'k- kediri'k mpu'k mazmur, te diaja'r. te dinyato, bahaso dilah, atau suti'k penafsi'r. Bia'r em semuo tu'k dipulah ngau membangun. 27Anti'k bisi'k te bebahaso dilah, bia'r em cumo duo atau pali'n bangat tigo ur'a, tamai kediri'k-kediri'k secar'o beganti, dah yo'k aru's bisi'k ur'a lain te menejemahneh. 28Tapi anti'k ndo si'k ur'a te menejemah, neh aru's nugau enta jemaat tamai bia'r em neh ngumong nguso diri'k neh kediri'k tamai nguso Allah.29Bia'r em cumo duo atau tigo nabi te ngumong tamai te lain memiki'r keneh. 30Tapi, anti'k te dinyato dipulah ngau ur'a lain te dudo'k dio'k, ur'a te petamo aru's nugau.31Sebab, kita'k semuo tau'k benubuat suti'k demi suti'k, bia'r semuoneh tau'k belaja'r tamai semuoneh tau'k dikuat. 32Balo roh balo nabi taku't nguso balo nabi. 33Sebab, Allah ndo Allah dar'i te kacau tapi damai sejahtera, samo upo enta semuo jemaat balo ur'a kudus.34betino'k aru's tetap nugau enta jemaat ker'no sido'k ndo disuru'h ngau ngumong, tapi aru's takut upo te dipadah Hukum Taurat. 35Anti'k bisi'k utan te mau'k dipelaja'r, bia'r em sido'k nanyo'k nguso lakineh diru'mah ker'no yo'k nyuru'h malu ke betino'k kalau ngumong enta jemaat. 36Apokah firman Allah bera'sal dar'i kita'k? Atau, apokah cumo ngau kita'k geno firman yo'k dipadah?37Anti'k bisi'k te bepiki'r kalau neh yo'k seur'a nabi atau ur'a te rohani, so'k neh ngelalo kalau balo pekar'o te aku tulis nguso kita'k yo'k perintah Tuhan. 38Anti'k bisi'k ur'a te ndo ngelalo tu'k, neh ndo dikelalo.39Jadi, balo menyanak aku, usahokan bena'r-bena'r ngau benubuat, tamai nang nidah ur'a ngumong enta balo bahaso dilah. 40Tapi semuoneh aru's dipulah ngau sopan tamai tera'tu'r.
Chapter 15

1Pitu'k balo menyanak, aku madah ke kita'k Injil, te aku bri'to ke kita'k, te dah kita;k tri'mo'k, te enta neh kita'k bediri'k teguh. 2Uli'h Injil yo'k go'k kita'k diselamat, asal kita'k bepegai teguh ngau firman te dah aku bri'to ke kita'k, kecuali kita'k pecayo'k ngau pecumo.3Aku dah nyampai ke kita'k, petamo- tamo te penting, te aku tri'mo'k bahwa Kristus mati ngau balo duso kito sesuai ngau Kitab Suci, 4Neh udah dikubu'r, Neh bangkit pado ar'i ketigo sesuai Kitab Suci,5tamai Neh nampak kediri'k nguso Kefas, 6dah yo'k, Neh nampa'k kediri'kNeh nguso lebi'h dar'i limo ra'tus balo menyanak sekaligus. Sebagian besai dar'i sido'k agi'k idup sampai pitu'k, tapi bebera'po dar'i sido'k dah mati. 7Lalu, Neh nampa'k kediri'k nguso Yakobus, dah yo'k nguso semuo rasul.8Pengabis, samo upo nguso ana'k te diperana'k pan sento watuneh, Neh go'k nampa'k kediri'k nguso aku. 9Sebab, aku em te re'nyai diantar'o balo rasul Neh tamai ndo laya'k dipadah rasul ker,no dah menganiayo jemaat Allah.10Tapi, ker,no anugerah Allah, aku adolah te aku pitu'k. Tamai, ker,no anugerah Neh nguso aku ndo pecumo. Aku beker'jo lebi'h ra'jin dar'i pado sido'k semuo, yo'k bukan aku tapi ker'no anugaerah Allah te nyer'to aku. 11Uli'h ker'no yo'k, bae'k uli'h aku ataupun sido'k, piyo'k kami ngaja'r tamai piyo'k kita'k te dah pecayo'k.12Anti'k Kristus dipadah bangkit dari mati, ngapo bera'po dar'i kita'k madah kalau ndo si'k te bangkit dar'i mati? 13Kalau ndo sik te bangkit dar'i mati, pasti Kristus pasti ndo bangkit. 14Anti'k Kristus ndo bangkit, jadi pecumo em te dibri'to kami tamai pecumo go'k iman kita'k.15Telebi'h agi'k, kami diketau'k go'k sebagai saksi dusto Allah ker'no kami besaksi kalau Allah dah ngemangkit ke Kristus, te ndo ko'k dibangkit ke Neh, anti'k bena'r kalau ur'a mati ndo tau'k dibangkit. 16Sebab, anti'k ur'a mati ndo dibangkit, Kristus pun ndo tau'k dibangkit. 17Tamai, anti'k Kristus ndo bangkit, pecumo em iman kita'k, tamai kita'k agi'k bera'do enta balo dosa kita'k.18Piyo'k go'k, sido'k te dah mati enta Kristus dah binaso go'k. 19Anti'k pengara'p kito enta Kristus cumo ngau idup tu'k geno, kito adolah balo ur'a te paling mala dar'i semuo mensio.20Tapi pitu'k, Kristus dah dibangkit dar'i antar'o ur'a mati, jadi buah te tuo dar'i semuo ur'a pecayo'k te udah mati. 21Sebab, samo upo te mati tejadi ngelalu siku'k ur'a, ngelalu siku'k ur'a go'klah te bangkit dar'i antar'o ur'a mati tejadi.22Ker'no enta Adam semuoneh mati, piyo'k go'k enta Kristus go'k semuoneh disuru'h idup. 23Tapi, tiap-tiap ur'a nuno'k uru'tneh: Kristus jadi buah te tuo, dah yo'k sido'k te mpu'k Kristus, watu penatai Neh lagi'k.24Dah yo'k pas pengabisneh, nyo'k watu Neh nyera'h kerajoneh nguso Allah Apai, watu Neh ngebinaso semuo pemeri'ntah, semuo penguaso, tamai te kuat.25 Sebab, Neh aru's meri'ntah sampai Allah ngeletak semuo musuh Neh dibaru'h kaki Neh. 26Musuh pengabis te ko'k dibinaso adolah kematian.27Sebab, Allah dah ngeletak segalo utan dibaru'h kaki Neh. Tapi, watu dipadah segalo sesuatu dah diletak dibaru'h kaki Neh, jelas em kalau tu'k ndo temasu'k Allah kediri'k, te ngeletak segalo sesuatu dibaru;h Kristus. 28Watu segalo sesuatu dileta'k dibaru'h Kristus, dah yo'k Anak kediri'k go'k ko'k nalu'k kediri'k nguso Neh, te nalu'k semuoneh dibaru'h Kristus sampai Kristus ngejadi segalo- galoneh enta semuo nyo'k.29Anti'k ndo piyo'k, apo te ko'k dipulah uli'h sido'k te dibaptis ngau ur'a te mati? Anti'k ur'a te mati ndo dibangkit samo sekali'k, lalu ngapo balo ur'a ngebaptis ngau sido'k? 30Tamai, ngapo kami enta te bahayo tiap watu?31Balo menyanak, tiap ar'i aku ngadap te tau'k nyuru'h mati, demi te dibangngo aku enta kita'k, te aku mpu'k enta Yesus Kristus, Tuhan kito. 32Secar'o mensio, apokah unt'o aku betar'o ngau balo binata gar'a di Efesus?33Nang ketipu:" Pegaul te ja'i ngancu'r balo kebiaso te bae'k." 34Bebale'k sada'r ngau te bae'k tamai nang mulah dosa. Sebab, bebera'po ur'a ndo ngelalo ke Allah. Aku madah tu'k bia'r kita'k malu.35Tapi, seseur'a ko'k betanyo'k," macam ni ur'a mati dibangkit? Ngau tubuh apokah sido'k ko'k datai agi'k?" 36Hai ur'a budu! Apo te kita'k kemenih ndo ko'k tumuh idup, kecuali neh mati dulu.37Tamai, apo te kita'k kemenih bukan tubuh pentanam te tumuh yo'k, tapi igi'k te ndo bekulit upo ganu'm atau balo igi'k te lain. Tapi, 38Allah meri'k tubuh upo ni te Neh ko'k tamai balo igi'k diberi'k tubuhneh kediri'k-kediri'k. 39Ndo semuo dagi'n adolah dagi'n te samo, tapi cumo suti'k dagi'n mensio, tamai te lain neh yo'k balo dagi'n binata, balo dagi'n bur'o tamai dagi'n ikan.40Ado go'k tubuh sur'gowi tamai tubuh duniowi, tapi kemulio te sur'gowi yo'k bebedo tamai kemulio te duniowi yo'k pun bebedo. Kemulio matoar'i bebedo, 41kemulio bulan bebedo, kemulio balo binta yo'k go'k bebedo ker'no suti'k binta bebedo ngau binta te lain enta te kemulio.42Piyo'k go'k ngau kebangkitan ur'a mati. 43Dikemenih enta te binaso, dibangkit enta te ndo binaso. Dikemenih enta te hino, dibangkitkan enta te mulio. Dikemenih enta te lemah, dibangkit enta te kuat. 44Dikemenih jadi tubuh jasmani, dibangkit jadi tubuh rohani.45Upo te ditulis," Mensio petamo, Adam, jadi jiwo te idup." Adam te pengabis. 46Tapi walau piyo'k, te rohani bukan te petamo. Te petamo adolah te jasmani, dah yo'k baru'k te rohani.47Mensio petamo bera'sal dar'i bumi, yo'k te dar'i debu tanah. Mensio keduo bera'sal dar'i sur'go.48 Samo upo te bera'sal dar'i debu tanah, upo yo'k go'k sido'k te bera'sal dar'i debu tanah. Tamai, samo upo te sur'gowi, piyo'k go'k sido'k te sur'gowi. 49Macam ni kito dipulah enta ru'po mensio bera'sal dar'i debu tanah, kito ko'k go'k nguno ru'po mensio te sur'gowi.50Aku madah tu'k nguso kita'k, balo menyanak, kalau dagi'n tamai darah ndo tau'k ngewari's Kerajoan Allah. Piyo'k go'k te tau'k binaso, ndo tau'k ngewari's te ndo tau'k binaso. 51Peni'n! Aku madah nguso kita'k suti'k re'sio, kito ndo ko'k mati semuoneh, tapi kito semuo ko'k diru'bah,52Pas watu yo'k, sekejap mato geno, watu tru'mpet pengabis: ker'no tru'pet ko'k bingan, tamai ur'a mati dibangkit ndo binaso, dah yo'k kito ko'k te diru'bah. 53Sebab, te binaso tu'k aru's dipasa ngau te ndo tau'k binaso. Tamai, te mati tu'k, aru's dipasa ngau te ndo tau'k mati.54Watu te tau'k binaso tu'k dipasa ke te ndo tau'k binaso, tamai te tau'k mati tu'k dipasa te ndo tau'k mati, mako genap em firman te dah ditulis: " Kematian dah ditelan enta te menang." 55" Hai kematian, dini kemenang kita'k? Hai maut, dini sengat kita'k?"56Sengat maut adolah duso, tamai kuaso duso adolah Hukum Taurat. 57Tapi, kito besyuku'r nguso Allah te meri'k kito kemenang ngelalu Tuhan kito, Yesus Kristus.58Jadi, balo menyanak aku seiman te dikase'h, bedir'i em kuat, nang guyah, melimpah em teru's enta peker'jo Tuhan. Sebab, kita'k ketau'k kalau jeri'h payah kita'k ndo pecumo di enta Tuhan.
Chapter 16

1Pitu'k tenta pengumpul duit ngau balo ur'a kudus, pulah em sesuai ngau balo petunyu'k te aku beri'k nguso jemaat di Galatia.2 Pado ar'i petamo tiap mingu, kediri'k- kediri;k kita'k nyisi'h ke sesuatu tamai naro'hneh sesuai ngau te kita'k peru'li'h bia'r nang watu aku datai baru'k bisi'k te dikumpul.3watu aku datai, aku ko'k ngutus sido'k, sapo pun te disetuju kita'k, diser'to balo sura't ngau ngema'i pemeri'k kita'k ke Yerusalem.4 Anti'k pantas aku tamai go'k angkat, sido'k angkat go'k besamo tamai aku.5Tapi, aku ko'k datai nguso kita'k sedah aku ngelalu Makedonia ker'no aku bemasud ko'k ngelalu Makedunia.6 Dah yo'k mungkin aku ko'k nugau besamo kita'k atau ngabis ke watu selamo ra'mo celap bia'r kita'k yau'k nul'o enta pejalai aku, kini aku ko'k angkat.7Sebab, aku ndo ko'k mantau kita'k pitu'k cumo sepintas lalu. Aku ngara'p tau'k nugau bebera'po watu tamai kita'k, anti'k Tuhan ngijin ke neh. 8Tapi, aku ko'k tingal di Efesus sampai ar'i Pentakosta, 9ker'no lawa te besai ngau nger'jo peker'jo te penting dah tebuko'k ke aku walau bangat te ndo seara'h.10Pitu'k anti'k Timotius datai, pera'ti em bia'r neh ndo ngera'so takut anti'k besamo tamai kita'k ker'no neh te mulah peker'jo Tuhan, samo upo aku go'k. 11Jadi, nang bisi'k ur'a te mantau neh re'nah. Tul'o em neh enta pejalai ngau te damai bia'r neh tau'k pulai nguso aku. Aku nungu'kneh besamo tamai balo menyanak ditu'k. 12Pitu'k, tenta menyanak kito Apolos, aku sangat nyuru'h neh nguso kita'k besamo balo menyanak te lain, tapi neh samo sekali'k ndo ko'k datai pitu'k. Anti'k bisi'k watu neh ko'k datai.13Beati- ati, bedir'i teguh enta iman. Bepempulah upo balo laki tamai jadi kuat em.14 Bia'r semuo te kita'k ker'jo, dipulah ngau kasi'h.15Aku nesa'k ke kita'k balo menyanak, (kita'k ketau'k kalau semuo isi'k ru'mah Stefanus yo'k balo buah petamo di Akhaya, tamai sido'k dah ngabdi ke diri'k sido'k ngau balo ur'a kudus ngelayan),16 bia'r kita'k takut go'k tera'dap balo ur'a upo tu'k tamai tera'dap tiap ur'a te beker'jo besamo dah yo'k tamai te bejeri'h leti'h.17Aku gag'o ker'no Stefanus datai, Fortunatus, tamai Akhaikus ker'no sido'k dah ngenap apo te kur'a dar'i kita'k. 18Sebab, sido'k te nyega'r roh aku tamai roh kita'k. Uli'h ker'no yo'k, dire'g'o em balo ur'a upo yo'k.19Balo jemaat di Asia nyampai ke salam ngau kita'k. Akwila tamai Priskila nyampai ke salam angat enta Tuhan nguso kita'k, besamo tamai jemaat diru'mah sido'k. 20Semuo menyanak ditu'k ngiri'm ke salam ngau kita'k. Ucap ke salam siku'k tamai te lain ngau cium kudus.21Aku, Paulus, nulis salam tu'k ngau jar'i aku kediri'k. 22Anti'k ado ur'a te ndo kasi'h ke Tuhan, tekuto'k em neh. Oh Tuhan datai em! 23Anugra'h Tuhan Yesus nyer'to kita'k. 24Kasi'h aku nyer'to kita'k semua enta Yesus Kristus. Amin.

2 Corinthians

Chapter 1

1Paulus, seur'a rasul te ado di Akhaya. 2Anugra'h ke aku dah yo'k damai sejahtr'a dar'i Allah Apai kito tamai Tuhan Yesus Kristus.3Diber'ka't em Allah tamai Apai Tuhan kito, Yesus Kristus, Apai te penuh ngau belas kasi'h tamai Allah segalo pengibu'r, 4te ngibu'r kami enta segalo deri'to kami sampai kami tau'k go'k ngibu'r ke sido'k te berado enta bemacam te dideri'to ngau ngibu'r, te kami kediri'k diibu'r uli'h Allah.5Sebab, samo upo balo penderi'to Kristus belimpah enta kami, upo yo'k go'k kami buli'h pengibu'r melimpah ngelalu Kristus. 6Anti'k kami menderi'to yo'k jadi pengibu'r tamai keselamat kita'k, utan yo'k adolah ngau ngibu'r kita'k te beker'jo enta ketabah ngau balo penderi'to samongau te kami aso. 7Pengara'p kami ngau kita'k to;k teguh ker'no kami ketau'k upo ni kita'k ngami'k bagian enta balo penderi'to kami, tamai kami ngami'k go'k bagian enta pengibu'r kami.8Balo menyanak, kami ndo mau'k kita'k ndo ketau'k tenta penderi'to te kami alam di Asia. Beban kami lebi'h dar'i kekuat kami sampai kami putus aso ngau tetap idup.9 Bahkan, kami upo mpu'k ukuman mati enta diri'k kami,bia'r kami ndo yakin ngau diri'k kediri'k kami, tapi nguso Allah te dah ngemangkit ke ur'a mati. 10Neh dah ngelepas kami dar'i mati te nyuru'h takut yo'k tamai ko'k ngelepas ke kami agi'k. Nguso Neh, kami beara'p kalau Neh ko'k nyelamat kami agi'k.11kita'k aru's nulo kami ngelalu balo doa sampai bangat te ko'k besyuku'r ngau kami ker'no kasi'h karu'nio te diberi'k nguso kami ngelalu balo doa ur'a bangat.12Tu'k em te dibango kami, yo'k te disaksi ulh ati nura'ni kami kalau kami idup didunio tu'k, teru'tamo tera'dap kita'k, ngau te tulus tamai te mur'ni dar'i Allah, ndo enta hikmat dunio, tapi enta anugra'h Allah. 13Sebab, kami ndo nulis balo pekar'o lain nguso kita'k selain te tau'k kita'k baco tamai dinger'ti. Aku beara'p kita'k ko'k nger'ti semuoneh, 14upo go'k kita'k dah maha'm sebagian tenta kami, yo'k em kalau kami adolah te dibango kita'k, macam yo'k go'k kita'k adolah te dibango kami, pado ar'i Tuhan Yesus.15Enta keyakin tu'k, aku bemasud ngau lebi'h dulu datai ke kita'k bia'r kita'k tau'k buli'h anugra'h keduo kali'kneh. 16Aku ko'k nguso kita'k enta pejalai aku ke Makedonia,17Uli'h nyo'k, apokah ngau te ra'gu aku ngeren'cano hal tu'k? Atau, apokah te aku ren'cano, aku ngeren'canoneh ngau car'o duniowi bia'r bagi aku secar'o besamo "auk, auk" tamai "ndo, ndo"? 18Samo upo Allah adolah setia, pemadah kami nguso kita'k ndolah "auk" tamai "ndo".19Sebab, ana'k Allah, Yesus Kristus, te dibri'to kita'k uli'h kami, yo'k em aku, Silas, tamai Tiotius, ndokah "auk" tamai "ndo", tapi "auk" di enta Neh. 20Sebab, semuo ja'nyi Allah adolah "auk" di enta Kristus. Yo'k sebabneh, ngelalu Neh, kami ngucap "Amin" ngau ngemulio ke Allah.21Tamai, Allah te neguh kami besamo ngau kita'k di enta Kristus, tamai te dah menguarapi kito, 22te dah ngemetra'i kito go'k tamai meri'k Roh Neh enta ati kito ngau jaminan.23Tapi, aku ngumai Allah ngau saksi bagi jiwo aku kalau ngau nahan diri'k ke kita'k aku pan datai agi'k kr Korin'tus. 24Ndo ker'no ko'k merin'tah ke iman kita'k, tapi kami te ker'jo besamo ngau gag'o ker'no enta iman kita'k, kita'k bediri'k teguh.
Chapter 2

1Jadi, aku dah mutus kediri'k aku kalau aku ndo ko'k datai lagi'k nguso kita'k enta te ndo gag'o. 2Anti'k, aku mulah kita'k ndo gag'o, sapo te mulah kita'k gag'o, selain neh te dah aku pulah ndo gag'o?3Aku nulis, upo te aku pulah, bia'r anti'k aku datai, aku ndo buli'h kesedi'h dar'i sido'k te searu'sneh nyuru'h aku gag'o,ker'no, aku ngeraso pecayo'k ngau kita'k semuo kalau ke gag'o aku jadi te digag'o kita'k semuo.4 Dar'i bangatneh pemede'h tamai pemede'h ati, aku nulis ke kita'k ngau aik mato beterutu'k, ndo ngau mulah te ndo gag'o, tapi bia'r kita'k tau'k ketau'k kasi'h te aku mpu'k,khususneh tera'dap aku.5Tapi, anti'k ado te nyuru'h ri'du, neh ndo nyuru'h ri'du ke aku, tapi enta batas tetentu -- bia'r aku ndo ngelebi'h -- ngau kita'k semuo.6 Bagi ur'a te upo yo'k, pemadah dar'i kita'k cukup ngau neh. 7Ker'no yo'k, sebale'k neh kita'k, lebi'h bae'k ngampun tamai ngibu'r neh bia'r ur'a te upo yo'k ndo belalu enta kesede'h te belebi'h.8Jadi, nyuru'h kita'k negas ke kasi'h aku nguso neh. 9Sebab, ngau tu'k go'k aku nulis ke kita'k, bia'r aku tau'k ngetau'k buktineh, apokah kita'k taat enta segalo sesuatu.10Seseur'a te kita'k ampun, aku ngampun neh go'k. Kebo'k, apo te dah aku ampun, anti'k bisi'k te aku ampun, aku mulah nyo'k demi kita'k di muo Kristus.11 Udah yo'k, Iblis ndo disuru'h unt'o dar'i kito ker'no kito ketau'k balo masudneh.12Watu aku datai di Troas Kristus tamai watu lawa tebuko'k ngau aku enta Tuhan, 13pan bisi'k tetenang ngau roh aku ker'no ndo betemu Titus, menyanak aku. Jadi, aku bepamit ke sido'k dah yo'k angkat ke makedonia.14Namun syuku'r nguso Allah, te selalu mimpin kami kemenang enta Kristus tamai nyato te aru'm ko'k ketau'k ke Neh ditiap penugau ngelalu kami. 15Sebab, kami adolah bau aru'm Kristus bagi Allah diantar'o sido'k te diselamat tamai diantar'o sido;k te agi'k binaso.16Ngau te suti'k, kami bau mati ngau te mati, tamai ngau te lain, bau idup ngau te idup. Tapi, sapokah te sangup ngau balo hal tu'k? 17Sebab, kami ndo upo bangat ur'a lain, te nyual firman Allah. Sebale'kneh, enta Kristus kami ngumong di muo Allah ngau ketulus, macam balo te diutus Allah.
Chapter 3

1Apokah kami lagi'k muji diri'k? Atau, upo bebra'po ur'a, apokah kami per'lu dipuji ngau sura't ke aku atau dar'i kita'k? 2Kita'k yo'k em sura't kami, te ditulis enta ati kami, te diketau'k, tamai dibaco uli'h semuo ur'a. 3Kita'k nunyu'k kalau kita'k yo'k sura't Kristus te dilayan uli'h kami, te ditulis ndo ngau tinta, tapi ngau Roh Allah te idup, ndo didara't balo loh batu, tapi di balo loh ati mensio.4kepecayo'k upo tu'k te kami mpu'k tera'dap Allah ngelalu Kristus. 5Ndo bere'ti kami, ngau diri'k kami kediri'k, mampu ngangap bera'sal dar'i diri'k kami, tapi kemampu kami yo'k bera'sal dar'i Allah,6 te dah nyuru'h kami mampu jadi balo pelayan pejanyian bar'u,, tapi dar'i Roh. Sebab uru'f yo'k nyuru'h mati, tapi Roh nyuru'h idup.7Tapi, anti'k pelayanan ngemai ke te mati, te ngau balo uru'f te ditulis enta loh batu yo'k datai ngau kemuliaan, sampai bangso Israel ndo tau'k mantau muo Musa ker'no kemuliaan yo'k, padahal watu yo'k kemuliaan neh dah puda'r, 8ndokah pelayanan Roh mpu'k kemuliaan te lebi'h besai lagi'k?9Sebab, anti'k pelayanan te ngemai uku'm mpu'k kemuliaan, lebi'h lagi'k pelayanan te bena'r yo'k melimpah enta kemuliaan. 10Sebena'rneh, apo te subo'k diangap mulia, enta hal tu'k ndo lagi'k dimulia ker'no kemuliaan te melimpah yo'k. 11Ker'no, anti'k te puda'r yo'k datai ngau kemuliaan, lebi'h lagi'k te kekal yo'k enta kemuliaan.12Ker'no mpu'k pengara'p te upo tu'k, kami ngau kebra'ni te besai, 13tamai ndo upo Musa, te naru'h selub'o di muo neh bia'r balo ana'k Israel ndo tau'k mantau pengabis dar'i apo te puda'r yo'k.14Tapi, pemiki'r sido'k disuru'h kera's. Sampai ar'i tu'k, enta pemaco pejanyian lamah, selub'o te samo tetap ndo diangkat cumo di enta Kristus selub'o yo'k tau'k diangkat. 15Bahkan sampai ar'i tu'k, watu kitab Musa dibaco, suti'k selub'o nutup ke ati sido'k. 16Tapi, watu seseur'a bebale'k nguso Tuhan, selub'o yo'k diangkat.17Tuhan yo'k Roh tamai di ar'o Roh Tuhan datai, din bisi'k kemer'dekaan. 18Dah yo'k, kito semuo, te ngau muo ndo diselub'o encer'min kemuliaan Tuhan, lagi'k diru'bah ngau gama'r te samo dar'i kemuliaan nguso kemuliaan, samo upo Tuhan, yo'k adolah Roh.
Chapter 4

1Uli'h ker'no yo'k, semenja'k kami buli'h pelayanan tu'k, kami neri'mo'k belas kasi'h Allah, kami ndo bere'nyai ati. 2Tapi, kami nula'k balo hal te nyuru'h malu, ndo bejalai enta te licik, atau malsu ke firman Tuhan, tapi ngau penyato te bena'r, kami ngenuju'k ke diri'k kami nguso ati nura'ni tiap ur'a di adap Allah.3Bahkan, anti'k Injil kami agi'k tetutup go'k, Injil yo'k tetutup ngau sido'k, te ko'k binaso, te diantar'oneh, ilah dunio 4tu'k dah ngemut'ok ke pemiki'r sido'k te ndo pecayo'k sampi sido'k ndo tau'k mantau ter'a kemuliaan Injil Kristus, te yo'k adolah gama'r Allah.5Kebo'k, kami ndo meri'to ke tenta kami kediri'k, tapi Kristus Yesus jadi Tuhan tamai kami kediri'k jadi balo pelayan kita'k ker'no Yesus. 6Ker'no Allah, te befirman," Bia'r em ter'a becahayo dar'i te keleman," dah becahayo enta ati kiton ngau mer'ik ter'a pengetau'k tenta kemuliaan Allah te bisi'k enta muo Kristus Yesus.7Tapi, kekayo tu'k kami mpu'k enta bejano tanah liat bia'r kelimpah kuaso yo'k bera'sal dar'i Allah ndo dar'i kami kediri'k. 8Kami ditinas dar'i segalo sinto'k, tapi ndo tejepit, kami bingung, tapi ndo putus aso. 9Kami dianiayo tapi kami ndo di tula'k, kami dibuai tapi kami ndo dibinaso. 10Kami selara't ngemai kemati Yesus enta tubuh kami bia'r ke idup Yesus go'k dinyato enta tubuh kami.11Ker'no kami, te idup tu'k, selalu disera'h ke te mati ker'no Yesus bia'r ke idup Yesus go'k dinyato enta tubuh kami te fana tu'k. 12Piyo'k em kemati beker'jo di enta kami, tapi te idup beker'jo di dalam.13Tapi yo'k, ngau mpu'k roh iman te samo, te dah ditulis," Aku pecayo'k, ker'no yo'k aku ngumong," kami pecayo'k go'k kebo'k yo'k kami ngumong. 14Ker'no kami ketau'k kalau Neh, te dah ngemangkit ke Tuhan Yesus, te ko'k ngemangkit ke kami go'k besamo - samo ngau Yesus tamai ko'k ngemai kami besamo kita'k di adap Neh. 15Sebab, semuo hal tu'k tejadi ngau keper'lu kita'k bia'r anugra'h, te makin dijangkau bangat ur'a, tau'k ngucap syuku'r ngau kemuliaan Allah.16Yo'k sebabneh, kami ndo suah bere'nyai ati. Walau keadaan tubuh lahir'iah kami makin meru'sot, tapi batin secar'o mensio selalu dipebar'u tiap ar'i. 17Sebab, penderi'to te pitu'k nger'jo ke kami suti'k kelimpahan kekal kemuliaan te lebi'h dar'i degalo - galoneh. 18Kami ndo mantau balo hal te tepantau, tapi balo hal te ndo tepantau. Ker,no, balo hal te tepantau cumo sementar'o tapi balo hal te ndo tepantau yo'k kekal.
Chapter 5

1Ker'no kami ketau'k anti'k kemah, te ngau kito nugau dibumi tu'k dibungka'r, kito ndo mpu'k suti'k bangunan dar'i Allah, suti'k ru'mah te ndo dipulah ngau jar'i, te kekal di sur'go. 2Selamo kito ado enta kemah tu'k, kito ngeluh ker'no ri'nu nguno ke penugau sur'gowi kito. 3Sebab, anti'k kito nguno ke neh, kito ndo ditemu telanya.4selamo kito nugau enta kemah tu'k, kito ngeluh tamai te beban ker'no kito ndo ko'k telanya tapi ko'k bepakaian bia'r te fana yo'k di telan uli'h te idup. 5Pitu'k, Neh te nyiap ke kito ngau tujuan tu'k adolah Allah, te meri'k Roh nguso kito ngau jaminan.6Kebo'k yo'k, kita'k aru's tabah tamai sada'r anti'k kami bisi'k diru'mah enta tubuh tu'k, kami bera'do dilua'r Tuhan. 7Ker'no kami idup uli'h iman, bukan uli'h pemantau. 8Ker'no yo'k kami tabah tamai lebi'h ko'k nugau besamo Tuhan.9Kebo'k yo'k, kami beru'saho bia'r kami bekenan nguso Neh, kami ndo ketau'k nugau diru'mah tu'k atau dilua'r. 10Ker'no, kito semuo aru's ngadap bangku pengadilan Kristus bia'r tiap ur'a tau'k neri'mo'k lagi'k balo hal te dipulah enta tubuhneh, samo ngau apo te dah dipulahneh, entah yo'k bae'k atau te ja'i11Ker'no kami ketau'k re'tineh takut ke Tuhan, kami ko'k ngeyakin ke ur'a lain. Tapi, udah nyato ke Allah tamai aku beara'p nyato go'k ngau ati nura'ni kita'k. 12Kami ndo ko'k lagi'k muji diri'k ke kita'k, tapi kami meri'k kita'k kesempatan ngau bango tera'dap kami. Ngau piyo'k, kita'k mpu'k jawaban ngau sido'k te bango ke balo hal lahiriah tamai ndo isi'k te dalam ati.13Anti'k kami ndo jadi diri'k kami, yo'k ngau keper'lu kita'k. 14Ker'no kasi'h Kristus nguaso kami watu kami nganga'p anti'k seur'a mati ngau semuo, jadi sido'k semuoneh mati. 15Neh mati ngau semuo bia'r sido'k te idup ndo agi'k idup ngau diri'k sido'k kediri'k, tapi ngau Neh, te dah mati tamai dah dibangkit ngau sido'k.16Kebo'k yo'k, pitu'k kami ndo ngelalo seur'a pun nuru't lahiriahneh. Walaupun kami suah ngelalo Kristus secar'o lahiriah, tapi pitu'k kami ndo lagi'k nilai Neh upo yo'k. 17Jadi, sapo te ado enta Kristus, neh adolah ciptaan bar'u. Balo hal te lamah dah belalu, balo hal te bar'u dah datai.18Semuo hal tu'k dar'i Allah, te nyuru'h kito damai ngau Neh ngelalu Kristus tamai meri'k kito pelayanan pendamai yo'k, 19yo'k te enta Kristus Allah ngenamai dunio ngau diri'k Neh kediri'k, ngau ndo mempri'to balo penyalah sido'k tamai beri'to ngenamai yo'k dah dipecayo'k ke kito.20Jadi, kami adolah utusan Kristus. Allah nunyu'k pengumai Neh ngelalu kami. kami ngumong ke kita'k ngau Kristus, kita'k aru's meri'k diri'k ngau bedamai tamai Allah. 21Neh te ndo kenal duso dah dipulah Neh jadi duso bia'r kito dibena'r Allah enta Neh.
Chapter 6

1Tamai,beker'jo samo ngau Neh, kami madah kita'k go'k bia'r ndo neri'mao'k anugra'h Allah ngau pecumo.2 ker,no, Neh befirman: "Pado watu aku bekenan, aku ningo kita'k, tamai pado ar'i keselamatan, aku nul'o kita'k." Pantau em, pitu'k adolah ar'i keselamtan yo'k. 3Kami ndo meri'k sandungan nguso sapo pun bia'r pelayanan kami ndo dicela.4Sebale'kneh enta segalo car'o kami madah ke diri'k sebagai balo pelayan Allah, tabah enta semuo deri'to, kesesa'k, te ma'r,5 dipelasah, dipenyar'o, keru'suh,jeri'h payah, ndo tidu'r, lapa'r, 6enta kemur'nian ati, pengetau'k, saba'r, mura'h ati, Roh kudus, kase'h te tulus, 7pemadah te bena'r, kuaso Allah, senapa te bena'r dijar'i kanan tamai kibo'k,8Kemuliaan tamai dihina, ditapo'k tamai dipuji, diangap balo penipu padahal kami bena'r. 9Kami upo ndo dikelalo, tapi kami tekelalo; upo ampi'r mati, tapi pantau, kami idup; upo ur'a te dihantam, tapi ndo te bunuh; 10upo ndo gag'o, tapi gag'o tru's, kami miskin, tapi nyuru'h ur'a lain kayo, ndo mpu'k apo-apo, tapi mpu'k segalo utan.11Kami dah muko'k mulut kami ke kita'k, hai ur'a Korin'tus, ati kami tebuko'k besai. 12Kita'k ndo dibatas uli'h kami, tapi kita'k dibatas uli'h ati diri'k kita'k. 13Pitu'k dibalas ngau te samo -- aku ngumong upo ngau balo ana'k aku -- buko'k em ati kita'k besai-besai.14Nang jadi pasangan te ndo seimba ngau balo ur'a te ndo pecayo'k. Sebab, tesamo apokah te bisi'k antar'o te bena'r tamai ndo bena'r? Atau, te samo apokah te biai'k antar'o ter'a tamai keleman? 15Kesepakatan apokah te mpu'k Kristus ngau Belial? Atau, bagian apokah te bisi'k antar'o ur'a pecayo'k ngau te ndo pecayo'k? 16Tamai, kesepakatan te biasi'k antar'o Bait Allah ngau balo behalo? Sebab, kito adolah Bait Allah te idup, upo firman Allah," Aku ko'k nugau didalam kita'k tamai bejalai diantar'o sido'k, tamai Aku ko'k jadi Allah sido'k, dah yo'k sido'k ko'k jadi umat Aku."17" Ker'no yo'k, kelua'r em kita'k dar'i tengah sido'k, tamai bepera'ro'k," jiku'k Tuhan. " Tamai, nang megai apo te najis, mako Aku ko'k neri'mok kita'k." " 18Tamai, Aku ko'k jadi Apai kita'k, dah yo'k kita'k jadi balo ana'k Aku te laki tamai balo ana'k Aku te betino'k," Piyo'k em firman Tuhan, Te Mahakuaso.
Chapter 7

1Ker'no kito mpu'k balo janyi tu'k, hai te dikasi'h, bo'h kito mere'sih kedir'k kito dar'i dar'i semuo te ke cema'r tubuh tamai roh sami'l nyempur'na kekudusan enta te takut ke Allah2Beri'k em ati kita'k ngau kami nugau. Kami ndo salah ke sapo pun, tamai ndo ngami'k unto dar'i sapo pun. 3Aku ndo madah tu'k ngau nyalah ke kita'k, ker'no se apan yo'k, aku dah madah ke kita'k kalau kita'k bisi'k enta ati kami, ngau ati besamo tamai idup besamo. 4Kepecayo'k aku ngau kita'k besai, kebango aku besai ke kita'k, aku dipenuh ngau pengibu'r enta te disusah kami.5Bahkan, watu kami datai di Makedonia, kami ndo tenang, tapi te siso dar'i segalo sisi, yo'k te bekelai dar'i lua'r tamai enta ditakut. 6Tapi Allah, te ngibu'r ur'a te putus aso, ngibu'r kami ngau pematai Titus. 7Ndo ngau penatai neh geno, tapi kedo'k ker'no pengibu'r te mulah neh gago dienta kita'k, upo te neh ceri'to nguso kami tenta ri'nu kita'k, duko cito kita'k, te bena'r ngau aku sampai aku makin gago.8Jadi, anti'k aku dah nyuru'h kita'k ri'du ker'no sura't aku yo'k, aku ndo nyesal. Walau aku suah nyesal, yo'k ker'no aku mantau kalau sura't yo'k nyedi'h ke ati kita'k walau cumo sekejap. 9Pitu'k aku gago, ndo ker'no kita' sedi'h, tapi ker'no kita'k sedi'h ngau betubat, kita'k besedi'h sesuai ngau te diko'k Allah bia'r kita'k ndo diru'gi enta hal apopun uli'h kami. 10Sebab, sedi'h te sesuai ngau te diko'k Allah ngasi'k ke petubatan te ndo disesal tamai nuju keselamatan, tapi, kesedihan duniowi ngasi'l ke te mati.11Kebo'k, pera'ti em bangat ke sedi'h te sesuai ngau ke diko'k Allah yo'k nger'jo ke kita'k besai te bena'r, bukti kalau kita'k ndo besalah, ringat, takut, ri'nu, semangat, tamai, te dibalas. Dienta segalo hal, kita'k dah ngebukti kalau kita'k ndo salah enta hal tu'k. 12Walau aku nulis sura't nguso kita'k, hal yo'k ndo ngau kepenting ur'a te mulah salah tamai ndo go'k ngau ke penting ur'a te disalah, tapi bia'r kebena'r kita'k tera'dap kami dinyato kita'k diadap Allah.13Yo'k kebo'kneh kami gago. Disamping te digago kami yo'k, kami lebi'h besukacita agi'k ke Titus ker'no rohneh dah disega'r uli'h kita'k semuo. 14Anti'k aku suah ngebango ke kita'k nguso Titus, aku ndo dipemalu. Tapi, macam ni kami madah segalo utan ngau kita'k enta te bena'r, piyo'k go'k te dibango kami diadap Titus yo'k bena'r.15Tamai, kasih sayangneh tera'dap kita'k betamah besai, apobilo neh ingat ketaat kita'k semuo, macam ni kita'k nyamu't kedataineh ngau takut tamai genta'r. 16Aku gago ker'no enta segalo hal aku mpu'k keyakin dienta kita'k.
Chapter 8

1Pitu'k, balo menyanak, kami ko'k kita'k ketau'k tenta anugra'h Allah te udah meri'k nguso balo jemaat di Makedonia, 2kalau enta bangatneh ujian deri'to, kelimpahan sukocito tamai besaineh kemiskinan sido'k udah bekelimpah enta kekayo ketulus ati sido'k.3Aku besaksi kalau sido'k meri'k sesuai kemampu sido'k, sampai lebi'h dar'i kemampuneh ngau keri'lo sido'k kediri'k. 4Sido'k muhon sangat ngau kami ke anugra'h bia'r tamai ngami'k bagian enta pelayanan balo ur'a kudus. 5Tu'k em te sido'k pulah, ndo upo te kami ara'p, petamo-tamo, sido'k meri'k ke diri'k sido'k nguso Allah, udah yo'k nguso kami ngau te diko'k Allah.6Jadi, kami ngenesak Titus, macam ni neh udah ngenulu, upo yo'k go'k neh ngelesai peker'jo anugra'h tu'k diantar'o kita'k. 7Tapi, samo upo kita'k bekelimpah enta segalo utan, enta iman, pemadah, pengetau'k, segalo usaha, tamai enta kasi'h kita'k ke kami, aru'sneh kita'k bekelimpah go'k enta anugra'h tu'k.8Aku ndo madah tu'k ngau peri'ntah, tapi ngau nguji kebena'r ur'a lain tenta keiklas kasi'h kita'k. 9Kebo'k, kita'k ketau'k anugra'h Tuhan kito Yesus Kristus, meski Neh kayo, Neh re'lo jadi miskin demi kita'k bia'r ngelalu kemiskin Neh, kita'k jadi kayo.10Enta utan tu'k aku meri'k penapat, utan tu'k ngau keunto kita'k, te watu taun subo'k, kita'k ndo cumo ngelakuneh, tapi mau'k go'k mulahneh. 11Jadi pitu'k, selesai ke em peker'jo yo'k sesuai ngau kere'la kita'k nyelesai apo te bisi'k enta kita'k. 12Ker'no anti'k ko'k meri'k, pemeri'k yo'k ko'k diteri'mo'k, sesuai ngau te dimpu'k seseur'a, bukan bedasa'r ke apo te ndo dimpu'kneh.13Hal tu'k ndo ngau ngeringan ur'a lain tamai ngebeban kita'k, tapi bia'r ado kesamo. 14Bia'r kelebi'h kita'k pitu'k nyukup ke te kur'a sido'k dah yo'k kelebi'h sido'k nyukup ke te kur'a kita'k. Ngau piyo'k bisi'k kesamo. 15Upo te ditulis enta Kitab Suci," Ur'a te ngumpul bangat ndo bekelebi'h tamai ur'a te ngumpul siki't ndo bekekur'a."16Tapi, stuku'r ngau Allah naru'h enta ati Titus kebena'r samo ngau te aku mpu'k. 17Kebo'k Neh ndo cumo neri'mo'k penganyu'r kami, tapi ngau kebena'rneh te besai, neh datai ke kita'k yo'k kemau'kneh kediri'k.18Besamo Titus, kami ngutus menyanak te dipuji-puji diantar'o semuo jemaat enta hal pembri'to Injil. 19Ndo yo'k geno, neh ditunyo'k go'k uli'h balo jemaat ngau angkat besamo kami enta pelyan anugra'h tu'k, ye kami pulh ngau ngemai kemuliaan ngau Tuhan tamai ngau nunyo'k pengiklas kami.20Kami beati-ati bia'r ndo si'k ur'a te ko'k ncela kami enta utan pemeri'k besai te diatu'r uli'h kami. 21Kami beru'saha mulah apo te bena'r, ndo cumo enta pemantau Tuhan, tapi ena te dipantau mensio go'k.22Besamo sido'k, kami ngutus menyanak kami te ra'jin kami uji tamai tebukti ra'jin enta bangat hal, lebi'h lagi'k pitu'k neh makin ra'jin ker'no mpu'k keyakin te besai ke aku. 23Pitu'k tenta Titus, neh adolah tepa tamai kawan ker'jo aku te beguno ngau aku. Tenta balo menyanak kito te lain, sido'k utusan balo jemaat, yo'k kemuliaan ngau Kristus. 24Jadi tunyu'k em ke sido'k, dimuo balo jemaat, tunyu'k em kasi'h kita'k tamai ke dibango kami ngau kita'k.
Chapter 9

1Nuru't aku, yo'k belebi'h ngau nulis ke kita'k tenta pelayanan nguso balo ur'a kudus tu'k. 2Ker'no aku ketau'k kere'la kita'k, te aku bango tanta kita'k ngau balo ur'a Makedonia, kalau Akhaya dah siap dar'i taun in tamai semangat yo'k te dah ngera'k sebagian besai dar'i sido'k.3Kebo'k, aku ngutus balo menyanak tu'k bia'r et dibango kami tenta kita'k ndo jadi pecumo enta hal tu'k. Ngau piyo'k, kita' siap sedio upo te dah aku padah. 4Sebab, watu bebra'po ur'a Makedonia datai besamo aku sido'k nemu kita'k pan siap, kami (ndo per'lu madah kita'k) ko'k dipemalu ker'no keyakinan tu'k. 5Kebo'k yo'k, aku bepiki'r per'lu ngenesak balo menyanak tu'k ankat dulu nguso kita'k tamai nyiap pemeri'k te dah kita'k janyi seapan neh. Ngau piyo'k, pemeri'k yo'k siap ngau jadi pemeri'k sukare'la, tamai ndo ker'no dipaksa.6Aku madah hal tu'k: sapo te ngemenih sikit ko'k ngasi'l te sikit go'k, tamai te ngemenih bangat pasti ngasi'l te bangat go'k. 7Tiap ur'a aru's meri'k upo te dah diputus enta ati neh, bukan ngau ndo gago atau dipaksa ker'no Allah ngasi'h ke ur'a te meri'k ngau sukacita.8Allah sangup ngelimpah ke semuo anugra'h nguso kita'k bia'r kita'k selara't mpu'k kecukup enta segalo utan tamai bekelimpah enta setiap ker'jo te bae'k. 9Upo te ditulis: " Dah dibagi-bagi Neh, Neh dah meri'k nguso ur'a miskin, kebena'r Neh tetap ngau selamonya,"10Pitu'k, Neh te nyedio benih nguso pengemenih tamai ru'te ngau pemakai, nyedio tamai ngelipatgano benih kita'k ngau dikemenih tamai nyuru'h bangat balo asil kebena'r kita'k. 11kita'k ko'k dipekayo enta segalo hal ker'no ngau semuo kemura'h ati kita'k, te ngelalu kami ngelua'r pemadah syuku'r nguso Allah.12Ker'no penulo pelayanan tu'k ndo cumo ngenyukup balo te diper'lu ur'a-ur'a kudus, tapi ngelimpah ucapan syuku'r go'k nguso Allah ngelalu ur'a bangat. 13Ngelalu bukti pelayanan tu'k, sido'k ko'k memuliakan Tuhan ker'no kita'k taat ngau ngaku'k ke Injil Kristus, tamai ngau semuo kemura'h ati kita'k ko'k bebagi nguso sido'k tamai semuo ur'a.14 Tamai, enta balo doa sido'k ngau aku, sido'k ngeri'nu kita'k ker'no kasi'h karunia Allah te melimpah ke kita'k. 15Syuku'r ke Allah ker'no pemeri'k Neh te ndo sangup ngau dipadah!
Chapter 10

1Aku, Paulus, diri'k aku kediri'k muhon ke kita'k ngau kelemut tamai kemura'han Kristus -- aku, te ndo bra'ni bera'dap muo tamai kita'k, tapi bra'ni anti'k jauh dar'i kita'k! 2Aku muhon ke kita'k bia'r anti'k aku datai, aku ndo per'lu jadi bra'ni ngau keyakin ke neh aku bepri'tu ngau bra'ni ngelawn bebera'po ur'a te ngangap kami idup secar'o dagi'n.3Bena'r, kami lagi'k idup enta kedagi'nan, tapi kami ndo bejua secar'o dagi'n.4 ker'no senapa per'a kami bukan dar'i dagi'n, tapi dar'i kekuat ilahi ngau ngancu'r balo benteng.5Kami matah ke balo pemiki'r tamai setiap hal tingik te dipulah uli'h keangku'h mensio ngau ko'k nentang pengenalan ke Allah. Kami ngelawan segalo pemiki'r tamai nalu'k ke neh nguso Kristus, 6kami siap ngukum semuo te ndo taat watu ket taat kita'k disempurnakan.7Pantau em nguso apo te ado didepan kita'k. Kalau ado ur'a te ngeyakin kediri'k kalau nek mpu'k Kristus, bia'r em neh miki'r agi'k hal yo'k, uponi neh mpu'k Kristus, kami pun piyo'k. 8Bahkan, kalaupun aku belebi'h ngemango otoritas, te Allah beri'k ke kami ngau ngangkay kita'k tamai ndo ngau ngancu'r kita'k, aku ndo malu.9Aku ndo ko'k dipantau macam aku ko'k nakut kita'k ngau balo sura't aku. 10Ker'no sido'k madah,"Balo sura'tneh memang tegas tamai kera's, tapi secar'o penatai tubuh, neh leti'h tamai pemadahneh ndo bena'r."11Bia'r em ur'a te upo yo'k miki'r ke hal tu'k, apo te kami padah ngau sura't watu kami ndo tamai kita'k, samo upo pempulah kami watu kami tamai kita'k. 12Kebo'k kami ndo bra'ni bekelumpo'k atau ngemani'n diri'k kami ngau bebera'po ur'a te muji-muji diri'kneh kediri'k. Ker'no watu sido'k nguku'r tamai ngemani'n diri'kneh ngau sido'k kediri'k, sido'k yo'k ndo maham ke neh.13Tapi kami ndo ko'k, bebango ke hal te ngelampau batas kami, tapi nuru't ketetapan te dah Allah beri'k ke kami, yo'k em batasan ngau nyangkau sampai ke kita'k go'k. 14Kebo'k, kami ndo ngelampau batas kami, upo macam kami ndo nyangkau sampai nguso kita'k. Kami em te petamo sampai nguso kita'k ngau Injil Kristus.15Kami ndo go'k bebango ngelampau batas kami ngau bebango ke jeri'h lelah ur'a lain, tapi ngau bearap macam ni iman kita'k betumuh, wilayah peker'jo kami diantar'o kita'k ko'k makin dipebesai agi'k, 16bia'r kami tau'kmembri'to Injil ke balo wilayah dilua'r kita'k, tamai ndo bebango ngau apo te dah selesai di wilayah peker'jo ur'a lain.17"Sapo te ko'k bebango, bia'r em neh bebango enta Tuhan." 18Sebab, bukan ur'a te muji diri'k neh kediri'k te tebukti tan uji, tapi ur'a te Tuhan puji.
Chapter 11

1Aku beara'p, kita'k saba'r ke aku enta sikit kebudu aku, memang kita'k saba'r ke aku. 2Sebab,aku meraso cemmur'u ke kita'k ngau kecemur'u an ker'no dah aku nunang ke kita'k ngau siku'k laki, yo'k persembahan kita'k jadi pera'wan suci nguso Kristus.3Tapi, aku takut, nang-nang, samo upo ula'r te ngau kelici'kneh nipu Hawa, pito'k go'k pemiki'r kita'k ko'k disesat dar'i ketulus tamai kemur'ni te ngabdi enta Kristus. 4Kebo'k, kita'k saba'r ja'k watu seseur'a datai tamai meri'to tenta Yesus te lain, te bedo ngau te kami bri'to, atau watu kita'k neri'mo'k roh te bebedo, te pan suah kita'k teri'mo'k, atau Injil lain te pan suah kita'k tri'mo'k.5Nuru't aku, aku ndolah kura' dar'i balo rasul lua'r biaso yo'k. 6Walaupun aku ndo panai enta hal pemadah, tapi ndo piyo'k enta hal pengetau'k, ker'no ngau macam car'o, kami dah nunyu'kneh ngau kita'k enta segalo hal.7Atau, apokah aku myulah dosa watu ngere'nah kediri'k aku kediri'k bia'r aku tau'k ditingi'k ker'no aku memri'tok Injil Allah ke kita'k ngau cumo-cumo? 8Aku ngera'mpuk balo jemaat lain ngau neri'mo'k upah dar'i sido'k ngau ngelayan kita'k. 9Watu aku besamo kita'k tamai melara't, aku ndo ngebeban seur'a pun ker'no balo menyanak te datai dar'i Makedonia menuh keper'lu aku, aku nyago diri'k aku bia'r ndo jadi beban ngau kita'k tamai aku mau'k mulah yo'k tru's.10Macam ni kebena'r Kristus enta aku, kebango aku tu'k ndo ko'k dihala enta balo Wilayah Akhaya. 11Ngapo? Apokah ker'no aku ndo ngasi'h kita'k? Allah te ngetau'kneh!12Tapi, ko'k tru's mulah apo te aku pulah samp[ai aku tau'k nuko kesempatan dar'i sido'k te ingin kesempatan ngau ditemu samo upo kami enta balo hal te dibango sido'k. 13Ker'no balo ur'a upo yo'k adolah balo rasul palsu, balo peker'jo te cur'a, te nyama'r macam balo rasul Kristus.14Hal yo'k ndo ira'n ker'no Iblis pun nyama'r jadi upo malaikat ter'a. 15Ker'no yo'k, ndolah ira'n anti'k balo pelayan neh nyama'r go'k upo balo pelayan te bena'r, te kesudahan sido'k yo'k setimpal ngau pempulahneh kediri'k.16Sekali'k lagi'k aku madah, nang bisi'k siku'k pun te ngangap aku tu'k budu. Walaupun piyo'k, tri'mo'k em aku jadi ur'a te budu bia'r aku tau'k go'k sikit bebango. 17Apo te aku padah enta keyakinan ke te dibango tu'k, aku ndo madah upo te diko'k Tuhan, tapi upo enta te budu. 18Bangat ur'a te bebango secar'o dagi'n. Jadi, aku ko'k bebango go'k.19Sebab, piyo'k kita'k bijaksano sampai ngau ke senang ati kita'k saba'r tera'dap ur'a budu! 20Kita'k besaba'r, anti'k ado ur'a te memperhamba kita'k, nelan kita'k, ngami'k unto dar'i kita'k, ningi'k kediri'k, atau nampa'r muo kita'k. 21Ngau te bena'r aku aru's madah kalau kita'k telalu lemah ngau hal tu'k! Tapi, apo jak te nyuru'h ur'a lain bra'ni bebango,-- aku ngumong upo ur'a budu -- aku bra'ni go'k.22Apokah sido'k ur'a Ibrani? Aku go'k. Apokah sido'k ur'a Israel? Aku go'k. Apokah sido'k keturu'n Abraham? Aku go'k. 23Apokah sido'k ngelayan Kristus? Aku lebi'h lagi'k -- aku ngumong upo ur'a gilo. Jeri'h payah aku lebi'h bangat, lebi'h pisit enta penyar'o, balo pemelasa'h ndo mampu di it'o, tamai pisit te ampi'r ko'k mati.24Dar'i balo ur'a Yahudi, dah limo kali'k aku nerimo'k kur'a sekali'k ngau empat puluh camu'k, 25Tigo kali'k aku disipat ngau uwi, sekali'k ditikam ngau batu, tigo kali'k aku nugau kapal kara'm, sear'i semalam aku disire't geluma laut. 26Enta pejalai aku bangat te ngancam aku dar'i alu'r ai'k, dar'i pera'mpuk, dar'i balo ur'a Yahudi tamai dar'i ur'a te bukan Yahudi. Aku diancam bahayo di kuto, dibelayan belantar'o, dilaut, tamai bahayo te dar'i balo menyanak palsu.27Aku dah bejeri'h payah tamai ker'jo bera't, tetap tejago, lapa'r tamai aus, pisit ndo mpu'k pemakai, celap, tamai ndo ngau pakaian. 28Selain balo hal tu'k, ado go'k masalah sear'i-ar'ite jadi tango jawab aku ngau meliar'o ke semuo jemaat. 29Sapo te leti'h, tamai aku ndo lemah? Sapo te jatu'k, tamai aku ndo bedukacita?30Anti'k aku aru's bebango, aku ko'k bebango ngau balo hal te nunyu'k kelemah aku. 31Allah tamai Apai Tuhan Yesus, te aru's dipuji selamonya, ketau'k kalau aku ndo bulo'k.32Di Damsyik, guber'nu'r Rajo Aretas ngawas kuto Damsyik ngau ko'k nangkap aku. 33Tapi, aku dituru'n enta suti'k kera'nya dar'i suti'k jenilo ditimu'k, yo'k te nyuru'h aku lepas dar'i jar'i neh.
Chapter 12

1Aku aru's bebango walaupun yo'k ndo ngunto ke aku. Aku ko'k neru's ke balo pemantau tamai balo penyato dar'i Tuhan. 2Aku ketau'k seseur'a enta Kristus, te empat belas taun subo'k dah diba'i ke sur'go tingkat tigo--entah enta tubuhneh, aku ndo ketau'k; atau dilua'r tubuh, aku ndo ketau'k go'k, tapi Allah ketau'k.3Aku ketau'k macam ni ur'a tu'k -- entah didalam atau dilua'r tubuhneh, aku ndo ketau'k, tapi Tuhan te ketau'k -- 4neh diangkat ke Firdaus tamai mene'n balo kato te ndo teucapkan, te ndo tau'k diumong mensio. 5Ngau ur'a tu'k aku ko'k bebango, tapi ngau aku kediri'k, aku ndo ko'k bebango kecuali ngau balo tekelemah aku.6Tapi aku ndo ingin bebango, aku ndo jadi budu ker'no aku dah madah te bena'r, tapi, aku ngetan bia'r ndo bisi'k ur'a te mantau aku lebi'h dar'i te apo te sido'k pantau atau te sido'k pene'n tenta aku. 7Ngau nyago bia'r aku ndo telalu bebango ke balo penyato te lua'r biaso yo'k, bisi'k duri'k diberi'k ke enta dagi'n aku, yo'k utusan Iblis ngau nyusah ke aku bia'r ndo ningi'k kediri'k.8Tenta hal tu'k, aku muho'n nguso Tuhan sebangat tigo kali'k bia'r utan tu'k nudi ke aku. 9Tapi, Neh madah aku, "Anugra'h Aku cukup ke ikam ker'no balo kuaso Aku sempur'na dienta telemah." Sebab yo'k, aku lebi'h gago bebango ngau te kelemah aku bia'r kuaso Kristus neh dienta aku. 10Sebab nyo'k, aku ngeraso gago enta te lemah, enta siso, enta te ndo mudah, enta aniayo, tamai enta ke sulit tamai Kristus. Ker'no anti'k aku lemah, aku jadi kuat.11Aku dah jadi budu ker'no kita'k maksa aku ngau yo'k, padahal aku aru's dipuji uli'h kita'k.Sebab, aku kur'a apopun dibani'n balo rasul te lua'r biaso yo'k, walaupun aku ndo isi'k apo-apo. 12Balo tano te ngebukti ur'a rasul dah dipantau diantar'o kita'k nta segalo ketabah, enta balo tano, balo mujizat, tamai balo te ajaib. 13Sebab, enta hal apo kita'k dire'nah dar'i balo jemaat lain, kecuali kalau aku ndo jadi beban ngau kita'k? Maaf kalau aku ndo adil.14Pitu'k, aku siap ngunyo kita'k ke tigo kali'kneh tamai aku ndo ko'k jadi beban ngau kita'k ker'no aku nggo'k apo te kita'k mpu'k, selain kita'k. Sebab, balo ana'k ndo wajib ngumpul har'to ngau ur'a tuoneh, tapi ur'a tuo ngau balo ana'kneh. 15Aku gago ko'k ngur'ban mou'k aku tamai aku ngau kita'k. Anti'k aku lebi'h kasi'h ke kita'k, apokah kita'k ko'k kur'a kasi'h ke aku?16Tapi, walau aku ndo beban ngau kita'k, kita'k madah aku licik tamai nyera't kita'k ngau tipu dayo. 17Apokah aku ngami'k unto dar'i kita'k ngelalu balo ur'a te aku utus nguso kita'k? 18Aku nesa'k Titus ngau angkat tamai ngutus menyana'k kami ngau angkat tamaineh. Apokah Titus ngami'k unto dar'i kita'k? Apokah kami ndo bejalai enta roh te samo tamai bejalai enta balo tapak te samo?Lalu, apokah kita'k dah lamah miki'r kalau kami mangan diri'k kami tera'dap kita'k? Kami ngumong di adap Allah enta Kristus, tapi balo hal tu'k, hai te dikasi'h, adolah ngau membangun kita'k.20Sebab, aku takut, kalau-kalau watu aku datai, aku ndo nemu kita'k upo te aku ara'p, tamai ndo nemu aku upo te kita'k ara'p. Nang-nang bisi'k telisi'h, ir'i ati, ringat, te menting diri'k kediri'k, ngutu'k, desas desus, sum'o, tamai te kacau. 21Aku kwati'r anti'k aku datai lagi'k, Allah ko'k ngere'nah ke aku dimuo kita'k tamai aku ndo gago ke bangat ur'a te subo'k dah bedosa seapanneh tamai ndo ko'k betubat dar'i te najis, te cabul, tamai hawa nafsu te dah sido'k pulah.
Chapter 13

1Tu'k adolah ketigo kali'kneh aku ngunyo ke kita'k. Aru's bisi'k ke etr'a dar'i duo atau tigo saksi, baru'k pekar'o dipadah sah. 2Sepan nyo'k, aku dah meri'ngat ke sido'k te bedosa tamai semuo te lainneh. Pitu'k, kalau aku ndo tamai kita'k, aku ngingat sido'k upo te aku pulah watu aku bekunyo te keduo, nyo'k anti'k aku datai lagi'k, aku ndo ko'k nyayang ke sido'k.3Ker'no aku nuntu't bukti tenta Kristus, te ngumong enta aku tamai ndo lemah tera'dap kita'k, tapi bekuaso enta kita'k. 4Sebena'rneh, Kristus disalib enta te lemah, tapi Neh idup uli'h kuaso Allah. Kebo'k kami lemah go'k enta Neh, tapi kami idup besamo-samo tamai Neh ker'no kuaso Allah tera'dap kita'k.5Uji em diri'k kita'k kediri'k ngau mantau, apokah kita'k tetap enta iman kita'k. Pere'so em diri'k kita'k kediri'k! Atau, apokah kita'k ndo ngelalo ke diri'k kita'k kalau Kristus ado enta kita'k, kecuali kita'k gagal enta te di uji. 6Aku ara'p kita'k ko'k ketau'k kalau kami bukan bukan ur'a te tan uji.7Tapi, kami bedoa nguso Allah bia'r kita'k ndo mulah kesalah, ndo bia'r kami te pantau tan uji, tapi bia'r kita'k mulah apo te bena'r, walau dipantau kami dah gagal uji. 8Kami ndo tau'k mulah balo hal te betenta ngau te bena'r, tapi cumo ngau te bena'r.9Kami gago anti'k kami lemah tapi kita'k kuat. Doa kami adolah bia'r kita'k jadi sempur'na. 10Nyo'k sebabneh, aku nulis balo hal tu'k watu aku jauh dar'i kita'k bia'r watu aku datai, aku ndo per'lu nguno ke tekera's, kuaso te Tuhan beri'k nguso aku ngau ngemangun kita'k, tapi ndo ngau ngeru'toh kita'k.11Pengabisneh, balo menyanak, besukocito em. Beru'saho jadi sempur'na, ibu;r em siku'k ngau te lain, seati sepiki'r, tamai idup enta damai, Allah penatai kasi'h tamai damai sejahtr'a ko'k nyer'to kita'k. 12Beri'k emsiku'k ke te lain ngau cium kudus.13Semuo balo ur'a kudus ngiri'm salam ke aku. 14Anugra'h Tuhan Yesus Kristus, kasi'h Allah tamai pesekutuan dar'i Roh Kudus nyer'to kita'k semuo.

Galatians

Chapter 1

1Dari Paulus, te nyadi rusul bukan kerno mensio atau ngelalu mensio, melaen ngelalu Kristus Yesus Allah Bapa te membangkitkan Yesus dari antaro ura mati. 2Dari semuo sudaro seiman te besamo-samo ngau aku, ngau jemaat-jemaat de Galatia.3Anugrah tamai damai sejahtero ngau kitak dari Tuhan Yesus Kristus, 4Te udah merik dirik-Neh ngau duso-duso kito ngau nyelamat ke kito dari zaman te jai pituk sesuai dengan kehendak Allah bapa kito. 5Ngau Nehlah kemuliaan ngau selamo-lamo neh. Amin.6Aku iran, ngapo cepat kitak nudi ke Neh, te ngumai kitak ngelalu anugrah kristus, lalu pulai ngau injil te lain. 7Padahal, ndo sik injil te laen. bisik beberapo ura te udah ngacau sidok lalu memutarbalekkan Injil Kristus.8Bahkan, kalau sidok atau seura malekat dari surgo madah ngau kitak injil te betentang ngau apo te tlah sidok padah ngau kitak, tekutoklah neh! 9Macam te udah kitak padah sepan yok lalu pituk aku padah agik, antik bisik ura te madah ngau kitak tenta injil te betenta ngau apo te udah kitak terimok, biarlah neh tekutuk. 10Apokah pituk aku agik ngok persetujuan Allah? Atau, apokah aku agik ncubo nyenang ke mensio? Sekiro neh aku agik ncubo nyenang ke mensio, aku bukanlah hamba Kristus.11Balo menyanak, aku kok kitak ketauk bahwo Injil te udah aku padah bukanlah Injil pempulah mensio. 12Aku ndo nerimok neh dari mensio, atau aku belajar dari mensio, tapi aku nerimok neh ngelalu penyataan dari Kristus yesus.13Sebab, kitak udah menin tenta caro idupku te lamah dari agamo Yahudi, aku menganiayo jemaat Allah ngau kejam tamai berusaho ngau ngancurkan neh. 14Aku kok maju dalam hal agamo Yahudi, jauh lebih maju de banin ngau ura-ura sebayo de antaro bangso kami. Aku benar-benar rajin dalam memeliharo adat istiadat inik moyang kami.15Namun, ketiko Allah, te udah misah ke aku dari dalam kano inai neh udah ngumai ngelalu anugerah-Neh, bekenan 16Madah Anak-Neh dalam aku supayo aku tauk menceritokan Yesus de antaro ura-ura bukan Yahudi, aku ndo segro mintok nasehat ngau seura pun. 17Aku ugok ndo turun ke kota Yerusalem ngau betemu ngau sidok te udah nyadi rasul sepan yok, ngelaenkan aku segero turun ke wilayah Arab lalu pulai agik ke kota Damaskus.18Tigo taun udah yok, aku turun kekota Yerusalem ngau bekenal ngau Kefas lalu nugau tamai neh selamah limo belas ari. 19Tapi yok, aku ndo mantau sutik pun dari rasul-rasul laen, kecuali Yakobus, saudaro Tuhan. 20Aku madah ke kitak de hadapan Allah bahwo apo te aku tulis ngau kitak tuk bukan dusto.21Udah yok, aku turun ke wilayah Siria tamai Kilikia. 22Aku pan de kenal secaro pribadi uleh jemaat-jemaat dalam Kristus te bisik de wilayah Yudea. 23Sidok hanyo rajin menin, Neh, te dulu menganiayo kitak, pituk menceritokan iman te dulu neh cubo ngancor ke." 24Sidok memuliakan Allah kerno aku.
Chapter 2

1Empat belas taon te lalu, aku pulai agik ke kota Yerusalem besamo Barnabas lalu ngemaik Titus tamai neh. 2Aku turun kerno sutik pernyataan ngau mesti ke bahwo apo te aku pulah tamai apo te udah aku pulah ndo sio-sio.3Bahkan, Titus, te tamai aku, ndo arus besunat walaupun neh ura Yunani. 4Hal tuk tejadi kerno bisik balo menyadik te palsu te ndo ketauk tamok lalu nyusup ngau memato-mato kebebasan te mpuk kito dalam Yesus Kristus supayo kito de baik pulai ngau perbudakan. 5Tapi yok, sidok ndo kok tunok ngau sidok sekejap pun supayo kebenaran Injil tetap nugau dalam kitak.6Namun, dari ura-ura te bepengaruh yok, asal dari ni pun sidok yok ndo penting kerno Allah ndo membedo-bedokan, sidok ndo menambahkan apo-apo bagi neh. 7Sebalekneh, sidok mantau bahwo ngau neh udah de pecayokan Injil ngau ura-ura te ndo besunat, samo macam Petrus te depecayok Injil ngau ura-ura te besunat. 8Sebab, Neh udah bekerjo ngelalu Petrus ngau nyadi rasul bagi ura-ura besunat, Neh ugok te bekerjo ngelalu aku ngau ngejadi rasul bagi ura-ura bukan Yahudi.9Seudah Yakubus, Petrus, lalu Yohanes, te dipana sebagai saka guru ngau Barnabas ngau neh supayo kami turun ke ura-ura bukan Yahudi, sedangkan sidok turun ngau ura-ura besunat. 10Sidok hanyo mintok kitak ingat ngau ura-ura miskin, sutik hal te nyuruh aku besemangat mulah hal yok.11Tapi yok, waktu Kefas datai ke kota Antiokhia, aku terus tera nenta neh kerno udah pasti neh besalah. 12kerno sepan ura-ura tetentu dari Yakobus datai, Kefas udah biaso makai besamo ura-ura bukan Yahudi. Namun, waktu sidok datai, sidok mulai unur lalu memisahkan dirik kerno takut ngau kelompok ura te besunat.13Ura-ura Yahudi te laen tamai bepurok-purok tamai neh, bahkan Barnabas pun teseret tamai bepurok-purok ugok. 14Ketiko aku mantau sidok bepempulah ndo sejalai tamai Injil, mako aku madah Kefas de depan semuo ura, "kalau sidok ura Yahudi idop macam ura bukan Yahudi, keti kok kitak makso ura bukan Yahudi ngau idop macam ura Yahudi?"15Kitak adalah ura-ura te deperanak sebagai bangso Yahudi dan bukan ura-ura beduso dari bukan Yahudi. 16Udah yok kitak ketauk bahwo ndo seura pun de benarkan kerno ngelaku Ukom Taurat, melainkan ngelalu iman dalam Yesus Kristus. Bahkan, kitak ugok udah pecayok ngau Yesus Kristus supayo kitak debanarkan uleh iman dalam Kristus, bukan kerno ngelakukan Ukum Taurat. Sebab, ndo seura pun debenarkan kerno ngelakukan Ukom Taurat!17Tapi yok, selamah kito beusaho ngau debenarkan dalam Kristus, kito buleh dirik kito ugok penduso, apokah bereti Kristus adalah pelayan duso? Tentu ndo! 18Jiko aku mulah agik apo te udah aku rubohkan, aku muktikan bahwo aku adalah seura pelanggar ukom. 19Sebab, ngelalu Ukom Taurat, aku udah mati bagi Ukom Taurat supayo aku tauk idop ngau Allah.20Aku udah desalibkan tamai Kristus. Bukan agik aku te idop, ngelainkan Kristus te idop dalam aku. Idop te pituk aku idop dalam dagin adalah uleh iman dalam Anak Allah, te ngaseh aku lalu udah merik dirik-Neh ngau aku. 21Aku ndo matalkan anugerah Allah kerno jiko tebenar datai ngelalu Ukom Taurat, sio-siolah kematian Kristus!
Chapter 3

1Hoi kitak, ura-ura Galatia te budu! sapo te udah memesona kitak? Bukankah de depan mato kito Yesus Kristus de pantau deselibkan de depan ura bangat? 2Sutik hal te ingin aku tanyok ngau kitak, apokan kitak nerimok Roh kerno nurut Ukom Taurat, ataukah kerno menin ngau iman? 3Budu benar kitak? kitak udah mulai ngau Roh, apokah kitak pituk ingin nyudah ngau dagin?4Sio-siokah kitak menderito ngau penderito te bangat yok-- jiko memang yok sio-sio? 5Jadi apokah Neh mengaruniokan Roh ngau kitak lalu ngerjo mukjisat de antaro kitak kerno kitak nyalai Ukom Taurat, atau kareno kitak menin ngau iman?6Samo macam Abraham te pecayok ngau Allah sehingo hal yok deperito ngau neh macam te benar. 7Kerno yok, ketauklah bahwo ura-ura te berimanlah te de sebut anak-anak Abraham. 8Kitab Suci, te udah ketauk sepan yok bahwo Allah akan membenarkan ura-ura bukan Yahudi kerno iman, udah lebih dulu myampaikan Injil ngau Abraham samil ngumung, '' Semuo bangsa akan de berkati ngelalu kitak.'' 9Jadi, sidok te beriman akan deberkati bersamo-samo Abraham, ura te pecayok yok.10Semuo ura te beganto pada pekerjok Ukom Taurat berado de baruh kutuk, sebab bisik tetulis: "tekutuklah tiap ura te ndo tunuk ngau segalo seseatu te tetulis dalam kitab Ukom Taurat tamai mulah utan yok." 11Jadi, jelaslah pituk bahwo ndo sik seura pun te benar de hadapan Allah uleh Ukom Taurat, sebab '' Ura benar akan idop kerno iman''. 12Tapi yok, Ukom Taurat ndo dedasarkan ngau iman. sebalik neh, ''ura te mulah Ukom Taurat bisik idop kereno neh''.13Kristus nebus kito dari kutok Ukom Taurat ngau nyadi kutok ngau kito, sebab bisik te tulis, ''tekutoklah ura te deganto ngau kayu salib!'' 14Bisik dalam Yesus Kristus, berkat Abraham tauk sampai ngau ura-ura bukan Yahudi sehinggo ngau iman kito tauk nerimok Roh te udah de janjikan yok.15Balo menyanak, aku kok merik cuntoh penkidop seari-ari: kalau pejanji udah de sahkan, walaupun hanyo kontrak antaro mensio, ndo sik ura te tauk menbatalkan atau namah apo pun dalam pejanjian yok. 16Pituk, perjanjian te de padah Allah ngau Abraham ngau kenturun neh. Allah ndo ngomung, ''...ngau kenturun-kenturun neh,'' te nunyuk ngau kebangat kenturun.'' ...lalu ngau kenturun neh,''bereti nunjuk ngau seura, yoklah Kristus.17Maksud neh, Ukom Taurat te datai 430 taon seudah yok ndo tauk de batal pejanjian te udah de sahkan uleh Allah. Jadi, pejanjian yok ndo tauk de pelenyau. 18Apobilo warisan dedasarkan ngau Ukom Taurat, mako warisan yok ndo agik dedasarkan ngau pejanjian. Tapi yok, Allah menganugrahkan ngau Abraham ngelalu sutik pejajian.19Jadi, ngapo bisik Ukom Taurat? Ukom Taurat deberik ngau pempulah-pempulah, sampai kenturun yok datai macam pejanji yok. 20Namun, antaro ndo ngau wakil sikuk ura,padahal Allah adolah sikuk.21Antik piok, apokah Ukom Taurat belawan ngau pejanji Allah? ndo piok! sebab, jiko Ukom Taurat deberik ngau merik idop, tebenar pesti berasal dari Ukom Taurat. 22Tapi yok, Kitab Suci udah mememjaro segalo sesuatu dan semuo ura de baroh duso supayo pejanji uleh iman dalam Kristus Yesus tauk deberik ngau sidok te pecayok23Sepan iman datai, kito ditawan de baruh Ukom Taurat, detahan sebagai tawanan sampai iman te akan datai de nyatokan. 24pituk, Ukom Taurat adolah pengawas bagi kito sampai kristus datai supayo kito tauk debenar uleh iman. 25Pituk, iman yok udah datai. kito ndo agik merelu Ukom Taurat sebagai pengawas kito. 26Dalam Yesus Kristus, nuan semuo adolah nebiak-nebiak Allah ngelalu iman.27Nuan semuo te udah dibabtis dalam Kristus udah ngau Kristus. 28Ndo bisik agik ura Yahudi atau ura Yunani, budak atau ura merdeka, lelaki atau betinok kareno nuan semuo sutik dalam Yesus Kristus. 29Antik nuan adolah mpuk Kristus, nuan adolah kenturon-kenturon Abraham namai ahli-ahli waris sesuai ngau janji
Chapter 4

1Te kumaksud, selamah ahli waris yok agik nebiak-nebiak, neh ndo sik bido ngau budak walapun neh adolah mpuk segalo sesuatu. 2Neh bisik de baroh kuaso pengawas dan pengurus rumah tanggok sampai waktu te udah de tetapkan uleh ayahnya.3Piok ugok kito, waktu agik nebiak-nebiak, kito deperbudak uleh roh-roh dunio tuk. 4Tapi yok, saat ari penggenapan datai, Allah ngutus Anak-Neh, te de peranak dari seura betinok dan beranak de baroh Ukom Taurat, 5Ngau nebus sidok te bisik de baroh Ukom Taurat agar kito tauk njadi nerimok pengangkatan nebiak-nebiak-Neh.6Kerno kitak adolah nebiak-nebiak-Neh, Allah udah ngutus Roh anak-Neh ke dalam ati kito, te ngumai, "Abba, Bapa." 7Jadi, kitak bukan agik budak, tapi nebiak. Jiko kitak adalah nebiak, Allah nyadi kitak ahli waris ngelalu Kristus.8Subok, waktu kitak ndo ngenal Allah, kitak adolah budak dari hal-hal te pado dasarnya bukan Allah. 9Pituk, udah kitak ngenal Allah atau lebeh tepatnya de kenal uleh Allah, keti kok kitak bebalek agik ngau roh-roh dunio te lemah te ndo beguno? Apokah kitak ingin de pebudak agik?10Kitak njalai ari-ari rayo, bulan-bulan, musim-musim, taon-taon! 11Aku takut nang-nang jerih lelah aku te udah aku pulah ngau kitak njadi sio-sio.12Aku muhon ngau kitak, menyanak-menyanak, njadilah macam aku kerno aku ugok udah njadi macam kitak. kitak ndo besalah ngau aku. 13Kitak ketauk, awal aku madah Injil ngau kitak kereno pedih tubuh te aku idap. 14Walaupun kondisi tubuh aku ujian bagi aku, kitak ndo menhina atau nulak aku. sebalek neh, kitak nyamut aku seulah-ulah aku tuk malekat Allah, macam seulah-ulah aku tuk Yesus Kristus yok kedirik!15Keti bako ngau berkat te kitak raso pituk? Sebab, aku tauk besaksi ngau kitak subok, antik mungkin, ncuncil moto kitak lalu merik ngau kitak pun aku relo. 16Apokah pituk aku njadi musuh kitak kerno madah kebenaran ngau kitak?17Ura-ura yok berusaha nemu kitak, tapi bukan maksud ngau te baek. sidok ingin mengasingkan kitak ngau pengarap kitak kok ngok sidok. 18Memang baek antik selampur semangat mulah hal-hal te bisik tujuan baek, dan bukan hanyo waktu aku tamai kitak jak.19Nebiak-nebiak, demi kitak, aku relo sekalik agik nango pedih beranak sampai kristus de padah dalam kitak. 20Aku be arap, aku tauk tamai kitak pituk tamai ngubah nado suaro aku kereno aku abis akal ngadap kitak.21Padah ngau aku, hai kitak te kok idop de beroh Ukom Taurat, apokah kitak ndo menin Ukom Taurat? 22Kerno bisik tetulis, Abraham mpuk duo ura anak lelaki; sikuk deperanak dari seura budak betinok. 23Tapi yok, anak dari budak betinok yok deperanak menurut dagin, sedangkan anak te dari betinok merdeka deperanak ngelalu pejanji24Pantaulah kisah tuk ngau lambang kerno duo betinok tuk melambangkan duo pejanji. Sutik adalah pejanji dari Gunung Sinai lalu beranaklah anak-anak perbudakan. Neh adalah Hagar. 25Pituk, Hagar melambangkan Gunung sinai de tanah Arab, samo macam Yerusalem saat tuk kereno neh idop dalam perbudakan besamo anak-anak neh.26Tapi yok, Yerusalem te de darat adolah betinok te merdeka, neh adolah inai kito. 27Kerno bisik detulis, "bersukacitolah, oi betinok te manul, te ndo tauk beranak. Beteriak dan besuraklah, hai kitak te ndo merasokan pedih beranak. Sebab, lebih bangat anak dari betinok te kedirik dari pado betinok te bisik laki28Menyanak-menyanak, kitak adolah anak-anak pejanji macam Ishak. 29Pado waktu yok, anak te de peranak menurut dagin menganiayo anak te de peranak nurut Roh, macam te tejadi pituk.30Tapi yok, apo te de padah kitab suci? "Usirlah budak betinok yok tamai anak neh kerno anak budak betinok yok ndo akan njadi ahli waris besamo ngau anak betinok merdeka." 31Kerno yok, menyanak-menyanak, kito bukanlah anak-anak dari budak betinok, tapi dari betinok merdeka
Chapter 5

1Demi kermedekaan, Kristus udah mebaskan kito. kerno yok, bedirilah tegoh nang kok agik mauk debeban ngau kuk perbudakan. 2Peninlah Aku, Paulus, madah ngau kitak bahwo jiko kitak nerimok sunat, Kristus ndo sik guno neh bagi kitak.3Sekalik agik, aku madah ngau setiap ura te nerimok sunat bahwo neh arus taat ngau seluruh Ukom Taurat. 4Jiko kitak berusaho ngau de benar ngau njalai Ukom Taurat, idop kitak udah de pisah dari Kristus kitak udah nudi anugerah5Ngelalu roh, ngau iman, kito nunguk-nunguk pengharapan akan te benar. 6Sebab, dalam Yesus Kristus, besunat atau ndo besunat ndo sik reti. Hanyo iman te bekerjo ngelalu kaseh te bisik reti. 7Kitak udah bebedap sangat baek. Sapo te ngalang kitak dari menaati te benar? 8Ajakan yok bukan datai dari Neh te udah ngumai kitak.9"Sikit kipen udah nyuruh semuo adonan ngemai." 10Aku mpuk keyakinan ngau kitak dalam Tuhan bahwo kitak ndo akan merimok pemikir te lain. Tapi yok, sapo pun te ngacau kitak akan nanggo ukoman11Jadi menyanak-menyanak, jiko aku agik memberitokan sunat, ngapo aku agik de aniayo? jiko piok, batu sandungan teradap salib udah desingkirkan. 12Aku bearap sidok te ngasut kitak yok akan mengebiri dirik neh kedirik.13Menyanak-menyanak, kitak udah de kumai ngau ngejadi merdeka. Tapi yok, nang nguno kemerdekaan kitak yok sebagai kesempatan ngau idop dalam dagin, ngelaen layanilah seura teadap te laen ngau kaseh. 14Sebab, seluruh Ukom Taurat udah degenapi dalam sutik Firman yok, "Kasehlah sesamo mensio macam dirik kito kedirik." 15Jiko kitak salin ngibot dan nelan, ati-atilah supayo kitak nang salin membinasokan16Jadi, aku madah, idoplah dalam Roh, mako kitak ndo akan mulah hal-hal te de ingin uleh nafsu kedaginan. 17Keinginan nafsu kedaginan belawan ngau keingin Roh, dan keingin Roh belawan ngau keingin nafsu kedaginan, kerno keduo yok salin belawan, supayo kitak ndo mulah hal-hal te kitak ingin. 18Tapi yok, jiko kitak depimpen uleh Roh, kitak ndo sik de baruh Ukom Taurat.19Pekerjok dari nafsu kedaginan udah jelas, yoklah duso seksual, kecemaran, hawo nafsu, 20Penyembah berhala, kuaso keleman, tebencik, te bebantah, iri ati, ringat te ndo mampu nahan, mentin ke dirik kedirik, beselisih, perpecahan, 21Kecemburuan, mabuk-mabuk, pesta pora, sejenis yok. Aku padah ngau kitak pituk, macam te udah aku padah sepan yok, sapo te mulah hal-hal yok ndo akan njadi waris kerajaan Allah22Tapi yok, buah Roh adolah kasih, sukacita,damai sejahtera, sabar, keramahan, te baek, kesetiaan, 23Kelemahlembutan, dan penguasaan diri. ndo sik Ukom te ngelawan hal-hal yok. 24Sidok te nyadi milik Yesus Kristus udah nyalib nafsu kedaginan serto segalo nafsu keinginan25Jiko kito idop uleh roh, baeklah kito bejalai sesuai ngau Roh. 26Nanglah kito nyadi sumong, salin ngasot, atau salin iri ati
Chapter 6

1Oi menyanak-menyanak, antik bisik ura te ketauk mulah sutik pelanggaran, kitak te rohani arus ngemaik ura macam yok ngau roh kelembutan. Bejago-jagolah supayo kitak kedirik nang tamai tegoda. 2Salin nulo dalam nanggo beban supayo kitak menaati ukom Kristus.3Antik bisik ura te ngangap dirik neh penting, padohal ndo piok, neh nipu dirik neh kedirik. 4Boh tiap ura nguji pempulah neh kedirik. Udah yok, neh tauk banggo mantau keadaan kedirik bukan kereno membandinkan ngau ura lain .5Sebab, setiap ura arus nanggo beban neh kedirik.6Sapo te nemu pengajaran dari firman Allah aruslah neh magi semuo hal te baek yok ngau ura te ngajar neh.7Nang tetipu. Allah ndo tauk de pemainkan kerno ura akan menuai apo te ura tabur. 8Ura te nabur dari nafsu kedagingan akan menuai te burok dari kedagingan. Tapi yok, ura te nabur dari Roh akan menuai idop te kekal dari Roh.9Nang kito njadi lelah bebuat baek. Antik musim neh datai, kito akan menuai asalkan kito ndo nyerah. 10Kerno yok, antik kito buleh penyempat, ayolah kito mulah te baek ngau semuo ura, khusus ngau keluarga dalam iman.11Pantaulah berapo besai urup-urup te ku tulis ngau kitak ngau jari aku kedirik. 12Sidok te ingin mamer te baek dari hal-hal te lahiriah akan maksa kitak ngau de sunat. Sidok mulah hal yok supayo ndo de aniayo demi salib Kristus. 13Sidok te desunat pun ndo taat ngau Ukom Taurat, tapi sidok ingin kitak de sunat supayo sidok tauk ngepah ke dirik ngau sunat yok14Semogo aku ndo suah megah kedirik kecuali dalam salib Tuhan kito, Yesus Kristus. Ngelalu salib-Neh, dunio udah de salib ngau aku, dan aku ngau dunio.15Desunat atau ndo de sunat apolah reti neh. te penting adolah nyadi ciptaan baru. 16Ngau semuo ura te njalai aturan tuk, biarlah damai sejahtero dan rahmat turun ngau sidok dan ngau Israel mpuk Allah.17Akhir neh, nang bisik ura te mempersulit aku kereno aku ngemaik tano-tano Yesus dalam tubuhku. 18Menyanak-menyanak, kiro neh anugrah Tuhan Yesus bisik besamo ngau roh kitak. Amin.

Ephesians

Chapter 1

1Dari Paulus, rasul Yesus Kristus ngau kehendok Allah. ngau ura-ura kudus de Efesus, ura-ura beiman dalam Yesus Kristus. 2Anugrah damai sejehtro ngau sidok dari Allah, Apai kito, Tuhan Yesus Kristus.3Tepujilah Allah Bapa Tuhan kito Kristus Yesus, Te dah merkat kito dalam Kristus ngau tiap berkat rohani de surgo. 4Neh milih kito dalam Kristus sepan petamo dunio supayo kito nyadi kudus dan ndo becelo de adap-Neh. dalam kaseh.5Neh netap ke kito dari petamo ngau nyadi anak-anak-Neh melakui Kristus Yesus sesuai ngau kesuko kemauk-Neh. 6Neh mulah yok ngau kemuliaan anugrah-Neh, te tlah dikaronio-Neh ngau cumo-cumo ngau kito dalam anak-Neh te kaseh.7Dalam Neh, kito buleh penebusan ngau darah-Neh, ngampun kito ngau kesalah kito sesuai ngau kekayo anugrah-nya. 8Te Allah berik ngau kito ngau hikmat dan pengerti9Neh madah ngau kito resio kehendak-Neh sesuai ngau rencano te baek te Neh rencanakan dalam kristus, 10Te kok de pulah waktu kepenuhannya datai ngau mempersatukan semuo dalam Kristus, te bisik disurgo dan te bisik de bumi.11Dalam Kristus, kito ugok udah njadi bagian dari waris te udah de tentukan dari petamo sesuai ngau Neh padah, te ngerjo segalo sesuatu dalam keputusan kemauk-Neh. 12Supayo kito te petamo-tamo naruh pengharapan ngau Kristus akan njadi puji-pujian ngau kemuliaan-Neh.13Dalam Neh, sidok ugok, seudah menin Firman te benar, iyok neh Injil keselamatan neh, de matraikan ngau roh kudus te de janji. 14Roh kudus adalah penjamin waris kito, sampai penebusan tejadi ngau sidok njadi mpuk Allah kedirik ngau pujian kemuliaan-Neh.15Sebab yok, waktu aku menin imam neh dalam Tuhan Yesus tamai kaseh ngau semuo ura kudus. 16Aku ndo berenti ngucap syukur ngau sidok waktu aku ngingat neh dalam doa-doaku.17Aku bedoa ngau Allah dari Tuhan kito, Kristus Yesus, Bapa dari kemuliaan, merik neh roh ikmat dan penyataan dalam pengetauk ngau Neh. 18Aku be doa supayo mato ati neh de pancar sehinggo sidok tau ngerti pengarap te kano dalam panggilan-Nya, kekayo tekano dalam waris-Neh te mulio ngau ura-ura kudus,19Penguat besai ndo te ukur ngau kito te pecayok, macam te depadah dalam kemahabesai kekuatan-Neh. 20Kemahabesai kekuatan-Neh tuk neh padah dalam Kristus de antaro ura mati dan menuduk ke Neh de sepiak kanan-Nya de aro surgo, 21Te jauh lebih tingik dari semuo peratur, kuaso, kekuat, pemerintah, lebih tingik dari semuo namo te udah bisik, bukan saat tuk jak, tapi ngau maso te kok datai.22Neh naklok segalo de baroh kaki-Neh lalu merik dirik-Neh njadi kepalo ngau segalo sesuatu ngau jemaat, 23Adolah tubuh-Neh,dini mpuk Neh menuh semuo segalo te bisik.
Chapter 2

1Subok,sidok mati dalam pempulah - pempulah dalam dosa neh, 2Sepan yok sidok bejalai nurut jalai dunio, namai penguaso kerajaan udaro, roh te pituk bekerjo de antaro anak - anak te ndo taat. 3De antaro sidok, kito semuo subok idop ngau nafsu kedagingan kito, muas pemauk dagin tamai pemikir kito. kito pado dasar neh adalah anak-anak durhako,samo ngau mensio lain.4Tapi, Allah te kayo ngau pengaseh-Neh te besai yok- Neh ngaseh kito, 5Bahkan ketiko kito mati ngau kesalah-kesalah kito, Neh ngidop ke kito besamo ngau Kristus uleh anugrah sidok udah deselamatkan. 6Neh mangkit ke kito ngau Nyo nudok ke kito besamo ngau Neh de tempat surgowi dalam Yesus Kristus, 7Supayo maso te akan datai, Neh tau nunyok kekayo anugrah-Neh te ndo tauk teukur ngau kebaek-Neh dalam Yesus Kristus.8Sebab, ngau anugrah sidok de selamatkan ngelalu iman tuk bukan dari neh kedirik, tapi karunio Allah, 9Bukan asel kerjo neh, supayo ndo sik seura pun te sumbong. 10Kito tuk de pulah Allah, de ciptokan dalam Yesus Kristus ngau pekerjo baek te de siapkan Allah sepan neh supayo kito tauk idop de dalam neh.11Kerno yok, ingallah sidok subok de peranak sebagai ura kapir, te de sebut ''ura te ndo besunat'', uleh sidok te nyebut dirik sebagai ''ura besunat'', yok sunat te de pulah de tubuh ngau jari mensio. 12Ingatlah saat tuk sidok idup ndo ngau Kristus, te pisah dari kewargaan Israel te de janjikan, ndo buleh pengarap tampo Allah dalam dunio tuk.13Namun, pituk, dalam Yesus Kristus, sidok te subok jauh udah de baik semak uleh darah Kristus. 14Sebab, Neh kedirik adalah damai sejahtera kito te udah mulah ke duo belah pihak njadi satu te udah ngancur timok musuh te misah ke sidok. 15Lalu ngapus musoh dalam dagin-Neh, yok Hukum Taurat te berisi perintah-perintah dan ketetapan-ketetapan sehingo de dalam dirik-Neh Neh mulah keduo njadi satu mensio baru, sehingo tejadi damai, 16Lalu mendamaikan keduo ngau Allah dalam satu tubuh ngau salib, sehingo mematikan permusuhan.17Yesus datai tamai madah damai sejahtro ngau kitak te jauh tamai damai ngau te semak. 18Sebab, ngelalu Neh, kito berduo mpuk jalai tamok ngau Bapa dalam satu Roh.19Jadi sidok bukan agik ura-ura penatai, tapi sesamo warga ngau ura-ura kudus tamai anggota-anggota keluarga Allah, 20Te de pulah de darat dasar balo rasul. 21Dalam Kristus, sluroh bangunan agik depersatukan bersamo lalu bertumboh njadi Bait Suci dalam Tuhan. 22Dalam Neh, sidok ugok agik debangun besamo njadi aro penugau Allah dalam Roh.
Chapter 3

1Ngau alasan tuk lah, Paulus, depenjara kareno Yesus Kristus demi sidok, ura-ura kapir. 2Sidok pesti udah menin tenta tugas penatalayanan anugrah Allah te de berik ngau aku ngau sidok,3Bahwa ngau pernyataan, resio yok de padah ngau aku macam te udah kutulis secaro singkat sepan yok. 4Saat maco tuk, sidok tauk maham ngerti resio Kristus, 5Te ndo depadah ngau ura-ura dari generasi laen,tapi te pituk depadah ngau balo rasul tamai balo nabi-Neh te kudus uleh Roh kudus.6Resio yok bahwo ngelalu Injil ura-ura kapir nyadi sesamo ahli waris, sesamo anggota ngau satu tubuh, samo-samo ngamik bagian dari janji dalam Yesus Kristus. 7Aku njadi pelayan Injil sesuai ngau karunio te dari anugrah Allah, te de berik ngau aku nurut pekerjo kuaso-Neh.8Ngau aku, te palin hina de antaro semuo ura kudus, anugrah tuk deberik ngau membritokan ngau ura-ura kapir kekayo Kristus te ndo ketauk, 9lalu ngamaik tra ngau tiap ura ngau resio te de tapok selamah berabad-abad dalam Allah, te mulah segalo sesuatu.10Supayo pituk, ngelalu jemaat, macam hikmat Allah pituk dipadah ngau balo pemerintah tamai pengoaso de aro surgawi. 11Tuk sesuai ngau rencano kekal de nyatokan dalam Yesus Kristus, Tuhan kito,12Te dalam Neh, kito buleh keberanian tamai jalai masok ngau Allah ngau yakin kerno kesetiaan Kristus. 13kerno yok, aku mintok ngau neh supayo ndo putus aso mantau penderitaan te aku alam demi sidok. penderitaan yok adalah kemuliaan neh.14Ngau alasan yoklah, aku belutut de hadapan Bapa. 15Dari Nehlah, tiap keluarga de surgo tamai de bumi nerimok namo neh. 16Aku bedoa supayo sesuai ngau kekayo kemuliaan-Neh, Neh kok mengaruniakan ngau neh kekuat de dalam baten neh, ngau kuaso ngelalu Roh-Neh17Sehinggo Kristus berkenan nugau de dalam ati neh ngelalu imam sehinggo sidok berakar lalu bedasar dalam kaseh, 18Supayo sidok besamo semuo ura kudus tau maham betapo luai, panya, tingik, dalam neh kaseh Kristus. 19Supayo, sidok tauk ngenal kaseh Kristus te ngelampau pengetau sehinggo sidok de penuh ngau seluruh kepenuhan Allah.20Bagi Neh, te sanggup mulah jauh lebeh melimpah daripado semuo te kito mintok atau pikir, sesuai ngau kuaso te bekerjo de dalam kito. 21Bagi Nehlah kemuliaan dalam jemaat tamai dalam Yesus Kristus bagi seluroh generasi sampai selamah-lamah. Amin.
Chapter 4

1Uleh kerno yok, aku, ura te de penjaro kerno Tuhan, nyuruh sidok idop setepa ngau pangilan te tlah sidok terimok. 2Ngau segalo kerenah ati tamai lemah lembut ,ngau kesabar, samo-samo nango beban dalam kaseh, 3Beusaholah sekuat tenago ngau miaro kesatuan Roh dalam ikatan damai sejahtro.4Bisik sutik tubuh tamai sutik Roh, samo hal ketiko sidok de kumai ngau sutik pengarap ngau pangilan neh, 5Sutik Tuhan, sutik imam, sutik babtisan, 6Sutik Allah bapa dari semuo, te de darat segalo Neh, ngalu segalo Neh, dalam segalo Neh.7Tapi yok, ngau kito semuo deberik anugrah sesuai ngau ukuran karunio Kristus. 8Yoklah sebab neh, depadah ''ketiko Neh naek ke aro te tingik, neh nangkap ura-ura tedetawan, lalu merik kurnio ngau mensio''.9Ketiko depadah, ''Neh naek'', bukankah yok bereti Neh ugok udah turun ke bagian baroh bumi? 10Neh te turun, Neh ugok te naek lebih tingik dari semuo langit supayo Neh menuh segalo sesuatu.11Nehlah te merik, baek rasuk-rasul, nabi-nabi, pemberito-pemberito Injil, Gembalo-gembalo, maupun pengajar-pengajar, 12Ngau ngelengkap ura-ura kudus dalam pekerjok pelayanan bagi pembangunan tubuh Kristus, 13Sampai kito semuo ncapai kesutik iman tamai pengetahuan akan Anak Allah, yoklah mensio dewaso.14Sehingo, kito bukan agik anak-anak te de ombang-ambingkan uleh umak te de baik kin kituk uleh bebagai angin pengajaran, uleh tipu dayo mensio, uleh kecerdikan dari penipuan te licik. 15Sebalek neh, madah kebenaran dalam kaseh, kito akan betumoh dalam segalo hal ngau Neh, te adalah kepalo, yok lah Kristus. 16Dari pado-Neh seluruh tubuh tesusun tamai de ikat besamo-samo nyadi sutik ngelalu topangan tiap sendi. Jiko kedirik-kedirik mulah bagian, tubuh akan tumoh sehingo mulah dirik neh kedirik dalam kaseh17Kerno yok, aku madah aku tegaskan dalam Tuhan, nang agik kitak idop macam ura-ura te ndo pecayok, te idop ngau pemikir te sio-sio. 18Pemikir sidok njadi keleman tepisah dari kehidupan Allah kerno kebudu te bisik dalam dirik sidok te desebab uleh pengeras ati. 19Peraso sidok udah njadi tumpul sidok nyerah ke dirik ngau hawa nafsu ngau mulah segalo macam kecemaran ngau keserakah.20Tapi yok, bukan ngau caro yok sidok belajar ngau Kristus. 21Umpamo neh sidok udah menin-Neh tamai de ajar dalam Neh, macam kebenar te bisik dalam Yesus, 22Buailah mensio lamah neh te sidok buleh dari caro idop te lamah, te de rusak uleh hawa nafsu te nipu.23Pulahlah roh pemikir neh. 24Kenokanlah mensio te baru, te de ciptokan dalam rupo Allah dalam keadilan tamai kekudusan te sejati.25Uleh kerno yok, ngau muai kepalsuan, ayuklah tiap kitak ngumung ute benar ngau sesamo kerno kitak samo-samo anggota dari sutik tubuh. 26Ringatlah nang mulah dosa. nang miar matoari tebenam dalam peringat neh. 27Nang merik kesempatan ngau sitan.28Ura te udah ncuri, nang ncuri agik. lebeh baek antik neh bekerjo kras tamai mulah pekerjo te baek ngau jari neh kedirik sehingo neh mpuk utan ngau deberik ngau ura te perlu. 29Nang mulah umung te kutor keluar dari nyao neh, tapi hanyo umung te baek te membangun ura te perlu sehingo umung neh yok merik berekat bagi sidok te menin neh. 30Nang mendukakan Roh kudus Allah ngau ari penebus.31Buailah segalo macam kepahitan, kegeraman, ringat, pertikaian, umung fitnah, ugok semuo kejai, jauhkanlah yok dari pado neh. 32Besikap ramah sutik ngau te lain, mpuklah ati te lemah, salin ngampun, macam Allah dalam Kristus ugok ngampun sidok.
Chapter 5

1Sebab yok, jadilah peniru-peniru Allah macam nebiak-nebiak te dekaseh. 2Iduplah dalam kaseh, samo macam Kristus ngaseh ke kito lalu merik dirik-Neh ngau kito sebagai pesemah tamai kurban te semangi ngau Allah3Tapi, nang bisik pecabulan tamai macam kecemaran, keserakahan, nang samo sekali bisik hal yok te ndo pantas bisik de antaro ura-ura kudus. 4Nang bisik umung te kutor, umung te budu, atau kato-kato kasar te ndo pantas, sebaek neh umungkanlah syukur.5Sebab, kitak ketau ngau pasti bahwo ura cabul, ura ndo suci, ura serakah te nyembah berhalo. 6Nang bisik ura te nipu kitak ngau kato-kato pua kerno hal- hal yoklah te ngemaik murko Allah ngau nebiak-nebiak durhako. 7Jadi, nang begaul ngau sidok.8Subok kitak adalah keleman, tapi pituk kitak adalah tera dalam Tuhan. 9Idoplah sebagai nebiak-nebiak tera. Kerno buah dari tera adalah semuo tebenar, 10Lalu ncubo ngok apo te nyenangkan Tuhan. 11Nang tamai dalam pempulah te keleman te ndo menghaselkan buah, sebalek neh telanjangilah pempulah-pempulah yok. 12Sebab, nyebut hal-hal te sidok pulah secaro diam-diam pon mulah malu13Tapi yok, semuo te telanya uleh tera nyadi te pantau. 14Kerno semuo te njadi nyato adalah tera. yoklah sebab neh, de padah, ''Angkat, hoi kitak te suko tidor! Bangketlah dari antaro ura mati, Kristus besinar de darat kitak''.15Jadi, pantau ngau benar-benar keti kitak idop, nang macam ura bebal, jadilah bijak. 16Pegunolah waktu te bisik ngau sebaek-baek kerno ari-ari tuk adalah jai. 17Kerno yok, nang njadi budu tapi ngertilah apo yok kemauk Tuhan.18Nang mabok uleh angur kerno hal yok ndo pantas, sebalek neh penuhlah ngau Roh. 19Ngumunglah sikuk ngau te laen dalam mazmur, kidung pujian, tamai nyanyian rohani, nyanyilah, pulah lagu pujian ngau Tuhan ngau segenap ati kitak. 20Katokanlah syukur senantiaso ngau segalo sesuatu ngau Allah bapa dalam Kristus Yesus. 21Tundoklah seura ngau te laen dalam takut ngau Kristus.22Bini-bini, tundoklah ngau laki, macam ngau Tuhan. 23Sebab, laki adalah kepalo dari bini, macam Kristus adolah kepalo dari jemaat, yoklah tubuh-Neh, Neh kediriklah juru selamat kito. 24Tapi macam jemaat tunok ngau Kristus, macam yok lah bini tunok ngau laki dalam segalo hal.25Balo laki, kasihlah bini kitak macam Kristus ngaseh jemaat dan merik dirik ngau jemaat, 26Ngau nguduskan sidok ngau merseh sidok ngau aik Firman. 27Yoklah, Kristus tauk mempersembahkan jemaat ngau dirik-Neh dalam kemuliaan, tampo noda, tampo kerisut, atau macam yok sehingo jemaat njadi kudus ndo sik becelah.28Ugok, balo laki arus ngaseh bini neh macam laki ngeseh tubuh dirik neh. Neh te ngaseh bini neh, ngaseh dirik neh kedirik. 29Sebab. ndo sik ura te mencik tubuh neh kedirik, tapi neh nyago tamai ngerawat tubuh neh. Macam yok ugok te de pulah Kristus ngau jemaat. 30Kerno yok adolah anggota-anggota tubuh-Neh.31Yoklah sebab neh, seura laki-laki nudi ke apai tamai inai neh lalu besatu ngau bini neh sehinggo sidok duo nyadi sutik tubuh. 32Resio yok besai, aku madah tuk dalam hubungan antaro Kristus dan jemaat. 33Namun, biarlah balo laki ngaseh bini neh macam dirik neh ngaseh bini arus menghormati laki neh.
Chapter 6

1Nebiak-nebiak, taatilah ura tuo kitak dalam Tuhan kerno yok adolah hal te benar. 2''Hormatilah apai inai kitak,'' tuk adalah perintah tepetamo deserto ngau janji. 3''Supayo idop neh baek kitak beumur panja de bumi''.4Apai-apai, nang mulah balo nebiak njadi ringat, tapi besaikanlah sidok dalam disiplin dan nasehat Tuhan.5Budak-budak, taatilah tuan kitak te bisik de dunio tuk ngau hormat tamai gentar, ngau ketulus ati kitak macam ngau kristus. 6Nang macam ura-ura te ngerjo pekerjo macam te de pantau ura ngau nyenang ke mensio, tapi sebagai hamba-hamba Kristus te mulah kehendak Allah dari ati. 7Melayan ngau sepenuh ati macam ngau Tuhan bukan ngau mensio. 8sebab, sidok tau, entah neh budak ataupun ura merdeka, jiko neh melakukan hal te baek, Tuhan akan merik upah ngau neh.9Tuan-tuan, pulahlah ugok ngau hamba-hamba neh. berentilah ngancam kerno ketauklah baek Tuan neh atau Tuan sidok samo-samo bisik de surgo, Neh ndo pilih kaseh.10Akhirneh, jadilah kuat dalam Tuhan tamai dalam kuat kuaso-Neh. 11Gunolah seluruh pelengkap senyato Allah supayo neh tauk bediri ngelawan tipu dayo Iblis.12Sebab, pejuangan kito bukan ngelawan dagen namai darah. Kareno yok, 13Gunolah seluruh pelengkap senyato Allah supayo neh tauk tetab tan antik ari te jai yok datai, udah yok semuo selesai neh tetab bediri14Jadi, bedirilah tegoh, tamai menguat ikat pinga kebenaran deseputar pungo neh dan pengau lah baju zirah keadilan, 15Pengaulah alas kaki neh ngau siapkan injil damai sejahtera. 16Dalam segalo hal, amiklah perisai.17Amiklah ketopong keselamatan serto peda Roh, yoklah Firman Allah, Samil berdoa tiap waktu dalam Roh ngau semuo doa tamai permohonan. 18Dalam doa neh yok, bejago-jagolah ngau segalo ketekunan samil menaekkan semuo permohonan ngau semuo ura kudus19Bedoalah ugok ngau aku supayo ketiko aku mukok mulut ku, umung dekaruniakan ngau aku sehingo aku berani madah berito injil. 20Kerno injil yok lah, aku nyadi utusan te terbelenggu. Doakanlah agar aku tauk memberitakannya ngau berani macam searusnyo aku ngumung.21Tikhikus, menyadik seimanku te de kaseh ngau pelayan te setia dalam Tuhan, akan madah segalo sesuatu ngau kitak supayo kitak ugok tauk bako keti keadaanku tamai apo te aku pulah. 22Aku ngutus sidok ngau kitak ngau tujuan tuk, yoklah supayo sidok tauk kabar kitak supayo neh tauk ngibur ati kitak23Damai sejahtera ngau sedaro-sedaro seiman, dalam kaseh ngau iman dari Allah bapa Tuhan Yesus Kristus. 24Anugrah nyertai semuo ura te ngaseh Tuhan kita, Kristus Yesus, ngau kaseh te ndo akan binaso.

Philippians

Chapter 1

1Ari Paulus tamai Timotius, hamba Yesus Kristus, ngau semuo ura kudus:2 Anugerah tamai damai sejahtero ari Allah, Bapa kita dan Tuhan Yesus Kristus!3Aku besyukur nguso Allah setiap kali aku ngingat kitak.4 Dalam doaku ngau kitak semuo, aku selampor bedoa ngau sukacita.5 Kerno kerjo samo te deberik dalam penderitoan Injil dari ari pertamo sampai pituk.6 Aku benar pecayok ngau Ia te udah mulai dulu ngerjo pekerjoan te baek de antaro kitak, Ia gok akan menyempurnakan sampai ari Yesus Kristus.7Udah sepantasnya aku ngeraso bako tuk ngau kitak, kerno kitak semuo bisik de atiku. Baek ketiko aku depenjaro maupun ketiko aku merik pembeloan tamai penguat nagu Injil, kitak udah jadi kaban besamoku dalam anugerah Allah.8 Allah adalah saksiku, betapo aku ngerindu ke kitak semuo dalam kaseh Yesus Kristus.9Tuk am doaku: kiro neh kasehmu makin betamah-tamah ngau pengetahuan tamai segalo hikmat.10 sehinggo kitak tau milih apo te baek; supayo dirimu tulus tamai tak becacat pada ari Kristus;11 Tamai depenuh ngau buah-buah kebenaran te datai ngelalui Kristus Yesus ngau muliakan tamai muji ngau Allah.12Balomenyanak, aku kok kitak ketauk bahwo apo te udah tejadi nagau aku yok maik kemajuan ngau Injil.13 Sehinggo semuo pengawal Istana tamai semuo ura lain tau bahwo aku de penjaro bagi Kristus.14 sebakian besai nenyanak seiman te makin yakin ngau Tuhan kerno pemenjaraanku tuk, ngau lebih berani mengabarkan Firman Allah nisik raso takut.15Memang, bisik ura-ura te memberitokan Kristus kerno iri tamai besaing, yapi bisik gok te kerno maksud baek.16 Sidok te bemaksud baek melakukan yok kerno kaseh sebab sidok ketauk bahwo aku detempatkan di tuk bagi pembela Injil.17 Sedangkan te demansud endo baek, sidok ngelakukan yok kerno ambisi egois, endo tulus tamai bepikir sidok tau menambah kesulitan ngau aku selamah aku depenjaro.18Lalu apo hasil neh? te penting adalah nagu caro apo pun, baek ngau maksud purok-purok maupun maksud te benar, Kristus deberitokan, ngau yok lah aku besukocita. Ya, aku akan terus bersukocito,19 sebab aku tetauk bahwo melalui doa-doamu tamai pertolongan Roh Kristus Yesus, apo te udah terjadi nguso aku justu akan jadi pembebasanku.20Harapan te aku pecayok adalah aku samo sekali endo buleh malu. Sebaekneh, aku buleh keberanian penuh sok Kristus, bako pituk tamai selalu, demuliakan dalam tubukku, baek dalam keadaan idup tamai mati.21 Kerno bagiku, idup adalah Kristus tamai mati adalah keuntungan.22Akan tetapi, jika aku harus idup dalam tubuh tuk, bearti aku akan bekerjo menghasilkan buah. lalu, ni te arus aku pileh, aku endo ketauk.23 Aku teselepit de antaro duo pilihan tuk. kemauk aku adalah nudi ke idup tuk tamai besamo Kristus, kerno yok jauh lebih baek.24 Akan tetapi, ngau kitak, akan lenih beguno jiko aku tetap idup dalam tubuh tuk.25Ngau keyakinan tuk, aku ketauk aku akan dudi tamai kitak semuo demi kemajuan tamai sukocito dalam Iman. 26Antik aku bebalek agik nguso kitak, mako kebanggaanku akan betamah dalam Yesus Kristus kerno aku. 27Antik piyok, iduplah ngau caro te baek bagi Injil Kristus supayo antik aku datai tamai betemu ngau kitak, atau antik endo datai, aku udah menin bahwo kitak tetap bediri teguh dalam satu roh, tamaisatu pikiran, ngau bejuang besamo-samo ngau iman ari Injil.28Nang biarkan sidok ditakut-takut uleh lawan-lawanmu, kerno yok adolah tando jelas kehancuran ngau sidok, tapi keselamatan bagi kitak, tamai tando yok pun ari Tuhan.29 Sebab demi Kristus kitak udah dikaruniakan bukan hanyo ngau pecayok nguso Tuhan, tapi ugok menderito bagi Dia. 30Yok lah sebab neh kitak menghadapi pergumulan-pergumulan te samo te kitak pantau te aku hadapi, tamai te pituk kitak penin aku agik tengah mengalami.
Chapter 2

1Jadi, antik dalam Kristus bisik dorongan semangat, penghiburan kaseh, persekutuan Roh, kaseh sayang,tamai belas kaseh,2 Sempurno keh sukocitoku ngau sehati sepikir, bisik kaseh te samo,disutik ke dalam roh, ngau buleh satu tujuan.3Nang ngelaku apo pun ari kedekok te egois atau kesombongan te sio-sio; tapi ngau kerendahan ati, anggaplah ura lain lebeh penting ari pado dirik kedirik.4 Nanglah masing-masing kitak hanyo mantau ngeu kepentinganmu kedirik, tapi ugok ngusokepentingan ura lain.5Isok am pemikir tuk bisik de antero kitak, bako te miliki uleh Yesus Kristus,6 te walupun bisik muo. 7Sebaek neh, Ia mulah dirik-Neh endo buleh apo-apo ngau menghambakan dirik ngau budak ngau nyadi samo ngau rupo mensio.8 Dalam keadaan-Neh bako mensio, Neh ngerendah ke dirik-Neh tamai taat sampai mati, bahkan mati de daret kayu salib.9Ngau alasan yol am, Allah sangat meninggikan Dia tamai menganugerahan nguso-Neh namo didarat segalo namo.10 supayo dalam namo Yesus setiap peletut betelut, baek te ado de langit, tebisik de bumi, maupun te ado de baruh bumi,11 Semuo dilah ngaku bahwo Kristus Yesus adolah Tuhan, ngau kemuliaan Allah, Sang Bapa.12Karno yok, balo menyanak te dekaseh, keti kitak te selarat taat,bukan hanyo bisk aku tamai kitak, lebih-lebih pituk aku nisik tamai kitak, kerjo keselamatan ngau takut tamai gentar.13 sebab, Allahlah te bekerjo de dalam kitak, baek ngau ngigin maupun ngau ngerjoke apo te nyenang-Neh.14Pulahlah semuo yok endo ngau besungut tamai bebantah.15 Sok kitak endo becacat tamai endo besalah, sebagai anak-anak Allah te endo becela de tengah-tengah generasi te bingkok tamai sesat yok, sehinggo kitak besinar de antero sidok sebagai tera dunio.16 bepegailah kuat ngau Firman kehidupan supayo pado ari Kristus, aku buleh alasan nagu bermegah bahwo aku endo belari ngau sio-sio tamai bekerjo kerin ngau sio-sio.17Sekali pun aku harus dicurahkanbako cawan persembahan de darat kurban tamai pelayanan imanmu, aku begembiro tamai besukocito ngau kitak semuo.18 Piok gok kitak, ngau alasan te samo, begembiro tamai besukocitolah besamo ngau aku.19Dalam Tuhan Yesus aku bearap tau segero ngutus Timotius nguso kitak sok aku de hibur ketiko meninkabar tenta kitak.20 Sebab aku nisik ura lain te bako Neh, te udah ngau tulus peduli kesejahteraan Neh.21 sebab, te lain hanyo sibok ngau kepentingan neh kedirik, bukan kepentingan Yesus Kristus.22Bako kitak ketauk, Timotius udah membuktikan dirik neh berego, neh ngelayan besamo demi kemajuan pemberitoan Injil bako nemiak nuso apai neh.23 Kerno yok, aku berarap atuk nutus neh segero seudah aku ketauk apo te kok terjadi ngau aku. 24Aku pecayok nguso Tuhan bahwo aku kedirik ugok kok segero datai nguso kitak.25Antik piyok, aku berpikir perlu ugok ngutus Epafrodius nguso kitak. Neh adolah menyanak, kaban sepelayanan kito, tamai ugok ura te maik pesan nguso aku tamai ngelayan te dengau aku.26 Sebab, ia sangat gaok ke kitak semuo tamai sangat susah ati neh kerno kitak menin neh pedeh.27 Memang, subok neh pedeh sampai kok mati, tapi Allah nuyuk belas kaseh nuso neh, bukan hanyo nuso neh, tapi ugok nguso aku, sok sukocito endo betumpok-tumpok.28Kerno yok, aku jadi semakin kok ngutus agik nguso kitak supayo kitak tauk bersuko cito ketiko mantau agik, tamai bekuralah kuwater aku.29 Sebut am Epafroditus dalam Tuhan ngau penuh sukacito tamai hormatilah ura-ura bako neh.30 kerno neh ampir mati demi pekerjoan Kristus; neh mempertaruhkan nyawo neh ngau nanti pemerik te endo tau kitak berik ngau aku.
Chapter 3

1Akhir neh, balo menyanak, bersukocitolah dalam Tuhan. Aku endo keberatan nulis agik hal-hal te samo nguso kitak kerno hal tuk akan nyago kitak.2 Waspadalah ngau asuk-asuk,3 Sebab kitolah ura-ura besunat te sejati, te nyembah dalam Roh Allah, memuliakan Yesus Kristus, tamai te endo naruh pecayok ngau hal-hal te lahiriah.4Walaupun aku sebenarneh bisik alasan ngau ngepah ngau hal-hal lahiriah. Antik bisik ura lain te bepikir bahwo neh bisik alasan ngau ngepah ngau hal-hal te lahiriah, lebeh agik aku; 5Aku disunat pada ari ke lapan bangso Israel tubah.6Dalam hal semangat, aku adolah penganiaya jemaat, tamai hal kebenaran de baruh Hukum Taurat, aku endo becacat.7 Antik piyok, segalo sesuatu te subok ngunto ke aku, pituk kuanggap rugi kerno Kristus.8Sungguh, segalo sesuatu kuanggap rugi dibandingkan ngau pengenalan akan Yesus Kristus, Tuhanku, te jauh lebeh berego ari apo pun. Demi Kristus, aku udah lenyau semuo ,kerno semuo yok pituk kuanggap sampah! Supayo aku buleh Kristus.9 Aku de buleh dalam Kristus bukan dalam kebenaran te berasal ari dirik aku kedirik te buleh ari Hukum Taurat, tapi te datai ngelalui iman dalam Kristus, yaitu kebenaran ari Allah te bedasarkan ngau Iman.10 Kiro neh aku tauk mengenal Dia tamai kuasa kebangkitan-Nya, tamai bersatu dalam penderitoan Yesus ngau menjadi bako Dia dalam kematianYesus.11 Sehinggo pada akhirnya aku memperoleh kebangkitan ari antaro ura mati.12Namun, bukan bereti aku udah nemu atau udah sempurno, melainkan aku mengejarnya supayo aku menangkapnya bako Kristus Yesus udah nangkap aku.13 Balo menyanak,aku endo menganggap bahwo aku udah nangkap neh. Akan tetapi, sutik hal te kulakukan; aku kelupo apo te de belaka aku tamai mengarahkan dirik nguso apo te muo aku.14 Aku terus maju ngau tujuan ngau buleh hadiah, yaitu panggilan Surgawi ari Allah dalam Yesus Kristus.15Boh kito te sempurno bepikir bako pituk. Antik kitak endo bepikir pituk, Allah akan menunjuk ngau jelas ngau kitak.16 Antik piyok boh kito selampr idup sesuai ngau kebenaran te udah kito miliki.17Balo menyanak, tamailah teladan tamai pantau ngau benar ura-ura te idup sesuai ngau teladan te kitak pantau ari kami. 18Sebab, bangat ura te idup sebagai musuh-musuh salib Kristus. Tenta hal tuk, aku udah pisit becerito nuso kitak pituk aku menceritokanagik ngau aik mato.19 Akhir idup sidokadolah kebinasaan, kerno allah sidok adolah perut sidok, tamai pujian sidok adolah hal-hal te memalukan. Pikiran sidok hanyolah nguso hal-hal duniawi.20Antik piyok, kewarganegaraan kito adolah de surgo, dini kito ngau penuh semangat nungguk juru Selamat, yaitu Tuhan Yesus Kristus.21 Ia akan mengubah tubuh kehinaan kito jadi sempurno ngau tubuh kemuliaan-Nya. Ngau kuaso-Nya yok, Kristus mampu maik segalo sesuatu tunuk nguso-Nya.
Chapter 4

1Kerno yok, balo menyanak te de kaseh tamai te de rindu, te nyadi sukocito tamai te debanggokan, bediri teguh dalam Tuhan.2 Aku sangat mohon ngau Euodia tamai Sintikhe ngau idup rukun dalam Tuhan. 3Yok am, aku mintok nguso kitak, balo menyanak sejatiku, tulo balo betinok-betinok tuk kerno sidok udah kerjo keras tamai aku demi pelayanan Injil, ugok besamo Klemens tamai balo kaban-kaban sekerjo te lain, te namo-namo detulis dalam buku kehidupan.4Bersukacitolah selalu dalam Tuhan. sekali agik ku madah, bersukacitolah! 5Sokam kelembutan ati kitak diketauk semuo ura. Tuhan udah semak.6 Nang kuwatir tenta apo pun uguk. Tapi, dalam segalo sesuatu padah keinginan nguso Allah dalam doa tamai permohonan serto ucapan syukur.7 Damai sejahtero Allah te melampaui segalo pengertian te meliharo ati tamai pikiran dalam Yesus Kristus.8Akhir neh, balo menyanak, semuo te benar, semuo te mulio, semuo te adil, semuo te suci, senuo te depuji, semuo te sempurno, semuo te tauk depuji, pikir semuo yok.9 Apo te udah depelajar, te de terimo, penin, tamai pantau ari aku, pulah lah bako yok, maka Allah sumber damai sejahtera akan menyertai kitak.10Aku sangat bersukocito dalam Tuhan kerno pituk,akhir neh kitak merik agik perhatian nguso aku. Memang, sepan yok kitak merik perhatian nguso aku, tapi kitak endo bisik kesempatan.11 Aku madah kitak dalam hal tuk bukan kerno aku tengah kekurangan, sebab aku udah belajar mencukupkan dirik dalam keadan apo pun.12 Aku ketauk apo reti kekura, tamai aku gok ketauk apo bekelimpahan. Dalam segalo tamai setiap keadaan, aku udah belajar rahasio idup bekecukupan, apokah ngau kenyang tamai lapar, apokah idup bangat duit tamai endo sik duit.13 Aku tauk ngerjo segalo sesuatu ngelalu Dia te merik kekuatan nguso aku.14Namun, kitak udah berbuat baek kok berbagi beban ngau aku.15 Kitak kedirik tauk, jemaat Filipi, ketiko pertamo pelayanan Injil, seudah aku nudi wilayah Makedonia, endo bisik jemaat te kok berbagi beban ngau aku dalam hal merik tamai nerimok, kecuali kitak. 16Bahkan, ketiko de kota Tesalonika, kitak ngirim bantuan ngau kebutuhanku lebih ari sekalik. 17Namun, bukan bantuan yok te aku gegok, tapi aku ngegok buah te kok besai keuntungan ngau kitak,18Aku udah nerimok pemayaran penuh, bahakn lebih. Aku empuk semuo te aku perelukan kerno pemerikan te kitak kirim nguso aku ngelalui Epafroditus. Pemerik kitak yok nyadi persembahan te harum, korban te bekenan, tamai nyenang ke Allah.19 Allah ku akan memenuhi segalo te deperlukan nurut kekayoan-Nya te mulio dalam Yesus Kristus.20 Kemulian nguso Allah Bapa kito ngau selamo-lamonya. Amin.21Padah ke salam kami nguso setiap ura kudus dalam Yesus Kristus.22 Salam ngau kitak ari menyanak seiman te besamo dituk. Semuo ura kudus ngirim salam ngau kitak, khususnya sidok te bekerjo ngelayan de istana Kaisar. 23Anugerah ari Tuhan Yesus Kristus.

Colossians

Chapter 1

1Re Paulus, te jadi rasul Yesus Kristus ulih kemau'k Allah, serto re Timotius menyanak seiman kito.2 Nguso ura-ura kudus tamai balo menyanak seiman te setio dalam Kristus di Kolose. Kasih karunio ngau kitak serto damai sejahtero re Allah apak kito.3 Watu kami bedu'o ngau kitak, kami selalu ngucap syukur nguso Allah, Apak Tuhan kito Yesus Kristus,4Utan kami mednin tenta iman kitak dalam Yesus Kristus tamai kasih te kitak empu ngau semuo ura kudus.5 Iman tamai kasih yok pansut uleh sangat bearap te di sedio ngau kitak di surgo. 6 Injil yok udah sampai ngau kitak kedok ke seluruh dunio serto injil tuk selampur ngasil buah tamai bekema, samo upo udah tejadi di tengah kitak, watu ari kitak mednin neh serto ngerti kasih karunio Allah dalam te benar.7Kitak udah belajar hal tuk re Epafras, kaban ngelayan kami ute kami kasih, ute udah jadi pelayan Kristus te setio ngau kitak.8 Neh yok te udah madah nguso kami tenta kasih kitak dalam Roh.9Ute piyok, watu ari kami mendnin, kami endo suah betegok berdu'o ngau kitak serto mintok isok Tuhan merik kitak penauk tamai pengerti uleh kemau'k-Neh dalam semuo penumut tamai penerti te rohani.10 Sento macam nyok, kitak tauk idup ngau caro te patut de muo Tuhan, nyuruh neh gago enta semuo utan, ngasil bagat buah dalam bekerjo te bae'k, serto betumuh dalam pengerti re Allah.11Semugo kitak dikuat ngau semuo penguat sesuai ngau kemulio-Neh isok kitak bulih segalo utan tamai sabar ngau senang ati. 12Beterimok kasih nguso Allah Apak kito te udah mulah kitak patut nerimok duman re ura-ura kudus dalam tera.13Neh udah ngelecut kito re kuaso keleman tamai minah kito nguso Petingi Anak-Neh te di kasih-Neh. 14Ulih Anak-Neh yok, kito udah di tebus, duso-duso kito usah di ampun15Kristus yok gamar re Allah ute endo te pantau, te sikuk re semuo pempulah-Neh. 16 Kebok ulih-Neh, semuo utan te ado di surgo tamai te di bumi diciptaneh, utan te dipantau serto te endo dipantau, bae'k takhta, daerah kuaso, pemeritah atau penguaso. semuo utan udah di cipta ngelalu-Neh serto ngau-Neh. 17Neh udah ado seapan semuo utan, serto semuo utan ado besamo-samo ngau Neh.18Neh yok kepalo re tubuh, yokneh jemaat. Neh yok gok te nemulo, te tuo bangkit re sentaro ura mati isok Neh jadi te pertamo re semuo utan. 19Kebok,Allah peduli isok semuo utan-Neh nugau di dalam Neh. 20Ngelalu Neh, semuo utan bedamai ngau dirik-Neh, bae'k te ado di bumi piyok gok te ado di surgo, yokneh bedamai ngelalu Darah-Neh te encucur di darat kayu salib.21Kitak subok jauh re Allah, bemusuh ngau Allah dalam ati pikiran kitak, serto ngelaku pempulah- pempulah te jai'i, 22 Pituk kitak udah bedamai ngau tubuh jasmani Kristus ngelalu kematian-Neh ngau merik pesemah kitak sebagai pesemah te kudus, endo becacat, tamai endo kuto'r di muo Allah.23 tetep em kitak nugau dalam iman, kuat serto teguh nusah di gisier re pengarap injil te kitak pednin, te udah di kabar ngau semuo utan di baruh langit, te ulih-Neh aku tuk Paulus jadi pelayan.24Pituk, aku gago dalam derito te aku alam demi kitak, kebok di dalam dagin aku tuk, aku ngelengkap apo te kura dalam derito Kristus, demi tubuh-Neh, yokneh jemaat.25 Aku jadi pelayan jemaat sesuai ngau tugas te di pecayok re Allah te diserahneh ngau aku bagi kitak isok aku tauk ngabar berito firman Allah ngau sepenuhneh.26 tuk em rasio te belapok re jaman ke jaman tamai re keturun ke keturun tapi pituk udah di padah neh nguso ura-ura kudus-Neh. 27Allah mau'k madah ngau sidok betapo kayo rasio te mulio tuk di tengah banso-banso te lain, ute Kristus ado didalam kitak, yok neh pengarap re te mulio.28Kami madah tenta Neh ngau ngeh'raro tamai ngajar semuo ura ngau segalo hikmat isok kami tauk ngemaik semuo ura jadi sempurno dalam kristus.29 Ngau utan tuk, aku gok besusah payah, berusaho sesuai ngau kuaso-Neh te bekerjo secaro kuat di dalam aku.
Chapter 2

1Kebok aku mau'k, kitak ketauk sajo berat aku bejua keras ngau kitak, serto ngau sidok te bisi'k di Laodikia, serto ngau semuo ura te apan suah betemu ngau aku. 2Isok ati sidok te ibur serto sidok besatu dalam kasih sampai sidok empu semuo kekayo te berasal re pengerti tamai penauk re rasio Allah, yok em neh Kristus kedirik. 3Enta Neh, belapok semuo reto re penumut tamai penauk.4Aku madah utan tuk isok endo bisi'k ura te mau'k nipu kitak serto bepadu di pednin jekuk neh beguno. 5Meski tubuh aku endo bisi'k besamo kitak, tapi aku besamo kitak dalam roh, serto aku gago mantau kitak seati idup teratur te bae'k tamai iman kitak te kuat dalam Kristus6Jadi, kitak udah nerimok Yesus Kristus sebagai Tuhan kitak, iduplah selampur dalam Neh, 7Arus beakar tamai pulah dirik kitak dalam Neh, di teguh benar iman kitak upo te udah di ajar ngau kitak, serto belimpah ruah ati kitak ngau ngucap syukur.8Ati-ati isok nang sampai bisi'k ura te mau'k nyebak kitak ngau ajar te pua tauk nyesat, te asal neh re budayo mensio tamai dasar roh dunio serto bukan ngau atur Kristus.9 kebok, aro Neh nugau semuo te di penuh ilahi te idup dalam bentuk rago tubuh biaso.10Kitak udah de penuh de dalam-Neh, Neh yok kepalo re semuo petingi pemeritah tamai penguaso.11 Enta Neh, kitak udah de sunat, endo ngau sunat jari mensio, tapi ngau sunat te laku uleh Kristus, yok neh ngelecut tubuh dagin te beduso. 12Dalam baptis, kitak dikubo'r bereto ngau Kristus, Piyok gok dibangkit besamo-samo ngau Neh ngelalu iman kitak dalam kuaso Allah te mangkit Neh re sentaro ura mati.13Meski subok kitak mati dalam penyalah-penyalah kitak serto dalam kemau'k dagin kitak te endo besunat, Allah nyuruh kitak idup besamo-samo ngau Neh, te udah Neh ampun semuo penyalah kito. 14Neh udah ngapus balo surat uta tamai atur te de tuntut serto ngaral ubo'u entaro Allah tamai kito. udah de amik-Neh serto di paku dedarat kayu salib. 15Neh ngelepas balo petingi tamai penguaso, lalu nyuruh sidok de tuntun te mulah malu uleh Neh te menang de darat kayu salib.16Kebok piyok, nang ngisok seura pun ngakim kitak ngau utan te demakai tamai deminum atau ari rayo, perayo bulan baru atau ari sabat 17Semuo yok bayangan genno ute hal-hal te kok datai, tapi gamar te asli yok neh Kristus.18Nusah ngisok ura te senang secaro ngerenah ati te palsu serto nyemah ngau balo malaikat te ngakim kitak. sidok yok ura-ura te mau'k ngau pemantau te hal khusus isok nyuruh pemikir sidok summo uleh penapat dunio.19 Ura macam nyok endo bepegai teguh ngau kepalo. Kepalo yok te nupa semuo tubuh, serto semuo tubuh di sutik uleh urat-urat tamai bukuk-bukuk tula, semuonyok betumuh te berasal re Allah.20Bilo kitak udah mati besamo ngau Kristus nudi atur pekaro dunio, ngapo kitak agik mikir pempulah dunio, tunuk ngau atur pekaro upo te dididah:21 "Nusah nyeput, nusah ngaso, nusah enculit"? 22Semuo atur nyok punas te udah nurut, ute atur pekaro yok de pulah jekuk ngau pemadah tamai ajar mensio. 23Atur upo yok de perati bangat penumut nampak kedirik rajin semaya te nuju pemikir dirik ngau renah ati te palsu serto nyiso tubuh dirik, semuo nyok endo sik guno, endo lebih ngau muas idup didunio.
Chapter 3

1Anti'k kitak udah de bangkit besamo Kristus, gegok em pekaro te di darat, aro Kristus bisi'k, duduk de sepiak kanan Allah. 2Pikirlah pekaro de darat, bukan pekaro de bumi.3 Ute, kitak udah mati serto idup kitak belapok besamo Kristus de dalam Allah.4 Bilo Kristus, yok em idup kitak ngenampak kedirik-Neh, kitak gok tentu nampak dalam kemulio besamo-samo ngau Neh.5Kebok piyok, de mati tebiat apo utan te berasal re tebiat dunio kitak, utan nyok te cabul, te dipanta, te benafsu, kemau'k te jai'i, tamai ute teridok, te samo nyemah ngau balo pentek.6 Utan hal macam nyok ngenatai keluat Allah. 7Subok, kitak gok ngelakuneh watu kitak agik idup didalam nyok.8 Mungkok, pituk, buai em semuo yok: Luat, denam, bencik, ngutuk, tamai ngumung te kutur re mulut kitak.9Nusah rajin ngemulok ute kitak udah ngelepas mensio te lamah serto ngau pempulah neh. 10te udah ngenok ke mensio baru, secaro selampur de rubah ngau penauk sesuai ngau gamar re te di cipta-Neh. 11Dalam pekaro upo tuk, endo bisik agik ura Yunani, budak atau ura menang, tapi Kristus yok neh semuo serto ute dalam semuo utan.12Jadi, sebagai ura te di pilih Allah, te kudus tamai te di kasih, gunolah belas kasih, ramah, renah ati, lemah lemut tamai bagat kesabar. 13 Bagat sabar seura ngau te lain, serto salin ngampun pangan anti'k ado seura besalah ngau pangan te lain. Samo upo Tuhan udah ngampun kitak, upo yok kitak arus salin ngampun.14 Senta semuo yok, gunolah kasih, te jadi pengebat ute nyuruh senunuh tamai sempurno.15Aruslah damai sejahtreo Kristus ngelapan ati kitak, ute sajo ngau utan yok kitak de kumai jadi sutik tubuh,serto beterimok kasih. 16Aruslah pemadah Kristus nugau de dalam kitak secaro melimpah, ngau semuo penumut kitak ngajar tamai merik petuah seura ngau te lain, Nyanyilah mazmur, belagu bejaneh ensangan, tamai benyanyi rohani, semuonyok ngau penuh ngucap syukur terimok kasih de dalam ati kitak nguso Allah.17 Semuo utan te kitak pulah, bae'k pemadah atau pempulah, de laku semuo yok dalam damo Tuhan Yesus, samil ngucap syukur nguso Allah Apak ,ngelalu Neh.18Balo bini, tunuklah ngau laki kitak upoketi ute arus dalam Tuhan.19 Balo laki, kasihlah bini kitak serto nusah belaku keras ngau sidok.20 Balo nebiak, taatlah apai inai kitak dalam semuo utan ute hal upo tuk te nyenang Tuhan.21 Balo Apai Nusah medeh ati anak-anak kitak isok sidok endo jadi putus aso.22Balo Budak, taatlah balo tuan kitak te ado de dunio tuk dalam semuo utan. nusah di muo neh genno nyuruh ati sidok gago, tapi secaro tulus ati te takut ngau Tuhan.23 Apo pun te kitak pulah, arus de laku ngau sepenuh ati samo de layan ngau Tuhan serto bukan ngau mensio genno. 24 Ute kitak ketauk re Tuhan, kitak nerimok duman sebagai upah. Kristus Tuhan te tengah kitak layan.25 Kebok, ura te mulah penyalah te nerimok balas re penyalahneh,serto endo bisi'k sebali. Tuhan endo mandna ura.
Chapter 4

1Tuan-tuan, belakulah adil serto benar ngau balo budak kitak ute kitak ketauk gok ado empu tuan de surgo.2Betekun dalam berdu'o, serto bejago-jago samil ngucap bangat terimok kasih. 3Nang kelupo berdu'o gok ngau kami isok Allah mukok pintu ngau merik berito firman sampai kami tauk banai madah resio Kristus, uleh utan tuk aku di penyaro.4 semaya serto berdu'o ngau aku isok tauk nyampai secaro jelas banai upo keti arusneh aku becakap5Bepikirlah secaro jernih keti upo idup ngau ura-ura ute apan pecayok serto guno watu te ado sebae'k-bae'kneh.6 Aruslah kitak banai selalu bangat kasih, di berik bumu garam, isok kitak ketauk upo keti searus nyaut apo jekuk ura.7Tikhikus pasti ngisah semuo berito re aku. Neh yok menyanak te sutik iman ngau kito te di kasih, pelayan te setio, serto kaban sekerjo dalam Tuhan.8 Aku ngirum neh ngau kitak isok kitak ketauk upoketi idup kami, serto neh tauk ngibur ati kitak. 9Neh pasti datai bereto Onesimus, menyanak sutik iman kito te setio tamai te di kasih, seura di tengah kitak. sidok tentu madah nguso kitak semuo utan ute tejadi di tuk10Aristarkhus kaban aku di penyaro, ngirum salam ngau kitak, piyok gok Markus, Anak menyadik Barnabas, kitak udah nerimok petunyuk re neh; terimoklah neh bilo datai ngau kitak. 11 piyok gok salam re Yesus, te di kumai Yustus, Di tengah balo kaban te ngelayan besamo aku ngau kerajaan Allah, sidok yok genno te berasal re kelumpok ura besunat, te udah jadi pengibur bagi aku.12Epafras, menyanak sutik iman kitak, hambo Kristus Yesus, piyok gok ngirum salam ngau kitak. Neh selampur berdu'o ngau kitak isok kitak tauk bediri teguh tamai empu kepecayok penuh dalam semuo kemau'k Allah. 13Aku tauk merik kisah opuketi neh udah bangat susah ngau kitak serto bagi sidok te bisi'k di Laodikia tamai Hierapolis.14 Lukas, pemungkut entamo te di kasih. serto Demas ngirum salam ngau kitak.15Padah gok salam aku ngau balo menyanak te sutik iman do Loadikia, serto ngau Nimfa tamai jemaat te ado di dangauneh. 16Anti'k surat tuk udah dibaco ngau kitak, baco gok nguso jemaat Laodikia. isok surat ngau Loadikia di baco gok ngau kitak. 17padah gok ngau Arkhipus," Tulo de perati isok kitak encudah tugas ngelayan ute udah kitak terimok re Tuhan."18Aku, Paulus, nulis salam tuk ngau jari aku kedirik. nang kelupo berdu'o ngau aku ute agik dalam penyaro de kebat ngau rantai besi, kasih karunio Allah nyerto kitak.

1 Thessalonians

Chapter 1

1Re Paulus, Silwanus, serto Timotius nguso jemaat di Tesalonika, te ado dalam Allah Apai serto dalam Yesus Kristus. kasih karunio tamai damai sejahtero nyerto kitak.2Kami selampur ngucap syukur nguso Allah ngau kitak semuo, serto nyebut damo kitak dalam do'a semaya kami,3 selalu ngingat pekerjo iman kitak, usaho kasih, serto ketekun kitak bearap di dalam Tuhan kito, Yesus Kristus, di muo Allah serto Apai kito.4Balo menyanak te di kasih Tuhan, kitak arus ketauk, utan Neh udah milih kitak. 5 Kebok, Injil* Kami endo datai nguso kitak secaro bejantuh genno, tapi gok dalam kuaso, dalam roh kudus*, serto ngau keyakin penuh; samo ute kitak ketauk mensio macam apo kami tuk di tengah kitak, utan kepentin kitak.6Kitak udah jadi ura-ura te nurut kami tamai nurut Tuhan seda kitak nerimok firman sangat bangat derito ngau sukacito re Roh kudus,7 isok kitak jadi cuntuh ngau semuo ura pecayok di Makedonia tamai Akhaya.8kebok, re kitak firman Tuhan begema endo di Makedonia tamai Akhaya genno malah di semuo tempat, iman kitak ngau Allah udah nyebar sampai kami endo perlu madah apo- apo agik.9 Utan, sidok kedirik ute ngisah tenta kami, keti kitak nyamut kami, serto keti kitak bebalek nguso Allah re balo beralo ngau ngelayan Allah te idup tamai te 10benar,serto ngau nunguk kedatai Anak-Neh re surgo, ute udah Neh Bangkit re entaro ura mati, yokneh Yesus, te nyelamat kito re ukum te kok datai.
Chapter 2

1Balo menyanak,kitak kedirik ketauk kedatai kami nguso kitak endo percumo. 2Sunguh kami di siso watu yok, upo ute kitak ketauk, dianiayo tamai dibencik aro Filipi, kami empu keberani di dalam Tuhan ngabar injil* Allah nguso kitak tengah bangat dalam berjua.3Kebok pemadah kami endo berasal re jalai te sesat, endo asli, atau re utan pelsu, 4 tapi sebalek neh kami udah di setuju Allah ngau di pecayok Injil, piyok em kami becakap, bukan ngau nyenang mensio, tapi ngau nyenang Allah ute nguji ati kami.5Kami endo suah datai ngau baso te mujuk, upo ute kitak ketauk, atau bisi'k dalih ngau serakah-- Allah jadi saksi kami. 6 kami endo mintok puji re mensio, bae'k re kitak atau re ura lain, biar jadi balo rasul Kristus, kami tauk nuntut re kitak.7Tapi kami belaku lemah lemut di tengah kitak, upo seura inai te nginang tamai ngerawat anakneh kedirik. 8Bereti, dalam kasih saya te besai ngau kitak, kami mau'k merik ngau kitak bukan Injil* Allah genno, tapi idup kami kedirik kebok kitak udah sangat kami kasih.9 Utan piyok, kitak arus ingat balo menyanak, usaho tamai kerjo keras kami. kami bekerjo sia ngau malam isok kami endo jadi beban kitak, pelamah tuk kami ngabar Injil*Allah ngau kitak.10kitak yok saksi, piyok gok Allah, sajo suci,benar, endo bisi'k buruk jai'i di tengah kitak te pecayok. 11upo kitak ketauk, kami merik nasihat, ngibur,nyuruh kitak sikuk-sikuk, upo seura apak ngau anak-anakneh kedirik, 12isok kitak idup sesuai ngau kemau'k Allah, ute ngumai kitak tamok ke dalam k'rajo tamai k'mulio-Neh.13Kami selampur ngucap syukur nguso Allah ngau hal macam tuk, watu kitak nerimok firman Allah, ute kitak ped'nin re kami, kitak nerimokneh bukan pemadah mensio, tapi pemadah re Allah, te seda bekerjo di tengah kitak ura-ura pecayok.14Balo menyanak kitak udah jadi cuntuh ngau balo jemaat Allah dalam Yesus Kristus ute ado di Yudea, utan kitak ngalam derito gok ute samo re ura sebanso kitak kedirik, upo ute sidok alam re ura-ura Yahudi 15te udah munuh Tuhan Yesus tamai balo nabi,* serto ngusir kami. Sidok endo nyenang Allah tamai bemusuh ngau semuo ura. 16Sidok ngala kami serto bepadah nguso ura-ura bukan Yahudi isok sidok tauk di selamat. macam nyok sidok selampur ngemenuh duso sidok, tapi ukum udah turun ngau sidok sepenuhneh.17Balo menyanak kami semuo, udah berapo watu tuk kami bepisah re kitak, jauh di mato,tapi semak di ati, kami makin ridu serto mau'k betemu muo ngau kitak.18 Kebok,kami mau' k datai ngau kitak, kami duo Paulus, udah berapo kali, malah pisit kebok, tapi iblis slalu ngala kami.19 kebok sapo te di arap, sukocito, atau mahkota di gago kami di muo Tuhan Yesus watu kedatai-Neh? Kalau bukan kitak?20 Benar em kitak ute mulio tamai sukocito kami.
Chapter 3

1Utan piyok, kami udah endo tan agik, kami mutus netap nudi seura dirik di Atena,2 serto ngirim Timotius, menyadik kami tamai pelayan Tuhan, serto kaban sekerjo kami dalam Injil Kristus, ngau nguat tamai nasihat nuan te sangkut paut ngau iman nuan.3 Isok endo bisi'k seura pun te lemah iman uleh susah derito tuk. nuan kedirik ketauk utan kito arus ditentu ngau yok.4Aok bah, watu kami besamo ngau kitak, kami terus tera madah nuan utan kito mau'k ngalam derito te susah, utan yok udah tejadi upo ute kitak ketauk.5 Uleh utan yok, watu aku endo tan agik, aku ngutus ngau ngetauk iman kitak. aku takut, kalau ado te si ngudo udah ngerayu kitak bereti kepok letih kami jadi percumo.6Pituk, Timotius udah bekalih nguso kami aro penugau kitak, serto udah mai' k kabar bae' k tenta iman tamai kasih kitak ngau kami, utan kitak selalu naruh kenangan te bae' k ngau kami serto rinnu ngau betemu kami, upo kami gok rinnu betemu ngau kitak. 7 Kebok piyok, balo menyanak, anti' k semuo susah tamai bisi'k te pedih pelamah tuk, kami te'ibur ulih kitak ngelalu iman kitak.8Pituk genno, kami idup bilo kitak bediri teguh dalam Tuhan. 9Kebok, ucapan syukur apo te tauk kami berik nguso Allah utan kitak, sebagai ganti neh semuo sukacito ute kami raso di muo Allah ulih kitak? 10Sia malam kami semaya bedu'o secaro sunguh- sunguh isok kami tauk betemu agik ngau kitak,serto tauk ngelengkap apo te agik kura ngau iman kitak.11Pituk em, isok Allah serto Apak kedirik, tamai Yesus Tuhan kito, ute nunyuk jalai kami nguso nuan.12 Kironeh Tuhan mulah kitak betumuh tamai belimpah dalam kasih seura ngau te lain, serto semuo ura, upo te kami laku ngau kitak. 13 Kironeh Tuhan neguh ati kitak endo bisi'k cacatdalam ute bersih di muo Allah serto Apak kito watu kedatai Tuhan kito, Yesus, bereto beramo ura- ura kudus-Neh.
Chapter 4

1Pengabis tuk, balo menyanak, kami mintok serto merik nasihat ngau kitak dalam Tuhan Yesus isok upo te udah kitak terimok re kami tenta keti kitak arus idup tauk nyenang Allah laku utan yok lebih bae'k agik.2 Utan, kitak ketauk pemadah-perintah apo te kami padah ngau kitak ngelalu kuaso Tuhan Yesus.3Kebok tuk, kemau'k Allah: Te ngudus kitak*, kebok kitak arus nyauh dirik re pempulan endo sik reti; 4 masin-masin kitak ketauk keti nguasai tubuh kitak kedirik enta te kudus tamai te hormat,5 bukan caro mau'k te bangat nafsu upo ura-ura ute endo ngelalo Allah,6 isok nang bisi'k ura te ngelangar tamai nipu menyanakneh dalam hal upo tuk. Sebab Tuhan ado malas re semuo tuk, upo te kami padah watu yok, serto kami ingat lagik sunguh-sunguh ngau kitak.7Allah ngumai kito bukan ngelaku te jai'i, Neh nyuruh te bae'k, kudus.8 Kebok utan piyok, sapo pun te nulak ajar tuk, bukan nulak mensio, tapi neh nulak Allah, ute merik Roh Kudus-Neh* ngau kitak.9Tenta kasih menyanak endo perlu di gamar ngau kitak. utan kitak kedirik udah di ajar Allah ngau salin ngasih. 10Bah, kitak suah ngelakuneh ngau semuo menyanak te ado di Makedonia. tapi, balo menyanak semuo, kami mintok kitak benar sunguh isok kitak ngelakuneh lebih bae'k lagik, 11 Serto berusaho ngau idup te tauk tenang, urus em semuo utan urusan kitak kedirik, serto bekerjo ngau jari kitak kedirik, upo te udah kami padah ngau kitak, 12 Isok kitak tauk nyalan idup secaro pantas di perati ura-ura luar tamai endo bisi'k te kura apo-apo.13Balo menyanak, kami endo mau'k kitak endo ketauk tenta ura-ura te udah mati. 14Anti'k, bilo kito pecayok ke Yesus udah mati lalu bangkit, kito gok pecayok ke Allah te ngumpul sidok udah mati di dalam Yesus bereto beramo ngau Neh. 15Kami madah hal macam tuk nguso kitak ngau firman Tuhan, ute kitak te lagik idup, te lagik ado sampai Tuhan datai, endo tentu neh dulu re sidok te udah mati. 1kor.15:51-5216Tuhan kedirik pasti turun re surgo secaro mangkas, ingan re pengulu malaikat, serto ngau ingan trumpit Allah, ute sidok dulu mati dalam Kristus, te bangkit lebih dulu. 17Baru'k kito ute lagik idup, te agik tedudi, mau'k di angkat Neh bereto-beramo ngau sidok dalam awan nguso Tuhan di engkaso udaro, piyok em kito mau'k selalu besamo ngau Tuhan. 18Kebok piyok, ibur em seura ngau te lain ngau pemadah-pemadah tuk.
Chapter 5

1Pituk, balo menyanak, tenta watu tamai jamanneh, endo perlu di tulis ngau kitak.2 Kebok, kitak kedirik benar-benar ketauk bilo ari Tuhan kok datai upo pencuri watu malam ari. 3 Bilo ura-ura madah," Damai tamai aman" binaso kok datai ngau sidok secaro sekelin, upo pemedih betinok te kok beranak, tentu sidok endo tauk ngelulus dirik.4Tapi, balo menyanak, kitak endo idup dalam gelap sampai ari tuk kemau'k nguso kitak upo seura pencuri. 5 Kitak semuo adolah anak-anak tera tamai anak-anak sia. kito endo berasal re malam atau keleman. 6 Kebok piyok, nusah kito tido'r upo ura-ura lain, tapi buh kito tetap tejago serto uwas-uwas.7 Ura te tidour, tidour watu malam ari serto ura te mabuk, neh mabuk watu malam ari gok.8Tapi kito tuk em anak-anak sia, buh kito sadar, nyaruok baju zirah(besi) iman tamai kasih bearap te selamat.9 Allah endo netap kito ngau ngalam ukum, tapi ngau bulih selamat ngelalu Tuhan kito,Yesus Kristus, 10te udah mati bagi kito isok kito, entah tejago atau te tidour, tauk tingal besamo ngau-Neh. 11Utan pituk, berik nasihat sikuk ngau te lain tamai salin nulo, upo te seda kitak laku pituk.12Menyanak-menyadik, kami mintok kitak selalu merik hormat ngau sidok te mantin bekerjo di tengah kitak, tamai te mimpin kitak dalam Tuhan, serto ute ngeh'raro kitak. 13Junyolah sidok sunguh-sunguh dalam kasih utan te dikerjo sidok. Iduplah dalam damai seura ngau te lain. 14Kami merik nasihat ngau kitak, balo menyanak, h'raro sidok te idup lemau-lemau, kuat ke sidok te renyai ati, tulo sidok te lemah, serto sabar ngau semuo ura.15Perati, isok nang bisi'k ura te malas jai'i ngau te jai'i, tapi selalu berusaho ngelaku te bae'k di tengah kitak tamai ngau semuo ura. 16Besukocitolah selampur! 17Rajinlah berdu'o!18 Ngucap syukurlah dalam segalo utan. Kebok,tuk em kemau'k Allah ngau kitak di dalam Yesus Kristus.19Nusah padam ke Roh!* 20 Nusah ma'nda renah nubuat-nubuat! 21Tapi ujilah segalo utan! Pegailah apo te bae'k!.22 Nang nyemak re semuo utan te jai'i!.23Semugo, Allah damai sejahtero kedirik ngudus kitak semuoneh. kiro Roh, jiwo,tamai tubuh kitak tepeliaro semuo nyok, endo cacat watu kedatai Tuhan kito, Yesus Kristus.24 Neh te ngumai kitak adolah setia, Neh pasti mau'k ngelakuneh.25Menyanak-menyadik, bedu'o gok ngau kami!. 26Beriklah salam ngau semuo menyanak ngau cium kudus.27 Aku mintok kitak secaro benar demi damo Tuhan, tauk maco surat tuk nguso semuo menyanak din. 28Anugerah Tuhan kito, Kristus Yesus, nyerto kitak.

2 Thessalonians

Chapter 1

1Salam re Paulus, Silwanus, serto Timotius, ngau jemaat di Tesalonika dalam Allah,Apak kito, serto Tuhan Yesus Kristus. 2Anugerah serto damai sejahtero ngau kitak re Allah, Apak kito, serto Tuhan Yesus Kristus.3Kami arus selalu besyukur nguso Allah ulih kitak, balo menyanak. utan tuk sajo patut upo yok. kebok, iman kitak betumuh secaro melimpah tamai kasih te kitak empu tamai pangan betamah besai.4 Alangkah bae'k, kami kedirik becakap ngau ati gago tenta kitak di muo balo jemaat Tuhan, uleh kesabar serto iman kitak di tengah bangat penganiayo tamai kesusah ati te kitak alam selamah tuk.5 tuk neh bukti pengakim te adil re Allah, utan kitak diangap patut bagi petingi Tuhan piyok gok kitak udah bangat susah.6Sajo piyok, adil bagi Tuhan anti'k Neh malas ninas ngau sidok te nyuruh kitak bangat derito,7 tapi Neh merik ati lapa ngau kitak te kenok tinas, piyok gok ngau kami, watu Tuhan Yesus nampak dirik re surgo bereto balo malaikat-Neh te bekuaso,8 dalam api te nyalo,ngelaku malas ngau sidok te endo ngelalo Allah serto endo taat ke injil* Yesus Tuhan kito.9Sidok pasti nyalan ukum binaso selamah-lamahneh, jauh re pemisi'k Tuhan serto re te mulio kuaso-Neh. 10watu Neh datai di mulio uleh ura-ura kudus-Neh, serto di gauk ditengah semuo ura-ura udah pecayok,--kebok gisah tuk di padah ngau kitak te pecayok.11kebok em pituk, kami selampur semaya ngau kitak, sekironeh Allah kito patut ngumai kitak serto menuh apo te di kemau'k ngau pempulah bae'k tamai pekerjo iman ngau kuaso-Neh, 12isok damo Tuhan Yesus kito di mulio dalam kitak, serto kitak di dalam Neh, sesuai ngau anugerah Allah kito tamai Tuhan Yesus Kristus.
Chapter 2

1Pituk, tenta kedatai Tuhan kita, Yesus Kristus, serto watu kito di sutikneh besamo ngau Neh, kami mintok ke kitak balo menyanak,2 isok kitak endo cepat pusin dalam mikir te gelisah watu med' nin ari Tuhan Udah datai* atau nerimok pesan atau surat te seumpamo re kami.3Nusah ngisok dirik kitak di sesat uleh ura ngau caro apo pun. seapan ari yok, 4te ngelawan tamai ningik kedirikneh di muo semuo ute di sebut allah atau balo utan te di semah ura; kemau'k neh ngamik tempat duduk di Bait Allah serto madah dirik neh upo Allah.5Endo ingat kah kitak watu aku agik besamo kitak, aku madah hal macam tuk ngau kitak?6 Pituk, kitak ketauk apo te nahan neh sampai sento watuneh kelok, Neh mau'k nampak kedirik-Neh. 7 Kebok, semuo resio durhako udah tengah bekerjo,tapi lagik ado te nahanneh lagik tetap nahanneh sampai semuo yok di buai jauh-jauh,8Udah yok, mensio te jai'i yok baru kok nampak kedirik neh. tapi Tuhan mau'k munuh neh ngau penyuan re mulut-Neh serto ngayapneh, watu neh datai lagik. 9 Datai mensio te jai'i yok samo ngau pekerjo iblis*, bebekal sagalo macam kuaso, tanno-tanno aneh serto bangat mujisat te pelsu;10 serto ngau semuo tipu dayo te jai'i ngau sidok tentu binaso, ute sidok udah nulak kasih te benar sampai tauk di selamat.11Kebok utan piyok, Allah natai ke jalai sesat isok sidok pecayok utan te ngemulok, 12sampai sidok semuo di ukum, sidok te endo pecayok utan te benar serto gago ngau te jai'i.13Balo menyanak te di kasih Tuhan, kami arus selalu besyukur nguso Allah demi kitak, Allah udah milih kitak re temulo ngau di selamat dalam roh te ngudus kitak dalam iman te benar. 14Ngau yok em Allah ngumai kitak ngelalu injil* te kami padah isok kitak tauk bulih te mulio re Tuhan kito, Yesus Kristus.15 Jadi, balo menyanak, bediri teguh serto pegai ajar te udah di ajar ngau kitak, bae'k secaro di padah mau'k pun ngelalu surat kami.16Pituk, sekironeh Tuhan kito, Yesus kristus kedirik serto Allah apak kito, te udah ngasih kito tamai merik kito pengibur kekal serto merik pengarap ute indah ngelalu anugerah-Neh.17 Ngibur tamai nguat ati kitak dalam setiap te dikerjo serto pemadah te bae'k.
Chapter 3

1Anti'k piyok, balo menyanak berdu'olah ngau kami, isok firman Tuhan tauk tesebar secaro cepat serto di mulio, upo te udah tejadi di tengah kitak,2 Serto isok kami telepas re ura-ura te ngaru tamai jai'i, kebok, endo tentu semuo ura empu iman.3 Tapi, Tuhan setio. Neh mau'k nguat ati tamai ngelino kitak re te jai'i4Kami bisi'k tepecayok dalam Tuhan tenta kitak utan kitak tengah ngelaku serto selampur ngelaku apo utan te kami suruh.5 sekironeh Tuhan nunyuk ati kitak Nguso kasih Allah tamai ngau ketabah Kristus.6Balo menyanak, pituk kami padah ngau kitak, dalam damo Tuhan kito Yesus Kristus, isok kitak jauh re menyanak te idup lemau lentus serto endo sesuai ngau ajar te kitak terimok re kami.7 Kitak kedirik ketauk keti kitak merik cuntuh kami endo lemau lentus watu kami besamo kitak.8 Kami gok endo makai pemakai ura lain secaro percumo. sebalekneh, kami berusaho tamai mantin bekerjo sia malam isok kami endo jadi beban ngau sapo pun ura di tengah kitak. 9Bukan bereti kami endo empu hak ngau yok, selain ngau merik dirik kami jadi cuntuh bagi kitak isok kitak nurut.10Watu kami agik besamo kitak pun, kami udah merik perintah tuk:" Anti'k ura endo mau'k bekerjo, nusah em neh makai."11 Utan,kami med'nin bisik ura sentaro kitak yok te idup lemau lentus, endo mau'k bekerjo, tapi sibuk ngau hal-hal ute endo beguno. 12 Ura upo yok kami ingat serto kami ajar dalam damo Tuhan Yesus Kristus isok bekerjo secaro tenang serto makai rute neh kedirik.13Piyok gok kitak, balo menyanak-menyadik aku nusah lejuk pempulah te bae'k. 14Bilo bisik ura te endo mednin apo te kami padah dalam surat tuk, berik tanno ura yok serto nusah bekaban ngau neh isok neh jadi malu.15 tapi nusah ngangap neh upo musuh, tapi h'raro neh macam seura menyadik.16Tuhan damai sejahtero kironeh merik damai selampur serto dalam segalo utan. Tuhan nyerto kitak semuo 17 Aku, Paulus, nulis salam tuk ngau jari aku kedirik sebagai tanno asli surat aku. upo tuk aku nulisneh. 18Kasih karunio re Tuhan kito, Yesus Kristus, nyerto kitak semuo.

1 Timothy

Chapter 1

1Dari Paulus,Tejadi rasul Yesus Kristus uleh printah Allah, Juru Slamat kito,serto Yesus Kristus, Pengarap kito. 2 Ngau Timotius, anak te sah dalam iman. Anugerah, belas kaseh, serto damai sejahtra re Allah Bapa kito, serto Yesus kristus,Tuhan kito.3Uleh aku ngarap ngau nuan watu yok aku angkat ke Makedonia, 4Isok nyuruh sidok merati kisah-gisah serto atur keturun sidok.5Seda, tuju re pritah yok kaseh te berasal re ati te ber'sih, serto iman te tulus. 6Balo ura te nyimpa re jalai te di tuju neh tesesat neh ngumung pun percumo. 7Sidok kok jadi penumut Ukum Taurat, tapi endo maham apo te sidok padah hal yok nyuruh sidok pecayok. 8 Bukan bereti, kito ketauk Ukum Taurat yok bae'k, kalau ura nguno neh endo benar- benar.9ngau kesadar dirik,bawa Ukum Taurat endo de pulah ngau ura te endo bena'r, selai'n ngau ngelangar ukum tamai pemeruntak, ura fasik serto ura beduso, ura te endo kudus tamai pemikir ke dunio, sidok te munuh apai ngau inai dirik, pemunuh,10 ura te idup bejinah, balo penculek, balo pengemulok,serto sapo sajo te ngelawan ajar te baek, 11 Yok neh ajar Injil te Mulio re Allah Sumer Berkat, ute udah de pecayok ngau aku.12Aku besyukur ngau Neh te udah nguat idup aku, yok neh Yesus Kristus, Tuhan kito,uleh Neh ngangap aku setio udah pecayok ke aku ngelayan. 13Subok aku ura pengelolok, pengemulok, serto ura te kejam ,tapi aku nerimok bangat kase'h seda subok aku pempulah endo isik ngerti serto endo isik dapat de pecayok. 14Tuhan merik ngau aku penumut te bangat, bereto ngau iman tamai kase'h dalam Yesus Kristus.15Jekuk Neh tauk de pecayok tamai tauk de terimok semuo Yesus Kristus datai ke dunio nyelamat ura ura te beduso; seda pemangat ura aku tuk palin bangat beduso. 16Alasan tuk, aku buleh belas kase'h, isok de dalam aku, ura te palin beduso tuk, Yesus Kristus nunyok kesabar-Neh te baek serto cuntuh ngau sidok te kok pecayok ngau-Neh isok bisi'k buleh idup te kekal.17 Bagi rajo atas segalo jaman, te kekal tamai endo tepantau, sutik- sutik yok'em Allah,hormat serto te mulio sampai selama-lamah neh. Amin.18Printah tuk aku berik ngau nuan,Timotius,anakKu, sesuai ngau penauk te suah di brik ngau nuan, isok penauk yok dalam kito berjua buli'eh te bae'k, serto bepegai ngau iman tamai hati nurani te bae'k.19 Seda berapo ura udah nulak ngelaku neh sampai nyangkut iman sidok.20 De antaro sidok duo yok Himneus tamai Aleksander.
Chapter 2

1Pertamo tuk, aku nasihat nuan ngau naek pemuhun,doa, doa syafaat serto ngucap sukur ngau semuo ura,2 balo rajo, serto semuo ura te duduk de petingi negri isok kito tauk nyalan idup ute tenang serto damai dalam semuo kesalehan serto kehormatan. 3utan tuk bae'k serto bekesan de muo Allah, Juru slamat kito,4 Te nyuruh semuo ura slamat sampai bule'h pengetauk tamai te benar.5Kebok, Allah jadi perantaro, entaro Allah tamai mensio, yok neh mensio Yesus Kristus,6 te udah merik dirik- Neh kedirik utan te di tebus ngau semuo ura. ngau kesaksian tuk aku udah di tentu-Neh.7 Ngau utan tuk aku di tentu jadi pengkhotbah.8Tapi, aku kok semuo te laki dini-dini neh berdu'o samil ngangkat jarineh te kudus endo ngau keluat tamai endo ngau betangkap.9 Piok gok, balo betinok ngau baju te bae'k bisi'k kesupan tauk nangkis dirik. pe'rnak bukan upo bou'k de sangul,mas, mutiaro, serto baju te mahal,10 tapi pempulah-pempulah te bae'k macam betinok te empu kesalehan.11Se'ura betinok arus nerimok ajar, idup tenang dalam semuo ketaatan neh. 12 Seda, aku endo nyuruh betinok ngajar tamai meritah lelaki. Isok betinok idup tenang.13kebok Adam te dulu di pulah, baru udah yok Hawa, 14 bukan Adam te di tipu, betinok yok te jatuk ke dalam duso. 15Tapi, betinok kok di slamatkan bilo neh beranak anti'k sidok idup dalam iman,kasie'h serto pengudusan tamai ngintu dirik.
Chapter 3

1Utan tuk benar, " Bilo se'ura mau jabatan majelis gerijo, neh kok pekerjo neh te bae'k." 2 Kebok jadi, pengurus jemaat arus se'ura endo kutor, laki re sikuk bini,senunuh,mampu nangkis dirik, te panna, kok nyuruh ura beranau, serto numut ngajar, Endo peminum, 3bukan ura te krampak te de gok lemah lemut,endo kok kekelai,serto bukan ura te tamok ke duit.4Neh arus tauk ngurus rumah tangok neh kedirik secaro bae'k tamai nyago balo anak neh isok taat ngau raso kesupan. 5Anti'k endo numut ngurus rumah tangok dirik, keti neh kok ngurus jemaat Allah.?6Nang nyuruh ura baru'k betubat isok neh endo summo kelok jatuh'k ke dalam ukum iblis.7 Lebih bae'k, neh arus empu tebiat te bae'k de tengah ura-ura luar isok neh endo jatuh'k serto de kelolouk tamai jerat sitan.8Piok gok majelis neh te panna endo keran minum angur, endo kok enggok unto,neh jujur.9 Sidok tauk nyago resio te benar iman ngau ati te berseh. 10 Sidok arus di uji dulu, udah yok de pantau tebiat neh, baru tauk melayan jadi majelis.11Piok gok balo bini majelis, sidok arus ura te panna, bukan ngumong ke ura, neh tauk nyago dirik serto tauk di pecayok ngurus utan. 12 Majelis arus laki re sikuk bini, tauk ngatur anak-anakneh tamai rumah tangok te bae'k. 13Isok, sidok te udah ngelayan jadi majelis caro bae'k buleh derajat ngau dirik sidok kedirik serto pecayok ngau iman dalam Yesus Kristus.14Aku be'arap tauk datai ngau nuan, semuo aku tulis hal-hal ngau nuan. 15 Sempamo aku tedudi, nuan udah ketauk keti sidok arus idup dalam rumah Allah, yok'em gerijo re Allah te idup, tia penungkat tamai dasar utan te benar.16Kito arus ngakuk sangat besai resio kesalehan yok: "Neh benar nyato dalam dagin, benar gok uleh Roh, di pantau malaikat- malaikat,sentaro banso- banso te pecayok dalam dunio, de angkat ngau kemuliaan."
Chapter 4

1Roh madah ngau jelas akhir watu tuk, kedo'k ura nudi imanneh serto nyerah dirik ngau roh-roh te nyesat tamai ajar balo sitan. 2Sidok te pengaruh uleh pengemulok balo pengampur ati te nurani udah di cap ngau besi angat.3Sidok nidah ura kawin tamai nidah ura makai apo lagik pemakai dipulah Allah, te arus de terimok ngau caro ngucap syukur sidok te pecayok serto ngenal te benar. 4 Kebok, semuo utan te di pulah Allah yok bae'k serto endo bisik te di panta anti'k di terimok ngau caro ucap syukur,5 kebok semuo yok di kudus ngau Firman Allah tamai doa.6Serto ngajar hal tuk ngau balo menyanak suti'k iman, kita'k arus jadi pelayan Yesus Kristus te bae'k, kita'k udah de ajar caro becakap ngau iman serto ajar te sehat udah kita'k tamai.7 Nang nyemak kisah-kisah takhayul tamai gisah-gisah inik tuo, pelajar dirik semaya.8 ngelatih tubuh tebatas gunoneh, tapi semaya beguno dalam semuo hal,bisi'k ngano janyi ngau idup pituk sampai idup pagi lusok.9Pemadah tuk tauk di pecayok serto tumas deterimok sepenuhneh.10 Ngau tuk kito kuat bekerjo tamai bejua. kebok, kito naruh pengarap kito ngau Allah te idup, Juru Slamat semuo mensio, kusus sidok te pecayok.11Printah serto ajar hal macam tuk.12 Nang sampai bisik ura ngerennah nuan mantau nuan mudok, tapi jadi cuntuh ngau ura-ura pecayok anti'k becakap,pempulah, kasie'h,iman,serto kesucian. 13Sampai aku datai, rajin maco kitab suci, dalam kita'k merik nasihat serto dalam kito ngajar.14Nang lengah karunio rohani te bisik enta nuan, te di berik ngau nuan ngelalu nubuat watu dewan penatua numpa jari ngau nuan. 15 Ker'jolah hal macam tuk secaro rajin, beriklah dirik nuan semuoneh ngau ngelaku hal macam tuk, isok semuo ura mantau peruleh nuan. 16 Perati caro idup nuan te benar tamai pantau apo te nuan ajar. Betekun dalam semuo yok bilo ngau pempulah upo yok nuan nyelamat dirik kedirik serto sidok te medni'n ajar nuan.
Chapter 5

1Nusah ngeh'raro laki-laki te tuo caro kasar,tapi h'regai neh upo apai, serto h'regai laki-laki te lebih mudo'k upo menyadik.2 Betinok te tuo upo inai, serto betinok te mudo'k upo menyadik betinok ngau caro penuh kesucian.3H'regai balo janno te benar- benar janno.4 Bilo, bisik janno empu anak atau ucuk, sidok yok em dulu arus belajar madah dirik ngau isik dalam rumah neh. Macam yok, sidok udah malas budi ngau ura tuo. utan upo tuk te nyuruh Allah gago.5Seda janno te benar- benar janno serto idup kedirik, neh yok arus naruh'k arap ngau Tuhan serto selampur semaya serto ber'duo sia malam.6 Tapi, janno te idup kayo atau burus, neh udah mati tapi bako neh agik idup.7Padah gok hal macam tuk ngau jemaat isok sidok idup endo bisik masalah.8 Bukan piok, Anti'k seura endo nyago balo menyanak neh kedirik, khusus menyanak te semak, bereti neh ngemulok iman neh. piok neh lebih jai'i ba'dnin ura endo pecayok9Janno te ado dalam daftar balo betinok umur kura enam puluh taun, jadi bini re sikuk laki,10 serto dah ketauk pempulah te bae'k, utan yok ngemesai nebiak, nyuruh ura singah beranau, masuk kaki ura-ura kudus, nulo ura te susah, serto rajin dalam bekerjo te bae'k.11Janno, te mudo'k nang ngemasuk ke dalam daftar, bilo bisi'k nafsu ke pangan neh jauh re Kritus,malah sidok kok kawin agik. 12Hal tuk natai ukum ngau sidok te udah ngemulok janyi pertamo di pulah sidok subok. 13 Ari sepiak yok, sidok udah biaso idup lemau, bekelilin re dangau sutik nguso dangau sutik. Bukan yok geno, sidok rajin ngumung tamai nyampur urus ura lain, madah utan endo arus sidok sebut.14Jadi, kemauk aku isok balo janno te mudo'k kawin agik, beranak. tamai ngurus rumah tangok neh, isok endo bisi'k timul masalah ngau sidok.15 Kebok, udah bangat ura bebalek lalu na'mbai sitan.16 Anti'k bisi'k seura betinok pecayok nang meban neh, grijo tauk nulo janno te lain te benar-benar mintok tulo.17Gemala tamai mejelis te ngurus jemaat sidok arus de h'regai, patut buleh duo kali lipat, apo lagi sidok mantin bekerjo bilo bekhotbah tamai ngajar.18 Kebok ,kitab suci madah," Nang ngebat mulut lemmu tengah ngililn genum," serto," ura bekerjo bisik upah neh".19Nang nerimok te di sangkok te di tuju ngau gemala,kecuali bisi'k dasar tamai bukti re duo,tigo ura saksi.20 Sidok te mulah duso arus kito padah di muo ura bangat isok te lain takut endo mulah duso21Di muo Allah, Yesus Kristus, serto balo malaikat te dipilih, aku ngingat ke kita'k besunguh-sunguh isok nurut petunyuk-petunyuk tuk nisi'k prasangkok serto pilih kasih. 22 Nusah sigat numpa jari atas sapo pun neh serto nusah na'mbai ngamik duso ura lain. jago dirik nuan tetap suci.23Nusah minum aik mati genno, tapi tamah aik angur sikit isok perut tamai tubuh nuan endo pedih selampur.24 Duso re berapo ura jelas benar tepantau yok te ngunan sidok nguso pengadilan. tapi, duso re berapo ura lain baru nampak. 25Piok gok bisik pempulah te bae'k neh jelas te pantau. Tapi pempulah te bae'k endo te pantau, endo selampur belapok.
Chapter 6

1Semuo ura te nango beban sebagai budak,kito endo bisi'k masalah. 2Seda balo budak te tuan neh ura pecayok, nusah ngura raso hormat ngau sidok. ute sidok yok balo menyanak kito suti'k iman. Piok gok, balo budak arus ngelayan tuan neh lebih bae'k lagik ute nerimok berkat pelayan yok ura-ura pecayok tamai sidok te di kasih.Ajar serto nasihat hal macam tuk ngau sidok.3Bilo bisi'k ura ngajar ajar te bukan, endo sesuai ngau pemadah te benar re Tuhan kito Yesus Kristus endo senunuh ngau ajar te saleh, 4neh yok pengampour tamai endo ngerti apo-apo.neh yok mau'k ngau bebantah genno caro endo bae'k,kok mutar belit banai rajin nimul ngiri ati, mecah ura,ngutok, tamai ngemulik te jai,5 Serto selampur mulah garo-garo di tengah ura-ura te pikiran udah rusak tamai nulak te benar,ute ngiro semaya(saleh) utan caro peruleh unto'u.6Bukan piok, semaya yok anti'k bereto raso cukup,malah merik unto'u besai. 7Kebok, kito endo ngemaik utan tamok ke dunio piok gok endo ngemaik utan watu keluar re dunio tuk.8 Anti'k bisi'k pemakai pengempok tamai selawar baju,kito udah ngeraso cukup.9Ura te mauk jadi kayo jatuk ke dalam pencuboan tamai jerat, serto bemacam nafsu te budu maik bahaya te kok nengelam mensio ke dalam keancuran tamai binaso.10 Kebok, cinta ke duit yok akar re segalo macam te jai. mensio te muru duit udah nyimpa re Iman serto nyiso dirik neh ngau bemacam dukacita.11Tapi, nuan mensio re Allah, nusah nyemak re semuo yok. Unya'ar te benar,te saleh,iman, kasih,te tabah,serto te lemah lemut.12 Belumboklah dalam pejua iman te bae'k serto bepegai ngau idup te kekal uleh neh nuan di kumai watu nuan merik pengakuk te bae'k de muo bangat saksi.13Di muo Allah te merik idup ngau semuo utan tamai di muo Yesus Kristus udah merik pengakuk te bae'k watu beradap ngau Pontinus Pilatus, aku merintah nuan,14 kironeh nuan nyalai printah tuk secaro bae'k endo cacat serto endo bisi'k masalah sampai datai Tuhan kito Yesus Kristus.15Watu te di tentu-Neh, Neh mauk nampak dirik Neh sikuk-sikuk penguaso, Rajo atas segalo rajo,tamai Tuan de atas segalo tuan.16 Neh yok sikuk-sikuk te kekal, te nugau dalam tera te endo tauk di semak,seura pun endo suah mantau atau tauk merati-Neh. Bagi Neh, segalo hormat serto kuaso te kekal! Amin.17Sementaro tuk, suruh ura kayo di jaman tuk isok sidok endo tingik ati atau be'arap ke kayo utan endo pesti, tapi arus bisi'k naruh arapan ngau Tuhan,te nyedio segalo utan te melimpah ngau kito isok nyaman.18 Suruh sidok ngelaku te bae'k, jadi kayo dalam pempulah te bae'k, jadi ura te mau'k merik serto kok beduman.19 Udah piyok, sidok kok ngumpul reto ngau dirik sidok kedirik ngau dasar te bae'k ngau maso te kok datai isok sidok tauk bepegai ngau idup te benar.20Timotius,jago apo te udah di pecayok ngau nuan.Nusah nyemak pengampur tamai pengemulok serto nyimpa re utan te di sebut "pengetauk" 21ute bangat ngakuk neh, iman berapo ura udah nyelimpa. anugerah nyerto nuan.

2 Timothy

Chapter 1

1Dari Paulus, rasul Yesus Kristus te dipilih ulieh kemauk Allah sesuai ngau janyi tenta idup te ado dalam Yesus Kristus.2 Ngau Timotius, anak te aku kasih. Anugerah, belas kasih, serto damai sejah tero re Allah, apai tamai Yesus kristus, Tuhan kito3Aku ngucap syukur ngau Allah, te aku layan ngau ati nurani serto te bersih samo upo di laku uleh inik muyang aku, selalu aku ngingat nuan dalam berdu'o siang tamai malam. 4bilo aku ngenang aik mato nuan, aku mau'k merati nuan isok penuh sukacito aku.5 Aku diingat uleh iman nuan te tulus, pertamo idup dalam inik nuan Lois, tamai inai nuan Eunike, aku pecayok pituk idup dalam nuan gok.6Alasan tuk aku ngigat nuan isok selampur nyebar karunio Allah te ado enta dirik nuan ngelalu tumpa jari aku.7 Kebok, Allah endo merik ngau kito roh te takut, selain roh nyuruh kuat, kasih tamai nangkis dirik.8jadi, nusah malu besaksi tenta Tuhan kito atau tenta aku,tahanan-Neh.. 9Neh yok ute udah nyelamat kito serto ngumai kito ngau kumai kudus, bukan uleh pempulah kito, selain uleh kemauk tamai anugerah-Neh kedirik ute udah Neh berik ngau kito dalam Yesus Kristus seapan dunio ado.10 Pituk, hal tuk udah nyato ngelalu datai Juru Selamat kito Yesus Kristus te udah ngapus kuaso maut serto ngemaik jalai idup tamai ute kekal ngelalu injil.11 Uleh injil tuk, aku di tunyuk jadi pengkhotbah, rasul serto guru.12Tuk em akibatneh, aku bangat derito pituk. tapi, aku endo malu, aku ketauk ngau sapo aku pecayok serto aku yakin Neh sangup nyago apo te udah Neh pecayok ngau aku sampai ari yok datai. 13Pegai semuo ajar te sihat ute udah nuan pe'dnin re aku dalam iman tamai kasih te ado dalam Yesus Kristus.14 Uleh Roh Kudus ute udah di pecayok ngau nuan.15Nuan ketauk te benar tenta semuo ute ado di asia16 Tuhan merik karunio belas kasih ngau isik rumah Onesiforus, neh rajin datai ngingat aku piok endo malu nguso aku di penyaro. 17 lagik, watu sampai di roma, neh mantin ngegok aku lalu kami duo betemu. 18Kiro neh Tuhan merik petunyuk isok neh nemu belas kasih Tuhan ngau ari tuk, nuan kedirik ketauk berapo pemangat pelayanan ute udah nuan berik ngau aku di Efesus.
Chapter 2

1Utan piyok, anakku, jadilah te kuat dalam Anugerah te bisi'k dalam Yesus Kristus. 2Apo te udah nuan pe'dnin re aku di muo bangat saksi, pecayok benar hal tuk ngau ura-ura te setio, ute mampu ngajar ura lain.3Tamailah menderito jadi prajurit Yesus Kristus te bae'k.4 Endo bisi'k prajurit te nyibuk dirik ngau urus idup neh seari-ari isok tauk nyenang komandanneh.5Piyok gok seura ulahrago te betandne, neh endo buleh hadiah menang, kecuali neh betandne nurut atur te belaku.6Seura petani ute mantin bekerjo udah tentu neh ura te pertamo nerimok asil panenneh.7 perati benar apo ute aku padah kerno Tuhan kok merik pengerti dalam segalo hal.8Ingatlah Tuhan kito Yesus Kristus, te udah bangkit re entaro ura mati, keturun Daud, upo tuk te aku brito dalam injil aku,9 kebok aku pituk menderito sampai di penyaro upo seura penyahat, tapi Firman Allah endo di penyaro! 10 Kebok piyok, aku betahan nango semuo yok demi ura-ura te di pilih Allah isok sidok tauk di selamat te ado dalam Yesus kristus serto kemulio neh te kekal.11Pemadah tuk benar:" Bilo kito mati ngau Neh, piyok gok kito idup besamo Neh.12 bilo kito betekun, kito gok merintah besamo Neh. Bilo kito nyangkal Neh, piyok gok Neh nyangkal kito.13 Bilo kito endo setia,Neh tetap setia, kerno Neh endo tauk nyangkal dirik-Neh kedirik."14Ingat ke sidok hal macam tuk. nasihat sidok de muo Tuhan isok nang sampai bepadu mulut, utan yok endo isik guno namah ngancur ura-ura te me'dnin.15Berusaho ngelaku te bae'k ngau pesemah dirik nuan, isok patut di muo Tuhan sebagi pekerjo endo usah naruh malu,serto udah ngajar pemadah te benar ngau tepat.16Tapi,nusah nyemak umung te pua sio-sio geno,kok mai'k ngau endo suci te lebih parah. 17Pemadah sidok menyebar upo penyakit kanker. Di entaro sidok yok Himeneus tamai Filetus, 18udah nyimpa re te benar, piyok madah kebangkitan udah te jadi. sidok ngerusak iman ura.19Tapi, dasar Allah te kuat tetap bediri serto ngau materai tuk: ''Tuhan ngelalo sapo te jadi empu-Neh,'' serto ''Semuo ura te ngakuk damo Tuhan arus nudi te jai'i.''20 Dalam rumah te besai, endo arus ado utan alat re mas tamai pirak,tauk gok re kayu tamai tanah linat. Kedok di guno ngau tujuan te hormat, tapi kedo'k ngau tuju te ngino.21 Kebok piyok, bilo seura nyuci dirik ngau macam hal te jai'i, neh jadi alat rumah ngau tujuan te mulio, dikhususkan, beguno ngau tuanneh, serto di siap neh ngau semuo pekerjo te bae'k.22Nusah nyemak nafsu upo ura mudo'k tamai kejar te benar, iman, kasih serto damai sejahtero bereto-beramo ngau sido'k te ngumai Tuhan ngau ati te murni. 23 Nusah nyemak te bepadu mulut ute budu tamai endo patut, nuan ketauk utan yok nimul betangkap.24Seura pelayan Tuhan endo tauk bekelai, tapi arus ramah ngau semuo ura, numut ngajar tamai sabar,25 ngau caro lemah lemut banai ngau lawanneh. Mudah, Tuhan merik kesempatan ngau sido'k betubat tamai mimpin sido'k,isok sido'k tauk jalai te benar 26 Isok sido'k jadi sadar serto ngelepas dirik re jerat sitan ute udah ngerasok sido'k ngau jalai kemaukneh.
Chapter 3

1pantau bah watu ari-ari pengabis ,maso-maso te susah kok datai.2 Ura jadi cinto ngau dirik neh kedirik, cinto ngau duit, ngemulok, sum'mo,ngelulok, endo patuh ngau ura tuo, endo tauk beterimok kasih,endo suci, 3endo tauk ngasih, endo mauk bedamai,kok ngejai'i ura,endo numut ngeka dirik, kerampak, endo mauk utan te bae'k,4 Endo setio,endo bepikir panya, belagok ketauk, lebih cinto ngau hawo nafsu di ba'dnin cinto ngau Allah.5Dipantau saleh tapi nyangkal kuaso neh. nusah nyemak ura upo yok.6 Di entaro sidok yok bisi'k ura-ura te nyelunup ke dalam jemaat serto naban betinok-betinok lemah ute bangat duso tamai nyiret sido'k ngau bemacam nafsu.7 Betinok-betinok upo yok selampur di ajar, tapi endo suah numut sampai ngenal te benar.8Samo upo Yanes tamai Yambres te ngelawan Musa, piyok gok ura-ura tuk ngelawan te benar. pemikir sido'k udah rusak tamai iman sido'k endo tan di uji. 9 Tapi, sido'k pun endo tauk jauh agik, pemudu sido'k udah di perati ura, samo upo sido'k duo yok.10Tapi sido'k udah nurut te aku ajar,caro idup aku, tuju idup aku, iman aku,kesabar aku, kasihku, tamai ketekun aku. 11Upo nganiayo tamai derito te aku alam di Antiokhia, Ikonium tamai Listra. Aku betan idup di aniayo, tapi Tuhan nyelamat aku re semuo yok. 12 Sajo, semuo ura te mauk idup semaya(saleh) dalam Yesus Kristus arus di aniayo13Seda ura-ura te jai'i tamai balo penipu kelok betamah lebih buruk lagik,sido'k nyesat ura tamah sesat14Seda ngau nuan, temuk semuo apo te udah nuan pelajar tamai ute udah nuan pecayok, nuan ketauk re sapo nuan belajar, 15Watu agik renyai nuan udah ngelalo Kitab Suci te sangup merik hikmat tauk selamat ngelalu Yesus Kristus.16Semuo kitab Suci di berik Allah penyuan serto beguno ngau ngajar, ngau nentu penyalah, ngau nyemaek pempulah tamai ngau nidek utan te benar. 17 Anti'k piyok, mensio empu Allah ute baek tamai di suruh lengkap ngau selampur pempulah te baek
Chapter 4

1Demi kedatai-Neh tamai demi k'rajo-Neh, sajo sunguh-sunguh,aku bepesan ngau nuan di muo Allah tamai Yesus Kristus ute udah ngakim ura te idup tamai ura te mati:2 Firman arus di sebar, siap sedio bae'k atau endo bae'k watuneh; r'harolah, berik ajar nasihat,serto di duku'o sidok ngau bangat sabar tamai pengajar.3Kebok,udah sento watuneh, bangat ura endo mau'k agik nerimok ajar te bae'k. sempalek neh, kok muas pemend'nin dirik, kemauk sidok ngumpul balo guru ngau sidok kedirik te cucok ngau kemauk sidok. 4 Sidok nutup pednin dirik re tebenar tamai bebalek ngau gisah dungeng jaman mariek. 5Seda nuan, ati-ati dalam segalo utan,betahan nemu te pedih, de laku kerjo nyebar Injil, serto di temuk pelayan nuan.6Kebok, aku udah di siuh upo cawan pesemah.7 Aku udah belawan secaro bae' k; aku udah encudah neh; serto aku udah nyago iman.8 Pituk, tampuk te benar udah di sedio ngau aku. Watu ari Neh,Tuhan, Akim te adil, mauk merik upah ngau aku, endo ngau aku genno, ngau ura lain kedok te ridu nunguk kedatai- Neh.9Berusaho ligas sikit datai nguso aku,10 utan Demas udah nudi aku neh nuju Tesalonika, ngelayan di Galatia serto Titus di Dalmatia11Lukas genno ute besamo aku. Amik kin Markus serto bai' ik neh bereto nuan,ute neh sangat beguno bagi aku ngau ngelayan.12 Aku udah nyuruh Tikhikus ke Efesus.13 Bilo nuan datai, bai'ik ke aku jubah ute aku dudi aro dangau Karpus di Troas tamai balo bukuk aku, ingat semuo utan alat tulis gok..14Aleksander, tuka penempok besi, temago udah bangat ngerugi aku. Tuhan pesti malas sesuai ngau pempulahneh. 15Kitak arus ati-ati ngau neh utan neh sangat nenta ajaran kito. 16Watu aku ngelapan dirik te pertamo, endo bisi' k seura pun nuko aku, sidok semuo udah nudi aku. Semugo hal tuk endo di balas ngau sidok.17Tapi, Tuhan udah bediri di sepiak aku serto nguat ke aku sampai berito bae'k(Yesus Kristus yok Tuhan, Juru selamat mensio).18 Tuhan mau'k nyelamat aku selampur re pempulah te jai'i tamai mau'k ngemai'k aku nguso k'rajo surgo-Neh sampai selamat. Bagi Neh te Mulio sampai selamah-lamahneh. Amin.19Sampai salam aku ngau Priskila tamai Akwila, serto ngau balo menyanak Onesiforus.20 Eratus aku dudi di Korintus tamai trofimus neh lagik pedih di Miletus.21 Berusaho datai kituk seapan musim celap. Ebulus, Oudes, Linus, Klaudia, serto semuo menyanak seiman ngirum salam ngau nuan. 22Tuhan nyerto roh nuan. Anugerah-Neh nyerto kitak.!

Titus

Chapter 1

1Dar'i Paulus Kristus Yesus, te dikirum demi iman balo ur'a te di pilih Allah tamai pengetauk yok bena'r te mimpin nguso kesalehan 2 supayo sidok buleh pengarap idup kekal, te dijanyi seapan pemulo jaman Allah te ndo suah ngemulok.3 waktu yok,Neh udah nyato ke firman- Neh ngelalu ber'ito te udah dipecayok nguso aku sesuai ngau per'intah Allah, Jur'u Selamat kito.4Nguso Titus, ana'k te bena'r dalam iman kito besamo. Anugerah ser'to damai sejahtera re Allah, Bapa, tamai Yesus Kristus, Juru Selamat kito. 5Seba'b alasan tuk em aku nudi ke kita'k di Kreta, isok kita'k tauk ke apo te agi'k per'lu di atu'r dah yok ngangkat balo petingi'k tiap kuto, upo te aku pesan ke kita'k.6Neh arus ur'a te ndo becela, laki dar'i sikuk bini bisik mpu balo ana'k te pecayok, tamai te ndo dituduh ker'no idup te ndo bemur'al atau pemer'unta'k.7 ker', no seur'a pemantau jemaat, ndo sumo, ndo mudah ringat, ndo pemabuok, ndo kok bekelai, tamai ndo tamok ngau nggok ke untuo.8Sebalek neh, kok meri'k penumpa, cinto apo te baek, bijaksano, mer'ato, saleh tamai tauk nguasao dir'ik.9 Neh bepegai kuat ngau pekato te tauk dipecayok, samo tamai te udah di aja'r, sampai neh tauk mer,ik aja'r upo pengaja'r, te baek tamai nego'r sidok te mantah neh.10Ker'no, ado bangat ur'a te mer'untak, gago ngemulok.11 sido'k pantas ditutup nya'wo neh ker'no sido'k nyusah ke semuo menyanak ngau pekar'o te ar'us ndo sido'k aja'r, te nyur'uh mulah pekar'o te malu.12Salah siku'k dar'i sido'k, yok nabi sido'k kedir'k, madah, "Dasa'r balo ur'a Kreta pemulo'k, upo binata gar'a te ja'i, tamai pemakai te lemau.13 "pemadah tuk keno'k. ker'no yok, r'ar'o em sido'k ngau te kuat iso'k sido'k baejk dalam iman.14Nusah mer'ati ke kisah jaman mer'e ur'a Yahudi tamai pr'intah balo ur'a te ko'k nula'k te bena'r.15Te asli, semuo yok asli. Tapi, bagi sido'k te najis tamai ndo pecayo'k, ndo isi'k suti'k te asli sebab bae'k pemiki'r dah yok ati nur'ani sido'k nyo'k najis.16 sido'k ngaku'k ngelalo Allah, tapi ngau pempulah sido'k nyangkal ke Allah. sido'k yok ndo ber'sih, ndo patuh, tamai ndo sangup mulah apo te bae'k.
Chapter 2

1Tapi, kita'k aja'r em te samo ngau pengaja'r te bae'k.2 balo laki te lebih tuo ar'us tau nahan diri'k.3Dah yok, balo betino'k te lebih tuo mulah balo plaku te bae'k, ndo pemulok tamai tuka peminum, tapi ar'us ngaja'r te bae'k. 4Dah piyo'k, sido,k tau'k madah balo betino'k te mudo'k ngau ngasieh balo laki diri'k sido'k, ngasieh balo ana'k,5 menam ke didri'k, taat, ngur'us ruma'h tangok neh,r'amah tamai takut ngau laki diri'k, bia'r firman Allah ndo dispele.6Piyo'k go'k, padah em balo ur'a te mudo'k bia'r tauk menam ke diri'k.7 Dalam segalo masalah tuk, jadi em diri'k kita'k cuntoh pempulah te bae'k. Dipengaja'r kita'k tunyu'k em,integr'itas, keho'rmatan, 8 madah te bena'r tamai ndo tecela bia'r balo lawan kita'k malu ker'no ndo tauk madah te ja'i tenta kita'k.9Balo pesur'uh ar'us tuno'k nguso balo tuan neh di segalo apo pun, ber'usaha ngau nyenang ke sido'k, tamai ndo bebantah. 10Nusah ncur'i, tapi tunyu'k em kalau kita'k tauk dipecayok bia'r dalam segalo hal tuk sido'k tauk memulio ke pengaja'r Allah, Jur'u Selamat kito.11Ker'no, anugr'ah Allah te ngemaik keselamatan dah nyato ngau semuo ur'a, 12te nyuru'h kito mampu nulak balo pempulah te ndo baek tamai balo ke te di kok dalam dunio tuk dah yok kito tauk idup menam ke didri'k, mer'ato, tamai ta'at dimaso tuk, 13sementaro kito nunguk har'apan te penuh ber'kat, yok em tedatai mulio dari Allah Mahabesai, tamai Jur'u Selamat kito, Kristu Yesus.14Neh dah meri'k diri'k ke kito ngau nebus ke semuo pempulah kito tr ja'i dah yok ngau ngudus ke diri'k Neh.15Aja'r ke semuo tuk. madah dah yok tegu'r em ngau segalo tebija'k. Nang bisi'k ur'a te nger'imeh ke kita'k.
Chapter 3

1Ingat ke sido'k ngau taku't nguso pemer'intah tamai penguaso, patouh tamai ko'k nger'ejo ke pempulah te bae'k,2 ndo ngeja'i ke siapo pun, ndo bekelai, santun,sr'eto mpuk pempulah te nguso semuo ur'a.3Ker'no kito subok budu ug'ok, ndo patuh, sesat, dipengar'uh ulieh balo te di ingien tamai apo te di gago, idup tamai te ja'i dah yok ir'i ati, dibenci'k dah yok samo ko'k ngemenci'k.4Tapi seudah yok, watu kemur'ahan tamai kasih Allah, Juru Selamat kito, dah nyato,5 Neh nyelamat ke kito, bukan ker'no pempulah baek te kito pulah, just'ru ker'no pengasieh Neh ngelalu pembasuhan kelahiran lagi,k tamai pembaruan Roh Kudus,6e Neh tumpah ke kito sampai ngelimpah ngelalu Kristus Yesus, Juru Selamat kito.7 Udah tuk te di bena'r olieh anugr'ah Neh, kito jadi pewari's upo pengar'ap ke idup te kekal.8Pemadah sanga't keno'k, pekar'o tu'k aku ko'k kita'k bena'r pecayo'k sok sido'k te dah nur'ut ngau Allah tauk raji'n mulah pempulah te baek. pekar'o te baek tamai te beguno ngau semuo ur'a.9Tapi, tula'k em balo pemadu, penguto'k, ndo cucu'k, tamai bekelai te budu ngau Hukum Taurat ker'no pekar'o tuk ndo isi'k guno tamai ndo ber'eti.10 Ngau ur'a te nyur'uh bepecah, padah ke neh srkal'ik atau duo kali'k, udah yok lar'i em dar'i neh.11 Ker'no kita'k ketauk ur'a bako tuk dah sesat tamai beduso, neh ngenatai ke hukum ngau diri'k neh.12Seudah aku ngutus Artemas ker'no aku ko'k nugau din selamo r'amo celap kelo'k, 13Ngau semuo kemampu ikam, tul'o em Zenas te ado ditengah pejalai bia'r sido'k ndo si'k te ku'ra balo apo pun.14Ar'us em balo ur'a kito betah belaja'r ngau mulah peke'rjo te baek sok sido'k tauk ngenyukup te diper'lu ngau idup se ar'i- ar'i nang tamai idup te ber'eti.15Semuo ur'a te br'eto aku madah salam ke neh.Padah gok salam aku ke sido'k te ngaseh kami dalam iman. Anugerah nyer'to kita'k semuo.

Philemon

Chapter 1Salam ngau Filemon

1Salam re Paulus, seura te di penyaro ute ulih Yesus Kristus, serto re Timotius, menyanak seiman kito, ngau Filemon, kaban serto rekan sutik ngelayan te kami kasih, 2Serto ngau Aphia menyanak kito te betinok tamai ngua Arkhipus, kaban sepejua ngau kito, serto ngau jemaat te bekumpul di dangau kitak.3Anugerah serto damai sejahtero ngau kitak re Allah, Bapa kito, tamai re Tuhan kito Yesus Kristus.Ngucap Syukur atas Iman tamai Kasih Filemon4Aku selalu besyukur ngau Allahku waktu ngingat ke kitak dalam du'o-du;o aku,5ute aku menin'd tenta iman tamai kasih te kitak empu dalam Tuhan Yesus serto ngau semuo ura kudus. 6Aku berdu'o isok iman te kitak empu nyuruh kitak ngerti bisik penumut te baek te ado kito empu dalam kristus. 7Aku sangat senang serto ngau ati gago ulih kasih kitak ute ngelalu kitak gok, balo menyanak, ute ati ura-ura te kudus dihibur agik.Pemuhun Paulus tenta Onesimus8Ute piyok, meski aku bisik pecayok te besai dalam Kristus serto tauk merintah kitak ngelaku utan te jadi wajib ngau kitak,9tapi ute kasih, lebih baek bilo aku mintoneh ngau kitak.Aku tuk Paulus-- te udah tuo, serto pituk di penyaro ute demi Kristus Yesus--10mintok ngau kitak tenta anak aku te aku temu selamah aku di penyaro yok neh Onesimus, 11te subok endo beguno ngau kitak, tapi pituk sangat beguno, baek ngau kitak piyok gok ngau aku.12Aku nyuruh neh, buah ati aku, bekalih ngau kitak, 13te sebenarneh kok aku tan ngau nugau besamo aku isok neh tauk nganti kitak ngelayan aku selamah aku di penyaro ute ulih injil.14kebok, bilo kitak endo setuju, aku endo kok ngelaku apo pun utan, isok te baek yok kitak ngelaku neh bukan ute arus atau di pakso, sajo ngau ati senang.15Amang alasan Onesimus di pisah re kitak ngau sementaro waktu, isok kitak tauk nerimokneh agik ngau selamah-lamahneh, 16tapi bukan lagik sebagai budak, sajo lebih re yok, yok neh sebagai menyanak te dikasih, endo kusus ngau aku geno, apo lagik ngau kitak, baek caro mensio atau pun ngau dalam Tuhan.17jadi, bilo kitak ngangngap aku tuk kaban kerjo kitak, terimo em Onesimus upo keti kitak nerimok aku. 18Bilo neh udah besalah ngau kitak atau bisik teruta tebareh apo pun utan ngau kitak, kelok semuo yok aku te nangoneh. 19Aku tuk paulus nulis tuk ngau jari aku kedirik: Aku tentu ngelunasneh-- endo nyebut apo pun utan uta kitak ngau aku, yok neh idup kitak kedirik.20Yok em, balo menyanak aku, isok kitak beguno didalam Tuhan, bisik gok aku nemu te baek re kitak. ngibur ati aku dalam Kristus.21Ute aku pecayok ngau penaat kitak, aku nulis surat tuk ngau kitak, ute aku ketauk kitak tentu ngelaku utan te lebih baek re pemintok aku.22Sementaro yok, tulo kitak nyiap pankin ngau aku, ute aku be'arap ngelalu pokok du'o-du'o kitak, aku tentu disuruh bekalih lagik ngau kitak. Salam Pengabis23Epafras, kaban aku dipenyaro ute ulih Yesus Kristus, ngirum salam ngau kitak, 24piyok gok Markus, Aristarkhus, Demas, serto Lukas, balo kaban sepelayan ngau aku.25Kasih karunio re Tuhan kito, Yesus Kristus kiro neh nyereto roh kitak.[[ayt. dyk sekujam]]

Hebrews

Chapter 1

1Zaman mere, Allah bekalik - kalik ngumung ngau inik moyang kito ngelalu balo nabi, 2Ngau ari-ari penudi tuk, Allah ngumung ngau kito melalu anak Neh te dah dipilih- Neh ngau menjadi pewaris ngau segalo utan iyok, te ngelalu-Neh ugok Allah mulah dunio tuk. 3Neh adalah cahayo kemuliaan Allah tamai gambar te sempurna ngau tebiat-Neh, Neh ugok te ngau balo utan ngau firman kuaso-Neh. Seudah mulah penyuci duso-duso4Lalu Neh nyadi lebih tinggik dari balo malaikat kerno Neh nyadi waris namo te lebih tingik dari pado namo sidok. Sebab, 5suahkan Allah ngumung ngau malaikat, ''Ikam adalah Anak-ku. Ari tuk, Aku udah njadi Apai-Neh''? Atau, suahkan Neh ngumung ke sidok,''Aku kok nyadi Bapa bagi -Neh, lalu Neh kok nyadi anak-Ku.''6Tapi yok, waktu Allah ngenal ke Anak te petamo-Neh ngau dunio, ''biarlah semuo malaikat Allah menyembah Neh.'' 7Ngau malaikat-malaikat-Neh nyadi angin, pelayan-pelayan-Neh nyadi nyalo api.''8Sedangkan ngau Anak-Neh, Neh ngumung,''Takhta-Neh, ya Allah, kok bisik selamah-lamah. Tungkat te benar adalah tungkat kerajaan-Neh. 9Neh ncintai tebenar ugok Neh bencik te jai. Uleh sebab iyok, Allah ioklah Allah-Neh, udah mengurapi kitak ngau minyak ngelebih balo kaban-kaban kitak.''10Udah yok, ''Neh, Tuhan, nemulo neh ngeletak dibaroh bumi, langit dipulah uleh jari Tuhan. 11Bumi tamai Langit kok lenyap tapi Tuhan akan tetap bisik. Bumi tamai langit kok lusoh macam pakaian. 12Macam jubah Tuhan kok melipat neh, macam pakaian, sidok kok de ganti. Tapi yok, Tuhan ndo akan berubah, tahun-tahun-Neh ndo akan suah abis.''13Udah iok, ngau malaikat te ni, Allah suah ngumung macam tuk, ''dudoklah de sepiak kanan-Ku sampai Aku ngeletak musoh-musoh-neh de baroh kuaso- neh''? 14Bukankah malaekat iok roh-roh te ngelayan, te diutus ngau nulo ura-ura te kok nerimok keselamatan?
Chapter 2

1Kerno iok, kito arus lebih teliti mantau apo te udah kito penin agar kito ndo tesiret arus.2Sebab, bilo pelajar te de padahngau balo malaekat tebukti ndo tauk de ubah, tiap aturan te dah de pulah ndo di lakukan akan merimok ukoman te adil, 3keti kito kok lolos antik kito ndo irau ngau keselamatan te besai iok? Yok lah, Keselamatan te petamo-tamo dipadah Tuhan, bisik bukti kebenarannya ngau kito ura-ura te menin berito iok 4Selaen iok, Allah ugok merik kesaksian ngelalu tano-tano dan hal-hal te ajaib, macam-macam mujizat te debagi nurut kehendak Tuhan.5Allah ndo menaklukan dunio te akan datai, iok lah dunio te kok kito umung, ngau balo malaikat 6Namun, bisik sikuk ura te udah besaksi dalam sutik nas: "sapo teh mensio sehinggo Tuhan mikir neh? Sapo teh anak mensio sehinggo Tuhan peduli ngau neh?7Ngau saat tuk, Tuhan mulah neh lebih renah daripada malaikat; Tuhan memahkotainya ngau kemuliaan tamai hormat. 8Tuhan menaklukan balo utan debaroh kaki neh.'' Sebab, ngau menaklukan balo utan dibaroh kaki neh, lalu Allah ndo miar segalo ura ndo takluk ngau Neh. Tapi iok, pituk kito pan mantau balo utan takluk ngau Neh.9Namun, kito udah mantau yesus te sementaro depulah lebeh renah dari balo malaikat, iok lah Yesus te de mahkotai ngau kemuliaan dan hormat kerno udah menderito kematian supayo ngau anugrah Allah , Neh tauk ngeraso kematian ngau semuo ura. 10Udah sepatut Neh - - te bagi Neh dan ngelalui Neh balo utan bisik -- menyempurnakan perintis keselamatan nebiak-nebiak-Neh ngelalu penderito, ngau ngemaik sidok nguso kemuliaan.11Sebab, baek Neh te menyucikan atau pun sidok te de sucikan, semuo nyok berasal dari sutik Bapa; iok lah sebab neh Yesus ndo malu menyebut sidok sebagai menyadik-menyadik- Neh 12Ngau nyebut: ''Aku kok madah namo Neh ngau balo menyadik-Ku. De tengah-tengah seluroh umat-Mu,Aku kok nyanyi pujian ngau-Neh.''13Dan lagi ''Aku kok naroh keyakinan Ku ngau Allah.'' Dan lagik, ''tuklah Aku, beserto nebiak-nebiak te udah deberik Allah ngau aku.'' 14kerno nebiak-nebiak iok adalah mensio te mpuk darah tamai daging, lalu Yesus ngamik bagian dalam keadaan sidok agar ngelalu kematian-Neh, Neh tau membinasakan Neh te mpuk kuaso ngau kematian, ioklah iblis. 15Dan, membebaskan sidok te seumur hidup neh deperbudak uleh ketakutan akan kematian.16Jadi, jelaslah neh ndo merik pertolongan ngau balo malaikat, tapi ngau keturunan Abraham. 17kerno iok, dalam segalo hal Yesus arus nyadi macam balo nyadik-Neh, supayo Neh tau nyadi Imam Besar te penuh belas kaseh dan setia dalam pelayanan ngau Allah. Dengan demikian, Neh tauk ngemaik penebusan ngau dosa-dosa umat. 18Sebab, Yesus kedirik menderito waktu de cobai, iok lah Neh tauk nulo sidok te de cobo
Chapter 3

1Kerno iok, menyadik-menyadik te kudus, kitak te bisik bagian te de kumai ke surgawi, peratilah yesus, Sang Rasul pengakuk kito, 2Te setia ngau Neh te menetapkan-Neh, samo tamah Musa. 3Sebab, Yesus diangap tau maik kemuliaan te lebeh besai dari Musa, macam hal se ura tuka rumah te buleh kehormatan lebeh besai dari rumah iok kedirik.4 ( Sebab, tiap rumah de pulah uleh se ura, tapi bangunan dari segalo sesuatu adalah Allah.)
6Namun, Kristus setia sebagai nebiak dalam rumah Allah, yaitu kito, antik kito bepegai tegoh ngau keyakinan dan pengharap te kito banggakan sampai akhir.7Kerno iok, macam te Roh Kudus padah, ''Pado ari tuk, antik kitak menin ingan-Neh, 8Nang lah keraskan ati kitak macam dalam pemberontak te kitak pulah waktu ari pencobaan di padang gurun,9Yok lah waktu inik moyang ncubo aku merati pempulah-pempulah-Aku selamah empat puluh taon. 10Sebab ioklah Aku ringat ngau generasi iok lalu ngumung, 'Ati sidok selalu sesat dan sidok ndo ngerti jalan-jalan-Ku.' 11Jadi, Aku bersumpah ngau peringat-Ku: 'Sidok ndo akan tamok ke aro perhentian-Ku.''1312lubah-lubah menyadik-menyadik, nanglah bisik de antaro kitak te mpuk ati te jai tamai ndo pecayok, te mulah kitak bebalek dari Allah te idop. 13Sebalek neh, berik nasehat seura tamai telaen tiap ari, selamah agik bisik te de sebut ''ari tuk'' agar ndo bisik de antaro kitak de keraskan uleh tipu dayo dosa.14Kito udah ngamik bagian de dalam Kristus, antik kito bepegai teguh ngau keyakinan kito te petamo sampai ke te penudi. 15Macam tertulis, ''Ari tuk,Antik kitak menin ingan-Neh, nanglah keraskan ati kitak macam dalam pemberontakan.''16Sapo teh ura-ura te udah menin ingan Allah, tapi memberontak? Bukankah sidok semuo te keluar dari Mesir de baroh kepemimpinan Musa? 17Lalu ngau sapo kah Allah ringat selamah empat puluh taon? Bukan kah ngau sidok te mpulah dosa sehinggo bangkai sidok bergelimpangan de padang gurun? 18Lalu, ngau sapo kah Allah besumpah bahwo sidok ndo akan pernah tamok ke aro perhentiaan-Nya, kalau bukan ngau sidok te ndo taat? 19Jadi, kito merati sidok ndo tauk tamok kerno sidok ndo pecayok.
Chapter 4

1Kerno iok, selamah janji ngau tamok ke aro perhentiaan-Neh agik belaku, biarlah kito ngeraso takut, antik-antik bisik de antaro kito te gagal buleh janji iok. 2Memang benar, berito baek udah desiar ngau kito, macam ugok udah desiar ngau sidok,tapi berito te sidok penin iok ndo menguntungkan sidok kerno ndo de sutik ngau iman ura-ura te menin neh3Kerno kito te pecayok, kok tamok kearo perhentian iok, macam te de padah-Neh,''Aku be sumpah dalam peringat-Ku: 'Sidok ndo tauk tamok ke aro perhentian-Ku,''meski pun pekerjok Allah udah selesai sejak penciptaan awal dunio tuk. 4Sebab, dalam sutik nas, Allah ngumung macam tuk pado ari ketujuh, ''pada ari ketujuh, Allah betegok dari semuo pekerjok.'' 5Tapi iok, bako te udah de padah Allah, ''Sidok ndo tauk tamok ke dalam perhentian-Ku.''6Jadi, agik bisik kemungkinan ngau sebagian ura tamok te aro perhentian, dan bisik sebagian ura te sepan iok menin berito baek, tapi ndo lalu tamok kerno sidok ndo taat. 7Jadi, sekalik agik Allah menetapkan sutik ari te de tentu, te de padah ''ari tuk'', te udah de padah ngelalu Daud jauh ari sepan iok, ''Pado ari tuk, antik kitak menin ingan-Neh, nanglah keraskan ati kitak macam dalam pemberontakan.''8Sebab, Antik Yosua udah merik sidok aro perhentian, maka Allah ndo akan ngumung ngau sutik ari de kemudian ari. 9Antik macam iok, agik bisik perhentian de ari sabat ngau umat Allah. 10Ngau sidok te udah tamok ke aro perhentian Allah, sidok ugok udah betegok dari pekerjok sidok, macam te pulah Allah ngau perkerjok-Neh, macam te Allah pulah dari perkerjok-Neh. 11Kerno iok, boh kito bejuang ngau tamok ke aro perhentian iok, sehinggo nisik sikuk pun te jatuk namai pempulah te ndo taat.12Sebab, Firman Allah iok idop dan bekuaso, dan lebih tajam dari peda be mato duo dari ni pun. Firman iok nusuk jaoh sampai ngerarok jiwo dan roh, antaro bukuk dan tula sum-sum, serto sangup menilai pemikir dan kehendak ati kito. 13Ndo sik sutik pun makluk te de tapok dari pemantau- Neh. Sebalek neh, balo utan telanja dan betapok dari mato-Neh. Ngau-Nehlah kito arus merik pertanggungjawaban ngau semuo te kito pempulah.14Kerno kito mpuk Imam Besai Agung te dah naek ke surga, yok lah Yesus, Anak Allah, boh lah kito bepegai tegoh ngau pengakuan kito. 15Sebab, kito ndo sik imam besai te ndo tauk memahami kelemahan-kelemahan kito, tapi kito mpuk Imam Besai te udak de cobai dalam macam hal, samo macam kito, tapi Neh ndo be duso. 16Kerno iok, ngau keyakinan, boh kito datai nyemak tahta anugrah agar kito nerimok belas pengaseh dan menu anugrah ngau nulo kito, anti kito memerlukan Neh.
Chapter 5

1Sebab, setiap iman besai te de pilih antaro mensio de tujuk ngau njadi wakil mensio ngau hal-hal te be kenan ngau Allah, agar neh tauk mempersembahkan persembahan-persembahan dan kurban-kurban ngau dosa-dosa. 2Kerno imam besai ugok penuh ngau kelemahan, maka neh tauk be sikap lemah terhadap ura-ura te ndo mpuk pengetahuan dan mudah te sesat. 3Iok sebab neh, Neh arus mempersembahkan kurban penghapus dosa, bukan hanyo ngau umat, tapi ugok ngau dirik neh kedirik.4Ndo bisik imam besai te tauk ngamik kehormatan tuk ngau dirik neh kedirik, neh hanya nerimok waktu neh de kumai Allah, macam hal neh Harun. 5Demikian ugok Kristus ndo memuliakan dirik-Neh kedirik ngau nyadi se ura Imam Besai, macam ngau Neh te ngumung ngau-Neh, ''Nuan adalah Anak-Ku. pado ari tuk Aku udah nyadi Bapa-Mu.''6De bagian lain Neh ugok ngumung,''Nuan adalah Imam ngau selamah-lamah, menurut peraturan Melkisedek.''7Dalam idop neh sebagai mensio, Yesus mempersembahkan doa maupun permohonan ngau ratapan dan aik mato, ngau Neh te tauk menyelamatkan-Neh dari kematian. Neh depenin kerno kesalehan-Neh. 8Walaupun Yesus adalah anak, tapi Neh belajar taat ngelalu penderitaan te de lalui-Neh.9Se udah de sempurnakan, Neh nyadi sumber keselamatan kekal bagi semuo ura te taat ngau-Neh, 10Neh udah dekumai Allah sebagai Imam Besai sesuai peratur Melkisedek. 11Bisik bangat te tauk de padah ngau hal tuk.12Sebab, sekalipun saat tuk kitak seharus neh udah nyadi pengajar, tapi ternyato kitak memerlukan se ura pengajar ngau ngajar kitak lagik mengenai prinsip-prinsip dasar Firman Tuhan Allah. kitak agik memerlukan susu. 13Sebab, ura te idop dari susu adalah ura te pan bepengalamam dalam memahami pengajar te benar, neh agik macam bayi. 14Tapi iok, pemakai te keren adalah ngau ura-ura te udah dewasa, yoklah sidok te udah melatih pemantau sidok agar tauk membedakan apo te baek apo te jai.
Chapter 6

1Kerno iok, boh kito nudi pengajaran dasar tentang Kristus lalu ngelangkah ngau kedewasaan, ndo agik ngula-ngula ajaran dasar tentang pertobatan dari pempulah te mati dan iman ngau Allah; 2Pengajar tentang pembasuhan; pengajar tentang kebangkitan ura mati dan hukuman kekal. 3Ioklah te akan kito pulah, antik Allah mengijinkan.4Sebab, ndo mungkin mempertobatkan agik ura-ura te sepan iok udah nemu pencerahan, udah ngeraso karunia surgawi, udah ngamik bagian be samo Roh Kudus, 5Ngeraso kebaikan Firman Allah, ngeraso kuaso dari dunio te kok datai. 6Antik sidok nudi jalai Kristus, maka mustahil ngau sidok memperbaharui agik pertobatan sidok kerno sidok lagik menyalibkan Anak Allah ngau te keduo kalik dan mempermalukan-Neh secaro tebukok.7Sebab, tanah te nyerap bangat aik ujan te jatuk de darat neh, serto ngasil panenan te beguno bagi sidok te ngarap ke neh, kok merimok berkat dari Allah. 8Namun, antik tanah iok hanyo tumboh duri tamai rumput-rumput, mako tanah iok ndo akan beguno dan semak tamai kutuk, lalu akhitnya ditunu.9Antik iok, menyadik-menyadikku te ku kaseh, sekalik pun kitak ngumung-ngumung macam iok,kitak menyakini hal-hal te lebih baek tentang sidok,ioklah hal-hal te behubungan ngau keselamatan. Sebab,Allah bukan ndo adil. 10Allah ndo kelupo ngau semuo penkerjok dan kaseh te sidok padah ngau namo-Neh ngau melayani ura-ura kudus macam te agik sidok pulah.11Kitak rindu tiap-tiap sidok menunjukan ketekunan te samo ngau buleh jaminan pengharapan te sempurna sampai pengabis, 12agar kitak nang njadi lemau, tapi merati teladan ura-ura te udah mewarisi janji-janji Allah ngelalu iman dan ketekunan.13Antik Allah be janji ngau Abraham, Neh bejanji ngau dirik-Neh kedirik kerno ndo sik te lebih besai dari dirik-Neh. 14Allah ngumung,''Aku pasti kok memberkati sidok,'' dan ''Aku pasti kok melipatgandakan kenturun sidok.'' 15Dan, udah menantikan ngau sabar, Abraham nerimok janji iok.16Mensio besumpah demi seura te lebih besai dari pado dirik neh kedirik, sumpah de berik sebagai penegasan ngau ncudah semuo perbantahan. 17Jadi, ketiko Allah ingin merati ngau lebih menyakinkan ngau ahli waris janji-Neh bahwa tujuan-Neh ndo akan berubah, Allah menjamin ngau mulah sumpah. 18Lalu ngau duo hal te ndo tauk berubah iok, te mengenai Allah mustahil bulok, kito te datai ngok perlindungan kok nemu dorongan te besai ngau bepegai teguh ngau pengharapan te de berik ngau kito.19Pengharapan te koto peruleh iok adalah jangkar bagi jiwo kito, kuat dan pasti, nemus masok sampai ke balik tirai, 20ke aro te udah de tamok Yesus ngau pemukok jalai bagi kito ngau njadi Imam Besai ngau selamah-lamah neh, sesuai ngau peraturan Melkisedek.
Chapter 7

1Sebab, Melkisedek,Rajo Salem dan Imam Allah te Mahatinggik, ketauk ngau Abraham seudah Abraham pulai dari pembantaian rajo-rajo, dan memberkati neh. 2Ngau Melkisedek, Abraham ugok merik persepuluhan dari semuo heto te de peroleh dari rampasan. Petamo-tamo, nama Melkisedek bearti ''Rajo Kebenaran'', selanjut neh, ''Rajo Salem'' te berarti ''rajo damai''. 3Neh ndo beapai atau ndo sik inai, ndo sik silsilah, dan hidup neh ndo sik awal tamai akhir. Tapi nyok, macam Anak Allah, neh akan nyadi imam selamah-lamah.4Perhatilah, betapa agungnya ura tuk,bahkan Abraham leluhur kito pun menyerahkan ngau neh sepersepuluh dari segalo hasil rampasan bepera. 5Nurut ukom Taurat, nebiak-nebiak lewi te nerimok jabatan imam be hak ngumpul persepuluhan dari umat te adalah menyanak-menyanak sidok, walaupun sidok samo-samo kenturun Abraham. 6Namun, Melkisedek bukan kenturun lewi, nerimok persepuluhan dari Abraham dan memberkati neh te megai janji-janji Allah.7Ndo tauk de sangkal, te lebeh renah deberkati uleh te lebeh tinggik. 8Dalam sutik hal, persepuluhan de terimok uleh mensio te fana te tauk mati, te de pastikan idup. 9Kerno iok, tauk de padah kaum Lewi te behak nerimok persepuluhan pun sidok mayar perpuluhan ugok sidok mayar ngelalu Abraham, 10Sebab waktu Melkisedek ke aro neh, Lewi agik dalam tubuh inik moyang neh.11Pituk, seandai kesempurnaan tau de capai ngelalu keimanan Lewi ( te kerno neh, umat Israel buleh Ukom Taurat), kok ngapo bisik imam lain te arus debangkitkan menerut atur Melkisedek, bukan imam dari garis kenturun Harun? 12Sebab, antik aturan keimanan berubah, maka Hukum Taurat pun arus de ubah13Ura, 14Sebab, udah jelas Tuhan ndo berasal dari Suku Yehuda, suku te Musa te ndo pernah ngumung hal apo pun te berkaitan ngau balo imam.15Semuo hal tuk njadi semaken jelas Saat kito merati bisik se ura Imam laen, te serupo ngau Melkisedek, 16Te nyadi imam bukan bedasarkan persyaratan kenturun jasmani, tapi bedasarkan kuaso kehidupan te ndo tauk binaso. 17Sebab, kitab Suci besaksi tentang Neh: ''Kitak adalah Imam ngau selamah-lamah, nurut peraturan Melkisedek.''18De sutik sisi, peraturan te lamah udah abis kerno bisik kelemahan dan nisik guno, 19kerno ukom iok ndo menyempurnakan apo pun. Namun de sisi laen, besik pengharapan te lebih baek te de kenalkan ngau kito, dan pengharapan iok narek kito sok kito semak ngau Allah.20Kerna pengharapan iok de baik ngau kito ngau sebuah sumpah--imam te laen njadi imam ndo desertai sumpah. 21Namun, Neh nyadi Imam ngau sumpah te de pulah uleh neh te ngumung ngau neh, ''Tuhan udah besumpah dan Neh ndo akan berubah pemikir: 'Kitak adalah Imam ngau selamah-lamah .'''22Kerno sumpah iok, Yesus udah nyadi jaminan dari perjanjian te lebeh baek. 23Sepan iok, bangat imam sehingga waktu iok bisik imam te mati, bisik te tauk mengantikan neh. 24Namun, Yesus megai keimaman secaro tetap selalamah-lamah kerno Neh akan terus idop selamah-lamah.25Dengan iok, Yesus tauk menyelamatkan ngau sempurna sidok te datai ngau Allah ngelalu-Neh, kerno Neh selalu idop ngau berdoa ke sidok. 26Imam Besai macam ioklah te kito perlukan, Iok lah Imam Besai te kudus, ndo becela, murni, de pisahkan dari ura-ura bedosa, dan detinggik melebihi tingkat-tingkat surgawi.27Yesus ndo macam balo imam basai te laen. Sidok arus mempersembahkan kurban setiap ari, pertamo bagi dosa sidok kedirik, barulah bagi dosa-dosa umat. Namun, Yesus ndo perlu melakukannya. Neh hanyo mempersembahkan kurban sekalik ngau selamah-lamah, ioklah dirik Neh kedirik. 28Ukom Musa menetapkan mensio te penuh kelemahan ngau nyadi imam-imam besai. Tapi iok, sumpah te berasal dari Allah, te datai seudah Ukom Musa, menetapkan Anak-Neh, te udah de jadikan sempurna sampai selamah-lamah.
Chapter 8

1Ioklah pokok petamo umung kito: kito bisik Imam Besai te dudok de sepiak kanan takhta te Mahatinggik de surga. 2Neh melayani deruang Mahakudus sejati te de pulah uleh Allah kedirik, bukan uleh mensio.3Kerno tiap imam besai de tunjok ngau mempersembahkan pemerik dan kurban, Maka Imam Besai iok ugok arus ngemaik utan ngau de persembahkan. 4Antik imam besai tuk idop de bumi, Neh ndo akan nyadi imam samo sekalik sebab de bumi udah bisik imam-imam te mempersembahkan pemerik sesuai Ukom Taurat, 5Ioklah sidok te be ibadah nurut tiruan dan bayang-bayang dari hal-hal surgawi macam waktu Allah memperingatkan Musa saat neh mendirikan Kemah Suci: ''pastikanlah sidok mulah segalo sesuatu sesuai ngau rancangan te udah ku tunjok ngau neh de darat gunung.''6Namun, pituk, Yesus nerimok tugas pelayanan te jauh lebeh mulia kerno perjanjian baru te de perentarai uleh-neh yok lebih tinggik de tetapkan berdasarkan ngau pejanji-penji te lebih baeh. 7Sebab, antik perjanjian te pertamo ndo ngau kesalahan, ndo akan bisik ura te perlu ngau pejanjian te ke duo.8Kerno Allah nemu penyalah mensio, Neh ngumung, '''pantau, waktu neh udah semak,' bengi Tuhan, 'Waktu aku kok madah sebuah perjanjian te baru ngau kaum Israel dan kaum Yehuda. 9Ndo macam pejanjian te udah ku padah ngau inik moyang sidok, yok lah waktu aku megai sidok ngau jari-ku ngau memimpin sidok keluar dari tanah Mesir. kerno sidok ndo setia ngau perjanjian te neh berik, iok lah Aku ndo peduli ngau sidok,' bengi Tuhan.10Tuk lah perjanjian te kok depulah ngau kaum Israel waktu maso iok,'Bengi Tuhan: 'Aku kok naroh ukom-ukom-Aku dalam pemikir sidok, Aku kok nulis de hati sidok. Aku kok njadi Allah sidok, dan sidok kok njadi umat-Ku.11Sidok ugok ndo akan ngajar sesamo bangsa atau menyadik neh ngumung, 'kenallah Tuhan' kerno semuo ura pasti kok ngenal Aku, dari te paling renyai sampai te palin besai. 12Sebab, Aku kok ngasih sidok atas pelanggaran dosa-dosa sidok. Aku kok ndo akan ngingat penyalah-penyalah sidok.'''13Waktu Allah madah perjanjian te baru, Neh mulah perjanjian te lamah ndo belaku agik. Dan apo te udah ndo belaku agik dan lusoh di suruh lenyap.
Chapter 9

1Bahkan, perjanjian te lamah pun bisik isik peraturan ibadah dan aro te kudus te bisik de bumi. 2Kerno macam ioklah Kemah Allah de siapkan: sepiak luar, bisik tempat naroh pelito, mijo, rute sajian.3De belaka tirai keduo adalah bagian kemah te de padah Ruang Mahakudus, 4De tempat iok bisik altar pedupaan de pulah ngau emas dan Tabut Perjanjian 5De darat neh, bisik duo kerub,tapi saat tuk bukanlah saat te tepat ngumung masalah iok secaro teperinci.6Se udah balo utan iok de siap, bolo imam tamok ke bagian petamo tamok ke kemah iok secaro rutin, ngau mulah pelayanan semaya ngau Allah. 7Tapi iok, hanya imam besai jak te tau tamok ke bagian ke duo dari kemah iok, iok pun hanya setaon sekalik, dan maik darah ngau depesembahkan ngau Allah demi dirik neh kedirik dan demi dosa-dosa umat te de pulah tanpa sengajo8Roh kudus madah ngau kito bahwa jalai ke aro ruang Mahakudus pan te bukok selamah ruang Kudus agik bisik, 9Hal iok adalah kiasan mengenai zaman tuk. Macam iok ugok pemerik dan kurban-kurban te de persembahkan ndo tauk menyempurnakan nurani ura-ura te kok semaya, 10Sebab hanya bisik kaitan ngau makai, minum, dan ritual pembasuhan ngau tuboh jasmani te belaku hingga tibanya waktu pembaharuan.11Namun, ketika Kristus datai sebagai Imam Besai ngau hal-hal baek te kok datai, Neh tamok ngelalu aro kudus te lebeh besai dan lebeh sempurna; te ndo de pulah ngau jari mensio dan bukanlah semacam ciptaan. 12Neh tamok keruang Mahakudus sekalik selamah lamah iok, bukan ngau maik darah kamin lelaki dan darah sapi, tapi ngemaik darah-Neh kedirik sehingga buleh penebusan te kekal.13Sebab, antik pemercikan darah kamin te lelaki dan sapi te lelaki, dan ugok abu anak sapi te betinok ngau ura te najis tauk menyucikan tubuh jasmani sidok, 14Lebeh-lebeh lagik darah kristus, iok lah Neh te ngelalu Roh te kekal mempersembahkan dirik-Neh ngau kurban te ndo becacat ngau Allah ngau nyuci ati nurani dari pempulah-pempulah te sio-sio supaya kitak tauk melayani Allah te hidup. 15Ngau alasan tuk lah Kristus nyadi perentara supaya sidok te tlah dekumai Allah tauk nerimok warisan kekal te udah de janji-Neh; sebab sebuah kematian udah te jadi ngau nebus sidok dari pempulah-pempulah te sidok pulah de baroh perjanjian te petamo16Antik bisik surat wasiat, Maka arus bisik kematian dari ura te mulah neh. 17Sebab, surat wasiat iok berlaku antik ura te mulah iok dah mati; surat iok ndo memiliki kuaso selamah ura te mulah surat iok agik idop.18Iok lah sebab neh, ngapo perjanjian pe tamo ndo belaku agik antik nisik kurban darah. 19Sebab se udah Musa, neh mecek ke Kitab Taurat dan ngau umat. 20Samil ngumung, ''tuk lah darah dari perjanjian te udah Allah suruh ngau sidok taati.''21Ngau cara te samo, Musa ugok mecek Kemah Suci dan semuo perlengkapan te de guno dalam ibadah ngau darah. 22Nurut Ukom Taurat, ampir semuo segalo utan arus de sucikan ngau darah, dan ndo sik penumpahan darah, ndo bisik agik pengampunan.23Kerno iok, segalo utan te melambangkan hal-hal surgawi sangat perlu de sucikan ngau hal iok, tapi segalo utan te de surga de sucikan ngau te lebeh baek. 24Sebab, Kristus ndo tamok kerua Mahakudus te de pulah jari mensio,te hanyo lah tiruan dari te sebenarnya, tapi Neh tamok ke dalam surga ke dirik dan pituk bisik de hadapan Allah demi kito.25Kristus ugok ndo mempersembahkan dirik-Neh be kalik-kalik, macam imam besai te arus tamok ke Rua Mahakudus dari taon ke taon ngau ngemaik darah te bukan darah neh kedirik. 26Antik piok, Kristus arus menderito beulang kalik sejak dunio de pulah. Tapi nyok, Kristus hanyo menyatakan diri-Neh sekali jak ngau selamah lamah pada zaman akhir tuk demi menghapus dusa, ngau caro mempersembahkan dirik-Neh kedirik.27Macam mensio, te de tentukan ngau mati sekali jak udah iok ngadap penghakiman, 28Macam iok ugok Kristus; Neh mempersembahkan hanyo sekalik jak ngau nango dosa bangat ura, dan kok datai ngau ke duo kalik, bukan ngau nango dosa, melainkan ngau ngemaik keselamatan bagi sidok te nanti Neh.
Chapter 10

1Kerno Ukom Taurat hanya mpuk bayangan tentang hal-hal baek te kok datai dan bukan gamar te sebenar neh dari hal-hal iok, te sidok mempersembahkan secaro terus menerus tiap taon, ukom iok ndo akan tauk menyempurnakan sidok te datai semak iok. 2Antik sebalek neh, bukankan pemerik persembahan se arus neh udah ndo agik de pulah kerno sekalik jak de sucikan, ura-ura te be ibadah iok ndo agik ngeraso bisik kesadaran akan dosa? 3Tapi nyok, dalam persembahan kurban iok, sidok justru de ingatkan akan dosa-dosa sidok dari taon ke taon. 4Sebab, darah lembu te lelaki dan darah kamin te lelaki ndo mungkin tauk ngapus dosa.5Kerno iok, waktu Kristus datai ke dunio, Neh ngumung, Kurban dan persembahan ndo de ingin, tapi sutik tubuh dah siap ngau Neh; 6Kitak ndo berkenan ngau kurban bakaran dan kurban penghapus dosa. 7Lalu Aku ngumung, 'Tuklah Aku: Bisik tertulis tentang Aku dalam gulungan kitab, Aku datai ngau mulah penekok-Mu, ya Allah.''8Seudah kristus madah, ''Kurban dan persembahan, serto kurban bakaran dan kurban penghapus dosa ndo Tuhan inginkan, dan ndo berkenan ngau Tuhan,'' ( te de persembahkan sesuai ngau ukom taurat) 9Neh nambah, ''tuk lah Aku. Aku datai ngau melakukan penekok-Neh.'' Jadi, Yesus ngapus te petamo. 10Ngau penekok-Neh, kito de kudus-kan, kito de kuduskan ngelalu penguburan tubuh Yesus Kristus, sekalik ngau selamah-lamah.11Tiap imam mulah pelayanan harian dari waktu ke waktu ngau mempersembahkan kurban te samo, te ndo tauk ngapus dosa; 12Tapi Kristus, se udah mempersembahkan kurban kerno dosa, sekali jak ngau selamah-lamah,Neh dudok de sepiak kanan Allah 13dan nunguk saat musuh-musuh de jadikan tumpuan kaki-Neh. 14Ngau sutik kurban, Kristus menyempurnakan sidok te udah de sucikan-Neh ngau selamah-lamah.15Roh Kudus ugok nyadi saksi ngau kito tentang hal tuk sebab seudah ngumung, 16''Tuklah perjanjian te kok ku pulah ngau umat-Ku se udah masa iok, bengi Tuhan: 'Aku kok naroh ukom-ukom-Ku dalam hati sidok, dan Aku kok nulis dalam pikiran sidok.'''17Seudah iok, Neh udah iok, ''Aku kok ngelupo dosa-dosa sidok dan ndo akan ngingat agik ke salahan sidok.'' 18Pituk, saat pengampunan ngau semuo udah bisik, maka ndo de perlukan agik kurban ngau menebus dosa.19Sebab iok, menyanak-menyanakku, kerno pituk kito mpuk keberanian ngau tamok ke rua Mahakudus uleh pengurbanan darah Yesus, 20Ngau jalai te baru dan idop, te udah de bukok uleh Yesus ngau kito ngelalu tirai, ioklah tubuh-Neh, 21Kerno kito udah mpuk se ura Imam Besai te ngepalai rumah Allah,22 Maka boh kito semak ngau Allah ngau ati te tulus dalam keyakinan iman te penuh, ngau ati kito te udah de bersih dari nurani te jai, dan tubuh te udah de cuci ngau aik murni.23Boh kito bepegai teguh ngau pengakuan pengharapan kito kerno Allah te janji kok setia, 24Boh kito ngok caro ngau kito saling ngemaik dalam mengasihi tamai mulah perbuatan-perbuatan te baik, 25Nanglah menjauhkan dirik dari pertemuan ibadah kito besamo, macam te biaso uleh beberapo ura. tapi iok, boh kito saling menguatkan, te lebih agik kerno kitak ketauk bahwa ari Tuhan udah semakin semak.26Sebab, antik ngau sengajo kito tetap mulah dosa seudah kito buleh pengetahuan te benar, maka ndo sik agik kurbah ngau ngehapus dosa-dasa iok. 27Te bisik hanyalah penantian te menakutkan tentang penghakiman dan nyalo api te kok membinaso musuh-musuh Allah.28Be dasarkan dari duo atau tigo ura saksi, sapo pun te ndo taat Ukom Musa kok de ukom mati tampa belas pengaseh. 29Antik piok, betapa lebih berat penghukuman te tauk de terima uleh ura te ngijak-ngijak darah perjanjian te udah menguduskan dan te menghino Roh* anugrah Allah?30Sebab, kito ngenal Neh te ngimung, ''pembalasan adalah hak ku; Aku kok nuntut pembalasan.'' 31Alangkah ngeri antik kito jatuk ke dalam jari Allah te idop.32Tapi iok, ingatlah ari-ari te udah lalu, se udah kitak buleh pencerahan, kitak be tan dalam perjuangan nanggo penderito te berat. 33Kada-kada, kitak de hino dan de aniayo secaro te bukok de depan bangat ura, dan kada-kada kitak ugok turut de dalam penderitaan ura-ura te de pelakukan macam iok.34 Kitak ugok bebelaskasihan ngau sidok te de penjaro, behkan nerimok ngau sukacito saat reto mpuk kitak de rampok kerno sidok ketauk bahwa kitak bisik heto te lebeh baek dan kekal.35Kerno iok, nanglah kitak muai keyakinan kitak kerno keyakinan kitak iok tauk ngemaik pahala te besai. 36Sebab kitak perlu ketekunan ngau mulah kehendak Allah sehinggo kitak buleh apo te de janjikan Allah. 37Sebab ndo lamah agik, Neh te kok datai, kok datai, ndo de tunda-tunda agik38Namun, ura -ku te benar akan idop uleh iman. Dan, antik neh munor kerno takut, maka jiwa-Ku ndo akan berkenan ngau-neh.'' 39Kito bukan lah ura-ura te unur ngau kebiaso, melainkan ura-ura te be iman ngau pemeliharaan jiwo.
Chapter 11

1Iman adalah jaminan ngau balo utan te kito arap, dan bukti dari segalo sesuatu te ndo te perati. 2Sebab, uleh iman sidoklah ura-ura zaman subok bisik buleh pujian. 3Uleh iman, kito mengerti bahwa alam semesta de pulah ngau Firman Allah. Jadi apo te pegari ndo depulah uleh apo te pegari ugok.Uleh iman, Habel.5Uleh iman, Henokh de angkat agar neh ndo arus mengalami. 6Ndo mungkin menyenangkan Allah tanpa iman, sebab sapo pun te semak ngau Allah arus pecayok ngau Allah bahwa Allah bisik, dan bahwa Allah merik pahala ngau sidok te ngok Allah.7Uleh iman, se udah de padah Allah akan peristiwa te pan neh pantau,Nuh giat dan taat mulah bahtera.8Uleh iman, Abraham saat de kumai Tuhan, taat ngau turun ke sutik aro te kok deberik ngau milik pusaka neh. Lalu neh angkat, walau pun ndo ketauk kini kok turun. 9Uleh iman, neh turun dan nugau de tanah yang ndo deketauk uleh neh, ioklah de dalam kemah besamo ngau Isak dan Yakub; balo pewaris dari janji te samo,10 Sebab Abraham agik nantik sutik kota te mpuk pondasi, te perancang dan pembangun neh adalah Allah.11Uleh iman, Sara nerimok kemampuan ngano dan beranak, meskipun Sara mandul dan udah terlalu tuo ngau beranak agik, sebab Sara ngangap Tuhan udah bejanji ngau neh adalah setia. 12Kerno ioklah, deri seura te udah tua dan ampir mati, beranaklah kenturun te bangat macam bintang de langit dan te jumlah neh ndo mampu de ito macam pasir de pantai13Sidok semuo iok udah mati kerno iman ndo buleh apo te dah dejanjikan, tapi sidok merati dan nyamot janji-janji iok dari jaoh, sidok ketau bahwa sidok adalah balo penatai dan ura asing de bumi. 14Umungan sidok te bengi iok nunjok dengan jelas bahwa sidok lagi ngok sutik tanah aik ngau sidok.15Kerno, Antik te sidok pikir adalah negeri te sidok nugau waktu iok, tauk jak lah sidok pulai kiok agik. 16Namun, sidok rindu sutik negeri te lebeh baek, iok lah negeri surgawi. Uleh kerno ioklah, Allah ndo malu desebut sebagai Allah sidok sebab Allah udah nyedio sutik kota ngau sidok17Uleh iman, waktu Tuhan nguji,Abraham nyerah Ishak sebagai kurban; Abraham te udah nerimok janji-janji iok relo mempersembahkan anak neh te sikuk iok. 18Tentang anak iok, Allah suah ngumung, ''Ngau namo Ishaklah tenturun Abraham akan de sebot.'' 19Abraham menaroh kepercayaan ngau Allah, Bahwa neh pecayok bahwa Allah sangop membangkitkan ura te udah mati. Ibratnya, Abraham udah nemu Ishak pulai dari kematian.20Uleh iman, Ishak memberkati masa depan Yakub dan Esau. 21Uleh iman, Yakub, waktu neh kok mati, memberkati anak-anak Yusuf. Ia menyebah ngau Allah besandar ngau kepalo tungkat neh. 22Uleh iman, Yusuf, waktu pengabis idop neh, ngumung keluarnya bangsa Israel dari Mesir dan merik perintah sehubungan ngau tula-tula neh23Uleh iman, Musa. 24Uleh iman, Musa, udah tumoh dan dewasa, neh ndo kok desebut sebagai anak dari betinok Firaun. 25Neh lebih milih menderito besamo umat Allah daripado menikmati kesenangan dosa te hanyo besifat sementaro, 26Neh ngangap bahwa kehinaan Kristus lebih berego daripada seluruh kekayo Mesir sebab Musa merati pahala te akan datai.27Uleh iman, Musa nudi Mesir ndo sik takut ngau Raja Firaun seulah-ulah neh tau merati Tuhan te ndo tepantau iok . 28Uleh iman, Musa ngerayo Paskah ndo megai bangsa Israel.29Uleh iman, bangsa israel bejalai nyebra Laut Merah, seulah-ulah bejalai de tanah te rangkai. Namun, waktu ura-ura mesir ncubo ngerjo hal te samo, sidok de tenglamkan. 30Uleh iman, tembok Yerikho rubuh setelah de kelilin selamah tujuh ari. 31Uleh iman, Rahab, pelacur iok, ndo de bunuh ngau ura-ura te ndo taat kerno neh nerimok mato-mato Israel ngau damai.32Apo agik te arus de padah? Aku ndo sik waktu ngau becerito ngau kitak masalah Gideon, Barak, Samuel, dan balo nabi, 33te uleh iman udah menaklukan kerajaan-kerajaan, mulah te benar, buleh janji-janji, dan mengatupkan mulut singa-singa, 34madam api, terlepas dari mato peda, de kuat dari kelemahan sidok, gagah pekaso dalam petempuran, dan menghalau balo tentara asing.35Balo betinok nerimok agik ura-ura te udah mati ngelalu kebangkitan, tapi bisik te de aniayo dan nulak ngau nerimok pembebasan agar sidok buleh kebangkitan dalam kehidupdn te lebeh baek. 36Sementaro iok, bisik ugok te de hino dan de cambuk, bahkan bisik te de belenggu dan de penjaro. 37Sidok derajam, de gergaji nyadi duo, dan de bunuh ngau peda. Bisik ugok te mengembera ngau pakaian dari kulit domba atau kulit kamin; sidok sangat miskin, de tindas, dan de perlakukan semenino-nino. 38Dunio tuk ndo pantas bagi sidok, sidok mengembara de pada gurun dan gunung-gunung, nugau de cela-cela gunung,dan gua-gua de bawah tanah.39Walaupun buleh kesaksian te baek kerno iman te sidok buleh, sidok ndo buleh apo te de janji. 40Sebab, Allah nyedio sesuatu te lebeh baek ngau kito, sehinggo tanpa kito, sidok ndo akan nyadi sempurna.
Chapter 12

1Kerno kito mpuk bangat saksi te ngelilin kito macam awan, bohlah kito nudi semuo pempulah dan dosa te medeh kito dan be jalai dengan taat pado perlombaan te bisik de depan kito. 2Biarlah mato kito tertuju ngau Yesus, sang pencipto dan penyerpurno iman kito, te demi sukacito te udah de tetapkan bagi-Neh, Relo ngato salib dan mengabaikan kehinaan salib iok. Dan, pituk, Neh duduk de sepiak kanan takhta Allah. 3Ingatlah akan Yesus, te tabah ngadap musuh dari ura-ura be dosa sehinggo jiwomu ndo njadi leteh dan putus aso4Dalam pejuanganmu ngelawan dosa, kitak pan sampai mumpahkan darah kitak. 5Dan, apakah kitak udah kelupo pemadah te de berik ngau kitak sabagai nebiak-nebiak? ''Hai anakku, nang angap enteng pemadah Tuhan, dan nang renyai ati kitak ketika kitak de tegur uleh Tuhan. 6Sebab, Tuhan ngajar ura te de kaseh-Neh, dan mencambuk ura te de terimok-Neh sebagai anak.''7Kitak arus be tan dami didikan iok kerno iok bearti Allah pituk mulah kitak sebagai se ura anak; lagi pula, anak macam apo te ndo suah de didik uleh apai neh? 8Antik kitak ndo suah nerimok pemadah ura tuo te searusnya de terimok uleh semuo anak, kitak adalah anak kampa, bukan anak te sah.9 Selain iok, kito mpuk apai-apai de dinio tuk te madah kito, dan te kito hormati; Antik piok, bukan kah kito arus lebeh agik tunok dirik ngau Bapa atas segalo roh dan atas idop? 10Sebab, Antik apai kito te bisik de dunio tuk ngajar kito ngau waktu te sekejap be dasarkan caro te angap sidok te palin baek, Bapa te bisik de surga ngajar kito demi kebaikan kito kedirik sehinggo kito be uleh bagian dalam kekudusan-Neh. 11Semuo pengajar, pado saat de berik, memang ndo menyenangkan dan menyakitkan. Tapi iok akan menghasilkan buah te benar te merik damai sejahterangau sidok te udah de latih uleh pengajaran iok.12Sebab iok, kuatkanlah jari kitak te lemah dan peletut kitak te goyah, 13Pulah jalai te bujur ngau kaki kitak14Kejarlah semuo perdamaian ngau semuo ura, dan kejarlah kekudusansebab antik nisik kekudusan, ndo se ura pun te tauk merati Tuhan. 15Pastikan agar nang bisik se ura pun te linyau anugrah Allah; pastikan ugok nang bisik akar paet te tumuh dan nimul masalah sehinggo mencemari bangat ura.16 Pastikanlah supayo nang nang bisik ura te mpulah cabul atau ndo suci macam Esau te njual hak kesulungannya demi semangkok pemakai. 17Sebab kitak tetauk bahwa de kemudian ari, ketiko Esau ingin berkat iok, Esau de tulak dan ndo sik agik kesempatan ngau betobat sekalikpun Esau ngok ngau encucurkan aik mato.18Sebab kitak ndo datai ngau gunung te tauk de sentuh, ngau api te menyalo-nyalo, atau ngau keleman, kekelaman, dan badai. 19Kitak pun ndo datai ngau suaro terompet, dan ngau suaro te umung neh te mulah penin te menin mohon ngau sangat agar umung neh ndo de umung agik ngau sidok.20 Sebab sidok ndo tan menin perintah te de berik, ''Bahkan antik seikuk binata sekalipun te nyentuh gunung iok, binata iok arusde tikam ngau batu sampai mati.'' 21Dan, sangat ngerikmerati iok sampai-sampai Musa pun ngumung, ''Aku gemetar ketakutan.''22Namun, kitak udah datai ke Gunung Sion, dan ke kota Allah te idop, Yerusalem Surgawi, ngau malaikat te ndo te ito pemangat neh, 23Kitak udah datai ngau perkumpulan basai jemaat te be diri dari anak-anak sulung Allah te udah te daftar de surga, ngau Allah, Akim atas semuo ura, ngau roh ura-ura benar te udah de sempurnokan.24Kitak dah datai ngau Yesus, perentaro perjanjian te ngumung lebeh baek dari darah Habel.25Pasti ke ugok nang sampai kitak nulak Neh te ngumung. Kerno antik kitak te nulak Neh te madah dari bumi ndo tauk ngelepas dirik, mako kito pun ndo tauk ngelepas dirik dari Neh te merik pemadah dari surga. 26Subok, suaro neh mengunca bumi, tapi pituk Neh be janji, ''Namun, sekalik agik Aku ndo hanyo mengunca bumi, tapi surga ugok.''27Ungkapan ''sekalik agik'' nunjok tentang pemusnahan hal-hal te tauk de goyah, ioklah semuo te dah de cipto, agar hal-hal te ndo degoyahkan tauk nugau tetap diok.28Kerno iok, seudah kito nerimok kerajaan te ndo tauk de goyahkan, boh kito nujuk raso syukur ngau mempersembahkan ibadah te layak ngau Allah, te desertai raso hormat dan penuh kekaguman, 29Sebab Allah kito adalah api te ngangus.
Chapter 13

1Teruslah meliaro kaseh antaro menyadik! 2Ingatlah selalu merik tumpangan ngau ura asing kerno ngau mulah hal iok, beberapo ura tlah menjamu malaikat-malaikat tanpa sidok sadari.3Ingatlah ura-ura te de penjara se ulah-ulah kitak de penjara uleh sidok, ingatlah ugok ura-ura te de aniaya sebab kitak pun bisik de dalam tubuh. 4Perkawinan arus de junjo dengan penuh hormat uleh semuo ura, dan jagolah ranja pekawinan supayo tetap murni, Sebab Allah kok ngokom ura-ura yang cabul dan balo pezinah.5Jauhkanlah idop kitak dari cinta duet, cukupkanlah dirik kitak ngau apo te kitak mpuk sebab Neh kedirik ngumung: ''Aku ndo akan mudi ke kitak, dan ndo akan pernah ngabaikan kitak.'' 6Jadi, kito kok ngumung ngau penuh keyakinan: ''Tuhan adalah penuloku, dan aku ndo akan takut. Apo te tauk dekerjo ura ngau aku?''7Ingatlah balo pemimpin, sidok te udah ngajar Firman Tuhan ngau kitak. perhatikanlah caro idop sidok, dan contohlah iman sidok.8Yesus Kristus tetap samo, kemarik,ari tuk, dan sampai selamah-lamah.9Nanglah kitak desesatkan ngau pengajaran te bemacam-macam te ndo kitak kenal; kerno adalah hal te baek bahwa ati de kuat uleh anugrah, bukan uleh aturan tentang makanan te ndo sik guno bagi sidok te menjalaninya. 10kito mpuk altar ndo behak ngau makai iok. 11Kerno tubuh dari hewan-hewan te darah neh de baik uleh imam besai sebagai persembahan penebus dosa detunu deluar perkemahan,12Yesus ugok menderito de luar gerbang kota demi menguduskan umat-Neh ngau darah Neh kedirik. 13Kerno iok, boh kito kearo Yesus de luar pekemahan,dan ngesan kehinaan te samo ngau ngesan te udah desan Neh. 14Sebab, de bumi tuk kito ndo mpuk kota te akan bisik ngau selamah-lamah, tapi kito akan nantik kota te kok datai.15Kerno iok, ngelalu Kristus boh kito terus menerus mempersembahkan kurban pujian ngau Allah, ioklah ucapan mulut te memuliakan namo Neh. 16Nanglah kitak kelupo mulah te baek dan mangi apo teh kitak mpuk kerno kurban te macam ioklah te menyenangkan ati Allah. 17Taatlah ngau balo pemimpin kitak dan tunoklah ngau sidok kerno sidoklah te njago jiwo kitak tamai merik pertanggungjawaban atasnya. Dengan piok, sidok akan melakukan ngau sukacita, bukan ngau keluh kesah kerno hal iok ndo akan merik keuntungan ngau kitak.18Berdoalah ngau kami kerno kami yakin bahwo kami mpuk ati nurani te baek,te selalu berusaha melakukan segalo hal ngau caro terhormat. 19Aku mendesak kitak ngau bedoa ngau caro te sunguh-sunguh lagi agar aku de baik pulai ngau kitak.20Pituk, Allah sumber damai sejahtera, te udah membangkitkan Yesus, Tuhan kita, Sang Gembala Agung atas domba-domba-Neh, ngau darah pejanjian te kekal. 21Kiro neh ngelengkap dalam setiap hal te baek ngau mulah kehendak-Neh. Biarlah Neh bekerjo de dalam kito ngau menyenangkan ati-Neh ngelalu Kristus Yesus, Ngau-Nehlah kemuliaan sampai selama-lamanya. Amin.22Menyanak-menyanak, aku kok nyuruh kitak ngau menin kata-kata nasehatku ngau sabar sebab kata-kata nasihatku tuk udah ku tulis ngau kitak ngau singkat. 23Aku kok madah kitak bahwa menyadik kito, Timotius, sudah bebas dari penjaro. Antik neh kok datai ngau aku, aku kok datai besamo Timotius waktu betemu kitak.24Sampaikan salam kami ngau balo pemimpin kitak udah iok ngau ura-ura kudus. Menyanak-menyanak kito dari Italia madah salam ngau kitak.25Anugerah Allah menyertai kitak semuo.

James

Chapter 1

1Salam dari Yakobus, pelayan Allah danYesus Kristus, ngau keduo belas suku te tesebar de seluruh dunio. 2Balo menyanak, angaplah ngau suatu sukacita antik kitak jatuk ke dalam berbagai pencobaan. 3Sebab, kitak ketauk bahwa ujian ngau iman neh ngasil ketabahan4Biarlah ketabahan merik asil te penuh supayo kitak nyadi sempurna dan utuh, ndo sik kura apo-apo. 5Tapi yok, antik de antaro kitak bisik te kura hikmat, tauklah neh mintok ngau Allah, te ngau murah ati merik ke semuo ura ndo mencelo, yok te kok de berik ngau neh.6Yoklah, neh arus mintok neh ngau iman te ndo bimbang kerno ura te bimbang adalah macam geluma laut, te de tiup angin kin kituk. 7Ura macam yok nang lah ngiro kok nerimok sesuatu dari Tuhan. 8Ura te menduo ati ndo akan tenang dalam semuo jalai hidup neh.9Biarlah menyadik te idop apo ado bangga saat neh de tinggik, 10Ura kayo saat neh de tempatkan ngau keadaan te renah kerno macam bungo rumput, neh kok lenyap. 11Sebab, matoari terbit ngau panas neh te semakin terik, ngelayuk rumput, bungo neh gugur, keindahan neh pun lenyau. Demikian ugok, ura kayo akan lenyap de tengah-tengah usaho neh.12De berkatilah ura te tabah dalam pencobaan kerno se udah neh tebukti tahan uji, neh akan nerimok mahkota kehidupan te de janjikan ngau te ngasih Neh. 13Antik seura decobai, nanglah neh ngumung, ''Aku agik de cobai Allah.'' Sebab, Allah ndo tauk de cobai uleh si Jahat dan Yesus kedirik ndo mencobai sapo pun.14Tiap ura decubo saat neh desiret dan de pikat uleh keinginan neh kedirik. 15Saat keinginan debuahi, neh akan beranak dosa dan saat dosa nyadi mansak, neh akan beranak ke maut. 16Balo menyanak te aku kaseh, nang sesat.17Tiap pemerik te baek dan tiap pemerik te sempurna datai dari darat, deturun dari Bapa semuo tera, pada-Neh ndo bisik perubah atau penukar bayangan. 18Ngau kehendak-Neh kedirik, Neh nyadikan kito Firman* tebenar agar kito nyadi buah petamo dari semuo ciptaan-Neh.19Balo menyanak te aku kaseh, pantau tuk: hendaklah tiap-tiap ura cepat ngau menin, tapi lubah ngau ngumung, dan lubah ngau ringat. 20Sebab, peringat mensio ndo ngerjo kebenaran Allah. 21Kerno yok, buailah segalo ute ndo suci te bangat ute jai, lalu terimoklah ngau kelemahlembutan Firman Allah te udah de tanam de dalam kitak, te sangup nyelamat jiwo kitak.22Jadilah pelaku Firman dan bukan pemenin sajo; kalau ndo, kitak nipu dirik kedirik. 23Sebab, kalau ura menin Firman, tapi ndo nurut Firman yok, neh macam ura te agik mantau mo neh de cermin. 24Udah mantau dirik neh lalu turun, neh kelupo macam apo mo neh tadik.25 Namun ura te neliti ukom te sempurna, yoklah ukom te memerdekakan, betekun de dalam neh, neh ndo nyadi pemenin te kelupo, tapi njadi pelaku Firman. Neh akan de berkati ngau apo te de kerjo neh.26Kalau seseura ngiro bahwa neh adalah ura te taat semaya, tapi neh ndo dapat mengendalikan lidah neh, neh nipu ati dirik neh. ketaatan neh yok sio-sio. 27Ibadah te murni dan ndo tercela de hadapan Allah dan Bapa kito adalah ngansau nebiak-nebiak te nisik inai apai agik dan balu-balu dalam pemedeh sidok, dan nyago dirik neh kedirik agar ndo de cemar uleh dunio
Chapter 2

1Balo menyanak, nang madah iman kitak dalam Tuhan kito te mulia, Yesus Kristus, ngau membedo-bedo ura. 2Antik bisik ura te datai ke Sinagoge ngau cincin emas dan perengau te mahal, waktu te samo, datai ugok ura te miskin te beperengau te kutor, 3Dan kitak merik perhatian khusus ngau ura te beperengau mahal dan ngumung ngau ura yok, ''Duduklah de aro te baek tuk,'' tapi ngau ura te miskin yok kitak ngumung, ''bedirilah din!'' antik ndo ''Dudoklah de semak kaki aku!'' 4Bukankah kitak udah laen melaen de antaro kitak dan nyadi hakim ngau pemikir-pemikir te jai?5Balo menyanak te aku kaseh, penen pemadah! Bukankan Allah udah memilih ura te miskin demato dunio ngau njadi kayo dalam iman dan mewarisi Kerajaan Allah te udah Neh janjikan ngau sidok te ngase Neh? 6Tapi yok, kitak udah ngehino ura miskin. Bukankah ura kayo te menindas dan nyirit ke pengadilan? 7Bukankah sidoklah te menghujat namo baek, te uleh neh kitak de kumai?8Antik kitak ngau ukom te petamo.'' kitak udah mulah te benar. 9Namun, antik kitak membedo-bedokan ura, kitak mulah dosa dan denyatokan sebagai pelangar ukom uleh ukom10Sapo pun te taat semuo ukom, tapi gagal menaati sutik bagian yoj jak, neh besalah ngau seluruh ukom yok. 11Sebab, Neh te ngumung, ''nang berzinah.'' Jadi antik kitak ndo mulah pezinahan, tapi kitak munuh, kitak udah njadi pelangar ukom yok.12Ngumung dan betindaklah sebagai ura-ura te akan dehakimi ngau ukom te membebaskan. 13Sebab, penghakiman ndo akan berbelaskasihan ngau ura te nisik belas kaseh; belas kaseh akan menang ngau penghakiman.14Balo menyanak, apo guno seseura madah bahwa neh bisik iman, tapi neh ndo mpuk pempulah? bulehkah imam yok menyelamatkan? 15Antik seura menyadik atau menyanak ndo sik perengau dan merlu pemakai se ari-ari, 16Seura de antaro kitak ngumung ngau neh, ''turunlah dalam damai, semoga tubuh neh de angatkan dan de kenyangkan,'' tapi kitak ndo merik ngau neh apo te de perlu ngau tubuh neh, apo guno neh yok ? 17Piok gok iman, antik iman ndo de sertai pempulah-pempulah, pado dasar neh iman yok mati.18Namun, mungkin bisik ura te bekato, ''kitak bisik iman, dan aku bisik pempulah.'' Aku kok nyaut, ''Tunyokkan iman kitak ndo ngau pempulah, aku kok nuyok imanku ngau pempulah.'' 19Kitak pecayok bahwa Allah yok sutik. Yok benar. Roh-roh jai pun pecayok dan sidok gemetar. 20Hoi ura budu! Maukah kitak menyadari bahwo iman ndo sik pempulah adalah sio-sio?21Bukankah Abraham*, bapa kito, de benarkah uleh pempulah-pempulah saat neh mengurbankan Ishak, anak neh, de darat altar? 22Pantau bahwa iman bekerjo samo dengan pempulah-pempulah neh, dan kerno pempulah-pempulah, iman de sempurnakan. 23Degenapilah apo te de padah kitab suci, ''Abraham pecayok ngau Allah, yok de perito ngau neh ngau te benar''. 24Jadi, kitak merati bahwa dari pempulah ura de benarkan, bukan dari iman jah.25Iok gok, bukankah Rahab, se ura pelacur yok, de benarkan kereno pempulah saat neh nerimok mato-mato Israel dan nulo sidok melarikan dirik melalui jalai te laen? 26Jadi, samo macam tuboh nisik roh adalah mati, macam iyok ugok iman ndo sik pempulah adalah mati.
Chapter 3

1Balo menyanak, nang bisik bangat de antaro kitak njadi guru kerno kitak ketauk bahwa kito te ngajar kok de hakimi ngau ukuran te lebih berat. 2Kito semuo besalah dalam bangat hal. Antik bisik ura te ndo pernah besalah dalam umungan neh, neh adalah ura te sempurna, te ugok mampu mengendalikan semuo tubuh.3Kito masa kekang de mulut kuda supayo kuda nurut kito, kito ugok mengendalikan seluruh tuboh kuda yok. 4Perati ugok balo kapal-kapal, walaupun sidok besai benar dan de gerakan ngau ribut te kuat, kapal iyok dekendalikan mengau kemudi te renyai benar, dan kok angkat kini pun juru mudi ngemaik kapal yok.5Iok ugok, dilah adalah utan te palin renyai dari tuboh, tapi dilah tauk menyombongkan hal-hal te besai. Peratilah betapa luai rimok te kenok cucol ngau api te renyai benar.6 Dilah yok macam api, sebuah dunio ute jai, ute detaroh de antaro bagian-bagian tubuh ute tauk menajiskan semuo tubuh. Neh nucol semuo arah idop kito sementaro neh kedirik de cucol ngau api neraco.7Sebab, semuo jenis binata liar dan buro, ute merayap dan binata ute idop de laut iyok jinak dan udah de jinakan mensio, 8Tapi ndo seura pun tau menjinakan dilah. Dilah adalah ute jai ute ndo tauk tenang, penuh ngau racun te mematikan.9Ngau dilah kito memberkati Tuhan dan Bapa kito, tapi ngau iyok ugok kito ngutuk ura, ute de ciptakan serupo ngau Allah. 10Dari mulut te samo keluar pujian dan kutukan. Balo menyanak, seharus neh ndolah macam iyok.11Apokah sutik mato aik tauk ngeluarkan aik manis dan aik pahit saat te sereto? 12Balo menyanak, taukkan pon kiarok bebuah ke buah zaitun; atau pon anggor ngasilkan buah kiarok? Macam iyok ugok, mata air asin ndo tauk ngasilkan aik ute segar13Sapokah de antaro kitak ute behikmat dan berpengertian? Biarlah ngau sikap neh ute baek, neh mulah pempulah-pempulah neh dalam kelembutan dan hikmat. 14Namun, antik kitak bisik iri ati ute penuh kepahitan dan ambisi te egois didalam ati kitak, nanglah gago dan nang ngemulok ngelawan kebenaran.15Hikmat macam iyok ndo turun dari darat, tapi dari dunio, ndo rohani, dan jai. 16Antik bisik iri ati tamai ambisi ute egois, diok bisik kekacauan tamai segalo macam pempulah ute jai. 17Hikmat ute datai dari darat , pertamo-tamo adalah murni, udah iyok kok damai, lemah lembut, tebukok, penuh belas pengasih tamai buah-buah ute baek, ndo membedo-bedokan, tamai ndo munafik. 18Buah kebenaran de taburkan dalam damai uleh balo pendamai.
Chapter 4

1Dari ni datai perkelahian tamai betangkap ute bisik deantaro kitak? Bukankah yok berasal dari hawa nafsu kitak ute berpera de dalam anggota-anggota tubuh kitak? 2Kitak kok sesuatu, tapi ndo tau buleh, kitak membunuh. kitak iri ati dan ndo tauk buleh utan yok, sidok bekelai tamai betangkap. kitak ndo buleh kerno kitak ndo memintok. 3Atau, kitak mintok, tapi ndo buleh kerno kitak mintok ngau alasan ute salah, iyok ngau memuaskan hawa nafsu4Hai, kitak balo pezinah, ndo ketaukkah kitak bahwo persahabatan ngau dunio bereti permusuhan ngau Allah? kerno yok, sapo pun ute ingin bersahabat ngau dunio, neh menjadikan dirik neh musuh Allah. 5Apokah kitab suci ndo sik alasan ngumung, ''Roh ute de taruh Allah de dalam dirik kito diingini neh ngau cemburu,''?6Namun, Allah merik anugrah ute lebih agik. kerno yok, Kitab Suci madah, ''Allah ndo suka ura ute sombong, tapi merik anugerah ngau ura ute rendah ati.'' 7kerno yok, serahkanlah dirik kitak ngau Allah. lawanlah setan, maka setan langsung lari dari neh.8Semaklah ngau Allah, dan Allah kok semak ngau kitak. Bersihkanlah jari kitak, hai ura-ura berdosa ute menduo ati. 9Prihatin, berduka, dan merataplah; biarlah ketaok kitak berubah nyadi ratapan dan sukacita kitak nyadi duka cita. 10Rendahkanlah ati kito dehadapan Tuhan, maka Neh kok meninggikan kito11Balo menyanak, nang rajin madah te jai de antaro kito. Ura ute madah ute jai ngau menjadik neh, atau menhakim balo menyadik, ngumung ngelawan ukom dan menhakim ukom. Antik kitak menhakim ukom, kitak bukanlah pelaku ukom, melainkan hakim. 12Hanyo bisik sutik pemerik ukom dan hakim, yoklah Neh ute tauk menyelamatkan dan tauk membinasokan; tapi sapokah kitak sehinggo kitak menhakim sesamo dirik?13Pituk, peninlah hai kitak ute ngumung, ''ari tuk atau pagi kitak akan turun ke kota tuk dan iyok, nugau din selamah setaon, bedaga, dan buleh keuntungan,'' 14Padahal kitak ndo ketauk apo-apo te kok tejadi ari pagi. Apokah arti idup kitak? Idup kitak iyok macam uap ute keluar sekejap, udah yok lenyap.15Jadi, kitak seharus neh ngumung, Antik Tuhan menghendaki, kami kok idop dan mulah tuk atau yok.'' 16Tapi pituk, kitak bangga dalam kesombongan kitak; kebanggaan macam iyok adalah jai. 17Jadi, antik seseura tauk keti neh bepempulah ute baek, tapi neh ndo bepempulah piok, neh bedosa.
Chapter 5

1Hai ura-ura kayo, peninlah! menangis dan merataplah ngau penderitaan ute kok menimpa kitak. 2Kekayo kitak udah buruk dan perengau kitak de makai gegat. 3Emas dan perak kitak udah bekarat, dan karat iyok kok nyadi bukti ute memberatkan kitak serto kok makai dagin kitak macam api. kitak udah nimun reto beno ngau ari-ari pengabis.4Peninlah, upah balo pekerjo ute mulah umo kitak, ute kitak tahan ngau kecurangan, beteriak ngelawan kitak. Dan teriak balo pemanen udah sampai ke penin Tuhan semesta alam. 5Kitak udah hidup de bumi dalam kemewahan dan kesengaraan dirik kedirik, kitak udah menggemukan ati kitak ngau ari penyembelihan. 6Kitak udah menghukum dan munuh ura benar, dan Neh ndo ngelawan7Kerno yok, menyanak-menyanak aku, besabarlah sampai ari kedatangan Tuhan. 8Kitak ugok arus besabar, kuatkan ati kitak kerno kedatangan Tuhan udah semak.9Menyanak-menyanakku, nanglah kitak besungut-sungut sutik ngau telain supayo kitak de ukom. Peratilah, Sang Hakim udah bediri de depan mo lawa. 10Menyanak-menyanakku, sebagai teladan penderitaan dan kesabaran, peratilah balo nabi te ngumung dalam namo Tuhan. 11Kitak ngangap berbahagia sidok ute tabah. Kitak udah menin ketabahan Ayub dan merati maksut Tuhan ngau akhirnya, bahwa Tuhan yok penuh belas kaseh dan murah ati12Tapi, menyanak-menyanakku, de darat semuo neh yok, nanglah kitak besumpah, baek demi langit, bumi, atau demi apo pun. katakan ''Aok'' antik aok dan ''ndo''antik ndo agar kitak ndo dejatuk ukuman.13Apokah de antaro kitak bisik ute agik menderito? Biarlah neh berdoa.Apokah bisik ute agik besukacita? Biarlah neh menyanyikan mazmur. 14Apokah de antaro kitak bisik ute agik pedih? Biarlah neh ngumai balo ura tuo jemaat sidok arus mendoakan neh, mengurapi neh ngau minyak dalam nama Tuhan. 15Doa ute denaekan dalam iman akan menyelamatkan ura ute pedeh yok dan Tuhan akan menggangkat neh. antik neh udah mulah dosa-dosa, neh akan buleh pengampun.16kerno iyok, baeklah kitak semuo ngakuk dosa kitak dan saling mendoakan agar kitak semboh. Doa ura ute benar ute de naekan ngau sungguh-sungguh, sangat besai kuaso. 17Elia adalah mensio biaso macam kito. Neh bedoa ngau sungguh-sungguh agar ndo ari ujan, lalu ujan ndo turunde negeri yok salamah tigo taun enam bulan. 18Lalu, neh berdoa agik, udah yok langit turun ujan dan bumi tuk tumoh buah neh.19Balo menyanak ku, seandainya bisik de antaro kitak ute nyimpa dari ute benar, udah yok bisik ura ute nulo neh udah yok bebalek, 20Ketauklah bahwa ura ute ngemaik ura berdosa pulai ke jalai ute benar udah yok nyelamat jiwa ura yok dari kematian dan nutup bangat dosa.

1 Peter

Chapter 1

1Re Petrus, seura rasul Yesus Kristus, ngua ura-ura te nugau jadi ura penatai, te nyebar di seluruh aro Pontus, Galatia, Kapadokia, Asia, serto Bitinia; ute di pilih2 re temulo oleh-Neh: Sekironeh kasih karunio serto damai sejahtero belimpah enta kitak!3Tepuji Allah Apai re Tuhan kito Yesus Kristus, ute sesuai ngau belas kasih-Neh te sangat besai, udah merik kito idup te baru agik ngelalu Yesus Kristus te bangkit re sentaro ura mati, 4serto nudi balo reto pusako te endo tauk punas, endo tauk rusak, serto endo tauk layuk; ute di taruh di surgo ngau kitak,5 yok em kitak te di linno uleh kuaso Allah ngelalu iman te nyelamat ute siap di padah watu pengabis jaman.6Macam tuk kitak arus sangat gago, sekali tuk ngau sementaro, bilo di perlu, kitak arus susah bangat macam te di cubo 7sampai iman kitak te lebih berego re utan mas, sekalik udah di uji ngau api, benar asli, serto ngasil puji ura, te mulio, serto te hormat watu Yesus Kristus datai lagik.8Kitak apan suah mantau Neh, tapi kitak ngasih-Neh, isok em pituk kitak endo mantau-Neh, tapi kitak pecayok ngau-Neh. Kitak senang ngau ati gago te endo te padah serto di penuh kemulio re-Neh,9 ute re pengabis penuju iman kitak tengah bulih, yok neh keselamat jiwo kitak.10 Tenta keselamat tuk, balo nabi udah neliti serto belajar kasih karunio te tentu jadi empu kitak pituk.11Sidok enggok utan te di ketauk tenta sapo serto sebilo watu te di kemauk ulih Roh Kristus ute ado dalam dirik sidok watu Neh begisah pemedih kristus tamai tenta temulio ute kok datai seudah yok. 12Ngau balo Nabi yok udah dipadah ute sidok bukan ngelayan dirik sidok kedirik, tapi ngelayan kitak enta hal-hal te pituk udah di padah ngau kitak ngelalu ura-ura te ngabar Injil nguso kitak ngau Roh Kudus te di utus re surgo; hal utan tuk te sangat mau'k di ketauk ulih balo malaikat.13Utan yok, de pesiap semuo akal budi kitak serto bejago-jago, di taruh semuo te di arap kitak sepenuhneh ngau kasih karunio "berkat" te kok di berik ngau kitak watu Tuhan Yesus datai kelok.14 Kito arus taat, jadi anak-anak Tuhan, nusah idup nurut kemau'k te subok, upo watu kitak idup enta te budu, watu apan ngelalo Tuhan.15Tapi, kudus serto bersih dalam segalo tingkah pempulah kitak, upo Allah te udah ngumai kitak yok neh Kudus.16 Kebok ado tedi tulis, "Kudus em kitak ute Aku Kudus.'' 17Bilo kitak ngumai-Neh sebagai Apai, yok em Neh te ngakim setiap ura sesuai pempulah sidok endo bisi'k de bido-bido Neh, aruslah kitak idup ado raso takut selamah kitak agik nugau di dunio tuk.18Kitak ketauk udah di tebus re caro idup te sio-sio, te kitak bulih re pemagi re inik muyang kitak, bukan ngau bara dunio upo balo mas atau pirak, 19tapi ngau darah Kristus te mulio, darah Anak dumba te endo becacat serto benar sempurno.20Kebok, Kristus udah di pilih seapan dunio di cipta, tapi Neh baru nunyuk dirik ngau jaman pengabis tuk demi kitak. 21Ngelalu Neh, kitak jadi pecayok nguso Allah; yok neh Allah te mangkit-Neh re sentaro ura mati serto Allah te merik kemulio nguso-Neh, isok iman tamai arapan kitak yok em ado dalam Allah.22Ute kitak udah nyuci jiwo dirik kitak ulih ketaat ngau te benar sampai bisi'k empu kasih balo menyanak te tulus, kebok buh em salin ngasih ngau sunguh-sunguh sepenuh ati, 23utan kitak udah di lahir agik, endo ngau benih te mudah mati, tapi ngau firman Allah te idup serto te kekal.24Kitab suci madah, ''Semuo te idup upo rumput serto semuo kemulioneh upo bungo rumput; Rumput layuk rangkai piyok gok bungo neh sik gugur, 25tapi, firman Tuhan tetap selamah-lamahneh.''yok em Firman te di padah Injil di berito nguso kitak.
Chapter 2

1Ute piyok, buai semuo te di bencik, semuo tenipu, semuo te bepurok-purok, semuo te ngiri ati, serto semuo macam tuduh. 2Upo nebiak te baru lahir, aruslah kitak ngingin susu rohani te murni isok kitak betumuh enta keselamatan kitak, 3bilo kitak sunguh-sunguh ngeraso ute Tuhan yok baek.4Watu kitak datai nguso Kristus, Batu te Idup te di tulak ulih mensio, tapi te dipilih ulih Allah tamai di angap sangat berego bagi-Neh,5 kitak gok upo batu-batu idup, te di bangun jadi sutik dangau rohani te kudus ngau di pesemah keruban-keruban rohani te bekenan ngau Allah ngelalu Yesus Kristus.6Ute kitab suci madah, ''Pantau em, Aku ngeletak sigik batu di Sion, sigik batu penyuru te dipilih serto te mulio, sapo pun te pecayok ngau-Neh endo tentu di pemalu ulih-Neh,''7Jadi, batu yok mulio bagi kitak te pecayok, "Batu te di tulak ulih tuka-tuka bangunan, udah jadi batu penyuru," 8serto jadi, batu sandung tamai kara te nyuruh ura jatuk,"Sidok tesano ute endo taat ngau Firman. Yok em jalai te udah ditentu ngau sidok.9Tapi, kitak yok banso te dipilih, imamat te rajni, banso te kudus, umat empu Allah kedirik isok kitak tauk merik berito te baek re-Neh,te udah ngumai kitak re tekeleman nuju ngau tera-Neh te ajaib. 10"Subok, kitak bukan umat Allah, tapi pituk kitak yok em umat Allah. Subok, kitak endo nerimok belas kasih, tapi pituk kitak udah nerimok belas kasih Allah."11Balo menyanak te aku kasih, aku mau'k ngajar kitak sebagai penatai tamai ura nyemplah di dunio tuk arus jauh re dirik kitak kemau'k hawo nafsu dunio tuk te bepera ngelawan jiwo kitak. 12Jago tingkah laku kitak te baek di sentaro ura-ura te apan pecayok isok apobilo sidok nuduh kitak ngelaku te jai'i, sidok tauk merati pempulah kitak te baek, serto tentu merik te mulio ngau Allah watu ari pemati sidok.13Demi damo Tuhan, tunuklah ngau semuo lembaga pemerintah te di tetap ulih mensio, baek ngau rajo sebagai penguaso tetingik, 14atau ngau balo petingi negeri (Gubernur) te di utus rajo ngau ngukum balo pelaku te jai'i tamai merik puji ngau ura-ura te pempulah te baek.15 kebok, upo yok kemau'k Allah: ngau pempulah te baek, kitak tentu udah nutup mulut ura-ura te budu. 16Iduplah jadi ura-ura te bibas, tapi nusah di guno kebibas kitak yok jadi sara ngau te jai'i. Sebalikneh, iduplah jadi hamba-hamba Tuhan. 17hormatilah semuo ura. kasihlah semuo balo menyanak seiman, takutlah ngau Allah, serto hormatilah rajo.18Hamba budak, tunuklah ngau tuan kitak secaro hormat. Endo geno ngau sidok te baek serto telemah lemut, tapi gok ngau sidok te endo adil. 19Ute upo kasih karunio, antik demi kesadarneh ngau Allah, seura mau'k be tan enta kesusah ute ke endo adil. 20Kebok, apo upah kitak bilo ngau tabah kitak nerimok pangko pelasah ute pempulah kitak te beduso? tapi, bilo kitak menderito ute pempulah baek tamai kitak nerimokneh ngau tabah,pempulah kitak yok bekenan di muo Allah.21Kebok, ngau yok em kitak dipangil, ulih Kristus gok menderito bagi kitak tamai nudi keteladan bagi kitak isok kitak nurut jejak-Neh.22 Neh endo beduso, serto penipu dayo endo bisi'k dimulut-Neh.23 Watu Neh dikelulok, neh endo malas ngelulok; watu neh menderito, Neh endo ngancam, tapi nyerah dirik-Neh nguso Allah te akan ngakim secaro adil.24Neh kedirik udah nango duso kito ngau tubuh-Neh di kayu salib, isok kito te udah mati teradap duso, tamai idup ngau te benar. Ulih bilur-bilur-Neh, kitak udah di semuh.25 Subok, kitak upo kamin dumba te selampur tesesat, tapi pituk kitak udah bekalih ngau gemalo serto pelinno jiwo kitak.
Chapter 3

1Piyok gok kitak, hui balo bini, tunuklah ngau laki kitak. Ute, apobilo di sentaro kitak ado te endo taat ngau Firman, sidok tauk di menang ulih tingkah pempulah binineh endo ngau kato-kato, 2ute sidok mantau sajo murni serto terhormat tingkah laku kitak.3Nang sampai penyantek kitak berasal re pengias luar geno, uponeh re bok di kepa, ngau perias mas, atau ngau baban te mahal-mahal. 4Sebalekneh, aruslah penyantek kitak berasal re dalam batin kitak, yokneh penyantek te endo tauk layuk, te berasal re roh te lemah lemut serto tenang. Yok em te berego di mato Tuhan.5Kebok, upoyok em balo betinok kudus watu jaman merek, te naruh arapan sidok ngau Allah, nyuruh dirik sidok cantek; yokneh tunuk ngau laki sidok. 6Upoyok Sara te nurut lakineh, Abraham, serto ngumaineh "tuan" Kitak yok em anak-anak Sara bilo kitak bepempulah te baek ngau endo di kuaso ulih raso takut watu kitak ngelakuneh.7Upo yok gok kitak, hui balo laki, iduplah besamo bini kitak ngau penuh pengerti ute sidok kaum te lemah. Berik hormat ngau sidok te sesamo ahli pewaris enta nerimok kasih anugerah idup isok du'o semaya endo te bisi'k ngala.8Pengabisneh, aruslah kitak semuo empu samo pemikir,bebelas kasih, kasih bemenyanak, ati te lemah lemut, tamai renah ati. 9nusah malas te jai'i ngau te jai'i, atau ngutuk ngato pangan ngau sumpah seranah. Sebalekneh, aruslah kitak merik berkat ute ngau yok em kitak dipangil, isok kitak ngewaris berkat ngau sesamo.10Kebok kitab suci madah, "Bara sapo cinto ngau idup, tamai kok merati ari-ari te baek, neh aruslah nyago lidahneh re te jai'i, tamai re mulutneh te ngucap ngemulok. 11Neh gok arus jauh re te jai'i serto ngelaku te baek. Neh arus enggokte damai, serto berusaho nguyarneh. 12Ute mato Tuhan merati tebiat ura-ura benar, tamai penind-Neh ningngo du'o-du'o sidok. Tapi mato muo-Neh nenta ura-ura te ngelaku pempulah te jai'i".13Sapo te mau'k nyelako kitak bilo kitak rajin ngelaku hal te baek? 14Tapi, seumpamo kitak arus menderito demi te benar, tentu kitak akan di berkat. "Nang takut tamai nang gemetar terhadap sidok te nyuruh kitak susah ati."15Tapi, kuduslah Kristus sebagai Tuhan didalam ati kitak! Siap sedio ngau merik jawab ngau sapopun te nuntut kitak tenta arapan te kitak empu, 16tapi lakulah semuo yok ngau lemah lemut tamai hormat, serto ngau ati nurani te jernih isok watu kitak di tuduh, ura te ngelulok caro idup kitak te baek di dalam Kristus tentu jadi malu. 17Kebok, lebih baek susah ati ute pempulah baek, bilo yok sajo kemau'k Allah, di banin'd susah ati ulih pempulah te jai'i.18Ute Kristus gok udah menderito ulih duso kito, sekali ngau semuo ura, te benar mati ngau te endo benar, sampai Neh tauk ngemaik kito nguso Allah. Dibunuh secaro tubuh mensio, tapi diidup ulih dalam Roh.19Dalam Roh, Neh gok angkat ngelaku berito ngau roh-roh te ado di penyaro, 20yok balo sidok te dulu endo patuh watu Allah ngau sabar nunguk sidok re jaman Nuh, sementaro Nuh mulah kapal (bahtera) neh. Ngau kapal yok, sikit geno te selamat sidok lapan(8) ura, te selamat ulih aik bah.21Aik bah yok lamma baptisan te sampai pituk nyelamat kitak. Babptisan bukan ngau masok te kutur re tubuh, tapi bentuk pemuhun kito nguso Allah ngau ati te baek piyok asli ngelalu pemangkit Yesus Kristus, 22Neh te pituk udah naek ke surgo duduk di sepiak kanan Allah; seudah yok semuo malaikat, balo pemerintah, tamai balo penguaso udah tunuk ngau-Neh.
Chapter 4

1Jadi, ute Kristus udah menderito secaro tubuh, aruslah kitak ngelengkap dirik kitak ngau pemikir te samo, ute ura udah ngalam bagat te derito secaro tubuh jasmani, udah betegok mulah duso 2sampai nyalan sisok idup di dalam dunio tuk, neh endo kok lagik namai kemau'k mensio, tapi kemauk Allah te di turut.3Udah cukup bangat watu subok ngau kitak ngelaku pempulah ura-ura te endo ngelalo Tuhan Allah; idup benafsu tingik, mabuk, gawai bederok, minum te muntah te jurah, tamai nyemah ngau balo pentek pato.4Pantau pituk, sidok sagat iran watu betemu ute kitak endo agik namai enta te bejat endo senunuh te sidok pulah. Utan yok , sidok ngelulok ngumung ke kitak.5 Tapi sidok arus betango jawab ngau Neh te kok ngakim ura te idup tamai ta mati.6 Ngau alas tuk em, injil di berito, sampai sidok udah di akim di dunio tuk sesuai ngau samo mensio, tapi sidok te idup secaro Roh nurut ukur Allah, tentu idup.7Pengabis re semuo utan udah semak.ute piyok, ati-atilah serto bejago-jago isok tauk berdu'o. 8Di darat semuo yok, selampur salin ngasih ngau sunguh-sunguh ute kasih nutup bagat benar duso. 9Di tunyuklah te ramah sikuk ngau te lain nusah sampai bekeluh besungut-sungut.10Ute semuo ura udah nerimok kasih karunio, aruslah di guno ngau ngelayan sikuk ngau te lainneh upo pelayan te baek re macam jenis karunio re Allah:11 sapo te ngumung, baeklah neh becakap jadi ura te nyampai Firman Allah; serto sapo te ngelayan, sebaek neh ngelayan ngau penguat ute Tuhan berik sampai enta semuo utan, Allah te di mulio ngelalu Yesus kristus. Bagi Neh lah te mulio tamai kuaso sampai selamah-lamahneh.Amin.12Balo menyanak te aku kasih, nang sampai tekejut ngau nyalo api te nyikso te kok datai encubo kitak, seumpamo bisik te nyaruh tejadi enta kitak.13Tapi, kitak arus gago ute tamai ngamik duman enta penyusah re Kristus sampai kitak gok bulih penyenang ati tamai gago watu Neh datai lagik ngau madah kemulio-Neh.14Kitak untu bilo kitak di kelulok ulih damo Kristus, bereti Roh te mulio tamai Roh Allah nugau (ado) didalam kitak.15Tapi, nang sampai di entaro kitak te menderito jadi pemunuh, pencuri, penyahat, atau jadi ura te kok nyampur urus ura lain. 16Tapi, sapo pun te menderito jadi ura Kristen, nusah neh ngeraso malu, sebalekeh, aruslah neh muji Allah ute ura udah nyebut kitak jadi penurut Kristus.17Udah sentoneh,Allah kok ngakim ditemulo re keluargo Allah dulu. bilo ngakim Allah nemulo re kito, upo keti kisah ngau ura-ura te endo pecayok ngau Kabar Baek(injil) Allah yok? 18Sento ura te baek sajo endo mudah diselamat, apo lagik ngau ura te jai'i serto ngau ura beduso?19Utan piyok, isok em sidok te menderito ulih kemauk Allah, pecayok ngau jiwo neh nguso pencipta sidok te setio, samil selampur ngelaku apo te baek.
Chapter 5

1Utan yok, jadi sesamo ura tuo tamai saksi mato te di derito Kristus, serto gok ura te tamai ngamik duman enta te mulio ute tentu di padah neh, aku nyuruh balo ura tuo (pengurus jemaat) te ado di tengah kitak: 2Gemalo kin domba-domba Allah te bisik enta kitak! nusah di pakso, tapi ngau relo ati, upo te Allah kemau'k; nusah ngelaku hal tauk bisik unto ulih hal te kutur, tapi ngau kesedio dirik kitak. 3Nusah begayo jadi penguaso ngau sidok te di pecayok enta tango jawab kitak, tapi jadi cuntuh kaban belayan domba yok. 4Utan piyok, sento watu kelok Sang Gemalo te Agou'ng datai, kitak tentu nerimok mahkota te mulio te endo tauk layuk.5Piyok gok kitak, te lebih mudok tunuklah ngua ura tuo, serto aruslah kitak semuo arus renah ati, te seura ngau te lain ute Allah nenta ura te summo, tapi Neh merik Kasih karunio ngau ura te renah ati.6 Kebok em piyok, renahlah dirik kitak di baruh telapok jari Tuhan te penuh kuaso. Ute, Neh pasti ningik kitak bilo watuneh.7Serah semuo utan te ngewatir kitak nguso Allah ute Neh te nyago meliaro kitak.8Sadar serto bejago-jagolah! munsuh lawan kitak, iblis bejalai kilik kulu upo benata singa te ngaum, ngegok pemakai te kok di telanneh.9Lawan iblis! bediri teguh dalam iman kitak ute kitak ketauk di seluruh dunio, balo menyanak-menyanak seiman kitak gok ngalam pemedih te diderito te samo ngau kitak alam.10Serto, seudah kitak ngalam te susah ngau sementaro watu, Allah sumer segalo anugerah te udah ngumai kitak ngau ngamik duman enta kemulio-Neh ute kekal di dalam Kristus tentu ngemulih, ngeneguh, nguat tamai ngemangun kitak. 11Bagi Neh, kuaso ngau selamah-lamahneh. Amin!12Aku nulis surat singkat tuk gu kitak ngelalu Silwanus, ute aku kelalo jadi menyanak se iman te setio. Aku merik semangat serto besaksi nguso kitak, utan tuk yok em neh anugerah te sejati re Allah. Bediri em kitak teguh-teguh enta kasih karunio tuk.13Jemaat te bisik di babilonia, umat gok te Allah pilih, madah pesan salam ngau kitak. Markus, anak aku dalam Kristus, nyampai gok salam aku ngau kitak. 14Berilah salam sikuk ngau te lain ngau cium kasih.Damai sejahtero bagi semuo te ado dalam Kristus. Amin.

2 Peter

Chapter 1

1Re Simon Petrus, hamba Yesus Kristus, ngau sidok te udah nerimok iman te samo ngau ute kami empu ngelalu tebenar Allah tamai Juru selamat kito, Yesus Kristus. 2Kironeh kasih karunio serto damai sejahtero belimpah ngau kitak dalam bekelalo ngau Allah serto Yesus, Tuhan kito.3Ute kuaso Neh kedirik te besai udah merik anugerah ngau kito semuo utan te kenok ngau pengidup kito ute saleh, ngelalu pengetauk aro Neh ute udah ngumai kito nuju nguso temulio tamai kebaek-Neh.4 Ngau jalai yok Neh udah merik anugerah ngau kito janyi-janyi-Neh tesunguh besai serto behergo isok ngau penjanyi yok kitak tauk tamai ngamik duman enta keIlah-Neh, serto jauh re tengerusak tejadi dalam dunio tuk, ute semuo akibat pempulah hawo nafsu.5Ngau tujuan yok, berusaho secaro sunguh-sunguh ngau namah iman kitak secaro ibuh, peduli ngau pegetauk, 6tamai pengetauk ngau nangkis dirik, ngelapan dirik secaro tabah, kesabar dirik ngau te saleh,7 kesaleh ngau kasih menyanak, kaseh balo menyanak ngau kaseh endo mentin ngau dirik kedirik.8Kebok, bilo semuo yok ado dalam dirik kitak serto selampur betamah, endo tentu kitak jadi sio-sio atau apan tentu kitak endo bebuah enta pengetauk ngau Tuhan kito, Yesus Kristus. 9Tapi, ura te endo empu semuo yok, ura te endo tauk mantau secaro jelas serto butok, te neh kelupo utan neh udah di basok re duso-dusoneh te subok.10Utan yok , balo menyanak aku,berusaholah lebih rajin lagik ngau mesti kitak benar-benar dipangil tamai di pilih; ute bilo kitak ngelakuneh, kitak endo pasti jatukh.11 ute piyok, pintu te tamok kedalam kerajaan kekal Tuhan tamai jurselamat kito, Yesus kristus, tentu te bukok besai ngau kitak.12Yoklah sebabneh, maksud aku ngingat kitak ngau semuo hal yok, sekalik kitak udah ketauk serto dipulah secaro kuat enta te benar te pituk kitak empu. 13Selamah aku agik idup di dalam dunio tuk, aku ngangap perlu ngau nuko kitak ngau caro ngingat kitak,14 ute aku ketauk utan aku tentu ansa nudi dangau dunio tuk upo te udah di tunyuk ngau aku secaro jelas ulih Tuhankito, Yesus Kristus. 15Aku berusaho semampu aku ngau nyuruh kitak tetap ingat semuoneh, semuoyok seudah aku angkat serto nudi kitak.16Ute kami endo namai gisah-gisah te di kara ngau penumut watu bekelalo ngau kitak kusao kedatai Tuhan kito, Yesus Kristus. tapi ute kami tuk saksi-saksi mato tente kemulio-Neh. 17Ute watu Yesus nerimok hormat serto mulio re Allah Apai, upo watu dipadah nguso-Neh ulih Te Mahamulio, "Tuklah Anak-Aku ute Aku kaseh, ngau-Neh Aku bekenan," 18kami pun mednin ingan yok datai re surgo watu kami besamo ngau-Neh didarat bukit te suci.19Kami gok makin pecayok ulih pemadah nubuat, te sebaekneh gok kitak perati secaro teliti, upo merati pelito te besinar enta aro te keleman, sampai ke lelam datai tamai binta fajar terbit dalam ati kitak.20 tapi, hal te pertamo te arus kitak paham yokneh utan endo bisik nubuat dalam kitab suci te berasal re penafsir seura mensio,21 Bah sebalek neh, ura-ura te becakap atas damo Allah bedasar pimpin Roh Kudus.
Chapter 2

1Watu zaman merek, ado nabi-nabi pelesu di tengah kitak te secaro belapok-belapok ngajar ngau merik ajar te ngerusak, bah nyangkal Tuhan te udah nebus sidok sampai te ngancur datai secaro cepat enta dirik sidok kedirik.2 Serto, tentu ado bangat ura te kok namai caro idup sidok ute endo bemural, serto, ulih sidoklah jalai te benar tentu dikelolok. 3Secaro serakah sidok mauk ngamik unto'u re kitak ngau kato-kato te nipu; ukum bagi sidok udah di pesiap re subok-subok, endo tentu di tundnok-tundnok, serto keancuran sidok endo tentu telelap.4Kebok, Allah genno endo ngetan dirik watu balo malaikat beduso, Neh nikam sidok kedalam api nerako serto nyerah sidok kedalam rantai te keleman isok di tahan sampai ari pengakim, 5serto Allah endo nyayang dunio tuk tamai isik neh, sebali Nuh, seura pemerito te benar besamo anak bini neh, sidok tujuh ura, aik bah datai ke dalam dunio ngau ngukum sidok te endo ngelalo Allah;6 Piyok gok Allah ngukum kuto sodom tamai Gomora ngau api belerang sampai keduo kuto yok jadi abu, serto nyadi ke sidok cuntuh tenta apo te pesti tejadi ngau ura-ura jai'i te idup ari tuk sampai ngau ari pagi lusok.7Tapi, Lot diselamat ulih Allah ute neh benar, re caro idup sidok te najis re sidok te endo ngelalo ukum,8 ( ngau sementaro watu, Lot idup di tengah-tengah sidok setiap ari, serto jiwoneh te benar ati neh susah merati serto menin'd pempulah-pempulah te jai'i ute neh pantau tamai neh penin'd;) 9Jadi, Allah tentu ketauk upo keti caro ngelepas ura-ura benar re ura-ura te jai'i serto ngetan sidok sampai ari pengakiman,10Pertamoneh sidok te ngemuas tubuh sidok enta kemau'k te nguturneh, serto te ngerimeh pemerintah.Sajo sangat sumo serto nyungkal, balo guru te pelesu yok endo takut ngehino te mulio,11 padahal balo malaikat, te sangat jauh lebih kuat tamai lebih bekuaso re sidok, endo suah ngucap nuduh te bemaksud ngujat tenta sidok di muo Tuhan.12Balo guru te pelesu yok upo benata ute endo berakal, te diperanak udah yok ditangkap lalu dibunuh; sidok ngutuk ngelulok apo utan endo sidok nyaruk'h, tentu dibinaso ulih kehancur sidok kedirik;13sidok tentu di tinga te jai'i yok upah ngau pempulah sidok te buruk jai'i. Sidok ngangap gawai mabuk-mabuk tengah ari jangak ngau ati gago. Sidok yok kutur tamai cacat, besenang enta pemantau sidok watu makai bereto-beramo ngau kitak.14Sidok empu mato te penuh nafsu tecabul serto ute endo betegok mulah tebiat te beduso, sidok ngerayu ura-ura te lemah jiwoneh, tamai ati sidok udah telatih enta teserakah.Sidok yok balo anak biak ute di kutuk.!15Sidok nudi jalai te bujur serto namai jalai te sesat, yok neh jalai Bileam bin Beor, te mauk nerimok upah ngau pempulahneh te jai'i. 16Tapi, neh diraro secaro kuat ngau atur enta utan ute dilangarneh re sikuk keledai te bisuk, tapi te ngumung ngau suaro mensio sampai betegok pempulah gilo nabi yok.17Ura-ura tuk upo mato aik te rangkai tamai upo emun te disapu ulih angin ribut. Tekeleman ute palin endo te pantau udah di sedio ngau sidok. 18Bilo ngumung ngai kalah, summo, tapi isik neh pua, sidok nyerat ura-ura te udah telepas re sidok ute idup selampur mau'k nyesat ngau te diingin tubuh tamai ngau te cabul. 19Balo guru pelesu yok bejanyi merik kebibas idup, padahal sidok kedirik yok budak re tebinaso. Kebok, apo pun ute udah nunouk seura, ngoso neh yok ura yok di pebudak.20Bilo sidok udah dilepas re idup kutur di dunio te sangat jai'i ngelalu pengenal ngau Tuhan tamai juru selamat kito, Yesus Kristus, tapi udah yok bekalih lagik ngau dunio te jai'i yok serto di kuaso ulihneh, kebok sidok yok lebih sangat jai'i re ute udah.21Sajo lebih baek sidok yok endo suah ngelalo jalai te benar tuk, te udah ngelalo neh sidok bebalek re ukum suci te udah di berik ngau sidok.22 Sidok yok gamar re umpamo peribahaso te benar tuk: "Asuk bekalih nguso muntahneh kedirik" serto "Babi te udah di basuk bersih, pulai lagik nguso payok licak".
Chapter 3

1Balo menyanak te aku kasih, tuk yok neh surat aku te keduo te aku tulis ngau kitak. Enta keduo surat tuk, aku berusaho nulo kitak isok kitak bepikir secaro jujur serto ngingat kekitak,2 isok kitak ingat pemadah-pemadah te subok te udah di ucap ulih nabi-nabi te kudus.3Pertamo, kitak arus ketauk ute watu ari-ari pengabis kelok, balo pengelulok pesti datai ngai namai kemau'k hawo nafsu sidok te beduso.4 Sidok tentu ngumung, "Ni janyi tenta kedatai Neh yok? ute re inik muyang kito mati, semuo yok agik upo tuk bejalai upo watu nemulo dunio tuk di cipta,"5Sajo sidok sengajo ngelupo te benar ute ulih firman-Neh, langit udah bisik re watu subok, serto bumi di jadi re aik tamai ngelalu aik. 6Ngau aik yok gok, dunio te bisik saat tuk di ancur ngau aik bah. 7Tapi, ulih firman te samo, langit tamai bumi te ado pituk ditaruh ngau ditunu ngau api watu ari pengakim serto ngau binaso ura-ura te jai'i.8Balo menyanak te aku kasih, nusah ngelupo te benar saat tuk: Bagi Tuhan, seari upo seribu taun serto seribu taun upo seari. 9Tuhan endo suah belubah-lubah menuh janyi-Neh upo te diangap berapo ura Neh jadi lengah. Sebalekneh, Neh sabar ngau kitak ute Neh endo mau'k seura pun te binaso, tapi isok ura tauk datai nguso Neh ngau betubat.10Ari kedatai Tuhan udah semak upo seura pencuri, ari yok gok langit tuk ayap ngau ingan te nyarin. balo utan te dilangit abis ditunu tamai lebur ulih api te sangat angat, piyok gok dunio serto balo isikneh gok di tunu abis endo besisok.11Bilo semuo utan tuk di ancur, ngau caro tuk, upo keti searus kitak idup? Endokah kitak arus idup suci serto ngadi nguso Allah,12samil kito ngantik-nunguk serto nyuruh sigat ari kedatai Tuhan? watu ari yok, langit ancur ulih api, serto semuo utan te dilangit melilih ulih sakin angatneh.13Tapi, sesuai ngau janyi Tuhan, kito te ngantik langit tamai bumi te baru, aro ura-ura benar te nugau.14Menyanak-menyanak te aku kasih, ute kito tengantik ari Tuhan yok, berusaholah secaro rajin isok Allah nemu kitak endo beduso, endo kutur, serto idup kito bedamai ngau Allah. 15Angaplah penyabar Tuhan jadi penyempat ngau kito nerimok jalai te nyelamat.Samo upo Paulus padah, menyanak te dikasih kito, semuo te ditulis neh ngau kitak ngai himat penumut te diberik ulih Allah ngusoneh.16 Neh gok ngumung semuo utan tuk enta semuo surat neh te lain. Sajo bisik utan te endo dingerti sampai diputar balek ulih ura-ura te budu tamai te lemah imanneh. Sidok gok te ngelakuneh enta bagian te lain re Kitab Suci, apo te sidok laku yok nyuruh ngakibat binaso enta dirik sidok kedirik.17Menyanak-menyanak te aku kasih, ute kitak udah ketauk tenta hal tuk, ati-atilah isok kitak endo dibai'i tesesat ulih kesalah re ura-ura ute endo ngelalo ukum. nang sampai kitak jatuk re iman kitak te kukuh.18Tapi, betumulah enta kasih karunio serto pengenal ngau Tuhan tamai juru selamat kito, Yesus Kristus. Bagi Neh temulio, re pituk serto sampai selamah-lamahneh!Amin.

1 John

Chapter 1

1Sesuatu te udah semulo, te udah kami penen, te udah kami pantau ngau mato kami, te udah kami pantau tamai kami sentuh ngau jari kami, yok am Firman kehidupan, 2Kehidupan yok udah di nyatokan dan kami udah mantau-Neh. kami bersaksi tamai memberitokan nguso kitak tenta kehidupan kekal yok, te udah bisik besamo-samo Bapa tamai dinyatakan nguso kami.3Hal te udah kami pantau tamai kami penin yok, kami beritokan gok nguso kitak , sok kitak bisik persekutuan bersamo kami. Sesungguh neh, persekutuan kami yok adolah besamo Allah Bapa dan anak-Neh, Kristus Yesus.4 Semuo hal yok kami tulis nguso kitak supayo sukocitamu menjadi penuh.5Tuklah beroto te udah kami penin tenta Dia tamai kami padah nguso kitak, yaitu Allah adolah tera dan di dalam Dia samo sekalik endo bisik kegelapan.6 antik kito madah bahwo kito bisik persekutuan ngau Neh, tetapi kito idup dalam keleman, kito bedusto tamai endo ngelaku kebenaran. 7Antik kito bejalai dalam tera, samo bako Ia dalam tera, kito bisik persekutuan sikuk ngau te lain, dan darah Yesus , Anak-Nya, mereseh kito dari semuo dosa.8Antik kito madah bahwo kito endo be dosa, kto nipu dirik kito kedirik dan kebenaran endo bisik dalam kito.9 Antik kito ngaku dosa-dosa kito, Neh adolah setia dan adil ngau ngampun dasa-dosa kito dan meresih kito ari semuo te jahat.10Antik kito madah bahwo kito pan suah berbuat dosa, kito mulah Neh jadipenipu dan Firman-Nya endo ado de dalam kito.
Chapter 2

1Anak-anakku, aku menuliskan hal-hal tuk nguso kitak supayo kitak nang berbuat dosa. Namun, antik bisik te berbuat dosa, kito bisik Pembela di muo Bapa, Yitu Kristus Yesus, te benar yok.2 Dialah kurban pendamaian ngau dosa-dosa kito. Dan, bukan ngau dosa-dosa kito geno, tepi ngau dosa-dosa seluruh dunio.3 Pituk am kito ketau bahwo kito ngenal Allah, yaitu antik kito taat ngau perintah-perintah-Nya.4Ura te madah, ''Aku ngenal Allah,'' tapi endo menaati perintah-perintah-Nya, ia adolah seura penipu dan kebenaran nisik de dalam dia.5 Akan tetapi, sapo te menaati Firman-Nya, kaseh Allah udah benar-benar sempurno dalam dirikneh. Pituk am kito ketau bahwo kito de dalam Dia. 6Ura te madah bahwo ia dudi de dalam Allah, ia harus idup samio bako Yesus idup.7Balo menyanak te di kasehi, aku endo nulis perintah baru nguso kitak, tapi perintah lamah te udah kitak bisik dari subok. Perintah lamah yok adalah Firman te udah kitak penin sejak lamah.8 Tapi, aku ugok tengah nulis perintah baru ngau kitak, te benar de dalam Dia tamai de dalam kitak, karna kegelapan tengah berlalu dan tera te benar pituh besinar.9Ura te madah bhawa ia bisik de dalam tera, tapi membencik menyanak, maka ia agik bisik dalam kegelapan sampai pituk.10 Ura te ngaseh menyanak dudi dalam tera dan endo bisik sikuk pun te mulah dirik jadi tekait.11 akan tetapi, ia te bencik menyanak de dalam kegelapan dan bejalai dalam kegelapan. Ia endo ketauk kini neh angkat kerno kegelapan udah membutok ke mato neh.12Aku menulisnguso kitak, hai anak-anak, sebab dosa-dosamu udah diampuni demi nami-Nya.13 Aku nulis nguso kitak, hai bapa-bapa, kerno kitak udah ngenal Dia ari semulo. Aku nulis nguso kitak, hai ura-ura mudok, kerno kamu udah ngalah ke si jahat. Aku nulis nguso kitak, hai nebiak-nebiak, kerno kitak udah ngenal Bapok. 14Aku nulis nguso kitak, hai bapok-bapok kerno kitak udah ngenal Dia ari semulo. Aku nulis nguso kitak, hai ura-ura mudok, kerno kitak kuat dan Firman Allah dudi dalam kitak,dan kitak udah mengalah si jahat.15Nanglah mencintai dunio tuk atau hal-hal te bisik dalam dunio. Antik bisik seura mencintai dunio, kasih Bapa endo bisik de dalam Dia. 16Sebab, semuo te bisik de dalam dunio, yaitu kemauk daging, dan sumung idup endo berasal ari Bapa, melainkan ari dunio. 17Dunio tuk tengah lenyau bereto keinginan kedagingan, tapi ura te melakukan kehendak Allah akan idup selama-lamanya.18Anak-anakku, pituk adolah zaman akhir, dan bako te udah kitak penin bahwa anti Kristus kok datai, bahkan pituk bangat anti Kristus udah datai. Pituklah kito ketauk bahwa pituk zaman akhir.19 Sidok datai de antaro kito, tapi sidok bukan ari bagian kito. Sebab, antik sidok bagian ari kito, sidok akan tetapbesamo kito. Namun, sidok nudi kito sehingga nyato bahwo sidok bukan bagian ari kito.20Akan tetapi, kitak udah memiliki pengurapan ari yang Kudus, dan kitak mengetahui semuo.21 Aku menulis nguso kitak bukan keno kitak pan ketauk kebenaran, tapi kerno kitak ketauk dan kerno endo bisik te de kemulok te berasal ari kebenaran.22Sapokah te ngemulok yok antik bukan dia te udah nyangkal bahwo Yesuslah Sang Kristus? Yoklah anti-Kristus, ura te menyangkal Bapa maupun Anak. 23Sapo pun te nyangkal Anak endo memiliki Bapa. Akan tetapi, setiap ura te ngaku Anak, ia juga memiliki Bapa.24Sokam apo te udah kitak penin ari subok tetaplah tinggal dalammu. Jika apo te udah kitak penin ari subok tetap tinggal dalammu, kitak ugok akan tetap dudi di dalam Anak dan Bapa. 25Dan, tuklah janji te Dia berik nguso kito, Yaitu idup kekal. 26Semuo hal te udah aku tulis nguso kitak tuk, berkaitan ngau sidok te berusaha menyesatkan.27Namun, urapan te udah kitak terimok ari Dia tetap dudi de dalam kitak, dan kitak endo memerlukan ura lain mgau ngajar kitak. Akan tetapi, kerno pengurapan-Nya yok ngajari kitak tenta segala sesuatu dan hal yok benar, bukan dusta, bako ia udah ngajar kitak, tetaplah dudi de dalam Dia.28 Pituk, anak-anakku,dudulah de dalam Dia supaya ketika Ia madah ke dirikNeh, kito memiliki keyakinan dirik dan endo malu de muo Dia waktu Neh datai. 29Jika kitak ketauk bahwo Ia adolah benar, kitak ketauk bahwo semuo ura te melakukan kebenaran lahir ari Neh.
Chapter 3

1Pantau berapo besai kaseh te Bapa karuniakan nguso kito sehinggo kito de sebut anak-anak Allah, dan memang kito adolah anak-anak Allah. Kerno yok, dunio endo ngenal kito sebab dunio endo ngenal Dia. 2Balo menyanak te dekasehi, pituk kito adolah anak-anak Allah, tapi macam apo keadaan kito kelok pan sik tepantau. Namun, kito ketauk bahwo ketika Ia datai, kito akan menjadi bako Dia karena kito akan mantau Dia dalan keadaan-Nya te sebenar neh. 3Setiap ura te bisik pengharapan tuk de dalam Kristus, Ia menyucikan dirik neh, samo bako Kristus adolah Suci.4Setiap ura te melakukan dosa ugok melanggar hukum karena duso adolah pelanggaran ngau hukum.5 Kitak ketauk bahwa Kristus dinyakankan ngau ngapus dosa, tamai de dalam Neh endo bisik dosa.6 Setiap ura te tinggal di dalam Dia endo berbuat dosa; endo seura pun te bedasa udah mantau atau ngenal Dia.7Anak-anakku, nang biarkan seura pun menyesatkanmu. Ura te ngelakukan kebenaran adalah ura benar, samo seperti Kristus adalah kebenaran. 8Ura te berbuat duso berasal ari setsn kerno setan telah berduso sejak semulo. Anak Allah datai ngau tujuan tuk: menghancurkan pempulah-pempulah setan.9Endo bisik seura pun te lahir ari Allah berbuat dosa karena benih Allah dudi di dalam dirikneh; dan ia endo tau berbuat duso karno ia udah dilahirkan ari Allah.10 Dengan demikian, sapokah anak-anak Allah dan sapokah anak-anak iblis menjadi jelas. Ura te endo melakukan kebenaran endo berasal ari Allah, demikian juga ura te endo mengashi menyanakneh.11Sebab, tuklah berito te udah kitak penin sejak semulo, yaitu kito harus saling mengasihi.12 Nang nyadi bako Kain, te berasal ari te jahat dan te membunuh adikneh? Sebab, pempulah Kain jahat dan pempulah adikneh benar.13Balo menyanakku, nang tekejut antik dunio tuk membencikmu. 14Kito ketauk bahwo kito udah keluar ari kematian menuju kehidupan karno kito mengasihi balo menyanak. Ura te endo mengasihi menyadik neh dudi dalam kematian.15 Setiap ura te membencik menyadikneh adolah seura pembunuh, dan kitak tau bahwo endo bisik pembunuh te mempunayai idup kekal de dalam dirik neh.16Pituklah kito mengenal kaseh: Yesus Kristus udah menyerahkan idup-Nya ngau kito. Jadi, kito gok harus menyerahkan idup kito ngau menyanak kito.17 Namun, apobilo ura memiliki harta duniawi,dan mantau menyadik tengah perlu, tapi menutup atineh ngau menyadik yok, keti tauk kaseh Allah bisik de dalam hatineh? 18Anak-anakku, boh kito mengasihi bukan ngau kata-kata atau lidah, melainkan ngau pempulah dan kebenaran,19Ngau tuk, kito akan ketauk bahwo kito berasal ari kebenaran dan kito akan meneguhkan ati kito de hadapan Allah.20 Sebab, apobila ati kito menyalahkan kito, Allah lebih besai aripada ati kito, dan Ia ketauk segalo sesuatu. 21Balomenyanakku, te ku kasehi, jika ati kito endo menyalahkan kito, kitomemiliki keyakinan dirik de hadapan Allah. 22Apo pun te kito mintok, kito menerimokari Allah kareno kito nurut perintah-perintah-Nya dan melakukan apo te bekenan nguso Neh.23Dan, tuklah peritah Allah, Yaitu supaya kito pecayok dalam namo Anak-Nya, Yesus Kristus, dan kito saling mengasihi bako te udah Neh perintahkan nguso kito. 24Ura te nungguk perintah-perintah Allah dudi de dalam Dia, dan Allah dudi de dalam Dia. Ngau tuk kito tauk bahwo Allah dudi de dalam dirik kito, ngau Roh teAllah karuniakan nguso kito.
Chapter 4

1Balo menyanakku te aku kaseh, nang pecayok setiap roh, tapi ujilah roh-roh yok ngau ketauk apokah sidok berasal ari Allah kerno bangat nabi palsu udah datai ke dunio.2 Pituklah kitak ngenal Roh Allah: setiap roh te ngaku bahwo Yesus Kristus udah datai dalam wujud manusia berasal dari Allah.3 Setiap roh te endo ngaku Yesus, endo berasal ari Allah. Yok adolah roh anti-Kristus, te kitak penin kok datai dan pittuk udah bisik de dunio tuk.4Anak-anakku, kitak berasal ari Allah dan udah ngalah ke nabi-nabi palsu yok kerno Ia bisik de dalam dirik kitak lebih besai ari pado ia te bisik dalam dunio.5 Nabi-nabi palsu yok berasal ari dunio. Kerno yok, sidok ngumungari dunio dan dunio menin sidok.6 Kito berasal ari Allah. Ura te ngenal Allah menin kito, tapi ura te endo berasal ari Allah endo menin kito.Ngau tuk, kito ketauk Roh kebenaran dan roh penyesat.7Balo menyanakku te aku kaseh, boh kito saling mengasihi kerno kaseh berasal ari Allah, dan setiap ura yang mengasihi lahir ari Allah dan ngenal Allah.8 Ura te endo ngasehi endo ngenal Allah kerno Allah adolah Kaseh.9Pituklah kaseh Allah denyatokan de antaro kito: Allah ngutus Anak-Nya Yang Tunggal ke dalam dunio supayo kito tauk idup melalui Dia.10 De dalam tuklah kaseh yok: bukan kito te telah mengasehi kito dan ngirim Anak-Nya sebagai kurban perdamaian bagi dosa-dosa kito.11Menyanak te kukasehi, antik Allah mengasehi kito, kito ugok harus saling mengasehi.12 Pan suah bisik ura te mantau Allah. Antik kito saling mengasihi, Allah dudi de dalam kito dan kaseh-Nya yok de sempurnokan de dalam kito. 13Ngau hal tuk kito ketauk bahwo kito dudi de dalam Allah dan Allah de dalam kito kerno Allah udah merik nguso kito ari Roh-Nya. 14Yok, kami udah mantau dan bersaksi bahwo Bapa udah ngutus Anak-Nya menjadi Juru Selamat dunio.15Setiap ura te ngaku bahwo Yesus adolah Anak Allah, Allah dudi de dalam dia dan dia de dalam Allah.16 Jadi, kito udah ketauk dan udah pecayok kaseh te Allah milkiki ngau kito. Allah adolah kaseh, dan ura tedudi de dalam kaseh, dudi de dalam Allah dan Allah de dalam dia.17Ngau tuk, kaseh de sempurnokan ngau kito supayo kito dapat memiliki keyakinan ari pado ari Penghakiman kkerno samo bako Dia, piyok ugok kito de dunio tuk. 18Endo bisik ketakutan de dalam kaseh, tetapi kaseh yang sempurnangusir ketakutan kerno ketakutan berhubungan ngau hukuman. Ura te takut, pan desempurnakan dalam kaseh.19Kito mengasehi karna Dia udah dulu ngasehi kito.20 Antik bisik ura te ngumung,''Aku ngsehi Allah,''tapi bencik menyadikneh, ura yok adolah penipu. Sebab, ura te endo taukngasehi menyadik te tepantau, endo tauk ngaseh Allah te endo tepantau.21 Dan, perintah tukkito terimok ari Allah: Setiap ura te ngasehi Allah, harus ngasehi menyadikneh ugok.
Chapter 5

1Setiap ura percayok bahwo Yesus adolah Kristus lahir ari Allah; dan setiap ura te ngasehi Bapa, ugok mengasehi anak te lahir ari Bapa.2 Ngau tuk, kito tauk bahwo kito ngasehi anak-anak Allah, yaitu ketiko kito ngasehi Allah dan menaati perintah-perintah-Nya.3 Kerno tuklah kaseh Allah, bahwa kito menaati perintah-perintah-Nya; dan perintah-perintah-Nya endolah berat.4Sebab, apo pun te lahir ari Allah mengalahkan dunio; dan tuklah kemenangan te udah ngalahkan dunio: Iman kito.5 Sapokah te ngalahkan dunio kalu bukan dia te pecayok bahwo Yesus adolah Anak Allah?6Dia inilah te datai ngau aik dan darah: Yesus Kristus; bukan hanya ngau aik, melainkan ngau aik dan darah. Rohlah te bersaksi kerno Roh itulah kebenaran. 7Sebab, ado tigo te besaksi de surga:8 Roh, aik, dan darah; dan ketigo yok adolah satu.9Antik kito nerimok kesaksian mensio, kesaksian Allah lebih kuat. Sebab,kesaksian te Allah berik adolah kesaksian tenta Anak-Nya.10 Ura te pecayok nguso Anak Allah bisik kesaksian yok de dalam dirikneh. Ura te endo pecayok nguso Allah udah mulah Neh nyadi seura penipu kerno ura yok endo pecayok ngau kesaksian te Allah berik tenta Anak-Nya.11Dan, tuk kesaksian yok: Allah udah merik nguso kito idup kekal, dan idup yok bisik dalam Anak-Nya.12 Setiap ura te buleh nebiak buleh idup; setiap ura te endo buleh Anak Allah endo buleh idup.13Aku udah nuliskan hal-hal tuk nguso kitak te pecayok dalam namo Anal Allah supayo kitak tau bahwo kitak buleh idup te kekal.14 Dan, tuklah keyakinan te kito buleh de hadapan Dia, yaitu antik kito mintok apo pun te sesuai ngau kehendak-Nya,Ia menin kito.15 Dan, antik kito ketauk Ia te kito mintok, kito ketau bahwo kito udah buleh permohonan te udah kito mintok dari Neh.16Antik bisik ura te mantau menyadikneh berbuat duso te endo mengarahkan ke kematian, baeklah ura yok mintok, dan Allah akan merik idup nguso ura te berbuat duso te endo mengarahkan ke kematian yok. Namun, bisik sutik duso te mengarahkan ke kematian; aku endo madah bahwo ia harus betanyok ngau duso yok. 17Semuo te endo benar adolah duso, tapi duso te endo mengarahkan ke kematian.18Kito ketauk setiap ura te lahir ari Allah endo berbuat duso, tapi dia te lahir ari Allahmelindunginya endo negukneh.19 Kito tauk bahwo kito berasal ari Allah, dan seluruh dunio berada dalam kuwaso si jahat.20Dan, kito tauk Bahwo Anak Allah udah datai dan udah merik pengertian nguso kito supayo kito tauk ngenal Dia te benar; dan kito bisik de dalam Dia te benar, dalam Anak-Nya, Yesus Kristus. Dialah Allah te benar dan idup te kekal.21 Anak-anakku, jauh ke dirik ari berhala-hala.

2 John

Chapter 1

1Re Penetuo, dan bukan aku geno, tapi ngau semuo ura te ngenal kebenaran,2 Kerno kebenaran te dudi dalam kito dan te besamo kito selamanya. 3Anugerah, belas kaseh, serto damai sejahtera ari Allah Bapa dan ari Tuhan Yesus Kristus, Sang Anak, nyerto kito dalam kebenaran dan Kasih.4Aku sangat bersukacita karna ketauk bahwo berapo anakmu idup dalam kebenaran, sebagaimana perintah te udah kito terimo ari Bapa.5 Pituk, aku mintok nguso nuan, Ibu bukan seolah-olah aku menuliskan sebuah perintah baru, melainkan perintah te udah kito empu ari subok, supayo kito saling mengasihi. 6Dan tuk lah kaseh, bahwa kito idup menurut perintah-perintah-Nya. Tuk lah perintah yok, bako te udah kitak penin ari subok, sok kitak idup de dalam neh.7Sebab, bangat penyesat udah bisik ke dunio, sidok endo ngakui Yesus sebagai Kristus te datai dalam wujud mensio. Sidok adalah penyesat dan anti -Kristus.8 Berhati-hatilah sok kitak endo lenyauapo te udah kitak usahakan, melainkan nerimo upah seutuknya.9Setiap ura te bejalai keluar dan ajaran Kristus, ia endo bisik Allah. Akan tetapi, siapo pun te dudi dalam ajaran yok buleh baek Bapa maupun Anak. 10Antik bisik ura te datai nguso kitak dan endo ngemaik ajaran tuk, nang nerimok neh dalam rumak kitak atau merik salam apo pun. 11Sebab, siapo pun te nyamut dia ngamik bagian dalam pekerjoan jai ura yok.12Bangat hal te kok aku tulis nguso kitak, tetapi aku endo kok ngelakuakn ngau kertas dan tinta. Tapi, aku berharap tau datai nguso kitak dan ngumung langsung supayo bisik sukacita kito de penuhkan.13 Anak-anak ari saudarimu te depilih madah salam nguso kitak.

3 John

Chapter 1

1Ari penetua nguso Gayus terkaseh, te kukasehi dalam kebenaran. Menyanak te kukasehi, aku bedoa semoga kitak 2baek-baek geno dalam segalo hal, semoga tubuhmu sehat, samo bako jiwomu te sehat.3 Sebab, aku sangat bersukocito antik balo menyanak datai dan bersaksi tenta kebenaranmu, keti saat tuk kitak idup dalam kebenaran.4 Aku endo bisik sukocito te lebih besai ari pada menen bahwa anak-anakku bejalai dalam kebenaran.5Menyanakku te kekaseh, kitak bertindak ngau setia dalam semuo usahamu bagi saudara-saudara, meskipun sidok ura asing. 6Sidok udah bersaksi tenta kasehmu de hadapan jemaat. Kitak kok melakukan baik apabila menolong sidok melanjutkan pejalai ngau caro te endo bekenan nguso Allah. 7Sebab, sidok udah angkat deni namo yok, endo nerimok apo pun dari ura-ura te endo pecayok. 8Kerno yok, kito harus nulo ura-ura bako sidok sehingga kito nyadi rekan pelayanan ngau kebenaran.9Aku udah menulis surat nguso jemaat, tetapi Diotrefes, te suka menonjolakan dirik ari antaro sidok, endo kok nerimok kami. 10Kerno yok, antik aku datai, aku akan ngingatkan dia atas tindakannya, te memfitnah kami ngau kata-kata te jai! Endo hanya yok geno, neh gok endo tau nerimok menyadik te datai dan nidah sidok te nerimok mnyanak yok, tamai mengucilkan sidok ari jemaat.11Menyanak te kukasehi, nanglah niru te jai, melainkan te baek. Ura te berbuat baek berasal ari Allah, tetapi ura te berpempulah jai, pan mantau Allah.12 Semuo ura udah besaksi te baek tenta Demetrius, bahkan kebenaran bersaksi pituk. Kami ugok bersaksi, dan kitak ketauk bahwa kesaksian kami benar.13Bangat hal te kok kutuliskan nguso kitak, tetapi aku endo nuliskannya nguso kitak ngau pen dan tinta.14 Aku berharap untuk menemuimu segera dan kito akan ngumung betapan muo.15 Damai sejahtera bagimu. Kawan-kawan dituk ngirim salam untukmu. Padah gok salam kami nguso setiap Saudara din.

Jude

Chapter 1

1Are Yudas, Pelayan Yesus Kristus tamai menyadik Yakobus, ngau sidok ute di[ilih serto dikasih Allah Bapok, serto ute dipidup bagi ngau Yesus Kristus.2 Sekiro neh belas kasih, damai sejahtera serto kasih melimpah ngau kitak.3Balo menyadik ute di kasih, sementaro aku berusaha kuat nulis ngau kitak tenta keselamatan kita semuo, aku ngeraso perlu nulis serto mintak ngau kitak isok kitak benar-benar bejuang ngau iman ute udah dipadah sekalik geno ngau ura-ura kudus.4 Padai bisik balo ura ute udah tamok ute ndo kita ketauk, sidok yok ute udah re subok udah ditentu ngau diukum, balo ura ute ndo beiman ute nyalah guna anugrah Allah kita ngau muas nafsu serto nulak sutik-utik penguaso tamai Tuhan kita, Yesus Kristus.5Aku kok ngingat kitak walaupun kitak udah ketauk semuo, bahwa Tuhan udah nyelamat umat Neh ngau caro ngeluar sidok re tanah Mesir, Tapi udah uok sidok ndo pecayak. 6Lalu Balo malaikat ute ndo taat ke batas kuaso sidok, malah nudi aro penugau sidok, udah Yo ikat ngau rantai abadi enta ute paling kleman ngau penghakiman pado ari besai kelok.7Piok gok Sodom tamai Gomora serto balo kota sesisi neh, ute muas dirik dalam nafsu blaki bini tamai ngejar nafsu ute ndo wajar, udah nangung ukum api kekal ngau pengingat semuo ura. 8Upo yok gok ura-ura yok, nganal ke mimpi-mimpi sidok, ngutur tubuh, nulak kuaso, serto ngejai semuo ute mulia.9Mikhael geno ute penghulu malaikat, watu bekela'i ngau sitan tenta mayat Musa, ndo berani ngucap balo kata jai ngau neh, Neh hanya madah" Sekira neh Tuhan luat ngau nuan!" 10Tapi balo penyesat yok ngeja'i ngau balo pekaro ute sidok ndo ketau, ute hanya sidok ketau bedasar ngau naluri, upo jelu ute ndo bisik akal. Padai balo pekaro tuk em sidok akan di ancor.11 Celakolah sidok! Sidok udah tamai jalai ute di kelalu Kain.12Sidok tuk upo noda dalam perjamuan kasih kitak, ute makai bereto kitak, ndo bisik ute dikemalu, sidok hanya mentin kedirik sidok. Sidok upo awan ute ndo maik ujan, ute disepu angin kin kituk. Sidok upo balo pun kayu ute ndo bebuah watu musim neh, balo pun ute tebabit re akar-akar neh.13 Sidok upo geluma laut ute ganas, ute ngeluar kebuih kehinaan sidok kedirik. Sidok upo balo binta ute bejalai, bagi sidok kegelapan udah disediakan tempat di dunia kekelaman selamo lamo neh.14Piok gok ura-ura Henokh, kenturun ketujuh re Adam, bernubuat madah" Pantau am, Tuhan datai bereto beribu-ribu ura kudus-Neh,15 ngau nyalai ke penghakiman atas semuo ura; ngukum semuo ura fasik padai semuo pempulah sidok serto padai semuo kata-kata bulok, ute diucap ura-ura beduso ngau Allah."16 Sidok yok ura-ura ute rajin ngeluh, nggok penyalah, hidup nurut hawa nafsu kedirik, sidok empu mulut besai lalu menjilat ura lain isok buleh untung.17Balo menyadik ute ku kaseh, kitak harus ngingat apo ute udah dipadah balo rasul Tuhan kita, Yesus Kristus. 18Sidok udah madah ngau kitak, "Pado jaman akhir, akan bisik balo pengulo'k ute hanya tamai nafsu sidok ute fasik." 19Sidok yok ura-ura ute nyuruh tejadi perpecahan, tamai nafsu duniawi, serto ndo bisik Roh.20Balo menyadik ute kukaseh, angkatlah dirik kitak kedirik didarat iman kitak ute palin suci lalu bedoalah dalam Roh Kudus.21 Iduplah dirik kitak dalam kasih Allah samil nungguk rahmat Tuhan kita, Yesus Kristus, ute nuntun ngau hidup kekal.22Empulah kemurahan ati ngau sidok ute ragu-ragu, 23rampaslah sido re api lalu selamatkan sidok.24Bagi Neh, ute bekuaso nyago kitak isok ndo jatu'k lalu ndo cacat di adap tahta kemulian-Neh ngau pengago besai. 25Bagi seikuk-ikuk Allah, Juru Selamat kito, ngelalu Kristus Yesus, Tuhan Kito, kemuliaan, keagungan, kekuatan serto kuaso sepanyai masa: subok, pituk, sampai selamo-lamoneh. Amin.

Revelation

Chapter 1

1Penyato dar'i Yesus Kristus, te diberi'k Allah ke Neh ngau di tunyu'k nguso balo hamba Neh tenta balo pekar'o te segr'o aru's tejadi. Yesus Kristus meri'k penyato tu'k ngelalu malaikat Neh ngau dipadah ke Yohanes,hamba neh. 2Yohanes dah jadi saksi firman Allah tamai Yesus Kristus, ngau segalo te dah dipantau neh. 3Diberkatilah ur'a te maco ngau ingan nyar'en firman nubauat tu'k diberkati go'k sido'k te menei'n tamai nger'jo apo te ditulis dalam neh, ker'no watu dah semak.4Dar'i Yohanes, nguso ketuju'h jemaat te bisi'k di Asia. Anugra'h tamai damai sejahtr'a ngau nuan dar'i Neh te bisi'k, te dah bisi'k, tamai te ko'k datai; ser'to dar'i ketujuh roh te ado di muo takhta Neh, 5tamai dar'i Yesus Kristus, saksi te setio, te petamo kali bangkit dar'i ur'a mati tamai penguaso antar'o balo rajo di bumi. Bagi Neh, te kase'h ke kito tamai ngelepas balo duso kito ngau darah Neh, 6nyuru'h kito jadi suti'k kerajaan, balo imam ngau Allah tamai Apai Neh, ngau Neh kemuliaan tamai kekuasaan sampai selamo-lamoneh! Amin.7Pantau, Yesus datai tamai balo awan,semuo mato mantau Neh,sampai sido'k te udah ngeruja'k Neh; tamai semuo bangso di bumi nger'enung ker'no Neh. Auk, tu'k ko'k tejadi! Amin. 8"Aku adolah Alfa tamai Omega, firman Tuhan Allah, te ado, te udah ado, tamai te ko'k datai, te Mahakuaso."9Aku, Yohanes, menyanak tamai samo diri'k ngami'k bagian te pedi'h, enta kerajaan, tamai beteku'n di enta Yesus, senta benuo te disebut Patmos ker'no firman Allah tamai kesaksian Yesus. 10Aku dikuaso Roh pado ari Tuhan, tamai aku menei'n ingan nyare'n dar'i belaka aku upo ingan trumpit,11 te madah, "Tulislah semuo te nuan pantau enta suti'k buku tamai kirim nguso ketujuh jemaat: Efesus, Smirna, Pergamus, Tiatira, Sardis, Filadelfia, tamai Laodikia."12Lalu, aku nuleh ngau mantau ingan te ngumong nguso aku. Watu aku nuleh, aku mantau tujuh kaki dian emas, 13tamai di tengah-tengah kaki dian yo'k, aku mantau seur'a upo Anak Mensio,ngau jubah sampai ke kaki tamai suti'k selampai mas di dado Neh.14Kepalo tamai bo'k Neh putih upo bulu domba, seputih salju; tamai mato Neh upo nyalo api. 15Kaki Neh mengkilat upo temago te menyalo enta pemerapi tamai ingan Neh upo gemuru'h ai'k bah. 16Di lengan kanan Neh, Neh megai tujuh binta tamai dar'i mulut Neh keluar suti'k peda tajam bemato duo, muo Neh becahayo upo matoar'i te tere'k.17Watu aku mantau Neh, aku jatu'k di kaki Neh upo ur'a mati. tapi, Neh ngeleta'k lengan kanan Neh ke dara't aku tamai madah, "Nang takut; Akulah te awal tamai te pengabis, 18tamai te idup. Aku udah mati, tapi pantau aku idup sampai selamo-lamoneh, aku megai kunci maut tamai kunci Hades.19Ker'no yo'k, tulis em balo utan te nuan pantau, balo utan te tejadi pitu'k tamai te tejadi seudah nyo'k. 20Tu'k resio tenta tujuh binta te kita'k pantau di lengan kanan Aku tamai tujuh kaki dian emas yo'k. Tujuh binta yo'k adolah malaikat dar'i tujuh jemaat; tamai tujuh kaki dian yo'k adolah jemaat.
Chapter 2

1"Nguso malaikat jemaat di Efesus tulis em: Tuk pemadah Neh te megai tujuh binta di lengan kanan Neh tamai te bejalai di antar'o tujuh kaki dian emas yo'k: 2Aku ketau'k semuo peker'jo jeri'h payah tamai ketekun kita'k, macam ni kita'k ndo tan ter'adap te jai, tamai kita'k nguji balo ur'a te madah diri'kneh rasul, tapi sebena'rneh sido'k bukan rasul,sido'k yok palsu.3Kita'k mpuk ketekun tamai betan demi namo Ku tamai ndo ngelalo leti'h. 4Tapi aku negu'r kita'k ker'no udah nudi kasih te semulo. 5Ker'no yok, ingat dar'i ni kita'k jatuk tamai betubat ser'to mulah apo te udah kita'k ker'jo semulo. Anti'k ndo, Aku kok datai nguso kita'k tamai ngami'k kaki dian dar'i tempat neh, kecuali kita'k betubat.6Tetapi, tuk te kita'k mpuk: kita'k benci'k ngau pempulah te tamai Nikolaos, te Aku benci'k gok. 7Neh te mpu'k penei'n bia'r em menei'n apo te di padah Roh nguso balo jemaat. Nguso neh te menang, Aku ko'k meri'k pemakai dar'i pun Kehidupan."8"Nguso malaikat jemaat di Smirna tulislah: Tuklah pemadah dar'i te Awal tamai te pengabis, te dah mati dah yo'k idup lagi'k: 9Aku ketau'k kesusah tamai kemiskin kita'k, tapi sebena'rneh kita'k kayo! Aku ketau'k fitnah te dituju ngau kita'k uli'h sidok te madah diri'k ur'a Yahudi, tapi sebena'rneh bukan, ngelainkan kelumpo'k Iblis.10Nang takut ter'adap apo te ko'k kita'k deri'to. Pantau, sitan ko'k muai bebera'po dar'i kita'k ke penyar'o bia'r lkita'k diuji, tamai kita'k nger'aso sensar'o selamo 10 ar'i. Setio em sampai mati, Aku ko'k meri'k kita'k mahkota kehidupan. 11Neh te mpu'k penie'n bia'r menie'n apo te dipadah Roh nguso balo jemaat. Ur'a te menang ndo ko'k mender'ito uli'h kematian yang keduo."12"Tamai, nguso malaikat jemaat di Pergamus tulislah: Tuklah pemadah Neh te mpu'k peda tajam bemato duo: 13Aku ketau'k dini kita nugau, edi tempat takhta Iblis ber'ado; tapi kita'k bepegai ngau namo Ku sampai maso Antipas, saksi Ku te setio te dibunuh antar'o kita'k, tempat Iblis nugau.14Tapi Aku negu'r kita'k ker'no bisi'k antar'o kita'k te nuru't pengaja'r Bileam, te ngaja'r Balak ngau nyur'uh sesat dimuo balo anak Israel, ngau makai pemakai te dibri'k nguso bahala tamai mulah balo duso te kanyi. 15Piyo'k go'k, bisi'k diantar'o kita'k te bepegai ngau pengaja'r Nikolaus.16Ker'no yo'k betubatlah! Anti'k ndo, Aku ko'k segr'o datai nguso kita'k tamai ngemer'a sido'k ngau peda dar'i mulut Ku. 17Neh te mpu'k penei'n bia'r em menei'n apo te dipadah Roh nguso balo jemaat. Nguso neh te menang, Aku ko'k meri'k manna te ditapu'k; tamai Aku ko'k meri'k ngusoneh suti'k batu putih,suti'k namo te baru ditulis dibatu yo'k, te ndo seur'a pun ketau'k kecuali ur'a te ner'imokneh."18"Tamai, nguso malaikat jemaat di Tiatira tulislah: Tu'k pemadah Anak Allah, te mato Neh upo nyalo api tamai kaki Neh menyalo upo temago enta pemer'api: 19Aku ketauk balo pempulah kita'k, kasih tamai iman kita'k, pelayanan tamai kesaba'r kita'k, dah yo'k balo peker;jo kita'k te pengabis lebi'h dar'i yang pertamo.20Tapi Aku negu'r kita'k ker'no kita'k ngemiar betinok Izebel yo'k, te ngaku'k diri'k seur'a nabiah, ngaja'r tamai nyesat balo pelayan Ku bia'r mulah te cabul tamai makai pemakai te dah di bri'k nguso behala. 21Aku dah meri'kneh watu ngau betubat, tapi neh ndo ko'k betubat dar'i cabulneh.22Pantau em, Aku ko'k muai neh ke darat penidu'r pender'ito tamai sido'k te cabul ngau neh ko'k Aku buai ke dalam kesusah te besai, kecuali sido'k betubat dar'i balo pempulah betino' yo'k. 23Dah yo'k Aku ko'k munuh balo anakneh ngau kematian; tamai semuo jemaat tau'k ketauk kalau Aku lah te nguji pemiki'r tamai ati ur'a, Aku ko'k meri'k nguso kita'k samo upo pempulah kita'k.24Tapi, nguso kita'k te lain di Tiatira, te ndo tamai pengaja'r tu'k, te pan ketau'k balo resio Iblis, Aku madah: Aku ndo ko'k ngeletak beban lain ke dara't kitak. 25Tapi, bepegailah selampu'r ngau apo te kita'k mpu'k sampai Aku datai.26Ngau ur'a te menang tamai mulah balo peker'jo Ku sampai pengabis, Aku ko'k meri'k kuaso ngau balo bangso, 27sido'k memer'intah balo bangso yo'k ngau tungkat besi, diancu'r bekipen-kipen upo tembikar tuka sampau; ker'no Aku go'k dah ner'imok kuaso dar'i Apai Ku. 28Tamai, Aku meri'kneh go'k binta timu'r. 29Neh te mpu'k penei'n bia'rlah menei'n apo dipadah Roh nguso balo jemaat."
Chapter 3

1"Tamai, nguso malaikat jemaat di Sardis tulislah: Tuklah pemadah Neh te mpu'k tujuh Roh Allah tamai tujuh binta yo'k: Aku ketau'k balo pempulah kita'k. Ur'a madah kita'k idup, tapi sebena'rneh kita'k mati. 2Ati- atilah, tamai pekuat balo utan te agi'k bisi'k, te ampi'r mati, ker'no Aku pan nemu peker'jo kita'k te bae'k enta pemantau Allah.3Ker'no yo'k, ingatlah apo te dah kita'k ter'imok tamai penei'n, taat tamai betubatlah! Anti'k kita'k ndo ati-ati, Aku datai upo pencur'i dah yo'k kita'k ndo ketau'k jam ber'apo Aku ko'k datai nguso kita'k. 4Tapi, kita'k mpu'k beber'apo ur'a di Sardis te pan nyema'r ke pakaian sido'k; tamai sido'k ko'k bejalai besamo Ku ngau pakaian putih ker'no sido'k layak.5Ur'a te menang ko'k di ngau ke pakaian putih dah yo'k Aku ndo ngapus namoneh r'e Kitab kehidupan. Aku ko'k ngaku'k namoneh di muo Apai Aku tamai dimuo balo maliakat Neh. 6Neh te mpu'k penei'n bia'rlah menei'n apo te dipadah Roh nguso balo jemaat."7"Nguso balo jemaat di Filadelfia tulislah: Tuklah pemadah r'e Te kudus tamai r'e Te bena'r, megai kunci Daud, te muko'k tamai ndo bisi'k seur'a pun te tau'k nutupneh; te nutup tamai ndo seur'a pun tau'k muko'kneh: 8Aku ketau'k pempulah balo kita'k. Pantau, Aku udah muko'k pintu ke kita'k, te ndo seur'a pun tau'k nutupneh ker'no penguat kita'k r'enyai, tapi kita'k udah taat ke firman Ku tamai ndo nyangkal namo Aku.9Pantau, Aku ko'k mulah balo kelumpo'k Iblis yo'k, te ngaku'k ur'a Yahudi, tapi sebena'rneh bukan, tapi bulo'k, Aku ko'k mulah sido'k datai tamai sujud di kaki kita'k, tamai nyuru'h sido'k ketau'k kalau Aku kase'h ke kita'k. 10ker'no kita'k udah meliar'o firman Aku, Aku ko'k meliar'o kita'k r'e maso susah te ko'k datai ke semuo dunio, ngau nguji sido'k te nugau di bumi. 11Aku cepat datai. Pegailah apo te kita'k mpu'k bia'r ndo seur'a pun tau'k ngami'k mahkota kita'k.12Neh te menang, Aku ko'k ngenyadi ke neh tia penyangok Bait Suci Allah Ku, tamai neh ndo angkat agi'k r'e yo'k; Aku ko'k nulis ke neh namo Allah ku, yo'k adolah Yerusalem bar'u, te turu'n r'e surgo, r'e Allah Ku tamai namo Ku te bar'u. 13Neh te mpu'k penei'n bia'rlah menei'n apo te dipadah Roh nguso balo jemaat."14"Nguso jemaat di Laodikia tulislah: Tu'klah pemadah Sang Amin, 15Aku ketau'k balo pempulah kita'k, kita'k ndo celap tamai atau ndo angat. Lebih bae'k anti'k kita'k celap atau angat. 16Jadi, ker'no kita'k ndo angat atau celap Aku ko'k ngeluo'k kita'k r'e mulut Aku.17Ker'no kita'k madah,'Aku kayo, bekelimpah, tamai ndo kekur'a apo-apo,' dah yo'k ndo ketau'k sebena'rneh kita'k sensar'o, mala, miskin, buto'k, tamai telanya. 18Aku nasehat kita'k ngau meli r'e Aku emas, te dimu'rni ngau api bia'r kita'k jadi kayo, tamai balo pakaian putih bia'r kita'k tau'k nguno ke neh sampai raso malu ker'no kita'k ndo te pantau telanya, tamai ngules salap ke mato bia'r kita'k tau'k mantau.19Sido'k te Aku kase'h, Kutegu'r tamai Kuhaja'r, ker'no yo'k ati kita'k aru's r'ela tamai betubatlah! 20Pantau! Aku bedir'i dimuo lawa tamai ngetok. Anti'k ado ur'a menei'n ingan Aku tamai muko'k lawa, Aku ko'k tamo'k ngusoneh tamai makai besamoneh, dah yo'k neh besamo Aku.21Neh te menang, Aku te ngizin ke neh duduk besamo Aku di takhta Aku, samo upo Aku udah menang tamai duduk besamo Apai Aku di takhta Neh. 22Neh te mpu'k peneu'n bia'rlah menei'n apo te dipadah Roh nguso balo jemaat."
Chapter 4

1Udah yo'k, aku mantau suti'k lawa tebuko'k di sur'go, tamai ingan tadi'k, te aku penei'n upo ingan tr'umpit ngumong ngau aku, madah, "Naek kitu'k Aku ko'k nyuru'h kita'k mantau apo te rejadi setelah tu'k.2" Watu yo'k go'k, aku dikuaso Roh dah yo'k pantau, suti'k takhto bisi'k di surgo tamai bisi'k seur'a dudu'k didara't takhto yo'k. 3Dah yo'k Neh te dudu'k didara't takhto yo'k, tampa'k upo batu permato yaspis tamai sardis; dah yo'k bisi'k suti'k pelangi di sekelilin takhto yo'k, te pantau upo Zamrud.4Disekelilin takhto yo'k ado duo puluh empat takhto di dara't balo takhto yo'k aku mantu duo puluh empat tuo-tuo dudu'k, ngau jubah putih tamai balo mahkota emas ado di kepalo sido'k. 5R'e takhto yo'k kelua'r kilat peti'r tamai gemuru'h ingan guntu'r. Dah yo'k ado tujuh dian te menyalo di muo takhto yo'k, te daolah tujuh Roh Allah.6Di muo takhto yo'k go'k bisi'k utan upo laut kaco, upo Kristal. Di tengah tamai di sekelilin takhto yo'k ado empat jelu te penu'h mato dimuo tamai belakaneh.7Jelu te petamo upo siku'k singo, jelu te keduo upo lembu laki, jelu te ketigo muo upo mensio dah yo'k te ke empat upo bur'o la te lagi'k ter'ba. 8Ke empat jelu yo'k samo mpu'k enam sayap te punuh ngau mato, dilua'r tamai dalamneh; sia tamai malam, keempat jelu yo'k ndo ber'nti ngumong,"Kudus, kudus, kuduslah Tuhan, Allah Te Mahakuaso, te dah bisi'k, te bisi'k, tamai te ko'k datai."9Tiap kali'k balo jelu yo'k meri'k kemuliaan, hormat, tamai ngucao syukur ngau Neh te dudu'k di dara't takhto, te idup selamo-lamoneh, 10keduo puluh empat tuo-tuo yo'k sujud di muo Neh te dudu'k di dara't takhto yo'k tamai Nyemah Neh te idup sampai selamo-lamoneh yo'k, dah yo'k nikam mahkota sido'k di muo takhto yo'k samil madah 11"Ya Tuhan tamai Allah kami,Nuan laya'k neri'mo'k kemuliaan, hormat, tamai kusao ker'no Nuan te nyipto segalo utan tamai ker'no kemau'k Nuan semuo yo'k ado tamai dicipto."
Chapter 5

1Dah yo'k, aku mantau dilengan kanan Neh te dudu'k di dara't takhto to'k suti'k gulo kitab, te mpu'k tulis di sisi dalam tamai lua'rneh, te dimetra'i ngau tujuh metra'i. 2Dah yo'k, aku mantau siku'k malaikat te gagah beser'u ngau suaro nyarie'n,"Siapokah te layak muko'k gulo kitab yo'k tamai muko'k balo metra'ineh?"3Tapi, ndo isi'k seur'a pun, te di surgo, di bumi, atau dibaru'h bumi te tau'k muko'k atau mantau bagian isi'k gulo yo'k.4 kebo'k, aku mulai nangis ker'no ndo isi'k seur'a pun di temu te laya'k ngau muko'k gulo kitab yo'k atau mantau bagian dalamneh. 5Tapi siku'k r'e tuo-tuo yo'k ngumong ke aku,"Jadi em nangis! Pantau, Singo r'e suku Yehuda, keturu'n Daud, dah menang sampai Neh tau'k muko'k gulo kitab yo'k tamai tujuh metra'ineh."6Dah yo'k, aku mantau ditengah-tengah takhto tamai empat jelu tadi'k, ditengah balo tuo yo'k siku'k Anak Domba bedir'i, upo dah disemeleh, te mpu'k tujuh tanu'k tamai tujuh mato, yo'k tujuh Roh Allah te diutus ke semuo bumi. 7Anak Domba yo'k datai tamai ngami'k gulo kitab yo'k r'e lengan kanan Neh te dudu'k didara't takhto.8Watu Anak Domba dah ngami'k gulo kitab yo'k, enam jelu tamai keduo puluh empat balo tuo sujud di muo Anak Domba yo'k,masing-masing megai suti'k kecapi tamai suti'k cawan emas te penuh ngau kemenyan, yo'k adolah doa balo ur'a kudus.9Lalu, sido'k nyanyi lagu bar'u, jik'uneh:"Nuan layak ngami'k gulo kitab yo'k tamai tamai muko'k balo segelneh ker'no nuan dah disemeleh, tamai ngau dara'h Nuan dah nebus balo ur'a r'e setiap suku, bahaso, kaum tamai bangso ngau Allah. 10Nuan dah ngenyadi sido'k jadi suatu kerajaan tamai balo imam ngau Allah kito, sido'k ko'k meri'ntah dara't bumi."11Dah yo'k aku mantau, tamai menei'n ingan r'e bangat malaikat te ngelilin takhto, empat jelu tamai balo tuo yo'k. Pemangat sido'k beri'bu-ri'bu, bahkan puluhan ri'bu, 12beser'u ngau ingan kuat,"Layaklah Anak Domba, te dah disemeleh yo'k, neri'mok kuaso, kekayo, hikmat, kekuat,hormay, kemuliaan, tamai pujian."13Dah yo'k, aku menei'n setiap jelu te ado di surgo, dibumi, dibaro'h bumi, dilaut, tamai semuo ts ado didalam, semuo yo'k madah,"Ngau Neh, te dudu'k didara'y takhto, yamai ngau Anak Domba, semuo pujian, hormat, kemuliaan, tamai kusao sampai selamo-lamoneh!" 14Dah yo'k empat jelu yo'k madah "Amin" tamai balo tuo sujud nyema'h.
Chapter 6

1Dah yo'k, aku mera'ti watu Anak Domba muko'k suti'k r'e tujuh metra'i yo'k, menei'n siku'k r'e empat jelu yo'k ngumong ngau suar'o upo guntu'r, "Boh!". 2Aku mantau siku'k kuda putih tamai neh te dudu'k didara't megai suti'k panah; tamai mahkota diberi'k ngusongneh, dah yo'k neh maju ngau ngalah tamai ngemenang.3Watu Anak Domba muko'k metra'i te keduo, aku menei'n jelu te keduo ngumong,"Boh!", 4majulah siku'k kuda lain bewarna merah upo nyalo api, tamai neh te dudu'k didara'tneh diberi'k kuaso ngau ngami'k kedamaian du bumi sampai mensio bebunuh siku'k ngau te lain, suti'k peda diberi'k ngusoneh.5Watu Anak Domba yo'k muko'k metra'i te ketigo, aku menei'n jelu te ketigo ngumong "Boh!", aku mantau siku'k kuda itam dah yo'k neh te dudu'k didara't megai suti'k penima dilengan neh. 6Lalu, aku menei'n upo ado ingan r'e tengah-tengah keempat jelu yo'k madah, "Suti'k cupak ngau 1 dinar, tapi nang ngerusa'k minyak tamai angu'rneh!"7Dah yo'k Anak Domba muko'k metra'i te keempat, aku menei'n ingan jelu te keempat ngumong, "Boh"! 8Dah yo'k, aku mantau siku'k kuda bewarna ijau pucat tamai neh te dudu'k didara'tneh benamo Maut tanai Hades te muntutneh. Dah yo'k, 1/4 kuaso bumi diberi'k nguso sido'k, munuh ngau peda,kelaparan, penyakit, tamai balo binata buas di bumi.9Watu Anak Domba muko'k metra'i te kelimo, aku mantau dibaro'h altar balo jiwo sido'k te dah dibunuh ker'no firman Allah tamai kesaksian te dah sido'k petahan. 10Sido'k beser'u ngau ingan kuat, "Bera'po lamah agi'k, Tuhan te kudaus tamai bena'r, Nuan ko'k nahan diri'k r'e ngadil tamai malas dara'h kami nguso sido'k te nugau di bumi?" 11Dah yo'k masing-masing jiwo yo'k diberi'k jubah putih sido'k dipadah kalau aru's betego'k sekejab agi'k, sampai pemangat balo kaban palayan tamai balo menyanak sido'k te ko'k dibunuh upo sido'k jadi genap.12Dah, yo'k aku mantau watu Anak Domba yo'k muko'k metra'i te keenam, tejadilah gempa bumi te dasyat; matoar'i jadi itam upo guni te dipulah r'e bok tamai seluru'h bulan jadi upo dara'h. 13Balo binta dilangit jatu'k ke bumi upo pun kena ngugu'r balo buahneh te mantah watu digunca uli'h ri'but sangat kuat. 14Dah yo'k, langit tebelah upo kitab te digulo, tiap gunung tamai pulau dipianah r'e penugauneh.15Dah yo'k, balo rajo di bumi, balo ur'a besai, balo serdadu, balo ur'a kayo te bekuaso, semuo ulun, tamai ur'a bebas betapu'k di balo gua antar'o batu digunung. 16Sido'k ngumong ngau balo gunung tamai balo batu yo'k, "Ru'buhlah nimpo'k kami tamai tapu'klah kami r'e muo Neh te dudu'k didara't takhto, r'e amara'h Anak Domba! 17Sebab, ar'i besai ngau amara'h sido'k dah tibo tamai siapokah te sangup ngadap?"
Chapter 7

1Seudah yo'k, aku mantau empat malaikat bedir'i di empat penyur'u bumi, lagi'k nahan keempat angin bumi bia'r ndo bisi'k te betiup kedara't, di laut, atau di balo pun kayu. 2Dah yo'k, aku mantau malaikat lain muncul r'e ter'bit matoar'i, ngau ngemai metra'i r'e Allah te idup. Neh beser'u ngau ingan kuat nguso keempat malaikat te dah di beri'k kuaso ngau ngerusa'k bumi tamai laut tadi'k, 3"Nanglah ngerusa'k bumi, laut, atau balo pun kayu se apan kami selesai meri'k tando metra'i di kenie'n balo hamba Allah kito."4Aku menei'n pemangat sido'k te dimetra'i sebangat 144.000 ur'a. Sido'k semuo bera'sal r'e tiap suku balo anak Israel: 5r'e suku Yehuda 12.000, r'e suku Ruben 12.000, r'e suku Gad 12.000, 6r'e suku Asyer 12.000, r'e suku Naftali 12.000, r'e suku Manasye 12.000,7r'e suku Simeon 12.000, r'e suku Lewi 12.000, r'e suku Isakhar 12.000, 8r'e suku Zebulon 12.000, r'e suku Yusuf 12.000, r'e suku Benyamin 12.000 te dah di metrai.9Se dah yo'k aku mantau, sebena'rneh pemangat mensio ndo tau'k di it'o bangatneh, r'e semuo negar'o suku bangso tamai bahaso, bedir'i di muo takhto tamai di muo Anak Domba, ngau jubah putih balo tangkai palem di jar'i sido'k; 10sido'k beser'u ngau ingan nyarie'n,"Keselamatan ngau Allah kami te dudu'k di dara'r takhto, tamai ngau Anak Domba."11Semuo malaikat te lagi'k bedir'i disekelilin takhto yo'k disekelilin balo tuo, tamai keempat jelu yo'k, sido'k sujud di muo takhto tamai nyemah Allah, 12ngau madah, "Amin! Pujian tamai kemuliaan, hikmat, ucapan syuku'r, kehormatan, kuaso tamai keperkasaan ngau Allah kito sampai selamo-lamoneh. Amin!"13Dah yo'k, siku'k r'e balo tuo ngumong tamai betanyo'k nguso aku,"Sapo sido'k te ngau jubah putih tu'k tamai r'e ni sido'k datai?" 14Aku madah neh "Tuanku, nuan te ketau'k." Lalu, neh madah aku, "Sido'k adolah balo ur'a te dah kelua'r r'e penganiayaan besai tamai dah nyuci jubah sido'k dah yo'k, ngemutihkeneh di enta dara'h Anak Domba.15Ker'no yo'k, sido'k bedir'i di muo takhto Allah tamai ngelayan Neh sia tamai malam di bait Neh; Neh te dudu'k di dara't takhto yo'k ko'k nugau di antar'o sido'k. 16Sido'k ndo lapa'r tamai aus agi'k; atau matoar'i ndo medie'k sido'k atau panas tere'k te lain. 17Sebab, Anak Domba te ditengah-tengah takhto yo'k ko'k jadi Gembalo sido'k tamai ko'k nuntun sido'k ke aik kehidupan; Allah ko'k ngapus aik mato r'e mato sido'k."
Chapter 8

1atu Anak Domba muko'k metra'i te ketujuh, disurga sunyi'k kir'o-kir'o setengah jam lamahneh. 2Dah yo'k aku mantau ketujuh malaikat te bedir'i di adap Allah, tamai tujuh tru'mpet diberi'k nguso sido'k.3Lalu, malaikat lain datai dah yo'k bedir'i di altar, megai suti'k pendupaan emas; neh bangat diberi'k dupa ngau dipesemah besamo doa balo ur'a kudus di dara't altar emas te di muo takhto yo'k. 4Asap dupa yo'k, besamo balo ur'a kudus, nae'k ke adap Allah r'e lengan malaikat yo'k. 5Lalu, malaikat yo'k ngami'k pedupaan tamai ngisi'kneh ngau api te di ami'k r'e altar dah yo'k dibuai ke bumi; dah yo'k te penie'n ingan guntu'r te diser'to kilat tamai gempa bumi.6Dah yo'k, tujuh malaikat te megai tujuh tru'mpet yo'k besiap-siap ngau niup trum'pet sido'k. 7malaikat petamo niup tru'mpet neh, tejadilah ujan es tamai api becampu'r dara'h; ditumpah ke bumi, jadi sepertigo bumi angus tamai sepertigo pun kayu dah yo'k semuo rumput ijau.8Malaikat keduo niup tru'mpetneh, utan upo gunung te angus di buai ke laut; seper tigo 'aut jadi dara'h, 9jadi sepertigo jelu te bisi'k di laut mati, tamai sepertigo balo kapal di ancu'r.10Malaikat ketigo niup tru'mpetneh, jadi jatu'klah suti'k binta besai r'e langit, menyalo upo pawai, binta yo'k nimpo'k sepertigo alu'r aik tamai mato aik. 11Namo binta to'k adolah Apsintus. Jadi sepertigo r'e semuo mato aik apsintus dah yo'k bangat ur'a mati ker'no aik yo'k dah dipulah pait.12Malaikat ke empat niup tru'mpetneh, jadi tepelasah sepertigo matoar'i, sepertigo bulan, tamai sepertigo binta samapi sepertigo r'e sido'k jadi keleman, tamai sepertigo sia jadi keleman piyo'k go'k watu malam ar'i.13Lalu, aku mantau tamai menie'n siku'k bur'o rajowali ter'ba di tengah-tengah langit, madah ngau ingan nyari'n,"Celako, celako, celakolah sido'k te nugau di bumi ker'no ingan tru'mpet ketigo malaikat lain te agi'k ko'k di tiup."
Chapter 9

1Lalu, malaikat kelimo niup tru'mpetneh, dah yo'k aku mantau suti'k binta jatu'k r'e langit ke dara't bumi, nguso neh di beri'k kunci luba jur'a maut. 2Neh muko'k luba jur'a maut, jadi nae'klah asap r'e luba yo'k, upo asap r'e luba asap r'e tungkuk te besai, matoar'i tamai angkaso jadi keleman ker'no asap luba yo'k.3Dah yo'k, r'e enta asap yo'k kelua'rlah balo bunta'k ke bumi, sido'k di beri'k kuaso upo kuaso kalo dibumi. 4Nguso sido'k pesan bia'r ndo ngerusa'k balo ru'mput dibumi, balo pentanam atau balo pun kayu, ngelainkan cumo sido'k te ndo mpu'k metra'i Allah di kenien sido'k.5Sido'k ndo di izin munuh ke sido'k, tapi bia'r nyiso sido'k selamo 5 bulan; sikso yo'k samo ngau sikso kalo watu neh nyengat mensio. 6Pado watu yo'k, mensio ko'k ngigo'k kemati, tapi sido'k ndo nemuneh. Sido'k ko'k mati, tapi kematian ngila'k r'e sido'k.7Ujud balo bunta'k yo'k upo balo kuda te disiap ngau per'a; didara't kepalo sido'k ado utan upo mahkota emas, muo sido'k upo muo mensio. 8Bo'k sido'k upo bo'k betino'k tamai gigi sido'k upo gigi singo, 9dado sido'k upo baju besi, ingan sayap sido'k upo ingan balo kereta ngau bangat belumo'k ke medan per'a.10Iko'r sido'k upo kalo te bisi'k sengatneh, enta iko'r sido'k sido'k ado kuaso ngau medieh mensio selamo 5 bulan. 11Rajo te meri'ntah sido'k adolah malaikat jur'a maut, te enta bahaso Ibrani namoneh adolah "Abadon". 12Bencano te petamo dah lalu, tapi lagi'k 2 deri'to lain te ko'k datai.13Lalu, malaikat te ke enam niup tru'mpetneh, aku menei'n ingan r'e ke empat tano'k altar emas te di adap Allah, 14madah ke malaikat ke enam te megai tru'mpet yo'k, "Lepas em ke enam malaikat te di ikat dialu'r aik Efrat te besai yo'k." 15Jadi, ke enam malaikat te dah di siap ngau jam tamai ar'i, bulan tamai taun yo'k, dilepas bia'r munuh 1/3 umat mensio.16Pemangat tentar'o bekuda sido'k adolah 200 juta bangatneh; aku menei'n pemangat sido'k. 17Piyo'k aku mantau entau pemantau balo kuda to'k tamai sido'k te dudu'k di dara'tneh; balo penunganeh ngau baju besi bewarna mira'h menyalo, bir'u gelap, tamai kunin upo beler'a; kepalo balo kuda yo'k upo kepalo singo, r'e mulut sido kelua'r api, asap, tamai beler'a.18Ngau ketigo nyo'klah 1/3 mensio dibunuh; ngau api, asap, tamai beler'a te kelua'r r'e mulut sido'k.19 Ker'no kekuatan balo kuda yo'k tedapat enta mulut tamai iko'r sido'k. Sebab, iko'r sido'k upo ula'r dah yo'k mpu'k kepalo, ngau yo'k lah sido'k nyikso.20Walau, mensio te selamat, te ndo di bunuh ulie'h bencano yo'k, tetap ndo betubat r'e balo pempulah jar'i sido'k, sebena'rneh sido k ndo tau'k nyembah balo roh ja'i, balo berhala r'e emas, pira'k, temago, batu atau kayu; te ndo tau'k mantau, menei'n, atau bejalai, 21dah yo'k sido'k ndo betubat r'e pemunuh, dukun, penganyi, tamai pencur'i.
Chapter 10

1Lalu, aku mantau siku'k malaikat kuat lain turu'n r'e surga, bepakaian awan tamai pelangi ado didara't kepaloneh, muo neh upo matoar'i, kaki neh upo tia api. 2Malaikat yo'k megai suti'k kitab re'nyai te tebuko'k. Neh nija'k kaki kananneh ke laut tamai kaki kibo'kneh ke dara't.3Lalu beteriak ngau suaro nyare'n, upo singo te mengaum; dah neh beteriak, tujuh gemuru'h guntu'r bingan. 4Watu tujuh guntu'r yo'k dah bingan, aku ko'k nulisneh, tapi aku menei'n suaro r'e surga madah,"Metra'ilah apo te dah dipadah ketujuh guntu'r yo'k! Nang nulisneh!"5Dah yo'k, malaikat te aku pantau bedir'i di laut tamai di dara't yo'k ngangkat jar'i neh ke langit, 6dah yo'k besumpah demi Neh te idup selamo-lamoneh,te nyipta langit tamai segalo isi'kneh, bumi tamai isi'kneh, dah yo'k laut tamai segalo isi'kneh, ker'no ndo bala agi'k, 7tapi pado watu ingan malaikat ketujuh, watu neh ko'k niup tru'mpetneh, jadi genaplah resio Allah, upo te Neh padah nguso balo hamba Neh: balo nabi."8Dah yo'k ingan te tadi'k aku penei'n r'e surga ngumong ke aku jiku'kneh,"Angkat tamai ami'klah gulo kitab tebuko'k r'e malaikat te bedir'i di dara't laut tamai dara't yo'k." 9Jadi, aku angkat nguso malaikat yo'k tamai minto'kneh meri'k gulo kitab re'nyai yo'k ke aku. Malaikat yo'k madah aku,"Ami'klah kitab tu'k tamai makailah, yo'k nyuru'h peru't nuan pait, tapi dimulut nuan manis upo madu."10Lalu, aku ngami'k kitab re'nyai di jar'i malaikat yo'k tamai makaineh, dimulut aku yo'k teraso manis upo madu; tamai watu aku makaineh, peru't aku jadi pait. 11Lalu, neh madah aku,"Nuan aru's benubuat agi'k diadap bangat bangso tamai kaum bahaso tamai balo rajo."
Chapter 11

1Lalu, diberi'k ke aku suti'k buluh, ujudneh upo tungkat penguku'r, ngau balo kato,"Angkat tamai uku'rlah Bait Allah dah yo'k altar beser'to sido'k te semaya di dalamneh. 2Tapi, bia'rlah pelataran Bait Allah te disebelah lua'r, nang nguku'rneh ker'no yo'k dah diberi'k nguso balo bangso; sido'k ko'k ngenija'k-nija'k kota Suci yo'k selamo 42 bulan.3Dah yo'k, Aku ko'k meri'k kuaso nguso duo saksiku tamai sido'k ko'k benubuat selamo 1260 ar'i ngau ngeno'k kain kab'o." 4Sido'k tu'k adolah 2 pun Zaitun tamai 2 kaki dian te bedir'i di adap Tuhan te mpu'k bumi. 5Anti'k ado ur'a te ingin mede'h sido'k, api kelua'r r'e mulut sido'k tamai ngangus balo musuh sido'k. Anti'k siapo jak te ko'k mede'h sido'k, neh dibunuh ngau car'o upo yo'k.6Keduoneh mpu'k kuaso ngau nutup langit bia'r ujan ndo turu'n pado ar'i-ar'i nubuat sido'k; tamai mpu'k kuaso ke aik ngau ngubahneh jadi dara'h tamai melasah bumi ngau setiap malapetaka, sepisit te di ko'k sido'k. 7Watu sido'k dah nyelesai kesaksian sido'k, binata te muncul r'e enta jur'a maut ko'k beper'a ngelawan sido'k, ser'to munuh sido'k.8Dah yo'k mayat keduoneh teleta'k di jalai koya besai, te secar'o tano disebut Sodom tamai Mesir, tempat Tuhan kito di salib. 9R'e semuo bangso, suku, bahaso, tamai kaum manyat keduoneh selamo 3,5 ar'i tamai ndo nyuru'h mayat yo'k dikubu'r.10Te nugau dibumi ko'k bersukacito ngau sido'k tamai gago; sido'k ngirim hadiah siku'k ke te lain ker'no keduo nabi tu'k nyikso sido'k te nugau di bumi.11 Tapi 3,5 ar'i, roh kehidupan r'e Allah tamo'k enta keduo mayat yo'k, sido'k bedir'i di dara't kaki sido'k sampai te mera'ti sido'k jadi takut. 12Lalu, sido'k menei'n suaro te nyare'n r'e surga ngumong nguso sido'k, "Naiklah kitu'k!" Sido'k pun naik ke surga enta awan, disaksi uli'h balo musuh sido'k.13Pado watu yo'k, tejadilah gempa bumi te dahsyat sampai sepersepuluh kota yo'k ru'buh; tujuh ri'bu ur'a mati ker'no gempa bumi yo'k, te ndo mati jadi takut, lalu ngemulia ke Allah te di surga. 14Bencano te keduo dah lalu; pantau bencano te ketigo ko'k seger'o datai.15Lalu, malaikat te ketujuh niup tru'mpetneh, te penei'nlah ingan nyari'n di surga te madah, "Pemerintahan dunio dah jadi pemerintahan Tuhan kito tamai Neh Te Diurapi Neh, Neh te meri'ntah samapai selamo-lamonya."16Dah yo'k, duo puluh empat balo tuo te dudu'k di takhto sido'k, di adap Allah, besujud tamai nyemah Allah, 17samel madah, "Kami besyuku'ur ngau Nuan, ya Tuhan, Allah Te Mahakuaso, Te Ado tamai Te Dah Ado, ker'no Nuan dah ngamik kuaso Nuan te besai dah yo'k mulai meri'ntah18Balo bangso dah ri'ngat, tapi murka Nuan dah datai, tamai watuneh dah tibo bagi balo ur'a mati ngau diadil tamai meri'k upah balo hamba Nuan, balo nabi tamai balo ur'a kudus te takut ke namo Nuan, te renyai tamai te besai, dah yo'k ngau ngacu'r balo pengancu'r bumi!"Dah yo'k, tebuko'klah Bait Allah di surga dah yo'k tepantau Tabut Perjjanjian Allah enta Bait Neh, kelua'rlah kilat tamai ingan guntu'r dah yo'k gempa bumi tamai ujan es te lebat.
Chapter 12

1Dah yo'k, tampa'k suti'k tano te besai di langit; seur'a betino'k bepakaian matoar'i tamai bulan di baro'h kakineh dah yo'k mahkota r'e duo belas binta di kepaloneh. 2Betino'k yo'k lagi'k ngan'o enta pemedih neh ko'k berana'k, neh beteria'k pedih.3Tampa'klah suti'k tano lain di langit: siku'k nago besai bewarna mira'h te mpu'k tujuh kepalo tamai sepuluh tanu'k ser'to tujuh mahkota di kepaloneh. 4Iko'r nago yo'k nare'k sepertigo binta di langit dah yo'k nikamneh ke bumi. Nago yo'k bedir'i di muo betino'k te ko'k bera'na'k yo'k bia'r watu betino'k yo'k dah bera'na'k, neh tau'k nelan Anakneh.5Betino'k yo'k bera'na'k seur'a Anak laki-laki, te meri'ntah balo bangso ngau tungka't besi; tapi Anak yo'k di re'but dah yo'k dibai nguso Allah tamai di adap takhto Neh. 6Betino'k yo'k belar'i ke belayan belantar'o, penugau te dah di sedio Allah ke neh bia't din neh dipeliar'o selamo seribu duo ratus enam puluh ar'i.7Dah yo'k, tejadilah per'a di surga, Mikhael tamai balo malaikatneh beper'a ngelawan nago yo'k. Nago yo'k beper'a besamo malaikatneh, 8tapi sido'k cukup kuat sampai ndo isi'k agi'k tempat sido'k di surga. 9Nago besai yo'k dibuai kebar'oh, si ula'r tuo te di sebut Iblis atau Sitan, te nyesat seluru'h dunio, neh dibuai kebumi, dah yo'k balo malaikatneh dibuai kebaro'h besamoneh.10Aku menei'n ingan te nyari'n di surga madah, "Pitu'k, dah datai keselamatan, kuaso, tamai kerajaan kito, ser'to kuaso Kristus Neh ker'no si penuduh balo menyana'k kito, te nuduh sido'k di muo Allah sia tamai malam, dah di buai ke baro'h.11Sido'k ngalahneh ngau dara'h Anak Domba, tamai ngau pemadah kesaksian sido'k; ker'no sido'k ndo nyayang nyawo sido'k, bahkan watu ngadap kemati. 12Ker'no yo'k, gago em, hai surga tamai semuo te nugau didalamneh! tapi, celakolah bumi tamai laut ker'no Iblis dah turu'n nguso kita'k enta amara'hneh te besai ker'no neh ketau'k kalauu watu te dimpu'kneh singkat."13Watu yo'k mantau kalau neh dah di buai ke bumi, neh nganiayo betino'k te berana'k ke Anak laki-laki tadi. 14Tapi, betino'k yo'k di beri'k duo sayap bur'o rajowali te besai bia'r neh tau'k ter'ba ke belayan belantar'o, penugau neh, dini neh dipeliar'o selamo satu maso, duo maso tamai setengah maso jauh r'e si ular.15Ular yo'k nyemu'r aik te upo sungai nguso betino'k yo'k, ngau nganyut betino'k yo'k. 16Tapi, bumi nulo betino'k yo'k; bumi muko'k mulutneh tamai nelan aik te disemu'r nago yo'k. 17Jadi nago yo'k ringat bena'r ke betino'k yo'k, lalu angkat ngau mer'a balo anak te lain r'e betino'k yo'k. Nyo'k balo ur'a te meliar'o balo peri'ntah Allah tamai bepegai ke kesaksian Yesus. 18Nago yo'k bedir'i di tebin laut.
Chapter 13

1Dah yo'k, aku mantau siku'k binata buas kelua'r r'e dalam laut, mpu'k sepuluh tanu'k tamai tujuh kepalo. Setiap tanu'kneh bisi'k suti'k mahkota dah yo'k di setiap kepaloneh ditulis balo namo hinaan. 2Binata buas te aku pantau yo'k miri'p ngau macan tutul, kakineh upo kaki beru'a, tamai mulutneh upo mulut singo. Nago yo'k meri'k binata buas yo'k kekuat, takhto, tamai kuaso te besai.3Aku mantau suti'k r'e balo kepaloneh upo keno'k luko'k te tau'k nyuru'h mati, tapi luko'k yo'k jadi semu'h. Seluru'h dunio kagum tamai muntut binata buas yo'k. 4Dah yo'k, sido'k nyemah nago yo'k ker'no dah meri'k kekuatneh nguso binata buas yo'k; tamai sido'k nyemah binata buas yo'k samel madah, " Sapokah te upo binata buas tu'k tamai sapokah te tau'k beper'a ngelawan neh?"5Dah yo'k, ngusoneh diberi'k suti'k mulut ngumong te sum'o tamai ngeujat, kusao te ngelakuneh selamo 42 bulan. 6Neh muko'k mulut ngujat ngelawan Allah, ngau ngujat namo Neh, tamai kemah Neh, dah yo'k tamai sido'k te nugau di surga.7Neh disuru'h go'k mer'a balo ur'a kudus tamai ngalah ke sido'k; nguso neh diberi'k kuaso di dara't semuo suku, kaum, bahaso, tamai bangso. 8Semuo te nugau dibumi ko'k nyemah neh, yo'k setiap ur'a te namoneh ndo tetulis sejak dunia dipulah enta kitab kehidupan mpu'k Anak Domba, te dah disemeli'h.9Setiap ur'a te bepenei'n baekneh menei'n tu'k: 10"Apobilo seseur'a ditentu sebagai tawanan, neh jadi tawanan; apobilo seseur'a munuh ngau pe'da, ngau pe'da neh aru's dibunuh." Yo'klwh ketekun tamai iman balo ur'a kudus.11Lalu, aku mantau siku'k binata buas lain kelua'r r'e enta bumi; binata yo'k mpu'k duo tanu'k upo anak domba, tapi neh ngumong upo siku'k nago. 12Neh ngenyalai semuo kuaso binata buas te petamo di muoneh, tamai mulah bumi dah yo'k sido'k te nugau didalamneh nyemah binata buas petamo, te luko'k para'h dah disemuh.13Neh mulah balo tano ajaib te besai, sampai nuru'n ke api r'e langit ke bumi, di muo balo ur'a. 14Neh nyesat ke balo ur'a te nugau di bumi ngau balo tano ajaib te diizin ke neh ngau dipulah di muo binata buas te petamo. Neh madah nguso sido'k te nugau di bumi ngau mulah pat'o binata buas te petamo, te luko'k ule'h pe'da, tapi tetap idup.15Neh di izin ngau meri'k penyuan nguso pat'o binata buas yo'k sampai pat'o binata yo'k tau'k ngumong tamai nyebab ke balo ur'a te ndo nyemah pat'o yo'k dibunuh. 16Neh nyebab semuo ur'a re'nyai atau besai, kayo atau miskin, budak atau merdeka, diberi;k suti;k tano di lengan kanan atau didahineh, 17bia'r ndo isi'k seur'a pun tau'k meli atau nyual kecuali neh te mpu'k tano yo'k, nyo'k namo binata buas atau it'ongan namoneh.18Pekar'o tu'k mer'lu hikmat. Bia'r ur'a te bijaksana ngit'o angko binata buas yo'k ker'no angko yo'k adolah angko seur'a mensio; angko yo'k enam ratus enam puluh enam.
Chapter 14

1Dah yo'k, aku mantau Anan'k Domba bedir'i di Bukit Sion, tamai besamo Neh ado 144 ribu ur'a, te mpu'k namo Apai Neh di dahi sido'k. 2Aku menei'n ingan r'e surga upo gemuru'h aik te bangat tamai upo ingan guntu'r te nyarie'n, tapi ingan te aku penei'n yo'k upo ingan balo pemain kecapi te agi'k main kecapi sido'k.3Sido'k ngenyanyi suti'k nyanyi bar'u di adap takhto tamai di muo semuo jelu, ser'to di muo balo tuo. Ndo seur'a pun tau'k melaja'r nyanyi to'k selain te seratus empat ribu ur'a te dah di tebus r'e bumi. Sido'k adolah balo ur'a te ndo ngenajis ke diri'k ngau balo betino'k ker'no sido'k pejaka. 4Sido'k adolah balo ur'a te nuru't Anak Domba kini neh angkat. Sido'k dah di tebus r'e antar'o mensio sebagai buah te petamo ngau Allah tamai Anak Domba. 5Ndo isi'k dusta enta mulut sido'k; sid'k ndo besalah.6Aku mantau malaikat lain ter'ba di tengah -tengah langit, ngema'i Injil kekal ngau diber'ito nguso sido'k te nugau di bumi tamai nguso semuo bangso, suku, bahaso, kaum dah yo'k 7neh ngumong ngau ingan nyare'n, "Tkutlah ke Allah tamai beri'k kemuliaan nguso Neh ker'no watu penghakiman Neh dah datai; sembahlah Neh te mulah langit, bumi, laut, tamai semuo matoar'i."8Lalu, malaikat te lain, te keduo, nyusul tamai ngumong, "Ru'buh, Babel te besai yo'k dah ru'buh ker'no neh dah mulah semuo bangso minum angu'r nafsu seksual te bejat."9Malaikat lain, te ketigo, nyusul malaikat keduo seapan nyo'k, tamai ngumong ngai ingan nyare'n, "Anti'k sapo te nyemah binata yo'k tamai pat'oneh, dah yo'k nerimo'k suti'k tano di dahi atau dilenganneh 10ur'a yo'k ko'k minum angu'r murka Allah, te di tua ngau penguat penuh ke dalam cawan murka Neh, dah yo'k neh ko'k di siso ngau api tamai belerang di adap balo malaikat kudus ser'to di adap Anak Domba.11Asap sisoan sido'k nae'k selamo-lamonya. Sido'k ndo isi'k watu ngau betego'k, bae'k sia atau malam, nyo'k sido'k te nyemah binati yo'k atau sapo pun te neri'mok tanonyo'k." 12Yo'klah ketekun balo ur'a te meliar'o peri'ntah Allah tamai iman di enta Yesus.13Lalu, aku menei'n ingan r'e surga madah, "Tulislah tu'k: Mulai pitu'k, diberkatilah ur'a mati, te mati enta Tuhan." Roh madah, " Bena'r, bia'r sido'k tau'k betego'k r'e jeri'h lelah sido'k ker'no balo pempulah ngemuntut sido'k."14Aku mantau awan putih di dara't awan yo'k se ur'a duduk upo Anak Mensio, ngeno'k ke mahkota emas di kepalo Neh tamai ari't te tajam di jar'i Neh. 15Lalu malaikat lain kelua'r r'e Bait Allah, dah yo'k beser'u ngau ingan nyare'n nguso Neh te dudu'k di dara't awan, " Ayunlah ari't Nuan tamai ketaulah ker'no watu ngau ngetau dah datai te dikaetau di bumi pun datai mansa'k." 16Dah yo'k, Neh te dudu'k didara't awan ngayun ke ari'y Neh kr dara't bumi, bumi pun di ketau.17Dah yo'k, malaikat lain kelua'r r'e Bait Allah te di surga, neh mpu'k go'k ari't te tajam. 18Malaikat lain, te bekuaso dara't api, kelua'r r'e altar. Neh beser'u ngau ingan nyare'n nguso malaikat ye megai ari't tajam yo'k, "Ayunlah ari't nuan te tajam yo'k dah yo'k tuk'o kumpul balo buah angu'r r'e pun angu'r di bumi."19Jadi, malaikat yo'k ngayun ari't ke bumi tamai ngumpul buah angu'r r'e pun angu'r di bumi dah yo'k muai ke enta batu kilangan besai murka Allah. 20Pemerasan buah angu'r yo'k dipulah dilua'r kota, tamai dara'h kelua'r r'r pemeras angu'r yo'k kir'o-kir'o setingi'k kekang kuda.
Chapter 15

1Aku mantau tano lain di langit, te besai tamai ajaib, tujuh malaikat te ngemai tujuh bencano, nyo'k te pengabis, ker'no enta ketujuh bencano yo'klah murka Allah diabis.2Aku mantau upo laut kaco becampu'r api tamai tamai sido'k te dah ngalah ke binata yo'k, pat'oneh, tamai angko namoneh, bedir'i di tepi lautan kaco yo'k samil megai kecapi Allah.3Sido'k ngelagu ke nyanyi Musa, hamba Allah, tamai nyanyi Anak Domba: "Besai tamai ajaib semuo ker'jo Nuan, ya Tuhan, Allah Te Mahakuaso. Adil tamai bena'r semuo jalai Nuan, ya Rajo segalo bangso. 4Sapokah te ndo takut ke Nuan, Ya Tuhan tamai ndo ngemulia ke namo Nuan? Sebab, cumo Nuanlah te kudus. Semuo bangso ko'k nyemah di adap Nuan ker'no keadilan Nuan dah dinyat'o."5Setelah semuo pekar'o tu'k, aku mantau Bait Allah, kemah kesaksian Allah di surga, tebuko'k. 6Tujuh malaikat te ngema'i tujuh bencano yo'k kelua'r r'e Bait Allah, bepakaian lenan putih tamai bekilau, ngau selempang emas di dado sido'k.7Siku'k r'e keempat jelu meri'k nguso ketujuh malaikat yo'k tujuh cawan emas, penuh murka Allah, te idup sampai selamo-lamonya. 8Bait Allah dipenuh uli'h asap kemuliaan Allah tamai r'e kuaso Neh; ndo seur'a pun tau'k tamok Bait Allah se apan tujuh bencano r'e tujuh malaikat yo'k abis.
Chapter 16

1Lalu, aku menei'n suti'k ingan te nyare'n r'e Bait Allah madah nguso ketujuh malaikat, "Angkatlah dah yo'k tumpahlah ketujuh cawan murka Allah yo'k ke bumi."2Malaikat petamo angkat tamai numpah cawan neh ke bumi, jadi muncullah bisul te nyuru'h jiji'k tamai mede'h ke balo ur'a te ngau tano binata yo'k tamai te nyemah pat'oneh.3Malaikat keduo numpah cawan neh kelaut, jadi laut beru'bah jadi dara'h, upo dara'h ur'a mati; tamai semuo te idup dalam laut pun mati.4Malaikat ketigo numpah cawan neh ke balo sungai tamai matoaik, semuo nyo'k jadi dara'h. 5Lalu, aku menei'n malaikat te bekuaso dara't aik madah," Nuan adil, ya te Suci, te ado tamai te dah ado ker'no Nuan te menghakimi semuo tu'k. 6Sebab, sido'k dah numpah dara'h umat Nuan te kudus tamai dara'h balo nabi Nuan, tapi Nuan meri'k sido'k dara'h ngau di minum. Sido'k pantas neri'mokneh." 7dah yo'k, aku menei'n altar madah, "Ya Tuhan, Allah Te mahakuaso, bena'r tamai adillah pengahakiman Nuan."8Malaikat keempat numpah cawan neh ke dara't matoar'i, jadi matoar'i diberi'k kuaso ngangus ke mensio ngau api. 9Mensio angus ule'h angat te lua'r biaso, tapi sido'k ngujat namo Allah te mpu'k kuaso dara't semuo rencano tu'k. sido'k ndo ko'k betubat tamai memuliakan Allah.10Malaikat kelimo numpah cawan neh ke dara't takhto binata yo'k, jadi kerajaan neh jadi gelap; sido'k ngigit dilah sido'k ker'no pede'h, 11tamai ngujat Allah te disurga ker'no ra'so pede'h tamai balo bisul sido'k; tapi sido'k ndo betubat r'e balo pempulah sido'k.12Malaikat keenam numpah cawan neh ke sungai besai, sungai Efrat, jadi aikneh keri'n ngau mempesiap jalai ngau balo rajo r'e timur. 13Lalu, aku mantau r'e mulut nago, r'e mulut binata yo'k tamai r'e mulut nabi palsu kelua'r tigo roh najis tepantau upo kata'k, 14ker'no sido'k adolah balo roh nado bae'k, te mulah balo tano ajaib, te angkat nguso balo rajo di bumi ngau ngumpul ke sido'k ngadap per'a beasi, nyo'k ar'i Allah, Te Mahakuaso.15("Pantaulah! Aku datai upo pencur'i. Diberkatilah ur'a te tetap tejago tamai meliar'o pakaian neh sampai neh ndo ko'k bejalai telanya tamai balo ur'a te ndo ko'k mantau kemaluanneh.") 16Dah yo'k, balo roh te jai yo'k ngumpul sido'k di tempat, te bahaso Ibrani disebut Harmagedon.17Malaikat ketujuh numpah cawan neh ke udar'a, jadi te penei'nlah ingan te nyare'n r'e dalam Bait Allah, r'e takhto yo'k madah,"dah selesai." 18Dah yo'k tepantau kilat te menyama'r-nyama'r, ingan tamai gemuru'h guntu'r, tamai gempa bumi te hebat, upo te pan suah tejadi watu mensio didara't bumi, dasyat bena'r gempa yo'k. 19Kota besai yo'k tebelah jadi tigo bagian, tamai balo kota, balo bangso rubu'h; Babel te besai yo'k ndo dilupo Allah ngau diberi'k ngusoneh cawan angu'r murka Neh te meluap-luap.20Setiap pulau lenyap tamai balo gunung ndo ditemu. 21Ujan es te besai, kir'o-kir'o sebera't 1 talenta, jatu'k r'e langit nimpo'k mensio; tapi mensio ngujat Allah ker'no bencano ujan es yo'k. Sebab, bencano yo'k nyuru'h ngeri'k.
Chapter 17

1Siku'k r'e tujuh malaikat te megai cawan yo'k nyema'k tamai ngumong ke aku, jiku'kneh, "Kitu'klah aku ko'k nunyo'k ke nuan hukuman ngau pelacu'r besai yo'k, te dudu'k di dara't bangat aik, 2te tamaineh balo rajo dibumi bezina dah yo'k sido'k te nugau di bumi dah mabo'k uli'h angu'r perzinaan neh."3Malaikat yo'k ngema'i aku enta Roh belayan belantara, aku mantau seur'a betino'k dudu'k didara't siku'k binata bewarna merah te penuh ngau balo namo hujat, te mpu'k tujuh kepalo tamai sepuluh tanu'k. 4Betino'k yo'k ngau pakaian warna ungu tamai merah te beri'as emas, balo batu permata, dah yo'k mutiar'a. Neh megai suti'k cawan emas te penuh bgau kekejian, tamai kenajisan perzinaanneh. 5Didahi neh, te tulis suti'k namo re'sio; "BABEL TE BESAI, INAI BALO PELACU'R TAMAI SEGALO KEKEJIAN DI BUMI."6Aku mantau betino'k yo'k mabu'k uli'h dara'h balo ur'a kudus tamai uli'h dara'h balo saksi Yesus. Watu aku mantauneh, aku ngera'so ira'n. 7Lalu maliakt madah aku, "Ngapo nuan ira'n? Aku ko'k madah nuan re'sio betino'k yo'k tamai re'sio binata te dinae'kneh, te bekepalo tujuh tamai te betanu'k sepuluh yo'k.8Binata te nuan pantau yo'k suah bisi'k, tapi pitu'k dah ndo isi'k, dah yo'k segr'o kelua'r r'e jur'a maut nuju kebinasaan. Sido'k te nugau di bumi, te namoneh ndo dicatat enta kitab kehidupan seja'k dunio dipulah, ira'n watu mantau binta yo'k te suah bisi'k, tapi pitu'k dah ndo isi'k, yo'k ko'k muncul agi'k.9Pekar'o tu'k mer'lu akal tamai hikmat. Tujuh kepalo yo'k adolah tujuh gunung te didara'tneh betino'k yo'k dudu'k. 10Tujuh kepalo yo'k go'k adolah tujuh rajo, limo diantar'oneh dah jatu'k, siku'k rajo'agi'k bisi'k, tamai siku'k rajo lagi'k pan datai, tapi watu neh datai, neh aru's nugau sekejab jak.11Binata te subo'k dah bisi'k, tapi pitu'k ndo bisi'k agi'k yo'k, adolah rajo kelapan tapi neh ndo temasu'k enta tujuh rajo tadi'k, neh nuju kebinasaan.12Kesepuluh tanu'k te nuan pantau adolah sepuluh rajo te pan ner'imo'k peri'ntah, tapi sido'k neri'mo'k kuaso sebagai rajo selamo sejam besamo binata yo'k. 13Sido'k mpu'k tujuan te samo, sido'k meri'k kuaso tamai wewenang sido'k nguso binata yo'k. 14Sido'k ko'k beper'a ngelawan Anak Domba, tapi Anak Diomba ko'k ngalah ke sido'k ker'no Neh adolah Tuhan dara't segalo tuhan tamai Rajo di dara't semuo rajo dah yo'k sido'k te besamo Neh adolah te dikuma'i, dipilih, tamai te seto."15Dah yo'k, malaikat yo'k ngumong ke aku, "Aik te nuan pantau, te didara'tneh pelacu'r yo'k dudu'k, adolah masyarakat, ur,a bangat, bangso, tamai bahaso.16Kesepuluh tanu'k te nuan pantau tamai binata yo'k ko'k benci'k ke pelacu'r. Sido'k ko'k mulahneh telanta'r tamai talanya, ser'to ngelahap dagi'n neh dah yo'k nunu neh ngau api. 17Sebab, Allah dah naru'h pekar'o yo'k enta ati sido'k ngau nyapai tujuan Neh, setuju meri'k kekuaso sido'k nguso binata yo'k sampai firman Allah digenapi.18Betino'k te nuan pantau yo'k adolah kota besai te meri'ntah balo rajo di bumi."
Chapter 18

1seudah semuo tu'k, aku mantau malaikat lain turu'n r'e surga, te mpu'k kuaso besai, dah yo'k bumi ter'a uli'h kemuliaanneh. 2Neh beser'u ngau suar'o nyare'n, jiku'kneh, "Ru'buh! dah ru'buh Babel te besai yo'k! Neh dah jadi penugau balo sitan tamai penyar'o ngau setiap roh najis, sar'a ngau jenis bur'o te najis dah yo'k te dibenci'k. 3Sebab, semuo bangso dah mabu'k angu'r nafsu zinaneh, balo rajo dibumi dah bezina ngau neh, dah yo'k balo pedaga dibumi jadi kayo uli'h hawa nafsuneh te besai."4Lalu, aku menei'n ingan lain r'e surga madah, "Hai umat Ku, kelua'rlah r'e neh bia'r kita'k ndo telibat enta dosaneh tamai neri'mo'k bencano te ko'k nimpo'kneh. 5Sebab, balo dosaneh dah betumpu'k sampai ke langit tamai Allah dah ngingat balo penyalahneh. 6Pulah kota yo'k samo upo te dah neh pulah, balas ke neh duo kali'k lipat ke balo pempulahneh, tamai cawan te neh guno ngau nyampu'r, campu'rlah duo kali'k lipat.7Sebangat neh dah memuliakan tamai meri'k kemewah ngau diri'k neh kediri'k, beri'klah penyiso tamai kesedih nguso neh sebangat yo'k. Sebab, neh madah enta ati, 'Aku dudu'k upo seur'a ratu, aku bukanlah jano dah yo'k ndo suah mantau te sedih.' 8Uli'h ker'no yo'k, se ar'i jak balo bencano datai nguso neh, balo kemati, kesedi'h, kelapa'r. Neh di tunu ngau api ker'no Tuhan Allah te ngakim neh yo'k bekuaso."9Balo rajo di bumi, te dah bezina tamai idup enta te mewah besamoneh, nangis tamai ngera'tap watu sido'k mantau asap aoi penununyo'k, 10bedir'i jauh-jauh ker'no takut tera'dap sikso neh, tamai nangis, "Celako! Celakolah, kota te besai, Babel, kota te kuat yo'k! Sebab, sejam jak penghakiman nuan dah datai!"11Balo pedaga di bumi nangis tamai besedih ngau kota yo'k ker'no ndo isi'k seur'a pun te meli daga sido'k, 12balo emas, pira'k, permato, mitiar'a, kain lenan te alus, kain ungu, kain sutr'a, kain kirmizi, bemacam bar'a r'e kayu te wangi bauneh, balo bar'a te dipulah r'e gading, r'e kayu te mahal, r'e temago, besi, porselin, 13kayu manis, balo re'mpah, te wangi, mu'r, kemenyan, angu,r, binyak, tep'o alus, genoum, lembu sapi, domba, kuda, kendara'an, ulun, sampai nyawo mensio.14Sido'k ngumong pitu'k, "Buah te dikingin jiwo nuan dah ayap r'e nuan, semuo te mewah tamai te bae'k dah ayap go'k r'e nuan, dah yo'k ndo tau'k ditemu agi'k."15Balo pedaga, balo bar'a tu'k te jadi kayo ker'no kota yo'k, bedir'i jauh-jauh ker'no takut tera'dap penyiso te ra'so kota to'k, samil nangis ta mai beduko. 16Sido'k madah, "Celako! Celakolah kota besai yo'k, te bepakaian linan ualus; te ngau kain ungu, kain karmizi, beri'as emas, balo batu per'mato, tamai mutiar'o! 17Sebab, sejam jak, semuo kekayo yo'k dah musnah!" Semuo nakhoda, penumpa, awak kapal, tamai semuo ur'a te ngigo'k pemakai r'e laut bedir'i jauh-jauh,18sido'k beser'u watu mantau asap penunu kota yo'k, "kota ni upo kota besai yo'k?" 19Sido'k nabu'r debu ke kepalo sido'k dah yo'k beser'u samil nangis tamai beduko, jiku'kneh, "Celako! Celakolah kota te besai to'k, r'e to'k semuo te mpu'k kapal di laut jadi kayo uli'h kelimpahneh! Sebab, dalam sejam jak, kota yo'k dah dipulah jadi sunyi'k!" 20Besukocitolah dara't neh, hai surga, hai balo ur'a kudus, balo ra'sul tamai balo nabi! Ker'no Allah dah nyatu'k ke hukuman ngau kota yo'k ngau kita'k.21Lalu, siku'k malaikat te kuat ngangkat suti'k batu te pemesai upo batu kilangan dah yo'k dibuai ke laut ser'to madah, "Upo tu'klah Babel, kota besai to'k, ko'k di jatu'k tamai ndo tau'k di temu agi'k.22 Ingan balo pemain kecapi, peniup sulein, peniup tru'mpet, tamai alat musik te lain ndo te penei'n agi'k enta kita'k. Ndo isi'k pengra'jin, te tau'k mulah kera'jinan, te ditemu enta kita'k. Ingan pengili'n ndo te penei'n agi'k enta kita'k.23Cahayo lampu ndo besina'r agi'k enta kita'k. Ingan pengantin balo laki tamai pengantin betino'k ndo te penei'n agi'k enta kita'k, ker'no balo pedaga kita'k adolah balo pemesai di bumi. Sebab, semuo bangso dah disesat uli'h sihir nuan. 24Enta kota yo'k di temu dara'h balo nabi, balo ur'a kudus, tamai dara'h semuo ur'a te dah dibunuh di bumi."
Chapter 19

1Dah yo'k, aku menei'n ingan te nyare'n upo keru'mun ur'a besai di surga, "Haleluya! Keselamatan, Kemuliaan, tamai kekuaso adolah mpu'k Allah kito 2ker'no penghakiman Neh bena'r tamai adil; Ker'no Neh dah ngadil pelacu'r besai yo'k, te ngeru'sak bumi ngau kebejatanneh, tamai dah malas dara'h balo hamba Neh nguso pelacu'r yo'k."3Sido'k madah ke duo kalineh, "Haleluya! Asap pelacu'r yo'k dah nae'k selamo-selamonya." 4Lalu, keduo puluh empat jelu yo'k sujud tamai nyemah Allah, te dudu'k di dara't takhto, lalu ngumong, "Amin! Haleluya!"5Dah yo'k te penei'n ingan r'e takhto, "Pujilah Allah kito, hai kita'k semuo te ngelayan Neh, baek ta renyai maupun te besai, te ngeho'rmat Neh!"6Lalu, aku menei'n ingan upo sekumpul ur'a bangat, upo ingan aik bah, tamai upo ingan guntu'r te hebat, madah, "Haleluya! Sebab, Tuhan Allah kito Te Mahakuaso memeri'ntah.7Boh kito besukocito tamai besura'k sur'a'i meri'k kemuliaan nguso Neh ker'no ar'i pekawinan Anak Domba dah datai,8 ngusoneh dah diberi'k kain lenan alus te ber'sih tamai cer'mer'la, ngau diguno ker'no kain lenan yo'k adolah pempulah bena'r te dipulah balo ur'a kudus."9Malaikat yo'k madah ke aku, "Tulislah tu'k: 'Diber'katilah ur'a te diundang ke jamuan perkawinan Anak Domba!" Dah yo'k, neh madah aku agi'k, "Tu'k adolah balo pemadah te bena'r r'e Allah," 10Lalu, aku sujud di kaki malaikat yo'k ngau nyemah neh. Tapi, neh madah ke aku, "Nang mulah yo'k ker'no aku go'k hamba upo nuan tamai balo menyanak nuan te bepegai ke kesaksian Yesus. Semahlah Allah ker'no kesaksian Yesus adolah roh nubuat."11Dah yo'k aku mantau surga tebuko'k, tamai muncullah siku'k kuda putih; Neh te dudu'k di dara'tnyo'k benamo Setio tamai Bena'r dah yo'k Kebenar'an Neh ngakim tamai beper'a. 12Mato Neh upo nyalo api, di kepalo Neh bisi'k bangat mahkota, Neh mpu'k namo te ditulis, te ndo diketau'k seur'a pun, kecuali diri'k Neh kediri'k. 13Neh ngau jubah te dah dicelup ke dalam dara'h, dah yo'k namo Neh adolah Firman Allah.14Seluru'h pasukan te bisi'k di surga tamai ngemuntut Neh ngaununga kuda putih tamai bepakaian kain lenan alus te puti ber'sih. 15R'e mulut Neh, kelua'r suti'k peda tajam te diguno ngau melasah balo bangso. Neh ko'k meri'ntah dara't sido'k ngau tungkat besi. Neh mera'h angu'r enta batu kilangan, te adolah murka Allah Te Mahakuaso. 16Dijubah tamai po'k Neh tetulis namo tu'k: RA'JO SEGALO RA'JO TAMAI TUAN ATAS SEGALO TUAN.17Dah yo'k, aku mantau seur'a malaikat bedir'i enta matoar'i. Neh beser'u nhau ingan nyare'n nguso semuo bur'o te ter'ba di langit, "Boh, bekumpullah ngau tamai enta pejamuan makai besai Allah, 18bia'r kita'k tau'k makai dagi'n balo ra'jo, dagi'n balo panglima, dagi'n balo ur'a kuat, dagi'n balo kuda tamai sido'k te dudu'k didara'tneh, dagi'n semuo ur'a, bae'k ur'a besai maupun ur'a merdeka, ur'a re'nyai maupun ur'a besai."19Lalu, aku mantau binta yo'k tamai balo ra'jo di bumi ser'to pasukan sido'k bekumpul ngau bepr'a ngelawan Neh te dudu'k di dara't kuda putih yo'k tamai ngelawan pasukan Neh. 20Jadi. binata yo'k di tangkap, besamo nabi palsu te dah mulah balo tano ajaib di adap binata yo'k, te ngau neh nyesat sido'k te neri'mo'k tano binata yo'k tamai sido'k te nyemah pat'oneh. Sido'k semuo dibuai idup-idup enta lautan api te menyalo-nyalo uli'h beler'a.21Siso'kneh dibunuh ngau peda te kelua'r r'e mulut Neh te dudu'k di dara't kuda putih yo'k tamai semuo bur'o kenyang makai dagi'n sido'k.
Chapter 20

1Dah yo'k, aku mantau malaikat turu'n r'e surga, ngemai kunci jur'a maut tamai suti'k ra'ntai besai dijar'ineh. 2Neh nangkap nago yo'k, si Ula'r Tuo, yo'k adolah Sitan tamai Iblis, dah yo'k ngikatneh selamo seri'bu taun, 3muaineh enta jur'a maut, nutup tamai nyegel bia'r ndo nyesat ke balo bangso agi'k, sampai abis seri'bu taun. Abis yo'k, neh di lepas ngau sementar'o.4Lalu, aku mantau balo takhto tamai di dara'tneh dudu'k balo ur'a te diberi'k kuaso ngau menghakimi. Aku mantau jiwo balo ur'a te dipengal kepaloneh ker'no kesaksian Yesus tamai firman Allah, sido'k te ndo nyemah bianta tamai pat'o yo'k dah yo'k te ndo neri'mo'k tano binata yo'k di kenin atau di jar'i sido'k. Sido'k idup agi'k dah yo'k memri'ntah besamo Kristus selamo seri'bu taun.5Tapi, balo ur'a mati te lain ndo idup agi'k seapan maso seri'bu taun yo'k abis. Tu'klah kebangkitan petamo. 6Diberkati tamai kuduslah bako ur'a te bule'h enta kebangkitan petamo yo'k. Tera'dap balo ur'a tu'k, kematian keduo ndo bekuaso, tapi sido'k jadi balo imam Allah tamai Kristus, dah yo'k memeri'ntah besamo Neh selamo seri'bu taun.7Seudah maso seribu taun abis, Iblis dilepas r'e penjar'oneh. 8Neh ankat ngau nyesat balo bangso ke empat penyur'u bumi, God tamai Magod, dah yo'k ngumpul sido'k ngau beper'a. Pemangat sido'k upo pasi'r di laut.9Sido'k nae'k ke datara'n bumi tamai ngep'o perkemaham balo ur'a kudus dah yo'k kota te dikase'h. Namun, api turu'n r'e langit ngangus ke sido'k. 10Lalu, sitan te dah nyesat sido'k di buai enta lautan api tamai belerang, din binata tamai nabi palsu yo'k go'k dibuai. Sido'k disikso sia malam selamo-lamonya.11Setelah yo'k, aku mantau takhto putih te besai tamai Neh dudu'k didara'tneh, te r'e hadapan Neh bumi tamai langit lenyap dah yo'k ndo ditemu agi'k penugau ngau sido'k. 12Aku mantau balo ur'a mati, besai tamai re'nyai, bedir'i di muo takhto yo'k. Lalu, dibuko'klah balo kitab dah yo'k suti'k kitab te lain, nyo'k kitab kehidupan, balo ur'a mati yo'k di akim bedasa'rkan apo te ditulis enta balo kitab yo'k, sesuai pempulah sido'k.13Laut nyera'h ke balo ur'a mati entaneh, maut tamai Hades nyera'h go'k balo ur'a mati te bisi'k entneh tamai ngakim ke sido'k,masing-masing nuru't pempulahneh. 14Lalu maut tamai Hades dibuai enta lautan api. Tu'klah kematian te keduo--lautan api. 15Apobilo seseur'a namoneh ndo ditulis enta Kitab kehidupan, neh dibuai enta lautan api yo'k.
Chapter 21

1Dah yo'k aku mantau langit te bar'u tamai bumi te bar'u. Sebab, langit te petamo tamai bumi te petamo dah ayap; laut pun ndo isi'k agi'k. 2Lalu, aku mantau kota ye kudus, Yerusalem bar'u, turu'n r'e langit, r'e Allah, dah di siap macam pengatin betino'k bedanan ngau lakineh.3Aku menei'n ingan te nyare'n r'e takhto madah, "pantaulah, kemah Allah ado di tengah-tengah mensio. Neh nugau di antar'o sido'k, dah yo'k sido'k jadi umat Neh. Allah kediri'k ado diantar'o sido'k dah yo'k jadi Allah sido'k. 4Neh te ngapus setiap aik mato r'e mato sido'k tamai maut ndo isi'k agi'k, ndo isi'k agi'k perkabungan, tangisan, atau ra'so pede'h ker'no te lamah dah belalu."5Neh te dudu'k di takhto yo'k madah, "Pantaulah, Aku ngenyadi ke semuoneh bar'u!" Jiku'k Neh agi'k, "Tulislah tu'k ker'no balo pemadah tu'k dipecayok tamai bena'r." 6Dah yo'k, Neh madah ke aku, "Dah selesai! Aku adolah Alfa tamai Omega, Te Awal tamai Te Pengabis. Aku ko'k meri'k minum nguso setiap ur'a te aus r'e mato aik kehidupan secar'o cumo-cumo.7Neh te menang ngewari's semuo tu'k; Aku jadi Allah neh tamai neh ko'k jadi anak Ku. 8Tapi, sido'k te takut, ndo pecayo'k, te keji; pemunuh, balo ur'a sundal, tuka sihir, balo penyemah behala, tamai semuo pendusta buli'h pemagi enta lautan te menyalo-nyalo uli'h api tamai belerang. Tu'klah kematian keduo."9Dah yo'k, siku'k r'e tujuh malaikat te megai tujuh cawan te penuh ngau bencano pengabis yo'k datai tamai madah ke aku,"Boh, aku ko'k nunyu'k ke nuan penganti betino'k, bini Anak Domba yo'k." 10Lalu, neh ngemai aku enta Roh nuju ke suti'k gunung te sangat besai tamai tingi'k, ser'to nunyu'k ke aku kota suci yo'k, Yerusalem, te turu'n r'e langit, r'e Allah,11penuh ngau kemuliaan Allah tamai cahayoneh upo per'mato te sangat mahal, upo per'mato yaspis, jer'nih upo kri'stal. 12Kota yo'k mpu'k timo'k te besai tamai tingi'k ngau duo belas pintu ger'ba. Di balo pintu ger'ba yo'k ado duo belas malaikat dah yo'k balo namo te tulis di dara'tneh, nyo'k namo keduo belas suku Israel. 13Ado tigo pintu ger'ba di sebelah timu'r, tigo pintu ger'ba di sebelah utar'a, tigo pintu ger'ba di sebelah selatan, tamai tigo pintu ger'ba disebelah bara't.14Timo'k kota yo'k mpu'k duo belas batu fondasi dah yo'k di dara't batu fondasi yo'k te tulis namo duo belas ra'sul Anak Domba. 15Malaikat te ngumong ke aku yo'k megai suti;k tungkat penguku'r te dipulah r'e emas ngau nguku'r kota yo'k, balo pintu ger'ba tamai timo'kneh.16Kota yo'k bebentu'k segi empat, panyaineh samo ngau pemesai. Neh nguku'r kota yo'k ngau tungkat, duo belas ri'bu stadia; panyai, pemesai, tamai tingi'kneh samo. 17Lalu, neh nguku'r timo'k kota yo'k, sera'tus empat puluh empat hasta, menuru't uku'ran mensio, te upo uku'r malaikat go'k.18Timo'k kota yo'k di pulah r'e per'mato yaspis tamai kota yo'k di pulah r'e emas mur'ni, sebening kaco. 19Fondasi timo'k kota yo'k tedir'i r'e semuo jenis per'mato te mahal. Batu fondasi te petamo adolah batu yaspis, 20te kelimo batu unam.21Keduo belas pintu ger'ba yo'k adolah duo belas mutar'o, masing-masing pintu ger'ba yo'k dipulah r'e suti'k mutiar'o. Jalai kota yo'k di pulah r'e emas mur'ni, sebening kaco. 22Aku ndo isi'k mantau Bait Allah enta kota yo'k ker'no Tuhan, Allah te Mahakuaso, tamai Anak Domba kediri'klah Bait Allah kota yo'k.23Kota yo'k ndo mer'lu matoar'i atau bulan ngau ner'aneh ker'no kemuliaan Allah ner'a ke kota yo'k tamai Anak Domba adolah lampuneh. 24Balo bangso ko'k bejalai enta cahayo kota yo'k tamai balo rajo di bumi ngemai kemuliaan sido'k entaneh. 25Balo pintu ger'ba ndo suah di tutup watu sia ar'i, din ndo isi'k malam ar'i.26Sido'k ngemai kemuliaan tamai hormat balo bangso enta kota yo'k. 27Tapi, ndo suti'k pun te najis tamo'k enta kota yo'k,balo ur'a te mulah hal keji atau te bulo'k, ngelain cumo te namoneh tetulis enta Kitab Kehidupan Anak Domba.
Chapter 22

1Dah yo'k, malaikat nuju'j ke aku alo'r aik kehidupan, te jer'nih upo kristal, ngali'r r'e takhto Allah tamai Anak Domba di 2tengah-tengah jalai kota yo'k. Di keduo sisi alu'r aik, tumuh pun keidupan te ngasil duo jenis buah te ngasil buah tiap bulan. Balo daun pun yo'k di guno ngau nyemuh balo bangso.3Ndo isi'k lagi'k kuto'k, tapi takhto Allah tamai Anak Domba ado enta kota yo'k. Balo hamba Neh ko'k nyemah Neh. 4Sido'k mantau muo Neh tamai namo Neh ditulis di keni'n sido'k. 5Malam ndo isi'k agi'k kebo'k sido'k ndo mer'lu cahayo tamai matoar'i ker'no Tuhan Allah ner'a ke sido'k, dah yo'k sido'k meri'ntah selamo-lamonya.6Malaikat yo'k madah aku, "Semuo pemadah tu'k tau'k dipecayo'k tamai bena'r. Tuhan, Allah r'e roh balo nabi, nyuru'h malaikat Neh ngau nunyu'k nguso balo hamba Neh apo te haru's segr'o tejadi. 7Penei'n, Aku segr'o datai! Diber'katilah ur'a te taat balo pemadah nubuat kitab tu'k."8Aku, Yohanes, te dah menei'n tamai mantau semuo tu'k. Watu aku menei'n tamai mantau semuoneh, aku besujud semah di kaki malaikat te dah nunyu'k semuo yo'k ke aku. 9Tapi, neh madah aku, "Yo'k nang dipulah! Aku adolah hamba samo upo nuan tamai balo menyanak nuan, balo nabi, ser'to upo sido'k te taat balo pemadah enta kitab tu'k. Semahlah Allah!"10Dah yo'k malaikat madah aku, "Nang ngemetra'i balo pemadah nubuat enta kitab tu'k ker'no watu dah sema'k." 11Bia'r ur'a te pempulah ja'i tetap mulah te ja'i, ur'a te ndo suci tetap ndo suci, ur'a te mulah pempulah bena'r tetap mulah te bena'r, tamai ur'a te kudus tetap ngudus kediri'kneh."12"Penei'n, Aku segr'o datai! Tamai, Aku ngemaik uapah Aku, ngau malas setiap ur'a nuru't pempulahneh. 13Aku adolah Alfa tamai Omega, Te petamo tamai Te pengabis, Te Awal tamai Te Penudi.14Diberkatilah sido'k te nyuci jubah sido'k sampai sido'k mpu'k pun kehidupan yo'k tamai tamo'k ke kota yo'k ngelalu balo pintu ger'baneh. 15Te di lua'r kota yo'k adolah balo asu'k, ur'a te mulah sihir, balo ur'a te kanyi, balo pemunuh, balo penyemah behala, tamai balo ur'a te nyan ngemulo'k.16Aku, Yesus, dah nyuru'h malaikat Aku ngau besaksi nguso kita'k tenta semuo tu'k ke balo jemaat. Akulahtunas tamai keturu'n Daud, Sang Binta Timu'r te begener'a."17Roh tamai pengantin betino'k yo'k madah, "Boh!" Bia'rlah ur'a te menei'n tu'k madah, "Boh!" Bia'rlah ur'a te aus datai; bia'rlah ur'a te ngami'k aik kehidupan secar'o cumo-cumo."18Aku besaksi nguso semuo ur'a te menei'n pemadah nubuat kitab tu'k: "Anti'k te bisi'k te namah sesuatu ke balo pemadah tu'k, Allah ko'k namah ke neh semuo bencano te ditulis enta kitab tu'k. 19Tamai, anti'k ado te ngur'a sesuatu r'e balo pemadah enta kitab nubuat tu'k, Allah ko'k ngami'k pemagi neh r'e pun kehidupan, r'e kota kudus, tamai r'e balo utan te ditulis enta kitab tu'k."20Neh te besaksi tenta balo pekar'o tu'k madah, "Auk, Aku segr'o datai." Amin! Datailah, Tuhan Yesus! 21Anugra'h Tuhan Yesus nyer'to kita'k semuo. Amin.