¹Ishitabu sha lukholo lwa Yesu Kristo umwana wa Daudi, mwana wa Ibrahimu. ²Uibrahimu akhandi wihe wa Isaka, nu Isaka wihe wa Yakobo, nu Yakobo wihe wa Yuda na vakholo lwakwe. ³Uyuda akhandi uwihe wa Peresi nu Sera kwa Tamari, Uperesi wihe wa Hezeroni, nu Hezeroni wihe wa Ramu.⁴Uramu akhandi wihe wa Aminadabu, Aminadabu uwihe wa Nashoni, nu Nashoni wihe wa Salimoni. ⁵Usalimoni akhandi wihe wa Boazi kwa Rahabu, Uboazi wihe wa Obedi kwa Ruth, Uobedi wihe wa Yese, ⁶Uyese akhandi wihe wa mfalme Daudi. Udaudi akhandi uwihe wa Sulemani kwa mdala wa Uria.⁷Usulemani akhandi wihe wa Rehoboamu, Rehoboamu uwihe wa Abiya, Uabiya wihe wa Asa. ⁸Uasa akhandi wihe wa Yehoshafati, Uyehoshafati wihe wa Yoramu, nu Yoramu wihe wa Uzia.⁹Uuzia akhandi wihe wa Yothamu, Uyothamu wihe wa Ahazi, Uahazi wihe wa Hezekia. ¹⁰Uhezekia akhandi wihe wa Manase, Umanase wihe wa Amoni nu Amoni wihe wa Yosia. ¹¹Uyosia akhandi wihe wa Yekonia na valumbu vakwe luhavi lwa kutolwa kiluta ku Babeli.¹²Na baada ya kutolwa kiluta Kubabeli, Uyekonia akhandi wihe wa Shatieli, Ushetaeli akhandi bwana wakwe nu Zerubabeli. ¹³Uzerubabeli akhandi wihe wa Abiudi, Uabiudi baba wa Eliakimu, nu Eliakimu wihe wa Azori. ¹⁴Uazori akhandi wihe wa Zadoki, uzadoki wihe wa Akimu, nu akimu wihe wa Eliudi.¹⁵Ueliudi akhandi wihe wa Eliezi, Ueliezi wihe wa Matani nu Matani wihe wa Yakobo. ¹⁶Uyakobo akhandi wihe wa Yusufu umugosi wa Mariamu, mwini kwa mwene Uyesu wasawagwa, mwini ishemelwa Kristo. ¹⁷Ifisasi fyona tangu Uibrahimu mpakha Daudi fikhandi fisasi kumi na nne, kihuma Daudi hadi kitolwa kiluta Kubabeli fisasi kumi na nne na kihuma kitolwa kiluta Kubabeli mpakha Kristo visasi kumi na nne.¹⁸Kisawa kwa Yesu Kristo kukhandi kwa namna iyi. Umama wakwe, Mariamu, wabanywagwa nu Yusufu, lakini khabula vasinatangane, wawonekhaga kiva nu lwanda kwa uweso wa Roho Mtakatifu. ¹⁹Umugosi wakwe Uyusufu, akhandi umunu mwenye haki asikhasakwile kumpela insoni pavalafu. Walamulaga kiyimisa uwuchumba wakwe nu mwene kwa siri²⁰Pini akhandi ihivilila kihusu amambo aga, Umalaika wa Mtwa wampolelaga mumaloto, nakija,''Yusufu mwana wa Daudi, usikhatilaga kumtola Umariamu ngaja mdala wakho, kwa kiva ulwanda luni analo na kwa uwesa wa Roho Mtakatifu. ²¹Akhaifungula umwana mdimi na ukhamushemela ilitawa lyakwe Yesu, kwa kiva akhavakulusa avanu vakwe nu unansi wanave.''²²Aga gona gatokelaga kutimisa shila shini shalogolwagwa nu Mtwa kwa nsila ya mkuva malago, nakija, ²³Lelela, ubikira akhapata ulwanda na kisava umwana mdimi, na vakhamushemela ilitawa lyakwe imanueli''-imaana yakwe,''Unguluvi papamo nose.''²⁴Uyusufu wadamulaga kihuma mu tulo na kisenga ngaja umalaika wa Mtwa shina wamujovelaga na wamtolaga ngaja mdala wakwe. ²⁵Hata ndeno asikhagonile nawo mpakha pini waifungulaga umwana mdimi na wamushemelaga litawa lyakwe Yesu.

¹Baada ya Yesu kisawa ku Bethelehemu ya Uyahudi ku nsiku sa mfalme Herode, avanu vini vayimbile kihuma kunena vafikhaga ku Yerusalemu vija, ²''Ali kwi mwini wasawa Umutwa wa Vayahudi? Tayagaga inondwe yakwe kunena nayuse tayinsa kimwabudu'' ³Pini Umutwa uherode pini wapulikhaga aga wasugumilwagwa, ni yerusalemu yona papamo naye.⁴Uherode wawakunganiyaga avakhome na makuhani wona na vaandishi va vanu, nayumwene wawaposa,''Ukristo akhasawa kwi?'' ⁵Vamujovela, ''Ku Bethelehemu ya Uyahudi, kwa kiva ndeni ndo shini yayandinkhwagwa nu mkuva malago, ⁶Newe Bethelehemu, ku nyii ya Yuda, si mnang'ana miongoni mwa fiongos va Yuda, kwa kiva kihuma kunyankho akhayinsa umutavala mwini akhavadima avanu vangu Israeli.''⁷Ino Uherode wavashemelaga avasomi kwa kiifiha na kivaposa ni mda mushi hasa inondwe yikhandi yiwoneshe. ⁸Wavafilikhaga Kubethelehemu, nakija, ''Luti kwa kiilelela mumusakule umwana mwini wasawa. Pini ambimkimwaga, niletelaji ihabari ili kija na yune niwese kiyinsa na kimwabudu.''⁹Baada ya kiva vamupulikha umtwa, vayendelelaga ni safwari yanave, ni nondwe yila yini yikhandi kunene yavalongolaga mpakha pini yayimaga pashanya pa mahala umwana mwini asawilwe piniakwali. ¹⁰Pini vayagaga inondwe, vashendevaga kwa ushendefu mkhome mandu.¹¹Vayinjilaga mukhati na kumwaga umwana mwini asawilwe nu Mariamu u nyina wakwe. Vamusujudilaga na kimwabudu, Vadindulaga ihazina sanave na kimuhumisa isawadi sa sahabu, uwuvumba, ni manemane. ¹²Unguluvi wawakhanyansaga mumaloto vasikhatinaga kwa Herode, ino vawukhaa kitina munyii yanave kwa nsila yinji.¹³Baada ya kiva vawukha, umalaika wa Mtwa wampolelaga Uyusufu mumaloto na kija,''Yima mtola umwana nu nyina na msijile ku Misri. Sigali uko mpakha pini nikhavajovela, kwa kiva Uherode ikimsakula umwana ili amubude. ¹⁴Ishilo isho Uyusufu wadamulaga na kimutola umwana nu nyina na kisijila ku Misri. ¹⁵Wakhalaga huko hadi Uherode pini wafwisaga. Iyi yatimisaga shila shini Umtwa walogolaga kishilila umukuvamalago,''Kihuma Kumisri namushemela umwanangu.''¹⁶Ino, Uherode pini wawonaga wasetukhwa na vanu vini vayimbile, wakhalalaga sana. Walajisaga kibudwa kwa vana wona va shigosi vini vali Kubethelehemu na wona mu enewo lila vini vakhandi nu umri wa makha gavili na pansi ya hapo kilingana nuluhavi lwini akhandi asibitisise khabisa kihuma kwa vala avanu vini vayimbile.¹⁷Bahene pini lyatimisiwagwa lila iliswi linilalogolwagwa kwa mulomo gwa mkuvamalago Uyeremia, '' ¹⁸Isauti yapulisikhaga Kuramah, ikholo na maomboleso makhome, Uraheli wawakholelaga avanakwe, na wakhanaga kusisimisiwa, kwa kiva vakusina khanji.''¹⁹Uherode pini wafwisaga, lelela umalaika wa Mtwa wampolelaga Uyusufu mumaloto huko Kumisri na kija, ²⁰''Yima mtola umwanakho nu nyina, na mulute ku nyii ya Israeli kwa kiva vini vakhandi visakula uuhai wa mwanishe vafwa.'' ²¹Uyusufu wayimaga, wamutola umwana bahamo nu nyina, na vayinsa kunyii ya Israeli.²²Lakini pini wapulikhaga kija Uarikelau akhandi itavala ku Yuda amahala pa wihe wakwe Uherode, watilaga kiluta uko. Baada ya Nguluvi kumukhanyansa kumaloto, wawukhaga kiluta umkoa gwa Galilaya ²³na wataga kikhala ku mji gwini gushemelwa Nazareti. Ili lyatimisaga shila shina shikhandi shilogwelwe kwa nsila ya vakuvamalago, kija akhashemelwa Mnazaleti.

¹Ku nsiku nsila Uyohana Mbatisaji wayinsaga ihubiri ku nyikha ya Yuda ija, ²''Lambisili kwa kiva uufalme wa kushanya ulikholela.'' ³Kwa kiva uyu ndiyo walogolwagwa nu mkuvamalago Uisaya ija,''isauti ya munu mwini ishemela kihuma ku jangwa;' vishi tayari insila ya Mtwa, golosi insila sakwe.''''⁴Ino Uyohana wafwalaga amagala ga ngamia na mkhanda gwa nkwembe mushigudi shakwe. Ishakilya shakwe shikhandi nzige nu wushi wa kumahakha. ⁵Bahebe Iyelusalemu, ni Yuda yona, ni eneo lyona linilipilima umukhoga gwa Yoridani valuta kunyakwe. ⁶Vakhandi vibatiswa nu mwene mu mukhoga gwa Yoridani kuno vilambisila isambi sanave.⁷Lakini pini wavagaga vinji va mafarisayo na masadukayo viva kunyakwe kubatisiwa, wavajovelaga, ''Omwe usawo wa njokha wina wuna sumu yunani mwini wawakhanyansaga kuisiga igasabu yini yiyinsa? ⁸Savi amatunda gini gikiipasa itoba. ⁹Na msikhahivana na kijovelana mu miongoni mwenyu, 'Tinaye Uibrahimu ngaja wihesu wesu.'Kwa kiva nikivajovela Unguluvi iwesa kumuyinulila Uibrahimu avanishe hata kihuma mu mang'anga aga.¹⁰Tayari inemo yavikhwa mulinsina lya mapishi. Kwa hiyo shila mpishi gwini gusisava amatunda manofu lidumulwa na kitajilwa mu moto. ¹¹Nikivabatisa kwa malenga kwa ajila ya toba. Lakini umwene mwini iyinsa baada yangu yu mkhome kuliko one na yune nisifwaya hata kisumula indatu sakwe. Umwene akhavabatisa kwa Roho Mtakhatifu na kwa moto. ¹²Na ilipetelo lyakwe lili muliwokho lyakwe kiyosa khabisa uuwanda wakwe na kiikunganiya ingano yako mu shihenje. Lakini akhaganyanya amapelelo kwa moto gwini gusiwesa kisimikha.¹³Bahene Uyesu wayinsaga kihuma Kugalilaya mpakha kumukhoga Yoridani kubatiswa nu Yohana. ¹⁴Lakini Uyohana wasakulaga kumusivila ija,''One nisakula kubatiswa na yuwe, nimenye wuyinsa kunyangu?'' ¹⁵Uyesu wajibu na kija, ''Yitikha yive isalisi, kwa kiva ndiyo yikitipasa kitimisa ihaki yona.''Bahene Uyohana wamuyitikhaga.¹⁶Baada ya kiva wabatiswa, mara Uyesu wapolaga mumalenga, na lelela, Imbingu sadindukha kunyakwe. Na wamwagaga Uroho wa Nguluvi iyikha kwa mfano wa njiva na kitulila pashanya yakwe. ¹⁷Lelela isauti yahumaga kushanya yija,'' Uyu yu mwanangu mugani. Yini nipendesewa sana nu mwene.''

¹Banene Uyesu walongoswagwa nu Roho mpakha kumbuga ili ajesewe nu ibilisi. ²Pini akhandi funjile kwa nsiku arobaini paminsi na pashilo wapataga injala. ³Umujesaji wayinsaga na wamujovelaga,'' Nda owe uli Mwana wa Nguluvi, hamulisa amang'anga aga gavi makhate. ⁴''Lakini Uyesu wamjibugu na kumujovela,''Yiyandishwe, 'Umunu asingakhala kwa mkhate gwene duguli, bali kwa shila liswi linilihuma mumulomo gwa Nguluvi.'''⁵Bahene uibilisi wamutwalaga ku mji umutalkhatifu na kumvikha amahala pashanya palijengo lya hekalu, ⁶na kumujovela,''nda owe uli Mwana wa Nguluvi, yitosa pansi, kwa kiva yyandishwe,'Akhaamuru avamalaikha vakwe vayinse kumudakha,'na,'vakhakuyinula kwa mokho ganave, ili usikhakuvalaga iligulu lyakho muling'anga.''⁷Uyesu wamujovelaga,''Kena yiyandishwe,'Usikhamujesaga Umtwa Unguluvi wakho.''' ⁸Bahene, uibilisi wamutolaga na kumutwala isehemu ya pashanya saidi wamuwoensaga ifalme sona sa wulimwengu ni fahari ya iso sona. ⁹Wamjovelaga,''Nikhakupela ifinu fyona ifi nda unigondamile na kuniabudu.''¹⁰Bahene Uyesu wamjovelaga,''Luta ukho wukha panu, Shetani! Kwa kiva yiyandishwe,'Yikikupasa kumwabudu Umtwa Unguluvi wakho, na umutumishile umwene duguli.''' ¹¹Bahene uibilisi wamulekhaga, na lolela avamalaikha vayinsaga vamutumishila.¹²Ino Uyesu pini wapulikhaga kija Uyohana akhatilwe, wawukhaga mpakha Kugalilaya. ¹³Wawukhaga Kunazareti wataga na kikhala Kukaperanaumu, yini yikwali kumbalamo ni Bahari ya Galilaya, mumipakha mwa majimbo ga Zabuloni ni Naftali.¹⁴Iyi yapolelaga kutimisa shila shini shalogolwagwa nu mkuvamalago Uisaya, ¹⁵''Ku mji wa Zabuloni nu mji wa Naftali, kuyeleshela Kubahari, mwambwa ya Yorodani, Igalilaya ya vamataifa! ¹⁶Avanu vini vakhele mu nshisi vawajile uung'ali mkhome, na vala vini vakhandi vakhele ku maeneo gammepo gwa mauti, pashanya yanave uuvalafu wavavalasisa.''¹⁷Kihuma uluhavi ulo Uyesu wayansaga kihubiri na kijova, ''Tubuji, kwa kiva uutwa wa kushanya ulikholela.''¹⁸Pini akhandi ijenda kumwambwa ya Bahari ya galilaya, wavagaga vanyalukholo vavili, Usimoni mwini akhandi ishemelwa Petro, nu Andrea umame, vitega uwafu mu bahari, kwa kiva vakhandi valovaji va swii. ¹⁹Uyesu wamujovelaga,''Yinsi mnifwate, nikhavafanya kiva valovaji va vanu.'' ²⁰Mara moja vasilekhaga inyafu na kimfwata.²¹Nu Yesu pini akhandi iyendelela kihuma hapo wavagaga vanyalukholo vavili avamonga, Uyakobo mwana wa Zebedayo, nu Yohana umame. Vakhandi mshipugo papamo nu Zebedayo uwihe nawo vihona inyafu sanave. Wawashemelaga, ²²na bahene valekhaga ishipugo nu wihe nawo vamufwataga.²³Uyesu walutaga kholela Igalilaya yona, ifundisa Mumasinagogi ganave, ihubiri imola ya utwa, na iponya shila aina ya malasi na matamu miongoni mwa vanu. ²⁴Ihabari sakwe sayenelaga Isiria yona, na vanu vavaletaga kunyakwe vala wona vini vakhandi vitamwa, viva na malasi mbalimbali na maumifu, vini vakhandi na mapepo, na vene shifafa na vene vapoosise. Uyesu wawaponyaga. ²⁵Uumati mkhome wa vanu wamufwataga kihuma Kugalilaya, ni Dekapoli, ni Yerusalemu ni Uyahudi na kihuma mwambwa ya Yoridani.

¹Uyesu pini wawagaga uumati, wawukhaga na kiluta Kushidunda. Pini akhandi akhele pansi, avanafunzi vakwe vayinsaga kunyakwe. ²Wagubutulaga umlomo gwakwe na kivafundisa, kija, ³''Heri vini vapina va numbula maana uutwa wa kushanya wanave. ⁴Heri vini vasugumilwe maana vakhafarijiwa.⁵Heri vina vapole, maana vakhahara inyii. ⁶Heri vini vana njala ni khau ya haki, maana hao vakhakutisiwa. ⁷Heri venye rehema maana hao vakhapata Irehema. ⁸Heri venye numbula nofu maana awo vakhamwaga Unguluvi.⁹Heri avapatanishi kwa kiva awo vakhashemelwa vana va Nguluvi. ¹⁰Heri vala vini vilavisiwa kwa ajili ya haki, maana uutwa wa kushanya wanave.¹¹Heri omwe vina avanu vakhavaliga na kivalafya, au kilogola shila aina ya uvi juu yenyu kwa wudehi kwa ajili yangu. ¹²Shendevi na kishangilila, maana ithawabu yenyu yili khome kushanya. Kwa kiva ndeni ndo shina avanu vavalafya avakuvamalago vini vakhalaga kabla yenyu.¹³Omwe mli mjunyo gwa nyii. Lakini nda umonyo gwayasa uunono wakwe, ingawesa wuli kufanyikha umonyo halisi khanji? Ino yisiwesa kiva nofu kwa shinu shoshona khanji, ila ni kutagwa kunja na kikhanywa na magulu ga vanu. ¹⁴Omwe muli lung'ali lwa ulimwengu. Ikhaya yini yisenjilwe pashanya ya shidunda yisifihikha.¹⁵Wala avanu vasivesa itala sanave na kivikha pansi ya shikhapu ila pa shinara, na yiyene yikavamulikha wona vini vali mukhati ya khaya. ¹⁶Leshi inuru yenyu ying'ale mbele sa vanu kwa namna yini yija, vagaje amatendo genyu amanofu na kumtukusa Uwihenyu mwini alikushanya.¹⁷Msikhahivaga nayinsa kuinanga isheria wala vakuvamalago. Nisayinsa kinanga lakini kutimisa. ¹⁸Kwa kweli niki vajovela kija mpakha imbingu ninyii sona sishile kusina yodi yimo wala nukta yimo ya sheria yikhawusiwa mu sheria mpakha apo shila shinu pini shikhava tayari shaimiswa.¹⁹Ino yeyona mwini idenya iamri inang'ana mojawapo ya amri isi na kivafundisa avanji kisenga ndeno akhashemelwa mnang'ana ku utwa wa pashanya. Lakini yeyona mwini akisikhata na kisifundisa akhashemelwa mkhome ku utwa wa pashanya. ²⁰Kwa kiva nikivajovela ihaki yenyu nda yisishila ihaki ya vaandishi na Mafarisayo, kwa fyofyona fila msikhayinjila mu utwa wa pashanya.²¹Mwapulikha yalogolwagwa pakhala kija, ''usikhabudaga'' na 'yeyona mwini ibuda ali ku hatari ya uhigo.' ²²Lakini nikivajovela yeyona mwini ikimkhalalila ukhololwakwe akhala ku hatari ya uhigo. Na yyona mwini ikimjovela ukhololwakwe, 'Owe uli munu mwini usifwaya!' akhava kuhatari ya balaza. Na yeyona mwini ijova,'Owe myasu!' akhava ku hatari ya moto gwa jehanamu.²³Ino nda wuhumya isadakha yakho ku madhabahu na wukumbukha kija ukholo lwako ana lujowo lolona kihusu owe, ²⁴yilekha isadakha pamwandi ya madhabahu, bahene khata insila yakho. Lutaupatane tangusina nu kholo lwakho, na bahene uyinse kihumya isadakha yakho.²⁵Patata numushitakhi wakho nyangu, pini wiva naye mnsila kiluta kumahakama, kumwisho imusitakha wakho angawesa kukulekha mumokho ga mhiji, nu muhiji akuleshe mumokho ga msulukhali, newe usitajwe mu gelesa. ²⁶Yamini nikivajovela, shiluta asikhavikhwa huru hadi pini akhahomba isenti yakwe ya mwisho ya hela yini idaiwa.²⁷Mwapulikha yalogolwa kija,' Usikhasinigi.' ²⁸Lakini nikivajovela yini ikimulelela umudala na kumudobokha tayari wasini naye munumbula yakwe.²⁹Na nda iliho lyakho lya kulia likikusababisisha kukuvala, likula na ulitaje kutali nowe. Kwa kiva nafuu ishiungo shimo mu mvili gwakho shinanjishe kuliko mvili gona kutangwa kujehanamu. ³⁰Na nda iliwokho lyakho lya shigosi wukikusababisha kukuvala, lidumula na bahene ulivishe kutali nowe. Maana nafuu ishiungo shimo mu mvili gwakho shinanjishe kuliko mvili gona kutagwa kujehanamu.³¹Yilogwelwe khanji, yeyona mwini akimdaga umudala wakwe, na amupele ihati ya talakha.' ³²Lakini one nikivajovela, yeyona mwini akimulekha umudala wakwe, isipokuva kwa kiva zinaa, akimfanya kiva mshemi. Na yeyona mwini akimutola baada la kupelwa italakha ifanya uushemi.³³Khanji, mwapulikha yalogolwa kwa vala vapakhala, 'Msikhalapaga kwa udehi, ila twali ifiapo fyenyu kwa Mtwa.' ³⁴Lakini nikivajovela, msikhaapaga hata kidogo, ama kwa mbingu, kwa kiva yi enzi ya Nguluvi; ³⁵wala kwa nyii, maana ni mahala pa kuvikha ishitengo sha kukhanyila insayo sakwe, ama kwa Yerusalemu, maana ni mji gwa mtwa mkhome.³⁶Wala usikhaapaga kwa mtwe gwakho, maana usiwesa kifanya uuyele wumo kiva mvalafu au mtitu. ³⁷Ila injowo senyu sive,'Ndiyo, ndiyo, Hapana, hapana.' Kwa kiva gini gisidi ago gihuma kwa yula umwofu.³⁸Mpulishe yilogwelwe kija,' Iiho kwa liho, ni Lino kwa lino.' ³⁹Lakini one nikivajovela, Msikhashindanaga nu munu umwofu; lakini umunu nda akutove ilikhato lya kulia msetusisa na lilinji khanji.⁴⁰Na nda kuna yeyona mwini idobokha kiluta nowe kumahakhama na akikupokha umwenda gwakho, mleshela nalilijoho lyakwe khanji. ⁴¹Na yeyona mwini akikukhamilisa kiluta nawo imailia yimo, luta nawo imaili sivili. ⁴²Kwa yeyona mwini akikulomba mpela, na usikhamkwewukhaga yeyona mwini isakula kukukhopa.⁴³Mwapulikha yilogolwe, 'Mdodokha ujirani wakho, na usikhamukhalalilaga uadui wakho,' ⁴⁴Lakini nikivajovela, vadoboishi amaaduwi venyu, valombeli vini vakivakhalasa, ⁴⁵Ili kija muve vanishe va wihenyu mwini alikushanya. Kwa ifanya ilijuva livamulishile avavi navanofu. na akivatonyela inonya avavi navanofu.⁴⁷Nda mvadodoshe vini vakivadobokha omwe, mwipata ithawabu nshi? Kwani vini vidai uwushulu vasigaha ndeno? ⁴⁶Na nda mkivahunjila akhololwenyu tu mwipata nshi saidi ya vanji? Je!, avanu vamataifa vasigaha ndeno? ⁴⁸Kwa hiyo yikivapasa kiva vakhamilifu, ngaja Uwihenyu wa kushanya shina mkhamilifu

¹Fwata kuto kisenga amatendo ga haki kwa vanu ili kiiwonensa, kumwisho usikhapata ithawabu kihuma kwa Wihesu mwini alikushanya. ²Ino pini wuhumya usikhatovaga amatalumbeta na kiisufya yuwe ngaja avanafiki shini vigaha mu masinagogi na mumitaa, ili kija avanu vavasufye. Kweli nikivajovela tayari shi vaposhela ithawabu yanave.³Lakini owe pini wuhumya, iliwokho lyakho lya kushoto lisikhamanyaga shini shisengwa niliwokho lya kulia, ⁴ili kija isawadi yakho yihumisiwe kwa shifiho. Bahene Uwiho mwini iwona gini gaifihile akhakupela ithawabu yakho.⁵Na pini ukhava wulomba, usikhavesaga ngaja vanafiki, kwa kiva vidobokha na kiyima na kilomba mumasinagogi na mumbogonyo sa mumitaa, ili kija avanu vavalelele. Kweli nikivajovela, tayari shi vaposhela ithawabu yanave. ⁶Lakini owe, pini wulomba yinjila kumwandi. Dinda umulyango, na ulombe kwa Wiho wakho mwini ilelela gini gaifihile. Bahene Uwiho wakho mwini iwona gini gaifihile akhakupela ithawabu yakho. ⁷Na pini wiva wulomba, usikhawuyililaga wuyililaga amajowo gini gasina maana ngaja avamataifa shini vigaha, kwa kiva vihiva kija vasipulisiwe kwa malogolo minji gini vilogola⁸Kwa hiyo usikhavesaga ngaja awo, kwa kiva Uwiho iyelewa gini wusakula hata kabla usinalombe kunyakwe. ⁹Ino basi lomba ndeni: Wihesu mwini ulikushanya, ulitikuse ilitawa lyakho. ¹⁰Uutwa wakho uyinse, amapanzi gakho gasenjenji hapa panyii na huko kushanya.¹¹Utipele ineng'ana umukhate gwesu gwa shila lusiku. ¹²Utisamehe amakhole gesu, ngaja nese shene tikivasamehe vene tikivadayi. ¹³Na usikhatiletaga mumajalibu, lakini utukwewuse kihuma kwa yula umwofu.'¹⁴Nda mkhavasamehe avanu amakhosa ganave, Uwiho wakho mwini alikushanya khanji akhavasamehe omwe. ¹⁵Lakini nda msikhavasamehe amakhosa ganave, wala Uwihenyu asikhavasamehe amakhosa genyu.¹⁶Saidi ya gona, pini wiva ufunjile, usikhawonensaga uweni walusungu ngaja avanafiki shini vigaha, kwa kiva vigonja uweni wanave ili kija avanu vavaje vafunjile. Kweli nikikujovela, tayari sha vaposhela ithawabu yanave. ¹⁷Lakini owe, pini wufunga, pakha amafuta umtwe gwakho na yosa uweni wakho. ¹⁸Ndeno yisingakuwonensa kwa vanu kija ufunjile, lakini tu yiva kwa Wiho mwini akigaga gini gaifihile. Na Uwiho wakho mwini ilelela gini gaifihile, akhakupela ithawabu yakho.¹⁹Usikhaivishilaga ihakiba yakho yuwe pa dunia, pini inondo ni kutu sinanganga, pini avahiji videnya na kihija. ²⁰Bahene, yitunsinsa ihakiba yakho kushanya, pini wala inondo walam ikutu fisiwesa kinanganga, na pini avahiji vasiwesa kidenya wala kihija. ²¹Kwa kiva ihazina yakho pini yiva yikwali ndio pini inumbula yakho yikhava baho.²²Iliho ndio tala ya mvili. Ino, nda iliho lyakho lisima, umuvili gwakho gona gukhamemwa nuung'ali. ²³Lakini nda iliho lyakho libofu, umuvili gwakho gona gumemile inshisi. Ino, nda uung'ali wini wukwali mukhati yakho uli nshisa hasa, na inshisi khome wuli! ²⁴Kusina hata yumo mwini iwesa kuvatumishila avatwa vavili, kwa kiva akhamukhalalila yumo na kumudobokha uyunji, au la sivyo asiihumye kwa yumo na kumusala uyunji. Musiwesa kumtumishila Unguluvi ni mali.²⁵Kwa hiyo nikikujovela, usikhavesaga nu woga kihusu amakhalo gakho, kija ambi wilya nshi au ambi wing'wa nshi, au kihusu umuvili gwakho, ukhafala nshi. Wuli! Amakhalo sio zaidi ya shakilya na mvili zaidi ya mafasi? ²⁶Lelela inyuni sini silikushanya. Sisivyala na sisikungula na sisikunganiya na kivikha mushihenje, lakini uwihenyu wa kushanya ikasilisa isene. Wuli omwe msili vamaana saidi kuliko isene?²⁷Na yunani munyenyu kwa kiilafya angawesa kiiyenjelesesa ulusiku lumo ku usima wa makhalo gwakwe? ²⁸Na kwa shii mwiva nu wasiwasi kihusu amafasi? Hiva kihusu amaua mumagunda, shini gikula. Gasisenga insengo na gasiwesa kiifwasa. ²⁹Bado nikivajovela, hata Usulemani ku uwutukufu wakwe wona asikhafwasiwe ngaja mojawapo ya aga.³⁰Nda Unguluvi ikigafwasa amasole mumagunda, gini gikhala ulusiku lumo na pamulawu gitagwa mu moto, je kwa shiasi gani akhavafwasa omwe, omwe venye lihuvi linang'ana? ³¹Kwa hiyo msikhatilaga na kija,' Wuli tisilye nshi?' au '' Wuli tising'we nshi?'' au ''Wuli tisifwalwe amenda mashi?''³²Kwa kiva avamataifa visakula amambo aga, nu Uwihenyu wa kushanya iyelewa kija msakula ago. ³³Lakini tangusina sakuli uutwa wakwe ni haki yakwe na aga gona gakhakhabisiwa kunyakho. ³⁴Ino, usikhatilaga kwa ajili ya pamulawu, kwa kiva ulwapamulawu lukhaisenga lulwene. Shila lusiku lwikwilana kiva ni tatizo lyakwe lilyene.

¹Usikhahigaga, newe usikhayinsaga kihigwa. ²Kwa uhigo wini wihiga, newe ukhahigwa. Na kwa shipimo shina wupima newe khanji ukhapimilwa shisho.³Na kwanshi wulelela ishipande sha lipishi shini shili muliho lya kholo lwakho, lakini usiyelewa ishipande sha ligogo shini shili mkhati ya liho lyakho? ⁴Wuwesa wuli kija kwa kholo lwakho, lekha nikuwuse ishipande shini shili mukhati ya liho lyakho, na kuno ishipande shaligogo shili mukhati ya liho lyakho? ⁵Ulimudehi owe; tangusina wusa iligogo lini lilimukhati ya liho lyakho, na bahene ndio pini ambi wuwesa kilelela unofu na kishihumya ishipande sha lipishi shini shili muliho lya kholo lwakho.⁶Usikasipelaga imbwa shini shili shitakhatifu, na usikhasitosesaga ingubi ilulu mbele yanave. Bahene ambi vikifinanga na kufikhanya kwa magulu, na khanji ambi vikikusetushila owe na kukudumula fipande fipande⁷Lomba na yuwe usipelwe. Sakula na we usipate. Hodesa na yuwe usidindulilwe. ⁸Kwa yeyona mwini ilomba, iposhela. Na kwa yeyona mwini isakula, ipata. Na kwa munu mwini ihodesa, akhadindulilwa. ⁹Au kuna munu munyenyu mwini, umwanakwe wamulomba ishipande sha mukhate asimupele iling'anga? ¹⁰Au nda alombe iswi, na yu mwene asimpele injokha?¹¹Kwa hiyo nda omwe mwini mlivaofu mumenye kuvapela avana venyu isawadi nofu, Wuli ni shiasi shishi mandu Uwihenyu mwininyu mwini alikushanya akhavapela ifinu finofu vala vini vikimulomba umwene? ¹²Kwa sababu iyo, pini wusakulwa kusenjelwa ishinu shoshona na vanui vanji, newe khanji yisikubidi kuvasenjela shisho na vavene. kwa kiva iyo ni sheria na vakuvamalago.¹³Yinjili na kishilila iligeji ilinyehe. Kwa kiva iligeti lipana nayi nsila pana yiniyilongosa kuuhalibifu, na kuna vanu vinji vini vishila insila iyo. ¹⁴Iligeti lili lipenga, Iligeti lipenga ndio nsila yiniyilongosa mu usima na ni vadodo viniviwesa kuyaga.¹⁵Yikwewusa na vakuvamalago va udehi, vini viyinsa vafwalile inkwembe ya kholo, lakini kweli ni mbwa khali. ¹⁶Kwa matunda ganave mkhavayelewa. Wuli avanu vini viwesa kukungula amatunda mu minfa, au mumpishi ku mbeyu ya mbaluti? ¹⁷Kwa jinsi iyo, shila mupishi munofu gwisava amatunda manofu, lakini umupishi mvi gwisava amatunda mavi.¹⁸Umupishi munofu gusiwesa kisava amatunda amavi, wala umupishi umuvi gusiwesa kisava amatunda amanofu. ¹⁹Shila mpishi gwini gusisava amatunda amanofu gukhadumulwa na kitagwa mu moto. ²⁰Ino basi, ukhavamanya kihumana na matunda ganave.²¹Sio shila munu mwini akinijovela one, 'Mtwa, Mtwa,' akhayinjila mu utwa wa kushanya, ila yuyula daguli mwini isenga amapenzi ga wihesu wangu mwini alikushanya. ²²Avanu vinji vakhanijovela ulusiku ulo , 'Mtwa, Mtwa, tisikhahumise uwukuva malago kwa litawa lyakho, tisikhahumise amashetani kwa litawa lyakho, na kwa litawa lyakho tasengaga amatendo minji makhome?' ²³Bahene nikhavajovela pavalafu,'nisikhavamenye omwe! Wushi kunyangu!omwe vini msenga amaofu!'²⁴Ino, shila munu apulishe amalogolo gangu na kitii akhahanana nu munu mwenye hekima mwini asenjile inyumba yakwe pashanya ya mwamba. ²⁵Inonya yatonya,amafulikho gayinsa, na lipepo lyayinsa na waitova inyumba iyo, lakini yisikhawesise kigwa pansi, kwa kiva yikhandi yisenjilwe pashanya ya mwamba.²⁶Lakini shila munu mwini ipulikha iliswi lyangu na asikilitii, akhahwananisiwa nu munu muyasu mwini asenjile inyumba yakwe pashanya ya luhakha. ²⁷Inonya yayinsa na mafulikho gayinsa, na lipepo lyayinsa na kuitova inyumba iyo. Na yagwa, nu uwunangaji wakwe wakhamilikha.''²⁸Lwafikhaga uluhavi lwini Uyesu pini wamalaga kilogola amajowo aga, avamakutano vashangaswagwa na mafundiso gakwe, ²⁹kwa kiva wafundisaga ngaja munu mwenye mamulakha, na sio ngaja avaandishi vanave.

¹Luhavi ulo Uyesu pini wayikhaga kihuma kufidunda, uumati mkhome wamfwataga. ²Lelela, umkoma wayinsaga na kigondama pamwandi yakwe, wajova,''Mtwa, nda uli tayari, ungawesa kinifanya nive msafi''. ³Uyesu wagolosaga iliwokho lyakwe na kimupyasa, waja, ''Nili tayari. Uve msafi.''Baho baho wayoswagwa uukoma wakwe.⁴Uyesu wamjovela,''Lelela kija usikhalogolaga kwa munu yeyona. Khata insila yakho, na uyiwonense yuwe kwa kuhani na uhumye isawadi yina Umusa walajisaga, kwa ajili ya ushuhuda kunyanave''⁵Pini Uyesu wafikhaga Kukapernaumu,ujemedari wayinsaga kunyakwe wamuposa ⁶kija, ''Mtwa,umtumishi wangu agonile kukhaya apoosise na maumifu gakutisa.'' ⁷Uyesu wamjovela,''Nikhayinsa na kimponya''.⁸Ujemedari wajibu na kimujovela,''Mtwa,one sio wa maana hata uyinse na kuyinjila mukhati ya dari yangu, jova ulujowo nu mtumishi wangu asipone. ⁹Kwa kiva one khanji ni munu mwenye mamulakhaa,na ninavo avasulukhaji vini vali pansi yangu.MNda nijove kwa uyu ''Luta'na iluta, na kwa yunji 'Yinsa' na yumwene iyinsa, na kwa mtumishi wangu, 'Gaha ndeni,'na yumwene isenga ndeno'' ¹⁰Pini Uyesu wapulikhaga aga, washangalaga na kivajovela vala vini vakhandi vakimufwata,''Kweli nikivajovela, Nsinapate kumwaga umunu mwenye luhuvi ngaja ili Kuisraeli.¹¹Nikivajovela, vinji vakhayinsa kihuma kunena na kusikha, vakhakhala pa meza papamo nu Abrahimu,Uisaka, nu Yakobo, ku ufalme wa kushanya. ¹²Lakini avana va utwa vakhatagwa ku nshisi ya kunja, kukhava ni kholo na kihaula ameno.'' ¹³Uyesu wamjovela Ujemedari, ''Luta! Ngaja shini wayamini, na yisenjeshe kunyakho''. Nu mtumishi waponywagwa kulisala lilyo.¹⁴Pini Uyesu wafikhaga kunyumba ya Petro, wamwagaga umukho wakwe nu Petro agonile ali mutamu ni homa. ¹⁵Uyesu wamupyasaga iliwokho lyakwe, nayi homa yakwe yamuleshelaga. bahene wadamulaga wayansaga kumuhudumila.¹⁶Na pini yafikhaga ijioni, avanu vamuletelaga Uyesu vinji vini vakhetwe na mashetani.wagadagaga amashetani na vala vini vakhandi vatamu wawaponyaga. ¹⁷Kwa jinsi iyi gatimisiwagwa gini gakhandi galogwelwe nu mkuvamalago Uisaya,''Umwene yumwene watolaga amatamu gesu na wasumulaga amalasi gesu''¹⁸Bahene Uyesu pini walyagagailikusanyikho limupilime, wahumyaga amaelekeso ga kwiluta uupande wunji wa Bahari iya Galilaya. ¹⁹Bahene umwandishi wayinsaga kunyakwe na kimujovela,' ''Mwalimu,nisikufwate popona pini usilute.'' ²⁰Uyesu wamujovela, ''Imbweha sina malindi, ni nyuni sakushanya sina fiwanso, lakini umwana wa Adamu asina isehemu ya kigoniya umutwe gwakwe²¹Umwanafunzi yumonga wamujovela,''Mtwa nipera uruhusa tangusina nilute kumsila ubaba wangu.'' ²²Lakini Uyesu wamjovela,''Nifwata,na uvaleshe vini vafwile vavasile vina vafwile vanave.''²³Uyesu pini wajinjilaga mushipugo, avanafunzi vakwe vamufwataga mushipugo. ²⁴Lelela, yayinukha isoluba khome pasha nya ya bahari, shiasi kwamba ishipugo shagubikhwagwa na mawimbi. Lakini Uyesu akhandi agonile. ²⁵Avanafunzi vayinsaga kunyakwe na kimudamusa vija, ''Mtwa, tikulasa ose, tiluta kifwa!''²⁶Uyesu wavajovelaga,''kwanshi mtila, omwe vina mna lihuvi linang'ana?'' Bahene wadamulaga na kulidalishila ilipepo ni bahari. Bahene kwavesaga nuutulifu mkhome, ²⁷avagosi vakhatwagwa nulushangalo vajova, ''Uyu umunu wa namna nshi, kija hata amashetani ga mubahari gikimupulisa umwene?''²⁸Pini Uyesu akhandi ayinsile ulubali lunji lwa nytii ya Magadala, avagosi vavili vini vakhetwe na mashetani vatanganaga nawo. Vakhandi vahumilile kumakhabuli na vakhandi vifanya ufujo sana, shiasi kwamba kusina umushulaji asingawesa kishila insila yila. ²⁹Lelela, watansaga ishauti na kija, ''Tina nshi shakigaha kunyakho, mwana wa Nguluvi? Wayinsa panu kitilafya khabla ya muda kifikha?''³⁰Ino ishipuga shikhome sha ngubi likhandi lidima, pakhandi sio patali sana pini vakhandi vakwali, ³¹amashetani gakhandi gilalama kwa Yesu na kija.''Nda utiamuru kipola, titwala mushipuga sha ngubi.'' ³²uyesu wavajovelaga, ''Luti!'' Amapepo gavapolaga na kita ku ngubi. Nalelela, ishipuga shona shatinukhaga kihuma kushidunda kitelemshilila ku bahari na lyona lyafwilaga mumalenga.³³Avagosi vini vaklhandi vidima ingubvi vasigaga. Na pini valutaga kumujini vayelesaga shila shinu, hususani shina shapolelaga kwa vagosi vini vakhandi vakhetwe na mashetani. ³⁴Lelela, umuji gona gwayinsaga kitangana nu Yesu. Pini vamwagaga, vamulombaga awushe kumkoa gwanave.

¹Uyesu wayinjilaga mushipugo, walowokhaga na kifikha kunyii yini akhandi ikhala. ²Lelela, vamuletelaga umunu mwini apoosise na agonisiwe mu godoro. na pini walyagaga ilihuvi lyanave, Uyesu wamjovelaga umunu mwini apoosise, ''Mwanangu, uve nuushendefu, Isambi sakho sisameheewe''³Lelela, Baasi ya vana sheria valogonsaniyana vavene kwa vavene,''Uyu umunu ikufuru'' ⁴Uyesu wagagaga amahiva ganave na kija,''Kwa nshi muhiva amavi munumbula senyu? ⁵Shili kwi shini shili shipefu kijova, 'Isambi sakho sisameheewe' au kija, 'Yima na ujende?' ⁶Lakini muyelewe kija Umwana wa Adamu anawo uiweso wa kisamehe isambi....'' wagalogolaga aga kwa yula mwini apoosise, ''Yima, tola igodoro lyakho, na ulute kukhaya yakho''⁷Bahene yula wayimaga na kiluta kukhaya yakwe. ⁸Avanu pini vagagaga ago, vashangalaga na kumusifu Unguluvi, mwini avapelile uuweso uwo avanu. ⁹Nu Yesu pini akhandi ishila kihuma hapo, wamwagaga umunu mwini washemelwagwa kwa litawa lya Mathayo, mwini akhandi akhele isehemu ya votosa uwushuru. Numwene wamumujovela,''Nifwata one''Na yumwene wayimaga na kimufwata¹⁰Nu Yesu pini wakhalaga ili alye ishakilya mukhati ya khaya, vayinsaga avatosa ushuru vinji na vanu avaofu valisaga ishakilya bahamo nu yesu navafunsi vakwe. ¹¹Bahene Avamafarisayo pini vagaga ago, vavajovelaga avanafunsi ''Kwanshi avalimu venyu vilya iashakilya bahamo na avatosa ushuru na vanu vaofu?''¹²Uyesu pini wapulikhaga ago,na yumwene wajovaga ''Avanu vini vana hafya nofuvasisakula umuganga, ila kwa vala vini vatamu. ¹³Yipaswa mulute muifundise imaana yakwe, ''Nidobokha irehema na siyo idhabihu'' Kwa kiva nayinsaga, sio kwa vini vana haki kitubu, lakini kwa vina vana sambi.¹⁴Bahene avanafunzi va Yohana vayinsaga kunyakwe na kija, ''Kwanshi ose namafarisayo tifunga, lakini avanafunsi vakho vasifunga?'' ¹⁵Uyesu wavajovela, Wuli avasindilisaji va arusi vangawesa kiva nuusugumilo pini Umtwa harusipini iva papamo nawo? lakini insiku siyinsa pini Ubwana harusi akhatolwa kihuma kunyanave, na bahene ndio vakhafunga.¹⁶Kusina umunu mwini ivikha ishipande sha mwenda mpya ku mwenda gwini gwapakhala,ishilakha shikhatayulwa kihuma mu mwenda na uludemkho lukhome lukhatokela¹⁷Kusina avanu vini vivikha uujimbi mpya mu shombo sha ujimbi wa pakhala, nda vagahe,inkwembe yikhademukha, uujimbi ukhawukha ni nkwembe yikhananjikha. Badala yakwe,vivikha uujimbi mpya mu nkwembe imya na fyona fikhava salama.¹⁸Uyesu pini akhandi akivajovela amambo ago, lelela , uafisa wayinsa na kigondama pamwandi yakwe, Na yumwene wajova,''Umwali wangu wafwa sala yiyi, lakini yinsa na uvishe iliwokho lyakho kunyakwe na yumwene akhava msima khanji. ¹⁹Bahene Uyesu wayima na kumufwata na vanafunsi vakwe khanji.²⁰Lelela, umudala mwini akhandi ipolwa ni danda kwa muda wa makha kumi na mbili, wayinsa kholela nu Yesu na wamupyasa isehemu ya lupembo ya mwenda gwakwe. ²¹Kwa kiva wajovaga,'' Nda nikhagupyasa umwenda gwakwe, nayune nisipate uuponyaji.'' ²²Uyesu wasetukhaga na kumulelela na kumujovela.'' Mhinja, yipela inumbula,ilihuvi lyako lyakufanya upone,'' Na muda gugo umudala wapataga uuponyaji muda ugo.²³Nu Yesu pini wafikhaga ku nyumba ya afisa, nayumwena wavagaga avatova italumbeta nu umati wa vanu wukhandi witova ilyowo. ²⁴Na yumwene waja,'' Wushi panu, kwa kiva umuhinja asfwile, ila agonile. Lakini avene vamuhekjaga na kumsal.²⁵Na vala avanu pini vahumisiwagwa kunja, nayumwene wayinjilaga kumwandi na kumukhata iliwokho nu muhinja wadamula. ²⁶Ni habari isi sayenelaga ienewo lyona.²⁷Bahene Uyesu pini akhandi ipola kihuma pala, avagosi vavili vapofu vamufwataga. Vayendelelaga kitansa ishauti vija,'' Tilomba utisamehe, Mwana wa Daudi.'' ²⁸Pini Uyesu akhandi wafikha kukhaya, vala avapofu vayinsaga kunyakwe. Uyesu wavajovelaga,'' Muyamini kija niwesa kitenda?'' Navavene vamujovela ''Ndiyo, Mtwa''²⁹Bahene Uyesu wapyasaga ameho ganave na kija ''Nayisenjeshe ndeno kunyenyu ngaja ilihuvi lyenyu shene lishwali'' ³⁰Na meho ganave gadindukhaga. Bahene Uyesu wawasisitisaga na kivaamuru kija'' Leleli umunu yeyona asikhamanyaga kihusu ijambo ili.'' ³¹Lakini avanu ava vavili vawukhaga na kitangasa ihabari isi isehemu sona sa muji³²Bahene vala avagosi vavili pini vakhanfi viwuya, Lelela, umunu yumonga bubu mwini akhandi akhetwe na mashetani waletwagwa kwa Yesu. ³³Na pini amapepo gamupolaga, yula umunu ububu wayansaga kilogola. Uumati wona wapunugalaga na kija ''Iyi yisinawahaje kitokela pa Israel. ³⁴Lakini amafarisayo vakhandi vijova ''Kwa vakhome vamashetani, akigadagansa amashetani''³⁵Uyesu waluta ku miji gona nifijiji. Nayumwene wayendelelaga kifundisa mumasinagogi, ihubiri imola ya utwa,na kiponiya avatamu vashila aina nu usaifu wa aina sona. ³⁶Pini walelelaga uumati, nayumwene wawawonelaga ulusungu, kwa sababu valavaga na kikhata itamaa. Vakhandi ngaja kholo sini sisina mdimaji.³⁷Nayumwene wavajovelaga avanafunsi vakwe.'' Amafuno gali minji, lakini avasenga nsengo vali vadodo. ³⁸Ino basi nyangu Umutwa wa mafuno, ili kija adfilishe avasenga nsengo mu mafuno gakwe.''

¹Uyesu wawashemelaga avanafunsi vakwe kumbi na bili bahamo na kivapela amamulakha kihusu amashetani masafu, kivadalishila na kivadaga na kionya iaina sona samalathi ni aina sona samatamu.²Amatawa ga vanandeje kumi na mbila ni aga. Lya kwansa simeoni (mwini khanji ishemelwa Petro ), nu Andrea umame, Uyakobo mwana wa Zebedayo, nu Yohana umame: ³Uphilipo, nu Bartelemayo, Uthomaso, nu Mathayo umutosa ushuru, Uyakobo mwana wa Alfayo, nu Tadeo, ⁴Usimoni mkananayo, nu Yuda iskariote, mwini wamsetukhaga.⁵Ava kumi na mbili Uyesu wavafilikhaga. Nayumwene wawawulanisaga kija ''Msikhalutaga isehemu sini vikhala avamataifa na msikhayinjilaga mu makhaya ga vasamalia. ⁶Badala yakwe, mulute kwa kholo sina siyajile sa khaya ya Israel. ⁷Na pini mwiluta, hubiri na kija, uutwa wa kushanya ulikholela.'⁸Ponyaji avatamu, fufulaji vina vafwile, vavalasaji vini vana ukoma na dagaji amapepo. Mwaposhela bure, humiyaji bure. ⁹Msikhatolaga isahabu, ialmasi au shaba mumafukho genyu. ¹⁰Usikhatolaga umukoba mulushulo lwenyu, au menda ga hakiba, ndatu au nkwegu,kwa kiva umusenga nsengo ipelwa ishakilya shakwe.¹¹Umuji gogona au shijiji shini mkhayinjila, sakuli mwini ifwaya na mkhale pala mpakha pini mkhawukha. ¹²Pini mukhayinjila mukhaya hunjilaji, ¹³nda ikhaya yifwaya, iamani yenyu yisigale pala, lakini nda ikhaya yisifwaya, iamani yenyu yiwushe bahamo nomwe.¹⁴Na kwavala vini vasikivaposhela omwe au kipulisa amajowo genyu,pini muwukha mukhaya au umuji ugo, yipuguti amankundi ga nsayo senyu amahala hapo. ¹⁵Kweli nikivajovela, yikhava yakifumilila saidi amiji ga Sodoma ni Gomorah ulusiku lwa uhigo kuliko umuji ugo.¹⁶Lelela, nikivafilikha ngaja kholo pakhati ya mbwa mwitu, kwahiyo vesaji nuluhala ngaja njokha na vapole ngaja njiva. ¹⁷Muve meho na vanu, vakhavatwala mumabalasa, na vakhavatova mumasinagogi. ¹⁸Na mkhaletwa pamwandi ya vakhome na vatwa kwa ajili yangu, ngaja ushuhuda kunyanave na kwa mataifa.¹⁹Pini vakhavahiva wuvi, msikhavesaga nu woga namna gani au shishi shakulogola, kwa kiva ishinu shakulogola mkhapelwa kwa wakati uwo. ²⁰Kwa kiva sio omwe vini mkhalogola, lakini yu Roho wa Wihenyu akhalogola mukhati yenyu.²¹Umunyalukholo akhamuyinushila umunyalukholo wakwe na kimubuda, nu baba kwa mwanakwe. Avanishe vakhayinukha kwa vasasi vanave, na kivasababishisa infwa. ²²Nemwe mukhakhalalililwa kwa sababu ya litawa lyangu. Lakini kwa yeyona mwini ambiifumilila mpakha mwisho umunu uyo akhakulusiwa. ²³Pini ambi vakivalafya ku muji ugu, sijili umji gwini gufwata, kwa kweli nikivajovela, msikhavamutile ku miji gona ga Israeli khabla ya mwana wa Adamu asinawuyee.²⁴Umwanafunsi sio mukhome kishila umwalimu wakwe, wala umufilikhwa mwini ali kushanya ya Mtwa wakwe. ²⁵Yikwilana kwa mwanafunsi kija ave ngaja umwalimu wakwe, nu mtumishi ngaja Umutwa wakwe. Nda vamushemela Umtwa wa khaya Belzabuli, ni kwa shiasi shishi mandu vakhavakhashifu ava khaya yakwe!²⁶Ino basi msikhavatilaga avene, kwa kiva kusina ulujowo lwini lusikhagubutulwa, na kusina lini liifihile lini lisikhamanyikha. ²⁷Shila shini shikavajovela munshisi, msilogole pauvalafu, na shini mkishipulikha kwa upefu mumakutu genyu, mshitangase pini mli kushanya ya nyumba.²⁸Msikhavatilaga vala vini vibuda mvili lakini vasina uweso wa kibuda inumbula. Badala yakwe, mtili yula mwini iwesa kibuda umuvili ni numbula kula kusimu. ²⁹Wuli ikasuku sivili sisiguswa kwa senti ndodo? Hata ndeno kusina mwini iwesa kigwa pansi bila Uwihenyu kwimanya. ³⁰Lakini hata iidadi ya nyele senyu sivasiwe. ³¹Msikhavesaga nu woga, kwa kiva muna maana mandu kishila ikasuku nyinji.³²Ino basi shila munu mwini asiniyitishe pamwandi ya vanu, nayunenikhamuyitikha pamwandi ya Baba wangu mwini alikushanya. ³³Lakini umwene mwini asinikhane pamwandi ya vanu, na yune khanji nikhamukhana pamwandi ya Baba wangu mwini ali kushanya.³⁴Msikhahiviga kija niyinsile kileta iamani panyii. Nisikhayinsile kileta iamani, lakini wupanga. ³⁵Kwa kiva nayinsaga kumuvikha umunu akhanane nu wihe wakwe, nu muhuja kwa nyina wakwe, nu mkho sidi ya mkweye wakwe. ³⁶Uadui wa munu vakhava vala va mukhaya yakwe.³⁷Umwene mwini akimugana uwihe au unyina mandu kulikom one uyo asikinifwaya. Nu mwene mwini akimudobokha umudimi au muhinja mandu kuliko one uyo asikinifwaya. ³⁸Umwene mwini asisumula umsalaba na kinifwata one asikinifwaya. ³⁹Umwene mwini ambi isakula amaisha akhagayasa. Lakini umwene mwini ambi iyasa amaisha kwa ajiuli yangu akhagapata.⁴⁰Umwene mwini ambi akivakhalibisa wanikhajalibisa one, na yune mwiji ambi akinikhalibisa one wamukhalibisa umwene mwini anifilishe one. ⁴¹Na yumwene mwini ambi akimukhalibisa umukuva malago kwa kiva yu mkulusaji akhaposhela ithawabu ya mkulusaji. Na yumwene mwini ambi akimukhalibisa umunya haki kwa kiva yu munu mwini ana haki akhaposhela ithawabu ya munu wa haki.⁴²Yeyona mwini ambi akimupela yumonga wavanang'ana ava, hata shikhombe sha malenga gakwing'wa amasisimu, kwakiva umwene yu mwanafunsi, kweli nikivajovela, uwmene asiwesa kikhosa kwa nsila yeyona ithawabu yakwe.''

¹Na baada ya Yesu kimala kivawulanisa avanafunsi vakwe kumi na mbili wawukhaga pala kiluta kifundisa na kihubiri kumajumbi ganave, ²nu Yohana pini alikugelesa pini wapulikhaga avele mu matendo ga Kristo, walajisaga uujumbe kishilila avanafunsi vakwe, ³na vamuposaga,'' Owe ndo yuna iyinsa, au kuna yunji tisakulwa kimulelelela?''⁴Uyesu wajibugu na kija kunyanave ''Luti mumujovele Uyohana gala gini mkigaga na gala gini mkigapulikha. ⁵Avanu vini vasilelela vipata kilelela, avalema vijenda, avakoma viyosewa, avanu vini vasipulikha vipulikha khanji, avanu vini vafwile vifufuliwa kipata uuhai, na vanu avahitaji vihubililwa ihabari nofu. ⁶Na abarishilwe yula mwini asiwona uuwoga kihusu one.⁷Pini avanu ava vawukhaga, Uyesu wayansaga kilogola nu wumati kihusu Uyohana, ''Shishi mwataga kulelela ku jangwa_itete lihegensewa ni mepo? ⁸Lakini shishi mwataga kilelela_ umunu mwini afwalile amenda manofu? Hakiha, vala vini vifwala amenda amanofu vikhala mu nyumba sa vatwa.⁹Lakini mwawukhaga kilelela nshi-Mkuvamalago? Ndiyo, nikivajovela, na saidi ya Mkuvamalago. ¹⁰Uyu ndiyo mwini wayandikhwagwa, 'Lelela, nikimfilikha umujumbe wangu pamwandi ya weni wakho, mwini akhayandala insila yakho pamwandi yakho.¹¹One nikivajovela kweli, kati ya vinivasawilwe nu mdala kusina mwini mkhome kishila Uyohana Mbatisaji. Lakini mwini mnang'ana ku utwa wa kushanya ali mkhome kishila umwene. ¹²Kihuma ulusiku lwa Yohana Mbatisaji mpakha salisi, uutwa wa Kushanya ni wa ngufu, na vanu venye ngufu, vikiutola kwa ngufu.¹³Kwa kiva avakuvamalago ni sheria, yava vitabiri mpakha kwa Yohana. ¹⁴Na nda mli tayari kuyitikha, uyu yu Eliya, yula mwini iyinsa. ¹⁵Mwini anamakutu gakupulikha na apulishe.¹⁶Nishihwananise ninshi ishisasi ishi? Ngaja mfano gwa vanishe vini vinene ku sokho, vini vikhala na kishemelana ¹⁷na kija, 'Tavatovelaga izomari na msikhanenile. Taombolesaga, na msikhakholile.'¹⁸Kwa kiva Uyohana wayinsaga bila kilya umukhate au king'wela uujimbi, na vakhali vija, 'Ana mapepo.' ¹⁹Umwana wa Adamu wayinsaga ilya na king'wa na vaja 'Lelela, ali munu mlyaji na mugasi, urafiki wa vadaya ushuru na vina vanasambi!' Lakini ihekima yiwonensewa kwa matendo gakwe.''²⁰Uyesu wayansaga kudalishila amakhaya gini baasi ya matendo gakwe ga ajabu gasenjekhaga, kwa kiva vakhandi vasinatuubu, ²¹Ole wakho, Kolazini, Ole lwakho Bethsaidi! Nda amatendo amakhome ndagasenjekha Kutiro ni Sidoni gala gini gasenjekhaga panu, nda vakhali vatubu pakhala kwa kifwala amagunia na kiipakha amafulikho. ²²Lakini yisive uuufumilifu kwa Tiro ni Sidoni ulusiku lwa uhigo kuliko kunyakho.²³Owe, Kapernaum, wija ungatupulwa hadi kushanya? Hapana ukhayiswa mpakha pansi kisimu. Nda kwa Sodoma ndakwasenjekhaga amatendo amakhome, nda gasenjekhaga kunyakho, ndayayikwali mpakha ineng'uni. ²⁴Ila nilogola kunyakho kiva yisive rahisi kwa nyii ya Sodoma kiyima ulusiku lwa uhigo kuliko owe.²⁵Ku muda ugo Uyesu wajovaga, ''Nikikusifu owe, Baba, Mtwa wa Mbingu ni Nyii, kwa sababu wawafihaga aga vini vana vana hekima nuluhala, na kugagubutula kwa vina vasina elimu, ngaja vana vanang'ana. ²⁶Baba kwa kiva yakupendesaga ndeno pameho gakho. ²⁷Amajowo gona gakhabisiwe kunyangu kihuma kwa Baba. na kusina mwini amumenye Umwana isipokuwa yu Baba, na kusina mwini amumenye uUaba isipokuwa Umwana, na yeyona mwini Umwana ana hamu ya kumugubutulila.²⁸Yinsi kunyangu, omwe wona vini mwilava na vini mfunilwe na masigo masito, na yune nikhavatuyisa. ²⁹Yiponyesi inira yangu na myimanyise kihuma kunyangu, kwa kiva one nili mnyenyekefu nu mpole wa numbula na msipate uutuyo wa nafsi senyu. ³⁰Kwa kiva inira yangu ndabada nu msigo gwangu mupefu.

¹²Uluhavi ulo Uyesu wataga ulusiku lwa sabato kushilila kumagunda. Avanafunsi vakwe vakhandi ni njala na vayansaga kugadenya amasuke na kugalya. Lakini Avafarisayo pini vagaga ago vamujovelaga uyesu ''Lelela avanafunsi vakho vinanga isheria visenga ulusiku lwini lusiluhusiwa ulusiku lwa Sabato''³Lakini Uyesu wavajovela,''Msiyimbile jinsi Udaudi shina wasengaga, pini akhandi ni njala, papamo na vanu vini akhandi nawo? ⁴Inamna shini wayinjilaga mu nyumba ya Nguluvi na kilya amakhate ga wonyesho, gini gakhandi siyo halali kunyakwe kigalya na vala vini vakhandi nawo, ila halali kwa Makuhani?⁵Bado musinayimbe ku sheriya, kija kulusiku lwa Sabato Amakuhani mukhati ya hekalu vikiikhosela Isabato, lakini vasina ihatia? ⁶Lakini nilogola kunyenyu kija mwini mukhome kishila ihekalu ali panu.⁷Nda mwa mumanye iyi yimaanisa nshii; nisakula irehema na siyo isadakha; nda musavahiga vini vasina ihatia, ⁸Kwa kiva Umwana wa Adamu ndiyo Mtwa wa Sabato.''⁹Bahene Uyesu wapola pala waluta kusinagogi lyanave. Ino kukhandi nu munu mwini apoosise iliwokho. Amafarisayo vamuposa Uyesu, vija. ¹⁰''Wuli, yiva halali kiponesa ulusiku lwa Sabato?'' ili kija vawese kimusitakha kwa kisenga isambi.¹¹Uyesu wavajovela, ''Yu nani kunyenyu, nda ave ana kholo yimo, ni iyi ikholo yagwilila mukhati ya lilindi ulusiku lwa sabato, musikhamukhata na kimuhumya kwa ngufu mukhati ya lilindi? ¹²Wuli, shili kwii ishinya thamani, saidi kwani, sio saidi ya kholo! ino ni halali kisenga amanofu ulusiku lwa Sabato.''¹³Bahene Uyesu wamujovelaga yula umunu,'' Golosa iliwokhonlyakho'' Waugolosa, na lyapata iafya, ngaja lila ilinji. ¹⁴Lakini Amafarisayo vapolaga kunja vapanga inamna ya kimubuda valutaga kunja kipanga shinyume shakwe. Vakhandi visakula inamna ya kimubuda.¹⁵Uyesu pini wayelewaga ili wawukhaga apo. Avanu vinji vamufwataga, na wavaponesa wona. ¹⁶Wavalajisaga vasikhayinsaga vamugahe amanyishe kwa vanji, ¹⁷kija yitimile yila ikweli, yininyikhandi yilogwelwe nu mkuvamalago uisaya, ija,¹⁸Lelela umutumishi wangu mwiini nimuhagwile, mugani wangu, kwa mwene inafsi yangu yanojelwa. Ambi nivikha Iroho yangu kushanya yakwe, na ambi itangasa uuhigo kwa Mataifa.¹⁹Asikhalava wala kikhola kwa ngufu; wala yeyona kipulikha ishauti yakwe ku mitaa. ²⁰Asikhalidenya ilitete lini lijubwilwe; asikhasimyaa uutambi wowona wini wihumya ilyosi, mpakha pini akhaleta uuhigo yiwese. ²¹Na Mataifa ambi viva nuukhangafu kishilila iltawa lyakwe.²²Umunu fulani mupofu nu bubu, mwini akhatilwe na mapepo waletwagwa pamwandi ya Yesu. Wamuponesa, bahamo na matokeo ga kija umunu bubu walogolaga na kilolela. ²³Umukutano gona vamushangalaga na kija,'' Yiwesakhana umunu uyu kiva mwna wa Daudi?''²⁴Lakini pini Amafarisayo pini vapulikhaga umuujisa ugu, vajovaga, ''Uyu umunu asihumya amapepo kwa ngufu sakwe yumwene ila kwa ngufu sa Belzebuli, umukhome wa mapepo. ²⁵''Lakini Uyesu wamanyaga amahiva ganave na kivajovela, ''Shila uufalme wini wuigaveniye wuwene wunanjikhaga, ni shila mji ni nyumba yini yikiigavaniya yiyene yisikhayima.²⁶Nda Ushetani, ambi akimuwusa Ushetani, basi akiikhana ku nafsi yakwe yumwene. ²⁷Kwa namna shii uufalme wangu ambi wuyima? Na nda nihumya amapepo kwa ngufu ya Belizabuli, avafuasi venyu vasihumye kwa nsila nshii? Kwa ajili ya ili ambi viva vahigaji venyu.²⁸Na nda nihumya amapepo kwa ngufu sa Roho wa Nguluvi, basi uufalme wa Nguluvi wayinsa kunyenyu. ²⁹Nu munu iwesa wuli kihuluta mukhati ya khaya ya munya ngufu na kihija, bila kimupinya umunya ngufu tangusina? Bahene ndio ambi ihija imali yakwe kihuma mukhati ya khaya. ³⁰Yeyona mwini ambi iva asili bahamo none ali shinyume shangu, nu mwene mwini asikunganiya bahamo none iyo ipalakhaniya.³¹Ino nilogola kunyenyu, shila sambi ni kufuru avanu ambi visamehewa, ila kimukufuru Uroho Mtakhatifu vasikha samehewa. ³²Nu yeyona mwini ilogola ulujowo shinyume nu Mwana wa Adamu, ilyo ambi isamehewa. Lakini yeyona mwini ilogola shinyume nu Roho Mtakhatifu. uyo asikhasamehewa, ku ulimwengu uwu, na wala wula wini wuyinsa³³Au ugahe umupishi kiva munofu nilitunda lyakwe linofu, au ugunanje umupishi nili tunda lyakwe, kwa kiva umupishi gumanyikha kwa litunda lyakwe. ³⁴Omwe uusawo wa njokha, omwe muli vavi, muwesa wuli kilogola amajowo amanofu? Kwa kiva umulomo gwilogola kihuma ku akiba ya gini gakwali munumbula. ³⁵Umunu umunofu ku akiba inofu ya numbula yakwe gipola amanofu, nu munu umuvi ku akiba imbii ya numbula yakwe, ihumya shini shivi.³⁶Nikivajovela kija kulusiku lwa uhigo avanu ambi vihumya ihesabu ya shila lujowo lwini lusina maana lwini valogolaga. ³⁷Kwa kiva kwa majowo gakho ambi wuvasiwa ihaki na kwa majowo gakho ambi wihigwa.''³⁸Shila baasi ya vayahudi na Mafarisayo vamujibugu Uyesu vija'' Mwalimu, tidobokha kisaga iishara kihuma kunyakho.'' ³⁹Lakini Uyesu wavajibugu na kivajovela, ''Ishisasi ishivi ni sha zinaa shisakula iishara. Lakini kusina iishara yini yikhahumisiwa kunyanave isipokiva yila iishara ya Yona umukuvamalago. ⁴⁰Ngaja ndenela shini uyona akhandi mukhati ya utumbo wa nsii ikhome kwa nsiku sitatu paminsi na pashilo, ndeno ndiyo Umwana wa Adamu shini akhava mukhati ya numbula ya nyii kwa nsiku sitatu paminsi na pashilo.⁴¹Avanu va Kuninawi ambi viyima pamwandi ya shitengo sha uhigo bahamo ni shisasi sha vanu ava na ambi vakishihiga. Kwa kiva vatubugu kwa mahubiri ga Yona, na lelela, umunu yumonga mukhome kishila Uyona ali panu.⁴²Umalkia wa kusini ambi iyima kuuhigo bahamo na vanu va shisasi ishi na kushihiga. Wayinsaga kihuma ku mwisho gwa nyii kiyinsa kipulikha ihekima ya Selemani, na lelela, umunu yumonga kishila Uselemani ali panu.⁴³Pini ilipepo ilishafu pini likimupola umunu, lishila amahala pini paina malengalisakula kituya, lakini lisikipaga ⁴⁴Bahene lija.' ambi nitina mu khaya yangu yini nahuma.' Pini litina likiyaga yila inyumba yifyajilwe na yili tayari. ⁴⁵bahene litina na kigaleta aganji amaroho amashafu saba gini mavii mandu kishila umwene, giyinsa kikhala gona pala. Ni hali yakwe ya mwisho yiva mbii kishila ya kwansa. Ndeno ndiyo yikhava kwa shisasi ishi shivi.⁴⁶Pini Uyesu pini akhandi ilogola nu uumati lelela, umama wakwe nu vakholo lwakwe vayimaga kunja, visakula kilogola numwene. ⁴⁷Umunu yumo wamujovela, ''Lelela umama wakho na vanyalukholo lwakho vayimile kunja, visakula kilogola nowe''.⁴⁸Lakini Uyesu wajibugu na kimujovela mwini wamujovelaga, ''Umama wangu yu nani? Na vakholo lwangu va nani?'' ⁴⁹Numwene wagolosaga iliwokho lyakwe kwa vanafunsi na kija, ''Lelela, ava ni mama na vakholo lwangu! ⁵⁰Kwa kiva yeyona mwini isenga amanofu ga Baba wangu mwini ali kushanya, umunu uyo ndiyo kholo lwangu, udada wangu nu mama wangu''.

¹Kulusiku ulo Uyesu wawukhaga kukhaya na kikhala mwambwa ya bahari. ²Uumati mukhome watanganaga kwa kimupilima, wayinjilaga mukhati ya shipugo na kikhala mukhati yakwe. Uumati wona vayimaga mwambwa ya bahari.³Bahene Uyesu walogolaga amajowo minji kwa mifano, Wajovaga,''Lelela, umuvyalaji walutaga kivyala. ⁴Pini akhandi ivyala mbeyu isinji sagwisaga mwambwa ya nsila ni nyuni sayinsaga kusihola. ⁵Imbeyu isinji sagwisaga pashanya ya mwamba, pini sisikhapatile uulongo wa kukwilana. Ghafla samelaga kwa kiva uulongo wusikhandi wutile pansi mandu. ⁶Lakini ilijuva pini lyadibulaga sanyanywagwa kwa kiva sikhandi sisina amansina, na sayumaga.⁷Imbeyu isinji sagwisaga pakhati ya mapihi aganya minfa. Amapishi aganya minfa gatalipaga kushanya na kusigubikha. ⁸Imbeyu isinji sagwisaga kuulongo unofu na kisava imbeyu, isinji mara mia moja zaid, isinji sitini na isinji thelathini ⁹Mwini ana makutu na apulishe.¹⁰Avanafunsi vayinsaga na kimujovela Uyesu, ''Kwanshi wilogola na vanu kwa mifano?'' ¹¹Uyesu wajibugu wavajovela, ''Mupelilwe uupendeleo wa kimanya isiri sa uufalme wa kushanya, ila kunyanave vasipelilwe. ¹²Lakini yeyona mwini anasho, kunyakwe umwene ambi iyonjelesewa mandu, na ambi ipata ifaida khome. Ila mwini asina hata shila hini anasho ambi iponkhwa.¹³Ino nilogola navene kwa mifano japo vilolela, vasikhalelelaga kweli. Na japo vipulikha vasikhapulikhaga wala kimanya. ¹⁴Uukuvamalago wa isaya watimila kunyanave, wula wini wija, ''Pini mupulikha mupulishe, lakini kwa namna yeyona musikhayelewa; pini mwilomba muwese kilwaga, lakini kwa namna yeyona yila musikhamanyaga.¹⁵Ni numbula sa vanu ava sava nhisi, yiva nsengo kipulikha, na vagubishe ameho ganave, ili vasikhawesaga kilolela kwa meho ganave, na kipulikha kwa makutu ganave, au kimanya kwa numbula anave, ino nda vanisetushila khanji na nda navaponesa.'¹⁶Ila ameho genyu gabarikhiwe, kwa kiva gilolela, na makutu genyu kwa kiva gipulikha. ¹⁷Kweli nikivajovela avakuvamalago vinji na vanu avanya haki vakhandi vana hamu ya kugaga amajowo gala gini mukigaga, na vasikhawesise kugaga. Vadobokhaga kipulikha amajowo gala gini mukigapulikha, vasikhagapulishe.¹⁸Ino pulii umfano gwa muvyalaji. ¹⁹Pini yeyona ipulikha iliswi lya uufalme na ilekha kilimanya, bahene umuvi iyinsa na kushikwepula shini tayari shivyalilwe mukhati ya numbula yakwe. Iyi ndio imbeyu yila yini yivyalilwe ku mwambwa ya nsila.²⁰Umwene mwini avyalile ku miamba ndio yula mwini ipulikha iliswi na kuliposhela nyangu kwa ushendefu. ²¹Bado asina amnina mukhati yakwe, ila ifumilila kwa muda mufupi, pini amatatiso au malawo pini ambi gipolela kwa sababu ya liswi ikuvala ghafla.²²Mwini avyalilwe pakhati ya mapishi aganya minfa, uyu ndio yula mwini ipulikha iliswi lakini amalawo ga wulimwengu nu uudehi wa utajiri ukiligubikha lila iliswi lisikhayinsaga lisave amatunda. ²³Mwini avyalilwe kuulongo uunofu, uyu ndiyo yula mwini ipulikha iliswi na kulimanya. Uyu ni yula mwini isava amatunda na kiyendelela kisava moja aidi ya mara mia, isinji sitini, isinji thelathini.''²⁴Uyesu wawapelaga umufano ugunji. Ija, ''Uufalme wa kushanya wuhwananiswa nu munu mwini avyalile imbeyu inofu kumugunda gwakwe ²⁵Lakini avanu pini vagonelelaga, uadui wayinsaga wope wavyalaga amagugu pakhat ya ngano na waluta lwakwe. ²⁶Panyuma pini imbeyu yamela na kihumya amasawo, bahene na magugu gapolelaga gope.²⁷Na vatumishi avanya mugunda vayinsaga vamujovela, ;Mtwa, usikhavyalile imbeyu nofu kumugunda gwakho? Yiva wuli uno guna magugu? ²⁸Wavajovela, Uadui wasenga ili.' Avatumishi wamujovela, ''Ino wusakula tilute tigakule?''²⁹Umunya mugunda waja, ' Hapana, pini mwikula amagugu ambi mwikula bahamo ni ngano. ³⁰Galeshi gakule bahamo mpakha uluhavi lwa kikungula. Uluhavi lwa kikungula ambni nija kwa vakungulaji, ''tangusina gakuli amagugu au gapinyi mafungu mafungu na kiganyanya, lakini kungani ingano mushihenje shangu.''''³¹Bahene Uyesu wavahumisaga umfano ugunji. Waja, ''Uufalme wa kushanya wuhwanana ni mbeyu ya haradali yini umunu waitolaga na kuivyala kumugunda gwakwe. ³²Imbeyu iyi kwa kweli nang'ana kishila imbeyu isinji sona. Lakini pini yilemba yiva khome kishila amimea gona ga bustani, yiva mapishi, ishiasi sha kija inyuni sa kushanya siyinsa na kisenga ifiwanso ku matawi gakwe.''³³Wavajovela umufano ugunji khanji.'' Uufalme wa kushanya ni ngaja amila yila yini yitolilwe nu mudala na kihanswa kwa fipimo fitatu kwa utune hati fiwumushe.³⁴Ago gona Uyesu wagalogolaga kwa vanu kwa mifano. na bila mifano asikhalogwele shoshona kunyanave. ³⁵Iyi yikhandi kija shila shini tayaro shalogolwagwa kishilila kwa vakuvamalago hiwese kitimila, pala pini wajovaga, ''Ambi nigubutula umulomo gwangu ku mifano. Ambi nilogola amajowo gala gini gakhandi gafihilwe kihuma amisingi ga wulimwengu''.³⁶Bahene Uyesu wavalekhaga avanu na kiluta kukhaya. Avanafunsi vakwe vamulutilaga na kija, ''Tigubutulila umfano gwa magugu ga kumugunda.'' ³⁷Uyesu wajibugu na kija, ''Mwini ivyala imbeyu inofu iva Mwana wa Adamu. ³⁸Umugunda ndio uwulimwengu; ni mbeyu inofu, ava ndio vana va ufalme. Amagugu ndio vana va yula umuvi, nu adui mwini wasivyalaga yu ibilisi. ³⁹Na uukungulaji ndio mwisho wa wulimwengu, na vakungulaji ndio va malaikha.⁴⁰Ngaja ndenela shini amagugu gikunganwa na kinyanywa nu moto, shisho ndiyo yikhava mwisho gwa wulimwengu. ⁴¹Umwana wa Adamu ambi ifilikha avamalaikha vakwe, na kikunganiya kihuma ku uufalme wakwe amajowo gona gini gasababisaga iambi na vala vini visenga amavi. ⁴²Ambi vitagwa wona mu tanuru lya moto, kwini kukhava ni kholo na kihawula ameno. ⁴³Bahene avanu avanya haki pini vakhang'ala ngaja lijuva Kuufalme wa Wiha nave. Umwene mwini ana makutu na apulishe.⁴⁴Uufalme wa kushanya ngaja akiba yini yifihilwe kumugunda. Umunu nda ayaje na kuifiha. Kuushendefu wakwe alute kigusa fyona fini anafyo, na kugugula umugunda. ⁴⁵Ino, uufalme wa kushanya ngaja munu mwini ienga ibiashara mwini isakula ilulu iyinya thamani. ⁴⁶Pini wayagaga yila iyinya thamani, walutaga kigusa shila shinu shini akhandi anasho na waigula.⁴⁷Uufalme wa kushanya ngaja wafu wini wuli mukhati ya bahari, na kija wukunganiya ifiumbe fya shila aina. ⁴⁸Pini wamemaga avalovaji vaukwehaga kulubali. Bahene vakhalaga pansi na kikunganiya ifinu finofu mukhati ya fyombo, lakini fini fisina thamani fyatagwagwa kutali.⁴⁹Yikhava inamna iyi ku mwisho gwa dunia. Avamalaikha ambi viyinsa na kivabagula avanu avavi ku vamo va vanya haki. ⁵⁰Na kivataga mukhati ya tanuru lya moto, kwini kukhava na maomboleso na kihaula ameno.⁵¹Mumanye amajowo gona aga? Avanafunsi vamujibugu, ''Ndiyo.'' ⁵²Bahene Uyesu wavajovela, ''Shila muyandikhaji mwini wava mwanafunsi wa ufalme ihwanana nu munya nyumba mwini ihumya ku akiba yakwe ifinu ifipya na fya pakhala.'' ⁵³Yavesaga pini Uyesu wamalaga amafano gona ago, wawukhaga ku sehemu iyo.⁵⁴Bahene Uyesu wafikhaga kumukoa gwakwe na kivafundisa avanu ku sinagogi. Amatokeo gakwe ni kija vashangalaga na kija, ''Ni kwii kwini umunu uyu wapataga ilishima ili na miujisa aga? ⁵⁵Umunu uyu asili yula mwana wa seremala? Umariamu asili yu nyina? Na vakholo lwakwe siyo Uyakobo, Uyusuph, Usimoni nu Yuda? ⁵⁶Na avadada vakwe tinawo apa panyesu? Ino umunu uyu wagapata kwii aga gona?''.⁵⁷Wavakhalasaga. Lakini Uyesu wavajovelaga, ''Umukuvamalago asikhosa kiva nilishima isipokiva kunyanave na kunyii yanave. ⁵⁸Na asikhawesile kigaha amiujisa minji kwa kiva vakhandi vasima ilihuvi kwa mwene.

¹Kwa luhavi ulo, uherode wapulikhaga ihabari kihusu Uyesu.. ²Wavajovela avatumishi vakwe, ''Uyu yu Yohana Umubatisaji wafyukha kihuma kwa vini vafwile. Kwa hiyo ingufu ii sili kushanya yakwe.''³Kwa kiva Uherode akhandi amukhete Uyohana wamupinyaga na kimutaga mugelesa kwa sababu ya Herodia, umudala wa Filipo ukaka wakwe. ⁴Kwa kiva Uyohana wamujovelaga, ''Yisili halali kimutola umwene kiva mudala wakwe.'' ⁵Uherode nda wamubudaga lakini wavatilaga avanu kwa kiva vamwagaga Uyohana kija mukuvamalago.⁶Lakini pini ulisiku lwa kisawa Uherode pini wafikhaga umuhinja wa Herodia wanenaga pakhati ya vanu na kimunojela Uherode. ⁷Pini kwa kujibu shila waahidigi kwa shiapo kija ambi akimupela shoshona shini ambi ilomba.⁸Baada ya kishauriwa nu nyina, wajovaga, ''Nipela one panu kushikhombe umtwe gwa Yohana Umubatisaji. ⁹''Umfalme akhandi na masikitikho kwa maombi ga muhinja, lakini kwa ajili ya shiapo shakwe, kwa sababu ya wona vakhandi pashakilya bahamo nu mwene wajovaga kija yipaswa yisenjeshe.¹⁰Walajisaga Uyohana aletwe kihuma mugelesa ¹¹ili adumulwe umtwe gwakwe na shaletwagwa kushanya ya inia na wapelwa umuhinja na washitwalaga kwa nyina. ¹²Bahene vala avanafunsi vakwe vayinsaga na kugutola gula umuvili na kugusila, baada ya ili valutaga kumujovela Uyesu.¹³Numwene Uyesu pini wapulikhaga aga, waikwewusaga kihuma amahala pala watana mukhati ya mashua walutaga isehemu yini yitenjilwe. Pini uumati wamanyaga kwini akwali, vamufwataga kwa magulu kihuma kumujini. ¹⁴Bahene Uyesu wayinsaga kumwandi yanave na kiwaga uumati mukhome. Wavawonelaga lusungu na kivaponesa amatamu ganave.¹⁵Ululandi pini lwafikhaga, avanafunsi vayinsaga kunyakwe na kija, ''Iyi ni sehemu ya nyikha, nulusiku tayari lwashila. Vapalakhaniya avanu ili valute kushijiji vagule ishakilya kwa ajili yanave.¹⁶Lakini Uyesu wavajovela, ''Vasina haja ya kiluta lwanave. Vapeli omwe ishakilya'' ¹⁷Vamujovela, ''Panu tinago amakhate gasnu ni nsii sivili tu.'''' ¹⁸Uyesu waja, ''Galeti kunyangu.''¹⁹Bahene Uyesu wavajovelaga avanu vakhale pansi ya masole. Watolaga amakhate gavili ni nswii sivili. Walolela kushanya, waubarikhi na kimenya amakhate wavapela avanafunsi. Avanafunsi vavapela avanu. ²⁰Valya wona na kuikuta. Bahene vakunganiyaga ifipande fyona fya shakilya na kimemya fikhapu kumi na mbili. ²¹Vala vini valisaga vakhandi ngaja vagosi elfu tano bila ya kivavasa avadala na vanishe.²²Baho wavajovaga avanafunsi vahulute mukhati ya mashua, uluhavi ulo umwene wavahwesa avanu valute lwanave. ²³Baada ya kivahwesa avanu valute lwanave, vatana kushanya wa shidunda kilomba mwene duguli. Pini yikhandi jioni akhandi uko mwene duguli. ²⁴Lakini ino imashua pini yikhandi pakhati ya bahari yilavalava kwa sababu ya mawimbi. kwa kiva ilipepo likhandi lya kishila.²⁵Kushilo sha samu ya utai Uyesu wavahejelelaga, ijenda kushanya ya malenga. ²⁶Pini avanafunsi vakwe pini vamwagaga ijenda kushanya ya bahari, vatilaga na kija, ''Ni lijini,'' na kitansa ishauti kwa kitila. ²⁷Uyesu wavajovela mara moja, ija, ''Yipeli inumbula! yune! musikhatilaga.''²⁸Upetro wamujibugu kwa kija, ''Mtwa, nda yuwe, niyitikha niyinsa kunyakho kushanya ya malenga.'' ²⁹Uyesu wamujovela, ''Yinsa.'' Bahene Upetro wapola mukhati ya shipugo na wajenda kushanya ya malenga kiluta kwa Yesu. ³⁰Lakini Upetro pini wagaga amawimbi, watilaga, na kiyansa kutwina, pansi, washemelaga ishauti na kija, ''Mtwa, nikulusa!''³¹Nyangu Uyesu wagolosa iliwokho lyakwe wamutupula Upetro, na kumujovela, ''Owe umunya lihuvi lidodo, kwanshi wa una mashaka?'' ³²Bahene Uyesu nu Petro pini vahulutaga mu shipugo, ilipepo lyalekhaga kikutukha. ³³Avanafunsi mushipugo vamwabudugu Uyesu na kija, ''Kweli owe uli Mwana wa Nguluvi.''³⁴Na vene pini vamalaga kilowokha, vafikhaga kunyii ya Genesareti. ³⁵Na vanu kulieneo lila pini vamumanyaga Uyesu, valajisaga uujumbe ku shila sehemu sa mulubali, na kileta shila mwini akhandi mutamu. ³⁶Vamulombaga kija vawese kipyasa ulupembo lya mwenda gwakwe, na wona vini valipyasaga vaponewagwa.

¹Bahene Amafarisayo na vaandishi vayinaga kwa Yesu kihuma Kuyerusalemu. Na kija, ²''Kwanshi avanafunsi vakigawona mavi amaposhelo ga vasehe? Kwa kiva vasikiinawa amokho ganave pini viva vilya ishakilya.'' ³Uyesu wajibu na kivajovela, ''Nemwe__ kwanshii mukiyaga mbii isheriya ya mtwa kwa ajili y mapohelo genyu?⁴Kwa kiva Unguluvi wajovaga, ''Muheshimu uwiho nu mama wakho; na ' Mwini ilogola uvi kwa wihe na kwa nyina, hakika ambi infwa.' ⁵Lakini omwe mwijovaga, 'Shila mwini akimujovela uwihe nu nyina, ''Shila musaada gwini nda wapata kihuma kunyangu ino yiva sawadi kihuma kwa Nguluvi, ''' ⁶''Umunu uyo asina haja ya kimuheshimu uwihe. Ku namna iyi mwalisetula iliswi lya Nguluvi kwa ajili ya maposhelo genyu.⁷Omwe vamyansi, unofu ngaja shini Uisaya shini watabirigi kunyenyu pini wajovaga, ' ⁸Avanu ava vakiniheshimu one kwa malomo ganave, lakini inumbula sanave sili kutali none. ⁹Vakiniyabudu bure, kwa kiva vifundisa amafundiso gini valajie avanadamu.''''¹⁰Bahene wavashemekaga avanu na kivajovela,'' Pulisi na mumanye__ ¹¹Kusina ishinu shini shihuluta mumulomo gwa munu na kimugaha mushafu. Ila, shila shini shihuma mumulomo, ishi ndio shikimugaha umunu kiva mushafu.''¹²Bahene avanafunsi vamulutilaga na kilogola nu Yesu, ''Wuli!, Umenye Amafarisayo pini valipulikhaga lila iliwi vakhalalaga?'' ¹³Uyesu wavajibugu na kija, ''Shila mmea gwini Ubaba wangu wa kushanya usiguvyalile ambi gwikulwa. ¹⁴Valeshi vene, avene ni valongosaji vaposi. Nda umunu umupofu ambi akimulongosa umupofu muyine, wona vavili ambi vigwila mulilindi.''¹⁵Upetro wajibugu na kimujovela Uyesu,'' Tiyelesea umufano ugu kunyesu, ¹⁶Uyesu wajibu, ''Nemwe yumwe bado musiyelewa? ¹⁷Omwe musikilwaga kija shila shini shiluta mumulomo shishilila muutumbo na kiluta kushoo?.¹⁸Lakini ifinu fyona fini fihuma mumulomo fihuma mukhati ya numbula. Ndiyo ifyo fini fikimuponya umunu uunajisi. ¹⁹Kwa kiva kunumbula gipola amahiva amavi, uubudaji, uulinsi, uushemi, uuhiji, uushuhuda wa udehi, na maligo. ²⁰Aga ndiyo amajowo gini gakimuponya umunu uunajisi. Lakini kilya bila kiinawa kusikimugaha umunu kiva munajisi.''²¹Bahene Uyesu wapolaga amahala pala na waikwewusaga kiluta kumbali sa mji gwa Tiro na Kusidoni. ²²Lelela wayinsaga umudala Umukanani kihuma kumbali iso. Watansaga ishauti ija,'' Niwonela lusungu, Mtwa, Mwana wa Daudi; umuhinja wangu ilyafywa mandu nilipepo.'' ²³Lakini Uyesu asikhamujibile iliswi. Avanafunsi vakwe vayinsaga vakimulomba, vija, ''Muwusa alute lwakwe, kwa kiva akitilyovela.''²⁴Uyesu wavajibugu na kija, Nisikhafilishwe kwa munu yeyona isipokiva kwa kholo ini siyajile sa kukhaya ya Israeli.'' ²⁵Lakini wayinsaga na kigondama pamwandi yakwe, ija, ''Mtwa nitanjilisa.'' ²⁶Wamujibu na kija, ''Siyo lunofu kitola ishakilya sha vanishe na kusitajila imbwa,''²⁷Waja, ''Ndiyo, Mtwa, hata ndeno imbwa inang'ana silya ishakilya shini shigwa kumesa ya Mtwa wanave.'' ²⁸Bahene Uyesu wajibu na kija ''Mudala, ilihuvi lyakho likhome. Na yisenjashe kunyakho ngaja shini wusakula.'' Nu muhinja wakwe waponeswa ku luhavi ulo.²⁹Uyesu wawukhaga amahala pala na kiluta kholela ni baghati ya Kugalilaya. Bahene walutaga kushanya ya shidunda na kiluta kikhala uko. ³⁰Ishipuga shikhome shayinsaga kunyakwe. Na vamuletela avalema va magulu, avapofu, avabubu, avalema na vanji vinji, vini vakhandi vatamu. Vavavikhaga ku magulu ga Yesu na wavaponesa. ³¹Navene avanu vashangalaga pini valwagaga amabubu vilogola, na valema viva vasima, vini valema va magulu vijenda, na vapofu vilolela. Vamusufyaga Unguluvi wa Kuisraeli.³²Uyesu wavashemelaga avanafunsi vakwe na kija,'' Navawonela lusungu avanu, kwa kiva vava none kwa nsiku sitatu bila kilya ishinu shoshona. Nisingavahwesa valute kunyanave bila kilya, vanga simila munsila.'' ³³Avanafunsi vakwe vamujovela, ''Kwiya kwini tiwesa kipata amakhate ga kukwilana panu panyikha kivalisa avanu wona ndeni?'' ³⁴Uyesu wavajovela, ''Muna makhate galinga?'' Vaja, ''Saba, ni nswii inang'ana nang'ana ndodo.'' ³⁵Uyesu wavajovela avanu vakhale pansi.³⁶Watolaga gala amakhate saba ni nswii, na baada ya kihonjesa, wagamenyaniyaga na kivapela avanafunsi. Avanafunsi vavapela avanu. ³⁷Avanu wona vvalya na kukwilana. Na vakunganiyaga amabaki ga fipande fya shakilya fini fisigele fipande fipande, fyamemaga fikhapu saba. ³⁸Wona vini valisga vakhandi vagosi elfu nne bila ya kivasisa avadala na vanishe. ³⁹Bahene Uyesu wavahwesaga avanu valute lwanave na wahulutaga mukhati ya shipuga na kiluta isehemu ya Kumagadani.

¹Amafarisayo na Masudukayo vamuyinsilaga na kimujesa Uyesu avawonense iishara yini yihuma kushanya. ²lakini uyesu wavajibugu na kivajovela kija ''Nda lulandi mwija kija ihali ya hewa nofu, kwa kiva kushanya kwiva kuduhu.³Ni subuhi mwija 'Ihali ya hewa ineng'ana yisili nofu kwa kiva kushanya kuduhu na mafunde gagubihe kona.' Mumenye kiyelewa uluwonekha lwa kushanya, lakini musiwesa kiyelewa iishara ni nyakhati. ⁴Ishisasi ishivi na sha uhemi hisakula iishara, lakini kusina iishara yeyona yini shikhapelwa, isipokiva yila ya Yona. Bahene Uyesu wavalekha na waluta lwakwe.⁵Avanafunsi vayinsa ulubali lwa uvili, lakini vakhandi vasmilwe kitola amakhate. ⁶Uyesu wavajovela ''Yikwewusi na muve meho na malogolo ga Mafarisayo na Masadukhayo.'' ⁷Avanafunsi vaposaniyaga vavene na kija. ''Ni kwa kiva tisikhatolile amakhate.'' ⁸Uyesu wamanyaga ilyo na kija, ''Omwe vanya lihuvi lidodo, kwanshii muhiva na kilogonsaniya munyenyu na kilogola kija ni kwa kiva musikhatolile amakhate?⁹Wuli bado musimenye wala musikumbukha gala amakhate gasanu kwa vanu elfu tano, na fikhapu filinga fini mwakunganiyaga? ¹⁰Au makhate saba kwa vanu elfu nne, na fikhapu filinga mwatolaga?¹¹Yiva wuli kija hata musiyelewa kija nikhandi na nisilogola nomwe kihusu amakhate? Yitunsi na kiva meho ni ndogolo sa Mafarisayo na Masadukayo.'' ¹²Bahene vamanyaga kija akhandi asikivajovela kihusu kuikwewusa na makhate gini gana usaso, ila kuikwewusa na mafundiso ga Mafarisayo na Masadukayo.¹³Pini Uyesu pini wafikhaga isehemu sa Kukaisaria ya Kufilipi, wavaposaga avanafunsi vakwe, ija, ''Avanu vija kija umwana wa Munu yu nani?'' ¹⁴Vaja, ''Avanji vija kija yu Yohana Umubatisaji; avanji, Ueliya; na vanji, Uyerema, au yumo wa vakuvamalago. ¹⁵Wavajovela, omwe mwija one yu nani? ¹⁶Kwa kijibu, Usimoni Upetro waja, ''Owe yu Kristo Mwana wa Nguluvi mwini ali musima''¹⁷Uyesu wamujibugu na kimujovela, ''Ubarikhiwe owe, Simoni Bar Yona, kwa kiva idanda ni nyama fisikhakugubutulile ili, ila ubaba wangu mwini ali kushanya. ¹⁸Nayune khanji nikikujovela kija owe yu Petro, na kushanya ya mwamba ugu ambi nikilisenga ilitembe lyangu. Amalyango ga kuzimu gasikhaliwea.¹⁹Ambi nikikupela owe ifungulo sa ufalme wa kushanya. Shoshona shini ambi ukishipinya kudunia ambi shiva shipinyilwe na kushanya, na shoshona shini ambi ukishidindula kudunia ambi shidindulwa na kushanya.'' ²⁰Bahene Uyesu wavajovaga avanafunsi vakwe vasikhamujovelaga umunu yeyona kija umwene akhandi yu Kristo.²¹Kihuma uluhavi ulo Uyesu wayansaga kivajovela avanafunsi vakwe kija ni lasima alute Kuyerusalemu, kilafywa kwa majowo minji ku mokho ga vagosivaha na vakhome va makuhani na vaandihi, kibudwa na kifyukha ulusiku lwa utatu. ²²Bahene Upetro wamutolaga Uyesu palubali na kimudalihila, kwa kija, ''Ulujowo ulu na luve kutali nowe, Mtwa, ili lisikhapolelaga kunyakho. ²³Lakini Uyesu wasetukhaga na kimujovela Upetro, ''Tina munyuma yangu shetani! Owe uli musivilaji kunyangu, kwa kiva usihiva amajowo ga Nguluvi, ila amajowo ga vanadamu.''²⁴Bahene Uyesu wavajovela avanafunsi vakwe, ''Nda umunu yeyona isakula kunifwata one, laima aikhane umwene yumwene, agutole umusalaga gwakwe, na anifwate. ²⁵Kwa kiva mwini isakula kigakulusa amaisha gakwe ambi akigayasa, nu yeyona mwini ambi akigayasa amaisha gakwe kwa ajili yangu ambi akigakulusa. ²⁶Wuli! Ni faida nshii yini ambi ipata umunu nda apate idunia yona lakini ayase amaisha gakwe? Wuli! shi shinu shishi shini ambi ihumya umunu kwa kibadilisaniya na maisha gakwe?²⁷Kwa kiva Umwana wa Adamu akhayinsa kwa utukufu wa Wihe na vamalaikha vakwe. Numwene akhamuhomba shila munu kilingana na matendo gakwe. ²⁸Kweli nikivajovela kuna vmonga venyu vini muyimile panu vini vasikhaijesa imauti mpakha pini ambi vakimwaga Umwana wa Adamu iyinsa kuufalme wakwe

¹Insiku sita panyuma Uyesu wavatolaga bahamo numwene Upetro, nu Yakobo, nu Yohana ukholo lwakwe, na wavatolaga mpakha ku hidunda ishitali avene vavene. ²Wasetuwagwa pamwandi yanave. Uweni wakwe wang'ala ngaja lijuva, na menda gakwe gawonekhaga ging'ala ngaja mwanga.³Lelela, pala pini vapolelaga Umusa nu Eliya vilogola numwene. ⁴Upetro wajibu na kumujovela Uyesu, ''Mtwa, luli unofu kunyesu ose kiva amahala panu. Nda udoboshe, ambi nienga panu ifibanda fitatu - shimo hakho, na shimo kwa ajili ya Musa, na shimo kwa ajili ya Eliya.''⁵Pini ilogola, lyope ilifunde ilivalafu lyavapelaga umumepo, na lelela, yapolelaga ishauti kihuma kulifunde, yija, ''Uyu yu Mwanangu mugani mwini ninojelwa numwene. Mupulisi umwene. '' ⁶Avanafuni pini vapulikhaga ago, vafwisaga shifudifudi na vatilaga mandu. ⁷Bahene Uyesu wayinsaga wavapyasa na kija, ''Yimi wala musikhatilaga.'' ⁸Navene vayinulaga ameho ganave kushanya lakini vasikhamwajile umnu ila yu Yesu mwene.⁹Na pini vakhandi viyikha kushidunda, Uyesu wavalajisa, waja, ''Musikhahumyaga ihabari sa maona agi mpakha Umwana wa Adamu pini akhafyukha kihuma kwa vini vafwile.'' ¹⁰Avanafunsi vakwe vamuposa, kija, ''Kwanshii avaandishi vija kija Ueliya ambi iyinsa tangusina?¹¹Uyesu wajibu na kija, ''Ueliya akhayinsa kweli na akhatiniya amajowo gona. ¹²Lakini nikivajovela omwe, Ueliya sha tayari wayinsa, lakini vasikhamumenye. Badala yakwe, vamugahilaga amajowo gini visakula avene. Na ndeno ndiyo shini Umwana wa Adamu shini akhalafywa ku mokho ganave.'' ¹³Bahene avanafunsi vamanyaga kija akhandi ilogola ihabari sa Yohana Umubatisaji.¹⁴Pini vafikhaga kwa vanu vinji, umunu yumo wamulutilaga, wafugama pamwandi yakwe, na kimujovela, ¹⁵''Mtwa, muwonela lusungu umwanangu, kwa kiva wava nishifafa na ilava mandu. Kwa kiva umuda mwinji ingwa mumoto na mumalenga. ¹⁶Namuletaga kwa vanafunsi vakho, lakini vasikhawesise kimuponesa.¹⁷Uyesu wajibu waja, ''Omwe shisasi shini shisiyamini na shini shinanjishe, ambi nikhala bahamo nomwe mpakha payoli? Ambi nifumililana nomwe mpakha payoli? Muleta panu kunyangu.'' ¹⁸Uyesu wamudalishilaga, nilipepo lyamupolaga. Umudimi waponeswagwa kihuma ilisala lila.¹⁹Bahene avanafunsi vamuyinsila Uyesu kwa kuifiha na kimuposa, ''Kwanshii tisikhawesise kulidaga?'' ²⁰Uyesu wavajovela, ''Kwa sababu ya lihuvi lyenyu lidodo. Kweli nikivajovela, nda muve ni lihuvi linang'ana ngaja khapunje kha mbeyu ya haradali, ambi mwiwesa kushijovela ishidunda ishi , kwewukha kihumapanu ulute kula, nishene ambi shikwewukha na kusikhava ni shinu shoshona sha kipotwa kunyenyu. ²¹(Fwatilila: Amajowo ga musholela gwa 21 ''Lakini iainaiyi ya lipepo yisiwesekhana kipola, ila kwa kilomba na kifunga'' gasiwonekha munakala inofu sa pakhala).²²Pini vakhandi bado Kugalilaya, Uyesu wavajovela Avanafunsi vakwe, ''Umwana wa Adamu akhaponyesewa mumokho ga vanu. ²³Navene vakhamubuda, nulusiku lwa utatu ambi ifyukha.'' Avanafunsi vasugumilwagwa mandu.²⁴Navene pini vafikhaga Kukapenaumu, avanu vini vikunganiya ikhodi ya nusu shekeli vamulutilaga Upetro na kija, ''Wuli umwalimu wenyu ihombela ikhodi ya nusu shekeli?'' ²⁵Waja, ''Ndiyo'' Lakini Upetro pini wahulutaga mukhati ya nyumba, Uyesu walogola nu Petro tangusina na kija, ''Wuhiva nshii Simon? Avafalme va dunia, viposhela ikhodi aua uushuru kihuma kunyenyu? Kwa vala vini vitavala kihuma kwa vahensa?²⁶Na pini Upetro waja, ''Kihuma kwa vahensa'' Uyesu wavajovela, ino avatavala vawuiwe kuuhombaji. ²⁷Lakini tisikhayinsaga tivagahe avakunganiya uuhuru vasenje isambi, luta ku bahari, taga indovano, na uitole yila inswi yini yiyinsa tangusina. Baada ya kugudindual umulomo gwakwe, ambi ukiyaga mula ihekeli yimo. tola na uvapele avakunganiya uuhuru kwa ajili yangu nowe.

¹Umuda gugo avanafunsi vayinsa kwa Yesu na kumujovela, ''Yu nani mwini mukhome ku ufalme wa kushanya?'' ²Uyesu wamushemelaga umwana munang'ana, vamuvikha pakhati yanave, ³na kija, ''Kweli nikivajovela, nda musitubu na kiva ngaja vana vanang'ana musiwesa kihuluta muufalme wa Nguluvi.⁴Ino yeyona mwini akiiyinsa ngaja mwana munang'ana, umunu ngaja uyo ndio mukhome kuufalme wa kushanya. ⁵Na yeyona wini akimuposhela umwana umunang'ana kwa litawa lyangu akiniposhela one. ⁶Lakini yeyona mwini isababisa yumo kwa vana ava vini vakiniyamini kikhosela, ambi yiva unofu kwa munu uyu iling'anga ilikhome lya kihawulila lipinywe munsingo yakwe, na kutwinisiwa mukhati ya bahari.⁷Ole kwa dunia kwa sababu ya luhavi lwa kikhalaswa! kwa kiva vingaya maana kwa nyakhati iso kuyinsa, lakini ole kunyakwe kwa munu yula inyakhati iso nda siyinse kwa ajili yakwe! ⁸nda iliwokho lyanko au iligulu lyankolikusababise kukukhalasa, dumula na ulitaje kutali nowe. Lwiva unofu kunyakho owe kihuluta kuusima kuno usina liwokho au mulema, kuliko kitagwa ku moto gwa shiluta kuno uli na mokho gona na magulu gona.⁹Kda iliho lyakho likukhalase, likula na ulitaje kutali nowe. Lwiva lunofu kunyakho owe uhulute kuuima ni liho limo, kuliko kitagwa ku moto gwa shiluta kuno una meho gona.¹⁰Leleli kija musikhayinsaga mumusale yumo wa vanang'ana ava. Kwa kiva nikivajovela kushanya kuna avamalaikha vanave nsiku sona vakiulelela uweni wa Baba wangu mwini ali kushanya. ¹¹(Fwatilila; Amajowo gini giwonekha ngaja ga musholela gwa 11, ''Kwa kiva Umwana wa Adamu wayinsaga kikulusa shila shini shikhandi shiyajile'' gasikhawoneshe ku nakala inofu sa pakhala).¹²Muhiva nshii? Nda umunu ana kholo mia moja, ni yimo yiyaje, wuli asingasilekha tisini na tisa kushidunda na kiluta kuifwata yimo yini yiyajile? ¹³Na pini wamupata, kweli nikivajovela, akimushendevela kishila sila tisini na tisa vini vasiyajile. ¹⁴Ino ndeno, siyo ugani wa Wihenyu wenyu wa kushanya kija yumo wa vanang'ana ava afwe.¹⁵Nda umunyalukholo lwakho akukhosele, luta, umuwonense ilikhosa lini likwali kunyakho owe nu mwene pini iva mwene. Nda akupulise, wiva wamutiniya ukholo lwakho. ¹⁶Lakini nda aleshe kukupulisa, mutola umunyalukholo yumo au vavili bahamo nowe, kwa kiva kwa lulogolo lwa mashahidi vavili au vatatu shila liswi liwesa kisibitiswa.¹⁷Na nda asale kivapulisa, lijovela ilitembe ulujowo ulo, nda asale hishila kulipulisa ilitembe, basi na ave munu wa mtaifa na mkunganiya uushuru.¹⁸Kweli nikivajovela, shoshona shila shini ambi mukishipinya oadunia na kushanya ambi shipinywa. na shoshona shini ambi mukishidindula padunia na kushanya ambi shidindulwa. ¹⁹Khanji nikivajovela kija nda vanu vavili kunyenyu vayitikhane kihusu ulujowo lolona kudunia lini vakililomba, ilyo Ubaba wangu wa kushanya ambi akilisenga. ²⁰Kwa kiva vavili au vatatu nda vakungane pamo kwa litawa lyangu, One niva pakhati yanave.²¹Khanji Upetro wayinsa na kumujovela Uyesu, ''Mtwa, ni mara silinga ukholo lwangu nda anikhosele nayune nimusamehe? Hata mara sabini?'' ²²Uyesu wamujovela, ''Nisikikujovela mara saba, lakini hata sabini mara saba.²³Kwa sababu iyo uufalme wa kushanya wiva sawa nu mfalme yumonga mwini wasakulaga kisahihisa ihesabu kihuma kwa vanandeje vakwe. ²⁴Pini wayansaga kisababisa ihesabu, umwanandeje yumo waletwa kunyakwe mwini akhandi akimudayi italanta elfu kumi. ²⁵Kwa kiva akhandi asina insila ya kusihomba, umtwa wakwe walajisaga aguswe, umudala wakwe bahamo na vanakwe ni shila shinu shini akhandi anasho, na uuhombaji usenjeshe.²⁶Bahene umwanandeje wagwisaga, wafugama pamwandi yakwe, ija, ''Mtwa, uve nuufmilifu kunyangu , na ambi nikikuhomba shila shinu.' ²⁷Bahene umtwa wa yula umwanandeje, kwa kiva wakhatwaga mandu nulusungu, wamuleshelaga na kimusamehe ilideni ilyo²⁸Lakini umwanandeje yula wapolaga na kimupata yumo ku vanandeje vayine, mwini akhandi akimudaya dinari mia. Wamukwehaga, vamutakha palikholomelo, na kimujovela, 'Nihomba shila shini nikikudaya.' ²⁹Lakini yula umwandeje muyine wagwisaga na kimulomba sana, ija, 'Uve mfumilifu none, ni ambi nikikuhomba.'³⁰Lakini umwanandeje yula wa kwansa wakhanaga. Badala yakwe, walutaga na kimutaga mugelesa, mpakha pini ambi akimuhomba shila shini akimudayi. ³¹Na pini valwagaga avanandeje vayine hila shini shapolela. Vasikitikhaga mandu. Vayinsaga na kimujovela umtwa wanave shila shinu shini shapolela.³²Bahene yula umtwa wa mwanandeje yula wamushemelaga, na kimujovela, ''Owe mwanandeje muvi, nalinga nakusamehe owe ilideni lyangu lyona kwa kiva wanilombaga mandu. ³³Wuli! Nda wa usava nulusungu kwa mwanandeje muyago, ngaja one shini nakuwonela lusungu owe?³⁴Umtwa wakwe wakhalalaga na kimutawula kwa vala avalafyaji mpakha pini ambi ihomba ishiasi shona hini akhandi idayiwa. ³⁵Ndeno ndio shini Ubaba wangu wa Kushanya shini akhagaha, nda yumo wenyu asikhamusamehe ukholo lwakwe kihuma munumbula enyu.''

¹Pini Uyesu wamalaga amajowo ago, wawukhaga Kugalilaya, na walutaga kumupakha gwa Kuyudea pamwandi ya mukhoga Yordani. ²Avanu vinji vamufwataga, na wavaponesaga uko.³Amafarisayo vamuyinsila vamujesa, vamujovela, ''Wuli lunofu umunu kumulekha umudala wakwe kwa sababu yeyona?'' ⁴Uyesu wajibu na kija, ''Musikhayimbile, umwene mwini wawawumbaga pamwaandi wawawumbaga umugosi nu mudala?⁵Na khanji waja, 'Kwa sababu iyo umugosi ambi akimulekha uwihe nu nyina na kikhala nu mudala wakwe, na vene vavili ambi viva muvili gumo?' ⁶Ino iyo vavili khanji, ila muvili gumo, Ino, shila shini washiwunganiya Unguluvi, umunu yeyona aikhashibagulaniyaga.''⁷Vamujovela, ''Ino kwa nhii Umusa watijovelaga kihumya ihati ya talakha na kumulekha?'' ⁸Wavajovela, ''Kwa wumu wenyu wa numbula Umusa wavayitikhaga kivalekha avadala venyu, lakini kihuma pamwaandi yisikhali ndeno. ⁹Nikivajovela, kija umunu yeyona mwini ambi akimulekha umudala wakwe, isipokiva kwa ushemi, na atole uyunji, iva washemukha, Nu mugosi mwini ambi akimutola umudala mwini aleshilwe iva washemukha.''¹⁰Avanafunsi vamujovela Uyesu, ''Nda yili ndeno kwa mugosi nu mudala, siyo lunofu kitola.'' ¹¹Lakini Uyesu wavajovela, ''Sio shila munu iwesa kipohela amafundiso aga, ila ni kwa vala tu vini vayitishwe kiposhela. ¹²Kwa kiva vakwali avabishi vini vasawagwa kihuma mumatumbo ga vanyinave. Na shishila kuna vabishi vini vatendilwe na vanu. Na kuna vabishi vini vaigahaga vabishi kwa ajili ya ufalme wa kushanya. Mwini iwesa kugaposhela amafundiso aga na agaposhele.''¹³Bahene wavaleta baasi ya vanishe vanang'ana ili avavishile amokho kushanya yanave na kilomba, lakini avanafunsi vakwe vavasivilaga. ¹⁴Ila Uyesu waja, ''Vayitishi avana avanang'ana, wala musikhavakhanaga kiyinsa kunyangu, kwa kiva uufalme wa kushanya ni wa vanu ngaja avene. ¹⁵Numwene wavikhaga amokho gakwe kushanya yanave, na bahene wawukhaga pala.¹⁶Lelela umunu yumo wayinsa kwa Yesu na kija, ''Mwalimu, shinu shishi shinofu shini nitakiwa kisenga ili nipate kiva nuusima wa shiluta?'' ¹⁷Uyesu wavajovela, ''Kwa nshii ukiniposa ni shinu shishi shinofu? Kuna yumo tu mwini ali munofu, lakini nda wusakula kipata uusima, khata isheriya sa Nguluvi.''¹⁸Yula umunu wamuposa, ''Ni sheriya nshii?'' Uyesu waja, ''Usikhabudaga, usikhashemukhaga, usikhahijaga, usikhalogolaga uudehi, ¹⁹vaheshimu uwiho nu mama wakho, na mugana ujirani wakho ngaja nafsi yakho.''²⁰Umunu yula wamujovela, ''Amajowo gona ago nagapulisa. Bado nisakula shishi? ²¹''Uyesu wamujovela, ''Nda wusakula kiva mukhamilifu, luta, uguse fini unafyo, na uvapele avapina, na ambi wiva ni akiba kushanya. Bahene yinsa unifwate.'' ²²Lakini umudimi yula pini wapulikhaga gala Uyesu gini wamujovela, wawukhaga kwa lusungu, kwa kiva akhandi na ana mali nyinji.²³Uyesu wavajovela avanafunsi vakwe, ''Kweli nikivajovela, nsengo kwa munu utajiri kihuluta kuufalme wa kushanya. ²⁴Khanji nikivajovela, yisili nsengo ingamia kishila pa litundu lya sindano, kuliko kwa munu utajiri kihuluta kuufalme wa Nguluvi.''²⁵Avanafunsi pini vapulikhaga ndeno, vashangalaga mandu na kija, ''Yu nani ino mwini ambi akiikulusa?'' ²⁶Uyesu wavalelela na kija, ''Kwa vanadamu ilyo lisiwesekhana, lakini kwa Nguluvi gona giwesekhana.'' ²⁷Bahene Upetro wamujibu na kija, ''Lelela talekha fyona na kukufwata owe. Shinu shishi shini ambi tipata?''²⁸Uyesu wavajovela, '' Kweli nikivajovela, umwene mwini mwini wanifwata one, kuusawo uupya pini Umwana wa Adam ambi ikhala ku shitengo sha ensi sha utukufu wakwe, nayumwe yumwe ambi mwikhala kushanya ya fitengo kumi nammbili fya ensi, kivahiga amakhabila kumi na mbili ga Kuisraeli.²⁹Shila yumo wenyu mwini aleshile inyumba, vakaka, vadada, uwihe, unyina, avanakwe, au mugunda kwa ajili ya litawa lyangu, ambi iposhela mara mia na kuuhala uusima wa shiluta. ³⁰Lakini vini valongwele isalisi ambi viva va mwisho, na vini va mwisho ambi vilongola.

¹Kwa kiva uufalme wa kushanya wihwanana nu munya mugunda, mwini wadamukha isubuhi na mapema ili kiajiri avasenga nsengo kumugunda gwakwe gwa mizabibu. ²Baada ya kiva wayitikhana na vasenga nsengo dinari yimo kwa lusku, wavafilikhaga kiluta kumugunda gwakwe gwa misabibu.³Walutaga khanji baada ya masala gatatu ndeni na wavagaga avasenga nsengo avanji vayimile bila nsengo kulieneo lya sokho, ⁴Wavajovela,Nemwe , luti kumugunda gwa misabibu, na shoshona shini shifwaya ambi nikivapela.' Bahene valutaga kisenga insengo.⁵Walutaga khanji baada ya masala sita umuda gwa saa tia, na wagahaga shisho. ⁶Imara yinji khanji umuda gwa saa kumi na moja, walutaga na kivaga avanu avanji vayimile bila nsengo. Wavajovelaga, 'kwanshii muyimile panu bila nsengo yeyona kwa lusiku ltona? ⁷Vamujovela, kwa kiva kusina umunu yeyona mwini watiajiri, Wavajovela, 'Nemwe luti kumugunda gwa misabibu.'⁸Uluhavi lwa lulandi pini lwafikhaga, umunya mugunda gwa misabibu wamujovelaga umuyimililaji wakwe, 'Vashemela avasenga nsengo na uvahombe amishahara, kwa kiyansa nu wa kwansa hadi wa mwisho.' ⁹Pini vayinsaga vala vini vaajiriwe saa kumi na moja, shila yumo wanave wapohelaga idinari. ¹⁰pini vayinsaga avasenga nsengo va kwansa vahivaga kija ambi vihombwa pakhome, lakini vaposhelaga wope shila yumo dinari yimo shila munu.¹¹Baada ya kiposhela amalipo ganave, vamulalamishilaga umunya mugunda. ¹²Vaja, 'ava avasenga nsengo va ku mwisho vatumila lisala limo tu kisenga insengo, lakini wavalinganisa nose, ose tasumula umusigo lusiku lyona na kipya ni joto.'¹³Lakini umunya mugunda wajibu na kija kwa yumo wanave, 'Rafiki, niikhasenjile ulujowo luvi. Wuli! tisikhayitikhene none kwa dinari yimo? ¹⁴Poshela shila shini shikikufwaya na ulute lwakho. Ni ushendefu wangu kivapela ava vasenga nsengo vini vaajiliwa kumwisho sawa sawa nowe.¹⁵Wuli! Yisili haki kunyangu kisenga shila shini nisakula ni mali sangu? Au iliho lyakho livi kwa sababu one linimunofu? ¹⁶Ino wa mwisho ambi iva wa kwansa nu wa kwansa wa mwisho''¹⁷Uyesu pini akhandi itana kiluta Kuyerusalemu, wavatolaga avanafunsi vakwe kumi na mbili palubali, na kunsila wavajovela, ¹⁸''Lelela tiluta Kuyerusalemu, nu Mwana wa Adamu ambi ikhatwa mu mokho ga vakhome va makuhani na vaandishi. Vakhamuhiga kwa kifwa ¹⁹na ambi vakimuhumya kwa vanu va mataifa ili kumujova uvi, kumushapa na kimulyafya. Lakini kulusiku lwa utatu ambi ifyukha.''²⁰Bahene unyina wa vana va Zebedayo wayinsaga kwa Yesu na vanakwe. Wafugamaga pamwandi yakwe na kumulomba ishinu kihuma kunyakwe. ²¹Uyesu wamujovela, ''Wusakula nshii?'' Wavajovela, ''Yitikha kija ava avanangu vavili vakhale, yumo iliwokho lyakho lua kulia na yumo iliwokho lyakho lya kushoto kuufalme wakho.''²²Lakini Uyesu wajibu na kija, ''Usimenye shila shini wilomba. Wuli! wuwesa kushing'welela ishikhombe shini ambi nikishing'welela?'' vamujovela, ''Tiwesa.'' ²³Wavajovela, ''Ishikhombe shangu hakika ambi mukishing'welela. Lakini kikhala iliwokho lyangu lya kulia na liwokho lyangu lya kuhoto sio nsengo yangu kivapela, lakini ni kwa vala vini sha tayari vayandalilwe nu Baba wangu.'' ²⁴Avanafunsi avanji kumi pini vapulikhaga ndeno, vasugumiswagwa mandu na vala avanyalukholo vavili.²⁵Lakini Uyesu wavashemelaga yumwene na kivajovela, ''Mumenye kija avatavala va mataifa vakivatisa, na vakhome vanave kisenga amamulakha kushanya yanave. ²⁶Lakini yisikhavesaga ndeno kunyenyu. Badala yakwe, yeyona mwini ambi isakula kiva mukhome munyenyu lasima ave mtumishi wenyu. ²⁷Na mwini ambi iva wa kwansa munyenyu lasima ave mtumishi wenyu. ²⁸Ngaja ndenela shini Umwana wa Adamu asikhayinsile kitumishilwa, ila kitumikha, na kihumya uuhai wakwe kwa kivakhombola vinji.''²⁹Pini vakhandi vipola Kuyeriko, avanu vinji vamufwataga. ³⁰Na vavagaga avapofu vavili vakhele kumwambwa ya barabara. Pini wapulikhaga kija Uyesu akhandi ishila, vatansaga ishauti na kija, ''Mtwa, Mwana wa Daudi, tiwonela lusungu.'' ³¹Lakini avanu vavadalishilaga , na kivajovela sisimi. Hata ndeno, avene vatansaga ishauti mandu nakija, ''Mtwa, Mwana wa Daudi, tiwonela lusungu.''³²Bahene Uyesu wayimaga na wavashemelaga na kivaposa, ''Musakula nivagahile nshii?'' ³³Vamujovela, ''Mtwa kija ameho gesu gadindulwe.'' ³⁴Basi Uyesu, wawonaga lusungu, wagapyasa ameho ganave, umuda gugo, vaposhelaga uuweso wa kilolela na mimufwata.

¹Uyesu na vanafunsi vakwe vafikhaga kholela na Kuyerusalemu na valuta mpakha Kubethfage, ku shidunda sha misaituni, bahene Uyesu wavafilikha avanafunsi vavili, ²wavajovela, ''Luti kushijiji shini shifwata, na mara yimo ambi mukiyaga ipunda yipinyilwe pala, ni nyana ya punda bahamo ni yene. sihuduli na kusileta kunyangu. ³Nda umunu yeyona vajovele hoshona kihusu ilyo, ambi mwija, 'Umtwa akisisakula, ' nu munu uyo mara yimo ambi akivayitikha muyinse bahamo ni sene''⁴Ulujowo ulu lwapolelaga ndiyo lila lini lyalogolwagwa kishilila kwa vakuvamalago lasima litimiswe. ⁵Wavajovela, Vajovela avahinja Avasayuni, lelela, umufalme wakho iyinsa kunyenyu, umunyenyekefu na kuno atanile ipunda, nu mwana pundaumugosi, umwana punda mushali.⁶Bahene avanafunsi vawukhaga ni kigaha ngaja Uyesu hini wavalajisa. ⁷Vailetaga ipunda nu mwanapundi, na kivikha amenda ganave kushanya yanave, numwene Uyesu wakhalaga pala. ⁸Vinji ku mukusanyikho vatandikhaga amenda ganave munsila, na avanji vadumulaga amatawi kihuma mumupishi na kitandasa kubarabara.⁹Avanu vini vamulongolaga Uyesu na vala vini vamufwataga vatansaga ishauti, vija, ''Hosana kwa mwana wa Daudi! Yu mubarikiwa mwini iyinsa kwa litawa lya Mtwa. Hosana kuhanya mandu'' ¹⁰Uyesu pini wafikhaga Kuyerusalemu,umuji gona gwatinukhaga na kija, ''Uyu yu nani? ¹¹''Avanu vajibu, ''Uyu yu Yesu Umukuvamalago, kihuma ku Nasareti ya Kugalilaya.''¹²Bahene Uyesu wahulutaga kulitembe lya Nguluvi. wavadagaga kunja wona vini vakhandi vigula na kigusa mulitembe. Khanji wasetusaga imesansa vini visetusa ihela ni fitengo fya vagusa unkhunda ¹³Wavajovela, ''Yiyandishwe, ' Inyumba yangu ambi yishemelwa nyumba ya maombi, 'lakini omwe mwaigaha lipango lya vapokhaji.'' ¹⁴Bahene avapofu na valema vamuyinsilaga mulitembe, numwene wavaponesa.¹⁵Lakini pini avakhome va makuhani na vaandishi pini vagaga amaajabu gini wagasenga, na pini wapulikhaga avana vilyova mulitembe na kija, ''Hosana kwa Mwana wa Daudi,'' vakhatwagwa ni hasira. ¹⁶Vamujovela, ''Wapulikha shini shilogolwa na vanu ava?'' Uyesu wavajovela, ''Ndiyo! Lakini musinayimbaje, 'Kihuma kumalomo ga vanishe na vana vashali vini viyonkha mna sifa khamili?'' ¹⁷Bahene Uyesu wavalekhaga na kiluta kunja ya mji ku Bethania na kigona huko.¹⁸Isubuhi pini akhandi itina kumujini, akhandi ni njala. ¹⁹Wagwagaga umupishi mwambwa ya barabara. Wagulutilaga, lakini asikhapatile ishinu kushanya yakwe ila amasole hela. Wagujovelaga, ''Kusikhavesaga na matunda kunyakho shiluta.'' Baho umupishi gula gwayuma.²⁰Avanafunsi pini valwagaga, vashangalaga na kija, ''Yava wuli umupishi gwayuma mara moja?'' ²¹Uyesu wajibu na kivajovela, ''Kweli nikivajovela, nda muve nilihuvi na bila wasi wasi, musikhasenga shila shini shasenjekha ku ugo umupishi tu, lakini ambi mukishijovela hata isho ishidunda, ' shitolwe na shitajwe kubahari, 'na ambi yisenjekha. ²²Shoshona shini ambi mwilomba kwa maombi, kuno muyamini, ambi muposhela.''²³Uyesu pini wafikhaga kulitembe, avakhome va makuhani na vagosivaha na vanu vamuyinsilaga pini akhandi ifundisa na kimuposa, ''Kwa mamlakha nshii wigaha amajowo aga? Na yunani mwini wakupela amamulakha aga?'' ²⁴Uyesu wajibu na kivajovela, ''Nayune khanji ambi nikivaposa iliswali limo. nda munijovele, nayune shishila ambi nikivajovela ni kwa mamlakha shii nisenga amajowo aga.²⁵Uubatiso wa Yohana- wahumaga kwii, kushanya au kwa vanadamu?'' Vaposaniyaga vavene, nija, nda tije wahumaga kushanya, 'ambi akitijovela, kwanshi musikhamuyaminile? ²⁶Lakini nda tije wahumaga kwa vanadamu, ''tikivatila avanu, kwa kiva wona vakimwaga Uyohana ngaja mukuvamalago.'' ²⁷Bahene vamujibu Uyesu na kija, ''Tisimenye'' Wavajovela wope'' Wala na yune ambi nisikivajovela kwa mamlakha nshii nisenga amajowo aga.²⁸Lakini muhiva nshii? Umunu umunya vana vavili. Alute kwa yumo na kimujovela, ''Mwanangu, luta usenje insengo kumugunda gwa misabibu ²⁹inenguni. 'Umwana wajibu na kija, ''nisiluta, 'Lakini panyuma wasetusa amahiva gakwe na waluta. ³⁰Nu Munu yula waluta kwa mwana wa uvili na kilogola ishinu hihila. Umwana uyu wajibu na kij, 'ambi niluta, mtwa,' lakini asikhalutile.³¹Ali kwii ku ava vana vavili mwini wasenga gini isakula uwihe? Vaja, ''Umwana wa kwansa.'' Uyesu wavajovela, ''Kweli nikivajovela, avakunganiya uushuru na vashemi vakhahuluta kuufalme wa Nguluvi khabla yenyu kihuluta. ³²Kwa kiva Uyohana wayinsaga kunyenyu kwa nsila yini yigolweshe, lakini musikhamuyaminile, amba avakunganiya uushulu na vashemi vamuyaminigi. Nemwe, pini mwalyagaga ilyo lisenjekha, musikhawesise kilomba umusamaba ili panyuma mumuyamini.³³Pulisi umufano ugunji. Kukhandi nu munu, umunu umunya lieneo likhome lya mugunda. Wavyalaga amisabibu, wavishilaga uluvikha, watendaga ni shombo sha kikhamila idivai, wasenga nu munara gwa ulinsi, na walikhodesaga kwa vatunsa sabibu. Bahene walutaga kunyii iyinji. ³⁴Uluhavi lwa kukungula isabibu pini lyavesaga lwahejela, wafilikhaga baaasi ya vatumishi kwa valimaji valimaji va misabibu kitola amisabibu gakwe.³⁵Lakini avalimaji va sabibu vavatolaga avatumishi vakwe, vamutova yumo, vamubuda yumo, na vamutova uyunji kwa mang'anga. ³⁶Kwa mara yinji, Umumiliki wavafilikhaga avatumishi avanji, vinji kishila vala va kwansa, lakini avalimaji va misabibu vavasenjelaga shishila. ³⁷Baada ya hapo Umtwa yula wamufilikhaga kunyanave umwanakwe, ija, ''ambi Vakimuheshimu umwanangu.'³⁸Lakini avalimaji va sabibu pini vamwagaga umudimi yula, vajovelanaga, ''Uyu yu muhalaji, Yinsi, timubude na tipate kihala.' ³⁹'Bahene vamutolaga, vamutaga kunja ya mugunda gwa sabibu na kimubuda.⁴⁰Wuli umunya mugunda gwa masabibu pini akhayinsa, ambi akivaenga omwe valimaji va misabibu?'' ⁴¹Vamujovela, ''Akhavananga avo avanu avavi kihuma ku nsila ya ukhali mandu, na bahene ambi akigukhodesa umugunda gwa masabibu kwa valimaji avanji va masabibu, avanu vini ambi vilomba kwa ajili ya masabibu pini ambi giyela.''⁴²Uyesu wavajovela, ''Musikhayimbile mu maandikho, ' Iling'anga lini valikhanaga avasenga mavi iling'anga likhome lya msingi. Ili lini lihumile kwa Mtwa, na yishangasa pameho gesu?''⁴³Ino nikivajovela, Uufalme wa Nguluvi ambi wutolwa kihuma kunyenyu na kipelwa itaifa lini lihiva amatunda gakwe. ⁴⁴Yeyona mwini ambi igwila pashanya ya ling'anga ilyo ambi idenywa fipande fipande. Lakini kwa yeyona mwini ambi likimugwilila ambi likimuhaula⁴⁵Avakhome va makuhani na mafarisayo pini vapulikhaga amafano gakwe, vawonaga kija akivalogolela avene. ⁴⁶Lakini pini vakhandi viakula kigolosa amokho kunyakwe, vatilaga avanu, kwa kiva avanu vamulelelaga ngaja mukuvamalago.

¹Uyesu walogolaga na vene khanji kwa mifano, ija, ²Uufalme wa kushanya wihwanna nu mfalme mwini ayandalile isherehe ya harusi ya mwanakwe. ³Wavafilikha avatumishi vakwe kivakhalibisa vini vakhandi vakahlibisiwe kuyinsa ku sherehe ya harusi, lakini vasikhafishile.⁴Umfalme wavafilikhaga avatumishi avanji, waja. Vajoveli wona vini valalishwe, Leleli, niyandalile ishakilya. Ifahali ni ngwada isangu inono sashinjwa, na majowo gona gali tayari, Yinsi ku sherehe ya harusi.''⁵Lakini avanu avo vasikhafwatilile kwa unofu uulalikhaji wakwe. Vamonga valutaga kumagunda ganave, na vanji vatinaga ku sehemu sanave sa biashara. ⁶Avanji vavayinushilaga avatumishi va mfalme na kivaaibia na kivabuda. ⁷Lakini umfalme wakhalalaga. Wafilikhaga ijeshi lyakwe, wavabudaga vala avabudaji na kugunyanya umji gwanave kwa moto.⁸Bahene wavajovelaga avatumishi vakwe, ''Iharusi yili tayari, lakini vini valalikhwagwa vasikhafwayile. ⁹Ino luti ku nsila khome, valalishi avanu vinji shini yiwesekhana vayinse ku sherehe ya harusi.'' ¹⁰Avatumishi valutaga kunsila ikhome na vavakhalibisaga avanu vovona vini vavagaga, avanofu na vavi. Ino uukumbi wa harusi wamemaga vahensa.¹¹Lakini umfalme pini wahulutaga kivalelela avahensa, wamwagaga umunu yumo mwini asikhafwalile umwenda rasmi gwa harusi! ¹²Umfalme wamuposaga, 'Muya, wawesa wuli kifikha muno mukhati bila mwenda gwa harusi?' Nu munu uyo asikhalogwele shoshona.¹³Bahene umfalme wavajovelaga avatumishi vakwe, '''Mupinyi umunu uyo amokho na magulu na mumutaje kunja ku nshisi, uko kwini ambi kwiva ni kholo na kihaula ameno. ¹⁴Kwa kiva avanu vinji vishemelwa, lakini avateule ni vadodo.''¹⁵Bahene Amafarisayo vawukhaga na kipanga inamna ya kimukhata Uyesu kwa majowo gakwe yumwene. ¹⁶Bahene vavafilikhaga avanafunsi vanave bahamo na Maherode. Na vamujovelaga Uyesu, ''Mwalimu, timenye kija owe uli munu wa kweli, na kija wufundisa amatakwa ga Nguluvi ku ukweli. Usihiva maoni ga munu uyunji na usiwonensa uupendeleo kwa vanu. ¹⁷Ino tijovela, wuhiva nsii? Wuli, lunofu shiheriya kihomba ikhodi kwa Kaisari au hapana?''¹⁸Uyesu wamanyaga uuvi wanave na waja, ''Kwanshii mukinijesa, omwe vamyansi? ¹⁹Niwonensi ihela yini yitumikha kihombela ikhodi. ''Bahene vamuletelaga idinari.²⁰Uyesu wavaposa, ''Isura nili tawa ili fya nani?'' ²¹Vamujibu, ''Fya Kaisari.'' Bahene Uyesu wavajovela, ''Mupeli Ukaisari ifinu fini fyakwe ni fya Nguluvi mupeli Unguluvi.'' ²²Pini vapulikhaga ndeno vashangalaga. Bahene vamulekhaga na kiluta lwanave.²³Ulusiku ulo vamonga va Masadukhayo vayinsaga kwa Yesu, vala vini vija kija kusina uufufuwo wa vini vafwile. ²⁴Vamuposa, vija, ''Mwalimu, Umusa wajovaga, Nda umunu wafwa bila kisava umwanishe, ukholo lwakwe na amuhale uyo umudala na umusavile umwana kwa ajili ya kholo lwakwe.²⁵Vakhandi vakwali avanyalukholo saba, Wa kwansa watolaga na wafwa bila kisava umwanishe. Wamuleshela ukholo lwakwe umudala. ²⁶Bahene nu kholo lwakwe wa uvili wope wagaha shiho, bahene yula wautatu, yavesaga ndeno hadi kwa yula wa saba. ²⁷Baada ya kigaha ndeno wona, yula umudala wope wafwisaga. ²⁸Ino kuufufuwo uyo umudala ambi iva mudala wanani ku avao avanyalukholo saba? Kwa kiva wona vamutolaga.''²⁹Lakini Uyesu wavajibugu na kivajovela, ''Mukhosela, kwa kiva musimenye Amaandikho wala ingufu sa Nguluvi. ³⁰Kwa kiva kuufufuwo, avanu vasitola wala kitolwa. Badala yakwe ava viva ngaja malaikha huko kushanya.³¹Lakini kihusu uufufuwo wa vini vafwile, musinajelaje kiyimba hila shini Unguluvi washilogolaga kunyenyu, ija, ³²One yu Nguluvi wa Ibrahimu, Nguluvi wa Isaka, nu Nguluvi wa Yakobo? Unguluvi asili Nguluvi wa vini vafwile, ila yu Nguluvi wa vini vali vasima.''' ³³Pini avanu vapulikhaga ili, vashangalaga amafundiso gakwe.³⁴Lakini Avafarisayo pini vapulikhaga kija Uyesu wawasisimya Avasadukhayo, vaikunganiyaga avene vavene bahamo. ³⁵Yumo wanave, mwini yu mwana sheriya, wamuposaga iliswali kwa kimujesa. ³⁶''Mwalimu, amri nshii yini khome kishila sona ku sheriya?''³⁷Uyesu wamujibu, ''Lasima umudoboshe Umtwa kwa numbula yakho yona, kwa roho yakho yona, na kwa luhala lwakho lona. ³⁸Iyi ndiyo amri yini khome na ya kwansa.³⁹Ni ya uvili yihwanana ni iyo- Lasima umugane ujirani wakho nagaja shini ukiidobokha yuwe. ⁴⁰Isheriya sona sa Vakuvamalago sihuvilila iamri isi sivili.''⁴¹Na Mafarisayo pini vakhandi bado vakunganile bahamo, Uyesu wavaposaga iliswali. ⁴²Ija, ''Wuli!, Muhiva nshii kihusu Ukristo? Umwene yu Mwana wa nani?'' Navene vamujibu, ''Yu mwana wa Daudi.''⁴³Uyesu wavajibu, '' Ni kwa namna nshii Udaudi ku Shiroho akimushemela Umtwa, ija, ⁴⁴'Mtwa wamujovelaga Umtwa wangu, ''Khala iliwokho lyangu lya kuhigosi, hadi pini ambi nikivagaha amaadui vakho vavishwe pansi ya magulu gakho.'''?''⁴⁵Nda Udaudi akimushemela Ukristo ''Mtwa,'' ino wuli ambi iva mwanakwe?'' ⁴⁶Kusina mwini wawesaga kimujibu ilujowo khanji, na kusina mwini wajelaga kimuposa amaswali aganji kihuma ulusiku ulo na kiyendelela.

¹Bahene walogolaga nu umati wa vanu navanafunsi vakwe. Waja, ²''Avaandishi na Mafarisayo vikhalila ishitengo sha Musa. ³Ino shoshona shini vakivajova kushisenga, senji kuno mukivalolela. Lakini musikhajelaga kifwatisa amatendo ganave, kwa kiva avene vilogolaga amajowo gini vasikigasenga.⁴Kweli, avene vipinya amasigo masito gini nsengo kisumula, na bahene vakivasumusa avanu mumavega ganave. Lakini avene vasihejesa hata ludole kisumula. ⁵Amatendo ganave gona, vakigasenga ili valolwelwe na vanu. Kwa kiva avene vipanula amasandukhu ganave na kiyonjelesa uukhome wa mapembo ga menda ganave.⁶Avene vidobokha kikhala amaeneo ga shifahari ku herehe na kufitengo fya lihima mukhati ya mumasinagogi, ⁷na kihunjilwe kwa lishima amaeneo ga kuokho, na kishemelwa '' Valimu'' na vanu.⁸Lakini omwe muipaswa kuhemelwa ''Valimu,'' Kwa kiva munawo Umwalimu yumo, na omwe wona vanyalukholo. ⁹Musikhamushemelaga umunu yeyona padunia kija wihenyu, kwa kiva muli nu Baba yumo tu, numwene ali kuhanya. ¹⁰Wala musikhajelaga kishemelwa 'valimu,' kwa kiva munawo Umwalimu yumo tu, yaani Ukristo.¹¹Ila mwini ali mukhome munyenyu ambi iva mtumishi wenyu. ¹²Yeyona mwini akiiyinula ambi iyiswa. Na yeyona mwini akiiyisa ambi iyinulwa.¹³Lakini ole wenyu avaandishi na Mafarisayo, vadehi! Mukivadindila avanu uufalme wa kushanya. Nayumwe musiwesa kihuluta, na musikivayitikha vini vihuluta kigaha ndeno. ¹⁴( Fwatilila: Umsholela gwa 14 guiwonekha ku nakala inofu sa pakhala. Inakala isimonga siyonjelesa umusholela ugu baada ya musholela gwa 12. Umusholela gwa 14 ''Ole wenyu avaandishi na Mafarisayo vamyansi! Kwa kiva mukivamila avajane''). ¹⁵Ole wenyu Avaandishi na Mafarisayo, vamyansi! Mulowokha kumwambwa ya bahari na kifikha kimugaha umunu yumo ayamini gala gini mukigafundisa, na pini iva ngaja omwe, mukimugaha mara mbili mwana wa kujehanamu ngaja omwe yumwe hini mushwali.¹⁶Ole wenyu avalongosaji vapofu, omwe vini mwija,, Yeyona mwini ilapa kwa litembe, asili shinu. Lakini mwini ilapa kwa sahabu ya hekalu, apinyilwe nuulapaji wakwe. ¹⁷Omwe vapofu vayasu, shishi shili hikhome kishila ishinji, isahabu au ilitembe lini livishilwe tayari ngaja sahabu kwa Nguluvi?¹⁸Nu, yeyona mwini ilapa kwa masabahu, sio shinu. Ila mwini ilapa kwa sadakha yini yili kushanya yakwe, apinyilwe ni shiapo shakwe. ¹⁹Omwe vanu vapofu, shili shili shikhome kishila ishinji, isadakha au masabahu yini yivikha wakfu isadakha sini sihumisiwe kwa Nguluvi?²⁰Ino, umwene mwini ilapa ku masabahu ilapa kwa iyo na kwa finu fyona fini fili kushanya yakwe. ²¹Numwene mwini ilapa kwa litembe, ilapa kwa ilyo na kwa mwene mwini ikhala mukhati yakwe. ²²Nu mwene mwini ilapa kwa mbingu, ilapa kushitengo sha ensi sha Nguluvi na kwa mwene mwini ikhala kushanya yakwe.²³Ole wenyu, vaandishi na Mafarisayo, vamyansi! Kwa kiva mwihomba isadakha kwa bizali, mnaanaa nu mchicha, lakini mwilekha amajowo amasito ga sheriya- ihaki, irehema, nilihuvi. Lakini aga mwipaswa kiva mwagasenga, na siyo kilekha aganji bila kigasenga. ²⁴Omwe avalongosaji vapofu, omwe vini mwihuja akhadudu akhanang'ana lakini mwimila ingamia!²⁵Ole wenyu, vaandishi na Mafarisayo, vamyansi! Kwa kiva mwiyosa kunja kushikhombe na kunja ya sahani, lakini mukhati mumemile uusulumaji na bila kiva nishikhomo. ²⁶Omwe Amafarisayo vapofu, yosi tangusina mukhati ya shikhombe na mukhati ya sahani, ili ulubali lwa kunja lwope luve lujose.²⁷Ole wenyu, vaandishi na Mafarisayo, vamyansi! Kwa kiva muhwanana na makhaburi gini gapashilwe ishokaa, gini kwa kunja giwonekha manofu, lakini kwa mukhati gamemile amafupa ga vini vafwile na shila shinu shini shishafu. ²⁸Ino shisho, nemwe kwa kunja muwonekha vanya haki mbele ya vanu, lakini kwa mukhati mumemile uumyansi nuudehi.²⁹Ole wenyu, vaandishi na Mafarisayo, vamyansi! Kwa kiva mwisenga amakhaburi ga vakuvamalago na kigapamba amakhaburi ga vanya haki. ³⁰Omwe mwija, nda ta tive tikhele ngaja insiku sa vawihesu vesu, nda tisa tisawungana nawo kikunula idanda sa vakuvamalago. ³¹Ino mukiilogola yumwe kija omwe muli vana va avo vini vavabudaga avakuvamalago.³²Ino nemwe mukhamilisa kimemya isehemu yini yafwayaga isambi sa vawihenyu venyu. ³³Omwe njokha, vana va vipiribao, kwa nsila nshii ambi mukiusiga uuhigo wa kujehanamu?³⁴Ino, leleli, nikivafilikha kunyenyu avakuvamalago, avanu avanya haki, na vaandishi. Vamonga ambi mukivabuda na kivalafya. Na vamonga ambi mukivatova mukhati ya masinagogi genyu na kivadaga kihuma inyii yimo hadi iyinji. ³⁵Amapolelo ni kija kushanya yenyu ambi kwipolela idanda sona sa vanya haki ini sikunilwe kudunia, kiyansa idanda ya Habili umunya haki hadi ku danda ya Zakaria umwana wa Barakia, mwini mwamubudaga khati ya patakhatifu ni masabahu. ³⁶Kweli, nikivajovela, amajowo aga gona ambi gakishipata ishisasi ishi.³⁷Yerusalemu. Yerusalemu, owe mwini ukivabuda avakuvamalago na kivatova amang'anga vala vini vifilikhwa kunyakho! mara nyinshi navakunganiya avanishe vali bahamo ngaja ndenela inkuku shini yikunganiya utwana twakwe pansi ya mapapatikho gakwe, lakini usikhayitishe! ³⁸Lelela, inyumba yakho yileshilwe yisugumile. ³⁹Nayune nikikujovela, Kiyansa isalisi na kiyendelela usikhaniyaga, hadi pini ambi wija, 'Ana barakha umwene mwini iyinsa kwa litawa lya Mtwa.'''

¹Uyesu wapolaga muhekalu na kiluta lwakwe. Avanafunsi vakwe vamulutilaga na kimuwonena amajengo ga hekalu. ²Lakini wavajibugu na kija, ''Wuli, musikigaga amajowo aga gona? Kweli nikivajovela, kusina iling'anga lini lyasigala kushanya ya linji bila kibomolwa.''³Na pini wakhalaga Kushidunda sha Mizeituni, avanafuni vakwe vamulutilaga kwa kilogola vene na kija, ''Tijovela, amajowo aga gapolelaga yoli? Shinu shishi ambi shiva dalili ya kiyinsa kunyakho nu mwiho gwa wulimwengu?'' ⁴Uyesu wavajibugu na kija, ''Muve meho kija asikhayinaga umunu avayase. ⁵Kwa kiva vinji ambi viyinsa kwa litawa lyangu. Ambi vija, 'One ndiyo Kristo', na vakhayasa vinji.⁶Ambi mupulikha ifita ni taarifa sa fita. Leleli musikhayinsaga muve nu woga, kwa kiva amajowo aga lasima gapolele; lakini gula umwisho gukhava bado. ⁷Kwa kiva ilitaifa ambi liyinukha ku litaifa ilinji, nuufalme sidi ya ufalme. Kukhava ni njala na kitetema kwa nyii ku sehemu mbalimbali. ⁸Lakini amajowo aga gona ngaja luyanso tu lwa uchungu wa kusava.⁹Bahene ambi vakivahumya kwa ajili ya kivalafya na kivabuda. Ambi mukhalalilwa na mataifa gona kwa ajili ya litawa lyangu. ¹⁰Bahene vinji amb vikuvala na kisetukhana vene kwa vene. ¹¹Avakuvamalago vinji va udehi vakhapolela na kivadehela vinji.¹²Kwa kiva uuofu ambi wuyonjelela, uugani wa vinji ambi wipola. ¹³Lakini mwini ambi ifumilila mpakha mwisho, ambi ikulusiwa. ¹⁴Iyi imola ya ufalme ambi yihubililwa ku ulimwengu wona ngaja ushuhuda kwa mataifa gona. Na bahene gula umwisho ambi gwifikha.¹⁵Ino, pini ambi mukiwaga uukhalalo wa unangaji, wini wulogwelwe nu mukuvamalago Udanieli wuyimile amahala apatakhatifu [mwini iyimba na amanye], ¹⁶bahene vini vali Kuyuda vasijile kushidunda. ¹⁷Numwene mwini ali kushanya ya nyumba asikhatelemukhaga pansi kitola ishinu shoshona kihuma mukhati ya nyumba yakwe, ¹⁸numwene mwini ali kumagunda asikhatinaga kitola umwenda gwakwe.¹⁹Lakini ole wanave avene vini vana vana na vala vini viyonsa ku nsiku iso! ²⁰Lombi kija kisiga kwenyu kuikhavesaga uluhavi lwa mepo, wala lusiku lwa sabato. ²¹Kwa kiva kukhava ni tabu ikhome, yini yisinajelaje kipolela kihuma kiwumbwa kwa wulimwengu mpakha isalisi, na wala yisikhavayikwali khanji. ²²Nda insiku iso nda sisava sisifupiswe, kusina mwini nda wakulukha. Lakini kwa sababu ya vatewuli, insiku iso ambi sifupiswa.²³Bahene nda umunu yeyona nda ambi akivajovela 'Lelela, Ukristo akwali panu! au , 'Ukristo ali kula' musikhayaminigi amajowo ago. ²⁴Kwa kiva Amakristo ga udehi na vakuvamalago va udehi vakhayinsa na kiwonensa iishara khome na maajabu, kwa kusudi lya kivayasa, nda ya yive yiwesekhana hata kwa vatewule. ²⁵Leleli, navajovela khabla ya majowo ago kipolela.²⁶Ino, nda vavajovela, ''Ukristo uli kunyikha,' musikhalutaga huko kunyikha. Au, 'Lelela, ali mukhati ya nyumba,' musikhayaminigi amajowo ago. ²⁷Ngaja ndenela iradi shini yimulakha kihuma kunena na kimulikha hadi kusikha, ndiyo shini yikhava kuyinsa kwa Mwana wa Adamu. ²⁸Popona pini pana musoga, hapo ndio pini pini inyuni sikungana.²⁹Lakini baada ya dhiki ikhome ya nsiku sila, Ilijuva likhaponyesewa inshisi, umwesi gusikhahumya umwanga gwakwe, inyota sikhahwa kihuma kushanya, ni ngufu sa kushanya sikhahegekha.³⁰Bahene iishara ya Mwana wa Adamu ambi yiwonekha kushanya, na makhabila gona ga kudunia gakhakhola. Vakhamwaga Umwana wa Adamu iyinsa kumafunde ga kushanya kwa ngufu nu utukhufu mukhome. ³¹Akhavafilikha avamalaikha vakwe kwa sauti ikhome ya tarumbeta, navene ambi vakivakunganiya bahamo avatewule vakwe kihuma ipande sa dunia, kihuma umwisho gumo gwa mbingu hadi ugunji.³²Yimanyisi ilisomo kihuma ku mupishi gwa mtini. Mara tu ilitawi pini lilemba na kihumya amasole, mwimanya kija ulujuva lwava kholela. ³³Ino pope, pini mukhalwaga amajowo aga gona, mwipaswa kimanya kija wava kholela, kholela na malyango.³⁴Kweli nikivajovela, ishisasi ishi shisikhashila, hadi amajowo gona aga pini gava gapolela. ³⁵Imbingu ni nyii sikhashila, lakini amajowo gangu gasikhashila shiluta.³⁶Lakini kihusu ulusiku lula nilisala kusina mwini amenye, hata umalaikha wa kushanya, wala Umwana, ila Ubaba mwene duguli.³⁷Ngaja ndenela shini yikhandi ku nsiku sa Nuhu, ndiyo shini yikhava kuyinsa kwa Mwana wa Adamu. ³⁸Kwa kiva ku nsiku iso khabla ya gharika avanu vakhandi vilya na kung'wa, vitola na kitolwa mpakha ulusiku lula lwini Unuhu wahulutaga ku safina, ³⁹na vasikhamenye ishinu shohona mpakha igharika pini yayinsaga na kivasomba wona - ndiyo shini yikhava kuyinsa kwa Mwana wa Adamu.⁴⁰Bahene avanu vavili ambi viva kumugunda- yumo ambi itolwa, nu yumo ambi ilekhwa kunja. ⁴¹Avadala vavili ambi viva vihaula bahamo - yumo ambi itolwa, nu yunji ambi isigala. ⁴²Ino, muve meho kwa kiva musimenye lusiku lushi lwini akhayinsa umtwa wenyu.⁴³Lakini mumanye kija, nda ya yive umtwa umunyakhala wali amanye lisala lishi lini umuhiji nda wayinsa, nda wakesha na nda asayitikha ikhaya yakwe kifamilwa. ⁴⁴Ino, khanji mupaswa kiva meho, kwa kiva Umwana wa Adamu akhayinsa kulisala lini lisihivililwa.⁴⁵Ino yu nani mwini mwaminifu, umwanandeje umunya luhala, mwini umtwa wakwe wamupela amagarakha kwa vini vali ku nyumba yakwe, ili avapele ishakilya kwa luhavi lwini lufwaya? ⁴⁶Abarikhiwe umtumishi uyo, mwini umtwa wakwe ambi akimwaga isenga ndeno pini akhayinsa. ⁴⁷Kweli nikivajovela umtwa ambi akimuvikha kushanya ya shila shinu shini shakwe.⁴⁸Lakini nda umwanandeje umuvi aje munumbula yakwe, 'Umtwa wangu washelewa,' ⁴⁹na ayanse kivatova avatumishi vakwe, na alye na kigala uujimbi, ⁵⁰Umtwa wa mwanandeje uyo akhayinsa kulusiku lwini asihivilila, na kulisala lini asilimenye. ⁵¹Umtwa wakwe ambi akimudumula ifipande fivili na kumuvikha ku nafasi yimo sawa na vamyansi, kwini kukhava ni khlo na kihawula ameno.

¹Bahene uufalme wa kushanya wuhwananisiwa na vanavali kumi vini vatola itala sanave na kiwukha kiluta kimuposhela ubwana harusi. ²Avasanu mumo munyanave vakhandi vayasu na vasanu mumo munyanave vakhandi vanya luhala. ³Avanavali avayasu vatolaga itala sanave, vasikhatolile amafuta gogona. ⁴Ila avanavali vanya luhala vatolaga ifyombo ifinya mafuta bahamo ni tala anave.⁵Ino pini ubwana harusi washelewaga kifikha, wona vakhatwagwa nu tulo vagona. ⁶Lakini pini shikhandi hilo sha mandu kukhandi ni lyowo, 'Leleli, ubwana harusi! Poli kunja mumuposhele.'⁷Bahene vala avanavali valamukhaga wona na kivesa itala sanave. ⁸Vala avayasu vavajovelaga vala avanya luhala, 'Mutipele amafuta genyu kidogo kwa kiva itala seu sisima.' ⁹Lakini vala vanya luhala vavajibu na kivajovela, 'Kwa kiva gasikitikwilana o na yumwe, badala yakwe luti kwa vini vigusa muigulile madodo kwa ajili yenyu.'¹⁰Pini vakhandi valutile uko kigula, Bwana arusi wafikhaga, na wona vini vakhandi tayari walutaga numwene ku herehe ya harusi, numulyango gwadindwagwa. ¹¹Panyuuma vala avanavali avanji vafikhaga na kija, 'Mtwa, mtwa, tidindulila.' ¹²Lakini wajibugu na kija, 'Kweli nikivajovela, One nisivamenye.' ¹³Ino leleli kwa kiva musimenye ulusiku wala lisala.¹⁴Kwakiva ni sawa nu munu pini wasakulaga kishula kiluta inyii iyinji. Wavashemelaga avanandeje vakwe na kivapela uutajiri wakwe. ¹⁵Yumo wanave wamupelaga itaranta sisano, uyunji wamupelaga sivili, nu yula uyunji wamupelaga taranta yimo. Shila yumo waposhelaga ishiasi sawa nuuweso wakwe, nu yula umunu washulaga kiluta lwakwe. ¹⁶Nyangu yula mwini waposhelaga itaranta isanu walutaga kuivikha, na vasisakulaga itaranta isinji sisanu.¹⁷Shihila yula mwini waposhelaga itaranta sivili, vasakulaga isinji sivili. ¹⁸Lakini umwanandeje mwini waposhelaga itaranta yimo, walutaga lwakwe, wajima ililindi pansi, na kuifiha ihela ya mtwa wakwe.¹⁹Na baada ya muda mukhome, umtwa wa vanandeje awo watinaga na kitenda amahesabu navene. ²⁰Yula umwanandeje mwini waposhelaga itaranta sisanu wayinsaga na kileta italanta isinji sisanu, waja, 'Umtwa, wanipelaga italanta sisanu. Lelela, napata ifaida ya talanta isinji isanu.' ²¹Umtwa wakwe wamujovelaga, 'Lunofu, umwanandeje munofu nu mwaminifu! Wava mwanandeje mwaminifu kwa finu fidodo. Ambi nikikupela amadalakha kushanya ya finu finji. Yinjila kwa ushendefu wa mtwa wakho.'²²Umwanandeje mwini waposhelaga italanta sivili wayinsaga na kija, 'Mtwa, wanipelaga itaranta sivili. Lelela, napata ifaida ya talanta isinji sivili,' ²³Umtwa wakwe wamujovelaga, 'Lunofu, mwanandeje munofu nu mwaminifu! Wava mwaminifu kwa finu fidodo. Ambi nikikupela amadalakha ku finu finji. Yinjila kuushendefu wa mtwa wakho.'²⁴Bahene umwanandeje mwini waposhelaga italanta yimo wayinsaga na kija, 'Mtwa, nimenye kija owe nili munu mukhali. Wiyava amahala pini usikhavyalile, na wikungula amahala pini usikhavyalile. ²⁵One natilaga, nalutaga lwangu na kuifiha italanta yakho ku ulongo. Lelela, unayo panu yila yini yakho.'²⁶Lakini umtwa wakwe wajibugu na kija, 'Owe umwanandeje muvi na muyasu, ukhandi umenye kija niyava amahala pini nisivyalile na kikungula amahala pini nisingavyalile. ²⁷Ino wapaswagwa kivapela ihela yangu avanu va kubenki, na pini nitina one nda naiposhela yila iyangu bahamo ni faida.²⁸Ino muposhi iyo italanta na mupeli yula umwanandeje mwini ana talanta kumi. ²⁹Shila munu mwini anasho, ambi iyonjeleswa mandu-hata kwa kisidisiwa mandu. Lakini kwa yeyona mwini asina shinu, hata shini anasho ambi ipokhwa. ³⁰Mutaji kunja kunshisi uyo umwanandeje mwini asifwaya, kwini kukhandi ni kholo na kihaula ameno.'³¹Pini Umwana wa Adamu pini wayinsaga ku uwutukufu wakwe, na vamalaikha wona bahamo numwene, bahene pini wakhalaga kushanya ya shitengo shakwe sha uwutukufu. ³²Amataifa gona ambi gikungana pamwandi yakwe, numwene ambi akivabagulyaniya avanu, ngaja ndenela umudimaji shini ibagulaniya ikholo ni mene. ³³Ambi akisivikha iliwokho lyakwe lya shigosi, ila imene ambi akisivikha iliwokho ya kushoto.³⁴Bahene umfalme anbi akivajovela vala vini vali liwokho lyakwe lya kulia, 'Yinsi, vini mubarikhiwe nu Baba wangu, uhali uufalme wini wuyandalilwe kwa ajili yenyu kihuma kivikhwa kwa misingi ga wulimwengu. ³⁵Kwa kiva nikhandi ni njala mwanipelaga ishakilya; Nikhandi muhensa na mwanikhalibisaga; ³⁶Nikhandi bwinda, na mwanifwasaga amenda; Nikhandi mutamu na mwanitunsaga; Nikhandi nipinyilwe na mwaniyinsilaga.'³⁷Bahene avanya haki ambi vakimujibu na kija, ' Mtwa, yoli takwagaga una njala, na kikulisa? Au una khau na takupelaga amalenga? ³⁸Na yoli takwagaga uli muhensa, na takukhalibisaga? Au uli bwinda na takufwasa amenda? ³⁹Na yoli takwagaga uli mutamu, au udindilwe, na takuyinsila? ⁴⁰Nu mfalme ambi akivajibu na kivajola, 'Kweli nikivajola, hini mwasenga panu kwa yumo wa vanyalukholo vangu avanang'ana, mwanigahilaga one.'⁴¹Bahene ambi akivajovela awo vini vali liwokho lyakwe lya kushoto, 'Wushi kunyangu, vini mna laana, luti ku moto gwa shiluta gwini guyandalilwe kwa ajili ya shetani na vamalaikha vakwe, ⁴²kwa kiva nikhandi ni njala musikhanipelile ishakilya; nikhandi ni khau lakini musikhanipelile amalenga; ⁴³Nikhandi muhensa lakini musikhanikhalibise; nikhandi bwinda lakini musikhanipelile amenda; pini niva mutamu na pini niva nidindilwe, lakini musikhanitunsise.'⁴⁴Bahene avene wope ambi vakimujibu na kija, 'Mtwa, yoli takwagaga uli ni njala, au una khau, au uli muhensa, au uli bwainda, au uli mutamu, au upinyilwe, na vasikhakutunsise? ⁴⁵Bahene ambi akivajibu na kija, 'Kweli nikivajovela, shila shini musikhasenjile kwa yumo wa ava vadodo, musikhanisenjele one.' ⁴⁶Ava ambi viluta ku asabu ya shiluta ila vanya haki kuusima wa shiluta.''

¹Pini Uyesu wamalaga kilogola amajowo gona ago, wavajovelaga avanafunsi vakwe, ²''Mumenye kija baada ya nsiku sivili ambi kwiva ni sikukuu ya pasaka, nu mwana wa Adamu ambi ihumisiwa ili atowe.''³Panyuma avakhome va makuhani na vasehe na vanu vatanganaga bahamo ku makhalo ga Kuhani Mukhome, mwini akhandi ishemelwa Kayafa. ⁴Wona vapangaga injama ya kimukhata Uyesu kwa kuifiha na kumubuda. ⁵Kwa kiva vajovaga, '' Yisikhasenjekhaga ulusiku lwa sikukuu, kwa lengo lya kija kusikhavesaga ni fulugu kwa vanu vamonga.''⁶Pini Uyesu akhandi Kubethania ku khaya ya Simoni umukhome, ⁷pini akhandi aigolwese pamesa, umudala yumo wayinsaga kunyakwe kuno asumwile umukhebe gwa alabasta gwini gukhandi na mafuta ga thamani khome, na wagamimitaga kushanya ya mtwe gwakwe. ⁸Lakini avanafunsi vakwe pini valwagaga ulujowo ulo, vakhalalaga na kija, ''Nshii iababu ya hasara iyi? ⁹Aga nda gawesa kiguwa kwa hela khome na kipelwa avapina.''¹⁰Lakini Uyesu, pini wamanyaga ili, wavajovelaga, ''Kwanshi mukimulafya umudala uyu? Kwa kiva wasenga ishinu shinofu kunyangu. ¹¹Avapina munawo nsiku sona, lakini musikhava bahamo none shiluta.¹²Kwa kiva pini wamimita amafuta aga kushanya ya muvili gwangu, wagahaga ndeno kwa ajili ya kisilwa kwangu. ¹³Kweli nikivajovela, popona imola iyi pini ambi yihubililwa ku ulimwengu musima, ishitendo shini wagaha uyu umudala, khanji ambi shiva shilogolwa kwa ajili ya kimusukwa.''¹⁴Bahene yula wa vala kumi na mbili, mwini washemelwaga Yuda Iskariote, walutaga kwa vakhome va makuhani ¹⁵na kija, '' Ambi mukinipela shishi nda nimusetushe?'' Vamupimilaga Uyuda ifipande thelathini fya hela. ¹⁶Kihuma umuda ugo wasakulaga inafwasi ya kimusetukha.¹⁷Hata ulusiku lwa kwansa lwa makhate gini gaponyeiwe iamila, avanafunsi vamulutilaga Uyesu na kija, ''Kwii wuakula tikuyandalile ulye ishakilya sha Pasakha?'' ¹⁸Wavajovela, ''Luti kumujini kwa munu yumonga na mujobeli, Umwalimu ija, ''Umuda gwangu gwahejela. Nikiihepelesa Ipasakha bahamo na vanafunsi vangu ku khaya yakho.''''' ¹⁹Avanafunsi vagahaga ngaja Uyesu shini wavalajisaga, na vayandalaga ishakilya sha Pasakha.²⁰Pini lwafikhaga ululandi, vakhalaga kilya ishakilya bahamo na vala vanafunsi Kumi na Vavili. ²¹Pini vakhandi vilya ishakilya, wajovaga, '' kweli nikivajovela yumo wenyu ambi akinisetukha.'' ²²Vasugumilwaga mandu, na shila yumo wayansaga kimuposa, ''Wuli, nisili one, Mtwa?''²³Wavajibugu, ''Yula mwini ililila iliwokho lyakwe bahamo none mu bakuli ndiyo mwini ambi akinisetukha. ²⁴Umwana wa Adamu ambi iwukha, ngaja shini yiyandihwe. Lakini ole wakwe umunu mwini ambi akimusetukha Umwana wa Adamu! Nda yava unofu kija umunu uyo nda asasawa.'' ²⁵Uyuda, mwini nda wamusetukha wajovaga, ''Wuli, Yune Rabi?'' Uyesu wamujovela, ''Walogola ulujowo ulo owe yuwe.''²⁶Pini vakhandi vilya ishakilya, Uyesu wagutolaga umukhate, wagubarikhi, na wagumenya. Wavapela avanafunsi vakwe ija, ''Toli. mlye. Ugu ndio muvili gwangu.''²⁷Watola ishikhombe na kihonjesa, wavapela na kija, ''Ng'weli wona ku ishi. ²⁸Kwa kiva iyi yi danda ya agano lyangu, yini yikunulwa kwa vinji kwa ajili ya musamaha gwa sambi. ²⁹Lakini nikivajovela, nisikhagwela khanji amatunda ga musabibu ugu, mpakha ulusiku lula pini ambi ning'wela umpya bahamo nomwe kuufalme wa Baba wangu.''³⁰Pini vakhandi vamala kiyimba ulwimbo, vapolaga kiluta Kushidunda sha Mizeituni. ³¹Bahene Uyesu wavajovelaga, ''Ishilo ishi omwe wona ambi mukuvala kwa sababu yangu, kwa kiva yiyandishwe, Ambi nikimutova umudimaji ni kholo sa shipuga ambi sipalakhana. ³²Lakini baada ya kifyukha kwangu, ambi nikivalongola kiluta Kugalilaya.''³³Lakini Hpetro wamujovelaga, ''hata nda wona ambi vakikunkana na majowo gini ambi gakikupata, one nisingakukhana.'' ³⁴Uyesu wamujibu, ''kweli nikikujovela, ishilo ishi khabla ya njogolo kivikha, ambi ukinikhana mara sitatu.'' ³⁵Upetro wamujovela.'' hata nda ya yinifwaye kifwa nowe, nisingakukhana.'' Na vanafunsi avanji wona vaja ngaja shiho.³⁶Panyuma Uyesu walutaga navene amahala pini pishemelwa Gethsemane na wavajovelaga avanafunsi vakwe, ''Khali panu pini niluta huko kilomba.'' ³⁷Wamutola Upetro na vanishe vavili va Zebedayo na wayansaga kisugumilwa na kikhatala. ³⁸Bahene wavajovela, ''Iroho yangu yina husuni khome mandu, hata ngaja nisakula kifwa. Sigali panu na mkeshe bahamo none.''³⁹Waluta pamwandi kidogo, wagwa wabidivandukha, na kilomba. Waja, ''Baba wangu, nda yifwaya, ishikhombe ishi shinikwewushe. yisikhavesaga ngaja shini nisakula one, ila ngaja shini ugene owe. '' ⁴⁰Wavalutila avanafunsi na wavaga vagonile utulo, na wamujovela Upetro, ''Kwanshi musikhawesise kikesha none kwa lisala limo? ⁴¹Keshaji na kilomba kija musikhahulutaga kijesewa. Iroho yili tayari, lakini umuvili guli mubofu.''⁴²Waluta lwakwe mara ya uvili na kilomba, waja, ''Baba wabgu, nda ulujowo ulu lusiwesa kukwewusikha na ni lasima nishing'welele ishikhombe ishi, uugani wakho wutimiswe.'' ⁴³Watinaga khanji na kivaga bado vagonile utulo, kwa kiva ameho ganave gakhandi amsito. ⁴⁴Bahene wavalekha khanji waluta lwakwe. Walomba lwa utatu walogola shishila.⁴⁵Panyuma Uyesu wavalutilaga avanafunsi vakwe na kivajovela, ''Bado mugonelele tu na kutuyisa? Lelela, ilisala lyahejela, nu Mwana wa Adamu isetukhwa mu mokho ga vanya sambi. ⁴⁶Damuli, tiwuhe. lelela, yula mwini wanisetukha wahejela.''⁴⁷Pini akhandi bado ilogola, Uyuda yumo wa vala Kumi na Vavili, wafikhaga. Ishipuga shikhome shafikhaga bahamo nu mwene shihumilila kwa vakhome va makuhani na vagosivaha va vanu. Vayinsaga na mapanga na malungu. ⁴⁸Khanji umunu mwini wakusudilwa kimusetukha Uyesu akhandi avapelile iishara, ija, ''Yula mwini ambi nikimubusu, ndiyo yumwene. Mukhati.''⁴⁹Baho wayinsaga kwa yesu na kija, ''Salamu, Mwalimu!'' Na wamubusu. ⁵⁰Uyesu wamujovela, ''Muya, lisenga lila lini lyakuleta.'' Bahene vayinsa, na kimugoloa amokho Uyesu, na kimukhata.⁵¹Lelela, umunu yumo mwini akhandi bahamo na Yesu, wagolosaga iliwokho lyakwe, wahomola uwupanga wakwe, na wamutova umtumishi wa kuhani mukhome, na kimutea ilikutu lyakwe. ⁵²Bahene Uyesu wamujovela, tiniya uupanga wakho pala pini wauhumya, kwa kiva wona vini vitumila uupanga ambi vibudwa kwa wupanga. ⁵³Muhiva kija nisiwesa kimushemela ubaba wangu, nu mwene anilajisise amajeshi saidi ya kumi na mbili ga malaikha? ⁵⁴Lakini ino kwa namna nshii amaandikho nda gawesa kitimiswa, iyi ndiyo yifwaya kipolela?''⁵⁵Uluhavi ulo Uyesu wavajovela avanu, ''Wuli! Mwayinsa na mapanga na malungu kunikhata ngaja mupokhaji? Shila lusiku nakhalaga kuhekalu nifundisa, na musikhanikhete! ⁵⁶Lakini gona agagasenjekhaga ili Amaandkho ga vakuvamalago gatimile.'' Bahene avanafunsi vakwe vamulekhaga na kisiga.⁵⁷Vala vini vamukhata Uyesu wanutwalaga kwa Kayafa, Ukuhani Mukhome, amahala pini avaandishi na vagosivaha vakhandi vitangana bahamo. ⁵⁸Lakini Upetro wamufwatahga munyuma kwa kutali hadi kuukumbi wa Kuhani Mukhome. Wahulutaga mukhati na kikhala bahamo na valinsi alwaje shini ambi shipolela.⁵⁹Basi avakhome va makuhani ni Barasa lyona vakhandi visakula uushahidi wa udehi sidi ya Yesu, ili vawese kimubuda. ⁶⁰Japo wapolelaga amashahidi vinji, Lakini vasikhapatile isababu yeyona. Lakini panyuma amashahidi vavili vapolelaga kumwandi ⁶¹na kija,'' Umunu uyu wajovaga, ''Niwesa kilidenya ilitembe lya Nguluvi na kilisenga khanji kwa nsiku sitatu.'''⁶²Ukuhani Mukhome wayimaga na kimuposa, 'Usiwesa kujibu? Ava vakikushuhudila shishi kunyakho?'' ⁶³Lakini Uyesu wasisimaga. Ukuhani Mukhome wamujovela, ''Ngaja shini Unguluvi ashwali, nikikulomba utijovele, nda owe yu Kristo, Mwana wa Nguluvi.'' ⁶⁴Uyesu wamujibu, ''Owe yuwe waja ulujowo ulo. Lakini nikikujovela, kihuma isalisi na kiyendelela ambi ukimwaga Umwana wa Adamu akhele iliwokho lya kulia ilinya Ngufu, na iyinsa ku mafunde ga kushanya.''⁶⁵Bahene Ukuhani Mukhome wademulaga amenda gakwe na kija, ''Wakufuru! Wuli, tisakula khanji uushahidi wa nshii? Lelela, tayari mwapulikha ikufuru. ⁶⁶Wuli! Muhiva nshii? Vajibu na kija, ''Yikimufwaya kifwa.''⁶⁷Bahene vamufunjilaga amata kumeho na kimutova ingumi, na kimuvakula amakhofi kwa mokho ganave, ⁶⁸na kija, ''Titabirira, owe Kristo. Yu nani wakusahpa?''⁶⁹Uluhavi ulo Upetro akhandi akhele kunja kuukumbi, nu mtumishi wa shidala wamulutilaga na kija, ''Owe newe ukhandi bahamo nu Yesu wa Galilaya.'' ⁷⁰Lakini wakhanaga pamwandi yanave wona, ija, Nisimenye ishinu shini wulogola.''⁷¹Pini walutaga kunja ya mlyango, umutumishi uyunji wa shidala wamwagaga na kivajovela vini vakhandi pala, ''Umunu uyu wope akhandi bahamo nu Yesu wa Nasareti.'' ⁷²Wakhanaga khanji kwa kilapa, ''One nisimumenye umunu uyu.''⁷³Umuda mufupi panyuma, vala vini vakhandi vayimile kholela, vamulutilaga na kilogola nu Petro, ''Kwa hakika owe newe uli bahamo navene, kwa kiva hata uulogolaji wakho wuwonensa.'' ⁷⁴Bahene wayansaga kilaani na kilapa, ''One nisimumenye umunu uyu,'' na baho yila injogolo yavikha. ⁷⁵Upetro wakumbukhaga amajowo gini wajovelwa nu Yesu, ''Khabla injogola yisnavishe ambi ukinikhana mara sitatu.''

¹Umuda gwa subuhi pini gwafikhaga, avakhome wona va makuhani na vagosivaha va vanu vayitinkhanaga kihusu Uyesu vawese kumubuda. ²Vamupinyaga, vamulongosa, na kimufisa kwa Liwali Upilato.³Bahene pini Uyuda, mwini akhandi amusetwishe, walwagaga kija Uyesu sha tayari wahigwa, wailawumugu na kitiniya ifipande thelathini fya hela kwa mukhome wa makuhani na vagosivaga, ⁴na waja, ''Nasenga isambi kwa kuisetukha idanda yini yisina makhosa.'' Lakini vajibu, ''Yikitihusu nshii ose? Galelela ago yuwe.'' ⁵Bahene vafitosaga pani fila ifipande fya hela ku hekalu, na kiwukha lwakwe na kuikunga yumwene.⁶Umukhome wa makuhani wafitolaga fila ifipande fya hela na kija, ''Lusili lunofu kuivikha ihelaniyi ku akiba, kwa kiva yina gharama ya danda.'' ⁷Vayitikhanaga pamo ni hela yatumikhaga kigula umugunda lya mfinyanzi ilya kusila avahensa. ⁸Kwa sababu iyi umugunda ugu gwava gushemelwa, ''Mugunda gwa danda'' hadi ineng'ana.⁹Bahene lula ulujowo lwini lukhandi lulogwele nu mukuvamalago Uyeremia lwatimilaga, kija, ''Vatolaga ifipande thelathini fya hela, igharama yini yapangwagwa na vanu va Kuisrael kwa ajili yakwe, ¹⁰na vatumilaga kwa mugunda gwa mufinyanzi, ngaja shini Umtwa akhandi alogwele.''¹¹Ino Uyesu wayimaga pamwandi ya liwali, nu liwali wamuposa, ''Wuli! Owe uli mfalme wa Vayahudi?'' Uyesu wamujibu, ''Owe wija ndeno.'' ¹²Lakini pini akhandi isitakhwa na vakhome va makuhani na vagosivaha, asikhalogwele shoshona. ¹³Bahene Upilato wamujovelaga, ''uUagapulikha amasitakha gona sidi yakho?'' ¹⁴Lakini asikhalogwele ulujowo lolona, ino uliwali wamemwagwa nulushangalo.¹⁵Ino ku sikukuu yikhandi desturi ya liwali kimuleshela umufungwa yumo mwini ambi ihagulwa na vanu. ¹⁶Ishipindi isho vakhandi nu mfungwa umukulu ilitawa lyakwe Baraba.¹⁷Ino pini vakhandi vatanganile bahamo, Upilato wavaposaga, '' Yu nani musakula timuhudule kwa ajili yenyu?'' Ubaraba au Uyesu mwini washemelwagwa Kristo?'' ¹⁸Kwa kiva akhandi amenye kija vamukhata kwa sababu ya kimukhalalila. ¹⁹Pini akhandi ikhala kushitengo shakwe sha uhigo, umudala wakwe wamujovelaga ulujowo na kija, ''Usikhagahaga shoshona kwa munu uyo mwini angaya likhosa. Kwa kiva nalafywa mandu hata ineng'uni mumaloto kwa sababu yakwe.''²⁰Bahene avakhome va makuhani na vagosivaga vavajovelaga avanu vamulombe Ubaraba, nu Yesu abudwe. ²¹Uliwali wawaposaga, ''Ali kwiii ku ava vavili musakula one nimuleshele kunyenyu?'' Vajovaga, ''Ubaraba.'' ²²Upilato wavajovela, ''Nimugahile nshii Uyesu mwini washemelwagwa Kristo?'' Wona vaja, ''Mududa''²³Numwene waja, ''Kwanshi, likhosa lishi wasenga?'' Lakini vayenjelesaga kitansa ishauti hadi kushanya mandu, ''Mubuda.'' ²⁴Ino pini Upilato walwagaga asiwesa kigaha lyolyona, lakini badala yakwe ifurugu sikhandi siyansise, watolaga amalenga wainawa amokho gakwe pamwandi ya vanu, na kija, ''One nisina likhosa ku danda ya munu uyu mwini angaya likhosa, Galeleli aga yumwe.''²⁵Avanu wona vaja, ''Idanda yakwe, yive kushanya yesu na vanesu.'' ²⁶Bahene wamudindulilaga Ubaraba kunyanave, lakini wamutovaga amajaridi Uyesu na kimutawula kunyanave kiluta kimubuda.²⁷Bahene avasulukhali va liwali vamutolaga Uyesu mpakha Kupraitorio ni shipuga shikhome sha vasulukhali wona vamupilimaga. ²⁸Vamuyawula amenda gakwe na kumufwasa ikansu ya rangi induhu. ²⁹Bahene vatendaga ikhofiya ya minfa na kuivikha kushanya ya mtwe gwakwe, na vamuvishilaga ililansi kuliwokho lyakwe lya shigosi. vafugamaga pamwandi yakwe na kimusala, vija, 'Salamu, Mfalme wa Vayahudi?''³⁰Na vamufunyilaga amata, na vatolaga ililansi na kumutova kumtwe. ³¹Pini vakhandi vakimulogola uvi vamuyawulaga yila ikansu na kumufwasa amenda gakwe, na kimulongosa kiluta kumubuda.³²Pini vapolaga kunja, vamwagaga umunu kihuma Kukrene ilitawa lyakwe Simeoni, mwini vamukhamilisaga kiluta nawo ili ausumule umusalabagwakwe. ³³Pini vafikhaga amahala pini pishemelwa Goligotha, maana yakwe, ''Ilieneo lya fuvu lya Mtwe.'' ³⁴Vamupelaga isiki yini yihansiswe ni nyongo ang'wele. Lakini pini waijesaga, wapotwagwa king'wela.³⁵Pini vakhandi vamutundishe, vagavanaga amenda gakwe na kitova ikura. ³⁶Na vakhalaga na kimulolela. ³⁷Kushanya ya mtwe gwakwe vavikhaga amasitakha kunyakwe gini gasiyimbikha, ''Uyu yu Yesu, umfalme wa Vayahudi.''³⁸Avapokhaji vavili vatundikhwagwa bahamo nu mwene, yumo ulubali lwa kulia kwakwe nu yunji lwa kushoto. ³⁹Vala vini vakhandi vihila vamulogolaga uvi, videgensa amatwe ganave ⁴⁰na kija, ''Owe ukhandi wusakula kulinanga ilihekalu na kilisenga kwa niku sitatu, yikulusa yuwe! nda uli Mwana wa Nguluvi, yikha pani uwushe pamusalaba!''⁴¹Ku hali yila avakhome va makuhani vakhandi vakimujovanga, bahamo na vaandishi na vagosivaha, na kija, ⁴²''Wakulusaga avanji, lakini asiwesa kuikulusa yumwene. Umwene ni Mfalme wa Vayahudi. Na ayishe pansi kihuma pamusalaba, bahene ambi tikimuyamini.⁴³Wamuhivililaga Unguluvi. Lekha ino Unguluvi amukuluse nda isakula, kwa kiva wajovaga, 'One nili Mwana wa Nguluvi.'' ⁴⁴Na vala avapokhaji vini vakhandi vatundishwe bahmo numwene wope valogolaga amajowo ga kumujovanga.⁴⁵Ino kihuma isaa sita kukhandi ni nshisi ku nyii yona hadi saa tisa. ⁴⁶Pini yafikhaga isaa tia, Uyesu wakhola kwa shauti khome, ''Eloi, Eloi, lama thabakitani?'' imaanisa, ''Nguluvi wangu, Nguluvi wangu, kwanshi wanilekha?'' ⁴⁷Umuda ugo vamonga vakhandi vayimile pala vapulikhaga, vaja, ''Akimushemela Ueliya.''⁴⁸Mara moja yumo wanave wasigaga kitola isifongo na kuimemya mumulomo umukhali, waivikha kushanya ya mupishi na kimupela awese king'wela. ⁴⁹Navene vini vasigalaga vaja, ''Muleshi mwene, leshi tilwaje nda Ueliya ambi iyinsa kimukulusa.'' ⁵⁰Bahene Uyesu wakhola khanji kwa shauti khome na waihumya iroho yakwe.⁵¹Lelela, Ilipazia lya muhekalu lyademukhaga isehemu sivili kihuma kushanya hadi pansi. Ni nyii yatetema na miamba gademukha fipande. ⁵²Amakhaburi gadindukhaga, na mavili ga vatakhatifu vinji vini vakhandi vagonile utulo wafufulwagwa. ⁵³Vapolaga mumakhaburi baada ya ufufuwo wakwe, vahulutaga umji umtakhatifu, na vawonekhaga na vinji.⁵⁴Basi yula uakida na vala vini vakhandi vakimulelela Uyesu valyagaga ilitetemekho na majowo gini gakhandi gapolela, vamemwagwa nu woga mandu na kija, ''Kweli uyu akhandi Mwana wa Nguluvi.'' ⁵⁵Avadala vinji vini vakhandi vakimufwata Uyesu kihuma Kugalilaya ili kumuhudumila vakhandi pala vilolela kihuma kutali. ⁵⁶Mu vamo wanave vakhandi Umariamu Magdarena, Umariamu unyina wakwe Uyakobo nu Joseph, nu nyina wa vana va Zebedayo⁵⁷Pini lwafikhaga lulandi, wayinsaga umunu tajiri kihuma Uarimathayo, mwini washemelwagwa Yusufu, mwini khanji akhandi mwanafunsi wa Yesu. ⁵⁸Wamulutilaga Upilato na kugulomba umuvili gwa Yesu. Bahene Upilato walajisaga awese kipelwa.⁵⁹Uyusufu wagutolaga umuvuli wagupinya nu mwenda gwa sufi inofu, ⁶⁰na wagugoniya ku khaburi ilipya lakwe lini akhandi ihongola kumwambani. Bahene wabilivandusa iling'anga ilikhome lyadinda umulyango gwa khaburi na walutwa lwakwe. ⁶¹Umariamu Umagdalena nu Mariamu uyunji vakhandi pala, vakhele kiluta kukhaburi.⁶²Ulusiku lwini lwafwataga lwini lukhandi lusiku lwa kuyandala, avakhome va makuhani na Mafarisayo vakunganaga bahamo kwa Pilato. ⁶³Vamujovela, ''Mtwa, tikumbukhakwa kija pini yula umudehi akhandi musima, wajovaga, 'Baada ya nsiku sitatu ambi ifyukha khanji.' ⁶⁴Ino, lajisa kija ikhaburi ilindwe salama mpakha nsiku sitatu. Nda tileshe, avanafunsi vakwe vangawesa kiyinsa na kumuhija na kija kwa vanu, 'Wafyukha kihuma kwa vini vafwile.' Nuudehi wa mwiho ambi wiva muvi kishila wula wa kwansa.''⁶⁵Upilato wamujovela, ''Toli avalinsi. Luti mugahe ihali ya usalama ngaja shini muwesa.'' ⁶⁶Bahene valutaga ni kigaha ikhaburi kiva salama, iling'anga lwatowagwa umhuri na kivikha avalini

¹Panyuma lulandi ulusiku lwa Sabato, ilijuva pini likhandi lisota kilutila ulusiku lwa kwansa lwa wiki, Umariamu magadalena, nu yula Umariamu uyunji vayinsaga kulyaga ikhaburi. ²Lelela kukhandi linitetemekho likhome, kwa kiva umalaikha wa Mtwa wayikhaga na kulibilusa lila iling'anga, bahene walikhalilaga.³Isura yakwe yikhandi ngaja ya umeme, na menda gakwe gakhandi mavalafu ngaja theluji. ⁴Vala avalinsi wamemwagwa nu woga na kiva ngaja vini vafwile.⁵Yula umalaikha wavayelesaga vala avadala ija, ''musikhatilaga kwa kiva nimenye kija mukimusakula Uyesu, mwini wabudwagwa. ⁶Akusina panu, lakini wafyukha ngaja shina wavajovela. Yinsi mulolele amahala pini Umtwa wagonaga. ⁷Luti nyangu muvajovele avanafunsi vakwe, 'Wafyukha kihuma kwa vini vafwile, leleli wavalongola Kugalilaya. Uko ndio kwini abi mukimwaga.' Leleli one navajovela.''⁸Vala avadala vawukhaga pala pakhaburi nyangi kuno vitila na vana ushendefu mukhome, na vasigaga kivajovela avanafunsi vakwe. ⁹Lelela Uyesu watanganaga nawo na kija, ''Salamu. ''vala avadala vayinsaga na kikhata amagulu gakwe, na behene vamuabudu. ¹⁰Bahene Uyesu wavajovela, ''musikhatilaga, luti muvajovele avakholo lwangu valongole Kugalilaya. Uko ambi vakiniyaga.¹¹Pini vala avadala vakhandi viluta, wope vala valinsi valutaga kumujini na kivajovela avakhome va makuhani amajowo gona gini gakhandi gapolela. ¹²Navene amakuhani pini vakhandi vatanganile na vagosivaha na kilogolo ulujowo ulo bahamonavene, vahumyaga ihela nyinji kwa vala avasulukhali ¹³na kivajovela, ''Vajoveli avanji kija, 'avanafuni va Yesu wayinsa pashilo vahija umuvili gwa Yesu pini ose ta tigonile.'¹⁴Nda itaarifa iyi ambi yikimufishila uliwali, ose ambi tikimusahwishi na kivawusisa omwe uwoga wona.'' ¹⁵Bahene vala avasulukhali vasitolaga sila ihela na kisenga ngaja shini vakhandi vajovilwe. Ihabari iyi yayenelaga mandu kwa Vayahudi na yava shisho hadi ineng'ana.¹⁶Lakini vala avanandeje kumi na moja valutaga Kugalilaya, ku shila ishidunda shini wavawulanisa. ¹⁷Navene pini vamwagaga vamuabudu. lakini avamonga munyanave vatilaga.¹⁸Uyesu wayinsaga kunyanave wavajovela kija, ''Navapela amamulakha gona kudunia na kushanya. ¹⁹Ino luti mugasetuse amataifa gona kiva vanafunsi. Vabatisaji kishilila ilitawa lya Baba, ni lya Mwana, ni lya Roho Mtakhatifu.²⁰Vafundii kigafwata amajowo gona gini navajovelaga, Na leleli, one nili bahamo nomwe shiluta, hata mpakha kumwishi gwa nyii.

¹Ishi ndiyo shiyanso sha mola ya Yesu Kristo, Umwana wa Nguluvi. ²ngaja shini yayandikhwagwa nu mukuvamalago Uisaya, ''Lelela nikimufilikha umujumbe wangunpamwandi yakho, yumo mwini ambi iyandala insila yakho. ³Ishauti ya munu mwini ihemela kunyikha, ''Yigolosi insila ya Mtwa; sigolosi insila sakwe''.⁴Uyohana wayinsaga, ibatisa kunyikha na kihubiri uubatiso watoba kwa musamaha gwa sambi. ⁵Inyii yona ya Yudea na vanu wona va Kuyerusalemu valutaga kunyakwe. Vakhandi vibatiswa numwene kumukhoga gwa Yordani, vitubu isambi sanave. ⁶Uyohana akhandi ifwala umwenda gwa waji wa ngamia nu mukhanda gwa nkwembe musigudi shakwe, na akhandi ilya inzige nu wushiwa mumahakha.⁷Wahubirigi na kija, ''Akwali yumo iyinsa baada yangu umunya ngufu mandu kishila one, na nisina uuweso hata na kigondama pansi na kihudula ingalawo sa ndatu sakwe. ⁸One navabatisaga kwa malenga, lakini umwene ambi akivabatisa omwe kwa Roho Mtakhatifu.''⁹Yapolelaga ku nsiku iso kija Uyesu wayinsaga kihuma ku Nasareti ya Kugalilaya, na wabatiswagwa nu Yohana kumukhoga Yordani. ¹⁰Pini Uyesu wayimaga kihuma mumalenga, wasagaga imbingu sadindukha mwasi nu Roho iyikha pansi kushanya yakwe ngaja nkhunda. ¹¹Ni shauti yahumaga kushanya, ''Owe uli Mwanangu mugani. Ninojelwa mandu nowe.''¹²Bahene baho Iroho yamukhamilisaga kiluta kunyikha. ¹³Akhandi kunyikha nsiku arobaini, ijesewa nu Shetani. Akhandi bahamo na vanyama va mumahakha, na vamalaikha vamuhudumilaga.¹⁴Ino baada ya Yohana kikhatwa, Uyesu wayinsaga Kugalilaya waitangasa imola ya Nguluvi, ¹⁵ija, ''Umuda gwahejela, nuufalme wa Nguluvi wahejela. Tubi na kiyamini kishilila imola''.¹⁶Na pini ishila mumbalamo sa bahari ya Kugalilaya, wamwagaga Usimoni nu Andrea ukhololwakwe nu simoni vitaga inyafu sanave ku bahari, kwa kiva vakhandi valovaji, ¹⁷Uyesu wavajovelaga. ''yinsi, nifwati, na ambi nikivagaha kiva valovaji va vanu. ¹⁸''Na baho valekhaga inyafu na vamufwata.¹⁹Pini Uyesu wajendaga lujendo kidogo, wamwagaga Uyakobo umwana wa Zebedayo nu Yohana ukholo lwakwe; vakhandi mushipugo vitenda uwafu. ²⁰Baho wavashemelaga na vene vamulekhaga uwihanave Uzebedayo mukhati ya shipugo na vatumishi vini vakhodilwe, vamufwata.²¹Na pini vafikhaga Kukapernaumu, ulusiku lwa Sabato, Uyesu wahulutaga musinagogi na kifundisa. ²²Vashangalaga ilifundiso lyakwe, kwa kiva akhandi akivafundisa ngaja umunu mwini ana madalakha na siyo ngaja avaandishi.²³Uluhavi lulo kukhandi nu munu musinagogi lyanave mwini akhandi ni roho inshafu, na walyovaga, ²⁴ija, ''Tina shishi sha kigaha nowe, Yesu wa Nasareti? Wayinsa kitibuda? Nikumenye yuwe nani. Owe uli Mtakhatifu mwini uli mwene wa Nguluvi!'' ²⁵Uyesu walidalishilaga ilipepo na kija, ''Sisima na upole mukhati yakwe!'' ²⁶Nu roho mshafu wamugwisaga pansi na wapolaga kunyakwe pini ikhola kwa shauti ya kushanya.²⁷Na vanu wona vashangalaga, bahene vaposaniyaga shila yumo, ''Ishi shishi? Ilifundiso lipya ilinya mamulakha? Hata ikigajova amapepo amashafu nagene gakimupulisa!'' ²⁸Ni habari kihusu umwene mara moja ayenela shila mahala mukhati ya mukhoa gona gwa Kugalilaya.²⁹Na mara moja baada ya kihuma kunja ya sinagogi, vahulutaga mukhaya ya Simoni nu Andrea vali nu Yakobo nu Yohana. ³⁰Ino umukweye wa Simoni akhandi agonile mutamu wa homa, na baho vamujovelaga Uyesu ihabari sakwe. ³¹Bahene wayinsaga, wamukhataga kwa liwokho, na kuyinula kushanya; ihoma yawukhaga kunyakwe, na wayansa kivahudumila.³²Ululandi ulo pini ilijuva tayari lyasota, vamuletelaga kunyakwe wona vini vakhandi vatamu, au vini vakhetwe na mapepo. ³³Umji gona vakunganaga bahamo kumlyango. ³⁴Waponesaga vinji vini vakhandi vatamu va matamu mbalimbali na kihumya amapepo, ila asikhayitishe amapepo kilogola kwa kiva gamumanyaga.³⁵Wadamulaga isubuhi nyangu, pini kukhandi ni nshisi; walutaga na kiluta amahala pini patulile na walombaga uko. ³⁶Usimoni na wona vini vakhandi bahamo numwene vamusakulaga. ³⁷Vamupataga na kumujovela, ''Shila munu akikusakula''³⁸Wavajovelaga, ''Tilute amahala apanji, kunja kunyii sini sipilima, ili niwese kihubiri na kope uko. Ndiyo sababu nayinsga panu.'' ³⁹Walutaga ishila Igalilaya yona, ihubiri mumasinagogi ganave na kugakhajila amapepo.⁴⁰Umunya ukoma yumo wayinsaga kunyakwe. Akhandi akimulomba' vafugamaga na kumujovela, ''Nda wusakula, ungawesa kunisenga nive munofu.'' ⁴¹Wapatwagwa nulusungu, Uyesu wagolosaga iliwokho lyakwe na kumupyasa, akimujovela, ''Nisakula. Uve munofu.'' ⁴²Baho uukoma wamupolaga, na wasengwagwa kiva munofu.⁴³Uyesu wamujovelaga kwa kumusisitisa na kimujovela alute mara moja, ⁴⁴Wamujovelaga, ''Hakikisha usilogola iliswi kwa yeyona, lakini luta, uiwonene ka makuhani, na uhumye iadakha kwa ajili ya uwutakhaso wini Umusa walajisaga, ngaja ushuhuda kunyanave.''⁴⁵Lakini walutaga na kiyansa kimuyelesa hila yumo na kiyenesa iliswi mandu mpakha Uyesu wapotwagwa khanji kihuluta kumji gwa uhuru. Bahene wakhalaga amahala pini patulile na vanu vayinsaga kunyakwe kihuma shila mahala.

¹Pini watinaga Kukaperinaumu baada ya nsiku ndodo, yapulisikhaga kija akhandi kukhaya. ²Avanu vinji vakhandi vakunganile pala na kukhandi kusina inafwasi khanji, hata yila ya pala pamulyango, nu Yesu walogolaga iliswi kunyanave.³Bahene avanu vamonga vayinga kunyakwe vini vamuletaga umunu mwini apolile; vanu vatai vakhandi vamusumwile. ⁴Pini vapotwagwa kimuhejelela kwa sababu ya winji wa vanu, wawusaga ibati kushanya ya mahala pini akhandi. Na pini vamalaga kidowola ililindi, vayisaga ishitaga shini umunu mwini apolile akhandi agonile.⁵Pini walyagaga ilihuvi lyanave, Uyesu wamujovelaga umunu mwini apolile, ''mwanangu, isambi akho asamehewa.'' ⁶Lakini vamo va vaandishi vala vini vakhandi vakhele pla vaipoaga munumbula sanave, ⁷Iwesa wuli umunu uyu kilogola ndeni? Ikufuru! Yunani mwini iwea kisamehe isambi ila yu Nguluvi mwene duguli?''⁸Baho Uyesu wamanyaga munumbula yakwe shini vakhandi vihiva mu vamo va munyanave mumo. Wavajovelaga, ''Kwanshi muhiva ndeni munumbula enyu? ⁹Lili kwii ilipefu mandu kija mwa munu mwini apolile, Isambi sakho sasamehewa' na kija 'Yima, tola oshitanda shakho , na ujende?''¹⁰Lakini ili muwese kimanya kija Umwana wa Adamu ama madalakha ga kiamehe isambi a dunia, wamujovelaga yula mwini apoosise, ¹¹''Nikikujovela owe, yima, tola umujanfi gwakho, na ulute kukhaya yakho.'' ¹²Wayimaga baho watola umujanfi gwakwe, na walutaga kunja ya khaya pamwandi ya shila munu, bahene wona vashangalaga na vamupela Unguluvi uutukhufu, na vaja ''Nalusiku, tisinajelaje kilwaga ulujowo ngaja ulu.''¹³Walutaga khanji kumwambwa ya liiwa, nu winji wona wa vanu vayinsaga kunyakwe, na wavafundisa. ¹⁴Pini akhandi ishila wamwagaga Ulawi umwana wa Alfayo akhele kusehemu ya kikunganila ikhodi na wamujovela, ''Nifwata.'' Wayimaga na kumufwata.¹⁵Na pini Uyesu akhandi ilya ishakilya ku kahya ya Lawi, avakunganiya ikhodi vinji na vanu avanya sambi vakhandi vilya nu Yesu na vanafunsi vakwe, kwa kiva vakhandi vinji navene vamufwataga. ¹⁶Pini avaandishi, vini vakhandi Mafarisayo, pini valwagaga kija Uyesu akhandi ilya na vanu avanya sambi na vini vikunganiya ikhodi, vavajovelaga avanafunsi vakwe, ''Kwanshi ilya na vakunganiya ikhodi na vanu avanya sambi?''¹⁷Pini Uyesu wapulikhaga ndeni wavajovelaga, ''Avanu vini vasima kumuvili vasikimusakula umuganga' avanu vatanu vene ndio vakimusakula. Nisikhayinsile kivashemela avanu avanya haki, lakini avanu avanya sambi.''¹⁸Avanafunsi va Yohana na Mafarisayo vakhandi vifunga. Na vamonga va vanu vayinsaga kunyakwe na kivajovela,'' Kwanshii avanafunsi va Yohana na mafarisayi vifunga, lakini avanafunsi vakho vasifunga? ¹⁹Uyesu wavajovelaga, ''Wuli vini vayinsile kuharusi viwesa kipinya pini ubwana harusi bado apili bahamo na vene? Kwa fyofyona umtwa wa harusi nda bado apili nawo vasiwesa kifunga.''²⁰Lakini insiku siyinsa pini ubwana harui ambi iwusiwa kunyanave, na kunsiku iso avene ambi vigunga. ²¹Kusina umunu mwini ihona ishipande ishipya sha mwenda ku mwenda umusakhafu, nda luve ndeno ishilakha ambi shikiiwusa kihuma ku ugo, ishipya kiwukha kihuma ku shikulu, na ambi kwiva nuludemukho luvi.²²Kusina umunu mwini iponya uujimbi upya ku makhopo amasakhafu, kumwishi uujimbi ambi wubajukha ifriba na fyona fivili uujimbi ni viriba ambi fiyaga. Badala yakwe, vikha uujimbi wupya kumakhopo amapya.''²³Kulusiku lwa Sabato Uyesu washilaga ku magunda agamonga, na vanafunsi vakwe vayansaga kitola baasi ya masukhe ga ngano. ²⁴Na Mafarisayo vamujovelaga, ''Lelela, kwanshi vigaha ishinu shini shili shinyumwe sha sheriya kulusiku lwa Sabato?''²⁵Wavajovelaga, ''Musikhayimbile shila shini wagahaga Udaudi pini akhandi ana shida ni njala--umwene bahamo na vanu vini vakhandi bahamo numwene? ²⁶Shini walutaga ku khaya ya Nguluvi pini Uabiathari akhandi kuhani mukhome na walya umukhate gwini gwavikhwagwa pamwandi-- gwini yikhandi shinyume sha sheriya kwa munu yeyona kilya ila kwa makuhani--na wavapelaa hata vamonga wa vala vini vakhandi bahamo numwene?''²⁷Uyesu wajovaga, ''Isabato yasengwagwa kwa ajili ya mwanadamu, na siyo umwanadamu kwa ajili ya Sabato. ²⁸Ino, Umwana wa Adamu yu Mtwa, hata kwa Sabato.''

¹Na khanji wahulutaga mukhati ya sinagogi na mula kukhandi nu munu umunya liwokho lini lipolile. ²Avanu vamonga vakhandi vakimufwata kholela ili kilwaga nda ambi iponesa ulusiku lwa Sabato ili kija vamusitashe.³Uyesu wamujovelaga umunu umunya liwokho lini lipolile,'' yinukha na uyime pakhati ya umati uwu.'' ⁴Bahene wavajovela avanu,''Wuli yiva halali kisenga ulujowo ulunofu ulusiku lwa Sabato au kisenga gini gasili manofu; kikulusa amaisha au kubuda?'' Lakini vasigalaga myaa.⁵Wavalolela kwa hasira, isugumilwa kwa sababu ya wumu wa numbula sanave, na wamujovela yula umunu, ''Golosa iliwokho lyakho''. Wagolosa nu Yesu wamuponesa iliwokho lyakwe. ⁶Amafarisayo valuta kunja na baho vatenda umupango bahamo na Maherode kunyakwe ili kumubuda.⁷Bahene Uyesu, bahamo na vanafunsi vakwe, valutaga kubaharo, nu umati mukhome wa vanu wawafwataga wihumilila Kugalilaya na Kuuyahudi ⁸na kihuma Kuyerusalemu na kihuma Kuidumaya na pamwandi ya Yordani na kholela ni Tiro ni Sidoni, uumati mukhome, wapulikhaga shila shinu shini akhandi akishisenga, vayinsaga kunyakwe.⁹Na wavajovelaga avanafunsi vakwe kiyandala ishipugo hinang'ana kwa ajili yakwe kwa sababu ya winji wa vanu, ili kija vasikhamupilimaga mandu. ¹⁰Kwa kiva waponesaga vinji, ili shila munu mwini akhandi na malawo akhandi ni hamu ya kumufishila ili amupyase.¹¹Popona pini iroho inshafu samwagaga, sagwisaga pansi pamwandi yakwe na kikhola, na sija, ''Owe uli Mwana wa Nguluvi''. ¹²Wasijovaga kwa kusisitisa sisikhagahaga manyishe.¹³Walutaga kushanya ya hidunda, na wavashemelaga vini wavasakulaga, na valutaga kunyakwe. ¹⁴Wavahagulaga kumi na mbili (vini wavashemelaga avanandeje), ili kija vave bahamo numwene na awese kivfilikha kihubiri, ¹⁵na kiva na mamulakha ga kihumya amapepo. ¹⁶Na wavahagulaga kumi na mbili: Usimoni, mwini wamupelaga ilitawa lua Petro,¹⁷Uyakobo mwana wa Zebedayo, nu Yohana ukholo lwakwe nu Yakobo, mwini wamupelaga ilitawa lya Bonagesi, avi ni, vana va ngurumo, ¹⁸nu Andrea, Ufilipo, Bartholomayo, Umathayo, Utomaso, Uyakobo mwana wa Alfayo, Uthadayo, Usimoni Mukananayo, ¹⁹nu Yuda Iskariote, mwini wamusetukhaga.²⁰bahene walutaga kukhaya, nuumati wa vanu vayinsaga bahamo khanji, hata vasikhajelile kilya hata mukhate. ²¹Ifamilia yakwe pini yapulikhaga ihabari iyo, valutaga kumukhata, kwa kiva vajovaga, ''Agulushwe nuluhala''. ²²Avaandishi vini vayinsaga kihuma Kuyesrusalemu vajovaga,'' Akhatilwe nu Baalzebuli,'' na, ''Kwa mtavala wa mapepo ihumya amapepo''B²³Uyesu wavashemelaga kunyakwe na kilogola nawo kwa mifano,'' Kwa wuli Ushetani iwesa kulihumya Ilishetani? ²⁴Nda uufalme wubagukhane wewene, uufalme uwo wusiwesa kiyima. ²⁵Nda inyumba yilanduhe yiyene, inyumba iyo yisiwesa kiyima.²⁶Nda Ushetani ayinushe shinyume shakwe yumwene na kigavanyikha, asiwesa kiyima, na iva wafikha umwisho gwakwe. ²⁷Lakini kusina hata yumo mwini iwea kihuluta mukhati ya khaya ya munu umunya ngufu na kihija ifinu fyakwe bila kimupinya umunya ngufu tangusina, na bahene kikunganiya hini shili mukhati.²⁸Kweli nikivajovela, isambi sona sa vana va vanu ambi sisamehewa, bahamo na malogolo amavi gini vilogola, ²⁹lakini yeyona mwini ambi akimulogola uvi Uroho Mtakhatifu asikhasamehewa shiluta, ila ana likhosa lya sambi ya shiluta''. ³⁰Uyesu walogolaga ili kwa kiva vakhandi vija, ''Ana roho mshafu''.³¹Bahene unyina na vakholo lwakwe vayinsaga na kiyima kunja. Vamufilikha umunu, kumushemela. ³²Nuumati wa vanu wini ukhandi ukhele kholela numwene wamujovelaga, ''umama wakho na vakholo lwakho vali kunja, na vakikusakula owe''.³³Wavajibugu, ''Yunani umama wangu na vakholo lwangu?'' ³⁴Wavalolelaga vini vakhandi vakhele vamupilime, na waja, ''Lelela, ava ni vamama vangu na vakholo lwangu! ³⁵Yeyona mwini isenga uugani wa Nguluvi, umunu uyo yu kholo lwangu, nu dada wangu, nu mama wangu''.

¹Khanji wayansaga kifundisa kumwambwa ya bahari. Nuumati mukhome wakunganaga wamupilima, wahulutaga mukhati ya shipugo mu bahari, na kikhala. UUumati wona vakhandi mumbalamo ya bahari mufukwe. ²Na wavafundisa amajowo minji kwa mifano, na walogolaga kunyanave kwa mafundiso gakwe.³Pulisa, umuvyalaji walutaga kivyala. ⁴Pini akhandi ivyala, imbeyu isinji sagwisaga munsila, ni nyuni sayinsaga salya. ⁵Imbeyu isinji sagwiaga kumwamba, kwini kukhandi kusina uulongo winji. Baho sayumaga, kwa kiva sikhandi sisina uulongo wa kukwilana.⁶Lakini ilijuva pini lyadibulaga, sayumaga, na kwa kiva sikhandi sisina indela, sayumaga. ⁷Imbeyu isinji sagwisaga pakhati ya minfa. Aminfa gakulaga na sasilongolaga, na sisikhasavile amatunda gogona.⁸Imbeyu iinji sagwisaga kuulongo munofu na sasavaga amatunda pini sikula na kiyonjelela, isinji sasavaga mara thelathini saidi, na sinji sitini, ni sinji mia''. ⁹Na wajovaga, '' Yeyona mwini amakutu ga kupulikha, na apulishe!''¹⁰Uyesu pini akhandi mwene, vala vini vakhandi kholela numwene na vala kumi na mbili vamuposaga kihusu amifano. ¹¹Wajovaga kunyanave, ''Kunyenyu omwe mwapelwa isiri sa uufalme wa Nguluvi. Lakini kwa vini vali kunja shila shinu ni mifano, ¹²ili nda valolele, ndiyo vilolela, lakini wasikilwaga, na ino pini vipulikha ndiyo vipulikha, lakini vasiyelewa, au nda ndeno nda vasetukha nu Nguluvi nda wavasamehe.''¹³Na walogolaga kunyanave, ''Wuli musiyelewa umfano ugu? Ambi mwiwesa wuli kuyelewa amafano aganji?. ¹⁴Umuvyalaji wavyalaga iliswi. ¹⁵vamonga ni vala vini vagwisaga mulubali munsila, amahala pini iliswi lyavayalwagwa. Na pini vapulikhaga, baho Ushetani wayinsaga na kulitola iliswi lini lyavyalwagwa mukhati yanave.¹⁶Na vamonga ndio vala vini vavyalwagwa kushanya ya mwamba, vini, pini vapulikhaga iliwi, nyangu vakiliposhela kwa uhendefu. ¹⁷Na vasina indela sosona mukhati yanave, lakini vifumilila kwa muda mfupi. Na pini itabu na malawo pini fiyinsa kwa sababu ya liswi, baho vikuvala.¹⁸Na vamonga ndio vala vini vavyalwagwa ku minfa. Vakilipulikha iliswi, ¹⁹lakini amalawo ga dunia, uudehi wa mali, ni mbungulu sa mambo aganji, gakivahuluta na kulisivila iliswi, lipotwa kisava amatunda. ²⁰Bahene kuna vala vini vavyalilwe kuulongo unofu. Vakilipulikha iliswi na kuliposhela na kisava amatunda: vamonga thelathini, na vamonga sitini, na vanji mia moja.''²¹Uyesu wavajovela, ''Wuli wuletaga itala mukhati ya nyumba na kuivikha pansi ya shikhapu, au pansi ya shitanda? Wuleta mukhati na kuivikha pashanya ya shiango. ²²Kwa kiva kusina shohona shini shiifihile shini shisingamanyikha, na kusina isiri yini yisikhavikhwa mwasi. ²³Nda akwali umunya makutu ga kupulikha, na apulishe!''²⁴Wavajovela, ''Muve meho kwa shila shini mupulikha, kwa kiva ishipimo shini mwipima, ndisho shini ambi mupimilwa, na ambi yiyonjelweswa kunyenyu. ²⁵Kwa kiva umwene mwini anasho, ambi iposhela mandu, na yula mwini asina, kihuma kunyakwe ambi fitolwa hata fila fini anafyo.''²⁶Na waja, ''Uufalme wa Nguluvi wahwananisiwa nu munu mwini wavyalaga imbeyu kuulongo. ²⁷Pini wagonaga ishilo na kidamula isubuhi, ni mbeyu yalembaga na kikula, japo asikhamenye shini yapola. ²⁸Idunia yihumya imbeyu yiyene; tangusina amasole, alafu amauwa, bahene imbeyu sini sikhangele. ²⁹Na pini imbeyu ambi yikula yayela baho itwala shakikungulila, kwa kiva uukungulaji wafikha.''³⁰Na waja, ''tiuhwananise uufalme wa Nguluvi ni shinu shishi, au tivishe umufano mushi kiyelesesa?. ³¹Ngaja mbeyu ya haradali, pini yavyalwagwa yikhandi nang'ana mandu kihila imbeyu ona kudunia. ³²Hata, pini yavyalwagwa, yikula na kiva khome kishila amimea gona ga bustani, na yiva na masole mapapate, hata inyuni sa kushanya siwesa kisenga ifiwanso fyanave kumumepo gwakwe.''³³Kwa mifano minji wafundisaga na kilogola iliswi kunyanave, kwa shini vawesaga kiyelewa, ³⁴na asikhalogwele nawo bila mifano. Lakini pini akhandi mwene duguli, wavayelesaga shila shinu avanafunsi vakwe.³⁵Kulusiku ulo, ululandi pini lwafikhaga, walogolaga kunyanave, ''Tilute ulubali lwa uvili''. ³⁶Bahene vavalekhaga avanu, vamutola Uyesu, uluhani ulo akhandi tayari ali mukhati ya shipugo. Ifipugo ifinji fikhandi bahamo nu mwene. ³⁷Nilipepo ilikhali na mawimbi gakhandi gihuluta mukhati ya shipugo ni shipugo tayari shikhandi shimemile.³⁸Lakini Uyesu yumwene akhandi ku shetri, agonile kulihagulo. Vamudamua, vija, ''Mwalimu, usihiva ose tifwa?'' ³⁹Na wadamulaga, walikhajila ilipepo na waijovela ibahari, ''Yive sawa, amani''. Ilipepo lyalekha, na kukhati nuutulifu mukhome.⁴⁰Na walogolaga kunyanave, ''Kwanshi mutila? Wuli musina ilihuvi bado?'' ⁴¹Vamemwagwa nu woga mukhome mukhati yanave na valogonsaniyaga vene kwa vene, ''Uyu yu nani khanji, kwa kiva hata ilipepo ni bahari fikimupulisa?''.

¹Vayinsaga mpakha ulubali ulunji lwa bahari, kumukoa gwa Gerasi ²Ghafla pini Uyesu pini akhandi ipola kunja ya hipugo, umunu umunya roho nshafu wayinsaga kunyakwe kihuma kumakaburi.³Umunu uyu akhandi ikhala kumakaburi. Kusina mwini wawesaga kimusivila mandu, kusina hata kwa manyororo. ⁴Akhandi ipinyilwe muda mwinji kwa pingu na manyororo. Wadumulaga amanyororo ni pingu sakwe sadenywagwa. Kusina hata yumo mwini akhandi ni ngufu sa kumuwesa.⁵Shilo ni minsi akhandi kumakhaburi na kufidunda, ikhola na kuitema umwene yumwene kwa mang'anga amakhali. ⁶Pini Wamwagaga Uyesu kutali, wasijilaga kunyakwe na kigondama pamwandi yakwe.⁷Wakholaga kwa shauti khome, ''Wusakula nikugahile nshii, Yesu, Mwana wa Nguluvi mwini ali Kushanya mandu? Nikikulomba kwa Nguluvi yumwene, usikhanilyafyaga.'' ⁸Kwa kiva akhandi wamujovela, ''Mupola umunu uyu, owe roho nshafu.''⁹Numwene wamuposaga, ''Ilitawa lyakho yumwe nani?'' Numwene wajibugu, ''Ilitawa lyangu yune Legion, kwa kiva tili vinji.'' ¹⁰Wamulombaga khanji na khanji asikhavatwalaga kunja ya mukhoa.¹¹Ino ishipuga shikhome sha ngubi shikhandi shiliswa kushanya ya shidunda, ¹²navene vamulombaga, vija, ''Titaga ku ngubi; tihulute mukhati yanave.'' ¹³Bahene wavayitikhaga; iroho inshafu sapolaga na kihuluta mukhati ya ngubi, nisene sasigaga pansi ya fidunda mpakha kubahari, na ngaja ngubi elfu mbili satwainaga mubahari.¹⁴Na vala vini vakhandi vilisa ingubi vasigaga na kihumya itaarifa ya shila shini shapolela ku mji na kunyii. bahene avanu vinji vapolaga na kiluta kilolela shini shapolela. ¹⁵Bahene vayinsaga kwa Yesu na vamwagaga umunu mwini akhandi akhetwe na mapepo-- mwini akhandi ni jeshi-- akhele pansi, afwasiwe, na ali kuluhala lwakwe kabisa, navene vatilaga.¹⁶Vala vini vakhandi valolela shini shapolela kwa munu mwini akhandi akhetwe na mapepo vavajovelaga shini shapolelaga kunyakwe na khanji kihusu ingubi. ¹⁷Navene vayansaga kimujova awushe kumukhoa gwanave.¹⁸Na pini akhandi ihuluta mukhati ya shipugo, umunu mwini akhandi akhetwe na mapepo wamulombaga kija alute bahamo numwene. ¹⁹Lakini asikhamuyitihe, lakini wamujovelaga, ''Luta kukhaya yakho na kwa vanu vakho, na uvajovele shini wakugahila Umtwa, ni rehema yini wakupela.'' ²⁰Bahene walutaga na kiyansa kitangasa amajowo amakhome gini Uyesu wagasenga kunyakwe ku Dekapolo, na shila munu washangalaga.²¹Na pini Uyesu walowokhaga khanji ulubali ulunji, mukhati ya shipugo, uumati mukhome wakunganaga wamupilima, pini akhandi mwambwa ya bahari. ²²Na yumo wa valongosaji va sinagogi, mwini washemelwagwa Yairo, wayinsaga, na pini wamwagaga, wagwisaga mumagulu gakwe. ²³Wamulombaga mandu, ija, ''Umuhinja wangu umunang'ana ali kholela kifwa. Nikikulomba, yinsa na uyishe amokho gakho kushanya yakwe ili kija awese kipata iafya na kiva musima.'' ²⁴Bahene walutaga numwene, nuumati mukhome wamufwataga navene vamulongolaga kholela vakimupilima.²⁵Kukhandi numudala mwini idanda yakwe yikhandi yipolile kwa makha kumi na mbili. ²⁶Walavaga lwa kikwilana pansi ya matabibu vinji na watumilaga shila shinu shini akhandi anasho. Hata ndeno asikhasaidilwe kwa shoshona. lakini badala yakwe wayonjelelaga kiva ni hali imbii. ²⁷Wapulikhaga ihabari kihusu Uyesu. Bahene wayinsaga kunyuma yakwe pini akhandi ijenda mukhati ya umati, numwene wagupyasaga umwenda gwakwe.²⁸Kwa kiva wajovaga, ''Nda nigapyase amenda gakwe tu, ambi niva musima.'' ²⁹Pini wamupyaaga, kipolwa ni danda kwalekhaga, na waipulikhaga kumuvili gwakwe kija waponeswa kihuma ku malawo gakwe³⁰Na baho Uyesu wamanyaga mukhati yakwe yumwene kija ingufu sakwe samupola. Na wasetukhaga kuno na kuno kuumati wa vanu na kiposa, ''Yunani mwini wanipyasa umwenda gwangu?'' ³¹Avanafunsi vakwe vamujovelaga, ''Ukilwaga uumati uwu ukuhejelile wukikupilima, newe wija, 'Yunani mwini wanipyasa?'' ³²Lakini Uyesu walolellaga kuno na kuno kimwaga mwini wamugahila ili.³³Umudala, kuno amenye hini shapolela kunyakwe, watilaga na kitetema. Wayinsaga na wagwisaga pamwandi yakwe na kimujovela uukweli wona. ³⁴Wajovaga kunyakwe, ''Muhinja, ilihuvi lyakho lyakugaha uve musima. Luta kwa amani na uponesewe kihuma kuutamu wakho.''³⁵Pini akhandi ilogola, avanu vamonga vayinsaga kihuma kwa valongosaji va Sinagogi, vija, ''Umuhinja wakho wafwa. Kwanshii kuyendelela kimulafya umwalimu?''³⁶Lakini Uyesu pini wapulikhaga shini vakhandi vilogola, wamujovelaga umulongosaji wa Sinagogi, ''Usikhatilaga. Yamini tu.'' ³⁷Asikhamuyitishe yeyona kilongosaniya numwene, isipokiva Upetro, Uyakobo, nu Yohana, ukholo lwakwe Uyakobo. ³⁸Vayinsaga kukhaya kwa mulongosaji wa inagogi numwene wawonaga furugu, kikhola kwinji na kiombolesa.³⁹Pini wahulutaga mukhayi, wavajovelaga, ''Kwa nshi musikitikha na kwanshii mukhola? Umwana asifwile ila agonile.'' ⁴⁰Vamuhekhaga, lakini umwene, wavahumyaga wona kunja, wamutolaga uwihe wa mwanishe nu nyina na vala vini vakhandi bahamo numwene, na wahulutaga mukhati mwini akhandi akwali umwanishe.⁴¹Watolaga iliwokho lya mwanishe na wamujovelaga, ''Talitha koum,'' yini ni kija, ''Muhinja munang'ana, nikikujovela, damula.'' ⁴²Baho umwanishe wadamulaga na kijenda ( kwa kiva akhandi na makha kumi na mbili). Na baho vakhatwagwa nulushangalo lukhome. ⁴³Wavajovaga kwa ngufu kija kusina yeyona mwini ipaswa kimanya kihusu ili. Na wavajovelaga vamupele yula umuhinja ishakilya.

¹Na wawukhaga apo na kiluta kumji gwanave, na vanafunsi vakwe vamufwataga. ²Isabato pini yafikhaga, wayansaga kifundisa ku Sinagogi. Avanu vinji vamupulikhaga na vashangaswagwa. Vaja, ''Wapata kwii amafundiso aga?'' Lishimanlishi ili lini wapelwa?'' ''Isenga wuli amiujisa aga kwa mokho gakwe?'' '' ³Wuli uyu asili yula umwana wa seremara, mwana wa Mariamu nu kholo lwanave ava Yakobo, Uyose, Uyuda nu Simoni? Wuli avadada vakwe si vikhala bahanu nose?'' Na vasikhashendeveswe nu Yesu.⁴Uyesu wavajovela, ''Umukuvamalago asikhosa ilishima, isipokiva kunyii yakwe na mu vamo va vanyalukholo vakwe na vamukhaya yakwe.'' ⁵Asikhawesise kisenga imiujisa apo, ila wavavishilaga amokho avatamu vadodo wavaponesa. ⁶Washangaswagwa mandu kwa sababu ya kuto kiyamini kwanave. Bahene wafijendelaga ifijiji fya kholela ifundisa.⁷Wavashemelaga vala avanafunsi kumi na mbili wayansa kivafilikha vavili vavili. Wavapelaga amamulakha ku mapepo amashafu, ⁸na kivajovela vasikhatolaga shoshona pini viluta isipokiva lukwegu tu. Vasikhatolaga umukhate, wala mukoba, wala ihela mumafukho; ⁹lakini vafwale indatu, na siyo kansu sivili.¹⁰Na wavajovela, ''Inyumba yeyona yini ambi muhuluta, khali apo mpakha pini ambi muwukha. ¹¹Ni nyii yeyona yini yisikhavaposhela wala kivapulisa, wushi kunyanave, kung'uni amankundi ga mumagulu genyu, yive ushuhuda kunyanave.''¹²Navene valutaga vitangasa avanu vatubu na kilekha isambi sanave. ¹³Vagadagaga amapepo minji, na vavapakhaga amafuta avatamu na vaponeswagwa.¹⁴Umfalme herode pini wapulikhaga ago, kwa kiva ilitawa lya Yesu likhandi limanyishe mandu. Avamonga vajovaga, ''Uyohana umubatisaji wafyakha na kwa sababu iyo, iyi ingufu ya miujisa yisenga insengo mukhati yakwe.'' ¹⁵Avanji vajovaga, ''Uyu yu Eliya,'' Bado avanji vaja, ''Uyu yu mukuvamalago, ngaja yumo wa vala vakuvamalago va pakhala.''¹⁶Lakini uherode pini wapulikhaga aga waja, ''Yohana, mwini namudumulaga umtwe wafyukha.'' ¹⁷Kwa kiva Uherode yumwene walajisaga Uyohana akhatwe na wamupinyaga mugelesa kwa sababu ya Herodia ( umudala wa kaka wakwe Ufilipo) kwa kiva umwene akhandi amutolile.¹⁸Kwa kiva Uyohana wamujovelaga Uherode, ''Yisili halali kumutola umudala wa mulamu wakho.'' ¹⁹Lakini uherodia wayansaga kumutola na akhandi isakula kumubuda, lakini asikhawesise, ²⁰kwa kiva Uherode wamutilaga Uyohana; wamanyaga kija yu munya haki umunu mtakhatifu, na wamulekhaga salama. Na pini wayendelelaga kumupulisa wasugumilwagwa mandu, lakini washendevaga kumupulisa.²¹Hata pini yafikhaga uluhavi mwafaka pini lukhandi luhejelile ulusiku lwa kisawa Uherode wavayandalilaga amaofisa vakwe isherehe, na makamanda, na fiongosi va Kugalilaya. ²²Bahene umuhinja wa Herodia wahulutaga na kinena pamwandi yanave, wamushendevesaga Uherode na vahensa vini vakhandi vakhele umuda gwa shakilya sha palulandi. Bahene umfalme wamujovela umuhinja, ''Nilomba shoshona shini wusakula nayune ambi nikikupela.''²³Wamulapilaga na kija, shoshona shini ambi wilomba, nikikupela, hata inusu ya ufalme wangu.'' ²⁴Wapola kunja wamupoa unyina, ''Nilombe shishi?'' aWja, ''Umtwe gwa Yohana Umubatisaji.'' ²⁵Baho wahuluta kwa mfalme wayansa kilogola, ''Nisakula unipele musahani, umtwe gwa Yohana Umubatisaji.''²⁶Umfalme wasikitiswagwa mandu, lakini kwa sababu ya shiapo shakwe na kwa ajili ya vahensa, asikhawesise kumukhana shini walomba. ²⁷Bahene, umfalme wafilikha avasulukhali ku valinsi vakwe na kivalajisa kiluta kumuletela umtwe gwa Yohana. Umulinsi walutaga kumudumula umutwe kuhifungo. ²⁸Waguleta umtwe gwakwe mu sahani na kumupela umuhinja, numuhinja wamupela unyina. ²⁹Na vanafunsi vakwe pini vapulikhaga ago, valutaga kugutola umuvili gwakwe valuta kugusila mukhaburi.³⁰Na vanandeje, vakunganaga bahamo pamwandi ya Yesu, vamuyelesa gona gini vagasenga na gini vafundisa. ³¹Numwene wavajovela, ''Yinsi yumwe amahala pa faragha na tituye kwa muda.'' Avanu vinji vakhandi viyinsa na kiwukha, hata vasikhapatile inafwasi ya kilya. ³²Bahene vatana ishipugo valutaamahala pa faragha vene duguli.³³Lakini vavagaga viwukha na vinji vavamanyaga, kwa bahamo vasigaga kwa magulu kihuma kunyii sona, navene vafikhaga khabla yanave. ³⁴Pini vafikhaga ku mwani, wavagaga avanu vinji na wavawonela lusungu, kwa vakhandi ngaja kholo sini sisina mudimaji. Na wayansaga kivafundisa amajowo minji.³⁵Umuda pini gwalutaga mandu, avanafunsi vamuyinsilaga vamujovela,''Panu ni mahala pa faragha nu muda gwaluta. ³⁶Uvahwese valute kunyii sa kholela ni fijiji ili valute vaigulile ishakilya.''³⁷Lakini wavajibu waja, ''Vapeli omwe ishakilya.'' Vamujovela, ''Tiwesa kiluta na kigula amakhate aganya thamani ya dinari mia mbili na kivapela valye?'' ³⁸Wavajovela,'' Muna makhate galinga? Luti mulolele.'' pini vapataga vamujovela, ''Makhate gasanu ni nswii sivili.''³⁹Wavajovaga avanu vakhale fipuga fipuga kushanya ya masole amigu. ⁴⁰Vavakhasaga ku fipuga fipuga; ifipuga mia kwa hamsini. ⁴¹Bahene watola amakhate gasanu ni nswii sivili, na kilolela kushanya, wagabarikhi bahene wavapela avanafunsi vavishe pamwandi ya vanu. Na bahene wagavaga inswii sivili kwa vanu wona.⁴²Valisaga wona mpakha pini vakwilanaga. ⁴³Vakunganiya ifipande fya makhate gini gasigalaga, Fyamema fikhapu kumi na mbili, na shisho nifipande fya nswii. ⁴⁴Na vakhandi vagosi elfu tano vini valisaga inswii.⁴⁵Baho wavajovelaga vatane kushipugo valute isehemu iyinji, hadi Kubethsaida, pini Umwene akivahwesa avanu. ⁴⁶Pini vakhandi vawukha, waluta kushidunda kilomba. ⁴⁷Pini lukhandi lulandi, ni shipugo shanave umuda ugo shikhandi pakhati ya bahari, numwene akhandi mwene duguli kunyii inyumu.⁴⁸Na pini wavagaga vilava kitova amtela kwa kiva ilipepo lyavasivilaga. pini yafikhaga isubuhi wavalutila, ijenda kushanya ya malenga, na akhandi isakula kuvashila. ⁴⁹Lakini pini vamwagaga ijenda kushanya ya malenga, vahulutwagwa nu woga vihiva kij musimu hata vayansa kilyova. ⁵⁰kwa kiva vamwagaga vakhatwa nu woga. Baho walogola na vene wavajovela, ''Muve vakhangafu! yune! Musikhavesaga nu woga.''⁵¹Wahuluta mukhati ya shipugo, nilipepo lyalekhaga kikutukha, navene vamushangalaga sana. ⁵²Ino vakhandi vayelewe imaana ya gala amakhate. Kwa kiva uluhala lwanave lukhandi nuuelewa mudodo.⁵³Navene pini valowokhaga kumwambwa, vafikhaga kunyii ya Genesareti ishipugo shayima. ⁵⁴Pini vapolaga kunjaa ya shipugo, baho vamumanyaga. ⁵⁵Vasigaga kitangasa ku mukhoa gona na vayansaga kivaleta avatamu kwa machela, pini vapulikhaga iyinsa.⁵⁶Popona pini wahulutaga kufijiji, au kumjini, au kunyii, vavavikhaga avatamu amahala pa lisokho, na vamulombaga avayitishe kipyasa ulupembo lwa mwenda gwakwe. Na wona vini vapyasaga vaponeswagwa.

¹Amafarisayo na baasi ya vaandishi vini vakhandi vahumilile Kuyerusalemu vakunganaga kumupilima umwene.²Na valwagaga kija avanafunsi vakwe avanji valisaga amakhate kwa mokho mashafu; gini gasikhayosewe . ³( kwa Mafarisayo na Vayahudi wona vasilya mpakha vayose amokho ganave unofu; vikhatilila itamaduni sa vagosivaga. Pini ⁴Amafarisayo pini vawuyaga kihuma amahala pa sokho, vasilya mpakha vaiyoje tangusina. Na kuna sheriya isinji sini vakisifwata khabisa, sini ni bahamo na kiyosa ifikhombe, amasufuria, ifyombo fya shaba, na hata ifitengo fini fitumikha pini vilya.)⁵Amafarisayo na vaandishi vamuposaga Uyesu, ''Kwanshi avanafunsi vakho vasikhala kilingana ni tanaduni sa vagosivaga, kwa kiva vilya amakhate bila kiinawa amokho?''⁶Lakini umwene wavajovelaga, ''Uisaya watabirigi unofu kihusu omwe vamyansi, wayandikhaga,'' Avanu ava vakinuheshimu kwa malomo ganave, lakini inumbula sanave sili kutali none. ⁷Vakinisenjela iibada sini sisilil sa maana, vifundisa isheriya sa vanadamu ngaja maposhelo ganave.'⁸Mwailekha isheriya ya Nguluvi na kikhata kwa upefu itamaduni sa vanadamu.'' ⁹Na waja kunyanave, ''Mwaikhana iamri ya Nguluvi kwa upefu ili kija mtunse itamaduni senyu! ¹⁰Kwa kiva Umusa wajovaga, 'muheshimu uwiho nu mama wakho,' nu 'Mwene mwini ilogola mavi kwa wiho nu mama wakho ambi ifwa.'¹¹Lakini mwija, 'nda umunu ajove kwa baba wakwe au unyina, ''Umusaada gogona gwini nda mwaposhela kihuma kunyangu ni akiba ya Hekalu,''( Iyo ni kilogola kija, 'yahumisiwa kwa Nguluvi') ¹²ino usikimuyitikha kisenga ulujowo lolona kwa ajili ya wihe nu nyina. ¹³Mukiigaha iamri ya Nguluvi kiva bure kwa kileta itamaduni senyu. Na majowo minji ga namna iyo gini mukigasenga.''¹⁴Wavashemelaga avanu khanji na kivajovela, ''Musikhanipulisaga one, omwe wona, na muniyelewe. ¹⁵Kusina shoshona kihuma kunja ya munu shini shiwesa kumushafula umunu pini shihuluta kunyakwe. Ila shila shini shikimupola umunu ndio shini shikimushafula. ¹⁶(Fwatilila: umusholela ugu, ''nda umunu yeyona ana makutu ga kipulikha, na apulishe'' gukusina ku nakala sa pakhala).¹⁷Uyesu pini wavalekhaga amakhutano na kihuluta mukhati, avanafunsi vakwe vamuposaga kihusu umfano ugo. ¹⁸Uyesu waja, ''Nemwe khanji bado musiyelewa? mMsikilwaga kija shoshona shini shikimuhuluta umunu shisiwesa kumushafula, ¹⁹kwa kiva shisiwesa kiluta kunumbula yakwe, lakini shihuluta ku numbula yakwe na bahene shishila kiluta ku shoo.'' Kwa maeleso aga Uyesu wafigahaga ifyakilya fyona kiva finofu.²⁰Wajovaga, ''Ni shila shini shikimupola umunu ndiyo shini shikimushafula. ²¹Kwa kiva shipola mukhati ya munu, kunja ya numbula, gipola amahiva mavi, uushemi, uuhiji, nuubudaji, ²²uuashelati, ni mbungulu mbii, uuvi, uudehi, kishemushilana, uwifu, ikashfa, kuidayi, nuuyasu. ²³Amavi aga gona gihuma mukhati, ndiyo gini gakimushafula umunu.''²⁴Wadamulaga kihuma pala na kiwukha kiluta kumukhoa kumukhoa gwa Tiro ni Sidoni. Wahulutaga mukhati na asikhasakwile umunu yeyona amanye kija akhandi apo, ²⁵Lakini yisikhawesekhene kumufiha. lakini baho umudala, mwini umwanakwe munang'ana akhandi ni roho nshanfu, wapulikhaga ihabari sakwe, wayinsa, na wagwa pamagulu gakwe. ²⁶Umudala uyo akhandi Muyunani, wa khabila lya Shifoiniki. Wamulombaga umwene alidaje ilipepo kihuma kwa muhinja wakwe.²⁷Uyesu wamujovela umudala, ''Valekha avanishee valiswe tangusina, kwa kiva yisili sawa kugutola umukhate gwa vanishe na kisitajila imbwa.'' ²⁸Lakini umudala wamujibu na kija, ''Ndiyo Mtwa, hata imbwa pansi ya mea silya amabaki ga shakilya sha vanishe.''²⁹Wamujovela, ''Kwa kiva walogola ndeni, uli huru kiluta. Ilipepo tayari lyamupola umuhinja wakho.'' ³⁰Umudala wawuyaga kukhaya yakwe na wamwaga umuhinja agonile pashitanda, nilipepo likhandi lyamupola.³¹Uyesu wapolaga khanji kunja ya mukhoa gwa Tiro na kihilila Kusidoni kiluta ku Bahari ya Kugalilaya mpakha ku kanda ya Kudikapolii. ³²Na vamuletelaga umunu mwini akhandi asipulikha na akhandi asiwesa kilogola unofu, vamulombaga Uyesu avishe iliwokho kushanya yakwe.³³Wapolaga kunja ya likusanyikho kwa kuifiha, na wavikha indole sakwe kumakutu gakwe, na baada ya kifunya amata, wapyasaga ulumili lwakwe. ³⁴Walolelaga kushanya, watuyaga na kimujovela, ''Efata,'' iyo ni kija ''dindukha!'' ³⁵Na baho amakutu gadindukha, na shini shikhandi shisivile ulumili lwakwe shanangwagwa na wawesaga kilogola unofu.³⁶Na wavajovelaga vasikhamujovelaga umunu yeyona. Lakini shini apikivajova, ndiyo vatangasaga ihabari iso kwa winji. ³⁷Hakika vashangaswagwa, na kija, ''Wasenga shila hinu shinofu. Hata wavagaha vini vasipulikha kipulikha na mabubu kilogola.''

¹Ku nsiku iso, kukhandi khanji nuumati mukhome, na vakhandi vasina ishakilya. Uyesu wavashemelaga avanafunsi vakwe wavajovela, ²''Nikiuwonela lusungu uumati uwu, vayendelela kiva none kwa nsiku sitatu na vasina ishakilya. ³Nda nivapalakhaniye vawuye kumakhaya ganave bila kilya vangawesa kisimila kwa njala. Na vamonga vanave vahuma kutali mandu.'' ⁴Avanafunsi vakwe vamujibu, ''Ambi tipata kwii amakhate ga kukwilana kivakutisa avanu ava kulieneo ili lini lileshilwe?''⁵Wavaposa, ''muna fipande filinga fya makhate?'' Vaja, ''Saba''. ⁶Wavajovaga avanu vakhale pansi. Watola amakhate saba, wahonjesa kwa Nguluvi, na kugagavaniya. Wavapela avanafunsi vakwe vagavihe pamwandi yanave, navene vagavikha pamwandi ya vanu.⁷Khanji vakhandi ni nswii inang'ana ndodo, na baada ya kihonjesa, wavajovaga avanafunsi vakwe vavagavile ifi fyope. ⁸Valisaga na vakwilanaga. Na vakunganiya ifipande fini fisgele, ifikhapu fikhome saba. ⁹Vakhandi ngaja vanu elfu nne. Na wavalekhaga valute. ¹⁰Baho wahulutaga kushipugo na vanafunsi vakwe, na valutaga kuukhanda wa Kudalmanuta.¹¹Bahene Amafarisayo vapolaga kunja na kiyansa kibishaniya numwene. Vasakulaga avapele iishara kihuma kushanya, kwa kumujesa. ¹²Wahivaga kwa umakini munumbula yakwe waja, ''Kwanshi ishisasi ishi shisakula iishara? Nikivajovela omwe kweli, kusina iishara yini ambi yihumisiwa ku shisai ishi.'' ¹³Bahene wavalekhaga, wahuluta mukhati ya hipugo khanji, wawukhaga kiluta ulubali ulunji.¹⁴Umuda ugo avanafunsi vasamwaga kitola amakhate. Vakhandi vasina amakhate saidi ya shipande shimo shini shikhandi mushipugo. ¹⁵Wavakhasaga na kija, ''Muve meho na muyilinde sidi ya chachu ya Mafarisayo na chachu ya Herode.¹⁶Avanafunsi valogonsaniyaga vene kwa vene, ''Ni kwa kiva tingaya makhate.'' ¹⁷Uyesu wamanyaga ili, na wavajovela, ''Kwanshii mulogonsaniya kihusu kutokiva na makhate? Musimenye bado? Musiyelewa? Inumbula senyu sava mefu?¹⁸Muna meho, muilolela? Muna makutu, musipulikha? Musikumbukha? ¹⁹Pini nagagavaniyaga amakhate gasanu kwa vanu elfu tano, mwatolaga ifikhapu filinga fini fimemile ifipande fya makhate?'' Vajibu, ''kumi na mbili.''²⁰''Na pini nagagavaniyaga amakhate saba kwa vanu elfu nne, mwatolaga ifikhapu filinga?'' ²¹Vaja, ''Saba.'' Wavajovela, ''Bado musiyelewa?''²²Vayinsa Kubethsaida. Avanu avo vamuletaga kwa Yesu umunu umupofu na kimulomba Uyesu amupyase. ²³Uyesu wamukhataga kwa liwokho yula umupofu, na kimulongosa kunja ya shijiji. Pini wafunyaga amata kushanya ya meho gakwe na kigolosa amakho gakwe kushanya yakwe, wamuposaga, ''Ukishaga shoshona?''²⁴Walolelaga kushanya na kija, ''Nikivaga avanu viwonekha ngaja mapishi gijenda.'' ²⁵Bahene wagolosaga khanji amokho gakwe kushanya ya meho gakwe, umunu yula wadindukha ameho gakwe, walolelaga khanji, na washaga shila shinu shinofu. ²⁶Uyesu wamulekhaga alute kukhaya na wamujovela, ''Usikhahulutaga kumjini.''²⁷Uyesu wawukhaga na vanafunsi vakwe kiluta kufijiji fya Kaiseria ya Kufilipi. Pini vali munsila wavaposaga avanafunsi vakwe, ''Avanu vija one yune nani?'' ²⁸Vamujibu vaja, ''Yohana Mubatisaji. Avanji vija, 'Eliya' na vanji, 'Yumo wa Vakuvamalago.''²⁹Wavaposa, ''Lakini omwe mwija one yune nani?'' Upetro wamujovela, ''Owe yu Kristo.'' ³⁰Uyesu wavajovelaga vasikhamujovelaga umunu yeyona kimuhusu Umwene.³¹Na wayanaga kivafundisa kija Umwana wa Adamu lasima alave kwa majowo minji, na ambi ikhanwa na valongosaji na makuhani vakhome, na vaandishi, na ambi ibudwa, na baada ya nsiku sitatu ambi ifyukha. ³²Walogolaga aga kwa uvalafu. Bahene Upetro wamutolaga palubali na kiyansa kumukhajila.³³Lakini Uyesu wasetukhaga na kivalolela avanafunsi vakwenna wamukhanyansaga Upetro na kija, ''Shila kunyuma yangu Shetani! Usihiva amajowo ga Nguluvi, isipokiva amajowo ga vanu.'' ³⁴Bahene wavashemelaga avanu na vanafunsi vakwe bahamo, na kivajovela, ''Nda kuna munu isakula kunifwata, aikhane yumwene, atole umusalaba gwakwe, na anifwate.³⁵Kwa kiva yeyona mwini isakula kugakulusa amaisha gakwe ambi akigayasa, nu yeyona mwini ambi akigayasa amaisha gakwe kwa ajili yangu na kwa ajili ya mola, ambi akigakulusa. ³⁶Yikimufwaya nshii umunu, kipata uwulimwengu wona, na khanji kipata ihasara ya maisha gakwe? ³⁷Umunu iwesa kihumya nsii badala ya maisha gakwe?³⁸Yeyona mwini akiniwonela nsoni na majowo gangu ku shisasi ishi sha vashemi ni shisasi sha vanya sambi, Umwana wa Adamu ambi akimuwonela nsoni pini akhayinsa kuufalme wa Wihe bahamo na vamalaikha vatakhatifu.

¹Na walogolaga kunyanave, ''Hakika nilogola kunyenyu, vamonga venyu kuna vanu vini vayimile panu vasikhawonja imauti khabla ya kuwaga uufalme wa Nguluvi wuyinsa kwa ngufu.'' ²Na baada ya nsiku sita, Uyesu wavatolaga Upetro, Uyakobo nu Yohana bahamo numwene kushidunda, vene duguli. Bahene wayansaga kisetukha pamwandi yanave. ³Amenda gakwe gayansaga king'ala sana, mavalafu mandu, mavalafu kishila umung'alisaji yeyona kunyii.⁴Bahene Ueliya bahamo nu Musa vapoelaga pamwandi yanave, na vakhandi vilogola nu Yesu. ⁵Upetro wajibugu wamujovela Uyesu, ''Mwalimu, lunofu ose kiva panu, na tisenje ifibanda fitatu, shimo kwa ajili yakho, shimo kwa ajili ya musa, na ishinji kwa ajili ya Eliya.'' ⁶( Kwa kiva asikhamenye shishi sha kilogola, vatilaga mandu.)⁷Ilifunde lyapolelaga na kivagubikha. Bahene ishauti yapolelaga mumafunde yija, ''Uyu yu mwanangu mugani. Mupulisi umwene.'' ⁸Baho, pini vakhandi vilelela, vasikhamwajile yeyona mwini ali navene, isipokiva yu Yesu tu.⁹Pini vakhandi viyikha kihuma kushidunda, wavajovaga vasikhamujovelaga umunu yeyona gala gona gini gapolela, mpakha Umwana wa Adamu pini alhafyukha kihuma kwa vini vafwile. ¹⁰Bahene vagatunsaga amajowo vavene. Lakini valogolaga vene kwa veve shishi imaana yakwe ''kifyukha kihuma kwa vini vafwile''¹¹Vamuposaga Uyesu,'' Kwanshii avaandishi vija laima Ueliya ayinse tangusina?'' ¹²Wavajovela, ''hakika Ueliya akhayinsa tangusina kikulusa ifinu fyona. Kwanshii yiyandihwe Umwana wa Adamu lasima apate amalawo minji na atolwe? ¹³Lakini nilogola kunyenyu Ueliya tayari wayinsaga, na vamugahilaga ngaja shini vadobokhaga, ngaja shini amaandikho gilogola kihusu umwene.''¹⁴Na pini vatinaga kwa vanafunsi, vavagaga avanu vinji vavapilime na Masadukhayo vakhandi vibishaniya nawo. ¹⁵Na baho pini vamwagaga, avanu wona vashangalaga na kimusijila kimuhunjila. ¹⁶Wavaposaga avanafunsi vakwe, ''Mubihaniya nawo kihusu nshii?''¹⁷Yumo wanave ku vala avanu wajibu, ''Mwalimu, namuletaga umwanangu kunyakho; ana rohonshafu yini yikimugaha ipotwa kilogola, na ¹⁸yikimusababisa kitetema na kumugwisa pansi, na kihumya amata mumulomo na kilumaniya ameno na kiyuma. Navalombaga avanafunsi vakho kimuhumya ilipepo, lakini vasikhawesise. ¹⁹Wavajibugu, ''Ishisasi shini hisiyamini, ambi nikhala nomwe kwa muda mushi? Ambi nitolelana nomwe mpakha payoli? Muleti kunyangu.''²⁰Vamuletaga umwanakwe. Iroho nshafu pini yamwagaga Uyesu, ghafla yamuponyaga kutetema. Umudimi wagwisaga pansi na kihumya amata mumulomo. ²¹Uyesu wamuposaga uwihe,'' Wava kuhali iyi kwa muda mushii?'' Uwihe waja, '' Kihuma wana. ²²Kuna muda igwa ku moto au kumalenga, na kijesa kumubuda. Nda wuwesa kigaha shoshona tiwonela lusungu na utisaidile.''²³Uyesu wamujovelaga, ''Nda uli tayari? Shila shinu shiwesekhana kwa yeyona mwini iyamini.'' ²⁴Ghafla uwihe wa mwanishe wakholaga na kija, ''Niyamini! Nisaidila kutokiyamini kwangu.'' ²⁵Pini Uyesu walyagaga ilikundi lisiga kunyanave, walukhajiraga iliriho lishafu na kija, ''owe roho bubu na mwini usipulikha, nikikudaha mulekha, usikhahulutaga kunyakwe khanji.''²⁶Wakholaga kwa ngufu na kumulafya umwanishe niliroho lyamupola. Umwana wawonekhaga ngaja wafwa, Bahene vinji vajovaga, ''Wafwa,'' ²⁷Lakini Uyesu wamutolaga umwana wamuyinula, nu mwana wayima.²⁸Pini Uyesu wahulutaga mukhati, avanafunsi vakwe vamuposaga pini vali vene, ''Kwanshii tisikhawesise kimuhumya?'' ²⁹Wavajovelaga, ''kwa nsila iyi asipola ila kwa maombi.''³⁰Vapolaga pala na kishilila Kugalilaya. Asikhasakwile umunu yeyona amanye pini vakwali, ³¹kwa kiva akhandi ifundisa avanafunsi vakwe. Wavajovelaga, ''Umwana wa Adamu akhafiswa mu mokho ga vanu, na vakhamubuda. Pini akhava wafwa, baada ya nsiku sitatu akhafyukha khanji.'' ³²Lakini vasikhayelewe amaeleso aga, na vatilaga kimuposa.³³Bahene vafikhaga kukarperinaumu. Pini akhandi mukhati ya nyumba wavaposaga, ''Mwa mujadiliana shishi munsila''? ³⁴Lakini vakhalaga myaa. Kwa kiva vakhandi vibishaniya munsila kija yunani akhandi mukhome mandu. ³⁵Wakhalaga pansi wavashemela vala kumi na mbili bahamo, na walogolaga navene, Nda yeyona isakula kiva wa kwansa, ni lasima ave wa mwisho nu mtumishi wa wona.''³⁶Wamutolaga umwana umunang'ana wamuvikha pakhati yanave. Wamutolaga kwa liwokho lyakwe, waja, ³⁷Yeyona mwini akimuposhela umwana ngaja uyu kwa litawa lyangu, iva waniposhela one, nda umunu aniposhele, asikiniposhela one yune, lakini nu wope mwini wanifilikha.''³⁸Uyohana wamujovelaga, ''Mwalimu tamwagaga umunu ihumya amapepo kwa litawa lyakho na tamusivilaga, kwa kiva asikitifwata.'' ³⁹Lakini Uyesu wajovaga, ''Musikhamisivilaga, kwa kiva kusina mwini akhasenga insengo khome kwa litawa lyangu na bahene panyuma alogole iliswi livi lyolyona kunyangu.⁴⁰Yeyona mwini asili shinyume nose ali kulubali lwesu. ⁴¹Yeyona mwini ambi akikupela ishikhombe sha malenga ga kingwela kwa kiva uli nu Kristo, kweli nikivajovela, asikhayasa ibarakha yakwe,⁴²Yeyona mwini akhavakhosesa ava avanang'ana vini vakiniyamini one, nda yava lunofu kunyakwe kipinyilisiwa iling'anga lya kuhaulila munsingo na kitagwa kubahari. ⁴³Nda iliwokho lyakho likukhosese lidumula. Lunofu kihuluta kuusima bila liwokho kuliko kihuluta kuuhigo kuno una mokho gona. Ku moto ''gwini gusisima'' . ⁴⁴( Fwatilila: Amasholela aga, ''Amahala pini amang'onyo gasifwa nu moto gwini gusisima.'' gukusina ku nakala sa pakhala).⁴⁵Nda iligulu lyakho likukhosese, lidumula. Lwiva lunofu kunyakho kihuluta kuusima kuno una ligulu limo, kuliko kitagwa kuuhigo na magulu gavili. ⁴⁶(Fwatilila: Umusholela ugu, ''Amahala pini amang'anyo gasifwa nu moto gwini gusiwesa kisima'' gukusina kunakala sa pakhala).⁴⁷Nda iliho lyakho likukhosese likula. Lwiva lunofu kunyakho kihuluta Kuufalme wa Nguluvi uli ni liho limo, kuliko uve na meho gavili na utajwe kujehanamu. ⁴⁸Amahala pini pana mang'onyo gini gasifwa, nu moto gwini gusisema.⁴⁹Kwa kiva shila munu akhakholeswa nu moto. ⁵⁰Umunyo munofu, nda umunyo guyase uunono wakwe, ambi ukigugaha wuli guve nuunono wakwe khanji? Muve nu munyo munyenyu yumwe, na muve ni amani kwa shila yumo.''

¹Uyesu wawukhaga ilieneo ilyo na walutaga ku mukhoa gwa Kuuyahudi nili eneo lya pamwandi laya Mukhoga Yorodani, na vanu vamufwataga khanji. Wavafundisaga khanji, ngaja shini yikhandi kawaida yakwe kigaha. ²Na Mafarisayo vayinsaga kimuposa, ''Halali kwa mugosi kilekhana nu mudala wakwe?'' ³Uyesu wavajibu, ''Umusa wavajovaga omwe?'' ⁴Vaja, ''Umusa wayitikhaga kiyandikha isheti sha kilekhana na bahene kimudaga umudala.''⁵Kwa sababu ya numbula senyu inyumu ndiyo maana wayandikhaga isheriya iyi,'' Uyesu wavajovelaga. ⁶''Lakini kihuma ishiyanso sha uwumbaji, 'Unguluvi wavawumbaga avagosi na vadala.'⁷Kwa sababu iyi umugosi ambi akimulekha uwihe nu nyina na ambi iwungana nu mudala wakwe, ⁸na avo vavili ambi viva muvili gumo; Kwa kiva vasili vavili khanji, ila muvili gumo. ⁹Ino shini ambi akishoiwunganisa Unguluvi, umwanadamu asikhashibagulaniyaga.''¹⁰Pini vakhandi mukhati ya nyumba, avanafunsi vakwe vamuposaga khanji kihusu ili. ¹¹Wavajovela, ''Yeyona mwini akimulekha umudala wakwe na kitola umudala uyunji, isenga uushemi kunyakwe yumwene. ¹²Umudala wope nda amuleshe umugosi wakwe na kitolwa nu mugosi uyunji, igaha uushemi.''¹³Navene vamuletelaga avanave avanang'ana ili avapyae, lakini avanafunsi vavadalishila. ¹⁴Lakini Uyesu pini wamanyaga ilyo, asikhashendeveswe nalyo khabisa wavajovela, ''Vayitishi avana avanang'ana vayinse kunyangu, na musikhavasivilaga, kwa kiva vini vali ngaja ava uufalme wa Nguluvi wanave.¹⁵Kweli nikivajovela, yeyona mwini asikiuposhela uufalme wa Nguluvi ngaja mwana munang'ana kweli asiwesa kihuluta kuufalme wa Nguluvi. ¹⁶Bahene wavatolaga avana mumokho gakwe na wavabarikhi wavavishila amokho gakwe kushanya yanave.¹⁷Na pini wayansaga ulushulo lwakwe umunu yumo wamusijilaga na wafugama pamwandi yakwe, wamuposa, ''Mwalimu Munofu, nigahe nshii ili niwese kihala uusima wa shiluta?'' ¹⁸Nu Yesu waja, ''Kwa nshii ukinishemela munofu? Kusina mwini munofu, isipokiva Unguluvi mwene duguli. ¹⁹Usimenye iamri; 'Usikhabudaga, usikhashemukhaga, usikhahijaga, usikhalogolaga uudehi, usikhadehaga, muheshimu uwiho nu mama wakho'.''²⁰Umunu yula waja, ''Mwalimu, aga gona nagasenga kihuma pini nili mudimi.'' ²¹Uyesu wamulolelaga na kumudobokha. Wavajovela, ''Wupungushilwa ishinu shimo. Wupaswa kigusa fyona fini unafyo na uvapele avapina, na ambi wiva ni akiba kushanya. Bahene uyione unifwate.'' ²²Lakini wakhataga itamaa kwa sababu ya maeleso aga; wawukhaga kuno asugumilwe, kwa kiva akhandi ni mali nyinji.²³Uyesu walolela ipande sona na kivajovela avanafunsi vakwe, ''Kwa namna nshii yiva nsenhgo kwa tajiri kihuluta kuufalme wa Nguluvi! ²⁴Avanafunsi vashangaswagwa kwa majowo aga. Lakini Uyesu wavajovela khanji, ''Avanishe, ni kwa namna nshii shini yiva nsengo kihuluta kuufalme wa Nguluvi! ²⁵Yiva yisili nsengo kwa ngamia kishila kulilindi lya sindano, kuliko umunu utajiri kihuluta kuufalme wa Nguluvi.''²⁶Vashangaswagwa mandu na kilogonsaniya, ''Ino yu nani abi ikulusikha'' ²⁷Uyesu wavalolela na kija, ''Kwa vanadamu yisiwesekhana, lakini siyo ya kwa Nguluvi. Kwa kiva kishilila Unguluvi gona giwesekhana.'' ²⁸''Upetro wayansaga kilogola numwene,'' Lelela talekha fyona takufwata owe.''²⁹Uyesu waja, ''Ukweli nikivaajovela omwe, kusina mwini aleshile ikhaya, au ukaka, au udada, au unyina, au uwihe, au avanishe, au inyii, kwa ajili yangu, na kwa ajili ya Mola, ³⁰mwini ambi iposhela mara mia mbili saidi ya salisi hapa padunia: inyumba, ukaka, udada, umama, avanishe, ni nyii, kwa malawo, nu wulimwengu wini wuyinsa, uusima wa shiluta. ³¹Lakini vinji vini va kwansa ambi viva va mwiho na vini va mwisho ambi viva va kwansa.''³²Pini vakhandi munsila, kiluta Kuyerusalemu, uyesu akhandi avalongwele kumwandi yanave. Avanafunsi vashangalaga, navala vini vakhandi vakimufwata kunyuma vatilaga. Bahene Uyesu wavahumyaga palubali khanji vala kumi na mbili na wayansa kivajovela shila shini ambi shikimupolela shishi kholela: ³³'' Lelela, tiluta hadi Kuyerusalemu, nu Mwana wa Adamu ambi ifswa kwa makuhani vakhome na vaandishi. Vakhamuhiga afwe na vakhamuhumya kwa vanu va Mataifa. ³⁴Vakhamulogolela uvi, ambi vakimufunyila amata, ambi vakimutova inkwegu, na ambi vakimubuda. Lakini baada ya nsiku sitatu ambi ifyukha.''³⁵Uyakobo nu Yohana, avana va Zebedayo, vayinsaga kunyakwe na kija, ''Mwalimu, tisakula utisenjele shoshona shini tikikulomba. '' ³⁶Wavajovelaga,'' Musakula nivagahile nshii?'' ³⁷Vaja, ''Tiyitikha tikhale newe kuutukufu wakho, yumo kuliwokho lyakho lya shigosi nu yunji kuliwokho lyakho lya kushoto.''³⁸Lakini Uyesu wavajibugu, ''Musimenye shini mwilomba. Muwesa kushing'welela ishikhome shini ambi nikishing'welela au kufumilila uubatiso wini ambi nibatiswa?'' ³⁹Vamujovela, ''Tiwesa'' Uyesu wavajovela, ''Ishikhombe shini ambi nikishing'welela, ambi mukishing'welela. Nuubatiso wini kwa uwo nabatiwa, ambi mufumilila. ⁴⁰Lakini mwini ambi ikhala iliwokho lyangu lya higosi au iliwokho lyangu lya kushoto sio one wa kuhumya, lakini ni kwa vala vini kwa vene sha tayari yayandalwa.''⁴¹Vala avanafunsi avanji kumi vapulikhaga aga, vayansaga kivakhalalila Uyakobo nu Yohana. ⁴²Uyesu wavahemelaga kunyakwe na kija, ''Mumenye kija vala vini vihivililwa kiva vatavala va vanu va Mataifa vakivatavala, na vanu vini mashuhuri vakivawonensa amamulakha kushanya yanave.''⁴³Lakini yisipaswa kiva ndeni kunyenyu. Yeyona mwini ambi iva mukhome kunyenyu lasima avatumishile, ⁴⁴nu yeyona mwini ambi iva wa kwansa kunyenyu ni lasima ave mwanandeje wa wona. ⁴⁵Kwa kiva Umwana wa Adamu asikhayinsile kitumishilwa ila kitumikha, na kigahumya amaiha gakwe kiva fidia kwa vinji.''⁴⁶Vayinsaga Kuyeriko. Pini akhandi iwukha Kuyeriko na vanafunsi vakwe na vanu vinji, umwana wa Timayo, Batimayo, umupofu mulombaji, wakhalaga kumwambwa ya barabara. ⁴⁷Pini wapulikhaga kija yu Yesu Umunasareti, wayansaga kilyova na kija, ''Yesu, Mwana wa Daudi, niwonela lusungu!'' ⁴⁸Vinji vamudalishilaga yula umupofu , vakimujovela asisime. Lakini wakholaga kwa shauti sana, ''Mwana wa Daudi, niwonela lusungu!''⁴⁹Uyesu wayimaga na kivajova ashemelwe. Vamushemelaga yula umupofu, vija, ''Uve mukhangafu! yima! Uyesu akikushemela.'' ⁵⁰Walitagaga kulubali ilikhoti lyakwe, wasigaga sana, na kiyinsa kwa Yesu.⁵¹Uyesu wamujibu na kija, ''Wusakula nikugahile shishi?'' Yula umugosi umupofu wamujibu, ''Mwalimu, nisakula kilolela.'' ⁵²Uyesu wamujovela, ''Luta. Ilihuvi lyakho lyakuponesa.'' Baho ameho gakwe galolelaga; na wamufwataga Uyesu kubarabara.

¹Uluhavi ulo pini vayinsaga Kuyerusalemu, pini vahejelaga Kubethfage na Kubethania, Kushidunda sha Mizeituni, uUyesu wavafilikhaga vavili mu vamo va vanafunsi vakwe na wavajovelaga, ''Luti kushiji shini shihejelene nose. ²Na pini ambi mwihuluta umo, ambi mukiyaga ipunda yini yisinatanajwe. Yipinyi na muilete kunyangu. ³Na nda yeyona ambi akivajovela, 'Kwanshi mwigaha ndeni'?, mwipaswa kija, 'Umtwa akimusakula na ambi akimutiniya panu'.''⁴Valutaga na kiyaga ipunda yipinyilwe kunja kumulyango ku shijiji hini hili mwai, na vene vaihudulaga. ⁵Na vanu vamonga vakhandi vayimile pala na vavajovelaga, ''Mwigaha nshii, kuihudula ipunda iyo?'' ⁶Vavajovelaga ngaja shini Uyesu walinga wavajovela, na vanu vavalekhaga valute.⁷Avanafunsi vavili vailetaga ipunda kwa Yesu na vatandikhaga amenda ganave kushanya yakwe ili Uyesu awese kiitana. ⁸Avanu vinji vatandikhaga amenda ganave mu barabara, na vanji vatandikhaga amasole gini vadumulaga kihuma mumagunda. ⁹Vala vini valutaga kumwandi yakwe na vala vini vamufwataga vatovaga ilyowo, ''Hosana! Abarikhiwe mwini iyinsa kwa litawa lya Mtwa. ¹⁰Una barakha uufalme wini wuyinsa wa baba wesu Udaudi! Hosana kwa mwini ali kushanya''¹¹Bahene Uyesu wahulutaga Kuyerualemu na walutaga kuhekalu na walolelaga shila shinu. Ino, umuda gukhandi gulutile, walutaga Kubethania bahamo nawo kumi na mbili. ¹²Ulusiku lwini lwafwataga, pini vakhandi vitina kihuma Kubethania, akhandi ni njala.¹³Na wagwagaga umupishi gwa mtini gwini gukhandi namasole kwa kutali, walutaga kilolela nda angawesa kipata shoshona kushanya yakwe. Na pini wagulutilaga, asikhapatile shoshona ila masole hela, kwa kiva yikhandi yisili shipindi sha mtini. ¹⁴Wagujovelaga, ''Kusina yeyona mwini ambi ilya ilitunda kihuma kunyakho khanji''. Na vanafunsi vakwe vapulikhaga.¹⁵Vayinsaga Kuyerusalemu, numwne wahulutaga kuhekalu na kiyansa kivahumya kunja avagusaji na vagulaji mukhati ya hekalu. Wasisetusaga imesa sa vini visetusa ihela nifitengo fya vala vini vakhandi vigusa injiva. ¹⁶Asikhamuyitishe yeyona kisumula shoshona muhekalu shini nda shawesa kigusiwa.¹⁷Wavafundisaga na waja, ''Wuli yisikhayandishwe, 'inyumba yangu ambi yishemelwa nyumba ya kilombela kwa mataifa gona'? Lakini yava nyumba ya vapokhaji''. ¹⁸Amakuhani avakhome na vaandishi vapulikhaga shini akhandi waja, navene vasakulaga insila ya kimubuda. Hata ndeno vamutilaga kwa kiva avanu vashangaswagwa na mafundiso gakwe. ¹⁹Na shila muda ululandi pini lwafikhaga, vawukhaga kumjini.²⁰Pini vakhandi vijenda isubuhi, vagwagaga umupishi gwa mtini guyumile mpakha ku ndela sakwe. ²¹Upetro wakumbukhaga na kija, ''Rabi! Lelela, umupihi gwa mtini gwini wagulaanigi gwayuma''.²²Uyesu wavajibugu, ''Muve nilihuvi kishilila Unguluvi. ²³Yamini nikivajovela kija shila mwini akishijovela ishidunda, 'Wukha, na ulute uitaje yuwe kubahari, 'na nda asina woga munumbula yakwe lakini iyamini kija shini akishilogola ambi shipolela, ndeno ndiyo shini Unguluvi ambi igaha.²⁴Ino nikivajovela: Shila shinu shini mwilomba na kiposa kwa ajili yakwe, yamini kija wmaposheka, nafyene ambi fiva kunyenyu. ²⁵Pini muyima na kilomba, mwipaswa kissamehe shoshona shini munasho ku yeyona, ili kija Uwihenyu wenyu mwini ali kushanya avasamehe nemwe amakhosa genyu. ²⁶(Fwatilila: Umusholela ugu, ''Lakini nda musisamehe, wala Uwihenyu wenyu mwini ali kushanya asikhasamehe isambi senyu'' gukusina ku nakala sa pakhala).²⁷Vayinsaga Kuyerusalemu khanji. Nu Yesu pini akhandi ijenda kuhekalu, amakuhani avakhome, avaandishi na vagosivaha vayinsaga kunyakwe. ²⁸Vamujovelaga, ''Kwa mamulakha nshii wusenga amajowo aga?'' Na yu nani wakupela amamulakha kigasenga aga?''²⁹Uyesu wavajovelaga, ''Ambi nikivaposa iliswali limo. Nijoveli nu yune ambi nikivajovela kwa mamulakha nshii nikigasenga amajowo aga. ³⁰Wuli, uubatiso wa Yohana wahumaga kushanya au wahumaga kwa vanadamu? Munijibu.''³¹Valogonsaniyaga munyanave na kipotana na kija, ''Nda tije, ''Kihuma kushanya,' ambi ija, 'Kwanshii ino musikhamuyaminile?'' ³²Lakini nda tije, 'Kihuma kwa vanadamu,'...'' Vavatilaga avanu, kwa kiva avanu vakhatililaga kija Uyohana akhandi Mukuvamalago. Bahene vamujibugu Uyesu na kija, ''Tisimenye. ³³Bahene Uyesu wavajovela, ''Wala nayune nisikivajovela ni kwa mamulakha nshii nikigasenga amajowo aga.

¹Bahene Uyesu wayansaga kivafundisa kwa mifano. Waja, ''Umunu wavyalaga umugunda gwa masabibu, wapilimyaga uluvikha, na wajimaga ililindi lya kitendela uujimbi. Wasenga umnara na behene wagupanjisa umugunda gwa masabibu kwa valimaji va sabibu. Bahene washula ulushulo lwa kutali. ²Uluhavi pini lwafikhaga, wafilikhaga umtumishi kwa valimaji va sabibu kiposhela kihuma kunyanave baasi ya matunda ga kumugunda gwa sabibu. ³Lakini vamukhataga, vamutova, vamudaga bila shoshona.⁴Wafilikha kunyanave umtumishi uyunji, vamutesaga kumutwe na kimugahila amajowo ga nsoni. ⁵Bado wamufilikhaga uyunji, na uyu yumo vamubudaga. Vavagahilaga na vanji vinji amajowo ngajagago, vavatova na vanji kivabuda.⁶Akhandi bado nu munu yumo khanji wa kumufilikha, umwana mugani. Numwene akhandi wa mwisho mwini wafilikhwagwa kunyanave. Ija, ''Ambi vakimuheshimu umwanangu''. ⁷Lakini avapangaji valogonsaniyaga vene kwa vene, ''Uyu ndiyo muhalaji. Yinsi, ino na timubude, nuuhalaji ambi wiva wesu.''⁸Vamufamilaga, vamubuda na kimutaga kunja ya mugunda gwa sabibu. ⁹Ino, Wuli! Ambi igaha wuli umunya mugunda gwa sabibu? Ambi iyinsa na kivabuda avalimaji va sabibu na ambi akigutawula umugunda gwa sabibu kwa vanji.¹⁰Musinajelaje kiyimba iliandikho ili?'' Iling'anga lini avasengaji valikhanaga, lyava wuli ling'anga lya palubali. ¹¹Ili lyahumaga kwa Mtwa, na lya ajabu pameho gesu.'' ¹²Vasakulaga kimukhata Uyesu, Lakini vavatilaga avanu, kwa kiva vamanyaga kija akhandi alogwele umfano ugu kivahusu avene. Bahene vamulekhaga na valuta lwanave.¹³Bahene vavafilikhaga amafarisayo avanji na amaherodia kunyakwe ili kimukhata kwa majowo. ¹⁴Pini vafikhaga, vamujovela, ''Mwalimu, timenye kija usihiva amaoni ga yeyona na usiwonensa uupendeleo kwa vanu. Wufundisa insila ya Nguluvi kwa ukweli. Wuli! Yiva haki kihomba ikhodi kwa Kaisari au siyo? Wuli! Tiwesa kihomba au siyo? ¹⁵Lakini Uyesu wamanyaga uumyansi wanave na kivajovela, ''Kwanshi mukinijesa? Nipeli ihela niwele kilolela.''¹⁶Valeta yimo kwa Yesu, Wavajovela, ''Wuli! sura ya nani na maandishi gini gakwali panu ga nani? Vaja, ''Ya Kaisari.'' ¹⁷Uyesu wavajovela, ''Mupeli ukaisari ifinu fya Kaisari nu Nguluvi ifinu fya Nguluvi.'' Vashangala.¹⁸Bahene Amasadukhayo, vini vija kusinauuufufuwo, vamulutilaga. Vamuposa, vija, ¹⁹''Mwalimu, Umusa wayandikhaga kija, ''nda umunyalukholo wa munu afwe na kimulekha umudala kunyuma yakwe, lakini asikhaleshile uvanishe, umunu ambi akimutola umudala wa kholo lwakwe, na kuipatila avanishe kwa ajili ya kholo lwakwe.'²⁰Kukhandi na vanyalukholo saba, uwa kwansa wamutolaga umudala na khanji wafwa, asikhaleshile avana. ²¹Bahene wa uvili wamutolaga numwene wafwa, asikhalehile avana. Nu wautatu wope shisho. ²²Nu wa saba wope wafwisaga bila kilekha avana. Kumwisho nu mudala wope wafwa. ²³Ishipindi sha kifufulwa, pini vakhafyukha khanji, Wuli! Ambi iva mudala wa nani? Kwa kiva avanyalukholo wona saba vakhandi vagoi vakwe.''²⁴Uyesu wavajovelaga, ''Wuli! Iyi yiili sababu kija mwayaswa, kwa kiva musigamenye amaandikho wala ingufu sa Nguluvi?'' ²⁵Ishipindi ha kifyukha kihuma kwa vini vafwile, vasikhatola wala kihuluta mumatwale, ila vakhava ngaja avamalaikha va kushanya.²⁶Lakini, kihusu vini vafwile vini vifufulwa, Wuli! Musiyimbile kihuma kushitabu sha Musa, ku habari sa musita, shini Unguluvi walogolaga na kimujovela, 'One nili Nguluvi wa Abrahimu, nu Nguluvi wa Isaka, nu Nguluvi wa Yakobo?' ²⁷Umwene asili Nguluvi wa vini vafwile, ila wa vini vali vasima. Kweli mwayaga.''²⁸Yumo wa vaandishi wayinsaga na kugapulikha amalogolo ganave; walwagaga kija Uyesu wavajibugu unofu. Wamuposaga, ''Wuli! iamri nshii yini ya muhimu mandu ku sona?'' ²⁹Uyesu wamujibugu, ''yini ya muhimu ni iyi, ''Pulisa, Israeli, Umtwa Unguluvi wesu, umtwa ali yumo. ³⁰lasima umugane umtwa unguluvi wakho, kwa numbula yakho yona, kwa roho yakho yona, kwa luhala lwakho lona, na kwa ngufu sakho sona.' ³¹Iamri ya uvili ni iyi, 'Lasima umugane ujirani wakho ngaja shini ukiidobokha yuwe.' Kusina iamri iyinji ikhome kishila isi.''³²Umwandishi waja, ''Unofu Mwalimu! Waja kweli kija Unguluvi ali yumo, na kusina uyunji kishila umwene. ³³Kimudobokha umwene kwa numbula yona, na kwa luhala lona na kwa ngufu sona, na kimudobokha ujirani ngaja yuwe, ni muhimu mandu kishila amatoleo ni sadakha sa kinyanywa.'' ³⁴Pini Uyesu wawonaga wahumya ilijibu lya busara, wamujovelaga, ''Owe usili kutali nuufalme wa Nguluvi.'' Baada ya apo kusina hata yumo mwini wajelaga kimuposa Uyesu amaswali gogona.³⁵Nu Yesu wajibugu, pini akhandi ifundisa kuhekalu, waja, ''Wuli! avaandishi vija wuli kija Ukristo yu mwana wa Daudi? ³⁶Udaudi yumwene kishilila Uroho Mtakhatifu, wajovaga,' Umtwa wajovaga kwa Mtwa wangu, khala kuliwokho lyangu lya shigosi, mpakha nivavishe amaadui vakho pansi ya magulu gakho.' ³⁷Udaudi yumwene akimushemela Ukristo, 'Mtwa' Wuli! yu mwana wa Daudi kwa wuli?'' Nilikusanyikho ilikhome lyamupulisaga kwa ushendefu.³⁸Kumafundiso gakwe Uyesu wajovaga, ''Khali kutali na vaandishi, vini vidobokha kijenda ni kanzu inali na kihunjilwa ku masokho ³⁹na kikhala mufitengo fya vakhome kumasinagogi ku sikukuu ku maeneo ga vakhome. ⁴⁰Khanji vilya ikhaya sa vajane na vilomba amaombi amatali ili avanu vavaje. Ava avanu vakhaposhela uuhigo wini mukhome.''⁴¹Bahene Uyesu wakhalaga pansi kholela ni sandukhu lya sadakha mukhati ya eneo lya hekalu; akhandi ilolela avanu vini vakhandi viponya ihela sanave mukhati ya sandukhu. Avanu vinji amatajiri vavikhaga ihela ikhome. ⁴²Bahene umudala umjane umupina wayinsaga na kiponya ifipande fivili, ithamani ya senti.⁴³Bahene wavashemelaga avanafunsi vakwe na kivajovel, ''Yamini nikivajovela, umudala uyu umujane waponya ihela khome mandu kishila wona vini vahumya kusandukhu lya sadakha. ⁴⁴Kwa kiva vinji vahumya kihumana nu winji wa mapato ganave. Lakini umudala umujane uyu, kihuma kuupina wakwe, waponya ihela yona yini nda yafwaya kitumila ku maisha gakwe.''

¹Uyesu pini akhandi ijenda kihuma muhekalu, yumo wa vanafunsi vakwe wamuposa, ''Mwalimu, lelela amang'anga aga ga kushangasa na muyumba!'' ²Wamujovela, Ukigaga amajengo aga amakhome? Kusina hata limo lini ambi lisgala kushanya ya liyine lini ambi lisigwiswa pansi''.³Numwene pini akhandi akhele kushanya ya Shidunda sha Mizeituni kunyuma ya hekalu, Upetro, Uyakobo, Uyohana nu Andrea vamuposa kwa siri, ⁴''Tijovela, amajowo aga ambi giva yoli? Nshii idalili ya majowo aga kipolela?''⁵Uyesu wayansaga kivajovela, ''Muve meho kija umunu yeyona asikhavayasaga. ⁶Vinji vakhayinsa kwa litawa lyangu vija, ''One ndiye', na vakhavayasa vinji.⁷Pini mukhapulikha ifita ni ndogolo sa fita, musikhatilaga; amajowo aga lasima gapolele, lakini umwisho bado. ⁸Itaifa likhayima shinyume ni taifa linji, nuufalme shinyume nuufalme. Kukhava na matetemekho isehemu mabalimbali ni njala. Ugu ndio mwisho gwa utungu.⁹Muve meho. Vakhavatwala mpakha kumabarasa, na mukhatowa mumasinagogi. Mukhavikhwa pamwandi ya vatavala na vafalme kwa ajili yangu, ngaja ushuhuda kunyanave. ¹⁰Lakini imola lasima ihubirilwe tangusina kwa mataifa gona.¹¹Pini vakhavakhata na kivatawula, musikhatilaga kihusu shila shini mukhalogola. Mukhati ya muda ugo, mukhapelwa shishi sha kilogola; musikhava omwe vini mukhalogola, ila Uroho Utakhatifu. ¹²Umunyalukholo akhamusitakha ukholo lwakwe kifwa, ubaba nu mwanakwe. Avana vakhayima shinyume sha vawihanave na kivasababisha kifwa. ¹³Mukhakhalalilwa nu shila munu kwa sababu ya litawa lyangu. Lakini mwini akhafumilila mpakha mwisho, umunu uyo ambi ikulukha.¹⁴Pini mukhalwaga ulukhalalo lwa unangaji luyimile pala pini pasifwaya kiyima ( mwini iyimba na amanye), bahene vini vali mukhati ya Yuda vasijile kushidunda, ¹⁵numwene mwini ali kushanya ya nyumba, au kitola shoshona shini shili kunja, ¹⁶na mwini ali kumugunda aikhatinaga kitola umwenda gwakwe.¹⁷Lakini ole wanave avadala vini vana lwanda na vini viyonsa ku nsiku iso! ¹⁸Lombi kija yisikhapolelaga uluhavi lwa mepo. ¹⁹Kwa kiva kukhava na malawo makhome, gini gainajelaje kipolela, kihuma pini Unguluvi wawumbaga uwulimwengu, mpakha ialisi, kusina, wala gasikhapolela khanji. ²⁰Mpakha Umtwa pini akhapungusa insiku, kusina umuvili gwini gukhakulusikha, lakini kwa ajili ya vateule, vini akhavahagula, akhapungusa inamba sa nsiku.²¹Uluhavi ulo nda umunu yeyona ambi akivajovela, Lelela, Ukristo akwali panu!' au 'lelela, ali pala!' musikhayaminigi. ²²Kwa kiva Avakristo va udehi na vakuvamalago va udehi vakhapolela na vakhahumya iishara na maajabu, ili kija, vavadehele, pamonga hata avatewule. ²³Muve meho! Sha tayari navajovela aga gona khabla ya luiku.²⁴Lakini baada ya malawo ga nsiku iso, ilijuva likhava nshisi, umwesi gusikahumya umwanga gwakwe, ²⁵inondwe ikhagwa kihuma kushanya, ni ngufu sini ili kushanya sikhahegenkha. ²⁶Bahene vakhamwaga Umwana wa Adamu iyinsa kumufunde kwa ngufu khome ni utukufu. ²⁷Bahene akhavafilikha avamalaikha vakwe na akhavakunganiya bahamo avatewule vakwe kihuma ku pande sitai sa dunia, kihuma ku mwisho gwa duni mpakha kumwiho gwa mbingu.²⁸Kwa mtini yimanyisi. Ngaja ilisole shini liwesa kihumya na kivikha nyangu amasole gakwe, bahene mukhamanya kija ulujuva luli kholela. ²⁹Ndiyo shini yishwali, pini mukhagaga amajowo aga gapolela, manyi kija ali kholela, na malyango.³⁰Kweli nikivajovela, ishi ishisasi shisikhashila kutali khabla amajowo aga gasinapoelele. ³¹Imbingu ninyii ambi sishila, lakini amajowo gangu gasikhashila shiluta. ³²Lakini kihusu ulusiku ulo au ilisala, kusina mwini amenye, hata avamalaikha wa kushanya, wala Umwana, ila yu Wihesu.³³Muve meho, Lelela, kwa kiva musimenye muda mushi ambi gipolela. ( Fwatilila: Umusholela ugu, ''Muve meho, Leleli na lombi kwa kiva....''gukusina kunakala sa pakhala) ³⁴Ngaja umunu mwini iluta kushula: aleshe ikhaya yakwe, na kumuvikha umwanandeje wakwe kwa mtavala wa khaya, shila yumo ni nsengo yakwe. Na kimujova umulinsi kikhala meho.³⁵Ino muve meho! Kwa kiva musimenye yoli umtwa wa khaya pini akhatina kukhaya, yingava lulandi, ishilo, pini injogolo yivikha, au isubuhi. ³⁶Nda ayinse ghafla asikhakwagaga ugonile. ³⁷Shila shini nilogola kunyakho nikishilogola kwa shila munu: Keshaji''!

¹Yikhandi nsiku sivili tu baada ya sikukuu ya Pasakha na Makhate gini gasiponyesewe Iamila. Amakuhani avakhome na vaandishi vakhandi visakula inamna ya kimukhata Uyesu kwa hila na kumubuda. ²Kwa kiva vajovaga, ''Sio umuda ugu gwa sikukuu, avanu vasikhaletaga ifulusu.''³Pini Uyesu akhandi Kubethania kukhaya kwa Simoni umukoma, na pini akhandi iluta kumesa, umudala yumo wayinsaga kunyakwe kuno ana nsupa ya mafuta ga nardo amanofu aganya hele khome mandu, vadenyaga insupa na kuyimimita kushanya ya mtwe gwakwe. ⁴Lakini kukhandi na vamonga vini vakhalalaga. vajovelanaga vene kwa vene vija, ''Nshii isababu ya kiyasa ndeni? ⁵Amafuta aga nda gawesa kigusiwa kwa saidi ya dinari mia tatu, na vapelwe avapina.'' Na vene vamukhalipilaga.⁶Lakini Uyesu wajovaga, ''Muleshi mwene duguli. Kwa nshii mukimulafya? Wasenga lujowo lunofu kunyangu. ⁷Insiku sona avapina munawo, na muda gogona pini ambi mudobokha muwesa kigaha amanofu kunyanave, lakini musiva none umuda gona. ⁸Wasenga shila shini iwesa: wagupakha umuvili gwangu kwa ajili ya kisilwa. ⁹Kweli nikivajovela, shila mahala imola pini yihubililwa ku wulimwengu wona, shila shini wagaha umudala uyu ambi shilogolwa kwa ukumbusho kunyakwe.¹⁰Bahene Uyuda Iskariote, yumo wa vala kumi na mbili, walutaga kwa vakhome va makuhani ili kija awese kumutawula kunyanave. ¹¹Pini avakhome va Makuhani vapulikhaga ndeno, vashendevaga na vaahidi kumupela ihela. Wayansaga kisakula inafwasi ya kumutawula kunyanave.¹²Kulusiku lwa kwansa lwa mukhate gwini gusiponyesiwe iamila, pini vihumya ikholo ya pasakha, avanafunsi vakwe vamujovelaga, ''Wusakula tilute kwii tiyandale ili uwese kilya ishakilya sha Pasakha?'' ¹³Wavafilikhaga avanafunsi vakwe vavili na kivajovela, ''Luti kumjini, nu mugosi mwini asumwile ishigana ambi itangana nomwe. Mfwati. ¹⁴Ikhaya yini ambi ihuluta, mfwati na mumujovele umunya khaya iyo, 'Umwalimu ija, ''Shili kwii ishumba sha vahensa amahala pini ambi nililila Ipasakha na vanafunsi vangu?''¹⁵Ambi akivawonensa ishumba sha kushanya shikhome ishinya thamani shini shili tayari. Gahe amaandalisi kwa ajili yesu pala.'' ¹⁶Avanafunsi vawukhaga valuta kumujini; vashagaga shila shinu ngaja shini akhandi avajovele, na vayandalaga ishakilya sha Pasakha.¹⁷Pini lukhandi lulandi, wayinsaga na vala Kumi na mbili. ¹⁸Na pini vakhandi vakiihejelela imesa na kilya, Uyesu wajovaga, ''Kweli nikivajovela, yumo munyenyu mwini ilya none ambi akinisetukha.'' ¹⁹Wona vasugumilwagwa, na yumo baada ya yunji vamujovelaga, ''Hakika siyo one?''²⁰Uyesu wajibugu na kivajovela, '' Yumo wa omwe Kumi na mbili kunyenyu, yumo mwino isalisi mwini ililila inonje mu bakuli bahamo none. ²¹Kwa kiva Umwana wa Adamu ambi ilita nagaja shini amaandikho gilogola kuhusu umwene. Lakini ole wakwe umunu yula mwini kishilila umwene Umwana wa Adamu ambi isetukhwa! nda yava lunofu kunyakwe kija umunu yula nda asikhasawilwe.''²²Na pini vakhandi vilya, Uyesu watolaga umukhate, wagubarikhi, na wagumenya. . Wavapelaga ija, ''Toli. Ugu ndiyo muvili gwangu.'' ²³Watolaga ishikhombe, wahonjesa, na wavapela, na wona vashingwelela. ²⁴Wavajovelaga, ''Iyi ndiyo danda yangu ya liagano, idanda yini yikunukha kwa ajili ya vinji. ²⁵Kweli nikivajovela, nisikhang'wela khanji kulisawo ili lya musabibu mpakha ulusiku lula pini nikhang'wela umpaya kuufalme wa Nguluvi.''²⁶Pini vamalaga kiyimba ulwimbo, valutaga kunja Kushidunda sha Mizeituni. ²⁷Uyesu wavajovelaga, ''Omwe wona mukhakwewukha kutali kwa sababu yangu, kwa kiva yiyandishwe, 'Ambi nikimutova umudimaji ni kholo ambi sipalankhana.'²⁸Lakini baada ya kifyukha kwangu, ambi nikivalongola kumwandi yenyu Kugalilaya.'' ²⁹Upetro wamujovelaga, ''Hata nda wona vasikuleshe, one nisikhakulekha.''³⁰Uyesu wamujovelaga, ''Kweli nikikujovela, ishilo ishi, khabla injogolo yisinavishe mara mbili, ambi wiva wanikhana mara tatu.'' ³¹Lakini Upetro wajovaga, ''Hata ambi yikinibidi kifwa nowe, nisikhakukhana.'' Wona vahumyaga iahadi yiyila.³²Vayinsaga kulieneo lini lyashemelwagwa Gethsemane, nu Yesu wavajovela avanafunsi vakwe, 'Khali panu pini nisali.'' ³³Wavatolaga Upetro, Uyakobo, nu Yohana bahamo numwene, wayansaga kisugumilwa na kilava mandu. ³⁴Wavajovelaga,'' Inafsi yangu yina huzuni mandu, hata kifwa. Sigali panu na mkeshe.''³⁵Uyesu walutaga pamwandi kidogo, wagwa pansi, walomba, nda yayive yiwesekhana, kija ilisala ili limukwewushile. ³⁶Wajovaga, ''Aba, Baba, Amajowo gona kunyakho giwesekhana. Niwusisa ishikhombe ishi. Lakini siyo kwa ugani wangu, ila uugani wakho.''³⁷Watinaga na kivaga vagonile, na wavajovela Petro, ''Simoni, wuli ugonile? Usikhawesise kikesha hata lisala limo? ³⁸Keshaji na mulombe kija musikhayinsaga muhulute kumajaribu. Hakika iroho yili tayari, lakini umuvili gukhatele.'' ³⁹Walutaga khanji na kilomba, na watumilaga majowo gagala.⁴⁰Wayinsaga khanji wavaga vagonile, kwa kiva ameho ganave gakhandi masito na vasikhamenye shishi sha kumujovela, ⁴¹''Wayinsaga lwa utatu na kivajovela, ''Bado mupigonile na kituya? Yikwilana! Ilisal lyafikha. Lelela! Umwana wa Adamu ambi isetukhwa mumokho ga vanya sambi. ⁴²Damuli, tilute. Lelela, yula mwini akinisetukha ali kholela.''⁴³Baho pini akhandi ilogola, Uyuda, yumo wa vala kumi na mbili, wafikhaga, na vanu vinji kihuma kwa vakhome va makuhani, avaandishi na vagosivaha avanya mapanga na marungu. ⁴⁴Umuda ugo umusaliti wakwe akhandi wavapela iishara, ija, Yula mwini ambi nikimubusu, ndiyo. Mukhati na kumutwala pansi ya ulinsi.'' ⁴⁵Pini Uyuda wafikhaga, moja kwa moja walutaga kwa Yesu na kija, ''Mwalimu!'' Wamubusu. ⁴⁶Bahene vamuvikhaga pansi ya ulinsi na kumukhata.⁴⁷Lakini yumo munyanave wayimaga kholela numwene wahomolaga uupanga wakwe wamutova umtumishi wa kuhani umukhome na kimutema ilikutu. ⁴⁸Uyesu wavajovelaga, ''Mwayinsa kunikhata kwa mapanga na marungu ngaja muhiji? ⁴⁹Amba shila lusiku nikhandi nomwe na nifundisa muhekalu, musikhanikhete. Lakini ili lyasenjekha kija amaandikho gatimile. ⁵⁰Na vala wona vini vakhandi nu Yesu vamulekhaga na kisiga.⁵¹Umudimi yumo wamufwataga, mwini akhandi afwele iligolele lyene lini akhandi aigubishe kumupilima; vamukhataga lakini ⁵²wavapulumukhaga walekha umugolole pala wasiga bwinda.⁵³Vamulongosaga Uyesu kwa makuhani avakhome. Pala vakunganaga bahamo nu mwene amakuhani vakhome wona, avagosivaha, na vaandishi. ⁵⁴Upetro numwene wamufwataga Uyesu kwa kutali, kiluta ku uakwa kuhani umukhome. Wakhalaga bahamo na valinsi, vini vakhandi kholela nu moto viyota ili vapate ijoto.⁵⁵Umuda ugo amakuhami avakhome wona ni Barasa lyona vakhandi visakula uushahidi kwa Yesu ili vawese kumubuda. Lakini vasikhapatile. ⁵⁶Kwa kiva avanu vinji valetaga uushuhuda wa udehi kunyakwe, lakini hata uushahidi wanave usikhahwanene.⁵⁷Vamonga vayimaga na kileta uushahidi wa udehi kunyakwe; vija, ⁵⁸Tamupulikhaga ija, 'Ambi nikilinanga ilihekalu ili lini litendilwe kwa mokho, na kwa nsiku sitatu ambi nikilisenga ilinji lini lisingasengwa kwa mokho.'' ⁵⁹Lakini hata uushahidi wanve wusikhahwanene.⁶⁰Ukuhani mukhome wayimaga pakhati yanave na wamuposaga Uyesu, ''Wuli, usina ilijibu? Avanu ava vishuhudila nshii kunyakho?'' ⁶¹Lakini wasisimaga myaa na asikhalogwele shoshona, ukuhani mukhome wamuposaga khanji,'' Wuli owe uli Kristo, umwana wa Mubarikiwa?'' ⁶²Uyesu wajibugu, ''Ndiyo one. Na ambi ukimwaga Umwana wa Adamu akhele iliwokho lya kulia lya ngufu iyinsa na mafunde ya kushanya.''⁶³Ukuhani mukhome wademulaga amenda gakwe na kija, ''Wuli, bado tisakula amashahidi? ⁶⁴Mwapulikha ikufuru. Uulamulaji wenyu ndiyo wuli kwii?'' Na wona vamuhigaga ngaja yumo mwini wafwayaga kifwa. ⁶⁵Vamonga vayansaga kumufunyila amata na kumugubikha uweni na kimutova na kimujovela, ''Tabiri!'' Amaafisa vamutolaga na kumutova.⁶⁶Nu Petro akhandi ali pansi kushibalasa, umutumishi yumo wa vahinja va kuhani umukhome wayinsaga kunyakwe. ⁶⁷Wamwagaga Upetro pini akhandi ayimile iyota umoto, na wamulolelaga kwa kumuhejelela. Bahene wajovaga, ''Newe ukhandi nu Mnasareti, Uyesu''. ⁶⁸Lakini wakhanaga''. lakini wakhanaga, ija, ''Nisimenye wala nisiyelewa kihusu shila shini wulogola!'' Bahene wapolaga kunja kushibarasa.( Fwatilila; Umusholela ugu, ''Ni njigolo yavikha'' gukusina ku nakala sa pakhala).⁶⁹Lakini umtumishi wa shidala pala, wamwagag na wayansaga kivajovela khanji vala vini vakhandi vayimile pala, ''Umunu uyu yumo wanave!'' ⁷⁰Lakini wakhanaga khanji. Panyuma vala vini vakhandi vayimile pala vakhandi vakimujovela Upetro, ''Hakika owe uli yumo wanave, kwa owe newe uli Mgalilaya.''⁷¹Lakini wayansaga kuivikha yumwene pansi ya laana na kilapa, ''Nisimumenye umunu uyu mwini mukimulogolela.'' ⁷²Bahene injogolo yavikha mara ya uvili. Bahene Upetro wakumbukhaga amajowo gini Uyesu akhandi amujovele: Khabla injogolo yisinavishe mara mbili, ambi ukikhala mara tatu.'' Nawagwisaga pansi na kikhola.

¹Isubuhi na mapema avakhome va makuhani vatanganaga bahamo na vasehe na vaandihi ni baraa lyona lya vagosivaha. Bahene vamupinya Uyesu vamutwala kwa Pilato. Upilato wamuposa, ''owe uli Mfalme wa Vayahudi?'' ²''Wajibu, ''Owe wija ndeno.'' ³Avakhome va makuhani vayelesa amasitakha minji kimuhusu Uyesu.⁴Upilato wamuposa khanji, ''Usilogola hoshona? Usiwona shini vakikuitakha kwa majowo minji? ⁵Lakini Uyesu asikhamujibile Upilato , na iyo yamishangasaga.⁶Kwa khawaida ishipindi sha sikukuu vidindulilaga umufungwa yumo, umufungwa vini vamulomba. ⁷Kukhandi kuna vahalifu mugeresa, mu vamo mwa vabudaji ku vini vakhosaga vini vitumishila amakhosa ganave. Akhandi akwali umunu yumo mwini ishemelwa Baraba. ⁸Avanu vayinsaga kwa Pilato, na kumulomba agahe ngaja hini wagahaga huko kunyuma.⁹Upilato wavajibu na kija, ''Musakula nivadindulile Umfalme wa Vayahudi?'' ¹⁰Kwa kiva wamanyaga ni kwa sababu ya wifu avakhome va makuhani vamukhataga uyesu na kimuleta kunyakwe. ¹¹Lakini avakhome va makuhani vafunjilisaga avanu kilyova kwa shauti kija adindulilwe Ubaraba badala yakwe.¹²Upilato wavajibu khanji na kija, ''Nimugahile nshii Umufalme wa Vayahudi? ¹³Vatova ilyowo khanji, ''Mubuda!''¹⁴Upilato waja, ''Wagaha lujowo lushii uluvi?'' Lakini vayonjelesaga kilyova zaidi na zaidi ''Mubuda.'' ¹⁵Upilato wasakulaga kivagahila shini vagene avanu, wavadindulila Ubaraba. Wamutova Uyesu amajalidi bahene wamuhumya ili abudwe.¹⁶Avasulukhali vamulongosaga hadi mukhati ya ua ( wula wini wuli mukhati ya khambi) na vakunganaga bahamo ishikhosi sha vasulukhali. ¹⁷Vamufwasa Uyesu ikanu ya rangi ya sambarawu, na vapota itaji ya minfa vamufwasa. ¹⁸Vayansaga kimulogola uvi na kija, ''Salam, Mfalme wa Vayahudi!''¹⁹Vamutova kumtwe kwa lilansi na kimufunyila amata. Vafugama pamwandi yakwe kwa kumuheshimu. ²⁰Na pini vamalaga kumulogola uvi, vamuyawula yila ikansu ya sambarawu na kumufwasa amenda gakwe, na vamuhumya kunja kiluta kimulafya. ²¹Vamukhamilisa umushila nsila kumutanjilisa, mwini akhandi ihuluta kumjini kihuma kumagunda. Mwini ishemelwa Simoni Mkirene ( uwihe wakwe Uiskandi nu Rufo); vamukhamilisa kisumula umusalaba gwa Yesu.²²Avasulukhali vamutwala Uyesu amahala pini pishemelwa Goligotha ( imaana ya tafsiri iyi yiva, Isehemu ya Lifuvu lya mtwe). ²³Vamupela uujimbi wini wuhansiwe ni manemane, lakini asikhang'wele. ²⁴Vamutovaga na kigavana amenda gakwe, vagatovela ikura kilamula ishipande shini ambi ipata shila musulukhali.²⁵Ngaja aa tatu isubuhi vamutundikhaga. ²⁶Vavikha kushanya yakwe ulubawo lwini luyandishwe sitakha, ''Mfalme wa Vayahudi.'' ²⁷Vamutundikhaga bahamo na vahiji vavili, yumo ulubali lwakwe lwa kulia nu yunji ulubali lwakwe lwa kushoto. ²⁸( Fwatilila: Umusholela ugu, ''Na maandikho gatimila gini galogolwagwa'' gukusina mu nakala sa pakhala).²⁹Na vene vini vakhandi vishila vamwagag, vihegensa amatwe ganave vija , ''Aha! owe mwini ambi wibomola ilihekalu na kilisenga kwa nsiku sitatu, ³⁰yikulusa yuwe na uyishe pansi kihuma kumusalaba!''³¹Kwa namna yiyila avakhome va makuhani vamulogolaga vilogonsaniya, bahamo na vaandishi na kija, ''Wakulusaga avanji, lakini asiwesa kuikulusa yumwene. ³²Kristo Umfalme wa Israel, yikha pansi ino kihuma kumusalaba, ili tiwese kilwaga na kiyamini.'' Na vala vini vatundikhwagwa bahamo numwene wope vamulogolaga uvi.³³Pini yafikhaga saa sita, inshisi yayinsaga kushanya ya nyii yona mpakha saa tisa. ³⁴Umuda gwa saa tisa, Uyesu walyovaga kwa shauti khome, ''Eloi, Eloi, lama sabaktani?'' yini yina maana ''Nguluvi wangu, Nguluvi wangu, kwanshii wanilekha?'' ³⁵Vamonga va avo vini vakhandi vayimile pini vapulikhaga vaja, ''Lelela, akimushemela Ueliya.''³⁶Umunu yumo wasiga, wamemya isiki ku sponji na kivikha kushanya ya mupishi gwa mulansi, wamupela ang'wele. Umunu yumo waja, ''Lekha tilolele nda Ueliya ambi iyinsa kimuyisa pansi.'' ³⁷Bahene Uyesu wakhola kwa shauti khome na kifwa. ³⁸Ilipasia lya hekalu lyademukha fipande fivili kihuma kushanya mpakha pansi.³⁹Uofisa umo mwini akhandi ayimile akimulutila Uyesu, pini walwagaga wafwa kwa namna yila, waja, ''Kweli uyu umunu wa Mwana wa Nguluvi.'' ⁴⁰Vakhandi vakwali wope avadala vini vakhandi vilolela kwa kutali. Mu vamo vanave akhandi akwali Umariamu Magdalena, Umariamu ( unyina wakwe Uyakobo munang'ana wa Yose), nu Salome. ⁴¹Pini akhandi Kugalilaya vamufwataga na kumutumishila. Na vadala avanji vinji vafwatanaga numwene hadi Kuyerusalemu.⁴²Pini kukhandi lulandi, na kwa kiva lukhandi lusiku lwa kuiyandala, lusiku khabla ya Sabato, ⁴³Uyusufu wa Arimathaya wayinsaga pala. Akhandi mjumbe wa Barasa mwini ana lishima umunu mwini akiuhivilila Uufalme wa Nguluvi. Kwa ukhangafu waluta kwa Pilato, na kilomba umuvili gwa Yesu. ⁴⁴Upilato washangaswagwa kija Uyesu tayari wafwa; wamushemelaga yula uafisa wamuposa nda Uyesu wafwa.⁴⁵Pini wapataga uuhakika kwa maafisa kija wafwa, wamuyitikhaga Uyusufu kugutola umuvili. ⁴⁶Uyusufu akhandi agulile isanda, Wamuyisa kihuma kumusalaba, wamupinya kwa sanda, na kumuvikha mukhati ya khaburi lini lijimilwe ku mwamba. Bahene walibilivandusa iling'anga kumulyango gwa khaburi. ⁴⁷Umariamu Magdalena nu Mariamu unyina wakwe Uyose valwagaga isehemu pini wasilwagwa Uyesu.

¹Pini isabato yasilaga, Umariamu Magdalena nu Mariamu unyina wakwe nu Yakobo, nu Salome, vagulaga amafuta manofu, ili vawese kiyinsa na kugupakha amafuta umuvili gwa Yesu kwa ajili ya kugusila. ²Isubuhi na mapema ulusiku lwa kwansa lwa juma, valutaga kukhaburi pini ilijuva lidibula.³Vilogonsaniya vene kwa vene, ''Yunani mwini ambi akilibilivandusa iling'anga kwa ajili yesu ili tihulute kukhaburi?'' ⁴Pini valolelaga, vamwagaga umunu sha tayari wabilivandusa iling'anga, lini likhandi likhome mandu.⁵Vahuluta mu khaburi na vamwaga umudili afwalile umwenda muvalafu, akhele ulubali lwa kulia, na vashangaswagwa. ⁶Wavajovela, ''Musikhatilaga. Mukimusakula Uyesu, wa Nazareti, mwini watowagwa. Wafyukha! Akusina panu. Lelela amahala pala pini vakhandi vamuvishile. ⁷Luti, muvajovele avanafunsi vakwe nu Petro kija walongola kiluta Kugalilaya. Uko ambi mukimwaga, ngaja shini akhandi avajovele.''⁸Vawukhaga na kisiga kihuma ku khaburi; vatetemaga na kishangala. Vasikhalogwele shoshona kwa munu eyona kwa kiva vatilaga mandu.⁹(Fwatilila: Inakala sa pakhala sisina Imarko 16:9-20) Nyangu kulusiku lwa kwansa lwa wiki, baada ya kifyukha, wamupolelaga tangusina Umariamu Magdalene, mwini kihuma kunyakwe wamuhumyaga amapepo saba. ¹⁰Wawukhaga na kivajovela vala vini vakhandi bahamo numwene, pini vakhandi vasugumilwe na kihumya amanyosi. ¹¹Vapulikhaga kija ali musima na wawonekha numwene, lakini vasikhayaminile¹²( Fwatilila: Inakala sa pakhala sisina Imarko 16: 9-20) Baada ya ago, wapolelaga kwa namna ya tofauti kwa vanu vanji vavili, pini vakhandi vijenda kihuma kunyii. ¹³Valutaga na kivajovela avanafunsi avanji vini vasigele, lakini vasikhayaminile.¹⁴( Fwatilila: Kunakala sa pakhala sisina Imarko 16: 9-20) Uyesu panyuma wapolelaga kwa vala kumi na moja pini vakhandivayegeme pa mesa, na wavakhajilaga kwa kuto kiyamini kwanave nu wumu wa numbula, kwa kiva vasikhavayaminile vala vini vamwaga baada ya kifyukha kihuma kwa vini vafwile. ¹⁵Wavajovela,'' Luti kuwulimwengu wona, na kihubiri imola kwa fiumbe fyona. ¹⁶Yeyona mwini iyamini na kibatiswa ambi ikuluiwa, nu yula mwini asiyamini ambi ihigwa.¹⁷(Fwatilila: Inakala sa pakhala sisina Imarko 16:9-20) Iishara isi ambi sifwatana na vene vini viyamini. Kwa ltawa lyangu vakhahumya amapepo. Vakhalogola kwa lugha imya. ¹⁸Vakhakhata injokha kwa mokho ganave, na hata vang'wele ishinu hohona sha kivabuda shisikhavatesa. Vakhavikha amokho kwa vatamu, navene vakhava vasima''.¹⁹Baada ya Mtwa kilogola ago, watolwagwa kushanya na akhele iliwokho lya shigoi lya Nguluvi. ²⁰Avanafunsi vawukha na kihubiri shila mahala, pini Umtwa isenga insengo navene na kulisibitisa iliwi kwa miujisa ni ishara sifwatana navene.

¹Vinji vakhasana kuvikha ku mpangilio uutavililaji kihusu amasuala gini gaponyesiwe pakhati yesu, ²ngaja shini vatipela ose, vini kihuma pamwaandi ni mashahidi va meho na vatumishi va ujumbe. ³Ino nayune, baada ya kilolela unofu uuyanso wa majowo aga gona kihuma pamwaandi - nawona lunofu kunyangu nayune kukuyandishila ku mpangilio gwakwe - mheshimiwa mandu Theofilo. ⁴Ili kija uwese kimanya uukweli wa majowo gini wufundiswa.⁵Ku nsiku sa Herode, umfalme wa Kuyudea, kukhandi nu kuhani yumonga mwini ishemelwa Zekalia, wa lukholo lwa Abiya. Umudala wakwe wahumaga kwa vahinja va Haruni, nilitawa lyakwe washemelwagwa Elizabeti. ⁶Wona vakhandi avanya haki pamwandi ya Nguluvi; vajendaga bila lawama ku amri sona na malajiso ga Mtwa. ⁷Lakini vakhandi vasina umwna, kwa kiva Uelizabeti akhandi tasa, na kwa shipindi shona ishi wona vavili vakhandi vagosipe mandu.⁸Ino yawonekhaga kija Uzakaria akhandi kuuwepo wa Nguluvi, iyendelela ni nsengo sa shikuhani kuutaratibu wa samu yakwe. ⁹Kilingana ni desturi ya kihagula yu kuhani mushi mwini ambi ihudumu, akhandi ahagwilwe kwa kura kihuluta ku hekalu lya Mtwa na bahene nda wasisya ilyosi. ¹⁰Ilikundi lyona lya vanu vakhandi vilomba kunja pini lisiswa ilyosi.¹¹Bahene umalaikha wa Mtwa wamupolelaga na kiyima ulubali lwa kulia lwa masabahu yakisinsisya. ¹²Uzakaria watilaga pini wamwagaga; uwoga wamugwililaga. ¹³Lakini umalaikha wamujovela, ''Usikhatilaga Zakaria, kwa kiva amaombi gakho gapulikhwa. Umudala wakho Uelizabeth ambi akikusavila umwana. Ilitawa lyakwe ambi ukimushemela Yohana.¹⁴Ambi wiva nuushendefu na kishangamukha, na vinji ambi vishendeva kisawa kwakwe. ¹⁵Kwa kiva ambi iva mukhome pamwandi ya meho ga Mtwa. Asikhagwela uujimbi au ishinywaji ishikali, na ambi iva amemilwe nu Roho Mtakhatifu kihuma muutumbo wa nyina.¹⁶Na vanu vinji va Kuisraeli ambi visetuswa kwa Mtwa Unguluvi wanave. ¹⁷Ambi iluta pamwandi ya weni wa Mtwa kwa roho ni ngufu ya Eliya. Akhagaha ndeni ili kitiniya inumbula sa vababa kwa vanishe, ili kija vini vasipulisa ambi vijenda ku hekima ya vanya haki. Akhagaha ndeni kivikha tayari kwa Mtwa avanu vini vayandalilwe kwa ajili yakwe.''¹⁸Uzakaria wamujovela umalaikha, ''Ambi yiwesekhana wuli kimanya ili? Kwa kiva one nigosipe nu mudala wangu amakha gakwe gava minji mandu.'' ¹⁹Umalaikha wajibu na kimujovela, ''One yune Gabrieli, mwini niyimaga pamwandi ya Nguluvi. Nafilikhwa kukujovela, kikuletela ihabari iyi inofu. ²⁰Na lelela usikhalogola, ambi wiva myaa, usiwesa kilogola mpakha ulusiku lula pini amajowo aga gakhapolela. Iyi ni kwa kiva wapotwagwa kiyamini amajowo gangu ginioa mbi gitimiswa kwa muda mwafaka.''²¹Ino avanu vakhandi vakimuhepelesa Uzakaria. Vashangaswagwa kija akhandi itumila umuda mwinji kuhekalu. ²²Lakini pini wapolaga kunja, asikhawesise kilogola nawo. Vamanyaga kija akhandi apelilwe amaono pini wa muhekalu. Wayendelelaga kiwonensa iishara na wasigalaga myaa. ²³Yawonekhaga kija insiku sa huduma yakwe pini sasilaga wawukhaga kiwuya kukhaya yakwe.²⁴Baada ya Zakaria kitina kukhaya kihuma ku huduma yakwe kuhekalu, umudala wakwe wavesaga munyalwanda. Numwene asikhapolile kukhaya yakwe kwa muda gwa mesi gasanu. Waja, ²⁵''Ili ndiyo lini Umtwa wasenga kunyangu pini wanilelelaga kwa upendeleo ili kuiwusa insoni yangu pamwandi ya vanu.''²⁶Ino, ku mwesi gwa sita gwa lwanda lwa Elizabeti, Unguluvi wamujovelaga umalaikha Gabrieli kiluta kumji gwa Kugalilaya gwini gushemelwa Nazareti. ²⁷kwa bikra mwini akhandi abanyilwe nu mugosi mwini ilitawa lyakwe likhandi Yusufu. Umwene akhandi wa lukholo lwa Daudi, nilitawa lya bikra uyo likhandi Mariamu. ²⁸Wayinsa kunyakwe waja, ''Salaam, owe mwini waposhela ineema khome! Umtwa wanojelwa nowe.'' ²⁹Lakini amajowo ga malaikha gamulyanganiyaga na asikhayelewe kwanshii umalaikha wajovaga isalaam iyi ya ajabu kunyakwe.³⁰Umalaikha wamujovela, ''Usikhatilaga, Mariamu, kwa kiva wapata ineema kihuma kwa Nguluvi. ³¹Lelela, ambi wusumula ulwanda kuutumbo wakho na ambi wisava umwana. Newe ambi ukimushemela ilitawa lyakwe 'Yesu.' ³²Akhava mukhome na akhashemelwa Mwana wa mwini Ali Kushanya Mandu. Umtwa wa Nguluvi ambi akimupela ishitengo sha ensi sha Daudi uwihe. ³³Ambi itavala kushanya ya lukholo lwa Yakobo shiluta nuufalme wakwe wusikhava nu mwisho.³⁴Umariamu wamujovela umalaikha, ili ambi lipoela kwa namna nshii, kwa kiva nisinajelaje kigona numugosi yeyona? ³⁵Umalaikha wajibu na kimujovela, ''Uroho Mtakhatifu ambi akikuyinsila kushanya yakho, ni ngufu ya mwaini Ali Kushanya Mandu ambi yiyinsa kushanya yakho. Ino, umtakhatifu mwini ambi isawa ambi ishemelwa Mwana wa Nguluvi.³⁶Na lelela, ukholo lwakho Uelizabeti ana lwanda lwa mwana ku makha gakwe ga kuusehe. Ugu ni mwesi gwa sita kunyakwe, mwini akhandi ishemelwa mugumba. ³⁷Kwa kiva kusina lini Unguluvi ipotwa.'' ³⁸Umariamu waja, ''Lelela, one nili mtumishi wa shidala wa Mtwa. Lekha yive ndeno kunyangu sawa sawa nu ujumbe wakho.'' Bahene umalaikha wamulekha.³⁹Bahene ku nsiku iso Umariamu wawukhaga na nyangu waluta kunyii ya fidunda, ku mji kunyii ya Kuyudea. ⁴⁰Walutaga kukhaya ya Zekaria na wamuhunjila Uelizabeti. ⁴¹Ino, yawonekhaga kija Uelizabeti pini wapulikhaga isalamu ya Mariamu, umwana muutumbu wakwe wanyila, nu Elisabeti wamemwa nu Roho Mtakhatifu.⁴²Watansaga ishauti yakwe na kilogola kwa shauti khome, ''una barakha owe mandu mu vamo va vadala, nu mwana mwini ali muutumbo wakho ana barakha. ⁴³Na yava wuli kunyangu kija, unyina wa Mtwa wangu yifwaya ayinse kunyangu? ⁴⁴Lelela, pininapulikha ishauti yakho mumakutu gangu ya kihunjila kwakho, umwana muutumbo wangu wanyila kwa ushendefu. ⁴⁵Na ana barakha umudala yula mwini wayaminigi kija nda wapolela uukhamilifu wa majowo gala gini wajovelwagwa kihuma kwa Mtwa.''⁴⁶Umariamu waja, inafi yangu yikimusufya Umtwa, ⁴⁷ni roho yangu yashendeva kishilila Unguluvi Umukulusaji wangu.⁴⁸Kwa kiva wailolela ihali ya pansi ya mtumishi wakwe wa shidala. Lelela, kihuma isalisi ku fisasi fyona ambi vakinishemela mubarikhiwa. ⁴⁹Kwa kiva umwene mwini iwesa wasenga amajowo makhome kunyangu, nili tawa lyakwe linofu.⁵⁰Irehema yakwe yidumu kihuma shisasi kwa vala vini vakimuheshimu umwene. ⁵¹Wawonensa ingufu kwa liwokho lyakwe; wavapalakhaniya vala vini vakiidayi kumahiva ga numbula sanave.⁵²Wavayinsa pansi avana va vafalme kihuma kufitengo fyanave fya unsi na kivayinula kushanya vini vana hali ya pansi. ⁵³Wavakutisaga avanya njala kwa finu finofu, ila amatajiri wavadagaga mokho matupu.⁵⁴Wahumya umusaada kwa Israeli umutumishi wakwe, ili kikumbukha kiwonensa irehema ⁵⁵(ngaja shini wajivaga kwa vawihesu vesu) kwa Abrahamu nuusawo wakwe shiluta.''⁵⁶Umariamu wakhalaga nu Elizabeti ngaja mesi gatatu ndeni bahene watina kukhaya yakwe. ⁵⁷Ino umuda gukhandi gufishile kwa Elizabeti kuifungula umwanakwe na waifungulaga umwana wa shidimi. ⁵⁸Avajirani vakwe na vakholo lwakwe vapulikhaga shini Umtwa waikusa irehema kunyakwe, na vashendevaga bahamo numwene.⁵⁹Ino yawonekhaga ulusiku lwa nane vayinsaga kimutahiri umwana. nda yafwaya kumushemela ilitawa lyajwe, ''Zekaria,'' kwa kilelela ilitawa lya wihe, ⁶⁰Lakini unyina wajibu na kija, ''Hapana; ambi ishemelwa Yohana.'' ⁶¹Vamujovela, kusina hata yumo kuvanyalukholo vakho mwini ishemelwa ilitawa ili.''⁶²Vamuwonensaga iishara uwihe ngaja kiwonensa kija umwene isakula ilitawa ashemelwe yu nani. ⁶³Uwihe wasakulaga ishibawo sha kiyandishila, na wayandikha, ''Ilitawa lyakwe yu Yohana.'' Wona vashangaswaga nili.⁶⁴Baho umulomo gwakwe gwadindulwagwa nu lumili lwakwe lwava huru. Walogola na kimusufya Unguluvi. ⁶⁵Uwoga wavaoata wona vini vikhala kholela nawo. Amajowo aga gayenelaga kunyii yona ya fidunda fya Kuyudea. ⁶⁶Na wona vini vagapulikhaga vagatunsaga munumbula sanave, vija, ''Umwana uyu kja wa namna nshii?'' Kwa kiva iliwokho lya Mtwa likhandi bahamo numwene.⁶⁷Uwihe wakwe Uzekaria wamemwagwa nu Roho Mtakhatifu na wahumya uukuvamalago, ija, ⁶⁸''Asufywe Umtwa, Nguluvi wa Israeli, kwa kiva watanjilisa na walavila uukuvamalago kwa vanu vakwe.⁶⁹Watiyinulila ilipembe lya ukulusaji ku khaya ya mtumishi wakwe Udaudi, kihuma mu vamo va lukholo lwa mtumishi wakwe Udaudi, ⁷⁰ngaja shini walogolaga kwa mulomo gwa vakuvamalago vakwe vini vakhandi kushipindi sha pakhala. ⁷¹Ambi akitikulusa kihuma kwa maadui vesu na kihuma mumokho ga wona vini vakitikhalalila.⁷²Ambi igaha ndeni kiwonensa irehema kwa vawihesu veu, na kikumbukhailiagani lyakwe ilitakhatifu, ⁷³ishiapo shini washilogolaga kwa Abrahamu uwihesu wesu. ⁷⁴Walapakha kusibitisa kija nda yawesekhana kimutumishila Umwene bila hofu, baada ya kikulusiwa kihuma mumokho ga maadui vesu. ⁷⁵kuutakhatifu ni haki pamwandi yakwe insiku sesu sona.⁷⁶Ndiyo, na owe mwanishe, ambi wushemelwa mukuvamalago wa mwini Ali Kushanya mandu, kwa kiva mabi wiluta pamwandi ya weni wa mtwa ili kimuyandalila insila, kivayandala avanu kwa ajili ya kiyinsa kwakwe, ⁷⁷kivajovela avanu vakwe kija, ambi vikulusiwa kwa nsila ya kisamehewa isambi sanave.⁷⁸Iyi yapolelaga kwa sababu ya lusungu lwa Nguluvi wesu, isababu yini ilijuva kihuma kushanya ambi likitiyinsila, ⁷⁹kimulikha kunyanave vini vikhala kunshisi na kumumepo gwa mauti. Akhagaha ndeni kugalongosa amagulu gesu ku nsila ya amani.''⁸⁰Ino, yula umwanishe wakula na kiva umunya ngufu kunumbula na wakhalaga kunyikha mpakha lusiku lya kuwonekha kwakwe kwa Israeli.

¹Ino ku nsiku iso, yapolelaga kija Ukaisari Agusto walajisaga iyelesa kija yitolwe insensa ya vanu wona vini vikhala kunyii. ²Iyi yikhandi ndiyo sensa ya kwansa yini yasenjekhaga pini Ukrenio akhandi gavana wa Siria. ³Ino shila yumo waluta kunyii yakwe kivasiwa isensa.⁴Numwene Uyusufu wawukhaga wope ku mji gwa Nasareti huko Kugalilaya na washula Kuyudea ku mji gwa Bethlehemu, gwini gumanyikha ngaja mji gwa Daudi, kwa kiva wahumililaga kulukholo lwa daudi. ⁵Walutaga uko kuiyandilisa bahamo nu Mariamu, mwini akhandi amubanyile na akhandi ihivilila umwanishe.⁶Ino yapolelaga kija, pini vakhandi kula umuda gwakwe gwa kuyifungula umwana gwafikhaga. ⁷Waifungula umwana wa shidimi, umusawa wakwe wa kwansa, wumugubikha amenda kimukinga ni mepo umwanishe. Bahene wamuvikhaga ku hihori sha kilisisa avanyama, kwa kiva kukhandi kungaya nafwasi ku nyumba ya vahensa.⁸Kulieneo ilyo, vakhandi vakwali avadimaji vini vakhandi vikhala kumagunda vilinda Ikholo sanave pashilo. ⁹Ghafla, umalaikha wa Mtwa wawapolela, nuutukufu wa Mtwa wangala kivapilima, na vatilaga mandu.¹⁰Bahene umalaikha wavajovela, ''Musikhatilaga, kwa kiva nikivaletela ihabari inofu yini yileta uushendefu mukhome kwa vanu wona. ¹¹Ineng'uni Umukulusaji wasawa kwa ajili yenyu kumji gwa Daudi! Umwene ndiyo yu Kristo Mtwa! ¹²Iyi ndiyo ishara yini ambi mupelwa, ambi mukimwaga umwana apinyilwe amenda na agonile ku hori lya kilisisa avanyama.''¹³Baho kwavesaga nilijeshi ilikhome lya kushanya lyawungana nu malaikha yula kumusufya Unguluvi, vija, ¹⁴''Uutukufu kwa Nguluvi mwini ali kushanya mandu, ni amani yive kunyii kwa wona vini inojelwa nawo.''¹⁵Yavesaga kija amalaikha pini vawukhaga kiluta kushanya, avadimaji valogonsaniya vene kwa vene, ''Tilute ino kula Kubethlehemu, na tilwaje ishi ishinu shini shapolela, shini Umtwa watijovela.'' ¹⁶Vagahaga nyangu kula, na vamwaga Umariamu nu Yusufu, na vamwaga umwana agonile ku hori lya kilisisa avanyama.¹⁷Na pini valwagaga ndeni, vavajovela avanu shila shini vajovelwa kimuhusu umwanishe. ¹⁸Wona vini vapulikhaga ihabari isi vashangaswagwa na shila shini shalogolwa na vadimaji. ¹⁹Lakini Umariamu wayendelelaga kihiva kihusu gona gini wagapulikha, Wagatunsa munumbula yakwe. ²⁰avadimaji vatinaga vakimusufya Unguluvi kwa ajili ya shila shinu shini vapulikha na kishaga, ngaja shini yalogolwagwa kunyanave.²¹Pini lwafikhaga ulusiku lwa nane na lukhandi lusiku lwa kumutahili umwanishe, vamushemelaga ilitawa Yesu, ilitawa lini tayari wapelwagwa nu yula umalaikha khabla ya lwanda kitendwa muutumbo.²²Sanave sini sasakulwagwa sa utakhaso sini sashilaga, kilingana ni sheriya ya Musa, Uyusufu nu Mariamu vamutwalaga kulitembe kula Kuyerusalemu kimuvikha pamwandi ya Mtwa. ²³Ngaja shini yayandikhwagwa ku sheriya ya Mtwa, ''Shila mugosi mwini idindula uutumbo ambi ishemelwa mwini ahumisiwe wakfu kwa Mtwa.'' ²⁴Navene shisho vayinsaga kihumya isadakha kilingana ni shila shini shalogolwagwa ku sheriya ya Mtwa,'' Ijosi ya njiva au inyana sivili sa njiva.''²⁵Lelela, pakhandi nu munu Kuyerusalemu mwini ilitawa lyakwe akhandi ihemelwa Simeoni. umunu uyu akhandi umunya haki na akimutumishila Unguluvi. Umwene akhandi ihepelesa kwa ajili ya mfariji wa Israeli, nu Roho Mtakhatifu wayinsaga kushanya yakwe. ²⁶Yikhandi yigubutulwe kunyakwe kihilila Uroho Mtakhatifu kija umwene nda asafwa khabla ya kumwaga Ukristo wa Mtwa.²⁷Ulusiku lumo akhandi mukhati ya litembe, ilongoswa nu Roho Mtakhatifu. Pini avasasi vamuletaga umwanishe, Uyesu, kimugahila gala gini gifwaya kwa khawaida ya sheriya, ²⁸bahene Usimeoni wamuposhelaga mumokho gakwe, na wamusufya Unguluvi na ija, ²⁹''Ino muyitikha umutumishi wakho alute kwa amani Mtwa, kifwatana ni Liswi lyakho.³⁰Kwa kiva ameho gangu gawaga uukulusaji wakho, ³¹wini wawonekha kwa meho ga vanu wona. ³²Umwene ali nuru kwa ajili ua ugubutulo kwa Vamataifa nuutukhufu wa vanu Kuisraeli.''³³Uwihe nu Nyina vashangaswagwa kwa majowo gini galogolwa kunyakwe. ³⁴Bahene Usimeoni wavabarikhi na walogola kwa Mariamu unyina, ''Pulisa kwa makini! Umwana uyu ambi iva sababu ya kiyaga na kikuluswa kwa vanu vinji ku Israeli na yi ishara yini avanu vinji vakhaikhana. ³⁵Khanji ndio wupanga wini ambi wihoma inafsi yakho yuwe, ili kija amahiva ga numbula sa vinji gawoneshe''.³⁶Umukuvamalago umudala mwini washemelwagwa Ana wope akhandi kulitembe, Umwene akhandi muhinja wa Fanueli kihuma ku khabila lya Asheri. Akhandi na makha minji mandu. Numwene wakhalaga nu mugosi wakwe kwa makha saba baada ya kitolana, ³⁷na bahene wavesaga mujane kwa makha themanini na nane. Numwene asikhajelile kiwukha kuhekalu na akhandi iyendelela kimwabudu Unguluvi bahamo na kifunga na kilomba, ishilo ni minsi. ³⁸na kwa luhavi ulo, wayinsaga pala pini vakwali wayansaga kihonjesa kwa Nguluvi. Walogolaga kimuhusu umwanishe kwa shila munu mwini akhandi ihepelesa uukhombosi wa Kuyerusalemu.³⁹Pini vamalaga shila hinu shini vapaswagwa kisenga kilingana ni sheriya ya Mtwa, vatinaga Kugalilaya, kumji gwanave, Nazareti. ⁴⁰Umwana wakulaga, na wava ni ngufu, iyonjelela kuhekima, ni neema ya Nguluvi yikhandi kushanya yakwe.⁴¹Avasasi vakwe shila mwankha valutaga Kuyerusalmeu kwa ajili ya sikukuu ya Pasakha. ⁴²Pini akhandi na makha kumi nambili, valutaga khanji umuda gugwene shidesturi kwa ajili ya sikukuu. ⁴³Baada ya kisigala insiku sona kwa ajili ya sikukuu, vayansaga kiwuya kukhaya. Lakini umudimi Uyesu wasigalaga munyuma mula Muyerusalemu na vasasi vakwe vasikhamenye ili. ⁴⁴Vahivaga kija ali kushipuga shini vakhandi vishula nasho, ino vashulaga ulushulo lwa lusiku. Bahene vayansaga kimusakula mu vamo va vanyalukholo na marafiki vanave.⁴⁵Pini vapotwagwa kimwaga, vatinaga Kuyerusalemu na vayansa kimusakula umo. ⁴⁶Yawonekhaga kija baada ya nsiku sitatu, vamwaga kuhekalu, akhele pakhati ya valimu, akivapulisa na kivaposa amaswali. ⁴⁷Wona vini vamupulikhaga vashangaswagwa nuluhala lwakwe na majibu gakwe.⁴⁸Pini vamwagaga, vashangalaga. Unyina wamujovela, ''Mwanangu, kwanshii watigfahila ndeni? Pulisa, uwiho none tava tikikusakula kwa wasiwasi mandu.'' ⁴⁹Wavajovela, ''Kwanshii mwava mukinisakula? Musikhamenye kija lasima nive kukhaya ya Baba wangu? ⁵⁰Lakini vasikhayelewe shishi shini imaanisa kwa majowo ago.⁵¹Bahene waluta bahamo nawo mpakha kukhaya Kunazareti na akhandi munya kivapulisa . Unyina wavikhaga amajowo gona munumbula yakwe. ⁵²Lakini Uyesu wayendelelaga kikula ku hekima ni shimo, na wayenjelaga kidobokhwa nu Nguluvi na vanu.

¹Ino, ku mwakha gwa kumi na tano wa utavala wa Kaisari Tiberia, pini Upontio Pilato akhandi gavana wa Uyahudi, Uherode akhandi mukhome wa mkhoa gwa Kugalilaya, nu Filipo ukholo lwakwe akhandi mukhome wa mukhoa gwa Iturea nu Trakoniti, nu lisania akhandi mukhome wa mukhoa wa Abilene, ²na ishipindi sha ukuhani mukhome wa Anasi nu Kayafa, Iliswi lya Nguluvi lyamuyinsilaga Uyohana mwana wa Zakaria, kunyikha.³Washulaga ku mukhoa gona kipilima Umukhoga gwa Yordani, ihubiri uubatiso wa toba kwa ajili ya msamaha gwa sambi⁴Ngaja shini yiyandihwe kuhitabu shamajowo ga uisaya mukuvamalago, ''ishauti ya munu mwini ali kunyikha,'' Yitendi insila ya Mtwa, gatendi amapito gakwe gini gagolweshe.⁵Shila bonde ambi limemwa, shila shidunda na khashidunda ambi fisambaswa, ibarabara sini sipindile ambi sigoloswa, ni shila sini sina majojoro ambi sidabadala. ⁶Avanu wona ambi vakiwaga uukulusaji wa Nguluvi.''⁷Bahene, Uyohana wavajovela avanu amakhome ga vanu vini vamuyinsila vawese kubatiswa numwene, ''Omwe uusawo wa njokha uwunya sumu, yunani mwini wavakhanyansa kuisiga iasabu yini yiyinsa?⁸Savi amatunda gini gilutana ni toba, na musikhayansaga kilogola mukhati yenyu,'' Tinaye uibrahimu mwini yu wihesu wesu; kwa sababu nikivajovela kija, Unguluvi iwesa kumuyinulila uibrahimu umwanishe hata kihuma kumang'anga aga.⁹Tayari inemo yavishilwe kulinsina lya mupishi. Ino, shila mupishi gwini gusisava amatunda amanofu, gudumulwa na kitagwa mumoto.¹⁰Bahene avanu kumakutano vamuposaga vija, ''Ino tisakulwa tigahe wuli?'' ¹¹Wajibu na kija, ''nda umunu ana kansu sivili yibidi ahumye ikansu yimo kwa yunji mwini asina khabisa, na mwini ana shakilya agahe shisho.''¹²Bahene vamonga va vini vidayi uushuru vayinsaga wope kibatiswa, na vamujovela, ''Mwalimu, yibidi tigahe nshii? ¹³Wavajovela, ''Musikhakunganiyaga ihela mandu kishila shini shitakiwa kukunganiya.''¹⁴Avasulukhali avanji wope vamuposaga vija, ''Nayuse wuli? Yibidi tigahe wuli?'' Wavajovela, ''Musikhatolaga ihela kwa munu yeyona kwa ngufu, na musikhamulogolelaga umunu yeyona kwa udehi. Mulisishe na mishahara genyu.''¹⁵Ino, kwa kiva avanu vakhandi ni hamu na kimuhepelesa Ukristo mwini akhayinsa, shila yumo akhandi ihiva munumbula yakwe kihusu Uyohana nda umwene ndiyo yu Kristo. ¹⁶Uyohana wajibu na kivajovela wona, ''One nikivabatisa omwe kwa malenga, lakini kuna munu mwini iyinsa mwini ana ngufu kishila one, na nisifwaya hata kihudula ingalawo sa ndatu sakwe. Ambi akivabatisa omwe kwa Roho Mtakhatifu na kwa moto.¹⁷Uluhelo lwakwe luli muliwokho lyakwe ili kivalasa unofu uuwanda wakwe wa kiyelelulila ingano na kuikunganiya ingano mushihenje shakwe. lakini, akiganyanya amapepe kwa moto gwini gusiwesa kisima.¹⁸Kwa maonyo aganji minji gope, wahubirigi ihabari inofu kwa vanu. ¹⁹Uyohana wamukhajilaga wope Uherode mukhome wamukhoa kwa kumutola Uherodia, umudala wa kholo lwakwe na kwa sambi nyinji sini Uherode akhandi asisenjile. ²⁰Lakini panyuma Uherode wagahaga uuofu uwunji wuvi mandu. Wamupinyaga Uyohana kugelesa.²¹Bahene yawonekhaga kija, pini avanu wona vakhandi vibatiswa nu Yohana, numwene Uyesu wope wabatiswagwa. Pini akhandi ilomba, imbingu sadindukha. ²²Uroho Mtakhatifu wayikha kushanya yakwe kwa mfano wa shiwiliwili ngaja njiva, umuda gugo ishauti yayinsaga kihuma kushanya yija, ''Owe uli mwanangu ,ugani. Ninojelwa mandu nowe.''²³Ino Uyesu yumwene, pini wayansaga kifundisa, akhandi na makha ngaja thelathini. Akhandi mwana (ngaja shini wahivililwagwa) wa Yusufu, mwana wa Eli, ²⁴mwana wa Mathati, mwana wa Lawi, mwana wa Melki, mwana wa Yana, mwana wa Yusufu,²⁵mwana wa Matathia, mwana wa Amosi, mwana wa Nahumu, mwana wa Esli, mwana wa Nagai, ²⁶mwana wa Maati, mwana wa Matathia, mwana wa Semeini, mwana wa Yusufu, mwana wa Yuda,²⁷mwana wa Yoanani, mwana wa Resa, mwana wa Zerubabeli, mwana wa Shealtieli, mwana wa Neri, ²⁸mwana wa Melki, mwana wa Adi, mwana wa Kosamu, mwana wa Elmadamu, mwana wa Eri, ²⁹mwana wa Yoshua, mwana wa Eliezeri,, mwana wa Yorimu, mwana wa Matathi, mwana wa Lawi.³⁰³²mwana wa Simeoni, mwana wa Yuda, mwana wa Yusufu, mwana wa Yonamu, mwana wa Eliyakimu, mwana wa Melea, mwana wa Mena, mwana wa Matatha, mwana wa Nathani, mwana wa Daudi, ³¹mwana wa Yese, mwana wa Obedi, mwana wa Boazi, mwana wa Salmoni, mwana wa Nashoni,³³mwana wa Abinadabu, mwana wa Aramu, mwana wa Hesroni,, mwana wa Peresi, mwana wa Yuda, ³⁴mwana wa Yakobo, mwana wa Isaka, mwana wa Ibrahimu, mwana wa Tera, mwana wa Nahori, ³⁵mwana wa Seruig, mwana wa Ragau, mwana wa Pelegi, mwana wa Eberi, mwana wa Sala,³⁶mwana wa Kenani, mwana wa Arfaksadi, mwana wa Shemu, mwana wa Nuhu, ³⁷mwana wa Lameki, mwana wa Methusela, mwana wa Henoko, mwana wa Yeredi, mwana wa Mahalalei, ³⁸mwana wa Kenani, mwana wa Enoshi, mwana wa Sethi, mwana wa Adamu, mwana wa Nguluvi.

¹Bahene, Uyesu kuno amemile Uroho Mtakhatifu, wawuyaga kihuma Kumukhoga gwa Jordani, na walongoswagwa nu Roho kunyikha ²kwa nsiku arobaini, na huko wajesewagwa nu Ibilisi. Ishipindi isho asikhalile shoshona, na mwisho gwa shipindi isho wawonaga injala.³Uibilisi wamujovela, ''Nda owe uli Mwana wa Nguluvi, lijova ili iling'anga live mukhate.'' ⁴Uyesu wamujibu, ''Yiyandishwe; 'umunu asingakhala kwa mukhate gwene duguli.''⁵Bahene Uibilisi wamulongosaga kushanya kushilele sha shidunda, na wamuwonensaga ifalme sona sa dunia kwa muda mfupi. ⁶Uibilisi wamujovela, ''Ambi nikikupela amamulakha ga kitavala ifalme ii sona bahamo ni fahari sakwe. Niwesa kigaha ndeno kwa kiva fyona fyatawulwa kunyangu nifitavale, na niwesa kumupela yeyona mwini nisakula kimupela. ⁷Ino, nda unigondamile na kuniabudu, ifinu ifi fyona ambi fiva fyakho.''⁸Lakini Uyesu wajibugu na kimujovela, ''Yiyandishwe, ''Lasima umwabudu Umtwa Unguluvi wakho, na lasima umutumishile Umwene mwene duguli.''⁹Khanji Uibilisi wamulongosaga Uyesu hadi Kuyerusalemu na kimuvikha isehemu ya kushanya khabisa yanyumba ku hekalu na kumujovela, ''Nda owe uli Mwana wa Nguluvi, yitaga pansi kihuma panu. ¹⁰Kwa kiva yiyandishwe, ''Ambi akivalajisa avamalaikha vakwe vakutunse na kukulinda, ¹¹na vakhakuyinula kushanya mumokho ganave ili kija usikhalemalaga amagulu gakho kushanya ya ling'anga.''¹²Uyesu wajibu wamujovela, ''Yilogwelwe, ''usikhamujesaga Umtwa Unguluvi wakho.'' ¹³Uibilisi pini wamalaga kimujesa Uyesu, walutaga lwakwe na kimulekha hadi ishipindi ishinji.¹⁴Bahene Uyesu watinaga Kugalilaya kwa ngufu sa Roho, ni habari kimuhusu umwene sayenelaga na kipalakhana kumikhoa gakholela gona. ¹⁵Wafundisaga mumasinagogi ganave, na shila munu wamusufyaga.¹⁶Ulusiku lumonga walutaga Kunasareti, umji gwini wasungwagwa na kikulila. Ngaja shini yikhandi yishwali idesturi yakwe wahulutaga kusinagogi ulusiku lwa sabato, na wayimaga kiyimba amaandikho. ¹⁷Wapelwagwa ishitabu sha mukuvamalago Uisaya, bahene, wadindulaga ishitabu na wasakula isehemu yini yiyandishwe,¹⁸Uroho wa Mtwa ali kushanya yangu, kwa kiva wanipakhaga amafuta kihubiri ihabari inofu kwa vapina. Wanifilikha kitangasa uuhuru kwa vini vapinyilwe, na kivagaha vinivasilolela vawese kilolela khanji. Kivavikha huru vala vini vakhandamisiwe, ¹⁹kugutangasa umwakha gwini Umtwa akhawonesa uunofu wakwe.''²⁰Bahene washigubikha ishitabu, wamutinisisa umulongosaji wa sinagogi, na wakhala pansi. Ameho ga vanu wona vini vakhandi musinagogi vamulolelaga umwene. ²¹Wayansaga kilogola nawo ija, ''Ineng'uni iliandikho ili lyatimiswa mumakutu genyu.'' ²²Shila munu pala washuhudilaga Shila shini walogolaga Uyesu, na vinji munyanave vashangaswagwa na majowo ga lishima gini gakhandi gakimupola kumulomo gwakwe. Vakhandi vija, ''uyu yu mudimi tu wa Yusufu, siyo ndeno?''²³Uyesu wavajovela, ''hakika mukhalogola imethali iyi kunyangu, ''Tabibu, yiponesa yuwe. Shoshona shini tapulikha ukishisenga Kukapernaumu, shigaha na bahanu pa shijiji shakho.'' ²⁴Khanji wavajovelaga, ''hakika nikivajovela omwe, kusina umukuvamalago mwini akhayitikhwa kunyii yakwe.''²⁵Lakini nikivajovela omwe kweli kija kukhandi na vajane vinji kuisraeli kushipindi sha Eliya, pini imbingu yapinywagwa kusikhavesaga ni nonya kwa makha gatatu ni nusu, pini kukhandi ni njala khome kunyii yona. ²⁶Lakini Ueliya asikhafilishwe kwa yeyona yumo wanave, lakini kwa mjane yumo tu mwini akhandi ikhala Kuserepta kholela nu mji gwa Kusidoni. ²⁷Khanji, kukhandi na vakoma vinji kuisraeli kushipindi sha Elisha umukuvamalago, lakini kusina hata yumo wanave mwini waponeswagwa isipokiva Unaamani umunu wa Kusiria.²⁸Avanu wona mukhati ya sinagogi vamemwagwa ni hasira pini vagapulikhaga aga gona. ²⁹Vayimaga na kumubunkha kunja ya mji, na kumulongosa hadi ku mwisho gwa shidunda sha mji pini umji gwanave gwasengwagwa kushanya yakwe, ili vawese kimutaga pansi. ³⁰Lakini washilaga pakhati yanave na waluta isehemu iyinji.³¹Bahene wayishilaga Kukapetnaumu, kumji gwa Kugalilaya. Isabato yimo akhandi ifundisa avanu mukhati ya sinagogi. ³²Vashangaswagwa na mafundiso gakwe, kwa kiva wavafundisaga kwa mamulakha.³³Ino ulusiku ulo mukhati ya sinagogi, kukhandi nu munu mwini akhandi ni roho la lipepo ilishafu, na wakholaga kwa shauti ya kushanya, ³⁴''Tina nshii nowe, Yesu wa Nasareti? Wayinsa kutubuda? Nimenye owe yuwe nani! Owe uli mtakhatifu wa Nguluvi!''³⁵Uyesu walikhajilaga ilipepo waja, ''Sisima myaa, na umupole umunu uyu!'' Ilipepo lila pini lyamutagaga umunu yula pansi pakhati yanave, lyamupolaga yula umunu bila ya kimuletela amaumifu gogona. ³⁶Avanu wona vashangalaga, na vayendelelaga kilogola ulujowo ulu shila munu nu muyine. Vaja, ''Ni majowo ga aina nshii aga?'' Akigajova amaroho amashafu kwa mamulakha ni ngufu na gipola.'' ³⁷Ino, ihabari kimuhusu Uyesu sayenelaga shila sehemu ku maeneo gini gapilimaga umukhoa ugo.³⁸Bahene Uyesu wawukhaga kumji ugo na wahulutaga kunyumba wa Simoni, Ino, umukweye wakwe nu Simoni akhandi mutamu ni homa khali, na vamulombaga kwa niaba yakwe. ³⁹Bahene, Uyesu wamuhejelelaga, waidaga yila ihoma na yamuleshela. Baho wayimaga na wayansa kivatumishila.⁴⁰Ilijuva pini likhandi lisota, vamuletelaga Uyesu shila munu mwini akhandi mutamu wa marasi ga aina mbalimabali. Wavikhaga amokho gakwe kushanya kwa shila mutamu na wavaponesa wona. ⁴¹Amapepo gope gavapolaga vinji vaneve gikhola kwa shauti na kija, ''Owe uli mwana wa Nguluvi!'' Uyesu wagakhajilaga mapepo na wagakhanaga kilogola, kwa kiva gamanyaga kija umwene akhandi yu Kristo.⁴²Pini kwasha, walutaga ilieneo lini likhandi na vanu. Avanu vakhandi vakimusakula na vayinsaga kulieneo lini akhandi akwali. Vajesaga kimusivila asikhalutaga kutali na vene. ⁴³Lakini wavajovela, ''Lasima kope nihubiri ihabari inofu sa ufalme wa Nguluvi ku nyii isinji nyinji, kwa kiva iyi ndiyo sababu nafilikhwagwa panu.'' ⁴⁴Bahene wayendelelaga kihubiri mukhati ya masinagogi kuuyahudi yona.

¹Ino yawonekhaga pini avanu vamukunganilaga nu kumupilima Uyesu na kipulisa iliswi lya Nguluvi, pini akhandi ayimile kumwambwa ya lisiwa lya Genesareti. ²Wafyagaga ifipugo fivili fidumege mulubali lwa siwa. Avalovaji vakhandi vapolile na vakhandi viyosa inyafu sanave. ³Uyesu wahulutaga kushipugo shimo, shini shikhandi sha Simoni na kumulomba ishitwale mumalenga kutali kidogo na kwini kuyumila. Bahene wakhala na kifundisa kihuma kushipugo.⁴kilogola, wamujovela Usimoni, ''Shitwala ishipugo shakho mpakha kushogo sha malenga nauyise inyafu sakho ili kilova inswii.'' ⁵Usimon wajibu na kija, Mtwa, tasenga insengo shilo shona, na tisikhakhete shoshona, lakini kwa liswi lyakho, ambi nikisiyisa inyafu. ⁶Pini vagahaga ndeno vakunganiyaga inswii nyinji ni nyafu sanave sayansaga kidemukha. ⁷Bahene vavashemelaga avashirikha avanji kushipugo ishinji ili vayinse kivatanjilisa. Vayinsaga vafimemya ifipugo fyona, mpakha sayansaga kijuda.⁸Lakini Usimoni Petro, pini wawonaga ndeno, wagwisaga pamagulu ga Yesu waja, ''Wukha kunyangu, kwa kiva one nili munu umunya sambi Mtwa.'' ⁹Kwa kiva washangaswagwa, na wona vini vakhandi numwene, kwa ulovaji wa nswii wini vaugaha. ¹⁰Ili lyavajumuisaga Uyakobo nu Yohana avana va Zebedayo, vini vakhandi vashirikha va simoni. nu yesu wamujovela Usimoni, Nu Yesu wamujovela Usimoni ''usikhatilaga, kwa kiva kiyansa isalisi na kiyendelela ambi wilova avanu.'' ¹¹Pini vafiletaga ifipugo fayanave kunyii inyumu, valekhaga shila shinu na kumufwata umwene.¹²Yawonekhaga kija pini akhandi ku muji gumo, umunu mwini akhandi amemile uukoma akhandi uko. Pini wamwagaga Uyesu, wagwisaga igondamya uweni wakwe mpakha pani na kumulomba, ija, ''Mtwa, nda wusakula, wuwesa kunivalasa.'' ¹³Bahene Uyesu wagolosa iliwokho lyakwe na kimukhata, ija, ''Nisakula. Valala.'' Nu muda gugo uukoma wamulekha.¹⁴''Wamulajisaga asikhamujovelaga umunu yeyona, lakini wamujovelaga, ''Luta lwakho, na uiwonense kwa makuhani na uhumye isadakha ya utakhaso wakho, sawasawa na shila Umusa shini washijovaga, kwa ushuhuda kunyanave.''¹⁵Lakini ihabari kimuhusu umwene sayenela kutali mandu, nuumati mukhome wavanu wayinsa bahamo kumupulisa pini ifundisa na kiponeswa amatamu ganave. ¹⁶Lakini shila muda waibagulaga mwene kilomba.¹⁷Yapolelaga ulusiku lumo kunsiku iso akhandi ifundisa, na vakhandi vakhwali Amafarisayo na valimu va sheriya vakhele apo vini vayinsaga vihumilila kufijiji finji tofauti kumukhoagwa Kugalilaya na Kuyudea, na khanji kihumilila kumji gwa Kuyerusalemu. Ingufu ya Mtwa yikhandi numwene kiponesa.¹⁸Avanu vamonga vayinsaga, vamusumwile kumushekha umunu mwini apoosise, na vasakula insila ya kimuhulusa mukhati il kimugoniya pansi pamwandi ya Yesu. ¹⁹Vasikhapatile insila ya kumuhulusa mukhati kwa sababu ya vanu, bahene vatanaga kushanya kunyumba na kimuyisa yula umunupansi kishilila kubati, kushanyaumushekha gwakwe pakhati ya vanu, pamwandi khabisa ya Yesu.²⁰Walolela ilihuvi lyanave, Uyesu waja, ''Muya, isambi sakho wasamehewa.'' ²¹Avaandishi na Mafarisayo vayansaga kiposa ilyo, vija, ''Uyu yu nani mwini ilogola ga kikhosela? Yu nani mwini iwesa kisamehe isambi ila yu Nguluvi mwene duguli?''²²Lakini Uyesu, wamanyaga shishi shini va vihiva, wavajibu na kivajovela, ''Kwanshii muposaniya ili munumbula senyu? ²³Shili kwii shipefu kunyenyu, ''Isambi sakho sasamehewa' au kija ''Yima ujende?' ²⁴Lakini mumanye kija Umwana wa Adamu anago amamulakha kudunia ga kisamehe isambi, Nikikujovela owe, 'Yima, tola umushekha gwakho na ulute kukhaya yakho.''²⁵Baho wayimaga pamwandi yanave na watola umushekha gwakwe gwini akhandi agugonele. Bahene watinaga kukhaya yakwe akimutukusa Unguluvi. ²⁶Shila munu washangasagwa na vamutukusa Unguluvi. Vamemwagwa nu woga, vija, ''Tagaga amajowo gini gasili ga khawaida ineng'uni.''²⁷Baada ya majowo aga kipoela, Uyesu wapolaga uko na wamwaga umukunganiya uushuru mwini akhandi ihemelwa Lawi akhele kulieneo lya kikunganisisa ikhodi. Wamujovela, ''Nifwata.'' ²⁸Bahene Ulawi wayima na kimufwata, walekha shila shinu munyuma.²⁹Bahene Ulawi wayandala kukhaya yakwe isherehe ikhome kwa ajili ya Yesu. Vakhandi vakwali avakunganiya uushuru vinji kula na vanu vinji vini vakhalaga kumesa vilya bahamo nawo. ³⁰Lakini Amafarisayo na vaandishi avene vakhandi vakivalalamishila avanafunsi, vija, ''Kwanshii mwilya na king'wela na vakunganiya uushuru bahamo na vanu avanji avanya sambi?'' ³¹Uyesu wavajibu, ''Avanu vini vana afya inofu na vasisakula umuganga, ''ni vala tu vini vatamu ndio vini vakhamusakula yumo. ³²Nisikhayinsile kivashemela avanu avanya haki vawese kitubu, ila kivahemela avanya sambi vawese kitubu.''³³Vamujovela, ''Avanafunsi va Yohana shila muda vifunga na kilomba, na vanafunsi va Mafarisayo vope vigaha shisho. Lakini avanafunsi vakho vilya na king'wela.'' ³⁴Uyesu wavajovela,'' Yiwesekhana umunu yeyona avagahile vini vahulwite ku harusi ya Bwana Arusi kifunga na kuno Ubwana Arusi ali bahamo navene? ³⁵Lakini insiku sikhayinsa pini Ubwana Arusi pini akhawusiwa kunyanave, bahene kunsiku iso ambi vifunga.''³⁶Bahene Uyesu walogolaga pope kunyanave kwa mfano. ''Kusina mwini angademula ishipande sha mwenda kihuma kumwenda umupya na kushitumila kitendela ku mwenda gwa pakhala. Nda agahe ndeno, ambi akigudemula umwenda umpya, ni shipande sha mwenda kihuma ku mwenda umupya nda shisafwaya kitumikha numwenda gwa mwenda gwa pakhala³⁷Khanji , kusina umunu mwini ivikha uujimbi uupya kuu shiriba ishikulu. Ndaa agahe ndeno, uujimbi uupya nda wabajulaa shila ishombo, nuujimbi nda wakunukha, nifiriba nda fyananjikha. ³⁸Lakini uujimbii uupyaa lunofu wuvishwe kufiriba ifipya. ³⁹Na kusina umunu baada ya kingwela uujimbi wa pakhala, asiva mpya, kwa kiva ija, 'Ga pakhala manofu.''

¹Ino yawonekhaga ku Sabato kija Uyesu akhandi ishila ku mugunda gwa nafaka na vanafunsi vakwe vakhandi viyava amasuke, vagakuva kuva ku mokho ganave valya inafaka. ²Lakini Amafarisayo avanji vaja, ''Kwanshii mwigaha ishinu shini yisili halali shisheriya kushisenga ulusiku lwa sabato''?³Uyesu, wavajibu, ija, ''Musinayimbaje shila Udaudi shini wagahaga pini akhandi ni njala, umwene na vagosi vini vakhandi bahamo numwene? ⁴Walutaga kunyuba ya Nguluvi,na watola amakhate amatakhatifu na kugalilya gamonga, na kugahumya ahamonga kwa vanu vini akhandi nawo kugalya, hata nda yikhandi halai kwa makuhani kugalya.'' ⁵Bahene wavajovela, ''Umwana wa Adamu yu Mtwa wa Sabato.''⁶Yawonekhaga ku Sabato iyinji kija walutaga mukhati ya sinagogi na kivafundisa avanu uko. Kukhandi nu munu mwini iliwokho lyakwe lya kulia likhandi lipoosise. ⁷Avaandishi na Mafarisayo vakhandi vakimulelela kwa makini kilwaga nda wamuponesa umunu ulusiku lwa Sabato, ili vawese kipata isababu ya kumusitakha kwa kisenga ilikhosa. ⁸Lakini wamanyaga shishi vakhandi vihiva na waja kwa munu mwini akhandi apolile iliwokho, ''Damula, yima panu pakhati ya shila munu.'' Bahene yula umunu wanyanyukha na kiyima pala.⁹Uyesu waja kunyanave, ''Nivapose omwe, lwiva lunofu uluiku lwa Sabato kigaha amanofu au kigaha amavi, kikulusa amaisha au kugananga?'' Bahene wavalolelaga wona na kumujovela yula umunu, ¹⁰''Golosa iliwokho lyakho.'' Wagaha shisho, niliwokho lyakwe likhandi lyaponesewa. ¹¹Lakini vamemwaga ni hasira, valogonsaniya vene kwa vene kihusu shishi vipaswa vasenja kwa Yesu.¹²Yawonekhaga insiku iso kija walutaga kushidunda kilomba. Wayendelelaga ishilo shona kimulomba Unguluvi. ¹³Pini yikhandi isubuhi, wavashemelaga avanafunsi vakwe kunyakwe, na wavahagula kumi na mbili kunyanave, vini wavashemelaga ''vanandeje.''¹⁴Amatawa ga vala avanandeje gakhandi Simoni ( mwini khanji washemelwaga Petro) nu Andrea ukholo lwakwe, Uyakobo, Uyohana, Ufilipo, Ubartolomayo, ¹⁵Umathayo, Utomaso nu Yakobo mwana wa Alfayo, Usimoni, mwini washemelwagwa Zelote, ¹⁶Uyuda mwana Yakobo nu Yuda Iskariote, mwini akhandi musetukhaji setukhaji.¹⁷Bahene Uyesu wayikhaga bahamo navene kihuma kushidunda na kiyima amahala pini pali tambarare. Iidadi khome ya vanafunsi vakwe vakhandi uko, bahamo ni idadi khome ya vanu kihuma Kuuyahudi na Kuyerusalemu, na kihuma ku mwani ya Kutiro na Kusidoni. ¹⁸Vayinsaga kimupulisa na kiponeswa amatamu ganave. Avanu vini vakhandi vilafywa na mapepo amashafu wope vaponeswagwa. ¹⁹Shila yumo ku ilyo ilikusanyikho wajesaga kimukhata kwa kiva ingufu sa uponesaji sikhandi sipola mukhati yakwe, na wavaponesaga wona.²⁰Bahene wavalolela avanafunsi vakwe, na kija, ''Muna barakha omwe vini vapina, kwa kiva uufalme wa Nguluvi wenyu. ²¹Muna barakha omwe vini muna njala isalisi, kwa kiva mukhakutiswa. Muna barakha omwe vini mukhola isalisi, kwa kiva ambi mwihekha.²²Muna barakha omwe pini avanu ambi vakivakhalalila na kivabagula na kivashutumu omwe kija muli vavi, kwa ajili ya Mwana wa Adamu. ²³Shendevi kulusiku ulo na kinyila kwa ushendefu, kwa kiva kweli ambi mwiva ni barakha khome kushanya, kwa kiva avawihanave vavagahilaga shisho avakuvamalago.²⁴Lakini ole wenyu vini muli matajiri! Kwa kiva tayari mwapata ifaraja yenyu. ²⁵Ole wenyu vini muikwite isalisi! kwa kiva ambi mukiyaga injala panyuma. Ole wenyu vini mwihekha isalisi! Kwa kiva mukhaombolesa na kikhola panyuma.²⁶Ole wenu, pini mukhasufywa na vanu wona! Kwa kiva avawihanave vavagahilaga avakuvamalago va udehi shisho.²⁷Lakini nilogola kunyenyu omwe vini mukinipulisa, vagani avaadui venyu na kisenga amanofu kwa vini vakivakhalalila. ²⁸Muvabarishile avene vini vakivalaani omwe na kivalombela vala vini vakivawonela.²⁹Kunyakwe umwene mwini akikuvakula ilikhato limo, musetusisa ni lya uvili. Nda umunu akuposhe ijoho lyakho usikhamusivilaga ni kansu, ³⁰Mupela mwini akikulomba. nda umunu akuposhe shila shini mali yakho, usikhamulombaga akutinisise.³¹Ngaja shini mudobokha avanu vavagahile, nemwe vagahili shisho. ³²Nda muvadoboshe avanu vini vakivadobokha omwe tu, iyo yiva yhawabu nshii kunyenyu? Kwa kiva hata avanya sambi vakivadobokha vala vini vakivadobokha. ³³Nda muvagahile amanofu vala vini vakivagahila omwe amanofu, iyo yiva thawabu nshii kunyenyu? Kwa kiva hata avanya sambi vigaha shisho. ³⁴Nda mukhopese ifinu kwa vanu vini muhivilila ambi vakivatinisisa, iyo yiva thawabu nshii kunyenyu? Hata avanya sambi vakivakhopesa avanya sambi, na vihivilila kiposhela ishiasi shisho khanji.³⁵Lakini vagani amaadui venyu na vagahili amanofu. Vakhopesi na musikhatilaga kihusu kitinisisiwa, ni thawabu yenyuambi yiva khome. Ambi mwiva vana va mwini Ali Kushanya, kwa kiva umwene yumwene ali munofukwa vanu vini vasihonjesa na vavi. ³⁶Muve nulusungu, ngaja Uwihenyu shini ana lusungu.³⁷mMsikhahigaga, na yumwe musikhahigwa. Musikhalaaniji, nemwe musikhalaaniwa. Sameheji avanji, nemwe ambi musamehewa.³⁸Vapeli avanji, nemwe ambi mupelwa. Ishiai sha ushendefu - shini shisindiliswe, kimemwa memwa na kikunukha - ambi shikunukha pamafugamilo genyu. Kwa kiva kwa shipimo shoshona shini mutumila kipimila, ishipimo shisho ambi shitumikha kivapimila omwe.''³⁹Bahene wavajovela umufano ugu. ''Wuli umunu mwini mupofu iwesa kumulongosa umunu uyunji mupofu? Nda agahe ndeno, basi wona ambi vigwilila mulilindi, wuli nda vasadubujila? ⁴⁰Umwanafunsi asiva mukhome kishila umwalimu wakwe, lakini shila munu nda afundiwe kwa unofu ambi iva ngaja mwalimu wakwe.⁴¹Ino kwanshii ukishilolela ishibansi shini shili muliho lya kholo lwakho, ni boriti lini lili muliho lyakho usikililelela? ⁴²Wuwesa wuli kumujovela ukholo lwakho, ''Munyalukholo, nilomba nishiwuse ishibansi shini shili muliho lya kholo lwakho,' nayuwe usilolela iboriti yini yili muliho lyakho yuwe? Mumyansi owe! Tangusina yihumya iboliti ku liho lyakho yuwe. bahene ambi ukilwaga unofu kihumya ishibansi kuliho lya kholo lwakho.⁴³Kwa kiva kusina umupishi umunofu gwini gwisava amatunda amavi, wala kusina umupishi umuvi gwini gwisava amatunda amanofu. ⁴⁴Kwa kiva shila mupishi gwimanyikha kwa matunda gakwe. Kwa kiva avanu vasiyava itini kihuma ku minfa, wala vasiyava isabibu kihuma ku michongoma.⁴⁵Umunu munofu ku akiba inofu ya numbula yakwe ihumya gini manofu, nu munu umuvi kuakibaimbofu ya numbula yakwe ihumya gini mavi. Kwa kiva umulomo gwakwe gulogola gala gini gaimemile inumbula yakwe.⁴⁶Kwanshii mukinihemela , 'Mtwa, Mtwa', na bado musikigasenga gala nikigalogola? ⁴⁷Shila munu mwini iyinsa kunyangu na kugapulikha amajowo ganguna kugasenjela insengo, ambi nikivawonensa hini ashwali. ⁴⁸Ihwanana nu munu mwini isenga inyumba yakwe, mwini ijima pansi mandu, na kisenga umsingi gwa nyumba kushanya ya mwamba umukhangafu. Amafulikho pini gayinsaga, amapolomokho ga malenga gaitovaga inyumba, lakini gaikhawesise kuihegensa, kwa kiva yikhandi yisenjilwe unofu.⁴⁹Lakini yeyona mwini ipulikha iliswi lyangu na asikilipulisa; umufano gwakwe yu munu mwini asenjile inyumba kushanya ya nyii na bila ya kiva na musingi, umukhoga pini wayiyishila kwa ngufu, inyumba yila yapata amaangamisi makhome.

¹Baada ya Yesu kimala shila shinu shini akhandi ilogola kwa vanu vini vamupuliaga, wahulutaga Kukaprenaumu.²Umwanandeje yumonga wa akida, akhandi wa thamani mandu kunyakwe, akhandi mutamu mandu na akhandi ali kholela kifwa. ³Lakini pini wapulikhaga kihusu Uyesu, yula uakida wamufilikhaga umulongosaji wa shiyahudi, kimulomba ayinse kimukulusa umwanandeje wakwe ili asikhafwisaga. ⁴Pini vafikhaga kholela nu Yesu, vamulombaga mandu na kija, '' ifwaya kija wupaswa kigaha ndeni kwa ajili yakwe, ⁵Kwa kiva akilidobokha ilitaifa lyeu, na ndiyo mwini wasengaga isinagogi kwa ajili yesu''.⁶Uyesu wayendelelaga nu lushulo lwakwe bahamo nawo. lakini khabla asinalute kutali ni nyumba uafisayumo wavafilikhaga amarafiki vakwe kilogola numwene. ''Mtwa, usikhaikhatasaga yuwe kwa kiva one nisifwaya owe kihuluta ku nyumba yangu. ⁷Kwa sababu iyi nisikhahivila hata one kija nifwaya kiyinsa kunyakho, lakini logola iliswi tu nu mtumishi wangu ambi iponeswa. ⁸Kwa kiva nayune nili munu mwini nivishilwe ku mamulakha na nina vasulukhali pansi yangu. Nija kwa uyu ''Luta'' na iluta, nu kwa yunji, ''Yinsa'' numwene iyinsa, na kwa mutumishi wangu ''Gaha ihi', numwene igaha''.⁹Uyesu pini wapulikhaga aga washangalaga, na wavasetushila avanu vini vakhandi vakimufwata na kija. ''Nikivajovela, hata ku israeli, nisinajelaje imwaga umunu umunya lihuvi likhome ngaja uyu. ¹⁰Bahene vala vini vakhandi vafilishwe vatinaga kukhaya na kimwaga umutumishi ali musima.¹¹yumonga baada ya aga, yawonekhaga kija Uyesu akhandi ishula kiluta ku mji gwini gushemelwa Naini. avanafunsi vakwe valuta bahamo numwenevifwatana nuumati wa vanu. ¹²Pini vafikhaga Kumulyango gwa lijiji lelela, umunu mwini afwile akhandi asumwilwe, na yu mwana mwini ali mwene kwa nyina. mwini akhandi mjane, nuumati avawakilishi kihuma kujiji vakhandi bahamo numwene. ¹³Pini wamwagaga, Umtwa wamuhejelelaga kwa luungu lukhome mandu kunyakwe na wamujovela, ''Usikhakholaga''. ¹⁴Bahene wahejelaga pamwandi walikhata ilijenesa lini vakhandi vasumulile umuvili, na vala vini vakhandi vasumwile vayima waja ''Mudimi nija yima'' ¹⁵Mwini afwile wayinukha na wakhala pansi na wayansa kilogola. Bahene Uyesu wamutawula kwa nyina.¹⁶Bahene uwoga wawamemaga wona. vayendelelaga kimusufya Unguluvi vija ''Umukuvamalago mukhome wayinulwa munyesu'' nu ''nguluvi wavalolela avanu vakwe'' ¹⁷Isi ihabari inofu sa Yesu sayenelaga Kuyudea yona na ku mikhoa gona gakholela.¹⁸Avanafunsi va Yohana vamujovelaga amajowo aga gona. ¹⁹Bahene Uyohana wavashemela vavili va vanafunsi vakwe na kivafilikha kwa Mtwa kija ''Owe ndiyo yula mwini iyinsa, au kuna munu uyunji timuhivilile? ²⁰Pini vafikhaga kholela nu Yesu ava vaja, '' Uyohana umubatisaji watifilikha kunyakho kija, 'Owe ndiyo yula mwini iyinsa au kuna yunji timuhivilile?''²¹Umuda ugo wavaponesaha avanu vinji kihuma ku matamu na malawo, kihuma ku roho inshafu, na vanu avapofu wavapelaga kilolela. ²²Uyesu wajibu na kija kunyanave. ''Baada ya kiva mwaluta kwini mwahumilila ambi mukimujovela Uyohana shini washaga na shini mwapulikha. Avanya upofu vipata kilolela na valema vijenda, avanya ukoma vivalaswa, na vini vasipulikha vipulikha, vini vafwile vifufulwa na kiva vasima khanji, avapina vijovelwa ihabari inofu. ²³Nu munu mwini asilekha kuniyamini one kwa sababu ya matendo gangu ana barakha''.²⁴Baada ya va;la vini vafilikhwa nu Yohana kitina kwini vahuma, Uyesu wayansaga kilogola kwa vanu kihusu Uyohana, ''Mwalutaga kunja kilolela nshii, umulansi pini guhegeswa nilipepo? ²⁵lakini mwaluataga kunja kilolela nshii, umunu mwaini afwalile unofu? lelela avanu vala vini vifwala amenda ga shifalme na kikhala amaisha ga starehe vali ku nafwasi sa shifalme. ²⁶lakini mwita kunja kilolela nshii, Mukuvamalago? Ndiyo, nilogola kunyenyu na saidi mandu kishila umukuvamalago.²⁷Uyu ndiyo mwini wayandikhwagwa, ''Lelela, nikimufilikha umujumbe wangu pamwandi ya meho genyu, mwini akhayandala insila kwa ajili yangu, ²⁸Nilogola kunyenyu, ku vala vini vasawagwa nu mudaka, kusina umukhome ngaja uyohana, lakini umunu mwini asili muhimu mandu mwini ambi ikhala nu Nguluvi amahala pini akwali umwene, ambi iva mukhome kishila Uyohana.''²⁹Na vanu wona pini vapulikhaga aga bahamo na vakunganiya uushuru, vatangasaga kija Unguluvi yu munya Haki. Vakhandi vakwali munyanave vala vini vanatiswagwa kwa ubatiso wa Yohana. ³⁰Lakini amafarisayo na vataalamu va sheriya sa shiyahudi, vini vasikhabatisiwe nu mwene vakhanaga ihekima sa Nguluvi kwa ajili yanave vavene.³¹Khanji niwesa kivalinganisa ni nshii avanu va shisasi ishi? Vali wuli hasa? ³²Vihwanana na vana vini vinena kulieneo lya sokho, vini vikhala na kishemelana yumo baada ya yunji vija, ''Taputa umulusi kwa ajili yenyu, na musikhanenile. taombolesa na musikhakholile.''³³Uyohana umubatisaji wayinsaga asikhalile umukhate wala king'wela uujimbi, na mwajovaga ''Ana lipepo. ³⁴Umwana wa Munu wayinsawalya na king'wela na mwaja, ''Lelela ali mulyanfinda na mugasi, muyine vakunganiya uushuru na vanya sambi! ³⁵Lakini ihekima yamanyikha kija yina haki kwa vanakwe wona.''³⁶Yumo wa mafarisayo wamulombaga Uyesu alute kilya bahamo numwene. Baada ya Yesu kihuluta kukhaya ya mfarisayo, wayegamaga ku mesa ili alye. ³⁷Lelela kukhandi nu mudala yumo ku jiji ilyo mwini akhandi ni sambi. Wamanyaga kija akhandi ikhala kwa mfarisayo, waletaga insupa ya mafuta. Wayimaga munyuma yakwekholela na magulu gwakwe kwa manyosi. ³⁸Na wayansaga kidodovesa amagulu gakwe kwa manyosi, na kugafuta kwa nyele sa kumtwe gwakwe, akimubusu amagulu gakwe na kugapakha amafuta.³⁹Nu yula umfarisayo mwini akhandi amulalishe Uyesu pini walwagaga ndeno, wahivaga yumwene waja, ''Nda uyu umunu wa ave mukuvamalago, nda wamanya uyu yu nani na aina nshii ya mudala mwini wamukhata, kija yu munya sambi. ⁴⁰Uyesu wajibu na kimujovela, ''Simoni nina shinu sha kukujovela. ''Waja'' ''Shilogola tu mwalimu!''⁴¹Uyesu waja ''Kukhandi na vadaiwa vavili kwa mukhopesaji yumo. Yumo akhandi idayiwa dinari mia tano nu wa uvili idayiwa dinari hamsini. ⁴²Na pini vakhandi vasina ihela ya kimuhomba wavasamehaga wona. Ino yu nani ambi akimudobokha mandu? ⁴³Usimoni wamujibu na kija, ''Nihiva mwini wasamehewa mandu.'' Uyesu wamujovela, ''Wahiga kwa unofu.''⁴⁴Uyesu wamusetushila umudala na kija kwa kwa Simoni, ''Ukimwaga uyu umudala. Nahuluta Kunyumba yakho. Usanipela amalenga kwa ajili ya magulu gangu, lakini uyu, kwa manyosi gakwe, wadodovesa amagulu gangu na kugapuguta kwa nyele sakwe. ⁴⁵Usanibusu, lakini umwene, kihuma pini wahuluta muno asalekha kunibusu amagulu gangu.⁴⁶Usagapakha amagulu gangu amafuta, lakini wanipakha amagulu gangu kwa mafuta. ⁴⁷Kwa lujowo ulu, nikikujovela kija akhandi ni sambi nyinji na wasamehewa mandu, na kahnji wadobokhaga mandu. Lakini mwini wasamehewa kidogo, idobokhaga kidogo tu.''⁴⁸Bahene wamujovela umudala, ''Isambi sakho sasamehewa'' ⁴⁹Vala vini vakhala pamesa bahamo numwene vayansaga kilogonsaniya vene kwa vene, ''Uyu yu nani mpakha isamehe isambi? ⁵⁰u Yesu wamujovela mudala, ''Ilihuvi lyakho lyakukulusa. Luta kwa amani''

¹Yawonekhagamuda mufupi panyuma kija Uyesu wayansa kishula ku miji na majiji mbali mabali, ihubiri na kitangasa ihabari inofu sa uufalme wa Nguluvi na vala kumi na mbili valutaga numwene, ²shishila na vadala vamonga vini vakhandi vaponesewe kihuma ku roho inshafu na vatamu mbalimbali. Vakhandi yu Mariamu mwini washemelwagwa Magdalena mwini akhandi ahumisiwe mapepo saba. ³Uyoana mudala wa Kuza nu meneja wa Herode, Ususana, na vadla avanji vinji, vini vahumyaga imali sanave kwa ajili yanave vavene.⁴Na baada ya uumati wa vanu kikunagana bahamo, vakhali vakwali na vanu vini vayinsaga kunyakwe nihuma amiji mbalimabali, ilogola na vene kwa kitumila aamafano. ⁵''umuvyalaji walutaga kivyala imbeyu, pini akhandi ivyala, imbeyu isinji sagwasaga mwambwa ya nsila sakhanya pansi ya magaulu, ni nyuni sa kushanya salya. ⁶Imbeyu isinji sagwisaga kushanya ya ulongo wa miamba na pini salembaga na kiva imbeyu snini sipolile kwa kiv vakhandi vasina uunyenyekefu.⁷Imbeyu isinji sagwisaga kumapishi ga minfa, nagene ago amapinshi ga minfa gakulaga bahamo ni sila mbeyu na sagubikhwa. ⁸Lakini imbeyu isinji sagwisag kuulongo wini wufwaya na sasava amasawo mara mia saidi. '' Baada ya Yesu kilogola amajowo aga, watansaga ishauti,'' Yeyona mwini ana makutu ga kipulikha na apulishe.''⁹Khanji avanafunsi vakwe vamuposaga imaana ya mfano ugo, ¹⁰Uyesu wavajovela, ''Mupelilwe uupendeleo wa kimanya isiri sa ufalme wa Nguluvi, lakini avanuvinji ambi vifundiswa tu kwa mafano, ili kija 'nda valwaje vasikhalolelaga na nda vapulishe vasikhayelewaga.''¹¹Na iyi ndiyo maana ya mfano ugu. Imbeyu ndiyo liswi lya Nguluvi. ¹²Imbeyu sila sini sagwisaga kumwambwa ya nsila ndiyo vala avanu vini vapulikhaga iliswi, na panyuma umuvi ushetani akilitola kutali kihuma munumbula, ili kija vasikhayaminigi na kikulusiwa. ¹³Bahene na sila sini sagwisaga kumwamba ni vala avanu vini vipulikha iliswi na kuliposhela kwa ushendefu lakini vassina indela sosona, viyamini tu kwa muda mufupi, na ishipindi sha majaribu vigwa.¹⁴Ni mbeyu sila sini sagwililaga ku minfa ni vanu vini vipulikha iliswi, lakini pini viyendelela kikula vikhatwa ni huduma nu utajiri nu unofu wa maisha aga vasisava amatunda. ¹⁵Lakini sila imbeyu sini sagwililaga kiilongo unofu ni vala avanu, vini vali vanyenyekefu ni numbula inofu, baada ya kulipulikha iliswi vakilikhatilila na liva salama na kisava amatunda ga ufumilifu.¹⁶Ino, kusina hata yumo, mwini ivesaitala na kuigubikha ni bakuli au kuivikha pansi ya shitanda. Badala ya kuivikha kushinara sha tala ili kija shila mwini ihuluta awese kilolela. ¹⁷Kwa kiva kusina shini ambi shikiifiha shini shisikhamanyikha, au shoshona shini shi musiri shini shisingamanyikha nda shili ku mwanga. ¹⁸ino uve makini pini wiva wupulisa. Kwa kiva wini anasho, kunyakwe ambi iyonjelewa, lakini mwini asina ahata hila ishidodo shinianasho ambi shitolwa.''¹⁹Panyuma unyina wakwe Uyesu na vakholo lwakwe vayinsaga kunyakwe vasikhahejelile kwa sababu ya umati wa vanu. ²⁰Na wajovelwa, ''Umama wakho na vakholo lwakho vali kunja visakula kikwaga owe. ²¹Lakini, Uyesu wajibu waja ''Umama wangu na vakholo lwangu ni vala vini vakilipulikha iliwi lya Nguluvi na kuliheshimu.''²²Yawonekhaga ulusiku lumo kunsiku sila Uyesu na vanafunsi vakwe watanaga kushipugo, na wavajovela, ''Na tilowoshe kumwambwa ya uvili ya ziwa.'' Vayandala ishipugo shanave. ²³Lakini pini vayansaga kiwukha, Uyesu wagonelela utulo, ni dhoruba ikhali iyinya lipepo, nishipugo shanave shayansaga kimema amalenga na vakhandi ku dhoruba ikhome mandu.²⁴panyuma avanafunsi vakwe vayinsa kunyakwe na kumudamusa, vija, ''Mtwa mukhome! Mtwa mukhome! tili kholela kifwa!'' Wadamula na walikhajila ilipepo na mawimbi ga mumalenga gatulila na kwava nuutulifu. ²⁵Khanji wavajovela, ''Ilihuvi lyenyu lil kwii?'' Vatila, Vashangalaga, valogonsaniya shila yumo nu muyine,'' Uyu yu nani, mpakha ikhajila hata ilipepo, na malenga na fikimupulisa?''²⁶Vafikha kunyii ya Gerasini yili yili lubali lwa kunyuma Kugalilaya. ²⁷Uyesu pini wayikhaga na kikhanya kunyii, umunu yumonga kihuma kumjini, watanganaga numwene, nu uyu umunu akhandi ni ngufu sa kunshisi. Kwa muda mwinji akhandi asifwala amenda, na akhandi aikhala Kunyumba, lakini akhandi ikhala kumakaburi.²⁸Pini wamwagaga Uyesu wakhola kwa shauti, na wagwa pansi pamwandi yakwe. kwa shauti ikhome ija, Nagaha nshii kunyakho, Yesu mwana wa Nguluvi mwini ali kushanya? Nikikulomba, Usikhanitovaga one'' ²⁹Uyesu waijovelaga iroho inshafu imupoel umunu yula, kwa kiva ara nyinji akhetwe. hata nda akhandi apinyilwe amanyoror na kibanwa na kivikhwa pansi ya ulisni, wadenyaga ififungo na kiyendewa na mapepo mpakha kunyikha.³⁰Uyesu wamuposa, ''Ilitawa lyakho yuwe nani?'' wajibu waja, ''Legioni'' Kwa kiva amapepo minji gahuluta kunyakwe. ³¹Gayendelelaga kimulomba asikhatijovaga tilute kulilindi.³²Ilikundi lya Ngubi likhandi lidimwa kushanya ya shidunda, gamulombaga agayitishe gahulute ku iso ingubi. Na wagayitikhaga kigaha ndeno. ³³ino gala amapepo gamupola umunu yula na kihuluta ku sila ingubi, ni lila ilikundi lyasiga ku mwinukho gwa shidunda mpakha kulisiwa na sajuda umo.³⁴Vala vini vakhandi vidima sila ingubi pini vashagaga shini shapoela, vasiga na vahumya itaarifa pala pamujini na kunja kunyii sini savapilimaga. ³⁵Avanu vini vapulikhaga ago valutaga kilolela hini sahpolela, na vayinsa kwa Yesu na vamwaga umunu mwini amapepo gakhandi gamupola. akhandi afwele unofu nu munya luhala lyona, akhele kumagulu ga Yesu, na vatilaga.³⁶Bahene yumo wanave mwini washagaga shini shapolela wayansaga kivatavilila avanji shini uyu umunu mwini akhandi ilongoswa na mapepo shini waponeswa. ³⁷Avanu wona va kumukhoa gwa Vagerasi na maeneo gini gapilime vamulombaga Uyesu awushe kunyanave kwa kiva vakhandi nu woga mukhome. Na wahulutaga kushipugo ili atine.³⁸Umunu yula mwini wapolwagwa na mapepo wamulombaga Uyesu kiluta numwene, lakini uyesu wamujovelaga alute na kilogola, ³⁹''Tina kukhaya yakho na uvase gala gona gini Unguluvi wakugahila'' Umunu uyu wawukhaga, itangasa pona kunyii yona gala gona gini Uyesu wagasenga kwa ajili yakwe.⁴⁰Nu Yesu watina, avanu vamukhalibisa, kwa kiva wona vakhandi vakimuhepelesa. ⁴¹Lelela wayinsa umunu yumo mwini ishemelwa yairo yumo kuvalongosaji va sinagogi. Uyairo wagwa pamagulu ga Yesu na kimulomba alute kukhaya yakwe, ⁴²kwa kiva akhandi yu mwana muhinja yumo tu, umunya makha kumi nambili, na khandi ku hali ya kifwa. Na pini akhandi iluta, avanu vakhandi vakimubunkha kunyakwe.⁴³Umudala umunya kipolwa ni danda kwa makha kumi na mbili akhandi pala na watumilaga ihela sona kwa vaganga, lakini kusina mwini wamuponesaga ahata yumo, ⁴⁴wayinsaga munyuma ya yeu na kimukhata ulupembo lwa mwenda gwakwe, na baho kipolwa idanda kwalekha.⁴⁵Uyesu waja, ''Yunani mwni wanikhata?'' Pini vakhanaga wona, Upetro waja, Mtwa mukhome, uumati wa vanu vakikubunkha na vakikulongola.'' ⁴⁶Lakini Uyesu waja, ''Umunu yumo wanikhata, kwa kiva namanya ingufu sapola kunyangu.''⁴⁷Umudala pini walwagaga kija asiwesa kifiha shini washigaha, wayansaga kitetema, wagwa pansi pamwandi ya Yesu watangasaga pamwandi ya vanu wona isababu sini samutwala amukhate na ndenela shini waponeswa ghafla. ⁴⁸Bahene waja kunyakwe, ''Muhinja, ilihuvi lyakho lyakugaha uve musima. Luta kwa Amani.''⁴⁹Pini akhandi iyendelela kilogola, umunu yumo wayinsaga kihuma kunyumba ya mulongosaji wa sinagogi, ija, ''Umuhinja wakho wafwa. Usikhamulafyaga umwalimu.'' ⁵⁰Lakini Uyesu pini wapulikhaga ndeno, wamujibugu, ''Usikhatilaga. Yamini tu, na ambi ikuluswa.''⁵¹Bahene pini wahulutaga kukhaya iyo, asikhayitishe umunu yeyona kihuluta bahamo numwene, isipokiva Upetro, Uyohana nu Yakobo, uwihe wakwe muhinja, nu nyina wakwe. ⁵²Ino avanu wona vakhandi viombolesa na kihumya ishauti kwa ajili yakwe, lakini waja, ''Musikhalyovaga, asifwile, lakini agonile tu.'' ⁵³Lakini vamuhekha kwa kumusala, vayelewaga kija wafwa.⁵⁴Lakini Umwene, wamukhata umuhinja iliwokho, washemela kwa shauti, ija, ''Mwanishe, yima'' ⁵⁵inumbula yakwe yamutinila, na wayimaga umuda gugo. Walamulisaga kija, apelwe ishinu shimonga kwa ajili alye. ⁵⁶Avasasi vakwe vashangasagwa, lakini wavajovelaga vasikhamujovelaga umunu shini shikhandi shapolela.

¹Wavashemelaga vala kumi na mbili bahamo, wavapelaga uuweso na mamulakha kumapepo gona na kiponesa avatamu. ²Wavafilikha valute kihubiri uufalme wa Nguluvi na kiponesa avatamu.³Wavajovela, ''Musikhatolaga shoshona kwa ajili ya lushulo lwenyu wala nkhwegu, wala mkoba, wala mukhate, wala ihela wala musikhatolaga ikansu sivili. ⁴Inyumba yeyona yini ambi mwihuluta, khali umo mpakha pini ambi muwukha amahala apo.⁵Na kwa vala vini vakivaposhela, pini mukhawukha inyii iyo, yikung'uni amankhundi kumagaulu genyu kwa ushuhuda kushanya yanave''. ⁶Vawukhaga na kiluta kishilila kufijiji, vitangasa ihabari inofu na kiponesa avanu shila mahala.⁷Ino Uherode, mtavala, wapulikhaga gona gini gakhandi gipolela wlavaga mandu, kwa kiva yalogolwagwa na vamonga kija Uyohana mubatisaji wafyukha kihuma kwa vini vafwile, ⁸na vamonga kija Ueliya tyari wapola, na kwa vanji kija yumo wa vakuvamalago va pakhala wafyukha kihuma kwa vini vafwile khanji. ⁹Uherode wajovaga, ''namushinjala Uyohana, lakini uyu yu nani mwini nipulikha ihabari sakwe? Nu Herode wasakulaga insila ya kimwaga Uyesu.¹⁰Pini vatinaga vala vini vafilikhwa, vamujovela shila shinu shini vasengaga. Wavatolaga bahamo numwene, walutaga mwene kunyii yini yishemelwa Bethsadia. ¹¹Lakini avanu vapulikhaga kihusu ili vamufwata, na pini wavakhalibisaga, na walogolaga nawo kihusu uufalme wa Nguluvi, na wavaponesaga vala vini vasakulaga kiponesewa.¹²Ulusiku lwayansaga kisila, na vala kumi na mbili valuta kunyakwe na kija, ''Vapalakhaniya avanu kija valute kufijiji fya kholela na kumujini valute kisakula kituya ni shakilya, kwa kiva tili kueneo lya kunyikha.'' ¹³Lakini wavajovela, 'Omwe vapeli ishinu sha kilya.'' Vaja ''Tisina saidi ya fisanu fya makhate ni nswii sivili, isipokiva nda taluta na kigula ishakilya kwa ajili ya kusanyikho ili lya vanu.'' ¹⁴Kukhandi na vagosi ngaja elfu tano pala. Wavajovela avanafunsi vakwe. ''Vakhasi pansi ku makhundi ga vanu ngaja hamsini kwa shila shipuga.¹⁵Ino vagaha ndeno na vanu vakhala pansi. ¹⁶Watola amakhate gasanu ninswii sivili na walolela kushanya, wafibarikhi, na kufimenyaniya ku fipande, wavapela avanafunsi vakwe ili vafivishe pamwandi ya vanu. ¹⁷Wona valisaga na vaikuta, nifipande fya shakilya na vaikuta, nifipande fya shakilya fini fyasigalaga fyaholwagwa na kimemya ifkhapu kumi na mbili.¹⁸Niyene yene yavesaga kija, pini akhandi ilomba mwene duguli, avanafunsi vakwe vakhandi bahamo numwene, na wavaposaga waja, ''avanu vija one yune nani?'' ¹⁹Vajibu, vaja, ''Yohana Mubatisaji, lakini avanji vija Eliya, na vanji vija yumo wa vakuvamalago wa fipindi fya pakhala wafyukha khanji.''²⁰Wavajovela, ''Lakini omwe mwija one yune nani?'' Wajibu Upetro waja, ''Kristo kihuma kwa Nguluvi.'' ²¹Lakini kwa kivalapila, Uyesu wavayelesaga kilekha kumujovela yeyona kihusu ili, ²²waja kija umwana wa Adamu lasima alave kwa majowo minji na kikhanwa na vagosivaha na Makuhani vakhome na vaandishi , na ambi ibudwa, nulu siku lwa utatu ambi ifyukha.²³Wavajovela wona, ''nda umunu yeyona isakula kunifwata, lasima aikhane yumwene, atole umsalaba gwakwe shila lusiku, na anifwate. ²⁴Yeyona mwini ijesa kigakulusa amaisha gakwe ambi akigayasa, lakini yeyona mwini iyasa amaisha gakwe kwa faida yangu, ambi akigakulusa. ²⁵Wuli ambi shikimufwaya nshii umwanadamu, nda uwupate uwulimwengu wona, lakini ayase au apate ihasara ya nafsi yakwe?²⁶Yeyona mwini ambi akiniwonela insoni one ni njowo sangu, kunyakwe umwene umwana wa Adamu ambi akimuwonela insoni pini akhava kuutukufu wakwe, nuutukhufu wa Baba na vamalaikha avatakhatifu. ²⁷Lakini nikivajovela uukweli, kuna vamonga venyu vini vayimile panu, vasikhajesa imauti mpakha vawaje uufalme wa Nguluvi.''²⁸Yawonekhaga ngaja nsiku nane baada ya Yesu kilogola amajowo aga kija ambi akivatola bahamo numwene Upetro, Uyohana nu, Yakobo, vatansa kushidunda kilomba. ²⁹Na pini akhandi ilomba, uweni wakwe wasetukhaga, na menda gakwe gavesaga mavalafu na ga king'ala.³⁰Na lelela, vakhandi vakwali vagosi vavili vilogola numwene! Vakhandi Umusa nu Elia, ³¹vawonekhaga ngaja utukufu. Valogolaga kihusu kiwukha kwakwe, ulujowo lwini wahejelelaga kulutimisa Kuyerusalemu.³²Ino Upetro na vala vini vakhandi bahamo numwene vakhandi kutulo mandu. Lakini pini vadamulaga, vawagaga uutukufu wakwe na vagosi vavili vini vakhandi vayimile bahamo numwene. ³³Yawonekhaga kija, pini vakhandi viwukha kwa Yesu, Upetro wamujovela, ''Mtwa, lunofu kunyesu kikhala panu na yikitipasa titende ifibanda fya vanu vatatu. Titende shimo kwa ajili yakho, shimo kwa ajili ya Musa, ni shimo kwa ajili ya Eliya.'' Asikhayelewe shini akhandi ilogolela.³⁴Pini akhandi ilogola ago, lyayinsaga ilifunde na lyavagubikha; na vatilaga pini vawonaga vapilimwe nilifunde. ³⁵Ishauti yapola kulifunde yija, ''Uyu yu Mwanangu umubagule. Mupulisi umwene.'' ³⁶Ishauti pini yasisimaga, Uyesu akhandi mwene duguli. vakhalaga myaa, na kunsiku iso vasikhamujovele lyolyona mu vala vini valwagaga.³⁷Ulusiku lwin lwafwataga, baada ya kihuma kushidunda, ilikusanyikho likhole lya vanu lyatanganaga numwene. ³⁸Lelela, umugosi kihuma kwa vanu wakholaga kwa shauti, ija, ''Mwalimu nikikulamba umulele umwanangu, kwa kiva yumwanangu mwini ali mwene. ³⁹Ukiyaga iroho inshafu yikimukhata, na ilyova, na khanji yikimugaha ayalangane na kihumwa na mata mumolomo,. Niyene yikimupola kwa tabu, yikimusababisa amaumifu makhali. ⁴⁰Navalombaga avanafunsi vakho vaidaje. lakini vapotwagwa.''⁴¹Uyesu wajibu waja, ''Omwe shisasi shini shisiyamini na shini shiyajile, mpakha payoli ambi nikhala nomwe na kitolelana nomwe? Muleta umwanakho panu.'' ⁴²Umudimi pini akhandi iyinsa iroho inshafu yamugwisaga pansi na kimuhegesa kwa fujo. Lakini Uyesu waidagaga yila iroho nshafu, wamuponesaga umudimi,mna kimutawule kwa wihe.⁴³Wona vashangasagwa nu ukhome wa Nguluvi. Lakini pini vakhandi vishangala wona kwa gona gini gasenjekha, walogola kwa vanafunsi vakwe, ⁴⁴''Amajowo gavakhale mumakutu genyu, kwa kiva Umwana wa Adamu akhawusiwa mumokho ga vanadamu.'' ⁴⁵Lakini vasikhayelewe imaana ya majowo ago, na gini gafihilwe pameho ganave, ili vasikhayinsaga valiyelewe. Vatilaga kimuposa kihusu iliswi ilyo.⁴⁶Bahene umugogoro gwayansaga munyanave yili kushanya ya nani nda wava mukhome. ⁴⁷Lakini Uyesu pini wamanyaga vakhandi viposaniya munumbula sanave, wamutolaga umwana umunang'ana, na kumuvikha kulubali lwakwe, ⁴⁸na waja, ''nda umunu yeyona amuposhele umwana munang'ana ngaja uyu kwa litawa lyangu, akiniposhela na yune, na mwini ambi akiniposhela one, wamuposhela wope mwini wanifilikha, kwa kiva mwini munang'ana kunyenyu wona ndiyo mwini mukhome''⁴⁹Uyohana wajibu waja, ''Mtwa, tamwagaga umunu idaga amapepo kwa litawa lyakho na tamukhanaga, kwa kiva asifwatana nose.'' ⁵⁰Lakini Uyesu wavajovela, ''Musikhamusivilaga, kwa kiva mwini asili shinyume nomwe ni wa kunyenyu''⁵¹Yapolelaga kija, kilingana ni nsiku shini sikhandi sihejelile insiku sakwe sa kiluta kushanya, kwa ukhangafu walelelaga uweni wakwe Kuyerusalemu. ⁵²Wafilikha avajumbe pamwadi yakwe, navene valuta na kihuluta kushijiji sha Vasamaria ili vamuyandalile isehemu. ⁵³Lakini avanu uko vasikhamuposhelile, kwa kiva akhandi ilelela uweni wakwe Kuyerusalemu.⁵⁴Avanafunsi vakwe Uyakobo nu Yohana pini valyagaga ili, vaja, ''Mtwa wusakula tishemele umoto guyishe pansi kihuma kushanya guvanyanye?'' ⁵⁵Lakini wavasetushilaga wavakhana. ⁵⁶Bahene valutaga ishijiji ishinji.⁵⁷Pini vakhandi viluta ku nsila yanave, umunu yumo wavajovela, ''Ambi nikikufwata popona pini wiluta.'' ⁵⁸Uyesu wammujovela, ''Imbweha sa mumalindi, inyuni sa kushanya sina fiwanso, lakini umwana wa Adamu asina pa kulambalisisa umutwe gwakwe.''⁵⁹Bahene wamujovela umunu uyunji, ''Nifwata.'' Lakini umwene waja, ''Mtwa, niyitikha tangusine nilute nimusile ubaba wangu,'' ⁶⁰Lakini umwene wavajovela, ''Valeshi vini vafwile vavasile vini vafwile vayanave, lakini owe luta utangae uufalme wa Nguluvi shila mahala.''⁶¹Khanji umunu uyunji waja. ''ambi Nikikufwata, Mtwa, lakini niyitikha tangusina nivahwese vini vali kukhaya yangu.'' ⁶²Lakini Uyesu wamujovela kusina umunu, mwini iponya iliwokho lyakwe kilima na kilolela munyuma mwini ambi ifwaya kwa ufalme wa Nguluvi.''

¹Baada ya majowo ago, Umtwa wahagulamsabini avanji, na kivafilikha vavili vavili vamulongole ku shila mji ni lieneo lini isakula kiluta. ²Wavajovela, ''Amafuno gali minji, lakini avasenga nsengo vadodo. Ino basi mulombi Umtwa wa mavuno, ili kija afilishe nyangu avasenga nsengo ku mavuno gakwe.³Luti kunyii. Leleli, nikivafilikha ngaja kholo pakhati ya mbwa sa mumahakha. ⁴Musikhasumulaga umufukho gwa hela, wala amabegi ga vashulaji, wala ndatu, wala musikhamuhunjilaga yeyona munsila.⁵Ku khaya yeyona yini ambi muhuluta, tangusina jovi, 'Iamani yiva ku nyumba iyi.' ⁶nda umunu wa amani akwali pala, iamani yenyu ambi yiigala kushanya yakwe, lakini nda akusina, ambi yitina kunyenyu. ⁷Sigali ku nyumba iyo, mulye na kigw'ela shini ambi mukishihumya, kwa kiva umuenga nengo ifwaywa umusahahara gwakwe. Musikhahamaga kihuma inyumba iyi kiluta iyinji.⁸Inyii yeyona yini mwihuluta, na ambi vakivaposhela, lisaji shohona hini ambi shivikhwa pamwandi yenyu, ⁹na ponesaji avatamu vini vakwali umo. Logoli kunyanave, ''Uufalme wa Nguluvi wayinsa kholela yenyu'¹⁰Lakini kunyii yeyona yini ambi mwihuluta, na veleshe kivaposhela, luti kunja ku barabara na mje, ¹¹'Hata linkhundi kunyii yenyu lini linata mumagulu gesu tikilikung'una sidi yenyu! Lakini manyi ili, Uufalme wa Nguluvi uli kholela,' ¹²Nikivajovela kija uluiku lwa uhigo ambi yiva usitahimilifu mandu kwa Sodoma kishila unyii iyo.¹³Ole kunyakho korazini, Ole wakho bethsaida! nda nsengo khome ini sasenjekha mukhati yakho nda sasenjekha Kutiro na Kusidoni, Nda vatubu muda sana, nda vakhala mukhati ya menda ga magunia na mafulikhoo. ¹⁴Lakini ambi yiva ufumilifu mandu ulusiku lwa uhigo kwa Tiro ni Sidoni kishila omwe. ¹⁵Owe Kapernaumu, Wuhiva ambi wuyinulwa mpakha Kushanya? Hapana, ambi wuyiwa pansi mpakha kusimu¹⁶Mwini ambi akivapulisa omwe akinipulisa one, na yeyona mwini ambi akivakhana akinikhana one, na yeyona mwini akinikhana one akimukhana mwini wanifilikha''¹⁷Vala sabini vatinaga kwa ushendefu, vija, ''Mtwa, hata amapepo gakikupulisa kishilila ilitawa lyakho.'' ¹⁸Uyesu wavajovela, '''Namwagaga Ushetani igwa kihuma kushanya ngaja radi. ¹⁹Lelela, navapela amamulakha ya kikhanya injikha ni njee, ni ngufu sona sa adui, na kusina shoshona kwa nsila yeyona shini ambi shikivatesa. ²⁰Hata ndeno musikhashendevaga tu ku ili, kija iroho sikivapulisa, lakini shendevi mandu kija amatawa genyu gayandishwe kushanya.''²¹Ku muda gugula washendevaga mandu kishilila Uroho Mtakhatifu, na kija, ''Nikikusufya owe, Baba, Umtwa wa mbingu ni nyii, kwa kiva wagafiha amajowo aga kihuma kwa vanya hekima nuluhala, na kugafwata kwa vini vasifundiswe, ngaja vana vanang'ana. Ndio, Baba, kwa kiva yanojelaga pameho gakho.''²²''Shila shinu shatawulwa kunyangu nu Baba wangu, na kusina mwini amenye Umwana yu nani ila Ubaba, na kusina mwini amaenye Ubaba yu nani ila Umwana, na yeyona mwini Umwana asidobokha kuigubutula kunyakwe.''²³Wavasetushila avanafunsi, walogola pini vali vene, ''Vana barakha vini vakigaga aga gini omwe mukigaga. ²⁴Nikivajovela omwe, kija avakuvamalago vinji na vafalme vadobokhaga kigaga amajowo gini mukigaga, na vasikhagajile, na kipulikha pulikha gini mukigapulikha, na vasikhagapulishe.''²⁵Lelela, umwalimu yumonga wa sheriya ya Shiyahudi wayimaga na kimujesa, ija, ''Mwalimu, nigahe wuli niuhale uusima wa shiluta?'' ²⁶Uyesu wamujovela, ''Yiyandishwe wuli kusheriya? Ukiiyikha wuli?'' ²⁷Wajibu waja, ''''Ambi ukimudobokha Umtwa Unguluvi wakho kwa numbula yakho yona, kwa roho yakho yona, kwa ngufu sakho sona, na kwa luhala lwakho lona, nu jirani wakho ngaja nafsi yakho yuwe.'' ²⁸Uyesu waja, ''Wanijibu unofu. Gaha ndeni na ambi wikhala.''²⁹Lakini umwalimu, wadobokhaga kiivasisa ihaki yumwene, Wamujovela Uyesu, ''Nu jirani wangu yu nani?'' ³⁰Uyesu wamujibu waja, ''Umunu yumonga akhandi iyikha kihuma Kuyerusalemu kiluta Kuyeriko. Wagwililaga pakhati ya vapokhaji, vamupokhaga imali yakwe, na vamutova na kimulekha kholela ya kifwa..³¹Kwa bahati ukuhani yumonga akhandi iyikha ku nsila yiyo, pini wamwagaga washilaga ulubali lunji. ³²Shisho Numulawi wope, pini wafikhaga amahala pala na kimwaga, washila ulubali ulunji.³³Lakini Umusamaria yumo, pini akhandi ishula, washilaga apala pini akhandi umunu uyo. pini wamwagaga, wakhatwagwa nulusungu. ³⁴Wamuhejelela na kimupinya amalonda, wakunula amafuta ga divai kushanya yakwe Wamutansaga kushanya ya munyama wakwe, na kimutwala kunyumba ya vahensa na kimuhudumila. ³⁵Ulusiku lwini lwafwataga watolaga idinari sivili, na wamupela umumilikhi wa nyumba ya vahensa na wamujovela, '''Muhudumila na shoshsona ishinji shini ambi wutumila, ambi nikikuhomba pini ambi nitina.''³⁶Ali kwi ku ava vatatu, wihiva, akhandi jirani kunyakwe umwene mwini wagwililaga pakhati ya vapokhaji?'' ³⁷Umwalimu wajovaga, ''Yula mwini wawonensaga ulusungu kunyakwe.'' Uyesu wamujovela, ''Luta na ugahe shisho''³⁸Ino pini vakhandi vishula, vahulutaga ku shijiji shimonga, nu mudala yumo ilitawa lyakwe Martha pini wamukhalibisaga kukhaya yakwe. ³⁹Akhandi nu dada mwini akhandi ishemelwa Mariamu, mwini wakhalaga pamagulu ga Mtwa na kipulisa iliswi lyakwe.⁴⁰Lakini Umartha waipelaga insengo nyinji sa kiyandala amalyo. Walutaga kwa Yesu, na waja, ''Mtwa, usihiva kija udada wangu wanilekha nihudumayune duguli? Ino basi mujoveli anitanje.'' ⁴¹Lakini Umtwa wamujibu na kimujovela, ''Martha, Martha, wilava ku majowo minji, ⁴²lakini shinu shimo sha muhimu. Umariamu wahagula shini shinofu, shini ambi shisiwusiwa kihuma kunyakwe.''

¹Yawonekhaga pini Uyesu akhandi ilomba amahala pamonga, yumo wa mwanafunsi wakwe wamujovelaga, ''Mtwa, tifundisa ose kilomba ngaja Uyohana shini wafundisaga avanafunsi vakwe'.²Uyesu wamujovela, pini Musali, jova, ''Wihesu, Ilitawa lyakho livalaswe. Uufalme wakho wuyinsa.³Utipela umukhate gwesu gwa shila lusiku. ⁴Utisamehe amakhosa gesu, ngaja ose shini tikivasamehe wona vini vakitikhosela. Usikhatilongosaga mumajaribu.''⁵Uyesu wamujovela, ''Yu nani kunyenyu angava nu rafiki, mwini iva akimulutila pashilo, na kimujovela, muya niyasimya amakhate gatatu. ⁶Kwa kiva kuna muyangu wayinsa isalisi ahumile kulushulo, nayune nisina sha kimuyandalila.' ⁷Na yula mwini ali mukhati wamujibu, usikhanilafyaga, Umulyango tayari gwadindwa, na vanangu. Nisiwesa kidamukha na kukupela owe amakhate. ⁸Nikivajovela, japo asilamukha na kukupela amakhate ngaja umuyine, kwa sababu ya kiyendelela kimuhodesa bila nsoni, ambi idamukha na kukupela ifipande finji fya makhate kilingana na mahitaji gakho.⁹Nayune nikivajovela, Lombi, nayumwe ambi mupelwa; sakuli, nemwe ambi mwipata, hodesi nayumwe ambi mudindulilwa. ¹⁰Kwa kiva shila munu mwini ilomba ambi iposhela, na shila munu mwini isakula ambi ipata, na shila munu mwini ihodesa, umulyango ambi gudindulwa kunyakwe.¹¹Nu baba mushi munyenyu, umwanakwe nda amulombe inswii akimupela injikha badala yakwe.? ¹²Au nda alombe ilinkhankha akimupela injee badala yakwe? ¹³Ino, nda omwe vini muli vavi mumenye kivapela avana venyu isawadi inofu, wuli yisili mandu kwa Wihenyu wenyu wa kushanya kija asivapele Uroho Mtakhatifu avo vini vakimulomba?''¹⁴Panyuma, Uyesu wa akilidaga ilipepo, nu munu umunya lipepo akhandi bubu, Pini ilipepo lyamupolaga, umunu uyo wawesaga kilogola. Avanu vashangala mandu. ¹⁵Lakini avanu vanji vaja, uyu iwusa amapepo kwa Beelzebul, mukhome wa mapepo¹⁶Avanji vashangalaga na kimusakula avawonense iishara kihuma kushanya. ¹⁷Lakini Uyesu wagamanyaga amahiva ganave na kivajovela, ''Shila uufalme wini ambi wibagukhana ambi yiva pini wiva, ni nyumba yini yagavanyishe ambi yigwa.¹⁸Nda Ushetani ambi iva wagavanyikha, uufalme wakwe ambi wiyima wuli? Kwa kiva mwija nihumya amapepo kwa Belzebuli ¹⁹Nda one nihumya amapepo kwa Belzebuli, wuli avayenyu vihumya amapepo kwa nsila nshii? Kwa sababu iyi, avene ambi vakivahiga omwe. ²⁰Lakini, nda nihumya amapepo kwa ludole lwa Nguluvi, basi uufalme wa Nguluvi wavayinsila.²¹Umunu umunya ngufu mwini ana silaha nda alinde inyumba yakwe, ifinu fyakwe ambi fiva salama. ²²Lakini nda afamilwe nu munu umunya ngufu kimushila, Yula umunu umunya ngufu ambi akimupokha isilaha sakwe, na kusitola imali sakwe sona. ²³Umwene mwini asini none ali shinyume none, numwene mwini asikunganiya none ipalakhaniya.²⁴Ilipepo ilihafu pini likimupola umunu, liluta na kiakula amahala pinipaina malenga ili liituyie. Pini akhava wakhosela, lija, ''ambi nitina kwini nahuma. ²⁵Nda litine na kiyaga ikhaya yifyajilwe na yikhele unofu. ²⁶Bahene liluta na kiakula amapepo saba gini mavi kisila ilyene lilyene na kigaleta gakhale amahala pala. Ni hali ya munu uyo yiva mbii kishila shini akhandi pamwaandi.''²⁷Yawonekhaga kija pini akhandi ilogola amajowo ago, umudala yumonga watansaga ishauti yakwe kishila wona ku mukhutano gwa vanu na kija ''Una barakha uutumbo winiwakusava na mavele gini gakuyonsa'' ²⁸Lakini umwene waja, vana barakha vala vini vipulikha iliswi lya Nguluvi na kulitunsa.²⁹Pini uumati wa vanu vikungana na kiyonjelela, Uyesu wayansa kilogola ''Ishisasi ishi ni shisasi sha uvi. hisakula iishara, na kusina iishara yini vakhapelwa zaidi ya yila iishara ya Yona. ³⁰Kwa kiva nda Uyona shini akhandi ishara kwa vanu va Kuninawi, shisho nu Mwana wa Adamu shini akhava ishara kwa shisasi ishi³¹Umalikia va Kusini ambi iyima ulusiku lwa uhigo na vanu va shisasi ishi na kivahida avene, kwa kiva umwene wahumaga kumwisho gwa nyii ili ayinse kipulisa ihekima sa olomoni, na panu akwali mwini mukhome kishila Usolomoni.³²Avanu va Kuninawi vakhayima kuuhigo bahamo na vanu va shisasi ishi ulusiku lwa uhigi vakhahigwa, kwa kiva avene vatubugu kwa mahubiri ga Yona, na lelela, panu akwali mwini mukhome kishila Uyona.³³Kusina Umunu yeyona, mwini ivesa itala na kuivikha isehemu ya pansi iyinya nshisi yini yisiwonekha au pansi ya shikhapu, ila ivesa na kuivikha pashanya ya shinu ili shila munu mwini ihuluta awese kigwaga umwanga. ³⁴Iliho lyakho ni tala ya muvili. Iliho lyakho nda live linofu basi umuvili gwakho gonaambi gwiva kumwanga. Lakini iliho lyakho nda live livi basi umuvili gwakho gona ambi gwiva kunshisi. ³⁵Ino, muve meho ili umwanga gwini guli mukhati yenyu gusikhaponywagwa inshisi. ³⁶Ino basi, nda umuvili gwakho gona guli ku mwanga, kusina isehemu yini yili kunshisi, basi umuvili gwakho ambi gwaiva sawa ni tala yini yivekha na kihumya umwanga kunyenyu.''³⁷Pini wamalaga kilogola, Umufarisayo wamulalikhaga ate kilya ishakilya kukhaya yakwe, numwene Uyesu wahuluta mukhati na kiva bahamo navene. ³⁸Na Mafarisayo vashangalaga kwa shini asikhainawile tangusina khabla ya shakilya sha palulandi.³⁹Lakini Umtwa wamujovela, ''Omwe Mafarisayo mwiyosa kunja ya fikhombe fya bakuli, lakini mukhati yenyu mumemile imbungulu nu uuofu. ⁴⁰Omwe vanu vini musina luhala, Wuli umwene mwiniwawumbaga kunja asikhawumbile na mukhati mope? ⁴¹Vapeli avapina gini gali mukhati, na majowo gona ambi giva manofu kunyenyu.⁴²Lakini ole wenyu Mafarisayo, kwa kiva mwihumya isadakha ya mnana nu mushisha kwa shila aina ya mboga ya bustani. Lakini mwalekha amambo ga haki na kumudobokha Unguluvi. Lunofu mandu kisenga gini ga haki na kimudobokha Unguluvi, bila kilekha kisenga na ago aganji gope.⁴³Ole wenyu Mafarisayo, kwa kiva mudobokha kikhala ifitengo fya kumwandi ku sinagogi na kihunjilwa kwa salamu sa lishima kusokho. ⁴⁴Ole wenyu, kwa kiva muhwanana na makhaburi gini gasina ialama yini avanu vijenda kushanya yakwe bila kiyelewa.''⁴⁵Umwalimu yumo wa sheriya sa Shiyahudi wamujibu na kimujovela, ''Mwalimu, shini wilogola shikitikhalaga nayuse.'' ⁴⁶Uyesu waja, ''Ole wenyu, avaalimu va sheriya! kwa kiva mukivapela avanu amasigo amasito gini vasiwesa kusumula, lakini omwe musipyasa amasigo ago hata kwa ndole yenyu yimo.⁴⁷Ole wenyu, kwa kiva musenga na kivikha ikumbukumbu ku makhaburi ga vakuvamalago' vini vadudwagwa na mababu venyu. ⁴⁸Ino nemwe mushuhudila na kiyitikhana ni nsengo sini vasiengaga avababu venyu, kwa kiva hakika vavabudaga avakuvamalago vini musenga ikumbukumbu ku makhaburi ganave.⁴⁹Kwa sababu iyo khanji, ihekima ya Nguluvi yija, ''Ambi nikivalajisisa avakuvamalago na vanandeje navene ambi vakivalafya na kivabuda avamonga vanave. ⁵⁰Ishisasi ishi ambi shiwajibikha kwa danda ya vakuvamalago kihuma kiyansa kwa dunia, ⁵¹Kihuma idanda ya Abeli mpakha idanda ya Zakaria, mwini akhandi pakhati ya masabahu na patakhatifu. Ndiyo, nikivajovela omwe, ishisasi ishi ambi shiwajibikha.⁵²Ole wenyu valimu wa sheriya sa Shiyahudi, kwa kiva mwatola ifungulo sa luhala; omwe yumwe musihuluta, na vala vini visakula kihuluta mukivasivila.''⁵³Baada ya Yesu kiwukha pala, Avaandishi na Mafarisayo vamukhanaga na kibishaniya numwene numwene kihusu amajowo minji. ⁵⁴Vijesa kimupita kwa majowo gakwe.

¹Kwa muda ugo, amaelfu minji ga vanu vatanganaga bahamo, mpakha kiyansa kikhanyana, wayansaga kilogola na vanafunsi vakwe tangusina, ''Khali kutali na malogolu ga Mafarisayo ini ga udehi''²Na pakhandi kusina ni siri yini yiifihile yini yisikhagubutulwe, wala lujowo lwini lufihilwe lwini lusikhamanyishe. ³Na lyolyona lini mukililogola ku nshisi, ambi lipuliswa ku mwanga. Na gogona gini ambi mukigalogola kwa makutu mukhati ya fyumba fyenyu fya mukhati fibi fidindilwe ambi gitangaswa kusahanya ya nyumba.⁴Nikivajovela vayangu, musikhavatilaga vala vini vibuda umuvili na bahene viva vasina ishinu shinji sha kushigaha, ⁵Lakini ambi nikivajovela mwini ambi mukimutila. Mutili yula mwini baada ya kiva wabuda, ana mamulakha ga kitaga kujehanamu. Ndiyo, nikivajovela omwe, mutili uyo.⁶Wuli ishomoro sisanu sisiguswa kwa sarafu sivili? hata ndeno kusina hata yumo mwini ambi isamwa pamwandi ya Nguluvi. ⁷Lakini mumanye kija, inyele sa matwe genyu sivasiwe. Musikhatilaga. Omwe muna thamani khome kishila ishomoro nyinji.⁸Nikivajovela, yeyona mwini ambi akiniyitikha One pamwandi ya vanu, Umwana wa Adamu ambi akimuyitikha pamwandi sa malaikha va Nguluvi. ⁹Lakini yeyona mwini ambi akinikhana pamwandi ya vanu nayumwene ambi nikhanwa pamwandi ya Malaikha va Nguluvi. ¹⁰Yeyona mwini ambi ilogola lujowo luvi kimuhusu Umwana wa Adamu, ambi isamehewa, lakini yeyona mwini ambi akimukufuru Uroho Mtakhatifu, asikhasamehewa.¹¹Pini vakhavatwala pamwandi ya vakhome va masinagogi, avatavala, na avanya mamulakha, musikhatilaga kihusu shini ambi mulogola kwa kuitetela au shishi shini ambi mulogola, ¹²kwa kiva Uroho Mtakhatifu ambi akivafundisa inamna shini ambi muligola kwa muda ugo.''¹³Umunu yumo ku vala avanu wamujovela, ''Mwalimu, mujovela ukholo lwangu anigavile isehemu ya kihala one.'' ¹⁴Uyesu wamujibu, yu nani mwini wanivikha kiva mulamulaji na mpatanisaji kunyenyu.? ¹⁵Bahene wavajovela, Muikwewuse ni shila aina ya mbungulu, kwa kiva uusima wa munu wukusina ku winji wa finu fini anafyo.''¹⁶Uyesu wavajovela umufano, waja, Umugunda gwa munu yumonga tajiri gwayansaga kisava mandu, ¹⁷na waiposaga mukhati yakwe, ija, ambi nigaha wuli kwa kiva nisina isehemu ya kivikha amasawo gangu? ¹⁸Waja, ambi nigaha ndeni. Ambi nibomola ifihenje fyangu ifinang'ana na kisenga ishikhome, na kugavikha amasawo gangu gona ni finu ifinji. ¹⁹Ambi nikiijovela inafsi yangu, ''Nafsi, waivishila iakiba ya finu finji kwa makha minji. Tuya, ulye, ung'wele na kisitarehe.''²⁰Lakini Unguluvi wamujovela, owe munu muyasu, ishilo sha neng'ana visakula inumbula kihuma kunyakho, ni finu fyona fini wafiyandala ambi fiva fya nshii? ²¹Ndiyo shini yikhava kwa shila munu mwini akiivishila imali na sio kuiyandala kwa ajili ya Mtwa.²²Uyesu wavajovela vanafunsi vakwe, Ino musikhahivaga kihusu amaisha genyu__ kija ambi mwilya shishi au kihusu amavili genyu __ kija ambi mwifwala nshii ²³Kwa kiva amaisha ni saidi ya shakilya, numuvili ni saidi ya menda.²⁴Leleli inyuni sa kushanya, sisilima wala sisikungula. Sisina ishumba wala ishihenje sha kivishila, lakini Uwihenyu wenyu akisilisa. Omwe musili bora mandu kishila nyuni! ²⁵Ali kwii kunyenyu mwini ambi akiilafya ambi iwesa kiyonjelesa idhiraa yimo kumaisha gakwe? ²⁶Nda ino musiwesa kisenga ishinu shinang'ana shini shipefu kwa nshii ino kilavila ago aganji?.²⁷Leleli amaua - shini gikula. Gasisenga insengo wala gasikiipota. Lakini nikivajovela, hata Usulemani kuutukhufu wakwe wona asikhavishilwe ku gamo ya aga, ²⁸Nda Unguluvi akigafwasa unofu amasole ga mumukhoga, gini ineng'uni gakwali, na pamulawu gitagwa ku moto. Wuli yisili mandu ambi akivafwa? omwe avanya lihuvi lidodo!²⁹Musikhalavilaga kihusu kija ambi mwilya nshii au ambi mung'weka nshii, wala musikhavesaga nu woga. ³⁰Kwa kiva Amataifa gona ga dunia gilavila amajowo ago. Nu wihenyu wenyu amenye kija musakula ago.³¹Lakini sakuli uufalme wakwe tangusina, na ago ganji ambi muyenjeleswa, ³²musikhatilaga, omwe vanu vadodo, kwa kiva Uwihenyu wenyu ishendevela kivapela omwe uwo uufalme.³³Gusi imali senyu na muvapele avapina, muitendele amafukho gini gasisila__ iakiba ya kusanya yini yisisila, isehemu yini avahiji vasikhahejela wala inondo yisiwesa kinanjikha. ³⁴Kwa kiva pini pana akiba yakho, bahene nainumbula yakho pini ambi yiva.³⁵Amenda genyu amatali gave gapinyilwe umukhanda, ni tala senyu sihakikiswe kiva siyendelela kivikha, ³⁶na muve ngaja vanu vini vikimuhivilila Umtwa wanave kihuma ku sherehe ya harusi, ili kija nda ayinse na kihodesa, vawese kimudindulila umlyango nyangu.³⁷Vana barakha vala avatumishi, vini Umtwa ambi akivaga vali meho. Kweli ambi ihwida amenda gakwe kwa mukhanda, bahene ambi akivakhasa pansi ya shakilya, na bahene kivahudumila. ³⁸Nda Umtwa ambi iyinsa kwa samu ya uvili ya ulinsi wa pashilo, au hata iamu ya utatu ya ulinsi, na kivaga vali tayari, imba yiva bora kunyanave avo avatumishi.³⁹Saidi ya ago, mumanye ili, nda umunya nyumba wa amanye ilisala lini umuhiji iyinsa, nda asayitikha asayitikha inyumba yakwe yidenywe. ⁴⁰Muve tayari nemwe kwa kiva musimenye luhavi lushi umwana wa Adamu ambi itina.⁴¹Upetro waja, ''Mtwa, ukitijovela ose yuse aga amafano, au ukimujovela shila munu.? ⁴²Umtwa wamujovela, ''Yu nani umwanandeje mwaminifu au umunya lishima mwini umtwa wakwe ambi akimuvikha kushanya ya vatumishi avanji, ili avapele ishakilya shanave kwa muda mwafaka? ⁴³Ana barakha umutumishi yula, mwini umtwa wakwe ambi iyinsa amutanganise isenga gala gini alajiswe. ⁴⁴Kweli nikivajovela omwe kija ambi ivikhwakushanya ya mali yakwe yona.⁴⁵Lakini Umutumishi yula nda aje munumbula yakwe, ''umtwa wangu ishelewa kitina; bahene ayanse kivatova vala avatumishi va hidimi na va shidala, bahene wayansa kilya, king'wa na kigala, ⁴⁶umtwa wakwe yula umwanandeje ambi iyinsa kulusiku lwini asihivilile nili sala lini asilimenye, nayumwene ambi akimutema fipande fipande na kimuvikha isehemu bahamo na vini vakhandi vasili vaaminifu'⁴⁷Umutumishi mwini amenye amapensi ga mtwa wakwe, nayumwene asikhaiyandalile wala asikhasenjile sawa sawa nu ugani wakwe, ambi itowa inkwegu nyinji. ⁴⁸Lakini umutumishi mwini asimenye uugani wa mtwa wakwe, lakini wasenga gini gifwaya iasabu, ambi itowa inkwegu ndodo. Kwa kiva umwene mwini apelilwe finji, finji idayiwa kihuma kunyakwe, numwene mwini iyaminiwa kwa finji, kunyakwe ambi fidayiwa finji mandu.⁴⁹Nayinsa kivesa umoto kudunia, na nidobokha guve tayari guvesiwe, ⁵⁰Lakini nina ubatiso wini ambi nibatiswa, na nina huzuni mpakha pini ambi gukhamilikha!⁵¹Wuli muhiva kija nayinsa kileta iamani panyii? Hapana, Nikivajovela, badala yakwe naleta kibagukhana. ⁵²Kihuma ialisi na kiyendelela ambi kwiva na vanu vasanu ku nyumba yimo vabagukhene, na vatatu ambi viva shinyume na vavili, na vavili ambi viva shinyume na vatatu. ⁵³Ambi vibagukhana, ubaba ambi iva shinyume nu mwanakwe, nu mwanakwe ambi iva shinyume nu wihe, Umama ambi iva shinyume nu muhinja, numuhinja ambi iva shinyume nu nyina, umama mkwe ambi iva iva shinyume nu mukho wakwe nayumwene umukho ambi iva shinyume nu mama mkwe wakwe.⁵⁴Uyesu akhandi akivajovela avanu wope, ''Pini ambi mukigaga amafunde gipolela kunena, mwija uluhavi lwa nonya luli kholela; na ndiyo shini yiva, ⁵⁵Nilipepo lya kusini nda likutushe, mwija, Ambi kiva ni joto likhali, na ndiyo shini yiva. ⁵⁶Omwe vamyansi, muwesa kitafsiri umuwonekhano gwa nyii ni anga, lakini lwiva wuli musiwesa kitafsiri uluhavi lwini lukwali?⁵⁷Kwanshii shila yumo wenyu asikhapambanulaga lini lili linofu kunyakwe kulisengapini bado ana nafwasi ya kigaha ndeno? ⁵⁸Kwa kiva nda mulute numusitakha wakho pamwandi ya muhigaji, khasani kipatana nu musitakha wakho pini bado muli munsila asikhajelaga kukutwala kwa muhigaji, nu hakimu akutwale kwa ofisa, nu ofisa akutaje kugelesa. ⁵⁹Nikikujovela, usikhapola huko mpakha pini ambi wihomba isenti ya mwisho.

¹Kwa muda gugo, kukhandi na vanu vamonga vini vamujovelaga kihusu Avagalilaya vini Upilato wavabudaga na kihansa idanda yanave ni sadakha sanave. ²Uyesu wayibu na kuvajovela, ''Wuli mwihiva kija Avagalilaya avao vakhandi ni sambi kishila Avagalilaya avanji wona ndiyo maana mwapatwa na mavi ago? ³Hapana, nikivajovela, lakini nda muleshe kitubu, nemwe ambi mwifwa shisho.⁴Au avanu vala kumi na nane ku Siloamu vini umunara gwagwisaga na kivabuda, muhiva avene vakhandi vana sambi mandu kishila avanu avanji Kuyerusalemu? ⁵Hapana, one nija, lakini nda muleshe kitubu, omwe wona nemwe ambi mwifwa.⁶Uyesu wavajovelaga umufano ugu,'' Umunu yumo akhandi nu mtini guvyalilwe kumugunda gwakwe na walutaga kisakula amatunda kushanya yakwe lakini asikhapatile. ⁷Wamujovela mwini itunsa ibustani, ''Lelela, kwa makha gatatu nayinsga n akijesa kisakula amatunda kumupishi ugu lakini nisikhapatile. Gudumula. Kwa kiva wuleta uunangaji kunyii?⁸Umutunsa bustani wajibu wja, 'gulekha umwakha gwanu ili nigukhasilile na kivikha imbolea kunyakwe. ⁹Nda usave amatunda umwakha gwini guyinsa, unofu; lakini nda gusikhasava, gudumula.!'''¹⁰Ino Uyesu akhandi ifundia ku limo lya Masinagogi umuda gwa Sabato. ¹¹Lelela, akhandi akwali umama yumo mwini kwa makha kumi na nane akhandi niroho inshafu ya ubofu, numwene akhandi agondeme na asina uuweso khabisa wa kuyima.¹²Uyesu pini wamwagga, wamushemelaga, wamujovela, ''Mama, wavikhwa huru kihuma kuubofu wakho.'' ¹³Wavikha amokho gakwe kushanya yakwe, na baho umuvili gwakwe gwagolokha na wamutukusa Unguluvi. ¹⁴Lakini umukhome wa sinagogi wakhalalaga kwa kiva Uyesu akhandi wamuponesa ulusiku lwa Sabato. Bahene umutavala wajibu wavajovela avanu, ''Kuna nsiku sita sini lasima kisenga insengo. Yinsi kiponeswa bai, sio kulusiku lwa Sabato.'¹⁵Umtwa wamujibu na waja, ''vamyansi! Kusina shila yumo wenyu kidindula ipunda yakho au ing'ombe kihuma kuluvikha na kusilongosa kusitwala king'wela ulusiku lwa Sabato? ¹⁶Ino shisho umuhinja wa Abrahamu, mwini Ushetani wamupinya kwa makha kumi na nane, wuli yisikimufwaya ishifungo shakwe kidindulwa ulusiku lwa sabato?''¹⁷Pini akhandi ilogola amajowo ago, vala wona vini vamukhanaga vawonaga nsoni, ila avanu wona va vanji vashendevaga kwa ajili ya majowo ga ajabu gini wagasenga.¹⁸Uyesu waja, ''Uufalme wa Nguluvi wihwanana ni nshii, na niwesa kilinganisa ninshii? ¹⁹Ngaja mbeyu ya haradani yini waitolaga umunu yumo na kuivyala mumugunda gwakwe, na yakulaga yava mupishi mukhome, ni nyuni sa kushanya sasenga ifiwanso fyanave ku matawi gakwe.²⁰Lelela waja, ''Niuhwananise ni nshii uufalme wa Nguluvi? ²¹Ngaja amila yini umudala waitolaga na kihansa kufipimo fitatu fya utine mpakha wawumukha.''²²Uyesu wajendelaga shila mji ni shijiji munsila iluta Kuyerusalemu na kivafundisa. ²³Umunu yumonga waposa, ''Mtwa, ni vanu vadodo tu vini vakhakulusiwa?'' Bahene wavajovela, ²⁴''Khasani kihuluta kwa kishilila umulyango umupenga, kwa kiva vinji ambi vijesa na vasikhawesa kihuluta.²⁵Na baada ya mumilikhi wa nyumba kiyima na kidinda umulyango, basi ambi muyima kunja na kihodesa pamulyango na kija, Mtwa, Mtwa, tidindulila umwene ambi ijibu na kivajovela, nisivamenye omwe wala kwini mwihuma.' ²⁶Bahene ambi mwija, Talisaga na kigwela pamwandi yakho nayuwe watifundisaga kufijiji fyesu.'' ²⁷Lakini umwene ambi akivajibu, 'nikivajovela, nisivamenye kwini mwihuma, wushi kunyangu, omwe vasenga mavi!'²⁸Kukhava ni kholo na kihawula ameno pini mukhavava Uabrahamu, Uisaka, Uyakobo na vakuvamalago wona kuufalme wa Nguluvi, lakini omwe yumwe mutajilwe kunja. ²⁹Ambi vifikha kihuma Kumashariki, Kumagharibi, Kukaskazini na Kukusini, na kituya kumesa ya shakilya sha palulandi kuufalme wa Nguluvi. ³⁰Na manya ili, wa mwisho iva wa kwansa nu wa kwansa ambi iva wa mwisho.''³¹Umuda mufupi panyuma, Amafarisayo avanji vayinsaga na kivajovela, ''Luta na uwushe panu kwa kiva Uherode isakula kukubuda.'' ³²Uyesu waja, ''Luti muijovele yila imbweha, ''Lelela, nikigadaga amapepo na kigaha uuponesaji ineng'uni na pamulawu, nulusiku lwa utatu ambi nitimisa ilengo lyangu. ³³Ku hali yeyona, yiva muhimu kwa ajili yangu kiyendelela ineng'uni, pamulawu, nulusiku lwini lufwata, kwa kiva yisiyitikhwa kumubuda umukuvamalago kutali na Kuyerusalemu.³⁴Yerusalemu, Yerusalemu, yu nani mwini akivabuda avakuvamalago na kivatova amang'anga vala vini vifilikhwa kunyenyu. Mara silinga nasakula kivakunganiya avanenyu ngaja ndenela inkhuku shini yikunganiya utwana twakwe pansi ya mapapatikho gakwe, lakini musikhaligene ili. ³⁵Lelela, ikhaya yakho yinyanyilwe. Nayune nikivajovela, musiwesa kuniyaga mpakha pini ambi mwija 'Ana barakha uyo mwini iyinsa kwa litawa lya Mtwa.''

¹Yawonekhaga ulusiku lwa Sabato, pini akhandi iluta kukhaya kwa yumo wa valongosaji va Mafarisayo kilya umukhate, navehe vakhandi vakimuhunjisa kwa kholela. ²Lelela, pala pamwandi yakwe kukhandi nu munu mwini ilafywa nuufimbe. ³Uyesu waposaga avataalam ku sheriya ya Vayahudi na Mafarisayo, '' Wuli, ni halali kimuponesa ulusiku lwa Sabato, au yisili halali?''⁴Lakini avene vasisimaga, bahene Uyesu wamukhata, wamuponesa na wamujova alute. ⁵Numwene wavajovela, ''Yu nani munyenyu mwini ana mwanishe au ng'ombe idubujila mulisima ulusiku lwa Sabato asinga mukweha kunja nyangu?'' ⁶Avene vakhandi vangaya uweso wa kihumya ijibu kwa mamb aga.⁷Pini Uyesu wamanyaga shini vala vini valalishwe kija vahagula ifitengo fya lishima, wavajovela umfano, wavajovela, ⁸''Pini mulalikhwa nu munu kuharusi, usikhakhalaga ku nafwasi ssa lishima, kwa kiva ingava alalishwe umunu mwini yu wa kiheshimiwa mandu kishila owe. ⁹Pini umunu mwini wavalalikha omwe vavili nda afishe, ambi akikujovela owe, ''muleshela umunu uyu inafwasi yakho,'' na bahene kwa nsoni ambi wuyansa kitola inafwasi ya mwisho.¹⁰Lakini owe nda ulalishwe, luta ukhale amahala pa mwisho, ili pini yula mwini wakulalikha nda ayinse, awese kikujovela owe, 'Muya, luta kumwandi khabisa.'' bahene ambi wipelwa ilishima pamwandi ya wona vini vakhele bahamo nayuwe pamesa. ¹¹Kwa kiva shila mwini akiiyinula ambi iyiswa, numwene mwini akiiyisa ambi iyinulwa.'¹²Uyesu wope wamujovelaga umunu mwini amulalishe, 'Pini wihumya ishakilya sha paminsi au sha pa lulandi, usikhavalalikhaga avayago au avakholo lwakho, au avajamaa vakho au amajirani sakho matajiri, ili kija avene vasikhayinsaga vakulalishe owe upelwe amalipo.¹³Badala yakwe, pini wivikha isherehe, valalikha avapina, avalema, avafiwete na vapofu, ¹⁴na yuwe ambi wubarikhiwa, kwa kiva vasiwesa kukuhomba. Kwa kiva ambi wihombwa kuufufuo wa vanya haki.''¹⁵Pini yumo wa vala mwini akhele pamesa bahamo nu Yesu pini wapulikhaga ago, numwene wavajovela, ''Ana barakha yula mwini ilya umukhate Kuufalme wa Nguluvi!'' ¹⁶Lakini Uyesu wavajovela, '''Umunu yumo wayandalaga isherehe khome, walalikha avanu vinji. ¹⁷Pini isherehe yafikhaga, wamufilikhaga umutumishi wakwe kivajovela vala vini valalishwe, ''Yinsi, kwa kiva ifinu fyona tayari fivishilwe.'¹⁸Wona, vayansaga kilomba uruhusa. Uwa kwansa wamujovela umutumishi, 'Nagula umugunda, lasima nilite kilolela. Nilomba unisamehe.' ¹⁹Nu yunji waja, ''Nagula ijozi sisanu sa ng'ombe, na yune niluta kusijesa. Nilomba unisamehe.' ²⁰Nu munu uyunji waja, 'Natola umudala, ino nisiwesa kiyinsa.'²¹Umutumishi watina na kumujovela umtwa wakwe amajowo ago. Yula umunya nyumba wakhalalaga wamujovela umutumishi wakwe, ''Luta nyangu kumitaa na mufichochoro fya mji uvalete panu avapina, avalema, avapofu na valemafu.'' ²²Umutumishi waja, 'Mtwa ago gini wanilajisa tayari gasenjekha, na hata isalisi bado kuna nafwasi.'²³Umtwa wamujovela umutumishi, ''Luta kunsila ikhome na kufichochoro na uvakhamilise avanu vahulute, ili ikhaya yangu yimeme. ²⁴Kwa kiva nikivajovela, ku vala vini valalishwe va kwansa kusina mwini ambi iwonja isherehe yangu. '²⁵Ino uumati mukhome vini vakhandi viluta numwene, numwene wasetukha na wavajovela, ²⁶'Nda umunu ayinse kunyangu nayumwene asikimukhalalila uwihe, unyina, umudala wakwe, avanakwe, avakholo lwakwe vagosi na vadala- ndiyo, na hata amaisha gakwe gope - asiwesa kiva mwanafunsi wangu. ²⁷Umunu ndo asitolile umusalaba gwakwe na kiyinsa kunyuma yangu asiwesa kiva mwanafunsi wangu.²⁸Kwa kiva yu nani munyenyu, mwini idobokha kisenga umunara asingakhala tangusina alelele igharama kwa mahesabu na ana shila shini isakula ili kikhamilisa ilyo? ²⁹Nda asigahile ndeno, baada ya kivikha umusingi na ipotwa kimalisa, na wona vini valwaga ambi vakimulogola uvi, ³⁰vija, Umunu uyu wayansaga kisenga, wava asina ingufu a kimalisisa.''³¹Au mfalme mushii, pini isakula kiluta kitoavana nu mfalme uyunji kufita, mwini asingakhala pansi tangusina na kitola uushawuli kihusu nda ambi iwesa, bahamo na vanu elfu kumi kitovana nu mfalme uyunji mwini iyinsa kunyakwe na vanu elfu ishirini? ³²Na nda siyo ndeno, pini ilijeshi lya vanji lili bafdo kutali, ifilikha ubalosi kilomba amashariti ga amani. ³³Ino basi, yeyona munyenyu mwini asikhalekha fyona fini anafyo, asiwesa kiva mwanafunsi wangu.³⁴Umunyo munofu, lakini nda Umunyo guyase uunono wakwe, kwa wuli ambi yiwesa kiva munyo khanji? ³⁵Gusina nsengo ku ulongo au hata kwa mbolea. gutagwa kutali. Umwene mwini ana makutu ga kipulikha, na apulishe.''

¹Basi avakunganiya uushuru wona na vanji avanya sambi vayinsaga kwa Yesu na kimupulisa. ²Amafarisayo wona na vatumishi vasikitikha vija, ''Umunu uyu akivakhalibisa avanya sambi na mpakha ilya nawo.''³Uyesu wajovaga umufano ugu kunyanave, waja ⁴Yunani kunyenyu, nda ana kholo mia moja na yiyaje yimo, asingasilekha sila tisini na tisa kunyikha, na alute aisakule yila yiyaga mpakha ayaje? ⁵Nayumwene nda aipate akiivikha palivega lyakwe na kishendeva.⁶Pini wafikha kukhaya, akivashemela avayine na vajirani vakwe akivajovela shendevi none, kwa kiva nayaga ikholo yangu yini ya yiyajile.' ⁷nikivajovela shisho kukhava nuushendefu kushanya kwa ajili ya munya sambi yumo mwini itubu, kishila avanya haki tisini na tisa vini vasina haja ya kitubu⁸Au kuna mudala mushi umunya sarafu kumi sa hela, nda ayajilwe ni sarafu yimo, mpakha ivesa itala na kifyajila inyumba na kikhasana kisakula mpakha pini ambi akiyaga? ⁹Na pini ambi akiyaga akivashemela avayine na vajirani vakwe akivajovela hendevi none, kwa kiva nayaga khanji isarafu yangu yini na niiyasise. ¹⁰Hata ndeno nikivajovela kuna ushendefu pamwandi ya avamalaikha va Nguluvi kwa ajili ya munya sambi yumo mwini itubu.''¹¹Nu Yesu waja, ''Umunu yumo akhandi na vana vavili ¹²yula umunang'ana wamujovela uwihe, Baba nipela isehemu ya mali yiniyikinifwaya kihala. Bahene wagavaniyaga imali sakwe ku avo.¹³Bahene yula umunang'ana wakunganiya fyona fini akhandi anafyo waluta kunyii ya kutali, na uko wananganga ihela sakwe, kwa kigula ifinu fini asisakula, na wananganga ihela sakwe kwa ushemi. ¹⁴Numwene pini wamalaga kitumila fyona injala ikhome yahulutaga kunyii yila numwene wayansaga kiva ni shida.¹⁵Waluta na kuiyajiri yumwene kwa yumo wa raiya wa nyii yila, numwene wamutwalaga kumugunda gwakwe kilisa ingubi. ¹⁶Na wavesaga idobokha kuikutisa kwa mahamba gini sikhandi silya ingubi kwa kiva kusina umunu mwini wamupelaga ishinu shoshona awese kilya.¹⁷Ila yula umwana munang'ana pini wahivaga munumbula yakwe, wajovaga 'vali vatumishi valinga va baba wangu vana shakilya shinji sha kukwilana na yune nili panu, nifwa ni njala! ¹⁸Ambi niwukha na kiluta kwa baba wangu, na kimujovela, ''Baba nakhosela kumbingu na pamwandi ya meho gakho. ¹⁹Nisifwaya kishemelwa mwanakho khanji; nigaha nive ngaja yumo wa vatumishi vakho.''²⁰Bahene wawukha waluta kwa wihe. Pini akhandi bado ali kutali uwihe wamwagaga wamuwonela lusungu wasiga na kumuwawusa na kumubusu. ²¹Yula umwanishe wamujovela, 'baba nakhoela kumbingu na kumeho gakho nisifwaya kishemelwa mwanakho.'²²Yula uwihe wavajovelaga avatumishi vakwe, ''leti nyangu umwenda gwini munofu, mumufwase mufwasi ni pete muludole ni ndatu mumagulu. ²³Bahene mulete ingwada yini yinonile muyishinje tilye na kishendeva. ²⁴Kwa kiva umwanangu akhandi afwile numwene ali musima. Akhandi ayajile numwene wawonekha vayansaga kimushangilila.²⁵Ino yula umwanakwe mukhome akhandi kumagunda. Pini akhandi iyinsa na kihejela kukhaya wapulikhaga ishauti ya nyimbo na kinena. ²⁶Wamushemela umutumishi yumo wamuposa amajowo aga maana yakwe nshii? ²⁷Umutumishi wamujovelaa umunang'ana wakho wayinsa nu wiho washinja ingwada yini yinonile kwa kiva watina salama.'²⁸Umwana umukhome wakhalalaga wakhana kihuluta mukhati nu wihe wapolaga kunja kumulomba. ²⁹Ila wamujibugu uwihe waja, 'Lelela one nakutumishila makha minji, wala nisikhosele iamri yakho, lakini usinipelile hata inyana ya mene, ili niwese kiwunga na vayangu. ³⁰Lakini pini wayinsa uyu umwanakho mwini wanangaga imali yakho yona bahamo na vashemi wamushinjila ingwada yini yinonile.³¹Ubaba wamujovela, 'Mwanangu, owe uli none nsiku sona na fyona fini ninafyo fyakho. ³²Ila ya lunofu kunyesu kigaha isherehe na kihendeva, uyu ukholo lwakho akhandi afwile, na isalisi ali musima; akhandi ayajile nayumwene wawonekha.''

¹Uyesu wavajovelaga khanji avanafunsi vakwe, ''Pakhandi nu munu yumo utajiri akhandi nu meneja, na wajovelwagwa kija umeneja uyo inanganaga imali sakwe. ²Bahene utajiri wamushemela, wamujovela, ''Shishi ihi shini nipulikha kikuhusu owe? Humya ihesabu ya umeneja wakho, kwa kiva usiwesa kiva meneja khanji.'³Yula umeneja waiposa munumbula yakwe, Nigahe nshii, kwa kiva umtwa wangu akiniwuisa insengo yangu ya umeneja? Nisina ingufu ya kilima, na kilomba niwona nsoni. ⁴Nimenye lini ambi nikilisenga ili pini nikhahumisiwa ku nsengo yangu ya uwakili avanu vanikhalibise kukhaya yanave.⁵Bahene uwakili wavashemela vini vakimudayi umtwa wakwe shila yumo wamujovela wa kwansa, 'wudayiwa shiasi shishi nu mtwa wangu?' ⁶Waja fipimo mia moja vya mafuta wamujovela 'tola ihati yakho khala nyangu yandikha hamsini.' ⁷bahene wamujovela na yuyunji newe wudayiwa shiasi shishi?' waja 'fipimo mia moja fya utine wa ngano.' Wamujovela 'tola ihati yakho yandikha themanini.'⁸Yula umtwa wamusufyaga umeneja mudehi kwa kiva wasengaga kwa luhala. Kwa kiva avana va wulimwengu uwu vala luahala lwinji na vishughulikha kwa ujanja na vanu va lubali lwanave kishila shini vashwali avana va nuru. ⁹Nayune nikivajovela vitendeli amarafiki kwa mali yini yisili ya nsila inofu ili pini ambi yikhosekhana vavakhalibise ku makhalo ga shiluta.¹⁰Mwini ali mwaminifu ku lini lili linang'ana iva mwaminifu ku lini lili likhome lyope. na mwini mudehi ku lini lililinang'ana iva mudehi ku lini lililikhome lyope. ¹¹Nda omwe musikhavele vaaminifu ku mali ya udehi yu nani mwini ambi akivayamini ku mali ya kweli? ¹²Na nda mukhandi musili vaaminifu kwa kitumila imali ya munu yunji yu nani mwini ambi akivapela yini yenyu yumwe?¹³Kusina umutumishi mwini iwesa kitumishila avatwa vavili, kwa kiva ambi akimukhalalila yumo na kimudobokha uyunji, au ambi ikhatana nuyu na kimusala uyu. Musiwesa kumutumishila Unguluvi ni mali.''¹⁴Basi Amafarisayo, vini vakhandi vidobokha ihela vagapulikhaga aga gona na kimusala. ¹⁵Na wavajovela, ''Omwe ndiyo vini mukiidaya ihaki pamwandi ya vanadamu, lakini Unguluvi asimenye inumbula senyu. Kwa kiva lini lyakulusikha kwa vanadamu livesaga lukhalaso pamwandi ya Nguluvi.¹⁶Isheriya na vakuvamlago fikhandi fikwali mpakha Uyohana pini wayinsaga. Kihuma ishipindi isho, ihabari inofu sa uufalme wa Nguluvi sitangaswa, na shila munu ijesa kuihulusa kwa ngufu. ¹⁷Lakini yisili nsengo kwa mbingu ninyii fiwushe kuliko hata iherufi yimo ya sheriya yikhosekhane.¹⁸Shila mwini akimulekha umudala wamwe na kimutola umudala uyunji ishemukha, numwene mwini akimutola umwene mwini aleshilwe nu mugosi wakwe ishemukha.¹⁹Pakhandi nu munu yumo tajiri mwini wafwalaga amenda ga rangi ya sambarawu ni kitani inofu na akhandi ishendevela shila lusiku uutajiri wakwe mukhome. ²⁰Numupina yumo ilitawa lyakwe Lazaro mwini wavikhwagwa pamulyango, na ana malonda. ²¹Nu mwene akhandi idobokha kikutiswa kwa makhombo gini gigwa ku mesa ya yula utajiri nimbwa ayinsaga samunava amalonda gakwe.²²Yavesaga yula umupina pini wafwa na watolwa nu Malaikha mpakha kushifuva sha ibrahimu. Yula utajiri wope wafwa wasilwa. ²³Na kula kusimu pini akhandi ilava wagayinulaga ameho gakwe wamwaga Uibrahimu kwa kutali nu Lasaro pashifuva shakwe.²⁴Wakhola waja, 'Baba Ibrahimu, niwonela lusungu mufilikha Ulasaro adomolese uludole lwakwe mumalenga, alubuludise ululimi lwangu; kwa kiva nilafywa ku moto ugu.²⁵Lakini uibrahimu waja, 'Mwanangu kumbukha kija ku maisha gakho wagaposhelaga amajowo gakho amanofu, nu Lasaro wope wapataga mavi. Ila isalisi ali panu ifarijiwa na owe witeswa. ²⁶Na hata ndeno, kuvishilwe ililindi likhome na litali khati yesu, ili vala vini visakula kihuma uko kuno kiluta kunyenyu vasikhawesaga wala avanu va kunyenyu vasikhalowokhaga kiyinsa kunyesu.'²⁷Yula utajiri waja, 'Nikikulomba Baba Ibrahimu, kija umufilishe kukhaya ya baba wangu ²⁸kwa kiva nina vanyalukholo vasanu i;o avakhajile, kwa hofu kija navene wope vakhayinsa amahala panu pa malawo.'²⁹Lakini uibrahimu waja, 'Vanawo Umusa na vakuvamalago. Valekha vavapulise avene. ³⁰Yula utajiri waja, 'hapana, Baba Ibrahimu, lakini nda avalutile umunu mwini wa huma ku vini vafwile ambi vitubu.' ³¹Lakini Uibrahimu wavajovela, 'nda vasikivapulisa Umusa na vakuvamalago vasingasetuswa hata umunu afyushe kihuma kwa vini vafwile.

¹Uyesu wavajovela avanafunsi vakwe, ''amajowo gini gisababisa avanu vasenje isambi lasima gapolele, Lakini ole wakwe umunu mwini akigasababisa! ²Nda lwava lunofu umunu uyo wa apinyilwe iling'anga lisito lya kihawulila munsingo na kitagwa kubahari, kuliko kimugahayumo wa ava avanang'ana wasenje isambi.³Yilindi. Nda ukholo lwakho akukhosele muwulanisa, numwene nda atubu musamehe. ⁴Nda akhosele mara saba kwa lusiku lumo na mara saba kwa luiku lumo ayinse kunyakho aje, ''nitubu,' mamehe!''⁵Avanandeje vakwe vamujovela Mtwa, ''tiyonjelesesa ilihuvi lyesu.'' ⁶Umtwa waja, ''nda mwa muve nilihuvi ngaja mbeyu ya haradarii, nda mwawesa kugujovela umupishi ugu gwa mukuyu, 'kulikha na ulembe kubahari,' nugwene nda gwavapulisa.⁷Lakini yu nani munyenyu, mwini ana mtumishi mwini ilima umugunda na idima ikholo, ambi akimujovela pini itina kihuma kumagunda, 'Yinsa nyangu ukhale ulye ishakilya? ⁸Wuli asingamujovela, ''Niyandalila ishakilya nilye, na yipinya umukhanda na unitumishile mpakha pini ambi nimala kilya na king'wela. Baada ya apo ambi wilya na king'wela?⁹Asinga muhonjesa umutumishi uyo kwa kiva watimisa gala gini wamujova? ¹⁰Ino shisho nayumwe nda mumale kisenga gini mulajisiwe jovi 'Ose tili vatumishi vini tifwaya. Tasenga tu gala gini gakitipasa kisenga.'¹¹Yawonekhaga kija pini akhandi ishula kiluta Kuyerusalemu, washilaga kumupakha gwa Kusamariya na Kugalilaya. ¹²Pini akhandi ihuluta kushijiji shimo, uko watanganaga na vanu kumi vini vakhandi nuukoma. Vayima kutali ¹³vatansa ishauti vaja ''Yesu, Mtwa tiwonela lusungu.''¹⁴Pini wavagaga wavajovela, ''Luti muyiwonense kwa makuhani.'' navene pini vakhandi viluta vatakhasikhaga. ¹⁵Yumo wanave pini walwagaga kija wapona, watinaga kwa shauti khome akimusufya Unguluvi. ¹⁶Wafugama mumagulu ga Yesu wamuhonjesa. Umwene akhandi musamariya.¹⁷Uyesu wajibu, waja, ''Wuli vasikhatakhasishe wona kumi? Vali kwii avanji vala tisa? ¹⁸Kusina hata yumo mwini wawonekhaga kitina ili kimutukusa Unguluvi, isipokiva uyu umuhensa?'' ¹⁹Wamujovela, ''Yima na ulute lwakho ilihuvi lyakho lyakuponesa.''²⁰Pini waposwagwa na mafarisayo uufalme wa Nguluvi ambi wiyinsa payoli, Uyesu wajibu waja, ''Uufalme wa Nguluvi sio shinu shini shiwesa kiwonekha. ²¹Wala avanu vasikhalogola, 'Lelela panu!' au, ' Lelela kula!' kwa kiva uufalme wa Nguluvi uli mukhati yenyu.''²²uyesu wavajovela avanafunsi vakwe, ''Ishipindi hikhafikha pini mukhadobokha kilwaga lumo lwa lusiku lwa Mwana wa Adamu, lakini musikhaniyaga. ²³Ambi vakivajovela, 'Lelela, kula! Lelela, panu!' Lakini musikhalutaga kilolela, wala kivafata, ²⁴ngaja uumeme wa radi wini wumulikha kushanya kiyansisa ulubali lumo hadi ulunji. Shisho hata Umwana wa Adamu akhava shisho kulusiku lwakwe.²⁵Lakini tangusina ambi yikimupasa kilava ku majowo minji na kikhanwa ni shisasi ishi. ²⁶Ngaja shini yikhandi ishipindi sha Nuhu, ndiyo shiniyikhava kulusiku lwa Mwana wa Adamu. ²⁷Valisaga, vagwelaga, vatola na kitolwa mpakha ulusiku lula lwini Unuhu wahulutaga ku safina na mafulikho gayinsa na kivabuda wona.²⁸Ndiyo shini yikhandi shisho ku nsiku sa Lutu, valisaga , king'wa, vagulaga na kigusa, kilima na vasengaga. ²⁹Lakini ulusiku lula Ulutu pini wawukhaga Kusodoma, yavekhaga inonya ya moto ni shibiriti kihuma kushanya yavabuda wona.³⁰Ndeno ndiyo shini yikhava kulusiku lula lwa Mwana wa Adamu pini akhagubutulwa. ³¹Ulusiku ulo, usikhamuyitikhaga mwini ali kushanya ya nyumba ayishe kitola ifinu fyakwe mukhati ya nyumba. Na usikhamuyitikhaga mwini ali kumugunda kitina kukhaya.³²Mukumbukha umudala wa Lutu. ³³Yeyona mwini ijesa kugakulusa amaisha gakwe ambi akigayasa, lakini yeyona mwini ambi akigayasa amaisha gakwe ambi akigakulusa.³⁴Nikikujovala, ihilo isho kukhava na vanu vavili kushitanda shimo. Yumo ambi isumulwa, nu yunji ambi ilekhwa. ³⁵Kukhava na vadala vavili vihawula inafalkka pamo, yumo ambi isumulwa nu yunji ambi ilekhwa.''³⁷Vamuposa, ''Kwii, Nguluvi?'' Wavajovela, ''Pala pini pana musoga, ndio pini inyuni sikungana kwa bahamo.''

¹Bahene wavajovelaumfano gwa namna shini vipawa kilomba shiluta, na vasikhalekhaga. ²wagalogola, ''Kukhandi nu hakimu kunyii yimonga, mwini akhandi asikimutila Unguluvi na asikivaheshimu avanu.³Kukhandi nu mjane kunyiii iyo, numwene wamilutilaga sana, ija, ''Nisaidila kipata ihaki kwa mupinsani wangu.' ⁴Kwa muda mwinji akhandi isili tayari kimutanjilisa, lakini baada ya muda wailogonsa munumbula yakwe, 'Japo one nisikimutila Unguluvi au kiheshimu umunu, ⁵lakini kwa kiva uyu umujane akinilafya kipata ihaki yakwe, ili asikhanikhatasaga kwa kunifwata shila mua. ''⁶Bahene Umtwa waja, 'Pulisa shini wajovaga uyo uhakimu mudehi. ⁷Wuli Unguluvi wope asikhaleta ihaki kwa vatewule vakwe vini vakimukholela paminsi na pashilo? Wuli, umwene asikhava mfumilifu kunyanave? ⁸Nikivajovela kija ambi ileta ihaki kunyanave nyangu. Lakini pini Umwana wa Adamu akhayinsa, wuli, ambi akilyaga ilihuvi panyii?'⁹Bahene wavajovela umufano ugu kwa vanu vamong vini vakiiwona vana haki na kisala vanu vanji, ¹⁰'Avanu vavili vatansaga kiluta kulitembe kisali: yumo Mfarisayo uyunji mkunganiya ushuru.¹¹Umfarisayo wayima walomba majowo aga kunyakwe yumwene, 'Nguluvi, nikikuhonjesa kwa kiva one nisili ngaja avanu vanji vini vapokhaji, avanu vini vasina lishima, vashemi, au ngaja uyu umudayi ushuru. ¹²Nifunga mara mbili shila wiki. Nihumya isadakha ku mapato gona gini nikigapata.'¹³Lakini yula umudayi ushuru, wayimaga kutali, ila asikhawesise hata kiyinula ameho gakwe kushanya, waitova ishifuva shakwe, waja, 'Nguluvi, nisamehe one umunya sambi.' ¹⁴Nikivajovela, umunu uyu wawuyaga kukhaya kuno avasiwe ihaki kishila yula uyunji, kwa kiva shila mwini akiiyinula ambi iyiswa, lakini shila munu mwini inyenyekela ambi iyinulwa.'¹⁵Avanu vamuletelaga avana vanave vashali, ili awese kivakhata, lakini avanafunsi vakwe pini valwagaga ago, vavasivila. ¹⁶Lakini Uyesu wavashemela kunyakwe waja, ''Valeshi avana vanang'ana vayinse kunyangu, wala musikhavasivilaga. Kwa kiva uufalme wa Nguluvi ni wa vanu ngaja ava. ¹⁷Yamini, nikivajovela, umunu yeyona mwini asikiuposhela uufalme wa Nguluvi nagja mwana kweli asikhahuluta. '¹⁸Umutavala yumo wamupoa, ija, 'Mwalimu munofu, nigahe nshii ili niuhale uusima wa shiluta?' ¹⁹Uyesu wamujovela, 'Kwanshii ukinishemela munofu? Kusina mwani munofu, ila Unguluvi mwene duguli. ²⁰Usimenye iamri- usikhashemukhaga, usikhabudaga, Usikhahijana, usikhalogolaga uudehi, vaheshimu uwiho nu mama wakho. ²¹Yula umutavala waja, 'Amajowo aga gona nagakhata kihuma pini nikhandi mudini.'²²Uyesu pini wapulikhaga ago wamujovela, ''Usina lujowo lumo hela. Lasima ugusi fyona fini unafyo na uvapele avapina, newe ambi wiva ni akiba kushanya -bahene uyinse, unifwate. ²³'Lakini utajiri pini wapulikhaga ago, wasugumilwagwa mandu, kwa kiva akhandi tajiri mandu.²⁴Bahene Uyesu, wamwaga shini wasugumilwa mandu waja, 'Kwa namna nshii shini yikhava nsengo kwa matajiri kihuluta Kuufalme wa Nguluvi! ²⁵Kwa kiva yisili nsengo mandu kwa ngamia kishila kulitundu lya sindano, kuliko kwa tajiri kihuluta Kuufalme wa Nguluvi.'²⁶Vala vini vapulikhaga ago, vaja, Yunani ino, mwini ambi iwesa kikuluswa?' ²⁷Uyesu wajibu, 'Amajowo gini gasiwesekhana kwa vanadamu kwa Nguluvi gisenjekha.''²⁸Upetro waja, 'Naam. ose talekha shila shinu na takufwata owe.' ²⁹Bahene Uyesu wavajovela, Yamini, nikivajovela kija kusina umunu mwini aleshile ikhaya, au umudala, au umunyalukholo, au avasasi au avanishe, kwa ajili ya Uufalme wa Nguluvi, ³⁰mwini asikhaposhela minji mandu kuulimwengu uwu, na ku wulimwengu wini wiyinsa, uusima wa shiluta. '³¹Baada ya kivakunganiya vala kumi na mbili, wavajovela, lelela, titansa kiluta Kuyerusalemu, na majowo gona gini gayandishwe na vakuvamalago kihusu Umwana wa Adamu ambi gitimiswa. ³²Kwa kiva ambi iva mumokho ga vanu va Mataifa na ambi vakimugahila amavi ni jeuri, na kifunyilwa amata. ³³Baada ya kumushapa inkwegu vakhamubuda nulusiku lwa utatu akhafyukha. '³⁴Vasikhayelewe amajowo aga, niliswi ili likhandi lifihilwe kunyanave, na vasikhayelewe amajowo gini galogolwa.³⁵Yavesaga pini Uyesu wahejelaga Kuyeriko, umunu yumonga upofu akhandi akhale kumwambwa ya barabara ilomba umusaada, ³⁶pini wapulikhaga avanu vinji vishila waposaga shishi shipolela. ³⁷Vamujovela kija Uyesu wa Nasareti ishila.³⁸Bahene yula umupofu wakhola kwa shauti, waja, 'Yesu, Mwana wa Daudi, unisamehe.' ³⁹vala vini vakhandi vishila vamudalishilaga uyo umupofu, vamujovela asisime. Lakini umwene wakhasanaga kikhola kwa shauti, 'Mwana wa Daudi, unisamuhe.⁴⁰Uyesu wayima wajova umunu yula aletwe kunyakwe. Bahene yula umupofu pini wamuhejelelaga, Uyesu wamuposa, ⁴¹'Wusakula nikugahile nshii?' Waja, 'Mtwa, nisakula kilolela.'⁴²Uyesu wamujovela, 'Uwese kilolela. Ilihuvi lyakho lyakuponesa. ' ⁴³Baho wayansaga kilolela, wamufwata Uyesu kuno akimutukusa Unguluvi. Pini valyagaga ili, avanu wona vamusufya Unguluvi.

¹Uyesu wahulutaga na kishila pakhati pa Yerikho. ²Na apo pakhandi nu munu yumo mwini ishemelwa Zakayo. Mwini akhandi mukhome wa vadayi ushuru khanji munu tajiri.³Akhandi ijesa kimwaga Uyesu yu munu wa wuli, lakini aikhawesise kimwaga kwa sababu ya winji wa vanu, kwa kiva akhandi mufupi mandu. ⁴Bahene, wasigaga kumwandi ya vanu, watana kushanya ya mkuyu ili awese kimwaga, kwa kiva Uyesu wahejelaga kishila insila iyo.⁵Pini Uyesu wafikhaga amahala pala, walolelaga kushanya wamujovela, 'Zakayo, yikha nyangu, kwa kiva ineng'uni lasima nihwe kukhaya yakho.' ⁶Wagaha nyangu, wayikha na kumuhejelela kwa ushendefu. ⁷Avanu vona pini vagagaga ago, valalamikhaga , vija, 'Waluta kumujendela umunu umunya smabi.'⁸Uzakayo wayima wamujovela Mtwa, Lelela Mtwa inusu ya mali yangu nikivapela avapina, na nda nimuposhe umunu yeyona ishinu, nikimutinisa mara nne. ' ⁹Uyesu wa ujovela, 'Ineng'uni uukulusaji wafikha kukhaya iyi, kwa kiva umwene wope yu mwana wa Ibrahimu. ¹⁰Kwa kiva Umwana wa Munu wayinsa kisakula na kikulusa avanu vini vayajile. '¹¹Pini vapulikhaga ago, wayendelelaga kilogola na kihumya umfano, kwa kiva akhandi kholela na Kuyerusalemu, na vene vahivaga kija uufalme wa Nguluvi wukhandi kholela kiwonekha mara moja. ¹²Bahene wavajovela, 'Uofisa yumo walutaga kunyii ya kuatali ili aposhele uufalme na bahene atine.¹³Wavashemelaga avatumishi vakwe kuni, wavapela amafungu kumi, wavajovela, 'senjeli ibiashara mpakha pini ambi nitina.' ¹⁴Lakini avananchi vakwe vamukhalalilaga na bahene vafilikha avajumbe valute kumufwata na kija, 'Tisisakula umunu uyu atitavale.' ¹⁵Pini watinaga kukhaya baada ya kiva mfalme, wavajovelaga vala avatumishi vini akhandi avaleshele ihela vahemelwe kunyakwe, ili amanye faida nshii yini vaipata kwa kisenga ibiashara.¹⁶Wa kwansa wayinsa, waja, 'Mtwa, ilifungu lyakho lyasava amafungu aganji kumi.' ¹⁷Uyo Uofisa wamujovela, Lunofu, mtumishi munofu. Kwa kiva ukhandi mwaminifu ku lujowo ludodo, ambi wiva na madalakha ku miji kumi. '¹⁸Wa uvili wayinsa, waja, 'Mtwa, ilifungu lyakho lyasava mafungu gasanu.' ¹⁹Uyo Uafisa wamujovela, 'Tola amamulakha kumiji gasanu.'²⁰Nu yunji wayinsa, waja, ; Mtwa iyi panu ihela yakho, yini naitunsaga unofu kushitambala, ²¹kwa kiva natilaga kwa kiva owe uli munu mukhali. Wuwusa shila shini usivishile na kikungula shini usivyalile. '²²Uyo Uofisa wamujovela, ''Kwa majowo gakho yuwe, ambi nikikuhiga, owe mtumishi muvi. Ukhandi umenye kija one nili munu mukhali, nitola pini nisivishile na kikungula shini nisikhavyalile. ²³Ino, mbona usikhavishile ihela yangu ku benki, ili pini nitite niitole bahamo ni faida?²⁴Uofisa wavajovela avanu vini vakhandi vayimile apo, 'Muposhi ilyo ilifungu na kumupela yula umunya mafungu kumi.' ²⁵Vamujovela, 'Mtwa, umwene ana mafungu kumi. '²⁶Nikivajovela, shila munu mwini anasho ambi ipelwa mandu, lakini mwini asina, hata shila shini ansho ambi shitolwa. ²⁷Lakini ava amaadui vangu, vini vasikhasakwile nive Mfalme kunyanave, veleti panu na kivabuda pamwandi yangu. ''²⁸Baada ya kilogola ago, wayendelelaga kumwandi itana kiluta Kuyerusalemu.²⁹Yavesaga pini wahejelelaga Kubethfage na Kubethania, kholela nifidunda fya Miseituni, wavafilikhaga avanafunsi vakwe vavili, ³⁰waja: 'Luti kushijiji sha kholela. Nda muhulute, ambi mukimwaga umwana-punda asinatanwe bado. Ifunguli muilete panu. ³¹Nda umunu avapose, ''''Mbona mukiihudula? 'Jovi, ''Umtwa akiisakula.''³²Vala vini vakhandi vafilishwe valuta vayaga inyana- punda ngaja Uyesu hini akhandi avajovele. ³³Pini vakhandi vaiihudula inyana punda avanya nayo vavajovela, ''Kwanshii mukiihudula inyana punda iyi?' ³⁴Vaja, 'Umtwa akimusakula. ' ³⁵Basi, vaitwala kwa Yesu, vatandikha amenda ganave kushanya ya nyana ya punda na vamutansa Uyesu kushanya yakwe. ³⁶Pini akhandi iluta avanu vatandikhaga amenda ganave kubarabara.³⁷Pini akhandi iyikha kushidunda sha Miseituni, ijumuiya yona ya vanafunsi vayansaga kisahangilila na kimutukusa Unguluvi kwa shauti khome, kwa sababu ya majowo makhome gini vagaga, ³⁸vija, 'Ndiyo mubarikhiwa Umufalme mwini iyinsa kwa litawa lya Mtwa! Iamani kushanya, nuutukufu kushanya!'³⁹Amafarisayo Avanji ku mukhutano vamujovela, Mwalimu, vasisimya avanafunsi vakho. ⁴⁰'Uyesu wajibu, waja, ''Nikivajovela, nda ava vasisime, amang'anga ambi gitansa ishauti.'⁴¹Uyesu pini waihejelelaga inyii waikholelaga, ⁴²ija, nda wa umanye hata owe, kulusiku ulu amajowo gini gakikuletela iamani! Lakini isalisi gaifihile pameho gakho.⁴³Kwa kiva insiku siyinsa pini an=maadui vakho ambi visenga iboma kholela nowe, na kukupilima na kukutakhamisa kihuma shila lubali. ⁴⁴Ambi vakikugwisa owe pansi na vanakho. Vasikhakuleshela hata ling'anga limo kushanya ya linji, kwa kiva usikhamenye pini Unguluvi pini akhandi ijesa kukukulusa' .⁴⁵Uyesu wahulutaga Kuhekalu, wayansaga kivadaga vala vini vakhandi vigusa, ⁴⁶akivajovela, ''Yiyandishwe, 'Ikhaya yangu ambi yiva khaya ya kilombela,' lakini omwe mwaigaha kiva khaya ya vapokhaji''.⁴⁷Ino, Uyesu akhandi ifundisa shila lusiku kulitembe. Amakuhani vakhome na valimu va Sheriya na valongosaji va vanu vakhandi visakula kumubuda, ⁴⁸lakini vasikhawesise kipata insila ya kigaha ndeno, kwa kiva avanu wona vakhandi vakimupulisa kwa unofu.

¹Yavesaga ulusiku lumo, Uyesu pini akhandi ifundisa avnu Muhekalu na kihubiri imola, amakuhani avakhome na valimu va Sheriya vamulutilaga bahamo na vagosivaha. ²Valogolaga, vakimujovela, ''Tijovela kwa mamulakha nshii ukigasenga amajowo aga? Au yu nani uyo mwini wakupela amamulakha aga?''³Numwene wajibu, wavajovela, 'Nayune nivapose iliswali. Nijoveli ⁴uubatiso wa Yohana. Wuli, wahumaga kushanya ama kwa vanu?'⁵Lakini valogonsaniya vene kwa vene, vija, 'nda Tije, 'wahumaga kushanya, ambi akitiposa, 'Ino, mbona musikhamuyaminile?' ⁶Na nda tije; wahumaga kwa vanadamu; avanu wona apanu ambi vakititova amang'anga, kwa kiva wona viyamini kija Uyohana akhandi mukuvamalago. '⁷Basi, vamujibu vaja vasikhamenye kwini wahuma. ⁸Uyesu wavajovela, ''Nayune nisikivajovela omwe ni kwa mamulakha nshii nikigasenga amajowo aga.''⁹Wavajovelaga avanu umufano ugu, ''Umunu yumo wavylaga umugunda gwa masabibu, wakhodesaga kwa valimaji va masabibu, na waluta kunyii yinji kwa muda mukhome. ¹⁰Kwa muda gwini gwapangwagwa, wafilikhaga umutumishi kwa valimaji va sabibu, kija vamupele isehemu ya matunda ga mugunda gwa masabibu. Lakini avalimaji va mugunda gwa sabibu vamutova, vamutiniya mokho- hela.¹¹Bahene wamufilikha khanji umutumishi uyunji na vene vamutova, vamusenjela uuvi, na vamutiniya mokho -hela. ¹²Wamufilikhaga khanji wa utatu navene vamutesa na kimutaga kunja.¹³Bahene umtwa wa mugunda waja, ''Nigahe nshii? Ambi nikimufilikha umwanangu mugani. Labda ambi vakimuheshimu. ¹⁴Lakini avalimaji va sabibu pini vamwagaga, valogolaga avene kwa vene vija, ''Uyu ndiyo muhalaji. Timubude, ili shini ambi ihala shive shesu. '¹⁵Vamuhumya kunja ya mugunda na kumubuda. Wuli umunya mugunda ambi akivagaha wuli? ¹⁶Ambi iyinsa kivabuda avalimaji va sabibu, na ambi akivapela umugunda ugo avanji''. Navene pini vapulikhaga ago, vaja, 'Unguluvi wakhana'¹⁷Lakini Uyesu wavalolelaga, waja, ''Wuli iliandikho ili lina maana nshii?' Iling'anga lini likhanilwe na vasengaji, lyava ling'anga lya palubali'? ¹⁸Shila munu mwini igwa kushanya ya ling'anga ilyo, ambi idenyekha fipande pande. Lakini yula mwini ambi likimugwilila, lisimuponde. '¹⁹Bahene avaandishi na vakhome va makuhani vaskulaga insila ya kimukhata uluhavi ulo, vamanyaga kija akhandi ilogola umufanu ugu kunyanave. Lakini vatilaga avanu. ²⁰Vamulelelaga kwa umakhini, vafilikha avpelelsi vini vaigahaga kija vanu va haki, ili vapate kipata ilikhosa ku hotuba yakwe, ili kumutwala kwa vatavala na vanya mamulakha²¹Navene vamupoa, vaja, ''Mwalimu, timenye kija wulogola na kifundisa amajowo ga kweli na sio kwa kijowa nu munu yeyona, lakini owe wufundisa uukweli kihusu insila sa Nguluvi. ²²Wuli, yiva halali kunyesu kihomba ikhodi kwa Kaisari, au yisili halai?''²³Lakini Uyesu wamanyaga umutego gwanave, wavajovela, ²⁴''Niwonensi idinari. Isura ni shapa ya nani yili kushanya yakwe?'' Vaja, ' ''Ya Kaisari.''²⁵Nayumwene wavajovela, 'Ino, mupeli Ukaisari gini gakwe Ukaisari, nu Nguluvi gini gakwe Unguluvi.' ²⁶Avaandishi na vakhome va makuhani vakhandi vasina uweso wa kikhosola shila shini washilogola pamwandi ya vanu. Vashangalaga amajibu gakwe na vasikhalogwele shoshona.²⁷Amasadukhayo Avanji vamulutila, vala vini vija kija kusina uufufuwo, ²⁸vamuposa, vija, ''Mwalimu, Umusa watiyandishilaga kija nda umunu afwililwe nu kholo lwakwe umunya mudala mwini asina mwana basi ipaswa kimutola umudala wa kholo lwakwe na kisava numwene kwa ajili ya mame.²⁹Kukhandi na vanyalukholo saba Wa kwansa watolaga, wafwa bila kilekha umwana, ³⁰nu wa uvili wope. ³¹Wautatu wamutola shishila, shisho nu wa saba asikhaleshile umwana na wafwa. ³²Bahene numudala wope wafwa. ³³Kuufufuwo ambi iva mudala wa nani? Kwa kiva wona saba vakhandi vamutolile. '³⁴Uyesu wavajovela, ''Avana va wulimwengu uwu vitola na kitolwa. ³⁵Lakini vala vini vifwaya kiposhela uufufuwo wa vini vafwile na kihuluta kuusima wa shiluta vasitola wala kitolwa. ³⁶Wala vasiwesa kifwa khanji, kwa kiva viva sawaswa na vamalaikha na ni vana va Nguluvi, avana va ufufuwo.³⁷Lakini vini vafwile vifufulwa, hata Umusa wawonensaga amahala ku habari sa musita, pala wamushemelaga Umtwa ngaja Nguluvi wa Ibrahimu nu Nguluvi wa Isaka nu Nguluvi wa Yakobo. ³⁸Ino, umwene asili Nguluvi wa vini vafwile, ila wa vini vali vasima, kwa kiva wona vikhala kunyakwe. ''³⁹Avalimu avanji va Sheriya vamujibu, 'Mwalimu, wajibu unofu. ' ⁴⁰Vasikhajelile kumuposa amaswali aganji khanji.⁴¹Uyesu wavajovela, ''Kwa wuli avanu vija kija Ukristo ali mwana wa Daudi? ⁴²Kwa kiva Udaudi yumwene ilogola Kusaburi: Umtwa wamujovelaga Umtwa wangu: Khala liwokho lyangu lya kulia, ⁴³mpakha nivavishe amaadui vakho pansi ya magulu gakho.' ⁴⁴Udaudi akimushemelaUukristo 'Mtwa', ino ambi iva wuli mwana wa Daudi?''⁴⁵Avanu wona pini vakhandi vakimupulisa wavajovela avaafunsi vakwe, ⁴⁶'''Khali kutali na vaandishi, vini vidobokha kijenda vafwalile amenda matali, na vidobojha isalamu maalum kusokho nifitengo fya lishima ku masinagogi, na maeneo ga lishima kusherehe. ⁴⁷Avene wope vilya inyumba sa vajane, na vakiiwonensa visali isala nali. Ava vakhaposhela uuhigo wukhome amandu.'

¹Uyesu walolelaga wavaga avagosi matajiri vini vakhandi vivikha isawadi sanave ku akiba. ²Wamwagaga umjane yumo mupina ivikha isenti sakwe sivili, ³Bahene waja, ''Kweli nikivajovela, uyu Umujane mupina wavikha nyinshi kishila avanji wona. ⁴Ava wona vihumya isi isawadi kihuma ku finji fini vanafyo. Lakini uyu umujane, kuupina wakwe, wahumya sona sini wa anaso kwa ajili ya kikhala kwakwe.''⁵Pini avanji vakhandi vilogola kihusu ilitembe, shini likhandi lipambilwe na mang;anga manofu na matoleo, wajovaga, ⁶'Kwa habari ya majowo aga gini mukigaga, insiku sikhayinsa sini kusina ling'anga limo lini ambi lilekwa kushanya ya ling'anga ilinji lini lisikhabomolwa.''⁷Bahene vamuposa, vaja, ''Mwalimu, amajowo aga gakhapolela payoli? Na shishi ambi shiva isahra kija amajowo aga gali kholela kipolela?'' ⁸Uyesu wajibu, ''Muve meho kija musikhajanjiliswagwa. Kwa kiva avanu vinji vakhayinsa kwa litawa lyangu, vija, ''One ndiyo, 'nu 'Muda gwahejela'. Musikhavafwataga. ⁹Pini mupulikha ifita na kililima musikhatilaga, kwa kiva aga amajowo lasima gapolele tangusina, lakini umwisho gasikhapola nyangu.''¹⁰Bahene wavajovela, ''Itaifa likhayima kitovana ni taifa ilinji, nuufalme ku ufalme wunji. ¹¹Kukhava na matetemekho makhome, ni njala na matamu ku maeneo minji minji. Kukhava na matukio ga kitisa niishara sa kutisa kihuma kushanya.¹²Lakini khabla ya majowo aga gona, vakhavikha amokho ganave kushanya yenyu na kivalafya, kivatwala kumasinagogi na kumagelesa, kivaleta pamwandi ya vafalme na vanya mamulakha kwa sababu ya litawa lyangu. ¹³Iyi ambi yikivadindulila ifurusa kwa ushuhuda wenyu.¹⁴Ino lamuli munumbula senyu kilekha kiyandala uutetelaji wenyu mapema, ¹⁵kwa kiva nikhavapela amajowo ni hekima, yini avaadui venyu wona vasikhawesa kuipinga au kuikhana.¹⁶Lakini mukhakhanwa khanji na vasasi venyu, vakholo lwenyu, avayenyu na marafikivenyu, na vakhavabuda avamonga venyu. ¹⁷Mukhakhalalilwa nu shila yumo kwa sababu ya litawa lyangu. ¹⁸Lakini kusina hata uyele wumo wa matwe genyu wini wukhayaga. ¹⁹Kwa kifumilila mukhasiponya inafsi senyu.²⁰Pini mukhayaga Iyerusalemu yipilimwe na majeshi, ino manyi kija uunangaji wakwe wananjikha. ²¹Hapo vini vali Kuyudea vasijile kushidunda, na vala vini vali pakhati ya lijiji vawushe, na musikhavalekhaga vini vali kufijiji kihuluta. ²²Kwa kiva isi ni nsiku sa shisasi, ili kija amajowo gona gini gayandishwe gawese kitimiswa.²³Ole kwa vini vana lwanda na kwa vala vini viyonsa ku nsiku iso! Kwa kiva kukhava ni tabu khome kushanya ya nyii, kwa hasira kwa vanu ava. ²⁴Na vakhagwa kwa ncha ya wupanga na vakhatolwa matekha kwa vanu va mataifa gona, ni Yerusalemu ambi yikhanywa na vanu va mataifa, mpakha umuda gwa vanu va mataifa pini wukhatimilikha.²⁵Kukhava niishara kulijuva, umwesi ni nondwe. Na kunyii kukhava ni tabu ya mataifa, kwa kikhata itamaa kihumana nu mukholo gwa bahari na mawimbi. ²⁶Kukhava na vanu visimila kwa woga na kwa kihuvilila amajowo gini gihuma kushanya ya nyii. Kwa kiva ingufu sa mbingu sikhadegenswa.²⁷Bahene vakhamwaga Umwana wa Adamu iyinsa kumafunde kwa ngufu nu utukufu mukhome. ²⁸Lakini amajowo aga pini gakhayansa kipolela, yimi, yinuli amatwe genyu, kwa kiva uukulusaji wenyu wahejela kholela.''²⁹Uyesu wavajovela kwa mfano, ''Gulolela umtini, na mapishi gona. ³⁰Pini ligwisa amasole gakwe, mukilwaga yumwe n akimanya kija ulujuva tayari luli kholela. ³¹Ino shisho, pini mukigaga amajowo aga gipolela, nayumwe manyi kija uufalme wa Nguluvi wuli kholela.³²Kweli, nikivajovela, ishisasi ishi shisikhashila, mpakha amajow aga gona pini gakhapolela. ³³Imbingu ninyii sikhashila, lakini amajowo gangu gasikhashila shiluta.³⁴Lakini iloleli yumwe, ili kija inumbula senyu sisikhayinsaga sisidilwe nuuhiji, uugasi, na malawo ga maisha aga. Kwa sababu yila ulusiku lukhavayinsila ghafla. ³⁵ngaja mtego. Kwa kiva yikhava kushanya ya shila munu mwini ikhala ku weni wa nyii yona.³⁶Lakini muve tayariluhavi lona, mulombe kija mukhava vakhangafu kwa kukwilana kugakwewukha aga gona pini gakhapolela, na kiyima pamwandi ya Mwana wa Adamu.''³⁷Ino luhavi lwa paminsi akhandi ifundisa kuhekalu nishilo wapolaga kunja, na kiluta kukesha kushidunda shini shishemelwa sha Mzeituni. ³⁸Avanu wona vamuyinsilaga isubuhi na mapema ili kumupulisa mukhati ya hekalu.

¹Ino Isikukuu ya Mukhate gwini gusiponyesewe Iamila yikhandi yili kholela, yini yishemelwa Pasaka. ²Amakuhani vakhome na vaandishi vajadilianaga inamna ya kimubuda Uyesu, kwa kiva vavatilaga avanu.³Ushetani wahulutaga mukhati ya Yuda Iskariote, yumo wa vala vanafunsi Kumi na mbili. ⁴Uyuda walutaga kijadiliana na vakhome va makuhani na vakhome inamna shini ambi akimutawula Uyesu kunyanave.⁵Vashendevaga, na kiyitikhana kumupela ihela. ⁶Umwene wayitikhaga, na wasakulaga ifurusa ya kumutawula Uyesu kunyanave kutali ni shipuga sha vanu.⁷Ulusiku lwa makhate gini gasiponyesewe iamila iyafikhaga, pini ikholo ya Pasakha lasima yihumisiwe. ⁸Uyesu wavafilikhaga Upetro nu Yohana, waja, ''Luti mutiyandalile ishakilya sha Pasakha ili tiyinse kilya.'' ⁹vamuposa, ''Kwii wusakula tigagahile amaandalisi?''¹⁰Wavajibu, ''Pulisi, pini ambi mwiva mwahuluta kumujini, umugosi mwini ambi iva asumwile injilo ya malenga ambi itangana nomwe. Mufwati ku nyumba yini ambi ihuluta. ¹¹Bahene mujoveli umtwa wa nyumba, '' Umwalimu akikujovela, ''hili kwii ishumba sha vahensa, amahala pini ambi nilya Ipasakha na vanafunsi vangu?''¹²Wavawonesha ishumba sha kushanya shini shili tayari. Gahi amaandalisi umo.'' ¹³Bahene valuta, na vashaga hila shinu ngaja shini wavajovela. Bahene vayandala ishakilya sha Pasakha.¹⁴Umuda pini gwafikhaga wakhalaga na vala avanandeje. ¹⁵Bahene wavajovela, ''Nina hamu khome ya kilya isikukuu iyi ya Pasakha na omwe kabla ya kilafywa kwangu. ¹⁶Kwa kiva nikivajovela, nisikhalya khanji mpakha pini yikhatimiwa kuufalme wa Nguluvi.''¹⁷Bahene Uyesu watola ihikhombe, na pini wamalaga kihonjesa, waja, ''Toli ishi, na mugavane yumwe kwa yumwe. ¹⁸Kwa kiva nikivajovela, nisikhang'wela khanji ilitunda lya musabibu, mpakha uufalme wa Nguluvi pini wukhayinsa.''¹⁹Bahene watola umukhate, na pini wamalaga kihonjesa, waumenyaniya, na kivapela, waja, ''Ugu ni muvili gwangu gwini gwahumisiwa kwa ajili yenyu. Gahi ndeni kwa kunikumbukha one.'' ²⁰Watola ishikhombe shisho baada ya shakilya sha pahilo waja, ''Ishikhombe ishi ndio liagani lipya ku danda yangu, yini yakununkha kwa ajili yenyu.²¹Lakini loleli. Yula mwini akinisetukha ali none pamesa. ²²Kwa kiva Umwana wa Adamu kwa kweli iluta lwakwe ngaja shini yilamwilwe. Lakini ole kwa munu yula mwini kishilila umwene Umwana wa Adamu isetukhwa!'' ²³Vayansaga kiposaniya vene kwa vene, yunani munyanave mwini nda wagahaga ulujowo ulu.²⁴Bahene gapolelaga amabishano kunyanave kija yunani mwini ihuvililwa kiva mukhome kishila wona. ²⁵Wavajovela, ''Avafalme va vanu va mataifa vana utwa kushanya yanave, na vala avanya mamulakha kushanya yanave vishemelwa vaheshimiwa vatavala.²⁶Lakini yisifwaya khabisa kiva ndeni kunyenyu omwe. Badala yakwe, lekha yula mwini mukhome kunyenyu ave ngaja munang'ana. Nu yula mwini wa muhimu mandu ave ngaja mwini itumikha. ²⁷Kwa kiva akwali mukhome, yula mwini ikhala pamesa au yula mwini itumikha? Wuli asili yula mwini ikhala pamea? Nayune bado nuili pakhati yenyu ngaja mwini itumikha.²⁸Lakini omwe ndio vini mwayendelela kiva none ku majaribu gona. ²⁹Nikivapela omwe uufalme, ngaja shini one ubaba wanipelaga uufalme, ³⁰kija mupate kilya na king'wela pamea yangu kuufalme wangu. Na ambi mwikhala ku shitengo ha ensi mukigahiga amakhabila kumi na mbili ga Kuisraeli.³¹Simoni, Simoni, manhya kija, Ushetani walomba avapate ili avapete ngaja ngano. ³²Lakini nakulombela, kija ilihuvi lyakho liikhapotwagwa. Baada ya kiva watina khanji, vakhangaa avakholo lwakho.''³³Upetro wamujovela, ''Mtwa, nili tayari kiluta nowe kugelesa na hata ku mauti.'' ³⁴Uyesu wajibu, ''Nikikujovela, Petro, Injogolo yisivikha ineng'uni, khabla usinanikhane mara sitatu kija unimenye.''³⁵Bahene Uyesu wamujovela, ''Pini navatwalaga omwe bila mfukho, ihikhapu sha fyakilya, au indatu, wuli mwapunguhilwagwa ni hinu?'' Vajibu ''Kusina.'' ³⁶Bahene wavajovela, ''Lakini ialisi, shila umunya mufukho, na agutole bahamo nishikhapu sha fyakilya. Yula mwini asina uupanga yikimufwaya kigusa umwenda gwakwe gumo agule wumo.³⁷Kwa kiva nikivajovela. gona gini gayandishwe kwa ajili yangu lasima gatimile, 'Na watolwagwa ngaja mun u mwini inanga itorati.' Kwa ababu shila hini hatabiliwagwa kwa ajili yangu shitimiswa.'' ³⁸Bahene vaja, ''Mtwa, lelela! Isi panu ipanga sivili.'' Na wamujovela''yikwilana.''³⁹Baada ya shakilya saha pashilo, Uyesu wawukhaga, ngaja shini akhandi igaha mara kwa mara waluta ishidunda sha Mizeituni, na vanafunsi vamufwata. ⁴⁰Pini vafikhaga, wavajovelaga, ''Lombi kija musikhahulutaga mumajalibu.''⁴¹Waluta kutali na vene ngaja utosaji wa ling'anga, wafugama walomba, ⁴²ija, ''Baba, nda wusakula, niwusisa ishikhombe ishi. Lakini sio ngaja shini nisakula one, lakini uugani wakho wusenjeshe.''⁴³Bahene umalaikha kihuma kushanya wamupolelaga, wamupela ingufu. ⁴⁴Pini ali kikhatala, walomba kwa kimaanisa mandu, ni jasho lyakwe lyavesaga ngaja matone makhome ga danda gigwa pansi.⁴⁵Pini wayimaga kihuma ku maombi gakwe, wayinaga kwa vanafunsi vakwe, wayinsaga kwa vanafunsi, na wavagaga vagonile kwa sababu ya husuni yanave, ⁴⁶na wavapoa, ''kwanshii mwigona? Damuli mulombe, kija msikhahulutaga mumajalibu.''⁴⁷Pini akhandi bado api logola, lelela, ishipuga shikhome sha vanu shamupolela nu Yuda, yumo wa vanandeje kumi na mbili akivalongosa. Wayinsa kholela nu Yesu ili ambuu, ⁴⁸lakini Uyesu wamujovela, Yuda, wuli ukimuetukha Umwana wa Adamu kwa busu?''⁴⁹Pini vala vini vakhandi kholela nu Yesu pini vagagaga ago gienjekha, vaja,''Mtwa, wuli tivatove kwa upanga?'' ⁵⁰Bahene yumo wanave wamutova umutumishi wa kuhani u ukhome, na wamudumulaga ilikutu lyakwe lya kulia. ⁵¹Uyesu waja, ''Iyi yikwilana. Na wakhata ilikutu lyakwe, wamuponesa.⁵²Uyesu walogola kwa kuhani mukhome, na kwa vakhome va hekalu, na kwa vasehe vini vayinsaga hinyume shakwe, ''Wuli mwiyinsa ngaja kija muyinsa kitovana nu muhiji, na mandulugu na mapanga? ⁵³Pini nikhandi nomwe insiku sona ku hekalu, musikhavishile amokho genyu kuhanya yangu. Lakini ili ndiyo lisala lyakho, na mamulakha ga kunshii.''⁵⁴Vamukhata, vamulongosa, vamuleta kukhaya ya kuhani mukhome. Lakini Upetro wamufwataga kwa kutali. ⁵⁵Baada ya kiva vavea umoto ku ula uuwanda wa mukhati na pini vakhalaga pansi bahamo, Upetro wakhalaga pakhati yanave.⁵⁶Umutumishi yumonga wa shidala wamwagaga Upetro pini akhandi akhele ku mwanga gwini guhumana nu moto, wamulelelaga wamujovela, ''Uyu umunu wope akhandi numwene.'' ⁵⁷Lakini Upetro wakhana, wamujovela, ''umudala, one nisimumenye.'' ⁵⁸Baada ya muda kidogo, umunu uyunji wamwaga waja ''Owe newe uli yumo wanave''. Lakini Upetro wajibu, ''Mugosi one iyo.''⁵⁹Ngaja lisala limo ndeni, umugosi uyunji wasisitisa waja, ''Kweli khabisa uyu umunu wope akhandi bahamo numwene, kwa kiva yu Mgalilaya.'' ⁶⁰Lakini Upetro waja, ''Mugosi, niimenye lini wulogola.'' Na baho, pini akhandi, injogolo yavikhaga.⁶¹Wasetukha, Umtwa wamulolela Upetro. Nu Petro wakumbukha iliswi lya Mtwa, pala pini wamujovelaga, ''Khabla ya njogolo kivikha ineng'uni, ambi ukinikhana one mara tatu.'' ⁶²Pini wapola kunja, Upetro wakhola kwa uchungu mwinji.⁶³Bahene vala avagosi vini vakhandi vakimulinda Uyesu, vamulogolaga uvi na kimutova. ⁶⁴Baada ya kumugubikha ameho, vamuposa, vaja, ''Tabiri! Yu nani mwini wakutova?''' ⁶⁵Valogola amajowo minji mandu kwa Yesu na kimukufuru umwene.⁶⁶Pini yikhandi asubuhi, avagosivaha va vanu vakunganaga bahamo, avakhome va makuhani na vaandishi. Vamutwala ku Barasa, ⁶⁷vaja, ''Nda owe yu Kristo, tijovela.'' Lakini umwene wamujovela, ''Nda nivajovele musinganiyamini, ⁶⁸na nda nivapose musinganijibu.''⁶⁹Lakini kiyansisa isalisi na kiyendelela, Umwana wa Adamu ambi iva akhele iliwokho lya higosi kwa ngufu sa Nguluvi.'' ⁷⁰Wona vaja, ''Ino owe uli Mwana wa Nguluvi?'' Nu Yesu wavajovela, ''Omwe mwaja one ndiye.'' ⁷¹Vaja, ''Kwanshii bado tisakula uushahidi? Kwa kiva ose yuse tapulikha kihuma kumulomo gwakwe yumwene.''

¹Avanu wona vayima, vamutwala Uyesu pamwandi ya Pilato. ²Vayansaga kumushutumu, vija, ''Tamwaga umunu uyu akiliyasa ilitaifa lyesu, kwa kikhana tiikhahumiyaga ikhodi kwa Kaisari, na ija kija umwene yumwene yu Kristo, Mfalme.''³Upilato wamuposaga, waja, ''Wuli owe uli Mfalme wa Vayahudi?''Nu Yesu wamujibu waja, ''Owe ndiyo wija ndeno.'' ⁴Upilato wamujovela ukuhani mukhome na vanu, ''Nisikilyaga likhosa kwa munu uyu''. ⁵Lakini avene vakhasaga, vija, ''Wa akivafunjilisa avanu, ifundisa Kuuyahudi yona, kuyansisa Kugalilaya na isalii ali panu.''⁶Upilato wapulikhaga aga, wapoaga umunu uyo nda wa Kugalilaya? ⁷Pini wamanyaga kija akhandi pansi ya utavala wa Herode, wamutwala Uyesu kwa Herode, mwini mope akhandi Kuyerusalemu kwa nsiku iso.⁸Uherode pini wamwagaga Uyesu, washendevaga mandu kwa kiva akhandi isakula kumwaga mandu, Wapulikhaga ihabari sakwe na wadobokhaga kugwaga umuujisa gumo gini giengwa nu mwene. ⁹Uherode wamuposaga Uyesu kwa majowo minji, lakini Uyesu asikhalogwele lyolyona. ¹⁰Amakuhani vakhome bahamo na vaandishi vayimaga kwa ukhali vakimusitakha.¹¹Uherode bahamo na vaulukhali vakwe, vamuligaga na kimulogola uvi, na kumifwasa amenda manofu, bahene wamutiniyaga Uyesu kwa Pilato. ¹²Uherode nu Pilato vavesaga marafiki kiyansinsa ulusiku ulo, (khabla ya hapo vakhandi maadui).¹³Upilato wavashemelaga bahamo amakuhani vakhome na vatavala nu umati wa vanu, Wavajovela, ¹⁴''Mwaniletela umunu uyu ngaja munu mwini ilongosa avanu kisenga amavu, na lelela, baada ya ya kiva namuposa pamwandi yenyu, nisikhalyajile likhosa kwa munu uyu kihusu amjowo gona gini omwe mwamusitakha umwene.¹⁵Kusina, wala Uherode, kwa kiva wamutiniya kunyesu, na lelela kusina shoshona shini wasenga shini shifywaya iasabu ya kifwa. ¹⁶Ino ambi nikimutova na kumuleshela. ¹⁷( Ino, Upilato iwajibikha kimuleshela umufungwa yumo kwa vayahudi ihipindi sha sikukuu).¹⁸Lakini wona valyovaga bahamo, vija, ''Muwusa uyo, na tidindulila Ubaraba!'' ¹⁹Ubaraba akhandi munu mwini avishilwe kugelea kwa sababu ya uuasi ku lijiji kwa kibuda.²⁰Upilato wavajovela khanji, idobokha kimuleshela Uyesu. ²¹Lakini avene valyovaga, vaja, ''Musulubisa, musulubisa.'' ²²Wavaposa lwa utatu, ''kwanshii, umunu uyu wasenga mavi mashi? Nisikhapete ilikhosa lini lifwaya iasabu ya kifwa kunyakwe. Ino pini ambi nimala kimutova mabi nikimuleshela.''²³Lakini valogolaga kwa kiisitisa kwa shauti khome, viakula asulubiswe. Ni shauti sanave amushawishi Upilato. ²⁴Bahene Upilato walamulaga kivapela shini visakula. ²⁵Wamuleshela yula vini vamusakulaga mwini wafungwagwa kwa kisababisa ifujo na kibuda. Lakini wamuhumya Uyesu kwa shini visakula avene.²⁶Pini vakhandi vakimutwala, vamukhataga umunu yumo mwini ishemelwa Simoni wa kuukirene, ihumilila kunyii, vamutwikha umualaba ili asumule, akimufwata Uyesu.²⁷Uumati mukhome wa vanu, na vadala vini vaombolesaga na kihuzunikha kwa ajili yakwe, vakhandi vakimufwata. ²⁸Lakini wavasetushilaga, Uyesu wavajovela, 'Vahinja va Kuyerusalemu, musikhanikholelaga one, ila yikholeli yumwe na kwa ajili ya vanenyu.²⁹Lelela, insiku siyinsa sini ambi vija, ''Vana barakha vini vali tasa na matumbo gini gasisava, na mavele gini gasikhayonsise. ³⁰Bahene pini vakhayana kufijovela ifidunda, 'Tigwilili,' ni fidunda, 'Tigubishi.' ³¹Kwa kiva nda vagahe amajowo aga nda umupishi bago mwigu, ambi yiva wuli pini guyumile?''³²Avagosi avanji, vahiji vavili, vatwalwagwa bahamo numwene ili vabudwe.³³Pini vafikhaga amahala pini pihemelwa Fuvu lya mtwe, bahene vamusulubiaga bahamo na vala avahiji, uyunji lubali lwa kulia nu yunji lubali lwa kushoto. ³⁴Uyesu wajovaga, ''Baba, uvasamehe, kwa kiva vaimenye lini vakilisenga. '''Navene vatovaga ikura, kigava amenda gakwe.³⁵Avanu vakhandi vayimile vilolela kuno avatavala vakimujovanga, vija, ''Wakulusaga avanji. Ino aikuluse yumwene, nda umwene yu Kristo wa Nguluvi, mtewule''.³⁶Avasulukhali vope vamusalaga, vamuhejelelaga umwene na vamupela isiki, ³⁷vija, ''Nda owe uli Mfalme wa Vayahudi ikulusa yuwe'' ³⁸Kukhandi khanji nu alama kushanya yakwe yini yiyandishwe ''UYU NDIYO MFALME WA VAYAHUDI.''³⁹Yumo wa vahiji mwini asulubiswe wamuligaga waja, ''Owe si uli Kristo? ikulusa yuwe nose'' ⁴⁰Lakini yula uyunji wajibu, akimudalishila na kija, ''Wuli owe usikimutila Unguluvi, newe uli kuuhigo wuwo? ⁴¹Ose tili panu kwa haki, kwa kiva ose tiposhela shila shini hikitifwaya kwa nsengo esu. Lakini umunu uyu asikhagahile shoshona shivi.''⁴²Na wayonjeleaga, ''Yesu, nikumbukha pini ukhahuluta kuufalme wakho.'' ⁴³Uyesu wamujovela, ''Yamini nikikujovela, ineng'uni ambi wiva none Kuparadio.''⁴⁴Hapo yikhandi ngaja saa sita, inshisi yavesaga kushanya ya nyii yona mpakha saa tisa, ⁴⁵Umwanga gwa lijuva gwasimaga. Bahene ilipasia lya hekalu lyagavanikha pakhati kiyansisa kushanya.⁴⁶Wakholaga kwa hauti khome, Uyesu wajovaga, ''Baba mumokho gakho nikiivikha inumbula yangu,'' baada ya kilogola aga, wafwa. ⁴⁷Pini Uakida wagagaga gini gisenjekha wamutukusaga Unguluvi waja, ''Kweli uyu akhandi munu umunya haki.''⁴⁸Pini uumati wa vanu vini vayinsaga bahamo kishuhudila pini vagaga amajowo gini gasenjekha, vatinaga kuno vitova ififuva fyanave. ⁴⁹Lakini amarafiki vakwe, na vadala vini vamufwataga kihuma Kugalilaya, vayimaga kutali vilolela amajowo ago.⁵⁰Lelela, pakhandi pakwali nu munu mwini sihemelwa Yusufu, mwini yumo wa barasa, umunu munofu na munya haki, ⁵¹(akhandi asiyitikhene na maamusi au insengo yanave), kihuma Kuarimathaya, umji gwa Kuuyahudi, gwini gukhandi guhepelesa uufalme wa Nguluvi.⁵²Umunu uyu, wamuhejelelaga Upilato, walombaga apelwe umuvili gwa Yesu. ⁵³Wamuyisaga, na wamupilimisisa isanda, na wamuvikha mukhaburi lini likhandi lihongwelwe ku ling'anga, lini kusina mwini anajelaje kisilwa.⁵⁴Lukhandi lusiku lwa maandalisi, ni Sabato yilikholela. ⁵⁵Avadala, vini vayinsaga nawo kihuama Kugalilaya, vamufwataga, na valwaga ilikhaburi na shini umuvili gwakwe gugoniswe. ⁵⁶Vatinaga na kiyansa kiyandala amafuta na marahi. Bahene ulusiku lwa abato vatuyaga kwa mujibu gwa sheriya.

¹Mapema sana ulusiku lwa kwansa lwa juma, wayinsaga kukhaburi, kileta mafuta gini vakhandi vagayandalile. ²Valyagaga iling'anga libilivandisiwe kutali ni khaburi. ³Vahuluta mukhati, lakini vasikhagwajile umuvili gwa Mtwa Uyesu.⁴Yawonekhaga kija, pini vayalangene kihusu ili, gahfla, avanu vavili vayimaga pakhati yanave vafwele amenda ga king;ala. ⁵Avadala kuno vana woga na vigindamiya ameho ganave pansi, vavajovela avadala, ''Kwanshii mukimusakula mwini ali musima mu vini vafwile?⁶Akusina panu, ila wafyukha! Kumbushi shini walogolaga nomwe pini akhandi bado ali Kugalilaya, ⁷wajovaga kija Umwana wa Adamu lasima ahumisiwe ku mokho ga vanu avanya sambi na asulubiswe, nulusiku lwa utatu, ambi ifyukha khanji.''⁸Vala avadala vakumbukhaga amajowo gakwe, ⁹na vatinaga kihuma kukhaburi na vavajovela amajowo aga gona vala kumi na mija na vanji wona. ¹⁰Basi Umaria Magdalena, Ujoana, Umaria unyina wa Yakobo, na vadala avanji bahamo navene vahumyaga itaarifa isi kwa vanandeje.¹¹Lakini uwujumbe uwu wawonekhanaga ngaja wa musaha hela kwa vanandeje, na vasikhavayaminile vala avadala. ¹²Hata ndeno Upetro wayimaga, na kisijila kiluta kukhaburi, na wahunjisaga na kilolela mukhati, wayagaga isanda yene. bahene Upetro wawukhaga watina kukhaya yakwe, ishangala shishi shini shapolela.¹³Na lelela, vavili mu vamo vanave vakhandi viluta ulusiku lulo kushijiji shimo shini shishemelwa Emmau, shini shikhandi maili sitini kihuma Kuyerusalemu. ¹⁴Vajadilianaga vene kwa vene kihusu amajowo gona gini gakhapolela.¹⁵Yawonekhaga kija, pini vakhandi vijadiliana na kiposaniya amaswali, Uyesu wahejelaga kholole wafwatana na vene. ¹⁶Lakini ameho ganave gasivilwagwa kumumanya umwene.¹⁷Uyesu wavajovela, ''Shishi shini omwe vavili mukishilogolela pini mwijenda?'' Vayimaga pala viwonekhana ni husuni. ¹⁸Yumo wanave, ilitawa lyakwe Cleopa, wajibu, ''Wuli owe uli munu wa tofauti panu Payerusalemu mwini usimenye amajowo gini gapolela huko insiku isi?''¹⁹Uyesu wavajovela, ''Majowo mashii?'' Vamujibu ''Amajowo kihusu Uyesu Mnasareti, mwini akhandi mukuvamalago, umuwesaji ku matendo na majowo pamwandi ya Nguluvi na vanu wona. ²⁰Na kwa namna shini avakhome va makuhani na valongosaji vesu shini vamuhumiyaga kihigwa kifwa na kumusulubisa.²¹Lakini tahivililaga kija umwene ndiyo ambi akivavikha huru Avaisraeli. Ndiyo, kutali na aga, ino lusiku lwa utatu kihuma amajowo aga gapolele.²²Lakini vope, avadala avamonga kihuma kushipuga sheeu vatishangasaga, baada ya kiva pakhaburi isubuhi mandu. ²³Pini vagukhosaga umuvili gwakwe, vayinsa, vija kija vagagaga khanji amaono ga vamalaikha vini vajovaga kija ali musima. ²⁴Avagosi avanji vini vakhandi bahamo nose valutaga kukhaburi, na kilwaga ngaja shishila shini avadala valogola. Lakini vasikhamwajile umwene.''²⁵Uyesu wavajovela, ''Omwe vanu vayasu na avanya numbula insito sa kiyamini gini avakuvamalago vagalogola! ²⁶Wuli yikhandi yisili lasima Uyesu kilava kwa majowo aga, na kihuluta kuutukufu wakwe?'' ²⁷Bahene kiyansinsa kwa Musa na vakuvamlago wona, Uyesu wavatafsilila amajowo gini gakimuhusu umwene kumaandikho gona.²⁸Pini vashihejelelaga shila ishijiji, huko kwini vakhandi viluta, Uyesu wagahaga ngaja apiluta kumwandi, ²⁹Lakini vamukhamilisaga, vija, ''Khala bahamo nose, kwa kiva ululandi lwafikha nulusiku lwasila.'' Bahene Uyesu wahuluta kiluta kikhala navene.³⁰Yawonekhaga kija, pini akhandi akhele nawo kilya, watolaga umukhate, wagubarikhi, na kugumenyaniya, wavapela. ³¹Bahene ameho ganave gadindulwa, vamumanya, na wayaga ghafla pamwandi ya meho ganave. ³²Valogonsaniya vene kwa vene, ''Kwani inumbula sesu sikhandi sisili mukhati yesu, pini wailogola nayuse munsila, pini watidinduli amaandikho?''³³Vayimaga ilisala lilyo, na kitina Kuyerusalemu. Vavatanganisa vala kumi na moja vatanganile pamo, na vala vini vakhandi nawo, ³⁴vija, ''Umtwa wafyukha kweli kweli, na wamupolela Usimoni.'' ³⁵Bahene vavajovela amajowo gini gapolela kunsila, na shini Uyesu wawonekha kunyanave na kugumenya umukhate.³⁶Pini vilogola amajowo ago, Uyesu yumwene wayimaga pakhati yanave, na wavajovela, '''Iamani yive kunyenyu.'' ³⁷Lakini vatilaga na kiva nu woga, na vahivaga kija vayagaga iroho.³⁸Uyesu wavajovela, Kwanshii musugumilwa? Kwanshii amaswali giyinukha munumbula senyu? ³⁹Leleli amokho gangu na magulu gangu, kija one yune. Nikhati na muniyaje. Kwa kiva inumbula yisina inyama na mafupa, ngaja shini mukiniyaga one kija nafyo.'' ⁴⁰Pini wamalaga kija ndeni, wavawonensa amokho gakwe na magulu gakwe.⁴¹Pini vakhandi bado nuushendefu wini wuhansikhene na kuto kiyamini, na kishangala, Uyesu wavajovela, ⁴²''Wuli muna shinu shoshona sha kilya?'' Vamupela ishipande sha nsii yini yinyanyilwe. ⁴³Uyesu washitola, na kushilya pamwandi yanave.⁴⁴Wavajovela, ''Pini nikhandi nomwe, navajovelaga kija gona gini gayandishwe ku sheriya ya Musa na vakuvamalago ni Saburi lasima gatimilishe.''⁴⁵Bahene wadindulaga uluhala lwanave, kija vawese kigayelewa amaandikho. ⁴⁶Wavajovela, ''Kija yiyandishwe, ukristo lasima alave, na kifyukha khanji kihuma kwa vini vafwile ulusiku lwa utatu. ⁴⁷Ni toba nu musamaha gwa sambi lasima fihubililwe kwa litawa lyakwe kwa mataifa gona, kiyansisa kihumilila Kuyerusalemu.⁴⁸Omwe muli mashahidi wa majowo aga. ⁴⁹Lelela, nikivatwalila iahadi ya Baba wangu kushanya yenyu. Lakini hepelesi panu palijiji, mpakha pini ambi mufwaswa ingufu kihuma kushanya.⁵⁰Bahene Uyesu wavalongosaga kunja mpakha pini vahejelaga Kubethania. Wayinula amokho gakwe, na wavabarikhi. ⁵¹Yawonekhaga kija, pini akhandi akivabarikhi, wavalekhaga na wasumulwa kushanya kiluta kushanya.⁵²Bahene vamuabudu, na kitina Kuyerusalemu nuushendefu mukhome. ⁵³Vayendelelaga kiva muhekalu, vikimupela ibarakha Unguluvi.

¹Pamwaandi kukhandi kukwali Iliswi, nu Uliswi akhandi bahamo nu Nguluvi, nu Liswi akhandi yu Nguluvi. ²Uyu, Uliswi, Pamwaandi akhandi bahamo nu Nguluvi. ³Ifinu fyona fyasenjekhaga kishilila umwene, na bila umwene kusina hata shinu shimo shini shikhandi shisenjeshe.⁴Mukhati yakwe kukhandi usima, nuuwo uusima ukhandi nuru kwa vanadamu wona. ⁵Inuru ying'ala munshisi, wala inshisi yisikhaisimise.⁶Pakhandi nu munu yumo mwini wafilikhwagwa kihuma kwa Nguluvi, mwini ilitawa lyakwe akhandi Yohana. ⁷Wayinsaga ngaja shahidi kushuhudila kihusu yila inuru, ili kija wona vawese kiyamini kishilila umwene. ⁸Uyohana akhali asili yila inuru, ila wayinsaga ili ashuhudile kihusu yila inuru⁹Iyo yikhandi nuru ya kweli yini yikhandi yiyinsa kunyii niyene yikimuponya inuru shila yumo¹⁰Akhandi kunyii, ninyii yawumbwagwa kishilila umwene, nayinyii yisikhamumanyile. ¹¹Wayinsaga ku finu fyakwe, na vanu vakwe vasikhamuposhelile.¹²Ila kwa vala vinji vini vamuposhelaga, vini vayaminigi ilitawa lyakwe, kwa awo wawapelaga ihaki ya kiva vana va Nguluvi, ¹³Vini vasawagwa, siyo kwa danda, wala kwa ugani wa muvili, wala kwa ugani wa munu, ila kwa Nguluvi yumwene.¹⁴Numwene Uliswi wasenjekhaga muvili na wakhalaga munyesu, tawaga uutukufu wakwe, uutukufu ngaja wa munu mwene duguli wa shene mwini wayinsaga kihuma kwa Wihesu, amemile ineema ni kweli. ¹⁵Uyohana washuhudilaga kihusu umwene na watansaga ishauti ija, ''Uyu ndiyo mwini nalogolaga ihabari sakwe nija, ''Yula mwini iyinsa baada yangu yu mukhome kishila one, kwa kiva wavaakwali khabla yangu.''¹⁶Kwa kiva kihuma kuutimifu wakwe, ose wona taposhela bure ishipawa baada ya shipawa. ¹⁷Kwa kiva isheriya yaletwagwa kishilila Umusa. Ineema ni kweli fyayinsaga kishilila Uyesu Kristo. ¹⁸Kusina umwanadamu mwini wamwagaga Unguluvi luhavi lolona. Umunu mwene mwini yu Nguluvi, mwini ali pashifuva sha Baba, wamugaha umwene amanyishe.¹⁹Na uwu ndio ushuhuda wa Yohana pini amakuhani na valawi vini vafwilishwe kunyakwe na Vayahudi kunuposa, ''Owe yu nani?'' ²⁰Bila kitilatila na asikhakhanile, ila wajibugu, ''One nisili Kristo.'' ²¹Bahene vamuposaga, ''kwa hiyo owe yu nani ino?'' Owe yu Eliya? Waja, '' One siyo. ''Vaja, Owe uli mukuvamalago? Waja,'' Hapana.''²²Bahene vamujovelaga, ''Owe yu nani, ili kija tivapele ilijibu vini vatifilikha''? Ukiishuhudila wuli yuwe?'' ²³Waja, ''One nilishauti yakwe mwini ikhola kunyikha: 'yigolosi insila ya Mtwa,' ngaja umukuvamalago uisaya shini wajovaga.''²⁴Basi kukhandi kuna vanu vaflishwe pala kihuma kwa Mafarisayo. Vamuposaga na kija, ²⁵Kwanshi wubatisa nda owe usili Kristo wala Eliya wala mukuvamalago?''²⁶Uyohana wawajibugu ija, ''Nikivabatisa kwa malenga. Hata ndeno, munyenyu iyima umunu mwini musimumenye. ²⁷Uyu ndiyo mwini iyinsa baada yangu.'' One nisifwaya kudedevesa ingalawo sa ndatu sakwe.'' ²⁸Amajowo aga gasenjekhaga huko Kubethania, mwambwa ya Yordani, amahala pini Uyohana akhandi ibatisa.²⁹Ulusiku lwini lufwata Uyohana wamwagaga Uyesu iyinsa kunyakwe wajovaga,'' Lelela umwanakholo wa Nguluvi mwini akiitola isambi ya wulimwengu! ³⁰uyu ndiyo mwini nalogola ihabari sakwe nija, ''Umwene mwini iyinsa kunyuma yangu ali mukhome kishila one, kwa kiva akhandi kabla yangu.' ³¹Nisikhamumenye umwene, lakini yasenjekhaga ndeno ili kija agubutulwe Kuisraeli, kija nikhandi nibatisa kwa malenga.''³²Uyohana washuhudilaga, ''Namwagaga Uroho iyikha kihuma kushanya ngaja nkunda, na yasigalaga kushanya yakwe. ³³One niikhamumenye lakini umwene mwini wanifilikha ili nibatiswe kwa malenga wanijovelaga,' yula mwini ambi ukimwaga Uroho iyikha na kikhala kushanya yakwe, Uyo ndiyo abatiswe kwa Roho Mtakhatifu.' ³⁴Nalwaga na nashuhudila kija uyo yu Mwana wa Nguluvi.''³⁵Khanji ulusiku lwini lwafwataga Uyohana akhandi ayimile bahamo na vanafunsi vakwe vavili, ³⁶Vamwagaga Uyesu ijenda nu Yohana waja, ''Lolela, Umwana kholo wa Nguluvi!''³⁷Avanafunsi vavili vamupulikhaga Uyohana pini ilogola aga vamufwataga Uyesu. ³⁸Khanji Uyesu wasetukhaga na kivaga avanafunsi vala vakimufwata, na wavajovala, ''Musakula nshii?'' Vajibu, ''Rabbi, (imaana yakwe 'mwalimu,' wikhala kwii?'' ³⁹Wavajovela, ''Yinsi na mulwaje, ''Bahene valutaga na kilwaga amahali pini akhali ikhala; vakhalaga bahamo numwene ulusiku ulo, kwa kiva yikhandi ngaja saa kumi ndeni.⁴⁰Yumo wa vala vavili mwini wamupulikhaga Uyohana ilogola na bahene kumufwata Uyesu akhandi yu Andrea, ukholo lwakwe Usimoni Petro. ⁴¹Wamwagaga ukholo lwakwe Usimoni na wamujovelaga, ''Tamupata Umasihi'' (yini yitafisiliwa Kristo). ⁴²Wamuletaga kwa Yesu. Uyesu wamulelela na waja, ''Owe yu Simoni mwana wa Yohana'' ambi wushemelwa Kefa,'' (amaana yakwe 'Petro').⁴³Ulusiku lwaini lwafwataga pini Uyesu akhandi isakula kiwukha kiluta Kugalilaya, wamupataga Ufilipo na wamujovela, ''Nifwata one.'' ⁴⁴Ufilipo akhandi mukhaya wa Kubethsaidi, inyii ya Andrea nu Petro. ⁴⁵Ufilipo wamupataga Unathanaeli na kimujovela, Tamupata yula mwini Umusa wayandikhaga ihabari sakwe ku sheriya na Vakuvamalago. Uyesu mwana wa Yusufu, kihuma Kunazareti.⁴⁶Unathanaeli wamujovelaga, ''Wuli ishinu shinofu shiwesa kupolela Kunasareti?'' Ufilipo wamujova, Yinsa na ulwaje.'' ⁴⁷uyesu wamwagaga Unathanaeli pini iyinsa kunyakwe na wajovaga, ''Lelela, Umwisraeli kweli kweli mwini asina uudehi mukhati yakwe!'' ⁴⁸Unathanaeli wamujova, ''Wanimanya wuli one?'' Uyesu wajibu na wamujovela, ''Khabla Ufilipo asinakushemele pini wa pansi ya mupishi, nanikwajile.''⁴⁹Unathanaeli wajibu, ''Rabi owe uli Mwana wa Nguluvi! Owe uli Mfalme wa Israeli''! ⁵⁰Uyesu wajibugu wamujovela, Kwa kiva nalinga nakujovela ' nalinga nakwaga pansi ya mupishi' wuli wuyamini? ukhagaga amatendo makhome kishila aga.'' ⁵¹Uyesu waja, ''Yamini yamini nikivajovela ambi mukisaga imbingu sidindukha, na kivaga avamalaikha vitana na kiyikha kushanya ya Mwana wa Adamu.''

¹Baada ya nsiku sitatu, kukhandi ni harusi huko Kukana ya Kugalilaya nu nyina wa Yesu akhandi uko. ²Uyesu na wanafunsi vakwe vakhandi vayanilwe ku harusi.³Pini vasililwagwa nuujimbi, unyina wa Yesu wamujovelaga, ''Vasina ujimbi.'' ⁴Uyesu wajibu, ''Mudala iyo yikinihusu one? Umuda gwangu one bado gusina timile.'' ⁵Unyina wakwe wavajovelaga avatumishi, ''Shoshona shini ambi akivajovela senji.''⁶Basi kukhandi ninjilo sita sa mang'anga pala sini sivishilwe kwa ajili ya kuinawa ku sikukuu sa Vayahudi, shila yimo yikhandi nu umemo wa nzio sivili hadi sitatu. ⁷Uyesu wavajovaga, ''Simemyi amalenga injilo sa mang'anga.'' Vamemya mpakha kushanya. ⁸Bahene wavajovela vala avatumishi, ''Tola ishiasi ino na mutwale kwa mhudumu mukhome wa mesa.'' Vagahaga ngaja shini valajiswa.⁹Umuhudumu mukhome wagajesaga gala amalenga gini gakhandi gasetwiswe na kiva ujimbi, ila asikhamenye kwini gahumaga ( lakini avatumishi vini vanegaga amalenga vamanyaga kwini gahuma). Bahene wamushemelaga ubwana harusi na ¹⁰kimujovela, ''Shila yumo iyansa ki apela avanu uujimbi munofu na pini vayelewa akivapela uujimbi wini usili munofu. Lakini owe wautunsa uujimbi unofu mpakha isalisi''¹¹Umuujisa ugu gwa Kukana ya Kugalilaya, gukhandi ndio mwanso gwa ishara sa miujisa gini wagasengaga Uyesu, igubutula uutukufu wakwe, bahene avanafunsi vakwe vamuyaminigo.¹²Baada ya ili, Uyesu, inyina wakwe, vanyalukholo vakwe na vanafunsi vakwe valutaga kunyii ya Kapernaum na vakhalaga uko kwa nsiku ndodo.¹³Basi Ipasaka ya Vayahudi yikhandi yihejelile, bahene Uyesu walutaga Kuyerusalemu. ¹⁴Wavagagaga avabudaji va ng'ombe, ikholo, ni njiva mukhati ya Litembe. Khanji na vasetusaji va hela vakhandi vakhele mukhati ya Litembe.¹⁵Uyesu watendaga umujalidi ugunya fifundo, wavahumya wona vini va mukhati ya litembe, yijumuisa ing'ombe ni kholo. Wakunulaga ihela sa vasetusa ihela namkusisetusa imesa sanave. ¹⁶Kwa vagusaji va njiva wavajovelaga, ''Humi ifinu ifi kutali na panu, leshi kigaha inyumba ya Baba wangu kiva mahala pa sokho.''¹⁷Avanafunsi vakwe vakumbukhaga kija yikhandi yiyandishwe, ''Uwifu wa nyumba yakho ambi ukinilya.'' ¹⁸Avakhome va shiyahudi vajibugu, vamujovela, Ni ishara nshii yini ambi ukiiwonensa kwa kiva ukigagaha amajowo aga?'' ¹⁹Uyesu wawajibu, libomoli Ilitembe ili nayune ambi nikilisenga baada ya nsiku sitatu.''²⁰Bahene avakhome va Shiyahudi wajovaga, ''yatumikhaga makha arobaini na sita kulisenga ilitembe ili newe wija ambi nukilisenga kwa nsiku sitatu?'' ²¹Japo kiva, umwene walogolaga ilitembe imaanisa umuvili gwakwe. ²²Bahene panyuma baada ya kifufukha kwakwe kihuma kwa vini vafwile, avanafunsi vakwe vakumbukhaga kija wajovaga ndeno, vayaminigi amaandikho ni kauli iyi yini Uyesu akhandi tayari ailogwele.²³Basi pini akhandi Kuyerusalemu ishipindi sha Pasakha, ishipindi sha sikukuuu vayaminigi ilitawa lyakwe, pini vasagaga iishara na miujisa gini wasengaga. ²⁴Lakini Uyesu akhandi asina nilihuvi na vene kwa kiva avamenye avanadamu wona. ²⁵Akhandi asisakula umunu yeyona kimujovela kihusu shini vashwali avanadamu kwa kiva akhandi amenye shini shikwali mukhati yanave.

¹Ino kukhandi nu Farisayo yumo mwini ilitawa lyakwe Nikodemu, yumo wa vajumbe va barasa lya Vayahudi. ²Umunu uyu wamulutilaga Umtwa Uyesu pashilo na kumujovela, ''Rabi, timenye kija owe uli mwalimu kihuma kwa Nguluvi, kwa kiva kusina umunu yeyona mwini iwesa kitenda iishara isi sona Unguluvi nda asili bahamo numwene.''³Uyesu wajibu, ''Yamini, yamini, umunu asiwesa kiyinjila kuufalme wa Nguluvi nda asisawilwe mara ya uvili.'' ⁴Unikodemu waja,'' Umunu iwesa wuli kisawa nda wagosipa? Asiwesa kihuluta muutumbo wa nyina lwa uvili na kisawa, wuli iwesa?''⁵Uyesu wajibu, ''Yamini, yamini umunu nda asisawilwe kwa malenga na kwa Roho, asiwesa kihuluta kuufalme wa Nguluvi. ⁶Shini shisawilwe kwa muvili ni muvili, na shini shisawilwe kwa Roho ni roho.⁷Usikhashangalaga kwa kiva nalinga nakujovela, 'ni lasima kswa lwa uvili.' ⁸Ilipepo likutikha popona pini lidobokha ni shauti yakwe mukiipulikha, lakini musimenye kwini lihuma na kwini liluta. Ndiyo shini yishwali ihali ya mwini asawilwe ni roho.⁹Unikodemu wajibu, kwa kija, ''Amajowo aga giwesekhana wuli?'' ¹⁰Uyesu wajibu, ''Owe uli mwalimu wa Israeli, mpakha usigamenye amajowo aga? ¹¹Yamini, yamini, nikikujovela, shila shini tishimenye tikishishuhudila kwa shila shinia tashaga. Lakini musiposhela uushuhuda wesu.¹²Nda navajovela amajowo ga hapa padunia na musikigayamini, mungawesa kiyamini nda ambi nikivajovela amajowo ga kushanya? ¹³Kwa kiva kusina mwini watana kushanya kihuma kumbingu isipokiva umwene mwini wayikha, Umwana wa Adamu.¹⁴Ngaja ndenela Umusa shini waiyinulaga injokha kunyikha, ino shisho Umwana wa Adamu lasima ayinulwe, ¹⁵ili kija wona vini ambi vakimuyamini vapate uusima wa shiluta.¹⁶Kwa iva inamna iyi Unguluvi waudobokhaga uulimwengu, kija wamugumyaga umwanakwe mwini ali mwene, ili kija yeyona mwini akimuyamini asikhafwisaga ila ave nuusima wa shiluta. ¹⁷Kwa kiva Unguluvi asikhamufilishe umwanakwe kudunia ili ahije uulimwengu, ila kija uulimwengu ukulusiwe kwa kishilila umwene. ¹⁸Mwini akimuyamini Umwene asikha higwa. Umwene mwini asikimuyamini sha tayari wahigwa kwa kiva asiliyaminile ilitawa lya Mwana mwini ali mwene wa Nguluvi.¹⁹Iyi ndiyo sababu ya uhigo, ya kija inuru yayinsa kuulimwengu, laikini avanadamu vadobokha inshisi mandu kishila inuru kwa kiva amatendo ganave gakhandi mavii. ²⁰shila munu mwini isenga amavi asikiitola inuru wala asiyinsa munuru ili amatendo gakwe gasikhayinsaga gavishwe mwasi. ²¹Lakini, umwene mwini isenga ikweli iyinsa ku nuru ili amatendo gakwe gawoneshe kija gwasengwa kwa kimupulisa Unguluvi.²²Baada ya aga, Uyesu bahamo na vanafunsi valutaga kunyii ya Yudea. Uko watumilaga umuda bahamo nawo na akhandi ibatisa. ²³Ino Uyohana khanji akhandi ibatisa huko Kuainea kholela na Kusalim kwa kiva kukhandi na malenga minji pala. Avanu vakhandi viyinsa kunyakwe na kibatiswa, ²⁴kwa kiva Uyohana akhandi asinatajwe mugeresa.²⁵Bahene kwapolelaga amabishano khati ya vanafunsi nu Yohana na Vayahudi kihusu isikukuu ya utakhaso. ²⁶Valutaga kwa Yohana vamujovela, ''Rabi, umwene mwini ukhandi nawo kumwambwa ya Mukhoga gwa Yoridani, umwene mwini washuhudilaga ihabari sakwe, lelela, ibatisa na wona viluta vakimufwata.''²⁷Uyohana wajibu umunu asiwesa kiposhela ishinu shoshona isipokiva nda wapelwa kihuma kushanya. ²⁸Omwe yumwe mushuhudila kija nalogolaga kija, 'one nisili Kristo', badala yakwe najovaga, 'nafilikhwa pamwandi yakwe.'²⁹Umwene mwini ana bibi harusi yu bwana harusi. ino urafiki wa bwana harusi, mwini ayimile na kipulisa ishendevela mandu kwa sababu ya shauti ya bwaba harusi. Iyi ino ni ushendevo wangu wini wutimilishe. ³⁰Ipaswa kisidi, none nipaswa kipungukha.³¹Umwene mwini ihuma kushanya, ali kushanya ya fyona. Umwene mwini ali wa wulimwengu ihuma kuwulimwengu na ilogola amajowo ga shiwulimwengu. Umwene mwini ihuma kushanya ali kushanya ya fyona. ³²Umwene ishuhudila gala gini wagaga na kugapulikha, lakini kusina mwini iposhela uushuhuda wakwe. ³³Umwene mwini waposhela uushuhuda wakwe wahakikisha kija Unguluvi ali mkweli.³⁴Kwa kiva umwene mwini afilishwe nu Nguluvi ilogola amajowo ga nguluvi. Kwa kiva asikimupela Uroho kwa shipimo. ³⁵Ubaba akimudobokha Umwana na wamupela ifinu fyona mumokho gakwe. ³⁶Umwene mwini akimuyamini Umwana ana usima wa shiluta, lakini kwa mwene mwini asikimupulisa Umwana asikhawaga uusima, ila ihasira ya Nguluvi yikhatana kunyakwe.

¹Basi Uyesu pini wamanyaga kija Amafarisayo vapulikha kija Uyesu akhandi ifwasa na kibatisa saidiya Yohana, ²(japokiva Uyesu yumwene akhandi asibatisa ila avanafunsi vakwe), ³wahumaga Kuyudea na walutaga Kugalilaya.⁴Ino yikhandi muhimu kishilila Kusamaria. ⁵Na wafikhaga kumji gwa Samaria, gwini gushemelwa Sikari, kholela nilieneo lini Uyakobo wamupelaga umwanakwe Uyusufu.⁶Nishisima sha Yakobo shikhandi hapo. Uyesu akhandi akhatele kwa sababu ya lushulo na wakhala kholela nilisima . yikhandi luhavi lwa paminsi. ⁷Umudala umusamaria wayinsaga kinega amalenga, nu Yesu wamujovelaga, ''Nipela amalenga ning'wele.'' ⁸Kwa kiva avanafunsi vakwe vakhandi valutile lwanave kumujini kigula ishakilya.⁹Yula umudala wamujovelaga, ''Yiva wuli owe Muyahudi, kunilomba one umudala Musamariya, ishinu sha king'wela?'' Kwa kiva avayahudi vasihansikhana na Vasamaria. ¹⁰Uyesu wajibu, ''Nda wa umanye ikarama ya Nguluvi, nu yula mwini akikujovela 'Nipela amalenga, ' nda wamulomba, na nda wakupela amalenga ga usima.''¹¹Umudala wajibu, ''Mtwa usina akhadowo kha kunejela, nilisima litali. Ambi ukigapata kwii Amalenga ga Usima.? ¹²Wuli owe uli mukhome, kishila uwihesu wesu Uyakobo, mwini watipelaga ilisima ili, numwene yumwene na vanakwe vakwe bahamo na mifugo gwakwe vang'welaga amalenga ga lisima ili?''¹³Uyesu wajibu, ''Yeyona mwini ing'wela amalenga aga ambi ipata ikhau khanji, ¹⁴lakini umwene mwini ambi ing'wela amalenga gini ambi nikimupela asikhapata ikhau khanji. Badala yakwe amalenga gini ambi nikimupela ambi giva chemchemi yini yifwilila hayta shiluta.''¹⁵Yula umudala wamujovelaga, ''Mtwa, nikigalomba amalenga ago ili nisikhapataga ikhau khanji, na nisikhalavaga kiyinsa panu kinega amalenga.'' ¹⁶Uyesu wamujovela, ''Luta umushemele umugosi wakho, bahene utine.''¹⁷Umudala wamujovela, ''Nisina mugosi.'' Uyesu wajibu, ''Walogola unofu, 'Nisina mugosi;' ¹⁸kwa kiva wava na vagosi vasanu, na yumo mwini unawo isalisi asili mugosi wakho. Ku ili walogola kweli!''¹⁹Umudala wamujovela, ''Mtwa nikilwaga kija owe uli mukuvamalago. ²⁰Ava wihesu vesu vaabudugu kushidunda ishi. Lakini omwe mwija Iyerusalemu ndiyo sehemu yini avanu vipaswa kiabudu.''²¹²²Uyesu wajibu, ''Mudala, niyamini, uluhavi luyinsa pini musikhamwabudu Ubaba kushidunda ishi au Kuyerusalemu. Omwe vanu muabudu shila shini musishimenye, lakini ose tiyabudu shini tishimenye, kwa kiva uukulusaji wihuma kwa Vayahudi.''²³Hata ndeno, uluhavi luyinsa , naisalisi luli panu, pini vini viyabudu kweli vasimwabudu Uwihesu kwa roho ni kweli, kwa kiva Uwihesu akivasakula avanu va namna iyo kiva avanu vakwe vini vakimwabudu. ²⁴Unguluvi yu Roho, na vala vini vakimwabudu vipaswa kumwabudu kwa roho ni kweli.''²⁵Umudala wamujovela, ''Nimenye kiva Umasihi iyinsa, (mwini ishemelwa Kristo). Uyo pini akhayinsa ambi akitijovela gona.'' ²⁶Uyesu wamujovelaga, ''One mwini wulogola none ndiyo.''²⁷Uluhavi lulo avanafunsi vakwe vatinaga. Navene vashangalaga kwanshii akhandi ilogola na vadala, lakini kusina mwini wajelaga kimuposa, ''Wusakula shishi?'' au ''Kwanshi wulogola numwene.?''²⁸Bahene umudala wailekhaga injilo yakwe na walutaga kumujini na wavajovelaga avanu, ²⁹''Yinsi mulelele umunu mwini wanijovela amajowo gangu gona gini nagasenga, wuli yiwesekhana angava ndiyo Kristo?'' ³⁰Vahumaga kumjini vayinsaga kunyakwe.³¹Uluhavi lwa paminsi avanafunsi vakwe vamulombaga vija, ''Rabi lyaa ishakilya.'' ³²lakini umwene wavajovelaga, ''One ninasho ishakilya shini musishimenye omwe. ³³''Avanafunsi vajovelanaga, kusina mwini wamuletela ishinu shoshona kilya,'' Wuli valetaga?''³⁴Uyesu wamujovelaga, ''Ishakilya shangu ni kisenga uugani wakwe umwene mwini wanifilikha na kitiminsa insengo yakwe. ³⁵Wuli, musilogola, 'Bado mesi gasanu na mafuno ambi giva tayari?' Nikivajovela leleli amagunda shini gali tayari kwa mafuno! ³⁶Umwene mwini ikungula iposhela umushahala na kikunganiya amatunda kwa ajili ya usima wa shiluta, ili kija umwene mwini ivyala numwene mwini ikungula vashendeve bahamo.³⁷Kwa kiva umusemo ugu ni gwa kweli, 'Yumo ivyala nu yunji ikungula.' ³⁸Navafilikhaga kikungula shini musikhashilavile, Avamonga vasenga insengo nomwe mwayinjila kuushendefu wa nsengo yanave.''³⁹Avasamariya vinji ku mji gula vamuyaminigi kwa sababu ya taarifa ya yula umudala mwini akhandi ishuhudila, ''Mwini wanijovelaga amajowo gona gininnagasengaga.'' ⁴⁰Bahene Avasamaria pini vayinsaga vamulombaga akhale bahamo nawo na wakhalaga kunyanave kwa nsiku sivili.⁴¹Na vinji mandu vamuyaminigi kwa sababu ya liswi lyakwe. ⁴²Vamujovelaga yula umudala, ''Tiyamini siyo tu kwa majowo gakho, kwa kiva ose yuse tapulikha, naisalisi timenye kija hakika umwene yu mukulusaji wa ulimwengu.''⁴³Baada ya nsiku iso sivili, wawukhaga na kiluta Kugalilaya. ⁴⁴Kwa kiva umwene yumwene akhandi atangasise kija umukuvamalago asina lishila kunyii yakwe yumwene. ⁴⁵Pini wayinsaga kihuma Kugalilaya, Avagalilaya vamukhalibisaga. Vakhandi vagaga amajowo gona gini wagasenga Kuyerusalemu kusikukuu, kwa kiva na vene vakhandi valutile ku sikukuu.⁴⁶Wayinsaga khanji Kukana ya Kugalilaya huko kwini wagasetusaga amalenga kiva ujimbi. Kukhandi nu ofisa mwini umwana wakwe akhandi ali mutamu huko Kukapernaumu. ⁴⁷Pini wapulikhaga kija Uyesu wahumaga Kujudea na kiluta Kugalilaya, walutaga kwa Yesu na kimulomba ayishe amuponese umwanakwe,mwini akhandi kholela kifwa.⁴⁸Bahene Uyesu wamujova, ''Omwe nda musisajile iishara na maajabu musiwesa kuyamini. ⁴⁹Umulongosaji wajova, ''Mtwa yikha pansi khabla umwanangu asinafwe.'' ⁵⁰Uyesu wamujovelaga, ''Luta umwanakho ali musima.'' Yula umunu wayaminigi iliswi lini walilogola Uyesu na walutaga lwakwe.⁵¹Pini akhandi iyikha, avatumishi vakwe vamuposhelaga na kimujovela umwanakwe akhandi musima. ⁵²Bahene wawaposaga muda mushi wapataga inafuu. Vajibugu, ''Imihe muda gwa saa saba ihoma yamuleshelaga.''⁵³Bahene uwihe wakwe wamanyaga kija gu muda gugula uyesu gwini Uyesu walogolaga, ''Umwanakho ali musima.'' Bahene umwene ni familiya yakwe vayaminigi. ⁵⁴Iyi yikhandi ni ishara ya uvili yini waigahaga Uyesu pini wahumaga Kuyudea kiluta Kugalilaya.

¹Baada ya hapo kukhandi ni sikukuuu ya Vayahudi, nu Yesu watanaga kiluta Kuyerusalemu. ²Na kula Kuyerusalemu kukhandi ni birika kumulyango gwa kholo, lini likhandi lishemelwa kwa lugha ya Shiebrania Bethzatha nilyene lina matao gasanu. ³iidadi khome ya vatamu yikhandi yikwali, avapofu, avalema, au vini vapoosise vakhandi vagonile ku matao ago. { Fwatilila: Amajowo ga musholela gwa 3 gasiwonekha munakala inofu sa panyuma. ''Vihepelesa amalenga kitigwa.'') Kwa hakikia uluhavi lumonga umalaikha wayikhaga mukhati ya Mtwa na kutigula amalenga. ⁴Ino, yula mwini iva wa kwansakuyinjila mukhati ya baada ya malenga kitigwa wagahagwa musima kihumana na shoshona shini shikhandi shimukhete kwa luhavi ulo.⁵Nu munu yumo akhandi atamilwe kwa muda gwa makha thelathini na nane akhandi mukhati ya matao. ⁶Uyesu pini wamwagaga agonile mukhati ya matao na baada ya kimanya kija agonile pala kwa muda mukhome Uyesu wamujovelaga, ''Wuli wusakula kiva musima?''⁷Yula umutamu wamujibu, ''Mtwa nsina umunu, wa kunivikha mubirikha pini amalenga gitigulwa. Pini nijesa kihuluta umunu uyunji akinilongolaga.'' ⁸Uyesu wamujovela, ''Yima na utole igodoro lyakho ulute.''⁹Baho yula umunu waponeswa, watolaga ishitanda shakwe na waluta. Nulusiku ulo lukhandi lusiku lwa Sabato.¹⁰Bahene Avayahudi vamujovelaga yula umunu mwini waponeswa, ''Ineng'ana lusiku lwa Sabato, na usiluhusiwa kisumula iligodoro lyakho.'' ¹¹Wajibugu, umwene mwini waniponesa ndiyo mwini wanijovelq, ''Tola iligodoro lyakho na ulute.''¹²Vamuposaga, ''Yunani mwini wakujovela 'Tola iligodoro lyakho na ulute?'' ¹³Lakini, yula mwini waponeswa asikhamumenye, kwa kiva Uyesu akhandi awushile kwa kuifiha. Kwa kiva kukhandi na vanu vinji ku sehemu iyo.¹⁴Baada ya hapo Uyesu wamwagaga yula umunu kulitembe na wamujovelaga, ''Lolela, wapona! ''Usikhasengaga isambi khanji ili usikhayinsaga ukhatwe nulujowo uluvi mandu.'' ¹⁵Yula umunu walutaga na kivajovela Avayahudi kija Uyesu ndiyo mwini waniponesa.¹⁶Bahene, kwa sababu ya majowo ago Avayahudi vamulafyaga Uyesu, kwa kiva wagahaga amajowo aga ulusiku lwa Sabato. ¹⁷Uyesu wavajovelaga, ''Ubaba wangu isenga insengo mpakha isalisi nayune nisenga insengo.'' ¹⁸Kwa sababu iyo Avayahudi vayendelelaga kumusakula ili vamubude sio tu kwa sababu ya kuinanga Isabato, ila kwa kumushemela Unguluvi Wihe wakwe, wagahaga kiva sawa nu Nguluvi.¹⁹Uyesu wajibugu, ''Yamini yamini, Umwana asiwesa kisenga ishinu shoshona isipokiva shila shini washaga Uwihe wakwe akishisenga, kwa kiva shoshona Uwihe shini akishisenga shisho nu Mwana shini ambi isenga. ²⁰Kwa kiva Ubaba akimudobokha Umwana, na akimusonesa shila shinu shini akishisenga na aasimusonese amajowo amakhome kishila aga ili kija musidi kishangala.''²¹Kwa kiva ngaja ndenela shini Ubaba akivafufula vini vafwile na kivapela uusima, shisho Umwana khanji akimupela yeyona mwini amugene. ²²Kwa kiva Uwihesu asikimuhiga yeyona, ila wamupela Umwana uuhigo wona ²³ili kija wona vamuheshimu Umwana ngaja ndenela Umwana shini akimuheshimu Uwihe. Umwene mwini asikimuheshimu Umwana asikimuheshimu Uwihe mwini wamufilikha.²⁴Yamini, yamini, umwene mwini ipulikha iliswi lyangu na kimuyamini umwene mwini wanifilikha anawo uusima wa shiluta na asikhahigwa. Badala yakwe, washila kihuma mumauti ya kihuluta muusima.²⁵Yamini, yamini, nikivajovela uluhavi luyinsa na isalisi lukwali vini vafwile vasipulishe ishauti ya Mwana wa Nguluvi, na wona vini ambi vipulikha ambi vikhala.²⁶Kwa kiva ngaja ndenela Uwihesu shini ali nuusima mukhati yakwe yumwene, ²⁷shisho wamupela Umwana kiva nuusima mukhati yakwe, nu Wihesu wamupela Umwana amamulakha ili kija ahije kwa kiva yu Mwana wa Adamu.²⁸Musikhashangasagwa ni ili, kwa kiva uluhavi luyinsa lwini vini vafwile wona vini vakwali mumakhaburi vasiipulishe ishauti yakwe ²⁹navene vasipole kunja: kwa vini vasengaga amanofu kwa ufufuwo wa usima, na vini vasengaga amavi kwa ufufuwo wa uhigo.³⁰Nisiwesa kisenga ishinu shoshona kihuma kunyangu yune. Ngaja shini nipulikha, ndiyo shini nihiga nuuhigo wangu ni wa haki kwa kiva nisikhafuta uugani wangu, ila uugani wakwe mwini wanifilikha. ³¹Nda niishuhudile yune, uushuhuda wangu nda wusava wa kweli. ³²Kuna yunji mwini ishuhudila kihusu one na nimenye kwa hakika uushuhuda wini akinishuhudila ni wa kweli.³³Namufilikha kwa Yohana numwene waishuhudila ikweli. ³⁴Hata ndeno, uushuhuda wini nikiuposhela usihuma kwa vanadamu. Nikigalogola aga ili kija muwese kikulusiwa. ³⁵Uyohana akhandi tala yini yikhandi yivekha na king'ara, na mukhandi tayari kuishendevela kwa muda mukhome inuru yakwe.³⁶Uushuhuda wini ninawo ni mukhome kishila wula wa Yohana, kwa nsengo sini Ubaba wanipela kusikhamilisa, iso insengo sini nikisisenga sishuhudilaa kija Ubaba wanifilikha. ³⁷Ubaba mwni wanifilikha umwene yumwene washuhudila kihusu one. Musinajelaje kipulikha ishauti yakwe wala kilyaga iliumbo lyakwe luhavi lolona. ³⁸Kusina iliswi lyakwe lini likhala mukhati yenyu kwa kiva musikimuyamini umwene mwini wafilikhwa.³⁹Mukigalelela amaandikho muhiva kija mukhati yakwe kuna usima wa shiluta, na ago amaandikho gishuhudila ihabari sangu na ⁴⁰mulema kiyinsa kunyangu ili mupate uusima wa shiluta.⁴¹Nisiposhela isifa kihuma kwa vanu, ⁴²lakini nimenye kija musina uugani wa Nguluvi mukhati yenyu omwe yumwe.⁴³Namanya kwa litawa lya Baba wangu musikhawesise kiposhela. Nda uyunji ayinse kwa litawa lyakwe da mwamuposhela. ⁴⁴Wuli muwesa wuli kiyamini omwe vini muposhela isifa kihuma kwa shila yumo wenyu lakini musisakula isifa yini yihuma kwa Nguluvi mwini alimwene?⁴⁵Musikhahivaga one nikhavasitakha pamwandi ya Wihesu. Mwini akivasitakha omwe yu Musa, mwini omwe mwavikha amatumaini genyu kunyakwe. ⁴⁶Nda mwamuve mukimuyamini Umusa , nda mwaniyamini one kwa kiva wayandikhaga kihusu ihabari sangu. ⁴⁷Nda musiyamini amaandikho gakwe, mungawesa wuli kiyamini amajowo gangu.?

¹Baada ya majowo aga, Uyesu walutaga kupande sa Bahari ya Kugalilaya, khanji yishemelwa Bahari ya Tiberia. ²Umukhutano mukhome gukhandi gukumufwata kwa kiva vasagaga iishara sini wasigahaga kwa vini vakhandi vatamu. ³Uyesu watanaga kushanya hadi ulubali lwa kushanya lwa shidunda na wakhala uko na vanafunsi vakwe⁴(Ni Pasakha, Isikukuu ya Vayahudi yikhandi yihejelile). ⁵Uyesu pini wayinulaga ameho gakwe kushanya na kilwaga uumati mukhome wuyinsa kunyakwe wamujovelaga Ufilipo, ''Ambi tiluta kwii kwigula amakhate ili ava vawese kilya''? ⁶(Lakini Uyesu akigalogola aga kwa Filipo kwa kumujesa kwa kiva umwene yumwene wamanyaga shini ambi isenga).⁷Ufilipo wamujibu, ''Hata amakhate ga thamani ga dinari mia mbili nda gasakwilana hata shila yumo kipata hata shipande shidodo.'' ⁸Uandrea, yumo wa vanafunsi vakwe ukholo lwakwe Usimoni Petro wamujovela ⁹Yesu, ''Kuna mudimi panu ana makhate gasanu ni nswii sivili, lakini iyi yifwaya nshii kwa vanu vinji namna iyi?''¹⁰Uyesu wavajovelaga,''Vakhasi avanu pansi'' (kukhandi na masole minji amahala pala). Bahene avagosi ngaja elfu tano vakhalaga pansi. ¹¹Bahene Uyesu watolaga gala amakhate gasanu wahonjesa wavagavila vala vini vakhandi vakhele. Shisho wavagavila inswii kwa shini vakhandi visakula. ¹²Avanu pini vaikutaga, wavajovelaga avanafunsi vakwe, ''Fikunganiyi ifipande fini fisigele, fini fisigele ili kija shisikhayagaga shoshona.''¹³Basi vakunganiyaga na kimemya ifikhapu kumi na mbili, ifipande fya makhate gasanu ga shayiri- ifipande fini fyasigasiwagwa na vala vini valisaga. ¹⁴Bahene avanu pini vayagaga iishara iyi yini waisengaga vajovaga, ''Kweli uyu ndiyo mkuvamalago mwini ayinsile pawulimwengu.'' ¹⁵Uyesu pini wamanyaga kija vakhandi visakula kimukhata ili vamugahe kiva mfalme wanave, waikwewusaga, khanji waluta kushidunda umwene mwene duguri.¹⁶Pini yikhandi lulandi, avanafunsi vakwe vayikhaga kiluta kuziwa. ¹⁷Vatanaga ku shipugo na vakhandi vilowokha kiluta Kukapernaumu. (Inshisi yikhandi yihulwite nu yesu akhandi bado asina yinse kunyanave). ¹⁸Uluhavi ulo ilipepo likhali likhandi lipuga, ni bahari yikhandi yiyendelela kushafukha.¹⁹Khanji avanafunsi vakwe pini vakhandi vatovile amatela ngaja ishirini na tano au thelathini, vamwagaga Uyesu ijenda kushanya ya bahari kushihejelela ishipugo, na vatilaga. ²⁰Lakini wavajovelaga, ''Yune! Musikhatilaga.'' ²¹Khanji vakhandi tayari kumusumula kushipugo, baho ishipugo shafikhaga kunyii amahala pini vakhandi viluta.²²Ulusiku lwini lwafwataga, umukhutano gwini gukhandi guyimile ulubali lwa bahari valwagaga kija kusina ishipugo ishinji isipokiva shila shini Uyesu na vanafunsi vakwe vakhandi vasishitanile lakini avanafunsi vakwe vakhandi valutile lwanave vavene. ²³(Japo, kukhandi ni baasi ya fipugo fini fihumile Kutiberia kholela na mahala pini valisaga amakhate baada ya Mtwa kihumya uluhonjeso).²⁴Pini umukhutano gwamanyaga kija siyo Uyesu wala vanafunsi vakwe vakhandi kula, avene vavene vatanaga ishipugo valutaga Kukepernaumu vakimufwata Uyesu. ²⁵Baada ya kimupata ulubali ulunji lwa ziwa vamuposa, ''Rabbi wayinsaga yoli kuno?''²⁶Uyesu wavajibu, wavajovela, Yamini, yamini, mukinisakula one, sio kwa sababu mwasagaga iishara, ila kwa sababu mwalisaga amakhate na kuikuta. ²⁷Leshi kushisenjela insengo ishakilya shini shinanjikha, ila mushisenjele insengo ishakilya shini shikhala hata shiluta shila shini umwana wa Adamu ambi akivapela, kwa kiva Unguluvi Uwihesu avishile umuhuri kushanya yakwe.''²⁸Bahene vamujovelaga, ''Shishi tipaswa kisenga ili kusisenga insengo sa Nguluvi?'' ²⁹Uyesu wajibu, ''Iyi ndiyo insengo ys Nguluvi: kija mumuyamini umwene mwini wanifilikha.''³⁰Bahene vamujovelaga, ''Ni ishara shii sini ambi wigaha, kija tiwesa kusaga na kukuyamini? Ambi wigaha nshii? ³¹Avawihesu vesu valisaga imana kunyikha, ngaja shini yiyandishwe, ''Wavapelaga amakhate kihuma kushanya ili valye.''³²Bahene Uyesu wajibu, ''Yamini, yamini, siyo Umusa mwini wawapelaga amakhate kihuma kushanya, ila Ubaba wangu ndiyo mwini akivapela amakhate ga kweli kihuma kushanya. ³³Kwa kiva umukhate gwa Nguluvi ni gula gwini guyikha kihuma kushanya na kuupela uusima uwulimwengu. Bahene vamujoela, ³⁴''Mtwa tipela ugu umukhate luhavi lolona.''³⁵Uyesu wavajovela, ''One ndiyo mukhate gwa usima, umwene mwini iyinsa kunyangu asikhapata injala nu mwene mwini akiniyamini asikhapulikha ikhau shiluta.'' ³⁶Japo navajovelaga kija, mwaniyaga, na bado musiyamini. ³⁷Wona vini Ubaba akinipela vakhayinsa kunyangu, na yeyona mwini iyinsa kunyangu nisikhamutaga kunja khabisa.³⁸Kwa kiva nayikha kihuma kushanya, siyo kwa ajili ya kisenga uugani wangu, ila uugani wakwe mini anifilishe. ³⁹Na aga ndiyo mapensi gakwe mwini anifilishe, kija nisikhamuyasaga hata yumo wa vala vini wanipela, ila nikhavafufula ulusiku lwa mwisho. ⁴⁰Kwa kiva uwu ndiyo ugani wa Baba wangu, kija yeyona mwini akimulelela Umwana na kumuyamini apate uusima wa shiluta; nayune nikhamufufula ulusiku lwa mwisho.⁴¹Bahene avayahudi vamunung'unishilaga kimuhusu umwene kwa kiva wajovaga, ''One ni mukhate gwini gayikha kihuma kushanya.'' ⁴²Vajovaga , ''Huyu siyo yu Yesu mwana wa Yusuph, mwini uwihe nu nyina tivamenye? Yiva wuli isalisi ija, 'Nayikha kihuma kushanya'?''⁴³Uyesu wajibu, wavajovela, ''Musikhanung'unishilanaga munyenyu yumwe. ⁴⁴Kusina umunu mwini iyinsa kunyangu nda asikwehilwe nu Baba wangu mwini wanifilikha, nayune nikhamufufula ulusiku lwa mwisho. ⁴⁵Kwa kiva yiyandishwe kwa vakuvamalago, 'Vakhamanyisiwa nu Nguluvi.' Shila mwini wapulikha na waimanyisa kihuma kwa Baba, iyinsa kunyangu.⁴⁶Sio kija kuna munu mwini wamwaga Ubaba, isipokiva umwene mwini ihuma kwa Nguluvi- wamwaga Ubaba. ⁴⁷Yamini, yamini umwene iyamini anawo uusima wa shiluta.⁴⁸One ni mukhate gwa usima. ⁴⁹avawihenyu venyu valisaga imanna kunyikha, na vafwisaga.⁵⁰Ugu ndio mukhate gwini guyikha kihuma kushanya, ili kija umunu agulye isehemu yakwe ili asikhafwisaga. ⁵¹One nili mukhate gwini gwikhala gwini gwayikha kihuma kushanya. Nda umunu yeyona alye isehemu ya mukhate ugu, ambi ikhala shiluta. Umukhate gwini ambi nikiguhumya ni muvili gwangu kwa ajili ya usima wa ulimwengu.''⁵²Avayahudi vakhalalaga vene kwa vene na vayansaga kibishaniya vija, ''Umunu uyu iwesa wuli kitipela umuvili gwakwe tilye?'' ⁵³Bahene Uyesu wavajovela, ''Yamini, yamini, nda musikhagulya umuvili gwa Mwana wa Adamu na kuingwela idanda yakwe, na musikhava nuusima mukhati yenyu.⁵⁴Yeyona mwini ambi akigulya umuvili gwangu na kuing'wela idanda yangu ana usima wa shiluta, nayune nikhamufufula ulusiku lwa mwisho. ⁵⁵Kwa kiva umuvili gwangu ni shakilya sha kweli, ni danda yangu ni shinywaji sha kweli. ⁵⁶Umwene mwini akigulya umuvili gwangu na kuigwela idanda yangu ikhala mukhati yangu, none mukhati yakwe.⁵⁷Ngaja Ubaba umunya usima shini wanifilikha, na ngaja shini nikhala kwa sababu ya Baba, na yumwene khanji akhakhala kwa sababu yangu. ⁵⁸Ugu ndiyo mukhate gwini guyikha kihuma kushanya, siyo ngaja ndenela avawihesu shini valisaga vafwisaga. Umwene mwini ambi akigulya umuvili ugu ambi ikhala shiluta. ⁵⁹Uyesu waglogolaga amajowo aga mukhati ya sinagogi pini akhandi ifundisa huko Kukapernaumu.⁶⁰Bahene vinji va vanafunsi vakwe pini vapulikhaga aga, vajovaga, ''Ili nilifundiso lyumu yu nani mwini iwesa kuliposhela?''' ⁶¹Uyesu kwa kija wamanyaga kija avanafunsi vakwe vakhandi visikhitishilila ulujowo ulu, wuvajovelaga wuli ulujowo ulu lukivakwasa?⁶²Basi yikhava wuli pini mukhamwaga umwana wa Adamu iyikha kihuma kwini akhandi akwali khabla? ⁶³Yu Roho ndiyo mwini ihumya uusima. Umuvili gusifaidi ishinu shoshona. Amajowo gini nalinganagalogola kunyenyu ni riho na ni usima.⁶⁴Bado kuna vanu kunyenyu vini vasiyamini.'' kwa kiva Uyesu wamanyaga kihuma pamwaandi yula mwini asiwesa kuyamini na umwene mwini nda wamusetukha. ⁶⁵Wavajovela, ni kwa sababu iyi navajovelaga kija kusina umunu mwini iwesa kuyinsa kunyangu isipokiva wapelwa nu Baba.''⁶⁶Baada ya aga avanafunsi vakwe vinji vatinaga munyuma na vasikhafwatene numwene khanji. ⁶⁷Uyesu wavajovelaga vala kumi na mbili, ''Wuli na yumwe musakula kiwukha?'' ⁶⁸Usimoni Upetro wamujibu, ''Mtwa tilute kwa nani kwa kiva owe unago amajowo ga usima wa shiluta, ⁶⁹na tayamini na kimanya kija owe uli Mtakhatifu wa Nguluvi.''⁷⁰Uyesu wavajovelaga, ''Wuli one nisikhavahagwile omwe, na yumo wenyu yu ibilisi? ⁷¹Ino akhandi ilogola kihusu Uyuda, umwana wa Simoni Uiskariote, kwa kiva akhandi yu mwene akhandi yumo wa vala kumi na vavili, mwini ndiyo nda wamusetukha Uyesu.

¹Na Baada ya majowo aga Uyesu washulaga ndeni Kugalilaya, kwa kiva asikhadobweshe kiluta Kuuyahudi kwa kiva avayahudi vakhandi visenga umipango ga kumubuda. ²Ino isikukuu ya Vayahudi, isikukuu ya Fibanda, yikhandi kholela.³Bahene avakholo lwakwe pini vamujovelaga, ''Wukha amahala panu ulute Kuuyahudi, ili kija avanafunsi vakho shishila vagaje amatendo gini wisenga. ⁴Kusina mwini isenga lyolyona kwa kuifiha nda umwene yumwene isakula kimanyikha pavalafu. Nda wusenga amajowo aga, yiwonensa yuwe kuulimwengu.''⁵Hata avakholo lwakwe vope vasikhamuyaminile. ⁶Bahene Uyesu pini wavajovelaga, ''Uluhavi lwangu lusina fishe lusina fishe bado, lakini uluhavi lwenyu shila mara luli tayari. ⁷Uwulimwengu wusiwesa kivakhalalila omwe, ila ukinikhalalila one kwa kiva nikiushuhudila kija amatendo gakwe ni mavi.⁸Tani kiluta ku sikukuu; one nisiluta kusikukuu iyi kwa kiva umuda gwangu gusinakhamilishe bado.'' ⁹Baada ya kilogola amajowo ago kunyanave, wasigalaga Kugalilaya.¹⁰Hata ndeno, avakholo lwakwe pini vakhandi valutile kusikukuu, bahene numwene walutaga, siyo kwa uvalafu ila kwa kuifiha. ¹¹Avayahudi vakhandi vakimusakula kusikukuu na kija, ''Ali kwii?''¹²Kukhandi na majadiliano minji munyanave kihusu umwene. Avanji vajovaga, ''Ali munu munofu.'' Avanji vajovaga, ''Hapana, akivayasa avanu.'' ¹³Hata ndeno kusina mwini walogolaga mwasi kihusu umwene kwa kivatila Avayahudi.¹⁴Pini isikukuu yafikhaga pakhati, Uyesu watanaga kiluta Kuhekalu na kiyansa kifundisa. ¹⁵Avayahudi vayansaga vishangala na kija, ''Kwa namna nshii umunu uyu amenye amajowo minji? Asinayimbilaje hta lusiku.'' ¹⁶Uyesu wavajibu na kivajovela, ''Amafundiso gangu gasili gangu, ila ga mwene umwene mwini wanifilikha.¹⁷Nda yeyona ambi idobokha kisenga uugani wakwe yumwene, akhamanya kihusu amafundiso aga, nda gihuma kwa Nguluvi, au nda nilogola kihuma kunyangu yune. ¹⁸Shila mwini ilogola gini gihuma kunyakwe yumwene isakula uutukufu wakwe, ila shila mwini isakula uutukufu wakwe umwene mwini wanifilikha, umunu uyo ni wa kweli, na mukhati yakwe kusina kilekha kisenga ihaki.¹⁹Umusa asikhavapelile omwe isheriya? Lakini kusina hata yumo kunyenyu mwini isenga isheriya. Kwanshi musakula kunibuda? ²⁰Avanu vamujibu, ''Una mapepo. Yunani isakula kukubuda?''²¹Uyesu wajibu na wavajovela, ''Nasenga insengo yimo, nomwe wona mwashangaswa kwa sababu yakwe. ²²Umusa wavapelaga itohara ( siyo kija yihuma kwa Musa, ila yila yihuma kwa vawihesu), na Kusabato mukimutahili umunu.²³Nda umunu ambi iposhela itohara kulusiku lwa Sabato ili kija isheriya ya Musa yisikhanangwagwa, kwanshi mukinikhalalila one kwa kiva namugaha umunu kiva musima khabisa kulusiku lwa Sabato? ²⁴Musikhahigaga kilingana na luwonekho, ila hiji kwa haki.²⁵Avamonga vanave kihuma Kuyerusalemu vaja, ''Siyo yu vini vakimusakula kimubuda? ²⁶Na lelela, ilogola mwasi, na vasilogola shoshona kihusu umwene. Yisiwesa kiva kija avafiongosi vamenye kweli kija huyu yu Kristo, yiwesa kiva? ²⁷Timenye uyu umunu ihuma kwii. ukristo pini akhayinsa, hata ndeno, kusina mwini akhamanya kwii ihuma.''²⁸Uyesu akhandi itansa ishauti yakwe kuhekalu, ifundisa na kija, ''Omwe wona munimenye one na mumenye kwini nihuma. Nisikhayinsile kwa nafsi yangu, ila umwene mwini wanifilikha ni wa kweli, na musimumenye umwene. ²⁹Nimumenye umwene kwa kiva nahuma kunyakwe na wanifilikhaha.''³⁰Vakhandi vijesa kimukhata, lakini kusina hata yumo mwini wayinulaga iliwokho lyakwe kunyakwe kwa viva imuda gwakwe gukhali bado gusinafishe. ³¹Hata ndeno, vinji kumukutano vamuyaminigi. Vajovaga, ''Ukristo pini akhayinsa, akhasenga iishara nyinji kishila sini wasenga umunu uyu?'' ³²Amafarisayo vavapulikhaga avanu vilogonsaniya amajowo aga kihusu Uyesu, na vakhome va makuhani na Mafarisayo vafilikhaga amaafisa ili kumukhata.³³Bahene Uyesu pini wajovaga, ''Bado kuna muda mukhome nili bahamo nomwe, na panyuma ambi niluta kunyakwe umwene mwini wanifilikha. ³⁴Mukhanisakula wala musikhaniyaga; kula kwini niluta, musikhawesa kuyinsa.''³⁵Bahene Avayahudi valogonsaniyaga vene kwa vene, ''Umunu uyu ambi iluta kwii kija tisingawesa kimwaga? Akhaluta kwa vini Vapalakhene kwa Vayahudi na kivafundisa Avayunani? ³⁶Liliswi lishi ili lini walilogola, 'Mukhanisakula wala musikhaniyaga; kula kwini niluta musikhawesa kiyinsa'?''³⁷Ino kulusiku lwa mwisho, ulusiku lukhome lwa sikukuu, Uyesu wayimaga watansaga ishauti, ija, ''Nda yeyona ana khau, na ayise kunyangu ang'wele. ³⁸Umwene mwini akiniyamini one, ngaja amaandikho shini gaja, kihuma mukhai yakwe gakhanyelema amakhoga ga malenga ga usima.''³⁹Lakini wagalogolaga aga kihusu Uroho, mwini avene vini vakimuyamini vakhamuposhela; Uroho akhandi asinahumisiwe kwa kiva Uyesu akhandi asinatukuswe bado.⁴⁰Vamonga va makutano, pini vapulikhaga amajowo aga, vajovaga, ''Kweli uyu yu mukuvamalago.'' ⁴¹Avanji vajovaga, ''Uyu yu Kristo.'' Lakini avanji vajovaga, ''nshii Ukristo iwesa kihuma Kugalilaya? ⁴²Amaandikho gasilogwele kija Ukristo ambi ihumilila kulukholo lwa Daudi aua kihuma Kubethlehemu, ishijiji shini Udaudi akhandi akwali?⁴³Ino, pala gwayinukhaga umugawanyikho pakhati ya vanu kwa ajili yakwe. ⁴⁴Avanji munyanave nda vamukhata, lakini kusina mwini wagolosaga amokho gakwe kunyakwe.⁴⁵Bahene vala amaofisa vatinaga kwa vakhome va makuhani na Mafarisayo, navene vavajovaga, ''Kwanshi musamuleta?'' ⁴⁶Amaofisa vajibugu, ''Kusina umunu mwini anajelaje kilogola ngaja uyu khabla.''⁴⁷Bahene Avamafarisayo pini vavajibugu, ''Nayumwe khanji mwayaswa? ⁴⁸kuna yeyona kuvatavala mwini wamuyamini, au yeyona wa Mafarisayo? ⁴⁹Ila ava avanu vini vasiimenye isheriya - valaaniwe.''⁵⁰Unikodemu wavajovelaga ( umwene mwini wamulutilaga Uyesu pakhala, kuno ali yumo wa Mafarisayo), '' ⁵¹Wuli isheriya yesu yikimuhiga umunu isipokiva wapuliswa tangusina na kimanya shini washisenga?'' ⁵²Vajibugu na kimujovela, ''Nowe khanji wuhumilila Kugalilaya? Sakula na ulwaje kija kusina umukuvamalago mwini wahumililaga Kugalilaya.''⁵³(Fwatilila: Baasi ya majowo ga Yohana 7:53 - 8: 11 gakusina munakala inofu sa pakhala). Bahene shila munu walutaga kukhaya yakwe.

¹(Fwatilila: Lelela uufafanulaji wa Yohana 7: 53 - 8: 11 hapo pashanya). Uyesu walutaga kushidunda sha Mizeituni. ²Paasubuhi mapema wayinsa khanji muhekalu, na vanu wona vamulutila; wakhala na kivamanyisa. ³Avaandishi na Mafarisayo vamuletelaga umudala mwini wakhatwagwa kushitendo sha ugoni. Vamuvikha pakhati.⁴(Fwatilila: Lelela uufafanulaji wa Yohana 7:53 - 8: 11 hapo pashanya). Bahene vamujovela Uyesu, ''Mwalimu, umudala uyu wakhatwa kuugoni, kushitendo khabisa. ⁵Ino, ino ku sheriya, Umusa watiluhusu kivatowa amang'anga avanu ngaja ava, wija wuli kunyakwe? ⁶Valogolaga aga ili kimutega ili kija vapate ulujowo lwa kumusitakha, lakini Uyesu wagondamaga pansi wayandikha ku nyii kwa ludole lwakwe.⁷(Fwatilila: Lelela uufafanulaji wa Yohana 7: 53 - 8: 11 hapo pashanya). Pini vayendelelaga kimuposa, wayimaga na kivajovela, ''Umwene mwini asina isambi munyenyu, ave wa kwansa kimutova amang'anga.'' ⁸Wagondama khanji pansi, wayandikha kunyii kwa ludole lwakwe.⁹(Fwatilila: Lelela uufafanulaji wa Yohana 7: 53 - 8: 11 hapo pashanya). Pini vapulikhaga ago, vawukhaga yumo baada ya yunji, kuyansisa mwini ali musehe. Kumwisho Uyesu walekhwagwa mwene, bahamo numudala mwini akhandi pakhati yanave. ¹⁰Uyesu wayimaga na kumujovela, ''Mudala, vini vakusitakha vali kwii? Kusina hata yumo mwini wakuhiga?'' ¹¹Wajovaga, ''Kusina hata yumo Mtwa.'' Uyesu waja, ''Hata one nisikikuhiga. luta ninsila yakho; kiyansisa isalisi na kiyendelela usikhasengaga isambi khanji.''¹²Khanji Uyesu walogolaga na vanu ija, ''One nili tala ya wulimwengu: umwene mwini akinifwata asikhajenda munshisi ila ambi ava mu nuru ya usima.'' ¹³Amafarisayo vamujovelaga , ''Ukiishuhudila yuwe; uushuhuda wakho usili wa kweli.''¹⁴Uyesu wajibugu wavajovela, ''Hata nda nikhaishuhudila yune, uushuhuda wangu ni wa kweli. Nimenye amahala kwini nihumile na kula kwini niluta, lakini omwe musimenye amahala kwini nihuma na kula kwini niluta. ¹⁵Omwe mwihiga shimwili; one nisihiga yeyona. ¹⁶One hata nda nihije, uuhigo wangu ni wa kweli kwa kiva nisili yune, ila nili bahamo nu baba mwini wanifilikha.¹⁷Ndiyo, na kusheriya yenyu yiyandishwe kija wa vanu vavili ni wakweli. ¹⁸One ndiyo mwini nikiishuhudila , nu Baba mwini wanifilikha akinishuhudila.''¹⁹Vamujovelaga, ''Uwiho wakho ali kwii?'' Uyesu wajibu, ''one musinimenye wala Ubaba wangu musimumenye; nda mwamuve munimenye one , nda mwamumanya nu Baba wangu khanji.'' ²⁰Walogolaga amajowo aga kuno ali kholela ni akiba pini akhandi ifundisa muhekalu, na ksina hata yumo mwini wamukhataga kwa kiva umuda gwakwe gukhandi bado gusinafishe.²¹Bahene wavajovelaga khanji, ''Niluta lwangu; mukhanisakula na mukhafwa mu sambi senyu. Kula kwini niluta musiwesa kiyinsa.'' ²²Avayahudi wajovaga, ''Akhaibuda yumwene, umwene mwini wajovaga, 'kula kwini niluta musiwesa kiyinsa'?''²³Uyesu wavajovelaga, ''Mwihuma pansi; one nihuma kushanya. Omwe ni va Duniya iyi; one nisili wa duniya iyi. ²⁴Ino, navajovlaga kija mukhafwa ku sambi senyu. Nda ndeno muyamini kija ONE NDIYE, mukhafwa ku sambi senyu''.²⁵Bahene vamujovelaga, ''Owe yu nani?''Uyesu wavajovela, Gala gini navajovela kihuma pamwaandi. ²⁶Ninago amajowo minji ga kilogola na kihiga kunyenyu. Hata ndeno, umwene mwini wanifilikha ni wa kweli; na majowo gini nagapulikha kihuma kunyakwe, amajowo aga nikigalogola Kuulimwengu.'' ²⁷Vasikhamuyelewe kija akhandi ilogola nawo kihusu Uwihesu.²⁸Uyesu waja, '''Pini mukhamuyinula kushanya Umwana wa Munu, bahene ndiyo nikhamanya kija ONE NDIYE, na kija nisisenga lyolyona kwa nafsi yangu. Ngaja Ubaba shini wanimanyisa, nilogola amajowo aga. ²⁹Umwene mwini wanifilikha ali bahamo none, nu mwene asinileshile yune duguli, kwa kiva shila muda nisenga gala gini gakimupendesa.'' ³⁰Pini Uyesu ilogola amajowo aga, vinji vamuyaminigi.³¹Uyesu walogolaga kwa vala Avayahudi vini vamuyaminigi, ''Nda mukhakhala kuliswi lyangu, bahene mukhava vanafunsi vangu kweli, ³²nayumwe mukhaimanya ikweli,ni kweli ambi yikivavikha huru.'' ³³Vamujibugu, ''Ose ni usawo wa Ibrahimu na shiluta tisinajelaje kiva pansi ya uufilikhwa wa yeyona; ungalogola wuli, '''Tikhavikhwa huru?''³⁴Uyesu wavajibugu, ''Yamini, yamini, nikivajovela, shila mwini isenga isambi ali mwanandeje wa sambi. ³⁵Umwanandeje asikhala kukhaya umuda gona; umwana idumu nsiku sona. ³⁶Ino, nda Umwana avavishe huru, mukhava huru kweli khabisa.''³⁷Nimenye kija omwe ni usawo wa Ibrahimu; musakula kunibuda kwa kiva iliswi lyangu lisina inafwasi mukhati yenyu. ³⁸Nilogola amajowo gini nagaga bahamo nu Baba wangu, nomwe shishila musenga amajowo gini mwagapulikhaga kihuma kwa vawihenyu venyu.''³⁹Vajibugu na kumujovela, ''Uwihesu wesu yu Abrahamu.'' Uyesu wavajovela, Nda mwamuve vana va Ibrahimu, nda mwasenga insengo sa ibrahimu. ⁴⁰Hata isalisi musakula kunibuda, umunu mwini wavajovela uukweli kija nagapulikhaga kihuma kwa Nguluvi. Uabrahamu asikhagahile ndeni. ⁴¹Mwisenga insengo sa wihenyu wenyu.'' Vamujovela, ''Tisikhasawilwe muushemi, tinaye Uwihesu yumo, Unguluvi.''⁴²Uyesu wavajovela ,''Nda Unguluvi yu Wihenyu wenyu, nda mwanigana one, kwa kiva nahuma kwa Nguluvi; wala nisikhayinsile kwa nafsi yangu, ila umwene mwini wanifilikha. ⁴³Kwanshi musikigayelewa amajowo gangu? Kwa kiva musiwesa kifumilila kugapulikha amajowo gangu. ⁴⁴Omwe ni va wihenyu wenyu, ushetani, na musakula kusisenga imbungulu sa wihenyu wenyu. Akhandi mubudaji kihuma pamwaandi na musiwesa kuyima ku kweli kwa kiva ikweli yikusina mukhati yakwe. Pini ilogola uudehi, ilogola kihuma ku asili yakwe kwa kiva yu mudehi na baba wa udehi.⁴⁵Hata isalisi, kwa kiva nilogola yini kweli, musikiniyamini. ⁴⁶Yunani munyeyu mwini akinishuhudila kiva nina sambi? nda nilogola yini kweli, kwanshi musikiniyamini? ⁴⁷Umwene mwini wa Nguluvi akigapulikha amajowo ga Nguluvi; omwe musikigapulikha kwa kiva omwe musili va Nguluvi.''⁴⁸Avayahudi vajibu na kimujovela, tisalogola kweli kija owe uli Msamaria na una mapepo?'' ⁴⁹Uyesu wajibu, nisina amapepo; lakini nikimuheshimu Ubaba wangu, nomwe musikiniheshimu.⁵⁰Nisisakula uutukufu wangu; kuna yumi mwini isakula na kihiga. ⁵¹Yamini, yamini, nikivajovela, nda yeyona ambi akilikhata iliswi lyangu, asikhalwaga imauti shiluta.''⁵²Avayahudi vamujovelaga, ''Isalisi tamanya kija una mapepo. Uabrahamu na vakuvamalago vafwisaga; lakini wija, 'nda umunu ambi akilikhata iliswi lyangu, asikhajesa imauti'. ⁵³Owe usili mukhome kishila uwihesu wesu Uabrahamu mwini wafwisaga, siyo? Avakuvamalago vope vafwisaga. Owe ukiifanya kiva nani?''⁵⁴Uyesu wajibu, ''Nda ambi nikiitukusa yune, uutukufu wangu wiva bure; yu Baba wangu mwini akinitukusa - yula mwini mwija kija yu Nguluvi wenyu. ⁵⁵Omwe musinamumanye umwene, lakini one nimumenye umwene. Nda nije, 'nisimumenye,' ambi niva ngaja omwe, mudehi. Hata ndeno, nimumenye na majowo gakwe nigakhete. ⁵⁶Uwihenyu wenyu Uabrahamu washendevaga pini ambiakwilaga ulusiku lwangu; walwagaga na washendevaga.''⁵⁷Avayahudi vamujovela, ''Usinafise uumri wa makha hamsini bado, newe wamwaga Uibrahimu?'' ⁵⁸Uyesu wavajovela, ''Yamini, yamini, nikivajovela, khabla Uabrahamu asinasawe, ONE NIKWALI.''' ⁵⁹Bahene vaholaga amang'anga vawese kimutova, lakini Uyesu waifihaga na wapolaga kunja ya hekalu.

¹Pini, ngaja Uyesu akhandi ishila, wamwagaga umunu mupofu kihuma kisawa kunyakwe. ²Avanafunsi vakwe vamuposaga, ''Rabi, yunani mwini wasenga isambi, umunu uyu au avasasi vakwe, hata asawe mupofu?''³Uyesu wavajibu, ''Siyo uyu umunu wala avasasi vakwe vini vasenga isambi, ila insengo sa Nguluvi siwese kigubutulwa kishilila kunyakwe. ⁴Tipaswa kisenga insengo sakwe mwini wanifilikha pini bado ni paminsi. Ishilo shiyinsa pini kusina mwini ambii iwesa kisenga isengo. ⁵Pini nikwali pawulimwengu, one nili nuru ya wulimwengu.''⁶Baada ya Yesu kilogola amajowo aga, wafunyaga kunyii, wagahaga ilitope kwa mata, na wamupakhaga yula umunu kumeho ni lila ilitope. ⁷Wamujovela, luta uiyoje kulisima la Siloam (Yini yitafusiliwa ngaja 'mwini wafilikhwa').'' Bahene umunu uyu walutaga, waishula, na watinaga, ilolela.⁸Amajirani va yula umunu na vala vini vamwagaga pamwaandi ngaja mulombaji vajovaga, Wuli? uyu siyo yula umunu mwini akhali ikhala na kilomba?'' avanji vajovaga, ''Yu mwene.'' ⁹Na vanji vajovaga, ''Hapana, ila ihwanana numwene.'' Lakini akhandi ija, ''Yune.''¹⁰Vamujovela, ''Ino ameho gakho gadindulwa wuli?'' ¹¹Wajibu, umunu mwini ishemelwa Yesu watendaga ilitipo na kipakha ameho gangu na kunijovela, ''Luta Kusiloam uishule.'' Bahene nalutaga, na naishulaga, na napayaga kilolela khanji.'' ¹²Vamujovela, ''Ali kwii?'' Wajibugu, ''Nisimenye.''¹³Vamutwala yula umunu mwini awahile kiva mupofu kwa Mafarisayo. ¹⁴Nilwene lukhali lusiku lwa Sabato pini Uyesu pini watendaga ilitope na kugandindula ameho gakwe. ¹⁵Bahene khanji Amafarisayo vamuposa wapataga wuli kilolela. wavajovela, ''Wavikhaga ilitope kumeho gangu, naishula, naisalisi niwesa kilolela.''¹⁶Vamonga va Mafarisayo vajovaga, ''Umunu uyu asihumile kwa Nguluvi kwa kiva asikiikhata Isabato.'' Avanji vajovaga, ''Yiwesekhana wuli umunu umunya sambi kisenga iishara ngaja iso?'' Kwa hiyo kwavesaga nu mugawanyikho kwa vene. ¹⁷Bahene pini vamuposaga yula umupofu lkhanji, ''Wilogola wuli kunyakwe kwa kiva wagadindulaga ameho gakho?'' Umupofu waja, ''Yu mukuvamalago.'' ¹⁸Hata umuda ugu Avayahudi vasikhamuyaminile kija akhandi mupofu numwene wapata kilolela mpakha pini vavashemelaga avasasi vakwe umwene mwini wapataga kilolela.¹⁹Vavaposaga avasasi, ''wuli, uyu yu mwanenyu mwini mwija wasawagwa mupofu? wawesa wuli isalisi kilolela?'' ²⁰Bahene avasasi vakwe vajibu, ''Timenye kija umwana uyu wesu na kija wasawagwa mupofu. ²¹Kwa namna nshii isalisi ilolela, tisimenye, nu mwene mwini wamudindula ameho gakwe , tisimumenye. Muposi umwene. Ali munu mwini akulile. Iwesa kiyelesa yumwene.''²²Avasasi vakwe vajovaga amajowo aga, kwa kiva vavatilaga Avayahudi. Kwa kiva Avayahudi vakhandi vayitinkhene tiyari kija, nda yeyona ambi iyitikha kija Uyesu yu Kristo, ambi ibagulwa ni sinagogi. ²³Kwa sababu iyi avasasi vakwe vajovaga, ''Ali munu mukhome, muposi yumwene.''²⁴Bahene kwa mara ya uvili, vamushemelaga yula umunu mwini awahile kiva mupofu na kimujovela, ''Mupela Unguluvi uutukufu. Timenye kija umunu uyu yu munya sambi.'' ²⁵Bahene yula umunu wajibugu, ''Ave munya sambi, one nisimenye. Ishinu shimo shini nishimenye: nikhandi mupofu, na isalisi nilolela.''²⁶Bahene pini vamujovelaga, ''Wakusenjela shishi? Wagadindula wuli ameho gakho?'' ²⁷Wajibugu, ''Sha tayari navajovela, na yumwe mwa musipulisa! Kwanshi musakula kipulikha khanji? Nomwe musisakula kiva vanafunsi vakwe khanji, si yili ndeno? ²⁸Vamuligaga na kija, ''Owe uli mwanafunsi wakwe, lakini ose tili vanafunsi va Musa. ²⁹Timenye kija Unguluvi walogolaga nu Musa, lakini kwa uyu umunu, tisimenye kwini ihuma.''³⁰Yula umunu wajibu na kivajovela, ''Kwanshii, ulu ni lujowo lwa kishangasa, kija musimenye kwini ihuma, na bado wagadindula ameho gangu. ³¹Timenye kija Unguluvi asikivapulisa avanya sambi, lakini nda umunu yeyo na akimwabudu Unguluvi na kisenga amanofu gakwe, Unguluvi akimupulisa.³²Kihuma kiyansa kwa Wulimwengu yisinajelaje shiluta kipulikhwa kija yeyona wagadindula ameho ga munu mwini akhandi mupofu. ³³Nda umunu uyu wave asihumile kwa Nguluvi, nda asasenga shoshona.'' ³⁴Vajibugu na kimujovela, ''Wasawagwa ku sambi khabisa, na owe ukitifundisa ose?'' Bahene pini vamudagaga kihuma kusinagogi.³⁵Uyesu wapulikhaga kija vamuwusa kusinagogi. Wamupataga na kimujovela, ''Ukimuyamini Umwana wa Munu?'' ³⁶Wajibugu na kija, ''Yu nani, Mtwa, ili nayune nipate kimuyamini?'' ³⁷Uyesu wamujovelaga, ''Sha wamwaga, nu mwene mwini wulogola numwene ndiyo.'' ³⁸Yula umunu waja, ''Mtwa, Niyamini.'' Bahene wamusujudilaga.³⁹Uyesu waja, ''Kwa uhigo nayinsa Kuulimwengu uwu ili kija vala vini vasilolela vawese kilolela na vala vini vilolela vave vapofu.'' ⁴⁰Baasi ya Mafarisayo vini vakhandi bahamo numwene vapulikhaga amajowo ago na kimuposa, ''Na yuse khanji ni vapofu?'' ⁴¹Uyesu wavajovelaga, ''Nda mwamuve muli vapofu, nda mwamusina isambi. Hata ndeno, isalisi mwilogola, 'Tilolela,' isambi yenyu yikhala.''

¹Yamini, Yamini nikivajovela, yula mwini asiyinjila kwa kishilila umlyango wa luvikha lwa kholo, lakini itana kwa nsila yinji, umunu uyu muhiji na mupokhaji. ²Umwene mwini iyinjilila pamulyango ali mudimajo wa kholo.³Kunyakwe umulinsi wa mlyango akimudindulila. Ikholo sipulikha ishauti yakwe na kusishemela ikholo sakwe kwa matawa gakwe na kisiposa kunja. ⁴Pini akhavahumya kunja avo vini vakwe, akivalongola, ni kholo sifwata, kwa kiva vasimenye ishauti sakwe.⁵Vasikhamufwata umuhensa lakini badala yakwe vasimukwewushe, kwa kiva vasisimenye ishauti sa vahensa.'' ⁶Uyesu walogolaga umufano ugu kunyanave, lakini vasikhagayelewe amajowo aga gini akhandi ilogola kunyanave.⁷Uyesu walogolaga nawo khanji, ''Yamini, yamini, nikivajovela, One nili mlyango gwa kholo. ⁸Wona vini vanilongwele ni vahiji na vahiji, lakini ikholo sisikhavapulise.⁹One nili mlyango. Yeyona mwini iyinjila kishilila kunyangu, akhakulusiwa; akhayinjila mukhati na kihuma, nu yene ambi yikiipela amalyo. ¹⁰Umuhiji asiyinsa isipokiva kihija, kibuda, na kiyasa. Nayinsa ili kija vapate uusima na vave nawo mwinji.¹¹One nili mudimaji munofu. Umudimaji umunofu akiuhumya uuhai wakwe kwa ajili ya kholo. ¹²Umutumishi mwini aajiliwe, na siyo mudimaji, mwini ikholo yisili mali yakwe, akisaga imbwa sa mumahakha siyinsa na akivalekha na kisisiga ikholo. ¹³Ni mbwa samumahakha sikisikhata na kisipalakhaniya. Isiga kwa kiva ali mtumishi wa kiajiliwa na asikisihiva ikholo.¹⁴One nili mudimajo munofu, na nikivayinsila vini vangu, navene vini vali vangu vanimenye one. ¹⁵Ubaba animenye, nayune nimumenye Ubaba, nayune nikiuhumya uuhai wangu kwa ajili ya kholo. ¹⁶Ninaso ikholo isinji sini sisili sa luvikha ulu. Iso sope, sikinipasa kisileta, ni sene sikhaipulikha ishauti yangu ili kija pave ni shipuga shimo nu mudimaji yumo.¹⁷Iyi ndiyo sababu Ubaba ukinidobokha: Niuhumye uuhai wangu na niutole khanji. ¹⁸Kusina mwini akiutola kihuma kunyangu, lakini one nikiuhumya yune. Ninago amamulakha ga kuuhumya, na ninago amamulakha ga kiutiniya khanji. Naliposhela ililajiso ili kihuma kwa Baba.¹⁹Umugawanyikho khanji gwapolelaga kwa vayahudi kwa sababu ya majowo aga. ²⁰Vinji vanave vaja, ''Ana mapepo na ali muyasu yasu. Kwanshi mukimupulisa?'' ²¹Avanji vaja, ''Aga gasili majowo ga munu mwini akhetwe na mapepo. Ilipepo liwesa kidindula ameho ga mupofu?''²²Bahene yayinsaga Isikukuu ya Kivikhwa Wakfu Kuyerusalemu. ²³Lukhandi luhavi lwa mepo, nu Yesu akhandi ilogola muhekalu kuukumbi wa Selemani. ²⁴Bahene Avayahudi pini vamupilimaga na kimujovela, ''Mpakha yoli ambi ukitivikha mumashaka? nda owe yu Kristo, tijovela pavalafu.²⁵Uyesu wajibu, ''Sha tayari navajovela lakini musiyamini. Insengo sini nikisisenga kwa litawa lya Baba wangu, iso sishuhudila kunyangu. ²⁶Hata ndeno musiyamini kwa kiva omwe musili kholo sangu.²⁷Inkholo sangu sikiipulikha ishauti yangu; Nivamenye, nisene sikinifwata one. ²⁸Navapela uusima wa shiluta; vasikhafwaa shiluta, na kusina hata yumo mwini ambi akivakwepula kihuma mumokho gangu.²⁹Ubaba wangu, mwini wanipela avo, ali mukhome kishila avanji wona, na kusina hata yumo mwini ana uweso wa kivakwepula kihuma mumokho ga Baba. ³⁰One nu Baba tili vamo.'' ³¹Vasumulaga amang'anga ili vamutove khanji.³²Uyesu wajibu, ''Sha tayari navawonensa insengo nyinji inofu kihuma kwa Baba. Kwa nsengo nshii ku iso musakula kunitova na mang'anga?'' ³³Avayahudi vamujibu, ''Tisikikutova amang'anga kwa nsengo yeyona yini nofu, lakini kwa kukufuru, kwa kiva owe, mwini uli munu, ukiifanya kiva Nguluvi.''³⁴Uyesu wajibu, ''Yisikhayandishwe ku sheriya yenyu, ''Nalogolaga, ''Omwe ni manguluvi'''?'' ³⁵Nda wavashemelaga manguluvi, kwa vala vini Iliswi lya Nguluvi lyavayinsilaga ( na Maandikho gasiwesa kinangwa), ³⁶mulogola kwa yula mwini Ubaba wamuhumyaga na kimufilikha kuulimwengu, ' Wukufuru,' kwa kiva nalogolaga, 'one nili Mwana wa Nguluvi'?³⁷''Nda nisisenga insengo sa Baba wangu, musikhaniyaminigi. ³⁸Hata ndeno, nda nikisisenga, hata nda musikiniyamini, siyamini insengo ili kija muwese kimanya na kiyelewa kija Ubaba akwali mukhati yangu na one nili mukhati ya Baba.'' ³⁹Vajesaga khanji kimukhata Uyesu, lakini walutaga lwakwe kihuma mumokho ganave.⁴⁰Uyesu walutaga lwakwe khanji mwambwa ya Yordani isehemu yini Uyohana akhandi ibatisa tangusina, na wakhalaga huko. ⁴¹Avanu vinji vayinsaga kwa Yesu. Vayendelelaga kilogola,'' Uyohana kweli asikhasenjile iishara yeyona, lakini amajowo gona gini wagalogolaga Uyohana ku uyu munu ni ga kweli.'' ⁴²Avanu vinji vamuyaminigi Uyesu apo.

¹Basi umunu yumonga ilitawa lyakwe Lazaro akhandi mutamu. Wahumililaga Kubethania, ishijiji sha Mariamu nu mame wakwe Umartha. ²Akhandi yu Mariamu yuyula mwini wamupakhaga Umtwa Umarhamu na kimupuguta amagulu gakwe kwa nyele sakwe, mwini ukholo lwakwe Ulazaro akhandi ali mutamu.³Bahene avadada ava vafilikhaga uujumbe kwa Yesu na kija, ''Mtwa, lelela yula mwini umugene ali mutamu.'' ⁴Uyesu pini wapulikhaga, ''Uutamu uwu usili wa mauti, lakini, badala yakwe ni kwa ajili ya utukufu wa Nguluvi ili kija Umwana wa Nguluvi awese kitukuswa ku uwo Uutamu.''⁵Uyesu wamudobokhaga Umartha nu mame wakwe nu Lazaro. ⁶Pini wapulikhaga kija Ulasaro ali mutamu, Uyesu wakhalaga nsiku sivili amahala pini akhandi akwali. ⁷Bahene baada ya ili wavajovelaga avanafunsi vakwe , ''Titaje Kuuyahudi khanji.''⁸Avanafunsi vamujovela, ''Rabi, Avayahudi vakhandi vijesa kikutova amang'anga, newe wusakula kitina uko khanji?'' ⁹Uyesu wawajibu, ''Amasala ga paminsi gasili kumi na mbili? Umunu pini ijenda paminsi asiwesa kikuvala, kwa kiva ilolela kwa mwanga gwa paminsi.¹⁰Hata ndeno, nda ambi ijenda pashilo, ambi ikuvala kwa kiva inuru ikusina mukhati yakwe.'' ¹¹Uyesu wajibugu amajowo aga, na baada ya majowo aga, wavajovela, '' Umuyesu Ulasaro agonile, lakini ambi niluta ili kija niwese kimudamusa kihuma mutulo.''¹²Bahene avanafunsi vamujovelaga, ''Mtwa, nda agonile , ambi idamula. ¹³Umuda ugu Uyesu akhandi ilogola ihabari sa nfwaa ya Lasaro, lakini avene vakhandi vihiva ilogola kihusu kigona utulo. ¹⁴Bahene Uyesu walogolaga nawo mwasi, ''Ulasaro wafwa.¹⁵Nina ushendefi kwa ajili yenyu, kija nikhandi nisikwali kula ili kija muwese kiyamini. Titaje kunyakwe.'' ¹⁶Basi Utomaso, mwini ishemelwa Pacha, wavajovelaga avanafunsi vayine, '' Nayuse tilute nawo tifwe bahamo nu Yesu.''¹⁷Pini Uyesu wayinsaga, wafikhaga kija Ulasaro tayari shi wava mukhabuli nsiku sitai. ¹⁸Niyene Ibethania yikhandi kholela ni Yerusalemu ngaja kilometa arobaini na tani ndeni. ¹⁹Vinji khati ya Vayahudi vayinsaga kwa Martha nu Mariamu kivafariji kwa ajili ya kholo lwanave. ²⁰Bahene Umartha pini wapulikhaga kija Uyesu iyinsa, walutaga kitangana numwene, lakini Umariamu wayendelelaga kikhala pakhaya.²¹Bahene Umartha wamujovela Uyesu, ''Mtwa , nda wa uve uli baha, umulamu wangu nda asafwa. ²²Hata isalisi, nimenye ya kija lyolyona lini ambi wulomba kihuma kwa Nguluvi, ambi akikupela.'' ²³Uyesu wamujovela, umulamu wakho ambi ifufukha khanji.''²⁴Umartha wamujovela, nimenye kija ambi ifufukha ku uufufuwo ulusiku lwa mwisho.'' ²⁵Uyesu wamujovela, ''One nili ufufuwo wa usima; umwene mwini akiniyamini, hata nda ambi ifwa, hata ndeno ambi iva ikhala; ²⁶nu mwene mwini ikhala na kuniyamini one asikhafwa. Wuyamini ili?''²⁷Wamujovela, ''Ndiyo, Mtwa niyamini kija owe yu Kristo, Mwana wa Nguluvi, umwene mwini iyinsa kuulimwengu.'' ²⁸Pini wamalaga kilogola ili, walutaga lwakwe na kumushemela umame wakwe Umariamu kufaraga. Waja, ''Umwalimu ali panu na akikushemela.'' ²⁹Umariamu pini wapulikhaga aga, wayimaga nyangu na kiluta kwa Yesu.³⁰Numwene Uyesu akhandi asinayinse bado muklhati ya shijiji, ila akhandi bado amahala pini watangana nu Martha. ³¹Bahene vala Avayahudi vini vakhandi nu Mariamu kukhaya na vala vini vakhandi vakimufariji; pini vamwagaga iyima nyangu na kipola kunja, vamufwataga; vakhandi vihiva kija ita kukhaburi ili alute kikhola huko. ³²Bahene Umariamu, pini wafikhaga pala Uyesu pini akhandi pini wamwagaga na , wagwisaga pansi ya magulu gakwe na kimujovela, '' Mtwa nda wauve uli baha, ukholo lwangu nda asafwa.''³³Uyesu pini walwagaga ikhola, na Vayahudi vini vayinsaga bahamo nu mwene vikhola vope, wakholaga munumbula na kisugumilwa; ³⁴waja, ''Mumugonise kwii? wamujovela, Mtwa yinsa ulolele.'' ³⁵Uyesu wakhola.³⁶Bahene Avayahudi vaja, ''Lelela shini akimudobokha Ulasaro!'' ³⁷Lakini avanji munyanave vaja, ''siyo uyu, umunu, mwini wagadindulaga ameho ga yula mwini akhandi mupofu, asikhawesise kimugaha uyu umunu asikhafwisaga?''³⁸Bahene Uyesu, kuno ikhola munafsi yakwe khanji, walutaga kukhaburi. Ino likhandi lipango, niling'anga livishilwe pashanya yakwe. ³⁹Uyesu waja, ''Liwusi iling'anga.'' Umartha, umame wakwe nu Lasaro, umwene mwini afwile, wamujovela Uyesu, ''Mtwa , kwa muda ugu, umuvili gusive gwawola, kwa kiva sha wava maiti kwa nsiku sitai.'' ⁴⁰Uyesu wamujovela, ''One nisikhavajovele kija, nda uyamini, ambi ukiwaga uutukufu wa Nguluvi?''⁴¹Bahene valiwusaga iling'anga. Uyesu wayinula ameho gakwe kushanya na kija, ''Baba, nikikuhonjesa kwa kiva ukinipulisa. ⁴²Nimenye kija ukinipulisa mara sona, lakini ni kwa sababu ya likusanyikho lini liyimile kinipilima kija nalogola aga, ili kija vapate kiyamini kija owe wanifilikha.''⁴³Baada ya kija aga, wakholaga kwa shauti khome, ''Lasaro, pola kunja!'' ⁴⁴Mwini afwile wapolaga kunja apinyilwe amokho na magulu kwa sanda ya kisilila, nu weni wakwe wapinywa ni shitambala.'' Uyesu wavajovelaga, ''Muhuduli mumuleshe alute.''⁴⁵Bahene Avayahudi vinji vini vayinsaga kwa Mariamu na kishaga Uyesu shini wasenga, vamuyaminigi; ⁴⁶lakini avamonga vanave valutaga kwa Mafarisayo na kivajovela amajowo gini wagasenga Uyesu.⁴⁷Bahene avakhome va Makuhani na Mafarisayo vatanganaga bahamo ku barasa na kija, ''Tigahe nshii? Umunu uyu isenga iishara nyinji. ⁴⁸Nda timuleshe ndeni yumwene duguli, wona vasimuyamini; Avarumi ambi viyinsa na kitola fyona amahala pesu ni taifa lyesu.''⁴⁹Hata ndeno, umunu yumo munyanave, Ukayafa, mwini akhandi kuhani Mukhome umwakha ugo, wavajovela, ''Musimenye shoshona khabisa. ⁵⁰Musihiva kija yifwaya kwa ajili yenyu kija umunu yumo yikimupasa kifwa kwa ajili ya vanu kuliko itaifa lyona kiyaga.''⁵¹Aga asikhagalogwele kwa sababu yakwe yumwene, badala yakwe, kwa kiva akhandi kuhani mukhome umwakha gula, watabiligi kija Uyesu ambi ifwa kwa ajili ya taifa; ⁵²na sio kwa litaifa lyene duguli, ila Uyesu apate shishila kivakunganiya avana va Nguluvi vini vapalakhene isehemu mbali mbali. ⁵³Kwa hiyo kuyansila ulusiku ulo na kiyendelela vapangaga inamna ya kimubuda Uyesu.⁵⁴Uyesu asikhajendile khanji pavalafu ku Vayahudi, ila wawukhaga apo na kiluta inyii yini yili kholela ni nyikha kumji gwini gushemelwa Efraimu. Apo wakhalaga na vanafunsi. ⁵⁵Basi Ipasakha ya Vayahudi yikhandi kholela, na vinji vatanaga kiluta Kuyerusalemu kunja ya mji khabula ya Pasaka ili vawese kiivalasa vavene.⁵⁶Vakhandi vakimusakula Uyesu, na kilogola shila yumo pini vakhandi vayimile kuhekalu, ''Muhiva nshii? Kija asikhayinsa kusikukuu?'' ⁵⁷Uluhavi ulu avakhome va makuhani na Mafarisayo vakhandi vahumise iamri kija nda yumo amanye Uyesu pini akwali, ipaswa kihu ya itaarifa ili kija vawese kimukhata.

¹Ulusiku lwa sita khabla ya Pasaka, Uyesu walutaga Kubethania, pini akhandi akwali Ulazaro, umwene mwini wamufufulaga kihuma kwa vini vafwile. ²Basi vamuyandalilaga ishakilya sha pa jioni huko, nu Martha wamutumishila, uluhavi ulo Ulazaro akhandi yumo wa vala vini vakhele pashakilya bahamo nu Yesu. ³Bahene Umariamu watola ratli ya mafuta gini gatendilwe kwa nardo nofu, aganya hela khome, wamususuta Uyesu mumagulu, na wamupuguta amagulu kwa nyele sakwe; inyumba yona yamemaga iharufu ya mafuta.⁴Uyuda Iskariote, yumo wa vala avanafunsi vakwe, mwini ndiyo ambi akimusetukha Uyesu, waja, ⁵''Kwanshi amafuta aga nda gasasetuswa kiva dinari mia tatu na vapelwe avapina?'' ⁶Numwene walogolaga ago, sio kwa kimuwonela ulusungu umupina, ila kwa kiva akhandi muhiji: umwene ndiyo akhandi ikhata umufukho gwa hela na akhandi itola fimonga ya fini fikhandi fikwali umo kwa ajili yakwe yumwene.⁷Uyesu wajovaga, ''Mulekha avisha shini anasho kwa ajili ya lusiku lwa kisilwa kwangu. ⁸Avapina ambi mwiva nawo insiku sona; lakini musiva none nsiku sona.''⁹Bahene uumati mukhome wa Vayahudi vapataga kimanya kija Uyesu akwali uko, na vene vayinsa, sio kwa ajili ya Yesu tu, ila vamwaje nu Lazaro mwini Uyesu wamufufulaga kihuma kwa vini vafwile. ¹⁰Navene avakhome va makuhani vayitikhanaga ili vamubude Ulazaro; ¹¹maana kwa ajili yakwe vinji Kuvayahudi valutaga lwanave na vamuyaminigi Uyesu.¹²Nulusiku lwa uvili uumati mukhome vayinsaga kusikukuu. Pini vapulikhaga kija Uyesu iyinsa Kuyerusalemu, ¹³vatolaga amatawi ga mapishi ga mitende na kihuma kunja kiluta kimuwawusa na vatovaga ilyowo, ''Hosana! Abarikiwe umwene mwini iyinsa kwa litawa lya Mtwa, Umfalme wa Israeli.''¹⁴Uyesu wamupataga umwana- punda wamutana; ngaja ndenela shini yiyandishwe, ¹⁵''Usikhatilaga, muhinja Sayuni; lelela, Umfalme wakho iyinsa, atanile umwana- punda.''¹⁶Avanafunsi vakwe vasikhagayelewe amajowo aga hapo pamwaandi; lakini Uyesu pini watukuswagwa, bahene ndiyo vakumbukhaga kija amajowo aga wayandishilwagwa umwene na kija vasenga amajowo aga kunyakwe.¹⁷Basi shila ishipuga sha vanu vini vakhandi bahamo nu Yesu pini wamushemelaga Ulazaro kihuma mukhaburi, vashuhudila vanji. ¹⁸Na yikhandi kwa sababu iyi khanji kija ishipuga sha vanu valutaga kumuwawusa kwa kiva vapulikhaga kija waisenga iishara iyo. ¹⁹Amafarisayo valogonsaniyaga vene kwa vene, ''Lelela, isalisi musiwesa kisenga lyolyona; lelela uwulimwengu waluta kunyakwe.''²⁰Ino vamonga va Vayunani vakhandi vamo va vala vini vakhandi viluta kiabudu ku sikukuu. ²¹Ava vamulutilaga Ufilipo, mwini wahumililaga Kubethsaidi ya Galilaya, vamulombaga vija, ''Mtwa, ose tidobokha kimwaga Uyesu.'' ²²Ufilipo waluta wamujovela Uandrea; Uandrea nu Filipo valutaga na kimujovela Uyesu.²³Uyesu wavajibu waja, ''Ilisala lwafikha kwa ajili ya Mwana wa Adamu kitukuswa. ²⁴Yamini, yamini, nikivajovela, ichembe ya ngano nda yisigwile kunyii yifwe, yikhala ihali yiyo yene duguli; ila nda yifwe, ambi yisava amatunda minji.²⁵Umwene mwini idobokha uuhai wakwe ambi akiuyasa; ila umwene mwini akiukhalalila uuhai wakwe ku ulimwengu uwu ambi iva nawo mpakha usima wa shiluta. ²⁶Umunu yeyona nda anitumishile one, na anifwate; nayune pini nikwali, baho nu mtumishi wangu pini ambi iva akwali. Umunu yeyona nda anitumishile, Ubaba ambi akimuheshimu.²⁷Isalisi iroho yangu yasugumilwa:nayune nije wuli? 'Baba, unikuluse ku lisala ili'? Lakini ni kwa kusudi ili nalifishila ilisala ili. ²⁸Baba, ulitukuse ilitawa lyakho.'' Bahene ishauti yayinsa kihuma kushanya yija, ''Nalitukusa nayune ambi nikilitukusa khanji.'' ²⁹Basi avanu vini vayimile kholela numwene vapulikha, vaja kija kwava numugulumo. Avanji vajovaga, ''Umalaikha walogola numwene.''³⁰Uyesu wajibu na kija, ''Ishauti iyi yisikhayinsile kwa ajili yangu, ila kwa ajili yenyu. ³¹Ino uuhigo wa ulimwengu uwu wukwali: Ino umukhome wa wulimwengu uwu ambi itagwa kunja.³²Nayune niyinulwa kushanya ya nyii, ambi nikivakweha wona kunyangu.'' ³³Walogolaga ago iwonensa ni mauti nshii yini ambi ifwa.³⁴Umukutano vajibu, ''Ose tapulikha kusheriya kija Ukristo ambi akhala hadi shiluta, Newe wija wuli, 'Umwana wa Adamu lasima ayinulwe kushanya'? Uyu Umwana wa Munu yu nani?'' ³⁵Basi Uyesu wavajovela, ''Inuru yili bahamo nomwe muda shidodo. Luti kwa kiva munayo inuru, ili kija inshisi yasikhajelaga kivawesa. Umwene mwini iluta kunshisi asimenye kwini iluta, ³⁶Pini bado munayo inuru, yiyamini inuru iyo ili muwese kiva vana va nuru.'' Uyesu wagalogolaga aga na bahene waluta lwakwe waifiha vasikhamwagaga.³⁷Japo Uyesu wasengaga iishara nyinji namna iyo pamwandi yanave, bado vasikhamuyaminile ³⁸ili litimile iliswi lya mukuvamalago uisaya, lini wajovaga: ''Mtwa, yu nani mwini wasiyitikha ihabari sesu? Niliwokho lwa Mtwa wagubutulilwa yumani?''³⁹Ndiyo sababu avene vasikhamuyaminile, maana Uisaya walogolaga khanji, ⁴⁰''Wavapofusa ameho, na wasisenga kiva nyumu inumbulu sanave; vasikhayinsaga valwaje kwa meho ganave na kivamanya kwa numbula sanave, na vaongoshe nayune nivaponese.''⁴¹Uisaya walogolaga amajowo ago kwa kiva wawagaga uutukufu wa Yesu na walogola ihabari sakwe. ⁴²Lakini, hata avakhome vinji vamuyaminigi Uyesu; lakini kwa sababu ya Mafarisayo, vasikhayitishe ili vasikhayinsaga vabagulwe nili sinagohi. ⁴³Vadobokhaga isifa sa vanadamu kuliko isifa sini sihuma kwa Nguluvi.⁴⁴Uyesu watansaga ishauti na kija, 'Umwene mwini akiniyamini one, asikiniyamini one tu ila numwene mwini wanifilikha one, ⁴⁵numwene mwini akiniyaga one akimwaga umwene mwini wanifilikha.⁴⁶One nayinsa ngaja nuru kuwulimwengu ili shila munu mwini akiniyamini one asikhakhalaga minshisi. ⁴⁷Nda umunu yeyona ambi akigapulikha amajowo gangu aleshe kigakhata, one nisikimuhiga; kwa kiva nisikhayinsile ili niuhije uwulimwengu, ila niukuluse uwulimwengu.⁴⁸Umwene mwini akinikhana one na mwini asikigayitikha amajowo gangu, anaye mwini akimuhiga: iliswi ilyo lini nalilogola ndiyo lini ambi nikimuhiga ulusiku lwa mwisho. ⁴⁹Kwa kiva one nisikhalogwele kwa nafsi yangu tu. Ila yu Baba mwini wanitwalaga, umwene yumwene wanilajisa gini ambi nikigalogola na gini ambi nikivajovela. ⁵⁰Nayune nimenye kija iliagiso lwakwe ni usima wa shiluta; basi ago gini nilogola one - ngaja Ubaba shini wanijovela, ndiyo gini nilogola kunyanave.''

¹Ino khabla ya sikukuu ya pasakha, kwa kiva Uyesu wamanyaga kija ilisala lyakwe lyafikha yini ambi ipola kunyii iyi kiluta kwa baba, kuno avadobweshe avanu vakwe vini vakhandi kudunia, wavadobokhaga mandu. ²Nu ibilisi akhandi avishilwe tayari ku numbula ya Yuda Isikariote, umwana wa simoni, kimusetukha Uyesu.³Uyesu wamanyaga kija uwihesu wavikha ifinu fyona ku mokho gakwe na kija wahuma kwa Nguluvi na akhandi iluta khanji kwa Nguluvi. ⁴Wayimaga kushakilya na watandikhaga pansi umwenda gwakwe gwa kunja. Bahene watolaga itaulo na waipinyaga yumwene. ⁵Bahene waponyaga amalenga ku bakuri na wayansaga kivayosa amagulu avanafunsi vakwe na kivapuguta ni taulo lini waipinyaga umwene yumwene.⁶Wayinsaga kwa Simoni Petro, nu Petro wamujovela, ''Mtwa, Wusakula kuniyosa amagulu gangu?'' ⁷Uyesu wajibu na kimujovela, ''Lini nisenga usilimenye isalisi, lakini ambi wuyelewa panyuma.'' ⁸Upetro wamujovela, ''Usikhaniyosa amagulu gangu shiluta.'' Uyesu wajibu, ''Nda niskuyosise, usiva ni sehemu bahamo none.'' ⁹Usimoni Petro wamujovela, ''Mtwa, usikhaniyosaga amagulu gangu gene, ila khanji na mokho nu mtwe gwangu.''¹⁰Uyesu wamujovela, ''Yeyona mwini sha tayari aiyoga asisakula kuiyoga isipokiva amagulu gakwe, na wava safi umuvili gwakwe gona; omwe mwava safi lakini siyo fyona.'' ¹¹Kwa kiva Uyesu wamanyaga yula mwini abi akimusetukha; iyi ndiyo sababu walogolaga, siyo fyona mwava safi .¹²Pini Uyesu akhandi akivayosa amagulu ganave na pini watolaga umwenda gwakwe na kikhala khanji, wavajovelaga, ''Wuli Muyelewa shila shini navagahila? ¹³Mukinishemela one ''Mwalimu'' nu mtwa iyi mwija kweli, maana ndiyo nishwali. ¹⁴Nda one Mtwa nu mwalimu, navayosa amagulu genyu, omwe nemwe yikivapasa kivayosa avayenyu amagulu. ¹⁵Kwa kiva navapela umufano ili kija nemwe mugahe ngaja one shini nagaha kunyenyu.¹⁶Yamini, Yamini, nikivajovela, umwanandeje asili mukhome kishila umtwa wakwe; wala yula mwini wafilikhwa ali mukhome kishila yula mwini wamufilikha. ¹⁷Nda umenye amajowo aga, ubarikiwe nda ugasenje. ¹⁸Nisilogola kihusu omwe wona. kwa kiva nivamenye vala vini navahagula - ila nilogola aga ili kija amaandikho gawese kitimiswa: 'Umwene mwini ilya umukhate gwangu waniyinulila ishisinkilinyi shakwe.'¹⁹Nikivajovela ili isalisi khabla lisinapolele ili kija pini ambi lipolela, muwese kiyamini kija one NDIYE. ²⁰''Yamini, yamini, nikivajovela, mwini akiniposhela one akimuposhela mwini nikimufilikha, na yula mwini akiniposhela one akimuposhela yula mwini wanifilikha one.''²¹Pini Uyesu walogolaga aga, walavaga munumbula, washuhudilaga na kija, ''Yamini, yamini, nikivajovela kija yumo wenyu ambi akinisetukha.'' ²²Avanafunsi vakwe valelelanaga, vishangala ni kwa ajili ya nani waligolaga.²³Kukhandi ku mesa, yumo wa vanafunsi vakwe aiyegamise kushifuva sha Yesu yula mwini Uyesu wamudobokhaga. ²⁴Usimoni Petro wamuposaga umwanafunsi uyu na kija, ''Tijovela yunani mwini kunyakwe wulogolela.'' ²⁵Umwanafunsi yula mwini ayegeme mushifuva sha Yesu na wamujovela, ''Mtwa , yu nani?''²⁶Bahene Uyesu wajibu, ''Ni kunyakwe umwene mwini ambi nidomolesa ishipande sha mukhate na kimupela.'' Bahene pini akhandi adomolese umukhate, wamupelaga Uyuda mwana wa Simon Iskariote. ²⁷Na baada ya mukhate Ushetani wamuyinjililaga. Bahene Uyesu wamujovela, ''Shila shini wusakula kushisenga shisenga nyangu.''²⁸Ino kusina umunu ku mesa wamanyaga isababu ya Yesu kilogola ulujowo ulu kunyakwe. ²⁹Avamonga vanave vahivaga kija, kwa kiva Uyuda wakhataga umufukho gwa hela, Uyesu wamujovelaga, ''Gula ifinu fini tisakula kwa ajili ya sikukuu,'' au kija ipaswa kihumya ishinu kwa vapina. ³⁰Baada ya Yuda kiposhela umukhate, wapolaga kinja nyangu; na yikhandi shilo.³¹Pini Uyuda akhandi awushile, Uyesu wajovaga, ''Ino umwana wa Adamu watukuswa, nu Nguluvi watukuswa kishilila umwene. ³²Unguluvi ambi akimutukusa kishilila umwene yumwene, na ambi akimutukusa nyangu. ³³Vana vanang'ana, nili bahamo nomwe muda mudodo. ambi Mukinisakula, na ngaja shini navajovela Avayahudi, 'Kwini niluta, musiwesa kuyinsa.' ino nikivajovela nemwe, khanji.³⁴Nikivapela iamri mya, kija muganane' ngaja one shini navaganaga omwe, shisho nemwe khanji yikivapasa kiganana yumwe kwa yumwe. ³⁵Kwa ajili ya ili avanu ambi vimanya kija omwe ni vanafunsi vangu, nda muna ugani shila yumo kwa muyine.''³⁶Usimoni Petro wamujovelaga, ''Mtwa, wiluta kwii?'' Uyesu wajibu, ''Amahala kwini niluta isalisi usiwesa kunifwata, lakini ambi ukinifwata panyuuma.'' ³⁷Upetro wamujovela, ''Mtwa, kwa nshii nisingakufwata hata isalisi? One ambi nikigahumya amaisha gangu kwa ajili yakho.'' ³⁸Uyesu wajibu, ''Wuli ambi ukigahumya amaisha gakho kwa ajili yangu? Yamini yamini nikikujovela, injogolo yisivikha khabla usinanikhane mara sitatu.''

¹''Usikhayitikhaga inumbula yakho kiva mumalawo. Ukimuyamini Unguluvi niyamini khanji none. ²Ku nyumba ya Baba wangu kuna makholo minji ga kikhala; nda yayive yisili ndeno, nda nisakujovevela, kwa kiva niluta kukuyandalila amahala kwa ajili yakho. ³Nda nilute na kivayandalila amahala, ambi niyinsa khanji kivakhalibisa kunyangu, ili amahala pini nikwali nomwe khanji muve mukwali.⁴Mumenye insila amahala kwini niluta.'' ⁵Utomaso wamujibugu Uyesu, ''Mtwa, tisimenye amahala kwini wiluta; Wuli! Tiwesa wuli kuimanya insila? ⁶Uyesu wamujovelaga, ''One ndiyo nsila, kweli, nuusima; kusina mwini iwesa kiyinsa kwa Baba bila kishilila kunyangu. ⁷Nda mwamuve munimenye one, nda mwamumumenye nu Baba wangu wope; kuyansisa isalisi na kiyendelela mumumenye na sha mwamwaga umwene.''⁸Uphilipo wamujovelaga Uyesu, ''Mtwa, tiwonensa Uwihesu, na ndeno abi yiva yatikwilana.'' ⁹Uyesu wamujovela, '' wuli Nisava bahamo nomwe kwa muda mukhome, na bado usinimenye one, Philipo? Yeyona mwini waniyaga one wamwaga Ubaba; Namna nshii wulogola, 'Tiwonensa Uwihesu'?¹⁰Musiyamini kia one nili mukhati ya Baba, nu Baba ali mukhati yangu? Amajowo gini nikigalogola kunyenyu nisilogola kwa kusudi lyangu yune; badala yakwe, yu Baba mwini ikhala mukhati yangu mwini isenga insengo yakwe. ¹¹Niyamini one, kija nili mukhati ya Baba, nu Baba ali mukhati yangu; shisho niyamini one kwa sababu ya nsengo sangu hasa.¹²Yamini, yamini, nikivajovela, umwene mwini akiniyamini, one insengo sila sini nikisisengaambi akisisenga insengo isi sope; na ambi isenga hata insengo nkhome kwa kiva niluta kwa Baba. ¹³Shoshona shini ambi mulomba kishilila ilitawa lyangu, ambi nisenga ili kija Ubaba awese kitukuswa kishilila Umwana. ¹⁴Nda ambi mwilomba ishinu shoshona kishilila ilitawa lyangu, ilyo ambi nisenga.¹⁵Nda ambi mukinidobokha, ambi mukisikhata iamri sangu. ¹⁶Na ambi nikimulomba Ubaba, Numwene ambi akivapela Umutanjilisaji uyunji ili kija awese kiva bahamo nomwe shiluta, ¹⁷Uroho wa kweli. Uwulimwengu wusiwesa kimuposhela umwene kwa kiva usikimwaga, au kimumanya umwene. hata ndeno omwe, mumumenye umwene, kwa kiva ikhala bahamo nomwe na ambi iva mukhati yenyu.¹⁸Ambi nisikivalekha yumwe duguli; ambi Nitina kunyenyu. ¹⁹Kwa muda mukhome, uwulimwengu usikhaniyaga khanji, lakini omwe mukiniyaga. Kwa kiva nikhala, nomwe ambi mwikhala khanji. ²⁰Kulusiku ulo ambi mwimanya kija one nili mukhati ya Baba, na kija omwe muli mukhati yangu, na kija one nili mukhati yenyu.²¹Yeyona mwini akisikhata iamri sangu na kusisenga, ndiyo yumo mwini akinidobokha one; na mwini akinidobokha one ambi idobokhwa nu Baba wangu, na ambi Nikimudobokha na ambi nikiiwonensa one yune kunyakwe.'' ²²Uyuda (siyo Uiskariote) wamujovela Uyesu, ''Mtwa, Wuli! Shishi ambi shipolela kija ambi ukiiwonensa yuwe kunyesu na siyo kwa wulimwengu?²³Uyesu wajibugu wamujovela, ''Nda yeyona mwini anigene, ambi akilikhata iliswi lyangu. Ubaba wangu ambi akimudobokha, na ambi tiyinsa kunyakwe na ambi tisenga amakhalo gesu bahamo numwene. ²⁴Yeyona mwini asikinidobokha one, asikhata amajowo gangu. Iliswi lini mupulikha siyo lyangu ila lya Baba mwini wanifilikha.²⁵Nagalogola amajowo aga kunyenyu, pini bado nikhala munyenyu. ²⁶Hata ndeno, Umfariji, Uroho Mtakhatifu, mwini Ubaba ambi akimufilikha kwa litawa lyangu, ambi akivafundisa amajowo gona a ambi akivagaha mukumbushe gona gini nagalogolaga kunyenyu. ²⁷Iamani nikivapela iamani yangu omwe. Nisikivapela iyi ngaja uwulimwengu shini wihumya. Musikhasigahaga inumbula senyu kiva na malawo nu woga.²⁸Mwapilikhaga ndenela shini navajovelaga, 'Niluta lwangu, na ambi nitina khanji.' Nda mwamunidoboshe one, nda mwava nuushendefu kwa kiva niluta kwa Baba, kwa kiva Ubaba ali mukhome kishila one. ²⁹Isalisi sha navajovela khabla yisinapolele ili kija, pini ambi yipolela, muwese kiyamini. ³⁰Nisikhalogola nomwe amajowo minji, kwa kiva umukhome wa dunia iyi iyinsa. Umwene asina ngufu kunyangu, ³¹lakini ili kija uwulimwengu uwese kimanya kija nimugene Ubaba, nisenga shini Ubaba akinilajisa one, ngaja ndenela shini wanipela iamri. yimi, na tipole amahala panu.

¹One nili msabibu gwa kweli, nu baba wangu ali mulimaji wa msabibu. ²Shila litawi mukhati yangu lini lisisava alitunda, na niyosa shila litawi lini lisava ilitunda nikiliwusa ili kija liwese kisava mandu.³Omwe tayari mwava safi kwa sababu ya ujumbe wini wini sha navajovela. ⁴Mukhale mukhati yangu, na one mukhati yenyu. Ngaja ilitawi shini lisiwesa kisava lyene duguli pini nisili mumusabibu, nemwe shisho, nda musikhala mukhati yangu.⁵One nili musabibu' omwe muli matawi. Mwini idumu mukhati yangu none mukhati yakwe, umunu uyu isava amatunda minji, kwa kiva bila one musiwesa kisenga ulujowo lolona. ⁶Nda umunu yeyona asikhasigala mukhati yangu, ambi itagwa ngaja litawa na kiyuma; avanu vikunganiya amatawi na kigataga kumoto, na kipya. ⁷Nda ambi mudumu mukhati yangu, na nda amajowo gangu ambi gidumu mukhati yenyu, lombi lyolyona lini musakula, nemwe ambi mupelwa.⁸Ku ili ubaba wangu watukuswa, kija mwisava amatunda minji na kija ni vanafunsi vangu. ⁹Ngaja ubaba wangu shini wanidobokha one, one nayune navadobokha omwe; khali muugani wangu.¹⁰Nda ambi mupulikha iamri sangu, ambi mwidumu kuugani wangu ngaja shini nikhete iamri ya baba yangu na kidumu kuugani wakwe. ¹¹Nalogola amajowo aga kunyenyu ili kija uushendefu wangu uve mukhati yenyu na ili kija uushendefu wenyu wusenjeshe kiva timilifu.¹²Iyi ndiyo amri yangu, kija muganane yumwe kwa yumwe ngaja shini nivadobweshe omwe. ¹³Kusina umunu mwini ali nuugani mukhome kishila uwu, kija agahumye amaisha gakwe kwa ajili ya vayine.¹⁴Omwe muli vayangu nda ambi musenga gala gini nikivalajisa. ¹⁵Nisikivashemela vafilikhwa, kwa kiva umufilikhwa asimenye shila shini isenga umtwa wakwe. Navashemela omwe vayangu, kwa kiva navajovela amajowo gona gini nagapulikha kihuma kwa Baba.¹⁶Musikhanihagwile one, ila one navahagulaga omwe na kivavikha musave amatunda, nilitunda lyenyu liwese kikhala. Ili lili ndeni ili kija shoshona shini mulomba kwa Baba kwa litawa lyangu, ambi akivapela. ¹⁷Amajowo aga nikivalajisa, kija muganane shila munu nu muyine.¹⁸nda uwulimwengu ambi ukivakhalalila, mumanye kija wanikhalalilaga one khabla usinavakhalalile omwe. ¹⁹Nda mwa muve va wulimwengu, uwulimwengu nda wavadobokha ngaja wa kunyanave; Lakini kwa kiva omwe musili va wulimwengu na kwa kiva navahagulaga kihuma kuwulimwengu, ni kwa ajili iyi uwulimwengu ukivakhalalilaga.²⁰Kumbushi iliswi lini navajovelaga, ''Umwanandeje nisili mukhome kishila Umtwa wakwe.'' nda vanilafyaga one, ambi vakivalafya nayumwe khanji, Nda valikhataga iliswi lyangu, nda valikhata lya kunyenyu lyope. ²¹Ambi vakivasenjela amajowo aga gona kwa ajili ya litawa lyangu kwa kiva vasimumenye yula mwini wanifilikha. ²²Nda nanive nisiyinsile na kivajovela jovela, nda vasava ni sambi; lakini isalisi vasina lya kiitetela kwa sababu ya sambi sanave.²³Mwini akinitola one akimutola Ubaba wope. ²⁴Nda nanive nisisenjile insengo muvene yini kusina hata yumo mwini waisenga, nda vava vasina isambi; lakini isalisi vasenga gona gavili valwaga na vanikhalalila one nu Baba wangu. ²⁵Ili lipolela ili kija iliwi litimile lini lyayandikhwa kus heriya sanave: 'vakinitola one bila sababu.'²⁶Pini umufariji wayinsa, mwini ambi nikimufilikha kunyenyu kihuma kwa Baba, uyu ndiyo, Roho wa kweli, mwini ihumilila kwa Baba, ambi akinishuhudila. ²⁷Omwe khanji mukinishuhudila kwa kiva mwava bahamo none kihuma pamwaandi.

¹Navajovela amajowo aga ili musikhawesaga kikhalaswa. ²Vakhavahumya kunja ya sinagogi; hakika ilisala liyinsa lini shila mwini ambi akivabuda ambi ihiva kija isenga insengo nofu kwa ajili ya Nguluvi.³Ambi vakivasenjela amajowo aga kwa kiva vasimumenye Ubaba wala vasinimenye one. ⁴Navajovela amajowo aga ili kija uluhavi pini ambi lwifikha lwa aga kiwonekha, muwesa kigakumbukha na shini navajovela muvawese avene. Nisikhavajovele kihusu amajowo aga kihuma pamwaandi kwa kiva nikhandi bahamo nomwe.⁵Japokiva, isalisi niluta kwa yula mwini wanifilikha; lakini kusina munyenyu mwini akiniposa, ''Wiluta kwii?'' ⁶Kwa kiva nalogola amajowo aga kunyenyu, uusugumafu wumemile munumbula senyu. ⁷Hata ndeno, nikivajovela uukweli: unofu kunyenyu niwushe; kwa kiva nda nisikhawukha, umufariji asikhayinsa kunyenyu; lakini nda nilute ambi nikimufilikha kunyenyu.⁸Nda ayinse, uyo umfariji ambi akiuhiga uwulimwengu kihusiana ni sambi, kihusiana ni haki na kihusiana nu uhigo. ⁹Kihusiana ni sambi, kwa kiva vasikhaniyaminile one, ¹⁰kihusiana ni haki, kwa kiva niluta kwa ababa, na musikhaniyaga khanji; ¹¹na kihusiana nuuhigo kwa kiva umukhome wa ulimwengu uwu wahigwa.¹²Ninago minji ga kivajovela, lakini musikhagayelewa isalisi. ¹³Lakini, umwene, Uroho wa kweli, nda ayinse, ambi akivalongosa ku kweli yona; kwa kiva asikhalogola kwa ajili yakwe yumwene; lakini gogona gini ambi akigapulikha, ambi akigalogola amajowo ago; na asigawonense kunyenyu amajowo gini ambi giyinsa. ¹⁴Umwene ambi akinitukusa one, kwa kiva ambi akigatola amajowo gangu na kugatangasa kunyenyu.¹⁵Ifinu ifyofini anafyo Ubaba fyakunyangu; kwa hiyo, naja kija Uroho ambi itola amajowo gangu na kugawonensa kunyenyu. ¹⁶Bado muda mfupi, musikhaniyaga khanji; na baada ya muda mfupi khanji, ambi mukiniyaga.''¹⁷Vamonga va vanafunsi vakwe vajovelanaga, ''Shishi shini akitijovela, ''muda mfupi, na musikhaniyaga khanji,' na , khanji, mda mfupi ambi mukiniyaga, ' na, 'kwa kiva niluta kwa Baba?'' ¹⁸Kwa hiyo vaja, ''Shinu shishi shini ija, ''Bado mda mfupi'? Tisimenye shini ilogola.''¹⁹Uyesu wavagaga kija vidobokha kimuposa, numwene wavajovela, 'Mukiiposa yumwe kihusu ili, shini naja, 'Bado muda mfupi, musikhaniyaga khanji; na baada ya muda mfupi ambi mukiniyaga'? ²⁰Yamini, yamini, nikivajovela, musikhole na kiombolesa, lakini uwulimwengu ambi wushendeva, ambi mwiva musugumilwe lakini uusumumafu wenyu ambi wusetukha kiva ushendefu. ²¹Umudala iva nuuchungu pini iva nuuchungu kwa kiva umuda gwa kuifungula gwafikha; lakini pini ambi akiifungula umwanishe, asikumbukha khanji amaumifu kwa sababu ya ushendefu wakwe kija umwana wasawa kudunia.²²Nemwe yumwe muna usugumafu isalisi, lakini ambi nikivaga khanji; ni numbula senyu ambi sishendeva na kusina mwini ambi iwesa kuuwusa uushendefu wenyu. ²³Ulusiku ulo musikhaniposa amaswali. Yamini, Yamini, nikivajovela, nda Mulombe lyolyona kwa Baba, asivapele kwa litawa lyangu. ²⁴Mpakha isalisi musilombile lyolyona kwa litawa lyangu; lombi, nayumwe ambi muposhela ili kija uushendefu wenyu wukhamilishe.²⁵Nalogola nomwe kwa lugha yini yisiyelewekha, lakini ilisala liyinsa lini nisikhalogola kwa lugha yini yisiyelewekha lakini badala yakwe ambi nikivajovela pavalafu kihusu Ubaba.²⁶Ulusiku ulo ambi mulomba kwa litawa lyangu, na nisikivajovela kija ambi nilomba kwa Baba kwa ajili yenyu; ²⁷Kwa kiva kiva Ubaba yumwene akivadobokha kwa kiva mwanidobokha one na kwa kiva mwaniyamini kija nahuma kwa Baba. ²⁸Nahumaga kwa Baba na nayinsa kuwulimwengu; khanji, niwukha kuwulimwengu na niluta kwa Baba''.²⁹Avanafunsi vakwe vamujovela, ''Ukilwaga, isalisi wulogola mwasi na usitumila amafumbo. ³⁰Ino, timenye kija umenye amajowo gona, na usisakula umunu yeyona akupose iliswali. Kwa sababu iyi tiyamini kija wihuma kwa Nguluvi. ³¹Uyesu wajibu, '' Isalisi nayamini?''³²Lelela, ilisala liyinsa, ndiyo na hakika lwafikha, pini ambi mupalakhana shila yumo na kwa va kunyanavw ambi mukinilekha yune. Lakini nisili yune kwa kiva Ubaba ali none. ³³Nikivajovela amajowo aga ili kija mukhati yangu muve ni amani. Kudunia kuna mtatiso, lakini yipeli inumbula, nauwesa uwulimwengu.

¹Uyesu wagalogolaga amajowo aga; bahene wayinulaga ameho gakwe kilolela kushanya na waja, ''Baba, ilisala lwafikha; mtukusa umwanakho ili nu mwana nayumwene akutukuse owe- ²ngaja ndenela shini wamupela amamulakha ku fyona ifinya muvili ili avapele uusima wa shiluta vala wona vini wamupela.³Uwu ndiyo usima wa shiluta: kija vakumanye owe, Unguluvi wa kweli na mwini uli mwene, numwene mwini wamufilikha, Uyesu Kristo. ⁴Nakutukusaga hapa padunia, na kuimala insengo yini wanipela niisenje. ⁵Ino, Baba, unitukuse one bahamo nowe yumwe kwa uwutukufu wula wini nikhandi nawo bahamo nowe khabla ya uwulimwengu kuwumbwa.⁶Nalifufulaga ilitawa lyakho kwa vanu vini wanipelaga padunia. Vakhandi vanu vakho; lakini wanipelaga one. navene valikhata iliswi lyakho. ⁷Isalisi vamanya kija shila shinu shini wanipela shihuma kunyakho, ⁸kwa majowo gala gini wanipela one-- Sha navapela avene amajowo ago. Vagaposhelaga na kweli vamanyaga ya kija one nahuma kunyakho, na vayaminigi kija owe ndiyo mwini wanifilikha.⁹Nikivalombela avene. Nisikiulombela uwulimwengu ila vala vini wanipela kwa kiva avene vali vakunyakho. ¹⁰Ifinu fyona fini fili fyangu fili fya kunyakho, na fila fini unafyo owe nayune fyangu; nayune ambi nikikutukusa kuifyo. ¹¹One nikusina khanji kuulimwengu, ila avene vakwali kuulimwengu, nayune isalisi niyinsa kunyakho. Baba Mtakhatifu, vatunsa kwa litawa lyakho lila lini wanipela one ili avene vave nuumoja, ngaja shina one na yuwe shini tina umoja.¹²Pini nikhandi nawo, navalindaga kwa litawa lini wanipela; Navalindaga, na kusina hata yumo wanave mwini wayagaga isipokiva umwana wa kiyaga, ili kija amaandikho gatimile. ¹³Ino niyinsa kunyakho; lakini nilogola aga kuwulimwengu ili kija uushendefu wangu wukhamiliswe mukhati yanave vavene. ¹⁴Navapela iliswi lyakho; uwulimwengu wavakhalalila kwa kiva avene vasili va wulimwengu, ngaja ndenela one shini nisili wa wulimwengu¹⁵Nisikivalombela kija uvahumye kuwulimwengu ila uvalinde nu yula umuvi. ¹⁶Avene vasili va nyii ngaja ndenela one shini nisili wa wulimwengu. ¹⁷Uvavishe wakfu kunyakho yuwe ku kweli; iliswi lyakhi ndiyo kweli.¹⁸Wanifilikhaga kuwulimwengu, nayune navafilikha kuwulimwengu. ¹⁹Kwa ajili yanave one yune niihumya kunyakho ili kija na vene vaihumye kunyakho kwa yila ikweli.²⁰Sio ava tu vini nikivalombela,ila na vala vini ambi viyamini kishilila iliswi lyanave ²¹ili kija avene navene vave nuumoja, ngaja ndenela owe Baba, shini uli mukhati yangu nayune mukhati yakho. Nikivalombela ili kija navene wope vawese kiva mukhati yesu ili uwulimwengu wuwese kiyamini kija owe ndiyo mwini wanifilikha.²²Uwutukufu wula wini wanipela one - navapela avene, ili kija vawese kiva nuumoja, ngaja ndenela ose shini tili umoja - ²³One mukhati yanave, nowe mukhati yangu, ili vawese kikhamiliswa kuumoja; ili uwulimwengu umanye kija hakika owe ndiyo mwini wanifilikha, na kivagana, ngaja ndenela owe shini wanidobokhaga, one.²⁴Baba, shila shini wanipela one - Nidobokha kija navene vope vawese kiva bahamo none amahala pini nikwali ili vawee kiwaga uutukufu wangu, wula wini wanipela: kwa kiva owe wanidobokhaga one khabla ya kiwumbwa kwa misingi ga wulimwengu.²⁵Ubaba umunya haki, uwulimwengu wusikhakumenye owe, lakini one nikumenye owe; na vamenye kija wanifilikhaga. ²⁶Nalisengaga ilitawa lyakho limanyishe kunyanave, na nikhaligaha limanyishe ili kija wula uugani wini kwa uwo waniganaga one wuwese kiva mukhati yanave, nayune niwese kiva mukhati yanave.''

¹Baada ya Yesu kilogola amajowo aga, wawukhaga na vanafunsi vakwe kiluta ibonde lya Kidron, kwini kukhandi ni bustani, kwini umwene na vanafunsi vakwe vayinjilaga mukhati yakwe. ²Ino yula Uyuda, mwini akhandi isakula kimusetukha, numwene walimanyaga ilieneo ilyo, kwa kiva Uyesu akhandi iluta umuda gumonga pini ali na vanafunsi vakwe. ³Numwene Uyuda, baada ya kiva wapata ishipuga sha vasulukhali na maofisa kihuma kwa vakhome va makuhani, vayinsaga kuno vali ni tala, ikurunzi ni silaha.⁴Numwene Uyesu, kuno amenye shila shinu shini shikhandi shisenjekha kihusu umwene, waiwonensaga pamwandi na wavaposa, ''Yu nanimwini mukimusakula? ⁵Navene vajibu, ''Uyesu Mnazareth.'' Uyesu wavajovel, ''One ndiye'' Numwene Uyuda mwini wamusetukhaga, akhandi ayimile bahamo na vala avasulukhali.⁶Bahene pini wavajovelaga, ''One ndiye.'' vatinaga munyuma na kigwa pansi. ⁷Khanji wawaposaga khanji, ''Yu nani mwini mukimusakula? Navene vajibu khanji ''Uyesu mnazareth.''⁸Uyesu wavajivu, ''Sha tayari navajovela kija One ndiye; ino nda mukinisakula one, valeshi ava avanji valute.'' ⁹Aga gakhandi ndeno ili lila iliswi litimile; pala pini wajovaga; ''Ku vala vini wanipela, nisikhamuyasise hata yumo.''¹⁰Bahene Usimon Petro, mwini akhandi nuupanga, waufutaga na kimudumula ilikutu lya kulia umtumishi wa Kuhani mukhome. Nilitawa lyakwe umtumishi yula likhandi Malko. ¹¹Uyesu wamujovela Upetro, ''Tiniya uupanga wakho ku luvishilo lyakwe. Kwanshi nileshe kushing'wela ishikhombe shila shini wanipela Ubaba?''¹²Basi shila ishipuga sha musulukhali nu jemedari, na vatumishi va Vayahudi, vamukhataga Uyesu na kimupinya. ¹³Navene vamulongosaga tangusina mpakha ku Anasa, kwa kiva umwene akhandi mkwe wakwe wa Kayafa, mwini ndiyo akhandi Kuhani mukhome kwa mwakha ugo. ¹⁴Isalisi Ukayafa ndiyo mwini akhandi wavapela uushauri wa Vayahudi ya kija yamupasa umunu yumo afwe kwa ajili wa vanu.¹⁵Usimon Petro wamufwataga Uyesu, na shisho umwanafunsi uyunji. Nu yula umwanfunsi akhandi imanyikha kwa kuhani mukhome, numwene wayinjilaga bahamo nu Yesu ku behewa lya Kuhani mukhome; ¹⁶lakini Upetro akhandi ayimile kunja ya mlyango. Ino yula umwanafunsi mwini akhandi imanyikha kwa kuhani mukhome, wapolaga kunja walutaga kilogola nu yula umudala umtumishi mwini akhandi ilinda umulyango na kimuyinjisa Upetro mukhati.¹⁷Basi yula umufanyakasi mwini akhandi ilinda umulyango, wamujovelaga Upetro, ''Wuli owe usi yumo wa vafuasi va huyu umunu?'' Numwene wajovaga, ''One siyo.'' ¹⁸Na vala avatumishi na vakhome vakhandi vayimile amahala pala; vapembile umoto kwa kiva, kukhandi ni mepo, na vakhandi viyota umoto ili kipata ijoto. Numwene Upetro akhandi nawo, iyota umoto kuno ayimile.¹⁹Ukuhani mukhome wamuposaga Uyesu kihusu avanafunsi vakwe na mafundiso gakwe. ²⁰Uyesu wajibu, ''Naujovela pavalafu uwulimwengu; One nafundisaga mara kwa mara mumasinagogi na muhekalu amahala pini avayahudi vitanganaga. Nayune nisikhalogwele lyolyona kwa kuifiha. ²¹Kwa nshii mwaniposaga? Vaposa vini vanipulisaga kihusu shila shini nalogolaga. Ava avanu vamenye amajowo gala gini nagalogolaga²²Uyesu pini wamalaga kija ndeno, yumo wa vakhome mwini akhandi ayimile wamutovaga Uyesu kwa liwokho lyakwe na bahene kija, ''Wuli, ndeno ndiyo shini wupaswa kumujibu ukuhani mukhome?'' ²³Numwene Uyesu wamujibu, ''Nda nalogola ulujowo lolona luvi basi uve shahidi kwa ajili ya uvi, na nda nalogola unofu kwanshi kunikunikhana? ²⁴Bahene Uanasi pini wamutwalaga Uyesu kwa Kayafa ukuhani mukhome kuno apinyilwe.²⁵Ino Usimoni Petro akhandi ayimile akiipela ijoto yumwene. Bahene vala avanu vamujovela. ''Wuli, owe newe si uli yumo wa vanafunsi vakwe?'' Wakhana ija ''Nisili one.'' ²⁶Yumo wa vatumishi va kuhani mukhome, mwini akhandi munyalukholo wamyula umugosi mwini Upetro wamukhataga ilikutu, wajivaga, ''Wuli usili owe mwini nakwaga numwene kula kubustani?'' ²⁷Upetro wakhana khanji, na baho Injogolo yavikha.²⁸Bahene vamutola Uyesu kihuma kwa Kayafa mpakha ku Praitorio. Yikhandi asubuhi na mapema. Avene vavene vasikhayinjile yila Ipraitorio ili kija vasikhananjikhaga na kiilya ipasakha. ²⁹Bahene Upilato wavalutila ija, ''Lisitakha lishi lini likimuhusu uyu umunu?'' ³⁰Vamujibu na kumujovela, ''Nda umunu uyu wa ave asili musenga mavi, nda tisamuleta kunyakho.''³¹Upilato wavajovela, ''Mutoli omwe yumwe, mumuhije kilingana ni sheriya yenyu.'' Navene Avayahudi vamujovela, ''Isheriya yisikitiyitikha ose kimubuda umunu yeyona.'' ³²Valogolaga aga ili iliswi lya Yesu litimilishe, iliswi lini akhandi sha tayari walogola kihusu iaina ya nfwa yakwe.³³Basi Upilato wahulutaga khanji Kupraitorio wamushemela Uyesu; wamujovela, ''Wuli, owe uli mfalme wa Vayahudi?'' ³⁴Uyesu wajibu, ''Wuli, owe ukiniposa iliswali ili kwa Kiva wusakula kimanya au kwa kiva avanji vakufilikha ili unipose one?'' ³⁵Numwene Upilato wajibu, ''One nisili Muyahudi, au yisili ndeno?''Itaifa lyakho nu kuhani mukhome ndio vakuleta kunyangu; owe wagaha nshii?³⁶Uyesu wajibu; ''Uufalme wangu asili wa wulimwengu uwu, nda umufalme wangu wa uve ni sehemu kuulimwengu uwu avafilikhwa vinji nda vaivalava ili nisikhahumisiwagwa kwa vayahudi. Kwa kweli uutwa wangu wusihuma panu'' ³⁷Basi Upilato wamujovelaga, ''Wuli, owe basi uli mfalme?'' Uyesu wajibu, ''owe ndiyo shini wija kija one nili mfalme, Kwa sababu iyi one nayinsa kuwulimwengu ili nive shahidi wa yila ikweli. Yeyona mwini ali wa hiyo ikweli asikiipulisa ishauti yangu.³⁸Upilato wamujovela, ''Ikweli ndiyo nshii?'' Numwene pini wamalaga kijova aga waluta kwa Vayahudi na kivajovela ''Nisikilwaga kulyolyona umunu uyu. ³⁹Omwe muna utamaduni wini ukinigaha nimudindulile umfungwa yumo uluhavi lwa Pasakha. Wuli musakula nimudindulile umfalme wa vayahudi.'' ⁴⁰Bahene vatovaga ilyowo vija, siyo uyu, tidindulila Baraba.'' Numwene Ubaraba akhandi mupokhaji.

¹Bahene upilato wamutolaga Uyesu na kimushapa. ²Vala avasulukhali vatavaga aminfa na kitenda itaji. Vaivikha kushanya ya mtwe gwa Yesu na kumufwasa amenda ga rangi ya zambarau. ³Vamuyinsilaga na kija, ''Owe mfalme wa Vayahudi! na bahene kimutova kwa mokho ganave.⁴Bahene Upilato wapolaga kunja na kivajovela avanu, ''Leleli nikivaletela uyu umunu kunyenyu ili mumanye kija one nisikhayajile ihatia yeyona mukhati yakwe.'' ⁵Kwa hiyo Uyesu wapola kunja. Bahene Upilato wavajovela, ''Leleli umunu uyu panu!'' ⁶Kwa hiyo pini ukuhani mukhome na vakhome pini vamwagaga Uyesu, vatova ilyowo vija ''Mutova, mutova.''Upilato wavajovela, ''Mutoli omwe yumwe mute kimutova, kwa kiva one nisikilyaga ilikhosa mukhati yakwe.''⁷Avayahudi vamujibu Upilato, ''Ose tinayo isheriya, na kwa sheriya iyo yikimufwaya kifwa kwa kiva umwene waigahaga kiva mwana wa Nguluvi.'' ⁸Upilato pini wapulikhaga amajowo aga wayenjelesaga kitila, ⁹wayinjila Upraitoria khanji na kumujovela Uyesu, ''Owe wihuma kwii? Hata ndeno Uyesu asikhamujibile.¹⁰Bahene Upilato wamujovela, ''Wuli, owe usilogola none? Wuli, owe usimenye kija one nina mamulakha ya kidindula na mamulakha ga kikutova?'' ¹¹Uyesu wajibu, ''Nda wa usava ni ngufu kunyangu nda kija usapelwa kihuma kushanya. Kwa hiyo, umunu mwini wnihumya kunyakho ana sambi khome.''¹²Kwa lijibu ili, upilato wasakulaga kimulekha huru, lakini Avayahudi vatova ilyowo vija, ''Nda ambi ukimulekha huru basi owe usili rafiki wa Kaisari: Shila mwini akiifanya kiva mfalme ilogola shinyume sha kaisari.'' ¹³Upilato pini wagapulikhaga amajowo aga, wamuletaga Uyesu kunja bahene wakhalaga kushitengo sha uhigo amahala pala pini pimanyikha ngaja sakafu, lakini kwa Shiebrania, Gabatha.¹⁴Ulusiku lwa maandalisi lwa pasakha pini lwafikhaga, ngaja muda gwa saa tisa. Upilato wavajovelaga Avayahudi, ''Leleli umufalme wenyu uyu panu!'' ¹⁵Vatova ilyowo, ''Muwusa, muwusa, mutova!'' Upilato wavajovela, ''Wuli, nimutove umfalme wenyu?'' Numwene Ukuhani mukhome waja, ''Ose tisina umfalme ila yu Kaisari.'' ¹⁶Bahene Upilato pini wamuhumyaga Uyesu kunyanave ili amutove.¹⁷Na vene vamutola Uyesu, numwene wapola, kuno agusumwile umusalaba gwakwe yumwene mpakha kulieneo lini lishemelwa lifuvu lya mtwe, kwa siebrania lishemelwa Golgotha. ¹⁸Bahene vamutovaga Uyesu, bahamo navene avagosi vavili, yumo ulubali ulu, nayu yunji ulubali ulu, numwene Uyesu pakhati yanave.¹⁹Bahene Upilato wayandikha ialama na kuivikha pashanya ya msalaba. Apo payandikhwagwa: YESU MNAZARETH, MFALME WA VAYAHUDI. ²⁰Vinji va Vayahudi vayimbaha ialama iyo kwa kiva amahala pala pini watovelelwagwa Uyesu pakhandi kholela na malenga. Ialama iyo yayandikhwagwa kwa Shiebrania, kwa Shirumi na kwa Shiyunani.²¹Bahene avakhome va makuhani va Vayahudi vamujovala Upilato, ''Usikhayandikhaga, 'Mfalme wa Vayahudi' ila umwene wajovaga ali mfalme wa Vayahudi.'' ²²Numwene Upilato wavajibu, ''Gini nagayandikha nayandikha.''²³Baada ya vasulukhali kimutova Uyesu, vatolaga amenda gakwe na kugagava mumafungu gavai, shila musulukhali lifungu limo, shisho ni kanzu, Ila yila ikanzu yisikhandi yihonilwe ila yikhandi yifumilwe yona kihuma kusahnya. ²⁴Bahene valogonsaniya vene kwa vene, ''Tisikhaidemulaga, ila titove ikura ili kilwaga yinga ya nani.'' Iyi yapolelaga ili lila iliandikho litimiswe, lila lini lija vagavaniya amenda gangu, nu mwenda gwangu vagutovala ikura.''²⁵Avasulukhali vagahaga amajowo aga. Unyina wakwe Uyesu, mame wa nyina wakwe, Umariamu mdala wa kleopa nu Mariamu Magdalena - avadala ava vakhandi vayimile kholela nu musalaba gwa Yesu. ²⁶Uyesu pini wamwagaga unyina bahamo nu yula umwanafunsi mwini wamudobokhaga vayimile kholela, wamujovelaga unyina, ''Mudala, lelela, lelela umwanakho uyu panu!'' ²⁷Bahene wamujovela yula umwanafunsi, ''Lelela, uyu panu umama wakho. ''Kihuma ilisala ilyo yula umwanafunsi wamutolaga kiluta kukhaya yakwe.²⁸Baada ya ilyo, Kuno Uyesu amenye kija gona sha gasila ili kitimisa iliandikho, waja, ''Niwona khau.'' ²⁹Ishombo shini shikhandi shimemile Isiki shikhandi shivishilwe pala, bahene vavikhaga isifongo yini yimemile isiki pshanya ya ufito wa hisopo, vamuvishila mumulomo gwakwe. ³⁰Numwene Uyesu pini waiwonjaga iyo, waja, ''Yasila.'' Bahene wagondamya umtwe gwakwe, waitawula iroho yakwe.³¹Kwa kiva yikhandi ni muda gwa kiiyandala, na kwa kiva amavili gasikhatakiwe kisigala pashanya ya msalaba umuda gwa Sabato (kwa kiva Isabato yikhandi ndio lusiku lwa muhimu), avayahudi vamulombaga Upilato kija amagulu ga vala vini vakhandi vatovilwe gadenywe, na kija amavili ganave gayiswe. ³²Bahene avasulukhali vayinsaga na kugadenya amagulu ga munu wa kwansa nu wa uvili mwini akhandi atovilwe bahamo nu Yesu. ³³Pini vamufishilaga Uyesu, vamwagaga tayari akhandi sha wafwa, kwa hiyo vasikhadenyile amagulu gakwe.³⁴Hata ndeno, yumo wa vasulukhali wamuhomaga Uyesu muluvafu kwa malala, na baho gapolaga amalenga ni danda. ³⁵Numwene mwini walyaga ili wahumya uushuhuda , nuu shuhuda wakwe uli wa kweli. Umwene amenye kija shini washilogola ni sah ukweli ili nomwe yumwe muyamini.³⁶Amajowo aga gakhandi ili lila iliswi lini lyalogolwagwa liwese kitimila, ''Kusina hata wakwe wumo wini ambi wudenywa.'' ³⁷Khanji iliandikho ilinji lija, ''Ambi vakimulelela umwene mwini vamuhoma'³⁸Baada ya majowo aga Uyusufu wa Arimathaya, kwa kiva akhandi mwanafunsi wa Yesu, lakini kwa kiifiha kwa kivatila Avayahudi, wamulombaga Upilato kija agutole umuvili gwa Yesu. Numwene Upilato wamupela iruhusa. Bahene Uyusufu wayinsa kiguwusa umuvili gwa Yesu. ³⁹Numwene Unicodemu mwini hapo pamwaandi wamufwataga Uyesu pashilo numwene wayinsaga. Umwene waletaga umuhansikhano wa manemane nu udi, ngaja usito wa ratili mia moja.⁴⁰Bahene vagutolaga umuvili gwa Yesu vaupinya musandanya kitani bahamo na gaka amanukhato, ngaja shini yikhandi idesturi ya vayahudi pini visila. ⁴¹Amahala pini Uyesu watovelwagwa kukhandi ni bustani; mukhati ya yila ibustani kukhandi ni kaburi lipya lini kusina umunu mwini anajelaje kisilwa umo. ⁴²Basi, kwa kiva lukhandi lusiku lwa maandalio kwa Vayahudi, na kwa kiva ilikhaburi likhandi kholela, bahene vamugoniyaga Uyesu mukhati yakwe.

¹Mapema ulusiku lwa kwansa lwa juma, kuno bado kuli ninshisi, Umariamu Magdalena wayinsaga kholela; walyagaga lila iling'anga liwusiwe kukhaburi. ²Bahene wasigaga nyangu kiluta kwa Simon Petro na kwa yula umwanafunsi uyunji mwini Uyesu wamuganaga, bahene wavajovela, ''vamutola Umtwa mukhabuli, nose tisimenye kula kwini vamugonise.''³Bahene Upetro nu yula umwanafunsi uyunji vapolaga, kiluta kukhaburi. ⁴Wona vasigaga bahmo; yula umwanafunsi wasigaga mandu kishila Upetro na kifikha kukaburi wa kwansa. ⁵Wayimaga na bahene kihuluta mukhaburi; wayagaga yila isanda ya kitani yigonile, lakini asikhahulwite mukhati.⁶Uahene usimon Upetro numwene wafikhaga wahuluta mukhati ya Khaburi. Wayagaga yila isanda ya kitani yigonile pala ⁷na yila ileso yini yikhandi kumtwe gwakwe yisikhandi yigonile bahamo ni sila isanda sa kitani ila yikhandi yigonile palubali yene duguli.⁸Bahene yula umwanafunsi uyunji numwene pini wahulutaga mukhati ya kaburi; walwagaga na kiyamini. ⁹Kwa kiva hadi uluhavi ulo vakhandi bado vasinagamanye amaandikho kija yamubidigi Uyesu afufushe khanji ku vini vafwile. ¹⁰Bahene avanafunsi valutaga khanji kukhaya yanave.¹¹Hata Ndeno, Umariamu akhandi ayimile kukhaburi ikhola, pini akhandi iyendelela kikhola wayimaga na kilolela mukhaburi. ¹²Wavagaga avamalaikha vavili avanya sura imbalafu vakhela yumwe kumtwe nu yunji kumagulu amahala pini Uyesu akhandi agonile. ¹³Navene vamujovela, ''Mudala, kwanshi wukhola?'' Numwene wavajovela, ''Kwa kiva vamutola Umtwa wangu, nayune nisimenye kwini vamuvishile.''¹⁴Pini wamalaga kilogola ago, wasetukhaga na kimwaga Uyesu kuno ayimile. Lakini asikhamenye kija uyo akhandi yu Yesu. ¹⁵Numwene Uyesu wamujove;a, ''Mama, kwanshi wukhola? Ukimusakula yu nani?'' Numwene kuno ihiva kija yu mtunsa bustani wamujovela, ''Mtwa, nda yuwe wamutola, nijovela kwini wamuvikha, nayune ambi nikimutola.''¹⁶Uyesu wamujovela, ''Mariam.'' Numwene wasetukha yumwene na kimujovela kwa Shiaramu, ''Raboni,'' yaani iyi ni jija, ''Mwalimu.'' ¹⁷Uyesu wamujovela, ''Usikhanipyasaga, kwa kiva bado nisinagulushe kiluta kwa baba; ila ulute kwa vakholo lwangu uvajovela ambi nigulukha kiluta kwa Baba wangu mwini khanji yu wenyu, Unguluvi wangu nu Nguluvi wenyu.'' ¹⁸Umariamu Magdalena wayinsaga kivajovela avanafunsi, ''Namwaga Umtwa,'' na kija wamujovela amajowo aga.¹⁹Na pini yafikhaga jioni, ulusiku ulo, ulusiku kwa kwansa lwa juma, na malyango gakhandi gadindilwe amahala avanafunsi pini vakhandi kwa kivatila Avayahudi, Uyesu wayinsaga na kiyima pakhati yanave na kivajovela, ''Iamani yive kunyenyu.'' ²⁰Pini wamalaga kilogola aga wawawonensaga amokho gakwe nuluvafu lwakwe. Navene avanafunsi pini vamwagaga Umtwa vashendevaga.²¹Bahene Uyesu wavajovelaga khanji, ''Iamani yive kunyenyu. Ngaja ndenela shini Ubaba shini wanifilikha one, ino shisho nayumwe nikivafilikha omwe.'' ²²Uyesu pini wamalaga kilogola ago, wavapolelaga wavajovela, Poshela Uroho Mtakhatifu. ²³Yeyona mwini mukimusamehe isambi, vasameheawa; na vala vini ambi mukivadinila ambi vidindilwa.''²⁴Uthomaso, yumo wa vala kumi na vavili, mwini washemelwagwa Didimas, akhandi sili na vanafunsi vayine Uyesu pini wayinsaga. ²⁵Vala avanafunsi vayine vamujovela panyuma, ''Tamwaga Umtwa.'' Numwene waja, ''Nda nisikhasaga ialama sa masumari kumokho gakwe, na kivikha indole sangu ku iso ialama, na kivikha iliwokho lyangu kuluvafu lwakwe nisikhayamini.''²⁶Baada ya nsiku nane avanafunsi vakhandi kumwandi khanji, numwene Uthomaso akhandi bahamo na vope. Pini amalyango gakhandi gadindilwe Uyesu wayimaga pakhati yanave. na waja, ''Iamani na yive kunyenyu.'' ²⁷Bahene wamujovela Uthomaso, ;eta uludole lwakho na ulwaje amokho gangu; leta panu amokho gakho na uvishe kuluvafu lwangu; wala usikhavesaga mwini asiyamini ila mwini iyamini.''²⁸Numwene Uthomaso wajibu na kimujovela, ''Mtwa wangu nu Nguluvi wangu.'' ²⁹Uyesu wamujovela, Kwa kiva waniyaga, wayamini. Vabarikhiwe avene vini viyamini, bila kilwaga.''³⁰Bahene Uyesu wasenga iishara nyinji pamwandi ya vanafunsi, sini sisinajelaje kiyandikhwa ku shitabu ishi; ³¹ila isi sayandikhwa ili kija muwese kiyamini kija Uyesu ndiyo yu Kristo, mwana wa Nguluvi, na kija pini muyamini muve nuusima kishilila ilitawa lyakwe.

¹Baada ya majowo ago Uyesu waiwonensaga khanji kwa vanafunsi ku Bahari ya Kutiberia; ndeni ndiyo shini waiwonensaga yumwene: ²Usimoni Upetro akhandi bahamo nu Thomaso mwini ishemelwa Didimas, Unathanaeli wa kukana ya Kugalilaya, avana va Zebedayo na vanafunsi avanji vavili va Yesu. ³Usimon Upetro wamujovela, ''One niluta kilova inswii.'' Navene vamujovela. ''nayuse , Ose ambi tiluta nowe.'' Valutaga vayinjilaga kumashua, lakini ishilo isho shona vasikhapatile shohona.⁴Ni subuhi pini kwashesaga, Uyesu wayimaga kumbalamo, na vene avanafunsi vasikhamenye kija akhandi yu Yesu. ⁵Bahene Uyesu wavajovela, ''Vadimi, muna shoshona sha kilya?'' Navene vajibu, ''Hapana.'' ⁶Wavajovela, ''Yisi uwafu ulubali lwa shigosi lwa mashua, nayumwe ambi mwipata shidodo. ''Bahene vayisaga uwafu navene vasikhawesise kulikweha khanji kwa sababu ya winji wa nswii.⁷Basi yula umwanafunsi mwini Uyesu wamudobokhaga wamujovelaga Upetro, '' Yu Mtwa.'' Numwene Usimon Upetro pini wapulikhaga kija yu Mtwa, waipinyaga umwenda gwakwe ( kwa kiva akhandi asigufwele unofu), bahene waitagaga mubahari. ⁸Vala avanafunsi avanyi vayinsa kumashua( kwa kiva vakhandi vasili kutali ni mwani, ngaja mita mia moja kihuma mumbalamo), navene vakhandi vikweha sina inyafu sini sikhandi simemile inswii. ⁹Pini vafikhaga mumbalamo, vagwagaga umoto nu mukhala pala na pashanya yakwe kukhandi ninswii bahamo na makhate.¹⁰Uyesu wavajovela, ''Leti iswii isimonga sini mwalova isalisi.'' ¹¹Basi Usimon Petro watanaga na kuukhokhota wula uwafu wini wukhandi wumemile inswii ikhome, uwinji wa nswii 153; japo sikhandi nyinji, wula uwafu wusikhademwishe.¹²Uyesu wavajovela, ''Yinsi muwese kidindula amalomo.'' Kusina hata yumo wa vanafunsi mwini wajelaga kimuposa, ''Owe uli nani?'' Vamanyaga kija akhandi yu Mtwa. ¹³Uyesu wayinsaga, wagutolaga gula umukhate, na bahene wavapelaga, wagahaga shshila na ku sila inswii. ¹⁴Iyi yikhandi mara ya utatu Uyesu kuiwonensa kwa vanafunsi vakwe baada ya kifufukha kihuma kwa vini vafwile.¹⁵Baada ya kiva vadindula amalomo, Uyesu wamujovela Usimon Petro, ''Simon mwana wa Yohana wuli, unigene one kishila ava?'' Upetro wajibu, ''Ndiyo, Mtwa; ''Owe umenye kija one nikugene.'' Uyesu wamujovela, ''Lisa umwanakholo wangu.'' ¹⁶Wamujovela ulwa uvili, ''Simon mwana wa Yona, wuli, unigene?'' Upetro wamujovela, ''Ndiyo, Mtwa; owe umenye kija nikugene. ''Uyesu wamujovela, ''Dima ikholo sangu.''¹⁷Wavajovela khanji lwa utatu, ''Simon, mwana wa Yohana, Wuli unigene?'' Numwene Upetro wasugumilwagwa kwa ndenela shini wamujovelaga lwa utatu, ''Wuli Owe unigene?'' Numwene wamujovela, ''Mtwa, umenye gona'mumenye kija nikugene.'' Uyesu wamujovela, Lisa ikholo sangu. ¹⁸Yamini, yamini, nikikujovela, pini ukhandi mudimi wasovelelaga kifwla amenda yuwe na kiluta kokona kwini wadobokhaga; lakini pini ukhava musehe, ukhagolosa amokho gakho, nu yunji ambi akikufwasa amenda na kukutwala kwini usigene kiluta.''¹⁹Uyesu walogolaga aga ili kiwonensa ni aina nshii ya nfwaa yini Upetro nda wamutukusa Unguluvi. Baada ya kiva walogola aga, wamujovela Upetro, ''Nifwata.''²⁰Upetro wasetukhaga na kimwaga yula umwanafunsi mwini Uyesu wamudobokhaga wavafwata- Uyu ndiyo mwini ayigonis kushifuva sha Yesu umuda gwa shakilya sha pashlo na kimuposa, ''Mtwa, yu nani mwini ambi akikusetukha?'' ²¹Upetro wamwagaga na bahene wamuposaga Uyesu, ''Mtwa, Uyu umunu ambi igaha nshii?''²²Iyesu wamujibu, ''Nda nisakula asigale mpakha pini ambi niyinsa, ilyo likikuhusu nshii?'' Nifwata.'' ²³Kwa hiyo ihabari iyi yayenelaga muvamo va vala avanyalukholo, kija umwanafunsi uyo asikhafwa. Lakini Uyesu asikhamujovele Upetro kija, umwanafunsi uyo asifwa, ''Nda nisakula umwene asigale mpakha pini ambi niyinsa yikikuhusu nshii?''²⁴Uyu ndiyo umwanafunsi mwini ihumya uushuhuda kihusu amajowo aga, na ndiyo mwini wayandikha amajowo aga, na timenye kija uushuhuda wakwe uli wa kweli. ²⁵Kuna amajowo aganji minji gini Uyesu wagasengaga. Nda shila lyolyona nda lyayandikhwa, nihiva kija uwulimwengu wuwene nda usakwila kufivikha ifitabu fini nda fyayandikhwa.